# Parivāra — root Pali (Mahāsaṅgīti) · suttacentral/bilara-data@da23a8afdd1b · seat EA-CORPORA-29/08

pli-tv-pvr1.1:0.1	Parivāra
pli-tv-pvr1.1:0.2	Bhikkhuvibhaṅga
pli-tv-pvr1.1:0.3	Paṭhamabhāga
pli-tv-pvr1.1:0.4	1.1 Katthapaññattivāra
pli-tv-pvr1.1:0.5	1. Pārājikakaṇḍa
pli-tv-pvr1.1:1.1	Namo tassa Bhagavato Arahato Sammāsambuddhassa.
pli-tv-pvr1.1:2.1	Yaṁ tena bhagavatā jānatā passatā arahatā sammāsambuddhena paṭhamaṁ pārājikaṁ kattha paññattaṁ, kaṁ ārabbha, kismiṁ vatthusmiṁ?
pli-tv-pvr1.1:2.2	Atthi tattha paññatti, anupaññatti, anuppannapaññatti?
pli-tv-pvr1.1:2.3	Sabbatthapaññatti, padesapaññatti?
pli-tv-pvr1.1:2.4	Sādhāraṇapaññatti, asādhāraṇapaññatti?
pli-tv-pvr1.1:2.5	Ekatopaññatti, ubhatopaññatti?
pli-tv-pvr1.1:2.6	Pañcannaṁ pātimokkhuddesānaṁ katthogadhaṁ kattha pariyāpannaṁ?
pli-tv-pvr1.1:2.7	Katamena uddesena uddesaṁ āgacchati?
pli-tv-pvr1.1:2.8	Catunnaṁ vipattīnaṁ katamā vipatti?
pli-tv-pvr1.1:2.9	Sattannaṁ āpattikkhandhānaṁ katamo āpattikkhandho?
pli-tv-pvr1.1:2.10	Channaṁ āpattisamuṭṭhānānaṁ katihi samuṭṭhānehi samuṭṭhāti?
pli-tv-pvr1.1:2.11	Catunnaṁ adhikaraṇānaṁ katamaṁ adhikaraṇaṁ?
pli-tv-pvr1.1:2.12	Sattannaṁ samathānaṁ katihi samathehi sammati?
pli-tv-pvr1.1:2.13	Ko tattha vinayo, ko tattha abhivinayo?
pli-tv-pvr1.1:2.14	Kiṁ tattha pātimokkhaṁ, kiṁ tattha adhipātimokkhaṁ?
pli-tv-pvr1.1:2.15	Kā vipatti?
pli-tv-pvr1.1:2.16	Kā sampatti?
pli-tv-pvr1.1:2.17	Kā paṭipatti?
pli-tv-pvr1.1:2.18	Kati atthavase paṭicca bhagavatā paṭhamaṁ pārājikaṁ paññattaṁ?
pli-tv-pvr1.1:2.19	Ke sikkhanti?
pli-tv-pvr1.1:2.20	Ke sikkhitasikkhā?
pli-tv-pvr1.1:2.21	Kattha ṭhitaṁ?
pli-tv-pvr1.1:2.22	Ke dhārenti?
pli-tv-pvr1.1:2.23	Kassa vacanaṁ?
pli-tv-pvr1.1:2.24	Kenābhatanti?
pli-tv-pvr1.1:3.1	Yaṁ tena bhagavatā jānatā passatā arahatā sammāsambuddhena paṭhamaṁ pārājikaṁ kattha paññattanti?
pli-tv-pvr1.1:3.2	Vesāliyaṁ paññattaṁ.
pli-tv-pvr1.1:3.3	Kaṁ ārabbhāti?
pli-tv-pvr1.1:3.4	Sudinnaṁ kalandaputtaṁ ārabbha.
pli-tv-pvr1.1:3.5	Kismiṁ vatthusminti?
pli-tv-pvr1.1:3.6	Sudinno kalandaputto purāṇadutiyikāya methunaṁ dhammaṁ paṭisevi, tasmiṁ vatthusmiṁ.
pli-tv-pvr1.1:3.7	Atthi tattha paññatti, anupaññatti, anuppannapaññattīti?
pli-tv-pvr1.1:3.8	Ekā paññatti, dve anupaññattiyo.
pli-tv-pvr1.1:3.9	Anuppannapaññatti tasmiṁ natthi.
pli-tv-pvr1.1:3.10	Sabbatthapaññatti, padesapaññattīti?
pli-tv-pvr1.1:3.11	Sabbatthapaññatti.
pli-tv-pvr1.1:3.12	Sādhāraṇapaññatti, asādhāraṇapaññattīti?
pli-tv-pvr1.1:3.13	Sādhāraṇapaññatti.
pli-tv-pvr1.1:3.14	Ekatopaññatti, ubhatopaññattīti?
pli-tv-pvr1.1:3.15	Ubhatopaññatti.
pli-tv-pvr1.1:3.16	Pañcannaṁ pātimokkhuddesānaṁ katthogadhaṁ kattha pariyāpannanti?
pli-tv-pvr1.1:3.17	Nidānogadhaṁ, nidānapariyāpannaṁ.
pli-tv-pvr1.1:3.18	Katamena uddesena uddesaṁ āgacchatīti?
pli-tv-pvr1.1:3.19	Dutiyena uddesena uddesaṁ āgacchati.
pli-tv-pvr1.1:3.20	Catunnaṁ vipattīnaṁ katamā vipattīti?
pli-tv-pvr1.1:3.21	Sīlavipatti.
pli-tv-pvr1.1:3.22	Sattannaṁ āpattikkhandhānaṁ katamo āpattikkhandhoti?
pli-tv-pvr1.1:3.23	Pārājikāpattikkhandho.
pli-tv-pvr1.1:3.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.1:3.25	Ekena samuṭṭhānena samuṭṭhāti—
pli-tv-pvr1.1:3.26	kāyato ca cittato ca samuṭṭhāti, na vācato.
pli-tv-pvr1.1:3.27	Catunnaṁ adhikaraṇānaṁ katamaṁ adhikaraṇanti?
pli-tv-pvr1.1:3.28	Āpattādhikaraṇaṁ.
pli-tv-pvr1.1:3.29	Sattannaṁ samathānaṁ katihi samathehi sammatīti?
pli-tv-pvr1.1:3.30	Dvīhi samathehi sammati—
pli-tv-pvr1.1:3.31	sammukhāvinayena ca paṭiññātakaraṇena ca.
pli-tv-pvr1.1:3.32	Ko tattha vinayo, ko tattha abhivinayoti?
pli-tv-pvr1.1:3.33	Paññatti vinayo, vibhatti abhivinayo.
pli-tv-pvr1.1:3.34	Kiṁ tattha pātimokkhaṁ, kiṁ tattha adhipātimokkhanti?
pli-tv-pvr1.1:3.35	Paññatti pātimokkhaṁ, vibhatti adhipātimokkhaṁ.
pli-tv-pvr1.1:3.36	Kā vipattīti?
pli-tv-pvr1.1:3.37	Asaṁvaro vipatti.
pli-tv-pvr1.1:3.38	Kā sampattīti?
pli-tv-pvr1.1:3.39	Saṁvaro sampatti.
pli-tv-pvr1.1:3.40	Kā paṭipattīti?
pli-tv-pvr1.1:3.41	“Na evarūpaṁ karissāmī”ti yāvajīvaṁ āpāṇakoṭikaṁ samādāya sikkhati sikkhāpadesu.
pli-tv-pvr1.1:3.42	Kati atthavase paṭicca bhagavatā paṭhamaṁ pārājikaṁ paññattanti?
pli-tv-pvr1.1:3.43	Dasa atthavase paṭicca bhagavatā paṭhamaṁ pārājikaṁ paññattaṁ—
pli-tv-pvr1.1:3.44	saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.
pli-tv-pvr1.1:3.45	Ke sikkhantīti?
pli-tv-pvr1.1:3.46	Sekkhā ca puthujjanakalyāṇakā ca sikkhanti.
pli-tv-pvr1.1:3.47	Ke sikkhitasikkhāti?
pli-tv-pvr1.1:3.48	Arahanto sikkhitasikkhā.
pli-tv-pvr1.1:3.49	Kattha ṭhitanti?
pli-tv-pvr1.1:3.50	Sikkhākāmesu ṭhitaṁ.
pli-tv-pvr1.1:3.51	Ke dhārentīti?
pli-tv-pvr1.1:3.52	Yesaṁ vattati te dhārenti.
pli-tv-pvr1.1:3.53	Kassa vacananti?
pli-tv-pvr1.1:3.54	Bhagavato vacanaṁ arahato sammāsambuddhassa.
pli-tv-pvr1.1:3.55	Kenābhatanti?
pli-tv-pvr1.1:3.56	Paramparābhataṁ—
pli-tv-pvr1.1:4.1	Upāli dāsako ceva,
pli-tv-pvr1.1:4.2	soṇako siggavo tathā;
pli-tv-pvr1.1:4.3	Moggaliputtena pañcamā,
pli-tv-pvr1.1:4.4	ete jambusirivhaye.
pli-tv-pvr1.1:5.1	Tato mahindo iṭṭiyo,
pli-tv-pvr1.1:5.2	uttiyo sambalo tathā;
pli-tv-pvr1.1:5.3	Bhaddanāmo ca paṇḍito.
pli-tv-pvr1.1:6.1	Ete nāgā mahāpaññā,
pli-tv-pvr1.1:6.2	jambudīpā idhāgatā;
pli-tv-pvr1.1:6.3	Vinayaṁ te vācayiṁsu,
pli-tv-pvr1.1:6.4	piṭakaṁ tambapaṇṇiyā.
pli-tv-pvr1.1:7.1	Nikāye pañca vācesuṁ,
pli-tv-pvr1.1:7.2	satta ceva pakaraṇe;
pli-tv-pvr1.1:7.3	Tato ariṭṭho medhāvī,
pli-tv-pvr1.1:7.4	tissadatto ca paṇḍito.
pli-tv-pvr1.1:8.1	Visārado kāḷasumano,
pli-tv-pvr1.1:8.2	thero ca dīghanāmako;
pli-tv-pvr1.1:8.3	Dīghasumano ca paṇḍito.
pli-tv-pvr1.1:9.1	Punadeva kāḷasumano,
pli-tv-pvr1.1:9.2	Nāgatthero ca buddharakkhito;
pli-tv-pvr1.1:9.3	Tissatthero ca medhāvī,
pli-tv-pvr1.1:9.4	Devatthero ca paṇḍito.
pli-tv-pvr1.1:10.1	Punadeva sumano medhāvī,
pli-tv-pvr1.1:10.2	Vinaye ca visārado;
pli-tv-pvr1.1:10.3	Bahussuto cūḷanāgo,
pli-tv-pvr1.1:10.4	Gajova duppadhaṁsiyo.
pli-tv-pvr1.1:11.1	Dhammapālitanāmo ca,
pli-tv-pvr1.1:11.2	rohaṇe sādhupūjito;
pli-tv-pvr1.1:11.3	Tassa sisso mahāpañño,
pli-tv-pvr1.1:11.4	khemanāmo tipeṭako.
pli-tv-pvr1.1:12.1	Dīpe tārakarājāva,
pli-tv-pvr1.1:12.2	paññāya atirocatha;
pli-tv-pvr1.1:12.3	Upatisso ca medhāvī,
pli-tv-pvr1.1:12.4	phussadevo mahākathī.
pli-tv-pvr1.1:13.1	Punadeva sumano medhāvī,
pli-tv-pvr1.1:13.2	Pupphanāmo bahussuto;
pli-tv-pvr1.1:13.3	Mahākathī mahāsivo,
pli-tv-pvr1.1:13.4	Piṭake sabbattha kovido.
pli-tv-pvr1.1:14.1	Punadeva upāli medhāvī,
pli-tv-pvr1.1:14.2	Vinaye ca visārado;
pli-tv-pvr1.1:14.3	Mahānāgo mahāpañño,
pli-tv-pvr1.1:14.4	Saddhammavaṁsakovido.
pli-tv-pvr1.1:15.1	Punadeva abhayo medhāvī,
pli-tv-pvr1.1:15.2	Piṭake sabbattha kovido;
pli-tv-pvr1.1:15.3	Tissatthero ca medhāvī,
pli-tv-pvr1.1:15.4	Vinaye ca visārado.
pli-tv-pvr1.1:16.1	Tassa sisso mahāpañño,
pli-tv-pvr1.1:16.2	pupphanāmo bahussuto;
pli-tv-pvr1.1:16.3	Sāsanaṁ anurakkhanto,
pli-tv-pvr1.1:16.4	jambudīpe patiṭṭhito.
pli-tv-pvr1.1:17.1	Cūḷābhayo ca medhāvī,
pli-tv-pvr1.1:17.2	vinaye ca visārado;
pli-tv-pvr1.1:17.3	Tissatthero ca medhāvī,
pli-tv-pvr1.1:17.4	saddhammavaṁsakovido.
pli-tv-pvr1.1:18.1	Cūḷadevo ca medhāvī,
pli-tv-pvr1.1:18.2	vinaye ca visārado;
pli-tv-pvr1.1:18.3	Sivatthero ca medhāvī,
pli-tv-pvr1.1:18.4	vinaye sabbattha kovido.
pli-tv-pvr1.1:19.1	Ete nāgā mahāpaññā,
pli-tv-pvr1.1:19.2	vinayaññū maggakovidā;
pli-tv-pvr1.1:19.3	Vinayaṁ dīpe pakāsesuṁ,
pli-tv-pvr1.1:19.4	piṭakaṁ tambapaṇṇiyāti.
pli-tv-pvr1.1:20.1	Yaṁ tena bhagavatā jānatā passatā arahatā sammāsambuddhena dutiyaṁ pārājikaṁ kattha paññattanti?
pli-tv-pvr1.1:20.2	Rājagahe paññattaṁ.
pli-tv-pvr1.1:20.3	Kaṁ ārabbhāti?
pli-tv-pvr1.1:20.4	Dhaniyaṁ kumbhakāraputtaṁ ārabbha.
pli-tv-pvr1.1:20.5	Kismiṁ vatthusminti?
pli-tv-pvr1.1:20.6	Dhaniyo kumbhakāraputto rañño dārūni adinnaṁ ādiyi, tasmiṁ vatthusmiṁ.
pli-tv-pvr1.1:20.7	Ekā paññatti, ekā anupaññatti.
pli-tv-pvr1.1:20.8	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.1:20.9	Tīhi samuṭṭhānehi samuṭṭhāti—
pli-tv-pvr1.1:20.10	siyā kāyato ca cittato ca samuṭṭhāti, na vācato;
pli-tv-pvr1.1:20.11	siyā vācato ca cittato ca samuṭṭhāti, na kāyato;
pli-tv-pvr1.1:20.12	siyā kāyato ca vācato ca cittato ca samuṭṭhāti …pe….
pli-tv-pvr1.1:21.1	Tatiyaṁ pārājikaṁ kattha paññattanti?
pli-tv-pvr1.1:21.2	Vesāliyaṁ paññattaṁ.
pli-tv-pvr1.1:21.3	Kaṁ ārabbhāti?
pli-tv-pvr1.1:21.4	Sambahule bhikkhū ārabbha.
pli-tv-pvr1.1:21.5	Kismiṁ vatthusminti?
pli-tv-pvr1.1:21.6	Sambahulā bhikkhū aññamaññaṁ jīvitā voropesuṁ, tasmiṁ vatthusmiṁ.
pli-tv-pvr1.1:21.7	Ekā paññatti, ekā anupaññatti.
pli-tv-pvr1.1:21.8	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.1:21.9	Tīhi samuṭṭhānehi samuṭṭhāti—
pli-tv-pvr1.1:21.10	siyā kāyato ca cittato ca samuṭṭhāti, na vācato;
pli-tv-pvr1.1:21.11	siyā vācato ca cittato ca samuṭṭhāti, na kāyato;
pli-tv-pvr1.1:21.12	siyā kāyato ca vācato ca cittato ca samuṭṭhāti …pe….
pli-tv-pvr1.1:22.1	Catutthaṁ pārājikaṁ kattha paññattanti?
pli-tv-pvr1.1:22.2	Vesāliyaṁ paññattaṁ.
pli-tv-pvr1.1:22.3	Kaṁ ārabbhāti?
pli-tv-pvr1.1:22.4	Vaggumudātīriye bhikkhū ārabbha.
pli-tv-pvr1.1:22.5	Kismiṁ vatthusminti?
pli-tv-pvr1.1:22.6	Vaggumudātīriyā bhikkhū gihīnaṁ aññamaññassa uttarimanussadhammassa vaṇṇaṁ bhāsiṁsu, tasmiṁ vatthusmiṁ.
pli-tv-pvr1.1:22.7	Ekā paññatti, ekā anupaññatti.
pli-tv-pvr1.1:22.8	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.1:22.9	Tīhi samuṭṭhānehi samuṭṭhāti—
pli-tv-pvr1.1:22.10	siyā kāyato ca cittato ca samuṭṭhāti, na vācato;
pli-tv-pvr1.1:22.11	siyā vācato ca cittato ca samuṭṭhāti, na kāyato;
pli-tv-pvr1.1:22.12	siyā kāyato ca vācato ca cittato ca samuṭṭhāti …pe….
pli-tv-pvr1.1:23.1	Cattāro pārājikā niṭṭhitā.
pli-tv-pvr1.1:24.1	Tassuddānaṁ
pli-tv-pvr1.1:25.1	Methunādinnādānañca,
pli-tv-pvr1.1:25.2	manussaviggahuttari;
pli-tv-pvr1.1:25.3	Pārājikāni cattāri,
pli-tv-pvr1.1:25.4	chejjavatthū asaṁsayāti.
pli-tv-pvr1.1:26.0	2. Saṅghādisesakaṇḍa
pli-tv-pvr1.1:26.1	Yaṁ tena bhagavatā jānatā passatā arahatā sammāsambuddhena upakkamitvā asuciṁ mocentassa saṅghādiseso kattha paññatto?
pli-tv-pvr1.1:26.2	Kaṁ ārabbha?
pli-tv-pvr1.1:26.3	Kismiṁ vatthusmiṁ?
pli-tv-pvr1.1:26.4	Atthi tattha paññatti, anupaññatti, anuppannapaññatti?
pli-tv-pvr1.1:26.5	Sabbatthapaññatti, padesapaññatti?
pli-tv-pvr1.1:26.6	Sādhāraṇapaññatti, asādhāraṇapaññatti?
pli-tv-pvr1.1:26.7	Ekatopaññatti, ubhatopaññatti?
pli-tv-pvr1.1:26.8	Pañcannaṁ pātimokkhuddesānaṁ katthogadhaṁ kattha pariyāpannaṁ?
pli-tv-pvr1.1:26.9	Katamena uddesena uddesaṁ āgacchati?
pli-tv-pvr1.1:26.10	Catunnaṁ vipattīnaṁ katamā vipatti?
pli-tv-pvr1.1:26.11	Sattannaṁ āpattikkhandhānaṁ katamo āpattikkhandho?
pli-tv-pvr1.1:26.12	Channaṁ āpattisamuṭṭhānānaṁ katihi samuṭṭhānehi samuṭṭhāti?
pli-tv-pvr1.1:26.13	Catunnaṁ adhikaraṇānaṁ katamaṁ adhikaraṇaṁ?
pli-tv-pvr1.1:26.14	Sattannaṁ samathānaṁ katihi samathehi sammati?
pli-tv-pvr1.1:26.15	Ko tattha vinayo, ko tattha abhivinayo?
pli-tv-pvr1.1:26.16	Kiṁ tattha pātimokkhaṁ, kiṁ tattha adhipātimokkhaṁ?
pli-tv-pvr1.1:26.17	Kā vipatti, kā sampatti, kā paṭipatti?
pli-tv-pvr1.1:26.18	Kati atthavase paṭicca bhagavatā upakkamitvā asuciṁ mocentassa saṅghādiseso paññatto?
pli-tv-pvr1.1:26.19	Ke sikkhanti, ke sikkhitasikkhā?
pli-tv-pvr1.1:26.20	Kattha ṭhitaṁ?
pli-tv-pvr1.1:26.21	Ke dhārenti?
pli-tv-pvr1.1:26.22	Kassa vacanaṁ?
pli-tv-pvr1.1:26.23	Kenābhatanti?
pli-tv-pvr1.1:27.1	Yaṁ tena bhagavatā jānatā passatā arahatā sammāsambuddhena upakkamitvā asuciṁ mocentassa saṅghādiseso kattha paññattoti?
pli-tv-pvr1.1:27.2	Sāvatthiyaṁ paññatto.
pli-tv-pvr1.1:27.3	Kaṁ ārabbhāti?
pli-tv-pvr1.1:27.4	Āyasmantaṁ seyyasakaṁ ārabbha.
pli-tv-pvr1.1:27.5	Kismiṁ vatthusminti?
pli-tv-pvr1.1:27.6	Āyasmā seyyasako hatthena upakkamitvā asuciṁ mocesi, tasmiṁ vatthusmiṁ.
pli-tv-pvr1.1:27.7	Atthi tattha paññatti, anupaññatti, anuppannapaññattīti?
pli-tv-pvr1.1:27.8	Ekā paññatti, ekā anupaññatti.
pli-tv-pvr1.1:27.9	Anuppannapaññatti tasmiṁ natthi.
pli-tv-pvr1.1:27.10	Sabbattha paññatti, padesapaññattīti?
pli-tv-pvr1.1:27.11	Sabbatthapaññatti.
pli-tv-pvr1.1:27.12	Sādhāraṇapaññatti, asādhāraṇapaññattīti?
pli-tv-pvr1.1:27.13	Asādhāraṇapaññatti.
pli-tv-pvr1.1:27.14	Ekatopaññatti, ubhatopaññattīti?
pli-tv-pvr1.1:27.15	Ekatopaññatti.
pli-tv-pvr1.1:27.16	Pañcannaṁ pātimokkhuddesānaṁ katthogadhaṁ kattha pariyāpannanti?
pli-tv-pvr1.1:27.17	Nidānogadhaṁ nidānapariyāpannaṁ.
pli-tv-pvr1.1:27.18	Katamena uddesena uddesaṁ āgacchatīti?
pli-tv-pvr1.1:27.19	Tatiyena uddesena uddesaṁ āgacchati.
pli-tv-pvr1.1:27.20	Catunnaṁ vipattīnaṁ katamā vipattīti?
pli-tv-pvr1.1:27.21	Sīlavipatti.
pli-tv-pvr1.1:27.22	Sattannaṁ āpattikkhandhānaṁ katamo āpattikkhandhoti?
pli-tv-pvr1.1:27.23	Saṅghādiseso āpattikkhandho.
pli-tv-pvr1.1:27.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.1:27.25	Ekena samuṭṭhānena samuṭṭhāti—
pli-tv-pvr1.1:27.26	kāyato ca cittato ca samuṭṭhāti, na vācato.
pli-tv-pvr1.1:27.27	Catunnaṁ adhikaraṇānaṁ katamaṁ adhikaraṇanti?
pli-tv-pvr1.1:27.28	Āpattādhikaraṇaṁ.
pli-tv-pvr1.1:27.29	Sattannaṁ samathānaṁ katihi samathehi sammatīti?
pli-tv-pvr1.1:27.30	Dvīhi samathehi sammati—
pli-tv-pvr1.1:27.31	sammukhāvinayena ca paṭiññātakaraṇena ca.
pli-tv-pvr1.1:27.32	Ko tattha vinayo, ko tattha abhivinayoti?
pli-tv-pvr1.1:27.33	Paññatti vinayo, vibhatti abhivinayo.
pli-tv-pvr1.1:27.34	Kiṁ tattha pātimokkhaṁ, kiṁ tattha adhipātimokkhanti?
pli-tv-pvr1.1:27.35	Paññatti pātimokkhaṁ, vibhatti adhipātimokkhaṁ.
pli-tv-pvr1.1:27.36	Kā vipattīti?
pli-tv-pvr1.1:27.37	Asaṁvaro vipatti.
pli-tv-pvr1.1:27.38	Kā sampattīti?
pli-tv-pvr1.1:27.39	Saṁvaro sampatti.
pli-tv-pvr1.1:27.40	Kā paṭipattīti?
pli-tv-pvr1.1:27.41	Na evarūpaṁ karissāmīti yāvajīvaṁ āpāṇakoṭikaṁ samādāya sikkhati sikkhāpadesu.
pli-tv-pvr1.1:27.42	Kati atthavase paṭicca bhagavatā upakkamitvā asuciṁ mocentassa saṅghādiseso paññattoti?
pli-tv-pvr1.1:27.43	Dasa atthavase paṭicca bhagavatā upakkamitvā asuciṁ mocentassa saṅghādiseso paññatto—
pli-tv-pvr1.1:27.44	saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.
pli-tv-pvr1.1:27.45	Ke sikkhantīti?
pli-tv-pvr1.1:27.46	Sekkhā ca puthujjanakalyāṇakā ca sikkhanti.
pli-tv-pvr1.1:27.47	Ke sikkhitasikkhāti?
pli-tv-pvr1.1:27.48	Arahanto sikkhitasikkhā.
pli-tv-pvr1.1:27.49	Kattha ṭhitanti?
pli-tv-pvr1.1:27.50	Sikkhākāmesu ṭhitaṁ.
pli-tv-pvr1.1:27.51	Ke dhārentīti?
pli-tv-pvr1.1:27.52	Yesaṁ vattati, te dhārenti.
pli-tv-pvr1.1:27.53	Kassa vacananti?
pli-tv-pvr1.1:27.54	Bhagavato vacanaṁ arahato sammāsambuddhassa.
pli-tv-pvr1.1:27.55	Kenābhatanti?
pli-tv-pvr1.1:27.56	Paramparābhataṁ—
pli-tv-pvr1.1:28.1	Upāli dāsako ceva,
pli-tv-pvr1.1:28.2	soṇako siggavo tathā;
pli-tv-pvr1.1:28.3	Moggaliputtena pañcamā,
pli-tv-pvr1.1:28.4	ete jambusirivhaye.
pli-tv-pvr1.1:29.1	Tato mahindo iṭṭiyo,
pli-tv-pvr1.1:29.2	uttiyo sambalo tathā;
pli-tv-pvr1.1:29.3	Bhaddanāmo ca paṇḍito.
pli-tv-pvr1.1:30.1	Ete nāgā mahāpaññā,
pli-tv-pvr1.1:30.2	jambudīpā idhāgatā;
pli-tv-pvr1.1:30.3	Vinayaṁ te vācayiṁsu,
pli-tv-pvr1.1:30.4	piṭakaṁ tambapaṇṇiyā.
pli-tv-pvr1.1:31.1	Nikāye pañca vācesuṁ,
pli-tv-pvr1.1:31.2	satta ceva pakaraṇe;
pli-tv-pvr1.1:31.3	Tato ariṭṭho medhāvī,
pli-tv-pvr1.1:31.4	tissadatto ca paṇḍito.
pli-tv-pvr1.1:32.1	Visārado kāḷasumano,
pli-tv-pvr1.1:32.2	thero ca dīghanāmako;
pli-tv-pvr1.1:32.3	Dīghasumano ca paṇḍito.
pli-tv-pvr1.1:33.1	Punadeva kāḷasumano,
pli-tv-pvr1.1:33.2	Nāgatthero ca buddharakkhito;
pli-tv-pvr1.1:33.3	Tissatthero ca medhāvī,
pli-tv-pvr1.1:33.4	Devatthero ca paṇḍito.
pli-tv-pvr1.1:34.1	Punadeva sumano medhāvī,
pli-tv-pvr1.1:34.2	Vinaye ca visārado;
pli-tv-pvr1.1:34.3	Bahussuto cūḷanāgo,
pli-tv-pvr1.1:34.4	Gajova duppadhaṁsiyo.
pli-tv-pvr1.1:35.1	Dhammapālitanāmo ca,
pli-tv-pvr1.1:35.2	rohaṇe sādhupūjito;
pli-tv-pvr1.1:35.3	Tassa sisso mahāpañño,
pli-tv-pvr1.1:35.4	khemanāmo tipeṭako.
pli-tv-pvr1.1:36.1	Dīpe tārakarājāva,
pli-tv-pvr1.1:36.2	paññāya atirocatha;
pli-tv-pvr1.1:36.3	Upatisso ca medhāvī,
pli-tv-pvr1.1:36.4	phussadevo mahākathī.
pli-tv-pvr1.1:37.1	Punadeva sumano medhāvī,
pli-tv-pvr1.1:37.2	Pupphanāmo bahussuto;
pli-tv-pvr1.1:37.3	Mahākathī mahāsivo,
pli-tv-pvr1.1:37.4	Piṭake sabbattha kovido.
pli-tv-pvr1.1:38.1	Punadeva upāli medhāvī,
pli-tv-pvr1.1:38.2	Vinaye ca visārado;
pli-tv-pvr1.1:38.3	Mahānāgo mahāpañño,
pli-tv-pvr1.1:38.4	Saddhammavaṁsakovido.
pli-tv-pvr1.1:39.1	Punadeva abhayo medhāvī,
pli-tv-pvr1.1:39.2	Piṭake sabbattha kovido;
pli-tv-pvr1.1:39.3	Tissatthero ca medhāvī,
pli-tv-pvr1.1:39.4	Vinaye ca visārado.
pli-tv-pvr1.1:40.1	Tassa sisso mahāpañño,
pli-tv-pvr1.1:40.2	pupphanāmo bahussuto;
pli-tv-pvr1.1:40.3	Sāsanaṁ anurakkhanto,
pli-tv-pvr1.1:40.4	jambudīpe patiṭṭhito.
pli-tv-pvr1.1:41.1	Cūḷābhayo ca medhāvī,
pli-tv-pvr1.1:41.2	vinaye ca visārado;
pli-tv-pvr1.1:41.3	Tissatthero ca medhāvī,
pli-tv-pvr1.1:41.4	saddhammavaṁsakovido.
pli-tv-pvr1.1:42.1	Cūḷadevo ca medhāvī,
pli-tv-pvr1.1:42.2	vinaye ca visārado;
pli-tv-pvr1.1:42.3	Sivatthero ca medhāvī,
pli-tv-pvr1.1:42.4	vinaye sabbattha kovido.
pli-tv-pvr1.1:43.1	Ete nāgā mahāpaññā,
pli-tv-pvr1.1:43.2	vinayaññū maggakovidā;
pli-tv-pvr1.1:43.3	Vinayaṁ dīpe pakāsesuṁ,
pli-tv-pvr1.1:43.4	piṭakaṁ tambapaṇṇiyāti.
pli-tv-pvr1.1:44.1	Yaṁ tena bhagavatā jānatā passatā arahatā sammāsambuddhena mātugāmena saddhiṁ kāyasaṁsaggaṁ samāpajjantassa saṅghādiseso kattha paññattoti?
pli-tv-pvr1.1:44.2	Sāvatthiyaṁ paññatto.
pli-tv-pvr1.1:44.3	Kaṁ ārabbhāti?
pli-tv-pvr1.1:44.4	Āyasmantaṁ udāyiṁ ārabbha.
pli-tv-pvr1.1:44.5	Kismiṁ vatthusminti?
pli-tv-pvr1.1:44.6	Āyasmā udāyī mātugāmena saddhiṁ kāyasaṁsaggaṁ samāpajji, tasmiṁ vatthusmiṁ.
pli-tv-pvr1.1:44.7	Ekā paññatti.
pli-tv-pvr1.1:44.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:44.9	kāyato ca cittato ca samuṭṭhāti, na vācato …pe….
pli-tv-pvr1.1:45.1	Mātugāmaṁ duṭṭhullāhi vācāhi obhāsantassa saṅghādiseso kattha paññattoti?
pli-tv-pvr1.1:45.2	Sāvatthiyaṁ paññatto.
pli-tv-pvr1.1:45.3	Kaṁ ārabbhāti?
pli-tv-pvr1.1:45.4	Āyasmantaṁ udāyiṁ ārabbha.
pli-tv-pvr1.1:45.5	Kismiṁ vatthusminti?
pli-tv-pvr1.1:45.6	Āyasmā udāyī mātugāmaṁ duṭṭhullāhi vācāhi obhāsi, tasmiṁ vatthusmiṁ.
pli-tv-pvr1.1:45.7	Ekā paññatti.
pli-tv-pvr1.1:45.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.1:45.9	siyā kāyato ca cittato ca samuṭṭhāti, na vācato;
pli-tv-pvr1.1:45.10	siyā vācato ca cittato ca samuṭṭhāti, na kāyato;
pli-tv-pvr1.1:45.11	siyā kāyato ca vācato ca cittato ca samuṭṭhāti …pe….
pli-tv-pvr1.1:46.1	Mātugāmassa santike attakāmapāricariyāya vaṇṇaṁ bhāsantassa saṅghādiseso kattha paññattoti?
pli-tv-pvr1.1:46.2	Sāvatthiyaṁ paññatto.
pli-tv-pvr1.1:46.3	Kaṁ ārabbhāti?
pli-tv-pvr1.1:46.4	Āyasmantaṁ udāyiṁ ārabbha.
pli-tv-pvr1.1:46.5	Kismiṁ vatthusminti?
pli-tv-pvr1.1:46.6	Āyasmā udāyī mātugāmassa santike attakāmapāricariyāya vaṇṇaṁ abhāsi, tasmiṁ vatthusmiṁ.
pli-tv-pvr1.1:46.7	Ekā paññatti.
pli-tv-pvr1.1:46.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.1:46.9	siyā kāyato ca cittato ca samuṭṭhāti, na vācato;
pli-tv-pvr1.1:46.10	siyā vācato ca cittato ca samuṭṭhāti, na kāyato;
pli-tv-pvr1.1:46.11	siyā kāyato ca vācato ca cittato ca samuṭṭhāti …pe….
pli-tv-pvr1.1:47.1	Sañcarittaṁ samāpajjantassa saṅghādiseso kattha paññattoti?
pli-tv-pvr1.1:47.2	Sāvatthiyaṁ paññatto.
pli-tv-pvr1.1:47.3	Kaṁ ārabbhāti?
pli-tv-pvr1.1:47.4	Āyasmantaṁ udāyiṁ ārabbha.
pli-tv-pvr1.1:47.5	Kismiṁ vatthusminti?
pli-tv-pvr1.1:47.6	Āyasmā udāyī sañcarittaṁ samāpajji, tasmiṁ vatthusmiṁ.
pli-tv-pvr1.1:47.7	Ekā paññatti, ekā anupaññatti.
pli-tv-pvr1.1:47.8	Channaṁ āpattisamuṭṭhānānaṁ chahi samuṭṭhānehi samuṭṭhāti—
pli-tv-pvr1.1:47.9	siyā kāyato samuṭṭhāti, na vācato na cittato;
pli-tv-pvr1.1:47.10	siyā vācato samuṭṭhāti, na kāyato na cittato;
pli-tv-pvr1.1:47.11	siyā kāyato ca vācato ca samuṭṭhāti, na cittato;
pli-tv-pvr1.1:47.12	siyā kāyato ca cittato ca samuṭṭhāti, na vācato;
pli-tv-pvr1.1:47.13	siyā vācato ca cittato ca samuṭṭhāti, na kāyato;
pli-tv-pvr1.1:47.14	siyā kāyato ca vācato ca cittato ca samuṭṭhāti …pe….
pli-tv-pvr1.1:48.1	Saññācikāya kuṭiṁ kārāpentassa saṅghādiseso kattha paññattoti?
pli-tv-pvr1.1:48.2	Āḷaviyaṁ paññatto.
pli-tv-pvr1.1:48.3	Kaṁ ārabbhāti?
pli-tv-pvr1.1:48.4	Āḷavake bhikkhū ārabbha.
pli-tv-pvr1.1:48.5	Kismiṁ vatthusminti?
pli-tv-pvr1.1:48.6	Āḷavakā bhikkhū saññācikāya kuṭiyo kārāpesuṁ, tasmiṁ vatthusmiṁ.
pli-tv-pvr1.1:48.7	Ekā paññatti.
pli-tv-pvr1.1:48.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:49.1	Mahallakaṁ vihāraṁ kārāpentassa saṅghādiseso kattha paññattoti?
pli-tv-pvr1.1:49.2	Kosambiyaṁ paññatto.
pli-tv-pvr1.1:49.3	Kaṁ ārabbhāti?
pli-tv-pvr1.1:49.4	Āyasmantaṁ channaṁ ārabbha.
pli-tv-pvr1.1:49.5	Kismiṁ vatthusminti?
pli-tv-pvr1.1:49.6	Āyasmā channo vihāravatthuṁ sodhento aññataraṁ cetiyarukkhaṁ chedāpesi, tasmiṁ vatthusmiṁ.
pli-tv-pvr1.1:49.7	Ekā paññatti.
pli-tv-pvr1.1:49.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:50.1	Bhikkhuṁ amūlakena pārājikena dhammena anuddhaṁsentassa saṅghādiseso kattha paññattoti?
pli-tv-pvr1.1:50.2	Rājagahe paññatto.
pli-tv-pvr1.1:50.3	Kaṁ ārabbhāti?
pli-tv-pvr1.1:50.4	Mettiyabhūmajake bhikkhū ārabbha.
pli-tv-pvr1.1:50.5	Kismiṁ vatthusminti?
pli-tv-pvr1.1:50.6	Mettiyabhūmajakā bhikkhū āyasmantaṁ dabbaṁ mallaputtaṁ amūlakena pārājikena dhammena anuddhaṁsesuṁ, tasmiṁ vatthusmiṁ.
pli-tv-pvr1.1:50.7	Ekā paññatti.
pli-tv-pvr1.1:50.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:51.1	Bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsentassa saṅghādiseso kattha paññattoti?
pli-tv-pvr1.1:51.2	Rājagahe paññatto.
pli-tv-pvr1.1:51.3	Kaṁ ārabbhāti?
pli-tv-pvr1.1:51.4	Mettiyabhūmajake bhikkhū ārabbha.
pli-tv-pvr1.1:51.5	Kismiṁ vatthusminti?
pli-tv-pvr1.1:51.6	Mettiyabhūmajakā bhikkhū āyasmantaṁ dabbaṁ mallaputtaṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsesuṁ, tasmiṁ vatthusmiṁ.
pli-tv-pvr1.1:51.7	Ekā paññatti.
pli-tv-pvr1.1:51.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:52.1	Saṅghabhedakassa bhikkhuno yāvatatiyaṁ samanubhāsanāya na paṭinissajjantassa saṅghādiseso kattha paññattoti?
pli-tv-pvr1.1:52.2	Rājagahe paññatto.
pli-tv-pvr1.1:52.3	Kaṁ ārabbhāti?
pli-tv-pvr1.1:52.4	Devadattaṁ ārabbha.
pli-tv-pvr1.1:52.5	Kismiṁ vatthusminti?
pli-tv-pvr1.1:52.6	Devadatto samaggassa saṅghassa bhedāya parakkami, tasmiṁ vatthusmiṁ.
pli-tv-pvr1.1:52.7	Ekā paññatti.
pli-tv-pvr1.1:52.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:52.9	kāyato ca vācato ca cittato ca samuṭṭhāti …pe….
pli-tv-pvr1.1:53.1	Bhedānuvattakānaṁ bhikkhūnaṁ yāvatatiyaṁ samanubhāsanāya na paṭinissajjantānaṁ saṅghādiseso kattha paññattoti?
pli-tv-pvr1.1:53.2	Rājagahe paññatto.
pli-tv-pvr1.1:53.3	Kaṁ ārabbhāti?
pli-tv-pvr1.1:53.4	Sambahule bhikkhū ārabbha.
pli-tv-pvr1.1:53.5	Kismiṁ vatthusminti?
pli-tv-pvr1.1:53.6	Sambahulā bhikkhū devadattassa saṅghabhedāya parakkamantassa anuvattakā ahesuṁ vaggavādakā, tasmiṁ vatthusmiṁ.
pli-tv-pvr1.1:53.7	Ekā paññatti.
pli-tv-pvr1.1:53.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:53.9	kāyato ca vācato ca cittato ca samuṭṭhāti …pe….
pli-tv-pvr1.1:54.1	Dubbacassa bhikkhuno yāvatatiyaṁ samanubhāsanāya na paṭinissajjantassa saṅghādiseso kattha paññattoti?
pli-tv-pvr1.1:54.2	Kosambiyaṁ paññatto.
pli-tv-pvr1.1:54.3	Kaṁ ārabbhāti?
pli-tv-pvr1.1:54.4	Āyasmantaṁ channaṁ ārabbha.
pli-tv-pvr1.1:54.5	Kismiṁ vatthusminti?
pli-tv-pvr1.1:54.6	Āyasmā channo bhikkhūhi sahadhammikaṁ vuccamāno attānaṁ avacanīyaṁ akāsi, tasmiṁ vatthusmiṁ.
pli-tv-pvr1.1:54.7	Ekā paññatti.
pli-tv-pvr1.1:54.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:54.9	kāyato ca vācato ca cittato ca samuṭṭhāti …pe….
pli-tv-pvr1.1:55.1	Kuladūsakassa bhikkhuno yāvatatiyaṁ samanubhāsanāya na paṭinissajjantassa saṅghādiseso kattha paññattoti?
pli-tv-pvr1.1:55.2	Sāvatthiyaṁ paññatto.
pli-tv-pvr1.1:55.3	Kaṁ ārabbhāti?
pli-tv-pvr1.1:55.4	Assajipunabbasuke bhikkhū ārabbha.
pli-tv-pvr1.1:55.5	Kismiṁ vatthusminti?
pli-tv-pvr1.1:55.6	Assajipunabbasukā bhikkhū saṅghena pabbājanīyakammakatā bhikkhū chandagāmitā dosagāmitā mohagāmitā bhayagāmitā pāpesuṁ, tasmiṁ vatthusmiṁ.
pli-tv-pvr1.1:55.7	Ekā paññatti.
pli-tv-pvr1.1:55.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:55.9	kāyato ca vācato ca cittato ca samuṭṭhāti …pe….
pli-tv-pvr1.1:56.1	Terasa saṅghādisesā niṭṭhitā.
pli-tv-pvr1.1:57.1	Tassuddānaṁ
pli-tv-pvr1.1:58.1	Vissaṭṭhi kāyasaṁsaggaṁ,
pli-tv-pvr1.1:58.2	duṭṭhullaṁ attakāmañca;
pli-tv-pvr1.1:58.3	Sañcarittaṁ kuṭī ceva,
pli-tv-pvr1.1:58.4	vihāro ca amūlakaṁ.
pli-tv-pvr1.1:59.1	Kiñcidesañca bhedo ca,
pli-tv-pvr1.1:59.2	tasseva anuvattakā;
pli-tv-pvr1.1:59.3	Dubbacaṁ kuladūsañca,
pli-tv-pvr1.1:59.4	saṅghādisesā terasāti.
pli-tv-pvr1.1:60.0	3. Aniyatakaṇḍa
pli-tv-pvr1.1:60.1	Yaṁ tena bhagavatā jānatā passatā arahatā sammāsambuddhena paṭhamo aniyato kattha paññatto?
pli-tv-pvr1.1:60.2	Kaṁ ārabbha?
pli-tv-pvr1.1:60.3	Kismiṁ vatthusmiṁ?
pli-tv-pvr1.1:60.4	Atthi tattha paññatti, anupaññatti, anuppannapaññatti, sabbatthapaññatti padesapaññatti, sādhāraṇapaññatti asādhāraṇapaññatti, ekatopaññatti ubhatopaññatti, pañcannaṁ pātimokkhuddesānaṁ katthogadhaṁ kattha pariyāpannaṁ, katamena uddesena uddesaṁ āgacchati, catunnaṁ vipattīnaṁ katamā vipatti, sattannaṁ āpattikkhandhānaṁ katamo āpattikkhandho, channaṁ āpattisamuṭṭhānānaṁ katihi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katihi samathehi sammati, ko tattha vinayo, ko tattha abhivinayo, kiṁ tattha pātimokkhaṁ, kiṁ tattha adhipātimokkhaṁ, kā vipatti, kā sampatti, kā paṭipatti, kati atthavase paṭicca bhagavatā paṭhamo aniyato paññatto, ke sikkhanti, ke sikkhitasikkhā, kattha ṭhitaṁ, ke dhārenti, kassa vacanaṁ kenābhatanti.
pli-tv-pvr1.1:61.1	Yaṁ tena bhagavatā jānatā passatā arahatā sammāsambuddhena paṭhamo aniyato kattha paññattoti?
pli-tv-pvr1.1:61.2	Sāvatthiyaṁ paññatto.
pli-tv-pvr1.1:61.3	Kaṁ ārabbhāti?
pli-tv-pvr1.1:61.4	Āyasmantaṁ udāyiṁ ārabbha.
pli-tv-pvr1.1:61.5	Kismiṁ vatthusminti?
pli-tv-pvr1.1:61.6	Āyasmā udāyī mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappesi, tasmiṁ vatthusmiṁ.
pli-tv-pvr1.1:61.7	Atthi tattha paññatti, anupaññatti, anuppannapaññattīti?
pli-tv-pvr1.1:61.8	Ekā paññatti.
pli-tv-pvr1.1:61.9	Anupaññatti anuppannapaññatti tasmiṁ natthi.
pli-tv-pvr1.1:61.10	Sabbatthapaññatti, padesapaññattīti?
pli-tv-pvr1.1:61.11	Sabbatthapaññatti.
pli-tv-pvr1.1:61.12	Sādhāraṇapaññatti, asādhāraṇapaññattīti?
pli-tv-pvr1.1:61.13	Asādhāraṇapaññatti.
pli-tv-pvr1.1:61.14	Ekatopaññatti, ubhatopaññattīti?
pli-tv-pvr1.1:61.15	Ekatopaññatti.
pli-tv-pvr1.1:61.16	Pañcannaṁ pātimokkhuddesānaṁ katthogadhaṁ kattha pariyāpannanti?
pli-tv-pvr1.1:61.17	Nidānogadhaṁ nidānapariyāpannaṁ.
pli-tv-pvr1.1:61.18	Katamena uddesena uddesaṁ āgacchatīti?
pli-tv-pvr1.1:61.19	Catutthena uddesena uddesaṁ āgacchati.
pli-tv-pvr1.1:61.20	Catunnaṁ vipattīnaṁ katamā vipattīti?
pli-tv-pvr1.1:61.21	Siyā sīlavipatti siyā ācāravipatti.
pli-tv-pvr1.1:61.22	Sattannaṁ āpattikkhandhānaṁ katamo āpattikkhandhoti?
pli-tv-pvr1.1:61.23	Siyā pārājikāpattikkhandho siyā saṅghādisesāpattikkhandho siyā pācittiyāpattikkhandho.
pli-tv-pvr1.1:61.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.1:61.25	Ekena samuṭṭhānena samuṭṭhāti—
pli-tv-pvr1.1:61.26	kāyato ca cittato ca samuṭṭhāti, na vācato.
pli-tv-pvr1.1:61.27	Catunnaṁ adhikaraṇānaṁ katamaṁ adhikaraṇanti?
pli-tv-pvr1.1:61.28	Āpattādhikaraṇaṁ.
pli-tv-pvr1.1:61.29	Sattannaṁ samathānaṁ katihi samathehi sammatīti?
pli-tv-pvr1.1:61.30	Tīhi samathehi sammati—
pli-tv-pvr1.1:61.31	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr1.1:61.32	Ko tattha vinayo, ko tattha abhivinayoti?
pli-tv-pvr1.1:61.33	Paññatti vinayo, vibhatti abhivinayo.
pli-tv-pvr1.1:61.34	Kiṁ tattha pātimokkhaṁ, kiṁ tattha adhipātimokkhanti?
pli-tv-pvr1.1:61.35	Paññatti pātimokkhaṁ, vibhatti adhipātimokkhaṁ.
pli-tv-pvr1.1:61.36	Kā vipattīti?
pli-tv-pvr1.1:61.37	Asaṁvaro vipatti.
pli-tv-pvr1.1:61.38	Kā sampattīti?
pli-tv-pvr1.1:61.39	Saṁvaro sampatti.
pli-tv-pvr1.1:61.40	Kā paṭipattīti?
pli-tv-pvr1.1:61.41	Na evarūpaṁ karissāmīti yāvajīvaṁ āpāṇakoṭikaṁ samādāya sikkhati sikkhāpadesu.
pli-tv-pvr1.1:61.42	Kati atthavase paṭicca bhagavatā paṭhamo aniyato paññattoti?
pli-tv-pvr1.1:61.43	Dasa atthavase paṭicca bhagavatā paṭhamo aniyato paññatto—
pli-tv-pvr1.1:61.44	saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.
pli-tv-pvr1.1:61.45	Ke sikkhantīti?
pli-tv-pvr1.1:61.46	Sekkhā ca puthujjanakalyāṇakā ca sikkhanti.
pli-tv-pvr1.1:61.47	Ke sikkhitasikkhāti?
pli-tv-pvr1.1:61.48	Arahanto sikkhitasikkhā.
pli-tv-pvr1.1:61.49	Kattha ṭhitanti?
pli-tv-pvr1.1:61.50	Sikkhākāmesu ṭhitaṁ.
pli-tv-pvr1.1:61.51	Ke dhārentīti?
pli-tv-pvr1.1:61.52	Yesaṁ vattati te dhārenti.
pli-tv-pvr1.1:61.53	Kassa vacananti?
pli-tv-pvr1.1:61.54	Bhagavato vacanaṁ arahato sammāsambuddhassa.
pli-tv-pvr1.1:61.55	Kenābhatanti?
pli-tv-pvr1.1:61.56	Paramparābhataṁ—
pli-tv-pvr1.1:62.1	Upāli dāsako ceva,
pli-tv-pvr1.1:62.2	soṇako siggavo tathā;
pli-tv-pvr1.1:62.3	Moggaliputtena pañcamā,
pli-tv-pvr1.1:62.4	ete jambusirivhaye.
pli-tv-pvr1.1:63.1	Tato mahindo iṭṭiyo,
pli-tv-pvr1.1:63.2	uttiyo sambalo tathā;
pli-tv-pvr1.1:63.3	Bhaddanāmo ca paṇḍito.
pli-tv-pvr1.1:64.1	Ete nāgā mahāpaññā,
pli-tv-pvr1.1:64.2	jambudīpā idhāgatā;
pli-tv-pvr1.1:64.3	Vinayaṁ te vācayiṁsu,
pli-tv-pvr1.1:64.4	piṭakaṁ tambapaṇṇiyā.
pli-tv-pvr1.1:65.1	Nikāye pañca vācesuṁ,
pli-tv-pvr1.1:65.2	satta ceva pakaraṇe;
pli-tv-pvr1.1:65.3	Tato ariṭṭho medhāvī,
pli-tv-pvr1.1:65.4	tissadatto ca paṇḍito.
pli-tv-pvr1.1:66.1	Visārado kāḷasumano,
pli-tv-pvr1.1:66.2	thero ca dīghanāmako;
pli-tv-pvr1.1:66.3	Dīghasumano ca paṇḍito.
pli-tv-pvr1.1:67.1	Punadeva kāḷasumano,
pli-tv-pvr1.1:67.2	Nāgatthero ca buddharakkhito;
pli-tv-pvr1.1:67.3	Tissatthero ca medhāvī,
pli-tv-pvr1.1:67.4	Devatthero ca paṇḍito.
pli-tv-pvr1.1:68.1	Punadeva sumano medhāvī,
pli-tv-pvr1.1:68.2	Vinaye ca visārado;
pli-tv-pvr1.1:68.3	Bahussuto cūḷanāgo,
pli-tv-pvr1.1:68.4	Gajova duppadhaṁsiyo.
pli-tv-pvr1.1:69.1	Dhammapālitanāmo ca,
pli-tv-pvr1.1:69.2	rohaṇe sādhupūjito;
pli-tv-pvr1.1:69.3	Tassa sisso mahāpañño,
pli-tv-pvr1.1:69.4	khemanāmo tipeṭako.
pli-tv-pvr1.1:70.1	Dīpe tārakarājāva,
pli-tv-pvr1.1:70.2	paññāya atirocatha;
pli-tv-pvr1.1:70.3	Upatisso ca medhāvī,
pli-tv-pvr1.1:70.4	phussadevo mahākathī.
pli-tv-pvr1.1:71.1	Punadeva sumano medhāvī,
pli-tv-pvr1.1:71.2	Pupphanāmo bahussuto;
pli-tv-pvr1.1:71.3	Mahākathī mahāsivo,
pli-tv-pvr1.1:71.4	Piṭake sabbattha kovido.
pli-tv-pvr1.1:72.1	Punadeva upāli medhāvī,
pli-tv-pvr1.1:72.2	Vinaye ca visārado;
pli-tv-pvr1.1:72.3	Mahānāgo mahāpañño,
pli-tv-pvr1.1:72.4	Saddhammavaṁsakovido.
pli-tv-pvr1.1:73.1	Punadeva abhayo medhāvī,
pli-tv-pvr1.1:73.2	Piṭake sabbattha kovido;
pli-tv-pvr1.1:73.3	Tissatthero ca medhāvī,
pli-tv-pvr1.1:73.4	Vinaye ca visārado.
pli-tv-pvr1.1:74.1	Tassa sisso mahāpañño,
pli-tv-pvr1.1:74.2	pupphanāmo bahussuto;
pli-tv-pvr1.1:74.3	Sāsanaṁ anurakkhanto,
pli-tv-pvr1.1:74.4	jambudīpe patiṭṭhito.
pli-tv-pvr1.1:75.1	Cūḷābhayo ca medhāvī,
pli-tv-pvr1.1:75.2	vinaye ca visārado;
pli-tv-pvr1.1:75.3	Tissatthero ca medhāvī,
pli-tv-pvr1.1:75.4	saddhammavaṁsakovido.
pli-tv-pvr1.1:76.1	Cūḷadevo ca medhāvī,
pli-tv-pvr1.1:76.2	vinaye ca visārado;
pli-tv-pvr1.1:76.3	Sivatthero ca medhāvī,
pli-tv-pvr1.1:76.4	vinaye sabbattha kovido.
pli-tv-pvr1.1:77.1	Ete nāgā mahāpaññā,
pli-tv-pvr1.1:77.2	vinayaññū maggakovidā;
pli-tv-pvr1.1:77.3	Vinayaṁ dīpe pakāsesuṁ,
pli-tv-pvr1.1:77.4	piṭakaṁ tambapaṇṇiyāti.
pli-tv-pvr1.1:78.1	Yaṁ tena bhagavatā jānatā passatā arahatā sammāsambuddhena dutiyo aniyato kattha paññattoti?
pli-tv-pvr1.1:78.2	Sāvatthiyaṁ paññatto.
pli-tv-pvr1.1:78.3	Kaṁ ārabbhāti?
pli-tv-pvr1.1:78.4	Āyasmantaṁ udāyiṁ ārabbha.
pli-tv-pvr1.1:78.5	Kismiṁ vatthusminti?
pli-tv-pvr1.1:78.6	Āyasmā udāyī mātugāmena saddhiṁ eko ekāya raho nisajjaṁ kappesi, tasmiṁ vatthusmiṁ.
pli-tv-pvr1.1:78.7	Atthi tattha paññatti, anupaññatti anuppannapaññattīti?
pli-tv-pvr1.1:78.8	Ekā paññatti.
pli-tv-pvr1.1:78.9	Anupaññatti anuppannapaññatti tasmiṁ natthi.
pli-tv-pvr1.1:78.10	Sabbatthapaññatti, padesapaññattīti?
pli-tv-pvr1.1:78.11	Sabbatthapaññatti.
pli-tv-pvr1.1:78.12	Sādhāraṇapaññatti asādhāraṇapaññattīti?
pli-tv-pvr1.1:78.13	Asādhāraṇapaññatti.
pli-tv-pvr1.1:78.14	Ekatopaññatti ubhatopaññattīti?
pli-tv-pvr1.1:78.15	Ekatopaññatti.
pli-tv-pvr1.1:78.16	Pañcannaṁ pātimokkhuddesānaṁ katthogadhaṁ kattha pariyāpannanti?
pli-tv-pvr1.1:78.17	Nidānogadhaṁ nidānapariyāpannaṁ.
pli-tv-pvr1.1:78.18	Katamena uddesena uddesaṁ āgacchatīti?
pli-tv-pvr1.1:78.19	Catutthena uddesena uddesaṁ āgacchati.
pli-tv-pvr1.1:78.20	Catunnaṁ vipattīnaṁ katamā vipattīti?
pli-tv-pvr1.1:78.21	Siyā sīlavipatti, siyā ācāravipatti.
pli-tv-pvr1.1:78.22	Sattannaṁ āpattikkhandhānaṁ katamo āpattikkhandhoti?
pli-tv-pvr1.1:78.23	Siyā saṅghādisesāpattikkhandho, siyā pācittiyāpattikkhandho.
pli-tv-pvr1.1:78.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.1:78.25	Tīhi samuṭṭhānehi samuṭṭhāti—
pli-tv-pvr1.1:78.26	siyā kāyato ca cittato ca samuṭṭhāti, na vācato;
pli-tv-pvr1.1:78.27	siyā vācato ca cittato ca samuṭṭhāti, na kāyato;
pli-tv-pvr1.1:78.28	siyā kāyato ca vācato ca cittato ca samuṭṭhāti.
pli-tv-pvr1.1:78.29	Catunnaṁ adhikaraṇānaṁ katamaṁ adhikaraṇanti?
pli-tv-pvr1.1:78.30	Āpattādhikaraṇaṁ.
pli-tv-pvr1.1:78.31	Sattannaṁ samathānaṁ katihi samathehi sammatīti?
pli-tv-pvr1.1:78.32	Tīhi samathehi sammati—
pli-tv-pvr1.1:78.33	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr1.1:79.1	Dve aniyatā niṭṭhitā.
pli-tv-pvr1.1:80.1	Tassuddānaṁ
pli-tv-pvr1.1:81.1	Alaṅkammaniyañceva,
pli-tv-pvr1.1:81.2	tatheva ca na heva kho;
pli-tv-pvr1.1:81.3	Aniyatā supaññattā,
pli-tv-pvr1.1:81.4	buddhaseṭṭhena tādināti.
pli-tv-pvr1.1:82.0.1	4. Nissaggiyakaṇḍa
pli-tv-pvr1.1:82.0.2	4.1 Kathinavagga
pli-tv-pvr1.1:82.1	Yaṁ tena bhagavatā jānatā passatā arahatā sammāsambuddhena atirekacīvaraṁ dasāhaṁ atikkāmentassa nissaggiyaṁ pācittiyaṁ kattha paññattanti?
pli-tv-pvr1.1:82.2	Vesāliyaṁ paññattaṁ.
pli-tv-pvr1.1:82.3	Kaṁ ārabbhāti?
pli-tv-pvr1.1:82.4	Chabbaggiye bhikkhū ārabbha.
pli-tv-pvr1.1:82.5	Kismiṁ vatthusminti?
pli-tv-pvr1.1:82.6	Chabbaggiyā bhikkhū atirekacīvaraṁ dhāresuṁ, tasmiṁ vatthusmiṁ.
pli-tv-pvr1.1:82.7	Ekā paññatti, ekā anupaññatti.
pli-tv-pvr1.1:82.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:82.9	siyā kāyato ca vācato ca samuṭṭhāti, na cittato;
pli-tv-pvr1.1:82.10	siyā kāyato ca vācato ca cittato ca samuṭṭhāti …pe….
pli-tv-pvr1.1:83.1	Ekarattaṁ ticīvarena vippavasantassa nissaggiyaṁ pācittiyaṁ kattha paññattanti?
pli-tv-pvr1.1:83.2	Sāvatthiyaṁ paññattaṁ.
pli-tv-pvr1.1:83.3	Kaṁ ārabbhāti?
pli-tv-pvr1.1:83.4	Sambahule bhikkhū ārabbha.
pli-tv-pvr1.1:83.5	Kismiṁ vatthusminti?
pli-tv-pvr1.1:83.6	Sambahulā bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamiṁsu, tasmiṁ vatthusmiṁ.
pli-tv-pvr1.1:83.7	Ekā paññatti, ekā anupaññatti.
pli-tv-pvr1.1:83.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:83.9	siyā kāyato ca vācato ca samuṭṭhāti, na cittato;
pli-tv-pvr1.1:83.10	siyā kāyato ca vācato ca cittato ca samuṭṭhāti …pe….
pli-tv-pvr1.1:84.1	Akālacīvaraṁ paṭiggahetvā māsaṁ atikkāmentassa nissaggiyaṁ pācittiyaṁ kattha paññattanti?
pli-tv-pvr1.1:84.2	Sāvatthiyaṁ paññattaṁ.
pli-tv-pvr1.1:84.3	Kaṁ ārabbhāti?
pli-tv-pvr1.1:84.4	Sambahule bhikkhū ārabbha.
pli-tv-pvr1.1:84.5	Kismiṁ vatthusminti?
pli-tv-pvr1.1:84.6	Sambahulā bhikkhū akālacīvaraṁ paṭiggahetvā māsaṁ atikkāmesuṁ, tasmiṁ vatthusmiṁ.
pli-tv-pvr1.1:84.7	Ekā paññatti, ekā anupaññatti.
pli-tv-pvr1.1:84.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:84.9	siyā kāyato ca vācato ca samuṭṭhāti, na cittato;
pli-tv-pvr1.1:84.10	siyā kāyato ca vācato ca cittato ca samuṭṭhāti …pe….
pli-tv-pvr1.1:85.1	Aññātikāya bhikkhuniyā purāṇacīvaraṁ dhovāpentassa nissaggiyaṁ pācittiyaṁ kattha paññattanti?
pli-tv-pvr1.1:85.2	Sāvatthiyaṁ paññattaṁ.
pli-tv-pvr1.1:85.3	Kaṁ ārabbhāti?
pli-tv-pvr1.1:85.4	Āyasmantaṁ udāyiṁ ārabbha.
pli-tv-pvr1.1:85.5	Kismiṁ vatthusminti?
pli-tv-pvr1.1:85.6	Āyasmā udāyī aññātikāya bhikkhuniyā purāṇacīvaraṁ dhovāpesi, tasmiṁ vatthusmiṁ.
pli-tv-pvr1.1:85.7	Ekā paññatti.
pli-tv-pvr1.1:85.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:86.1	Aññātikāya bhikkhuniyā hatthato cīvaraṁ paṭiggaṇhantassa nissaggiyaṁ pācittiyaṁ kattha paññattanti?
pli-tv-pvr1.1:86.2	Rājagahe paññattaṁ.
pli-tv-pvr1.1:86.3	Kaṁ ārabbhāti?
pli-tv-pvr1.1:86.4	Āyasmantaṁ udāyiṁ ārabbha.
pli-tv-pvr1.1:86.5	Kismiṁ vatthusminti?
pli-tv-pvr1.1:86.6	Āyasmā udāyī aññātikāya bhikkhuniyā hatthato cīvaraṁ paṭiggahesi, tasmiṁ vatthusmiṁ.
pli-tv-pvr1.1:86.7	Ekā paññatti ekā anupaññatti.
pli-tv-pvr1.1:86.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:87.1	Aññātakaṁ gahapatiṁ vā gahapatāniṁ vā cīvaraṁ viññāpentassa nissaggiyaṁ pācittiyaṁ kattha paññattanti?
pli-tv-pvr1.1:87.2	Sāvatthiyaṁ paññattaṁ.
pli-tv-pvr1.1:87.3	Kaṁ ārabbhāti?
pli-tv-pvr1.1:87.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:87.5	Kismiṁ vatthusminti?
pli-tv-pvr1.1:87.6	Āyasmā upanando sakyaputto aññātakaṁ seṭṭhiputtaṁ cīvaraṁ viññāpesi, tasmiṁ vatthusmiṁ.
pli-tv-pvr1.1:87.7	Ekā paññatti ekā anupaññatti.
pli-tv-pvr1.1:87.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:88.1	Aññātakaṁ gahapatiṁ vā gahapatāniṁ vā tatuttari cīvaraṁ viññāpentassa nissaggiyaṁ pācittiyaṁ kattha paññattanti?
pli-tv-pvr1.1:88.2	Sāvatthiyaṁ paññattaṁ.
pli-tv-pvr1.1:88.3	Kaṁ ārabbhāti?
pli-tv-pvr1.1:88.4	Chabbaggiye bhikkhū ārabbha.
pli-tv-pvr1.1:88.5	Kismiṁ vatthusminti?
pli-tv-pvr1.1:88.6	Chabbaggiyā bhikkhū na mattaṁ jānitvā bahuṁ cīvaraṁ viññāpesuṁ, tasmiṁ vatthusmiṁ.
pli-tv-pvr1.1:88.7	Ekā paññatti.
pli-tv-pvr1.1:88.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:89.1	Pubbe appavāritassa aññātakaṁ gahapatikaṁ upasaṅkamitvā cīvare vikappaṁ āpajjantassa nissaggiyaṁ pācittiyaṁ kattha paññattanti?
pli-tv-pvr1.1:89.2	Sāvatthiyaṁ paññattaṁ.
pli-tv-pvr1.1:89.3	Kaṁ ārabbhāti?
pli-tv-pvr1.1:89.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:89.5	Kismiṁ vatthusminti?
pli-tv-pvr1.1:89.6	Āyasmā upanando sakyaputto pubbe appavārito aññātakaṁ gahapatikaṁ upasaṅkamitvā cīvare vikappaṁ āpajji, tasmiṁ vatthusmiṁ.
pli-tv-pvr1.1:89.7	Ekā paññatti.
pli-tv-pvr1.1:89.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:90.1	Pubbe appavāritassa aññātake gahapatike upasaṅkamitvā cīvare vikappaṁ āpajjantassa nissaggiyaṁ pācittiyaṁ kattha paññattanti?
pli-tv-pvr1.1:90.2	Sāvatthiyaṁ paññattaṁ.
pli-tv-pvr1.1:90.3	Kaṁ ārabbhāti?
pli-tv-pvr1.1:90.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:90.5	Kismiṁ vatthusminti?
pli-tv-pvr1.1:90.6	Āyasmā upanando sakyaputto pubbe appavārito aññātake gahapatike upasaṅkamitvā cīvare vikappaṁ āpajji, tasmiṁ vatthusmiṁ.
pli-tv-pvr1.1:90.7	Ekā paññatti.
pli-tv-pvr1.1:90.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:91.1	Atirekatikkhattuṁ codanāya atirekachakkhattuṁ ṭhānena cīvaraṁ abhinipphādentassa nissaggiyaṁ pācittiyaṁ kattha paññattanti?
pli-tv-pvr1.1:91.2	Sāvatthiyaṁ paññattaṁ.
pli-tv-pvr1.1:91.3	Kaṁ ārabbhāti?
pli-tv-pvr1.1:91.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:91.5	Kismiṁ vatthusminti?
pli-tv-pvr1.1:91.6	Āyasmā upanando sakyaputto upāsakena—
pli-tv-pvr1.1:91.7	“ajjaṇho, bhante, āgamehī”ti vuccamāno nāgamesi, tasmiṁ vatthusmiṁ.
pli-tv-pvr1.1:91.8	Ekā paññatti.
pli-tv-pvr1.1:91.9	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:92.1	Kathinavaggo paṭhamo.
pli-tv-pvr1.1:93.0	4.2. Kosiyavagga
pli-tv-pvr1.1:93.1	Kosiyamissakaṁ santhataṁ kārāpentassa nissaggiyaṁ pācittiyaṁ kattha paññattanti?
pli-tv-pvr1.1:93.2	Āḷaviyaṁ paññattaṁ.
pli-tv-pvr1.1:93.3	Kaṁ ārabbhāti?
pli-tv-pvr1.1:93.4	Chabbaggiye bhikkhū ārabbha.
pli-tv-pvr1.1:93.5	Kismiṁ vatthusminti?
pli-tv-pvr1.1:93.6	Chabbaggiyā bhikkhū kosiyakārake upasaṅkamitvā evamāhaṁsu “bahū, āvuso, kosakārake pacatha.
pli-tv-pvr1.1:93.7	Amhākampi dassatha.
pli-tv-pvr1.1:93.8	Mayampi icchāma kosiyamissakaṁ santhataṁ kātun”ti, tasmiṁ vatthusmiṁ.
pli-tv-pvr1.1:93.9	Ekā paññatti.
pli-tv-pvr1.1:93.10	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:94.1	Suddhakāḷakānaṁ eḷakalomānaṁ santhataṁ kārāpentassa nissaggiyaṁ pācittiyaṁ kattha paññattanti?
pli-tv-pvr1.1:94.2	Vesāliyaṁ paññattaṁ.
pli-tv-pvr1.1:94.3	Kaṁ ārabbhāti?
pli-tv-pvr1.1:94.4	Chabbaggiye bhikkhū ārabbha.
pli-tv-pvr1.1:94.5	Kismiṁ vatthusminti?
pli-tv-pvr1.1:94.6	Chabbaggiyā bhikkhū suddhakāḷakānaṁ eḷakalomānaṁ santhataṁ kārāpesuṁ, tasmiṁ vatthusmiṁ.
pli-tv-pvr1.1:94.7	Ekā paññatti.
pli-tv-pvr1.1:94.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:95.1	Anādiyitvā tulaṁ odātānaṁ tulaṁ gocariyānaṁ navaṁ santhataṁ kārāpentassa nissaggiyaṁ pācittiyaṁ kattha paññattanti?
pli-tv-pvr1.1:95.2	Sāvatthiyaṁ paññattaṁ.
pli-tv-pvr1.1:95.3	Kaṁ ārabbhāti?
pli-tv-pvr1.1:95.4	Chabbaggiye bhikkhū ārabbha.
pli-tv-pvr1.1:95.5	Kismiṁ vatthusminti?
pli-tv-pvr1.1:95.6	Chabbaggiyā bhikkhū thokaññeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpesuṁ, tasmiṁ vatthusmiṁ.
pli-tv-pvr1.1:95.7	Ekā paññatti.
pli-tv-pvr1.1:95.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:96.1	Anuvassaṁ santhataṁ kārāpentassa nissaggiyaṁ pācittiyaṁ kattha paññattanti?
pli-tv-pvr1.1:96.2	Sāvatthiyaṁ paññattaṁ.
pli-tv-pvr1.1:96.3	Kaṁ ārabbhāti?
pli-tv-pvr1.1:96.4	Sambahule bhikkhū ārabbha.
pli-tv-pvr1.1:96.5	Kismiṁ vatthusminti?
pli-tv-pvr1.1:96.6	Sambahulā bhikkhū anuvassaṁ santhataṁ kārāpesuṁ, tasmiṁ vatthusmiṁ.
pli-tv-pvr1.1:96.7	Ekā paññatti, ekā anupaññatti.
pli-tv-pvr1.1:96.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:97.1	Anādiyitvā purāṇasanthatassa sāmantā sugatavidatthiṁ navaṁ nisīdanasanthataṁ kārāpentassa nissaggiyaṁ pācittiyaṁ kattha paññattanti?
pli-tv-pvr1.1:97.2	Sāvatthiyaṁ paññattaṁ.
pli-tv-pvr1.1:97.3	Kaṁ ārabbhāti?
pli-tv-pvr1.1:97.4	Sambahule bhikkhū ārabbha.
pli-tv-pvr1.1:97.5	Kismiṁ vatthusminti?
pli-tv-pvr1.1:97.6	Sambahulā bhikkhū santhatāni ujjhitvā āraññikaṅgaṁ piṇḍapātikaṅgaṁ paṁsukūlikaṅgaṁ samādiyiṁsu, tasmiṁ vatthusmiṁ.
pli-tv-pvr1.1:97.7	Ekā paññatti.
pli-tv-pvr1.1:97.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:98.1	Eḷakalomāni paṭiggahetvā tiyojanaṁ atikkāmentassa nissaggiyaṁ pācittiyaṁ kattha paññattanti?
pli-tv-pvr1.1:98.2	Sāvatthiyaṁ paññattaṁ.
pli-tv-pvr1.1:98.3	Kaṁ ārabbhāti?
pli-tv-pvr1.1:98.4	Aññataraṁ bhikkhuṁ ārabbha.
pli-tv-pvr1.1:98.5	Kismiṁ vatthusminti?
pli-tv-pvr1.1:98.6	Aññataro bhikkhu eḷakalomāni paṭiggahetvā tiyojanaṁ atikkāmesi, tasmiṁ vatthusmiṁ.
pli-tv-pvr1.1:98.7	Ekā paññatti.
pli-tv-pvr1.1:98.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:98.9	siyā kāyato samuṭṭhāti, na vācato na cittato;
pli-tv-pvr1.1:98.10	siyā kāyato ca cittato ca samuṭṭhāti, na vācato …pe….
pli-tv-pvr1.1:99.1	Aññātikāya bhikkhuniyā eḷakalomāni dhovāpentassa nissaggiyaṁ pācittiyaṁ kattha paññattanti?
pli-tv-pvr1.1:99.2	Sakkesu paññattaṁ.
pli-tv-pvr1.1:99.3	Kaṁ ārabbhāti?
pli-tv-pvr1.1:99.4	Chabbaggiye bhikkhū ārabbha.
pli-tv-pvr1.1:99.5	Kismiṁ vatthusminti?
pli-tv-pvr1.1:99.6	Chabbaggiyā bhikkhū aññātikāhi bhikkhunīhi eḷakalomāni dhovāpesuṁ, tasmiṁ vatthusmiṁ.
pli-tv-pvr1.1:99.7	Ekā paññatti.
pli-tv-pvr1.1:99.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:100.1	Rūpiyaṁ paṭiggaṇhantassa nissaggiyaṁ pācittiyaṁ kattha paññattanti?
pli-tv-pvr1.1:100.2	Rājagahe paññattaṁ.
pli-tv-pvr1.1:100.3	Kaṁ ārabbhāti?
pli-tv-pvr1.1:100.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:100.5	Kismiṁ vatthusminti?
pli-tv-pvr1.1:100.6	Āyasmā upanando sakyaputto rūpiyaṁ paṭiggahesi, tasmiṁ vatthusmiṁ.
pli-tv-pvr1.1:100.7	Ekā paññatti.
pli-tv-pvr1.1:100.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:101.1	Nānappakārakaṁ rūpiyasaṁvohāraṁ samāpajjantassa nissaggiyaṁ pācittiyaṁ kattha paññattanti?
pli-tv-pvr1.1:101.2	Sāvatthiyaṁ paññattaṁ.
pli-tv-pvr1.1:101.3	Kaṁ ārabbhāti?
pli-tv-pvr1.1:101.4	Chabbaggiye bhikkhū ārabbha.
pli-tv-pvr1.1:101.5	Kismiṁ vatthusminti?
pli-tv-pvr1.1:101.6	Chabbaggiyā bhikkhū nānappakārakaṁ rūpiyasaṁvohāraṁ samāpajjiṁsu, tasmiṁ vatthusmiṁ.
pli-tv-pvr1.1:101.7	Ekā paññatti.
pli-tv-pvr1.1:101.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:102.1	Nānappakārakaṁ kayavikkayaṁ samāpajjantassa nissaggiyaṁ pācittiyaṁ kattha paññattanti?
pli-tv-pvr1.1:102.2	Sāvatthiyaṁ paññattaṁ.
pli-tv-pvr1.1:102.3	Kaṁ ārabbhāti?
pli-tv-pvr1.1:102.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:102.5	Kismiṁ vatthusminti?
pli-tv-pvr1.1:102.6	Āyasmā upanando sakyaputto paribbājakena saddhiṁ kayavikkayaṁ samāpajji, tasmiṁ vatthusmiṁ.
pli-tv-pvr1.1:102.7	Ekā paññatti.
pli-tv-pvr1.1:102.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:103.1	Kosiyavaggo dutiyo.
pli-tv-pvr1.1:104.0	4.3. Pattavagga
pli-tv-pvr1.1:104.1	Atirekapattaṁ dasāhaṁ atikkāmentassa nissaggiyaṁ pācittiyaṁ kattha paññattanti?
pli-tv-pvr1.1:104.2	Sāvatthiyaṁ paññattaṁ.
pli-tv-pvr1.1:104.3	Kaṁ ārabbhāti?
pli-tv-pvr1.1:104.4	Chabbaggiye bhikkhū ārabbha.
pli-tv-pvr1.1:104.5	Kismiṁ vatthusminti?
pli-tv-pvr1.1:104.6	Chabbaggiyā bhikkhū atirekapattaṁ dhāresuṁ, tasmiṁ vatthusmiṁ.
pli-tv-pvr1.1:104.7	Ekā paññatti, ekā anupaññatti.
pli-tv-pvr1.1:104.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:104.9	siyā kāyato ca vācato ca samuṭṭhāti, na cittato;
pli-tv-pvr1.1:104.10	siyā kāyato ca vācato ca cittato ca samuṭṭhāti …pe….
pli-tv-pvr1.1:105.1	Ūnapañcabandhanena pattena aññaṁ navaṁ pattaṁ cetāpentassa nissaggiyaṁ pācittiyaṁ kattha paññattanti?
pli-tv-pvr1.1:105.2	Sakkesu paññattaṁ.
pli-tv-pvr1.1:105.3	Kaṁ ārabbhāti?
pli-tv-pvr1.1:105.4	Chabbaggiye bhikkhū ārabbha.
pli-tv-pvr1.1:105.5	Kismiṁ vatthusminti?
pli-tv-pvr1.1:105.6	Chabbaggiyā bhikkhū appamattakenapi bhinnena appamattakenapi khaṇḍena vilikhitamattenapi bahū patte viññāpesuṁ, tasmiṁ vatthusmiṁ.
pli-tv-pvr1.1:105.7	Ekā paññatti.
pli-tv-pvr1.1:105.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:106.1	Bhesajjāni paṭiggahetvā sattāhaṁ atikkāmentassa nissaggiyaṁ pācittiyaṁ kattha paññattanti?
pli-tv-pvr1.1:106.2	Sāvatthiyaṁ paññattaṁ.
pli-tv-pvr1.1:106.3	Kaṁ ārabbhāti?
pli-tv-pvr1.1:106.4	Sambahule bhikkhū ārabbha.
pli-tv-pvr1.1:106.5	Kismiṁ vatthusminti?
pli-tv-pvr1.1:106.6	Sambahulā bhikkhū bhesajjāni paṭiggahetvā sattāhaṁ atikkāmesuṁ, tasmiṁ vatthusmiṁ.
pli-tv-pvr1.1:106.7	Ekā paññatti.
pli-tv-pvr1.1:106.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:107.1	Atirekamāse sese gimhāne vassikasāṭikacīvaraṁ pariyesantassa nissaggiyaṁ pācittiyaṁ kattha paññattanti?
pli-tv-pvr1.1:107.2	Sāvatthiyaṁ paññattaṁ.
pli-tv-pvr1.1:107.3	Kaṁ ārabbhāti?
pli-tv-pvr1.1:107.4	Chabbaggiye bhikkhū ārabbha.
pli-tv-pvr1.1:107.5	Kismiṁ vatthusminti?
pli-tv-pvr1.1:107.6	Chabbaggiyā bhikkhū atirekamāse sese gimhāne vassikasāṭikacīvaraṁ pariyesiṁsu, tasmiṁ vatthusmiṁ.
pli-tv-pvr1.1:107.7	Ekā paññatti.
pli-tv-pvr1.1:107.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:108.1	Bhikkhussa sāmaṁ cīvaraṁ datvā kupitena anattamanena acchindantassa nissaggiyaṁ pācittiyaṁ kattha paññattanti?
pli-tv-pvr1.1:108.2	Sāvatthiyaṁ paññattaṁ.
pli-tv-pvr1.1:108.3	Kaṁ ārabbhāti?
pli-tv-pvr1.1:108.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:108.5	Kismiṁ vatthusminti?
pli-tv-pvr1.1:108.6	Āyasmā upanando sakyaputto bhikkhussa sāmaṁ cīvaraṁ datvā kupito anattamano acchindi, tasmiṁ vatthusmiṁ.
pli-tv-pvr1.1:108.7	Ekā paññatti.
pli-tv-pvr1.1:108.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:109.1	Sāmaṁ suttaṁ viññāpetvā tantavāyehi cīvaraṁ vāyāpentassa nissaggiyaṁ pācittiyaṁ kattha paññattanti?
pli-tv-pvr1.1:109.2	Rājagahe paññattaṁ.
pli-tv-pvr1.1:109.3	Kaṁ ārabbhāti?
pli-tv-pvr1.1:109.4	Chabbaggiye bhikkhū ārabbha.
pli-tv-pvr1.1:109.5	Kismiṁ vatthusminti?
pli-tv-pvr1.1:109.6	Chabbaggiyā bhikkhū sāmaṁ suttaṁ viññāpetvā tantavāyehi cīvaraṁ vāyāpesuṁ, tasmiṁ vatthusmiṁ.
pli-tv-pvr1.1:109.7	Ekā paññatti.
pli-tv-pvr1.1:109.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:110.1	Pubbe appavāritassa aññātakassa gahapatikassa tantavāye upasaṅkamitvā cīvare vikappaṁ āpajjantassa nissaggiyaṁ pācittiyaṁ kattha paññattanti?
pli-tv-pvr1.1:110.2	Sāvatthiyaṁ paññattaṁ.
pli-tv-pvr1.1:110.3	Kaṁ ārabbhāti?
pli-tv-pvr1.1:110.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:110.5	Kismiṁ vatthusminti?
pli-tv-pvr1.1:110.6	Āyasmā upanando sakyaputto pubbe appavārito aññātakassa gahapatikassa tantavāye upasaṅkamitvā cīvare vikappaṁ āpajji, tasmiṁ vatthusmiṁ.
pli-tv-pvr1.1:110.7	Ekā paññatti.
pli-tv-pvr1.1:110.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:111.1	Accekacīvaraṁ paṭiggahetvā cīvarakālasamayaṁ atikkāmentassa nissaggiyaṁ pācittiyaṁ kattha paññattanti?
pli-tv-pvr1.1:111.2	Sāvatthiyaṁ paññattaṁ.
pli-tv-pvr1.1:111.3	Kaṁ ārabbhāti?
pli-tv-pvr1.1:111.4	Sambahule bhikkhū ārabbha.
pli-tv-pvr1.1:111.5	Kismiṁ vatthusminti?
pli-tv-pvr1.1:111.6	Sambahulā bhikkhū accekacīvaraṁ paṭiggahetvā cīvarakālasamayaṁ atikkāmesuṁ, tasmiṁ vatthusmiṁ.
pli-tv-pvr1.1:111.7	Ekā paññatti.
pli-tv-pvr1.1:111.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:112.1	Tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasantassa nissaggiyaṁ pācittiyaṁ kattha paññattanti?
pli-tv-pvr1.1:112.2	Sāvatthiyaṁ paññattaṁ.
pli-tv-pvr1.1:112.3	Kaṁ ārabbhāti?
pli-tv-pvr1.1:112.4	Sambahule bhikkhū ārabbha.
pli-tv-pvr1.1:112.5	Kismiṁ vatthusminti?
pli-tv-pvr1.1:112.6	Sambahulā bhikkhū tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasiṁsu, tasmiṁ vatthusmiṁ.
pli-tv-pvr1.1:112.7	Ekā paññatti.
pli-tv-pvr1.1:112.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:113.1	Jānaṁ saṅghikaṁ lābhaṁ pariṇataṁ attano pariṇāmentassa nissaggiyaṁ pācittiyaṁ kattha paññattanti?
pli-tv-pvr1.1:113.2	Sāvatthiyaṁ paññattaṁ.
pli-tv-pvr1.1:113.3	Kaṁ ārabbhāti?
pli-tv-pvr1.1:113.4	Chabbaggiye bhikkhū ārabbha.
pli-tv-pvr1.1:113.5	Kismiṁ vatthusminti?
pli-tv-pvr1.1:113.6	Chabbaggiyā bhikkhū jānaṁ saṅghikaṁ lābhaṁ pariṇataṁ attano pariṇāmesuṁ, tasmiṁ vatthusmiṁ.
pli-tv-pvr1.1:113.7	Ekā paññatti.
pli-tv-pvr1.1:113.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:114.1	Pattavaggo tatiyo.
pli-tv-pvr1.1:114.2	Tiṁsa nissaggiyā pācittiyā niṭṭhitā.
pli-tv-pvr1.1:115.1	Tassuddānaṁ
pli-tv-pvr1.1:116.1	Dasekarattimāso ca,
pli-tv-pvr1.1:116.2	dhovanañca paṭiggaho;
pli-tv-pvr1.1:116.3	Aññātaṁ tañca uddissa,
pli-tv-pvr1.1:116.4	ubhinnaṁ dūtakena ca.
pli-tv-pvr1.1:117.1	Kosiyā suddhadvebhāgā,
pli-tv-pvr1.1:117.2	chabbassāni nisīdanaṁ;
pli-tv-pvr1.1:117.3	Dve ca lomāni uggaṇhe,
pli-tv-pvr1.1:117.4	ubho nānappakārakā.
pli-tv-pvr1.1:118.1	Dve ca pattāni bhesajjaṁ,
pli-tv-pvr1.1:118.2	Vassikā dānapañcamaṁ;
pli-tv-pvr1.1:118.3	Sāmaṁ vāyāpanacceko,
pli-tv-pvr1.1:118.4	Sāsaṅkaṁ saṅghikena cāti.
pli-tv-pvr1.1:119.0.1	5. Pācittiyakaṇḍa
pli-tv-pvr1.1:119.0.2	5.1. Musāvādavagga
pli-tv-pvr1.1:119.1	Yaṁ tena bhagavatā jānatā passatā arahatā sammāsambuddhena sampajānamusāvāde pācittiyaṁ kattha paññattanti?
pli-tv-pvr1.1:119.2	Sāvatthiyaṁ paññattaṁ.
pli-tv-pvr1.1:119.3	Kaṁ ārabbhāti?
pli-tv-pvr1.1:119.4	Hatthakaṁ sakyaputtaṁ ārabbha.
pli-tv-pvr1.1:119.5	Kismiṁ vatthusminti?
pli-tv-pvr1.1:119.6	Āyasmā hatthako sakyaputto titthiyehi saddhiṁ sallapanto avajānitvā paṭijāni, paṭijānitvā avajāni, tasmiṁ vatthusmiṁ.
pli-tv-pvr1.1:119.7	Ekā paññatti.
pli-tv-pvr1.1:119.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.1:119.9	siyā kāyato ca cittato ca samuṭṭhāti, na vācato;
pli-tv-pvr1.1:119.10	siyā vācato ca cittato ca samuṭṭhāti, na kāyato;
pli-tv-pvr1.1:119.11	siyā kāyato ca vācato ca cittato ca samuṭṭhāti …pe….
pli-tv-pvr1.1:120.1	Omasavāde pācittiyaṁ kattha paññattanti?
pli-tv-pvr1.1:120.2	Sāvatthiyaṁ paññattaṁ.
pli-tv-pvr1.1:120.3	Kaṁ ārabbhāti?
pli-tv-pvr1.1:120.4	Chabbaggiye bhikkhū ārabbha.
pli-tv-pvr1.1:120.5	Kismiṁ vatthusminti?
pli-tv-pvr1.1:120.6	Chabbaggiyā bhikkhū pesalehi bhikkhūhi saddhiṁ bhaṇḍantā pesale bhikkhū omasiṁsu, tasmiṁ vatthusmiṁ.
pli-tv-pvr1.1:120.7	Ekā paññatti.
pli-tv-pvr1.1:120.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:121.1	Bhikkhupesuññe pācittiyaṁ kattha paññattanti?
pli-tv-pvr1.1:121.2	Sāvatthiyaṁ paññattaṁ.
pli-tv-pvr1.1:121.3	Kaṁ ārabbhāti?
pli-tv-pvr1.1:121.4	Chabbaggiye bhikkhū ārabbha.
pli-tv-pvr1.1:121.5	Kismiṁ vatthusminti?
pli-tv-pvr1.1:121.6	Chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ vivādāpannānaṁ pesuññaṁ upasaṁhariṁsu, tasmiṁ vatthusmiṁ.
pli-tv-pvr1.1:121.7	Ekā paññatti.
pli-tv-pvr1.1:121.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:122.1	Anupasampannaṁ padaso dhammaṁ vācentassa pācittiyaṁ kattha paññattanti?
pli-tv-pvr1.1:122.2	Sāvatthiyaṁ paññattaṁ.
pli-tv-pvr1.1:122.3	Kaṁ ārabbhāti?
pli-tv-pvr1.1:122.4	Chabbaggiye bhikkhū ārabbha.
pli-tv-pvr1.1:122.5	Kismiṁ vatthusminti?
pli-tv-pvr1.1:122.6	Chabbaggiyā bhikkhū upāsake padaso dhammaṁ vācesuṁ, tasmiṁ vatthusmiṁ.
pli-tv-pvr1.1:122.7	Ekā paññatti.
pli-tv-pvr1.1:122.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:122.9	siyā vācato samuṭṭhāti, na kāyato na cittato;
pli-tv-pvr1.1:122.10	siyā vācato ca cittato ca samuṭṭhāti, na kāyato …pe….
pli-tv-pvr1.1:123.1	Anupasampannena uttaridirattatirattaṁ sahaseyyaṁ kappentassa pācittiyaṁ kattha paññattanti?
pli-tv-pvr1.1:123.2	Āḷaviyaṁ paññattaṁ.
pli-tv-pvr1.1:123.3	Kaṁ ārabbhāti?
pli-tv-pvr1.1:123.4	Sambahule bhikkhū ārabbha.
pli-tv-pvr1.1:123.5	Kismiṁ vatthusminti?
pli-tv-pvr1.1:123.6	Sambahulā bhikkhū anupasampannena sahaseyyaṁ kappesuṁ, tasmiṁ vatthusmiṁ.
pli-tv-pvr1.1:123.7	Ekā paññatti, ekā anupaññatti.
pli-tv-pvr1.1:123.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:123.9	siyā kāyato samuṭṭhāti, na vācato na cittato;
pli-tv-pvr1.1:123.10	siyā kāyato ca cittato ca samuṭṭhāti, na vācato …pe….
pli-tv-pvr1.1:124.1	Mātugāmena sahaseyyaṁ kappentassa pācittiyaṁ kattha paññattanti?
pli-tv-pvr1.1:124.2	Sāvatthiyaṁ paññattaṁ.
pli-tv-pvr1.1:124.3	Kaṁ ārabbhāti?
pli-tv-pvr1.1:124.4	Āyasmantaṁ anuruddhaṁ ārabbha.
pli-tv-pvr1.1:124.5	Kismiṁ vatthusminti?
pli-tv-pvr1.1:124.6	Āyasmā anuruddho mātugāmena sahaseyyaṁ kappesi, tasmiṁ vatthusmiṁ.
pli-tv-pvr1.1:124.7	Ekā paññatti.
pli-tv-pvr1.1:124.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:125.1	Mātugāmassa uttarichappañcavācāhi dhammaṁ desentassa pācittiyaṁ kattha paññattanti?
pli-tv-pvr1.1:125.2	Sāvatthiyaṁ paññattaṁ.
pli-tv-pvr1.1:125.3	Kaṁ ārabbhāti?
pli-tv-pvr1.1:125.4	Āyasmantaṁ udāyiṁ ārabbha.
pli-tv-pvr1.1:125.5	Kismiṁ vatthusminti?
pli-tv-pvr1.1:125.6	Āyasmā udāyī mātugāmassa dhammaṁ desesi, tasmiṁ vatthusmiṁ.
pli-tv-pvr1.1:125.7	Ekā paññatti, dve anupaññattiyo.
pli-tv-pvr1.1:125.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti padasodhamme …pe….
pli-tv-pvr1.1:126.1	Anupasampannassa uttarimanussadhammaṁ bhūtaṁ ārocentassa pācittiyaṁ kattha paññattanti?
pli-tv-pvr1.1:126.2	Vesāliyaṁ paññattaṁ.
pli-tv-pvr1.1:126.3	Kaṁ ārabbhāti?
pli-tv-pvr1.1:126.4	Vaggumudātīriye bhikkhū ārabbha.
pli-tv-pvr1.1:126.5	Kismiṁ vatthusminti?
pli-tv-pvr1.1:126.6	Vaggumudātīriyā bhikkhū gihīnaṁ aññamaññassa uttarimanussadhammassa vaṇṇaṁ bhāsiṁsu, tasmiṁ vatthusmiṁ.
pli-tv-pvr1.1:126.7	Ekā paññatti.
pli-tv-pvr1.1:126.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.1:126.9	siyā kāyato samuṭṭhāti, na vācato na cittato;
pli-tv-pvr1.1:126.10	siyā vācato samuṭṭhāti, na kāyato na cittato;
pli-tv-pvr1.1:126.11	siyā kāyato ca vācato ca samuṭṭhāti, na cittato …pe….
pli-tv-pvr1.1:127.1	Bhikkhussa duṭṭhullaṁ āpattiṁ anupasampannassa ārocentassa pācittiyaṁ kattha paññattanti?
pli-tv-pvr1.1:127.2	Sāvatthiyaṁ paññattaṁ.
pli-tv-pvr1.1:127.3	Kaṁ ārabbhāti?
pli-tv-pvr1.1:127.4	Chabbaggiye bhikkhū ārabbha.
pli-tv-pvr1.1:127.5	Kismiṁ vatthusminti?
pli-tv-pvr1.1:127.6	Chabbaggiyā bhikkhū bhikkhussa duṭṭhullāpattiṁ anupasampannassa ārocesuṁ, tasmiṁ vatthusmiṁ.
pli-tv-pvr1.1:127.7	Ekā paññatti.
pli-tv-pvr1.1:127.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:128.1	Pathaviṁ khaṇantassa pācittiyaṁ kattha paññattanti?
pli-tv-pvr1.1:128.2	Āḷaviyaṁ paññattaṁ.
pli-tv-pvr1.1:128.3	Kaṁ ārabbhāti?
pli-tv-pvr1.1:128.4	Āḷavake bhikkhū ārabbha.
pli-tv-pvr1.1:128.5	Kismiṁ vatthusminti?
pli-tv-pvr1.1:128.6	Āḷavakā bhikkhū pathaviṁ khaṇiṁsu, tasmiṁ vatthusmiṁ.
pli-tv-pvr1.1:128.7	Ekā paññatti.
pli-tv-pvr1.1:128.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:129.1	Musāvādavaggo paṭhamo.
pli-tv-pvr1.1:130.0	5.2. Bhūtagāmavagga
pli-tv-pvr1.1:130.1	Bhūtagāmapātabyatāya pācittiyaṁ kattha paññattanti?
pli-tv-pvr1.1:130.2	Āḷaviyaṁ paññattaṁ.
pli-tv-pvr1.1:130.3	Kaṁ ārabbhāti?
pli-tv-pvr1.1:130.4	Āḷavake bhikkhū ārabbha.
pli-tv-pvr1.1:130.5	Kismiṁ vatthusminti?
pli-tv-pvr1.1:130.6	Āḷavakā bhikkhū rukkhaṁ chindiṁsu, tasmiṁ vatthusmiṁ.
pli-tv-pvr1.1:130.7	Ekā paññatti.
pli-tv-pvr1.1:130.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:131.1	Aññavādake vihesake pācittiyaṁ kattha paññattanti?
pli-tv-pvr1.1:131.2	Kosambiyaṁ paññattaṁ.
pli-tv-pvr1.1:131.3	Kaṁ ārabbhāti?
pli-tv-pvr1.1:131.4	Āyasmantaṁ channaṁ ārabbha.
pli-tv-pvr1.1:131.5	Kismiṁ vatthusminti?
pli-tv-pvr1.1:131.6	Āyasmā channo saṅghamajjhe āpattiyā anuyuñjiyamāno aññenaññaṁ paṭicari, tasmiṁ vatthusmiṁ.
pli-tv-pvr1.1:131.7	Ekā paññatti, ekā anupaññatti.
pli-tv-pvr1.1:131.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:132.1	Ujjhāpanake khiyyanake pācittiyaṁ kattha paññattanti?
pli-tv-pvr1.1:132.2	Rājagahe paññattaṁ.
pli-tv-pvr1.1:132.3	Kaṁ ārabbhāti?
pli-tv-pvr1.1:132.4	Mettiyabhūmajake bhikkhū ārabbha.
pli-tv-pvr1.1:132.5	Kismiṁ vatthusminti?
pli-tv-pvr1.1:132.6	Mettiyabhūmajakā bhikkhū āyasmantaṁ dabbaṁ mallaputtaṁ bhikkhū ujjhāpesuṁ, tasmiṁ vatthusmiṁ.
pli-tv-pvr1.1:132.7	Ekā paññatti, ekā anupaññatti.
pli-tv-pvr1.1:132.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:133.1	Saṅghikaṁ mañcaṁ vā pīṭhaṁ vā bhisiṁ vā kocchaṁ vā ajjhokāse santharitvā anuddharitvā anāpucchā pakkamantassa pācittiyaṁ kattha paññattanti?
pli-tv-pvr1.1:133.2	Sāvatthiyaṁ paññattaṁ.
pli-tv-pvr1.1:133.3	Kaṁ ārabbhāti?
pli-tv-pvr1.1:133.4	Sambahule bhikkhū ārabbha.
pli-tv-pvr1.1:133.5	Kismiṁ vatthusminti?
pli-tv-pvr1.1:133.6	Sambahulā bhikkhū saṅghikaṁ senāsanaṁ ajjhokāse santharitvā anuddharitvā anāpucchā pakkamiṁsu, tasmiṁ vatthusmiṁ.
pli-tv-pvr1.1:133.7	Ekā paññatti, ekā anupaññatti.
pli-tv-pvr1.1:133.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:134.1	Saṅghike vihāre seyyaṁ santharitvā anuddharitvā anāpucchā pakkamantassa pācittiyaṁ kattha paññattanti?
pli-tv-pvr1.1:134.2	Sāvatthiyaṁ paññattaṁ.
pli-tv-pvr1.1:134.3	Kaṁ ārabbhāti?
pli-tv-pvr1.1:134.4	Sattarasavaggiye bhikkhū ārabbha.
pli-tv-pvr1.1:134.5	Kismiṁ vatthusminti?
pli-tv-pvr1.1:134.6	Sattarasavaggiyā bhikkhū saṅghike vihāre seyyaṁ santharitvā anuddharitvā anāpucchā pakkamiṁsu, tasmiṁ vatthusmiṁ.
pli-tv-pvr1.1:134.7	Ekā paññatti.
pli-tv-pvr1.1:134.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:135.1	Saṅghike vihāre jānaṁ pubbupagataṁ bhikkhuṁ anupakhajja seyyaṁ kappentassa pācittiyaṁ kattha paññattanti?
pli-tv-pvr1.1:135.2	Sāvatthiyaṁ paññattaṁ.
pli-tv-pvr1.1:135.3	Kaṁ ārabbhāti?
pli-tv-pvr1.1:135.4	Chabbaggiye bhikkhū ārabbha.
pli-tv-pvr1.1:135.5	Kismiṁ vatthusminti?
pli-tv-pvr1.1:135.6	Chabbaggiyā bhikkhū there bhikkhū anupakhajja seyyaṁ kappesuṁ, tasmiṁ vatthusmiṁ.
pli-tv-pvr1.1:135.7	Ekā paññatti.
pli-tv-pvr1.1:135.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:135.9	kāyato ca cittato ca samuṭṭhāti, na vācato …pe….
pli-tv-pvr1.1:136.1	Bhikkhuṁ kupitena anattamanena saṅghikā vihārā nikkaḍḍhantassa pācittiyaṁ kattha paññattanti?
pli-tv-pvr1.1:136.2	Sāvatthiyaṁ paññattaṁ.
pli-tv-pvr1.1:136.3	Kaṁ ārabbhāti?
pli-tv-pvr1.1:136.4	Chabbaggiye bhikkhū ārabbha.
pli-tv-pvr1.1:136.5	Kismiṁ vatthusminti?
pli-tv-pvr1.1:136.6	Chabbaggiyā bhikkhū kupitā anattamanā bhikkhū saṅghikā vihārā nikkaḍḍhiṁsu, tasmiṁ vatthusmiṁ.
pli-tv-pvr1.1:136.7	Ekā paññatti.
pli-tv-pvr1.1:136.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:137.1	Saṅghike vihāre uparivehāsakuṭiyā āhaccapādakaṁ mañcaṁ vā pīṭhaṁ vā abhinisīdantassa pācittiyaṁ kattha paññattanti?
pli-tv-pvr1.1:137.2	Sāvatthiyaṁ paññattaṁ.
pli-tv-pvr1.1:137.3	Kaṁ ārabbhāti?
pli-tv-pvr1.1:137.4	Aññataraṁ bhikkhuṁ ārabbha.
pli-tv-pvr1.1:137.5	Kismiṁ vatthusminti?
pli-tv-pvr1.1:137.6	Aññataro bhikkhu saṅghike vihāre uparivehāsakuṭiyā āhaccapādakaṁ mañcaṁ sahasā abhinisīdi, tasmiṁ vatthusmiṁ.
pli-tv-pvr1.1:137.7	Ekā paññatti.
pli-tv-pvr1.1:137.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:137.9	siyā kāyato samuṭṭhāti, na vācato na cittato;
pli-tv-pvr1.1:137.10	siyā kāyato ca cittato ca samuṭṭhāti, na vācato …pe….
pli-tv-pvr1.1:138.1	Dvattipariyāye adhiṭṭhahitvā tatuttari adhiṭṭhahantassa pācittiyaṁ kattha paññattanti?
pli-tv-pvr1.1:138.2	Kosambiyaṁ paññattaṁ.
pli-tv-pvr1.1:138.3	Kaṁ ārabbhāti?
pli-tv-pvr1.1:138.4	Āyasmantaṁ channaṁ ārabbha.
pli-tv-pvr1.1:138.5	Kismiṁ vatthusminti?
pli-tv-pvr1.1:138.6	Āyasmā channo katapariyositaṁ vihāraṁ punappunaṁ chādāpesi, punappunaṁ limpāpesi, atibhāriko vihāro paripati, tasmiṁ vatthusmiṁ.
pli-tv-pvr1.1:138.7	Ekā paññatti.
pli-tv-pvr1.1:138.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:139.1	Jānaṁ sappāṇakaṁ udakaṁ tiṇaṁ vā mattikaṁ vā siñcantassa pācittiyaṁ kattha paññattanti?
pli-tv-pvr1.1:139.2	Āḷaviyaṁ paññattaṁ.
pli-tv-pvr1.1:139.3	Kaṁ ārabbhāti?
pli-tv-pvr1.1:139.4	Āḷavake bhikkhū ārabbha.
pli-tv-pvr1.1:139.5	Kismiṁ vatthusminti?
pli-tv-pvr1.1:139.6	Āḷavakā bhikkhū jānaṁ sappāṇakaṁ udakaṁ tiṇampi mattikampi siñciṁsu, tasmiṁ vatthusmiṁ.
pli-tv-pvr1.1:139.7	Ekā paññatti.
pli-tv-pvr1.1:139.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:140.1	Bhūtagāmavaggo dutiyo.
pli-tv-pvr1.1:141.0	5.3. Ovādavagga
pli-tv-pvr1.1:141.1	Asammatena bhikkhuniyo ovadantassa pācittiyaṁ kattha paññattanti?
pli-tv-pvr1.1:141.2	Sāvatthiyaṁ paññattaṁ.
pli-tv-pvr1.1:141.3	Kaṁ ārabbhāti?
pli-tv-pvr1.1:141.4	Chabbaggiye bhikkhū ārabbha.
pli-tv-pvr1.1:141.5	Kismiṁ vatthusminti?
pli-tv-pvr1.1:141.6	Chabbaggiyā bhikkhū asammatā bhikkhuniyo ovadiṁsu, tasmiṁ vatthusmiṁ.
pli-tv-pvr1.1:141.7	Atthi tattha paññatti, anupaññatti, anuppannapaññattīti?
pli-tv-pvr1.1:141.8	Ekā paññatti, ekā anupaññatti.
pli-tv-pvr1.1:141.9	Anuppannapaññatti tasmiṁ natthi.
pli-tv-pvr1.1:141.10	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:141.11	siyā vācato samuṭṭhāti, na kāyato na cittato;
pli-tv-pvr1.1:141.12	siyā vācato ca cittato ca samuṭṭhāti, na kāyato …pe….
pli-tv-pvr1.1:142.1	Atthaṅgate sūriye bhikkhuniyo ovadantassa pācittiyaṁ kattha paññattanti?
pli-tv-pvr1.1:142.2	Sāvatthiyaṁ paññattaṁ.
pli-tv-pvr1.1:142.3	Kaṁ ārabbhāti?
pli-tv-pvr1.1:142.4	Āyasmantaṁ cūḷapanthakaṁ ārabbha.
pli-tv-pvr1.1:142.5	Kismiṁ vatthusminti?
pli-tv-pvr1.1:142.6	Āyasmā cūḷapanthako atthaṅgate sūriye bhikkhuniyo ovadi, tasmiṁ vatthusmiṁ.
pli-tv-pvr1.1:142.7	Ekā paññatti.
pli-tv-pvr1.1:142.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti padasodhamme …pe….
pli-tv-pvr1.1:143.1	Bhikkhunupassayaṁ upasaṅkamitvā bhikkhuniyo ovadantassa pācittiyaṁ kattha paññattanti?
pli-tv-pvr1.1:143.2	Sakkesu paññattaṁ.
pli-tv-pvr1.1:143.3	Kaṁ ārabbhāti?
pli-tv-pvr1.1:143.4	Chabbaggiye bhikkhū ārabbha.
pli-tv-pvr1.1:143.5	Kismiṁ vatthusminti?
pli-tv-pvr1.1:143.6	Chabbaggiyā bhikkhū bhikkhunupassayaṁ upasaṅkamitvā bhikkhuniyo ovadiṁsu, tasmiṁ vatthusmiṁ.
pli-tv-pvr1.1:143.7	Ekā paññatti, ekā anupaññatti.
pli-tv-pvr1.1:143.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:144.1	“Āmisahetu bhikkhū bhikkhuniyo ovadantī”ti bhaṇantassa pācittiyaṁ kattha paññattanti?
pli-tv-pvr1.1:144.2	Sāvatthiyaṁ paññattaṁ.
pli-tv-pvr1.1:144.3	Kaṁ ārabbhāti?
pli-tv-pvr1.1:144.4	Chabbaggiye bhikkhū ārabbha.
pli-tv-pvr1.1:144.5	Kismiṁ vatthusminti?
pli-tv-pvr1.1:144.6	Chabbaggiyā bhikkhū “āmisahetu bhikkhū bhikkhuniyo ovadantī”ti bhaṇiṁsu, tasmiṁ vatthusmiṁ.
pli-tv-pvr1.1:144.7	Ekā paññatti.
pli-tv-pvr1.1:144.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:145.1	Aññātikāya bhikkhuniyā cīvaraṁ dentassa pācittiyaṁ kattha paññattanti?
pli-tv-pvr1.1:145.2	Sāvatthiyaṁ paññattaṁ.
pli-tv-pvr1.1:145.3	Kaṁ ārabbhāti?
pli-tv-pvr1.1:145.4	Aññataraṁ bhikkhuṁ ārabbha.
pli-tv-pvr1.1:145.5	Kismiṁ vatthusminti?
pli-tv-pvr1.1:145.6	Aññataro bhikkhu aññātikāya bhikkhuniyā cīvaraṁ adāsi, tasmiṁ vatthusmiṁ.
pli-tv-pvr1.1:145.7	Ekā paññatti, ekā anupaññatti.
pli-tv-pvr1.1:145.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:146.1	Aññātikāya bhikkhuniyā cīvaraṁ sibbentassa pācittiyaṁ kattha paññattanti?
pli-tv-pvr1.1:146.2	Sāvatthiyaṁ paññattaṁ.
pli-tv-pvr1.1:146.3	Kaṁ ārabbhāti?
pli-tv-pvr1.1:146.4	Āyasmantaṁ udāyiṁ ārabbha.
pli-tv-pvr1.1:146.5	Kismiṁ vatthusminti?
pli-tv-pvr1.1:146.6	Āyasmā udāyī aññātikāya bhikkhuniyā cīvaraṁ sibbesi, tasmiṁ vatthusmiṁ.
pli-tv-pvr1.1:146.7	Ekā paññatti.
pli-tv-pvr1.1:146.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:147.1	Bhikkhuniyā saddhiṁ saṁvidhāya ekaddhānamaggaṁ paṭipajjantassa pācittiyaṁ kattha paññattanti?
pli-tv-pvr1.1:147.2	Sāvatthiyaṁ paññattaṁ.
pli-tv-pvr1.1:147.3	Kaṁ ārabbhāti?
pli-tv-pvr1.1:147.4	Chabbaggiye bhikkhū ārabbha.
pli-tv-pvr1.1:147.5	Kismiṁ vatthusminti?
pli-tv-pvr1.1:147.6	Chabbaggiyā bhikkhū bhikkhunīhi saddhiṁ saṁvidhāya ekaddhānamaggaṁ paṭipajjiṁsu, tasmiṁ vatthusmiṁ.
pli-tv-pvr1.1:147.7	Ekā paññatti, ekā anupaññatti.
pli-tv-pvr1.1:147.8	Channaṁ āpattisamuṭṭhānānaṁ catūhi samuṭṭhānehi samuṭṭhāti—
pli-tv-pvr1.1:147.9	siyā kāyato samuṭṭhāti, na vācato na cittato;
pli-tv-pvr1.1:147.10	siyā kāyato ca vācato ca samuṭṭhāti, na cittato;
pli-tv-pvr1.1:147.11	siyā kāyato ca cittato ca samuṭṭhāti, na vācato;
pli-tv-pvr1.1:147.12	siyā kāyato ca vācato ca cittato ca samuṭṭhāti …pe….
pli-tv-pvr1.1:148.1	Bhikkhuniyā saddhiṁ saṁvidhāya ekaṁ nāvaṁ abhiruhantassa pācittiyaṁ kattha paññattanti?
pli-tv-pvr1.1:148.2	Sāvatthiyaṁ paññattaṁ.
pli-tv-pvr1.1:148.3	Kaṁ ārabbhāti?
pli-tv-pvr1.1:148.4	Chabbaggiye bhikkhū ārabbha.
pli-tv-pvr1.1:148.5	Kismiṁ vatthusminti?
pli-tv-pvr1.1:148.6	Chabbaggiyā bhikkhū bhikkhunīhi saddhiṁ saṁvidhāya ekaṁ nāvaṁ abhiruhiṁsu, tasmiṁ vatthusmiṁ.
pli-tv-pvr1.1:148.7	Ekā paññatti, ekā anupaññatti.
pli-tv-pvr1.1:148.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr1.1:149.1	Jānaṁ bhikkhuniparipācitaṁ piṇḍapātaṁ bhuñjantassa pācittiyaṁ kattha paññattanti?
pli-tv-pvr1.1:149.2	Rājagahe paññattaṁ.
pli-tv-pvr1.1:149.3	Kaṁ ārabbhāti?
pli-tv-pvr1.1:149.4	Devadattaṁ ārabbha.
pli-tv-pvr1.1:149.5	Kismiṁ vatthusminti?
pli-tv-pvr1.1:149.6	Devadatto jānaṁ bhikkhuniparipācitaṁ piṇḍapātaṁ bhuñji, tasmiṁ vatthusmiṁ.
pli-tv-pvr1.1:149.7	Ekā paññatti, ekā anupaññatti.
pli-tv-pvr1.1:149.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:149.9	kāyato ca cittato ca samuṭṭhāti, na vācato …pe….
pli-tv-pvr1.1:150.1	Bhikkhuniyā saddhiṁ eko ekāya raho nisajjaṁ kappentassa pācittiyaṁ kattha paññattanti?
pli-tv-pvr1.1:150.2	Sāvatthiyaṁ paññattaṁ.
pli-tv-pvr1.1:150.3	Kaṁ ārabbhāti?
pli-tv-pvr1.1:150.4	Āyasmantaṁ udāyiṁ ārabbha.
pli-tv-pvr1.1:150.5	Kismiṁ vatthusminti?
pli-tv-pvr1.1:150.6	Āyasmā udāyī bhikkhuniyā saddhiṁ eko ekāya raho nisajjaṁ kappesi, tasmiṁ vatthusmiṁ.
pli-tv-pvr1.1:150.7	Ekā paññatti.
pli-tv-pvr1.1:150.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:150.9	kāyato ca cittato ca samuṭṭhāti, na vācato …pe….
pli-tv-pvr1.1:151.1	Ovādavaggo tatiyo.
pli-tv-pvr1.1:152.0	5.4. Bhojanavagga
pli-tv-pvr1.1:152.1	Tatuttari āvasathapiṇḍaṁ bhuñjantassa pācittiyaṁ kattha paññattanti?
pli-tv-pvr1.1:152.2	Sāvatthiyaṁ paññattaṁ.
pli-tv-pvr1.1:152.3	Kaṁ ārabbhāti?
pli-tv-pvr1.1:152.4	Chabbaggiye bhikkhū ārabbha.
pli-tv-pvr1.1:152.5	Kismiṁ vatthusminti?
pli-tv-pvr1.1:152.6	Chabbaggiyā bhikkhū anuvasitvā anuvasitvā āvasathapiṇḍaṁ bhuñjiṁsu, tasmiṁ vatthusmiṁ.
pli-tv-pvr1.1:152.7	Ekā paññatti, ekā anupaññatti.
pli-tv-pvr1.1:152.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:153.1	Gaṇabhojane pācittiyaṁ kattha paññattanti?
pli-tv-pvr1.1:153.2	Rājagahe paññattaṁ.
pli-tv-pvr1.1:153.3	Kaṁ ārabbhāti?
pli-tv-pvr1.1:153.4	Devadattaṁ ārabbha.
pli-tv-pvr1.1:153.5	Kismiṁ vatthusminti?
pli-tv-pvr1.1:153.6	Devadatto sapariso kulesu viññāpetvā viññāpetvā bhuñji, tasmiṁ vatthusmiṁ.
pli-tv-pvr1.1:153.7	Ekā paññatti, satta anupaññattiyo.
pli-tv-pvr1.1:153.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:154.1	Paramparabhojane pācittiyaṁ kattha paññattanti?
pli-tv-pvr1.1:154.2	Vesāliyaṁ paññattaṁ.
pli-tv-pvr1.1:154.3	Kaṁ ārabbhāti?
pli-tv-pvr1.1:154.4	Sambahule bhikkhū ārabbha.
pli-tv-pvr1.1:154.5	Kismiṁ vatthusminti?
pli-tv-pvr1.1:154.6	Sambahulā bhikkhū aññatra nimantitā aññatra bhuñjiṁsu, tasmiṁ vatthusmiṁ.
pli-tv-pvr1.1:154.7	Ekā paññatti, catasso anupaññattiyo.
pli-tv-pvr1.1:154.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:155.1	Dvattipattapūre pūve paṭiggahetvā tatuttari paṭiggaṇhantassa pācittiyaṁ kattha paññattanti?
pli-tv-pvr1.1:155.2	Sāvatthiyaṁ paññattaṁ.
pli-tv-pvr1.1:155.3	Kaṁ ārabbhāti?
pli-tv-pvr1.1:155.4	Sambahule bhikkhū ārabbha.
pli-tv-pvr1.1:155.5	Kismiṁ vatthusminti?
pli-tv-pvr1.1:155.6	Sambahulā bhikkhū na mattaṁ jānitvā paṭiggahesuṁ, tasmiṁ vatthusmiṁ.
pli-tv-pvr1.1:155.7	Ekā paññatti.
pli-tv-pvr1.1:155.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:156.1	Bhuttāvinā pavāritena anatirittaṁ khādanīyaṁ vā bhojanīyaṁ vā bhuñjantassa pācittiyaṁ kattha paññattanti?
pli-tv-pvr1.1:156.2	Sāvatthiyaṁ paññattaṁ.
pli-tv-pvr1.1:156.3	Kaṁ ārabbhāti?
pli-tv-pvr1.1:156.4	Sambahule bhikkhū ārabbha.
pli-tv-pvr1.1:156.5	Kismiṁ vatthusminti?
pli-tv-pvr1.1:156.6	Sambahulā bhikkhū bhuttāvī pavāritā aññatra bhuñjiṁsu, tasmiṁ vatthusmiṁ.
pli-tv-pvr1.1:156.7	Ekā paññatti, ekā anupaññatti.
pli-tv-pvr1.1:156.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:157.1	Bhikkhuṁ bhuttāviṁ pavāritaṁ anatirittena khādanīyena vā bhojanīyena vā abhihaṭṭhuṁ pavārentassa pācittiyaṁ kattha paññattanti?
pli-tv-pvr1.1:157.2	Sāvatthiyaṁ paññattaṁ.
pli-tv-pvr1.1:157.3	Kaṁ ārabbhāti?
pli-tv-pvr1.1:157.4	Aññataraṁ bhikkhuṁ ārabbha.
pli-tv-pvr1.1:157.5	Kismiṁ vatthusminti?
pli-tv-pvr1.1:157.6	Aññataro bhikkhu bhikkhuṁ bhuttāviṁ pavāritaṁ anatirittena bhojanīyena abhihaṭṭhuṁ pavāresi, tasmiṁ vatthusmiṁ.
pli-tv-pvr1.1:157.7	Ekā paññatti.
pli-tv-pvr1.1:157.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:158.1	Vikāle khādanīyaṁ vā bhojanīyaṁ vā bhuñjantassa pācittiyaṁ kattha paññattanti?
pli-tv-pvr1.1:158.2	Rājagahe paññattaṁ.
pli-tv-pvr1.1:158.3	Kaṁ ārabbhāti?
pli-tv-pvr1.1:158.4	Sattarasavaggiye bhikkhū ārabbha.
pli-tv-pvr1.1:158.5	Kismiṁ vatthusminti?
pli-tv-pvr1.1:158.6	Sattarasavaggiyā bhikkhū vikāle bhojanaṁ bhuñjiṁsu, tasmiṁ vatthusmiṁ.
pli-tv-pvr1.1:158.7	Ekā paññatti.
pli-tv-pvr1.1:158.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:159.1	Sannidhikārakaṁ khādanīyaṁ vā bhojanīyaṁ vā bhuñjantassa pācittiyaṁ kattha paññattanti?
pli-tv-pvr1.1:159.2	Sāvatthiyaṁ paññattaṁ.
pli-tv-pvr1.1:159.3	Kaṁ ārabbhāti?
pli-tv-pvr1.1:159.4	Āyasmantaṁ belaṭṭhasīsaṁ ārabbha.
pli-tv-pvr1.1:159.5	Kismiṁ vatthusminti?
pli-tv-pvr1.1:159.6	Āyasmā belaṭṭhasīso sannidhikārakaṁ bhojanaṁ bhuñji, tasmiṁ vatthusmiṁ.
pli-tv-pvr1.1:159.7	Ekā paññatti.
pli-tv-pvr1.1:159.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:160.1	Paṇītabhojanāni attano atthāya viññāpetvā bhuñjantassa pācittiyaṁ kattha paññattanti?
pli-tv-pvr1.1:160.2	Sāvatthiyaṁ paññattaṁ.
pli-tv-pvr1.1:160.3	Kaṁ ārabbhāti?
pli-tv-pvr1.1:160.4	Chabbaggiye bhikkhū ārabbha.
pli-tv-pvr1.1:160.5	Kismiṁ vatthusminti?
pli-tv-pvr1.1:160.6	Chabbaggiyā bhikkhū paṇītabhojanāni attano atthāya viññāpetvā bhuñjiṁsu, tasmiṁ vatthusmiṁ.
pli-tv-pvr1.1:160.7	Ekā paññatti, ekā anupaññatti.
pli-tv-pvr1.1:160.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr1.1:161.1	Adinnaṁ mukhadvāraṁ āhāraṁ āharantassa pācittiyaṁ kattha paññattanti?
pli-tv-pvr1.1:161.2	Vesāliyaṁ paññattaṁ.
pli-tv-pvr1.1:161.3	Kaṁ ārabbhāti?
pli-tv-pvr1.1:161.4	Aññataraṁ bhikkhuṁ ārabbha.
pli-tv-pvr1.1:161.5	Kismiṁ vatthusminti?
pli-tv-pvr1.1:161.6	Aññataro bhikkhu adinnaṁ mukhadvāraṁ āhāraṁ āhari, tasmiṁ vatthusmiṁ.
pli-tv-pvr1.1:161.7	Ekā paññatti, ekā anupaññatti.
pli-tv-pvr1.1:161.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:162.1	Bhojanavaggo catuttho.
pli-tv-pvr1.1:163.0	5.5. Acelakavagga
pli-tv-pvr1.1:163.1	Acelakassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dentassa pācittiyaṁ kattha paññattanti?
pli-tv-pvr1.1:163.2	Vesāliyaṁ paññattaṁ.
pli-tv-pvr1.1:163.3	Kaṁ ārabbhāti?
pli-tv-pvr1.1:163.4	Āyasmantaṁ ānandaṁ ārabbha.
pli-tv-pvr1.1:163.5	Kismiṁ vatthusminti?
pli-tv-pvr1.1:163.6	Āyasmā ānando aññatarissā paribbājikāya ekaṁ maññamāno dve pūve adāsi, tasmiṁ vatthusmiṁ.
pli-tv-pvr1.1:163.7	Ekā paññatti.
pli-tv-pvr1.1:163.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:164.1	Bhikkhuṁ “ehāvuso, gāmaṁ vā nigamaṁ vā piṇḍāya pavisissāmā”ti tassa dāpetvā vā adāpetvā vā uyyojentassa pācittiyaṁ kattha paññattanti?
pli-tv-pvr1.1:164.2	Sāvatthiyaṁ paññattaṁ.
pli-tv-pvr1.1:164.3	Kaṁ ārabbhāti?
pli-tv-pvr1.1:164.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:164.5	Kismiṁ vatthusminti?
pli-tv-pvr1.1:164.6	Āyasmā upanando sakyaputto bhikkhuṁ “ehāvuso, gāmaṁ piṇḍāya pavisissāmā”ti, tassa adāpetvā uyyojesi, tasmiṁ vatthusmiṁ.
pli-tv-pvr1.1:164.7	Ekā paññatti.
pli-tv-pvr1.1:164.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:165.1	Sabhojane kule anupakhajja nisajjaṁ kappentassa pācittiyaṁ kattha paññattanti?
pli-tv-pvr1.1:165.2	Sāvatthiyaṁ paññattaṁ.
pli-tv-pvr1.1:165.3	Kaṁ ārabbhāti?
pli-tv-pvr1.1:165.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:165.5	Kismiṁ vatthusminti?
pli-tv-pvr1.1:165.6	Āyasmā upanando sakyaputto sabhojane kule anupakhajja nisajjaṁ kappesi, tasmiṁ vatthusmiṁ.
pli-tv-pvr1.1:165.7	Ekā paññatti.
pli-tv-pvr1.1:165.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:165.9	kāyato ca cittato ca samuṭṭhāti, na vācato …pe….
pli-tv-pvr1.1:166.1	Mātugāmena saddhiṁ raho paṭicchanne āsane nisajjaṁ kappentassa pācittiyaṁ kattha paññattanti?
pli-tv-pvr1.1:166.2	Sāvatthiyaṁ paññattaṁ.
pli-tv-pvr1.1:166.3	Kaṁ ārabbhāti?
pli-tv-pvr1.1:166.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:166.5	Kismiṁ vatthusminti?
pli-tv-pvr1.1:166.6	Āyasmā upanando sakyaputto mātugāmena saddhiṁ raho paṭicchanne āsane nisajjaṁ kappesi, tasmiṁ vatthusmiṁ.
pli-tv-pvr1.1:166.7	Ekā paññatti.
pli-tv-pvr1.1:166.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:166.9	kāyato ca cittato ca samuṭṭhāti, na vācato …pe….
pli-tv-pvr1.1:167.1	Mātugāmena saddhiṁ eko ekāya raho nisajjaṁ kappentassa pācittiyaṁ kattha paññattanti?
pli-tv-pvr1.1:167.2	Sāvatthiyaṁ paññattaṁ.
pli-tv-pvr1.1:167.3	Kaṁ ārabbhāti?
pli-tv-pvr1.1:167.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:167.5	Kismiṁ vatthusminti?
pli-tv-pvr1.1:167.6	Āyasmā upanando sakyaputto mātugāmena saddhiṁ eko ekāya raho nisajjaṁ kappesi, tasmiṁ vatthusmiṁ.
pli-tv-pvr1.1:167.7	Ekā paññatti.
pli-tv-pvr1.1:167.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:167.9	kāyato ca cittato ca samuṭṭhāti, na vācato …pe….
pli-tv-pvr1.1:168.1	Nimantitena sabhattena santaṁ bhikkhuṁ anāpucchā purebhattaṁ pacchābhattaṁ kulesu cārittaṁ āpajjantassa pācittiyaṁ kattha paññattanti?
pli-tv-pvr1.1:168.2	Rājagahe paññattaṁ.
pli-tv-pvr1.1:168.3	Kaṁ ārabbhāti?
pli-tv-pvr1.1:168.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:168.5	Kismiṁ vatthusminti?
pli-tv-pvr1.1:168.6	Āyasmā upanando sakyaputto nimantito sabhatto samāno purebhattaṁ pacchābhattaṁ kulesu cārittaṁ āpajji, tasmiṁ vatthusmiṁ.
pli-tv-pvr1.1:168.7	Ekā paññatti, catasso anupaññattiyo.
pli-tv-pvr1.1:168.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:169.1	Tatuttari bhesajjaṁ viññāpentassa pācittiyaṁ kattha paññattanti?
pli-tv-pvr1.1:169.2	Sakkesu paññattaṁ.
pli-tv-pvr1.1:169.3	Kaṁ ārabbhāti?
pli-tv-pvr1.1:169.4	Chabbaggiye bhikkhū ārabbha.
pli-tv-pvr1.1:169.5	Kismiṁ vatthusminti?
pli-tv-pvr1.1:169.6	Chabbaggiyā bhikkhū mahānāmena sakkena “ajjaṇho, bhante, āgamethā”ti vuccamānā nāgamesuṁ, tasmiṁ vatthusmiṁ.
pli-tv-pvr1.1:169.7	Ekā paññatti.
pli-tv-pvr1.1:169.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:170.1	Uyyuttaṁ senaṁ dassanāya gacchantassa pācittiyaṁ kattha paññattanti?
pli-tv-pvr1.1:170.2	Sāvatthiyaṁ paññattaṁ.
pli-tv-pvr1.1:170.3	Kaṁ ārabbhāti?
pli-tv-pvr1.1:170.4	Chabbaggiye bhikkhū ārabbha.
pli-tv-pvr1.1:170.5	Kismiṁ vatthusminti?
pli-tv-pvr1.1:170.6	Chabbaggiyā bhikkhū uyyuttaṁ senaṁ dassanāya agamaṁsu, tasmiṁ vatthusmiṁ.
pli-tv-pvr1.1:170.7	Ekā paññatti, ekā anupaññatti.
pli-tv-pvr1.1:170.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:171.1	Atirekatirattaṁ senāya vasantassa pācittiyaṁ kattha paññattanti?
pli-tv-pvr1.1:171.2	Sāvatthiyaṁ paññattaṁ.
pli-tv-pvr1.1:171.3	Kaṁ ārabbhāti?
pli-tv-pvr1.1:171.4	Chabbaggiye bhikkhū ārabbha.
pli-tv-pvr1.1:171.5	Kismiṁ vatthusminti?
pli-tv-pvr1.1:171.6	Chabbaggiyā bhikkhū atirekatirattaṁ senāya vasiṁsu, tasmiṁ vatthusmiṁ.
pli-tv-pvr1.1:171.7	Ekā paññatti.
pli-tv-pvr1.1:171.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:172.1	Uyyodhikaṁ gacchantassa pācittiyaṁ kattha paññattanti?
pli-tv-pvr1.1:172.2	Sāvatthiyaṁ paññattaṁ.
pli-tv-pvr1.1:172.3	Kaṁ ārabbhāti?
pli-tv-pvr1.1:172.4	Chabbaggiye bhikkhū ārabbha.
pli-tv-pvr1.1:172.5	Kismiṁ vatthusminti?
pli-tv-pvr1.1:172.6	Chabbaggiyā bhikkhū uyyodhikaṁ agamaṁsu, tasmiṁ vatthusmiṁ.
pli-tv-pvr1.1:172.7	Ekā paññatti.
pli-tv-pvr1.1:172.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:173.1	Acelakavaggo pañcamo.
pli-tv-pvr1.1:174.0	5.6. Surāpānavagga
pli-tv-pvr1.1:174.1	Surāmerayapāne pācittiyaṁ kattha paññattanti?
pli-tv-pvr1.1:174.2	Kosambiyaṁ paññattaṁ.
pli-tv-pvr1.1:174.3	Kaṁ ārabbhāti?
pli-tv-pvr1.1:174.4	Āyasmantaṁ sāgataṁ ārabbha.
pli-tv-pvr1.1:174.5	Kismiṁ vatthusminti?
pli-tv-pvr1.1:174.6	Āyasmā sāgato majjaṁ pivi, tasmiṁ vatthusmiṁ.
pli-tv-pvr1.1:174.7	Ekā paññatti.
pli-tv-pvr1.1:174.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:174.9	siyā kāyato samuṭṭhāti, na vācato na cittato;
pli-tv-pvr1.1:174.10	siyā kāyato ca cittato ca samuṭṭhāti, na vācato …pe….
pli-tv-pvr1.1:175.1	Aṅgulipatodake pācittiyaṁ kattha paññattanti?
pli-tv-pvr1.1:175.2	Sāvatthiyaṁ paññattaṁ.
pli-tv-pvr1.1:175.3	Kaṁ ārabbhāti?
pli-tv-pvr1.1:175.4	Chabbaggiye bhikkhū ārabbha.
pli-tv-pvr1.1:175.5	Kismiṁ vatthusminti?
pli-tv-pvr1.1:175.6	Chabbaggiyā bhikkhū bhikkhuṁ aṅgulipatodakena hāsesuṁ, tasmiṁ vatthusmiṁ.
pli-tv-pvr1.1:175.7	Ekā paññatti.
pli-tv-pvr1.1:175.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:175.9	kāyato ca cittato ca samuṭṭhāti, na vācato …pe….
pli-tv-pvr1.1:176.1	Udake hasadhamme pācittiyaṁ kattha paññattanti?
pli-tv-pvr1.1:176.2	Sāvatthiyaṁ paññattaṁ.
pli-tv-pvr1.1:176.3	Kaṁ ārabbhāti?
pli-tv-pvr1.1:176.4	Sattarasavaggiye bhikkhū ārabbha.
pli-tv-pvr1.1:176.5	Kismiṁ vatthusminti?
pli-tv-pvr1.1:176.6	Sattarasavaggiyā bhikkhū aciravatiyā nadiyā udake kīḷiṁsu, tasmiṁ vatthusmiṁ.
pli-tv-pvr1.1:176.7	Ekā paññatti.
pli-tv-pvr1.1:176.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:176.9	kāyato ca cittato ca samuṭṭhāti, na vācato …pe….
pli-tv-pvr1.1:177.1	Anādariye pācittiyaṁ kattha paññattanti?
pli-tv-pvr1.1:177.2	Kosambiyaṁ paññattaṁ.
pli-tv-pvr1.1:177.3	Kaṁ ārabbhāti?
pli-tv-pvr1.1:177.4	Āyasmantaṁ channaṁ ārabbha.
pli-tv-pvr1.1:177.5	Kismiṁ vatthusminti?
pli-tv-pvr1.1:177.6	Āyasmā channo anādariyaṁ akāsi, tasmiṁ vatthusmiṁ.
pli-tv-pvr1.1:177.7	Ekā paññatti.
pli-tv-pvr1.1:177.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:178.1	Bhikkhuṁ bhiṁsāpentassa pācittiyaṁ kattha paññattanti?
pli-tv-pvr1.1:178.2	Sāvatthiyaṁ paññattaṁ.
pli-tv-pvr1.1:178.3	Kaṁ ārabbhāti?
pli-tv-pvr1.1:178.4	Chabbaggiye bhikkhū ārabbha.
pli-tv-pvr1.1:178.5	Kismiṁ vatthusminti?
pli-tv-pvr1.1:178.6	Chabbaggiyā bhikkhū bhikkhuṁ bhiṁsāpesuṁ, tasmiṁ vatthusmiṁ.
pli-tv-pvr1.1:178.7	Ekā paññatti.
pli-tv-pvr1.1:178.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:179.1	Jotiṁ samādahitvā visibbentassa pācittiyaṁ kattha paññattanti?
pli-tv-pvr1.1:179.2	Bhaggesu paññattaṁ.
pli-tv-pvr1.1:179.3	Kaṁ ārabbhāti?
pli-tv-pvr1.1:179.4	Sambahule bhikkhū ārabbha.
pli-tv-pvr1.1:179.5	Kismiṁ vatthusminti?
pli-tv-pvr1.1:179.6	Sambahulā bhikkhū jotiṁ samādahitvā visibbesuṁ, tasmiṁ vatthusmiṁ.
pli-tv-pvr1.1:179.7	Ekā paññatti, dve anupaññattiyo.
pli-tv-pvr1.1:179.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:180.1	Orenaddhamāsaṁ nahāyantassa pācittiyaṁ kattha paññattanti?
pli-tv-pvr1.1:180.2	Rājagahe paññattaṁ.
pli-tv-pvr1.1:180.3	Kaṁ ārabbhāti?
pli-tv-pvr1.1:180.4	Sambahule bhikkhū ārabbha.
pli-tv-pvr1.1:180.5	Kismiṁ vatthusminti?
pli-tv-pvr1.1:180.6	Sambahulā bhikkhū rājānampi passitvā na mattaṁ jānitvā nahāyiṁsu, tasmiṁ vatthusmiṁ.
pli-tv-pvr1.1:180.7	Ekā paññatti, cha anupaññattiyo.
pli-tv-pvr1.1:180.8	Sabbatthapaññatti, padesapaññattīti?
pli-tv-pvr1.1:180.9	Padesapaññatti.
pli-tv-pvr1.1:180.10	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:181.1	Anādiyitvā tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhuñjantassa pācittiyaṁ kattha paññattanti?
pli-tv-pvr1.1:181.2	Sāvatthiyaṁ paññattaṁ.
pli-tv-pvr1.1:181.3	Kaṁ ārabbhāti?
pli-tv-pvr1.1:181.4	Sambahule bhikkhū ārabbha.
pli-tv-pvr1.1:181.5	Kismiṁ vatthusminti?
pli-tv-pvr1.1:181.6	Sambahulā bhikkhū attano cīvaraṁ na sañjāniṁsu, tasmiṁ vatthusmiṁ.
pli-tv-pvr1.1:181.7	Ekā paññatti.
pli-tv-pvr1.1:181.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr1.1:182.1	Bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā appaccuddhāraṇaṁ paribhuñjantassa pācittiyaṁ kattha paññattanti?
pli-tv-pvr1.1:182.2	Sāvatthiyaṁ paññattaṁ.
pli-tv-pvr1.1:182.3	Kaṁ ārabbhāti?
pli-tv-pvr1.1:182.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:182.5	Kismiṁ vatthusminti?
pli-tv-pvr1.1:182.6	Āyasmā upanando sakyaputto bhikkhussa sāmaṁ cīvaraṁ vikappetvā appaccuddhāraṇaṁ paribhuñji, tasmiṁ vatthusmiṁ.
pli-tv-pvr1.1:182.7	Ekā paññatti.
pli-tv-pvr1.1:182.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:183.1	Bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidhentassa pācittiyaṁ kattha paññattanti?
pli-tv-pvr1.1:183.2	Sāvatthiyaṁ paññattaṁ.
pli-tv-pvr1.1:183.3	Kaṁ ārabbhāti?
pli-tv-pvr1.1:183.4	Chabbaggiye bhikkhū ārabbha.
pli-tv-pvr1.1:183.5	Kismiṁ vatthusminti?
pli-tv-pvr1.1:183.6	Chabbaggiyā bhikkhū bhikkhūnaṁ pattampi cīvarampi apanidhesuṁ, tasmiṁ vatthusmiṁ.
pli-tv-pvr1.1:183.7	Ekā paññatti.
pli-tv-pvr1.1:183.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:184.1	Surāmerayavaggo chaṭṭho.
pli-tv-pvr1.1:185.0	5.7. Sappāṇakavagga
pli-tv-pvr1.1:185.1	Sañcicca pāṇaṁ jīvitā voropentassa pācittiyaṁ kattha paññattanti?
pli-tv-pvr1.1:185.2	Sāvatthiyaṁ paññattaṁ.
pli-tv-pvr1.1:185.3	Kaṁ ārabbhāti?
pli-tv-pvr1.1:185.4	Āyasmantaṁ udāyiṁ ārabbha.
pli-tv-pvr1.1:185.5	Kismiṁ vatthusminti?
pli-tv-pvr1.1:185.6	Āyasmā udāyī sañcicca pāṇaṁ jīvitā voropesi, tasmiṁ vatthusmiṁ.
pli-tv-pvr1.1:185.7	Ekā paññatti.
pli-tv-pvr1.1:185.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:186.1	Jānaṁ sappāṇakaṁ udakaṁ paribhuñjantassa pācittiyaṁ kattha paññattanti?
pli-tv-pvr1.1:186.2	Sāvatthiyaṁ paññattaṁ.
pli-tv-pvr1.1:186.3	Kaṁ ārabbhāti?
pli-tv-pvr1.1:186.4	Chabbaggiye bhikkhū ārabbha.
pli-tv-pvr1.1:186.5	Kismiṁ vatthusminti?
pli-tv-pvr1.1:186.6	Chabbaggiyā bhikkhū jānaṁ sappāṇakaṁ udakaṁ paribhuñjiṁsu, tasmiṁ vatthusmiṁ.
pli-tv-pvr1.1:186.7	Ekā paññatti.
pli-tv-pvr1.1:186.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:187.1	Jānaṁ yathādhammaṁ nihatādhikaraṇaṁ puna kammāya ukkoṭentassa pācittiyaṁ kattha paññattanti?
pli-tv-pvr1.1:187.2	Sāvatthiyaṁ paññattaṁ.
pli-tv-pvr1.1:187.3	Kaṁ ārabbhāti?
pli-tv-pvr1.1:187.4	Chabbaggiye bhikkhū ārabbha.
pli-tv-pvr1.1:187.5	Kismiṁ vatthusminti?
pli-tv-pvr1.1:187.6	Chabbaggiyā bhikkhū jānaṁ yathādhammaṁ nihatādhikaraṇaṁ puna kammāya ukkoṭesuṁ, tasmiṁ vatthusmiṁ.
pli-tv-pvr1.1:187.7	Ekā paññatti.
pli-tv-pvr1.1:187.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:188.1	Bhikkhussa jānaṁ duṭṭhullaṁ āpattiṁ paṭicchādentassa pācittiyaṁ kattha paññattanti?
pli-tv-pvr1.1:188.2	Sāvatthiyaṁ paññattaṁ.
pli-tv-pvr1.1:188.3	Kaṁ ārabbhāti?
pli-tv-pvr1.1:188.4	Aññataraṁ bhikkhuṁ ārabbha.
pli-tv-pvr1.1:188.5	Kismiṁ vatthusminti?
pli-tv-pvr1.1:188.6	Aññataro bhikkhu bhikkhussa jānaṁ duṭṭhullaṁ āpattiṁ paṭicchādesi, tasmiṁ vatthusmiṁ.
pli-tv-pvr1.1:188.7	Ekā paññatti.
pli-tv-pvr1.1:188.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:188.9	kāyato ca vācato ca cittato ca samuṭṭhāti …pe….
pli-tv-pvr1.1:189.1	Jānaṁ ūnavīsativassaṁ puggalaṁ upasampādentassa pācittiyaṁ kattha paññattanti?
pli-tv-pvr1.1:189.2	Rājagahe paññattaṁ.
pli-tv-pvr1.1:189.3	Kaṁ ārabbhāti?
pli-tv-pvr1.1:189.4	Sambahule bhikkhū ārabbha.
pli-tv-pvr1.1:189.5	Kismiṁ vatthusminti?
pli-tv-pvr1.1:189.6	Sambahulā bhikkhū jānaṁ ūnavīsativassaṁ puggalaṁ upasampādesuṁ, tasmiṁ vatthusmiṁ.
pli-tv-pvr1.1:189.7	Ekā paññatti.
pli-tv-pvr1.1:189.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:190.1	Jānaṁ theyyasatthena saddhiṁ saṁvidhāya ekaddhānamaggaṁ paṭipajjantassa pācittiyaṁ kattha paññattanti?
pli-tv-pvr1.1:190.2	Sāvatthiyaṁ paññattaṁ.
pli-tv-pvr1.1:190.3	Kaṁ ārabbhāti?
pli-tv-pvr1.1:190.4	Aññataraṁ bhikkhuṁ ārabbha.
pli-tv-pvr1.1:190.5	Kismiṁ vatthusminti?
pli-tv-pvr1.1:190.6	Aññataro bhikkhu jānaṁ theyyasatthena saddhiṁ saṁvidhāya ekaddhānamaggaṁ paṭipajji, tasmiṁ vatthusmiṁ.
pli-tv-pvr1.1:190.7	Ekā paññatti.
pli-tv-pvr1.1:190.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:190.9	siyā kāyato ca cittato ca samuṭṭhāti, na vācato;
pli-tv-pvr1.1:190.10	siyā kāyato ca vācato ca cittato ca samuṭṭhāti …pe….
pli-tv-pvr1.1:191.1	Mātugāmena saddhiṁ saṁvidhāya ekaddhānamaggaṁ paṭipajjantassa pācittiyaṁ kattha paññattanti?
pli-tv-pvr1.1:191.2	Sāvatthiyaṁ paññattaṁ.
pli-tv-pvr1.1:191.3	Kaṁ ārabbhāti?
pli-tv-pvr1.1:191.4	Aññataraṁ bhikkhuṁ ārabbha.
pli-tv-pvr1.1:191.5	Kismiṁ vatthusminti?
pli-tv-pvr1.1:191.6	Aññataro bhikkhu mātugāmena saddhiṁ saṁvidhāya ekaddhānamaggaṁ paṭipajji, tasmiṁ vatthusmiṁ.
pli-tv-pvr1.1:191.7	Ekā paññatti.
pli-tv-pvr1.1:191.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr1.1:192.1	Pāpikāya diṭṭhiyā yāvatatiyaṁ samanubhāsanāya na paṭinissajjantassa pācittiyaṁ kattha paññattanti?
pli-tv-pvr1.1:192.2	Sāvatthiyaṁ paññattaṁ.
pli-tv-pvr1.1:192.3	Kaṁ ārabbhāti?
pli-tv-pvr1.1:192.4	Ariṭṭhaṁ bhikkhuṁ gaddhabādhipubbaṁ ārabbha.
pli-tv-pvr1.1:192.5	Kismiṁ vatthusminti?
pli-tv-pvr1.1:192.6	Ariṭṭho bhikkhu gaddhabādhipubbo pāpikāya diṭṭhiyā yāvatatiyaṁ samanubhāsanāya na paṭinissajji, tasmiṁ vatthusmiṁ.
pli-tv-pvr1.1:192.7	Ekā paññatti.
pli-tv-pvr1.1:192.8	Channaṁ āpattisamuṭṭhānānaṁ ekena samuṭṭhānena samuṭṭhāti.
pli-tv-pvr1.1:192.9	Kāyato ca vācato ca cittato ca samuṭṭhāti …pe….
pli-tv-pvr1.1:193.1	Jānaṁ tathāvādinā bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjantassa pācittiyaṁ kattha paññattanti?
pli-tv-pvr1.1:193.2	Sāvatthiyaṁ paññattaṁ.
pli-tv-pvr1.1:193.3	Kaṁ ārabbhāti?
pli-tv-pvr1.1:193.4	Chabbaggiye bhikkhū ārabbha.
pli-tv-pvr1.1:193.5	Kismiṁ vatthusminti?
pli-tv-pvr1.1:193.6	Chabbaggiyā bhikkhū jānaṁ tathāvādinā ariṭṭhena bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjiṁsu, tasmiṁ vatthusmiṁ.
pli-tv-pvr1.1:193.7	Ekā paññatti.
pli-tv-pvr1.1:193.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:194.1	Jānaṁ tathānāsitaṁ samaṇuddesaṁ upalāpentassa pācittiyaṁ kattha paññattanti?
pli-tv-pvr1.1:194.2	Sāvatthiyaṁ paññattaṁ.
pli-tv-pvr1.1:194.3	Kaṁ ārabbhāti?
pli-tv-pvr1.1:194.4	Chabbaggiye bhikkhū ārabbha.
pli-tv-pvr1.1:194.5	Kismiṁ vatthusminti?
pli-tv-pvr1.1:194.6	Chabbaggiyā bhikkhū jānaṁ tathānāsitaṁ kaṇṭakaṁ samaṇuddesaṁ upalāpesuṁ, tasmiṁ vatthusmiṁ.
pli-tv-pvr1.1:194.7	Ekā paññatti.
pli-tv-pvr1.1:194.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:195.1	Sappāṇakavaggo sattamo.
pli-tv-pvr1.1:196.0	5.8. Sahadhammikavagga
pli-tv-pvr1.1:196.1	Bhikkhūhi sahadhammikaṁ vuccamānena “na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchissāmī”ti bhaṇantassa pācittiyaṁ kattha paññattanti?
pli-tv-pvr1.1:196.2	Kosambiyaṁ paññattaṁ.
pli-tv-pvr1.1:196.3	Kaṁ ārabbhāti?
pli-tv-pvr1.1:196.4	Āyasmantaṁ channaṁ ārabbha.
pli-tv-pvr1.1:196.5	Kismiṁ vatthusminti?
pli-tv-pvr1.1:196.6	Āyasmā channo bhikkhūhi sahadhammikaṁ vuccamāno “na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchissāmī”ti bhaṇi, tasmiṁ vatthusmiṁ.
pli-tv-pvr1.1:196.7	Ekā paññatti.
pli-tv-pvr1.1:196.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:197.1	Vinayaṁ vivaṇṇentassa pācittiyaṁ kattha paññattanti?
pli-tv-pvr1.1:197.2	Sāvatthiyaṁ paññattaṁ.
pli-tv-pvr1.1:197.3	Kaṁ ārabbhāti?
pli-tv-pvr1.1:197.4	Chabbaggiye bhikkhū ārabbha.
pli-tv-pvr1.1:197.5	Kismiṁ vatthusminti?
pli-tv-pvr1.1:197.6	Chabbaggiyā bhikkhū vinayaṁ vivaṇṇesuṁ, tasmiṁ vatthusmiṁ.
pli-tv-pvr1.1:197.7	Ekā paññatti.
pli-tv-pvr1.1:197.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:198.1	Mohanake pācittiyaṁ kattha paññattanti?
pli-tv-pvr1.1:198.2	Sāvatthiyaṁ paññattaṁ.
pli-tv-pvr1.1:198.3	Kaṁ ārabbhāti?
pli-tv-pvr1.1:198.4	Chabbaggiye bhikkhū ārabbha.
pli-tv-pvr1.1:198.5	Kismiṁ vatthusminti?
pli-tv-pvr1.1:198.6	Chabbaggiyā bhikkhū mohesuṁ, tasmiṁ vatthusmiṁ.
pli-tv-pvr1.1:198.7	Ekā paññatti.
pli-tv-pvr1.1:198.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:199.1	Bhikkhussa kupitena anattamanena pahāraṁ dentassa pācittiyaṁ kattha paññattanti?
pli-tv-pvr1.1:199.2	Sāvatthiyaṁ paññattaṁ.
pli-tv-pvr1.1:199.3	Kaṁ ārabbhāti?
pli-tv-pvr1.1:199.4	Chabbaggiye bhikkhū ārabbha.
pli-tv-pvr1.1:199.5	Kismiṁ vatthusminti?
pli-tv-pvr1.1:199.6	Chabbaggiyā bhikkhū kupitā anattamanā bhikkhūnaṁ pahāraṁ adaṁsu, tasmiṁ vatthusmiṁ.
pli-tv-pvr1.1:199.7	Ekā paññatti.
pli-tv-pvr1.1:199.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:199.9	kāyato ca cittato ca samuṭṭhāti, na vācato …pe….
pli-tv-pvr1.1:200.1	Bhikkhussa kupitena anattamanena talasattikaṁ uggirantassa pācittiyaṁ kattha paññattanti?
pli-tv-pvr1.1:200.2	Sāvatthiyaṁ paññattaṁ.
pli-tv-pvr1.1:200.3	Kaṁ ārabbhāti?
pli-tv-pvr1.1:200.4	Chabbaggiye bhikkhū ārabbha.
pli-tv-pvr1.1:200.5	Kismiṁ vatthusminti?
pli-tv-pvr1.1:200.6	Chabbaggiyā bhikkhū kupitā anattamanā bhikkhūnaṁ talasattikaṁ uggiriṁsu, tasmiṁ vatthusmiṁ.
pli-tv-pvr1.1:200.7	Ekā paññatti.
pli-tv-pvr1.1:200.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:200.9	kāyato ca cittato ca samuṭṭhāti, na vācato …pe….
pli-tv-pvr1.1:201.1	Bhikkhuṁ amūlakena saṅghādisesena anuddhaṁsentassa pācittiyaṁ kattha paññattanti?
pli-tv-pvr1.1:201.2	Sāvatthiyaṁ paññattaṁ.
pli-tv-pvr1.1:201.3	Kaṁ ārabbhāti?
pli-tv-pvr1.1:201.4	Chabbaggiye bhikkhū ārabbha.
pli-tv-pvr1.1:201.5	Kismiṁ vatthusminti?
pli-tv-pvr1.1:201.6	Chabbaggiyā bhikkhū bhikkhuṁ amūlakena saṅghādisesena anuddhaṁsesuṁ, tasmiṁ vatthusmiṁ.
pli-tv-pvr1.1:201.7	Ekā paññatti.
pli-tv-pvr1.1:201.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:202.1	Bhikkhussa sañcicca kukkuccaṁ upadahantassa pācittiyaṁ kattha paññattanti?
pli-tv-pvr1.1:202.2	Sāvatthiyaṁ paññattaṁ.
pli-tv-pvr1.1:202.3	Kaṁ ārabbhāti?
pli-tv-pvr1.1:202.4	Chabbaggiye bhikkhū ārabbha.
pli-tv-pvr1.1:202.5	Kismiṁ vatthusminti?
pli-tv-pvr1.1:202.6	Chabbaggiyā bhikkhū bhikkhūnaṁ sañcicca kukkuccaṁ upadahiṁsu, tasmiṁ vatthusmiṁ.
pli-tv-pvr1.1:202.7	Ekā paññatti.
pli-tv-pvr1.1:202.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:203.1	Bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhantassa pācittiyaṁ kattha paññattanti?
pli-tv-pvr1.1:203.2	Sāvatthiyaṁ paññattaṁ.
pli-tv-pvr1.1:203.3	Kaṁ ārabbhāti?
pli-tv-pvr1.1:203.4	Chabbaggiye bhikkhū ārabbha.
pli-tv-pvr1.1:203.5	Kismiṁ vatthusminti?
pli-tv-pvr1.1:203.6	Chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhahiṁsu, tasmiṁ vatthusmiṁ.
pli-tv-pvr1.1:203.7	Ekā paññatti.
pli-tv-pvr1.1:203.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:203.9	siyā kāyato ca cittato ca samuṭṭhāti, na vācato;
pli-tv-pvr1.1:203.10	siyā kāyato ca vācato ca cittato ca samuṭṭhāti …pe….
pli-tv-pvr1.1:204.1	Dhammikānaṁ kammānaṁ chandaṁ datvā pacchā khīyanadhammaṁ āpajjantassa pācittiyaṁ kattha paññattanti?
pli-tv-pvr1.1:204.2	Sāvatthiyaṁ paññattaṁ.
pli-tv-pvr1.1:204.3	Kaṁ ārabbhāti?
pli-tv-pvr1.1:204.4	Chabbaggiye bhikkhū ārabbha.
pli-tv-pvr1.1:204.5	Kismiṁ vatthusminti?
pli-tv-pvr1.1:204.6	Chabbaggiyā bhikkhū dhammikānaṁ kammānaṁ chandaṁ datvā pacchā khīyanadhammaṁ āpajjiṁsu, tasmiṁ vatthusmiṁ.
pli-tv-pvr1.1:204.7	Ekā paññatti.
pli-tv-pvr1.1:204.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:205.1	Saṅghe vinicchayakathāya vattamānāya chandaṁ adatvā uṭṭhāyāsanā pakkamantassa pācittiyaṁ kattha paññattanti?
pli-tv-pvr1.1:205.2	Sāvatthiyaṁ paññattaṁ.
pli-tv-pvr1.1:205.3	Kaṁ ārabbhāti?
pli-tv-pvr1.1:205.4	Aññataraṁ bhikkhuṁ ārabbha.
pli-tv-pvr1.1:205.5	Kismiṁ vatthusminti?
pli-tv-pvr1.1:205.6	Aññataro bhikkhu saṅghe vinicchayakathāya vattamānāya chandaṁ adatvā uṭṭhāyāsanā pakkāmi, tasmiṁ vatthusmiṁ.
pli-tv-pvr1.1:205.7	Ekā paññatti.
pli-tv-pvr1.1:205.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:205.9	kāyato ca vācato ca cittato ca samuṭṭhāti …pe….
pli-tv-pvr1.1:206.1	Samaggena saṅghena cīvaraṁ datvā pacchā khīyanadhammaṁ āpajjantassa pācittiyaṁ kattha paññattanti?
pli-tv-pvr1.1:206.2	Rājagahe paññattaṁ.
pli-tv-pvr1.1:206.3	Kaṁ ārabbhāti?
pli-tv-pvr1.1:206.4	Chabbaggiye bhikkhū ārabbha.
pli-tv-pvr1.1:206.5	Kismiṁ vatthusminti?
pli-tv-pvr1.1:206.6	Chabbaggiyā bhikkhū samaggena saṅghena cīvaraṁ datvā pacchā khīyanadhammaṁ āpajjiṁsu, tasmiṁ vatthusmiṁ.
pli-tv-pvr1.1:206.7	Ekā paññatti.
pli-tv-pvr1.1:206.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:207.1	Jānaṁ saṅghikaṁ lābhaṁ pariṇataṁ puggalassa pariṇāmentassa pācittiyaṁ kattha paññattanti?
pli-tv-pvr1.1:207.2	Sāvatthiyaṁ paññattaṁ.
pli-tv-pvr1.1:207.3	Kaṁ ārabbhāti?
pli-tv-pvr1.1:207.4	Chabbaggiye bhikkhū ārabbha.
pli-tv-pvr1.1:207.5	Kismiṁ vatthusminti?
pli-tv-pvr1.1:207.6	Chabbaggiyā bhikkhū jānaṁ saṅghikaṁ lābhaṁ pariṇataṁ puggalassa pariṇāmesuṁ, tasmiṁ vatthusmiṁ.
pli-tv-pvr1.1:207.7	Ekā paññatti.
pli-tv-pvr1.1:207.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.1:208.1	Sahadhammikavaggo aṭṭhamo.
pli-tv-pvr1.1:209.0	5.9 Rājavagga
pli-tv-pvr1.1:209.1	Pubbe appaṭisaṁviditena rañño antepuraṁ pavisantassa pācittiyaṁ kattha paññattanti?
pli-tv-pvr1.1:209.2	Sāvatthiyaṁ paññattaṁ.
pli-tv-pvr1.1:209.3	Kaṁ ārabbhāti?
pli-tv-pvr1.1:209.4	Āyasmantaṁ ānandaṁ ārabbha.
pli-tv-pvr1.1:209.5	Kismiṁ vatthusminti?
pli-tv-pvr1.1:209.6	Āyasmā ānando pubbe appaṭisaṁvidito rañño antepuraṁ pāvisi, tasmiṁ vatthusmiṁ.
pli-tv-pvr1.1:209.7	Ekā paññatti.
pli-tv-pvr1.1:209.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:210.1	Ratanaṁ uggaṇhantassa pācittiyaṁ kattha paññattanti?
pli-tv-pvr1.1:210.2	Sāvatthiyaṁ paññattaṁ.
pli-tv-pvr1.1:210.3	Kaṁ ārabbhāti?
pli-tv-pvr1.1:210.4	Aññataraṁ bhikkhuṁ ārabbha.
pli-tv-pvr1.1:210.5	Kismiṁ vatthusminti?
pli-tv-pvr1.1:210.6	Aññataro bhikkhu ratanaṁ uggahesi, tasmiṁ vatthusmiṁ.
pli-tv-pvr1.1:210.7	Ekā paññatti, dve anupaññattiyo.
pli-tv-pvr1.1:210.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:211.1	Santaṁ bhikkhuṁ anāpucchā vikāle gāmaṁ pavisantassa pācittiyaṁ kattha paññattanti?
pli-tv-pvr1.1:211.2	Sāvatthiyaṁ paññattaṁ.
pli-tv-pvr1.1:211.3	Kaṁ ārabbhāti?
pli-tv-pvr1.1:211.4	Chabbaggiye bhikkhū ārabbha.
pli-tv-pvr1.1:211.5	Kismiṁ vatthusminti?
pli-tv-pvr1.1:211.6	Chabbaggiyā bhikkhū vikāle gāmaṁ pavisiṁsu, tasmiṁ vatthusmiṁ.
pli-tv-pvr1.1:211.7	Ekā paññatti, tisso anupaññattiyo.
pli-tv-pvr1.1:211.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr1.1:212.1	Aṭṭhimayaṁ vā dantamayaṁ vā visāṇamayaṁ vā sūcigharaṁ kārāpentassa pācittiyaṁ kattha paññattanti?
pli-tv-pvr1.1:212.2	Sakkesu paññattaṁ.
pli-tv-pvr1.1:212.3	Kaṁ ārabbhāti?
pli-tv-pvr1.1:212.4	Sambahule bhikkhū ārabbha.
pli-tv-pvr1.1:212.5	Kismiṁ vatthusminti?
pli-tv-pvr1.1:212.6	Sambahulā bhikkhū na mattaṁ jānitvā bahū sūcighare viññāpesuṁ, tasmiṁ vatthusmiṁ.
pli-tv-pvr1.1:212.7	Ekā paññatti.
pli-tv-pvr1.1:212.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:213.1	Pamāṇātikkantaṁ mañcaṁ vā pīṭhaṁ vā kārāpentassa pācittiyaṁ kattha paññattanti?
pli-tv-pvr1.1:213.2	Sāvatthiyaṁ paññattaṁ.
pli-tv-pvr1.1:213.3	Kaṁ ārabbhāti?
pli-tv-pvr1.1:213.4	Āyasmantaṁ upanandaṁ sakyaputtaṁ ārabbha.
pli-tv-pvr1.1:213.5	Kismiṁ vatthusminti?
pli-tv-pvr1.1:213.6	Āyasmā upanando sakyaputto ucce mañce sayi, tasmiṁ vatthusmiṁ.
pli-tv-pvr1.1:213.7	Ekā paññatti.
pli-tv-pvr1.1:213.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:214.1	Mañcaṁ vā pīṭhaṁ vā tūlonaddhaṁ kārāpentassa pācittiyaṁ kattha paññattanti?
pli-tv-pvr1.1:214.2	Sāvatthiyaṁ paññattaṁ.
pli-tv-pvr1.1:214.3	Kaṁ ārabbhāti?
pli-tv-pvr1.1:214.4	Chabbaggiye bhikkhū ārabbha.
pli-tv-pvr1.1:214.5	Kismiṁ vatthusminti?
pli-tv-pvr1.1:214.6	Chabbaggiyā bhikkhū mañcaṁ vā pīṭhaṁ vā tūlonaddhaṁ kārāpesuṁ, tasmiṁ vatthusmiṁ.
pli-tv-pvr1.1:214.7	Ekā paññatti.
pli-tv-pvr1.1:214.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:215.1	Pamāṇātikkantaṁ nisīdanaṁ kārāpentassa pācittiyaṁ kattha paññattanti?
pli-tv-pvr1.1:215.2	Sāvatthiyaṁ paññattaṁ.
pli-tv-pvr1.1:215.3	Kaṁ ārabbhāti?
pli-tv-pvr1.1:215.4	Chabbaggiye bhikkhū ārabbha.
pli-tv-pvr1.1:215.5	Kismiṁ vatthusminti?
pli-tv-pvr1.1:215.6	Chabbaggiyā bhikkhū appamāṇikāni nisīdanāni dhāresuṁ, tasmiṁ vatthusmiṁ.
pli-tv-pvr1.1:215.7	Ekā paññatti, ekā anupaññatti.
pli-tv-pvr1.1:215.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:216.1	Pamāṇātikkantaṁ kaṇḍuppaṭicchādiṁ kārāpentassa pācittiyaṁ kattha paññattanti?
pli-tv-pvr1.1:216.2	Sāvatthiyaṁ paññattaṁ.
pli-tv-pvr1.1:216.3	Kaṁ ārabbhāti?
pli-tv-pvr1.1:216.4	Chabbaggiye bhikkhū ārabbha.
pli-tv-pvr1.1:216.5	Kismiṁ vatthusminti?
pli-tv-pvr1.1:216.6	Chabbaggiyā bhikkhū appamāṇikāyo kaṇḍuppaṭicchādiyo dhāresuṁ, tasmiṁ vatthusmiṁ.
pli-tv-pvr1.1:216.7	Ekā paññatti.
pli-tv-pvr1.1:216.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:217.1	Pamāṇātikkantaṁ vassikasāṭikaṁ kārāpentassa pācittiyaṁ kattha paññattanti?
pli-tv-pvr1.1:217.2	Sāvatthiyaṁ paññattaṁ.
pli-tv-pvr1.1:217.3	Kaṁ ārabbhāti?
pli-tv-pvr1.1:217.4	Chabbaggiye bhikkhū ārabbha.
pli-tv-pvr1.1:217.5	Kismiṁ vatthusminti?
pli-tv-pvr1.1:217.6	Chabbaggiyā bhikkhū appamāṇikāyo vassikasāṭikāyo dhāresuṁ, tasmiṁ vatthusmiṁ.
pli-tv-pvr1.1:217.7	Ekā paññatti.
pli-tv-pvr1.1:217.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:218.1	Sugatacīvarappamāṇaṁ cīvaraṁ kārāpentassa pācittiyaṁ kattha paññattanti?
pli-tv-pvr1.1:218.2	Sāvatthiyaṁ paññattaṁ.
pli-tv-pvr1.1:218.3	Kaṁ ārabbhāti?
pli-tv-pvr1.1:218.4	Āyasmantaṁ nandaṁ ārabbha.
pli-tv-pvr1.1:218.5	Kismiṁ vatthusminti?
pli-tv-pvr1.1:218.6	Āyasmā nando sugatacīvarappamāṇaṁ cīvaraṁ dhāresi, tasmiṁ vatthusmiṁ.
pli-tv-pvr1.1:218.7	Ekā paññatti.
pli-tv-pvr1.1:218.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.1:219.1	Rājavaggo navamo.
pli-tv-pvr1.1:219.2	Dvenavuti pācittiyā niṭṭhitā.
pli-tv-pvr1.1:219.3	Khuddakaṁ samattaṁ.
pli-tv-pvr1.1:220.1	Tassuddānaṁ
pli-tv-pvr1.1:221.1	Musā omasapesuññaṁ,
pli-tv-pvr1.1:221.2	padaseyyā ca itthiyā;
pli-tv-pvr1.1:221.3	Aññatra viññunā bhūtā,
pli-tv-pvr1.1:221.4	duṭṭhullāpatti khaṇanā.
