# Khandhaka — root Pali (Mahāsaṅgīti) · suttacentral/bilara-data@da23a8afdd1b · seat EA-CORPORA-29/08

pli-tv-kd1:0.1	Theravāda Vinayapiṭaka
pli-tv-kd1:0.2	Mahāvagga
pli-tv-kd1:0.3	1. Mahākhandhaka
pli-tv-kd1:1.0.1	1. Bodhikathā
pli-tv-kd1:1.0.2	Namo tassa Bhagavato Arahato Sammāsambuddhassa.
pli-tv-kd1:1.1.1	Tena samayena buddho bhagavā uruvelāyaṁ viharati najjā nerañjarāya tīre bodhirukkhamūle paṭhamābhisambuddho.
pli-tv-kd1:1.1.2	Atha kho bhagavā bodhirukkhamūle sattāhaṁ ekapallaṅkena nisīdi vimuttisukhapaṭisaṁvedī.
pli-tv-kd1:1.2.1	Atha kho bhagavā rattiyā paṭhamaṁ yāmaṁ paṭiccasamuppādaṁ anulomapaṭilomaṁ manasākāsi—
pli-tv-kd1:1.2.2	“Avijjāpaccayā saṅkhārā, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ sokaparidevadukkhadomanassupāyāsā sambhavanti.
pli-tv-kd1:1.2.3	Evametassa kevalassa dukkhakkhandhassa samudayo hoti.
pli-tv-kd1:1.2.4	Avijjāya tveva asesavirāganirodhā saṅkhāranirodho, saṅkhāranirodhā viññāṇanirodho, viññāṇanirodhā nāmarūpanirodho, nāmarūpanirodhā saḷāyatananirodho, saḷāyatananirodhā phassanirodho, phassanirodhā vedanānirodho, vedanānirodhā taṇhānirodho, taṇhānirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṁ sokaparidevadukkhadomanassupāyāsā nirujjhanti.
pli-tv-kd1:1.2.5	Evametassa kevalassa dukkhakkhandhassa nirodho hotī”ti.
pli-tv-kd1:1.3.1	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd1:1.3.2	“Yadā have pātubhavanti dhammā,
pli-tv-kd1:1.3.3	Ātāpino jhāyato brāhmaṇassa;
pli-tv-kd1:1.3.4	Athassa kaṅkhā vapayanti sabbā,
pli-tv-kd1:1.3.5	Yato pajānāti sahetudhamman”ti.
pli-tv-kd1:1.4.1	Atha kho bhagavā rattiyā majjhimaṁ yāmaṁ paṭiccasamuppādaṁ anulomapaṭilomaṁ manasākāsi—
pli-tv-kd1:1.4.2	“avijjāpaccayā saṅkhārā, saṅkhārapaccayā viññāṇaṁ, viññāṇapaccayā nāmarūpaṁ …pe…
pli-tv-kd1:1.4.3	evametassa kevalassa dukkhakkhandhassa samudayo hoti …pe…
pli-tv-kd1:1.4.4	nirodho hotī”ti.
pli-tv-kd1:1.5.1	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd1:1.5.2	“Yadā have pātubhavanti dhammā,
pli-tv-kd1:1.5.3	Ātāpino jhāyato brāhmaṇassa;
pli-tv-kd1:1.5.4	Athassa kaṅkhā vapayanti sabbā,
pli-tv-kd1:1.5.5	Yato khayaṁ paccayānaṁ avedī”ti.
pli-tv-kd1:1.6.1	Atha kho bhagavā rattiyā pacchimaṁ yāmaṁ paṭiccasamuppādaṁ anulomapaṭilomaṁ manasākāsi—
pli-tv-kd1:1.6.2	“avijjāpaccayā saṅkhārā, saṅkhārapaccayā viññāṇaṁ, viññāṇapaccayā nāmarūpaṁ …pe…
pli-tv-kd1:1.6.3	evametassa kevalassa dukkhakkhandhassa samudayo hoti …pe…
pli-tv-kd1:1.6.4	nirodho hotī”ti.
pli-tv-kd1:1.7.1	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd1:1.7.2	“Yadā have pātubhavanti dhammā,
pli-tv-kd1:1.7.3	Ātāpino jhāyato brāhmaṇassa;
pli-tv-kd1:1.7.4	Vidhūpayaṁ tiṭṭhati mārasenaṁ,
pli-tv-kd1:1.7.5	Sūriyova obhāsayamantalikkhan”ti.
pli-tv-kd1:1.7.6	Bodhikathā niṭṭhitā.
pli-tv-kd1:2.1.0	2. Ajapālakathā
pli-tv-kd1:2.1.1	Atha kho bhagavā sattāhassa accayena tamhā samādhimhā vuṭṭhahitvā bodhirukkhamūlā yena ajapālanigrodho tenupasaṅkami, upasaṅkamitvā ajapālanigrodhamūle sattāhaṁ ekapallaṅkena nisīdi vimuttisukhapaṭisaṁvedī.
pli-tv-kd1:2.2.1	Atha kho aññataro huṁhuṅkajātiko brāhmaṇo yena bhagavā tenupasaṅkami.
pli-tv-kd1:2.2.2	Upasaṅkamitvā bhagavatā saddhiṁ sammodi.
pli-tv-kd1:2.2.3	Sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi.
pli-tv-kd1:2.2.4	Ekamantaṁ ṭhito kho so brāhmaṇo bhagavantaṁ etadavoca—
pli-tv-kd1:2.2.5	“kittāvatā nu kho, bho gotama, brāhmaṇo hoti, katame ca pana brāhmaṇakaraṇā dhammā”ti?
pli-tv-kd1:2.3.1	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd1:2.3.2	“Yo brāhmaṇo bāhitapāpadhammo,
pli-tv-kd1:2.3.3	Nihuṁhuṅko nikkasāvo yatatto;
pli-tv-kd1:2.3.4	Vedantagū vusitabrahmacariyo,
pli-tv-kd1:2.3.5	Dhammena so brahmavādaṁ vadeyya;
pli-tv-kd1:2.3.6	Yassussadā natthi kuhiñci loke”ti.
pli-tv-kd1:2.3.7	Ajapālakathā niṭṭhitā.
pli-tv-kd1:3.1.0	3. Mucalindakathā
pli-tv-kd1:3.1.1	Atha kho bhagavā sattāhassa accayena tamhā samādhimhā vuṭṭhahitvā ajapālanigrodhamūlā yena mucalindo tenupasaṅkami, upasaṅkamitvā mucalindamūle sattāhaṁ ekapallaṅkena nisīdi vimuttisukhapaṭisaṁvedī.
pli-tv-kd1:3.2.1	Tena kho pana samayena mahā akālamegho udapādi, sattāhavaddalikā sītavātaduddinī.
pli-tv-kd1:3.2.2	Atha kho mucalindo nāgarājā sakabhavanā nikkhamitvā bhagavato kāyaṁ sattakkhattuṁ bhogehi parikkhipitvā uparimuddhani mahantaṁ phaṇaṁ karitvā aṭṭhāsi—
pli-tv-kd1:3.2.3	“mā bhagavantaṁ sītaṁ, mā bhagavantaṁ uṇhaṁ, mā bhagavantaṁ ḍaṁsamakasavātātapasarīsapasamphasso”ti.
pli-tv-kd1:3.3.1	Atha kho mucalindo nāgarājā sattāhassa accayena viddhaṁ vigatavalāhakaṁ devaṁ viditvā bhagavato kāyā bhoge viniveṭhetvā sakavaṇṇaṁ paṭisaṁharitvā māṇavakavaṇṇaṁ abhinimminitvā bhagavato purato aṭṭhāsi pañjaliko bhagavantaṁ namassamāno.
pli-tv-kd1:3.3.2	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd1:3.4.1	“Sukho viveko tuṭṭhassa,
pli-tv-kd1:3.4.2	sutadhammassa passato;
pli-tv-kd1:3.4.3	Abyāpajjaṁ sukhaṁ loke,
pli-tv-kd1:3.4.4	pāṇabhūtesu saṁyamo.
pli-tv-kd1:3.4.5	Sukhā virāgatā loke,
pli-tv-kd1:3.4.6	kāmānaṁ samatikkamo;
pli-tv-kd1:3.4.7	Asmimānassa yo vinayo,
pli-tv-kd1:3.4.8	etaṁ ve paramaṁ sukhan”ti.
pli-tv-kd1:3.4.9	Mucalindakathā niṭṭhitā.
pli-tv-kd1:4.1.0	4. Rājāyatanakathā
pli-tv-kd1:4.1.1	Atha kho bhagavā sattāhassa accayena tamhā samādhimhā vuṭṭhahitvā mucalindamūlā yena rājāyatanaṁ tenupasaṅkami, upasaṅkamitvā rājāyatanamūle sattāhaṁ ekapallaṅkena nisīdi vimuttisukhapaṭisaṁvedī.
pli-tv-kd1:4.2.1	Tena kho pana samayena tapussa bhallikā vāṇijā ukkalā taṁ desaṁ addhānamaggappaṭipannā honti.
pli-tv-kd1:4.2.2	Atha kho tapussabhallikānaṁ vāṇijānaṁ ñātisālohitā devatā tapussabhallike vāṇije etadavoca—
pli-tv-kd1:4.2.3	“ayaṁ, mārisā, bhagavā rājāyatanamūle viharati paṭhamābhisambuddho;
pli-tv-kd1:4.2.4	gacchatha taṁ bhagavantaṁ manthena ca madhupiṇḍikāya ca patimānetha;
pli-tv-kd1:4.2.5	taṁ vo bhavissati dīgharattaṁ hitāya sukhāyā”ti.
pli-tv-kd1:4.3.1	Atha kho tapussabhallikā vāṇijā manthañca madhupiṇḍikañca ādāya yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ aṭṭhaṁsu.
pli-tv-kd1:4.3.2	Ekamantaṁ ṭhitā kho tapussabhallikā vāṇijā bhagavantaṁ etadavocuṁ—
pli-tv-kd1:4.3.3	“paṭiggaṇhātu no, bhante, bhagavā manthañca madhupiṇḍikañca, yaṁ amhākaṁ assa dīgharattaṁ hitāya sukhāyā”ti.
pli-tv-kd1:4.4.1	Atha kho bhagavato etadahosi—
pli-tv-kd1:4.4.2	“na kho tathāgatā hatthesu paṭiggaṇhanti.
pli-tv-kd1:4.4.3	Kimhi nu kho ahaṁ paṭiggaṇheyyaṁ manthañca madhupiṇḍikañcā”ti?
pli-tv-kd1:4.4.4	Atha kho cattāro mahārājāno bhagavato cetasā cetoparivitakkamaññāya catuddisā cattāro selamaye patte bhagavato upanāmesuṁ—
pli-tv-kd1:4.4.5	“idha, bhante, bhagavā paṭiggaṇhātu manthañca madhupiṇḍikañcā”ti.
pli-tv-kd1:4.4.6	Paṭiggahesi bhagavā paccagghe selamaye patte manthañca madhupiṇḍikañca, paṭiggahetvā paribhuñji.
pli-tv-kd1:4.5.1	Atha kho tapussabhallikā vāṇijā bhagavantaṁ onītapattapāṇiṁ viditvā bhagavato pādesu sirasā nipatitvā bhagavantaṁ etadavocuṁ—
pli-tv-kd1:4.5.2	“ete mayaṁ, bhante, bhagavantaṁ saraṇaṁ gacchāma dhammañca, upāsake no bhagavā dhāretu ajjatagge pāṇupete saraṇaṁ gate”ti.
pli-tv-kd1:4.5.3	Te ca loke paṭhamaṁ upāsakā ahesuṁ dvevācikā.
pli-tv-kd1:4.5.4	Rājāyatanakathā niṭṭhitā.
pli-tv-kd1:5.1.0	5. Brahmayācanakathā
pli-tv-kd1:5.1.1	Atha kho bhagavā sattāhassa accayena tamhā samādhimhā vuṭṭhahitvā rājāyatanamūlā yena ajapālanigrodho tenupasaṅkami.
pli-tv-kd1:5.1.2	Tatra sudaṁ bhagavā ajapālanigrodhamūle viharati.
pli-tv-kd1:5.2.1	Atha kho bhagavato rahogatassa paṭisallīnassa evaṁ cetaso parivitakko udapādi—
pli-tv-kd1:5.2.2	“adhigato kho myāyaṁ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo.
pli-tv-kd1:5.2.3	Ālayarāmā kho panāyaṁ pajā ālayaratā ālayasammuditā.
pli-tv-kd1:5.2.4	Ālayarāmāya kho pana pajāya ālayaratāya ālayasammuditāya duddasaṁ idaṁ ṭhānaṁ yadidaṁ idappaccayatāpaṭiccasamuppādo;
pli-tv-kd1:5.2.5	idampi kho ṭhānaṁ sududdasaṁ yadidaṁ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ.
pli-tv-kd1:5.2.6	Ahañceva kho pana dhammaṁ deseyyaṁ, pare ca me na ājāneyyuṁ, so mamassa kilamatho, sā mamassa vihesā”ti.
pli-tv-kd1:5.3.1	Apissu bhagavantaṁ imā anacchariyā gāthāyo paṭibhaṁsu pubbe assutapubbā—
pli-tv-kd1:5.3.2	“Kicchena me adhigataṁ,
pli-tv-kd1:5.3.3	halaṁ dāni pakāsituṁ;
pli-tv-kd1:5.3.4	Rāgadosaparetehi,
pli-tv-kd1:5.3.5	nāyaṁ dhammo susambudho.
pli-tv-kd1:5.3.6	Paṭisotagāmiṁ nipuṇaṁ,
pli-tv-kd1:5.3.7	gambhīraṁ duddasaṁ aṇuṁ;
pli-tv-kd1:5.3.8	Rāgarattā na dakkhanti,
pli-tv-kd1:5.3.9	tamokhandhena āvuṭā”ti.
pli-tv-kd1:5.4.1	Itiha bhagavato paṭisañcikkhato appossukkatāya cittaṁ namati, no dhammadesanāya.
pli-tv-kd1:5.4.2	Atha kho brahmuno sahampatissa bhagavato cetasā cetoparivitakkamaññāya etadahosi—
pli-tv-kd1:5.4.3	“nassati vata bho loko, vinassati vata bho loko, yatra hi nāma tathāgatassa arahato sammāsambuddhassa appossukkatāya cittaṁ namati, no dhammadesanāyā”ti.
pli-tv-kd1:5.5.1	Atha kho brahmā sahampati—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—brahmaloke antarahito bhagavato purato pāturahosi.
pli-tv-kd1:5.6.1	Atha kho brahmā sahampati ekaṁsaṁ uttarāsaṅgaṁ karitvā dakkhiṇajāṇumaṇḍalaṁ pathaviyaṁ nihantvā yena bhagavā tenañjaliṁ paṇāmetvā bhagavantaṁ etadavoca—
pli-tv-kd1:5.6.2	“desetu, bhante, bhagavā dhammaṁ, desetu sugato dhammaṁ.
pli-tv-kd1:5.6.3	Santi sattā apparajakkhajātikā, assavanatā dhammassa parihāyanti, bhavissanti dhammassa aññātāro”ti.
pli-tv-kd1:5.7.1	Idamavoca brahmā sahampati, idaṁ vatvāna athāparaṁ etadavoca—
pli-tv-kd1:5.7.2	“Pāturahosi magadhesu pubbe,
pli-tv-kd1:5.7.3	Dhammo asuddho samalehi cintito;
pli-tv-kd1:5.7.4	Apāpuretaṁ amatassa dvāraṁ,
pli-tv-kd1:5.7.5	Suṇantu dhammaṁ vimalenānubuddhaṁ.
pli-tv-kd1:5.7.6	Sele yathā pabbatamuddhaniṭṭhito,
pli-tv-kd1:5.7.7	Yathāpi passe janataṁ samantato;
pli-tv-kd1:5.7.8	Tathūpamaṁ dhammamayaṁ sumedha,
pli-tv-kd1:5.7.9	Pāsādamāruyha samantacakkhu;
pli-tv-kd1:5.7.10	Sokāvatiṇṇaṁ janatamapetasoko,
pli-tv-kd1:5.7.11	Avekkhassu jātijarābhibhūtaṁ.
pli-tv-kd1:5.7.12	Uṭṭhehi vīra vijitasaṅgāma,
pli-tv-kd1:5.7.13	Satthavāha aṇaṇa vicara loke;
pli-tv-kd1:5.7.14	Desassu bhagavā dhammaṁ,
pli-tv-kd1:5.7.15	Aññātāro bhavissantī”ti.
pli-tv-kd1:5.8.1	Evaṁ vutte, bhagavā brahmānaṁ sahampatiṁ etadavoca—
pli-tv-kd1:5.8.2	“mayhampi kho, brahme, etadahosi—
pli-tv-kd1:5.8.3	‘adhigato kho myāyaṁ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo.
pli-tv-kd1:5.8.4	Ālayarāmā kho panāyaṁ pajā ālayaratā ālayasammuditā.
pli-tv-kd1:5.8.5	Ālayarāmāya kho pana pajāya ālayaratāya ālayasammuditāya duddasaṁ idaṁ ṭhānaṁ yadidaṁ idappaccayatāpaṭiccasamuppādo;
pli-tv-kd1:5.8.6	idampi kho ṭhānaṁ sududdasaṁ yadidaṁ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ.
pli-tv-kd1:5.8.7	Ahañceva kho pana dhammaṁ deseyyaṁ, pare ca me na ājāneyyuṁ, so mamassa kilamatho, sā mamassa vihesā’ti.
pli-tv-kd1:5.8.8	Apissu maṁ, brahme, imā anacchariyā gāthāyo paṭibhaṁsu pubbe assutapubbā—
pli-tv-kd1:5.8.9	‘Kicchena me adhigataṁ,
pli-tv-kd1:5.8.10	halaṁ dāni pakāsituṁ;
pli-tv-kd1:5.8.11	Rāgadosaparetehi,
pli-tv-kd1:5.8.12	nāyaṁ dhammo susambudho.
pli-tv-kd1:5.8.13	Paṭisotagāmiṁ nipuṇaṁ,
pli-tv-kd1:5.8.14	gambhīraṁ duddasaṁ aṇuṁ;
pli-tv-kd1:5.8.15	Rāgarattā na dakkhanti,
pli-tv-kd1:5.8.16	tamokhandhena āvuṭā’ti.
pli-tv-kd1:5.8.17	Itiha me, brahme, paṭisañcikkhato appossukkatāya cittaṁ namati no dhammadesanāyā”ti.
pli-tv-kd1:5.9.1	Dutiyampi kho brahmā sahampati bhagavantaṁ etadavoca—
pli-tv-kd1:5.9.2	“desetu, bhante, bhagavā dhammaṁ, desetu sugato dhammaṁ;
pli-tv-kd1:5.9.3	santi sattā apparajakkhajātikā, assavanatā dhammassa parihāyanti, bhavissanti dhammassa aññātāro”ti.
pli-tv-kd1:5.9.4	Idamavoca brahmā sahampati, idaṁ vatvāna athāparaṁ etadavoca—
pli-tv-kd1:5.9.5	“Pāturahosi magadhesu pubbe,
pli-tv-kd1:5.9.6	Dhammo asuddho samalehi cintito;
pli-tv-kd1:5.9.7	Apāpuretaṁ amatassa dvāraṁ,
pli-tv-kd1:5.9.8	Suṇantu dhammaṁ vimalenānubuddhaṁ.
pli-tv-kd1:5.9.9	Sele yathā pabbatamuddhaniṭṭhito,
pli-tv-kd1:5.9.10	Yathāpi passe janataṁ samantato;
pli-tv-kd1:5.9.11	Tathūpamaṁ dhammamayaṁ sumedha,
pli-tv-kd1:5.9.12	Pāsādamāruyha samantacakkhu;
pli-tv-kd1:5.9.13	Sokāvatiṇṇaṁ janatamapetasoko,
pli-tv-kd1:5.9.14	Avekkhassu jātijarābhibhūtaṁ.
pli-tv-kd1:5.9.15	Uṭṭhehi vīra vijitasaṅgāma,
pli-tv-kd1:5.9.16	Satthavāha aṇaṇa vicara loke;
pli-tv-kd1:5.9.17	Desassu bhagavā dhammaṁ,
pli-tv-kd1:5.9.18	Aññātāro bhavissantī”ti.
pli-tv-kd1:5.9.19	Dutiyampi kho bhagavā brahmānaṁ sahampatiṁ etadavoca—
pli-tv-kd1:5.9.20	“mayhampi kho, brahme, etadahosi—
pli-tv-kd1:5.9.21	‘adhigato kho myāyaṁ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo.
pli-tv-kd1:5.9.22	Ālayarāmā kho panāyaṁ pajā ālayaratā ālayasammuditā.
pli-tv-kd1:5.9.23	Ālayarāmāya kho pana pajāya ālayaratāya ālayasammuditāya duddasaṁ idaṁ ṭhānaṁ yadidaṁ idappaccayatāpaṭiccasamuppādo;
pli-tv-kd1:5.9.24	idampi kho ṭhānaṁ sududdasaṁ yadidaṁ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ.
pli-tv-kd1:5.9.25	Ahañceva kho pana dhammaṁ deseyyaṁ, pare ca me na ājāneyyuṁ, so mamassa kilamatho, sā mamassa vihesā’ti.
pli-tv-kd1:5.9.26	Apissu maṁ, brahme, imā anacchariyā gāthāyo paṭibhaṁsu pubbe assutapubbā—
pli-tv-kd1:5.9.27	‘Kicchena me adhigataṁ,
pli-tv-kd1:5.9.28	halaṁ dāni pakāsituṁ;
pli-tv-kd1:5.9.29	Rāgadosaparetehi,
pli-tv-kd1:5.9.30	nāyaṁ dhammo susambudho.
pli-tv-kd1:5.9.31	Paṭisotagāmiṁ nipuṇaṁ,
pli-tv-kd1:5.9.32	gambhīraṁ duddasaṁ aṇuṁ;
pli-tv-kd1:5.9.33	Rāgarattā na dakkhanti,
pli-tv-kd1:5.9.34	tamokhandhena āvuṭā’ti.
pli-tv-kd1:5.9.35	Itiha me, brahme, paṭisañcikkhato appossukkatāya cittaṁ namati, no dhammadesanāyā”ti.
pli-tv-kd1:5.9.36	Tatiyampi kho brahmā sahampati bhagavantaṁ etadavoca—
pli-tv-kd1:5.9.37	“desetu, bhante, bhagavā dhammaṁ, desetu sugato dhammaṁ.
pli-tv-kd1:5.9.38	Santi sattā apparajakkhajātikā, assavanatā dhammassa parihāyanti, bhavissanti dhammassa aññātāro”ti.
pli-tv-kd1:5.9.39	Idamavoca brahmā sahampati, idaṁ vatvāna athāparaṁ etadavoca—
pli-tv-kd1:5.9.40	“Pāturahosi magadhesu pubbe,
pli-tv-kd1:5.9.41	Dhammo asuddho samalehi cintito;
pli-tv-kd1:5.9.42	Apāpuretaṁ amatassa dvāraṁ,
pli-tv-kd1:5.9.43	Suṇantu dhammaṁ vimalenānubuddhaṁ.
pli-tv-kd1:5.9.44	Sele yathā pabbatamuddhaniṭṭhito,
pli-tv-kd1:5.9.45	Yathāpi passe janataṁ samantato;
pli-tv-kd1:5.9.46	Tathūpamaṁ dhammamayaṁ sumedha,
pli-tv-kd1:5.9.47	Pāsādamāruyha samantacakkhu;
pli-tv-kd1:5.9.48	Sokāvatiṇṇaṁ janatamapetasoko,
pli-tv-kd1:5.9.49	Avekkhassu jātijarābhibhūtaṁ.
pli-tv-kd1:5.9.50	Uṭṭhehi vīra vijitasaṅgāma,
pli-tv-kd1:5.9.51	Satthavāha aṇaṇa vicara loke;
pli-tv-kd1:5.9.52	Desassu bhagavā dhammaṁ,
pli-tv-kd1:5.9.53	Aññātāro bhavissantī”ti.
pli-tv-kd1:5.10.1	Atha kho bhagavā brahmuno ca ajjhesanaṁ viditvā sattesu ca kāruññataṁ paṭicca buddhacakkhunā lokaṁ volokesi.
pli-tv-kd1:5.11.1	Addasā kho bhagavā buddhacakkhunā lokaṁ volokento satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye, appekacce paralokavajjabhayadassāvine viharante, appekacce na paralokavajjabhayadassāvine viharante.
pli-tv-kd1:5.11.2	Seyyathāpi nāma uppaliniyaṁ vā paduminiyaṁ vā puṇḍarīkiniyaṁ vā appekaccāni uppalāni vā padumāni vā puṇḍarīkāni vā udake jātāni udake saṁvaḍḍhāni udakānuggatāni anto nimuggaposīni, appekaccāni uppalāni vā padumāni vā puṇḍarīkāni vā udake jātāni udake saṁvaḍḍhāni samodakaṁ ṭhitāni, appekaccāni uppalāni vā padumāni vā puṇḍarīkāni vā udake jātāni udake saṁvaḍḍhāni udakaṁ accuggamma ṭhitāni anupalittāni udakena;
pli-tv-kd1:5.11.3	evamevaṁ bhagavā buddhacakkhunā lokaṁ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye, appekacce paralokavajjabhayadassāvine viharante, appekacce na paralokavajjabhayadassāvine viharante;
pli-tv-kd1:5.12.1	disvāna brahmānaṁ sahampatiṁ gāthāya paccabhāsi—
pli-tv-kd1:5.12.2	“Apārutā tesaṁ amatassa dvārā,
pli-tv-kd1:5.12.3	Ye sotavanto pamuñcantu saddhaṁ;
pli-tv-kd1:5.12.4	Vihiṁsasaññī paguṇaṁ na bhāsiṁ,
pli-tv-kd1:5.12.5	Dhammaṁ paṇītaṁ manujesu brahme”ti.
pli-tv-kd1:5.13.1	Atha kho brahmā sahampati—
pli-tv-kd1:5.13.2	“katāvakāso khomhi bhagavatā dhammadesanāyā”ti bhagavantaṁ abhivādetvā padakkhiṇaṁ katvā tatthevantaradhāyi.
pli-tv-kd1:5.13.3	Brahmayācanakathā niṭṭhitā.
pli-tv-kd1:6.1.0	6. Pañcavaggiyakathā
pli-tv-kd1:6.1.1	Atha kho bhagavato etadahosi—
pli-tv-kd1:6.1.2	“kassa nu kho ahaṁ paṭhamaṁ dhammaṁ deseyyaṁ?
pli-tv-kd1:6.1.3	Ko imaṁ dhammaṁ khippameva ājānissatī”ti?
pli-tv-kd1:6.1.4	Atha kho bhagavato etadahosi—
pli-tv-kd1:6.1.5	“ayaṁ kho āḷāro kālāmo paṇḍito byatto medhāvī dīgharattaṁ apparajakkhajātiko;
pli-tv-kd1:6.1.6	yannūnāhaṁ āḷārassa kālāmassa paṭhamaṁ dhammaṁ deseyyaṁ, so imaṁ dhammaṁ khippameva ājānissatī”ti.
pli-tv-kd1:6.2.1	Atha kho antarahitā devatā bhagavato ārocesi—“sattāhakālaṅkato, bhante, āḷāro kālāmo”ti.
pli-tv-kd1:6.2.2	Bhagavatopi kho ñāṇaṁ udapādi—“sattāhakālaṅkato āḷāro kālāmo”ti.
pli-tv-kd1:6.2.3	Atha kho bhagavato etadahosi—
pli-tv-kd1:6.2.4	“mahājāniyo kho āḷāro kālāmo;
pli-tv-kd1:6.2.5	sace hi so imaṁ dhammaṁ suṇeyya, khippameva ājāneyyā”ti.
pli-tv-kd1:6.3.1	Atha kho bhagavato etadahosi—
pli-tv-kd1:6.3.2	“kassa nu kho ahaṁ paṭhamaṁ dhammaṁ deseyyaṁ?
pli-tv-kd1:6.3.3	Ko imaṁ dhammaṁ khippameva ājānissatī”ti?
pli-tv-kd1:6.3.4	Atha kho bhagavato etadahosi—
pli-tv-kd1:6.3.5	“ayaṁ kho udako rāmaputto paṇḍito byatto medhāvī dīgharattaṁ apparajakkhajātiko;
pli-tv-kd1:6.3.6	yannūnāhaṁ udakassa rāmaputtassa paṭhamaṁ dhammaṁ deseyyaṁ, so imaṁ dhammaṁ khippameva ājānissatī”ti.
pli-tv-kd1:6.4.1	Atha kho antarahitā devatā bhagavato ārocesi—“abhidosakālaṅkato, bhante, udako rāmaputto”ti.
pli-tv-kd1:6.4.2	Bhagavatopi kho ñāṇaṁ udapādi—“abhidosakālaṅkato udako rāmaputto”ti.
pli-tv-kd1:6.4.3	Atha kho bhagavato etadahosi—
pli-tv-kd1:6.4.4	“mahājāniyo kho udako rāmaputto;
pli-tv-kd1:6.4.5	sace hi so imaṁ dhammaṁ suṇeyya, khippameva ājāneyyā”ti.
pli-tv-kd1:6.5.1	Atha kho bhagavato etadahosi—
pli-tv-kd1:6.5.2	“kassa nu kho ahaṁ paṭhamaṁ dhammaṁ deseyyaṁ?
pli-tv-kd1:6.5.3	Ko imaṁ dhammaṁ khippameva ājānissatī”ti?
pli-tv-kd1:6.5.4	Atha kho bhagavato etadahosi—
pli-tv-kd1:6.5.5	“bahukārā kho me pañcavaggiyā bhikkhū, ye maṁ padhānapahitattaṁ upaṭṭhahiṁsu;
pli-tv-kd1:6.6.1	yannūnāhaṁ pañcavaggiyānaṁ bhikkhūnaṁ paṭhamaṁ dhammaṁ deseyyan”ti.
pli-tv-kd1:6.6.2	Atha kho bhagavato etadahosi—
pli-tv-kd1:6.6.3	“kahaṁ nu kho etarahi pañcavaggiyā bhikkhū viharantī”ti?
pli-tv-kd1:6.6.4	Addasā kho bhagavā dibbena cakkhunā visuddhena atikkantamānusakena pañcavaggiye bhikkhū bārāṇasiyaṁ viharante isipatane migadāye.
pli-tv-kd1:6.6.5	Atha kho bhagavā uruvelāyaṁ yathābhirantaṁ viharitvā yena bārāṇasī tena cārikaṁ pakkāmi.
pli-tv-kd1:6.7.1	Addasā kho upako ājīvako bhagavantaṁ antarā ca gayaṁ antarā ca bodhiṁ addhānamaggappaṭipannaṁ, disvāna bhagavantaṁ etadavoca—
pli-tv-kd1:6.7.2	“vippasannāni kho te, āvuso, indriyāni, parisuddho chavivaṇṇo pariyodāto.
pli-tv-kd1:6.7.3	Kaṁsi tvaṁ, āvuso, uddissa pabbajito?
pli-tv-kd1:6.7.4	Ko vā te satthā?
pli-tv-kd1:6.7.5	Kassa vā tvaṁ dhammaṁ rocesī”ti?
pli-tv-kd1:6.8.1	Evaṁ vutte, bhagavā upakaṁ ājīvakaṁ gāthāhi ajjhabhāsi—
pli-tv-kd1:6.8.2	“Sabbābhibhū sabbavidūhamasmi,
pli-tv-kd1:6.8.3	Sabbesu dhammesu anūpalitto;
pli-tv-kd1:6.8.4	Sabbañjaho taṇhākkhaye vimutto,
pli-tv-kd1:6.8.5	Sayaṁ abhiññāya kamuddiseyyaṁ.
pli-tv-kd1:6.8.6	Na me ācariyo atthi,
pli-tv-kd1:6.8.7	sadiso me na vijjati;
pli-tv-kd1:6.8.8	Sadevakasmiṁ lokasmiṁ,
pli-tv-kd1:6.8.9	natthi me paṭipuggalo.
pli-tv-kd1:6.8.10	Ahañhi arahā loke,
pli-tv-kd1:6.8.11	ahaṁ satthā anuttaro;
pli-tv-kd1:6.8.12	Ekomhi sammāsambuddho,
pli-tv-kd1:6.8.13	sītibhūtosmi nibbuto.
pli-tv-kd1:6.8.14	Dhammacakkaṁ pavattetuṁ,
pli-tv-kd1:6.8.15	Gacchāmi kāsinaṁ puraṁ;
pli-tv-kd1:6.8.16	Andhībhūtasmiṁ lokasmiṁ,
pli-tv-kd1:6.8.17	Āhañchaṁ amatadundubhin”ti.
pli-tv-kd1:6.9.1	“Yathā kho tvaṁ, āvuso, paṭijānāsi, arahasi anantajino”ti.
pli-tv-kd1:6.9.2	“Mādisā ve jinā honti,
pli-tv-kd1:6.9.3	ye pattā āsavakkhayaṁ;
pli-tv-kd1:6.9.4	Jitā me pāpakā dhammā,
pli-tv-kd1:6.9.5	tasmāhamupaka jino”ti.
pli-tv-kd1:6.9.6	Evaṁ vutte, upako ājīvako hupeyyapāvusoti vatvā sīsaṁ okampetvā ummaggaṁ gahetvā pakkāmi.
pli-tv-kd1:6.10.1	Atha kho bhagavā anupubbena cārikaṁ caramāno yena bārāṇasī isipatanaṁ migadāyo, yena pañcavaggiyā bhikkhū tenupasaṅkami.
pli-tv-kd1:6.10.2	Addasaṁsu kho pañcavaggiyā bhikkhū bhagavantaṁ dūratova āgacchantaṁ;
pli-tv-kd1:6.10.3	disvāna aññamaññaṁ katikaṁ saṇṭhapesuṁ—
pli-tv-kd1:6.10.4	“ayaṁ, āvuso, samaṇo gotamo āgacchati, bāhulliko padhānavibbhanto āvatto bāhullāya.
pli-tv-kd1:6.10.5	So neva abhivādetabbo, na paccuṭṭhātabbo, nāssa pattacīvaraṁ paṭiggahetabbaṁ;
pli-tv-kd1:6.10.6	api ca kho āsanaṁ ṭhapetabbaṁ, sace so ākaṅkhissati nisīdissatī”ti.
pli-tv-kd1:6.11.1	Yathā yathā kho bhagavā pañcavaggiye bhikkhū upasaṅkamati tathā tathā pañcavaggiyā bhikkhū nāsakkhiṁsu sakāya katikāya saṇṭhātuṁ.
pli-tv-kd1:6.11.2	Asaṇṭhahantā bhagavantaṁ paccuggantvā eko bhagavato pattacīvaraṁ paṭiggahesi, eko āsanaṁ paññapesi, eko pādodakaṁ, eko pādapīṭhaṁ, eko pādakaṭhalikaṁ upanikkhipi.
pli-tv-kd1:6.11.3	Nisīdi bhagavā paññatte āsane;
pli-tv-kd1:6.11.4	nisajja kho bhagavā pāde pakkhālesi.
pli-tv-kd1:6.11.5	Apissu bhagavantaṁ nāmena ca āvusovādena ca samudācaranti.
pli-tv-kd1:6.12.1	Evaṁ vutte, bhagavā pañcavaggiye bhikkhū etadavoca—
pli-tv-kd1:6.12.2	“mā, bhikkhave, tathāgataṁ nāmena ca āvusovādena ca samudācaratha.
pli-tv-kd1:6.12.3	Arahaṁ, bhikkhave, tathāgato sammāsambuddho, odahatha, bhikkhave, sotaṁ, amatamadhigataṁ, ahamanusāsāmi, ahaṁ dhammaṁ desemi.
pli-tv-kd1:6.12.4	Yathānusiṭṭhaṁ tathā paṭipajjamānā nacirasseva—
pli-tv-kd1:6.12.5	yassatthāya kulaputtā sammadeva agārasmā anagāriyaṁ pabbajanti, tadanuttaraṁ—
pli-tv-kd1:6.12.6	brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharissathā”ti.
pli-tv-kd1:6.13.1	Evaṁ vutte, pañcavaggiyā bhikkhū bhagavantaṁ etadavocuṁ—
pli-tv-kd1:6.13.2	“tāyapi kho tvaṁ, āvuso gotama, iriyāya, tāya paṭipadāya, tāya dukkarakārikāya nevajjhagā uttari manussadhammā alamariyañāṇadassanavisesaṁ, kiṁ pana tvaṁ etarahi, bāhulliko padhānavibbhanto āvatto bāhullāya, adhigamissasi uttari manussadhammā alamariyañāṇadassanavisesan”ti?
pli-tv-kd1:6.14.1	Evaṁ vutte, bhagavā pañcavaggiye bhikkhū etadavoca—
pli-tv-kd1:6.14.2	“na, bhikkhave, tathāgato bāhulliko, na padhānavibbhanto, na āvatto bāhullāya;
pli-tv-kd1:6.14.3	arahaṁ, bhikkhave, tathāgato sammāsambuddho.
pli-tv-kd1:6.14.4	Odahatha, bhikkhave, sotaṁ, amatamadhigataṁ ahamanusāsāmi, ahaṁ dhammaṁ desemi.
pli-tv-kd1:6.14.5	Yathānusiṭṭhaṁ tathā paṭipajjamānā nacirasseva—
pli-tv-kd1:6.14.6	yassatthāya kulaputtā sammadeva agārasmā anagāriyaṁ pabbajanti, tadanuttaraṁ—
pli-tv-kd1:6.14.7	brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharissathā”ti.
pli-tv-kd1:6.15.1	Dutiyampi kho pañcavaggiyā bhikkhū bhagavantaṁ etadavocuṁ …pe….
pli-tv-kd1:6.15.2	Dutiyampi kho bhagavā pañcavaggiye bhikkhū etadavoca …pe….
pli-tv-kd1:6.15.3	Tatiyampi kho pañcavaggiyā bhikkhū bhagavantaṁ etadavocuṁ—
pli-tv-kd1:6.15.4	“tāyapi kho tvaṁ, āvuso gotama, iriyāya, tāya paṭipadāya, tāya dukkarakārikāya nevajjhagā uttari manussadhammā alamariyañāṇadassanavisesaṁ, kiṁ pana tvaṁ etarahi, bāhulliko padhānavibbhanto āvatto bāhullāya, adhigamissasi uttari manussadhammā alamariyañāṇadassanavisesan”ti?
pli-tv-kd1:6.16.1	Evaṁ vutte bhagavā pañcavaggiye bhikkhū etadavoca—
pli-tv-kd1:6.16.2	“abhijānātha me no tumhe, bhikkhave, ito pubbe evarūpaṁ pabhāvitametan”ti?
pli-tv-kd1:6.16.3	“No hetaṁ, bhante”.
pli-tv-kd1:6.16.4	“Arahaṁ, bhikkhave, tathāgato sammāsambuddho, odahatha, bhikkhave, sotaṁ, amatamadhigataṁ ahamanusāsāmi, ahaṁ dhammaṁ desemi.
pli-tv-kd1:6.16.5	Yathānusiṭṭhaṁ tathā paṭipajjamānā nacirasseva—
pli-tv-kd1:6.16.6	yassatthāya kulaputtā sammadeva agārasmā anagāriyaṁ pabbajanti, tadanuttaraṁ—
pli-tv-kd1:6.16.7	brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharissathā”ti.
pli-tv-kd1:6.16.8	Asakkhi kho bhagavā pañcavaggiye bhikkhū saññāpetuṁ.
pli-tv-kd1:6.16.9	Atha kho pañcavaggiyā bhikkhū bhagavantaṁ sussūsiṁsu, sotaṁ odahiṁsu, aññā cittaṁ upaṭṭhāpesuṁ.
pli-tv-kd1:6.17.1	Atha kho bhagavā pañcavaggiye bhikkhū āmantesi—
pli-tv-kd1:6.17.2	“Dveme, bhikkhave, antā pabbajitena na sevitabbā.
pli-tv-kd1:6.17.3	Katame dve?
pli-tv-kd1:6.17.4	Yo cāyaṁ kāmesu kāmasukhallikānuyogo hīno gammo pothujjaniko anariyo anatthasaṁhito, yo cāyaṁ attakilamathānuyogo dukkho anariyo anatthasaṁhito.
pli-tv-kd1:6.17.5	Ete kho, bhikkhave, ubho ante anupagamma majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati.
pli-tv-kd1:6.18.1	Katamā ca sā, bhikkhave, majjhimā paṭipadā tathāgatena abhisambuddhā, cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati?
pli-tv-kd1:6.18.2	Ayameva ariyo aṭṭhaṅgiko maggo, seyyathidaṁ—
pli-tv-kd1:6.18.3	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
pli-tv-kd1:6.18.4	Ayaṁ kho sā, bhikkhave, majjhimā paṭipadā tathāgatena abhisambuddhā, cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati.
pli-tv-kd1:6.19.1	Idaṁ kho pana, bhikkhave, dukkhaṁ ariyasaccaṁ.
pli-tv-kd1:6.19.2	Jātipi dukkhā, jarāpi dukkhā, byādhipi dukkho, maraṇampi dukkhaṁ, appiyehi sampayogo dukkho, piyehi vippayogo dukkho, yampicchaṁ na labhati tampi dukkhaṁ.
pli-tv-kd1:6.19.3	Saṅkhittena, pañcupādānakkhandhā dukkhā.
pli-tv-kd1:6.20.1	Idaṁ kho pana, bhikkhave, dukkhasamudayaṁ ariyasaccaṁ—
pli-tv-kd1:6.20.2	yāyaṁ taṇhā ponobbhavikā nandīrāgasahagatā tatratatrābhinandinī, seyyathidaṁ—
pli-tv-kd1:6.20.3	kāmataṇhā, bhavataṇhā, vibhavataṇhā.
pli-tv-kd1:6.21.1	Idaṁ kho pana, bhikkhave, dukkhanirodhaṁ ariyasaccaṁ—
pli-tv-kd1:6.21.2	yo tassāyeva taṇhāya asesavirāganirodho, cāgo, paṭinissaggo, mutti, anālayo.
pli-tv-kd1:6.22.1	Idaṁ kho pana, bhikkhave, dukkhanirodhagāminī paṭipadā ariyasaccaṁ—
pli-tv-kd1:6.22.2	ayameva ariyo aṭṭhaṅgiko maggo, seyyathidaṁ—
pli-tv-kd1:6.22.3	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
pli-tv-kd1:6.23.1	Idaṁ dukkhaṁ ariyasaccanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.23.2	Taṁ kho panidaṁ dukkhaṁ ariyasaccaṁ pariññeyyanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.23.3	Taṁ kho panidaṁ dukkhaṁ ariyasaccaṁ pariññātanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.24.1	Idaṁ dukkhasamudayaṁ ariyasaccanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.24.2	Taṁ kho panidaṁ dukkhasamudayaṁ ariyasaccaṁ pahātabbanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.24.3	Taṁ kho panidaṁ dukkhasamudayaṁ ariyasaccaṁ pahīnanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.25.1	Idaṁ dukkhanirodhaṁ ariyasaccanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.25.2	Taṁ kho panidaṁ dukkhanirodhaṁ ariyasaccaṁ sacchikātabbanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.25.3	Taṁ kho panidaṁ dukkhanirodhaṁ ariyasaccaṁ sacchikatanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.26.1	Idaṁ dukkhanirodhagāminī paṭipadā ariyasaccanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.26.2	Taṁ kho panidaṁ dukkhanirodhagāminī paṭipadā ariyasaccaṁ bhāvetabbanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.26.3	Taṁ kho panidaṁ dukkhanirodhagāminī paṭipadā ariyasaccaṁ bhāvitanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
pli-tv-kd1:6.27.1	Yāvakīvañca me, bhikkhave, imesu catūsu ariyasaccesu evaṁ tiparivaṭṭaṁ dvādasākāraṁ yathābhūtaṁ ñāṇadassanaṁ na suvisuddhaṁ ahosi, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṁ sammāsambodhiṁ abhisambuddhoti paccaññāsiṁ.
pli-tv-kd1:6.28.1	Yato ca kho me, bhikkhave, imesu catūsu ariyasaccesu evaṁ tiparivaṭṭaṁ dvādasākāraṁ yathābhūtaṁ ñāṇadassanaṁ suvisuddhaṁ ahosi, athāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṁ sammāsambodhiṁ abhisambuddhoti paccaññāsiṁ.
pli-tv-kd1:6.29.1	Ñāṇañca pana me dassanaṁ udapādi—
pli-tv-kd1:6.29.2	akuppā me vimutti, ayamantimā jāti, natthi dāni punabbhavo”ti.
pli-tv-kd1:6.29.3	Idamavoca bhagavā attamanā pañcavaggiyā bhikkhū bhagavato bhāsitaṁ abhinandunti.
pli-tv-kd1:6.29.4	Imasmiñca pana veyyākaraṇasmiṁ bhaññamāne āyasmato koṇḍaññassa virajaṁ vītamalaṁ dhammacakkhuṁ udapādi—
pli-tv-kd1:6.29.5	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:6.30.1	Pavattite ca pana bhagavatā dhammacakke, bhummā devā saddamanussāvesuṁ—
pli-tv-kd1:6.30.2	“etaṁ bhagavatā bārāṇasiyaṁ isipatane migadāye anuttaraṁ dhammacakkaṁ pavattitaṁ, appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin”ti.
pli-tv-kd1:6.30.3	Bhummānaṁ devānaṁ saddaṁ sutvā cātumahārājikā devā saddamanussāvesuṁ …pe…
pli-tv-kd1:6.30.4	cātumahārājikānaṁ devānaṁ saddaṁ sutvā tāvatiṁsā devā …pe…
pli-tv-kd1:6.30.5	yāmā devā …pe…
pli-tv-kd1:6.30.6	tusitā devā …pe…
pli-tv-kd1:6.30.7	nimmānaratī devā …pe…
pli-tv-kd1:6.30.8	paranimmitavasavattī devā …pe…
pli-tv-kd1:6.30.9	brahmakāyikā devā saddamanussāvesuṁ—
pli-tv-kd1:6.30.10	“etaṁ bhagavatā bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin”ti.
pli-tv-kd1:6.31.1	Itiha tena khaṇena, tena layena, tena muhuttena yāva brahmalokā saddo abbhuggacchi.
pli-tv-kd1:6.31.2	Ayañca dasasahassilokadhātu saṅkampi sampakampi sampavedhi;
pli-tv-kd1:6.31.3	appamāṇo ca uḷāro obhāso loke pāturahosi, atikkamma devānaṁ devānubhāvaṁ.
pli-tv-kd1:6.31.4	Atha kho bhagavā imaṁ udānaṁ udānesi—
pli-tv-kd1:6.31.5	“aññāsi vata bho koṇḍañño, aññāsi vata bho koṇḍañño”ti.
pli-tv-kd1:6.31.6	Iti hidaṁ āyasmato koṇḍaññassa “aññāsikoṇḍañño” tveva nāmaṁ ahosi.
pli-tv-kd1:6.32.1	Atha kho āyasmā aññāsikoṇḍañño diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca—
pli-tv-kd1:6.32.2	“labheyyāhaṁ, bhante, bhagavato santike pabbajjaṁ, labheyyaṁ upasampadan”ti.
pli-tv-kd1:6.32.3	“Ehi bhikkhū”ti bhagavā avoca—
pli-tv-kd1:6.32.4	“svākkhāto dhammo, cara brahmacariyaṁ sammā dukkhassa antakiriyāyā”ti.
pli-tv-kd1:6.32.5	Sāva tassa āyasmato upasampadā ahosi.
pli-tv-kd1:6.33.1	Atha kho bhagavā tadavasese bhikkhū dhammiyā kathāya ovadi anusāsi.
pli-tv-kd1:6.33.2	Atha kho āyasmato ca vappassa āyasmato ca bhaddiyassa bhagavatā dhammiyā kathāya ovadiyamānānaṁ anusāsiyamānānaṁ virajaṁ vītamalaṁ dhammacakkhuṁ udapādi—
pli-tv-kd1:6.33.3	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:6.34.1	Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṅkathā vesārajjappattā aparappaccayā satthusāsane bhagavantaṁ etadavocuṁ—
pli-tv-kd1:6.34.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:6.34.3	“Etha bhikkhavo”ti bhagavā avoca—
pli-tv-kd1:6.34.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:6.34.5	Sāva tesaṁ āyasmantānaṁ upasampadā ahosi.
pli-tv-kd1:6.35.1	Atha kho bhagavā tadavasese bhikkhū nīhārabhatto dhammiyā kathāya ovadi anusāsi.
pli-tv-kd1:6.35.2	Yaṁ tayo bhikkhū piṇḍāya caritvā āharanti, tena chabbaggo yāpeti.
pli-tv-kd1:6.36.1	Atha kho āyasmato ca mahānāmassa āyasmato ca assajissa bhagavatā dhammiyā kathāya ovadiyamānānaṁ anusāsiyamānānaṁ virajaṁ vītamalaṁ dhammacakkhuṁ udapādi—
pli-tv-kd1:6.36.2	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:6.37.1	Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṅkathā vesārajjappattā aparappaccayā satthusāsane bhagavantaṁ etadavocuṁ—
pli-tv-kd1:6.37.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:6.37.3	“Etha bhikkhavo”ti bhagavā avoca—
pli-tv-kd1:6.37.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:6.37.5	Sāva tesaṁ āyasmantānaṁ upasampadā ahosi.
pli-tv-kd1:6.38.1	Atha kho bhagavā pañcavaggiye bhikkhū āmantesi—
pli-tv-kd1:6.38.2	“Rūpaṁ, bhikkhave, anattā.
pli-tv-kd1:6.38.3	Rūpañca hidaṁ, bhikkhave, attā abhavissa, nayidaṁ rūpaṁ ābādhāya saṁvatteyya, labbhetha ca rūpe—
pli-tv-kd1:6.38.4	‘evaṁ me rūpaṁ hotu, evaṁ me rūpaṁ mā ahosī’ti.
pli-tv-kd1:6.38.5	Yasmā ca kho, bhikkhave, rūpaṁ anattā, tasmā rūpaṁ ābādhāya saṁvattati, na ca labbhati rūpe—
pli-tv-kd1:6.38.6	‘evaṁ me rūpaṁ hotu, evaṁ me rūpaṁ mā ahosī’ti.
pli-tv-kd1:6.39.1	Vedanā anattā.
pli-tv-kd1:6.39.2	Vedanā ca hidaṁ, bhikkhave, attā abhavissa, nayidaṁ vedanā ābādhāya saṁvatteyya, labbhetha ca vedanāya—
pli-tv-kd1:6.39.3	‘evaṁ me vedanā hotu, evaṁ me vedanā mā ahosī’ti.
pli-tv-kd1:6.39.4	Yasmā ca kho, bhikkhave, vedanā anattā, tasmā vedanā ābādhāya saṁvattati, na ca labbhati vedanāya—
pli-tv-kd1:6.39.5	‘evaṁ me vedanā hotu, evaṁ me vedanā mā ahosī’ti.
pli-tv-kd1:6.40.1	Saññā anattā.
pli-tv-kd1:6.40.2	Saññā ca hidaṁ, bhikkhave, attā abhavissa, nayidaṁ saññā ābādhāya saṁvatteyya, labbhetha ca saññāya—
pli-tv-kd1:6.40.3	‘evaṁ me saññā hotu, evaṁ me saññā mā ahosī’ti.
pli-tv-kd1:6.40.4	Yasmā ca kho, bhikkhave, saññā anattā, tasmā saññā ābādhāya saṁvattati, na ca labbhati saññāya—
pli-tv-kd1:6.40.5	‘evaṁ me saññā hotu, evaṁ me saññā mā ahosī’ti.
pli-tv-kd1:6.40.6	Saṅkhārā anattā.
pli-tv-kd1:6.40.7	Saṅkhārā ca hidaṁ, bhikkhave, attā abhavissaṁsu, nayidaṁ saṅkhārā ābādhāya saṁvatteyyuṁ, labbhetha ca saṅkhāresu—
pli-tv-kd1:6.40.8	‘evaṁ me saṅkhārā hontu, evaṁ me saṅkhārā mā ahesun’ti.
pli-tv-kd1:6.40.9	Yasmā ca kho, bhikkhave, saṅkhārā anattā, tasmā saṅkhārā ābādhāya saṁvattanti, na ca labbhati saṅkhāresu—
pli-tv-kd1:6.40.10	‘evaṁ me saṅkhārā hontu, evaṁ me saṅkhārā mā ahesun’ti.
pli-tv-kd1:6.41.1	Viññāṇaṁ anattā.
pli-tv-kd1:6.41.2	Viññāṇañca hidaṁ, bhikkhave, attā abhavissa, nayidaṁ viññāṇaṁ ābādhāya saṁvatteyya, labbhetha ca viññāṇe—
pli-tv-kd1:6.41.3	‘evaṁ me viññāṇaṁ hotu, evaṁ me viññāṇaṁ mā ahosī’ti.
pli-tv-kd1:6.41.4	Yasmā ca kho, bhikkhave, viññāṇaṁ anattā, tasmā viññāṇaṁ ābādhāya saṁvattati, na ca labbhati viññāṇe—
pli-tv-kd1:6.41.5	‘evaṁ me viññāṇaṁ hotu, evaṁ me viññāṇaṁ mā ahosī’ti.
pli-tv-kd1:6.42.1	Taṁ kiṁ maññatha, bhikkhave, rūpaṁ niccaṁ vā aniccaṁ vā”ti?
pli-tv-kd1:6.42.2	“Aniccaṁ, bhante”.
pli-tv-kd1:6.42.3	“Yaṁ panāniccaṁ dukkhaṁ vā taṁ sukhaṁ vā”ti?
pli-tv-kd1:6.42.4	“Dukkhaṁ, bhante”.
pli-tv-kd1:6.42.5	“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ—
pli-tv-kd1:6.42.6	etaṁ mama, esohamasmi, eso me attā”ti?
pli-tv-kd1:6.42.7	“No hetaṁ, bhante”.
pli-tv-kd1:6.43.1	“Vedanā niccā vā aniccā vā”ti?
pli-tv-kd1:6.43.2	“Aniccā, bhante”.
pli-tv-kd1:6.43.3	“Yaṁ panāniccaṁ dukkhaṁ vā taṁ sukhaṁ vā”ti?
pli-tv-kd1:6.43.4	“Dukkhaṁ, bhante”.
pli-tv-kd1:6.43.5	“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ—
pli-tv-kd1:6.43.6	etaṁ mama, esohamasmi, eso me attā”ti?
pli-tv-kd1:6.43.7	“No hetaṁ, bhante”.
pli-tv-kd1:6.43.8	“Saññā niccā vā aniccā vā”ti?
pli-tv-kd1:6.43.9	“Aniccā, bhante”.
pli-tv-kd1:6.43.10	“Yaṁ panāniccaṁ dukkhaṁ vā taṁ sukhaṁ vā”ti?
pli-tv-kd1:6.43.11	“Dukkhaṁ, bhante”.
pli-tv-kd1:6.43.12	“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ—
pli-tv-kd1:6.43.13	etaṁ mama, esohamasmi, eso me attā”ti?
pli-tv-kd1:6.43.14	“No hetaṁ, bhante”.
pli-tv-kd1:6.43.15	“Saṅkhārā niccā vā aniccā vā”ti?
pli-tv-kd1:6.43.16	“Aniccā, bhante”.
pli-tv-kd1:6.43.17	“Yaṁ panāniccaṁ dukkhaṁ vā taṁ sukhaṁ vā”ti?
pli-tv-kd1:6.43.18	“Dukkhaṁ, bhante”.
pli-tv-kd1:6.43.19	“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ—
pli-tv-kd1:6.43.20	etaṁ mama, esohamasmi, eso me attā”ti?
pli-tv-kd1:6.43.21	“No hetaṁ, bhante”.
pli-tv-kd1:6.43.22	“Viññāṇaṁ niccaṁ vā aniccaṁ vā”ti?
pli-tv-kd1:6.43.23	“Aniccaṁ, bhante”.
pli-tv-kd1:6.43.24	“Yaṁ panāniccaṁ dukkhaṁ vā taṁ sukhaṁ vā”ti?
pli-tv-kd1:6.43.25	“Dukkhaṁ, bhante”.
pli-tv-kd1:6.43.26	“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ—
pli-tv-kd1:6.43.27	etaṁ mama, esohamasmi, eso me attā”ti?
pli-tv-kd1:6.43.28	“No hetaṁ, bhante”.
pli-tv-kd1:6.44.1	“Tasmātiha, bhikkhave, yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ—
pli-tv-kd1:6.44.2	netaṁ mama, nesohamasmi, na meso attāti—
pli-tv-kd1:6.44.3	evametaṁ yathābhūtaṁ sammappaññāya daṭṭhabbaṁ.
pli-tv-kd1:6.45.1	Yā kāci vedanā atītānāgatapaccuppannā ajjhattaṁ vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbā vedanā—
pli-tv-kd1:6.45.2	netaṁ mama, nesohamasmi, na meso attāti—
pli-tv-kd1:6.45.3	evametaṁ yathābhūtaṁ sammappaññāya daṭṭhabbaṁ.
pli-tv-kd1:6.45.4	Yā kāci saññā atītānāgatapaccuppannā ajjhattaṁ vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbā saññā—
pli-tv-kd1:6.45.5	netaṁ mama, nesohamasmi, na meso attāti—
pli-tv-kd1:6.45.6	evametaṁ yathābhūtaṁ sammappaññāya daṭṭhabbaṁ.
pli-tv-kd1:6.45.7	Ye keci saṅkhārā atītānāgatapaccuppannā ajjhattaṁ vā bahiddhā vā oḷārikā vā sukhumā vā hīnā vā paṇītā vā ye dūre santike vā, sabbe saṅkhārā—
pli-tv-kd1:6.45.8	netaṁ mama, nesohamasmi, na meso attāti—
pli-tv-kd1:6.45.9	evametaṁ yathābhūtaṁ sammappaññāya daṭṭhabbaṁ.
pli-tv-kd1:6.45.10	Yaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ—
pli-tv-kd1:6.45.11	netaṁ mama, nesohamasmi, na meso attāti—
pli-tv-kd1:6.45.12	evametaṁ yathābhūtaṁ sammappaññāya daṭṭhabbaṁ.
pli-tv-kd1:6.46.1	Evaṁ passaṁ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati;
pli-tv-kd1:6.46.2	nibbindaṁ virajjati;
pli-tv-kd1:6.46.3	virāgā vimuccati;
pli-tv-kd1:6.46.4	vimuttasmiṁ vimuttamiti ñāṇaṁ hoti, ‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.
pli-tv-kd1:6.47.1	Idamavoca bhagavā.
pli-tv-kd1:6.47.2	Attamanā pañcavaggiyā bhikkhū bhagavato bhāsitaṁ abhinandunti.
pli-tv-kd1:6.47.3	Imasmiñca pana veyyākaraṇasmiṁ bhaññamāne pañcavaggiyānaṁ bhikkhūnaṁ anupādāya āsavehi cittāni vimucciṁsu.
pli-tv-kd1:6.47.4	Tena kho pana samayena cha loke arahanto honti.
pli-tv-kd1:6.47.5	Pañcavaggiyakathā niṭṭhitā.
pli-tv-kd1:6.47.6	Paṭhamabhāṇavāro.
pli-tv-kd1:7.1.0	7. Pabbajjākathā
pli-tv-kd1:7.1.1	Tena kho pana samayena bārāṇasiyaṁ yaso nāma kulaputto seṭṭhiputto sukhumālo hoti.
pli-tv-kd1:7.1.2	Tassa tayo pāsādā honti—
pli-tv-kd1:7.1.3	eko hemantiko, eko gimhiko, eko vassiko.
pli-tv-kd1:7.1.4	So vassike pāsāde cattāro māse nippurisehi tūriyehi paricārayamāno na heṭṭhāpāsādaṁ orohati.
pli-tv-kd1:7.2.1	Atha kho yasassa kulaputtassa pañcahi kāmaguṇehi samappitassa samaṅgībhūtassa paricārayamānassa paṭikacceva niddā okkami, parijanassapi niddā okkami, sabbarattiyo ca telapadīpo jhāyati.
pli-tv-kd1:7.2.2	Atha kho yaso kulaputto paṭikacceva pabujjhitvā addasa sakaṁ parijanaṁ supantaṁ—
pli-tv-kd1:7.2.3	aññissā kacche vīṇaṁ, aññissā kaṇṭhe mudiṅgaṁ, aññissā kacche āḷambaraṁ, aññaṁ vikesikaṁ, aññaṁ vikkheḷikaṁ, aññā vippalapantiyo, hatthappattaṁ susānaṁ maññe.
pli-tv-kd1:7.2.4	Disvānassa ādīnavo pāturahosi, nibbidāya cittaṁ saṇṭhāsi.
pli-tv-kd1:7.2.5	Atha kho yaso kulaputto udānaṁ udānesi—
pli-tv-kd1:7.2.6	“upaddutaṁ vata bho, upassaṭṭhaṁ vata bho”ti.
pli-tv-kd1:7.3.1	Atha kho yaso kulaputto suvaṇṇapādukāyo ārohitvā yena nivesanadvāraṁ tenupasaṅkami.
pli-tv-kd1:7.3.2	Amanussā dvāraṁ vivariṁsu—
pli-tv-kd1:7.3.3	“mā yasassa kulaputtassa koci antarāyamakāsi agārasmā anagāriyaṁ pabbajjāyā”ti.
pli-tv-kd1:7.3.4	Atha kho yaso kulaputto yena nagaradvāraṁ tenupasaṅkami.
pli-tv-kd1:7.3.5	Amanussā dvāraṁ vivariṁsu—
pli-tv-kd1:7.3.6	“mā yasassa kulaputtassa koci antarāyamakāsi agārasmā anagāriyaṁ pabbajjāyā”ti.
pli-tv-kd1:7.3.7	Atha kho yaso kulaputto yena isipatanaṁ migadāyo tenupasaṅkami.
pli-tv-kd1:7.4.1	Tena kho pana samayena bhagavā rattiyā paccūsasamayaṁ paccuṭṭhāya ajjhokāse caṅkamati.
pli-tv-kd1:7.4.2	Addasā kho bhagavā yasaṁ kulaputtaṁ dūratova āgacchantaṁ, disvāna caṅkamā orohitvā paññatte āsane nisīdi.
pli-tv-kd1:7.4.3	Atha kho yaso kulaputto bhagavato avidūre udānaṁ udānesi—
pli-tv-kd1:7.4.4	“upaddutaṁ vata bho, upassaṭṭhaṁ vata bho”ti.
pli-tv-kd1:7.4.5	Atha kho bhagavā yasaṁ kulaputtaṁ etadavoca—
pli-tv-kd1:7.4.6	“idaṁ kho, yasa, anupaddutaṁ, idaṁ anupassaṭṭhaṁ.
pli-tv-kd1:7.4.7	Ehi, yasa, nisīda, dhammaṁ te desessāmī”ti.
pli-tv-kd1:7.5.1	Atha kho yaso kulaputto—
pli-tv-kd1:7.5.2	“idaṁ kira anupaddutaṁ, idaṁ anupassaṭṭhan”ti haṭṭho udaggo suvaṇṇapādukāhi orohitvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:7.5.3	Ekamantaṁ nisinnassa kho yasassa kulaputtassa bhagavā anupubbiṁ kathaṁ kathesi, seyyathidaṁ—
pli-tv-kd1:7.5.4	dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.
pli-tv-kd1:7.6.1	Yadā bhagavā aññāsi yasaṁ kulaputtaṁ kallacittaṁ, muducittaṁ, vinīvaraṇacittaṁ, udaggacittaṁ, pasannacittaṁ, atha yā buddhānaṁ sāmukkaṁsikā dhammadesanā taṁ pakāsesi—
pli-tv-kd1:7.6.2	dukkhaṁ, samudayaṁ, nirodhaṁ, maggaṁ.
pli-tv-kd1:7.6.3	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd1:7.6.4	evameva yasassa kulaputtassa tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd1:7.6.5	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:7.7.1	Atha kho yasassa kulaputtassa mātā pāsādaṁ abhiruhitvā yasaṁ kulaputtaṁ apassantī yena seṭṭhi gahapati tenupasaṅkami, upasaṅkamitvā seṭṭhiṁ gahapatiṁ etadavoca—
pli-tv-kd1:7.7.2	“putto te, gahapati, yaso na dissatī”ti.
pli-tv-kd1:7.7.3	Atha kho seṭṭhi gahapati catuddisā assadūte uyyojetvā sāmaṁyeva yena isipatanaṁ migadāyo tenupasaṅkami.
pli-tv-kd1:7.7.4	Addasā kho seṭṭhi gahapati suvaṇṇapādukānaṁ nikkhepaṁ, disvāna taṁyeva anugamāsi.
pli-tv-kd1:7.8.1	Addasā kho bhagavā seṭṭhiṁ gahapatiṁ dūratova āgacchantaṁ, disvāna bhagavato etadahosi—
pli-tv-kd1:7.8.2	“yannūnāhaṁ tathārūpaṁ iddhābhisaṅkhāraṁ abhisaṅkhareyyaṁ yathā seṭṭhi gahapati idha nisinno idha nisinnaṁ yasaṁ kulaputtaṁ na passeyyā”ti.
pli-tv-kd1:7.8.3	Atha kho bhagavā tathārūpaṁ iddhābhisaṅkhāraṁ abhisaṅkharesi.
pli-tv-kd1:7.9.1	Atha kho seṭṭhi gahapati yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd1:7.9.2	“api, bhante, bhagavā yasaṁ kulaputtaṁ passeyyā”ti?
pli-tv-kd1:7.9.3	“Tena hi, gahapati, nisīda, appeva nāma idha nisinno idha nisinnaṁ yasaṁ kulaputtaṁ passeyyāsī”ti.
pli-tv-kd1:7.9.4	Atha kho seṭṭhi gahapati—
pli-tv-kd1:7.9.5	“idheva kirāhaṁ nisinno idha nisinnaṁ yasaṁ kulaputtaṁ passissāmī”ti haṭṭho udaggo bhagavantaṁ abhivādetvā ekamantaṁ nisīdi.
pli-tv-kd1:7.10.1	Ekamantaṁ nisinnassa kho seṭṭhissa gahapatissa bhagavā anupubbiṁ kathaṁ kathesi, seyyathidaṁ—
pli-tv-kd1:7.10.2	dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.
pli-tv-kd1:7.10.3	Yadā bhagavā aññāsi seṭṭhiṁ gahapatiṁ kallacittaṁ, muducittaṁ, vinīvaraṇacittaṁ, udaggacittaṁ, pasannacittaṁ, atha yā buddhānaṁ sāmukkaṁsikā dhammadesanā, taṁ pakāsesi—
pli-tv-kd1:7.10.4	dukkhaṁ, samudayaṁ, nirodhaṁ, maggaṁ.
pli-tv-kd1:7.10.5	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd1:7.10.6	evameva seṭṭhissa gahapatissa tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd1:7.10.7	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:7.10.8	Atha kho seṭṭhi gahapati diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca—
pli-tv-kd1:7.10.9	“abhikkantaṁ, bhante, abhikkantaṁ, bhante.
pli-tv-kd1:7.10.10	Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—
pli-tv-kd1:7.10.11	‘cakkhumanto rūpāni dakkhantī’ti;
pli-tv-kd1:7.10.12	evamevaṁ bhagavatā anekapariyāyena dhammo pakāsito.
pli-tv-kd1:7.10.13	Esāhaṁ, bhante, bhagavantaṁ saraṇaṁ gacchāmi, dhammañca, bhikkhusaṅghañca.
pli-tv-kd1:7.10.14	Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.
pli-tv-kd1:7.10.15	Sova loke paṭhamaṁ upāsako ahosi tevāciko.
pli-tv-kd1:7.11.1	Atha kho yasassa kulaputtassa pituno dhamme desiyamāne yathādiṭṭhaṁ yathāviditaṁ bhūmiṁ paccavekkhantassa anupādāya āsavehi cittaṁ vimucci.
pli-tv-kd1:7.11.2	Atha kho bhagavato etadahosi—
pli-tv-kd1:7.11.3	“yasassa kho kulaputtassa pituno dhamme desiyamāne yathādiṭṭhaṁ yathāviditaṁ bhūmiṁ paccavekkhantassa anupādāya āsavehi cittaṁ vimuttaṁ.
pli-tv-kd1:7.11.4	Abhabbo kho yaso kulaputto hīnāyāvattitvā kāme paribhuñjituṁ, seyyathāpi pubbe agārikabhūto;
pli-tv-kd1:7.11.5	yannūnāhaṁ taṁ iddhābhisaṅkhāraṁ paṭippassambheyyan”ti.
pli-tv-kd1:7.11.6	Atha kho bhagavā taṁ iddhābhisaṅkhāraṁ paṭippassambhesi.
pli-tv-kd1:7.12.1	Addasā kho seṭṭhi gahapati yasaṁ kulaputtaṁ nisinnaṁ disvāna, yasaṁ kulaputtaṁ etadavoca—
pli-tv-kd1:7.12.2	“mātā te, tāta yasa, paridevasokasamāpannā, dehi mātuyā jīvitan”ti.
pli-tv-kd1:7.13.1	Atha kho yaso kulaputto bhagavantaṁ ullokesi.
pli-tv-kd1:7.13.2	Atha kho bhagavā seṭṭhiṁ gahapatiṁ etadavoca—
pli-tv-kd1:7.13.3	“taṁ kiṁ maññasi, gahapati, yassa sekkhena ñāṇena sekkhena dassanena dhammo diṭṭho vidito seyyathāpi tayā, tassa yathādiṭṭhaṁ yathāviditaṁ bhūmiṁ paccavekkhantassa anupādāya āsavehi cittaṁ vimuttaṁ.
pli-tv-kd1:7.13.4	Bhabbo nu kho so, gahapati, hīnāyāvattitvā kāme paribhuñjituṁ seyyathāpi pubbe agārikabhūto”ti?
pli-tv-kd1:7.13.5	“No hetaṁ, bhante”.
pli-tv-kd1:7.13.6	“Yasassa kho, gahapati, kulaputtassa sekkhena ñāṇena sekkhena dassanena dhammo diṭṭho vidito seyyathāpi tayā, tassa yathādiṭṭhaṁ yathāviditaṁ bhūmiṁ paccavekkhantassa anupādāya āsavehi cittaṁ vimuttaṁ.
pli-tv-kd1:7.13.7	Abhabbo kho, gahapati, yaso kulaputto hīnāyāvattitvā kāme paribhuñjituṁ seyyathāpi pubbe agārikabhūto”ti.
pli-tv-kd1:7.14.1	“Lābhā, bhante, yasassa kulaputtassa, suladdhaṁ, bhante, yasassa kulaputtassa, yathā yasassa kulaputtassa anupādāya āsavehi cittaṁ vimuttaṁ.
pli-tv-kd1:7.14.2	Adhivāsetu me, bhante, bhagavā ajjatanāya bhattaṁ yasena kulaputtena pacchāsamaṇenā”ti.
pli-tv-kd1:7.14.3	Adhivāsesi bhagavā tuṇhībhāvena.
pli-tv-kd1:7.14.4	Atha kho seṭṭhi gahapati bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd1:7.15.1	Atha kho yaso kulaputto acirapakkante seṭṭhimhi gahapatimhi bhagavantaṁ etadavoca—
pli-tv-kd1:7.15.2	“labheyyāhaṁ, bhante, bhagavato santike pabbajjaṁ, labheyyaṁ upasampadan”ti.
pli-tv-kd1:7.15.3	“Ehi bhikkhū”ti bhagavā avoca—
pli-tv-kd1:7.15.4	“svākkhāto dhammo, cara brahmacariyaṁ sammā dukkhassa antakiriyāyā”ti.
pli-tv-kd1:7.15.5	Sāva tassa āyasmato upasampadā ahosi.
pli-tv-kd1:7.15.6	Tena kho pana samayena satta loke arahanto honti.
pli-tv-kd1:7.15.7	Yasassa pabbajjā niṭṭhitā.
pli-tv-kd1:8.1.1	Atha kho bhagavā pubbaṇhasamayaṁ nivāsetvā pattacīvaramādāya āyasmatā yasena pacchāsamaṇena yena seṭṭhissa gahapatissa nivesanaṁ tenupasaṅkami, upasaṅkamitvā paññatte āsane nisīdi.
pli-tv-kd1:8.1.2	Atha kho āyasmato yasassa mātā ca purāṇadutiyikā ca yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd1:8.2.1	Tāsaṁ bhagavā anupubbiṁ kathaṁ kathesi, seyyathidaṁ—
pli-tv-kd1:8.2.2	dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.
pli-tv-kd1:8.2.3	Yadā tā bhagavā aññāsi kallacittā, muducittā, vinīvaraṇacittā, udaggacittā, pasannacittā, atha yā buddhānaṁ sāmukkaṁsikā dhammadesanā taṁ pakāsesi—
pli-tv-kd1:8.2.4	dukkhaṁ, samudayaṁ, nirodhaṁ, maggaṁ.
pli-tv-kd1:8.2.5	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd1:8.2.6	evameva tāsaṁ tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd1:8.2.7	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:8.3.1	Tā diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṅkathā vesārajjappattā aparappaccayā satthusāsane bhagavantaṁ etadavocuṁ—
pli-tv-kd1:8.3.2	“abhikkantaṁ, bhante, abhikkantaṁ, bhante …pe…
pli-tv-kd1:8.3.3	etā mayaṁ, bhante, bhagavantaṁ saraṇaṁ gacchāma, dhammañca, bhikkhusaṅghañca.
pli-tv-kd1:8.3.4	Upāsikāyo no bhagavā dhāretu ajjatagge pāṇupetā saraṇaṁ gatā”ti.
pli-tv-kd1:8.3.5	Tā ca loke paṭhamaṁ upāsikā ahesuṁ tevācikā.
pli-tv-kd1:8.4.1	Atha kho āyasmato yasassa mātā ca pitā ca purāṇadutiyikā ca bhagavantañca āyasmantañca yasaṁ paṇītena khādanīyena bhojanīyena sahatthā santappetvā sampavāretvā, bhagavantaṁ bhuttāviṁ onītapattapāṇiṁ, ekamantaṁ nisīdiṁsu.
pli-tv-kd1:8.4.2	Atha kho bhagavā āyasmato yasassa mātarañca pitarañca purāṇadutiyikañca dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd1:9.1.1	Assosuṁ kho āyasmato yasassa cattāro gihisahāyakā bārāṇasiyaṁ seṭṭhānuseṭṭhīnaṁ kulānaṁ puttā—
pli-tv-kd1:9.1.2	vimalo, subāhu, puṇṇaji, gavampati—
pli-tv-kd1:9.1.3	yaso kira kulaputto kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajitoti.
pli-tv-kd1:9.1.4	Sutvāna nesaṁ etadahosi—
pli-tv-kd1:9.1.5	“na hi nūna so orako dhammavinayo, na sā orakā pabbajjā, yattha yaso kulaputto kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito”ti.
pli-tv-kd1:9.2.1	Te yenāyasmā yaso tenupasaṅkamiṁsu, upasaṅkamitvā āyasmantaṁ yasaṁ abhivādetvā ekamantaṁ aṭṭhaṁsu.
pli-tv-kd1:9.2.2	Atha kho āyasmā yaso te cattāro gihisahāyake ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:9.2.3	Ekamantaṁ nisinno kho āyasmā yaso bhagavantaṁ etadavoca—
pli-tv-kd1:9.2.4	“ime me, bhante, cattāro gihisahāyakā bārāṇasiyaṁ seṭṭhānuseṭṭhīnaṁ kulānaṁ puttā—
pli-tv-kd1:9.2.5	vimalo, subāhu, puṇṇaji, gavampati.
pli-tv-kd1:9.2.6	Ime bhagavā ovadatu anusāsatū”ti.
pli-tv-kd1:9.3.1	Tesaṁ bhagavā anupubbiṁ kathaṁ kathesi, seyyathidaṁ—
pli-tv-kd1:9.3.2	dānakathaṁ sīlakathaṁ saggakathaṁ kāmānaṁ ādīnavaṁ okāraṁ saṅkilesaṁ nekkhamme ānisaṁsaṁ pakāsesi.
pli-tv-kd1:9.3.3	Yadā te bhagavā aññāsi kallacitte muducitte vinīvaraṇacitte udaggacitte pasannacitte, atha yā buddhānaṁ sāmukkaṁsikā dhammadesanā, taṁ pakāsesi dukkhaṁ samudayaṁ nirodhaṁ maggaṁ.
pli-tv-kd1:9.3.4	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd1:9.3.5	evameva tesaṁ tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd1:9.3.6	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:9.4.1	Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṅkathā vesārajjappattā aparappaccayā satthusāsane bhagavantaṁ etadavocuṁ—
pli-tv-kd1:9.4.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:9.4.3	“Etha bhikkhavo”ti bhagavā avoca—
pli-tv-kd1:9.4.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:9.4.5	Sāva tesaṁ āyasmantānaṁ upasampadā ahosi.
pli-tv-kd1:9.4.6	Atha kho bhagavā te bhikkhū dhammiyā kathāya ovadi anusāsi.
pli-tv-kd1:9.4.7	Tesaṁ bhagavatā dhammiyā kathāya ovadiyamānānaṁ anusāsiyamānānaṁ anupādāya āsavehi cittāni vimucciṁsu.
pli-tv-kd1:9.4.8	Tena kho pana samayena ekādasa loke arahanto honti.
pli-tv-kd1:9.4.9	Catugihisahāyakapabbajjā niṭṭhitā.
pli-tv-kd1:10.1.1	Assosuṁ kho āyasmato yasassa paññāsamattā gihisahāyakā jānapadā pubbānupubbakānaṁ kulānaṁ puttā—
pli-tv-kd1:10.1.2	yaso kira kulaputto kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajitoti.
pli-tv-kd1:10.1.3	Sutvāna nesaṁ etadahosi—
pli-tv-kd1:10.1.4	“na hi nūna so orako dhammavinayo, na sā orakā pabbajjā, yattha yaso kulaputto kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito”ti.
pli-tv-kd1:10.2.1	Te yenāyasmā yaso tenupasaṅkamiṁsu, upasaṅkamitvā āyasmantaṁ yasaṁ abhivādetvā ekamantaṁ aṭṭhaṁsu.
pli-tv-kd1:10.2.2	Atha kho āyasmā yaso te paññāsamatte gihisahāyake ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:10.2.3	Ekamantaṁ nisinno kho āyasmā yaso bhagavantaṁ etadavoca—
pli-tv-kd1:10.2.4	“ime me, bhante, paññāsamattā gihisahāyakā jānapadā pubbānupubbakānaṁ kulānaṁ puttā.
pli-tv-kd1:10.2.5	Ime bhagavā ovadatu anusāsatū”ti.
pli-tv-kd1:10.3.1	Tesaṁ bhagavā anupubbiṁ kathaṁ kathesi, seyyathidaṁ—
pli-tv-kd1:10.3.2	dānakathaṁ sīlakathaṁ saggakathaṁ kāmānaṁ ādīnavaṁ okāraṁ saṅkilesaṁ nekkhamme ānisaṁsaṁ pakāsesi.
pli-tv-kd1:10.3.3	Yadā te bhagavā aññāsi kallacitte muducitte vinīvaraṇacitte udaggacitte pasannacitte, atha yā buddhānaṁ sāmukkaṁsikā dhammadesanā, taṁ pakāsesi dukkhaṁ samudayaṁ nirodhaṁ maggaṁ.
pli-tv-kd1:10.3.4	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd1:10.3.5	evameva tesaṁ tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd1:10.3.6	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:10.4.1	Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṅkathā vesārajjappattā aparappaccayā satthusāsane bhagavantaṁ etadavocuṁ—
pli-tv-kd1:10.4.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:10.4.3	“Etha bhikkhavo”ti bhagavā avoca—
pli-tv-kd1:10.4.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:10.4.5	Sāva tesaṁ āyasmantānaṁ upasampadā ahosi.
pli-tv-kd1:10.4.6	Atha kho bhagavā te bhikkhū dhammiyā kathāya ovadi anusāsi.
pli-tv-kd1:10.4.7	Tesaṁ bhagavatā dhammiyā kathāya ovadiyamānānaṁ anusāsiyamānānaṁ anupādāya āsavehi cittāni vimucciṁsu.
pli-tv-kd1:10.4.8	Tena kho pana samayena ekasaṭṭhi loke arahanto honti.
pli-tv-kd1:10.4.9	Paññāsagihisahāyakapabbajjā niṭṭhitā.
pli-tv-kd1:11.1.0	8. Mārakathā
pli-tv-kd1:11.1.1	Atha kho bhagavā te bhikkhū āmantesi—
pli-tv-kd1:11.1.2	“muttāhaṁ, bhikkhave, sabbapāsehi, ye dibbā ye ca mānusā.
pli-tv-kd1:11.1.3	Tumhepi, bhikkhave, muttā sabbapāsehi, ye dibbā ye ca mānusā.
pli-tv-kd1:11.1.4	Caratha, bhikkhave, cārikaṁ bahujanahitāya bahujanasukhāya lokānukampāya atthāya hitāya sukhāya devamanussānaṁ.
pli-tv-kd1:11.1.5	Mā ekena dve agamittha.
pli-tv-kd1:11.1.6	Desetha, bhikkhave, dhammaṁ ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāsetha.
pli-tv-kd1:11.1.7	Santi sattā apparajakkhajātikā, assavanatā dhammassa parihāyanti, bhavissanti dhammassa aññātāro.
pli-tv-kd1:11.1.8	Ahampi, bhikkhave, yena uruvelā senānigamo tenupasaṅkamissāmi dhammadesanāyā”ti.
pli-tv-kd1:11.2.1	Atha kho māro pāpimā yena bhagavā tenupasaṅkami, upasaṅkamitvā bhagavantaṁ gāthāya ajjhabhāsi—
pli-tv-kd1:11.2.2	“Baddhosi sabbapāsehi,
pli-tv-kd1:11.2.3	ye dibbā ye ca mānusā;
pli-tv-kd1:11.2.4	Mahābandhanabaddhosi,
pli-tv-kd1:11.2.5	na me samaṇa mokkhasī”ti.
pli-tv-kd1:11.2.6	“Muttāhaṁ sabbapāsehi,
pli-tv-kd1:11.2.7	Ye dibbā ye ca mānusā;
pli-tv-kd1:11.2.8	Mahābandhanamuttomhi,
pli-tv-kd1:11.2.9	Nihato tvamasi antakā”ti.
pli-tv-kd1:11.2.10	“Antalikkhacaro pāso,
pli-tv-kd1:11.2.11	yvāyaṁ carati mānaso;
pli-tv-kd1:11.2.12	Tena taṁ bādhayissāmi,
pli-tv-kd1:11.2.13	na me samaṇa mokkhasī”ti.
pli-tv-kd1:11.2.14	“Rūpā saddā rasā gandhā,
pli-tv-kd1:11.2.15	Phoṭṭhabbā ca manoramā;
pli-tv-kd1:11.2.16	Ettha me vigato chando,
pli-tv-kd1:11.2.17	Nihato tvamasi antakā”ti.
pli-tv-kd1:11.2.18	Atha kho māro pāpimā—
pli-tv-kd1:11.2.19	“jānāti maṁ bhagavā, jānāti maṁ sugato”ti dukkhī dummano tatthevantaradhāyīti.
pli-tv-kd1:11.2.20	Mārakathā niṭṭhitā.
pli-tv-kd1:12.1.0	9. Pabbajjūpasampadākathā
pli-tv-kd1:12.1.1	Tena kho pana samayena bhikkhū nānādisā nānājanapadā pabbajjāpekkhe ca upasampadāpekkhe ca ānenti—
pli-tv-kd1:12.1.2	“bhagavā ne pabbājessati upasampādessatī”ti.
pli-tv-kd1:12.1.3	Tattha bhikkhū ceva kilamanti pabbajjāpekkhā ca upasampadāpekkhā ca.
pli-tv-kd1:12.1.4	Atha kho bhagavato rahogatassa paṭisallīnassa evaṁ cetaso parivitakko udapādi—
pli-tv-kd1:12.1.5	“etarahi kho bhikkhū nānādisā nānājanapadā pabbajjāpekkhe ca upasampadāpekkhe ca ānenti—
pli-tv-kd1:12.1.6	‘bhagavā ne pabbājessati upasampādessatī’ti.
pli-tv-kd1:12.1.7	Tattha bhikkhū ceva kilamanti pabbajjāpekkhā ca upasampadāpekkhā ca.
pli-tv-kd1:12.1.8	Yannūnāhaṁ bhikkhūnaṁ anujāneyyaṁ—
pli-tv-kd1:12.1.9	tumheva dāni, bhikkhave, tāsu tāsu disāsu tesu tesu janapadesu pabbājetha upasampādethā”ti.
pli-tv-kd1:12.2.1	Atha kho bhagavā sāyanhasamayaṁ paṭisallānā vuṭṭhito etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:12.2.2	“idha mayhaṁ, bhikkhave, rahogatassa paṭisallīnassa evaṁ cetaso parivitakko udapādi—
pli-tv-kd1:12.2.3	etarahi kho bhikkhū nānādisā nānājanapadā pabbajjāpekkhe ca upasampadāpekkhe ca ānenti—
pli-tv-kd1:12.2.4	‘bhagavā ne pabbājessati upasampādessatī’ti, Tattha bhikkhū ceva kilamanti pabbajjāpekkhā ca upasampadāpekkhā ca.
pli-tv-kd1:12.3.1	Yannūnāhaṁ bhikkhūnaṁ anujāneyyaṁ tumheva dāni, bhikkhave, tāsu tāsu disāsu tesu tesu janapadesu pabbājetha upasampādethāti, Anujānāmi, bhikkhave, tumheva dāni tāsu tāsu disāsu tesu tesu janapadesu pabbājetha upasampādetha.
pli-tv-kd1:12.3.2	Evañca pana, bhikkhave, pabbājetabbo upasampādetabbo—
pli-tv-kd1:12.3.3	Paṭhamaṁ kesamassuṁ ohārāpetvā, kāsāyāni vatthāni acchādāpetvā, ekaṁsaṁ uttarāsaṅgaṁ kārāpetvā, bhikkhūnaṁ pāde vandāpetvā, ukkuṭikaṁ nisīdāpetvā, añjaliṁ paggaṇhāpetvā ‘evaṁ vadehī’ti vattabbo—
pli-tv-kd1:12.4.1	‘Buddhaṁ saraṇaṁ gacchāmi,
pli-tv-kd1:12.4.2	Dhammaṁ saraṇaṁ gacchāmi,
pli-tv-kd1:12.4.3	Saṅghaṁ saraṇaṁ gacchāmi.
pli-tv-kd1:12.4.4	Dutiyampi buddhaṁ saraṇaṁ gacchāmi,
pli-tv-kd1:12.4.5	Dutiyampi dhammaṁ saraṇaṁ gacchāmi,
pli-tv-kd1:12.4.6	Dutiyampi saṅghaṁ saraṇaṁ gacchāmi.
pli-tv-kd1:12.4.7	Tatiyampi buddhaṁ saraṇaṁ gacchāmi,
pli-tv-kd1:12.4.8	Tatiyampi dhammaṁ saraṇaṁ gacchāmi,
pli-tv-kd1:12.4.9	Tatiyampi saṅghaṁ saraṇaṁ gacchāmī’ti.
pli-tv-kd1:12.4.10	Anujānāmi, bhikkhave, imehi tīhi saraṇagamanehi pabbajjaṁ upasampadan”ti.
pli-tv-kd1:12.4.11	Tīhi saraṇagamanehi upasampadākathā niṭṭhitā.
pli-tv-kd1:13.1.0	10. Dutiyamārakathā
pli-tv-kd1:13.1.1	Atha kho bhagavā vassaṁvuṭṭho bhikkhū āmantesi—
pli-tv-kd1:13.1.2	“mayhaṁ kho, bhikkhave, yoniso manasikārā yoniso sammappadhānā anuttarā vimutti anuppattā, anuttarā vimutti sacchikatā.
pli-tv-kd1:13.1.3	Tumhepi, bhikkhave, yoniso manasikārā yoniso sammappadhānā anuttaraṁ vimuttiṁ anupāpuṇātha, anuttaraṁ vimuttiṁ sacchikarothā”ti.
pli-tv-kd1:13.2.1	Atha kho māro pāpimā yena bhagavā tenupasaṅkami, upasaṅkamitvā bhagavantaṁ gāthāya ajjhabhāsi—
pli-tv-kd1:13.2.2	“Baddhosi mārapāsehi,
pli-tv-kd1:13.2.3	ye dibbā ye ca mānusā;
pli-tv-kd1:13.2.4	Mahābandhanabaddhosi,
pli-tv-kd1:13.2.5	na me samaṇa mokkhasī”ti.
pli-tv-kd1:13.2.6	“Muttāhaṁ mārapāsehi,
pli-tv-kd1:13.2.7	Ye dibbā ye ca mānusā;
pli-tv-kd1:13.2.8	Mahābandhanamuttomhi,
pli-tv-kd1:13.2.9	Nihato tvamasi antakā”ti.
pli-tv-kd1:13.2.10	Atha kho māro pāpimā—
pli-tv-kd1:13.2.11	“jānāti maṁ bhagavā, jānāti maṁ sugato”ti dukkhī dummano tatthevantaradhāyi.
pli-tv-kd1:13.2.12	Dutiyamārakathā niṭṭhitā.
pli-tv-kd1:14.1.0	11. Bhaddavaggiyavatthu
pli-tv-kd1:14.1.1	Atha kho bhagavā bārāṇasiyaṁ yathābhirantaṁ viharitvā yena uruvelā tena cārikaṁ pakkāmi.
pli-tv-kd1:14.1.2	Atha kho bhagavā maggā okkamma yena aññataro vanasaṇḍo tenupasaṅkami, upasaṅkamitvā taṁ vanasaṇḍaṁ ajjhogāhetvā aññatarasmiṁ rukkhamūle nisīdi.
pli-tv-kd1:14.1.3	Tena kho pana samayena tiṁsamattā bhaddavaggiyā sahāyakā sapajāpatikā tasmiṁ vanasaṇḍe paricārenti.
pli-tv-kd1:14.1.4	Ekassa pajāpati nāhosi;
pli-tv-kd1:14.1.5	tassa atthāya vesī ānītā ahosi.
