M
ve

PRAEFATIO.

Theodorus Bergk priusquam a. 1881 ultimum diem
obiret mihi mandavit ut editionis poetarum lyricorum Grae-
eorum volumen alterum et tertium, quae quartis curis aucta
atque emendata reliquerat, publici iuris facerem.

Quo mandato quanti me fecerit vir illustrissimus grato
animo agnovi: imposuit autem mihi munus, cui me parem
non esse non dubitabam nisi aecederet consilium auxilium-
que viri in poetis Graecis continuo versati. Neque spes quam
conceperam me fefellit. Eduardus enim Hillerus, qui in his
studiis habitat quemque noveram et Bergkium magni facere
et ab Bergkio magni esse habitum, hane curam non sane
ubique facilem expeditu non detrectavit, eumque id solum
spectaret, ut haec editio ita prodiret quemadmodum Bergkius
eam adornatam voluit, pietatis insigne documentum dedit et
de poetarum Graecorum fragmentis optime meruit. Hilleri
igitur operae tribuendum est quod quarta haec editio tam
nitide adeoque ex editoris mente absolvi potuit.

Ser. Bonnae Kal. -Iuliis 1882.

Arnoldus Schaefer.