pli-tv-pvr1.1:222.1	Bhūtaṁ aññāya ujjhāyi,
pli-tv-pvr1.1:222.2	mañco seyyo ca vuccati;
pli-tv-pvr1.1:222.3	Pubbe nikkaḍḍhanāhacca,
pli-tv-pvr1.1:222.4	dvāraṁ sappāṇakena ca.
pli-tv-pvr1.1:223.1	Asammatā atthaṅgate,
pli-tv-pvr1.1:223.2	upassayāmisena ca;
pli-tv-pvr1.1:223.3	Dade sibbe vidhānena,
pli-tv-pvr1.1:223.4	nāvā bhuñjeyya ekato.
pli-tv-pvr1.1:224.1	Piṇḍaṁ gaṇaṁ paraṁ pūvaṁ,
pli-tv-pvr1.1:224.2	pavārito pavāritaṁ;
pli-tv-pvr1.1:224.3	Vikālaṁ sannidhi khīraṁ,
pli-tv-pvr1.1:224.4	dantaponena te dasa.
pli-tv-pvr1.1:225.1	Acelakaṁ uyyokhajja,
pli-tv-pvr1.1:225.2	paṭicchannaṁ rahena ca;
pli-tv-pvr1.1:225.3	Nimantito paccayehi,
pli-tv-pvr1.1:225.4	senāvasanuyyodhikaṁ.
pli-tv-pvr1.1:226.1	Surā aṅguli hāso ca,
pli-tv-pvr1.1:226.2	anādariyañca bhiṁsanaṁ;
pli-tv-pvr1.1:226.3	Joti nahāna dubbaṇṇaṁ,
pli-tv-pvr1.1:226.4	sāmaṁ apanidhena ca.
pli-tv-pvr1.1:227.1	Sañciccudakakammā ca,
pli-tv-pvr1.1:227.2	duṭṭhullaṁ ūnavīsati;
pli-tv-pvr1.1:227.3	Theyyaitthiavadesaṁ,
pli-tv-pvr1.1:227.4	saṁvāse nāsitena ca.
pli-tv-pvr1.1:228.1	Sahadhammikavilekhā,
pli-tv-pvr1.1:228.2	moho pahārenuggire;
pli-tv-pvr1.1:228.3	Amūlakañca sañcicca,
pli-tv-pvr1.1:228.4	sossāmi khiyyapakkame.
pli-tv-pvr1.1:229.1	Saṅghena cīvaraṁ datvā,
pli-tv-pvr1.1:229.2	pariṇāmeyya puggale;
pli-tv-pvr1.1:229.3	Raññañca ratanaṁ santaṁ,
pli-tv-pvr1.1:229.4	sūci mañco ca tūlikā;
pli-tv-pvr1.1:229.5	Nisīdanaṁ kaṇḍucchādi,
pli-tv-pvr1.1:229.6	vassikā sugatena cāti.
pli-tv-pvr1.1:230.1	Tesaṁ vaggānaṁ uddānaṁ
pli-tv-pvr1.1:231.1	Musā bhūtā ca ovādo,
pli-tv-pvr1.1:231.2	bhojanācelakena ca;
pli-tv-pvr1.1:231.3	Surā sappāṇakā dhammo,
pli-tv-pvr1.1:231.4	rājavaggena te navāti.
pli-tv-pvr1.1:232.0	6. Pāṭidesanīyakaṇḍa
pli-tv-pvr1.1:232.1	Yaṁ tena bhagavatā jānatā passatā arahatā sammāsambuddhena aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjantassa pāṭidesanīyaṁ kattha paññattanti?
pli-tv-pvr1.1:232.2	Sāvatthiyaṁ paññattaṁ.
pli-tv-pvr1.1:232.3	Kaṁ ārabbhāti?
pli-tv-pvr1.1:232.4	Aññataraṁ bhikkhuṁ ārabbha.
pli-tv-pvr1.1:232.5	Kismiṁ vatthusminti?
pli-tv-pvr1.1:232.6	Aññataro bhikkhu aññātikāya bhikkhuniyā antaragharaṁ paviṭṭhāya hatthato āmisaṁ paṭiggahesi, tasmiṁ vatthusmiṁ.
pli-tv-pvr1.1:232.7	Ekā paññatti.
pli-tv-pvr1.1:232.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:232.9	siyā kāyato samuṭṭhāti, na vācato na cittato;
pli-tv-pvr1.1:232.10	siyā kāyato ca cittato ca samuṭṭhāti, na vācato …pe….
pli-tv-pvr1.1:233.1	Bhikkhuniyā vosāsantiyā na nivāretvā bhuñjantassa pāṭidesanīyaṁ kattha paññattanti?
pli-tv-pvr1.1:233.2	Rājagahe paññattaṁ.
pli-tv-pvr1.1:233.3	Kaṁ ārabbhāti?
pli-tv-pvr1.1:233.4	Chabbaggiye bhikkhū ārabbha.
pli-tv-pvr1.1:233.5	Kismiṁ vatthusminti?
pli-tv-pvr1.1:233.6	Chabbaggiyā bhikkhū bhikkhuniyo vosāsantiyo na nivāresuṁ, tasmiṁ vatthusmiṁ.
pli-tv-pvr1.1:233.7	Ekā paññatti.
pli-tv-pvr1.1:233.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:233.9	siyā kāyato ca vācato ca samuṭṭhāti, na cittato;
pli-tv-pvr1.1:233.10	siyā kāyato ca vācato ca cittato ca samuṭṭhāti …pe….
pli-tv-pvr1.1:234.1	Sekkhasammatesu kulesu khādanīyaṁ vā bhojanīyaṁ vā sahatthā paṭiggahetvā bhuñjantassa pāṭidesanīyaṁ kattha paññattanti?
pli-tv-pvr1.1:234.2	Sāvatthiyaṁ paññattaṁ.
pli-tv-pvr1.1:234.3	Kaṁ ārabbhāti?
pli-tv-pvr1.1:234.4	Sambahule bhikkhū ārabbha.
pli-tv-pvr1.1:234.5	Kismiṁ vatthusminti?
pli-tv-pvr1.1:234.6	Sambahulā bhikkhū na mattaṁ jānitvā paṭiggahesuṁ, tasmiṁ vatthusmiṁ.
pli-tv-pvr1.1:234.7	Ekā paññatti, dve anupaññattiyo.
pli-tv-pvr1.1:234.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:234.9	siyā kāyato samuṭṭhāti, na vācato na cittato;
pli-tv-pvr1.1:234.10	siyā kāyato ca cittato ca samuṭṭhāti, na vācato …pe….
pli-tv-pvr1.1:235.1	Āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjantassa pāṭidesanīyaṁ kattha paññattanti?
pli-tv-pvr1.1:235.2	Sakkesu paññattaṁ.
pli-tv-pvr1.1:235.3	Kaṁ ārabbhāti?
pli-tv-pvr1.1:235.4	Sambahule bhikkhū ārabbha.
pli-tv-pvr1.1:235.5	Kismiṁ vatthusminti.
pli-tv-pvr1.1:235.6	Sambahulā bhikkhū ārāme core paṭivasante nārocesuṁ, tasmiṁ vatthusmiṁ.
pli-tv-pvr1.1:235.7	Ekā paññatti, ekā anupaññatti.
pli-tv-pvr1.1:235.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:235.9	siyā kāyato ca vācato ca samuṭṭhāti, na cittato;
pli-tv-pvr1.1:235.10	siyā kāyato ca vācato ca cittato ca samuṭṭhāti …pe….
pli-tv-pvr1.1:236.1	Cattāro pāṭidesanīyā niṭṭhitā.
pli-tv-pvr1.1:237.1	Tassuddānaṁ
pli-tv-pvr1.1:238.1	Aññātikāya vosāsaṁ,
pli-tv-pvr1.1:238.2	sekkhaāraññakena ca;
pli-tv-pvr1.1:238.3	Pāṭidesanīyā cattāro,
pli-tv-pvr1.1:238.4	sambuddhena pakāsitāti.
pli-tv-pvr1.1:239.0.1	7. Sekhiyakaṇḍa
pli-tv-pvr1.1:239.0.2	7.1. Parimaṇḍalavagga
pli-tv-pvr1.1:239.1	Yaṁ tena bhagavatā jānatā passatā arahatā sammāsambuddhena anādariyaṁ paṭicca purato vā pacchato vā olambentena nivāsentassa dukkaṭaṁ kattha paññattanti?
pli-tv-pvr1.1:239.2	Sāvatthiyaṁ paññattaṁ.
pli-tv-pvr1.1:239.3	Kaṁ ārabbhāti?
pli-tv-pvr1.1:239.4	Chabbaggiye bhikkhū ārabbha.
pli-tv-pvr1.1:239.5	Kismiṁ vatthusminti?
pli-tv-pvr1.1:239.6	Chabbaggiyā bhikkhū puratopi pacchatopi olambentā nivāsesuṁ, tasmiṁ vatthusmiṁ.
pli-tv-pvr1.1:239.7	Ekā paññatti.
pli-tv-pvr1.1:239.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:239.9	kāyato ca cittato ca samuṭṭhāti, na vācato …pe….
pli-tv-pvr1.1:240.1	Anādariyaṁ paṭicca purato vā pacchato vā olambentena pārupantassa dukkaṭaṁ kattha paññattanti?
pli-tv-pvr1.1:240.2	Sāvatthiyaṁ paññattaṁ.
pli-tv-pvr1.1:240.3	Kaṁ ārabbhāti?
pli-tv-pvr1.1:240.4	Chabbaggiye bhikkhū ārabbha.
pli-tv-pvr1.1:240.5	Kismiṁ vatthusminti?
pli-tv-pvr1.1:240.6	Chabbaggiyā bhikkhū puratopi pacchatopi olambentā pārupiṁsu, tasmiṁ vatthusmiṁ.
pli-tv-pvr1.1:240.7	Ekā paññatti.
pli-tv-pvr1.1:240.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:240.9	kāyato ca cittato ca samuṭṭhāti, na vācato …pe….
pli-tv-pvr1.1:241.1	Anādariyaṁ paṭicca kāyaṁ vivaritvā antaraghare gacchantassa dukkaṭaṁ …pe…
pli-tv-pvr1.1:241.2	ekā paññatti.
pli-tv-pvr1.1:241.3	Ekena samuṭṭhānena samuṭṭhāti—
pli-tv-pvr1.1:241.4	kāyato ca cittato ca samuṭṭhāti, na vācato …pe….
pli-tv-pvr1.1:242.1	Anādariyaṁ paṭicca kāyaṁ vivaritvā antaraghare nisīdantassa dukkaṭaṁ …pe…
pli-tv-pvr1.1:242.2	ekā paññatti.
pli-tv-pvr1.1:242.3	Ekena samuṭṭhānena samuṭṭhāti—
pli-tv-pvr1.1:242.4	kāyato ca cittato ca samuṭṭhāti, na vācato …pe….
pli-tv-pvr1.1:243.1	Anādariyaṁ paṭicca hatthaṁ vā pādaṁ vā kīḷāpentena antaraghare gacchantassa dukkaṭaṁ …pe…
pli-tv-pvr1.1:243.2	ekā paññatti.
pli-tv-pvr1.1:243.3	Ekena samuṭṭhānena samuṭṭhāti—
pli-tv-pvr1.1:243.4	kāyato ca cittato ca samuṭṭhāti, na vācato …pe….
pli-tv-pvr1.1:244.1	Anādariyaṁ paṭicca hatthaṁ vā pādaṁ vā kīḷāpentena antaraghare nisīdantassa dukkaṭaṁ …pe…
pli-tv-pvr1.1:244.2	ekā paññatti.
pli-tv-pvr1.1:244.3	Ekena samuṭṭhānena samuṭṭhāti—
pli-tv-pvr1.1:244.4	kāyato ca cittato ca samuṭṭhāti, na vācato …pe….
pli-tv-pvr1.1:245.1	Anādariyaṁ paṭicca tahaṁ tahaṁ olokentena antaraghare gacchantassa dukkaṭaṁ …pe…
pli-tv-pvr1.1:245.2	ekā paññatti.
pli-tv-pvr1.1:245.3	Ekena samuṭṭhānena samuṭṭhāti—
pli-tv-pvr1.1:245.4	kāyato ca cittato ca samuṭṭhāti, na vācato …pe….
pli-tv-pvr1.1:246.1	Anādariyaṁ paṭicca tahaṁ tahaṁ olokentena antaraghare nisīdantassa dukkaṭaṁ …pe…
pli-tv-pvr1.1:246.2	ekā paññatti.
pli-tv-pvr1.1:246.3	Ekena samuṭṭhānena samuṭṭhāti—
pli-tv-pvr1.1:246.4	kāyato ca cittato ca samuṭṭhāti, na vācato …pe….
pli-tv-pvr1.1:247.1	Anādariyaṁ paṭicca ukkhittakāya antaraghare gacchantassa dukkaṭaṁ …pe…
pli-tv-pvr1.1:247.2	ekā paññatti.
pli-tv-pvr1.1:247.3	Ekena samuṭṭhānena samuṭṭhāti—
pli-tv-pvr1.1:247.4	kāyato ca cittato ca samuṭṭhāti, na vācato …pe….
pli-tv-pvr1.1:248.1	Anādariyaṁ paṭicca ukkhittakāya antaraghare nisīdantassa dukkaṭaṁ …pe…
pli-tv-pvr1.1:248.2	ekā paññatti.
pli-tv-pvr1.1:248.3	Ekena samuṭṭhānena samuṭṭhāti—
pli-tv-pvr1.1:248.4	kāyato ca cittato ca samuṭṭhāti, na vācato …pe….
pli-tv-pvr1.1:249.1	Parimaṇḍalavaggo paṭhamo.
pli-tv-pvr1.1:250.0	7.2. Ujjagghikavagga
pli-tv-pvr1.1:250.1	Anādariyaṁ paṭicca ujjagghikāya antaraghare gacchantassa dukkaṭaṁ kattha paññattanti?
pli-tv-pvr1.1:250.2	Sāvatthiyaṁ paññattaṁ.
pli-tv-pvr1.1:250.3	Kaṁ ārabbhāti?
pli-tv-pvr1.1:250.4	Chabbaggiye bhikkhū ārabbha.
pli-tv-pvr1.1:250.5	Kismiṁ vatthusminti?
pli-tv-pvr1.1:250.6	Chabbaggiyā bhikkhū mahāhasitaṁ hasantā antaraghare gacchiṁsu, tasmiṁ vatthusmiṁ.
pli-tv-pvr1.1:250.7	Ekā paññatti.
pli-tv-pvr1.1:250.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:250.9	kāyato ca vācato ca cittato ca samuṭṭhāti …pe….
pli-tv-pvr1.1:251.1	Anādariyaṁ paṭicca ujjagghikāya antaraghare nisīdantassa dukkaṭaṁ kattha paññattanti?
pli-tv-pvr1.1:251.2	Sāvatthiyaṁ paññattaṁ.
pli-tv-pvr1.1:251.3	Kaṁ ārabbhāti?
pli-tv-pvr1.1:251.4	Chabbaggiye bhikkhū ārabbha.
pli-tv-pvr1.1:251.5	Kismiṁ vatthusminti?
pli-tv-pvr1.1:251.6	Chabbaggiyā bhikkhū mahāhasitaṁ hasantā antaraghare nisīdiṁsu, tasmiṁ vatthusmiṁ.
pli-tv-pvr1.1:251.7	Ekā paññatti.
pli-tv-pvr1.1:251.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:251.9	kāyato ca vācato ca cittato ca samuṭṭhāti …pe….
pli-tv-pvr1.1:252.1	Anādariyaṁ paṭicca uccāsaddaṁ mahāsaddaṁ karontena antaraghare gacchantassa dukkaṭaṁ kattha paññattanti?
pli-tv-pvr1.1:252.2	Sāvatthiyaṁ paññattaṁ.
pli-tv-pvr1.1:252.3	Kaṁ ārabbhāti?
pli-tv-pvr1.1:252.4	Chabbaggiye bhikkhū ārabbha.
pli-tv-pvr1.1:252.5	Kismiṁ vatthusminti?
pli-tv-pvr1.1:252.6	Chabbaggiyā bhikkhū uccāsaddaṁ mahāsaddaṁ karontā antaraghare gacchiṁsu, tasmiṁ vatthusmiṁ.
pli-tv-pvr1.1:252.7	Ekā paññatti.
pli-tv-pvr1.1:252.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:252.9	kāyato ca vācato ca cittato ca samuṭṭhāti …pe….
pli-tv-pvr1.1:253.1	Anādariyaṁ paṭicca uccāsaddaṁ mahāsaddaṁ karontena antaraghare nisīdantassa dukkaṭaṁ kattha paññattanti?
pli-tv-pvr1.1:253.2	Sāvatthiyaṁ paññattaṁ.
pli-tv-pvr1.1:253.3	Kaṁ ārabbhāti?
pli-tv-pvr1.1:253.4	Chabbaggiye bhikkhū ārabbha.
pli-tv-pvr1.1:253.5	Kismiṁ vatthusminti?
pli-tv-pvr1.1:253.6	Chabbaggiyā bhikkhū uccāsaddaṁ mahāsaddaṁ karontā antaraghare nisīdiṁsu, tasmiṁ vatthusmiṁ.
pli-tv-pvr1.1:253.7	Ekā paññatti.
pli-tv-pvr1.1:253.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:253.9	kāyato ca vācato ca cittato ca samuṭṭhāti …pe….
pli-tv-pvr1.1:254.1	Anādariyaṁ paṭicca kāyappacālakaṁ antaraghare gacchantassa dukkaṭaṁ …pe…
pli-tv-pvr1.1:254.2	ekā paññatti.
pli-tv-pvr1.1:254.3	Ekena samuṭṭhānena samuṭṭhāti—
pli-tv-pvr1.1:254.4	kāyato ca cittato ca samuṭṭhāti, na vācato …pe….
pli-tv-pvr1.1:255.1	Anādariyaṁ paṭicca kāyappacālakaṁ antaraghare nisīdantassa dukkaṭaṁ …pe…
pli-tv-pvr1.1:255.2	ekā paññatti.
pli-tv-pvr1.1:255.3	Ekena samuṭṭhānena samuṭṭhāti—
pli-tv-pvr1.1:255.4	kāyato ca cittato ca samuṭṭhāti, na vācato …pe….
pli-tv-pvr1.1:256.1	Anādariyaṁ paṭicca bāhuppacālakaṁ antaraghare gacchantassa dukkaṭaṁ …pe…
pli-tv-pvr1.1:256.2	ekā paññatti.
pli-tv-pvr1.1:256.3	Ekena samuṭṭhānena samuṭṭhāti—
pli-tv-pvr1.1:256.4	kāyato ca cittato ca samuṭṭhāti, na vācato …pe….
pli-tv-pvr1.1:257.1	Anādariyaṁ paṭicca bāhuppacālakaṁ antaraghare nisīdantassa dukkaṭaṁ …pe…
pli-tv-pvr1.1:257.2	ekā paññatti.
pli-tv-pvr1.1:257.3	Ekena samuṭṭhānena samuṭṭhāti—
pli-tv-pvr1.1:257.4	kāyato ca cittato ca samuṭṭhāti, na vācato …pe….
pli-tv-pvr1.1:258.1	Anādariyaṁ paṭicca sīsappacālakaṁ antaraghare gacchantassa dukkaṭaṁ …pe…
pli-tv-pvr1.1:258.2	ekā paññatti.
pli-tv-pvr1.1:258.3	Ekena samuṭṭhānena samuṭṭhāti—
pli-tv-pvr1.1:258.4	kāyato ca cittato ca samuṭṭhāti, na vācato …pe….
pli-tv-pvr1.1:259.1	Anādariyaṁ paṭicca sīsappacālakaṁ antaraghare nisīdantassa dukkaṭaṁ …pe…
pli-tv-pvr1.1:259.2	ekā paññatti.
pli-tv-pvr1.1:259.3	Ekena samuṭṭhānena samuṭṭhāti—
pli-tv-pvr1.1:259.4	kāyato ca cittato ca samuṭṭhāti, na vācato …pe….
pli-tv-pvr1.1:260.1	Ujjagghikavaggo dutiyo.
pli-tv-pvr1.1:261.0	7.3. Khambhakatavagga
pli-tv-pvr1.1:261.1	Anādariyaṁ paṭicca khambhakatena antaraghare gacchantassa dukkaṭaṁ …pe…
pli-tv-pvr1.1:261.2	ekā paññatti.
pli-tv-pvr1.1:261.3	Ekena samuṭṭhānena samuṭṭhāti.
pli-tv-pvr1.1:261.4	Kāyato ca cittato ca samuṭṭhāti, na vācato …pe….
pli-tv-pvr1.1:262.1	Anādariyaṁ paṭicca khambhakatena antaraghare nisīdantassa dukkaṭaṁ …pe…
pli-tv-pvr1.1:262.2	ekā paññatti.
pli-tv-pvr1.1:262.3	Ekena samuṭṭhānena samuṭṭhāti—
pli-tv-pvr1.1:262.4	kāyato ca cittato ca samuṭṭhāti, na vācato …pe….
pli-tv-pvr1.1:263.1	Anādariyaṁ paṭicca oguṇṭhitena antaraghare gacchantassa dukkaṭaṁ kattha paññattanti?
pli-tv-pvr1.1:263.2	Sāvatthiyaṁ paññattaṁ.
pli-tv-pvr1.1:263.3	Kaṁ ārabbhāti?
pli-tv-pvr1.1:263.4	Chabbaggiye bhikkhū ārabbha.
pli-tv-pvr1.1:263.5	Kismiṁ vatthusminti?
pli-tv-pvr1.1:263.6	Chabbaggiyā bhikkhū sasīsaṁ pārupitvā antaraghare gacchiṁsu, tasmiṁ vatthusmiṁ.
pli-tv-pvr1.1:263.7	Ekā paññatti.
pli-tv-pvr1.1:263.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:263.9	kāyato ca cittato ca samuṭṭhāti, na vācato …pe….
pli-tv-pvr1.1:264.1	Anādariyaṁ paṭicca oguṇṭhitena antaraghare nisīdantassa dukkaṭaṁ kattha paññattanti?
pli-tv-pvr1.1:264.2	Sāvatthiyaṁ paññattaṁ.
pli-tv-pvr1.1:264.3	Kaṁ ārabbhāti?
pli-tv-pvr1.1:264.4	Chabbaggiye bhikkhū ārabbha.
pli-tv-pvr1.1:264.5	Kismiṁ vatthusminti?
pli-tv-pvr1.1:264.6	Chabbaggiyā bhikkhū sasīsaṁ pārupitvā antaraghare nisīdiṁsu, tasmiṁ vatthusmiṁ.
pli-tv-pvr1.1:264.7	Ekā paññatti.
pli-tv-pvr1.1:264.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:264.9	kāyato ca cittato ca samuṭṭhāti, na vācato …pe….
pli-tv-pvr1.1:265.1	Anādariyaṁ paṭicca ukkuṭikāya antaraghare gacchantassa dukkaṭaṁ …pe…
pli-tv-pvr1.1:265.2	ekā paññatti.
pli-tv-pvr1.1:265.3	Ekena samuṭṭhānena samuṭṭhāti—
pli-tv-pvr1.1:265.4	kāyato ca cittato ca samuṭṭhāti, na vācato …pe….
pli-tv-pvr1.1:266.1	Anādariyaṁ paṭicca pallatthikāya antaraghare nisīdantassa dukkaṭaṁ …pe…
pli-tv-pvr1.1:266.2	ekā paññatti.
pli-tv-pvr1.1:266.3	Ekena samuṭṭhānena samuṭṭhāti—
pli-tv-pvr1.1:266.4	kāyato ca cittato ca samuṭṭhāti, na vācato …pe….
pli-tv-pvr1.1:267.1	Anādariyaṁ paṭicca asakkaccaṁ piṇḍapātaṁ paṭiggaṇhantassa dukkaṭaṁ …pe…
pli-tv-pvr1.1:267.2	ekā paññatti.
pli-tv-pvr1.1:267.3	Ekena samuṭṭhānena samuṭṭhāti—
pli-tv-pvr1.1:267.4	kāyato ca cittato ca samuṭṭhāti, na vācato …pe….
pli-tv-pvr1.1:268.1	Anādariyaṁ paṭicca tahaṁ tahaṁ olokentena piṇḍapātaṁ paṭiggaṇhantassa dukkaṭaṁ …pe…
pli-tv-pvr1.1:268.2	ekā paññatti.
pli-tv-pvr1.1:268.3	Ekena samuṭṭhānena samuṭṭhāti—
pli-tv-pvr1.1:268.4	kāyato ca cittato ca samuṭṭhāti, na vācato …pe….
pli-tv-pvr1.1:269.1	Anādariyaṁ paṭicca sūpaññeva bahuṁ paṭiggaṇhantassa dukkaṭaṁ …pe…
pli-tv-pvr1.1:269.2	ekā paññatti.
pli-tv-pvr1.1:269.3	Ekena samuṭṭhānena samuṭṭhāti—
pli-tv-pvr1.1:269.4	kāyato ca cittato ca samuṭṭhāti, na vācato …pe….
pli-tv-pvr1.1:270.1	Anādariyaṁ paṭicca thūpīkataṁ piṇḍapātaṁ paṭiggaṇhantassa dukkaṭaṁ …pe…
pli-tv-pvr1.1:270.2	ekā paññatti.
pli-tv-pvr1.1:270.3	Ekena samuṭṭhānena samuṭṭhāti—
pli-tv-pvr1.1:270.4	kāyato ca cittato ca samuṭṭhāti, na vācato …pe….
pli-tv-pvr1.1:271.1	Khambhakatavaggo tatiyo.
pli-tv-pvr1.1:272.0	7.4 Piṇḍapātavagga
pli-tv-pvr1.1:272.1	Anādariyaṁ paṭicca asakkaccaṁ piṇḍapātaṁ bhuñjantassa dukkaṭaṁ …pe…
pli-tv-pvr1.1:272.2	ekā paññatti.
pli-tv-pvr1.1:272.3	Ekena samuṭṭhānena samuṭṭhāti—
pli-tv-pvr1.1:272.4	kāyato ca cittato ca samuṭṭhāti, na vācato …pe….
pli-tv-pvr1.1:273.1	Anādariyaṁ paṭicca tahaṁ tahaṁ olokentena piṇḍapātaṁ bhuñjantassa dukkaṭaṁ …pe…
pli-tv-pvr1.1:273.2	ekā paññatti.
pli-tv-pvr1.1:273.3	Ekena samuṭṭhānena samuṭṭhāti—
pli-tv-pvr1.1:273.4	kāyato ca cittato ca samuṭṭhāti, na vācato …pe….
pli-tv-pvr1.1:274.1	Anādariyaṁ paṭicca tahaṁ tahaṁ omasitvā piṇḍapātaṁ bhuñjantassa dukkaṭaṁ …pe…
pli-tv-pvr1.1:274.2	ekā paññatti.
pli-tv-pvr1.1:274.3	Ekena samuṭṭhānena samuṭṭhāti—
pli-tv-pvr1.1:274.4	kāyato ca cittato ca samuṭṭhāti, na vācato …pe….
pli-tv-pvr1.1:275.1	Anādariyaṁ paṭicca sūpaññeva bahuṁ bhuñjantassa dukkaṭaṁ …pe…
pli-tv-pvr1.1:275.2	ekā paññatti.
pli-tv-pvr1.1:275.3	Ekena samuṭṭhānena samuṭṭhāti—
pli-tv-pvr1.1:275.4	kāyato ca cittato ca samuṭṭhāti, na vācato …pe….
pli-tv-pvr1.1:276.1	Anādariyaṁ paṭicca thūpakato omadditvā piṇḍapātaṁ bhuñjantassa dukkaṭaṁ …pe…
pli-tv-pvr1.1:276.2	ekā paññatti.
pli-tv-pvr1.1:276.3	Ekena samuṭṭhānena samuṭṭhāti—
pli-tv-pvr1.1:276.4	kāyato ca cittato ca samuṭṭhāti, na vācato …pe….
pli-tv-pvr1.1:277.1	Anādariyaṁ paṭicca sūpaṁ vā byañjanaṁ vā odanena paṭicchādentassa dukkaṭaṁ …pe…
pli-tv-pvr1.1:277.2	ekā paññatti.
pli-tv-pvr1.1:277.3	Ekena samuṭṭhānena samuṭṭhāti—
pli-tv-pvr1.1:277.4	kāyato ca cittato ca samuṭṭhāti, na vācato …pe….
pli-tv-pvr1.1:278.1	Anādariyaṁ paṭicca sūpaṁ vā odanaṁ vā agilāno attano atthāya viññāpetvā bhuñjantassa dukkaṭaṁ kattha paññattanti?
pli-tv-pvr1.1:278.2	Sāvatthiyaṁ paññattaṁ.
pli-tv-pvr1.1:278.3	Kaṁ ārabbhāti?
pli-tv-pvr1.1:278.4	Chabbaggiye bhikkhū ārabbha.
pli-tv-pvr1.1:278.5	Kismiṁ vatthusminti?
pli-tv-pvr1.1:278.6	Chabbaggiyā bhikkhū sūpampi odanampi attano atthāya viññāpetvā bhuñjiṁsu, tasmiṁ vatthusmiṁ.
pli-tv-pvr1.1:278.7	Ekā paññatti, ekā anupaññatti.
pli-tv-pvr1.1:278.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr1.1:278.9	siyā kāyato ca cittato ca samuṭṭhāti, na vācato;
pli-tv-pvr1.1:278.10	siyā kāyato ca vācato ca cittato ca samuṭṭhāti …pe….
pli-tv-pvr1.1:279.1	Anādariyaṁ paṭicca ujjhānasaññinā paresaṁ pattaṁ olokentassa dukkaṭaṁ …pe…
pli-tv-pvr1.1:279.2	ekā paññatti.
pli-tv-pvr1.1:279.3	Ekena samuṭṭhānena samuṭṭhāti—
pli-tv-pvr1.1:279.4	kāyato ca cittato ca samuṭṭhāti, na vācato …pe….
pli-tv-pvr1.1:280.1	Anādariyaṁ paṭicca mahantaṁ kabaḷaṁ karontassa dukkaṭaṁ …pe…
pli-tv-pvr1.1:280.2	ekā paññatti.
pli-tv-pvr1.1:280.3	Ekena samuṭṭhānena samuṭṭhāti—
pli-tv-pvr1.1:280.4	kāyato ca cittato ca samuṭṭhāti, na vācato …pe….
pli-tv-pvr1.1:281.1	Anādariyaṁ paṭicca dīghaṁ ālopaṁ karontassa dukkaṭaṁ …pe…
pli-tv-pvr1.1:281.2	ekā paññatti.
pli-tv-pvr1.1:281.3	Ekena samuṭṭhānena samuṭṭhāti—
pli-tv-pvr1.1:281.4	kāyato ca cittato ca samuṭṭhāti, na vācato …pe….
pli-tv-pvr1.1:282.1	Piṇḍapātavaggo catuttho.
pli-tv-pvr1.1:283.0	7.5. Kabaḷavagga
pli-tv-pvr1.1:283.1	Anādariyaṁ paṭicca anāhaṭe kabaḷe mukhadvāraṁ vivarantassa dukkaṭaṁ …pe…
pli-tv-pvr1.1:283.2	ekā paññatti.
pli-tv-pvr1.1:283.3	Ekena samuṭṭhānena samuṭṭhāti—
pli-tv-pvr1.1:283.4	kāyato ca cittato ca samuṭṭhāti, na vācato …pe….
pli-tv-pvr1.1:284.1	Anādariyaṁ paṭicca bhuñjamānena sabbaṁ hatthaṁ mukhe pakkhipantassa dukkaṭaṁ …pe…
pli-tv-pvr1.1:284.2	ekā paññatti.
pli-tv-pvr1.1:284.3	Ekena samuṭṭhānena samuṭṭhāti—
pli-tv-pvr1.1:284.4	kāyato ca cittato ca samuṭṭhāti, na vācato …pe….
pli-tv-pvr1.1:285.1	Anādariyaṁ paṭicca sakabaḷena mukhena byāharantassa dukkaṭaṁ kattha paññattanti?
pli-tv-pvr1.1:285.2	Sāvatthiyaṁ paññattaṁ.
pli-tv-pvr1.1:285.3	Kaṁ ārabbhāti?
pli-tv-pvr1.1:285.4	Chabbaggiye bhikkhū ārabbha.
pli-tv-pvr1.1:285.5	Kismiṁ vatthusminti?
pli-tv-pvr1.1:285.6	Chabbaggiyā bhikkhū sakabaḷena mukhena byāhariṁsu, tasmiṁ vatthusmiṁ.
pli-tv-pvr1.1:285.7	Ekā paññatti.
pli-tv-pvr1.1:285.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:285.9	kāyato ca vācato ca cittato ca samuṭṭhāti …pe….
pli-tv-pvr1.1:286.1	Anādariyaṁ paṭicca piṇḍukkhepakaṁ bhuñjantassa dukkaṭaṁ …pe…
pli-tv-pvr1.1:286.2	ekā paññatti.
pli-tv-pvr1.1:286.3	Ekena samuṭṭhānena samuṭṭhāti—
pli-tv-pvr1.1:286.4	kāyato ca cittato ca samuṭṭhāti, na vācato …pe….
pli-tv-pvr1.1:287.1	Anādariyaṁ paṭicca kabaḷāvacchedakaṁ bhuñjantassa dukkaṭaṁ …pe…
pli-tv-pvr1.1:287.2	ekā paññatti.
pli-tv-pvr1.1:287.3	Ekena samuṭṭhānena samuṭṭhāti—
pli-tv-pvr1.1:287.4	kāyato ca cittato ca samuṭṭhāti, na vācato …pe….
pli-tv-pvr1.1:288.1	Anādariyaṁ paṭicca avagaṇḍakārakaṁ bhuñjantassa dukkaṭaṁ …pe…
pli-tv-pvr1.1:288.2	ekā paññatti.
pli-tv-pvr1.1:288.3	Ekena samuṭṭhānena samuṭṭhāti—
pli-tv-pvr1.1:288.4	kāyato ca cittato ca samuṭṭhāti, na vācato …pe….
pli-tv-pvr1.1:289.1	Anādariyaṁ paṭicca hatthaniddhunakaṁ bhuñjantassa dukkaṭaṁ …pe…
pli-tv-pvr1.1:289.2	ekā paññatti.
pli-tv-pvr1.1:289.3	Ekena samuṭṭhānena samuṭṭhāti—
pli-tv-pvr1.1:289.4	kāyato ca cittato ca samuṭṭhāti, na vācato …pe….
pli-tv-pvr1.1:290.1	Anādariyaṁ paṭicca sitthāvakārakaṁ bhuñjantassa dukkaṭaṁ …pe…
pli-tv-pvr1.1:290.2	ekā paññatti.
pli-tv-pvr1.1:290.3	Ekena samuṭṭhānena samuṭṭhāti—
pli-tv-pvr1.1:290.4	kāyato ca cittato ca samuṭṭhāti, na vācato …pe….
pli-tv-pvr1.1:291.1	Anādariyaṁ paṭicca jivhānicchārakaṁ bhuñjantassa dukkaṭaṁ …pe…
pli-tv-pvr1.1:291.2	ekā paññatti.
pli-tv-pvr1.1:291.3	Ekena samuṭṭhānena samuṭṭhāti—
pli-tv-pvr1.1:291.4	kāyato ca cittato ca samuṭṭhāti, na vācato …pe….
pli-tv-pvr1.1:292.1	Anādariyaṁ paṭicca capucapukārakaṁ bhuñjantassa dukkaṭaṁ …pe…
pli-tv-pvr1.1:292.2	ekā paññatti.
pli-tv-pvr1.1:292.3	Ekena samuṭṭhānena samuṭṭhāti—
pli-tv-pvr1.1:292.4	kāyato ca cittato ca samuṭṭhāti, na vācato …pe….
pli-tv-pvr1.1:293.1	Kabaḷavaggo pañcamo.
pli-tv-pvr1.1:294.0	7.6. Surusuruvagga
pli-tv-pvr1.1:294.1	Anādariyaṁ paṭicca surusurukārakaṁ bhuñjantassa dukkaṭaṁ kattha paññattanti?
pli-tv-pvr1.1:294.2	Kosambiyaṁ paññattaṁ.
pli-tv-pvr1.1:294.3	Kaṁ ārabbhāti?
pli-tv-pvr1.1:294.4	Sambahule bhikkhū ārabbha.
pli-tv-pvr1.1:294.5	Kismiṁ vatthusminti?
pli-tv-pvr1.1:294.6	Sambahulā bhikkhū surusurukārakaṁ khīraṁ piviṁsu, tasmiṁ vatthusmiṁ.
pli-tv-pvr1.1:294.7	Ekā paññatti.
pli-tv-pvr1.1:294.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:294.9	kāyato ca cittato ca samuṭṭhāti, na vācato …pe….
pli-tv-pvr1.1:295.1	Anādariyaṁ paṭicca hatthanillehakaṁ bhuñjantassa dukkaṭaṁ …pe…
pli-tv-pvr1.1:295.2	ekā paññatti.
pli-tv-pvr1.1:295.3	Ekena samuṭṭhānena samuṭṭhāti—
pli-tv-pvr1.1:295.4	kāyato ca cittato ca samuṭṭhāti, na vācato …pe….
pli-tv-pvr1.1:296.1	Anādariyaṁ paṭicca pattanillehakaṁ bhuñjantassa dukkaṭaṁ …pe…
pli-tv-pvr1.1:296.2	ekā paññatti.
pli-tv-pvr1.1:296.3	Ekena samuṭṭhānena samuṭṭhāti—
pli-tv-pvr1.1:296.4	kāyato ca cittato ca samuṭṭhāti, na vācato …pe….
pli-tv-pvr1.1:297.1	Anādariyaṁ paṭicca oṭṭhanillehakaṁ bhuñjantassa dukkaṭaṁ …pe…
pli-tv-pvr1.1:297.2	ekā paññatti.
pli-tv-pvr1.1:297.3	Ekena samuṭṭhānena samuṭṭhāti—
pli-tv-pvr1.1:297.4	kāyato ca cittato ca samuṭṭhāti, na vācato …pe….
pli-tv-pvr1.1:298.1	Anādariyaṁ paṭicca sāmisena hatthena pānīyathālakaṁ paṭiggaṇhantassa dukkaṭaṁ kattha paññattanti?
pli-tv-pvr1.1:298.2	Bhaggesu paññattaṁ.
pli-tv-pvr1.1:298.3	Kaṁ ārabbhāti?
pli-tv-pvr1.1:298.4	Sambahule bhikkhū ārabbha.
pli-tv-pvr1.1:298.5	Kismiṁ vatthusminti?
pli-tv-pvr1.1:298.6	Sambahulā bhikkhū sāmisena hatthena pānīyathālakaṁ paṭiggahesuṁ, tasmiṁ vatthusmiṁ.
pli-tv-pvr1.1:298.7	Ekā paññatti.
pli-tv-pvr1.1:298.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:298.9	kāyato ca cittato ca samuṭṭhāti, na vācato …pe….
pli-tv-pvr1.1:299.1	Anādariyaṁ paṭicca sasitthakaṁ pattadhovanaṁ antaraghare chaḍḍentassa dukkaṭaṁ kattha paññattanti?
pli-tv-pvr1.1:299.2	Bhaggesu paññattaṁ.
pli-tv-pvr1.1:299.3	Kaṁ ārabbhāti?
pli-tv-pvr1.1:299.4	Sambahule bhikkhū ārabbha.
pli-tv-pvr1.1:299.5	Kismiṁ vatthusminti?
pli-tv-pvr1.1:299.6	Sambahulā bhikkhū sasitthakaṁ pattadhovanaṁ antaraghare chaḍḍesuṁ, tasmiṁ vatthusmiṁ.
pli-tv-pvr1.1:299.7	Ekā paññatti.
pli-tv-pvr1.1:299.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:299.9	kāyato ca cittato ca samuṭṭhāti, na vācato …pe….
pli-tv-pvr1.1:300.1	Anādariyaṁ paṭicca chattapāṇissa dhammaṁ desentassa dukkaṭaṁ kattha paññattanti?
pli-tv-pvr1.1:300.2	Sāvatthiyaṁ paññattaṁ.
pli-tv-pvr1.1:300.3	Kaṁ ārabbhāti?
pli-tv-pvr1.1:300.4	Chabbaggiye bhikkhū ārabbha.
pli-tv-pvr1.1:300.5	Kismiṁ vatthusminti?
pli-tv-pvr1.1:300.6	Chabbaggiyā bhikkhū chattapāṇissa dhammaṁ desesuṁ, tasmiṁ vatthusmiṁ.
pli-tv-pvr1.1:300.7	Ekā paññatti, ekā anupaññatti.
pli-tv-pvr1.1:300.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:300.9	vācato ca cittato ca samuṭṭhāti, na kāyato …pe….
pli-tv-pvr1.1:301.1	Anādariyaṁ paṭicca daṇḍapāṇissa dhammaṁ desentassa dukkaṭaṁ …pe…
pli-tv-pvr1.1:301.2	ekā paññatti, ekā anupaññatti.
pli-tv-pvr1.1:301.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:301.4	vācato ca cittato ca samuṭṭhāti, na kāyato …pe….
pli-tv-pvr1.1:302.1	Anādariyaṁ paṭicca satthapāṇissa dhammaṁ desentassa dukkaṭaṁ …pe…
pli-tv-pvr1.1:302.2	ekā paññatti, ekā anupaññatti.
pli-tv-pvr1.1:302.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:302.4	vācato ca cittato ca samuṭṭhāti, na kāyato …pe….
pli-tv-pvr1.1:303.1	Anādariyaṁ paṭicca āvudhapāṇissa dhammaṁ desentassa dukkaṭaṁ …pe…
pli-tv-pvr1.1:303.2	ekā paññatti, ekā anupaññatti.
pli-tv-pvr1.1:303.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:303.4	vācato ca cittato ca samuṭṭhāti, na kāyato …pe….
pli-tv-pvr1.1:304.1	Surusuruvaggo chaṭṭho.
pli-tv-pvr1.1:305.0	7.7. Pādukavagga
pli-tv-pvr1.1:305.1	Anādariyaṁ paṭicca pādukāruḷhassa dhammaṁ desentassa dukkaṭaṁ …pe…
pli-tv-pvr1.1:305.2	ekā paññatti, ekā anupaññatti.
pli-tv-pvr1.1:305.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:305.4	vācato ca cittato ca samuṭṭhāti, na kāyato …pe….
pli-tv-pvr1.1:306.1	Anādariyaṁ paṭicca upāhanāruḷhassa dhammaṁ desentassa dukkaṭaṁ …pe…
pli-tv-pvr1.1:306.2	ekā paññatti, ekā anupaññatti.
pli-tv-pvr1.1:306.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:306.4	vācato ca cittato ca samuṭṭhāti, na kāyato …pe….
pli-tv-pvr1.1:307.1	Anādariyaṁ paṭicca yānagatassa dhammaṁ desentassa dukkaṭaṁ …pe…
pli-tv-pvr1.1:307.2	ekā paññatti, ekā anupaññatti.
pli-tv-pvr1.1:307.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:307.4	vācato ca cittato ca samuṭṭhāti, na kāyato …pe….
pli-tv-pvr1.1:308.1	Anādariyaṁ paṭicca sayanagatassa dhammaṁ desentassa dukkaṭaṁ …pe…
pli-tv-pvr1.1:308.2	ekā paññatti, ekā anupaññatti.
pli-tv-pvr1.1:308.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:308.4	vācato ca cittato ca samuṭṭhāti, na kāyato …pe….
pli-tv-pvr1.1:309.1	Anādariyaṁ paṭicca pallatthikāya nisinnassa dhammaṁ desentassa dukkaṭaṁ …pe…
pli-tv-pvr1.1:309.2	ekā paññatti, ekā anupaññatti.
pli-tv-pvr1.1:309.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:309.4	vācato ca cittato ca samuṭṭhāti, na kāyato …pe….
pli-tv-pvr1.1:310.1	Anādariyaṁ paṭicca veṭhitasīsassa dhammaṁ desentassa dukkaṭaṁ …pe…
pli-tv-pvr1.1:310.2	ekā paññatti, ekā anupaññatti.
pli-tv-pvr1.1:310.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:310.4	vācato ca cittato ca samuṭṭhāti, na kāyato …pe….
pli-tv-pvr1.1:311.1	Anādariyaṁ paṭicca oguṇṭhitasīsassa dhammaṁ desentassa dukkaṭaṁ …pe…
pli-tv-pvr1.1:311.2	ekā paññatti, ekā anupaññatti.
pli-tv-pvr1.1:311.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:311.4	vācato ca cittato ca samuṭṭhāti, na kāyato …pe….
pli-tv-pvr1.1:312.1	Anādariyaṁ paṭicca chamāyaṁ nisīditvā āsane nisinnassa dhammaṁ desentassa dukkaṭaṁ …pe…
pli-tv-pvr1.1:312.2	ekā paññatti, ekā anupaññatti.
pli-tv-pvr1.1:312.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:312.4	kāyato ca vācato ca cittato ca samuṭṭhāti …pe….
pli-tv-pvr1.1:313.1	Anādariyaṁ paṭicca nīce āsane nisīditvā ucce āsane nisinnassa dhammaṁ desentassa dukkaṭaṁ …pe…
pli-tv-pvr1.1:313.2	ekā paññatti, ekā anupaññatti.
pli-tv-pvr1.1:313.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:313.4	kāyato ca vācato ca cittato ca samuṭṭhāti …pe….
pli-tv-pvr1.1:314.1	Anādariyaṁ paṭicca ṭhitena nisinnassa dhammaṁ desentassa dukkaṭaṁ …pe…
pli-tv-pvr1.1:314.2	ekā paññatti, ekā anupaññatti.
pli-tv-pvr1.1:314.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:314.4	kāyato ca vācato ca cittato ca samuṭṭhāti …pe….
pli-tv-pvr1.1:315.1	Anādariyaṁ paṭicca pacchato gacchantena purato gacchantassa dhammaṁ desentassa dukkaṭaṁ …pe…
pli-tv-pvr1.1:315.2	ekā paññatti, ekā anupaññatti.
pli-tv-pvr1.1:315.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:315.4	kāyato ca vācato ca cittato ca samuṭṭhāti …pe….
pli-tv-pvr1.1:316.1	Anādariyaṁ paṭicca uppathena gacchantena pathena gacchantassa dhammaṁ desentassa dukkaṭaṁ …pe…
pli-tv-pvr1.1:316.2	ekā paññatti, ekā anupaññatti.
pli-tv-pvr1.1:316.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:316.4	kāyato ca vācato ca cittato ca samuṭṭhāti …pe….
pli-tv-pvr1.1:317.1	Anādariyaṁ paṭicca ṭhitena uccāraṁ vā passāvaṁ vā karontassa dukkaṭaṁ …pe…
pli-tv-pvr1.1:317.2	ekā paññatti, ekā anupaññatti.
pli-tv-pvr1.1:317.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:317.4	kāyato ca cittato ca samuṭṭhāti, na vācato …pe….
pli-tv-pvr1.1:318.1	Anādariyaṁ paṭicca harite uccāraṁ vā passāvaṁ vā kheḷaṁ vā karontassa dukkaṭaṁ …pe…
pli-tv-pvr1.1:318.2	ekā paññatti, ekā anupaññatti.
pli-tv-pvr1.1:318.3	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:318.4	kāyato ca cittato ca samuṭṭhāti, na vācato …pe….
pli-tv-pvr1.1:319.1	Anādariyaṁ paṭicca udake uccāraṁ vā passāvaṁ vā kheḷaṁ vā karontassa dukkaṭaṁ …pe…
pli-tv-pvr1.1:319.2	kattha paññattanti?
pli-tv-pvr1.1:319.3	Sāvatthiyaṁ paññattaṁ.
pli-tv-pvr1.1:319.4	Kaṁ ārabbhāti?
pli-tv-pvr1.1:319.5	Chabbaggiye bhikkhū ārabbha.
pli-tv-pvr1.1:319.6	Kismiṁ vatthusminti?
pli-tv-pvr1.1:319.7	Chabbaggiyā bhikkhū udake uccārampi passāvampi kheḷampi akaṁsu, tasmiṁ vatthusmiṁ.
pli-tv-pvr1.1:319.8	Ekā paññatti, ekā anupaññatti.
pli-tv-pvr1.1:319.9	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.1:319.10	kāyato ca cittato ca samuṭṭhāti, na vācato …pe….
pli-tv-pvr1.1:320.1	Pādukavaggo sattamo.
pli-tv-pvr1.1:320.2	Pañcasattati sekhiyā niṭṭhitā.
pli-tv-pvr1.1:321.1	Tassuddānaṁ
pli-tv-pvr1.1:322.1	Parimaṇḍalaṁ paṭicchannaṁ,
pli-tv-pvr1.1:322.2	susaṁvutokkhittacakkhu;
pli-tv-pvr1.1:322.3	Ukkhittojjagghikā saddo,
pli-tv-pvr1.1:322.4	tayo ceva pacālanā.
pli-tv-pvr1.1:323.1	Khambhaṁ oguṇṭhito cevuk-
pli-tv-pvr1.1:323.2	kuṭipallatthikāya ca;
pli-tv-pvr1.1:323.3	Sakkaccaṁ pattasaññī ca,
pli-tv-pvr1.1:323.4	samasūpaṁ samatittikaṁ.
pli-tv-pvr1.1:324.1	Sakkaccaṁ pattasaññī ca,
pli-tv-pvr1.1:324.2	sapadānaṁ samasūpakaṁ;
pli-tv-pvr1.1:324.3	Thūpakato paṭicchannaṁ,
pli-tv-pvr1.1:324.4	viññattujjhānasaññinā.
pli-tv-pvr1.1:325.1	Na mahantaṁ maṇḍalaṁ dvāraṁ,
pli-tv-pvr1.1:325.2	Sabbaṁ hatthaṁ na byāhare;
pli-tv-pvr1.1:325.3	Ukkhepo chedanā gaṇḍo,
pli-tv-pvr1.1:325.4	Dhunaṁ sitthāvakārakaṁ.
pli-tv-pvr1.1:326.1	Jivhānicchārakañceva,
pli-tv-pvr1.1:326.2	capucapu surusuru;
pli-tv-pvr1.1:326.3	Hattho patto ca oṭṭho ca,
pli-tv-pvr1.1:326.4	sāmisaṁ sitthakena ca.
pli-tv-pvr1.1:327.1	Chattapāṇissa saddhammaṁ,
pli-tv-pvr1.1:327.2	na desenti tathāgatā;
pli-tv-pvr1.1:327.3	Evameva daṇḍapāṇissa,
pli-tv-pvr1.1:327.4	satthaāvudhapāṇinaṁ.
pli-tv-pvr1.1:328.1	Pādukā upāhanā ceva,
pli-tv-pvr1.1:328.2	yānaseyyāgatassa ca;
pli-tv-pvr1.1:328.3	Pallatthikā nisinnassa,
pli-tv-pvr1.1:328.4	veṭhitoguṇṭhitassa ca.
pli-tv-pvr1.1:329.1	Chamā nīcāsane ṭhāne,
pli-tv-pvr1.1:329.2	pacchato uppathena ca;
pli-tv-pvr1.1:329.3	Ṭhitakena na kātabbaṁ,
pli-tv-pvr1.1:329.4	harite udakamhi cāti.
pli-tv-pvr1.1:330.1	Tesaṁ vaggānamuddānaṁ
pli-tv-pvr1.1:331.1	Parimaṇḍalaujjagghi,
pli-tv-pvr1.1:331.2	khambhaṁ piṇḍaṁ tatheva ca;
pli-tv-pvr1.1:331.3	Kabaḷā surusuru ca,
pli-tv-pvr1.1:331.4	pādukena ca sattamāti.
pli-tv-pvr1.1:332.1	Mahāvibhaṅge katthapaññattivāro niṭṭhito.
pli-tv-pvr1.2:0.1	Parivāra
pli-tv-pvr1.2:0.2	Bhikkhuvibhaṅga
pli-tv-pvr1.2:0.3	Paṭhamabhāga
pli-tv-pvr1.2:0.4	1.2 Katāpattivāra
pli-tv-pvr1.2:0.5	1. Pārājikakaṇḍa
pli-tv-pvr1.2:1.1	Methunaṁ dhammaṁ paṭisevanto kati āpattiyo āpajjati?
pli-tv-pvr1.2:1.2	Methunaṁ dhammaṁ paṭisevanto tisso āpattiyo āpajjati.
pli-tv-pvr1.2:1.3	Akkhāyite sarīre methunaṁ dhammaṁ paṭisevati, āpatti pārājikassa;
pli-tv-pvr1.2:1.4	yebhuyyena khāyite sarīre methunaṁ dhammaṁ paṭisevati, āpatti thullaccayassa;
pli-tv-pvr1.2:1.5	vaṭṭakate mukhe acchupantaṁ aṅgajātaṁ paveseti, āpatti dukkaṭassa—
pli-tv-pvr1.2:1.6	methunaṁ dhammaṁ paṭisevanto imā tisso āpattiyo āpajjati.
pli-tv-pvr1.2:2.1	Adinnaṁ ādiyanto kati āpattiyo āpajjati?
pli-tv-pvr1.2:2.2	Adinnaṁ ādiyanto tisso āpattiyo āpajjati.
pli-tv-pvr1.2:2.3	Pañcamāsakaṁ vā atirekapañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti pārājikassa;
pli-tv-pvr1.2:2.4	atirekamāsakaṁ vā ūnapañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti thullaccayassa;
pli-tv-pvr1.2:2.5	māsakaṁ vā ūnamāsakaṁ vā agghanakaṁ adinnaṁ theyyasaṅkhātaṁ ādiyati, āpatti dukkaṭassa—
pli-tv-pvr1.2:2.6	adinnaṁ ādiyanto imā tisso āpattiyo āpajjati.
pli-tv-pvr1.2:3.1	Sañcicca manussaviggahaṁ jīvitā voropento kati āpattiyo āpajjati?
pli-tv-pvr1.2:3.2	Sañcicca manussaviggahaṁ jīvitā voropento tisso āpattiyo āpajjati.
pli-tv-pvr1.2:3.3	Manussaṁ odissa opātaṁ khaṇati “papatitvā marissatī”ti, āpatti dukkaṭassa;
pli-tv-pvr1.2:3.4	papatite dukkhā vedanā uppajjati, āpatti thullaccayassa;
pli-tv-pvr1.2:3.5	marati, āpatti pārājikassa—
pli-tv-pvr1.2:3.6	sañcicca manussaviggahaṁ jīvitā voropento imā tisso āpattiyo āpajjati.
pli-tv-pvr1.2:4.1	Asantaṁ abhūtaṁ uttarimanussadhammaṁ ullapanto kati āpattiyo āpajjati?
pli-tv-pvr1.2:4.2	Asantaṁ abhūtaṁ uttarimanussadhammaṁ ullapanto tisso āpattiyo āpajjati.
pli-tv-pvr1.2:4.3	Pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa;
pli-tv-pvr1.2:4.4	“yo te vihāre vasati, so bhikkhu arahā”ti bhaṇati, paṭivijānantassa āpatti thullaccayassa;
pli-tv-pvr1.2:4.5	na paṭivijānantassa āpatti dukkaṭassa—
pli-tv-pvr1.2:4.6	asantaṁ abhūtaṁ uttarimanussadhammaṁ ullapanto imā tisso āpattiyo āpajjati.
pli-tv-pvr1.2:5.1	Cattāro pārājikā niṭṭhitā.
pli-tv-pvr1.2:6.0	2. Saṅghādisesakaṇḍa
pli-tv-pvr1.2:6.1	(…) Upakkamitvā asuciṁ mocento tisso āpattiyo āpajjati.
pli-tv-pvr1.2:6.2	Ceteti upakkamati muccati, āpatti saṅghādisesassa;
pli-tv-pvr1.2:6.3	ceteti upakkamati na muccati, āpatti thullaccayassa;
pli-tv-pvr1.2:6.4	payoge dukkaṭaṁ.
pli-tv-pvr1.2:7.1	Mātugāmena saddhiṁ kāyasaṁsaggaṁ samāpajjanto tisso āpattiyo āpajjati.
pli-tv-pvr1.2:7.2	Kāyena kāyaṁ āmasati, āpatti saṅghādisesassa;
pli-tv-pvr1.2:7.3	kāyena kāyapaṭibaddhaṁ āmasati, āpatti thullaccayassa;
pli-tv-pvr1.2:7.4	kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-pvr1.2:8.1	Mātugāmaṁ duṭṭhullāhi vācāhi obhāsento tisso āpattiyo āpajjati.
pli-tv-pvr1.2:8.2	Vaccamaggaṁ passāvamaggaṁ ādissa vaṇṇampi bhaṇati, avaṇṇampi bhaṇati, āpatti saṅghādisesassa;
pli-tv-pvr1.2:8.3	vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati avaṇṇampi bhaṇati, āpatti thullaccayassa;
pli-tv-pvr1.2:8.4	kāyapaṭibaddhaṁ ādissa vaṇṇampi bhaṇati avaṇṇampi bhaṇati, āpatti dukkaṭassa.
pli-tv-pvr1.2:9.1	Attakāmapāricariyāya vaṇṇaṁ bhāsanto tisso āpattiyo āpajjati.
pli-tv-pvr1.2:9.2	Mātugāmassa santike attakāmapāricariyāya vaṇṇaṁ bhāsati, āpatti saṅghādisesassa;
pli-tv-pvr1.2:9.3	paṇḍakassa santike attakāmapāricariyāya vaṇṇaṁ bhāsati, āpatti thullaccayassa;
pli-tv-pvr1.2:9.4	tiracchānagatassa santike attakāmapāricariyāya vaṇṇaṁ bhāsati, āpatti dukkaṭassa.
pli-tv-pvr1.2:10.1	Sañcarittaṁ samāpajjanto tisso āpattiyo āpajjati.
pli-tv-pvr1.2:10.2	Paṭiggaṇhāti vīmaṁsati paccāharati, āpatti saṅghādisesassa;
pli-tv-pvr1.2:10.3	paṭiggaṇhāti vīmaṁsati na paccāharati, āpatti thullaccayassa;
pli-tv-pvr1.2:10.4	paṭiggaṇhāti na vīmaṁsati na paccāharati, āpatti dukkaṭassa.
pli-tv-pvr1.2:11.1	Saññācikāya kuṭiṁ kārāpento tisso āpattiyo āpajjati.
pli-tv-pvr1.2:11.2	Kārāpeti, payoge dukkaṭaṁ;
pli-tv-pvr1.2:11.3	ekaṁ piṇḍaṁ anāgate, āpatti thullaccayassa;
pli-tv-pvr1.2:11.4	tasmiṁ piṇḍe āgate, āpatti saṅghādisesassa.
pli-tv-pvr1.2:12.1	Mahallakaṁ vihāraṁ kārāpento tisso āpattiyo āpajjati.
pli-tv-pvr1.2:12.2	Kārāpeti, payoge dukkaṭaṁ;
pli-tv-pvr1.2:12.3	ekaṁ piṇḍaṁ anāgate, āpatti thullaccayassa;
pli-tv-pvr1.2:12.4	tasmiṁ piṇḍe āgate, āpatti saṅghādisesassa.
pli-tv-pvr1.2:13.1	Bhikkhuṁ amūlakena pārājikena dhammena anuddhaṁsento tisso āpattiyo āpajjati.
pli-tv-pvr1.2:13.2	Anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa;
pli-tv-pvr1.2:13.3	okāsaṁ kārāpetvā akkosādhippāyo vadeti, āpatti omasavādassa.
pli-tv-pvr1.2:14.1	Bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsento tisso āpattiyo āpajjati.
pli-tv-pvr1.2:14.2	Anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa;
pli-tv-pvr1.2:14.3	okāsaṁ kārāpetvā akkosādhippāyo vadeti, āpatti omasavādassa.
pli-tv-pvr1.2:15.1	Saṅghabhedako bhikkhu yāvatatiyaṁ samanubhāsanāya na paṭinissajjanto tisso āpattiyo āpajjati.
pli-tv-pvr1.2:15.2	Ñattiyā dukkaṭaṁ;
pli-tv-pvr1.2:15.3	dvīhi kammavācāhi thullaccayā;
pli-tv-pvr1.2:15.4	kammavācāpariyosāne āpatti saṅghādisesassa.
pli-tv-pvr1.2:16.1	Bhedakānuvattakā bhikkhū yāvatatiyaṁ samanubhāsanāya na paṭinissajjantā tisso āpattiyo āpajjanti.
pli-tv-pvr1.2:16.2	Ñattiyā dukkaṭaṁ;
pli-tv-pvr1.2:16.3	dvīhi kammavācāhi thullaccayā;
pli-tv-pvr1.2:16.4	kammavācāpariyosāne āpatti saṅghādisesassa.
pli-tv-pvr1.2:17.1	Dubbaco bhikkhu yāvatatiyaṁ samanubhāsanāya na paṭinissajjanto tisso āpattiyo āpajjati.
pli-tv-pvr1.2:17.2	Ñattiyā dukkaṭaṁ;
pli-tv-pvr1.2:17.3	dvīhi kammavācāhi thullaccayā;
pli-tv-pvr1.2:17.4	kammavācāpariyosāne āpatti saṅghādisesassa.
pli-tv-pvr1.2:18.1	Kuladūsako bhikkhu yāvatatiyaṁ samanubhāsanāya na paṭinissajjanto tisso āpattiyo āpajjati.
pli-tv-pvr1.2:18.2	Ñattiyā dukkaṭaṁ;
pli-tv-pvr1.2:18.3	dvīhi kammavācāhi thullaccayā;
pli-tv-pvr1.2:18.4	kammavācāpariyosāne āpatti saṅghādisesassa.
pli-tv-pvr1.2:19.1	Terasa saṅghādisesā niṭṭhitā.
pli-tv-pvr1.2:20.0.1	4. Nissaggiyakaṇḍa
pli-tv-pvr1.2:20.0.2	4.1. Kathinavagga
pli-tv-pvr1.2:20.1	Atirekacīvaraṁ dasāhaṁ atikkāmento ekaṁ āpattiṁ āpajjati.
pli-tv-pvr1.2:20.2	Nissaggiyaṁ pācittiyaṁ.
pli-tv-pvr1.2:21.1	Ekarattaṁ ticīvarena vippavasanto ekaṁ āpattiṁ āpajjati.
pli-tv-pvr1.2:21.2	Nissaggiyaṁ pācittiyaṁ.
pli-tv-pvr1.2:22.1	Akālacīvaraṁ paṭiggahetvā māsaṁ atikkāmento ekaṁ āpattiṁ āpajjati.
pli-tv-pvr1.2:22.2	Nissaggiyaṁ pācittiyaṁ.
pli-tv-pvr1.2:23.1	Aññātikāya bhikkhuniyā purāṇacīvaraṁ dhovāpento dve āpattiyo āpajjati.
pli-tv-pvr1.2:23.2	Dhovāpeti, payoge dukkaṭaṁ;
pli-tv-pvr1.2:23.3	dhovāpite nissaggiyaṁ pācittiyaṁ.
pli-tv-pvr1.2:24.1	Aññātikāya bhikkhuniyā hatthato cīvaraṁ paṭiggaṇhanto dve āpattiyo āpajjati.
pli-tv-pvr1.2:24.2	Gaṇhāti, payoge dukkaṭaṁ;
pli-tv-pvr1.2:24.3	gahite nissaggiyaṁ pācittiyaṁ.
pli-tv-pvr1.2:25.1	Aññātakaṁ gahapatiṁ vā gahapatāniṁ vā cīvaraṁ viññāpento dve āpattiyo āpajjati.
pli-tv-pvr1.2:25.2	Viññāpeti, payoge dukkaṭaṁ;
pli-tv-pvr1.2:25.3	viññāpite nissaggiyaṁ pācittiyaṁ.
pli-tv-pvr1.2:26.1	Aññātakaṁ gahapatiṁ vā gahapatāniṁ vā tatuttari cīvaraṁ viññāpento dve āpattiyo āpajjati.
pli-tv-pvr1.2:26.2	Viññāpeti, payoge dukkaṭaṁ;
pli-tv-pvr1.2:26.3	viññāpite nissaggiyaṁ pācittiyaṁ.
pli-tv-pvr1.2:27.1	Pubbe appavārito aññātakaṁ gahapatikaṁ upasaṅkamitvā cīvare vikappaṁ āpajjanto dve āpattiyo āpajjati.
pli-tv-pvr1.2:27.2	Vikappaṁ āpajjati, payoge dukkaṭaṁ;
pli-tv-pvr1.2:27.3	vikappaṁ āpanne nissaggiyaṁ pācittiyaṁ.
pli-tv-pvr1.2:28.1	Pubbe appavārito aññātake gahapatike upasaṅkamitvā cīvare vikappaṁ āpajjanto dve āpattiyo āpajjati.
pli-tv-pvr1.2:28.2	Vikappaṁ āpajjati, payoge dukkaṭaṁ;
pli-tv-pvr1.2:28.3	vikappaṁ āpanne nissaggiyaṁ pācittiyaṁ.
pli-tv-pvr1.2:29.1	Atirekatikkhattuṁ codanāya atirekachakkhattuṁ ṭhānena cīvaraṁ abhinipphādento dve āpattiyo āpajjati.
pli-tv-pvr1.2:29.2	Abhinipphādeti, payoge dukkaṭaṁ;
pli-tv-pvr1.2:29.3	abhinipphādite nissaggiyaṁ pācittiyaṁ.
pli-tv-pvr1.2:30.1	Kathinavaggo paṭhamo.
pli-tv-pvr1.2:31.0	4.2. Kosiyavagga
pli-tv-pvr1.2:31.1	Kosiyamissakaṁ santhataṁ kārāpento dve āpattiyo āpajjati.
pli-tv-pvr1.2:31.2	Kārāpeti, payoge dukkaṭaṁ;
pli-tv-pvr1.2:31.3	kārāpite nissaggiyaṁ pācittiyaṁ.
pli-tv-pvr1.2:32.1	Suddhakāḷakānaṁ eḷakalomānaṁ santhataṁ kārāpento dve āpattiyo āpajjati.
pli-tv-pvr1.2:32.2	Kārāpeti, payoge dukkaṭaṁ;
pli-tv-pvr1.2:32.3	kārāpite nissaggiyaṁ pācittiyaṁ.
pli-tv-pvr1.2:33.1	Anādiyitvā tulaṁ odātānaṁ tulaṁ gocariyānaṁ navaṁ santhataṁ kārāpento dve āpattiyo āpajjati.
pli-tv-pvr1.2:33.2	Kārāpeti, payoge dukkaṭaṁ;
pli-tv-pvr1.2:33.3	kārāpite nissaggiyaṁ pācittiyaṁ.
pli-tv-pvr1.2:34.1	Anuvassaṁ santhataṁ kārāpento dve āpattiyo āpajjati.
pli-tv-pvr1.2:34.2	Kārāpeti, payoge dukkaṭaṁ;
pli-tv-pvr1.2:34.3	kārāpite nissaggiyaṁ pācittiyaṁ.
pli-tv-pvr1.2:35.1	Anādiyitvā purāṇasanthatassa sāmantā sugatavidatthiṁ navaṁ nisīdanasanthataṁ kārāpento dve āpattiyo āpajjati.
pli-tv-pvr1.2:35.2	Kārāpeti, payoge dukkaṭaṁ;
pli-tv-pvr1.2:35.3	kārāpite nissaggiyaṁ pācittiyaṁ.
pli-tv-pvr1.2:36.1	Eḷakalomāni paṭiggahetvā tiyojanaṁ atikkāmento dve āpattiyo āpajjati.
pli-tv-pvr1.2:36.2	Paṭhamaṁ pādaṁ tiyojanaṁ atikkāmeti, āpatti dukkaṭassa;
pli-tv-pvr1.2:36.3	dutiyaṁ pādaṁ atikkāmeti, nissaggiyaṁ pācittiyaṁ.
pli-tv-pvr1.2:37.1	Aññātikāya bhikkhuniyā eḷakalomāni dhovāpento dve āpattiyo āpajjati.
pli-tv-pvr1.2:37.2	Dhovāpeti, payoge dukkaṭaṁ;
pli-tv-pvr1.2:37.3	dhovāpite nissaggiyaṁ pācittiyaṁ.
pli-tv-pvr1.2:38.1	Rūpiyaṁ paṭiggaṇhanto dve āpattiyo āpajjati.
pli-tv-pvr1.2:38.2	Gaṇhāti, payoge dukkaṭaṁ;
pli-tv-pvr1.2:38.3	gahite nissaggiyaṁ pācittiyaṁ.
pli-tv-pvr1.2:39.1	Nānappakārakaṁ rūpiyasaṁvohāraṁ samāpajjanto dve āpattiyo āpajjati.
pli-tv-pvr1.2:39.2	Samāpajjati, payoge dukkaṭaṁ;
pli-tv-pvr1.2:39.3	samāpanne nissaggiyaṁ pācittiyaṁ.
pli-tv-pvr1.2:40.1	Nānappakārakaṁ kayavikkayaṁ samāpajjanto dve āpattiyo āpajjati.
pli-tv-pvr1.2:40.2	Samāpajjati, payoge dukkaṭaṁ;
pli-tv-pvr1.2:40.3	samāpanne nissaggiyaṁ pācittiyaṁ.
pli-tv-pvr1.2:41.1	Kosiyavaggo dutiyo.
pli-tv-pvr1.2:42.0	4.3. Pattavagga
pli-tv-pvr1.2:42.1	Atirekapattaṁ dasāhaṁ atikkāmento ekaṁ āpattiṁ āpajjati.
pli-tv-pvr1.2:42.2	Nissaggiyaṁ pācittiyaṁ.
pli-tv-pvr1.2:43.1	Ūnapañcabandhanena pattena aññaṁ navaṁ pattaṁ cetāpento dve āpattiyo āpajjati.
pli-tv-pvr1.2:43.2	Cetāpeti, payoge dukkaṭaṁ;
pli-tv-pvr1.2:43.3	cetāpite nissaggiyaṁ pācittiyaṁ.
pli-tv-pvr1.2:44.1	Bhesajjāni paṭiggahetvā sattāhaṁ atikkāmento ekaṁ āpattiṁ āpajjati.
pli-tv-pvr1.2:44.2	Nissaggiyaṁ pācittiyaṁ.
pli-tv-pvr1.2:45.1	Atirekamāse sese gimhāne vassikasāṭikacīvaraṁ pariyesanto dve āpattiyo āpajjati.
pli-tv-pvr1.2:45.2	Pariyesati, payoge dukkaṭaṁ;
pli-tv-pvr1.2:45.3	pariyiṭṭhe nissaggiyaṁ pācittiyaṁ.
pli-tv-pvr1.2:46.1	Bhikkhussa sāmaṁ cīvaraṁ datvā kupito anattamano acchindanto dve āpattiyo āpajjati.
pli-tv-pvr1.2:46.2	Acchindati, payoge dukkaṭaṁ;
pli-tv-pvr1.2:46.3	acchinne nissaggiyaṁ pācittiyaṁ.
pli-tv-pvr1.2:47.1	Sāmaṁ suttaṁ viññāpetvā tantavāyehi cīvaraṁ vāyāpento dve āpattiyo āpajjati.
pli-tv-pvr1.2:47.2	Vāyāpeti, payoge dukkaṭaṁ;
pli-tv-pvr1.2:47.3	vāyāpite nissaggiyaṁ pācittiyaṁ.
pli-tv-pvr1.2:48.1	Pubbe appavārito aññātakassa gahapatikassa tantavāye upasaṅkamitvā cīvare vikappaṁ āpajjanto dve āpattiyo āpajjati.
pli-tv-pvr1.2:48.2	Vikappaṁ āpajjati, payoge dukkaṭaṁ;
pli-tv-pvr1.2:48.3	vikappaṁ āpanne nissaggiyaṁ pācittiyaṁ.
pli-tv-pvr1.2:49.1	Accekacīvaraṁ paṭiggahetvā cīvarakālasamayaṁ atikkāmento ekaṁ āpattiṁ āpajjati.
pli-tv-pvr1.2:49.2	Nissaggiyaṁ pācittiyaṁ.
pli-tv-pvr1.2:50.1	Tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasanto ekaṁ āpattiṁ āpajjati.
pli-tv-pvr1.2:50.2	Nissaggiyaṁ pācittiyaṁ.
pli-tv-pvr1.2:51.1	Jānaṁ saṅghikaṁ lābhaṁ pariṇataṁ attano pariṇāmento dve āpattiyo āpajjati.
pli-tv-pvr1.2:51.2	Pariṇāmeti, payoge dukkaṭaṁ;
pli-tv-pvr1.2:51.3	pariṇāmite nissaggiyaṁ pācittiyaṁ.
pli-tv-pvr1.2:52.1	Pattavaggo tatiyo.
pli-tv-pvr1.2:52.2	Tiṁsa nissaggiyā pācittiyā niṭṭhitā.
pli-tv-pvr1.2:53.0.1	5. Pācittiyakaṇḍa
pli-tv-pvr1.2:53.0.2	5.1. Musāvādavagga
pli-tv-pvr1.2:53.1	Sampajānamusāvādaṁ bhāsanto kati āpattiyo āpajjati?
pli-tv-pvr1.2:53.2	Sampajānamusāvādaṁ bhāsanto pañca āpattiyo āpajjati.
pli-tv-pvr1.2:53.3	Pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa;
pli-tv-pvr1.2:53.4	bhikkhuṁ amūlakena pārājikena dhammena anuddhaṁseti, āpatti saṅghādisesassa;
pli-tv-pvr1.2:53.5	“yo te vihāre vasati, so bhikkhu arahā”ti bhaṇati, paṭivijānantassa āpatti thullaccayassa;
pli-tv-pvr1.2:53.6	na paṭivijānantassa āpatti dukkaṭassa;
pli-tv-pvr1.2:53.7	sampajānamusāvāde pācittiyaṁ—
pli-tv-pvr1.2:53.8	sampajānamusāvādaṁ bhāsanto imā pañca āpattiyo āpajjati.
pli-tv-pvr1.2:54.1	Omasanto dve āpattiyo āpajjati.
pli-tv-pvr1.2:54.2	Upasampannaṁ omasati, āpatti pācittiyassa;
pli-tv-pvr1.2:54.3	anupasampannaṁ omasati, āpatti dukkaṭassa.
pli-tv-pvr1.2:55.1	Pesuññaṁ upasaṁharanto dve āpattiyo āpajjati.
pli-tv-pvr1.2:55.2	Upasampannassa pesuññaṁ upasaṁharati, āpatti pācittiyassa;
pli-tv-pvr1.2:55.3	anupasampannassa pesuññaṁ upasaṁharati, āpatti dukkaṭassa.
pli-tv-pvr1.2:56.1	Anupasampannaṁ padaso dhammaṁ vācento dve āpattiyo āpajjati.
pli-tv-pvr1.2:56.2	Vāceti, payoge dukkaṭaṁ;
pli-tv-pvr1.2:56.3	pade pade āpatti pācittiyassa.
pli-tv-pvr1.2:57.1	Anupasampannena uttaridirattatirattaṁ sahaseyyaṁ kappento dve āpattiyo āpajjati.
pli-tv-pvr1.2:57.2	Nipajjati, payoge dukkaṭaṁ;
pli-tv-pvr1.2:57.3	nipanne āpatti pācittiyassa.
pli-tv-pvr1.2:58.1	Mātugāmena sahaseyyaṁ kappento dve āpattiyo āpajjati.
pli-tv-pvr1.2:58.2	Nipajjati, payoge dukkaṭaṁ;
pli-tv-pvr1.2:58.3	nipanne āpatti pācittiyassa.
pli-tv-pvr1.2:59.1	Mātugāmassa uttarichappañcavācāhi dhammaṁ desento dve āpattiyo āpajjati.
pli-tv-pvr1.2:59.2	Deseti, payoge dukkaṭaṁ;
pli-tv-pvr1.2:59.3	pade pade āpatti pācittiyassa.
pli-tv-pvr1.2:60.1	Anupasampannassa uttarimanussadhammaṁ bhūtaṁ ārocento dve āpattiyo āpajjati.
pli-tv-pvr1.2:60.2	Āroceti, payoge dukkaṭaṁ;
pli-tv-pvr1.2:60.3	ārocite āpatti pācittiyassa.
pli-tv-pvr1.2:61.1	Bhikkhussa duṭṭhullaṁ āpattiṁ anupasampannassa ārocento dve āpattiyo āpajjati.
pli-tv-pvr1.2:61.2	Āroceti, payoge dukkaṭaṁ;
pli-tv-pvr1.2:61.3	ārocite āpatti pācittiyassa.
pli-tv-pvr1.2:62.1	Pathaviṁ khaṇanto dve āpattiyo āpajjati.
pli-tv-pvr1.2:62.2	Khaṇati, payoge dukkaṭaṁ;
pli-tv-pvr1.2:62.3	pahāre pahāre āpatti pācittiyassa.
pli-tv-pvr1.2:63.1	Musāvādavaggo paṭhamo.
pli-tv-pvr1.2:64.0	5.2. Bhūtagāmavagga
pli-tv-pvr1.2:64.1	Bhūtagāmaṁ pātento dve āpattiyo āpajjati.
pli-tv-pvr1.2:64.2	Pāteti, payoge dukkaṭaṁ;
pli-tv-pvr1.2:64.3	pahāre pahāre āpatti pācittiyassa.
pli-tv-pvr1.2:65.1	Aññenaññaṁ paṭicaranto dve āpattiyo āpajjati.
pli-tv-pvr1.2:65.2	Anāropite aññavādake aññenaññaṁ paṭicarati, āpatti dukkaṭassa;
pli-tv-pvr1.2:65.3	āropite aññavādake aññenaññaṁ paṭicarati, āpatti pācittiyassa.
pli-tv-pvr1.2:66.1	Bhikkhuṁ ujjhāpento dve āpattiyo āpajjati.
pli-tv-pvr1.2:66.2	Ujjhāpeti, payoge dukkaṭaṁ;
pli-tv-pvr1.2:66.3	ujjhāpite āpatti pācittiyassa.
pli-tv-pvr1.2:67.1	Saṅghikaṁ mañcaṁ vā pīṭhaṁ vā bhisiṁ vā kocchaṁ vā ajjhokāse santharitvā anuddharitvā anāpucchā pakkamanto dve āpattiyo āpajjati.
pli-tv-pvr1.2:67.2	Paṭhamaṁ pādaṁ leḍḍupātaṁ atikkāmeti, āpatti dukkaṭassa;
pli-tv-pvr1.2:67.3	dutiyaṁ pādaṁ atikkāmeti, āpatti pācittiyassa.
pli-tv-pvr1.2:68.1	Saṅghike vihāre seyyaṁ santharitvā anuddharitvā anāpucchā pakkamanto dve āpattiyo āpajjati.
pli-tv-pvr1.2:68.2	Paṭhamaṁ pādaṁ parikkhepaṁ atikkāmeti, āpatti dukkaṭassa;
pli-tv-pvr1.2:68.3	dutiyaṁ pādaṁ atikkāmeti, āpatti pācittiyassa.
pli-tv-pvr1.2:69.1	Saṅghike vihāre jānaṁ pubbupagataṁ bhikkhuṁ anupakhajja seyyaṁ kappento dve āpattiyo āpajjati.
pli-tv-pvr1.2:69.2	Nipajjati, payoge dukkaṭaṁ;
pli-tv-pvr1.2:69.3	nipanne āpatti pācittiyassa.
pli-tv-pvr1.2:70.1	Bhikkhuṁ kupito anattamano saṅghikā vihārā nikkaḍḍhento dve āpattiyo āpajjati.
pli-tv-pvr1.2:70.2	Nikkaḍḍhati, payoge dukkaṭaṁ;
pli-tv-pvr1.2:70.3	nikkaḍḍhite āpatti pācittiyassa.
pli-tv-pvr1.2:71.1	Saṅghike vihāre uparivehāsakuṭiyā āhaccapādakaṁ mañcaṁ vā pīṭhaṁ vā abhinisīdanto dve āpattiyo āpajjati.
pli-tv-pvr1.2:71.2	Abhinisīdati, payoge dukkaṭaṁ;
pli-tv-pvr1.2:71.3	abhinisinne āpatti pācittiyassa.
pli-tv-pvr1.2:72.1	Dvattipariyāye adhiṭṭhahitvā tatuttari adhiṭṭhahanto dve āpattiyo āpajjati.
pli-tv-pvr1.2:72.2	Adhiṭṭheti, payoge dukkaṭaṁ;
pli-tv-pvr1.2:72.3	adhiṭṭhite āpatti pācittiyassa.
pli-tv-pvr1.2:73.1	Jānaṁ sappāṇakaṁ udakaṁ tiṇaṁ vā mattikaṁ vā siñcanto dve āpattiyo āpajjati.
pli-tv-pvr1.2:73.2	Siñcati, payoge dukkaṭaṁ;
pli-tv-pvr1.2:73.3	siñcite āpatti pācittiyassa.
pli-tv-pvr1.2:74.1	Bhūtagāmavaggo dutiyo.
pli-tv-pvr1.2:75.0	5.3. Ovādavagga
pli-tv-pvr1.2:75.1	Asammato bhikkhuniyo ovadanto dve āpattiyo āpajjati.
pli-tv-pvr1.2:75.2	Ovadati, payoge dukkaṭaṁ;
pli-tv-pvr1.2:75.3	ovadite āpatti pācittiyassa.
pli-tv-pvr1.2:76.1	Atthaṅgate sūriye bhikkhuniyo ovadanto dve āpattiyo āpajjati.
pli-tv-pvr1.2:76.2	Ovadati, payoge dukkaṭaṁ;
pli-tv-pvr1.2:76.3	ovadite āpatti pācittiyassa.
pli-tv-pvr1.2:77.1	Bhikkhunupassayaṁ upasaṅkamitvā bhikkhuniyo ovadanto dve āpattiyo āpajjati.
pli-tv-pvr1.2:77.2	Ovadati, payoge dukkaṭaṁ;
pli-tv-pvr1.2:77.3	ovadite āpatti pācittiyassa.
pli-tv-pvr1.2:78.1	“Āmisahetu bhikkhū bhikkhuniyo ovadantī”ti bhaṇanto dve āpattiyo āpajjati.
pli-tv-pvr1.2:78.2	Bhaṇati, payoge dukkaṭaṁ;
pli-tv-pvr1.2:78.3	bhaṇite āpatti pācittiyassa.
pli-tv-pvr1.2:79.1	Aññātikāya bhikkhuniyā cīvaraṁ dento dve āpattiyo āpajjati.
pli-tv-pvr1.2:79.2	Deti, payoge dukkaṭaṁ;
pli-tv-pvr1.2:79.3	dinne āpatti pācittiyassa.
pli-tv-pvr1.2:80.1	Aññātikāya bhikkhuniyā cīvaraṁ sibbento dve āpattiyo āpajjati.
pli-tv-pvr1.2:80.2	Sibbeti, payoge dukkaṭaṁ;
pli-tv-pvr1.2:80.3	ārāpathe ārāpathe āpatti pācittiyassa.
pli-tv-pvr1.2:81.1	Bhikkhuniyā saddhiṁ saṁvidhāya ekaddhānamaggaṁ paṭipajjanto dve āpattiyo āpajjati.
pli-tv-pvr1.2:81.2	Paṭipajjati, payoge dukkaṭaṁ;
pli-tv-pvr1.2:81.3	paṭipanne āpatti pācittiyassa.
pli-tv-pvr1.2:82.1	Bhikkhuniyā saddhiṁ saṁvidhāya ekaṁ nāvaṁ abhiruhanto dve āpattiyo āpajjati.
pli-tv-pvr1.2:82.2	Abhiruhati, payoge dukkaṭaṁ;
pli-tv-pvr1.2:82.3	abhiruḷhe āpatti pācittiyassa.
pli-tv-pvr1.2:83.1	Jānaṁ bhikkhuniparipācitaṁ piṇḍapātaṁ bhuñjanto dve āpattiyo āpajjati.
pli-tv-pvr1.2:83.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:83.3	ajjhohāre ajjhohāre āpatti pācittiyassa.
pli-tv-pvr1.2:84.1	Bhikkhuniyā saddhiṁ eko ekāya raho nisajjaṁ kappento dve āpattiyo āpajjati.
pli-tv-pvr1.2:84.2	Nisīdati, payoge dukkaṭaṁ;
pli-tv-pvr1.2:84.3	nisinne āpatti pācittiyassa.
pli-tv-pvr1.2:85.1	Ovādavaggo tatiyo.
pli-tv-pvr1.2:86.0	5.4. Bhojanavagga
pli-tv-pvr1.2:86.1	Tatuttari āvasathapiṇḍaṁ bhuñjanto dve āpattiyo āpajjati.
pli-tv-pvr1.2:86.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:86.3	ajjhohāre ajjhohāre āpatti pācittiyassa.
pli-tv-pvr1.2:87.1	Gaṇabhojanaṁ bhuñjanto dve āpattiyo āpajjati.
pli-tv-pvr1.2:87.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:87.3	ajjhohāre ajjhohāre āpatti pācittiyassa.
pli-tv-pvr1.2:88.1	Paramparabhojanaṁ bhuñjanto dve āpattiyo āpajjati.
pli-tv-pvr1.2:88.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:88.3	ajjhohāre ajjhohāre āpatti pācittiyassa.
pli-tv-pvr1.2:89.1	Dvattipattapūre pūve paṭiggahetvā tatuttari paṭiggaṇhanto dve āpattiyo āpajjati.
pli-tv-pvr1.2:89.2	Gaṇhāti, payoge dukkaṭaṁ;
pli-tv-pvr1.2:89.3	gahite āpatti pācittiyassa.
pli-tv-pvr1.2:90.1	Bhuttāvī pavārito anatirittaṁ khādanīyaṁ vā bhojanīyaṁ vā bhuñjanto dve āpattiyo āpajjati.
pli-tv-pvr1.2:90.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:90.3	ajjhohāre ajjhohāre āpatti pācittiyassa.
pli-tv-pvr1.2:91.1	Bhikkhuṁ bhuttāviṁ pavāritaṁ anatirittena khādanīyena vā bhojanīyena vā abhihaṭṭhuṁ pavārento dve āpattiyo āpajjati.
pli-tv-pvr1.2:91.2	Tassa vacanena “khādissāmi bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:91.3	bhojanapariyosāne āpatti pācittiyassa.
pli-tv-pvr1.2:92.1	Vikāle khādanīyaṁ vā bhojanīyaṁ vā bhuñjanto dve āpattiyo āpajjati.
pli-tv-pvr1.2:92.2	“Khādissāmi bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:92.3	ajjhohāre ajjhohāre āpatti pācittiyassa.
pli-tv-pvr1.2:93.1	Sannidhikārakaṁ khādanīyaṁ vā bhojanīyaṁ vā bhuñjanto dve āpattiyo āpajjati.
pli-tv-pvr1.2:93.2	“Khādissāmi bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:93.3	ajjhohāre ajjhohāre āpatti pācittiyassa.
pli-tv-pvr1.2:94.1	Paṇītabhojanāni attano atthāya viññāpetvā bhuñjanto dve āpattiyo āpajjati.
pli-tv-pvr1.2:94.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:94.3	ajjhohāre ajjhohāre āpatti pācittiyassa.
pli-tv-pvr1.2:95.1	Adinnaṁ mukhadvāraṁ āhāraṁ āharanto dve āpattiyo āpajjati.
pli-tv-pvr1.2:95.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:95.3	ajjhohāre ajjhohāre āpatti pācittiyassa.
pli-tv-pvr1.2:96.1	Bhojanavaggo catuttho.
pli-tv-pvr1.2:97.0	5.5. Acelakavagga
pli-tv-pvr1.2:97.1	Acelakassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dento dve āpattiyo āpajjati.
pli-tv-pvr1.2:97.2	Deti, payoge dukkaṭaṁ;
pli-tv-pvr1.2:97.3	dinne āpatti pācittiyassa.
pli-tv-pvr1.2:98.1	Bhikkhuṁ—“ehāvuso, gāmaṁ vā nigamaṁ vā piṇḍāya pavisissāmā”ti tassa dāpetvā vā adāpetvā vā uyyojento dve āpattiyo āpajjati.
pli-tv-pvr1.2:98.2	Uyyojeti, payoge dukkaṭaṁ;
pli-tv-pvr1.2:98.3	uyyojite āpatti pācittiyassa.
pli-tv-pvr1.2:99.1	Sabhojane kule anupakhajja nisajjaṁ kappento dve āpattiyo āpajjati.
pli-tv-pvr1.2:99.2	Nisīdati, payoge dukkaṭaṁ;
pli-tv-pvr1.2:99.3	nisinne āpatti pācittiyassa.
pli-tv-pvr1.2:100.1	Mātugāmena saddhiṁ raho paṭicchanne āsane nisajjaṁ kappento dve āpattiyo āpajjati.
pli-tv-pvr1.2:100.2	Nisīdati, payoge dukkaṭaṁ;
pli-tv-pvr1.2:100.3	nisinne āpatti pācittiyassa.
pli-tv-pvr1.2:101.1	Mātugāmena saddhiṁ eko ekāya raho nisajjaṁ kappento dve āpattiyo āpajjati.
pli-tv-pvr1.2:101.2	Nisīdati, payoge dukkaṭaṁ;
pli-tv-pvr1.2:101.3	nisinne āpatti pācittiyassa.
pli-tv-pvr1.2:102.1	Nimantito sabhatto samāno purebhattaṁ pacchābhattaṁ kulesu cārittaṁ āpajjanto dve āpattiyo āpajjati.
pli-tv-pvr1.2:102.2	Paṭhamaṁ pādaṁ ummāraṁ atikkāmeti, āpatti dukkaṭassa;
pli-tv-pvr1.2:102.3	dutiyaṁ pādaṁ atikkāmeti, āpatti pācittiyassa.
pli-tv-pvr1.2:103.1	Tatuttari bhesajjaṁ viññāpento dve āpattiyo āpajjati.
pli-tv-pvr1.2:103.2	Viññāpeti, payoge dukkaṭaṁ;
pli-tv-pvr1.2:103.3	viññāpite āpatti pācittiyassa.
pli-tv-pvr1.2:104.1	Uyyuttaṁ senaṁ dassanāya gacchanto dve āpattiyo āpajjati.
pli-tv-pvr1.2:104.2	Gacchati, āpatti dukkaṭassa;
pli-tv-pvr1.2:104.3	yattha ṭhito passati, āpatti pācittiyassa.
pli-tv-pvr1.2:105.1	Atirekatirattaṁ senāya vasanto dve āpattiyo āpajjati.
pli-tv-pvr1.2:105.2	Vasati, payoge dukkaṭaṁ;
pli-tv-pvr1.2:105.3	vasite āpatti pācittiyassa.
pli-tv-pvr1.2:106.1	Uyyodhikaṁ gacchanto dve āpattiyo āpajjati.
pli-tv-pvr1.2:106.2	Gacchati, āpatti dukkaṭassa;
pli-tv-pvr1.2:106.3	yattha ṭhito passati, āpatti pācittiyassa.
pli-tv-pvr1.2:107.1	Acelakavaggo pañcamo.
pli-tv-pvr1.2:108.0	5.6. Surāmerayavagga
pli-tv-pvr1.2:108.1	Majjaṁ pivanto dve āpattiyo āpajjati.
pli-tv-pvr1.2:108.2	“Pivissāmī”ti paṭiggaṇhāti, āpatti dukkaṭassa;
pli-tv-pvr1.2:108.3	ajjhohāre ajjhohāre āpatti pācittiyassa.
pli-tv-pvr1.2:109.1	Bhikkhuṁ aṅgulipatodakena hāsento dve āpattiyo āpajjati.
pli-tv-pvr1.2:109.2	Hāseti, payoge dukkaṭaṁ;
pli-tv-pvr1.2:109.3	hasite āpatti pācittiyassa.
pli-tv-pvr1.2:110.1	Udake kīḷanto dve āpattiyo āpajjati.
pli-tv-pvr1.2:110.2	Heṭṭhāgopphake udake kīḷati, āpatti dukkaṭassa;
pli-tv-pvr1.2:110.3	uparigopphake kīḷati, āpatti pācittiyassa.
pli-tv-pvr1.2:111.1	Anādariyaṁ karonto dve āpattiyo āpajjati.
pli-tv-pvr1.2:111.2	Karoti, payoge dukkaṭaṁ;
pli-tv-pvr1.2:111.3	kate āpatti pācittiyassa.
pli-tv-pvr1.2:112.1	Bhikkhuṁ bhiṁsāpento dve āpattiyo āpajjati.
pli-tv-pvr1.2:112.2	Bhiṁsāpeti, payoge dukkaṭaṁ;
pli-tv-pvr1.2:112.3	bhiṁsāpite āpatti pācittiyassa.
pli-tv-pvr1.2:113.1	Jotiṁ samādahitvā visibbento dve āpattiyo āpajjati.
pli-tv-pvr1.2:113.2	Samādahati, payoge dukkaṭaṁ;
pli-tv-pvr1.2:113.3	samādahite āpatti pācittiyassa.
pli-tv-pvr1.2:114.1	Orenaddhamāsaṁ nahāyanto dve āpattiyo āpajjati.
pli-tv-pvr1.2:114.2	Nahāyati, payoge dukkaṭaṁ;
pli-tv-pvr1.2:114.3	nahānapariyosāne āpatti pācittiyassa.
pli-tv-pvr1.2:115.1	Anādiyitvā tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhuñjanto dve āpattiyo āpajjati.
pli-tv-pvr1.2:115.2	Paribhuñjati, payoge dukkaṭaṁ;
pli-tv-pvr1.2:115.3	paribhutte āpatti pācittiyassa.
pli-tv-pvr1.2:116.1	Bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā appaccuddhāraṇaṁ paribhuñjanto dve āpattiyo āpajjati.
pli-tv-pvr1.2:116.2	Paribhuñjati, payoge dukkaṭaṁ;
pli-tv-pvr1.2:116.3	paribhutte āpatti pācittiyassa.
pli-tv-pvr1.2:117.1	Bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidhento dve āpattiyo āpajjati.
pli-tv-pvr1.2:117.2	Apanidheti, payoge dukkaṭaṁ;
pli-tv-pvr1.2:117.3	apanidhite āpatti pācittiyassa.
pli-tv-pvr1.2:118.1	Surāmerayavaggo chaṭṭho.
pli-tv-pvr1.2:119.0	5.7. Sappāṇakavagga
pli-tv-pvr1.2:119.1	Sañcicca pāṇaṁ jīvitā voropento kati āpattiyo āpajjati?
pli-tv-pvr1.2:119.2	Sañcicca pāṇaṁ jīvitā voropento catasso āpattiyo āpajjati.
pli-tv-pvr1.2:119.3	Anodissa opātaṁ khaṇati—“yo koci papatitvā marissatī”ti, āpatti dukkaṭassa;
pli-tv-pvr1.2:119.4	manusso tasmiṁ papatitvā marati, āpatti pārājikassa;
pli-tv-pvr1.2:119.5	yakkho vā peto vā tiracchānagatamanussaviggaho vā tasmiṁ papatitvā marati, āpatti thullaccayassa;
pli-tv-pvr1.2:119.6	tiracchānagato tasmiṁ papatitvā marati, āpatti pācittiyassa—
pli-tv-pvr1.2:119.7	sañcicca pāṇaṁ jīvitā voropento imā catasso āpattiyo āpajjati.
pli-tv-pvr1.2:120.1	Jānaṁ sappāṇakaṁ udakaṁ paribhuñjanto dve āpattiyo āpajjati.
pli-tv-pvr1.2:120.2	Paribhuñjati, payoge dukkaṭaṁ;
pli-tv-pvr1.2:120.3	paribhutte āpatti pācittiyassa.
pli-tv-pvr1.2:121.1	Jānaṁ yathādhammaṁ nihatādhikaraṇaṁ punakammāya ukkoṭento dve āpattiyo āpajjati.
pli-tv-pvr1.2:121.2	Ukkoṭeti, payoge dukkaṭaṁ;
pli-tv-pvr1.2:121.3	ukkoṭite āpatti pācittiyassa.
pli-tv-pvr1.2:122.1	Bhikkhussa jānaṁ duṭṭhullaṁ āpattiṁ paṭicchādento ekaṁ āpattiṁ āpajjati, pācittiyaṁ.
pli-tv-pvr1.2:123.1	Jānaṁ ūnavīsativassaṁ puggalaṁ upasampādento dve āpattiyo āpajjati.
pli-tv-pvr1.2:123.2	Upasampādeti, payoge dukkaṭaṁ;
pli-tv-pvr1.2:123.3	upasampādite āpatti pācittiyassa.
pli-tv-pvr1.2:124.1	Jānaṁ theyyasatthena saddhiṁ saṁvidhāya ekaddhānamaggaṁ paṭipajjanto dve āpattiyo āpajjati.
pli-tv-pvr1.2:124.2	Paṭipajjati, payoge dukkaṭaṁ;
pli-tv-pvr1.2:124.3	paṭipanne āpatti pācittiyassa.
pli-tv-pvr1.2:125.1	Mātugāmena saddhiṁ saṁvidhāya ekaddhānamaggaṁ paṭipajjanto dve āpattiyo āpajjati.
pli-tv-pvr1.2:125.2	Paṭipajjati, payoge dukkaṭaṁ;
pli-tv-pvr1.2:125.3	paṭipanne āpatti pācittiyassa.
pli-tv-pvr1.2:126.1	Pāpikāya diṭṭhiyā yāvatatiyaṁ samanubhāsanāya na paṭinissajjanto dve āpattiyo āpajjati.
pli-tv-pvr1.2:126.2	Ñattiyā dukkaṭaṁ;
pli-tv-pvr1.2:126.3	kammavācāpariyosāne āpatti pācittiyassa.
pli-tv-pvr1.2:127.1	Jānaṁ tathāvādinā bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjanto dve āpattiyo āpajjati.
pli-tv-pvr1.2:127.2	Sambhuñjati, payoge dukkaṭaṁ;
pli-tv-pvr1.2:127.3	sambhutte āpatti pācittiyassa.
pli-tv-pvr1.2:128.1	Jānaṁ tathānāsitaṁ samaṇuddesaṁ upalāpento dve āpattiyo āpajjati.
pli-tv-pvr1.2:128.2	Upalāpeti, payoge dukkaṭaṁ;
pli-tv-pvr1.2:128.3	upalāpite āpatti pācittiyassa.
pli-tv-pvr1.2:129.1	Sappāṇakavaggo sattamo.
pli-tv-pvr1.2:130.0	5.8. Sahadhammikavagga
pli-tv-pvr1.2:130.1	Bhikkhūhi sahadhammikaṁ vuccamāno—“na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchissāmī”ti bhaṇanto dve āpattiyo āpajjati.
pli-tv-pvr1.2:130.2	Bhaṇati, payoge dukkaṭaṁ;
pli-tv-pvr1.2:130.3	bhaṇite āpatti pācittiyassa.
pli-tv-pvr1.2:131.1	Vinayaṁ vivaṇṇento dve āpattiyo āpajjati.
pli-tv-pvr1.2:131.2	Vivaṇṇeti, payoge dukkaṭaṁ;
pli-tv-pvr1.2:131.3	vivaṇṇite āpatti pācittiyassa.
pli-tv-pvr1.2:132.1	Mohento dve āpattiyo āpajjati.
pli-tv-pvr1.2:132.2	Anāropite mohe moheti, āpatti dukkaṭassa;
pli-tv-pvr1.2:132.3	āropite mohe moheti, āpatti pācittiyassa.
pli-tv-pvr1.2:133.1	Bhikkhussa kupito anattamano pahāraṁ dento dve āpattiyo āpajjati.
pli-tv-pvr1.2:133.2	Paharati, payoge dukkaṭaṁ;
pli-tv-pvr1.2:133.3	pahate āpatti pācittiyassa.
pli-tv-pvr1.2:134.1	Bhikkhussa kupito anattamano talasattikaṁ uggiranto dve āpattiyo āpajjati.
pli-tv-pvr1.2:134.2	Uggirati, payoge dukkaṭaṁ;
pli-tv-pvr1.2:134.3	uggirite āpatti pācittiyassa.
pli-tv-pvr1.2:135.1	Bhikkhuṁ amūlakena saṅghādisesena anuddhaṁsento dve āpattiyo āpajjati.
pli-tv-pvr1.2:135.2	Anuddhaṁseti, payoge dukkaṭaṁ;
pli-tv-pvr1.2:135.3	anuddhaṁsite āpatti pācittiyassa.
pli-tv-pvr1.2:136.1	Bhikkhussa sañcicca kukkuccaṁ upadahanto dve āpattiyo āpajjati.
pli-tv-pvr1.2:136.2	Upadahati, payoge dukkaṭaṁ;
pli-tv-pvr1.2:136.3	upadahite āpatti pācittiyassa.
pli-tv-pvr1.2:137.1	Bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhanto dve āpattiyo āpajjati.
pli-tv-pvr1.2:137.2	“Sossāmī”ti gacchati, āpatti dukkaṭassa;
pli-tv-pvr1.2:137.3	yattha ṭhito suṇāti, āpatti pācittiyassa.
pli-tv-pvr1.2:138.1	Dhammikānaṁ kammānaṁ chandaṁ datvā pacchā khīyanadhammaṁ āpajjanto dve āpattiyo āpajjati.
pli-tv-pvr1.2:138.2	Khiyyati, payoge dukkaṭaṁ;
pli-tv-pvr1.2:138.3	khiyyite āpatti pācittiyassa.
pli-tv-pvr1.2:139.1	Saṅghe vinicchayakathāya vattamānāya chandaṁ adatvā uṭṭhāyāsanā pakkamanto dve āpattiyo āpajjati.
pli-tv-pvr1.2:139.2	Parisāya hatthapāsaṁ vijahantassa āpatti dukkaṭassa;
pli-tv-pvr1.2:139.3	vijahite āpatti pācittiyassa.
pli-tv-pvr1.2:140.1	Samaggena saṅghena cīvaraṁ datvā pacchā khīyanadhammaṁ āpajjanto dve āpattiyo āpajjati.
pli-tv-pvr1.2:140.2	Khiyyati, payoge dukkaṭaṁ;
pli-tv-pvr1.2:140.3	khiyyite āpatti pācittiyassa.
pli-tv-pvr1.2:141.1	Jānaṁ saṅghikaṁ lābhaṁ pariṇataṁ puggalassa pariṇāmento dve āpattiyo āpajjati.
pli-tv-pvr1.2:141.2	Pariṇāmeti, payoge dukkaṭaṁ;
pli-tv-pvr1.2:141.3	pariṇāmite āpatti pācittiyassa.
pli-tv-pvr1.2:142.1	Sahadhammikavaggo aṭṭhamo.
pli-tv-pvr1.2:143.0	5.9. Rājavagga
pli-tv-pvr1.2:143.1	Pubbe appaṭisaṁvidito rañño antepuraṁ pavisanto dve āpattiyo āpajjati.
pli-tv-pvr1.2:143.2	Paṭhamaṁ pādaṁ ummāraṁ atikkāmeti, āpatti dukkaṭassa;
pli-tv-pvr1.2:143.3	dutiyaṁ pādaṁ atikkāmeti, āpatti pācittiyassa.
pli-tv-pvr1.2:144.1	Ratanaṁ uggaṇhanto dve āpattiyo āpajjati.
pli-tv-pvr1.2:144.2	Gaṇhāti, payoge dukkaṭaṁ;
pli-tv-pvr1.2:144.3	gahite āpatti pācittiyassa.
pli-tv-pvr1.2:145.1	Santaṁ bhikkhuṁ anāpucchā vikāle gāmaṁ pavisanto dve āpattiyo āpajjati.
pli-tv-pvr1.2:145.2	Paṭhamaṁ pādaṁ parikkhepaṁ atikkāmeti, āpatti dukkaṭassa;
pli-tv-pvr1.2:145.3	dutiyaṁ pādaṁ atikkāmeti, āpatti pācittiyassa.
pli-tv-pvr1.2:146.1	Aṭṭhimayaṁ vā dantamayaṁ vā visāṇamayaṁ vā sūcigharaṁ kārāpento dve āpattiyo āpajjati.
pli-tv-pvr1.2:146.2	Kārāpeti, payoge dukkaṭaṁ;
pli-tv-pvr1.2:146.3	kārāpite āpatti pācittiyassa.
pli-tv-pvr1.2:147.1	Pamāṇātikkantaṁ mañcaṁ vā pīṭhaṁ vā kārāpento dve āpattiyo āpajjati.
pli-tv-pvr1.2:147.2	Kārāpeti, payoge dukkaṭaṁ;
pli-tv-pvr1.2:147.3	kārāpite āpatti pācittiyassa.
pli-tv-pvr1.2:148.1	Mañcaṁ vā pīṭhaṁ vā tūlonaddhaṁ kārāpento dve āpattiyo āpajjati.
pli-tv-pvr1.2:148.2	Kārāpeti, payoge dukkaṭaṁ;
pli-tv-pvr1.2:148.3	kārāpite āpatti pācittiyassa.
pli-tv-pvr1.2:149.1	Pamāṇātikkantaṁ nisīdanaṁ kārāpento dve āpattiyo āpajjati.
pli-tv-pvr1.2:149.2	Kārāpeti, payoge dukkaṭaṁ;
pli-tv-pvr1.2:149.3	kārāpite āpatti pācittiyassa.
pli-tv-pvr1.2:150.1	Pamāṇātikkantaṁ kaṇḍuppaṭicchādiṁ kārāpento dve āpattiyo āpajjati.
pli-tv-pvr1.2:150.2	Kārāpeti, payoge dukkaṭaṁ;
pli-tv-pvr1.2:150.3	kārāpite āpatti pācittiyassa.
pli-tv-pvr1.2:151.1	Pamāṇātikkantaṁ vassikasāṭikaṁ kārāpento dve āpattiyo āpajjati.
pli-tv-pvr1.2:151.2	Kārāpeti, payoge dukkaṭaṁ;
pli-tv-pvr1.2:151.3	kārāpite āpatti pācittiyassa.
pli-tv-pvr1.2:152.1	Sugatacīvarappamāṇaṁ cīvaraṁ kārāpento kati āpattiyo āpajjati?
pli-tv-pvr1.2:152.2	Sugatacīvarappamāṇaṁ cīvaraṁ kārāpento dve āpattiyo āpajjati.
pli-tv-pvr1.2:152.3	Kārāpeti, payoge dukkaṭaṁ;
pli-tv-pvr1.2:152.4	kārāpite āpatti pācittiyassa—
pli-tv-pvr1.2:152.5	sugatacīvarappamāṇaṁ cīvaraṁ kārāpento imā dve āpattiyo āpajjati.
pli-tv-pvr1.2:153.1	Rājavaggo navamo.
pli-tv-pvr1.2:153.2	Khuddakā niṭṭhitā.
pli-tv-pvr1.2:154.0	6. Pāṭidesanīyakaṇḍa
pli-tv-pvr1.2:154.1	Aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjanto kati āpattiyo āpajjati?
pli-tv-pvr1.2:154.2	Aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjanto dve āpattiyo āpajjati.
pli-tv-pvr1.2:154.3	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:154.4	ajjhohāre ajjhohāre āpatti pāṭidesanīyassa—
pli-tv-pvr1.2:154.5	aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjanto imā dve āpattiyo āpajjati.
pli-tv-pvr1.2:155.1	Bhikkhuniyā vosāsantiyā na nivāretvā bhuñjanto dve āpattiyo āpajjati.
pli-tv-pvr1.2:155.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:155.3	ajjhohāre ajjhohāre āpatti pāṭidesanīyassa.
pli-tv-pvr1.2:156.1	Sekkhasammatesu kulesu khādanīyaṁ vā bhojanīyaṁ vā sahatthā paṭiggahetvā bhuñjanto dve āpattiyo āpajjati.
pli-tv-pvr1.2:156.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:156.3	ajjhohāre ajjhohāre āpatti pāṭidesanīyassa.
pli-tv-pvr1.2:157.1	Āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjanto kati āpattiyo āpajjati?
pli-tv-pvr1.2:157.2	Āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjanto dve āpattiyo āpajjati.
pli-tv-pvr1.2:157.3	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr1.2:157.4	ajjhohāre ajjhohāre āpatti pāṭidesanīyassa—
pli-tv-pvr1.2:157.5	āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā bhuñjanto imā dve āpattiyo āpajjati.
pli-tv-pvr1.2:158.1	Cattāro pāṭidesanīyā niṭṭhitā.
pli-tv-pvr1.2:159.0.1	7. Sekhiyakaṇḍa
pli-tv-pvr1.2:159.0.2	7.1. Parimaṇḍalavagga
pli-tv-pvr1.2:159.1	Anādariyaṁ paṭicca purato vā pacchato vā olambento nivāsento kati āpattiyo āpajjati?
pli-tv-pvr1.2:159.2	Anādariyaṁ paṭicca purato vā pacchato vā olambento nivāsento ekaṁ āpattiṁ āpajjati.
pli-tv-pvr1.2:159.3	Dukkaṭaṁ—
pli-tv-pvr1.2:159.4	anādariyaṁ paṭicca purato vā pacchato vā olambento nivāsento imaṁ ekaṁ āpattiṁ āpajjati.
pli-tv-pvr1.2:160.1	Anādariyaṁ paṭicca purato vā pacchato vā olambento pārupanto ekaṁ āpattiṁ āpajjati.
pli-tv-pvr1.2:160.2	Dukkaṭaṁ.
pli-tv-pvr1.2:161.1	Anādariyaṁ paṭicca kāyaṁ vivaritvā antaraghare gacchanto ekaṁ āpattiṁ āpajjati.
pli-tv-pvr1.2:161.2	Dukkaṭaṁ.
pli-tv-pvr1.2:162.1	Anādariyaṁ paṭicca kāyaṁ vivaritvā antaraghare nisīdanto ekaṁ āpattiṁ āpajjati.
pli-tv-pvr1.2:162.2	Dukkaṭaṁ.
pli-tv-pvr1.2:163.1	Anādariyaṁ paṭicca hatthaṁ vā pādaṁ vā kīḷāpento antaraghare gacchanto ekaṁ āpattiṁ āpajjati.
pli-tv-pvr1.2:163.2	Dukkaṭaṁ.
pli-tv-pvr1.2:164.1	Anādariyaṁ paṭicca hatthaṁ vā pādaṁ vā kīḷāpento antaraghare nisīdanto ekaṁ āpattiṁ āpajjati.
pli-tv-pvr1.2:164.2	Dukkaṭaṁ.
pli-tv-pvr1.2:165.1	Anādariyaṁ paṭicca tahaṁ tahaṁ olokento antaraghare gacchanto ekaṁ āpattiṁ āpajjati.
pli-tv-pvr1.2:165.2	Dukkaṭaṁ.
pli-tv-pvr1.2:166.1	Anādariyaṁ paṭicca tahaṁ tahaṁ olokento antaraghare nisīdanto ekaṁ āpattiṁ āpajjati.
pli-tv-pvr1.2:166.2	Dukkaṭaṁ.
pli-tv-pvr1.2:167.1	Anādariyaṁ paṭicca ukkhittakāya antaraghare gacchanto ekaṁ āpattiṁ āpajjati.
pli-tv-pvr1.2:167.2	Dukkaṭaṁ.
pli-tv-pvr1.2:168.1	Anādariyaṁ paṭicca ukkhittakāya antaraghare nisīdanto ekaṁ āpattiṁ āpajjati.
pli-tv-pvr1.2:168.2	Dukkaṭaṁ.
pli-tv-pvr1.2:169.1	Parimaṇḍalavaggo paṭhamo.
pli-tv-pvr1.2:170.0	7.2. Ujjagghikavagga
pli-tv-pvr1.2:170.1	Anādariyaṁ paṭicca ujjagghikāya antaraghare gacchanto ekaṁ āpattiṁ āpajjati.
pli-tv-pvr1.2:170.2	Dukkaṭaṁ.
pli-tv-pvr1.2:171.1	Anādariyaṁ paṭicca ujjagghikāya antaraghare nisīdanto ekaṁ āpattiṁ āpajjati.
pli-tv-pvr1.2:171.2	Dukkaṭaṁ.
pli-tv-pvr1.2:172.1	Anādariyaṁ paṭicca uccāsaddaṁ mahāsaddaṁ karonto antaraghare gacchanto ekaṁ āpattiṁ āpajjati.
pli-tv-pvr1.2:172.2	Dukkaṭaṁ.
pli-tv-pvr1.2:173.1	Anādariyaṁ paṭicca uccāsaddaṁ mahāsaddaṁ karonto antaraghare nisīdanto ekaṁ āpattiṁ āpajjati.
pli-tv-pvr1.2:173.2	Dukkaṭaṁ.
pli-tv-pvr1.2:174.1	Anādariyaṁ paṭicca kāyappacālakaṁ antaraghare gacchanto ekaṁ āpattiṁ āpajjati.
pli-tv-pvr1.2:174.2	Dukkaṭaṁ.
pli-tv-pvr1.2:175.1	Anādariyaṁ paṭicca kāyappacālakaṁ antaraghare nisīdanto ekaṁ āpattiṁ āpajjati.
pli-tv-pvr1.2:175.2	Dukkaṭaṁ.
pli-tv-pvr1.2:176.1	Anādariyaṁ paṭicca bāhuppacālakaṁ antaraghare gacchanto ekaṁ āpattiṁ āpajjati.
pli-tv-pvr1.2:176.2	Dukkaṭaṁ.
pli-tv-pvr1.2:177.1	Anādariyaṁ paṭicca bāhuppacālakaṁ antaraghare nisīdanto ekaṁ āpattiṁ āpajjati.
pli-tv-pvr1.2:177.2	Dukkaṭaṁ.
pli-tv-pvr1.2:178.1	Anādariyaṁ paṭicca sīsappacālakaṁ antaraghare gacchanto ekaṁ āpattiṁ āpajjati.
pli-tv-pvr1.2:178.2	Dukkaṭaṁ.
pli-tv-pvr1.2:179.1	Anādariyaṁ paṭicca sīsappacālakaṁ antaraghare nisīdanto ekaṁ āpattiṁ āpajjati.
pli-tv-pvr1.2:179.2	Dukkaṭaṁ.
pli-tv-pvr1.2:180.1	Ujjagghikavaggo dutiyo.
pli-tv-pvr1.2:181.0	7.3. Khambhakatavagga
pli-tv-pvr1.2:181.1	Anādariyaṁ paṭicca khambhakato antaraghare gacchanto ekaṁ āpattiṁ āpajjati.
pli-tv-pvr1.2:181.2	Dukkaṭaṁ.
pli-tv-pvr1.2:182.1	Anādariyaṁ paṭicca khambhakato antaraghare nisīdanto ekaṁ āpattiṁ āpajjati.
pli-tv-pvr1.2:182.2	Dukkaṭaṁ.
pli-tv-pvr1.2:183.1	Anādariyaṁ paṭicca oguṇṭhito antaraghare gacchanto ekaṁ āpattiṁ āpajjati.
pli-tv-pvr1.2:183.2	Dukkaṭaṁ.
pli-tv-pvr1.2:184.1	Anādariyaṁ paṭicca oguṇṭhito antaraghare nisīdanto ekaṁ āpattiṁ āpajjati.
pli-tv-pvr1.2:184.2	Dukkaṭaṁ.
pli-tv-pvr1.2:185.1	Anādariyaṁ paṭicca ukkuṭikāya antaraghare gacchanto ekaṁ āpattiṁ āpajjati.
pli-tv-pvr1.2:185.2	Dukkaṭaṁ.
pli-tv-pvr1.2:186.1	Anādariyaṁ paṭicca pallatthikāya antaraghare nisīdanto ekaṁ āpattiṁ āpajjati.
pli-tv-pvr1.2:186.2	Dukkaṭaṁ.
pli-tv-pvr1.2:187.1	Anādariyaṁ paṭicca asakkaccaṁ piṇḍapātaṁ paṭiggaṇhanto ekaṁ āpattiṁ āpajjati.
pli-tv-pvr1.2:187.2	Dukkaṭaṁ.
pli-tv-pvr1.2:188.1	Anādariyaṁ paṭicca tahaṁ tahaṁ olokento piṇḍapātaṁ paṭiggaṇhanto ekaṁ āpattiṁ āpajjati.
pli-tv-pvr1.2:188.2	Dukkaṭaṁ.
pli-tv-pvr1.2:189.1	Anādariyaṁ paṭicca sūpaññeva bahuṁ paṭiggaṇhanto ekaṁ āpattiṁ āpajjati.
pli-tv-pvr1.2:189.2	Dukkaṭaṁ.
pli-tv-pvr1.2:190.1	Anādariyaṁ paṭicca thūpīkataṁ piṇḍapātaṁ paṭiggaṇhanto ekaṁ āpattiṁ āpajjati.
pli-tv-pvr1.2:190.2	Dukkaṭaṁ.
pli-tv-pvr1.2:191.1	Khambhakatavaggo tatiyo.
pli-tv-pvr1.2:192.0	7.4. Piṇḍapātavagga
pli-tv-pvr1.2:192.1	Anādariyaṁ paṭicca asakkaccaṁ piṇḍapātaṁ bhuñjanto ekaṁ āpattiṁ āpajjati.
pli-tv-pvr1.2:192.2	Dukkaṭaṁ.
pli-tv-pvr1.2:193.1	Anādariyaṁ paṭicca tahaṁ tahaṁ olokento piṇḍapātaṁ bhuñjanto ekaṁ āpattiṁ āpajjati.
pli-tv-pvr1.2:193.2	Dukkaṭaṁ.
pli-tv-pvr1.2:194.1	Anādariyaṁ paṭicca tahaṁ tahaṁ omasitvā piṇḍapātaṁ bhuñjanto ekaṁ āpattiṁ āpajjati.
pli-tv-pvr1.2:194.2	Dukkaṭaṁ.
pli-tv-pvr1.2:195.1	Anādariyaṁ paṭicca sūpaññeva bahuṁ bhuñjanto ekaṁ āpattiṁ āpajjati.
pli-tv-pvr1.2:195.2	Dukkaṭaṁ.
pli-tv-pvr1.2:196.1	Anādariyaṁ paṭicca thūpakato omadditvā piṇḍapātaṁ bhuñjanto ekaṁ āpattiṁ āpajjati.
pli-tv-pvr1.2:196.2	Dukkaṭaṁ.
pli-tv-pvr1.2:197.1	Anādariyaṁ paṭicca sūpaṁ vā byañjanaṁ vā odanena paṭicchādento ekaṁ āpattiṁ āpajjati.
pli-tv-pvr1.2:197.2	Dukkaṭaṁ.
pli-tv-pvr1.2:198.1	Anādariyaṁ paṭicca sūpaṁ vā odanaṁ vā agilāno attano atthāya viññāpetvā bhuñjanto ekaṁ āpattiṁ āpajjati.
pli-tv-pvr1.2:198.2	Dukkaṭaṁ.
pli-tv-pvr1.2:199.1	Anādariyaṁ paṭicca ujjhānasaññī paresaṁ pattaṁ olokento ekaṁ āpattiṁ āpajjati.
pli-tv-pvr1.2:199.2	Dukkaṭaṁ.
pli-tv-pvr1.2:200.1	Anādariyaṁ paṭicca mahantaṁ kabaḷaṁ karonto ekaṁ āpattiṁ āpajjati.
pli-tv-pvr1.2:200.2	Dukkaṭaṁ.
pli-tv-pvr1.2:201.1	Anādariyaṁ paṭicca dīghaṁ ālopaṁ karonto ekaṁ āpattiṁ āpajjati.
pli-tv-pvr1.2:201.2	Dukkaṭaṁ.
pli-tv-pvr1.2:202.1	Piṇḍapātavaggo catuttho.
pli-tv-pvr1.2:203.0	7.5. Kabaḷavagga
pli-tv-pvr1.2:203.1	Anādariyaṁ paṭicca anāhaṭe kabaḷe mukhadvāraṁ vivaranto ekaṁ āpattiṁ āpajjati.
pli-tv-pvr1.2:203.2	Dukkaṭaṁ.
pli-tv-pvr1.2:204.1	Anādariyaṁ paṭicca bhuñjamāno sabbaṁ hatthaṁ mukhe pakkhipanto ekaṁ āpattiṁ āpajjati.
pli-tv-pvr1.2:204.2	Dukkaṭaṁ.
pli-tv-pvr1.2:205.1	Anādariyaṁ paṭicca sakabaḷena mukhena byāharanto ekaṁ āpattiṁ āpajjati.
pli-tv-pvr1.2:205.2	Dukkaṭaṁ.
pli-tv-pvr1.2:206.1	Anādariyaṁ paṭicca piṇḍukkhepakaṁ bhuñjanto ekaṁ āpattiṁ āpajjati.
pli-tv-pvr1.2:206.2	Dukkaṭaṁ.
pli-tv-pvr1.2:207.1	Anādariyaṁ paṭicca kabaḷāvacchedakaṁ bhuñjanto ekaṁ āpattiṁ āpajjati.
pli-tv-pvr1.2:207.2	Dukkaṭaṁ.
pli-tv-pvr1.2:208.1	Anādariyaṁ paṭicca avagaṇḍakārakaṁ bhuñjanto ekaṁ āpattiṁ āpajjati.
pli-tv-pvr1.2:208.2	Dukkaṭaṁ.
pli-tv-pvr1.2:209.1	Anādariyaṁ paṭicca hatthaniddhunakaṁ bhuñjanto ekaṁ āpattiṁ āpajjati.
pli-tv-pvr1.2:209.2	Dukkaṭaṁ.
pli-tv-pvr1.2:210.1	Anādariyaṁ paṭicca sitthāvakārakaṁ bhuñjanto ekaṁ āpattiṁ āpajjati.
pli-tv-pvr1.2:210.2	Dukkaṭaṁ.
pli-tv-pvr1.2:211.1	Anādariyaṁ paṭicca jivhānicchārakaṁ bhuñjanto ekaṁ āpattiṁ āpajjati.
pli-tv-pvr1.2:211.2	Dukkaṭaṁ.
pli-tv-pvr1.2:212.1	Anādariyaṁ paṭicca capucapukārakaṁ bhuñjanto ekaṁ āpattiṁ āpajjati.
pli-tv-pvr1.2:212.2	Dukkaṭaṁ.
pli-tv-pvr1.2:213.1	Kabaḷavaggo pañcamo.
pli-tv-pvr1.2:214.0	7.6. Surusuruvagga
pli-tv-pvr1.2:214.1	Anādariyaṁ paṭicca surusurukārakaṁ bhuñjanto ekaṁ āpattiṁ āpajjati.
pli-tv-pvr1.2:214.2	Dukkaṭaṁ.
pli-tv-pvr1.2:215.1	Anādariyaṁ paṭicca hatthanillehakaṁ bhuñjanto ekaṁ āpattiṁ āpajjati.
pli-tv-pvr1.2:215.2	Dukkaṭaṁ.
pli-tv-pvr1.2:216.1	Anādariyaṁ paṭicca pattanillehakaṁ bhuñjanto ekaṁ āpattiṁ āpajjati.
pli-tv-pvr1.2:216.2	Dukkaṭaṁ.
pli-tv-pvr1.2:217.1	Anādariyaṁ paṭicca oṭṭhanillehakaṁ bhuñjanto ekaṁ āpattiṁ āpajjati.
pli-tv-pvr1.2:217.2	Dukkaṭaṁ.
pli-tv-pvr1.2:218.1	Anādariyaṁ paṭicca sāmisena hatthena pānīyathālakaṁ paṭiggaṇhanto ekaṁ āpattiṁ āpajjati.
pli-tv-pvr1.2:218.2	Dukkaṭaṁ.
pli-tv-pvr1.2:219.1	Anādariyaṁ paṭicca sasitthakaṁ pattadhovanaṁ antaraghare chaḍḍento ekaṁ āpattiṁ āpajjati.
pli-tv-pvr1.2:219.2	Dukkaṭaṁ.
pli-tv-pvr1.2:220.1	Anādariyaṁ paṭicca chattapāṇissa dhammaṁ desento ekaṁ āpattiṁ āpajjati.
pli-tv-pvr1.2:220.2	Dukkaṭaṁ.
pli-tv-pvr1.2:221.1	Anādariyaṁ paṭicca daṇḍapāṇissa dhammaṁ desento ekaṁ āpattiṁ āpajjati.
pli-tv-pvr1.2:221.2	Dukkaṭaṁ.
pli-tv-pvr1.2:222.1	Anādariyaṁ paṭicca satthapāṇissa dhammaṁ desento ekaṁ āpattiṁ āpajjati.
pli-tv-pvr1.2:222.2	Dukkaṭaṁ.
pli-tv-pvr1.2:223.1	Anādariyaṁ paṭicca āvudhapāṇissa dhammaṁ desento ekaṁ āpattiṁ āpajjati.
pli-tv-pvr1.2:223.2	Dukkaṭaṁ.
pli-tv-pvr1.2:224.1	Surusuruvaggo chaṭṭho.
pli-tv-pvr1.2:225.0	7.7. Pādukavagga
pli-tv-pvr1.2:225.1	Anādariyaṁ paṭicca pādukāruḷhassa dhammaṁ desento ekaṁ āpattiṁ āpajjati.
pli-tv-pvr1.2:225.2	Dukkaṭaṁ.
pli-tv-pvr1.2:226.1	Anādariyaṁ paṭicca upāhanāruḷhassa dhammaṁ desento ekaṁ āpattiṁ āpajjati.
pli-tv-pvr1.2:226.2	Dukkaṭaṁ.
pli-tv-pvr1.2:227.1	Anādariyaṁ paṭicca yānagatassa dhammaṁ desento ekaṁ āpattiṁ āpajjati.
pli-tv-pvr1.2:227.2	Dukkaṭaṁ.
pli-tv-pvr1.2:228.1	Anādariyaṁ paṭicca sayanagatassa dhammaṁ desento ekaṁ āpattiṁ āpajjati.
pli-tv-pvr1.2:228.2	Dukkaṭaṁ.
pli-tv-pvr1.2:229.1	Anādariyaṁ paṭicca pallatthikāya nisinnassa dhammaṁ desento ekaṁ āpattiṁ āpajjati.
pli-tv-pvr1.2:229.2	Dukkaṭaṁ.
pli-tv-pvr1.2:230.1	Anādariyaṁ paṭicca veṭhitasīsassa dhammaṁ desento ekaṁ āpattiṁ āpajjati.
pli-tv-pvr1.2:230.2	Dukkaṭaṁ.
pli-tv-pvr1.2:231.1	Anādariyaṁ paṭicca oguṇṭhitasīsassa dhammaṁ desento ekaṁ āpattiṁ āpajjati.
pli-tv-pvr1.2:231.2	Dukkaṭaṁ.
pli-tv-pvr1.2:232.1	Anādariyaṁ paṭicca chamāyaṁ nisīditvā āsane nisinnassa dhammaṁ desento ekaṁ āpattiṁ āpajjati.
pli-tv-pvr1.2:232.2	Dukkaṭaṁ.
pli-tv-pvr1.2:233.1	Anādariyaṁ paṭicca nīce āsane nisīditvā ucce āsane nisinnassa dhammaṁ desento ekaṁ āpattiṁ āpajjati.
pli-tv-pvr1.2:233.2	Dukkaṭaṁ.
pli-tv-pvr1.2:234.1	Anādariyaṁ paṭicca ṭhito nisinnassa dhammaṁ desento ekaṁ āpattiṁ āpajjati.
pli-tv-pvr1.2:234.2	Dukkaṭaṁ.
pli-tv-pvr1.2:235.1	Anādariyaṁ paṭicca pacchato gacchanto purato gacchantassa dhammaṁ desento ekaṁ āpattiṁ āpajjati.
pli-tv-pvr1.2:235.2	Dukkaṭaṁ.
pli-tv-pvr1.2:236.1	Anādariyaṁ paṭicca uppathena gacchanto pathena gacchantassa dhammaṁ desento ekaṁ āpattiṁ āpajjati.
pli-tv-pvr1.2:236.2	Dukkaṭaṁ.
pli-tv-pvr1.2:237.1	Anādariyaṁ paṭicca ṭhito uccāraṁ vā passāvaṁ vā karonto ekaṁ āpattiṁ āpajjati.
pli-tv-pvr1.2:237.2	Dukkaṭaṁ.
pli-tv-pvr1.2:238.1	Anādariyaṁ paṭicca harite uccāraṁ vā passāvaṁ vā kheḷaṁ vā karonto ekaṁ āpattiṁ āpajjati.
pli-tv-pvr1.2:238.2	Dukkaṭaṁ.
pli-tv-pvr1.2:239.1	Anādariyaṁ paṭicca udake uccāraṁ vā passāvaṁ vā kheḷaṁ vā karonto kati āpattiyo āpajjati?
pli-tv-pvr1.2:239.2	Anādariyaṁ paṭicca udake uccāraṁ vā passāvaṁ vā kheḷaṁ vā karonto ekaṁ āpattiṁ āpajjati.
pli-tv-pvr1.2:239.3	Dukkaṭaṁ—
pli-tv-pvr1.2:239.4	anādariyaṁ paṭicca udake uccāraṁ vā passāvaṁ vā kheḷaṁ vā karonto imaṁ ekaṁ āpattiṁ āpajjati.
pli-tv-pvr1.2:240.1	Pādukavaggo sattamo.
pli-tv-pvr1.2:240.2	Sekhiyā niṭṭhitā.
pli-tv-pvr1.2:240.3	Katāpattivāro niṭṭhito dutiyo.
pli-tv-pvr1.3:0.1	Parivāra
pli-tv-pvr1.3:0.2	Bhikkhuvibhaṅga
pli-tv-pvr1.3:0.3	Paṭhamabhāga
pli-tv-pvr1.3:0.4	1.3 Vipattivāra
pli-tv-pvr1.3:1.1	Methunaṁ dhammaṁ paṭisevantassa āpattiyo catunnaṁ vipattīnaṁ kati vipattiyo bhajanti?
pli-tv-pvr1.3:1.2	Methunaṁ dhammaṁ paṭisevantassa āpattiyo catunnaṁ vipattīnaṁ dve vipattiyo bhajanti—
pli-tv-pvr1.3:1.3	siyā sīlavipattiṁ, siyā ācāravipattiṁ …pe….
pli-tv-pvr1.3:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ vipattīnaṁ kati vipattiyo bhajati?
pli-tv-pvr1.3:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ vipattīnaṁ ekaṁ vipattiṁ bhajati—
pli-tv-pvr1.3:2.3	ācāravipattiṁ.
pli-tv-pvr1.3:3.1	Vipattivāro niṭṭhito tatiyo.
pli-tv-pvr1.4:0.1	Parivāra
pli-tv-pvr1.4:0.2	Bhikkhuvibhaṅga
pli-tv-pvr1.4:0.3	Paṭhamabhāga
pli-tv-pvr1.4:0.4	1.4 Saṅgahitavāra
pli-tv-pvr1.4:1.1	Methunaṁ dhammaṁ paṭisevantassa āpattiyo sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr1.4:1.2	Methunaṁ dhammaṁ paṭisevantassa āpattiyo sattannaṁ āpattikkhandhānaṁ tīhi āpattikkhandhehi saṅgahitā—
pli-tv-pvr1.4:1.3	siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena …pe….
pli-tv-pvr1.4:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr1.4:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ āpattikkhandhānaṁ ekena āpattikkhandhena saṅgahitā—
pli-tv-pvr1.4:2.3	dukkaṭāpattikkhandhena.
pli-tv-pvr1.4:3.1	Saṅgahitavāro niṭṭhito catuttho.
pli-tv-pvr1.5:0.1	Parivāra
pli-tv-pvr1.5:0.2	Bhikkhuvibhaṅga
pli-tv-pvr1.5:0.3	Paṭhamabhāga
pli-tv-pvr1.5:0.4	1.5 Samuṭṭhānavāra
pli-tv-pvr1.5:1.1	Methunaṁ dhammaṁ paṭisevantassa āpattiyo channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr1.5:1.2	Methunaṁ dhammaṁ paṭisevantassa āpattiyo channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr1.5:1.3	kāyato ca cittato ca samuṭṭhanti, na vācato …pe….
pli-tv-pvr1.5:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti channaṁ āpattisamuṭṭhānānaṁ katihi samuṭṭhānehi samuṭṭhāti?
pli-tv-pvr1.5:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.5:2.3	kāyato ca cittato ca samuṭṭhāti, na vācato.
pli-tv-pvr1.5:3.1	Samuṭṭhānavāro niṭṭhito pañcamo.
pli-tv-pvr1.6:0.1	Parivāra
pli-tv-pvr1.6:0.2	Bhikkhuvibhaṅga
pli-tv-pvr1.6:0.3	Paṭhamabhāga
pli-tv-pvr1.6:0.4	1.6 Adhikaraṇavāra
pli-tv-pvr1.6:1.1	Methunaṁ dhammaṁ paṭisevantassa āpattiyo catunnaṁ adhikaraṇānaṁ katamaṁ adhikaraṇaṁ?
pli-tv-pvr1.6:1.2	Methunaṁ dhammaṁ paṭisevantassa āpattiyo catunnaṁ adhikaraṇānaṁ āpattādhikaraṇaṁ …pe….
pli-tv-pvr1.6:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ adhikaraṇānaṁ katamaṁ adhikaraṇaṁ?
pli-tv-pvr1.6:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti catunnaṁ adhikaraṇānaṁ āpattādhikaraṇaṁ.
pli-tv-pvr1.6:3.1	Adhikaraṇavāro niṭṭhito chaṭṭho.
pli-tv-pvr1.7:0.1	Parivāra
pli-tv-pvr1.7:0.2	Bhikkhuvibhaṅga
pli-tv-pvr1.7:0.3	Paṭhamabhāga
pli-tv-pvr1.7:0.4	1.7 Samathavāra
pli-tv-pvr1.7:1.1	Methunaṁ dhammaṁ paṭisevantassa āpattiyo sattannaṁ samathānaṁ katihi samathehi sammanti?
pli-tv-pvr1.7:1.2	Methunaṁ dhammaṁ paṭisevantassa āpattiyo sattannaṁ samathānaṁ tīhi samathehi sammanti—
pli-tv-pvr1.7:1.3	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr1.7:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ samathānaṁ katihi samathehi sammati?
pli-tv-pvr1.7:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karontassa āpatti sattannaṁ samathānaṁ tīhi samathehi sammati—
pli-tv-pvr1.7:2.3	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr1.7:3.1	Samathavāro niṭṭhito sattamo.
pli-tv-pvr1.8:0.1	Parivāra
pli-tv-pvr1.8:0.2	Bhikkhuvibhaṅga
pli-tv-pvr1.8:0.3	Paṭhamabhāga
pli-tv-pvr1.8:0.4	1.8 Samuccayavāra
pli-tv-pvr1.8:1.1	Methunaṁ dhammaṁ paṭisevanto kati āpattiyo āpajjati?
pli-tv-pvr1.8:1.2	Methunaṁ dhammaṁ paṭisevanto tisso āpattiyo āpajjati.
pli-tv-pvr1.8:1.3	Akkhāyite sarīre methunaṁ dhammaṁ paṭisevati, āpatti pārājikassa;
pli-tv-pvr1.8:1.4	yebhuyyena khāyite sarīre methunaṁ dhammaṁ paṭisevati, āpatti thullaccayassa;
pli-tv-pvr1.8:1.5	vaṭṭakate mukhe acchupantaṁ aṅgajātaṁ paveseti, āpatti dukkaṭassa—
pli-tv-pvr1.8:1.6	methunaṁ dhammaṁ paṭisevanto imā tisso āpattiyo āpajjati.
pli-tv-pvr1.8:2.1	Tā āpattiyo catunnaṁ vipattīnaṁ kati vipattiyo bhajanti, sattannaṁ āpattikkhandhānaṁ katihi āpattikkhandhehi saṅgahitā, channaṁ āpattisamuṭṭhānānaṁ katihi samuṭṭhānehi samuṭṭhanti, catunnaṁ adhikaraṇānaṁ katamaṁ adhikaraṇaṁ, sattannaṁ samathānaṁ katihi samathehi sammanti?
pli-tv-pvr1.8:2.2	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr1.8:2.3	siyā sīlavipattiṁ, siyā ācāravipattiṁ.
pli-tv-pvr1.8:2.4	Sattannaṁ āpattikkhandhānaṁ tīhi āpattikkhandhehi saṅgahitā—
pli-tv-pvr1.8:2.5	siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena.
pli-tv-pvr1.8:2.6	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr1.8:2.7	kāyato ca cittato ca samuṭṭhanti, na vācato.
pli-tv-pvr1.8:2.8	Catunnaṁ adhikaraṇānaṁ, āpattādhikaraṇaṁ.
pli-tv-pvr1.8:2.9	Sattannaṁ samathānaṁ tīhi samathehi sammanti—
pli-tv-pvr1.8:2.10	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr1.8:3.1	Anādariyaṁ paṭicca udake uccāraṁ vā passāvaṁ vā kheḷaṁ vā karonto kati āpattiyo āpajjati?
pli-tv-pvr1.8:3.2	Anādariyaṁ paṭicca udake uccāraṁ vā passāvaṁ vā kheḷaṁ vā karonto ekaṁ āpattiṁ āpajjati.
pli-tv-pvr1.8:3.3	Dukkaṭaṁ—
pli-tv-pvr1.8:3.4	anādariyaṁ paṭicca udake uccāraṁ vā passāvaṁ vā kheḷaṁ vā karonto imaṁ ekaṁ āpattiṁ āpajjati.
pli-tv-pvr1.8:4.1	Sā āpatti catunnaṁ vipattīnaṁ kati vipattiyo bhajati, sattannaṁ āpattikkhandhānaṁ katihi āpattikkhandhehi saṅgahitā, channaṁ āpattisamuṭṭhānānaṁ katihi samuṭṭhānehi samuṭṭhāti, catunnaṁ adhikaraṇānaṁ katamaṁ adhikaraṇaṁ, sattannaṁ, samathānaṁ katihi samathehi sammati?
pli-tv-pvr1.8:4.2	Sā āpatti catunnaṁ vipattīnaṁ ekaṁ vipattiṁ bhajati—
pli-tv-pvr1.8:4.3	ācāravipattiṁ.
pli-tv-pvr1.8:4.4	Sattannaṁ āpattikkhandhānaṁ ekena āpattikkhandhena saṅgahitā—
pli-tv-pvr1.8:4.5	dukkaṭāpattikkhandhena.
pli-tv-pvr1.8:4.6	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.8:4.7	kāyato ca cittato ca samuṭṭhāti, na vācato.
pli-tv-pvr1.8:4.8	Catunnaṁ adhikaraṇānaṁ, āpattādhikaraṇaṁ.
pli-tv-pvr1.8:4.9	Sattannaṁ samathānaṁ tīhi samathehi sammati—
pli-tv-pvr1.8:4.10	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr1.8:5.1	Samuccayavāro niṭṭhito aṭṭhamo.
pli-tv-pvr1.8:5.2	Ime aṭṭha vārā sajjhāyamaggena likhitā.
pli-tv-pvr1.8:6.1	Tassuddānaṁ
pli-tv-pvr1.8:7.1	Katthapaññatti kati ca,
pli-tv-pvr1.8:7.2	Vipattisaṅgahena ca;
pli-tv-pvr1.8:7.3	Samuṭṭhānādhikaraṇā,
pli-tv-pvr1.8:7.4	Samatho samuccayena cāti.
pli-tv-pvr1.9:0.1	Parivāra
pli-tv-pvr1.9:0.2	Bhikkhuvibhaṅga
pli-tv-pvr1.9:0.3	Dutiyabhāga
pli-tv-pvr1.9:0.4	1.9 Katthapaññattivāra
pli-tv-pvr1.9:0.5	1. Pārājikakaṇḍa
pli-tv-pvr1.9:1.1	Yaṁ tena bhagavatā jānatā passatā arahatā sammāsambuddhena methunaṁ dhammaṁ paṭisevanapaccayā pārājikaṁ kattha paññattaṁ, kaṁ ārabbha, kismiṁ vatthusmiṁ …pe…
pli-tv-pvr1.9:1.2	kenābhatanti?
pli-tv-pvr1.9:2.1	Yaṁ tena bhagavatā jānatā passatā arahatā sammāsambuddhena methunaṁ dhammaṁ paṭisevanapaccayā pārājikaṁ kattha paññattanti?
pli-tv-pvr1.9:2.2	Vesāliyaṁ paññattaṁ.
pli-tv-pvr1.9:2.3	Kaṁ ārabbhāti?
pli-tv-pvr1.9:2.4	Sudinnaṁ kalandaputtaṁ ārabbha.
pli-tv-pvr1.9:2.5	Kismiṁ vatthusminti?
pli-tv-pvr1.9:2.6	Sudinno kalandaputto purāṇadutiyikāya methunaṁ dhammaṁ paṭisevi, tasmiṁ vatthusmiṁ.
pli-tv-pvr1.9:2.7	Atthi tattha paññatti, anupaññatti, anuppannapaññattīti?
pli-tv-pvr1.9:2.8	Ekā paññatti, dve anupaññattiyo.
pli-tv-pvr1.9:2.9	Anuppannapaññatti tasmiṁ natthi.
pli-tv-pvr1.9:2.10	Sabbattha paññatti, padesapaññattīti?
pli-tv-pvr1.9:2.11	Sabbatthapaññatti.
pli-tv-pvr1.9:2.12	Sādhāraṇapaññatti, asādhāraṇapaññattīti?
pli-tv-pvr1.9:2.13	Sādhāraṇapaññatti.
pli-tv-pvr1.9:2.14	Ekatopaññatti, ubhatopaññattīti?
pli-tv-pvr1.9:2.15	Ubhatopaññatti.
pli-tv-pvr1.9:2.16	Pañcannaṁ pātimokkhuddesānaṁ katthogadhaṁ kattha pariyāpannanti?
pli-tv-pvr1.9:2.17	Nidānogadhaṁ nidānapariyāpannaṁ.
pli-tv-pvr1.9:2.18	Katamena uddesena uddesaṁ āgacchatīti?
pli-tv-pvr1.9:2.19	Dutiyena uddesena uddesaṁ āgacchati.
pli-tv-pvr1.9:2.20	Catunnaṁ vipattīnaṁ katamā vipattīti?
pli-tv-pvr1.9:2.21	Sīlavipatti.
pli-tv-pvr1.9:2.22	Sattannaṁ āpattikkhandhānaṁ katamo āpattikkhandhoti?
pli-tv-pvr1.9:2.23	Pārājikāpattikkhandho.
pli-tv-pvr1.9:2.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.9:2.25	Ekena samuṭṭhānena samuṭṭhāti—
pli-tv-pvr1.9:2.26	kāyato ca cittato ca samuṭṭhāti, na vācato …pe…
pli-tv-pvr1.9:2.27	kenābhatanti?
pli-tv-pvr1.9:2.28	Paramparābhataṁ—
pli-tv-pvr1.9:3.1	Upāli dāsako ceva,
pli-tv-pvr1.9:3.2	soṇako siggavo tathā;
pli-tv-pvr1.9:3.3	Moggaliputtena pañcamā,
pli-tv-pvr1.9:3.4	ete jambusirivhaye.
pli-tv-pvr1.9:4.1	…pe…
pli-tv-pvr1.9:5.1	Ete nāgā mahāpaññā,
pli-tv-pvr1.9:5.2	vinayaññū maggakovidā;
pli-tv-pvr1.9:5.3	Vinayaṁ dīpe pakāsesuṁ,
pli-tv-pvr1.9:5.4	piṭakaṁ tambapaṇṇiyāti.
pli-tv-pvr1.9:6.1	Yaṁ tena bhagavatā jānatā passatā arahatā sammāsambuddhena adinnaṁ ādiyanapaccayā pārājikaṁ kattha paññattanti?
pli-tv-pvr1.9:6.2	Rājagahe paññattaṁ.
pli-tv-pvr1.9:6.3	Kaṁ ārabbhāti?
pli-tv-pvr1.9:6.4	Dhaniyaṁ kumbhakāraputtaṁ ārabbha.
pli-tv-pvr1.9:6.5	Kismiṁ vatthusminti?
pli-tv-pvr1.9:6.6	Dhaniyo kumbhakāraputto rañño dārūni adinnaṁ ādiyi, tasmiṁ vatthusmiṁ.
pli-tv-pvr1.9:6.7	Ekā paññatti, ekā anupaññatti.
pli-tv-pvr1.9:6.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.9:6.9	siyā kāyato ca cittato ca samuṭṭhāti, na vācato;
pli-tv-pvr1.9:6.10	siyā vācato ca cittato ca samuṭṭhāti, na kāyato;
pli-tv-pvr1.9:6.11	siyā kāyato ca vācato ca cittato ca samuṭṭhāti …pe….
pli-tv-pvr1.9:7.1	Sañcicca manussaviggahaṁ jīvitā voropanapaccayā pārājikaṁ kattha paññattanti?
pli-tv-pvr1.9:7.2	Vesāliyaṁ paññattaṁ.
pli-tv-pvr1.9:7.3	Kaṁ ārabbhāti?
pli-tv-pvr1.9:7.4	Sambahule bhikkhū ārabbha.
pli-tv-pvr1.9:7.5	Kismiṁ vatthusminti?
pli-tv-pvr1.9:7.6	Sambahulā bhikkhū aññamaññaṁ jīvitā voropesuṁ, tasmiṁ vatthusmiṁ.
pli-tv-pvr1.9:7.7	Ekā paññatti, ekā anupaññatti.
pli-tv-pvr1.9:7.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.9:7.9	siyā kāyato ca cittato ca samuṭṭhāti, na vācato;
pli-tv-pvr1.9:7.10	siyā vācato ca cittato ca samuṭṭhāti, na kāyato;
pli-tv-pvr1.9:7.11	siyā kāyato ca vācato ca cittato ca samuṭṭhāti …pe….
pli-tv-pvr1.9:8.1	Asantaṁ abhūtaṁ uttarimanussadhammaṁ ullapanapaccayā pārājikaṁ kattha paññattanti?
pli-tv-pvr1.9:8.2	Vesāliyaṁ paññattaṁ.
pli-tv-pvr1.9:8.3	Kaṁ ārabbhāti?
pli-tv-pvr1.9:8.4	Vaggumudātīriye bhikkhū ārabbha.
pli-tv-pvr1.9:8.5	Kismiṁ vatthusminti?
pli-tv-pvr1.9:8.6	Vaggumudātīriyā bhikkhū gihīnaṁ aññamaññassa uttarimanussadhammassa vaṇṇaṁ bhāsiṁsu, tasmiṁ vatthusmiṁ.
pli-tv-pvr1.9:8.7	Ekā paññatti, ekā anupaññatti.
pli-tv-pvr1.9:8.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.9:8.9	siyā kāyato ca cittato ca samuṭṭhāti, na vācato;
pli-tv-pvr1.9:8.10	siyā vācato ca cittato ca samuṭṭhāti, na kāyato;
pli-tv-pvr1.9:8.11	siyā kāyato ca vācato ca cittato ca samuṭṭhāti …pe….
pli-tv-pvr1.9:9.1	Cattāro pārājikā niṭṭhitā.
pli-tv-pvr1.9:10.0	2. Saṅghādisesakaṇḍādi
pli-tv-pvr1.9:10.1	Yaṁ tena bhagavatā jānatā passatā arahatā sammāsambuddhena upakkamitvā asuciṁ mocanapaccayā saṅghādiseso kattha paññatto, kaṁ ārabbha, kismiṁ vatthusmiṁ …pe…
pli-tv-pvr1.9:10.2	kenābhatanti?
pli-tv-pvr1.9:11.1	Yaṁ tena bhagavatā jānatā passatā arahatā sammāsambuddhena upakkamitvā asuciṁ mocanapaccayā saṅghādiseso kattha paññattoti?
pli-tv-pvr1.9:11.2	Sāvatthiyaṁ paññatto.
pli-tv-pvr1.9:11.3	Kaṁ ārabbhāti?
pli-tv-pvr1.9:11.4	Āyasmantaṁ seyyasakaṁ ārabbha.
pli-tv-pvr1.9:11.5	Kismiṁ vatthusminti?
pli-tv-pvr1.9:11.6	Āyasmā seyyasako upakkamitvā asuciṁ mocesi, tasmiṁ vatthusmiṁ.
pli-tv-pvr1.9:11.7	Atthi tattha paññatti, anupaññatti, anuppannapaññattīti?
pli-tv-pvr1.9:11.8	Ekā paññatti, ekā anupaññatti.
pli-tv-pvr1.9:11.9	Anuppannapaññatti tasmiṁ natthi.
pli-tv-pvr1.9:11.10	Sabbatthapaññatti, padesapaññattīti?
pli-tv-pvr1.9:11.11	Sabbatthapaññatti.
pli-tv-pvr1.9:11.12	Sādhāraṇapaññatti, asādhāraṇapaññattīti?
pli-tv-pvr1.9:11.13	Asādhāraṇapaññatti.
pli-tv-pvr1.9:11.14	Ekatopaññatti, ubhatopaññattīti?
pli-tv-pvr1.9:11.15	Ekatopaññatti.
pli-tv-pvr1.9:11.16	Pañcannaṁ pātimokkhuddesānaṁ katthogadhaṁ kattha pariyāpannanti?
pli-tv-pvr1.9:11.17	Nidānogadhaṁ nidānapariyāpannaṁ.
pli-tv-pvr1.9:11.18	Katamena uddesena uddesaṁ āgacchatīti?
pli-tv-pvr1.9:11.19	Tatiyena uddesena uddesaṁ āgacchati.
pli-tv-pvr1.9:11.20	Catunnaṁ vipattīnaṁ katamā vipattīti?
pli-tv-pvr1.9:11.21	Sīlavipatti.
pli-tv-pvr1.9:11.22	Sattannaṁ āpattikkhandhānaṁ katamo āpattikkhandhoti?
pli-tv-pvr1.9:11.23	Saṅghādisesāpattikkhandho.
pli-tv-pvr1.9:11.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr1.9:11.25	Ekena samuṭṭhānena samuṭṭhāti—
pli-tv-pvr1.9:11.26	kāyato ca cittato ca samuṭṭhāti, na vācato …pe…
pli-tv-pvr1.9:11.27	kenābhatanti?
pli-tv-pvr1.9:11.28	Paramparābhataṁ—
pli-tv-pvr1.9:12.1	Upāli dāsako ceva,
pli-tv-pvr1.9:12.2	soṇako siggavo tathā;
pli-tv-pvr1.9:12.3	Moggaliputtena pañcamā,
pli-tv-pvr1.9:12.4	ete jambusirivhaye.
pli-tv-pvr1.9:13.1	…pe…
pli-tv-pvr1.9:14.1	Ete nāgā mahāpaññā,
pli-tv-pvr1.9:14.2	Vinayaññū maggakovidā;
pli-tv-pvr1.9:14.3	Vinayaṁ dīpe pakāsesuṁ,
pli-tv-pvr1.9:14.4	Piṭakaṁ tambapaṇṇiyāti.
pli-tv-pvr1.9:15.1	Mātugāmena saddhiṁ kāyasaṁsaggaṁ samāpajjanapaccayā saṅghādiseso kattha paññattoti?
pli-tv-pvr1.9:15.2	Sāvatthiyaṁ paññatto.
pli-tv-pvr1.9:15.3	Kaṁ ārabbhāti?
pli-tv-pvr1.9:15.4	Āyasmantaṁ udāyiṁ ārabbha.
pli-tv-pvr1.9:15.5	Kismiṁ vatthusminti?
pli-tv-pvr1.9:15.6	Āyasmā udāyī mātugāmena saddhiṁ kāyasaṁsaggaṁ samāpajji, tasmiṁ vatthusmiṁ.
pli-tv-pvr1.9:15.7	Ekā paññatti.
pli-tv-pvr1.9:15.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.9:15.9	kāyato ca cittato ca samuṭṭhāti, na vācato …pe….
pli-tv-pvr1.9:16.1	Mātugāmaṁ duṭṭhullāhi vācāhi obhāsanapaccayā saṅghādiseso kattha paññattoti?
pli-tv-pvr1.9:16.2	Sāvatthiyaṁ paññatto.
pli-tv-pvr1.9:16.3	Kaṁ ārabbhāti?
pli-tv-pvr1.9:16.4	Āyasmantaṁ udāyiṁ ārabbha.
pli-tv-pvr1.9:16.5	Kismiṁ vatthusminti?
pli-tv-pvr1.9:16.6	Āyasmā udāyī mātugāmaṁ duṭṭhullāhi vācāhi obhāsi, tasmiṁ vatthusmiṁ.
pli-tv-pvr1.9:16.7	Ekā paññatti.
pli-tv-pvr1.9:16.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr1.9:16.9	siyā kāyato ca cittato ca samuṭṭhāti, na vācato;
pli-tv-pvr1.9:16.10	siyā vācato ca cittato ca samuṭṭhāti, na kāyato;
pli-tv-pvr1.9:16.11	siyā kāyato ca vācato ca cittato ca samuṭṭhāti …pe….
pli-tv-pvr1.9:17.1	Mātugāmassa santike attakāmapāricariyāya vaṇṇaṁ bhāsanapaccayā saṅghādiseso kattha paññattoti?
pli-tv-pvr1.9:17.2	Sāvatthiyaṁ paññatto.
pli-tv-pvr1.9:17.3	Kaṁ ārabbhāti?
pli-tv-pvr1.9:17.4	Āyasmantaṁ udāyiṁ ārabbha.
pli-tv-pvr1.9:17.5	Kismiṁ vatthusminti?
pli-tv-pvr1.9:17.6	Āyasmā udāyī mātugāmassa santike attakāmapāricariyāya vaṇṇaṁ bhāsi, tasmiṁ vatthusmiṁ.
pli-tv-pvr1.9:17.7	Ekā paññatti.
pli-tv-pvr1.9:17.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.9:18.1	Sañcarittaṁ samāpajjanapaccayā saṅghādiseso kattha paññattoti?
pli-tv-pvr1.9:18.2	Sāvatthiyaṁ paññatto.
pli-tv-pvr1.9:18.3	Kaṁ ārabbhāti?
pli-tv-pvr1.9:18.4	Āyasmantaṁ udāyiṁ ārabbha.
pli-tv-pvr1.9:18.5	Kismiṁ vatthusminti?
pli-tv-pvr1.9:18.6	Āyasmā udāyī sañcarittaṁ samāpajji, tasmiṁ vatthusmiṁ.
pli-tv-pvr1.9:18.7	Ekā paññatti, ekā anupaññatti.
pli-tv-pvr1.9:18.8	Channaṁ āpattisamuṭṭhānānaṁ chahi samuṭṭhānehi samuṭṭhāti—
pli-tv-pvr1.9:18.9	siyā kāyato samuṭṭhāti, na vācato na cittato;
pli-tv-pvr1.9:18.10	siyā vācato samuṭṭhāti, na kāyato na cittato;
pli-tv-pvr1.9:18.11	siyā kāyato ca vācato ca samuṭṭhāti, na cittato;
pli-tv-pvr1.9:18.12	siyā kāyato ca cittato ca samuṭṭhāti, na vācato;
pli-tv-pvr1.9:18.13	siyā vācato ca cittato ca samuṭṭhāti, na kāyato;
pli-tv-pvr1.9:18.14	siyā kāyato ca vācato ca cittato ca samuṭṭhāti …pe….
pli-tv-pvr1.9:19.1	Saññācikāya kuṭiṁ kārāpanapaccayā saṅghādiseso kattha paññattoti?
pli-tv-pvr1.9:19.2	Āḷaviyaṁ paññatto.
pli-tv-pvr1.9:19.3	Kaṁ ārabbhāti?
pli-tv-pvr1.9:19.4	Āḷavake bhikkhū ārabbha.
pli-tv-pvr1.9:19.5	Kismiṁ vatthusminti?
pli-tv-pvr1.9:19.6	Āḷavakā bhikkhū saññācikāya kuṭiyo kārāpesuṁ, tasmiṁ vatthusmiṁ.
pli-tv-pvr1.9:19.7	Ekā paññatti.
pli-tv-pvr1.9:19.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.9:20.1	Mahallakaṁ vihāraṁ kārāpanapaccayā saṅghādiseso kattha paññattoti?
pli-tv-pvr1.9:20.2	Kosambiyaṁ paññatto.
pli-tv-pvr1.9:20.3	Kaṁ ārabbhāti?
pli-tv-pvr1.9:20.4	Āyasmantaṁ channaṁ ārabbha.
pli-tv-pvr1.9:20.5	Kismiṁ vatthusminti?
pli-tv-pvr1.9:20.6	Āyasmā channo vihāravatthuṁ sodhento aññataraṁ cetiyarukkhaṁ chedāpesi, tasmiṁ vatthusmiṁ.
pli-tv-pvr1.9:20.7	Ekā paññatti.
pli-tv-pvr1.9:20.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr1.9:21.1	Bhikkhuṁ amūlakena pārājikena dhammena anuddhaṁsanapaccayā saṅghādiseso kattha paññattoti?
pli-tv-pvr1.9:21.2	Rājagahe paññatto.
pli-tv-pvr1.9:21.3	Kaṁ ārabbhāti?
pli-tv-pvr1.9:21.4	Mettiyabhūmajake bhikkhū ārabbha.
pli-tv-pvr1.9:21.5	Kismiṁ vatthusminti?
pli-tv-pvr1.9:21.6	Mettiyabhūmajakā bhikkhū āyasmantaṁ dabbaṁ mallaputtaṁ amūlakena pārājikena dhammena anuddhaṁsesuṁ, tasmiṁ vatthusmiṁ.
pli-tv-pvr1.9:21.7	Ekā paññatti.
pli-tv-pvr1.9:21.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.9:22.1	Bhikkhuṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsanapaccayā saṅghādiseso kattha paññattoti?
pli-tv-pvr1.9:22.2	Rājagahe paññatto.
pli-tv-pvr1.9:22.3	Kaṁ ārabbhāti?
pli-tv-pvr1.9:22.4	Mettiyabhūmajake bhikkhū ārabbha.
pli-tv-pvr1.9:22.5	Kismiṁ vatthusminti?
pli-tv-pvr1.9:22.6	Mettiyabhūmajakā bhikkhū āyasmantaṁ dabbaṁ mallaputtaṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsesuṁ, tasmiṁ vatthusmiṁ.
pli-tv-pvr1.9:22.7	Ekā paññatti.
pli-tv-pvr1.9:22.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr1.9:23.1	Saṅghabhedakassa bhikkhuno yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr1.9:23.2	Rājagahe paññatto.
pli-tv-pvr1.9:23.3	Kaṁ ārabbhāti?
pli-tv-pvr1.9:23.4	Devadattaṁ ārabbha.
pli-tv-pvr1.9:23.5	Kismiṁ vatthusminti?
pli-tv-pvr1.9:23.6	Devadatto samaggassa saṅghassa bhedāya parakkami, tasmiṁ vatthusmiṁ.
pli-tv-pvr1.9:23.7	Ekā paññatti.
pli-tv-pvr1.9:23.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.9:23.9	kāyato ca vācato ca cittato ca samuṭṭhāti …pe….
pli-tv-pvr1.9:24.1	Bhedakānuvattakānaṁ bhikkhūnaṁ yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr1.9:24.2	Rājagahe paññatto.
pli-tv-pvr1.9:24.3	Kaṁ ārabbhāti?
pli-tv-pvr1.9:24.4	Sambahule bhikkhū ārabbha.
pli-tv-pvr1.9:24.5	Kismiṁ vatthusminti?
pli-tv-pvr1.9:24.6	Sambahulā bhikkhū devadattassa saṅghabhedāya parakkamantassa anuvattakā ahesuṁ vaggavādakā, tasmiṁ vatthusmiṁ.
pli-tv-pvr1.9:24.7	Ekā paññatti.
pli-tv-pvr1.9:24.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.9:24.9	kāyato ca vācato ca cittato ca samuṭṭhāti …pe….
pli-tv-pvr1.9:25.1	Dubbacassa bhikkhuno yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr1.9:25.2	Kosambiyaṁ paññatto.
pli-tv-pvr1.9:25.3	Kaṁ ārabbhāti?
pli-tv-pvr1.9:25.4	Āyasmantaṁ channaṁ ārabbha.
pli-tv-pvr1.9:25.5	Kismiṁ vatthusminti?
pli-tv-pvr1.9:25.6	Āyasmā channo bhikkhūhi sahadhammikaṁ vuccamāno attānaṁ avacanīyaṁ akāsi, tasmiṁ vatthusmiṁ.
pli-tv-pvr1.9:25.7	Ekā paññatti.
pli-tv-pvr1.9:25.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.9:25.9	kāyato ca vācato ca cittato ca samuṭṭhāti …pe….
pli-tv-pvr1.9:26.1	Kuladūsakassa bhikkhuno yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr1.9:26.2	Sāvatthiyaṁ paññatto.
pli-tv-pvr1.9:26.3	Kaṁ ārabbhāti?
pli-tv-pvr1.9:26.4	Assajipunabbasuke bhikkhū ārabbha.
pli-tv-pvr1.9:26.5	Kismiṁ vatthusminti?
pli-tv-pvr1.9:26.6	Assajipunabbasukā bhikkhū saṅghena pabbājanīyakammakatā bhikkhū chandagāmitā dosagāmitā mohagāmitā bhayagāmitā pāpesuṁ, tasmiṁ vatthusmiṁ.
pli-tv-pvr1.9:26.7	Ekā paññatti.
pli-tv-pvr1.9:26.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.9:26.9	kāyato ca vācato ca cittato ca samuṭṭhāti …pe….
pli-tv-pvr1.9:27.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā dukkaṭaṁ kattha paññattanti?
pli-tv-pvr1.9:27.2	Sāvatthiyaṁ paññattaṁ.
pli-tv-pvr1.9:27.3	Kaṁ ārabbhāti?
pli-tv-pvr1.9:27.4	Chabbaggiye bhikkhū ārabbha.
pli-tv-pvr1.9:27.5	Kismiṁ vatthusminti?
pli-tv-pvr1.9:27.6	Chabbaggiyā bhikkhū udake uccārampi passāvampi kheḷampi akaṁsu, tasmiṁ vatthusmiṁ.
pli-tv-pvr1.9:27.7	Ekā paññatti, ekā anupaññatti.
pli-tv-pvr1.9:27.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.9:27.9	kāyato ca cittato ca samuṭṭhāti, na vācato …pe….
pli-tv-pvr1.9:28.1	Katthapaññattivāro niṭṭhito paṭhamo.
pli-tv-pvr1.10:0.1	Parivāra
pli-tv-pvr1.10:0.2	Bhikkhuvibhaṅga
pli-tv-pvr1.10:0.3	Dutiyabhāga
pli-tv-pvr1.10:0.4	1.10 Katāpattivāra
pli-tv-pvr1.10:0.5	1. Pārājikakaṇḍa
pli-tv-pvr1.10:1.1	Methunaṁ dhammaṁ paṭisevanapaccayā kati āpattiyo āpajjati?
pli-tv-pvr1.10:1.2	Methunaṁ dhammaṁ paṭisevanapaccayā catasso āpattiyo āpajjati—
pli-tv-pvr1.10:1.3	akkhāyite sarīre methunaṁ dhammaṁ paṭisevati, āpatti pārājikassa;
pli-tv-pvr1.10:1.4	yebhuyyena khāyite sarīre methunaṁ dhammaṁ paṭisevati, āpatti thullaccayassa;
pli-tv-pvr1.10:1.5	vaṭṭakate mukhe acchupantaṁ aṅgajātaṁ paveseti, āpatti dukkaṭassa;
pli-tv-pvr1.10:1.6	jatumaṭṭhake pācittiyaṁ—
pli-tv-pvr1.10:1.7	methunaṁ dhammaṁ paṭisevanapaccayā imā catasso āpattiyo āpajjati.