pli-tv-kd1:14.1.6	Atha kho sā vesī tesu pamattesu paricārentesu bhaṇḍaṁ ādāya palāyittha.
pli-tv-kd1:14.2.1	Atha kho te sahāyakā sahāyakassa veyyāvaccaṁ karontā, taṁ itthiṁ gavesantā, taṁ vanasaṇḍaṁ āhiṇḍantā addasaṁsu bhagavantaṁ aññatarasmiṁ rukkhamūle nisinnaṁ.
pli-tv-kd1:14.2.2	Disvāna yena bhagavā tenupasaṅkamiṁsu, upasaṅkamitvā bhagavantaṁ etadavocuṁ—
pli-tv-kd1:14.2.3	“api, bhante, bhagavā ekaṁ itthiṁ passeyyā”ti?
pli-tv-kd1:14.2.4	“Kiṁ pana vo, kumārā, itthiyā”ti?
pli-tv-kd1:14.2.5	“Idha mayaṁ, bhante, tiṁsamattā bhaddavaggiyā sahāyakā sapajāpatikā imasmiṁ vanasaṇḍe paricārimhā.
pli-tv-kd1:14.2.6	Ekassa pajāpati nāhosi;
pli-tv-kd1:14.2.7	tassa atthāya vesī ānītā ahosi.
pli-tv-kd1:14.2.8	Atha kho sā, bhante, vesī amhesu pamattesu paricārentesu bhaṇḍaṁ ādāya palāyittha.
pli-tv-kd1:14.2.9	Te mayaṁ, bhante, sahāyakā sahāyakassa veyyāvaccaṁ karontā, taṁ itthiṁ gavesantā, imaṁ vanasaṇḍaṁ āhiṇḍāmā”ti.
pli-tv-kd1:14.3.1	“Taṁ kiṁ maññatha vo, kumārā, katamaṁ nu kho tumhākaṁ varaṁ—
pli-tv-kd1:14.3.2	yaṁ vā tumhe itthiṁ gaveseyyātha, yaṁ vā attānaṁ gaveseyyāthā”ti?
pli-tv-kd1:14.3.3	“Etadeva, bhante, amhākaṁ varaṁ yaṁ mayaṁ attānaṁ gaveseyyāmā”ti.
pli-tv-kd1:14.3.4	“Tena hi vo, kumārā, nisīdatha, dhammaṁ vo desessāmī”ti.
pli-tv-kd1:14.3.5	“Evaṁ, bhante”ti kho te bhaddavaggiyā sahāyakā bhagavantaṁ abhivādetvā ekamantaṁ nisīdiṁsu.
pli-tv-kd1:14.4.1	Tesaṁ bhagavā anupubbiṁ kathaṁ kathesi, seyyathidaṁ—
pli-tv-kd1:14.4.2	dānakathaṁ sīlakathaṁ saggakathaṁ kāmānaṁ ādīnavaṁ okāraṁ saṅkilesaṁ nekkhamme ānisaṁsaṁ pakāsesi.
pli-tv-kd1:14.4.3	Yadā te bhagavā aññāsi kallacitte muducitte vinīvaraṇacitte udaggacitte pasannacitte, atha yā buddhānaṁ sāmukkaṁsikā dhammadesanā, taṁ pakāsesi dukkhaṁ samudayaṁ nirodhaṁ maggaṁ.
pli-tv-kd1:14.4.4	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd1:14.4.5	evameva tesaṁ tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd1:14.4.6	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:14.5.1	Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṅkathā vesārajjappattā aparappaccayā satthusāsane bhagavantaṁ etadavocuṁ—
pli-tv-kd1:14.5.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:14.5.3	“Etha bhikkhavo”ti bhagavā avoca—
pli-tv-kd1:14.5.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:14.5.5	Sāva tesaṁ āyasmantānaṁ upasampadā ahosi.
pli-tv-kd1:14.5.6	Bhaddavaggiyasahāyakānaṁ vatthu niṭṭhitaṁ.
pli-tv-kd1:14.5.7	Dutiyabhāṇavāro.
pli-tv-kd1:15.1.0	12. Uruvelapāṭihāriyakathā
pli-tv-kd1:15.1.1	Atha kho bhagavā anupubbena cārikaṁ caramāno yena uruvelā tadavasari.
pli-tv-kd1:15.1.2	Tena kho pana samayena uruvelāyaṁ tayo jaṭilā paṭivasanti—
pli-tv-kd1:15.1.3	uruvelakassapo, nadīkassapo, gayākassapoti.
pli-tv-kd1:15.1.4	Tesu uruvelakassapo jaṭilo pañcannaṁ jaṭilasatānaṁ nāyako hoti, vināyako aggo pamukho pāmokkho.
pli-tv-kd1:15.1.5	Nadīkassapo jaṭilo tiṇṇaṁ jaṭilasatānaṁ nāyako hoti, vināyako aggo pamukho pāmokkho.
pli-tv-kd1:15.1.6	Gayākassapo jaṭilo dvinnaṁ jaṭilasatānaṁ nāyako hoti, vināyako aggo pamukho pāmokkho.
pli-tv-kd1:15.2.1	Atha kho bhagavā yena uruvelakassapassa jaṭilassa assamo tenupasaṅkami, upasaṅkamitvā uruvelakassapaṁ jaṭilaṁ etadavoca—
pli-tv-kd1:15.2.2	“sace te, kassapa, agaru, vaseyyāma ekarattaṁ agyāgāre”ti?
pli-tv-kd1:15.2.3	“Na kho me, mahāsamaṇa, garu, caṇḍettha nāgarājā iddhimā āsiviso ghoraviso, so taṁ mā viheṭhesī”ti.
pli-tv-kd1:15.2.4	Dutiyampi kho bhagavā uruvelakassapaṁ jaṭilaṁ etadavoca—
pli-tv-kd1:15.2.5	“sace te, kassapa, agaru, vaseyyāma ekarattaṁ agyāgāre”ti?
pli-tv-kd1:15.2.6	“Na kho me, mahāsamaṇa, garu, caṇḍettha nāgarājā iddhimā āsiviso ghoraviso, so taṁ mā viheṭhesī”ti.
pli-tv-kd1:15.2.7	Tatiyampi kho bhagavā uruvelakassapaṁ jaṭilaṁ etadavoca—
pli-tv-kd1:15.2.8	“sace te, kassapa, agaru, vaseyyāma ekarattaṁ agyāgāre”ti?
pli-tv-kd1:15.2.9	“Na kho me, mahāsamaṇa, garu, caṇḍettha nāgarājā iddhimā āsiviso ghoraviso, so taṁ mā viheṭhesī”ti.
pli-tv-kd1:15.2.10	“Appeva maṁ na viheṭheyya, iṅgha tvaṁ, kassapa, anujānāhi agyāgāran”ti.
pli-tv-kd1:15.2.11	“Vihara, mahāsamaṇa, yathāsukhan”ti.
pli-tv-kd1:15.3.1	Atha kho bhagavā agyāgāraṁ pavisitvā tiṇasanthārakaṁ paññapetvā nisīdi pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
pli-tv-kd1:15.3.2	Addasā kho so nāgo bhagavantaṁ paviṭṭhaṁ, disvāna dummano padhūpāyi.
pli-tv-kd1:15.3.3	Atha kho bhagavato etadahosi—
pli-tv-kd1:15.3.4	“yannūnāhaṁ imassa nāgassa anupahacca chaviñca cammañca maṁsañca nhāruñca aṭṭhiñca aṭṭhimiñjañca tejasā tejaṁ pariyādiyeyyan”ti.
pli-tv-kd1:15.4.1	Atha kho bhagavā tathārūpaṁ iddhābhisaṅkhāraṁ abhisaṅkharitvā padhūpāyi.
pli-tv-kd1:15.4.2	Atha kho so nāgo makkhaṁ asahamāno pajjali.
pli-tv-kd1:15.4.3	Bhagavāpi tejodhātuṁ samāpajjitvā pajjali.
pli-tv-kd1:15.4.4	Ubhinnaṁ sajotibhūtānaṁ agyāgāraṁ ādittaṁ viya hoti sampajjalitaṁ sajotibhūtaṁ.
pli-tv-kd1:15.4.5	Atha kho te jaṭilā agyāgāraṁ parivāretvā evamāhaṁsu—
pli-tv-kd1:15.4.6	“abhirūpo vata bho mahāsamaṇo nāgena viheṭhiyatī”ti.
pli-tv-kd1:15.5.1	Atha kho bhagavā tassā rattiyā accayena tassa nāgassa anupahacca chaviñca cammañca maṁsañca nhāruñca aṭṭhiñca aṭṭhimiñjañca tejasā tejaṁ pariyādiyitvā patte pakkhipitvā uruvelakassapassa jaṭilassa dassesi—
pli-tv-kd1:15.5.2	“ayaṁ te, kassapa, nāgo pariyādinno assa tejasā tejo”ti.
pli-tv-kd1:15.5.3	Atha kho uruvelakassapassa jaṭilassa etadahosi—
pli-tv-kd1:15.5.4	“mahiddhiko kho mahāsamaṇo mahānubhāvo, yatra hi nāma caṇḍassa nāgarājassa iddhimato āsivisassa ghoravisassa tejasā tejaṁ pariyādiyissati, na tveva ca kho arahā yathā ahan”ti.
pli-tv-kd1:15.6.1	Nerañjarāyaṁ bhagavā,
pli-tv-kd1:15.6.2	Uruvelakassapaṁ jaṭilaṁ avoca;
pli-tv-kd1:15.6.3	“Sace te kassapa agaru,
pli-tv-kd1:15.6.4	Viharemu ajjaṇho aggisālamhī”ti.
pli-tv-kd1:15.6.5	“Na kho me mahāsamaṇa garu,
pli-tv-kd1:15.6.6	Phāsukāmova taṁ nivāremi;
pli-tv-kd1:15.6.7	Caṇḍettha nāgarājā,
pli-tv-kd1:15.6.8	Iddhimā āsiviso ghoraviso;
pli-tv-kd1:15.6.9	So taṁ mā viheṭhesī”ti.
pli-tv-kd1:15.6.10	“Appeva maṁ na viheṭheyya,
pli-tv-kd1:15.6.11	Iṅgha tvaṁ kassapa anujānāhi agyāgāran”ti;
pli-tv-kd1:15.6.12	Dinnanti naṁ viditvā,
pli-tv-kd1:15.6.13	Abhīto pāvisi bhayamatīto.
pli-tv-kd1:15.6.14	Disvā isiṁ paviṭṭhaṁ,
pli-tv-kd1:15.6.15	Ahināgo dummano padhūpāyi;
pli-tv-kd1:15.6.16	Sumanamanaso adhimano,
pli-tv-kd1:15.6.17	Manussanāgopi tattha padhūpāyi.
pli-tv-kd1:15.6.18	Makkhañca asahamāno,
pli-tv-kd1:15.6.19	Ahināgo pāvakova pajjali;
pli-tv-kd1:15.6.20	Tejodhātusukusalo,
pli-tv-kd1:15.6.21	Manussanāgopi tattha pajjali.
pli-tv-kd1:15.6.22	Ubhinnaṁ sajotibhūtānaṁ,
pli-tv-kd1:15.6.23	Agyāgāraṁ ādittaṁ hoti sampajjalitaṁ sajotibhūtaṁ;
pli-tv-kd1:15.6.24	Udicchare jaṭilā,
pli-tv-kd1:15.6.25	“Abhirūpo vata bho mahāsamaṇo;
pli-tv-kd1:15.6.26	Nāgena viheṭhiyatī”ti bhaṇanti.
pli-tv-kd1:15.7.1	Atha tassā rattiyā accayena,
pli-tv-kd1:15.7.2	Hatā nāgassa acciyo honti;
pli-tv-kd1:15.7.3	Iddhimato pana ṭhitā,
pli-tv-kd1:15.7.4	Anekavaṇṇā acciyo honti.
pli-tv-kd1:15.7.5	Nīlā atha lohitikā,
pli-tv-kd1:15.7.6	Mañjiṭṭhā pītakā phalikavaṇṇāyo;
pli-tv-kd1:15.7.7	Aṅgīrasassa kāye,
pli-tv-kd1:15.7.8	Anekavaṇṇā acciyo honti.
pli-tv-kd1:15.7.9	Pattamhi odahitvā,
pli-tv-kd1:15.7.10	Ahināgaṁ brāhmaṇassa dassesi;
pli-tv-kd1:15.7.11	“Ayaṁ te kassapa nāgo,
pli-tv-kd1:15.7.12	Pariyādinno assa tejasā tejo”ti.
pli-tv-kd1:15.7.13	Atha kho uruvelakassapo jaṭilo bhagavato iminā iddhipāṭihāriyena abhippasanno bhagavantaṁ etadavoca—
pli-tv-kd1:15.7.14	“idheva, mahāsamaṇa, vihara, ahaṁ te dhuvabhattenā”ti.
pli-tv-kd1:15.7.15	Paṭhamaṁ pāṭihāriyaṁ.
pli-tv-kd1:16.1.1	Atha kho bhagavā uruvelakassapassa jaṭilassa assamassa avidūre aññatarasmiṁ vanasaṇḍe vihāsi.
pli-tv-kd1:16.1.2	Atha kho cattāro mahārājāno abhikkantāya rattiyā abhikkantavaṇṇā kevalakappaṁ vanasaṇḍaṁ obhāsetvā yena bhagavā tenupasaṅkamiṁsu, upasaṅkamitvā bhagavantaṁ abhivādetvā catuddisā aṭṭhaṁsu seyyathāpi mahantā aggikkhandhā.
pli-tv-kd1:16.2.1	Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd1:16.2.2	“kālo, mahāsamaṇa, niṭṭhitaṁ bhattaṁ.
pli-tv-kd1:16.2.3	Ke nu kho te, mahāsamaṇa, abhikkantāya rattiyā abhikkantavaṇṇā kevalakappaṁ vanasaṇḍaṁ obhāsetvā yena tvaṁ tenupasaṅkamiṁsu, upasaṅkamitvā taṁ abhivādetvā catuddisā aṭṭhaṁsu seyyathāpi mahantā aggikkhandhā”ti.
pli-tv-kd1:16.2.4	“Ete kho, kassapa, cattāro mahārājāno yenāhaṁ tenupasaṅkamiṁsu dhammassavanāyā”ti.
pli-tv-kd1:16.2.5	Atha kho uruvelakassapassa jaṭilassa etadahosi—
pli-tv-kd1:16.2.6	“mahiddhiko kho mahāsamaṇo mahānubhāvo, yatra hi nāma cattāropi mahārājāno upasaṅkamissanti dhammassavanāya, na tveva ca kho arahā yathā ahan”ti.
pli-tv-kd1:16.2.7	Atha kho bhagavā uruvelakassapassa jaṭilassa bhattaṁ bhuñjitvā tasmiṁyeva vanasaṇḍe vihāsi.
pli-tv-kd1:16.2.8	Dutiyaṁ pāṭihāriyaṁ.
pli-tv-kd1:17.1.1	Atha kho sakko devānamindo abhikkantāya rattiyā abhikkantavaṇṇo kevalakappaṁ vanasaṇḍaṁ obhāsetvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro ca.
pli-tv-kd1:17.2.1	Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd1:17.2.2	“kālo, mahāsamaṇa, niṭṭhitaṁ bhattaṁ.
pli-tv-kd1:17.2.3	Ko nu kho so, mahāsamaṇa, abhikkantāya rattiyā abhikkantavaṇṇo kevalakappaṁ vanasaṇḍaṁ obhāsetvā yena tvaṁ tenupasaṅkami, upasaṅkamitvā taṁ abhivādetvā ekamantaṁ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro cā”ti?
pli-tv-kd1:17.2.4	“Eso kho, kassapa, sakko devānamindo yenāhaṁ tenupasaṅkami dhammassavanāyā”ti.
pli-tv-kd1:17.2.5	Atha kho uruvelakassapassa jaṭilassa etadahosi—
pli-tv-kd1:17.2.6	“mahiddhiko kho mahāsamaṇo mahānubhāvo, yatra hi nāma sakkopi devānamindo upasaṅkamissati dhammassavanāya, na tveva ca kho arahā yathā ahan”ti.
pli-tv-kd1:17.2.7	Atha kho bhagavā uruvelakassapassa jaṭilassa bhattaṁ bhuñjitvā tasmiṁyeva vanasaṇḍe vihāsi.
pli-tv-kd1:17.2.8	Tatiyaṁ pāṭihāriyaṁ.
pli-tv-kd1:18.1.1	Atha kho brahmā sahampati abhikkantāya rattiyā abhikkantavaṇṇo kevalakappaṁ vanasaṇḍaṁ obhāsetvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro ca.
pli-tv-kd1:18.2.1	Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd1:18.2.2	“kālo, mahāsamaṇa, niṭṭhitaṁ bhattaṁ.
pli-tv-kd1:18.2.3	Ko nu kho so, mahāsamaṇa, abhikkantāya rattiyā abhikkantavaṇṇo kevalakappaṁ vanasaṇḍaṁ obhāsetvā yena tvaṁ tenupasaṅkami, upasaṅkamitvā taṁ abhivādetvā ekamantaṁ aṭṭhāsi seyyathāpi mahāaggikkhandho, purimāhi vaṇṇanibhāhi abhikkantataro ca paṇītataro cā”ti?
pli-tv-kd1:18.2.4	“Eso kho, kassapa, brahmā sahampati yenāhaṁ tenupasaṅkami dhammassavanāyā”ti.
pli-tv-kd1:18.2.5	Atha kho uruvelakassapassa jaṭilassa etadahosi—
pli-tv-kd1:18.2.6	“mahiddhiko kho mahāsamaṇo mahānubhāvo, yatra hi nāma brahmāpi sahampati upasaṅkamissati dhammassavanāya, na tveva ca kho arahā yathā ahan”ti.
pli-tv-kd1:18.2.7	Atha kho bhagavā uruvelakassapassa jaṭilassa bhattaṁ bhuñjitvā tasmiṁyeva vanasaṇḍe vihāsi.
pli-tv-kd1:18.2.8	Catutthaṁ pāṭihāriyaṁ.
pli-tv-kd1:19.1.1	Tena kho pana samayena uruvelakassapassa jaṭilassa mahāyañño paccupaṭṭhito hoti, kevalakappā ca aṅgamagadhā pahūtaṁ khādanīyaṁ bhojanīyaṁ ādāya abhikkamitukāmā honti.
pli-tv-kd1:19.1.2	Atha kho uruvelakassapassa jaṭilassa etadahosi—
pli-tv-kd1:19.1.3	“etarahi kho me mahāyañño paccupaṭṭhito, kevalakappā ca aṅgamagadhā pahūtaṁ khādanīyaṁ bhojanīyaṁ ādāya abhikkamissanti.
pli-tv-kd1:19.1.4	Sace mahāsamaṇo mahājanakāye iddhipāṭihāriyaṁ karissati, mahāsamaṇassa lābhasakkāro abhivaḍḍhissati, mama lābhasakkāro parihāyissati.
pli-tv-kd1:19.1.5	Aho nūna mahāsamaṇo svātanāya nāgaccheyyā”ti.
pli-tv-kd1:19.2.1	Atha kho bhagavā uruvelakassapassa jaṭilassa cetasā cetoparivitakkamaññāya uttarakuruṁ gantvā tato piṇḍapātaṁ āharitvā anotattadahe paribhuñjitvā tattheva divāvihāraṁ akāsi.
pli-tv-kd1:19.2.2	Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd1:19.2.3	“kālo, mahāsamaṇa, niṭṭhitaṁ bhattaṁ.
pli-tv-kd1:19.2.4	Kiṁ nu kho, mahāsamaṇa, hiyyo nāgamāsi?
pli-tv-kd1:19.2.5	Api ca mayaṁ taṁ sarāma—
pli-tv-kd1:19.2.6	kiṁ nu kho mahāsamaṇo nāgacchatīti?
pli-tv-kd1:19.2.7	Khādanīyassa ca bhojanīyassa ca te paṭivīso ṭhapito”ti.
pli-tv-kd1:19.3.1	“Nanu te, kassapa, etadahosi—
pli-tv-kd1:19.3.2	‘etarahi kho me mahāyañño paccupaṭṭhito, kevalakappā ca aṅgamagadhā pahūtaṁ khādanīyaṁ bhojanīyaṁ ādāya abhikkamissanti, sace mahāsamaṇo mahājanakāye iddhipāṭihāriyaṁ karissati, mahāsamaṇassa lābhasakkāro abhivaḍḍhissati, mama lābhasakkāro parihāyissati, aho nūna mahāsamaṇo svātanāya nāgaccheyyā’ti.
pli-tv-kd1:19.4.1	So kho ahaṁ, kassapa, tava cetasā cetoparivitakkamaññāya uttarakuruṁ gantvā tato piṇḍapātaṁ āharitvā anotattadahe paribhuñjitvā tattheva divāvihāraṁ akāsin”ti.
pli-tv-kd1:19.4.2	Atha kho uruvelakassapassa jaṭilassa etadahosi—
pli-tv-kd1:19.4.3	“mahiddhiko kho mahāsamaṇo mahānubhāvo, yatra hi nāma cetasāpi cittaṁ pajānissati, na tveva ca kho arahā yathā ahan”ti.
pli-tv-kd1:19.4.4	Atha kho bhagavā uruvelakassapassa jaṭilassa bhattaṁ bhuñjitvā tasmiṁyeva vanasaṇḍe vihāsi.
pli-tv-kd1:19.4.5	Pañcamaṁ pāṭihāriyaṁ.
pli-tv-kd1:20.1.1	Tena kho pana samayena bhagavato paṁsukūlaṁ uppannaṁ hoti.
pli-tv-kd1:20.1.2	Atha kho bhagavato etadahosi—
pli-tv-kd1:20.1.3	“kattha nu kho ahaṁ paṁsukūlaṁ dhoveyyan”ti?
pli-tv-kd1:20.1.4	Atha kho sakko devānamindo bhagavato cetasā cetoparivitakkamaññāya pāṇinā pokkharaṇiṁ khaṇitvā bhagavantaṁ etadavoca—
pli-tv-kd1:20.1.5	“idha, bhante, bhagavā paṁsukūlaṁ dhovatū”ti.
pli-tv-kd1:20.1.6	Atha kho bhagavato etadahosi—
pli-tv-kd1:20.1.7	“kimhi nu kho ahaṁ paṁsukūlaṁ parimaddeyyan”ti?
pli-tv-kd1:20.1.8	Atha kho sakko devānamindo bhagavato cetasā cetoparivitakkamaññāya mahatiṁ silaṁ upanikkhipi—
pli-tv-kd1:20.1.9	“idha, bhante, bhagavā paṁsukūlaṁ parimaddatū”ti.
pli-tv-kd1:20.2.1	Atha kho bhagavato etadahosi—
pli-tv-kd1:20.2.2	“kimhi nu kho ahaṁ ālambitvā uttareyyan”ti?
pli-tv-kd1:20.2.3	Atha kho kakudhe adhivatthā devatā bhagavato cetasā cetoparivitakkamaññāya sākhaṁ onāmesi—
pli-tv-kd1:20.2.4	“idha, bhante, bhagavā ālambitvā uttaratū”ti.
pli-tv-kd1:20.2.5	Atha kho bhagavato etadahosi—
pli-tv-kd1:20.2.6	“kimhi nu kho ahaṁ paṁsukūlaṁ vissajjeyyan”ti?
pli-tv-kd1:20.2.7	Atha kho sakko devānamindo bhagavato cetasā cetoparivitakkamaññāya mahatiṁ silaṁ upanikkhipi—
pli-tv-kd1:20.2.8	“idha, bhante, bhagavā paṁsukūlaṁ vissajjetū”ti.
pli-tv-kd1:20.3.1	Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd1:20.3.2	“kālo, mahāsamaṇa, niṭṭhitaṁ bhattaṁ.
pli-tv-kd1:20.3.3	Kiṁ nu kho, mahāsamaṇa, nāyaṁ pubbe idha pokkharaṇī, sāyaṁ idha pokkharaṇī.
pli-tv-kd1:20.3.4	Nayimā silā pubbe upanikkhittā.
pli-tv-kd1:20.3.5	Kenimā silā upanikkhittā?
pli-tv-kd1:20.3.6	Nayimassa kakudhassa pubbe sākhā onatā, sāyaṁ sākhā onatā”ti.
pli-tv-kd1:20.4.1	“Idha me, kassapa, paṁsukūlaṁ uppannaṁ ahosi.
pli-tv-kd1:20.4.2	Tassa mayhaṁ, kassapa, etadahosi—
pli-tv-kd1:20.4.3	‘kattha nu kho ahaṁ paṁsukūlaṁ dhoveyyan’ti?
pli-tv-kd1:20.4.4	Atha kho, kassapa, sakko devānamindo mama cetasā cetoparivitakkamaññāya pāṇinā pokkharaṇiṁ khaṇitvā maṁ etadavoca—
pli-tv-kd1:20.4.5	‘idha, bhante, bhagavā paṁsukūlaṁ dhovatū’ti.
pli-tv-kd1:20.4.6	Sāyaṁ, kassapa, amanussena pāṇinā khaṇitā pokkharaṇī.
pli-tv-kd1:20.4.7	Tassa mayhaṁ, kassapa, etadahosi—
pli-tv-kd1:20.4.8	‘kimhi nu kho ahaṁ paṁsukūlaṁ parimaddeyyan’ti?
pli-tv-kd1:20.4.9	Atha kho, kassapa, sakko devānamindo mama cetasā cetoparivitakkamaññāya mahatiṁ silaṁ upanikkhipi—
pli-tv-kd1:20.4.10	‘idha, bhante, bhagavā paṁsukūlaṁ parimaddatū’ti.
pli-tv-kd1:20.4.11	Sāyaṁ, kassapa, amanussena upanikkhittā silā.
pli-tv-kd1:20.5.1	Tassa mayhaṁ, kassapa, etadahosi—
pli-tv-kd1:20.5.2	‘kimhi nu kho ahaṁ ālambitvā uttareyyan’ti?
pli-tv-kd1:20.5.3	Atha kho, kassapa, kakudhe adhivatthā devatā mama cetasā cetoparivitakkamaññāya sākhaṁ onāmesi—
pli-tv-kd1:20.5.4	‘idha, bhante, bhagavā ālambitvā uttaratū’ti.
pli-tv-kd1:20.5.5	Svāyaṁ āharahattho kakudho.
pli-tv-kd1:20.5.6	Tassa mayhaṁ, kassapa, etadahosi—
pli-tv-kd1:20.5.7	‘kimhi nu kho ahaṁ paṁsukūlaṁ vissajjeyyan’ti?
pli-tv-kd1:20.5.8	Atha kho, kassapa, sakko devānamindo mama cetasā cetoparivitakkamaññāya mahatiṁ silaṁ upanikkhipi—
pli-tv-kd1:20.5.9	‘idha, bhante, bhagavā paṁsukūlaṁ vissajjetū’ti.
pli-tv-kd1:20.5.10	Sāyaṁ, kassapa, amanussena upanikkhittā silā”
pli-tv-kd1:20.6.1	Atha kho uruvelakassapassa jaṭilassa etadahosi—
pli-tv-kd1:20.6.2	“mahiddhiko kho mahāsamaṇo mahānubhāvo, yatra hi nāma sakkopi devānamindo veyyāvaccaṁ karissati, na tveva ca kho arahā yathā ahan”ti.
pli-tv-kd1:20.6.3	Atha kho bhagavā uruvelakassapassa jaṭilassa bhattaṁ bhuñjitvā tasmiṁyeva vanasaṇḍe vihāsi.
pli-tv-kd1:20.7.1	Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavato kālaṁ ārocesi—
pli-tv-kd1:20.7.2	“kālo, mahāsamaṇa, niṭṭhitaṁ bhattan”ti.
pli-tv-kd1:20.7.3	“Gaccha tvaṁ, kassapa, āyāmahan”ti uruvelakassapaṁ jaṭilaṁ uyyojetvā yāya jambuyā “jambudīpo” paññāyati, tato phalaṁ gahetvā paṭhamataraṁ āgantvā agyāgāre nisīdi.
pli-tv-kd1:20.8.1	Addasā kho uruvelakassapo jaṭilo bhagavantaṁ agyāgāre nisinnaṁ, disvāna bhagavantaṁ etadavoca—
pli-tv-kd1:20.8.2	“katamena tvaṁ, mahāsamaṇa, maggena āgato?
pli-tv-kd1:20.8.3	Ahaṁ tayā paṭhamataraṁ pakkanto, so tvaṁ paṭhamataraṁ āgantvā agyāgāre nisinno”ti.
pli-tv-kd1:20.9.1	“Idhāhaṁ, kassapa, taṁ uyyojetvā yāya jambuyā ‘jambudīpo’ paññāyati, tato phalaṁ gahetvā paṭhamataraṁ āgantvā agyāgāre nisinno.
pli-tv-kd1:20.9.2	Idaṁ kho, kassapa, jambuphalaṁ vaṇṇasampannaṁ gandhasampannaṁ rasasampannaṁ.
pli-tv-kd1:20.9.3	Sace ākaṅkhasi paribhuñjā”ti.
pli-tv-kd1:20.9.4	“Alaṁ, mahāsamaṇa, tvaṁyeva taṁ arahasi, tvaṁyeva taṁ paribhuñjāhī”ti.
pli-tv-kd1:20.9.5	Atha kho uruvelakassapassa jaṭilassa etadahosi—
pli-tv-kd1:20.9.6	“mahiddhiko kho mahāsamaṇo mahānubhāvo, yatra hi nāma maṁ paṭhamataraṁ uyyojetvā yāya jambuyā ‘jambudīpo’ paññāyati, tato phalaṁ gahetvā paṭhamataraṁ āgantvā agyāgāre nisīdissati, na tveva ca kho arahā yathā ahan”ti.
pli-tv-kd1:20.9.7	Atha kho bhagavā uruvelakassapassa jaṭilassa bhattaṁ bhuñjitvā tasmiṁyeva vanasaṇḍe vihāsi.
pli-tv-kd1:20.10.1	Atha kho uruvelakassapo jaṭilo tassā rattiyā accayena yena bhagavā tenupasaṅkami, upasaṅkamitvā bhagavato kālaṁ ārocesi—
pli-tv-kd1:20.10.2	“kālo, mahāsamaṇa, niṭṭhitaṁ bhattan”ti.
pli-tv-kd1:20.10.3	“Gaccha tvaṁ, kassapa, āyāmahan”ti uruvelakassapaṁ jaṭilaṁ uyyojetvā yāya jambuyā “jambudīpo” paññāyati, tassā avidūre ambo …pe…
pli-tv-kd1:20.10.4	tassā avidūre āmalakī …pe…
pli-tv-kd1:20.10.5	tassā avidūre harītakī …pe…
pli-tv-kd1:20.10.6	tāvatiṁsaṁ gantvā pāricchattakapupphaṁ gahetvā paṭhamataraṁ āgantvā agyāgāre nisīdi.
pli-tv-kd1:20.10.7	Addasā kho uruvelakassapo jaṭilo bhagavantaṁ agyāgāre nisinnaṁ, disvāna bhagavantaṁ etadavoca—
pli-tv-kd1:20.10.8	“katamena tvaṁ, mahāsamaṇa, maggena āgato?
pli-tv-kd1:20.10.9	Ahaṁ tayā paṭhamataraṁ pakkanto, so tvaṁ paṭhamataraṁ āgantvā agyāgāre nisinno”ti.
pli-tv-kd1:20.11.1	“Idhāhaṁ, kassapa, taṁ uyyojetvā tāvatiṁsaṁ gantvā pāricchattakapupphaṁ gahetvā paṭhamataraṁ āgantvā agyāgāre nisinno.
pli-tv-kd1:20.11.2	Idaṁ kho, kassapa, pāricchattakapupphaṁ vaṇṇasampannaṁ gandhasampannaṁ.
pli-tv-kd1:20.11.3	Sace ākaṅkhasi gaṇhā”ti.
pli-tv-kd1:20.11.4	“Alaṁ, mahāsamaṇa, tvaṁyeva taṁ arahasi, tvaṁyeva taṁ gaṇhā”ti.
pli-tv-kd1:20.11.5	Atha kho uruvelakassapassa jaṭilassa etadahosi—
pli-tv-kd1:20.11.6	“mahiddhiko kho mahāsamaṇo mahānubhāvo, yatra hi nāma maṁ paṭhamataraṁ uyyojetvā tāvatiṁsaṁ gantvā pāricchattakapupphaṁ gahetvā paṭhamataraṁ āgantvā agyāgāre nisīdissati, na tveva ca kho arahā yathā ahan”ti.
pli-tv-kd1:20.12.1	Tena kho pana samayena te jaṭilā aggiṁ paricaritukāmā na sakkonti kaṭṭhāni phāletuṁ.
pli-tv-kd1:20.12.2	Atha kho tesaṁ jaṭilānaṁ etadahosi—
pli-tv-kd1:20.12.3	“nissaṁsayaṁ kho mahāsamaṇassa iddhānubhāvo, yathā mayaṁ na sakkoma kaṭṭhāni phāletun”ti.
pli-tv-kd1:20.12.4	Atha kho bhagavā uruvelakassapaṁ jaṭilaṁ etadavoca—
pli-tv-kd1:20.12.5	“phāliyantu, kassapa, kaṭṭhānī”ti.
pli-tv-kd1:20.12.6	“Phāliyantu, mahāsamaṇā”ti.
pli-tv-kd1:20.12.7	Sakideva pañca kaṭṭhasatāni phāliyiṁsu.
pli-tv-kd1:20.12.8	Atha kho uruvelakassapassa jaṭilassa etadahosi—
pli-tv-kd1:20.12.9	“mahiddhiko kho mahāsamaṇo mahānubhāvo, yatra hi nāma kaṭṭhānipi phāliyissanti, na tveva ca kho arahā yathā ahan”ti.
pli-tv-kd1:20.13.1	Tena kho pana samayena te jaṭilā aggiṁ paricaritukāmā na sakkonti aggiṁ ujjaletuṁ.
pli-tv-kd1:20.13.2	Atha kho tesaṁ jaṭilānaṁ etadahosi—
pli-tv-kd1:20.13.3	“nissaṁsayaṁ kho mahāsamaṇassa iddhānubhāvo, yathā mayaṁ na sakkoma aggiṁ ujjaletun”ti.
pli-tv-kd1:20.13.4	Atha kho bhagavā uruvelakassapaṁ jaṭilaṁ etadavoca—
pli-tv-kd1:20.13.5	“ujjaliyantu, kassapa, aggī”ti.
pli-tv-kd1:20.13.6	“Ujjaliyantu, mahāsamaṇā”ti.
pli-tv-kd1:20.13.7	Sakideva pañca aggisatāni ujjaliyiṁsu.
pli-tv-kd1:20.13.8	Atha kho uruvelakassapassa jaṭilassa etadahosi—
pli-tv-kd1:20.13.9	“mahiddhiko kho mahāsamaṇo mahānubhāvo, yatra hi nāma aggīpi ujjaliyissanti, na tveva ca kho arahā yathā ahan”ti.
pli-tv-kd1:20.14.1	Tena kho pana samayena te jaṭilā aggiṁ paricaritvā na sakkonti aggiṁ vijjhāpetuṁ.
pli-tv-kd1:20.14.2	Atha kho tesaṁ jaṭilānaṁ etadahosi—
pli-tv-kd1:20.14.3	“nissaṁsayaṁ kho mahāsamaṇassa iddhānubhāvo, yathā mayaṁ na sakkoma aggiṁ vijjhāpetun”ti.
pli-tv-kd1:20.14.4	Atha kho bhagavā uruvelakassapaṁ jaṭilaṁ etadavoca—
pli-tv-kd1:20.14.5	“vijjhāyantu, kassapa, aggī”ti.
pli-tv-kd1:20.14.6	“Vijjhāyantu, mahāsamaṇā”ti.
pli-tv-kd1:20.14.7	Sakideva pañca aggisatāni vijjhāyiṁsu.
pli-tv-kd1:20.14.8	Atha kho uruvelakassapassa jaṭilassa etadahosi—
pli-tv-kd1:20.14.9	“mahiddhiko kho mahāsamaṇo mahānubhāvo, yatra hi nāma aggīpi vijjhāyissanti, na tveva ca kho arahā yathā ahan”ti.
pli-tv-kd1:20.15.1	Tena kho pana samayena te jaṭilā sītāsu hemantikāsu rattīsu antaraṭṭhakāsu himapātasamaye najjā nerañjarāya ummujjantipi, nimujjantipi, ummujjananimujjanampi karonti.
pli-tv-kd1:20.15.2	Atha kho bhagavā pañcamattāni mandāmukhisatāni abhinimmini, yattha te jaṭilā uttaritvā visibbesuṁ.
pli-tv-kd1:20.15.3	Atha kho tesaṁ jaṭilānaṁ etadahosi—
pli-tv-kd1:20.15.4	“nissaṁsayaṁ kho mahāsamaṇassa iddhānubhāvo, yathayimā mandāmukhiyo nimmitā”ti.
pli-tv-kd1:20.15.5	Atha kho uruvelakassapassa jaṭilassa etadahosi—
pli-tv-kd1:20.15.6	“mahiddhiko kho mahāsamaṇo mahānubhāvo, yatra hi nāma tāva bahū mandāmukhiyopi abhinimminissati, na tveva ca kho arahā yathā ahan”ti.
pli-tv-kd1:20.16.1	Tena kho pana samayena mahā akālamegho pāvassi, mahā udakavāhako sañjāyi.
pli-tv-kd1:20.16.2	Yasmiṁ padese bhagavā viharati, so padeso udakena na otthaṭo hoti.
pli-tv-kd1:20.16.3	Atha kho bhagavato etadahosi—
pli-tv-kd1:20.16.4	“yannūnāhaṁ samantā udakaṁ ussāretvā majjhe reṇuhatāya bhūmiyā caṅkameyyan”ti.
pli-tv-kd1:20.16.5	Atha kho bhagavā samantā udakaṁ ussāretvā majjhe reṇuhatāya bhūmiyā caṅkami.
pli-tv-kd1:20.16.6	Atha kho uruvelakassapo jaṭilo—
pli-tv-kd1:20.16.7	“mā heva kho mahāsamaṇo udakena vūḷho ahosī”ti nāvāya sambahulehi jaṭilehi saddhiṁ yasmiṁ padese bhagavā viharati taṁ padesaṁ agamāsi.
pli-tv-kd1:20.16.8	Addasā kho uruvelakassapo jaṭilo bhagavantaṁ samantā udakaṁ ussāretvā majjhe reṇuhatāya bhūmiyā caṅkamantaṁ, disvāna bhagavantaṁ etadavoca—
pli-tv-kd1:20.16.9	“idaṁ nu tvaṁ, mahāsamaṇā”ti?
pli-tv-kd1:20.16.10	“Ayamahamasmi, kassapā”ti
pli-tv-kd1:20.16.11	bhagavā vehāsaṁ abbhuggantvā nāvāya paccuṭṭhāsi.
pli-tv-kd1:20.16.12	Atha kho uruvelakassapassa jaṭilassa etadahosi—
pli-tv-kd1:20.16.13	“mahiddhiko kho mahāsamaṇo mahānubhāvo, yatra hi nāma udakampi na pavāhissati, na tveva ca kho arahā yathā ahan”ti.
pli-tv-kd1:20.17.1	Atha kho bhagavato etadahosi—
pli-tv-kd1:20.17.2	“cirampi kho imassa moghapurisassa evaṁ bhavissati—
pli-tv-kd1:20.17.3	‘mahiddhiko kho mahāsamaṇo mahānubhāvo, na tveva ca kho arahā yathā ahan’ti;
pli-tv-kd1:20.17.4	yannūnāhaṁ imaṁ jaṭilaṁ saṁvejeyyan”ti.
pli-tv-kd1:20.17.5	Atha kho bhagavā uruvelakassapaṁ jaṭilaṁ etadavoca—
pli-tv-kd1:20.17.6	“neva ca kho tvaṁ, kassapa, arahā, nāpi arahattamaggasamāpanno.
pli-tv-kd1:20.17.7	Sāpi te paṭipadā natthi, yāya tvaṁ arahā vā assasi, arahattamaggaṁ vā samāpanno”ti.
pli-tv-kd1:20.17.8	Atha kho uruvelakassapo jaṭilo bhagavato pādesu sirasā nipatitvā bhagavantaṁ etadavoca—
pli-tv-kd1:20.17.9	“labheyyāhaṁ, bhante, bhagavato santike pabbajjaṁ, labheyyaṁ upasampadan”ti.
pli-tv-kd1:20.18.1	“Tvaṁ khosi, kassapa, pañcannaṁ jaṭilasatānaṁ nāyako vināyako aggo pamukho pāmokkho.
pli-tv-kd1:20.18.2	Tepi tāva apalokehi, yathā te maññissanti tathā te karissantī”ti.
pli-tv-kd1:20.18.3	Atha kho uruvelakassapo jaṭilo yena te jaṭilā tenupasaṅkami, upasaṅkamitvā te jaṭile etadavoca—
pli-tv-kd1:20.18.4	“icchāmahaṁ, bho, mahāsamaṇe brahmacariyaṁ carituṁ, yathā bhavanto maññanti tathā karontū”ti.
pli-tv-kd1:20.18.5	“Cirapaṭikā mayaṁ, bho, mahāsamaṇe abhippasannā, sace bhavaṁ, mahāsamaṇe brahmacariyaṁ carissati, sabbeva mayaṁ mahāsamaṇe brahmacariyaṁ carissāmā”ti.
pli-tv-kd1:20.19.1	Atha kho te jaṭilā kesamissaṁ jaṭāmissaṁ khārikājamissaṁ aggihutamissaṁ udake pavāhetvā yena bhagavā tenupasaṅkamiṁsu, upasaṅkamitvā bhagavato pādesu sirasā nipatitvā bhagavantaṁ etadavocuṁ—
pli-tv-kd1:20.19.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:20.19.3	“Etha bhikkhavo”ti bhagavā avoca—
pli-tv-kd1:20.19.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:20.19.5	Sāva tesaṁ āyasmantānaṁ upasampadā ahosi.
pli-tv-kd1:20.20.1	Addasā kho nadīkassapo jaṭilo kesamissaṁ jaṭāmissaṁ khārikājamissaṁ aggihutamissaṁ udake vuyhamāne, disvānassa etadahosi—
pli-tv-kd1:20.20.2	“mā heva me bhātuno upasaggo ahosī”ti.
pli-tv-kd1:20.20.3	Jaṭile pāhesi—
pli-tv-kd1:20.20.4	“gacchatha me bhātaraṁ jānāthā”ti.
pli-tv-kd1:20.20.5	Sāmañca tīhi jaṭilasatehi saddhiṁ yenāyasmā uruvelakassapo tenupasaṅkami, upasaṅkamitvā āyasmantaṁ uruvelakassapaṁ etadavoca—
pli-tv-kd1:20.20.6	“idaṁ nu kho, kassapa, seyyo”ti?
pli-tv-kd1:20.20.7	“Āmāvuso, idaṁ seyyo”ti.
pli-tv-kd1:20.21.1	Atha kho te jaṭilā kesamissaṁ jaṭāmissaṁ khārikājamissaṁ aggihutamissaṁ udake pavāhetvā yena bhagavā tenupasaṅkamiṁsu, upasaṅkamitvā bhagavato pādesu sirasā nipatitvā bhagavantaṁ etadavocuṁ—
pli-tv-kd1:20.21.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:20.21.3	“Etha bhikkhavo”ti bhagavā avoca—
pli-tv-kd1:20.21.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:20.21.5	Sāva tesaṁ āyasmantānaṁ upasampadā ahosi.
pli-tv-kd1:20.22.1	Addasā kho gayākassapo jaṭilo kesamissaṁ jaṭāmissaṁ khārikājamissaṁ aggihutamissaṁ udake vuyhamāne, disvānassa etadahosi—
pli-tv-kd1:20.22.2	“mā heva me bhātūnaṁ upasaggo ahosī”ti.
pli-tv-kd1:20.22.3	Jaṭile pāhesi—
pli-tv-kd1:20.22.4	“gacchatha me bhātaro jānāthā”ti.
pli-tv-kd1:20.22.5	Sāmañca dvīhi jaṭilasatehi saddhiṁ yenāyasmā uruvelakassapo tenupasaṅkami, upasaṅkamitvā āyasmantaṁ uruvelakassapaṁ etadavoca—
pli-tv-kd1:20.22.6	“idaṁ nu kho, kassapa, seyyo”ti?
pli-tv-kd1:20.22.7	“Āmāvuso, idaṁ seyyo”ti.
pli-tv-kd1:20.23.1	Atha kho te jaṭilā kesamissaṁ jaṭāmissaṁ khārikājamissaṁ aggihutamissaṁ udake pavāhetvā yena bhagavā tenupasaṅkamiṁsu, upasaṅkamitvā bhagavato pādesu sirasā nipatitvā bhagavantaṁ etadavocuṁ—
pli-tv-kd1:20.23.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:20.23.3	“Etha bhikkhavo”ti bhagavā avoca—
pli-tv-kd1:20.23.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:20.23.5	Sāva tesaṁ āyasmantānaṁ upasampadā ahosi.
pli-tv-kd1:20.24.1	Bhagavato adhiṭṭhānena pañca kaṭṭhasatāni na phāliyiṁsu, phāliyiṁsu;
pli-tv-kd1:20.24.2	aggī na ujjaliyiṁsu, ujjaliyiṁsu;
pli-tv-kd1:20.24.3	na vijjhāyiṁsu, vijjhāyiṁsu;
pli-tv-kd1:20.24.4	pañcamandāmukhisatāni abhinimmini.
pli-tv-kd1:20.24.5	Etena nayena aḍḍhuḍḍhapāṭihāriyasahassāni honti.
pli-tv-kd1:21.1.1	Atha kho bhagavā uruvelāyaṁ yathābhirantaṁ viharitvā yena gayāsīsaṁ tena pakkāmi mahatā bhikkhusaṅghena saddhiṁ bhikkhusahassena sabbeheva purāṇajaṭilehi.
pli-tv-kd1:21.1.2	Tatra sudaṁ bhagavā gayāyaṁ viharati gayāsīse saddhiṁ bhikkhusahassena.
pli-tv-kd1:21.2.1	Tatra kho bhagavā bhikkhū āmantesi—
pli-tv-kd1:21.2.2	“Sabbaṁ, bhikkhave, ādittaṁ.
pli-tv-kd1:21.2.3	Kiñca, bhikkhave, sabbaṁ ādittaṁ?
pli-tv-kd1:21.2.4	Cakkhu ādittaṁ, rūpā ādittā, cakkhuviññāṇaṁ ādittaṁ, cakkhusamphasso āditto, yamidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ādittaṁ.
pli-tv-kd1:21.2.5	Kena ādittaṁ?
pli-tv-kd1:21.2.6	Rāgagginā dosagginā mohagginā ādittaṁ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi.
pli-tv-kd1:21.3.1	Sotaṁ ādittaṁ, saddā ādittā, sotaviññāṇaṁ ādittaṁ, sotasamphasso āditto, yamidaṁ sotasamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ādittaṁ.
pli-tv-kd1:21.3.2	Kena ādittaṁ?
pli-tv-kd1:21.3.3	Rāgagginā dosagginā mohagginā ādittaṁ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi.
pli-tv-kd1:21.3.4	Ghānaṁ ādittaṁ, gandhā ādittā, ghānaviññāṇaṁ ādittaṁ, ghānasamphasso āditto, yamidaṁ ghānasamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ādittaṁ.
pli-tv-kd1:21.3.5	Kena ādittaṁ?
pli-tv-kd1:21.3.6	Rāgagginā dosagginā mohagginā ādittaṁ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi.
pli-tv-kd1:21.3.7	Jivhā ādittā, rasā ādittā, jivhāviññāṇaṁ ādittaṁ jivhāsamphasso āditto, yamidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ādittaṁ.
pli-tv-kd1:21.3.8	Kena ādittaṁ?
pli-tv-kd1:21.3.9	Rāgagginā dosagginā mohagginā ādittaṁ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi.
pli-tv-kd1:21.3.10	Kāyo āditto, phoṭṭhabbā ādittā, kāyaviññāṇaṁ ādittaṁ kāyasamphasso āditto, yamidaṁ kāyasamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ādittaṁ.
pli-tv-kd1:21.3.11	Kena ādittaṁ?
pli-tv-kd1:21.3.12	Rāgagginā dosagginā mohagginā ādittaṁ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi.
pli-tv-kd1:21.3.13	Mano āditto, dhammā ādittā, manoviññāṇaṁ ādittaṁ manosamphasso āditto, yamidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ādittaṁ.
pli-tv-kd1:21.3.14	Kena ādittaṁ?
pli-tv-kd1:21.3.15	Rāgagginā dosagginā mohagginā ādittaṁ, jātiyā jarāya maraṇena sokehi paridevehi dukkhehi domanassehi upāyāsehi ādittanti vadāmi.
pli-tv-kd1:21.4.1	Evaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati, yamidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tasmimpi nibbindati.
pli-tv-kd1:21.4.2	Sotasmimpi nibbindati, saddesupi nibbindati …pe…
pli-tv-kd1:21.4.3	ghānasmimpi nibbindati, gandhesupi nibbindati …pe…
pli-tv-kd1:21.4.4	jivhāyapi nibbindati, rasesupi nibbindati …pe…
pli-tv-kd1:21.4.5	kāyasmimpi nibbindati, phoṭṭhabbesupi nibbindati …pe…
pli-tv-kd1:21.4.6	manasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati, yamidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati,
pli-tv-kd1:21.4.7	nibbindaṁ virajjati, virāgā vimuccati, vimuttasmiṁ vimuttamiti ñāṇaṁ hoti.
pli-tv-kd1:21.4.8	Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānātī”ti.
pli-tv-kd1:21.4.9	Imasmiñca pana veyyākaraṇasmiṁ bhaññamāne tassa bhikkhusahassassa anupādāya āsavehi cittāni vimucciṁsu.
pli-tv-kd1:21.4.10	Ādittapariyāyasuttaṁ niṭṭhitaṁ.
pli-tv-kd1:21.4.11	Uruvelapāṭihāriyaṁ tatiyabhāṇavāro niṭṭhito.
pli-tv-kd1:22.1.0	13. Bimbisārasamāgamakathā
pli-tv-kd1:22.1.1	Atha kho bhagavā gayāsīse yathābhirantaṁ viharitvā yena rājagahaṁ tena cārikaṁ pakkāmi, mahatā bhikkhusaṅghena saddhiṁ bhikkhusahassena sabbeheva purāṇajaṭilehi.
pli-tv-kd1:22.1.2	Atha kho bhagavā anupubbena cārikaṁ caramāno yena rājagahaṁ tadavasari.
pli-tv-kd1:22.1.3	Tatra sudaṁ bhagavā rājagahe viharati laṭṭhivane suppatiṭṭhe cetiye.
pli-tv-kd1:22.2.1	Assosi kho rājā māgadho seniyo bimbisāro—
pli-tv-kd1:22.2.2	“samaṇo khalu bho gotamo sakyaputto sakyakulā pabbajito rājagahaṁ anuppatto rājagahe viharati laṭṭhivane suppatiṭṭhe cetiye.
pli-tv-kd1:22.2.3	Taṁ kho pana bhagavantaṁ gotamaṁ evaṁ kalyāṇo kittisaddo abbhuggato—
pli-tv-kd1:22.2.4	itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.
pli-tv-kd1:22.2.5	So imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.
pli-tv-kd1:22.2.6	So dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāseti.
pli-tv-kd1:22.2.7	Sādhu kho pana tathārūpānaṁ arahataṁ dassanaṁ hotī”ti.
pli-tv-kd1:22.3.1	Atha kho rājā māgadho seniyo bimbisāro dvādasanahutehi māgadhikehi brāhmaṇagahapatikehi parivuto yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:22.3.2	Tepi kho dvādasanahutā māgadhikā brāhmaṇagahapatikā appekacce bhagavantaṁ abhivādetvā ekamantaṁ nisīdiṁsu, appekacce bhagavatā saddhiṁ sammodiṁsu, sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu, appekacce yena bhagavā tenañjaliṁ paṇāmetvā ekamantaṁ nisīdiṁsu, appekacce bhagavato santike nāmagottaṁ sāvetvā ekamantaṁ nisīdiṁsu, appekacce tuṇhībhūtā ekamantaṁ nisīdiṁsu.
pli-tv-kd1:22.4.1	Atha kho tesaṁ dvādasanahutānaṁ māgadhikānaṁ brāhmaṇagahapatikānaṁ etadahosi—
pli-tv-kd1:22.4.2	“kiṁ nu kho mahāsamaṇo uruvelakassape brahmacariyaṁ carati, udāhu uruvelakassapo mahāsamaṇe brahmacariyaṁ caratī”ti?
pli-tv-kd1:22.4.3	Atha kho bhagavā tesaṁ dvādasanahutānaṁ māgadhikānaṁ brāhmaṇagahapatikānaṁ cetasā cetoparivitakkamaññāya āyasmantaṁ uruvelakassapaṁ gāthāya ajjhabhāsi—
pli-tv-kd1:22.4.4	“Kimeva disvā uruvelavāsi,
pli-tv-kd1:22.4.5	Pahāsi aggiṁ kisakovadāno;
pli-tv-kd1:22.4.6	Pucchāmi taṁ kassapa etamatthaṁ,
pli-tv-kd1:22.4.7	Kathaṁ pahīnaṁ tava aggihuttan”ti.
pli-tv-kd1:22.4.8	“Rūpe ca sadde ca atho rase ca,
pli-tv-kd1:22.4.9	Kāmitthiyo cābhivadanti yaññā;
pli-tv-kd1:22.4.10	Etaṁ malanti upadhīsu ñatvā,
pli-tv-kd1:22.4.11	Tasmā na yiṭṭhe na hute arañjin”ti.
pli-tv-kd1:22.5.1	“Ettheva te mano na ramittha,
pli-tv-kd1:22.5.2	(kassapāti bhagavā)
pli-tv-kd1:22.5.3	Rūpesu saddesu atho rasesu;
pli-tv-kd1:22.5.4	Atha ko carahi devamanussaloke,
pli-tv-kd1:22.5.5	Rato mano kassapa brūhi metan”ti.
pli-tv-kd1:22.5.6	“Disvā padaṁ santamanūpadhīkaṁ,
pli-tv-kd1:22.5.7	Akiñcanaṁ kāmabhave asattaṁ;
pli-tv-kd1:22.5.8	Anaññathābhāvimanaññaneyyaṁ,
pli-tv-kd1:22.5.9	Tasmā na yiṭṭhe na hute arañjin”ti.
pli-tv-kd1:22.6.1	Atha kho āyasmā uruvelakassapo uṭṭhāyāsanā ekaṁsaṁ uttarāsaṅgaṁ karitvā bhagavato pādesu sirasā nipatitvā bhagavantaṁ etadavoca—
pli-tv-kd1:22.6.2	“satthā me, bhante, bhagavā, sāvakohamasmi;
pli-tv-kd1:22.6.3	satthā me, bhante, bhagavā, sāvakohamasmī”ti.
pli-tv-kd1:22.6.4	Atha kho tesaṁ dvādasanahutānaṁ māgadhikānaṁ brāhmaṇagahapatikānaṁ etadahosi—
pli-tv-kd1:22.6.5	“uruvelakassapo mahāsamaṇe brahmacariyaṁ caratī”ti.
pli-tv-kd1:22.7.1	Atha kho bhagavā tesaṁ dvādasanahutānaṁ māgadhikānaṁ brāhmaṇagahapatikānaṁ cetasā cetoparivitakkamaññāya anupubbiṁ kathaṁ kathesi, seyyathidaṁ—
pli-tv-kd1:22.7.2	dānakathaṁ sīlakathaṁ saggakathaṁ kāmānaṁ ādīnavaṁ okāraṁ saṅkilesaṁ nekkhamme ānisaṁsaṁ pakāsesi.
pli-tv-kd1:22.7.3	Yadā te bhagavā aññāsi kallacitte muducitte vinīvaraṇacitte udaggacitte pasannacitte, atha yā buddhānaṁ sāmukkaṁsikā dhammadesanā, taṁ pakāsesi—
pli-tv-kd1:22.7.4	dukkhaṁ, samudayaṁ, nirodhaṁ, maggaṁ.
pli-tv-kd1:22.8.1	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd1:22.8.2	evameva ekādasanahutānaṁ māgadhikānaṁ brāhmaṇagahapatikānaṁ bimbisārappamukhānaṁ tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd1:22.8.3	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:22.8.4	Ekanahutaṁ upāsakattaṁ paṭivedesi.
pli-tv-kd1:22.9.1	Atha kho rājā māgadho seniyo bimbisāro diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca—
pli-tv-kd1:22.9.2	“pubbe me, bhante, kumārassa sato pañca assāsakā ahesuṁ, te me etarahi samiddhā.
pli-tv-kd1:22.9.3	Pubbe me, bhante, kumārassa sato etadahosi—
pli-tv-kd1:22.9.4	‘aho vata maṁ rajje abhisiñceyyun’ti, ayaṁ kho me, bhante, paṭhamo assāsako ahosi, so me etarahi samiddho.
pli-tv-kd1:22.9.5	‘Tassa ca me vijitaṁ arahaṁ sammāsambuddho okkameyyā’ti, ayaṁ kho me, bhante, dutiyo assāsako ahosi, so me etarahi samiddho.
pli-tv-kd1:22.10.1	‘Tañcāhaṁ bhagavantaṁ payirupāseyyan’ti, ayaṁ kho me, bhante, tatiyo assāsako ahosi, so me etarahi samiddho.
pli-tv-kd1:22.10.2	‘So ca me bhagavā dhammaṁ deseyyā’ti, ayaṁ kho me, bhante, catuttho assāsako ahosi, so me etarahi samiddho.
pli-tv-kd1:22.10.3	‘Tassa cāhaṁ bhagavato dhammaṁ ājāneyyan’ti, ayaṁ kho me, bhante, pañcamo assāsako ahosi, so me etarahi samiddho.
pli-tv-kd1:22.10.4	Pubbe me, bhante, kumārassa sato ime pañca assāsakā ahesuṁ, te me etarahi samiddhā.
pli-tv-kd1:22.11.1	Abhikkantaṁ, bhante, abhikkantaṁ, bhante.
pli-tv-kd1:22.11.2	Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—‘cakkhumanto rūpāni dakkhantī’ti;
pli-tv-kd1:22.11.3	evamevaṁ bhagavatā anekapariyāyena dhammo pakāsito.
pli-tv-kd1:22.11.4	Esāhaṁ, bhante, bhagavantaṁ saraṇaṁ gacchāmi, dhammañca, bhikkhusaṅghañca.
pli-tv-kd1:22.11.5	Upāsakaṁ maṁ, bhagavā dhāretu ajjatagge pāṇupetaṁ saraṇaṁ gataṁ, adhivāsetu ca me, bhante, bhagavā, svātanāya bhattaṁ saddhiṁ bhikkhusaṅghenā”ti.
pli-tv-kd1:22.11.6	Adhivāsesi bhagavā tuṇhībhāvena.
pli-tv-kd1:22.12.1	Atha kho rājā māgadho seniyo bimbisāro bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd1:22.12.2	Atha kho rājā māgadho seniyo bimbisāro tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—
pli-tv-kd1:22.12.3	“kālo, bhante, niṭṭhitaṁ bhattan”ti.
pli-tv-kd1:22.12.4	Atha kho bhagavā pubbaṇhasamayaṁ nivāsetvā pattacīvaramādāya rājagahaṁ pāvisi mahatā bhikkhusaṅghena saddhiṁ bhikkhusahassena sabbeheva purāṇajaṭilehi.
pli-tv-kd1:22.13.1	Tena kho pana samayena sakko devānamindo māṇavakavaṇṇaṁ abhinimminitvā buddhappamukhassa bhikkhusaṅghassa purato purato gacchati imā gāthāyo gāyamāno—
pli-tv-kd1:22.13.2	“Danto dantehi saha purāṇajaṭilehi,
pli-tv-kd1:22.13.3	Vippamutto vippamuttehi;
pli-tv-kd1:22.13.4	Siṅgīnikkhasavaṇṇo,
pli-tv-kd1:22.13.5	Rājagahaṁ pāvisi bhagavā.
pli-tv-kd1:22.13.6	Mutto muttehi saha purāṇajaṭilehi,
pli-tv-kd1:22.13.7	Vippamutto vippamuttehi;
pli-tv-kd1:22.13.8	Siṅgīnikkhasavaṇṇo,
pli-tv-kd1:22.13.9	Rājagahaṁ pāvisi bhagavā.
pli-tv-kd1:22.13.10	Tiṇṇo tiṇṇehi saha purāṇajaṭilehi,
pli-tv-kd1:22.13.11	Vippamutto vippamuttehi;
pli-tv-kd1:22.13.12	Siṅgīnikkhasavaṇṇo,
pli-tv-kd1:22.13.13	Rājagahaṁ pāvisi bhagavā.
pli-tv-kd1:22.13.14	Santo santehi saha purāṇajaṭilehi,
pli-tv-kd1:22.13.15	Vippamutto vippamuttehi;
pli-tv-kd1:22.13.16	Siṅgīnikkhasavaṇṇo,
pli-tv-kd1:22.13.17	Rājagahaṁ pāvisi bhagavā.
pli-tv-kd1:22.13.18	Dasavāso dasabalo,
pli-tv-kd1:22.13.19	Dasadhammavidū dasabhi cupeto;
pli-tv-kd1:22.13.20	So dasasataparivāro,
pli-tv-kd1:22.13.21	Rājagahaṁ pāvisi bhagavā”ti.
pli-tv-kd1:22.14.1	Manussā sakkaṁ devānamindaṁ passitvā evamāhaṁsu—
pli-tv-kd1:22.14.2	“abhirūpo vatāyaṁ māṇavako, dassanīyo vatāyaṁ māṇavako, pāsādiko vatāyaṁ māṇavako.
pli-tv-kd1:22.14.3	Kassa nu kho ayaṁ māṇavako”ti?
pli-tv-kd1:22.14.4	Evaṁ vutte, sakko devānamindo te manusse gāthāya ajjhabhāsi—
pli-tv-kd1:22.14.5	“Yo dhīro sabbadhi danto,
pli-tv-kd1:22.14.6	suddho appaṭipuggalo;
pli-tv-kd1:22.14.7	Arahaṁ sugato loke,
pli-tv-kd1:22.14.8	tassāhaṁ paricārako”ti.
pli-tv-kd1:22.15.1	Atha kho bhagavā yena rañño māgadhassa seniyassa bimbisārassa nivesanaṁ tenupasaṅkami, upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd1:22.15.2	Atha kho rājā māgadho seniyo bimbisāro buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi.
pli-tv-kd1:22.16.1	Ekamantaṁ nisinnassa kho rañño māgadhassa seniyassa bimbisārassa etadahosi—
pli-tv-kd1:22.16.2	“kattha nu kho bhagavā vihareyya?
pli-tv-kd1:22.16.3	Yaṁ assa gāmato neva atidūre na accāsanne, gamanāgamanasampannaṁ, atthikānaṁ atthikānaṁ manussānaṁ abhikkamanīyaṁ, divā appākiṇṇaṁ, rattiṁ appasaddaṁ appanigghosaṁ vijanavātaṁ, manussarāhasseyyakaṁ, paṭisallānasāruppan”ti.
pli-tv-kd1:22.17.1	Atha kho rañño māgadhassa seniyassa bimbisārassa etadahosi—
pli-tv-kd1:22.17.2	“idaṁ kho amhākaṁ veḷuvanaṁ uyyānaṁ gāmato neva atidūre na accāsanne gamanāgamanasampannaṁ atthikānaṁ atthikānaṁ manussānaṁ abhikkamanīyaṁ divā appākiṇṇaṁ rattiṁ appasaddaṁ appanigghosaṁ vijanavātaṁ manussarāhasseyyakaṁ paṭisallānasāruppaṁ.
pli-tv-kd1:22.17.3	Yannūnāhaṁ veḷuvanaṁ uyyānaṁ buddhappamukhassa bhikkhusaṅghassa dadeyyan”ti.
pli-tv-kd1:22.18.1	Atha kho rājā māgadho seniyo bimbisāro sovaṇṇamayaṁ bhiṅkāraṁ gahetvā bhagavato oṇojesi—
pli-tv-kd1:22.18.2	“etāhaṁ, bhante, veḷuvanaṁ uyyānaṁ buddhappamukhassa bhikkhusaṅghassa dammī”ti.
pli-tv-kd1:22.18.3	Paṭiggahesi bhagavā ārāmaṁ.
pli-tv-kd1:22.18.4	Atha kho bhagavā rājānaṁ māgadhaṁ seniyaṁ bimbisāraṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd1:22.18.5	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:22.18.6	“anujānāmi, bhikkhave, ārāman”ti.
pli-tv-kd1:22.18.7	Bimbisārasamāgamakathā niṭṭhitā.
pli-tv-kd1:23.1.0	14. Sāriputtamoggallānapabbajjākathā
pli-tv-kd1:23.1.1	Tena kho pana samayena sañcayo paribbājako rājagahe paṭivasati mahatiyā paribbājakaparisāya saddhiṁ aḍḍhateyyehi paribbājakasatehi.
pli-tv-kd1:23.1.2	Tena kho pana samayena sāriputtamoggallānā sañcaye paribbājake brahmacariyaṁ caranti.
pli-tv-kd1:23.1.3	Tehi katikā katā hoti—
pli-tv-kd1:23.1.4	“yo paṭhamaṁ amataṁ adhigacchati, so itarassa ārocetū”ti.
pli-tv-kd1:23.2.1	Atha kho āyasmā assaji pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi pāsādikena abhikkantena paṭikkantena ālokitena vilokitena samiñjitena pasāritena, okkhittacakkhu iriyāpathasampanno.
pli-tv-kd1:23.2.2	Addasā kho sāriputto paribbājako āyasmantaṁ assajiṁ rājagahe piṇḍāya carantaṁ pāsādikena abhikkantena paṭikkantena ālokitena vilokitena samiñjitena pasāritena okkhittacakkhuṁ iriyāpathasampannaṁ.
pli-tv-kd1:23.2.3	Disvānassa etadahosi—
pli-tv-kd1:23.2.4	“ye vata loke arahanto vā arahattamaggaṁ vā samāpannā, ayaṁ tesaṁ bhikkhu aññataro.
pli-tv-kd1:23.2.5	Yannūnāhaṁ imaṁ bhikkhuṁ upasaṅkamitvā puccheyyaṁ—
pli-tv-kd1:23.2.6	‘kaṁsi tvaṁ, āvuso, uddissa pabbajito, ko vā te satthā, kassa vā tvaṁ dhammaṁ rocesī’”ti?
pli-tv-kd1:23.3.1	Atha kho sāriputtassa paribbājakassa etadahosi—
pli-tv-kd1:23.3.2	“akālo kho imaṁ bhikkhuṁ pucchituṁ, antaragharaṁ paviṭṭho piṇḍāya carati.
pli-tv-kd1:23.3.3	Yannūnāhaṁ imaṁ bhikkhuṁ piṭṭhito piṭṭhito anubandheyyaṁ, atthikehi upaññātaṁ maggan”ti.
pli-tv-kd1:23.3.4	Atha kho āyasmā assaji rājagahe piṇḍāya caritvā piṇḍapātaṁ ādāya paṭikkami.
pli-tv-kd1:23.3.5	Atha kho sāriputtopi paribbājako yenāyasmā assaji tenupasaṅkami, upasaṅkamitvā āyasmatā assajinā saddhiṁ sammodi, sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi.
pli-tv-kd1:23.3.6	Ekamantaṁ ṭhito kho sāriputto paribbājako āyasmantaṁ assajiṁ etadavoca—
pli-tv-kd1:23.3.7	“vippasannāni kho te, āvuso, indriyāni, parisuddho chavivaṇṇo pariyodāto.
pli-tv-kd1:23.3.8	Kaṁsi tvaṁ, āvuso, uddissa pabbajito, ko vā te satthā, kassa vā tvaṁ dhammaṁ rocesī”ti?
pli-tv-kd1:23.4.1	“Atthāvuso, mahāsamaṇo sakyaputto sakyakulā pabbajito, tāhaṁ bhagavantaṁ uddissa pabbajito, so ca me bhagavā satthā, tassa cāhaṁ bhagavato dhammaṁ rocemī”ti.
pli-tv-kd1:23.4.2	“Kiṁvādī panāyasmato satthā, kimakkhāyī”ti?
pli-tv-kd1:23.4.3	“Ahaṁ kho, āvuso, navo acirapabbajito, adhunāgato imaṁ dhammavinayaṁ, na tāhaṁ sakkomi vitthārena dhammaṁ desetuṁ, api ca te saṅkhittena atthaṁ vakkhāmī”ti.
pli-tv-kd1:23.4.4	Atha kho sāriputto paribbājako āyasmantaṁ assajiṁ etadavoca—
pli-tv-kd1:23.4.5	“hotu, āvuso—
pli-tv-kd1:23.4.6	Appaṁ vā bahuṁ vā bhāsassu,
pli-tv-kd1:23.4.7	Atthaṁyeva me brūhi;
pli-tv-kd1:23.4.8	Attheneva me attho,
pli-tv-kd1:23.4.9	Kiṁ kāhasi byañjanaṁ bahun”ti.
pli-tv-kd1:23.5.1	Atha kho āyasmā assaji sāriputtassa paribbājakassa imaṁ dhammapariyāyaṁ abhāsi—
pli-tv-kd1:23.5.2	“Ye dhammā hetuppabhavā,
pli-tv-kd1:23.5.3	Tesaṁ hetuṁ tathāgato āha;
pli-tv-kd1:23.5.4	Tesañca yo nirodho,
pli-tv-kd1:23.5.5	Evaṁvādī mahāsamaṇo”ti.
pli-tv-kd1:23.5.6	Atha kho sāriputtassa paribbājakassa imaṁ dhammapariyāyaṁ sutvā virajaṁ vītamalaṁ dhammacakkhuṁ udapādi—
pli-tv-kd1:23.5.7	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd1:23.5.8	“Eseva dhammo yadi tāvadeva,
pli-tv-kd1:23.5.9	Paccabyattha padamasokaṁ;
pli-tv-kd1:23.5.10	Adiṭṭhaṁ abbhatītaṁ,
pli-tv-kd1:23.5.11	Bahukehi kappanahutehī”ti.
pli-tv-kd1:23.6.1	Atha kho sāriputto paribbājako yena moggallāno paribbājako tenupasaṅkami.
pli-tv-kd1:23.6.2	Addasā kho moggallāno paribbājako sāriputtaṁ paribbājakaṁ dūratova āgacchantaṁ, disvāna sāriputtaṁ paribbājakaṁ etadavoca—
pli-tv-kd1:23.6.3	“vippasannāni kho te, āvuso, indriyāni, parisuddho chavivaṇṇo pariyodāto.
pli-tv-kd1:23.6.4	Kacci no tvaṁ, āvuso, amataṁ adhigato”ti?
pli-tv-kd1:23.6.5	“Āmāvuso, amataṁ adhigato”ti.
pli-tv-kd1:23.6.6	“Yathākathaṁ pana tvaṁ, āvuso, amataṁ adhigato”ti?
pli-tv-kd1:23.7.1	“Idhāhaṁ, āvuso, addasaṁ assajiṁ bhikkhuṁ rājagahe piṇḍāya carantaṁ pāsādikena abhikkantena paṭikkantena ālokitena vilokitena samiñjitena pasāritena okkhittacakkhuṁ iriyāpathasampannaṁ.
pli-tv-kd1:23.7.2	Disvāna me etadahosi—
pli-tv-kd1:23.7.3	‘ye vata loke arahanto vā arahattamaggaṁ vā samāpannā, ayaṁ tesaṁ bhikkhu aññataro.
pli-tv-kd1:23.7.4	Yannūnāhaṁ imaṁ bhikkhuṁ upasaṅkamitvā puccheyyaṁ—
pli-tv-kd1:23.7.5	kaṁsi tvaṁ, āvuso, uddissa pabbajito, ko vā te satthā, kassa vā tvaṁ dhammaṁ rocesī’ti.
pli-tv-kd1:23.8.1	Tassa mayhaṁ, āvuso, etadahosi—
pli-tv-kd1:23.8.2	‘akālo kho imaṁ bhikkhuṁ pucchituṁ antaragharaṁ paviṭṭho piṇḍāya carati, yannūnāhaṁ imaṁ bhikkhuṁ piṭṭhito piṭṭhito anubandheyyaṁ atthikehi upaññātaṁ maggan’ti.
pli-tv-kd1:23.8.3	Atha kho, āvuso, assaji bhikkhu rājagahe piṇḍāya caritvā piṇḍapātaṁ ādāya paṭikkami.
pli-tv-kd1:23.8.4	Atha khvāhaṁ, āvuso, yena assaji bhikkhu tenupasaṅkamiṁ, upasaṅkamitvā assajinā bhikkhunā saddhiṁ sammodiṁ, sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsiṁ.
pli-tv-kd1:23.8.5	Ekamantaṁ ṭhito kho ahaṁ, āvuso, assajiṁ bhikkhuṁ etadavocaṁ—
pli-tv-kd1:23.8.6	‘vippasannāni kho te, āvuso, indriyāni, parisuddho chavivaṇṇo pariyodāto.
pli-tv-kd1:23.9.1	Kaṁsi tvaṁ, āvuso, uddissa pabbajito, ko vā te satthā, kassa vā tvaṁ dhammaṁ rocesī’ti?
pli-tv-kd1:23.9.2	‘Atthāvuso, mahāsamaṇo sakyaputto sakyakulā pabbajito, tāhaṁ bhagavantaṁ uddissa pabbajito, so ca me bhagavā satthā, tassa cāhaṁ bhagavato dhammaṁ rocemī’ti.
pli-tv-kd1:23.9.3	‘Kiṁvādī panāyasmato satthā kimakkhāyī’ti.
pli-tv-kd1:23.9.4	‘Ahaṁ kho, āvuso, navo acirapabbajito adhunāgato imaṁ dhammavinayaṁ, na tāhaṁ sakkomi vitthārena dhammaṁ desetuṁ, api ca te saṅkhittena atthaṁ vakkhāmī’ti.
pli-tv-kd1:23.9.5	Atha khvāhaṁ, āvuso, assajiṁ bhikkhuṁ etadavocaṁ—
pli-tv-kd1:23.9.6	‘hotu, āvuso,
pli-tv-kd1:23.9.7	Appaṁ vā bahuṁ vā bhāsassu,
pli-tv-kd1:23.9.8	Atthaṁyeva me brūhi;
pli-tv-kd1:23.9.9	Attheneva me attho,
pli-tv-kd1:23.9.10	Kiṁ kāhasi byañjanaṁ bahun’ti.
pli-tv-kd1:23.10.1	Atha kho, āvuso, assaji bhikkhu imaṁ dhammapariyāyaṁ abhāsi—
pli-tv-kd1:23.10.2	‘Ye dhammā hetuppabhavā,
pli-tv-kd1:23.10.3	Tesaṁ hetuṁ tathāgato āha;
pli-tv-kd1:23.10.4	Tesañca yo nirodho,
pli-tv-kd1:23.10.5	Evaṁvādī mahāsamaṇo’”ti.
pli-tv-kd1:23.10.6	Atha kho moggallānassa paribbājakassa imaṁ dhammapariyāyaṁ sutvā virajaṁ vītamalaṁ dhammacakkhuṁ udapādi—
pli-tv-kd1:23.10.7	“yaṁ kiñci samudayadhammaṁ sabbaṁ taṁ nirodhadhammanti.
pli-tv-kd1:23.10.8	Eseva dhammo yadi tāvadeva,
pli-tv-kd1:23.10.9	Paccabyattha padamasokaṁ;
pli-tv-kd1:23.10.10	Adiṭṭhaṁ abbhatītaṁ,
pli-tv-kd1:23.10.11	Bahukehi kappanahutehī”ti.
pli-tv-kd1:24.1.1	Atha kho moggallāno paribbājako sāriputtaṁ paribbājakaṁ etadavoca—
pli-tv-kd1:24.1.2	“gacchāma mayaṁ, āvuso, bhagavato santike, so no bhagavā satthā”ti.
pli-tv-kd1:24.1.3	“Imāni kho, āvuso, aḍḍhateyyāni paribbājakasatāni amhe nissāya amhe sampassantā idha viharanti, tepi tāva apalokema.
pli-tv-kd1:24.1.4	Yathā te maññissanti, tathā te karissantī”ti.
pli-tv-kd1:24.1.5	Atha kho sāriputtamoggallānā yena te paribbājakā tenupasaṅkamiṁsu, upasaṅkamitvā te paribbājake etadavocuṁ—
pli-tv-kd1:24.1.6	“gacchāma mayaṁ, āvuso, bhagavato santike, so no bhagavā satthā”ti.
pli-tv-kd1:24.1.7	“Mayaṁ āyasmante nissāya āyasmante sampassantā idha viharāma, sace āyasmantā mahāsamaṇe brahmacariyaṁ carissanti, sabbeva mayaṁ mahāsamaṇe brahmacariyaṁ carissāmā”ti.
pli-tv-kd1:24.2.1	Atha kho sāriputtamoggallānā yena sañcayo paribbājako tenupasaṅkamiṁsu, upasaṅkamitvā sañcayaṁ paribbājakaṁ etadavocuṁ—
pli-tv-kd1:24.2.2	“gacchāma mayaṁ, āvuso, bhagavato santike, so no bhagavā satthā”ti.
pli-tv-kd1:24.2.3	“Alaṁ, āvuso, mā agamittha, sabbeva tayo imaṁ gaṇaṁ pariharissāmā”ti.
pli-tv-kd1:24.2.4	Dutiyampi kho …pe…
pli-tv-kd1:24.2.5	tatiyampi kho sāriputtamoggallānā sañcayaṁ paribbājakaṁ etadavocuṁ—
pli-tv-kd1:24.2.6	“gacchāma mayaṁ, āvuso, bhagavato santike, so no bhagavā satthā”ti.
pli-tv-kd1:24.2.7	“Alaṁ, āvuso, mā agamittha, sabbeva tayo imaṁ gaṇaṁ pariharissāmā”ti.
pli-tv-kd1:24.3.1	Atha kho sāriputtamoggallānā tāni aḍḍhateyyāni paribbājakasatāni ādāya yena veḷuvanaṁ tenupasaṅkamiṁsu.
pli-tv-kd1:24.3.2	Sañcayassa pana paribbājakassa tattheva uṇhaṁ lohitaṁ mukhato uggañchi.
pli-tv-kd1:24.3.3	Addasā kho bhagavā sāriputtamoggallāne dūratova āgacchante, disvāna bhikkhū āmantesi—
pli-tv-kd1:24.3.4	“ete, bhikkhave, dve sahāyakā āgacchanti, kolito upatisso ca.
pli-tv-kd1:24.3.5	Etaṁ me sāvakayugaṁ bhavissati aggaṁ bhaddayugan”ti.
pli-tv-kd1:24.3.6	Gambhīre ñāṇavisaye,
pli-tv-kd1:24.3.7	Anuttare upadhisaṅkhaye;
pli-tv-kd1:24.3.8	Vimutte appatte veḷuvanaṁ,
pli-tv-kd1:24.3.9	Atha ne satthā byākāsi.
pli-tv-kd1:24.3.10	“Ete dve sahāyakā,
pli-tv-kd1:24.3.11	Āgacchanti kolito upatisso ca;
pli-tv-kd1:24.3.12	Etaṁ me sāvakayugaṁ,
pli-tv-kd1:24.3.13	Bhavissati aggaṁ bhaddayugan”ti.
pli-tv-kd1:24.4.1	Atha kho sāriputtamoggallānā yena bhagavā tenupasaṅkamiṁsu, upasaṅkamitvā bhagavato pādesu sirasā nipatitvā bhagavantaṁ etadavocuṁ—
pli-tv-kd1:24.4.2	“labheyyāma mayaṁ, bhante, bhagavato santike pabbajjaṁ, labheyyāma upasampadan”ti.
pli-tv-kd1:24.4.3	“Etha bhikkhavo”ti bhagavā avoca—
pli-tv-kd1:24.4.4	“svākkhāto dhammo, caratha brahmacariyaṁ sammā dukkhassa antakiriyāyā”ti.
pli-tv-kd1:24.4.5	Sāva tesaṁ āyasmantānaṁ upasampadā ahosi.
pli-tv-kd1:24.5.0	14.1. Abhiññātānaṁpabbajjā
pli-tv-kd1:24.5.1	Tena kho pana samayena abhiññātā abhiññātā māgadhikā kulaputtā bhagavati brahmacariyaṁ caranti.
pli-tv-kd1:24.5.2	Manussā ujjhāyanti khiyyanti vipācenti—
pli-tv-kd1:24.5.3	“aputtakatāya paṭipanno samaṇo gotamo, vedhabyāya paṭipanno samaṇo gotamo, kulupacchedāya paṭipanno samaṇo gotamo, idāni anena jaṭilasahassaṁ pabbājitaṁ, imāni ca aḍḍhateyyāni paribbājakasatāni sañcayāni pabbājitāni.
pli-tv-kd1:24.5.4	Ime ca abhiññātā abhiññātā māgadhikā kulaputtā samaṇe gotame brahmacariyaṁ carantī”ti.
pli-tv-kd1:24.5.5	Apissu bhikkhū disvā imāya gāthāya codenti—
pli-tv-kd1:24.5.6	“Āgato kho mahāsamaṇo,
pli-tv-kd1:24.5.7	māgadhānaṁ giribbajaṁ;
pli-tv-kd1:24.5.8	Sabbe sañcaye netvāna,
pli-tv-kd1:24.5.9	kaṁsu dāni nayissatī”ti.
pli-tv-kd1:24.6.1	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd1:24.6.2	Atha kho te bhikkhū bhagavato etamatthaṁ ārocesuṁ …pe…
pli-tv-kd1:24.6.3	“na, bhikkhave, so saddo ciraṁ bhavissati, sattāhameva bhavissati, sattāhassa accayena antaradhāyissati.
pli-tv-kd1:24.6.4	Tena hi, bhikkhave, ye tumhe imāya gāthāya codenti—
pli-tv-kd1:24.6.5	‘Āgato kho mahāsamaṇo,
pli-tv-kd1:24.6.6	māgadhānaṁ giribbajaṁ;
pli-tv-kd1:24.6.7	Sabbe sañcaye netvāna,
pli-tv-kd1:24.6.8	kaṁsu dāni nayissatī’ti.
pli-tv-kd1:24.6.9	Te tumhe imāya gāthāya paṭicodetha—
pli-tv-kd1:24.6.10	‘Nayanti ve mahāvīrā,
pli-tv-kd1:24.6.11	saddhammena tathāgatā;
pli-tv-kd1:24.6.12	Dhammena nayamānānaṁ,
pli-tv-kd1:24.6.13	kā usūyā vijānatan’”ti.
pli-tv-kd1:24.7.1	Tena kho pana samayena manussā bhikkhū disvā imāya gāthāya codenti—
pli-tv-kd1:24.7.2	“Āgato kho mahāsamaṇo,
pli-tv-kd1:24.7.3	māgadhānaṁ giribbajaṁ;
pli-tv-kd1:24.7.4	Sabbe sañcaye netvāna,
pli-tv-kd1:24.7.5	kaṁsu dāni nayissatī”ti.
pli-tv-kd1:24.7.6	Bhikkhū te manusse imāya gāthāya paṭicodenti—
pli-tv-kd1:24.7.7	“Nayanti ve mahāvīrā,
pli-tv-kd1:24.7.8	saddhammena tathāgatā;
pli-tv-kd1:24.7.9	Dhammena nayamānānaṁ,
pli-tv-kd1:24.7.10	kā usūyā vijānatan”ti.
pli-tv-kd1:24.7.11	Manussā dhammena kira samaṇā sakyaputtiyā nenti no adhammenāti sattāhameva so saddo ahosi, sattāhassa accayena antaradhāyi.
pli-tv-kd1:24.7.12	Sāriputtamoggallānapabbajjākathā niṭṭhitā.
pli-tv-kd1:24.7.13	Catutthabhāṇavāro niṭṭhito.
pli-tv-kd1:25.1.0	15. Upajjhāyavattakathā
pli-tv-kd1:25.1.1	Tena kho pana samayena bhikkhū anupajjhāyakā anācariyakā anovadiyamānā ananusāsiyamānā dunnivatthā duppārutā anākappasampannā piṇḍāya caranti;
pli-tv-kd1:25.1.2	manussānaṁ bhuñjamānānaṁ uparibhojanepi uttiṭṭhapattaṁ upanāmenti, uparikhādanīyepi uttiṭṭhapattaṁ upanāmenti, uparisāyanīyepi uttiṭṭhapattaṁ upanāmenti, uparipānīyepi uttiṭṭhapattaṁ upanāmenti;
pli-tv-kd1:25.1.3	sāmaṁ sūpampi odanampi viññāpetvā bhuñjanti;
pli-tv-kd1:25.1.4	bhattaggepi uccāsaddā mahāsaddā viharanti.
pli-tv-kd1:25.2.1	Manussā ujjhāyanti khiyyanti vipācenti—
pli-tv-kd1:25.2.2	“kathañhi nāma samaṇā sakyaputtiyā dunnivatthā duppārutā anākappasampannā piṇḍāya carissanti;
pli-tv-kd1:25.2.3	manussānaṁ bhuñjamānānaṁ, uparibhojanepi uttiṭṭhapattaṁ upanāmessanti, uparikhādanīyepi uttiṭṭhapattaṁ upanāmessanti, uparisāyanīyepi uttiṭṭhapattaṁ upanāmessanti, uparipānīyepi uttiṭṭhapattaṁ upanāmessanti;
pli-tv-kd1:25.2.4	sāmaṁ sūpampi odanampi viññāpetvā bhuñjissanti;
pli-tv-kd1:25.2.5	bhattaggepi uccāsaddā mahāsaddā viharissanti seyyathāpi brāhmaṇā brāhmaṇabhojane”ti.
pli-tv-kd1:25.3.1	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd1:25.3.2	Ye te bhikkhū appicchā santuṭṭhā lajjino kukkuccakā sikkhākāmā, te ujjhāyanti khiyyanti vipācenti—
pli-tv-kd1:25.3.3	“kathañhi nāma bhikkhū dunnivatthā duppārutā anākappasampannā piṇḍāya carissanti;
pli-tv-kd1:25.3.4	manussānaṁ bhuñjamānānaṁ, uparibhojanepi uttiṭṭhapattaṁ upanāmessanti, uparikhādanīyepi uttiṭṭhapattaṁ upanāmessanti, uparisāyanīyepi uttiṭṭhapattaṁ upanāmessanti, uparipānīyepi uttiṭṭhapattaṁ upanāmessanti;
pli-tv-kd1:25.3.5	sāmaṁ sūpampi odanampi viññāpetvā bhuñjissanti;
pli-tv-kd1:25.3.6	bhattaggepi uccāsaddā mahāsaddā viharissantī”ti.
pli-tv-kd1:25.4.1	Atha kho te bhikkhū …pe…
pli-tv-kd1:25.4.2	bhagavato etamatthaṁ ārocesuṁ.
pli-tv-kd1:25.4.3	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd1:25.4.4	“saccaṁ kira, bhikkhave, bhikkhū dunnivatthā duppārutā anākappasampannā piṇḍāya caranti, manussānaṁ bhuñjamānānaṁ uparibhojanepi uttiṭṭhapattaṁ upanāmenti, uparikhādanīyepi uttiṭṭhapattaṁ upanāmenti, uparisāyanīyepi uttiṭṭhapattaṁ upanāmenti, uparipānīyepi uttiṭṭhapattaṁ upanāmenti, sāmaṁ sūpampi odanampi viññāpetvā bhuñjanti, bhattaggepi uccāsaddā mahāsaddā viharantī”ti?
pli-tv-kd1:25.4.5	“Saccaṁ, bhagavā”ti.
pli-tv-kd1:25.5.1	Vigarahi buddho bhagavā—
pli-tv-kd1:25.5.2	“ananucchavikaṁ, bhikkhave, tesaṁ moghapurisānaṁ ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd1:25.5.3	Kathañhi nāma te, bhikkhave, moghapurisā dunnivatthā duppārutā anākappasampannā piṇḍāya carissanti, manussānaṁ bhuñjamānānaṁ uparibhojanepi uttiṭṭhapattaṁ upanāmessanti, uparikhādanīyepi uttiṭṭhapattaṁ upanāmessanti, uparisāyanīyepi uttiṭṭhapattaṁ upanāmessanti, uparipānīyepi uttiṭṭhapattaṁ upanāmessanti, sāmaṁ sūpampi odanampi viññāpetvā bhuñjissanti, bhattaggepi uccāsaddā mahāsaddā viharissanti.
pli-tv-kd1:25.5.4	Netaṁ, bhikkhave, appasannānaṁ vā pasādāya, pasannānaṁ vā bhiyyobhāvāya.
pli-tv-kd1:25.5.5	Atha khvetaṁ, bhikkhave, appasannānañceva appasādāya, pasannānañca ekaccānaṁ aññathattāyā”ti.
pli-tv-kd1:25.6.1	Atha kho bhagavā te bhikkhū anekapariyāyena vigarahitvā dubbharatāya dupposatāya mahicchatāya asantuṭṭhitāya saṅgaṇikāya kosajjassa avaṇṇaṁ bhāsitvā anekapariyāyena subharatāya suposatāya appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇaṁ bhāsitvā bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi—
pli-tv-kd1:25.6.2	“Anujānāmi, bhikkhave, upajjhāyaṁ.
pli-tv-kd1:25.6.3	Upajjhāyo, bhikkhave, saddhivihārikamhi puttacittaṁ upaṭṭhapessati, saddhivihāriko upajjhāyamhi pitucittaṁ upaṭṭhapessati.
pli-tv-kd1:25.6.4	Evaṁ te aññamaññaṁ sagāravā sappatissā sabhāgavuttino viharantā imasmiṁ dhammavinaye vuḍḍhiṁ viruḷhiṁ vepullaṁ āpajjissanti.
pli-tv-kd1:25.7.1	Evañca pana, bhikkhave, upajjhāyo gahetabbo—
pli-tv-kd1:25.7.2	ekaṁsaṁ uttarāsaṅgaṁ karitvā pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd1:25.7.3	‘upajjhāyo me, bhante, hohi;
pli-tv-kd1:25.7.4	upajjhāyo me, bhante, hohi;
pli-tv-kd1:25.7.5	upajjhāyo me, bhante, hohī’ti.
pli-tv-kd1:25.7.6	Sāhūti vā lahūti vā opāyikanti vā patirūpanti vā pāsādikena sampādehīti vā kāyena viññāpeti, vācāya viññāpeti, kāyena vācāya viññāpeti, gahito hoti upajjhāyo;
pli-tv-kd1:25.7.7	na kāyena viññāpeti, na vācāya viññāpeti, na kāyena vācāya viññāpeti, na gahito hoti upajjhāyo.
pli-tv-kd1:25.8.1	Saddhivihārikena, bhikkhave, upajjhāyamhi sammā vattitabbaṁ.
pli-tv-kd1:25.8.2	Tatrāyaṁ sammāvattanā—
pli-tv-kd1:25.8.3.0	
pli-tv-kd1:25.8.3.1	Kālasseva vuṭṭhāya upāhanā omuñcitvā ekaṁsaṁ uttarāsaṅgaṁ karitvā dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd1:25.8.4	Sace yāgu hoti, bhājanaṁ dhovitvā yāgu upanāmetabbā.
pli-tv-kd1:25.8.5	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd1:25.8.6	Upajjhāyamhi vuṭṭhite āsanaṁ uddharitabbaṁ.
pli-tv-kd1:25.8.7	Sace so deso uklāpo hoti, so deso sammajjitabbo.
pli-tv-kd1:25.9.1	Sace upajjhāyo gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd1:25.9.2	Sace upajjhāyo pacchāsamaṇaṁ ākaṅkhati, timaṇḍalaṁ paṭicchādentena parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā pattaṁ gahetvā upajjhāyassa pacchāsamaṇena hotabbaṁ.
pli-tv-kd1:25.10.1	Nātidūre gantabbaṁ, nāccāsanne gantabbaṁ, pattapariyāpannaṁ paṭiggahetabbaṁ.
pli-tv-kd1:25.10.2	Na upajjhāyassa bhaṇamānassa antarantarā kathā opātetabbā.
pli-tv-kd1:25.10.3	Upajjhāyo āpattisāmantā bhaṇamāno nivāretabbo.
pli-tv-kd1:25.10.4	Nivattantena paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd1:25.10.5	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ;
pli-tv-kd1:25.10.6	cīvaraṁ saṅgharitabbaṁ, cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd1:25.10.7	mā majjhe bhaṅgo ahosīti.
pli-tv-kd1:25.10.8	Obhoge kāyabandhanaṁ kātabbaṁ.
pli-tv-kd1:25.10.9	Sace piṇḍapāto hoti, upajjhāyo ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd1:25.11.1	Upajjhāyo pānīyena pucchitabbo.
pli-tv-kd1:25.11.2	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo, na ca uṇhe patto nidahitabbo.
pli-tv-kd1:25.11.3	Pattacīvaraṁ nikkhipitabbaṁ.
pli-tv-kd1:25.11.4	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:25.11.5	Na ca anantarahitāya bhūmiyā patto nikkhipitabbo.
pli-tv-kd1:25.11.6	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:25.11.7	Upajjhāyamhi vuṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd1:25.11.8	Sace so deso uklāpo hoti, so deso sammajjitabbo.
pli-tv-kd1:25.12.0	
pli-tv-kd1:25.12.1	Sace upajjhāyo nahāyitukāmo hoti, nahānaṁ paṭiyādetabbaṁ.
pli-tv-kd1:25.12.2	Sace sītena attho hoti, sītaṁ paṭiyādetabbaṁ.
pli-tv-kd1:25.12.3	Sace uṇhena attho hoti, uṇhaṁ paṭiyādetabbaṁ.
pli-tv-kd1:25.12.4	Sace upajjhāyo jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya upajjhāyassa piṭṭhito piṭṭhito gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd1:25.12.5	Sace ussahati, jantāgharaṁ pavisitabbaṁ.
pli-tv-kd1:25.12.6	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd1:25.13.1	Na there bhikkhū anupakhajja nisīditabbaṁ.
pli-tv-kd1:25.13.2	Na navā bhikkhū āsanena paṭibāhitabbā.
pli-tv-kd1:25.13.3	Jantāghare upajjhāyassa parikammaṁ kātabbaṁ.
pli-tv-kd1:25.13.4	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd1:25.13.5	Udakepi upajjhāyassa parikammaṁ kātabbaṁ.
pli-tv-kd1:25.13.6	Nahātena paṭhamataraṁ uttaritvā attano gattaṁ vodakaṁ katvā nivāsetvā upajjhāyassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā, jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, upajjhāyo pānīyena pucchitabbo.
pli-tv-kd1:25.14.1	Sace uddisāpetukāmo hoti, uddisitabbo.
pli-tv-kd1:25.14.2	Sace paripucchitukāmo hoti, paripucchitabbo.
pli-tv-kd1:25.14.3.0	
pli-tv-kd1:25.14.3.1	Yasmiṁ vihāre upajjhāyo viharati, sace so vihāro uklāpo hoti, sace ussahati, sodhetabbo.
pli-tv-kd1:25.14.4	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ.
pli-tv-kd1:25.14.5	Nisīdanapaccattharaṇaṁ nīharitvā ekamantaṁ nikkhipitabbaṁ.
pli-tv-kd1:25.14.6	Bhisibibbohanaṁ nīharitvā ekamantaṁ nikkhipitabbaṁ.
pli-tv-kd1:25.15.1	Mañco nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo.
pli-tv-kd1:25.15.2	Pīṭhaṁ nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbaṁ.
pli-tv-kd1:25.15.3	Mañcapaṭipādakā nīharitvā ekamantaṁ nikkhipitabbā.
pli-tv-kd1:25.15.4	Kheḷamallako nīharitvā ekamantaṁ nikkhipitabbo.
pli-tv-kd1:25.15.5	Apassenaphalakaṁ nīharitvā ekamantaṁ nikkhipitabbaṁ.
pli-tv-kd1:25.15.6	Bhūmattharaṇaṁ yathāpaññattaṁ sallakkhetvā nīharitvā ekamantaṁ nikkhipitabbaṁ.
pli-tv-kd1:25.15.7	Sace vihāre santānakaṁ hoti, ullokā paṭhamaṁ ohāretabbaṁ, ālokasandhikaṇṇabhāgā pamajjitabbā.
pli-tv-kd1:25.15.8	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:25.15.9	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:25.15.10	Sace akatā hoti bhūmi, udakena paripphositvā sammajjitabbā—
pli-tv-kd1:25.15.11	mā vihāro rajena uhaññīti.
pli-tv-kd1:25.15.12	Saṅkāraṁ vicinitvā ekamantaṁ chaḍḍetabbaṁ.
pli-tv-kd1:25.16.1	Bhūmattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:25.16.2	Mañcapaṭipādakā otāpetvā pamajjitvā atiharitvā yathāṭhāne ṭhapetabbā.
pli-tv-kd1:25.16.3	Mañco otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbo.
pli-tv-kd1:25.16.4	Pīṭhaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbaṁ.
pli-tv-kd1:25.16.5	Bhisibibbohanaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:25.16.6	Nisīdanapaccattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:25.16.7	Kheḷamallako otāpetvā pamajjitvā atiharitvā yathāṭhāne ṭhapetabbo.
pli-tv-kd1:25.16.8	Apassenaphalakaṁ otāpetvā pamajjitvā atiharitvā yathāṭhāne ṭhapetabbaṁ.
pli-tv-kd1:25.17.1	Pattacīvaraṁ nikkhipitabbaṁ.
pli-tv-kd1:25.17.2	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:25.17.3	Na ca anantarahitāya bhūmiyā patto nikkhipitabbo.
pli-tv-kd1:25.17.4	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:25.18.1	Sace puratthimā sarajā vātā vāyanti, puratthimā vātapānā thaketabbā.
pli-tv-kd1:25.18.2	Sace pacchimā sarajā vātā vāyanti, pacchimā vātapānā thaketabbā.
pli-tv-kd1:25.18.3	Sace uttarā sarajā vātā vāyanti, uttarā vātapānā thaketabbā.
pli-tv-kd1:25.18.4	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd1:25.18.5	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd1:25.18.6	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd1:25.19.1	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd1:25.19.2	Sace koṭṭhako uklāpo hoti, koṭṭhako sammajjitabbo.
pli-tv-kd1:25.19.3	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd1:25.19.4	Sace aggisālā uklāpā hoti, aggisālā sammajjitabbā.
pli-tv-kd1:25.19.5	Sace vaccakuṭi uklāpā hoti, vaccakuṭi sammajjitabbā.
pli-tv-kd1:25.19.6	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd1:25.19.7	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd1:25.19.8	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd1:25.20.0	
pli-tv-kd1:25.20.1	Sace upajjhāyassa anabhirati uppannā hoti, saddhivihārikena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd1:25.20.2	Sace upajjhāyassa kukkuccaṁ uppannaṁ hoti, saddhivihārikena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd1:25.20.3	Sace upajjhāyassa diṭṭhigataṁ uppannaṁ hoti, saddhivihārikena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd1:25.21.1	Sace upajjhāyo garudhammaṁ ajjhāpanno hoti parivāsāraho, saddhivihārikena ussukkaṁ kātabbaṁ—
pli-tv-kd1:25.21.2	kinti nu kho saṅgho upajjhāyassa parivāsaṁ dadeyyāti.
pli-tv-kd1:25.21.3	Sace upajjhāyo mūlāyapaṭikassanāraho hoti, saddhivihārikena ussukkaṁ kātabbaṁ—
pli-tv-kd1:25.21.4	kinti nu kho saṅgho upajjhāyaṁ mūlāya paṭikasseyyāti.
pli-tv-kd1:25.21.5	Sace upajjhāyo mānattāraho hoti, saddhivihārikena ussukkaṁ kātabbaṁ—
pli-tv-kd1:25.21.6	kinti nu kho saṅgho upajjhāyassa mānattaṁ dadeyyāti.
pli-tv-kd1:25.21.7	Sace upajjhāyo abbhānāraho hoti, saddhivihārikena ussukkaṁ kātabbaṁ—
pli-tv-kd1:25.21.8	kinti nu kho saṅgho upajjhāyaṁ abbheyyāti.
pli-tv-kd1:25.22.1	Sace saṅgho upajjhāyassa kammaṁ kattukāmo hoti tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, saddhivihārikena ussukkaṁ kātabbaṁ—
pli-tv-kd1:25.22.2	kinti nu kho saṅgho upajjhāyassa kammaṁ na kareyya lahukāya vā pariṇāmeyyāti.
pli-tv-kd1:25.22.3	Kataṁ vā panassa hoti saṅghena kammaṁ tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, saddhivihārikena ussukkaṁ kātabbaṁ—
pli-tv-kd1:25.22.4	kinti nu kho upajjhāyo sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd1:25.23.1	Sace upajjhāyassa cīvaraṁ dhovitabbaṁ hoti, saddhivihārikena dhovitabbaṁ, ussukkaṁ vā kātabbaṁ—
pli-tv-kd1:25.23.2	kinti nu kho upajjhāyassa cīvaraṁ dhoviyethāti.
pli-tv-kd1:25.23.3	Sace upajjhāyassa cīvaraṁ kātabbaṁ hoti, saddhivihārikena kātabbaṁ, ussukkaṁ vā kātabbaṁ—
pli-tv-kd1:25.23.4	kinti nu kho upajjhāyassa cīvaraṁ kariyethāti.
pli-tv-kd1:25.23.5	Sace upajjhāyassa rajanaṁ pacitabbaṁ hoti, saddhivihārikena pacitabbaṁ, ussukkaṁ vā kātabbaṁ—
pli-tv-kd1:25.23.6	kinti nu kho upajjhāyassa rajanaṁ paciyethāti.
pli-tv-kd1:25.23.7	Sace upajjhāyassa cīvaraṁ rajitabbaṁ hoti, saddhivihārikena rajitabbaṁ, ussukkaṁ vā kātabbaṁ—
pli-tv-kd1:25.23.8	kinti nu kho upajjhāyassa cīvaraṁ rajiyethāti.
pli-tv-kd1:25.23.9	Cīvaraṁ rajantena sādhukaṁ samparivattakaṁ samparivattakaṁ rajitabbaṁ, na ca acchinne theve pakkamitabbaṁ.
pli-tv-kd1:25.24.1	Na upajjhāyaṁ anāpucchā ekaccassa patto dātabbo, na ekaccassa patto paṭiggahetabbo;
pli-tv-kd1:25.24.2	na ekaccassa cīvaraṁ dātabbaṁ, na ekaccassa cīvaraṁ paṭiggahetabbaṁ;
pli-tv-kd1:25.24.3	na ekaccassa parikkhāro dātabbo, na ekaccassa parikkhāro paṭiggahetabbo;
pli-tv-kd1:25.24.4	na ekaccassa kesā chedetabbā, na ekaccena kesā chedāpetabbā;
pli-tv-kd1:25.24.5	na ekaccassa parikammaṁ kātabbaṁ, na ekaccena parikammaṁ kārāpetabbaṁ;
pli-tv-kd1:25.24.6	na ekaccassa veyyāvacco kātabbo, na ekaccena veyyāvacco kārāpetabbo;
pli-tv-kd1:25.24.7	na ekaccassa pacchāsamaṇena hotabbaṁ, na ekacco pacchāsamaṇo ādātabbo;
pli-tv-kd1:25.24.8	na ekaccassa piṇḍapāto nīharitabbo, na ekaccena piṇḍapāto nīharāpetabbo;
pli-tv-kd1:25.24.9	na upajjhāyaṁ anāpucchā gāmo pavisitabbo;
pli-tv-kd1:25.24.10	na susānaṁ gantabbaṁ;
pli-tv-kd1:25.24.11	na disā pakkamitabbā.
pli-tv-kd1:25.24.12	Sace upajjhāyo gilāno hoti, yāvajīvaṁ upaṭṭhātabbo;
pli-tv-kd1:25.24.13	vuṭṭhānamassa āgametabban”ti.
pli-tv-kd1:25.24.14	Upajjhāyavattaṁ niṭṭhitaṁ.
pli-tv-kd1:26.1.0	16. Saddhivihārikavattakathā
pli-tv-kd1:26.1.1	“Upajjhāyena, bhikkhave, saddhivihārikamhi sammā vattitabbaṁ.
pli-tv-kd1:26.1.2	Tatrāyaṁ sammāvattanā—
pli-tv-kd1:26.1.3	Upajjhāyena, bhikkhave, saddhivihāriko saṅgahetabbo anuggahetabbo uddesena paripucchāya ovādena anusāsaniyā.
pli-tv-kd1:26.1.4	Sace upajjhāyassa patto hoti, saddhivihārikassa patto na hoti, upajjhāyena saddhivihārikassa patto dātabbo, ussukkaṁ vā kātabbaṁ—
pli-tv-kd1:26.1.5	kinti nu kho saddhivihārikassa patto uppajjiyethāti.
pli-tv-kd1:26.1.6	Sace upajjhāyassa cīvaraṁ hoti, saddhivihārikassa cīvaraṁ na hoti, upajjhāyena saddhivihārikassa cīvaraṁ dātabbaṁ, ussukkaṁ vā kātabbaṁ—
pli-tv-kd1:26.1.7	kinti nu kho saddhivihārikassa cīvaraṁ uppajjiyethāti.
pli-tv-kd1:26.1.8	Sace upajjhāyassa parikkhāro hoti, saddhivihārikassa parikkhāro na hoti, upajjhāyena saddhivihārikassa parikkhāro dātabbo, ussukkaṁ vā kātabbaṁ—
pli-tv-kd1:26.1.9	kinti nu kho saddhivihārikassa parikkhāro uppajjiyethāti.
pli-tv-kd1:26.2.0	
pli-tv-kd1:26.2.1	Sace saddhivihāriko gilāno hoti, kālasseva uṭṭhāya dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd1:26.2.2	Sace yāgu hoti, bhājanaṁ dhovitvā yāgu upanāmetabbā.
pli-tv-kd1:26.2.3	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd1:26.2.4	Saddhivihārikamhi vuṭṭhite āsanaṁ uddharitabbaṁ.
pli-tv-kd1:26.2.5	Sace so deso uklāpo hoti, so deso sammajjitabbo.
pli-tv-kd1:26.3.1	Sace saddhivihāriko gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd1:26.3.2	Ettāvatā nivattissatīti āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd1:26.3.3	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ;
pli-tv-kd1:26.3.4	cīvaraṁ saṅgharitabbaṁ, cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd1:26.3.5	mā majjhe bhaṅgo ahosīti.
pli-tv-kd1:26.3.6	Obhoge kāyabandhanaṁ kātabbaṁ.
pli-tv-kd1:26.3.7	Sace piṇḍapāto hoti, saddhivihāriko ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd1:26.4.1	Saddhivihāriko pānīyena pucchitabbo.
pli-tv-kd1:26.4.2	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo, na ca uṇhe patto nidahitabbo.
pli-tv-kd1:26.4.3	Pattacīvaraṁ nikkhipitabbaṁ.
pli-tv-kd1:26.4.4	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:26.4.5	Na ca anantarahitāya bhūmiyā patto nikkhipitabbo.
pli-tv-kd1:26.4.6	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:26.4.7	Saddhivihārikamhi vuṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd1:26.4.8	Sace so deso uklāpo hoti, so deso sammajjitabbo.
pli-tv-kd1:26.5.0	
pli-tv-kd1:26.5.1	Sace saddhivihāriko nahāyitukāmo hoti, nahānaṁ paṭiyādetabbaṁ.
pli-tv-kd1:26.5.2	Sace sītena attho hoti, sītaṁ paṭiyādetabbaṁ.
pli-tv-kd1:26.5.3	Sace uṇhena attho hoti, uṇhaṁ paṭiyādetabbaṁ.
pli-tv-kd1:26.5.4	Sace saddhivihāriko jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd1:26.5.5	Sace ussahati, jantāgharaṁ pavisitabbaṁ.
pli-tv-kd1:26.5.6	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd1:26.6.1	Na there bhikkhū anupakhajja nisīditabbaṁ.
pli-tv-kd1:26.6.2	Na navā bhikkhū āsanena paṭibāhitabbā.
pli-tv-kd1:26.6.3	Jantāghare saddhivihārikassa parikammaṁ kātabbaṁ.
pli-tv-kd1:26.6.4	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd1:26.6.5	Udakepi saddhivihārikassa parikammaṁ kātabbaṁ.
pli-tv-kd1:26.6.6	Nahātena paṭhamataraṁ uttaritvā attano gattaṁ vodakaṁ katvā nivāsetvā saddhivihārikassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā.
pli-tv-kd1:26.6.7	Jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ.
pli-tv-kd1:26.6.8	Saddhivihāriko pānīyena pucchitabbo.
pli-tv-kd1:26.7.0	
pli-tv-kd1:26.7.1	Yasmiṁ vihāre saddhivihāriko viharati, sace so vihāro uklāpo hoti, sace ussahati, sodhetabbo.
pli-tv-kd1:26.7.2	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ;
pli-tv-kd1:26.7.3	nisīdanapaccattharaṇaṁ nīharitvā ekamantaṁ nikkhipitabbaṁ;
pli-tv-kd1:26.7.4	bhisibibbohanaṁ nīharitvā ekamantaṁ nikkhipitabbaṁ;
pli-tv-kd1:26.7.5	mañco nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo;
pli-tv-kd1:26.7.6	pīṭhaṁ nīcaṁ katvā sādhukaṁ appaṭighaṁsantena asaṅghaṭṭentena kavāṭapiṭṭhaṁ nīharitvā ekamantaṁ nikkhipitabbaṁ;
pli-tv-kd1:26.7.7	mañcapaṭipādakā nīharitvā ekamantaṁ nikkhipitabbā;
pli-tv-kd1:26.7.8	kheḷamallako nīharitvā ekamantaṁ nikkhipitabbo;
pli-tv-kd1:26.7.9	apassenaphalakaṁ nīharitvā ekamantaṁ nikkhipitabbaṁ;
pli-tv-kd1:26.7.10	bhūmattharaṇaṁ yathāpaññattaṁ sallakkhetvā nīharitvā ekamantaṁ nikkhipitabbaṁ.
pli-tv-kd1:26.7.11	Sace vihāre santānakaṁ hoti, ullokā paṭhamaṁ ohāretabbaṁ, ālokasandhikaṇṇabhāgā pamajjitabbā.
pli-tv-kd1:26.7.12	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:26.7.13	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:26.7.14	Sace akatā hoti bhūmi, udakena paripphositvā sammajjitabbā—
pli-tv-kd1:26.7.15	mā vihāro rajena uhaññīti.
pli-tv-kd1:26.7.16	Saṅkāraṁ vicinitvā ekamantaṁ chaḍḍetabbaṁ.
pli-tv-kd1:26.7.17	Bhūmattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:26.7.18	Mañcapaṭipādakā otāpetvā pamajjitvā atiharitvā yathāṭhāne ṭhapetabbā.
pli-tv-kd1:26.7.19	Mañco otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbo.
pli-tv-kd1:26.7.20	Pīṭhaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbaṁ.
pli-tv-kd1:26.7.21	Bhisibibbohanaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:26.7.22	Nisīdanapaccattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:26.7.23	Kheḷamallako otāpetvā pamajjitvā atiharitvā yathāṭhāne ṭhapetabbo.
pli-tv-kd1:26.7.24	Apassenaphalakaṁ otāpetvā pamajjitvā atiharitvā yathāṭhāne ṭhapetabbaṁ.
pli-tv-kd1:26.7.25	Pattacīvaraṁ nikkhipitabbaṁ.
pli-tv-kd1:26.7.26	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:26.7.27	Na ca anantarahitāya bhūmiyā patto nikkhipitabbo.
pli-tv-kd1:26.7.28	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:26.7.29	Sace puratthimā sarajā vātā vāyanti, puratthimā vātapānā thaketabbā.
pli-tv-kd1:26.7.30	Sace pacchimā sarajā vātā vāyanti, pacchimā vātapānā thaketabbā.
pli-tv-kd1:26.7.31	Sace uttarā sarajā vātā vāyanti, uttarā vātapānā thaketabbā.
pli-tv-kd1:26.7.32	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd1:26.7.33	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd1:26.7.34	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd1:26.7.35	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd1:26.7.36	Sace koṭṭhako uklāpo hoti, koṭṭhako sammajjitabbo.
pli-tv-kd1:26.7.37	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd1:26.7.38	Sace aggisālā uklāpā hoti, aggisālā sammajjitabbā.
pli-tv-kd1:26.7.39	Sace vaccakuṭi uklāpā hoti, vaccakuṭi sammajjitabbā.
pli-tv-kd1:26.7.40	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd1:26.7.41	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd1:26.7.42	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd1:26.8.0	
pli-tv-kd1:26.8.1	Sace saddhivihārikassa anabhirati uppannā hoti, upajjhāyena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd1:26.8.2	Sace saddhivihārikassa kukkuccaṁ uppannaṁ hoti, upajjhāyena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd1:26.8.3	Sace saddhivihārikassa diṭṭhigataṁ uppannaṁ hoti, upajjhāyena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd1:26.9.1	Sace saddhivihāriko garudhammaṁ ajjhāpanno hoti parivāsāraho, upajjhāyena ussukkaṁ kātabbaṁ—
pli-tv-kd1:26.9.2	kinti nu kho saṅgho saddhivihārikassa parivāsaṁ dadeyyāti.
pli-tv-kd1:26.9.3	Sace saddhivihāriko mūlāyapaṭikassanāraho hoti, upajjhāyena ussukkaṁ kātabbaṁ—
pli-tv-kd1:26.9.4	kinti nu kho saṅgho saddhivihārikaṁ mūlāya paṭikasseyyāti.
pli-tv-kd1:26.9.5	Sace saddhivihāriko mānattāraho hoti, upajjhāyena ussukkaṁ kātabbaṁ—
pli-tv-kd1:26.9.6	kinti nu kho saṅgho saddhivihārikassa mānattaṁ dadeyyāti.
pli-tv-kd1:26.9.7	Sace saddhivihāriko abbhānāraho hoti, upajjhāyena ussukkaṁ kātabbaṁ—
pli-tv-kd1:26.9.8	kinti nu kho saṅgho saddhivihārikaṁ abbheyyāti.
pli-tv-kd1:26.10.1	Sace saṅgho saddhivihārikassa kammaṁ kattukāmo hoti, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, upajjhāyena ussukkaṁ kātabbaṁ—
pli-tv-kd1:26.10.2	kinti nu kho saṅgho saddhivihārikassa kammaṁ na kareyya, lahukāya vā pariṇāmeyyāti.
pli-tv-kd1:26.10.3	Kataṁ vā panassa hoti saṅghena kammaṁ, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, upajjhāyena ussukkaṁ kātabbaṁ—
pli-tv-kd1:26.10.4	kinti nu kho saddhivihāriko sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd1:26.11.1	Sace saddhivihārikassa cīvaraṁ dhovitabbaṁ hoti, upajjhāyena ācikkhitabbaṁ evaṁ dhoveyyāsīti, ussukkaṁ vā kātabbaṁ—
pli-tv-kd1:26.11.2	kinti nu kho saddhivihārikassa cīvaraṁ dhoviyethāti.
pli-tv-kd1:26.11.3	Sace saddhivihārikassa cīvaraṁ kātabbaṁ hoti, upajjhāyena ācikkhitabbaṁ evaṁ kareyyāsīti, ussukkaṁ vā kātabbaṁ—
pli-tv-kd1:26.11.4	kinti nu kho saddhivihārikassa cīvaraṁ kariyethāti.
pli-tv-kd1:26.11.5	Sace saddhivihārikassa rajanaṁ pacitabbaṁ hoti, upajjhāyena ācikkhitabbaṁ evaṁ paceyyāsīti, ussukkaṁ vā kātabbaṁ—
pli-tv-kd1:26.11.6	kinti nu kho saddhivihārikassa rajanaṁ paciyethāti.
pli-tv-kd1:26.11.7	Sace saddhivihārikassa cīvaraṁ rajitabbaṁ hoti, upajjhāyena ācikkhitabbaṁ, evaṁ rajeyyāsīti, ussukkaṁ vā kātabbaṁ—
pli-tv-kd1:26.11.8	kinti nu kho saddhivihārikassa cīvaraṁ rajiyethāti.
pli-tv-kd1:26.11.9	Cīvaraṁ rajantena sādhukaṁ samparivattakaṁ samparivattakaṁ rajitabbaṁ.
pli-tv-kd1:26.11.10	Na ca acchinne theve pakkamitabbaṁ.
pli-tv-kd1:26.11.11	Sace saddhivihāriko gilāno hoti, yāvajīvaṁ upaṭṭhātabbo, vuṭṭhānamassa āgametabban”ti.
pli-tv-kd1:26.11.12	Saddhivihārikavattaṁ niṭṭhitaṁ.
pli-tv-kd1:27.1.0	17. Paṇāmitakathā
pli-tv-kd1:27.1.1	Tena kho pana samayena saddhivihārikā upajjhāyesu na sammā vattanti.
pli-tv-kd1:27.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd1:27.1.3	“kathañhi nāma saddhivihārikā upajjhāyesu na sammā vattissantī”ti.
pli-tv-kd1:27.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd1:27.1.5	“saccaṁ kira, bhikkhave, saddhivihārikā upajjhāyesu na sammā vattantī”ti?
pli-tv-kd1:27.1.6	“saccaṁ, bhagavā”ti.
pli-tv-kd1:27.1.7	Vigarahi buddho bhagavā …pe…
pli-tv-kd1:27.1.8	kathañhi nāma, bhikkhave, saddhivihārikā upajjhāyesu na sammā vattissantīti …pe…
pli-tv-kd1:27.1.9	vigarahitvā …pe…
pli-tv-kd1:27.1.10	dhammiṁ kathaṁ katvā bhikkhū āmantesi—
pli-tv-kd1:27.1.11	“na, bhikkhave, saddhivihārikena upajjhāyamhi na sammā vattitabbaṁ.
pli-tv-kd1:27.1.12	Yo na sammā vatteyya, āpatti dukkaṭassā”ti.
pli-tv-kd1:27.2.1	Neva sammā vattanti.
pli-tv-kd1:27.2.2	Bhagavato etamatthaṁ ārocesuṁ.
pli-tv-kd1:27.2.3	“Anujānāmi, bhikkhave, asammāvattantaṁ paṇāmetuṁ.
pli-tv-kd1:27.2.4	Evañca pana, bhikkhave, paṇāmetabbo—
pli-tv-kd1:27.2.5	‘paṇāmemi tan’ti vā, ‘māyidha paṭikkamī’ti vā, ‘nīhara te pattacīvaran’ti vā, ‘nāhaṁ tayā upaṭṭhātabbo’ti vā, kāyena viññāpeti, vācāya viññāpeti, kāyena vācāya viññāpeti, paṇāmito hoti saddhivihāriko;
pli-tv-kd1:27.2.6	na kāyena viññāpeti, na vācāya viññāpeti, na kāyena vācāya viññāpeti, na paṇāmito hoti saddhivihāriko”ti.
pli-tv-kd1:27.3.1	Tena kho pana samayena saddhivihārikā paṇāmitā na khamāpenti.
pli-tv-kd1:27.3.2	Bhagavato etamatthaṁ ārocesuṁ.
pli-tv-kd1:27.3.3	“Anujānāmi, bhikkhave, khamāpetun”ti.
pli-tv-kd1:27.3.4	Neva khamāpenti.
pli-tv-kd1:27.3.5	Bhagavato etamatthaṁ ārocesuṁ.
pli-tv-kd1:27.3.6	“Na, bhikkhave, paṇāmitena na khamāpetabbo.
pli-tv-kd1:27.3.7	Yo na khamāpeyya, āpatti dukkaṭassā”ti.
pli-tv-kd1:27.4.1	Tena kho pana samayena upajjhāyā khamāpiyamānā na khamanti.
pli-tv-kd1:27.4.2	Bhagavato etamatthaṁ ārocesuṁ.
pli-tv-kd1:27.4.3	“Anujānāmi, bhikkhave, khamitun”ti.
pli-tv-kd1:27.4.4	Neva khamanti.
pli-tv-kd1:27.4.5	Saddhivihārikā pakkamantipi vibbhamantipi titthiyesupi saṅkamanti.
pli-tv-kd1:27.4.6	Bhagavato etamatthaṁ ārocesuṁ.
pli-tv-kd1:27.4.7	Na, bhikkhave, khamāpiyamānena na khamitabbaṁ.
pli-tv-kd1:27.4.8	Yo na khameyya, āpatti dukkaṭassā”ti.
pli-tv-kd1:27.5.1	Tena kho pana samayena upajjhāyā sammāvattantaṁ paṇāmenti, asammāvattantaṁ na paṇāmenti.
pli-tv-kd1:27.5.2	Bhagavato etamatthaṁ ārocesuṁ.
pli-tv-kd1:27.5.3	“Na, bhikkhave, sammāvattanto paṇāmetabbo.
pli-tv-kd1:27.5.4	Yo paṇāmeyya, āpatti dukkaṭassa.
pli-tv-kd1:27.5.5	Na ca, bhikkhave, asammāvattanto na paṇāmetabbo.
pli-tv-kd1:27.5.6	Yo na paṇāmeyya, āpatti dukkaṭassāti.
pli-tv-kd1:27.6.1	Pañcahi, bhikkhave, aṅgehi samannāgato saddhivihāriko paṇāmetabbo.
pli-tv-kd1:27.6.2	Upajjhāyamhi nādhimattaṁ pemaṁ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti—
pli-tv-kd1:27.6.3	imehi kho, bhikkhave, pañcahaṅgehi samannāgato saddhivihāriko paṇāmetabbo.
pli-tv-kd1:27.6.4	Pañcahi, bhikkhave, aṅgehi samannāgato saddhivihāriko na paṇāmetabbo.
pli-tv-kd1:27.6.5	Upajjhāyamhi adhimattaṁ pemaṁ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti—
pli-tv-kd1:27.6.6	imehi kho, bhikkhave, pañcahaṅgehi samannāgato saddhivihāriko na paṇāmetabbo.
pli-tv-kd1:27.7.1	Pañcahi, bhikkhave, aṅgehi samannāgato saddhivihāriko alaṁ paṇāmetuṁ.
pli-tv-kd1:27.7.2	Upajjhāyamhi nādhimattaṁ pemaṁ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti—
pli-tv-kd1:27.7.3	imehi kho, bhikkhave, pañcahaṅgehi samannāgato saddhivihāriko alaṁ paṇāmetuṁ.
pli-tv-kd1:27.7.4	Pañcahi, bhikkhave, aṅgehi samannāgato saddhivihāriko nālaṁ paṇāmetuṁ.
pli-tv-kd1:27.7.5	Upajjhāyamhi adhimattaṁ pemaṁ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti—
pli-tv-kd1:27.7.6	imehi kho, bhikkhave, pañcahaṅgehi samannāgato saddhivihāriko nālaṁ paṇāmetuṁ.
pli-tv-kd1:27.8.1	Pañcahi, bhikkhave, aṅgehi samannāgataṁ saddhivihārikaṁ appaṇāmento upajjhāyo sātisāro hoti, paṇāmento anatisāro hoti.
pli-tv-kd1:27.8.2	Upajjhāyamhi nādhimattaṁ pemaṁ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti—
pli-tv-kd1:27.8.3	imehi kho, bhikkhave, pañcahaṅgehi samannāgataṁ saddhivihārikaṁ appaṇāmento upajjhāyo sātisāro hoti, paṇāmento anatisāro hoti.
pli-tv-kd1:27.8.4	Pañcahi, bhikkhave, aṅgehi samannāgataṁ saddhivihārikaṁ paṇāmento upajjhāyo sātisāro hoti, appaṇāmento anatisāro hoti.
pli-tv-kd1:27.8.5	Upajjhāyamhi adhimattaṁ pemaṁ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti—
pli-tv-kd1:27.8.6	imehi kho, bhikkhave, pañcahaṅgehi samannāgataṁ saddhivihārikaṁ paṇāmento upajjhāyo sātisāro hoti, appaṇāmento anatisāro hotī”ti.
pli-tv-kd1:28.1.1	Tena kho pana samayena aññataro brāhmaṇo bhikkhū upasaṅkamitvā pabbajjaṁ yāci.
pli-tv-kd1:28.1.2	Taṁ bhikkhū na icchiṁsu pabbājetuṁ.
pli-tv-kd1:28.1.3	So bhikkhūsu pabbajjaṁ alabhamāno kiso ahosi lūkho dubbaṇṇo uppaṇḍuppaṇḍukajāto dhamanisanthatagatto.
pli-tv-kd1:28.1.4	Addasā kho bhagavā taṁ brāhmaṇaṁ kisaṁ lūkhaṁ dubbaṇṇaṁ uppaṇḍuppaṇḍukajātaṁ dhamanisanthatagattaṁ, disvāna bhikkhū āmantesi—
pli-tv-kd1:28.1.5	“kiṁ nu kho so, bhikkhave, brāhmaṇo kiso lūkho dubbaṇṇo uppaṇḍuppaṇḍukajāto dhamanisanthatagatto”ti?
pli-tv-kd1:28.1.6	“Eso, bhante, brāhmaṇo bhikkhū upasaṅkamitvā pabbajjaṁ yāci.
pli-tv-kd1:28.1.7	Taṁ bhikkhū na icchiṁsu pabbājetuṁ.
pli-tv-kd1:28.1.8	So bhikkhūsu pabbajjaṁ alabhamāno kiso lūkho dubbaṇṇo uppaṇḍuppaṇḍukajāto dhamanisanthatagatto”ti.
pli-tv-kd1:28.2.1	Atha kho bhagavā bhikkhū āmantesi—
pli-tv-kd1:28.2.2	“ko nu kho, bhikkhave, tassa brāhmaṇassa adhikāraṁ sarasī”ti?
pli-tv-kd1:28.2.3	Evaṁ vutte, āyasmā sāriputto bhagavantaṁ etadavoca—
pli-tv-kd1:28.2.4	“ahaṁ kho, bhante, tassa brāhmaṇassa adhikāraṁ sarāmī”ti.
pli-tv-kd1:28.2.5	“Kiṁ pana tvaṁ, sāriputta, tassa brāhmaṇassa adhikāraṁ sarasī”ti?
pli-tv-kd1:28.2.6	“Idha me, bhante, so brāhmaṇo rājagahe piṇḍāya carantassa kaṭacchubhikkhaṁ dāpesi.
pli-tv-kd1:28.2.7	Imaṁ kho ahaṁ, bhante, tassa brāhmaṇassa adhikāraṁ sarāmī”ti.
pli-tv-kd1:28.3.1	“Sādhu sādhu, sāriputta, kataññuno hi, sāriputta, sappurisā katavedino.
pli-tv-kd1:28.3.2	Tena hi tvaṁ, sāriputta, taṁ brāhmaṇaṁ pabbājehi upasampādehī”ti.
pli-tv-kd1:28.3.3	“Kathāhaṁ, bhante, taṁ brāhmaṇaṁ pabbājemi upasampādemī”ti?
pli-tv-kd1:28.3.4	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:28.3.5	“yā sā, bhikkhave, mayā tīhi saraṇagamanehi upasampadā anuññātā, taṁ ajjatagge paṭikkhipāmi.
pli-tv-kd1:28.4.1	Anujānāmi, bhikkhave, ñatticatutthena kammena upasampādetuṁ.
pli-tv-kd1:28.4.2	Evañca pana, bhikkhave, upasampādetabbo.
pli-tv-kd1:28.4.3	Byattena bhikkhunā paṭibalena saṅgho ñāpetabbo—
pli-tv-kd1:28.4.4	‘Suṇātu me, bhante, saṅgho.
pli-tv-kd1:28.4.5	Ayaṁ itthannāmo itthannāmassa āyasmato upasampadāpekkho.
pli-tv-kd1:28.4.6	Yadi saṅghassa pattakallaṁ, saṅgho itthannāmaṁ upasampādeyya itthannāmena upajjhāyena.
pli-tv-kd1:28.4.7	Esā ñatti.
pli-tv-kd1:28.5.1	Suṇātu me, bhante, saṅgho.
pli-tv-kd1:28.5.2	Ayaṁ itthannāmo itthannāmassa āyasmato upasampadāpekkho.
pli-tv-kd1:28.5.3	Saṅgho itthannāmaṁ upasampādeti itthannāmena upajjhāyena.
pli-tv-kd1:28.5.4	Yassāyasmato khamati itthannāmassa upasampadā itthannāmena upajjhāyena, so tuṇhassa;
pli-tv-kd1:28.5.5	yassa nakkhamati, so bhāseyya.
pli-tv-kd1:28.5.6	Dutiyampi etamatthaṁ vadāmi—
pli-tv-kd1:28.5.7	suṇātu me, bhante, saṅgho.
pli-tv-kd1:28.5.8	Ayaṁ itthannāmo itthannāmassa āyasmato upasampadāpekkho.
pli-tv-kd1:28.5.9	Saṅgho itthannāmaṁ upasampādeti itthannāmena upajjhāyena.
pli-tv-kd1:28.5.10	Yassāyasmato khamati itthannāmassa upasampadā itthannāmena upajjhāyena, so tuṇhassa;
pli-tv-kd1:28.5.11	yassa nakkhamati, so bhāseyya.
pli-tv-kd1:28.6.1	Tatiyampi etamatthaṁ vadāmi—
pli-tv-kd1:28.6.2	suṇātu me, bhante, saṅgho.
pli-tv-kd1:28.6.3	Ayaṁ itthannāmo itthannāmassa āyasmato upasampadāpekkho.
pli-tv-kd1:28.6.4	Saṅgho itthannāmaṁ upasampādeti itthannāmena upajjhāyena.
pli-tv-kd1:28.6.5	Yassāyasmato khamati itthannāmassa upasampadā itthannāmena upajjhāyena, so tuṇhassa;
pli-tv-kd1:28.6.6	yassa nakkhamati, so bhāseyya.
pli-tv-kd1:28.6.7	Upasampanno saṅghena itthannāmo itthannāmena upajjhāyena.
pli-tv-kd1:28.6.8	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd1:29.1.1	Tena kho pana samayena aññataro bhikkhu upasampannasamanantarā anācāraṁ ācarati.
pli-tv-kd1:29.1.2	Bhikkhū evamāhaṁsu—
pli-tv-kd1:29.1.3	“māvuso, evarūpaṁ akāsi, netaṁ kappatī”ti.
pli-tv-kd1:29.1.4	So evamāha—
pli-tv-kd1:29.1.5	“nevāhaṁ āyasmante yāciṁ upasampādetha manti.
pli-tv-kd1:29.1.6	Kissa maṁ tumhe ayācitā upasampāditthā”ti?
pli-tv-kd1:29.1.7	Bhagavato etamatthaṁ ārocesuṁ.
pli-tv-kd1:29.1.8	“Na, bhikkhave, ayācitena upasampādetabbo.
pli-tv-kd1:29.1.9	Yo upasampādeyya, āpatti dukkaṭassa.
pli-tv-kd1:29.1.10	Anujānāmi, bhikkhave, yācitena upasampādetuṁ.
pli-tv-kd1:29.2.1	Evañca pana, bhikkhave, yācitabbo.
pli-tv-kd1:29.2.2	Tena upasampadāpekkhena saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd1:29.2.3	‘saṅghaṁ, bhante, upasampadaṁ yācāmi, ullumpatu maṁ, bhante, saṅgho anukampaṁ upādāyā’ti.
pli-tv-kd1:29.2.4	Dutiyampi yācitabbo.
pli-tv-kd1:29.2.5	Tatiyampi yācitabbo.
pli-tv-kd1:29.3.1	Byattena bhikkhunā paṭibalena saṅgho ñāpetabbo—
pli-tv-kd1:29.3.2	‘Suṇātu me, bhante, saṅgho.
pli-tv-kd1:29.3.3	Ayaṁ itthannāmo itthannāmassa āyasmato upasampadāpekkho.
pli-tv-kd1:29.3.4	Itthannāmo saṅghaṁ upasampadaṁ yācati itthannāmena upajjhāyena.
pli-tv-kd1:29.3.5	Yadi saṅghassa pattakallaṁ, saṅgho itthannāmaṁ upasampādeyya itthannāmena upajjhāyena.
pli-tv-kd1:29.3.6	Esā ñatti.
pli-tv-kd1:29.4.1	Suṇātu me, bhante, saṅgho.
pli-tv-kd1:29.4.2	Ayaṁ itthannāmo itthannāmassa āyasmato upasampadāpekkho.
pli-tv-kd1:29.4.3	Itthannāmo saṅghaṁ upasampadaṁ yācati itthannāmena upajjhāyena.
pli-tv-kd1:29.4.4	Saṅgho itthannāmaṁ upasampādeti itthannāmena upajjhāyena.
pli-tv-kd1:29.4.5	Yassāyasmato khamati itthannāmassa upasampadā itthannāmena upajjhāyena, so tuṇhassa;
pli-tv-kd1:29.4.6	yassa nakkhamati, so bhāseyya.
pli-tv-kd1:29.4.7	Dutiyampi etamatthaṁ vadāmi …pe…
pli-tv-kd1:29.4.8	tatiyampi etamatthaṁ vadāmi …pe….
pli-tv-kd1:29.4.9	Upasampanno saṅghena itthannāmo itthannāmena upajjhāyena.
pli-tv-kd1:29.4.10	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd1:30.1.1	Tena kho pana samayena rājagahe paṇītānaṁ bhattānaṁ bhattapaṭipāṭi aṭṭhitā hoti.
pli-tv-kd1:30.1.2	Atha kho aññatarassa brāhmaṇassa etadahosi—
pli-tv-kd1:30.1.3	“ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti.
pli-tv-kd1:30.1.4	Yannūnāhaṁ samaṇesu sakyaputtiyesu pabbajeyyan”ti.
pli-tv-kd1:30.1.5	Atha kho so brāhmaṇo bhikkhū upasaṅkamitvā pabbajjaṁ yāci.
pli-tv-kd1:30.1.6	Taṁ bhikkhū pabbājesuṁ upasampādesuṁ.
pli-tv-kd1:30.2.1	Tasmiṁ pabbajite bhattapaṭipāṭi khīyittha.
pli-tv-kd1:30.2.2	Bhikkhū evamāhaṁsu—
pli-tv-kd1:30.2.3	“ehi dāni, āvuso, piṇḍāya carissāmā”ti.
pli-tv-kd1:30.2.4	So evamāha—
pli-tv-kd1:30.2.5	“nāhaṁ, āvuso, etaṅkāraṇā pabbajito piṇḍāya carissāmīti.
pli-tv-kd1:30.2.6	Sace me dassatha bhuñjissāmi, no ce me dassatha vibbhamissāmī”ti.
pli-tv-kd1:30.2.7	“Kiṁ pana tvaṁ, āvuso, udarassa kāraṇā pabbajito”ti?
pli-tv-kd1:30.2.8	“Evamāvuso”ti.
pli-tv-kd1:30.3.1	Ye te bhikkhū appicchā …pe… te ujjhāyanti khiyyanti vipācenti—
pli-tv-kd1:30.3.2	“kathañhi nāma bhikkhu evaṁ svākkhāte dhammavinaye udarassa kāraṇā pabbajissatī”ti.
pli-tv-kd1:30.3.3	Te bhikkhū bhagavato etamatthaṁ ārocesuṁ …pe…
pli-tv-kd1:30.3.4	“saccaṁ kira tvaṁ, bhikkhu, udarassa kāraṇā pabbajito”ti?
pli-tv-kd1:30.3.5	“Saccaṁ, bhagavā”ti.
pli-tv-kd1:30.3.6	Vigarahi buddho bhagavā …pe…
pli-tv-kd1:30.3.7	kathañhi nāma tvaṁ, moghapurisa, evaṁ svākkhāte dhammavinaye udarassa kāraṇā pabbajissasi.
pli-tv-kd1:30.3.8	Netaṁ, moghapurisa, appasannānaṁ vā pasādāya pasannānaṁ vā bhiyyobhāvāya …pe…
pli-tv-kd1:30.3.9	vigarahitvā …pe…
pli-tv-kd1:30.3.10	dhammiṁ kathaṁ katvā bhikkhū āmantesi—
pli-tv-kd1:30.4.1	“anujānāmi, bhikkhave, upasampādentena cattāro nissaye ācikkhituṁ—
pli-tv-kd1:30.4.2	piṇḍiyālopabhojanaṁ nissāya pabbajjā, tattha te yāvajīvaṁ ussāho karaṇīyo;
pli-tv-kd1:30.4.3	atirekalābho—
pli-tv-kd1:30.4.4	saṅghabhattaṁ, uddesabhattaṁ, nimantanaṁ, salākabhattaṁ, pakkhikaṁ, uposathikaṁ, pāṭipadikaṁ.
pli-tv-kd1:30.4.5	Paṁsukūlacīvaraṁ nissāya pabbajjā, tattha te yāvajīvaṁ ussāho karaṇīyo;
pli-tv-kd1:30.4.6	atirekalābho—
pli-tv-kd1:30.4.7	khomaṁ, kappāsikaṁ, koseyyaṁ, kambalaṁ, sāṇaṁ, bhaṅgaṁ.
pli-tv-kd1:30.4.8	Rukkhamūlasenāsanaṁ nissāya pabbajjā, tattha te yāvajīvaṁ ussāho karaṇīyo;
pli-tv-kd1:30.4.9	atirekalābho—
pli-tv-kd1:30.4.10	vihāro, aḍḍhayogo, pāsādo, hammiyaṁ, guhā.
pli-tv-kd1:30.4.11	Pūtimuttabhesajjaṁ nissāya pabbajjā, tattha te yāvajīvaṁ ussāho karaṇīyo;
pli-tv-kd1:30.4.12	atirekalābho—
pli-tv-kd1:30.4.13	sappi, navanītaṁ, telaṁ, madhu, phāṇitan”ti.
pli-tv-kd1:30.4.14	Upajjhāyavattabhāṇavāro niṭṭhito pañcamo.
pli-tv-kd1:31.1.0	18. Ācariyavattakathā
pli-tv-kd1:31.1.1	Tena kho pana samayena aññataro māṇavako bhikkhū upasaṅkamitvā pabbajjaṁ yāci.
pli-tv-kd1:31.1.2	Tassa bhikkhū paṭikacceva nissaye ācikkhiṁsu.
pli-tv-kd1:31.1.3	So evamāha—
pli-tv-kd1:31.1.4	“sace me, bhante, pabbajite nissaye ācikkheyyātha, abhirameyyāmahaṁ.
pli-tv-kd1:31.1.5	Na dānāhaṁ, bhante, pabbajissāmi;
pli-tv-kd1:31.1.6	jegucchā me nissayā paṭikūlā”ti.
pli-tv-kd1:31.1.7	Bhagavato etamatthaṁ ārocesuṁ.
pli-tv-kd1:31.1.8	“Na, bhikkhave, paṭikacceva nissayā ācikkhitabbā.
pli-tv-kd1:31.1.9	Yo ācikkheyya, āpatti dukkaṭassa.
pli-tv-kd1:31.1.10	Anujānāmi, bhikkhave, upasampannasamanantarā nissaye ācikkhitun”ti.
pli-tv-kd1:31.2.1	Tena kho pana samayena bhikkhū duvaggenapi tivaggenapi gaṇena upasampādenti.
pli-tv-kd1:31.2.2	Bhagavato etamatthaṁ ārocesuṁ.
pli-tv-kd1:31.2.3	“Na, bhikkhave, ūnadasavaggena gaṇena upasampādetabbo.
pli-tv-kd1:31.2.4	Yo upasampādeyya, āpatti dukkaṭassa.
pli-tv-kd1:31.2.5	Anujānāmi, bhikkhave, dasavaggena vā atirekadasavaggena vā gaṇena upasampādetun”ti.
pli-tv-kd1:31.3.1	Tena kho pana samayena bhikkhū ekavassāpi duvassāpi saddhivihārikaṁ upasampādenti.
pli-tv-kd1:31.3.2	Āyasmāpi upaseno vaṅgantaputto ekavasso saddhivihārikaṁ upasampādesi.
pli-tv-kd1:31.3.3	So vassaṁvuṭṭho duvasso ekavassaṁ saddhivihārikaṁ ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:31.3.4	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-kd1:31.4.1	Atha kho bhagavā āyasmantaṁ upasenaṁ vaṅgantaputtaṁ etadavoca—
pli-tv-kd1:31.4.2	“kacci, bhikkhu, khamanīyaṁ, kacci yāpanīyaṁ,
pli-tv-kd1:31.4.3	kacci tvaṁ appakilamathena addhānaṁ āgato”ti?
pli-tv-kd1:31.4.4	“Khamanīyaṁ, bhagavā, yāpanīyaṁ, bhagavā.
pli-tv-kd1:31.4.5	Appakilamathena mayaṁ, bhante, addhānaṁ āgatā”ti.
pli-tv-kd1:31.4.6	Jānantāpi tathāgatā pucchanti, jānantāpi na pucchanti, kālaṁ viditvā pucchanti, kālaṁ viditvā na pucchanti;
pli-tv-kd1:31.4.7	atthasaṁhitaṁ tathāgatā pucchanti; no anatthasaṁhitaṁ.
pli-tv-kd1:31.4.8	Anatthasaṁhite setughāto tathāgatānaṁ.
pli-tv-kd1:31.4.9	Dvīhi ākārehi buddhā bhagavanto bhikkhū paṭipucchanti— dhammaṁ vā desessāma, sāvakānaṁ vā sikkhāpadaṁ paññapessāmāti.
pli-tv-kd1:31.5.1	Atha kho bhagavā āyasmantaṁ upasenaṁ vaṅgantaputtaṁ etadavoca— “kativassosi tvaṁ, bhikkhū”ti?
pli-tv-kd1:31.5.2	“Duvassohaṁ, bhagavā”ti.
pli-tv-kd1:31.5.3	“Ayaṁ pana bhikkhu kativasso”ti?
pli-tv-kd1:31.5.4	“Ekavasso, bhagavā”ti.
pli-tv-kd1:31.5.5	“Kiṁ tāyaṁ bhikkhu hotī”ti?
pli-tv-kd1:31.5.6	“Saddhivihāriko me, bhagavā”ti.
pli-tv-kd1:31.5.7	Vigarahi buddho bhagavā—
pli-tv-kd1:31.5.8	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd1:31.5.9	Kathañhi nāma tvaṁ, moghapurisa, aññehi ovadiyo anusāsiyo aññaṁ ovadituṁ anusāsituṁ maññissasi.
pli-tv-kd1:31.5.10	Atilahuṁ kho tvaṁ, moghapurisa, bāhullāya āvatto, yadidaṁ gaṇabandhikaṁ.
pli-tv-kd1:31.5.11	Netaṁ, moghapurisa, appasannānaṁ vā pasādāya pasannānaṁ vā bhiyyobhāvāya …pe…
pli-tv-kd1:31.5.12	vigarahitvā …pe…
pli-tv-kd1:31.5.13	dhammiṁ kathaṁ katvā bhikkhū āmantesi—
pli-tv-kd1:31.5.14	“na, bhikkhave, ūnadasavassena upasampādetabbo.
pli-tv-kd1:31.5.15	Yo upasampādeyya, āpatti dukkaṭassa.
pli-tv-kd1:31.5.16	Anujānāmi, bhikkhave, dasavassena vā atirekadasavassena vā upasampādetun”ti.
pli-tv-kd1:31.6.1	Tena kho pana samayena bhikkhū—
pli-tv-kd1:31.6.2	dasavassamhā dasavassamhāti—
pli-tv-kd1:31.6.3	bālā abyattā upasampādenti.
pli-tv-kd1:31.6.4	Dissanti upajjhāyā bālā, saddhivihārikā paṇḍitā.
pli-tv-kd1:31.6.5	Dissanti upajjhāyā abyattā, saddhivihārikā byattā.
pli-tv-kd1:31.6.6	Dissanti upajjhāyā appassutā, saddhivihārikā bahussutā.
pli-tv-kd1:31.6.7	Dissanti upajjhāyā duppaññā, saddhivihārikā paññavanto.
pli-tv-kd1:31.6.8	Aññataropi aññatitthiyapubbo upajjhāyena sahadhammikaṁ vuccamāno upajjhāyassa vādaṁ āropetvā taṁyeva titthāyatanaṁ saṅkami.
pli-tv-kd1:31.7.1	Ye te bhikkhū appicchā …pe… te ujjhāyanti khiyyanti vipācenti—
pli-tv-kd1:31.7.2	“kathañhi nāma bhikkhū—dasavassamhā dasavassamhāti—bālā abyattā upasampādessanti.
pli-tv-kd1:31.7.3	Dissanti upajjhāyā bālā saddhivihārikā paṇḍitā, dissanti upajjhāyā abyattā saddhivihārikā byattā, dissanti upajjhāyā appassutā saddhivihārikā bahussutā, dissanti upajjhāyā duppaññā, saddhivihārikā paññavanto”ti.
pli-tv-kd1:31.7.4	Atha kho te bhikkhū bhagavato etamatthaṁ ārocesuṁ.
pli-tv-kd1:31.7.5	“Saccaṁ kira, bhikkhave, bhikkhū—
pli-tv-kd1:31.7.6	dasavassamhā dasavassamhāti—
pli-tv-kd1:31.7.7	bālā abyattā upasampādenti.
pli-tv-kd1:31.7.8	Dissanti upajjhāyā bālā, saddhivihārikā paṇḍitā, dissanti upajjhāyā abyattā saddhivihārikā byattā, dissanti upajjhāyā appassutā, saddhivihārikā bahussutā, dissanti upajjhāyā duppaññā, saddhivihārikā paññavanto”ti?
pli-tv-kd1:31.7.9	“Saccaṁ, bhagavā”ti.
pli-tv-kd1:31.8.1	Vigarahi buddho bhagavā …pe…
pli-tv-kd1:31.8.2	“kathañhi nāma te, bhikkhave, moghapurisā—dasavassamhā dasavassamhāti—bālā abyattā upasampādessanti.
pli-tv-kd1:31.8.3	Dissanti upajjhāyā bālā, saddhivihārikā paṇḍitā, dissanti upajjhāyā abyattā saddhivihārikā byattā, dissanti upajjhāyā appassutā, saddhivihārikā bahussutā, dissanti upajjhāyā duppaññā, saddhivihārikā paññavanto.
pli-tv-kd1:31.8.4	Netaṁ, bhikkhave, appasannānaṁ vā pasādāya …pe…
pli-tv-kd1:31.8.5	vigarahitvā …pe…
pli-tv-kd1:31.8.6	dhammiṁ kathaṁ katvā bhikkhū āmantesi—
pli-tv-kd1:31.8.7	“na, bhikkhave, bālena abyattena upasampādetabbo.
pli-tv-kd1:31.8.8	Yo upasampādeyya, āpatti dukkaṭassa.
pli-tv-kd1:31.8.9	Anujānāmi, bhikkhave, byattena bhikkhunā paṭibalena dasavassena vā atirekadasavassena vā upasampādetun”ti.
pli-tv-kd1:32.1.1	Tena kho pana samayena bhikkhū upajjhāyesu pakkantesupi vibbhantesupi kālaṅkatesupi pakkhasaṅkantesupi anācariyakā anovadiyamānā ananusāsiyamānā
pli-tv-kd1:32.1.2	dunnivatthā duppārutā anākappasampannā piṇḍāya caranti,
pli-tv-kd1:32.1.3	manussānaṁ bhuñjamānānaṁ uparibhojanepi uttiṭṭhapattaṁ upanāmenti, uparikhādanīyepi uparisāyanīyepi uparipānīyepi uttiṭṭhapattaṁ upanāmenti;
pli-tv-kd1:32.1.4	sāmaṁ sūpampi odanampi viññāpetvā bhuñjanti;
pli-tv-kd1:32.1.5	bhattaggepi uccāsaddā mahāsaddā viharanti.
pli-tv-kd1:32.1.6	Manussā ujjhāyanti khiyyanti vipācenti—
pli-tv-kd1:32.1.7	“kathañhi nāma samaṇā sakyaputtiyā dunnivatthā duppārutā anākappasampannā piṇḍāya carissanti;
pli-tv-kd1:32.1.8	manussānaṁ bhuñjamānānaṁ uparibhojanepi uttiṭṭhapattaṁ upanāmessanti, uparikhādanīyepi uparisāyanīyepi uparipānīyepi uttiṭṭhapattaṁ upanāmessanti;
pli-tv-kd1:32.1.9	sāmaṁ sūpampi odanampi viññāpetvā bhuñjissanti;
pli-tv-kd1:32.1.10	bhattaggepi uccāsaddā mahāsaddā viharissanti, seyyathāpi brāhmaṇā brāhmaṇabhojane”ti.
pli-tv-kd1:32.1.11	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ …pe…
pli-tv-kd1:32.1.12	atha kho te bhikkhū bhagavato etamatthaṁ ārocesuṁ.
pli-tv-kd1:32.1.13	“Saccaṁ kira, bhikkhave …pe…
pli-tv-kd1:32.1.14	“saccaṁ, bhagavā”ti …pe…
pli-tv-kd1:32.1.15	vigarahitvā dhammiṁ kathaṁ katvā bhikkhū āmantesi—
pli-tv-kd1:32.1.16	“Anujānāmi, bhikkhave, ācariyaṁ.
pli-tv-kd1:32.1.17	Ācariyo, bhikkhave, antevāsikamhi puttacittaṁ upaṭṭhāpessati, antevāsiko ācariyamhi pitucittaṁ upaṭṭhāpessati.
pli-tv-kd1:32.1.18	Evaṁ te aññamaññaṁ sagāravā sappatissā sabhāgavuttino viharantā imasmiṁ dhammavinaye vuddhiṁ viruḷhiṁ vepullaṁ āpajjissanti.
pli-tv-kd1:32.1.19	Anujānāmi, bhikkhave, dasavassaṁ nissāya vatthuṁ, dasavassena nissayaṁ dātuṁ.
pli-tv-kd1:32.2.1	Evañca pana, bhikkhave, ācariyo gahetabbo.
pli-tv-kd1:32.2.2	Ekaṁsaṁ uttarāsaṅgaṁ karitvā pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd1:32.2.3	‘ācariyo me, bhante, hohi, āyasmato nissāya vacchāmi;
pli-tv-kd1:32.2.4	ācariyo me, bhante, hohi, āyasmato nissāya vacchāmi;
pli-tv-kd1:32.2.5	ācariyo me, bhante, hohi, āyasmato nissāya vacchāmī’ti.
pli-tv-kd1:32.2.6	‘Sāhū’ti vā ‘lahū’ti vā ‘opāyikan’ti vā ‘patirūpan’ti vā ‘pāsādikena sampādehī’ti vā kāyena viññāpeti, vācāya viññāpeti, kāyena vācāya viññāpeti, gahito hoti ācariyo;
pli-tv-kd1:32.2.7	na kāyena viññāpeti, na vācāya viññāpeti, na kāyena vācāya viññāpeti, na gahito hoti ācariyo.
pli-tv-kd1:32.3.1	Antevāsikena, bhikkhave, ācariyamhi sammā vattitabbaṁ.
pli-tv-kd1:32.3.2	Tatrāyaṁ sammāvattanā—
pli-tv-kd1:32.3.3.0	
pli-tv-kd1:32.3.3.1	Kālasseva uṭṭhāya upāhanaṁ omuñcitvā ekaṁsaṁ uttarāsaṅgaṁ karitvā dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd1:32.3.4	Sace yāgu hoti, bhājanaṁ dhovitvā yāgu upanāmetabbā.
pli-tv-kd1:32.3.5	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd1:32.3.6	Ācariyamhi vuṭṭhite āsanaṁ uddharitabbaṁ.
pli-tv-kd1:32.3.7	Sace so deso uklāpo hoti, so deso sammajjitabbo.
pli-tv-kd1:32.3.8	Sace ācariyo gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd1:32.3.9	Sace ācariyo pacchāsamaṇaṁ ākaṅkhati, timaṇḍalaṁ paṭicchādentena parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā pattaṁ gahetvā ācariyassa pacchāsamaṇena hotabbaṁ.
pli-tv-kd1:32.3.10	Nātidūre gantabbaṁ, nāccāsanne gantabbaṁ, pattapariyāpannaṁ paṭiggahetabbaṁ.
pli-tv-kd1:32.3.11	Na ācariyassa bhaṇamānassa antarantarā kathā opātetabbā.
pli-tv-kd1:32.3.12	Ācariyo āpattisāmantā bhaṇamāno nivāretabbo.
pli-tv-kd1:32.3.13	Nivattantena paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd1:32.3.14	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ.
pli-tv-kd1:32.3.15	Cīvaraṁ saṅgharitabbaṁ.
pli-tv-kd1:32.3.16	Cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd1:32.3.17	mā majjhe bhaṅgo ahosīti.
pli-tv-kd1:32.3.18	Obhoge kāyabandhanaṁ kātabbaṁ.
pli-tv-kd1:32.3.19	Sace piṇḍapāto hoti, ācariyo ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd1:32.3.20	Ācariyo pānīyena pucchitabbo.
pli-tv-kd1:32.3.21	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo, na ca uṇhe patto nidahitabbo.
pli-tv-kd1:32.3.22	Pattacīvaraṁ nikkhipitabbaṁ.
pli-tv-kd1:32.3.23	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:32.3.24	Na ca anantarahitāya bhūmiyā patto nikkhipitabbo.
pli-tv-kd1:32.3.25	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:32.3.26	Ācariyamhi vuṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd1:32.3.27	Sace so deso uklāpo hoti, so deso sammajjitabbo.
pli-tv-kd1:32.3.28.0	
pli-tv-kd1:32.3.28.1	Sace ācariyo nahāyitukāmo hoti, nahānaṁ paṭiyādetabbaṁ.
pli-tv-kd1:32.3.29	Sace sītena attho hoti, sītaṁ paṭiyādetabbaṁ.
pli-tv-kd1:32.3.30	Sace uṇhena attho hoti, uṇhaṁ paṭiyādetabbaṁ.
pli-tv-kd1:32.3.31	Sace ācariyo jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya ācariyassa piṭṭhito piṭṭhito gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd1:32.3.32	Sace ussahati, jantāgharaṁ pavisitabbaṁ.
pli-tv-kd1:32.3.33	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd1:32.3.34	Na there bhikkhū anupakhajja nisīditabbaṁ.
pli-tv-kd1:32.3.35	Na navā bhikkhū āsanena paṭibāhitabbā.
pli-tv-kd1:32.3.36	Jantāghare ācariyassa parikammaṁ kātabbaṁ.
pli-tv-kd1:32.3.37	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd1:32.3.38	Udakepi ācariyassa parikammaṁ kātabbaṁ.
pli-tv-kd1:32.3.39	Nahātena paṭhamataraṁ uttaritvā attano gattaṁ vodakaṁ katvā nivāsetvā ācariyassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā, jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ.
pli-tv-kd1:32.3.40	Ācariyo pānīyena pucchitabbo.
pli-tv-kd1:32.3.41	Sace uddisāpetukāmo hoti, uddisāpetabbo.
pli-tv-kd1:32.3.42	Sace paripucchitukāmo hoti, paripucchitabbo.
pli-tv-kd1:32.3.43.0	
pli-tv-kd1:32.3.43.1	Yasmiṁ vihāre ācariyo viharati, sace so vihāro uklāpo hoti, sace ussahati, sodhetabbo.
pli-tv-kd1:32.3.44	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ;
pli-tv-kd1:32.3.45	nisīdanapaccattharaṇaṁ nīharitvā ekamantaṁ nikkhipitabbaṁ;
pli-tv-kd1:32.3.46	bhisibibbohanaṁ nīharitvā ekamantaṁ nikkhipitabbaṁ;
pli-tv-kd1:32.3.47	mañco nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo;
pli-tv-kd1:32.3.48	pīṭhaṁ nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbaṁ;
pli-tv-kd1:32.3.49	mañcapaṭipādakā nīharitvā ekamantaṁ nikkhipitabbā;
pli-tv-kd1:32.3.50	kheḷamallako nīharitvā ekamantaṁ nikkhipitabbo;
pli-tv-kd1:32.3.51	apassenaphalakaṁ nīharitvā ekamantaṁ nikkhipitabbaṁ;
pli-tv-kd1:32.3.52	bhūmattharaṇaṁ yathāpaññattaṁ sallakkhetvā nīharitvā ekamantaṁ nikkhipitabbaṁ.
pli-tv-kd1:32.3.53	Sace vihāre santānakaṁ hoti, ullokā paṭhamaṁ ohāretabbaṁ, ālokasandhikaṇṇabhāgā pamajjitabbā.
pli-tv-kd1:32.3.54	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:32.3.55	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:32.3.56	Sace akatā hoti bhūmi, udakena paripphositvā sammajjitabbā—
pli-tv-kd1:32.3.57	mā vihāro rajena uhaññīti.
pli-tv-kd1:32.3.58	Saṅkāraṁ vicinitvā ekamantaṁ chaḍḍetabbaṁ.
pli-tv-kd1:32.3.59	Bhūmattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:32.3.60	Mañcapaṭipādakā otāpetvā pamajjitvā atiharitvā yathāṭhāne ṭhapetabbā.
pli-tv-kd1:32.3.61	Mañco otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbo.
pli-tv-kd1:32.3.62	Pīṭhaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbaṁ.
pli-tv-kd1:32.3.63	Bhisibibbohanaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:32.3.64	Nisīdanapaccattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:32.3.65	Kheḷamallako otāpetvā pamajjitvā atiharitvā yathāṭhāne ṭhapetabbo.
pli-tv-kd1:32.3.66	Apassenaphalakaṁ otāpetvā pamajjitvā atiharitvā yathāṭhāne ṭhapetabbaṁ.
pli-tv-kd1:32.3.67	Pattacīvaraṁ nikkhipitabbaṁ.
pli-tv-kd1:32.3.68	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:32.3.69	Na ca anantarahitāya bhūmiyā patto nikkhipitabbo.
pli-tv-kd1:32.3.70	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:32.3.71	Sace puratthimā sarajā vātā vāyanti, puratthimā vātapānā thaketabbā.
pli-tv-kd1:32.3.72	Sace pacchimā sarajā vātā vāyanti, pacchimā vātapānā thaketabbā.
pli-tv-kd1:32.3.73	Sace uttarā sarajā vātā vāyanti, uttarā vātapānā thaketabbā.
pli-tv-kd1:32.3.74	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd1:32.3.75	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd1:32.3.76	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd1:32.3.77	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd1:32.3.78	Sace koṭṭhako uklāpo hoti, koṭṭhako sammajjitabbo.
pli-tv-kd1:32.3.79	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd1:32.3.80	Sace aggisālā uklāpā hoti, aggisālā sammajjitabbā.
pli-tv-kd1:32.3.81	Sace vaccakuṭi uklāpā hoti, vaccakuṭi sammajjitabbā.
pli-tv-kd1:32.3.82	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd1:32.3.83	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd1:32.3.84	Sace ācamanakumbhiyaṁ udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd1:32.3.85.0	
pli-tv-kd1:32.3.85.1	Sace ācariyassa anabhirati uppannā hoti, antevāsikena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd1:32.3.86	Sace ācariyassa kukkuccaṁ uppannaṁ hoti, antevāsikena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd1:32.3.87	Sace ācariyassa diṭṭhigataṁ uppannaṁ hoti, antevāsikena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd1:32.3.88	Sace ācariyo garudhammaṁ ajjhāpanno hoti parivāsāraho, antevāsikena ussukkaṁ kātabbaṁ—
pli-tv-kd1:32.3.89	kinti nu kho saṅgho ācariyassa parivāsaṁ dadeyyāti.
pli-tv-kd1:32.3.90	Sace ācariyo mūlāyapaṭikassanāraho hoti, antevāsikena ussukkaṁ kātabbaṁ—
pli-tv-kd1:32.3.91	kinti nu kho saṅgho ācariyaṁ mūlāya paṭikasseyyāti.
pli-tv-kd1:32.3.92	Sace ācariyo mānattāraho hoti, antevāsikena ussukkaṁ kātabbaṁ—
pli-tv-kd1:32.3.93	kinti nu kho saṅgho ācariyassa mānattaṁ dadeyyāti.
pli-tv-kd1:32.3.94	Sace ācariyo abbhānāraho hoti, antevāsikena ussukkaṁ kātabbaṁ—
pli-tv-kd1:32.3.95	kinti nu kho saṅgho ācariyaṁ abbheyyāti.
pli-tv-kd1:32.3.96	Sace saṅgho ācariyassa kammaṁ kattukāmo hoti, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, antevāsikena ussukkaṁ kātabbaṁ—
pli-tv-kd1:32.3.97	kinti nu kho saṅgho ācariyassa kammaṁ na kareyya, lahukāya vā pariṇāmeyyāti.
pli-tv-kd1:32.3.98	Kataṁ vā panassa hoti saṅghena kammaṁ, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, antevāsikena ussukkaṁ kātabbaṁ—
pli-tv-kd1:32.3.99	kinti nu kho ācariyo sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd1:32.3.100	Sace ācariyassa cīvaraṁ dhovitabbaṁ hoti, antevāsikena dhovitabbaṁ, ussukkaṁ vā kātabbaṁ—
pli-tv-kd1:32.3.101	kinti nu kho ācariyassa cīvaraṁ dhoviyethāti.
pli-tv-kd1:32.3.102	Sace ācariyassa cīvaraṁ kātabbaṁ hoti, antevāsikena kātabbaṁ, ussukkaṁ vā kātabbaṁ—
pli-tv-kd1:32.3.103	kinti nu kho ācariyassa cīvaraṁ kariyethāti.
pli-tv-kd1:32.3.104	Sace ācariyassa rajanaṁ pacitabbaṁ hoti, antevāsikena pacitabbaṁ, ussukkaṁ vā kātabbaṁ—
pli-tv-kd1:32.3.105	kinti nu kho ācariyassa rajanaṁ paciyethāti.
pli-tv-kd1:32.3.106	Sace ācariyassa cīvaraṁ rajitabbaṁ hoti, antevāsikena rajitabbaṁ, ussukkaṁ vā kātabbaṁ—
pli-tv-kd1:32.3.107	kinti nu kho ācariyassa cīvaraṁ rajiyethāti.
pli-tv-kd1:32.3.108	Cīvaraṁ rajantena sādhukaṁ samparivattakaṁ samparivattakaṁ rajitabbaṁ, na ca acchinne theve pakkamitabbaṁ.
pli-tv-kd1:32.3.109	Na ācariyaṁ anāpucchā ekaccassa patto dātabbo, na ekaccassa patto paṭiggahetabbo;
pli-tv-kd1:32.3.110	na ekaccassa cīvaraṁ dātabbaṁ;
pli-tv-kd1:32.3.111	na ekaccassa cīvaraṁ paṭiggahetabbaṁ;
pli-tv-kd1:32.3.112	na ekaccassa parikkhāro dātabbo;
pli-tv-kd1:32.3.113	na ekaccassa parikkhāro paṭiggahetabbo;
pli-tv-kd1:32.3.114	na ekaccassa kesā chedetabbā;
pli-tv-kd1:32.3.115	na ekaccena kesā chedāpetabbā;
pli-tv-kd1:32.3.116	na ekaccassa parikammaṁ kātabbaṁ;
pli-tv-kd1:32.3.117	na ekaccena parikammaṁ kārāpetabbaṁ;
pli-tv-kd1:32.3.118	na ekaccassa veyyāvacco kātabbo;
pli-tv-kd1:32.3.119	na ekaccena veyyāvacco kārāpetabbo;
pli-tv-kd1:32.3.120	na ekaccassa pacchāsamaṇena hotabbaṁ;
pli-tv-kd1:32.3.121	na ekacco pacchāsamaṇo ādātabbo;
pli-tv-kd1:32.3.122	na ekaccassa piṇḍapāto nīharitabbo;
pli-tv-kd1:32.3.123	na ekaccena piṇḍapāto nīharāpetabbo.
pli-tv-kd1:32.3.124	Na ācariyaṁ anāpucchā gāmo pavisitabbo, na susānaṁ gantabbaṁ, na disā pakkamitabbā.
pli-tv-kd1:32.3.125	Sace ācariyo gilāno hoti, yāvajīvaṁ upaṭṭhātabbo, vuṭṭhānamassa āgametabban”ti.
pli-tv-kd1:32.3.126	Ācariyavattaṁ niṭṭhitaṁ.
pli-tv-kd1:33.1.0	19. Antevāsikavattakathā
pli-tv-kd1:33.1.1	“Ācariyena, bhikkhave, antevāsikamhi sammā vattitabbaṁ.
pli-tv-kd1:33.1.2	Tatrāyaṁ sammāvattanā—
pli-tv-kd1:33.1.3	Ācariyena, bhikkhave, antevāsiko saṅgahetabbo anuggahetabbo uddesena paripucchāya ovādena anusāsaniyā.
pli-tv-kd1:33.1.4	Sace ācariyassa patto hoti, antevāsikassa patto na hoti, ācariyena antevāsikassa patto dātabbo, ussukkaṁ vā kātabbaṁ—
pli-tv-kd1:33.1.5	kinti nu kho antevāsikassa patto uppajjiyethāti.
pli-tv-kd1:33.1.6	Sace ācariyassa cīvaraṁ hoti, antevāsikassa cīvaraṁ na hoti, ācariyena antevāsikassa cīvaraṁ dātabbaṁ, ussukkaṁ vā kātabbaṁ—
pli-tv-kd1:33.1.7	kinti nu kho antevāsikassa cīvaraṁ uppajjiyethāti.
pli-tv-kd1:33.1.8	Sace ācariyassa parikkhāro hoti, antevāsikassa parikkhāro na hoti, ācariyena antevāsikassa parikkhāro dātabbo, ussukkaṁ vā kātabbaṁ—
pli-tv-kd1:33.1.9	kinti nu kho antevāsikassa parikkhāro uppajjiyethāti.
pli-tv-kd1:33.1.10.0	
pli-tv-kd1:33.1.10.1	Sace antevāsiko gilāno hoti, kālasseva uṭṭhāya dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd1:33.1.11	Sace yāgu hoti, bhājanaṁ dhovitvā yāgu upanāmetabbā.
pli-tv-kd1:33.1.12	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd1:33.1.13	Antevāsikamhi vuṭṭhite āsanaṁ uddharitabbaṁ.
pli-tv-kd1:33.1.14	Sace so deso uklāpo hoti, so deso sammajjitabbo.
pli-tv-kd1:33.1.15	Sace antevāsiko gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd1:33.1.16	Ettāvatā nivattissatīti āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd1:33.1.17	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ.
pli-tv-kd1:33.1.18	Cīvaraṁ saṅgharitabbaṁ.
pli-tv-kd1:33.1.19	Cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd1:33.1.20	mā majjhe bhaṅgo ahosīti.
pli-tv-kd1:33.1.21	Obhoge kāyabandhanaṁ kātabbaṁ.
pli-tv-kd1:33.1.22	Sace piṇḍapāto hoti, antevāsiko ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd1:33.1.23	Antevāsiko pānīyena pucchitabbo.
pli-tv-kd1:33.1.24	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo, na ca uṇhe patto nidahitabbo.
pli-tv-kd1:33.1.25	Pattacīvaraṁ nikkhipitabbaṁ.
pli-tv-kd1:33.1.26	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:33.1.27	Na ca anantarahitāya bhūmiyā patto nikkhipitabbo.
pli-tv-kd1:33.1.28	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:33.1.29	Antevāsikamhi vuṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd1:33.1.30	Sace so deso uklāpo hoti, so deso sammajjitabbo.
pli-tv-kd1:33.1.31.0	
pli-tv-kd1:33.1.31.1	Sace antevāsiko nahāyitukāmo hoti, nahānaṁ paṭiyādetabbaṁ.
pli-tv-kd1:33.1.32	Sace sītena attho hoti, sītaṁ paṭiyādetabbaṁ.
pli-tv-kd1:33.1.33	Sace uṇhena attho hoti, uṇhaṁ paṭiyādetabbaṁ.
pli-tv-kd1:33.1.34	Sace antevāsiko jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd1:33.1.35	Sace ussahati, jantāgharaṁ pavisitabbaṁ.
pli-tv-kd1:33.1.36	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd1:33.1.37	Na ca there bhikkhū anupakhajja nisīditabbaṁ, na navā bhikkhū āsanena paṭibāhitabbā.
pli-tv-kd1:33.1.38	Jantāghare antevāsikassa parikammaṁ kātabbaṁ.
pli-tv-kd1:33.1.39	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd1:33.1.40	Udakepi antevāsikassa parikammaṁ kātabbaṁ.
pli-tv-kd1:33.1.41	Nahātena paṭhamataraṁ uttaritvā attano gattaṁ vodakaṁ katvā nivāsetvā antevāsikassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā, jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ.
pli-tv-kd1:33.1.42	Antevāsiko pānīyena pucchitabbo.
pli-tv-kd1:33.1.43.0	
pli-tv-kd1:33.1.43.1	Yasmiṁ vihāre antevāsiko viharati, sace so vihāro uklāpo hoti, sace ussahati, sodhetabbo.
pli-tv-kd1:33.1.44	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ;
pli-tv-kd1:33.1.45	nisīdanapaccattharaṇaṁ nīharitvā ekamantaṁ nikkhipitabbaṁ;
pli-tv-kd1:33.1.46	bhisibibbohanaṁ nīharitvā ekamantaṁ nikkhipitabbaṁ;
pli-tv-kd1:33.1.47	mañco nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo;
pli-tv-kd1:33.1.48	pīṭhaṁ nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbaṁ;
pli-tv-kd1:33.1.49	mañcapaṭipādakā nīharitvā ekamantaṁ nikkhipitabbā;
pli-tv-kd1:33.1.50	kheḷamallako nīharitvā ekamantaṁ nikkhipitabbo;
pli-tv-kd1:33.1.51	apassenaphalakaṁ nīharitvā ekamantaṁ nikkhipitabbaṁ;
pli-tv-kd1:33.1.52	bhūmattharaṇaṁ yathāpaññattaṁ sallakkhetvā nīharitvā ekamantaṁ nikkhipitabbaṁ.
pli-tv-kd1:33.1.53	Sace vihāre santānakaṁ hoti, ullokā paṭhamaṁ otāretabbaṁ, ālokasandhikaṇṇabhāgā pamajjitabbā.
pli-tv-kd1:33.1.54	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:33.1.55	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd1:33.1.56	Sace akatā hoti bhūmi, udakena paripphositvā sammajjitabbā—
pli-tv-kd1:33.1.57	mā vihāro rajena uhaññīti.
pli-tv-kd1:33.1.58	Saṅkāraṁ vicinitvā ekamantaṁ chaḍḍetabbaṁ.
pli-tv-kd1:33.1.59	Bhūmattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:33.1.60	Mañcapaṭipādakā otāpetvā pamajjitvā atiharitvā yathāṭhāne ṭhapetabbā.
pli-tv-kd1:33.1.61	Mañco otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbo.
pli-tv-kd1:33.1.62	Pīṭhaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbaṁ.
pli-tv-kd1:33.1.63	Bhisibibbohanaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:33.1.64	Nisīdanapaccattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd1:33.1.65	Kheḷamallako otāpetvā pamajjitvā atiharitvā yathāṭhāne ṭhapetabbo.
pli-tv-kd1:33.1.66	Apassenaphalakaṁ otāpetvā pamajjitvā atiharitvā yathāṭhāne ṭhapetabbaṁ.
pli-tv-kd1:33.1.67	Pattacīvaraṁ nikkhipitabbaṁ.
pli-tv-kd1:33.1.68	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd1:33.1.69	Na ca anantarahitāya bhūmiyā patto nikkhipitabbo.
pli-tv-kd1:33.1.70	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd1:33.1.71	Sace puratthimā sarajā vātā vāyanti, puratthimā vātapānā thaketabbā.
pli-tv-kd1:33.1.72	Sace pacchimā sarajā vātā vāyanti, pacchimā vātapānā thaketabbā.
pli-tv-kd1:33.1.73	Sace uttarā sarajā vātā vāyanti, uttarā vātapānā thaketabbā.
pli-tv-kd1:33.1.74	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd1:33.1.75	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd1:33.1.76	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd1:33.1.77	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd1:33.1.78	Sace koṭṭhako uklāpo hoti, koṭṭhako sammajjitabbo.
pli-tv-kd1:33.1.79	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd1:33.1.80	Sace aggisālā uklāpā hoti, aggisālā sammajjitabbā.
pli-tv-kd1:33.1.81	Sace vaccakuṭi uklāpā hoti, vaccakuṭi sammajjitabbā.
pli-tv-kd1:33.1.82	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd1:33.1.83	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd1:33.1.84	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd1:33.1.85.0	
pli-tv-kd1:33.1.85.1	Sace antevāsikassa anabhirati uppannā hoti, ācariyena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd1:33.1.86	Sace antevāsikassa kukkuccaṁ uppannaṁ hoti, ācariyena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd1:33.1.87	Sace antevāsikassa diṭṭhigataṁ uppannaṁ hoti, ācariyena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd1:33.1.88	Sace antevāsiko garudhammaṁ ajjhāpanno hoti parivāsāraho, ācariyena ussukkaṁ kātabbaṁ—
pli-tv-kd1:33.1.89	kinti nu kho saṅgho, antevāsikassa parivāsaṁ dadeyyāti.
pli-tv-kd1:33.1.90	Sace antevāsiko mūlāyapaṭikassanāraho hoti, ācariyena ussukkaṁ kātabbaṁ—
pli-tv-kd1:33.1.91	kinti nu kho saṅgho antevāsikaṁ mūlāya paṭikasseyyāti.
pli-tv-kd1:33.1.92	Sace antevāsiko mānattāraho hoti, ācariyena ussukkaṁ kātabbaṁ—
pli-tv-kd1:33.1.93	kinti nu kho saṅgho antevāsikassa mānattaṁ dadeyyāti.
pli-tv-kd1:33.1.94	Sace antevāsiko abbhānāraho hoti, ācariyena ussukkaṁ kātabbaṁ—
pli-tv-kd1:33.1.95	kinti nu kho saṅgho antevāsikaṁ abbheyyāti.
pli-tv-kd1:33.1.96	Sace saṅgho antevāsikassa kammaṁ kattukāmo hoti, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, ācariyena ussukkaṁ kātabbaṁ—
pli-tv-kd1:33.1.97	kinti nu kho saṅgho antevāsikassa kammaṁ na kareyya, lahukāya vā pariṇāmeyyāti.
pli-tv-kd1:33.1.98	Kataṁ vā panassa hoti saṅghena kammaṁ, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, ācariyena ussukkaṁ kātabbaṁ—
pli-tv-kd1:33.1.99	kinti nu kho antevāsiko sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd1:33.1.100	Sace antevāsikassa cīvaraṁ dhovitabbaṁ hoti, ācariyena ācikkhitabbaṁ—‘evaṁ dhoveyyāsī’ti,
pli-tv-kd1:33.1.101	ussukkaṁ vā kātabbaṁ—kinti nu kho antevāsikassa cīvaraṁ dhoviyethāti.
pli-tv-kd1:33.1.102	Sace antevāsikassa cīvaraṁ kātabbaṁ hoti, ācariyena ācikkhitabbaṁ—‘evaṁ kareyyāsī’ti,
pli-tv-kd1:33.1.103	ussukkaṁ vā kātabbaṁ—kinti nu kho antevāsikassa cīvaraṁ kariyethāti.
pli-tv-kd1:33.1.104	Sace antevāsikassa rajanaṁ pacitabbaṁ hoti, ācariyena ācikkhitabbaṁ—‘evaṁ paceyyāsī’ti,
pli-tv-kd1:33.1.105	ussukkaṁ vā kātabbaṁ—kinti nu kho antevāsikassa rajanaṁ paciyethāti.
pli-tv-kd1:33.1.106	Sace antevāsikassa cīvaraṁ rajitabbaṁ hoti, ācariyena ācikkhitabbaṁ—‘evaṁ rajeyyāsī’ti,
pli-tv-kd1:33.1.107	ussukkaṁ vā kātabbaṁ—kinti nu kho antevāsikassa cīvaraṁ rajiyethāti.
pli-tv-kd1:33.1.108	Cīvaraṁ rajantena sādhukaṁ samparivattakaṁ samparivattakaṁ rajitabbaṁ, na ca acchinne theve pakkamitabbaṁ.
pli-tv-kd1:33.1.109	Sace antevāsiko gilāno hoti, yāvajīvaṁ upaṭṭhātabbo, vuṭṭhānamassa āgametabban”ti.
pli-tv-kd1:33.1.110	Antevāsikavattaṁ niṭṭhitaṁ.
pli-tv-kd1:33.1.111	Chaṭṭho bhāṇavāro.
pli-tv-kd1:34.1.0	20. Paṇāmanākhamāpanā
pli-tv-kd1:34.1.1	Tena kho pana samayena antevāsikā ācariyesu na sammā vattanti …pe…
pli-tv-kd1:34.1.2	bhagavato etamatthaṁ ārocesuṁ …pe…
pli-tv-kd1:34.1.3	“na, bhikkhave, antevāsikena ācariyamhi na sammā vattitabbaṁ.
pli-tv-kd1:34.1.4	Yo na sammā vatteyya, āpatti dukkaṭassā”ti.
pli-tv-kd1:34.1.5	Neva sammā vattanti.
pli-tv-kd1:34.1.6	Bhagavato etamatthaṁ ārocesuṁ …pe…
pli-tv-kd1:34.1.7	“anujānāmi, bhikkhave, asammāvattantaṁ paṇāmetuṁ.
pli-tv-kd1:34.1.8	Evañca pana, bhikkhave, paṇāmetabbo—
pli-tv-kd1:34.1.9	paṇāmemi tanti vā, māyidha paṭikkamīti vā, nīhara te pattacīvaranti vā, nāhaṁ tayā upaṭṭhātabboti vā.
pli-tv-kd1:34.1.10	Kāyena viññāpeti, vācāya viññāpeti, kāyena vācāya viññāpeti, paṇāmito hoti antevāsiko;
pli-tv-kd1:34.1.11	na kāyena viññāpeti, na vācāya viññāpeti, na kāyena vācāya viññāpeti, na paṇāmito hoti antevāsiko”ti.
pli-tv-kd1:34.1.12	Tena kho pana samayena antevāsikā paṇāmitā na khamāpenti.
pli-tv-kd1:34.1.13	Bhagavato etamatthaṁ ārocesuṁ.
pli-tv-kd1:34.1.14	“Anujānāmi, bhikkhave, khamāpetun”ti.
pli-tv-kd1:34.1.15	Neva khamāpenti.
pli-tv-kd1:34.1.16	Bhagavato etamatthaṁ ārocesuṁ.
pli-tv-kd1:34.1.17	“Na, bhikkhave, paṇāmitena na khamāpetabbo.
pli-tv-kd1:34.1.18	Yo na khamāpeyya, āpatti dukkaṭassā”ti.
pli-tv-kd1:34.1.19	Tena kho pana samayena ācariyā khamāpiyamānā na khamanti.
pli-tv-kd1:34.1.20	Bhagavato etamatthaṁ ārocesuṁ.
pli-tv-kd1:34.1.21	“Anujānāmi, bhikkhave, khamitun”ti.
pli-tv-kd1:34.1.22	Neva khamanti.
pli-tv-kd1:34.1.23	Antevāsikā pakkamantipi vibbhamantipi titthiyesupi saṅkamanti.
pli-tv-kd1:34.1.24	Bhagavato etamatthaṁ ārocesuṁ.
pli-tv-kd1:34.1.25	“Na, bhikkhave, khamāpiyamānena na khamitabbaṁ.
pli-tv-kd1:34.1.26	Yo na khameyya, āpatti dukkaṭassā”ti.
pli-tv-kd1:34.1.27	Tena kho pana samayena ācariyā sammāvattantaṁ paṇāmenti, asammāvattantaṁ na paṇāmenti.
pli-tv-kd1:34.1.28	Bhagavato etamatthaṁ ārocesuṁ.
pli-tv-kd1:34.1.29	“Na, bhikkhave, sammāvattanto paṇāmetabbo.
pli-tv-kd1:34.1.30	Yo paṇāmeyya, āpatti dukkaṭassa.
pli-tv-kd1:34.1.31	Na ca, bhikkhave, asammāvattanto na paṇāmetabbo.
pli-tv-kd1:34.1.32	Yo na paṇāmeyya, āpatti dukkaṭassāti.
pli-tv-kd1:34.1.33	Pañcahi, bhikkhave, aṅgehi samannāgato antevāsiko paṇāmetabbo.