pli-tv-pvr1.10:2.1	Adinnaṁ ādiyanapaccayā kati āpattiyo āpajjati?
pli-tv-pvr1.10:2.2	Adinnaṁ ādiyanapaccayā tisso āpattiyo āpajjati.
pli-tv-pvr1.10:2.3	Pañcamāsakaṁ vā atirekapañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti pārājikassa;
pli-tv-pvr1.10:2.4	atirekamāsakaṁ vā ūnapañcamāsakaṁ vā agghanakaṁ adinnaṁ theyyasaṅkhātaṁ ādiyati, āpatti thullaccayassa;
pli-tv-pvr1.10:2.5	māsakaṁ vā ūnamāsakaṁ vā agghanakaṁ adinnaṁ theyyasaṅkhātaṁ ādiyati, āpatti dukkaṭassa—
pli-tv-pvr1.10:2.6	adinnaṁ ādiyanapaccayā imā tisso āpattiyo āpajjati.
pli-tv-pvr1.10:3.1	Sañcicca manussaviggahaṁ jīvitā voropanapaccayā kati āpattiyo āpajjati?
pli-tv-pvr1.10:3.2	Sañcicca manussaviggahaṁ jīvitā voropanapaccayā tisso āpattiyo āpajjati.
pli-tv-pvr1.10:3.3	Manussaṁ odissa opātaṁ khaṇati “papatitvā marissatī”ti, āpatti dukkaṭassa;
pli-tv-pvr1.10:3.4	papatite dukkhā vedanā uppajjati, āpatti thullaccayassa;
pli-tv-pvr1.10:3.5	marati, āpatti pārājikassa—
pli-tv-pvr1.10:3.6	sañcicca manussaviggahaṁ jīvitā voropanapaccayā imā tisso āpattiyo āpajjati.
pli-tv-pvr1.10:4.1	Asantaṁ abhūtaṁ uttarimanussadhammaṁ ullapanapaccayā kati āpattiyo āpajjati?
pli-tv-pvr1.10:4.2	Asantaṁ abhūtaṁ uttarimanussadhammaṁ ullapanapaccayā tisso āpattiyo āpajjati—
pli-tv-pvr1.10:4.3	pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa;
pli-tv-pvr1.10:4.4	“yo te vihāre vasati so bhikkhu arahā”ti bhaṇati, paṭivijānantassa āpatti thullaccayassa;
pli-tv-pvr1.10:4.5	na paṭivijānantassa āpatti dukkaṭassa—
pli-tv-pvr1.10:4.6	asantaṁ abhūtaṁ uttarimanussadhammaṁ ullapanapaccayā imā tisso āpattiyo āpajjati.
pli-tv-pvr1.10:5.1	Cattāro pārājikā niṭṭhitā.
pli-tv-pvr1.10:6.0	2. Saṅghādisesakaṇḍādi
pli-tv-pvr1.10:6.1	Upakkamitvā asucimocanapaccayā kati āpattiyo āpajjati?
pli-tv-pvr1.10:6.2	Upakkamitvā asucimocanapaccayā tisso āpattiyo āpajjati—
pli-tv-pvr1.10:6.3	ceteti upakkamati muccati, āpatti saṅghādisesassa;
pli-tv-pvr1.10:6.4	ceteti upakkamati na muccati, āpatti thullaccayassa;
pli-tv-pvr1.10:6.5	payoge dukkaṭaṁ—
pli-tv-pvr1.10:6.6	upakkamitvā asucimocanapaccayā imā tisso āpattiyo āpajjati.
pli-tv-pvr1.10:7.1	Kāyasaṁsaggaṁ samāpajjanapaccayā kati āpattiyo āpajjati?
pli-tv-pvr1.10:7.2	Kāyasaṁsaggaṁ samāpajjanapaccayā pañca āpattiyo āpajjati—
pli-tv-pvr1.10:7.3	avassutā bhikkhunī avassutassa purisapuggalassa adhakkhakaṁ ubbhajāṇumaṇḍalaṁ gahaṇaṁ sādiyati, āpatti pārājikassa;
pli-tv-pvr1.10:7.4	bhikkhu kāyena kāyaṁ āmasati, āpatti saṅghādisesassa;
pli-tv-pvr1.10:7.5	kāyena kāyapaṭibaddhaṁ āmasati, āpatti thullaccayassa;
pli-tv-pvr1.10:7.6	kāyapaṭibaddhena kāyapaṭibaddhaṁ āmasati, āpatti dukkaṭassa;
pli-tv-pvr1.10:7.7	aṅgulipatodake pācittiyaṁ—
pli-tv-pvr1.10:7.8	kāyasaṁsaggaṁ samāpajjanapaccayā imā pañca āpattiyo āpajjati.
pli-tv-pvr1.10:8.1	Mātugāmaṁ duṭṭhullāhi vācāhi obhāsanapaccayā tisso āpattiyo āpajjati—
pli-tv-pvr1.10:8.2	vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati, āpatti saṅghādisesassa;
pli-tv-pvr1.10:8.3	vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati avaṇṇampi bhaṇati, āpatti thullaccayassa;
pli-tv-pvr1.10:8.4	kāyapaṭibaddhaṁ ādissa vaṇṇampi bhaṇati avaṇṇampi bhaṇati, āpatti dukkaṭassa.
pli-tv-pvr1.10:9.1	Attakāmapāricariyāya vaṇṇaṁ bhāsanapaccayā tisso āpattiyo āpajjati—
pli-tv-pvr1.10:9.2	mātugāmassa santike attakāmapāricariyāya vaṇṇaṁ bhāsati, āpatti saṅghādisesassa;
pli-tv-pvr1.10:9.3	paṇḍakassa santike attakāmapāricariyāya vaṇṇaṁ bhāsati, āpatti thullaccayassa;
pli-tv-pvr1.10:9.4	tiracchānagatassa santike attakāmapāricariyāya vaṇṇaṁ bhāsati, āpatti dukkaṭassa.
pli-tv-pvr1.10:10.1	Sañcarittaṁ samāpajjanapaccayā tisso āpattiyo āpajjati—
pli-tv-pvr1.10:10.2	paṭiggaṇhāti vīmaṁsati paccāharati, āpatti saṅghādisesassa;
pli-tv-pvr1.10:10.3	paṭiggaṇhāti vīmaṁsati na paccāharati, āpatti thullaccayassa;
pli-tv-pvr1.10:10.4	paṭiggaṇhāti na vīmaṁsati na paccāharati, āpatti dukkaṭassa.
pli-tv-pvr1.10:11.1	Saññācikāya kuṭiṁ kārāpanapaccayā tisso āpattiyo āpajjati—
pli-tv-pvr1.10:11.2	kārāpeti, payoge dukkaṭaṁ;
pli-tv-pvr1.10:11.3	ekaṁ piṇḍaṁ anāgate āpatti thullaccayassa;
pli-tv-pvr1.10:11.4	tasmiṁ piṇḍe āgate āpatti saṅghādisesassa.
pli-tv-pvr1.10:12.1	Mahallakaṁ vihāraṁ kārāpanapaccayā tisso āpattiyo āpajjati—
pli-tv-pvr1.10:12.2	kārāpeti, payoge dukkaṭaṁ;
pli-tv-pvr1.10:12.3	ekaṁ piṇḍaṁ anāgate, āpatti thullaccayassa;
pli-tv-pvr1.10:12.4	tasmiṁ piṇḍe āgate āpatti saṅghādisesassa.
pli-tv-pvr1.10:13.1	Bhikkhuṁ amūlakena pārājikena dhammena anuddhaṁsanapaccayā tisso āpattiyo āpajjati—
pli-tv-pvr1.10:13.2	anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa;
pli-tv-pvr1.10:13.3	okāsaṁ kārāpetvā akkosādhippāyo vadeti, āpatti omasavādassa.
pli-tv-pvr1.10:14.1	Bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsanapaccayā tisso āpattiyo āpajjati—
pli-tv-pvr1.10:14.2	anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa;
pli-tv-pvr1.10:14.3	okāsaṁ kārāpetvā akkosādhippāyo vadeti, āpatti omasavādassa.
pli-tv-pvr1.10:15.1	Saṅghabhedako bhikkhu yāvatatiyaṁ samanubhāsanāya na paṭinissajjanapaccayā tisso āpattiyo āpajjati—
pli-tv-pvr1.10:15.2	ñattiyā dukkaṭaṁ;
pli-tv-pvr1.10:15.3	dvīhi kammavācāhi thullaccayā;
pli-tv-pvr1.10:15.4	kammavācāpariyosāne āpatti saṅghādisesassa.
pli-tv-pvr1.10:16.1	Bhedakānuvattakā bhikkhū yāvatatiyaṁ samanubhāsanāya na paṭinissajjanapaccayā tisso āpattiyo āpajjanti—
pli-tv-pvr1.10:16.2	ñattiyā dukkaṭaṁ;
pli-tv-pvr1.10:16.3	dvīhi kammavācāhi thullaccayā;
pli-tv-pvr1.10:16.4	kammavācāpariyosāne āpatti saṅghādisesassa.
pli-tv-pvr1.10:17.1	Dubbaco bhikkhu yāvatatiyaṁ samanubhāsanāya na paṭinissajjanapaccayā tisso āpattiyo āpajjati—
pli-tv-pvr1.10:17.2	ñattiyā dukkaṭaṁ;
pli-tv-pvr1.10:17.3	dvīhi kammavācāhi thullaccayā;
pli-tv-pvr1.10:17.4	kammavācāpariyosāne āpatti saṅghādisesassa.
pli-tv-pvr1.10:18.1	Kuladūsako bhikkhu yāvatatiyaṁ samanubhāsanāya na paṭinissajjanapaccayā tisso āpattiyo āpajjati—
pli-tv-pvr1.10:18.2	ñattiyā dukkaṭaṁ;
pli-tv-pvr1.10:18.3	dvīhi kammavācāhi thullaccayā;
pli-tv-pvr1.10:18.4	kammavācāpariyosāne āpatti saṅghādisesassa …pe….
pli-tv-pvr1.10:19.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā kati āpattiyo āpajjati?
pli-tv-pvr1.10:19.2	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā ekaṁ āpattiṁ āpajjati.
pli-tv-pvr1.10:19.3	Dukkaṭaṁ—
pli-tv-pvr1.10:19.4	anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā imaṁ ekaṁ āpattiṁ āpajjati.
pli-tv-pvr1.10:20.1	Katāpattivāro niṭṭhito dutiyo.
pli-tv-pvr1.11:0.1	Parivāra
pli-tv-pvr1.11:0.2	Bhikkhuvibhaṅga
pli-tv-pvr1.11:0.3	Dutiyabhāga
pli-tv-pvr1.11:0.4	1.11 Vipattivāra
pli-tv-pvr1.11:1.1	Methunaṁ dhammaṁ paṭisevanapaccayā āpattiyo catunnaṁ vipattīnaṁ kati vipattiyo bhajanti?
pli-tv-pvr1.11:1.2	Methunaṁ dhammaṁ paṭisevanapaccayā āpattiyo catunnaṁ vipattīnaṁ dve vipattiyo bhajanti—
pli-tv-pvr1.11:1.3	siyā sīlavipattiṁ siyā ācāravipattiṁ …pe….
pli-tv-pvr1.11:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ vipattīnaṁ kati vipattiyo bhajati?
pli-tv-pvr1.11:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ vipattīnaṁ ekaṁ vipattiṁ bhajati—
pli-tv-pvr1.11:2.3	ācāravipattiṁ.
pli-tv-pvr1.11:3.1	Vipattivāro niṭṭhito tatiyo.
pli-tv-pvr1.12:0.1	Parivāra
pli-tv-pvr1.12:0.2	Bhikkhuvibhaṅga
pli-tv-pvr1.12:0.3	Dutiyabhāga
pli-tv-pvr1.12:0.4	1.12 Saṅgahitavāra
pli-tv-pvr1.12:1.1	Methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr1.12:1.2	Methunaṁ dhammaṁ paṭisevanapaccayā āpattiyo sattannaṁ āpattikkhandhānaṁ catūhi āpattikkhandhehi saṅgahitā—
pli-tv-pvr1.12:1.3	siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena …pe….
pli-tv-pvr1.12:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr1.12:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ āpattikkhandhānaṁ ekena āpattikkhandhena saṅgahitā—
pli-tv-pvr1.12:2.3	dukkaṭāpattikkhandhena.
pli-tv-pvr1.12:3.1	Saṅgahitavāro niṭṭhito catuttho.
pli-tv-pvr1.13:0.1	Parivāra
pli-tv-pvr1.13:0.2	Bhikkhuvibhaṅga
pli-tv-pvr1.13:0.3	Dutiyabhāga
pli-tv-pvr1.13:0.4	1.13 Samuṭṭhānavāra
pli-tv-pvr1.13:1.1	Methunaṁ dhammaṁ paṭisevanapaccayā āpattiyo channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr1.13:1.2	Methunaṁ dhammaṁ paṭisevanapaccayā āpattiyo channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr1.13:1.3	kāyato ca cittato ca samuṭṭhanti, na vācato …pe….
pli-tv-pvr1.13:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti channaṁ āpattisamuṭṭhānānaṁ katihi samuṭṭhānehi samuṭṭhāti?
pli-tv-pvr1.13:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.13:2.3	kāyato ca cittato ca samuṭṭhāti, na vācato …pe….
pli-tv-pvr1.13:3.1	Samuṭṭhānavāro niṭṭhito pañcamo.
pli-tv-pvr1.14:0.1	Parivāra
pli-tv-pvr1.14:0.2	Bhikkhuvibhaṅga
pli-tv-pvr1.14:0.3	Dutiyabhāga
pli-tv-pvr1.14:0.4	1.14 Adhikaraṇavāra
pli-tv-pvr1.14:1.1	Methunaṁ dhammaṁ paṭisevanapaccayā āpattiyo catunnaṁ adhikaraṇānaṁ katamaṁ adhikaraṇaṁ?
pli-tv-pvr1.14:1.2	Methunaṁ dhammaṁ paṭisevanapaccayā āpattiyo catunnaṁ adhikaraṇānaṁ āpattādhikaraṇaṁ …pe….
pli-tv-pvr1.14:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ adhikaraṇānaṁ katamaṁ adhikaraṇaṁ?
pli-tv-pvr1.14:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti catunnaṁ adhikaraṇānaṁ āpattādhikaraṇaṁ.
pli-tv-pvr1.14:3.1	Adhikaraṇavāro niṭṭhito chaṭṭho.
pli-tv-pvr1.15:0.1	Parivāra
pli-tv-pvr1.15:0.2	Bhikkhuvibhaṅga
pli-tv-pvr1.15:0.3	Dutiyabhāga
pli-tv-pvr1.15:0.4	1.15 Samathavāra
pli-tv-pvr1.15:1.1	Methunaṁ dhammaṁ paṭisevanapaccayā āpattiyo sattannaṁ samathānaṁ katihi samathehi sammanti?
pli-tv-pvr1.15:1.2	Methunaṁ dhammaṁ paṭisevanapaccayā āpattiyo sattannaṁ samathānaṁ tīhi samathehi sammanti—
pli-tv-pvr1.15:1.3	siyā sammukhāvinayena ca paṭiññātakaraṇena ca;
pli-tv-pvr1.15:1.4	siyā sammukhāvinayena ca tiṇavatthārakena ca …pe….
pli-tv-pvr1.15:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ samathānaṁ katihi samathehi sammati?
pli-tv-pvr1.15:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā āpatti sattannaṁ samathānaṁ tīhi samathehi sammati—
pli-tv-pvr1.15:2.3	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
pli-tv-pvr1.15:3.1	Samathavāro niṭṭhito sattamo.
pli-tv-pvr1.16:0.1	Parivāra
pli-tv-pvr1.16:0.2	Bhikkhuvibhaṅga
pli-tv-pvr1.16:0.3	Dutiyabhāga
pli-tv-pvr1.16:0.4	1.16 Samuccayavāra
pli-tv-pvr1.16:1.1	Methunaṁ dhammaṁ paṭisevanapaccayā kati āpattiyo āpajjati?
pli-tv-pvr1.16:1.2	Methunaṁ dhammaṁ paṭisevanapaccayā catasso āpattiyo āpajjati.
pli-tv-pvr1.16:1.3	Akkhāyite sarīre methunaṁ dhammaṁ paṭisevati, āpatti pārājikassa;
pli-tv-pvr1.16:1.4	yebhuyyena khāyite sarīre methunaṁ dhammaṁ paṭisevati, āpatti thullaccayassa;
pli-tv-pvr1.16:1.5	vaṭṭakate mukhe acchupantaṁ aṅgajātaṁ paveseti, āpatti dukkaṭassa;
pli-tv-pvr1.16:1.6	jatumaṭṭhake pācittiyaṁ—
pli-tv-pvr1.16:1.7	methunaṁ dhammaṁ paṭisevanapaccayā imā catasso āpattiyo āpajjati.
pli-tv-pvr1.16:1.8	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr1.16:1.9	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr1.16:1.10	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr1.16:1.11	Catunnaṁ adhikaraṇānaṁ katamaṁ adhikaraṇaṁ?
pli-tv-pvr1.16:1.12	Sattannaṁ samathānaṁ katihi samathehi sammanti?
pli-tv-pvr1.16:1.13	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr1.16:1.14	siyā sīlavipattiṁ siyā ācāravipattiṁ.
pli-tv-pvr1.16:1.15	Sattannaṁ āpattikkhandhānaṁ catūhi āpattikkhandhehi saṅgahitā—
pli-tv-pvr1.16:1.16	siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr1.16:1.17	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr1.16:1.18	kāyato ca cittato ca samuṭṭhanti, na vācato.
pli-tv-pvr1.16:1.19	Catunnaṁ adhikaraṇānaṁ, āpattādhikaraṇaṁ.
pli-tv-pvr1.16:1.20	Sattannaṁ samathānaṁ, tīhi samathehi sammanti—
pli-tv-pvr1.16:1.21	siyā sammukhāvinayena ca, paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr1.16:2.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā kati āpattiyo āpajjati?
pli-tv-pvr1.16:2.2	Anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā ekaṁ āpattiṁ āpajjati.
pli-tv-pvr1.16:2.3	Dukkaṭaṁ—
pli-tv-pvr1.16:2.4	anādariyaṁ paṭicca udake uccāraṁ vā passāvaṁ vā kheḷaṁ vā karaṇapaccayā imaṁ ekaṁ āpattiṁ āpajjati.
pli-tv-pvr1.16:2.5	Sā āpatti catunnaṁ vipattīnaṁ kati vipattiyo bhajati?
pli-tv-pvr1.16:2.6	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr1.16:2.7	Channaṁ āpattisamuṭṭhānānaṁ katihi samuṭṭhānehi samuṭṭhāti?
pli-tv-pvr1.16:2.8	Catunnaṁ adhikaraṇānaṁ katamaṁ adhikaraṇaṁ?
pli-tv-pvr1.16:2.9	Sattannaṁ samathānaṁ katihi samathehi sammati?
pli-tv-pvr1.16:2.10	Sā āpatti catunnaṁ vipattīnaṁ ekaṁ vipattiṁ bhajati—
pli-tv-pvr1.16:2.11	ācāravipattiṁ.
pli-tv-pvr1.16:2.12	Sattannaṁ āpattikkhandhānaṁ ekena āpattikkhandhena saṅgahitā—
pli-tv-pvr1.16:2.13	dukkaṭāpattikkhandhena.
pli-tv-pvr1.16:2.14	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr1.16:2.15	kāyato ca cittato ca samuṭṭhāti, na vācato.
pli-tv-pvr1.16:2.16	Catunnaṁ adhikaraṇānaṁ, āpattādhikaraṇaṁ.
pli-tv-pvr1.16:2.17	Sattannaṁ samathānaṁ tīhi samathehi sammati—
pli-tv-pvr1.16:2.18	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
pli-tv-pvr1.16:3.1	Samuccayavāro niṭṭhito aṭṭhamo.
pli-tv-pvr1.16:3.2	Aṭṭhapaccayavārā niṭṭhitā.
pli-tv-pvr1.16:3.3	Mahāvibhaṅge soḷasamahāvārā niṭṭhitā.
pli-tv-pvr1.16:4.1	Bhikkhuvibhaṅgamahāvāro niṭṭhito.
pli-tv-pvr2.1:0.1	Parivāra
pli-tv-pvr2.1:0.2	Bhikkhunivibhaṅga
pli-tv-pvr2.1:0.3	Paṭhamabhāga
pli-tv-pvr2.1:0.4	2.1 Katthapaññattivāra
pli-tv-pvr2.1:0.5	1. Pārājikakaṇḍa
pli-tv-pvr2.1:1.1	Yaṁ tena bhagavatā jānatā passatā arahatā sammāsambuddhena bhikkhunīnaṁ pañcamaṁ pārājikaṁ kattha paññattaṁ?
pli-tv-pvr2.1:1.2	Kaṁ ārabbha?
pli-tv-pvr2.1:1.3	Kismiṁ vatthusmiṁ?
pli-tv-pvr2.1:1.4	Atthi tattha paññatti, anupaññatti, anuppannapaññatti?
pli-tv-pvr2.1:1.5	Sabbatthapaññatti, padesapaññatti?
pli-tv-pvr2.1:1.6	Sādhāraṇapaññatti, asādhāraṇapaññatti?
pli-tv-pvr2.1:1.7	Ekatopaññatti, ubhatopaññatti?
pli-tv-pvr2.1:1.8	Catunnaṁ pātimokkhuddesānaṁ katthogadhaṁ kattha pariyāpannaṁ?
pli-tv-pvr2.1:1.9	Katamena uddesena uddesaṁ āgacchati?
pli-tv-pvr2.1:1.10	Catunnaṁ vipattīnaṁ katamā vipatti?
pli-tv-pvr2.1:1.11	Sattannaṁ āpattikkhandhānaṁ katamo āpattikkhandho?
pli-tv-pvr2.1:1.12	Channaṁ āpattisamuṭṭhānānaṁ katihi samuṭṭhānehi samuṭṭhāti?
pli-tv-pvr2.1:1.13	Catunnaṁ adhikaraṇānaṁ katamaṁ adhikaraṇaṁ?
pli-tv-pvr2.1:1.14	Sattannaṁ samathānaṁ katihi samathehi sammati?
pli-tv-pvr2.1:1.15	Ko tattha vinayo?
pli-tv-pvr2.1:1.16	Ko tattha abhivinayo?
pli-tv-pvr2.1:1.17	Kiṁ tattha pātimokkhaṁ?
pli-tv-pvr2.1:1.18	Kiṁ tattha adhipātimokkhaṁ?
pli-tv-pvr2.1:1.19	Kā vipatti?
pli-tv-pvr2.1:1.20	Kā sampatti?
pli-tv-pvr2.1:1.21	Kā paṭipatti?
pli-tv-pvr2.1:1.22	Kati atthavase paṭicca bhagavatā bhikkhunīnaṁ pañcamaṁ pārājikaṁ paññattaṁ?
pli-tv-pvr2.1:1.23	Kā sikkhanti?
pli-tv-pvr2.1:1.24	Kā sikkhitasikkhā?
pli-tv-pvr2.1:1.25	Kattha ṭhitaṁ?
pli-tv-pvr2.1:1.26	Kā dhārenti?
pli-tv-pvr2.1:1.27	Kassa vacanaṁ?
pli-tv-pvr2.1:1.28	Kenābhatanti?
pli-tv-pvr2.1:2.1	Yaṁ tena bhagavatā jānatā passatā arahatā sammāsambuddhena bhikkhunīnaṁ pañcamaṁ pārājikaṁ kattha paññattanti?
pli-tv-pvr2.1:2.2	Sāvatthiyaṁ paññattaṁ.
pli-tv-pvr2.1:2.3	Kaṁ ārabbhāti?
pli-tv-pvr2.1:2.4	Sundarīnandaṁ bhikkhuniṁ ārabbha.
pli-tv-pvr2.1:2.5	Kismiṁ vatthusminti?
pli-tv-pvr2.1:2.6	Sundarīnandā bhikkhunī avassutā avassutassa purisapuggalassa kāyasaṁsaggaṁ sādiyi, tasmiṁ vatthusmiṁ.
pli-tv-pvr2.1:2.7	Atthi tattha paññatti anupaññatti anuppannapaññattīti?
pli-tv-pvr2.1:2.8	Ekā paññatti.
pli-tv-pvr2.1:2.9	Anupaññatti anuppannapaññatti tasmiṁ natthi.
pli-tv-pvr2.1:2.10	Sabbatthapaññatti, padesapaññattīti?
pli-tv-pvr2.1:2.11	Sabbatthapaññatti.
pli-tv-pvr2.1:2.12	Sādhāraṇapaññatti, asādhāraṇapaññattīti?
pli-tv-pvr2.1:2.13	Asādhāraṇapaññatti.
pli-tv-pvr2.1:2.14	Ekatopaññatti, ubhatopaññattīti?
pli-tv-pvr2.1:2.15	Ekatopaññatti.
pli-tv-pvr2.1:2.16	Catunnaṁ pātimokkhuddesānaṁ katthogadhaṁ kattha pariyāpannanti?
pli-tv-pvr2.1:2.17	Nidānogadhaṁ nidānapariyāpannaṁ.
pli-tv-pvr2.1:2.18	Katamena uddesena uddesaṁ āgacchatīti?
pli-tv-pvr2.1:2.19	Dutiyena uddesena uddesaṁ āgacchati.
pli-tv-pvr2.1:2.20	Catunnaṁ vipattīnaṁ katamā vipattīti?
pli-tv-pvr2.1:2.21	Sīlavipatti.
pli-tv-pvr2.1:2.22	Sattannaṁ āpattikkhandhānaṁ katamo āpattikkhandhoti?
pli-tv-pvr2.1:2.23	Pārājikāpattikkhandho.
pli-tv-pvr2.1:2.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr2.1:2.25	Ekena samuṭṭhānena samuṭṭhāti—
pli-tv-pvr2.1:2.26	kāyato ca cittato ca samuṭṭhāti, na vācato.
pli-tv-pvr2.1:2.27	Catunnaṁ adhikaraṇānaṁ katamaṁ adhikaraṇanti?
pli-tv-pvr2.1:2.28	Āpattādhikaraṇaṁ?
pli-tv-pvr2.1:2.29	Sattannaṁ samathānaṁ katihi samathehi sammatīti?
pli-tv-pvr2.1:2.30	Dvīhi samathehi sammati—
pli-tv-pvr2.1:2.31	sammukhāvinayena ca paṭiññātakaraṇena ca.
pli-tv-pvr2.1:2.32	Ko tattha vinayo, ko tattha abhivinayoti?
pli-tv-pvr2.1:2.33	Paññatti vinayo, vibhatti abhivinayo.
pli-tv-pvr2.1:2.34	Kiṁ tattha pātimokkhaṁ, kiṁ tattha adhipātimokkhanti?
pli-tv-pvr2.1:2.35	Paññatti pātimokkhaṁ, vibhatti adhipātimokkhaṁ.
pli-tv-pvr2.1:2.36	Kā vipattīti?
pli-tv-pvr2.1:2.37	Asaṁvaro vipatti.
pli-tv-pvr2.1:2.38	Kā sampattīti?
pli-tv-pvr2.1:2.39	Saṁvaro sampatti.
pli-tv-pvr2.1:2.40	Kā paṭipattīti?
pli-tv-pvr2.1:2.41	“Na evarūpaṁ karissāmī”ti yāvajīvaṁ āpāṇakoṭikaṁ samādāya sikkhati sikkhāpadesu.
pli-tv-pvr2.1:2.42	Kati atthavase paṭicca bhagavatā bhikkhunīnaṁ pañcamaṁ pārājikaṁ paññattanti?
pli-tv-pvr2.1:2.43	Dasa atthavase paṭicca bhagavatā bhikkhunīnaṁ pañcamaṁ pārājikaṁ paññattaṁ—
pli-tv-pvr2.1:2.44	saṅghasuṭṭhutāya, saṅghaphāsutāya, dummaṅkūnaṁ bhikkhunīnaṁ niggahāya, pesalānaṁ bhikkhunīnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.
pli-tv-pvr2.1:2.45	Kā sikkhantīti?
pli-tv-pvr2.1:2.46	Sekkhā ca puthujjanakalyāṇikā ca sikkhanti.
pli-tv-pvr2.1:2.47	Kā sikkhitasikkhāti?
pli-tv-pvr2.1:2.48	Arahantiyo sikkhitasikkhā.
pli-tv-pvr2.1:2.49	Kattha ṭhitanti?
pli-tv-pvr2.1:2.50	Sikkhākāmāsu ṭhitaṁ.
pli-tv-pvr2.1:2.51	Kā dhārentīti?
pli-tv-pvr2.1:2.52	Yāsaṁ vattati tā dhārenti.
pli-tv-pvr2.1:2.53	Kassa vacananti?
pli-tv-pvr2.1:2.54	Bhagavato vacanaṁ arahato sammāsambuddhassa.
pli-tv-pvr2.1:2.55	Kenābhatanti?
pli-tv-pvr2.1:2.56	Paramparābhataṁ—
pli-tv-pvr2.1:3.1	Upāli dāsako ceva,
pli-tv-pvr2.1:3.2	soṇako siggavo tathā;
pli-tv-pvr2.1:3.3	Moggaliputtena pañcamā,
pli-tv-pvr2.1:3.4	ete jambusirivhaye.
pli-tv-pvr2.1:4.1	Tato mahindo iṭṭiyo,
pli-tv-pvr2.1:4.2	uttiyo sambalo tathā;
pli-tv-pvr2.1:4.3	Bhaddanāmo ca paṇḍito.
pli-tv-pvr2.1:5.1	Ete nāgā mahāpaññā,
pli-tv-pvr2.1:5.2	jambudīpā idhāgatā;
pli-tv-pvr2.1:5.3	Vinayaṁ te vācayiṁsu,
pli-tv-pvr2.1:5.4	piṭakaṁ tambapaṇṇiyā.
pli-tv-pvr2.1:6.1	Nikāye pañca vācesuṁ,
pli-tv-pvr2.1:6.2	satta ceva pakaraṇe;
pli-tv-pvr2.1:6.3	Tato ariṭṭho medhāvī,
pli-tv-pvr2.1:6.4	tissadatto ca paṇḍito.
pli-tv-pvr2.1:7.1	Visārado kāḷasumano,
pli-tv-pvr2.1:7.2	thero ca dīghanāmako;
pli-tv-pvr2.1:7.3	Dīghasumano ca paṇḍito.
pli-tv-pvr2.1:8.1	Punadeva kāḷasumano,
pli-tv-pvr2.1:8.2	Nāgatthero ca buddharakkhito;
pli-tv-pvr2.1:8.3	Tissatthero ca medhāvī,
pli-tv-pvr2.1:8.4	Devatthero ca paṇḍito.
pli-tv-pvr2.1:9.1	Punadeva sumano medhāvī,
pli-tv-pvr2.1:9.2	Vinaye ca visārado;
pli-tv-pvr2.1:9.3	Bahussuto cūḷanāgo,
pli-tv-pvr2.1:9.4	Gajova duppadhaṁsiyo.
pli-tv-pvr2.1:10.1	Dhammapālitanāmo ca,
pli-tv-pvr2.1:10.2	rohaṇe sādhupūjito;
pli-tv-pvr2.1:10.3	Tassa sisso mahāpañño,
pli-tv-pvr2.1:10.4	khemanāmo tipeṭako.
pli-tv-pvr2.1:11.1	Dīpe tārakarājāva,
pli-tv-pvr2.1:11.2	paññāya atirocatha;
pli-tv-pvr2.1:11.3	Upatisso ca medhāvī,
pli-tv-pvr2.1:11.4	phussadevo mahākathī.
pli-tv-pvr2.1:12.1	Punadeva sumano medhāvī,
pli-tv-pvr2.1:12.2	Pupphanāmo bahussuto;
pli-tv-pvr2.1:12.3	Mahākathī mahāsivo,
pli-tv-pvr2.1:12.4	Piṭake sabbattha kovido.
pli-tv-pvr2.1:13.1	Punadeva upāli medhāvī,
pli-tv-pvr2.1:13.2	Vinaye ca visārado;
pli-tv-pvr2.1:13.3	Mahānāgo mahāpañño,
pli-tv-pvr2.1:13.4	Saddhammavaṁsakovido.
pli-tv-pvr2.1:14.1	Punadeva abhayo medhāvī,
pli-tv-pvr2.1:14.2	Piṭake sabbattha kovido;
pli-tv-pvr2.1:14.3	Tissatthero ca medhāvī,
pli-tv-pvr2.1:14.4	Vinaye ca visārado.
pli-tv-pvr2.1:15.1	Tassa sisso mahāpañño,
pli-tv-pvr2.1:15.2	pupphanāmo bahussuto;
pli-tv-pvr2.1:15.3	Sāsanaṁ anurakkhanto,
pli-tv-pvr2.1:15.4	jambudīpe patiṭṭhito.
pli-tv-pvr2.1:16.1	Cūḷābhayo ca medhāvī,
pli-tv-pvr2.1:16.2	vinaye ca visārado;
pli-tv-pvr2.1:16.3	Tissatthero ca medhāvī,
pli-tv-pvr2.1:16.4	saddhammavaṁsakovido.
pli-tv-pvr2.1:17.1	Cūḷadevo ca medhāvī,
pli-tv-pvr2.1:17.2	vinaye ca visārado;
pli-tv-pvr2.1:17.3	Sivatthero ca medhāvī,
pli-tv-pvr2.1:17.4	vinaye sabbattha kovido.
pli-tv-pvr2.1:18.1	Ete nāgā mahāpaññā,
pli-tv-pvr2.1:18.2	Vinayaññū maggakovidā;
pli-tv-pvr2.1:18.3	Vinayaṁ dīpe pakāsesuṁ,
pli-tv-pvr2.1:18.4	Piṭakaṁ tambapaṇṇiyāti.
pli-tv-pvr2.1:19.1	Yaṁ tena bhagavatā jānatā passatā arahatā sammāsambuddhena bhikkhunīnaṁ chaṭṭhaṁ pārājikaṁ kattha paññattanti?
pli-tv-pvr2.1:19.2	Sāvatthiyaṁ paññattaṁ.
pli-tv-pvr2.1:19.3	Kaṁ ārabbhāti?
pli-tv-pvr2.1:19.4	Thullanandaṁ bhikkhuniṁ ārabbha.
pli-tv-pvr2.1:19.5	Kismiṁ vatthusminti?
pli-tv-pvr2.1:19.6	Thullanandā bhikkhunī jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodesi na gaṇassa ārocesi, tasmiṁ vatthusmiṁ.
pli-tv-pvr2.1:19.7	Ekā paññatti.
pli-tv-pvr2.1:19.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:19.9	kāyato ca vācato ca cittato ca samuṭṭhāti …pe….
pli-tv-pvr2.1:20.1	Bhikkhunīnaṁ sattamaṁ pārājikaṁ kattha paññattanti?
pli-tv-pvr2.1:20.2	Sāvatthiyaṁ paññattaṁ.
pli-tv-pvr2.1:20.3	Kaṁ ārabbhāti?
pli-tv-pvr2.1:20.4	Thullanandaṁ bhikkhuniṁ ārabbha.
pli-tv-pvr2.1:20.5	Kismiṁ vatthusminti?
pli-tv-pvr2.1:20.6	Thullanandā bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvatti, tasmiṁ vatthusmiṁ.
pli-tv-pvr2.1:20.7	Ekā paññatti.
pli-tv-pvr2.1:20.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:20.9	dhuranikkhepe …pe….
pli-tv-pvr2.1:21.1	Bhikkhunīnaṁ aṭṭhamaṁ pārājikaṁ kattha paññattanti?
pli-tv-pvr2.1:21.2	Sāvatthiyaṁ paññattaṁ.
pli-tv-pvr2.1:21.3	Kaṁ ārabbhāti?
pli-tv-pvr2.1:21.4	Chabbaggiyā bhikkhuniyo ārabbha.
pli-tv-pvr2.1:21.5	Kismiṁ vatthusminti?
pli-tv-pvr2.1:21.6	Chabbaggiyā bhikkhuniyo aṭṭhamaṁ vatthuṁ paripūresuṁ, tasmiṁ vatthusmiṁ.
pli-tv-pvr2.1:21.7	Ekā paññatti.
pli-tv-pvr2.1:21.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:21.9	dhuranikkhepe …pe….
pli-tv-pvr2.1:22.1	Aṭṭha pārājikā niṭṭhitā.
pli-tv-pvr2.1:23.1	Tassuddānaṁ
pli-tv-pvr2.1:24.1	Methunādinnādānañca,
pli-tv-pvr2.1:24.2	manussaviggahuttari;
pli-tv-pvr2.1:24.3	Kāyasaṁsaggaṁ chādeti,
pli-tv-pvr2.1:24.4	ukkhittā aṭṭha vatthukā;
pli-tv-pvr2.1:24.5	Paññāpesi mahāvīro,
pli-tv-pvr2.1:24.6	chejjavatthū asaṁsayāti.
pli-tv-pvr2.1:25.0	2. Saṅghādisesakaṇḍa
pli-tv-pvr2.1:25.1	Yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aḍḍaṁ karontiyā saṅghādiseso kattha paññatto?
pli-tv-pvr2.1:25.2	Kaṁ ārabbha?
pli-tv-pvr2.1:25.3	Kismiṁ vatthusmiṁ …pe…
pli-tv-pvr2.1:25.4	kenābhatanti?
pli-tv-pvr2.1:26.1	Yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aḍḍaṁ karontiyā saṅghādiseso kattha paññattoti?
pli-tv-pvr2.1:26.2	Sāvatthiyaṁ paññatto.
pli-tv-pvr2.1:26.3	Kaṁ ārabbhāti?
pli-tv-pvr2.1:26.4	Thullanandaṁ bhikkhuniṁ ārabbha.
pli-tv-pvr2.1:26.5	Kismiṁ vatthusminti?
pli-tv-pvr2.1:26.6	Thullanandā bhikkhunī ussayavādikā vihari, tasmiṁ vatthusmiṁ.
pli-tv-pvr2.1:26.7	Atthi tattha paññatti, anupaññatti, anuppannapaññattīti?
pli-tv-pvr2.1:26.8	Ekā paññatti.
pli-tv-pvr2.1:26.9	Anupaññatti anuppannapaññatti tasmiṁ natthi.
pli-tv-pvr2.1:26.10	Sabbatthapaññatti, padesapaññattīti?
pli-tv-pvr2.1:26.11	Sabbatthapaññatti.
pli-tv-pvr2.1:26.12	Sādhāraṇapaññatti, asādhāraṇapaññattīti?
pli-tv-pvr2.1:26.13	Asādhāraṇapaññatti.
pli-tv-pvr2.1:26.14	Ekatopaññatti, ubhatopaññattīti?
pli-tv-pvr2.1:26.15	Ekatopaññatti.
pli-tv-pvr2.1:26.16	Catunnaṁ pātimokkhuddesānaṁ katthogadhaṁ kattha pariyāpannanti?
pli-tv-pvr2.1:26.17	Nidānogadhaṁ nidānapariyāpannaṁ.
pli-tv-pvr2.1:26.18	Katamena uddesena uddesaṁ āgacchatīti?
pli-tv-pvr2.1:26.19	Tatiyena uddesena uddesaṁ āgacchati.
pli-tv-pvr2.1:26.20	Catunnaṁ vipattīnaṁ katamā vipattīti?
pli-tv-pvr2.1:26.21	Sīlavipatti.
pli-tv-pvr2.1:26.22	Sattannaṁ āpattikkhandhānaṁ katamo āpattikkhandhoti?
pli-tv-pvr2.1:26.23	Saṅghādisesāpattikkhandho.
pli-tv-pvr2.1:26.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr2.1:26.25	Dvīhi samuṭṭhānehi samuṭṭhāti—
pli-tv-pvr2.1:26.26	siyā kāyato ca vācato ca samuṭṭhāti, na cittato;
pli-tv-pvr2.1:26.27	siyā kāyato ca vācato ca cittato ca samuṭṭhāti …pe…
pli-tv-pvr2.1:26.28	kenābhatanti?
pli-tv-pvr2.1:26.29	Paramparābhataṁ—
pli-tv-pvr2.1:27.1	Upāli dāsako ceva,
pli-tv-pvr2.1:27.2	soṇako siggavo tathā;
pli-tv-pvr2.1:27.3	Moggaliputtena pañcamā,
pli-tv-pvr2.1:27.4	ete jambusirivhaye.
pli-tv-pvr2.1:28.1	…pe…
pli-tv-pvr2.1:29.1	Ete nāgā mahāpaññā,
pli-tv-pvr2.1:29.2	Vinayaññū maggakovidā;
pli-tv-pvr2.1:29.3	Vinayaṁ dīpe pakāsesuṁ,
pli-tv-pvr2.1:29.4	Piṭakaṁ tambapaṇṇiyāti.
pli-tv-pvr2.1:30.1	Coriṁ vuṭṭhāpentiyā saṅghādiseso kattha paññattoti?
pli-tv-pvr2.1:30.2	Sāvatthiyaṁ paññatto.
pli-tv-pvr2.1:30.3	Kaṁ ārabbhāti?
pli-tv-pvr2.1:30.4	Thullanandaṁ bhikkhuniṁ ārabbha.
pli-tv-pvr2.1:30.5	Kismiṁ vatthusminti?
pli-tv-pvr2.1:30.6	Thullanandā bhikkhunī coriṁ vuṭṭhāpesi, tasmiṁ vatthusmiṁ.
pli-tv-pvr2.1:30.7	Ekā paññatti.
pli-tv-pvr2.1:30.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:30.9	siyā vācato ca cittato ca samuṭṭhāti, na kāyato;
pli-tv-pvr2.1:30.10	siyā kāyato ca vācato ca cittato ca samuṭṭhāti …pe….
pli-tv-pvr2.1:31.1	Ekāya gāmantaraṁ gacchantiyā saṅghādiseso kattha paññattoti?
pli-tv-pvr2.1:31.2	Sāvatthiyaṁ paññatto.
pli-tv-pvr2.1:31.3	Kaṁ ārabbhāti?
pli-tv-pvr2.1:31.4	Aññataraṁ bhikkhuniṁ ārabbha.
pli-tv-pvr2.1:31.5	Kismiṁ vatthusminti?
pli-tv-pvr2.1:31.6	Aññatarā bhikkhunī ekā gāmantaraṁ gacchi, tasmiṁ vatthusmiṁ.
pli-tv-pvr2.1:31.7	Ekā paññatti, tisso anupaññattiyo.
pli-tv-pvr2.1:31.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:31.9	paṭhamapārājike …pe….
pli-tv-pvr2.1:32.1	Samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osārentiyā saṅghādiseso kattha paññattoti?
pli-tv-pvr2.1:32.2	Sāvatthiyaṁ paññatto.
pli-tv-pvr2.1:32.3	Kaṁ ārabbhāti?
pli-tv-pvr2.1:32.4	Thullanandaṁ bhikkhuniṁ ārabbha.
pli-tv-pvr2.1:32.5	Kismiṁ vatthusminti?
pli-tv-pvr2.1:32.6	Thullanandā bhikkhunī samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāresi, tasmiṁ vatthusmiṁ.
pli-tv-pvr2.1:32.7	Ekā paññatti.
pli-tv-pvr2.1:32.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:32.9	dhuranikkhepe …pe….
pli-tv-pvr2.1:33.1	Avassutāya bhikkhuniyā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā bhuñjantiyā saṅghādiseso kattha paññattoti?
pli-tv-pvr2.1:33.2	Sāvatthiyaṁ paññatto.
pli-tv-pvr2.1:33.3	Kaṁ ārabbhāti?
pli-tv-pvr2.1:33.4	Sundarīnandaṁ bhikkhuniṁ ārabbha.
pli-tv-pvr2.1:33.5	Kismiṁ vatthusminti?
pli-tv-pvr2.1:33.6	Sundarīnandā bhikkhunī avassutā avassutassa purisapuggalassa hatthato āmisaṁ paṭiggahesi, tasmiṁ vatthusmiṁ.
pli-tv-pvr2.1:33.7	Ekā paññatti.
pli-tv-pvr2.1:33.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:33.9	paṭhamapārājike …pe….
pli-tv-pvr2.1:34.1	“Kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā.
pli-tv-pvr2.1:34.2	Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā bhuñja vā”ti uyyojentiyā saṅghādiseso kattha paññattoti?
pli-tv-pvr2.1:34.3	Sāvatthiyaṁ paññatto.
pli-tv-pvr2.1:34.4	Kaṁ arabbhāti?
pli-tv-pvr2.1:34.5	Aññataraṁ bhikkhuniṁ ārabbha.
pli-tv-pvr2.1:34.6	Kismiṁ vatthusminti?
pli-tv-pvr2.1:34.7	Aññatarā bhikkhunī—“kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā. Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā bhuñja vā”ti uyyojesi, tasmiṁ vatthusmiṁ.
pli-tv-pvr2.1:34.8	Ekā paññatti.
pli-tv-pvr2.1:34.9	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:35.1	Kupitāya anattamanāya bhikkhuniyā yāvatatiyaṁ samanubhāsanāya na paṭinissajjantiyā saṅghādiseso kattha paññattoti?
pli-tv-pvr2.1:35.2	Sāvatthiyaṁ paññatto.
pli-tv-pvr2.1:35.3	Kaṁ ārabbhāti?
pli-tv-pvr2.1:35.4	Caṇḍakāḷiṁ bhikkhuniṁ ārabbha.
pli-tv-pvr2.1:35.5	Kismiṁ vatthusminti?
pli-tv-pvr2.1:35.6	Caṇḍakāḷī bhikkhunī kupitā anattamanā evaṁ avaca—“buddhaṁ paccācikkhāmi, dhammaṁ paccācikkhāmi, saṅghaṁ paccācikkhāmi, sikkhaṁ paccācikkhāmī”ti, tasmiṁ vatthusmiṁ.
pli-tv-pvr2.1:35.7	Ekā paññatti.
pli-tv-pvr2.1:35.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:35.9	dhuranikkhepe …pe….
pli-tv-pvr2.1:36.1	Kismiñcideva adhikaraṇe paccākatāya bhikkhuniyā yāvatatiyaṁ samanubhāsanāya na paṭinissajjantiyā saṅghādiseso kattha paññattoti?
pli-tv-pvr2.1:36.2	Sāvatthiyaṁ paññatto.
pli-tv-pvr2.1:36.3	Kaṁ ārabbhāti?
pli-tv-pvr2.1:36.4	Caṇḍakāḷiṁ bhikkhuniṁ ārabbha.
pli-tv-pvr2.1:36.5	Kismiṁ vatthusminti?
pli-tv-pvr2.1:36.6	Caṇḍakāḷī bhikkhunī kismiñcideva adhikaraṇe paccākatā kupitā anattamanā evaṁ avaca—“chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo”ti, tasmiṁ vatthusmiṁ.
pli-tv-pvr2.1:36.7	Ekā paññatti.
pli-tv-pvr2.1:36.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:36.9	dhuranikkhepe …pe….
pli-tv-pvr2.1:37.1	Saṁsaṭṭhānaṁ bhikkhunīnaṁ yāvatatiyaṁ samanubhāsanāya na paṭinissajjantīnaṁ saṅghādiseso kattha paññattoti?
pli-tv-pvr2.1:37.2	Sāvatthiyaṁ paññatto.
pli-tv-pvr2.1:37.3	Kaṁ ārabbhāti?
pli-tv-pvr2.1:37.4	Sambahulā bhikkhuniyo ārabbha.
pli-tv-pvr2.1:37.5	Kismiṁ vatthusminti?
pli-tv-pvr2.1:37.6	Sambahulā bhikkhuniyo saṁsaṭṭhā vihariṁsu, tasmiṁ vatthusmiṁ.
pli-tv-pvr2.1:37.7	Ekā paññatti.
pli-tv-pvr2.1:37.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:37.9	dhuranikkhepe …pe….
pli-tv-pvr2.1:38.1	“Saṁsaṭṭhāva, ayye, tumhe viharatha.
pli-tv-pvr2.1:38.2	Mā tumhe nānā viharitthā”ti uyyojentiyā yāvatatiyaṁ samanubhāsanāya na paṭinissajjantiyā saṅghādiseso kattha paññattoti?
pli-tv-pvr2.1:38.3	Sāvatthiyaṁ paññatto.
pli-tv-pvr2.1:38.4	Kaṁ ārabbhāti?
pli-tv-pvr2.1:38.5	Thullanandaṁ bhikkhuniṁ ārabbha.
pli-tv-pvr2.1:38.6	Kismiṁ vatthusminti?
pli-tv-pvr2.1:38.7	Thullanandā bhikkhunī—“saṁsaṭṭhāva, ayye, tumhe viharatha, mā tumhe nānā viharitthā”ti uyyojesi, tasmiṁ vatthusmiṁ.
pli-tv-pvr2.1:38.8	Ekā paññatti.
pli-tv-pvr2.1:38.9	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:38.10	dhuranikkhepe …pe….
pli-tv-pvr2.1:39.1	Dasa saṅghādisesā niṭṭhitā.
pli-tv-pvr2.1:40.1	Tassuddānaṁ
pli-tv-pvr2.1:41.1	Ussayacori gāmantaṁ,
pli-tv-pvr2.1:41.2	ukkhittaṁ khādanena ca;
pli-tv-pvr2.1:41.3	Kiṁ te kupitā kismiñci,
pli-tv-pvr2.1:41.4	saṁsaṭṭhā ñāyate dasāti.
pli-tv-pvr2.1:42.0	3. Nissaggiyakaṇḍa
pli-tv-pvr2.1:42.1	Yaṁ tena bhagavatā jānatā passatā arahatā sammāsambuddhena pattasannicayaṁ karontiyā nissaggiyaṁ pācittiyaṁ kattha paññattanti?
pli-tv-pvr2.1:42.2	Sāvatthiyaṁ paññattaṁ.
pli-tv-pvr2.1:42.3	Kaṁ ārabbhāti?
pli-tv-pvr2.1:42.4	Chabbaggiyā bhikkhuniyo ārabbha.
pli-tv-pvr2.1:42.5	Kismiṁ vatthusminti?
pli-tv-pvr2.1:42.6	Chabbaggiyā bhikkhuniyo pattasannicayaṁ akaṁsu, tasmiṁ vatthusmiṁ.
pli-tv-pvr2.1:42.7	Ekā paññatti.
pli-tv-pvr2.1:42.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:42.9	kathinake …pe….
pli-tv-pvr2.1:43.1	Akālacīvaraṁ “kālacīvaran”ti adhiṭṭhahitvā bhājāpentiyā nissaggiyaṁ pācittiyaṁ kattha paññattanti?
pli-tv-pvr2.1:43.2	Sāvatthiyaṁ paññattaṁ.
pli-tv-pvr2.1:43.3	Kaṁ ārabbhāti?
pli-tv-pvr2.1:43.4	Thullanandaṁ bhikkhuniṁ ārabbha.
pli-tv-pvr2.1:43.5	Kismiṁ vatthusminti?
pli-tv-pvr2.1:43.6	Thullanandā bhikkhunī akālacīvaraṁ “kālacīvaran”ti adhiṭṭhahitvā bhājāpesi, tasmiṁ vatthusmiṁ.
pli-tv-pvr2.1:43.7	Ekā paññatti.
pli-tv-pvr2.1:43.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:44.1	Bhikkhuniyā saddhiṁ cīvaraṁ parivattetvā acchindantiyā nissaggiyaṁ pācittiyaṁ kattha paññattanti?
pli-tv-pvr2.1:44.2	Sāvatthiyaṁ paññattaṁ.
pli-tv-pvr2.1:44.3	Kaṁ ārabbhāti?
pli-tv-pvr2.1:44.4	Thullanandaṁ bhikkhuniṁ ārabbha.
pli-tv-pvr2.1:44.5	Kismiṁ vatthusminti?
pli-tv-pvr2.1:44.6	Thullanandā bhikkhunī bhikkhuniyā saddhiṁ cīvaraṁ parivattetvā acchindi, tasmiṁ vatthusmiṁ.
pli-tv-pvr2.1:44.7	Ekā paññatti.
pli-tv-pvr2.1:44.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:45.1	Aññaṁ viññāpetvā aññaṁ viññāpentiyā nissaggiyaṁ pācittiyaṁ kattha paññattanti?
pli-tv-pvr2.1:45.2	Sāvatthiyaṁ paññattaṁ.
pli-tv-pvr2.1:45.3	Kaṁ ārabbhāti?
pli-tv-pvr2.1:45.4	Thullanandaṁ bhikkhuniṁ ārabbha.
pli-tv-pvr2.1:45.5	Kismiṁ vatthusminti?
pli-tv-pvr2.1:45.6	Thullanandā bhikkhunī aññaṁ viññāpetvā aññaṁ viññāpesi, tasmiṁ vatthusmiṁ.
pli-tv-pvr2.1:45.7	Ekā paññatti.
pli-tv-pvr2.1:45.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:46.1	Aññaṁ cetāpetvā aññaṁ cetāpentiyā nissaggiyaṁ pācittiyaṁ kattha paññattanti?
pli-tv-pvr2.1:46.2	Sāvatthiyaṁ paññattaṁ.
pli-tv-pvr2.1:46.3	Kaṁ ārabbhāti?
pli-tv-pvr2.1:46.4	Thullanandaṁ bhikkhuniṁ ārabbha.
pli-tv-pvr2.1:46.5	Kismiṁ vatthusminti?
pli-tv-pvr2.1:46.6	Thullanandā bhikkhunī aññaṁ cetāpetvā aññaṁ cetāpesi, tasmiṁ vatthusmiṁ.
pli-tv-pvr2.1:46.7	Ekā paññatti.
pli-tv-pvr2.1:46.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:47.1	Aññadatthikena parikkhārena aññuddisikena saṅghikena aññaṁ cetāpentiyā nissaggiyaṁ pācittiyaṁ katthaṁ paññattanti?
pli-tv-pvr2.1:47.2	Sāvatthiyaṁ paññattaṁ.
pli-tv-pvr2.1:47.3	Kaṁ ārabbhāti?
pli-tv-pvr2.1:47.4	Sambahulā bhikkhuniyo ārabbha.
pli-tv-pvr2.1:47.5	Kismiṁ vatthusminti?
pli-tv-pvr2.1:47.6	Sambahulā bhikkhuniyo aññadatthikena parikkhārena aññuddisikena saṅghikena aññaṁ cetāpesuṁ, tasmiṁ vatthusmiṁ.
pli-tv-pvr2.1:47.7	Ekā paññatti.
pli-tv-pvr2.1:47.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:48.1	Aññadatthikena parikkhārena aññuddisikena saṅghikena saññācikena aññaṁ cetāpentiyā nissaggiyaṁ pācittiyaṁ kattha paññattanti?
pli-tv-pvr2.1:48.2	Sāvatthiyaṁ paññattaṁ.
pli-tv-pvr2.1:48.3	Kaṁ ārabbhāti?
pli-tv-pvr2.1:48.4	Sambahulā bhikkhuniyo ārabbha.
pli-tv-pvr2.1:48.5	Kismiṁ vatthusminti?
pli-tv-pvr2.1:48.6	Sambahulā bhikkhuniyo aññadatthikena parikkhārena aññuddisikena saṅghikena saññācikena aññaṁ cetāpesuṁ, tasmiṁ vatthusmiṁ.
pli-tv-pvr2.1:48.7	Ekā paññatti.
pli-tv-pvr2.1:48.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:49.1	Aññadatthikena parikkhārena aññuddisikena mahājanikena aññaṁ cetāpentiyā nissaggiyaṁ pācittiyaṁ kattha paññattanti?
pli-tv-pvr2.1:49.2	Sāvatthiyaṁ paññattaṁ.
pli-tv-pvr2.1:49.3	Kaṁ ārabbhāti?
pli-tv-pvr2.1:49.4	Sambahulā bhikkhuniyo ārabbha.
pli-tv-pvr2.1:49.5	Kismiṁ vatthusminti?
pli-tv-pvr2.1:49.6	Sambahulā bhikkhuniyo aññadatthikena parikkhārena aññuddisikena mahājanikena aññaṁ cetāpesuṁ, tasmiṁ vatthusmiṁ.
pli-tv-pvr2.1:49.7	Ekā paññatti.
pli-tv-pvr2.1:49.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:50.1	Aññadatthikena parikkhārena aññuddisikena mahājanikena saññācikena aññaṁ cetāpentiyā nissaggiyaṁ pācittiyaṁ kattha paññattanti?
pli-tv-pvr2.1:50.2	Sāvatthiyaṁ paññattaṁ.
pli-tv-pvr2.1:50.3	Kaṁ ārabbhāti?
pli-tv-pvr2.1:50.4	Sambahulā bhikkhuniyo ārabbha.
pli-tv-pvr2.1:50.5	Kismiṁ vatthusminti?
pli-tv-pvr2.1:50.6	Sambahulā bhikkhuniyo aññadatthikena parikkhārena aññuddisikena mahājanikena saññācikena aññaṁ cetāpesuṁ, tasmiṁ vatthusmiṁ.
pli-tv-pvr2.1:50.7	Ekā paññatti.
pli-tv-pvr2.1:50.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:51.1	Aññadatthikena parikkhārena aññuddisikena puggalikena saññācikena aññaṁ cetāpentiyā nissaggiyaṁ pācittiyaṁ kattha paññattanti?
pli-tv-pvr2.1:51.2	Sāvatthiyaṁ paññattaṁ.
pli-tv-pvr2.1:51.3	Kaṁ ārabbhāti?
pli-tv-pvr2.1:51.4	Thullanandaṁ bhikkhuniṁ ārabbha.
pli-tv-pvr2.1:51.5	Kismiṁ vatthusminti?
pli-tv-pvr2.1:51.6	Thullanandā bhikkhunī aññadatthikena parikkhārena aññuddisikena puggalikena saññācikena aññaṁ cetāpesi, tasmiṁ vatthusmiṁ.
pli-tv-pvr2.1:51.7	Ekā paññatti.
pli-tv-pvr2.1:51.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:52.1	Atirekacatukkaṁsaparamaṁ garupāvuraṇaṁ cetāpentiyā nissaggiyaṁ pācittiyaṁ kattha paññattanti?
pli-tv-pvr2.1:52.2	Sāvatthiyaṁ paññattaṁ.
pli-tv-pvr2.1:52.3	Kaṁ ārabbhāti?
pli-tv-pvr2.1:52.4	Thullanandaṁ bhikkhuniṁ ārabbha.
pli-tv-pvr2.1:52.5	Kismiṁ vatthusminti?
pli-tv-pvr2.1:52.6	Thullanandā bhikkhunī rājānaṁ kambalaṁ viññāpesi, tasmiṁ vatthusmiṁ.
pli-tv-pvr2.1:52.7	Ekā paññatti.
pli-tv-pvr2.1:52.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:53.1	Atirekaaḍḍhateyyakaṁsaparamaṁ lahupāvuraṇaṁ cetāpentiyā nissaggiyaṁ pācittiyaṁ kattha paññattanti?
pli-tv-pvr2.1:53.2	Sāvatthiyaṁ paññattaṁ.
pli-tv-pvr2.1:53.3	Kaṁ ārabbhāti?
pli-tv-pvr2.1:53.4	Thullanandaṁ bhikkhuniṁ ārabbha.
pli-tv-pvr2.1:53.5	Kismiṁ vatthusminti?
pli-tv-pvr2.1:53.6	Thullanandā bhikkhunī rājānaṁ khomaṁ viññāpesi, tasmiṁ vatthusmiṁ.
pli-tv-pvr2.1:53.7	Ekā paññatti.
pli-tv-pvr2.1:53.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:54.1	Dvādasa nissaggiyā pācittiyā niṭṭhitā.
pli-tv-pvr2.1:55.1	Tassuddānaṁ
pli-tv-pvr2.1:56.1	Pattaṁ akālaṁ kālañca,
pli-tv-pvr2.1:56.2	parivatte ca viññāpe;
pli-tv-pvr2.1:56.3	Cetāpetvā aññadatthi,
pli-tv-pvr2.1:56.4	saṅghikañca mahājanikaṁ;
pli-tv-pvr2.1:56.5	Saññācikā puggalikā,
pli-tv-pvr2.1:56.6	catukkaṁsaḍḍhateyyakāti.
pli-tv-pvr2.1:57.0.1	4. Pācittiyakaṇḍa
pli-tv-pvr2.1:57.0.2	4.1. Lasuṇavagga
pli-tv-pvr2.1:57.1	Yaṁ tena bhagavatā jānatā passatā arahatā sammāsambuddhena lasuṇaṁ khādantiyā pācittiyaṁ kattha paññattanti?
pli-tv-pvr2.1:57.2	Sāvatthiyaṁ paññattaṁ.
pli-tv-pvr2.1:57.3	Kaṁ ārabbhāti?
pli-tv-pvr2.1:57.4	Thullanandaṁ bhikkhuniṁ ārabbha.
pli-tv-pvr2.1:57.5	Kismiṁ vatthusminti?
pli-tv-pvr2.1:57.6	Thullanandā bhikkhunī na mattaṁ jānitvā lasuṇaṁ harāpesi, tasmiṁ vatthusmiṁ.
pli-tv-pvr2.1:57.7	Ekā paññatti.
pli-tv-pvr2.1:57.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti eḷakalomake …pe….
pli-tv-pvr2.1:58.1	Sambādhe lomaṁ saṁharāpentiyā pācittiyaṁ kattha paññattanti?
pli-tv-pvr2.1:58.2	Sāvatthiyaṁ paññattaṁ.
pli-tv-pvr2.1:58.3	Kaṁ ārabbhāti?
pli-tv-pvr2.1:58.4	Chabbaggiyā bhikkhuniyo ārabbha.
pli-tv-pvr2.1:58.5	Kismiṁ vatthusminti?
pli-tv-pvr2.1:58.6	Chabbaggiyā bhikkhuniyo sambādhe lomaṁ saṁharāpesuṁ, tasmiṁ vatthusmiṁ.
pli-tv-pvr2.1:58.7	Ekā paññatti.
pli-tv-pvr2.1:58.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:59.1	Talaghātake pācittiyaṁ kattha paññattanti?
pli-tv-pvr2.1:59.2	Sāvatthiyaṁ paññattaṁ.
pli-tv-pvr2.1:59.3	Kaṁ ārabbhāti?
pli-tv-pvr2.1:59.4	Dve bhikkhuniyo ārabbha.
pli-tv-pvr2.1:59.5	Kismiṁ vatthusminti?
pli-tv-pvr2.1:59.6	Dve bhikkhuniyo talaghātakaṁ akaṁsu, tasmiṁ vatthusmiṁ.
pli-tv-pvr2.1:59.7	Ekā paññatti.
pli-tv-pvr2.1:59.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:59.9	paṭhamapārājike …pe….
pli-tv-pvr2.1:60.1	Jatumaṭṭhake pācittiyaṁ kattha paññattanti?
pli-tv-pvr2.1:60.2	Sāvatthiyaṁ paññattaṁ.
pli-tv-pvr2.1:60.3	Kaṁ ārabbhāti?
pli-tv-pvr2.1:60.4	Aññataraṁ bhikkhuniṁ ārabbha.
pli-tv-pvr2.1:60.5	Kismiṁ vatthusminti?
pli-tv-pvr2.1:60.6	Aññatarā bhikkhunī jatumaṭṭhakaṁ ādiyi, tasmiṁ vatthusmiṁ.
pli-tv-pvr2.1:60.7	Ekā paññatti.
pli-tv-pvr2.1:60.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:60.9	paṭhamapārājike …pe….
pli-tv-pvr2.1:61.1	Atirekadvaṅgulapabbaparamaṁ udakasuddhikaṁ ādiyantiyā pācittiyaṁ kattha paññattanti?
pli-tv-pvr2.1:61.2	Sakkesu paññattaṁ.
pli-tv-pvr2.1:61.3	Kaṁ ārabbhāti?
pli-tv-pvr2.1:61.4	Aññataraṁ bhikkhuniṁ ārabbha.
pli-tv-pvr2.1:61.5	Kismiṁ vatthusminti?
pli-tv-pvr2.1:61.6	Aññatarā bhikkhunī atigambhīraṁ udakasuddhikaṁ ādiyi, tasmiṁ vatthusmiṁ.
pli-tv-pvr2.1:61.7	Ekā paññatti.
pli-tv-pvr2.1:61.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:61.9	paṭhamapārājike …pe….
pli-tv-pvr2.1:62.1	Bhikkhussa bhuñjantassa pānīyena vā vidhūpanena vā upatiṭṭhantiyā pācittiyaṁ kattha paññattanti?
pli-tv-pvr2.1:62.2	Sāvatthiyaṁ paññattaṁ.
pli-tv-pvr2.1:62.3	Kaṁ ārabbhāti?
pli-tv-pvr2.1:62.4	Aññataraṁ bhikkhuniṁ ārabbha.
pli-tv-pvr2.1:62.5	Kismiṁ vatthusminti?
pli-tv-pvr2.1:62.6	Aññatarā bhikkhunī bhikkhussa bhuñjantassa pānīyena ca vidhūpanena ca upatiṭṭhi, tasmiṁ vatthusmiṁ.
pli-tv-pvr2.1:62.7	Ekā paññatti.
pli-tv-pvr2.1:62.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:62.9	eḷakalomake …pe….
pli-tv-pvr2.1:63.1	Āmakadhaññaṁ viññāpetvā bhuñjantiyā pācittiyaṁ kattha paññattanti?
pli-tv-pvr2.1:63.2	Sāvatthiyaṁ paññattaṁ.
pli-tv-pvr2.1:63.3	Kaṁ ārabbhāti?
pli-tv-pvr2.1:63.4	Sambahulā bhikkhuniyo ārabbha.
pli-tv-pvr2.1:63.5	Kismiṁ vatthusminti?
pli-tv-pvr2.1:63.6	Sambahulā bhikkhuniyo āmakadhaññaṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:63.7	Ekā paññatti.
pli-tv-pvr2.1:63.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:64.1	Uccāraṁ vā passāvaṁ vā saṅkāraṁ vā vighāsaṁ vā tirokuṭṭe chaḍḍentiyā pācittiyaṁ kattha paññattanti?
pli-tv-pvr2.1:64.2	Sāvatthiyaṁ paññattaṁ.
pli-tv-pvr2.1:64.3	Kaṁ ārabbhāti?
pli-tv-pvr2.1:64.4	Aññataraṁ bhikkhuniṁ ārabbha.
pli-tv-pvr2.1:64.5	Kismiṁ vatthusminti?
pli-tv-pvr2.1:64.6	Aññatarā bhikkhunī uccāraṁ tirokuṭṭe chaḍḍesi, tasmiṁ vatthusmiṁ.
pli-tv-pvr2.1:64.7	Ekā paññatti.
pli-tv-pvr2.1:64.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:65.1	Uccāraṁ vā passāvaṁ vā saṅkāraṁ vā vighāsaṁ vā harite chaḍḍentiyā pācittiyaṁ kattha paññattanti?
pli-tv-pvr2.1:65.2	Sāvatthiyaṁ paññattaṁ.
pli-tv-pvr2.1:65.3	Kaṁ ārabbhāti?
pli-tv-pvr2.1:65.4	Sambahulā bhikkhuniyo ārabbha.
pli-tv-pvr2.1:65.5	Kismiṁ vatthusminti?
pli-tv-pvr2.1:65.6	Sambahulā bhikkhuniyo uccārampi passāvampi saṅkārampi vighāsampi harite chaḍḍesuṁ, tasmiṁ vatthusmiṁ.
pli-tv-pvr2.1:65.7	Ekā paññatti.
pli-tv-pvr2.1:65.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:66.1	Naccaṁ vā gītaṁ vā vāditaṁ vā dassanāya gacchantiyā pācittiyaṁ kattha paññattanti?
pli-tv-pvr2.1:66.2	Rājagahe paññattaṁ.
pli-tv-pvr2.1:66.3	Kaṁ ārabbhāti?
pli-tv-pvr2.1:66.4	Chabbaggiyā bhikkhuniyo ārabbha.
pli-tv-pvr2.1:66.5	Kismiṁ vatthusminti?
pli-tv-pvr2.1:66.6	Chabbaggiyā bhikkhuniyo naccampi gītampi vāditampi dassanāya agamaṁsu, tasmiṁ vatthusmiṁ.
pli-tv-pvr2.1:66.7	Ekā paññatti.
pli-tv-pvr2.1:66.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:66.9	eḷakalomake …pe….
pli-tv-pvr2.1:67.1	Lasuṇavaggo paṭhamo.
pli-tv-pvr2.1:68.0	4.2. Rattandhakāravagga
pli-tv-pvr2.1:68.1	Rattandhakāre appadīpe purisena saddhiṁ ekenekāya santiṭṭhantiyā pācittiyaṁ kattha paññattanti?
pli-tv-pvr2.1:68.2	Sāvatthiyaṁ paññattaṁ.
pli-tv-pvr2.1:68.3	Kaṁ ārabbhāti?
pli-tv-pvr2.1:68.4	Aññataraṁ bhikkhuniṁ ārabbha.
pli-tv-pvr2.1:68.5	Kismiṁ vatthusminti?
pli-tv-pvr2.1:68.6	Aññatarā bhikkhunī rattandhakāre appadīpe purisena saddhiṁ ekenekā santiṭṭhi, tasmiṁ vatthusmiṁ.
pli-tv-pvr2.1:68.7	Ekā paññatti.
pli-tv-pvr2.1:68.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:68.9	theyyasatthake …pe….
pli-tv-pvr2.1:69.1	Paṭicchanne okāse purisena saddhiṁ ekenekāya santiṭṭhantiyā pācittiyaṁ kattha paññattanti?
pli-tv-pvr2.1:69.2	Sāvatthiyaṁ paññattaṁ.
pli-tv-pvr2.1:69.3	Kaṁ ārabbhāti?
pli-tv-pvr2.1:69.4	Aññataraṁ bhikkhuniṁ ārabbha.
pli-tv-pvr2.1:69.5	Kismiṁ vatthusminti?
pli-tv-pvr2.1:69.6	Aññatarā bhikkhunī paṭicchanne okāse purisena saddhiṁ ekenekā santiṭṭhi, tasmiṁ vatthusmiṁ.
pli-tv-pvr2.1:69.7	Ekā paññatti.
pli-tv-pvr2.1:69.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:69.9	theyyasatthake …pe….
pli-tv-pvr2.1:70.1	Ajjhokāse purisena saddhiṁ ekenekāya santiṭṭhantiyā pācittiyaṁ kattha paññattanti?
pli-tv-pvr2.1:70.2	Sāvatthiyaṁ paññattaṁ.
pli-tv-pvr2.1:70.3	Kaṁ ārabbhāti?
pli-tv-pvr2.1:70.4	Aññataraṁ bhikkhuniṁ ārabbha.
pli-tv-pvr2.1:70.5	Kismiṁ vatthusminti?
pli-tv-pvr2.1:70.6	Aññatarā bhikkhunī ajjhokāse purisena saddhiṁ ekenekā santiṭṭhi, tasmiṁ vatthusmiṁ.
pli-tv-pvr2.1:70.7	Ekā paññatti.
pli-tv-pvr2.1:70.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:70.9	theyyasatthake …pe….
pli-tv-pvr2.1:71.1	Rathikāya vā byūhe vā siṅghāṭake vā purisena saddhiṁ ekenekāya santiṭṭhantiyā pācittiyaṁ kattha paññattanti?
pli-tv-pvr2.1:71.2	Sāvatthiyaṁ paññattaṁ.
pli-tv-pvr2.1:71.3	Kaṁ ārabbhāti?
pli-tv-pvr2.1:71.4	Thullanandaṁ bhikkhuniṁ ārabbha.
pli-tv-pvr2.1:71.5	Kismiṁ vatthusminti?
pli-tv-pvr2.1:71.6	Thullanandā bhikkhunī rathikāyapi byūhepi siṅghāṭakepi purisena saddhiṁ ekenekā santiṭṭhi, tasmiṁ vatthusmiṁ.
pli-tv-pvr2.1:71.7	Ekā paññatti.
pli-tv-pvr2.1:71.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:71.9	theyyasatthake …pe….
pli-tv-pvr2.1:72.1	Purebhattaṁ kulāni upasaṅkamitvā āsane nisīditvā sāmike anāpucchā pakkamantiyā pācittiyaṁ kattha paññattanti?
pli-tv-pvr2.1:72.2	Sāvatthiyaṁ paññattaṁ.
pli-tv-pvr2.1:72.3	Kaṁ ārabbhāti?
pli-tv-pvr2.1:72.4	Aññataraṁ bhikkhuniṁ ārabbha.
pli-tv-pvr2.1:72.5	Kismiṁ vatthusminti?
pli-tv-pvr2.1:72.6	Aññatarā bhikkhunī purebhattaṁ kulāni upasaṅkamitvā āsane nisīditvā sāmike anāpucchā pakkāmi, tasmiṁ vatthusmiṁ.
pli-tv-pvr2.1:72.7	Ekā paññatti.
pli-tv-pvr2.1:72.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:72.9	kathinake …pe….
pli-tv-pvr2.1:73.1	Pacchābhattaṁ kulāni upasaṅkamitvā sāmike anāpucchā āsane abhinisīdantiyā pācittiyaṁ kattha paññattanti?
pli-tv-pvr2.1:73.2	Sāvatthiyaṁ paññattaṁ.
pli-tv-pvr2.1:73.3	Kaṁ ārabbhāti?
pli-tv-pvr2.1:73.4	Thullanandaṁ bhikkhuniṁ ārabbha.
pli-tv-pvr2.1:73.5	Kismiṁ vatthusminti?
pli-tv-pvr2.1:73.6	Thullanandā bhikkhunī pacchābhattaṁ kulāni upasaṅkamitvā sāmike anāpucchā āsane abhinisīdi, tasmiṁ vatthusmiṁ.
pli-tv-pvr2.1:73.7	Ekā paññatti.
pli-tv-pvr2.1:73.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:73.9	kathinake …pe….
pli-tv-pvr2.1:74.1	Vikāle kulāni upasaṅkamitvā sāmike anāpucchā seyyaṁ santharitvā vā santharāpetvā vā abhinisīdantiyā pācittiyaṁ kattha paññattanti?
pli-tv-pvr2.1:74.2	Sāvatthiyaṁ paññattaṁ.
pli-tv-pvr2.1:74.3	Kaṁ ārabbhāti?
pli-tv-pvr2.1:74.4	Sambahulā bhikkhuniyo ārabbha.
pli-tv-pvr2.1:74.5	Kismiṁ vatthusminti?
pli-tv-pvr2.1:74.6	Sambahulā bhikkhuniyo vikāle kulāni upasaṅkamitvā sāmike anāpucchā seyyaṁ santharitvā abhinisīdiṁsu, tasmiṁ vatthusmiṁ.
pli-tv-pvr2.1:74.7	Ekā paññatti.
pli-tv-pvr2.1:74.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:74.9	kathinake …pe….
pli-tv-pvr2.1:75.1	Duggahitena dūpadhāritena paraṁ ujjhāpentiyā pācittiyaṁ kattha paññattanti?
pli-tv-pvr2.1:75.2	Sāvatthiyaṁ paññattaṁ.
pli-tv-pvr2.1:75.3	Kaṁ ārabbhāti?
pli-tv-pvr2.1:75.4	Aññataraṁ bhikkhuniṁ ārabbha.
pli-tv-pvr2.1:75.5	Kismiṁ vatthusminti?
pli-tv-pvr2.1:75.6	Aññatarā bhikkhunī duggahitena dūpadhāritena paraṁ ujjhāpesi, tasmiṁ vatthusmiṁ.
pli-tv-pvr2.1:75.7	Ekā paññatti.
pli-tv-pvr2.1:75.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:76.1	Attānaṁ vā paraṁ vā nirayena vā brahmacariyena vā abhisapantiyā pācittiyaṁ kattha paññattanti?
pli-tv-pvr2.1:76.2	Sāvatthiyaṁ paññattaṁ.
pli-tv-pvr2.1:76.3	Kaṁ ārabbhāti?
pli-tv-pvr2.1:76.4	Caṇḍakāḷiṁ bhikkhuniṁ ārabbha.
pli-tv-pvr2.1:76.5	Kismiṁ vatthusminti?
pli-tv-pvr2.1:76.6	Caṇḍakāḷī bhikkhunī attānampi parampi nirayenapi brahmacariyenapi abhisapi, tasmiṁ vatthusmiṁ.
pli-tv-pvr2.1:76.7	Ekā paññatti.
pli-tv-pvr2.1:76.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:77.1	Attānaṁ vadhitvā vadhitvā rodantiyā pācittiyaṁ kattha paññattanti?
pli-tv-pvr2.1:77.2	Sāvatthiyaṁ paññattaṁ.
pli-tv-pvr2.1:77.3	Kaṁ ārabbhāti?
pli-tv-pvr2.1:77.4	Caṇḍakāḷiṁ bhikkhuniṁ ārabbha.
pli-tv-pvr2.1:77.5	Kismiṁ vatthusminti?
pli-tv-pvr2.1:77.6	Caṇḍakāḷī bhikkhunī attānaṁ vadhitvā vadhitvā rodi, tasmiṁ vatthusmiṁ.
pli-tv-pvr2.1:77.7	Ekā paññatti.
pli-tv-pvr2.1:77.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:77.9	dhuranikkhepe …pe….
pli-tv-pvr2.1:78.1	Rattandhakāravaggo dutiyo.
pli-tv-pvr2.1:79.0	4.3 Nahānavagga
pli-tv-pvr2.1:79.1	Naggāya nahāyantiyā pācittiyaṁ kattha paññattanti?
pli-tv-pvr2.1:79.2	Sāvatthiyaṁ paññattaṁ.
pli-tv-pvr2.1:79.3	Kaṁ ārabbhāti?
pli-tv-pvr2.1:79.4	Sambahulā bhikkhuniyo ārabbha.
pli-tv-pvr2.1:79.5	Kismiṁ vatthusminti?
pli-tv-pvr2.1:79.6	Sambahulā bhikkhuniyo naggā nahāyiṁsu, tasmiṁ vatthusmiṁ.
pli-tv-pvr2.1:79.7	Ekā paññatti.
pli-tv-pvr2.1:79.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:79.9	eḷakalomake …pe….
pli-tv-pvr2.1:80.1	Pamāṇātikkantaṁ udakasāṭikaṁ kārāpentiyā pācittiyaṁ kattha paññattanti?
pli-tv-pvr2.1:80.2	Sāvatthiyaṁ paññattaṁ.
pli-tv-pvr2.1:80.3	Kaṁ ārabbhāti?
pli-tv-pvr2.1:80.4	Chabbaggiyā bhikkhuniyo ārabbha.
pli-tv-pvr2.1:80.5	Kismiṁ vatthusminti?
pli-tv-pvr2.1:80.6	Chabbaggiyā bhikkhuniyo appamāṇikāyo udakasāṭikāyo dhāresuṁ, tasmiṁ vatthusmiṁ.
pli-tv-pvr2.1:80.7	Ekā paññatti.
pli-tv-pvr2.1:80.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:81.1	Bhikkhuniyā cīvaraṁ visibbetvā vā visibbāpetvā vā neva sibbentiyā na sibbāpanāya ussukkaṁ karontiyā pācittiyaṁ kattha paññattanti?
pli-tv-pvr2.1:81.2	Sāvatthiyaṁ paññattaṁ.
pli-tv-pvr2.1:81.3	Kaṁ ārabbhāti?
pli-tv-pvr2.1:81.4	Thullanandaṁ bhikkhuniṁ ārabbha.
pli-tv-pvr2.1:81.5	Kismiṁ vatthusminti?
pli-tv-pvr2.1:81.6	Thullanandā bhikkhunī bhikkhuniyā cīvaraṁ visibbāpetvā neva sibbesi na sibbāpanāya ussukkaṁ akāsi, tasmiṁ vatthusmiṁ.
pli-tv-pvr2.1:81.7	Ekā paññatti.
pli-tv-pvr2.1:81.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:81.9	dhuranikkhepe …pe….
pli-tv-pvr2.1:82.1	Pañcāhikaṁ saṅghāṭicāraṁ atikkāmentiyā pācittiyaṁ kattha paññattanti?
pli-tv-pvr2.1:82.2	Sāvatthiyaṁ paññattaṁ.
pli-tv-pvr2.1:82.3	Kaṁ ārabbhāti?
pli-tv-pvr2.1:82.4	Sambahulā bhikkhuniyo ārabbha.
pli-tv-pvr2.1:82.5	Kismiṁ vatthusminti?
pli-tv-pvr2.1:82.6	Sambahulā bhikkhuniyo bhikkhunīnaṁ hatthe cīvaraṁ nikkhipitvā santaruttarena janapadacārikaṁ pakkamiṁsu, tasmiṁ vatthusmiṁ.
pli-tv-pvr2.1:82.7	Ekā paññatti.
pli-tv-pvr2.1:82.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti kathinake …pe….
pli-tv-pvr2.1:83.1	Cīvarasaṅkamanīyaṁ dhārentiyā pācittiyaṁ kattha paññattanti?
pli-tv-pvr2.1:83.2	Sāvatthiyaṁ paññattaṁ.
pli-tv-pvr2.1:83.3	Kaṁ ārabbhāti?
pli-tv-pvr2.1:83.4	Aññataraṁ bhikkhuniṁ ārabbha.
pli-tv-pvr2.1:83.5	Kismiṁ vatthusminti?
pli-tv-pvr2.1:83.6	Aññatarā bhikkhunī aññatarāya bhikkhuniyā cīvaraṁ anāpucchā pārupi, tasmiṁ vatthusmiṁ.
pli-tv-pvr2.1:83.7	Ekā paññatti.
pli-tv-pvr2.1:83.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:83.9	kathinake …pe….
pli-tv-pvr2.1:84.1	Gaṇassa cīvaralābhaṁ antarāyaṁ karontiyā pācittiyaṁ kattha paññattanti?
pli-tv-pvr2.1:84.2	Sāvatthiyaṁ paññattaṁ.
pli-tv-pvr2.1:84.3	Kaṁ ārabbhāti?
pli-tv-pvr2.1:84.4	Thullanandaṁ bhikkhuniṁ ārabbha.
pli-tv-pvr2.1:84.5	Kismiṁ vatthusminti?
pli-tv-pvr2.1:84.6	Thullanandā bhikkhunī gaṇassa cīvaralābhaṁ antarāyaṁ akāsi, tasmiṁ vatthusmiṁ.
pli-tv-pvr2.1:84.7	Ekā paññatti.
pli-tv-pvr2.1:84.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:85.1	Dhammikaṁ cīvaravibhaṅgaṁ paṭibāhantiyā pācittiyaṁ kattha paññattanti.
pli-tv-pvr2.1:85.2	Sāvatthiyaṁ paññattaṁ.
pli-tv-pvr2.1:85.3	Kaṁ ārabbhāti?
pli-tv-pvr2.1:85.4	Thullanandaṁ bhikkhuniṁ ārabbha.
pli-tv-pvr2.1:85.5	Kismiṁ vatthusminti?
pli-tv-pvr2.1:85.6	Thullanandā bhikkhunī dhammikaṁ cīvaravibhaṅgaṁ paṭibāhi, tasmiṁ vatthusmiṁ.
pli-tv-pvr2.1:85.7	Ekā paññatti.
pli-tv-pvr2.1:85.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:86.1	Agārikassa vā paribbājakassa vā paribbājikāya vā samaṇacīvaraṁ dentiyā pācittiyaṁ kattha paññattanti?
pli-tv-pvr2.1:86.2	Sāvatthiyaṁ paññattaṁ.
pli-tv-pvr2.1:86.3	Kaṁ ārabbhāti?
pli-tv-pvr2.1:86.4	Thullanandaṁ bhikkhuniṁ ārabbha.
pli-tv-pvr2.1:86.5	Kismiṁ vatthusminti?
pli-tv-pvr2.1:86.6	Thullanandā bhikkhunī agārikassa samaṇacīvaraṁ adāsi, tasmiṁ vatthusmiṁ.
pli-tv-pvr2.1:86.7	Ekā paññatti.
pli-tv-pvr2.1:86.8	Channaṁ āpattisamuṭṭhānānaṁ chahi samuṭṭhānehi samuṭṭhāti …pe….
pli-tv-pvr2.1:87.1	Dubbalacīvarapaccāsāya cīvarakālasamayaṁ atikkāmentiyā pācittiyaṁ kattha paññattanti?
pli-tv-pvr2.1:87.2	Sāvatthiyaṁ paññattaṁ.
pli-tv-pvr2.1:87.3	Kaṁ ārabbhāti?
pli-tv-pvr2.1:87.4	Thullanandaṁ bhikkhuniṁ ārabbha.
pli-tv-pvr2.1:87.5	Kismiṁ vatthusminti?
pli-tv-pvr2.1:87.6	Thullanandā bhikkhunī dubbalacīvarapaccāsāya cīvarakālasamayaṁ atikkāmesi, tasmiṁ vatthusmiṁ.
pli-tv-pvr2.1:87.7	Ekā paññatti.
pli-tv-pvr2.1:87.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:88.1	Dhammikaṁ kathinuddhāraṁ paṭibāhantiyā pācittiyaṁ kattha paññattanti?
pli-tv-pvr2.1:88.2	Sāvatthiyaṁ paññattaṁ.
pli-tv-pvr2.1:88.3	Kaṁ ārabbhāti?
pli-tv-pvr2.1:88.4	Thullanandaṁ bhikkhuniṁ ārabbha.
pli-tv-pvr2.1:88.5	Kismiṁ vatthusminti?
pli-tv-pvr2.1:88.6	Thullanandā bhikkhunī dhammikaṁ kathinuddhāraṁ paṭibāhi, tasmiṁ vatthusmiṁ.
pli-tv-pvr2.1:88.7	Ekā paññatti.
pli-tv-pvr2.1:88.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:89.1	Nahānavaggo tatiyo.
pli-tv-pvr2.1:90.0	4.4. Tuvaṭṭavagga
pli-tv-pvr2.1:90.1	Dvinnaṁ bhikkhunīnaṁ ekamañce tuvaṭṭentīnaṁ pācittiyaṁ kattha paññattanti?
pli-tv-pvr2.1:90.2	Sāvatthiyaṁ paññattaṁ.
pli-tv-pvr2.1:90.3	Kaṁ ārabbhāti?
pli-tv-pvr2.1:90.4	Sambahulā bhikkhuniyo ārabbha.
pli-tv-pvr2.1:90.5	Kismiṁ vatthusminti?
pli-tv-pvr2.1:90.6	Sambahulā bhikkhuniyo dve ekamañce tuvaṭṭesuṁ, tasmiṁ vatthusmiṁ.
pli-tv-pvr2.1:90.7	Ekā paññatti.
pli-tv-pvr2.1:90.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:90.9	eḷakalomake …pe….
pli-tv-pvr2.1:91.1	Dvinnaṁ bhikkhunīnaṁ ekattharaṇapāvuraṇe tuvaṭṭentīnaṁ pācittiyaṁ kattha paññattanti?
pli-tv-pvr2.1:91.2	Sāvatthiyaṁ paññattaṁ.
pli-tv-pvr2.1:91.3	Kaṁ ārabbhāti?
pli-tv-pvr2.1:91.4	Sambahulā bhikkhuniyo ārabbha.
pli-tv-pvr2.1:91.5	Kismiṁ vatthusminti?
pli-tv-pvr2.1:91.6	Sambahulā bhikkhuniyo dve ekattharaṇapāvuraṇā tuvaṭṭesuṁ, tasmiṁ vatthusmiṁ.
pli-tv-pvr2.1:91.7	Ekā paññatti.
pli-tv-pvr2.1:91.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:91.9	eḷakalomake …pe….
pli-tv-pvr2.1:92.1	Bhikkhuniyā sañcicca aphāsuṁ karontiyā pācittiyaṁ kattha paññattanti?
pli-tv-pvr2.1:92.2	Sāvatthiyaṁ paññattaṁ.
pli-tv-pvr2.1:92.3	Kaṁ ārabbhāti?
pli-tv-pvr2.1:92.4	Thullanandaṁ bhikkhuniṁ ārabbha.
pli-tv-pvr2.1:92.5	Kismiṁ vatthusminti?
pli-tv-pvr2.1:92.6	Thullanandā bhikkhunī bhikkhuniyā sañcicca aphāsuṁ akāsi, tasmiṁ vatthusmiṁ.
pli-tv-pvr2.1:92.7	Ekā paññatti.
pli-tv-pvr2.1:92.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:93.1	Dukkhitaṁ sahajīviniṁ neva upaṭṭhentiyā na upaṭṭhāpanāya ussukkaṁ karontiyā pācittiyaṁ kattha paññattanti?
pli-tv-pvr2.1:93.2	Sāvatthiyaṁ paññattaṁ.
pli-tv-pvr2.1:93.3	Kaṁ ārabbhāti?
pli-tv-pvr2.1:93.4	Thullanandaṁ bhikkhuniṁ ārabbha.
pli-tv-pvr2.1:93.5	Kismiṁ vatthusminti?
pli-tv-pvr2.1:93.6	Thullanandā bhikkhunī dukkhitaṁ sahajīviniṁ neva upaṭṭhesi na upaṭṭhāpanāya ussukkaṁ akāsi, tasmiṁ vatthusmiṁ.
pli-tv-pvr2.1:93.7	Ekā paññatti.
pli-tv-pvr2.1:93.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:93.9	dhuranikkhepe …pe….
pli-tv-pvr2.1:94.1	Bhikkhuniyā upassayaṁ datvā kupitāya anattamanāya nikkaḍḍhantiyā pācittiyaṁ kattha paññattanti?
pli-tv-pvr2.1:94.2	Sāvatthiyaṁ paññattaṁ.
pli-tv-pvr2.1:94.3	Kaṁ ārabbhāti?
pli-tv-pvr2.1:94.4	Thullanandaṁ bhikkhuniṁ ārabbha.
pli-tv-pvr2.1:94.5	Kismiṁ vatthusminti?
pli-tv-pvr2.1:94.6	Thullanandā bhikkhunī bhikkhuniyā upassayaṁ datvā kupitā anattamanā nikkaḍḍhi, tasmiṁ vatthusmiṁ.
pli-tv-pvr2.1:94.7	Ekā paññatti.
pli-tv-pvr2.1:94.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:95.1	Saṁsaṭṭhāya bhikkhuniyā yāvatatiyaṁ samanubhāsanāya na paṭinissajjantiyā pācittiyaṁ kattha paññattanti?
pli-tv-pvr2.1:95.2	Sāvatthiyaṁ paññattaṁ.
pli-tv-pvr2.1:95.3	Kaṁ ārabbhāti?
pli-tv-pvr2.1:95.4	Caṇḍakāḷiṁ bhikkhuniṁ ārabbha.
pli-tv-pvr2.1:95.5	Kismiṁ vatthusminti?
pli-tv-pvr2.1:95.6	Caṇḍakāḷī bhikkhunī saṁsaṭṭhā vihari, tasmiṁ vatthusmiṁ.
pli-tv-pvr2.1:95.7	Ekā paññatti.
pli-tv-pvr2.1:95.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:95.9	dhuranikkhepe …pe….
pli-tv-pvr2.1:96.1	Antoraṭṭhe sāsaṅkasammate sappaṭibhaye asatthikāya cārikaṁ carantiyā pācittiyaṁ kattha paññattanti?
pli-tv-pvr2.1:96.2	Sāvatthiyaṁ paññattaṁ.
pli-tv-pvr2.1:96.3	Kaṁ ārabbhāti?
pli-tv-pvr2.1:96.4	Sambahulā bhikkhuniyo ārabbha.
pli-tv-pvr2.1:96.5	Kismiṁ vatthusminti?
pli-tv-pvr2.1:96.6	Sambahulā bhikkhuniyo antoraṭṭhe sāsaṅkasammate sappaṭibhaye asatthikāyo cārikaṁ cariṁsu, tasmiṁ vatthusmiṁ.
pli-tv-pvr2.1:96.7	Ekā paññatti.
pli-tv-pvr2.1:96.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:96.9	eḷakalomake …pe….
pli-tv-pvr2.1:97.1	Tiroraṭṭhe sāsaṅkasammate sappaṭibhaye asatthikāya cārikaṁ carantiyā pācittiyaṁ kattha paññattanti?
pli-tv-pvr2.1:97.2	Sāvatthiyaṁ paññattaṁ.
pli-tv-pvr2.1:97.3	Kaṁ ārabbhāti?
pli-tv-pvr2.1:97.4	Sambahulā bhikkhuniyo ārabbha.
pli-tv-pvr2.1:97.5	Kismiṁ vatthusminti?
pli-tv-pvr2.1:97.6	Sambahulā bhikkhuniyo tiroraṭṭhe sāsaṅkasammate sappaṭibhaye asatthikāyo cārikaṁ cariṁsu, tasmiṁ vatthusmiṁ.
pli-tv-pvr2.1:97.7	Ekā paññatti.
pli-tv-pvr2.1:97.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:97.9	eḷakalomake …pe….
pli-tv-pvr2.1:98.1	Antovassaṁ cārikaṁ carantiyā pācittiyaṁ kattha paññattanti?
pli-tv-pvr2.1:98.2	Rājagahe paññattaṁ.
pli-tv-pvr2.1:98.3	Kaṁ ārabbhāti?
pli-tv-pvr2.1:98.4	Sambahulā bhikkhuniyo ārabbha.
pli-tv-pvr2.1:98.5	Kismiṁ vatthusminti?
pli-tv-pvr2.1:98.6	Sambahulā bhikkhuniyo antovassaṁ cārikaṁ cariṁsu, tasmiṁ vatthusmiṁ.
pli-tv-pvr2.1:98.7	Ekā paññatti.
pli-tv-pvr2.1:98.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:98.9	eḷakalomake …pe….
pli-tv-pvr2.1:99.1	Vassaṁvuṭṭhāya bhikkhuniyā cārikaṁ na pakkamantiyā pācittiyaṁ kattha paññattanti?
pli-tv-pvr2.1:99.2	Rājagahe paññattaṁ.
pli-tv-pvr2.1:99.3	Kaṁ ārabbhāti?
pli-tv-pvr2.1:99.4	Sambahulā bhikkhuniyo ārabbha.
pli-tv-pvr2.1:99.5	Kismiṁ vatthusminti?
pli-tv-pvr2.1:99.6	Sambahulā bhikkhuniyo vassaṁvuṭṭhā cārikaṁ na pakkamiṁsu, tasmiṁ vatthusmiṁ.
pli-tv-pvr2.1:99.7	Ekā paññatti.
pli-tv-pvr2.1:99.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:99.9	paṭhamapārājike …pe….
pli-tv-pvr2.1:100.1	Tuvaṭṭavaggo catuttho.
pli-tv-pvr2.1:101.0	4.5. Cittāgāravagga
pli-tv-pvr2.1:101.1	Rājāgāraṁ vā cittāgāraṁ vā ārāmaṁ vā uyyānaṁ vā pokkharaṇiṁ vā dassanāya gacchantiyā pācittiyaṁ kattha paññattanti?
pli-tv-pvr2.1:101.2	Sāvatthiyaṁ paññattaṁ.
pli-tv-pvr2.1:101.3	Kaṁ ārabbhāti?
pli-tv-pvr2.1:101.4	Chabbaggiyā bhikkhuniyo ārabbha.
pli-tv-pvr2.1:101.5	Kismiṁ vatthusminti?
pli-tv-pvr2.1:101.6	Chabbaggiyā bhikkhuniyo rājāgārampi cittāgārampi dassanāya agamaṁsu, tasmiṁ vatthusmiṁ.
pli-tv-pvr2.1:101.7	Ekā paññatti.
pli-tv-pvr2.1:101.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:101.9	eḷakalomake …pe….
pli-tv-pvr2.1:102.1	Āsandiṁ vā pallaṅkaṁ vā paribhuñjantiyā pācittiyaṁ kattha paññattanti?
pli-tv-pvr2.1:102.2	Sāvatthiyaṁ paññattaṁ.
pli-tv-pvr2.1:102.3	Kaṁ ārabbhāti?
pli-tv-pvr2.1:102.4	Sambahulā bhikkhuniyo ārabbha.
pli-tv-pvr2.1:102.5	Kismiṁ vatthusminti?
pli-tv-pvr2.1:102.6	Sambahulā bhikkhuniyo āsandimpi pallaṅkampi paribhuñjiṁsu, tasmiṁ vatthusmiṁ.
pli-tv-pvr2.1:102.7	Ekā paññatti.
pli-tv-pvr2.1:102.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:102.9	eḷakalomake …pe….
pli-tv-pvr2.1:103.1	Suttaṁ kantantiyā pācittiyaṁ kattha paññattanti?
pli-tv-pvr2.1:103.2	Sāvatthiyaṁ paññattaṁ.
pli-tv-pvr2.1:103.3	Kaṁ ārabbhāti?
pli-tv-pvr2.1:103.4	Chabbaggiyā bhikkhuniyo ārabbha.
pli-tv-pvr2.1:103.5	Kismiṁ vatthusminti?
pli-tv-pvr2.1:103.6	Chabbaggiyā bhikkhuniyo suttaṁ kantiṁsu, tasmiṁ vatthusmiṁ.
pli-tv-pvr2.1:103.7	Ekā paññatti.
pli-tv-pvr2.1:103.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:103.9	eḷakalomake …pe….
pli-tv-pvr2.1:104.1	Gihiveyyāvaccaṁ karontiyā pācittiyaṁ kattha paññattanti?
pli-tv-pvr2.1:104.2	Sāvatthiyaṁ paññattaṁ.
pli-tv-pvr2.1:104.3	Kaṁ ārabbhāti?
pli-tv-pvr2.1:104.4	Sambahulā bhikkhuniyo ārabbha.
pli-tv-pvr2.1:104.5	Kismiṁ vatthusminti?
pli-tv-pvr2.1:104.6	Sambahulā bhikkhuniyo gihiveyyāvaccaṁ akaṁsu, tasmiṁ vatthusmiṁ.
pli-tv-pvr2.1:104.7	Ekā paññatti.
pli-tv-pvr2.1:104.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:104.9	eḷakalomake …pe….
pli-tv-pvr2.1:105.1	Bhikkhuniyā “ehāyye, imaṁ adhikaraṇaṁ vūpasamehī”ti vuccamānāya “sādhū”ti paṭissuṇitvā neva vūpasamentiyā na vūpasamāya ussukkaṁ karontiyā pācittiyaṁ kattha paññattanti?
pli-tv-pvr2.1:105.2	Sāvatthiyaṁ paññattaṁ.
pli-tv-pvr2.1:105.3	Kaṁ ārabbhāti?
pli-tv-pvr2.1:105.4	Thullanandaṁ bhikkhuniṁ ārabbha.
pli-tv-pvr2.1:105.5	Kismiṁ vatthusminti?
pli-tv-pvr2.1:105.6	Thullanandā bhikkhunī bhikkhuniyā—“ehāyye, imaṁ adhikaraṇaṁ vūpasamehī”ti vuccamānā “sādhū”ti paṭissuṇitvā neva vūpasamesi na vūpasamāya ussukkaṁ akāsi, tasmiṁ vatthusmiṁ.
pli-tv-pvr2.1:105.7	Ekā paññatti.
pli-tv-pvr2.1:105.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:105.9	dhuranikkhepe …pe….
pli-tv-pvr2.1:106.1	Agārikassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dentiyā pācittiyaṁ kattha paññattanti?
pli-tv-pvr2.1:106.2	Sāvatthiyaṁ paññattaṁ.
pli-tv-pvr2.1:106.3	Kaṁ ārabbhāti?
pli-tv-pvr2.1:106.4	Thullanandaṁ bhikkhuniṁ ārabbha.
pli-tv-pvr2.1:106.5	Kismiṁ vatthusminti?
pli-tv-pvr2.1:106.6	Thullanandā bhikkhunī agārikassa sahatthā khādanīyampi bhojanīyampi adāsi, tasmiṁ vatthusmiṁ.
pli-tv-pvr2.1:106.7	Ekā paññatti.
pli-tv-pvr2.1:106.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:106.9	eḷakalomake …pe….
pli-tv-pvr2.1:107.1	Āvasathacīvaraṁ anissajjitvā paribhuñjantiyā pācittiyaṁ kattha paññattanti?
pli-tv-pvr2.1:107.2	Sāvatthiyaṁ paññattaṁ.
pli-tv-pvr2.1:107.3	Kaṁ ārabbhāti?
pli-tv-pvr2.1:107.4	Thullanandaṁ bhikkhuniṁ ārabbha.
pli-tv-pvr2.1:107.5	Kismiṁ vatthusminti?
pli-tv-pvr2.1:107.6	Thullanandā bhikkhunī āvasathacīvaraṁ anissajjitvā paribhuñji, tasmiṁ vatthusmiṁ.
pli-tv-pvr2.1:107.7	Ekā paññatti.
pli-tv-pvr2.1:107.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:107.9	kathinake …pe….
pli-tv-pvr2.1:108.1	Āvasathaṁ anissajjitvā cārikaṁ pakkamantiyā pācittiyaṁ kattha paññattanti?
pli-tv-pvr2.1:108.2	Sāvatthiyaṁ paññattaṁ.
pli-tv-pvr2.1:108.3	Kaṁ ārabbhāti?
pli-tv-pvr2.1:108.4	Thullanandaṁ bhikkhuniṁ ārabbha.
pli-tv-pvr2.1:108.5	Kismiṁ vatthusminti?
pli-tv-pvr2.1:108.6	Thullanandā bhikkhunī āvasathaṁ anissajjitvā cārikaṁ pakkāmi, tasmiṁ vatthusmiṁ.
pli-tv-pvr2.1:108.7	Ekā paññatti.
pli-tv-pvr2.1:108.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:108.9	kathinake …pe….
pli-tv-pvr2.1:109.1	Tiracchānavijjaṁ pariyāpuṇantiyā pācittiyaṁ kattha paññattanti?
pli-tv-pvr2.1:109.2	Sāvatthiyaṁ paññattaṁ.
pli-tv-pvr2.1:109.3	Kaṁ ārabbhāti?
pli-tv-pvr2.1:109.4	Chabbaggiyā bhikkhuniyo ārabbha.
pli-tv-pvr2.1:109.5	Kismiṁ vatthusminti?
pli-tv-pvr2.1:109.6	Chabbaggiyā bhikkhuniyo tiracchānavijjaṁ pariyāpuṇiṁsu, tasmiṁ vatthusmiṁ.
pli-tv-pvr2.1:109.7	Ekā paññatti.
pli-tv-pvr2.1:109.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:109.9	padasodhamme …pe….
pli-tv-pvr2.1:110.1	Tiracchānavijjaṁ vācentiyā pācittiyaṁ kattha paññattanti?
pli-tv-pvr2.1:110.2	Sāvatthiyaṁ paññattaṁ.
pli-tv-pvr2.1:110.3	Kaṁ ārabbhāti?
pli-tv-pvr2.1:110.4	Chabbaggiyā bhikkhuniyo ārabbha.
pli-tv-pvr2.1:110.5	Kismiṁ vatthusminti.
pli-tv-pvr2.1:110.6	Chabbaggiyā bhikkhuniyo tiracchānavijjaṁ vācesuṁ, tasmiṁ vatthusmiṁ.
pli-tv-pvr2.1:110.7	Ekā paññatti.
pli-tv-pvr2.1:110.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:110.9	padasodhamme …pe….
pli-tv-pvr2.1:111.1	Cittāgāravaggo pañcamo.
pli-tv-pvr2.1:112.0	4.6. Ārāmavagga
pli-tv-pvr2.1:112.1	Jānaṁ sabhikkhukaṁ ārāmaṁ anāpucchā pavisantiyā pācittiyaṁ kattha paññattanti?
pli-tv-pvr2.1:112.2	Sāvatthiyaṁ paññattaṁ.
pli-tv-pvr2.1:112.3	Kaṁ ārabbhāti?
pli-tv-pvr2.1:112.4	Sambahulā bhikkhuniyo ārabbha.
pli-tv-pvr2.1:112.5	Kismiṁ vatthusminti?
pli-tv-pvr2.1:112.6	Sambahulā bhikkhuniyo ārāmaṁ anāpucchā pavisiṁsu, tasmiṁ vatthusmiṁ.
pli-tv-pvr2.1:112.7	Ekā paññatti, dve anupaññattiyo.
pli-tv-pvr2.1:112.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:112.9	dhuranikkhepe …pe….
pli-tv-pvr2.1:113.1	Bhikkhuṁ akkosantiyā paribhāsantiyā pācittiyaṁ kattha paññattanti?
pli-tv-pvr2.1:113.2	Vesāliyaṁ paññattaṁ.
pli-tv-pvr2.1:113.3	Kaṁ ārabbhāti?
pli-tv-pvr2.1:113.4	Chabbaggiyā bhikkhuniyo ārabbha.
pli-tv-pvr2.1:113.5	Kismiṁ vatthusminti?
pli-tv-pvr2.1:113.6	Chabbaggiyā bhikkhuniyo āyasmantaṁ upāliṁ akkosiṁsu, tasmiṁ vatthusmiṁ.
pli-tv-pvr2.1:113.7	Ekā paññatti.
pli-tv-pvr2.1:113.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:114.1	Caṇḍīkatāya gaṇaṁ paribhāsantiyā pācittiyaṁ kattha paññattanti?
pli-tv-pvr2.1:114.2	Sāvatthiyaṁ paññattaṁ.
pli-tv-pvr2.1:114.3	Kaṁ ārabbhāti?
pli-tv-pvr2.1:114.4	Thullanandaṁ bhikkhuniṁ ārabbha.
pli-tv-pvr2.1:114.5	Kismiṁ vatthusminti?
pli-tv-pvr2.1:114.6	Thullanandā bhikkhunī caṇḍīkatāya gaṇaṁ paribhāsi, tasmiṁ vatthusmiṁ.
pli-tv-pvr2.1:114.7	Ekā paññatti.
pli-tv-pvr2.1:114.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:115.1	Nimantitāya vā pavāritāya vā khādanīyaṁ vā bhojanīyaṁ vā aññatra bhuñjantiyā pācittiyaṁ kattha paññattanti?
pli-tv-pvr2.1:115.2	Sāvatthiyaṁ paññattaṁ.
pli-tv-pvr2.1:115.3	Kaṁ ārabbhāti?
pli-tv-pvr2.1:115.4	Sambahulā bhikkhuniyo ārabbha.
pli-tv-pvr2.1:115.5	Kismiṁ vatthusminti?
pli-tv-pvr2.1:115.6	Sambahulā bhikkhuniyo bhuttāviniyo pavāritā aññatra bhuñjiṁsu, tasmiṁ vatthusmiṁ.
pli-tv-pvr2.1:115.7	Ekā paññatti.
pli-tv-pvr2.1:115.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:116.1	Kulaṁ maccharāyantiyā pācittiyaṁ kattha paññattanti?
pli-tv-pvr2.1:116.2	Sāvatthiyaṁ paññattaṁ.
pli-tv-pvr2.1:116.3	Kaṁ ārabbhāti?
pli-tv-pvr2.1:116.4	Aññataraṁ bhikkhuniṁ ārabbha.
pli-tv-pvr2.1:116.5	Kismiṁ vatthusminti?
pli-tv-pvr2.1:116.6	Aññatarā bhikkhunī kulaṁ maccharāyi, tasmiṁ vatthusmiṁ.
pli-tv-pvr2.1:116.7	Ekā paññatti.
pli-tv-pvr2.1:116.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:117.1	Abhikkhuke āvāse vassaṁ vasantiyā pācittiyaṁ kattha paññattanti?
pli-tv-pvr2.1:117.2	Sāvatthiyaṁ paññattaṁ.
pli-tv-pvr2.1:117.3	Kaṁ ārabbhāti?
pli-tv-pvr2.1:117.4	Sambahulā bhikkhuniyo ārabbha.
pli-tv-pvr2.1:117.5	Kismiṁ vatthusminti?
pli-tv-pvr2.1:117.6	Sambahulā bhikkhuniyo abhikkhuke āvāse vassaṁ vasiṁsu, tasmiṁ vatthusmiṁ.
pli-tv-pvr2.1:117.7	Ekā paññatti.
pli-tv-pvr2.1:117.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:117.9	eḷakalomake …pe….
pli-tv-pvr2.1:118.1	Vassaṁvuṭṭhāya bhikkhuniyā ubhatosaṅghe tīhi ṭhānehi na pavārentiyā pācittiyaṁ kattha paññattanti?
pli-tv-pvr2.1:118.2	Sāvatthiyaṁ paññattaṁ.
pli-tv-pvr2.1:118.3	Kaṁ ārabbhāti?
pli-tv-pvr2.1:118.4	Sambahulā bhikkhuniyo ārabbha.
pli-tv-pvr2.1:118.5	Kismiṁ vatthusminti?
pli-tv-pvr2.1:118.6	Sambahulā bhikkhuniyo vassaṁvuṭṭhā bhikkhusaṅghaṁ na pavāresuṁ, tasmiṁ vatthusmiṁ.
pli-tv-pvr2.1:118.7	Ekā paññatti.
pli-tv-pvr2.1:118.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:118.9	dhuranikkhepe …pe….
pli-tv-pvr2.1:119.1	Ovādāya vā saṁvāsāya vā na gacchantiyā pācittiyaṁ kattha paññattanti?
pli-tv-pvr2.1:119.2	Sakkesu paññattaṁ.
pli-tv-pvr2.1:119.3	Kaṁ ārabbhāti?
pli-tv-pvr2.1:119.4	Chabbaggiyā bhikkhuniyo ārabbha.
pli-tv-pvr2.1:119.5	Kismiṁ vatthusminti?
pli-tv-pvr2.1:119.6	Chabbaggiyā bhikkhuniyo ovādaṁ na gacchiṁsu, tasmiṁ vatthusmiṁ.
pli-tv-pvr2.1:119.7	Ekā paññatti.
pli-tv-pvr2.1:119.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:119.9	paṭhamapārājike …pe….
pli-tv-pvr2.1:120.1	Uposathampi na pucchantiyā ovādampi na yācantiyā pācittiyaṁ kattha paññattanti?
pli-tv-pvr2.1:120.2	Sāvatthiyaṁ paññattaṁ.
pli-tv-pvr2.1:120.3	Kaṁ ārabbhāti?
pli-tv-pvr2.1:120.4	Sambahulā bhikkhuniyo ārabbha.
pli-tv-pvr2.1:120.5	Kismiṁ vatthusminti?
pli-tv-pvr2.1:120.6	Sambahulā bhikkhuniyo uposathampi na pucchiṁsu ovādampi na yāciṁsu, tasmiṁ vatthusmiṁ.
pli-tv-pvr2.1:120.7	Ekā paññatti.
pli-tv-pvr2.1:120.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:120.9	dhuranikkhepe …pe….
pli-tv-pvr2.1:121.1	Pasākhe jātaṁ gaṇḍaṁ vā rudhitaṁ vā anapaloketvā saṅghaṁ vā gaṇaṁ vā purisena saddhiṁ ekenekāya bhedāpentiyā pācittiyaṁ kattha paññattanti?
pli-tv-pvr2.1:121.2	Sāvatthiyaṁ paññattaṁ.
pli-tv-pvr2.1:121.3	Kaṁ ārabbhāti?
pli-tv-pvr2.1:121.4	Aññataraṁ bhikkhuniṁ ārabbha.
pli-tv-pvr2.1:121.5	Kismiṁ vatthusminti?
pli-tv-pvr2.1:121.6	Aññatarā bhikkhunī pasākhe jātaṁ gaṇḍaṁ purisena saddhiṁ ekenekā bhedāpesi, tasmiṁ vatthusmiṁ.
pli-tv-pvr2.1:121.7	Ekā paññatti.
pli-tv-pvr2.1:121.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:121.9	kathinake …pe….
pli-tv-pvr2.1:122.1	Ārāmavaggo chaṭṭho.
pli-tv-pvr2.1:123.0	4.7. Gabbhinivagga
pli-tv-pvr2.1:123.1	Gabbhiniṁ vuṭṭhāpentiyā pācittiyaṁ kattha paññattanti?
pli-tv-pvr2.1:123.2	Sāvatthiyaṁ paññattaṁ.
pli-tv-pvr2.1:123.3	Kaṁ ārabbhāti?
pli-tv-pvr2.1:123.4	Sambahulā bhikkhuniyo ārabbha.
pli-tv-pvr2.1:123.5	Kismiṁ vatthusminti?
pli-tv-pvr2.1:123.6	Sambahulā bhikkhuniyo gabbhiniṁ vuṭṭhāpesuṁ, tasmiṁ vatthusmiṁ.
pli-tv-pvr2.1:123.7	Ekā paññatti.
pli-tv-pvr2.1:123.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:124.1	Pāyantiṁ vuṭṭhāpentiyā pācittiyaṁ kattha paññattanti?
pli-tv-pvr2.1:124.2	Sāvatthiyaṁ paññattaṁ.
pli-tv-pvr2.1:124.3	Kaṁ ārabbhāti?
pli-tv-pvr2.1:124.4	Sambahulā bhikkhuniyo ārabbha.
pli-tv-pvr2.1:124.5	Kismiṁ vatthusminti?
pli-tv-pvr2.1:124.6	Sambahulā bhikkhuniyo pāyantiṁ vuṭṭhāpesuṁ, tasmiṁ vatthusmiṁ.
pli-tv-pvr2.1:124.7	Ekā paññatti.
pli-tv-pvr2.1:124.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:125.1	Dve vassāni chasu dhammesu asikkhitasikkhaṁ sikkhamānaṁ vuṭṭhāpentiyā pācittiyaṁ kattha paññattanti?
pli-tv-pvr2.1:125.2	Sāvatthiyaṁ paññattaṁ.
pli-tv-pvr2.1:125.3	Kaṁ ārabbhāti?
pli-tv-pvr2.1:125.4	Sambahulā bhikkhuniyo ārabbha.
pli-tv-pvr2.1:125.5	Kismiṁ vatthusminti?
pli-tv-pvr2.1:125.6	Sambahulā bhikkhuniyo dve vassāni chasu dhammesu asikkhitasikkhaṁ sikkhamānaṁ vuṭṭhāpesuṁ, tasmiṁ vatthusmiṁ.
pli-tv-pvr2.1:125.7	Ekā paññatti.
pli-tv-pvr2.1:125.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:126.1	Dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpentiyā pācittiyaṁ kattha paññattanti?
pli-tv-pvr2.1:126.2	Sāvatthiyaṁ paññattaṁ.
pli-tv-pvr2.1:126.3	Kaṁ ārabbhāti?
pli-tv-pvr2.1:126.4	Sambahulā bhikkhuniyo ārabbha.
pli-tv-pvr2.1:126.5	Kismiṁ vatthusminti?
pli-tv-pvr2.1:126.6	Sambahulā bhikkhuniyo dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpesuṁ, tasmiṁ vatthusmiṁ.
pli-tv-pvr2.1:126.7	Ekā paññatti.
pli-tv-pvr2.1:126.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:127.1	Ūnadvādasavassaṁ gihigataṁ vuṭṭhāpentiyā pācittiyaṁ kattha paññattanti?
pli-tv-pvr2.1:127.2	Sāvatthiyaṁ paññattaṁ.
pli-tv-pvr2.1:127.3	Kaṁ ārabbhāti?
pli-tv-pvr2.1:127.4	Sambahulā bhikkhuniyo ārabbha.
pli-tv-pvr2.1:127.5	Kismiṁ vatthusminti?
pli-tv-pvr2.1:127.6	Sambahulā bhikkhuniyo ūnadvādasavassaṁ gihigataṁ vuṭṭhāpesuṁ, tasmiṁ vatthusmiṁ.
pli-tv-pvr2.1:127.7	Ekā paññatti.
pli-tv-pvr2.1:127.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:128.1	Paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpentiyā pācittiyaṁ kattha paññattanti?
pli-tv-pvr2.1:128.2	Sāvatthiyaṁ paññattaṁ.
pli-tv-pvr2.1:128.3	Kaṁ ārabbhāti?
pli-tv-pvr2.1:128.4	Sambahulā bhikkhuniyo ārabbha.
pli-tv-pvr2.1:128.5	Kismiṁ vatthusminti?
pli-tv-pvr2.1:128.6	Sambahulā bhikkhuniyo paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpesuṁ, tasmiṁ vatthusmiṁ.
pli-tv-pvr2.1:128.7	Ekā paññatti.
pli-tv-pvr2.1:128.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:129.1	Paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentiyā pācittiyaṁ kattha paññattanti?
pli-tv-pvr2.1:129.2	Sāvatthiyaṁ paññattaṁ.
pli-tv-pvr2.1:129.3	Kaṁ ārabbhāti?
pli-tv-pvr2.1:129.4	Sambahulā bhikkhuniyo ārabbha.
pli-tv-pvr2.1:129.5	Kismiṁ vatthusminti?
pli-tv-pvr2.1:129.6	Sambahulā bhikkhuniyo paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpesuṁ, tasmiṁ vatthusmiṁ.
pli-tv-pvr2.1:129.7	Ekā paññatti.
pli-tv-pvr2.1:129.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:130.1	Sahajīviniṁ vuṭṭhāpetvā dve vassāni neva anuggaṇhantiyā na anuggaṇhāpentiyā pācittiyaṁ kattha paññattanti?
pli-tv-pvr2.1:130.2	Sāvatthiyaṁ paññattaṁ.
pli-tv-pvr2.1:130.3	Kaṁ ārabbhāti?
pli-tv-pvr2.1:130.4	Thullanandaṁ bhikkhuniṁ ārabbha.
pli-tv-pvr2.1:130.5	Kismiṁ vatthusminti?
pli-tv-pvr2.1:130.6	Thullanandā bhikkhunī sahajīviniṁ vuṭṭhāpetvā dve vassāni neva anuggahesi na anuggaṇhāpesi, tasmiṁ vatthusmiṁ.
pli-tv-pvr2.1:130.7	Ekā paññatti.
pli-tv-pvr2.1:130.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:130.9	dhuranikkhepe …pe….
pli-tv-pvr2.1:131.1	Vuṭṭhāpitaṁ pavattiniṁ dve vassāni nānubandhantiyā pācittiyaṁ kattha paññattanti?
pli-tv-pvr2.1:131.2	Sāvatthiyaṁ paññattaṁ.
pli-tv-pvr2.1:131.3	Kaṁ ārabbhāti?
pli-tv-pvr2.1:131.4	Sambahulā bhikkhuniyo ārabbha.
pli-tv-pvr2.1:131.5	Kismiṁ vatthusminti?
pli-tv-pvr2.1:131.6	Sambahulā bhikkhuniyo vuṭṭhāpitaṁ pavattiniṁ dve vassāni nānubandhiṁsu, tasmiṁ vatthusmiṁ.
pli-tv-pvr2.1:131.7	Ekā paññatti.
pli-tv-pvr2.1:131.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:131.9	paṭhamapārājike …pe….
pli-tv-pvr2.1:132.1	Sahajīviniṁ vuṭṭhāpetvā neva vūpakāsentiyā na vūpakāsāpentiyā pācittiyaṁ kattha paññattanti?
pli-tv-pvr2.1:132.2	Sāvatthiyaṁ paññattaṁ.
pli-tv-pvr2.1:132.3	Kaṁ ārabbhāti?
pli-tv-pvr2.1:132.4	Thullanandaṁ bhikkhuniṁ ārabbha.
pli-tv-pvr2.1:132.5	Kismiṁ vatthusminti?
pli-tv-pvr2.1:132.6	Thullanandā bhikkhunī sahajīviniṁ vuṭṭhāpetvā neva vūpakāsesi na vūpakāsāpesi, tasmiṁ vatthusmiṁ.
pli-tv-pvr2.1:132.7	Ekā paññatti.
pli-tv-pvr2.1:132.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:132.9	dhuranikkhepe …pe….
pli-tv-pvr2.1:133.1	Gabbhinivaggo sattamo.
pli-tv-pvr2.1:134.0	4.8. Kumāribhūtavagga
pli-tv-pvr2.1:134.1	Ūnavīsativassaṁ kumāribhūtaṁ vuṭṭhāpentiyā pācittiyaṁ kattha paññattanti?
pli-tv-pvr2.1:134.2	Sāvatthiyaṁ paññattaṁ.
pli-tv-pvr2.1:134.3	Kaṁ ārabbhāti?
pli-tv-pvr2.1:134.4	Sambahulā bhikkhuniyo ārabbha.
pli-tv-pvr2.1:134.5	Kismiṁ vatthusminti?
pli-tv-pvr2.1:134.6	Sambahulā bhikkhuniyo ūnavīsativassaṁ kumāribhūtaṁ vuṭṭhāpesuṁ, tasmiṁ vatthusmiṁ.
pli-tv-pvr2.1:134.7	Ekā paññatti.
pli-tv-pvr2.1:134.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:135.1	Paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpentiyā pācittiyaṁ kattha paññattanti?
pli-tv-pvr2.1:135.2	Sāvatthiyaṁ paññattaṁ.
pli-tv-pvr2.1:135.3	Kaṁ ārabbhāti?
pli-tv-pvr2.1:135.4	Sambahulā bhikkhuniyo ārabbha.
pli-tv-pvr2.1:135.5	Kismiṁ vatthusminti?
pli-tv-pvr2.1:135.6	Sambahulā bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpesuṁ, tasmiṁ vatthusmiṁ.
pli-tv-pvr2.1:135.7	Ekā paññatti.
pli-tv-pvr2.1:135.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:136.1	Paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentiyā pācittiyaṁ kattha paññattanti?
pli-tv-pvr2.1:136.2	Sāvatthiyaṁ paññattaṁ.
pli-tv-pvr2.1:136.3	Kaṁ ārabbhāti?
pli-tv-pvr2.1:136.4	Sambahulā bhikkhuniyo ārabbha.
pli-tv-pvr2.1:136.5	Kismiṁ vatthusminti?
pli-tv-pvr2.1:136.6	Sambahulā bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpesuṁ, tasmiṁ vatthusmiṁ.
pli-tv-pvr2.1:136.7	Ekā paññatti.
pli-tv-pvr2.1:136.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:137.1	Ūnadvādasavassāya vuṭṭhāpentiyā pācittiyaṁ kattha paññattanti?
pli-tv-pvr2.1:137.2	Sāvatthiyaṁ paññattaṁ.
pli-tv-pvr2.1:137.3	Kaṁ ārabbhāti?
pli-tv-pvr2.1:137.4	Sambahulā bhikkhuniyo ārabbha.
pli-tv-pvr2.1:137.5	Kismiṁ vatthusminti?
pli-tv-pvr2.1:137.6	Sambahulā bhikkhuniyo ūnadvādasavassā vuṭṭhāpesuṁ, tasmiṁ vatthusmiṁ.
pli-tv-pvr2.1:137.7	Ekā paññatti.
pli-tv-pvr2.1:137.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:138.1	Paripuṇṇadvādasavassāya saṅghena asammatāya vuṭṭhāpentiyā pācittiyaṁ kattha paññattanti?
pli-tv-pvr2.1:138.2	Sāvatthiyaṁ paññattaṁ.
pli-tv-pvr2.1:138.3	Kaṁ ārabbhāti?
pli-tv-pvr2.1:138.4	Sambahulā bhikkhuniyo ārabbha.
pli-tv-pvr2.1:138.5	Kismiṁ vatthusminti?
pli-tv-pvr2.1:138.6	Sambahulā bhikkhuniyo paripuṇṇadvādasavassā saṅghena asammatā vuṭṭhāpesuṁ, tasmiṁ vatthusmiṁ.
pli-tv-pvr2.1:138.7	Ekā paññatti.
pli-tv-pvr2.1:138.8	Channaṁ āpattisamuṭṭhānānaṁ tīhi samuṭṭhānehi samuṭṭhāti—
pli-tv-pvr2.1:138.9	dutiyapārājike …pe….
pli-tv-pvr2.1:139.1	“Alaṁ tāva te, ayye, vuṭṭhāpitenā”ti vuccamānāya “sādhū”ti paṭissuṇitvā pacchā khīyanadhammaṁ āpajjantiyā pācittiyaṁ kattha paññattanti?
pli-tv-pvr2.1:139.2	Sāvatthiyaṁ paññattaṁ.
pli-tv-pvr2.1:139.3	Kaṁ ārabbhāti?
pli-tv-pvr2.1:139.4	Caṇḍakāḷiṁ bhikkhuniṁ ārabbha.
pli-tv-pvr2.1:139.5	Kismiṁ vatthusminti?
pli-tv-pvr2.1:139.6	Caṇḍakāḷī bhikkhunī “alaṁ tāva te, ayye, vuṭṭhāpitenā”ti vuccamānā “sādhū”ti paṭissuṇitvā pacchā khīyanadhammaṁ āpajji, tasmiṁ vatthusmiṁ.
pli-tv-pvr2.1:139.7	Ekā paññatti.
pli-tv-pvr2.1:139.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:140.1	Sikkhamānaṁ—“sace me tvaṁ, ayye, cīvaraṁ dassasi, evāhaṁ taṁ vuṭṭhāpessāmī”ti vatvā neva vuṭṭhāpentiyā na vuṭṭhāpanāya ussukkaṁ karontiyā pācittiyaṁ kattha paññattanti?
pli-tv-pvr2.1:140.2	Sāvatthiyaṁ paññattaṁ.
pli-tv-pvr2.1:140.3	Kaṁ ārabbhāti?
pli-tv-pvr2.1:140.4	Thullanandaṁ bhikkhuniṁ ārabbha.
pli-tv-pvr2.1:140.5	Kismiṁ vatthusminti?
pli-tv-pvr2.1:140.6	Thullanandā bhikkhunī sikkhamānaṁ—“sace me tvaṁ, ayye, cīvaraṁ dassasi, evāhaṁ taṁ vuṭṭhāpessāmī”ti vatvā neva vuṭṭhāpesi na vuṭṭhāpanāya ussukkaṁ akāsi, tasmiṁ vatthusmiṁ.
pli-tv-pvr2.1:140.7	Ekā paññatti.
pli-tv-pvr2.1:140.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:140.9	dhuranikkhepe …pe….
pli-tv-pvr2.1:141.1	Sikkhamānaṁ—“sace maṁ tvaṁ, ayye, dve vassāni anubandhissasi, evāhaṁ taṁ vuṭṭhāpessāmī”ti vatvā neva vuṭṭhāpentiyā na vuṭṭhāpanāya ussukkaṁ karontiyā pācittiyaṁ kattha paññattanti?
pli-tv-pvr2.1:141.2	Sāvatthiyaṁ paññattaṁ.
pli-tv-pvr2.1:141.3	Kaṁ ārabbhāti?
pli-tv-pvr2.1:141.4	Thullanandaṁ bhikkhuniṁ ārabbha.
pli-tv-pvr2.1:141.5	Kismiṁ vatthusminti?
pli-tv-pvr2.1:141.6	Thullanandā bhikkhunī sikkhamānaṁ—“sace maṁ tvaṁ, ayye, dve vassāni anubandhissasi, evāhaṁ taṁ vuṭṭhāpessāmī”ti vatvā neva vuṭṭhāpesi na vuṭṭhāpanāya ussukkaṁ akāsi, tasmiṁ vatthusmiṁ.
pli-tv-pvr2.1:141.7	Ekā paññatti.
pli-tv-pvr2.1:141.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.1:141.9	dhuranikkhepe …pe….
pli-tv-pvr2.1:142.1	Purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ sikkhamānaṁ vuṭṭhāpentiyā pācittiyaṁ kattha paññattanti?
pli-tv-pvr2.1:142.2	Sāvatthiyaṁ paññattaṁ.
pli-tv-pvr2.1:142.3	Kaṁ ārabbhāti?
pli-tv-pvr2.1:142.4	Thullanandaṁ bhikkhuniṁ ārabbha.
pli-tv-pvr2.1:142.5	Kismiṁ vatthusminti?
pli-tv-pvr2.1:142.6	Thullanandā bhikkhunī purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ sikkhamānaṁ vuṭṭhāpesi, tasmiṁ vatthusmiṁ.
pli-tv-pvr2.1:142.7	Ekā paññatti.
pli-tv-pvr2.1:142.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:143.1	Mātāpitūhi vā sāmikena vā ananuññātaṁ sikkhamānaṁ vuṭṭhāpentiyā pācittiyaṁ kattha paññattanti?
pli-tv-pvr2.1:143.2	Sāvatthiyaṁ paññattaṁ.
pli-tv-pvr2.1:143.3	Kaṁ ārabbhāti?
pli-tv-pvr2.1:143.4	Thullanandaṁ bhikkhuniṁ ārabbha.
pli-tv-pvr2.1:143.5	Kismiṁ vatthusminti?
pli-tv-pvr2.1:143.6	Thullanandā bhikkhunī mātāpitūhipi sāmikenāpi ananuññātaṁ sikkhamānaṁ vuṭṭhāpesi, tasmiṁ vatthusmiṁ.
pli-tv-pvr2.1:143.7	Ekā paññatti.
pli-tv-pvr2.1:143.8	Channaṁ āpattisamuṭṭhānānaṁ catūhi samuṭṭhānehi samuṭṭhāti—
pli-tv-pvr2.1:143.9	siyā vācato samuṭṭhāti, na kāyato na cittato;
pli-tv-pvr2.1:143.10	siyā kāyato ca vācato ca samuṭṭhāti, na cittato;
pli-tv-pvr2.1:143.11	siyā vācato ca cittato ca samuṭṭhāti, na kāyato;
pli-tv-pvr2.1:143.12	siyā kāyato ca vācato ca cittato ca samuṭṭhāti …pe….
pli-tv-pvr2.1:144.1	Pārivāsikachandadānena sikkhamānaṁ vuṭṭhāpentiyā pācittiyaṁ kattha paññattanti?
pli-tv-pvr2.1:144.2	Rājagahe paññattaṁ.
pli-tv-pvr2.1:144.3	Kaṁ ārabbhāti?
pli-tv-pvr2.1:144.4	Thullanandaṁ bhikkhuniṁ ārabbha.
pli-tv-pvr2.1:144.5	Kismiṁ vatthusminti?
pli-tv-pvr2.1:144.6	Thullanandā bhikkhunī pārivāsikachandadānena sikkhamānaṁ vuṭṭhāpesi, tasmiṁ vatthusmiṁ.
pli-tv-pvr2.1:144.7	Ekā paññatti.
pli-tv-pvr2.1:144.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:145.1	Anuvassaṁ vuṭṭhāpentiyā pācittiyaṁ kattha paññattanti?
pli-tv-pvr2.1:145.2	Sāvatthiyaṁ paññattaṁ.
pli-tv-pvr2.1:145.3	Kaṁ ārabbhāti?
pli-tv-pvr2.1:145.4	Sambahulā bhikkhuniyo ārabbha.
pli-tv-pvr2.1:145.5	Kismiṁ vatthusminti?
pli-tv-pvr2.1:145.6	Sambahulā bhikkhuniyo anuvassaṁ vuṭṭhāpesuṁ, tasmiṁ vatthusmiṁ.
pli-tv-pvr2.1:145.7	Ekā paññatti.
pli-tv-pvr2.1:145.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:146.1	Ekaṁ vassaṁ dve vuṭṭhāpentiyā pācittiyaṁ kattha paññattanti?
pli-tv-pvr2.1:146.2	Sāvatthiyaṁ paññattaṁ.
pli-tv-pvr2.1:146.3	Kaṁ ārabbhāti?
pli-tv-pvr2.1:146.4	Sambahulā bhikkhuniyo ārabbha.
pli-tv-pvr2.1:146.5	Kismiṁ vatthusminti?
pli-tv-pvr2.1:146.6	Sambahulā bhikkhuniyo ekaṁ vassaṁ dve vuṭṭhāpesuṁ, tasmiṁ vatthusmiṁ.
pli-tv-pvr2.1:146.7	Ekā paññatti.
pli-tv-pvr2.1:146.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.1:147.1	Kumāribhūtavaggo aṭṭhamo.
pli-tv-pvr2.1:148.0	4.9. Chattupāhanavagga
pli-tv-pvr2.1:148.1	Chattupāhanaṁ dhārentiyā pācittiyaṁ kattha paññattanti?
pli-tv-pvr2.1:148.2	Sāvatthiyaṁ paññattaṁ.
pli-tv-pvr2.1:148.3	Kaṁ ārabbhāti?
pli-tv-pvr2.1:148.4	Chabbaggiyā bhikkhuniyo ārabbha.
pli-tv-pvr2.1:148.5	Kismiṁ vatthusminti?
pli-tv-pvr2.1:148.6	Chabbaggiyā bhikkhuniyo chattupāhanaṁ dhāresuṁ, tasmiṁ vatthusmiṁ.
pli-tv-pvr2.1:148.7	Ekā paññatti, ekā anupaññatti.
pli-tv-pvr2.1:148.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:148.9	eḷakalomake …pe….
pli-tv-pvr2.1:149.1	Yānena yāyantiyā pācittiyaṁ kattha paññattanti?
pli-tv-pvr2.1:149.2	Sāvatthiyaṁ paññattaṁ.
pli-tv-pvr2.1:149.3	Kaṁ ārabbhāti?
pli-tv-pvr2.1:149.4	Chabbaggiyā bhikkhuniyo ārabbha.
pli-tv-pvr2.1:149.5	Kismiṁ vatthusminti?
pli-tv-pvr2.1:149.6	Chabbaggiyā bhikkhuniyo yānena yāyiṁsu, tasmiṁ vatthusmiṁ.
pli-tv-pvr2.1:149.7	Ekā paññatti, ekā anupaññatti.
pli-tv-pvr2.1:149.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:149.9	eḷakalomake …pe….
pli-tv-pvr2.1:150.1	Saṅghāṇiṁ dhārentiyā pācittiyaṁ kattha paññattanti?
pli-tv-pvr2.1:150.2	Sāvatthiyaṁ paññattaṁ.
pli-tv-pvr2.1:150.3	Kaṁ ārabbhāti?
pli-tv-pvr2.1:150.4	Aññataraṁ bhikkhuniṁ ārabbha.
pli-tv-pvr2.1:150.5	Kismiṁ vatthusminti?
pli-tv-pvr2.1:150.6	Aññatarā bhikkhunī saṅghāṇiṁ dhāresi, tasmiṁ vatthusmiṁ.
pli-tv-pvr2.1:150.7	Ekā paññatti.
pli-tv-pvr2.1:150.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:150.9	eḷakalomake …pe….
pli-tv-pvr2.1:151.1	Itthālaṅkāraṁ dhārentiyā pācittiyaṁ kattha paññattanti?
pli-tv-pvr2.1:151.2	Sāvatthiyaṁ paññattaṁ.
pli-tv-pvr2.1:151.3	Kaṁ ārabbhāti?
pli-tv-pvr2.1:151.4	Chabbaggiyā bhikkhuniyo ārabbha.
pli-tv-pvr2.1:151.5	Kismiṁ vatthusminti?
pli-tv-pvr2.1:151.6	Chabbaggiyā bhikkhuniyo itthālaṅkāraṁ dhāresuṁ, tasmiṁ vatthusmiṁ.
pli-tv-pvr2.1:151.7	Ekā paññatti.
pli-tv-pvr2.1:151.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:151.9	eḷakalomake …pe….
pli-tv-pvr2.1:152.1	Gandhavaṇṇakena nahāyantiyā pācittiyaṁ kattha paññattanti?
pli-tv-pvr2.1:152.2	Sāvatthiyaṁ paññattaṁ.
pli-tv-pvr2.1:152.3	Kaṁ ārabbhāti?
pli-tv-pvr2.1:152.4	Chabbaggiyā bhikkhuniyo ārabbha.
pli-tv-pvr2.1:152.5	Kismiṁ vatthusminti?
pli-tv-pvr2.1:152.6	Chabbaggiyā bhikkhuniyo gandhavaṇṇakena nahāyiṁsu, tasmiṁ vatthusmiṁ.
pli-tv-pvr2.1:152.7	Ekā paññatti.
pli-tv-pvr2.1:152.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:152.9	eḷakalomake …pe….
pli-tv-pvr2.1:153.1	Vāsitakena piññākena nahāyantiyā pācittiyaṁ kattha paññattanti?
pli-tv-pvr2.1:153.2	Sāvatthiyaṁ paññattaṁ.
pli-tv-pvr2.1:153.3	Kaṁ ārabbhāti?
pli-tv-pvr2.1:153.4	Chabbaggiyā bhikkhuniyo ārabbha.
pli-tv-pvr2.1:153.5	Kismiṁ vatthusminti?
pli-tv-pvr2.1:153.6	Chabbaggiyā bhikkhuniyo vāsitakena piññākena nahāyiṁsu, tasmiṁ vatthusmiṁ.
pli-tv-pvr2.1:153.7	Ekā paññatti.
pli-tv-pvr2.1:153.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:153.9	eḷakalomake …pe….
pli-tv-pvr2.1:154.1	Bhikkhuniyā ummaddāpentiyā parimaddāpentiyā pācittiyaṁ kattha paññattanti?
pli-tv-pvr2.1:154.2	Sāvatthiyaṁ paññattaṁ.
pli-tv-pvr2.1:154.3	Kaṁ ārabbhāti?
pli-tv-pvr2.1:154.4	Sambahulā bhikkhuniyo ārabbha.
pli-tv-pvr2.1:154.5	Kismiṁ vatthusminti?
pli-tv-pvr2.1:154.6	Sambahulā bhikkhuniyo bhikkhuniyā ummaddāpesuṁ parimaddāpesuṁ, tasmiṁ vatthusmiṁ.
pli-tv-pvr2.1:154.7	Ekā paññatti.
pli-tv-pvr2.1:154.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:154.9	eḷakalomake …pe….
pli-tv-pvr2.1:155.1	Sikkhamānāya ummaddāpentiyā parimaddāpentiyā pācittiyaṁ kattha paññattanti?
pli-tv-pvr2.1:155.2	Sāvatthiyaṁ paññattaṁ.
pli-tv-pvr2.1:155.3	Kaṁ ārabbhāti?
pli-tv-pvr2.1:155.4	Sambahulā bhikkhuniyo ārabbha.
pli-tv-pvr2.1:155.5	Kismiṁ vatthusminti?
pli-tv-pvr2.1:155.6	Sambahulā bhikkhuniyo sikkhamānāya ummaddāpesuṁ parimaddāpesuṁ, tasmiṁ vatthusmiṁ.
pli-tv-pvr2.1:155.7	Ekā paññatti.
pli-tv-pvr2.1:155.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:155.9	eḷakalomake …pe….
pli-tv-pvr2.1:156.1	Sāmaṇeriyā ummaddāpentiyā parimaddāpentiyā pācittiyaṁ kattha paññattanti?
pli-tv-pvr2.1:156.2	Sāvatthiyaṁ paññattaṁ.
pli-tv-pvr2.1:156.3	Kaṁ ārabbhāti?
pli-tv-pvr2.1:156.4	Sambahulā bhikkhuniyo ārabbha.
pli-tv-pvr2.1:156.5	Kismiṁ vatthusminti?
pli-tv-pvr2.1:156.6	Sambahulā bhikkhuniyo sāmaṇeriyā ummaddāpesuṁ parimaddāpesuṁ, tasmiṁ vatthusmiṁ.
pli-tv-pvr2.1:156.7	Ekā paññatti.
pli-tv-pvr2.1:156.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:156.9	eḷakalomake …pe….
pli-tv-pvr2.1:157.1	Gihiniyā ummaddāpentiyā parimaddāpentiyā pācittiyaṁ kattha paññattanti?
pli-tv-pvr2.1:157.2	Sāvatthiyaṁ paññattaṁ.
pli-tv-pvr2.1:157.3	Kaṁ ārabbhāti?
pli-tv-pvr2.1:157.4	Sambahulā bhikkhuniyo ārabbha.
pli-tv-pvr2.1:157.5	Kismiṁ vatthusminti?
pli-tv-pvr2.1:157.6	Sambahulā bhikkhuniyo gihiniyā ummaddāpesuṁ parimaddāpesuṁ, tasmiṁ vatthusmiṁ.
pli-tv-pvr2.1:157.7	Ekā paññatti.
pli-tv-pvr2.1:157.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:157.9	eḷakalomake …pe….
pli-tv-pvr2.1:158.1	Bhikkhussa purato anāpucchā āsane nisīdantiyā pācittiyaṁ kattha paññattanti?
pli-tv-pvr2.1:158.2	Sāvatthiyaṁ paññattaṁ.
pli-tv-pvr2.1:158.3	Kaṁ ārabbhāti?
pli-tv-pvr2.1:158.4	Sambahulā bhikkhuniyo ārabbha.
pli-tv-pvr2.1:158.5	Kismiṁ vatthusminti?
pli-tv-pvr2.1:158.6	Sambahulā bhikkhuniyo bhikkhussa purato anāpucchā āsane nisīdiṁsu, tasmiṁ vatthusmiṁ.
pli-tv-pvr2.1:158.7	Ekā paññatti.
pli-tv-pvr2.1:158.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:158.9	kathinake …pe….
pli-tv-pvr2.1:159.1	Anokāsakataṁ bhikkhuṁ pañhaṁ pucchantiyā pācittiyaṁ kattha paññattanti?
pli-tv-pvr2.1:159.2	Sāvatthiyaṁ paññattaṁ.
pli-tv-pvr2.1:159.3	Kaṁ ārabbhāti?
pli-tv-pvr2.1:159.4	Sambahulā bhikkhuniyo ārabbha.
pli-tv-pvr2.1:159.5	Kismiṁ vatthusminti?
pli-tv-pvr2.1:159.6	Sambahulā bhikkhuniyo anokāsakataṁ bhikkhuṁ pañhaṁ pucchiṁsu, tasmiṁ vatthusmiṁ.
pli-tv-pvr2.1:159.7	Ekā paññatti.
pli-tv-pvr2.1:159.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:159.9	padasodhamme …pe….
pli-tv-pvr2.1:160.1	Asaṅkaccikāya gāmaṁ pavisantiyā pācittiyaṁ kattha paññattanti?
pli-tv-pvr2.1:160.2	Sāvatthiyaṁ paññattaṁ.
pli-tv-pvr2.1:160.3	Kaṁ ārabbhāti?
pli-tv-pvr2.1:160.4	Aññataraṁ bhikkhuniṁ ārabbha.
pli-tv-pvr2.1:160.5	Kismiṁ vatthusminti?
pli-tv-pvr2.1:160.6	Aññatarā bhikkhunī asaṅkaccikā gāmaṁ pāvisi, tasmiṁ vatthusmiṁ.
pli-tv-pvr2.1:160.7	Ekā paññatti.
pli-tv-pvr2.1:160.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.1:160.9	siyā kāyato samuṭṭhāti, na vācato na cittato;
pli-tv-pvr2.1:160.10	siyā kāyato ca cittato ca samuṭṭhāti, na vācato …pe….
pli-tv-pvr2.1:161.1	Chattupāhanavaggo navamo.
pli-tv-pvr2.1:161.2	Navavaggakhuddakā niṭṭhitā.
pli-tv-pvr2.1:162.1	Tassuddānaṁ
pli-tv-pvr2.1:163.1	Lasuṇaṁ saṁhare lomaṁ,
pli-tv-pvr2.1:163.2	talamaṭṭhañca suddhikaṁ;
pli-tv-pvr2.1:163.3	Bhuñjantāmakadhaññānaṁ,
pli-tv-pvr2.1:163.4	dve vighāsena dassanā.
pli-tv-pvr2.1:164.1	Andhakāre paṭicchanne,
pli-tv-pvr2.1:164.2	ajjhokāse rathikāya ca;
pli-tv-pvr2.1:164.3	Pure pacchā vikāle ca,
pli-tv-pvr2.1:164.4	duggahi niraye vadhi.
pli-tv-pvr2.1:165.1	Naggodakā visibbetvā,
pli-tv-pvr2.1:165.2	pañcāhikaṁ saṅkamanīyaṁ;
pli-tv-pvr2.1:165.3	Gaṇaṁ vibhaṅgasamaṇaṁ,
pli-tv-pvr2.1:165.4	dubbalaṁ kathinena ca.
pli-tv-pvr2.1:166.1	Ekamañcattharaṇena,
pli-tv-pvr2.1:166.2	sañcicca sahajīvinī;
pli-tv-pvr2.1:166.3	Datvā saṁsaṭṭhaanto ca,
pli-tv-pvr2.1:166.4	tirovassaṁ na pakkame.
pli-tv-pvr2.1:167.1	Rājā āsandi suttañca,
pli-tv-pvr2.1:167.2	gihi vūpasamena ca;
pli-tv-pvr2.1:167.3	Dade cīvarāvasathaṁ,
pli-tv-pvr2.1:167.4	pariyāpuṇañca vācaye.
pli-tv-pvr2.1:168.1	Ārāmakkosacaṇḍī ca,
pli-tv-pvr2.1:168.2	bhuñjeyya kulamaccharī;
pli-tv-pvr2.1:168.3	Vāse pavāraṇovādaṁ,
pli-tv-pvr2.1:168.4	dve dhammā pasākhena ca.
pli-tv-pvr2.1:169.1	Gabbhī pāyantī cha dhamme,
pli-tv-pvr2.1:169.2	asammatūnadvādasa;
pli-tv-pvr2.1:169.3	Paripuṇṇañca saṅghena,
pli-tv-pvr2.1:169.4	saha vuṭṭhā cha pañca ca.
pli-tv-pvr2.1:170.1	Kumārī dve ca saṅghena,
pli-tv-pvr2.1:170.2	dvādasa sammatena ca;
pli-tv-pvr2.1:170.3	Alaṁ sace ca dvevassaṁ,
pli-tv-pvr2.1:170.4	saṁsaṭṭhā sāmikena ca.
pli-tv-pvr2.1:171.1	Pārivāsikānuvassaṁ,
pli-tv-pvr2.1:171.2	duve vuṭṭhāpanena ca;
pli-tv-pvr2.1:171.3	Chattayānena saṅghāṇi,
pli-tv-pvr2.1:171.4	itthālaṅkāravaṇṇake.
pli-tv-pvr2.1:172.1	Piññākabhikkhunī ceva,
pli-tv-pvr2.1:172.2	sikkhā ca sāmaṇerikā;
pli-tv-pvr2.1:172.3	Gihi bhikkhussa purato,
pli-tv-pvr2.1:172.4	anokāsaṁ saṅkaccikāti.
pli-tv-pvr2.1:173.1	Tesaṁ vaggānaṁ uddānaṁ
pli-tv-pvr2.1:174.1	Lasuṇandhakārā nhānā,
pli-tv-pvr2.1:174.2	tuvaṭṭā cittagārakā;
pli-tv-pvr2.1:174.3	Ārāmaṁ gabbhinī ceva,
pli-tv-pvr2.1:174.4	kumārī chattupāhanāti.
pli-tv-pvr2.1:175.0	5. Pāṭidesanīyakaṇḍa
pli-tv-pvr2.1:175.1	Sappiṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:175.2	Sāvatthiyaṁ paññattaṁ.
pli-tv-pvr2.1:175.3	Kaṁ ārabbhāti?
pli-tv-pvr2.1:175.4	Chabbaggiyā bhikkhuniyo ārabbha.
pli-tv-pvr2.1:175.5	Kismiṁ vatthusminti?
pli-tv-pvr2.1:175.6	Chabbaggiyā bhikkhuniyo sappiṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:175.7	Ekā paññatti, ekā anupaññatti.
pli-tv-pvr2.1:175.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:176.1	Telaṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:176.2	Sāvatthiyaṁ paññattaṁ.
pli-tv-pvr2.1:176.3	Kaṁ ārabbhāti?
pli-tv-pvr2.1:176.4	Chabbaggiyā bhikkhuniyo ārabbha.
pli-tv-pvr2.1:176.5	Kismiṁ vatthusminti?
pli-tv-pvr2.1:176.6	Chabbaggiyā bhikkhuniyo telaṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:176.7	Ekā paññatti, ekā anupaññatti.
pli-tv-pvr2.1:176.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:177.1	Madhuṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:177.2	Sāvatthiyaṁ paññattaṁ.
pli-tv-pvr2.1:177.3	Kaṁ ārabbhāti?
pli-tv-pvr2.1:177.4	Chabbaggiyā bhikkhuniyo ārabbha.
pli-tv-pvr2.1:177.5	Kismiṁ vatthusminti?
pli-tv-pvr2.1:177.6	Chabbaggiyā bhikkhuniyo madhuṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:177.7	Ekā paññatti, ekā anupaññatti.
pli-tv-pvr2.1:177.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:178.1	Phāṇitaṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:178.2	Sāvatthiyaṁ paññattaṁ.
pli-tv-pvr2.1:178.3	Kaṁ ārabbhāti?
pli-tv-pvr2.1:178.4	Chabbaggiyā bhikkhuniyo ārabbha.
pli-tv-pvr2.1:178.5	Kismiṁ vatthusminti?
pli-tv-pvr2.1:178.6	Chabbaggiyā bhikkhuniyo phāṇitaṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:178.7	Ekā paññatti, ekā anupaññatti.
pli-tv-pvr2.1:178.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:179.1	Macchaṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:179.2	Sāvatthiyaṁ paññattaṁ.
pli-tv-pvr2.1:179.3	Kaṁ ārabbhāti?
pli-tv-pvr2.1:179.4	Chabbaggiyā bhikkhuniyo ārabbha.
pli-tv-pvr2.1:179.5	Kismiṁ vatthusminti?
pli-tv-pvr2.1:179.6	Chabbaggiyā bhikkhuniyo macchaṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:179.7	Ekā paññatti, ekā anupaññatti.
pli-tv-pvr2.1:179.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:180.1	Maṁsaṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:180.2	Sāvatthiyaṁ paññattaṁ.
pli-tv-pvr2.1:180.3	Kaṁ ārabbhāti?
pli-tv-pvr2.1:180.4	Chabbaggiyā bhikkhuniyo ārabbha.
pli-tv-pvr2.1:180.5	Kismiṁ vatthusminti?
pli-tv-pvr2.1:180.6	Chabbaggiyā bhikkhuniyo maṁsaṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:180.7	Ekā paññatti, ekā anupaññatti.
pli-tv-pvr2.1:180.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:181.1	Khīraṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:181.2	Sāvatthiyaṁ paññattaṁ.
pli-tv-pvr2.1:181.3	Kaṁ ārabbhāti?
pli-tv-pvr2.1:181.4	Chabbaggiyā bhikkhuniyo ārabbha.
pli-tv-pvr2.1:181.5	Kismiṁ vatthusminti?
pli-tv-pvr2.1:181.6	Chabbaggiyā bhikkhuniyo khīraṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:181.7	Ekā paññatti, ekā anupaññatti.
pli-tv-pvr2.1:181.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.1:182.1	Dadhiṁ viññāpetvā bhuñjantiyā pāṭidesanīyaṁ kattha paññattanti?
pli-tv-pvr2.1:182.2	Sāvatthiyaṁ paññattaṁ.
pli-tv-pvr2.1:182.3	Kaṁ ārabbhāti?
pli-tv-pvr2.1:182.4	Chabbaggiyā bhikkhuniyo ārabbha.
pli-tv-pvr2.1:182.5	Kismiṁ vatthusminti?
pli-tv-pvr2.1:182.6	Chabbaggiyā bhikkhuniyo dadhiṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.1:182.7	Ekā paññatti, ekā anupaññatti.
pli-tv-pvr2.1:182.8	Channaṁ āpattisamuṭṭhānānaṁ catūhi samuṭṭhānehi samuṭṭhāti—
pli-tv-pvr2.1:182.9	siyā kāyato samuṭṭhāti, na vācato na cittato;
pli-tv-pvr2.1:182.10	siyā kāyato ca vācato ca samuṭṭhāti, na cittato;
pli-tv-pvr2.1:182.11	siyā kāyato ca cittato ca samuṭṭhāti, na vācato;
pli-tv-pvr2.1:182.12	siyā kāyato ca vācato ca cittato ca samuṭṭhāti …pe….
pli-tv-pvr2.1:183.1	Aṭṭha pāṭidesanīyā niṭṭhitā.
pli-tv-pvr2.1:184.1	Tassuddānaṁ
pli-tv-pvr2.1:185.1	Sappiṁ telaṁ madhuñceva,
pli-tv-pvr2.1:185.2	phāṇitaṁ macchameva ca;
pli-tv-pvr2.1:185.3	Maṁsaṁ khīraṁ dadhiñcāpi,
pli-tv-pvr2.1:185.4	viññāpetvāna bhikkhunī;
pli-tv-pvr2.1:185.5	Pāṭidesanīyā aṭṭha,
pli-tv-pvr2.1:185.6	sayaṁ buddhena desitāti.
pli-tv-pvr2.1:186.1	Ye sikkhāpadā bhikkhuvibhaṅge vitthāritā te saṅkhittā bhikkhunivibhaṅge.
pli-tv-pvr2.1:186.2	Katthapaññattivāro niṭṭhito paṭhamo.
pli-tv-pvr2.2:0.1	Parivāra
pli-tv-pvr2.2:0.2	Bhikkhunivibhaṅga
pli-tv-pvr2.2:0.3	Paṭhamabhāga
pli-tv-pvr2.2:0.4	2.2 Katāpattivāra
pli-tv-pvr2.2:0.5	1. Pārājikakaṇḍa
pli-tv-pvr2.2:1.1	Avassutā bhikkhunī avassutassa purisapuggalassa kāyasaṁsaggaṁ sādiyantī kati āpattiyo āpajjati?
pli-tv-pvr2.2:1.2	Avassutā bhikkhunī avassutassa purisapuggalassa kāyasaṁsaggaṁ sādiyantī tisso āpattiyo āpajjati.
pli-tv-pvr2.2:1.3	Adhakkhakaṁ ubbhajāṇumaṇḍalaṁ gahaṇaṁ sādiyati, āpatti pārājikassa;
pli-tv-pvr2.2:1.4	ubbhakkhakaṁ adhojāṇumaṇḍalaṁ gahaṇaṁ sādiyati, āpatti thullaccayassa;
pli-tv-pvr2.2:1.5	kāyapaṭibaddhaṁ gahaṇaṁ sādiyati, āpatti dukkaṭassa—
pli-tv-pvr2.2:1.6	avassutā bhikkhunī avassutassa purisapuggalassa kāyasaṁsaggaṁ sādiyantī imā tisso āpattiyo āpajjati.
pli-tv-pvr2.2:2.1	Vajjappaṭicchādikā bhikkhunī vajjaṁ paṭicchādentī kati āpattiyo āpajjati?
pli-tv-pvr2.2:2.2	Vajjappaṭicchādikā bhikkhunī vajjaṁ paṭicchādentī tisso āpattiyo āpajjati.
pli-tv-pvr2.2:2.3	Jānaṁ pārājikaṁ dhammaṁ paṭicchādeti, āpatti pārājikassa;
pli-tv-pvr2.2:2.4	vematikā paṭicchādeti, āpatti thullaccayassa;
pli-tv-pvr2.2:2.5	ācāravipattiṁ paṭicchādeti, āpatti dukkaṭassa—
pli-tv-pvr2.2:2.6	vajjappaṭicchādikā bhikkhunī vajjaṁ paṭicchādentī imā tisso āpattiyo āpajjati.
pli-tv-pvr2.2:3.1	Ukkhittānuvattikā bhikkhunī yāvatatiyaṁ samanubhāsanāya na paṭinissajjantī kati āpattiyo āpajjati?
pli-tv-pvr2.2:3.2	Ukkhittānuvattikā bhikkhunī yāvatatiyaṁ samanubhāsanāya na paṭinissajjantī tisso āpattiyo āpajjati.
pli-tv-pvr2.2:3.3	Ñattiyā dukkaṭaṁ;
pli-tv-pvr2.2:3.4	dvīhi kammavācāhi thullaccayā;
pli-tv-pvr2.2:3.5	kammavācāpariyosāne āpatti pārājikassa—
pli-tv-pvr2.2:3.6	ukkhittānuvattikā bhikkhunī yāvatatiyaṁ samanubhāsanāya na paṭinissajjantī imā tisso āpattiyo āpajjati.
pli-tv-pvr2.2:4.1	Aṭṭhamaṁ vatthuṁ paripūrentī kati āpattiyo āpajjati?
pli-tv-pvr2.2:4.2	Aṭṭhamaṁ vatthuṁ paripūrentī tisso āpattiyo āpajjati.
pli-tv-pvr2.2:4.3	Purisena—“itthannāmaṁ okāsaṁ āgacchā”ti vuttā gacchati, āpatti dukkaṭassa;
pli-tv-pvr2.2:4.4	purisassa hatthapāsaṁ okkantamatte āpatti thullaccayassa;
pli-tv-pvr2.2:4.5	aṭṭhamaṁ vatthuṁ paripūreti, āpatti pārājikassa—
pli-tv-pvr2.2:4.6	aṭṭhamaṁ vatthuṁ paripūrentī imā tisso āpattiyo āpajjati.
pli-tv-pvr2.2:5.1	Pārājikā niṭṭhitā.
pli-tv-pvr2.2:6.0	2. Saṅghādisesakaṇḍa
pli-tv-pvr2.2:6.1	Ussayavādikā bhikkhunī aḍḍaṁ karontī tisso āpattiyo āpajjati.
pli-tv-pvr2.2:6.2	Ekassa āroceti, āpatti dukkaṭassa;
pli-tv-pvr2.2:6.3	dutiyassa āroceti, āpatti thullaccayassa;
pli-tv-pvr2.2:6.4	aḍḍapariyosāne āpatti saṅghādisesassa.
pli-tv-pvr2.2:7.1	Coriṁ vuṭṭhāpentī tisso āpattiyo āpajjati.
pli-tv-pvr2.2:7.2	Ñattiyā dukkaṭaṁ;
pli-tv-pvr2.2:7.3	dvīhi kammavācāhi thullaccayā;
pli-tv-pvr2.2:7.4	kammavācāpariyosāne āpatti saṅghādisesassa.
pli-tv-pvr2.2:8.1	Ekā gāmantaraṁ gacchantī tisso āpattiyo āpajjati.
pli-tv-pvr2.2:8.2	Gacchati, āpatti dukkaṭassa;
pli-tv-pvr2.2:8.3	paṭhamaṁ pādaṁ parikkhepaṁ atikkāmeti, āpatti thullaccayassa;
pli-tv-pvr2.2:8.4	dutiyaṁ pādaṁ atikkāmeti, āpatti saṅghādisesassa.
pli-tv-pvr2.2:9.1	Samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osārentī tisso āpattiyo āpajjati.
pli-tv-pvr2.2:9.2	Ñattiyā dukkaṭaṁ;
pli-tv-pvr2.2:9.3	dvīhi kammavācāhi thullaccayā;
pli-tv-pvr2.2:9.4	kammavācāpariyosāne āpatti saṅghādisesassa.
pli-tv-pvr2.2:10.1	Avassutā bhikkhunī avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā bhuñjantī tisso āpattiyo āpajjati.
pli-tv-pvr2.2:10.2	“Khādissāmi bhuñjissāmī”ti paṭiggaṇhāti, āpatti thullaccayassa;
pli-tv-pvr2.2:10.3	ajjhohāre ajjhohāre āpatti saṅghādisesassa;
pli-tv-pvr2.2:10.4	udakadantaponaṁ paṭiggaṇhāti, āpatti dukkaṭassa.
pli-tv-pvr2.2:11.1	“Kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā. Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā, taṁ tvaṁ sahatthā paṭiggahetvā khāda vā bhuñja vā”ti uyyojentī tisso āpattiyo āpajjati.
pli-tv-pvr2.2:11.2	Tassā vacanena khādissāmi bhuñjissāmīti paṭiggaṇhāti, āpatti dukkaṭassa;
pli-tv-pvr2.2:11.3	ajjhohāre ajjhohāre āpatti thullaccayassa;
pli-tv-pvr2.2:11.4	bhojanapariyosāne āpatti saṅghādisesassa.
pli-tv-pvr2.2:12.1	Kupitā bhikkhunī yāvatatiyaṁ samanubhāsanāya na paṭinissajjantī tisso āpattiyo āpajjati.
pli-tv-pvr2.2:12.2	Ñattiyā dukkaṭaṁ;
pli-tv-pvr2.2:12.3	dvīhi kammavācāhi thullaccayā;
pli-tv-pvr2.2:12.4	kammavācāpariyosāne āpatti saṅghādisesassa.
pli-tv-pvr2.2:13.1	Kismiñcideva adhikaraṇe paccākatā bhikkhunī yāvatatiyaṁ samanubhāsanāya na paṭinissajjantī tisso āpattiyo āpajjati.
pli-tv-pvr2.2:13.2	Ñattiyā dukkaṭaṁ;
pli-tv-pvr2.2:13.3	dvīhi kammavācāhi thullaccayā;
pli-tv-pvr2.2:13.4	kammavācāpariyosāne āpatti saṅghādisesassa.
pli-tv-pvr2.2:14.1	Saṁsaṭṭhā bhikkhuniyo yāvatatiyaṁ samanubhāsanāya na paṭinissajjantiyo tisso āpattiyo āpajjanti.
pli-tv-pvr2.2:14.2	Ñattiyā dukkaṭaṁ;
pli-tv-pvr2.2:14.3	dvīhi kammavācāhi thullaccayā;
pli-tv-pvr2.2:14.4	kammavācāpariyosāne āpatti saṅghādisesassa.
pli-tv-pvr2.2:15.1	“Saṁsaṭṭhāva, ayye, tumhe viharatha. Mā tumhe nānā viharitthā”ti uyyojentī yāvatatiyaṁ samanubhāsanāya na paṭinissajjantī tisso āpattiyo āpajjati.
pli-tv-pvr2.2:15.2	Ñattiyā dukkaṭaṁ;
pli-tv-pvr2.2:15.3	dvīhi kammavācāhi thullaccayā;
pli-tv-pvr2.2:15.4	kammavācāpariyosāne āpatti saṅghādisesassa.
pli-tv-pvr2.2:16.1	Saṅghādisesā niṭṭhitā.
pli-tv-pvr2.2:17.0	3. Nissaggiyakaṇḍa
pli-tv-pvr2.2:17.1	Pattasannicayaṁ karontī ekaṁ āpattiṁ āpajjati.
pli-tv-pvr2.2:17.2	Nissaggiyaṁ pācittiyaṁ.
pli-tv-pvr2.2:18.1	Akālacīvaraṁ “kālacīvaran”ti adhiṭṭhahitvā bhājāpentī dve āpattiyo āpajjati.
pli-tv-pvr2.2:18.2	Bhājāpeti, payoge dukkaṭaṁ;
pli-tv-pvr2.2:18.3	bhājāpite nissaggiyaṁ pācittiyaṁ.
pli-tv-pvr2.2:19.1	Bhikkhuniyā saddhiṁ cīvaraṁ parivattetvā acchindantī dve āpattiyo āpajjati.
pli-tv-pvr2.2:19.2	Acchindati, payoge dukkaṭaṁ;
pli-tv-pvr2.2:19.3	acchinne nissaggiyaṁ pācittiyaṁ.
pli-tv-pvr2.2:20.1	Aññaṁ viññāpetvā aññaṁ viññāpentī dve āpattiyo āpajjati.
pli-tv-pvr2.2:20.2	Viññāpeti, payoge dukkaṭaṁ;
pli-tv-pvr2.2:20.3	viññāpite nissaggiyaṁ pācittiyaṁ.