pli-tv-kd1:34.1.34	Ācariyamhi nādhimattaṁ pemaṁ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti—
pli-tv-kd1:34.1.35	imehi kho, bhikkhave, pañcahaṅgehi samannāgato antevāsiko paṇāmetabbo.
pli-tv-kd1:34.1.36	Pañcahi, bhikkhave, aṅgehi samannāgato antevāsiko na paṇāmetabbo.
pli-tv-kd1:34.1.37	Ācariyamhi adhimattaṁ pemaṁ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti—
pli-tv-kd1:34.1.38	imehi kho, bhikkhave, pañcahaṅgehi samannāgato antevāsiko na paṇāmetabbo.
pli-tv-kd1:34.1.39	Pañcahi, bhikkhave, aṅgehi samannāgato antevāsiko alaṁ paṇāmetuṁ.
pli-tv-kd1:34.1.40	Ācariyamhi nādhimattaṁ pemaṁ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti—
pli-tv-kd1:34.1.41	imehi kho, bhikkhave, pañcahaṅgehi samannāgato antevāsiko alaṁ paṇāmetuṁ.
pli-tv-kd1:34.1.42	Pañcahi, bhikkhave, aṅgehi samannāgato antevāsiko nālaṁ paṇāmetuṁ.
pli-tv-kd1:34.1.43	Ācariyamhi adhimattaṁ pemaṁ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti—
pli-tv-kd1:34.1.44	imehi kho, bhikkhave, pañcahaṅgehi samannāgato antevāsiko nālaṁ paṇāmetuṁ.
pli-tv-kd1:34.1.45	Pañcahi, bhikkhave, aṅgehi samannāgataṁ antevāsikaṁ appaṇāmento ācariyo sātisāro hoti, paṇāmento anatisāro hoti.
pli-tv-kd1:34.1.46	Ācariyamhi nādhimattaṁ pemaṁ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti—
pli-tv-kd1:34.1.47	imehi kho, bhikkhave, pañcahaṅgehi samannāgataṁ antevāsikaṁ appaṇāmento ācariyo sātisāro hoti, paṇāmento anatisāro hoti.
pli-tv-kd1:34.1.48	Pañcahi, bhikkhave, aṅgehi samannāgataṁ antevāsikaṁ paṇāmento ācariyo sātisāro hoti, appaṇāmento anatisāro hoti.
pli-tv-kd1:34.1.49	Ācariyamhi adhimattaṁ pemaṁ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti—
pli-tv-kd1:34.1.50	imehi kho, bhikkhave, pañcahaṅgehi samannāgataṁ antevāsikaṁ paṇāmento ācariyo sātisāro hoti, appaṇāmento anatisāro hotī”ti.
pli-tv-kd1:34.1.51	Paṇāmanā khamāpanā niṭṭhitā.
pli-tv-kd1:35.1.0	21. Bālaabyattavatthu
pli-tv-kd1:35.1.1	Tena kho pana samayena bhikkhū, dasavassamhā dasavassamhāti, bālā abyattā nissayaṁ denti.
pli-tv-kd1:35.1.2	Dissanti ācariyā bālā, antevāsikā paṇḍitā.
pli-tv-kd1:35.1.3	Dissanti ācariyā abyattā, antevāsikā byattā.
pli-tv-kd1:35.1.4	Dissanti ācariyā appassutā, antevāsikā bahussutā.
pli-tv-kd1:35.1.5	Dissanti ācariyā duppaññā, antevāsikā paññavanto.
pli-tv-kd1:35.1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-kd1:35.1.7	“kathañhi nāma bhikkhū—dasavassamhā dasavassamhāti—bālā abyattā nissayaṁ dassanti.
pli-tv-kd1:35.1.8	Dissanti ācariyā bālā antevāsikā paṇḍitā, dissanti ācariyā abyattā antevāsikā byattā, dissanti ācariyā appassutā antevāsikā bahussutā, dissanti ācariyā duppaññā antevāsikā paññavanto”ti.
pli-tv-kd1:35.2.1	Atha kho te bhikkhū bhagavato etamatthaṁ ārocesuṁ …pe…
pli-tv-kd1:35.2.2	“saccaṁ kira, bhikkhave, bhikkhū—
pli-tv-kd1:35.2.3	dasavassamhā dasavassamhāti—
pli-tv-kd1:35.2.4	bālā abyattā nissayaṁ denti …pe…
pli-tv-kd1:35.2.5	“saccaṁ, bhagavā”ti.
pli-tv-kd1:35.2.6	Vigarahi buddho bhagavā …pe…
pli-tv-kd1:35.2.7	vigarahitvā …pe…
pli-tv-kd1:35.2.8	dhammiṁ kathaṁ katvā bhikkhū āmantesi—
pli-tv-kd1:35.2.9	“na, bhikkhave, bālena abyattena nissayo dātabbo.
pli-tv-kd1:35.2.10	Yo dadeyya, āpatti dukkaṭassa.
pli-tv-kd1:35.2.11	Anujānāmi, bhikkhave, byattena bhikkhunā paṭibalena dasavassena vā atirekadasavassena vā nissayaṁ dātun”ti.
pli-tv-kd1:35.2.12	Bālaabyattavatthu niṭṭhitaṁ.
pli-tv-kd1:36.1.0	22. Nissayapaṭippassaddhikathā
pli-tv-kd1:36.1.1	Tena kho pana samayena bhikkhū ācariyupajjhāyesu pakkantesupi vibbhantesupi kālaṅkatesupi pakkhasaṅkantesupi nissayapaṭippassaddhiyo na jānanti.
pli-tv-kd1:36.1.2	Bhagavato etamatthaṁ ārocesuṁ.
pli-tv-kd1:36.1.3	“Pañcimā, bhikkhave, nissayapaṭippassaddhiyo upajjhāyamhā—
pli-tv-kd1:36.1.4	upajjhāyo pakkanto vā hoti, vibbhanto vā, kālaṅkato vā, pakkhasaṅkanto vā, āṇattiyeva pañcamī.
pli-tv-kd1:36.1.5	Imā kho, bhikkhave, pañca nissayapaṭippassaddhiyo upajjhāyamhā.
pli-tv-kd1:36.1.6	Chayimā, bhikkhave, nissayapaṭippassaddhiyo ācariyamhā—
pli-tv-kd1:36.1.7	ācariyo pakkanto vā hoti, vibbhanto vā, kālaṅkato vā, pakkhasaṅkanto vā, āṇattiyeva pañcamī, upajjhāyena vā samodhānagato hoti.
pli-tv-kd1:36.1.8	Imā kho, bhikkhave, cha nissayapaṭippassaddhiyo ācariyamhā.
pli-tv-kd1:36.1.9	Nissayapaṭippassaddhikathā niṭṭhitā.
pli-tv-kd1:36.2.0	23. Upasampādetabbapañcaka
pli-tv-kd1:36.2.1	Pañcahi, bhikkhave, aṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.2.2	Na asekkhena sīlakkhandhena samannāgato hoti, na asekkhena samādhikkhandhena samannāgato hoti, na asekkhena paññākkhandhena samannāgato hoti, na asekkhena vimuttikkhandhena samannāgato hoti, na asekkhena vimuttiñāṇadassanakkhandhena samannāgato hoti—
pli-tv-kd1:36.2.3	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.3.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.3.2	Asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti—
pli-tv-kd1:36.3.3	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.4.1	Aparehipi, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.4.2	Attanā na asekkhena sīlakkhandhena samannāgato hoti, na paraṁ asekkhe sīlakkhandhe samādapetā;
pli-tv-kd1:36.4.3	attanā na asekkhena samādhikkhandhena samannāgato hoti, na paraṁ asekkhe samādhikkhandhe samādapetā;
pli-tv-kd1:36.4.4	attanā na asekkhena paññākkhandhena samannāgato hoti, na paraṁ asekkhe paññākkhandhe samādapetā;
pli-tv-kd1:36.4.5	attanā na asekkhena vimuttikkhandhena samannāgato hoti, na paraṁ asekkhe vimuttikkhandhe samādapetā;
pli-tv-kd1:36.4.6	attanā na asekkhena vimuttiñāṇadassanakkhandhena samannāgato hoti, na paraṁ asekkhe vimuttiñāṇadassanakkhandhe samādapetā—
pli-tv-kd1:36.4.7	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.5.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.5.2	Attanā asekkhena sīlakkhandhena samannāgato hoti, paraṁ asekkhe sīlakkhandhe samādapetā;
pli-tv-kd1:36.5.3	attanā asekkhena samādhikkhandhena samannāgato hoti, paraṁ asekkhe samādhikkhandhe samādapetā;
pli-tv-kd1:36.5.4	attanā asekkhena paññākkhandhena samannāgato hoti, paraṁ asekkhe paññākkhandhe samādapetā;
pli-tv-kd1:36.5.5	attanā asekkhena vimuttikkhandhena samannāgato hoti, paraṁ asekkhe vimuttikkhandhe samādapetā;
pli-tv-kd1:36.5.6	attanā asekkhena vimuttiñāṇadassanakkhandhena samannāgato hoti, paraṁ asekkhe vimuttiñāṇadassanakkhandhe samādapetā—
pli-tv-kd1:36.5.7	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.6.1	Aparehipi, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.6.2	Assaddho hoti, ahiriko hoti, anottappī hoti, kusīto hoti, muṭṭhassati hoti—
pli-tv-kd1:36.6.3	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.7.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.7.2	Saddho hoti, hirimā hoti, ottappī hoti, āraddhavīriyo hoti, upaṭṭhitassati hoti—
pli-tv-kd1:36.7.3	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.8.1	Aparehipi, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.8.2	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti, appassuto hoti, duppañño hoti—
pli-tv-kd1:36.8.3	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.9.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.9.2	Na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti—
pli-tv-kd1:36.9.3	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.10.1	Aparehipi, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.10.2	Na paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ āpattiṁ na jānāti, āpattiyā vuṭṭhānaṁ na jānāti—
pli-tv-kd1:36.10.3	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.11.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.11.2	Paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ āpattiṁ jānāti, āpattiyā vuṭṭhānaṁ jānāti—
pli-tv-kd1:36.11.3	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.12.1	Aparehipi, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.12.2	Na paṭibalo hoti antevāsiṁ vā saddhivihāriṁ vā abhisamācārikāya sikkhāya sikkhāpetuṁ, ādibrahmacariyakāya sikkhāya vinetuṁ, abhidhamme vinetuṁ, abhivinaye vinetuṁ, uppannaṁ diṭṭhigataṁ dhammato vivecetuṁ—
pli-tv-kd1:36.12.3	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.13.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.13.2	Paṭibalo hoti antevāsiṁ vā saddhivihāriṁ vā abhisamācārikāya sikkhāya sikkhāpetuṁ, ādibrahmacariyakāya sikkhāya vinetuṁ, abhidhamme vinetuṁ, abhivinaye vinetuṁ, uppannaṁ diṭṭhigataṁ dhammato vivecetuṁ—
pli-tv-kd1:36.13.3	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.14.1	Aparehipi, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.14.2	Āpattiṁ na jānāti, anāpattiṁ na jānāti, lahukaṁ āpattiṁ na jānāti, garukaṁ āpattiṁ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso—
pli-tv-kd1:36.14.3	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.15.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.15.2	Āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso—
pli-tv-kd1:36.15.3	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.16.1	Aparehipi, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.16.2	Āpattiṁ na jānāti, anāpattiṁ na jānāti, lahukaṁ āpattiṁ na jānāti, garukaṁ āpattiṁ na jānāti, ūnadasavasso hoti—
pli-tv-kd1:36.16.3	imehi kho, bhikkhave, pañcahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:36.17.1	Pañcahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:36.17.2	Āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, dasavasso vā hoti atirekadasavasso vā—
pli-tv-kd1:36.17.3	imehi kho, bhikkhave, pañcahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo”ti.
pli-tv-kd1:36.17.4	Upasampādetabbapañcakasoḷasavāro niṭṭhito.
pli-tv-kd1:37.1.0	24. Upasampādetabbachakka
pli-tv-kd1:37.1.1	“Chahi, bhikkhave, aṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.1.2	Na asekkhena sīlakkhandhena samannāgato hoti, na asekkhena samādhikkhandhena samannāgato hoti, na asekkhena paññākkhandhena samannāgato hoti, na asekkhena vimuttikkhandhena samannāgato hoti, na asekkhena vimuttiñāṇadassanakkhandhena samannāgato hoti, ūnadasavasso hoti—
pli-tv-kd1:37.1.3	imehi kho, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.2.1	Chahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.2.2	Asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti, dasavasso vā hoti atirekadasavasso vā—
pli-tv-kd1:37.2.3	imehi kho, bhikkhave, chahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.3.1	Aparehipi, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.3.2	Attanā na asekkhena sīlakkhandhena samannāgato hoti, na paraṁ asekkhe sīlakkhandhe samādapetā;
pli-tv-kd1:37.3.3	attanā na asekkhena samādhikkhandhena samannāgato hoti, na paraṁ asekkhe samādhikkhandhe samādapetā;
pli-tv-kd1:37.3.4	attanā na asekkhena paññākkhandhena samannāgato hoti, na paraṁ asekkhe paññākkhandhe samādapetā;
pli-tv-kd1:37.3.5	attanā na asekkhena vimuttikkhandhena samannāgato hoti, na paraṁ asekkhe vimuttikkhandhe samādapetā;
pli-tv-kd1:37.3.6	attanā na asekkhena vimuttiñāṇadassanakkhandhena samannāgato hoti, na paraṁ asekkhe vimuttiñāṇadassanakkhandhe samādapetā;
pli-tv-kd1:37.3.7	ūnadasavasso hoti—
pli-tv-kd1:37.3.8	imehi kho, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.4.1	Chahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.4.2	Attanā asekkhena sīlakkhandhena samannāgato hoti, paraṁ asekkhe sīlakkhandhe samādapetā attanā asekkhena samādhikkhandhena samannāgato hoti, paraṁ asekkhe samādhikkhandhe samādapetā.
pli-tv-kd1:37.4.3	Attanā asekkhena paññākkhandhena samannāgato hoti, paraṁ asekkhe paññākkhandhe samādapetā.
pli-tv-kd1:37.4.4	Attanā asekkhena vimuttikkhandhena samannāgato hoti, paraṁ asekkhe vimuttikkhandhe samādapetā.
pli-tv-kd1:37.4.5	Attanā asekkhena vimuttiñāṇadassanakkhandhena samannāgato hoti, paraṁ asekkhe vimuttiñāṇadassanakkhandhe samādapetā;
pli-tv-kd1:37.4.6	dasavasso vā hoti atirekadasavasso vā—
pli-tv-kd1:37.4.7	imehi kho, bhikkhave, chahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.5.1	Aparehipi, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.5.2	Assaddho hoti, ahiriko hoti, anottappī hoti, kusīto hoti, muṭṭhassati hoti, ūnadasavasso hoti—
pli-tv-kd1:37.5.3	imehi kho, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.6.1	Chahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.6.2	Saddho hoti, hirimā hoti, ottappī hoti, āraddhavīriyo hoti, upaṭṭhitassati hoti, dasavasso vā hoti atirekadasavasso vā—
pli-tv-kd1:37.6.3	imehi kho, bhikkhave, chahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.7.1	Aparehipi, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.7.2	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti, appassuto hoti, duppañño hoti, ūnadasavasso hoti—
pli-tv-kd1:37.7.3	imehi kho, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.8.1	Chahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.8.2	Na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti, dasavasso vā hoti atirekadasavasso vā—
pli-tv-kd1:37.8.3	imehi kho, bhikkhave, chahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.9.1	Aparehipi, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.9.2	Na paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ, āpattiṁ na jānāti, āpattiyā vuṭṭhānaṁ na jānāti, ūnadasavasso hoti—
pli-tv-kd1:37.9.3	imehi kho, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.10.1	Chahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.10.2	Paṭibalo hoti antevāsiṁ vā saddhivihāriṁ vā gilānaṁ upaṭṭhātuṁ vā upaṭṭhāpetuṁ vā, anabhirataṁ vūpakāsetuṁ vā vūpakāsāpetuṁ vā, uppannaṁ kukkuccaṁ dhammato vinodetuṁ, āpattiṁ jānāti, āpattiyā vuṭṭhānaṁ jānāti, dasavasso vā hoti atirekadasavasso vā—
pli-tv-kd1:37.10.3	imehi kho, bhikkhave, chahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.11.1	Aparehipi, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.11.2	Na paṭibalo hoti antevāsiṁ vā saddhivihāriṁ vā abhisamācārikāya sikkhāya sikkhāpetuṁ, ādibrahmacariyakāya sikkhāya vinetuṁ, abhidhamme vinetuṁ, abhivinaye vinetuṁ, uppannaṁ diṭṭhigataṁ dhammato vivecetuṁ, ūnadasavasso hoti—
pli-tv-kd1:37.11.3	imehi kho, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.12.1	Chahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.12.2	Paṭibalo hoti antevāsiṁ vā saddhivihāriṁ vā abhisamācārikāya sikkhāya sikkhāpetuṁ ādibrahmacariyakāya sikkhāya vinetuṁ, abhidhamme vinetuṁ, abhivinaye vinetuṁ, uppannaṁ diṭṭhigataṁ dhammato vivecetuṁ, dasavasso vā hoti atirekadasavasso vā—
pli-tv-kd1:37.12.3	imehi kho, bhikkhave, chahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.13.1	Aparehipi, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.13.2	Āpattiṁ na jānāti, anāpattiṁ na jānāti, lahukaṁ āpattiṁ na jānāti, garukaṁ āpattiṁ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso, ūnadasavasso hoti—
pli-tv-kd1:37.13.3	imehi kho, bhikkhave, chahaṅgehi samannāgatena bhikkhunā na upasampādetabbaṁ, na nissayo dātabbo, na sāmaṇero upaṭṭhāpetabbo.
pli-tv-kd1:37.14.1	Chahi, bhikkhave, aṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo.
pli-tv-kd1:37.14.2	Āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, dasavasso vā hoti atirekadasavasso vā—
pli-tv-kd1:37.14.3	imehi kho, bhikkhave, chahaṅgehi samannāgatena bhikkhunā upasampādetabbaṁ, nissayo dātabbo, sāmaṇero upaṭṭhāpetabbo”ti.
pli-tv-kd1:37.14.4	Upasampādetabbachakkacuddasavāro niṭṭhito.
pli-tv-kd1:38.1.0	25. Aññatitthiyapubbakathā
pli-tv-kd1:38.1.1	Tena kho pana samayena yo so aññatitthiyapubbo upajjhāyena sahadhammikaṁ vuccamāno upajjhāyassa vādaṁ āropetvā taṁyeva titthāyatanaṁ saṅkami.
pli-tv-kd1:38.1.2	So puna paccāgantvā bhikkhū upasampadaṁ yāci.
pli-tv-kd1:38.1.3	Bhikkhū bhagavato etamatthaṁ ārocesuṁ.
pli-tv-kd1:38.1.4	“Yo so, bhikkhave, aññatitthiyapubbo upajjhāyena sahadhammikaṁ vuccamāno upajjhāyassa vādaṁ āropetvā taṁyeva titthāyatanaṁ saṅkanto, so āgato na upasampādetabbo.
pli-tv-kd1:38.1.5	Yo so, bhikkhave, aññopi aññatitthiyapubbo imasmiṁ dhammavinaye ākaṅkhati pabbajjaṁ, ākaṅkhati upasampadaṁ, tassa cattāro māse parivāso dātabbo.
pli-tv-kd1:38.2.1	Evañca pana, bhikkhave, dātabbo—
pli-tv-kd1:38.2.2	paṭhamaṁ kesamassuṁ ohārāpetvā kāsāyāni vatthāni acchādāpetvā ekaṁsaṁ uttarāsaṅgaṁ kārāpetvā bhikkhūnaṁ pāde vandāpetvā ukkuṭikaṁ nisīdāpetvā añjaliṁ paggaṇhāpetvā ‘evaṁ vadehī’ti vattabbo—
pli-tv-kd1:38.2.3	‘Buddhaṁ saraṇaṁ gacchāmi,
pli-tv-kd1:38.2.4	Dhammaṁ saraṇaṁ gacchāmi,
pli-tv-kd1:38.2.5	Saṅghaṁ saraṇaṁ gacchāmi.
pli-tv-kd1:38.2.6	Dutiyampi buddhaṁ saraṇaṁ gacchāmi,
pli-tv-kd1:38.2.7	Dutiyampi dhammaṁ saraṇaṁ gacchāmi,
pli-tv-kd1:38.2.8	Dutiyampi saṅghaṁ saraṇaṁ gacchāmi.
pli-tv-kd1:38.2.9	Tatiyampi buddhaṁ saraṇaṁ gacchāmi,
pli-tv-kd1:38.2.10	Tatiyampi dhammaṁ saraṇaṁ gacchāmi,
pli-tv-kd1:38.2.11	Tatiyampi saṅghaṁ saraṇaṁ gacchāmī’ti.
pli-tv-kd1:38.3.1	Tena, bhikkhave, aññatitthiyapubbena saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd1:38.3.2	‘ahaṁ, bhante, aññatitthiyapubbo imasmiṁ dhammavinaye ākaṅkhāmi upasampadaṁ.
pli-tv-kd1:38.3.3	Sohaṁ, bhante, saṅghaṁ cattāro māse parivāsaṁ yācāmī’ti.
pli-tv-kd1:38.3.4	Dutiyampi yācitabbo.
pli-tv-kd1:38.3.5	Tatiyampi yācitabbo.
pli-tv-kd1:38.3.6	Byattena bhikkhunā paṭibalena saṅgho ñāpetabbo—
pli-tv-kd1:38.3.7	‘Suṇātu me, bhante, saṅgho.
pli-tv-kd1:38.3.8	Ayaṁ itthannāmo aññatitthiyapubbo imasmiṁ dhammavinaye ākaṅkhati upasampadaṁ.
pli-tv-kd1:38.3.9	So saṅghaṁ cattāro māse parivāsaṁ yācati.
pli-tv-kd1:38.3.10	Yadi saṅghassa pattakallaṁ saṅgho itthannāmassa aññatitthiyapubbassa cattāro māse parivāsaṁ dadeyya.
pli-tv-kd1:38.3.11	Esā ñatti.
pli-tv-kd1:38.4.1	Suṇātu me, bhante, saṅgho.
pli-tv-kd1:38.4.2	Ayaṁ itthannāmo aññatitthiyapubbo imasmiṁ dhammavinaye ākaṅkhati upasampadaṁ.
pli-tv-kd1:38.4.3	So saṅghaṁ cattāro māse parivāsaṁ yācati.
pli-tv-kd1:38.4.4	Saṅgho itthannāmassa aññatitthiyapubbassa cattāro māse parivāsaṁ deti.
pli-tv-kd1:38.4.5	Yassāyasmato khamati itthannāmassa aññatitthiyapubbassa cattāro māse parivāsassa dānaṁ, so tuṇhassa;
pli-tv-kd1:38.4.6	yassa nakkhamati, so bhāseyya.
pli-tv-kd1:38.4.7	Dinno saṅghena itthannāmassa aññatitthiyapubbassa cattāro māse parivāso.
pli-tv-kd1:38.4.8	Khamati saṅghassa, tasmā tuṇhī, evametaṁ dhārayāmī’ti.
pli-tv-kd1:38.5.1	Evaṁ kho, bhikkhave, aññatitthiyapubbo ārādhako hoti, evaṁ anārādhako.
pli-tv-kd1:38.5.2	Kathañca, bhikkhave, aññatitthiyapubbo anārādhako hoti?
pli-tv-kd1:38.5.3	Idha, bhikkhave, aññatitthiyapubbo atikālena gāmaṁ pavisati, atidivā paṭikkamati.
pli-tv-kd1:38.5.4	Evampi, bhikkhave, aññatitthiyapubbo anārādhako hoti.
pli-tv-kd1:38.5.5	Puna caparaṁ, bhikkhave, aññatitthiyapubbo vesiyāgocaro vā hoti, vidhavāgocaro vā hoti, thullakumārikāgocaro vā hoti, paṇḍakagocaro vā hoti, bhikkhunigocaro vā hoti.
pli-tv-kd1:38.5.6	Evampi, bhikkhave, aññatitthiyapubbo anārādhako hoti.
pli-tv-kd1:38.6.1	Puna caparaṁ, bhikkhave, aññatitthiyapubbo yāni tāni sabrahmacārīnaṁ uccāvacāni karaṇīyāni, tattha na dakkho hoti, na analaso, na tatrupāyāya vīmaṁsāya samannāgato, na alaṁ kātuṁ, na alaṁ saṁvidhātuṁ.
pli-tv-kd1:38.6.2	Evampi, bhikkhave, aññatitthiyapubbo anārādhako hoti.
pli-tv-kd1:38.6.3	Puna caparaṁ, bhikkhave, aññatitthiyapubbo na tibbacchando hoti uddese, paripucchāya, adhisīle, adhicitte, adhipaññāya.
pli-tv-kd1:38.6.4	Evampi, bhikkhave, aññatitthiyapubbo anārādhako hoti.
pli-tv-kd1:38.7.1	Puna caparaṁ, bhikkhave, aññatitthiyapubbo yassa titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa avaṇṇe bhaññamāne kupito hoti anattamano anabhiraddho, buddhassa vā dhammassa vā saṅghassa vā avaṇṇe bhaññamāne attamano hoti udaggo abhiraddho.
pli-tv-kd1:38.7.2	Yassa vā pana titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa vaṇṇe bhaññamāne attamano hoti udaggo abhiraddho, buddhassa vā dhammassa vā saṅghassa vā vaṇṇe bhaññamāne kupito hoti anattamano anabhiraddho.
pli-tv-kd1:38.7.3	Idaṁ, bhikkhave, saṅghātanikaṁ aññatitthiyapubbassa anārādhanīyasmiṁ.
pli-tv-kd1:38.7.4	Evampi kho, bhikkhave, aññatitthiyapubbo anārādhako hoti.
pli-tv-kd1:38.7.5	Evaṁ anārādhako kho, bhikkhave, aññatitthiyapubbo āgato na upasampādetabbo.
pli-tv-kd1:38.8.1	Kathañca, bhikkhave, aññatitthiyapubbo ārādhako hoti?
pli-tv-kd1:38.8.2	Idha, bhikkhave, aññatitthiyapubbo nātikālena gāmaṁ pavisati nātidivā paṭikkamati.
pli-tv-kd1:38.8.3	Evampi, bhikkhave, aññatitthiyapubbo ārādhako hoti.
pli-tv-kd1:38.8.4	Puna caparaṁ, bhikkhave, aññatitthiyapubbo na vesiyāgocaro hoti, na vidhavāgocaro hoti, na thullakumārikāgocaro hoti, na paṇḍakagocaro hoti, na bhikkhunigocaro hoti.
pli-tv-kd1:38.8.5	Evampi, bhikkhave, aññatitthiyapubbo ārādhako hoti.
pli-tv-kd1:38.9.1	Puna caparaṁ, bhikkhave, aññatitthiyapubbo yāni tāni sabrahmacārīnaṁ uccāvacāni karaṇīyāni, tattha dakkho hoti, analaso, tatrupāyāya vīmaṁsāya samannāgato, alaṁ kātuṁ, alaṁ saṁvidhātuṁ.
pli-tv-kd1:38.9.2	Evampi, bhikkhave, aññatitthiyapubbo ārādhako hoti.
pli-tv-kd1:38.9.3	Puna caparaṁ, bhikkhave, aññatitthiyapubbo tibbacchando hoti uddese, paripucchāya, adhisīle, adhicitte, adhipaññāya.
pli-tv-kd1:38.9.4	Evampi, bhikkhave, aññatitthiyapubbo ārādhako hoti.
pli-tv-kd1:38.10.1	Puna caparaṁ, bhikkhave, aññatitthiyapubbo yassa titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa avaṇṇe bhaññamāne attamano hoti udaggo abhiraddho, buddhassa vā dhammassa vā saṅghassa vā avaṇṇe bhaññamāne kupito hoti anattamano anabhiraddho.
pli-tv-kd1:38.10.2	Yassa vā pana titthāyatanā saṅkanto hoti, tassa satthuno tassa diṭṭhiyā tassa khantiyā tassa ruciyā tassa ādāyassa vaṇṇe bhaññamāne kupito hoti anattamano anabhiraddho, buddhassa vā dhammassa vā saṅghassa vā vaṇṇe bhaññamāne attamano hoti udaggo abhiraddho.
pli-tv-kd1:38.10.3	Idaṁ, bhikkhave, saṅghātanikaṁ aññatitthiyapubbassa ārādhanīyasmiṁ.
pli-tv-kd1:38.10.4	Evampi kho, bhikkhave, aññatitthiyapubbo ārādhako hoti.
pli-tv-kd1:38.10.5	Evaṁ ārādhako kho, bhikkhave, aññatitthiyapubbo āgato upasampādetabbo.
pli-tv-kd1:38.11.1	Sace, bhikkhave, aññatitthiyapubbo naggo āgacchati, upajjhāyamūlakaṁ cīvaraṁ pariyesitabbaṁ.
pli-tv-kd1:38.11.2	Sace acchinnakeso āgacchati, saṅgho apaloketabbo bhaṇḍukammāya.
pli-tv-kd1:38.11.3	Ye te, bhikkhave, aggikā jaṭilakā, te āgatā upasampādetabbā, na tesaṁ parivāso dātabbo.
pli-tv-kd1:38.11.4	Taṁ kissa hetu?
pli-tv-kd1:38.11.5	Kammavādino ete, bhikkhave, kiriyavādino.
pli-tv-kd1:38.11.6	Sace, bhikkhave, jātiyā sākiyo aññatitthiyapubbo āgacchati, so āgato upasampādetabbo, na tassa parivāso dātabbo.
pli-tv-kd1:38.11.7	Imāhaṁ, bhikkhave, ñātīnaṁ āveṇikaṁ parihāraṁ dammī”ti.
pli-tv-kd1:38.11.8	Aññatitthiyapubbakathā niṭṭhitā.
pli-tv-kd1:38.11.9	Sattamo bhāṇavāro.
pli-tv-kd1:39.1.0	26. Pañcābādhavatthu
pli-tv-kd1:39.1.1	Tena kho pana samayena magadhesu pañca ābādhā ussannā honti—
pli-tv-kd1:39.1.2	kuṭṭhaṁ, gaṇḍo, kilāso, soso, apamāro.
pli-tv-kd1:39.1.3	Manussā pañcahi ābādhehi phuṭṭhā jīvakaṁ komārabhaccaṁ upasaṅkamitvā evaṁ vadanti—
pli-tv-kd1:39.1.4	“sādhu no, ācariya, tikicchāhī”ti.
pli-tv-kd1:39.1.5	“Ahaṁ khvayyo, bahukicco bahukaraṇīyo;
pli-tv-kd1:39.1.6	rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho;
pli-tv-kd1:39.1.7	nāhaṁ sakkomi tikicchitun”ti.
pli-tv-kd1:39.1.8	“Sabbaṁ sāpateyyañca te, ācariya, hotu;
pli-tv-kd1:39.1.9	mayañca te dāsā;
pli-tv-kd1:39.1.10	sādhu, no, ācariya, tikicchāhī”ti.
pli-tv-kd1:39.2.1	“Ahaṁ khvayyo, bahukicco bahukaraṇīyo rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho;
pli-tv-kd1:39.2.2	nāhaṁ sakkomi tikicchitun”ti.
pli-tv-kd1:39.2.3	Atha kho tesaṁ manussānaṁ etadahosi—
pli-tv-kd1:39.2.4	“ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti.
pli-tv-kd1:39.2.5	Yannūna mayaṁ samaṇesu sakyaputtiyesu pabbajeyyāma.
pli-tv-kd1:39.2.6	Tattha bhikkhū ceva upaṭṭhahissanti, jīvako ca komārabhacco tikicchissatī”ti.
pli-tv-kd1:39.2.7	Atha kho te manussā bhikkhū upasaṅkamitvā pabbajjaṁ yāciṁsu.
pli-tv-kd1:39.2.8	Te bhikkhū pabbājesuṁ, upasampādesuṁ.
pli-tv-kd1:39.2.9	Te bhikkhū ceva upaṭṭhahiṁsu jīvako ca komārabhacco tikicchi.
pli-tv-kd1:39.3.1	Tena kho pana samayena bhikkhū bahū gilāne bhikkhū upaṭṭhahantā yācanabahulā viññattibahulā viharanti—
pli-tv-kd1:39.3.2	“gilānabhattaṁ detha, gilānupaṭṭhākabhattaṁ detha, gilānabhesajjaṁ dethā”ti.
pli-tv-kd1:39.3.3	Jīvakopi komārabhacco bahū gilāne bhikkhū tikicchanto aññataraṁ rājakiccaṁ parihāpesi.
pli-tv-kd1:39.4.1	Aññataropi puriso pañcahi ābādhehi phuṭṭho jīvakaṁ komārabhaccaṁ upasaṅkamitvā etadavoca—
pli-tv-kd1:39.4.2	“sādhu maṁ, ācariya, tikicchāhī”ti.
pli-tv-kd1:39.4.3	“Ahaṁ khvayyo, bahukicco, bahukaraṇīyo, rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho;
pli-tv-kd1:39.4.4	nāhaṁ sakkomi tikicchitun”ti.
pli-tv-kd1:39.4.5	“Sabbaṁ sāpateyyañca te, ācariya, hotu, ahañca te dāso;
pli-tv-kd1:39.4.6	sādhu maṁ, ācariya, tikicchāhī”ti.
pli-tv-kd1:39.4.7	“Ahaṁ khvayyo, bahukicco bahukaraṇīyo, rājā ca me māgadho seniyo bimbisāro upaṭṭhātabbo itthāgārañca buddhappamukho ca bhikkhusaṅgho, nāhaṁ sakkomi tikicchitun”ti.
pli-tv-kd1:39.5.1	Atha kho tassa purisassa etadahosi—
pli-tv-kd1:39.5.2	“ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti.
pli-tv-kd1:39.5.3	Yannūnāhaṁ samaṇesu sakyaputtiyesu pabbajeyyaṁ.
pli-tv-kd1:39.5.4	Tattha bhikkhū ceva upaṭṭhahissanti, jīvako ca komārabhacco tikicchissati.
pli-tv-kd1:39.5.5	Somhi arogo vibbhamissāmī”ti.
pli-tv-kd1:39.5.6	Atha kho so puriso bhikkhu upasaṅkamitvā pabbajjaṁ yāci.
pli-tv-kd1:39.5.7	Taṁ bhikkhū pabbājesuṁ, upasampādesuṁ.
pli-tv-kd1:39.5.8	Taṁ bhikkhū ceva upaṭṭhahiṁsu, jīvako ca komārabhacco tikicchi.
pli-tv-kd1:39.5.9	So arogo vibbhami.
pli-tv-kd1:39.5.10	Addasā kho jīvako komārabhacco taṁ purisaṁ vibbhantaṁ, disvāna taṁ purisaṁ etadavoca—
pli-tv-kd1:39.5.11	“nanu tvaṁ, ayyo, bhikkhūsu pabbajito ahosī”ti?
pli-tv-kd1:39.5.12	“Evaṁ, ācariyā”ti.
pli-tv-kd1:39.5.13	“Kissa pana tvaṁ, ayyo, evarūpamakāsī”ti?
pli-tv-kd1:39.5.14	Atha kho so puriso jīvakassa komārabhaccassa etamatthaṁ ārocesi.
pli-tv-kd1:39.6.1	Jīvako komārabhacco ujjhāyati khiyyati vipāceti—
pli-tv-kd1:39.6.2	“kathañhi nāma bhadantā pañcahi ābādhehi phuṭṭhaṁ pabbājessantī”ti.
pli-tv-kd1:39.6.3	Atha kho jīvako komārabhacco yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:39.6.4	Ekamantaṁ nisinno kho jīvako komārabhacco bhagavantaṁ etadavoca—
pli-tv-kd1:39.6.5	“sādhu, bhante, ayyā pañcahi ābādhehi phuṭṭhaṁ na pabbājeyyun”ti.
pli-tv-kd1:39.7.1	Atha kho bhagavā jīvakaṁ komārabhaccaṁ dhammiyā kathāya sandassesi samādapesi samuttejesi sampahaṁsesi.
pli-tv-kd1:39.7.2	Atha kho jīvako komārabhacco bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd1:39.7.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:39.7.4	“na, bhikkhave, pañcahi ābādhehi phuṭṭho pabbājetabbo.
pli-tv-kd1:39.7.5	Yo pabbājeyya, āpatti dukkaṭassā”ti.
pli-tv-kd1:40.1.0	27. Rājabhaṭavatthu
pli-tv-kd1:40.1.1	Tena kho pana samayena rañño māgadhassa seniyassa bimbisārassa paccanto kupito hoti.
pli-tv-kd1:40.1.2	Atha kho rājā māgadho seniyo bimbisāro senānāyake mahāmatte āṇāpesi—
pli-tv-kd1:40.1.3	“gacchatha, bhaṇe, paccantaṁ uccinathā”ti.
pli-tv-kd1:40.1.4	“Evaṁ, devā”ti kho senānāyakā mahāmattā rañño māgadhassa seniyassa bimbisārassa paccassosuṁ.
pli-tv-kd1:40.2.1	Atha kho abhiññātānaṁ abhiññātānaṁ yodhānaṁ etadahosi—
pli-tv-kd1:40.2.2	“mayaṁ kho yuddhābhinandino gacchantā pāpañca karoma, bahuñca apuññaṁ pasavāma.
pli-tv-kd1:40.2.3	Kena nu kho mayaṁ upāyena pāpā ca virameyyāma kalyāṇañca kareyyāmā”ti?
pli-tv-kd1:40.2.4	Atha kho tesaṁ yodhānaṁ etadahosi—
pli-tv-kd1:40.2.5	“ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā.
pli-tv-kd1:40.2.6	Sace kho mayaṁ samaṇesu sakyaputtiyesu pabbajeyyāma, evaṁ mayaṁ pāpā ca virameyyāma kalyāṇañca kareyyāmā”ti.
pli-tv-kd1:40.2.7	Atha kho te yodhā bhikkhū upasaṅkamitvā pabbajjaṁ yāciṁsu.
pli-tv-kd1:40.2.8	Te bhikkhū pabbājesuṁ, upasampādesuṁ.
pli-tv-kd1:40.3.1	Senānāyakā mahāmattā rājabhaṭe pucchiṁsu—
pli-tv-kd1:40.3.2	“kiṁ nu kho, bhaṇe, itthannāmo ca itthannāmo ca yodhā na dissantī”ti?
pli-tv-kd1:40.3.3	“Itthannāmo ca itthannāmo ca, sāmi, yodhā bhikkhūsu pabbajitā”ti.
pli-tv-kd1:40.3.4	Senānāyakā mahāmattā ujjhāyanti khiyyanti vipācenti—
pli-tv-kd1:40.3.5	“kathañhi nāma samaṇā sakyaputtiyā rājabhaṭaṁ pabbājessantī”ti.
pli-tv-kd1:40.3.6	Senānāyakā mahāmattā rañño māgadhassa seniyassa bimbisārassa etamatthaṁ ārocesuṁ.
pli-tv-kd1:40.3.7	Atha kho rājā māgadho seniyo bimbisāro vohārike mahāmatte pucchi—
pli-tv-kd1:40.3.8	“yo, bhaṇe, rājabhaṭaṁ pabbājeti, kiṁ so pasavatī”ti?
pli-tv-kd1:40.3.9	“Upajjhāyassa, deva, sīsaṁ chetabbaṁ, anussāvakassa jivhā uddharitabbā, gaṇassa upaḍḍhaphāsukā bhañjitabbā”ti.
pli-tv-kd1:40.4.1	Atha kho rājā māgadho seniyo bimbisāro yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:40.4.2	Ekamantaṁ nisinno kho rājā māgadho seniyo bimbisāro bhagavantaṁ etadavoca—
pli-tv-kd1:40.4.3	“santi, bhante, rājāno assaddhā appasannā.
pli-tv-kd1:40.4.4	Te appamattakenapi bhikkhū viheṭheyyuṁ.
pli-tv-kd1:40.4.5	Sādhu, bhante, ayyā rājabhaṭaṁ na pabbājeyyun”ti.
pli-tv-kd1:40.4.6	Atha kho bhagavā rājānaṁ māgadhaṁ seniyaṁ bimbisāraṁ dhammiyā kathāya sandassesi samādapesi samuttejesi sampahaṁsesi.
pli-tv-kd1:40.4.7	Atha kho rājā māgadho seniyo bimbisāro bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd1:40.4.8	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:40.4.9	“na, bhikkhave, rājabhaṭo pabbājetabbo.
pli-tv-kd1:40.4.10	Yo pabbājeyya, āpatti dukkaṭassā”ti.
pli-tv-kd1:41.1.0	28. Aṅgulimālacoravatthu
pli-tv-kd1:41.1.1	Tena kho pana samayena coro aṅgulimālo bhikkhūsu pabbajito hoti.
pli-tv-kd1:41.1.2	Manussā passitvā ubbijjantipi, uttasantipi, palāyantipi, aññenapi gacchanti, aññenapi mukhaṁ karonti, dvārampi thakenti.
pli-tv-kd1:41.1.3	Manussā ujjhāyanti khiyyanti vipācenti—
pli-tv-kd1:41.1.4	“kathañhi nāma samaṇā sakyaputtiyā dhajabandhaṁ coraṁ pabbājessantī”ti.
pli-tv-kd1:41.1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd1:41.1.6	Atha kho te bhikkhū bhagavato etamatthaṁ ārocesuṁ …pe…
pli-tv-kd1:41.1.7	“na, bhikkhave, dhajabandho coro pabbājetabbo.
pli-tv-kd1:41.1.8	Yo pabbājeyya, āpatti dukkaṭassā”ti.
pli-tv-kd1:42.1.0	29. Kārabhedakacoravatthu
pli-tv-kd1:42.1.1	Tena kho pana samayena raññā māgadhena seniyena bimbisārena anuññātaṁ hoti—
pli-tv-kd1:42.1.2	“ye samaṇesu sakyaputtiyesu pabbajanti, na te labbhā kiñci kātuṁ;
pli-tv-kd1:42.1.3	svākkhāto dhammo, carantu brahmacariyaṁ sammā dukkhassa antakiriyāyā”ti.
pli-tv-kd1:42.1.4	Tena kho pana samayena aññataro puriso corikaṁ katvā kārāya baddho hoti.
pli-tv-kd1:42.1.5	So kāraṁ bhinditvā palāyitvā bhikkhūsu pabbajito hoti.
pli-tv-kd1:42.2.1	Manussā passitvā evamāhaṁsu—
pli-tv-kd1:42.2.2	“ayaṁ so kārabhedako coro.
pli-tv-kd1:42.2.3	Handa naṁ nemā”ti.
pli-tv-kd1:42.2.4	Ekacce evamāhaṁsu—
pli-tv-kd1:42.2.5	“māyyo, evaṁ avacuttha.
pli-tv-kd1:42.2.6	Anuññātaṁ raññā māgadhena seniyena bimbisārena—
pli-tv-kd1:42.2.7	‘ye samaṇesu sakyaputtiyesu pabbajanti, na te labbhā kiñci kātuṁ;
pli-tv-kd1:42.2.8	svākkhāto dhammo, carantu brahmacariyaṁ sammā dukkhassa antakiriyāyā’”ti.
pli-tv-kd1:42.2.9	Manussā ujjhāyanti khiyyanti vipācenti—
pli-tv-kd1:42.2.10	“abhayūvarā ime samaṇā sakyaputtiyā, nayime labbhā kiñci kātuṁ.
pli-tv-kd1:42.2.11	Kathañhi nāma samaṇā sakyaputtiyā kārabhedakaṁ coraṁ pabbājessantī”ti.
pli-tv-kd1:42.2.12	Bhagavato etamatthaṁ ārocesuṁ.
pli-tv-kd1:42.2.13	“Na, bhikkhave, kārabhedako coro pabbājetabbo.
pli-tv-kd1:42.2.14	Yo pabbājeyya, āpatti dukkaṭassā”ti.
pli-tv-kd1:43.1.0	30. Likhitakacoravatthu
pli-tv-kd1:43.1.1	Tena kho pana samayena aññataro puriso corikaṁ katvā palāyitvā bhikkhūsu pabbajito hoti.
pli-tv-kd1:43.1.2	So ca rañño antepure likhito hoti—
pli-tv-kd1:43.1.3	yattha passati, tattha hantabboti.
pli-tv-kd1:43.1.4	Manussā passitvā evamāhaṁsu—
pli-tv-kd1:43.1.5	“ayaṁ so likhitako coro.
pli-tv-kd1:43.1.6	Handa naṁ hanāmā”ti.
pli-tv-kd1:43.1.7	Ekacce evamāhaṁsu—
pli-tv-kd1:43.1.8	“māyyo, evaṁ avacuttha.
pli-tv-kd1:43.1.9	Anuññātaṁ raññā māgadhena seniyena bimbisārena ‘ye samaṇesu sakyaputtiyesu pabbajanti, na te labbhā kiñci kātuṁ, svākkhāto dhammo, carantu brahmacariyaṁ sammā dukkhassa antakiriyāyā’”ti.
pli-tv-kd1:43.1.10	Manussā ujjhāyanti khiyyanti vipācenti—
pli-tv-kd1:43.1.11	“abhayūvarā ime samaṇā sakyaputtiyā, nayime labbhā kiñci kātuṁ.
pli-tv-kd1:43.1.12	Kathañhi nāma samaṇā sakyaputtiyā likhitakaṁ coraṁ pabbājessantī”ti.
pli-tv-kd1:43.1.13	Bhagavato etamatthaṁ ārocesuṁ.
pli-tv-kd1:43.1.14	“Na, bhikkhave, likhitako coro pabbājetabbo.
pli-tv-kd1:43.1.15	Yo pabbājeyya, āpatti dukkaṭassā”ti.
pli-tv-kd1:44.1.0	31. Kasāhatavatthu
pli-tv-kd1:44.1.1	Tena kho pana samayena aññataro puriso kasāhato katadaṇḍakammo bhikkhūsu pabbajito hoti.
pli-tv-kd1:44.1.2	Manussā ujjhāyanti khiyyanti vipācenti—
pli-tv-kd1:44.1.3	“kathañhi nāma samaṇā sakyaputtiyā kasāhataṁ katadaṇḍakammaṁ pabbājessantī”ti.
pli-tv-kd1:44.1.4	Bhagavato etamatthaṁ ārocesuṁ.
pli-tv-kd1:44.1.5	“Na, bhikkhave, kasāhato katadaṇḍakammo pabbājetabbo.
pli-tv-kd1:44.1.6	Yo pabbājeyya, āpatti dukkaṭassā”ti.
pli-tv-kd1:45.1.0	32. Lakkhaṇāhatavatthu
pli-tv-kd1:45.1.1	Tena kho pana samayena aññataro puriso lakkhaṇāhato katadaṇḍakammo bhikkhūsu pabbajito hoti.
pli-tv-kd1:45.1.2	Manussā ujjhāyanti khiyyanti vipācenti—
pli-tv-kd1:45.1.3	“kathañhi nāma samaṇā sakyaputtiyā lakkhaṇāhataṁ katadaṇḍakammaṁ pabbājessantī”ti.
pli-tv-kd1:45.1.4	Bhagavato etamatthaṁ ārocesuṁ.
pli-tv-kd1:45.1.5	“Na, bhikkhave, lakkhaṇāhato katadaṇḍakammo pabbājetabbo.
pli-tv-kd1:45.1.6	Yo pabbājeyya, āpatti dukkaṭassā”ti.
pli-tv-kd1:46.1.0	33. Iṇāyikavatthu
pli-tv-kd1:46.1.1	Tena kho pana samayena aññataro puriso iṇāyiko palāyitvā bhikkhūsu pabbajito hoti.
pli-tv-kd1:46.1.2	Dhaniyā passitvā evamāhaṁsu—
pli-tv-kd1:46.1.3	“ayaṁ so amhākaṁ iṇāyiko.
pli-tv-kd1:46.1.4	Handa naṁ nemā”ti.
pli-tv-kd1:46.1.5	Ekacce evamāhaṁsu—
pli-tv-kd1:46.1.6	“māyyo, evaṁ avacuttha.
pli-tv-kd1:46.1.7	Anuññātaṁ raññā māgadhena seniyena bimbisārena—
pli-tv-kd1:46.1.8	‘ye samaṇesu sakyaputtiyesu pabbajanti, na te labbhā kiñci kātuṁ;
pli-tv-kd1:46.1.9	svākkhāto dhammo, carantu brahmacariyaṁ sammā dukkhassa antakiriyāyā’”ti.
pli-tv-kd1:46.1.10	Manussā ujjhāyanti khiyyanti vipācenti—
pli-tv-kd1:46.1.11	“abhayūvarā ime samaṇā sakyaputtiyā.
pli-tv-kd1:46.1.12	Nayime labbhā kiñci kātuṁ.
pli-tv-kd1:46.1.13	Kathañhi nāma samaṇā sakyaputtiyā iṇāyikaṁ pabbājessantī”ti.
pli-tv-kd1:46.1.14	Bhagavato etamatthaṁ ārocesuṁ.
pli-tv-kd1:46.1.15	“Na, bhikkhave, iṇāyiko pabbājetabbo.
pli-tv-kd1:46.1.16	Yo pabbājeyya, āpatti dukkaṭassā”ti.
pli-tv-kd1:47.1.0	34. Dāsavatthu
pli-tv-kd1:47.1.1	Tena kho pana samayena aññataro dāso palāyitvā bhikkhūsu pabbajito hoti.
pli-tv-kd1:47.1.2	Ayyakā passitvā evamāhaṁsu—
pli-tv-kd1:47.1.3	“ayaṁ so amhākaṁ dāso.
pli-tv-kd1:47.1.4	Handa naṁ nemā”ti.
pli-tv-kd1:47.1.5	Ekacce evamāhaṁsu—
pli-tv-kd1:47.1.6	“māyyo, evaṁ avacuttha, anuññātaṁ raññā māgadhena seniyena bimbisārena ‘ye samaṇesu sakyaputtiyesu pabbajanti, na te labbhā kiñci kātuṁ, svākkhāto dhammo, carantu brahmacariyaṁ sammā dukkhassa antakiriyāyā’”ti.
pli-tv-kd1:47.1.7	Manussā ujjhāyanti khiyyanti vipācenti—
pli-tv-kd1:47.1.8	“abhayūvarā ime samaṇā sakyaputtiyā, nayime labbhā kiñci kātuṁ.
pli-tv-kd1:47.1.9	Kathañhi nāma samaṇā sakyaputtiyā dāsaṁ pabbājessantī”ti.
pli-tv-kd1:47.1.10	Bhagavato etamatthaṁ ārocesuṁ.
pli-tv-kd1:47.1.11	“Na, bhikkhave, dāso pabbājetabbo.
pli-tv-kd1:47.1.12	Yo pabbājeyya, āpatti dukkaṭassā”ti.
pli-tv-kd1:48.1.0	35. Kammārabhaṇḍuvatthu
pli-tv-kd1:48.1.1	Tena kho pana samayena aññataro kammārabhaṇḍu mātāpitūhi saddhiṁ bhaṇḍitvā ārāmaṁ gantvā bhikkhūsu pabbajito hoti.
pli-tv-kd1:48.1.2	Atha kho tassa kammārabhaṇḍussa mātāpitaro taṁ kammārabhaṇḍuṁ vicinantā ārāmaṁ gantvā bhikkhū pucchiṁsu—
pli-tv-kd1:48.1.3	“api, bhante, evarūpaṁ dārakaṁ passeyyāthā”ti?
pli-tv-kd1:48.1.4	Bhikkhū ajānaṁyeva āhaṁsu—
pli-tv-kd1:48.1.5	“na jānāmā”ti, apassaṁyeva āhaṁsu—
pli-tv-kd1:48.1.6	“na passāmā”ti.
pli-tv-kd1:48.2.1	Atha kho tassa kammārabhaṇḍussa mātāpitaro taṁ kammārabhaṇḍuṁ vicinantā bhikkhūsu pabbajitaṁ disvā ujjhāyanti khiyyanti vipācenti—
pli-tv-kd1:48.2.2	“alajjino ime samaṇā sakyaputtiyā, dussīlā musāvādino.
pli-tv-kd1:48.2.3	Jānaṁyeva āhaṁsu—‘na jānāmā’ti, passaṁyeva āhaṁsu—‘na passāmā’ti.
pli-tv-kd1:48.2.4	Ayaṁ dārako bhikkhūsu pabbajito”ti.
pli-tv-kd1:48.2.5	Assosuṁ kho bhikkhū tassa kammārabhaṇḍussa mātāpitūnaṁ ujjhāyantānaṁ khiyyantānaṁ vipācentānaṁ.
pli-tv-kd1:48.2.6	Atha kho te bhikkhū bhagavato etamatthaṁ ārocesuṁ.
pli-tv-kd1:48.2.7	“Anujānāmi, bhikkhave, saṅghaṁ apaloketuṁ bhaṇḍukammāyā”ti.
pli-tv-kd1:49.1.0	36. Upālidārakavatthu
pli-tv-kd1:49.1.1	Tena kho pana samayena rājagahe sattarasavaggiyā dārakā sahāyakā honti.
pli-tv-kd1:49.1.2	Upālidārako tesaṁ pāmokkho hoti.
pli-tv-kd1:49.1.3	Atha kho upālissa mātāpitūnaṁ etadahosi—
pli-tv-kd1:49.1.4	“kena nu kho upāyena upāli amhākaṁ accayena sukhañca jīveyya, na ca kilameyyā”ti?
pli-tv-kd1:49.1.5	Atha kho upālissa mātāpitūnaṁ etadahosi—
pli-tv-kd1:49.1.6	“sace kho upāli lekhaṁ sikkheyya, evaṁ kho upāli amhākaṁ accayena sukhañca jīveyya, na ca kilameyyā”ti.
pli-tv-kd1:49.1.7	Atha kho upālissa mātāpitūnaṁ etadahosi—
pli-tv-kd1:49.1.8	“sace kho upāli lekhaṁ sikkhissati, aṅguliyo dukkhā bhavissanti.
pli-tv-kd1:49.1.9	Sace kho upāli gaṇanaṁ sikkheyya, evaṁ kho upāli amhākaṁ accayena sukhañca jīveyya, na ca kilameyyā”ti.
pli-tv-kd1:49.1.10	Atha kho upālissa mātāpitūnaṁ etadahosi—
pli-tv-kd1:49.2.1	“sace kho upāli gaṇanaṁ sikkhissati, urassa dukkho bhavissati.
pli-tv-kd1:49.2.2	Sace kho upāli rūpaṁ sikkheyya, evaṁ kho upāli amhākaṁ accayena sukhañca jīveyya, na ca kilameyyā”ti.
pli-tv-kd1:49.2.3	Atha kho upālissa mātāpitūnaṁ etadahosi—
pli-tv-kd1:49.2.4	“sace kho upāli rūpaṁ sikkhissati, akkhīni dukkhā bhavissanti.
pli-tv-kd1:49.2.5	Ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti.
pli-tv-kd1:49.2.6	Sace kho upāli samaṇesu sakyaputtiyesu pabbajeyya, evaṁ kho upāli amhākaṁ accayena sukhañca jīveyya, na ca kilameyyā”ti.
pli-tv-kd1:49.3.1	Assosi kho upālidārako mātāpitūnaṁ imaṁ kathāsallāpaṁ.
pli-tv-kd1:49.3.2	Atha kho upālidārako yena te dārakā tenupasaṅkami, upasaṅkamitvā te dārake etadavoca—
pli-tv-kd1:49.3.3	“etha mayaṁ, ayyā, samaṇesu sakyaputtiyesu pabbajissāmā”ti.
pli-tv-kd1:49.3.4	“Sace kho tvaṁ, ayya, pabbajissasi, evaṁ mayampi pabbajissāmā”ti.
pli-tv-kd1:49.3.5	Atha kho te dārakā ekamekassa mātāpitaro upasaṅkamitvā etadavocuṁ—
pli-tv-kd1:49.3.6	“anujānātha maṁ agārasmā anāgāriyaṁ pabbajjāyā”ti.
pli-tv-kd1:49.3.7	Atha kho tesaṁ dārakānaṁ mātāpitaro—
pli-tv-kd1:49.3.8	“sabbepime dārakā samānacchandā kalyāṇādhippāyā”ti—
pli-tv-kd1:49.3.9	anujāniṁsu.
pli-tv-kd1:49.3.10	Te bhikkhū upasaṅkamitvā pabbajjaṁ yāciṁsu.
pli-tv-kd1:49.3.11	Te bhikkhū pabbājesuṁ upasampādesuṁ.
pli-tv-kd1:49.4.1	Te rattiyā paccūsasamayaṁ paccuṭṭhāya rodanti—
pli-tv-kd1:49.4.2	“yāguṁ detha, bhattaṁ detha, khādanīyaṁ dethā”ti.
pli-tv-kd1:49.4.3	Bhikkhū evamāhaṁsu—
pli-tv-kd1:49.4.4	“āgametha, āvuso, yāva ratti vibhāyati.
pli-tv-kd1:49.4.5	Sace yāgu bhavissati pivissatha, sace bhattaṁ bhavissati bhuñjissatha, sace khādanīyaṁ bhavissati khādissatha;
pli-tv-kd1:49.4.6	no ce bhavissati yāgu vā bhattaṁ vā khādanīyaṁ vā, piṇḍāya caritvā bhuñjissathā”ti.
pli-tv-kd1:49.4.7	Evampi kho te bhikkhū bhikkhūhi vuccamānā rodantiyeva “yāguṁ detha, bhattaṁ detha, khādanīyaṁ dethā”ti;
pli-tv-kd1:49.4.8	senāsanaṁ uhadantipi ummihantipi.
pli-tv-kd1:49.5.1	Assosi kho bhagavā rattiyā paccūsasamayaṁ paccuṭṭhāya dārakasaddaṁ.
pli-tv-kd1:49.5.2	Sutvāna āyasmantaṁ ānandaṁ āmantesi—
pli-tv-kd1:49.5.3	“kiṁ nu kho so, ānanda, dārakasaddo”ti?
pli-tv-kd1:49.5.4	Atha kho āyasmā ānando bhagavato etamatthaṁ ārocesi …pe…
pli-tv-kd1:49.5.5	“saccaṁ kira, bhikkhave, bhikkhū jānaṁ ūnavīsativassaṁ puggalaṁ upasampādentī”ti?
pli-tv-kd1:49.5.6	“Saccaṁ, bhagavā”ti.
pli-tv-kd1:49.5.7	Vigarahi buddho bhagavā …pe…
pli-tv-kd1:49.5.8	kathañhi nāma te, bhikkhave, moghapurisā jānaṁ ūnavīsativassaṁ puggalaṁ upasampādessanti.
pli-tv-kd1:49.6.1	Ūnavīsativasso, bhikkhave, puggalo akkhamo hoti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātiko hoti.
pli-tv-kd1:49.6.2	Vīsativassova kho, bhikkhave, puggalo khamo hoti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ, uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ adhivāsakajātiko hoti.
pli-tv-kd1:49.6.3	Netaṁ, bhikkhave, appasannānaṁ vā pasādāya, pasannānaṁ vā bhiyyobhāvāya …pe…
pli-tv-kd1:49.6.4	vigarahitvā …pe…
pli-tv-kd1:49.6.5	dhammiṁ kathaṁ katvā bhikkhū āmantesi—
pli-tv-kd1:49.6.6	“na, bhikkhave, jānaṁ ūnavīsativasso puggalo upasampādetabbo.
pli-tv-kd1:49.6.7	Yo upasampādeyya, yathādhammo kāretabbo”ti.
pli-tv-kd1:50.1.0	37. Ahivātakarogavatthu
pli-tv-kd1:50.1.1	Tena kho pana samayena aññataraṁ kulaṁ ahivātakarogena kālaṅkataṁ hoti.
pli-tv-kd1:50.1.2	Tassa pitāputtakā sesā honti.
pli-tv-kd1:50.1.3	Te bhikkhūsu pabbajitvā ekatova piṇḍāya caranti.
pli-tv-kd1:50.1.4	Atha kho so dārako pituno bhikkhāya dinnāya upadhāvitvā etadavoca—
pli-tv-kd1:50.1.5	“mayhampi, tāta, dehi;
pli-tv-kd1:50.1.6	mayhampi, tāta, dehī”ti.
pli-tv-kd1:50.1.7	Manussā ujjhāyanti khiyyanti vipācenti—
pli-tv-kd1:50.1.8	“abrahmacārino ime samaṇā sakyaputtiyā.
pli-tv-kd1:50.1.9	Ayampi dārako bhikkhuniyā jāto”ti.
pli-tv-kd1:50.1.10	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd1:50.1.11	Atha kho te bhikkhū bhagavato etamatthaṁ ārocesuṁ.
pli-tv-kd1:50.1.12	“Na, bhikkhave, ūnapannarasavasso dārako pabbājetabbo.
pli-tv-kd1:50.1.13	Yo pabbājeyya, āpatti dukkaṭassā”ti.
pli-tv-kd1:51.1.1	Tena kho pana samayena āyasmato ānandassa upaṭṭhākakulaṁ saddhaṁ pasannaṁ ahivātakarogena kālaṅkataṁ hoti, dve ca dārakā sesā honti.
pli-tv-kd1:51.1.2	Te porāṇakena āciṇṇakappena bhikkhū passitvā upadhāvanti.
pli-tv-kd1:51.1.3	Bhikkhū apasādenti.
pli-tv-kd1:51.1.4	Te bhikkhūhi apasādiyamānā rodanti.
pli-tv-kd1:51.1.5	Atha kho āyasmato ānandassa etadahosi—
pli-tv-kd1:51.1.6	“bhagavatā paññattaṁ—
pli-tv-kd1:51.1.7	‘na ūnapannarasavasso dārako pabbājetabbo’ti.
pli-tv-kd1:51.1.8	Ime ca dārakā ūnapannarasavassā.
pli-tv-kd1:51.1.9	Kena nu kho upāyena ime dārakā na vinasseyyun”ti?
pli-tv-kd1:51.1.10	Atha kho āyasmā ānando bhagavato etamatthaṁ ārocesi.
pli-tv-kd1:51.1.11	“Ussahanti pana te, ānanda, dārakā kāke uḍḍāpetun”ti?
pli-tv-kd1:51.1.12	“Ussahanti, bhagavā”ti.
pli-tv-kd1:51.1.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:51.1.14	“anujānāmi, bhikkhave, ūnapannarasavassaṁ dārakaṁ kākuḍḍepakaṁ pabbājetun”ti.
pli-tv-kd1:52.1.0	38. Kaṇṭakavatthu
pli-tv-kd1:52.1.1	Tena kho pana samayena āyasmato upanandassa sakyaputtassa dve sāmaṇerā honti—
pli-tv-kd1:52.1.2	kaṇṭako ca mahako ca.
pli-tv-kd1:52.1.3	Te aññamaññaṁ dūsesuṁ.
pli-tv-kd1:52.1.4	Bhikkhū ujjhāyanti khiyyanti vipācenti—
pli-tv-kd1:52.1.5	“kathañhi nāma sāmaṇerā evarūpaṁ anācāraṁ ācarissantī”ti.
pli-tv-kd1:52.1.6	Bhagavato etamatthaṁ ārocesuṁ.
pli-tv-kd1:52.1.7	“Na, bhikkhave, ekena dve sāmaṇerā upaṭṭhāpetabbā.
pli-tv-kd1:52.1.8	Yo upaṭṭhāpeyya, āpatti dukkaṭassā”ti.
pli-tv-kd1:53.1.0	39. Āhundarikavatthu
pli-tv-kd1:53.1.1	Tena kho pana samayena bhagavā tattheva rājagahe vassaṁ vasi, tattha hemantaṁ, tattha gimhaṁ.
pli-tv-kd1:53.1.2	Manussā ujjhāyanti khiyyanti vipācenti—
pli-tv-kd1:53.1.3	“āhundarikā samaṇānaṁ sakyaputtiyānaṁ disā andhakārā, na imesaṁ disā pakkhāyantī”ti.
pli-tv-kd1:53.1.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd1:53.1.5	Atha kho te bhikkhū bhagavato etamatthaṁ ārocesuṁ.
pli-tv-kd1:53.2.1	Atha kho bhagavā āyasmantaṁ ānandaṁ āmantesi—
pli-tv-kd1:53.2.2	“gacchānanda, avāpuraṇaṁ ādāya anupariveṇiyaṁ bhikkhūnaṁ ārocehi—
pli-tv-kd1:53.2.3	‘icchatāvuso bhagavā dakkhiṇāgiriṁ cārikaṁ pakkamituṁ.
pli-tv-kd1:53.2.4	Yassāyasmato attho, so āgacchatū’”ti.
pli-tv-kd1:53.2.5	“Evaṁ, bhante”ti kho āyasmā ānando bhagavato paṭissuṇitvā avāpuraṇaṁ ādāya anupariveṇiyaṁ bhikkhūnaṁ ārocesi—
pli-tv-kd1:53.2.6	“icchatāvuso, bhagavā dakkhiṇāgiriṁ cārikaṁ pakkamituṁ.
pli-tv-kd1:53.2.7	Yassāyasmato attho, so āgacchatū”ti.
pli-tv-kd1:53.3.1	Bhikkhū evamāhaṁsu—
pli-tv-kd1:53.3.2	“bhagavatā, āvuso ānanda, paññattaṁ dasavassāni nissāya vatthuṁ, dasavassena nissayaṁ dātuṁ.
pli-tv-kd1:53.3.3	Tattha ca no gantabbaṁ bhavissati, nissayo ca gahetabbo bhavissati, ittaro ca vāso bhavissati, puna ca paccāgantabbaṁ bhavissati, puna ca nissayo gahetabbo bhavissati.
pli-tv-kd1:53.3.4	Sace amhākaṁ ācariyupajjhāyā gamissanti, mayampi gamissāma;
pli-tv-kd1:53.3.5	no ce amhākaṁ ācariyupajjhāyā gamissanti, mayampi na gamissāma.
pli-tv-kd1:53.3.6	Lahucittakatā no, āvuso ānanda, paññāyissatī”ti.
pli-tv-kd1:53.4.1	Atha kho bhagavā ogaṇena bhikkhusaṅghena dakkhiṇāgiriṁ cārikaṁ pakkāmi.
pli-tv-kd1:53.4.2.0	40. Nissayamuccanakakathā
pli-tv-kd1:53.4.2.1	Atha kho bhagavā dakkhiṇāgirismiṁ yathābhirantaṁ viharitvā punadeva rājagahaṁ paccāgacchi.
pli-tv-kd1:53.4.3	Atha kho bhagavā āyasmantaṁ ānandaṁ āmantesi—
pli-tv-kd1:53.4.4	“kiṁ nu kho, ānanda, tathāgato ogaṇena bhikkhusaṅghena dakkhiṇāgiriṁ cārikaṁ pakkanto”ti?
pli-tv-kd1:53.4.5	Atha kho āyasmā ānando bhagavato etamatthaṁ ārocesi.
pli-tv-kd1:53.4.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:53.4.7	“anujānāmi, bhikkhave, byattena bhikkhunā paṭibalena pañcavassāni nissāya vatthuṁ, abyattena yāvajīvaṁ.
pli-tv-kd1:53.5.1	Pañcahi, bhikkhave, aṅgehi samannāgatena bhikkhunā na anissitena vatthabbaṁ.
pli-tv-kd1:53.5.2	Na asekkhena sīlakkhandhena samannāgato hoti na asekkhena samādhikkhandhena, na asekkhena paññākkhandhena na asekkhena vimuttikkhandhena na asekkhena vimuttiñāṇadassanakkhandhena samannāgato hoti—
pli-tv-kd1:53.5.3	imehi kho, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.5.4	Pañcahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.5.5	Asekkhena sīlakkhandhena samannāgato hoti asekkhena samādhikkhandhena.
pli-tv-kd1:53.5.6	Asekkhena paññākkhandhena …
pli-tv-kd1:53.5.7	asekkhena vimuttikkhandhena …
pli-tv-kd1:53.5.8	asekkhena vimuttiñāṇadassanakkhandhena samannāgato hoti—
pli-tv-kd1:53.5.9	imehi kho, bhikkhave, pañcahaṅgehi samannāgatena bhikkhunā anissitena vatthabbaṁ.
pli-tv-kd1:53.6.1	Aparehipi, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.6.2	Assaddho hoti, ahiriko hoti, anottappī hoti, kusīto hoti, muṭṭhassati hoti—
pli-tv-kd1:53.6.3	imehi kho, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.6.4	Pañcahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.6.5	Saddho hoti, hirimā hoti, ottappī hoti, āraddhavīriyo hoti, upaṭṭhitassati hoti—
pli-tv-kd1:53.6.6	imehi kho, bhikkhave, pañcahaṅgehi samannāgatena bhikkhunā anissitena vatthabbaṁ.
pli-tv-kd1:53.7.1	Aparehipi, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.7.2	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti, appassuto hoti, duppañño hoti—
pli-tv-kd1:53.7.3	imehi kho, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.7.4	Pañcahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.7.5	Na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti—
pli-tv-kd1:53.7.6	imehi kho, bhikkhave, pañcahaṅgehi samannāgatena bhikkhunā anissitena vatthabbaṁ.
pli-tv-kd1:53.8.1	Aparehipi, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.8.2	Āpattiṁ na jānāti, anāpattiṁ na jānāti, lahukaṁ āpattiṁ na jānāti, garukaṁ āpattiṁ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso—
pli-tv-kd1:53.8.3	imehi kho, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.8.4	Pañcahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.8.5	Āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso—
pli-tv-kd1:53.8.6	imehi kho, bhikkhave, pañcahaṅgehi samannāgatena bhikkhunā anissitena vatthabbaṁ.
pli-tv-kd1:53.9.1	Aparehipi, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.9.2	Āpattiṁ na jānāti, anāpattiṁ na jānāti, lahukaṁ āpattiṁ na jānāti, garukaṁ āpattiṁ na jānāti, ūnapañcavasso hoti—
pli-tv-kd1:53.9.3	imehi kho, bhikkhave, pañcahaṅgehi samannāgatena bhikkhunā na anissitena vatthabbaṁ.
pli-tv-kd1:53.9.4	Pañcahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.9.5	Āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, pañcavasso vā hoti atirekapañcavasso vā—
pli-tv-kd1:53.9.6	imehi kho, bhikkhave, pañcahaṅgehi samannāgatena bhikkhunā anissitena vatthabbaṁ.
pli-tv-kd1:53.9.7	Pañcakadasavāro niṭṭhito.
pli-tv-kd1:53.10.1	Chahi, bhikkhave, aṅgehi samannāgatena bhikkhunā na anissitena vatthabbaṁ.
pli-tv-kd1:53.10.2	Na asekkhena sīlakkhandhena samannāgato hoti, na asekkhena samādhikkhandhena, na asekkhena paññākkhandhena, na asekkhena vimuttikkhandhena, na asekkhena vimuttiñāṇadassanakkhandhena samannāgato hoti, ūnapañcavasso hoti—
pli-tv-kd1:53.10.3	imehi kho, bhikkhave, chahaṅgehi samannāgatena bhikkhunā na anissitena vatthabbaṁ.
pli-tv-kd1:53.10.4	Chahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.10.5	Asekkhena sīlakkhandhena samannāgato hoti, asekkhena samādhikkhandhena, asekkhena paññākkhandhena, asekkhena vimuttikkhandhena, asekkhena vimuttiñāṇadassanakkhandhena samannāgato hoti, pañcavasso vā hoti atirekapañcavasso vā—
pli-tv-kd1:53.10.6	imehi kho, bhikkhave, chahaṅgehi samannāgatena bhikkhunā anissitena vatthabbaṁ.
pli-tv-kd1:53.11.1	Aparehipi, bhikkhave, chahaṅgehi samannāgatena bhikkhunā na anissitena vatthabbaṁ.
pli-tv-kd1:53.11.2	Assaddho hoti, ahiriko hoti, anottappī hoti, kusīto hoti, muṭṭhassati hoti, ūnapañcavasso hoti—
pli-tv-kd1:53.11.3	imehi kho, bhikkhave, chahaṅgehi samannāgatena bhikkhunā na anissitena vatthabbaṁ.
pli-tv-kd1:53.11.4	Chahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.11.5	Saddho hoti, hirimā hoti, ottappī hoti, āraddhavīriyo hoti, upaṭṭhitassati hoti, pañcavasso vā hoti atirekapañcavasso vā—
pli-tv-kd1:53.11.6	imehi kho, bhikkhave, chahaṅgehi samannāgatena bhikkhunā anissitena vatthabbaṁ.
pli-tv-kd1:53.12.1	Aparehipi, bhikkhave, chahaṅgehi samannāgatena bhikkhunā na anissitena vatthabbaṁ.
pli-tv-kd1:53.12.2	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti, appassuto hoti, duppañño hoti, ūnapañcavasso hoti—
pli-tv-kd1:53.12.3	imehi kho, bhikkhave, chahaṅgehi samannāgatena bhikkhunā na anissitena vatthabbaṁ.
pli-tv-kd1:53.12.4	Chahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.12.5	Na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti, pañcavasso vā hoti atirekapañcavasso vā—
pli-tv-kd1:53.12.6	imehi kho, bhikkhave, chahaṅgehi samannāgatena bhikkhunā anissitena vatthabbaṁ.
pli-tv-kd1:53.13.1	Aparehipi, bhikkhave, chahaṅgehi samannāgatena bhikkhunā na anissitena vatthabbaṁ.
pli-tv-kd1:53.13.2	Āpattiṁ na jānāti, anāpattiṁ na jānāti, lahukaṁ āpattiṁ na jānāti, garukaṁ āpattiṁ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso, ūnapañcavasso hoti—
pli-tv-kd1:53.13.3	imehi kho, bhikkhave, chahaṅgehi samannāgatena bhikkhunā na anissitena vatthabbaṁ.
pli-tv-kd1:53.13.4	Chahi, bhikkhave, aṅgehi samannāgatena bhikkhunā anissitena vatthabbaṁ.
pli-tv-kd1:53.13.5	Āpattiṁ jānāti, anāpattiṁ jānāti, lahukaṁ āpattiṁ jānāti, garukaṁ āpattiṁ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, pañcavasso vā hoti atirekapañcavasso vā—
pli-tv-kd1:53.13.6	imehi kho, bhikkhave, chahaṅgehi samannāgatena bhikkhunā anissitena vatthabban”ti.
pli-tv-kd1:53.13.7	Abhayūvarabhāṇavāro niṭṭhito aṭṭhamo.
pli-tv-kd1:54.1.0	41. Rāhulavatthu
pli-tv-kd1:54.1.1	Atha kho bhagavā rājagahe yathābhirantaṁ viharitvā yena kapilavatthu tena cārikaṁ pakkāmi.
pli-tv-kd1:54.1.2	Anupubbena cārikaṁ caramāno yena kapilavatthu tadavasari.
pli-tv-kd1:54.1.3	Tatra sudaṁ bhagavā sakkesu viharati kapilavatthusmiṁ nigrodhārāme.
pli-tv-kd1:54.1.4	Atha kho bhagavā pubbaṇhasamayaṁ nivāsetvā pattacīvaramādāya yena suddhodanassa sakkassa nivesanaṁ tenupasaṅkami, upasaṅkamitvā paññatte āsane nisīdi.
pli-tv-kd1:54.1.5	Atha kho rāhulamātā devī rāhulaṁ kumāraṁ etadavoca—
pli-tv-kd1:54.1.6	“eso te, rāhula, pitā.
pli-tv-kd1:54.1.7	Gacchassu, dāyajjaṁ yācāhī”ti.
pli-tv-kd1:54.2.1	Atha kho rāhulo kumāro yena bhagavā tenupasaṅkami, upasaṅkamitvā bhagavato purato, aṭṭhāsi—
pli-tv-kd1:54.2.2	“sukhā te, samaṇa, chāyā”ti.
pli-tv-kd1:54.2.3	Atha kho bhagavā uṭṭhāyāsanā pakkāmi.
pli-tv-kd1:54.2.4	Atha kho rāhulo kumāro bhagavantaṁ piṭṭhito piṭṭhito anubandhi—
pli-tv-kd1:54.2.5	“dāyajjaṁ me, samaṇa, dehi;
pli-tv-kd1:54.2.6	dāyajjaṁ me, samaṇa, dehī”ti.
pli-tv-kd1:54.2.7	Atha kho bhagavā āyasmantaṁ sāriputtaṁ āmantesi—
pli-tv-kd1:54.2.8	“tena hi tvaṁ, sāriputta, rāhulaṁ kumāraṁ pabbājehī”ti.
pli-tv-kd1:54.2.9	“Kathāhaṁ, bhante, rāhulaṁ kumāraṁ pabbājemī”ti?
pli-tv-kd1:54.3.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:54.3.2	“anujānāmi, bhikkhave, tīhi saraṇagamanehi sāmaṇerapabbajjaṁ.
pli-tv-kd1:54.3.3	Evañca pana, bhikkhave, pabbājetabbo—
pli-tv-kd1:54.3.4	paṭhamaṁ kesamassuṁ ohārāpetvā kāsāyāni vatthāni acchādāpetvā ekaṁsaṁ uttarāsaṅgaṁ kārāpetvā bhikkhūnaṁ pāde vandāpetvā ukkuṭikaṁ nisīdāpetvā añjaliṁ paggaṇhāpetvā ‘evaṁ vadehī’ti vattabbo—
pli-tv-kd1:54.3.5	‘Buddhaṁ saraṇaṁ gacchāmi,
pli-tv-kd1:54.3.6	Dhammaṁ saraṇaṁ gacchāmi,
pli-tv-kd1:54.3.7	Saṅghaṁ saraṇaṁ gacchāmi.
pli-tv-kd1:54.3.8	Dutiyampi buddhaṁ saraṇaṁ gacchāmi,
pli-tv-kd1:54.3.9	Dutiyampi dhammaṁ saraṇaṁ gacchāmi,
pli-tv-kd1:54.3.10	Dutiyampi saṅghaṁ saraṇaṁ gacchāmi.
pli-tv-kd1:54.3.11	Tatiyampi buddhaṁ saraṇaṁ gacchāmi,
pli-tv-kd1:54.3.12	Tatiyampi dhammaṁ saraṇaṁ gacchāmi,
pli-tv-kd1:54.3.13	Tatiyampi saṅghaṁ saraṇaṁ gacchāmī’ti.
pli-tv-kd1:54.3.14	Anujānāmi, bhikkhave, imehi tīhi saraṇagamanehi sāmaṇerapabbajjan”ti.
pli-tv-kd1:54.4.1	Atha kho āyasmā sāriputto rāhulaṁ kumāraṁ pabbājesi.
pli-tv-kd1:54.4.2	Atha kho suddhodano sakko yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd1:54.4.3	Ekamantaṁ nisinno kho suddhodano sakko bhagavantaṁ etadavoca—
pli-tv-kd1:54.4.4	“ekāhaṁ, bhante, bhagavantaṁ varaṁ yācāmī”ti.
pli-tv-kd1:54.4.5	“Atikkantavarā kho, gotama, tathāgatā”ti.
pli-tv-kd1:54.4.6	“Yañca, bhante, kappati, yañca anavajjan”ti.
pli-tv-kd1:54.4.7	“Vadehi, gotamā”ti.
pli-tv-kd1:54.5.1	“Bhagavati me, bhante, pabbajite anappakaṁ dukkhaṁ ahosi, tathā nande, adhimattaṁ rāhule.
pli-tv-kd1:54.5.2	Puttapemaṁ, bhante, chaviṁ chindati, chaviṁ chetvā cammaṁ chindati, cammaṁ chetvā maṁsaṁ chindati, maṁsaṁ chetvā nhāruṁ chindati, nhāruṁ chetvā aṭṭhiṁ chindati, aṭṭhiṁ chetvā aṭṭhimiñjaṁ āhacca tiṭṭhati.
pli-tv-kd1:54.5.3	Sādhu, bhante, ayyā ananuññātaṁ mātāpitūhi puttaṁ na pabbājeyyun”ti.
pli-tv-kd1:54.6.1	Atha kho bhagavā suddhodanaṁ sakkaṁ dhammiyā kathāya sandassesi samādapesi samuttejesi sampahaṁsesi.
pli-tv-kd1:54.6.2	Atha kho suddhodano sakko bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd1:54.6.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd1:54.6.4	“na, bhikkhave, ananuññāto mātāpitūhi putto pabbājetabbo.
pli-tv-kd1:54.6.5	Yo pabbājeyya, āpatti dukkaṭassā”ti.
pli-tv-kd1:55.1.1	Atha kho bhagavā kapilavatthusmiṁ yathābhirantaṁ viharitvā yena sāvatthi tena cārikaṁ pakkāmi.
pli-tv-kd1:55.1.2	Anupubbena cārikaṁ caramāno yena sāvatthi tadavasari.
pli-tv-kd1:55.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd1:55.1.4	Tena kho pana samayena āyasmato sāriputtassa upaṭṭhākakulaṁ āyasmato sāriputtassa santike dārakaṁ pāhesi—
pli-tv-kd1:55.1.5	“imaṁ dārakaṁ thero pabbājetū”ti.
pli-tv-kd1:55.1.6	Atha kho āyasmato sāriputtassa etadahosi—
pli-tv-kd1:55.1.7	“bhagavatā paññattaṁ—
pli-tv-kd1:55.1.8	‘na ekena dve sāmaṇerā upaṭṭhāpetabbā’ti.
pli-tv-kd1:55.1.9	Ayañca me rāhulo sāmaṇero.
pli-tv-kd1:55.1.10	Kathaṁ nu kho mayā paṭipajjitabban”ti?
pli-tv-kd1:55.1.11	Bhagavato etamatthaṁ ārocesi.
pli-tv-kd1:55.1.12	“Anujānāmi, bhikkhave, byattena bhikkhunā paṭibalena ekena dve sāmaṇere upaṭṭhāpetuṁ, yāvatake vā pana ussahati ovadituṁ anusāsituṁ tāvatake upaṭṭhāpetun”ti.
pli-tv-kd1:56.1.0	42. Sikkhāpadakathā
pli-tv-kd1:56.1.1	Atha kho sāmaṇerānaṁ etadahosi—
pli-tv-kd1:56.1.2	“kati nu kho amhākaṁ sikkhāpadāni, kattha ca amhehi sikkhitabban”ti?
pli-tv-kd1:56.1.3	Bhagavato etamatthaṁ ārocesuṁ …pe…
pli-tv-kd1:56.1.4	“anujānāmi, bhikkhave, sāmaṇerānaṁ dasa sikkhāpadāni, tesu ca sāmaṇerehi sikkhituṁ—
pli-tv-kd1:56.1.5	pāṇātipātā veramaṇī,
pli-tv-kd1:56.1.6	adinnādānā veramaṇī,
pli-tv-kd1:56.1.7	abrahmacariyā veramaṇī,
pli-tv-kd1:56.1.8	musāvādā veramaṇī,
pli-tv-kd1:56.1.9	surāmerayamajjapamādaṭṭhānā veramaṇī,
pli-tv-kd1:56.1.10	vikālabhojanā veramaṇī,
pli-tv-kd1:56.1.11	naccagītavāditavisūkadassanā veramaṇī,
pli-tv-kd1:56.1.12	mālāgandhavilepanadhāraṇamaṇḍanavibhūsanaṭṭhānā veramaṇī,
pli-tv-kd1:56.1.13	uccāsayanamahāsayanā veramaṇī,
pli-tv-kd1:56.1.14	jātarūparajatapaṭiggahaṇā veramaṇī.
pli-tv-kd1:56.1.15	Anujānāmi, bhikkhave, sāmaṇerānaṁ imāni dasa sikkhāpadāni, imesu ca sāmaṇerehi sikkhitun”ti.
pli-tv-kd1:57.1.0	43. Daṇḍakammavatthu
pli-tv-kd1:57.1.1	Tena kho pana samayena sāmaṇerā bhikkhūsu agāravā appatissā asabhāgavuttikā viharanti.
pli-tv-kd1:57.1.2	Bhikkhū ujjhāyanti khiyyanti vipācenti—
pli-tv-kd1:57.1.3	“kathañhi nāma sāmaṇerā bhikkhūsu agāravā appatissā asabhāgavuttikā viharissantī”ti.
pli-tv-kd1:57.1.4	Bhagavato etamatthaṁ ārocesuṁ …pe…
pli-tv-kd1:57.1.5	“anujānāmi, bhikkhave, pañcahaṅgehi samannāgatassa sāmaṇerassa daṇḍakammaṁ kātuṁ.
pli-tv-kd1:57.1.6	Bhikkhūnaṁ alābhāya parisakkati,
pli-tv-kd1:57.1.7	bhikkhūnaṁ anatthāya parisakkati,
pli-tv-kd1:57.1.8	bhikkhūnaṁ avāsāya parisakkati,
pli-tv-kd1:57.1.9	bhikkhū akkosati paribhāsati,
pli-tv-kd1:57.1.10	bhikkhū bhikkhūhi bhedeti—
pli-tv-kd1:57.1.11	anujānāmi, bhikkhave, imehi pañcahaṅgehi samannāgatassa sāmaṇerassa daṇḍakammaṁ kātun”ti.
pli-tv-kd1:57.2.1	Atha kho bhikkhūnaṁ etadahosi—
pli-tv-kd1:57.2.2	“kiṁ nu kho daṇḍakammaṁ kātabban”ti?
pli-tv-kd1:57.2.3	Bhagavato etamatthaṁ ārocesuṁ.
pli-tv-kd1:57.2.4	“Anujānāmi, bhikkhave, āvaraṇaṁ kātun”ti.
pli-tv-kd1:57.2.5	Tena kho pana samayena bhikkhū sāmaṇerānaṁ sabbaṁ saṅghārāmaṁ āvaraṇaṁ karonti.
pli-tv-kd1:57.2.6	Sāmaṇerā ārāmaṁ pavisituṁ alabhamānā pakkamantipi, vibbhamantipi, titthiyesupi saṅkamanti.
pli-tv-kd1:57.2.7	Bhagavato etamatthaṁ ārocesuṁ.
pli-tv-kd1:57.2.8	“Na, bhikkhave, sabbo saṅghārāmo āvaraṇaṁ kātabbo.
pli-tv-kd1:57.2.9	Yo kareyya, āpatti dukkaṭassa.
pli-tv-kd1:57.2.10	Anujānāmi, bhikkhave, yattha vā vasati, yattha vā paṭikkamati, tattha āvaraṇaṁ kātun”ti.
pli-tv-kd1:57.3.1	Tena kho pana samayena bhikkhū sāmaṇerānaṁ mukhadvārikaṁ āhāraṁ āvaraṇaṁ karonti.
pli-tv-kd1:57.3.2	Manussā yāgupānampi saṅghabhattampi karontā sāmaṇere evaṁ vadenti—
pli-tv-kd1:57.3.3	“etha, bhante, yāguṁ pivatha;
pli-tv-kd1:57.3.4	etha, bhante, bhattaṁ bhuñjathā”ti.
pli-tv-kd1:57.3.5	Sāmaṇerā evaṁ vadenti—
pli-tv-kd1:57.3.6	“nāvuso, labbhā.
pli-tv-kd1:57.3.7	Bhikkhūhi āvaraṇaṁ katan”ti.
pli-tv-kd1:57.3.8	Manussā ujjhāyanti khiyyanti vipācenti—
pli-tv-kd1:57.3.9	“kathañhi nāma bhadantā sāmaṇerānaṁ mukhadvārikaṁ āhāraṁ āvaraṇaṁ karissantī”ti.
pli-tv-kd1:57.3.10	Bhagavato etamatthaṁ ārocesuṁ.
pli-tv-kd1:57.3.11	“Na, bhikkhave, mukhadvāriko āhāro āvaraṇaṁ kātabbo.
pli-tv-kd1:57.3.12	Yo kareyya, āpatti dukkaṭassā”ti.
pli-tv-kd1:57.3.13	Daṇḍakammavatthu niṭṭhitaṁ.
pli-tv-kd1:58.1.0	44. Anāpucchāvaraṇavatthu
pli-tv-kd1:58.1.1	Tena kho pana samayena chabbaggiyā bhikkhū upajjhāye anāpucchā sāmaṇerānaṁ āvaraṇaṁ karonti.
pli-tv-kd1:58.1.2	Upajjhāyā gavesanti—
pli-tv-kd1:58.1.3	“kathaṁ nu kho amhākaṁ sāmaṇerā na dissantī”ti.
pli-tv-kd1:58.1.4	Bhikkhū evamāhaṁsu—
pli-tv-kd1:58.1.5	“chabbaggiyehi, āvuso, bhikkhūhi āvaraṇaṁ katan”ti.
pli-tv-kd1:58.1.6	Upajjhāyā ujjhāyanti khiyyanti vipācenti—
pli-tv-kd1:58.1.7	“kathañhi nāma chabbaggiyā bhikkhū amhe anāpucchā amhākaṁ sāmaṇerānaṁ āvaraṇaṁ karissantī”ti.
pli-tv-kd1:58.1.8	Bhagavato etamatthaṁ ārocesuṁ.
pli-tv-kd1:58.1.9	“Na, bhikkhave, upajjhāye anāpucchā āvaraṇaṁ kātabbaṁ.
pli-tv-kd1:58.1.10	Yo kareyya, āpatti dukkaṭassā”ti.
pli-tv-kd1:59.1.0	45. Apalāḷanavatthu
pli-tv-kd1:59.1.1	Tena kho pana samayena chabbaggiyā bhikkhū therānaṁ bhikkhūnaṁ sāmaṇere apalāḷenti.
pli-tv-kd1:59.1.2	Therā sāmaṁ dantakaṭṭhampi mukhodakampi gaṇhantā kilamanti.
pli-tv-kd1:59.1.3	Bhagavato etamatthaṁ ārocesuṁ.
pli-tv-kd1:59.1.4	“Na, bhikkhave, aññassa parisā apalāḷetabbā.
pli-tv-kd1:59.1.5	Yo apalāḷeyya, āpatti dukkaṭassā”ti.
pli-tv-kd1:60.1.0	46. Kaṇṭakasāmaṇeravatthu
pli-tv-kd1:60.1.1	Tena kho pana samayena āyasmato upanandassa sakyaputtassa kaṇṭako nāma sāmaṇero kaṇṭakiṁ nāma bhikkhuniṁ dūsesi.
pli-tv-kd1:60.1.2	Bhikkhū ujjhāyanti khiyyanti vipācenti—
pli-tv-kd1:60.1.3	“kathañhi nāma sāmaṇero evarūpaṁ anācāraṁ ācarissatī”ti.
pli-tv-kd1:60.1.4	Bhagavato etamatthaṁ ārocesuṁ.
pli-tv-kd1:60.1.5	“Anujānāmi, bhikkhave, dasahaṅgehi samannāgataṁ sāmaṇeraṁ nāsetuṁ.
pli-tv-kd1:60.1.6	Pāṇātipātī hoti,
pli-tv-kd1:60.1.7	adinnādāyī hoti,
pli-tv-kd1:60.1.8	abrahmacārī hoti,
pli-tv-kd1:60.1.9	musāvādī hoti,
pli-tv-kd1:60.1.10	majjapāyī hoti,
pli-tv-kd1:60.1.11	buddhassa avaṇṇaṁ bhāsati,
pli-tv-kd1:60.1.12	dhammassa avaṇṇaṁ bhāsati,
pli-tv-kd1:60.1.13	saṅghassa avaṇṇaṁ bhāsati,
pli-tv-kd1:60.1.14	micchādiṭṭhiko hoti,
pli-tv-kd1:60.1.15	bhikkhunidūsako hoti—
pli-tv-kd1:60.1.16	anujānāmi, bhikkhave, imehi dasahaṅgehi samannāgataṁ sāmaṇeraṁ nāsetun”ti.
pli-tv-kd1:61.1.0	47. Paṇḍakavatthu
pli-tv-kd1:61.1.1	Tena kho pana samayena aññataro paṇḍako bhikkhūsu pabbajito hoti.
pli-tv-kd1:61.1.2	So dahare dahare bhikkhū upasaṅkamitvā evaṁ vadeti—
pli-tv-kd1:61.1.3	“etha, maṁ āyasmanto dūsethā”ti.
pli-tv-kd1:61.1.4	Bhikkhū apasādenti—
pli-tv-kd1:61.1.5	“nassa, paṇḍaka, vinassa, paṇḍaka, ko tayā attho”ti.
pli-tv-kd1:61.1.6	So bhikkhūhi apasādito mahante mahante moḷigalle sāmaṇere upasaṅkamitvā evaṁ vadeti—
pli-tv-kd1:61.1.7	“etha, maṁ āvuso dūsethā”ti.
pli-tv-kd1:61.1.8	Sāmaṇerā apasādenti—
pli-tv-kd1:61.1.9	“nassa, paṇḍaka, vinassa, paṇḍaka, ko tayā attho”ti.
pli-tv-kd1:61.1.10	So sāmaṇerehi apasādito hatthibhaṇḍe assabhaṇḍe upasaṅkamitvā evaṁ vadeti—
pli-tv-kd1:61.1.11	“etha, maṁ āvuso dūsethā”ti.
pli-tv-kd1:61.1.12	Hatthibhaṇḍā assabhaṇḍā dūsesuṁ.
pli-tv-kd1:61.1.13	Te ujjhāyanti khiyyanti vipācenti—
pli-tv-kd1:61.1.14	“paṇḍakā ime samaṇā sakyaputtiyā.
pli-tv-kd1:61.1.15	Yepi imesaṁ na paṇḍakā, tepi ime paṇḍake dūsenti.
pli-tv-kd1:61.1.16	Evaṁ ime sabbeva abrahmacārino”ti.
pli-tv-kd1:61.1.17	Assosuṁ kho bhikkhū tesaṁ hatthibhaṇḍānaṁ assabhaṇḍānaṁ ujjhāyantānaṁ khiyyantānaṁ vipācentānaṁ.
pli-tv-kd1:61.1.18	Atha kho te bhikkhū bhagavato etamatthaṁ ārocesuṁ.
pli-tv-kd1:61.1.19	“Paṇḍako, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:62.1.0	48. Theyyasaṁvāsakavatthu
pli-tv-kd1:62.1.1	Tena kho pana samayena aññataro purāṇakulaputto khīṇakolañño sukhumālo hoti.
pli-tv-kd1:62.1.2	Atha kho tassa purāṇakulaputtassa khīṇakolaññassa etadahosi—
pli-tv-kd1:62.1.3	“ahaṁ kho sukhumālo, na paṭibalo anadhigataṁ vā bhogaṁ adhigantuṁ, adhigataṁ vā bhogaṁ phātiṁ kātuṁ.
pli-tv-kd1:62.1.4	Kena nu kho ahaṁ upāyena sukhañca jīveyyaṁ, na ca kilameyyan”ti?
pli-tv-kd1:62.1.5	Atha kho tassa purāṇakulaputtassa khīṇakolaññassa etadahosi—
pli-tv-kd1:62.1.6	“ime kho samaṇā sakyaputtiyā sukhasīlā sukhasamācārā, subhojanāni bhuñjitvā nivātesu sayanesu sayanti.
pli-tv-kd1:62.1.7	Yannūnāhaṁ sāmaṁ pattacīvaraṁ paṭiyādetvā kesamassuṁ ohāretvā kāsāyāni vatthāni acchādetvā ārāmaṁ gantvā bhikkhūhi saddhiṁ saṁvaseyyan”ti.
pli-tv-kd1:62.2.1	Atha kho so purāṇakulaputto khīṇakolañño sāmaṁ pattacīvaraṁ paṭiyādetvā kesamassuṁ ohāretvā kāsāyāni vatthāni acchādetvā ārāmaṁ gantvā bhikkhū abhivādeti.
pli-tv-kd1:62.2.2	Bhikkhū evamāhaṁsu—
pli-tv-kd1:62.2.3	“kativassosi tvaṁ, āvuso”ti?
pli-tv-kd1:62.2.4	“Kiṁ etaṁ, āvuso, kativasso nāmā”ti?
pli-tv-kd1:62.2.5	“Ko pana te, āvuso, upajjhāyo”ti?
pli-tv-kd1:62.2.6	“Kiṁ etaṁ, āvuso, upajjhāyo nāmā”ti?
pli-tv-kd1:62.2.7	Bhikkhū āyasmantaṁ upāliṁ etadavocuṁ—
pli-tv-kd1:62.2.8	“iṅghāvuso upāli, imaṁ pabbajitaṁ anuyuñjāhī”ti.
pli-tv-kd1:62.3.1	Atha kho so purāṇakulaputto khīṇakolañño āyasmatā upālinā anuyuñjīyamāno etamatthaṁ ārocesi.
pli-tv-kd1:62.3.2	Āyasmā upāli bhikkhūnaṁ etamatthaṁ ārocesi.
pli-tv-kd1:62.3.3	Bhikkhū bhagavato etamatthaṁ ārocesuṁ.
pli-tv-kd1:62.3.4	“Theyyasaṁvāsako, bhikkhave, anupasampanno na upasampādetabbo, upasampanno nāsetabboti.
pli-tv-kd1:62.3.5	Titthiyapakkantako, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:63.1.0	49. Tiracchānagatavatthu
pli-tv-kd1:63.1.1	Tena kho pana samayena aññataro nāgo nāgayoniyā aṭṭīyati harāyati jigucchati.
pli-tv-kd1:63.1.2	Atha kho tassa nāgassa etadahosi—
pli-tv-kd1:63.1.3	“kena nu kho ahaṁ upāyena nāgayoniyā ca parimucceyyaṁ khippañca manussattaṁ paṭilabheyyan”ti.
pli-tv-kd1:63.1.4	Atha kho tassa nāgassa etadahosi—
pli-tv-kd1:63.1.5	“ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā.
pli-tv-kd1:63.1.6	Sace kho ahaṁ samaṇesu sakyaputtiyesu pabbajeyyaṁ, evāhaṁ nāgayoniyā ca parimucceyyaṁ, khippañca manussattaṁ paṭilabheyyan”ti.
pli-tv-kd1:63.2.1	Atha kho so nāgo māṇavakavaṇṇena bhikkhū upasaṅkamitvā pabbajjaṁ yāci.
pli-tv-kd1:63.2.2	Taṁ bhikkhū pabbājesuṁ, upasampādesuṁ.
pli-tv-kd1:63.2.3	Tena kho pana samayena so nāgo aññatarena bhikkhunā saddhiṁ paccantime vihāre paṭivasati.
pli-tv-kd1:63.2.4	Atha kho so bhikkhu rattiyā paccūsasamayaṁ paccuṭṭhāya ajjhokāse caṅkamati.
pli-tv-kd1:63.2.5	Atha kho so nāgo tassa bhikkhuno nikkhante vissaṭṭho niddaṁ okkami.
pli-tv-kd1:63.2.6	Sabbo vihāro ahinā puṇṇo, vātapānehi bhogā nikkhantā honti.
pli-tv-kd1:63.3.1	Atha kho so bhikkhu vihāraṁ pavisissāmīti kavāṭaṁ paṇāmento addasa sabbaṁ vihāraṁ ahinā puṇṇaṁ, vātapānehi bhoge nikkhante, disvāna bhīto vissaramakāsi.
pli-tv-kd1:63.3.2	Bhikkhū upadhāvitvā taṁ bhikkhuṁ etadavocuṁ—
pli-tv-kd1:63.3.3	“kissa tvaṁ, āvuso, vissaramakāsī”ti?
pli-tv-kd1:63.3.4	“Ayaṁ, āvuso, sabbo vihāro ahinā puṇṇo, vātapānehi bhogā nikkhantā”ti.
pli-tv-kd1:63.3.5	Atha kho so nāgo tena saddena paṭibujjhitvā sake āsane nisīdi.
pli-tv-kd1:63.3.6	Bhikkhū evamāhaṁsu—
pli-tv-kd1:63.3.7	“kosi tvaṁ, āvuso”ti?
pli-tv-kd1:63.3.8	“Ahaṁ, bhante, nāgo”ti.
pli-tv-kd1:63.3.9	“Kissa pana tvaṁ, āvuso, evarūpaṁ akāsī”ti?
pli-tv-kd1:63.3.10	Atha kho so nāgo bhikkhūnaṁ etamatthaṁ ārocesi.
pli-tv-kd1:63.3.11	Bhikkhū bhagavato etamatthaṁ ārocesuṁ.
pli-tv-kd1:63.4.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā taṁ nāgaṁ etadavoca—
pli-tv-kd1:63.4.2	“tumhe khottha nāgā aviruḷhidhammā imasmiṁ dhammavinaye.
pli-tv-kd1:63.4.3	Gaccha tvaṁ, nāga, tattheva cātuddase pannarase aṭṭhamiyā ca pakkhassa uposathaṁ upavasa, evaṁ tvaṁ nāgayoniyā ca parimuccissasi, khippañca manussattaṁ paṭilabhissasī”ti.
pli-tv-kd1:63.4.4	Atha kho so nāgo aviruḷhidhammo kirāhaṁ imasmiṁ dhammavinayeti dukkhī dummano assūni pavattayamāno vissaraṁ katvā pakkāmi.
pli-tv-kd1:63.5.1	Atha kho bhagavā bhikkhū āmantesi—
pli-tv-kd1:63.5.2	“dveme, bhikkhave, paccayā nāgassa sabhāvapātukammāya.
pli-tv-kd1:63.5.3	Yadā ca sajātiyā methunaṁ dhammaṁ paṭisevati, yadā ca vissaṭṭho niddaṁ okkamati—
pli-tv-kd1:63.5.4	ime kho, bhikkhave, dve paccayā nāgassa sabhāvapātukammāya.
pli-tv-kd1:63.5.5	Tiracchānagato, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:64.1.0	50. Mātughātakavatthu
pli-tv-kd1:64.1.1	Tena kho pana samayena aññataro māṇavako mātaraṁ jīvitā voropesi.
pli-tv-kd1:64.1.2	So tena pāpakena kammena aṭṭīyati harāyati jigucchati.
pli-tv-kd1:64.1.3	Atha kho tassa māṇavakassa etadahosi—
pli-tv-kd1:64.1.4	“kena nu kho ahaṁ upāyena imassa pāpakassa kammassa nikkhantiṁ kareyyan”ti?
pli-tv-kd1:64.1.5	Atha kho tassa māṇavakassa etadahosi—
pli-tv-kd1:64.1.6	“ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā.
pli-tv-kd1:64.1.7	Sace kho ahaṁ samaṇesu sakyaputtiyesu pabbajeyyaṁ, evāhaṁ imassa pāpakassa kammassa nikkhantiṁ kareyyan”ti.
pli-tv-kd1:64.2.1	Atha kho so māṇavako bhikkhū upasaṅkamitvā pabbajjaṁ yāci.
pli-tv-kd1:64.2.2	Bhikkhū āyasmantaṁ upāliṁ etadavocuṁ—
pli-tv-kd1:64.2.3	“pubbepi kho, āvuso upāli, nāgo māṇavakavaṇṇena bhikkhūsu pabbajito.
pli-tv-kd1:64.2.4	Iṅghāvuso upāli, imaṁ māṇavakaṁ anuyuñjāhī”ti.
pli-tv-kd1:64.2.5	Atha kho so māṇavako āyasmatā upālinā anuyuñjīyamāno etamatthaṁ ārocesi.
pli-tv-kd1:64.2.6	Āyasmā upāli bhikkhūnaṁ etamatthaṁ ārocesi.
pli-tv-kd1:64.2.7	Bhikkhū bhagavato etamatthaṁ ārocesuṁ …pe…
pli-tv-kd1:64.2.8	“mātughātako, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:65.1.0	51. Pitughātakavatthu
pli-tv-kd1:65.1.1	Tena kho pana samayena aññataro māṇavako pitaraṁ jīvitā voropesi.
pli-tv-kd1:65.1.2	So tena pāpakena kammena aṭṭīyati harāyati jigucchati.
pli-tv-kd1:65.1.3	Atha kho tassa māṇavakassa etadahosi—
pli-tv-kd1:65.1.4	“kena nu kho ahaṁ upāyena imassa pāpakassa kammassa nikkhantiṁ kareyyan”ti.
pli-tv-kd1:65.1.5	Atha kho tassa māṇavakassa etadahosi—
pli-tv-kd1:65.1.6	“ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā, sace kho ahaṁ samaṇesu sakyaputtiyesu pabbajeyyaṁ, evāhaṁ imassa pāpakassa kammassa nikkhantiṁ kareyyan”ti.
pli-tv-kd1:65.1.7	Atha kho so māṇavako bhikkhū upasaṅkamitvā pabbajjaṁ yāci.
pli-tv-kd1:65.1.8	Bhikkhū āyasmantaṁ upāliṁ etadavocuṁ—
pli-tv-kd1:65.1.9	“pubbepi kho, āvuso upāli, nāgo māṇavakavaṇṇena bhikkhūsu pabbajito.
pli-tv-kd1:65.1.10	Iṅghāvuso, upāli, imaṁ māṇavakaṁ anuyuñjāhī”ti.
pli-tv-kd1:65.1.11	Atha kho so māṇavako āyasmatā upālinā anuyuñjīyamāno etamatthaṁ ārocesi.
pli-tv-kd1:65.1.12	Āyasmā upāli bhikkhūnaṁ etamatthaṁ ārocesi.
pli-tv-kd1:65.1.13	Bhikkhū bhagavato etamatthaṁ ārocesuṁ.
pli-tv-kd1:65.1.14	“Pitughātako, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:66.1.0	52. Arahantaghātakavatthu
pli-tv-kd1:66.1.1	Tena kho pana samayena sambahulā bhikkhū sāketā sāvatthiṁ addhānamaggappaṭipannā honti.
pli-tv-kd1:66.1.2	Antarāmagge corā nikkhamitvā ekacce bhikkhū acchindiṁsu, ekacce bhikkhū haniṁsu.
pli-tv-kd1:66.1.3	Sāvatthiyā rājabhaṭā nikkhamitvā ekacce core aggahesuṁ, ekacce corā palāyiṁsu.
pli-tv-kd1:66.1.4	Ye te palāyiṁsu te bhikkhūsu pabbajiṁsu, ye te gahitā te vadhāya oniyyanti.
pli-tv-kd1:66.2.1	Addasaṁsu kho te palāyitvā pabbajitā te core vadhāya oniyyamāne, disvāna evamāhaṁsu—
pli-tv-kd1:66.2.2	“sādhu kho mayaṁ palāyimhā, sacā ca mayaṁ gayheyyāma, mayampi evameva haññeyyāmā”ti.
pli-tv-kd1:66.2.3	Bhikkhū evamāhaṁsu—
pli-tv-kd1:66.2.4	“kiṁ pana tumhe, āvuso, akatthā”ti?
pli-tv-kd1:66.2.5	Atha kho te pabbajitā bhikkhūnaṁ etamatthaṁ ārocesuṁ.
pli-tv-kd1:66.2.6	Bhikkhū bhagavato etamatthaṁ ārocesuṁ.
pli-tv-kd1:66.2.7	“Arahanto ete, bhikkhave, bhikkhū.
pli-tv-kd1:66.2.8	Arahantaghātako, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:67.1.0	53. Bhikkhunidūsakavatthu
pli-tv-kd1:67.1.1	Tena kho pana samayena sambahulā bhikkhuniyo sāketā sāvatthiṁ addhānamaggappaṭipannā honti.
pli-tv-kd1:67.1.2	Antarāmagge corā nikkhamitvā ekaccā bhikkhuniyo acchindiṁsu, ekaccā bhikkhuniyo dūsesuṁ.
pli-tv-kd1:67.1.3	Sāvatthiyā rājabhaṭā nikkhamitvā ekacce core aggahesuṁ, ekacce corā palāyiṁsu.
pli-tv-kd1:67.1.4	Ye te palāyiṁsu, te bhikkhūsu pabbajiṁsu.
pli-tv-kd1:67.1.5	Ye te gahitā, te vadhāya oniyyanti.
pli-tv-kd1:67.1.6	Addasaṁsu kho te palāyitvā pabbajitā te core vadhāya oniyyamāne, disvāna evamāhaṁsu—
pli-tv-kd1:67.1.7	“sādhu kho mayaṁ palāyimhā, sacā ca mayaṁ gayheyyāma, mayampi evameva haññeyyāmā”ti.
pli-tv-kd1:67.1.8	Bhikkhū evamāhaṁsu—
pli-tv-kd1:67.1.9	“kiṁ pana tumhe, āvuso, akatthā”ti.
pli-tv-kd1:67.1.10	Atha kho te pabbajitā bhikkhūnaṁ etamatthaṁ ārocesuṁ.
pli-tv-kd1:67.1.11	Bhikkhū bhagavato etamatthaṁ ārocesuṁ.
pli-tv-kd1:67.1.12	“Bhikkhunidūsako, bhikkhave, anupasampanno na upasampādetabbo, upasampanno nāsetabboti.
pli-tv-kd1:67.1.13	Saṅghabhedako, bhikkhave, anupasampanno na upasampādetabbo, upasampanno nāsetabboti.
pli-tv-kd1:67.1.14	Lohituppādako, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:68.1.0	54. Ubhatobyañjanakavatthu
pli-tv-kd1:68.1.1	Tena kho pana samayena aññataro ubhatobyañjanako bhikkhūsu pabbajito hoti.
pli-tv-kd1:68.1.2	So karotipi kārāpetipi.
pli-tv-kd1:68.1.3	Bhagavato etamatthaṁ ārocesuṁ.
pli-tv-kd1:68.1.4	“Ubhatobyañjanako, bhikkhave, anupasampanno na upasampādetabbo, upasampanno nāsetabbo”ti.
pli-tv-kd1:69.1.0	55. Anupajjhāyakādivatthu
pli-tv-kd1:69.1.1	Tena kho pana samayena bhikkhū anupajjhāyakaṁ upasampādenti.
pli-tv-kd1:69.1.2	Bhagavato etamatthaṁ ārocesuṁ.
pli-tv-kd1:69.1.3	“Na, bhikkhave, anupajjhāyako upasampādetabbo.
pli-tv-kd1:69.1.4	Yo upasampādeyya, āpatti dukkaṭassā”ti.
pli-tv-kd1:69.2.1	Tena kho pana samayena bhikkhū saṅghena upajjhāyena upasampādenti.
pli-tv-kd1:69.2.2	Bhagavato etamatthaṁ ārocesuṁ.
pli-tv-kd1:69.2.3	“Na, bhikkhave, saṅghena upajjhāyena upasampādetabbo.
pli-tv-kd1:69.2.4	Yo upasampādeyya, āpatti dukkaṭassā”ti.
pli-tv-kd1:69.3.1	Tena kho pana samayena bhikkhū gaṇena upajjhāyena upasampādenti.
pli-tv-kd1:69.3.2	Bhagavato etamatthaṁ ārocesuṁ.
pli-tv-kd1:69.3.3	“Na, bhikkhave, gaṇena upajjhāyena upasampādetabbo.
pli-tv-kd1:69.3.4	Yo upasampādeyya, āpatti dukkaṭassā”ti.
pli-tv-kd1:69.4.1	Tena kho pana samayena bhikkhū paṇḍakupajjhāyena upasampādenti …pe…
pli-tv-kd1:69.4.2	theyyasaṁvāsakupajjhāyena upasampādenti …pe…
pli-tv-kd1:69.4.3	titthiyapakkantakupajjhāyena upasampādenti …pe…
pli-tv-kd1:69.4.4	tiracchānagatupajjhāyena upasampādenti …pe…
pli-tv-kd1:69.4.5	mātughātakupajjhāyena upasampādenti …pe…
pli-tv-kd1:69.4.6	pitughātakupajjhāyena upasampādenti …pe…
pli-tv-kd1:69.4.7	arahantaghātakupajjhāyena upasampādenti …pe…
pli-tv-kd1:69.4.8	bhikkhunidūsakupajjhāyena upasampādenti …pe…
pli-tv-kd1:69.4.9	saṅghabhedakupajjhāyena upasampādenti …pe…
pli-tv-kd1:69.4.10	lohituppādakupajjhāyena upasampādenti …pe…
pli-tv-kd1:69.4.11	ubhatobyañjanakupajjhāyena upasampādenti bhagavato etamatthaṁ ārocesuṁ.
pli-tv-kd1:69.4.12	“Na, bhikkhave, paṇḍakupajjhāyena upasampādetabbo …pe…
pli-tv-kd1:69.4.13	na, bhikkhave, theyyasaṁvāsakupajjhāyena upasampādetabbo …pe…
pli-tv-kd1:69.4.14	na, bhikkhave, titthiyapakkantakupajjhāyena upasampādetabbo …pe…
pli-tv-kd1:69.4.15	na, bhikkhave, tiracchānagatupajjhāyena upasampādetabbo …pe…
pli-tv-kd1:69.4.16	na, bhikkhave, mātughātakupajjhāyena upasampādetabbo …pe…
pli-tv-kd1:69.4.17	na, bhikkhave, pitughātakupajjhāyena upasampādetabbo …pe…
pli-tv-kd1:69.4.18	na, bhikkhave, arahantaghātakupajjhāyena upasampādetabbo …pe…
pli-tv-kd1:69.4.19	na, bhikkhave, bhikkhunidūsakupajjhāyena upasampādetabbo …pe…
pli-tv-kd1:69.4.20	na, bhikkhave, saṅghabhedakupajjhāyena upasampādetabbo …pe…
pli-tv-kd1:69.4.21	na, bhikkhave, lohituppādakupajjhāyena upasampādetabbo …pe…
pli-tv-kd1:69.4.22	na, bhikkhave, ubhatobyañjanakupajjhāyena upasampādetabbo.
pli-tv-kd1:69.4.23	Yo upasampādeyya, āpatti dukkaṭassā”ti.
pli-tv-kd1:70.1.0	56. Apattakādivatthu
pli-tv-kd1:70.1.1	Tena kho pana samayena bhikkhū apattakaṁ upasampādenti.
pli-tv-kd1:70.1.2	Hatthesu piṇḍāya caranti.
pli-tv-kd1:70.1.3	Manussā ujjhāyanti khiyyanti vipācenti—
pli-tv-kd1:70.1.4	“seyyathāpi titthiyā”ti.
pli-tv-kd1:70.1.5	Bhagavato etamatthaṁ ārocesuṁ.
pli-tv-kd1:70.1.6	“Na, bhikkhave, apattako upasampādetabbo.
pli-tv-kd1:70.1.7	Yo upasampādeyya, āpatti dukkaṭassā”ti.
pli-tv-kd1:70.2.1	Tena kho pana samayena bhikkhū acīvarakaṁ upasampādenti.
pli-tv-kd1:70.2.2	Naggā piṇḍāya caranti.
pli-tv-kd1:70.2.3	Manussā ujjhāyanti khiyyanti vipācenti—
pli-tv-kd1:70.2.4	“seyyathāpi titthiyā”ti.
pli-tv-kd1:70.2.5	Bhagavato etamatthaṁ ārocesuṁ.
pli-tv-kd1:70.2.6	“Na, bhikkhave, acīvarako upasampādetabbo.
pli-tv-kd1:70.2.7	Yo upasampādeyya, āpatti dukkaṭassā”ti.
pli-tv-kd1:70.3.1	Tena kho pana samayena bhikkhū apattacīvarakaṁ upasampādenti.
pli-tv-kd1:70.3.2	Naggā hatthesu piṇḍāya caranti.
pli-tv-kd1:70.3.3	Manussā ujjhāyanti khiyyanti vipācenti—
pli-tv-kd1:70.3.4	“seyyathāpi titthiyā”ti.
pli-tv-kd1:70.3.5	Bhagavato etamatthaṁ ārocesuṁ.
pli-tv-kd1:70.3.6	“Na, bhikkhave, apattacīvarako upasampādetabbo.
pli-tv-kd1:70.3.7	Yo upasampādeyya, āpatti dukkaṭassā”ti.
pli-tv-kd1:70.4.1	Tena kho pana samayena bhikkhū yācitakena pattena upasampādenti.
pli-tv-kd1:70.4.2	Upasampanne pattaṁ paṭiharanti.
pli-tv-kd1:70.4.3	Hatthesu piṇḍāya caranti.
pli-tv-kd1:70.4.4	Manussā ujjhāyanti khiyyanti vipācenti—
pli-tv-kd1:70.4.5	“seyyathāpi titthiyā”ti.
pli-tv-kd1:70.4.6	Bhagavato etamatthaṁ ārocesuṁ.
pli-tv-kd1:70.4.7	“Na, bhikkhave, yācitakena pattena upasampādetabbo.
pli-tv-kd1:70.4.8	Yo upasampādeyya, āpatti dukkaṭassā”ti.
pli-tv-kd1:70.5.1	Tena kho pana samayena bhikkhū yācitakena cīvarena upasampādenti.
pli-tv-kd1:70.5.2	Upasampanne cīvaraṁ paṭiharanti.
pli-tv-kd1:70.5.3	Naggā piṇḍāya caranti.
pli-tv-kd1:70.5.4	Manussā ujjhāyanti khiyyanti vipācenti—
pli-tv-kd1:70.5.5	“seyyathāpi titthiyā”ti.
pli-tv-kd1:70.5.6	Bhagavato etamatthaṁ ārocesuṁ.
pli-tv-kd1:70.5.7	“Na, bhikkhave, yācitakena cīvarena upasampādetabbo.
pli-tv-kd1:70.5.8	Yo upasampādeyya, āpatti dukkaṭassā”ti.
pli-tv-kd1:70.6.1	Tena kho pana samayena bhikkhū yācitakena pattacīvarena upasampādenti.
pli-tv-kd1:70.6.2	Upasampanne pattacīvaraṁ paṭiharanti.
pli-tv-kd1:70.6.3	Naggā hatthesu piṇḍāya caranti.
pli-tv-kd1:70.6.4	Manussā ujjhāyanti khiyyanti vipācenti—
pli-tv-kd1:70.6.5	“seyyathāpi titthiyā”ti.
pli-tv-kd1:70.6.6	Bhagavato etamatthaṁ ārocesuṁ.
pli-tv-kd1:70.6.7	“Na, bhikkhave, yācitakena pattacīvarena upasampādetabbo.
pli-tv-kd1:70.6.8	Yo upasampādeyya, āpatti dukkaṭassā”ti.
pli-tv-kd1:70.6.9	Naupasampādetabbekavīsativāro niṭṭhito.
pli-tv-kd1:71.1.0	57. Napabbājetabbadvattiṁsavāra
pli-tv-kd1:71.1.1	Tena kho pana samayena bhikkhū hatthacchinnaṁ pabbājenti …pe…
pli-tv-kd1:71.1.2	pādacchinnaṁ pabbājenti …pe…
pli-tv-kd1:71.1.3	hatthapādacchinnaṁ pabbājenti …pe…
pli-tv-kd1:71.1.4	kaṇṇacchinnaṁ pabbājenti …pe…
pli-tv-kd1:71.1.5	nāsacchinnaṁ pabbājenti …pe…
pli-tv-kd1:71.1.6	kaṇṇanāsacchinnaṁ pabbājenti …pe…
pli-tv-kd1:71.1.7	aṅgulicchinnaṁ pabbājenti …pe…
pli-tv-kd1:71.1.8	aḷacchinnaṁ pabbājenti …pe…
pli-tv-kd1:71.1.9	kaṇḍaracchinnaṁ pabbājenti …pe…
pli-tv-kd1:71.1.10	phaṇahatthakaṁ pabbājenti …pe…
pli-tv-kd1:71.1.11	khujjaṁ pabbājenti …pe…
pli-tv-kd1:71.1.12	vāmanaṁ pabbājenti …pe…
pli-tv-kd1:71.1.13	galagaṇḍiṁ pabbājenti …pe…
pli-tv-kd1:71.1.14	lakkhaṇāhataṁ pabbājenti …pe…
pli-tv-kd1:71.1.15	kasāhataṁ pabbājenti …pe…
pli-tv-kd1:71.1.16	likhitakaṁ pabbājenti …pe…
pli-tv-kd1:71.1.17	sīpadiṁ pabbājenti …pe…
pli-tv-kd1:71.1.18	pāparogiṁ pabbājenti …pe…
pli-tv-kd1:71.1.19	parisadūsakaṁ pabbājenti …pe…
pli-tv-kd1:71.1.20	kāṇaṁ pabbājenti …pe…
pli-tv-kd1:71.1.21	kuṇiṁ pabbājenti …pe…
pli-tv-kd1:71.1.22	khañjaṁ pabbājenti …pe…
pli-tv-kd1:71.1.23	pakkhahataṁ pabbājenti …pe…
pli-tv-kd1:71.1.24	chinniriyāpathaṁ pabbājenti …pe…
pli-tv-kd1:71.1.25	jarādubbalaṁ pabbājenti …pe…
pli-tv-kd1:71.1.26	andhaṁ pabbājenti …pe…
pli-tv-kd1:71.1.27	mūgaṁ pabbājenti …pe…
pli-tv-kd1:71.1.28	badhiraṁ pabbājenti …pe…
pli-tv-kd1:71.1.29	andhamūgaṁ pabbājenti …pe…
pli-tv-kd1:71.1.30	andhabadhiraṁ pabbājenti …pe…
pli-tv-kd1:71.1.31	mūgabadhiraṁ pabbājenti …pe…
pli-tv-kd1:71.1.32	andhamūgabadhiraṁ pabbājenti.
pli-tv-kd1:71.1.33	Bhagavato etamatthaṁ ārocesuṁ …pe…
pli-tv-kd1:71.2.1	“na, bhikkhave, hatthacchinno pabbājetabbo …pe…
pli-tv-kd1:71.2.2	na, bhikkhave, pādacchinno pabbājetabbo …pe…
pli-tv-kd1:71.2.3	na, bhikkhave, hatthapādacchinno pabbājetabbo …pe…
pli-tv-kd1:71.2.4	na, bhikkhave, kaṇṇacchinno pabbājetabbo …pe…
pli-tv-kd1:71.2.5	na, bhikkhave, nāsacchinno pabbājetabbo …pe…
pli-tv-kd1:71.2.6	na, bhikkhave, kaṇṇanāsacchinno pabbājetabbo …pe…
pli-tv-kd1:71.2.7	na, bhikkhave, aṅgulicchinno pabbājetabbo …pe…
pli-tv-kd1:71.2.8	na, bhikkhave, aḷacchinno pabbājetabbo …pe…
pli-tv-kd1:71.2.9	na, bhikkhave, kaṇḍaracchinno pabbājetabbo …pe…
pli-tv-kd1:71.2.10	na, bhikkhave, phaṇahatthako pabbājetabbo …pe…
pli-tv-kd1:71.2.11	na, bhikkhave, khujjo pabbājetabbo …pe…
pli-tv-kd1:71.2.12	na, bhikkhave, vāmano pabbājetabbo …pe…
pli-tv-kd1:71.2.13	na, bhikkhave, galagaṇḍī pabbājetabbo …pe…
pli-tv-kd1:71.2.14	na, bhikkhave, lakkhaṇāhato pabbājetabbo …pe…
pli-tv-kd1:71.2.15	na, bhikkhave, kasāhato pabbājetabbo …pe…
pli-tv-kd1:71.2.16	na, bhikkhave, likhitako pabbājetabbo …pe…
pli-tv-kd1:71.2.17	na, bhikkhave, sīpadī pabbājetabbo …pe…
pli-tv-kd1:71.2.18	na, bhikkhave, pāparogī pabbājetabbo …pe…
pli-tv-kd1:71.2.19	na, bhikkhave, parisadūsako pabbājetabbo …pe…
pli-tv-kd1:71.2.20	na, bhikkhave, kāṇo pabbājetabbo …pe…
pli-tv-kd1:71.2.21	na, bhikkhave, kuṇī pabbājetabbo …pe…
pli-tv-kd1:71.2.22	na, bhikkhave, khañjo pabbājetabbo …pe…
pli-tv-kd1:71.2.23	na, bhikkhave, pakkhahato pabbājetabbo …pe…
pli-tv-kd1:71.2.24	na, bhikkhave, chinniriyāpatho pabbājetabbo …pe…
pli-tv-kd1:71.2.25	na, bhikkhave, jarādubbalo pabbājetabbo …pe…
pli-tv-kd1:71.2.26	na, bhikkhave, andho pabbājetabbo …pe…
pli-tv-kd1:71.2.27	na, bhikkhave, mūgo pabbājetabbo …pe…
pli-tv-kd1:71.2.28	na, bhikkhave, badhiro pabbājetabbo …pe…
pli-tv-kd1:71.2.29	na, bhikkhave, andhamūgo pabbājetabbo …pe…
pli-tv-kd1:71.2.30	na, bhikkhave, andhabadhiro pabbājetabbo …pe…
pli-tv-kd1:71.2.31	na, bhikkhave, mūgabadhiro pabbājetabbo …pe…
pli-tv-kd1:71.2.32	na, bhikkhave, andhamūgabadhiro pabbājetabbo.
pli-tv-kd1:71.2.33	Yo pabbājeyya, āpatti dukkaṭassā”ti.
pli-tv-kd1:71.2.34	Napabbājetabbadvattiṁsavāro niṭṭhito.
pli-tv-kd1:71.2.35	Dāyajjabhāṇavāro niṭṭhito navamo.
pli-tv-kd1:72.1.0	58. Alajjīnissayavatthu
pli-tv-kd1:72.1.1	Tena kho pana samayena chabbaggiyā bhikkhū alajjīnaṁ nissayaṁ denti.
pli-tv-kd1:72.1.2	Bhagavato etamatthaṁ ārocesuṁ.
pli-tv-kd1:72.1.3	“Na, bhikkhave, alajjīnaṁ nissayo dātabbo.
pli-tv-kd1:72.1.4	Yo dadeyya, āpatti dukkaṭassā”ti.
pli-tv-kd1:72.1.5	Tena kho pana samayena bhikkhū alajjīnaṁ nissāya vasanti.
pli-tv-kd1:72.1.6	Tepi nacirasseva alajjino honti pāpakā.
pli-tv-kd1:72.1.7	Bhikkhū bhagavato etamatthaṁ ārocesuṁ.
pli-tv-kd1:72.1.8	“Na, bhikkhave, alajjīnaṁ nissāya vatthabbaṁ.
pli-tv-kd1:72.1.9	Yo vaseyya, āpatti dukkaṭassā”ti.
pli-tv-kd1:72.1.10	Atha kho bhikkhūnaṁ etadahosi—
pli-tv-kd1:72.1.11	“bhagavatā paññattaṁ—
pli-tv-kd1:72.1.12	‘na alajjīnaṁ nissayo dātabbo, na alajjīnaṁ nissāya vatthabban’ti.
pli-tv-kd1:72.1.13	Kathaṁ nu kho mayaṁ jāneyyāma lajjiṁ vā alajjiṁ vā”ti?
pli-tv-kd1:72.1.14	Bhagavato etamatthaṁ ārocesuṁ.
pli-tv-kd1:72.1.15	“Anujānāmi, bhikkhave, catūhapañcāhaṁ āgametuṁ yāva bhikkhusabhāgataṁ jānāmī”ti.
pli-tv-kd1:73.1.0	59. Gamikādinissayavatthu
pli-tv-kd1:73.1.1	Tena kho pana samayena aññataro bhikkhu kosalesu janapade addhānamaggappaṭipanno hoti.
pli-tv-kd1:73.1.2	Atha kho tassa bhikkhuno etadahosi—
pli-tv-kd1:73.1.3	“bhagavatā paññattaṁ—
pli-tv-kd1:73.1.4	‘na anissitena vatthabban’ti.
pli-tv-kd1:73.1.5	Ahañcamhi nissayakaraṇīyo addhānamaggappaṭipanno, kathaṁ nu kho mayā paṭipajjitabban”ti?
pli-tv-kd1:73.1.6	Bhagavato etamatthaṁ ārocesuṁ.
pli-tv-kd1:73.1.7	“Anujānāmi, bhikkhave, addhānamaggappaṭipannena bhikkhunā nissayaṁ alabhamānena anissitena vatthun”ti.
pli-tv-kd1:73.2.1	Tena kho pana samayena dve bhikkhū kosalesu janapade addhānamaggappaṭipannā honti.
pli-tv-kd1:73.2.2	Te aññataraṁ āvāsaṁ upagacchiṁsu.
pli-tv-kd1:73.2.3	Tattha eko bhikkhu gilāno hoti.
pli-tv-kd1:73.2.4	Atha kho tassa gilānassa bhikkhuno etadahosi—
pli-tv-kd1:73.2.5	“bhagavatā paññattaṁ—
pli-tv-kd1:73.2.6	‘na anissitena vatthabban’ti.
pli-tv-kd1:73.2.7	Ahañcamhi nissayakaraṇīyo gilāno, kathaṁ nu kho mayā paṭipajjitabban”ti?
pli-tv-kd1:73.2.8	Bhagavato etamatthaṁ ārocesuṁ.
pli-tv-kd1:73.2.9	“Anujānāmi, bhikkhave, gilānena bhikkhunā nissayaṁ alabhamānena anissitena vatthun”ti.
pli-tv-kd1:73.3.1	Atha kho tassa gilānupaṭṭhākassa bhikkhuno etadahosi—
pli-tv-kd1:73.3.2	“bhagavatā paññattaṁ—
pli-tv-kd1:73.3.3	‘na anissitena vatthabban’ti.
pli-tv-kd1:73.3.4	Ahañcamhi nissayakaraṇīyo, ayañca bhikkhu gilāno, kathaṁ nu kho mayā paṭipajjitabban”ti?
pli-tv-kd1:73.3.5	Bhagavato etamatthaṁ ārocesuṁ.
pli-tv-kd1:73.3.6	“Anujānāmi, bhikkhave, gilānupaṭṭhākena bhikkhunā nissayaṁ alabhamānena yāciyamānena anissitena vatthun”ti.
pli-tv-kd1:73.4.1	Tena kho pana samayena aññataro bhikkhu araññe viharati.
pli-tv-kd1:73.4.2	Tassa ca tasmiṁ senāsane phāsu hoti.
pli-tv-kd1:73.4.3	Atha kho tassa bhikkhuno etadahosi—
pli-tv-kd1:73.4.4	“bhagavatā paññattaṁ—
pli-tv-kd1:73.4.5	‘na anissitena vatthabban’ti.
pli-tv-kd1:73.4.6	Ahañcamhi nissayakaraṇīyo araññe viharāmi, mayhañca imasmiṁ senāsane phāsu hoti, kathaṁ nu kho mayā paṭipajjitabban”ti?
pli-tv-kd1:73.4.7	Bhagavato etamatthaṁ ārocesuṁ.
pli-tv-kd1:73.4.8	“Anujānāmi, bhikkhave, āraññikena bhikkhunā phāsuvihāraṁ sallakkhentena nissayaṁ alabhamānena anissitena vatthuṁ—
pli-tv-kd1:73.4.9	yadā patirūpo nissayadāyako āgacchissati, tadā tassa nissāya vasissāmī”ti.
pli-tv-kd1:74.1.0	60. Gottenaanussāvanānujānana
pli-tv-kd1:74.1.1	Tena kho pana samayena āyasmato mahākassapassa upasampadāpekkho hoti.
pli-tv-kd1:74.1.2	Atha kho āyasmā mahākassapo āyasmato ānandassa santike dūtaṁ pāhesi—
pli-tv-kd1:74.1.3	“āgacchatu ānando imaṁ anussāvessatū”ti.
pli-tv-kd1:74.1.4	Āyasmā ānando evamāha—
pli-tv-kd1:74.1.5	“nāhaṁ ussahāmi therassa nāmaṁ gahetuṁ, garu me thero”ti.
pli-tv-kd1:74.1.6	Bhagavato etamatthaṁ ārocesuṁ.
pli-tv-kd1:74.1.7	“Anujānāmi, bhikkhave, gottenapi anussāvetun”ti.
pli-tv-kd1:74.2.0	61. Dveupasampadāpekkhādivatthu
pli-tv-kd1:74.2.1	Tena kho pana samayena āyasmato mahākassapassa dve upasampadāpekkhā honti.
pli-tv-kd1:74.2.2	Te vivadanti—
pli-tv-kd1:74.2.3	“ahaṁ paṭhamaṁ upasampajjissāmi, ahaṁ paṭhamaṁ upasampajjissāmī”ti.
pli-tv-kd1:74.2.4	Bhagavato etamatthaṁ ārocesuṁ.
pli-tv-kd1:74.2.5	“Anujānāmi, bhikkhave, dve ekānussāvane kātun”ti.
pli-tv-kd1:74.3.1	Tena kho pana samayena sambahulānaṁ therānaṁ upasampadāpekkhā honti.
pli-tv-kd1:74.3.2	Te vivadanti—
pli-tv-kd1:74.3.3	“ahaṁ paṭhamaṁ upasampajjissāmi, ahaṁ paṭhamaṁ upasampajjissāmī”ti.
pli-tv-kd1:74.3.4	Therā evamāhaṁsu—
pli-tv-kd1:74.3.5	“handa mayaṁ, āvuso, sabbeva ekānussāvane karomā”ti.
pli-tv-kd1:74.3.6	Bhagavato etamatthaṁ ārocesuṁ.
pli-tv-kd1:74.3.7	“Anujānāmi, bhikkhave, dve tayo ekānussāvane kātuṁ, tañca kho ekena upajjhāyena, na tveva nānupajjhāyenā”ti.
pli-tv-kd1:75.1.0	62. Gabbhavīsūpasampadānujānana
pli-tv-kd1:75.1.1	Tena kho pana samayena āyasmā kumārakassapo gabbhavīso upasampanno ahosi.
pli-tv-kd1:75.1.2	Atha kho āyasmato kumārakassapassa etadahosi—
pli-tv-kd1:75.1.3	“bhagavatā paññattaṁ—
pli-tv-kd1:75.1.4	‘na ūnavīsativasso puggalo upasampādetabbo’ti.
pli-tv-kd1:75.1.5	Ahañcamhi gabbhavīso upasampanno.
pli-tv-kd1:75.1.6	Upasampanno nu khomhi, nanu kho upasampanno”ti?
pli-tv-kd1:75.1.7	Bhagavato etamatthaṁ ārocesuṁ.
pli-tv-kd1:75.1.8	Yaṁ, bhikkhave, mātukucchismiṁ paṭhamaṁ cittaṁ uppannaṁ, paṭhamaṁ viññāṇaṁ pātubhūtaṁ, tadupādāya sāvassa jāti.
pli-tv-kd1:75.1.9	“Anujānāmi, bhikkhave, gabbhavīsaṁ upasampādetun”ti.
pli-tv-kd1:76.1.0	63. Upasampadāvidhi
pli-tv-kd1:76.1.1	Tena kho pana samayena upasampannā dissanti kuṭṭhikāpi gaṇḍikāpi kilāsikāpi sosikāpi apamārikāpi.
pli-tv-kd1:76.1.2	Bhagavato etamatthaṁ ārocesuṁ.
pli-tv-kd1:76.1.3	“Anujānāmi, bhikkhave, upasampādentena terasa antarāyike dhamme pucchituṁ.
pli-tv-kd1:76.1.4	Evañca pana, bhikkhave, pucchitabbo—
pli-tv-kd1:76.1.5	‘santi te evarūpā ābādhā—
pli-tv-kd1:76.1.6	kuṭṭhaṁ, gaṇḍo, kilāso, soso, apamāro?
pli-tv-kd1:76.1.7	Manussosi?
pli-tv-kd1:76.1.8	Purisosi?
pli-tv-kd1:76.1.9	Bhujissosi?
pli-tv-kd1:76.1.10	Aṇaṇosi?
pli-tv-kd1:76.1.11	Nasi rājabhaṭo?
pli-tv-kd1:76.1.12	Anuññātosi mātāpitūhi?
pli-tv-kd1:76.1.13	Paripuṇṇavīsativassosi?
pli-tv-kd1:76.1.14	Paripuṇṇaṁ te pattacīvaraṁ?
pli-tv-kd1:76.1.15	Kiṁnāmosi?
pli-tv-kd1:76.1.16	Konāmo te upajjhāyo’”ti?
pli-tv-kd1:76.2.1	Tena kho pana samayena bhikkhū ananusiṭṭhe upasampadāpekkhe antarāyike dhamme pucchanti.
pli-tv-kd1:76.2.2	Upasampadāpekkhā vitthāyanti, maṅkū honti, na sakkonti vissajjetuṁ.
pli-tv-kd1:76.2.3	Bhagavato etamatthaṁ ārocesuṁ.
pli-tv-kd1:76.2.4	“Anujānāmi, bhikkhave, paṭhamaṁ anusāsitvā pacchā antarāyike dhamme pucchitun”ti.
pli-tv-kd1:76.3.1	Tattheva saṅghamajjhe anusāsanti.
pli-tv-kd1:76.3.2	Upasampadāpekkhā tatheva vitthāyanti, maṅkū honti, na sakkonti vissajjetuṁ.
pli-tv-kd1:76.3.3	Bhagavato etamatthaṁ ārocesuṁ.
pli-tv-kd1:76.3.4	“Anujānāmi, bhikkhave, ekamantaṁ anusāsitvā saṅghamajjhe antarāyike dhamme pucchituṁ.
pli-tv-kd1:76.3.5	Evañca pana, bhikkhave, anusāsitabbo—
pli-tv-kd1:76.3.6	Paṭhamaṁ upajjhaṁ gāhāpetabbo.
pli-tv-kd1:76.3.7	Upajjhaṁ gāhāpetvā pattacīvaraṁ ācikkhitabbaṁ—
pli-tv-kd1:76.3.8	‘ayaṁ te patto, ayaṁ saṅghāṭi, ayaṁ uttarāsaṅgo, ayaṁ antaravāsako.
pli-tv-kd1:76.3.9	Gaccha, amumhi okāse tiṭṭhāhī’”ti.
pli-tv-kd1:76.4.1	Bālā abyattā anusāsanti.
pli-tv-kd1:76.4.2	Duranusiṭṭhā upasampadāpekkhā vitthāyanti, maṅkū honti, na sakkonti vissajjetuṁ.
pli-tv-kd1:76.4.3	Bhagavato etamatthaṁ ārocesuṁ.
pli-tv-kd1:76.4.4	“Na, bhikkhave, bālena abyattena anusāsitabbo.
pli-tv-kd1:76.4.5	Yo anusāseyya, āpatti dukkaṭassa.
pli-tv-kd1:76.4.6	Anujānāmi, bhikkhave, byattena bhikkhunā paṭibalena anusāsitun”ti.
pli-tv-kd1:76.5.1	Asammatā anusāsanti.
pli-tv-kd1:76.5.2	Bhagavato etamatthaṁ ārocesuṁ.
pli-tv-kd1:76.5.3	“Na, bhikkhave, asammatena anusāsitabbo.
pli-tv-kd1:76.5.4	Yo anusāseyya, āpatti dukkaṭassa.
pli-tv-kd1:76.5.5	Anujānāmi, bhikkhave, sammatena anusāsituṁ.
pli-tv-kd1:76.5.6	Evañca pana, bhikkhave, sammannitabbo—
pli-tv-kd1:76.5.7	attanā vā attānaṁ sammannitabbaṁ, parena vā paro sammannitabbo.
pli-tv-kd1:76.5.8	Kathañca attanāva attānaṁ sammannitabbaṁ?
pli-tv-kd1:76.5.9	Byattena bhikkhunā paṭibalena saṅgho ñāpetabbo—
pli-tv-kd1:76.5.10	‘suṇātu me, bhante, saṅgho.
pli-tv-kd1:76.5.11	Itthannāmo itthannāmassa āyasmato upasampadāpekkho.
pli-tv-kd1:76.5.12	Yadi saṅghassa pattakallaṁ, ahaṁ itthannāmaṁ anusāseyyan’ti.
pli-tv-kd1:76.5.13	Evaṁ attanāva attānaṁ sammannitabbaṁ.
pli-tv-kd1:76.6.1	Kathañca pana parena paro sammannitabbo?
pli-tv-kd1:76.6.2	Byattena bhikkhunā paṭibalena saṅgho ñāpetabbo—
pli-tv-kd1:76.6.3	‘suṇātu me, bhante, saṅgho.
pli-tv-kd1:76.6.4	Itthannāmo itthannāmassa āyasmato upasampadāpekkho.
pli-tv-kd1:76.6.5	Yadi saṅghassa pattakallaṁ, itthannāmo itthannāmaṁ anusāseyyā’ti.
pli-tv-kd1:76.6.6	Evaṁ parena paro sammannitabbo.
pli-tv-kd1:76.7.1	Tena sammatena bhikkhunā upasampadāpekkho upasaṅkamitvā evamassa vacanīyo—
pli-tv-kd1:76.7.2	‘suṇasi, itthannāma, ayaṁ te saccakālo bhūtakālo.
pli-tv-kd1:76.7.3	Yaṁ jātaṁ taṁ saṅghamajjhe pucchante santaṁ atthīti vattabbaṁ, asantaṁ natthīti vattabbaṁ.
pli-tv-kd1:76.7.4	Mā kho vitthāyi, mā kho maṅku ahosi.
pli-tv-kd1:76.7.5	Evaṁ taṁ pucchissanti—
pli-tv-kd1:76.7.6	santi te evarūpā ābādhā—
pli-tv-kd1:76.7.7	kuṭṭhaṁ, gaṇḍo, kilāso, soso, apamāro?
pli-tv-kd1:76.7.8	Manussosi?
pli-tv-kd1:76.7.9	Purisosi?
pli-tv-kd1:76.7.10	Bhujissosi?
pli-tv-kd1:76.7.11	Aṇaṇosi?
pli-tv-kd1:76.7.12	Nasi rājabhaṭo?
pli-tv-kd1:76.7.13	Anuññātosi mātāpitūhi?
pli-tv-kd1:76.7.14	Paripuṇṇavīsativassosi?
pli-tv-kd1:76.7.15	Paripuṇṇaṁ te pattacīvaraṁ?
pli-tv-kd1:76.7.16	Kiṁnāmosi?
pli-tv-kd1:76.7.17	Konāmo te upajjhāyo’”ti?
pli-tv-kd1:76.8.1	Ekato āgacchanti.
pli-tv-kd1:76.8.2	“Na, bhikkhave, ekato āgantabbaṁ.
pli-tv-kd1:76.8.3	Anusāsakena paṭhamataraṁ āgantvā saṅgho ñāpetabbo—
pli-tv-kd1:76.8.4	‘suṇātu me, bhante, saṅgho.
pli-tv-kd1:76.8.5	Itthannāmo itthannāmassa āyasmato upasampadāpekkho.
pli-tv-kd1:76.8.6	Anusiṭṭho so mayā.
pli-tv-kd1:76.8.7	Yadi saṅghassa pattakallaṁ, itthannāmo āgaccheyyā’ti.
pli-tv-kd1:76.8.8	‘Āgacchāhī’ti vattabbo.
pli-tv-kd1:76.8.9	Ekaṁsaṁ uttarāsaṅgaṁ kārāpetvā bhikkhūnaṁ pāde vandāpetvā ukkuṭikaṁ nisīdāpetvā añjaliṁ paggaṇhāpetvā upasampadaṁ yācāpetabbo—
pli-tv-kd1:76.8.10	‘saṅghaṁ, bhante, upasampadaṁ yācāmi.
pli-tv-kd1:76.8.11	Ullumpatu maṁ, bhante, saṅgho anukampaṁ upādāya.
pli-tv-kd1:76.8.12	Dutiyampi, bhante, saṅghaṁ upasampadaṁ yācāmi.
pli-tv-kd1:76.8.13	Ullumpatu maṁ, bhante, saṅgho anukampaṁ upādāya.
pli-tv-kd1:76.8.14	Tatiyampi, bhante, saṅghaṁ upasampadaṁ yācāmi.
pli-tv-kd1:76.8.15	Ullumpatu maṁ, bhante, saṅgho anukampaṁ upādāyā’ti.
pli-tv-kd1:76.9.1	Byattena bhikkhunā paṭibalena saṅgho ñāpetabbo—
pli-tv-kd1:76.9.2	‘Suṇātu me, bhante, saṅgho.
pli-tv-kd1:76.9.3	Ayaṁ itthannāmo itthannāmassa āyasmato upasampadāpekkho.
pli-tv-kd1:76.9.4	Yadi saṅghassa pattakallaṁ, ahaṁ itthannāmaṁ antarāyike dhamme puccheyyanti?
pli-tv-kd1:76.9.5	Suṇasi, itthannāma, ayaṁ te saccakālo bhūtakālo.
pli-tv-kd1:76.9.6	Yaṁ jātaṁ taṁ pucchāmi.
pli-tv-kd1:76.9.7	Santaṁ atthīti vattabbaṁ, asantaṁ natthīti vattabbaṁ.
pli-tv-kd1:76.9.8	Santi te evarūpā ābādhā—
pli-tv-kd1:76.9.9	kuṭṭhaṁ gaṇḍo kilāso soso apamāro?
pli-tv-kd1:76.9.10	Manussosi?
pli-tv-kd1:76.9.11	Purisosi?
pli-tv-kd1:76.9.12	Bhujissosi?
pli-tv-kd1:76.9.13	Aṇaṇosi?
pli-tv-kd1:76.9.14	Nasi rājabhaṭo?
pli-tv-kd1:76.9.15	Anuññātosi mātāpitūhi?
pli-tv-kd1:76.9.16	Paripuṇṇavīsativassosi?
pli-tv-kd1:76.9.17	Paripuṇṇaṁ te pattacīvaraṁ?
pli-tv-kd1:76.9.18	Kiṁnāmosi?
pli-tv-kd1:76.9.19	Konāmo te upajjhāyo’ti?
pli-tv-kd1:76.10.1	Byattena bhikkhunā paṭibalena saṅgho ñāpetabbo—
pli-tv-kd1:76.10.2	‘Suṇātu me, bhante, saṅgho.
pli-tv-kd1:76.10.3	Ayaṁ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṁ.
pli-tv-kd1:76.10.4	Itthannāmo saṅghaṁ upasampadaṁ yācati itthannāmena upajjhāyena.
pli-tv-kd1:76.10.5	Yadi saṅghassa pattakallaṁ, saṅgho itthannāmaṁ upasampādeyya itthannāmena upajjhāyena.
pli-tv-kd1:76.10.6	Esā ñatti.
pli-tv-kd1:76.11.1	Suṇātu me, bhante, saṅgho.
pli-tv-kd1:76.11.2	Ayaṁ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṁ.
pli-tv-kd1:76.11.3	Itthannāmo saṅghaṁ upasampadaṁ yācati itthannāmena upajjhāyena.
pli-tv-kd1:76.11.4	Saṅgho itthannāmaṁ upasampādeti itthannāmena upajjhāyena.
pli-tv-kd1:76.11.5	Yassāyasmato khamati itthannāmassa upasampadā itthannāmena upajjhāyena, so tuṇhassa;
pli-tv-kd1:76.11.6	yassa nakkhamati, so bhāseyya.
pli-tv-kd1:76.12.1	Dutiyampi etamatthaṁ vadāmi—
pli-tv-kd1:76.12.2	suṇātu me, bhante, saṅgho.
pli-tv-kd1:76.12.3	Ayaṁ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṁ.
pli-tv-kd1:76.12.4	Itthannāmo saṅghaṁ upasampadaṁ yācati itthannāmena upajjhāyena.
pli-tv-kd1:76.12.5	Saṅgho itthannāmaṁ upasampādeti itthannāmena upajjhāyena.
pli-tv-kd1:76.12.6	Yassāyasmato khamati itthannāmassa upasampadā itthannāmena upajjhāyena, so tuṇhassa;
pli-tv-kd1:76.12.7	yassa nakkhamati, so bhāseyya.
pli-tv-kd1:76.12.8	Tatiyampi etamatthaṁ vadāmi—
pli-tv-kd1:76.12.9	suṇātu me, bhante, saṅgho.
pli-tv-kd1:76.12.10	Ayaṁ itthannāmo itthannāmassa āyasmato upasampadāpekkho, parisuddho antarāyikehi dhammehi, paripuṇṇassa pattacīvaraṁ.
pli-tv-kd1:76.12.11	Itthannāmo saṅghaṁ upasampadaṁ yācati itthannāmena upajjhāyena.
pli-tv-kd1:76.12.12	Saṅgho itthannāmaṁ upasampādeti itthannāmena upajjhāyena.
pli-tv-kd1:76.12.13	Yassāyasmato khamati itthannāmassa upasampadā itthannāmena upajjhāyena, so tuṇhassa;
pli-tv-kd1:76.12.14	yassa nakkhamati, so bhāseyya.
pli-tv-kd1:76.12.15	Upasampanno saṅghena itthannāmo itthannāmena upajjhāyena.
pli-tv-kd1:76.12.16	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd1:76.12.17	Upasampadākammaṁ niṭṭhitaṁ.
pli-tv-kd1:77.1.0	64. Cattāronissaya
pli-tv-kd1:77.1.1	“Tāvadeva chāyā metabbā, utuppamāṇaṁ ācikkhitabbaṁ, divasabhāgo ācikkhitabbo, saṅgīti ācikkhitabbā, cattāro nissayā ācikkhitabbā—
pli-tv-kd1:77.1.2	Piṇḍiyālopabhojanaṁ nissāya pabbajjā.
pli-tv-kd1:77.1.3	Tattha te yāvajīvaṁ ussāho karaṇīyo.
pli-tv-kd1:77.1.4	Atirekalābho—
pli-tv-kd1:77.1.5	saṅghabhattaṁ, uddesabhattaṁ, nimantanaṁ, salākabhattaṁ, pakkhikaṁ, uposathikaṁ, pāṭipadikaṁ.
pli-tv-kd1:77.1.6	Paṁsukūlacīvaraṁ nissāya pabbajjā.
pli-tv-kd1:77.1.7	Tattha te yāvajīvaṁ ussāho karaṇīyo.
pli-tv-kd1:77.1.8	Atirekalābho—
pli-tv-kd1:77.1.9	khomaṁ, kappāsikaṁ, koseyyaṁ, kambalaṁ, sāṇaṁ, bhaṅgaṁ.
pli-tv-kd1:77.1.10	Rukkhamūlasenāsanaṁ nissāya pabbajjā.
pli-tv-kd1:77.1.11	Tattha te yāvajīvaṁ ussāho karaṇīyo.
pli-tv-kd1:77.1.12	Atirekalābho—
pli-tv-kd1:77.1.13	vihāro, aḍḍhayogo, pāsādo, hammiyaṁ, guhā.
pli-tv-kd1:77.1.14	Pūtimuttabhesajjaṁ nissāya pabbajjā.
pli-tv-kd1:77.1.15	Tattha te yāvajīvaṁ ussāho karaṇīyo.
pli-tv-kd1:77.1.16	Atirekalābho—
pli-tv-kd1:77.1.17	sappi, navanītaṁ, telaṁ, madhu, phāṇitan”ti.
pli-tv-kd1:77.1.18	Cattāro nissayā niṭṭhitā.
pli-tv-kd1:78.1.0	65. Cattāriakaraṇīya
pli-tv-kd1:78.1.1	Tena kho pana samayena bhikkhū aññataraṁ bhikkhuṁ upasampādetvā ekakaṁ ohāya pakkamiṁsu.
pli-tv-kd1:78.1.2	So pacchā ekakova āgacchanto antarāmagge purāṇadutiyikāya samāgañchi.
pli-tv-kd1:78.1.3	Sā evamāha—
pli-tv-kd1:78.1.4	“kiṁ dāni pabbajitosī”ti?
pli-tv-kd1:78.1.5	“Āma pabbajitomhī”ti.
pli-tv-kd1:78.1.6	“Dullabho kho pabbajitānaṁ methuno dhammo;
pli-tv-kd1:78.1.7	ehi, methunaṁ dhammaṁ paṭisevā”ti.
pli-tv-kd1:78.1.8	So tassā methunaṁ dhammaṁ paṭisevitvā cirena agamāsi.
pli-tv-kd1:78.1.9	Bhikkhū evamāhaṁsu—
pli-tv-kd1:78.1.10	“kissa tvaṁ, āvuso, evaṁ ciraṁ akāsī”ti?
pli-tv-kd1:78.2.1	Atha kho so bhikkhu bhikkhūnaṁ etamatthaṁ ārocesi.
pli-tv-kd1:78.2.2	Bhikkhū bhagavato etamatthaṁ ārocesuṁ.
pli-tv-kd1:78.2.3	“Anujānāmi, bhikkhave, upasampādetvā dutiyaṁ dātuṁ, cattāri ca akaraṇīyāni ācikkhituṁ—
pli-tv-kd1:78.2.4	Upasampannena bhikkhunā methuno dhammo na paṭisevitabbo, antamaso tiracchānagatāyapi.
pli-tv-kd1:78.2.5	Yo bhikkhu methunaṁ dhammaṁ paṭisevati, assamaṇo hoti asakyaputtiyo.
pli-tv-kd1:78.2.6	Seyyathāpi nāma puriso sīsacchinno abhabbo tena sarīrabandhanena jīvituṁ;
pli-tv-kd1:78.2.7	evameva bhikkhu methunaṁ dhammaṁ paṭisevitvā assamaṇo hoti asakyaputtiyo.
pli-tv-kd1:78.2.8	Taṁ te yāvajīvaṁ akaraṇīyaṁ.
pli-tv-kd1:78.3.1	Upasampannena bhikkhunā adinnaṁ theyyasaṅkhātaṁ na ādātabbaṁ, antamaso tiṇasalākaṁ upādāya.
pli-tv-kd1:78.3.2	Yo bhikkhu pādaṁ vā pādārahaṁ vā atirekapādaṁ vā adinnaṁ theyyasaṅkhātaṁ ādiyati, assamaṇo hoti asakyaputtiyo.
pli-tv-kd1:78.3.3	Seyyathāpi nāma paṇḍupalāso bandhanā pavutto abhabbo haritatthāya;
pli-tv-kd1:78.3.4	evameva bhikkhu pādaṁ vā pādārahaṁ vā atirekapādaṁ vā adinnaṁ theyyasaṅkhātaṁ ādiyitvā assamaṇo hoti asakyaputtiyo.
pli-tv-kd1:78.3.5	Taṁ te yāvajīvaṁ akaraṇīyaṁ.
pli-tv-kd1:78.4.1	Upasampannena bhikkhunā sañcicca pāṇo jīvitā na voropetabbo, antamaso kunthakipillikaṁ upādāya.
pli-tv-kd1:78.4.2	Yo bhikkhu sañcicca manussaviggahaṁ jīvitā voropeti, antamaso gabbhapātanaṁ upādāya, assamaṇo hoti asakyaputtiyo.
pli-tv-kd1:78.4.3	Seyyathāpi nāma puthusilā dvedhā bhinnā appaṭisandhikā hoti;
pli-tv-kd1:78.4.4	evameva bhikkhu sañcicca manussaviggahaṁ jīvitā voropetvā assamaṇo hoti asakyaputtiyo.
pli-tv-kd1:78.4.5	Taṁ te yāvajīvaṁ akaraṇīyaṁ.
pli-tv-kd1:78.5.1	Upasampannena bhikkhunā uttarimanussadhammo na ullapitabbo, antamaso ‘suññāgāre abhiramāmī’ti.
pli-tv-kd1:78.5.2	Yo bhikkhu pāpiccho icchāpakato asantaṁ abhūtaṁ uttarimanussadhammaṁ ullapati jhānaṁ vā vimokkhaṁ vā samādhiṁ vā samāpattiṁ vā maggaṁ vā phalaṁ vā, assamaṇo hoti asakyaputtiyo.
pli-tv-kd1:78.5.3	Seyyathāpi nāma tālo matthakacchinno abhabbo puna viruḷhiyā;
pli-tv-kd1:78.5.4	evameva bhikkhu pāpiccho icchāpakato asantaṁ abhūtaṁ uttarimanussadhammaṁ ullapitvā assamaṇo hoti asakyaputtiyo.
pli-tv-kd1:78.5.5	Taṁ te yāvajīvaṁ akaraṇīyan”ti.
pli-tv-kd1:78.5.6	Cattāri akaraṇīyāni niṭṭhitāni.
pli-tv-kd1:79.1.0	66. Āpattiyāadassaneukkhittakavatthu
pli-tv-kd1:79.1.1	Tena kho pana samayena aññataro bhikkhu āpattiyā adassane ukkhittako vibbhami.
pli-tv-kd1:79.1.2	So puna paccāgantvā bhikkhū upasampadaṁ yāci.
pli-tv-kd1:79.1.3	Bhagavato etamatthaṁ ārocesuṁ.
pli-tv-kd1:79.1.4	“Idha pana, bhikkhave, bhikkhu āpattiyā adassane ukkhittako vibbhamati.
pli-tv-kd1:79.1.5	So puna paccāgantvā bhikkhū upasampadaṁ yācati.
pli-tv-kd1:79.1.6	So evamassa vacanīyo—
pli-tv-kd1:79.1.7	‘passissasi taṁ āpattin’ti?
pli-tv-kd1:79.1.8	Sacāhaṁ passissāmīti, pabbājetabbo.
pli-tv-kd1:79.1.9	Sacāhaṁ na passissāmīti, na pabbājetabbo.
pli-tv-kd1:79.1.10	Pabbājetvā vattabbo—
pli-tv-kd1:79.1.11	‘passissasi taṁ āpattin’ti?
pli-tv-kd1:79.1.12	Sacāhaṁ passissāmīti, upasampādetabbo.
pli-tv-kd1:79.1.13	Sacāhaṁ na passissāmīti, na upasampādetabbo.
pli-tv-kd1:79.2.1	Upasampādetvā vattabbo—
pli-tv-kd1:79.2.2	‘passissasi taṁ āpattin’ti?
pli-tv-kd1:79.2.3	Sacāhaṁ passissāmīti, osāretabbo.
pli-tv-kd1:79.2.4	Sacāhaṁ na passissāmīti, na osāretabbo.
pli-tv-kd1:79.2.5	Osāretvā vattabbo—
pli-tv-kd1:79.2.6	‘passasi taṁ āpattin’ti?
pli-tv-kd1:79.2.7	Sace passati, iccetaṁ kusalaṁ.
pli-tv-kd1:79.2.8	No ce passati, labbhamānāya sāmaggiyā puna ukkhipitabbo.
pli-tv-kd1:79.2.9	Alabbhamānāya sāmaggiyā anāpatti sambhoge saṁvāse.
pli-tv-kd1:79.3.1	Idha pana, bhikkhave, bhikkhu āpattiyā appaṭikamme ukkhittako vibbhamati.
pli-tv-kd1:79.3.2	So puna paccāgantvā bhikkhū upasampadaṁ yācati.
pli-tv-kd1:79.3.3	So evamassa vacanīyo—
pli-tv-kd1:79.3.4	‘paṭikarissasi taṁ āpattin’ti?
pli-tv-kd1:79.3.5	Sacāhaṁ paṭikarissāmīti, pabbājetabbo.
pli-tv-kd1:79.3.6	Sacāhaṁ na paṭikarissāmīti, na pabbājetabbo.
pli-tv-kd1:79.3.7	Pabbājetvā vattabbo—
pli-tv-kd1:79.3.8	‘paṭikarissasi taṁ āpattin’ti?
pli-tv-kd1:79.3.9	Sacāhaṁ paṭikarissāmīti, upasampādetabbo.
pli-tv-kd1:79.3.10	Sacāhaṁ na paṭikarissāmīti, na upasampādetabbo.
pli-tv-kd1:79.3.11	Upasampādetvā vattabbo—
pli-tv-kd1:79.3.12	‘paṭikarissasi taṁ āpattin’ti?
pli-tv-kd1:79.3.13	Sacāhaṁ paṭikarissāmīti, osāretabbo.
pli-tv-kd1:79.3.14	Sacāhaṁ na paṭikarissāmīti, na osāretabbo.
pli-tv-kd1:79.3.15	Osāretvā vattabbo—
pli-tv-kd1:79.3.16	‘paṭikarohi taṁ āpattin’ti.
pli-tv-kd1:79.3.17	Sace paṭikaroti, iccetaṁ kusalaṁ.
pli-tv-kd1:79.3.18	No ce paṭikaroti labbhamānāya sāmaggiyā puna ukkhipitabbo.
pli-tv-kd1:79.3.19	Alabbhamānāya sāmaggiyā anāpatti sambhoge saṁvāse.
pli-tv-kd1:79.4.1	Idha pana, bhikkhave, bhikkhu pāpikāya diṭṭhiyā appaṭinissagge ukkhittako vibbhamati.
pli-tv-kd1:79.4.2	So puna paccāgantvā bhikkhū upasampadaṁ yācati.
pli-tv-kd1:79.4.3	So evamassa vacanīyo—
pli-tv-kd1:79.4.4	‘paṭinissajjissasi taṁ pāpikaṁ diṭṭhin’ti?
pli-tv-kd1:79.4.5	Sacāhaṁ paṭinissajjissāmīti, pabbājetabbo.
pli-tv-kd1:79.4.6	Sacāhaṁ na paṭinissajjissāmīti, na pabbājetabbo.
pli-tv-kd1:79.4.7	Pabbājetvā vattabbo—
pli-tv-kd1:79.4.8	‘paṭinissajjissasi taṁ pāpikaṁ diṭṭhin’ti?
pli-tv-kd1:79.4.9	Sacāhaṁ paṭinissajjissāmīti, upasampādetabbo.
pli-tv-kd1:79.4.10	Sacāhaṁ na paṭinissajjissāmīti, na upasampādetabbo.
pli-tv-kd1:79.4.11	Upasampādetvā vattabbo—
pli-tv-kd1:79.4.12	‘paṭinissajjissasi taṁ pāpikaṁ diṭṭhin’ti?
pli-tv-kd1:79.4.13	Sacāhaṁ paṭinissajjissāmīti, osāretabbo.
pli-tv-kd1:79.4.14	Sacāhaṁ na paṭinissajjissāmīti, na osāretabbo.
pli-tv-kd1:79.4.15	Osāretvā vattabbo—
pli-tv-kd1:79.4.16	‘paṭinissajjehi taṁ pāpikaṁ diṭṭhin’ti.
pli-tv-kd1:79.4.17	Sace paṭinissajjati, iccetaṁ kusalaṁ.
pli-tv-kd1:79.4.18	No ce paṭinissajjati, labbhamānāya sāmaggiyā puna ukkhipitabbo.
pli-tv-kd1:79.4.19	Alabbhamānāya sāmaggiyā anāpatti sambhoge saṁvāse”ti.
pli-tv-kd1:79.4.20	Mahākhandhako paṭhamo.
pli-tv-kd1:79.4.21	Tassuddānaṁ
pli-tv-kd1:79.4.22	Vinayamhi mahatthesu,
pli-tv-kd1:79.4.23	pesalānaṁ sukhāvahe;
pli-tv-kd1:79.4.24	Niggahānañca pāpicche,
pli-tv-kd1:79.4.25	lajjīnaṁ paggahesu ca.
pli-tv-kd1:79.4.26	Sāsanādhāraṇe ceva,
pli-tv-kd1:79.4.27	sabbaññujinagocare;
pli-tv-kd1:79.4.28	Anaññavisaye kheme,
pli-tv-kd1:79.4.29	supaññatte asaṁsaye.
pli-tv-kd1:79.4.30	Khandhake vinaye ceva,
pli-tv-kd1:79.4.31	parivāre ca mātike;
pli-tv-kd1:79.4.32	Yathātthakārī kusalo,
pli-tv-kd1:79.4.33	paṭipajjati yoniso.
pli-tv-kd1:79.4.34	Yo gavaṁ na vijānāti,
pli-tv-kd1:79.4.35	na so rakkhati gogaṇaṁ;
pli-tv-kd1:79.4.36	Evaṁ sīlaṁ ajānanto,
pli-tv-kd1:79.4.37	kiṁ so rakkheyya saṁvaraṁ.
pli-tv-kd1:79.4.38	Pamuṭṭhamhi ca suttante,
pli-tv-kd1:79.4.39	abhidhamme ca tāvade;
pli-tv-kd1:79.4.40	Vinaye avinaṭṭhamhi,
pli-tv-kd1:79.4.41	puna tiṭṭhati sāsanaṁ.
pli-tv-kd1:79.4.42	Tasmā saṅgāhaṇāhetuṁ,
pli-tv-kd1:79.4.43	uddānaṁ anupubbaso;
pli-tv-kd1:79.4.44	Pavakkhāmi yathāñāyaṁ,
pli-tv-kd1:79.4.45	suṇātha mama bhāsato.
pli-tv-kd1:79.4.46	Vatthu nidānaṁ āpatti,
pli-tv-kd1:79.4.47	nayā peyyālameva ca;
pli-tv-kd1:79.4.48	Dukkaraṁ taṁ asesetuṁ,
pli-tv-kd1:79.4.49	nayato taṁ vijānathāti.
pli-tv-kd1:79.4.50	Bodhi rājāyatanañca,
pli-tv-kd1:79.4.51	ajapālo sahampati;
pli-tv-kd1:79.4.52	Brahmā āḷāro udako,
pli-tv-kd1:79.4.53	bhikkhu ca upako isi.
pli-tv-kd1:79.4.54	Koṇḍañño vappo bhaddiyo,
pli-tv-kd1:79.4.55	mahānāmo ca assaji;
pli-tv-kd1:79.4.56	Yaso cattāro paññāsa,
pli-tv-kd1:79.4.57	sabbe pesesi so disā.
pli-tv-kd1:79.4.58	Vatthu mārehi tiṁsā ca,
pli-tv-kd1:79.4.59	uruvelaṁ tayo jaṭī;
pli-tv-kd1:79.4.60	Agyāgāraṁ mahārājā,
pli-tv-kd1:79.4.61	sakko brahmā ca kevalā.
pli-tv-kd1:79.4.62	Paṁsukūlaṁ pokkharaṇī,
pli-tv-kd1:79.4.63	silā ca kakudho silā;
pli-tv-kd1:79.4.64	Jambu ambo ca āmalo,
pli-tv-kd1:79.4.65	pāripupphañca āhari.
pli-tv-kd1:79.4.66	Phāliyantu ujjalantu,
pli-tv-kd1:79.4.67	vijjhāyantu ca kassapa;
pli-tv-kd1:79.4.68	Nimujjanti mukhī megho,
pli-tv-kd1:79.4.69	gayā laṭṭhi ca māgadho.
pli-tv-kd1:79.4.70	Upatisso kolito ca,
pli-tv-kd1:79.4.71	abhiññātā ca pabbajuṁ;
pli-tv-kd1:79.4.72	Dunnivatthā paṇāmanā,
pli-tv-kd1:79.4.73	kiso lūkho ca brāhmaṇo.
pli-tv-kd1:79.4.74	Anācāraṁ ācarati,
pli-tv-kd1:79.4.75	udaraṁ māṇavo gaṇo;
pli-tv-kd1:79.4.76	Vassaṁ bālehi pakkanto,
pli-tv-kd1:79.4.77	dasa vassāni nissayo.
pli-tv-kd1:79.4.78	Na vattanti paṇāmetuṁ,
pli-tv-kd1:79.4.79	bālā passaddhi pañca cha;
pli-tv-kd1:79.4.80	Yo so añño ca naggo ca,
pli-tv-kd1:79.4.81	acchinnajaṭilasākiyo.
pli-tv-kd1:79.4.82	Magadhesu pañcābādhā,
pli-tv-kd1:79.4.83	eko rājā ca aṅguli;
pli-tv-kd1:79.4.84	Māgadho ca anuññāsi,
pli-tv-kd1:79.4.85	kārā likhi kasāhato.
pli-tv-kd1:79.4.86	Lakkhaṇā iṇā dāso ca,
pli-tv-kd1:79.4.87	bhaṇḍuko upāli ahi;
pli-tv-kd1:79.4.88	Saddhaṁ kulaṁ kaṇṭako ca,
pli-tv-kd1:79.4.89	āhundarikameva ca.
pli-tv-kd1:79.4.90	Vatthumhi dārako sikkhā,
pli-tv-kd1:79.4.91	viharanti ca kiṁ nu kho;
pli-tv-kd1:79.4.92	Sabbaṁ mukhaṁ upajjhāye,
pli-tv-kd1:79.4.93	apalāḷana kaṇṭako.
pli-tv-kd1:79.4.94	Paṇḍako theyyapakkanto,
pli-tv-kd1:79.4.95	ahi ca mātarī pitā;
pli-tv-kd1:79.4.96	Arahantabhikkhunībhedā,
pli-tv-kd1:79.4.97	ruhirena ca byañjanaṁ.
pli-tv-kd1:79.4.98	Anupajjhāyasaṅghena,
pli-tv-kd1:79.4.99	gaṇapaṇḍakapattako;
pli-tv-kd1:79.4.100	Acīvaraṁ tadubhayaṁ,
pli-tv-kd1:79.4.101	yācitenapi ye tayo.
pli-tv-kd1:79.4.102	Hatthā pādā hatthapādā,
pli-tv-kd1:79.4.103	kaṇṇā nāsā tadūbhayaṁ;
pli-tv-kd1:79.4.104	Aṅguliaḷakaṇḍaraṁ,
pli-tv-kd1:79.4.105	phaṇaṁ khujjañca vāmanaṁ.
pli-tv-kd1:79.4.106	Galagaṇḍī lakkhaṇā ceva,
pli-tv-kd1:79.4.107	kasā likhitasīpadī;
pli-tv-kd1:79.4.108	Pāpaparisadūsī ca,
pli-tv-kd1:79.4.109	kāṇaṁ kuṇi tatheva ca.
pli-tv-kd1:79.4.110	Khañjaṁ pakkhahatañceva,
pli-tv-kd1:79.4.111	sacchinnairiyāpathaṁ;
pli-tv-kd1:79.4.112	Jarāndhamūgabadhiraṁ,
pli-tv-kd1:79.4.113	andhamūgañca yaṁ tahiṁ.
pli-tv-kd1:79.4.114	Andhabadhiraṁ yaṁ vuttaṁ,
pli-tv-kd1:79.4.115	mūgabadhirameva ca;
pli-tv-kd1:79.4.116	Andhamūgabadhirañca,
pli-tv-kd1:79.4.117	alajjīnañca nissayaṁ.
pli-tv-kd1:79.4.118	Vatthabbañca tathāddhānaṁ,
pli-tv-kd1:79.4.119	yācamānena lakkhaṇā;
pli-tv-kd1:79.4.120	Āgacchatu vivadanti,
pli-tv-kd1:79.4.121	ekupajjhāyena kassapo.
pli-tv-kd1:79.4.122	Dissanti upasampannā,
pli-tv-kd1:79.4.123	ābādhehi ca pīḷitā;
pli-tv-kd1:79.4.124	Ananusiṭṭhā vitthenti,
pli-tv-kd1:79.4.125	tattheva anusāsanā.
pli-tv-kd1:79.4.126	Saṅghepi ca atho bālā,
pli-tv-kd1:79.4.127	asammatā ca ekato;
pli-tv-kd1:79.4.128	Ullumpatupasampadā,
pli-tv-kd1:79.4.129	nissayo ekako tayoti.
pli-tv-kd1:79.4.130	Imamhi khandhake vatthūni ekasatañca dvāsattati.
pli-tv-kd1:79.4.131	Mahākhandhako niṭṭhito.
pli-tv-kd2:0.1	Theravāda Vinayapiṭaka
pli-tv-kd2:0.2	Mahāvagga
pli-tv-kd2:0.3	2. Uposathakkhandhaka
pli-tv-kd2:0.4	1. Sannipātānujānana
pli-tv-kd2:1.1.1	Tena samayena buddho bhagavā rājagahe viharati gijjhakūṭe pabbate.
pli-tv-kd2:1.1.2	Tena kho pana samayena aññatitthiyā paribbājakā cātuddase pannarase aṭṭhamiyā ca pakkhassa sannipatitvā dhammaṁ bhāsanti.
pli-tv-kd2:1.1.3	Te manussā upasaṅkamanti dhammassavanāya.
pli-tv-kd2:1.1.4	Te labhanti aññatitthiyesu paribbājakesu pemaṁ, labhanti pasādaṁ, labhanti aññatitthiyā paribbājakā pakkhaṁ.
pli-tv-kd2:1.2.1	Atha kho rañño māgadhassa seniyassa bimbisārassa rahogatassa paṭisallīnassa evaṁ cetaso parivitakko udapādi—
pli-tv-kd2:1.2.2	“etarahi kho aññatitthiyā paribbājakā cātuddase pannarase aṭṭhamiyā ca pakkhassa sannipatitvā dhammaṁ bhāsanti.
pli-tv-kd2:1.2.3	Te manussā upasaṅkamanti dhammassavanāya.
pli-tv-kd2:1.2.4	Te labhanti aññatitthiyesu paribbājakesu pemaṁ, labhanti pasādaṁ, labhanti aññatitthiyā paribbājakā pakkhaṁ.
pli-tv-kd2:1.2.5	Yannūna ayyāpi cātuddase pannarase aṭṭhamiyā ca pakkhassa sannipateyyun”ti.
pli-tv-kd2:1.3.1	Atha kho rājā māgadho seniyo bimbisāro yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd2:1.3.2	Ekamantaṁ nisinno kho rājā māgadho seniyo bimbisāro bhagavantaṁ etadavoca—
pli-tv-kd2:1.3.3	“idha mayhaṁ, bhante, rahogatassa paṭisallīnassa evaṁ cetaso parivitakko udapādi ‘etarahi kho aññatitthiyā paribbājakā cātuddase pannarase aṭṭhamiyā ca pakkhassa sannipatitvā dhammaṁ bhāsanti.
pli-tv-kd2:1.3.4	Te manussā upasaṅkamanti dhammassavanāya.
pli-tv-kd2:1.3.5	Te labhanti aññatitthiyesu paribbājakesu pemaṁ, labhanti pasādaṁ, labhanti aññatitthiyā paribbājakā pakkhaṁ.
pli-tv-kd2:1.3.6	Yannūna ayyāpi cātuddase pannarase aṭṭhamiyā ca pakkhassa sannipateyyun’ti.
pli-tv-kd2:1.3.7	Sādhu, bhante, ayyāpi cātuddase pannarase aṭṭhamiyā ca pakkhassa sannipateyyun”ti.
pli-tv-kd2:1.4.1	Atha kho bhagavā rājānaṁ māgadhaṁ seniyaṁ bimbisāraṁ dhammiyā kathāya sandassesi samādapesi samuttejesi sampahaṁsesi.
pli-tv-kd2:1.4.2	Atha kho rājā māgadho seniyo bimbisāro bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd2:1.4.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd2:1.4.4	“anujānāmi, bhikkhave, cātuddase pannarase aṭṭhamiyā ca pakkhassa sannipatitun”ti.
pli-tv-kd2:2.1.1	Tena kho pana samayena bhikkhū—
pli-tv-kd2:2.1.2	“bhagavatā anuññātā cātuddase pannarase aṭṭhamiyā ca pakkhassa sannipatitun”ti—
pli-tv-kd2:2.1.3	cātuddase pannarase aṭṭhamiyā ca pakkhassa sannipatitvā tuṇhī nisīdanti.
pli-tv-kd2:2.1.4	Te manussā upasaṅkamanti dhammassavanāya.
pli-tv-kd2:2.1.5	Te ujjhāyanti khiyyanti vipācenti—
pli-tv-kd2:2.1.6	“kathañhi nāma samaṇā sakyaputtiyā cātuddase pannarase aṭṭhamiyā ca pakkhassa sannipatitvā tuṇhī nisīdissanti, seyyathāpi mūgasūkarā.
pli-tv-kd2:2.1.7	Nanu nāma sannipatitehi dhammo bhāsitabbo”ti.
pli-tv-kd2:2.1.8	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd2:2.1.9	Atha kho te bhikkhū bhagavato etamatthaṁ ārocesuṁ …pe…
pli-tv-kd2:2.1.10	atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd2:2.1.11	“anujānāmi, bhikkhave, cātuddase pannarase aṭṭhamiyā ca pakkhassa sannipatitvā dhammaṁ bhāsitun”ti.
pli-tv-kd2:3.1.0	2. Pātimokkhuddesānujānana
pli-tv-kd2:3.1.1	Atha kho bhagavato rahogatassa paṭisallīnassa evaṁ cetaso parivitakko udapādi—
pli-tv-kd2:3.1.2	“yannūnāhaṁ yāni mayā bhikkhūnaṁ paññattāni sikkhāpadāni, tāni nesaṁ pātimokkhuddesaṁ anujāneyyaṁ.
pli-tv-kd2:3.1.3	So nesaṁ bhavissati uposathakamman”ti.
pli-tv-kd2:3.2.1	Atha kho bhagavā sāyanhasamayaṁ paṭisallānā vuṭṭhito etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd2:3.2.2	“idha mayhaṁ, bhikkhave, rahogatassa paṭisallīnassa evaṁ cetaso parivitakko udapādi ‘yannūnāhaṁ yāni mayā bhikkhūnaṁ paññattāni sikkhāpadāni, tāni nesaṁ pātimokkhuddesaṁ anujāneyyaṁ.
pli-tv-kd2:3.2.3	So nesaṁ bhavissati uposathakamman’ti.
pli-tv-kd2:3.2.4	Anujānāmi, bhikkhave, pātimokkhaṁ uddisituṁ.
pli-tv-kd2:3.3.1	Evañca pana, bhikkhave, uddisitabbaṁ.
pli-tv-kd2:3.3.2	Byattena bhikkhunā paṭibalena saṅgho ñāpetabbo—
pli-tv-kd2:3.3.3	‘Suṇātu me, bhante, saṅgho.
pli-tv-kd2:3.3.4	Yadi saṅghassa pattakallaṁ, saṅgho uposathaṁ kareyya, pātimokkhaṁ uddiseyya.
pli-tv-kd2:3.3.5	Kiṁ saṅghassa pubbakiccaṁ?
pli-tv-kd2:3.3.6	Pārisuddhiṁ āyasmanto ārocetha.
pli-tv-kd2:3.3.7	Pātimokkhaṁ uddisissāmi.
pli-tv-kd2:3.3.8	Taṁ sabbeva santā sādhukaṁ suṇoma manasi karoma.
pli-tv-kd2:3.3.9	Yassa siyā āpatti, so āvikareyya.
pli-tv-kd2:3.3.10	Asantiyā āpattiyā tuṇhī bhavitabbaṁ.
pli-tv-kd2:3.3.11	Tuṇhībhāvena kho panāyasmante parisuddhāti vedissāmi.
pli-tv-kd2:3.3.12	Yathā kho pana paccekapuṭṭhassa veyyākaraṇaṁ hoti, evamevaṁ evarūpāya parisāya yāvatatiyaṁ anussāvitaṁ hoti.
pli-tv-kd2:3.3.13	Yo pana bhikkhu yāvatatiyaṁ anussāviyamāne saramāno santiṁ āpattiṁ nāvikareyya, sampajānamusāvādassa hoti.
pli-tv-kd2:3.3.14	Sampajānamusāvādo kho panāyasmanto antarāyiko dhammo vutto bhagavatā.
pli-tv-kd2:3.3.15	Tasmā, saramānena bhikkhunā āpannena visuddhāpekkhena santī āpatti āvikātabbā;
pli-tv-kd2:3.3.16	āvikatā hissa phāsu hotī’”ti.
pli-tv-kd2:3.4.0	
pli-tv-kd2:3.4.1	Pātimokkhanti
pli-tv-kd2:3.4.2	ādimetaṁ mukhametaṁ pamukhametaṁ kusalānaṁ dhammānaṁ. Tena vuccati pātimokkhanti.
pli-tv-kd2:3.4.3	Āyasmantoti
pli-tv-kd2:3.4.4	piyavacanametaṁ garuvacanametaṁ sagāravasappatissādhivacanametaṁ āyasmantoti.
pli-tv-kd2:3.4.5	Uddisissāmīti
pli-tv-kd2:3.4.6	ācikkhissāmi desessāmi paññapessāmi paṭṭhapessāmi vivarissāmi vibhajissāmi uttāniṁ karissāmi pakāsessāmi.
pli-tv-kd2:3.4.7	Tanti
pli-tv-kd2:3.4.8	pātimokkhaṁ vuccati.
pli-tv-kd2:3.4.9	Sabbeva santāti
pli-tv-kd2:3.4.10	yāvatikā tassā parisāya therā ca navā ca majjhimā ca, ete vuccanti sabbeva santāti.
pli-tv-kd2:3.4.11	Sādhukaṁ suṇomāti
pli-tv-kd2:3.4.12	aṭṭhiṁ katvā manasi katvā sabbacetasā samannāharāma.
pli-tv-kd2:3.4.13	Manasi karomāti
pli-tv-kd2:3.4.14	ekaggacittā avikkhittacittā avisāhaṭacittā nisāmema.