pli-tv-pvr2.2:21.1	Aññaṁ cetāpetvā aññaṁ cetāpentī dve āpattiyo āpajjati.
pli-tv-pvr2.2:21.2	Cetāpeti, payoge dukkaṭaṁ;
pli-tv-pvr2.2:21.3	cetāpite nissaggiyaṁ pācittiyaṁ.
pli-tv-pvr2.2:22.1	Aññadatthikena parikkhārena aññuddisikena saṅghikena aññaṁ cetāpentī dve āpattiyo āpajjati.
pli-tv-pvr2.2:22.2	Cetāpeti, payoge dukkaṭaṁ;
pli-tv-pvr2.2:22.3	cetāpite nissaggiyaṁ pācittiyaṁ.
pli-tv-pvr2.2:23.1	Aññadatthikena parikkhārena aññuddisikena saṅghikena saṁyācikena aññaṁ cetāpentī dve āpattiyo āpajjati.
pli-tv-pvr2.2:23.2	Cetāpeti, payoge dukkaṭaṁ;
pli-tv-pvr2.2:23.3	cetāpite nissaggiyaṁ pācittiyaṁ.
pli-tv-pvr2.2:24.1	Aññadatthikena parikkhārena aññuddisikena mahājanikena aññaṁ cetāpentī dve āpattiyo āpajjati.
pli-tv-pvr2.2:24.2	Cetāpeti, payoge dukkaṭaṁ;
pli-tv-pvr2.2:24.3	cetāpite nissaggiyaṁ pācittiyaṁ.
pli-tv-pvr2.2:25.1	Aññadatthikena parikkhārena aññuddisikena mahājanikena saṁyācikena aññaṁ cetāpentī dve āpattiyo āpajjati.
pli-tv-pvr2.2:25.2	Cetāpeti, payoge dukkaṭaṁ;
pli-tv-pvr2.2:25.3	cetāpite nissaggiyaṁ pācittiyaṁ.
pli-tv-pvr2.2:26.1	Aññadatthikena parikkhārena aññuddisikena puggalikena saṁyācikena aññaṁ cetāpentī dve āpattiyo āpajjati.
pli-tv-pvr2.2:26.2	Cetāpeti, payoge dukkaṭaṁ;
pli-tv-pvr2.2:26.3	cetāpite nissaggiyaṁ pācittiyaṁ.
pli-tv-pvr2.2:27.1	Atirekacatukkaṁsaparamaṁ garupāvuraṇaṁ cetāpentī dve āpattiyo āpajjati.
pli-tv-pvr2.2:27.2	Cetāpeti, payoge dukkaṭaṁ;
pli-tv-pvr2.2:27.3	cetāpite nissaggiyaṁ pācittiyaṁ.
pli-tv-pvr2.2:28.1	Atirekaaḍḍhateyyakaṁsaparamaṁ lahupāvuraṇaṁ cetāpentī dve āpattiyo āpajjati.
pli-tv-pvr2.2:28.2	Cetāpeti, payoge dukkaṭaṁ;
pli-tv-pvr2.2:28.3	cetāpite nissaggiyaṁ pācittiyaṁ.
pli-tv-pvr2.2:29.1	Nissaggiyā pācittiyā niṭṭhitā.
pli-tv-pvr2.2:30.0.1	4. Pācittiyakaṇḍa
pli-tv-pvr2.2:30.0.2	4.1. Lasuṇavagga
pli-tv-pvr2.2:30.1	Lasuṇaṁ khādantī dve āpattiyo āpajjati.
pli-tv-pvr2.2:30.2	Khādissāmīti paṭiggaṇhāti, āpatti dukkaṭassa;
pli-tv-pvr2.2:30.3	ajjhohāre ajjhohāre āpatti pācittiyassa.
pli-tv-pvr2.2:31.1	Sambādhe lomaṁ saṁharāpentī dve āpattiyo āpajjati.
pli-tv-pvr2.2:31.2	Saṁharāpeti, payoge dukkaṭaṁ;
pli-tv-pvr2.2:31.3	saṁharāpite āpatti pācittiyassa.
pli-tv-pvr2.2:32.1	Talaghātakaṁ karontī dve āpattiyo āpajjati.
pli-tv-pvr2.2:32.2	Karoti, payoge dukkaṭaṁ;
pli-tv-pvr2.2:32.3	kate āpatti pācittiyassa.
pli-tv-pvr2.2:33.1	Jatumaṭṭhakaṁ ādiyantī dve āpattiyo āpajjati.
pli-tv-pvr2.2:33.2	Ādiyati, payoge dukkaṭaṁ;
pli-tv-pvr2.2:33.3	ādinne āpatti pācittiyassa.
pli-tv-pvr2.2:34.1	Atirekadvaṅgulapabbaparamaṁ udakasuddhikaṁ ādiyantī dve āpattiyo āpajjati.
pli-tv-pvr2.2:34.2	Ādiyati, payoge dukkaṭaṁ;
pli-tv-pvr2.2:34.3	ādinne āpatti pācittiyassa.
pli-tv-pvr2.2:35.1	Bhikkhussa bhuñjantassa pānīyena vā vidhūpanena vā upatiṭṭhantī dve āpattiyo āpajjati.
pli-tv-pvr2.2:35.2	Hatthapāse tiṭṭhati, āpatti pācittiyassa;
pli-tv-pvr2.2:35.3	hatthapāsaṁ vijahitvā tiṭṭhati, āpatti dukkaṭassa.
pli-tv-pvr2.2:36.1	Āmakadhaññaṁ viññāpetvā bhuñjantī dve āpattiyo āpajjati.
pli-tv-pvr2.2:36.2	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr2.2:36.3	ajjhohāre ajjhohāre āpatti pācittiyassa.
pli-tv-pvr2.2:37.1	Uccāraṁ vā passāvaṁ vā saṅkāraṁ vā vighāsaṁ vā tirokuṭṭe vā tiropākāre vā chaḍḍentī dve āpattiyo āpajjati.
pli-tv-pvr2.2:37.2	Chaḍḍeti, payoge dukkaṭaṁ;
pli-tv-pvr2.2:37.3	chaḍḍite āpatti pācittiyassa.
pli-tv-pvr2.2:38.1	Uccāraṁ vā passāvaṁ vā saṅkāraṁ vā vighāsaṁ vā harite chaḍḍentī dve āpattiyo āpajjati.
pli-tv-pvr2.2:38.2	Chaḍḍeti, payoge dukkaṭaṁ;
pli-tv-pvr2.2:38.3	chaḍḍite āpatti pācittiyassa.
pli-tv-pvr2.2:39.1	Naccaṁ vā gītaṁ vā vāditaṁ vā dassanāya gacchantī dve āpattiyo āpajjati.
pli-tv-pvr2.2:39.2	Gacchati, āpatti dukkaṭassa;
pli-tv-pvr2.2:39.3	yattha ṭhitā passati vā suṇāti vā, āpatti pācittiyassa.
pli-tv-pvr2.2:40.1	Lasuṇavaggo paṭhamo.
pli-tv-pvr2.2:41.0	4.2. Rattandhakāravagga
pli-tv-pvr2.2:41.1	Rattandhakāre appadīpe purisena saddhiṁ ekenekā santiṭṭhantī dve āpattiyo āpajjati.
pli-tv-pvr2.2:41.2	Hatthapāse tiṭṭhati, āpatti pācittiyassa;
pli-tv-pvr2.2:41.3	hatthapāsaṁ vijahitvā tiṭṭhati, āpatti dukkaṭassa.
pli-tv-pvr2.2:42.1	Paṭicchanne okāse purisena saddhiṁ ekenekā santiṭṭhantī dve āpattiyo āpajjati.
pli-tv-pvr2.2:42.2	Hatthapāse tiṭṭhati, āpatti pācittiyassa;
pli-tv-pvr2.2:42.3	hatthapāsaṁ vijahitvā tiṭṭhati, āpatti dukkaṭassa.
pli-tv-pvr2.2:43.1	Ajjhokāse purisena saddhiṁ ekenekā santiṭṭhantī dve āpattiyo āpajjati.
pli-tv-pvr2.2:43.2	Hatthapāse tiṭṭhati, āpatti pācittiyassa;
pli-tv-pvr2.2:43.3	hatthapāsaṁ vijahitvā tiṭṭhati, āpatti dukkaṭassa.
pli-tv-pvr2.2:44.1	Rathikāya vā byūhe vā siṅghāṭake vā purisena saddhiṁ ekenekā santiṭṭhantī dve āpattiyo āpajjati.
pli-tv-pvr2.2:44.2	Hatthapāse tiṭṭhati, āpatti pācittiyassa;
pli-tv-pvr2.2:44.3	hatthapāsaṁ vijahitvā tiṭṭhati, āpatti dukkaṭassa.
pli-tv-pvr2.2:45.1	Purebhattaṁ kulāni upasaṅkamitvā āsane nisīditvā sāmike anāpucchā pakkamantī dve āpattiyo āpajjati.
pli-tv-pvr2.2:45.2	Paṭhamaṁ pādaṁ anovassakaṁ atikkāmeti, āpatti dukkaṭassa;
pli-tv-pvr2.2:45.3	dutiyaṁ pādaṁ atikkāmeti, āpatti pācittiyassa.
pli-tv-pvr2.2:46.1	Pacchābhattaṁ kulāni upasaṅkamitvā sāmike anāpucchā āsane nisīdantī dve āpattiyo āpajjati.
pli-tv-pvr2.2:46.2	Nisīdati, payoge dukkaṭaṁ;
pli-tv-pvr2.2:46.3	nisinne āpatti pācittiyassa.
pli-tv-pvr2.2:47.1	Vikāle kulāni upasaṅkamitvā sāmike anāpucchā seyyaṁ santharitvā vā santharāpetvā vā abhinisīdantī dve āpattiyo āpajjati.
pli-tv-pvr2.2:47.2	Abhinisīdati, payoge dukkaṭaṁ;
pli-tv-pvr2.2:47.3	abhinisinne āpatti pācittiyassa.
pli-tv-pvr2.2:48.1	Duggahitena dūpadhāritena paraṁ ujjhāpentī dve āpattiyo āpajjati.
pli-tv-pvr2.2:48.2	Ujjhāpeti, payoge dukkaṭaṁ;
pli-tv-pvr2.2:48.3	ujjhāpite āpatti pācittiyassa.
pli-tv-pvr2.2:49.1	Attānaṁ vā paraṁ vā nirayena vā brahmacariyena vā abhisapantī dve āpattiyo āpajjati.
pli-tv-pvr2.2:49.2	Abhisapati, payoge dukkaṭaṁ;
pli-tv-pvr2.2:49.3	abhisapite āpatti pācittiyassa.
pli-tv-pvr2.2:50.1	Attānaṁ vadhitvā vadhitvā rodantī dve āpattiyo āpajjati.
pli-tv-pvr2.2:50.2	Vadhati rodati, āpatti pācittiyassa;
pli-tv-pvr2.2:50.3	vadhati na rodati, āpatti dukkaṭassa.
pli-tv-pvr2.2:51.1	Rattandhakāravaggo dutiyo.
pli-tv-pvr2.2:52.0	4.3. Nahānavagga
pli-tv-pvr2.2:52.1	Naggā nahāyantī dve āpattiyo āpajjati.
pli-tv-pvr2.2:52.2	Nahāyati, payoge dukkaṭaṁ;
pli-tv-pvr2.2:52.3	nahānapariyosāne āpatti pācittiyassa.
pli-tv-pvr2.2:53.1	Pamāṇātikkantaṁ udakasāṭikaṁ kārāpentī dve āpattiyo āpajjati.
pli-tv-pvr2.2:53.2	Kārāpeti, payoge dukkaṭaṁ;
pli-tv-pvr2.2:53.3	kārāpite, āpatti pācittiyassa.
pli-tv-pvr2.2:54.1	Bhikkhuniyā cīvaraṁ visibbetvā vā visibbāpetvā vā neva sibbentī na sibbāpanāya ussukkaṁ karontī ekaṁ āpattiṁ āpajjati.
pli-tv-pvr2.2:54.2	Pācittiyaṁ.
pli-tv-pvr2.2:55.1	Pañcāhikaṁ saṅghāṭicāraṁ atikkāmentī ekaṁ āpattiṁ āpajjati.
pli-tv-pvr2.2:55.2	Pācittiyaṁ.
pli-tv-pvr2.2:56.1	Cīvarasaṅkamanīyaṁ dhārentī dve āpattiyo āpajjati.
pli-tv-pvr2.2:56.2	Dhāreti, payoge dukkaṭaṁ;
pli-tv-pvr2.2:56.3	dhārite, āpatti pācittiyassa.
pli-tv-pvr2.2:57.1	Gaṇassa cīvaralābhaṁ antarāyaṁ karontī dve āpattiyo āpajjati.
pli-tv-pvr2.2:57.2	Karoti, payoge dukkaṭaṁ;
pli-tv-pvr2.2:57.3	kate, āpatti pācittiyassa.
pli-tv-pvr2.2:58.1	Dhammikaṁ cīvaravibhaṅgaṁ paṭibāhantī dve āpattiyo āpajjati.
pli-tv-pvr2.2:58.2	Paṭibāhati, payoge dukkaṭaṁ;
pli-tv-pvr2.2:58.3	paṭibāhite, āpatti pācittiyassa.
pli-tv-pvr2.2:59.1	Agārikassa vā paribbājakassa vā paribbājikāya vā samaṇacīvaraṁ dentī dve āpattiyo āpajjati.
pli-tv-pvr2.2:59.2	Deti, payoge dukkaṭaṁ;
pli-tv-pvr2.2:59.3	dinne, āpatti pācittiyassa.
pli-tv-pvr2.2:60.1	Dubbalacīvarapaccāsāya cīvarakālasamayaṁ atikkāmentī dve āpattiyo āpajjati.
pli-tv-pvr2.2:60.2	Atikkāmeti, payoge dukkaṭaṁ;
pli-tv-pvr2.2:60.3	atikkāmite, āpatti pācittiyassa.
pli-tv-pvr2.2:61.1	Dhammikaṁ kathinuddhāraṁ paṭibāhantī dve āpattiyo āpajjati.
pli-tv-pvr2.2:61.2	Paṭibāhati, payoge dukkaṭaṁ;
pli-tv-pvr2.2:61.3	paṭibāhite, āpatti pācittiyassa.
pli-tv-pvr2.2:62.1	Nahānavaggo tatiyo.
pli-tv-pvr2.2:63.0	4.4. Tuvaṭṭavagga
pli-tv-pvr2.2:63.1	Dve bhikkhuniyo ekamañce tuvaṭṭentiyo dve āpattiyo āpajjanti.
pli-tv-pvr2.2:63.2	Nipajjanti, payoge dukkaṭaṁ;
pli-tv-pvr2.2:63.3	nipanne, āpatti pācittiyassa.
pli-tv-pvr2.2:64.1	Dve bhikkhuniyo ekattharaṇapāvuraṇā tuvaṭṭentiyo dve āpattiyo āpajjanti.
pli-tv-pvr2.2:64.2	Nipajjanti, payoge dukkaṭaṁ;
pli-tv-pvr2.2:64.3	nipanne, āpatti pācittiyassa.
pli-tv-pvr2.2:65.1	Bhikkhuniyā sañcicca aphāsuṁ karontī dve āpattiyo āpajjati.
pli-tv-pvr2.2:65.2	Karoti, payoge dukkaṭaṁ;
pli-tv-pvr2.2:65.3	kate, āpatti pācittiyassa.
pli-tv-pvr2.2:66.1	Dukkhitaṁ sahajīviniṁ neva upaṭṭhentī na upaṭṭhāpanāya ussukkaṁ karontī ekaṁ āpattiṁ āpajjati.
pli-tv-pvr2.2:66.2	Pācittiyaṁ.
pli-tv-pvr2.2:67.1	Bhikkhuniyā upassayaṁ datvā kupitā anattamanā nikkaḍḍhantī dve āpattiyo āpajjati.
pli-tv-pvr2.2:67.2	Nikkaḍḍhati, payoge dukkaṭaṁ;
pli-tv-pvr2.2:67.3	nikkaḍḍhite, āpatti pācittiyassa.
pli-tv-pvr2.2:68.1	Saṁsaṭṭhā bhikkhunī yāvatatiyaṁ samanubhāsanāya na paṭinissajjantī dve āpattiyo āpajjati.
pli-tv-pvr2.2:68.2	Ñattiyā dukkaṭaṁ;
pli-tv-pvr2.2:68.3	kammavācāpariyosāne āpatti pācittiyassa.
pli-tv-pvr2.2:69.1	Antoraṭṭhe sāsaṅkasammate sappaṭibhaye asatthikā cārikaṁ carantī dve āpattiyo āpajjati.
pli-tv-pvr2.2:69.2	Paṭipajjati, payoge dukkaṭaṁ;
pli-tv-pvr2.2:69.3	paṭipanne, āpatti pācittiyassa.
pli-tv-pvr2.2:70.1	Tiroraṭṭhe sāsaṅkasammate sappaṭibhaye asatthikā cārikaṁ carantī dve āpattiyo āpajjati.
pli-tv-pvr2.2:70.2	Paṭipajjati, payoge dukkaṭaṁ;
pli-tv-pvr2.2:70.3	paṭipanne, āpatti pācittiyassa.
pli-tv-pvr2.2:71.1	Antovassaṁ cārikaṁ carantī dve āpattiyo āpajjati.
pli-tv-pvr2.2:71.2	Paṭipajjati, payoge dukkaṭaṁ;
pli-tv-pvr2.2:71.3	paṭipanne, āpatti pācittiyassa.
pli-tv-pvr2.2:72.1	Vassaṁvuṭṭhā bhikkhunī cārikaṁ na pakkamantī ekaṁ āpattiṁ āpajjati.
pli-tv-pvr2.2:72.2	Pācittiyaṁ.
pli-tv-pvr2.2:73.1	Tuvaṭṭavaggo catuttho.
pli-tv-pvr2.2:74.0	4.5. Cittāgāravagga
pli-tv-pvr2.2:74.1	Rājāgāraṁ vā cittāgāraṁ vā ārāmaṁ vā uyyānaṁ vā pokkharaṇiṁ vā dassanāya gacchantī dve āpattiyo āpajjati.
pli-tv-pvr2.2:74.2	Gacchati, āpatti dukkaṭassa;
pli-tv-pvr2.2:74.3	yattha ṭhitā passati, āpatti pācittiyassa.
pli-tv-pvr2.2:75.1	Āsandiṁ vā pallaṅkaṁ vā paribhuñjantī dve āpattiyo āpajjati.
pli-tv-pvr2.2:75.2	Paribhuñjati, payoge dukkaṭaṁ;
pli-tv-pvr2.2:75.3	paribhutte, āpatti pācittiyassa.
pli-tv-pvr2.2:76.1	Suttaṁ kantantī dve āpattiyo āpajjati.
pli-tv-pvr2.2:76.2	Kantati, payoge dukkaṭaṁ;
pli-tv-pvr2.2:76.3	ujjavujjave, āpatti pācittiyassa.
pli-tv-pvr2.2:77.1	Gihiveyyāvaccaṁ karontī dve āpattiyo āpajjati.
pli-tv-pvr2.2:77.2	Karoti, payoge dukkaṭaṁ;
pli-tv-pvr2.2:77.3	kate, āpatti pācittiyassa.
pli-tv-pvr2.2:78.1	Bhikkhuniyā—“ehāyye, imaṁ adhikaraṇaṁ vūpasamehī”ti vuccamānā—“sādhū”ti paṭissuṇitvā neva vūpasamentī na vūpasamāya ussukkaṁ karontī ekaṁ āpattiṁ āpajjati.
pli-tv-pvr2.2:78.2	Pācittiyaṁ.
pli-tv-pvr2.2:79.1	Agārikassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dentī dve āpattiyo āpajjati.
pli-tv-pvr2.2:79.2	Deti, payoge dukkaṭaṁ;
pli-tv-pvr2.2:79.3	dinne, āpatti pācittiyassa.
pli-tv-pvr2.2:80.1	Āvasathacīvaraṁ anissajjitvā paribhuñjantī dve āpattiyo āpajjati.
pli-tv-pvr2.2:80.2	Paribhuñjati, payoge dukkaṭaṁ;
pli-tv-pvr2.2:80.3	paribhutte, āpatti pācittiyassa.
pli-tv-pvr2.2:81.1	Āvasathaṁ anissajjitvā cārikaṁ pakkamantī dve āpattiyo āpajjati.
pli-tv-pvr2.2:81.2	Paṭhamaṁ pādaṁ parikkhepaṁ atikkāmeti, āpatti dukkaṭassa;
pli-tv-pvr2.2:81.3	dutiyaṁ pādaṁ atikkāmeti, āpatti pācittiyassa.
pli-tv-pvr2.2:82.1	Tiracchānavijjaṁ pariyāpuṇantī dve āpattiyo āpajjati.
pli-tv-pvr2.2:82.2	Pariyāpuṇāti, payoge dukkaṭaṁ;
pli-tv-pvr2.2:82.3	pade pade āpatti pācittiyassa.
pli-tv-pvr2.2:83.1	Tiracchānavijjaṁ vācentī dve āpattiyo āpajjati.
pli-tv-pvr2.2:83.2	Vāceti, payoge dukkaṭaṁ;
pli-tv-pvr2.2:83.3	pade pade āpatti pācittiyassa.
pli-tv-pvr2.2:84.1	Cittāgāravaggo pañcamo.
pli-tv-pvr2.2:85.0	4.6. Ārāmavagga
pli-tv-pvr2.2:85.1	Jānaṁ sabhikkhukaṁ ārāmaṁ anāpucchā pavisantī dve āpattiyo āpajjati.
pli-tv-pvr2.2:85.2	Paṭhamaṁ pādaṁ parikkhepaṁ atikkāmeti, āpatti dukkaṭassa;
pli-tv-pvr2.2:85.3	dutiyaṁ pādaṁ atikkāmeti, āpatti pācittiyassa.
pli-tv-pvr2.2:86.1	Bhikkhuṁ akkosantī paribhāsantī dve āpattiyo āpajjati.
pli-tv-pvr2.2:86.2	Akkosati, payoge dukkaṭaṁ;
pli-tv-pvr2.2:86.3	akkosite, āpatti pācittiyassa.
pli-tv-pvr2.2:87.1	Caṇḍīkatā gaṇaṁ paribhāsantī dve āpattiyo āpajjati.
pli-tv-pvr2.2:87.2	Paribhāsati, payoge dukkaṭaṁ;
pli-tv-pvr2.2:87.3	paribhāsite, āpatti pācittiyassa.
pli-tv-pvr2.2:88.1	Nimantitā vā pavāritā vā khādanīyaṁ vā bhojanīyaṁ vā bhuñjantī dve āpattiyo āpajjati.
pli-tv-pvr2.2:88.2	“Khādissāmi bhuñjissāmī”ti paṭiggaṇhāti, āpatti dukkaṭassa;
pli-tv-pvr2.2:88.3	ajjhohāre ajjhohāre āpatti pācittiyassa.
pli-tv-pvr2.2:89.1	Kulaṁ maccharāyantī dve āpattiyo āpajjati.
pli-tv-pvr2.2:89.2	Maccharāyati, payoge dukkaṭaṁ;
pli-tv-pvr2.2:89.3	maccharite, āpatti pācittiyassa.
pli-tv-pvr2.2:90.1	Abhikkhuke āvāse vassaṁ vasantī dve āpattiyo āpajjati.
pli-tv-pvr2.2:90.2	“Vassaṁ vasissāmī”ti senāsanaṁ paññapeti pānīyaṁ paribhojanīyaṁ upaṭṭhapeti pariveṇaṁ sammajjati, āpatti dukkaṭassa;
pli-tv-pvr2.2:90.3	saha aruṇuggamanā āpatti pācittiyassa.
pli-tv-pvr2.2:91.1	Vassaṁvuṭṭhā bhikkhunī ubhatosaṅghe tīhi ṭhānehi na pavārentī ekaṁ āpattiṁ āpajjati.
pli-tv-pvr2.2:91.2	Pācittiyaṁ.
pli-tv-pvr2.2:92.1	Ovādāya vā saṁvāsāya vā na gacchantī ekaṁ āpattiṁ āpajjati.
pli-tv-pvr2.2:92.2	Pācittiyaṁ.
pli-tv-pvr2.2:93.1	Uposathampi na pucchantī ovādampi na yācantī ekaṁ āpattiṁ āpajjati.
pli-tv-pvr2.2:93.2	Pācittiyaṁ.
pli-tv-pvr2.2:94.1	Pasākhe jātaṁ gaṇḍaṁ vā rudhitaṁ vā anapaloketvā saṅghaṁ vā gaṇaṁ vā purisena saddhiṁ ekenekā bhedāpentī dve āpattiyo āpajjati.
pli-tv-pvr2.2:94.2	Bhedāpeti, payoge dukkaṭaṁ;
pli-tv-pvr2.2:94.3	bhinne, āpatti pācittiyassa.
pli-tv-pvr2.2:95.1	Ārāmavaggo chaṭṭho.
pli-tv-pvr2.2:96.0	4.7. Gabbhinivagga
pli-tv-pvr2.2:96.1	Gabbhiniṁ vuṭṭhāpentī dve āpattiyo āpajjati.
pli-tv-pvr2.2:96.2	Vuṭṭhāpeti, payoge dukkaṭaṁ;
pli-tv-pvr2.2:96.3	vuṭṭhāpite, āpatti pācittiyassa.
pli-tv-pvr2.2:97.1	Pāyantiṁ vuṭṭhāpentī dve āpattiyo āpajjati.
pli-tv-pvr2.2:97.2	Vuṭṭhāpeti, payoge dukkaṭaṁ;
pli-tv-pvr2.2:97.3	vuṭṭhāpite, āpatti pācittiyassa.
pli-tv-pvr2.2:98.1	Dve vassāni chasu dhammesu asikkhitasikkhaṁ sikkhamānaṁ vuṭṭhāpentī dve āpattiyo āpajjati.
pli-tv-pvr2.2:98.2	Vuṭṭhāpeti, payoge dukkaṭaṁ;
pli-tv-pvr2.2:98.3	vuṭṭhāpite, āpatti pācittiyassa.
pli-tv-pvr2.2:99.1	Dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpentī dve āpattiyo āpajjati.
pli-tv-pvr2.2:99.2	Vuṭṭhāpeti, payoge dukkaṭaṁ;
pli-tv-pvr2.2:99.3	vuṭṭhāpite, āpatti pācittiyassa.
pli-tv-pvr2.2:100.1	Ūnadvādasavassaṁ gihigataṁ vuṭṭhāpentī dve āpattiyo āpajjati.
pli-tv-pvr2.2:100.2	Vuṭṭhāpeti, payoge dukkaṭaṁ;
pli-tv-pvr2.2:100.3	vuṭṭhāpite, āpatti pācittiyassa.
pli-tv-pvr2.2:101.1	Paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpentī dve āpattiyo āpajjati.
pli-tv-pvr2.2:101.2	Vuṭṭhāpeti, payoge dukkaṭaṁ;
pli-tv-pvr2.2:101.3	vuṭṭhāpite, āpatti pācittiyassa.
pli-tv-pvr2.2:102.1	Paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentī dve āpattiyo āpajjati.
pli-tv-pvr2.2:102.2	Vuṭṭhāpeti, payoge dukkaṭaṁ;
pli-tv-pvr2.2:102.3	vuṭṭhāpite, āpatti pācittiyassa.
pli-tv-pvr2.2:103.1	Sahajīviniṁ vuṭṭhāpetvā dve vassāni neva anuggaṇhantī nānuggaṇhāpentī ekaṁ āpattiṁ āpajjati.
pli-tv-pvr2.2:103.2	Pācittiyaṁ.
pli-tv-pvr2.2:104.1	Vuṭṭhāpitaṁ pavattiniṁ dve vassāni nānubandhantī ekaṁ āpattiṁ āpajjati.
pli-tv-pvr2.2:104.2	Pācittiyaṁ.
pli-tv-pvr2.2:105.1	Sahajīviniṁ vuṭṭhāpetvā neva vūpakāsentī na vūpakāsāpentī ekaṁ āpattiṁ āpajjati.
pli-tv-pvr2.2:105.2	Pācittiyaṁ.
pli-tv-pvr2.2:106.1	Gabbhinivaggo sattamo.
pli-tv-pvr2.2:107.0	4.8. Kumāribhūtavagga
pli-tv-pvr2.2:107.1	Ūnavīsativassaṁ kumāribhūtaṁ vuṭṭhāpentī dve āpattiyo āpajjati.
pli-tv-pvr2.2:107.2	Vuṭṭhāpeti, payoge dukkaṭaṁ;
pli-tv-pvr2.2:107.3	vuṭṭhāpite, āpatti pācittiyassa.
pli-tv-pvr2.2:108.1	Paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpentī dve āpattiyo āpajjati.
pli-tv-pvr2.2:108.2	Vuṭṭhāpeti, payoge dukkaṭaṁ;
pli-tv-pvr2.2:108.3	vuṭṭhāpite, āpatti pācittiyassa.
pli-tv-pvr2.2:109.1	Paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentī dve āpattiyo āpajjati.
pli-tv-pvr2.2:109.2	Vuṭṭhāpeti, payoge dukkaṭaṁ;
pli-tv-pvr2.2:109.3	vuṭṭhāpite, āpatti pācittiyassa.
pli-tv-pvr2.2:110.1	Ūnadvādasavassā vuṭṭhāpentī dve āpattiyo āpajjati.
pli-tv-pvr2.2:110.2	Vuṭṭhāpeti, payoge dukkaṭaṁ;
pli-tv-pvr2.2:110.3	vuṭṭhāpite, āpatti pācittiyassa.
pli-tv-pvr2.2:111.1	Paripuṇṇadvādasavassā saṅghena asammatā vuṭṭhāpentī dve āpattiyo āpajjati.
pli-tv-pvr2.2:111.2	Vuṭṭhāpeti, payoge dukkaṭaṁ;
pli-tv-pvr2.2:111.3	vuṭṭhāpite, āpatti pācittiyassa.
pli-tv-pvr2.2:112.1	“Alaṁ tāva te, ayye, vuṭṭhāpitenā”ti vuccamānā “sādhū”ti paṭissuṇitvā pacchā khīyanadhammaṁ āpajjantī dve āpattiyo āpajjati.
pli-tv-pvr2.2:112.2	Khiyyati, payoge dukkaṭaṁ;
pli-tv-pvr2.2:112.3	khiyyite, āpatti pācittiyassa.
pli-tv-pvr2.2:113.1	Sikkhamānaṁ—“sace me tvaṁ, ayye, cīvaraṁ dassasi, evāhaṁ taṁ vuṭṭhāpessāmī”ti vatvā neva vuṭṭhāpentī na vuṭṭhāpanāya ussukkaṁ karontī ekaṁ āpattiṁ āpajjati.
pli-tv-pvr2.2:113.2	Pācittiyaṁ.
pli-tv-pvr2.2:114.1	Sikkhamānaṁ—“sace maṁ tvaṁ, ayye, dve vassāni anubandhissasi, evāhaṁ taṁ vuṭṭhāpessāmī”ti vatvā neva vuṭṭhāpentī na vuṭṭhāpanāya ussukkaṁ karontī ekaṁ āpattiṁ āpajjati.
pli-tv-pvr2.2:114.2	Pācittiyaṁ.
pli-tv-pvr2.2:115.1	Purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ sikkhamānaṁ vuṭṭhāpentī dve āpattiyo āpajjati.
pli-tv-pvr2.2:115.2	Vuṭṭhāpeti, payoge dukkaṭaṁ;
pli-tv-pvr2.2:115.3	vuṭṭhāpite, āpatti pācittiyassa.
pli-tv-pvr2.2:116.1	Mātāpitūhi vā sāmikena vā ananuññātaṁ sikkhamānaṁ vuṭṭhāpentī dve āpattiyo āpajjati.
pli-tv-pvr2.2:116.2	Vuṭṭhāpeti, payoge dukkaṭaṁ;
pli-tv-pvr2.2:116.3	vuṭṭhāpite, āpatti pācittiyassa.
pli-tv-pvr2.2:117.1	Pārivāsikachandadānena sikkhamānaṁ vuṭṭhāpentī dve āpattiyo āpajjati.
pli-tv-pvr2.2:117.2	Vuṭṭhāpeti, payoge dukkaṭaṁ;
pli-tv-pvr2.2:117.3	vuṭṭhāpite, āpatti pācittiyassa.
pli-tv-pvr2.2:118.1	Anuvassaṁ vuṭṭhāpentī dve āpattiyo āpajjati.
pli-tv-pvr2.2:118.2	Vuṭṭhāpeti, payoge dukkaṭaṁ;
pli-tv-pvr2.2:118.3	vuṭṭhāpite, āpatti pācittiyassa.
pli-tv-pvr2.2:119.1	Ekaṁ vassaṁ dve vuṭṭhāpentī dve āpattiyo āpajjati.
pli-tv-pvr2.2:119.2	Vuṭṭhāpeti, payoge dukkaṭaṁ;
pli-tv-pvr2.2:119.3	vuṭṭhāpite, āpatti pācittiyassa.
pli-tv-pvr2.2:120.1	Kumāribhūtavaggo aṭṭhamo.
pli-tv-pvr2.2:121.0	4.9. Chattupāhanavagga
pli-tv-pvr2.2:121.1	Chattupāhanaṁ dhārentī dve āpattiyo āpajjati.
pli-tv-pvr2.2:121.2	Dhāreti, payoge dukkaṭaṁ;
pli-tv-pvr2.2:121.3	dhārite, āpatti pācittiyassa.
pli-tv-pvr2.2:122.1	Yānena yāyantī dve āpattiyo āpajjati.
pli-tv-pvr2.2:122.2	Yāyati, payoge dukkaṭaṁ;
pli-tv-pvr2.2:122.3	yāyite, āpatti pācittiyassa.
pli-tv-pvr2.2:123.1	Saṅghāṇiṁ dhārentī dve āpattiyo āpajjati.
pli-tv-pvr2.2:123.2	Dhāreti, payoge dukkaṭaṁ;
pli-tv-pvr2.2:123.3	dhārite, āpatti pācittiyassa.
pli-tv-pvr2.2:124.1	Itthālaṅkāraṁ dhārentī dve āpattiyo āpajjati.
pli-tv-pvr2.2:124.2	Dhāreti, payoge dukkaṭaṁ;
pli-tv-pvr2.2:124.3	dhārite, āpatti pācittiyassa.
pli-tv-pvr2.2:125.1	Gandhavaṇṇakena nahāyantī dve āpattiyo āpajjati.
pli-tv-pvr2.2:125.2	Nahāyati, payoge dukkaṭaṁ;
pli-tv-pvr2.2:125.3	nahānapariyosāne, āpatti pācittiyassa.
pli-tv-pvr2.2:126.1	Vāsitakena piññākena nahāyantī dve āpattiyo āpajjati.
pli-tv-pvr2.2:126.2	Nahāyati, payoge dukkaṭaṁ;
pli-tv-pvr2.2:126.3	nahānapariyosāne, āpatti pācittiyassa.
pli-tv-pvr2.2:127.1	Bhikkhuniyā ummaddāpentī parimaddāpentī dve āpattiyo āpajjati.
pli-tv-pvr2.2:127.2	Ummaddāpeti, payoge dukkaṭaṁ;
pli-tv-pvr2.2:127.3	ummaddite, āpatti pācittiyassa.
pli-tv-pvr2.2:128.1	Sikkhamānāya ummaddāpentī parimaddāpentī dve āpattiyo āpajjati.
pli-tv-pvr2.2:128.2	Ummaddāpeti, payoge dukkaṭaṁ;
pli-tv-pvr2.2:128.3	ummaddite, āpatti pācittiyassa.
pli-tv-pvr2.2:129.1	Sāmaṇeriyā ummaddāpentī parimaddāpentī dve āpattiyo āpajjati.
pli-tv-pvr2.2:129.2	Ummaddāpeti, payoge dukkaṭaṁ;
pli-tv-pvr2.2:129.3	ummaddite, āpatti pācittiyassa.
pli-tv-pvr2.2:130.1	Gihiniyā ummaddāpentī parimaddāpentī dve āpattiyo āpajjati.
pli-tv-pvr2.2:130.2	Ummaddāpeti, payoge dukkaṭaṁ;
pli-tv-pvr2.2:130.3	ummaddite, āpatti pācittiyassa.
pli-tv-pvr2.2:131.1	Bhikkhussa purato anāpucchā āsane nisīdantī dve āpattiyo āpajjati.
pli-tv-pvr2.2:131.2	Nisīdati, payoge dukkaṭaṁ;
pli-tv-pvr2.2:131.3	nisinne, āpatti pācittiyassa.
pli-tv-pvr2.2:132.1	Anokāsakataṁ bhikkhuṁ pañhaṁ pucchantī dve āpattiyo āpajjati.
pli-tv-pvr2.2:132.2	Pucchati, payoge dukkaṭaṁ;
pli-tv-pvr2.2:132.3	pucchite, āpatti pācittiyassa.
pli-tv-pvr2.2:133.1	Asaṅkaccikā gāmaṁ pavisantī dve āpattiyo āpajjati.
pli-tv-pvr2.2:133.2	Paṭhamaṁ pādaṁ parikkhepaṁ atikkāmeti, āpatti dukkaṭassa;
pli-tv-pvr2.2:133.3	dutiyaṁ pādaṁ atikkāmeti, āpatti pācittiyassa.
pli-tv-pvr2.2:134.1	Chattupāhanavaggo navamo.
pli-tv-pvr2.2:134.2	Khuddakaṁ niṭṭhitaṁ.
pli-tv-pvr2.2:135.0	5. Pāṭidesanīyakaṇḍa
pli-tv-pvr2.2:135.1	Sappiṁ viññāpetvā bhuñjantī dve āpattiyo āpajjati.
pli-tv-pvr2.2:135.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:135.3	ajjhohāre ajjhohāre āpatti pāṭidesanīyassa.
pli-tv-pvr2.2:136.1	Telaṁ viññāpetvā bhuñjantī dve āpattiyo āpajjati.
pli-tv-pvr2.2:136.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:136.3	ajjhohāre ajjhohāre āpatti pāṭidesanīyassa.
pli-tv-pvr2.2:137.1	Madhuṁ viññāpetvā bhuñjantī dve āpattiyo āpajjati.
pli-tv-pvr2.2:137.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:137.3	ajjhohāre ajjhohāre āpatti pāṭidesanīyassa.
pli-tv-pvr2.2:138.1	Phāṇitaṁ viññāpetvā bhuñjantī dve āpattiyo āpajjati.
pli-tv-pvr2.2:138.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:138.3	ajjhohāre ajjhohāre āpatti pāṭidesanīyassa.
pli-tv-pvr2.2:139.1	Macchaṁ viññāpetvā bhuñjantī dve āpattiyo āpajjati.
pli-tv-pvr2.2:139.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:139.3	ajjhohāre ajjhohāre āpatti pāṭidesanīyassa.
pli-tv-pvr2.2:140.1	Maṁsaṁ viññāpetvā bhuñjantī dve āpattiyo āpajjati.
pli-tv-pvr2.2:140.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:140.3	ajjhohāre ajjhohāre āpatti pāṭidesanīyassa.
pli-tv-pvr2.2:141.1	Khīraṁ viññāpetvā bhuñjantī dve āpattiyo āpajjati.
pli-tv-pvr2.2:141.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:141.3	ajjhohāre ajjhohāre āpatti pāṭidesanīyassa.
pli-tv-pvr2.2:142.1	Dadhiṁ viññāpetvā bhuñjantī dve āpattiyo āpajjati.
pli-tv-pvr2.2:142.2	Bhuñjissāmīti paṭiggaṇhāti, āpatti dukkaṭassa;
pli-tv-pvr2.2:142.3	ajjhohāre ajjhohāre āpatti pāṭidesanīyassa.
pli-tv-pvr2.2:143.1	Aṭṭha pāṭidesanīyā niṭṭhitā.
pli-tv-pvr2.2:143.2	Katāpattivāro niṭṭhito dutiyo.
pli-tv-pvr2.3:0.1	Parivāra
pli-tv-pvr2.3:0.2	Bhikkhunivibhaṅga
pli-tv-pvr2.3:0.3	Paṭhamabhāga
pli-tv-pvr2.3:0.4	2.3 Vipattivāra
pli-tv-pvr2.3:1.1	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo catunnaṁ vipattīnaṁ kati vipattiyo bhajanti?
pli-tv-pvr2.3:1.2	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo catunnaṁ vipattīnaṁ dve vipattiyo bhajanti—
pli-tv-pvr2.3:1.3	siyā sīlavipattiṁ, siyā ācāravipattiṁ …pe….
pli-tv-pvr2.3:2.1	Dadhiṁ viññāpetvā bhuñjantiyā āpattiyo catunnaṁ vipattīnaṁ kati vipattiyo bhajanti?
pli-tv-pvr2.3:2.2	Dadhiṁ viññāpetvā bhuñjantiyā āpattiyo catunnaṁ vipattīnaṁ ekaṁ vipattiṁ bhajanti—
pli-tv-pvr2.3:2.3	ācāravipattiṁ.
pli-tv-pvr2.3:3.1	Vipattivāro niṭṭhito tatiyo.
pli-tv-pvr2.4:0.1	Parivāra
pli-tv-pvr2.4:0.2	Bhikkhunivibhaṅga
pli-tv-pvr2.4:0.3	Paṭhamabhāga
pli-tv-pvr2.4:0.4	2.4 Saṅgahavāra
pli-tv-pvr2.4:1.1	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.4:1.2	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo sattannaṁ āpattikkhandhānaṁ tīhi āpattikkhandhehi saṅgahitā—
pli-tv-pvr2.4:1.3	siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena …pe….
pli-tv-pvr2.4:2.1	Dadhiṁ viññāpetvā bhuñjantiyā āpattiyo sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.4:2.2	Dadhiṁ viññāpetvā bhuñjantiyā āpattiyo sattannaṁ āpattikkhandhānaṁ dvīhi āpattikkhandhehi saṅgahitā—
pli-tv-pvr2.4:2.3	siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr2.4:3.1	Saṅgahavāro niṭṭhito catuttho.
pli-tv-pvr2.5:0.1	Parivāra
pli-tv-pvr2.5:0.2	Bhikkhunivibhaṅga
pli-tv-pvr2.5:0.3	Paṭhamabhāga
pli-tv-pvr2.5:0.4	2.5 Samuṭṭhānavāra
pli-tv-pvr2.5:1.1	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.5:1.2	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr2.5:1.3	kāyato ca cittato ca samuṭṭhanti, na vācato …pe….
pli-tv-pvr2.5:2.1	Dadhiṁ viññāpetvā bhuñjantiyā āpattiyo channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.5:2.2	Dadhiṁ viññāpetvā bhuñjantiyā āpattiyo channaṁ āpattisamuṭṭhānānaṁ catūhi samuṭṭhānehi samuṭṭhanti—
pli-tv-pvr2.5:2.3	siyā kāyato samuṭṭhanti, na vācato na cittato;
pli-tv-pvr2.5:2.4	siyā kāyato ca vācato ca samuṭṭhanti, na cittato;
pli-tv-pvr2.5:2.5	siyā kāyato ca cittato ca samuṭṭhanti, na vācato;
pli-tv-pvr2.5:2.6	siyā kāyato ca vācato ca cittato ca samuṭṭhanti.
pli-tv-pvr2.5:3.1	Samuṭṭhānavāro niṭṭhito pañcamo.
pli-tv-pvr2.6:0.1	Parivāra
pli-tv-pvr2.6:0.2	Bhikkhunivibhaṅga
pli-tv-pvr2.6:0.3	Paṭhamabhāga
pli-tv-pvr2.6:0.4	2.6 Adhikaraṇavāra
pli-tv-pvr2.6:1.1	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo catunnaṁ adhikaraṇānaṁ katamaṁ adhikaraṇaṁ?
pli-tv-pvr2.6:1.2	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo catunnaṁ adhikaraṇānaṁ—āpattādhikaraṇaṁ …pe….
pli-tv-pvr2.6:2.1	Dadhiṁ viññāpetvā bhuñjantiyā āpattiyo catunnaṁ adhikaraṇānaṁ katamaṁ adhikaraṇaṁ?
pli-tv-pvr2.6:2.2	Dadhiṁ viññāpetvā bhuñjantiyā āpattiyo catunnaṁ adhikaraṇānaṁ—āpattādhikaraṇaṁ.
pli-tv-pvr2.6:3.1	Adhikaraṇavāro niṭṭhito chaṭṭho.
pli-tv-pvr2.7:0.1	Parivāra
pli-tv-pvr2.7:0.2	Bhikkhunivibhaṅga
pli-tv-pvr2.7:0.3	Paṭhamabhāga
pli-tv-pvr2.7:0.4	2.7 Samathavāra
pli-tv-pvr2.7:1.1	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo sattannaṁ samathānaṁ katihi samathehi sammanti?
pli-tv-pvr2.7:1.2	Avassutāya bhikkhuniyā avassutassa purisapuggalassa kāyasaṁsaggaṁ sādiyantiyā āpattiyo sattannaṁ samathānaṁ tīhi samathehi sammanti—
pli-tv-pvr2.7:1.3	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr2.7:2.1	Dadhiṁ viññāpetvā bhuñjantiyā āpattiyo sattannaṁ samathānaṁ katihi samathehi sammanti?
pli-tv-pvr2.7:2.2	Dadhiṁ viññāpetvā bhuñjantiyā āpattiyo sattannaṁ samathānaṁ tīhi samathehi sammanti—
pli-tv-pvr2.7:2.3	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr2.7:3.1	Samathavāro niṭṭhito sattamo.
pli-tv-pvr2.8:0.1	Parivāra
pli-tv-pvr2.8:0.2	Bhikkhunivibhaṅga
pli-tv-pvr2.8:0.3	Paṭhamabhāga
pli-tv-pvr2.8:0.4	2.8 Samuccayavāra
pli-tv-pvr2.8:1.1	Avassutā bhikkhunī avassutassa purisapuggalassa kāyasaṁsaggaṁ sādiyantī kati āpattiyo āpajjati?
pli-tv-pvr2.8:1.2	Avassutā bhikkhunī avassutassa purisapuggalassa kāyasaṁsaggaṁ sādiyantī tisso āpattiyo āpajjati.
pli-tv-pvr2.8:1.3	Adhakkhakaṁ ubbhajāṇumaṇḍalaṁ gahaṇaṁ sādiyati, āpatti pārājikassa;
pli-tv-pvr2.8:1.4	ubbhakkhakaṁ adhojāṇumaṇḍalaṁ gahaṇaṁ sādiyati, āpatti thullaccayassa;
pli-tv-pvr2.8:1.5	kāyapaṭibaddhaṁ gahaṇaṁ sādiyati, āpatti dukkaṭassa—
pli-tv-pvr2.8:1.6	avassutā bhikkhunī avassutassa purisapuggalassa kāyasaṁsaggaṁ sādiyantī imā tisso āpattiyo āpajjati.
pli-tv-pvr2.8:2.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr2.8:2.2	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.8:2.3	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.8:2.4	Catunnaṁ adhikaraṇānaṁ katamaṁ adhikaraṇaṁ?
pli-tv-pvr2.8:2.5	Sattannaṁ samathānaṁ katihi samathehi sammanti?
pli-tv-pvr2.8:2.6	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr2.8:2.7	siyā sīlavipattiṁ, siyā ācāravipattiṁ.
pli-tv-pvr2.8:2.8	Sattannaṁ āpattikkhandhānaṁ tīhi āpattikkhandhehi saṅgahitā—
pli-tv-pvr2.8:2.9	siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena.
pli-tv-pvr2.8:2.10	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr2.8:2.11	kāyato ca cittato ca samuṭṭhanti, na vācato.
pli-tv-pvr2.8:2.12	Catunnaṁ adhikaraṇānaṁ āpattādhikaraṇaṁ.
pli-tv-pvr2.8:2.13	Sattannaṁ samathānaṁ tīhi samathehi sammanti—
pli-tv-pvr2.8:2.14	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr2.8:3.1	Dadhiṁ viññāpetvā bhuñjantī kati āpattiyo āpajjati?
pli-tv-pvr2.8:3.2	Dadhiṁ viññāpetvā bhuñjantī dve āpattiyo āpajjati.
pli-tv-pvr2.8:3.3	Bhuñjissāmīti paṭiggaṇhāti, āpatti dukkaṭassa;
pli-tv-pvr2.8:3.4	ajjhohāre ajjhohāre āpatti pāṭidesanīyassa—
pli-tv-pvr2.8:3.5	dadhiṁ viññāpetvā bhuñjantī imā dve āpattiyo āpajjati.
pli-tv-pvr2.8:4.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr2.8:4.2	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.8:4.3	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.8:4.4	Catunnaṁ adhikaraṇānaṁ katamaṁ adhikaraṇaṁ?
pli-tv-pvr2.8:4.5	Sattannaṁ samathānaṁ katihi samathehi sammanti?
pli-tv-pvr2.8:4.6	Tā āpattiyo catunnaṁ vipattīnaṁ ekaṁ vipattiṁ bhajanti—
pli-tv-pvr2.8:4.7	ācāravipattiṁ.
pli-tv-pvr2.8:4.8	Sattannaṁ āpattikkhandhānaṁ dvīhi āpattikkhandhehi saṅgahitā—
pli-tv-pvr2.8:4.9	siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr2.8:4.10	Channaṁ āpattisamuṭṭhānānaṁ catūhi samuṭṭhānehi samuṭṭhanti—
pli-tv-pvr2.8:4.11	siyā kāyato samuṭṭhanti na vācato na cittato,
pli-tv-pvr2.8:4.12	siyā kāyato ca vācato ca samuṭṭhanti na cittato,
pli-tv-pvr2.8:4.13	siyā kāyato ca cittato ca samuṭṭhanti na vācato,
pli-tv-pvr2.8:4.14	siyā kāyato ca vācato ca cittato ca samuṭṭhanti.
pli-tv-pvr2.8:4.15	Catunnaṁ adhikaraṇānaṁ—āpattādhikaraṇaṁ.
pli-tv-pvr2.8:4.16	Sattannaṁ samathānaṁ tīhi samathehi sammanti—
pli-tv-pvr2.8:4.17	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr2.8:5.1	Samuccayavāro niṭṭhito aṭṭhamo.
pli-tv-pvr2.9:0.1	Parivāra
pli-tv-pvr2.9:0.2	Bhikkhunivibhaṅga
pli-tv-pvr2.9:0.3	Dutiyabhāga
pli-tv-pvr2.9:0.4	2.9 Katthapaññattivāra
pli-tv-pvr2.9:1.0	1. Pārājikakaṇḍa
pli-tv-pvr2.9:1.1	Yaṁ tena bhagavatā jānatā passatā arahatā sammāsambuddhena kāyasaṁsaggaṁ sādiyanapaccayā pārājikaṁ kattha paññattaṁ?
pli-tv-pvr2.9:1.2	Kaṁ ārabbha?
pli-tv-pvr2.9:1.3	Kismiṁ vatthusmiṁ …pe…
pli-tv-pvr2.9:1.4	kenābhatanti?
pli-tv-pvr2.9:2.1	Yaṁ tena bhagavatā jānatā passatā arahatā sammāsambuddhena kāyasaṁsaggaṁ sādiyanapaccayā pārājikaṁ kattha paññattanti?
pli-tv-pvr2.9:2.2	Sāvatthiyaṁ paññattaṁ.
pli-tv-pvr2.9:2.3	Kaṁ ārabbhāti?
pli-tv-pvr2.9:2.4	Sundarīnandaṁ bhikkhuniṁ ārabbha.
pli-tv-pvr2.9:2.5	Kismiṁ vatthusminti?
pli-tv-pvr2.9:2.6	Sundarīnandā bhikkhunī avassutā avassutassa purisapuggalassa kāyasaṁsaggaṁ sādiyi, tasmiṁ vatthusmiṁ.
pli-tv-pvr2.9:2.7	Atthi tattha paññatti, anupaññatti, anuppannapaññattīti?
pli-tv-pvr2.9:2.8	Ekā paññatti.
pli-tv-pvr2.9:2.9	Anupaññatti anuppannapaññatti tasmiṁ natthi.
pli-tv-pvr2.9:2.10	Sabbatthapaññatti, padesapaññattīti?
pli-tv-pvr2.9:2.11	Sabbatthapaññatti.
pli-tv-pvr2.9:2.12	Sādhāraṇapaññatti, asādhāraṇapaññattīti?
pli-tv-pvr2.9:2.13	Asādhāraṇapaññatti.
pli-tv-pvr2.9:2.14	Ekatopaññatti, ubhatopaññattīti?
pli-tv-pvr2.9:2.15	Ekatopaññatti.
pli-tv-pvr2.9:2.16	Catunnaṁ pātimokkhuddesānaṁ katthogadhaṁ kattha pariyāpannanti?
pli-tv-pvr2.9:2.17	Nidānogadhaṁ nidānapariyāpannaṁ?
pli-tv-pvr2.9:2.18	Katamena uddesena uddesaṁ āgacchatīti?
pli-tv-pvr2.9:2.19	Dutiyena uddesena uddesaṁ āgacchati.
pli-tv-pvr2.9:2.20	Catunnaṁ vipattīnaṁ katamā vipattīti?
pli-tv-pvr2.9:2.21	Sīlavipatti.
pli-tv-pvr2.9:2.22	Sattannaṁ āpattikkhandhānaṁ katamo āpattikkhandhoti?
pli-tv-pvr2.9:2.23	Pārājikāpattikkhandho.
pli-tv-pvr2.9:2.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr2.9:2.25	Ekena samuṭṭhānena samuṭṭhāti—
pli-tv-pvr2.9:2.26	kāyato ca cittato ca samuṭṭhāti, na vācato …pe…
pli-tv-pvr2.9:2.27	kenābhatanti?
pli-tv-pvr2.9:2.28	Paramparābhataṁ—
pli-tv-pvr2.9:3.1	Upāli dāsako ceva,
pli-tv-pvr2.9:3.2	soṇako siggavo tathā;
pli-tv-pvr2.9:3.3	Moggaliputtena pañcamā,
pli-tv-pvr2.9:3.4	ete jambusirivhaye.
pli-tv-pvr2.9:4.1	…pe…
pli-tv-pvr2.9:5.1	Ete nāgā mahāpaññā,
pli-tv-pvr2.9:5.2	Vinayaññū maggakovidā;
pli-tv-pvr2.9:5.3	Vinayaṁ dīpe pakāsesuṁ,
pli-tv-pvr2.9:5.4	Piṭakaṁ tambapaṇṇiyāti.
pli-tv-pvr2.9:6.1	Vajjappaṭicchādanapaccayā pārājikaṁ kattha paññattanti?
pli-tv-pvr2.9:6.2	Sāvatthiyaṁ paññattaṁ.
pli-tv-pvr2.9:6.3	Kaṁ ārabbhāti?
pli-tv-pvr2.9:6.4	Thullanandaṁ bhikkhuniṁ ārabbha.
pli-tv-pvr2.9:6.5	Kismiṁ vatthusminti?
pli-tv-pvr2.9:6.6	Thullanandā bhikkhunī jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodesi na gaṇassa ārocesi, tasmiṁ vatthusmiṁ.
pli-tv-pvr2.9:6.7	Ekā paññatti.
pli-tv-pvr2.9:6.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:6.9	dhuranikkhepe …pe….
pli-tv-pvr2.9:7.1	Yāvatatiyaṁ samanubhāsanāya na paṭinissajjanapaccayā pārājikaṁ kattha paññattanti?
pli-tv-pvr2.9:7.2	Sāvatthiyaṁ paññattaṁ.
pli-tv-pvr2.9:7.3	Kaṁ ārabbhāti?
pli-tv-pvr2.9:7.4	Thullanandaṁ bhikkhuniṁ ārabbha.
pli-tv-pvr2.9:7.5	Kismiṁ vatthusminti?
pli-tv-pvr2.9:7.6	Thullanandā bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvatti, tasmiṁ vatthusmiṁ.
pli-tv-pvr2.9:7.7	Ekā paññatti.
pli-tv-pvr2.9:7.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:7.9	dhuranikkhepe …pe….
pli-tv-pvr2.9:8.1	Aṭṭhamaṁ vatthuṁ paripūraṇapaccayā pārājikaṁ kattha paññattanti?
pli-tv-pvr2.9:8.2	Sāvatthiyaṁ paññattaṁ.
pli-tv-pvr2.9:8.3	Kaṁ ārabbhāti?
pli-tv-pvr2.9:8.4	Chabbaggiyā bhikkhuniyo ārabbha.
pli-tv-pvr2.9:8.5	Kismiṁ vatthusminti?
pli-tv-pvr2.9:8.6	Chabbaggiyā bhikkhuniyo aṭṭhamaṁ vatthuṁ paripūresuṁ, tasmiṁ vatthusmiṁ.
pli-tv-pvr2.9:8.7	Ekā paññatti.
pli-tv-pvr2.9:8.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:8.9	dhuranikkhepe …pe….
pli-tv-pvr2.9:8.10	Pārājikā niṭṭhitā.
pli-tv-pvr2.9:9.0	2. Saṅghādisesakaṇḍādi
pli-tv-pvr2.9:9.1	Yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aḍḍaṁ karaṇapaccayā saṅghādiseso kattha paññatto?
pli-tv-pvr2.9:9.2	Kaṁ ārabbha?
pli-tv-pvr2.9:9.3	Kismiṁ vatthusmiṁ …pe…
pli-tv-pvr2.9:9.4	kenābhatanti?
pli-tv-pvr2.9:10.1	Yaṁ tena bhagavatā jānatā passatā arahatā sammāsambuddhena ussayavādikāya bhikkhuniyā aḍḍaṁ karaṇapaccayā saṅghādiseso kattha paññattoti?
pli-tv-pvr2.9:10.2	Sāvatthiyaṁ paññatto.
pli-tv-pvr2.9:10.3	Kaṁ ārabbhāti?
pli-tv-pvr2.9:10.4	Thullanandaṁ bhikkhuniṁ ārabbha.
pli-tv-pvr2.9:10.5	Kismiṁ vatthusminti?
pli-tv-pvr2.9:10.6	Thullanandā bhikkhunī ussayavādikā vihari, tasmiṁ vatthusmiṁ.
pli-tv-pvr2.9:10.7	Atthi tattha paññatti, anupaññatti, anuppannapaññattīti?
pli-tv-pvr2.9:10.8	Ekā paññatti.
pli-tv-pvr2.9:10.9	Anupaññatti anuppannapaññatti tasmiṁ natthi.
pli-tv-pvr2.9:10.10	Sabbatthapaññatti, padesapaññattīti?
pli-tv-pvr2.9:10.11	Sabbatthapaññatti.
pli-tv-pvr2.9:10.12	Sādhāraṇapaññatti, asādhāraṇapaññattīti?
pli-tv-pvr2.9:10.13	Asādhāraṇapaññatti.
pli-tv-pvr2.9:10.14	Ekatopaññatti, ubhatopaññattīti?
pli-tv-pvr2.9:10.15	Ekatopaññatti.
pli-tv-pvr2.9:10.16	Catunnaṁ pātimokkhuddesānaṁ katthogadhaṁ kattha pariyāpannanti?
pli-tv-pvr2.9:10.17	Nidānogadhaṁ nidānapariyāpannaṁ.
pli-tv-pvr2.9:10.18	Katamena uddesena uddesaṁ āgacchatīti?
pli-tv-pvr2.9:10.19	Tatiyena uddesena uddesaṁ āgacchati.
pli-tv-pvr2.9:10.20	Catunnaṁ vipattīnaṁ katamā vipattīti?
pli-tv-pvr2.9:10.21	Sīlavipatti.
pli-tv-pvr2.9:10.22	Sattannaṁ āpattikkhandhānaṁ katamo āpattikkhandhoti?
pli-tv-pvr2.9:10.23	Saṅghādisesāpattikkhandho.
pli-tv-pvr2.9:10.24	Channaṁ āpattisamuṭṭhānānaṁ katihi samuṭṭhānehi samuṭṭhātīti?
pli-tv-pvr2.9:10.25	Dvīhi samuṭṭhānehi samuṭṭhāti—
pli-tv-pvr2.9:10.26	siyā kāyato ca vācato ca samuṭṭhāti, na cittato;
pli-tv-pvr2.9:10.27	siyā kāyato ca vācato ca cittato ca samuṭṭhāti …pe…
pli-tv-pvr2.9:10.28	kenābhatanti?
pli-tv-pvr2.9:10.29	Paramparābhataṁ—
pli-tv-pvr2.9:11.1	Upāli dāsako ceva,
pli-tv-pvr2.9:11.2	soṇako siggavo tathā;
pli-tv-pvr2.9:11.3	Moggaliputtena pañcamā,
pli-tv-pvr2.9:11.4	ete jambusirivhaye.
pli-tv-pvr2.9:12.1	…pe…
pli-tv-pvr2.9:13.1	Ete nāgā mahāpaññā,
pli-tv-pvr2.9:13.2	Vinayaññū maggakovidā;
pli-tv-pvr2.9:13.3	Vinayaṁ dīpe pakāsesuṁ,
pli-tv-pvr2.9:13.4	Piṭakaṁ tambapaṇṇiyāti.
pli-tv-pvr2.9:14.1	Coriṁ vuṭṭhāpanapaccayā saṅghādiseso kattha paññattoti?
pli-tv-pvr2.9:14.2	Sāvatthiyaṁ paññatto.
pli-tv-pvr2.9:14.3	Kaṁ ārabbhāti?
pli-tv-pvr2.9:14.4	Thullanandaṁ bhikkhuniṁ ārabbha.
pli-tv-pvr2.9:14.5	Kismiṁ vatthusminti?
pli-tv-pvr2.9:14.6	Thullanandā bhikkhunī coriṁ vuṭṭhāpesi, tasmiṁ vatthusmiṁ.
pli-tv-pvr2.9:14.7	Ekā paññatti.
pli-tv-pvr2.9:14.8	Channaṁ āpattisamuṭṭhānānaṁ dvīhi samuṭṭhānehi samuṭṭhāti—
pli-tv-pvr2.9:14.9	siyā vācato ca cittato ca samuṭṭhāti, na kāyato;
pli-tv-pvr2.9:14.10	siyā kāyato ca vācato ca cittato ca samuṭṭhāti …pe….
pli-tv-pvr2.9:15.1	Ekā gāmantaraṁ gamanapaccayā saṅghādiseso kattha paññattoti?
pli-tv-pvr2.9:15.2	Sāvatthiyaṁ paññatto.
pli-tv-pvr2.9:15.3	Kaṁ ārabbhāti?
pli-tv-pvr2.9:15.4	Aññataraṁ bhikkhuniṁ ārabbha.
pli-tv-pvr2.9:15.5	Kismiṁ vatthusminti?
pli-tv-pvr2.9:15.6	Aññatarā bhikkhunī ekā gāmantaraṁ gacchi, tasmiṁ vatthusmiṁ.
pli-tv-pvr2.9:15.7	Ekā paññatti, tisso anupaññattiyo.
pli-tv-pvr2.9:15.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:15.9	paṭhamapārājike …pe….
pli-tv-pvr2.9:16.1	Samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāraṇapaccayā saṅghādiseso kattha paññattoti?
pli-tv-pvr2.9:16.2	Sāvatthiyaṁ paññatto.
pli-tv-pvr2.9:16.3	Kaṁ ārabbhāti?
pli-tv-pvr2.9:16.4	Thullanandaṁ bhikkhuniṁ ārabbha.
pli-tv-pvr2.9:16.5	Kismiṁ vatthusminti?
pli-tv-pvr2.9:16.6	Thullanandā bhikkhunī samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāresi, tasmiṁ vatthusmiṁ.
pli-tv-pvr2.9:16.7	Ekā paññatti.
pli-tv-pvr2.9:16.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:16.9	dhuranikkhepe …pe….
pli-tv-pvr2.9:17.1	Avassutāya bhikkhuniyā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā bhuñjanapaccayā saṅghādiseso kattha paññattoti?
pli-tv-pvr2.9:17.2	Sāvatthiyaṁ paññatto.
pli-tv-pvr2.9:17.3	Kaṁ ārabbhāti?
pli-tv-pvr2.9:17.4	Sundarīnandaṁ bhikkhuniṁ ārabbha.
pli-tv-pvr2.9:17.5	Kismiṁ vatthusminti?
pli-tv-pvr2.9:17.6	Sundarīnandā bhikkhunī avassutā avassutassa purisapuggalassa hatthato āmisaṁ paṭiggahesi, tasmiṁ vatthusmiṁ.
pli-tv-pvr2.9:17.7	Ekā paññatti.
pli-tv-pvr2.9:17.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:17.9	paṭhamapārājike …pe….
pli-tv-pvr2.9:18.1	“Kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā. Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā”ti uyyojanapaccayā saṅghādiseso kattha paññattoti?
pli-tv-pvr2.9:18.2	Sāvatthiyaṁ paññatto.
pli-tv-pvr2.9:18.3	Kaṁ ārabbhāti?
pli-tv-pvr2.9:18.4	Aññataraṁ bhikkhuniṁ ārabbha.
pli-tv-pvr2.9:18.5	Kismiṁ vatthusminti?
pli-tv-pvr2.9:18.6	Aññatarā bhikkhunī—“kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā. Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā”ti uyyojesi, tasmiṁ vatthusmiṁ.
pli-tv-pvr2.9:18.7	Ekā paññatti.
pli-tv-pvr2.9:18.8	Channaṁ āpattisamuṭṭhānānaṁ tīhi samuṭṭhānehi samuṭṭhāti …pe….
pli-tv-pvr2.9:19.1	Kupitāya anattamanāya bhikkhuniyā yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr2.9:19.2	Sāvatthiyaṁ paññatto.
pli-tv-pvr2.9:19.3	Kaṁ ārabbhāti?
pli-tv-pvr2.9:19.4	Caṇḍakāḷiṁ bhikkhuniṁ ārabbha.
pli-tv-pvr2.9:19.5	Kismiṁ vatthusminti?
pli-tv-pvr2.9:19.6	Caṇḍakāḷī bhikkhunī kupitā anattamanā evaṁ avaca—“buddhaṁ paccācikkhāmi, dhammaṁ paccācikkhāmi, saṅghaṁ paccācikkhāmi, sikkhaṁ paccācikkhāmī”ti, tasmiṁ vatthusmiṁ.
pli-tv-pvr2.9:19.7	Ekā paññatti.
pli-tv-pvr2.9:19.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:19.9	dhuranikkhepe …pe….
pli-tv-pvr2.9:20.1	Kismiñcideva adhikaraṇe paccākatāya bhikkhuniyā yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr2.9:20.2	Sāvatthiyaṁ paññatto.
pli-tv-pvr2.9:20.3	Kaṁ ārabbhāti?
pli-tv-pvr2.9:20.4	Caṇḍakāḷiṁ bhikkhuniṁ ārabbha.
pli-tv-pvr2.9:20.5	Kismiṁ vatthusminti?
pli-tv-pvr2.9:20.6	Caṇḍakāḷī bhikkhunī kismiñcideva adhikaraṇe paccākatā kupitā anattamanā evaṁ avaca—“chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo”ti, tasmiṁ vatthusmiṁ.
pli-tv-pvr2.9:20.7	Ekā paññatti.
pli-tv-pvr2.9:20.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:20.9	dhuranikkhepe …pe….
pli-tv-pvr2.9:21.1	Saṁsaṭṭhānaṁ bhikkhunīnaṁ yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr2.9:21.2	Sāvatthiyaṁ paññatto.
pli-tv-pvr2.9:21.3	Kaṁ ārabbhāti?
pli-tv-pvr2.9:21.4	Sambahulā bhikkhuniyo ārabbha.
pli-tv-pvr2.9:21.5	Kismiṁ vatthusminti?
pli-tv-pvr2.9:21.6	Sambahulā bhikkhuniyo saṁsaṭṭhā vihariṁsu, tasmiṁ vatthusmiṁ.
pli-tv-pvr2.9:21.7	Ekā paññatti.
pli-tv-pvr2.9:21.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:21.9	dhuranikkhepe …pe….
pli-tv-pvr2.9:22.1	“Saṁsaṭṭhāva, ayye, tumhe viharatha. Mā tumhe nānā viharitthā”ti uyyojentiyā yāvatatiyaṁ samanubhāsanāya na paṭinissajjanapaccayā saṅghādiseso kattha paññattoti?
pli-tv-pvr2.9:22.2	Sāvatthiyaṁ paññatto.
pli-tv-pvr2.9:22.3	Kaṁ ārabbhāti?
pli-tv-pvr2.9:22.4	Thullanandaṁ bhikkhuniṁ ārabbha.
pli-tv-pvr2.9:22.5	Kismiṁ vatthusminti?
pli-tv-pvr2.9:22.6	Thullanandā bhikkhunī—“saṁsaṭṭhāva, ayye, tumhe viharatha. Mā tumhe nānā viharitthā”ti uyyojesi, tasmiṁ vatthusmiṁ.
pli-tv-pvr2.9:22.7	Ekā paññatti.
pli-tv-pvr2.9:22.8	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr2.9:22.9	dhuranikkhepe …pe….
pli-tv-pvr2.9:23.1	Dadhiṁ viññāpetvā bhuñjanapaccayā pāṭidesanīyaṁ kattha paññattanti?
pli-tv-pvr2.9:23.2	Sāvatthiyaṁ paññattaṁ.
pli-tv-pvr2.9:23.3	Kaṁ ārabbhāti?
pli-tv-pvr2.9:23.4	Chabbaggiyā bhikkhuniyo ārabbha.
pli-tv-pvr2.9:23.5	Kismiṁ vatthusminti?
pli-tv-pvr2.9:23.6	Chabbaggiyā bhikkhuniyo dadhiṁ viññāpetvā bhuñjiṁsu, tasmiṁ vatthusmiṁ.
pli-tv-pvr2.9:23.7	Ekā paññatti, ekā anupaññatti.
pli-tv-pvr2.9:23.8	Channaṁ āpattisamuṭṭhānānaṁ catūhi samuṭṭhānehi samuṭṭhāti …pe….
pli-tv-pvr2.9:23.9	Katthapaññattivāro niṭṭhito paṭhamo.
pli-tv-pvr2.10:0.1	Parivāra
pli-tv-pvr2.10:0.2	Bhikkhunivibhaṅga
pli-tv-pvr2.10:0.3	Dutiyabhāga
pli-tv-pvr2.10:0.4	2.10 Katāpattivāra
pli-tv-pvr2.10:1.0	1. Pārājikakaṇḍa
pli-tv-pvr2.10:1.1	Kāyasaṁsaggaṁ sādiyanapaccayā kati āpattiyo āpajjati?
pli-tv-pvr2.10:1.2	Kāyasaṁsaggaṁ sādiyanapaccayā pañca āpattiyo āpajjati.
pli-tv-pvr2.10:1.3	Avassutā bhikkhunī avassutassa purisapuggalassa adhakkhakaṁ ubbhajāṇumaṇḍalaṁ gahaṇaṁ sādiyati, āpatti pārājikassa;
pli-tv-pvr2.10:1.4	bhikkhu kāyena kāyaṁ āmasati, āpatti saṅghādisesassa;
pli-tv-pvr2.10:1.5	kāyena kāyapaṭibaddhaṁ āmasati, āpatti thullaccayassa;
pli-tv-pvr2.10:1.6	kāyapaṭibaddhena kāyapaṭibaddhaṁ āmasati, āpatti dukkaṭassa;
pli-tv-pvr2.10:1.7	aṅgulipatodake pācittiyaṁ—
pli-tv-pvr2.10:1.8	kāyasaṁsaggaṁ sādiyanapaccayā imā pañca āpattiyo āpajjati.
pli-tv-pvr2.10:2.1	Vajjappaṭicchādanapaccayā kati āpattiyo āpajjati?
pli-tv-pvr2.10:2.2	Vajjappaṭicchādanapaccayā catasso āpattiyo āpajjati.
pli-tv-pvr2.10:2.3	Bhikkhunī jānaṁ pārājikaṁ dhammaṁ paṭicchādeti, āpatti pārājikassa;
pli-tv-pvr2.10:2.4	vematikā paṭicchādeti, āpatti thullaccayassa;
pli-tv-pvr2.10:2.5	bhikkhu saṅghādisesaṁ paṭicchādeti, āpatti pācittiyassa;
pli-tv-pvr2.10:2.6	ācāravipattiṁ paṭicchādeti, āpatti dukkaṭassa—
pli-tv-pvr2.10:2.7	vajjappaṭicchādanapaccayā imā catasso āpattiyo āpajjati.
pli-tv-pvr2.10:3.1	Yāvatatiyaṁ samanubhāsanāya na paṭinissajjanapaccayā kati āpattiyo āpajjati?
pli-tv-pvr2.10:3.2	Yāvatatiyaṁ samanubhāsanāya na paṭinissajjanapaccayā pañca āpattiyo āpajjati.
pli-tv-pvr2.10:3.3	Ukkhittānuvattikā bhikkhunī yāvatatiyaṁ samanubhāsanāya na paṭinissajjati, ñattiyā dukkaṭaṁ;
pli-tv-pvr2.10:3.4	dvīhi kammavācāhi thullaccayā;
pli-tv-pvr2.10:3.5	kammavācāpariyosāne āpatti pārājikassa;
pli-tv-pvr2.10:3.6	bhedakānuvattikā bhikkhunī yāvatatiyaṁ samanubhāsanāya na paṭinissajjati, āpatti saṅghādisesassa;
pli-tv-pvr2.10:3.7	pāpikāya diṭṭhiyā yāvatatiyaṁ samanubhāsanāya na paṭinissajjati, āpatti pācittiyassa—
pli-tv-pvr2.10:3.8	yāvatatiyaṁ samanubhāsanāya na paṭinissajjanapaccayā imā pañca āpattiyo āpajjati.
pli-tv-pvr2.10:4.1	Aṭṭhamaṁ vatthuṁ paripūraṇapaccayā kati āpattiyo āpajjati?
pli-tv-pvr2.10:4.2	Aṭṭhamaṁ vatthuṁ paripūraṇapaccayā tisso āpattiyo āpajjati.
pli-tv-pvr2.10:4.3	Purisena—“itthannāmaṁ okāsaṁ āgacchā”ti vuttā gacchati, āpatti dukkaṭassa;
pli-tv-pvr2.10:4.4	purisassa hatthapāsaṁ okkantamatte āpatti thullaccayassa;
pli-tv-pvr2.10:4.5	aṭṭhamaṁ vatthuṁ paripūreti, āpatti pārājikassa—
pli-tv-pvr2.10:4.6	aṭṭhamaṁ vatthuṁ paripūraṇapaccayā imā tisso āpattiyo āpajjati.
pli-tv-pvr2.10:4.7	Pārājikā niṭṭhitā.
pli-tv-pvr2.10:5.0	2. Saṅghādisesakaṇḍādi
pli-tv-pvr2.10:5.1	Ussayavādikā bhikkhunī aḍḍaṁ karaṇapaccayā tisso āpattiyo āpajjati.
pli-tv-pvr2.10:5.2	Ekassa āroceti, āpatti dukkaṭassa;
pli-tv-pvr2.10:5.3	dutiyassa āroceti, āpatti thullaccayassa;
pli-tv-pvr2.10:5.4	aḍḍapariyosāne āpatti saṅghādisesassa.
pli-tv-pvr2.10:6.1	Coriṁ vuṭṭhāpanapaccayā tisso āpattiyo āpajjati.
pli-tv-pvr2.10:6.2	Ñattiyā dukkaṭaṁ;
pli-tv-pvr2.10:6.3	dvīhi kammavācāhi thullaccayā;
pli-tv-pvr2.10:6.4	kammavācāpariyosāne āpatti saṅghādisesassa.
pli-tv-pvr2.10:7.1	Ekā gāmantaraṁ gamanapaccayā tisso āpattiyo āpajjati.
pli-tv-pvr2.10:7.2	Gacchati, āpatti dukkaṭassa;
pli-tv-pvr2.10:7.3	paṭhamaṁ pādaṁ parikkhepaṁ atikkāmeti, āpatti thullaccayassa;
pli-tv-pvr2.10:7.4	dutiyaṁ pādaṁ atikkāmeti, āpatti saṅghādisesassa.
pli-tv-pvr2.10:8.1	Samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāraṇapaccayā tisso āpattiyo āpajjati.
pli-tv-pvr2.10:8.2	Ñattiyā dukkaṭaṁ;
pli-tv-pvr2.10:8.3	dvīhi kammavācāhi thullaccayā;
pli-tv-pvr2.10:8.4	kammavācāpariyosāne āpatti saṅghādisesassa.
pli-tv-pvr2.10:9.1	Avassutā bhikkhunī avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā bhuñjanapaccayā tisso āpattiyo āpajjati.
pli-tv-pvr2.10:9.2	“Khādissāmi bhuñjissāmī”ti paṭiggaṇhāti, āpatti thullaccayassa;
pli-tv-pvr2.10:9.3	ajjhohāre ajjhohāre āpatti saṅghādisesassa;
pli-tv-pvr2.10:9.4	udakadantaponaṁ paṭiggaṇhāti, āpatti dukkaṭassa.
pli-tv-pvr2.10:10.1	“Kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā. Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā”ti, uyyojanapaccayā tisso āpattiyo āpajjati.
pli-tv-pvr2.10:10.2	Tassā vacanena khādissāmi bhuñjissāmīti paṭiggaṇhāti, āpatti dukkaṭassa;
pli-tv-pvr2.10:10.3	ajjhohāre ajjhohāre āpatti thullaccayassa;
pli-tv-pvr2.10:10.4	bhojanapariyosāne āpatti saṅghādisesassa.
pli-tv-pvr2.10:11.1	Kupitā bhikkhunī yāvatatiyaṁ samanubhāsanāya na paṭinissajjanapaccayā tisso āpattiyo āpajjati.
pli-tv-pvr2.10:11.2	Ñattiyā dukkaṭaṁ;
pli-tv-pvr2.10:11.3	dvīhi kammavācāhi thullaccayā;
pli-tv-pvr2.10:11.4	kammavācāpariyosāne āpatti saṅghādisesassa.
pli-tv-pvr2.10:12.1	Kismiñcideva adhikaraṇe paccākatā bhikkhunī yāvatatiyaṁ samanubhāsanāya na paṭinissajjanapaccayā tisso āpattiyo āpajjati.
pli-tv-pvr2.10:12.2	Ñattiyā dukkaṭaṁ;
pli-tv-pvr2.10:12.3	dvīhi kammavācāhi thullaccayā;
pli-tv-pvr2.10:12.4	kammavācāpariyosāne āpatti saṅghādisesassa.
pli-tv-pvr2.10:13.1	Saṁsaṭṭhā bhikkhunī yāvatatiyaṁ samanubhāsanāya na paṭinissajjanapaccayā tisso āpattiyo āpajjati.
pli-tv-pvr2.10:13.2	Ñattiyā dukkaṭaṁ;
pli-tv-pvr2.10:13.3	dvīhi kammavācāhi thullaccayā;
pli-tv-pvr2.10:13.4	kammavācāpariyosāne āpatti saṅghādisesassa.
pli-tv-pvr2.10:14.1	“Saṁsaṭṭhāva, ayye, tumhe viharatha, mā tumhe nānā viharitthā”ti uyyojentī yāvatatiyaṁ samanubhāsanāya na paṭinissajjanapaccayā tisso āpattiyo āpajjati.
pli-tv-pvr2.10:14.2	Ñattiyā dukkaṭaṁ;
pli-tv-pvr2.10:14.3	dvīhi kammavācāhi thullaccayā;
pli-tv-pvr2.10:14.4	kammavācāpariyosāne āpatti saṅghādisesassa.
pli-tv-pvr2.10:15.1	Dasa saṅghādisesā niṭṭhitā …pe… .
pli-tv-pvr2.10:16.1	(Yathā heṭṭhā tathā vitthāretabbā paccayameva nānākaraṇaṁ)
pli-tv-pvr2.10:17.1	Dadhiṁ viññāpetvā bhuñjanapaccayā kati āpattiyo āpajjati?
pli-tv-pvr2.10:17.2	Dadhiṁ viññāpetvā bhuñjanapaccayā dve āpattiyo āpajjati.
pli-tv-pvr2.10:17.3	Bhuñjissāmīti paṭiggaṇhāti, āpatti dukkaṭassa;
pli-tv-pvr2.10:17.4	ajjhohāre ajjhohāre āpatti pāṭidesanīyassa—
pli-tv-pvr2.10:17.5	dadhiṁ viññāpetvā bhuñjanapaccayā imā dve āpattiyo āpajjati.
pli-tv-pvr2.10:17.6	Katāpattivāro niṭṭhito dutiyo.
pli-tv-pvr2.11:0.1	Parivāra
pli-tv-pvr2.11:0.2	Bhikkhunivibhaṅga
pli-tv-pvr2.11:0.3	Dutiyabhāga
pli-tv-pvr2.11:0.4	2.11 Vipattivāra
pli-tv-pvr2.11:1.1	Kāyasaṁsaggaṁ sādiyanapaccayā āpattiyo catunnaṁ vipattīnaṁ kati vipattiyo bhajanti?
pli-tv-pvr2.11:1.2	Kāyasaṁsaggaṁ sādiyanapaccayā āpattiyo catunnaṁ vipattīnaṁ dve vipattiyo bhajanti—
pli-tv-pvr2.11:1.3	siyā sīlavipattiṁ, siyā ācāravipattiṁ …pe….
pli-tv-pvr2.11:2.1	Dadhiṁ viññāpetvā bhuñjanapaccayā āpattiyo catunnaṁ vipattīnaṁ kati vipattiyo bhajanti?
pli-tv-pvr2.11:2.2	Dadhiṁ viññāpetvā bhuñjanapaccayā āpattiyo catunnaṁ vipattīnaṁ ekaṁ vipattiṁ bhajanti—
pli-tv-pvr2.11:2.3	ācāravipattiṁ.
pli-tv-pvr2.11:3.1	Vipattivāro niṭṭhito tatiyo.
pli-tv-pvr2.12:0.1	Parivāra
pli-tv-pvr2.12:0.2	Bhikkhunivibhaṅga
pli-tv-pvr2.12:0.3	Dutiyabhāga
pli-tv-pvr2.12:0.4	2.12 Saṅgahavāra
pli-tv-pvr2.12:1.1	Kāyasaṁsaggaṁ sādiyanapaccayā āpattiyo sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.12:1.2	Kāyasaṁsaggaṁ sādiyanapaccayā āpattiyo sattannaṁ āpattikkhandhānaṁ pañcahi āpattikkhandhehi saṅgahitā—
pli-tv-pvr2.12:1.3	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena …pe….
pli-tv-pvr2.12:2.1	Dadhiṁ viññāpetvā bhuñjanapaccayā āpattiyo sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.12:2.2	Dadhiṁ viññāpetvā bhuñjanapaccayā āpattiyo sattannaṁ āpattikkhandhānaṁ dvīhi āpattikkhandhehi saṅgahitā—
pli-tv-pvr2.12:2.3	siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr2.12:3.1	Saṅgahavāro niṭṭhito catuttho.
pli-tv-pvr2.13:0.1	Parivāra
pli-tv-pvr2.13:0.2	Bhikkhunivibhaṅga
pli-tv-pvr2.13:0.3	Dutiyabhāga
pli-tv-pvr2.13:0.4	2.13 Samuṭṭhānavāra
pli-tv-pvr2.13:1.1	Kāyasaṁsaggaṁ sādiyanapaccayā āpattiyo channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.13:1.2	Kāyasaṁsaggaṁ sādiyanapaccayā āpattiyo channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr2.13:1.3	kāyato ca cittato ca samuṭṭhanti, na vācato …pe….
pli-tv-pvr2.13:2.1	Dadhiṁ viññāpetvā bhuñjanapaccayā āpattiyo channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.13:2.2	Dadhiṁ viññāpetvā bhuñjanapaccayā āpattiyo channaṁ āpattisamuṭṭhānānaṁ catūhi samuṭṭhānehi samuṭṭhanti—
pli-tv-pvr2.13:2.3	siyā kāyato samuṭṭhanti, na vācato na cittato;
pli-tv-pvr2.13:2.4	siyā kāyato ca vācato ca samuṭṭhanti, na cittato;
pli-tv-pvr2.13:2.5	siyā kāyato ca cittato ca samuṭṭhanti, na vācato;
pli-tv-pvr2.13:2.6	siyā kāyato ca vācato ca cittato ca samuṭṭhanti.
pli-tv-pvr2.13:3.1	Samuṭṭhānavāro niṭṭhito pañcamo.
pli-tv-pvr2.14:0.1	Parivāra
pli-tv-pvr2.14:0.2	Bhikkhunivibhaṅga
pli-tv-pvr2.14:0.3	Dutiyabhāga
pli-tv-pvr2.14:0.4	2.14 Adhikaraṇavāra
pli-tv-pvr2.14:1.1	Kāyasaṁsaggaṁ sādiyanapaccayā āpattiyo catunnaṁ adhikaraṇānaṁ katamaṁ adhikaraṇaṁ?
pli-tv-pvr2.14:1.2	Kāyasaṁsaggaṁ sādiyanapaccayā āpattiyo catunnaṁ adhikaraṇānaṁ, āpattādhikaraṇaṁ …pe….
pli-tv-pvr2.14:2.1	Dadhiṁ viññāpetvā bhuñjanapaccayā āpattiyo catunnaṁ adhikaraṇānaṁ katamaṁ adhikaraṇaṁ?
pli-tv-pvr2.14:2.2	Dadhiṁ viññāpetvā bhuñjanapaccayā āpattiyo catunnaṁ adhikaraṇānaṁ—āpattādhikaraṇaṁ.
pli-tv-pvr2.14:3.1	Adhikaraṇavāro niṭṭhito chaṭṭho.
pli-tv-pvr2.15:0.1	Parivāra
pli-tv-pvr2.15:0.2	Bhikkhunivibhaṅga
pli-tv-pvr2.15:0.3	Dutiyabhāga
pli-tv-pvr2.15:0.4	2.15 Samathavāra
pli-tv-pvr2.15:1.1	Kāyasaṁsaggaṁ sādiyanapaccayā āpattiyo sattannaṁ samathānaṁ katihi samathehi sammanti?
pli-tv-pvr2.15:1.2	Kāyasaṁsaggaṁ sādiyanapaccayā āpattiyo sattannaṁ samathānaṁ tīhi samathehi sammanti—
pli-tv-pvr2.15:1.3	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr2.15:2.1	Dadhiṁ viññāpetvā bhuñjanapaccayā āpattiyo sattannaṁ samathānaṁ katihi samathehi sammanti?
pli-tv-pvr2.15:2.2	Dadhiṁ viññāpetvā bhuñjanapaccayā āpattiyo sattannaṁ samathānaṁ tīhi samathehi sammanti—
pli-tv-pvr2.15:2.3	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr2.15:3.1	Samathavāro niṭṭhito sattamo.
pli-tv-pvr2.16:0.1	Parivāra
pli-tv-pvr2.16:0.2	Bhikkhunivibhaṅga
pli-tv-pvr2.16:0.3	Dutiyabhāga
pli-tv-pvr2.16:0.4	2.16 Samuccayavāra
pli-tv-pvr2.16:1.1	Kāyasaṁsaggaṁ sādiyanapaccayā kati āpattiyo āpajjati?
pli-tv-pvr2.16:1.2	Kāyasaṁsaggaṁ sādiyanapaccayā pañca āpattiyo āpajjati.
pli-tv-pvr2.16:1.3	Avassutā bhikkhunī avassutassa purisapuggalassa adhakkhakaṁ ubbhajāṇumaṇḍalaṁ gahaṇaṁ sādiyati, āpatti pārājikassa;
pli-tv-pvr2.16:1.4	bhikkhu kāyena kāyaṁ āmasati, āpatti saṅghādisesassa;
pli-tv-pvr2.16:1.5	kāyena kāyapaṭibaddhaṁ āmasati, āpatti thullaccayassa;
pli-tv-pvr2.16:1.6	kāyapaṭibaddhena kāyapaṭibaddhaṁ āmasati, āpatti dukkaṭassa;
pli-tv-pvr2.16:1.7	aṅgulipatodake pācittiyaṁ—
pli-tv-pvr2.16:1.8	kāyasaṁsaggaṁ sādiyanapaccayā imā pañca āpattiyo āpajjati.
pli-tv-pvr2.16:2.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr2.16:2.2	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.16:2.3	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.16:2.4	Catunnaṁ adhikaraṇānaṁ katamaṁ adhikaraṇaṁ?
pli-tv-pvr2.16:2.5	Sattannaṁ samathānaṁ katihi samathehi sammanti?
pli-tv-pvr2.16:2.6	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr2.16:2.7	siyā sīlavipattiṁ, siyā ācāravipattiṁ.
pli-tv-pvr2.16:2.8	Sattannaṁ āpattikkhandhānaṁ pañcahi āpattikkhandhehi saṅgahitā—
pli-tv-pvr2.16:2.9	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr2.16:2.10	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr2.16:2.11	kāyato ca cittato ca samuṭṭhanti, na vācato.
pli-tv-pvr2.16:2.12	Catunnaṁ adhikaraṇānaṁ āpattādhikaraṇaṁ.
pli-tv-pvr2.16:2.13	Sattannaṁ samathānaṁ tīhi samathehi sammanti—
pli-tv-pvr2.16:2.14	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca …pe….
pli-tv-pvr2.16:3.1	Dadhiṁ viññāpetvā bhuñjanapaccayā kati āpattiyo āpajjati?
pli-tv-pvr2.16:3.2	Dadhiṁ viññāpetvā bhuñjanapaccayā dve āpattiyo āpajjati.
pli-tv-pvr2.16:3.3	“Bhuñjissāmī”ti paṭiggaṇhāti, āpatti dukkaṭassa;
pli-tv-pvr2.16:3.4	ajjhohāre ajjhohāre āpatti pāṭidesanīyassa—
pli-tv-pvr2.16:3.5	dadhiṁ viññāpetvā bhuñjanapaccayā imā dve āpattiyo āpajjati.
pli-tv-pvr2.16:4.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr2.16:4.2	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr2.16:4.3	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr2.16:4.4	Catunnaṁ adhikaraṇānaṁ katamaṁ adhikaraṇaṁ?
pli-tv-pvr2.16:4.5	Sattannaṁ samathānaṁ katihi samathehi sammanti?
pli-tv-pvr2.16:4.6	Tā āpattiyo catunnaṁ vipattīnaṁ ekaṁ vipattiṁ bhajanti—
pli-tv-pvr2.16:4.7	ācāravipattiṁ.
pli-tv-pvr2.16:4.8	Sattannaṁ āpattikkhandhānaṁ dvīhi āpattikkhandhehi saṅgahitā—
pli-tv-pvr2.16:4.9	siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr2.16:4.10	Channaṁ āpattisamuṭṭhānānaṁ catūhi samuṭṭhānehi samuṭṭhanti—
pli-tv-pvr2.16:4.11	siyā kāyato samuṭṭhanti, na vācato na cittato;
pli-tv-pvr2.16:4.12	siyā kāyato ca vācato ca samuṭṭhanti, na cittato;
pli-tv-pvr2.16:4.13	siyā kāyato ca cittato ca samuṭṭhanti na vācato;
pli-tv-pvr2.16:4.14	siyā kāyato ca vācato ca cittato ca samuṭṭhanti.
pli-tv-pvr2.16:4.15	Catunnaṁ adhikaraṇānaṁ, āpattādhikaraṇaṁ.
pli-tv-pvr2.16:4.16	Sattannaṁ samathānaṁ tīhi samathehi sammanti—
pli-tv-pvr2.16:4.17	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
pli-tv-pvr2.16:5.1	Samuccayavāro niṭṭhito aṭṭhamo.
pli-tv-pvr2.16:5.2	Aṭṭha paccayavārā niṭṭhitā.
pli-tv-pvr2.16:5.3	(…)
pli-tv-pvr2.16:6.1	Bhikkhunivibhaṅge soḷasa mahāvārā niṭṭhitā.
pli-tv-pvr3:0.1	Parivāra
pli-tv-pvr3:0.2	3. Samuṭṭhānasīsasaṅkhepa
pli-tv-pvr3:0.3	1. Samuṭṭhānassuddāna
pli-tv-pvr3:1.1	Aniccā sabbe saṅkhārā,
pli-tv-pvr3:1.2	dukkhānattā ca saṅkhatā;
pli-tv-pvr3:1.3	Nibbānañceva paññatti,
pli-tv-pvr3:1.4	anattā iti nicchayā.
pli-tv-pvr3:2.1	Buddhacande anuppanne,
pli-tv-pvr3:2.2	buddhādicce anuggate;
pli-tv-pvr3:2.3	Tesaṁ sabhāgadhammānaṁ,
pli-tv-pvr3:2.4	nāmamattaṁ na nāyati.
pli-tv-pvr3:3.1	Dukkaraṁ vividhaṁ katvā,
pli-tv-pvr3:3.2	pūrayitvāna pāramī;
pli-tv-pvr3:3.3	Uppajjanti mahāvīrā,
pli-tv-pvr3:3.4	cakkhubhūtā sabrahmake.
pli-tv-pvr3:4.1	Te desayanti saddhammaṁ,
pli-tv-pvr3:4.2	dukkhahāniṁ sukhāvahaṁ;
pli-tv-pvr3:4.3	Aṅgīraso sakyamuni,
pli-tv-pvr3:4.4	sabbabhūtānukampako.
pli-tv-pvr3:5.1	Sabbasattuttamo sīho,
pli-tv-pvr3:5.2	piṭake tīṇi desayi;
pli-tv-pvr3:5.3	Suttantamabhidhammañca,
pli-tv-pvr3:5.4	vinayañca mahāguṇaṁ.
pli-tv-pvr3:6.1	Evaṁ nīyati saddhammo,
pli-tv-pvr3:6.2	vinayo yadi tiṭṭhati;
pli-tv-pvr3:6.3	Ubhato ca vibhaṅgāni,
pli-tv-pvr3:6.4	khandhakā yā ca mātikā.
pli-tv-pvr3:7.1	Mālā suttaguṇeneva,
pli-tv-pvr3:7.2	parivārena ganthitā;
pli-tv-pvr3:7.3	Tasseva parivārassa,
pli-tv-pvr3:7.4	samuṭṭhānaṁ niyato kataṁ.
pli-tv-pvr3:8.1	Sambhedaṁ nidānañcaññaṁ,
pli-tv-pvr3:8.2	sutte dissanti upari;
pli-tv-pvr3:8.3	Tasmā sikkhe parivāraṁ,
pli-tv-pvr3:8.4	dhammakāmo supesaloti.
pli-tv-pvr3:9.0	2. Terasasamuṭṭhāna
pli-tv-pvr3:9.1	Vibhaṅge dvīsu paññattaṁ,
pli-tv-pvr3:9.2	uddisanti uposathe;
pli-tv-pvr3:9.3	Pavakkhāmi samuṭṭhānaṁ,
pli-tv-pvr3:9.4	yathāñāyaṁ suṇātha me.
pli-tv-pvr3:10.1	Pārājikaṁ yaṁ paṭhamaṁ,
pli-tv-pvr3:10.2	dutiyañca tato paraṁ;
pli-tv-pvr3:10.3	Sañcarittānubhāsanañca,
pli-tv-pvr3:10.4	atirekañca cīvaraṁ.
pli-tv-pvr3:11.1	Lomāni padasodhammo,
pli-tv-pvr3:11.2	bhūtaṁ saṁvidhānena ca;
pli-tv-pvr3:11.3	Theyyadesanacorī ca,
pli-tv-pvr3:11.4	ananuññātāya terasa.
pli-tv-pvr3:12.1	Terasete samuṭṭhāna-
pli-tv-pvr3:12.2	nayā viññūhi cintitā;
pli-tv-pvr3:12.3	Ekekasmiṁ samuṭṭhāne,
pli-tv-pvr3:12.4	sadisā idha dissare.
pli-tv-pvr3:13.0	2.1. Paṭhamapārājikasamuṭṭhāna
pli-tv-pvr3:13.1	Methunaṁ sukkasaṁsaggo,
pli-tv-pvr3:13.2	aniyatā paṭhamikā;
pli-tv-pvr3:13.3	Pubbūpaparipācitā,
pli-tv-pvr3:13.4	raho bhikkhuniyā saha.
pli-tv-pvr3:14.1	Sabhojane raho dve ca,
pli-tv-pvr3:14.2	aṅguli udake hasaṁ;
pli-tv-pvr3:14.3	Pahāre uggire ceva,
pli-tv-pvr3:14.4	tepaññāsā ca sekhiyā.
pli-tv-pvr3:15.1	Adhakkhagāmāvassutā,
pli-tv-pvr3:15.2	talamaṭṭhañca suddhikā;
pli-tv-pvr3:15.3	Vassaṁvuṭṭhā ca ovādaṁ,
pli-tv-pvr3:15.4	nānubandhe pavattiniṁ.
pli-tv-pvr3:16.1	Chasattati ime sikkhā,
pli-tv-pvr3:16.2	kāyamānasikā katā;
pli-tv-pvr3:16.3	Sabbe ekasamuṭṭhānā,
pli-tv-pvr3:16.4	paṭhamaṁ pārājikaṁ yathā.
pli-tv-pvr3:17.1	Paṭhamapārājikasamuṭṭhānaṁ niṭṭhitaṁ.
pli-tv-pvr3:18.0	2.2. Dutiyapārājikasamuṭṭhāna
pli-tv-pvr3:18.1	Adinnaṁ viggahuttari,
pli-tv-pvr3:18.2	duṭṭhullā attakāminaṁ;
pli-tv-pvr3:18.3	Amūlā aññabhāgiyā,
pli-tv-pvr3:18.4	aniyatā dutiyikā.
pli-tv-pvr3:19.1	Acchinde pariṇāmane,
pli-tv-pvr3:19.2	musā omasapesuṇā;
pli-tv-pvr3:19.3	Duṭṭhullā pathavīkhaṇe,
pli-tv-pvr3:19.4	bhūtaṁ aññāya ujjhāpe.
pli-tv-pvr3:20.1	Nikkaḍḍhanaṁ siñcanañca,
pli-tv-pvr3:20.2	āmisahetu bhuttāvī;
pli-tv-pvr3:20.3	Ehi anādari bhiṁsā,
pli-tv-pvr3:20.4	apanidhe ca jīvitaṁ.
pli-tv-pvr3:21.1	Jānaṁ sappāṇakaṁ kammaṁ,
pli-tv-pvr3:21.2	ūnasaṁvāsanāsanā;
pli-tv-pvr3:21.3	Sahadhammikavilekhā,
pli-tv-pvr3:21.4	moho amūlakena ca.
pli-tv-pvr3:22.1	Kukkuccaṁ dhammikaṁ cīvaraṁ datvā,
pli-tv-pvr3:22.2	Pariṇāmeyya puggale;
pli-tv-pvr3:22.3	Kiṁ te akālaṁ acchinde,
pli-tv-pvr3:22.4	Duggahī nirayena ca.
pli-tv-pvr3:23.1	Gaṇaṁ vibhaṅgaṁ dubbalaṁ,
pli-tv-pvr3:23.2	kathināphāsupassayaṁ;
pli-tv-pvr3:23.3	Akkosacaṇḍī maccharī,
pli-tv-pvr3:23.4	gabbhinī ca pāyantiyā.
pli-tv-pvr3:24.1	Dvevassaṁ sikkhā saṅghena,
pli-tv-pvr3:24.2	tayo ceva gihīgatā;
pli-tv-pvr3:24.3	Kumāribhūtā tisso ca,
pli-tv-pvr3:24.4	ūnadvādasasammatā.
pli-tv-pvr3:25.1	Alaṁ tāva sokāvāsaṁ,
pli-tv-pvr3:25.2	chandā anuvassā ca dve;
pli-tv-pvr3:25.3	Sikkhāpadā sattatime,
pli-tv-pvr3:25.4	samuṭṭhānā tikā katā.
pli-tv-pvr3:26.1	Kāyacittena na vācā,
pli-tv-pvr3:26.2	vācācittaṁ na kāyikaṁ;
pli-tv-pvr3:26.3	Tīhi dvārehi jāyanti,
pli-tv-pvr3:26.4	pārājikaṁ dutiyaṁ yathā.
pli-tv-pvr3:27.1	Dutiyapārājikasamuṭṭhānaṁ niṭṭhitaṁ.
pli-tv-pvr3:28.0	2.3. Sañcarittasamuṭṭhāna
pli-tv-pvr3:28.1	Sañcarī kuṭi vihāro,
pli-tv-pvr3:28.2	dhovanañca paṭiggaho;
pli-tv-pvr3:28.3	Viññattuttari abhihaṭṭhuṁ,
pli-tv-pvr3:28.4	ubhinnaṁ dūtakena ca.
pli-tv-pvr3:29.1	Kosiyā suddhadvebhāgā,
pli-tv-pvr3:29.2	chabbassāni nisīdanaṁ;
pli-tv-pvr3:29.3	Riñcanti rūpikā ceva,
pli-tv-pvr3:29.4	ubho nānappakārakā.
pli-tv-pvr3:30.1	Ūnabandhanavassikā,
pli-tv-pvr3:30.2	suttaṁ vikappanena ca;
pli-tv-pvr3:30.3	Dvāradānasibbāni ca,
pli-tv-pvr3:30.4	pūvapaccayajoti ca.
pli-tv-pvr3:31.1	Ratanaṁ sūci mañco ca,
pli-tv-pvr3:31.2	tūlaṁ nisīdanakaṇḍu ca;
pli-tv-pvr3:31.3	Vassikā ca sugatena,
pli-tv-pvr3:31.4	viññatti aññaṁ cetāpanā.
pli-tv-pvr3:32.1	Dve saṅghikā mahājanikā dve,
pli-tv-pvr3:32.2	Puggalalahukā garu;
pli-tv-pvr3:32.3	Dve vighāsā sāṭikā ca,
pli-tv-pvr3:32.4	Samaṇacīvarena ca.
pli-tv-pvr3:33.1	Samapaññāsime dhammā,
pli-tv-pvr3:33.2	chahi ṭhānehi jāyare;
pli-tv-pvr3:33.3	Kāyato na vācācittā,
pli-tv-pvr3:33.4	vācato na kāyamanā.
pli-tv-pvr3:34.1	Kāyavācā na ca cittā,
pli-tv-pvr3:34.2	kāyacittā na vācikā;
pli-tv-pvr3:34.3	Vācācittā na kāyena,
pli-tv-pvr3:34.4	tīhi dvārehi jāyare;
pli-tv-pvr3:34.5	Chasamuṭṭhānikā ete,
pli-tv-pvr3:34.6	sañcarittena sādisā.
pli-tv-pvr3:35.1	Sañcarittasamuṭṭhānaṁ niṭṭhitaṁ.
pli-tv-pvr3:36.0	2.4. Samanubhāsanāsamuṭṭhāna
pli-tv-pvr3:36.1	Bhedānuvattadubbaca-
pli-tv-pvr3:36.2	dūsaduṭṭhulladiṭṭhi ca;
pli-tv-pvr3:36.3	Chandaṁ ujjagghikā dve ca,
pli-tv-pvr3:36.4	dve ca saddā na byāhare.
pli-tv-pvr3:37.1	Chamā nīcāsane ṭhānaṁ,
pli-tv-pvr3:37.2	pacchato uppathena ca;
pli-tv-pvr3:37.3	Vajjānuvattigahaṇā,
pli-tv-pvr3:37.4	osāre paccācikkhanā.
pli-tv-pvr3:38.1	Kismiṁ saṁsaṭṭhā dve vadhi,
pli-tv-pvr3:38.2	Visibbe dukkhitāya ca;
pli-tv-pvr3:38.3	Puna saṁsaṭṭhā na vūpasame,
pli-tv-pvr3:38.4	Ārāmañca pavāraṇā.
pli-tv-pvr3:39.1	Anvaddhaṁ saha jīviniṁ dve,
pli-tv-pvr3:39.2	Cīvaraṁ anubandhanā;
pli-tv-pvr3:39.3	Sattatiṁsa ime dhammā,
pli-tv-pvr3:39.4	Kāyavācāya cittato;
pli-tv-pvr3:39.5	Sabbe ekasamuṭṭhānā,
pli-tv-pvr3:39.6	Samanubhāsanā yathā.
pli-tv-pvr3:40.1	Samanubhāsanāsamuṭṭhānaṁ niṭṭhitaṁ.
pli-tv-pvr3:41.0	2.5. Kathinasamuṭṭhāna
pli-tv-pvr3:41.1	Ubbhataṁ kathinaṁ tīṇi,
pli-tv-pvr3:41.2	paṭhamaṁ pattabhesajjaṁ;
pli-tv-pvr3:41.3	Accekaṁ cāpi sāsaṅkaṁ,
pli-tv-pvr3:41.4	pakkamantena vā duve.
pli-tv-pvr3:42.1	Upassayaṁ paramparā,
pli-tv-pvr3:42.2	anatirittaṁ nimantanā;
pli-tv-pvr3:42.3	Vikappaṁ rañño vikāle,
pli-tv-pvr3:42.4	vosāsāraññakena ca.
pli-tv-pvr3:43.1	Ussayāsannicayañca,
pli-tv-pvr3:43.2	pure pacchā vikāle ca;
pli-tv-pvr3:43.3	Pañcāhikā saṅkamanī,
pli-tv-pvr3:43.4	dvepi āvasathena ca.
pli-tv-pvr3:44.1	Pasākhe āsane ceva,
pli-tv-pvr3:44.2	tiṁsa ekūnakā ime;
pli-tv-pvr3:44.3	Kāyavācā na ca cittā,
pli-tv-pvr3:44.4	tīhi dvārehi jāyare;
pli-tv-pvr3:44.5	Dvisamuṭṭhānikā sabbe,
pli-tv-pvr3:44.6	kathinena sahā samā.
pli-tv-pvr3:45.1	Kathinasamuṭṭhānaṁ niṭṭhitaṁ.
pli-tv-pvr3:46.0	2.6. Eḷakalomasamuṭṭhāna
pli-tv-pvr3:46.1	Eḷakalomā dve seyyā,
pli-tv-pvr3:46.2	āhacca piṇḍabhojanaṁ;
pli-tv-pvr3:46.3	Gaṇavikālasannidhi,
pli-tv-pvr3:46.4	dantaponena celakā.
pli-tv-pvr3:47.1	Uyyuttaṁ senaṁ uyyodhi,
pli-tv-pvr3:47.2	surā orena nhāyanā;
pli-tv-pvr3:47.3	Dubbaṇṇe dve desanikā,
pli-tv-pvr3:47.4	lasuṇupatiṭṭhe naccanā.
pli-tv-pvr3:48.1	Nhānamattharaṇaṁ seyyā,
pli-tv-pvr3:48.2	antoraṭṭhe tathā bahi;
pli-tv-pvr3:48.3	Antovassaṁ cittāgāraṁ,
pli-tv-pvr3:48.4	āsandi suttakantanā.
pli-tv-pvr3:49.1	Veyyāvaccaṁ sahatthā ca,
pli-tv-pvr3:49.2	abhikkhukāvāsena ca;
pli-tv-pvr3:49.3	Chattaṁ yānañca saṅghāṇiṁ,
pli-tv-pvr3:49.4	alaṅkāraṁ gandhavāsitaṁ.
pli-tv-pvr3:50.1	Bhikkhunī sikkhamānā ca,
pli-tv-pvr3:50.2	sāmaṇerī gihiniyā;
pli-tv-pvr3:50.3	Asaṅkaccikā āpatti,
pli-tv-pvr3:50.4	cattārīsā catuttari.
pli-tv-pvr3:51.1	Kāyena na vācācittena,
pli-tv-pvr3:51.2	kāyacittena na vācato;
pli-tv-pvr3:51.3	Dvisamuṭṭhānikā sabbe,
pli-tv-pvr3:51.4	samā eḷakalomikāti.
pli-tv-pvr3:52.1	Eḷakalomasamuṭṭhānaṁ niṭṭhitaṁ.
pli-tv-pvr3:53.0	2.7. Padasodhammasamuṭṭhāna
pli-tv-pvr3:53.1	Padaññatra asammatā,
pli-tv-pvr3:53.2	tathā atthaṅgatena ca;
pli-tv-pvr3:53.3	Tiracchānavijjā dve vuttā,
pli-tv-pvr3:53.4	anokāso ca pucchanā.
pli-tv-pvr3:54.1	Satta sikkhāpadā ete,
pli-tv-pvr3:54.2	vācā na kāyacittato;
pli-tv-pvr3:54.3	Vācācittena jāyanti,
pli-tv-pvr3:54.4	na tu kāyena jāyare;
pli-tv-pvr3:54.5	Dvisamuṭṭhānikā sabbe,
pli-tv-pvr3:54.6	padasodhammasadisā.
pli-tv-pvr3:55.1	Padasodhammasamuṭṭhānaṁ niṭṭhitaṁ.
pli-tv-pvr3:56.0	2.8. Addhānasamuṭṭhāna
pli-tv-pvr3:56.1	Addhānanāvaṁ paṇītaṁ,
pli-tv-pvr3:56.2	mātugāmena saṁhare;
pli-tv-pvr3:56.3	Dhaññaṁ nimantitā ceva,
pli-tv-pvr3:56.4	aṭṭha ca pāṭidesanī.
pli-tv-pvr3:57.1	Sikkhā pannarasa ete,
pli-tv-pvr3:57.2	kāyā na vācā na manā;
pli-tv-pvr3:57.3	Kāyavācāhi jāyanti,
pli-tv-pvr3:57.4	na te cittena jāyare.
pli-tv-pvr3:58.1	Kāyacittena jāyanti,
pli-tv-pvr3:58.2	na te jāyanti vācato;
pli-tv-pvr3:58.3	Kāyavācāhi cittena,
pli-tv-pvr3:58.4	samuṭṭhānā catubbidhā;
pli-tv-pvr3:58.5	Paññattā buddhañāṇena,
pli-tv-pvr3:58.6	addhānena sahā samā.
pli-tv-pvr3:59.1	Addhānasamuṭṭhānaṁ niṭṭhitaṁ.
pli-tv-pvr3:60.0	2.9. Theyyasatthasamuṭṭhāna
pli-tv-pvr3:60.1	Theyyasatthaṁ upassuti,
pli-tv-pvr3:60.2	sūpaviññāpanena ca;
pli-tv-pvr3:60.3	Rattichannañca okāsaṁ,
pli-tv-pvr3:60.4	ete byūhena sattamā.
pli-tv-pvr3:61.1	Kāyacittena jāyanti,
pli-tv-pvr3:61.2	na te jāyanti vācato;
pli-tv-pvr3:61.3	Tīhi dvārehi jāyanti,
pli-tv-pvr3:61.4	dvisamuṭṭhānikā ime;
pli-tv-pvr3:61.5	Theyyasatthasamuṭṭhānā,
pli-tv-pvr3:61.6	desitādiccabandhunā.
pli-tv-pvr3:62.1	Theyyasatthasamuṭṭhānaṁ niṭṭhitaṁ.
pli-tv-pvr3:63.0	2.10. Dhammadesanāsamuṭṭhāna
pli-tv-pvr3:63.1	Chattapāṇissa saddhammaṁ,
pli-tv-pvr3:63.2	na desenti tathāgatā;
pli-tv-pvr3:63.3	Evameva daṇḍapāṇissa,
pli-tv-pvr3:63.4	satthaāvudhapāṇinaṁ.
pli-tv-pvr3:64.1	Pādukupāhanā yānaṁ,
pli-tv-pvr3:64.2	seyyapallatthikāya ca;
pli-tv-pvr3:64.3	Veṭhitoguṇṭhito ceva,
pli-tv-pvr3:64.4	ekādasamanūnakā.
pli-tv-pvr3:65.1	Vācācittena jāyanti,
pli-tv-pvr3:65.2	na te jāyanti kāyato;
pli-tv-pvr3:65.3	Sabbe ekasamuṭṭhānā,
pli-tv-pvr3:65.4	samakā dhammadesane.
pli-tv-pvr3:66.1	Dhammadesanāsamuṭṭhānaṁ niṭṭhitaṁ.
pli-tv-pvr3:67.0	2.11. Bhūtārocanasamuṭṭhāna
pli-tv-pvr3:67.1	Bhūtaṁ kāyena jāyati,
pli-tv-pvr3:67.2	na vācā na ca cittato;
pli-tv-pvr3:67.3	Vācato ca samuṭṭhāti,
pli-tv-pvr3:67.4	na kāyā na ca cittato.
pli-tv-pvr3:68.1	Kāyavācāya jāyati,
pli-tv-pvr3:68.2	na tu jāyati cittato;
pli-tv-pvr3:68.3	Bhūtārocanakā nāma,
pli-tv-pvr3:68.4	tīhi ṭhānehi jāyati.
pli-tv-pvr3:69.1	Bhūtārocanasamuṭṭhānaṁ niṭṭhitaṁ.
pli-tv-pvr3:70.0	2.12. Corivuṭṭhāpanasamuṭṭhāna
pli-tv-pvr3:70.1	Corī vācāya cittena,
pli-tv-pvr3:70.2	na taṁ jāyati kāyato;
pli-tv-pvr3:70.3	Jāyati tīhi dvārehi,
pli-tv-pvr3:70.4	corivuṭṭhāpanaṁ idaṁ;
pli-tv-pvr3:70.5	Akataṁ dvisamuṭṭhānaṁ,
pli-tv-pvr3:70.6	dhammarājena bhāsitaṁ.
pli-tv-pvr3:71.1	Corivuṭṭhāpanasamuṭṭhānaṁ niṭṭhitaṁ.
pli-tv-pvr3:72.0	2.13. Ananuññātasamuṭṭhāna
pli-tv-pvr3:72.1	Ananuññātaṁ vācāya,
pli-tv-pvr3:72.2	na kāyā na ca cittato;
pli-tv-pvr3:72.3	Jāyati kāyavācāya,
pli-tv-pvr3:72.4	na taṁ jāyati cittato.
pli-tv-pvr3:73.1	Jāyati vācācittena,
pli-tv-pvr3:73.2	na taṁ jāyati kāyato;
pli-tv-pvr3:73.3	Jāyati tīhi dvārehi,
pli-tv-pvr3:73.4	akataṁ catuṭhānikaṁ.
pli-tv-pvr3:74.1	Ananuññātasamuṭṭhānaṁ niṭṭhitaṁ.
pli-tv-pvr3:75.1	Samuṭṭhānañhi saṅkhepaṁ,
pli-tv-pvr3:75.2	dasa tīṇi sudesitaṁ;
pli-tv-pvr3:75.3	Asammohakaraṁ ṭhānaṁ,
pli-tv-pvr3:75.4	nettidhammānulomikaṁ;
pli-tv-pvr3:75.5	Dhārayanto imaṁ viññū,
pli-tv-pvr3:75.6	samuṭṭhāne na muyhatīti.
pli-tv-pvr3:76.1	Samuṭṭhānasīsasaṅkhepo niṭṭhito.
pli-tv-pvr4:0.1	Parivāra
pli-tv-pvr4:0.2	4. Antarapeyyāla
pli-tv-pvr4:1.0	Katipucchāvāra
pli-tv-pvr4:1.1	Kati āpattiyo?
pli-tv-pvr4:1.2	Kati āpattikkhandhā?
pli-tv-pvr4:1.3	Kati vinītavatthūni?
pli-tv-pvr4:1.4	Kati agāravā?
pli-tv-pvr4:1.5	Kati gāravā?
pli-tv-pvr4:1.6	Kati vinītavatthūni?
pli-tv-pvr4:1.7	Kati vipattiyo?
pli-tv-pvr4:1.8	Kati āpattisamuṭṭhānā?
pli-tv-pvr4:1.9	Kati vivādamūlāni?
pli-tv-pvr4:1.10	Kati anuvādamūlāni?
pli-tv-pvr4:1.11	Kati sāraṇīyā dhammā?
pli-tv-pvr4:1.12	Kati bhedakaravatthūni?
pli-tv-pvr4:1.13	Kati adhikaraṇāni?
pli-tv-pvr4:1.14	Kati samathā?
pli-tv-pvr4:2.1	Pañca āpattiyo.
pli-tv-pvr4:2.2	Pañca āpattikkhandhā.
pli-tv-pvr4:2.3	Pañca vinītavatthūni.
pli-tv-pvr4:2.4	Satta āpattiyo.
pli-tv-pvr4:2.5	Satta āpattikkhandhā.
pli-tv-pvr4:2.6	Satta vinītavatthūni.
pli-tv-pvr4:2.7	Cha agāravā.
pli-tv-pvr4:2.8	Cha gāravā.
pli-tv-pvr4:2.9	Cha vinītavatthūni.
pli-tv-pvr4:2.10	Catasso vipattiyo.
pli-tv-pvr4:2.11	Cha āpattisamuṭṭhānā.
pli-tv-pvr4:2.12	Cha vivādamūlāni.
pli-tv-pvr4:2.13	Cha anuvādamūlāni.
pli-tv-pvr4:2.14	Cha sāraṇīyā dhammā.
pli-tv-pvr4:2.15	Aṭṭhārasa bhedakaravatthūni.
pli-tv-pvr4:2.16	Cattāri adhikaraṇāni.
pli-tv-pvr4:2.17	Satta samathā.
pli-tv-pvr4:3.1	Tattha katamā pañca āpattiyo?
pli-tv-pvr4:3.2	Pārājikāpatti, saṅghādisesāpatti, pācittiyāpatti, pāṭidesanīyāpatti, dukkaṭāpatti—
pli-tv-pvr4:3.3	imā pañca āpattiyo.
pli-tv-pvr4:4.1	Tattha katame pañca āpattikkhandhā?
pli-tv-pvr4:4.2	Pārājikāpattikkhandho, saṅghādisesāpattikkhandho, pācittiyāpattikkhandho, pāṭidesanīyāpattikkhandho, dukkaṭāpattikkhandho—
pli-tv-pvr4:4.3	ime pañca āpattikkhandhā.
pli-tv-pvr4:5.1	Tattha katamāni pañca vinītavatthūni?
pli-tv-pvr4:5.2	Pañcahi āpattikkhandhehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
pli-tv-pvr4:5.3	imāni pañca vinītavatthūni.
pli-tv-pvr4:6.1	Tattha katamā satta āpattiyo?
pli-tv-pvr4:6.2	Pārājikāpatti, saṅghādisesāpatti, thullaccayāpatti, pācittiyāpatti, pāṭidesanīyāpatti, dukkaṭāpatti, dubbhāsitāpatti—
pli-tv-pvr4:6.3	imā satta āpattiyo.
pli-tv-pvr4:7.1	Tattha katame satta āpattikkhandhā?
pli-tv-pvr4:7.2	Pārājikāpattikkhandho, saṅghādisesāpattikkhandho, thullaccayāpattikkhandho, pācittiyāpattikkhandho, pāṭidesanīyāpattikkhandho, dukkaṭāpattikkhandho, dubbhāsitāpattikkhandho—
pli-tv-pvr4:7.3	ime satta āpattikkhandhā.
pli-tv-pvr4:8.1	Tattha katamāni satta vinītavatthūni?
pli-tv-pvr4:8.2	Sattahi āpattikkhandhehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
pli-tv-pvr4:8.3	imāni satta vinītavatthūni.
pli-tv-pvr4:9.1	Tattha katame cha agāravā?
pli-tv-pvr4:9.2	Buddhe agāravo, dhamme agāravo, saṅghe agāravo, sikkhāya agāravo, appamāde agāravo, paṭisandhāre agāravo—
pli-tv-pvr4:9.3	ime cha agāravā.
pli-tv-pvr4:10.1	Tattha katame cha gāravā?
pli-tv-pvr4:10.2	Buddhe gāravo, dhamme gāravo, saṅghe gāravo, sikkhāya gāravo, appamāde gāravo, paṭisandhāre gāravo—
pli-tv-pvr4:10.3	ime cha gāravā.
pli-tv-pvr4:11.1	Tattha katamāni cha vinītavatthūni?
pli-tv-pvr4:11.2	Chahi agāravehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
pli-tv-pvr4:11.3	imāni cha vinītavatthūni.
pli-tv-pvr4:12.1	Tattha katamā catasso vipattiyo?
pli-tv-pvr4:12.2	Sīlavipatti, ācāravipatti, diṭṭhivipatti, ājīvavipatti—
pli-tv-pvr4:12.3	imā catasso vipattiyo.
pli-tv-pvr4:13.1	Tattha katame cha āpattisamuṭṭhānā?
pli-tv-pvr4:13.2	Atthāpatti kāyato samuṭṭhāti, na vācato na cittato;
pli-tv-pvr4:13.3	atthāpatti vācato samuṭṭhāti, na kāyato na cittato;
pli-tv-pvr4:13.4	atthāpatti kāyato ca vācato ca samuṭṭhāti, na cittato;
pli-tv-pvr4:13.5	atthāpatti kāyato ca cittato ca samuṭṭhāti, na vācato;
pli-tv-pvr4:13.6	atthāpatti vācato ca cittato ca samuṭṭhāti, na kāyato;
pli-tv-pvr4:13.7	atthāpatti kāyato ca vācato ca cittato ca samuṭṭhāti—
pli-tv-pvr4:13.8	ime cha āpattisamuṭṭhānā.
pli-tv-pvr4:14.1	Tattha katamāni cha vivādamūlāni?
pli-tv-pvr4:14.2	Idha bhikkhu kodhano hoti upanāhī.
pli-tv-pvr4:14.3	Yo so bhikkhu kodhano hoti upanāhī so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-pvr4:14.4	Yo so bhikkhu satthari agāravo viharati appatisso, dhamme …pe…
pli-tv-pvr4:14.5	saṅghe …pe…
pli-tv-pvr4:14.6	sikkhāya na paripūrakārī, so saṅghe vivādaṁ janeti.
pli-tv-pvr4:14.7	Yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr4:14.8	Evarūpañce tumhe vivādamūlaṁ ajjhattaṁ vā bahiddhā vā samanupasseyyātha tatra tumhe tasseva pāpakassa vivādamūlassa pahānāya vāyameyyātha.
pli-tv-pvr4:14.9	Evarūpañce tumhe vivādamūlaṁ ajjhattaṁ vā bahiddhā vā na samanupasseyyātha tatra tumhe tasseva pāpakassa vivādamūlassa āyatiṁ anavassavāya paṭipajjeyyātha.
pli-tv-pvr4:14.10	Evametassa pāpakassa vivādamūlassa pahānaṁ hoti.
pli-tv-pvr4:14.11	Evametassa pāpakassa vivādamūlassa āyatiṁ anavassavo hoti.
pli-tv-pvr4:15.1	Puna caparaṁ bhikkhu makkhī hoti paḷāsī …pe…
pli-tv-pvr4:15.2	issukī hoti maccharī, saṭho hoti māyāvī, pāpiccho hoti micchādiṭṭhi, sandiṭṭhiparāmāsī hoti ādhānaggāhī duppaṭinissaggī.
pli-tv-pvr4:15.3	Yo so bhikkhu sandiṭṭhiparāmāsī hoti ādhānaggāhī duppaṭinissaggī so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-pvr4:15.4	Yo so bhikkhu satthari agāravo viharati appatisso dhamme …pe…
pli-tv-pvr4:15.5	saṅghe …pe…
pli-tv-pvr4:15.6	sikkhāya na paripūrakārī, so saṅghe vivādaṁ janeti.
pli-tv-pvr4:15.7	Yo so hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr4:15.8	Evarūpañce tumhe vivādamūlaṁ ajjhattaṁ vā bahiddhā vā samanupasseyyātha tatra tumhe tasseva pāpakassa vivādamūlassa pahānāya vāyameyyātha.
pli-tv-pvr4:15.9	Evarūpañce tumhe vivādamūlaṁ ajjhattaṁ vā bahiddhā vā na samanupasseyyātha tatra tumhe tasseva pāpakassa vivādamūlassa āyatiṁ anavassavāya paṭipajjeyyātha.
pli-tv-pvr4:15.10	Evametassa pāpakassa vivādamūlassa pahānaṁ hoti.
pli-tv-pvr4:15.11	Evametassa pāpakassa vivādamūlassa āyatiṁ anavassavo hoti.
pli-tv-pvr4:15.12	Imāni cha vivādamūlāni.
pli-tv-pvr4:16.1	Tattha katamāni cha anuvādamūlāni?
pli-tv-pvr4:16.2	Idha bhikkhu kodhano hoti upanāhī.
pli-tv-pvr4:16.3	Yo so bhikkhu kodhano hoti upanāhī so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-pvr4:16.4	Yo so bhikkhu satthari agāravo viharati appatisso dhamme …pe…
pli-tv-pvr4:16.5	saṅghe …pe…
pli-tv-pvr4:16.6	sikkhāya na paripūrakārī so saṅghe anuvādaṁ janeti.
pli-tv-pvr4:16.7	Yo hoti anuvādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr4:16.8	Evarūpañce tumhe anuvādamūlaṁ ajjhattaṁ vā bahiddhā vā samanupasseyyātha tatra tumhe tasseva pāpakassa anuvādamūlassa pahānāya vāyameyyātha.
pli-tv-pvr4:16.9	Evarūpañce tumhe anuvādamūlaṁ ajjhattaṁ vā bahiddhā vā na samanupasseyyātha tatra tumhe tasseva pāpakassa anuvādamūlassa āyatiṁ anavassavāya paṭipajjeyyātha.
pli-tv-pvr4:16.10	Evametassa pāpakassa anuvādamūlassa pahānaṁ hoti.
pli-tv-pvr4:16.11	Evametassa pāpakassa anuvādamūlassa āyatiṁ anavassavo hoti.
pli-tv-pvr4:17.1	Puna caparaṁ bhikkhu makkhī hoti palāsī …pe…
pli-tv-pvr4:17.2	issukī hoti maccharī, saṭho hoti māyāvī, pāpiccho hoti micchādiṭṭhi, sandiṭṭhiparāmāsī hoti ādhānaggāhī duppaṭinissaggī.
pli-tv-pvr4:17.3	Yo so bhikkhu sandiṭṭhiparāmāsī hoti ādhānaggāhī duppaṭinissaggī so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-pvr4:17.4	Yo so bhikkhu satthari agāravo viharati appatisso dhamme …pe…
pli-tv-pvr4:17.5	saṅghe …pe…
pli-tv-pvr4:17.6	sikkhāya na paripūrakārī so saṅghe anuvādaṁ janeti.
pli-tv-pvr4:17.7	Yo hoti anuvādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr4:17.8	Evarūpañce tumhe anuvādamūlaṁ ajjhattaṁ vā bahiddhā vā samanupasseyyātha tatra tumhe tasseva pāpakassa anuvādamūlassa pahānāya vāyameyyātha.
pli-tv-pvr4:17.9	Evarūpañce tumhe anuvādamūlaṁ ajjhattaṁ vā bahiddhā vā na samanupasseyyātha tatra tumhe tasseva pāpakassa anuvādamūlassa āyatiṁ anavassavāya paṭipajjeyyātha.
pli-tv-pvr4:17.10	Evametassa pāpakassa anuvādamūlassa pahānaṁ hoti.
pli-tv-pvr4:17.11	Evametassa pāpakassa anuvādamūlassa āyatiṁ anavassavo hoti.
pli-tv-pvr4:17.12	Imāni cha anuvādamūlāni.
pli-tv-pvr4:18.1	Tattha katame cha sāraṇīyā dhammā?
pli-tv-pvr4:18.2	Idha bhikkhuno mettaṁ kāyakammaṁ paccupaṭṭhitaṁ hoti sabrahmacārīsu āvi ceva raho ca.
pli-tv-pvr4:18.3	Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.
pli-tv-pvr4:19.1	Puna caparaṁ bhikkhuno mettaṁ vacīkammaṁ paccupaṭṭhitaṁ hoti sabrahmacārīsu āvi ceva raho ca.
pli-tv-pvr4:19.2	Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.
pli-tv-pvr4:20.1	Puna caparaṁ bhikkhuno mettaṁ manokammaṁ paccupaṭṭhitaṁ hoti sabrahmacārīsu āvi ceva raho ca.
pli-tv-pvr4:20.2	Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.
pli-tv-pvr4:21.1	Puna caparaṁ bhikkhu ye te lābhā dhammikā dhammaladdhā antamaso pattapariyāpannamattampi tathārūpehi lābhehi appaṭivibhattabhogī hoti sīlavantehi sabrahmacārīhi sādhāraṇabhogī.
pli-tv-pvr4:21.2	Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.
pli-tv-pvr4:22.1	Puna caparaṁ bhikkhu yāni tāni sīlāni akhaṇḍāni acchiddāni asabalāni akammāsāni bhujissāni viññupasatthāni aparāmaṭṭhāni samādhisaṁvattanikāni, tathārūpesu sīlesu sīlasāmaññagato viharati sabrahmacārīhi āvi ceva raho ca.
pli-tv-pvr4:22.2	Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.
pli-tv-pvr4:23.1	Puna caparaṁ bhikkhu yāyaṁ diṭṭhi ariyā niyyānikā niyyāti takkarassa sammā dukkhakkhayāya tathārūpāya diṭṭhiyā diṭṭhisāmaññagato viharati sabrahmacārīhi āvi ceva raho ca.
pli-tv-pvr4:23.2	Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.
pli-tv-pvr4:23.3	Ime cha sāraṇīyā dhammā.
pli-tv-pvr4:24.1	Tattha katamāni aṭṭhārasa bhedakaravatthūni?
pli-tv-pvr4:24.2	Idha bhikkhu adhammaṁ “dhammo”ti dīpeti, dhammaṁ “adhammo”ti dīpeti, avinayaṁ “vinayo”ti dīpeti, vinayaṁ “avinayo”ti dīpeti, abhāsitaṁ alapitaṁ tathāgatena “bhāsitaṁ lapitaṁ tathāgatenā”ti dīpeti, bhāsitaṁ lapitaṁ tathāgatena “abhāsitaṁ alapitaṁ tathāgatenā”ti dīpeti, anāciṇṇaṁ tathāgatena “āciṇṇaṁ tathāgatenā”ti dīpeti, āciṇṇaṁ tathāgatena “anāciṇṇaṁ tathāgatenā”ti dīpeti, apaññattaṁ tathāgatena “paññattaṁ tathāgatenā”ti dīpeti, paññattaṁ tathāgatena “apaññattaṁ tathāgatenā”ti dīpeti, āpattiṁ “anāpattī”ti dīpeti, anāpattiṁ “āpattī”ti dīpeti, lahukaṁ āpattiṁ “garukā āpattī”ti dīpeti, garukaṁ āpattiṁ “lahukā āpattī”ti dīpeti, sāvasesaṁ āpattiṁ “anavasesā āpattī”ti dīpeti, anavasesaṁ āpattiṁ “sāvasesā āpattī”ti dīpeti, duṭṭhullaṁ āpattiṁ “aduṭṭhullā āpattī”ti dīpeti, aduṭṭhullaṁ āpattiṁ “duṭṭhullā āpattī”ti dīpeti.
pli-tv-pvr4:24.3	Imāni aṭṭhārasa bhedakaravatthūni.
pli-tv-pvr4:25.1	Tattha katamāni cattāri adhikaraṇāni?
pli-tv-pvr4:25.2	Vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ—
pli-tv-pvr4:25.3	imāni cattāri adhikaraṇāni.
pli-tv-pvr4:26.1	Tattha katame satta samathā?
pli-tv-pvr4:26.2	Sammukhāvinayo, sativinayo, amūḷhavinayo, paṭiññātakaraṇaṁ, yebhuyyasikā, tassapāpiyasikā, tiṇavatthārako—
pli-tv-pvr4:26.3	ime satta samathā.
pli-tv-pvr4:27.1	Katipucchāvāro niṭṭhito.
pli-tv-pvr4:28.1	Tassuddānaṁ
pli-tv-pvr4:29.1	Āpatti āpattikkhandhā,
pli-tv-pvr4:29.2	vinītā sattadhā puna;
pli-tv-pvr4:29.3	Vinītāgāravā ceva,
pli-tv-pvr4:29.4	gāravā mūlameva ca.
pli-tv-pvr4:30.1	Puna vinītā vipatti,
pli-tv-pvr4:30.2	samuṭṭhānā vivādanā;
pli-tv-pvr4:30.3	Anuvādā sāraṇīyaṁ,
pli-tv-pvr4:30.4	bhedādhikaraṇena ca;
pli-tv-pvr4:30.5	Satteva samathā vuttā,
pli-tv-pvr4:30.6	padā sattarasā imeti.
pli-tv-pvr4:31.0	4.1. Chaāpattisamuṭṭhānavāra
pli-tv-pvr4:31.1	Paṭhamena āpattisamuṭṭhānena pārājikaṁ āpajjeyyāti?
pli-tv-pvr4:31.2	Na hīti vattabbaṁ.
pli-tv-pvr4:31.3	Saṅghādisesaṁ āpajjeyyāti?
pli-tv-pvr4:31.4	Siyāti vattabbaṁ.
pli-tv-pvr4:31.5	Thullaccayaṁ āpajjeyyāti?
pli-tv-pvr4:31.6	Siyāti vattabbaṁ.
pli-tv-pvr4:31.7	Pācittiyaṁ āpajjeyyāti?
pli-tv-pvr4:31.8	Siyāti vattabbaṁ.
pli-tv-pvr4:31.9	Pāṭidesanīyaṁ āpajjeyyāti?
pli-tv-pvr4:31.10	Siyāti vattabbaṁ.
pli-tv-pvr4:31.11	Dukkaṭaṁ āpajjeyyāti?
pli-tv-pvr4:31.12	Siyāti vattabbaṁ.
pli-tv-pvr4:31.13	Dubbhāsitaṁ āpajjeyyāti?
pli-tv-pvr4:31.14	Na hīti vattabbaṁ.
pli-tv-pvr4:32.1	Dutiyena āpattisamuṭṭhānena pārājikaṁ āpajjeyyāti?
pli-tv-pvr4:32.2	Na hīti vattabbaṁ.
pli-tv-pvr4:32.3	Saṅghādisesaṁ āpajjeyyāti?
pli-tv-pvr4:32.4	Siyāti vattabbaṁ.
pli-tv-pvr4:32.5	Thullaccayaṁ āpajjeyyāti?
pli-tv-pvr4:32.6	Siyāti vattabbaṁ.
pli-tv-pvr4:32.7	Pācittiyaṁ āpajjeyyāti?
pli-tv-pvr4:32.8	Siyāti vattabbaṁ.
pli-tv-pvr4:32.9	Pāṭidesanīyaṁ āpajjeyyāti?
pli-tv-pvr4:32.10	Na hīti vattabbaṁ.
pli-tv-pvr4:32.11	Dukkaṭaṁ āpajjeyyāti?
pli-tv-pvr4:32.12	Siyāti vattabbaṁ.
pli-tv-pvr4:32.13	Dubbhāsitaṁ āpajjeyyāti?
pli-tv-pvr4:32.14	Na hīti vattabbaṁ.
pli-tv-pvr4:33.1	Tatiyena āpattisamuṭṭhānena pārājikaṁ āpajjeyyāti?
pli-tv-pvr4:33.2	Na hīti vattabbaṁ.
pli-tv-pvr4:33.3	Saṅghādisesaṁ āpajjeyyāti?
pli-tv-pvr4:33.4	Siyāti vattabbaṁ.
pli-tv-pvr4:33.5	Thullaccayaṁ āpajjeyyāti?
pli-tv-pvr4:33.6	Siyāti vattabbaṁ.
pli-tv-pvr4:33.7	Pācittiyaṁ āpajjeyyāti?
pli-tv-pvr4:33.8	Siyāti vattabbaṁ.
pli-tv-pvr4:33.9	Pāṭidesanīyaṁ āpajjeyyāti?
pli-tv-pvr4:33.10	Siyāti vattabbaṁ.
pli-tv-pvr4:33.11	Dukkaṭaṁ āpajjeyyāti?
pli-tv-pvr4:33.12	Siyāti vattabbaṁ.
pli-tv-pvr4:33.13	Dubbhāsitaṁ āpajjeyyāti?
pli-tv-pvr4:33.14	Na hīti vattabbaṁ.
pli-tv-pvr4:34.1	Catutthena āpattisamuṭṭhānena pārājikaṁ āpajjeyyāti?
pli-tv-pvr4:34.2	Siyāti vattabbaṁ.
pli-tv-pvr4:34.3	Saṅghādisesaṁ āpajjeyyāti?
pli-tv-pvr4:34.4	Siyāti vattabbaṁ.
pli-tv-pvr4:34.5	Thullaccayaṁ āpajjeyyāti?
pli-tv-pvr4:34.6	Siyāti vattabbaṁ.
pli-tv-pvr4:34.7	Pācittiyaṁ āpajjeyyāti?
pli-tv-pvr4:34.8	Siyāti vattabbaṁ.
pli-tv-pvr4:34.9	Pāṭidesanīyaṁ āpajjeyyāti?
pli-tv-pvr4:34.10	Siyāti vattabbaṁ.
pli-tv-pvr4:34.11	Dukkaṭaṁ āpajjeyyāti?
pli-tv-pvr4:34.12	Siyāti vattabbaṁ.
pli-tv-pvr4:34.13	Dubbhāsitaṁ āpajjeyyāti?
pli-tv-pvr4:34.14	Na hīti vattabbaṁ.
pli-tv-pvr4:35.1	Pañcamena āpattisamuṭṭhānena pārājikaṁ āpajjeyyāti?
pli-tv-pvr4:35.2	Siyāti vattabbaṁ.
pli-tv-pvr4:35.3	Saṅghādisesaṁ āpajjeyyāti?
pli-tv-pvr4:35.4	Siyāti vattabbaṁ.
pli-tv-pvr4:35.5	Thullaccayaṁ āpajjeyyāti?
pli-tv-pvr4:35.6	Siyāti vattabbaṁ.
pli-tv-pvr4:35.7	Pācittiyaṁ āpajjeyyāti?
pli-tv-pvr4:35.8	Siyāti vattabbaṁ.
pli-tv-pvr4:35.9	Pāṭidesanīyaṁ āpajjeyyāti?
pli-tv-pvr4:35.10	Na hīti vattabbaṁ.
pli-tv-pvr4:35.11	Dukkaṭaṁ āpajjeyyāti?
pli-tv-pvr4:35.12	Siyāti vattabbaṁ.
pli-tv-pvr4:35.13	Dubbhāsitaṁ āpajjeyyāti?
pli-tv-pvr4:35.14	Siyāti vattabbaṁ.
pli-tv-pvr4:36.1	Chaṭṭhena āpattisamuṭṭhānena pārājikaṁ āpajjeyyāti?
pli-tv-pvr4:36.2	Siyāti vattabbaṁ.
pli-tv-pvr4:36.3	Saṅghādisesaṁ āpajjeyyāti?
pli-tv-pvr4:36.4	Siyāti vattabbaṁ.
pli-tv-pvr4:36.5	Thullaccayaṁ āpajjeyyāti?
pli-tv-pvr4:36.6	Siyāti vattabbaṁ.
pli-tv-pvr4:36.7	Pācittiyaṁ āpajjeyyāti?
pli-tv-pvr4:36.8	Siyāti vattabbaṁ.
pli-tv-pvr4:36.9	Pāṭidesanīyaṁ āpajjeyyāti?
pli-tv-pvr4:36.10	Siyāti vattabbaṁ.
pli-tv-pvr4:36.11	Dukkaṭaṁ āpajjeyyāti?
pli-tv-pvr4:36.12	Siyāti vattabbaṁ.
pli-tv-pvr4:36.13	Dubbhāsitaṁ āpajjeyyāti?
pli-tv-pvr4:36.14	Na hīti vattabbaṁ.
pli-tv-pvr4:37.1	Chaāpattisamuṭṭhānavāro niṭṭhito paṭhamo.
pli-tv-pvr4:38.0	4.2. Katāpattivāra
pli-tv-pvr4:38.1	Paṭhamena āpattisamuṭṭhānena kati āpattiyo āpajjati?
pli-tv-pvr4:38.2	Paṭhamena āpattisamuṭṭhānena pañca āpattiyo āpajjati.
pli-tv-pvr4:38.3	Bhikkhu kappiyasaññī saññācikāya kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ;
pli-tv-pvr4:38.4	ekaṁ piṇḍaṁ anāgate āpatti thullaccayassa;
pli-tv-pvr4:38.5	tasmiṁ piṇḍe āgate āpatti saṅghādisesassa;
pli-tv-pvr4:38.6	bhikkhu kappiyasaññī vikāle bhojanaṁ bhuñjati, āpatti pācittiyassa;
pli-tv-pvr4:38.7	bhikkhu kappiyasaññī aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjati, āpatti pāṭidesanīyassa—
pli-tv-pvr4:38.8	paṭhamena āpattisamuṭṭhānena imā pañca āpattiyo āpajjati.
pli-tv-pvr4:39.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr4:39.2	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr4:39.3	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr4:39.4	Catunnaṁ adhikaraṇānaṁ katamaṁ adhikaraṇaṁ?
pli-tv-pvr4:39.5	Sattannaṁ samathānaṁ katihi samathehi sammanti?
pli-tv-pvr4:39.6	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:39.7	siyā sīlavipattiṁ, siyā ācāravipattiṁ.
pli-tv-pvr4:39.8	Sattannaṁ āpattikkhandhānaṁ pañcahi āpattikkhandhehi saṅgahitā—
pli-tv-pvr4:39.9	siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr4:39.10	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:39.11	kāyato samuṭṭhanti, na vācato na cittato.
pli-tv-pvr4:39.12	Catunnaṁ adhikaraṇānaṁ āpattādhikaraṇaṁ.
pli-tv-pvr4:39.13	Sattannaṁ samathānaṁ tīhi samathehi sammanti—
pli-tv-pvr4:39.14	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:40.1	Dutiyena āpattisamuṭṭhānena kati āpattiyo āpajjati?
pli-tv-pvr4:40.2	Dutiyena āpattisamuṭṭhānena catasso āpattiyo āpajjati—
pli-tv-pvr4:40.3	bhikkhu kappiyasaññī samādisati—“kuṭiṁ me karothā”ti. Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ. Payoge dukkaṭaṁ;
pli-tv-pvr4:40.4	ekaṁ piṇḍaṁ anāgate āpatti thullaccayassa;
pli-tv-pvr4:40.5	tasmiṁ piṇḍe āgate āpatti saṅghādisesassa.
pli-tv-pvr4:40.6	Bhikkhu kappiyasaññī anupasampannaṁ padaso dhammaṁ vāceti, āpatti pācittiyassa—
pli-tv-pvr4:40.7	dutiyena āpattisamuṭṭhānena imā catasso āpattiyo āpajjati.
pli-tv-pvr4:41.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:41.2	sattannaṁ samathānaṁ katihi samathehi sammanti?
pli-tv-pvr4:41.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:41.4	siyā sīlavipattiṁ, siyā ācāravipattiṁ.
pli-tv-pvr4:41.5	Sattannaṁ āpattikkhandhānaṁ catūhi āpattikkhandhehi saṅgahitā—
pli-tv-pvr4:41.6	siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr4:41.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:41.8	vācato samuṭṭhanti, na kāyato na cittato.
pli-tv-pvr4:41.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:41.10	Sattannaṁ samathānaṁ tīhi samathehi sammanti—
pli-tv-pvr4:41.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:42.1	Tatiyena āpattisamuṭṭhānena kati āpattiyo āpajjati?
pli-tv-pvr4:42.2	Tatiyena āpattisamuṭṭhānena pañca āpattiyo āpajjati.
pli-tv-pvr4:42.3	Bhikkhu kappiyasaññī saṁvidahitvā kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ. Payoge dukkaṭaṁ;
pli-tv-pvr4:42.4	ekaṁ piṇḍaṁ anāgate āpatti thullaccayassa;
pli-tv-pvr4:42.5	tasmiṁ piṇḍe āgate āpatti saṅghādisesassa.
pli-tv-pvr4:42.6	Bhikkhu kappiyasaññī paṇītabhojanāni attano atthāya viññāpetvā bhuñjati, āpatti pācittiyassa.
pli-tv-pvr4:42.7	Bhikkhu kappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa—
pli-tv-pvr4:42.8	tatiyena āpattisamuṭṭhānena imā pañca āpattiyo āpajjati.
pli-tv-pvr4:43.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:43.2	sattannaṁ samathānaṁ katihi samathehi sammanti?
pli-tv-pvr4:43.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:43.4	siyā sīlavipattiṁ, siyā ācāravipattiṁ.
pli-tv-pvr4:43.5	Sattannaṁ āpattikkhandhānaṁ pañcahi āpattikkhandhehi saṅgahitā—
pli-tv-pvr4:43.6	siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr4:43.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:43.8	kāyato ca vācato ca samuṭṭhanti, na cittato.
pli-tv-pvr4:43.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:43.10	Sattannaṁ samathānaṁ tīhi samathehi sammanti—
pli-tv-pvr4:43.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:44.1	Catutthena āpattisamuṭṭhānena kati āpattiyo āpajjati?
pli-tv-pvr4:44.2	Catutthena āpattisamuṭṭhānena cha āpattiyo āpajjati—
pli-tv-pvr4:44.3	bhikkhu methunaṁ dhammaṁ paṭisevati, āpatti pārājikassa;
pli-tv-pvr4:44.4	bhikkhu akappiyasaññī saññācikāya kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ;
pli-tv-pvr4:44.5	ekaṁ piṇḍaṁ anāgate āpatti thullaccayassa;
pli-tv-pvr4:44.6	tasmiṁ piṇḍe āgate āpatti saṅghādisesassa.
pli-tv-pvr4:44.7	Bhikkhu akappiyasaññī vikāle bhojanaṁ bhuñjati, āpatti pācittiyassa.
pli-tv-pvr4:44.8	Bhikkhu akappiyasaññī aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā bhuñjati, āpatti pāṭidesanīyassa.
pli-tv-pvr4:44.9	Catutthena āpattisamuṭṭhānena imā cha āpattiyo āpajjati.
pli-tv-pvr4:45.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:45.2	sattannaṁ samathānaṁ katihi samathehi sammanti?
pli-tv-pvr4:45.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:45.4	siyā sīlavipattiṁ, siyā ācāravipattiṁ.
pli-tv-pvr4:45.5	Sattannaṁ āpattikkhandhānaṁ chahi āpattikkhandhehi saṅgahitā—
pli-tv-pvr4:45.6	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr4:45.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:45.8	kāyato ca cittato ca samuṭṭhanti, na vācato.
pli-tv-pvr4:45.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:45.10	Sattannaṁ samathānaṁ tīhi samathehi sammanti—
pli-tv-pvr4:45.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:46.1	Pañcamena āpattisamuṭṭhānena kati āpattiyo āpajjati?
pli-tv-pvr4:46.2	Pañcamena āpattisamuṭṭhānena cha āpattiyo āpajjati.
pli-tv-pvr4:46.3	Bhikkhu pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa;
pli-tv-pvr4:46.4	bhikkhu akappiyasaññī samādisati—“kuṭiṁ me karothā”ti. Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ. Payoge dukkaṭaṁ;
pli-tv-pvr4:46.5	ekaṁ piṇḍaṁ anāgate āpatti thullaccayassa;
pli-tv-pvr4:46.6	tasmiṁ piṇḍe āgate āpatti saṅghādisesassa.
pli-tv-pvr4:46.7	Bhikkhu akappiyasaññī anupasampannaṁ padaso dhammaṁ vāceti, āpatti pācittiyassa.
pli-tv-pvr4:46.8	Na khuṁsetukāmo na vambhetukāmo na maṅkukattukāmo davakamyatā hīnena hīnaṁ vadeti, āpatti dubbhāsitassa—
pli-tv-pvr4:46.9	pañcamena āpattisamuṭṭhānena imā cha āpattiyo āpajjati.
pli-tv-pvr4:47.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:47.2	sattannaṁ samathānaṁ katihi samathehi sammanti?
pli-tv-pvr4:47.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:47.4	siyā sīlavipattiṁ, siyā ācāravipattiṁ.
pli-tv-pvr4:47.5	Sattannaṁ āpattikkhandhānaṁ chahi āpattikkhandhehi saṅgahitā—
pli-tv-pvr4:47.6	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena, siyā dubbhāsitāpattikkhandhena.
pli-tv-pvr4:47.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:47.8	vācato ca cittato ca samuṭṭhanti, na kāyato.
pli-tv-pvr4:47.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:47.10	Sattannaṁ samathānaṁ tīhi samathehi sammanti—
pli-tv-pvr4:47.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:48.1	Chaṭṭhena āpattisamuṭṭhānena kati āpattiyo āpajjati?
pli-tv-pvr4:48.2	Chaṭṭhena āpattisamuṭṭhānena cha āpattiyo āpajjati—
pli-tv-pvr4:48.3	bhikkhu saṁvidahitvā bhaṇḍaṁ avaharati, āpatti pārājikassa;
pli-tv-pvr4:48.4	bhikkhu akappiyasaññī saṁvidahitvā kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, payoge dukkaṭaṁ;
pli-tv-pvr4:48.5	ekaṁ piṇḍaṁ anāgate āpatti thullaccayassa;
pli-tv-pvr4:48.6	tasmiṁ piṇḍe āgate, āpatti saṅghādisesassa.
pli-tv-pvr4:48.7	Bhikkhu akappiyasaññī paṇītabhojanāni attano atthāya viññāpetvā bhuñjati, āpatti pācittiyassa.
pli-tv-pvr4:48.8	Bhikkhu akappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa—
pli-tv-pvr4:48.9	chaṭṭhena āpattisamuṭṭhānena imā cha āpattiyo āpajjati.
pli-tv-pvr4:49.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr4:49.2	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr4:49.3	Channaṁ āpattisamuṭṭhānānaṁ katihi āpattisamuṭṭhānehi samuṭṭhanti?
pli-tv-pvr4:49.4	Catunnaṁ adhikaraṇānaṁ katamaṁ adhikaraṇaṁ?
pli-tv-pvr4:49.5	Sattannaṁ samathānaṁ katihi samathehi sammanti?
pli-tv-pvr4:49.6	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:49.7	siyā sīlavipattiṁ, siyā ācāravipattiṁ.
pli-tv-pvr4:49.8	Sattannaṁ āpattikkhandhānaṁ chahi āpattikkhandhehi saṅgahitā—
pli-tv-pvr4:49.9	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr4:49.10	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:49.11	kāyato ca vācato ca cittato ca samuṭṭhanti.
pli-tv-pvr4:49.12	Catunnaṁ adhikaraṇānaṁ, āpattādhikaraṇaṁ.
pli-tv-pvr4:49.13	Sattannaṁ samathānaṁ tīhi samathehi sammanti—
pli-tv-pvr4:49.14	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
pli-tv-pvr4:50.1	Channaṁ āpattisamuṭṭhānānaṁ katāpattivāro niṭṭhito dutiyo.
pli-tv-pvr4:51.0	4.3. Āpattisamuṭṭhānagāthā
pli-tv-pvr4:51.1	Samuṭṭhānā kāyikā anantadassinā,
pli-tv-pvr4:51.2	Akkhātā lokahitena vivekadassinā;
pli-tv-pvr4:51.3	Āpattiyo tena samuṭṭhitā kati,
pli-tv-pvr4:51.4	Pucchāmi taṁ brūhi vibhaṅgakovida.
pli-tv-pvr4:52.1	Samuṭṭhānā kāyikā anantadassinā,
pli-tv-pvr4:52.2	Akkhātā lokahitena vivekadassinā;
pli-tv-pvr4:52.3	Āpattiyo tena samuṭṭhitā pañca,
pli-tv-pvr4:52.4	Etaṁ te akkhāmi vibhaṅgakovida.
pli-tv-pvr4:53.1	Samuṭṭhānā vācasikā anantadassinā,
pli-tv-pvr4:53.2	Akkhātā lokahitena vivekadassinā;
pli-tv-pvr4:53.3	Āpattiyo tena samuṭṭhitā kati,
pli-tv-pvr4:53.4	Pucchāmi taṁ brūhi vibhaṅgakovida.
pli-tv-pvr4:54.1	Samuṭṭhānā vācasikā anantadassinā,
pli-tv-pvr4:54.2	Akkhātā lokahitena vivekadassinā;
pli-tv-pvr4:54.3	Āpattiyo tena samuṭṭhitā catasso,
pli-tv-pvr4:54.4	Etaṁ te akkhāmi vibhaṅgakovida.
pli-tv-pvr4:55.1	Samuṭṭhānā kāyikā vācasikā anantadassinā,
pli-tv-pvr4:55.2	Akkhātā lokahitena vivekadassinā;
pli-tv-pvr4:55.3	Āpattiyo tena samuṭṭhitā kati,
pli-tv-pvr4:55.4	Pucchāmi taṁ brūhi vibhaṅgakovida.
pli-tv-pvr4:56.1	Samuṭṭhānā kāyikā vācasikā anantadassinā,
pli-tv-pvr4:56.2	Akkhātā lokahitena vivekadassinā;
pli-tv-pvr4:56.3	Āpattiyo tena samuṭṭhitā pañca,
pli-tv-pvr4:56.4	Etaṁ te akkhāmi vibhaṅgakovida.
pli-tv-pvr4:57.1	Samuṭṭhānā kāyikā mānasikā anantadassinā,
pli-tv-pvr4:57.2	Akkhātā lokahitena vivekadassinā;
pli-tv-pvr4:57.3	Āpattiyo tena samuṭṭhitā kati,
pli-tv-pvr4:57.4	Pucchāmi taṁ brūhi vibhaṅgakovida.
pli-tv-pvr4:58.1	Samuṭṭhānā kāyikā mānasikā anantadassinā,
pli-tv-pvr4:58.2	Akkhātā lokahitena vivekadassinā;
pli-tv-pvr4:58.3	Āpattiyo tena samuṭṭhitā cha,
pli-tv-pvr4:58.4	Etaṁ te akkhāmi vibhaṅgakovida.
pli-tv-pvr4:59.1	Samuṭṭhānā vācasikā mānasikā anantadassinā,
pli-tv-pvr4:59.2	Akkhātā lokahitena vivekadassinā;
pli-tv-pvr4:59.3	Āpattiyo tena samuṭṭhitā kati,
pli-tv-pvr4:59.4	Pucchāmi taṁ brūhi vibhaṅgakovida.
pli-tv-pvr4:60.1	Samuṭṭhānā vācasikā mānasikā anantadassinā,
pli-tv-pvr4:60.2	Akkhātā lokahitena vivekadassinā;
pli-tv-pvr4:60.3	Āpattiyo tena samuṭṭhitā cha,
pli-tv-pvr4:60.4	Etaṁ te akkhāmi vibhaṅgakovida.
pli-tv-pvr4:61.1	Samuṭṭhānā kāyikā vācasikā mānasikā anantadassinā,
pli-tv-pvr4:61.2	Akkhātā lokahitena vivekadassinā;
pli-tv-pvr4:61.3	Āpattiyo tena samuṭṭhitā kati,
pli-tv-pvr4:61.4	Pucchāmi taṁ brūhi vibhaṅgakovida.
pli-tv-pvr4:62.1	Samuṭṭhānā kāyikā vācasikā mānasikā anantadassinā,
pli-tv-pvr4:62.2	Akkhātā lokahitena vivekadassinā;
pli-tv-pvr4:62.3	Āpattiyo tena samuṭṭhitā cha,
pli-tv-pvr4:62.4	Etaṁ te akkhāmi vibhaṅgakovidāti.
pli-tv-pvr4:63.1	Āpattisamuṭṭhānagāthā niṭṭhitā tatiyā.
pli-tv-pvr4:64.0	4.4. Vipattipaccayavāra
pli-tv-pvr4:64.1	Sīlavipattipaccayā kati āpattiyo āpajjati?
pli-tv-pvr4:64.2	Sīlavipattipaccayā catasso āpattiyo āpajjati—
pli-tv-pvr4:64.3	bhikkhunī jānaṁ pārājikaṁ dhammaṁ paṭicchādeti, āpatti pārājikassa;
pli-tv-pvr4:64.4	vematikā paṭicchādeti, āpatti thullaccayassa;
pli-tv-pvr4:64.5	bhikkhu saṅghādisesaṁ paṭicchādeti, āpatti pācittiyassa;
pli-tv-pvr4:64.6	attano duṭṭhullaṁ āpattiṁ paṭicchādeti, āpatti dukkaṭassa—
pli-tv-pvr4:64.7	sīlavipattipaccayā imā catasso āpattiyo āpajjati.
pli-tv-pvr4:65.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:65.2	sattannaṁ samathānaṁ katihi samathehi sammanti?
pli-tv-pvr4:65.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:65.4	siyā sīlavipattiṁ, siyā ācāravipattiṁ.
pli-tv-pvr4:65.5	Sattannaṁ āpattikkhandhānaṁ catūhi āpattikkhandhehi saṅgahitā—
pli-tv-pvr4:65.6	siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr4:65.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:65.8	kāyato ca vācato ca cittato ca samuṭṭhanti.
pli-tv-pvr4:65.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:65.10	Sattannaṁ samathānaṁ tīhi samathehi sammanti—
pli-tv-pvr4:65.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:66.1	Ācāravipattipaccayā kati āpattiyo āpajjati?
pli-tv-pvr4:66.2	Ācāravipattipaccayā ekaṁ āpattiṁ āpajjati.
pli-tv-pvr4:66.3	Ācāravipattiṁ paṭicchādeti, āpatti dukkaṭassa—
pli-tv-pvr4:66.4	ācāravipattipaccayā imaṁ ekaṁ āpattiṁ āpajjati.
pli-tv-pvr4:67.1	Sā āpatti catunnaṁ vipattīnaṁ kati vipattiyo bhajati …pe…
pli-tv-pvr4:67.2	sattannaṁ samathānaṁ katihi samathehi sammati?
pli-tv-pvr4:67.3	Sā āpatti catunnaṁ vipattīnaṁ ekaṁ vipattiṁ bhajati—
pli-tv-pvr4:67.4	ācāravipattiṁ.
pli-tv-pvr4:67.5	Sattannaṁ āpattikkhandhānaṁ ekena āpattikkhandhena saṅgahitā—
pli-tv-pvr4:67.6	dukkaṭāpattikkhandhena.
pli-tv-pvr4:67.7	Channaṁ āpattisamuṭṭhānānaṁ ekena samuṭṭhānena samuṭṭhāti—
pli-tv-pvr4:67.8	kāyato ca vācato ca cittato ca samuṭṭhāti.
pli-tv-pvr4:67.9	Catunnaṁ adhikaraṇānaṁ āpattādhikaraṇaṁ.
pli-tv-pvr4:67.10	Sattannaṁ samathānaṁ tīhi samathehi sammati—
pli-tv-pvr4:67.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:68.1	Diṭṭhivipattipaccayā kati āpattiyo āpajjati?
pli-tv-pvr4:68.2	Diṭṭhivipattipaccayā dve āpattiyo āpajjati.
pli-tv-pvr4:68.3	Pāpikāya diṭṭhiyā yāvatatiyaṁ samanubhāsanāya na paṭinissajjati, ñattiyā dukkaṭaṁ;
pli-tv-pvr4:68.4	kammavācāpariyosāne āpatti pācittiyassa—
pli-tv-pvr4:68.5	diṭṭhivipattipaccayā imā dve āpattiyo āpajjati.
pli-tv-pvr4:69.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:69.2	sattannaṁ samathānaṁ katihi samathehi sammanti?
pli-tv-pvr4:69.3	Tā āpattiyo catunnaṁ vipattīnaṁ ekaṁ vipattiṁ bhajanti—
pli-tv-pvr4:69.4	ācāravipattiṁ.
pli-tv-pvr4:69.5	Sattannaṁ āpattikkhandhānaṁ dvīhi āpattikkhandhehi saṅgahitā—
pli-tv-pvr4:69.6	siyā pācittiyāpattikkhandhena, siyā dukkaṭāpattikkhandhena.
pli-tv-pvr4:69.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:69.8	kāyato ca vācato ca cittato ca samuṭṭhanti.
pli-tv-pvr4:69.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:69.10	Sattannaṁ samathānaṁ tīhi samathehi sammanti—
pli-tv-pvr4:69.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:70.1	Ājīvavipattipaccayā kati āpattiyo āpajjati?
pli-tv-pvr4:70.2	Ājīvavipattipaccayā cha āpattiyo āpajjati—
pli-tv-pvr4:70.3	ājīvahetu ājīvakāraṇā pāpiccho icchāpakato asantaṁ abhūtaṁ uttarimanussadhammaṁ ullapati, āpatti pārājikassa;
pli-tv-pvr4:70.4	ājīvahetu ājīvakāraṇā sañcarittaṁ samāpajjati, āpatti saṅghādisesassa;
pli-tv-pvr4:70.5	ājīvahetu ājīvakāraṇā “yo te vihāre vasati, so bhikkhu arahā”ti bhaṇati, paṭivijānantassa āpatti thullaccayassa;
pli-tv-pvr4:70.6	ājīvahetu ājīvakāraṇā bhikkhu paṇītabhojanāni attano atthāya viññāpetvā bhuñjati, āpatti pācittiyassa;
pli-tv-pvr4:70.7	ājīvahetu ājīvakāraṇā bhikkhunī paṇītabhojanāni attano atthāya viññāpetvā bhuñjati, āpatti pāṭidesanīyassa;
pli-tv-pvr4:70.8	ājīvahetu ājīvakāraṇā sūpaṁ vā odanaṁ vā agilāno attano atthāya viññāpetvā bhuñjati, āpatti dukkaṭassa—
pli-tv-pvr4:70.9	ājīvavipattipaccayā imā cha āpattiyo āpajjati.
pli-tv-pvr4:71.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:71.2	sattannaṁ samathānaṁ katihi samathehi sammanti.
pli-tv-pvr4:71.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:71.4	siyā sīlavipattiṁ, siyā ācāravipattiṁ.
pli-tv-pvr4:71.5	Sattannaṁ āpattikkhandhānaṁ chahi āpattikkhandhehi saṅgahitā—
pli-tv-pvr4:71.6	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā pāṭidesanīyāpattikkhandhena, siyā dukkaṭāpattikkhandhena.
pli-tv-pvr4:71.7	Channaṁ āpattisamuṭṭhānānaṁ chahi samuṭṭhānehi samuṭṭhanti—
pli-tv-pvr4:71.8	siyā kāyato samuṭṭhanti, na vācato na cittato;
pli-tv-pvr4:71.9	siyā vācato samuṭṭhanti, na kāyato na cittato;
pli-tv-pvr4:71.10	siyā kāyato ca vācato ca samuṭṭhanti, na cittato;
pli-tv-pvr4:71.11	siyā kāyato ca cittato ca samuṭṭhanti, na vācato;
pli-tv-pvr4:71.12	siyā vācato ca cittato ca samuṭṭhanti, na kāyato;
pli-tv-pvr4:71.13	siyā kāyato ca vācato ca cittato ca samuṭṭhanti.
pli-tv-pvr4:71.14	Catunnaṁ adhikaraṇānaṁ, āpattādhikaraṇaṁ.
pli-tv-pvr4:71.15	Sattannaṁ samathānaṁ tīhi samathehi sammanti—
pli-tv-pvr4:71.16	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:72.1	Vipattipaccayavāro niṭṭhito catuttho.
pli-tv-pvr4:73.0	4.5. Adhikaraṇapaccayavāra
pli-tv-pvr4:73.1	Vivādādhikaraṇapaccayā kati āpattiyo āpajjati?