pli-tv-kd2:3.5.1	Yassa siyā āpattīti
pli-tv-kd2:3.5.2	therassa vā navassa vā majjhimassa vā, pañcannaṁ vā āpattikkhandhānaṁ aññatarā āpatti, sattannaṁ vā āpattikkhandhānaṁ aññatarā āpatti.
pli-tv-kd2:3.5.3	So āvikareyyāti
pli-tv-kd2:3.5.4	so deseyya, so vivareyya, so uttāniṁ kareyya, so pakāseyya saṅghamajjhe vā gaṇamajjhe vā ekapuggale vā.
pli-tv-kd2:3.5.5	Asantī nāma āpatti
pli-tv-kd2:3.5.6	anajjhāpannā vā hoti, āpajjitvā vā vuṭṭhitā.
pli-tv-kd2:3.5.7	Tuṇhī bhavitabbanti
pli-tv-kd2:3.5.8	adhivāsetabbaṁ na byāharitabbaṁ.
pli-tv-kd2:3.5.9	Parisuddhāti vedissāmīti
pli-tv-kd2:3.5.10	jānissāmi dhāressāmi.
pli-tv-kd2:3.6.1	Yathā kho pana paccekapuṭṭhassa veyyākaraṇaṁ hotīti
pli-tv-kd2:3.6.2	yathā ekena eko puṭṭho byākareyya, evameva tassā parisāya jānitabbaṁ maṁ pucchatīti.
pli-tv-kd2:3.6.3	Evarūpā nāma parisā
pli-tv-kd2:3.6.4	bhikkhuparisā vuccati.
pli-tv-kd2:3.6.5	Yāvatatiyaṁ anussāvitaṁ hotīti
pli-tv-kd2:3.6.6	sakimpi anussāvitaṁ hoti, dutiyampi anussāvitaṁ hoti, tatiyampi anussāvitaṁ hoti.
pli-tv-kd2:3.6.7	Saramānoti
pli-tv-kd2:3.6.8	jānamāno sañjānamāno.
pli-tv-kd2:3.6.9	Santī nāma āpatti
pli-tv-kd2:3.6.10	ajjhāpannā vā hoti, āpajjitvā vā avuṭṭhitā.
pli-tv-kd2:3.6.11	Nāvikareyyāti
pli-tv-kd2:3.6.12	na deseyya, na vivareyya, na uttāniṁ kareyya, na pakāseyya saṅghamajjhe vā gaṇamajjhe vā ekapuggale vā.
pli-tv-kd2:3.7.1	Sampajānamusāvādassa hotīti
pli-tv-kd2:3.7.2	sampajānamusāvāde kiṁ hoti?
pli-tv-kd2:3.7.3	Dukkaṭaṁ hoti.
pli-tv-kd2:3.7.4	Antarāyiko dhammo vutto bhagavatāti.
pli-tv-kd2:3.7.5	Kissa antarāyiko?
pli-tv-kd2:3.7.6	Paṭhamassa jhānassa adhigamāya antarāyiko, dutiyassa jhānassa adhigamāya antarāyiko, tatiyassa jhānassa adhigamāya antarāyiko, catutthassa jhānassa adhigamāya antarāyiko, jhānānaṁ vimokkhānaṁ samādhīnaṁ samāpattīnaṁ nekkhammānaṁ nissaraṇānaṁ pavivekānaṁ kusalānaṁ dhammānaṁ adhigamāya antarāyiko.
pli-tv-kd2:3.7.7	Tasmāti
pli-tv-kd2:3.7.8	taṅkāraṇā.
pli-tv-kd2:3.7.9	Saramānenāti
pli-tv-kd2:3.7.10	jānamānena sañjānamānena.
pli-tv-kd2:3.7.11	Visuddhāpekkhenāti
pli-tv-kd2:3.7.12	vuṭṭhātukāmena visujjhitukāmena.
pli-tv-kd2:3.8.1	Santī nāma āpatti
pli-tv-kd2:3.8.2	ajjhāpannā vā hoti, āpajjitvā vā avuṭṭhitā.
pli-tv-kd2:3.8.3	Āvikātabbāti
pli-tv-kd2:3.8.4	āvikātabbā saṅghamajjhe vā gaṇamajjhe vā ekapuggale vā.
pli-tv-kd2:3.8.5	Āvikatā hissa phāsu hotīti
pli-tv-kd2:3.8.6	kissa phāsu hoti?
pli-tv-kd2:3.8.7	Paṭhamassa jhānassa adhigamāya phāsu hoti, dutiyassa jhānassa adhigamāya phāsu hoti, tatiyassa jhānassa adhigamāya phāsu hoti, catutthassa jhānassa adhigamāya phāsu hoti, jhānānaṁ vimokkhānaṁ samādhīnaṁ samāpattīnaṁ nekkhammānaṁ nissaraṇānaṁ pavivekānaṁ kusalānaṁ dhammānaṁ adhigamāya phāsu hotīti.
pli-tv-kd2:4.1.1	Tena kho pana samayena bhikkhū—
pli-tv-kd2:4.1.2	“bhagavatā pātimokkhuddeso anuññāto”ti—
pli-tv-kd2:4.1.3	devasikaṁ pātimokkhaṁ uddisanti.
pli-tv-kd2:4.1.4	Bhagavato etamatthaṁ ārocesuṁ.
pli-tv-kd2:4.1.5	“Na, bhikkhave, devasikaṁ pātimokkhaṁ uddisitabbaṁ.
pli-tv-kd2:4.1.6	Yo uddiseyya, āpatti dukkaṭassa.
pli-tv-kd2:4.1.7	Anujānāmi, bhikkhave, uposathe pātimokkhaṁ uddisitun”ti.
pli-tv-kd2:4.2.1	Tena kho pana samayena bhikkhū—
pli-tv-kd2:4.2.2	“bhagavatā uposathe pātimokkhuddeso anuññāto”ti—
pli-tv-kd2:4.2.3	pakkhassa tikkhattuṁ pātimokkhaṁ uddisanti, cātuddase pannarase aṭṭhamiyā ca pakkhassa.
pli-tv-kd2:4.2.4	Bhagavato etamatthaṁ ārocesuṁ.
pli-tv-kd2:4.2.5	“Na, bhikkhave, pakkhassa tikkhattuṁ pātimokkhaṁ uddisitabbaṁ.
pli-tv-kd2:4.2.6	Yo uddiseyya, āpatti dukkaṭassa.
pli-tv-kd2:4.2.7	Anujānāmi, bhikkhave, sakiṁ pakkhassa cātuddase vā pannarase vā pātimokkhaṁ uddisitun”ti.
pli-tv-kd2:5.1.1	Tena kho pana samayena chabbaggiyā bhikkhū yathāparisāya pātimokkhaṁ uddisanti sakāya sakāya parisāya.
pli-tv-kd2:5.1.2	Bhagavato etamatthaṁ ārocesuṁ.
pli-tv-kd2:5.1.3	“Na, bhikkhave, yathāparisāya pātimokkhaṁ uddisitabbaṁ sakāya sakāya parisāya.
pli-tv-kd2:5.1.4	Yo uddiseyya, āpatti dukkaṭassa.
pli-tv-kd2:5.1.5	Anujānāmi, bhikkhave, samaggānaṁ uposathakamman”ti.
pli-tv-kd2:5.2.1	Atha kho bhikkhūnaṁ etadahosi—
pli-tv-kd2:5.2.2	“bhagavatā paññattaṁ—
pli-tv-kd2:5.2.3	‘samaggānaṁ uposathakamman’ti.
pli-tv-kd2:5.2.4	Kittāvatā nu kho sāmaggī hoti, yāvatā ekāvāso, udāhu sabbā pathavī”ti?
pli-tv-kd2:5.2.5	Bhagavato etamatthaṁ ārocesuṁ.
pli-tv-kd2:5.2.6	“Anujānāmi, bhikkhave, ettāvatā sāmaggī yāvatā ekāvāso”ti.
pli-tv-kd2:5.3.0	3. Mahākappinavatthu
pli-tv-kd2:5.3.1	Tena kho pana samayena āyasmā mahākappino rājagahe viharati maddakucchimhi migadāye.
pli-tv-kd2:5.3.2	Atha kho āyasmato mahākappinassa rahogatassa paṭisallīnassa evaṁ cetaso parivitakko udapādi—
pli-tv-kd2:5.3.3	“gaccheyyaṁ vāhaṁ uposathaṁ na vā gaccheyyaṁ, gaccheyyaṁ vāhaṁ saṅghakammaṁ na vā gaccheyyaṁ, atha khvāhaṁ visuddho paramāya visuddhiyā”ti?
pli-tv-kd2:5.4.1	Atha kho bhagavā āyasmato mahākappinassa cetasā cetoparivitakkamaññāya—
pli-tv-kd2:5.4.2	seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—gijjhakūṭe pabbate antarahito maddakucchimhi migadāye āyasmato mahākappinassa sammukhe pāturahosi.
pli-tv-kd2:5.4.3	Nisīdi bhagavā paññatte āsane.
pli-tv-kd2:5.4.4	Āyasmāpi kho mahākappino bhagavantaṁ abhivādetvā ekamantaṁ nisīdi.
pli-tv-kd2:5.5.1	Ekamantaṁ nisinnaṁ kho āyasmantaṁ mahākappinaṁ bhagavā etadavoca—
pli-tv-kd2:5.5.2	“nanu te, kappina, rahogatassa paṭisallīnassa evaṁ cetaso parivitakko udapādi—
pli-tv-kd2:5.5.3	gaccheyyaṁ vāhaṁ uposathaṁ na vā gaccheyyaṁ, gaccheyyaṁ vāhaṁ saṅghakammaṁ na vā gaccheyyaṁ, atha khvāhaṁ visuddho paramāya visuddhiyā”ti?
pli-tv-kd2:5.5.4	“Evaṁ, bhante”.
pli-tv-kd2:5.5.5	“Tumhe ce brāhmaṇā uposathaṁ na sakkarissatha na garukarissatha na mānessatha na pūjessatha, atha ko carahi uposathaṁ sakkarissati garukarissati mānessati pūjessati?
pli-tv-kd2:5.5.6	Gaccha tvaṁ, brāhmaṇa, uposathaṁ, mā no agamāsi.
pli-tv-kd2:5.5.7	Gaccha tvaṁ saṅghakammaṁ, mā no agamāsī”ti.
pli-tv-kd2:5.5.8	“Evaṁ, bhante”ti kho āyasmā mahākappino bhagavato paccassosi.
pli-tv-kd2:5.6.1	Atha kho bhagavā āyasmantaṁ mahākappinaṁ dhammiyā kathāya sandassetvā samādapetvā samuttejetvā sampahaṁsetvā—
pli-tv-kd2:5.6.2	seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—maddakucchimhi migadāye āyasmato mahākappinassa sammukhe antarahito gijjhakūṭe pabbate pāturahosi.
pli-tv-kd2:6.1.0	4. Sīmānujānana
pli-tv-kd2:6.1.1	Atha kho bhikkhūnaṁ etadahosi—
pli-tv-kd2:6.1.2	“bhagavatā paññattaṁ—
pli-tv-kd2:6.1.3	‘ettāvatā sāmaggī yāvatā ekāvāso’ti, kittāvatā nu kho ekāvāso hotī”ti?
pli-tv-kd2:6.1.4	Bhagavato etamatthaṁ ārocesuṁ.
pli-tv-kd2:6.1.5	“Anujānāmi, bhikkhave, sīmaṁ sammannituṁ.
pli-tv-kd2:6.1.6	Evañca pana, bhikkhave, sammannitabbā—
pli-tv-kd2:6.1.7	paṭhamaṁ nimittā kittetabbā—
pli-tv-kd2:6.1.8	pabbatanimittaṁ, pāsāṇanimittaṁ, vananimittaṁ, rukkhanimittaṁ, magganimittaṁ, vammikanimittaṁ, nadīnimittaṁ, udakanimittaṁ.
pli-tv-kd2:6.1.9	Nimitte kittetvā byattena bhikkhunā paṭibalena saṅgho ñāpetabbo—
pli-tv-kd2:6.1.10	‘Suṇātu me, bhante, saṅgho.
pli-tv-kd2:6.1.11	Yāvatā samantā nimittā kittitā.
pli-tv-kd2:6.1.12	Yadi saṅghassa pattakallaṁ, saṅgho etehi nimittehi sīmaṁ sammanneyya samānasaṁvāsaṁ ekuposathaṁ.
pli-tv-kd2:6.1.13	Esā ñatti.
pli-tv-kd2:6.2.1	Suṇātu me, bhante, saṅgho.
pli-tv-kd2:6.2.2	Yāvatā samantā nimittā kittitā.
pli-tv-kd2:6.2.3	Saṅgho etehi nimittehi sīmaṁ sammannati samānasaṁvāsaṁ ekuposathaṁ.
pli-tv-kd2:6.2.4	Yassāyasmato khamati etehi nimittehi sīmāya sammuti samānasaṁvāsāya ekuposathāya, so tuṇhassa;
pli-tv-kd2:6.2.5	yassa nakkhamati, so bhāseyya.
pli-tv-kd2:6.2.6	Sammatā sīmā saṅghena etehi nimittehi samānasaṁvāsā ekuposathā.
pli-tv-kd2:6.2.7	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:7.1.1	Tena kho pana samayena chabbaggiyā bhikkhū—
pli-tv-kd2:7.1.2	“bhagavatā sīmāsammuti anuññātā”ti—
pli-tv-kd2:7.1.3	atimahatiyo sīmāyo sammannanti, catuyojanikāpi pañcayojanikāpi chayojanikāpi.
pli-tv-kd2:7.1.4	Bhikkhū uposathaṁ āgacchantā uddissamānepi pātimokkhe āgacchanti, uddiṭṭhamattepi āgacchanti, antarāpi parivasanti.
pli-tv-kd2:7.1.5	Bhagavato etamatthaṁ ārocesuṁ.
pli-tv-kd2:7.1.6	“Na, bhikkhave, atimahatī sīmā sammannitabbā, catuyojanikā vā pañcayojanikā vā chayojanikā vā.
pli-tv-kd2:7.1.7	Yo sammanneyya, āpatti dukkaṭassa.
pli-tv-kd2:7.1.8	Anujānāmi, bhikkhave, tiyojanaparamaṁ sīmaṁ sammannitun”ti.
pli-tv-kd2:7.2.1	Tena kho pana samayena chabbaggiyā bhikkhū nadīpārasīmaṁ sammannanti.
pli-tv-kd2:7.2.2	Uposathaṁ āgacchantā bhikkhūpi vuyhanti, pattāpi vuyhanti, cīvarānipi vuyhanti.
pli-tv-kd2:7.2.3	Bhagavato etamatthaṁ ārocesuṁ.
pli-tv-kd2:7.2.4	“Na, bhikkhave, nadīpārasīmā sammannitabbā.
pli-tv-kd2:7.2.5	Yo sammanneyya, āpatti dukkaṭassa.
pli-tv-kd2:7.2.6	Anujānāmi, bhikkhave, yatthassa dhuvanāvā vā dhuvasetu vā, evarūpaṁ nadīpārasīmaṁ sammannitun”ti.
pli-tv-kd2:8.1.0	5. Uposathāgārakathā
pli-tv-kd2:8.1.1	Tena kho pana samayena bhikkhū anupariveṇiyaṁ pātimokkhaṁ uddisanti asaṅketena.
pli-tv-kd2:8.1.2	Āgantukā bhikkhū na jānanti—
pli-tv-kd2:8.1.3	“kattha vā ajjuposatho karīyissatī”ti.
pli-tv-kd2:8.1.4	Bhagavato etamatthaṁ ārocesuṁ.
pli-tv-kd2:8.1.5	“Na, bhikkhave, anupariveṇiyaṁ pātimokkhaṁ uddisitabbaṁ asaṅketena.
pli-tv-kd2:8.1.6	Yo uddiseyya, āpatti dukkaṭassa.
pli-tv-kd2:8.1.7	Anujānāmi, bhikkhave, uposathāgāraṁ sammannitvā uposathaṁ kātuṁ, yaṁ saṅgho ākaṅkhati vihāraṁ vā aḍḍhayogaṁ vā pāsādaṁ vā hammiyaṁ vā guhaṁ vā.
pli-tv-kd2:8.1.8	Evañca pana, bhikkhave, sammannitabbaṁ.
pli-tv-kd2:8.2.1	Byattena bhikkhunā paṭibalena saṅgho ñāpetabbo—
pli-tv-kd2:8.2.2	‘Suṇātu me, bhante, saṅgho.
pli-tv-kd2:8.2.3	Yadi saṅghassa pattakallaṁ, saṅgho itthannāmaṁ vihāraṁ uposathāgāraṁ sammanneyya.
pli-tv-kd2:8.2.4	Esā ñatti.
pli-tv-kd2:8.2.5	Suṇātu me, bhante, saṅgho.
pli-tv-kd2:8.2.6	Saṅgho itthannāmaṁ vihāraṁ uposathāgāraṁ sammannati.
pli-tv-kd2:8.2.7	Yassāyasmato khamati itthannāmassa vihārassa uposathāgārassa sammuti, so tuṇhassa;
pli-tv-kd2:8.2.8	yassa nakkhamati, so bhāseyya.
pli-tv-kd2:8.2.9	Sammato saṅghena itthannāmo vihāro uposathāgāraṁ.
pli-tv-kd2:8.2.10	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:8.3.1	Tena kho pana samayena aññatarasmiṁ āvāse dve uposathāgārāni sammatāni honti.
pli-tv-kd2:8.3.2	Bhikkhū ubhayattha sannipatanti—
pli-tv-kd2:8.3.3	“idha uposatho karīyissati, idha uposatho karīyissatī”ti.
pli-tv-kd2:8.3.4	Bhagavato etamatthaṁ ārocesuṁ.
pli-tv-kd2:8.3.5	“Na, bhikkhave, ekasmiṁ āvāse dve uposathāgārāni sammannitabbāni.
pli-tv-kd2:8.3.6	Yo sammanneyya, āpatti dukkaṭassa.
pli-tv-kd2:8.3.7	Anujānāmi, bhikkhave, ekaṁ samūhanitvā ekattha uposathaṁ kātuṁ.
pli-tv-kd2:8.4.1	Evañca pana, bhikkhave, samūhantabbaṁ.
pli-tv-kd2:8.4.2	Byattena bhikkhunā paṭibalena saṅgho ñāpetabbo—
pli-tv-kd2:8.4.3	‘Suṇātu me, bhante, saṅgho.
pli-tv-kd2:8.4.4	Yadi saṅghassa pattakallaṁ, saṅgho itthannāmaṁ uposathāgāraṁ samūhaneyya.
pli-tv-kd2:8.4.5	Esā ñatti.
pli-tv-kd2:8.4.6	Suṇātu me, bhante, saṅgho.
pli-tv-kd2:8.4.7	Saṅgho itthannāmaṁ uposathāgāraṁ samūhanati.
pli-tv-kd2:8.4.8	Yassāyasmato khamati itthannāmassa uposathāgārassa samugghāto, so tuṇhassa;
pli-tv-kd2:8.4.9	yassa nakkhamati, so bhāseyya.
pli-tv-kd2:8.4.10	Samūhataṁ saṅghena itthannāmaṁ uposathāgāraṁ.
pli-tv-kd2:8.4.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:9.1.0	6. Uposathappamukhānujānana
pli-tv-kd2:9.1.1	Tena kho pana samayena aññatarasmiṁ āvāse atikhuddakaṁ uposathāgāraṁ sammataṁ hoti, tadahuposathe mahābhikkhusaṅgho sannipatito hoti.
pli-tv-kd2:9.1.2	Bhikkhū asammatāya bhūmiyā nisinnā pātimokkhaṁ assosuṁ.
pli-tv-kd2:9.1.3	Atha kho tesaṁ bhikkhūnaṁ etadahosi—
pli-tv-kd2:9.1.4	“bhagavatā paññattaṁ—
pli-tv-kd2:9.1.5	‘uposathāgāraṁ sammannitvā uposatho kātabbo’ti, mayañcamhā asammatāya bhūmiyā nisinnā pātimokkhaṁ assumhā, kato nu kho amhākaṁ uposatho, akato nu kho”ti.
pli-tv-kd2:9.1.6	Bhagavato etamatthaṁ ārocesuṁ.
pli-tv-kd2:9.1.7	“Sammatāya vā, bhikkhave, bhūmiyā nisinnā asammatāya vā yato pātimokkhaṁ suṇāti, katovassa uposatho.
pli-tv-kd2:9.2.1	Tena hi, bhikkhave, saṅgho yāva mahantaṁ uposathappamukhaṁ ākaṅkhati, tāva mahantaṁ uposathappamukhaṁ sammannatu.
pli-tv-kd2:9.2.2	Evañca pana, bhikkhave, sammannitabbaṁ.
pli-tv-kd2:9.2.3	Paṭhamaṁ nimittā kittetabbā.
pli-tv-kd2:9.2.4	Nimitte kittetvā byattena bhikkhunā paṭibalena saṅgho ñāpetabbo—
pli-tv-kd2:9.2.5	‘Suṇātu me, bhante, saṅgho.
pli-tv-kd2:9.2.6	Yāvatā samantā nimittā kittitā.
pli-tv-kd2:9.2.7	Yadi saṅghassa pattakallaṁ, saṅgho etehi nimittehi uposathappamukhaṁ sammanneyya.
pli-tv-kd2:9.2.8	Esā ñatti.
pli-tv-kd2:9.2.9	Suṇātu me, bhante, saṅgho.
pli-tv-kd2:9.2.10	Yāvatā samantā nimittā kittitā.
pli-tv-kd2:9.2.11	Saṅgho etehi nimittehi uposathappamukhaṁ sammannati.
pli-tv-kd2:9.2.12	Yassāyasmato khamati etehi nimittehi uposathappamukhassa sammuti, so tuṇhassa;
pli-tv-kd2:9.2.13	yassa nakkhamati, so bhāseyya.
pli-tv-kd2:9.2.14	Sammataṁ saṅghena etehi nimittehi uposathappamukhaṁ.
pli-tv-kd2:9.2.15	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:10.1.1	Tena kho pana samayena aññatarasmiṁ āvāse tadahuposathe navakā bhikkhū paṭhamataraṁ sannipatitvā—
pli-tv-kd2:10.1.2	“na tāva therā āgacchantī”ti—
pli-tv-kd2:10.1.3	pakkamiṁsu.
pli-tv-kd2:10.1.4	Uposatho vikāle ahosi.
pli-tv-kd2:10.1.5	Bhagavato etamatthaṁ ārocesuṁ.
pli-tv-kd2:10.1.6	“Anujānāmi, bhikkhave, tadahuposathe therehi bhikkhūhi paṭhamataraṁ sannipatitun”ti.
pli-tv-kd2:11.1.1	Tena kho pana samayena rājagahe sambahulā āvāsā samānasīmā honti.
pli-tv-kd2:11.1.2	Tattha bhikkhū vivadanti—
pli-tv-kd2:11.1.3	“amhākaṁ āvāse uposatho karīyatu, amhākaṁ āvāse uposatho karīyatū”ti.
pli-tv-kd2:11.1.4	Bhagavato etamatthaṁ ārocesuṁ.
pli-tv-kd2:11.1.5	“Idha pana, bhikkhave, sambahulā āvāsā samānasīmā honti.
pli-tv-kd2:11.1.6	Tattha bhikkhū vivadanti—
pli-tv-kd2:11.1.7	‘amhākaṁ āvāse uposatho karīyatu, amhākaṁ āvāse uposatho karīyatū’ti.
pli-tv-kd2:11.1.8	Tehi, bhikkhave, bhikkhūhi sabbeheva ekajjhaṁ sannipatitvā uposatho kātabbo.
pli-tv-kd2:11.1.9	Yattha vā pana thero bhikkhu viharati, tattha sannipatitvā uposatho kātabbo,
pli-tv-kd2:11.1.10	na tveva vaggena saṅghena uposatho kātabbo.
pli-tv-kd2:11.1.11	Yo kareyya, āpatti dukkaṭassā”ti.
pli-tv-kd2:12.1.0	7. Avippavāsasīmānujānana
pli-tv-kd2:12.1.1	Tena kho pana samayena āyasmā mahākassapo andhakavindā rājagahaṁ uposathaṁ āgacchanto antarāmagge nadiṁ taranto manaṁ vūḷho ahosi, cīvarānissa allāni.
pli-tv-kd2:12.1.2	Bhikkhū āyasmantaṁ mahākassapaṁ etadavocuṁ—
pli-tv-kd2:12.1.3	“kissa te, āvuso, cīvarāni allānī”ti?
pli-tv-kd2:12.1.4	“Idhāhaṁ, āvuso, andhakavindā rājagahaṁ uposathaṁ āgacchanto antarāmagge nadiṁ taranto manamhi vūḷho.
pli-tv-kd2:12.1.5	Tena me cīvarāni allānī”ti.
pli-tv-kd2:12.1.6	Bhagavato etamatthaṁ ārocesuṁ.
pli-tv-kd2:12.1.7	“Yā sā, bhikkhave, saṅghena sīmā sammatā samānasaṁvāsā ekuposathā, saṅgho taṁ sīmaṁ ticīvarena avippavāsaṁ sammannatu.
pli-tv-kd2:12.2.1	Evañca pana, bhikkhave, sammannitabbā.
pli-tv-kd2:12.2.2	Byattena bhikkhunā paṭibalena saṅgho ñāpetabbo—
pli-tv-kd2:12.2.3	‘Suṇātu me, bhante, saṅgho.
pli-tv-kd2:12.2.4	Yā sā saṅghena sīmā sammatā samānasaṁvāsā ekuposathā, yadi saṅghassa pattakallaṁ saṅgho taṁ sīmaṁ ticīvarena avippavāsaṁ sammanneyya.
pli-tv-kd2:12.2.5	Esā ñatti.
pli-tv-kd2:12.2.6	Suṇātu me, bhante, saṅgho.
pli-tv-kd2:12.2.7	Yā sā saṅghena sīmā sammatā samānasaṁvāsā ekuposathā, saṅgho taṁ sīmaṁ ticīvarena avippavāsaṁ sammannati.
pli-tv-kd2:12.2.8	Yassāyasmato khamati etissā sīmāya ticīvarena avippavāsāya sammuti, so tuṇhassa;
pli-tv-kd2:12.2.9	yassa nakkhamati, so bhāseyya.
pli-tv-kd2:12.2.10	Sammatā sā sīmā saṅghena ticīvarena avippavāsā.
pli-tv-kd2:12.2.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:12.3.1	Tena kho pana samayena bhikkhū bhagavatā ticīvarena avippavāsasammuti anuññātāti antaraghare cīvarāni nikkhipanti.
pli-tv-kd2:12.3.2	Tāni cīvarāni nassantipi ḍayhantipi undūrehipi khajjanti.
pli-tv-kd2:12.3.3	Bhikkhū duccoḷā honti lūkhacīvarā.
pli-tv-kd2:12.3.4	Bhikkhū evamāhaṁsu—
pli-tv-kd2:12.3.5	“kissa tumhe, āvuso, duccoḷā lūkhacīvarā”ti?
pli-tv-kd2:12.3.6	“Idha mayaṁ, āvuso, bhagavatā ticīvarena avippavāsasammuti anuññātāti antaraghare cīvarāni nikkhipimhā.
pli-tv-kd2:12.3.7	Tāni cīvarāni naṭṭhānipi daḍḍhānipi, undūrehipi khāyitāni, tena mayaṁ duccoḷā lūkhacīvarā”ti.
pli-tv-kd2:12.3.8	Bhagavato etamatthaṁ ārocesuṁ.
pli-tv-kd2:12.3.9	“Yā sā, bhikkhave, saṅghena sīmā sammatā samānasaṁvāsā ekuposathā, saṅgho taṁ sīmaṁ ticīvarena avippavāsaṁ sammannatu, ṭhapetvā gāmañca gāmūpacārañca.
pli-tv-kd2:12.4.1	Evañca pana, bhikkhave, sammannitabbā.
pli-tv-kd2:12.4.2	Byattena bhikkhunā paṭibalena saṅgho ñāpetabbo—
pli-tv-kd2:12.4.3	‘Suṇātu me, bhante, saṅgho.
pli-tv-kd2:12.4.4	Yā sā saṅghena sīmā sammatā samānasaṁvāsā ekuposathā yadi saṅghassa pattakallaṁ, saṅgho taṁ sīmaṁ ticīvarena avippavāsaṁ sammanneyya, ṭhapetvā gāmañca gāmūpacārañca.
pli-tv-kd2:12.4.5	Esā ñatti.
pli-tv-kd2:12.4.6	Suṇātu me, bhante, saṅgho.
pli-tv-kd2:12.4.7	Yā sā saṅghena sīmā sammatā samānasaṁvāsā ekuposathā, saṅgho taṁ sīmaṁ ticīvarena avippavāsaṁ sammannati, ṭhapetvā gāmañca gāmūpacārañca.
pli-tv-kd2:12.4.8	Yassāyasmato khamati etissā sīmāya ticīvarena avippavāsāya sammuti, ṭhapetvā gāmañca gāmūpacārañca, so tuṇhassa;
pli-tv-kd2:12.4.9	yassa nakkhamati, so bhāseyya.
pli-tv-kd2:12.4.10	Sammatā sā sīmā saṅghena ticīvarena avippavāsā, ṭhapetvā gāmañca gāmūpacārañca.
pli-tv-kd2:12.4.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:12.5.0	8. Sīmāsamūhanana
pli-tv-kd2:12.5.1	“Sīmaṁ, bhikkhave, sammannantena paṭhamaṁ samānasaṁvāsasīmā sammannitabbā, pacchā ticīvarena avippavāso sammannitabbo.
pli-tv-kd2:12.5.2	Sīmaṁ, bhikkhave, samūhanantena paṭhamaṁ ticīvarena avippavāso samūhantabbo, pacchā samānasaṁvāsasīmā samūhantabbā.
pli-tv-kd2:12.5.3	Evañca pana, bhikkhave, ticīvarena avippavāso samūhantabbo.
pli-tv-kd2:12.5.4	Byattena bhikkhunā paṭibalena saṅgho ñāpetabbo—
pli-tv-kd2:12.5.5	‘Suṇātu me, bhante, saṅgho.
pli-tv-kd2:12.5.6	Yo so saṅghena ticīvarena avippavāso sammato, yadi saṅghassa pattakallaṁ, saṅgho taṁ ticīvarena avippavāsaṁ samūhaneyya.
pli-tv-kd2:12.5.7	Esā ñatti.
pli-tv-kd2:12.5.8	Suṇātu me, bhante, saṅgho.
pli-tv-kd2:12.5.9	Yo so saṅghena ticīvarena avippavāso sammato, saṅgho taṁ ticīvarena avippavāsaṁ samūhanati.
pli-tv-kd2:12.5.10	Yassāyasmato khamati etassa ticīvarena avippavāsassa samugghāto, so tuṇhassa;
pli-tv-kd2:12.5.11	yassa nakkhamati, so bhāseyya.
pli-tv-kd2:12.5.12	Samūhato so saṅghena ticīvarena avippavāso.
pli-tv-kd2:12.5.13	Khamati saṅghassa, tasmā tuṇhī, evametaṁ dhārayāmī’ti.
pli-tv-kd2:12.6.1	Evañca pana, bhikkhave, sīmā samūhantabbā.
pli-tv-kd2:12.6.2	Byattena bhikkhunā paṭibalena saṅgho ñāpetabbo—
pli-tv-kd2:12.6.3	‘Suṇātu me, bhante, saṅgho.
pli-tv-kd2:12.6.4	Yā sā saṅghena sīmā sammatā samānasaṁvāsā ekuposathā, yadi saṅghassa pattakallaṁ, saṅgho taṁ sīmaṁ samūhaneyya samānasaṁvāsaṁ ekuposathaṁ.
pli-tv-kd2:12.6.5	Esā ñatti.
pli-tv-kd2:12.6.6	Suṇātu me, bhante, saṅgho.
pli-tv-kd2:12.6.7	Yā sā saṅghena sīmā sammatā samānasaṁvāsā ekuposathā, saṅgho taṁ sīmaṁ samūhanati samānasaṁvāsaṁ ekuposathaṁ.
pli-tv-kd2:12.6.8	Yassāyasmato khamati etissā sīmāya samānasaṁvāsāya ekuposathāya samugghāto, so tuṇhassa;
pli-tv-kd2:12.6.9	yassa nakkhamati, so bhāseyya.
pli-tv-kd2:12.6.10	Samūhatā sā sīmā saṅghena samānasaṁvāsā ekuposathā.
pli-tv-kd2:12.6.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:12.7.0	9. Gāmasīmādi
pli-tv-kd2:12.7.1	“Asammatāya, bhikkhave, sīmāya aṭṭhapitāya, yaṁ gāmaṁ vā nigamaṁ vā upanissāya viharati, yā tassa vā gāmassa gāmasīmā, nigamassa vā nigamasīmā, ayaṁ tattha samānasaṁvāsā ekuposathā.
pli-tv-kd2:12.7.2	Agāmake ce, bhikkhave, araññe samantā sattabbhantarā, ayaṁ tattha samānasaṁvāsā ekuposathā.
pli-tv-kd2:12.7.3	Sabbā, bhikkhave, nadī asīmā;
pli-tv-kd2:12.7.4	sabbo samuddo asīmo;
pli-tv-kd2:12.7.5	sabbo jātassaro asīmo.
pli-tv-kd2:12.7.6	Nadiyā vā, bhikkhave, samudde vā jātassare vā yaṁ majjhimassa purisassa samantā udakukkhepā, ayaṁ tattha samānasaṁvāsā ekuposathā”ti.
pli-tv-kd2:13.1.1	Tena kho pana samayena chabbaggiyā bhikkhū sīmāya sīmaṁ sambhindanti.
pli-tv-kd2:13.1.2	Bhagavato etamatthaṁ ārocesuṁ.
pli-tv-kd2:13.1.3	“Yesaṁ, bhikkhave, sīmā paṭhamaṁ sammatā tesaṁ taṁ kammaṁ dhammikaṁ akuppaṁ ṭhānārahaṁ.
pli-tv-kd2:13.1.4	Yesaṁ, bhikkhave, sīmā pacchā sammatā tesaṁ taṁ kammaṁ adhammikaṁ kuppaṁ aṭṭhānārahaṁ.
pli-tv-kd2:13.1.5	Na, bhikkhave, sīmāya sīmā sambhinditabbā.
pli-tv-kd2:13.1.6	Yo sambhindeyya, āpatti dukkaṭassā”ti.
pli-tv-kd2:13.2.1	Tena kho pana samayena chabbaggiyā bhikkhū sīmāya sīmaṁ ajjhottharanti.
pli-tv-kd2:13.2.2	Bhagavato etamatthaṁ ārocesuṁ.
pli-tv-kd2:13.2.3	“Yesaṁ, bhikkhave, sīmā paṭhamaṁ sammatā tesaṁ taṁ kammaṁ dhammikaṁ akuppaṁ ṭhānārahaṁ.
pli-tv-kd2:13.2.4	Yesaṁ, bhikkhave, sīmā pacchā sammatā tesaṁ taṁ kammaṁ adhammikaṁ kuppaṁ aṭṭhānārahaṁ.
pli-tv-kd2:13.2.5	Na, bhikkhave, sīmāya sīmā ajjhottharitabbā.
pli-tv-kd2:13.2.6	Yo ajjhotthareyya, āpatti dukkaṭassāti.
pli-tv-kd2:13.2.7	Anujānāmi, bhikkhave, sīmaṁ sammannantena sīmantarikaṁ ṭhapetvā sīmaṁ sammannitun”ti.
pli-tv-kd2:14.1.0	10. Uposathabhedādi
pli-tv-kd2:14.1.1	Atha kho bhikkhūnaṁ etadahosi—
pli-tv-kd2:14.1.2	“kati nu kho uposathā”ti?
pli-tv-kd2:14.1.3	Bhagavato etamatthaṁ ārocesuṁ.
pli-tv-kd2:14.1.4	“Dveme, bhikkhave, uposathā— cātuddasiko ca pannarasiko ca. Ime kho, bhikkhave, dve uposathā”ti.
pli-tv-kd2:14.2.1	Atha kho bhikkhūnaṁ etadahosi—
pli-tv-kd2:14.2.2	“kati nu kho uposathakammānī”ti?
pli-tv-kd2:14.2.3	Bhagavato etamatthaṁ ārocesuṁ.
pli-tv-kd2:14.2.4	“Cattārimāni, bhikkhave, uposathakammāni—
pli-tv-kd2:14.2.5	adhammena vaggaṁ uposathakammaṁ,
pli-tv-kd2:14.2.6	adhammena samaggaṁ uposathakammaṁ,
pli-tv-kd2:14.2.7	dhammena vaggaṁ uposathakammaṁ,
pli-tv-kd2:14.2.8	dhammena samaggaṁ uposathakammanti.
pli-tv-kd2:14.2.9	Tatra, bhikkhave, yadidaṁ adhammena vaggaṁ uposathakammaṁ, na, bhikkhave, evarūpaṁ uposathakammaṁ kātabbaṁ.
pli-tv-kd2:14.2.10	Na ca mayā evarūpaṁ uposathakammaṁ anuññātaṁ.
pli-tv-kd2:14.3.1	Tatra, bhikkhave, yadidaṁ adhammena samaggaṁ uposathakammaṁ, na, bhikkhave, evarūpaṁ uposathakammaṁ kātabbaṁ.
pli-tv-kd2:14.3.2	Na ca mayā evarūpaṁ uposathakammaṁ anuññātaṁ.
pli-tv-kd2:14.3.3	Tatra, bhikkhave, yadidaṁ dhammena vaggaṁ uposathakammaṁ, na, bhikkhave, evarūpaṁ uposathakammaṁ kātabbaṁ.
pli-tv-kd2:14.3.4	Na ca mayā evarūpaṁ uposathakammaṁ anuññātaṁ.
pli-tv-kd2:14.3.5	Tatra, bhikkhave, yadidaṁ dhammena samaggaṁ uposathakammaṁ, evarūpaṁ, bhikkhave, uposathakammaṁ kātabbaṁ, evarūpañca mayā uposathakammaṁ anuññātaṁ.
pli-tv-kd2:14.3.6	Tasmātiha, bhikkhave, evarūpaṁ uposathakammaṁ karissāma yadidaṁ dhammena samagganti—
pli-tv-kd2:14.3.7	evañhi vo, bhikkhave, sikkhitabban”ti.
pli-tv-kd2:15.1.0	11. Saṅkhittena pātimokkhuddesādi
pli-tv-kd2:15.1.1	Atha kho bhikkhūnaṁ etadahosi—
pli-tv-kd2:15.1.2	“kati nu kho pātimokkhuddesā”ti?
pli-tv-kd2:15.1.3	Bhagavato etamatthaṁ ārocesuṁ.
pli-tv-kd2:15.1.4	“Pañcime, bhikkhave, pātimokkhuddesā.
pli-tv-kd2:15.1.5	Nidānaṁ uddisitvā avasesaṁ sutena sāvetabbaṁ.
pli-tv-kd2:15.1.6	Ayaṁ paṭhamo pātimokkhuddeso.
pli-tv-kd2:15.1.7	Nidānaṁ uddisitvā cattāri pārājikāni uddisitvā avasesaṁ sutena sāvetabbaṁ.
pli-tv-kd2:15.1.8	Ayaṁ dutiyo pātimokkhuddeso.
pli-tv-kd2:15.1.9	Nidānaṁ uddisitvā cattāri pārājikāni uddisitvā terasa saṅghādisese uddisitvā avasesaṁ sutena sāvetabbaṁ.
pli-tv-kd2:15.1.10	Ayaṁ tatiyo pātimokkhuddeso.
pli-tv-kd2:15.1.11	Nidānaṁ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaṁ sutena sāvetabbaṁ.
pli-tv-kd2:15.1.12	Ayaṁ catuttho pātimokkhuddeso.
pli-tv-kd2:15.1.13	Vitthāreneva pañcamo.
pli-tv-kd2:15.1.14	Ime kho, bhikkhave, pañca pātimokkhuddesā”ti.
pli-tv-kd2:15.2.1	Tena kho pana samayena bhikkhū—
pli-tv-kd2:15.2.2	“bhagavatā saṅkhittena pātimokkhuddeso anuññāto”ti—
pli-tv-kd2:15.2.3	sabbakālaṁ saṅkhittena pātimokkhaṁ uddisanti.
pli-tv-kd2:15.2.4	Bhagavato etamatthaṁ ārocesuṁ.
pli-tv-kd2:15.2.5	“Na, bhikkhave, saṅkhittena pātimokkhaṁ uddisitabbaṁ.
pli-tv-kd2:15.2.6	Yo uddiseyya, āpatti dukkaṭassā”ti.
pli-tv-kd2:15.3.1	Tena kho pana samayena kosalesu janapade aññatarasmiṁ āvāse tadahuposathe savarabhayaṁ ahosi.
pli-tv-kd2:15.3.2	Bhikkhū nāsakkhiṁsu vitthārena pātimokkhaṁ uddisituṁ.
pli-tv-kd2:15.3.3	Bhagavato etamatthaṁ ārocesuṁ.
pli-tv-kd2:15.3.4	“Anujānāmi, bhikkhave, sati antarāye saṅkhittena pātimokkhaṁ uddisitun”ti.
pli-tv-kd2:15.4.1	Tena kho pana samayena chabbaggiyā bhikkhū asatipi antarāye saṅkhittena pātimokkhaṁ uddisanti.
pli-tv-kd2:15.4.2	Bhagavato etamatthaṁ ārocesuṁ.
pli-tv-kd2:15.4.3	“Na, bhikkhave, asati antarāye saṅkhittena pātimokkhaṁ uddisitabbaṁ.
pli-tv-kd2:15.4.4	Yo uddiseyya, āpatti dukkaṭassa.
pli-tv-kd2:15.4.5	Anujānāmi, bhikkhave, sati antarāye saṅkhittena pātimokkhaṁ uddisituṁ.
pli-tv-kd2:15.4.6	Tatrime antarāyā—
pli-tv-kd2:15.4.7	rājantarāyo, corantarāyo, agyantarāyo, udakantarāyo, manussantarāyo, amanussantarāyo, vāḷantarāyo, sarīsapantarāyo, jīvitantarāyo, brahmacariyantarāyoti.
pli-tv-kd2:15.4.8	Anujānāmi, bhikkhave, evarūpesu antarāyesu saṅkhittena pātimokkhaṁ uddisituṁ, asati antarāye vitthārenā”ti.
pli-tv-kd2:15.5.1	Tena kho pana samayena chabbaggiyā bhikkhū saṅghamajjhe anajjhiṭṭhā dhammaṁ bhāsanti.
pli-tv-kd2:15.5.2	Bhagavato etamatthaṁ ārocesuṁ.
pli-tv-kd2:15.5.3	“Na, bhikkhave, saṅghamajjhe anajjhiṭṭhena dhammo bhāsitabbo.
pli-tv-kd2:15.5.4	Yo bhāseyya, āpatti dukkaṭassa.
pli-tv-kd2:15.5.5	Anujānāmi, bhikkhave, therena bhikkhunā sāmaṁ vā dhammaṁ bhāsituṁ paraṁ vā ajjhesitun”ti.
pli-tv-kd2:15.6.0	12. Vinayapucchanakathā
pli-tv-kd2:15.6.1	Tena kho pana samayena chabbaggiyā bhikkhū saṅghamajjhe asammatā vinayaṁ pucchanti.
pli-tv-kd2:15.6.2	Bhagavato etamatthaṁ ārocesuṁ.
pli-tv-kd2:15.6.3	“Na, bhikkhave, saṅghamajjhe asammatena vinayo pucchitabbo.
pli-tv-kd2:15.6.4	Yo puccheyya, āpatti dukkaṭassa.
pli-tv-kd2:15.6.5	Anujānāmi, bhikkhave, saṅghamajjhe sammatena vinayaṁ pucchituṁ.
pli-tv-kd2:15.6.6	Evañca pana, bhikkhave, sammannitabbo—
pli-tv-kd2:15.6.7	attanā vā attānaṁ sammannitabbaṁ, parena vā paro sammannitabbo.
pli-tv-kd2:15.7.1	Kathañca attanāva attānaṁ sammannitabbaṁ?
pli-tv-kd2:15.7.2	Byattena bhikkhunā paṭibalena saṅgho ñāpetabbo—
pli-tv-kd2:15.7.3	‘Suṇātu me, bhante, saṅgho.
pli-tv-kd2:15.7.4	Yadi saṅghassa pattakallaṁ, ahaṁ itthannāmaṁ vinayaṁ puccheyyan’ti.
pli-tv-kd2:15.7.5	Evaṁ attanāva attānaṁ sammannitabbaṁ.
pli-tv-kd2:15.7.6	Kathañca parena paro sammannitabbo?
pli-tv-kd2:15.7.7	Byattena bhikkhunā paṭibalena saṅgho ñāpetabbo—
pli-tv-kd2:15.7.8	‘Suṇātu me, bhante, saṅgho.
pli-tv-kd2:15.7.9	Yadi saṅghassa pattakallaṁ, itthannāmo itthannāmaṁ vinayaṁ puccheyyā’ti.
pli-tv-kd2:15.7.10	Evaṁ parena paro sammannitabbo”ti.
pli-tv-kd2:15.8.1	Tena kho pana samayena pesalā bhikkhū saṅghamajjhe sammatā vinayaṁ pucchanti.
pli-tv-kd2:15.8.2	Chabbaggiyā bhikkhū labhanti āghātaṁ, labhanti appaccayaṁ, vadhena tajjenti.
pli-tv-kd2:15.8.3	Bhagavato etamatthaṁ ārocesuṁ.
pli-tv-kd2:15.8.4	“Anujānāmi, bhikkhave, saṅghamajjhe sammatenapi parisaṁ oloketvā puggalaṁ tulayitvā vinayaṁ pucchitun”ti.
pli-tv-kd2:15.9.0	13. Vinayavissajjanakathā
pli-tv-kd2:15.9.1	Tena kho pana samayena chabbaggiyā bhikkhū saṅghamajjhe asammatā vinayaṁ vissajjenti.
pli-tv-kd2:15.9.2	Bhagavato etamatthaṁ ārocesuṁ.
pli-tv-kd2:15.9.3	“Na, bhikkhave, saṅghamajjhe asammatena vinayo vissajjetabbo.
pli-tv-kd2:15.9.4	Yo vissajjeyya, āpatti dukkaṭassa.
pli-tv-kd2:15.9.5	Anujānāmi, bhikkhave, saṅghamajjhe sammatena vinayaṁ vissajjetuṁ.
pli-tv-kd2:15.9.6	Evañca pana, bhikkhave, sammannitabbaṁ.
pli-tv-kd2:15.9.7	Attanā vā attānaṁ sammannitabbaṁ, parena vā paro sammannitabbo.
pli-tv-kd2:15.10.1	Kathañca attanāva attānaṁ sammannitabbaṁ?
pli-tv-kd2:15.10.2	Byattena bhikkhunā paṭibalena saṅgho ñāpetabbo—
pli-tv-kd2:15.10.3	‘Suṇātu me, bhante, saṅgho.
pli-tv-kd2:15.10.4	Yadi saṅghassa pattakallaṁ, ahaṁ itthannāmena vinayaṁ puṭṭho vissajjeyyan’ti.
pli-tv-kd2:15.10.5	Evaṁ attanāva attānaṁ sammannitabbaṁ.
pli-tv-kd2:15.10.6	Kathañca parena paro sammannitabbo?
pli-tv-kd2:15.10.7	Byattena bhikkhunā paṭibalena saṅgho ñāpetabbo—
pli-tv-kd2:15.10.8	‘Suṇātu me, bhante, saṅgho.
pli-tv-kd2:15.10.9	Yadi saṅghassa pattakallaṁ, itthannāmo itthannāmena vinayaṁ puṭṭho vissajjeyyā’ti.
pli-tv-kd2:15.10.10	Evaṁ parena paro sammannitabbo”ti.
pli-tv-kd2:15.11.1	Tena kho pana samayena pesalā bhikkhū saṅghamajjhe sammatā vinayaṁ vissajjenti.
pli-tv-kd2:15.11.2	Chabbaggiyā bhikkhū labhanti āghātaṁ, labhanti appaccayaṁ, vadhena tajjenti.
pli-tv-kd2:15.11.3	Bhagavato etamatthaṁ ārocesuṁ.
pli-tv-kd2:15.11.4	“Anujānāmi, bhikkhave, saṅghamajjhe sammatenapi parisaṁ oloketvā puggalaṁ tulayitvā vinayaṁ vissajjetun”ti.
pli-tv-kd2:16.1.0	14. Codanākathā
pli-tv-kd2:16.1.1	Tena kho pana samayena chabbaggiyā bhikkhū anokāsakataṁ bhikkhuṁ āpattiyā codenti.
pli-tv-kd2:16.1.2	Bhagavato etamatthaṁ ārocesuṁ.
pli-tv-kd2:16.1.3	“Na, bhikkhave, anokāsakato bhikkhu āpattiyā codetabbo.
pli-tv-kd2:16.1.4	Yo codeyya, āpatti dukkaṭassa.
pli-tv-kd2:16.1.5	Anujānāmi, bhikkhave, okāsaṁ kārāpetvā āpattiyā codetuṁ—
pli-tv-kd2:16.1.6	karotu āyasmā okāsaṁ, ahaṁ taṁ vattukāmo”ti.
pli-tv-kd2:16.2.1	Tena kho pana samayena pesalā bhikkhū chabbaggiye bhikkhū okāsaṁ kārāpetvā āpattiyā codenti.
pli-tv-kd2:16.2.2	Chabbaggiyā bhikkhū labhanti āghātaṁ, labhanti appaccayaṁ, vadhena tajjenti.
pli-tv-kd2:16.2.3	Bhagavato etamatthaṁ ārocesuṁ.
pli-tv-kd2:16.2.4	“Anujānāmi, bhikkhave, katepi okāse puggalaṁ tulayitvā āpattiyā codetun”ti.
pli-tv-kd2:16.3.1	Tena kho pana samayena chabbaggiyā bhikkhū—“puramhākaṁ pesalā bhikkhū okāsaṁ kārāpentī”ti—paṭikacceva suddhānaṁ bhikkhūnaṁ anāpattikānaṁ avatthusmiṁ akāraṇe okāsaṁ kārāpenti.
pli-tv-kd2:16.3.2	Bhagavato etamatthaṁ ārocesuṁ.
pli-tv-kd2:16.3.3	“Na, bhikkhave, suddhānaṁ bhikkhūnaṁ anāpattikānaṁ avatthusmiṁ akāraṇe okāso kārāpetabbo.
pli-tv-kd2:16.3.4	Yo kārāpeyya, āpatti dukkaṭassa.
pli-tv-kd2:16.3.5	Anujānāmi, bhikkhave, puggalaṁ tulayitvā okāsaṁ kātun”ti.
pli-tv-kd2:16.4.0	15. Adhammakammapaṭikkosanādi
pli-tv-kd2:16.4.1	Tena kho pana samayena chabbaggiyā bhikkhū saṅghamajjhe adhammakammaṁ karonti.
pli-tv-kd2:16.4.2	Bhagavato etamatthaṁ ārocesuṁ.
pli-tv-kd2:16.4.3	“Na, bhikkhave, adhammakammaṁ kātabbaṁ.
pli-tv-kd2:16.4.4	Yo kareyya, āpatti dukkaṭassāti.
pli-tv-kd2:16.4.5	Karontiyeva adhammakammaṁ.
pli-tv-kd2:16.4.6	Bhagavato etamatthaṁ ārocesuṁ.
pli-tv-kd2:16.4.7	Anujānāmi, bhikkhave, adhammakamme kayiramāne paṭikkositun”ti.
pli-tv-kd2:16.5.1	Tena kho pana samayena pesalā bhikkhū chabbaggiyehi bhikkhūhi adhammakamme kayiramāne paṭikkosanti.
pli-tv-kd2:16.5.2	Chabbaggiyā bhikkhū labhanti āghātaṁ, labhanti appaccayaṁ, vadhena tajjenti.
pli-tv-kd2:16.5.3	Bhagavato etamatthaṁ ārocesuṁ.
pli-tv-kd2:16.5.4	“Anujānāmi, bhikkhave, diṭṭhimpi āvikātunti.
pli-tv-kd2:16.5.5	Tesaṁyeva santike diṭṭhiṁ āvikaronti.
pli-tv-kd2:16.5.6	Chabbaggiyā bhikkhū labhanti āghātaṁ, labhanti appaccayaṁ, vadhena tajjenti.
pli-tv-kd2:16.5.7	Bhagavato etamatthaṁ ārocesuṁ.
pli-tv-kd2:16.5.8	Anujānāmi, bhikkhave, catūhi pañcahi paṭikkosituṁ, dvīhi tīhi diṭṭhiṁ āvikātuṁ, ekena adhiṭṭhātuṁ—
pli-tv-kd2:16.5.9	‘na metaṁ khamatī’”ti.
pli-tv-kd2:16.6.1	Tena kho pana samayena chabbaggiyā bhikkhū saṅghamajjhe pātimokkhaṁ uddisamānā sañcicca na sāventi.
pli-tv-kd2:16.6.2	Bhagavato etamatthaṁ ārocesuṁ.
pli-tv-kd2:16.6.3	“ Na, bhikkhave, pātimokkhuddesakena sañcicca na sāvetabbaṁ.
pli-tv-kd2:16.6.4	Yo na sāveyya, āpatti dukkaṭassā”ti.
pli-tv-kd2:16.7.1	Tena kho pana samayena āyasmā udāyī saṅghassa pātimokkhuddesako hoti kākassarako.
pli-tv-kd2:16.7.2	Atha kho āyasmato udāyissa etadahosi—
pli-tv-kd2:16.7.3	“bhagavatā paññattaṁ—
pli-tv-kd2:16.7.4	‘pātimokkhuddesakena sāvetabban’ti, ahañcamhi kākassarako, kathaṁ nu kho mayā paṭipajjitabban”ti?
pli-tv-kd2:16.7.5	Bhagavato etamatthaṁ ārocesuṁ.
pli-tv-kd2:16.7.6	“Anujānāmi, bhikkhave, pātimokkhuddesakena vāyamituṁ—
pli-tv-kd2:16.7.7	‘kathaṁ sāveyyan’ti.
pli-tv-kd2:16.7.8	Vāyamantassa anāpattī”ti.
pli-tv-kd2:16.8.1	Tena kho pana samayena devadatto sagahaṭṭhāya parisāya pātimokkhaṁ uddisati.
pli-tv-kd2:16.8.2	Bhagavato etamatthaṁ ārocesuṁ.
pli-tv-kd2:16.8.3	“Na, bhikkhave, sagahaṭṭhāya parisāya pātimokkhaṁ uddisitabbaṁ.
pli-tv-kd2:16.8.4	Yo uddiseyya, āpatti dukkaṭassā”ti.
pli-tv-kd2:16.9.1	Tena kho pana samayena chabbaggiyā bhikkhū saṅghamajjhe anajjhiṭṭhā pātimokkhaṁ uddisanti.
pli-tv-kd2:16.9.2	Bhagavato etamatthaṁ ārocesuṁ.
pli-tv-kd2:16.9.3	“Na, bhikkhave, saṅghamajjhe anajjhiṭṭhena pātimokkhaṁ uddisitabbaṁ.
pli-tv-kd2:16.9.4	Yo uddiseyya, āpatti dukkaṭassa.
pli-tv-kd2:16.9.5	Anujānāmi, bhikkhave, therādhikaṁ pātimokkhan”ti.
pli-tv-kd2:16.9.6	Aññatitthiyabhāṇavāro niṭṭhito paṭhamo.
pli-tv-kd2:17.1.0	16. Pātimokkhuddesakaajjhesanādi
pli-tv-kd2:17.1.1	Atha kho bhagavā rājagahe yathābhirantaṁ viharitvā yena codanāvatthu tena cārikaṁ pakkāmi.
pli-tv-kd2:17.1.2	Anupubbena cārikaṁ caramāno yena codanāvatthu tadavasari.
pli-tv-kd2:17.1.3	Tena kho pana samayena aññatarasmiṁ āvāse sambahulā bhikkhū viharanti.
pli-tv-kd2:17.1.4	Tattha thero bhikkhu bālo hoti abyatto.
pli-tv-kd2:17.1.5	So na jānāti uposathaṁ vā uposathakammaṁ vā, pātimokkhaṁ vā pātimokkhuddesaṁ vā.
pli-tv-kd2:17.2.1	Atha kho tesaṁ bhikkhūnaṁ etadahosi—
pli-tv-kd2:17.2.2	“bhagavatā paññattaṁ—
pli-tv-kd2:17.2.3	‘therādhikaṁ pātimokkhan’ti, ayañca amhākaṁ thero bālo abyatto, na jānāti uposathaṁ vā uposathakammaṁ vā, pātimokkhaṁ vā pātimokkhuddesaṁ vā.
pli-tv-kd2:17.2.4	Kathaṁ nu kho amhehi paṭipajjitabban”ti?
pli-tv-kd2:17.2.5	Bhagavato etamatthaṁ ārocesuṁ.
pli-tv-kd2:17.2.6	“Anujānāmi, bhikkhave, yo tattha bhikkhu byatto paṭibalo tassādheyyaṁ pātimokkhan”ti.
pli-tv-kd2:17.3.1	Tena kho pana samayena aññatarasmiṁ āvāse tadahuposathe sambahulā bhikkhū viharanti bālā abyattā.
pli-tv-kd2:17.3.2	Te na jānanti uposathaṁ vā uposathakammaṁ vā, pātimokkhaṁ vā pātimokkhuddesaṁ vā.
pli-tv-kd2:17.3.3	Te theraṁ ajjhesiṁsu—
pli-tv-kd2:17.3.4	“uddisatu, bhante, thero pātimokkhan”ti.
pli-tv-kd2:17.3.5	So evamāha—
pli-tv-kd2:17.3.6	“na me, āvuso, vattatī”ti.
pli-tv-kd2:17.3.7	Dutiyaṁ theraṁ ajjhesiṁsu—
pli-tv-kd2:17.3.8	“uddisatu, bhante, thero pātimokkhan”ti.
pli-tv-kd2:17.3.9	Sopi evamāha—
pli-tv-kd2:17.3.10	“na me, āvuso, vattatī”ti.
pli-tv-kd2:17.3.11	Tatiyaṁ theraṁ ajjhesiṁsu—
pli-tv-kd2:17.3.12	“uddisatu, bhante, thero pātimokkhan”ti.
pli-tv-kd2:17.3.13	Sopi evamāha—
pli-tv-kd2:17.3.14	“na me, āvuso, vattatī”ti.
pli-tv-kd2:17.3.15	Eteneva upāyena yāva saṅghanavakaṁ ajjhesiṁsu—
pli-tv-kd2:17.3.16	“uddisatu āyasmā pātimokkhan”ti.
pli-tv-kd2:17.3.17	Sopi evamāha—
pli-tv-kd2:17.4.1	“na me, bhante, vattatī”ti.
pli-tv-kd2:17.4.2	Bhagavato etamatthaṁ ārocesuṁ.
pli-tv-kd2:17.4.3	“Idha pana, bhikkhave, aññatarasmiṁ āvāse tadahuposathe sambahulā bhikkhū viharanti bālā abyattā.
pli-tv-kd2:17.4.4	Te na jānanti uposathaṁ vā uposathakammaṁ vā, pātimokkhaṁ vā pātimokkhuddesaṁ vā.
pli-tv-kd2:17.4.5	Te theraṁ ajjhesanti—
pli-tv-kd2:17.4.6	‘uddisatu, bhante, thero pātimokkhan’ti.
pli-tv-kd2:17.4.7	So evaṁ vadeti—
pli-tv-kd2:17.4.8	‘na me, āvuso, vattatī’ti.
pli-tv-kd2:17.4.9	Dutiyaṁ theraṁ ajjhesanti—
pli-tv-kd2:17.4.10	‘uddisatu, bhante, thero pātimokkhan’ti.
pli-tv-kd2:17.4.11	Sopi evaṁ vadeti—
pli-tv-kd2:17.4.12	‘na me, āvuso, vattatī’ti.
pli-tv-kd2:17.4.13	Tatiyaṁ theraṁ ajjhesanti—
pli-tv-kd2:17.4.14	‘uddisatu, bhante, thero pātimokkhan’ti.
pli-tv-kd2:17.4.15	Sopi evaṁ vadeti—
pli-tv-kd2:17.4.16	‘na me, āvuso, vattatī’ti.
pli-tv-kd2:17.4.17	Eteneva upāyena yāva saṅghanavakaṁ ajjhesanti—
pli-tv-kd2:17.4.18	‘uddisatu āyasmā pātimokkhan’ti.
pli-tv-kd2:17.4.19	Sopi evaṁ vadeti—
pli-tv-kd2:17.4.20	‘na me, bhante, vattatī’ti.
pli-tv-kd2:17.5.1	Tehi, bhikkhave, bhikkhūhi eko bhikkhu sāmantā āvāsā sajjukaṁ pāhetabbo—
pli-tv-kd2:17.5.2	gacchāvuso, saṅkhittena vā vitthārena vā pātimokkhaṁ pariyāpuṇitvāna āgacchāhī”ti.
pli-tv-kd2:17.6.1	Atha kho bhikkhūnaṁ etadahosi—
pli-tv-kd2:17.6.2	“kena nu kho pāhetabbo”ti?
pli-tv-kd2:17.6.3	Bhagavato etamatthaṁ ārocesuṁ.
pli-tv-kd2:17.6.4	“Anujānāmi, bhikkhave, therena bhikkhunā navaṁ bhikkhuṁ āṇāpetun”ti.
pli-tv-kd2:17.6.5	Therena āṇattā navā bhikkhū na gacchanti.
pli-tv-kd2:17.6.6	Bhagavato etamatthaṁ ārocesuṁ.
pli-tv-kd2:17.6.7	“Na, bhikkhave, therena āṇattena agilānena na gantabbaṁ.
pli-tv-kd2:17.6.8	Yo na gaccheyya, āpatti dukkaṭassā”ti.
pli-tv-kd2:18.1.0	17. Pakkhagaṇanādiuggahaṇānujānana
pli-tv-kd2:18.1.1	Atha kho bhagavā codanāvatthusmiṁ yathābhirantaṁ viharitvā punadeva rājagahaṁ paccāgañchi.
pli-tv-kd2:18.1.2	Tena kho pana samayena manussā bhikkhū piṇḍāya carante pucchanti—
pli-tv-kd2:18.1.3	“katimī, bhante, pakkhassā”ti?
pli-tv-kd2:18.1.4	Bhikkhū evamāhaṁsu—
pli-tv-kd2:18.1.5	“na kho mayaṁ, āvuso, jānāmā”ti.
pli-tv-kd2:18.1.6	Manussā ujjhāyanti khiyyanti vipācenti—
pli-tv-kd2:18.1.7	“pakkhagaṇanamattampime samaṇā sakyaputtiyā na jānanti, kiṁ panime aññaṁ kiñci kalyāṇaṁ jānissantī”ti?
pli-tv-kd2:18.1.8	Bhagavato etamatthaṁ ārocesuṁ.
pli-tv-kd2:18.1.9	“Anujānāmi, bhikkhave, pakkhagaṇanaṁ uggahetun”ti.
pli-tv-kd2:18.2.1	Atha kho bhikkhūnaṁ etadahosi—
pli-tv-kd2:18.2.2	“kena nu kho pakkhagaṇanā uggahetabbā”ti?
pli-tv-kd2:18.2.3	Bhagavato etamatthaṁ ārocesuṁ.
pli-tv-kd2:18.2.4	“Anujānāmi, bhikkhave, sabbeheva pakkhagaṇanaṁ uggahetun”ti.
pli-tv-kd2:18.3.1	Tena kho pana samayena manussā bhikkhū piṇḍāya carante pucchanti—
pli-tv-kd2:18.3.2	“kīvatikā, bhante, bhikkhū”ti?
pli-tv-kd2:18.3.3	Bhikkhū evamāhaṁsu—
pli-tv-kd2:18.3.4	“na kho mayaṁ, āvuso, jānāmā”ti.
pli-tv-kd2:18.3.5	Manussā ujjhāyanti khiyyanti vipācenti—
pli-tv-kd2:18.3.6	“aññamaññampime samaṇā sakyaputtiyā na jānanti, kiṁ panime aññaṁ kiñci kalyāṇaṁ jānissantī”ti?
pli-tv-kd2:18.3.7	Bhagavato etamatthaṁ ārocesuṁ.
pli-tv-kd2:18.3.8	“Anujānāmi, bhikkhave, bhikkhū gaṇetun”ti.
pli-tv-kd2:18.4.1	Atha kho bhikkhūnaṁ etadahosi—
pli-tv-kd2:18.4.2	“kadā nu kho bhikkhū gaṇetabbā”ti?
pli-tv-kd2:18.4.3	Bhagavato etamatthaṁ ārocesuṁ.
pli-tv-kd2:18.4.4	“Anujānāmi, bhikkhave, tadahuposathe nāmaggena vā gaṇetuṁ, salākaṁ vā gāhetun”ti.
pli-tv-kd2:19.1.1	Tena kho pana samayena bhikkhū ajānantā ajjuposathoti dūraṁ gāmaṁ piṇḍāya caranti.
pli-tv-kd2:19.1.2	Te uddissamānepi pātimokkhe āgacchanti, uddiṭṭhamattepi āgacchanti.
pli-tv-kd2:19.1.3	Bhagavato etamatthaṁ ārocesuṁ.
pli-tv-kd2:19.1.4	“Anujānāmi, bhikkhave, ārocetuṁ ‘ajjuposatho’”ti.
pli-tv-kd2:19.1.5	Atha kho bhikkhūnaṁ etadahosi—
pli-tv-kd2:19.1.6	“kena nu kho ārocetabbo”ti?
pli-tv-kd2:19.1.7	Bhagavato etamatthaṁ ārocesuṁ.
pli-tv-kd2:19.1.8	“Anujānāmi, bhikkhave, therena bhikkhunā kālavato ārocetun”ti.
pli-tv-kd2:19.1.9	Tena kho pana samayena aññataro thero kālavato nassarati.
pli-tv-kd2:19.1.10	Bhagavato etamatthaṁ ārocesuṁ.
pli-tv-kd2:19.1.11	“Anujānāmi, bhikkhave, bhattakālepi ārocetun”ti.
pli-tv-kd2:19.1.12	Bhattakālepi nassarati.
pli-tv-kd2:19.1.13	Bhagavato etamatthaṁ ārocesuṁ.
pli-tv-kd2:19.1.14	“Anujānāmi, bhikkhave, yaṁ kālaṁ sarati, taṁ kālaṁ ārocetun”ti.
pli-tv-kd2:20.1.0	18. Pubbakaraṇānujānana
pli-tv-kd2:20.1.1	Tena kho pana samayena aññatarasmiṁ āvāse uposathāgāraṁ uklāpaṁ hoti.
pli-tv-kd2:20.1.2	Āgantukā bhikkhū ujjhāyanti khiyyanti vipācenti—
pli-tv-kd2:20.1.3	“kathañhi nāma āvāsikā bhikkhū uposathāgāraṁ na sammajjissantī”ti.
pli-tv-kd2:20.1.4	Bhagavato etamatthaṁ ārocesuṁ.
pli-tv-kd2:20.1.5	“Anujānāmi, bhikkhave, uposathāgāraṁ sammajjitun”ti.
pli-tv-kd2:20.2.1	Atha kho bhikkhūnaṁ etadahosi—
pli-tv-kd2:20.2.2	“kena nu kho uposathāgāraṁ sammajjitabban”ti?
pli-tv-kd2:20.2.3	Bhagavato etamatthaṁ ārocesuṁ.
pli-tv-kd2:20.2.4	“Anujānāmi, bhikkhave, therena bhikkhunā navaṁ bhikkhuṁ āṇāpetun”ti.
pli-tv-kd2:20.2.5	Therena āṇattā navā bhikkhū na sammajjanti.
pli-tv-kd2:20.2.6	Bhagavato etamatthaṁ ārocesuṁ.
pli-tv-kd2:20.2.7	“Na, bhikkhave, therena āṇattena agilānena na sammajjitabbaṁ.
pli-tv-kd2:20.2.8	Yo na sammajjeyya, āpatti dukkaṭassā”ti.
pli-tv-kd2:20.3.1	Tena kho pana samayena uposathāgāre āsanaṁ apaññattaṁ hoti.
pli-tv-kd2:20.3.2	Bhikkhū chamāyaṁ nisīdanti, gattānipi cīvarānipi paṁsukitāni honti.
pli-tv-kd2:20.3.3	Bhagavato etamatthaṁ ārocesuṁ.
pli-tv-kd2:20.3.4	“Anujānāmi, bhikkhave, uposathāgāre āsanaṁ paññapetun”ti.
pli-tv-kd2:20.3.5	Atha kho bhikkhūnaṁ etadahosi—
pli-tv-kd2:20.3.6	“kena nu kho uposathāgāre āsanaṁ paññapetabban”ti?
pli-tv-kd2:20.3.7	Bhagavato etamatthaṁ ārocesuṁ.
pli-tv-kd2:20.3.8	“Anujānāmi, bhikkhave, therena bhikkhunā navaṁ bhikkhuṁ āṇāpetun”ti.
pli-tv-kd2:20.3.9	Therena āṇattā navā bhikkhū na paññapenti.
pli-tv-kd2:20.3.10	Bhagavato etamatthaṁ ārocesuṁ.
pli-tv-kd2:20.3.11	“Na, bhikkhave, therena āṇattena agilānena na paññapetabbaṁ.
pli-tv-kd2:20.3.12	Yo na paññapeyya, āpatti dukkaṭassā”ti.
pli-tv-kd2:20.4.1	Tena kho pana samayena uposathāgāre padīpo na hoti.
pli-tv-kd2:20.4.2	Bhikkhū andhakāre kāyampi cīvarampi akkamanti.
pli-tv-kd2:20.4.3	Bhagavato etamatthaṁ ārocesuṁ.
pli-tv-kd2:20.4.4	“Anujānāmi, bhikkhave, uposathāgāre padīpaṁ kātun”ti.
pli-tv-kd2:20.4.5	Atha kho bhikkhūnaṁ etadahosi—
pli-tv-kd2:20.4.6	“kena nu kho uposathāgāre padīpo kātabbo”ti?
pli-tv-kd2:20.4.7	Bhagavato etamatthaṁ ārocesuṁ.
pli-tv-kd2:20.4.8	“Anujānāmi, bhikkhave, therena bhikkhunā navaṁ bhikkhuṁ āṇāpetun”ti.
pli-tv-kd2:20.4.9	Therena āṇattā navā bhikkhū na padīpenti.
pli-tv-kd2:20.4.10	Bhagavato etamatthaṁ ārocesuṁ.
pli-tv-kd2:20.4.11	“Na, bhikkhave, therena āṇattena agilānena na padīpetabbo.
pli-tv-kd2:20.4.12	Yo na padīpeyya, āpatti dukkaṭassā”ti.
pli-tv-kd2:20.5.1	Tena kho pana samayena aññatarasmiṁ āvāse āvāsikā bhikkhū neva pānīyaṁ upaṭṭhāpenti, na paribhojanīyaṁ upaṭṭhāpenti.
pli-tv-kd2:20.5.2	Āgantukā bhikkhū ujjhāyanti khiyyanti vipācenti—
pli-tv-kd2:20.5.3	“kathañhi nāma āvāsikā bhikkhū neva pānīyaṁ upaṭṭhāpessanti, na paribhojanīyaṁ upaṭṭhāpessantī”ti.
pli-tv-kd2:20.5.4	Bhagavato etamatthaṁ ārocesuṁ.
pli-tv-kd2:20.5.5	“Anujānāmi, bhikkhave, pānīyaṁ paribhojanīyaṁ upaṭṭhāpetun”ti.
pli-tv-kd2:20.6.1	Atha kho bhikkhūnaṁ etadahosi—
pli-tv-kd2:20.6.2	“kena nu kho pānīyaṁ paribhojanīyaṁ upaṭṭhāpetabban”ti?
pli-tv-kd2:20.6.3	Bhagavato etamatthaṁ ārocesuṁ.
pli-tv-kd2:20.6.4	“Anujānāmi, bhikkhave, therena bhikkhunā navaṁ bhikkhuṁ āṇāpetun”ti.
pli-tv-kd2:20.6.5	Therena āṇattā navā bhikkhū na upaṭṭhāpenti.
pli-tv-kd2:20.6.6	Bhagavato etamatthaṁ ārocesuṁ.
pli-tv-kd2:20.6.7	“Na, bhikkhave, therena āṇattena agilānena na upaṭṭhāpetabbaṁ.
pli-tv-kd2:20.6.8	Yo na upaṭṭhāpeyya, āpatti dukkaṭassā”ti.
pli-tv-kd2:21.1.0	19. Disaṅgamikādivatthu
pli-tv-kd2:21.1.1	Tena kho pana samayena sambahulā bhikkhū bālā abyattā disaṅgamikā ācariyupajjhāye āpucchiṁsu.
pli-tv-kd2:21.1.2	Bhagavato etamatthaṁ ārocesuṁ.
pli-tv-kd2:21.1.3	“Idha pana, bhikkhave, sambahulā bhikkhū bālā abyattā disaṅgamikā ācariyupajjhāye āpucchanti.
pli-tv-kd2:21.1.4	Te, bhikkhave, ācariyupajjhāyehi pucchitabbā—
pli-tv-kd2:21.1.5	‘kahaṁ gamissatha, kena saddhiṁ gamissathā’ti?
pli-tv-kd2:21.1.6	Te ce, bhikkhave, bālā abyattā aññe bāle abyatte apadiseyyuṁ, na, bhikkhave, ācariyupajjhāyehi anujānitabbā.
pli-tv-kd2:21.1.7	Anujāneyyuñce, āpatti dukkaṭassa.
pli-tv-kd2:21.1.8	Te ca, bhikkhave, bālā abyattā ananuññātā ācariyupajjhāyehi gaccheyyuñce, āpatti dukkaṭassa.
pli-tv-kd2:21.2.1	Idha pana, bhikkhave, aññatarasmiṁ āvāse sambahulā bhikkhū viharanti bālā abyattā.
pli-tv-kd2:21.2.2	Te na jānanti uposathaṁ vā uposathakammaṁ vā, pātimokkhaṁ vā pātimokkhuddesaṁ vā.
pli-tv-kd2:21.2.3	Tattha añño bhikkhu āgacchati bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo.
pli-tv-kd2:21.2.4	Tehi, bhikkhave, bhikkhūhi so bhikkhu saṅgahetabbo anuggahetabbo upalāpetabbo upaṭṭhāpetabbo cuṇṇena mattikāya dantakaṭṭhena mukhodakena.
pli-tv-kd2:21.2.5	No ce saṅgaṇheyyuṁ anuggaṇheyyuṁ upalāpeyyuṁ upaṭṭhāpeyyuṁ cuṇṇena mattikāya dantakaṭṭhena mukhodakena, āpatti dukkaṭassa.
pli-tv-kd2:21.3.1	Idha pana, bhikkhave, aññatarasmiṁ āvāse tadahuposathe sambahulā bhikkhū viharanti bālā abyattā.
pli-tv-kd2:21.3.2	Te na jānanti uposathaṁ vā uposathakammaṁ vā, pātimokkhaṁ vā pātimokkhuddesaṁ vā.
pli-tv-kd2:21.3.3	Tehi, bhikkhave, bhikkhūhi eko bhikkhu sāmantā āvāsā sajjukaṁ pāhetabbo—
pli-tv-kd2:21.3.4	‘gacchāvuso, saṅkhittena vā vitthārena vā pātimokkhaṁ pariyāpuṇitvā āgacchā’ti.
pli-tv-kd2:21.3.5	Evañcetaṁ labhetha, iccetaṁ kusalaṁ.
pli-tv-kd2:21.3.6	No ce labhetha, tehi, bhikkhave, bhikkhūhi sabbeheva yattha jānanti uposathaṁ vā uposathakammaṁ vā pātimokkhaṁ vā pātimokkhuddesaṁ vā, so āvāso gantabbo.
pli-tv-kd2:21.3.7	No ce gaccheyyuṁ, āpatti dukkaṭassa.
pli-tv-kd2:21.4.1	Idha pana, bhikkhave, aññatarasmiṁ āvāse sambahulā bhikkhū vassaṁ vasanti bālā abyattā.
pli-tv-kd2:21.4.2	Te na jānanti uposathaṁ vā uposathakammaṁ vā pātimokkhaṁ vā pātimokkhuddesaṁ vā.
pli-tv-kd2:21.4.3	Tehi, bhikkhave, bhikkhūhi eko bhikkhu sāmantā āvāsā sajjukaṁ pāhetabbo—
pli-tv-kd2:21.4.4	‘gacchāvuso, saṅkhittena vā vitthārena vā pātimokkhaṁ pariyāpuṇitvā āgacchā’ti.
pli-tv-kd2:21.4.5	Evañcetaṁ labhetha, iccetaṁ kusalaṁ.
pli-tv-kd2:21.4.6	No ce labhetha, eko bhikkhu sattāhakālikaṁ pāhetabbo—
pli-tv-kd2:21.4.7	‘gacchāvuso, saṅkhittena vā vitthārena vā pātimokkhaṁ pariyāpuṇitvā āgacchā’ti.
pli-tv-kd2:21.4.8	Evañcetaṁ labhetha, iccetaṁ kusalaṁ.
pli-tv-kd2:21.4.9	No ce labhetha, na, bhikkhave, tehi bhikkhūhi tasmiṁ āvāse vassaṁ vasitabbaṁ.
pli-tv-kd2:21.4.10	Vaseyyuñce, āpatti dukkaṭassā”ti.
pli-tv-kd2:22.1.0	20. Pārisuddhidānakathā
pli-tv-kd2:22.1.1	Atha kho bhagavā bhikkhū āmantesi—
pli-tv-kd2:22.1.2	“sannipatatha, bhikkhave, saṅgho uposathaṁ karissatī”ti.
pli-tv-kd2:22.1.3	Evaṁ vutte, aññataro bhikkhu bhagavantaṁ etadavoca—
pli-tv-kd2:22.1.4	“atthi, bhante, bhikkhu gilāno, so anāgato”ti.
pli-tv-kd2:22.1.5	“Anujānāmi, bhikkhave, gilānena bhikkhunā pārisuddhiṁ dātuṁ.
pli-tv-kd2:22.1.6	Evañca pana, bhikkhave, dātabbā—
pli-tv-kd2:22.1.7	tena gilānena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd2:22.1.8	‘pārisuddhiṁ dammi, pārisuddhiṁ me hara, pārisuddhiṁ me ārocehī’ti.
pli-tv-kd2:22.1.9	Kāyena viññāpeti, vācāya viññāpeti, kāyena vācāya viññāpeti, dinnā hoti pārisuddhi.
pli-tv-kd2:22.1.10	Na kāyena viññāpeti, na vācāya viññāpeti, na kāyena vācāya viññāpeti, na dinnā hoti pārisuddhi.
pli-tv-kd2:22.2.1	Evañcetaṁ labhetha, iccetaṁ kusalaṁ.
pli-tv-kd2:22.2.2	No ce labhetha, so, bhikkhave, gilāno bhikkhu mañcena vā pīṭhena vā saṅghamajjhe ānetvā uposatho kātabbo.
pli-tv-kd2:22.2.3	Sace, bhikkhave, gilānupaṭṭhākānaṁ bhikkhūnaṁ evaṁ hoti—
pli-tv-kd2:22.2.4	‘sace kho mayaṁ gilānaṁ ṭhānā cāvessāma, ābādho vā abhivaḍḍhissati kālaṅkiriyā vā bhavissatī’ti, na, bhikkhave, gilāno bhikkhu ṭhānā cāvetabbo.
pli-tv-kd2:22.2.5	Saṅghena tattha gantvā uposatho kātabbo.
pli-tv-kd2:22.2.6	Na tveva vaggena saṅghena uposatho kātabbo.
pli-tv-kd2:22.2.7	Kareyya ce, āpatti dukkaṭassa.
pli-tv-kd2:22.3.1	Pārisuddhihārako ce, bhikkhave, dinnāya pārisuddhiyā tattheva pakkamati, aññassa dātabbā pārisuddhi.
pli-tv-kd2:22.3.2	Pārisuddhihārako ce, bhikkhave, dinnāya pārisuddhiyā tattheva vibbhamati …pe…
pli-tv-kd2:22.3.3	kālaṁ karoti …
pli-tv-kd2:22.3.4	sāmaṇero paṭijānāti …
pli-tv-kd2:22.3.5	sikkhaṁ paccakkhātako paṭijānāti …
pli-tv-kd2:22.3.6	antimavatthuṁ ajjhāpannako paṭijānāti …
pli-tv-kd2:22.3.7	ummattako paṭijānāti …
pli-tv-kd2:22.3.8	khittacitto paṭijānāti …
pli-tv-kd2:22.3.9	vedanāṭṭo paṭijānāti …
pli-tv-kd2:22.3.10	āpattiyā adassane ukkhittako paṭijānāti …
pli-tv-kd2:22.3.11	āpattiyā appaṭikamme ukkhittako paṭijānāti …
pli-tv-kd2:22.3.12	pāpikāya diṭṭhiyā appaṭinissagge ukkhittako paṭijānāti …
pli-tv-kd2:22.3.13	paṇḍako paṭijānāti …
pli-tv-kd2:22.3.14	theyyasaṁvāsako paṭijānāti …
pli-tv-kd2:22.3.15	titthiyapakkantako paṭijānāti …
pli-tv-kd2:22.3.16	tiracchānagato paṭijānāti …
pli-tv-kd2:22.3.17	mātughātako paṭijānāti …
pli-tv-kd2:22.3.18	pitughātako paṭijānāti …
pli-tv-kd2:22.3.19	arahantaghātako paṭijānāti …
pli-tv-kd2:22.3.20	bhikkhunidūsako paṭijānāti …
pli-tv-kd2:22.3.21	saṅghabhedako paṭijānāti …
pli-tv-kd2:22.3.22	lohituppādako paṭijānāti …
pli-tv-kd2:22.3.23	ubhatobyañjanako paṭijānāti, aññassa dātabbā pārisuddhi.
pli-tv-kd2:22.4.1	Pārisuddhihārako ce, bhikkhave, dinnāya pārisuddhiyā antarāmagge pakkamati, anāhaṭā hoti pārisuddhi.
pli-tv-kd2:22.4.2	Pārisuddhihārako ce, bhikkhave, dinnāya pārisuddhiyā antarāmagge vibbhamati …pe…
pli-tv-kd2:22.4.3	ubhatobyañjanako paṭijānāti, anāhaṭā hoti pārisuddhi.
pli-tv-kd2:22.4.4	Pārisuddhihārako ce, bhikkhave, dinnāya pārisuddhiyā saṅghappatto pakkamati, āhaṭā hoti pārisuddhi.
pli-tv-kd2:22.4.5	Pārisuddhihārako ce, bhikkhave, dinnāya pārisuddhiyā saṅghappatto vibbhamati …pe…
pli-tv-kd2:22.4.6	ubhatobyañjanako paṭijānāti, āhaṭā hoti pārisuddhi.
pli-tv-kd2:22.4.7	Pārisuddhihārako ce, bhikkhave, dinnāya pārisuddhiyā saṅghappatto sutto na āroceti, pamatto na āroceti, samāpanno na āroceti, āhaṭā hoti pārisuddhi.
pli-tv-kd2:22.4.8	Pārisuddhihārakassa anāpatti.
pli-tv-kd2:22.4.9	Pārisuddhihārako ce, bhikkhave, dinnāya pārisuddhiyā saṅghappatto sañcicca na āroceti, āhaṭā hoti pārisuddhi.
pli-tv-kd2:22.4.10	Pārisuddhihārakassa āpatti dukkaṭassā”ti.
pli-tv-kd2:23.1.0	21. Chandadānakathā
pli-tv-kd2:23.1.1	Atha kho bhagavā bhikkhū āmantesi—
pli-tv-kd2:23.1.2	“sannipatatha, bhikkhave, saṅgho kammaṁ karissatī”ti.
pli-tv-kd2:23.1.3	Evaṁ vutte, aññataro bhikkhu bhagavantaṁ etadavoca—
pli-tv-kd2:23.1.4	“atthi, bhante, bhikkhu gilāno, so anāgato”ti.
pli-tv-kd2:23.1.5	“Anujānāmi, bhikkhave, gilānena bhikkhunā chandaṁ dātuṁ.
pli-tv-kd2:23.1.6	Evañca pana, bhikkhave, dātabbo.
pli-tv-kd2:23.1.7	Tena gilānena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd2:23.1.8	‘chandaṁ dammi, chandaṁ me hara, chandaṁ me ārocehī’ti.
pli-tv-kd2:23.1.9	Kāyena viññāpeti, vācāya viññāpeti, kāyena vācāya viññāpeti, dinno hoti chando.
pli-tv-kd2:23.1.10	Na kāyena viññāpeti, na vācāya viññāpeti, na kāyena vācāya viññāpeti, na dinno hoti chando.
pli-tv-kd2:23.2.1	Evañcetaṁ labhetha, iccetaṁ kusalaṁ.
pli-tv-kd2:23.2.2	No ce labhetha, so, bhikkhave, gilāno bhikkhu mañcena vā pīṭhena vā saṅghamajjhe ānetvā kammaṁ kātabbaṁ.
pli-tv-kd2:23.2.3	Sace, bhikkhave, gilānupaṭṭhākānaṁ bhikkhūnaṁ evaṁ hoti—
pli-tv-kd2:23.2.4	‘sace kho mayaṁ gilānaṁ ṭhānā cāvessāma, ābādho vā abhivaḍḍhissati kālaṅkiriyā vā bhavissatī’ti, na, bhikkhave, gilāno bhikkhu ṭhānā cāvetabbo.
pli-tv-kd2:23.2.5	Saṅghena tattha gantvā kammaṁ kātabbaṁ.
pli-tv-kd2:23.2.6	Na tveva vaggena saṅghena kammaṁ kātabbaṁ.
pli-tv-kd2:23.2.7	Kareyya ce, āpatti dukkaṭassa.
pli-tv-kd2:23.3.1	Chandahārako ce, bhikkhave, dinne chande tattheva pakkamati, aññassa dātabbo chando.
pli-tv-kd2:23.3.2	Chandahārako ce, bhikkhave, dinne chande tattheva vibbhamati …pe…
pli-tv-kd2:23.3.3	kālaṁ karoti …
pli-tv-kd2:23.3.4	sāmaṇero paṭijānāti …
pli-tv-kd2:23.3.5	sikkhaṁ paccakkhātako paṭijānāti …
pli-tv-kd2:23.3.6	antimavatthuṁ ajjhāpannako paṭijānāti …
pli-tv-kd2:23.3.7	ummattako paṭijānāti …
pli-tv-kd2:23.3.8	khittacitto paṭijānāti …
pli-tv-kd2:23.3.9	vedanāṭṭo paṭijānāti …
pli-tv-kd2:23.3.10	āpattiyā adassane ukkhittako paṭijānāti …
pli-tv-kd2:23.3.11	āpattiyā appaṭikamme ukkhittako paṭijānāti …
pli-tv-kd2:23.3.12	pāpikāya diṭṭhiyā appaṭinissagge ukkhittako paṭijānāti …
pli-tv-kd2:23.3.13	paṇḍako paṭijānāti …
pli-tv-kd2:23.3.14	theyyasaṁvāsako paṭijānāti …
pli-tv-kd2:23.3.15	titthiyapakkantako paṭijānāti …
pli-tv-kd2:23.3.16	tiracchānagato paṭijānāti …
pli-tv-kd2:23.3.17	mātughātako paṭijānāti …
pli-tv-kd2:23.3.18	pitughātako paṭijānāti …
pli-tv-kd2:23.3.19	arahantaghātako paṭijānāti …
pli-tv-kd2:23.3.20	bhikkhunidūsako paṭijānāti …
pli-tv-kd2:23.3.21	saṅghabhedako paṭijānāti …
pli-tv-kd2:23.3.22	lohituppādako paṭijānāti …
pli-tv-kd2:23.3.23	ubhatobyañjanako paṭijānāti, aññassa dātabbo chando.
pli-tv-kd2:23.3.24	Chandahārako ce, bhikkhave, dinne chande antarāmagge pakkamati, anāhaṭo hoti chando.
pli-tv-kd2:23.3.25	Chandahārako ce, bhikkhave, dinne chande antarāmagge vibbhamati …pe…
pli-tv-kd2:23.3.26	ubhatobyañjanako paṭijānāti, anāhaṭo hoti chando.
pli-tv-kd2:23.3.27	Chandahārako ce, bhikkhave, dinne chande saṅghappatto pakkamati, āhaṭo hoti chando.
pli-tv-kd2:23.3.28	Chandahārako ce, bhikkhave, dinne chande saṅghappatto vibbhamati …pe…
pli-tv-kd2:23.3.29	ubhatobyañjanako paṭijānāti, āhaṭo hoti chando.
pli-tv-kd2:23.3.30	Chandahārako ce, bhikkhave, dinne chande saṅghappatto sutto na āroceti, pamatto na āroceti, samāpanno na āroceti, āhaṭo hoti chando.
pli-tv-kd2:23.3.31	Chandahārakassa anāpatti.
pli-tv-kd2:23.3.32	Chandahārako ce, bhikkhave, dinne chande saṅghappatto sañcicca na āroceti, āhaṭo hoti chando.
pli-tv-kd2:23.3.33	Chandahārakassa āpatti dukkaṭassa.
pli-tv-kd2:23.3.34	Anujānāmi, bhikkhave, tadahuposathe pārisuddhiṁ dentena chandampi dātuṁ, santi saṅghassa karaṇīyan”ti.
pli-tv-kd2:24.1.0	22. Ñātakādiggahaṇakathā
pli-tv-kd2:24.1.1	Tena kho pana samayena aññataraṁ bhikkhuṁ tadahuposathe ñātakā gaṇhiṁsu.
pli-tv-kd2:24.1.2	Bhagavato etamatthaṁ ārocesuṁ.
pli-tv-kd2:24.1.3	“Idha pana, bhikkhave, bhikkhuṁ tadahuposathe ñātakā gaṇhanti.
pli-tv-kd2:24.1.4	Te ñātakā bhikkhūhi evamassu vacanīyā—
pli-tv-kd2:24.1.5	‘iṅgha tumhe āyasmanto imaṁ bhikkhuṁ muhuttaṁ muñcatha, yāvāyaṁ bhikkhu uposathaṁ karotī’ti.
pli-tv-kd2:24.2.1	Evañcetaṁ labhetha, iccetaṁ kusalaṁ.
pli-tv-kd2:24.2.2	No ce labhetha, te ñātakā bhikkhūhi evamassu vacanīyā—
pli-tv-kd2:24.2.3	‘iṅgha tumhe āyasmanto muhuttaṁ ekamantaṁ hotha, yāvāyaṁ bhikkhu pārisuddhiṁ detī’ti.
pli-tv-kd2:24.2.4	Evañcetaṁ labhetha, iccetaṁ kusalaṁ.
pli-tv-kd2:24.2.5	No ce labhetha, te ñātakā bhikkhūhi evamassu vacanīyā—
pli-tv-kd2:24.2.6	‘iṅgha tumhe āyasmanto imaṁ bhikkhuṁ muhuttaṁ nissīmaṁ netha, yāva saṅgho uposathaṁ karotī’ti.
pli-tv-kd2:24.2.7	Evañcetaṁ labhetha, iccetaṁ kusalaṁ.
pli-tv-kd2:24.2.8	No ce labhetha, na tveva vaggena saṅghena uposatho kātabbo.
pli-tv-kd2:24.2.9	Kareyya ce, āpatti dukkaṭassa.
pli-tv-kd2:24.3.1	Idha pana, bhikkhave, bhikkhuṁ tadahuposathe rājāno gaṇhanti …pe…
pli-tv-kd2:24.3.2	corā gaṇhanti …
pli-tv-kd2:24.3.3	dhuttā gaṇhanti …
pli-tv-kd2:24.3.4	bhikkhupaccatthikā gaṇhanti, te bhikkhupaccatthikā bhikkhūhi evamassu vacanīyā—
pli-tv-kd2:24.3.5	‘iṅgha tumhe āyasmanto imaṁ bhikkhuṁ muhuttaṁ muñcatha, yāvāyaṁ bhikkhu uposathaṁ karotī’ti.
pli-tv-kd2:24.3.6	Evañcetaṁ labhetha, iccetaṁ kusalaṁ.
pli-tv-kd2:24.3.7	No ce labhetha, te bhikkhupaccatthikā bhikkhūhi evamassu vacanīyā—
pli-tv-kd2:24.3.8	‘iṅgha tumhe āyasmanto muhuttaṁ ekamantaṁ hotha, yāvāyaṁ bhikkhu pārisuddhiṁ detī’ti.
pli-tv-kd2:24.3.9	Evañcetaṁ labhetha, iccetaṁ kusalaṁ.
pli-tv-kd2:24.3.10	No ce labhetha, te bhikkhupaccatthikā bhikkhūhi evamassu vacanīyā—
pli-tv-kd2:24.3.11	‘iṅgha tumhe āyasmanto imaṁ bhikkhuṁ muhuttaṁ nissīmaṁ netha, yāva saṅgho uposathaṁ karotī’ti.
pli-tv-kd2:24.3.12	Evañcetaṁ labhetha, iccetaṁ kusalaṁ.
pli-tv-kd2:24.3.13	No ce labhetha, na tveva vaggena saṅghena uposatho kātabbo.
pli-tv-kd2:24.3.14	Kareyya ce, āpatti dukkaṭassā”ti.
pli-tv-kd2:25.1.0	23. Ummattakasammuti
pli-tv-kd2:25.1.1	Atha kho bhagavā bhikkhū āmantesi—
pli-tv-kd2:25.1.2	“sannipatatha, bhikkhave, atthi saṅghassa karaṇīyan”ti.
pli-tv-kd2:25.1.3	Evaṁ vutte, aññataro bhikkhu bhagavantaṁ etadavoca—
pli-tv-kd2:25.1.4	“atthi, bhante, gaggo nāma bhikkhu ummattako, so anāgato”ti.
pli-tv-kd2:25.1.5	“Dveme, bhikkhave, ummattakā—
pli-tv-kd2:25.1.6	atthi, bhikkhave, bhikkhu ummattako saratipi uposathaṁ napi sarati, saratipi saṅghakammaṁ napi sarati, atthi neva sarati;
pli-tv-kd2:25.1.7	āgacchatipi uposathaṁ napi āgacchati, āgacchatipi saṅghakammaṁ napi āgacchati, atthi neva āgacchati.
pli-tv-kd2:25.2.1	Tatra, bhikkhave, yvāyaṁ ummattako saratipi uposathaṁ napi sarati, saratipi saṅghakammaṁ napi sarati, āgacchatipi uposathaṁ napi āgacchati, āgacchatipi saṅghakammaṁ napi āgacchati, anujānāmi, bhikkhave, evarūpassa ummattakassa ummattakasammutiṁ dātuṁ.
pli-tv-kd2:25.3.1	Evañca pana, bhikkhave, dātabbā.
pli-tv-kd2:25.3.2	Byattena bhikkhunā paṭibalena saṅgho ñāpetabbo—
pli-tv-kd2:25.3.3	‘Suṇātu me, bhante, saṅgho.
pli-tv-kd2:25.3.4	Gaggo bhikkhu ummattako—
pli-tv-kd2:25.3.5	saratipi uposathaṁ napi sarati, saratipi saṅghakammaṁ napi sarati, āgacchatipi uposathaṁ napi āgacchati, āgacchatipi saṅghakammaṁ napi āgacchati.
pli-tv-kd2:25.3.6	Yadi saṅghassa pattakallaṁ, saṅgho gaggassa bhikkhuno ummattakassa ummattakasammutiṁ dadeyya.
pli-tv-kd2:25.3.7	Sareyya vā gaggo bhikkhu uposathaṁ na vā sareyya, sareyya vā saṅghakammaṁ na vā sareyya, āgaccheyya vā uposathaṁ na vā āgaccheyya, āgaccheyya vā saṅghakammaṁ na vā āgaccheyya, saṅgho saha vā gaggena vinā vā gaggena uposathaṁ kareyya, saṅghakammaṁ kareyya.
pli-tv-kd2:25.3.8	Esā ñatti.
pli-tv-kd2:25.4.1	Suṇātu me, bhante, saṅgho.
pli-tv-kd2:25.4.2	Gaggo bhikkhu ummattako—
pli-tv-kd2:25.4.3	saratipi uposathaṁ napi sarati, saratipi saṅghakammaṁ napi sarati, āgacchatipi uposathaṁ napi āgacchati, āgacchatipi saṅghakammaṁ napi āgacchati.
pli-tv-kd2:25.4.4	Saṅgho gaggassa bhikkhuno ummattakassa ummattakasammutiṁ deti.
pli-tv-kd2:25.4.5	Sareyya vā gaggo bhikkhu uposathaṁ na vā sareyya, sareyya vā saṅghakammaṁ na vā sareyyaṁ, āgaccheyya vā uposathaṁ na vā āgaccheyya, āgaccheyya vā saṅghakammaṁ na vā āgaccheyya, saṅgho saha vā gaggena, vinā vā gaggena uposathaṁ karissati, saṅghakammaṁ karissati.
pli-tv-kd2:25.4.6	Yassāyasmato khamati gaggassa bhikkhuno ummattakassa ummattakasammutiyā dānaṁ—
pli-tv-kd2:25.4.7	sareyya vā gaggo bhikkhu uposathaṁ na vā sareyya, sareyya vā saṅghakammaṁ na vā sareyya, āgaccheyya vā uposathaṁ na vā āgaccheyya, āgaccheyya vā saṅghakammaṁ na vā āgaccheyya, saṅgho saha vā gaggena, vinā vā gaggena uposathaṁ karissati, saṅghakammaṁ karissati, so tuṇhassa;
pli-tv-kd2:25.4.8	yassa nakkhamati, so bhāseyya.
pli-tv-kd2:25.4.9	Dinnā saṅghena gaggassa bhikkhuno ummattakassa ummattakasammuti.
pli-tv-kd2:25.4.10	Sareyya vā gaggo bhikkhu uposathaṁ na vā sareyya, sareyya vā saṅghakammaṁ na vā sareyya, āgaccheyya vā uposathaṁ na vā āgaccheyya, āgaccheyya vā saṅghakammaṁ na vā āgaccheyya, saṅgho saha vā gaggena vinā vā gaggena uposathaṁ karissati, saṅghakammaṁ karissati.
pli-tv-kd2:25.4.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd2:26.1.0	24. Saṅghuposathādippabheda
pli-tv-kd2:26.1.1	Tena kho pana samayena aññatarasmiṁ āvāse tadahuposathe cattāro bhikkhū viharanti.
pli-tv-kd2:26.1.2	Atha kho tesaṁ bhikkhūnaṁ etadahosi—
pli-tv-kd2:26.1.3	“bhagavatā paññattaṁ—
pli-tv-kd2:26.1.4	‘uposatho kātabbo’ti, mayañcamhā cattāro janā, kathaṁ nu kho amhehi uposatho kātabbo”ti?
pli-tv-kd2:26.1.5	Bhagavato etamatthaṁ ārocesuṁ.
pli-tv-kd2:26.1.6	“Anujānāmi, bhikkhave, catunnaṁ pātimokkhaṁ uddisitun”ti.
pli-tv-kd2:26.2.1	Tena kho pana samayena aññatarasmiṁ āvāse tadahuposathe tayo bhikkhū viharanti.
pli-tv-kd2:26.2.2	Atha kho tesaṁ bhikkhūnaṁ etadahosi—
pli-tv-kd2:26.2.3	“bhagavatā anuññātaṁ catunnaṁ pātimokkhaṁ uddisituṁ, mayañcamhā tayo janā, kathaṁ nu kho amhehi uposatho kātabbo”ti?
pli-tv-kd2:26.2.4	Bhagavato etamatthaṁ ārocesuṁ.
pli-tv-kd2:26.2.5	“Anujānāmi, bhikkhave, tiṇṇaṁ pārisuddhiuposathaṁ kātuṁ.
pli-tv-kd2:26.3.1	Evañca pana, bhikkhave, kātabbo.
pli-tv-kd2:26.3.2	Byattena bhikkhunā paṭibalena te bhikkhū ñāpetabbā—
pli-tv-kd2:26.3.3	‘Suṇantu me āyasmantā.
pli-tv-kd2:26.3.4	Ajjuposatho pannaraso.
pli-tv-kd2:26.3.5	Yadāyasmantānaṁ pattakallaṁ, mayaṁ aññamaññaṁ pārisuddhiuposathaṁ kareyyāmā’ti.
pli-tv-kd2:26.3.6	Therena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā te bhikkhū evamassu vacanīyā—
pli-tv-kd2:26.3.7	‘parisuddho ahaṁ, āvuso;
pli-tv-kd2:26.3.8	parisuddhoti maṁ dhāretha.
pli-tv-kd2:26.3.9	Parisuddho ahaṁ, āvuso;
pli-tv-kd2:26.3.10	parisuddhoti maṁ dhāretha.
pli-tv-kd2:26.3.11	Parisuddho ahaṁ, āvuso;
pli-tv-kd2:26.3.12	parisuddhoti maṁ dhārethā’ti.
pli-tv-kd2:26.4.1	Navakena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā te bhikkhū evamassu vacanīyā—
pli-tv-kd2:26.4.2	‘parisuddho ahaṁ, bhante;
pli-tv-kd2:26.4.3	parisuddhoti maṁ dhāretha.
pli-tv-kd2:26.4.4	Parisuddho ahaṁ, bhante;
pli-tv-kd2:26.4.5	parisuddhoti maṁ dhāretha.
pli-tv-kd2:26.4.6	Parisuddho ahaṁ, bhante;
pli-tv-kd2:26.4.7	parisuddhoti maṁ dhārethā’”ti.
pli-tv-kd2:26.5.1	Tena kho pana samayena aññatarasmiṁ āvāse tadahuposathe dve bhikkhū viharanti.
pli-tv-kd2:26.5.2	Atha kho tesaṁ bhikkhūnaṁ etadahosi—
pli-tv-kd2:26.5.3	“bhagavatā anuññātaṁ catunnaṁ pātimokkhaṁ uddisituṁ, tiṇṇannaṁ pārisuddhiuposathaṁ kātuṁ.
pli-tv-kd2:26.5.4	Mayañcamhā dve janā.
pli-tv-kd2:26.5.5	Kathaṁ nu kho amhehi uposatho kātabbo”ti?
pli-tv-kd2:26.5.6	Bhagavato etamatthaṁ ārocesuṁ.
pli-tv-kd2:26.5.7	“Anujānāmi, bhikkhave, dvinnaṁ pārisuddhiuposathaṁ kātuṁ.
pli-tv-kd2:26.6.1	Evañca pana, bhikkhave, kātabbo.
pli-tv-kd2:26.6.2	Therena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā navo bhikkhu evamassa vacanīyo—
pli-tv-kd2:26.6.3	‘parisuddho ahaṁ, āvuso;
pli-tv-kd2:26.6.4	parisuddhoti maṁ dhārehi.
pli-tv-kd2:26.6.5	Parisuddho ahaṁ, āvuso;
pli-tv-kd2:26.6.6	parisuddhoti maṁ dhārehi.
pli-tv-kd2:26.6.7	Parisuddho ahaṁ, āvuso;
pli-tv-kd2:26.6.8	parisuddhoti maṁ dhārehī’ti.
pli-tv-kd2:26.7.1	Navakena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā thero bhikkhu evamassa vacanīyo—
pli-tv-kd2:26.7.2	‘parisuddho ahaṁ, bhante;
pli-tv-kd2:26.7.3	parisuddhoti maṁ dhāretha.
pli-tv-kd2:26.7.4	Parisuddho ahaṁ, bhante;
pli-tv-kd2:26.7.5	parisuddhoti maṁ dhāretha.
pli-tv-kd2:26.7.6	Parisuddho ahaṁ, bhante;
pli-tv-kd2:26.7.7	parisuddhoti maṁ dhārethā’”ti.
pli-tv-kd2:26.8.1	Tena kho pana samayena aññatarasmiṁ āvāse tadahuposathe eko bhikkhu viharati.
pli-tv-kd2:26.8.2	Atha kho tassa bhikkhuno etadahosi—
pli-tv-kd2:26.8.3	“bhagavatā anuññātaṁ catunnaṁ pātimokkhaṁ uddisituṁ, tiṇṇannaṁ pārisuddhiuposathaṁ kātuṁ, dvinnaṁ pārisuddhiuposathaṁ kātuṁ.
pli-tv-kd2:26.8.4	Ahañcamhi ekako.
pli-tv-kd2:26.8.5	Kathaṁ nu kho mayā uposatho kātabbo”ti?
pli-tv-kd2:26.8.6	Bhagavato etamatthaṁ ārocesuṁ.
pli-tv-kd2:26.9.1	“Idha pana, bhikkhave, aññatarasmiṁ āvāse tadahuposathe eko bhikkhu viharati.
pli-tv-kd2:26.9.2	Tena, bhikkhave, bhikkhunā yattha bhikkhū paṭikkamanti upaṭṭhānasālāya vā, maṇḍape vā, rukkhamūle vā, so deso sammajjitvā pānīyaṁ paribhojanīyaṁ upaṭṭhāpetvā āsanaṁ paññapetvā padīpaṁ katvā nisīditabbaṁ.
pli-tv-kd2:26.9.3	Sace aññe bhikkhū āgacchanti, tehi saddhiṁ uposatho kātabbo.
pli-tv-kd2:26.9.4	No ce āgacchanti, ajja me uposathoti adhiṭṭhātabbo.
pli-tv-kd2:26.9.5	No ce adhiṭṭhaheyya, āpatti dukkaṭassa.
pli-tv-kd2:26.10.1	Tatra, bhikkhave, yattha cattāro bhikkhū viharanti, na ekassa pārisuddhiṁ āharitvā tīhi pātimokkhaṁ uddisitabbaṁ.
pli-tv-kd2:26.10.2	Uddiseyyuñce, āpatti dukkaṭassa.
pli-tv-kd2:26.10.3	Tatra, bhikkhave, yattha tayo bhikkhū viharanti, na ekassa pārisuddhiṁ āharitvā dvīhi pārisuddhiuposatho kātabbo.
pli-tv-kd2:26.10.4	Kareyyuñce, āpatti dukkaṭassa.
pli-tv-kd2:26.10.5	Tatra, bhikkhave, yattha dve bhikkhū viharanti, na ekassa pārisuddhiṁ āharitvā ekena adhiṭṭhātabbo.
pli-tv-kd2:26.10.6	Adhiṭṭhaheyya ce, āpatti dukkaṭassā”ti.
pli-tv-kd2:27.1.0	25. Āpattipaṭikammavidhi
pli-tv-kd2:27.1.1	Tena kho pana samayena aññataro bhikkhu tadahuposathe āpattiṁ āpanno hoti.
pli-tv-kd2:27.1.2	Atha kho tassa bhikkhuno etadahosi—
pli-tv-kd2:27.1.3	“bhagavatā paññattaṁ—
pli-tv-kd2:27.1.4	‘na sāpattikena uposatho kātabbo’ti.
pli-tv-kd2:27.1.5	Ahañcamhi āpattiṁ āpanno.
pli-tv-kd2:27.1.6	Kathaṁ nu kho mayā paṭipajjitabban”ti?
pli-tv-kd2:27.1.7	Bhagavato etamatthaṁ ārocesuṁ.
pli-tv-kd2:27.1.8	“Idha pana, bhikkhave, bhikkhu tadahuposathe āpattiṁ āpanno hoti.
pli-tv-kd2:27.1.9	Tena, bhikkhave, bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd2:27.1.10	‘ahaṁ, āvuso, itthannāmaṁ āpattiṁ āpanno, taṁ paṭidesemī’ti.
pli-tv-kd2:27.1.11	Tena vattabbo—
pli-tv-kd2:27.1.12	‘passasī’ti.
pli-tv-kd2:27.1.13	‘Āma passāmī’ti.
pli-tv-kd2:27.1.14	‘Āyatiṁ saṁvareyyāsī’ti.
pli-tv-kd2:27.2.1	Idha pana, bhikkhave, bhikkhu tadahuposathe āpattiyā vematiko hoti.
pli-tv-kd2:27.2.2	Tena, bhikkhave, bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd2:27.2.3	‘ahaṁ, āvuso, itthannāmāya āpattiyā vematiko;
pli-tv-kd2:27.2.4	yadā nibbematiko bhavissāmi, tadā taṁ āpattiṁ paṭikarissāmī’ti vatvā uposatho kātabbo, pātimokkhaṁ sotabbaṁ, na tveva tappaccayā uposathassa antarāyo kātabbo”ti.
pli-tv-kd2:27.3.1	Tena kho pana samayena chabbaggiyā bhikkhū sabhāgaṁ āpattiṁ desenti.
pli-tv-kd2:27.3.2	Bhagavato etamatthaṁ ārocesuṁ.
pli-tv-kd2:27.3.3	“Na, bhikkhave, sabhāgā āpatti desetabbā.
pli-tv-kd2:27.3.4	Yo deseyya, āpatti dukkaṭassā”ti.
pli-tv-kd2:27.3.5	Tena kho pana samayena chabbaggiyā bhikkhū sabhāgaṁ āpattiṁ paṭiggaṇhanti.
pli-tv-kd2:27.3.6	Bhagavato etamatthaṁ ārocesuṁ.
pli-tv-kd2:27.3.7	“Na, bhikkhave, sabhāgā āpatti paṭiggahetabbā.
pli-tv-kd2:27.3.8	Yo paṭiggaṇheyya, āpatti dukkaṭassā”ti.
pli-tv-kd2:27.4.0	26. Āpattiāvikaraṇavidhi
pli-tv-kd2:27.4.1	Tena kho pana samayena aññataro bhikkhu pātimokkhe uddissamāne āpattiṁ sarati.
pli-tv-kd2:27.4.2	Atha kho tassa bhikkhuno etadahosi—
pli-tv-kd2:27.4.3	“bhagavatā paññattaṁ—
pli-tv-kd2:27.4.4	‘na sāpattikena uposatho kātabbo’ti.
pli-tv-kd2:27.4.5	Ahañcamhi āpattiṁ āpanno.
pli-tv-kd2:27.4.6	Kathaṁ nu kho mayā paṭipajjitabban”ti?
pli-tv-kd2:27.4.7	Bhagavato etamatthaṁ ārocesuṁ.
pli-tv-kd2:27.4.8	“Idha pana, bhikkhave, bhikkhu pātimokkhe uddissamāne āpattiṁ sarati.
pli-tv-kd2:27.4.9	Tena, bhikkhave, bhikkhunā sāmanto bhikkhu evamassa vacanīyo—
pli-tv-kd2:27.4.10	‘ahaṁ, āvuso, itthannāmaṁ āpattiṁ āpanno.
pli-tv-kd2:27.4.11	Ito vuṭṭhahitvā taṁ āpattiṁ paṭikarissāmī’ti vatvā uposatho kātabbo, pātimokkhaṁ sotabbaṁ, na tveva tappaccayā uposathassa antarāyo kātabbo.
pli-tv-kd2:27.5.1	Idha pana, bhikkhave, bhikkhu pātimokkhe uddissamāne āpattiyā vematiko hoti.
pli-tv-kd2:27.5.2	Tena, bhikkhave, bhikkhunā sāmanto bhikkhu evamassa vacanīyo—
pli-tv-kd2:27.5.3	‘ahaṁ, āvuso, itthannāmāya āpattiyā vematiko.
pli-tv-kd2:27.5.4	Yadā nibbematiko bhavissāmi, tadā taṁ āpattiṁ paṭikarissāmī’ti vatvā uposatho kātabbo, pātimokkhaṁ sotabbaṁ;
pli-tv-kd2:27.5.5	na tveva tappaccayā uposathassa antarāyo kātabbo”ti.
pli-tv-kd2:27.6.0	27. Sabhāgāpattipaṭikammavidhi
pli-tv-kd2:27.6.1	Tena kho pana samayena aññatarasmiṁ āvāse tadahuposathe sabbo saṅgho sabhāgaṁ āpattiṁ āpanno hoti.
pli-tv-kd2:27.6.2	Atha kho tesaṁ bhikkhūnaṁ etadahosi—
pli-tv-kd2:27.6.3	“bhagavatā paññattaṁ—
pli-tv-kd2:27.6.4	‘na sabhāgā āpatti desetabbā, na sabhāgā āpatti paṭiggahetabbā’ti.
pli-tv-kd2:27.6.5	Ayañca sabbo saṅgho sabhāgaṁ āpattiṁ āpanno.
pli-tv-kd2:27.6.6	Kathaṁ nu kho amhehi paṭipajjitabban”ti?
pli-tv-kd2:27.6.7	Bhagavato etamatthaṁ ārocesuṁ.
pli-tv-kd2:27.6.8	“Idha pana, bhikkhave, aññatarasmiṁ āvāse tadahuposathe sabbo saṅgho sabhāgaṁ āpattiṁ āpanno hoti.
pli-tv-kd2:27.6.9	Tehi, bhikkhave, bhikkhūhi eko bhikkhu sāmantā āvāsā sajjukaṁ pāhetabbo—
pli-tv-kd2:27.6.10	gacchāvuso, taṁ āpattiṁ paṭikaritvā āgaccha;
pli-tv-kd2:27.6.11	mayaṁ te santike āpattiṁ paṭikarissāmāti.
pli-tv-kd2:27.7.1	Evañcetaṁ labhetha, iccetaṁ kusalaṁ.
pli-tv-kd2:27.7.2	No ce labhetha, byattena bhikkhunā paṭibalena saṅgho ñāpetabbo—
pli-tv-kd2:27.7.3	‘Suṇātu me, bhante, saṅgho.
pli-tv-kd2:27.7.4	Ayaṁ sabbo saṅgho sabhāgaṁ āpattiṁ āpanno.
pli-tv-kd2:27.7.5	Yadā aññaṁ bhikkhuṁ suddhaṁ anāpattikaṁ passissati, tadā tassa santike taṁ āpattiṁ paṭikarissatī’ti vatvā
pli-tv-kd2:27.7.6	uposatho kātabbo, pātimokkhaṁ uddisitabbaṁ,
pli-tv-kd2:27.7.7	na tveva tappaccayā uposathassa antarāyo kātabbo.
pli-tv-kd2:27.8.1	Idha pana, bhikkhave, aññatarasmiṁ āvāse tadahuposathe sabbo saṅgho sabhāgāya āpattiyā vematiko hoti.
pli-tv-kd2:27.8.2	Byattena bhikkhunā paṭibalena saṅgho ñāpetabbo—
pli-tv-kd2:27.8.3	‘Suṇātu me, bhante, saṅgho.
pli-tv-kd2:27.8.4	Ayaṁ sabbo saṅgho sabhāgāya āpattiyā vematiko.
pli-tv-kd2:27.8.5	Yadā nibbematiko bhavissati, tadā taṁ āpattiṁ paṭikarissatī’ti
pli-tv-kd2:27.8.6	vatvā uposatho kātabbo, pātimokkhaṁ uddisitabbaṁ;
pli-tv-kd2:27.8.7	na tveva tappaccayā uposathassa antarāyo kātabbo.
pli-tv-kd2:27.9.1	Idha pana, bhikkhave, aññatarasmiṁ āvāse vassūpagato saṅgho sabhāgaṁ āpattiṁ āpanno hoti.
pli-tv-kd2:27.9.2	Tehi, bhikkhave, bhikkhūhi eko bhikkhu sāmantā āvāsā sajjukaṁ pāhetabbo—
pli-tv-kd2:27.9.3	gacchāvuso, taṁ āpattiṁ paṭikaritvā āgaccha;
pli-tv-kd2:27.9.4	mayaṁ te santike taṁ āpattiṁ paṭikarissāmāti.
pli-tv-kd2:27.9.5	Evañcetaṁ labhetha, iccetaṁ kusalaṁ.
pli-tv-kd2:27.9.6	No ce labhetha, eko bhikkhu sattāhakālikaṁ pāhetabbo—
pli-tv-kd2:27.9.7	gacchāvuso, taṁ āpattiṁ paṭikaritvā āgaccha;
pli-tv-kd2:27.9.8	mayaṁ te santike taṁ āpattiṁ paṭikarissāmā”ti.
pli-tv-kd2:27.10.1	Tena kho pana samayena aññatarasmiṁ āvāse sabbo saṅgho sabhāgaṁ āpattiṁ āpanno hoti.
pli-tv-kd2:27.10.2	So na jānāti tassā āpattiyā nāmagottaṁ.
pli-tv-kd2:27.10.3	Tattha añño bhikkhu āgacchati bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo.
pli-tv-kd2:27.10.4	Tamenaṁ aññataro bhikkhu yena so bhikkhu tenupasaṅkami, upasaṅkamitvā taṁ bhikkhuṁ etadavoca—
pli-tv-kd2:27.10.5	“yo nu kho, āvuso, evañcevañca karoti, kiṁ nāma so āpattiṁ āpajjatī”ti?
pli-tv-kd2:27.11.1	So evamāha—
pli-tv-kd2:27.11.2	“yo kho, āvuso, evañcevañca karoti, imaṁ nāma so āpattiṁ āpajjati.
pli-tv-kd2:27.11.3	Imaṁ nāma tvaṁ, āvuso, āpattiṁ āpanno;
pli-tv-kd2:27.11.4	paṭikarohi taṁ āpattin”ti.
pli-tv-kd2:27.11.5	So evamāha—
pli-tv-kd2:27.11.6	“na kho ahaṁ, āvuso, ekova imaṁ āpattiṁ āpanno;
pli-tv-kd2:27.11.7	ayaṁ sabbo saṅgho imaṁ āpattiṁ āpanno”ti.
pli-tv-kd2:27.11.8	So evamāha—
pli-tv-kd2:27.11.9	“kiṁ te, āvuso, karissati paro āpanno vā anāpanno vā.
pli-tv-kd2:27.11.10	Iṅgha tvaṁ, āvuso, sakāya āpattiyā vuṭṭhāhī”ti.
pli-tv-kd2:27.12.1	Atha kho so bhikkhu tassa bhikkhuno vacanena taṁ āpattiṁ paṭikaritvā yena te bhikkhū tenupasaṅkami, upasaṅkamitvā te bhikkhū etadavoca—
pli-tv-kd2:27.12.2	“yo kira, āvuso, evañcevañca karoti, imaṁ nāma so āpattiṁ āpajjati.
pli-tv-kd2:27.12.3	Imaṁ nāma tumhe, āvuso, āpattiṁ āpannā;
pli-tv-kd2:27.12.4	paṭikarotha taṁ āpattin”ti.
pli-tv-kd2:27.12.5	Atha kho te bhikkhū na icchiṁsu tassa bhikkhuno vacanena taṁ āpattiṁ paṭikātuṁ.
pli-tv-kd2:27.12.6	Bhagavato etamatthaṁ ārocesuṁ.
pli-tv-kd2:27.13.1	“Idha pana, bhikkhave, aññatarasmiṁ āvāse sabbo saṅgho sabhāgaṁ āpattiṁ āpanno hoti.
pli-tv-kd2:27.13.2	So na jānāti tassā āpattiyā nāmagottaṁ.
pli-tv-kd2:27.13.3	Tattha añño bhikkhu āgacchati bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo.
pli-tv-kd2:27.13.4	Tamenaṁ aññataro bhikkhu yena so bhikkhu tenupasaṅkami, upasaṅkamitvā taṁ bhikkhuṁ evaṁ vadeti—
pli-tv-kd2:27.13.5	‘yo nu kho, āvuso, evañcevañca karoti, kiṁ nāma so āpattiṁ āpajjatī’ti?
pli-tv-kd2:27.14.1	So evaṁ vadeti—
pli-tv-kd2:27.14.2	‘yo kho, āvuso, evañcevañca karoti, imaṁ nāma so āpattiṁ āpajjati.
pli-tv-kd2:27.14.3	Imaṁ nāma tvaṁ, āvuso, āpattiṁ āpanno;
pli-tv-kd2:27.14.4	paṭikarohi taṁ āpattin’ti.
pli-tv-kd2:27.14.5	So evaṁ vadeti—
pli-tv-kd2:27.14.6	‘na kho ahaṁ, āvuso, ekova imaṁ āpattiṁ āpanno.
pli-tv-kd2:27.14.7	Ayaṁ sabbo saṅgho imaṁ āpattiṁ āpanno’ti.
pli-tv-kd2:27.14.8	So evaṁ vadeti—
pli-tv-kd2:27.14.9	‘kiṁ te, āvuso, karissati paro āpanno vā anāpanno vā.
pli-tv-kd2:27.14.10	Iṅgha tvaṁ, āvuso, sakāya āpattiyā vuṭṭhāhī’ti.
pli-tv-kd2:27.14.11	So ce, bhikkhave, bhikkhu tassa bhikkhuno vacanena taṁ āpattiṁ paṭikaritvā yena te bhikkhū tenupasaṅkami, upasaṅkamitvā te bhikkhū evaṁ vadeti—
pli-tv-kd2:27.14.12	‘yo kira, āvuso, evañcevañca karoti imaṁ nāma so āpattiṁ āpajjati, imaṁ nāma tumhe āvuso āpattiṁ āpannā, paṭikarotha taṁ āpattin’ti.
pli-tv-kd2:27.15.1	Te ce, bhikkhave, bhikkhū tassa bhikkhuno vacanena taṁ āpattiṁ paṭikareyyuṁ, iccetaṁ kusalaṁ.
pli-tv-kd2:27.15.2	No ce paṭikareyyuṁ, na te, bhikkhave, bhikkhū tena bhikkhunā akāmā vacanīyā”ti.
pli-tv-kd2:27.15.3	Codanāvatthubhāṇavāro niṭṭhito dutiyo.
pli-tv-kd2:28.1.0	28. Anāpattipannarasaka
pli-tv-kd2:28.1.1	Tena kho pana samayena aññatarasmiṁ āvāse tadahuposathe sambahulā āvāsikā bhikkhū sannipatiṁsu cattāro vā atirekā vā.
pli-tv-kd2:28.1.2	Te na jāniṁsu—
pli-tv-kd2:28.1.3	“atthaññe āvāsikā bhikkhū anāgatā”ti.
pli-tv-kd2:28.1.4	Te dhammasaññino vinayasaññino vaggā samaggasaññino uposathaṁ akaṁsu, pātimokkhaṁ uddisiṁsu.
pli-tv-kd2:28.1.5	Tehi uddissamāne pātimokkhe, athaññe āvāsikā bhikkhū āgacchiṁsu bahutarā.
pli-tv-kd2:28.1.6	Bhagavato etamatthaṁ ārocesuṁ.
pli-tv-kd2:28.2.1	“Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.2.2	Te na jānanti—
pli-tv-kd2:28.2.3	‘atthaññe āvāsikā bhikkhū anāgatā’ti.
pli-tv-kd2:28.2.4	Te dhammasaññino vinayasaññino vaggā samaggasaññino uposathaṁ karonti, pātimokkhaṁ uddisanti.
pli-tv-kd2:28.2.5	Tehi uddissamāne pātimokkhe, athaññe āvāsikā bhikkhū āgacchanti bahutarā.
pli-tv-kd2:28.2.6	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:28.2.7	Uddesakānaṁ anāpatti.
pli-tv-kd2:28.3.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.3.2	Te na jānanti—
pli-tv-kd2:28.3.3	‘atthaññe āvāsikā bhikkhū anāgatā’ti.
pli-tv-kd2:28.3.4	Te dhammasaññino vinayasaññino vaggā samaggasaññino uposathaṁ karonti, pātimokkhaṁ uddisanti.
pli-tv-kd2:28.3.5	Tehi uddissamāne pātimokkhe, athaññe āvāsikā bhikkhū āgacchanti samasamā.
pli-tv-kd2:28.3.6	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:28.3.7	Uddesakānaṁ anāpatti.
pli-tv-kd2:28.3.8	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.3.9	Te na jānanti—
pli-tv-kd2:28.3.10	‘atthaññe āvāsikā bhikkhū anāgatā’ti.
pli-tv-kd2:28.3.11	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.3.12	Tehi uddissamāne pātimokkhe, athaññe āvāsikā bhikkhū āgacchanti thokatarā.
pli-tv-kd2:28.3.13	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:28.3.14	Uddesakānaṁ anāpatti.
pli-tv-kd2:28.4.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.4.2	Te na jānanti—
pli-tv-kd2:28.4.3	‘atthaññe āvāsikā bhikkhū anāgatā’ti.
pli-tv-kd2:28.4.4	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.4.5	Tehi uddiṭṭhamatte pātimokkhe, athaññe āvāsikā bhikkhū āgacchanti bahutarā.
pli-tv-kd2:28.4.6	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:28.4.7	Uddesakānaṁ anāpatti.
pli-tv-kd2:28.4.8	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.4.9	Te na jānanti—
pli-tv-kd2:28.4.10	‘atthaññe āvāsikā bhikkhū anāgatā’ti.
pli-tv-kd2:28.4.11	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.4.12	Tehi uddiṭṭhamatte pātimokkhe, athaññe āvāsikā bhikkhū āgacchanti samasamā.
pli-tv-kd2:28.4.13	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.4.14	Uddesakānaṁ anāpatti.
pli-tv-kd2:28.4.15	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.4.16	Te na jānanti—
pli-tv-kd2:28.4.17	‘atthaññe āvāsikā bhikkhū anāgatā’ti.
pli-tv-kd2:28.4.18	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.4.19	Tehi uddiṭṭhamatte pātimokkhe, athaññe āvāsikā bhikkhū āgacchanti thokatarā.
pli-tv-kd2:28.4.20	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.4.21	Uddesakānaṁ anāpatti.
pli-tv-kd2:28.5.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.5.2	Te na jānanti—
pli-tv-kd2:28.5.3	‘atthaññe āvāsikā bhikkhū anāgatā’ti.
pli-tv-kd2:28.5.4	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.5.5	Tehi uddiṭṭhamatte pātimokkhe, avuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd2:28.5.6	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:28.5.7	Uddesakānaṁ anāpatti.
pli-tv-kd2:28.5.8	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.5.9	Te na jānanti—
pli-tv-kd2:28.5.10	‘atthaññe āvāsikā bhikkhū anāgatā’ti.
pli-tv-kd2:28.5.11	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.5.12	Tehi uddiṭṭhamatte pātimokkhe, avuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd2:28.5.13	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.5.14	Uddesakānaṁ anāpatti.
pli-tv-kd2:28.5.15	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.5.16	Te na jānanti—
pli-tv-kd2:28.5.17	‘atthaññe āvāsikā bhikkhū anāgatā’ti.
pli-tv-kd2:28.5.18	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.5.19	Tehi uddiṭṭhamatte pātimokkhe, avuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd2:28.5.20	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.5.21	Uddesakānaṁ anāpatti.
pli-tv-kd2:28.6.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.6.2	Te na jānanti—
pli-tv-kd2:28.6.3	‘atthaññe āvāsikā bhikkhū anāgatā’ti.
pli-tv-kd2:28.6.4	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.6.5	Tehi uddiṭṭhamatte pātimokkhe, ekaccāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd2:28.6.6	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:28.6.7	Uddesakānaṁ anāpatti.
pli-tv-kd2:28.6.8	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.6.9	Te na jānanti—
pli-tv-kd2:28.6.10	‘atthaññe āvāsikā bhikkhū anāgatā’ti.
pli-tv-kd2:28.6.11	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.6.12	Tehi uddiṭṭhamatte pātimokkhe, ekaccāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd2:28.6.13	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.6.14	Uddesakānaṁ anāpatti.
pli-tv-kd2:28.6.15	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.6.16	Te na jānanti—
pli-tv-kd2:28.6.17	‘atthaññe āvāsikā bhikkhū anāgatā’ti.
pli-tv-kd2:28.6.18	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.6.19	Tehi uddiṭṭhamatte pātimokkhe, ekaccāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd2:28.6.20	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.6.21	Uddesakānaṁ anāpatti.
pli-tv-kd2:28.7.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.7.2	Te na jānanti—
pli-tv-kd2:28.7.3	‘atthaññe āvāsikā bhikkhū anāgatā’ti.
pli-tv-kd2:28.7.4	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.7.5	Tehi uddiṭṭhamatte pātimokkhe, sabbāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd2:28.7.6	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:28.7.7	Uddesakānaṁ anāpatti.
pli-tv-kd2:28.7.8	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.7.9	Te na jānanti—
pli-tv-kd2:28.7.10	‘atthaññe āvāsikā bhikkhū anāgatā’ti.
pli-tv-kd2:28.7.11	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.7.12	Tehi uddiṭṭhamatte pātimokkhe, sabbāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd2:28.7.13	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.7.14	Uddesakānaṁ anāpatti.
pli-tv-kd2:28.7.15	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:28.7.16	Te na jānanti—
pli-tv-kd2:28.7.17	‘atthaññe āvāsikā bhikkhū anāgatā’ti.
pli-tv-kd2:28.7.18	Te dhammasaññino vinayasaññino vaggā samaggasaññino uposathaṁ karonti pātimokkhaṁ uddisanti.
pli-tv-kd2:28.7.19	Tehi uddiṭṭhamatte pātimokkhe, sabbāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd2:28.7.20	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:28.7.21	Uddesakānaṁ anāpatti.
pli-tv-kd2:28.7.22	Anāpattipannarasakaṁ niṭṭhitaṁ.
pli-tv-kd2:29.1.0	29. Vaggāvaggasaññipannarasaka
pli-tv-kd2:29.1.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:29.1.2	Te jānanti—
pli-tv-kd2:29.1.3	‘atthaññe āvāsikā bhikkhū anāgatā’ti.
pli-tv-kd2:29.1.4	Te dhammasaññino vinayasaññino vaggā vaggasaññino uposathaṁ karonti, pātimokkhaṁ uddisanti.
pli-tv-kd2:29.1.5	Tehi uddissamāne pātimokkhe, athaññe āvāsikā bhikkhū āgacchanti bahutarā.
pli-tv-kd2:29.1.6	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:29.1.7	Uddesakānaṁ āpatti dukkaṭassa.
pli-tv-kd2:29.2.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:29.2.2	Te jānanti—
pli-tv-kd2:29.2.3	‘atthaññe āvāsikā bhikkhū anāgatā’ti.
pli-tv-kd2:29.2.4	Te dhammasaññino vinayasaññino vaggā vaggasaññino uposathaṁ karonti pātimokkhaṁ uddisanti.
pli-tv-kd2:29.2.5	Tehi uddissamāne pātimokkhe, athaññe āvāsikā bhikkhū āgacchanti samasamā.
pli-tv-kd2:29.2.6	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:29.2.7	Uddesakānaṁ āpatti dukkaṭassa.
pli-tv-kd2:29.2.8	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:29.2.9	Te jānanti—
pli-tv-kd2:29.2.10	‘atthaññe āvāsikā bhikkhū anāgatā’ti.
pli-tv-kd2:29.2.11	Te dhammasaññino vinayasaññino vaggā vaggasaññino uposathaṁ karonti pātimokkhaṁ uddisanti.
pli-tv-kd2:29.2.12	Tehi uddissamāne pātimokkhe, athaññe āvāsikā bhikkhū āgacchanti thokatarā.
pli-tv-kd2:29.2.13	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:29.2.14	Uddesakānaṁ āpatti dukkaṭassa.
pli-tv-kd2:29.3.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:29.3.2	Te jānanti—
pli-tv-kd2:29.3.3	‘atthaññe āvāsikā bhikkhū anāgatā’ti.
pli-tv-kd2:29.3.4	Te dhammasaññino vinayasaññino vaggā vaggasaññino uposathaṁ karonti, pātimokkhaṁ uddisanti.
pli-tv-kd2:29.3.5	Tehi uddiṭṭhamatte pātimokkhe …pe…
pli-tv-kd2:29.3.6	avuṭṭhitāya parisāya …pe…
pli-tv-kd2:29.3.7	ekaccāya vuṭṭhitāya parisāya …pe…
pli-tv-kd2:29.3.8	sabbāya vuṭṭhitāya parisāya athaññe āvāsikā bhikkhū āgacchanti bahutarā …pe…
pli-tv-kd2:29.3.9	samasamā …pe…
pli-tv-kd2:29.3.10	thokatarā.
pli-tv-kd2:29.3.11	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:29.3.12	Uddesakānaṁ āpatti dukkaṭassa.
pli-tv-kd2:29.3.13	Vaggāvaggasaññipannarasakaṁ niṭṭhitaṁ.
pli-tv-kd2:30.1.0	30. Vematikapannarasaka
pli-tv-kd2:30.1.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:30.1.2	Te jānanti—
pli-tv-kd2:30.1.3	‘atthaññe āvāsikā bhikkhū anāgatā’ti.
pli-tv-kd2:30.1.4	Te ‘kappati nu kho amhākaṁ uposatho kātuṁ na nu kho kappatī’ti—
pli-tv-kd2:30.1.5	vematikā uposathaṁ karonti, pātimokkhaṁ uddisanti.
pli-tv-kd2:30.1.6	Tehi uddissamāne pātimokkhe, athaññe āvāsikā bhikkhū āgacchanti bahutarā.
pli-tv-kd2:30.1.7	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:30.1.8	Uddesakānaṁ āpatti dukkaṭassa.
pli-tv-kd2:30.2.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:30.2.2	Te jānanti—
pli-tv-kd2:30.2.3	‘atthaññe āvāsikā bhikkhū anāgatā’ti.
pli-tv-kd2:30.2.4	Te ‘kappati nu kho amhākaṁ uposatho kātuṁ, na nu kho kappatī’ti—
pli-tv-kd2:30.2.5	vematikā uposathaṁ karonti, pātimokkhaṁ uddisanti.
pli-tv-kd2:30.2.6	Tehi uddissamāne pātimokkhe, athaññe āvāsikā bhikkhū āgacchanti samasamā.
pli-tv-kd2:30.2.7	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:30.2.8	Uddesakānaṁ āpatti dukkaṭassa.
pli-tv-kd2:30.2.9	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:30.2.10	Te jānanti—
pli-tv-kd2:30.2.11	‘atthaññe āvāsikā bhikkhū anāgatā’ti.
pli-tv-kd2:30.2.12	Te ‘kappati nu kho amhākaṁ uposatho kātuṁ, na nu kho kappatī’ti—
pli-tv-kd2:30.2.13	vematikā uposathaṁ karonti, pātimokkhaṁ uddisanti.
pli-tv-kd2:30.2.14	Tehi uddissamāne pātimokkhe athaññe āvāsikā bhikkhū āgacchanti thokatarā.
pli-tv-kd2:30.2.15	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:30.2.16	Uddesakānaṁ āpatti dukkaṭassa.
pli-tv-kd2:30.2.17	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:30.2.18	Te jānanti—
pli-tv-kd2:30.2.19	‘atthaññe āvāsikā bhikkhū anāgatā’ti.
pli-tv-kd2:30.2.20	Te ‘kappati nu kho amhākaṁ uposatho kātuṁ na nu kho kappatī’ti—
pli-tv-kd2:30.2.21	vematikā uposathaṁ karonti, pātimokkhaṁ uddisanti.
pli-tv-kd2:30.2.22	Tehi uddiṭṭhamatte pātimokkhe …pe…
pli-tv-kd2:30.2.23	avuṭṭhitāya parisāya …pe…
pli-tv-kd2:30.2.24	ekaccāya vuṭṭhitāya parisāya …pe…
pli-tv-kd2:30.2.25	sabbāya vuṭṭhitāya parisāya, athaññe āvāsikā bhikkhū āgacchanti bahutarā …pe…
pli-tv-kd2:30.2.26	samasamā …pe…
pli-tv-kd2:30.2.27	thokatarā.
pli-tv-kd2:30.2.28	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:30.2.29	Uddesakānaṁ āpatti dukkaṭassa.
pli-tv-kd2:30.2.30	Vematikapannarasakaṁ niṭṭhitaṁ.
pli-tv-kd2:31.1.0	31. Kukkuccapakatapannarasaka
pli-tv-kd2:31.1.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:31.1.2	Te jānanti—
pli-tv-kd2:31.1.3	‘atthaññe āvāsikā bhikkhū anāgatā’ti.
pli-tv-kd2:31.1.4	Te ‘kappateva amhākaṁ uposatho kātuṁ nāmhākaṁ na kappatī’ti—
pli-tv-kd2:31.1.5	kukkuccapakatā uposathaṁ karonti, pātimokkhaṁ uddisanti.
pli-tv-kd2:31.1.6	Tehi uddissamāne pātimokkhe, athaññe āvāsikā bhikkhū āgacchanti bahutarā.
pli-tv-kd2:31.1.7	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:31.1.8	Uddesakānaṁ āpatti dukkaṭassa.
pli-tv-kd2:31.2.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:31.2.2	Te jānanti—
pli-tv-kd2:31.2.3	‘atthaññe āvāsikā bhikkhū anāgatā’ti.
pli-tv-kd2:31.2.4	Te ‘kappateva amhākaṁ uposatho kātuṁ nāmhākaṁ na kappatī’ti—
pli-tv-kd2:31.2.5	kukkuccapakatā uposathaṁ karonti, pātimokkhaṁ uddisanti.
pli-tv-kd2:31.2.6	Tehi uddissamāne pātimokkhe, athaññe āvāsikā bhikkhū āgacchanti samasamā.
pli-tv-kd2:31.2.7	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:31.2.8	Uddesakānaṁ āpatti dukkaṭassa.
pli-tv-kd2:31.2.9	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:31.2.10	Te jānanti—
pli-tv-kd2:31.2.11	‘atthaññe āvāsikā bhikkhū anāgatā’ti.
pli-tv-kd2:31.2.12	Te ‘kappateva amhākaṁ uposatho kātuṁ, nāmhākaṁ na kappatī’ti—
pli-tv-kd2:31.2.13	kukkuccapakatā uposathaṁ karonti, pātimokkhaṁ uddisanti.
pli-tv-kd2:31.2.14	Tehi uddissamāne pātimokkhe, athaññe āvāsikā bhikkhū āgacchanti thokatarā.
pli-tv-kd2:31.2.15	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:31.2.16	Uddesakānaṁ āpatti dukkaṭassa.
pli-tv-kd2:31.2.17	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:31.2.18	Te jānanti—
pli-tv-kd2:31.2.19	‘atthaññe āvāsikā bhikkhū anāgatā’ti.
pli-tv-kd2:31.2.20	Te ‘kappateva amhākaṁ uposatho kātuṁ nāmhākaṁ na kappatī’ti—
pli-tv-kd2:31.2.21	kukkuccapakatā uposathaṁ karonti, pātimokkhaṁ uddisanti.
pli-tv-kd2:31.2.22	Tehi uddiṭṭhamatte pātimokkhe …pe…
pli-tv-kd2:31.2.23	avuṭṭhitāya parisāya …pe…
pli-tv-kd2:31.2.24	ekaccāya vuṭṭhitāya parisāya …pe…
pli-tv-kd2:31.2.25	sabbāya vuṭṭhitāya parisāya, athaññe āvāsikā bhikkhū āgacchanti bahutarā …pe…
pli-tv-kd2:31.2.26	samasamā …pe…
pli-tv-kd2:31.2.27	thokatarā.
pli-tv-kd2:31.2.28	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:31.2.29	Uddesakānaṁ āpatti dukkaṭassa.
pli-tv-kd2:31.2.30	Kukkuccapakatapannarasakaṁ niṭṭhitaṁ.
pli-tv-kd2:32.1.0	32. Bhedapurekkhārapannarasaka
pli-tv-kd2:32.1.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.1.2	Te jānanti—
pli-tv-kd2:32.1.3	‘atthaññe āvāsikā bhikkhū anāgatā’ti.
pli-tv-kd2:32.1.4	Te ‘nassantete, vinassantete, ko tehi attho’ti—
pli-tv-kd2:32.1.5	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.1.6	Tehi uddissamāne pātimokkhe, athaññe āvāsikā bhikkhū āgacchanti bahutarā.
pli-tv-kd2:32.1.7	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:32.1.8	Uddesakānaṁ āpatti thullaccayassa.
pli-tv-kd2:32.2.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.2	Te jānanti—
pli-tv-kd2:32.2.3	‘atthaññe āvāsikā bhikkhū anāgatā’ti.
pli-tv-kd2:32.2.4	Te ‘nassantete, vinassantete, ko tehi attho’ti—
pli-tv-kd2:32.2.5	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.6	Tehi uddissamāne pātimokkhe, athaññe āvāsikā bhikkhū āgacchanti samasamā.
pli-tv-kd2:32.2.7	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:32.2.8	Uddesakānaṁ āpatti thullaccayassa.
pli-tv-kd2:32.2.9	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.10	Te jānanti—
pli-tv-kd2:32.2.11	‘atthaññe āvāsikā bhikkhū anāgatā’ti.
pli-tv-kd2:32.2.12	Te ‘nassantete, vinassantete, ko tehi attho’ti—
pli-tv-kd2:32.2.13	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.14	Tehi uddissamāne pātimokkhe, athaññe āvāsikā bhikkhū āgacchanti thokatarā.
pli-tv-kd2:32.2.15	Uddiṭṭhaṁ suuddiṭṭhaṁ, avasesaṁ sotabbaṁ.
pli-tv-kd2:32.2.16	Uddesakānaṁ āpatti thullaccayassa.
pli-tv-kd2:32.2.17	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.18	Te jānanti—
pli-tv-kd2:32.2.19	‘atthaññe āvāsikā bhikkhū anāgatā’ti.
pli-tv-kd2:32.2.20	Te ‘nassantete, vinassantete, ko tehi attho’ti—
pli-tv-kd2:32.2.21	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.22	Tehi uddiṭṭhamatte pātimokkhe athaññe āvāsikā bhikkhū āgacchanti bahutarā.
pli-tv-kd2:32.2.23	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:32.2.24	Uddesakānaṁ āpatti thullaccayassa.
pli-tv-kd2:32.2.25	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.26	Te jānanti—‘atthaññe āvāsikā bhikkhū anāgatā’ti.
pli-tv-kd2:32.2.27	Te ‘nassantete, vinassantete, ko tehi attho’ti bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.28	Tehi uddiṭṭhamatte pātimokkhe athaññe āvāsikā bhikkhū āgacchanti samasamā.
pli-tv-kd2:32.2.29	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.30	Uddesakānaṁ āpatti thullaccayassa.
pli-tv-kd2:32.2.31	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.32	Te jānanti—
pli-tv-kd2:32.2.33	‘atthaññe āvāsikā bhikkhū anāgatā’ti.
pli-tv-kd2:32.2.34	Te ‘nassantete, vinassantete, ko tehi attho’ti—
pli-tv-kd2:32.2.35	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.36	Tehi uddiṭṭhamatte pātimokkhe athaññe āvāsikā bhikkhū āgacchanti thokatarā.
pli-tv-kd2:32.2.37	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.38	Uddesakānaṁ āpatti thullaccayassa.
pli-tv-kd2:32.2.39	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.40	Te jānanti—
pli-tv-kd2:32.2.41	‘atthaññe āvāsikā bhikkhū anāgatā’ti.
pli-tv-kd2:32.2.42	Te ‘nassantete, vinassantete, ko tehi attho’ti—
pli-tv-kd2:32.2.43	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.44	Tehi uddiṭṭhamatte pātimokkhe, avuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd2:32.2.45	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:32.2.46	Uddesakānaṁ āpatti thullaccayassa.
pli-tv-kd2:32.2.47	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.48	Te jānanti—
pli-tv-kd2:32.2.49	‘atthaññe āvāsikā bhikkhū anāgatā’ti.
pli-tv-kd2:32.2.50	Te ‘nassantete, vinassantete, ko tehi attho’ti—
pli-tv-kd2:32.2.51	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.52	Tehi uddiṭṭhamatte pātimokkhe, avuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd2:32.2.53	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.54	Uddesakānaṁ āpatti thullaccayassa.
pli-tv-kd2:32.2.55	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.56	Te jānanti—
pli-tv-kd2:32.2.57	‘atthaññe āvāsikā bhikkhū anāgatā’ti.
pli-tv-kd2:32.2.58	Te ‘nassantete, vinassantete, ko tehi attho’ti—
pli-tv-kd2:32.2.59	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.60	Tehi uddiṭṭhamatte pātimokkhe, avuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd2:32.2.61	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.62	Uddesakānaṁ āpatti thullaccayassa.
pli-tv-kd2:32.2.63	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.64	Te jānanti—
pli-tv-kd2:32.2.65	‘atthaññe āvāsikā bhikkhū anāgatā’ti.
pli-tv-kd2:32.2.66	Te ‘nassantete, vinassantete, ko tehi attho’ti—
pli-tv-kd2:32.2.67	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.68	Tehi uddiṭṭhamatte pātimokkhe, ekaccāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd2:32.2.69	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:32.2.70	Uddesakānaṁ āpatti thullaccayassa.
pli-tv-kd2:32.2.71	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.72	Te jānanti—
pli-tv-kd2:32.2.73	‘atthaññe āvāsikā bhikkhū anāgatā’ti.
pli-tv-kd2:32.2.74	Te ‘nassantete, vinassantete, ko tehi attho’ti—
pli-tv-kd2:32.2.75	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.76	Tehi uddiṭṭhamatte pātimokkhe, ekaccāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd2:32.2.77	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.78	Uddesakānaṁ āpatti thullaccayassa.
pli-tv-kd2:32.2.79	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.80	Te jānanti—
pli-tv-kd2:32.2.81	‘atthaññe āvāsikā bhikkhū anāgatā’ti.
pli-tv-kd2:32.2.82	Te ‘nassantete, vinassantete, ko tehi attho’ti—
pli-tv-kd2:32.2.83	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.84	Tehi uddiṭṭhamatte pātimokkhe, ekaccāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd2:32.2.85	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.86	Uddesakānaṁ āpatti thullaccayassa.
pli-tv-kd2:32.2.87	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.88	Te jānanti—
pli-tv-kd2:32.2.89	‘atthaññe āvāsikā bhikkhū anāgatā’ti.
pli-tv-kd2:32.2.90	Te ‘nassantete, vinassantete, ko tehi attho’ti—
pli-tv-kd2:32.2.91	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.92	Tehi uddiṭṭhamatte pātimokkhe, sabbāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd2:32.2.93	Tehi, bhikkhave, bhikkhūhi puna pātimokkhaṁ uddisitabbaṁ.
pli-tv-kd2:32.2.94	Uddesakānaṁ āpatti thullaccayassa.
pli-tv-kd2:32.2.95	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.96	Te jānanti—
pli-tv-kd2:32.2.97	‘atthaññe āvāsikā bhikkhū anāgatā’ti.
pli-tv-kd2:32.2.98	Te ‘nassantete, vinassantete, ko tehi attho’ti—
pli-tv-kd2:32.2.99	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.100	Tehi uddiṭṭhamatte pātimokkhe, sabbāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd2:32.2.101	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.102	Uddesakānaṁ āpatti thullaccayassa.
pli-tv-kd2:32.2.103	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:32.2.104	Te jānanti—
pli-tv-kd2:32.2.105	‘atthaññe āvāsikā bhikkhū anāgatā’ti.
pli-tv-kd2:32.2.106	Te ‘nassantete, vinassantete, ko tehi attho’ti—
pli-tv-kd2:32.2.107	bhedapurekkhārā uposathaṁ karonti, pātimokkhaṁ uddisanti.
pli-tv-kd2:32.2.108	Tehi uddiṭṭhamatte pātimokkhe, sabbāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd2:32.2.109	Uddiṭṭhaṁ suuddiṭṭhaṁ, tesaṁ santike pārisuddhi ārocetabbā.
pli-tv-kd2:32.2.110	Uddesakānaṁ āpatti thullaccayassa.
pli-tv-kd2:32.2.111	Bhedapurekkhārapannarasakaṁ niṭṭhitaṁ. Pañcavīsatikā niṭṭhitā.
pli-tv-kd2:33.1.0	33. Sīmokkantikapeyyāla
pli-tv-kd2:33.1.1	Idha pana, bhikkhave, aññatarasmiṁ āvāse tadahuposathe sambahulā āvāsikā bhikkhū sannipatanti cattāro vā atirekā vā.
pli-tv-kd2:33.1.2	Te na jānanti—
pli-tv-kd2:33.1.3	‘aññe āvāsikā bhikkhū antosīmaṁ okkamantī’ti …pe…
pli-tv-kd2:33.1.4	te na jānanti—
pli-tv-kd2:33.1.5	‘aññe āvāsikā bhikkhū antosīmaṁ okkantā’ti …pe…
pli-tv-kd2:33.1.6	te na passanti aññe āvāsike bhikkhū antosīmaṁ okkamante …pe…
pli-tv-kd2:33.1.7	te na passanti aññe āvāsike bhikkhū antosīmaṁ okkante …pe…
pli-tv-kd2:33.1.8	te na suṇanti—
pli-tv-kd2:33.1.9	‘aññe āvāsikā bhikkhū antosīmaṁ okkamantī’ti …pe…
pli-tv-kd2:33.1.10	te na suṇanti—
pli-tv-kd2:33.1.11	‘aññe āvāsikā bhikkhū antosīmaṁ okkantā’ti …pe….
pli-tv-kd2:33.1.12	Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā peyyālamukhena satta tikasatāni honti.
pli-tv-kd2:34.1.1	Idha pana, bhikkhave, āvāsikānaṁ bhikkhūnaṁ cātuddaso hoti, āgantukānaṁ pannaraso.
pli-tv-kd2:34.1.2	Sace āvāsikā bahutarā honti, āgantukehi āvāsikānaṁ anuvattitabbaṁ.
pli-tv-kd2:34.1.3	Sace samasamā honti, āgantukehi āvāsikānaṁ anuvattitabbaṁ.
pli-tv-kd2:34.1.4	Sace āgantukā bahutarā honti, āvāsikehi āgantukānaṁ anuvattitabbaṁ.
pli-tv-kd2:34.2.1	Idha pana, bhikkhave, āvāsikānaṁ bhikkhūnaṁ pannaraso hoti, āgantukānaṁ cātuddaso.
pli-tv-kd2:34.2.2	Sace āvāsikā bahutarā honti, āgantukehi āvāsikānaṁ anuvattitabbaṁ.
pli-tv-kd2:34.2.3	Sace samasamā honti, āgantukehi āvāsikānaṁ anuvattitabbaṁ.
pli-tv-kd2:34.2.4	Sace āgantukā bahutarā honti, āvāsikehi āgantukānaṁ anuvattitabbaṁ.
pli-tv-kd2:34.3.1	Idha pana, bhikkhave, āvāsikānaṁ bhikkhūnaṁ pāṭipado hoti, āgantukānaṁ pannaraso.
pli-tv-kd2:34.3.2	Sace āvāsikā bahutarā honti, āvāsikehi āgantukānaṁ nākāmā dātabbā sāmaggī.
pli-tv-kd2:34.3.3	Āgantukehi nissīmaṁ gantvā uposatho kātabbo.
pli-tv-kd2:34.3.4	Sace samasamā honti, āvāsikehi āgantukānaṁ nākāmā dātabbā sāmaggī.
pli-tv-kd2:34.3.5	Āgantukehi nissīmaṁ gantvā uposatho kātabbo.
pli-tv-kd2:34.3.6	Sace āgantukā bahutarā honti, āvāsikehi āgantukānaṁ sāmaggī vā dātabbā nissīmaṁ vā gantabbaṁ.
pli-tv-kd2:34.4.1	Idha pana, bhikkhave, āvāsikānaṁ bhikkhūnaṁ pannaraso hoti, āgantukānaṁ pāṭipado.
pli-tv-kd2:34.4.2	Sace āvāsikā bahutarā honti, āgantukehi āvāsikānaṁ sāmaggī vā dātabbā nissīmaṁ vā gantabbaṁ.
pli-tv-kd2:34.4.3	Sace samasamā honti, āgantukehi āvāsikānaṁ sāmaggī vā dātabbā nissīmaṁ vā gantabbaṁ.
pli-tv-kd2:34.4.4	Sace āgantukā bahutarā honti, āgantukehi āvāsikānaṁ nākāmā dātabbā sāmaggī.
pli-tv-kd2:34.4.5	Āvāsikehi nissīmaṁ gantvā uposatho kātabbo.
pli-tv-kd2:34.5.0	34. Liṅgādidassana
pli-tv-kd2:34.5.1	Idha pana, bhikkhave, āgantukā bhikkhū passanti āvāsikānaṁ bhikkhūnaṁ āvāsikākāraṁ, āvāsikaliṅgaṁ, āvāsikanimittaṁ, āvāsikuddesaṁ, supaññattaṁ mañcapīṭhaṁ, bhisibibbohanaṁ, pānīyaṁ paribhojanīyaṁ sūpaṭṭhitaṁ, pariveṇaṁ susammaṭṭhaṁ;
pli-tv-kd2:34.5.2	passitvā vematikā honti—‘atthi nu kho āvāsikā bhikkhū natthi nu kho’ti.
pli-tv-kd2:34.6.1	Te vematikā na vicinanti;
pli-tv-kd2:34.6.2	avicinitvā uposathaṁ karonti.
pli-tv-kd2:34.6.3	Āpatti dukkaṭassa.
pli-tv-kd2:34.6.4	Te vematikā vicinanti;
pli-tv-kd2:34.6.5	vicinitvā na passanti;
pli-tv-kd2:34.6.6	apassitvā uposathaṁ karonti.
pli-tv-kd2:34.6.7	Anāpatti.
pli-tv-kd2:34.6.8	Te vematikā vicinanti;
pli-tv-kd2:34.6.9	vicinitvā passanti;
pli-tv-kd2:34.6.10	passitvā ekato uposathaṁ karonti.
pli-tv-kd2:34.6.11	Anāpatti.
pli-tv-kd2:34.6.12	Te vematikā vicinanti;
pli-tv-kd2:34.6.13	vicinitvā passanti;
pli-tv-kd2:34.6.14	passitvā pāṭekkaṁ uposathaṁ karonti.
pli-tv-kd2:34.6.15	Āpatti dukkaṭassa.
pli-tv-kd2:34.6.16	Te vematikā vicinanti;
pli-tv-kd2:34.6.17	vicinitvā passanti;
pli-tv-kd2:34.6.18	passitvā—
pli-tv-kd2:34.6.19	‘nassantete, vinassantete, ko tehi attho’ti—
pli-tv-kd2:34.6.20	bhedapurekkhārā uposathaṁ karonti.
pli-tv-kd2:34.6.21	Āpatti thullaccayassa.
pli-tv-kd2:34.7.1	Idha pana, bhikkhave, āgantukā bhikkhū suṇanti āvāsikānaṁ bhikkhūnaṁ āvāsikākāraṁ, āvāsikaliṅgaṁ, āvāsikanimittaṁ, āvāsikuddesaṁ, caṅkamantānaṁ padasaddaṁ, sajjhāyasaddaṁ, ukkāsitasaddaṁ, khipitasaddaṁ;
pli-tv-kd2:34.7.2	sutvā vematikā honti—‘atthi nu kho āvāsikā bhikkhū natthi nu kho’ti.
pli-tv-kd2:34.7.3	Te vematikā na vicinanti; avicinitvā uposathaṁ karonti. Āpatti dukkaṭassa.
pli-tv-kd2:34.7.4	Te vematikā vicinanti; vicinitvā na passanti; apassitvā uposathaṁ karonti. Anāpatti.
pli-tv-kd2:34.7.5	Te vematikā vicinanti; vicinitvā passanti; passitvā ekato uposathaṁ karonti. Anāpatti.
pli-tv-kd2:34.7.6	Te vematikā vicinanti; vicinitvā passanti; passitvā pāṭekkaṁ uposathaṁ karonti. Āpatti dukkaṭassa.
pli-tv-kd2:34.7.7	Te vematikā vicinanti; vicinitvā passanti; passitvā—‘nassantete, vinassantete, ko tehi attho’ti—bhedapurekkhārā uposathaṁ karonti. Āpatti thullaccayassa.
pli-tv-kd2:34.8.1	Idha pana, bhikkhave, āvāsikā bhikkhū passanti āgantukānaṁ bhikkhūnaṁ āgantukākāraṁ, āgantukaliṅgaṁ, āgantukanimittaṁ, āgantukuddesaṁ, aññātakaṁ pattaṁ, aññātakaṁ cīvaraṁ, aññātakaṁ nisīdanaṁ, pādānaṁ dhotaṁ, udakanissekaṁ;
pli-tv-kd2:34.8.2	passitvā vematikā honti—‘atthi nu kho āgantukā bhikkhū natthi nu kho’ti.
pli-tv-kd2:34.8.3	Te vematikā na vicinanti; avicinitvā uposathaṁ karonti. Āpatti dukkaṭassa.
pli-tv-kd2:34.8.4	Te vematikā vicinanti; vicinitvā na passanti; apassitvā uposathaṁ karonti. Anāpatti.
pli-tv-kd2:34.8.5	Te vematikā vicinanti; vicinitvā passanti; passitvā ekato uposathaṁ karonti. Anāpatti.
pli-tv-kd2:34.8.6	Te vematikā vicinanti; vicinitvā passanti; passitvā pāṭekkaṁ uposathaṁ karonti. Āpatti dukkaṭassa.
pli-tv-kd2:34.8.7	Te vematikā vicinanti; vicinitvā passanti; passitvā—‘nassantete, vinassantete, ko tehi attho’ti—bhedapurekkhārā uposathaṁ karonti. Āpatti thullaccayassa.
pli-tv-kd2:34.9.1	Idha pana, bhikkhave, āvāsikā bhikkhū suṇanti āgantukānaṁ bhikkhūnaṁ āgantukākāraṁ, āgantukaliṅgaṁ, āgantukanimittaṁ, āgantukuddesaṁ, āgacchantānaṁ padasaddaṁ, upāhanapapphoṭanasaddaṁ, ukkāsitasaddaṁ, khipitasaddaṁ;
pli-tv-kd2:34.9.2	sutvā vematikā honti—‘atthi nu kho āgantukā bhikkhū natthi nu kho’ti.
pli-tv-kd2:34.9.3	Te vematikā na vicinanti; avicinitvā uposathaṁ karonti. Āpatti dukkaṭassa.
pli-tv-kd2:34.9.4	Te vematikā vicinanti; vicinitvā na passanti; apassitvā uposathaṁ karonti. Anāpatti.
pli-tv-kd2:34.9.5	Te vematikā vicinanti; vicinitvā passanti; passitvā ekato uposathaṁ karonti. Anāpatti.
pli-tv-kd2:34.9.6	Te vematikā vicinanti; vicinitvā passanti; passitvā pāṭekkaṁ uposathaṁ karonti. Āpatti dukkaṭassa.
pli-tv-kd2:34.9.7	Te vematikā vicinanti; vicinitvā passanti; passitvā—‘nassantete, vinassantete, ko tehi attho’ti—bhedapurekkhārā uposathaṁ karonti. Āpatti thullaccayassa.
pli-tv-kd2:34.10.0	35. Nānāsaṁvāsakādīhiuposathakaraṇa
pli-tv-kd2:34.10.1	Idha pana, bhikkhave, āgantukā bhikkhū passanti āvāsike bhikkhū nānāsaṁvāsake.
pli-tv-kd2:34.10.2	Te samānasaṁvāsakadiṭṭhiṁ paṭilabhanti;
pli-tv-kd2:34.10.3	samānasaṁvāsakadiṭṭhiṁ paṭilabhitvā na pucchanti; apucchitvā ekato uposathaṁ karonti. Anāpatti.
pli-tv-kd2:34.10.4	Te pucchanti; pucchitvā nābhivitaranti; anabhivitaritvā ekato uposathaṁ karonti. Āpatti dukkaṭassa.
pli-tv-kd2:34.10.5	Te pucchanti; pucchitvā nābhivitaranti; anabhivitaritvā pāṭekkaṁ uposathaṁ karonti. Anāpatti.
pli-tv-kd2:34.11.1	Idha pana, bhikkhave, āgantukā bhikkhū passanti āvāsike bhikkhū samānasaṁvāsake.
pli-tv-kd2:34.11.2	Te nānāsaṁvāsakadiṭṭhiṁ paṭilabhanti;
pli-tv-kd2:34.11.3	nānāsaṁvāsakadiṭṭhiṁ paṭilabhitvā na pucchanti; apucchitvā ekato uposathaṁ karonti. Āpatti dukkaṭassa.
pli-tv-kd2:34.11.4	Te pucchanti; pucchitvā abhivitaranti; abhivitaritvā pāṭekkaṁ uposathaṁ karonti. Āpatti dukkaṭassa.
pli-tv-kd2:34.11.5	Te pucchanti; pucchitvā abhivitaranti; abhivitaritvā ekato uposathaṁ karonti. Anāpatti.
pli-tv-kd2:34.12.1	Idha pana, bhikkhave, āvāsikā bhikkhū passanti āgantuke bhikkhū nānāsaṁvāsake.
pli-tv-kd2:34.12.2	Te samānasaṁvāsakadiṭṭhiṁ paṭilabhanti;
pli-tv-kd2:34.12.3	samānasaṁvāsakadiṭṭhiṁ paṭilabhitvā na pucchanti; apucchitvā ekato uposathaṁ karonti. Anāpatti.
pli-tv-kd2:34.12.4	Te pucchanti; pucchitvā nābhivitaranti; anabhivitaritvā ekato uposathaṁ karonti. Āpatti dukkaṭassa.
pli-tv-kd2:34.12.5	Te pucchanti; pucchitvā nābhivitaranti; anabhivitaritvā pāṭekkaṁ uposathaṁ karonti. Anāpatti.
pli-tv-kd2:34.13.1	Idha pana, bhikkhave, āvāsikā bhikkhū passanti āgantuke bhikkhū samānasaṁvāsake.
pli-tv-kd2:34.13.2	Te nānāsaṁvāsakadiṭṭhiṁ paṭilabhanti;
pli-tv-kd2:34.13.3	nānāsaṁvāsakadiṭṭhiṁ paṭilabhitvā na pucchanti; apucchitvā ekato uposathaṁ karonti. Āpatti dukkaṭassa.
pli-tv-kd2:34.13.4	Te pucchanti; pucchitvā abhivitaranti; abhivitaritvā pāṭekkaṁ uposathaṁ karonti. Āpatti dukkaṭassa.
pli-tv-kd2:34.13.5	Te pucchanti; pucchitvā abhivitaranti; abhivitaritvā ekato uposathaṁ karonti. Anāpatti.
pli-tv-kd2:35.1.0	36. Nagantabbavāra
pli-tv-kd2:35.1.1	Na, bhikkhave, tadahuposathe sabhikkhukā āvāsā abhikkhuko āvāso gantabbo, aññatra saṅghena aññatra antarāyā.
pli-tv-kd2:35.1.2	Na, bhikkhave, tadahuposathe sabhikkhukā āvāsā abhikkhuko anāvāso gantabbo, aññatra saṅghena aññatra antarāyā.
pli-tv-kd2:35.1.3	Na, bhikkhave, tadahuposathe sabhikkhukā āvāsā abhikkhuko āvāso vā anāvāso vā gantabbo, aññatra saṅghena aññatra antarāyā.
pli-tv-kd2:35.2.1	Na, bhikkhave, tadahuposathe sabhikkhukā anāvāsā abhikkhuko āvāso gantabbo, aññatra saṅghena aññatra antarāyā.
pli-tv-kd2:35.2.2	Na, bhikkhave, tadahuposathe sabhikkhukā anāvāsā abhikkhuko anāvāso gantabbo, aññatra saṅghena aññatra antarāyā.
pli-tv-kd2:35.2.3	Na, bhikkhave, tadahuposathe sabhikkhukā anāvāsā abhikkhuko āvāso vā anāvāso vā gantabbo, aññatra saṅghena aññatra antarāyā.
pli-tv-kd2:35.3.1	Na, bhikkhave, tadahuposathe sabhikkhukā āvāsā vā anāvāsā vā abhikkhuko āvāso gantabbo, aññatra saṅghena aññatra antarāyā.
pli-tv-kd2:35.3.2	Na, bhikkhave, tadahuposathe sabhikkhukā āvāsā vā anāvāsā vā abhikkhuko anāvāso gantabbo, aññatra saṅghena aññatra antarāyā.
pli-tv-kd2:35.3.3	Na, bhikkhave, tadahuposathe sabhikkhukā āvāsā vā anāvāsā vā abhikkhuko āvāso vā anāvāso vā gantabbo, aññatra saṅghena aññatra antarāyā.
pli-tv-kd2:35.4.1	Na, bhikkhave, tadahuposathe sabhikkhukā āvāsā sabhikkhuko āvāso gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.2	Na, bhikkhave, tadahuposathe sabhikkhukā āvāsā sabhikkhuko anāvāso gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.3	Na, bhikkhave, tadahuposathe sabhikkhukā āvāsā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.4	Na, bhikkhave, tadahuposathe sabhikkhukā anāvāsā sabhikkhuko āvāso gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.5	Na, bhikkhave, tadahuposathe sabhikkhukā anāvāsā sabhikkhuko anāvāso gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.6	Na, bhikkhave, tadahuposathe sabhikkhukā anāvāsā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.7	Na, bhikkhave, tadahuposathe sabhikkhukā āvāsā vā anāvāsā vā sabhikkhuko āvāso gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.8	Na, bhikkhave, tadahuposathe sabhikkhukā āvāsā vā anāvāsā vā sabhikkhuko anāvāso gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.4.9	Na, bhikkhave, tadahuposathe sabhikkhukā āvāsā vā anāvāsā vā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena aññatra antarāyā.
pli-tv-kd2:35.5.0	37. Gantabbavāra
pli-tv-kd2:35.5.1	Gantabbo, bhikkhave, tadahuposathe sabhikkhukā āvāsā sabhikkhuko āvāso, yatthassu bhikkhū samānasaṁvāsakā, yaṁ jaññā—
pli-tv-kd2:35.5.2	‘sakkomi ajjeva gantun’ti.
pli-tv-kd2:35.5.3	Gantabbo, bhikkhave, tadahuposathe sabhikkhukā āvāsā sabhikkhuko anāvāso …pe…
pli-tv-kd2:35.5.4	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā—
pli-tv-kd2:35.5.5	‘sakkomi ajjeva gantun’ti.
pli-tv-kd2:35.5.6	Gantabbo, bhikkhave, tadahuposathe sabhikkhukā anāvāsā sabhikkhuko āvāso …pe…
pli-tv-kd2:35.5.7	sabhikkhuko anāvāso …pe…
pli-tv-kd2:35.5.8	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā—
pli-tv-kd2:35.5.9	‘sakkomi ajjeva gantun’ti.
pli-tv-kd2:35.5.10	Gantabbo, bhikkhave, tadahuposathe sabhikkhukā āvāsā vā anāvāsā vā sabhikkhuko āvāso …pe…
pli-tv-kd2:35.5.11	sabhikkhuko anāvāso …pe…
pli-tv-kd2:35.5.12	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā—
pli-tv-kd2:35.5.13	‘sakkomi ajjeva gantun’ti.
pli-tv-kd2:36.1.0	38. Vajjanīyapuggalasandassana
pli-tv-kd2:36.1.1	Na, bhikkhave, bhikkhuniyā nisinnaparisāya pātimokkhaṁ uddisitabbaṁ.
pli-tv-kd2:36.1.2	Yo uddiseyya, āpatti dukkaṭassa.
pli-tv-kd2:36.1.3	Na sikkhamānāya …pe…
pli-tv-kd2:36.1.4	na sāmaṇerassa …pe…
pli-tv-kd2:36.1.5	na sāmaṇeriyā …pe…
pli-tv-kd2:36.1.6	na sikkhāpaccakkhātakassa …pe…
pli-tv-kd2:36.1.7	na antimavatthuṁ ajjhāpannakassa nisinnaparisāya pātimokkhaṁ uddisitabbaṁ.
pli-tv-kd2:36.1.8	Yo uddiseyya, āpatti dukkaṭassa.
pli-tv-kd2:36.2.1	Na āpattiyā adassane ukkhittakassa nisinnaparisāya pātimokkhaṁ uddisitabbaṁ.
pli-tv-kd2:36.2.2	Yo uddiseyya, yathādhammo kāretabbo.
pli-tv-kd2:36.2.3	Na āpattiyā appaṭikamme ukkhittakassa nisinnaparisāya …pe…
pli-tv-kd2:36.2.4	na pāpikāya diṭṭhiyā appaṭinissagge ukkhittakassa nisinnaparisāya pātimokkhaṁ uddisitabbaṁ.
pli-tv-kd2:36.2.5	Yo uddiseyya, yathādhammo kāretabbo.
pli-tv-kd2:36.3.1	Na paṇḍakassa nisinnaparisāya pātimokkhaṁ uddisitabbaṁ.
pli-tv-kd2:36.3.2	Yo uddiseyya, āpatti dukkaṭassa.
pli-tv-kd2:36.3.3	Na theyyasaṁvāsakassa …pe…
pli-tv-kd2:36.3.4	na titthiyapakkantakassa …pe…
pli-tv-kd2:36.3.5	na tiracchānagatassa …pe…
pli-tv-kd2:36.3.6	na mātughātakassa …pe…
pli-tv-kd2:36.3.7	na pitughātakassa …pe…
pli-tv-kd2:36.3.8	na arahantaghātakassa …pe…
pli-tv-kd2:36.3.9	na bhikkhunidūsakassa …pe…
pli-tv-kd2:36.3.10	na saṅghabhedakassa …pe…
pli-tv-kd2:36.3.11	na lohituppādakassa …pe…
pli-tv-kd2:36.3.12	na ubhatobyañjanakassa nisinnaparisāya pātimokkhaṁ uddisitabbaṁ.
pli-tv-kd2:36.3.13	Yo uddiseyya, āpatti dukkaṭassa.
pli-tv-kd2:36.4.1	Na, bhikkhave, pārivāsikapārisuddhidānena uposatho kātabbo, aññatra avuṭṭhitāya parisāya.
pli-tv-kd2:36.4.2	Na ca, bhikkhave, anuposathe uposatho kātabbo, aññatra saṅghasāmaggiyā”ti.
pli-tv-kd2:36.4.3	Tatiyabhāṇavāro niṭṭhito.
pli-tv-kd2:36.4.4	Uposathakkhandhako dutiyo.
pli-tv-kd2:36.4.5	Tassuddānaṁ
pli-tv-kd2:36.4.6	Titthiyā bimbisāro ca,
pli-tv-kd2:36.4.7	sannipatituṁ tuṇhikā;
pli-tv-kd2:36.4.8	Dhammaṁ raho pātimokkhaṁ,
pli-tv-kd2:36.4.9	devasikaṁ tadā sakiṁ.
pli-tv-kd2:36.4.10	Yathāparisā samaggaṁ,
pli-tv-kd2:36.4.11	sāmaggī maddakucchi ca;
pli-tv-kd2:36.4.12	Sīmā mahatī nadiyā,
pli-tv-kd2:36.4.13	anu dve khuddakāni ca.
pli-tv-kd2:36.4.14	Navā rājagahe ceva,
pli-tv-kd2:36.4.15	Sīmā avippavāsanā;
pli-tv-kd2:36.4.16	Sammanne paṭhamaṁ sīmaṁ,
pli-tv-kd2:36.4.17	Pacchā sīmaṁ samūhane.
pli-tv-kd2:36.4.18	Asammatā gāmasīmā,
pli-tv-kd2:36.4.19	nadiyā samudde sare;
pli-tv-kd2:36.4.20	Udakukkhepo bhindanti,
pli-tv-kd2:36.4.21	tathevajjhottharanti ca.
pli-tv-kd2:36.4.22	Kati kammāni uddeso,
pli-tv-kd2:36.4.23	savarā asatīpi ca;
pli-tv-kd2:36.4.24	Dhammaṁ vinayaṁ tajjenti,
pli-tv-kd2:36.4.25	puna vinayatajjanā.
pli-tv-kd2:36.4.26	Codanā kate okāse,
pli-tv-kd2:36.4.27	adhammappaṭikkosanā;
pli-tv-kd2:36.4.28	Catupañcaparā āvi,
pli-tv-kd2:36.4.29	sañcicca cepi vāyame.
pli-tv-kd2:36.4.30	Sagahaṭṭhā anajjhiṭṭhā,
pli-tv-kd2:36.4.31	codanamhi na jānati;
pli-tv-kd2:36.4.32	Sambahulā na jānanti,
pli-tv-kd2:36.4.33	sajjukaṁ na ca gacchare.
pli-tv-kd2:36.4.34	Katimī kīvatikā dūre,
pli-tv-kd2:36.4.35	ārocetuñca nassari;
pli-tv-kd2:36.4.36	Uklāpaṁ āsanaṁ dīpo,
pli-tv-kd2:36.4.37	disā añño bahussuto.
pli-tv-kd2:36.4.38	Sajjukaṁ vassuposatho,
pli-tv-kd2:36.4.39	suddhikammañca ñātakā;
pli-tv-kd2:36.4.40	Gaggo catutayo dveko,
pli-tv-kd2:36.4.41	āpattisabhāgā sari.
pli-tv-kd2:36.4.42	Sabbo saṅgho vematiko,
pli-tv-kd2:36.4.43	na jānanti bahussuto;
pli-tv-kd2:36.4.44	Bahū samasamā thokā,
pli-tv-kd2:36.4.45	parisā avuṭṭhitāya ca.
pli-tv-kd2:36.4.46	Ekaccā vuṭṭhitā sabbā,
pli-tv-kd2:36.4.47	jānanti ca vematikā;
pli-tv-kd2:36.4.48	Kappatevāti kukkuccā,
pli-tv-kd2:36.4.49	jānaṁ passaṁ suṇanti ca.
pli-tv-kd2:36.4.50	Āvāsikena āgantu,
pli-tv-kd2:36.4.51	cātupannaraso puna;
pli-tv-kd2:36.4.52	Pāṭipado pannaraso,
pli-tv-kd2:36.4.53	liṅgasaṁvāsakā ubho.
pli-tv-kd2:36.4.54	Pārivāsānuposatho,
pli-tv-kd2:36.4.55	aññatra saṅghasāmaggiyā;
pli-tv-kd2:36.4.56	Ete vibhattā uddānā,
pli-tv-kd2:36.4.57	vatthuvibhūtakāraṇāti.
pli-tv-kd2:36.4.58	Imasmiṁ khandhake vatthūni chaasīti.
pli-tv-kd2:36.4.59	Uposathakkhandhako niṭṭhito.
pli-tv-kd3:0.1	Theravāda Vinayapiṭaka
pli-tv-kd3:0.2	Mahāvagga
pli-tv-kd3:0.3	3. Vassūpanāyikakkhandhaka
pli-tv-kd3:0.4	1. Vassūpanāyikānujānana
pli-tv-kd3:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-kd3:1.1.2	Tena kho pana samayena bhagavatā bhikkhūnaṁ vassāvāso apaññatto hoti.
pli-tv-kd3:1.1.3	Tedha bhikkhū hemantampi gimhampi vassampi cārikaṁ caranti.
pli-tv-kd3:1.2.1	Manussā ujjhāyanti khiyyanti vipācenti—
pli-tv-kd3:1.2.2	“kathañhi nāma samaṇā sakyaputtiyā hemantampi gimhampi vassampi cārikaṁ carissanti, haritāni tiṇāni sammaddantā, ekindriyaṁ jīvaṁ viheṭhentā, bahū khuddake pāṇe saṅghātaṁ āpādentā.
pli-tv-kd3:1.2.3	Ime hi nāma aññatitthiyā durakkhātadhammā vassāvāsaṁ allīyissanti saṅkasāyissanti.
pli-tv-kd3:1.2.4	Ime hi nāma sakuntakā rukkhaggesu kulāvakāni karitvā vassāvāsaṁ allīyissanti saṅkasāyissanti.
pli-tv-kd3:1.2.5	Ime pana samaṇā sakyaputtiyā hemantampi gimhampi vassampi cārikaṁ caranti, haritāni tiṇāni sammaddantā, ekindriyaṁ jīvaṁ viheṭhentā, bahū khuddake pāṇe saṅghātaṁ āpādentā”ti.
pli-tv-kd3:1.3.1	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd3:1.3.2	Atha kho te bhikkhū bhagavato etamatthaṁ ārocesuṁ.
pli-tv-kd3:1.3.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd3:1.3.4	“anujānāmi, bhikkhave, vassaṁ upagantun”ti.
pli-tv-kd3:2.1.1	Atha kho bhikkhūnaṁ etadahosi—
pli-tv-kd3:2.1.2	“kadā nu kho vassaṁ upagantabban”ti?
pli-tv-kd3:2.1.3	Bhagavato etamatthaṁ ārocesuṁ.
pli-tv-kd3:2.1.4	“Anujānāmi, bhikkhave, vassāne vassaṁ upagantun”ti.
pli-tv-kd3:2.2.1	Atha kho bhikkhūnaṁ etadahosi—
pli-tv-kd3:2.2.2	“kati nu kho vassūpanāyikā”ti?
pli-tv-kd3:2.2.3	Bhagavato etamatthaṁ ārocesuṁ.
pli-tv-kd3:2.2.4	“Dvemā, bhikkhave, vassūpanāyikā—
pli-tv-kd3:2.2.5	purimikā, pacchimikā.
pli-tv-kd3:2.2.6	Aparajjugatāya āsāḷhiyā purimikā upagantabbā, māsagatāya āsāḷhiyā pacchimikā upagantabbā—
pli-tv-kd3:2.2.7	imā kho, bhikkhave, dve vassūpanāyikā”ti.
pli-tv-kd3:3.1.0	2. Vassānecārikāpaṭikkhepādi
pli-tv-kd3:3.1.1	Tena kho pana samayena chabbaggiyā bhikkhū vassaṁ upagantvā antarāvassaṁ cārikaṁ caranti.
pli-tv-kd3:3.1.2	Manussā tatheva ujjhāyanti khiyyanti vipācenti—
pli-tv-kd3:3.1.3	“kathañhi nāma samaṇā sakyaputtiyā hemantampi gimhampi vassampi cārikaṁ carissanti, haritāni tiṇāni sammaddantā, ekindriyaṁ jīvaṁ viheṭhentā, bahū khuddake pāṇe saṅghātaṁ āpādentā.
pli-tv-kd3:3.1.4	Ime hi nāma aññatitthiyā durakkhātadhammā vassāvāsaṁ allīyissanti saṅkasāyissanti.
pli-tv-kd3:3.1.5	Ime hi nāma sakuntakā rukkhaggesu kulāvakāni karitvā vassāvāsaṁ allīyissanti saṅkasāyissanti.
pli-tv-kd3:3.1.6	Ime pana samaṇā sakyaputtiyā hemantampi gimhampi vassampi cārikaṁ caranti, haritāni tiṇāni sammaddantā, ekindriyaṁ jīvaṁ viheṭhentā, bahū khuddake pāṇe saṅghātaṁ āpādentā”ti.
pli-tv-kd3:3.2.1	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd3:3.2.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd3:3.2.3	“kathañhi nāma chabbaggiyā bhikkhū vassaṁ upagantvā antarāvassaṁ cārikaṁ carissantī”ti?
pli-tv-kd3:3.2.4	Atha kho te bhikkhū bhagavato etamatthaṁ ārocesuṁ …pe…
pli-tv-kd3:3.2.5	atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd3:3.2.6	“na, bhikkhave, vassaṁ upagantvā purimaṁ vā temāsaṁ pacchimaṁ vā temāsaṁ avasitvā cārikā pakkamitabbā.
pli-tv-kd3:3.2.7	Yo pakkameyya, āpatti dukkaṭassā”ti.
pli-tv-kd3:4.1.1	Tena kho pana samayena chabbaggiyā bhikkhū na icchanti vassaṁ upagantuṁ.
pli-tv-kd3:4.1.2	Bhagavato etamatthaṁ ārocesuṁ.
pli-tv-kd3:4.1.3	“Na, bhikkhave, vassaṁ na upagantabbaṁ.
pli-tv-kd3:4.1.4	Yo na upagaccheyya, āpatti dukkaṭassā”ti.
pli-tv-kd3:4.2.1	Tena kho pana samayena chabbaggiyā bhikkhū tadahu vassūpanāyikāya vassaṁ anupagantukāmā sañcicca āvāsaṁ atikkamanti.
pli-tv-kd3:4.2.2	Bhagavato etamatthaṁ ārocesuṁ.
pli-tv-kd3:4.2.3	“Na, bhikkhave, tadahu vassūpanāyikāya vassaṁ anupagantukāmena sañcicca āvāso atikkamitabbo.
pli-tv-kd3:4.2.4	Yo atikkameyya, āpatti dukkaṭassā”ti.