pli-tv-pvr4:73.2	Vivādādhikaraṇapaccayā dve āpattiyo āpajjati—
pli-tv-pvr4:73.3	upasampannaṁ omasati, āpatti pācittiyassa;
pli-tv-pvr4:73.4	anupasampannaṁ omasati, āpatti dukkaṭassa—
pli-tv-pvr4:73.5	vivādādhikaraṇapaccayā imā dve āpattiyo āpajjati.
pli-tv-pvr4:74.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:74.2	sattannaṁ samathānaṁ katihi samathehi sammanti?
pli-tv-pvr4:74.3	Tā āpattiyo catunnaṁ vipattīnaṁ ekaṁ vipattiṁ bhajanti—
pli-tv-pvr4:74.4	ācāravipattiṁ.
pli-tv-pvr4:74.5	Sattannaṁ āpattikkhandhānaṁ dvīhi āpattikkhandhehi saṅgahitā—
pli-tv-pvr4:74.6	siyā pācittiyāpattikkhandhena, siyā dukkaṭāpattikkhandhena.
pli-tv-pvr4:74.7	Channaṁ āpattisamuṭṭhānānaṁ tīhi samuṭṭhānehi samuṭṭhanti—
pli-tv-pvr4:74.8	siyā kāyato ca cittato ca samuṭṭhanti, na vācato;
pli-tv-pvr4:74.9	siyā vācato ca cittato ca samuṭṭhanti, na kāyato;
pli-tv-pvr4:74.10	siyā kāyato ca vācato ca cittato ca samuṭṭhanti.
pli-tv-pvr4:74.11	Catunnaṁ adhikaraṇānaṁ, āpattādhikaraṇaṁ.
pli-tv-pvr4:74.12	Sattannaṁ samathānaṁ tīhi samathehi sammanti—
pli-tv-pvr4:74.13	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:75.1	Anuvādādhikaraṇapaccayā kati āpattiyo āpajjati?
pli-tv-pvr4:75.2	Anuvādādhikaraṇapaccayā tisso āpattiyo āpajjati.
pli-tv-pvr4:75.3	Bhikkhuṁ amūlakena pārājikena dhammena anuddhaṁseti, āpatti saṅghādisesassa;
pli-tv-pvr4:75.4	amūlakena saṅghādisesena anuddhaṁseti, āpatti pācittiyassa;
pli-tv-pvr4:75.5	amūlikāya ācāravipattiyā anuddhaṁseti, āpatti dukkaṭassa—
pli-tv-pvr4:75.6	anuvādādhikaraṇapaccayā imā tisso āpattiyo āpajjati.
pli-tv-pvr4:76.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:76.2	sattannaṁ samathānaṁ katihi samathehi sammanti?
pli-tv-pvr4:76.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:76.4	siyā sīlavipattiṁ, siyā ācāravipattiṁ.
pli-tv-pvr4:76.5	Sattannaṁ āpattikkhandhānaṁ tīhi āpattikkhandhehi saṅgahitā—
pli-tv-pvr4:76.6	siyā saṅghādisesāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr4:76.7	Channaṁ āpattisamuṭṭhānānaṁ tīhi samuṭṭhānehi samuṭṭhanti—
pli-tv-pvr4:76.8	siyā kāyato ca cittato ca samuṭṭhanti, na vācato;
pli-tv-pvr4:76.9	siyā vācato ca cittato ca samuṭṭhanti, na kāyato;
pli-tv-pvr4:76.10	siyā kāyato ca vācato ca cittato ca samuṭṭhanti.
pli-tv-pvr4:76.11	Catunnaṁ adhikaraṇānaṁ, āpattādhikaraṇaṁ.
pli-tv-pvr4:76.12	Sattannaṁ samathānaṁ tīhi samathehi sammanti—
pli-tv-pvr4:76.13	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:77.1	Āpattādhikaraṇapaccayā kati āpattiyo āpajjati?
pli-tv-pvr4:77.2	Āpattādhikaraṇapaccayā catasso āpattiyo āpajjati.
pli-tv-pvr4:77.3	Bhikkhunī jānaṁ pārājikaṁ dhammaṁ paṭicchādeti, āpatti pārājikassa;
pli-tv-pvr4:77.4	vematikā paṭicchādeti, āpatti thullaccayassa;
pli-tv-pvr4:77.5	bhikkhu saṅghādisesaṁ paṭicchādeti, āpatti pācittiyassa;
pli-tv-pvr4:77.6	ācāravipattiṁ paṭicchādeti, āpatti dukkaṭassa—
pli-tv-pvr4:77.7	āpattādhikaraṇapaccayā imā catasso āpattiyo āpajjati.
pli-tv-pvr4:78.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:78.2	sattannaṁ samathānaṁ katihi samathehi sammanti?
pli-tv-pvr4:78.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:78.4	siyā sīlavipattiṁ, siyā ācāravipattiṁ.
pli-tv-pvr4:78.5	Sattannaṁ āpattikkhandhānaṁ catūhi āpattikkhandhehi saṅgahitā—
pli-tv-pvr4:78.6	siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr4:78.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:78.8	kāyato ca vācato ca cittato ca samuṭṭhanti.
pli-tv-pvr4:78.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:78.10	Sattannaṁ samathānaṁ tīhi samathehi sammanti—
pli-tv-pvr4:78.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:79.1	Kiccādhikaraṇapaccayā kati āpattiyo āpajjati?
pli-tv-pvr4:79.2	Kiccādhikaraṇapaccayā pañca āpattiyo āpajjati.
pli-tv-pvr4:79.3	Ukkhittānuvattikā bhikkhunī yāvatatiyaṁ samanubhāsanāya na paṭinissajjati, ñattiyā dukkaṭaṁ;
pli-tv-pvr4:79.4	dvīhi kammavācāhi thullaccayā;
pli-tv-pvr4:79.5	kammavācāpariyosāne āpatti pārājikassa.
pli-tv-pvr4:79.6	Bhedakānuvattakā bhikkhū yāvatatiyaṁ samanubhāsanāya na paṭinissajjanti, āpatti saṅghādisesassa;
pli-tv-pvr4:79.7	pāpikāya diṭṭhiyā yāvatatiyaṁ samanubhāsanāya na paṭinissajjati, āpatti pācittiyassa—
pli-tv-pvr4:79.8	kiccādhikaraṇapaccayā imā pañca āpattiyo āpajjati.
pli-tv-pvr4:80.1	Tā āpattiyo catunnaṁ vipattīnaṁ kati vipattiyo bhajanti …pe…
pli-tv-pvr4:80.2	sattannaṁ samathānaṁ katihi samathehi sammanti?
pli-tv-pvr4:80.3	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr4:80.4	siyā sīlavipattiṁ, siyā ācāravipattiṁ.
pli-tv-pvr4:80.5	Sattannaṁ āpattikkhandhānaṁ pañcahi āpattikkhandhehi saṅgahitā—
pli-tv-pvr4:80.6	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr4:80.7	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr4:80.8	kāyato ca vācato ca cittato ca samuṭṭhanti.
pli-tv-pvr4:80.9	Catunnaṁ adhikaraṇānaṁ, āpattādhikaraṇaṁ.
pli-tv-pvr4:80.10	Sattannaṁ samathānaṁ tīhi samathehi sammanti—
pli-tv-pvr4:80.11	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr4:81.1	Ṭhapetvā satta āpattiyo satta āpattikkhandhe, avasesā āpattiyo catunnaṁ vipattīnaṁ kati vipattiyo bhajanti?
pli-tv-pvr4:81.2	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr4:81.3	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr4:81.4	Catunnaṁ adhikaraṇānaṁ katamaṁ adhikaraṇaṁ?
pli-tv-pvr4:81.5	Sattannaṁ samathānaṁ katihi samathehi sammanti?
pli-tv-pvr4:81.6	Ṭhapetvā satta āpattiyo satta āpattikkhandhe avasesā āpattiyo catunnaṁ vipattīnaṁ na katamaṁ vipattiṁ bhajanti?
pli-tv-pvr4:81.7	Sattannaṁ āpattikkhandhānaṁ na katamena āpattikkhandhena saṅgahitā.
pli-tv-pvr4:81.8	Channaṁ āpattisamuṭṭhānānaṁ na katamena āpattisamuṭṭhānena samuṭṭhanti.
pli-tv-pvr4:81.9	Catunnaṁ adhikaraṇānaṁ na katamaṁ adhikaraṇaṁ.
pli-tv-pvr4:81.10	Sattannaṁ samathānaṁ na katamena samathena sammanti.
pli-tv-pvr4:81.11	Taṁ kissa hetu?
pli-tv-pvr4:81.12	Ṭhapetvā satta āpattiyo satta āpattikkhandhe, natthaññā āpattiyoti.
pli-tv-pvr4:82.1	Adhikaraṇapaccayavāro niṭṭhito pañcamo.
pli-tv-pvr4:83.1	Antarapeyyālaṁ niṭṭhitaṁ.
pli-tv-pvr4:84.1	Tassuddānaṁ
pli-tv-pvr4:85.1	Katipucchā samuṭṭhānā,
pli-tv-pvr4:85.2	katāpatti tatheva ca;
pli-tv-pvr4:85.3	Samuṭṭhānā vipatti ca,
pli-tv-pvr4:85.4	tathādhikaraṇena cāti.
pli-tv-pvr5:0.1	Parivāra
pli-tv-pvr5:0.2	5. Samathabheda
pli-tv-pvr5:0.3	1. Adhikaraṇapariyāyavāra
pli-tv-pvr5:1.1	Vivādādhikaraṇassa—
pli-tv-pvr5:1.2	kiṁ pubbaṅgamaṁ?
pli-tv-pvr5:1.3	Kati ṭhānāni?
pli-tv-pvr5:1.4	Kati vatthūni?
pli-tv-pvr5:1.5	Kati bhūmiyo?
pli-tv-pvr5:1.6	Kati hetū?
pli-tv-pvr5:1.7	Kati mūlāni?
pli-tv-pvr5:1.8	Katihākārehi vivadati?
pli-tv-pvr5:1.9	Vivādādhikaraṇaṁ katihi samathehi sammati?
pli-tv-pvr5:2.1	Anuvādādhikaraṇassa—
pli-tv-pvr5:2.2	kiṁ pubbaṅgamaṁ?
pli-tv-pvr5:2.3	Kati ṭhānāni?
pli-tv-pvr5:2.4	Kati vatthūni?
pli-tv-pvr5:2.5	Kati bhūmiyo?
pli-tv-pvr5:2.6	Kati hetū?
pli-tv-pvr5:2.7	Kati mūlāni?
pli-tv-pvr5:2.8	Katihākārehi anuvadati?
pli-tv-pvr5:2.9	Anuvādādhikaraṇaṁ katihi samathehi sammati?
pli-tv-pvr5:3.1	Āpattādhikaraṇassa—
pli-tv-pvr5:3.2	kiṁ pubbaṅgamaṁ?
pli-tv-pvr5:3.3	Kati ṭhānāni?
pli-tv-pvr5:3.4	Kati vatthūni?
pli-tv-pvr5:3.5	Kati bhūmiyo?
pli-tv-pvr5:3.6	Kati hetū?
pli-tv-pvr5:3.7	Kati mūlāni?
pli-tv-pvr5:3.8	Katihākārehi āpattiṁ āpajjati?
pli-tv-pvr5:3.9	Āpattādhikaraṇaṁ katihi samathehi sammati?
pli-tv-pvr5:4.1	Kiccādhikaraṇassa—
pli-tv-pvr5:4.2	kiṁ pubbaṅgamaṁ?
pli-tv-pvr5:4.3	Kati ṭhānāni?
pli-tv-pvr5:4.4	Kati vatthūni?
pli-tv-pvr5:4.5	Kati bhūmiyo?
pli-tv-pvr5:4.6	Kati hetū?
pli-tv-pvr5:4.7	Kati mūlāni?
pli-tv-pvr5:4.8	Katihākārehi kiccaṁ jāyati?
pli-tv-pvr5:4.9	Kiccādhikaraṇaṁ katihi samathehi sammati?
pli-tv-pvr5:5.1	Vivādādhikaraṇassa kiṁ pubbaṅgamanti?
pli-tv-pvr5:5.2	Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo.
pli-tv-pvr5:5.3	Kati ṭhānānīti?
pli-tv-pvr5:5.4	Aṭṭhārasa bhedakaravatthūni ṭhānāni.
pli-tv-pvr5:5.5	Kati vatthūnīti?
pli-tv-pvr5:5.6	Aṭṭhārasa bhedakaravatthūni.
pli-tv-pvr5:5.7	Kati bhūmiyoti?
pli-tv-pvr5:5.8	Aṭṭhārasa bhedakaravatthūni bhūmiyo.
pli-tv-pvr5:5.9	Kati hetūti?
pli-tv-pvr5:5.10	Nava hetū—
pli-tv-pvr5:5.11	tayo kusalahetū, tayo akusalahetū, tayo abyākatahetū.
pli-tv-pvr5:5.12	Kati mūlānīti?
pli-tv-pvr5:5.13	Dvādasa mūlāni.
pli-tv-pvr5:5.14	Katihākārehi vivadatīti?
pli-tv-pvr5:5.15	Dvīhākārehi vivadati—
pli-tv-pvr5:5.16	dhammadiṭṭhi vā adhammadiṭṭhi vā.
pli-tv-pvr5:5.17	Vivādādhikaraṇaṁ katihi samathehi sammatīti?
pli-tv-pvr5:5.18	Vivādādhikaraṇaṁ dvīhi samathehi sammati—
pli-tv-pvr5:5.19	sammukhāvinayena ca yebhuyyasikāya ca.
pli-tv-pvr5:6.1	Anuvādādhikaraṇassa kiṁ pubbaṅgamanti?
pli-tv-pvr5:6.2	Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo.
pli-tv-pvr5:6.3	Kati ṭhānānīti?
pli-tv-pvr5:6.4	Catasso vipattiyo ṭhānāni.
pli-tv-pvr5:6.5	Kati vatthūnīti?
pli-tv-pvr5:6.6	Catasso vipattiyo vatthūni.
pli-tv-pvr5:6.7	Kati bhūmiyoti?
pli-tv-pvr5:6.8	Catasso vipattiyo bhūmiyo.
pli-tv-pvr5:6.9	Kati hetūti?
pli-tv-pvr5:6.10	Nava hetū—
pli-tv-pvr5:6.11	tayo kusalahetū, tayo akusalahetū, tayo abyākatahetū.
pli-tv-pvr5:6.12	Kati mūlānīti?
pli-tv-pvr5:6.13	Cuddasa mūlāni.
pli-tv-pvr5:6.14	Katihākārehi anuvadatīti?
pli-tv-pvr5:6.15	Dvīhākārehi anuvadati—
pli-tv-pvr5:6.16	vatthuto vā āpattito vā.
pli-tv-pvr5:6.17	Anuvādādhikaraṇaṁ katihi samathehi sammatīti?
pli-tv-pvr5:6.18	Anuvādādhikaraṇaṁ catūhi samathehi sammati—
pli-tv-pvr5:6.19	sammukhāvinayena ca sativinayena ca amūḷhavinayena ca tassapāpiyasikāya ca.
pli-tv-pvr5:7.1	Āpattādhikaraṇassa kiṁ pubbaṅgamanti?
pli-tv-pvr5:7.2	Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo.
pli-tv-pvr5:7.3	Kati ṭhānānīti?
pli-tv-pvr5:7.4	Satta āpattikkhandhā ṭhānāni.
pli-tv-pvr5:7.5	Kati vatthūnīti?
pli-tv-pvr5:7.6	Satta āpattikkhandhā vatthūni.
pli-tv-pvr5:7.7	Kati bhūmiyoti?
pli-tv-pvr5:7.8	Satta āpattikkhandhā bhūmiyo.
pli-tv-pvr5:7.9	Kati hetūti?
pli-tv-pvr5:7.10	Cha hetū—
pli-tv-pvr5:7.11	tayo akusalahetū, tayo abyākatahetū.
pli-tv-pvr5:7.12	Kati mūlānīti?
pli-tv-pvr5:7.13	Cha āpattisamuṭṭhānāni mūlāni.
pli-tv-pvr5:7.14	Katihākārehi āpattiṁ āpajjatīti?
pli-tv-pvr5:7.15	Chahākārehi āpattiṁ āpajjati—
pli-tv-pvr5:7.16	alajjitā, aññāṇatā, kukkuccapakatatā, akappiye kappiyasaññitā, kappiye akappiyasaññitā, satisammosā.
pli-tv-pvr5:7.17	Āpattādhikaraṇaṁ katihi samathehi sammatīti?
pli-tv-pvr5:7.18	Āpattādhikaraṇaṁ tīhi samathehi sammati—
pli-tv-pvr5:7.19	sammukhāvinayena ca paṭiññātakaraṇena ca, sammukhāvinayena ca tiṇavatthārakena ca.
pli-tv-pvr5:8.1	Kiccādhikaraṇassa kiṁ pubbaṅgamanti?
pli-tv-pvr5:8.2	Lobho pubbaṅgamo, doso pubbaṅgamo, moho pubbaṅgamo, alobho pubbaṅgamo, adoso pubbaṅgamo, amoho pubbaṅgamo.
pli-tv-pvr5:8.3	Kati ṭhānānīti?
pli-tv-pvr5:8.4	Cattāri kammāni ṭhānāni.
pli-tv-pvr5:8.5	Kati vatthūnīti?
pli-tv-pvr5:8.6	Cattāri kammāni vatthūni.
pli-tv-pvr5:8.7	Kati bhūmiyoti?
pli-tv-pvr5:8.8	Cattāri kammāni bhūmiyo.
pli-tv-pvr5:8.9	Kati hetūti?
pli-tv-pvr5:8.10	Nava hetū—
pli-tv-pvr5:8.11	tayo kusalahetū, tayo akusalahetū, tayo abyākatahetū.
pli-tv-pvr5:8.12	Kati mūlānīti?
pli-tv-pvr5:8.13	Ekaṁ mūlaṁ—
pli-tv-pvr5:8.14	saṅgho.
pli-tv-pvr5:8.15	Katihākārehi kiccaṁ jāyatīti?
pli-tv-pvr5:8.16	Dvīhākārehi kiccaṁ jāyati—
pli-tv-pvr5:8.17	ñattito vā apalokanato vā.
pli-tv-pvr5:8.18	Kiccādhikaraṇaṁ katihi samathehi sammatīti?
pli-tv-pvr5:8.19	Kiccādhikaraṇaṁ ekena samathena sammati—
pli-tv-pvr5:8.20	sammukhāvinayena.
pli-tv-pvr5:9.1	Kati samathā?
pli-tv-pvr5:9.2	Satta samathā.
pli-tv-pvr5:9.3	Sammukhāvinayo, sativinayo, amūḷhavinayo, paṭiññātakaraṇaṁ, yebhuyyasikā, tassapāpiyasikā, tiṇavatthārako—
pli-tv-pvr5:9.4	ime satta samathā.
pli-tv-pvr5:10.1	Siyā ime satta samathā dasa samathā honti, dasa samathā satta samathā honti vatthuvasena pariyāyena?
pli-tv-pvr5:10.2	Siyāti.
pli-tv-pvr5:11.1	Kathañca siyā?
pli-tv-pvr5:11.2	Vivādādhikaraṇassa dve samathā, anuvādādhikaraṇassa cattāro samathā, āpattādhikaraṇassa tayo samathā, kiccādhikaraṇassa eko samatho.
pli-tv-pvr5:11.3	Evaṁ ime satta samathā dasa samathā honti, dasa samathā satta samathā honti vatthuvasena pariyāyena.
pli-tv-pvr5:12.1	Pariyāyavāro niṭṭhito chaṭṭho.
pli-tv-pvr5:13.0	2. Sādhāraṇavāra
pli-tv-pvr5:13.1	Kati samathā vivādādhikaraṇassa sādhāraṇā?
pli-tv-pvr5:13.2	Kati samathā vivādādhikaraṇassa asādhāraṇā?
pli-tv-pvr5:13.3	Kati samathā anuvādādhikaraṇassa sādhāraṇā?
pli-tv-pvr5:13.4	Kati samathā anuvādādhikaraṇassa asādhāraṇā?
pli-tv-pvr5:13.5	Kati samathā āpattādhikaraṇassa sādhāraṇā?
pli-tv-pvr5:13.6	Kati samathā āpattādhikaraṇassa asādhāraṇā?
pli-tv-pvr5:13.7	Kati samathā kiccādhikaraṇassa sādhāraṇā?
pli-tv-pvr5:13.8	Kati samathā kiccādhikaraṇassa asādhāraṇā?
pli-tv-pvr5:14.1	Dve samathā vivādādhikaraṇassa sādhāraṇā—
pli-tv-pvr5:14.2	sammukhāvinayo, yebhuyyasikā.
pli-tv-pvr5:14.3	Pañca samathā vivādādhikaraṇassa asādhāraṇā—
pli-tv-pvr5:14.4	sativinayo, amūḷhavinayo, paṭiññātakaraṇaṁ, tassapāpiyasikā, tiṇavatthārako.
pli-tv-pvr5:15.1	Cattāro samathā anuvādādhikaraṇassa sādhāraṇā—
pli-tv-pvr5:15.2	sammukhāvinayo, sativinayo, amūḷhavinayo, tassapāpiyasikā.
pli-tv-pvr5:15.3	Tayo samathā anuvādādhikaraṇassa asādhāraṇā—
pli-tv-pvr5:15.4	yebhuyyasikā, paṭiññātakaraṇaṁ, tiṇavatthārako.
pli-tv-pvr5:16.1	Tayo samathā āpattādhikaraṇassa sādhāraṇā—
pli-tv-pvr5:16.2	sammukhāvinayo, paṭiññātakaraṇaṁ, tiṇavatthārako.
pli-tv-pvr5:16.3	Cattāro samathā āpattādhikaraṇassa asādhāraṇā—
pli-tv-pvr5:16.4	yebhuyyasikā, sativinayo, amūḷhavinayo, tassapāpiyasikā.
pli-tv-pvr5:17.1	Eko samatho kiccādhikaraṇassa sādhāraṇo—
pli-tv-pvr5:17.2	sammukhāvinayo.
pli-tv-pvr5:17.3	Cha samathā kiccādhikaraṇassa asādhāraṇā—
pli-tv-pvr5:17.4	yebhuyyasikā, sativinayo, amūḷhavinayo, paṭiññātakaraṇaṁ, tassapāpiyasikā, tiṇavatthārako.
pli-tv-pvr5:18.1	Sādhāraṇavāro niṭṭhito sattamo.
pli-tv-pvr5:19.0	3. Tabbhāgiyavāra
pli-tv-pvr5:19.1	Kati samathā vivādādhikaraṇassa tabbhāgiyā?
pli-tv-pvr5:19.2	Kati samathā vivādādhikaraṇassa aññabhāgiyā?
pli-tv-pvr5:19.3	Kati samathā anuvādādhikaraṇassa tabbhāgiyā?
pli-tv-pvr5:19.4	Kati samathā anuvādādhikaraṇassa aññabhāgiyā?
pli-tv-pvr5:19.5	Kati samathā āpattādhikaraṇassa tabbhāgiyā?
pli-tv-pvr5:19.6	Kati samathā āpattādhikaraṇassa aññabhāgiyā?
pli-tv-pvr5:19.7	Kati samathā kiccādhikaraṇassa tabbhāgiyā?
pli-tv-pvr5:19.8	Kati samathā kiccādhikaraṇassa aññabhāgiyā?
pli-tv-pvr5:20.1	Dve samathā vivādādhikaraṇassa tabbhāgiyā—
pli-tv-pvr5:20.2	sammukhāvinayo, yebhuyyasikā.
pli-tv-pvr5:20.3	Pañca samathā vivādādhikaraṇassa aññabhāgiyā—
pli-tv-pvr5:20.4	sativinayo, amūḷhavinayo, paṭiññātakaraṇaṁ, tassapāpiyasikā, tiṇavatthārako.
pli-tv-pvr5:21.1	Cattāro samathā anuvādādhikaraṇassa tabbhāgiyā—
pli-tv-pvr5:21.2	sammukhāvinayo, sativinayo, amūḷhavinayo, tassapāpiyasikā.
pli-tv-pvr5:21.3	Tayo samathā anuvādādhikaraṇassa aññabhāgiyā—
pli-tv-pvr5:21.4	yebhuyyasikā, paṭiññātakaraṇaṁ, tiṇavatthārako.
pli-tv-pvr5:22.1	Tayo samathā āpattādhikaraṇassa tabbhāgiyā—
pli-tv-pvr5:22.2	sammukhāvinayo, paṭiññātakaraṇaṁ, tiṇavatthārako.
pli-tv-pvr5:22.3	Cattāro samathā āpattādhikaraṇassa aññabhāgiyā—
pli-tv-pvr5:22.4	yebhuyyasikā, sativinayo, amūḷhavinayo, tassapāpiyasikā.
pli-tv-pvr5:23.1	Eko samatho kiccādhikaraṇassa tabbhāgiyo—
pli-tv-pvr5:23.2	sammukhāvinayo.
pli-tv-pvr5:23.3	Cha samathā kiccādhikaraṇassa aññabhāgiyā—
pli-tv-pvr5:23.4	yebhuyyasikā, sativinayo, amūḷhavinayo, paṭiññātakaraṇaṁ, tassapāpiyasikā, tiṇavatthārako.
pli-tv-pvr5:24.1	Tabbhāgiyavāro niṭṭhito aṭṭhamo.
pli-tv-pvr5:25.0	4. Samathāsamathassasādhāraṇavāra
pli-tv-pvr5:25.1	Samathā samathassa sādhāraṇā, samathā samathassa asādhāraṇā.
pli-tv-pvr5:25.2	Siyā samathā samathassa sādhāraṇā, siyā samathā samathassa asādhāraṇā.
pli-tv-pvr5:26.1	Kathaṁ siyā samathā samathassa sādhāraṇā?
pli-tv-pvr5:26.2	Kathaṁ siyā samathā samathassa asādhāraṇā?
pli-tv-pvr5:26.3	Yebhuyyasikā sammukhāvinayassa sādhāraṇā, sativinayassa amūḷhavinayassa paṭiññātakaraṇassa tassapāpiyasikāya tiṇavatthārakassa asādhāraṇā.
pli-tv-pvr5:27.1	Sativinayo sammukhāvinayassa sādhāraṇo, amūḷhavinayassa paṭiññātakaraṇassa tassapāpiyasikāya tiṇavatthārakassa yebhuyyasikāya asādhāraṇo.
pli-tv-pvr5:28.1	Amūḷhavinayo sammukhāvinayassa sādhāraṇo, paṭiññātakaraṇassa tassapāpiyasikāya tiṇavatthārakassa yebhuyyasikāya sativinayassa asādhāraṇo.
pli-tv-pvr5:29.1	Paṭiññātakaraṇaṁ sammukhāvinayassa sādhāraṇaṁ, tassapāpiyasikāya tiṇavatthārakassa yebhuyyasikāya sativinayassa amūḷhavinayassa asādhāraṇaṁ.
pli-tv-pvr5:30.1	Tassapāpiyasikā sammukhāvinayassa sādhāraṇā, tiṇavatthārakassa yebhuyyasikāya sativinayassa amūḷhavinayassa paṭiññātakaraṇassa asādhāraṇā.
pli-tv-pvr5:31.1	Tiṇavatthārako sammukhāvinayassa sādhāraṇo, yebhuyyasikāya sativinayassa amūḷhavinayassa paṭiññātakaraṇassa tassapāpiyasikāya asādhāraṇo.
pli-tv-pvr5:32.1	Evaṁ siyā samathā samathassa sādhāraṇā;
pli-tv-pvr5:32.2	evaṁ siyā samathā samathassa asādhāraṇā.
pli-tv-pvr5:33.1	Samathā samathassa sādhāraṇavāro niṭṭhito navamo.
pli-tv-pvr5:34.0	5. Samathāsamathassatabbhāgiyavāra
pli-tv-pvr5:34.1	Samathā samathassa tabbhāgiyā, samathā samathassa aññabhāgiyā.
pli-tv-pvr5:34.2	Siyā samathā samathassa tabbhāgiyā, siyā samathā samathassa aññabhāgiyā.
pli-tv-pvr5:35.1	Kathaṁ siyā samathā samathassa tabbhāgiyā?
pli-tv-pvr5:35.2	Kathaṁ siyā samathā samathassa aññabhāgiyā?
pli-tv-pvr5:35.3	Yebhuyyasikā sammukhāvinayassa tabbhāgiyā, sativinayassa amūḷhavinayassa paṭiññātakaraṇassa tassapāpiyasikāya tiṇavatthārakassa aññabhāgiyā.
pli-tv-pvr5:36.1	Sativinayo sammukhāvinayassa tabbhāgiyo, amūḷhavinayassa paṭiññātakaraṇassa tassapāpiyasikāya tiṇavatthārakassa yebhuyyasikāya aññabhāgiyo.
pli-tv-pvr5:37.1	Amūḷhavinayo sammukhāvinayassa tabbhāgiyo, paṭiññātakaraṇassa tassapāpiyasikāya tiṇavatthārakassa yebhuyyasikāya sativinayassa aññabhāgiyo.
pli-tv-pvr5:38.1	Paṭiññātakaraṇaṁ sammukhāvinayassa tabbhāgiyaṁ, tassapāpiyasikāya tiṇavatthārakassa yebhuyyasikāya sativinayassa amūḷhavinayassa aññabhāgiyaṁ.
pli-tv-pvr5:39.1	Tassapāpiyasikā sammukhāvinayassa tabbhāgiyā, tiṇavatthārakassa yebhuyyasikāya sativinayassa amūḷhavinayassa paṭiññātakaraṇassa aññabhāgiyā.
pli-tv-pvr5:40.1	Tiṇavatthārako sammukhāvinayassa tabbhāgiyo, yebhuyyasikāya sativinayassa amūḷhavinayassa paṭiññātakaraṇassa tassapāpiyasikāya aññabhāgiyo.
pli-tv-pvr5:41.1	Evaṁ siyā samathā samathassa tabbhāgiyā, evaṁ siyā samathā samathassa aññabhāgiyā.
pli-tv-pvr5:42.1	Samathā samathassa tabbhāgiyavāro niṭṭhito dasamo.
pli-tv-pvr5:43.0	6. Samathasammukhāvinayavāra
pli-tv-pvr5:43.1	Samatho sammukhāvinayo, sammukhāvinayo samatho?
pli-tv-pvr5:43.2	Samatho yebhuyyasikā, yebhuyyasikā samatho?
pli-tv-pvr5:43.3	Samatho sativinayo, sativinayo samatho?
pli-tv-pvr5:43.4	Samatho amūḷhavinayo, amūḷhavinayo samatho?
pli-tv-pvr5:43.5	Samatho paṭiññātakaraṇaṁ, paṭiññātakaraṇaṁ samatho?
pli-tv-pvr5:43.6	Samatho tassapāpiyasikā, tassapāpiyasikā samatho?
pli-tv-pvr5:43.7	Samatho tiṇavatthārako, tiṇavatthārako samatho?
pli-tv-pvr5:44.1	Yebhuyyasikā sativinayo amūḷhavinayo paṭiññātakaraṇaṁ tassapāpiyasikā tiṇavatthārako—
pli-tv-pvr5:44.2	ime samathā samathā, no sammukhāvinayo.
pli-tv-pvr5:44.3	Sammukhāvinayo samatho ceva sammukhāvinayo ca.
pli-tv-pvr5:45.1	Sativinayo amūḷhavinayo paṭiññātakaraṇaṁ tassapāpiyasikā tiṇavatthārako sammukhāvinayo—
pli-tv-pvr5:45.2	ime samathā samathā, no yebhuyyasikā.
pli-tv-pvr5:45.3	Yebhuyyasikā samatho ceva yebhuyyasikā ca.
pli-tv-pvr5:46.1	Amūḷhavinayo paṭiññātakaraṇaṁ tassapāpiyasikā tiṇavatthārako sammukhāvinayo yebhuyyasikā—
pli-tv-pvr5:46.2	ime samathā samathā, no sativinayo.
pli-tv-pvr5:46.3	Sativinayo samatho ceva sativinayo ca.
pli-tv-pvr5:47.1	Paṭiññātakaraṇaṁ tassapāpiyasikā tiṇavatthārako sammukhāvinayo yebhuyyasikā sativinayo—
pli-tv-pvr5:47.2	ime samathā samathā, no amūḷhavinayo.
pli-tv-pvr5:47.3	Amūḷhavinayo samatho ceva amūḷhavinayo ca.
pli-tv-pvr5:48.1	Tassapāpiyasikā tiṇavatthārako sammukhāvinayo yebhuyyasikā sativinayo amūḷhavinayo—
pli-tv-pvr5:48.2	ime samathā samathā, no paṭiññātakaraṇaṁ.
pli-tv-pvr5:48.3	Paṭiññātakaraṇaṁ samatho ceva paṭiññātakaraṇañca.
pli-tv-pvr5:49.1	Tiṇavatthārako sammukhāvinayo yebhuyyasikā sativinayo amūḷhavinayo paṭiññātakaraṇaṁ—
pli-tv-pvr5:49.2	ime samathā samathā, no tassapāpiyasikā.
pli-tv-pvr5:49.3	Tassapāpiyasikā samatho ceva tassapāpiyasikā ca.
pli-tv-pvr5:50.1	Sammukhāvinayo yebhuyyasikā sativinayo amūḷhavinayo paṭiññātakaraṇaṁ tassapāpiyasikā—
pli-tv-pvr5:50.2	ime samathā samathā, no tiṇavatthārako.
pli-tv-pvr5:50.3	Tiṇavatthārako samatho ceva tiṇavatthārako ca.
pli-tv-pvr5:51.1	Samathasammukhāvinayavāro niṭṭhito ekādasamo.
pli-tv-pvr5:52.0	7. Vinayavāra
pli-tv-pvr5:52.1	Vinayo sammukhāvinayo, sammukhāvinayo vinayo?
pli-tv-pvr5:52.2	Vinayo yebhuyyasikā, yebhuyyasikā vinayo?
pli-tv-pvr5:52.3	Vinayo sativinayo, sativinayo vinayo?
pli-tv-pvr5:52.4	Vinayo amūḷhavinayo, amūḷhavinayo vinayo?
pli-tv-pvr5:52.5	Vinayo paṭiññātakaraṇaṁ, paṭiññātakaraṇaṁ vinayo?
pli-tv-pvr5:52.6	Vinayo tassapāpiyasikā, tassapāpiyasikā vinayo?
pli-tv-pvr5:52.7	Vinayo tiṇavatthārako, tiṇavatthārako vinayo?
pli-tv-pvr5:53.1	Vinayo siyā sammukhāvinayo siyā na sammukhāvinayo.
pli-tv-pvr5:53.2	Sammukhāvinayo vinayo ceva sammukhāvinayo ca.
pli-tv-pvr5:54.1	Vinayo siyā yebhuyyasikā, siyā na yebhuyyasikā.
pli-tv-pvr5:54.2	Yebhuyyasikā vinayo ceva yebhuyyasikā ca.
pli-tv-pvr5:55.1	Vinayo siyā sativinayo, siyā na sativinayo.
pli-tv-pvr5:55.2	Sativinayo vinayo ceva sativinayo ca.
pli-tv-pvr5:56.1	Vinayo siyā amūḷhavinayo, siyā na amūḷhavinayo.
pli-tv-pvr5:56.2	Amūḷhavinayo vinayo ceva amūḷhavinayo ca.
pli-tv-pvr5:57.1	Vinayo siyā paṭiññātakaraṇaṁ, siyā na paṭiññātakaraṇaṁ.
pli-tv-pvr5:57.2	Paṭiññātakaraṇaṁ vinayo ceva paṭiññātakaraṇañca.
pli-tv-pvr5:58.1	Vinayo siyā tassapāpiyasikā, siyā na tassapāpiyasikā.
pli-tv-pvr5:58.2	Tassapāpiyasikā vinayo ceva tassapāpiyasikā ca.
pli-tv-pvr5:59.1	Vinayo siyā tiṇavatthārako, siyā na tiṇavatthārako.
pli-tv-pvr5:59.2	Tiṇavatthārako vinayo ceva tiṇavatthārako ca.
pli-tv-pvr5:60.1	Vinayavāro niṭṭhito dvādasamo.
pli-tv-pvr5:61.0	8. Kusalavāra
pli-tv-pvr5:61.1	Sammukhāvinayo kusalo akusalo abyākato?
pli-tv-pvr5:61.2	Yebhuyyasikā kusalā akusalā abyākatā?
pli-tv-pvr5:61.3	Sativinayo kusalo akusalo abyākato?
pli-tv-pvr5:61.4	Amūḷhavinayo kusalo akusalo abyākato?
pli-tv-pvr5:61.5	Paṭiññātakaraṇaṁ kusalaṁ akusalaṁ abyākataṁ?
pli-tv-pvr5:61.6	Tassapāpiyasikā kusalā akusalā abyākatā?
pli-tv-pvr5:61.7	Tiṇavatthārako kusalo akusalo abyākato?
pli-tv-pvr5:62.1	Sammukhāvinayo siyā kusalo, siyā abyākato.
pli-tv-pvr5:62.2	Natthi sammukhāvinayo akusalo.
pli-tv-pvr5:63.1	Yebhuyyasikā siyā kusalā, siyā akusalā, siyā abyākatā.
pli-tv-pvr5:64.1	Sativinayo siyā kusalo, siyā akusalo, siyā abyākato.
pli-tv-pvr5:65.1	Amūḷhavinayo siyā kusalo, siyā akusalo, siyā abyākato.
pli-tv-pvr5:66.1	Paṭiññātakaraṇaṁ siyā kusalaṁ, siyā akusalaṁ, siyā abyākataṁ.
pli-tv-pvr5:67.1	Tassapāpiyasikā siyā kusalā, siyā akusalā siyā abyākatā.
pli-tv-pvr5:68.1	Tiṇavatthārako siyā kusalo, siyā akusalo, siyā abyākato.
pli-tv-pvr5:69.1	Vivādādhikaraṇaṁ kusalaṁ akusalaṁ abyākataṁ.
pli-tv-pvr5:69.2	Anuvādādhikaraṇaṁ kusalaṁ akusalaṁ abyākataṁ.
pli-tv-pvr5:69.3	Āpattādhikaraṇaṁ kusalaṁ akusalaṁ abyākataṁ.
pli-tv-pvr5:69.4	Kiccādhikaraṇaṁ kusalaṁ akusalaṁ abyākataṁ.
pli-tv-pvr5:70.1	Vivādādhikaraṇaṁ siyā kusalaṁ, siyā akusalaṁ, siyā abyākataṁ.
pli-tv-pvr5:71.1	Anuvādādhikaraṇaṁ siyā kusalaṁ, siyā akusalaṁ, siyā abyākataṁ.
pli-tv-pvr5:72.1	Āpattādhikaraṇaṁ siyā akusalaṁ, siyā abyākataṁ.
pli-tv-pvr5:72.2	Natthi āpattādhikaraṇaṁ kusalaṁ.
pli-tv-pvr5:73.1	Kiccādhikaraṇaṁ siyā kusalaṁ, siyā akusalaṁ, siyā abyākataṁ.
pli-tv-pvr5:74.1	Kusalavāro niṭṭhito terasamo.
pli-tv-pvr5:75.0	9. Yatthavāra, pucchāvāra
pli-tv-pvr5:75.1	Yattha yebhuyyasikā labbhati, tattha sammukhāvinayo labbhati;
pli-tv-pvr5:75.2	yattha sammukhāvinayo labbhati, tattha yebhuyyasikā labbhati.
pli-tv-pvr5:75.3	Na tattha sativinayo labbhati, na tattha amūḷhavinayo labbhati, na tattha paṭiññātakaraṇaṁ labbhati, na tattha tassapāpiyasikā labbhati, na tattha tiṇavatthārako labbhati.
pli-tv-pvr5:76.1	Yattha sativinayo labbhati, tattha sammukhāvinayo labbhati;
pli-tv-pvr5:76.2	yattha sammukhāvinayo labbhati, tattha sativinayo labbhati.
pli-tv-pvr5:76.3	Na tattha amūḷhavinayo labbhati, na tattha paṭiññātakaraṇaṁ labbhati, na tattha tassapāpiyasikā labbhati, na tattha tiṇavatthārako labbhati, na tattha yebhuyyasikā labbhati.
pli-tv-pvr5:77.1	Yattha amūḷhavinayo labbhati, tattha sammukhāvinayo labbhati;
pli-tv-pvr5:77.2	yattha sammukhāvinayo labbhati, tattha amūḷhavinayo labbhati.
pli-tv-pvr5:77.3	Na tattha paṭiññātakaraṇaṁ labbhati, na tattha tassapāpiyasikā labbhati, na tattha tiṇavatthārako labbhati, na tattha yebhuyyasikā labbhati, na tattha sativinayo labbhati.
pli-tv-pvr5:78.1	Yattha paṭiññātakaraṇaṁ labbhati, tattha sammukhāvinayo labbhati;
pli-tv-pvr5:78.2	yattha sammukhāvinayo labbhati, tattha paṭiññātakaraṇaṁ labbhati.
pli-tv-pvr5:78.3	Na tattha tassapāpiyasikā labbhati, na tattha tiṇavatthārako labbhati, na tattha yebhuyyasikā labbhati, na tattha sativinayo labbhati, na tattha amūḷhavinayo labbhati.
pli-tv-pvr5:79.1	Yattha tassapāpiyasikā labbhati, tattha sammukhāvinayo labbhati;
pli-tv-pvr5:79.2	yattha sammukhāvinayo labbhati, tattha tassapāpiyasikā labbhati.
pli-tv-pvr5:79.3	Na tattha tiṇavatthārako labbhati, na tattha yebhuyyasikā labbhati, na tattha sativinayo labbhati, na tattha amūḷhavinayo labbhati, na tattha paṭiññātakaraṇaṁ labbhati.
pli-tv-pvr5:80.1	Yattha tiṇavatthārako labbhati, tattha sammukhāvinayo labbhati;
pli-tv-pvr5:80.2	yattha sammukhāvinayo labbhati, tattha tiṇavatthārako labbhati.
pli-tv-pvr5:80.3	Na tattha yebhuyyasikā labbhati, na tattha sativinayo labbhati, na tattha amūḷhavinayo labbhati, na tattha paṭiññātakaraṇaṁ labbhati, na tattha tassapāpiyasikā labbhati.
pli-tv-pvr5:81.1	Yattha yebhuyyasikā tattha sammukhāvinayo;
pli-tv-pvr5:81.2	yattha sammukhāvinayo tattha yebhuyyasikā.
pli-tv-pvr5:81.3	Na tattha sativinayo, na tattha amūḷhavinayo, na tattha paṭiññātakaraṇaṁ, na tattha tassapāpiyasikā, na tattha tiṇavatthārako.
pli-tv-pvr5:82.1	Yattha sativinayo tattha sammukhāvinayo;
pli-tv-pvr5:82.2	yattha sammukhāvinayo tattha sativinayo.
pli-tv-pvr5:82.3	Na tattha amūḷhavinayo, na tattha paṭiññātakaraṇaṁ, na tattha tassapāpiyasikā, na tattha tiṇavatthārako, na tattha yebhuyyasikā.
pli-tv-pvr5:82.4	Sammukhāvinayaṁ kātuna mūlaṁ …pe….
pli-tv-pvr5:83.1	Yattha tiṇavatthārako tattha sammukhāvinayo;
pli-tv-pvr5:83.2	yattha sammukhāvinayo tattha tiṇavatthārako.
pli-tv-pvr5:83.3	Na tattha yebhuyyasikā, na tattha sativinayo, na tattha amūḷhavinayo, na tattha paṭiññātakaraṇaṁ, na tattha tassapāpiyasikā.
pli-tv-pvr5:84.1	Cakkapeyyālaṁ.
pli-tv-pvr5:84.2	Yatthavāro niṭṭhito cuddasamo.
pli-tv-pvr5:85.0	10. Samathavāra, vissajjanāvāra
pli-tv-pvr5:85.1	Yasmiṁ samaye sammukhāvinayena ca yebhuyyasikāya ca adhikaraṇaṁ vūpasammati, yattha yebhuyyasikā labbhati tattha sammukhāvinayo labbhati, yattha sammukhāvinayo labbhati tattha yebhuyyasikā labbhati.
pli-tv-pvr5:85.2	Na tattha sativinayo labbhati, na tattha amūḷhavinayo labbhati, na tattha paṭiññātakaraṇaṁ labbhati, na tattha tassapāpiyasikā labbhati, na tattha tiṇavatthārako labbhati.
pli-tv-pvr5:86.1	Yasmiṁ samaye sammukhāvinayena ca sativinayena ca adhikaraṇaṁ vūpasammati, yattha sativinayo labbhati tattha sammukhāvinayo labbhati, yattha sammukhāvinayo labbhati tattha sativinayo labbhati.
pli-tv-pvr5:86.2	Na tattha amūḷhavinayo labbhati, na tattha paṭiññātakaraṇaṁ labbhati, na tattha tassapāpiyasikā labbhati, na tattha tiṇavatthārako labbhati, na tattha yebhuyyasikā labbhati.
pli-tv-pvr5:87.1	Yasmiṁ samaye sammukhāvinayena ca amūḷhavinayena ca adhikaraṇaṁ vūpasammati, yattha amūḷhavinayo labbhati tattha sammukhāvinayo labbhati, yattha sammukhāvinayo labbhati tattha amūḷhavinayo labbhati.
pli-tv-pvr5:87.2	Na tattha paṭiññātakaraṇaṁ labbhati, na tattha tassapāpiyasikā labbhati, na tattha tiṇavatthārako labbhati, na tattha yebhuyyasikā labbhati, na tattha sativinayo labbhati.
pli-tv-pvr5:88.1	Yasmiṁ samaye sammukhāvinayena ca paṭiññātakaraṇena ca adhikaraṇaṁ vūpasammati, yattha paṭiññātakaraṇaṁ labbhati tattha sammukhāvinayo labbhati, yattha sammukhāvinayo labbhati tattha paṭiññātakaraṇaṁ labbhati.
pli-tv-pvr5:88.2	Na tattha tassapāpiyasikā labbhati, na tattha tiṇavatthārako labbhati, na tattha yebhuyyasikā labbhati, na tattha sativinayo labbhati, na tattha amūḷhavinayo labbhati.
pli-tv-pvr5:89.1	Yasmiṁ samaye sammukhāvinayena ca tassapāpiyasikāya ca adhikaraṇaṁ vūpasammati, yattha tassapāpiyasikā labbhati tattha sammukhāvinayo labbhati, yattha sammukhāvinayo labbhati tattha tassapāpiyasikā labbhati.
pli-tv-pvr5:89.2	Na tattha tiṇavatthārako labbhati, na tattha yebhuyyasikā labbhati, na tattha sativinayo labbhati, na tattha amūḷhavinayo labbhati, na tattha paṭiññātakaraṇaṁ labbhati.
pli-tv-pvr5:90.1	Yasmiṁ samaye sammukhāvinayena ca tiṇavatthārakena ca adhikaraṇaṁ vūpasammati, yattha tiṇavatthārako labbhati tattha sammukhāvinayo labbhati, yattha sammukhāvinayo labbhati tattha tiṇavatthārako labbhati.
pli-tv-pvr5:90.2	Na tattha yebhuyyasikā labbhati, na tattha sativinayo labbhati, na tattha amūḷhavinayo labbhati, na tattha paṭiññātakaraṇaṁ labbhati, na tattha tassapāpiyasikā labbhati.
pli-tv-pvr5:91.1	Samathavāro niṭṭhito pannarasamo.
pli-tv-pvr5:92.0	11. Saṁsaṭṭhavāra
pli-tv-pvr5:92.1	Adhikaraṇanti vā samathāti vā ime dhammā saṁsaṭṭhā udāhu visaṁsaṭṭhā?
pli-tv-pvr5:92.2	Labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetunti?
pli-tv-pvr5:93.1	Adhikaraṇanti vā samathāti vā ime dhammā visaṁsaṭṭhā, no saṁsaṭṭhā.
pli-tv-pvr5:93.2	Labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetunti.
pli-tv-pvr5:93.3	So—“mā hevan”tissa vacanīyo.
pli-tv-pvr5:93.4	Adhikaraṇanti vā samathāti vā ime dhammā saṁsaṭṭhā, no visaṁsaṭṭhā.
pli-tv-pvr5:93.5	No ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.
pli-tv-pvr5:93.6	Taṁ kissa hetu?
pli-tv-pvr5:93.7	Nanu vuttaṁ bhagavatā—
pli-tv-pvr5:93.8	“cattārimāni, bhikkhave, adhikaraṇāni, satta samathā.
pli-tv-pvr5:93.9	Adhikaraṇā samathehi sammanti, samathā adhikaraṇehi sammanti.
pli-tv-pvr5:93.10	Evaṁ, ime dhammā saṁsaṭṭhā no visaṁsaṭṭhā;
pli-tv-pvr5:93.11	no ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetun”ti.
pli-tv-pvr5:94.1	Saṁsaṭṭhavāro niṭṭhito soḷasamo.
pli-tv-pvr5:95.0	12. Sammativāra
pli-tv-pvr5:95.1	Vivādādhikaraṇaṁ katihi samathehi sammati?
pli-tv-pvr5:95.2	Anuvādādhikaraṇaṁ katihi samathehi sammati?
pli-tv-pvr5:95.3	Āpattādhikaraṇaṁ katihi samathehi sammati?
pli-tv-pvr5:95.4	Kiccādhikaraṇaṁ katihi samathehi sammati?
pli-tv-pvr5:96.1	Vivādādhikaraṇaṁ dvīhi samathehi sammati—
pli-tv-pvr5:96.2	sammukhāvinayena ca yebhuyyasikāya ca.
pli-tv-pvr5:97.1	Anuvādādhikaraṇaṁ catūhi samathehi sammati—
pli-tv-pvr5:97.2	sammukhāvinayena ca sativinayena ca amūḷhavinayena ca tassapāpiyasikāya ca.
pli-tv-pvr5:98.1	Āpattādhikaraṇaṁ tīhi samathehi sammati—
pli-tv-pvr5:98.2	sammukhāvinayena ca paṭiññātakaraṇena ca tiṇavatthārakena ca.
pli-tv-pvr5:99.1	Kiccādhikaraṇaṁ ekena samathena sammati—
pli-tv-pvr5:99.2	sammukhāvinayena.
pli-tv-pvr5:100.1	Vivādādhikaraṇañca anuvādādhikaraṇañca katihi samathehi sammanti?
pli-tv-pvr5:100.2	Vivādādhikaraṇañca anuvādādhikaraṇañca pañcahi samathehi sammanti—
pli-tv-pvr5:100.3	sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
pli-tv-pvr5:101.1	Vivādādhikaraṇañca āpattādhikaraṇañca katihi samathehi sammanti?
pli-tv-pvr5:101.2	Vivādādhikaraṇañca āpattādhikaraṇañca catūhi samathehi sammanti—
pli-tv-pvr5:101.3	sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.
pli-tv-pvr5:102.1	Vivādādhikaraṇañca kiccādhikaraṇañca katihi samathehi sammanti?
pli-tv-pvr5:102.2	Vivādādhikaraṇañca kiccādhikaraṇañca dvīhi samathehi sammanti—
pli-tv-pvr5:102.3	sammukhāvinayena ca yebhuyyasikāya ca.
pli-tv-pvr5:103.1	Anuvādādhikaraṇañca āpattādhikaraṇañca katihi samathehi sammanti?
pli-tv-pvr5:103.2	Anuvādādhikaraṇañca āpattādhikaraṇañca chahi samathehi sammanti—
pli-tv-pvr5:103.3	sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:104.1	Anuvādādhikaraṇañca kiccādhikaraṇañca katihi samathehi sammanti?
pli-tv-pvr5:104.2	Anuvādādhikaraṇañca kiccādhikaraṇañca catūhi samathehi sammanti—
pli-tv-pvr5:104.3	sammukhāvinayena ca sativinayena ca amūḷhavinayena ca tassapāpiyasikāya ca.
pli-tv-pvr5:105.1	Āpattādhikaraṇañca kiccādhikaraṇañca katihi samathehi sammanti?
pli-tv-pvr5:105.2	Āpattādhikaraṇañca kiccādhikaraṇañca tīhi samathehi sammanti—
pli-tv-pvr5:105.3	sammukhāvinayena ca paṭiññātakaraṇena ca tiṇavatthārakena ca.
pli-tv-pvr5:106.1	Vivādādhikaraṇañca anuvādādhikaraṇañca āpattādhikaraṇañca katihi samathehi sammanti?
pli-tv-pvr5:106.2	Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti—
pli-tv-pvr5:106.3	sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:107.1	Vivādādhikaraṇañca anuvādādhikaraṇañca kiccādhikaraṇañca katihi samathehi sammanti?
pli-tv-pvr5:107.2	Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti—
pli-tv-pvr5:107.3	sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
pli-tv-pvr5:108.1	Anuvādādhikaraṇañca āpattādhikaraṇañca kiccādhikaraṇañca katihi samathehi sammanti?
pli-tv-pvr5:108.2	Anuvādādhikaraṇañca āpattādhikaraṇañca kiccādhikaraṇañca chahi samathehi sammanti—
pli-tv-pvr5:108.3	sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:109.1	Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti?
pli-tv-pvr5:109.2	Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti—
pli-tv-pvr5:109.3	sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:110.1	Sammativāro niṭṭhito sattarasamo.
pli-tv-pvr5:111.0	13. Sammantinasammantivāra
pli-tv-pvr5:111.1	Vivādādhikaraṇaṁ katihi samathehi sammati, katihi samathehi na sammati?
pli-tv-pvr5:111.2	Anuvādādhikaraṇaṁ katihi samathehi sammati, katihi samathehi na sammati?
pli-tv-pvr5:111.3	Āpattādhikaraṇaṁ katihi samathehi sammati, katihi samathehi na sammati?
pli-tv-pvr5:111.4	Kiccādhikaraṇaṁ katihi samathehi sammati, katihi samathehi na sammati?
pli-tv-pvr5:112.1	Vivādādhikaraṇaṁ dvīhi samathehi sammati—
pli-tv-pvr5:112.2	sammukhāvinayena ca yebhuyyasikāya ca.
pli-tv-pvr5:112.3	Pañcahi samathehi na sammati—
pli-tv-pvr5:112.4	sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:113.1	Anuvādādhikaraṇaṁ catūhi samathehi sammati—
pli-tv-pvr5:113.2	sammukhāvinayena ca sativinayena ca amūḷhavinayena ca tassapāpiyasikāya ca.
pli-tv-pvr5:113.3	Tīhi samathehi na sammati—
pli-tv-pvr5:113.4	yebhuyyasikāya ca paṭiññātakaraṇena ca tiṇavatthārakena ca.
pli-tv-pvr5:114.1	Āpattādhikaraṇaṁ tīhi samathehi sammati—
pli-tv-pvr5:114.2	sammukhāvinayena ca paṭiññātakaraṇena ca tiṇavatthārakena ca.
pli-tv-pvr5:114.3	Catūhi samathehi na sammati—
pli-tv-pvr5:114.4	yebhuyyasikāya ca sativinayena ca amūḷhavinayena ca tassapāpiyasikāya ca.
pli-tv-pvr5:115.1	Kiccādhikaraṇaṁ ekena samathena sammati—
pli-tv-pvr5:115.2	sammukhāvinayena.
pli-tv-pvr5:115.3	Chahi samathehi na sammati—
pli-tv-pvr5:115.4	yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:116.1	Vivādādhikaraṇañca anuvādādhikaraṇañca katihi samathehi sammanti?
pli-tv-pvr5:116.2	Katihi samathehi na sammanti?
pli-tv-pvr5:116.3	Vivādādhikaraṇañca anuvādādhikaraṇañca pañcahi samathehi sammanti—
pli-tv-pvr5:116.4	sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
pli-tv-pvr5:116.5	Dvīhi samathehi na sammanti—
pli-tv-pvr5:116.6	paṭiññātakaraṇena ca tiṇavatthārakena ca.
pli-tv-pvr5:117.1	Vivādādhikaraṇañca āpattādhikaraṇañca katihi samathehi sammanti?
pli-tv-pvr5:117.2	Katihi samathehi na sammanti?
pli-tv-pvr5:117.3	Vivādādhikaraṇañca āpattādhikaraṇañca catūhi samathehi sammanti—
pli-tv-pvr5:117.4	sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.
pli-tv-pvr5:117.5	Tīhi samathehi na sammanti—
pli-tv-pvr5:117.6	sativinayena ca amūḷhavinayena ca tassapāpiyasikāya ca.
pli-tv-pvr5:118.1	Vivādādhikaraṇañca kiccādhikaraṇañca katihi samathehi sammanti?
pli-tv-pvr5:118.2	Katihi samathehi na sammanti?
pli-tv-pvr5:118.3	Vivādādhikaraṇañca kiccādhikaraṇañca dvīhi samathehi sammanti—
pli-tv-pvr5:118.4	sammukhāvinayena ca yebhuyyasikāya ca.
pli-tv-pvr5:118.5	Pañcahi samathehi na sammanti—
pli-tv-pvr5:118.6	sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:119.1	Anuvādādhikaraṇañca āpattādhikaraṇañca katihi samathehi sammanti?
pli-tv-pvr5:119.2	Katihi samathehi na sammanti?
pli-tv-pvr5:119.3	Anuvādādhikaraṇañca āpattādhikaraṇañca chahi samathehi sammanti—
pli-tv-pvr5:119.4	sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:119.5	Ekena samathena na sammanti—
pli-tv-pvr5:119.6	yebhuyyasikāya.
pli-tv-pvr5:120.1	Anuvādādhikaraṇañca kiccādhikaraṇañca katihi samathehi sammanti?
pli-tv-pvr5:120.2	Katihi samathehi na sammanti?
pli-tv-pvr5:120.3	Anuvādādhikaraṇañca kiccādhikaraṇañca catūhi samathehi sammanti—
pli-tv-pvr5:120.4	sammukhāvinayena ca sativinayena ca amūḷhavinayena ca tassapāpiyasikāya ca.
pli-tv-pvr5:120.5	Tīhi samathehi na sammanti—
pli-tv-pvr5:120.6	yebhuyyasikāya ca paṭiññātakaraṇena ca tiṇavatthārakena ca.
pli-tv-pvr5:121.1	Āpattādhikaraṇañca kiccādhikaraṇañca katihi samathehi sammanti?
pli-tv-pvr5:121.2	Katihi samathehi na sammanti?
pli-tv-pvr5:121.3	Āpattādhikaraṇañca kiccādhikaraṇañca tīhi samathehi sammanti—
pli-tv-pvr5:121.4	sammukhāvinayena ca paṭiññātakaraṇena ca tiṇavatthārakena ca.
pli-tv-pvr5:121.5	Catūhi samathehi na sammanti—
pli-tv-pvr5:121.6	yebhuyyasikāya ca sativinayena ca amūḷhavinayena ca tassapāpiyasikāya ca.
pli-tv-pvr5:122.1	Vivādādhikaraṇañca anuvādādhikaraṇañca āpattādhikaraṇañca katihi samathehi sammanti?
pli-tv-pvr5:122.2	Katihi samathehi na sammanti?
pli-tv-pvr5:122.3	Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti—
pli-tv-pvr5:122.4	ammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:123.1	Vivādādhikaraṇañca anuvādādhikaraṇañca kiccādhikaraṇañca katihi samathehi sammanti?
pli-tv-pvr5:123.2	Katihi samathehi na sammanti?
pli-tv-pvr5:123.3	Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti—
pli-tv-pvr5:123.4	sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
pli-tv-pvr5:123.5	Dvīhi samathehi na sammanti—
pli-tv-pvr5:123.6	paṭiññātakaraṇena ca tiṇavatthārakena ca.
pli-tv-pvr5:124.1	Anuvādādhikaraṇañca āpattādhikaraṇañca kiccādhikaraṇañca katihi samathehi sammanti?
pli-tv-pvr5:124.2	Katihi samathehi na sammanti?
pli-tv-pvr5:124.3	Anuvādādhikaraṇañca āpattādhikaraṇañca kiccādhikaraṇañca chahi samathehi sammanti—
pli-tv-pvr5:124.4	sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:124.5	Ekena samathena na sammanti—
pli-tv-pvr5:124.6	yebhuyyasikāya.
pli-tv-pvr5:125.1	Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti?
pli-tv-pvr5:125.2	Katihi samathehi na sammanti?
pli-tv-pvr5:125.3	Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti—
pli-tv-pvr5:125.4	sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
pli-tv-pvr5:126.1	Sammanti na sammantivāro niṭṭhito aṭṭhārasamo.
pli-tv-pvr5:127.0	14. Samathādhikaraṇavāra
pli-tv-pvr5:127.1	Samathā samathehi sammanti?
pli-tv-pvr5:127.2	Samathā adhikaraṇehi sammanti?
pli-tv-pvr5:127.3	Adhikaraṇā samathehi sammanti?
pli-tv-pvr5:127.4	Adhikaraṇā adhikaraṇehi sammanti?
pli-tv-pvr5:128.1	Siyā samathā samathehi sammanti, siyā samathā samathehi na sammanti.
pli-tv-pvr5:128.2	Siyā samathā adhikaraṇehi sammanti, siyā samathā adhikaraṇehi na sammanti.
pli-tv-pvr5:128.3	Siyā adhikaraṇā samathehi sammanti, siyā adhikaraṇā samathehi na sammanti.
pli-tv-pvr5:128.4	Siyā adhikaraṇā adhikaraṇehi sammanti, siyā adhikaraṇā adhikaraṇehi na sammanti.
pli-tv-pvr5:129.1	Kathaṁ siyā samathā samathehi sammanti, kathaṁ siyā samathā samathehi na sammanti?
pli-tv-pvr5:129.2	Yebhuyyasikā sammukhāvinayena sammati;
pli-tv-pvr5:129.3	sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati, tiṇavatthārakena na sammati.
pli-tv-pvr5:130.1	Sativinayo sammukhāvinayena sammati;
pli-tv-pvr5:130.2	amūḷhavinayena na sammati, paṭiññātakaraṇena na sammāti, tassapāpiyasikāya na sammati, tiṇavatthārakena na sammati, yebhuyyasikāya na sammati.
pli-tv-pvr5:131.1	Amūḷhavinayo sammukhāvinayena sammati;
pli-tv-pvr5:131.2	paṭiññātakaraṇena na sammati, tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati.
pli-tv-pvr5:132.1	Paṭiññātakaraṇaṁ sammukhāvinayena sammati;
pli-tv-pvr5:132.2	tassapāpiyasikāya na sammati, tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati.
pli-tv-pvr5:133.1	Tassapāpiyasikā sammukhāvinayena sammati;
pli-tv-pvr5:133.2	tiṇavatthārakena na sammati, yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati.
pli-tv-pvr5:134.1	Tiṇavatthārako sammukhāvinayena sammati;
pli-tv-pvr5:134.2	yebhuyyasikāya na sammati, sativinayena na sammati, amūḷhavinayena na sammati, paṭiññātakaraṇena na sammati, tassapāpiyasikāya na sammati.
pli-tv-pvr5:134.3	Evaṁ siyā samathā samathehi sammanti.
pli-tv-pvr5:134.4	Evaṁ siyā samathā samathehi na sammanti.
pli-tv-pvr5:135.1	Kathaṁ siyā samathā adhikaraṇehi sammanti, kathaṁ siyā samathā adhikaraṇehi na sammanti?
pli-tv-pvr5:135.2	Sammukhāvinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:135.3	kiccādhikaraṇena sammati.
pli-tv-pvr5:136.1	Yebhuyyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:136.2	kiccādhikaraṇena sammati.
pli-tv-pvr5:137.1	Sativinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:137.2	kiccādhikaraṇena sammati.
pli-tv-pvr5:138.1	Amūḷhavinayo vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:138.2	kiccādhikaraṇena sammati.
pli-tv-pvr5:139.1	Paṭiññātakaraṇaṁ vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:139.2	kiccādhikaraṇena sammati.
pli-tv-pvr5:140.1	Tassapāpiyasikā vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:140.2	kiccādhikaraṇena sammati.
pli-tv-pvr5:141.1	Tiṇavatthārako vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:141.2	kiccādhikaraṇena sammati.
pli-tv-pvr5:141.3	Evaṁ siyā samathā adhikaraṇehi sammanti.
pli-tv-pvr5:141.4	Evaṁ siyā samathā adhikaraṇehi na sammanti.
pli-tv-pvr5:142.1	Kathaṁ siyā adhikaraṇā samathehi sammanti, kathaṁ siyā adhikaraṇā samathehi na sammanti?
pli-tv-pvr5:142.2	Vivādādhikaraṇaṁ sammukhāvinayena ca yebhuyyasikāya ca sammati;
pli-tv-pvr5:142.3	sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca na sammati.
pli-tv-pvr5:143.1	Anuvādādhikaraṇaṁ sammukhāvinayena ca sativinayena ca amūḷhavinayena ca tassapāpiyasikāya ca sammati;
pli-tv-pvr5:143.2	yebhuyyasikāya ca paṭiññātakaraṇena ca tiṇavatthārakena ca na sammati.
pli-tv-pvr5:144.1	Āpattādhikaraṇaṁ sammukhāvinayena ca paṭiññātakaraṇena ca tiṇavatthārakena ca sammati;
pli-tv-pvr5:144.2	yebhuyyasikāya ca sativinayena ca amūḷhavinayena ca tassapāpiyasikāya ca na sammati.
pli-tv-pvr5:145.1	Kiccādhikaraṇaṁ sammukhāvinayena sammati;
pli-tv-pvr5:145.2	yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca na sammati.
pli-tv-pvr5:145.3	Evaṁ siyā adhikaraṇā samathehi sammanti.
pli-tv-pvr5:145.4	Evaṁ siyā adhikaraṇā samathehi na sammanti.
pli-tv-pvr5:146.1	Kathaṁ siyā adhikaraṇā adhikaraṇehi sammanti? Kathaṁ siyā adhikaraṇā adhikaraṇehi na sammanti?
pli-tv-pvr5:146.2	Vivādādhikaraṇaṁ vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:146.3	kiccādhikaraṇena sammati.
pli-tv-pvr5:147.1	Anuvādādhikaraṇaṁ vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:147.2	kiccādhikaraṇena sammati.
pli-tv-pvr5:148.1	Āpattādhikaraṇaṁ vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:148.2	kiccādhikaraṇena sammati.
pli-tv-pvr5:149.1	Kiccādhikaraṇaṁ vivādādhikaraṇena na sammati, anuvādādhikaraṇena na sammati, āpattādhikaraṇena na sammati;
pli-tv-pvr5:149.2	kiccādhikaraṇena sammati.
pli-tv-pvr5:149.3	Evaṁ siyā adhikaraṇā adhikaraṇehi sammanti.
pli-tv-pvr5:149.4	Evaṁ siyā adhikaraṇā adhikaraṇehi na sammanti.
pli-tv-pvr5:150.1	Chāpi samathā cattāropi adhikaraṇā sammukhāvinayena sammanti;
pli-tv-pvr5:150.2	sammukhāvinayo na kenaci sammati.
pli-tv-pvr5:151.1	Samathādhikaraṇavāro niṭṭhito ekūnavīsatimo.
pli-tv-pvr5:152.0	15. Samuṭṭhāpanavāra
pli-tv-pvr5:152.1	Vivādādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti?
pli-tv-pvr5:152.2	Vivādādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti;
pli-tv-pvr5:152.3	api ca vivādādhikaraṇapaccayā cattāro adhikaraṇā jāyanti.
pli-tv-pvr5:152.4	Yathā kathaṁ viya?
pli-tv-pvr5:152.5	Idha bhikkhū vivadanti—
pli-tv-pvr5:152.6	“dhammo”ti vā, “adhammo”ti vā, “vinayo”ti vā, “avinayo”ti vā, “abhāsitaṁ alapitaṁ tathāgatenā”ti vā, “bhāsitaṁ lapitaṁ tathāgatenā”ti vā, “anāciṇṇaṁ tathāgatenā”ti vā, “āciṇṇaṁ tathāgatenā”ti vā, “apaññattaṁ tathāgatenā”ti vā, “paññattaṁ tathāgatenā”ti vā, “āpattī”ti vā, “anāpattī”ti vā, “lahukā āpattī”ti vā, “garukā āpattī”ti vā, “sāvasesā āpattī”ti vā, “anavasesā āpattī”ti vā, “duṭṭhullā āpattī”ti vā “aduṭṭhullā āpattī”ti vā.
pli-tv-pvr5:152.7	Yaṁ tattha bhaṇḍanaṁ kalaho viggaho vivādo nānāvādo aññathāvādo vipaccatāya vohāro medhakaṁ, idaṁ vuccati vivādādhikaraṇaṁ.
pli-tv-pvr5:152.8	Vivādādhikaraṇe saṅgho vivadati.
pli-tv-pvr5:152.9	Vivādādhikaraṇaṁ vivadamāno anuvadati.
pli-tv-pvr5:152.10	Anuvādādhikaraṇaṁ anuvadamāno āpattiṁ āpajjati āpattādhikaraṇaṁ.
pli-tv-pvr5:152.11	Tāya āpattiyā saṅgho kammaṁ karoti kiccādhikaraṇaṁ.
pli-tv-pvr5:152.12	Evaṁ vivādādhikaraṇapaccayā cattāro adhikaraṇā jāyanti.
pli-tv-pvr5:153.1	Anuvādādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti?
pli-tv-pvr5:153.2	Anuvādādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti;
pli-tv-pvr5:153.3	api ca anuvādādhikaraṇapaccayā cattāro adhikaraṇā jāyanti.
pli-tv-pvr5:153.4	Yathā kathaṁ viya?
pli-tv-pvr5:153.5	Idha bhikkhū bhikkhuṁ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā.
pli-tv-pvr5:153.6	Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ, idaṁ vuccati anuvādādhikaraṇaṁ.
pli-tv-pvr5:153.7	Anuvādādhikaraṇe saṅgho vivadati.
pli-tv-pvr5:153.8	Vivādādhikaraṇaṁ vivadamāno anuvadati.
pli-tv-pvr5:153.9	Anuvādādhikaraṇaṁ anuvadamāno āpattiṁ āpajjati āpattādhikaraṇaṁ.
pli-tv-pvr5:153.10	Tāya āpattiyā saṅgho kammaṁ karoti kiccādhikaraṇaṁ.
pli-tv-pvr5:153.11	Evaṁ anuvādādhikaraṇapaccayā cattāro adhikaraṇā jāyanti.
pli-tv-pvr5:154.1	Āpattādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti?
pli-tv-pvr5:154.2	Āpattādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti;
pli-tv-pvr5:154.3	api ca āpattādhikaraṇapaccayā cattāro adhikaraṇā jāyanti.
pli-tv-pvr5:154.4	Yathā kathaṁ viya?
pli-tv-pvr5:154.5	Pañcapi āpattikkhandhā āpattādhikaraṇaṁ, sattapi āpattikkhandhā āpattādhikaraṇaṁ, idaṁ vuccati āpattādhikaraṇaṁ.
pli-tv-pvr5:154.6	Āpattādhikaraṇe saṅgho vivadati.
pli-tv-pvr5:154.7	Vivādādhikaraṇaṁ vivadamāno anuvadati.
pli-tv-pvr5:154.8	Anuvādādhikaraṇaṁ anuvadamāno āpattiṁ āpajjati āpattādhikaraṇaṁ.
pli-tv-pvr5:154.9	Tāya āpattiyā saṅgho kammaṁ karoti kiccādhikaraṇaṁ.
pli-tv-pvr5:154.10	Evaṁ āpattādhikaraṇapaccayā cattāro adhikaraṇā jāyanti.
pli-tv-pvr5:155.1	Kiccādhikaraṇaṁ catunnaṁ adhikaraṇānaṁ katamaṁ adhikaraṇaṁ samuṭṭhāpeti?
pli-tv-pvr5:155.2	Kiccādhikaraṇaṁ catunnaṁ adhikaraṇānaṁ na katamaṁ adhikaraṇaṁ samuṭṭhāpeti,
pli-tv-pvr5:155.3	api ca kiccādhikaraṇapaccayā cattāro adhikaraṇā jāyanti.
pli-tv-pvr5:155.4	Yathā kathaṁ viya?
pli-tv-pvr5:155.5	Yā saṅghassa kiccayatā karaṇīyatā apalokanakammaṁ ñattikammaṁ ñattidutiyakammaṁ ñatticatutthakammaṁ, idaṁ vuccati kiccādhikaraṇaṁ.
pli-tv-pvr5:155.6	Kiccādhikaraṇe saṅgho vivadati.
pli-tv-pvr5:155.7	Vivādādhikaraṇaṁ vivadamāno anuvadati.
pli-tv-pvr5:155.8	Anuvādādhikaraṇaṁ anuvadamāno āpattiṁ āpajjati āpattādhikaraṇaṁ.
pli-tv-pvr5:155.9	Tāya āpattiyā saṅgho kammaṁ karoti kiccādhikaraṇaṁ.
pli-tv-pvr5:155.10	Evaṁ kiccādhikaraṇapaccayā cattāro adhikaraṇā jāyanti.
pli-tv-pvr5:156.1	Samuṭṭhāpanavāro niṭṭhito vīsatimo.
pli-tv-pvr5:157.0	16. Bhajativāra
pli-tv-pvr5:157.1	Vivādādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati?
pli-tv-pvr5:157.2	Katamaṁ adhikaraṇaṁ upanissitaṁ?
pli-tv-pvr5:157.3	Katamaṁ adhikaraṇaṁ pariyāpannaṁ?
pli-tv-pvr5:157.4	Katamena adhikaraṇena saṅgahitaṁ?
pli-tv-pvr5:158.1	Anuvādādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati?
pli-tv-pvr5:158.2	Katamaṁ adhikaraṇaṁ upanissitaṁ?
pli-tv-pvr5:158.3	Katamaṁ adhikaraṇaṁ pariyāpannaṁ?
pli-tv-pvr5:158.4	Katamena adhikaraṇena saṅgahitaṁ?
pli-tv-pvr5:159.1	Āpattādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati?
pli-tv-pvr5:159.2	Katamaṁ adhikaraṇaṁ upanissitaṁ?
pli-tv-pvr5:159.3	Katamaṁ adhikaraṇaṁ pariyāpannaṁ?
pli-tv-pvr5:159.4	Katamena adhikaraṇena saṅgahitaṁ?
pli-tv-pvr5:160.1	Kiccādhikaraṇaṁ catunnaṁ adhikaraṇānaṁ katamaṁ adhikaraṇaṁ bhajati?
pli-tv-pvr5:160.2	Katamaṁ adhikaraṇaṁ upanissitaṁ?
pli-tv-pvr5:160.3	Katamaṁ adhikaraṇaṁ pariyāpannaṁ?
pli-tv-pvr5:160.4	Katamena adhikaraṇena saṅgahitaṁ?
pli-tv-pvr5:161.1	Vivādādhikaraṇaṁ catunnaṁ adhikaraṇānaṁ vivādādhikaraṇaṁ bhajati, vivādādhikaraṇaṁ upanissitaṁ, vivādādhikaraṇaṁ pariyāpannaṁ, vivādādhikaraṇena saṅgahitaṁ.
pli-tv-pvr5:162.1	Anuvādādhikaraṇaṁ catunnaṁ adhikaraṇānaṁ anuvādādhikaraṇaṁ bhajati, anuvādādhikaraṇaṁ upanissitaṁ, anuvādādhikaraṇaṁ pariyāpannaṁ, anuvādādhikaraṇena saṅgahitaṁ.
pli-tv-pvr5:163.1	Āpattādhikaraṇaṁ catunnaṁ adhikaraṇānaṁ āpattādhikaraṇaṁ bhajati, āpattādhikaraṇaṁ upanissitaṁ, āpattādhikaraṇaṁ pariyāpannaṁ, āpattādhikaraṇena saṅgahitaṁ.
pli-tv-pvr5:164.1	Kiccādhikaraṇaṁ catunnaṁ adhikaraṇānaṁ kiccādhikaraṇaṁ bhajati, kiccādhikaraṇaṁ upanissitaṁ, kiccādhikaraṇaṁ pariyāpannaṁ, kiccādhikaraṇena saṅgahitaṁ.
pli-tv-pvr5:165.1	Vivādādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katihi samathehi saṅgahitaṁ, katihi samathehi sammati?
pli-tv-pvr5:166.1	Anuvādādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katihi samathehi saṅgahitaṁ, katihi samathehi sammati?
pli-tv-pvr5:167.1	Āpattādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katihi samathehi saṅgahitaṁ, katihi samathehi sammati?
pli-tv-pvr5:168.1	Kiccādhikaraṇaṁ sattannaṁ samathānaṁ kati samathe bhajati, kati samathe upanissitaṁ, kati samathe pariyāpannaṁ, katihi samathehi saṅgahitaṁ, katihi samathehi sammati?
pli-tv-pvr5:169.1	Vivādādhikaraṇaṁ sattannaṁ samathānaṁ dve samathe bhajati, dve samathe upanissitaṁ, dve samathe pariyāpannaṁ, dvīhi samathehi saṅgahitaṁ, dvīhi samathehi sammati—
pli-tv-pvr5:169.2	sammukhāvinayena ca yebhuyyasikāya ca.
pli-tv-pvr5:170.1	Anuvādādhikaraṇaṁ sattannaṁ samathānaṁ cattāro samathe bhajati, cattāro samathe upanissitaṁ, cattāro samathe pariyāpannaṁ, catūhi samathehi saṅgahitaṁ, catūhi samathehi sammati—
pli-tv-pvr5:170.2	sammukhāvinayena ca sativinayena ca amūḷhavinayena ca tassapāpiyasikāya ca.
pli-tv-pvr5:171.1	Āpattādhikaraṇaṁ sattannaṁ samathānaṁ tayo samathe bhajati, tayo samathe upanissitaṁ, tayo samathe pariyāpannaṁ, tīhi samathehi saṅgahitaṁ tīhi samathehi sammati—
pli-tv-pvr5:171.2	sammukhāvinayena ca paṭiññātakaraṇena ca tiṇavatthārakena ca.
pli-tv-pvr5:172.1	Kiccādhikaraṇaṁ sattannaṁ samathānaṁ ekaṁ samathaṁ bhajati, ekaṁ samathaṁ upanissitaṁ, ekaṁ samathaṁ pariyāpannaṁ, ekena samathena saṅgahitaṁ, ekena samathena sammati—
pli-tv-pvr5:172.2	sammukhāvinayenāti.
pli-tv-pvr5:173.1	Bhajativāro niṭṭhito ekavīsatimo.
pli-tv-pvr5:174.1	Samathabhedo niṭṭhito.
pli-tv-pvr5:175.1	Tassuddānaṁ
pli-tv-pvr5:176.1	Adhikaraṇaṁ pariyāyaṁ,
pli-tv-pvr5:176.2	sādhāraṇā ca bhāgiyā;
pli-tv-pvr5:176.3	Samathā sādhāraṇikā,
pli-tv-pvr5:176.4	samathassa tabbhāgiyā.
pli-tv-pvr5:177.1	Samathā sammukhā ceva,
pli-tv-pvr5:177.2	vinayena kusalena ca;
pli-tv-pvr5:177.3	Yattha samathasaṁsaṭṭhā,
pli-tv-pvr5:177.4	sammanti na sammanti ca;
pli-tv-pvr5:177.5	Samathādhikaraṇañceva,
pli-tv-pvr5:177.6	samuṭṭhānaṁ bhajanti cāti.
pli-tv-pvr6:0.1	Parivāra
pli-tv-pvr6:0.2	6. Khandhakapucchāvāra
pli-tv-pvr6:1.1	Upasampadaṁ pucchissaṁ sanidānaṁ saniddesaṁ,
pli-tv-pvr6:1.2	Samukkaṭṭhapadānaṁ kati āpattiyo;
pli-tv-pvr6:1.3	Upasampadaṁ vissajjissaṁ sanidānaṁ saniddesaṁ,
pli-tv-pvr6:1.4	Samukkaṭṭhapadānaṁ dve āpattiyo.
pli-tv-pvr6:2.1	Uposathaṁ pucchissaṁ sanidānaṁ saniddesaṁ,
pli-tv-pvr6:2.2	Samukkaṭṭhapadānaṁ kati āpattiyo;
pli-tv-pvr6:2.3	Uposathaṁ vissajjissaṁ sanidānaṁ saniddesaṁ,
pli-tv-pvr6:2.4	Samukkaṭṭhapadānaṁ tisso āpattiyo.
pli-tv-pvr6:3.1	Vassūpanāyikaṁ pucchissaṁ sanidānaṁ saniddesaṁ,
pli-tv-pvr6:3.2	Samukkaṭṭhapadānaṁ kati āpattiyo;
pli-tv-pvr6:3.3	Vassūpanāyikaṁ vissajjissaṁ sanidānaṁ saniddesaṁ,
pli-tv-pvr6:3.4	Samukkaṭṭhapadānaṁ ekā āpatti.
pli-tv-pvr6:4.1	Pavāraṇaṁ pucchissaṁ sanidānaṁ saniddesaṁ,
pli-tv-pvr6:4.2	Samukkaṭṭhapadānaṁ kati āpattiyo;
pli-tv-pvr6:4.3	Pavāraṇaṁ vissajjissaṁ sanidānaṁ saniddesaṁ,
pli-tv-pvr6:4.4	Samukkaṭṭhapadānaṁ tisso āpattiyo.
pli-tv-pvr6:5.1	Cammasaññuttaṁ pucchissaṁ sanidānaṁ saniddesaṁ,
pli-tv-pvr6:5.2	Samukkaṭṭhapadānaṁ kati āpattiyo;
pli-tv-pvr6:5.3	Cammasaññuttaṁ vissajjissaṁ sanidānaṁ saniddesaṁ,
pli-tv-pvr6:5.4	Samukkaṭṭhapadānaṁ tisso āpattiyo.
pli-tv-pvr6:6.1	Bhesajjaṁ pucchissaṁ sanidānaṁ saniddesaṁ,
pli-tv-pvr6:6.2	Samukkaṭṭhapadānaṁ kati āpattiyo;
pli-tv-pvr6:6.3	Bhesajjaṁ vissajjissaṁ sanidānaṁ saniddesaṁ,
pli-tv-pvr6:6.4	Samukkaṭṭhapadānaṁ tisso āpattiyo.
pli-tv-pvr6:7.1	Kathinakaṁ pucchissaṁ sanidānaṁ saniddesaṁ,
pli-tv-pvr6:7.2	Samukkaṭṭhapadānaṁ kati āpattiyo;
pli-tv-pvr6:7.3	Kathinakaṁ vissajjissaṁ sanidānaṁ saniddesaṁ,
pli-tv-pvr6:7.4	Samukkaṭṭhapadānaṁ natthi tattha āpatti.
pli-tv-pvr6:8.1	Cīvarasaññuttaṁ pucchissaṁ sanidānaṁ saniddesaṁ,
pli-tv-pvr6:8.2	Samukkaṭṭhapadānaṁ kati āpattiyo;
pli-tv-pvr6:8.3	Cīvarasaññuttaṁ vissajjissaṁ sanidānaṁ saniddesaṁ,
pli-tv-pvr6:8.4	Samukkaṭṭhapadānaṁ tisso āpattiyo.
pli-tv-pvr6:9.1	Campeyyakaṁ pucchissaṁ sanidānaṁ saniddesaṁ,
pli-tv-pvr6:9.2	Samukkaṭṭhapadānaṁ kati āpattiyo;
pli-tv-pvr6:9.3	Campeyyakaṁ vissajjissaṁ sanidānaṁ saniddesaṁ,
pli-tv-pvr6:9.4	Samukkaṭṭhapadānaṁ ekā āpatti.
pli-tv-pvr6:10.1	Kosambakaṁ pucchissaṁ sanidānaṁ saniddesaṁ,
pli-tv-pvr6:10.2	Samukkaṭṭhapadānaṁ kati āpattiyo;
pli-tv-pvr6:10.3	Kosambakaṁ vissajjissaṁ sanidānaṁ saniddesaṁ,
pli-tv-pvr6:10.4	Samukkaṭṭhapadānaṁ ekā āpatti.
pli-tv-pvr6:11.1	Kammakkhandhakaṁ pucchissaṁ sanidānaṁ saniddesaṁ,
pli-tv-pvr6:11.2	Samukkaṭṭhapadānaṁ kati āpattiyo;
pli-tv-pvr6:11.3	Kammakkhandhakaṁ vissajjissaṁ sanidānaṁ saniddesaṁ,
pli-tv-pvr6:11.4	Samukkaṭṭhapadānaṁ ekā āpatti.
pli-tv-pvr6:12.1	Pārivāsikaṁ pucchissaṁ sanidānaṁ saniddesaṁ,
pli-tv-pvr6:12.2	Samukkaṭṭhapadānaṁ kati āpattiyo;
pli-tv-pvr6:12.3	Pārivāsikaṁ vissajjissaṁ sanidānaṁ saniddesaṁ,
pli-tv-pvr6:12.4	Samukkaṭṭhapadānaṁ ekā āpatti.
pli-tv-pvr6:13.1	Samuccayaṁ pucchissaṁ sanidānaṁ saniddesaṁ,
pli-tv-pvr6:13.2	Samukkaṭṭhapadānaṁ kati āpattiyo;
pli-tv-pvr6:13.3	Samuccayaṁ vissajjissaṁ sanidānaṁ saniddesaṁ,
pli-tv-pvr6:13.4	Samukkaṭṭhapadānaṁ ekā āpatti.
pli-tv-pvr6:14.1	Samathaṁ pucchissaṁ sanidānaṁ saniddesaṁ,
pli-tv-pvr6:14.2	Samukkaṭṭhapadānaṁ kati āpattiyo;
pli-tv-pvr6:14.3	Samathaṁ vissajjissaṁ sanidānaṁ saniddesaṁ,
pli-tv-pvr6:14.4	Samukkaṭṭhapadānaṁ dve āpattiyo.
pli-tv-pvr6:15.1	Khuddakavatthukaṁ pucchissaṁ sanidānaṁ saniddesaṁ,
pli-tv-pvr6:15.2	Samukkaṭṭhapadānaṁ kati āpattiyo;
pli-tv-pvr6:15.3	Khuddakavatthukaṁ vissajjissaṁ sanidānaṁ saniddesaṁ,
pli-tv-pvr6:15.4	Samukkaṭṭhapadānaṁ tisso āpattiyo.
pli-tv-pvr6:16.1	Senāsanaṁ pucchissaṁ sanidānaṁ saniddesaṁ,
pli-tv-pvr6:16.2	Samukkaṭṭhapadānaṁ kati āpattiyo;
pli-tv-pvr6:16.3	Senāsanaṁ vissajjissaṁ sanidānaṁ saniddesaṁ,
pli-tv-pvr6:16.4	Samukkaṭṭhapadānaṁ tisso āpattiyo.
pli-tv-pvr6:17.1	Saṅghabhedaṁ pucchissaṁ sanidānaṁ saniddesaṁ,
pli-tv-pvr6:17.2	Samukkaṭṭhapadānaṁ kati āpattiyo;
pli-tv-pvr6:17.3	Saṅghabhedaṁ vissajjissaṁ sanidānaṁ saniddesaṁ,
pli-tv-pvr6:17.4	Samukkaṭṭhapadānaṁ dve āpattiyo.
pli-tv-pvr6:18.1	Samācāraṁ pucchissaṁ sanidānaṁ saniddesaṁ,
pli-tv-pvr6:18.2	Samukkaṭṭhapadānaṁ kati āpattiyo;
pli-tv-pvr6:18.3	Samācāraṁ vissajjissaṁ sanidānaṁ saniddesaṁ,
pli-tv-pvr6:18.4	Samukkaṭṭhapadānaṁ ekā āpatti.
pli-tv-pvr6:19.1	Ṭhapanaṁ pucchissaṁ sanidānaṁ saniddesaṁ,
pli-tv-pvr6:19.2	Samukkaṭṭhapadānaṁ kati āpattiyo;
pli-tv-pvr6:19.3	Ṭhapanaṁ vissajjissaṁ sanidānaṁ saniddesaṁ,
pli-tv-pvr6:19.4	Samukkaṭṭhapadānaṁ ekā āpatti.
pli-tv-pvr6:20.1	Bhikkhunikkhandhakaṁ pucchissaṁ sanidānaṁ saniddesaṁ,
pli-tv-pvr6:20.2	Samukkaṭṭhapadānaṁ kati āpattiyo;
pli-tv-pvr6:20.3	Bhikkhunikkhandhakaṁ vissajjissaṁ sanidānaṁ saniddesaṁ,
pli-tv-pvr6:20.4	Samukkaṭṭhapadānaṁ dve āpattiyo.
pli-tv-pvr6:21.1	Pañcasatikaṁ pucchissaṁ sanidānaṁ saniddesaṁ,
pli-tv-pvr6:21.2	Samukkaṭṭhapadānaṁ kati āpattiyo;
pli-tv-pvr6:21.3	Pañcasatikaṁ vissajjissaṁ sanidānaṁ saniddesaṁ,
pli-tv-pvr6:21.4	Samukkaṭṭhapadānaṁ natthi tattha āpatti.
pli-tv-pvr6:22.1	Sattasatikaṁ pucchissaṁ sanidānaṁ saniddesaṁ,
pli-tv-pvr6:22.2	Samukkaṭṭhapadānaṁ kati āpattiyo;
pli-tv-pvr6:22.3	Sattasatikaṁ vissajjissaṁ sanidānaṁ saniddesaṁ,
pli-tv-pvr6:22.4	Samukkaṭṭhapadānaṁ natthi tattha āpattīti.
pli-tv-pvr6:23.1	Khandhakapucchāvāro niṭṭhito paṭhamo.
pli-tv-pvr6:24.1	Tassuddānaṁ
pli-tv-pvr6:25.1	Upasampadūposatho,
pli-tv-pvr6:25.2	Vassūpanāyikapavāraṇā;
pli-tv-pvr6:25.3	Cammabhesajjakathinā,
pli-tv-pvr6:25.4	Cīvaraṁ campeyyakena ca.
pli-tv-pvr6:26.1	Kosambakkhandhakaṁ kammaṁ,
pli-tv-pvr6:26.2	Pārivāsisamuccayā;
pli-tv-pvr6:26.3	Samathakhuddakā senā,
pli-tv-pvr6:26.4	Saṅghabhedaṁ samācāro;
pli-tv-pvr6:26.5	Ṭhapanaṁ bhikkhunikkhandhaṁ,
pli-tv-pvr6:26.6	Pañcasattasatena cāti.
pli-tv-pvr7:0.1	Parivāra
pli-tv-pvr7:0.2	7. Ekuttarikanaya
pli-tv-pvr7:0.3	1. Ekakavāra
pli-tv-pvr7:1.1	Āpattikarā dhammā jānitabbā.
pli-tv-pvr7:1.2	Anāpattikarā dhammā jānitabbā.
pli-tv-pvr7:1.3	Āpatti jānitabbā.
pli-tv-pvr7:1.4	Anāpatti jānitabbā.
pli-tv-pvr7:1.5	Lahukā āpatti jānitabbā.
pli-tv-pvr7:1.6	Garukā āpatti jānitabbā.
pli-tv-pvr7:1.7	Sāvasesā āpatti jānitabbā.
pli-tv-pvr7:1.8	Anavasesā āpatti jānitabbā.
pli-tv-pvr7:1.9	Duṭṭhullā āpatti jānitabbā.
pli-tv-pvr7:1.10	Aduṭṭhullā āpatti jānitabbā.
pli-tv-pvr7:1.11	Sappaṭikammā āpatti jānitabbā.
pli-tv-pvr7:1.12	Appaṭikammā āpatti jānitabbā.
pli-tv-pvr7:1.13	Desanāgāminī āpatti jānitabbā.
pli-tv-pvr7:1.14	Adesanāgāminī āpatti jānitabbā.
pli-tv-pvr7:1.15	Antarāyikā āpatti jānitabbā.
pli-tv-pvr7:1.16	Anantarāyikā āpatti jānitabbā.
pli-tv-pvr7:1.17	Sāvajjapaññatti āpatti jānitabbā.
pli-tv-pvr7:1.18	Anavajjapaññatti āpatti jānitabbā.
pli-tv-pvr7:1.19	Kiriyato samuṭṭhitā āpatti jānitabbā.
pli-tv-pvr7:1.20	Akiriyato samuṭṭhitā āpatti jānitabbā.
pli-tv-pvr7:1.21	Kiriyākiriyato samuṭṭhitā āpatti jānitabbā.
pli-tv-pvr7:1.22	Pubbāpatti jānitabbā.
pli-tv-pvr7:1.23	Aparāpatti jānitabbā.
pli-tv-pvr7:1.24	Pubbāpattīnaṁ antarāpatti jānitabbā.
pli-tv-pvr7:1.25	Aparāpattīnaṁ antarāpatti jānitabbā.
pli-tv-pvr7:1.26	Desitā gaṇanūpagā āpatti jānitabbā.
pli-tv-pvr7:1.27	Desitā na gaṇanūpagā āpatti jānitabbā.
pli-tv-pvr7:1.28	Paññatti jānitabbā.
pli-tv-pvr7:1.29	Anupaññatti jānitabbā.
pli-tv-pvr7:1.30	Anuppannapaññatti jānitabbā.
pli-tv-pvr7:1.31	Sabbatthapaññatti jānitabbā.
pli-tv-pvr7:1.32	Padesapaññatti jānitabbā.
pli-tv-pvr7:1.33	Sādhāraṇapaññatti jānitabbā.
pli-tv-pvr7:1.34	Asādhāraṇapaññatti jānitabbā.
pli-tv-pvr7:1.35	Ekatopaññatti jānitabbā.
pli-tv-pvr7:1.36	Ubhatopaññatti jānitabbā.
pli-tv-pvr7:1.37	Thullavajjā āpatti jānitabbā.
pli-tv-pvr7:1.38	Athullavajjā āpatti jānitabbā.
pli-tv-pvr7:1.39	Gihipaṭisaṁyuttā āpatti jānitabbā.
pli-tv-pvr7:1.40	Na gihipaṭisaṁyuttā āpatti jānitabbā.
pli-tv-pvr7:1.41	Niyatā āpatti jānitabbā.
pli-tv-pvr7:1.42	Aniyatā āpatti jānitabbā.
pli-tv-pvr7:1.43	Ādikaro puggalo jānitabbo.
pli-tv-pvr7:1.44	Anādikaro puggalo jānitabbo.
pli-tv-pvr7:1.45	Adhiccāpattiko puggalo jānitabbo.
pli-tv-pvr7:1.46	Abhiṇhāpattiko puggalo jānitabbo.
pli-tv-pvr7:1.47	Codako puggalo jānitabbo.
pli-tv-pvr7:1.48	Cuditako puggalo jānitabbo.
pli-tv-pvr7:1.49	Adhammacodako puggalo jānitabbo.
pli-tv-pvr7:1.50	Adhammacuditako puggalo jānitabbo.
pli-tv-pvr7:1.51	Dhammacodako puggalo jānitabbo.
pli-tv-pvr7:1.52	Dhammacuditako puggalo jānitabbo.
pli-tv-pvr7:1.53	Niyato puggalo jānitabbo.
pli-tv-pvr7:1.54	Aniyato puggalo jānitabbo.
pli-tv-pvr7:1.55	Abhabbāpattiko puggalo jānitabbo.
pli-tv-pvr7:1.56	Bhabbāpattiko puggalo jānitabbo.
pli-tv-pvr7:1.57	Ukkhittako puggalo jānitabbo.
pli-tv-pvr7:1.58	Anukkhittako puggalo jānitabbo.
pli-tv-pvr7:1.59	Nāsitako puggalo jānitabbo.
pli-tv-pvr7:1.60	Anāsitako puggalo jānitabbo.
pli-tv-pvr7:1.61	Samānasaṁvāsako puggalo jānitabbo.
pli-tv-pvr7:1.62	Asamānasaṁvāsako puggalo jānitabbo.
pli-tv-pvr7:1.63	Ṭhapanaṁ jānitabbanti.
pli-tv-pvr7:2.1	Ekakaṁ niṭṭhitaṁ.
pli-tv-pvr7:3.1	Tassuddānaṁ
pli-tv-pvr7:4.1	Karā āpatti lahukā,
pli-tv-pvr7:4.2	sāvasesā ca duṭṭhullā;
pli-tv-pvr7:4.3	Paṭikammadesanā ca,
pli-tv-pvr7:4.4	antarā vajjakiriyaṁ.
pli-tv-pvr7:5.1	Kiriyākiriyaṁ pubbā,
pli-tv-pvr7:5.2	Antarā gaṇanūpagā;
pli-tv-pvr7:5.3	Paññatti anānuppanna,
pli-tv-pvr7:5.4	Sabbasādhāraṇā ca ekato.
pli-tv-pvr7:6.1	Thullagihiniyatā ca,
pli-tv-pvr7:6.2	ādi adhiccacodako;
pli-tv-pvr7:6.3	Adhammadhammaniyato,
pli-tv-pvr7:6.4	abhabbokkhittanāsitā;
pli-tv-pvr7:6.5	Samānaṁ ṭhapanañceva,
pli-tv-pvr7:6.6	uddānaṁ ekake idanti.
pli-tv-pvr7:7.0	2. Dukavāra
pli-tv-pvr7:7.1	Atthāpatti saññā vimokkhā, atthāpatti no saññāvimokkhā.
pli-tv-pvr7:7.2	Atthāpatti laddhasamāpattikassa, atthāpatti na laddhasamāpattikassa.
pli-tv-pvr7:7.3	Atthāpatti saddhammapaṭisaññuttā, atthāpatti asaddhammapaṭisaññuttā.
pli-tv-pvr7:7.4	Atthāpatti saparikkhārapaṭisaññuttā, atthāpatti paraparikkhārapaṭisaññuttā.
pli-tv-pvr7:7.5	Atthāpatti sapuggalapaṭisaññuttā, atthāpatti parapuggalapaṭisaññuttā.
pli-tv-pvr7:7.6	Atthi saccaṁ bhaṇanto garukaṁ āpattiṁ āpajjati, musā bhaṇanto lahukaṁ.
pli-tv-pvr7:7.7	Atthi musā bhaṇanto garukaṁ āpattiṁ āpajjati, saccaṁ bhaṇanto lahukaṁ.
pli-tv-pvr7:7.8	Atthāpatti bhūmigato āpajjati, no vehāsagato.
pli-tv-pvr7:7.9	Atthāpatti vehāsagato āpajjati, no bhūmigato.
pli-tv-pvr7:7.10	Atthāpatti nikkhamanto āpajjati, no pavisanto.
pli-tv-pvr7:7.11	Atthāpatti pavisanto āpajjati, no nikkhamanto.
pli-tv-pvr7:7.12	Atthāpatti ādiyanto āpajjati, atthāpatti anādiyanto āpajjati.
pli-tv-pvr7:7.13	Atthāpatti samādiyanto āpajjati, atthāpatti na samādiyanto āpajjati.
pli-tv-pvr7:7.14	Atthāpatti karonto āpajjati, atthāpatti na karonto āpajjati.
pli-tv-pvr7:7.15	Atthāpatti dento āpajjati, atthāpatti na dento āpajjati.
pli-tv-pvr7:7.16	Atthāpatti desento āpajjati, atthāpatti na desento āpajjati.
pli-tv-pvr7:7.17	Atthāpatti paṭiggaṇhanto āpajjati, atthāpatti na paṭiggaṇhanto āpajjati.
pli-tv-pvr7:7.18	Atthāpatti paribhogena āpajjati, atthāpatti na paribhogena āpajjati.
pli-tv-pvr7:7.19	Atthāpatti rattiṁ āpajjati, no divā.
pli-tv-pvr7:7.20	Atthāpatti divā āpajjati, no rattiṁ.
pli-tv-pvr7:7.21	Atthāpatti aruṇugge āpajjati, atthāpatti na aruṇugge āpajjati.
pli-tv-pvr7:7.22	Atthāpatti chindanto āpajjati, atthāpatti na chindanto āpajjati.
pli-tv-pvr7:7.23	Atthāpatti chādento āpajjati, atthāpatti na chādento āpajjati.
pli-tv-pvr7:7.24	Atthāpatti dhārento āpajjati, atthāpatti na dhārento āpajjati.
pli-tv-pvr7:8.1	Dve uposathā—
pli-tv-pvr7:8.2	cātuddasiko ca pannarasiko ca.
pli-tv-pvr7:8.3	Dve pavāraṇā—
pli-tv-pvr7:8.4	cātuddasikā ca pannarasikā ca.
pli-tv-pvr7:8.5	Dve kammāni—
pli-tv-pvr7:8.6	apalokanakammaṁ, ñattikammaṁ.
pli-tv-pvr7:8.7	Aparānipi dve kammāni—
pli-tv-pvr7:8.8	ñattidutiyakammaṁ, ñatticatutthakammaṁ.
pli-tv-pvr7:8.9	Dve kammavatthūni—
pli-tv-pvr7:8.10	apalokanakammassa vatthu, ñattikammassa vatthu.
pli-tv-pvr7:8.11	Aparānipi dve kammavatthūni—
pli-tv-pvr7:8.12	ñattidutiyakammassa vatthu, ñatticatutthakammassa vatthu.
pli-tv-pvr7:8.13	Dve kammadosā—
pli-tv-pvr7:8.14	apalokanakammassa doso, ñattikammassa doso.
pli-tv-pvr7:8.15	Aparepi dve kammadosā—
pli-tv-pvr7:8.16	ñattidutiyakammassa doso, ñatticatutthakammassa doso.
pli-tv-pvr7:8.17	Dve kammasampattiyo—
pli-tv-pvr7:8.18	apalokanakammassa sampatti, ñattikammassa sampatti.
pli-tv-pvr7:8.19	Aparāpi dve kammasampattiyo—
pli-tv-pvr7:8.20	ñattidutiyakammassa sampatti, ñatticatutthakammassa sampatti.
pli-tv-pvr7:8.21	Dve nānāsaṁvāsakabhūmiyo—
pli-tv-pvr7:8.22	attanā vā attānaṁ nānāsaṁvāsakaṁ karoti, samaggo vā naṁ saṅgho ukkhipati adassane vā appaṭikamme vā appaṭinissagge vā.
pli-tv-pvr7:8.23	Dve samānasaṁvāsakabhūmiyo—
pli-tv-pvr7:8.24	attanā vā attānaṁ samānasaṁvāsakaṁ karoti, samaggo vā naṁ saṅgho ukkhittaṁ osāreti dassane vā paṭikamme vā paṭinissagge vā.
pli-tv-pvr7:8.25	Dve pārājikā—
pli-tv-pvr7:8.26	bhikkhūnañca bhikkhunīnañca.
pli-tv-pvr7:8.27	Dve saṅghādisesā, dve thullaccayā, dve pācittiyā, dve pāṭidesanīyā, dve dukkaṭā, dve dubbhāsitā—
pli-tv-pvr7:8.28	bhikkhūnañca bhikkhunīnañca.
pli-tv-pvr7:8.29	Satta āpattiyo, satta āpattikkhandhā.
pli-tv-pvr7:8.30	Dvīhākārehi saṅgho bhijjati—
pli-tv-pvr7:8.31	kammena vā salākaggāhena vā.
pli-tv-pvr7:9.1	Dve puggalā na upasampādetabbā—
pli-tv-pvr7:9.2	addhānahīno, aṅgahīno.
pli-tv-pvr7:9.3	Aparepi dve puggalā na upasampādetabbā—
pli-tv-pvr7:9.4	vatthuvipanno, karaṇadukkaṭako.
pli-tv-pvr7:9.5	Aparepi dve puggalā na upasampādetabbā—
pli-tv-pvr7:9.6	aparipūro paripūro no ca yācati.
pli-tv-pvr7:9.7	Dvinnaṁ puggalānaṁ nissāya na vatthabbaṁ—
pli-tv-pvr7:9.8	alajjissa ca bālassa ca.
pli-tv-pvr7:9.9	Dvinnaṁ puggalānaṁ nissayo na dātabbo—
pli-tv-pvr7:9.10	alajjissa ca lajjino ca na yācati.
pli-tv-pvr7:9.11	Dvinnaṁ puggalānaṁ nissayo dātabbo—
pli-tv-pvr7:9.12	bālassa ca lajjissa ca yācati.
pli-tv-pvr7:9.13	Dve puggalā abhabbā āpattiṁ āpajjituṁ—
pli-tv-pvr7:9.14	buddhā ca paccekabuddhā ca.
pli-tv-pvr7:9.15	Dve puggalā bhabbā, āpattiṁ āpajjituṁ—
pli-tv-pvr7:9.16	bhikkhū ca bhikkhuniyo ca.
pli-tv-pvr7:9.17	Dve puggalā abhabbā sañcicca āpattiṁ āpajjituṁ—
pli-tv-pvr7:9.18	bhikkhū ca bhikkhuniyo ca ariyapuggalā.
pli-tv-pvr7:9.19	Dve puggalā bhabbā sañcicca āpattiṁ āpajjituṁ—
pli-tv-pvr7:9.20	bhikkhū ca bhikkhuniyo ca puthujjanā.
pli-tv-pvr7:9.21	Dve puggalā abhabbā sañcicca sātisāraṁ vatthuṁ ajjhācarituṁ—
pli-tv-pvr7:9.22	bhikkhū ca bhikkhuniyo ca ariyapuggalā.
pli-tv-pvr7:9.23	Dve puggalā bhabbā sañcicca sātisāraṁ vatthuṁ ajjhācarituṁ—
pli-tv-pvr7:9.24	bhikkhū ca bhikkhuniyo ca puthujjanā.
pli-tv-pvr7:10.1	Dve paṭikkosā—
pli-tv-pvr7:10.2	kāyena vā paṭikkosati vācāya vā paṭikkosati.
pli-tv-pvr7:10.3	Dve nissāraṇā—
pli-tv-pvr7:10.4	atthi puggalo appatto nissāraṇaṁ tañce saṅgho nissāreti ekacco sunissārito, ekacco dunnissārito.
pli-tv-pvr7:10.5	Dve osāraṇā—
pli-tv-pvr7:10.6	atthi puggalo appatto osāraṇaṁ tañce saṅgho osāreti ekacco sosārito, ekacco dosārito.
pli-tv-pvr7:10.7	Dve paṭiññā—
pli-tv-pvr7:10.8	kāyena vā paṭijānāti vācāya vā paṭijānāti.
pli-tv-pvr7:10.9	Dve paṭiggahā—
pli-tv-pvr7:10.10	kāyena vā paṭiggaṇhāti kāyapaṭibaddhena vā paṭiggaṇhāti.
pli-tv-pvr7:10.11	Dve paṭikkhepā—
pli-tv-pvr7:10.12	kāyena vā paṭikkhipati vācāya vā paṭikkhipati.
pli-tv-pvr7:10.13	Dve upaghātikā—
pli-tv-pvr7:10.14	sikkhūpaghātikā ca bhogūpaghātikā ca.
pli-tv-pvr7:10.15	Dve codanā—
pli-tv-pvr7:10.16	kāyena vā codeti vācāya vā codeti.
pli-tv-pvr7:10.17	Dve kathinassa palibodhā—
pli-tv-pvr7:10.18	āvāsapalibodho ca cīvarapalibodho ca.
pli-tv-pvr7:10.19	Dve kathinassa apalibodhā—
pli-tv-pvr7:10.20	āvāsaapalibodho ca cīvaraapalibodho ca.
pli-tv-pvr7:10.21	Dve cīvarāni—
pli-tv-pvr7:10.22	gahapatikañca paṁsukūlañca.
pli-tv-pvr7:10.23	Dve pattā—
pli-tv-pvr7:10.24	ayopatto mattikāpatto.
pli-tv-pvr7:10.25	Dve maṇḍalāni—
pli-tv-pvr7:10.26	tipumayaṁ, sīsamayaṁ.
pli-tv-pvr7:10.27	Dve pattassa adhiṭṭhānā—
pli-tv-pvr7:10.28	kāyena vā adhiṭṭheti vācāya vā adhiṭṭheti.
pli-tv-pvr7:10.29	Dve cīvarassa adhiṭṭhānā—
pli-tv-pvr7:10.30	kāyena vā adhiṭṭheti vācāya vā adhiṭṭheti.
pli-tv-pvr7:10.31	Dve vikappanā—
pli-tv-pvr7:10.32	sammukhāvikappanā ca parammukhāvikappanā ca.
pli-tv-pvr7:10.33	Dve vinayā—
pli-tv-pvr7:10.34	bhikkhūnañca bhikkhunīnañca.
pli-tv-pvr7:10.35	Dve venayikā—
pli-tv-pvr7:10.36	paññattañca paññattānulomañca.
pli-tv-pvr7:10.37	Dve vinayassa sallekhā—
pli-tv-pvr7:10.38	akappiye setughāto, kappiye mattakāritā.
pli-tv-pvr7:10.39	Dvīhākārehi āpattiṁ āpajjati—
pli-tv-pvr7:10.40	kāyena vā āpajjati vācāya vā āpajjati.
pli-tv-pvr7:10.41	Dvīhākārehi āpattiyā vuṭṭhāti—
pli-tv-pvr7:10.42	kāyena vā vuṭṭhāti vācāya vā vuṭṭhāti.
pli-tv-pvr7:10.43	Dve parivāsā—
pli-tv-pvr7:10.44	paṭicchannaparivāso, appaṭicchannaparivāso.
pli-tv-pvr7:10.45	Aparepi dve parivāsā—
pli-tv-pvr7:10.46	suddhantaparivāso samodhānaparivāso.
pli-tv-pvr7:10.47	Dve mānattā—
pli-tv-pvr7:10.48	paṭicchannamānattaṁ, appaṭicchannamānattaṁ.
pli-tv-pvr7:10.49	Aparepi dve mānattā—
pli-tv-pvr7:10.50	pakkhamānattaṁ, samodhānamānattaṁ.
pli-tv-pvr7:10.51	Dvinnaṁ puggalānaṁ ratticchedo—
pli-tv-pvr7:10.52	pārivāsikassa ca mānattacārikassa ca.
pli-tv-pvr7:10.53	Dve anādariyāni—
pli-tv-pvr7:10.54	puggalānādariyañca dhammānādariyañca.
pli-tv-pvr7:10.55	Dve loṇāni—
pli-tv-pvr7:10.56	jātimañca kārimañca.
pli-tv-pvr7:10.57	Aparānipi dve loṇāni—
pli-tv-pvr7:10.58	sāmuddaṁ kāḷaloṇaṁ.
pli-tv-pvr7:10.59	Aparānipi dve loṇāni—
pli-tv-pvr7:10.60	sindhavaṁ, ubbhidaṁ.
pli-tv-pvr7:10.61	Aparānipi dve loṇāni—
pli-tv-pvr7:10.62	romakaṁ, pakkālakaṁ.
pli-tv-pvr7:10.63	Dve paribhogā—
pli-tv-pvr7:10.64	abbhantaraparibhogo ca bāhiraparibhogo ca.
pli-tv-pvr7:10.65	Dve akkosā—
pli-tv-pvr7:10.66	hīno ca akkoso ukkaṭṭho ca akkoso.
pli-tv-pvr7:10.67	Dvīhākārehi pesuññaṁ hoti—
pli-tv-pvr7:10.68	piyakamyassa vā bhedādhippāyassa vā.
pli-tv-pvr7:10.69	Dvīhākārehi gaṇabhojanaṁ pasavati—
pli-tv-pvr7:10.70	nimantanato vā viññattito vā.
pli-tv-pvr7:10.71	Dve vassūpanāyikā—
pli-tv-pvr7:10.72	purimikā, pacchimikā.
pli-tv-pvr7:10.73	Dve adhammikāni pātimokkhaṭṭhapanāni.
pli-tv-pvr7:10.74	Dve dhammikāni pātimokkhaṭṭhapanāni.
pli-tv-pvr7:11.1	Dve puggalā bālā—
pli-tv-pvr7:11.2	yo ca anāgataṁ bhāraṁ vahati, yo ca āgataṁ bhāraṁ na vahati.
pli-tv-pvr7:11.3	Dve puggalā paṇḍitā—
pli-tv-pvr7:11.4	yo ca anāgataṁ bhāraṁ na vahati, yo ca āgataṁ bhāraṁ vahati.
pli-tv-pvr7:11.5	Aparepi dve puggalā bālā—
pli-tv-pvr7:11.6	yo ca akappiye kappiyasaññī, yo ca kappiye akappiyasaññī.
pli-tv-pvr7:11.7	Dve puggalā paṇḍitā—
pli-tv-pvr7:11.8	yo ca akappiye akappiyasaññī, yo ca kappiye kappiyasaññī.
pli-tv-pvr7:11.9	Aparepi dve puggalā bālā—
pli-tv-pvr7:11.10	yo ca anāpattiyā āpattisaññī, yo ca āpattiyā anāpattisaññī.
pli-tv-pvr7:11.11	Dve puggalā paṇḍitā—
pli-tv-pvr7:11.12	yo ca āpattiyā āpattisaññī, yo ca anāpattiyā anāpattisaññī.
pli-tv-pvr7:11.13	Aparepi dve puggalā bālā—
pli-tv-pvr7:11.14	yo ca adhamme dhammasaññī, yo ca dhamme adhammasaññī.
pli-tv-pvr7:11.15	Dve puggalā paṇḍitā—
pli-tv-pvr7:11.16	yo ca adhamme adhammasaññī, yo ca dhamme dhammasaññī.
pli-tv-pvr7:11.17	Aparepi dve puggalā bālā—
pli-tv-pvr7:11.18	yo ca avinaye vinayasaññī, yo ca vinaye avinayasaññī.
pli-tv-pvr7:11.19	Dve puggalā paṇḍitā—
pli-tv-pvr7:11.20	yo ca avinaye avinayasaññī, yo ca vinaye vinayasaññī.
pli-tv-pvr7:12.1	Dvinnaṁ puggalānaṁ āsavā vaḍḍhanti—
pli-tv-pvr7:12.2	yo ca na kukkuccāyitabbaṁ kukkuccāyati, yo ca kukkuccāyitabbaṁ na kukkuccāyati.
pli-tv-pvr7:12.3	Dvinnaṁ puggalānaṁ āsavā na vaḍḍhanti—
pli-tv-pvr7:12.4	yo ca na kukkuccāyitabbaṁ na kukkuccāyati, yo ca kukkuccāyitabbaṁ kukkuccāyati.
pli-tv-pvr7:12.5	Aparesampi dvinnaṁ puggalānaṁ āsavā vaḍḍhanti—
pli-tv-pvr7:12.6	yo ca akappiye kappiyasaññī, yo ca kappiye akappiyasaññī.
pli-tv-pvr7:12.7	Dvinnaṁ puggalānaṁ āsavā na vaḍḍhanti—
pli-tv-pvr7:12.8	yo ca akappiye akappiyasaññī, yo ca kappiye kappiyasaññī.
pli-tv-pvr7:12.9	Aparesampi dvinnaṁ puggalānaṁ āsavā vaḍḍhanti—
pli-tv-pvr7:12.10	yo ca anāpattiyā āpattisaññī, yo ca āpattiyā anāpattisaññī.
pli-tv-pvr7:12.11	Dvinnaṁ puggalānaṁ āsavā na vaḍḍhanti—
pli-tv-pvr7:12.12	yo ca anāpattiyā anāpattisaññī, yo ca āpattiyā āpattisaññī.
pli-tv-pvr7:12.13	Aparesampi dvinnaṁ puggalānaṁ āsavā vaḍḍhanti—
pli-tv-pvr7:12.14	yo ca adhamme dhammasaññī, yo ca dhamme adhammasaññī.
pli-tv-pvr7:12.15	Dvinnaṁ puggalānaṁ āsavā na vaḍḍhanti—
pli-tv-pvr7:12.16	yo ca adhamme adhammasaññī, yo ca dhamme dhammasaññī.
pli-tv-pvr7:12.17	Aparesampi dvinnaṁ puggalānaṁ āsavā vaḍḍhanti—
pli-tv-pvr7:12.18	yo ca avinaye vinayasaññī, yo ca vinaye avinayasaññī.
pli-tv-pvr7:12.19	Dvinnaṁ puggalānaṁ āsavā na vaḍḍhanti—
pli-tv-pvr7:12.20	yo ca avinaye avinayasaññī, yo ca vinaye vinayasaññī.
pli-tv-pvr7:13.1	Dukā niṭṭhitā.
pli-tv-pvr7:14.1	Tassuddānaṁ
pli-tv-pvr7:15.1	Saññā laddhā ca saddhammā,
pli-tv-pvr7:15.2	parikkhārā ca puggalā;
pli-tv-pvr7:15.3	Saccaṁ bhūmi nikkhamanto,
pli-tv-pvr7:15.4	ādiyanto samādiyaṁ.
pli-tv-pvr7:16.1	Karonto dento gaṇhanto,
pli-tv-pvr7:16.2	paribhogena ratti ca;
pli-tv-pvr7:16.3	Aruṇāchindaṁ chādento,
pli-tv-pvr7:16.4	dhārento ca uposathā.
pli-tv-pvr7:17.1	Pavāraṇā kammāparā,
pli-tv-pvr7:17.2	vatthu aparā dosā ca;
pli-tv-pvr7:17.3	Aparā dve ca sampatti,
pli-tv-pvr7:17.4	nānā samānameva ca.
pli-tv-pvr7:18.1	Pārājisaṅghathullaccaya,
pli-tv-pvr7:18.2	pācitti pāṭidesanā;
pli-tv-pvr7:18.3	Dukkaṭā dubbhāsitā ceva,
pli-tv-pvr7:18.4	satta āpattikkhandhā ca.
pli-tv-pvr7:19.1	Bhijjati upasampadā,
pli-tv-pvr7:19.2	tatheva apare duve;
pli-tv-pvr7:19.3	Na vatthabbaṁ na dātabbaṁ,
pli-tv-pvr7:19.4	abhabbābhabbameva ca.
pli-tv-pvr7:20.1	Sañcicca sātisārā ca,
pli-tv-pvr7:20.2	paṭikkosā nissāraṇā;
pli-tv-pvr7:20.3	Osāraṇā paṭiññā ca,
pli-tv-pvr7:20.4	paṭiggahā paṭikkhipā.
pli-tv-pvr7:21.1	Upaghāti codanā ca,
pli-tv-pvr7:21.2	kathinā ca duve tathā;
pli-tv-pvr7:21.3	Cīvarā pattamaṇḍalā,
pli-tv-pvr7:21.4	adhiṭṭhānā tatheva dve.
pli-tv-pvr7:22.1	Vikappanā ca vinayā,
pli-tv-pvr7:22.2	venayikā ca sallekhā;
pli-tv-pvr7:22.3	Āpajjati ca vuṭṭhāti,
pli-tv-pvr7:22.4	parivāsāpare duve.
pli-tv-pvr7:23.1	Dve mānattā apare ca,
pli-tv-pvr7:23.2	ratticchedo anādari;
pli-tv-pvr7:23.3	Dve loṇā tayo apare,
pli-tv-pvr7:23.4	paribhogakkosena ca.
pli-tv-pvr7:24.1	Pesuñño ca gaṇāvassa,
pli-tv-pvr7:24.2	ṭhapanā bhārakappiyaṁ;
pli-tv-pvr7:24.3	Anāpatti adhammadhammā,
pli-tv-pvr7:24.4	vinaye āsave tathāti.
pli-tv-pvr7:25.0	3. Tikavāra
pli-tv-pvr7:25.1	Atthāpatti tiṭṭhante bhagavati āpajjati, no parinibbute;
pli-tv-pvr7:25.2	atthāpatti parinibbute bhagavati āpajjati, no tiṭṭhante;
pli-tv-pvr7:25.3	atthāpatti tiṭṭhantepi bhagavati āpajjati parinibbutepi.
pli-tv-pvr7:25.4	Atthāpatti kāle āpajjati, no vikāle;
pli-tv-pvr7:25.5	atthāpatti vikāle āpajjati, no kāle;
pli-tv-pvr7:25.6	atthāpatti kāle ceva āpajjati vikāle ca.
pli-tv-pvr7:25.7	Atthāpatti rattiṁ āpajjati, no divā;
pli-tv-pvr7:25.8	atthāpatti divā āpajjati, no rattiṁ;
pli-tv-pvr7:25.9	atthāpatti rattiñceva āpajjati divā ca.
pli-tv-pvr7:25.10	Atthāpatti dasavasso āpajjati, no ūnadasavasso;
pli-tv-pvr7:25.11	atthāpatti ūnadasavasso āpajjati, no dasavasso;
pli-tv-pvr7:25.12	atthāpatti dasavasso ceva āpajjati ūnadasavasso ca.
pli-tv-pvr7:25.13	Atthāpatti pañcavasso āpajjati, no ūnapañcavasso;
pli-tv-pvr7:25.14	atthāpatti ūnapañcavasso āpajjati, no pañcavasso;
pli-tv-pvr7:25.15	atthāpatti pañcavasso ceva āpajjati ūnapañcavasso ca.
pli-tv-pvr7:25.16	Atthāpatti kusalacitto āpajjati;
pli-tv-pvr7:25.17	atthāpatti akusalacitto āpajjati;
pli-tv-pvr7:25.18	atthāpatti abyākatacitto āpajjati.
pli-tv-pvr7:25.19	Atthāpatti sukhavedanāsamaṅgī āpajjati;
pli-tv-pvr7:25.20	atthāpatti dukkhavedanāsamaṅgī āpajjati;
pli-tv-pvr7:25.21	atthāpatti adukkhamasukhavedanāsamaṅgī āpajjati.
pli-tv-pvr7:25.22	Tīṇi codanāvatthūni—
pli-tv-pvr7:25.23	diṭṭhena, sutena, parisaṅkāya.
pli-tv-pvr7:25.24	Tayo salākaggāhā—
pli-tv-pvr7:25.25	guḷhako, vivaṭako, sakaṇṇajappako.
pli-tv-pvr7:25.26	Tayo paṭikkhepā—
pli-tv-pvr7:25.27	mahicchatā, asantuṭṭhitā, asallekhatā.
pli-tv-pvr7:25.28	Tayo anuññātā—
pli-tv-pvr7:25.29	appicchatā, santuṭṭhitā, sallekhatā.
pli-tv-pvr7:25.30	Aparepi tayo paṭikkhepā—
pli-tv-pvr7:25.31	mahicchatā, asantuṭṭhitā, amattaññutā.
pli-tv-pvr7:25.32	Tayo anuññātā—
pli-tv-pvr7:25.33	appicchatā, santuṭṭhitā, mattaññutā.
pli-tv-pvr7:25.34	Tisso paññattiyo—
pli-tv-pvr7:25.35	paññatti, anupaññatti, anuppannapaññatti.
pli-tv-pvr7:25.36	Aparāpi tisso paññattiyo—
pli-tv-pvr7:25.37	sabbatthapaññatti, padesapaññatti, sādhāraṇapaññatti.
pli-tv-pvr7:25.38	Aparāpi tisso paññattiyo—
pli-tv-pvr7:25.39	asādhāraṇapaññatti, ekatopaññatti, ubhatopaññatti.
pli-tv-pvr7:26.1	Atthāpatti bālo āpajjati, no paṇḍito;
pli-tv-pvr7:26.2	atthāpatti paṇḍito āpajjati, no bālo;
pli-tv-pvr7:26.3	atthāpatti bālo ceva āpajjati paṇḍito ca.
pli-tv-pvr7:26.4	Atthāpatti kāḷe āpajjati, no juṇhe;
pli-tv-pvr7:26.5	atthāpatti juṇhe āpajjati, no kāḷe;
pli-tv-pvr7:26.6	atthāpatti kāḷe ceva āpajjati juṇhe ca.
pli-tv-pvr7:26.7	Atthi kāḷe kappati, no juṇhe;
pli-tv-pvr7:26.8	atthi juṇhe kappati, no kāḷe;
pli-tv-pvr7:26.9	atthi kāḷe ceva kappati juṇhe ca.
pli-tv-pvr7:26.10	Atthāpatti hemante āpajjati, no gimhe no vasse;
pli-tv-pvr7:26.11	atthāpatti gimhe āpajjati, no hemante no vasse;
pli-tv-pvr7:26.12	atthāpatti vasse āpajjati, no hemante no gimhe.
pli-tv-pvr7:26.13	Atthāpatti saṅgho āpajjati, na gaṇo na puggalo;
pli-tv-pvr7:26.14	atthāpatti gaṇo āpajjati, na saṅgho na puggalo;
pli-tv-pvr7:26.15	atthāpatti puggalo āpajjati, na saṅgho na gaṇo.
pli-tv-pvr7:26.16	Atthi saṅghassa kappati, na gaṇassa na puggalassa;
pli-tv-pvr7:26.17	atthi gaṇassa kappati, na saṅghassa na puggalassa;
pli-tv-pvr7:26.18	atthi puggalassa kappati, na saṅghassa na gaṇassa.
pli-tv-pvr7:26.19	Tisso chādanā—
pli-tv-pvr7:26.20	vatthuṁ chādeti, no āpattiṁ;
pli-tv-pvr7:26.21	āpattiṁ chādeti, no vatthuṁ;
pli-tv-pvr7:26.22	vatthuñceva chādeti āpattiñca.
pli-tv-pvr7:26.23	Tisso paṭicchādiyo—
pli-tv-pvr7:26.24	jantāgharapaṭicchādi, udakapaṭicchādi, vatthapaṭicchādi.
pli-tv-pvr7:26.25	Tīṇi paṭicchannāni vahanti, no vivaṭāni—
pli-tv-pvr7:26.26	mātugāmo paṭicchanno vahati, no vivaṭo;
pli-tv-pvr7:26.27	brāhmaṇānaṁ mantā paṭicchannā vahanti, no vivaṭā;
pli-tv-pvr7:26.28	micchādiṭṭhi paṭicchannā vahati, no vivaṭā.
pli-tv-pvr7:26.29	Tīṇi vivaṭāni virocanti, no paṭicchannāni—
pli-tv-pvr7:26.30	candamaṇḍalaṁ vivaṭaṁ virocati, no paṭicchannaṁ;
pli-tv-pvr7:26.31	sūriyamaṇḍalaṁ vivaṭaṁ virocati, no paṭicchannaṁ;
pli-tv-pvr7:26.32	tathāgatappavedito dhammavinayo vivaṭo virocati, no paṭicchanno.
pli-tv-pvr7:26.33	Tayo senāsanaggāhā—
pli-tv-pvr7:26.34	purimako, pacchimako, antarāmuttako.
pli-tv-pvr7:26.35	Atthāpatti gilāno āpajjati, no agilāno;
pli-tv-pvr7:26.36	atthāpatti agilāno āpajjati, no gilāno;
pli-tv-pvr7:26.37	atthāpatti gilāno ceva āpajjati agilāno ca.
pli-tv-pvr7:27.1	Tīṇi adhammikāni pātimokkhaṭṭhapanāni.
pli-tv-pvr7:27.2	Tīṇi dhammikāni pātimokkhaṭṭhapanāni.
pli-tv-pvr7:27.3	Tayo parivāsā—
pli-tv-pvr7:27.4	paṭicchannaparivāso, appaṭicchannaparivāso, suddhantaparivāso.
pli-tv-pvr7:27.5	Tayo mānattā—
pli-tv-pvr7:27.6	paṭicchannamānattaṁ, appaṭicchannamānattaṁ, pakkhamānattaṁ.
pli-tv-pvr7:27.7	Tayo pārivāsikassa bhikkhuno ratticchedā—
pli-tv-pvr7:27.8	sahavāso, vippavāso, anārocanā.
pli-tv-pvr7:27.9	Atthāpatti anto āpajjati, no bahi;
pli-tv-pvr7:27.10	atthāpatti bahi āpajjati, no anto;
pli-tv-pvr7:27.11	atthāpatti anto ceva āpajjati bahi ca.
pli-tv-pvr7:27.12	Atthāpatti antosīmāya āpajjati, no bahisīmāya;
pli-tv-pvr7:27.13	atthāpatti bahisīmāya āpajjati, no antosīmāya;
pli-tv-pvr7:27.14	atthāpatti antosīmāya ceva āpajjati bahisīmāya ca.
pli-tv-pvr7:27.15	Tīhākārehi āpattiṁ āpajjati—
pli-tv-pvr7:27.16	kāyena āpajjati, vācāya āpajjati, kāyena vācāya āpajjati.
pli-tv-pvr7:27.17	Aparehipi tīhākārehi āpattiṁ āpajjati—
pli-tv-pvr7:27.18	saṅghamajjhe, gaṇamajjhe, puggalassa santike.
pli-tv-pvr7:27.19	Tīhākārehi āpattiyā vuṭṭhāti—
pli-tv-pvr7:27.20	kāyena vuṭṭhāti, vācāya vuṭṭhāti, kāyena vācāya vuṭṭhāti.
pli-tv-pvr7:27.21	Aparehipi tīhākārehi āpattiyā vuṭṭhāti—
pli-tv-pvr7:27.22	saṅghamajjhe, gaṇamajjhe, puggalassa santike.
pli-tv-pvr7:27.23	Tīṇi adhammikāni amūḷhavinayassa dānāni.
pli-tv-pvr7:27.24	Tīṇi dhammikāni amūḷhavinayassa dānāni.
pli-tv-pvr7:28.1	Tīhaṅgehi samannāgatassa bhikkhuno ākaṅkhamāno saṅgho tajjanīyakammaṁ kareyya—
pli-tv-pvr7:28.2	bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto, āpattibahulo anapadāno gihisaṁsaṭṭho viharati ananulomikehi gihisaṁsaggehi.
pli-tv-pvr7:28.3	Tīhaṅgehi samannāgatassa bhikkhuno ākaṅkhamāno saṅgho niyassakammaṁ kareyya—
pli-tv-pvr7:28.4	bhaṇḍanakārako hoti …pe… saṅghe adhikaraṇakārako, bālo hoti abyatto, āpattibahulo anapadāno gihisaṁsaṭṭho viharati ananulomikehi gihisaṁsaggehi.
pli-tv-pvr7:28.5	Tīhaṅgehi samannāgatassa bhikkhuno ākaṅkhamāno saṅgho pabbājanīyakammaṁ kareyya—
pli-tv-pvr7:28.6	bhaṇḍanakārako hoti …pe… saṅghe adhikaraṇakārako, bālo hoti abyatto, āpattibahulo anapadāno kuladūsako hoti pāpasamācāro pāpasamācārā dissanti ceva suyyanti ca.
pli-tv-pvr7:28.7	Tīhaṅgehi samannāgatassa bhikkhuno ākaṅkhamāno saṅgho paṭisāraṇīyakammaṁ kareyya—
pli-tv-pvr7:28.8	bhaṇḍanakārako hoti …pe… saṅghe adhikaraṇakārako, bālo hoti abyatto, āpattibahulo anapadāno gihī akkosati paribhāsati.
pli-tv-pvr7:28.9	Tīhaṅgehi samannāgatassa bhikkhuno ākaṅkhamāno saṅgho āpattiyā adassane ukkhepanīyakammaṁ kareyya—
pli-tv-pvr7:28.10	bhaṇḍanakārako hoti …pe… saṅghe adhikaraṇakārako, bālo hoti abyatto, āpattibahulo anapadāno āpattiṁ āpajjitvā na icchati āpattiṁ passituṁ.
pli-tv-pvr7:28.11	Tīhaṅgehi samannāgatassa bhikkhuno ākaṅkhamāno saṅgho āpattiyā appaṭikamme ukkhepanīyakammaṁ kareyya—
pli-tv-pvr7:28.12	bhaṇḍanakārako hoti …pe… saṅghe adhikaraṇakārako, bālo hoti abyatto, āpattibahulo anapadāno āpattiṁ āpajjitvā na icchati āpattiṁ paṭikātuṁ.
pli-tv-pvr7:28.13	Tīhaṅgehi samannāgatassa bhikkhuno ākaṅkhamāno saṅgho pāpikāya diṭṭhiyā appaṭinissagge ukkhepanīyakammaṁ kareyya—
pli-tv-pvr7:28.14	bhaṇḍanakārako hoti …pe… saṅghe adhikaraṇakārako, bālo hoti abyatto, āpattibahulo anapadāno na icchati pāpikaṁ diṭṭhiṁ paṭinissajjituṁ.
pli-tv-pvr7:29.1	Tīhaṅgehi samannāgatassa bhikkhuno ākaṅkhamāno saṅgho āgāḷhāya ceteyya—
pli-tv-pvr7:29.2	bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihisaṁsaṭṭho viharati ananulomikehi gihisaṁsaggehi.
pli-tv-pvr7:29.3	Tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.4	alajjī ca hoti, bālo ca, apakatatto ca.
pli-tv-pvr7:29.5	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.6	adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti.
pli-tv-pvr7:29.7	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.8	kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti.
pli-tv-pvr7:29.9	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.10	kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti.
pli-tv-pvr7:29.11	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.12	kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti.
pli-tv-pvr7:29.13	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.14	kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti.
pli-tv-pvr7:29.15	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.16	āpattiṁ āpanno kammakato upasampādeti, nissayaṁ deti, sāmaṇeraṁ upaṭṭhāpeti.
pli-tv-pvr7:29.17	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.18	yāya āpattiyā saṅghena kammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ.
pli-tv-pvr7:29.19	Aparehipi tīhaṅgehi samannāgatassa bhikkhuno kammaṁ kātabbaṁ—
pli-tv-pvr7:29.20	buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati.
pli-tv-pvr7:30.1	Tīhaṅgehi samannāgatassa bhikkhuno saṅghamajjhe uposathaṁ ṭhapentassa—“alaṁ, bhikkhu, mā bhaṇḍanaṁ mā kalahaṁ mā viggahaṁ mā vivādan”ti omadditvā saṅghena uposatho kātabbo—
pli-tv-pvr7:30.2	alajjī ca hoti, bālo ca, apakatatto ca.
pli-tv-pvr7:30.3	Tīhaṅgehi samannāgatassa bhikkhuno saṅghamajjhe pavāraṇaṁ ṭhapentassa—“alaṁ, bhikkhu, mā bhaṇḍanaṁ mā kalahaṁ mā viggahaṁ mā vivādan”ti omadditvā saṅghena pavāretabbaṁ—
pli-tv-pvr7:30.4	alajjī ca hoti, bālo ca, apakatatto ca.
pli-tv-pvr7:30.5	Tīhaṅgehi samannāgatassa bhikkhuno na kāci saṅghasammuti dātabbā—
pli-tv-pvr7:30.6	alajjī ca hoti, bālo ca, apakatatto ca.
pli-tv-pvr7:30.7	Tīhaṅgehi samannāgatena bhikkhunā saṅghe na voharitabbaṁ—
pli-tv-pvr7:30.8	alajjī ca hoti, bālo ca, apakatatto ca.
pli-tv-pvr7:30.9	Tīhaṅgehi samannāgato bhikkhu na kismiñci paccekaṭṭhāne ṭhapetabbo—
pli-tv-pvr7:30.10	alajjī ca hoti, bālo ca, apakatatto ca.
pli-tv-pvr7:30.11	Tīhaṅgehi samannāgatassa bhikkhuno nissāya na vatthabbaṁ—
pli-tv-pvr7:30.12	alajjī ca hoti, bālo ca, apakatatto ca.
pli-tv-pvr7:30.13	Tīhaṅgehi samannāgatassa bhikkhuno nissayo na dātabbo—
pli-tv-pvr7:30.14	alajjī ca hoti, bālo ca, apakatatto ca.
pli-tv-pvr7:30.15	Tīhaṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ—
pli-tv-pvr7:30.16	alajjī ca hoti, bālo ca, apakatatto ca.
pli-tv-pvr7:30.17	Tīhaṅgehi samannāgatassa bhikkhuno savacanīyaṁ nādātabbaṁ—
pli-tv-pvr7:30.18	alajjī ca hoti, bālo ca, apakatatto ca.
pli-tv-pvr7:30.19	Tīhaṅgehi samannāgatassa bhikkhuno vinayo na pucchitabbo—
pli-tv-pvr7:30.20	alajjī ca hoti, bālo ca, apakatatto ca.
pli-tv-pvr7:30.21	Tīhaṅgehi samannāgatena bhikkhunā vinayo na pucchitabbo—
pli-tv-pvr7:30.22	alajjī ca hoti, bālo ca, apakatatto ca.
pli-tv-pvr7:30.23	Tīhaṅgehi samannāgatassa bhikkhuno vinayo na vissajjetabbo—
pli-tv-pvr7:30.24	alajjī ca hoti, bālo ca, apakatatto ca.
pli-tv-pvr7:30.25	Tīhaṅgehi samannāgatena bhikkhunā vinayo na vissajjetabbo—
pli-tv-pvr7:30.26	alajjī ca hoti, bālo ca, apakatatto ca.
pli-tv-pvr7:30.27	Tīhaṅgehi samannāgatassa bhikkhuno anuyogo na dātabbo—
pli-tv-pvr7:30.28	alajjī ca hoti, bālo ca, apakatatto ca.
pli-tv-pvr7:30.29	Tīhaṅgehi samannāgatena bhikkhunā saddhiṁ vinayo na sākacchitabbo—
pli-tv-pvr7:30.30	alajjī ca hoti, bālo ca, apakatatto ca.
pli-tv-pvr7:30.31	Tīhaṅgehi samannāgatena bhikkhunā na upasampādetabbaṁ na nissayo dātabbo na sāmaṇero upaṭṭhāpetabbo—
pli-tv-pvr7:30.32	alajjī ca hoti, bālo ca, apakatatto ca.
pli-tv-pvr7:31.1	Tayo uposathā—
pli-tv-pvr7:31.2	cātuddasiko, pannarasiko, sāmaggiuposatho.
pli-tv-pvr7:31.3	Aparepi tayo uposathā—
pli-tv-pvr7:31.4	saṅgheuposatho, gaṇeuposatho, puggaleuposatho.
pli-tv-pvr7:31.5	Aparepi tayo uposathā—
pli-tv-pvr7:31.6	suttuddesouposatho, pārisuddhiuposatho, adhiṭṭhānuposatho.
pli-tv-pvr7:32.1	Tisso pavāraṇā—
pli-tv-pvr7:32.2	cātuddasikā, pannarasikā, sāmaggipavāraṇā.
pli-tv-pvr7:32.3	Aparāpi tisso pavāraṇā—
pli-tv-pvr7:32.4	saṅghepavāraṇā, gaṇepavāraṇā, puggalepavāraṇā.
pli-tv-pvr7:32.5	Aparāpi tisso pavāraṇā—
pli-tv-pvr7:32.6	tevācikāpavāraṇā, dvevācikāpavāraṇā, samānavassikāpavāraṇā.
pli-tv-pvr7:33.1	Tayo āpāyikā nerayikā—
pli-tv-pvr7:33.2	idamappahāya, yo ca abrahmacārī brahmacāripaṭiñño, yo ca suddhaṁ brahmacāriṁ parisuddhabrahmacariyaṁ carantaṁ amūlakena abrahmacariyena anuddhaṁseti, yo cāyaṁ evaṁvādī evaṁdiṭṭhi—“natthi kāmesu doso”ti so kāmesu pātabyataṁ āpajjati.
pli-tv-pvr7:33.3	Tīṇi akusalamūlāni—
pli-tv-pvr7:33.4	lobho akusalamūlaṁ, doso akusalamūlaṁ, moho akusalamūlaṁ.
pli-tv-pvr7:33.5	Tīṇi kusalamūlāni—
pli-tv-pvr7:33.6	alobho kusalamūlaṁ, adoso kusalamūlaṁ, amoho kusalamūlaṁ.
pli-tv-pvr7:33.7	Tīṇi duccaritāni—
pli-tv-pvr7:33.8	kāyaduccaritaṁ, vacīduccaritaṁ, manoduccaritaṁ.
pli-tv-pvr7:33.9	Tīṇi sucaritāni—
pli-tv-pvr7:33.10	kāyasucaritaṁ, vacīsucaritaṁ, manosucaritaṁ.
pli-tv-pvr7:33.11	Tayo atthavase paṭicca bhagavatā kulesu tikabhojanaṁ paññattaṁ—
pli-tv-pvr7:33.12	dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, “mā pāpicchā pakkhaṁ nissāya saṅghaṁ bhindeyyun”ti kulānuddayatāya ca.
pli-tv-pvr7:33.13	Tīhi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho pāpicchatā pāpamittatā oramattakena visesādhigamena antarā vosānaṁ āpādi.
pli-tv-pvr7:33.14	Tisso sammutiyo—
pli-tv-pvr7:33.15	daṇḍasammuti, sikkāsammuti, daṇḍasikkāsammuti.
pli-tv-pvr7:33.16	Tisso pādukā dhuvaṭṭhānikā asaṅkamanīyā—
pli-tv-pvr7:33.17	vaccapādukā, passāvapādukā, ācamanapādukā.
pli-tv-pvr7:33.18	Tisso pādaghaṁsaniyo—
pli-tv-pvr7:33.19	sakkharaṁ, kathalā, samuddapheṇakoti.
pli-tv-pvr7:34.1	Tikaṁ niṭṭhitaṁ.
pli-tv-pvr7:35.1	Tassuddānaṁ
pli-tv-pvr7:36.1	Tiṭṭhante kāle rattiñca,
pli-tv-pvr7:36.2	dasa pañca kusalena;
pli-tv-pvr7:36.3	Vedanā codanā vatthu,
pli-tv-pvr7:36.4	salākā dve paṭikkhipā.
pli-tv-pvr7:37.1	Paññatti apare dve ca,
pli-tv-pvr7:37.2	bālo kāḷe ca kappati;
pli-tv-pvr7:37.3	Hemante saṅgho saṅghassa,
pli-tv-pvr7:37.4	chādanā ca paṭicchādi.
pli-tv-pvr7:38.1	Paṭicchannā vivaṭā ca,
pli-tv-pvr7:38.2	senāsanagilāyanā;
pli-tv-pvr7:38.3	Pātimokkhaṁ parivāsaṁ,
pli-tv-pvr7:38.4	mānattā pārivāsikā.
pli-tv-pvr7:39.1	Anto anto ca sīmāya,
pli-tv-pvr7:39.2	āpajjati punāpare;
pli-tv-pvr7:39.3	Vuṭṭhāti apare ceva,
pli-tv-pvr7:39.4	amūḷhavinayā duve.
pli-tv-pvr7:40.1	Tajjanīyā niyassā ca,
pli-tv-pvr7:40.2	pabbājapaṭisāraṇī;
pli-tv-pvr7:40.3	Adassanā paṭikamme,
pli-tv-pvr7:40.4	anissagge ca diṭṭhiyā.
pli-tv-pvr7:41.1	Āgāḷhakammādhisīle,
pli-tv-pvr7:41.2	davānācāraghātikā;
pli-tv-pvr7:41.3	Ājīvāpannā tādisikā,
pli-tv-pvr7:41.4	avaṇṇuposathena ca.
pli-tv-pvr7:42.1	Pavāraṇā sammuti ca,
pli-tv-pvr7:42.2	vohārapaccekena ca;
pli-tv-pvr7:42.3	Na vatthabbaṁ na dātabbaṁ,
pli-tv-pvr7:42.4	okāsaṁ na kare tathā.
pli-tv-pvr7:43.1	Na kare savacanīyaṁ,
pli-tv-pvr7:43.2	na pucchitabbakā duve;
pli-tv-pvr7:43.3	Na vissajje duve ceva,
pli-tv-pvr7:43.4	anuyogampi no dade.
pli-tv-pvr7:44.1	Sākacchā upasampadā,
pli-tv-pvr7:44.2	nissayasāmaṇerā ca;
pli-tv-pvr7:44.3	Uposathatikā tīṇi,
pli-tv-pvr7:44.4	pavāraṇatikā tayo.
pli-tv-pvr7:45.1	Āpāyikā akusalā,
pli-tv-pvr7:45.2	kusalā caritā duve;
pli-tv-pvr7:45.3	Tikabhojanasaddhamme,
pli-tv-pvr7:45.4	sammuti pādukena ca;
pli-tv-pvr7:45.5	Pādaghaṁsanikā ceva,
pli-tv-pvr7:45.6	uddānaṁ tikake idanti.
pli-tv-pvr7:46.0	4. Catukkavāra
pli-tv-pvr7:46.1	Atthāpatti sakavācāya āpajjati, paravācāya vuṭṭhāti;
pli-tv-pvr7:46.2	atthāpatti paravācāya āpajjati, sakavācāya vuṭṭhāti;
pli-tv-pvr7:46.3	atthāpatti sakavācāya āpajjati, sakavācāya vuṭṭhāti;
pli-tv-pvr7:46.4	atthāpatti paravācāya āpajjati, paravācāya vuṭṭhāti.
pli-tv-pvr7:46.5	Atthāpatti kāyena āpajjati, vācāya vuṭṭhāti;
pli-tv-pvr7:46.6	atthāpatti vācāya āpajjati, kāyena vuṭṭhāti;
pli-tv-pvr7:46.7	atthāpatti kāyena āpajjati, kāyena vuṭṭhāti;
pli-tv-pvr7:46.8	atthāpatti vācāya āpajjati, vācāya vuṭṭhāti.
pli-tv-pvr7:46.9	Atthāpatti pasutto āpajjati, paṭibuddho vuṭṭhāti;
pli-tv-pvr7:46.10	atthāpatti paṭibuddho āpajjati, pasutto vuṭṭhāti;
pli-tv-pvr7:46.11	atthāpatti pasutto āpajjati, pasutto vuṭṭhāti;
pli-tv-pvr7:46.12	atthāpatti paṭibuddho āpajjati, paṭibuddho vuṭṭhāti.
pli-tv-pvr7:46.13	Atthāpatti acittako āpajjati, sacittako vuṭṭhāti;
pli-tv-pvr7:46.14	atthāpatti sacittako āpajjati, acittako vuṭṭhāti;
pli-tv-pvr7:46.15	atthāpatti acittako āpajjati, acittako vuṭṭhāti;
pli-tv-pvr7:46.16	atthāpatti sacittako āpajjati, sacittako vuṭṭhāti.
pli-tv-pvr7:46.17	Atthāpatti āpajjanto deseti;
pli-tv-pvr7:46.18	desento āpajjati;
pli-tv-pvr7:46.19	atthāpatti āpajjanto vuṭṭhāti;
pli-tv-pvr7:46.20	vuṭṭhahanto āpajjati.
pli-tv-pvr7:46.21	Atthāpatti kammena āpajjati, akammena vuṭṭhāti;
pli-tv-pvr7:46.22	atthāpatti akammena āpajjati, kammena vuṭṭhāti;
pli-tv-pvr7:46.23	atthāpatti kammena āpajjati, kammena vuṭṭhāti;
pli-tv-pvr7:46.24	atthāpatti akammena āpajjati, akammena vuṭṭhāti.
pli-tv-pvr7:47.1	Cattāro anariyavohārā—
pli-tv-pvr7:47.2	adiṭṭhe diṭṭhavāditā, assute sutavāditā, amute mutavāditā, aviññāte viññātavāditā.
pli-tv-pvr7:47.3	Cattāro ariyavohārā—
pli-tv-pvr7:47.4	adiṭṭhe adiṭṭhavāditā, assute assutavāditā, amute amutavāditā, aviññāte aviññātavāditā.
pli-tv-pvr7:47.5	Aparepi cattāro anariyavohārā—
pli-tv-pvr7:47.6	diṭṭhe adiṭṭhavāditā, sute assutavāditā, mute amutavāditā, viññāte aviññātavāditā.
pli-tv-pvr7:47.7	Cattāro ariyavohārā—
pli-tv-pvr7:47.8	diṭṭhe diṭṭhavāditā, sute sutavāditā, mute mutavāditā, viññāte viññātavāditā.
pli-tv-pvr7:48.1	Cattāro pārājikā bhikkhūnaṁ bhikkhunīhi sādhāraṇā;
pli-tv-pvr7:48.2	cattāro pārājikā bhikkhunīnaṁ bhikkhūhi asādhāraṇā.
pli-tv-pvr7:48.3	Cattāro parikkhārā—
pli-tv-pvr7:48.4	atthi parikkhāro rakkhitabbo gopetabbo mamāyitabbo paribhuñjitabbo;
pli-tv-pvr7:48.5	atthi parikkhāro rakkhitabbo gopetabbo mamāyitabbo, na paribhuñjitabbo;
pli-tv-pvr7:48.6	atthi parikkhāro rakkhitabbo gopetabbo, na mamāyitabbo na paribhuñjitabbo;
pli-tv-pvr7:48.7	atthi parikkhāro na rakkhitabbo na gopetabbo, na mamāyitabbo na paribhuñjitabbo.
pli-tv-pvr7:48.8	Atthāpatti sammukhā āpajjati, parammukhā vuṭṭhāti;
pli-tv-pvr7:48.9	atthāpatti parammukhā āpajjati, sammukhā vuṭṭhāti;
pli-tv-pvr7:48.10	atthāpatti sammukhā āpajjati, sammukhā vuṭṭhāti;
pli-tv-pvr7:48.11	atthāpatti parammukhā āpajjati, parammukhā vuṭṭhāti.
pli-tv-pvr7:48.12	Atthāpatti ajānanto āpajjati, jānanto vuṭṭhāti;
pli-tv-pvr7:48.13	atthāpatti jānanto āpajjati, ajānanto vuṭṭhāti;
pli-tv-pvr7:48.14	atthāpatti ajānanto āpajjati, ajānanto vuṭṭhāti;
pli-tv-pvr7:48.15	atthāpatti jānanto āpajjati, jānanto vuṭṭhāti.
pli-tv-pvr7:49.1	Catūhākārehi āpattiṁ āpajjati—
pli-tv-pvr7:49.2	kāyena āpajjati, vācāya āpajjati, kāyena vācāya āpajjati, kammavācāya āpajjati.
pli-tv-pvr7:49.3	Aparehipi catūhākārehi āpattiṁ āpajjati—
pli-tv-pvr7:49.4	saṅghamajjhe, gaṇamajjhe, puggalassa santike, liṅgapātubhāvena.
pli-tv-pvr7:49.5	Catūhākārehi āpattiyā vuṭṭhāti—
pli-tv-pvr7:49.6	kāyena vuṭṭhāti, vācāya vuṭṭhāti, kāyena vācāya vuṭṭhāti, kammavācāya vuṭṭhāti.
pli-tv-pvr7:49.7	Aparehipi catūhākārehi āpattiyā vuṭṭhāti—
pli-tv-pvr7:49.8	saṅghamajjhe, gaṇamajjhe, puggalassa santike, liṅgapātubhāvena.
pli-tv-pvr7:49.9	Saha paṭilābhena purimaṁ jahati, pacchime patiṭṭhāti, viññattiyo paṭippassambhanti, paṇṇattiyo nirujjhanti.
pli-tv-pvr7:49.10	Saha paṭilābhena pacchimaṁ jahati, purime patiṭṭhāti, viññattiyo paṭippassambhanti, paṇṇattiyo nirujjhanti.
pli-tv-pvr7:49.11	Catasso codanā—
pli-tv-pvr7:49.12	sīlavipattiyā codeti, ācāravipattiyā codeti, diṭṭhivipattiyā codeti, ājīvavipattiyā codeti.
pli-tv-pvr7:49.13	Cattāro parivāsā—
pli-tv-pvr7:49.14	paṭicchannaparivāso, appaṭicchannaparivāso, suddhantaparivāso, samodhānaparivāso.
pli-tv-pvr7:49.15	Cattāro mānattā—
pli-tv-pvr7:49.16	paṭicchannamānattaṁ, appaṭicchannamānattaṁ, pakkhamānattaṁ, samodhānamānattaṁ.
pli-tv-pvr7:49.17	Cattāro mānattacārikassa bhikkhuno ratticchedā—
pli-tv-pvr7:49.18	sahavāso, vippavāso, anārocanā, ūne gaṇe carati.
pli-tv-pvr7:49.19	Cattāro sāmukkaṁsā.
pli-tv-pvr7:49.20	Cattāro paṭiggahitaparibhogā—
pli-tv-pvr7:49.21	yāvakālikaṁ, yāmakālikaṁ, sattāhakālikaṁ, yāvajīvikaṁ.
pli-tv-pvr7:49.22	Cattāri mahāvikaṭāni—
pli-tv-pvr7:49.23	gūtho, muttaṁ, chārikā, mattikā.
pli-tv-pvr7:49.24	Cattāri kammāni—
pli-tv-pvr7:49.25	apalokanakammaṁ, ñattikammaṁ, ñattidutiyakammaṁ, ñatticatutthakammaṁ.
pli-tv-pvr7:49.26	Aparānipi cattāri kammāni—
pli-tv-pvr7:49.27	adhammena vaggakammaṁ, adhammena samaggakammaṁ, dhammena vaggakammaṁ, dhammena samaggakammaṁ.
pli-tv-pvr7:49.28	Catasso vipattiyo—
pli-tv-pvr7:49.29	sīlavipatti, ācāravipatti, diṭṭhivipatti, ājīvavipatti.
pli-tv-pvr7:49.30	Cattāri adhikaraṇāni—
pli-tv-pvr7:49.31	vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.
pli-tv-pvr7:49.32	Cattāro parisadūsanā—
pli-tv-pvr7:49.33	bhikkhu dussīlo pāpadhammo parisadūsano, bhikkhunī dussīlā pāpadhammā parisadūsanā, upāsako dussīlo pāpadhammo parisadūsano, upāsikā dussīlā pāpadhammā parisadūsanā.
pli-tv-pvr7:49.34	Cattāro parisasobhanā—
pli-tv-pvr7:49.35	bhikkhu sīlavā kalyāṇadhammo parisasobhano, bhikkhunī sīlavatī kalyāṇadhammā parisasobhanā, upāsako sīlavā kalyāṇadhammo parisasobhano, upāsikā sīlavatī kalyāṇadhammā parisasobhanā.
pli-tv-pvr7:50.1	Atthāpatti āgantuko āpajjati, no āvāsiko;
pli-tv-pvr7:50.2	atthāpatti āvāsiko āpajjati, no āgantuko;
pli-tv-pvr7:50.3	atthāpatti āgantuko ceva āpajjati āvāsiko ca;
pli-tv-pvr7:50.4	atthāpatti neva āgantuko āpajjati, no āvāsiko.
pli-tv-pvr7:50.5	Atthāpatti gamiko āpajjati, no āvāsiko;
pli-tv-pvr7:50.6	atthāpatti āvāsiko āpajjati, no gamiko;
pli-tv-pvr7:50.7	atthāpatti gamiko ceva āpajjati āvāsiko ca;
pli-tv-pvr7:50.8	atthāpatti neva gamiko āpajjati no āvāsiko.
pli-tv-pvr7:50.9	Atthi vatthunānattatā no āpattinānattatā, atthi āpattinānattatā no vatthunānattatā, atthi vatthunānattatā ceva āpattinānattatā ca, atthi neva vatthunānattatā no āpattinānattatā.
pli-tv-pvr7:50.10	Atthi vatthusabhāgatā no āpattisabhāgatā, atthi āpattisabhāgatā no vatthusabhāgatā, atthi vatthusabhāgatā ceva āpattisabhāgatā ca atthi neva vatthusabhāgatā no āpattisabhāgatā.
pli-tv-pvr7:50.11	Atthāpatti upajjhāyo āpajjati no saddhivihāriko, atthāpatti saddhivihāriko āpajjati no upajjhāyo, atthāpatti upajjhāyo ceva āpajjati saddhivihāriko ca, atthāpatti neva upajjhāyo āpajjati no saddhivihāriko.
pli-tv-pvr7:50.12	Atthāpatti ācariyo āpajjati no antevāsiko, atthāpatti antevāsiko āpajjati no ācariyo, atthāpatti ācariyo ceva āpajjati antevāsiko ca, atthāpatti neva ācariyo āpajjati no antevāsiko.
pli-tv-pvr7:50.13	Cattāro paccayā anāpatti vassacchedassa—
pli-tv-pvr7:50.14	saṅgho vā bhinno hoti, saṅghaṁ vā bhinditukāmā honti, jīvitantarāyo vā hoti, brahmacariyantarāyo vā hoti.
pli-tv-pvr7:50.15	Cattāri vacīduccaritāni—
pli-tv-pvr7:50.16	musāvādo, pisuṇā vācā, pharusā vācā, samphappalāpo.
pli-tv-pvr7:50.17	Cattāri vacīsucaritāni—
pli-tv-pvr7:50.18	saccavācā, apisuṇā vācā, saṇhā vācā, mantā bhāsā.
pli-tv-pvr7:50.19	Atthi ādiyanto garukaṁ āpattiṁ āpajjati, payojento lahukaṁ;
pli-tv-pvr7:50.20	atthi ādiyanto lahukaṁ āpattiṁ āpajjati, payojento garukaṁ;
pli-tv-pvr7:50.21	atthi ādiyantopi payojentopi garukaṁ āpattiṁ āpajjati;
pli-tv-pvr7:50.22	atthi ādiyantopi payojentopi lahukaṁ āpattiṁ āpajjati.
pli-tv-pvr7:51.1	Atthi puggalo abhivādanāraho, no paccuṭṭhānāraho;
pli-tv-pvr7:51.2	atthi puggalo paccuṭṭhānāraho, no abhivādanāraho;
pli-tv-pvr7:51.3	atthi puggalo abhivādanāraho ceva paccuṭṭhānāraho ca;
pli-tv-pvr7:51.4	atthi puggalo neva abhivādanāraho no paccuṭṭhānāraho.
pli-tv-pvr7:51.5	Atthi puggalo āsanāraho, no abhivādanāraho;
pli-tv-pvr7:51.6	atthi puggalo abhivādanāraho, no āsanāraho;
pli-tv-pvr7:51.7	atthi puggalo āsanāraho ceva abhivādanāraho ca;
pli-tv-pvr7:51.8	atthi puggalo neva āsanāraho no abhivādanāraho.
pli-tv-pvr7:51.9	Atthāpatti kāle āpajjati, no vikāle;
pli-tv-pvr7:51.10	atthāpatti vikāle āpajjati, no kāle;
pli-tv-pvr7:51.11	atthāpatti kāle ceva āpajjati vikāle ca;
pli-tv-pvr7:51.12	atthāpatti neva kāle āpajjati no vikāle.
pli-tv-pvr7:51.13	Atthi paṭiggahitaṁ kāle kappati, no vikāle;
pli-tv-pvr7:51.14	atthi paṭiggahitaṁ vikāle kappati, no kāle;
pli-tv-pvr7:51.15	atthi paṭiggahitaṁ kāle ceva kappati vikāle ca;
pli-tv-pvr7:51.16	atthi paṭiggahitaṁ neva kāle kappati no vikāle.
pli-tv-pvr7:51.17	Atthāpatti paccantimesu janapadesu āpajjati, no majjhimesu;
pli-tv-pvr7:51.18	atthāpatti majjhimesu janapadesu āpajjati, no paccantimesu;
pli-tv-pvr7:51.19	atthāpatti paccantimesu ceva janapadesu āpajjati majjhimesu ca;
pli-tv-pvr7:51.20	atthāpatti neva paccantimesu janapadesu āpajjati no majjhimesu.
pli-tv-pvr7:51.21	Atthi paccantimesu janapadesu kappati, no majjhimesu;
pli-tv-pvr7:51.22	atthi majjhimesu janapadesu kappati, no paccantimesu;
pli-tv-pvr7:51.23	atthi paccantimesu ceva janapadesu kappati majjhimesu ca;
pli-tv-pvr7:51.24	atthi neva paccantimesu janapadesu kappati no majjhimesu.
pli-tv-pvr7:51.25	Atthāpatti anto āpajjati, no bahi;
pli-tv-pvr7:51.26	atthāpatti bahi āpajjati, no anto;
pli-tv-pvr7:51.27	atthāpatti anto ceva āpajjati bahi ca;
pli-tv-pvr7:51.28	atthāpatti neva anto āpajjati no bahi.
pli-tv-pvr7:51.29	Atthāpatti antosīmāya āpajjati, no bahisīmāya;
pli-tv-pvr7:51.30	atthāpatti bahisīmāya āpajjati, no antosīmāya;
pli-tv-pvr7:51.31	atthāpatti antosīmāya ceva āpajjati bahisīmāya ca;
pli-tv-pvr7:51.32	atthāpatti neva antosīmāya āpajjati no bahisīmāya.
pli-tv-pvr7:51.33	Atthāpatti gāme āpajjati, no araññe;
pli-tv-pvr7:51.34	atthāpatti araññe āpajjati, no gāme;
pli-tv-pvr7:51.35	atthāpatti gāme ceva āpajjati araññe ca;
pli-tv-pvr7:51.36	atthāpatti neva gāme āpajjati no araññe.
pli-tv-pvr7:52.1	Catasso codanā—
pli-tv-pvr7:52.2	vatthusandassanā, āpattisandassanā, saṁvāsapaṭikkhepo, sāmīcipaṭikkhepo.
pli-tv-pvr7:52.3	Cattāro pubbakiccā.
pli-tv-pvr7:52.4	Cattāro pattakallā.
pli-tv-pvr7:52.5	Cattāri anaññapācittiyāni.
pli-tv-pvr7:52.6	Catasso bhikkhusammutiyo.
pli-tv-pvr7:52.7	Cattāri agatigamanāni—
pli-tv-pvr7:52.8	chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
pli-tv-pvr7:52.9	Cattāri nāgatigamanāni—
pli-tv-pvr7:52.10	na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati.
pli-tv-pvr7:52.11	Catūhaṅgehi samannāgato alajjī bhikkhu saṅghaṁ bhindati—
pli-tv-pvr7:52.12	chandāgatiṁ gacchanto, dosāgatiṁ gacchanto, mohāgatiṁ gacchanto, bhayāgatiṁ gacchanto.
pli-tv-pvr7:52.13	Catūhaṅgehi samannāgato pesalo bhikkhu bhinnaṁ saṅghaṁ samaggaṁ karoti—
pli-tv-pvr7:52.14	na chandāgatiṁ gacchanto, na dosāgatiṁ gacchanto, na mohāgatiṁ gacchanto, na bhayāgatiṁ gacchanto.
pli-tv-pvr7:52.15	Catūhaṅgehi samannāgatassa bhikkhuno vinayo na pucchitabbo—
pli-tv-pvr7:52.16	chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
pli-tv-pvr7:52.17	Catūhaṅgehi samannāgatena bhikkhunā vinayo na pucchitabbo—
pli-tv-pvr7:52.18	chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
pli-tv-pvr7:52.19	Catūhaṅgehi samannāgatassa bhikkhuno vinayo na vissajjetabbo—
pli-tv-pvr7:52.20	chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
pli-tv-pvr7:52.21	Catūhaṅgehi samannāgatena bhikkhunā vinayo na vissajjetabbo—
pli-tv-pvr7:52.22	chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
pli-tv-pvr7:52.23	Catūhaṅgehi samannāgatassa bhikkhuno anuyogo na dātabbo—
pli-tv-pvr7:52.24	chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
pli-tv-pvr7:52.25	Catūhaṅgehi samannāgatena bhikkhunā saddhiṁ vinayo na sākacchitabbo—
pli-tv-pvr7:52.26	chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
pli-tv-pvr7:52.27	Atthāpatti gilāno āpajjati, no agilāno;
pli-tv-pvr7:52.28	atthāpatti agilāno āpajjati, no gilāno;
pli-tv-pvr7:52.29	atthāpatti gilāno ceva āpajjati agilāno ca;
pli-tv-pvr7:52.30	atthāpatti neva gilāno āpajjati no agilāno.
pli-tv-pvr7:52.31	Cattāri adhammikāni pātimokkhaṭṭhapanāni.
pli-tv-pvr7:52.32	Cattāri dhammikāni pātimokkhaṭṭhapanāni.
pli-tv-pvr7:53.1	Catukkaṁ niṭṭhitaṁ.
pli-tv-pvr7:54.1	Tassuddānaṁ
pli-tv-pvr7:55.1	Sakavācāya kāyena,
pli-tv-pvr7:55.2	pasutto ca acittako;
pli-tv-pvr7:55.3	Āpajjanto ca kammena,
pli-tv-pvr7:55.4	vohārā caturo tathā.
pli-tv-pvr7:56.1	Bhikkhūnaṁ bhikkhunīnañca,
pli-tv-pvr7:56.2	parikkhāro ca sammukhā;
pli-tv-pvr7:56.3	Ajānakāye majjhe ca,
pli-tv-pvr7:56.4	vuṭṭhāti duvidhā tathā.
pli-tv-pvr7:57.1	Paṭilābhena codanā,
pli-tv-pvr7:57.2	parivāsā ca vuccati;
pli-tv-pvr7:57.3	Mānattacārikā cāpi,
pli-tv-pvr7:57.4	sāmukkaṁsā paṭiggahi.
pli-tv-pvr7:58.1	Mahāvikaṭakammāni,
pli-tv-pvr7:58.2	puna kamme vipattiyo;
pli-tv-pvr7:58.3	Adhikaraṇā dussīlā ca,
pli-tv-pvr7:58.4	sobhanāgantukena ca.
pli-tv-pvr7:59.1	Gamiko vatthunānattā,
pli-tv-pvr7:59.2	sabhāgupajjhāyena ca;
pli-tv-pvr7:59.3	Ācariyo paccayā vā,
pli-tv-pvr7:59.4	duccaritaṁ sucaritaṁ.
pli-tv-pvr7:60.1	Ādiyanto puggalo ca,
pli-tv-pvr7:60.2	araho āsanena ca;
pli-tv-pvr7:60.3	Kāle ca kappati ceva,
pli-tv-pvr7:60.4	paccantimesu kappati.
pli-tv-pvr7:61.1	Anto anto ca sīmāya,
pli-tv-pvr7:61.2	gāme ca codanāya ca;
pli-tv-pvr7:61.3	Pubbakiccaṁ pattakallaṁ,
pli-tv-pvr7:61.4	anaññā sammutiyo ca.
pli-tv-pvr7:62.1	Agati nāgati ceva,
pli-tv-pvr7:62.2	alajjī pesalena ca;
pli-tv-pvr7:62.3	Pucchitabbā duve ceva,
pli-tv-pvr7:62.4	vissajjeyyā tathā duve;
pli-tv-pvr7:62.5	Anuyogo ca sākacchā,
pli-tv-pvr7:62.6	gilāno ṭhapanena cāti.
pli-tv-pvr7:63.0	5. Pañcakavāra
pli-tv-pvr7:63.1	Pañca āpattiyo.
pli-tv-pvr7:63.2	Pañca āpattikkhandhā.
pli-tv-pvr7:63.3	Pañca vinītavatthūni.
pli-tv-pvr7:63.4	Pañca kammāni ānantarikāni.
pli-tv-pvr7:63.5	Pañca puggalā niyatā.
pli-tv-pvr7:63.6	Pañca chedanakā āpattiyo.
pli-tv-pvr7:63.7	Pañcahākārehi āpattiṁ āpajjati.
pli-tv-pvr7:63.8	Pañca āpattiyo.
pli-tv-pvr7:63.9	Musāvādapaccayā pañcahākārehi kammaṁ na upeti—
pli-tv-pvr7:63.10	sayaṁ vā kammaṁ na karoti, paraṁ vā na ajjhesati, chandaṁ vā pārisuddhiṁ vā na deti, kayiramāne kamme paṭikkosati, kate vā pana kamme adhammadiṭṭhi hoti.
pli-tv-pvr7:63.11	Pañcahākārehi kammaṁ upeti—
pli-tv-pvr7:63.12	sayaṁ vā kammaṁ karoti, paraṁ vā ajjhesati, chandaṁ vā pārisuddhiṁ vā deti, kayiramāne kamme nappaṭikkosati, kate vā pana kamme dhammadiṭṭhi hoti.
pli-tv-pvr7:63.13	Pañca piṇḍapātikassa bhikkhuno kappanti—
pli-tv-pvr7:63.14	anāmantacāro, gaṇabhojanaṁ, paramparabhojanaṁ, anadhiṭṭhānaṁ, avikappanā.
pli-tv-pvr7:63.15	Pañcahaṅgehi samannāgato bhikkhu ussaṅkitaparisaṅkito hoti—
pli-tv-pvr7:63.16	pāpabhikkhupi akuppadhammopi vesiyāgocaro vā hoti, vidhavāgocaro vā hoti, thullakumārigocaro vā hoti, paṇḍakagocaro vā hoti, bhikkhunigocaro vā hoti.
pli-tv-pvr7:63.17	Pañca telāni—
pli-tv-pvr7:63.18	tilatelaṁ, sāsapatelaṁ, madhukatelaṁ, eraṇḍakatelaṁ, vasātelaṁ.
pli-tv-pvr7:63.19	Pañca vasāni—
pli-tv-pvr7:63.20	acchavasaṁ, macchavasaṁ, susukāvasaṁ, sūkaravasaṁ, gadrabhavasaṁ.
pli-tv-pvr7:63.21	Pañca byasanāni—
pli-tv-pvr7:63.22	ñātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ.
pli-tv-pvr7:63.23	Pañca sampadā—
pli-tv-pvr7:63.24	ñātisampadā, bhogasampadā, arogasampadā, sīlasampadā, diṭṭhisampadā.
pli-tv-pvr7:63.25	Pañca nissayapaṭippassaddhiyo upajjhāyamhā—
pli-tv-pvr7:63.26	upajjhāyo pakkanto vā hoti, vibbhanto vā, kālaṅkato vā, pakkhasaṅkanto vā, āṇattiyeva pañcamī.
pli-tv-pvr7:63.27	Pañca puggalā na upasampādetabbā—
pli-tv-pvr7:63.28	addhānahīno, aṅgahīno, vatthuvipanno, karaṇadukkaṭako, aparipūro.
pli-tv-pvr7:63.29	Pañca paṁsukūlāni—
pli-tv-pvr7:63.30	sosānikaṁ, pāpaṇikaṁ, undūrakkhāyikaṁ, upacikakkhāyikaṁ, aggidaḍḍhaṁ.
pli-tv-pvr7:63.31	Aparānipi pañca paṁsukūlāni—
pli-tv-pvr7:63.32	gokhāyikaṁ, ajakkhāyikaṁ, thūpacīvaraṁ, ābhisekikaṁ, gatapaṭiyāgataṁ.
pli-tv-pvr7:63.33	Pañca avahārā—
pli-tv-pvr7:63.34	theyyāvahāro, pasayhāvahāro, parikappāvahāro, paṭicchannāvahāro, kusāvahāro.
pli-tv-pvr7:63.35	Pañca mahācorā santo saṁvijjamānā lokasmiṁ.
pli-tv-pvr7:63.36	Pañca avissajjaniyāni.
pli-tv-pvr7:63.37	Pañca avebhaṅgiyāni.
pli-tv-pvr7:63.38	Pañcāpattiyo kāyato samuṭṭhanti, na vācato na cittato.
pli-tv-pvr7:63.39	Pañcāpattiyo kāyato ca vācato ca samuṭṭhanti, na cittato.
pli-tv-pvr7:63.40	Pañcāpattiyo desanāgāminiyo.
pli-tv-pvr7:63.41	Pañca saṅghā.
pli-tv-pvr7:63.42	Pañca pātimokkhuddesā.
pli-tv-pvr7:63.43	Sabbapaccantimesu janapadesu vinayadharapañcamena gaṇena upasampādetabbaṁ.
pli-tv-pvr7:63.44	Pañcānisaṁsā kathinatthāre.
pli-tv-pvr7:63.45	Pañca kammāni.
pli-tv-pvr7:63.46	Yāvatatiyake pañca āpattiyo.
pli-tv-pvr7:63.47	Pañcahākārehi adinnaṁ ādiyantassa āpatti pārājikassa.
pli-tv-pvr7:63.48	Pañcahākārehi adinnaṁ ādiyantassa āpatti thullaccayassa.
pli-tv-pvr7:63.49	Pañcahākārehi adinnaṁ ādiyantassa āpatti dukkaṭassa.
pli-tv-pvr7:63.50	Pañca akappiyāni na paribhuñjitabbāni—
pli-tv-pvr7:63.51	adinnañca hoti, aviditañca hoti, akappiyañca hoti, appaṭiggahitañca hoti, akatātirittañca hoti.
pli-tv-pvr7:63.52	Pañca kappiyāni paribhuñjitabbāni—
pli-tv-pvr7:63.53	dinnañca hoti, viditañca hoti, kappiyañca hoti, paṭiggahitañca hoti, katātirittañca hoti.
pli-tv-pvr7:63.54	Pañca dānāni apuññāni puññasammatāni lokasmiṁ—
pli-tv-pvr7:63.55	majjadānaṁ, samajjadānaṁ, itthidānaṁ, usabhadānaṁ, cittakammadānaṁ.
pli-tv-pvr7:63.56	Pañca uppannā duppaṭivinodayā—
pli-tv-pvr7:63.57	uppanno rāgo duppaṭivinodayo, uppanno doso duppaṭivinodayo, uppanno moho duppaṭivinodayo, uppannaṁ paṭibhānaṁ duppaṭivinodayaṁ, uppannaṁ gamiyacittaṁ duppaṭivinodayaṁ.
pli-tv-pvr7:63.58	Pañcānisaṁsā sammajjaniyā—
pli-tv-pvr7:63.59	sakacittaṁ pasīdati, paracittaṁ pasīdati, devatā attamanā honti, pāsādikasaṁvattanikakammaṁ upacinati, kāyassa bhedā paraṁ maraṇā sugatiṁ saggaṁ lokaṁ upapajjati.
pli-tv-pvr7:63.60	Aparepi pañcānisaṁsā sammajjaniyā—
pli-tv-pvr7:63.61	sakacittaṁ pasīdati, paracittaṁ pasīdati, devatā attamanā honti, satthusāsanaṁ kataṁ hoti, pacchimā janatā diṭṭhānugatiṁ āpajjati.
pli-tv-pvr7:64.1	Pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.2	attano bhāsapariyantaṁ na uggaṇhāti, parassa bhāsapariyantaṁ na uggaṇhāti, attano bhāsapariyantaṁ na uggahetvā parassa bhāsapariyantaṁ na uggahetvā adhammena kāreti appaṭiññāya.
pli-tv-pvr7:64.3	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.4	attano bhāsapariyantaṁ uggaṇhāti, parassa bhāsapariyantaṁ uggaṇhāti, attano bhāsapariyantaṁ uggahetvā parassa bhāsapariyantaṁ uggahetvā dhammena kāreti paṭiññāya.
pli-tv-pvr7:64.5	Aparehipi pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.6	āpattiṁ na jānāti, āpattiyā mūlaṁ na jānāti, āpattisamudayaṁ na jānāti, āpattinirodhaṁ na jānāti, āpattinirodhagāminiṁ paṭipadaṁ na jānāti.
pli-tv-pvr7:64.7	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.8	āpattiṁ jānāti, āpattiyā mūlaṁ jānāti, āpattisamudayaṁ jānāti, āpattinirodhaṁ jānāti, āpattinirodhagāminiṁ paṭipadaṁ jānāti.
pli-tv-pvr7:64.9	Aparehipi pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.10	adhikaraṇaṁ na jānāti, adhikaraṇassa mūlaṁ na jānāti, adhikaraṇasamudayaṁ na jānāti, adhikaraṇanirodhaṁ na jānāti, adhikaraṇanirodhagāminiṁ paṭipadaṁ na jānāti.
pli-tv-pvr7:64.11	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.12	adhikaraṇaṁ jānāti, adhikaraṇassa mūlaṁ jānāti, adhikaraṇasamudayaṁ jānāti, adhikaraṇanirodhaṁ jānāti, adhikaraṇanirodhagāminiṁ paṭipadaṁ jānāti.
pli-tv-pvr7:64.13	Aparehipi pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.14	vatthuṁ na jānāti, nidānaṁ na jānāti, paññattiṁ na jānāti, anupaññattiṁ na jānāti, anusandhivacanapathaṁ na jānāti.
pli-tv-pvr7:64.15	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.16	vatthuṁ jānāti, nidānaṁ jānāti, paññattiṁ jānāti, anupaññattiṁ jānāti, anusandhivacanapathaṁ jānāti.
pli-tv-pvr7:64.17	Aparehipi pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.18	ñattiṁ na jānāti, ñattiyā karaṇaṁ na jānāti, na pubbakusalo hoti, na aparakusalo hoti, akālaññū ca hoti.
pli-tv-pvr7:64.19	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.20	ñattiṁ jānāti, ñattiyā karaṇaṁ jānāti, pubbakusalo hoti, aparakusalo hoti, kālaññū ca hoti.
pli-tv-pvr7:64.21	Aparehipi pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.22	āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ācariyaparamparā kho panassa na suggahitā hoti na sumanasikatā na sūpadhāritā.
pli-tv-pvr7:64.23	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.24	āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānati, duṭṭhullāduṭṭhullaṁ āpattiṁ jānāti, ācariyaparamparā kho panassa suggahitā hoti sumanasikatā sūpadhāritā.
pli-tv-pvr7:64.25	Aparehipi pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.26	āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ jānāti, ubhayāni kho panassa pātimokkhāni na vitthārena svāgatāni honti na suvibhattāni na suppavattīni na suvinicchitāni suttaso anubyañjanaso.
pli-tv-pvr7:64.27	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.28	āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso.
pli-tv-pvr7:64.29	Aparehipi pañcahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:64.30	āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, adhikaraṇe ca na vinicchayakusalo hoti.
pli-tv-pvr7:64.31	Pañcahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:64.32	āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, adhikaraṇe ca vinicchayakusalo hoti.
pli-tv-pvr7:65.1	Pañca āraññikā—
pli-tv-pvr7:65.2	mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, “vaṇṇitaṁ buddhehi buddhasāvakehī”ti āraññiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya āraññiko hoti.
pli-tv-pvr7:65.3	Pañca piṇḍapātikā …pe…
pli-tv-pvr7:65.4	pañca paṁsukūlikā …pe…
pli-tv-pvr7:65.5	pañca rukkhamūlikā …pe…
pli-tv-pvr7:65.6	pañca sosānikā …pe…
pli-tv-pvr7:65.7	pañca abbhokāsikā …pe…
pli-tv-pvr7:65.8	pañca tecīvarikā …pe…
pli-tv-pvr7:65.9	pañca sapadānacārikā …pe…
pli-tv-pvr7:65.10	pañca nesajjikā …pe…
pli-tv-pvr7:65.11	pañca yathāsanthatikā …pe…
pli-tv-pvr7:65.12	pañca ekāsanikā …pe…
pli-tv-pvr7:65.13	pañca khalupacchābhattikā …pe…
pli-tv-pvr7:65.14	pañca pattapiṇḍikā—
pli-tv-pvr7:65.15	mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, “vaṇṇitaṁ buddhehi buddhasāvakehī”ti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti.
pli-tv-pvr7:66.1	Pañcahaṅgehi samannāgatena bhikkhunā nānissitena vatthabbaṁ—
pli-tv-pvr7:66.2	uposathaṁ na jānāti, uposathakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavasso hoti.
pli-tv-pvr7:66.3	Pañcahaṅgehi samannāgatena bhikkhunā anissitena vatthabbaṁ—
pli-tv-pvr7:66.4	uposathaṁ jānāti, uposathakammaṁ jānāti, pātimokkhaṁ jānāti, pātimokkhuddesaṁ jānāti, pañcavasso vā hoti atirekapañcavasso vā.
pli-tv-pvr7:66.5	Aparehipi pañcahaṅgehi samannāgatena bhikkhunā nānissitena vatthabbaṁ—
pli-tv-pvr7:66.6	pavāraṇaṁ na jānāti, pavāraṇākammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavasso hoti.
pli-tv-pvr7:66.7	Pañcahaṅgehi samannāgatena bhikkhunā anissitena vatthabbaṁ—
pli-tv-pvr7:66.8	pavāraṇaṁ jānāti, pavāraṇākammaṁ jānāti, pātimokkhaṁ jānāti, pātimokkhuddesaṁ jānāti, pañcavasso vā hoti atirekapañcavasso vā.
pli-tv-pvr7:66.9	Aparehipi pañcahaṅgehi samannāgatena bhikkhunā nānissitena vatthabbaṁ—
pli-tv-pvr7:66.10	āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ūnapañcavasso hoti.
pli-tv-pvr7:66.11	Pañcahaṅgehi samannāgatena bhikkhunā anissitena vatthabbaṁ—
pli-tv-pvr7:66.12	āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, pañcavasso vā hoti atirekapañcavasso vā.
pli-tv-pvr7:66.13	Pañcahaṅgehi samannāgatāya bhikkhuniyā nānissitāya vatthabbaṁ—
pli-tv-pvr7:66.14	uposathaṁ na jānāti, uposathakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavassā hoti.
pli-tv-pvr7:66.15	Pañcahaṅgehi samannāgatāya bhikkhuniyā anissitāya vatthabbaṁ—
pli-tv-pvr7:66.16	uposathaṁ jānāti, uposathakammaṁ jānāti, pātimokkhaṁ jānāti, pātimokkhuddesaṁ jānāti, pañcavassā vā hoti atirekapañcavassā vā.
pli-tv-pvr7:66.17	Aparehipi pañcahaṅgehi samannāgatāya bhikkhuniyā nānissitāya vatthabbaṁ—
pli-tv-pvr7:66.18	pavāraṇaṁ na jānāti, pavāraṇākammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavassā hoti.
pli-tv-pvr7:66.19	Pañcahaṅgehi samannāgatāya bhikkhuniyā anissitāya vatthabbaṁ—
pli-tv-pvr7:66.20	pavāraṇaṁ jānāti, pavāraṇākammaṁ jānāti, pātimokkhaṁ jānāti, pātimokkhuddesaṁ jānāti, pañcavassā vā hoti atirekapañcavassā vā.
pli-tv-pvr7:66.21	Aparehipi pañcahaṅgehi samannāgatāya bhikkhuniyā nānissitāya vatthabbaṁ—
pli-tv-pvr7:66.22	āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ūnapañcavassā hoti.
pli-tv-pvr7:66.23	Pañcahaṅgehi samannāgatāya bhikkhuniyā anissitāya vatthabbaṁ—
pli-tv-pvr7:66.24	āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, pañcavassā vā hoti atirekapañcavassā vā.
pli-tv-pvr7:67.1	Pañca ādīnavā apāsādike—
pli-tv-pvr7:67.2	attāpi attānaṁ upavadati, anuviccapi viññū garahanti, pāpako kittisaddo abbhuggacchati, sammūḷho kālaṁ karoti, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.
pli-tv-pvr7:67.3	Pañcānisaṁsā pāsādike—
pli-tv-pvr7:67.4	attāpi attānaṁ na upavadati, anuviccapi viññū pasaṁsanti, kalyāṇo kittisaddo abbhuggacchati, asammūḷho kālaṁ karoti, kāyassa bhedā paraṁ maraṇā sugatiṁ saggaṁ lokaṁ upapajjati.
pli-tv-pvr7:67.5	Aparepi pañca ādīnavā apāsādike—
pli-tv-pvr7:67.6	appasannā na pasīdanti, pasannānaṁ ekaccānaṁ aññathattaṁ hoti, satthusāsanaṁ akataṁ hoti, pacchimā janatā diṭṭhānugatiṁ nāpajjati, cittamassa na pasīdati.
pli-tv-pvr7:67.7	Pañcānisaṁsā pāsādike—
pli-tv-pvr7:67.8	appasannā pasīdanti, pasannānaṁ bhiyyobhāvāya hoti, satthusāsanaṁ kataṁ hoti, pacchimā janatā diṭṭhānugatiṁ āpajjati, cittamassa pasīdati.
pli-tv-pvr7:67.9	Pañca ādīnavā kulūpake—
pli-tv-pvr7:67.10	anāmantacāre āpajjati, raho nisajjāya āpajjati, paṭicchanne āsane āpajjati, mātugāmassa uttarichappañcavācāhi dhammaṁ desento āpajjati, kāmasaṅkappabahulo ca viharati.
pli-tv-pvr7:67.11	Pañca ādīnavā kulūpakassa bhikkhuno—
pli-tv-pvr7:67.12	ativelaṁ kulesu saṁsaṭṭhassa viharato mātugāmassa abhiṇhadassanaṁ, dassane sati saṁsaggo, saṁsagge sati vissāso, vissāse sati otāro, otiṇṇacittassetaṁ bhikkhuno pāṭikaṅkhaṁ anabhirato vā brahmacariyaṁ carissati aññataraṁ vā saṅkiliṭṭhaṁ āpattiṁ āpajjissati sikkhaṁ vā paccakkhāya hīnāyāvattissati.
pli-tv-pvr7:68.1	Pañca bījajātāni—
pli-tv-pvr7:68.2	mūlabījaṁ, khandhabījaṁ, phaḷubījaṁ, aggabījaṁ, bījabījaññeva pañcamaṁ.
pli-tv-pvr7:68.3	Pañcahi samaṇakappehi phalaṁ paribhuñjitabbaṁ—
pli-tv-pvr7:68.4	aggiparijitaṁ, satthaparijitaṁ, nakhaparijitaṁ, abījaṁ, nibbattabījaññeva pañcamaṁ.
pli-tv-pvr7:68.5	Pañca visuddhiyo—
pli-tv-pvr7:68.6	nidānaṁ uddisitvā avasesaṁ sutena sāvetabbaṁ, ayaṁ paṭhamā visuddhi;
pli-tv-pvr7:68.7	nidānaṁ uddisitvā cattāri pārājikāni uddisitvā avasesaṁ sutena sāvetabbaṁ, ayaṁ dutiyā visuddhi;
pli-tv-pvr7:68.8	nidānaṁ uddisitvā cattāri pārājikāni uddisitvā terasa saṅghādisese uddisitvā avasesaṁ sutena sāvetabbaṁ, ayaṁ tatiyā visuddhi;
pli-tv-pvr7:68.9	nidānaṁ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaṁ sutena sāvetabbaṁ, ayaṁ catutthā visuddhi;
pli-tv-pvr7:68.10	vitthāreneva pañcamī.
pli-tv-pvr7:68.11	Aparāpi pañca visuddhiyo—
pli-tv-pvr7:68.12	suttuddeso, pārisuddhiuposatho, adhiṭṭhānuposatho, pavāraṇā, sāmaggīuposathoyeva pañcamo.
pli-tv-pvr7:68.13	Pañcānisaṁsā vinayadhare—
pli-tv-pvr7:68.14	attano sīlakkhandho sugutto hoti surakkhito, kukkuccapakatānaṁ paṭisaraṇaṁ hoti, visārado saṅghamajjhe voharati, paccatthike sahadhammena suniggahitaṁ niggaṇhāti, saddhammaṭṭhitiyā paṭipanno hoti.
pli-tv-pvr7:68.15	Pañca adhammikāni pātimokkhaṭṭhapanāni.
pli-tv-pvr7:68.16	Pañca dhammikāni pātimokkhaṭṭhapanānīti.
pli-tv-pvr7:69.1	Pañcakaṁ niṭṭhitaṁ.
pli-tv-pvr7:70.1	Tassuddānaṁ
pli-tv-pvr7:71.1	Āpatti āpattikkhandhā,
pli-tv-pvr7:71.2	vinītānantarena ca;
pli-tv-pvr7:71.3	Puggalā chedanā ceva,
pli-tv-pvr7:71.4	āpajjati ca paccayā.
pli-tv-pvr7:72.1	Na upeti upeti ca,
pli-tv-pvr7:72.2	kappantusaṅkitelañca;
pli-tv-pvr7:72.3	Vasaṁ byasanā sampadā,
pli-tv-pvr7:72.4	passaddhi puggalena ca.
pli-tv-pvr7:73.1	Sosānikaṁ khāyitañca,
pli-tv-pvr7:73.2	theyyaṁ coro ca vuccati;
pli-tv-pvr7:73.3	Avissajji avebhaṅgi,
pli-tv-pvr7:73.4	kāyato kāyavācato.
pli-tv-pvr7:74.1	Desanā saṅghaṁ uddesaṁ,
pli-tv-pvr7:74.2	paccantikathinena ca;
pli-tv-pvr7:74.3	Kammāni yāvatatiyaṁ,
pli-tv-pvr7:74.4	pārājithulladukkaṭaṁ.
pli-tv-pvr7:75.1	Akappiyaṁ kappiyañca,
pli-tv-pvr7:75.2	apuññaduvinodayā;
pli-tv-pvr7:75.3	Sammajjanī apare ca,
pli-tv-pvr7:75.4	bhāsaṁ āpattimeva ca.
pli-tv-pvr7:76.1	Adhikaraṇaṁ vatthu ñatti,
pli-tv-pvr7:76.2	āpattā ubhayāni ca;
pli-tv-pvr7:76.3	Lahukaṭṭhamakā ete,
pli-tv-pvr7:76.4	kaṇhasukkā vijānatha.
pli-tv-pvr7:77.1	Araññaṁ piṇḍapātañca,
pli-tv-pvr7:77.2	paṁsurukkhasusānikā;
pli-tv-pvr7:77.3	Abbhokāso cīvarañca,
pli-tv-pvr7:77.4	sapadāno nisajjiko.
pli-tv-pvr7:78.1	Santhati khalu pacchāpi,
pli-tv-pvr7:78.2	pattapiṇḍikameva ca;
pli-tv-pvr7:78.3	Uposathaṁ pavāraṇaṁ,
pli-tv-pvr7:78.4	āpattānāpattipi ca.
pli-tv-pvr7:79.1	Kaṇhasukkapadā ete,
pli-tv-pvr7:79.2	bhikkhunīnampi te tathā;
pli-tv-pvr7:79.3	Apāsādikapāsādi,
pli-tv-pvr7:79.4	tatheva apare duve.
pli-tv-pvr7:80.1	Kulūpake ativelaṁ,
pli-tv-pvr7:80.2	bījaṁ samaṇakappi ca;
pli-tv-pvr7:80.3	Visuddhi apare ceva,
pli-tv-pvr7:80.4	vinayādhammikena ca;
pli-tv-pvr7:80.5	Dhammikā ca tathā vuttā,
pli-tv-pvr7:80.6	niṭṭhitā suddhipañcakāti.
pli-tv-pvr7:81.0	6. Chakkavāra
pli-tv-pvr7:81.1	Cha agāravā.
pli-tv-pvr7:81.2	Cha gāravā.
pli-tv-pvr7:81.3	Cha vinītavatthūni.
pli-tv-pvr7:81.4	Cha sāmīciyo.
pli-tv-pvr7:81.5	Cha āpattisamuṭṭhānā.
pli-tv-pvr7:81.6	Chacchedanakā āpattiyo.
pli-tv-pvr7:81.7	Chahākārehi āpattiṁ āpajjati.
pli-tv-pvr7:81.8	Chānisaṁsā vinayadhare.
pli-tv-pvr7:81.9	Cha paramāni.
pli-tv-pvr7:81.10	Chārattaṁ ticīvarena vippavasitabbaṁ.
pli-tv-pvr7:81.11	Cha cīvarāni.
pli-tv-pvr7:81.12	Cha rajanāni.
pli-tv-pvr7:81.13	Cha āpattiyo kāyato ca cittato ca samuṭṭhanti na vācato.
pli-tv-pvr7:81.14	Cha āpattiyo vācato ca cittato ca samuṭṭhanti na kāyato.
pli-tv-pvr7:81.15	Cha āpattiyo kāyato ca vācato ca cittato ca samuṭṭhanti.
pli-tv-pvr7:81.16	Cha kammāni.
pli-tv-pvr7:81.17	Cha vivādamūlāni.
pli-tv-pvr7:81.18	Cha anuvādamūlāni.
pli-tv-pvr7:81.19	Cha sāraṇīyā dhammā.
pli-tv-pvr7:81.20	Dīghaso cha vidatthiyo, sugatavidatthiyā.
pli-tv-pvr7:81.21	Tiriyaṁ cha vidatthiyo.
pli-tv-pvr7:81.22	Cha nissayapaṭippassaddhiyo ācariyamhā.
pli-tv-pvr7:81.23	Cha nahāne anupaññattiyo.
pli-tv-pvr7:81.24	Vippakatacīvaraṁ ādāya pakkamati.
pli-tv-pvr7:81.25	Vippakatacīvaraṁ samādāya pakkamati.
pli-tv-pvr7:82.1	Chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo—
pli-tv-pvr7:82.2	asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññakkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti, dasavasso vā hoti atirekadasavasso vā.
pli-tv-pvr7:83.1	Aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo—
pli-tv-pvr7:83.2	attanā asekkhena sīlakkhandhena samannāgato hoti, paraṁ asekkhe sīlakkhandhe samādapetā;
pli-tv-pvr7:83.3	attanā asekkhena samādhikkhandhena samannāgato hoti, paraṁ asekkhe samādhikkhandhe samādapetā;
pli-tv-pvr7:83.4	attanā asekkhena paññakkhandhena samannāgato hoti, paraṁ asekkhe paññakkhandhe samādapetā;
pli-tv-pvr7:83.5	attanā asekkhena vimuttikkhandhena samannāgato hoti, paraṁ asekkhe vimuttikkhandhe samādapetā;
pli-tv-pvr7:83.6	attanā asekkhena vimuttiñāṇadassanakkhandhena samannāgato hoti, paraṁ asekkhe vimuttiñāṇadassanakkhandhe samādapetā;
pli-tv-pvr7:83.7	dasavasso vā hoti atirekadasavasso vā.
pli-tv-pvr7:84.1	Aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo—
pli-tv-pvr7:84.2	saddho hoti, hirimā hoti, ottappī hoti, āraddhavīriyo hoti, upaṭṭhitassati hoti, dasavasso vā hoti atirekadasavasso vā.
pli-tv-pvr7:85.1	Aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo—
pli-tv-pvr7:85.2	na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti, dasavasso vā hoti atirekadasavasso vā.
pli-tv-pvr7:86.1	Aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo—
pli-tv-pvr7:86.2	paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ, āpattiṁ jānāti, āpattivuṭṭhānaṁ jānāti, dasavasso vā hoti atirekadasavasso vā.
pli-tv-pvr7:87.1	Aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo—
pli-tv-pvr7:87.2	paṭibalo hoti antevāsiṁ vā saddhivihāriṁ vā ābhisamācārikāya sikkhāya sikkhāpetuṁ, ādibrahmacāriyakāya sikkhāya vinetuṁ, abhidhamme vinetuṁ, abhivinaye vinetuṁ, uppannaṁ diṭṭhigataṁ dhammato vivecetuṁ, dasavasso vā hoti atirekadasavasso vā.
pli-tv-pvr7:88.1	Aparehipi chahaṅgehi samannāgatena bhikkhunā upasampādetabbaṁ nissayo dātabbo sāmaṇero upaṭṭhāpetabbo—
pli-tv-pvr7:88.2	āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, dasavasso vā hoti atirekadasavasso vā.
pli-tv-pvr7:89.1	Cha adhammikāni pātimokkhaṭṭhapanāni.
pli-tv-pvr7:89.2	Cha dhammikāni pātimokkhaṭṭhapanānīti.
pli-tv-pvr7:90.1	Chakkaṁ niṭṭhitaṁ.
pli-tv-pvr7:91.1	Tassuddānaṁ
pli-tv-pvr7:92.1	Agāravā gāravā ca,
pli-tv-pvr7:92.2	vinītā sāmīcipi ca;
pli-tv-pvr7:92.3	Samuṭṭhānā chedanā ceva,
pli-tv-pvr7:92.4	ākārānisaṁsena ca.
pli-tv-pvr7:93.1	Paramāni ca chārattaṁ,
pli-tv-pvr7:93.2	cīvaraṁ rajanāni ca;
pli-tv-pvr7:93.3	Kāyato cittato cāpi,
pli-tv-pvr7:93.4	vācato cittatopi ca.
pli-tv-pvr7:94.1	Kāyavācācittato ca,
pli-tv-pvr7:94.2	kammavivādameva ca;
pli-tv-pvr7:94.3	Anuvādā dīghaso ca,
pli-tv-pvr7:94.4	tiriyaṁ nissayena ca.
pli-tv-pvr7:95.1	Anupaññatti ādāya,
pli-tv-pvr7:95.2	samādāya tatheva ca;
pli-tv-pvr7:95.3	Asekkhe samādapetā,
pli-tv-pvr7:95.4	saddho adhisīlena ca;
pli-tv-pvr7:95.5	Gilānābhisamācārī,
pli-tv-pvr7:95.6	āpattādhammadhammikāti.
pli-tv-pvr7:96.0	7. Sattakavāra
pli-tv-pvr7:96.1	Sattāpattiyo.
pli-tv-pvr7:96.2	Sattāpattikkhandhā.
pli-tv-pvr7:96.3	Satta vinītavatthūni.
pli-tv-pvr7:96.4	Satta sāmīciyo.
pli-tv-pvr7:96.5	Satta adhammikā paṭiññātakaraṇā.
pli-tv-pvr7:96.6	Satta dhammikā paṭiññātakaraṇā.
pli-tv-pvr7:96.7	Sattannaṁ anāpatti sattāhakaraṇīyena gantuṁ.
pli-tv-pvr7:96.8	Sattānisaṁsā vinayadhare.
pli-tv-pvr7:96.9	Satta paramāni.
pli-tv-pvr7:96.10	Sattame aruṇuggamane nissaggiyaṁ hoti.
pli-tv-pvr7:96.11	Satta samathā.
pli-tv-pvr7:96.12	Satta kammāni.
pli-tv-pvr7:96.13	Satta āmakadhaññāni.
pli-tv-pvr7:96.14	Tiriyaṁ sattantarā.
pli-tv-pvr7:96.15	Gaṇabhojane satta anupaññattiyo.
pli-tv-pvr7:96.16	Bhesajjāni paṭiggahetvā sattāhaparamaṁ sannidhikārakaṁ paribhuñjitabbāni.
pli-tv-pvr7:96.17	Katacīvaraṁ ādāya pakkamati.
pli-tv-pvr7:96.18	Katacīvaraṁ samādāya pakkamati.
pli-tv-pvr7:96.19	Bhikkhussa na hoti āpatti daṭṭhabbā.
pli-tv-pvr7:96.20	Bhikkhussa hoti āpatti daṭṭhabbā.
pli-tv-pvr7:96.21	Bhikkhussa hoti āpatti daṭṭhabbā.
pli-tv-pvr7:96.22	Satta adhammikāni pātimokkhaṭṭhapanāni.
pli-tv-pvr7:96.23	Satta dhammikāni pātimokkhaṭṭhapanāni.
pli-tv-pvr7:97.1	Sattahaṅgehi samannāgato bhikkhu vinayadharo hoti—
pli-tv-pvr7:97.2	āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:98.1	Aparehipi sattahaṅgehi samannāgato bhikkhu vinayadharo hoti—
pli-tv-pvr7:98.2	āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti tathārūpassa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:99.1	Aparehipi sattahaṅgehi samannāgato bhikkhu vinayadharo hoti—
pli-tv-pvr7:99.2	āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:100.1	Aparehipi sattahaṅgehi samannāgato bhikkhu vinayadharo hoti—
pli-tv-pvr7:100.2	āpattiṁ jānāti; anāpattiṁ jānāti; lahukaṁ āpattiṁ jānāti; garukaṁ āpattiṁ jānāti; anekavihitaṁ pubbenivāsaṁ anussarati, seyyathidaṁ—ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe—“amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto amutra udapādiṁ; tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto idhūpapanno”ti iti sākāraṁ sauddesaṁ anekavihitaṁ pubbenivāsaṁ anussarati; dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti—“ime vata bhonto sattā kāyaduccaritena samannāgatā, vacīduccaritena samannāgatā, manoduccaritena samannāgatā, ariyānaṁ upavādakā, micchādiṭṭhikā, micchādiṭṭhikammasamādānā, te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā, ime vā pana bhonto sattā kāyasucaritena samannāgatā, vacīsucaritena samannāgatā, manosucaritena samannāgatā, ariyānaṁ anupavādakā, sammādiṭṭhikā, sammādiṭṭhikammasamādānā, te kāyassa bhedā paraṁ maraṇā sugatiṁ saggaṁ lokaṁ upapannā”ti iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti; āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:101.1	Sattahaṅgehi samannāgato vinayadharo sobhati—
pli-tv-pvr7:101.2	āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, sīlavā hoti …pe… samādāya sikkhati sikkhāpadesu, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:102.1	Aparehipi sattahaṅgehi samannāgato vinayadharo sobhati—
pli-tv-pvr7:102.2	āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, bahussuto hoti …pe… diṭṭhiyā suppaṭividdho catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:103.1	Aparehipi sattahaṅgehi samannāgato vinayadharo sobhati—
pli-tv-pvr7:103.2	āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:104.1	Aparehipi sattahaṅgehi samannāgato vinayadharo sobhati—
pli-tv-pvr7:104.2	āpattiṁ jānāti; anāpattiṁ jānāti; lahukaṁ āpattiṁ jānāti; garukaṁ āpattiṁ jānāti; anekavihitaṁ pubbenivāsaṁ anussarati, seyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussarati, dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti …pe… iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti; āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
pli-tv-pvr7:105.1	Satta asaddhammā—
pli-tv-pvr7:105.2	assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti.
pli-tv-pvr7:106.1	Satta saddhammā—
pli-tv-pvr7:106.2	saddho hoti, hirimā hoti, ottappī hoti, bahussuto hoti, āraddhavīriyo hoti, upaṭṭhitassati hoti, paññavā hotīti.
pli-tv-pvr7:107.1	Sattakaṁ niṭṭhitaṁ.
pli-tv-pvr7:108.1	Tassuddānaṁ
pli-tv-pvr7:109.1	Āpatti āpattikkhandhā,
pli-tv-pvr7:109.2	vinītā sāmīcipi ca;
pli-tv-pvr7:109.3	Adhammikā dhammikā ca,
pli-tv-pvr7:109.4	anāpatti ca sattāhaṁ.
pli-tv-pvr7:110.1	Ānisaṁsā paramāni,
pli-tv-pvr7:110.2	aruṇasamathena ca;
pli-tv-pvr7:110.3	Kammā āmakadhaññā ca,
pli-tv-pvr7:110.4	tiriyaṁ gaṇabhojane.
pli-tv-pvr7:111.1	Sattāhaparamaṁ ādāya,
pli-tv-pvr7:111.2	samādāya tatheva ca;
pli-tv-pvr7:111.3	Na hoti hoti hoti ca,
pli-tv-pvr7:111.4	adhammā dhammikāni ca.
pli-tv-pvr7:112.1	Caturo vinayadharā,
pli-tv-pvr7:112.2	catubhikkhū ca sobhane;
pli-tv-pvr7:112.3	Satta ceva asaddhammā,
pli-tv-pvr7:112.4	satta saddhammā desitāti.
pli-tv-pvr7:113.0	8. Aṭṭhakavāra
pli-tv-pvr7:113.1	Aṭṭhānisaṁse sampassamānena na so bhikkhu āpattiyā adassane ukkhipitabbo.
pli-tv-pvr7:113.2	Aṭṭhānisaṁse sampassamānena paresampi saddhāya sā āpatti desetabbā.
pli-tv-pvr7:113.3	Aṭṭha yāvatatiyakā.
pli-tv-pvr7:113.4	Aṭṭhahākārehi kulāni dūseti.
pli-tv-pvr7:113.5	Aṭṭha mātikā cīvarassa uppādāya.
pli-tv-pvr7:113.6	Aṭṭha mātikā kathinassa ubbhārāya.
pli-tv-pvr7:113.7	Aṭṭha pānāni.
pli-tv-pvr7:113.8	Aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho.
pli-tv-pvr7:113.9	Aṭṭha lokadhammā.
pli-tv-pvr7:113.10	Aṭṭha garudhammā.
pli-tv-pvr7:113.11	Aṭṭha pāṭidesanīyā.
pli-tv-pvr7:113.12	Aṭṭhaṅgiko musāvādo.
pli-tv-pvr7:113.13	Aṭṭha uposathaṅgāni.
pli-tv-pvr7:113.14	Aṭṭha dūteyyaṅgāni.
pli-tv-pvr7:113.15	Aṭṭha titthiyavattāni.
pli-tv-pvr7:113.16	Aṭṭha acchariyā abbhutadhammā mahāsamudde.
pli-tv-pvr7:113.17	Aṭṭha acchariyā abbhutadhammā imasmiṁ dhammavinaye.
pli-tv-pvr7:113.18	Aṭṭha anatirittā.
pli-tv-pvr7:113.19	Aṭṭha atirittā.
pli-tv-pvr7:113.20	Aṭṭhame aruṇuggamane nissaggiyaṁ hoti.
pli-tv-pvr7:113.21	Aṭṭha pārājikā.
pli-tv-pvr7:113.22	Aṭṭhamaṁ vatthuṁ paripūrentī nāsetabbā.
pli-tv-pvr7:113.23	Aṭṭhamaṁ vatthuṁ paripūrentiyā desitāpi adesitā hoti.
pli-tv-pvr7:113.24	Aṭṭhavācikā upasampadā.
pli-tv-pvr7:113.25	Aṭṭhannaṁ paccuṭṭhātabbaṁ.
pli-tv-pvr7:113.26	Aṭṭhannaṁ āsanaṁ dātabbaṁ.
pli-tv-pvr7:113.27	Upāsikā aṭṭha varāni yācati.
pli-tv-pvr7:113.28	Aṭṭhahaṅgehi samannāgato bhikkhu bhikkhunovādako sammannitabbo.
pli-tv-pvr7:113.29	Aṭṭhānisaṁsā vinayadhare.
pli-tv-pvr7:113.30	Aṭṭha paramāni.
pli-tv-pvr7:113.31	Tassapāpiyasikākammakatena bhikkhunā aṭṭhasu dhammesu sammā vattitabbaṁ.
pli-tv-pvr7:113.32	Aṭṭha adhammikāni pātimokkhaṭṭhapanāni.
pli-tv-pvr7:113.33	Aṭṭha dhammikāni pātimokkhaṭṭhapanānīti.
pli-tv-pvr7:114.1	Aṭṭhakaṁ niṭṭhitaṁ.
pli-tv-pvr7:115.1	Tassuddānaṁ
pli-tv-pvr7:116.1	Na so bhikkhu paresampi,
pli-tv-pvr7:116.2	yāvatatiyadūsanā;
pli-tv-pvr7:116.3	Mātikā kathinubbhārā,
pli-tv-pvr7:116.4	pānā abhibhūtena ca.
pli-tv-pvr7:117.1	Lokadhammā garudhammā,
pli-tv-pvr7:117.2	pāṭidesanīyā musā;
pli-tv-pvr7:117.3	Uposathā ca dūtaṅgā,
pli-tv-pvr7:117.4	titthiyā samuddepi ca.
pli-tv-pvr7:118.1	Abbhutā anatirittaṁ,
pli-tv-pvr7:118.2	atirittaṁ nissaggiyaṁ;
pli-tv-pvr7:118.3	Pārājikaṭṭhamaṁ vatthu,
pli-tv-pvr7:118.4	adesitūpasampadā.
pli-tv-pvr7:119.1	Paccuṭṭhānāsanañceva,
pli-tv-pvr7:119.2	varaṁ ovādakena ca;
pli-tv-pvr7:119.3	Ānisaṁsā paramāni,
pli-tv-pvr7:119.4	aṭṭhadhammesu vattanā;
pli-tv-pvr7:119.5	Adhammikā dhammikā ca,
pli-tv-pvr7:119.6	aṭṭhakā suppakāsitāti.
pli-tv-pvr7:120.0	9. Navakavāra
pli-tv-pvr7:120.1	Nava āghātavatthūni.
pli-tv-pvr7:120.2	Nava āghātapaṭivinayā.
pli-tv-pvr7:120.3	Nava vinītavatthūni.
pli-tv-pvr7:120.4	Nava paṭhamāpattikā.
pli-tv-pvr7:120.5	Navahi saṅgho bhijjati.
pli-tv-pvr7:120.6	Nava paṇītabhojanāni.
pli-tv-pvr7:120.7	Navamaṁsehi dukkaṭaṁ.
pli-tv-pvr7:120.8	Nava pātimokkhuddesā.
pli-tv-pvr7:120.9	Nava paramāni.
pli-tv-pvr7:120.10	Nava taṇhāmūlakā dhammā.
pli-tv-pvr7:120.11	Nava vidhamānā.
pli-tv-pvr7:120.12	Nava cīvarāni adhiṭṭhātabbāni.
pli-tv-pvr7:120.13	Nava cīvarāni na vikappetabbāni.
pli-tv-pvr7:120.14	Dīghaso nava vidatthiyo sugatavidatthiyā.
pli-tv-pvr7:120.15	Nava adhammikāni dānāni.
pli-tv-pvr7:120.16	Nava adhammikā paṭiggahā.
pli-tv-pvr7:120.17	Nava adhammikā paribhogā—
pli-tv-pvr7:120.18	tīṇi dhammikāni dānāni, tayo dhammikā paṭiggahā, tayo dhammikā paribhogā.
pli-tv-pvr7:120.19	Nava adhammikā saññattiyo.
pli-tv-pvr7:120.20	Nava dhammikā saññattiyo.
pli-tv-pvr7:120.21	Adhammakamme dve navakāni.
pli-tv-pvr7:120.22	Dhammakamme dve navakāni.
pli-tv-pvr7:120.23	Nava adhammikāni pātimokkhaṭṭhapanāni.
pli-tv-pvr7:120.24	Nava dhammikāni pātimokkhaṭṭhapanānīti.
pli-tv-pvr7:121.1	Navakaṁ niṭṭhitaṁ.
pli-tv-pvr7:122.1	Tassuddānaṁ
pli-tv-pvr7:123.1	Āghātavatthuvinayā,
pli-tv-pvr7:123.2	vinītā paṭhamena ca;
pli-tv-pvr7:123.3	Bhijjati ca paṇītañca,
pli-tv-pvr7:123.4	maṁsuddesaparamāni ca.
pli-tv-pvr7:124.1	Taṇhā mānā adhiṭṭhānā,
pli-tv-pvr7:124.2	vikappe ca vidatthiyo;
pli-tv-pvr7:124.3	Dānā paṭiggahā bhogā,
pli-tv-pvr7:124.4	tividhā puna dhammikā.
pli-tv-pvr7:125.1	Adhammadhammasaññatti,
pli-tv-pvr7:125.2	duve dve navakāni ca;
pli-tv-pvr7:125.3	Pātimokkhaṭṭhapanāni,
pli-tv-pvr7:125.4	adhammadhammikāni cāti.
pli-tv-pvr7:126.0	10. Dasakavāra
pli-tv-pvr7:126.1	Dasa āghātavatthūni.
pli-tv-pvr7:126.2	Dasa āghātapaṭivinayā.
pli-tv-pvr7:126.3	Dasa vinītavatthūni.
pli-tv-pvr7:126.4	Dasavatthukā micchādiṭṭhi.
pli-tv-pvr7:126.5	Dasavatthukā sammādiṭṭhi.
pli-tv-pvr7:126.6	Dasa antaggāhikā diṭṭhi.
pli-tv-pvr7:126.7	Dasa micchattā.
pli-tv-pvr7:126.8	Dasa sammattā.
pli-tv-pvr7:126.9	Dasa akusalakammapathā.
pli-tv-pvr7:126.10	Dasa kusalakammapathā.
pli-tv-pvr7:126.11	Dasa adhammikā salākaggāhā.
pli-tv-pvr7:126.12	Dasa dhammikā salākaggāhā.
pli-tv-pvr7:126.13	Sāmaṇerānaṁ dasa sikkhāpadāni.
pli-tv-pvr7:126.14	Dasahaṅgehi samannāgato sāmaṇero nāsetabbo.
pli-tv-pvr7:127.1	Dasahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:127.2	attano bhāsapariyantaṁ na uggaṇhāti, parassa bhāsapariyantaṁ na uggaṇhāti, attano bhāsapariyantaṁ anuggahetvā parassa bhāsapariyantaṁ anuggahetvā adhammena kāreti, appaṭiññāya āpattiṁ na jānāti, āpattiyā mūlaṁ na jānāti, āpattisamudayaṁ na jānāti, āpattinirodhaṁ na jānāti, āpattinirodhagāminiṁ paṭipadaṁ na jānāti.
pli-tv-pvr7:128.1	Dasahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:128.2	attano bhāsapariyantaṁ uggaṇhāti, parassa bhāsapariyantaṁ uggaṇhāti, attano bhāsapariyantaṁ uggahetvā parassa bhāsapariyantaṁ uggahetvā dhammena kāreti, paṭiññāya āpattiṁ jānāti, āpattiyā mūlaṁ jānāti, āpattisamudayaṁ jānāti, āpattinirodhaṁ jānāti, āpattinirodhagāminiṁ paṭipadaṁ jānāti.
pli-tv-pvr7:129.1	Aparehipi dasahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:129.2	adhikaraṇaṁ na jānāti, adhikaraṇassa mūlaṁ na jānāti, adhikaraṇasamudayaṁ na jānāti, adhikaraṇanirodhaṁ na jānāti, adhikaraṇanirodhagāminiṁ paṭipadaṁ na jānāti, vatthuṁ na jānāti, nidānaṁ na jānāti, paññattiṁ na jānāti, anupaññattiṁ na jānāti, anusandhivacanapathaṁ na jānāti.
pli-tv-pvr7:130.1	Dasahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:130.2	adhikaraṇaṁ jānāti, adhikaraṇassa mūlaṁ jānāti, adhikaraṇasamudayaṁ jānāti, adhikaraṇanirodhaṁ jānāti, adhikaraṇanirodhagāminiṁ paṭipadaṁ jānāti, vatthuṁ jānāti, nidānaṁ jānāti, paññattiṁ jānāti, anupaññattiṁ jānāti, anusandhivacanapathaṁ jānāti.
pli-tv-pvr7:131.1	Aparehipi dasahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:131.2	ñattiṁ na jānāti, ñattiyā karaṇaṁ na jānāti, na pubbakusalo hoti, na aparakusalo hoti, akālaññū ca hoti, āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ācariyaparamparā kho panassa na suggahitā hoti na sumanasikatā na sūpadhāritā.
pli-tv-pvr7:132.1	Dasahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:132.2	ñattiṁ jānāti, ñattiyā karaṇaṁ jānāti, pubbakusalo hoti, aparakusalo hoti, kālaññū ca hoti, āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, ācariyaparamparā kho panassa suggahitā hoti sumanasikatā sūpadhāritā.
pli-tv-pvr7:133.1	Aparehipi dasahaṅgehi samannāgato vinayadharo “bālo” tveva saṅkhaṁ gacchati—
pli-tv-pvr7:133.2	āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso, āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, adhikaraṇe ca na vinicchayakusalo hoti.
pli-tv-pvr7:134.1	Dasahaṅgehi samannāgato vinayadharo “paṇḍito” tveva saṅkhaṁ gacchati—
pli-tv-pvr7:134.2	āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, adhikaraṇe ca vinicchayakusalo hoti.
pli-tv-pvr7:135.1	Dasahaṅgehi samannāgato bhikkhu ubbāhikāya sammannitabbo.
pli-tv-pvr7:135.2	Dasa atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr7:135.3	Dasa ādīnavā rājantepurappavesane.
pli-tv-pvr7:135.4	Dasa dānavatthūni.
pli-tv-pvr7:135.5	Dasa ratanāni.
pli-tv-pvr7:135.6	Dasavaggo bhikkhusaṅgho.
pli-tv-pvr7:135.7	Dasavaggena gaṇena upasampādetabbaṁ.
pli-tv-pvr7:135.8	Dasa paṁsukūlāni.
pli-tv-pvr7:135.9	Dasa cīvaradhāraṇā.
pli-tv-pvr7:135.10	Dasāhaparamaṁ atirekacīvaraṁ dhāretabbaṁ.
pli-tv-pvr7:135.11	Dasa sukkāni.
pli-tv-pvr7:135.12	Dasa itthiyo.
pli-tv-pvr7:135.13	Dasa bhariyāyo.
pli-tv-pvr7:135.14	Vesāliyā dasa vatthūni dīpenti.
pli-tv-pvr7:135.15	Dasa puggalā avandiyā.
pli-tv-pvr7:135.16	Dasa akkosavatthūni.
pli-tv-pvr7:135.17	Dasahākārehi pesuññaṁ upasaṁharati.
pli-tv-pvr7:135.18	Dasa senāsanāni.
pli-tv-pvr7:135.19	Dasa varāni yāciṁsu.
pli-tv-pvr7:135.20	Dasa adhammikāni pātimokkhaṭṭhapanāni.
pli-tv-pvr7:135.21	Dasa dhammikāni pātimokkhaṭṭhapanāni.
pli-tv-pvr7:135.22	Dasānisaṁsā yāguyā.
pli-tv-pvr7:135.23	Dasa maṁsā akappiyā.
pli-tv-pvr7:135.24	Dasa paramāni.
pli-tv-pvr7:135.25	Dasavassena bhikkhunā byattena paṭibalena pabbājetabbaṁ upasampādetabbaṁ nissayo dātabbo sāmaṇero upaṭṭhāpetabbo.
pli-tv-pvr7:135.26	Dasavassāya bhikkhuniyā byattāya paṭibalāya pabbājetabbaṁ upasampādetabbaṁ nissayo dātabbo sāmaṇerī upaṭṭhāpetabbā.
pli-tv-pvr7:135.27	Dasavassāya bhikkhuniyā byattāya paṭibalāya vuṭṭhāpanasammuti sāditabbā.
pli-tv-pvr7:135.28	Dasavassāya gihigatāya sikkhā dātabbāti.
pli-tv-pvr7:136.1	Dasakaṁ niṭṭhitaṁ.
pli-tv-pvr7:137.1	Tassuddānaṁ
pli-tv-pvr7:138.1	Āghātaṁ vinayaṁ vatthu,
pli-tv-pvr7:138.2	micchā sammā ca antagā;
pli-tv-pvr7:138.3	Micchattā ceva sammattā,
pli-tv-pvr7:138.4	akusalā kusalāpi ca.
pli-tv-pvr7:139.1	Salākā adhammā dhammā,
pli-tv-pvr7:139.2	sāmaṇerā ca nāsanā;
pli-tv-pvr7:139.3	Bhāsādhikaraṇañceva,
pli-tv-pvr7:139.4	ñattilahukameva ca.
pli-tv-pvr7:140.1	Lahukā garukā ete,
pli-tv-pvr7:140.2	kaṇhasukkā vijānatha;
pli-tv-pvr7:140.3	Ubbāhikā ca sikkhā ca,
pli-tv-pvr7:140.4	antepure ca vatthūni.
pli-tv-pvr7:141.1	Ratanaṁ dasavaggo ca,
pli-tv-pvr7:141.2	tatheva upasampadā;
pli-tv-pvr7:141.3	Paṁsukūladhāraṇā ca,
pli-tv-pvr7:141.4	dasāhasukkaitthiyo.
pli-tv-pvr7:142.1	Bhariyā dasa vatthūni,
pli-tv-pvr7:142.2	avandiyakkosena ca;
pli-tv-pvr7:142.3	Pesuññañceva senāni,
pli-tv-pvr7:142.4	varāni ca adhammikā.
pli-tv-pvr7:143.1	Dhammikā yāgumaṁsā ca,
pli-tv-pvr7:143.2	paramā bhikkhu bhikkhunī;
pli-tv-pvr7:143.3	Vuṭṭhāpanā gihigatā,
pli-tv-pvr7:143.4	dasakā suppakāsitāti.
pli-tv-pvr7:144.0	11. Ekādasakavāra
pli-tv-pvr7:144.1	Ekādasa puggalā anupasampannā na upasampādetabbā, upasampannā nāsetabbā.
pli-tv-pvr7:144.2	Ekādasa pādukā akappiyā.
pli-tv-pvr7:144.3	Ekādasa pattā akappiyā.
pli-tv-pvr7:144.4	Ekādasa cīvarāni akappiyāni.
pli-tv-pvr7:144.5	Ekādasa yāvatatiyakā.
pli-tv-pvr7:144.6	Bhikkhunīnaṁ ekādasa antarāyikā dhammā pucchitabbā.
pli-tv-pvr7:144.7	Ekādasa cīvarāni adhiṭṭhātabbāni.
pli-tv-pvr7:144.8	Ekādasa cīvarāni na vikappetabbāni.
pli-tv-pvr7:144.9	Ekādase aruṇuggamane nissaggiyaṁ hoti.
pli-tv-pvr7:144.10	Ekādasa gaṇṭhikā kappiyā.
pli-tv-pvr7:144.11	Ekādasa vidhā kappiyā.
pli-tv-pvr7:144.12	Ekādasa pathavī akappiyā.
pli-tv-pvr7:144.13	Ekādasa pathavī kappiyā.
pli-tv-pvr7:144.14	Ekādasa nissayapaṭippassaddhiyo.
pli-tv-pvr7:144.15	Ekādasa puggalā avandiyā.
pli-tv-pvr7:144.16	Ekādasa paramāni.
pli-tv-pvr7:144.17	Ekādasa varāni yāciṁsu.
pli-tv-pvr7:144.18	Ekādasa sīmādosā.
pli-tv-pvr7:144.19	Akkosakaparibhāsake puggale ekādasādīnavā pāṭikaṅkhā.
pli-tv-pvr7:144.20	Mettāya cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ekādasānisaṁsā pāṭikaṅkhā.
pli-tv-pvr7:144.21	Sukhaṁ supati, sukhaṁ paṭibujjhati, na pāpakaṁ supinaṁ passati, manussānaṁ piyo hoti, amanussānaṁ piyo hoti, devatā rakkhanti, nāssa aggi vā visaṁ vā satthaṁ vā kamati, tuvaṭṭaṁ cittaṁ samādhiyati, mukhavaṇṇo vippasīdati, asammūḷho kālaṁ karoti, uttari appaṭivijjhanto brahmalokūpago hoti—
pli-tv-pvr7:144.22	mettāya cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ime ekādasānisaṁsā pāṭikaṅkhāti.
pli-tv-pvr7:145.1	Ekādasakaṁ niṭṭhitaṁ.
pli-tv-pvr7:146.1	Tassuddānaṁ
pli-tv-pvr7:147.1	Nāsetabbā pādukā ca,
pli-tv-pvr7:147.2	pattā ca cīvarāni ca;
pli-tv-pvr7:147.3	Tatiyā pucchitabbā ca,
pli-tv-pvr7:147.4	adhiṭṭhānavikappanā.
pli-tv-pvr7:148.1	Aruṇā gaṇṭhikā vidhā,
pli-tv-pvr7:148.2	akappiyā ca kappiyaṁ;
pli-tv-pvr7:148.3	Nissayāvandiyā ceva,
pli-tv-pvr7:148.4	paramāni varāni ca;
pli-tv-pvr7:148.5	Sīmādosā ca akkosā,
pli-tv-pvr7:148.6	mettāyekādasā katāti.
pli-tv-pvr7:149.1	Ekuttarikaṁ.
pli-tv-pvr7:150.1	Tassuddānaṁ
pli-tv-pvr7:151.1	Ekakā ca dukā ceva,
pli-tv-pvr7:151.2	tikā ca catupañcakā;
pli-tv-pvr7:151.3	Chasattaṭṭhanavakā ca,
pli-tv-pvr7:151.4	dasa ekādasāni ca.
pli-tv-pvr7:152.1	Hitāya sabbasattānaṁ,
pli-tv-pvr7:152.2	ñātadhammena tādinā;
pli-tv-pvr7:152.3	Ekuttarikā vimalā,
pli-tv-pvr7:152.4	mahāvīrena desitāti.
pli-tv-pvr7:153.1	Ekuttarikaṁ niṭṭhitaṁ.
pli-tv-pvr8:0.1	Parivāra
pli-tv-pvr8:0.2	8. Uposathādipucchāvissajjanā
pli-tv-pvr8:0.3	1 Ādimajjhantapucchana
pli-tv-pvr8:1.1	Uposathakammassa ko ādi, kiṁ majjhe, kiṁ pariyosānaṁ?
pli-tv-pvr8:1.2	Pavāraṇākammassa ko ādi, kiṁ majjhe, kiṁ pariyosānaṁ?
pli-tv-pvr8:1.3	Tajjanīyakammassa ko ādi, kiṁ majjhe, kiṁ pariyosānaṁ?
pli-tv-pvr8:1.4	Niyassakammassa …pe…
pli-tv-pvr8:1.5	pabbājanīyakammassa …pe…
pli-tv-pvr8:1.6	paṭisāraṇīyakammassa …pe…
pli-tv-pvr8:1.7	ukkhepanīyakammassa …pe…
pli-tv-pvr8:1.8	parivāsadānassa …pe…
pli-tv-pvr8:1.9	mūlāyapaṭikassanāya …pe…
pli-tv-pvr8:1.10	mānattadānassa …pe…
pli-tv-pvr8:1.11	abbhānassa …pe…
pli-tv-pvr8:1.12	upasampadākammassa ko ādi, kiṁ majjhe, kiṁ pariyosānaṁ?
pli-tv-pvr8:1.13	Tajjanīyakammassa paṭippassaddhiyā ko ādi, kiṁ majjhe, kiṁ pariyosānaṁ?
pli-tv-pvr8:1.14	Niyassakammassa paṭippassaddhiyā ko ādi, kiṁ majjhe, kiṁ pariyosānaṁ?
pli-tv-pvr8:1.15	Pabbājanīyakammassa paṭippassaddhiyā ko ādi, kiṁ majjhe, kiṁ pariyosānaṁ?
pli-tv-pvr8:1.16	Paṭisāraṇīyakammassa paṭippassaddhiyā ko ādi, kiṁ majjhe, kiṁ pariyosānaṁ?
pli-tv-pvr8:1.17	Ukkhepanīyakammassa paṭippassaddhiyā ko ādi, kiṁ majjhe, kiṁ pariyosānaṁ?
pli-tv-pvr8:1.18	Sativinayassa ko ādi, kiṁ majje, kiṁ pariyosānaṁ?
pli-tv-pvr8:1.19	Amūḷhavinayassa ko ādi, kiṁ majjhe, kiṁ pariyosānaṁ?
pli-tv-pvr8:1.20	Tassapāpiyasikāya ko ādi, kiṁ majjhe, kiṁ pariyosānaṁ?
pli-tv-pvr8:1.21	Tiṇavatthārakassa ko ādi, kiṁ majjhe, kiṁ pariyosānaṁ?
pli-tv-pvr8:1.22	Bhikkhunovādakasammutiyā ko ādi, kiṁ majjhe, kiṁ pariyosānaṁ?
pli-tv-pvr8:1.23	Ticīvarena avippavāsasammutiyā ko ādi, kiṁ majjhe, kiṁ pariyosānaṁ?
pli-tv-pvr8:1.24	Santhatasammutiyā ko ādi, kiṁ majjhe, kiṁ pariyosānaṁ?
pli-tv-pvr8:1.25	Rūpiyachaḍḍakasammutiyā ko ādi, kiṁ majjhe, kiṁ pariyosānaṁ?
pli-tv-pvr8:1.26	Sāṭiyaggāhāpakasammutiyo ko ādi, kiṁ majjhe, kiṁ pariyosānaṁ?
pli-tv-pvr8:1.27	Pattaggāhāpakasammutiyā ko ādi, kiṁ majjhe, kiṁ pariyosānaṁ?
pli-tv-pvr8:1.28	Daṇḍasammutiyā ko ādi, kiṁ majjhe, kiṁ pariyosānaṁ?
pli-tv-pvr8:1.29	Sikkāsammutiyā ko ādi, kiṁ majjhe, kiṁ pariyosānaṁ?
pli-tv-pvr8:1.30	Daṇḍasikkāsammutiyā ko ādi, kiṁ majjhe, kiṁ pariyosānaṁ?
pli-tv-pvr8:2.0	2 Ādimajjhantavissajjanā
pli-tv-pvr8:2.1	Uposathakammassa ko ādi, kiṁ majjhe, kiṁ pariyosānanti?
pli-tv-pvr8:2.2	Uposathakammassa sāmaggī ādi, kiriyā majjhe, niṭṭhānaṁ pariyosānaṁ.
pli-tv-pvr8:3.1	Pavāraṇākammassa ko ādi, kiṁ majjhe, kiṁ pariyosānanti?
pli-tv-pvr8:3.2	Pavāraṇākammassa sāmaggī ādi, kiriyā majjhe, niṭṭhānaṁ pariyosānaṁ.
pli-tv-pvr8:4.1	Tajjanīyakammassa ko ādi, kiṁ majjhe, kiṁ pariyosānanti?
pli-tv-pvr8:4.2	Tajjanīyakammassa vatthu ca puggalo ca ādi, ñatti majjhe, kammavācā pariyosānaṁ.
pli-tv-pvr8:5.1	Niyassakammassa …pe…
pli-tv-pvr8:5.2	pabbājanīyakammassa …pe…
pli-tv-pvr8:5.3	paṭisāraṇīyakammassa …pe…
pli-tv-pvr8:5.4	ukkhepanīyakammassa …pe…
pli-tv-pvr8:5.5	parivāsadānassa …pe…
pli-tv-pvr8:5.6	mūlāyapaṭikassanāya …pe…
pli-tv-pvr8:5.7	mānattadānassa …pe…
pli-tv-pvr8:5.8	abbhānassa ko ādi, kiṁ majjhe, kiṁ pariyosānanti?
pli-tv-pvr8:5.9	Abbhānassa vatthu ca puggalo ca ādi, ñatti majjhe, kammavācā pariyosānaṁ.
pli-tv-pvr8:6.1	Upasampadākammassa ko ādi, kiṁ majjhe, kiṁ pariyosānanti?
pli-tv-pvr8:6.2	Upasampadākammassa puggalo ādi, ñatti majjhe, kammavācā pariyosānaṁ.
pli-tv-pvr8:7.1	Tajjanīyakammassa paṭippassaddhiyā ko ādi, kiṁ majjhe, kiṁ pariyosānanti?
pli-tv-pvr8:7.2	Tajjanīyakammassa paṭippassaddhiyā sammāvattanā ādi, ñatti majjhe, kammavācā pariyosānaṁ.
pli-tv-pvr8:8.1	Niyassakammassa …pe…
pli-tv-pvr8:8.2	pabbājanīyakammassa …pe…
pli-tv-pvr8:8.3	paṭisāraṇīyakammassa …pe…
pli-tv-pvr8:8.4	ukkhepanīyakammassa paṭippassaddhiyā ko ādi, kiṁ majjhe, kiṁ pariyosānanti?
pli-tv-pvr8:8.5	Ukkhepanīyakammassa paṭippassaddhiyā sammāvattanā ādi, ñatti majjhe, kammavācā pariyosānaṁ.
pli-tv-pvr8:9.1	Sativinayassa ko ādi, kiṁ majjhe, kiṁ pariyosānanti?
pli-tv-pvr8:9.2	Sativinayassa vatthu ca puggalo ca ādi, ñatti majjhe, kammavācā pariyosānaṁ.
pli-tv-pvr8:10.1	Amūḷhavinayassa …pe…
pli-tv-pvr8:10.2	tassapāpiyasikāya …pe…
pli-tv-pvr8:10.3	tiṇavatthārakassa …pe…
pli-tv-pvr8:10.4	bhikkhunovādakasammutiyā …pe…
pli-tv-pvr8:10.5	ticīvarena avippavāsasammutiyā …pe…
pli-tv-pvr8:10.6	santhatasammutiyā …pe…
pli-tv-pvr8:10.7	rūpiyachaḍḍakasammutiyā …pe…
pli-tv-pvr8:10.8	sāṭiyaggāhāpakasammutiyā …pe…
pli-tv-pvr8:10.9	pattaggāhāpakasammutiyā …pe…
pli-tv-pvr8:10.10	daṇḍasammutiyā …pe…
pli-tv-pvr8:10.11	sikkāsammutiyā …pe…
pli-tv-pvr8:10.12	daṇḍasikkāsammutiyā ko ādi, kiṁ majjhe, kiṁ pariyosānanti?
pli-tv-pvr8:10.13	Daṇḍasikkāsammutiyā vatthu ca puggalo ca ādi, ñatti majjhe, kammavācā pariyosānaṁ.
pli-tv-pvr8:11.1	Uposathādipucchāvissajjanā niṭṭhitā.
pli-tv-pvr9:0.1	Parivāra
pli-tv-pvr9:0.2	9. Atthavasapakaraṇa
pli-tv-pvr9:1.1	Dasa atthavase paṭicca tathāgatena sāvakānaṁ sikkhāpadaṁ paññattaṁ—
pli-tv-pvr9:1.2	saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā vinayānuggahāya.
pli-tv-pvr9:2.1	Yaṁ saṅghasuṭṭhu taṁ saṅghaphāsu.
pli-tv-pvr9:2.2	Yaṁ saṅghaphāsu taṁ dummaṅkūnaṁ puggalānaṁ niggahāya.
pli-tv-pvr9:2.3	Yaṁ dummaṅkūnaṁ puggalānaṁ niggahāya taṁ pesalānaṁ bhikkhūnaṁ phāsuvihārāya.
pli-tv-pvr9:2.4	Yaṁ pesalānaṁ bhikkhūnaṁ phāsuvihārāya taṁ diṭṭhadhammikānaṁ āsavānaṁ saṁvarāya.
pli-tv-pvr9:2.5	Yaṁ diṭṭhadhammikānaṁ āsavānaṁ saṁvarāya taṁ samparāyikānaṁ āsavānaṁ paṭighātāya.
pli-tv-pvr9:2.6	Yaṁ samparāyikānaṁ āsavānaṁ paṭighātāya taṁ appasannānaṁ pasādāya.
pli-tv-pvr9:2.7	Yaṁ appasannānaṁ pasādāya taṁ pasannānaṁ bhiyyobhāvāya.
pli-tv-pvr9:2.8	Yaṁ pasannānaṁ bhiyyobhāvāya taṁ saddhammaṭṭhitiyā.
pli-tv-pvr9:2.9	Yaṁ saddhammaṭṭhitiyā taṁ vinayānuggahāya.
pli-tv-pvr9:3.1	Yaṁ saṅghasuṭṭhu taṁ saṅghaphāsu.
pli-tv-pvr9:3.2	Yaṁ saṅghasuṭṭhu taṁ dummaṅkūnaṁ puggalānaṁ niggahāya.
pli-tv-pvr9:3.3	Yaṁ saṅghasuṭṭhu taṁ pesalānaṁ bhikkhūnaṁ phāsuvihārāya.
pli-tv-pvr9:3.4	Yaṁ saṅghasuṭṭhu taṁ diṭṭhadhammikānaṁ āsavānaṁ saṁvarāya.
pli-tv-pvr9:3.5	Yaṁ saṅghasuṭṭhu taṁ samparāyikānaṁ āsavānaṁ paṭighātāya.
pli-tv-pvr9:3.6	Yaṁ saṅghasuṭṭhu taṁ appasannānaṁ pasādāya.
pli-tv-pvr9:3.7	Yaṁ saṅghasuṭṭhu taṁ pasannānaṁ bhiyyobhāvāya.
pli-tv-pvr9:3.8	Yaṁ saṅghasuṭṭhu taṁ saddhammaṭṭhitiyā.
pli-tv-pvr9:3.9	Yaṁ saṅghasuṭṭhu taṁ vinayānuggahāya.
pli-tv-pvr9:4.1	Yaṁ saṅghaphāsu taṁ dummaṅkūnaṁ puggalānaṁ niggahāya.
pli-tv-pvr9:4.2	Yaṁ saṅghaphāsu taṁ pesalānaṁ bhikkhūnaṁ phāsuvihārāya.
pli-tv-pvr9:4.3	Yaṁ saṅghaphāsu taṁ diṭṭhadhammikānaṁ āsavānaṁ saṁvarāya.
pli-tv-pvr9:4.4	Yaṁ saṅghaphāsu taṁ samparāyikānaṁ āsavānaṁ paṭighātāya.
pli-tv-pvr9:4.5	Yaṁ saṅghaphāsu taṁ appasannānaṁ pasādāya.
pli-tv-pvr9:4.6	Yaṁ saṅghaphāsu taṁ pasannānaṁ bhiyyobhāvāya.
pli-tv-pvr9:4.7	Yaṁ saṅghaphāsu taṁ saddhammaṭṭhitiyā.
pli-tv-pvr9:4.8	Yaṁ saṅghaphāsu taṁ vinayānuggahāya.
pli-tv-pvr9:4.9	Yaṁ saṅghaphāsu taṁ saṅghasuṭṭhu.
pli-tv-pvr9:5.1	Yaṁ dummaṅkūnaṁ puggalānaṁ niggahāya …pe…
pli-tv-pvr9:5.2	yaṁ pesalānaṁ bhikkhūnaṁ phāsuvihārāya …
pli-tv-pvr9:5.3	yaṁ diṭṭhadhammikānaṁ āsavānaṁ saṁvarāya …
pli-tv-pvr9:5.4	yaṁ samparāyikānaṁ āsavānaṁ paṭighātāya …
pli-tv-pvr9:5.5	yaṁ appasannānaṁ pasādāya …
pli-tv-pvr9:5.6	yaṁ pasannānaṁ bhiyyobhāvāya …
pli-tv-pvr9:5.7	yaṁ saddhammaṭṭhitiyā …
pli-tv-pvr9:5.8	yaṁ vinayānuggahāya taṁ saṅghasuṭṭhu.
pli-tv-pvr9:5.9	Yaṁ vinayānuggahāya taṁ saṅghaphāsu.
pli-tv-pvr9:5.10	Yaṁ vinayānuggahāya taṁ dummaṅkūnaṁ puggalānaṁ niggahāya.
pli-tv-pvr9:5.11	Yaṁ vinayānuggahāya taṁ pesalānaṁ bhikkhūnaṁ phāsuvihārāya.
pli-tv-pvr9:5.12	Yaṁ vinayānuggahāya taṁ diṭṭhadhammikānaṁ āsavānaṁ saṁvarāya.
pli-tv-pvr9:5.13	Yaṁ vinayānuggahāya taṁ samparāyikānaṁ āsavānaṁ paṭighātāya.
pli-tv-pvr9:5.14	Yaṁ vinayānuggahāya taṁ appasannānaṁ pasādāya.
pli-tv-pvr9:5.15	Yaṁ vinayānuggahāya taṁ pasannānaṁ bhiyyobhāvāya.
pli-tv-pvr9:5.16	Yaṁ vinayānuggahāya taṁ saddhammaṭṭhitiyāti.
pli-tv-pvr9:6.1	Atthasataṁ dhammasataṁ,
pli-tv-pvr9:6.2	dve ca niruttisatāni;
pli-tv-pvr9:6.3	Cattāri ñāṇasatāni,
pli-tv-pvr9:6.4	atthavase pakaraṇeti.
pli-tv-pvr9:7.1	Atthavasapakaraṇaṁ niṭṭhitaṁ.
pli-tv-pvr9:7.2	Mahāvaggo niṭṭhito.
pli-tv-pvr9:8.1	Tassuddānaṁ
pli-tv-pvr9:9.1	Paṭhamaṁ aṭṭhapucchāyaṁ,
pli-tv-pvr9:9.2	paccayesu punaṭṭha ca;
pli-tv-pvr9:9.3	Bhikkhūnaṁ soḷasa ete,
pli-tv-pvr9:9.4	bhikkhunīnañca soḷasa.
pli-tv-pvr9:10.1	Peyyālaantarā bhedā,
pli-tv-pvr9:10.2	ekuttarikameva ca;
pli-tv-pvr9:10.3	Pavāraṇatthavasikā,
pli-tv-pvr9:10.4	mahāvaggassa saṅgahoti.
pli-tv-pvr9:11.1	Atthavasapakaraṇaṁ niṭṭhitaṁ.
pli-tv-pvr10:0.1	Parivāra
pli-tv-pvr10:0.2	10. Gāthāsaṅgaṇika
pli-tv-pvr10:0.3	1. Sattanagaresupaññattasikkhāpada
pli-tv-pvr10:1.1	“Ekaṁsaṁ cīvaraṁ katvā,
pli-tv-pvr10:1.2	paggaṇhitvāna añjaliṁ;
pli-tv-pvr10:1.3	Āsīsamānarūpova,
pli-tv-pvr10:1.4	kissa tvaṁ idha māgato”.
pli-tv-pvr10:2.1	“Dvīsu vinayesu ye paññattā,
pli-tv-pvr10:2.2	Uddesaṁ āgacchanti uposathesu;
pli-tv-pvr10:2.3	Kati te sikkhāpadā honti,
pli-tv-pvr10:2.4	Katisu nagaresu paññattā”.
pli-tv-pvr10:3.1	“Bhaddako te ummaṅgo,
pli-tv-pvr10:3.2	yoniso paripucchasi;
pli-tv-pvr10:3.3	Taggha te ahamakkhissaṁ,
pli-tv-pvr10:3.4	yathāsi kusalo tathā”.
pli-tv-pvr10:4.1	“Dvīsu vinayesu ye paññattā,
pli-tv-pvr10:4.2	Uddesaṁ āgacchanti uposathesu;
pli-tv-pvr10:4.3	Aḍḍhuḍḍhasatāni te honti,
pli-tv-pvr10:4.4	Sattasu nagaresu paññattā”.
pli-tv-pvr10:5.1	“Katamesu sattasu nagaresu paññattā,
pli-tv-pvr10:5.2	Iṅgha me tvaṁ byākara naṁ;
pli-tv-pvr10:5.3	Taṁ vacanapathaṁ nisāmayitvā,
pli-tv-pvr10:5.4	Paṭipajjema hitāya no siyā”.
pli-tv-pvr10:6.1	“Vesāliyaṁ rājagahe,
pli-tv-pvr10:6.2	sāvatthiyañca āḷaviyaṁ;
pli-tv-pvr10:6.3	Kosambiyañca sakkesu,
pli-tv-pvr10:6.4	bhaggesu ceva paññattā”.
pli-tv-pvr10:7.1	“Kati vesāliyaṁ paññattā,
pli-tv-pvr10:7.2	kati rājagahe katā;
pli-tv-pvr10:7.3	Sāvatthiyaṁ kati honti,
pli-tv-pvr10:7.4	kati āḷaviyaṁ katā”.
pli-tv-pvr10:8.1	“Kati kosambiyaṁ paññattā,
pli-tv-pvr10:8.2	kati sakkesu vuccanti;
pli-tv-pvr10:8.3	Kati bhaggesu paññattā,
pli-tv-pvr10:8.4	taṁ me akkhāhi pucchito”.
pli-tv-pvr10:9.1	“Dasa vesāliyaṁ paññattā,
pli-tv-pvr10:9.2	Ekavīsa rājagahe katā;
pli-tv-pvr10:9.3	Chaūna tīṇisatāni,
pli-tv-pvr10:9.4	Sabbe sāvatthiyaṁ katā.
pli-tv-pvr10:10.1	Cha āḷaviyaṁ paññattā,
pli-tv-pvr10:10.2	aṭṭha kosambiyaṁ katā;
pli-tv-pvr10:10.3	Aṭṭha sakkesu vuccanti,
pli-tv-pvr10:10.4	tayo bhaggesu paññattā.
pli-tv-pvr10:11.1	Ye vesāliyaṁ paññattā,
pli-tv-pvr10:11.2	te suṇohi yathātathaṁ;
pli-tv-pvr10:11.3	Methunaviggahuttari,
pli-tv-pvr10:11.4	atirekañca kāḷakaṁ.
pli-tv-pvr10:12.1	Bhūtaṁ paramparabhattaṁ,
pli-tv-pvr10:12.2	dantaponena acelako;
pli-tv-pvr10:12.3	Bhikkhunīsu ca akkoso,
pli-tv-pvr10:12.4	dasete vesāliyaṁ katā.
pli-tv-pvr10:13.1	Ye rājagahe paññattā,
pli-tv-pvr10:13.2	Te suṇohi yathātathaṁ;
pli-tv-pvr10:13.3	Adinnādānaṁ rājagahe,
pli-tv-pvr10:13.4	Dve anuddhaṁsanā dvepi ca bhedā.
pli-tv-pvr10:14.1	Antaravāsakaṁ rūpiyaṁ suttaṁ,
pli-tv-pvr10:14.2	Ujjhāpanena ca pācitapiṇḍaṁ;
pli-tv-pvr10:14.3	Gaṇabhojanaṁ vikāle ca,
pli-tv-pvr10:14.4	Cārittaṁ nahānaṁ ūnavīsati.
pli-tv-pvr10:15.1	Cīvaraṁ datvā vosāsanti,
pli-tv-pvr10:15.2	Ete rājagahe katā;
pli-tv-pvr10:15.3	Giraggacariyā tattheva,
pli-tv-pvr10:15.4	Chandadānena ekavīsati.
pli-tv-pvr10:16.1	Ye sāvatthiyaṁ paññattā,
pli-tv-pvr10:16.2	Te suṇohi yathātathaṁ;
pli-tv-pvr10:16.3	Pārājikāni cattāri,
pli-tv-pvr10:16.4	Saṅghādisesā bhavanti soḷasa.
pli-tv-pvr10:17.1	Aniyatā ca dve honti,
pli-tv-pvr10:17.2	nissaggiyā catuvīsati;
pli-tv-pvr10:17.3	Chapaññāsasatañceva,
pli-tv-pvr10:17.4	khuddakāni pavuccanti.
pli-tv-pvr10:18.1	Dasayeva ca gārayhā,
pli-tv-pvr10:18.2	dvesattati ca sekhiyā;
pli-tv-pvr10:18.3	Chaūna tīṇisatāni,
pli-tv-pvr10:18.4	sabbe sāvatthiyaṁ katā.
pli-tv-pvr10:19.1	Ye āḷaviyaṁ paññattā,
pli-tv-pvr10:19.2	te suṇohi yathātathaṁ;
pli-tv-pvr10:19.3	Kuṭikosiyaseyyā ca,
pli-tv-pvr10:19.4	khaṇane gaccha devate;
pli-tv-pvr10:19.5	Sappāṇakañca siñcanti,
pli-tv-pvr10:19.6	cha ete āḷaviyaṁ katā.
pli-tv-pvr10:20.1	Ye kosambiyaṁ paññattā,
pli-tv-pvr10:20.2	te suṇohi yathātathaṁ;
pli-tv-pvr10:20.3	Mahāvihāro dovacassaṁ,
pli-tv-pvr10:20.4	aññaṁ dvāraṁ surāya ca;
pli-tv-pvr10:20.5	Anādariyaṁ sahadhammo,
pli-tv-pvr10:20.6	payopānena aṭṭhamaṁ.
pli-tv-pvr10:21.1	Ye sakkesu paññattā,
pli-tv-pvr10:21.2	te suṇohi yathātathaṁ;
pli-tv-pvr10:21.3	Eḷakalomāni patto ca,
pli-tv-pvr10:21.4	ovādo ceva bhesajjaṁ.
pli-tv-pvr10:22.1	Sūci āraññiko ceva,
pli-tv-pvr10:22.2	aṭṭhete kāpilavatthave;
pli-tv-pvr10:22.3	Udakasuddhiyā ovādo,
pli-tv-pvr10:22.4	bhikkhunīsu pavuccanti.
pli-tv-pvr10:23.1	Ye bhaggesu paññattā,
pli-tv-pvr10:23.2	te suṇohi yathātathaṁ;
pli-tv-pvr10:23.3	Samādahitvā visibbenti,
pli-tv-pvr10:23.4	sāmisena sasitthakaṁ.
pli-tv-pvr10:24.1	Pārājikāni cattāri,
pli-tv-pvr10:24.2	saṅghādisesāni bhavanti;
pli-tv-pvr10:24.3	Satta ca nissaggiyāni,
pli-tv-pvr10:24.4	aṭṭha dvattiṁsa khuddakā.
pli-tv-pvr10:25.1	Dve gārayhā tayo sekkhā,
pli-tv-pvr10:25.2	chappaññāsa sikkhāpadā;
pli-tv-pvr10:25.3	Chasu nagaresu paññattā,
pli-tv-pvr10:25.4	buddhenādiccabandhunā.
pli-tv-pvr10:26.1	Chaūna tīṇisatāni,
pli-tv-pvr10:26.2	sabbe sāvatthiyaṁ katā;
pli-tv-pvr10:26.3	Kāruṇikena buddhena,
pli-tv-pvr10:26.4	gotamena yasassinā”.
pli-tv-pvr10:27.0	2. Catuvipatti
pli-tv-pvr10:27.1	“Yaṁ taṁ pucchimha akittayi no,
pli-tv-pvr10:27.2	Taṁ taṁ byākataṁ anaññathā;
pli-tv-pvr10:27.3	Aññaṁ taṁ pucchāmi tadiṅgha brūhi,
pli-tv-pvr10:27.4	Garuka lahukañcāpi sāvasesaṁ;
pli-tv-pvr10:27.5	Anavasesaṁ duṭṭhullañca aduṭṭhullaṁ,
pli-tv-pvr10:27.6	Ye ca yāvatatiyakā.
pli-tv-pvr10:28.1	Sādhāraṇaṁ asādhāraṇaṁ,
pli-tv-pvr10:28.2	Vibhattiyo ca yehi samathehi sammanti;
pli-tv-pvr10:28.3	Sabbānipetāni viyākarohi,
pli-tv-pvr10:28.4	Handa vākyaṁ suṇoma te”.
pli-tv-pvr10:29.1	“Ekatiṁsā ye garukā,
pli-tv-pvr10:29.2	Aṭṭhettha anavasesā;
pli-tv-pvr10:29.3	Ye garukā te duṭṭhullā,
pli-tv-pvr10:29.4	Ye duṭṭhullā sā sīlavipatti;
pli-tv-pvr10:29.5	Pārājikaṁ saṅghādiseso,
pli-tv-pvr10:29.6	‘Sīlavipattī’ti vuccati.
pli-tv-pvr10:30.1	Thullaccayaṁ pācittiyā,
pli-tv-pvr10:30.2	Pāṭidesanīyaṁ dukkaṭaṁ;
pli-tv-pvr10:30.3	Dubbhāsitaṁ yo cāyaṁ,
pli-tv-pvr10:30.4	Akkosati hasādhippāyo;
pli-tv-pvr10:30.5	Ayaṁ sā ācāravipattisammatā.
pli-tv-pvr10:31.1	Viparītadiṭṭhiṁ gaṇhanti,
pli-tv-pvr10:31.2	Asaddhammehi purakkhatā;
pli-tv-pvr10:31.3	Abbhācikkhanti sambuddhaṁ,
pli-tv-pvr10:31.4	Duppaññā mohapārutā;
pli-tv-pvr10:31.5	Ayaṁ sā diṭṭhivipattisammatā.
pli-tv-pvr10:32.1	Ājīvahetu ājīvakāraṇā pāpiccho icchāpakato asantaṁ abhūtaṁ uttarimanussadhammaṁ ullapati, ājīvahetu ājīvakāraṇā sañcarittaṁ samāpajjati, ājīvahetu ājīvakāraṇā ‘yo te vihāre vasati, so bhikkhu arahā’ti bhaṇati, ājīvahetu ājīvakāraṇā bhikkhu paṇītabhojanāni attano atthāya viññāpetvā bhuñjati, ājīvahetu ājīvakāraṇā bhikkhunī paṇītabhojanāni attano atthāya viññāpetvā bhuñjati, ājīvahetu ājīvakāraṇā sūpaṁ vā odanaṁ vā agilāno attano atthāya viññāpetvā bhuñjati.
pli-tv-pvr10:32.2	Ayaṁ sā ājīvavipatti sammatā.
pli-tv-pvr10:33.1	Ekādasa yāvatatiyakā,
pli-tv-pvr10:33.2	Te suṇohi yathātathaṁ;
pli-tv-pvr10:33.3	Ukkhittānuvattikā,
pli-tv-pvr10:33.4	Aṭṭha yāvatatiyakā;
pli-tv-pvr10:33.5	Ariṭṭho caṇḍakāḷī ca,
pli-tv-pvr10:33.6	Ime te yāvatatiyakā”.
pli-tv-pvr10:34.0	3. Chedanakādi
pli-tv-pvr10:34.1	“Kati chedanakāni?
pli-tv-pvr10:34.2	Kati bhedanakāni?
pli-tv-pvr10:34.3	Kati uddālanakāni?
pli-tv-pvr10:34.4	Kati anaññapācittiyāni?
pli-tv-pvr10:34.5	Kati bhikkhusammutiyo?
pli-tv-pvr10:34.6	Kati sāmīciyo?
pli-tv-pvr10:34.7	Kati paramāni?
pli-tv-pvr10:35.1	Kati jānanti paññattā,
pli-tv-pvr10:35.2	buddhenādiccabandhunā”.
pli-tv-pvr10:36.1	“Cha chedanakāni.
pli-tv-pvr10:36.2	Ekaṁ bhedanakaṁ.
pli-tv-pvr10:36.3	Ekaṁ uddālanakaṁ.
pli-tv-pvr10:36.4	Cattāri anaññapācittiyāni.
pli-tv-pvr10:36.5	Catasso bhikkhusammutiyo.
pli-tv-pvr10:36.6	Satta sāmīciyo.
pli-tv-pvr10:36.7	Cuddasa paramāni.
pli-tv-pvr10:37.1	Sodasa jānanti paññattā,
pli-tv-pvr10:37.2	buddhenādiccabandhunā”.
pli-tv-pvr10:38.0	4. Asādhāraṇādi
pli-tv-pvr10:38.1	“Vīsaṁ dve satāni,
pli-tv-pvr10:38.2	Bhikkhūnaṁ sikkhāpadāni;
pli-tv-pvr10:38.3	Uddesaṁ āgacchanti uposathesu,
pli-tv-pvr10:38.4	Tīṇi satāni cattāri;
pli-tv-pvr10:38.5	Bhikkhunīnaṁ sikkhāpadāni,
pli-tv-pvr10:38.6	Uddesaṁ āgacchanti uposathesu.
pli-tv-pvr10:39.1	Chacattārīsā bhikkhūnaṁ,
pli-tv-pvr10:39.2	bhikkhunīhi asādhāraṇā;
pli-tv-pvr10:39.3	Sataṁ tiṁsā ca bhikkhunīnaṁ,
pli-tv-pvr10:39.4	bhikkhūhi asādhāraṇā.
pli-tv-pvr10:40.1	Sataṁ sattati chacceva,
pli-tv-pvr10:40.2	ubhinnaṁ asādhāraṇā;
pli-tv-pvr10:40.3	Sataṁ sattati cattāri,
pli-tv-pvr10:40.4	ubhinnaṁ samasikkhatā.
pli-tv-pvr10:41.1	Vīsaṁ dve satāni,
pli-tv-pvr10:41.2	Bhikkhūnaṁ sikkhāpadāni;
pli-tv-pvr10:41.3	Uddesaṁ āgacchanti uposathesu,
pli-tv-pvr10:41.4	Te suṇohi yathātathaṁ.
pli-tv-pvr10:42.1	Pārājikāni cattāri,
pli-tv-pvr10:42.2	Saṅghādisesāni bhavanti terasa;
pli-tv-pvr10:42.3	Aniyatā dve honti.
pli-tv-pvr10:43.1	Nissaggiyāni tiṁseva,
pli-tv-pvr10:43.2	dvenavuti ca khuddakā;
pli-tv-pvr10:43.3	Cattāro pāṭidesanīyā,
pli-tv-pvr10:43.4	pañcasattati sekhiyā.
pli-tv-pvr10:44.1	Vīsaṁ dve satāni cime honti,
pli-tv-pvr10:44.2	Bhikkhūnaṁ sikkhāpadāni;
pli-tv-pvr10:44.3	Uddesaṁ āgacchanti uposathesu.
pli-tv-pvr10:45.1	Tīṇi satāni cattāri,
pli-tv-pvr10:45.2	Bhikkhunīnaṁ sikkhāpadāni;
pli-tv-pvr10:45.3	Uddesaṁ āgacchanti uposathesu,
pli-tv-pvr10:45.4	Te suṇohi yathātathaṁ.
pli-tv-pvr10:46.1	Pārājikāni aṭṭha,
pli-tv-pvr10:46.2	Saṅghādisesāni bhavanti sattarasa;
pli-tv-pvr10:46.3	Nissaggiyāni tiṁseva,
pli-tv-pvr10:46.4	Sataṁ saṭṭhi cha ceva;
pli-tv-pvr10:46.5	Khuddakāni pavuccanti.
pli-tv-pvr10:47.1	Aṭṭha pāṭidesanīyā,
pli-tv-pvr10:47.2	Pañcasattati sekhiyā;
pli-tv-pvr10:47.3	Tīṇi satāni cattāri cime honti,
pli-tv-pvr10:47.4	Bhikkhunīnaṁ sikkhāpadāni;
pli-tv-pvr10:47.5	Uddesaṁ āgacchanti uposathesu.
pli-tv-pvr10:48.1	Chacattārīsā bhikkhūnaṁ,
pli-tv-pvr10:48.2	bhikkhunīhi asādhāraṇā;
pli-tv-pvr10:48.3	Te suṇohi yathātathaṁ.
pli-tv-pvr10:49.1	Cha saṅghādisesā,
pli-tv-pvr10:49.2	dve aniyatehi aṭṭha;
pli-tv-pvr10:49.3	Nissaggiyāni dvādasa,
pli-tv-pvr10:49.4	tehi te honti vīsati.
pli-tv-pvr10:50.1	Dvevīsati khuddakā,
pli-tv-pvr10:50.2	Caturo pāṭidesanīyā;
pli-tv-pvr10:50.3	Chacattārīsā cime honti,
pli-tv-pvr10:50.4	Bhikkhūnaṁ bhikkhunīhi asādhāraṇā.
pli-tv-pvr10:51.1	Sataṁ tiṁsā ca bhikkhunīnaṁ,
pli-tv-pvr10:51.2	bhikkhūhi asādhāraṇā;
pli-tv-pvr10:51.3	Te suṇohi yathātathaṁ.
pli-tv-pvr10:52.1	Pārājikāni cattāri,
pli-tv-pvr10:52.2	saṅghamhā dasa nissare;
pli-tv-pvr10:52.3	Nissaggiyāni dvādasa,
pli-tv-pvr10:52.4	channavuti ca khuddakā;
pli-tv-pvr10:52.5	Aṭṭha pāṭidesanīyā.
pli-tv-pvr10:53.1	Sataṁ tiṁsā cime honti,
pli-tv-pvr10:53.2	Bhikkhunīnaṁ bhikkhūhi asādhāraṇā;
pli-tv-pvr10:53.3	Sataṁ sattati chacceva,
pli-tv-pvr10:53.4	Ubhinnaṁ asādhāraṇā;
pli-tv-pvr10:53.5	Te suṇohi yathātathaṁ.
pli-tv-pvr10:54.1	Pārājikāni cattāri,
pli-tv-pvr10:54.2	Saṅghādisesāni bhavanti soḷasa;
pli-tv-pvr10:54.3	Aniyatā dve honti,
pli-tv-pvr10:54.4	Nissaggiyāni catuvīsati;
pli-tv-pvr10:54.5	Sataṁ aṭṭhārasā ceva,
pli-tv-pvr10:54.6	Khuddakāni pavuccanti;
pli-tv-pvr10:54.7	Dvādasa pāṭidesanīyā.
pli-tv-pvr10:55.1	Sataṁ sattati chaccevime honti,
pli-tv-pvr10:55.2	Ubhinnaṁ asādhāraṇā;
pli-tv-pvr10:55.3	Sataṁ sattati cattāri,
pli-tv-pvr10:55.4	Ubhinnaṁ samasikkhatā;
pli-tv-pvr10:55.5	Te suṇohi yathātathaṁ.
pli-tv-pvr10:56.1	Pārājikāni cattāri,
pli-tv-pvr10:56.2	Saṅghādisesāni bhavanti satta;
pli-tv-pvr10:56.3	Nissaggiyāni aṭṭhārasa,
pli-tv-pvr10:56.4	Samasattati khuddakā;
pli-tv-pvr10:56.5	Pañcasattati sekhiyāni.
pli-tv-pvr10:57.1	Sataṁ sattati cattāri cime honti,
pli-tv-pvr10:57.2	Ubhinnaṁ samasikkhatā;
pli-tv-pvr10:57.3	Aṭṭheva pārājikā ye durāsadā,
pli-tv-pvr10:57.4	Tālavatthusamūpamā.
pli-tv-pvr10:58.1	Paṇḍupalāso puthusilā,
pli-tv-pvr10:58.2	sīsacchinnova so naro;
pli-tv-pvr10:58.3	Tālova matthakacchinno,
pli-tv-pvr10:58.4	aviruḷhī bhavanti te.
pli-tv-pvr10:59.1	Tevīsati saṅghādisesā,
pli-tv-pvr10:59.2	Dve aniyatā;
pli-tv-pvr10:59.3	Dve cattārīsa nissaggiyā,
pli-tv-pvr10:59.4	Aṭṭhāsītisataṁ pācittiyā;
pli-tv-pvr10:59.5	Dvādasa pāṭidesanīyā.
pli-tv-pvr10:60.1	Pañcasattati sekhiyā,
pli-tv-pvr10:60.2	tīhi samathehi sammanti;
pli-tv-pvr10:60.3	Sammukhā ca paṭiññāya,
pli-tv-pvr10:60.4	tiṇavatthārakena ca.
pli-tv-pvr10:61.1	Dve uposathā dve pavāraṇā,
pli-tv-pvr10:61.2	Cattāri kammāni jinena desitā;
pli-tv-pvr10:61.3	Pañceva uddesā caturo bhavanti,
pli-tv-pvr10:61.4	Anaññathā āpattikkhandhā ca bhavanti satta.
pli-tv-pvr10:62.1	Adhikaraṇāni cattāri,
pli-tv-pvr10:62.2	Sattahi samathehi sammanti;
pli-tv-pvr10:62.3	Dvīhi catūhi tīhi,
pli-tv-pvr10:62.4	Kiccaṁ ekena sammati”.
pli-tv-pvr10:63.0	5. Pārājikādiāpatti
pli-tv-pvr10:63.1	“Pārājikan”ti yaṁ vuttaṁ,
pli-tv-pvr10:63.2	taṁ suṇohi yathātathaṁ;
pli-tv-pvr10:63.3	Cuto paraddho bhaṭṭho ca,
pli-tv-pvr10:63.4	saddhammā hi niraṅkato;
pli-tv-pvr10:63.5	Saṁvāsopi tahiṁ natthi,
pli-tv-pvr10:63.6	tenetaṁ iti vuccati.
pli-tv-pvr10:64.1	“Saṅghādiseso”ti yaṁ vuttaṁ,
pli-tv-pvr10:64.2	taṁ suṇohi yathātathaṁ;
pli-tv-pvr10:64.3	Saṅghova deti parivāsaṁ,
pli-tv-pvr10:64.4	mūlāya paṭikassati;
pli-tv-pvr10:64.5	Mānattaṁ deti abbheti,
pli-tv-pvr10:64.6	tenetaṁ iti vuccati.
pli-tv-pvr10:65.1	“Aniyato”ti yaṁ vuttaṁ,
pli-tv-pvr10:65.2	taṁ suṇohi yathātathaṁ;
pli-tv-pvr10:65.3	Aniyato na niyato,
pli-tv-pvr10:65.4	anekaṁsikataṁ padaṁ;
pli-tv-pvr10:65.5	Tiṇṇamaññataraṁ ṭhānaṁ,
pli-tv-pvr10:65.6	“aniyato”ti pavuccati.
pli-tv-pvr10:66.1	“Thullaccayan”ti yaṁ vuttaṁ,
pli-tv-pvr10:66.2	taṁ suṇohi yathātathaṁ;
pli-tv-pvr10:66.3	Ekassa mūle yo deseti,
pli-tv-pvr10:66.4	yo ca taṁ paṭigaṇhati;
pli-tv-pvr10:66.5	Accayo tena samo natthi,
pli-tv-pvr10:66.6	tenetaṁ iti vuccati.
pli-tv-pvr10:67.1	“Nissaggiyan”ti yaṁ vuttaṁ,
pli-tv-pvr10:67.2	taṁ suṇohi yathātathaṁ;
pli-tv-pvr10:67.3	Saṅghamajjhe gaṇamajjhe,
pli-tv-pvr10:67.4	ekasseva ca ekato;
pli-tv-pvr10:67.5	Nissajjitvāna deseti,
pli-tv-pvr10:67.6	tenetaṁ iti vuccati.
pli-tv-pvr10:68.1	“Pācittiyan”ti yaṁ vuttaṁ,
pli-tv-pvr10:68.2	Taṁ suṇohi yathātathaṁ;
pli-tv-pvr10:68.3	Pāteti kusalaṁ dhammaṁ,
pli-tv-pvr10:68.4	Ariyamaggaṁ aparajjhati;
pli-tv-pvr10:68.5	Cittasammohanaṭṭhānaṁ,
pli-tv-pvr10:68.6	Tenetaṁ iti vuccati.
pli-tv-pvr10:69.1	“Pāṭidesanīyan”ti yaṁ vuttaṁ,
pli-tv-pvr10:69.2	Taṁ suṇohi yathātathaṁ;
pli-tv-pvr10:69.3	Bhikkhu aññātako santo,
pli-tv-pvr10:69.4	Kicchā laddhāya bhojanaṁ;
pli-tv-pvr10:69.5	Sāmaṁ gahetvā bhuñjeyya,
pli-tv-pvr10:69.6	“Gārayhan”ti pavuccati.
pli-tv-pvr10:70.1	Nimantanāsu bhuñjantā chandāya,
pli-tv-pvr10:70.2	Vosāsati tattha bhikkhuniṁ;
pli-tv-pvr10:70.3	Anivāretvā tahiṁ bhuñje,
pli-tv-pvr10:70.4	“Gārayhan”ti pavuccati.
pli-tv-pvr10:71.1	Saddhācittaṁ kulaṁ gantvā,
pli-tv-pvr10:71.2	appabhogaṁ anāḷiyaṁ;
pli-tv-pvr10:71.3	Agilāno tahiṁ bhuñje,
pli-tv-pvr10:71.4	“gārayhan”ti pavuccati.
pli-tv-pvr10:72.1	Yo ce araññe viharanto,
pli-tv-pvr10:72.2	sāsaṅke sabhayānake;
pli-tv-pvr10:72.3	Aviditaṁ tahiṁ bhuñje,
pli-tv-pvr10:72.4	“gārayhan”ti pavuccati.
pli-tv-pvr10:73.1	Bhikkhunī aññātikā santā,
pli-tv-pvr10:73.2	Yaṁ paresaṁ mamāyitaṁ;
pli-tv-pvr10:73.3	Sappi telaṁ madhuṁ phāṇitaṁ,
pli-tv-pvr10:73.4	Macchamaṁsaṁ atho khīraṁ;
pli-tv-pvr10:73.5	Dadhiṁ sayaṁ viññāpeyya bhikkhunī,
pli-tv-pvr10:73.6	Gārayhapattā sugatassa sāsane.
pli-tv-pvr10:74.1	“Dukkaṭan”ti yaṁ vuttaṁ,
pli-tv-pvr10:74.2	taṁ suṇohi yathātathaṁ;
pli-tv-pvr10:74.3	Aparaddhaṁ viraddhañca,
pli-tv-pvr10:74.4	khalitaṁ yañca dukkaṭaṁ.
pli-tv-pvr10:75.1	Yaṁ manusso kare pāpaṁ,
pli-tv-pvr10:75.2	āvi vā yadi vā raho;
pli-tv-pvr10:75.3	“Dukkaṭan”ti pavedenti,
pli-tv-pvr10:75.4	tenetaṁ iti vuccati.
pli-tv-pvr10:76.1	“Dubbhāsitan”ti yaṁ vuttaṁ,
pli-tv-pvr10:76.2	taṁ suṇohi yathātathaṁ;
pli-tv-pvr10:76.3	Dubbhāsitaṁ durābhaṭṭhaṁ,
pli-tv-pvr10:76.4	saṅkiliṭṭhañca yaṁ padaṁ;
pli-tv-pvr10:76.5	Yañca viññū garahanti,
pli-tv-pvr10:76.6	tenetaṁ iti vuccati.
pli-tv-pvr10:77.1	“Sekhiyan”ti yaṁ vuttaṁ,
pli-tv-pvr10:77.2	taṁ suṇohi yathātathaṁ;
pli-tv-pvr10:77.3	Sekkhassa sikkhamānassa,
pli-tv-pvr10:77.4	ujumaggānusārino.
pli-tv-pvr10:78.1	Ādi cetaṁ caraṇañca,
pli-tv-pvr10:78.2	mukhaṁ saññamasaṁvaro;
pli-tv-pvr10:78.3	Sikkhā etādisī natthi,
pli-tv-pvr10:78.4	tenetaṁ iti vuccati.
pli-tv-pvr10:79.1	Channamativassati,
pli-tv-pvr10:79.2	vivaṭaṁ nātivassati;
pli-tv-pvr10:79.3	Tasmā channaṁ vivaretha,
pli-tv-pvr10:79.4	evaṁ taṁ nātivassati.
pli-tv-pvr10:80.1	Gati migānaṁ pavanaṁ,
pli-tv-pvr10:80.2	Ākāso pakkhinaṁ gati;
pli-tv-pvr10:80.3	Vibhavo gati dhammānaṁ,
pli-tv-pvr10:80.4	Nibbānaṁ arahato gatīti.
pli-tv-pvr10:81.1	Gāthāsaṅgaṇikaṁ niṭṭhitaṁ.
pli-tv-pvr10:82.1	Tassuddānaṁ
pli-tv-pvr10:83.1	Sattanagaresu paññattā,
pli-tv-pvr10:83.2	vipatti caturopi ca;
pli-tv-pvr10:83.3	Bhikkhūnaṁ bhikkhunīnañca,
pli-tv-pvr10:83.4	sādhāraṇā asādhāraṇā;
pli-tv-pvr10:83.5	Sāsanaṁ anuggahāya,
pli-tv-pvr10:83.6	gāthāsaṅgaṇikaṁ idanti.
pli-tv-pvr10:84.1	Gāthāsaṅgaṇikaṁ niṭṭhitaṁ.
pli-tv-pvr11:0.1	Parivāra
pli-tv-pvr11:0.2	11. Adhikaraṇabheda
pli-tv-pvr11:0.3	1. Ukkoṭanabhedādi
pli-tv-pvr11:1.1	Cattāri adhikaraṇāni.
pli-tv-pvr11:1.2	Vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ—
pli-tv-pvr11:1.3	imāni cattāri adhikaraṇāni.
pli-tv-pvr11:2.1	Imesaṁ catunnaṁ adhikaraṇānaṁ kati ukkoṭā?
pli-tv-pvr11:2.2	Imesaṁ catunnaṁ adhikaraṇānaṁ dasa ukkoṭā.
pli-tv-pvr11:2.3	Vivādādhikaraṇassa dve ukkoṭā, anuvādādhikaraṇassa cattāro ukkoṭā, āpattādhikaraṇassa tayo ukkoṭā, kiccādhikaraṇassa eko ukkoṭo—
pli-tv-pvr11:2.4	imesaṁ catunnaṁ adhikaraṇānaṁ ime dasa ukkoṭā.
pli-tv-pvr11:3.1	Vivādādhikaraṇaṁ ukkoṭento kati samathe ukkoṭeti?
pli-tv-pvr11:3.2	Anuvādādhikaraṇaṁ ukkoṭento kati samathe ukkoṭeti?
pli-tv-pvr11:3.3	Āpattādhikaraṇaṁ ukkoṭento kati samathe ukkoṭeti?
pli-tv-pvr11:3.4	Kiccādhikaraṇaṁ ukkoṭento kati samathe ukkoṭeti?
pli-tv-pvr11:4.1	Vivādādhikaraṇaṁ ukkoṭento dve samathe ukkoṭeti.
pli-tv-pvr11:4.2	Anuvādādhikaraṇaṁ ukkoṭento cattāro samathe ukkoṭeti.
pli-tv-pvr11:4.3	Āpattādhikaraṇaṁ ukkoṭento tayo samathe ukkoṭeti.
pli-tv-pvr11:4.4	Kiccādhikaraṇaṁ ukkoṭento ekaṁ samathaṁ ukkoṭeti.
pli-tv-pvr11:5.1	Kati ukkoṭā?
pli-tv-pvr11:5.2	Katihākārehi ukkoṭanaṁ pasavati?
pli-tv-pvr11:5.3	Katihaṅgehi samannāgato puggalo adhikaraṇaṁ ukkoṭeti?
pli-tv-pvr11:5.4	Kati puggalā adhikaraṇaṁ ukkoṭentā āpattiṁ āpajjanti?
pli-tv-pvr11:6.1	Dvādasa ukkoṭā.
pli-tv-pvr11:6.2	Dasahākārehi ukkoṭanaṁ pasavati.
pli-tv-pvr11:6.3	Catūhaṅgehi samannāgato puggalo adhikaraṇaṁ ukkoṭeti.
pli-tv-pvr11:6.4	Cattāro puggalā adhikaraṇaṁ ukkoṭentā āpattiṁ āpajjanti?
pli-tv-pvr11:7.1	Katame dvādasa ukkoṭā?
pli-tv-pvr11:7.2	Akataṁ kammaṁ, dukkaṭaṁ kammaṁ, puna kātabbaṁ kammaṁ, anihataṁ, dunnihataṁ, puna nihanitabbaṁ, avinicchitaṁ, duvinicchitaṁ, puna vinicchitabbaṁ, avūpasantaṁ, duvūpasantaṁ, puna vūpasametabbanti—
pli-tv-pvr11:7.3	ime dvādasa ukkoṭā.
pli-tv-pvr11:8.1	Katamehi dasahākārehi ukkoṭanaṁ pasavati?
pli-tv-pvr11:8.2	Tattha jātakaṁ adhikaraṇaṁ ukkoṭeti, tattha jātakaṁ vūpasantaṁ adhikaraṇaṁ ukkoṭeti, antarāmagge adhikaraṇaṁ ukkoṭeti, antarāmagge vūpasantaṁ adhikaraṇaṁ ukkoṭeti, tattha gataṁ adhikaraṇaṁ ukkoṭeti, tattha gataṁ vūpasantaṁ adhikaraṇaṁ ukkoṭeti, sativinayaṁ ukkoṭeti, amūḷhavinayaṁ ukkoṭeti, tassapāpiyasikaṁ ukkoṭeti, tiṇavatthārakaṁ ukkoṭeti—
pli-tv-pvr11:8.3	imehi dasahākārehi ukkoṭanaṁ pasavati.
pli-tv-pvr11:9.1	Katamehi catūhaṅgehi samannāgato puggalo adhikaraṇaṁ ukkoṭeti?
pli-tv-pvr11:9.2	Chandāgatiṁ gacchanto adhikaraṇaṁ ukkoṭeti, dosāgatiṁ gacchanto adhikaraṇaṁ ukkoṭeti, mohāgatiṁ gacchanto adhikaraṇaṁ ukkoṭeti, bhayāgatiṁ gacchanto adhikaraṇaṁ ukkoṭeti—
pli-tv-pvr11:9.3	imehi catūhaṅgehi samannāgato puggalo adhikaraṇaṁ ukkoṭeti.
pli-tv-pvr11:10.1	Katame cattāro puggalā adhikaraṇaṁ ukkoṭentā āpattiṁ āpajjanti?
pli-tv-pvr11:10.2	Tadahupasampanno ukkoṭeti ukkoṭanakaṁ pācittiyaṁ, āgantuko ukkoṭeti ukkoṭanakaṁ pācittiyaṁ, kārako ukkoṭeti ukkoṭanakaṁ pācittiyaṁ, chandadāyako ukkoṭeti ukkoṭanakaṁ pācittiyaṁ—
pli-tv-pvr11:10.3	ime cattāro puggalā adhikaraṇaṁ ukkoṭentā āpattiṁ āpajjanti.
pli-tv-pvr11:11.0	2. Adhikaraṇanidānādi
pli-tv-pvr11:11.1	Vivādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:11.2	Anuvādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:11.3	Āpattādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:11.4	Kiccādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:12.1	Vivādādhikaraṇaṁ vivādanidānaṁ vivādasamudayaṁ vivādajātikaṁ vivādapabhavaṁ vivādasambhāraṁ vivādasamuṭṭhānaṁ.
pli-tv-pvr11:12.2	Anuvādādhikaraṇaṁ anuvādanidānaṁ anuvādasamudayaṁ anuvādajātikaṁ anuvādapabhavaṁ anuvādasambhāraṁ anuvādasamuṭṭhānaṁ.
pli-tv-pvr11:12.3	Āpattādhikaraṇaṁ āpattinidānaṁ āpattisamudayaṁ āpattijātikaṁ āpattipabhavaṁ āpattisambhāraṁ āpattisamuṭṭhānaṁ.
pli-tv-pvr11:12.4	Kiccādhikaraṇaṁ kiccayanidānaṁ kiccayasamudayaṁ kiccayajātikaṁ kiccayapabhavaṁ kiccayasambhāraṁ kiccayasamuṭṭhānaṁ.
pli-tv-pvr11:13.1	Vivādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:13.2	Anuvādādhikaraṇaṁ …pe…
pli-tv-pvr11:13.3	āpattādhikaraṇaṁ …pe…
pli-tv-pvr11:13.4	kiccādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:14.1	Vivādādhikaraṇaṁ hetunidānaṁ, hetusamudayaṁ, hetujātikaṁ, hetupabhavaṁ, hetusambhāraṁ, hetusamuṭṭhānaṁ.
pli-tv-pvr11:14.2	Anuvādādhikaraṇaṁ …pe…
pli-tv-pvr11:14.3	āpattādhikaraṇaṁ …pe…
pli-tv-pvr11:14.4	kiccādhikaraṇaṁ hetunidānaṁ, hetusamudayaṁ, hetujātikaṁ, hetupabhavaṁ, hetusambhāraṁ, hetusamuṭṭhānaṁ.
pli-tv-pvr11:15.1	Vivādādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:15.2	Anuvādādhikaraṇaṁ …pe…
pli-tv-pvr11:15.3	āpattādhikaraṇaṁ …pe…
pli-tv-pvr11:15.4	kiccādhikaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:16.1	Vivādādhikaraṇaṁ paccayanidānaṁ, paccayasamudayaṁ, paccayajātikaṁ, paccayapabhavaṁ, paccayasambhāraṁ, paccayasamuṭṭhānaṁ.
pli-tv-pvr11:16.2	Anuvādādhikaraṇaṁ …pe…
pli-tv-pvr11:16.3	āpattādhikaraṇaṁ …pe…
pli-tv-pvr11:16.4	kiccādhikaraṇaṁ paccayanidānaṁ, paccayasamudayaṁ, paccayajātikaṁ, paccayapabhavaṁ, paccayasambhāraṁ, paccayasamuṭṭhānaṁ.
pli-tv-pvr11:17.0	3. Adhikaraṇamūlādi
pli-tv-pvr11:17.1	Catunnaṁ adhikaraṇānaṁ kati mūlāni, kati samuṭṭhānā?
pli-tv-pvr11:17.2	Catunnaṁ adhikaraṇānaṁ tettiṁsa mūlāni, tettiṁsa samuṭṭhānā.
pli-tv-pvr11:18.1	Catunnaṁ adhikaraṇānaṁ katamāni tettiṁsa mūlāni?
pli-tv-pvr11:18.2	Vivādādhikaraṇassa dvādasa mūlāni, anuvādādhikaraṇassa cuddasa mūlāni, āpattādhikaraṇassa cha mūlāni, kiccādhikaraṇassa ekaṁ mūlaṁ, saṅgho—
pli-tv-pvr11:18.3	catunnaṁ adhikaraṇānaṁ imāni tettiṁsa mūlāni.
pli-tv-pvr11:19.1	Catunnaṁ adhikaraṇānaṁ katame tettiṁsa samuṭṭhānā?
pli-tv-pvr11:19.2	Vivādādhikaraṇassa aṭṭhārasabhedakaravatthūni samuṭṭhānā, anuvādādhikaraṇassa catasso vipattiyo samuṭṭhānā, āpattādhikaraṇassa sattāpattikkhandhā samuṭṭhānā, kiccādhikaraṇassa cattāri kammāni samuṭṭhānā—
pli-tv-pvr11:19.3	catunnaṁ adhikaraṇānaṁ ime tettiṁsa samuṭṭhānā.
pli-tv-pvr11:20.0	4. Adhikaraṇapaccayāpatti
pli-tv-pvr11:20.1	Vivādādhikaraṇaṁ āpattānāpattīti?
pli-tv-pvr11:20.2	Vivādādhikaraṇaṁ na āpatti.
pli-tv-pvr11:20.3	Kiṁ pana vivādādhikaraṇapaccayā āpattiṁ āpajjeyyāti?
pli-tv-pvr11:20.4	Āma, vivādādhikaraṇapaccayā āpattiṁ āpajjeyya.
pli-tv-pvr11:20.5	Vivādādhikaraṇapaccayā kati āpattiyo āpajjati?
pli-tv-pvr11:20.6	Vivādādhikaraṇapaccayā dve āpattiyo āpajjati.
pli-tv-pvr11:20.7	Upasampannaṁ omasati, āpatti pācittiyassa;
pli-tv-pvr11:20.8	anupasampannaṁ omasati, āpatti dukkaṭassa—
pli-tv-pvr11:20.9	vivādādhikaraṇapaccayā imā dve āpattiyo āpajjati.
pli-tv-pvr11:21.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr11:21.2	Catunnaṁ adhikaraṇānaṁ katamaṁ adhikaraṇaṁ?
pli-tv-pvr11:21.3	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr11:21.4	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr11:21.5	Katihi adhikaraṇehi, katisu ṭhānesu, katihi samathehi sammanti?
pli-tv-pvr11:22.1	Tā āpattiyo catunnaṁ vipattīnaṁ ekaṁ vipattiṁ bhajanti—
pli-tv-pvr11:22.2	ācāravipattiṁ.
pli-tv-pvr11:22.3	Catunnaṁ adhikaraṇānaṁ, āpattādhikaraṇaṁ.
pli-tv-pvr11:22.4	Sattannaṁ āpattikkhandhānaṁ dvīhi āpattikkhandhehi saṅgahitā—
pli-tv-pvr11:22.5	siyā pācittiyāpattikkhandhena, siyā dukkaṭāpattikkhandhena.
pli-tv-pvr11:22.6	Channaṁ āpattisamuṭṭhānānaṁ tīhi samuṭṭhānehi samuṭṭhanti.
pli-tv-pvr11:22.7	Ekena adhikaraṇena—
pli-tv-pvr11:22.8	kiccādhikaraṇena;
pli-tv-pvr11:22.9	tīsu ṭhānesu—
pli-tv-pvr11:22.10	saṅghamajjhe, gaṇamajjhe, puggalassa santike;
pli-tv-pvr11:22.11	tīhi samathehi sammanti—
pli-tv-pvr11:22.12	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr11:23.1	Anuvādādhikaraṇaṁ āpattānāpattīti?
pli-tv-pvr11:23.2	Anuvādādhikaraṇaṁ na āpatti.
pli-tv-pvr11:23.3	Kiṁ pana anuvādādhikaraṇapaccayā āpattiṁ āpajjeyyāti?
pli-tv-pvr11:23.4	Āma, anuvādādhikaraṇapaccayā āpattiṁ āpajjeyya.
pli-tv-pvr11:23.5	Anuvādādhikaraṇapaccayā, kati āpattiyo āpajjati?
pli-tv-pvr11:23.6	Anuvādādhikaraṇapaccayā tisso āpattiyo āpajjati.
pli-tv-pvr11:23.7	Bhikkhuṁ amūlakena pārājikena dhammena anuddhaṁseti, āpatti saṅghādisesassa;
pli-tv-pvr11:23.8	amūlakena saṅghādisesena anuddhaṁseti, āpatti pācittiyassa;
pli-tv-pvr11:23.9	amūlikāya ācāravipattiyā anuddhaṁseti, āpatti dukkaṭassa—
pli-tv-pvr11:23.10	anuvādādhikaraṇapaccayā imā tisso āpattiyo āpajjati.
pli-tv-pvr11:24.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr11:24.2	Catunnaṁ adhikaraṇānaṁ katamaṁ adhikaraṇaṁ?
pli-tv-pvr11:24.3	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr11:24.4	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr11:24.5	Katihi adhikaraṇehi, katisu ṭhānesu, katihi samathehi sammanti?
pli-tv-pvr11:25.1	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr11:25.2	siyā sīlavipattiṁ, siyā ācāravipattiṁ.
pli-tv-pvr11:25.3	Catunnaṁ adhikaraṇānaṁ, āpattādhikaraṇaṁ.
pli-tv-pvr11:25.4	Sattannaṁ āpattikkhandhānaṁ tīhi āpattikkhandhehi saṅgahitā—
pli-tv-pvr11:25.5	siyā saṅghādisesāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr11:25.6	Channaṁ āpattisamuṭṭhānānaṁ tīhi samuṭṭhānehi samuṭṭhanti.
pli-tv-pvr11:25.7	Yā tā āpattiyo garukā tā āpattiyo ekena adhikaraṇena—
pli-tv-pvr11:25.8	kiccādhikaraṇena;
pli-tv-pvr11:25.9	ekamhi ṭhāne—
pli-tv-pvr11:25.10	saṅghamajjhe;
pli-tv-pvr11:25.11	dvīhi samathehi sammanti—
pli-tv-pvr11:25.12	sammukhāvinayena ca paṭiññātakaraṇena ca.
pli-tv-pvr11:25.13	Yā tā āpattiyo lahukā tā āpattiyo ekena adhikaraṇena—
pli-tv-pvr11:25.14	kiccādhikaraṇena;
pli-tv-pvr11:25.15	tīsu ṭhānesu—
pli-tv-pvr11:25.16	saṅghamajjhe gaṇamajjhe puggalassa santike;
pli-tv-pvr11:25.17	tīhi samathehi sammanti—
pli-tv-pvr11:25.18	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr11:26.1	Āpattādhikaraṇaṁ āpattānāpattīti?
pli-tv-pvr11:26.2	Āpattādhikaraṇaṁ āpatti.
pli-tv-pvr11:26.3	Kiṁ pana āpattādhikaraṇapaccayā āpattiṁ āpajjeyyāti?
pli-tv-pvr11:26.4	Āma, āpattādhikaraṇapaccayā āpattiṁ āpajjeyya.
pli-tv-pvr11:26.5	Āpattādhikaraṇapaccayā kati āpattiyo āpajjati?
pli-tv-pvr11:26.6	Āpattādhikaraṇapaccayā catasso āpattiyo āpajjati.
pli-tv-pvr11:26.7	Bhikkhunī jānaṁ pārājikaṁ dhammaṁ paṭicchādeti, āpatti pārājikassa;
pli-tv-pvr11:26.8	vematikā paṭicchādeti, āpatti thullaccayassa;
pli-tv-pvr11:26.9	bhikkhu saṅghādisesaṁ paṭicchādeti, āpatti pācittiyassa;
pli-tv-pvr11:26.10	ācāravipattiṁ paṭicchādeti, āpatti dukkaṭassa—
pli-tv-pvr11:26.11	āpattādhikaraṇapaccayā imā catasso āpattiyo āpajjati.
pli-tv-pvr11:27.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr11:27.2	Catunnaṁ adhikaraṇānaṁ katamaṁ adhikaraṇaṁ?
pli-tv-pvr11:27.3	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr11:27.4	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr11:27.5	Katihi adhikaraṇehi, katisu ṭhānesu, katihi samathehi sammanti?
pli-tv-pvr11:28.1	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr11:28.2	siyā sīlavipattiṁ siyā ācāravipattiṁ.
pli-tv-pvr11:28.3	Catunnaṁ adhikaraṇānaṁ āpattādhikaraṇaṁ.
pli-tv-pvr11:28.4	Sattannaṁ āpattikkhandhānaṁ catūhi āpattikkhandhehi saṅgahitā—
pli-tv-pvr11:28.5	siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr11:28.6	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr11:28.7	kāyato ca vācato ca cittato ca samuṭṭhanti.
pli-tv-pvr11:28.8	Yā sā āpatti anavasesā sā āpatti na katamena adhikaraṇena, na katamamhi ṭhāne, na katamena samathena sammati.
pli-tv-pvr11:28.9	Yā tā āpattiyo lahukā tā āpattiyo ekena adhikaraṇena—
pli-tv-pvr11:28.10	kiccādhikaraṇena;
pli-tv-pvr11:28.11	tīsu ṭhānesu—
pli-tv-pvr11:28.12	saṅghamajjhe, gaṇamajjhe, puggalassa santike;
pli-tv-pvr11:28.13	tīhi samathehi sammanti—
pli-tv-pvr11:28.14	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr11:29.1	Kiccādhikaraṇaṁ āpattānāpattīti?
pli-tv-pvr11:29.2	Kiccādhikaraṇaṁ na āpatti.
pli-tv-pvr11:29.3	Kiṁ pana kiccādhikaraṇapaccayā āpattiṁ āpajjeyyāti?
pli-tv-pvr11:29.4	Āma, kiccādhikaraṇapaccayā āpattiṁ āpajjeyya.
pli-tv-pvr11:29.5	Kiccādhikaraṇapaccayā kati āpattiyo āpajjati?
pli-tv-pvr11:29.6	Kiccādhikaraṇapaccayā pañca āpattiyo āpajjati.
pli-tv-pvr11:29.7	Ukkhittānuvattikā bhikkhunī yāvatatiyaṁ samanubhāsanāya na paṭinissajjati, ñattiyā dukkaṭaṁ;
pli-tv-pvr11:29.8	dvīhi kammavācāhi thullaccayā;
pli-tv-pvr11:29.9	kammavācāpariyosāne āpatti pārājikassa;
pli-tv-pvr11:29.10	bhedakānuvattakā bhikkhū yāvatatiyaṁ samanubhāsanāya na paṭinissajjanti, āpatti saṅghādisesassa;
pli-tv-pvr11:29.11	pāpikāya diṭṭhiyā yāvatatiyaṁ samanubhāsanāya na paṭinissajjanti, āpatti pācittiyassa—
pli-tv-pvr11:29.12	kiccādhikaraṇapaccayā imā pañca āpattiyo āpajjati.
pli-tv-pvr11:30.1	Tā āpattiyo catunnaṁ vipattīnaṁ kati vipattiyo bhajanti?
pli-tv-pvr11:30.2	Catunnaṁ adhikaraṇānaṁ katamaṁ adhikaraṇaṁ?
pli-tv-pvr11:30.3	Sattannaṁ āpattikkhandhānaṁ katihi āpattikkhandhehi saṅgahitā?
pli-tv-pvr11:30.4	Channaṁ āpattisamuṭṭhānānaṁ katihi samuṭṭhānehi samuṭṭhanti?
pli-tv-pvr11:30.5	Katihi adhikaraṇehi, katisu ṭhānesu, katihi samathehi sammanti?
pli-tv-pvr11:31.1	Tā āpattiyo catunnaṁ vipattīnaṁ dve vipattiyo bhajanti—
pli-tv-pvr11:31.2	siyā sīlavipattiṁ siyā ācāravipattiṁ.
pli-tv-pvr11:31.3	Catunnaṁ adhikaraṇānaṁ āpattādhikaraṇaṁ.
pli-tv-pvr11:31.4	Sattannaṁ āpattikkhandhānaṁ pañcahi āpattikkhandhehi saṅgahitā—
pli-tv-pvr11:31.5	siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena.
pli-tv-pvr11:31.6	Channaṁ āpattisamuṭṭhānānaṁ ekena samuṭṭhānena samuṭṭhanti—
pli-tv-pvr11:31.7	kāyato ca vācato ca cittato ca samuṭṭhanti.
pli-tv-pvr11:31.8	Yā sā āpatti anavasesā sā āpatti na katamena adhikaraṇena, na katamamhi ṭhāne, na katamena samathena sammati.
pli-tv-pvr11:31.9	Yā sā āpatti garukā sā āpatti ekena adhikaraṇena—
pli-tv-pvr11:31.10	kiccādhikaraṇena;
pli-tv-pvr11:31.11	ekamhi ṭhāne—
pli-tv-pvr11:31.12	saṅghamajjhe;
pli-tv-pvr11:31.13	dvīhi samathehi sammati—
pli-tv-pvr11:31.14	sammukhāvinayena ca paṭiññātakaraṇena ca.
pli-tv-pvr11:31.15	Yā tā āpattiyo lahukā tā āpattiyo ekena adhikaraṇena—
pli-tv-pvr11:31.16	kiccādhikaraṇena;
pli-tv-pvr11:31.17	tīsu ṭhānesu—
pli-tv-pvr11:31.18	saṅghamajjhe, gaṇamajjhe, puggalassa santike;
pli-tv-pvr11:31.19	tīhi samathehi sammanti—
pli-tv-pvr11:31.20	siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
pli-tv-pvr11:32.0	5. Adhikaraṇādhippāya
pli-tv-pvr11:32.1	Vivādādhikaraṇaṁ hoti anuvādādhikaraṇaṁ, hoti āpattādhikaraṇaṁ, hoti kiccādhikaraṇaṁ.
pli-tv-pvr11:32.2	Vivādādhikaraṇaṁ na hoti anuvādādhikaraṇaṁ, na hoti āpattādhikaraṇaṁ, na hoti kiccādhikaraṇaṁ;
pli-tv-pvr11:32.3	api ca, vivādādhikaraṇapaccayā hoti anuvādādhikaraṇaṁ, hoti āpattādhikaraṇaṁ, hoti kiccādhikaraṇaṁ.
pli-tv-pvr11:32.4	Yathā kathaṁ viya?
pli-tv-pvr11:32.5	Idha bhikkhū vivadanti—
pli-tv-pvr11:32.6	dhammoti vā adhammoti vā …pe…
pli-tv-pvr11:32.7	duṭṭhullāpattīti vā aduṭṭhullāpattīti vā.
pli-tv-pvr11:32.8	Yaṁ tattha bhaṇḍanaṁ kalaho viggaho vivādo nānāvādo aññathāvādo vipaccatāya vohāro medhakaṁ, idaṁ vuccati vivādādhikaraṇaṁ.
pli-tv-pvr11:32.9	Vivādādhikaraṇe saṅgho vivadati vivādādhikaraṇaṁ.
pli-tv-pvr11:32.10	Vivadamāno anuvadati anuvādādhikaraṇaṁ.
pli-tv-pvr11:32.11	Anuvadamāno āpattiṁ āpajjati āpattādhikaraṇaṁ.
pli-tv-pvr11:32.12	Tāya āpattiyā saṅgho kammaṁ karoti kiccādhikaraṇaṁ.
pli-tv-pvr11:32.13	Evaṁ vivādādhikaraṇapaccayā hoti anuvādādhikaraṇaṁ, hoti āpattādhikaraṇaṁ, hoti kiccādhikaraṇaṁ.
pli-tv-pvr11:33.1	Anuvādādhikaraṇaṁ hoti āpattādhikaraṇaṁ, hoti kiccādhikaraṇaṁ, hoti vivādādhikaraṇaṁ.
pli-tv-pvr11:33.2	Anuvādādhikaraṇaṁ na hoti āpattādhikaraṇaṁ, na hoti kiccādhikaraṇaṁ, na hoti vivādādhikaraṇaṁ;
pli-tv-pvr11:33.3	api ca anuvādādhikaraṇapaccayā hoti āpattādhikaraṇaṁ, hoti kiccādhikaraṇaṁ, hoti vivādādhikaraṇaṁ.
pli-tv-pvr11:33.4	Yathā kathaṁ viya?
pli-tv-pvr11:33.5	Idha bhikkhū bhikkhuṁ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā.
pli-tv-pvr11:33.6	Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ, idaṁ vuccati anuvādādhikaraṇaṁ.
pli-tv-pvr11:33.7	Anuvādādhikaraṇe saṅgho vivadati, vivādādhikaraṇaṁ.
pli-tv-pvr11:33.8	Vivadamāno anuvadati, anuvādādhikaraṇaṁ.
pli-tv-pvr11:33.9	Anuvadamāno āpattiṁ āpajjati, āpattādhikaraṇaṁ.
pli-tv-pvr11:33.10	Tāya āpattiyā saṅgho kammaṁ karoti, kiccādhikaraṇaṁ.
pli-tv-pvr11:33.11	Evaṁ anuvādādhikaraṇapaccayā hoti āpattādhikaraṇaṁ, hoti kiccādhikaraṇaṁ, hoti vivādādhikaraṇaṁ.
pli-tv-pvr11:34.1	Āpattādhikaraṇaṁ hoti kiccādhikaraṇaṁ, hoti vivādādhikaraṇaṁ, hoti anuvādādhikaraṇaṁ.
pli-tv-pvr11:34.2	Āpattādhikaraṇaṁ na hoti kiccādhikaraṇaṁ, na hoti vivādādhikaraṇaṁ, na hoti anuvādādhikaraṇaṁ;
pli-tv-pvr11:34.3	api ca āpattādhikaraṇapaccayā hoti kiccādhikaraṇaṁ, hoti vivādādhikaraṇaṁ, hoti anuvādādhikaraṇaṁ.
pli-tv-pvr11:34.4	Yathā kathaṁ viya?
pli-tv-pvr11:34.5	Pañcapi āpattikkhandhā āpattādhikaraṇaṁ, sattapi āpattikkhandhā āpattādhikaraṇaṁ, idaṁ vuccati āpattādhikaraṇaṁ.
pli-tv-pvr11:34.6	Āpattādhikaraṇe saṅgho vivadati vivādādhikaraṇaṁ.
pli-tv-pvr11:34.7	Vivadamāno anuvadati anuvādādhikaraṇaṁ.
pli-tv-pvr11:34.8	Anuvadamāno āpattiṁ āpajjati āpattādhikaraṇaṁ.
pli-tv-pvr11:34.9	Tāya āpattiyā saṅgho kammaṁ karoti kiccādhikaraṇaṁ.
pli-tv-pvr11:34.10	Evaṁ āpattādhikaraṇapaccayā hoti kiccādhikaraṇaṁ, hoti vivādādhikaraṇaṁ, hoti anuvādādhikaraṇaṁ.
pli-tv-pvr11:35.1	Kiccādhikaraṇaṁ hoti vivādādhikaraṇaṁ, hoti anuvādādhikaraṇaṁ, hoti āpattādhikaraṇaṁ.
pli-tv-pvr11:35.2	Kiccādhikaraṇaṁ na hoti vivādādhikaraṇaṁ, na hoti anuvādādhikaraṇaṁ, na hoti āpattādhikaraṇaṁ;
pli-tv-pvr11:35.3	api ca kiccādhikaraṇapaccayā hoti vivādādhikaraṇaṁ, hoti anuvādādhikaraṇaṁ, hoti āpattādhikaraṇaṁ.
pli-tv-pvr11:35.4	Yathā kathaṁ viya?
pli-tv-pvr11:35.5	Yā saṅghassa kiccayatā karaṇīyatā apalokanakammaṁ ñattikammaṁ ñattidutiyakammaṁ ñatticatutthakammaṁ, idaṁ vuccati kiccādhikaraṇaṁ.
pli-tv-pvr11:35.6	Kiccādhikaraṇe saṅgho vivadati vivādādhikaraṇaṁ.
pli-tv-pvr11:35.7	Vivadamāno anuvadati anuvādādhikaraṇaṁ.
pli-tv-pvr11:35.8	Anuvadamāno āpattiṁ āpajjati āpattādhikaraṇaṁ.
pli-tv-pvr11:35.9	Tāya āpattiyā saṅgho kammaṁ karoti kiccādhikaraṇaṁ.
pli-tv-pvr11:35.10	Evaṁ kiccādhikaraṇapaccayā hoti vivādādhikaraṇaṁ, hoti anuvādādhikaraṇaṁ, hoti āpattādhikaraṇaṁ.
pli-tv-pvr11:36.0	6. Pucchāvāra
pli-tv-pvr11:36.1	Yattha sativinayo tattha sammukhāvinayo?
pli-tv-pvr11:36.2	Yattha sammukhāvinayo tattha sativinayo?
pli-tv-pvr11:36.3	Yattha amūḷhavinayo tattha sammukhāvinayo?
pli-tv-pvr11:36.4	Yattha sammukhāvinayo tattha amūḷhavinayo?
pli-tv-pvr11:36.5	Yattha paṭiññātakaraṇaṁ tattha sammukhāvinayo?
pli-tv-pvr11:36.6	Yattha sammukhāvinayo tattha paṭiññātakaraṇaṁ?
pli-tv-pvr11:36.7	Yattha yebhuyyasikā tattha sammukhāvinayo?
pli-tv-pvr11:36.8	Yattha sammukhāvinayo tattha yebhuyyasikā?
pli-tv-pvr11:36.9	Yattha tassapāpiyasikā tattha sammukhāvinayo?
pli-tv-pvr11:36.10	Yattha sammukhāvinayo tattha tassapāpiyasikā?
pli-tv-pvr11:36.11	Yattha tiṇavatthārako tattha sammukhāvinayo?
pli-tv-pvr11:36.12	Yattha sammukhāvinayo tattha tiṇavatthārako?
pli-tv-pvr11:37.0	7. Vissajjanāvāra
pli-tv-pvr11:37.1	Yasmiṁ samaye sammukhāvinayena ca sativinayena ca adhikaraṇaṁ vūpasammati—
pli-tv-pvr11:37.2	yattha sativinayo tattha sammukhāvinayo, yattha sammukhāvinayo tattha sativinayo, na tattha amūḷhavinayo, na tattha paṭiññātakaraṇaṁ, na tattha yebhuyyasikā, na tattha tassapāpiyasikā, na tattha tiṇavatthārako.
pli-tv-pvr11:37.3	Yasmiṁ samaye sammukhāvinayena ca amūḷhavinayena ca …pe…
pli-tv-pvr11:37.4	sammukhāvinayena ca paṭiññātakaraṇena ca …pe…
pli-tv-pvr11:37.5	sammukhāvinayena ca yebhuyyasikāya ca …pe…
pli-tv-pvr11:37.6	sammukhāvinayena ca tassapāpiyasikāya ca …pe…
pli-tv-pvr11:37.7	sammukhāvinayena ca tiṇavatthārakena ca adhikaraṇaṁ vūpasammati—
pli-tv-pvr11:37.8	yattha tiṇavatthārako tattha sammukhāvinayo, yattha sammukhāvinayo tattha tiṇavatthārako, na tattha sativinayo, na tattha amūḷhavinayo, na tattha paṭiññātakaraṇaṁ, na tattha yebhuyyasikā, na tattha tassapāpiyasikā.
pli-tv-pvr11:38.0	8. Saṁsaṭṭhavāra
pli-tv-pvr11:38.1	Sammukhāvinayoti vā sativinayoti vā ime dhammā saṁsaṭṭhā udāhu visaṁsaṭṭhā?
pli-tv-pvr11:38.2	Labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ?
pli-tv-pvr11:38.3	Sammukhāvinayoti vā amūḷhavinayoti vā …pe…
pli-tv-pvr11:38.4	sammukhāvinayoti vā paṭiññātakaraṇanti vā …
pli-tv-pvr11:38.5	sammukhāvinayoti vā yebhuyyasikāti vā …
pli-tv-pvr11:38.6	sammukhāvinayoti vā tassapāpiyasikāti vā …
pli-tv-pvr11:38.7	sammukhāvinayoti vā tiṇavatthārakoti vā—ime dhammā saṁsaṭṭhā, udāhu visaṁsaṭṭhā?
pli-tv-pvr11:38.8	Labbhā ca panimesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ?
pli-tv-pvr11:39.1	Sammukhāvinayoti vā sativinayoti vā—
pli-tv-pvr11:39.2	ime dhammā saṁsaṭṭhā, no visaṁsaṭṭhā;
pli-tv-pvr11:39.3	na ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.
pli-tv-pvr11:39.4	Sammukhāvinayoti vā amūḷhavinayoti vā …pe…
pli-tv-pvr11:39.5	sammukhāvinayoti vā paṭiññātakaraṇanti vā …
pli-tv-pvr11:39.6	sammukhāvinayoti vā yebhuyyasikāti vā …
pli-tv-pvr11:39.7	sammukhāvinayoti vā tassapāpiyasikāti vā …
pli-tv-pvr11:39.8	sammukhāvinayoti vā tiṇavatthārakoti vā—
pli-tv-pvr11:39.9	ime dhammā saṁsaṭṭhā, no visaṁsaṭṭhā;
pli-tv-pvr11:39.10	na ca labbhā imesaṁ dhammānaṁ vinibbhujitvā vinibbhujitvā nānākaraṇaṁ paññāpetuṁ.
pli-tv-pvr11:40.0	9. Sattasamathanidāna
pli-tv-pvr11:40.1	Sammukhāvinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro kiṁsamuṭṭhāno?
pli-tv-pvr11:40.2	Sativinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr11:40.3	Amūḷhavinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr11:40.4	Paṭiññātakaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr11:40.5	Yebhuyyasikā kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁsamuṭṭhānā?
pli-tv-pvr11:40.6	Tassapāpiyasikā kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁsamuṭṭhānā?
pli-tv-pvr11:40.7	Tiṇavatthārako kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr11:41.1	Sammukhāvinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
pli-tv-pvr11:41.2	Sativinayo …pe…
pli-tv-pvr11:41.3	amūḷhavinayo …pe…
pli-tv-pvr11:41.4	paṭiññātakaraṇaṁ nidānanidānaṁ, nidānasamudayaṁ, nidānajātikaṁ, nidānapabhavaṁ, nidānasambhāraṁ, nidānasamuṭṭhānaṁ.
pli-tv-pvr11:41.5	Yebhuyyasikā …pe…
pli-tv-pvr11:41.6	tassapāpiyasikā nidānanidānā, nidānasamudayā, nidānajātikā, nidānapabhavā, nidānasambhārā, nidānasamuṭṭhānā.
pli-tv-pvr11:41.7	Tiṇavatthārako nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
pli-tv-pvr11:42.1	Sammukhāvinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr11:42.2	Sativinayo …pe…
pli-tv-pvr11:42.3	amūḷhavinayo …pe…
pli-tv-pvr11:42.4	paṭiññātakaraṇaṁ …pe…
pli-tv-pvr11:42.5	yebhuyyasikā …pe…
pli-tv-pvr11:42.6	tassapāpiyasikā …pe…
pli-tv-pvr11:42.7	tiṇavatthārako kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr11:43.1	Sammukhāvinayo hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.
pli-tv-pvr11:43.2	Sativinayo …pe…
pli-tv-pvr11:43.3	amūḷhavinayo …pe…
pli-tv-pvr11:43.4	paṭiññātakaraṇaṁ hetunidānaṁ, hetusamudayaṁ, hetujātikaṁ, hetupabhavaṁ, hetusambhāraṁ, hetusamuṭṭhānaṁ.
pli-tv-pvr11:43.5	Yebhuyyasikā …pe…
pli-tv-pvr11:43.6	tassapāpiyasikā hetunidānā, hetusamudayā, hetujātikā, hetupabhavā, hetusambhārā, hetusamuṭṭhānā.
pli-tv-pvr11:43.7	Tiṇavatthārako hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.
pli-tv-pvr11:44.1	Sammukhāvinayo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr11:44.2	Sativinayo …pe…
pli-tv-pvr11:44.3	amūḷhavinayo …pe…
pli-tv-pvr11:44.4	paṭiññātakaraṇaṁ …pe…
pli-tv-pvr11:44.5	yebhuyyasikā …pe…
pli-tv-pvr11:44.6	tassapāpiyasikā …pe…
pli-tv-pvr11:44.7	tiṇavatthārako kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr11:44.8	Sammukhāvinayo paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno.
pli-tv-pvr11:44.9	Sativinayo …pe…
pli-tv-pvr11:44.10	amūḷhavinayo …pe…
pli-tv-pvr11:44.11	paṭiññātakaraṇaṁ paccayanidānaṁ, paccayasamudayaṁ, paccayajātikaṁ, paccayapabhavaṁ, paccayasambhāraṁ, paccayasamuṭṭhānaṁ.
pli-tv-pvr11:44.12	Yebhuyyasikā …pe…
pli-tv-pvr11:44.13	tassapāpiyasikā paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā.
pli-tv-pvr11:44.14	Tiṇavatthārako paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno.
pli-tv-pvr11:45.1	Sattannaṁ samathānaṁ kati mūlāni, kati samuṭṭhānā?
pli-tv-pvr11:45.2	Sattannaṁ samathānaṁ chabbīsa mūlāni, chattiṁsa samuṭṭhānā.
pli-tv-pvr11:45.3	Sattannaṁ samathānaṁ katamāni chabbīsa mūlāni?
pli-tv-pvr11:45.4	Sammukhāvinayassa cattāri mūlāni—
pli-tv-pvr11:45.5	saṅghasammukhatā, dhammasammukhatā, vinayasammukhatā, puggalasammukhatā;
pli-tv-pvr11:45.6	sativinayassa cattāri mūlāni;
pli-tv-pvr11:45.7	amūḷhavinayassa cattāri mūlāni;
pli-tv-pvr11:45.8	paṭiññātakaraṇassa dve mūlāni—
pli-tv-pvr11:45.9	yo ca deseti yassa ca deseti;
pli-tv-pvr11:45.10	yebhuyyasikāya cattāri mūlāni;
pli-tv-pvr11:45.11	tassapāpiyasikāya cattāri mūlāni;
pli-tv-pvr11:45.12	tiṇavatthārakassa cattāri mūlāni—
pli-tv-pvr11:45.13	saṅghasammukhatā, dhammasammukhatā, vinayasammukhatā, puggalasammukhatā—
pli-tv-pvr11:45.14	sattannaṁ samathānaṁ imāni chabbīsa mūlāni.
pli-tv-pvr11:46.1	Sattannaṁ samathānaṁ katame chattiṁsa samuṭṭhānā?
pli-tv-pvr11:46.2	Sativinayassa kammassa kiriyā, karaṇaṁ, upagamanaṁ, ajjhupagamanaṁ, adhivāsanā, appaṭikkosanā.
pli-tv-pvr11:46.3	Amūḷhavinayassa kammassa …pe…
pli-tv-pvr11:46.4	paṭiññātakaraṇassa kammassa …
pli-tv-pvr11:46.5	yebhuyyasikāya kammassa …
pli-tv-pvr11:46.6	tassapāpiyasikāya kammassa …
pli-tv-pvr11:46.7	tiṇavatthārakassa kammassa kiriyā, karaṇaṁ, upagamanaṁ, ajjhupagamanaṁ, adhivāsanā, appaṭikkosanā—
pli-tv-pvr11:46.8	sattannaṁ samathānaṁ ime chattiṁsa samuṭṭhānā.
pli-tv-pvr11:47.0	10. Sattasamathanānatthādi
pli-tv-pvr11:47.1	Sammukhāvinayoti vā sativinayoti vā—ime dhammā nānatthā nānābyañjanā, udāhu ekatthā byañjanameva nānaṁ?
pli-tv-pvr11:47.2	Sammukhāvinayoti vā amūḷhavinayoti vā …pe…
pli-tv-pvr11:47.3	sammukhāvinayoti vā paṭiññātakaraṇanti vā …
pli-tv-pvr11:47.4	sammukhāvinayoti vā yebhuyyasikāti vā …
pli-tv-pvr11:47.5	sammukhāvinayoti vā tassapāpiyasikāti vā …
pli-tv-pvr11:47.6	sammukhāvinayoti vā tiṇavatthārakoti vā—ime dhammā nānatthā nānābyañjanā, udāhu ekatthā byañjanameva nānaṁ?
pli-tv-pvr11:47.7	Sammukhāvinayoti vā sativinayoti vā—ime dhammā nānatthā ceva nānābyañjanā ca.
pli-tv-pvr11:47.8	Sammukhāvinayoti vā amūḷhavinayoti vā …pe…
pli-tv-pvr11:47.9	sammukhāvinayoti vā paṭiññātakaraṇanti vā …
pli-tv-pvr11:47.10	sammukhāvinayoti vā yebhuyyasikāti vā …
pli-tv-pvr11:47.11	sammukhāvinayoti vā tassapāpiyasikāti vā …
pli-tv-pvr11:47.12	sammukhāvinayoti vā tiṇavatthārakoti vā—ime dhammā nānatthā ceva nānābyañjanā ca.
pli-tv-pvr11:48.1	Vivādo vivādādhikaraṇaṁ, vivādo no adhikaraṇaṁ, adhikaraṇaṁ no vivādo, adhikaraṇañceva vivādo ca?
pli-tv-pvr11:48.2	Siyā vivādo vivādādhikaraṇaṁ, siyā vivādo no adhikaraṇaṁ, siyā adhikaraṇaṁ no vivādo, siyā adhikaraṇañceva vivādo ca.
pli-tv-pvr11:49.1	Tattha katamo vivādo vivādādhikaraṇaṁ?
pli-tv-pvr11:49.2	Idha bhikkhū vivadanti dhammoti vā adhammoti vā …pe…
pli-tv-pvr11:49.3	duṭṭhullā āpattīti vā aduṭṭhullā āpattīti vā.
pli-tv-pvr11:49.4	Yaṁ tattha bhaṇḍanaṁ, kalaho, viggaho, vivādo, nānāvādo, aññathāvādo, vipaccatāya vohāro, medhakaṁ—
pli-tv-pvr11:49.5	ayaṁ vivādo vivādādhikaraṇaṁ.
pli-tv-pvr11:50.1	Tattha katamo vivādo no adhikaraṇaṁ?
pli-tv-pvr11:50.2	Mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati—
pli-tv-pvr11:50.3	ayaṁ vivādo no adhikaraṇaṁ.
pli-tv-pvr11:51.1	Tattha katamaṁ adhikaraṇaṁ no vivādo?
pli-tv-pvr11:51.2	Anuvādādhikaraṇaṁ, āpattādhikaraṇaṁ, kiccādhikaraṇaṁ—
pli-tv-pvr11:51.3	idaṁ adhikaraṇaṁ no vivādo.
pli-tv-pvr11:52.1	Tattha katamaṁ adhikaraṇañceva vivādo ca?
pli-tv-pvr11:52.2	Vivādādhikaraṇaṁ adhikaraṇañceva vivādo ca.
pli-tv-pvr11:53.1	Anuvādo anuvādādhikaraṇaṁ, anuvādo no adhikaraṇaṁ, adhikaraṇaṁ no anuvādo, adhikaraṇañceva anuvādo ca?
pli-tv-pvr11:53.2	Siyā anuvādo anuvādādhikaraṇaṁ, siyā anuvādo no adhikaraṇaṁ, siyā adhikaraṇaṁ no anuvādo, siyā adhikaraṇañceva anuvādo ca.
pli-tv-pvr11:54.1	Tattha katamo anuvādo anuvādādhikaraṇaṁ?
pli-tv-pvr11:54.2	Idha bhikkhū bhikkhuṁ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā.
pli-tv-pvr11:54.3	Yo tattha anuvādo, anuvadanā anullapanā anubhaṇanā anusampavaṅkatā abbhussahanatā anubalappadānaṁ—
pli-tv-pvr11:54.4	ayaṁ anuvādo anuvādādhikaraṇaṁ.
pli-tv-pvr11:55.1	Tattha katamo anuvādo no adhikaraṇaṁ?
pli-tv-pvr11:55.2	Mātāpi puttaṁ anuvadati, puttopi mātaraṁ anuvadati, pitāpi puttaṁ anuvadati, puttopi pitaraṁ anuvadati, bhātāpi bhātaraṁ anuvadati, bhātāpi bhaginiṁ anuvadati, bhaginīpi bhātaraṁ anuvadati, sahāyopi sahāyaṁ anuvadati—
pli-tv-pvr11:55.3	ayaṁ anuvādo no adhikaraṇaṁ.
pli-tv-pvr11:56.1	Tattha katamaṁ adhikaraṇaṁ no anuvādo?
pli-tv-pvr11:56.2	Āpattādhikaraṇaṁ kiccādhikaraṇaṁ vivādādhikaraṇaṁ—
pli-tv-pvr11:56.3	idaṁ adhikaraṇaṁ no anuvādo.
pli-tv-pvr11:57.1	Tattha katamaṁ adhikaraṇañceva anuvādo ca?
pli-tv-pvr11:57.2	Anuvādādhikaraṇaṁ adhikaraṇañceva anuvādo ca.
pli-tv-pvr11:58.1	Āpatti āpattādhikaraṇaṁ, āpatti no adhikaraṇaṁ, adhikaraṇaṁ no āpatti, adhikaraṇañceva āpatti ca?
pli-tv-pvr11:58.2	Siyā āpatti āpattādhikaraṇaṁ, siyā āpatti no adhikaraṇaṁ, siyā adhikaraṇaṁ no āpatti, siyā adhikaraṇañceva āpatti ca.
pli-tv-pvr11:59.1	Tattha katamā āpatti āpattādhikaraṇaṁ?
pli-tv-pvr11:59.2	Pañcapi āpattikkhandhā āpattādhikaraṇaṁ.
pli-tv-pvr11:59.3	Sattapi āpattikkhandhā āpattādhikaraṇaṁ.
pli-tv-pvr11:59.4	Ayaṁ āpatti āpattādhikaraṇaṁ.
pli-tv-pvr11:60.1	Tattha katamā āpatti no adhikaraṇaṁ?
pli-tv-pvr11:60.2	Sotāpatti samāpatti—
pli-tv-pvr11:60.3	ayaṁ āpatti no adhikaraṇaṁ.
pli-tv-pvr11:61.1	Tattha katamaṁ adhikaraṇaṁ no āpatti?
pli-tv-pvr11:61.2	Kiccādhikaraṇaṁ vivādādhikaraṇaṁ anuvādādhikaraṇaṁ—
pli-tv-pvr11:61.3	idaṁ adhikaraṇaṁ no āpatti.
pli-tv-pvr11:62.1	Tattha katamaṁ adhikaraṇañceva āpatti ca?
pli-tv-pvr11:62.2	Āpattādhikaraṇaṁ adhikaraṇañceva āpatti ca.
pli-tv-pvr11:63.1	Kiccaṁ kiccādhikaraṇaṁ, kiccaṁ no adhikaraṇaṁ, adhikaraṇaṁ no kiccaṁ, adhikaraṇañceva kiccañca?
pli-tv-pvr11:63.2	Siyā kiccaṁ kiccādhikaraṇaṁ, siyā kiccaṁ no adhikaraṇaṁ, siyā adhikaraṇaṁ no kiccaṁ, siyā adhikaraṇañceva kiccañca.
pli-tv-pvr11:64.1	Tattha katamaṁ kiccaṁ kiccādhikaraṇaṁ?
pli-tv-pvr11:64.2	Yā saṅghassa kiccayatā karaṇīyatā apalokanakammaṁ ñattikammaṁ ñattidutiyakammaṁ ñatticatutthakammaṁ—
pli-tv-pvr11:64.3	idaṁ kiccaṁ kiccādhikaraṇaṁ.
pli-tv-pvr11:65.1	Tattha katamaṁ kiccaṁ no adhikaraṇaṁ?
pli-tv-pvr11:65.2	Ācariyakiccaṁ upajjhāyakiccaṁ samānupajjhāyakiccaṁ samānācariyakiccaṁ—
pli-tv-pvr11:65.3	idaṁ kiccaṁ no adhikaraṇaṁ.
pli-tv-pvr11:66.1	Tattha katamaṁ adhikaraṇaṁ no kiccaṁ?
pli-tv-pvr11:66.2	Vivādādhikaraṇaṁ anuvādādhikaraṇaṁ āpattādhikaraṇaṁ—
pli-tv-pvr11:66.3	idaṁ adhikaraṇaṁ no kiccaṁ.
pli-tv-pvr11:67.1	Tattha katamaṁ adhikaraṇañceva kiccañca?
pli-tv-pvr11:67.2	Kiccādhikaraṇaṁ adhikaraṇañceva kiccaṁ cāti.
pli-tv-pvr11:68.1	Adhikaraṇabhedaṁ niṭṭhitaṁ.
pli-tv-pvr11:69.1	Tassuddānaṁ
pli-tv-pvr11:70.1	Adhikaraṇaṁ ukkoṭā,
pli-tv-pvr11:70.2	ākārā puggalena ca;
pli-tv-pvr11:70.3	Nidānahetupaccayā,
pli-tv-pvr11:70.4	mūlaṁ samuṭṭhānena ca.
pli-tv-pvr11:71.1	Āpatti hoti yattha ca,
pli-tv-pvr11:71.2	saṁsaṭṭhā nidānena ca;
pli-tv-pvr11:71.3	Hetupaccayamūlāni,
pli-tv-pvr11:71.4	samuṭṭhānena byañjanā;
pli-tv-pvr11:71.5	Vivādo adhikaraṇanti,
pli-tv-pvr11:71.6	bhedādhikaraṇe idanti.
pli-tv-pvr12:0.1	Parivāra
pli-tv-pvr12:0.2	Aparagāthāsaṅgaṇika
pli-tv-pvr12:0.3	12. Codanādipucchāvissajjanā
pli-tv-pvr12:1.1	Codanā kimatthāya,
pli-tv-pvr12:1.2	Sāraṇā kissa kāraṇā;
pli-tv-pvr12:1.3	Saṅgho kimatthāya,
pli-tv-pvr12:1.4	Matikammaṁ pana kissa kāraṇā.
pli-tv-pvr12:2.1	Codanā sāraṇatthāya,
pli-tv-pvr12:2.2	Niggahatthāya sāraṇā;
pli-tv-pvr12:2.3	Saṅgho pariggahatthāya,
pli-tv-pvr12:2.4	Matikammaṁ pana pāṭiyekkaṁ.
pli-tv-pvr12:3.1	Mā kho turito abhaṇi,
pli-tv-pvr12:3.2	mā kho caṇḍikato bhaṇi;
pli-tv-pvr12:3.3	Mā kho paṭighaṁ janayi,
pli-tv-pvr12:3.4	sace anuvijjako tuvaṁ.
pli-tv-pvr12:4.1	Mā kho sahasā abhaṇi,
pli-tv-pvr12:4.2	Kathaṁ viggāhikaṁ anatthasaṁhitaṁ;
pli-tv-pvr12:4.3	Sutte vinaye anulome,
pli-tv-pvr12:4.4	Paññatte anulomike.
pli-tv-pvr12:5.1	Anuyogavattaṁ nisāmaya,
pli-tv-pvr12:5.2	Kusalena buddhimatā kataṁ;
pli-tv-pvr12:5.3	Suvuttaṁ sikkhāpadānulomikaṁ,
pli-tv-pvr12:5.4	Gatiṁ na nāsento samparāyikaṁ;
pli-tv-pvr12:5.5	Hitesī anuyuñjassu,
pli-tv-pvr12:5.6	Kālenatthūpasaṁhitaṁ.
pli-tv-pvr12:6.1	Cuditassa ca codakassa ca,
pli-tv-pvr12:6.2	Sahasā vohāraṁ mā padhāresi;
pli-tv-pvr12:6.3	Codako āha āpannoti,
pli-tv-pvr12:6.4	Cuditako āha anāpannoti.
pli-tv-pvr12:7.1	Ubho anukkhipanto,
pli-tv-pvr12:7.2	Paṭiññānusandhitena kāraye;
pli-tv-pvr12:7.3	Paṭiññā lajjīsu katā,
pli-tv-pvr12:7.4	Alajjīsu evaṁ na vijjati;
pli-tv-pvr12:7.5	Bahumpi alajjī bhāseyya,
pli-tv-pvr12:7.6	Vattānusandhitena kāraye.
pli-tv-pvr12:8.1	Alajjī kīdiso hoti,
pli-tv-pvr12:8.2	Paṭiññā yassa na rūhati;
pli-tv-pvr12:8.3	Etañca tāhaṁ pucchāmi,
pli-tv-pvr12:8.4	Kīdiso vuccati alajjī puggalo.
pli-tv-pvr12:9.1	Sañcicca āpattiṁ āpajjati,
pli-tv-pvr12:9.2	Āpattiṁ parigūhati;
pli-tv-pvr12:9.3	Agatigamanañca gacchati,
pli-tv-pvr12:9.4	Ediso vuccati alajjīpuggalo.
pli-tv-pvr12:10.1	Saccaṁ ahampi jānāmi,
pli-tv-pvr12:10.2	Ediso vuccati alajjīpuggalo;
pli-tv-pvr12:10.3	Aññañca tāhaṁ pucchāmi,
pli-tv-pvr12:10.4	Kīdiso vuccati lajjīpuggalo.
pli-tv-pvr12:11.1	Sañcicca āpattiṁ nāpajjati,
pli-tv-pvr12:11.2	Āpattiṁ na parigūhati;
pli-tv-pvr12:11.3	Agatigamanaṁ na gacchati,
pli-tv-pvr12:11.4	Ediso vuccati lajjīpuggalo.
pli-tv-pvr12:12.1	Saccaṁ ahampi jānāmi,
pli-tv-pvr12:12.2	Ediso vuccati lajjīpuggalo;
pli-tv-pvr12:12.3	Aññañca tāhaṁ pucchāmi,
pli-tv-pvr12:12.4	Kīdiso vuccati adhammacodako.
pli-tv-pvr12:13.1	Akālena codeti abhūtena,
pli-tv-pvr12:13.2	Pharusena anatthasaṁhitena;
pli-tv-pvr12:13.3	Dosantaro codeti no mettācitto,
pli-tv-pvr12:13.4	Ediso vuccati adhammacodako.
pli-tv-pvr12:14.1	Saccaṁ ahampi jānāmi,
pli-tv-pvr12:14.2	Ediso vuccati adhammacodako;
pli-tv-pvr12:14.3	Aññañca tāhaṁ pucchāmi,
pli-tv-pvr12:14.4	Kīdiso vuccati dhammacodako.
pli-tv-pvr12:15.1	Kālena codeti bhūtena,
pli-tv-pvr12:15.2	Saṇhena atthasaṁhitena;
pli-tv-pvr12:15.3	Mettācitto codeti no dosantaro,
pli-tv-pvr12:15.4	Ediso vuccati dhammacodako.
pli-tv-pvr12:16.1	Saccaṁ ahampi jānāmi,
pli-tv-pvr12:16.2	Ediso vuccati dhammacodako;
pli-tv-pvr12:16.3	Aññañca tāhaṁ pucchāmi,
pli-tv-pvr12:16.4	Kīdiso vuccati bālacodako.
pli-tv-pvr12:17.1	Pubbāparaṁ na jānāti,
pli-tv-pvr12:17.2	Pubbāparassa akovido;
pli-tv-pvr12:17.3	Anusandhivacanapathaṁ na jānāti,
pli-tv-pvr12:17.4	Anusandhivacanapathassa akovido;
pli-tv-pvr12:17.5	Ediso vuccati bālacodako.
pli-tv-pvr12:18.1	Saccaṁ ahampi jānāmi,
pli-tv-pvr12:18.2	Ediso vuccati bālacodako;
pli-tv-pvr12:18.3	Aññañca tāhaṁ pucchāmi,
pli-tv-pvr12:18.4	Kīdiso vuccati paṇḍitacodako.
pli-tv-pvr12:19.1	Pubbāparampi jānāti,
pli-tv-pvr12:19.2	Pubbāparassa kovido;
pli-tv-pvr12:19.3	Anusandhivacanapathaṁ jānāti,
pli-tv-pvr12:19.4	Anusandhivacanapathassa kovido;
pli-tv-pvr12:19.5	Ediso vuccati paṇḍitacodako.
pli-tv-pvr12:20.1	Saccaṁ ahampi jānāmi,
pli-tv-pvr12:20.2	Ediso vuccati paṇḍitacodako;
pli-tv-pvr12:20.3	Aññañca tāhaṁ pucchāmi,
pli-tv-pvr12:20.4	Codanā kinti vuccati.
pli-tv-pvr12:21.1	Sīlavipattiyā codeti,
pli-tv-pvr12:21.2	atho ācāradiṭṭhiyā;
pli-tv-pvr12:21.3	Ājīvenapi codeti,
pli-tv-pvr12:21.4	codanā tena vuccatīti.
pli-tv-pvr12:22.1	Aparaṁ gāthāsaṅgaṇikaṁ niṭṭhitaṁ.
pli-tv-pvr13:0.1	Parivāra
pli-tv-pvr13:0.2	13. Codanākaṇḍa
pli-tv-pvr13:0.3	1. Anuvijjakaanuyoga
pli-tv-pvr13:1.1	Anuvijjakena codako pucchitabbo—
pli-tv-pvr13:1.2	“yaṁ kho tvaṁ, āvuso, imaṁ bhikkhuṁ codesi, kimhi naṁ codesi, sīlavipattiyā vā codesi, ācāravipattiyā vā codesi, diṭṭhivipattiyā vā codesī”ti?
pli-tv-pvr13:1.3	So ce evaṁ vadeyya—
pli-tv-pvr13:1.4	“sīlavipattiyā vā codemi, ācāravipattiyā vā codemi, diṭṭhivipattiyā vā codemī”ti, so evamassa vacanīyo—
pli-tv-pvr13:1.5	“jānāsi panāyasmā sīlavipattiṁ, jānāsi ācāravipattiṁ, jānāsi diṭṭhivipattin”ti?
pli-tv-pvr13:1.6	So ce evaṁ vadeyya—
pli-tv-pvr13:1.7	“jānāmi kho ahaṁ, āvuso, sīlavipattiṁ, jānāmi ācāravipattiṁ, jānāmi diṭṭhivipattin”ti, so evamassa vacanīyo—
pli-tv-pvr13:1.8	“katamā panāvuso, sīlavipatti?
pli-tv-pvr13:1.9	Katamā ācāravipatti?
pli-tv-pvr13:1.10	Katamā diṭṭhivipattī”ti?
pli-tv-pvr13:1.11	So ce evaṁ vadeyya—
pli-tv-pvr13:1.12	“cattāri ca pārājikāni, terasa ca saṅghādisesā, ayaṁ sīlavipatti.
pli-tv-pvr13:1.13	Thullaccayaṁ, pācittiyaṁ, pāṭidesanīyaṁ, dukkaṭaṁ, dubbhāsitaṁ, ayaṁ ācāravipatti.
pli-tv-pvr13:1.14	Micchādiṭṭhi, antaggāhikā diṭṭhi, ayaṁ diṭṭhivipattī”ti, so evamassa vacanīyo—
pli-tv-pvr13:1.15	“yaṁ kho tvaṁ, āvuso, imaṁ bhikkhuṁ codesi, diṭṭhena vā codesi sutena vā codesi parisaṅkāya vā codesī”ti?
pli-tv-pvr13:1.16	So ce evaṁ vadeyya—
pli-tv-pvr13:1.17	“diṭṭhena vā codemi sutena vā codemi parisaṅkāya vā codemī”ti, so evamassa vacanīyo—
pli-tv-pvr13:1.18	“yaṁ kho tvaṁ, āvuso, imaṁ bhikkhuṁ diṭṭhena codesi, kiṁ te diṭṭhaṁ kinti te diṭṭhaṁ, kadā te diṭṭhaṁ, kattha te diṭṭhaṁ pārājikaṁ ajjhāpajjanto diṭṭho, saṅghādisesaṁ ajjhāpajjanto diṭṭho, thullaccayaṁ …
pli-tv-pvr13:1.19	pācittiyaṁ …
pli-tv-pvr13:1.20	pāṭidesanīyaṁ …
pli-tv-pvr13:1.21	dukkaṭaṁ …
pli-tv-pvr13:1.22	dubbhāsitaṁ ajjhāpajjanto diṭṭho, kattha ca tvaṁ ahosi, kattha cāyaṁ bhikkhu ahosi, kiñca tvaṁ karosi, kiṁ cāyaṁ bhikkhu karotī”ti?
pli-tv-pvr13:1.23	So ce evaṁ vadeyya—
pli-tv-pvr13:1.24	“na kho ahaṁ, āvuso, imaṁ bhikkhuṁ diṭṭhena codemi, api ca sutena codemī”ti, so evamassa vacanīyo—
pli-tv-pvr13:1.25	“yaṁ kho tvaṁ, āvuso, imaṁ bhikkhuṁ sutena codesi, kiṁ te sutaṁ, kinti te sutaṁ, kadā te sutaṁ, kattha te sutaṁ, pārājikaṁ ajjhāpannoti sutaṁ, saṅghādisesaṁ …
pli-tv-pvr13:1.26	thullaccayaṁ …
pli-tv-pvr13:1.27	pācittiyaṁ …
pli-tv-pvr13:1.28	pāṭidesanīyaṁ …
pli-tv-pvr13:1.29	dukkaṭaṁ …
pli-tv-pvr13:1.30	dubbhāsitaṁ ajjhāpannoti sutaṁ, bhikkhussa sutaṁ, bhikkhuniyā sutaṁ, sikkhamānāya sutaṁ, sāmaṇerassa sutaṁ, sāmaṇeriyā sutaṁ, upāsakassa sutaṁ, upāsikāya sutaṁ, rājūnaṁ sutaṁ, rājamahāmattānaṁ sutaṁ, titthiyānaṁ sutaṁ, titthiyasāvakānaṁ sutan”ti?
pli-tv-pvr13:1.31	So ce evaṁ vadeyya—
pli-tv-pvr13:1.32	“na kho ahaṁ, āvuso, imaṁ bhikkhuṁ sutena codemi, api ca parisaṅkāya codemī”ti, so evamassa vacanīyo—
pli-tv-pvr13:1.33	“yaṁ kho tvaṁ, āvuso, imaṁ bhikkhuṁ parisaṅkāya codesi, kiṁ parisaṅkasi, kinti parisaṅkasi, kadā parisaṅkasi, kattha parisaṅkasi, pārājikaṁ ajjhāpannoti parisaṅkasi, saṅghādisesaṁ ajjhāpannoti parisaṅkasi, thullaccayaṁ …
pli-tv-pvr13:1.34	pācittiyaṁ …
pli-tv-pvr13:1.35	pāṭidesanīyaṁ …
pli-tv-pvr13:1.36	dukkaṭaṁ …
pli-tv-pvr13:1.37	dubbhāsitaṁ ajjhāpannoti parisaṅkasi, bhikkhussa sutvā parisaṅkasi, bhikkhuniyā sutvā parisaṅkasi, sikkhamānāya sutvā parisaṅkasi, sāmaṇerassa sutvā parisaṅkasi, sāmaṇeriyā sutvā parisaṅkasi, upāsakassa sutvā parisaṅkasi, upāsikāya sutvā parisaṅkasi, rājūnaṁ sutvā parisaṅkasi, rājamahāmattānaṁ sutvā parisaṅkasi, titthiyānaṁ sutvā parisaṅkasi, titthiyasāvakānaṁ sutvā parisaṅkasī”ti?
pli-tv-pvr13:2.1	Diṭṭhaṁ diṭṭhena sameti,
pli-tv-pvr13:2.2	diṭṭhena saṁsandate diṭṭhaṁ;
pli-tv-pvr13:2.3	Diṭṭhaṁ paṭicca na upeti,
pli-tv-pvr13:2.4	asuddhaparisaṅkito;
pli-tv-pvr13:2.5	So puggalo paṭiññāya,
pli-tv-pvr13:2.6	kātabbo tenuposatho.
pli-tv-pvr13:3.1	Sutaṁ sutena sameti,
pli-tv-pvr13:3.2	sutena saṁsandate sutaṁ;
pli-tv-pvr13:3.3	Sutaṁ paṭicca na upeti,
pli-tv-pvr13:3.4	asuddhaparisaṅkito;
pli-tv-pvr13:3.5	So puggalo paṭiññāya,
pli-tv-pvr13:3.6	kātabbo tenuposatho.
pli-tv-pvr13:4.1	Mutaṁ mutena sameti,
pli-tv-pvr13:4.2	mutena saṁsandate mutaṁ;
pli-tv-pvr13:4.3	Mutaṁ paṭicca na upeti,
pli-tv-pvr13:4.4	asuddhaparisaṅkito;
pli-tv-pvr13:4.5	So puggalo paṭiññāya,
pli-tv-pvr13:4.6	kātabbo tenuposatho.
pli-tv-pvr13:5.1	Codanāya ko ādi, kiṁ majjhe, kiṁ pariyosānaṁ?
pli-tv-pvr13:5.2	Codanāya okāsakammaṁ ādi, kiriyā majjhe, samatho pariyosānaṁ.
pli-tv-pvr13:5.3	Codanāya kati mūlāni, kati vatthūni, kati bhūmiyo, katihākārehi codeti?
pli-tv-pvr13:5.4	Codanāya dve mūlāni, tīṇi vatthūni, pañca bhūmiyo, dvīhākārehi codeti.
pli-tv-pvr13:5.5	Codanāya katamāni dve mūlāni?
pli-tv-pvr13:5.6	Samūlikā vā amūlikā vā—
pli-tv-pvr13:5.7	codanāya imāni dve mūlāni.
pli-tv-pvr13:5.8	Codanāya katamāni tīṇi vatthūni?
pli-tv-pvr13:5.9	Diṭṭhena sutena parisaṅkāya—
pli-tv-pvr13:5.10	codanāya imāni tīṇi vatthūni.
pli-tv-pvr13:5.11	Codanāya katamā pañca bhūmiyo?
pli-tv-pvr13:5.12	Kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṁhitena vakkhāmi no anatthasaṁhitena, mettācitto vakkhāmi no dosantaroti—
pli-tv-pvr13:5.13	codanāya imā pañca bhūmiyo.
pli-tv-pvr13:6.1	Katamehi dvīhākārehi codeti?
pli-tv-pvr13:6.2	Kāyena vā codeti vācāya vā codeti—
pli-tv-pvr13:6.3	imehi dvīhākārehi codeti.
pli-tv-pvr13:7.0	2. Codakādipaṭipatti
pli-tv-pvr13:7.1	Codakena kathaṁ paṭipajjitabbaṁ?
pli-tv-pvr13:7.2	Cuditakena kathaṁ paṭipajjitabbaṁ?
pli-tv-pvr13:7.3	Saṅghena kathaṁ paṭipajjitabbaṁ?
pli-tv-pvr13:7.4	Anuvijjakena kathaṁ paṭipajjitabbaṁ?
pli-tv-pvr13:7.5	Codakena kathaṁ paṭipajjitabbanti?
pli-tv-pvr13:7.6	Codakena pañcasu dhammesu patiṭṭhāya paro codetabbo.
pli-tv-pvr13:7.7	Kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṁhitena vakkhāmi no anatthasaṁhitena, mettācitto vakkhāmi no dosantaroti—
pli-tv-pvr13:7.8	codakena evaṁ paṭipajjitabbaṁ.
pli-tv-pvr13:7.9	Cuditakena kathaṁ paṭipajjitabbanti?
pli-tv-pvr13:7.10	Cuditakena dvīsu dhammesu paṭipajjitabbaṁ.
pli-tv-pvr13:7.11	Sacce ca akuppe ca—
pli-tv-pvr13:7.12	cuditakena evaṁ paṭipajjitabbaṁ.
pli-tv-pvr13:7.13	Saṅghena kathaṁ paṭipajjitabbanti?
pli-tv-pvr13:7.14	Saṅghena otiṇṇānotiṇṇaṁ jānitabbaṁ.
pli-tv-pvr13:7.15	Saṅghena evaṁ paṭipajjitabbaṁ.
pli-tv-pvr13:7.16	Anuvijjakena kathaṁ paṭipajjitabbanti?
pli-tv-pvr13:7.17	Anuvijjakena yena dhammena yena vinayena yena satthusāsanena taṁ adhikaraṇaṁ vūpasammati tathā taṁ adhikaraṇaṁ vūpasametabbaṁ.
pli-tv-pvr13:7.18	Anuvijjakena evaṁ paṭipajjitabbaṁ.
pli-tv-pvr13:8.1	Uposatho kimatthāya,
pli-tv-pvr13:8.2	Pavāraṇā kissa kāraṇā;
pli-tv-pvr13:8.3	Parivāso kimatthāya,
pli-tv-pvr13:8.4	Mūlāyapaṭikassanā kissa kāraṇā;
pli-tv-pvr13:8.5	Mānattaṁ kimatthāya,
pli-tv-pvr13:8.6	Abbhānaṁ kissa kāraṇā.
pli-tv-pvr13:9.1	Uposatho sāmaggatthāya,
pli-tv-pvr13:9.2	Visuddhatthāya pavāraṇā;
pli-tv-pvr13:9.3	Parivāso mānattatthāya,
pli-tv-pvr13:9.4	Mūlāyapaṭikassanā niggahatthāya;
pli-tv-pvr13:9.5	Mānattaṁ abbhānatthāya,
pli-tv-pvr13:9.6	Visuddhatthāya abbhānaṁ.
pli-tv-pvr13:10.1	Chandā dosā bhayā mohā,
pli-tv-pvr13:10.2	there ca paribhāsati;
pli-tv-pvr13:10.3	Kāyassa bhedā duppañño,
pli-tv-pvr13:10.4	khato upahatindriyo;
pli-tv-pvr13:10.5	Nirayaṁ gacchati dummedho,
pli-tv-pvr13:10.6	na ca sikkhāya gāravo.
pli-tv-pvr13:11.1	Na ca āmisaṁ nissāya,
pli-tv-pvr13:11.2	na ca nissāya puggalaṁ;
pli-tv-pvr13:11.3	Ubho ete vivajjetvā,
pli-tv-pvr13:11.4	yathādhammo tathā kare.
pli-tv-pvr13:12.0	3. Codakassaattajhāpana
pli-tv-pvr13:12.1	Kodhano upanāhī ca,
pli-tv-pvr13:12.2	Caṇḍo ca paribhāsako;
pli-tv-pvr13:12.3	Anāpattiyā āpattīti ropeti,
pli-tv-pvr13:12.4	Tādiso codako jhāpeti attānaṁ.
pli-tv-pvr13:13.1	Upakaṇṇakaṁ jappati jimhaṁ pekkhati,
pli-tv-pvr13:13.2	Vītiharati kummaggaṁ paṭisevati;
pli-tv-pvr13:13.3	Anāpattiyā āpattīti ropeti,
pli-tv-pvr13:13.4	Tādiso codako jhāpeti attānaṁ.
pli-tv-pvr13:14.1	Akālena codeti abhūtena,
pli-tv-pvr13:14.2	Pharusena anatthasaṁhitena;
pli-tv-pvr13:14.3	Dosantaro codeti no mettācitto,
pli-tv-pvr13:14.4	Anāpattiyā āpattīti ropeti;
pli-tv-pvr13:14.5	Tādiso codako jhāpeti attānaṁ.
pli-tv-pvr13:15.1	Dhammādhammaṁ na jānāti,
pli-tv-pvr13:15.2	Dhammādhammassa akovido;
pli-tv-pvr13:15.3	Anāpattiyā āpattīti ropeti,
pli-tv-pvr13:15.4	Tādiso codako jhāpeti attānaṁ.
pli-tv-pvr13:16.1	Vinayāvinayaṁ na jānāti,
pli-tv-pvr13:16.2	Vinayāvinayassa akovido;
pli-tv-pvr13:16.3	Anāpattiyā āpattīti ropeti,
pli-tv-pvr13:16.4	Tādiso codako jhāpeti attānaṁ.
pli-tv-pvr13:17.1	Bhāsitābhāsitaṁ na jānāti,
pli-tv-pvr13:17.2	Bhāsitābhāsitassa akovido;
pli-tv-pvr13:17.3	Anāpattiyā āpattīti ropeti,
pli-tv-pvr13:17.4	Tādiso codako jhāpeti attānaṁ.
pli-tv-pvr13:18.1	Āciṇṇānāciṇṇaṁ na jānāti,
pli-tv-pvr13:18.2	Āciṇṇānāciṇṇassa akovido;
pli-tv-pvr13:18.3	Anāpattiyā āpattīti ropeti,
pli-tv-pvr13:18.4	Tādiso codako jhāpeti attānaṁ.
pli-tv-pvr13:19.1	Paññattāpaññattaṁ na jānāti,
pli-tv-pvr13:19.2	Paññattāpaññattassa akovido;
pli-tv-pvr13:19.3	Anāpattiyā āpattīti ropeti,
pli-tv-pvr13:19.4	Tādiso codako jhāpeti attānaṁ.
pli-tv-pvr13:20.1	Āpattānāpattiṁ na jānāti,
pli-tv-pvr13:20.2	Āpattānāpattiyā akovido;
pli-tv-pvr13:20.3	Anāpattiyā āpattīti ropeti,
pli-tv-pvr13:20.4	Tādiso codako jhāpeti attānaṁ.
pli-tv-pvr13:21.1	Lahukagarukaṁ na jānāti,
pli-tv-pvr13:21.2	Lahukagarukassa akovido;
pli-tv-pvr13:21.3	Anāpattiyā āpattīti ropeti,
pli-tv-pvr13:21.4	Tādiso codako jhāpeti attānaṁ.
pli-tv-pvr13:22.1	Sāvasesānavasesaṁ na jānāti,
pli-tv-pvr13:22.2	Sāvasesānavasesassa akovido;
pli-tv-pvr13:22.3	Anāpattiyā āpattīti ropeti,
pli-tv-pvr13:22.4	Tādiso codako jhāpeti attānaṁ.
pli-tv-pvr13:23.1	Duṭṭhullāduṭṭhullaṁ na jānāti,
pli-tv-pvr13:23.2	Duṭṭhullāduṭṭhullassa akovido;
pli-tv-pvr13:23.3	Anāpattiyā āpattīti ropeti,
pli-tv-pvr13:23.4	Tādiso codako jhāpeti attānaṁ.
pli-tv-pvr13:24.1	Pubbāparaṁ na jānāti,
pli-tv-pvr13:24.2	Pubbāparassa akovido;
pli-tv-pvr13:24.3	Anāpattiyā āpattīti ropeti,
pli-tv-pvr13:24.4	Tādiso codako jhāpeti attānaṁ.
pli-tv-pvr13:25.1	Anusandhivacanapathaṁ na jānāti,
pli-tv-pvr13:25.2	Anusandhivacanapathassa akovido;
pli-tv-pvr13:25.3	Anāpattiyā āpattīti ropeti,
pli-tv-pvr13:25.4	Tādiso codako jhāpeti attānanti.
pli-tv-pvr13:26.1	Codanākaṇḍaṁ niṭṭhitaṁ.
pli-tv-pvr13:27.1	Tassuddānaṁ
pli-tv-pvr13:28.1	Codanā anuvijjā ca,
pli-tv-pvr13:28.2	ādi mūlenuposatho;
pli-tv-pvr13:28.3	Gati codanakaṇḍamhi,
pli-tv-pvr13:28.4	sāsanaṁ patiṭṭhāpayanti.
pli-tv-pvr14:0.1	Parivāra
pli-tv-pvr14:0.2	Cūḷasaṅgāma
pli-tv-pvr14:0.3	14. Anuvijjakassapaṭipatti
pli-tv-pvr14:1.1	Saṅgāmāvacarena bhikkhunā saṅghaṁ upasaṅkamantena:
pli-tv-pvr14:1.2	nīcacittena saṅgho upasaṅkamitabbo;
pli-tv-pvr14:1.3	rajoharaṇasamena cittena;
pli-tv-pvr14:1.4	āsanakusalena bhavitabbaṁ nisajjakusalena; there bhikkhū anupakhajjantena, nave bhikkhū āsanena appaṭibāhantena, yathāpatirūpe āsane nisīditabbaṁ;
pli-tv-pvr14:1.5	anānākathikena bhavitabbaṁ atiracchānakathikena; sāmaṁ vā dhammo bhāsitabbo paro vā ajjhesitabbo ariyo vā tuṇhībhāvo nātimaññitabbo.
pli-tv-pvr14:2.1	Saṅghena anumatena puggalena anuvijjakena anuvijjitukāmena na upajjhāyo pucchitabbo, na ācariyo pucchitabbo, na saddhivihāriko pucchitabbo, na antevāsiko pucchitabbo, na samānupajjhāyako pucchitabbo, na samānācariyako pucchitabbo, na jāti pucchitabbā, na nāmaṁ pucchitabbaṁ, na gottaṁ pucchitabbaṁ, na āgamo pucchitabbo, na kulapadeso pucchitabbo, na jātibhūmi pucchitabbā.
pli-tv-pvr14:2.2	Taṁ kiṁ kāraṇā?
pli-tv-pvr14:2.3	Atrassa pemaṁ vā doso vā.
pli-tv-pvr14:2.4	Peme vā sati dose vā, chandāpi gaccheyya, dosāpi gaccheyya, mohāpi gaccheyya, bhayāpi gaccheyya.
pli-tv-pvr14:3.1	Saṅghena anumatena puggalena anuvijjakena anuvijjitukāmena saṅghagarukena bhavitabbaṁ no puggalagarukena, saddhammagarukena bhavitabbaṁ no āmisagarukena, atthavasikena bhavitabbaṁ no parisakappikena, kālena anuvijjitabbaṁ no akālena, bhūtena anuvijjitabbaṁ no abhūtena, saṇhena anuvijjitabbaṁ no pharusena, atthasaṁhitena anuvijjitabbaṁ no anatthasaṁhitena, mettācittena anuvijjitabbaṁ no dosantarena, na upakaṇṇakajappinā bhavitabbaṁ, na jimhaṁ pekkhitabbaṁ, na akkhi nikhaṇitabbaṁ, na bhamukaṁ ukkhipitabbaṁ, na sīsaṁ ukkhipitabbaṁ, na hatthavikāro kātabbo, na hatthamuddā dassetabbā.
pli-tv-pvr14:4.1	Āsanakusalena bhavitabbaṁ nisajjakusalena, yugamattaṁ pekkhantena atthaṁ anuvidhiyantena sake āsane nisīditabbaṁ, na ca āsanā vuṭṭhātabbaṁ, na vītihātabbaṁ, na kummaggo sevitabbo, na bāhāvikkhepakaṁ bhaṇitabbaṁ, aturitena bhavitabbaṁ asāhasikena, acaṇḍikatena bhavitabbaṁ vacanakkhamena, mettācittena bhavitabbaṁ hitānukampinā, kāruṇikena bhavitabbaṁ hitaparisakkinā, asamphappalāpinā bhavitabbaṁ pariyantabhāṇinā, averavasikena bhavitabbaṁ anasuruttena, attā pariggahetabbo, paro pariggahetabbo, codako pariggahetabbo, cuditako pariggahetabbo, adhammacodako pariggahetabbo, adhammacuditako pariggahetabbo, dhammacodako pariggahetabbo, dhammacuditako pariggahetabbo, vuttaṁ ahāpentena avuttaṁ apakāsentena otiṇṇāni padabyañjanāni sādhukaṁ pariggahetvā paro paṭipucchitvā yathā paṭiññāya kāretabbo, mando hāsetabbo, bhīrū assāsetabbo, caṇḍo nisedhetabbo, asuci vibhāvetabbo, ujumaddavena na chandāgatiṁ gantabbaṁ, na dosāgatiṁ gantabbaṁ, na mohāgatiṁ gantabbaṁ, na bhayāgatiṁ gantabbaṁ, majjhattena bhavitabbaṁ dhammesu ca puggalesu ca.
pli-tv-pvr14:4.2	Evañca pana anuvijjako anuvijjamāno satthu ceva sāsanakaro hoti, viññūnañca sabrahmacārīnaṁ piyo ca hoti manāpo ca garu ca bhāvanīyo ca.
pli-tv-pvr14:5.1	Suttaṁ saṁsandanatthāya, opammaṁ nidassanatthāya, attho viññāpanatthāya, paṭipucchā ṭhapanatthāya, okāsakammaṁ codanatthāya, codanā sāraṇatthāya, sāraṇā savacanīyatthāya, savacanīyaṁ palibodhatthāya, palibodho vinicchayatthāya, vinicchayo santīraṇatthāya, santīraṇaṁ ṭhānāṭhānagamanatthāya, ṭhānāṭhānagamanaṁ dummaṅkūnaṁ puggalānaṁ niggahatthāya, pesalānaṁ bhikkhūnaṁ sampaggahatthāya, saṅgho sampariggahasampaṭicchanatthāya, saṅghena anumatā puggalā paccekaṭṭhāyino avisaṁvādakaṭṭhāyino.
pli-tv-pvr14:6.1	Vinayo saṁvaratthāya, saṁvaro avippaṭisāratthāya, avippaṭisāro pāmujjatthāya, pāmujjaṁ pītatthāya, pīti passaddhatthāya, passaddhi sukhatthāya, sukhaṁ samādhatthāya, samādhi yathābhūtañāṇadassanatthāya, yathābhūtañāṇadassanaṁ nibbidatthāya, nibbidā virāgatthāya, virāgo vimuttatthāya, vimutti vimuttiñāṇadassanatthāya, vimuttiñāṇadassanaṁ anupādāparinibbānatthāya.
pli-tv-pvr14:6.2	Etadatthā kathā, etadatthā mantanā, etadatthā upanisā, etadatthaṁ sotāvadhānaṁ—
pli-tv-pvr14:6.3	yadidaṁ anupādācittassa vimokkhoti.
pli-tv-pvr14:7.1	Anuyogavattaṁ nisāmaya,
pli-tv-pvr14:7.2	Kusalena buddhimatā kataṁ;
pli-tv-pvr14:7.3	Suvuttaṁ sikkhāpadānulomikaṁ,
pli-tv-pvr14:7.4	Gatiṁ na nāsento samparāyikaṁ.
pli-tv-pvr14:8.1	Vatthuṁ vipattiṁ āpattiṁ,
pli-tv-pvr14:8.2	Nidānaṁ ākāraakovido;
pli-tv-pvr14:8.3	Pubbāparaṁ na jānāti,
pli-tv-pvr14:8.4	Katākataṁ samena ca.
pli-tv-pvr14:9.1	Kammañca adhikaraṇañca,
pli-tv-pvr14:9.2	samathe cāpi akovido;
pli-tv-pvr14:9.3	Ratto duṭṭho ca mūḷho ca,
pli-tv-pvr14:9.4	bhayā mohā ca gacchati.
pli-tv-pvr14:10.1	Na ca saññattikusalo,
pli-tv-pvr14:10.2	nijjhattiyā ca akovido;
pli-tv-pvr14:10.3	Laddhapakkho ahiriko,
pli-tv-pvr14:10.4	kaṇhakammo anādaro;
pli-tv-pvr14:10.5	Sa ve tādisako bhikkhu,
pli-tv-pvr14:10.6	appaṭikkhoti vuccati.
pli-tv-pvr14:11.1	Vatthuṁ vipattiṁ āpattiṁ,
pli-tv-pvr14:11.2	nidānaṁ ākārakovido;
pli-tv-pvr14:11.3	Pubbāparañca jānāti,
pli-tv-pvr14:11.4	katākataṁ samena ca.
pli-tv-pvr14:12.1	Kammañca adhikaraṇañca,
pli-tv-pvr14:12.2	samathe cāpi kovido;
pli-tv-pvr14:12.3	Aratto aduṭṭho amūḷho,
pli-tv-pvr14:12.4	bhayā mohā na gacchati.
pli-tv-pvr14:13.1	Saññattiyā ca kusalo,
pli-tv-pvr14:13.2	nijjhattiyā ca kovido;
pli-tv-pvr14:13.3	Laddhapakkho hirimano,
pli-tv-pvr14:13.4	sukkakammo sagāravo;
pli-tv-pvr14:13.5	Sa ve tādisako bhikkhu,
pli-tv-pvr14:13.6	sappaṭikkhoti vuccatīti.
pli-tv-pvr14:14.1	Cūḷasaṅgāmaṁ niṭṭhitaṁ.
pli-tv-pvr14:15.1	Tassuddānaṁ
pli-tv-pvr14:16.1	Nīcacittena puccheyya,
pli-tv-pvr14:16.2	garu saṅghe na puggale;
pli-tv-pvr14:16.3	Suttaṁ saṁsandanatthāya,
pli-tv-pvr14:16.4	vinayānuggahena ca;
pli-tv-pvr14:16.5	uddānaṁ cūḷasaṅgāme,
pli-tv-pvr14:16.6	ekuddeso idaṁ katanti.
pli-tv-pvr15:0.1	Parivāra
pli-tv-pvr15:0.2	15. Mahāsaṅgāma
pli-tv-pvr15:0.3	1. Voharantenajānitabbādi
pli-tv-pvr15:1.1	Saṅgāmāvacarena bhikkhunā saṅghe voharantena vatthu jānitabbaṁ, vipatti jānitabbā, āpatti jānitabbā, nidānaṁ jānitabbaṁ, ākāro jānitabbo, pubbāparaṁ jānitabbaṁ, katākataṁ jānitabbaṁ, kammaṁ jānitabbaṁ, adhikaraṇaṁ jānitabbaṁ, samatho jānitabbo, na chandāgati gantabbā, na dosāgati gantabbā, na mohāgati gantabbā, na bhayāgati gantabbā, saññāpanīye ṭhāne saññāpetabbaṁ, nijjhāpanīye ṭhāne nijjhāpetabbaṁ, pekkhanīye ṭhāne pekkhitabbaṁ, pasādanīye ṭhāne pasādetabbaṁ, “laddhapakkhomhī”ti parapakkho nāvajānitabbo, bahussutomhīti appassuto nāvajānitabbo, therataromhīti navakataro nāvajānitabbo, asampattaṁ na byāhātabbaṁ, sampattaṁ dhammato vinayato na parihāpetabbaṁ, yena dhammena yena vinayena yena satthusāsanena taṁ adhikaraṇaṁ vūpasammati, tathā taṁ adhikaraṇaṁ vūpasametabbaṁ.
pli-tv-pvr15:2.1	Vatthu jānitabbanti
pli-tv-pvr15:2.2	aṭṭhapārājikānaṁ vatthu jānitabbaṁ, tevīsasaṅghādisesānaṁ vatthu jānitabbaṁ, dveaniyatānaṁ vatthu jānitabbaṁ, dvecattārīsanissaggiyānaṁ vatthu jānitabbaṁ, aṭṭhāsītisatapācittiyānaṁ vatthu jānitabbaṁ, dvādasapāṭidesanīyānaṁ vatthu jānitabbaṁ, dukkaṭānaṁ vatthu jānitabbaṁ, dubbhāsitānaṁ vatthu jānitabbaṁ.
pli-tv-pvr15:3.1	Vipatti jānitabbāti
pli-tv-pvr15:3.2	sīlavipatti jānitabbā, ācāravipatti jānitabbā, diṭṭhivipatti jānitabbā, ājīvavipatti jānitabbā.
pli-tv-pvr15:4.1	Āpatti jānitabbāti
pli-tv-pvr15:4.2	pārājikāpatti jānitabbā, saṅghādisesāpatti jānitabbā, thullaccayāpatti jānitabbā, pācittiyāpatti jānitabbā, pāṭidesanīyāpatti jānitabbā, dukkaṭāpatti jānitabbā, dubbhāsitāpatti jānitabbā.
pli-tv-pvr15:5.1	Nidānaṁ jānitabbanti
pli-tv-pvr15:5.2	aṭṭhapārājikānaṁ nidānaṁ jānitabbaṁ, tevīsasaṅghādisesānaṁ nidānaṁ jānitabbaṁ, dveaniyatānaṁ nidānaṁ jānitabbaṁ, dvecattārīsanissaggiyānaṁ nidānaṁ jānitabbaṁ, aṭṭhāsītisatapācittiyānaṁ nidānaṁ jānitabbaṁ, dvādasapāṭidesanīyānaṁ nidānaṁ jānitabbaṁ, dukkaṭānaṁ nidānaṁ jānitabbaṁ, dubbhāsitānaṁ nidānaṁ jānitabbaṁ.
pli-tv-pvr15:6.1	Ākāro jānitabboti
pli-tv-pvr15:6.2	saṅgho ākārato jānitabbo, gaṇo ākārato jānitabbo, puggalo ākārato jānitabbo, codako ākārato jānitabbo, cuditako ākārato jānitabbo.
pli-tv-pvr15:6.3	Saṅgho ākārato jānitabboti
pli-tv-pvr15:6.4	paṭibalo nu kho ayaṁ saṅgho imaṁ adhikaraṇaṁ vūpasametuṁ dhammena vinayena satthusāsanena udāhu noti, evaṁ saṅgho ākārato jānitabbo.
pli-tv-pvr15:6.5	Gaṇo ākārato jānitabboti
pli-tv-pvr15:6.6	paṭibalo nu kho ayaṁ gaṇo imaṁ adhikaraṇaṁ vūpasametuṁ dhammena vinayena satthusāsanena udāhu noti, evaṁ gaṇo ākārato jānitabbo.
pli-tv-pvr15:6.7	Puggalo ākārato jānitabboti
pli-tv-pvr15:6.8	paṭibalo nu kho ayaṁ puggalo imaṁ adhikaraṇaṁ vūpasametuṁ dhammena vinayena satthusāsanena udāhu noti, evaṁ puggalo ākārato jānitabbo.
pli-tv-pvr15:6.9	Codako ākārato jānitabboti
pli-tv-pvr15:6.10	kacci nu kho ayamāyasmā pañcasu dhammesu patiṭṭhāya paraṁ codeti udāhu noti, evaṁ codako ākārato jānitabbo.
pli-tv-pvr15:6.11	Cuditako ākārato jānitabboti
pli-tv-pvr15:6.12	kacci nu kho ayamāyasmā dvīsu dhammesu patiṭṭhito sacce ca akuppe ca udāhu noti, evaṁ cuditako ākārato jānitabbo.
pli-tv-pvr15:7.1	Pubbāparaṁ jānitabbanti
pli-tv-pvr15:7.2	kacci nu kho ayamāyasmā vatthuto vā vatthuṁ saṅkamati, vipattito vā vipattiṁ saṅkamati, āpattito vā āpattiṁ saṅkamati, avajānitvā vā paṭijānāti, paṭijānitvā vā avajānāti, aññena vā aññaṁ paṭicarati, udāhu noti, evaṁ pubbāparaṁ jānitabbaṁ.
pli-tv-pvr15:8.1	Katākataṁ jānitabbanti
pli-tv-pvr15:8.2	methunadhammo jānitabbo, methunadhammassa anulomaṁ jānitabbaṁ, methunadhammassa pubbabhāgo jānitabbo.
pli-tv-pvr15:8.3	Methunadhammo jānitabboti
pli-tv-pvr15:8.4	dvayaṁdvayasamāpatti jānitabbā.
pli-tv-pvr15:8.5	Methunadhammassa anulomaṁ jānitabbanti
pli-tv-pvr15:8.6	bhikkhu attano mukhena parassa aṅgajātaṁ gaṇhāti.
pli-tv-pvr15:8.7	Methunadhammassa pubbabhāgo jānitabboti
pli-tv-pvr15:8.8	vaṇṇāvaṇṇo, kāyasaṁsaggo, duṭṭhullavācā, attakāmapāricariyā, vacanamanuppadānaṁ.
pli-tv-pvr15:9.1	Kammaṁ jānitabbanti
pli-tv-pvr15:9.2	soḷasakammāni jānitabbāni—
pli-tv-pvr15:9.3	cattāri apalokanakammāni jānitabbāni, cattāri ñattikammāni jānitabbāni, cattāri ñattidutiyakammāni jānitabbāni, cattāri ñatticatutthakammāni jānitabbāni.
pli-tv-pvr15:10.1	Adhikaraṇaṁ jānitabbanti
pli-tv-pvr15:10.2	cattāri adhikaraṇāni jānitabbāni—
pli-tv-pvr15:10.3	vivādādhikaraṇaṁ jānitabbaṁ, anuvādādhikaraṇaṁ jānitabbaṁ, āpattādhikaraṇaṁ jānitabbaṁ, kiccādhikaraṇaṁ jānitabbaṁ.
pli-tv-pvr15:11.1	Samatho jānitabboti
pli-tv-pvr15:11.2	satta samathā jānitabbā—
pli-tv-pvr15:11.3	sammukhāvinayo jānitabbo, sativinayo jānitabbo, amūḷhavinayo jānitabbo, paṭiññātakaraṇaṁ jānitabbaṁ, yebhuyyasikā jānitabbā, tassapāpiyasikā jānitabbā, tiṇavatthārako jānitabbo.
pli-tv-pvr15:12.0	2. Agatiagantabba
pli-tv-pvr15:12.1	Na chandāgati gantabbāti
pli-tv-pvr15:12.2	chandāgatiṁ gacchanto kathaṁ chandāgatiṁ gacchati?
pli-tv-pvr15:12.3	Idhekacco—“ayaṁ me upajjhāyo vā ācariyo vā saddhivihāriko vā antevāsiko vā samānupajjhāyako vā samānācariyako vā sandiṭṭho vā sambhatto vā ñātisālohito vā”ti, tassānukampāya tassānurakkhāya adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti, anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ tathāgatenāti dīpeti, apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti, āpattiṁ anāpattīti dīpeti, lahukaṁ āpattiṁ garukā āpattīti dīpeti, garukaṁ āpattiṁ lahukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti, duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti.
pli-tv-pvr15:12.4	Imehi aṭṭhārasahi vatthūhi chandāgatiṁ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr15:12.5	Imehi aṭṭhārasahi vatthūhi chandāgatiṁ gacchanto khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.
pli-tv-pvr15:12.6	Chandāgatiṁ gacchanto evaṁ chandāgatiṁ gacchati.
pli-tv-pvr15:13.1	Na dosāgati gantabbāti
pli-tv-pvr15:13.2	dosāgatiṁ gacchanto kathaṁ dosāgatiṁ gacchati?
pli-tv-pvr15:13.3	Idhekacco anatthaṁ me acarīti āghātaṁ bandhati, anatthaṁ me caratīti āghātaṁ bandhati, anatthaṁ me carissatīti āghātaṁ bandhati, piyassa me manāpassa anatthaṁ acari … anatthaṁ carati … anatthaṁ carissatīti āghātaṁ bandhati, appiyassa me amanāpassa atthaṁ acari … atthaṁ carati … atthaṁ carissatīti āghātaṁ bandhati.
pli-tv-pvr15:13.4	Imehi navahi āghātavatthūhi āghāto paṭighāto kuddho kodhābhibhūto adhammaṁ dhammoti dīpeti, dhammaṁ adhammoti dīpeti …pe…
pli-tv-pvr15:13.5	duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti.
pli-tv-pvr15:13.6	Imehi aṭṭhārasahi vatthūhi dosāgatiṁ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr15:13.7	Imehi aṭṭhārasahi vatthūhi dosāgatiṁ gacchanto khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ bahuñca apuññaṁ pasavati.
pli-tv-pvr15:13.8	Dosāgatiṁ gacchanto evaṁ dosāgatiṁ gacchati.
pli-tv-pvr15:14.1	Na mohāgati gantabbāti
pli-tv-pvr15:14.2	mohāgatiṁ gacchanto kathaṁ mohāgatiṁ gacchati?
pli-tv-pvr15:14.3	Ratto rāgavasena gacchati, duṭṭho dosavasena gacchati, mūḷho mohavasena gacchati, parāmaṭṭho diṭṭhivasena gacchati, mūḷho sammūḷho mohābhibhūto adhammaṁ dhammoti dīpeti, dhammaṁ adhammoti dīpeti …pe…
pli-tv-pvr15:14.4	duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti.
pli-tv-pvr15:14.5	Imehi aṭṭhārasahi vatthūhi mohāgatiṁ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr15:14.6	Imehi aṭṭhārasahi vatthūhi mohāgatiṁ gacchanto khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.
pli-tv-pvr15:14.7	Mohāgatiṁ gacchanto evaṁ mohāgatiṁ gacchati.
pli-tv-pvr15:15.1	Na bhayāgati gantabbāti
pli-tv-pvr15:15.2	bhayāgatiṁ gacchanto kathaṁ bhayāgatiṁ gacchati?
pli-tv-pvr15:15.3	Idhekacco—“ayaṁ visamanissito vā gahananissito vā balavanissito vā kakkhaḷo pharuso jīvitantarāyaṁ vā brahmacariyantarāyaṁ vā karissatī”ti, tassa bhayā bhīto adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti, anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ tathāgatenāti dīpeti, apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti, anāpattiṁ āpattīti dīpeti, āpattiṁ anāpattīti dīpeti, lahukaṁ āpattiṁ garukā āpattīti dīpeti, garukaṁ āpattiṁ lahukā āpattīti dīpeti, sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti, duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti.
pli-tv-pvr15:15.4	Imehi aṭṭhārasahi vatthūhi bhayāgatiṁ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-pvr15:15.5	Imehi aṭṭhārasahi vatthūhi bhayāgatiṁ gacchanto khataṁ upahataṁ attānaṁ pariharati, sāvajjo ca hoti, sānuvajjo ca viññūnaṁ, bahuñca apuññaṁ pasavati.
pli-tv-pvr15:15.6	Bhayāgatiṁ gacchanto evaṁ bhayāgatiṁ gacchati.
pli-tv-pvr15:16.1	Chandā dosā bhayā mohā,
pli-tv-pvr15:16.2	yo dhammaṁ ativattati;
pli-tv-pvr15:16.3	Nihīyati tassa yaso,
pli-tv-pvr15:16.4	kāḷapakkheva candimāti.
pli-tv-pvr15:17.0	3. Agatiagamana
pli-tv-pvr15:17.1	Kathaṁ na chandāgatiṁ gacchati?
pli-tv-pvr15:17.2	Adhammaṁ adhammoti dīpento na chandāgatiṁ gacchati, dhammaṁ dhammoti dīpento na chandāgatiṁ gacchati, avinayaṁ avinayoti dīpento na chandāgatiṁ gacchati, vinayaṁ vinayoti dīpento na chandāgatiṁ gacchati, abhāsitaṁ alapitaṁ tathāgatena abhāsitaṁ alapitaṁ tathāgatenāti dīpento na chandāgatiṁ gacchati, bhāsitaṁ lapitaṁ tathāgatena bhāsitaṁ lapitaṁ tathāgatenāti dīpento na chandāgatiṁ gacchati, anāciṇṇaṁ tathāgatena anāciṇṇaṁ tathāgatenāti dīpento na chandāgatiṁ gacchati, āciṇṇaṁ tathāgatena āciṇṇaṁ tathāgatenāti dīpento na chandāgatiṁ gacchati, apaññattaṁ tathāgatena apaññattaṁ tathāgatenāti dīpento na chandāgatiṁ gacchati, paññattaṁ tathāgatena paññattaṁ tathāgatenāti dīpento na chandāgatiṁ gacchati, anāpattiṁ anāpattīti dīpento na chandāgatiṁ gacchati, āpattiṁ āpattīti dīpento na chandāgatiṁ gacchati, lahukaṁ āpattiṁ lahukā āpattīti dīpento na chandāgatiṁ gacchati, garukaṁ āpattiṁ garukā āpattīti dīpento na chandāgatiṁ gacchati, sāvasesaṁ āpattiṁ sāvasesā āpattīti dīpento na chandāgatiṁ gacchati, anavasesaṁ āpattiṁ anavasesā āpattīti dīpento na chandāgatiṁ gacchati, duṭṭhullaṁ āpattiṁ duṭṭhullā āpattīti dīpento na chandāgatiṁ gacchati, aduṭṭhullaṁ āpattiṁ aduṭṭhullā āpattīti dīpento na chandāgatiṁ gacchati.
pli-tv-pvr15:17.3	Evaṁ na chandāgatiṁ gacchati.
pli-tv-pvr15:18.1	Kathaṁ na dosāgatiṁ gacchati?
pli-tv-pvr15:18.2	Adhammaṁ adhammoti dīpento na dosāgatiṁ gacchati, dhammaṁ dhammoti dīpento na dosāgatiṁ gacchati …pe…
pli-tv-pvr15:18.3	duṭṭhullaṁ āpattiṁ duṭṭhullā āpattīti dīpento na dosāgatiṁ gacchati, aduṭṭhullaṁ āpattiṁ aduṭṭhullā āpattīti dīpento na dosāgatiṁ gacchati.
pli-tv-pvr15:18.4	Evaṁ na dosāgatiṁ gacchati.
pli-tv-pvr15:19.1	Kathaṁ na mohāgatiṁ gacchati?
pli-tv-pvr15:19.2	Adhammaṁ adhammoti dīpento na mohāgatiṁ gacchati, dhammaṁ dhammoti dīpento na mohāgatiṁ gacchati …pe…
pli-tv-pvr15:19.3	duṭṭhullaṁ āpattiṁ duṭṭhullā āpattīti dīpento na mohāgatiṁ gacchati, aduṭṭhullaṁ āpattiṁ aduṭṭhullā āpattīti dīpento na mohāgatiṁ gacchati.
pli-tv-pvr15:19.4	Evaṁ na mohāgatiṁ gacchati.
pli-tv-pvr15:20.1	Kathaṁ na bhayāgatiṁ gacchati?
pli-tv-pvr15:20.2	Adhammaṁ adhammoti dīpento na bhayāgatiṁ gacchati, dhammaṁ dhammoti dīpento na bhayāgatiṁ gacchati, avinayaṁ avinayoti dīpento na bhayāgatiṁ gacchati, vinayaṁ vinayoti dīpento na bhayāgatiṁ gacchati, abhāsitaṁ alapitaṁ tathāgatena abhāsitaṁ alapitaṁ tathāgatenāti dīpento na bhayāgatiṁ gacchati, bhāsitaṁ lapitaṁ tathāgatena bhāsitaṁ lapitaṁ tathāgatenāti dīpento na bhayāgatiṁ gacchati, anāciṇṇaṁ tathāgatena anāciṇṇaṁ tathāgatenāti dīpento na bhayāgatiṁ gacchati, āciṇṇaṁ tathāgatena āciṇṇaṁ tathāgatenāti dīpento na bhayāgatiṁ gacchati, apaññattaṁ tathāgatena apaññattaṁ tathāgatenāti dīpento na bhayāgatiṁ gacchati, paññattaṁ tathāgatena paññattaṁ tathāgatenāti dīpento na bhayāgatiṁ gacchati, anāpattiṁ anāpattīti dīpento na bhayāgatiṁ gacchati, āpattiṁ āpattīti dīpento na bhayāgatiṁ gacchati, lahukaṁ āpattiṁ lahukā āpattīti dīpento na bhayāgatiṁ gacchati, garukaṁ āpattiṁ garukā āpattīti dīpento na bhayāgatiṁ gacchati, sāvasesaṁ āpattiṁ sāvasesā āpattīti dīpento na bhayāgatiṁ gacchati, anavasesaṁ āpattiṁ anavasesā āpattīti dīpento na bhayāgatiṁ gacchati, duṭṭhullaṁ āpattiṁ duṭṭhullā āpattīti dīpento na bhayāgatiṁ gacchati, aduṭṭhullaṁ āpattiṁ aduṭṭhullā āpattīti dīpento na bhayāgatiṁ gacchati.
pli-tv-pvr15:20.3	Evaṁ na bhayāgatiṁ gacchati.
pli-tv-pvr15:21.1	Chandā dosā bhayā mohā,
pli-tv-pvr15:21.2	yo dhammaṁ nātivattati;
pli-tv-pvr15:21.3	Āpūrati tassa yaso,
pli-tv-pvr15:21.4	sukkapakkheva candimāti.
pli-tv-pvr15:22.0	4. Saññāpanīyādi
pli-tv-pvr15:22.1	Kathaṁ saññāpanīye ṭhāne saññāpeti?
pli-tv-pvr15:22.2	Adhammaṁ adhammoti dīpento saññāpanīye ṭhāne saññāpeti, dhammaṁ dhammoti dīpento saññāpanīye ṭhāne saññāpeti …pe…
pli-tv-pvr15:22.3	duṭṭhullaṁ āpattiṁ duṭṭhullā āpattīti dīpento saññāpanīye ṭhāne saññāpeti, aduṭṭhullaṁ āpattiṁ aduṭṭhullā āpattīti dīpento saññāpanīye ṭhāne saññāpeti.
pli-tv-pvr15:22.4	Evaṁ saññāpanīye ṭhāne saññāpeti.
pli-tv-pvr15:23.1	Kathaṁ nijjhāpanīye ṭhāne nijjhāpeti?
pli-tv-pvr15:23.2	Adhammaṁ adhammoti dīpento nijjhāpanīye ṭhāne nijjhāpeti, dhammaṁ dhammoti dīpento nijjhāpanīye ṭhāne nijjhāpeti …pe…
pli-tv-pvr15:23.3	duṭṭhullaṁ āpattiṁ duṭṭhullā āpattīti dīpento nijjhāpanīye ṭhāne nijjhāpeti, aduṭṭhullaṁ āpattiṁ aduṭṭhullā āpattīti dīpento nijjhāpanīye ṭhāne nijjhāpeti.
pli-tv-pvr15:23.4	Evaṁ nijjhāpanīye ṭhāne nijjhāpeti.
pli-tv-pvr15:24.1	Kathaṁ pekkhanīye ṭhāne pekkhati?
pli-tv-pvr15:24.2	Adhammaṁ adhammoti dīpento pekkhanīye ṭhāne pekkhati, dhammaṁ dhammoti dīpento pekkhanīye ṭhāne pekkhati …pe…
pli-tv-pvr15:24.3	duṭṭhullaṁ āpattiṁ duṭṭhullā āpattīti dīpento pekkhanīye ṭhāne pekkhati, aduṭṭhullaṁ āpattiṁ aduṭṭhullā āpattīti dīpento pekkhanīye ṭhāne pekkhati.
pli-tv-pvr15:24.4	Evaṁ pekkhanīye ṭhāne pekkhati.
pli-tv-pvr15:25.1	Kathaṁ pasādanīye ṭhāne pasādeti?
pli-tv-pvr15:25.2	Adhammaṁ adhammoti dīpento pasādanīye ṭhāne pasādeti, dhammaṁ dhammoti dīpento pasādanīye ṭhāne pasādeti …pe…
pli-tv-pvr15:25.3	duṭṭhullaṁ āpattiṁ duṭṭhullā āpattīti dīpento pasādanīye ṭhāne pasādeti, aduṭṭhullaṁ āpattiṁ aduṭṭhullā āpattīti dīpento pasādanīye ṭhāne pasādeti.
pli-tv-pvr15:25.4	Evaṁ pasādanīye ṭhāne pasādeti.
pli-tv-pvr15:26.0	5. Parapakkhādiavajānana
pli-tv-pvr15:26.1	Kathaṁ laddhapakkhomhīti parapakkhaṁ avajānāti?
pli-tv-pvr15:26.2	Idhekacco laddhapakkho hoti laddhaparivāro pakkhavā ñātimā.
pli-tv-pvr15:26.3	“Ayaṁ aladdhapakkho aladdhaparivāro na pakkhavā na ñātimā”ti tassa avajānanto adhammaṁ dhammoti dīpeti, dhammaṁ adhammoti dīpeti …pe…
pli-tv-pvr15:26.4	duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti.
pli-tv-pvr15:26.5	Evaṁ laddhapakkhomhīti parapakkhaṁ avajānāti.
pli-tv-pvr15:27.1	Kathaṁ bahussutomhīti appassutaṁ avajānāti?
pli-tv-pvr15:27.2	Idhekacco bahussuto hoti sutadharo sutasannicayo.
pli-tv-pvr15:27.3	“Ayaṁ appassuto appāgamo appadharo”ti tassa avajānanto adhammaṁ dhammoti dīpeti, dhammaṁ adhammoti dīpeti …pe…
pli-tv-pvr15:27.4	duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti.
pli-tv-pvr15:27.5	Evaṁ bahussutomhīti appassutaṁ avajānāti.
pli-tv-pvr15:28.1	Kathaṁ therataromhīti navakataraṁ avajānāti?
pli-tv-pvr15:28.2	Idhekacco thero hoti rattaññū cirapabbajito “ayaṁ navako appaññāto appakataññū imassa vacanaṁ akataṁ bhavissatī”ti tassa avajānanto adhammaṁ dhammoti dīpeti, dhammaṁ adhammoti dīpeti …pe…
pli-tv-pvr15:28.3	duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti.
pli-tv-pvr15:28.4	Evaṁ therataromhīti navakataraṁ avajānāti.
pli-tv-pvr15:29.1	Asampattaṁ na byāharitabbanti
pli-tv-pvr15:29.2	anotiṇṇaṁ bhāraṁ na otāretabbaṁ.
pli-tv-pvr15:29.3	Sampattaṁ dhammato vinayato na parihāpetabbanti
pli-tv-pvr15:29.4	yaṁatthāya saṅgho sannipatito hoti, taṁ atthaṁ dhammato vinayato na parihāpetabbaṁ.
pli-tv-pvr15:30.1	Yena dhammenāti
pli-tv-pvr15:30.2	bhūtena vatthunā.
pli-tv-pvr15:30.3	Yena vinayenāti
pli-tv-pvr15:30.4	codetvā sāretvā.
pli-tv-pvr15:30.5	Yena satthusāsanenāti
pli-tv-pvr15:30.6	ñattisampadāya anussāvanasampadāya, yena dhammena yena vinayena yena satthusāsanena taṁ adhikaraṇaṁ vūpasammati, tathā taṁ adhikaraṇaṁ vūpasametabbanti.
pli-tv-pvr15:31.0	6. Anuvijjakassaanuyoga
pli-tv-pvr15:31.1	Anuvijjakena codako pucchitabbo—
pli-tv-pvr15:31.2	“yaṁ kho tvaṁ, āvuso, imassa bhikkhuno pavāraṇaṁ ṭhapesi, kimhi naṁ ṭhapesi, sīlavipattiyā vā ṭhapesi, ācāravipattiyā vā ṭhapesi, diṭṭhivipattiyā vā ṭhapesī”ti?
pli-tv-pvr15:31.3	So ce evaṁ vadeyya—
pli-tv-pvr15:31.4	“sīlavipattiyā vā ṭhapemi, ācāravipattiyā vā ṭhapemi, diṭṭhivipattiyā vā ṭhapemī”ti, so evamassa vacanīyo—
pli-tv-pvr15:31.5	“jānāti panāyasmā sīlavipattiṁ, jānāti ācāravipattiṁ, jānāti diṭṭhivipattin”ti?
pli-tv-pvr15:31.6	So ce evaṁ vadeyya—
pli-tv-pvr15:31.7	“jānāmi kho ahaṁ, āvuso, sīlavipattiṁ, jānāmi ācāravipattiṁ, jānāmi diṭṭhivipattin”ti, so evamassa vacanīyo—
pli-tv-pvr15:31.8	“katamā panāvuso, sīlavipatti, katamā ācāravipatti, katamā diṭṭhivipattī”ti?
pli-tv-pvr15:31.9	So ce evaṁ vadeyya—
pli-tv-pvr15:31.10	“cattāri pārājikāni terasa saṅghādisesā—ayaṁ sīlavipatti.
pli-tv-pvr15:31.11	Thullaccayaṁ pācittiyaṁ pāṭidesanīyaṁ dukkaṭaṁ dubbhāsitaṁ—ayaṁ ācāravipatti.
pli-tv-pvr15:31.12	Micchādiṭṭhi antaggāhikādiṭṭhi—ayaṁ diṭṭhivipattī”ti, so evamassa vacanīyo—
pli-tv-pvr15:31.13	“yaṁ kho tvaṁ, āvuso, imassa bhikkhuno pavāraṇaṁ ṭhapesi, diṭṭhena vā ṭhapesi, sutena vā ṭhapesi, parisaṅkāya vā ṭhapesī”ti?
pli-tv-pvr15:31.14	So ce evaṁ vadeyya—
pli-tv-pvr15:31.15	“diṭṭhena vā ṭhapemi, sutena vā ṭhapemi, parisaṅkāya vā ṭhapemī”ti, so evamassa vacanīyo—
pli-tv-pvr15:31.16	“yaṁ kho tvaṁ, āvuso, imassa bhikkhuno diṭṭhena pavāraṇaṁ ṭhapesi, kiṁ te diṭṭhaṁ, kinti te diṭṭhaṁ, kadā te diṭṭhaṁ, kattha te diṭṭhaṁ, pārājikaṁ ajjhāpajjanto diṭṭho, saṅghādisesaṁ ajjhāpajjanto diṭṭho, thullaccayaṁ …
pli-tv-pvr15:31.17	pācittiyaṁ …
pli-tv-pvr15:31.18	pāṭidesanīyaṁ …
pli-tv-pvr15:31.19	dukkaṭaṁ …
pli-tv-pvr15:31.20	dubbhāsitaṁ ajjhāpajjanto diṭṭho, kattha ca tvaṁ ahosi, kattha cāyaṁ bhikkhu ahosi, kiñca tvaṁ karosi, kiṁ cāyaṁ bhikkhu karotī”ti?
pli-tv-pvr15:31.21	So ce evaṁ vadeyya—
pli-tv-pvr15:31.22	“na kho ahaṁ, āvuso, imassa bhikkhuno diṭṭhena pavāraṇaṁ ṭhapemi, api ca sutena pavāraṇaṁ ṭhapemī”ti, so evamassa vacanīyo—
pli-tv-pvr15:31.23	“yaṁ kho tvaṁ, āvuso, imassa bhikkhuno sutena pavāraṇaṁ ṭhapesi, kiṁ te sutaṁ, kinti te sutaṁ, kadā te sutaṁ, kattha te sutaṁ, pārājikaṁ ajjhāpannoti sutaṁ, saṅghādisesaṁ ajjhāpannoti sutaṁ, thullaccayaṁ …
pli-tv-pvr15:31.24	pācittiyaṁ …
pli-tv-pvr15:31.25	pāṭidesanīyaṁ …
pli-tv-pvr15:31.26	dukkaṭaṁ …
pli-tv-pvr15:31.27	dubbhāsitaṁ ajjhāpannoti sutaṁ, bhikkhussa sutaṁ, bhikkhuniyā sutaṁ, sikkhamānāya sutaṁ, sāmaṇerassa sutaṁ, sāmaṇeriyā sutaṁ, upāsakassa sutaṁ, upāsikāya sutaṁ, rājūnaṁ sutaṁ, rājamahāmattānaṁ sutaṁ, titthiyānaṁ sutaṁ, titthiyasāvakānaṁ sutan”ti?
pli-tv-pvr15:31.28	So ce evaṁ vadeyya—
pli-tv-pvr15:31.29	“na kho ahaṁ, āvuso, imassa bhikkhuno sutena pavāraṇaṁ ṭhapemi, api ca parisaṅkāya pavāraṇaṁ ṭhapemī”ti, so evamassa vacanīyo—
pli-tv-pvr15:31.30	“yaṁ kho tvaṁ, āvuso, imassa bhikkhuno parisaṅkāya pavāraṇaṁ ṭhapesi, kiṁ parisaṅkasi, kinti parisaṅkasi, kadā parisaṅkasi, kattha parisaṅkasi, pārājikaṁ ajjhāpannoti parisaṅkasi, saṅghādisesaṁ ajjhāpannoti parisaṅkasi, thullaccayaṁ …
pli-tv-pvr15:31.31	pācittiyaṁ …
pli-tv-pvr15:31.32	pāṭidesanīyaṁ …
pli-tv-pvr15:31.33	dukkaṭaṁ …
pli-tv-pvr15:31.34	dubbhāsitaṁ ajjhāpannoti parisaṅkasi, bhikkhussa sutvā parisaṅkasi, bhikkhuniyā sutvā parisaṅkasi, sikkhamānāya sutvā parisaṅkasi, sāmaṇerassa sutvā parisaṅkasi, sāmaṇeriyā sutvā parisaṅkasi, upāsakassa sutvā parisaṅkasi, upāsikāya sutvā parisaṅkasi, rājūnaṁ sutvā parisaṅkasi, rājamahāmattānaṁ sutvā parisaṅkasi, titthiyānaṁ sutvā parisaṅkasi, titthiyasāvakānaṁ sutvā parisaṅkasī”ti?
pli-tv-pvr15:32.1	Diṭṭhaṁ diṭṭhena sameti,
pli-tv-pvr15:32.2	diṭṭhena saṁsandate diṭṭhaṁ;
pli-tv-pvr15:32.3	Diṭṭhaṁ paṭicca na upeti,
pli-tv-pvr15:32.4	asuddhaparisaṅkito;
pli-tv-pvr15:32.5	So puggalo paṭiññāya,
pli-tv-pvr15:32.6	kātabbā tena pavāraṇā.
pli-tv-pvr15:33.1	Sutaṁ sutena sameti,
pli-tv-pvr15:33.2	sutena saṁsandate sutaṁ;
pli-tv-pvr15:33.3	Sutaṁ paṭicca na upeti,
pli-tv-pvr15:33.4	asuddhaparisaṅkito;
pli-tv-pvr15:33.5	So puggalo paṭiññāya,
pli-tv-pvr15:33.6	kātabbā tena pavāraṇā.
pli-tv-pvr15:34.1	Mutaṁ mutena sameti,
pli-tv-pvr15:34.2	Mutena saṁsandate mutaṁ;
pli-tv-pvr15:34.3	Mutaṁ paṭicca na upeti,
pli-tv-pvr15:34.4	Asuddhaparisaṅkito;
pli-tv-pvr15:34.5	So puggalo paṭiññāya,
pli-tv-pvr15:34.6	Kātabbā tena pavāraṇāti.
pli-tv-pvr15:35.0	7. Pucchāvibhāga
pli-tv-pvr15:35.1	Kiṁ te diṭṭhanti katamā pucchā?
pli-tv-pvr15:35.2	Kinti te diṭṭhanti katamā pucchā?
pli-tv-pvr15:35.3	Kadā te diṭṭhanti katamā pucchā?
pli-tv-pvr15:35.4	Kattha te diṭṭhanti katamā pucchā?
pli-tv-pvr15:36.1	Kiṁ te diṭṭhanti
pli-tv-pvr15:36.2	vatthupucchā, vipattipucchā, āpattipucchā, ajjhācārapucchā.
pli-tv-pvr15:36.3	Vatthupucchāti—
pli-tv-pvr15:36.4	aṭṭhapārājikānaṁ vatthupucchā, tevīsasaṅghādisesānaṁ vatthupucchā, dveaniyatānaṁ vatthupucchā, dvecattārīsanissaggiyānaṁ vatthupucchā, aṭṭhāsītisatapācittiyānaṁ vatthupucchā, dvādasapāṭidesanīyānaṁ vatthupucchā, dukkaṭānaṁ vatthupucchā, dubbhāsitānaṁ vatthupucchā.
pli-tv-pvr15:36.5	Vipattipucchāti—
pli-tv-pvr15:36.6	sīlavipattipucchā, ācāravipattipucchā, diṭṭhivipattipucchā, ājīvavipattipucchā.
pli-tv-pvr15:36.7	Āpattipucchāti—
pli-tv-pvr15:36.8	pārājikāpattipucchā, saṅghādisesāpattipucchā, thullaccayāpattipucchā, pācittiyāpattipucchā, pāṭidesanīyāpattipucchā, dukkaṭāpattipucchā, dubbhāsitāpattipucchā.
pli-tv-pvr15:36.9	Ajjhācārapucchāti—
pli-tv-pvr15:36.10	dvayaṁdvayasamāpattipucchā.
pli-tv-pvr15:37.1	Kinti te diṭṭhanti
pli-tv-pvr15:37.2	liṅgapucchā, iriyāpathapucchā, ākārapucchā, vippakārapucchā.
pli-tv-pvr15:37.3	Liṅgapucchāti—dīghaṁ vā rassaṁ vā kaṇhaṁ vā odātaṁ vā.
pli-tv-pvr15:37.4	Iriyāpathapucchāti gacchantaṁ vā ṭhitaṁ vā nisinnaṁ vā nipannaṁ vā.
pli-tv-pvr15:37.5	Ākārapucchāti gihiliṅge vā titthiyaliṅge vā pabbajitaliṅge vā.
pli-tv-pvr15:37.6	Vippakārapucchāti gacchantaṁ vā ṭhitaṁ vā nisinnaṁ vā nipannaṁ vā.
pli-tv-pvr15:38.1	Kadā te diṭṭhanti
pli-tv-pvr15:38.2	kālapucchā, samayapucchā, divasapucchā, utupucchā.
pli-tv-pvr15:38.3	Kālapucchāti pubbaṇhakāle vā majjhanhikakāle vā sāyanhakāle vā.
pli-tv-pvr15:38.4	Samayapucchāti pubbaṇhasamaye vā majjhanhikasamaye vā sāyanhasamaye vā.
pli-tv-pvr15:38.5	Divasapucchāti purebhattaṁ vā pacchābhattaṁ vā rattiṁ vā divā vā kāḷe vā juṇhe vā.
pli-tv-pvr15:38.6	Utupucchāti hemante vā gimhe vā vasse vā.
pli-tv-pvr15:39.1	Kattha te diṭṭhanti
pli-tv-pvr15:39.2	ṭhānapucchā, bhūmipucchā, okāsapucchā, padesapucchā.
pli-tv-pvr15:39.3	Ṭhānapucchāti bhūmiyā vā pathaviyā vā dharaṇiyā vā jagatiyā vā.
pli-tv-pvr15:39.4	Bhūmipucchāti bhūmiyā vā pathaviyā vā pabbate vā pāsāṇe vā pāsāde vā.
pli-tv-pvr15:39.5	Okāsapucchāti puratthime vā okāse pacchime vā okāse uttare vā okāse dakkhiṇe vā okāse.
pli-tv-pvr15:39.6	Padesapucchāti puratthime vā padese pacchime vā padese uttare vā padese dakkhiṇe vā padeseti.
pli-tv-pvr15:40.1	Mahāsaṅgāmaṁ niṭṭhitaṁ.
pli-tv-pvr15:41.1	Tassuddānaṁ
pli-tv-pvr15:42.1	Vatthu nidānaṁ ākāro,
pli-tv-pvr15:42.2	pubbāparaṁ katākataṁ;
pli-tv-pvr15:42.3	Kammādhikaraṇañceva,
pli-tv-pvr15:42.4	samatho chandagāmi ca.
pli-tv-pvr15:43.1	Dosā mohā bhayā ceva,
pli-tv-pvr15:43.2	saññā nijjhāpanena ca;
pli-tv-pvr15:43.3	Pekkhā pasāde pakkhomhi,
pli-tv-pvr15:43.4	sutatheratarena ca.
pli-tv-pvr15:44.1	Asampattañca sampattaṁ,
pli-tv-pvr15:44.2	dhammena vinayena ca;
pli-tv-pvr15:44.3	Satthussa sāsanenāpi,
pli-tv-pvr15:44.4	mahāsaṅgāmañāpanāti.
pli-tv-pvr16:0.1	Parivāra
pli-tv-pvr16:0.2	16. Kathinabheda
pli-tv-pvr16:0.3	1. Kathinaatthatādi
pli-tv-pvr16:1.1	Kassa kathinaṁ anatthataṁ?
pli-tv-pvr16:1.2	Kassa kathinaṁ atthataṁ?
pli-tv-pvr16:1.3	Kinti kathinaṁ anatthataṁ?
pli-tv-pvr16:1.4	Kinti kathinaṁ atthataṁ?
pli-tv-pvr16:2.1	Kassa kathinaṁ anatthatanti?
pli-tv-pvr16:2.2	Dvinnaṁ puggalānaṁ anatthataṁ hoti kathinaṁ—
pli-tv-pvr16:2.3	anatthārakassa ca ananumodakassa ca.
pli-tv-pvr16:2.4	Imesaṁ dvinnaṁ puggalānaṁ anatthataṁ hoti kathinaṁ.
pli-tv-pvr16:3.1	Kassa kathinaṁ atthatanti?
pli-tv-pvr16:3.2	Dvinnaṁ puggalānaṁ atthataṁ hoti kathinaṁ—
pli-tv-pvr16:3.3	atthārakassa ca anumodakassa ca.
pli-tv-pvr16:3.4	Imesaṁ dvinnaṁ puggalānaṁ atthataṁ hoti kathinaṁ.
pli-tv-pvr16:4.1	Kinti kathinaṁ anatthatanti?
pli-tv-pvr16:4.2	Catuvīsatiyā ākārehi anatthataṁ hoti kathinaṁ,
pli-tv-pvr16:4.3	na ullikhitamattena atthataṁ hoti kathinaṁ,
pli-tv-pvr16:4.4	na dhovanamattena atthataṁ hoti kathinaṁ,
pli-tv-pvr16:4.5	na cīvaravicāraṇamattena atthataṁ hoti kathinaṁ,
pli-tv-pvr16:4.6	na chedanamattena atthataṁ hoti kathinaṁ,
pli-tv-pvr16:4.7	na bandhanamattena atthataṁ hoti kathinaṁ,
pli-tv-pvr16:4.8	na ovaṭṭiyakaraṇamattena atthataṁ hoti kathinaṁ,
pli-tv-pvr16:4.9	na kaṇḍusakaraṇamattena atthataṁ hoti kathinaṁ,
pli-tv-pvr16:4.10	na daḷhīkammakaraṇamattena atthataṁ hoti kathinaṁ,
pli-tv-pvr16:4.11	na anuvātakaraṇamattena atthataṁ hoti kathinaṁ,
pli-tv-pvr16:4.12	na paribhaṇḍakaraṇamattena atthataṁ hoti kathinaṁ,
pli-tv-pvr16:4.13	na ovaddheyyakaraṇamattena atthataṁ hoti kathinaṁ,
pli-tv-pvr16:4.14	na kambalamaddanamattena atthataṁ hoti kathinaṁ,
pli-tv-pvr16:4.15	na nimittakatena atthataṁ hoti kathinaṁ,
pli-tv-pvr16:4.16	na parikathākatena atthataṁ hoti kathinaṁ,
pli-tv-pvr16:4.17	na kukkukatena atthataṁ hoti kathinaṁ,
pli-tv-pvr16:4.18	na sannidhikatena atthataṁ hoti kathinaṁ,
pli-tv-pvr16:4.19	na nissaggiyena atthataṁ hoti kathinaṁ,
pli-tv-pvr16:4.20	na akappakatena atthataṁ hoti kathinaṁ,
pli-tv-pvr16:4.21	na aññatra saṅghāṭiyā atthataṁ hoti kathinaṁ,
pli-tv-pvr16:4.22	na aññatra uttarāsaṅgena atthataṁ hoti kathinaṁ,
pli-tv-pvr16:4.23	na aññatra antaravāsakena atthataṁ hoti kathinaṁ,
pli-tv-pvr16:4.24	na aññatra pañcakena vā atirekapañcakena vā tadaheva sañchinnena samaṇḍalīkatena atthataṁ hoti kathinaṁ,
pli-tv-pvr16:4.25	na aññatra puggalassa atthārā atthataṁ hoti kathinaṁ,
pli-tv-pvr16:4.26	sammā ce atthataṁ hoti kathinaṁ, tañce nissīmaṭṭho anumodati.
pli-tv-pvr16:4.27	Evampi anatthataṁ hoti kathinaṁ.
pli-tv-pvr16:5.1	Nimittakammaṁ nāma nimittaṁ karoti—
pli-tv-pvr16:5.2	“iminā dussena kathinaṁ attharissāmī”ti.
pli-tv-pvr16:5.3	Parikathā nāma parikathaṁ karoti—
pli-tv-pvr16:5.4	“imāya parikathāya kathinadussaṁ nibbattessāmī”ti.
pli-tv-pvr16:5.5	Kukkukataṁ nāma anādiyadānaṁ vuccati.
pli-tv-pvr16:5.6	Sannidhi nāma dve sannidhiyo—
pli-tv-pvr16:5.7	karaṇasannidhi vā nicayasannidhi vā.
pli-tv-pvr16:5.8	Nissaggiyaṁ nāma kayiramāne aruṇaṁ uṭṭhahati.
pli-tv-pvr16:5.9	Imehi catuvīsatiyā ākārehi anatthataṁ hoti kathinaṁ.
pli-tv-pvr16:6.1	Kinti kathinaṁ atthatanti?
pli-tv-pvr16:6.2	Sattarasahi ākārehi atthataṁ hoti kathinaṁ.
pli-tv-pvr16:6.3	Ahatena atthataṁ hoti kathinaṁ, ahatakappena atthataṁ hoti kathinaṁ, pilotikāya atthataṁ hoti kathinaṁ, paṁsukūlena atthataṁ hoti kathinaṁ, pāpaṇikena atthataṁ hoti kathinaṁ, animittakatena atthataṁ hoti kathinaṁ, aparikathākatena atthataṁ hoti kathinaṁ, akukkukatena atthataṁ hoti kathinaṁ, asannidhikatena atthataṁ hoti kathinaṁ, anissaggiyena atthataṁ hoti kathinaṁ, kappakatena atthataṁ hoti kathinaṁ, saṅghāṭiyā atthataṁ hoti kathinaṁ, uttarāsaṅgena atthataṁ hoti kathinaṁ, antaravāsakena atthataṁ hoti kathinaṁ, pañcakena vā atirekapañcakena vā tadaheva sañchinnena samaṇḍalīkatena atthataṁ hoti kathinaṁ, puggalassa atthārā atthataṁ hoti kathinaṁ, sammā ce atthataṁ hoti kathinaṁ, tañce sīmaṭṭho anumodati, evampi atthataṁ hoti kathinaṁ.
pli-tv-pvr16:6.4	Imehi sattarasahi ākārehi atthataṁ hoti kathinaṁ.
pli-tv-pvr16:7.1	Saha kathinassa atthārā kati dhammā jāyanti?
pli-tv-pvr16:7.2	Saha kathinassa atthārā pannarasa dhammā jāyanti—
pli-tv-pvr16:7.3	aṭṭha mātikā, dve palibodhā, pañcānisaṁsā.
pli-tv-pvr16:7.4	Saha kathinassa atthārā ime pannarasa dhammā jāyanti.
pli-tv-pvr16:8.0	2. Kathinaanantarapaccayādi
pli-tv-pvr16:8.1	Payogassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo?
pli-tv-pvr16:8.2	Pubbakaraṇassa katame dhammā anantarapaccayena paccayo …pe…
pli-tv-pvr16:8.3	paccuddhārassa katame dhammā …
pli-tv-pvr16:8.4	adhiṭṭhānassa katame dhammā …
pli-tv-pvr16:8.5	atthārassa katame dhammā …
pli-tv-pvr16:8.6	mātikānañca palibodhānañca katame dhammā …
pli-tv-pvr16:8.7	vatthussa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo?
pli-tv-pvr16:9.1	Pubbakaraṇaṁ payogassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo.
pli-tv-pvr16:9.2	Payogo pubbakaraṇassa purejātapaccayena paccayo.
pli-tv-pvr16:9.3	Pubbakaraṇaṁ payogassa pacchājātapaccayena paccayo.
pli-tv-pvr16:9.4	Pannarasa dhammā sahajātapaccayena paccayo.
pli-tv-pvr16:9.5	Paccuddhāro pubbakaraṇassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo.
pli-tv-pvr16:9.6	Pubbakaraṇaṁ paccuddhārassa purejātapaccayena paccayo.
pli-tv-pvr16:9.7	Paccuddhāro pubbakaraṇassa pacchājātapaccayena paccayo.
pli-tv-pvr16:9.8	Pannarasa dhammā sahajātapaccayena paccayo.
pli-tv-pvr16:9.9	Adhiṭṭhānaṁ paccuddhārassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo.
pli-tv-pvr16:9.10	Paccuddhāro adhiṭṭhānassa purejātapaccayena paccayo.
pli-tv-pvr16:9.11	Adhiṭṭhānaṁ paccuddhārassa pacchājātapaccayena paccayo.
pli-tv-pvr16:9.12	Pannarasa dhammā sahajātapaccayena paccayo.
pli-tv-pvr16:9.13	Atthāro adhiṭṭhānassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo.
pli-tv-pvr16:9.14	Adhiṭṭhānaṁ atthārassa purejātapaccayena paccayo.
pli-tv-pvr16:9.15	Atthāro adhiṭṭhānassa pacchājātapaccayena paccayo.
pli-tv-pvr16:9.16	Pannarasa dhammā sahajātapaccayena paccayo.
pli-tv-pvr16:9.17	Mātikā ca palibodhā ca atthārassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo.
pli-tv-pvr16:9.18	Atthāro mātikānañca palibodhānañca purejātapaccayena paccayo.
pli-tv-pvr16:9.19	Mātikā ca palibodhā ca atthārassa pacchājātapaccayena paccayo.
pli-tv-pvr16:9.20	Pannarasa dhammā sahajātapaccayena paccayo.
pli-tv-pvr16:9.21	Āsā ca anāsā ca vatthussa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo.
pli-tv-pvr16:9.22	Vatthu āsānañca anāsānañca purejātapaccayena paccayo.
pli-tv-pvr16:9.23	Āsā ca anāsā ca vatthussa pacchājātapaccayena paccayo.
pli-tv-pvr16:9.24	Pannarasa dhammā sahajātapaccayena paccayo.
pli-tv-pvr16:10.0	3. Pubbakaraṇanidānādivibhāga
pli-tv-pvr16:10.1	Pubbakaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr16:10.2	Paccuddhāro kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr16:10.3	Adhiṭṭhānaṁ kiṁnidānaṁ, kiṁsamudayaṁ, kiṁjātikaṁ, kiṁpabhavaṁ, kiṁsambhāraṁ, kiṁsamuṭṭhānaṁ?
pli-tv-pvr16:10.4	Atthāro kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr16:10.5	Mātikā ca palibodhā ca kiṁnidānā, kiṁsamudayā, kiṁjātikā, kiṁpabhavā, kiṁsambhārā kiṁsamuṭṭhānā?
pli-tv-pvr16:10.6	Āsā ca anāsā ca kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁsamuṭṭhānā?
pli-tv-pvr16:11.1	Pubbakaraṇaṁ payoganidānaṁ, payogasamudayaṁ, payogajātikaṁ, payogapabhavaṁ, payogasambhāraṁ, payogasamuṭṭhānaṁ.
pli-tv-pvr16:11.2	Paccuddhāro pubbakaraṇanidāno, pubbakaraṇasamudayo, pubbakaraṇajātiko, pubbakaraṇapabhavo, pubbakaraṇasambhāro, pubbakaraṇasamuṭṭhāno.
pli-tv-pvr16:11.3	Adhiṭṭhānaṁ paccuddhāranidānaṁ, paccuddhārasamudayaṁ, paccuddhārajātikaṁ, paccuddhārapabhavaṁ, paccuddhārasambhāraṁ, paccuddhārasamuṭṭhānaṁ.
pli-tv-pvr16:11.4	Atthāro adhiṭṭhānanidāno, adhiṭṭhānasamudayo, adhiṭṭhānajātiko, adhiṭṭhānapabhavo, adhiṭṭhānasambhāro, adhiṭṭhānasamuṭṭhāno.
pli-tv-pvr16:11.5	Mātikā ca palibodhā ca atthāranidānā, atthārasamudayā, atthārajātikā, atthārapabhavā, atthārasambhārā, atthārasamuṭṭhānā.
pli-tv-pvr16:11.6	Āsā ca anāsā ca vatthunidānā, vatthusamudayā, vatthujātikā, vatthupabhavā, vatthusambhārā, vatthusamuṭṭhānā.
pli-tv-pvr16:12.1	Payogo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno,
pli-tv-pvr16:12.2	pubbakaraṇaṁ …pe…
pli-tv-pvr16:12.3	paccuddhāro …
pli-tv-pvr16:12.4	adhiṭṭhānaṁ …
pli-tv-pvr16:12.5	atthāro …
pli-tv-pvr16:12.6	mātikā ca palibodhā ca …
pli-tv-pvr16:12.7	vatthu …
pli-tv-pvr16:12.8	āsā ca anāsā ca kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁsamuṭṭhānā?
pli-tv-pvr16:13.1	Payogo hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.
pli-tv-pvr16:13.2	Pubbakaraṇaṁ …pe…
pli-tv-pvr16:13.3	paccuddhāro …
pli-tv-pvr16:13.4	adhiṭṭhānaṁ …
pli-tv-pvr16:13.5	atthāro …
pli-tv-pvr16:13.6	mātikā ca palibodhā ca …
pli-tv-pvr16:13.7	vatthu …
pli-tv-pvr16:13.8	āsā ca anāsā ca hetunidānā, hetusamudayā, hetujātikā, hetupabhavā, hetusambhārā, hetusamuṭṭhānā.
pli-tv-pvr16:14.1	Payogo kiṁnidāno, kiṁsamudayo, kiṁjātiko, kiṁpabhavo, kiṁsambhāro, kiṁsamuṭṭhāno?
pli-tv-pvr16:14.2	Pubbakaraṇaṁ …pe…
pli-tv-pvr16:14.3	paccuddhāro …
pli-tv-pvr16:14.4	adhiṭṭhānaṁ …
pli-tv-pvr16:14.5	atthāro …
pli-tv-pvr16:14.6	mātikā ca palibodhā ca …
pli-tv-pvr16:14.7	vatthu …
pli-tv-pvr16:14.8	āsā ca anāsā ca kiṁnidānā, kiṁsamudayā, kiṁjātikā, kiṁpabhavā, kiṁsambhārā, kiṁsamuṭṭhānā?
pli-tv-pvr16:15.1	Payogo paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno.
pli-tv-pvr16:15.2	Pubbakaraṇaṁ …pe…
pli-tv-pvr16:15.3	paccuddhāro …
pli-tv-pvr16:15.4	adhiṭṭhānaṁ …
pli-tv-pvr16:15.5	atthāro …
pli-tv-pvr16:15.6	mātikā ca palibodhā ca …
pli-tv-pvr16:15.7	vatthu …
pli-tv-pvr16:15.8	āsā ca anāsā ca paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā.
pli-tv-pvr16:16.1	Pubbakaraṇaṁ katihi dhammehi saṅgahitaṁ?
pli-tv-pvr16:16.2	Pubbakaraṇaṁ sattahi dhammehi saṅgahitaṁ.
pli-tv-pvr16:16.3	Dhovanena, vicāraṇena, chedanena, bandhanena, sibbanena, rajanena, kappakaraṇena—
pli-tv-pvr16:16.4	pubbakaraṇaṁ imehi sattahi dhammehi saṅgahitaṁ.
pli-tv-pvr16:17.1	Paccuddhāro katihi dhammehi saṅgahito?
pli-tv-pvr16:17.2	Paccuddhāro tīhi dhammehi saṅgahito—
pli-tv-pvr16:17.3	saṅghāṭiyā, uttarāsaṅgena, antaravāsakena.
pli-tv-pvr16:18.1	Adhiṭṭhānaṁ katihi dhammehi saṅgahitaṁ?
pli-tv-pvr16:18.2	Adhiṭṭhānaṁ tīhi dhammehi saṅgahitaṁ—
pli-tv-pvr16:18.3	saṅghāṭiyā, uttarāsaṅgena, antaravāsakena.
pli-tv-pvr16:19.1	Atthāro katihi dhammehi saṅgahito?
pli-tv-pvr16:19.2	Atthāro ekena dhammena saṅgahito—
pli-tv-pvr16:19.3	vacībhedena.
pli-tv-pvr16:20.1	Kathinassa kati mūlāni, kati vatthūni, kati bhūmiyo?
pli-tv-pvr16:20.2	Kathinassa ekaṁ mūlaṁ—
pli-tv-pvr16:20.3	saṅgho;
pli-tv-pvr16:20.4	tīṇi vatthūni—
pli-tv-pvr16:20.5	saṅghāṭi, uttarāsaṅgo, antaravāsako;
pli-tv-pvr16:20.6	cha bhūmiyo—
pli-tv-pvr16:20.7	khomaṁ, kappāsikaṁ, koseyyaṁ, kambalaṁ, sāṇaṁ, bhaṅgaṁ.
pli-tv-pvr16:21.1	Kathinassa ko ādi, kiṁ majjhe, kiṁ pariyosānaṁ?
pli-tv-pvr16:21.2	Kathinassa pubbakaraṇaṁ ādi, kriyā majjhe, atthāro pariyosānaṁ.
pli-tv-pvr16:22.1	Katihaṅgehi samannāgato puggalo abhabbo kathinaṁ attharituṁ?
pli-tv-pvr16:22.2	Katihaṅgehi samannāgato puggalo bhabbo kathinaṁ attharituṁ?
pli-tv-pvr16:22.3	Aṭṭhahaṅgehi samannāgato puggalo abhabbo kathinaṁ attharituṁ.
pli-tv-pvr16:22.4	Aṭṭhahaṅgehi samannāgato puggalo bhabbo kathinaṁ attharituṁ.
pli-tv-pvr16:22.5	Katamehi aṭṭhahaṅgehi samannāgato puggalo abhabbo kathinaṁ attharituṁ?
pli-tv-pvr16:22.6	Pubbakaraṇaṁ na jānāti, paccuddhāraṁ na jānāti, adhiṭṭhānaṁ na jānāti, atthāraṁ na jānāti, mātikaṁ na jānāti, palibodhaṁ na jānāti, uddhāraṁ na jānāti, ānisaṁsaṁ na jānāti—
pli-tv-pvr16:22.7	imehi aṭṭhahaṅgehi samannāgato puggalo abhabbo kathinaṁ attharituṁ.
pli-tv-pvr16:22.8	Katamehi aṭṭhahaṅgehi samannāgato puggalo bhabbo kathinaṁ attharituṁ?
pli-tv-pvr16:22.9	Pubbakaraṇaṁ jānāti, paccuddhāraṁ jānāti, adhiṭṭhānaṁ jānāti, atthāraṁ jānāti, mātikaṁ jānāti, palibodhaṁ jānāti, uddhāraṁ jānāti, ānisaṁsaṁ jānāti—
pli-tv-pvr16:22.10	imehi aṭṭhahaṅgehi samannāgato puggalo bhabbo kathinaṁ attharituṁ.
pli-tv-pvr16:23.1	Katinaṁ puggalānaṁ kathinatthārā na ruhanti?
pli-tv-pvr16:23.2	Katinaṁ puggalānaṁ kathinatthārā ruhanti?
pli-tv-pvr16:23.3	Tiṇṇaṁ puggalānaṁ kathinatthārā na ruhanti.
pli-tv-pvr16:23.4	Tiṇṇaṁ puggalānaṁ kathinatthārā ruhanti.
pli-tv-pvr16:23.5	Katamesaṁ tiṇṇaṁ puggalānaṁ kathinatthārā na ruhanti?
pli-tv-pvr16:23.6	Nissīmaṭṭho anumodati, anumodento na vācaṁ bhindati, vācaṁ bhindanto na paraṁ viññāpeti—
pli-tv-pvr16:23.7	imesaṁ tiṇṇaṁ puggalānaṁ kathinatthārā na ruhanti.
pli-tv-pvr16:23.8	Katamesaṁ tiṇṇaṁ puggalānaṁ kathinatthārā ruhanti?
pli-tv-pvr16:23.9	Sīmaṭṭho anumodati, anumodento vācaṁ bhindati, vācaṁ bhindanto paraṁ viññāpeti—
pli-tv-pvr16:23.10	imesaṁ tiṇṇaṁ puggalānaṁ kathinatthārā ruhanti.
pli-tv-pvr16:24.1	Kati kathinatthārā na ruhanti?
pli-tv-pvr16:24.2	Kati kathinatthārā ruhanti?
pli-tv-pvr16:24.3	Tayo kathinatthārā na ruhanti.
pli-tv-pvr16:24.4	Tayo kathinatthārā ruhanti.
pli-tv-pvr16:24.5	Katame tayo kathinatthārā na ruhanti?
pli-tv-pvr16:24.6	Vatthuvipannañceva hoti, kālavipannañca, karaṇavipannañca—
pli-tv-pvr16:24.7	ime tayo kathinatthārā na ruhanti.
pli-tv-pvr16:24.8	Katame tayo kathinatthārā ruhanti?
pli-tv-pvr16:24.9	Vatthusampannañceva hoti, kālasampannañca, karaṇasampannañca—
pli-tv-pvr16:24.10	ime tayo kathinatthārā ruhanti.
pli-tv-pvr16:25.0	4. Kathinādijānitabbavibhāga
pli-tv-pvr16:25.1	Kathinaṁ jānitabbaṁ, kathinatthāro jānitabbo, kathinassa atthāramāso jānitabbo, kathinassa atthāravipatti jānitabbā, kathinassa atthārasampatti jānitabbā, nimittakammaṁ jānitabbaṁ, parikathā jānitabbā, kukkukataṁ jānitabbaṁ, sannidhi jānitabbā, nissaggiyaṁ jānitabbaṁ.
pli-tv-pvr16:26.1	Kathinaṁ jānitabbanti
pli-tv-pvr16:26.2	tesaññeva dhammānaṁ saṅgaho samavāyo nāmaṁ nāmakammaṁ nāmadheyyaṁ nirutti byañjanaṁ abhilāpo yadidaṁ kathinanti.
pli-tv-pvr16:27.1	Kathinassa atthāramāso jānitabboti
pli-tv-pvr16:27.2	vassānassa pacchimo māso jānitabbo.
pli-tv-pvr16:28.1	Kathinassa atthāravipatti jānitabbāti
pli-tv-pvr16:28.2	catuvīsatiyā ākārehi kathinassa atthāravipatti jānitabbā.
pli-tv-pvr16:29.1	Kathinassa atthārasampatti jānitabbāti
pli-tv-pvr16:29.2	sattarasahi ākārehi kathinassa atthārasampatti jānitabbā.
pli-tv-pvr16:30.1	Nimittakammaṁ jānitabbanti
pli-tv-pvr16:30.2	nimittaṁ karoti iminā dussena kathinaṁ attharissāmīti.
pli-tv-pvr16:31.1	Parikathā jānitabbāti
pli-tv-pvr16:31.2	parikathaṁ karoti imāya parikathāya kathinadussaṁ nibbattessāmīti.
pli-tv-pvr16:32.1	Kukkukataṁ jānitabbanti
pli-tv-pvr16:32.2	anādiyadānaṁ jānitabbaṁ.
pli-tv-pvr16:33.1	Sannidhi jānitabbāti
pli-tv-pvr16:33.2	dve sannidhiyo jānitabbā—karaṇasannidhi vā nicayasannidhi vā.
pli-tv-pvr16:34.1	Nissaggiyaṁ jānitabbanti
pli-tv-pvr16:34.2	kariyamāne aruṇaṁ uṭṭhahati.
pli-tv-pvr16:35.1	Kathinatthāro jānitabboti
pli-tv-pvr16:35.2	sace saṅghassa kathinadussaṁ uppannaṁ hoti, saṅghena kathaṁ paṭipajjitabbaṁ, atthārakena kathaṁ paṭipajjitabbaṁ, anumodakena kathaṁ paṭipajjitabbaṁ.
pli-tv-pvr16:36.1	Saṅghena ñattidutiyena kammena kathinatthārakassa bhikkhuno dātabbaṁ, tena kathinatthārakena bhikkhunā tadaheva dhovitvā vimajjitvā vicāretvā chinditvā sibbetvā rajitvā kappaṁ katvā kathinaṁ attharitabbaṁ.
pli-tv-pvr16:36.2	Sace saṅghāṭiyā kathinaṁ attharitukāmo hoti, porāṇikā saṅghāṭi paccuddharitabbā, navā saṅghāṭi adhiṭṭhātabbā.
pli-tv-pvr16:36.3	Imāya saṅghāṭiyā kathinaṁ attharāmīti vācā bhinditabbā.
pli-tv-pvr16:36.4	Sace uttarāsaṅgena kathinaṁ attharitukāmo hoti, porāṇako uttarāsaṅgo paccuddharitabbo, navo uttarāsaṅgo adhiṭṭhātabbo.
pli-tv-pvr16:36.5	Iminā uttarāsaṅgena kathinaṁ attharāmīti vācā bhinditabbā.
pli-tv-pvr16:36.6	Sace antaravāsakena kathinaṁ attharitukāmo hoti, porāṇako antaravāsako paccuddharitabbo, navo antaravāsako adhiṭṭhātabbo.
pli-tv-pvr16:36.7	Iminā antaravāsakena kathinaṁ attharāmīti vācā bhinditabbā.
pli-tv-pvr16:36.8	Tena kathinatthārakena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā añjaliṁ paggahetvā evamassa vacanīyo—
pli-tv-pvr16:36.9	“atthataṁ, bhante, saṅghassa kathinaṁ, dhammiko kathinatthāro, anumodathā”ti.
pli-tv-pvr16:36.10	Tehi anumodakehi bhikkhūhi ekaṁsaṁ uttarāsaṅgaṁ karitvā añjaliṁ paggahetvā evamassa vacanīyo—
pli-tv-pvr16:36.11	“atthataṁ, āvuso, saṅghassa kathinaṁ, dhammiko kathinatthāro, anumodāmā”ti.
pli-tv-pvr16:36.12	Tena kathinatthārakena bhikkhunā sambahule bhikkhū upasaṅkamitvā ekaṁsaṁ uttarāsaṅgaṁ karitvā añjaliṁ paggahetvā evamassu vacanīyā—
pli-tv-pvr16:36.13	“atthataṁ, bhante, saṅghassa kathinaṁ, dhammiko kathinatthāro, anumodathā”ti.
pli-tv-pvr16:36.14	Tehi anumodakehi bhikkhūhi ekaṁsaṁ uttarāsaṅgaṁ karitvā añjaliṁ paggahetvā evamassa vacanīyo—
pli-tv-pvr16:36.15	“atthataṁ, āvuso, saṅghassa kathinaṁ, dhammiko kathinatthāro anumodāmā”ti.
pli-tv-pvr16:36.16	Tena kathinatthārakena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā añjaliṁ paggahetvā evamassa vacanīyo—
pli-tv-pvr16:36.17	“atthataṁ, āvuso, saṅghassa kathinaṁ, dhammiko kathinatthāro, anumodāhī”ti.
pli-tv-pvr16:36.18	Tena anumodakena bhikkhunā ekaṁsaṁ uttarāsaṅgaṁ karitvā añjaliṁ paggahetvā evamassa vacanīyo—
pli-tv-pvr16:36.19	“atthataṁ, āvuso, saṅghassa kathinaṁ, dhammiko kathinatthāro, anumodāmī”ti.
pli-tv-pvr16:37.0	5. Puggalassevakathinatthāra
pli-tv-pvr16:37.1	Saṅgho kathinaṁ attharati, gaṇo kathinaṁ attharati, puggalo kathinaṁ attharatīti?
pli-tv-pvr16:37.2	Na saṅgho kathinaṁ attharati, na gaṇo kathinaṁ attharati, puggalo kathinaṁ attharatīti.
pli-tv-pvr16:37.3	Hañci na saṅgho kathinaṁ attharati, na gaṇo kathinaṁ attharati, puggalo kathinaṁ attharati.
pli-tv-pvr16:37.4	Saṅghassa anatthataṁ hoti kathinaṁ, gaṇassa anatthataṁ hoti kathinaṁ, puggalassa atthataṁ hoti kathinaṁ.
pli-tv-pvr16:37.5	Saṅgho pātimokkhaṁ uddisati gaṇo pātimokkhaṁ uddisati puggalo pātimokkhaṁ uddisatīti?
pli-tv-pvr16:37.6	Na saṅgho pātimokkhaṁ uddisati, na gaṇo pātimokkhaṁ uddisati, puggalo pātimokkhaṁ uddisatīti.
pli-tv-pvr16:37.7	Hañci na saṅgho pātimokkhaṁ uddisati, na gaṇo pātimokkhaṁ uddisati, puggalo pātimokkhaṁ uddisati.
pli-tv-pvr16:37.8	Saṅghassa anuddiṭṭhaṁ hoti pātimokkhaṁ, gaṇassa anuddiṭṭhaṁ hoti pātimokkhaṁ, puggalassa uddiṭṭhaṁ hoti pātimokkhaṁ.
pli-tv-pvr16:37.9	Saṅghassa sāmaggiyā gaṇassa sāmaggiyā puggalassa uddesā saṅghassa uddiṭṭhaṁ hoti pātimokkhaṁ, gaṇassa uddiṭṭhaṁ hoti pātimokkhaṁ, puggalassa uddiṭṭhaṁ hoti pātimokkhaṁ.
pli-tv-pvr16:37.10	Evameva na saṅgho kathinaṁ attharati, na gaṇo kathinaṁ attharati, puggalo kathinaṁ attharati.
pli-tv-pvr16:37.11	Saṅghassa anumodanāya gaṇassa anumodanāya puggalassa atthārā saṅghassa atthataṁ hoti kathinaṁ, gaṇassa atthataṁ hoti kathinaṁ, puggalassa atthataṁ hoti kathinanti.
pli-tv-pvr16:38.0	6. Palibodhapañhābyākaraṇa
pli-tv-pvr16:38.1	Pakkamanantiko kathinuddhāro,
pli-tv-pvr16:38.2	Vutto ādiccabandhunā;
pli-tv-pvr16:38.3	Etañca tāhaṁ pucchāmi,
pli-tv-pvr16:38.4	Katamo palibodho paṭhamaṁ chijjati.
pli-tv-pvr16:39.1	Pakkamanantiko kathinuddhāro,
pli-tv-pvr16:39.2	Vutto ādiccabandhunā;
pli-tv-pvr16:39.3	Etañca tāhaṁ vissajjissaṁ,
pli-tv-pvr16:39.4	Cīvarapalibodho paṭhamaṁ chijjati;
pli-tv-pvr16:39.5	Tassa saha bahisīmagamanā,
pli-tv-pvr16:39.6	Āvāsapalibodho chijjati.
pli-tv-pvr16:40.1	Niṭṭhānantiko kathinuddhāro,
pli-tv-pvr16:40.2	Vutto ādiccabandhunā;
pli-tv-pvr16:40.3	Etañca tāhaṁ pucchāmi,
pli-tv-pvr16:40.4	Katamo palibodho paṭhamaṁ chijjati.
pli-tv-pvr16:41.1	Niṭṭhānantiko kathinuddhāro,
pli-tv-pvr16:41.2	Vutto ādiccabandhunā;
pli-tv-pvr16:41.3	Etañca tāhaṁ vissajjissaṁ,
pli-tv-pvr16:41.4	Āvāsapalibodho paṭhamaṁ chijjati;
pli-tv-pvr16:41.5	Cīvare niṭṭhite cīvarapalibodho chijjati.
pli-tv-pvr16:42.1	Sanniṭṭhānantiko kathinuddhāro,
pli-tv-pvr16:42.2	Vutto ādiccabandhunā;
pli-tv-pvr16:42.3	Etañca tāhaṁ pucchāmi,
pli-tv-pvr16:42.4	Katamo palibodho paṭhamaṁ chijjati.
pli-tv-pvr16:43.1	Sanniṭṭhānantiko kathinuddhāro,
pli-tv-pvr16:43.2	Vutto ādiccabandhunā;
pli-tv-pvr16:43.3	Etañca tāhaṁ vissajjissaṁ,
pli-tv-pvr16:43.4	Dve palibodhā apubbaṁ acarimaṁ chijjanti.
pli-tv-pvr16:44.1	Nāsanantiko kathinuddhāro,
pli-tv-pvr16:44.2	Vutto ādiccabandhunā;
pli-tv-pvr16:44.3	Etañca tāhaṁ pucchāmi,
pli-tv-pvr16:44.4	Katamo palibodho paṭhamaṁ chijjati.
pli-tv-pvr16:45.1	Nāsanantiko kathinuddhāro,
pli-tv-pvr16:45.2	Vutto ādiccabandhunā;
pli-tv-pvr16:45.3	Etañca tāhaṁ vissajjissaṁ,
pli-tv-pvr16:45.4	Āvāsapalibodho paṭhamaṁ chijjati;
pli-tv-pvr16:45.5	Cīvare naṭṭhe cīvarapalibodho chijjati.
pli-tv-pvr16:46.1	Savanantiko kathinuddhāro,
pli-tv-pvr16:46.2	Vutto ādiccabandhunā;
pli-tv-pvr16:46.3	Etañca tāhaṁ pucchāmi,
pli-tv-pvr16:46.4	Katamo palibodho paṭhamaṁ chijjati.
pli-tv-pvr16:47.1	Savanantiko kathinuddhāro,
pli-tv-pvr16:47.2	Vutto ādiccabandhunā;
pli-tv-pvr16:47.3	Etañca tāhaṁ vissajjissaṁ,
pli-tv-pvr16:47.4	Cīvarapalibodho paṭhamaṁ chijjati;
pli-tv-pvr16:47.5	Tassa saha savanena,
pli-tv-pvr16:47.6	Āvāsapalibodho chijjati.
pli-tv-pvr16:48.1	Āsāvacchediko kathinuddhāro,
pli-tv-pvr16:48.2	Vutto ādiccabandhunā;
pli-tv-pvr16:48.3	Etañca tāhaṁ pucchāmi,
pli-tv-pvr16:48.4	Katamo palibodho paṭhamaṁ chijjati.
pli-tv-pvr16:49.1	Āsāvacchediko kathinuddhāro,
pli-tv-pvr16:49.2	Vutto ādiccabandhunā;
pli-tv-pvr16:49.3	Etañca tāhaṁ vissajjissaṁ,
pli-tv-pvr16:49.4	Āvāsapalibodho paṭhamaṁ chijjati;
pli-tv-pvr16:49.5	Cīvarāsāya upacchinnāya cīvarapalibodho chijjati.
pli-tv-pvr16:50.1	Sīmātikkamanantiko kathinuddhāro,
pli-tv-pvr16:50.2	Vutto ādiccabandhunā;
pli-tv-pvr16:50.3	Etañca tāhaṁ pucchāmi,
pli-tv-pvr16:50.4	Katamo palibodho paṭhamaṁ chijjati.
pli-tv-pvr16:51.1	Sīmātikkamanantiko kathinuddhāro,
pli-tv-pvr16:51.2	Vutto ādiccabandhunā;
pli-tv-pvr16:51.3	Etañca tāhaṁ vissajjissaṁ,
pli-tv-pvr16:51.4	Cīvarapalibodho paṭhamaṁ chijjati;
pli-tv-pvr16:51.5	Tassa bahisīme āvāsapalibodho chijjati.
pli-tv-pvr16:52.1	Sahubbhāro kathinuddhāro,
pli-tv-pvr16:52.2	Vutto ādiccabandhunā;
pli-tv-pvr16:52.3	Etañca tāhaṁ pucchāmi,
pli-tv-pvr16:52.4	Katamo palibodho paṭhamaṁ chijjati.
pli-tv-pvr16:53.1	Sahubbhāro kathinuddhāro,
pli-tv-pvr16:53.2	Vutto ādiccabandhunā;
pli-tv-pvr16:53.3	Etañca tāhaṁ vissajjissaṁ,
pli-tv-pvr16:53.4	Dve palibodhā apubbaṁ acarimaṁ chijjantīti.
pli-tv-pvr16:54.1	Kati kathinuddhārā saṅghādhīnā?
pli-tv-pvr16:54.2	Kati kathinuddhārā puggalādhīnā?
pli-tv-pvr16:54.3	Kati kathinuddhārā neva saṅghādhīnā na puggalādhīnā?
pli-tv-pvr16:54.4	Eko kathinuddhāro saṅghādhīno—
pli-tv-pvr16:54.5	antarubbhāro.
pli-tv-pvr16:54.6	Cattāro kathinuddhārā puggalādhīnā—
pli-tv-pvr16:54.7	pakkamanantiko, niṭṭhānantiko, sanniṭṭhānantiko, sīmātikkamanantiko.
pli-tv-pvr16:54.8	Cattāro kathinuddhārā neva saṅghādhīnā na puggalādhīnā—
pli-tv-pvr16:54.9	nāsanantiko, savanantiko, āsāvacchediko, sahubbhāro.
pli-tv-pvr16:54.10	Kati kathinuddhārā antosīmāya uddhariyyanti?
pli-tv-pvr16:54.11	Kati kathinuddhārā bahisīmāya uddhariyyanti?
pli-tv-pvr16:54.12	Kati kathinuddhārā siyā antosīmāya uddhariyyanti siyā bahisīmāya uddhariyyanti?
pli-tv-pvr16:54.13	Dve kathinuddhārā antosīmāya uddhariyyanti—
pli-tv-pvr16:54.14	antarubbhāro, sahubbhāro.
pli-tv-pvr16:54.15	Tayo kathinuddhārā bahisīmāya uddhariyyanti—
pli-tv-pvr16:54.16	pakkamanantiko, savanantiko, sīmātikkamanantiko.
pli-tv-pvr16:54.17	Cattāro kathinuddhārā siyā antosīmāya uddhariyyanti siyā bahisīmāya uddhariyyanti—
pli-tv-pvr16:54.18	niṭṭhānantiko, sanniṭṭhānantiko, nāsanantiko, āsāvacchediko.
pli-tv-pvr16:55.1	Kati kathinuddhārā ekuppādā ekanirodhā?
pli-tv-pvr16:55.2	Kati kathinuddhārā ekuppādā nānānirodhā?
pli-tv-pvr16:55.3	Dve kathinuddhārā ekuppādā ekanirodhā—
pli-tv-pvr16:55.4	antarubbhāro, sahubbhāro.
pli-tv-pvr16:55.5	Avasesā kathinuddhārā ekuppādā nānānirodhāti.
pli-tv-pvr16:56.1	Kathinabhedo niṭṭhito.
pli-tv-pvr16:57.1	Tassuddānaṁ
pli-tv-pvr16:58.1	Kassa kinti pannarasa,
pli-tv-pvr16:58.2	dhammā nidānahetu ca;
pli-tv-pvr16:58.3	Paccayasaṅgahamūlā,
pli-tv-pvr16:58.4	ādi ca atthārapuggalā.
pli-tv-pvr16:59.1	Tiṇṇaṁ tayo jānitabbaṁ,
pli-tv-pvr16:59.2	atthāraṁ uddesena ca;
pli-tv-pvr16:59.3	Palibodhādhinā sīmāya,
pli-tv-pvr16:59.4	uppādanirodhena cāti.
pli-tv-pvr17:0.1	Parivāra
pli-tv-pvr17:0.2	17. Upālipañcaka
pli-tv-pvr17:0.3	1. Anissitavagga
pli-tv-pvr17:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-pvr17:1.2	Atha kho āyasmā upāli yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-pvr17:1.3	Ekamantaṁ nisinno kho āyasmā upāli bhagavantaṁ etadavoca—
pli-tv-pvr17:1.4	“katihi nu kho, bhante, aṅgehi samannāgatena bhikkhunā yāvajīvaṁ nānissitena vatthabban”ti?
pli-tv-pvr17:2.1	“Pañcahupāli, aṅgehi samannāgatena bhikkhunā yāvajīvaṁ nānissitena vatthabbaṁ.
pli-tv-pvr17:2.2	Katamehi pañcahi?
pli-tv-pvr17:2.3	Uposathaṁ na jānāti, uposathakammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavasso hoti—
pli-tv-pvr17:2.4	imehi kho, upāli, pañcahaṅgehi samannāgatena bhikkhunā yāvajīvaṁ nānissitena vatthabbaṁ.
pli-tv-pvr17:2.5	Pañcahupāli, aṅgehi samannāgatena bhikkhunā yāvajīvaṁ anissitena vatthabbaṁ.
pli-tv-pvr17:2.6	Katamehi pañcahi?
pli-tv-pvr17:2.7	Uposathaṁ jānāti, uposathakammaṁ jānāti, pātimokkhaṁ jānāti, pātimokkhuddesaṁ jānāti, pañcavasso vā hoti atirekapañcavasso vā—
pli-tv-pvr17:2.8	imehi kho, upāli, pañcahaṅgehi samannāgatena bhikkhunā yāvajīvaṁ anissitena vatthabbaṁ.
pli-tv-pvr17:3.1	Aparehipi, upāli, pañcahaṅgehi samannāgatena bhikkhunā yāvajīvaṁ nānissitena vatthabbaṁ.
pli-tv-pvr17:3.2	Katamehi pañcahi?
pli-tv-pvr17:3.3	Pavāraṇaṁ na jānāti, pavāraṇākammaṁ na jānāti, pātimokkhaṁ na jānāti, pātimokkhuddesaṁ na jānāti, ūnapañcavasso hoti—
pli-tv-pvr17:3.4	imehi kho, upāli, pañcahaṅgehi samannāgatena bhikkhunā yāvajīvaṁ nānissitena vatthabbaṁ.
pli-tv-pvr17:3.5	Pañcahupāli, aṅgehi samannāgatena bhikkhunā yāvajīvaṁ anissitena vatthabbaṁ.
pli-tv-pvr17:3.6	Katamehi pañcahi?
pli-tv-pvr17:3.7	Pavāraṇaṁ jānāti, pavāraṇākammaṁ jānāti, pātimokkhaṁ jānāti, pātimokkhuddesaṁ jānāti, pañcavasso vā hoti atirekapañcavasso vā—
pli-tv-pvr17:3.8	imehi kho, upāli, pañcahaṅgehi samannāgatena bhikkhunā yāvajīvaṁ anissitena vatthabbaṁ.
pli-tv-pvr17:4.1	Aparehipi, upāli, pañcahaṅgehi samannāgatena bhikkhunā yāvajīvaṁ nānissitena vatthabbaṁ.
pli-tv-pvr17:4.2	Katamehi pañcahi?
pli-tv-pvr17:4.3	Āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, ūnapañcavasso hoti—
pli-tv-pvr17:4.4	imehi kho, upāli, pañcahaṅgehi samannāgatena bhikkhunā yāvajīvaṁ nānissitena vatthabbaṁ.
pli-tv-pvr17:4.5	Pañcahupāli, aṅgehi samannāgatena bhikkhunā yāvajīvaṁ anissitena vatthabbaṁ.
pli-tv-pvr17:4.6	Katamehi pañcahi?
pli-tv-pvr17:4.7	Āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, pañcavasso vā hoti atirekapañcavasso vā—
pli-tv-pvr17:4.8	imehi kho, upāli, pañcahaṅgehi samannāgatena bhikkhunā yāvajīvaṁ anissitena vatthabbaṁ”.
pli-tv-pvr17:5.1	“Katihi nu kho, bhante, aṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo”ti?
pli-tv-pvr17:6.1	“Pañcahupāli, aṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-pvr17:6.2	Katamehi pañcahi?
pli-tv-pvr17:6.3	Na paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ, abhidhamme vinetuṁ, abhivinaye vinetuṁ—
pli-tv-pvr17:6.4	imehi kho, upāli, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-pvr17:6.5	Pañcahupāli, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-pvr17:6.6	Katamehi pañcahi?
pli-tv-pvr17:6.7	Paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ, abhidhamme vinetuṁ, abhivinaye vinetuṁ—
pli-tv-pvr17:6.8	imehi kho, upāli, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-pvr17:7.1	Aparehipi, upāli, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-pvr17:7.2	Katamehi pañcahi?
pli-tv-pvr17:7.3	Na paṭibalo hoti antevāsiṁ vā saddhivihāriṁ vā abhisamācārikāya sikkhāya sikkhāpetuṁ, ādibrahmacāriyakāya sikkhāya vinetuṁ, adhisīle vinetuṁ, adhicitte vinetuṁ, adhipaññāya vinetuṁ—
pli-tv-pvr17:7.4	imehi kho, upāli, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-pvr17:7.5	Pañcahupāli, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-pvr17:7.6	Katamehi pañcahi?
pli-tv-pvr17:7.7	Paṭibalo hoti antevāsiṁ vā saddhivihāriṁ vā abhisamācārikāya sikkhāya sikkhāpetuṁ, ādibrahmacāriyakāya sikkhāya vinetuṁ, adhisīle vinetuṁ, adhicitte vinetuṁ, adhipaññāya vinetuṁ—
pli-tv-pvr17:7.8	imehi kho, upāli, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo”ti.
pli-tv-pvr17:8.1	“Katihi nu kho, bhante, aṅgehi samannāgatassa bhikkhuno kammaṁ kātabban”ti?
pli-tv-pvr17:9.1	Pañcahupāli, aṅgehi samannāgatassa bhikkhuno kammaṁ kātabbaṁ.
pli-tv-pvr17:9.2	Katamehi pañcahi?
pli-tv-pvr17:9.3	Alajjī ca hoti, bālo ca, apakatatto ca, micchādiṭṭhiko ca hoti, ājīvavipanno ca—
pli-tv-pvr17:9.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:10.1	“Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:10.2	Katamehi pañcahi?
pli-tv-pvr17:10.3	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti, micchādiṭṭhiko ca hoti, ājīvavipanno ca—
pli-tv-pvr17:10.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:11.1	Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:11.2	Katamehi pañcahi?
pli-tv-pvr17:11.3	Kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti, micchādiṭṭhiko ca hoti, ājīvavipanno ca—
pli-tv-pvr17:11.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:12.1	Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:12.2	Katamehi pañcahi?
pli-tv-pvr17:12.3	Kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, micchādiṭṭhiko ca hoti, ājīvavipanno ca—
pli-tv-pvr17:12.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:13.1	Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:13.2	Katamehi pañcahi?
pli-tv-pvr17:13.3	Kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti, micchādiṭṭhiko ca hoti, ājīvavipanno ca—
pli-tv-pvr17:13.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:14.1	Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:14.2	Katamehi pañcahi?
pli-tv-pvr17:14.3	Kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti, micchādiṭṭhiko ca hoti, ājīvavipanno ca—
pli-tv-pvr17:14.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:15.1	Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:15.2	Katamehi pañcahi?
pli-tv-pvr17:15.3	Āpattiṁ āpanno kammakato upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-pvr17:15.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:16.1	Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:16.2	Katamehi pañcahi?
pli-tv-pvr17:16.3	Yāya āpattiyā saṅghena kammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ, kammaṁ garahati, kammike garahati—
pli-tv-pvr17:16.4	imehi kho, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:17.1	Aparehipi, upāli, pañcahaṅgehi samannāgatassa bhikkhuno kammaṁ kātabbaṁ.
pli-tv-pvr17:17.2	Katamehi pañcahi?
pli-tv-pvr17:17.3	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati, micchādiṭṭhiko ca hoti, ājīvavipanno ca—
pli-tv-pvr17:17.4	imehi kho, upāli, pañcahaṅgehi samannāgatassa bhikkhuno kammaṁ kātabban”ti.
pli-tv-pvr17:18.1	Anissitavaggo niṭṭhito paṭhamo.
pli-tv-pvr17:19.1	Tassuddānaṁ
pli-tv-pvr17:20.1	Uposathaṁ pavāraṇaṁ,
pli-tv-pvr17:20.2	āpatti ca gilānakaṁ;
pli-tv-pvr17:20.3	Abhisamācāralajjī ca,
pli-tv-pvr17:20.4	adhisīle davena ca.
pli-tv-pvr17:21.1	Anācāraṁ upaghāti,
pli-tv-pvr17:21.2	micchā āpattimeva ca;
pli-tv-pvr17:21.3	Yāyāpattiyā buddhassa,
pli-tv-pvr17:21.4	paṭhamo vaggasaṅgahoti.
pli-tv-pvr17:22.0	2. Nappaṭippassambhanavagga
pli-tv-pvr17:22.1	“Katihi nu kho, bhante, aṅgehi samannāgatassa bhikkhuno kammaṁ nappaṭippassambhetabban”ti?
pli-tv-pvr17:23.1	“Pañcahupāli, aṅgehi samannāgatassa bhikkhuno kammaṁ nappaṭippassambhetabbaṁ.
pli-tv-pvr17:23.2	Katamehi pañcahi?
pli-tv-pvr17:23.3	Āpattiṁ āpanno kammakato upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-pvr17:23.4	imehi kho, upāli, pañcahaṅgehi samannāgatassa bhikkhuno kammaṁ nappaṭippassambhetabbaṁ.
pli-tv-pvr17:24.1	Aparehipi, upāli, pañcahaṅgehi samannāgatassa bhikkhuno kammaṁ nappaṭippassambhetabbaṁ.
pli-tv-pvr17:24.2	Katamehi pañcahi?
pli-tv-pvr17:24.3	Yāya āpattiyā saṅghena kammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ, kammaṁ garahati, kammike garahati—
pli-tv-pvr17:24.4	imehi kho, upāli, pañcahaṅgehi samannāgatassa bhikkhuno kammaṁ nappaṭippassambhetabbaṁ.
pli-tv-pvr17:25.1	Aparehipi, upāli, pañcahaṅgehi samannāgatassa bhikkhuno kammaṁ nappaṭippassambhetabbaṁ.
pli-tv-pvr17:25.2	Katamehi pañcahi?
pli-tv-pvr17:25.3	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati, micchādiṭṭhiko ca hoti, ājīvavipanno ca—
pli-tv-pvr17:25.4	imehi kho, upāli, pañcahaṅgehi samannāgatassa bhikkhuno kammaṁ nappaṭippassambhetabbaṁ.
pli-tv-pvr17:26.1	Aparehipi, upāli, pañcahaṅgehi samannāgatassa bhikkhuno kammaṁ nappaṭippassambhetabbaṁ.
pli-tv-pvr17:26.2	Katamehi pañcahi?
pli-tv-pvr17:26.3	Alajjī ca hoti, bālo ca, apakatatto ca, omaddakārako ca hoti, vattesu sikkhāya ca na paripūrakārī—
pli-tv-pvr17:26.4	imehi kho, upāli, pañcahaṅgehi samannāgatassa bhikkhuno kammaṁ nappaṭippassambhetabban”ti.
pli-tv-pvr17:27.1	“Saṅgāmāvacarena, bhante, bhikkhunā saṅghaṁ upasaṅkamantena kati dhamme ajjhattaṁ upaṭṭhāpetvā saṅgho upasaṅkamitabbo”ti?
pli-tv-pvr17:28.1	“Saṅgāmāvacarena, upāli, bhikkhunā saṅghaṁ upasaṅkamantena pañca dhamme ajjhattaṁ upaṭṭhāpetvā saṅgho upasaṅkamitabbo.
pli-tv-pvr17:28.2	Katame pañca?
pli-tv-pvr17:28.3	Saṅgāmāvacarena, upāli, bhikkhunā saṅghaṁ upasaṅkamantena nīcacittena saṅgho upasaṅkamitabbo, rajoharaṇasamena cittena, āsanakusalena bhavitabbaṁ nissajjakusalena, there bhikkhū anupakhajjantena, nave bhikkhū āsanena appaṭibāhantena yathāpatirūpe āsane nisīditabbaṁ, anānākathikena bhavitabbaṁ atiracchānakathikena, sāmaṁ vā dhammo bhāsitabbo, paro vā ajjhesitabbo, ariyo vā tuṇhībhāvo nātimaññitabbo, sace, upāli, saṅgho samaggakaraṇīyāni kammāni karoti;
pli-tv-pvr17:28.4	tatra ce, upāli, bhikkhuno nakkhamati, api diṭṭhāvikammaṁ katvā ñāpetabbā sāmaggī.
pli-tv-pvr17:28.5	Taṁ kissahetu?
pli-tv-pvr17:28.6	Māhaṁ saṅghena nānatto assanti.
pli-tv-pvr17:28.7	Saṅgāmāvacarenupāli, bhikkhunā saṅghaṁ upasaṅkamantena ime pañca dhamme ajjhattaṁ upaṭṭhāpetvā saṅgho upasaṅkamitabbo”ti.
pli-tv-pvr17:29.1	“Katihi nu kho, bhante, aṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito cā”ti?
pli-tv-pvr17:30.1	“Pañcahupāli, aṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanarucito ca.
pli-tv-pvr17:30.2	Katamehi pañcahi?
pli-tv-pvr17:30.3	Ussitamantī ca hoti, nissitajappī ca, na ca bhāsānusandhikusalo hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti—
pli-tv-pvr17:30.4	imehi kho, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.
pli-tv-pvr17:30.5	Pañcahupāli, aṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
pli-tv-pvr17:30.6	Katamehi pañcahi?
pli-tv-pvr17:30.7	Na ussitamantī ca hoti, na nissitajappī ca, bhāsānusandhikusalo ca hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti—
pli-tv-pvr17:30.8	imehi kho, upāli, pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
pli-tv-pvr17:31.1	Aparehipi, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.
pli-tv-pvr17:31.2	Katamehi pañcahi?
pli-tv-pvr17:31.3	Ussādetā ca hoti, apasādetā ca, adhammaṁ gaṇhāti, dhammaṁ paṭibāhati, samphañca bahuṁ bhāsati—
pli-tv-pvr17:31.4	imehi kho, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.
pli-tv-pvr17:31.5	Pañcahupāli, aṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
pli-tv-pvr17:31.6	Katamehi pañcahi?
pli-tv-pvr17:31.7	Na ussādetā ca hoti, na apasādetā ca, dhammaṁ gaṇhāti, adhammaṁ paṭibāhati, samphañca na bahuṁ bhāsati—
pli-tv-pvr17:31.8	imehi kho, upāli, pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
pli-tv-pvr17:32.1	Aparehipi, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.
pli-tv-pvr17:32.2	Katamehi pañcahi?
pli-tv-pvr17:32.3	Pasayhapavattā hoti, anokāsakammaṁ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākatā hoti—
pli-tv-pvr17:32.4	imehi kho, upāli, pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.
pli-tv-pvr17:32.5	Pañcahupāli, aṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
pli-tv-pvr17:32.6	Katamehi pañcahi?
pli-tv-pvr17:32.7	Na pasayhapavattā hoti, okāsakammaṁ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākatā hoti—
pli-tv-pvr17:32.8	imehi kho, upāli, pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito cā”ti.
pli-tv-pvr17:33.1	“Kati nu kho, bhante, ānisaṁsā vinayapariyattiyā”ti?
pli-tv-pvr17:34.1	“Pañcime, upāli, ānisaṁsā vinayapariyattiyā.
pli-tv-pvr17:34.2	Katame pañca?
pli-tv-pvr17:34.3	Attano sīlakkhandho sugutto hoti surakkhito, kukkuccapakatānaṁ paṭisaraṇaṁ hoti, visārado saṅghamajjhe voharati, paccatthike sahadhammena suniggahitaṁ niggaṇhāti, saddhammaṭṭhitiyā paṭipanno hoti—
pli-tv-pvr17:34.4	imehi kho, upāli, pañcānisaṁsā vinayapariyattiyā”.
pli-tv-pvr17:35.1	Nappaṭippassambhanavaggo niṭṭhito dutiyo.
pli-tv-pvr17:36.1	Tassuddānaṁ
pli-tv-pvr17:37.1	Āpanno yāyavaṇṇañca,
pli-tv-pvr17:37.2	alajjī saṅgāmena ca;
pli-tv-pvr17:37.3	Ussitā ussādetā ca,
pli-tv-pvr17:37.4	pasayha pariyattiyāti.
pli-tv-pvr17:38.1	Paṭhamayamakapaññatti.
pli-tv-pvr17:39.0	3. Vohāravagga
pli-tv-pvr17:39.1	“Katihi nu kho, bhante, aṅgehi samannāgatena bhikkhunā saṅghe na voharitabban”ti
pli-tv-pvr17:40.1	“Pañcahupāli, aṅgehi samannāgatena bhikkhunā saṅghe na voharitabbaṁ.
pli-tv-pvr17:40.2	Katamehi pañcahi?
pli-tv-pvr17:40.3	Āpattiṁ na jānāti, āpattisamuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti—
pli-tv-pvr17:40.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:40.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:40.6	Katamehi pañcahi?
pli-tv-pvr17:40.7	Āpattiṁ jānāti, āpattisamuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti—
pli-tv-pvr17:40.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:41.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:41.2	Katamehi pañcahi?
pli-tv-pvr17:41.3	Adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti—
pli-tv-pvr17:41.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:41.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:41.6	Katamehi pañcahi?
pli-tv-pvr17:41.7	Adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa vinicchayakusalo hoti—
pli-tv-pvr17:41.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:42.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:42.2	Katamehi pañcahi?
pli-tv-pvr17:42.3	Pasayhapavattā hoti, anokāsakammaṁ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākatā hoti—
pli-tv-pvr17:42.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:42.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:42.6	Katamehi pañcahi?
pli-tv-pvr17:42.7	Na pasayhapavattā hoti, okāsakammaṁ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākatā hoti—
pli-tv-pvr17:42.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:43.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:43.2	Katamehi pañcahi?
pli-tv-pvr17:43.3	Āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, sappaṭikammaṁ appaṭikammaṁ āpattiṁ na jānāti—
pli-tv-pvr17:43.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:43.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:43.6	Katamehi pañcahi?
pli-tv-pvr17:43.7	Āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, sappaṭikammaṁ appaṭikammaṁ āpattiṁ jānāti—
pli-tv-pvr17:43.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:44.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:44.2	Katamehi pañcahi?
pli-tv-pvr17:44.3	Kammaṁ na jānāti, kammassa karaṇaṁ na jānāti, kammassa vatthuṁ na jānāti, kammassa vattaṁ na jānāti, kammassa vūpasamaṁ na jānāti—
pli-tv-pvr17:44.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:44.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:44.6	Katamehi pañcahi?
pli-tv-pvr17:44.7	Kammaṁ jānāti, kammassa karaṇaṁ jānāti, kammassa vatthuṁ jānāti, kammassa vattaṁ jānāti, kammassa vūpasamaṁ jānāti—
pli-tv-pvr17:44.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:45.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:45.2	Katamehi pañcahi?
pli-tv-pvr17:45.3	Vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti—
pli-tv-pvr17:45.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:45.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:45.6	Katamehi pañcahi?
pli-tv-pvr17:45.7	Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—
pli-tv-pvr17:45.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:46.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:46.2	Katamehi pañcahi?
pli-tv-pvr17:46.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, alajjī ca hoti—
pli-tv-pvr17:46.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:46.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:46.6	Katamehi pañcahi?
pli-tv-pvr17:46.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, lajjī ca hoti—
pli-tv-pvr17:46.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:47.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:47.2	Katamehi pañcahi?
pli-tv-pvr17:47.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, akusalo ca hoti vinaye—
pli-tv-pvr17:47.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:47.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:47.6	Katamehi pañcahi?
pli-tv-pvr17:47.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, kusalo ca hoti vinaye—
pli-tv-pvr17:47.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:48.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:48.2	Katamehi pañcahi?
pli-tv-pvr17:48.3	Ñattiṁ na jānāti, ñattiyā karaṇaṁ na jānāti, ñattiyā anussāvanaṁ na jānāti, ñattiyā samathaṁ na jānāti, ñattiyā vūpasamaṁ na jānāti—
pli-tv-pvr17:48.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:48.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:48.6	Katamehi pañcahi?
pli-tv-pvr17:48.7	Ñattiṁ jānāti, ñattiyā karaṇaṁ jānāti, ñattiyā anussāvanaṁ jānāti, ñattiyā samathaṁ jānāti, ñattiyā vūpasamaṁ jānāti—
pli-tv-pvr17:48.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:49.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:49.2	Katamehi pañcahi?
pli-tv-pvr17:49.3	Suttaṁ na jānāti, suttānulomaṁ na jānāti, vinayaṁ na jānāti, vinayānulomaṁ na jānāti, na ca ṭhānāṭhānakusalo hoti—
pli-tv-pvr17:49.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:49.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:49.6	Katamehi pañcahi?
pli-tv-pvr17:49.7	Suttaṁ jānāti, suttānulomaṁ jānāti, vinayaṁ jānāti, vinayānulomaṁ jānāti, ṭhānāṭhānakusalo ca hoti—
pli-tv-pvr17:49.8	imehi kho, upāli, pañcahaṅgehi samannāgatena bhikkhunā saṅghe voharitabbaṁ.
pli-tv-pvr17:50.1	Aparehipi, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:50.2	Katamehi pañcahi?
pli-tv-pvr17:50.3	Dhammaṁ na jānāti, dhammānulomaṁ na jānāti, vinayaṁ na jānāti, vinayānulomaṁ na jānāti, na ca pubbāparakusalo hoti—
pli-tv-pvr17:50.4	imehi kho, upāli, pañcahaṅgehi samannāgatena bhikkhunā saṅghe na voharitabbaṁ.
pli-tv-pvr17:50.5	Pañcahupāli, aṅgehi samannāgatena bhikkhunā saṅghe voharitabbaṁ.
pli-tv-pvr17:50.6	Katamehi pañcahi?
pli-tv-pvr17:50.7	Dhammaṁ jānāti, dhammānulomaṁ jānāti, vinayaṁ jānāti, vinayānulomaṁ jānāti, pubbāparakusalo ca hoti—
pli-tv-pvr17:50.8	imehi kho, upāli, pañcahaṅgehi samannāgatena bhikkhunā saṅghe voharitabban”ti.
pli-tv-pvr17:51.1	Vohāravaggo niṭṭhito tatiyo.
pli-tv-pvr17:52.1	Tassuddānaṁ
pli-tv-pvr17:53.1	Āpatti adhikaraṇaṁ,
pli-tv-pvr17:53.2	pasayhāpatti jānanā;
pli-tv-pvr17:53.3	Kammaṁ vatthuṁ alajjī ca,
pli-tv-pvr17:53.4	akusalo ca ñattiyā;
pli-tv-pvr17:53.5	Suttaṁ na jānāti dhammaṁ,
pli-tv-pvr17:53.6	tatiyo vaggasaṅgahoti.
pli-tv-pvr17:54.0	4. Diṭṭhāvikammavagga
pli-tv-pvr17:54.1	“Kati nu kho, bhante, adhammikā diṭṭhāvikammā”ti?
pli-tv-pvr17:55.1	“Pañcime, upāli, adhammikā diṭṭhāvikammā.
pli-tv-pvr17:55.2	Katame pañca?
pli-tv-pvr17:55.3	Anāpattiyā diṭṭhiṁ āvi karoti, adesanāgāminiyā āpattiyā diṭṭhiṁ āvi karoti, desitāya āpattiyā diṭṭhiṁ āvi karoti, catūhi pañcahi diṭṭhiṁ āvi karoti, mano mānasena diṭṭhiṁ āvi karoti—
pli-tv-pvr17:55.4	ime kho, upāli, pañca adhammikā diṭṭhāvikammā.
pli-tv-pvr17:56.1	Pañcime, upāli, dhammikā diṭṭhāvikammā.
pli-tv-pvr17:56.2	Katame pañca?
pli-tv-pvr17:56.3	Āpattiyā diṭṭhiṁ āvi karoti, desanāgāminiyā āpattiyā diṭṭhiṁ āvi karoti, adesitāya āpattiyā diṭṭhiṁ āvi karoti, na catūhi pañcahi diṭṭhiṁ āvi karoti, na mano mānasena diṭṭhiṁ āvi karoti—
pli-tv-pvr17:56.4	ime kho, upāli, pañca dhammikā diṭṭhāvikammā.
pli-tv-pvr17:57.1	Aparepi, upāli, pañca adhammikā diṭṭhāvikammā.
pli-tv-pvr17:57.2	Katame pañca?
pli-tv-pvr17:57.3	Nānāsaṁvāsakassa santike diṭṭhiṁ āvi karoti, nānāsīmāya ṭhitassa santike diṭṭhiṁ āvi karoti, apakatattassa santike diṭṭhiṁ āvi karoti, catūhi pañcahi diṭṭhiṁ āvi karoti, mano mānasena diṭṭhiṁ āvi karoti—
pli-tv-pvr17:57.4	ime kho, upāli, pañca adhammikā diṭṭhāvikammā.
pli-tv-pvr17:58.1	Pañcime, upāli, dhammikā diṭṭhāvikammā.
pli-tv-pvr17:58.2	Katame pañca?
pli-tv-pvr17:58.3	Samānasaṁvāsakassa santike diṭṭhiṁ āvi karoti, samānasīmāya ṭhitassa santike diṭṭhiṁ āvi karoti, pakatattassa santike diṭṭhiṁ āvi karoti, na catūhi pañcahi diṭṭhiṁ āvi karoti, na mano mānasena diṭṭhiṁ āvi karoti—
pli-tv-pvr17:58.4	ime kho, upāli, pañca dhammikā diṭṭhāvikammā”ti.
pli-tv-pvr17:59.1	“Kati nu kho, bhante, adhammikā paṭiggahā”ti?
pli-tv-pvr17:60.1	“Pañcime, upāli, adhammikā paṭiggahā.
pli-tv-pvr17:60.2	Katame pañca?
pli-tv-pvr17:60.3	Kāyena diyyamānaṁ kāyena appaṭiggahitaṁ, kāyena diyyamānaṁ kāyappaṭibaddhena appaṭiggahitaṁ, kāyappaṭibaddhena diyyamānaṁ kāyena appaṭiggahitaṁ, kāyappaṭibaddhena diyyamānaṁ kāyappaṭibaddhena appaṭiggahitaṁ, nissaggiyena diyyamānaṁ kāyena vā kāyappaṭibaddhena vā appaṭiggahitaṁ—
pli-tv-pvr17:60.4	ime kho, upāli, pañca adhammikā paṭiggahā.
pli-tv-pvr17:61.1	Pañcime, upāli, dhammikā paṭiggahā.
pli-tv-pvr17:61.2	Katame pañca?
pli-tv-pvr17:61.3	Kāyena diyyamānaṁ kāyena paṭiggahitaṁ, kāyena diyyamānaṁ kāyappaṭibaddhena paṭiggahitaṁ, kāyappaṭibaddhena diyyamānaṁ kāyena paṭiggahitaṁ, kāyappaṭibaddhena diyyamānaṁ kāyappaṭibaddhena paṭiggahitaṁ, nissaggiyena diyyamānaṁ kāyena vā kāyappaṭibaddhena vā paṭiggahitaṁ—
pli-tv-pvr17:61.4	ime kho, upāli, pañca dhammikā paṭiggahā”ti.
pli-tv-pvr17:62.1	“Kati nu kho, bhante, anatirittā”ti?
pli-tv-pvr17:63.1	“Pañcime, upāli, anatirittā.
pli-tv-pvr17:63.2	Katame pañca?
pli-tv-pvr17:63.3	Akappiyakataṁ hoti, appaṭiggahitakataṁ hoti anuccāritakataṁ hoti, ahatthapāse kataṁ hoti, alametaṁ sabbanti avuttaṁ hoti—
pli-tv-pvr17:63.4	ime kho, upāli, pañca anatirittā.
pli-tv-pvr17:64.1	Pañcime, upāli, atirittā.
pli-tv-pvr17:64.2	Katame pañca?
pli-tv-pvr17:64.3	Kappiyakataṁ hoti, paṭiggahitakataṁ hoti, uccāritakataṁ hoti, hatthapāse kataṁ hoti, alametaṁ sabbanti vuttaṁ hoti—
pli-tv-pvr17:64.4	ime kho, upāli, pañca atirittā”ti.
pli-tv-pvr17:65.1	“Katihi nu kho, bhante, ākārehi pavāraṇā paññāyatī”ti?
pli-tv-pvr17:66.1	“Pañcahupāli, ākārehi pavāraṇā paññāyati.
pli-tv-pvr17:66.2	Katamehi pañcahi?
pli-tv-pvr17:66.3	Asanaṁ paññāyati, bhojanaṁ paññāyati, hatthapāse ṭhito abhiharati, paṭikkhepo paññāyati—
pli-tv-pvr17:66.4	imehi kho, upāli, pañcahākārehi pavāraṇā paññāyatī”ti.
pli-tv-pvr17:67.1	“Kati nu kho, bhante, adhammikā paṭiññātakaraṇā”ti?
pli-tv-pvr17:68.1	“Pañcime, upāli, adhammikā paṭiññātakaraṇā.
pli-tv-pvr17:68.2	Katame pañca?
pli-tv-pvr17:68.3	Bhikkhu pārājikaṁ ajjhāpanno hoti, pārājikena codiyamāno saṅghādisesaṁ ajjhāpanno paṭijānāti, taṁ saṅgho saṅghādisesena kāreti, adhammikaṁ paṭiññātakaraṇaṁ.
pli-tv-pvr17:68.4	Bhikkhu pārājikaṁ ajjhāpanno hoti, pārājikena codiyamāno pācittiyaṁ …pe…
pli-tv-pvr17:68.5	pāṭidesanīyaṁ …
pli-tv-pvr17:68.6	dukkaṭaṁ ajjhāpanno paṭijānāti, taṁ saṅgho dukkaṭena kāreti, adhammikaṁ paṭiññātakaraṇaṁ.
pli-tv-pvr17:68.7	Bhikkhu saṅghādisesaṁ …pe…
pli-tv-pvr17:68.8	pācittiyaṁ …
pli-tv-pvr17:68.9	pāṭidesanīyaṁ …
pli-tv-pvr17:68.10	dukkaṭaṁ ajjhāpanno hoti. Dukkaṭena codiyamāno pārājikaṁ ajjhāpanno paṭijānāti, taṁ saṅgho pārājikena kāreti, adhammikaṁ paṭiññātakaraṇaṁ.
pli-tv-pvr17:68.11	Bhikkhu dukkaṭaṁ ajjhāpanno hoti, dukkaṭena codiyamāno saṅghādisesaṁ …pe…
pli-tv-pvr17:68.12	pācittiyaṁ …
pli-tv-pvr17:68.13	pāṭidesanīyaṁ ajjhāpanno paṭijānāti, taṁ saṅgho pāṭidesanīyena kāreti, adhammikaṁ paṭiññātakaraṇaṁ.
pli-tv-pvr17:68.14	Ime kho, upāli, pañca adhammikā paṭiññātakaraṇā.
pli-tv-pvr17:69.1	Pañcime, upāli, dhammikā paṭiññātakaraṇā.
pli-tv-pvr17:69.2	Katame pañca?
pli-tv-pvr17:69.3	Bhikkhu pārājikaṁ ajjhāpanno hoti, pārājikena codiyamāno pārājikaṁ ajjhāpanno paṭijānāti, taṁ saṅgho pārājikena kāreti, dhammikaṁ paṭiññātakaraṇaṁ.
pli-tv-pvr17:69.4	Bhikkhu saṅghādisesaṁ …pe…
pli-tv-pvr17:69.5	pācittiyaṁ …
pli-tv-pvr17:69.6	pāṭidesanīyaṁ …
pli-tv-pvr17:69.7	dukkaṭaṁ ajjhāpanno hoti, dukkaṭena codiyamāno dukkaṭaṁ ajjhāpanno paṭijānāti, taṁ saṅgho dukkaṭena kāreti, dhammikaṁ paṭiññātakaraṇaṁ.
pli-tv-pvr17:69.8	Ime kho, upāli, pañca dhammikā paṭiññātakaraṇā”ti.
pli-tv-pvr17:70.1	“Katihi nu kho, bhante, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātun”ti?
pli-tv-pvr17:71.1	“Pañcahupāli, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.
pli-tv-pvr17:71.2	Katamehi pañcahi?
pli-tv-pvr17:71.3	Alajjī ca hoti, bālo ca, apakatatto ca, cāvanādhippāyo vattā hoti, no vuṭṭhānādhippāyo—
pli-tv-pvr17:71.4	imehi kho, upāli, pañcahaṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.
pli-tv-pvr17:72.1	Pañcahupāli, aṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātuṁ.
pli-tv-pvr17:72.2	Katamehi pañcahi?
pli-tv-pvr17:72.3	Lajjī ca hoti, paṇḍito ca, pakatatto ca, vuṭṭhānādhippāyo vattā hoti, no cāvanādhippāyo—
pli-tv-pvr17:72.4	imehi kho, upāli, pañcahaṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātun”ti.
pli-tv-pvr17:73.1	“Katihi nu kho, bhante, aṅgehi samannāgatena bhikkhunā saddhiṁ vinayo na sākacchitabbo”ti?
pli-tv-pvr17:74.1	“Pañcahupāli, aṅgehi samannāgatena bhikkhunā saddhiṁ vinayo na sākacchitabbo.
pli-tv-pvr17:74.2	Katamehi pañcahi?
pli-tv-pvr17:74.3	Vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti—
pli-tv-pvr17:74.4	imehi kho, upāli, pañcahaṅgehi samannāgatena bhikkhunā saddhiṁ vinayo na sākacchitabbo.
pli-tv-pvr17:75.1	Pañcahupāli, aṅgehi samannāgatena bhikkhunā saddhiṁ vinayo sākacchitabbo.
pli-tv-pvr17:75.2	Katamehi pañcahi?
pli-tv-pvr17:75.3	Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—
pli-tv-pvr17:75.4	imehi kho, upāli, pañcahaṅgehi samannāgatena bhikkhunā saddhiṁ vinayo sākacchitabbo”ti.
pli-tv-pvr17:76.1	“Kati nu kho, bhante, pañhāpucchā”ti?
pli-tv-pvr17:77.1	“Pañcimā, upāli, pañhāpucchā.
pli-tv-pvr17:77.2	Katamā pañca?
pli-tv-pvr17:77.3	Mandattā momūhattā pañhaṁ pucchati, pāpiccho icchāpakato pañhaṁ pucchati, paribhavā pañhaṁ pucchati, aññātukāmo pañhaṁ pucchati, sace me pañhaṁ puṭṭho sammadeva byākarissati iccetaṁ kusalaṁ no ce pañhaṁ puṭṭho sammadeva byākarissati ahamassa sammadeva byākarissāmīti pañhaṁ pucchati—
pli-tv-pvr17:77.4	imā kho, upāli, pañca pañhāpucchā”ti.
pli-tv-pvr17:78.1	“Kati nu kho, bhante, aññabyākaraṇā”ti?
pli-tv-pvr17:79.1	“Pañcime, upāli, aññabyākaraṇā.
pli-tv-pvr17:79.2	Katame pañca?
pli-tv-pvr17:79.3	Mandattā momūhattā aññaṁ byākaroti, pāpiccho icchāpakato aññaṁ byākaroti, ummādā cittakkhepā aññaṁ byākaroti, adhimānena aññaṁ byākaroti, bhūtaṁ aññaṁ byākaroti—
pli-tv-pvr17:79.4	ime kho, upāli, pañca aññabyākaraṇā”ti.
pli-tv-pvr17:80.1	“Kati nu kho, bhante, visuddhiyo”ti?
pli-tv-pvr17:81.1	“Pañcimā, upāli, visuddhiyo.
pli-tv-pvr17:81.2	Katamā pañca?
pli-tv-pvr17:81.3	Nidānaṁ uddisitvā avasesaṁ sutena sāvetabbaṁ ayaṁ paṭhamā visuddhi, nidānaṁ uddisitvā cattāri pārājikāni uddisitvā avasesaṁ sutena sāvetabbaṁ ayaṁ dutiyā visuddhi, nidānaṁ uddisitvā cattāri pārājikāni uddisitvā terasa saṅghādisese uddisitvā avasesaṁ sutena sāvetabbaṁ ayaṁ tatiyā visuddhi, nidānaṁ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaṁ sutena sāvetabbaṁ ayaṁ catutthā visuddhi, vitthāreneva pañcamī—
pli-tv-pvr17:81.4	imā kho, upāli, pañca visuddhiyo”ti.
pli-tv-pvr17:82.1	“Kati nu kho, bhante, bhojanā”ti?
pli-tv-pvr17:83.1	“Pañcime, upāli, bhojanā.
pli-tv-pvr17:83.2	Katame pañca?
pli-tv-pvr17:83.3	Odano, kummāso, sattu, maccho, maṁsaṁ—
pli-tv-pvr17:83.4	ime kho, upāli, pañca bhojanā”ti.
pli-tv-pvr17:84.1	Diṭṭhāvikammavaggo niṭṭhito catuttho.
pli-tv-pvr17:85.1	Tassuddānaṁ
pli-tv-pvr17:86.1	Diṭṭhāvikammā apare,
pli-tv-pvr17:86.2	paṭiggahānatirittā;
pli-tv-pvr17:86.3	Pavāraṇā paṭiññātaṁ,
pli-tv-pvr17:86.4	okāsaṁ sākacchena ca;
pli-tv-pvr17:86.5	Pañhaṁ aññabyākaraṇā,
pli-tv-pvr17:86.6	visuddhi cāpi bhojanāti.
pli-tv-pvr17:87.0	5. Attādānavagga
pli-tv-pvr17:87.1	“Codakena, bhante, bhikkhunā paraṁ codetukāmena kati dhamme ajjhattaṁ paccavekkhitvā paro codetabbo”ti?
pli-tv-pvr17:88.1	“Codakenupāli, bhikkhunā paraṁ codetukāmena pañca dhamme ajjhattaṁ paccavekkhitvā paro codetabbo.
pli-tv-pvr17:88.2	Katame pañca?
pli-tv-pvr17:88.3	Codakenupāli, bhikkhunā paraṁ codetukāmena evaṁ paccavekkhitabbaṁ—
pli-tv-pvr17:89.1	‘Parisuddhakāyasamācāro nu khomhi, parisuddhenamhi kāyasamācārena samannāgato acchiddena appaṭimaṁsena, saṁvijjati nu kho me eso dhammo udāhu no’ti.
pli-tv-pvr17:89.2	No ce, upāli, bhikkhu parisuddhakāyasamācāro hoti, parisuddhena kāyasamācārena samannāgato acchiddena appaṭimaṁsena, tassa bhavanti vattāro—
pli-tv-pvr17:89.3	‘iṅgha tāva āyasmā kāyikaṁ sikkhassū’ti itissa bhavanti vattāro.
pli-tv-pvr17:90.1	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-pvr17:90.2	‘parisuddhavacīsamācāro nu khomhi, parisuddhenamhi vacīsamācārena samannāgato acchiddena appaṭimaṁsena, saṁvijjati nu kho me eso dhammo udāhu no’ti.
pli-tv-pvr17:90.3	No ce, upāli, bhikkhu parisuddhavacīsamācāro hoti, parisuddhena vacīsamācārena samannāgato acchiddena appaṭimaṁsena, tassa bhavanti vattāro—
pli-tv-pvr17:90.4	‘iṅgha tāva āyasmā vācasikaṁ sikkhassū’ti itissa bhavanti vattāro.
pli-tv-pvr17:91.1	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-pvr17:91.2	‘mettaṁ nu kho me cittaṁ paccupaṭṭhitaṁ sabrahmacārīsu anāghātaṁ, saṁvijjati nu kho me eso dhammo udāhu no’ti.
pli-tv-pvr17:91.3	No ce, upāli, bhikkhuno mettaṁ cittaṁ paccupaṭṭhitaṁ hoti sabrahmacārīsu anāghātaṁ, tassa bhavanti vattāro—
pli-tv-pvr17:91.4	‘iṅgha tāva āyasmā sabrahmacārīsu mettaṁ cittaṁ upaṭṭhāpehī’ti itissa bhavanti vattāro.
pli-tv-pvr17:92.1	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-pvr17:92.2	‘bahussuto nu khomhi sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpā me dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā, saṁvijjati nu kho me eso dhammo udāhu no’ti.
pli-tv-pvr17:92.3	No ce, upāli, bhikkhu bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpassa dhammā na bahussutā honti dhātā vacasā paricitā manasānupekkhitā diṭṭhiyā suppaṭividdhā, tassa bhavanti vattāro—
pli-tv-pvr17:92.4	‘iṅgha tāva āyasmā āgamaṁ pariyāpuṇassū’ti itissa bhavanti vattāro.
pli-tv-pvr17:93.1	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-pvr17:93.2	‘ubhayāni kho me pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, saṁvijjati nu kho me eso dhammo udāhu no’ti.
pli-tv-pvr17:93.3	No ce, upāli, bhikkhuno ubhayāni pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, ‘idaṁ panāvuso kattha vuttaṁ bhagavatā’ti iti puṭṭho na sampāyati, (…) tassa bhavanti vattāro—
pli-tv-pvr17:93.4	‘iṅgha tāva āyasmā vinayaṁ pariyāpuṇassū’ti itissa bhavanti vattāro.
pli-tv-pvr17:93.5	Codakenupāli, bhikkhunā paraṁ codetukāmena ime pañca dhamme ajjhattaṁ paccavekkhitvā paro codetabbo”ti.
pli-tv-pvr17:94.1	“Codakena, bhante, bhikkhunā paraṁ codetukāmena kati dhamme ajjhattaṁ upaṭṭhāpetvā paro codetabbo”ti?
pli-tv-pvr17:95.1	“Codakenupāli, bhikkhunā paraṁ codetukāmena pañca dhamme ajjhattaṁ upaṭṭhāpetvā paro codetabbo.
pli-tv-pvr17:95.2	Katame pañca?
pli-tv-pvr17:95.3	Kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaṁhitena vakkhāmi no anatthasaṁhitena, mettācitto vakkhāmi no dosantaroti—
pli-tv-pvr17:95.4	codakenupāli, bhikkhunā paraṁ codetukāmena ime pañca dhamme ajjhattaṁ upaṭṭhāpetvā paro codetabbo”ti.
pli-tv-pvr17:96.1	“Codakena, bhante, bhikkhunā paraṁ codetukāmena kati dhamme ajjhattaṁ manasi karitvā paro codetabbo”ti?
pli-tv-pvr17:97.1	“Codakenupāli, bhikkhunā paraṁ codetukāmena pañca dhamme ajjhattaṁ manasi karitvā paro codetabbo.
pli-tv-pvr17:97.2	Katame pañca?
pli-tv-pvr17:97.3	Kāruññatā, hitesitā, anukampatā, āpattivuṭṭhānatā, vinayapurekkhāratā—
pli-tv-pvr17:97.4	codakenupāli, bhikkhunā paraṁ codetukāmena ime pañca dhamme ajjhattaṁ manasi karitvā paro codetabbo”ti.
pli-tv-pvr17:98.1	“Katihi nu kho, bhante, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātun”ti?
pli-tv-pvr17:99.1	“Pañcahupāli, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.
pli-tv-pvr17:99.2	Katamehi pañcahi?
pli-tv-pvr17:99.3	Aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo hoti abyatto, na paṭibalo anuyuñjiyamāno anuyogaṁ dātuṁ—
pli-tv-pvr17:99.4	imehi kho, upāli, pañcahaṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.
pli-tv-pvr17:100.1	Pañcahupāli, aṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātuṁ.
pli-tv-pvr17:100.2	Katamehi pañcahi?
pli-tv-pvr17:100.3	Parisuddhakāyasamācāro hoti, parisuddhavacīsamācāro hoti, parisuddhājīvo hoti, paṇḍito hoti byatto paṭibalo anuyuñjiyamāno anuyogaṁ dātuṁ—
pli-tv-pvr17:100.4	imehi kho, upāli, pañcahaṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātun”ti.
pli-tv-pvr17:101.1	“Attādānaṁ ādātukāmena, bhante, bhikkhunā katihaṅgehi samannāgataṁ attādānaṁ ādātabban”ti?
pli-tv-pvr17:102.1	“Attādānaṁ ādātukāmenupāli, bhikkhunā pañcaṅgasamannāgataṁ attādānaṁ ādātabbaṁ.
pli-tv-pvr17:102.2	Katame pañca?
pli-tv-pvr17:102.3	Attādānaṁ ādātukāmena, upāli, bhikkhunā evaṁ paccavekkhitabbaṁ—
pli-tv-pvr17:102.4	‘yaṁ kho ahaṁ imaṁ attādānaṁ ādātukāmo, kālo nu kho imaṁ attādānaṁ ādātuṁ udāhu no’ti.
pli-tv-pvr17:102.5	Sace, upāli, bhikkhu paccavekkhamāno evaṁ jānāti—
pli-tv-pvr17:102.6	‘akālo imaṁ attādānaṁ ādātuṁ no kālo’ti, na taṁ, upāli, attādānaṁ ādātabbaṁ.
pli-tv-pvr17:103.1	Sace panupāli, bhikkhu paccavekkhamāno evaṁ jānāti—
pli-tv-pvr17:103.2	‘kālo imaṁ attādānaṁ ādātuṁ no akālo’ti, tenupāli, bhikkhunā uttari paccavekkhitabbaṁ—
pli-tv-pvr17:103.3	‘yaṁ kho ahaṁ imaṁ attādānaṁ ādātukāmo bhūtaṁ nu kho idaṁ attādānaṁ udāhu no’ti.
pli-tv-pvr17:103.4	Sace, upāli, bhikkhu paccavekkhamāno evaṁ jānāti—
pli-tv-pvr17:103.5	‘abhūtaṁ idaṁ attādānaṁ no bhūtan’ti, na taṁ, upāli, attādānaṁ ādātabbaṁ.
pli-tv-pvr17:104.1	Sace panupāli, bhikkhu paccavekkhamāno evaṁ jānāti—
pli-tv-pvr17:104.2	‘bhūtaṁ idaṁ attādānaṁ no abhūtan’ti, tenupāli, bhikkhunā uttari paccavekkhitabbaṁ—
pli-tv-pvr17:104.3	‘yaṁ kho ahaṁ imaṁ attādānaṁ ādātukāmo, atthasaṁhitaṁ nu kho idaṁ attādānaṁ udāhu no’ti.
pli-tv-pvr17:104.4	Sace, upāli, bhikkhu paccavekkhamāno evaṁ jānāti—
pli-tv-pvr17:104.5	‘anatthasaṁhitaṁ idaṁ attādānaṁ no atthasaṁhitan’ti, na taṁ, upāli, attādānaṁ ādātabbaṁ.
pli-tv-pvr17:105.1	Sace panupāli, bhikkhu paccavekkhamāno evaṁ jānāti—
pli-tv-pvr17:105.2	‘atthasaṁhitaṁ idaṁ attādānaṁ no anatthasaṁhitan’ti, tenupāli, bhikkhunā uttari paccavekkhitabbaṁ—
pli-tv-pvr17:105.3	‘imaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhū dhammato vinayato pakkhe udāhu no’ti.
pli-tv-pvr17:105.4	Sace, upāli, bhikkhu paccavekkhamāno evaṁ jānāti—
pli-tv-pvr17:105.5	‘imaṁ kho ahaṁ attādānaṁ ādiyamāno na labhissāmi sandiṭṭhe sambhatte bhikkhū dhammato vinayato pakkhe’ti, na taṁ, upāli, attādānaṁ ādātabbaṁ.
pli-tv-pvr17:106.1	Sace panupāli, bhikkhu paccavekkhamāno evaṁ jānāti—
pli-tv-pvr17:106.2	‘idaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhū dhammato vinayato pakkhe’ti, tenupāli, bhikkhunā uttari paccavekkhitabbaṁ—
pli-tv-pvr17:106.3	‘imaṁ kho me attādānaṁ ādiyato bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ udāhu no’ti.
pli-tv-pvr17:106.4	Sace, upāli, bhikkhu paccavekkhamāno evaṁ jānāti—
pli-tv-pvr17:106.5	‘imaṁ kho me attādānaṁ ādiyato bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, na taṁ, upāli, attādānaṁ ādātabbaṁ.
pli-tv-pvr17:107.1	Sace panupāli, bhikkhu paccavekkhamāno evaṁ jānāti—
pli-tv-pvr17:107.2	‘imaṁ kho me attādānaṁ ādiyato na bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, taṁ ādātabbaṁ, upāli, attādānaṁ.
pli-tv-pvr17:107.3	Evaṁ pañcaṅgasamannāgataṁ kho, upāli, attādānaṁ ādinnaṁ pacchāpi avippaṭisārakaraṁ bhavissatī”ti.
pli-tv-pvr17:108.1	“Katihi nu kho, bhante, aṅgehi samannāgato bhikkhu adhikaraṇajātānaṁ bhikkhūnaṁ bahūpakāro hotī”ti?
pli-tv-pvr17:109.1	“Pañcahupāli, aṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.
pli-tv-pvr17:109.2	Katamehi pañcahi?
pli-tv-pvr17:109.3	Sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu;
pli-tv-pvr17:109.4	bahussuto hoti sutadharo sutasannicayo;
pli-tv-pvr17:109.5	ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti tathārūpassa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso;
pli-tv-pvr17:109.6	vinaye kho pana ṭhito hoti asaṁhīro;
pli-tv-pvr17:109.7	paṭibalo hoti ubho atthapaccatthike assāsetuṁ saññāpetuṁ nijjhāpetuṁ pekkhetuṁ pasādetuṁ—
pli-tv-pvr17:109.8	imehi kho, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.
pli-tv-pvr17:110.1	Aparehipi, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.
pli-tv-pvr17:110.2	Katamehi pañcahi?
pli-tv-pvr17:110.3	Parisuddhakāyasamācāro hoti, parisuddhavacīsamācāro hoti, parisuddhājīvo hoti, paṇḍito hoti byatto, paṭibalo anuyuñjiyamāno anuyogaṁ dātuṁ—
pli-tv-pvr17:110.4	imehi kho, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.
pli-tv-pvr17:111.1	Aparehipi, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.
pli-tv-pvr17:111.2	Katamehi pañcahi?
pli-tv-pvr17:111.3	Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—
pli-tv-pvr17:111.4	imehi kho, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hotī”ti.
pli-tv-pvr17:112.1	“Katihi nu kho, bhante, aṅgehi samannāgatena bhikkhunā nānuyuñjitabban”ti?
pli-tv-pvr17:113.1	“Pañcahupāli, aṅgehi samannāgatena bhikkhunā nānuyuñjitabbaṁ.
pli-tv-pvr17:113.2	Katamehi pañcahi?
pli-tv-pvr17:113.3	Suttaṁ na jānāti, suttānulomaṁ na jānāti, vinayaṁ na jānāti, vinayānulomaṁ na jānāti, na ca ṭhānāṭhānakusalo hoti—
pli-tv-pvr17:113.4	imehi kho, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:114.1	Pañcahupāli, aṅgehi samannāgatena bhikkhunā anuyuñjitabbaṁ.
pli-tv-pvr17:114.2	Katamehi pañcahi?
pli-tv-pvr17:114.3	Suttaṁ jānāti, suttānulomaṁ jānāti, vinayaṁ jānāti, vinayānulomaṁ jānāti, ṭhānāṭhānakusalo ca hoti—
pli-tv-pvr17:114.4	imehi kho, upāli, pañcahaṅgehi samannāgatena bhikkhunā anuyuñjitabbaṁ.
pli-tv-pvr17:115.1	Aparehipi, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:115.2	Katamehi pañcahi?
pli-tv-pvr17:115.3	Dhammaṁ na jānāti, dhammānulomaṁ na jānāti, vinayaṁ na jānāti, vinayānulomaṁ na jānāti, na ca pubbāparakusalo hoti—
pli-tv-pvr17:115.4	imehi kho, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:116.1	Pañcahupāli, aṅgehi samannāgatena bhikkhunā anuyuñjitabbaṁ.
pli-tv-pvr17:116.2	Katamehi pañcahi?
pli-tv-pvr17:116.3	Dhammaṁ jānāti, dhammānulomaṁ jānāti, vinayaṁ jānāti, vinayānulomaṁ jānāti, pubbāparakusalo ca hoti—
pli-tv-pvr17:116.4	imehi kho, upāli, pañcahaṅgehi samannāgatena bhikkhunā anuyuñjitabbaṁ.
pli-tv-pvr17:117.1	Aparehipi, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:117.2	Katamehi pañcahi?
pli-tv-pvr17:117.3	Vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti—
pli-tv-pvr17:117.4	imehi kho, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:118.1	Pañcahupāli, aṅgehi samannāgatena bhikkhunā anuyuñjitabbaṁ.
pli-tv-pvr17:118.2	Katamehi pañcahi?
pli-tv-pvr17:118.3	Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—
pli-tv-pvr17:118.4	imehi kho, upāli, pañcahaṅgehi samannāgatena bhikkhunā anuyuñjitabbaṁ.
pli-tv-pvr17:119.1	Aparehipi, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:119.2	Katamehi pañcahi?
pli-tv-pvr17:119.3	Āpattiṁ na jānāti, āpattisamuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti—
pli-tv-pvr17:119.4	imehi kho, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:120.1	Pañcahupāli, aṅgehi samannāgatena bhikkhunā anuyuñjitabbaṁ.
pli-tv-pvr17:120.2	Katamehi pañcahi?
pli-tv-pvr17:120.3	Āpattiṁ jānāti, āpattisamuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti—
pli-tv-pvr17:120.4	imehi kho, upāli, pañcahaṅgehi samannāgatena bhikkhunā anuyuñjitabbaṁ.
pli-tv-pvr17:121.1	Aparehipi, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:121.2	Katamehi pañcahi?
pli-tv-pvr17:121.3	Adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti—
pli-tv-pvr17:121.4	imehi kho, upāli, pañcahaṅgehi samannāgatena bhikkhunā nānuyuñjitabbaṁ.
pli-tv-pvr17:122.1	Pañcahupāli, aṅgehi samannāgatena bhikkhunā anuyuñjitabbaṁ.
pli-tv-pvr17:122.2	Katamehi pañcahi?
pli-tv-pvr17:122.3	Adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa vinicchayakusalo hoti—
pli-tv-pvr17:122.4	imehi kho, upāli, pañcahaṅgehi samannāgatena bhikkhunā anuyuñjitabban”ti.
pli-tv-pvr17:123.1	Attādānavaggo niṭṭhito pañcamo.
pli-tv-pvr17:124.1	Tassuddānaṁ
pli-tv-pvr17:125.1	Parisuddhañca kālena,
pli-tv-pvr17:125.2	Kāruññaṁ okāsena ca;
pli-tv-pvr17:125.3	Attādānaṁ adhikaraṇaṁ,
pli-tv-pvr17:125.4	Aparehipi vatthuñca;
pli-tv-pvr17:125.5	Suttaṁ dhammaṁ puna vatthuñca,
pli-tv-pvr17:125.6	Āpatti adhikaraṇena cāti.
pli-tv-pvr17:126.0	6. Dhutaṅgavagga
pli-tv-pvr17:126.1	“Kati nu kho, bhante, āraññikā”ti?
pli-tv-pvr17:126.2	“Pañcime, upāli, āraññikā.
pli-tv-pvr17:126.3	Katame pañca?
pli-tv-pvr17:126.4	Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṁ buddhehi buddhasāvakehīti āraññiko hoti, api ca appicchaññeva nissāya santuṭṭhiññeva nissāya, sallekhaññeva nissāya pavivekaññeva nissāya idamatthitaññeva nissāya āraññiko hoti—
pli-tv-pvr17:126.5	ime kho, upāli, pañca āraññikā”ti.
pli-tv-pvr17:127.1	“Kati nu kho, bhante, piṇḍapātikāti …pe…
pli-tv-pvr17:127.2	kati nu kho, bhante, paṁsukūlikāti …pe…
pli-tv-pvr17:127.3	kati nu kho, bhante, rukkhamūlikāti …pe…
pli-tv-pvr17:127.4	kati nu kho, bhante, sosānikāti …pe…
pli-tv-pvr17:127.5	kati nu kho, bhante, abbhokāsikāti …pe…
pli-tv-pvr17:127.6	kati nu kho, bhante, tecīvarikāti …pe…
pli-tv-pvr17:127.7	kati nu kho, bhante, sapadānacārikāti …pe…
pli-tv-pvr17:127.8	kati nu kho, bhante, nesajjikāti …pe…
pli-tv-pvr17:127.9	kati nu kho, bhante, yathāsanthatikāti …pe…
pli-tv-pvr17:127.10	kati nu kho, bhante, ekāsanikāti …pe…
pli-tv-pvr17:127.11	kati nu kho, bhante, khalupacchābhattikāti …pe…
pli-tv-pvr17:127.12	kati nu kho, bhante, pattapiṇḍikā”ti?
pli-tv-pvr17:127.13	“Pañcime, upāli, pattapiṇḍikā.
pli-tv-pvr17:127.14	Katame pañca?
pli-tv-pvr17:127.15	Mandattā momūhattā pattapiṇḍiko hoti, pāpiccho icchāpakato pattapiṇḍiko hoti, ummādā cittakkhepā pattapiṇḍiko hoti, vaṇṇitaṁ buddhehi buddhasāvakehīti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti—
pli-tv-pvr17:127.16	ime kho, upāli, pañca pattapiṇḍikā”ti.
pli-tv-pvr17:128.1	Dhutaṅgavaggo niṭṭhito chaṭṭho.
pli-tv-pvr17:129.1	Tassuddānaṁ
pli-tv-pvr17:130.1	Āraññiko piṇḍipaṁsu,
pli-tv-pvr17:130.2	Rukkhasusānapañcamaṁ;
pli-tv-pvr17:130.3	Abbho tecīvarañceva,
pli-tv-pvr17:130.4	Sapadānanesajjikā;
pli-tv-pvr17:130.5	Santhatekāsanañceva,
pli-tv-pvr17:130.6	Khalupacchā pattapiṇḍikāti.
pli-tv-pvr17:131.0	7. Musāvādavagga
pli-tv-pvr17:131.1	“Kati nu kho, bhante, musāvādā”ti?
pli-tv-pvr17:131.2	“Pañcime, upāli, musāvādā.
pli-tv-pvr17:131.3	Katame pañca?
pli-tv-pvr17:131.4	Atthi musāvādo pārājikagāmī, atthi musāvādo saṅghādisesagāmī, atthi musāvādo thullaccayagāmī, atthi musāvādo pācittiyagāmī, atthi musāvādo dukkaṭagāmī—
pli-tv-pvr17:131.5	ime kho, upāli, pañca musāvādā”ti.
pli-tv-pvr17:132.1	“Katihi nu kho, bhante, aṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa—‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena uposatho vā pavāraṇā vā kātabbā”ti?
pli-tv-pvr17:133.1	“Pañcahupāli, aṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa—‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena uposatho vā pavāraṇā vā kātabbā.
pli-tv-pvr17:133.2	Katamehi pañcahi?
pli-tv-pvr17:133.3	Alajjī ca hoti, bālo ca, apakatatto ca, cāvanādhippāyo vattā hoti, no vuṭṭhānādhippāyo—
pli-tv-pvr17:133.4	imehi kho, upāli, pañcahaṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa—
pli-tv-pvr17:133.5	‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena uposatho vā pavāraṇā vā kātabbā.
pli-tv-pvr17:134.1	Aparehipi, upāli, pañcahaṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa—‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena uposatho vā pavāraṇā vā kātabbā.
pli-tv-pvr17:134.2	Katamehi pañcahi?
pli-tv-pvr17:134.3	Aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo hoti abyatto, bhaṇḍanakārako hoti kalahakārako—
pli-tv-pvr17:134.4	imehi kho, upāli, pañcahaṅgehi samannāgatassa bhikkhuno saṅghamajjhe uposathaṁ vā pavāraṇaṁ vā ṭhapentassa—‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena uposatho vā pavāraṇā vā kātabbā”ti.
pli-tv-pvr17:135.1	“Katihi nu kho, bhante, aṅgehi samannāgatassa bhikkhuno anuyogo na dātabbo”ti?
pli-tv-pvr17:136.1	“Pañcahupāli, aṅgehi samannāgatassa bhikkhuno anuyogo na dātabbo.
pli-tv-pvr17:136.2	Katamehi pañcahi?
pli-tv-pvr17:136.3	Āpattānāpattiṁ na jānāti, lahukagarukaṁ āpattiṁ na jānāti, sāvasesānavasesaṁ āpattiṁ na jānāti, duṭṭhullāduṭṭhullaṁ āpattiṁ na jānāti, sappaṭikammāpaṭikammaṁ āpattiṁ na jānāti—
pli-tv-pvr17:136.4	imehi kho, upāli, pañcahaṅgehi samannāgatassa bhikkhuno anuyogo na dātabbo.
pli-tv-pvr17:137.1	Pañcahupāli, aṅgehi samannāgatassa bhikkhuno anuyogo dātabbo.
pli-tv-pvr17:137.2	Katamehi pañcahi?
pli-tv-pvr17:137.3	Āpattānāpattiṁ jānāti, lahukagarukaṁ āpattiṁ jānāti, sāvasesānavasesaṁ āpattiṁ jānāti, duṭṭhullāduṭṭhullaṁ āpattiṁ jānāti, sappaṭikammāpaṭikammaṁ āpattiṁ jānāti—
pli-tv-pvr17:137.4	imehi kho, upāli, pañcahaṅgehi samannāgatassa bhikkhuno anuyogo dātabbo”ti.
pli-tv-pvr17:138.1	“Katihi nu kho, bhante, ākārehi bhikkhu āpattiṁ āpajjatī”ti?
pli-tv-pvr17:138.2	“Pañcahupāli, ākārehi bhikkhu āpattiṁ āpajjati.
pli-tv-pvr17:138.3	Katamehi pañcahi?
pli-tv-pvr17:138.4	Alajjitā, aññāṇatā, kukkuccapakatatā, akappiye kappiyasaññitā, kappiye akappiyasaññitā—
pli-tv-pvr17:138.5	imehi kho, upāli, pañcahākārehi bhikkhu āpattiṁ āpajjati.
pli-tv-pvr17:139.1	Aparehipi, upāli, pañcahākārehi bhikkhu āpattiṁ āpajjati.
pli-tv-pvr17:139.2	Katamehi pañcahi?
pli-tv-pvr17:139.3	Adassanena, assavanena, pasuttakatā, tathāsaññī, satisammosā—
pli-tv-pvr17:139.4	imehi kho, upāli, pañcahākārehi bhikkhu āpattiṁ āpajjatī”ti.
pli-tv-pvr17:140.1	“Kati nu kho, bhante, verā”ti?
pli-tv-pvr17:140.2	“Pañcime, upāli, verā.
pli-tv-pvr17:140.3	Katame pañca?
pli-tv-pvr17:140.4	Pāṇātipāto, adinnādānaṁ, kāmesumicchācāro, musāvādo, surāmerayamajjappamādaṭṭhānaṁ—
pli-tv-pvr17:140.5	ime kho, upāli, pañca verā”ti.
pli-tv-pvr17:141.1	“Kati nu kho, bhante, veramaṇiyo”ti?
pli-tv-pvr17:141.2	“Pañcimā, upāli, veramaṇiyo.
pli-tv-pvr17:141.3	Katamā pañca?
pli-tv-pvr17:141.4	Pāṇātipātā veramaṇī, adinnādānā veramaṇī, kāmesumicchācārā veramaṇī, musāvādā veramaṇī, surāmerayamajjappamādaṭṭhānā veramaṇī—
pli-tv-pvr17:141.5	imā kho, upāli, pañca veramaṇiyo”ti.
pli-tv-pvr17:142.1	“Kati nu kho, bhante, byasanānī”ti?
pli-tv-pvr17:142.2	“Pañcimāni, upāli, byasanāni.
pli-tv-pvr17:142.3	Katamāni pañca?
pli-tv-pvr17:142.4	Ñātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ—
pli-tv-pvr17:142.5	imāni kho, upāli, pañca byasanānī”ti.
pli-tv-pvr17:143.1	“Kati nu kho, bhante, sampadā”ti?
pli-tv-pvr17:143.2	“Pañcimā, upāli, sampadā.
pli-tv-pvr17:143.3	Katamā pañca?
pli-tv-pvr17:143.4	Ñātisampadā, bhogasampadā, ārogyasampadā, sīlasampadā, diṭṭhisampadā—
pli-tv-pvr17:143.5	imā kho, upāli, pañca sampadā”ti.
pli-tv-pvr17:144.1	Musāvādavaggo niṭṭhito sattamo.
pli-tv-pvr17:145.1	Tassuddānaṁ
pli-tv-pvr17:146.1	Musāvādo ca omaddi,
pli-tv-pvr17:146.2	aparehi anuyogo;
pli-tv-pvr17:146.3	Āpattiñca aparehi,
pli-tv-pvr17:146.4	verā veramaṇīpi ca;
pli-tv-pvr17:146.5	Byasanaṁ sampadā ceva,
pli-tv-pvr17:146.6	sattamo vaggasaṅgahoti.
pli-tv-pvr17:147.0	8. Bhikkhunovādavagga
pli-tv-pvr17:147.1	“Katihi nu kho, bhante, aṅgehi samannāgatassa bhikkhuno bhikkhunisaṅgheneva kammaṁ kātabban”ti?
pli-tv-pvr17:148.1	“Pañcahupāli, aṅgehi samannāgatassa bhikkhuno bhikkhunisaṅgheneva kammaṁ kātabbaṁ, avandiyo so bhikkhu bhikkhunisaṅghena.
pli-tv-pvr17:148.2	Katamehi pañcahi?
pli-tv-pvr17:148.3	Vivaritvā kāyaṁ bhikkhunīnaṁ dasseti, ūruṁ dasseti, aṅgajātaṁ dasseti, ubho aṁsakūṭe dasseti, obhāsati, gihī sampayojeti—
pli-tv-pvr17:148.4	imehi kho, upāli, pañcahaṅgehi samannāgatassa bhikkhuno bhikkhunisaṅgheneva kammaṁ kātabbaṁ.
pli-tv-pvr17:148.5	Avandiyo so bhikkhu bhikkhunisaṅghena.
pli-tv-pvr17:149.1	Aparehipi, upāli, pañcahaṅgehi samannāgatassa bhikkhuno bhikkhunisaṅgheneva kammaṁ kātabbaṁ, avandiyo so bhikkhu bhikkhunisaṅghena.
pli-tv-pvr17:149.2	Katamehi pañcahi?
pli-tv-pvr17:149.3	Bhikkhunīnaṁ alābhāya parisakkati, bhikkhunīnaṁ anatthāya parisakkati, bhikkhunīnaṁ avāsāya parisakkati, bhikkhuniyo akkosati paribhāsati, bhikkhū bhikkhunīhi bhedeti—
pli-tv-pvr17:149.4	imehi kho, upāli, pañcahaṅgehi samannāgatassa bhikkhuno bhikkhunisaṅgheneva kammaṁ kātabbaṁ, avandiyo so bhikkhu bhikkhunisaṅghena.
pli-tv-pvr17:150.1	Aparehipi, upāli, pañcahaṅgehi samannāgatassa bhikkhuno bhikkhunisaṅgheneva kammaṁ kātabbaṁ, avandiyo so bhikkhu bhikkhunisaṅghena.
pli-tv-pvr17:150.2	Katamehi pañcahi?
pli-tv-pvr17:150.3	Bhikkhunīnaṁ alābhāya parisakkati, bhikkhunīnaṁ anatthāya parisakkati, bhikkhunīnaṁ avāsāya parisakkati, bhikkhuniyo akkosati paribhāsati, bhikkhū bhikkhunīhi sampayojeti—
pli-tv-pvr17:150.4	imehi kho, upāli, pañcahaṅgehi samannāgatassa bhikkhuno bhikkhunisaṅgheneva kammaṁ kātabbaṁ, avandiyo so bhikkhu bhikkhunisaṅghenā”ti.
pli-tv-pvr17:151.1	“Katihi nu kho, bhante, aṅgehi samannāgatāya bhikkhuniyā kammaṁ kātabban”ti?
pli-tv-pvr17:152.1	“Pañcahupāli, aṅgehi samannāgatāya bhikkhuniyā kammaṁ kātabbaṁ.
pli-tv-pvr17:152.2	Katamehi pañcahi?
pli-tv-pvr17:152.3	Vivaritvā kāyaṁ bhikkhūnaṁ dasseti, ūruṁ dasseti, aṅgajātaṁ dasseti, ubho aṁsakūṭe dasseti, obhāsati, gihī sampayojeti—
pli-tv-pvr17:152.4	imehi kho, upāli, pañcahaṅgehi samannāgatāya bhikkhuniyā kammaṁ kātabbaṁ.
pli-tv-pvr17:153.1	Aparehipi, upāli, pañcahaṅgehi samannāgatāya bhikkhuniyā kammaṁ kātabbaṁ.
pli-tv-pvr17:153.2	Katamehi pañcahi?
pli-tv-pvr17:153.3	Bhikkhūnaṁ alābhāya parisakkati, bhikkhūnaṁ anatthāya parisakkati, bhikkhūnaṁ avāsāya parisakkati, bhikkhū akkosati paribhāsati, bhikkhuniyo bhikkhūhi bhedeti—
pli-tv-pvr17:153.4	imehi kho, upāli, pañcahaṅgehi samannāgatāya bhikkhuniyā kammaṁ kātabbaṁ.
pli-tv-pvr17:154.1	Aparehipi, upāli, pañcahaṅgehi samannāgatāya bhikkhuniyā kammaṁ kātabbaṁ.
pli-tv-pvr17:154.2	Katamehi pañcahi?
pli-tv-pvr17:154.3	Bhikkhūnaṁ alābhāya parisakkati, bhikkhūnaṁ anatthāya parisakkati, bhikkhūnaṁ avāsāya parisakkati, bhikkhū akkosati paribhāsati, bhikkhuniyo bhikkhūhi sampayojeti—
pli-tv-pvr17:154.4	imehi kho, upāli, pañcahaṅgehi samannāgatāya bhikkhuniyā kammaṁ kātabban”ti.
pli-tv-pvr17:155.1	“Katihi nu kho, bhante, aṅgehi samannāgatena bhikkhunā bhikkhunīnaṁ ovādo na ṭhapetabbo”ti?
pli-tv-pvr17:156.1	“Pañcahupāli, aṅgehi samannāgatena bhikkhunā bhikkhunīnaṁ ovādo na ṭhapetabbo.
pli-tv-pvr17:156.2	Katamehi pañcahi?
pli-tv-pvr17:156.3	Alajjī ca hoti, bālo ca, apakatatto ca, cāvanādhippāyo vattā hoti, no vuṭṭhānādhippāyo—
pli-tv-pvr17:156.4	imehi kho, upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.
pli-tv-pvr17:157.1	Aparehipi, upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.
pli-tv-pvr17:157.2	Katamehi pañcahi?
pli-tv-pvr17:157.3	Aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo hoti, abyatto, na paṭibalo anuyuñjiyamāno anuyogaṁ dātuṁ—
pli-tv-pvr17:157.4	imehi kho, upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.
pli-tv-pvr17:158.1	Aparehipi, upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.
pli-tv-pvr17:158.2	Katamehi pañcahi?
pli-tv-pvr17:158.3	Kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, bhikkhunīnaṁ akkosakaparibhāsako hoti, bhikkhunīhi saddhiṁ saṁsaṭṭho viharati ananulomikena saṁsaggena—
pli-tv-pvr17:158.4	imehi kho, upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.
pli-tv-pvr17:159.1	Aparehipi, upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo.
pli-tv-pvr17:159.2	Katamehi pañcahi?
pli-tv-pvr17:159.3	Alajjī ca hoti, bālo ca, apakatatto ca, bhaṇḍanakārako ca hoti kalahakārako, sikkhāya ca na paripūrikārī—
pli-tv-pvr17:159.4	imehi kho, upāli, pañcahaṅgehi samannāgatena bhikkhunā bhikkhunīnaṁ ovādo na ṭhapetabbo”ti.
pli-tv-pvr17:160.1	“Katihi nu kho, bhante, aṅgehi samannāgatena bhikkhunā bhikkhunīnaṁ ovādo na gahetabbo”ti?
pli-tv-pvr17:161.1	“Pañcahupāli, aṅgehi samannāgatena bhikkhunā bhikkhunīnaṁ ovādo na gahetabbo.
pli-tv-pvr17:161.2	Katamehi pañcahi?
pli-tv-pvr17:161.3	Kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, bhikkhunīnaṁ akkosakaparibhāsako hoti, bhikkhunīhi saddhiṁ saṁsaṭṭho viharati ananulomikena saṁsaggena—
pli-tv-pvr17:161.4	imehi kho, upāli, pañcahaṅgehi samannāgatena bhikkhunā bhikkhunīnaṁ ovādo na gahetabbo.
pli-tv-pvr17:162.1	Aparehipi, upāli, pañcahaṅgehi samannāgatena bhikkhunā bhikkhunīnaṁ ovādo na gahetabbo.
pli-tv-pvr17:162.2	Katamehi pañcahi?
pli-tv-pvr17:162.3	Alajjī ca hoti, bālo ca, apakatatto ca, gamiko vā hoti, gilāno vā—
pli-tv-pvr17:162.4	imehi kho, upāli, pañcahaṅgehi samannāgatena bhikkhunā bhikkhunīnaṁ ovādo na gahetabbo”ti.
pli-tv-pvr17:163.1	“Katihi nu kho, bhante, aṅgehi samannāgatena bhikkhunā saddhiṁ na sākacchitabbo”ti?
pli-tv-pvr17:164.1	“Pañcahupāli, aṅgehi samannāgatena bhikkhunā saddhiṁ na sākacchitabbo.
pli-tv-pvr17:164.2	Katamehi pañcahi?
pli-tv-pvr17:164.3	Na asekkhena sīlakkhandhena samannāgato hoti, na asekkhena samādhikkhandhena samannāgato hoti, na asekkhena paññākkhandhena samannāgato hoti, na asekkhena vimuttikkhandhena samannāgato hoti, na asekkhena vimuttiñāṇadassanakkhandhena samannāgato hoti—
pli-tv-pvr17:164.4	imehi kho, upāli, pañcahaṅgehi samannāgatena bhikkhunā saddhiṁ na sākacchitabbo.
pli-tv-pvr17:164.5	Pañcahupāli, aṅgehi samannāgatena bhikkhunā saddhiṁ sākacchitabbo.
pli-tv-pvr17:164.6	Katamehi pañcahi?
pli-tv-pvr17:164.7	Asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti—
pli-tv-pvr17:164.8	imehi kho, upāli, pañcahaṅgehi samannāgatena bhikkhunā saddhiṁ sākacchitabbo.
pli-tv-pvr17:165.1	Aparehipi, upāli, pañcahaṅgehi samannāgatena bhikkhunā saddhiṁ na sākacchitabbo.
pli-tv-pvr17:165.2	Katamehi pañcahi?
pli-tv-pvr17:165.3	Na atthapaṭisambhidāpatto hoti, na dhammapaṭisambhidāpatto hoti, na niruttipaṭisambhidāpatto hoti, na paṭibhānapaṭisambhidāpatto hoti, yathāvimuttaṁ cittaṁ na paccavekkhitā—
pli-tv-pvr17:165.4	imehi kho, upāli, pañcahaṅgehi samannāgatena bhikkhunā saddhiṁ na sākacchitabbo.
pli-tv-pvr17:165.5	Pañcahupāli, aṅgehi samannāgatena bhikkhunā saddhiṁ sākacchitabbo.
pli-tv-pvr17:165.6	Katamehi pañcahi?
pli-tv-pvr17:165.7	Atthapaṭisambhidāpatto hoti, dhammapaṭisambhidāpatto hoti, niruttipaṭisambhidāpatto hoti, paṭibhānapaṭisambhidāpatto hoti, yathāvimuttaṁ cittaṁ paccavekkhitā—
pli-tv-pvr17:165.8	imehi kho, upāli, pañcahaṅgehi samannāgatena bhikkhunā saddhiṁ sākacchitabbo”ti.
pli-tv-pvr17:166.1	Bhikkhunovādavaggo niṭṭhito aṭṭhamo.
pli-tv-pvr17:167.1	Tassuddānaṁ
pli-tv-pvr17:168.1	Bhikkhunīheva kātabbaṁ,
pli-tv-pvr17:168.2	aparehi tathā duve;
pli-tv-pvr17:168.3	Bhikkhunīnaṁ tayo kammā,
pli-tv-pvr17:168.4	na ṭhapetabbā dve dukā;
pli-tv-pvr17:168.5	Na gahetabbā dve vuttā,
pli-tv-pvr17:168.6	sākacchāsu ca dve dukāti.
pli-tv-pvr17:169.0	9. Ubbāhikavagga
pli-tv-pvr17:169.1	“Katihi nu kho, bhante, aṅgehi samannāgato bhikkhu ubbāhikāya na sammannitabbo”ti?
pli-tv-pvr17:170.1	“Pañcahupāli, aṅgehi samannāgato bhikkhu ubbāhikāya na sammannitabbo.
pli-tv-pvr17:170.2	Katamehi pañcahi?
pli-tv-pvr17:170.3	Na atthakusalo hoti, na dhammakusalo hoti, na niruttikusalo hoti, na byañjanakusalo hoti, na pubbāparakusalo hoti—
pli-tv-pvr17:170.4	imehi kho, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:170.5	Pañcahupāli, aṅgehi samannāgato bhikkhu ubbāhikāya sammannitabbo.
pli-tv-pvr17:170.6	Katamehi pañcahi?
pli-tv-pvr17:170.7	Atthakusalo hoti, dhammakusalo hoti, niruttikusalo hoti, byañjanakusalo hoti, pubbāparakusalo hoti—
pli-tv-pvr17:170.8	imehi kho, upāli, pañcahaṅgehi samannāgato bhikkhu ubbāhikāya sammannitabbo.
pli-tv-pvr17:171.1	Aparehipi, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:171.2	Katamehi pañcahi?
pli-tv-pvr17:171.3	Kodhano hoti kodhābhibhūto, makkhī hoti makkhābhibhūto, paḷāsī hoti paḷāsābhibhūto, issukī hoti issābhibhūto, sandiṭṭhiparāmāsī hoti ādhānaggāhī duppaṭinissaggī—
pli-tv-pvr17:171.4	imehi kho, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:171.5	Pañcahupāli, aṅgehi samannāgato bhikkhu ubbāhikāya sammannitabbo.
pli-tv-pvr17:171.6	Katamehi pañcahi?
pli-tv-pvr17:171.7	Na kodhano hoti na kodhābhibhūto, na makkhī hoti na makkhābhibhūto, na paḷāsī hoti na paḷāsābhibhūto, na issukī hoti na issābhibhūto, asandiṭṭhiparāmāsī hoti anādhānaggāhī suppaṭinissaggī—
pli-tv-pvr17:171.8	imehi kho, upāli, pañcahaṅgehi samannāgato bhikkhu ubbāhikāya sammannitabbo.
pli-tv-pvr17:172.1	Aparehipi, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:172.2	Katamehi pañcahi?
pli-tv-pvr17:172.3	Kuppati, byāpajjati, patiṭṭhiyati, kopaṁ janeti, akkhamo hoti apadakkhiṇaggāhī anusāsaniṁ—
pli-tv-pvr17:172.4	imehi kho, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:172.5	Pañcahupāli, aṅgehi samannāgato bhikkhu ubbāhikāya sammannitabbo.
pli-tv-pvr17:172.6	Katamehi pañcahi?
pli-tv-pvr17:172.7	Na kuppati, na byāpajjati, na patiṭṭhiyati, na kopaṁ janeti, khamo hoti padakkhiṇaggāhī anusāsaniṁ—
pli-tv-pvr17:172.8	imehi kho, upāli, pañcahaṅgehi samannāgato bhikkhu ubbāhikāya sammannitabbo.
pli-tv-pvr17:173.1	Aparehipi, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:173.2	Katamehi pañcahi?
pli-tv-pvr17:173.3	Pasāretā hoti no sāretā, anokāsakammaṁ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākatā hoti—
pli-tv-pvr17:173.4	imehi kho, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:173.5	Pañcahupāli, aṅgehi samannāgato bhikkhu ubbāhikāya sammannitabbo.
pli-tv-pvr17:173.6	Katamehi pañcahi?
pli-tv-pvr17:173.7	Sāretā hoti no pasāretā, okāsakammaṁ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākatā hoti—
pli-tv-pvr17:173.8	imehi kho, upāli, pañcahaṅgehi samannāgato bhikkhu ubbāhikāya sammannitabbo.
pli-tv-pvr17:174.1	Aparehipi, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:174.2	Katamehi pañcahi?
pli-tv-pvr17:174.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, alajjī ca hoti—
pli-tv-pvr17:174.4	imehi kho, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:174.5	Pañcahupāli, aṅgehi samannāgato bhikkhu ubbāhikāya sammannitabbo.
pli-tv-pvr17:174.6	Katamehi pañcahi?
pli-tv-pvr17:174.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, lajjī ca hoti—
pli-tv-pvr17:174.8	imehi kho, upāli, pañcahaṅgehi samannāgato bhikkhu ubbāhikāya sammannitabbo.
pli-tv-pvr17:175.1	Aparehipi, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:175.2	Katamehi pañcahi?
pli-tv-pvr17:175.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, akusalo ca hoti vinaye—
pli-tv-pvr17:175.4	imehi kho, upāli, pañcahaṅgehi samannāgato bhikkhu ubbāhikāya na sammannitabbo.
pli-tv-pvr17:175.5	Pañcahupāli, aṅgehi samannāgato bhikkhu ubbāhikāya sammannitabbo.
pli-tv-pvr17:175.6	Katamehi pañcahi?
pli-tv-pvr17:175.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, kusalo ca hoti vinaye—
pli-tv-pvr17:175.8	imehi kho, upāli, pañcahaṅgehi samannāgato bhikkhu ubbāhikāya sammannitabbo”ti.
pli-tv-pvr17:176.1	“Katihi nu kho, bhante, aṅgehi samannāgato bhikkhu bālotveva saṅkhaṁ gacchatī”ti?
pli-tv-pvr17:177.1	“Pañcahupāli, aṅgehi samannāgato bhikkhu bālotveva saṅkhaṁ gacchati.
pli-tv-pvr17:177.2	Katamehi pañcahi?
pli-tv-pvr17:177.3	Suttaṁ na jānāti, suttānulomaṁ na jānāti, vinayaṁ na jānāti, vinayānulomaṁ na jānāti, na ca ṭhānāṭhānakusalo hoti—
pli-tv-pvr17:177.4	imehi kho, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:177.5	Pañcahupāli, aṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:177.6	Katamehi pañcahi?
pli-tv-pvr17:177.7	Suttaṁ jānāti, suttānulomaṁ jānāti, vinayaṁ jānāti, vinayānulomaṁ jānāti, ṭhānāṭhānakusalo ca hoti—
pli-tv-pvr17:177.8	imehi kho, upāli, pañcahaṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:178.1	Aparehipi, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:178.2	Katamehi pañcahi?
pli-tv-pvr17:178.3	Dhammaṁ na jānāti, dhammānulomaṁ jānāti, vinayaṁ na jānāti, vinayānulomaṁ na jānāti, na ca pubbāparakusalo hoti—
pli-tv-pvr17:178.4	imehi kho, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:178.5	Pañcahupāli, aṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:178.6	Katamehi pañcahi?
pli-tv-pvr17:178.7	Dhammaṁ jānāti, dhammānulomaṁ jānāti, vinayaṁ jānāti, vinayānulomaṁ jānāti, pubbāparakusalo ca hoti—
pli-tv-pvr17:178.8	imehi kho, upāli, pañcahaṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:179.1	Aparehipi, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:179.2	Katamehi pañcahi?
pli-tv-pvr17:179.3	Vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti—
pli-tv-pvr17:179.4	imehi kho, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:179.5	Pañcahupāli, aṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:179.6	Katamehi pañcahi?
pli-tv-pvr17:179.7	Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—
pli-tv-pvr17:179.8	imehi kho, upāli, pañcahaṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:180.1	Aparehipi, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:180.2	Katamehi pañcahi?
pli-tv-pvr17:180.3	Āpattiṁ na jānāti, āpattisamuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti—
pli-tv-pvr17:180.4	imehi kho, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:180.5	Pañcahupāli, aṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:180.6	Katamehi pañcahi?
pli-tv-pvr17:180.7	Āpattiṁ jānāti, āpattisamuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti—
pli-tv-pvr17:180.8	imehi kho, upāli, pañcahaṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:181.1	Aparehipi, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:181.2	Katamehi pañcahi?
pli-tv-pvr17:181.3	Adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti—
pli-tv-pvr17:181.4	imehi kho, upāli, pañcahaṅgehi samannāgato bhikkhu bālotveva saṅkhaṁ gacchati.
pli-tv-pvr17:181.5	Pañcahupāli, aṅgehi samannāgato bhikkhu paṇḍitotveva saṅkhaṁ gacchati.
pli-tv-pvr17:181.6	Katamehi pañcahi?
pli-tv-pvr17:181.7	Adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa vinicchayakusalo hoti—
pli-tv-pvr17:181.8	imehi kho, upāli, pañcahaṅgehi samannāgato bhikkhu paṇḍitotveva saṅkhaṁ gacchatī”ti.
pli-tv-pvr17:182.1	Ubbāhikavaggo niṭṭhito navamo.
pli-tv-pvr17:183.1	Tassuddānaṁ
pli-tv-pvr17:184.1	Na atthakusalo ceva,
pli-tv-pvr17:184.2	kodhano kuppatī ca yo;
pli-tv-pvr17:184.3	Pasāretā chandāgatiṁ,
pli-tv-pvr17:184.4	akusalo tatheva ca.
pli-tv-pvr17:185.1	Suttaṁ dhammañca vatthuñca,
pli-tv-pvr17:185.2	āpatti adhikaraṇaṁ;
pli-tv-pvr17:185.3	Dve dve pakāsitā sabbe,
pli-tv-pvr17:185.4	kaṇhasukkaṁ vijānathāti.
pli-tv-pvr17:186.0	10. Adhikaraṇavūpasamavagga
pli-tv-pvr17:186.1	“Katihi nu kho, bhante, aṅgehi samannāgato bhikkhu nālaṁ adhikaraṇaṁ vūpasametun”ti?
pli-tv-pvr17:187.1	“Pañcahupāli, aṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:187.2	Katamehi pañcahi?
pli-tv-pvr17:187.3	Āpattiṁ na jānāti, āpattisamuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti—
pli-tv-pvr17:187.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:187.5	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:187.6	Katamehi pañcahi?
pli-tv-pvr17:187.7	Āpattiṁ jānāti, āpattisamuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti—
pli-tv-pvr17:187.8	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:188.1	Aparehipi, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:188.2	Katamehi pañcahi?
pli-tv-pvr17:188.3	Adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti—
pli-tv-pvr17:188.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:189.1	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:189.2	Katamehi pañcahi?
pli-tv-pvr17:189.3	Adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa vinicchayakusalo hoti—
pli-tv-pvr17:189.4	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:190.1	Aparehipi, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:190.2	Katamehi pañcahi?
pli-tv-pvr17:190.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, alajjī ca hoti—
pli-tv-pvr17:190.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:190.5	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:190.6	Katamehi pañcahi?
pli-tv-pvr17:190.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, lajjī ca hoti—
pli-tv-pvr17:190.8	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:191.1	Aparehipi, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:191.2	Katamehi pañcahi?
pli-tv-pvr17:191.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, appassuto ca hoti—
pli-tv-pvr17:191.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:191.5	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:191.6	Katamehi pañcahi?
pli-tv-pvr17:191.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, bahussuto ca hoti—
pli-tv-pvr17:191.8	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:192.1	Aparehipi, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:192.2	Katamehi pañcahi?
pli-tv-pvr17:192.3	Vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti—
pli-tv-pvr17:192.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:192.5	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:192.6	Katamehi pañcahi?
pli-tv-pvr17:192.7	Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—
pli-tv-pvr17:192.8	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:193.1	Aparehipi, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:193.2	Katamehi pañcahi?
pli-tv-pvr17:193.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, akusalo ca hoti vinaye—
pli-tv-pvr17:193.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:193.5	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:193.6	Katamehi pañcahi?
pli-tv-pvr17:193.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, kusalo ca hoti vinaye—
pli-tv-pvr17:193.8	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:194.1	Aparehipi, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:194.2	Katamehi pañcahi?
pli-tv-pvr17:194.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, puggalagaru hoti no saṅghagaru—
pli-tv-pvr17:194.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:194.5	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:194.6	Katamehi pañcahi?
pli-tv-pvr17:194.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, saṅghagaru hoti no puggalagaru—
pli-tv-pvr17:194.8	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:195.1	Aparehipi, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:195.2	Katamehi pañcahi?
pli-tv-pvr17:195.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, āmisagaru hoti no saddhammagaru—
pli-tv-pvr17:195.4	imehi kho, upāli, pañcahaṅgehi samannāgato bhikkhu nālaṁ adhikaraṇaṁ vūpasametuṁ.
pli-tv-pvr17:195.5	Pañcahupāli, aṅgehi samannāgato bhikkhu alaṁ adhikaraṇaṁ vūpasametuṁ.
pli-tv-pvr17:195.6	Katamehi pañcahi?
pli-tv-pvr17:195.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, saddhammagaru hoti no āmisagaru—
pli-tv-pvr17:195.8	imehi kho, upāli, pañcahaṅgehi samannāgato bhikkhu alaṁ adhikaraṇaṁ vūpasametun”ti.
pli-tv-pvr17:196.1	“Katihi nu kho, bhante, ākārehi saṅgho bhijjatī”ti?
pli-tv-pvr17:196.2	“Pañcahupāli, ākārehi saṅgho bhijjati.
pli-tv-pvr17:196.3	Katamehi pañcahi?
pli-tv-pvr17:196.4	Kammena, uddesena, voharanto, anussāvanena, salākaggāhena—
pli-tv-pvr17:196.5	imehi kho, upāli, pañcahākārehi saṅgho bhijjatī”ti.
pli-tv-pvr17:197.1	“Saṅgharāji saṅgharājīti, bhante, vuccati.
pli-tv-pvr17:197.2	Kittāvatā nu kho, bhante, saṅgharāji hoti no ca saṅghabhedo?
pli-tv-pvr17:197.3	Kittāvatā ca pana saṅgharāji ceva hoti saṅghabhedo cā”ti?
pli-tv-pvr17:197.4	“Paññattetaṁ, upāli, mayā āgantukānaṁ bhikkhūnaṁ āgantukavattaṁ.
pli-tv-pvr17:197.5	Evaṁ supaññatte kho, upāli, mayā sikkhāpade āgantukā bhikkhū āgantukavatte na vattanti.
pli-tv-pvr17:197.6	Evampi kho, upāli, saṅgharāji hoti no ca saṅghabhedo.
pli-tv-pvr17:197.7	Paññattetaṁ, upāli, mayā āvāsikānaṁ bhikkhūnaṁ āvāsikavattaṁ.
pli-tv-pvr17:197.8	Evaṁ supaññatte kho, upāli, mayā sikkhāpade āvāsikā bhikkhū āvāsikavatte na vattanti.
pli-tv-pvr17:197.9	Evampi kho, upāli, saṅgharāji hoti no ca saṅghabhedo.
pli-tv-pvr17:197.10	Paññattetaṁ, upāli, mayā bhikkhūnaṁ bhattagge bhattaggavattaṁ—
pli-tv-pvr17:197.11	yathāvuḍḍhaṁ yathārattaṁ yathāpatirūpaṁ aggāsanaṁ aggodakaṁ aggapiṇḍaṁ.
pli-tv-pvr17:197.12	Evaṁ supaññatte kho, upāli, mayā sikkhāpade navā bhikkhū bhattagge therānaṁ bhikkhūnaṁ āsanaṁ paṭibāhanti.
pli-tv-pvr17:197.13	Evampi kho, upāli, saṅgharāji hoti no ca saṅghabhedo.
pli-tv-pvr17:197.14	Paññattetaṁ, upāli, mayā bhikkhūnaṁ senāsane senāsanavattaṁ—
pli-tv-pvr17:197.15	yathāvuḍḍhaṁ yathārattaṁ yathāpatirūpaṁ.
pli-tv-pvr17:197.16	Evaṁ supaññatte kho, upāli, mayā sikkhāpade navā bhikkhū therānaṁ bhikkhūnaṁ senāsanaṁ paṭibāhanti.
pli-tv-pvr17:197.17	Evampi kho, upāli, saṅgharāji hoti no ca saṅghabhedo.
pli-tv-pvr17:197.18	Paññattetaṁ, upāli, mayā bhikkhūnaṁ antosīmāya ekaṁ uposathaṁ ekaṁ pavāraṇaṁ ekaṁ saṅghakammaṁ ekaṁ kammākammaṁ.
pli-tv-pvr17:197.19	Evaṁ supaññatte kho, upāli, mayā sikkhāpade tattheva antosīmāya āvenibhāvaṁ karitvā gaṇaṁ bandhitvā āveniṁ uposathaṁ karonti āveniṁ pavāraṇaṁ karonti āveniṁ saṅghakammaṁ karonti āveniṁ kammākammāni karonti.
pli-tv-pvr17:197.20	Evaṁ kho, upāli, saṅgharāji ceva hoti saṅghabhedo cā”ti.
pli-tv-pvr17:198.1	Adhikaraṇavūpasamavaggo niṭṭhito dasamo.
pli-tv-pvr17:199.1	Tassuddānaṁ
pli-tv-pvr17:200.1	Āpattiṁ adhikaraṇaṁ,
pli-tv-pvr17:200.2	chandā appassutena ca;
pli-tv-pvr17:200.3	Vatthuñca akusalo ca,
pli-tv-pvr17:200.4	puggalo āmisena ca;
pli-tv-pvr17:200.5	Bhijjati saṅgharāji ca,
pli-tv-pvr17:200.6	saṅghabhedo tatheva cāti.
pli-tv-pvr17:201.0	11. Saṅghabhedakavagga
pli-tv-pvr17:201.1	“Katihi nu kho, bhante, aṅgehi samannāgato saṅghabhedako āpāyiko nerayiko kappaṭṭho atekiccho”ti?
pli-tv-pvr17:202.1	“Pañcahupāli, aṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:202.2	Katamehi pañcahi?
pli-tv-pvr17:202.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ kammena—
pli-tv-pvr17:202.4	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:203.1	Aparehipi, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:203.2	Katamehi pañcahi?
pli-tv-pvr17:203.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ uddesena—
pli-tv-pvr17:203.4	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:204.1	Aparehipi, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:204.2	Katamehi pañcahi?
pli-tv-pvr17:204.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya diṭṭhi voharanto—
pli-tv-pvr17:204.4	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:205.1	Aparehipi, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:205.2	Katamehi pañcahi?
pli-tv-pvr17:205.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ anussāvanena—
pli-tv-pvr17:205.4	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:206.1	Aparehipi, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:206.2	Katamehi pañcahi?
pli-tv-pvr17:206.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya diṭṭhiṁ salākaggāhena—
pli-tv-pvr17:206.4	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:207.1	Aparehipi, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:207.2	Katamehi pañcahi?
pli-tv-pvr17:207.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya khantiṁ kammena …pe…
pli-tv-pvr17:207.4	vinidhāya khantiṁ uddesena …pe…
pli-tv-pvr17:207.5	vinidhāya khantiṁ voharanto …pe…
pli-tv-pvr17:207.6	vinidhāya khantiṁ anussāvanena …pe…
pli-tv-pvr17:207.7	vinidhāya khantiṁ salākaggāhena—
pli-tv-pvr17:207.8	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:208.1	Aparehipi, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:208.2	Katamehi pañcahi?
pli-tv-pvr17:208.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti avinayaṁ vinayoti dīpeti, vinayaṁ avinayoti dīpeti, vinidhāya ruciṁ kammena …pe…
pli-tv-pvr17:208.4	vinidhāya ruciṁ uddesena …pe…
pli-tv-pvr17:208.5	vinidhāya ruciṁ voharanto …pe…
pli-tv-pvr17:208.6	vinidhāya ruciṁ anussāvanena …pe…
pli-tv-pvr17:208.7	vinidhāya ruciṁ salākaggāhena—
pli-tv-pvr17:208.8	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:209.1	Aparehipi, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho.
pli-tv-pvr17:209.2	Katamehi pañcahi?
pli-tv-pvr17:209.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, vinidhāya saññaṁ kammena …pe…
pli-tv-pvr17:209.4	vinidhāya saññaṁ uddesena …pe…
pli-tv-pvr17:209.5	vinidhāya saññaṁ voharanto …pe…
pli-tv-pvr17:209.6	vinidhāya saññaṁ anussāvanena …pe…
pli-tv-pvr17:209.7	vinidhāya saññaṁ salākaggāhena—
pli-tv-pvr17:209.8	imehi kho, upāli, pañcahaṅgehi samannāgato saṅghabhedako āpāyiko nerayiko kappaṭṭho atekiccho”ti.
pli-tv-pvr17:210.1	Saṅghabhedakavaggo niṭṭhito ekādasamo.
pli-tv-pvr17:211.1	Tassuddānaṁ
pli-tv-pvr17:212.1	Vinidhāya diṭṭhiṁ kammena,
pli-tv-pvr17:212.2	uddese voharena ca;
pli-tv-pvr17:212.3	Anussāvane salākena,
pli-tv-pvr17:212.4	pañcete diṭṭhinissitā;
pli-tv-pvr17:212.5	Khantiṁ ruciñca saññañca,
pli-tv-pvr17:212.6	tayo te pañcadhā nayāti.
pli-tv-pvr17:213.0	12. Dutiyasaṅghabhedakavagga
pli-tv-pvr17:213.1	“Katihi nu kho, bhante, aṅgehi samannāgato saṅghabhedako na āpāyiko na nerayiko na kappaṭṭho na atekiccho”ti?
pli-tv-pvr17:214.1	“Pañcahupāli, aṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:214.2	Katamehi pañcahi?
pli-tv-pvr17:214.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ kammena—
pli-tv-pvr17:214.4	imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:215.1	Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:215.2	Katamehi pañcahi?
pli-tv-pvr17:215.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ uddesena—
pli-tv-pvr17:215.4	imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:216.1	Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:216.2	Katamehi pañcahi?
pli-tv-pvr17:216.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ voharanto.
pli-tv-pvr17:216.4	Imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:217.1	Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:217.2	Katamehi pañcahi?
pli-tv-pvr17:217.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ anussāvanena—
pli-tv-pvr17:217.4	imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:218.1	Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:218.2	Katamehi pañcahi?
pli-tv-pvr17:218.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya diṭṭhiṁ salākaggāhena—
pli-tv-pvr17:218.4	imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:219.1	Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:219.2	Katamehi pañcahi?
pli-tv-pvr17:219.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya khantiṁ kammena …pe…
pli-tv-pvr17:219.4	avinidhāya khantiṁ uddesena …pe…
pli-tv-pvr17:219.5	avinidhāya khantiṁ voharanto …pe…
pli-tv-pvr17:219.6	avinidhāya khantiṁ anussāvanena …pe…
pli-tv-pvr17:219.7	avinidhāya khantiṁ salākaggāhena—
pli-tv-pvr17:219.8	imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:220.1	Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:220.2	Katamehi pañcahi?
pli-tv-pvr17:220.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya ruciṁ kammena …pe…
pli-tv-pvr17:220.4	avinidhāya ruciṁ uddesena …pe…
pli-tv-pvr17:220.5	avinidhāya ruciṁ voharanto …pe…
pli-tv-pvr17:220.6	avinidhāya ruciṁ anussāvanena …pe…
pli-tv-pvr17:220.7	avinidhāya ruciṁ salākaggāhena—
pli-tv-pvr17:220.8	imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:221.1	Aparehipi, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho.
pli-tv-pvr17:221.2	Katamehi pañcahi?
pli-tv-pvr17:221.3	Idhupāli, bhikkhu adhammaṁ dhammoti dīpeti, dhammaṁ adhammoti dīpeti, avinayaṁ vinayoti dīpeti, vinayaṁ avinayoti dīpeti, avinidhāya saññaṁ kammena …pe…
pli-tv-pvr17:221.4	avinidhāya saññaṁ uddesena …pe…
pli-tv-pvr17:221.5	avinidhāya saññaṁ voharanto …pe…
pli-tv-pvr17:221.6	avinidhāya saññaṁ anussāvanena …pe…
pli-tv-pvr17:221.7	avinidhāya saññaṁ salākaggāhena—
pli-tv-pvr17:221.8	imehi kho, upāli, pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho”ti.
pli-tv-pvr17:222.1	Dutiyasaṅghabhedakavaggo niṭṭhito dvādasamo.
pli-tv-pvr17:223.1	Tassuddānaṁ
pli-tv-pvr17:224.1	Avinidhāya diṭṭhiṁ kammena,
pli-tv-pvr17:224.2	Uddese voharena ca;
pli-tv-pvr17:224.3	Anussāvane salākena,
pli-tv-pvr17:224.4	Pañcete diṭṭhinissitā;
pli-tv-pvr17:224.5	Khantiṁ ruciñca saññañca,
pli-tv-pvr17:224.6	Tayo te pañcadhā nayā.
pli-tv-pvr17:225.1	Heṭṭhime kaṇhapakkhamhi,
pli-tv-pvr17:225.2	samavīsati vidhī yathā;
pli-tv-pvr17:225.3	Tatheva sukkapakkhamhi,
pli-tv-pvr17:225.4	samavīsati jānathāti.
pli-tv-pvr17:226.0	13. Āvāsikavagga
pli-tv-pvr17:226.1	“Katihi nu kho, bhante, aṅgehi samannāgato āvāsiko bhikkhu yathābhataṁ nikkhitto evaṁ niraye”ti?
pli-tv-pvr17:227.1	“Pañcahupāli, aṅgehi samannāgato āvāsiko bhikkhu yathābhataṁ nikkhitto evaṁ niraye.
pli-tv-pvr17:227.2	Katamehi pañcahi?
pli-tv-pvr17:227.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, saṅghikaṁ puggalikaparibhogena paribhuñjati—
pli-tv-pvr17:227.4	imehi kho, upāli, pañcahaṅgehi samannāgato āvāsiko bhikkhu yathābhataṁ nikkhitto evaṁ niraye.
pli-tv-pvr17:228.1	Pañcahupāli, aṅgehi samannāgato āvāsiko bhikkhu yathābhataṁ nikkhitto evaṁ sagge.
pli-tv-pvr17:228.2	Katamehi pañcahi?
pli-tv-pvr17:228.3	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, saṅghikaṁ na puggalikaparibhogena paribhuñjati—
pli-tv-pvr17:228.4	imehi kho, upāli, pañcahaṅgehi samannāgato āvāsiko bhikkhu yathābhataṁ nikkhitto evaṁ sagge”ti.
pli-tv-pvr17:229.1	“Kati nu kho, bhante, adhammikā vinayabyākaraṇā”ti?
pli-tv-pvr17:230.1	“Pañcime, upāli, adhammikā vinayabyākaraṇā.
pli-tv-pvr17:230.2	Katame pañca?
pli-tv-pvr17:230.3	Idhupāli, bhikkhu adhammaṁ dhammoti pariṇāmeti, dhammaṁ adhammoti pariṇāmeti, avinayaṁ vinayoti pariṇāmeti, vinayaṁ avinayoti pariṇāmeti, apaññattaṁ paññāpeti, paññattaṁ samucchindati—
pli-tv-pvr17:230.4	ime kho, upāli, pañca adhammikā vinayabyākaraṇā.
pli-tv-pvr17:230.5	Pañcime, upāli, dhammikā vinayabyākaraṇā.
pli-tv-pvr17:230.6	Katame pañca?
pli-tv-pvr17:230.7	Idhupāli, bhikkhu adhammaṁ adhammoti pariṇāmeti, dhammaṁ dhammoti pariṇāmeti, avinayaṁ avinayoti pariṇāmeti, vinayaṁ vinayoti pariṇāmeti, apaññattaṁ na paññapeti, paññattaṁ na samucchindati—
pli-tv-pvr17:230.8	ime kho, upāli, pañca dhammikā vinayabyākaraṇā”ti.
pli-tv-pvr17:231.1	“Katihi nu kho, bhante, aṅgehi samannāgato bhattuddesako yathābhataṁ nikkhitto evaṁ niraye”ti?
pli-tv-pvr17:232.1	“Pañcahupāli, aṅgehi samannāgato bhattuddesako yathābhataṁ nikkhitto evaṁ niraye.
pli-tv-pvr17:232.2	Katamehi pañcahi?
pli-tv-pvr17:232.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, uddiṭṭhānuddiṭṭhaṁ na jānāti—
pli-tv-pvr17:232.4	imehi kho, upāli, pañcahaṅgehi samannāgato bhattuddesako yathābhataṁ nikkhitto evaṁ niraye.
pli-tv-pvr17:233.1	Pañcahupāli, aṅgehi samannāgato bhattuddesako yathābhataṁ nikkhitto evaṁ sagge.
pli-tv-pvr17:233.2	Katamehi pañcahi?
pli-tv-pvr17:233.3	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, uddiṭṭhānuddiṭṭhaṁ jānāti—
pli-tv-pvr17:233.4	imehi kho, upāli, pañcahaṅgehi samannāgato bhattuddesako yathābhataṁ nikkhitto evaṁ sagge”ti.
pli-tv-pvr17:234.1	“Katihi nu kho, bhante, aṅgehi samannāgato senāsanapaññāpako …pe…
pli-tv-pvr17:234.2	bhaṇḍāgāriko …pe…
pli-tv-pvr17:234.3	cīvarapaṭiggāhako …pe…
pli-tv-pvr17:234.4	cīvarabhājako …pe…
pli-tv-pvr17:234.5	yāgubhājako …pe…
pli-tv-pvr17:234.6	phalabhājako …pe…
pli-tv-pvr17:234.7	khajjabhājako …pe…
pli-tv-pvr17:234.8	appamattakavissajjako …pe…
pli-tv-pvr17:234.9	sāṭiyaggāhāpako …pe…
pli-tv-pvr17:234.10	pattaggāhāpako …pe…
pli-tv-pvr17:234.11	ārāmikapesako …pe…
pli-tv-pvr17:234.12	sāmaṇerapesako yathābhataṁ nikkhitto evaṁ niraye”ti?
pli-tv-pvr17:235.1	“Pañcahupāli, aṅgehi samannāgato sāmaṇerapesako yathābhataṁ nikkhitto evaṁ niraye.
pli-tv-pvr17:235.2	Katamehi pañcahi?
pli-tv-pvr17:235.3	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati, pesitāpesitaṁ na jānāti—
pli-tv-pvr17:235.4	imehi kho, upāli, pañcahaṅgehi samannāgato sāmaṇerapesako yathābhataṁ nikkhitto evaṁ niraye.
pli-tv-pvr17:235.5	Pañcahupāli, aṅgehi samannāgato sāmaṇerapesako yathābhataṁ nikkhitto evaṁ sagge.
pli-tv-pvr17:235.6	Katamehi pañcahi?
pli-tv-pvr17:235.7	Na chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, pesitāpesitaṁ jānāti—
pli-tv-pvr17:235.8	imehi kho, upāli, pañcahaṅgehi samannāgato sāmaṇerapesako yathābhataṁ nikkhitto evaṁ sagge”ti.
pli-tv-pvr17:236.1	Āvāsikavaggo niṭṭhito terasamo.
pli-tv-pvr17:237.1	Tassuddānaṁ
pli-tv-pvr17:238.1	Āvāsikabyākaraṇā,
pli-tv-pvr17:238.2	bhattusenāsanāni ca;
pli-tv-pvr17:238.3	Bhaṇḍacīvaraggāho ca,
pli-tv-pvr17:238.4	cīvarassa ca bhājako.
pli-tv-pvr17:239.1	Yāgu phalaṁ khajjakañca,
pli-tv-pvr17:239.2	appasāṭiyagāhako;
pli-tv-pvr17:239.3	Patto ārāmiko ceva,
pli-tv-pvr17:239.4	sāmaṇerena pesakoti.
pli-tv-pvr17:240.0	14. Kathinatthāravagga
pli-tv-pvr17:240.1	“Kati nu kho, bhante, ānisaṁsā kathinatthāre”ti?
pli-tv-pvr17:241.1	“Pañcime, upāli, ānisaṁsā kathinatthāre.
pli-tv-pvr17:241.2	Katame pañca?
pli-tv-pvr17:241.3	Anāmantacāro, asamādānacāro, gaṇabhojanaṁ, yāvadatthacīvaraṁ, yo ca tattha cīvaruppādo so nesaṁ bhavissati—
pli-tv-pvr17:241.4	ime kho, upāli, pañca ānisaṁsā kathinatthāre”ti.
pli-tv-pvr17:242.1	“Kati nu kho, bhante, ādīnavā muṭṭhassatissa asampajānassa niddaṁ okkamato”ti?
pli-tv-pvr17:243.1	“Pañcime, upāli, ādīnavā muṭṭhassatissa asampajānassa niddaṁ okkamato.
pli-tv-pvr17:243.2	Katame pañca?
pli-tv-pvr17:243.3	Dukkhaṁ supati, dukkhaṁ paṭibujjhati, pāpakaṁ supinaṁ passati, devatā na rakkhanti, asuci muccati—
pli-tv-pvr17:243.4	ime kho, upāli, pañca ādīnavā muṭṭhassatissa asampajānassa niddaṁ okkamato.
pli-tv-pvr17:244.1	Pañcime, upāli, ānisaṁsā upaṭṭhitassatissa sampajānassa niddaṁ okkamato.
pli-tv-pvr17:244.2	Katame pañca?
pli-tv-pvr17:244.3	Sukhaṁ supati, sukhaṁ paṭibujjhati, na pāpakaṁ supinaṁ passati, devatā rakkhanti, asuci na muccati—
pli-tv-pvr17:244.4	ime kho, upāli, pañca ānisaṁsā upaṭṭhitassatissa sampajānassa niddaṁ okkamato”ti.
pli-tv-pvr17:245.1	“Kati nu kho, bhante, avandiyā”ti?
pli-tv-pvr17:246.1	“Pañcime, upāli, avandiyā.
pli-tv-pvr17:246.2	Katame pañca?
pli-tv-pvr17:246.3	Antaragharaṁ paviṭṭho avandiyo, racchagato avandiyo, otamasiko avandiyo, asamannāharanto avandiyo, sutto avandiyo—
pli-tv-pvr17:246.4	ime kho, upāli, pañca avandiyā.
pli-tv-pvr17:247.1	Aparepi, upāli, pañca avandiyā.
pli-tv-pvr17:247.2	Katame pañca?
pli-tv-pvr17:247.3	Yāgupāne avandiyo, bhattagge avandiyo, ekāvatto avandiyo, aññavihito avandiyo, naggo avandiyo—
pli-tv-pvr17:247.4	ime kho, upāli, pañca avandiyā.
pli-tv-pvr17:248.1	Aparepi, upāli, pañca avandiyā.
pli-tv-pvr17:248.2	Katame pañca?
pli-tv-pvr17:248.3	Khādanto avandiyo, bhuñjanto avandiyo, uccāraṁ karonto avandiyo, passāvaṁ karonto avandiyo, ukkhittako avandiyo—
pli-tv-pvr17:248.4	ime kho, upāli, pañca avandiyā.
pli-tv-pvr17:249.1	Aparepi, upāli, pañca avandiyā.
pli-tv-pvr17:249.2	Katame pañca?
pli-tv-pvr17:249.3	Pure upasampannena pacchā upasampanno avandiyo, anupasampanno avandiyo, nānāsaṁvāsako vuḍḍhataro adhammavādī avandiyo, mātugāmo avandiyo, paṇḍako avandiyo—
pli-tv-pvr17:249.4	ime kho, upāli, pañca avandiyā.
pli-tv-pvr17:250.1	Aparepi, upāli, pañca avandiyā.
pli-tv-pvr17:250.2	Katame pañca?
pli-tv-pvr17:250.3	Pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo—
pli-tv-pvr17:250.4	ime kho, upāli, pañca avandiyā”ti.
pli-tv-pvr17:251.1	“Kati nu kho, bhante, vandiyā”ti?
pli-tv-pvr17:252.1	“Pañcime, upāli, vandiyā.
pli-tv-pvr17:252.2	Katame pañca?
pli-tv-pvr17:252.3	Pacchā upasampannena pure upasampanno vandiyo, nānāsaṁvāsako vuḍḍhataro dhammavādī vandiyo, ācariyo vandiyo, upajjhāyo vandiyo, sadevake loke samārake sabrahmake sassamaṇabrāhmaṇiyā pajāya sadevamanussāya tathāgato arahaṁ sammāsambuddho vandiyo—
pli-tv-pvr17:252.4	ime kho, upāli, pañca vandiyā”ti.
pli-tv-pvr17:253.1	“Navakatarena, bhante, bhikkhunā vuḍḍhatarassa bhikkhuno pāde vandantena kati dhamme ajjhattaṁ upaṭṭhāpetvā pādā vanditabbā”ti?
pli-tv-pvr17:254.1	“Navakatarenupāli, bhikkhunā vuḍḍhatarassa bhikkhuno pāde vandantena pañca dhamme ajjhattaṁ upaṭṭhāpetvā pādā vanditabbā.
pli-tv-pvr17:254.2	Katame pañca?
pli-tv-pvr17:254.3	Navakatarenupāli, bhikkhunā vuḍḍhatarassa bhikkhuno pāde vandantena ekaṁsaṁ uttarāsaṅgaṁ karitvā, añjaliṁ paggahetvā, ubhohi pāṇitalehi pādāni parisambāhantena, pemañca gāravañca upaṭṭhāpetvā pādā vanditabbā—
pli-tv-pvr17:254.4	navakatarenupāli bhikkhunā vuḍḍhatarassa bhikkhuno pāde vandantena ime pañca dhamme ajjhattaṁ upaṭṭhāpetvā pādā vanditabbā”ti.
pli-tv-pvr17:255.1	Kathinatthāravaggo niṭṭhito cuddasamo.
pli-tv-pvr17:256.1	Tassuddānaṁ
pli-tv-pvr17:257.1	Kathinatthāraniddā ca,
pli-tv-pvr17:257.2	antarā yāgukhādane;
pli-tv-pvr17:257.3	Pure ca pārivāsi ca,
pli-tv-pvr17:257.4	vandiyo vanditabbakanti.
pli-tv-pvr17:258.1	Upālipañcakaṁ niṭṭhitaṁ.
pli-tv-pvr17:259.1	Tesaṁ vaggānaṁ uddānaṁ
pli-tv-pvr17:260.1	Anissitena kammañca,
pli-tv-pvr17:260.2	vohārāvikammena ca;
pli-tv-pvr17:260.3	Codanā ca dhutaṅgā ca,
pli-tv-pvr17:260.4	musā bhikkhunimeva ca.
pli-tv-pvr17:261.1	Ubbāhikādhikaraṇaṁ,
pli-tv-pvr17:261.2	bhedakā pañcamā pure;
pli-tv-pvr17:261.3	Āvāsikā kathinañca,
pli-tv-pvr17:261.4	cuddasā suppakāsitāti.
pli-tv-pvr18:0.1	Parivāra
pli-tv-pvr18:0.2	18. Atthāpattisamuṭṭhāna
pli-tv-pvr18:0.3	1. Pārājika
pli-tv-pvr18:1.1	Atthāpatti acittako āpajjati, sacittako vuṭṭhāti.
pli-tv-pvr18:1.2	Atthāpatti sacittako āpajjati, acittako vuṭṭhāti.
pli-tv-pvr18:1.3	Atthāpatti acittako āpajjati, acittako vuṭṭhāti.
pli-tv-pvr18:1.4	Atthāpatti sacittako āpajjati, sacittako vuṭṭhāti.
pli-tv-pvr18:1.5	Atthāpatti kusalacitto āpajjati, kusalacitto vuṭṭhāti.
pli-tv-pvr18:1.6	Atthāpatti kusalacitto āpajjati, akusalacitto vuṭṭhāti.
pli-tv-pvr18:1.7	Atthāpatti kusalacitto āpajjati, abyākatacitto vuṭṭhāti.
pli-tv-pvr18:1.8	Atthāpatti akusalacitto āpajjati, kusalacitto vuṭṭhāti.
pli-tv-pvr18:1.9	Atthāpatti akusalacitto āpajjati, akusalacitto vuṭṭhāti.
pli-tv-pvr18:1.10	Atthāpatti akusalacitto āpajjati, abyākatacitto vuṭṭhāti.
pli-tv-pvr18:1.11	Atthāpatti abyākatacitto āpajjati, kusalacitto vuṭṭhāti.
pli-tv-pvr18:1.12	Atthāpatti abyākatacitto āpajjati, akusalacitto vuṭṭhāti.
pli-tv-pvr18:1.13	Atthāpatti abyākatacitto āpajjati, abyākatacitto vuṭṭhāti.
pli-tv-pvr18:2.1	Paṭhamaṁ pārājikaṁ katihi samuṭṭhānehi samuṭṭhāti?
pli-tv-pvr18:2.2	Paṭhamaṁ pārājikaṁ ekena samuṭṭhānena samuṭṭhāti.
pli-tv-pvr18:2.3	Kāyato ca cittato ca samuṭṭhāti, na vācato.
pli-tv-pvr18:3.1	Dutiyaṁ pārājikaṁ katihi samuṭṭhānehi samuṭṭhāti?
pli-tv-pvr18:3.2	Dutiyaṁ pārājikaṁ tīhi samuṭṭhānehi samuṭṭhāti—
pli-tv-pvr18:3.3	siyā kāyato ca cittato ca samuṭṭhāti, na vācato;
pli-tv-pvr18:3.4	siyā vācato ca cittato ca samuṭṭhāti, na kāyato;
pli-tv-pvr18:3.5	siyā kāyato ca vācato ca cittato ca samuṭṭhāti.
pli-tv-pvr18:4.1	Tatiyaṁ pārājikaṁ katihi samuṭṭhānehi samuṭṭhāti?
pli-tv-pvr18:4.2	Tatiyaṁ pārājikaṁ tīhi samuṭṭhānehi samuṭṭhāti—
pli-tv-pvr18:4.3	siyā kāyato ca cittato ca samuṭṭhāti, na vācato;
pli-tv-pvr18:4.4	siyā vācato ca cittato ca samuṭṭhāti, na kāyato;
pli-tv-pvr18:4.5	siyā kāyato ca vācato ca cittato ca samuṭṭhāti.
pli-tv-pvr18:5.1	Catutthaṁ pārājikaṁ katihi samuṭṭhānehi samuṭṭhāti?
pli-tv-pvr18:5.2	Catutthaṁ pārājikaṁ tīhi samuṭṭhānehi samuṭṭhāti—
pli-tv-pvr18:5.3	siyā kāyato ca cittato ca samuṭṭhāti, na vācato;
pli-tv-pvr18:5.4	siyā vācato ca cittato ca samuṭṭhāti, na kāyato;
pli-tv-pvr18:5.5	siyā kāyato ca vācato ca cittato ca samuṭṭhāti.
pli-tv-pvr18:6.1	Cattāro pārājikā niṭṭhitā.
pli-tv-pvr18:7.0	2. Saṅghādisesa
pli-tv-pvr18:7.1	Upakkamitvā asuciṁ mocentassa saṅghādiseso katihi samuṭṭhānehi samuṭṭhāti?
pli-tv-pvr18:7.2	Upakkamitvā asuciṁ mocentassa saṅghādiseso ekena samuṭṭhānena samuṭṭhāti—
pli-tv-pvr18:7.3	kāyato ca cittato ca samuṭṭhāti, na vācato.
pli-tv-pvr18:8.1	Mātugāmena saddhiṁ kāyasaṁsaggaṁ samāpajjantassa saṅghādiseso katihi samuṭṭhānehi samuṭṭhāti?
pli-tv-pvr18:8.2	Mātugāmena saddhiṁ kāyasaṁsaggaṁ samāpajjantassa saṅghādiseso ekena samuṭṭhānena samuṭṭhāti—
pli-tv-pvr18:8.3	kāyato ca cittato ca samuṭṭhāti, na vācato.
pli-tv-pvr18:9.1	Mātugāmaṁ duṭṭhullāhi vācāhi obhāsentassa saṅghādiseso katihi samuṭṭhānehi samuṭṭhāti?
pli-tv-pvr18:9.2	Mātugāmaṁ duṭṭhullāhi vācāhi obhāsentassa saṅghādiseso tīhi samuṭṭhānehi samuṭṭhāti—
pli-tv-pvr18:9.3	siyā kāyato ca cittato ca samuṭṭhāti na vācato;
pli-tv-pvr18:9.4	siyā vācato ca cittato ca samuṭṭhāti, na kāyato;
pli-tv-pvr18:9.5	siyā kāyato ca vācato ca cittato ca samuṭṭhāti.
pli-tv-pvr18:10.1	Mātugāmassa santike attakāmapāricariyāya vaṇṇaṁ bhāsantassa saṅghādiseso katihi samuṭṭhānehi samuṭṭhāti?
pli-tv-pvr18:10.2	Mātugāmassa santike attakāmapāricariyāya vaṇṇaṁ bhāsantassa saṅghādiseso tīhi samuṭṭhānehi samuṭṭhāti …pe….
pli-tv-pvr18:11.1	Sañcarittaṁ samāpajjantassa saṅghādiseso katihi samuṭṭhānehi samuṭṭhāti?
pli-tv-pvr18:11.2	Sañcarittaṁ samāpajjantassa saṅghādiseso chahi samuṭṭhānehi samuṭṭhāti—
pli-tv-pvr18:11.3	siyā kāyato samuṭṭhāti, na vācato na cittato;
pli-tv-pvr18:11.4	siyā vācato samuṭṭhāti, na kāyato na cittato;
pli-tv-pvr18:11.5	siyā kāyato ca vācato ca samuṭṭhāti, na cittato;
pli-tv-pvr18:11.6	siyā kāyato ca cittato ca samuṭṭhāti, na vācato;
pli-tv-pvr18:11.7	siyā vācato ca cittato ca samuṭṭhāti, na kāyato;
pli-tv-pvr18:11.8	siyā kāyato ca vācato ca cittato ca samuṭṭhāti.
pli-tv-pvr18:12.1	Saññācikāya kuṭiṁ kārāpentassa saṅghādiseso katihi samuṭṭhānehi samuṭṭhāti?
pli-tv-pvr18:12.2	Saññācikāya kuṭiṁ kārāpentassa saṅghādiseso chahi samuṭṭhānehi samuṭṭhāti …pe….
pli-tv-pvr18:13.1	Mahallakaṁ vihāraṁ kārāpentassa saṅghādiseso katihi samuṭṭhānehi samuṭṭhāti?
pli-tv-pvr18:13.2	Mahallakaṁ vihāraṁ kārāpentassa saṅghādiseso chahi samuṭṭhānehi samuṭṭhāti …pe….
pli-tv-pvr18:14.1	Bhikkhuṁ amūlakena pārājikena dhammena anuddhaṁsentassa saṅghādiseso katihi samuṭṭhānehi samuṭṭhāti?
pli-tv-pvr18:14.2	Bhikkhuṁ amūlakena pārājikena dhammena anuddhaṁsentassa saṅghādiseso tīhi samuṭṭhānehi samuṭṭhāti …pe….
pli-tv-pvr18:15.1	Bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsentassa saṅghādiseso katihi samuṭṭhānehi samuṭṭhāti?
pli-tv-pvr18:15.2	Bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsentassa saṅghādiseso tīhi samuṭṭhānehi samuṭṭhāti …pe….
pli-tv-pvr18:16.1	Saṅghabhedakassa bhikkhuno yāvatatiyaṁ samanubhāsanāya na paṭinissajjantassa saṅghādiseso katihi samuṭṭhānehi samuṭṭhāti?
pli-tv-pvr18:16.2	Saṅghabhedakassa bhikkhuno yāvatatiyaṁ samanubhāsanāya na paṭinissajjantassa saṅghādiseso ekena samuṭṭhānena samuṭṭhāti—
pli-tv-pvr18:16.3	kāyato ca vācato ca cittato ca samuṭṭhāti.
pli-tv-pvr18:17.1	Bhedakānuvattakānaṁ bhikkhūnaṁ yāvatatiyaṁ samanubhāsanāya na paṭinissajjantānaṁ saṅghādiseso katihi samuṭṭhānehi samuṭṭhāti?
pli-tv-pvr18:17.2	Bhedakānuvattakānaṁ bhikkhūnaṁ yāvatatiyaṁ samanubhāsanāya na paṭinissajjantānaṁ saṅghādiseso ekena samuṭṭhānena samuṭṭhāti—
pli-tv-pvr18:17.3	kāyato ca vācato ca cittato ca samuṭṭhāti.
pli-tv-pvr18:18.1	Dubbacassa bhikkhuno yāvatatiyaṁ samanubhāsanāya na paṭinissajjantassa saṅghādiseso katihi samuṭṭhānehi samuṭṭhāti?
pli-tv-pvr18:18.2	Dubbacassa bhikkhuno yāvatatiyaṁ samanubhāsanāya na paṭinissajjantassa saṅghādiseso ekena samuṭṭhānena samuṭṭhāti—
pli-tv-pvr18:18.3	kāyato ca vācato ca cittato ca samuṭṭhāti.
pli-tv-pvr18:19.1	Kuladūsakassa bhikkhuno yāvatatiyaṁ samanubhāsanāya na paṭinissajjantassa saṅghādiseso katihi samuṭṭhānehi samuṭṭhāti?
pli-tv-pvr18:19.2	Kuladūsakassa bhikkhuno yāvatatiyaṁ samanubhāsanāya na paṭinissajjantassa saṅghādiseso ekena samuṭṭhānena samuṭṭhāti—
pli-tv-pvr18:19.3	kāyato ca vācato ca cittato ca samuṭṭhāti.
pli-tv-pvr18:20.1	Terasa saṅghādisesā niṭṭhitā.
pli-tv-pvr18:21.0	3. Sekhiya
pli-tv-pvr18:21.1	…pe…
pli-tv-pvr18:21.2	Anādariyaṁ paṭicca udake uccāraṁ vā passāvaṁ vā kheḷaṁ vā karontassa dukkaṭaṁ katihi samuṭṭhānehi samuṭṭhāti?
pli-tv-pvr18:21.3	Anādariyaṁ paṭicca udake uccāraṁ vā passāvaṁ vā kheḷaṁ vā karontassa dukkaṭaṁ ekena samuṭṭhānena samuṭṭhāti—
pli-tv-pvr18:21.4	kāyato ca cittato ca samuṭṭhāti, na vācato.
pli-tv-pvr18:22.1	Sekhiyā niṭṭhitā.
pli-tv-pvr18:23.0	4. Pārājikādi
pli-tv-pvr18:23.1	Cattāro pārājikā katihi samuṭṭhānehi samuṭṭhanti?
pli-tv-pvr18:23.2	Cattāro pārājikā tīhi samuṭṭhānehi samuṭṭhanti—
pli-tv-pvr18:23.3	siyā kāyato ca cittato ca samuṭṭhanti, na vācato;
pli-tv-pvr18:23.4	siyā vācato ca cittato ca samuṭṭhanti, na kāyato;
pli-tv-pvr18:23.5	siyā kāyato ca vācato ca cittato ca samuṭṭhanti.
pli-tv-pvr18:24.1	Terasa saṅghādisesā katihi samuṭṭhānehi samuṭṭhanti?
pli-tv-pvr18:24.2	Terasa saṅghādisesā chahi samuṭṭhānehi samuṭṭhanti—
pli-tv-pvr18:24.3	siyā kāyato samuṭṭhanti, na vācato na cittato;
pli-tv-pvr18:24.4	siyā vācato samuṭṭhanti, na kāyato na cittato;
pli-tv-pvr18:24.5	siyā kāyato ca vācato ca samuṭṭhanti, na cittato;
pli-tv-pvr18:24.6	siyā kāyato ca cittato ca samuṭṭhanti, na vācato;
pli-tv-pvr18:24.7	siyā vācato ca cittato ca samuṭṭhanti, na kāyato;
pli-tv-pvr18:24.8	siyā kāyato ca vācato ca cittato ca samuṭṭhanti.
pli-tv-pvr18:25.1	Dve aniyatā katihi samuṭṭhānehi samuṭṭhanti?
pli-tv-pvr18:25.2	Dve aniyatā tīhi samuṭṭhānehi samuṭṭhanti—
pli-tv-pvr18:25.3	siyā kāyato ca cittato ca samuṭṭhanti, na vācato;
pli-tv-pvr18:25.4	siyā vācato ca cittato ca samuṭṭhanti, na kāyato;
pli-tv-pvr18:25.5	siyā kāyato ca vācato ca cittato ca samuṭṭhanti.
pli-tv-pvr18:26.1	Tiṁsa nissaggiyā pācittiyā katihi samuṭṭhānehi samuṭṭhanti?
pli-tv-pvr18:26.2	Tiṁsa nissaggiyā pācittiyā chahi samuṭṭhānehi samuṭṭhanti—
pli-tv-pvr18:26.3	siyā kāyato samuṭṭhanti, na vācato na cittato;
pli-tv-pvr18:26.4	siyā vācato samuṭṭhanti, na kāyato na cittato;
pli-tv-pvr18:26.5	siyā kāyato ca vācato ca samuṭṭhanti, na cittato;
pli-tv-pvr18:26.6	siyā kāyato ca cittato ca samuṭṭhanti, na vācato;
pli-tv-pvr18:26.7	siyā vācato ca cittato ca samuṭṭhanti, na kāyato;
pli-tv-pvr18:26.8	siyā kāyato ca vācato ca cittato ca samuṭṭhanti.
pli-tv-pvr18:27.1	Dvenavuti pācittiyā katihi samuṭṭhānehi samuṭṭhanti?
pli-tv-pvr18:27.2	Dvenavuti pācittiyā chahi samuṭṭhānehi samuṭṭhanti—
pli-tv-pvr18:27.3	siyā kāyato samuṭṭhanti, na vācato na cittato;
pli-tv-pvr18:27.4	siyā vācato samuṭṭhanti, na kāyato na cittato;
pli-tv-pvr18:27.5	siyā kāyato ca vācato ca samuṭṭhanti, na cittato;
pli-tv-pvr18:27.6	siyā kāyato ca cittato ca samuṭṭhanti, na vācato;
pli-tv-pvr18:27.7	siyā vācato ca cittato ca samuṭṭhanti, na kāyato;
pli-tv-pvr18:27.8	siyā kāyato ca vācato ca cittato ca samuṭṭhanti.
pli-tv-pvr18:28.1	Cattāro pāṭidesanīyā katihi samuṭṭhānehi samuṭṭhanti?
pli-tv-pvr18:28.2	Cattāro pāṭidesanīyā catūhi samuṭṭhānehi samuṭṭhanti—
pli-tv-pvr18:28.3	siyā kāyato samuṭṭhanti, na vācato na cittato;
pli-tv-pvr18:28.4	siyā kāyato ca vācato ca samuṭṭhanti, na cittato;
pli-tv-pvr18:28.5	siyā kāyato ca cittato ca samuṭṭhanti, na vācato;
pli-tv-pvr18:28.6	siyā kāyato ca vācato ca cittato ca samuṭṭhanti.
pli-tv-pvr18:29.1	Pañcasattati sekhiyā katihi samuṭṭhānehi samuṭṭhanti?
pli-tv-pvr18:29.2	Pañcasattati sekhiyā tīhi samuṭṭhānehi samuṭṭhanti—
pli-tv-pvr18:29.3	siyā kāyato ca cittato ca samuṭṭhanti, na vācato;
pli-tv-pvr18:29.4	siyā vācato ca cittato ca samuṭṭhanti, na kāyato;
pli-tv-pvr18:29.5	siyā kāyato ca vācato ca cittato ca samuṭṭhanti.
pli-tv-pvr18:30.1	Samuṭṭhānaṁ niṭṭhitaṁ.
pli-tv-pvr18:31.1	Tassuddānaṁ
pli-tv-pvr18:32.1	Acittakusalā ceva,
pli-tv-pvr18:32.2	samuṭṭhānañca sabbathā;
pli-tv-pvr18:32.3	Yathādhammena ñāyena,
pli-tv-pvr18:32.4	samuṭṭhānaṁ vijānathāti.
pli-tv-pvr19:0.1	Parivāra
pli-tv-pvr19:0.2	19. Dutiyagāthāsaṅgaṇika
pli-tv-pvr19:0.3	1. Kāyikādiāpatti
pli-tv-pvr19:1.1	Kati āpattiyo kāyikā,
pli-tv-pvr19:1.2	Kati vācasikā katā;
pli-tv-pvr19:1.3	Chādentassa kati āpattiyo,
pli-tv-pvr19:1.4	Kati saṁsaggapaccayā.
pli-tv-pvr19:2.1	Chāpattiyo kāyikā,
pli-tv-pvr19:2.2	Cha vācasikā katā;
pli-tv-pvr19:2.3	Chādentassa tisso āpattiyo,
pli-tv-pvr19:2.4	Pañca saṁsaggapaccayā.
pli-tv-pvr19:3.1	Aruṇugge kati āpattiyo,
pli-tv-pvr19:3.2	Kati yāvatatiyakā;
pli-tv-pvr19:3.3	Katettha aṭṭha vatthukā,
pli-tv-pvr19:3.4	Katihi sabbasaṅgaho.
pli-tv-pvr19:4.1	Aruṇugge tisso āpattiyo,
pli-tv-pvr19:4.2	Dve yāvatatiyakā;
pli-tv-pvr19:4.3	Ekettha aṭṭha vatthukā,
pli-tv-pvr19:4.4	Ekena sabbasaṅgaho.
pli-tv-pvr19:5.1	Vinayassa kati mūlāni,
pli-tv-pvr19:5.2	Yāni buddhena paññattā;
pli-tv-pvr19:5.3	Vinayagarukā kati vuttā,
pli-tv-pvr19:5.4	Duṭṭhullacchādanā kati.
pli-tv-pvr19:6.1	Vinayassa dve mūlāni,
pli-tv-pvr19:6.2	yāni buddhena paññattā;
pli-tv-pvr19:6.3	Vinayagarukā dve vuttā,
pli-tv-pvr19:6.4	dve duṭṭhullacchādanā.
pli-tv-pvr19:7.1	Gāmantare kati āpattiyo,
pli-tv-pvr19:7.2	Kati nadipārapaccayā;
pli-tv-pvr19:7.3	Katimaṁsesu thullaccayaṁ,
pli-tv-pvr19:7.4	Katimaṁsesu dukkaṭaṁ.
pli-tv-pvr19:8.1	Gāmantare catasso āpattiyo,
pli-tv-pvr19:8.2	Catasso nadipārapaccayā;
pli-tv-pvr19:8.3	Ekamaṁse thullaccayaṁ,
pli-tv-pvr19:8.4	Navamaṁsesu dukkaṭaṁ.
pli-tv-pvr19:9.1	Kati vācasikā rattiṁ,
pli-tv-pvr19:9.2	Kati vācasikā divā;
pli-tv-pvr19:9.3	Dadamānassa kati āpattiyo,
pli-tv-pvr19:9.4	Paṭiggaṇhantassa kittakā.
pli-tv-pvr19:10.1	Dve vācasikā rattiṁ,
pli-tv-pvr19:10.2	Dve vācasikā divā;
pli-tv-pvr19:10.3	Dadamānassa tisso āpattiyo,
pli-tv-pvr19:10.4	Cattāro ca paṭiggahe.
pli-tv-pvr19:11.0	2. Desanāgāminiyādiāpatti
pli-tv-pvr19:11.1	Kati desanāgāminiyo,
pli-tv-pvr19:11.2	Kati sappaṭikammā katā;
pli-tv-pvr19:11.3	Katettha appaṭikammā vuttā,
pli-tv-pvr19:11.4	Buddhenādiccabandhunā.
pli-tv-pvr19:12.1	Pañca desanāgāminiyo,
pli-tv-pvr19:12.2	Cha sappaṭikammā katā;
pli-tv-pvr19:12.3	Ekettha appaṭikammā vuttā,
pli-tv-pvr19:12.4	Buddhenādiccabandhunā.
pli-tv-pvr19:13.1	Vinayagarukā kati vuttā,
pli-tv-pvr19:13.2	Kāyavācasikāni ca;
pli-tv-pvr19:13.3	Kati vikāle dhaññaraso,
pli-tv-pvr19:13.4	Kati ñatticatutthena sammuti.
pli-tv-pvr19:14.1	Vinayagarukā dve vuttā,
pli-tv-pvr19:14.2	Kāyavācasikāni ca;
pli-tv-pvr19:14.3	Eko vikāle dhaññaraso,
pli-tv-pvr19:14.4	Ekā ñatticatutthena sammuti.
pli-tv-pvr19:15.1	Pārājikā kāyikā kati,
pli-tv-pvr19:15.2	kati saṁvāsakabhūmiyo;
pli-tv-pvr19:15.3	Katinaṁ ratticchedo,
pli-tv-pvr19:15.4	paññattā dvaṅgulā kati.
pli-tv-pvr19:16.1	Pārājikā kāyikā dve,
pli-tv-pvr19:16.2	dve saṁvāsakabhūmiyo;
pli-tv-pvr19:16.3	Dvinnaṁ ratticchedo,
pli-tv-pvr19:16.4	paññattā dvaṅgulā duve.
pli-tv-pvr19:17.1	Katattānaṁ vadhitvāna,
pli-tv-pvr19:17.2	katihi saṅgho bhijjati;
pli-tv-pvr19:17.3	Katettha paṭhamāpattikā,
pli-tv-pvr19:17.4	ñattiyā karaṇā kati.
pli-tv-pvr19:18.1	Dve attānaṁ vadhitvāna,
pli-tv-pvr19:18.2	dvīhi saṅgho bhijjati;
pli-tv-pvr19:18.3	Dvettha paṭhamāpattikā,
pli-tv-pvr19:18.4	ñattiyā karaṇā duve.
pli-tv-pvr19:19.1	Pāṇātipāte kati āpattiyo,
pli-tv-pvr19:19.2	Vācā pārājikā kati;
pli-tv-pvr19:19.3	Obhāsanā kati vuttā,
pli-tv-pvr19:19.4	Sañcarittena vā kati.
pli-tv-pvr19:20.1	Pāṇātipāte tisso āpattiyo,
pli-tv-pvr19:20.2	Vācā pārājikā tayo;
pli-tv-pvr19:20.3	Obhāsanā tayo vuttā,
pli-tv-pvr19:20.4	Sañcarittena vā tayo.
pli-tv-pvr19:21.1	Kati puggalā na upasampādetabbā,
pli-tv-pvr19:21.2	Kati kammānaṁ saṅgahā;
pli-tv-pvr19:21.3	Nāsitakā kati vuttā,
pli-tv-pvr19:21.4	Katinaṁ ekavācikā.
pli-tv-pvr19:22.1	Tayo puggalā na upasampādetabbā,
pli-tv-pvr19:22.2	Tayo kammānaṁ saṅgahā;
pli-tv-pvr19:22.3	Nāsitakā tayo vuttā,
pli-tv-pvr19:22.4	Tiṇṇannaṁ ekavācikā.
pli-tv-pvr19:23.1	Adinnādāne kati āpattiyo,
pli-tv-pvr19:23.2	Kati methunapaccayā;
pli-tv-pvr19:23.3	Chindantassa kati āpattiyo,
pli-tv-pvr19:23.4	Kati chaḍḍitapaccayā.
pli-tv-pvr19:24.1	Adinnādāne tisso āpattiyo,
pli-tv-pvr19:24.2	Catasso methunapaccayā;
pli-tv-pvr19:24.3	Chindantassa tisso āpattiyo,
pli-tv-pvr19:24.4	Pañca chaḍḍitapaccayā.
pli-tv-pvr19:25.1	Bhikkhunovādakavaggasmiṁ,
pli-tv-pvr19:25.2	pācittiyena dukkaṭā;
pli-tv-pvr19:25.3	Katettha navakā vuttā,
pli-tv-pvr19:25.4	katinaṁ cīvarena ca.
pli-tv-pvr19:26.1	Bhikkhunovādakavaggasmiṁ,
pli-tv-pvr19:26.2	Pācittiyena dukkaṭā katā;
pli-tv-pvr19:26.3	Caturettha navakā vuttā,
pli-tv-pvr19:26.4	Dvinnaṁ cīvarena ca.
pli-tv-pvr19:27.1	Bhikkhunīnañca akkhātā,
pli-tv-pvr19:27.2	Pāṭidesaniyā kati;
pli-tv-pvr19:27.3	Bhuñjantāmakadhaññena,
pli-tv-pvr19:27.4	Pācittiyena dukkaṭā kati.
pli-tv-pvr19:28.1	Bhikkhunīnañca akkhātā,
pli-tv-pvr19:28.2	Aṭṭha pāṭidesanīyā katā;
pli-tv-pvr19:28.3	Bhuñjantāmakadhaññena,
pli-tv-pvr19:28.4	Pācittiyena dukkaṭā katā.
pli-tv-pvr19:29.1	Gacchantassa kati āpattiyo,
pli-tv-pvr19:29.2	Ṭhitassa cāpi kittakā;
pli-tv-pvr19:29.3	Nisinnassa kati āpattiyo,
pli-tv-pvr19:29.4	Nipannassāpi kittakā.
pli-tv-pvr19:30.1	Gacchantassa catasso āpattiyo,
pli-tv-pvr19:30.2	Ṭhitassa cāpi tattakā;
pli-tv-pvr19:30.3	Nisinnassa catasso āpattiyo,
pli-tv-pvr19:30.4	Nipannassāpi tattakā.
pli-tv-pvr19:31.0	3. Pācittiya
pli-tv-pvr19:31.1	Kati pācittiyāni,
pli-tv-pvr19:31.2	sabbāni nānāvatthukāni;
pli-tv-pvr19:31.3	Apubbaṁ acarimaṁ,
pli-tv-pvr19:31.4	āpajjeyya ekato.
pli-tv-pvr19:32.1	Pañca pācittiyāni,
pli-tv-pvr19:32.2	sabbāni nānāvatthukāni;
pli-tv-pvr19:32.3	Apubbaṁ acarimaṁ,
pli-tv-pvr19:32.4	āpajjeyya ekato.
pli-tv-pvr19:33.1	Kati pācittiyāni,
pli-tv-pvr19:33.2	sabbāni nānāvatthukāni;
pli-tv-pvr19:33.3	Apubbaṁ acarimaṁ,
pli-tv-pvr19:33.4	āpajjeyya ekato.
pli-tv-pvr19:34.1	Nava pācittiyāni,
pli-tv-pvr19:34.2	sabbāni nānāvatthukāni;
pli-tv-pvr19:34.3	Apubbaṁ acarimaṁ,
pli-tv-pvr19:34.4	āpajjeyya ekato.
pli-tv-pvr19:35.1	Kati pācittiyāni,
pli-tv-pvr19:35.2	sabbāni nānāvatthukāni;
pli-tv-pvr19:35.3	Kati vācāya deseyya,
pli-tv-pvr19:35.4	vuttā ādiccabandhunā.
pli-tv-pvr19:36.1	Pañca pācittiyāni,
pli-tv-pvr19:36.2	sabbāni nānāvatthukāni;
pli-tv-pvr19:36.3	Ekavācāya deseyya,
pli-tv-pvr19:36.4	vuttā ādiccabandhunā.
pli-tv-pvr19:37.1	Kati pācittiyāni,
pli-tv-pvr19:37.2	sabbāni nānāvatthukāni;
pli-tv-pvr19:37.3	Kati vācāya deseyya,
pli-tv-pvr19:37.4	vuttā ādiccabandhunā.
pli-tv-pvr19:38.1	Nava pācittiyāni,
pli-tv-pvr19:38.2	sabbāni nānāvatthukāni;
pli-tv-pvr19:38.3	Ekavācāya deseyya,
pli-tv-pvr19:38.4	vuttā ādiccabandhunā.
pli-tv-pvr19:39.1	Kati pācittiyāni,
pli-tv-pvr19:39.2	sabbāni nānāvatthukāni;
pli-tv-pvr19:39.3	Kiñca kittetvā deseyya,
pli-tv-pvr19:39.4	vuttā ādiccabandhunā.
pli-tv-pvr19:40.1	Pañca pācittiyāni,
pli-tv-pvr19:40.2	sabbāni nānāvatthukāni;
pli-tv-pvr19:40.3	Vatthuṁ kittetvā deseyya,
pli-tv-pvr19:40.4	vuttā ādiccabandhunā.
pli-tv-pvr19:41.1	Kati pācittiyāni,
pli-tv-pvr19:41.2	sabbāni nānāvatthukāni;
pli-tv-pvr19:41.3	Kiñca kittetvā deseyya,
pli-tv-pvr19:41.4	vuttā ādiccabandhunā.
pli-tv-pvr19:42.1	Nava pācittiyāni,
pli-tv-pvr19:42.2	sabbāni nānāvatthukāni;
pli-tv-pvr19:42.3	Vatthuṁ kittetvā deseyya,
pli-tv-pvr19:42.4	vuttā ādiccabandhunā.
pli-tv-pvr19:43.1	Yāvatatiyake kati āpattiyo,
pli-tv-pvr19:43.2	Kati vohārapaccayā;
pli-tv-pvr19:43.3	Khādantassa kati āpattiyo,
pli-tv-pvr19:43.4	Kati bhojanapaccayā.
pli-tv-pvr19:44.1	Yāvatatiyake tisso āpattiyo,
pli-tv-pvr19:44.2	Cha vohārapaccayā;
pli-tv-pvr19:44.3	Khādantassa tisso āpattiyo,
pli-tv-pvr19:44.4	Pañca bhojanapaccayā.
pli-tv-pvr19:45.1	Sabbā yāvatatiyakā,
pli-tv-pvr19:45.2	Kati ṭhānāni gacchanti;
pli-tv-pvr19:45.3	Katinañceva āpatti,
pli-tv-pvr19:45.4	Katinaṁ adhikaraṇena ca.
pli-tv-pvr19:46.1	Sabbā yāvatatiyakā,
pli-tv-pvr19:46.2	Pañca ṭhānāni gacchanti;
pli-tv-pvr19:46.3	Pañcannañceva āpatti,
pli-tv-pvr19:46.4	Pañcannaṁ adhikaraṇena ca.
pli-tv-pvr19:47.1	Katinaṁ vinicchayo hoti,
pli-tv-pvr19:47.2	katinaṁ vūpasamena ca;
pli-tv-pvr19:47.3	Katinañceva anāpatti,
pli-tv-pvr19:47.4	katihi ṭhānehi sobhati.
pli-tv-pvr19:48.1	Pañcannaṁ vinicchayo hoti,
pli-tv-pvr19:48.2	pañcannaṁ vūpasamena ca;
pli-tv-pvr19:48.3	Pañcannañceva anāpatti,
pli-tv-pvr19:48.4	tīhi ṭhānehi sobhati.
pli-tv-pvr19:49.1	Kati kāyikā rattiṁ,
pli-tv-pvr19:49.2	Kati kāyikā divā;
pli-tv-pvr19:49.3	Nijjhāyantassa kati āpatti,
pli-tv-pvr19:49.4	Kati piṇḍapātapaccayā.
pli-tv-pvr19:50.1	Dve kāyikā rattiṁ,
pli-tv-pvr19:50.2	Dve kāyikā divā;
pli-tv-pvr19:50.3	Nijjhāyantassa ekā āpatti,
pli-tv-pvr19:50.4	Ekā piṇḍapātapaccayā.
pli-tv-pvr19:51.1	Katānisaṁse sampassaṁ,
pli-tv-pvr19:51.2	paresaṁ saddhāya desaye;
pli-tv-pvr19:51.3	Ukkhittakā kati vuttā,
pli-tv-pvr19:51.4	kati sammāvattanā.
pli-tv-pvr19:52.1	Aṭṭhānisaṁse sampassaṁ,
pli-tv-pvr19:52.2	Paresaṁ saddhāya desaye;
pli-tv-pvr19:52.3	Ukkhittakā tayo vuttā,
pli-tv-pvr19:52.4	Tecattālīsa sammāvattanā.
pli-tv-pvr19:53.1	Kati ṭhāne musāvādo,
pli-tv-pvr19:53.2	kati paramanti vuccati;
pli-tv-pvr19:53.3	Kati pāṭidesanīyā,
pli-tv-pvr19:53.4	katinaṁ desanāya ca.
pli-tv-pvr19:54.1	Pañca ṭhāne musāvādo,
pli-tv-pvr19:54.2	Cuddasa paramanti vuccati;
pli-tv-pvr19:54.3	Dvādasa pāṭidesanīyā,
pli-tv-pvr19:54.4	Catunnaṁ desanāya ca.
pli-tv-pvr19:55.1	Kataṅgiko musāvādo,
pli-tv-pvr19:55.2	kati uposathaṅgāni;
pli-tv-pvr19:55.3	Kati dūteyyaṅgāni,
pli-tv-pvr19:55.4	kati titthiyavattanā.
pli-tv-pvr19:56.1	Aṭṭhaṅgiko musāvādo,
pli-tv-pvr19:56.2	aṭṭha uposathaṅgāni;
pli-tv-pvr19:56.3	Aṭṭha dūteyyaṅgāni,
pli-tv-pvr19:56.4	aṭṭha titthiyavattanā.
pli-tv-pvr19:57.1	Kativācikā upasampadā,
pli-tv-pvr19:57.2	Katinaṁ paccuṭṭhātabbaṁ;
pli-tv-pvr19:57.3	Katinaṁ āsanaṁ dātabbaṁ,
pli-tv-pvr19:57.4	Bhikkhunovādako katihi.
pli-tv-pvr19:58.1	Aṭṭhavācikā upasampadā,
pli-tv-pvr19:58.2	Aṭṭhannaṁ paccuṭṭhātabbaṁ;
pli-tv-pvr19:58.3	Aṭṭhannaṁ āsanaṁ dātabbaṁ,
pli-tv-pvr19:58.4	Bhikkhunovādako aṭṭhahi.
pli-tv-pvr19:59.1	Katinaṁ chejjaṁ hoti,
pli-tv-pvr19:59.2	katinaṁ thullaccayaṁ;
pli-tv-pvr19:59.3	Katinañceva anāpatti,
pli-tv-pvr19:59.4	sabbesaṁ ekavatthukā.
pli-tv-pvr19:60.1	Ekassa chejjaṁ hoti,
pli-tv-pvr19:60.2	catunnaṁ thullaccayaṁ;
pli-tv-pvr19:60.3	Catunnañceva anāpatti,
pli-tv-pvr19:60.4	sabbesaṁ ekavatthukā.
pli-tv-pvr19:61.1	Kati āghātavatthūni,
pli-tv-pvr19:61.2	katihi saṅgho bhijjati;
pli-tv-pvr19:61.3	Katettha paṭhamāpattikā,
pli-tv-pvr19:61.4	ñattiyā karaṇā kati.
pli-tv-pvr19:62.1	Nava āghātavatthūni,
pli-tv-pvr19:62.2	navahi saṅgho bhijjati;
pli-tv-pvr19:62.3	Navettha paṭhamāpattikā,
pli-tv-pvr19:62.4	ñattiyā karaṇā nava.
pli-tv-pvr19:63.0	4. Avandanīyapuggalādi
pli-tv-pvr19:63.1	Kati puggalā nābhivādetabbā,
pli-tv-pvr19:63.2	Añjalisāmicena ca;
pli-tv-pvr19:63.3	Katinaṁ dukkaṭaṁ hoti,
pli-tv-pvr19:63.4	Kati cīvaradhāraṇā.
pli-tv-pvr19:64.1	Dasa puggalā nābhivādetabbā,
pli-tv-pvr19:64.2	Añjalisāmicena ca;
pli-tv-pvr19:64.3	Dasannaṁ dukkaṭaṁ hoti,
pli-tv-pvr19:64.4	Dasa cīvaradhāraṇā.
pli-tv-pvr19:65.1	Katinaṁ vassaṁvuṭṭhānaṁ,
pli-tv-pvr19:65.2	dātabbaṁ idha cīvaraṁ;
pli-tv-pvr19:65.3	Katinaṁ sante dātabbaṁ,
pli-tv-pvr19:65.4	katinañceva na dātabbaṁ.
pli-tv-pvr19:66.1	Pañcannaṁ vassaṁvuṭṭhānaṁ,
pli-tv-pvr19:66.2	dātabbaṁ idha cīvaraṁ;
pli-tv-pvr19:66.3	Sattannaṁ sante dātabbaṁ,
pli-tv-pvr19:66.4	soḷasannaṁ na dātabbaṁ.
pli-tv-pvr19:67.1	Katisataṁ rattisataṁ,
pli-tv-pvr19:67.2	āpattiyo chādayitvāna;
pli-tv-pvr19:67.3	Kati rattiyo vasitvāna,
pli-tv-pvr19:67.4	mucceyya pārivāsiko.
pli-tv-pvr19:68.1	Dasasataṁ rattisataṁ,
pli-tv-pvr19:68.2	āpattiyo chādayitvāna;
pli-tv-pvr19:68.3	Dasa rattiyo vasitvāna,
pli-tv-pvr19:68.4	mucceyya pārivāsiko.
pli-tv-pvr19:69.1	Kati kammadosā vuttā,
pli-tv-pvr19:69.2	buddhenādiccabandhunā;
pli-tv-pvr19:69.3	Campāyaṁ vinayavatthusmiṁ,
pli-tv-pvr19:69.4	sabbeva adhammikā kati.
pli-tv-pvr19:70.1	Dvādasa kammadosā vuttā,
pli-tv-pvr19:70.2	buddhenādiccabandhunā;
pli-tv-pvr19:70.3	Campāyaṁ vinayavatthusmiṁ,
pli-tv-pvr19:70.4	sabbeva adhammikā katā.
pli-tv-pvr19:71.1	Kati kammasampattiyo vuttā,
pli-tv-pvr19:71.2	Buddhenādiccabandhunā;
pli-tv-pvr19:71.3	Campāyaṁ vinayavatthusmiṁ,
pli-tv-pvr19:71.4	Sabbeva dhammikā kati.
pli-tv-pvr19:72.1	Catasso kammasampattiyo vuttā,
pli-tv-pvr19:72.2	Buddhenādiccabandhunā;
pli-tv-pvr19:72.3	Campāyaṁ vinayavatthusmiṁ,
pli-tv-pvr19:72.4	Sabbeva dhammikā katā.
pli-tv-pvr19:73.1	Kati kammāni vuttāni,
pli-tv-pvr19:73.2	buddhenādiccabandhunā;
pli-tv-pvr19:73.3	Campāyaṁ vinayavatthusmiṁ,
pli-tv-pvr19:73.4	dhammikā adhammikā kati.
pli-tv-pvr19:74.1	Cha kammāni vuttāni,
pli-tv-pvr19:74.2	buddhenādiccabandhunā;
pli-tv-pvr19:74.3	Campāyaṁ vinayavatthusmiṁ,
pli-tv-pvr19:74.4	ekettha dhammikā katā;
pli-tv-pvr19:74.5	Pañca adhammikā vuttā,
pli-tv-pvr19:74.6	buddhenādiccabandhunā.
pli-tv-pvr19:75.1	Kati kammāni vuttāni,
pli-tv-pvr19:75.2	buddhenādiccabandhunā;
pli-tv-pvr19:75.3	Campāyaṁ vinayavatthusmiṁ,
pli-tv-pvr19:75.4	dhammikā adhammikā kati.
pli-tv-pvr19:76.1	Cattāri kammāni vuttāni,
pli-tv-pvr19:76.2	buddhenādiccabandhunā;
pli-tv-pvr19:76.3	Campāyaṁ vinayavatthusmiṁ,
pli-tv-pvr19:76.4	ekettha dhammikā katā;
pli-tv-pvr19:76.5	Tayo adhammikā vuttā,
pli-tv-pvr19:76.6	buddhenādiccabandhunā.
pli-tv-pvr19:77.1	Yaṁ desitaṁnantajinena tādinā,
pli-tv-pvr19:77.2	Āpattikkhandhāni vivekadassinā;
pli-tv-pvr19:77.3	Katettha sammanti vinā samathehi,
pli-tv-pvr19:77.4	Pucchāmi taṁ brūhi vibhaṅgakovida.
pli-tv-pvr19:78.1	Yaṁ desitaṁnantajinena tādinā,
pli-tv-pvr19:78.2	Āpattikkhandhāni vivekadassinā;
pli-tv-pvr19:78.3	Ekettha sammati vinā samathehi,
pli-tv-pvr19:78.4	Etaṁ te akkhāmi vibhaṅgakovida.
pli-tv-pvr19:79.1	Kati āpāyikā vuttā,
pli-tv-pvr19:79.2	buddhenādiccabandhunā;
pli-tv-pvr19:79.3	Vinayaṁ paṭijānantassa,
pli-tv-pvr19:79.4	vinayāni suṇoma te.
pli-tv-pvr19:80.1	Chaūnadiyaḍḍhasatā vuttā,
pli-tv-pvr19:80.2	Buddhenādiccabandhunā;
pli-tv-pvr19:80.3	Āpāyikā nerayikā,
pli-tv-pvr19:80.4	Kappaṭṭhā saṅghabhedakā;
pli-tv-pvr19:80.5	Vinayaṁ paṭijānantassa,
pli-tv-pvr19:80.6	Vinayāni suṇohi me.
pli-tv-pvr19:81.1	Kati nāpāyikā vuttā,
pli-tv-pvr19:81.2	buddhenādiccabandhunā;
pli-tv-pvr19:81.3	Vinayaṁ paṭijānantassa,
pli-tv-pvr19:81.4	vinayāni suṇoma te.
pli-tv-pvr19:82.1	Aṭṭhārasa nāpāyikā vuttā,
pli-tv-pvr19:82.2	Buddhenādiccabandhunā;
pli-tv-pvr19:82.3	Vinayaṁ paṭijānantassa,
pli-tv-pvr19:82.4	Vinayāni suṇohi me.
pli-tv-pvr19:83.1	Kati aṭṭhakā vuttā,
pli-tv-pvr19:83.2	buddhenādiccabandhunā;
pli-tv-pvr19:83.3	Vinayaṁ paṭijānantassa,
pli-tv-pvr19:83.4	vinayāni suṇoma te.
pli-tv-pvr19:84.1	Aṭṭhārasa aṭṭhakā vuttā,
pli-tv-pvr19:84.2	buddhenādiccabandhunā;
pli-tv-pvr19:84.3	Vinayaṁ paṭijānantassa,
pli-tv-pvr19:84.4	vinayāni suṇohi me.
pli-tv-pvr19:85.0	5. Soḷasakammādi
pli-tv-pvr19:85.1	Kati kammāni vuttāni,
pli-tv-pvr19:85.2	buddhenādiccabandhunā;
pli-tv-pvr19:85.3	Vinayaṁ paṭijānantassa,
pli-tv-pvr19:85.4	vinayāni suṇoma te.
pli-tv-pvr19:86.1	Soḷasa kammāni vuttāni,
pli-tv-pvr19:86.2	buddhenādiccabandhunā;
pli-tv-pvr19:86.3	Vinayaṁ paṭijānantassa,
pli-tv-pvr19:86.4	vinayāni suṇohi me.
pli-tv-pvr19:87.1	Kati kammadosā vuttā,
pli-tv-pvr19:87.2	buddhenādiccabandhunā;
pli-tv-pvr19:87.3	Vinayaṁ paṭijānantassa,
pli-tv-pvr19:87.4	vinayāni suṇoma te.
pli-tv-pvr19:88.1	Dvādasa kammadosā vuttā,
pli-tv-pvr19:88.2	buddhenādiccabandhunā;
pli-tv-pvr19:88.3	Vinayaṁ paṭijānantassa,
pli-tv-pvr19:88.4	vinayāni suṇohi me.
pli-tv-pvr19:89.1	Kati kammasampattiyo vuttā,
pli-tv-pvr19:89.2	Buddhenādiccabandhunā;
pli-tv-pvr19:89.3	Vinayaṁ paṭijānantassa,
pli-tv-pvr19:89.4	Vinayāni suṇoma te.
pli-tv-pvr19:90.1	Catasso kammasampattiyo vuttā,
pli-tv-pvr19:90.2	Buddhenādiccabandhunā;
pli-tv-pvr19:90.3	Vinayaṁ paṭijānantassa,
pli-tv-pvr19:90.4	Vinayāni suṇohi me.
pli-tv-pvr19:91.1	Kati kammāni vuttāni,
pli-tv-pvr19:91.2	buddhenādiccabandhunā;
pli-tv-pvr19:91.3	Vinayaṁ paṭijānantassa,
pli-tv-pvr19:91.4	vinayāni suṇoma te.
pli-tv-pvr19:92.1	Cha kammāni vuttāni,
pli-tv-pvr19:92.2	buddhenādiccabandhunā;
pli-tv-pvr19:92.3	Vinayaṁ paṭijānantassa,
pli-tv-pvr19:92.4	vinayāni suṇohi me.
pli-tv-pvr19:93.1	Kati kammāni vuttāni,
pli-tv-pvr19:93.2	buddhenādiccabandhunā;
pli-tv-pvr19:93.3	Vinayaṁ paṭijānantassa,
pli-tv-pvr19:93.4	vinayāni suṇoma te.
pli-tv-pvr19:94.1	Cattāri kammāni vuttāni,
pli-tv-pvr19:94.2	buddhenādiccabandhunā;
pli-tv-pvr19:94.3	Vinayaṁ paṭijānantassa,
pli-tv-pvr19:94.4	vinayāni suṇohi me.
pli-tv-pvr19:95.1	Kati pārājikā vuttā,
pli-tv-pvr19:95.2	buddhenādiccabandhunā;
pli-tv-pvr19:95.3	Vinayaṁ paṭijānantassa,
pli-tv-pvr19:95.4	vinayāni suṇoma te.
pli-tv-pvr19:96.1	Aṭṭha pārājikā vuttā,
pli-tv-pvr19:96.2	buddhenādiccabandhunā;
pli-tv-pvr19:96.3	Vinayaṁ paṭijānantassa,
pli-tv-pvr19:96.4	vinayāni suṇohi me.
pli-tv-pvr19:97.1	Kati saṅghādisesā vuttā,
pli-tv-pvr19:97.2	buddhenādiccabandhunā;
pli-tv-pvr19:97.3	Vinayaṁ paṭijānantassa,
pli-tv-pvr19:97.4	vinayāni suṇoma te.
pli-tv-pvr19:98.1	Tevīsa saṅghādisesā vuttā,
pli-tv-pvr19:98.2	Buddhenādiccabandhunā;
pli-tv-pvr19:98.3	Vinayaṁ paṭijānantassa,
pli-tv-pvr19:98.4	Vinayāni suṇohi me.
pli-tv-pvr19:99.1	Kati aniyatā vuttā,
pli-tv-pvr19:99.2	buddhenādiccabandhunā;
pli-tv-pvr19:99.3	Vinayaṁ paṭijānantassa,
pli-tv-pvr19:99.4	vinayāni suṇoma te.
pli-tv-pvr19:100.1	Dve aniyatā vuttā,
pli-tv-pvr19:100.2	buddhenādiccabandhunā;
pli-tv-pvr19:100.3	Vinayaṁ paṭijānantassa,
pli-tv-pvr19:100.4	vinayāni suṇohi me.
pli-tv-pvr19:101.1	Kati nissaggiyā vuttā,
pli-tv-pvr19:101.2	buddhenādiccabandhunā;
pli-tv-pvr19:101.3	Vinayaṁ paṭijānantassa,
pli-tv-pvr19:101.4	vinayāni suṇoma te.
pli-tv-pvr19:102.1	Dvecattālīsa nissaggiyā vuttā,
pli-tv-pvr19:102.2	Buddhenādiccabandhunā;
pli-tv-pvr19:102.3	Vinayaṁ paṭijānantassa,
pli-tv-pvr19:102.4	Vinayāni suṇohi me.
pli-tv-pvr19:103.1	Kati pācittiyā vuttā,
pli-tv-pvr19:103.2	buddhenādiccabandhunā;
pli-tv-pvr19:103.3	Vinayaṁ paṭijānantassa,
pli-tv-pvr19:103.4	vinayāni suṇoma te.
pli-tv-pvr19:104.1	Aṭṭhāsītisataṁ pācittiyā vuttā,
pli-tv-pvr19:104.2	Buddhenādiccabandhunā;
pli-tv-pvr19:104.3	Vinayaṁ paṭijānantassa,
pli-tv-pvr19:104.4	Vinayāni suṇohi me.
pli-tv-pvr19:105.1	Kati pāṭidesanīyā vuttā,
pli-tv-pvr19:105.2	Buddhenādiccabandhunā;
pli-tv-pvr19:105.3	Vinayaṁ paṭijānantassa,
pli-tv-pvr19:105.4	Vinayāni suṇoma te.
pli-tv-pvr19:106.1	Dvādasa pāṭidesanīyā vuttā,
pli-tv-pvr19:106.2	Buddhenādiccabandhunā;
pli-tv-pvr19:106.3	Vinayaṁ paṭijānantassa,
pli-tv-pvr19:106.4	Vinayāni suṇohi me.
pli-tv-pvr19:107.1	Kati sekhiyā vuttā,
pli-tv-pvr19:107.2	buddhenādiccabandhunā;
pli-tv-pvr19:107.3	Vinayaṁ paṭijānantassa,
pli-tv-pvr19:107.4	vinayāni suṇoma te.
pli-tv-pvr19:108.1	Pañcasattati sekhiyā vuttā,
pli-tv-pvr19:108.2	Buddhenādiccabandhunā;
pli-tv-pvr19:108.3	Vinayaṁ paṭijānantassa,
pli-tv-pvr19:108.4	Vinayāni suṇohi me.
pli-tv-pvr19:109.1	Yāva supucchitaṁ tayā,
pli-tv-pvr19:109.2	yāva suvissajjitaṁ mayā;
pli-tv-pvr19:109.3	Pucchāvissajjanāya vā,
pli-tv-pvr19:109.4	natthi kiñci asuttakanti.
pli-tv-pvr19:110.1	Dutiyagāthāsaṅgaṇikaṁ niṭṭhitaṁ.
pli-tv-pvr20:0.1	Parivāra
pli-tv-pvr20:0.2	20. Sedamocanagāthā
pli-tv-pvr20:0.3	1. Avippavāsapañhā
pli-tv-pvr20:1.1	Asaṁvāso bhikkhūhi ca bhikkhunīhi ca,
pli-tv-pvr20:1.2	Sambhogo ekacco tahiṁ na labbhati;
pli-tv-pvr20:1.3	Avippavāsena anāpatti,
pli-tv-pvr20:1.4	Pañhā mesā kusalehi cintitā.
pli-tv-pvr20:2.1	Avissajjiyaṁ avebhaṅgiyaṁ,
pli-tv-pvr20:2.2	Pañca vuttā mahesinā;
pli-tv-pvr20:2.3	Vissajjantassa paribhuñjantassa anāpatti,
pli-tv-pvr20:2.4	Pañhā mesā kusalehi cintitā.
pli-tv-pvr20:3.1	Dasa puggale na vadāmi,
pli-tv-pvr20:3.2	Ekādasa vivajjiya;
pli-tv-pvr20:3.3	Vuḍḍhaṁ vandantassa āpatti,
pli-tv-pvr20:3.4	Pañhā mesā kusalehi cintitā.
pli-tv-pvr20:4.1	Na ukkhittako na ca pana pārivāsiko,
pli-tv-pvr20:4.2	Na saṅghabhinno na ca pana pakkhasaṅkanto;
pli-tv-pvr20:4.3	Samānasaṁvāsakabhūmiyā ṭhito,
pli-tv-pvr20:4.4	Kathaṁ nu sikkhāya asādhāraṇo siyā;
pli-tv-pvr20:4.5	Pañhā mesā kusalehi cintitā.
pli-tv-pvr20:5.1	Upeti dhammaṁ paripucchamāno,
pli-tv-pvr20:5.2	Kusalaṁ atthūpasañhitaṁ;
pli-tv-pvr20:5.3	Na jīvati na mato na nibbuto,
pli-tv-pvr20:5.4	Taṁ puggalaṁ katamaṁ vadanti buddhā;
pli-tv-pvr20:5.5	Pañhā mesā kusalehi cintitā.
pli-tv-pvr20:6.1	Ubbhakkhake na vadāmi,
pli-tv-pvr20:6.2	Adho nābhiṁ vivajjiya;
pli-tv-pvr20:6.3	Methunadhammapaccayā,
pli-tv-pvr20:6.4	Kathaṁ pārājiko siyā;
pli-tv-pvr20:6.5	Pañhā mesā kusalehi cintitā.
pli-tv-pvr20:7.1	Bhikkhu saññācikāya kuṭiṁ karoti,
pli-tv-pvr20:7.2	Adesitavatthukaṁ pamāṇātikkantaṁ;
pli-tv-pvr20:7.3	Sārambhaṁ aparikkamanaṁ anāpatti,
pli-tv-pvr20:7.4	Pañhā mesā kusalehi cintitā.
pli-tv-pvr20:8.1	Bhikkhu saññācikāya kuṭiṁ karoti,
pli-tv-pvr20:8.2	Desitavatthukaṁ pamāṇikaṁ;
pli-tv-pvr20:8.3	Anārambhaṁ saparikkamanaṁ āpatti,
pli-tv-pvr20:8.4	Pañhā mesā kusalehi cintitā.
pli-tv-pvr20:9.1	Na kāyikaṁ kiñci payogamācare,
pli-tv-pvr20:9.2	Na cāpi vācāya pare bhaṇeyya;
pli-tv-pvr20:9.3	Āpajjeyya garukaṁ chejjavatthuṁ,
pli-tv-pvr20:9.4	Pañhā mesā kusalehi cintitā.
pli-tv-pvr20:10.1	Na kāyikaṁ vācasikañca kiñci,
pli-tv-pvr20:10.2	Manasāpi santo na kareyya pāpaṁ;
pli-tv-pvr20:10.3	So nāsito kinti sunāsito bhave,
pli-tv-pvr20:10.4	Pañhā mesā kusalehi cintitā.
pli-tv-pvr20:11.1	Anālapanto manujena kenaci,
pli-tv-pvr20:11.2	Vācāgiraṁ no ca pare bhaṇeyya;
pli-tv-pvr20:11.3	Āpajjeyya vācasikaṁ na kāyikaṁ,
pli-tv-pvr20:11.4	Pañhā mesā kusalehi cintitā.
pli-tv-pvr20:12.1	Sikkhāpadā buddhavarena vaṇṇitā,
pli-tv-pvr20:12.2	Saṅghādisesā caturo bhaveyyuṁ;
pli-tv-pvr20:12.3	Āpajjeyya ekapayogena sabbe,
pli-tv-pvr20:12.4	Pañhā mesā kusalehi cintitā.
pli-tv-pvr20:13.1	Ubho ekato upasampannā,
pli-tv-pvr20:13.2	Ubhinnaṁ hatthato cīvaraṁ paṭiggaṇheyya;
pli-tv-pvr20:13.3	Siyā āpattiyo nānā,
pli-tv-pvr20:13.4	Pañhā mesā kusalehi cintitā.
pli-tv-pvr20:14.1	Caturo janā saṁvidhāya,
pli-tv-pvr20:14.2	Garubhaṇḍaṁ avāharuṁ;
pli-tv-pvr20:14.3	Tayo pārājikā eko na pārājiko,
pli-tv-pvr20:14.4	Pañhā mesā kusalehi cintitā.
pli-tv-pvr20:15.0	2. Pārājikādipañhā
pli-tv-pvr20:15.1	Itthī ca abbhantare siyā,
pli-tv-pvr20:15.2	Bhikkhu ca bahiddhā siyā;
pli-tv-pvr20:15.3	Chiddaṁ tasmiṁ ghare natthi,
pli-tv-pvr20:15.4	Methunadhammapaccayā;
pli-tv-pvr20:15.5	Kathaṁ pārājiko siyā,
pli-tv-pvr20:15.6	Pañhā mesā kusalehi cintitā.
pli-tv-pvr20:16.1	Telaṁ madhuṁ phāṇitañcāpi sappiṁ,
pli-tv-pvr20:16.2	Sāmaṁ gahetvāna nikkhipeyya;
pli-tv-pvr20:16.3	Avītivatte sattāhe,
pli-tv-pvr20:16.4	Sati paccaye paribhuñjantassa āpatti;
pli-tv-pvr20:16.5	Pañhā mesā kusalehi cintitā.
pli-tv-pvr20:17.1	Nissaggiyena āpatti,
pli-tv-pvr20:17.2	Suddhakena pācittiyaṁ;
pli-tv-pvr20:17.3	Āpajjantassa ekato,
pli-tv-pvr20:17.4	Pañhā mesā kusalehi cintitā.
pli-tv-pvr20:18.1	Bhikkhū siyā vīsatiyā samāgatā,
pli-tv-pvr20:18.2	Kammaṁ kareyyuṁ samaggasaññino;
pli-tv-pvr20:18.3	Bhikkhu siyā dvādasayojane ṭhito,
pli-tv-pvr20:18.4	Kammañca taṁ kuppeyya vaggapaccayā;
pli-tv-pvr20:18.5	Pañhā mesā kusalehi cintitā.
pli-tv-pvr20:19.1	Padavītihāramattena vācāya bhaṇitena ca,
pli-tv-pvr20:19.2	Sabbāni garukāni sappaṭikammāni;
pli-tv-pvr20:19.3	Catusaṭṭhi āpattiyo āpajjeyya ekato,
pli-tv-pvr20:19.4	Pañhā mesā kusalehi cintitā.
pli-tv-pvr20:20.1	Nivattho antaravāsakena,
pli-tv-pvr20:20.2	Diguṇaṁ saṅghāṭiṁ pāruto;
pli-tv-pvr20:20.3	Sabbāni tāni nissaggiyāni honti,
pli-tv-pvr20:20.4	Pañhā mesā kusalehi cintitā.
pli-tv-pvr20:21.1	Na cāpi ñatti na ca pana kammavācā,
pli-tv-pvr20:21.2	Na cehi bhikkhūti jino avoca;
pli-tv-pvr20:21.3	Saraṇagamanampi na tassa atthi,
pli-tv-pvr20:21.4	Upasampadā cassa akuppā;
pli-tv-pvr20:21.5	Pañhā mesā kusalehi cintitā.
pli-tv-pvr20:22.1	Itthiṁ hane na mātaraṁ,
pli-tv-pvr20:22.2	Purisañca na pitaraṁ hane;
pli-tv-pvr20:22.3	Haneyya anariyaṁ mando,
pli-tv-pvr20:22.4	Tena cānantaraṁ phuse;
pli-tv-pvr20:22.5	Pañhā mesā kusalehi cintitā.
pli-tv-pvr20:23.1	Itthiṁ hane ca mātaraṁ,
pli-tv-pvr20:23.2	Purisañca pitaraṁ hane;
pli-tv-pvr20:23.3	Mātaraṁ pitaraṁ hantvā,
pli-tv-pvr20:23.4	Na tenānantaraṁ phuse;
pli-tv-pvr20:23.5	Pañhā mesā kusalehi cintitā.
pli-tv-pvr20:24.1	Acodayitvā assārayitvā,
pli-tv-pvr20:24.2	Asammukhībhūtassa kareyya kammaṁ;
pli-tv-pvr20:24.3	Katañca kammaṁ sukataṁ bhaveyya,
pli-tv-pvr20:24.4	Kārako ca saṅgho anāpattiko siyā;
pli-tv-pvr20:24.5	Pañhā mesā kusalehi cintitā.
pli-tv-pvr20:25.1	Codayitvā sārayitvā,
pli-tv-pvr20:25.2	Sammukhībhūtassa kareyya kammaṁ;
pli-tv-pvr20:25.3	Katañca kammaṁ akataṁ bhaveyya,
pli-tv-pvr20:25.4	Kārako ca saṅgho sāpattiko siyā;
pli-tv-pvr20:25.5	Pañhā mesā kusalehi cintitā.
pli-tv-pvr20:26.1	Chindantassa āpatti,
pli-tv-pvr20:26.2	Chindantassa anāpatti;
pli-tv-pvr20:26.3	Chādentassa āpatti,
pli-tv-pvr20:26.4	Chādentassa anāpatti;
pli-tv-pvr20:26.5	Pañhā mesā kusalehi cintitā.
pli-tv-pvr20:27.1	Saccaṁ bhaṇanto garukaṁ,
pli-tv-pvr20:27.2	Musā ca lahu bhāsato;
pli-tv-pvr20:27.3	Musā bhaṇanto garukaṁ,
pli-tv-pvr20:27.4	Saccañca lahu bhāsato;
pli-tv-pvr20:27.5	Pañhā mesā kusalehi cintitā.
pli-tv-pvr20:28.0	3. Pācittiyādipañhā
pli-tv-pvr20:28.1	Adhiṭṭhitaṁ rajanāya rattaṁ,
pli-tv-pvr20:28.2	Kappakatampi santaṁ;
pli-tv-pvr20:28.3	Paribhuñjantassa āpatti,
pli-tv-pvr20:28.4	Pañhā mesā kusalehi cintitā.
pli-tv-pvr20:29.1	Atthaṅgate sūriye bhikkhu maṁsāni khādati,
pli-tv-pvr20:29.2	Na ummattako na ca pana khittacitto;
pli-tv-pvr20:29.3	Na cāpi so vedanāṭṭo bhaveyya,
pli-tv-pvr20:29.4	Na cassa hoti āpatti;
pli-tv-pvr20:29.5	So ca dhammo sugatena desito,
pli-tv-pvr20:29.6	Pañhā mesā kusalehi cintitā.
pli-tv-pvr20:30.1	Na rattacitto na ca pana theyyacitto,
pli-tv-pvr20:30.2	Na cāpi so paraṁ maraṇāya cetayi;
pli-tv-pvr20:30.3	Salākaṁ dentassa hoti chejjaṁ,
pli-tv-pvr20:30.4	Paṭiggaṇhantassa thullaccayaṁ;
pli-tv-pvr20:30.5	Pañhā mesā kusalehi cintitā.
pli-tv-pvr20:31.1	Na cāpi āraññakaṁ sāsaṅkasammataṁ,
pli-tv-pvr20:31.2	Na cāpi saṅghena sammuti dinnā;
pli-tv-pvr20:31.3	Na cassa kathinaṁ atthataṁ tattheva,
pli-tv-pvr20:31.4	Cīvaraṁ nikkhipitvā gaccheyya aḍḍhayojanaṁ;
pli-tv-pvr20:31.5	Tattheva aruṇaṁ uggacchantassa anāpatti,
pli-tv-pvr20:31.6	Pañhā mesā kusalehi cintitā.
pli-tv-pvr20:32.1	Kāyikāni na vācasikāni,
pli-tv-pvr20:32.2	Sabbāni nānāvatthukāni;
pli-tv-pvr20:32.3	Apubbaṁ acarimaṁ āpajjeyya ekato,
pli-tv-pvr20:32.4	Pañhā mesā kusalehi cintitā.
pli-tv-pvr20:33.1	Vācasikāni na kāyikāni,
pli-tv-pvr20:33.2	Sabbāni nānāvatthukāni;
pli-tv-pvr20:33.3	Apubbaṁ acarimaṁ āpajjeyya ekato,
pli-tv-pvr20:33.4	Pañhā mesā kusalehi cintitā.
pli-tv-pvr20:34.1	Tissitthiyo methunaṁ taṁ na seve,
pli-tv-pvr20:34.2	Tayo purise tayo anariyapaṇḍake;
pli-tv-pvr20:34.3	Na cācare methunaṁ byañjanasmiṁ,
pli-tv-pvr20:34.4	Chejjaṁ siyā methunadhammapaccayā;
pli-tv-pvr20:34.5	Pañhā mesā kusalehi cintitā.
pli-tv-pvr20:35.1	Mātaraṁ cīvaraṁ yāce,
pli-tv-pvr20:35.2	No ca saṅghe pariṇataṁ;
pli-tv-pvr20:35.3	Kenassa hoti āpatti,
pli-tv-pvr20:35.4	Anāpatti ca ñātake;
pli-tv-pvr20:35.5	Pañhā mesā kusalehi cintitā.
pli-tv-pvr20:36.1	Kuddho ārādhako hoti,
pli-tv-pvr20:36.2	Kuddho hoti garahiyo;
pli-tv-pvr20:36.3	Atha ko nāma so dhammo,
pli-tv-pvr20:36.4	Yena kuddho pasaṁsiyo;
pli-tv-pvr20:36.5	Pañhā mesā kusalehi cintitā.
pli-tv-pvr20:37.1	Tuṭṭho ārādhako hoti,
pli-tv-pvr20:37.2	Tuṭṭho hoti garahiyo;
pli-tv-pvr20:37.3	Atha ko nāma so dhammo,
pli-tv-pvr20:37.4	Yena tuṭṭho garahiyo;
pli-tv-pvr20:37.5	Pañhā mesā kusalehi cintitā.
pli-tv-pvr20:38.1	Saṅghādisesaṁ thullaccayaṁ,
pli-tv-pvr20:38.2	Pācittiyaṁ pāṭidesanīyaṁ;
pli-tv-pvr20:38.3	Dukkaṭaṁ āpajjeyya ekato,
pli-tv-pvr20:38.4	Pañhā mesā kusalehi cintitā.
pli-tv-pvr20:39.1	Ubho paripuṇṇavīsativassā,
pli-tv-pvr20:39.2	Ubhinnaṁ ekupajjhāyo;
pli-tv-pvr20:39.3	Ekācariyo ekā kammavācā,
pli-tv-pvr20:39.4	Eko upasampanno eko anupasampanno;
pli-tv-pvr20:39.5	Pañhā mesā kusalehi cintitā.
pli-tv-pvr20:40.1	Akappakataṁ nāpi rajanāya rattaṁ,
pli-tv-pvr20:40.2	Tena nivattho yena kāmaṁ vajeyya;
pli-tv-pvr20:40.3	Na cassa hoti āpatti,
pli-tv-pvr20:40.4	So ca dhammo sugatena desito;
pli-tv-pvr20:40.5	Pañhā mesā kusalehi cintitā.
pli-tv-pvr20:41.1	Na deti na paṭiggaṇhāti,
pli-tv-pvr20:41.2	Paṭiggaho tena na vijjati;
pli-tv-pvr20:41.3	Āpajjati garukaṁ na lahukaṁ,
pli-tv-pvr20:41.4	Tañca paribhogapaccayā;
pli-tv-pvr20:41.5	Pañhā mesā kusalehi cintitā.
pli-tv-pvr20:42.1	Na deti na paṭiggaṇhāti,
pli-tv-pvr20:42.2	Paṭiggaho tena na vijjati;
pli-tv-pvr20:42.3	Āpajjati lahukaṁ na garukaṁ,
pli-tv-pvr20:42.4	Tañca paribhogapaccayā;
pli-tv-pvr20:42.5	Pañhā mesā kusalehi cintitā.
pli-tv-pvr20:43.1	Āpajjati garukaṁ sāvasesaṁ,
pli-tv-pvr20:43.2	Chādeti anādariyaṁ paṭicca;
pli-tv-pvr20:43.3	Na bhikkhunī no ca phuseyya vajjaṁ,
pli-tv-pvr20:43.4	Pañhā mesā kusalehi cintitā.
pli-tv-pvr20:44.1	Sedamocanagāthā niṭṭhitā.
pli-tv-pvr20:45.1	Tassuddānaṁ
pli-tv-pvr20:46.1	Asaṁvāso avissajji,
pli-tv-pvr20:46.2	Dasa ca anukkhittako;
pli-tv-pvr20:46.3	Upeti dhammaṁ ubbhakkhakaṁ,
pli-tv-pvr20:46.4	Tato saññācikā ca dve.
pli-tv-pvr20:47.1	Na kāyikañca garukaṁ,
pli-tv-pvr20:47.2	na kāyikaṁ na vācasikaṁ;
pli-tv-pvr20:47.3	Anālapanto sikkhā ca,
pli-tv-pvr20:47.4	ubho ca caturo janā.
pli-tv-pvr20:48.1	Itthī telañca nissaggi,
pli-tv-pvr20:48.2	bhikkhu ca padavītiyo;
pli-tv-pvr20:48.3	Nivattho ca na ca ñatti,
pli-tv-pvr20:48.4	na mātaraṁ pitaraṁ hane.
pli-tv-pvr20:49.1	Acodayitvā codayitvā,
pli-tv-pvr20:49.2	chindantaṁ saccameva ca;
pli-tv-pvr20:49.3	Adhiṭṭhitañcatthaṅgate,
pli-tv-pvr20:49.4	na rattaṁ na cāraññakaṁ.
pli-tv-pvr20:50.1	Kāyikā vācasikā ca,
pli-tv-pvr20:50.2	tissitthī cāpi mātaraṁ;
pli-tv-pvr20:50.3	Kuddho ārādhako tuṭṭho,
pli-tv-pvr20:50.4	saṅghādisesā ca ubho.
pli-tv-pvr20:51.1	Akappakataṁ na deti,
pli-tv-pvr20:51.2	Na detāpajjatī garuṁ;
pli-tv-pvr20:51.3	Sedamocanikā gāthā,
pli-tv-pvr20:51.4	Pañhā viññūhi vibhāvitāti.
pli-tv-pvr21:0.1	Parivāra
pli-tv-pvr21:0.2	21. Pañcavagga
pli-tv-pvr21:0.3	1. Kammavagga
pli-tv-pvr21:1.1	Cattāri kammāni.
pli-tv-pvr21:1.2	Apalokanakammaṁ, ñattikammaṁ, ñattidutiyakammaṁ, ñatticatutthakammaṁ—
pli-tv-pvr21:1.3	imāni cattāri kammāni.
pli-tv-pvr21:1.4	Katihākārehi vipajjanti?
pli-tv-pvr21:1.5	Imāni cattāri kammāni pañcahākārehi vipajjanti—
pli-tv-pvr21:1.6	vatthuto vā ñattito vā anussāvanato vā sīmato vā parisato vā.
pli-tv-pvr21:2.1	Kathaṁ vatthuto kammāni vipajjanti?
pli-tv-pvr21:2.2	Sammukhākaraṇīyaṁ kammaṁ asammukhā karoti, vatthuvipannaṁ adhammakammaṁ;
pli-tv-pvr21:2.3	paṭipucchākaraṇīyaṁ kammaṁ appaṭipucchā karoti, vatthuvipannaṁ adhammakammaṁ;
pli-tv-pvr21:2.4	paṭiññāya karaṇīyaṁ kammaṁ appaṭiññāya karoti, vatthuvipannaṁ adhammakammaṁ;
pli-tv-pvr21:2.5	sativinayārahassa amūḷhavinayaṁ deti, vatthuvipannaṁ adhammakammaṁ;
pli-tv-pvr21:2.6	amūḷhavinayārahassa tassapāpiyasikākammaṁ karoti, vatthuvipannaṁ adhammakammaṁ;
pli-tv-pvr21:2.7	tassapāpiyasikākammārahassa tajjanīyakammaṁ karoti, vatthuvipannaṁ adhammakammaṁ;
pli-tv-pvr21:2.8	tajjanīyakammārahassa niyassakammaṁ karoti, vatthuvipannaṁ adhammakammaṁ;
pli-tv-pvr21:2.9	niyassakammārahassa pabbājanīyakammaṁ karoti, vatthuvipannaṁ adhammakammaṁ;
pli-tv-pvr21:2.10	pabbājanīyakammārahassa paṭisāraṇīyakammaṁ karoti, vatthuvipannaṁ adhammakammaṁ;
pli-tv-pvr21:2.11	paṭisāraṇīyakammārahassa ukkhepanīyakammaṁ karoti, vatthuvipannaṁ adhammakammaṁ;
pli-tv-pvr21:2.12	ukkhepanīyakammārahassa parivāsaṁ deti, vatthuvipannaṁ adhammakammaṁ;
pli-tv-pvr21:2.13	parivāsārahaṁ mūlāya paṭikassati, vatthuvipannaṁ adhammakammaṁ;
pli-tv-pvr21:2.14	mūlāyapaṭikassanārahassa mānattaṁ deti, vatthuvipannaṁ adhammakammaṁ;
pli-tv-pvr21:2.15	mānattārahaṁ abbheti, vatthuvipannaṁ adhammakammaṁ;
pli-tv-pvr21:2.16	abbhānārahaṁ upasampādeti, vatthuvipannaṁ adhammakammaṁ;
pli-tv-pvr21:2.17	anuposathe uposathaṁ karoti, vatthuvipannaṁ adhammakammaṁ;
pli-tv-pvr21:2.18	apavāraṇāya pavāreti, vatthuvipannaṁ adhammakammaṁ.
pli-tv-pvr21:2.19	Evaṁ vatthuto kammāni vipajjanti.
pli-tv-pvr21:3.1	Kathaṁ ñattito kammāni vipajjanti?
pli-tv-pvr21:3.2	Pañcahākārehi ñattito kammāni vipajjanti—
pli-tv-pvr21:3.3	vatthuṁ na parāmasati, saṅghaṁ na parāmasati, puggalaṁ na parāmasati, ñattiṁ na parāmasati, pacchā vā ñattiṁ ṭhapeti—
pli-tv-pvr21:3.4	imehi pañcahākārehi ñattito kammāni vipajjanti.
pli-tv-pvr21:4.1	Kathaṁ anussāvanato kammāni vipajjanti?
pli-tv-pvr21:4.2	Pañcahākārehi anussāvanato kammāni vipajjanti—
pli-tv-pvr21:4.3	vatthuṁ na parāmasati, saṅghaṁ na parāmasati, puggalaṁ na parāmasati, sāvanaṁ hāpeti, akāle vā sāveti—
pli-tv-pvr21:4.4	imehi pañcahākārehi anussāvanato kammāni vipajjanti.
pli-tv-pvr21:5.1	Kathaṁ sīmato kammāni vipajjanti?
pli-tv-pvr21:5.2	Ekādasahi ākārehi sīmato kammāni vipajjanti—
pli-tv-pvr21:5.3	atikhuddakaṁ sīmaṁ sammannati, atimahatiṁ sīmaṁ sammannati, khaṇḍanimittaṁ sīmaṁ sammannati, chāyānimittaṁ sīmaṁ sammannati, animittaṁ sīmaṁ sammannati, bahisīme ṭhito sīmaṁ sammannati, nadiyā sīmaṁ sammannati, samudde sīmaṁ sammannati, jātassare sīmaṁ sammannati, sīmāya sīmaṁ sambhindati, sīmāya sīmaṁ ajjhottharati—
pli-tv-pvr21:5.4	imehi ekādasahi ākārehi sīmato kammāni vipajjanti.
pli-tv-pvr21:6.1	Kathaṁ parisato kammāni vipajjanti?
pli-tv-pvr21:6.2	Dvādasahi ākārehi parisato kammāni vipajjanti—
pli-tv-pvr21:6.3	catuvaggakaraṇe kamme yāvatikā bhikkhū kammapattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṁ chando āhaṭo hoti, sammukhībhūtā paṭikkosanti.
pli-tv-pvr21:6.4	Pañcavaggakaraṇe kamme …pe…
pli-tv-pvr21:6.5	dasavaggakaraṇe kamme …pe…
pli-tv-pvr21:6.6	vīsativaggakaraṇe kamme yāvatikā bhikkhū kammapattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhū kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhū kammapattā te āgatā honti, chandārahānaṁ chando āhaṭo hoti, sammukhībhūtā paṭikkosanti—
pli-tv-pvr21:6.7	imehi dvādasahi ākārehi parisato kammāni vipajjanti.
pli-tv-pvr21:7.1	Catuvaggakaraṇe kamme cattāro bhikkhū pakatattā kammapattā, avasesā pakatattā chandārahā.
pli-tv-pvr21:7.2	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:7.3	Pañcavaggakaraṇe kamme pañca bhikkhū pakatattā kammapattā, avasesā pakatattā chandārahā.
pli-tv-pvr21:7.4	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:7.5	Dasavaggakaraṇe kamme dasa bhikkhū pakatattā kammapattā, avasesā pakatattā chandārahā.
pli-tv-pvr21:7.6	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:7.7	Vīsativaggakaraṇe kamme vīsati bhikkhū pakatattā kammapattā, avasesā pakatattā chandārahā.
pli-tv-pvr21:7.8	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:8.1	Cattāri kammāni—
pli-tv-pvr21:8.2	apalokanakammaṁ, ñattikammaṁ, ñattidutiyakammaṁ, ñatticatutthakammaṁ.
pli-tv-pvr21:8.3	Imāni cattāri kammāni katihākārehi vipajjanti?
pli-tv-pvr21:8.4	Imāni cattāri kammāni pañcahākārehi vipajjanti—
pli-tv-pvr21:8.5	vatthuto vā ñattito vā anussāvanato vā sīmato vā parisato vā.
pli-tv-pvr21:9.1	Kathaṁ vatthuto kammāni vipajjanti?
pli-tv-pvr21:9.2	Paṇḍakaṁ upasampādeti, vatthuvipannaṁ adhammakammaṁ.
pli-tv-pvr21:9.3	Theyyasaṁvāsakaṁ upasampādeti, vatthuvipannaṁ adhammakammaṁ.
pli-tv-pvr21:9.4	Titthiyapakkantakaṁ upasampādeti, vatthuvipannaṁ adhammakammaṁ.
pli-tv-pvr21:9.5	Tiracchānagataṁ upasampādeti, vatthuvipannaṁ adhammakammaṁ.
pli-tv-pvr21:9.6	Mātughātakaṁ upasampādeti, vatthuvipannaṁ adhammakammaṁ.
pli-tv-pvr21:9.7	Pitughātakaṁ upasampādeti, vatthuvipannaṁ adhammakammaṁ.
pli-tv-pvr21:9.8	Arahantaghātakaṁ upasampādeti, vatthuvipannaṁ adhammakammaṁ.
pli-tv-pvr21:9.9	Bhikkhunidūsakaṁ upasampādeti, vatthuvipannaṁ adhammakammaṁ.
pli-tv-pvr21:9.10	Saṅghabhedakaṁ upasampādeti, vatthuvipannaṁ adhammakammaṁ.
pli-tv-pvr21:9.11	Lohituppādakaṁ upasampādeti, vatthuvipannaṁ adhammakammaṁ.
pli-tv-pvr21:9.12	Ubhatobyañjanaṁ upasampādeti, vatthuvipannaṁ adhammakammaṁ.
pli-tv-pvr21:9.13	Ūnavīsativassaṁ puggalaṁ upasampādeti, vatthuvipannaṁ adhammakammaṁ.
pli-tv-pvr21:9.14	Evaṁ vatthuto kammāni vipajjanti.
pli-tv-pvr21:10.1	Kathaṁ ñattito kammāni vipajjanti?
pli-tv-pvr21:10.2	Pañcahākārehi ñattito kammāni vipajjanti.
pli-tv-pvr21:10.3	Vatthuṁ na parāmasati, saṅghaṁ na parāmasati, puggalaṁ na parāmasati, ñattiṁ na parāmasati, pacchā vā ñattiṁ ṭhapeti—
pli-tv-pvr21:10.4	imehi pañcahākārehi ñattito kammāni vipajjanti.
pli-tv-pvr21:11.1	Kathaṁ anussāvanato kammāni vipajjanti?
pli-tv-pvr21:11.2	Pañcahākārehi anussāvanato kammāni vipajjanti—
pli-tv-pvr21:11.3	vatthuṁ na parāmasati, saṅghaṁ na parāmasati, puggalaṁ na parāmasati, sāvanaṁ hāpeti, akāle vā sāveti—
pli-tv-pvr21:11.4	imehi pañcahākārehi anussāvanato kammāni vipajjanti.
pli-tv-pvr21:12.1	Kathaṁ sīmato kammāni vipajjanti?
pli-tv-pvr21:12.2	Ekādasahi ākārehi sīmato kammāni vipajjanti.
pli-tv-pvr21:12.3	Atikhuddakaṁ sīmaṁ sammannati, atimahatiṁ sīmaṁ sammannati, khaṇḍanimittaṁ sīmaṁ sammannati, chāyānimittaṁ sīmaṁ sammannati, animittaṁ sīmaṁ sammannati, bahisīme ṭhito sīmaṁ sammannati, nadiyā sīmaṁ sammannati, samudde sīmaṁ sammannati, jātassare sīmaṁ sammannati, sīmāya sīmaṁ sambhindati, sīmāya sīmaṁ ajjhottharati—
pli-tv-pvr21:12.4	imehi ekādasahi ākārehi sīmato kammāni vipajjanti.
pli-tv-pvr21:13.1	Kathaṁ parisato kammāni vipajjanti?
pli-tv-pvr21:13.2	Dvādasahi ākārehi parisato kammāni vipajjanti—
pli-tv-pvr21:13.3	catuvaggakaraṇe kamme yāvatikā bhikkhū kammapattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhū kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti. Catuvaggakaraṇe kamme yāvatikā bhikkhū kammapattā te āgatā honti, chandārahānaṁ chando āhaṭo hoti, sammukhībhūtā paṭikkosanti.
pli-tv-pvr21:13.4	Pañcavaggakaraṇe kamme …pe…
pli-tv-pvr21:13.5	dasavaggakaraṇe kamme …pe…
pli-tv-pvr21:13.6	vīsativaggakaraṇe kamme yāvatikā bhikkhū kammapattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti.
pli-tv-pvr21:13.7	Vīsativaggakaraṇe kamme yāvatikā bhikkhū kammapattā te āgatā honti, chandārahānaṁ chando anāhaṭo hoti, sammukhībhūtā paṭikkosanti. Vīsativaggakaraṇe kamme yāvatikā bhikkhū kammapattā te āgatā honti, chandārahānaṁ chando āhaṭo hoti, sammukhībhūtā paṭikkosanti—imehi dvādasahi ākārehi parisato kammāni vipajjanti.
pli-tv-pvr21:14.1	Apalokanakammaṁ kati ṭhānāni gacchati?
pli-tv-pvr21:14.2	Ñattikammaṁ kati ṭhānāni gacchati?
pli-tv-pvr21:14.3	Ñattidutiyakammaṁ kati ṭhānāni gacchati?
pli-tv-pvr21:14.4	Ñatticatutthakammaṁ kati ṭhānāni gacchati?
pli-tv-pvr21:14.5	Apalokanakammaṁ pañca ṭhānāni gacchati.
pli-tv-pvr21:14.6	Ñattikammaṁ nava ṭhānāni gacchati.
pli-tv-pvr21:14.7	Ñattidutiyakammaṁ satta ṭhānāni gacchati.
pli-tv-pvr21:14.8	Ñatticatutthakammaṁ satta ṭhānāni gacchati.
pli-tv-pvr21:15.1	Apalokanakammaṁ katamāni pañca ṭhānāni gacchati?
pli-tv-pvr21:15.2	Osāraṇaṁ, nissāraṇaṁ, bhaṇḍukammaṁ, brahmadaṇḍaṁ, kammalakkhaṇaññeva pañcamaṁ—
pli-tv-pvr21:15.3	apalokanakammaṁ imāni pañca ṭhānāni gacchati.
pli-tv-pvr21:15.4	Ñattikammaṁ katamāni nava ṭhānāni gacchati?
pli-tv-pvr21:15.5	Osāraṇaṁ, nissāraṇaṁ, uposathaṁ, pavāraṇaṁ, sammutiṁ, dānaṁ, paṭiggahaṁ, paccukkaḍḍhanaṁ, kammalakkhaṇaññeva navamaṁ—
pli-tv-pvr21:15.6	ñattikammaṁ imāni nava ṭhānāni gacchati.
pli-tv-pvr21:15.7	Ñattidutiyakammaṁ katamāni satta ṭhānāni gacchati?
pli-tv-pvr21:15.8	Osāraṇaṁ, nissāraṇaṁ, sammutiṁ, dānaṁ, uddharaṇaṁ, desanaṁ, kammalakkhaṇaññeva sattamaṁ—
pli-tv-pvr21:15.9	ñattidutiyakammaṁ imāni satta ṭhānāni gacchati.
pli-tv-pvr21:15.10	Ñatticatutthakammaṁ katamāni satta ṭhānāni gacchati?
pli-tv-pvr21:15.11	Osāraṇaṁ, nissāraṇaṁ, sammutiṁ, dānaṁ, niggahaṁ, samanubhāsanaṁ, kammalakkhaṇaññeva sattamaṁ—
pli-tv-pvr21:15.12	ñatticatutthakammaṁ imāni satta ṭhānāni gacchati.
pli-tv-pvr21:16.1	Catuvaggakaraṇe kamme cattāro bhikkhū pakatattā kammapattā, avasesā pakatattā chandārahā.
pli-tv-pvr21:16.2	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:16.3	Pañcavaggakaraṇe kamme pañca bhikkhū pakatattā kammapattā, avasesā pakatattā chandārahā.
pli-tv-pvr21:16.4	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:16.5	Dasavaggakaraṇe kamme dasa bhikkhū pakatattā kammapattā, avasesā pakatattā chandārahā.
pli-tv-pvr21:16.6	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:16.7	Vīsativaggakaraṇe kamme vīsati bhikkhū pakatattā kammapattā, avasesā pakatattā chandārahā.
pli-tv-pvr21:16.8	Yassa saṅgho kammaṁ karoti so neva kammapatto nāpi chandāraho, api ca kammāraho.
pli-tv-pvr21:17.1	Kammavaggo niṭṭhito paṭhamo.
pli-tv-pvr21:18.0	2. Atthavasavagga
pli-tv-pvr21:18.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:18.2	Saṅghasuṭṭhutāya, saṅghaphāsutāya—
pli-tv-pvr21:18.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:19.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:19.2	Dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya—
pli-tv-pvr21:19.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:20.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:20.2	Diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya—
pli-tv-pvr21:20.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:21.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:21.2	Diṭṭhadhammikānaṁ verānaṁ saṁvarāya, samparāyikānaṁ verānaṁ paṭighātāya—
pli-tv-pvr21:21.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:22.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:22.2	Diṭṭhadhammikānaṁ vajjānaṁ saṁvarāya, samparāyikānaṁ vajjānaṁ paṭighātāya—
pli-tv-pvr21:22.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:23.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:23.2	Diṭṭhadhammikānaṁ bhayānaṁ saṁvarāya, samparāyikānaṁ bhayānaṁ paṭighātāya—
pli-tv-pvr21:23.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:24.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:24.2	Diṭṭhadhammikānaṁ akusalānaṁ dhammānaṁ saṁvarāya, samparāyikānaṁ akusalānaṁ dhammānaṁ paṭighātāya—
pli-tv-pvr21:24.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:25.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:25.2	Gihīnaṁ anukampāya, pāpicchānaṁ pakkhupacchedāya—
pli-tv-pvr21:25.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:26.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:26.2	Appasannānaṁ pasādāya, pasannānaṁ bhiyyobhāvāya—
pli-tv-pvr21:26.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:27.1	Dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:27.2	Saddhammaṭṭhitiyā, vinayānuggahāya—
pli-tv-pvr21:27.3	ime dve atthavase paṭicca tathāgatena sāvakānaṁ sikkhāpadaṁ paññattaṁ.
pli-tv-pvr21:28.1	Atthavasavaggo niṭṭhito dutiyo.
pli-tv-pvr21:29.0	3. Paññattavagga
pli-tv-pvr21:29.1	Dve atthavase paṭicca tathāgatena sāvakānaṁ pātimokkhaṁ paññattaṁ …pe…
pli-tv-pvr21:29.2	pātimokkhuddeso paññatto …
pli-tv-pvr21:29.3	pātimokkhaṭṭhapanaṁ paññattaṁ …
pli-tv-pvr21:29.4	pavāraṇā paññattā …
pli-tv-pvr21:29.5	pavāraṇāṭhapanaṁ paññattaṁ …
pli-tv-pvr21:29.6	tajjanīyakammaṁ paññattaṁ …
pli-tv-pvr21:29.7	niyassakammaṁ paññattaṁ …
pli-tv-pvr21:29.8	pabbājanīyakammaṁ paññattaṁ …
pli-tv-pvr21:29.9	paṭisāraṇīyakammaṁ paññattaṁ …
pli-tv-pvr21:29.10	ukkhepanīyakammaṁ paññattaṁ …
pli-tv-pvr21:29.11	parivāsadānaṁ paññattaṁ …
pli-tv-pvr21:29.12	mūlāyapaṭikassanā paññattā …
pli-tv-pvr21:29.13	mānattadānaṁ paññattaṁ …
pli-tv-pvr21:29.14	abbhānaṁ paññattaṁ …
pli-tv-pvr21:29.15	osāraṇīyaṁ paññattaṁ …
pli-tv-pvr21:29.16	nissāraṇīyaṁ paññattaṁ …
pli-tv-pvr21:29.17	upasampadaṁ paññattaṁ …
pli-tv-pvr21:29.18	apalokanakammaṁ paññattaṁ …
pli-tv-pvr21:29.19	ñattikammaṁ paññattaṁ …
pli-tv-pvr21:29.20	ñattidutiyakammaṁ paññattaṁ …
pli-tv-pvr21:29.21	ñatticatutthakammaṁ paññattaṁ …pe….
pli-tv-pvr21:30.1	Paññattavaggo niṭṭhito tatiyo.
pli-tv-pvr21:31.0	4. Apaññattepaññattavagga
pli-tv-pvr21:31.1	…pe…
pli-tv-pvr21:31.2	Apaññatte paññattaṁ, paññatte anupaññattaṁ …pe…
pli-tv-pvr21:31.3	sammukhāvinayo paññatto …pe…
pli-tv-pvr21:31.4	sativinayo paññatto …pe…
pli-tv-pvr21:31.5	amūḷhavinayo paññatto …pe…
pli-tv-pvr21:31.6	paṭiññātakaraṇaṁ paññattaṁ …pe…
pli-tv-pvr21:31.7	yebhuyyasikā paññattā …pe…
pli-tv-pvr21:31.8	tassapāpiyasikā paññattā …pe…
pli-tv-pvr21:31.9	tiṇavatthārako paññatto saṅghasuṭṭhutāya, saṅghaphāsutāya—
pli-tv-pvr21:31.10	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:32.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:32.2	Dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya—
pli-tv-pvr21:32.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:33.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:33.2	Diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya—
pli-tv-pvr21:33.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:34.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:34.2	Diṭṭhadhammikānaṁ verānaṁ saṁvarāya, samparāyikānaṁ verānaṁ paṭighātāya—
pli-tv-pvr21:34.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:35.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:35.2	Diṭṭhadhammikānaṁ vajjānaṁ saṁvarāya, samparāyikānaṁ vajjānaṁ paṭighātāya—
pli-tv-pvr21:35.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:36.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:36.2	Diṭṭhadhammikānaṁ bhayānaṁ saṁvarāya, samparāyikānaṁ bhayānaṁ paṭighātāya—
pli-tv-pvr21:36.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:37.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:37.2	Diṭṭhadhammikānaṁ akusalānaṁ dhammānaṁ saṁvarāya, samparāyikānaṁ akusalānaṁ dhammānaṁ paṭighātāya—
pli-tv-pvr21:37.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:38.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:38.2	Gihīnaṁ anukampāya, pāpicchānaṁ pakkhupacchedāya—
pli-tv-pvr21:38.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:39.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:39.2	Appasannānaṁ pasādāya, pasannānaṁ bhiyyobhāvāya—
pli-tv-pvr21:39.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:40.1	Dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:40.2	Saddhammaṭṭhitiyā, vinayānuggahāya—
pli-tv-pvr21:40.3	ime dve atthavase paṭicca tathāgatena sāvakānaṁ tiṇavatthārako paññatto.
pli-tv-pvr21:41.1	Apaññatte paññattavaggo niṭṭhito catuttho.
pli-tv-pvr21:42.0	5. Navasaṅgahavagga
pli-tv-pvr21:42.1	Navasaṅgahā—
pli-tv-pvr21:42.2	vatthusaṅgaho, vipattisaṅgaho āpattisaṅgaho, nidānasaṅgaho, puggalasaṅgaho, khandhasaṅgaho, samuṭṭhānasaṅgaho, adhikaraṇasaṅgaho, samathasaṅgahoti.
pli-tv-pvr21:43.1	Adhikaraṇe samuppanne sace ubho atthapaccatthikā āgacchanti ubhinnampi vatthu ārocāpetabbaṁ.
pli-tv-pvr21:43.2	Ubhinnampi vatthuṁ ārocāpetvā ubhinnampi paṭiññā sotabbā.
pli-tv-pvr21:43.3	Ubhinnampi paṭiññaṁ sutvā ubhopi vattabbā—
pli-tv-pvr21:43.4	“amhākaṁ imasmiṁ adhikaraṇe vūpasamite ubhopi tuṭṭhā bhavissathā”ti.
pli-tv-pvr21:43.5	Sace āhaṁsu—
pli-tv-pvr21:43.6	“ubhopi tuṭṭhā bhavissāmā”ti, saṅghena taṁ adhikaraṇaṁ sampaṭicchitabbaṁ.
pli-tv-pvr21:43.7	Sace alajjussannā hoti, parisā ubbāhikāya vūpasametabbaṁ.
pli-tv-pvr21:43.8	Sace bālussannā hoti, parisā vinayadharo pariyesitabbo yena dhammena yena vinayena yena satthusāsanena taṁ adhikaraṇaṁ vūpasammati.
pli-tv-pvr21:43.9	Tathā taṁ adhikaraṇaṁ vūpasametabbaṁ.
pli-tv-pvr21:44.1	Vatthu jānitabbaṁ, gottaṁ jānitabbaṁ, nāmaṁ jānitabbaṁ, āpatti jānitabbā.
pli-tv-pvr21:45.1	Methunadhammoti vatthu ceva gottañca—
pli-tv-pvr21:45.2	pārājikanti nāmañceva āpatti ca.
pli-tv-pvr21:46.1	Adinnādānanti vatthu ceva gottañca—
pli-tv-pvr21:46.2	pārājikanti nāmañceva āpatti ca.
pli-tv-pvr21:47.1	Manussaviggahoti vatthu ceva gottañca—
pli-tv-pvr21:47.2	pārājikanti nāmañceva āpatti ca.
pli-tv-pvr21:48.1	Uttarimanussadhammoti vatthu ceva gottañca—
pli-tv-pvr21:48.2	pārājikanti nāmañceva āpatti ca.
pli-tv-pvr21:49.1	Sukkavissaṭṭhīti vatthu ceva gottañca—
pli-tv-pvr21:49.2	saṅghādisesoti nāmañceva āpatti ca.
pli-tv-pvr21:50.1	Kāyasaṁsaggoti vatthu ceva gottañca—
pli-tv-pvr21:50.2	saṅghādisesoti nāmañceva āpatti ca.
pli-tv-pvr21:51.1	Duṭṭhullavācāti vatthu ceva gottañca—
pli-tv-pvr21:51.2	saṅghādisesoti nāmañceva āpatti ca.
pli-tv-pvr21:52.1	Attakāmanti vatthu ceva gottañca—
pli-tv-pvr21:52.2	saṅghādisesoti nāmañceva āpatti ca.
pli-tv-pvr21:53.1	Sañcarittanti vatthu ceva gottañca—
pli-tv-pvr21:53.2	saṅghādisesoti nāmañceva āpatti ca.
pli-tv-pvr21:54.1	Saññācikāya kuṭiṁ kārāpananti vatthu ceva gottañca—
pli-tv-pvr21:54.2	saṅghādisesoti nāmañceva āpatti ca.
pli-tv-pvr21:55.1	Mahallakaṁ vihāraṁ kārāpananti vatthu ceva gottañca—
pli-tv-pvr21:55.2	saṅghādisesoti nāmañceva āpatti ca.
pli-tv-pvr21:56.1	Bhikkhuṁ amūlakena pārājikena dhammena anuddhaṁsananti vatthu ceva gottañca—
pli-tv-pvr21:56.2	saṅghādisesoti nāmañceva āpatti ca.
pli-tv-pvr21:57.1	Bhikkhuṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsananti vatthu ceva gottañca—
pli-tv-pvr21:57.2	saṅghādisesoti nāmañceva āpatti ca.
pli-tv-pvr21:58.1	Saṅghabhedakassa bhikkhuno yāvatatiyaṁ samanubhāsanāya na paṭinissajjananti vatthu ceva gottañca—
pli-tv-pvr21:58.2	saṅghādisesoti nāmañceva āpatti ca.
pli-tv-pvr21:59.1	Bhedakānuvattakānaṁ bhikkhūnaṁ yāvatatiyaṁ samanubhāsanāya na paṭinissajjananti vatthu ceva gottañca—
pli-tv-pvr21:59.2	saṅghādisesoti nāmañceva āpatti ca.
pli-tv-pvr21:60.1	Dubbacassa bhikkhuno yāvatatiyaṁ samanubhāsanāya na paṭinissajjananti vatthu ceva gottañca—
pli-tv-pvr21:60.2	saṅghādisesoti nāmañceva āpatti ca.
pli-tv-pvr21:61.1	Kuladūsakassa bhikkhuno yāvatatiyaṁ samanubhāsanāya na paṭinissajjananti vatthu ceva gottañca—
pli-tv-pvr21:61.2	saṅghādisesoti nāmañceva āpatti ca …pe….
pli-tv-pvr21:62.1	Anādariyaṁ paṭicca udake uccāraṁ vā passāvaṁ vā kheḷaṁ vā karaṇanti vatthu ceva gottañca—
pli-tv-pvr21:62.2	dukkaṭanti nāmañceva āpatti cāti.
pli-tv-pvr21:63.1	Navasaṅgahavaggo niṭṭhito pañcamo.
pli-tv-pvr21:64.1	Tassuddānaṁ
pli-tv-pvr21:65.1	Apalokanaṁ ñatti ca,
pli-tv-pvr21:65.2	dutiyaṁ catutthena ca;
pli-tv-pvr21:65.3	Vatthu ñatti anussāvanaṁ,
pli-tv-pvr21:65.4	sīmā parisameva ca.
pli-tv-pvr21:66.1	Sammukhā paṭipucchā ca,
pli-tv-pvr21:66.2	paṭiññā vinayāraho;
pli-tv-pvr21:66.3	Vatthu saṅghapuggalañca,
pli-tv-pvr21:66.4	ñattiṁ na pacchā ñatti ca.
pli-tv-pvr21:67.1	Vatthuṁ saṅghapuggalañca,
pli-tv-pvr21:67.2	sāvanaṁ akālena ca;
pli-tv-pvr21:67.3	Atikhuddakā mahantā ca,
pli-tv-pvr21:67.4	khaṇḍacchāyā nimittakā.
pli-tv-pvr21:68.1	Bahinadī samudde ca,
pli-tv-pvr21:68.2	jātassare ca bhindati;
pli-tv-pvr21:68.3	Ajjhottharati sīmāya,
pli-tv-pvr21:68.4	catu pañca ca vaggikā.
pli-tv-pvr21:69.1	Dasa vīsativaggā ca,
pli-tv-pvr21:69.2	anāhaṭā ca āhaṭā;
pli-tv-pvr21:69.3	Kammapattā chandārahā,
pli-tv-pvr21:69.4	kammārahā ca puggalā.
pli-tv-pvr21:70.1	Apalokanaṁ pañcaṭṭhānaṁ,
pli-tv-pvr21:70.2	ñatti ca navaṭhānikā;
pli-tv-pvr21:70.3	Ñatti dutiyaṁ sattaṭṭhānaṁ,
pli-tv-pvr21:70.4	catutthā sattaṭhānikā.
pli-tv-pvr21:71.1	Suṭṭhu phāsu ca dummaṅku,
pli-tv-pvr21:71.2	pesalā cāpi āsavā;
pli-tv-pvr21:71.3	Veravajjabhayañceva,
pli-tv-pvr21:71.4	akusalaṁ gihīnañca.
pli-tv-pvr21:72.1	Pāpicchā appasannānaṁ,
pli-tv-pvr21:72.2	pasannā dhammaṭṭhapanā;
pli-tv-pvr21:72.3	Vinayānuggahā ceva,
pli-tv-pvr21:72.4	pātimokkhuddesena ca.
pli-tv-pvr21:73.1	Pātimokkhañca ṭhapanā,
pli-tv-pvr21:73.2	Pavāraṇañca ṭhapanaṁ;
pli-tv-pvr21:73.3	Tajjanīyā niyassañca,
pli-tv-pvr21:73.4	Pabbājanīya paṭisāraṇī.
pli-tv-pvr21:74.1	Ukkhepana parivāsaṁ,
pli-tv-pvr21:74.2	mūlamānattaabbhānaṁ;
pli-tv-pvr21:74.3	Osāraṇaṁ nissāraṇaṁ,
pli-tv-pvr21:74.4	tatheva upasampadā.
pli-tv-pvr21:75.1	Apalokanañatti ca,
pli-tv-pvr21:75.2	dutiyañca catutthakaṁ;
pli-tv-pvr21:75.3	Apaññattenupaññattaṁ,
pli-tv-pvr21:75.4	sammukhāvinayo sati.
pli-tv-pvr21:76.1	Amūḷhapaṭiyebhuyya,
pli-tv-pvr21:76.2	pāpiya tiṇavatthārakaṁ;
pli-tv-pvr21:76.3	Vatthu vipatti āpatti,
pli-tv-pvr21:76.4	nidānaṁ puggalena ca.
pli-tv-pvr21:77.1	Khandhā ceva samuṭṭhānā,
pli-tv-pvr21:77.2	adhikaraṇameva ca;
pli-tv-pvr21:77.3	Samathā saṅgahā ceva,
pli-tv-pvr21:77.4	nāmaāpattikā tathāti.
pli-tv-pvr21:78.1	Parivāro niṭṭhito.
pli-tv-pvr21:79.1	Parivārapāḷi niṭṭhitā.
pli-tv-pvr21:80.1	Pariyosānagāthā
pli-tv-pvr21:81.1	Bubbācariyamaggañca,
pli-tv-pvr21:81.2	pucchitvā ca tahiṁ tahiṁ;
pli-tv-pvr21:81.3	Dīpanāmo mahāpañño,
pli-tv-pvr21:81.4	sutadhāriṁ vicakkhaṇo.
pli-tv-pvr21:82.1	Imaṁ vitthārasaṅkhepaṁ,
pli-tv-pvr21:82.2	sajjhāmaggena majjhime;
pli-tv-pvr21:82.3	Cintayitvā likhāpesi,
pli-tv-pvr21:82.4	sissakānaṁ sukhāvahaṁ.
pli-tv-pvr21:83.1	Parivāranti yaṁ vuttaṁ,
pli-tv-pvr21:83.2	sabbaṁ vatthuṁ salakkhaṇaṁ;
pli-tv-pvr21:83.3	Atthaṁ atthena saddhamme,
pli-tv-pvr21:83.4	dhammaṁ dhammena paññatte.
pli-tv-pvr21:84.1	Sāsanaṁ parivāresi,
pli-tv-pvr21:84.2	jambudīpaṁva sāgaro;
pli-tv-pvr21:84.3	Parivāraṁ ajānanto,
pli-tv-pvr21:84.4	kuto dhammavinicchayaṁ.
pli-tv-pvr21:85.1	Vipatti vatthu paññatti,
pli-tv-pvr21:85.2	anupaññatti puggalo;
pli-tv-pvr21:85.3	Ekato ubhato ceva,
pli-tv-pvr21:85.4	lokapaṇṇatti vajjato.
pli-tv-pvr21:86.1	Yassa jāyati vimati,
pli-tv-pvr21:86.2	parivārena chijjati;
pli-tv-pvr21:86.3	Cakkavatti mahāsene,
pli-tv-pvr21:86.4	migamajjheva kesari.
pli-tv-pvr21:87.1	Ravi raṁsiparikkiṇṇo,
pli-tv-pvr21:87.2	cando tāragaṇe yathā;
pli-tv-pvr21:87.3	Brahmā brahmaparisāya,
pli-tv-pvr21:87.4	gaṇamajjheva nāyako;
pli-tv-pvr21:87.5	Evaṁ saddhammavinayo,
pli-tv-pvr21:87.6	parivārena sobhatīti.