pli-tv-kd3:4.3.1	Tena kho pana samayena rājā māgadho seniyo bimbisāro vassaṁ ukkaḍḍhitukāmo bhikkhūnaṁ santike dūtaṁ pāhesi—
pli-tv-kd3:4.3.2	“yadi panāyyā āgame juṇhe vassaṁ upagaccheyyun”ti.
pli-tv-kd3:4.3.3	Bhagavato etamatthaṁ ārocesuṁ.
pli-tv-kd3:4.3.4	“Anujānāmi, bhikkhave, rājūnaṁ anuvattitun”ti.
pli-tv-kd3:5.1.0	3. Sattāhakaraṇīyānujānana
pli-tv-kd3:5.1.1	Atha kho bhagavā rājagahe yathābhirantaṁ viharitvā yena sāvatthi tena cārikaṁ pakkāmi.
pli-tv-kd3:5.1.2	Anupubbena cārikaṁ caramāno yena sāvatthi tadavasari.
pli-tv-kd3:5.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd3:5.1.4	Tena kho pana samayena kosalesu janapade udenena upāsakena saṅghaṁ uddissa vihāro kārāpito hoti.
pli-tv-kd3:5.1.5	So bhikkhūnaṁ santike dūtaṁ pāhesi—
pli-tv-kd3:5.1.6	“āgacchantu bhadantā, icchāmi dānañca dātuṁ, dhammañca sotuṁ, bhikkhū ca passitun”ti.
pli-tv-kd3:5.2.1	Bhikkhū evamāhaṁsu—
pli-tv-kd3:5.2.2	“bhagavatā, āvuso, paññattaṁ—
pli-tv-kd3:5.2.3	‘na vassaṁ upagantvā purimaṁ vā temāsaṁ pacchimaṁ vā temāsaṁ avasitvā cārikā pakkamitabbā’ti.
pli-tv-kd3:5.2.4	Āgametu udeno upāsako, yāva bhikkhū vassaṁ vasanti.
pli-tv-kd3:5.2.5	Vassaṁvuṭṭhā āgamissanti.
pli-tv-kd3:5.2.6	Sace panassa accāyikaṁ karaṇīyaṁ, tattheva āvāsikānaṁ bhikkhūnaṁ santike vihāraṁ patiṭṭhāpetū”ti.
pli-tv-kd3:5.3.1	Udeno upāsako ujjhāyati khiyyati vipāceti—
pli-tv-kd3:5.3.2	“kathañhi nāma bhadantā mayā pahite na āgacchissanti.
pli-tv-kd3:5.3.3	Ahañhi dāyako kārako saṅghupaṭṭhāko”ti.
pli-tv-kd3:5.3.4	Assosuṁ kho bhikkhū udenassa upāsakassa ujjhāyantassa khiyyantassa vipācentassa.
pli-tv-kd3:5.3.5	Atha kho te bhikkhū bhagavato etamatthaṁ ārocesuṁ.
pli-tv-kd3:5.4.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd3:5.4.2	“anujānāmi, bhikkhave, sattannaṁ sattāhakaraṇīyena pahite gantuṁ, na tveva appahite.
pli-tv-kd3:5.4.3	Bhikkhussa, bhikkhuniyā, sikkhamānāya, sāmaṇerassa, sāmaṇeriyā, upāsakassa, upāsikāya—
pli-tv-kd3:5.4.4	anujānāmi, bhikkhave, imesaṁ sattannaṁ sattāhakaraṇīyena pahite gantuṁ, na tveva appahite.
pli-tv-kd3:5.4.5	Sattāhaṁ sannivatto kātabbo.
pli-tv-kd3:5.5.0	
pli-tv-kd3:5.5.1	Idha pana, bhikkhave, upāsakena saṅghaṁ uddissa vihāro kārāpito hoti.
pli-tv-kd3:5.5.2	So ce bhikkhūnaṁ santike dūtaṁ pahiṇeyya—
pli-tv-kd3:5.5.3	‘āgacchantu bhadantā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.5.4	Sattāhaṁ sannivatto kātabbo.
pli-tv-kd3:5.6.1	Idha pana, bhikkhave, upāsakena saṅghaṁ uddissa aḍḍhayogo kārāpito hoti …pe…
pli-tv-kd3:5.6.2	pāsādo kārāpito hoti …
pli-tv-kd3:5.6.3	hammiyaṁ kārāpitaṁ hoti …
pli-tv-kd3:5.6.4	guhā kārāpitā hoti …
pli-tv-kd3:5.6.5	pariveṇaṁ kārāpitaṁ hoti …
pli-tv-kd3:5.6.6	koṭṭhako kārāpito hoti …
pli-tv-kd3:5.6.7	upaṭṭhānasālā kārāpitā hoti …
pli-tv-kd3:5.6.8	aggisālā kārāpitā hoti …
pli-tv-kd3:5.6.9	kappiyakuṭi kārāpitā hoti …
pli-tv-kd3:5.6.10	vaccakuṭi kārāpitā hoti …
pli-tv-kd3:5.6.11	caṅkamo kārāpito hoti …
pli-tv-kd3:5.6.12	caṅkamanasālā kārāpitā hoti …
pli-tv-kd3:5.6.13	udapāno kārāpito hoti …
pli-tv-kd3:5.6.14	udapānasālā kārāpitā hoti …
pli-tv-kd3:5.6.15	jantāgharaṁ kārāpitaṁ hoti …
pli-tv-kd3:5.6.16	jantāgharasālā kārāpitā hoti …
pli-tv-kd3:5.6.17	pokkharaṇī kārāpitā hoti …
pli-tv-kd3:5.6.18	maṇḍapo kārāpito hoti …
pli-tv-kd3:5.6.19	ārāmo kārāpito hoti …
pli-tv-kd3:5.6.20	ārāmavatthu kārāpitaṁ hoti.
pli-tv-kd3:5.6.21	So ce bhikkhūnaṁ santike dūtaṁ pahiṇeyya—
pli-tv-kd3:5.6.22	‘āgacchantu bhadantā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.6.23	Sattāhaṁ sannivatto kātabbo.
pli-tv-kd3:5.7.1	Idha pana, bhikkhave, upāsakena sambahule bhikkhū uddissa …pe…
pli-tv-kd3:5.7.2	ekaṁ bhikkhuṁ uddissa vihāro kārāpito hoti …pe…
pli-tv-kd3:5.7.3	aḍḍhayogo kārāpito hoti …
pli-tv-kd3:5.7.4	pāsādo kārāpito hoti …
pli-tv-kd3:5.7.5	hammiyaṁ kārāpitaṁ hoti …
pli-tv-kd3:5.7.6	guhā kārāpitā hoti …
pli-tv-kd3:5.7.7	pariveṇaṁ kārāpitaṁ hoti …
pli-tv-kd3:5.7.8	koṭṭhako kārāpito hoti …
pli-tv-kd3:5.7.9	upaṭṭhānasālā kārāpitā hoti …
pli-tv-kd3:5.7.10	aggisālā kārāpitā hoti …
pli-tv-kd3:5.7.11	kappiyakuṭi kārāpitā hoti …
pli-tv-kd3:5.7.12	vaccakuṭi kārāpitā hoti …
pli-tv-kd3:5.7.13	caṅkamo kārāpito hoti …
pli-tv-kd3:5.7.14	caṅkamanasālā kārāpitā hoti …
pli-tv-kd3:5.7.15	udapāno kārāpito hoti …
pli-tv-kd3:5.7.16	udapānasālā kārāpitā hoti …
pli-tv-kd3:5.7.17	jantāgharaṁ kārāpitaṁ hoti …
pli-tv-kd3:5.7.18	jantāgharasālā kārāpitā hoti …
pli-tv-kd3:5.7.19	pokkharaṇī kārāpitā hoti …
pli-tv-kd3:5.7.20	maṇḍapo kārāpito hoti …
pli-tv-kd3:5.7.21	ārāmo kārāpito hoti …
pli-tv-kd3:5.7.22	ārāmavatthu kārāpitaṁ hoti.
pli-tv-kd3:5.7.23	So ce bhikkhūnaṁ santike dūtaṁ pahiṇeyya—
pli-tv-kd3:5.7.24	‘āgacchantu bhadantā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.7.25	Sattāhaṁ sannivatto kātabbo.
pli-tv-kd3:5.8.1	Idha pana, bhikkhave, upāsakena bhikkhunisaṅghaṁ uddissa …pe…
pli-tv-kd3:5.8.2	sambahulā bhikkhuniyo uddissa …pe…
pli-tv-kd3:5.8.3	ekaṁ bhikkhuniṁ uddissa …pe…
pli-tv-kd3:5.8.4	sambahulā sikkhamānāyo uddissa …pe…
pli-tv-kd3:5.8.5	ekaṁ sikkhamānaṁ uddissa …pe…
pli-tv-kd3:5.8.6	sambahule sāmaṇere uddissa …pe…
pli-tv-kd3:5.8.7	ekaṁ sāmaṇeraṁ uddissa …pe…
pli-tv-kd3:5.8.8	sambahulā sāmaṇeriyo uddissa …pe…
pli-tv-kd3:5.8.9	ekaṁ sāmaṇeriṁ uddissa vihāro kārāpito hoti …pe…
pli-tv-kd3:5.8.10	aḍḍhayogo kārāpito hoti …
pli-tv-kd3:5.8.11	pāsādo kārāpito hoti …
pli-tv-kd3:5.8.12	hammiyaṁ kārāpitaṁ hoti …
pli-tv-kd3:5.8.13	guhā kārāpitā hoti …
pli-tv-kd3:5.8.14	pariveṇaṁ kārāpitaṁ hoti …
pli-tv-kd3:5.8.15	koṭṭhako kārāpito hoti …
pli-tv-kd3:5.8.16	upaṭṭhānasālā kārāpitā hoti …
pli-tv-kd3:5.8.17	aggisālā kārāpitā hoti …
pli-tv-kd3:5.8.18	kappiyakuṭi kārāpitā hoti …
pli-tv-kd3:5.8.19	caṅkamo kārāpito hoti …
pli-tv-kd3:5.8.20	caṅkamanasālā kārāpitā hoti …
pli-tv-kd3:5.8.21	udapāno kārāpito hoti …
pli-tv-kd3:5.8.22	udapānasālā kārāpitā hoti …
pli-tv-kd3:5.8.23	pokkharaṇī kārāpitā hoti …
pli-tv-kd3:5.8.24	maṇḍapo kārāpito hoti …
pli-tv-kd3:5.8.25	ārāmo kārāpito hoti …
pli-tv-kd3:5.8.26	ārāmavatthu kārāpitaṁ hoti.
pli-tv-kd3:5.8.27	So ce bhikkhūnaṁ santike dūtaṁ pahiṇeyya—
pli-tv-kd3:5.8.28	‘āgacchantu bhadantā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.8.29	Sattāhaṁ sannivatto kātabbo.
pli-tv-kd3:5.9.1	Idha pana, bhikkhave, upāsakena attano atthāya nivesanaṁ kārāpitaṁ hoti …pe…
pli-tv-kd3:5.9.2	sayanigharaṁ kārāpitaṁ hoti …
pli-tv-kd3:5.9.3	udosito kārāpito hoti …
pli-tv-kd3:5.9.4	aṭṭo kārāpito hoti …
pli-tv-kd3:5.9.5	māḷo kārāpito hoti …
pli-tv-kd3:5.9.6	āpaṇo kārāpito hoti …
pli-tv-kd3:5.9.7	āpaṇasālā kārāpitā hoti …
pli-tv-kd3:5.9.8	pāsādo kārāpito hoti …
pli-tv-kd3:5.9.9	hammiyaṁ kārāpitaṁ hoti …
pli-tv-kd3:5.9.10	guhā kārāpitā hoti …
pli-tv-kd3:5.9.11	pariveṇaṁ kārāpitaṁ hoti …
pli-tv-kd3:5.9.12	koṭṭhako kārāpito hoti …
pli-tv-kd3:5.9.13	upaṭṭhānasālā kārāpitā hoti …
pli-tv-kd3:5.9.14	aggisālā kārāpitā hoti …
pli-tv-kd3:5.9.15	rasavatī kārāpitā hoti …
pli-tv-kd3:5.9.16	caṅkamo kārāpito hoti …
pli-tv-kd3:5.9.17	caṅkamanasālā kārāpitā hoti …
pli-tv-kd3:5.9.18	udapāno kārāpito hoti …
pli-tv-kd3:5.9.19	udapānasālā kārāpitā hoti …
pli-tv-kd3:5.9.20	pokkharaṇī kārāpitā hoti …
pli-tv-kd3:5.9.21	maṇḍapo kārāpito hoti …
pli-tv-kd3:5.9.22	ārāmo kārāpito hoti …
pli-tv-kd3:5.9.23	ārāmavatthu kārāpitaṁ hoti …
pli-tv-kd3:5.9.24	puttassa vā vāreyyaṁ hoti …
pli-tv-kd3:5.9.25	dhītuyā vā vāreyyaṁ hoti …
pli-tv-kd3:5.9.26	gilāno vā hoti …
pli-tv-kd3:5.9.27	abhiññātaṁ vā suttantaṁ bhaṇati.
pli-tv-kd3:5.9.28	So ce bhikkhūnaṁ santike dūtaṁ pahiṇeyya—
pli-tv-kd3:5.9.29	‘āgacchantu bhadantā, imaṁ suttantaṁ pariyāpuṇissanti, purāyaṁ suttanto palujjatī’ti.
pli-tv-kd3:5.9.30	Aññataraṁ vā panassa kiccaṁ hoti—karaṇīyaṁ vā, so ce bhikkhūnaṁ santike dūtaṁ pahiṇeyya—
pli-tv-kd3:5.9.31	‘āgacchantu bhadantā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.9.32	Sattāhaṁ sannivatto kātabbo.
pli-tv-kd3:5.10.0	
pli-tv-kd3:5.10.1	Idha pana, bhikkhave, upāsikāya saṅghaṁ uddissa vihāro kārāpito hoti.
pli-tv-kd3:5.10.2	Sā ce bhikkhūnaṁ santike dūtaṁ pahiṇeyya—
pli-tv-kd3:5.10.3	‘āgacchantu ayyā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.10.4	Sattāhaṁ sannivatto kātabbo.
pli-tv-kd3:5.11.1	Idha pana, bhikkhave, upāsikāya saṅghaṁ uddissa aḍḍhayogo kārāpito hoti …pe…
pli-tv-kd3:5.11.2	pāsādo kārāpito hoti …
pli-tv-kd3:5.11.3	hammiyaṁ kārāpitaṁ hoti …
pli-tv-kd3:5.11.4	guhā kārāpitā hoti …
pli-tv-kd3:5.11.5	pariveṇaṁ kārāpitaṁ hoti …
pli-tv-kd3:5.11.6	koṭṭhako kārāpito hoti …
pli-tv-kd3:5.11.7	upaṭṭhānasālā kārāpitā hoti …
pli-tv-kd3:5.11.8	aggisālā kārāpitā hoti …
pli-tv-kd3:5.11.9	kappiyakuṭi kārāpitā hoti …
pli-tv-kd3:5.11.10	vaccakuṭi kārāpitā hoti …
pli-tv-kd3:5.11.11	caṅkamo kārāpito hoti …
pli-tv-kd3:5.11.12	caṅkamanasālā kārāpitā hoti …
pli-tv-kd3:5.11.13	udapāno kārāpito hoti …
pli-tv-kd3:5.11.14	udapānasālā kārāpitā hoti …
pli-tv-kd3:5.11.15	jantāgharaṁ kārāpitaṁ hoti …
pli-tv-kd3:5.11.16	jantāgharasālā kārāpitā hoti …
pli-tv-kd3:5.11.17	pokkharaṇī kārāpitā hoti …
pli-tv-kd3:5.11.18	maṇḍapo kārāpito hoti …
pli-tv-kd3:5.11.19	ārāmo kārāpito hoti …
pli-tv-kd3:5.11.20	ārāmavatthu kārāpitaṁ hoti.
pli-tv-kd3:5.11.21	Sā ce bhikkhūnaṁ santike dūtaṁ pahiṇeyya—
pli-tv-kd3:5.11.22	‘āgacchantu ayyā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.11.23	Sattāhaṁ sannivatto kātabbo.
pli-tv-kd3:5.12.1	Idha pana, bhikkhave, upāsikāya sambahule bhikkhū uddissa …pe…
pli-tv-kd3:5.12.2	ekaṁ bhikkhuṁ uddissa …pe…
pli-tv-kd3:5.12.3	bhikkhunisaṅghaṁ uddissa …pe…
pli-tv-kd3:5.12.4	sambahulā bhikkhuniyo uddissa …pe…
pli-tv-kd3:5.12.5	ekaṁ bhikkhuniṁ uddissa …pe…
pli-tv-kd3:5.12.6	sambahulā sikkhamānāyo uddissa …pe…
pli-tv-kd3:5.12.7	ekaṁ sikkhamānaṁ uddissa …pe…
pli-tv-kd3:5.12.8	sambahule sāmaṇere uddissa …pe…
pli-tv-kd3:5.12.9	ekaṁ sāmaṇeraṁ uddissa …pe…
pli-tv-kd3:5.12.10	sambahulā sāmaṇeriyo uddissa …pe…
pli-tv-kd3:5.12.11	ekaṁ sāmaṇeriṁ uddissa …pe….
pli-tv-kd3:5.12.12	Idha pana, bhikkhave, upāsikāya attano atthāya nivesanaṁ kārāpitaṁ hoti …pe…
pli-tv-kd3:5.12.13	sayanigharaṁ kārāpitaṁ hoti …
pli-tv-kd3:5.12.14	udosito kārāpito hoti …
pli-tv-kd3:5.12.15	aṭṭo kārāpito hoti …
pli-tv-kd3:5.12.16	māḷo kārāpito hoti …
pli-tv-kd3:5.12.17	āpaṇo kārāpito hoti …
pli-tv-kd3:5.12.18	āpaṇasālā kārāpitā hoti …
pli-tv-kd3:5.12.19	pāsādo kārāpito hoti …
pli-tv-kd3:5.12.20	hammiyaṁ kārāpitaṁ hoti …
pli-tv-kd3:5.12.21	guhā kārāpitā hoti …
pli-tv-kd3:5.12.22	pariveṇaṁ kārāpitaṁ hoti …
pli-tv-kd3:5.12.23	koṭṭhako kārāpito hoti …
pli-tv-kd3:5.12.24	upaṭṭhānasālā kārāpitā hoti …
pli-tv-kd3:5.12.25	aggisālā kārāpitā hoti …
pli-tv-kd3:5.12.26	rasavatī kārāpitā hoti …
pli-tv-kd3:5.12.27	caṅkamo kārāpito hoti …
pli-tv-kd3:5.12.28	caṅkamanasālā kārāpitā hoti …
pli-tv-kd3:5.12.29	udapāno kārāpito hoti …
pli-tv-kd3:5.12.30	udapānasālā kārāpitā hoti …
pli-tv-kd3:5.12.31	pokkharaṇī kārāpitā hoti …
pli-tv-kd3:5.12.32	maṇḍapo kārāpito hoti …
pli-tv-kd3:5.12.33	ārāmo kārāpito hoti …
pli-tv-kd3:5.12.34	ārāmavatthu kārāpitaṁ hoti …
pli-tv-kd3:5.12.35	puttassa vā vāreyyaṁ hoti …
pli-tv-kd3:5.12.36	dhītuyā vā vāreyyaṁ hoti …
pli-tv-kd3:5.12.37	gilānā vā hoti …
pli-tv-kd3:5.12.38	abhiññātaṁ vā suttantaṁ bhaṇati.
pli-tv-kd3:5.12.39	Sā ce bhikkhūnaṁ santike dūtaṁ pahiṇeyya—
pli-tv-kd3:5.12.40	‘āgacchantu ayyā, imaṁ suttantaṁ pariyāpuṇissanti, purāyaṁ suttanto palujjatī’ti.
pli-tv-kd3:5.12.41	Aññataraṁ vā panassā kiccaṁ hoti karaṇīyaṁ vā, sā ce bhikkhūnaṁ santike dūtaṁ pahiṇeyya—
pli-tv-kd3:5.12.42	‘āgacchantu ayyā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.12.43	Sattāhaṁ sannivatto kātabbo.
pli-tv-kd3:5.13.0	
pli-tv-kd3:5.13.1	Idha pana, bhikkhave, bhikkhunā saṅghaṁ uddissa …pe…
pli-tv-kd3:5.13.2	bhikkhuniyā saṅghaṁ uddissa …
pli-tv-kd3:5.13.3	sikkhamānāya saṅghaṁ uddissa …
pli-tv-kd3:5.13.4	sāmaṇerena saṅghaṁ uddissa …
pli-tv-kd3:5.13.5	sāmaṇeriyā saṅghaṁ uddissa …
pli-tv-kd3:5.13.6	sambahule bhikkhū uddissa …
pli-tv-kd3:5.13.7	ekaṁ bhikkhuṁ uddissa …
pli-tv-kd3:5.13.8	bhikkhunisaṅghaṁ uddissa …
pli-tv-kd3:5.13.9	sambahulā bhikkhuniyo uddissa …
pli-tv-kd3:5.13.10	ekaṁ bhikkhuniṁ uddissa …
pli-tv-kd3:5.13.11	sambahulā sikkhamānāyo uddissa …
pli-tv-kd3:5.13.12	ekaṁ sikkhamānaṁ uddissa …
pli-tv-kd3:5.13.13	sambahule sāmaṇere uddissa …
pli-tv-kd3:5.13.14	ekaṁ sāmaṇeraṁ uddissa …
pli-tv-kd3:5.13.15	sambahulā sāmaṇeriyo uddissa …
pli-tv-kd3:5.13.16	ekaṁ sāmaṇeriṁ uddissa …
pli-tv-kd3:5.13.17	attano atthāya vihāro kārāpito hoti …pe…
pli-tv-kd3:5.13.18	aḍḍhayogo kārāpito hoti …
pli-tv-kd3:5.13.19	pāsādo kārāpito hoti …
pli-tv-kd3:5.13.20	hammiyaṁ kārāpitaṁ hoti …
pli-tv-kd3:5.13.21	guhā kārāpitā hoti …
pli-tv-kd3:5.13.22	pariveṇaṁ kārāpitaṁ hoti …
pli-tv-kd3:5.13.23	koṭṭhako kārāpito hoti …
pli-tv-kd3:5.13.24	upaṭṭhānasālā kārāpitā hoti …
pli-tv-kd3:5.13.25	aggisālā kārāpitā hoti …
pli-tv-kd3:5.13.26	kappiyakuṭi kārāpitā hoti …
pli-tv-kd3:5.13.27	caṅkamo kārāpito hoti …
pli-tv-kd3:5.13.28	caṅkamanasālā kārāpitā hoti …
pli-tv-kd3:5.13.29	udapāno kārāpito hoti …
pli-tv-kd3:5.13.30	udapānasālā kārāpitā hoti …
pli-tv-kd3:5.13.31	pokkharaṇī kārāpitā hoti …
pli-tv-kd3:5.13.32	maṇḍapo kārāpito hoti …
pli-tv-kd3:5.13.33	ārāmo kārāpito hoti …
pli-tv-kd3:5.13.34	ārāmavatthu kārāpitaṁ hoti.
pli-tv-kd3:5.13.35	Sā ce bhikkhūnaṁ santike dūtaṁ pahiṇeyya …
pli-tv-kd3:5.13.36	‘āgacchantu ayyā, icchāmi dānañca dātuṁ, dhammañca sotuṁ, bhikkhū ca passitun’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:5.13.37	Sattāhaṁ sannivatto kātabbo”ti.
pli-tv-kd3:6.1.0	4. Pañcannaṁappahitepianujānana
pli-tv-kd3:6.1.1	Tena kho pana samayena aññataro bhikkhu gilāno hoti.
pli-tv-kd3:6.1.2	So bhikkhūnaṁ santike dūtaṁ pāhesi—
pli-tv-kd3:6.1.3	“ahañhi gilāno, āgacchantu bhikkhū, icchāmi bhikkhūnaṁ āgatan”ti.
pli-tv-kd3:6.1.4	Bhagavato etamatthaṁ ārocesuṁ.
pli-tv-kd3:6.1.5	“Anujānāmi, bhikkhave, pañcannaṁ sattāhakaraṇīyena appahitepi gantuṁ, pageva pahite.
pli-tv-kd3:6.1.6	Bhikkhussa, bhikkhuniyā, sikkhamānāya, sāmaṇerassa, sāmaṇeriyā—
pli-tv-kd3:6.1.7	anujānāmi, bhikkhave, imesaṁ pañcannaṁ sattāhakaraṇīyena appahitepi gantuṁ, pageva pahite.
pli-tv-kd3:6.1.8	Sattāhaṁ sannivatto kātabbo.
pli-tv-kd3:6.2.0	
pli-tv-kd3:6.2.1	Idha pana, bhikkhave, bhikkhu gilāno hoti.
pli-tv-kd3:6.2.2	So ce bhikkhūnaṁ santike dūtaṁ pahiṇeyya—
pli-tv-kd3:6.2.3	‘ahañhi gilāno, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.2.4	‘gilānabhattaṁ vā pariyesissāmi, gilānupaṭṭhākabhattaṁ vā pariyesissāmi, gilānabhesajjaṁ vā pariyesissāmi, pucchissāmi vā, upaṭṭhahissāmi vā’ti.
pli-tv-kd3:6.2.5	Sattāhaṁ sannivatto kātabbo.
pli-tv-kd3:6.3.1	Idha pana, bhikkhave, bhikkhussa anabhirati uppannā hoti.
pli-tv-kd3:6.3.2	So ce bhikkhūnaṁ santike dūtaṁ pahiṇeyya—
pli-tv-kd3:6.3.3	‘anabhirati me uppannā, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.3.4	‘anabhirataṁ vūpakāsessāmi vā, vūpakāsāpessāmi vā, dhammakathaṁ vāssa karissāmī’ti.
pli-tv-kd3:6.3.5	Sattāhaṁ sannivatto kātabbo.
pli-tv-kd3:6.4.1	Idha pana, bhikkhave, bhikkhussa kukkuccaṁ uppannaṁ hoti.
pli-tv-kd3:6.4.2	So ce bhikkhūnaṁ santike dūtaṁ pahiṇeyya—
pli-tv-kd3:6.4.3	‘kukkuccaṁ me uppannaṁ, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.4.4	‘kukkuccaṁ vinodessāmi vā, vinodāpessāmi vā, dhammakathaṁ vāssa karissāmī’ti.
pli-tv-kd3:6.4.5	Sattāhaṁ sannivatto kātabbo.
pli-tv-kd3:6.5.1	Idha pana, bhikkhave, bhikkhussa diṭṭhigataṁ uppannaṁ hoti.
pli-tv-kd3:6.5.2	So ce bhikkhūnaṁ santike dūtaṁ pahiṇeyya—
pli-tv-kd3:6.5.3	‘diṭṭhigataṁ me uppannaṁ, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.5.4	‘diṭṭhigataṁ vivecessāmi vā, vivecāpessāmi vā, dhammakathaṁ vāssa karissāmī’ti.
pli-tv-kd3:6.5.5	Sattāhaṁ sannivatto kātabbo.
pli-tv-kd3:6.6.1	Idha pana, bhikkhave, bhikkhu garudhammaṁ ajjhāpanno hoti parivāsāraho.
pli-tv-kd3:6.6.2	So ce bhikkhūnaṁ santike dūtaṁ pahiṇeyya—
pli-tv-kd3:6.6.3	‘ahañhi garudhammaṁ ajjhāpanno parivāsāraho, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.6.4	‘parivāsadānaṁ ussukkaṁ karissāmi vā, anussāvessāmi vā, gaṇapūrako vā bhavissāmī’ti.
pli-tv-kd3:6.6.5	Sattāhaṁ sannivatto kātabbo.
pli-tv-kd3:6.7.1	Idha pana, bhikkhave, bhikkhu mūlāyapaṭikassanāraho hoti.
pli-tv-kd3:6.7.2	So ce bhikkhūnaṁ santike dūtaṁ pahiṇeyya—
pli-tv-kd3:6.7.3	‘ahañhi mūlāyapaṭikassanāraho, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.7.4	‘mūlāya paṭikassanaṁ ussukkaṁ karissāmi vā, anussāvessāmi vā, gaṇapūrako vā bhavissāmī’ti.
pli-tv-kd3:6.7.5	Sattāhaṁ sannivatto kātabbo.
pli-tv-kd3:6.8.1	Idha pana, bhikkhave, bhikkhu mānattāraho hoti.
pli-tv-kd3:6.8.2	So ce bhikkhūnaṁ santike dūtaṁ pahiṇeyya—
pli-tv-kd3:6.8.3	‘ahañhi mānattāraho, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.8.4	‘mānattadānaṁ ussukkaṁ karissāmi vā, anussāvessāmi vā, gaṇapūrako vā bhavissāmī’ti.
pli-tv-kd3:6.8.5	Sattāhaṁ sannivatto kātabbo.
pli-tv-kd3:6.9.1	Idha pana, bhikkhave, bhikkhu abbhānāraho hoti.
pli-tv-kd3:6.9.2	So ce bhikkhūnaṁ santike dūtaṁ pahiṇeyya—
pli-tv-kd3:6.9.3	‘ahañhi abbhānāraho, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.9.4	‘abbhānaṁ ussukkaṁ karissāmi vā, anussāvessāmi vā, gaṇapūrako vā bhavissāmī’ti.
pli-tv-kd3:6.9.5	Sattāhaṁ sannivatto kātabbo.
pli-tv-kd3:6.10.1	Idha pana, bhikkhave, bhikkhussa saṅgho kammaṁ kattukāmo hoti tajjanīyaṁ vā, niyassaṁ vā, pabbājanīyaṁ vā, paṭisāraṇīyaṁ vā, ukkhepanīyaṁ vā.
pli-tv-kd3:6.10.2	So ce bhikkhūnaṁ santike dūtaṁ pahiṇeyya—
pli-tv-kd3:6.10.3	‘saṅgho me kammaṁ kattukāmo, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.10.4	‘kinti nu kho saṅgho kammaṁ na kareyya, lahukāya vā pariṇāmeyyā’ti.
pli-tv-kd3:6.10.5	Sattāhaṁ sannivatto kātabbo.
pli-tv-kd3:6.11.1	Kataṁ vā panassa hoti saṅghena kammaṁ tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā.
pli-tv-kd3:6.11.2	So ce bhikkhūnaṁ santike dūtaṁ pahiṇeyya—
pli-tv-kd3:6.11.3	‘saṅgho me kammaṁ akāsi, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.11.4	‘kinti nu kho sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyā’ti.
pli-tv-kd3:6.11.5	Sattāhaṁ sannivatto kātabbo.
pli-tv-kd3:6.12.0	
pli-tv-kd3:6.12.1	Idha pana, bhikkhave, bhikkhunī gilānā hoti.
pli-tv-kd3:6.12.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.12.3	‘ahañhi gilānā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.12.4	‘gilānabhattaṁ vā pariyesissāmi, gilānupaṭṭhākabhattaṁ vā pariyesissāmi, gilānabhesajjaṁ vā pariyesissāmi, pucchissāmi vā, upaṭṭhahissāmi vā’ti.
pli-tv-kd3:6.12.5	Sattāhaṁ sannivatto kātabbo.
pli-tv-kd3:6.13.1	Idha pana, bhikkhave, bhikkhuniyā anabhirati uppannā hoti.
pli-tv-kd3:6.13.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.13.3	‘anabhirati me uppannā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.13.4	‘anabhirataṁ vūpakāsessāmi vā, vūpakāsāpessāmi vā, dhammakathaṁ vāssā karissāmī’ti.
pli-tv-kd3:6.13.5	Sattāhaṁ sannivatto kātabbo.
pli-tv-kd3:6.14.1	Idha pana, bhikkhave, bhikkhuniyā kukkuccaṁ uppannaṁ hoti.
pli-tv-kd3:6.14.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.14.3	‘kukkuccaṁ me uppannaṁ, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.14.4	‘kukkuccaṁ vinodessāmi vā, vinodāpessāmi vā, dhammakathaṁ vāssā karissāmī’ti.
pli-tv-kd3:6.14.5	Sattāhaṁ sannivatto kātabbo.
pli-tv-kd3:6.15.1	Idha pana, bhikkhave, bhikkhuniyā diṭṭhigataṁ uppannaṁ hoti.
pli-tv-kd3:6.15.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.15.3	‘diṭṭhigataṁ me uppannaṁ, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.15.4	‘diṭṭhigataṁ vivecessāmi vā, vivecāpessāmi vā, dhammakathaṁ vāssā karissāmī’ti.
pli-tv-kd3:6.15.5	Sattāhaṁ sannivatto kātabbo.
pli-tv-kd3:6.16.1	Idha pana, bhikkhave, bhikkhunī garudhammaṁ ajjhāpannā hoti mānattārahā.
pli-tv-kd3:6.16.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.16.3	‘ahañhi garudhammaṁ ajjhāpannā mānattārahā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.16.4	‘mānattadānaṁ ussukkaṁ karissāmī’ti.
pli-tv-kd3:6.16.5	Sattāhaṁ sannivatto kātabbo.
pli-tv-kd3:6.17.1	Idha pana, bhikkhave, bhikkhunī mūlāya paṭikassanārahā hoti.
pli-tv-kd3:6.17.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.17.3	‘ahañhi mūlāya paṭikassanārahā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.17.4	‘mūlāya paṭikassanaṁ ussukkaṁ karissāmī’ti.
pli-tv-kd3:6.17.5	Sattāhaṁ sannivatto kātabbo.
pli-tv-kd3:6.18.1	Idha pana, bhikkhave, bhikkhunī abbhānārahā hoti.
pli-tv-kd3:6.18.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.18.3	‘ahañhi abbhānārahā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.18.4	‘abbhānaṁ ussukkaṁ karissāmī’ti.
pli-tv-kd3:6.18.5	Sattāhaṁ sannivatto kātabbo.
pli-tv-kd3:6.19.1	Idha pana, bhikkhave, bhikkhuniyā saṅgho kammaṁ kattukāmo hoti—
pli-tv-kd3:6.19.2	tajjanīyaṁ vā, niyassaṁ vā, pabbājanīyaṁ vā, paṭisāraṇīyaṁ vā, ukkhepanīyaṁ vā.
pli-tv-kd3:6.19.3	Sā ce bhikkhūnaṁ santike dūtaṁ pahiṇeyya—
pli-tv-kd3:6.19.4	‘saṅgho me kammaṁ kattukāmo, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.19.5	‘kinti nu kho saṅgho kammaṁ na kareyya, lahukāya vā pariṇāmeyyā’ti.
pli-tv-kd3:6.19.6	Sattāhaṁ sannivatto kātabbo.
pli-tv-kd3:6.20.1	Kataṁ vā panassā hoti saṅghena kammaṁ—
pli-tv-kd3:6.20.2	tajjanīyaṁ vā, niyassaṁ vā, pabbājanīyaṁ vā, paṭisāraṇīyaṁ vā, ukkhepanīyaṁ vā.
pli-tv-kd3:6.20.3	Sā ce bhikkhūnaṁ santike dūtaṁ pahiṇeyya—
pli-tv-kd3:6.20.4	‘saṅgho me kammaṁ akāsi, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.20.5	‘kinti nu kho sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyā’ti.
pli-tv-kd3:6.20.6	Sattāhaṁ sannivatto kātabbo.
pli-tv-kd3:6.21.0	
pli-tv-kd3:6.21.1	Idha pana, bhikkhave, sikkhamānā gilānā hoti.
pli-tv-kd3:6.21.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.21.3	‘ahañhi gilānā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.21.4	‘gilānabhattaṁ vā pariyesissāmi, gilānupaṭṭhākabhattaṁ vā pariyesissāmi, gilānabhesajjaṁ vā pariyesissāmi, pucchissāmi vā, upaṭṭhahissāmi vā’ti.
pli-tv-kd3:6.21.5	Sattāhaṁ sannivatto kātabbo.
pli-tv-kd3:6.22.1	Idha pana, bhikkhave, sikkhamānāya anabhirati uppannā hoti …pe…
pli-tv-kd3:6.22.2	sikkhamānāya kukkuccaṁ uppannaṁ hoti …
pli-tv-kd3:6.22.3	sikkhamānāya diṭṭhigataṁ uppannaṁ hoti …
pli-tv-kd3:6.22.4	sikkhamānāya sikkhā kupitā hoti.
pli-tv-kd3:6.22.5	Sā ce bhikkhūnaṁ santike dūtaṁ pahiṇeyya—
pli-tv-kd3:6.22.6	‘sikkhā me kupitā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.22.7	‘sikkhāsamādānaṁ ussukkaṁ karissāmī’ti.
pli-tv-kd3:6.22.8	Sattāhaṁ sannivatto kātabbo.
pli-tv-kd3:6.23.1	Idha pana, bhikkhave, sikkhamānā upasampajjitukāmā hoti.
pli-tv-kd3:6.23.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.23.3	‘ahañhi upasampajjitukāmā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.23.4	‘upasampadaṁ ussukkaṁ karissāmi vā, anussāvessāmi vā, gaṇapūrako vā bhavissāmī’ti.
pli-tv-kd3:6.23.5	Sattāhaṁ sannivatto kātabbo.
pli-tv-kd3:6.24.1	Idha pana, bhikkhave, sāmaṇero gilāno hoti.
pli-tv-kd3:6.24.2	So ce bhikkhūnaṁ santike dūtaṁ pahiṇeyya—
pli-tv-kd3:6.24.3	‘ahañhi gilāno, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.24.4	‘gilānabhattaṁ vā pariyesissāmi, gilānupaṭṭhākabhattaṁ vā pariyesissāmi, gilānabhesajjaṁ vā pariyesissāmi, pucchissāmi vā, upaṭṭhahissāmi vā’ti.
pli-tv-kd3:6.24.5	Sattāhaṁ sannivatto kātabbo.
pli-tv-kd3:6.25.1	Idha pana, bhikkhave, sāmaṇerassa anabhirati uppannā hoti …pe…
pli-tv-kd3:6.25.2	sāmaṇerassa kukkuccaṁ uppannaṁ hoti …
pli-tv-kd3:6.25.3	sāmaṇerassa diṭṭhigataṁ uppannaṁ hoti …
pli-tv-kd3:6.25.4	sāmaṇero vassaṁ pucchitukāmo hoti.
pli-tv-kd3:6.25.5	So ce bhikkhūnaṁ santike dūtaṁ pahiṇeyya—
pli-tv-kd3:6.25.6	‘ahañhi vassaṁ pucchitukāmo, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.25.7	‘pucchissāmi vā, ācikkhissāmi vā’ti.
pli-tv-kd3:6.25.8	Sattāhaṁ sannivatto kātabbo.
pli-tv-kd3:6.26.1	Idha pana, bhikkhave, sāmaṇero upasampajjitukāmo hoti.
pli-tv-kd3:6.26.2	So ce bhikkhūnaṁ santike dūtaṁ pahiṇeyya—
pli-tv-kd3:6.26.3	‘ahañhi upasampajjitukāmo, āgacchantu bhikkhū, icchāmi bhikkhūnaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.26.4	‘upasampadaṁ ussukkaṁ karissāmi vā, anussāvessāmi vā, gaṇapūrako vā bhavissāmī’ti.
pli-tv-kd3:6.26.5	Sattāhaṁ sannivatto kātabbo.
pli-tv-kd3:6.27.1	Idha pana, bhikkhave, sāmaṇerī gilānā hoti.
pli-tv-kd3:6.27.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.27.3	‘ahañhi gilānā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.27.4	‘gilānabhattaṁ vā pariyesissāmi, gilānupaṭṭhākabhattaṁ vā pariyesissāmi, gilānabhesajjaṁ vā pariyesissāmi, pucchissāmi vā, upaṭṭhahissāmi vā’ti.
pli-tv-kd3:6.27.5	Sattāhaṁ sannivatto kātabbo.
pli-tv-kd3:6.28.1	Idha pana, bhikkhave, sāmaṇeriyā anabhirati uppannā hoti …pe…
pli-tv-kd3:6.28.2	sāmaṇeriyā kukkuccaṁ uppannaṁ hoti …
pli-tv-kd3:6.28.3	sāmaṇeriyā diṭṭhigataṁ uppannaṁ hoti …
pli-tv-kd3:6.28.4	sāmaṇerī vassaṁ pucchitukāmā hoti.
pli-tv-kd3:6.28.5	Sā ce bhikkhūnaṁ santike dūtaṁ pahiṇeyya—
pli-tv-kd3:6.28.6	‘ahañhi vassaṁ pucchitukāmā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.28.7	‘pucchissāmi vā, ācikkhissāmi vā’ti.
pli-tv-kd3:6.28.8	Sattāhaṁ sannivatto kātabbo.
pli-tv-kd3:6.29.1	Idha pana, bhikkhave, sāmaṇerī sikkhaṁ samādiyitukāmā hoti.
pli-tv-kd3:6.29.2	Sā ce bhikkhūnaṁ santike dūtaṁ pahiṇeyya—
pli-tv-kd3:6.29.3	‘ahañhi sikkhaṁ samādiyitukāmā, āgacchantu ayyā, icchāmi ayyānaṁ āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:6.29.4	‘sikkhāsamādānaṁ ussukkaṁ karissāmī’ti.
pli-tv-kd3:6.29.5	Sattāhaṁ sannivatto kātabbo”ti.
pli-tv-kd3:7.1.0	5. Sattannaṁappahitepianujānana
pli-tv-kd3:7.1.1	Tena kho pana samayena aññatarassa bhikkhuno mātā gilānā hoti.
pli-tv-kd3:7.1.2	Sā puttassa santike dūtaṁ pāhesi—
pli-tv-kd3:7.1.3	“ahañhi gilānā, āgacchatu me putto, icchāmi puttassa āgatan”ti.
pli-tv-kd3:7.1.4	Atha kho tassa bhikkhuno etadahosi—
pli-tv-kd3:7.1.5	“bhagavatā paññattaṁ—
pli-tv-kd3:7.1.6	‘sattannaṁ sattāhakaraṇīyena pahite gantuṁ, na tveva appahite;
pli-tv-kd3:7.1.7	pañcannaṁ sattāhakaraṇīyena appahitepi gantuṁ, pageva pahite’ti.
pli-tv-kd3:7.1.8	Ayañca me mātā gilānā, sā ca anupāsikā, kathaṁ nu kho mayā paṭipajjitabban”ti?
pli-tv-kd3:7.1.9	Bhagavato etamatthaṁ ārocesuṁ.
pli-tv-kd3:7.2.1	“Anujānāmi, bhikkhave, sattannaṁ sattāhakaraṇīyena appahitepi gantuṁ, pageva pahite.
pli-tv-kd3:7.2.2	Bhikkhussa, bhikkhuniyā, sikkhamānāya, sāmaṇerassa, sāmaṇeriyā, mātuyā ca pitussa ca—
pli-tv-kd3:7.2.3	anujānāmi, bhikkhave, imesaṁ sattannaṁ sattāhakaraṇīyena appahitepi gantuṁ, pageva pahite.
pli-tv-kd3:7.2.4	Sattāhaṁ sannivatto kātabbo.
pli-tv-kd3:7.3.1	Idha pana, bhikkhave, bhikkhussa mātā gilānā hoti.
pli-tv-kd3:7.3.2	Sā ce puttassa santike dūtaṁ pahiṇeyya—
pli-tv-kd3:7.3.3	‘ahañhi gilānā, āgacchatu me putto, icchāmi puttassa āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:7.3.4	‘gilānabhattaṁ vā pariyesissāmi, gilānupaṭṭhākabhattaṁ vā pariyesissāmi, gilānabhesajjaṁ vā pariyesissāmi, pucchissāmi vā, upaṭṭhahissāmi vā’ti.
pli-tv-kd3:7.3.5	Sattāhaṁ sannivatto kātabbo.
pli-tv-kd3:7.4.1	Idha pana, bhikkhave, bhikkhussa pitā gilāno hoti.
pli-tv-kd3:7.4.2	So ce puttassa santike dūtaṁ pahiṇeyya—
pli-tv-kd3:7.4.3	‘ahañhi gilāno, āgacchatu me putto, icchāmi puttassa āgatan’ti, gantabbaṁ, bhikkhave, sattāhakaraṇīyena, appahitepi, pageva pahite—
pli-tv-kd3:7.4.4	‘gilānabhattaṁ vā pariyesissāmi, gilānupaṭṭhākabhattaṁ vā pariyesissāmi, gilānabhesajjaṁ vā pariyesissāmi, pucchissāmi vā, upaṭṭhahissāmi vā’ti.
pli-tv-kd3:7.4.5	Sattāhaṁ sannivatto kātabbo.
pli-tv-kd3:7.5.0	6. Pahiteyevaanujānana
pli-tv-kd3:7.5.1	Idha pana, bhikkhave, bhikkhussa bhātā gilāno hoti.
pli-tv-kd3:7.5.2	So ce bhātuno santike dūtaṁ pahiṇeyya—
pli-tv-kd3:7.5.3	‘ahañhi gilāno, āgacchatu me bhātā, icchāmi bhātuno āgatan’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:7.5.4	Sattāhaṁ sannivatto kātabbo.
pli-tv-kd3:7.6.1	Idha pana, bhikkhave, bhikkhussa bhaginī gilānā hoti.
pli-tv-kd3:7.6.2	Sā ce bhātuno santike dūtaṁ pahiṇeyya—
pli-tv-kd3:7.6.3	‘ahañhi gilānā, āgacchatu me bhātā, icchāmi bhātuno āgatan’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:7.6.4	Sattāhaṁ sannivatto kātabbo.
pli-tv-kd3:7.7.1	Idha pana, bhikkhave, bhikkhussa ñātako gilāno hoti.
pli-tv-kd3:7.7.2	So ce bhikkhussa santike dūtaṁ pahiṇeyya—
pli-tv-kd3:7.7.3	‘ahañhi gilāno, āgacchatu bhadanto, icchāmi bhadantassa āgatan’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:7.7.4	Sattāhaṁ sannivatto kātabbo.
pli-tv-kd3:7.8.1	Idha pana, bhikkhave, bhikkhugatiko gilāno hoti.
pli-tv-kd3:7.8.2	So ce bhikkhūnaṁ santike dūtaṁ pahiṇeyya—
pli-tv-kd3:7.8.3	‘ahañhi gilāno, āgacchantu bhadantā, icchāmi bhadantānaṁ āgatan’ti, gantabbaṁ, bhikkhave, sattāhakaraṇīyena, pahite, na tveva appahite.
pli-tv-kd3:7.8.4	Sattāhaṁ sannivatto kātabbo”ti.
pli-tv-kd3:8.1.1	Tena kho pana samayena saṅghassa vihāro undriyati.
pli-tv-kd3:8.1.2	Aññatarena upāsakena araññe bhaṇḍaṁ chedāpitaṁ hoti.
pli-tv-kd3:8.1.3	So bhikkhūnaṁ santike dūtaṁ pāhesi—
pli-tv-kd3:8.1.4	“sace bhadantā taṁ bhaṇḍaṁ āvahāpeyyuṁ, dajjāhaṁ taṁ bhaṇḍan”ti.
pli-tv-kd3:8.1.5	Bhagavato etamatthaṁ ārocesuṁ.
pli-tv-kd3:8.1.6	“Anujānāmi, bhikkhave, saṅghakaraṇīyena gantuṁ.
pli-tv-kd3:8.1.7	Sattāhaṁ sannivatto kātabbo”ti.
pli-tv-kd3:8.1.8	Vassāvāsabhāṇavāro niṭṭhito.
pli-tv-kd3:9.1.0	7. Antarāyeanāpattivassacchedavāra
pli-tv-kd3:9.1.1	Tena kho pana samayena kosalesu janapade aññatarasmiṁ āvāse vassūpagatā bhikkhū vāḷehi ubbāḷhā honti.
pli-tv-kd3:9.1.2	Gaṇhiṁsupi paripātiṁsupi.
pli-tv-kd3:9.1.3	Bhagavato etamatthaṁ ārocesuṁ.
pli-tv-kd3:9.1.4	“Idha pana, bhikkhave, vassūpagatā bhikkhū vāḷehi ubbāḷhā honti.
pli-tv-kd3:9.1.5	Gaṇhantipi paripātentipi.
pli-tv-kd3:9.1.6	Eseva antarāyoti pakkamitabbaṁ.
pli-tv-kd3:9.1.7	Anāpatti vassacchedassa.
pli-tv-kd3:9.1.8	Idha pana, bhikkhave, vassūpagatā bhikkhū sarīsapehi ubbāḷhā honti.
pli-tv-kd3:9.1.9	Ḍaṁsantipi paripātentipi.
pli-tv-kd3:9.1.10	Eseva antarāyoti pakkamitabbaṁ.
pli-tv-kd3:9.1.11	Anāpatti vassacchedassa.
pli-tv-kd3:9.2.1	Idha pana, bhikkhave, vassūpagatā bhikkhū corehi ubbāḷhā honti.
pli-tv-kd3:9.2.2	Vilumpantipi ākoṭentipi.
pli-tv-kd3:9.2.3	Eseva antarāyoti pakkamitabbaṁ.
pli-tv-kd3:9.2.4	Anāpatti vassacchedassa.
pli-tv-kd3:9.2.5	Idha pana, bhikkhave, vassūpagatā bhikkhū pisācehi ubbāḷhā honti.
pli-tv-kd3:9.2.6	Āvisantipi hanantipi.
pli-tv-kd3:9.2.7	Eseva antarāyoti pakkamitabbaṁ.
pli-tv-kd3:9.2.8	Anāpatti vassacchedassa.
pli-tv-kd3:9.3.1	Idha pana, bhikkhave, vassūpagatānaṁ bhikkhūnaṁ gāmo agginā daḍḍho hoti.
pli-tv-kd3:9.3.2	Bhikkhū piṇḍakena kilamanti.
pli-tv-kd3:9.3.3	Eseva antarāyoti pakkamitabbaṁ.
pli-tv-kd3:9.3.4	Anāpatti vassacchedassa.
pli-tv-kd3:9.3.5	Idha pana, bhikkhave, vassūpagatānaṁ bhikkhūnaṁ senāsanaṁ agginā daḍḍhaṁ hoti.
pli-tv-kd3:9.3.6	Bhikkhū senāsanena kilamanti.
pli-tv-kd3:9.3.7	Eseva antarāyoti pakkamitabbaṁ.
pli-tv-kd3:9.3.8	Anāpatti vassacchedassa.
pli-tv-kd3:9.4.1	Idha pana, bhikkhave, vassūpagatānaṁ bhikkhūnaṁ gāmo udakena vūḷho hoti.
pli-tv-kd3:9.4.2	Bhikkhū piṇḍakena kilamanti.
pli-tv-kd3:9.4.3	Eseva antarāyoti pakkamitabbaṁ.
pli-tv-kd3:9.4.4	Anāpatti vassacchedassa.
pli-tv-kd3:9.4.5	Idha pana, bhikkhave, vassūpagatānaṁ bhikkhūnaṁ senāsanaṁ udakena vūḷhaṁ hoti.
pli-tv-kd3:9.4.6	Bhikkhū senāsanena kilamanti.
pli-tv-kd3:9.4.7	Eseva antarāyoti pakkamitabbaṁ.
pli-tv-kd3:9.4.8	Anāpatti vassacchedassā”ti.
pli-tv-kd3:10.1.1	Tena kho pana samayena aññatarasmiṁ āvāse vassūpagatānaṁ bhikkhūnaṁ gāmo corehi vuṭṭhāsi.
pli-tv-kd3:10.1.2	Bhagavato etamatthaṁ ārocesuṁ.
pli-tv-kd3:10.1.3	“Anujānāmi, bhikkhave, yena gāmo tena gantun”ti.
pli-tv-kd3:10.1.4	Gāmo dvedhā bhijjittha.
pli-tv-kd3:10.1.5	Bhagavato etamatthaṁ ārocesuṁ.
pli-tv-kd3:10.1.6	“Anujānāmi, bhikkhave, yena bahutarā tena gantun”ti.
pli-tv-kd3:10.1.7	Bahutarā assaddhā honti appasannā.
pli-tv-kd3:10.1.8	Bhagavato etamatthaṁ ārocesuṁ.
pli-tv-kd3:10.1.9	“Anujānāmi, bhikkhave, yena saddhā pasannā tena gantun”ti.
pli-tv-kd3:11.1.1	Tena kho pana samayena kosalesu janapade aññatarasmiṁ āvāse vassūpagatā bhikkhū na labhiṁsu lūkhassa vā paṇītassa vā bhojanassa yāvadatthaṁ pāripūriṁ.
pli-tv-kd3:11.1.2	Bhagavato etamatthaṁ ārocesuṁ.
pli-tv-kd3:11.1.3	“Idha pana, bhikkhave, vassūpagatā bhikkhū na labhanti lūkhassa vā paṇītassa vā bhojanassa yāvadatthaṁ pāripūriṁ.
pli-tv-kd3:11.1.4	Eseva antarāyoti pakkamitabbaṁ.
pli-tv-kd3:11.1.5	Anāpatti vassacchedassa.
pli-tv-kd3:11.1.6	Idha pana, bhikkhave, vassūpagatā bhikkhū labhanti lūkhassa vā paṇītassa vā bhojanassa yāvadatthaṁ pāripūriṁ, na labhanti sappāyāni bhojanāni.
pli-tv-kd3:11.1.7	Eseva antarāyoti pakkamitabbaṁ.
pli-tv-kd3:11.1.8	Anāpatti vassacchedassa.
pli-tv-kd3:11.2.1	Idha pana, bhikkhave, vassūpagatā bhikkhū labhanti lūkhassa vā paṇītassa vā bhojanassa yāvadatthaṁ pāripūriṁ, labhanti sappāyāni bhojanāni, na labhanti sappāyāni bhesajjāni.
pli-tv-kd3:11.2.2	Eseva antarāyoti pakkamitabbaṁ.
pli-tv-kd3:11.2.3	Anāpatti vassacchedassa.
pli-tv-kd3:11.2.4	Idha pana, bhikkhave, vassūpagatā bhikkhū labhanti lūkhassa vā paṇītassa vā bhojanassa yāvadatthaṁ pāripūriṁ, labhanti sappāyāni bhojanāni, labhanti sappāyāni bhesajjāni, na labhanti patirūpaṁ upaṭṭhākaṁ.
pli-tv-kd3:11.2.5	Eseva antarāyoti pakkamitabbaṁ.
pli-tv-kd3:11.2.6	Anāpatti vassacchedassa.
pli-tv-kd3:11.3.1	Idha pana, bhikkhave, vassūpagataṁ bhikkhuṁ itthī nimanteti—
pli-tv-kd3:11.3.2	‘ehi, bhante, hiraññaṁ vā te demi, suvaṇṇaṁ vā te demi, khettaṁ vā te demi, vatthuṁ vā te demi, gāvuṁ vā te demi, gāviṁ vā te demi, dāsaṁ vā te demi, dāsiṁ vā te demi, dhītaraṁ vā te demi bhariyatthāya, ahaṁ vā te bhariyā homi, aññaṁ vā te bhariyaṁ ānemī’ti.
pli-tv-kd3:11.3.3	Tatra ce bhikkhuno evaṁ hoti—
pli-tv-kd3:11.3.4	‘lahuparivattaṁ kho cittaṁ vuttaṁ bhagavatā, siyāpi me brahmacariyassa antarāyo’ti, pakkamitabbaṁ.
pli-tv-kd3:11.3.5	Anāpatti vassacchedassa.
pli-tv-kd3:11.4.1	Idha pana, bhikkhave, vassūpagataṁ bhikkhuṁ vesī nimanteti …pe…
pli-tv-kd3:11.4.2	thullakumārī nimanteti …
pli-tv-kd3:11.4.3	paṇḍako nimanteti …
pli-tv-kd3:11.4.4	ñātakā nimantenti …
pli-tv-kd3:11.4.5	rājāno nimantenti …
pli-tv-kd3:11.4.6	corā nimantenti …
pli-tv-kd3:11.4.7	dhuttā nimantenti—
pli-tv-kd3:11.4.8	‘ehi, bhante, hiraññaṁ vā te dema, suvaṇṇaṁ vā te dema, khettaṁ vā te dema, vatthuṁ vā te dema, gāvuṁ vā te dema, gāviṁ vā te dema, dāsaṁ vā te dema, dāsiṁ vā te dema, dhītaraṁ vā te dema bhariyatthāya, aññaṁ vā te bhariyaṁ ānemā’ti.
pli-tv-kd3:11.4.9	Tatra ce bhikkhuno evaṁ hoti—
pli-tv-kd3:11.4.10	‘lahuparivattaṁ kho cittaṁ vuttaṁ bhagavatā, siyāpi me brahmacariyassa antarāyo’ti, pakkamitabbaṁ.
pli-tv-kd3:11.4.11	Anāpatti vassacchedassa.
pli-tv-kd3:11.4.12	Idha pana, bhikkhave, vassūpagato bhikkhu assāmikaṁ nidhiṁ passati.
pli-tv-kd3:11.4.13	Tatra ce bhikkhuno evaṁ hoti—
pli-tv-kd3:11.4.14	‘lahuparivattaṁ kho cittaṁ vuttaṁ bhagavatā, siyāpi me brahmacariyassa antarāyo’ti, pakkamitabbaṁ.
pli-tv-kd3:11.4.15	Anāpatti vassacchedassa.
pli-tv-kd3:11.5.0.1	8. Saṅghabhedeanāpattivassacchedavāra
pli-tv-kd3:11.5.0.2	
pli-tv-kd3:11.5.1	Idha pana, bhikkhave, vassūpagato bhikkhu passati sambahule bhikkhū saṅghabhedāya parakkamante.
pli-tv-kd3:11.5.2	Tatra ce bhikkhuno evaṁ hoti—
pli-tv-kd3:11.5.3	‘garuko kho saṅghabhedo vutto bhagavatā;
pli-tv-kd3:11.5.4	mā mayi sammukhībhūte saṅgho bhijjī’ti, pakkamitabbaṁ.
pli-tv-kd3:11.5.5	Anāpatti vassacchedassa.
pli-tv-kd3:11.5.6	Idha pana, bhikkhave, vassūpagato bhikkhu suṇāti—
pli-tv-kd3:11.5.7	‘asukasmiṁ kira āvāse sambahulā bhikkhū saṅghabhedāya parakkamantī’ti.
pli-tv-kd3:11.5.8	Tatra ce bhikkhuno evaṁ hoti—
pli-tv-kd3:11.5.9	‘garuko kho saṅghabhedo vutto bhagavatā;
pli-tv-kd3:11.5.10	mā mayi sammukhībhūte saṅgho bhijjī’ti, pakkamitabbaṁ.
pli-tv-kd3:11.5.11	Anāpatti vassacchedassa.
pli-tv-kd3:11.6.1	Idha pana, bhikkhave, vassūpagato bhikkhu suṇāti—
pli-tv-kd3:11.6.2	‘asukasmiṁ kira āvāse sambahulā bhikkhū saṅghabhedāya parakkamantī’ti.
pli-tv-kd3:11.6.3	Tatra ce bhikkhuno evaṁ hoti—
pli-tv-kd3:11.6.4	‘te kho me bhikkhū mittā.
pli-tv-kd3:11.6.5	Tyāhaṁ vakkhāmi “garuko kho, āvuso, saṅghabhedo vutto bhagavatā;
pli-tv-kd3:11.6.6	māyasmantānaṁ saṅghabhedo ruccitthā”ti.
pli-tv-kd3:11.6.7	Karissanti me vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.6.8	Anāpatti vassacchedassa.
pli-tv-kd3:11.7.1	Idha pana, bhikkhave, vassūpagato bhikkhu suṇāti—
pli-tv-kd3:11.7.2	‘asukasmiṁ kira āvāse sambahulā bhikkhū saṅghabhedāya parakkamantī’ti.
pli-tv-kd3:11.7.3	Tatra ce bhikkhuno evaṁ hoti—
pli-tv-kd3:11.7.4	‘te kho me bhikkhū na mittā;
pli-tv-kd3:11.7.5	api ca ye tesaṁ mittā, te me mittā.
pli-tv-kd3:11.7.6	Tyāhaṁ vakkhāmi.
pli-tv-kd3:11.7.7	Te vuttā te vakkhanti “garuko kho, āvuso, saṅghabhedo vutto bhagavatā;
pli-tv-kd3:11.7.8	māyasmantānaṁ saṅghabhedo ruccitthā”ti.
pli-tv-kd3:11.7.9	Karissanti tesaṁ vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.7.10	Anāpatti vassacchedassa.
pli-tv-kd3:11.8.1	Idha pana, bhikkhave, vassūpagato bhikkhu suṇāti—
pli-tv-kd3:11.8.2	‘asukasmiṁ kira āvāse sambahulehi bhikkhūhi saṅgho bhinno’ti.
pli-tv-kd3:11.8.3	Tatra ce bhikkhuno evaṁ hoti—
pli-tv-kd3:11.8.4	‘te kho me bhikkhū mittā.
pli-tv-kd3:11.8.5	Tyāhaṁ vakkhāmi “garuko kho, āvuso, saṅghabhedo vutto bhagavatā;
pli-tv-kd3:11.8.6	māyasmantānaṁ saṅghabhedo ruccitthā”ti.
pli-tv-kd3:11.8.7	Karissanti me vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.8.8	Anāpatti vassacchedassa.
pli-tv-kd3:11.9.1	Idha pana, bhikkhave, vassūpagato bhikkhu suṇāti—
pli-tv-kd3:11.9.2	‘asukasmiṁ kira āvāse sambahulehi bhikkhūhi saṅgho bhinno’ti.
pli-tv-kd3:11.9.3	Tatra ce bhikkhuno evaṁ hoti—
pli-tv-kd3:11.9.4	‘te kho me bhikkhū na mittā;
pli-tv-kd3:11.9.5	api ca ye tesaṁ mittā te me mittā.
pli-tv-kd3:11.9.6	Tyāhaṁ vakkhāmi.
pli-tv-kd3:11.9.7	Te vuttā te vakkhanti “garuko kho, āvuso, saṅghabhedo vutto bhagavatā;
pli-tv-kd3:11.9.8	māyasmantānaṁ saṅghabhedo ruccitthā”ti.
pli-tv-kd3:11.9.9	Karissanti tesaṁ vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.9.10	Anāpatti vassacchedassa.
pli-tv-kd3:11.10.0	
pli-tv-kd3:11.10.1	Idha pana, bhikkhave, vassūpagato bhikkhu suṇāti—
pli-tv-kd3:11.10.2	‘amukasmiṁ kira āvāse sambahulā bhikkhuniyo saṅghabhedāya parakkamantī’ti.
pli-tv-kd3:11.10.3	Tatra ce bhikkhuno evaṁ hoti—
pli-tv-kd3:11.10.4	‘tā kho me bhikkhuniyo mittā.
pli-tv-kd3:11.10.5	Tāhaṁ vakkhāmi “garuko kho, bhaginiyo, saṅghabhedo vutto bhagavatā;
pli-tv-kd3:11.10.6	mā bhaginīnaṁ saṅghabhedo ruccitthā”ti.
pli-tv-kd3:11.10.7	Karissanti me vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.10.8	Anāpatti vassacchedassa.
pli-tv-kd3:11.11.1	Idha pana, bhikkhave, vassūpagato bhikkhu suṇāti—
pli-tv-kd3:11.11.2	‘amukasmiṁ kira āvāse sambahulā bhikkhuniyo saṅghabhedāya parakkamantī’ti.
pli-tv-kd3:11.11.3	Tatra ce bhikkhuno evaṁ hoti—
pli-tv-kd3:11.11.4	‘tā kho me bhikkhuniyo na mittā.
pli-tv-kd3:11.11.5	Api ca yā tāsaṁ mittā, tā me mittā.
pli-tv-kd3:11.11.6	Tāhaṁ vakkhāmi.
pli-tv-kd3:11.11.7	Tā vuttā tā vakkhanti “garuko kho, bhaginiyo, saṅghabhedo vutto bhagavatā.
pli-tv-kd3:11.11.8	Mā bhaginīnaṁ saṅghabhedo ruccitthā”ti.
pli-tv-kd3:11.11.9	Karissanti tāsaṁ vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.11.10	Anāpatti vassacchedassa.
pli-tv-kd3:11.12.1	Idha pana, bhikkhave, vassūpagato bhikkhu suṇāti—
pli-tv-kd3:11.12.2	‘amukasmiṁ kira āvāse sambahulāhi bhikkhunīhi saṅgho bhinno’ti.
pli-tv-kd3:11.12.3	Tatra ce bhikkhuno evaṁ hoti—
pli-tv-kd3:11.12.4	‘tā kho me bhikkhuniyo mittā.
pli-tv-kd3:11.12.5	Tāhaṁ vakkhāmi “garuko kho, bhaginiyo, saṅghabhedo vutto bhagavatā.
pli-tv-kd3:11.12.6	Mā bhaginīnaṁ saṅghabhedo ruccitthā”ti.
pli-tv-kd3:11.12.7	Karissanti me vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.12.8	Anāpatti vassacchedassa.
pli-tv-kd3:11.13.1	Idha pana, bhikkhave, vassūpagato bhikkhu suṇāti—
pli-tv-kd3:11.13.2	‘amukasmiṁ kira āvāse sambahulāhi bhikkhunīhi saṅgho bhinno’ti.
pli-tv-kd3:11.13.3	Tatra ce bhikkhuno evaṁ hoti—
pli-tv-kd3:11.13.4	‘tā kho me bhikkhuniyo na mittā.
pli-tv-kd3:11.13.5	Api ca yā tāsaṁ mittā tā me mittā.
pli-tv-kd3:11.13.6	Tāhaṁ vakkhāmi.
pli-tv-kd3:11.13.7	Tā vuttā tā vakkhanti “garuko kho, bhaginiyo, saṅghabhedo vutto bhagavatā;
pli-tv-kd3:11.13.8	mā bhaginīnaṁ saṅghabhedo ruccitthā”ti.
pli-tv-kd3:11.13.9	Karissanti tāsaṁ vacanaṁ, sussūsissanti, sotaṁ odahissantī’ti, pakkamitabbaṁ.
pli-tv-kd3:11.13.10	Anāpatti vassacchedassā”ti.
pli-tv-kd3:12.1.0	9. Vajādīsuvassūpagamana
pli-tv-kd3:12.1.1	Tena kho pana samayena aññataro bhikkhu vaje vassaṁ upagantukāmo hoti.
pli-tv-kd3:12.1.2	Bhagavato etamatthaṁ ārocesuṁ.
pli-tv-kd3:12.1.3	“Anujānāmi, bhikkhave, vaje vassaṁ upagantun”ti.
pli-tv-kd3:12.1.4	Vajo vuṭṭhāsi.
pli-tv-kd3:12.1.5	Bhagavato etamatthaṁ ārocesuṁ.
pli-tv-kd3:12.1.6	“Anujānāmi, bhikkhave, yena vajo tena gantun”ti.
pli-tv-kd3:12.2.1	Tena kho pana samayena aññataro bhikkhu upakaṭṭhāya vassūpanāyikāya satthena gantukāmo hoti.
pli-tv-kd3:12.2.2	Bhagavato etamatthaṁ ārocesuṁ.
pli-tv-kd3:12.2.3	“Anujānāmi, bhikkhave, satthe vassaṁ upagantun”ti.
pli-tv-kd3:12.2.4	Tena kho pana samayena aññataro bhikkhu upakaṭṭhāya vassūpanāyikāya nāvāya gantukāmo hoti.
pli-tv-kd3:12.2.5	Bhagavato etamatthaṁ ārocesuṁ.
pli-tv-kd3:12.2.6	“Anujānāmi, bhikkhave, nāvāya vassaṁ upagantun”ti.
pli-tv-kd3:12.3.0	10. Vassaṁanupagantabbaṭṭhāna
pli-tv-kd3:12.3.1	Tena kho pana samayena bhikkhū rukkhasusire vassaṁ upagacchanti.
pli-tv-kd3:12.3.2	Manussā ujjhāyanti khiyyanti vipācenti—
pli-tv-kd3:12.3.3	“seyyathāpi pisācillikā”ti.
pli-tv-kd3:12.3.4	Bhagavato etamatthaṁ ārocesuṁ.
pli-tv-kd3:12.3.5	“Na, bhikkhave, rukkhasusire vassaṁ upagantabbaṁ.
pli-tv-kd3:12.3.6	Yo upagaccheyya, āpatti dukkaṭassā”ti.
pli-tv-kd3:12.4.1	Tena kho pana samayena bhikkhū rukkhaviṭabhiyā vassaṁ upagacchanti.
pli-tv-kd3:12.4.2	Manussā ujjhāyanti khiyyanti vipācenti—
pli-tv-kd3:12.4.3	“seyyathāpi migaluddakā”ti.
pli-tv-kd3:12.4.4	Bhagavato etamatthaṁ ārocesuṁ.
pli-tv-kd3:12.4.5	“Na, bhikkhave, rukkhaviṭabhiyā vassaṁ upagantabbaṁ.
pli-tv-kd3:12.4.6	Yo upagaccheyya, āpatti dukkaṭassā”ti.
pli-tv-kd3:12.5.1	Tena kho pana samayena bhikkhū ajjhokāse vassaṁ upagacchanti.
pli-tv-kd3:12.5.2	Deve vassante rukkhamūlampi nibbakosampi upadhāvanti.
pli-tv-kd3:12.5.3	Bhagavato etamatthaṁ ārocesuṁ.
pli-tv-kd3:12.5.4	“Na, bhikkhave, ajjhokāse vassaṁ upagantabbaṁ.
pli-tv-kd3:12.5.5	Yo upagaccheyya, āpatti dukkaṭassā”ti.
pli-tv-kd3:12.6.1	Tena kho pana samayena bhikkhū asenāsanikā vassaṁ upagacchanti.
pli-tv-kd3:12.6.2	Sītenapi kilamanti, uṇhenapi kilamanti.
pli-tv-kd3:12.6.3	Bhagavato etamatthaṁ ārocesuṁ.
pli-tv-kd3:12.6.4	“Na, bhikkhave, asenāsanikena vassaṁ upagantabbaṁ.
pli-tv-kd3:12.6.5	Yo upagaccheyya, āpatti dukkaṭassā”ti.
pli-tv-kd3:12.7.1	Tena kho pana samayena bhikkhū chavakuṭikāya vassaṁ upagacchanti.
pli-tv-kd3:12.7.2	Manussā ujjhāyanti khiyyanti vipācenti—
pli-tv-kd3:12.7.3	“seyyathāpi chavaḍāhakā”ti.
pli-tv-kd3:12.7.4	Bhagavato etamatthaṁ ārocesuṁ.
pli-tv-kd3:12.7.5	“Na, bhikkhave, chavakuṭikāya vassaṁ upagantabbaṁ.
pli-tv-kd3:12.7.6	Yo upagaccheyya, āpatti dukkaṭassā”ti.
pli-tv-kd3:12.8.1	Tena kho pana samayena bhikkhū chatte vassaṁ upagacchanti.
pli-tv-kd3:12.8.2	Manussā ujjhāyanti khiyyanti vipācenti—
pli-tv-kd3:12.8.3	“seyyathāpi gopālakā”ti.
pli-tv-kd3:12.8.4	Bhagavato etamatthaṁ ārocesuṁ.
pli-tv-kd3:12.8.5	“Na, bhikkhave, chatte vassaṁ upagantabbaṁ.
pli-tv-kd3:12.8.6	Yo upagaccheyya, āpatti dukkaṭassā”ti.
pli-tv-kd3:12.9.1	Tena kho pana samayena bhikkhū cāṭiyā vassaṁ upagacchanti.
pli-tv-kd3:12.9.2	Manussā ujjhāyanti khiyyanti vipācenti—
pli-tv-kd3:12.9.3	“seyyathāpi titthiyā”ti.
pli-tv-kd3:12.9.4	Bhagavato etamatthaṁ ārocesuṁ.
pli-tv-kd3:12.9.5	“Na, bhikkhave, cāṭiyā vassaṁ upagantabbaṁ.
pli-tv-kd3:12.9.6	Yo upagaccheyya, āpatti dukkaṭassā”ti.
pli-tv-kd3:13.1.0	11. Adhammikakatikā
pli-tv-kd3:13.1.1	Tena kho pana samayena sāvatthiyā saṅghena evarūpā katikā katā hoti—
pli-tv-kd3:13.1.2	“antarāvassaṁ na pabbājetabban”ti.
pli-tv-kd3:13.1.3	Visākhāya migāramātuyā nattā bhikkhū upasaṅkamitvā pabbajjaṁ yāci.
pli-tv-kd3:13.1.4	Bhikkhū evamāhaṁsu—
pli-tv-kd3:13.1.5	“saṅghena kho, āvuso, evarūpā katikā katā ‘antarāvassaṁ na pabbājetabban’ti.
pli-tv-kd3:13.1.6	Āgamehi, āvuso, yāva bhikkhū vassaṁ vasanti.
pli-tv-kd3:13.1.7	Vassaṁvuṭṭhā pabbājessantī”ti.
pli-tv-kd3:13.1.8	Atha kho te bhikkhū vassaṁvuṭṭhā visākhāya migāramātuyā nattāraṁ etadavocuṁ—
pli-tv-kd3:13.1.9	“ehi dāni, āvuso, pabbajāhī”ti.
pli-tv-kd3:13.1.10	So evamāha—
pli-tv-kd3:13.1.11	“sacāhaṁ, bhante, pabbajito assaṁ, abhirameyyāmahaṁ.
pli-tv-kd3:13.1.12	Na dānāhaṁ, bhante, pabbajissāmī”ti.
pli-tv-kd3:13.2.1	Visākhā migāramātā ujjhāyati khiyyati vipāceti—
pli-tv-kd3:13.2.2	“kathañhi nāma ayyā evarūpaṁ katikaṁ karissanti—
pli-tv-kd3:13.2.3	‘na antarāvassaṁ pabbājetabban’ti.
pli-tv-kd3:13.2.4	Kaṁ kālaṁ dhammo na caritabbo”ti?
pli-tv-kd3:13.2.5	Assosuṁ kho bhikkhū visākhāya migāramātuyā ujjhāyantiyā khiyyantiyā vipācentiyā.
pli-tv-kd3:13.2.6	Atha kho te bhikkhū bhagavato etamatthaṁ ārocesuṁ.
pli-tv-kd3:13.2.7	“Na, bhikkhave, evarūpā katikā kātabbā—
pli-tv-kd3:13.2.8	‘na antarāvassaṁ pabbājetabban’ti.
pli-tv-kd3:13.2.9	Yo kareyya, āpatti dukkaṭassā”ti.
pli-tv-kd3:14.1.0	12. Paṭissavadukkaṭāpatti
pli-tv-kd3:14.1.1	Tena kho pana samayena āyasmatā upanandena sakyaputtena rañño pasenadissa kosalassa vassāvāso paṭissuto hoti purimikāya.
pli-tv-kd3:14.1.2	So taṁ āvāsaṁ gacchanto addasa antarāmagge dve āvāse bahucīvarake.
pli-tv-kd3:14.1.3	Tassa etadahosi—
pli-tv-kd3:14.1.4	“yannūnāhaṁ imesu dvīsu āvāsesu vassaṁ vaseyyaṁ.
pli-tv-kd3:14.1.5	Evaṁ me bahuṁ cīvaraṁ uppajjissatī”ti.
pli-tv-kd3:14.1.6	So tesu dvīsu āvāsesu vassaṁ vasi.
pli-tv-kd3:14.1.7	Rājā pasenadi kosalo ujjhāyati khiyyati vipāceti—
pli-tv-kd3:14.1.8	“kathañhi nāma ayyo upanando sakyaputto amhākaṁ vassāvāsaṁ paṭissuṇitvā visaṁvādessati.
pli-tv-kd3:14.1.9	Nanu bhagavatā anekapariyāyena musāvādo garahito, musāvādā veramaṇī pasatthā”ti.
pli-tv-kd3:14.2.1	Assosuṁ kho bhikkhū rañño pasenadissa kosalassa ujjhāyantassa khiyyantassa vipācentassa.
pli-tv-kd3:14.2.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd3:14.2.3	“kathañhi nāma āyasmā upanando sakyaputto rañño pasenadissa kosalassa vassāvāsaṁ paṭissuṇitvā visaṁvādessati.
pli-tv-kd3:14.2.4	Nanu bhagavatā anekapariyāyena musāvādo garahito, musāvādā veramaṇī pasatthā”ti.
pli-tv-kd3:14.3.1	Atha kho te bhikkhū bhagavato etamatthaṁ ārocesuṁ …pe…
pli-tv-kd3:14.3.2	atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ upanandaṁ sakyaputtaṁ paṭipucchi—
pli-tv-kd3:14.3.3	“saccaṁ kira tvaṁ, upananda, rañño pasenadissa kosalassa vassāvāsaṁ paṭissuṇitvā visaṁvādesī”ti?
pli-tv-kd3:14.3.4	“Saccaṁ, bhagavā”ti.
pli-tv-kd3:14.3.5	Vigarahi buddho bhagavā …pe…
pli-tv-kd3:14.3.6	kathañhi nāma tvaṁ, moghapurisa, rañño pasenadissa kosalassa vassāvāsaṁ paṭissuṇitvā visaṁvādessasi.
pli-tv-kd3:14.3.7	Nanu mayā, moghapurisa, anekapariyāyena musāvādo garahito, musāvādā veramaṇī pasatthā.
pli-tv-kd3:14.3.8	Netaṁ, moghapurisa, appasannānaṁ vā pasādāya …pe…
pli-tv-kd3:14.3.9	vigarahitvā …pe…
pli-tv-kd3:14.3.10	dhammiṁ kathaṁ katvā bhikkhū āmantesi—
pli-tv-kd3:14.4.1	“Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.4.2	So taṁ āvāsaṁ gacchanto passati antarāmagge dve āvāse bahucīvarake.
pli-tv-kd3:14.4.3	Tassa evaṁ hoti—
pli-tv-kd3:14.4.4	‘yannūnāhaṁ imesu dvīsu āvāsesu vassaṁ vaseyyaṁ.
pli-tv-kd3:14.4.5	Evaṁ me bahuṁ cīvaraṁ uppajjissatī’ti.
pli-tv-kd3:14.4.6	So tesu dvīsu āvāsesu vassaṁ vasati.
pli-tv-kd3:14.4.7	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
pli-tv-kd3:14.5.0	
pli-tv-kd3:14.5.1	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.5.2	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.5.3	So tadaheva akaraṇīyo pakkamati.
pli-tv-kd3:14.5.4	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
pli-tv-kd3:14.5.5	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.5.6	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.5.7	So tadaheva sakaraṇīyo pakkamati.
pli-tv-kd3:14.5.8	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
pli-tv-kd3:14.6.1	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.6.2	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.6.3	So dvīhatīhaṁ vasitvā akaraṇīyo pakkamati.
pli-tv-kd3:14.6.4	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
pli-tv-kd3:14.6.5	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.6.6	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.6.7	So dvīhatīhaṁ vasitvā sakaraṇīyo pakkamati.
pli-tv-kd3:14.6.8	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
pli-tv-kd3:14.6.9	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.6.10	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.6.11	So dvīhatīhaṁ vasitvā sattāhakaraṇīyena pakkamati.
pli-tv-kd3:14.6.12	So taṁ sattāhaṁ bahiddhā vītināmeti.
pli-tv-kd3:14.6.13	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
pli-tv-kd3:14.6.14	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.6.15	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.6.16	So dvīhatīhaṁ vasitvā sattāhakaraṇīyena pakkamati.
pli-tv-kd3:14.6.17	So taṁ sattāhaṁ anto sannivattaṁ karoti.
pli-tv-kd3:14.6.18	Tassa, bhikkhave, bhikkhuno purimikā ca paññāyati, paṭissave ca anāpatti.
pli-tv-kd3:14.7.1	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.7.2	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.7.3	So sattāhaṁ anāgatāya pavāraṇāya sakaraṇīyo pakkamati.
pli-tv-kd3:14.7.4	Āgaccheyya vā so, bhikkhave, bhikkhu taṁ āvāsaṁ na vā āgaccheyya, tassa, bhikkhave, bhikkhuno purimikā ca paññāyati, paṭissave ca anāpatti.
pli-tv-kd3:14.8.0	
pli-tv-kd3:14.8.1	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.8.2	So taṁ āvāsaṁ gantvā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.8.3	So tadaheva akaraṇīyo pakkamati.
pli-tv-kd3:14.8.4	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa.
pli-tv-kd3:14.9.1	Idha pana, bhikkhave, bhikkhunā vassāvāso paṭissuto hoti purimikāya.
pli-tv-kd3:14.9.2	So taṁ āvāsaṁ gantvā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.9.3	So tadaheva sakaraṇīyo pakkamati …pe…
pli-tv-kd3:14.9.4	so dvīhatīhaṁ vasitvā akaraṇīyo pakkamati …pe…
pli-tv-kd3:14.9.5	so dvīhatīhaṁ vasitvā sakaraṇīyo pakkamati …pe…
pli-tv-kd3:14.9.6	so dvīhatīhaṁ vasitvā sattāhakaraṇīyena pakkamati.
pli-tv-kd3:14.9.7	So taṁ sattāhaṁ bahiddhā vītināmeti.
pli-tv-kd3:14.10.1	Tassa, bhikkhave, bhikkhuno purimikā ca na paññāyati, paṭissave ca āpatti dukkaṭassa …pe…
pli-tv-kd3:14.10.2	so dvīhatīhaṁ vasitvā sattāhakaraṇīyena pakkamati.
pli-tv-kd3:14.10.3	So taṁ sattāhaṁ anto sannivattaṁ karoti.
pli-tv-kd3:14.10.4	Tassa, bhikkhave, bhikkhuno purimikā ca paññāyati, paṭissave ca anāpatti …pe…
pli-tv-kd3:14.10.5	so sattāhaṁ anāgatāya pavāraṇāya sakaraṇīyo pakkamati.
pli-tv-kd3:14.10.6	Āgaccheyya vā so, bhikkhave, bhikkhu taṁ āvāsaṁ na vā āgaccheyya, tassa, bhikkhave, bhikkhuno purimikā ca paññāyati, paṭissave ca anāpatti.
pli-tv-kd3:14.11.0	
pli-tv-kd3:14.11.1	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.2	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.3	So tadaheva akaraṇīyo pakkamati.
pli-tv-kd3:14.11.4	Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
pli-tv-kd3:14.11.5	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.6	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.7	So tadaheva sakaraṇīyo pakkamati.
pli-tv-kd3:14.11.8	Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
pli-tv-kd3:14.11.9	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.10	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.11	So dvīhatīhaṁ vasitvā akaraṇīyo pakkamati.
pli-tv-kd3:14.11.12	Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
pli-tv-kd3:14.11.13	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.14	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.15	So dvīhatīhaṁ vasitvā sakaraṇīyo pakkamati.
pli-tv-kd3:14.11.16	Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
pli-tv-kd3:14.11.17	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.18	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.19	So dvīhatīhaṁ vasitvā sattāhakaraṇīyena pakkamati.
pli-tv-kd3:14.11.20	So taṁ sattāhaṁ bahiddhā vītināmeti.
pli-tv-kd3:14.11.21	Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
pli-tv-kd3:14.11.22	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.23	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.24	So dvīhatīhaṁ vasitvā sattāhakaraṇīyena pakkamati.
pli-tv-kd3:14.11.25	So taṁ sattāhaṁ anto sannivattaṁ karoti.
pli-tv-kd3:14.11.26	Tassa, bhikkhave, bhikkhuno pacchimikā ca paññāyati, paṭissave ca anāpatti.
pli-tv-kd3:14.11.27	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.28	So taṁ āvāsaṁ gacchanto bahiddhā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.29	So sattāhaṁ anāgatāya komudiyā cātumāsiniyā sakaraṇīyo pakkamati.
pli-tv-kd3:14.11.30	Āgaccheyya vā so, bhikkhave, bhikkhu taṁ āvāsaṁ na vā āgaccheyya, tassa, bhikkhave, bhikkhuno pacchimikā ca paññāyati, paṭissave ca anāpatti.
pli-tv-kd3:14.11.31.0	
pli-tv-kd3:14.11.31.1	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.32	So taṁ āvāsaṁ gantvā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.33	So tadaheva akaraṇīyo pakkamati.
pli-tv-kd3:14.11.34	Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa.
pli-tv-kd3:14.11.35	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.36	So taṁ āvāsaṁ gantvā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.37	So tadaheva sakaraṇīyo pakkamati …pe…
pli-tv-kd3:14.11.38	so dvīhatīhaṁ vasitvā akaraṇīyo pakkamati …pe…
pli-tv-kd3:14.11.39	so dvīhatīhaṁ vasitvā sakaraṇīyo pakkamati …pe…
pli-tv-kd3:14.11.40	so dvīhatīhaṁ vasitvā sattāhakaraṇīyena pakkamati.
pli-tv-kd3:14.11.41	So taṁ sattāhaṁ bahiddhā vītināmeti.
pli-tv-kd3:14.11.42	Tassa, bhikkhave, bhikkhuno pacchimikā ca na paññāyati, paṭissave ca āpatti dukkaṭassa …pe…
pli-tv-kd3:14.11.43	so dvīhatīhaṁ vasitvā sattāhakaraṇīyena pakkamati.
pli-tv-kd3:14.11.44	So taṁ sattāhaṁ anto sannivattaṁ karoti.
pli-tv-kd3:14.11.45	Tassa bhikkhave, bhikkhuno pacchimikā ca paññāyati, paṭissave ca anāpatti.
pli-tv-kd3:14.11.46	Idha pana, bhikkhave, bhikkhunā vassāvāso paṭissuto hoti pacchimikāya.
pli-tv-kd3:14.11.47	So taṁ āvāsaṁ gantvā uposathaṁ karoti, pāṭipade vihāraṁ upeti, senāsanaṁ paññapeti, pānīyaṁ paribhojanīyaṁ upaṭṭhāpeti, pariveṇaṁ sammajjati.
pli-tv-kd3:14.11.48	So sattāhaṁ anāgatāya komudiyā cātumāsiniyā sakaraṇīyo pakkamati.
pli-tv-kd3:14.11.49	Āgaccheyya vā so, bhikkhave, bhikkhu taṁ āvāsaṁ na vā āgaccheyya, tassa, bhikkhave, bhikkhuno pacchimikā ca paññāyati, paṭissave ca anāpattī”ti.
pli-tv-kd3:14.11.50	Vassūpanāyikakkhandhako tatiyo.
pli-tv-kd3:14.11.51	Tassuddānaṁ
pli-tv-kd3:14.11.52	Upagantuṁ kadā ceva,
pli-tv-kd3:14.11.53	kati antarāvassa ca;
pli-tv-kd3:14.11.54	Na icchanti ca sañcicca,
pli-tv-kd3:14.11.55	ukkaḍḍhituṁ upāsako.
pli-tv-kd3:14.11.56	Gilāno mātā ca pitā,
pli-tv-kd3:14.11.57	bhātā ca atha ñātako;
pli-tv-kd3:14.11.58	Bhikkhugatiko vihāro,
pli-tv-kd3:14.11.59	vāḷā cāpi sarīsapā.
pli-tv-kd3:14.11.60	Coro ceva pisācā ca,
pli-tv-kd3:14.11.61	daḍḍhā tadubhayena ca;
pli-tv-kd3:14.11.62	Vūḷhodakena vuṭṭhāsi,
pli-tv-kd3:14.11.63	bahutarā ca dāyakā.
pli-tv-kd3:14.11.64	Lūkhappaṇītasappāya,
pli-tv-kd3:14.11.65	bhesajjupaṭṭhakena ca;
pli-tv-kd3:14.11.66	Itthī vesī kumārī ca,
pli-tv-kd3:14.11.67	paṇḍako ñātakena ca.
pli-tv-kd3:14.11.68	Rājā corā dhuttā nidhi,
pli-tv-kd3:14.11.69	bhedaaṭṭhavidhena ca;
pli-tv-kd3:14.11.70	Vajasatthā ca nāvā ca,
pli-tv-kd3:14.11.71	susire viṭabhiyā ca.
pli-tv-kd3:14.11.72	Ajjhokāse vassāvāso,
pli-tv-kd3:14.11.73	asenāsanikena ca;
pli-tv-kd3:14.11.74	Chavakuṭikā chatte ca,
pli-tv-kd3:14.11.75	cāṭiyā ca upenti te.
pli-tv-kd3:14.11.76	Katikā paṭissuṇitvā,
pli-tv-kd3:14.11.77	bahiddhā ca uposathā;
pli-tv-kd3:14.11.78	Purimikā pacchimikā,
pli-tv-kd3:14.11.79	yathāñāyena yojaye.
pli-tv-kd3:14.11.80	Akaraṇī pakkamati,
pli-tv-kd3:14.11.81	sakaraṇī tatheva ca;
pli-tv-kd3:14.11.82	Dvīhatīhā ca puna ca,
pli-tv-kd3:14.11.83	sattāhakaraṇīyena ca.
pli-tv-kd3:14.11.84	Sattāhanāgatā ceva,
pli-tv-kd3:14.11.85	āgaccheyya na eyya vā;
pli-tv-kd3:14.11.86	Vatthuddāne antarikā,
pli-tv-kd3:14.11.87	tantimaggaṁ nisāmayeti.
pli-tv-kd3:14.11.88	Imamhi khandhake vatthūni dvepaṇṇāsa.
pli-tv-kd3:14.11.89	Vassūpanāyikakkhandhako niṭṭhito.
pli-tv-kd4:0.1	Theravāda Vinayapiṭaka
pli-tv-kd4:0.2	Mahāvagga
pli-tv-kd4:0.3	4. Pavāraṇākkhandhaka
pli-tv-kd4:0.4	1. Aphāsukavihāra
pli-tv-kd4:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd4:1.1.2	Tena kho pana samayena sambahulā sandiṭṭhā sambhattā bhikkhū kosalesu janapade aññatarasmiṁ āvāse vassaṁ upagacchiṁsu.
pli-tv-kd4:1.1.3	Atha kho tesaṁ bhikkhūnaṁ etadahosi—
pli-tv-kd4:1.1.4	“kena nu kho mayaṁ upāyena samaggā sammodamānā avivadamānā phāsukaṁ vassaṁ vaseyyāma, na ca piṇḍakena kilameyyāmā”ti.
pli-tv-kd4:1.2.1	Atha kho tesaṁ bhikkhūnaṁ etadahosi—
pli-tv-kd4:1.2.2	“sace kho mayaṁ aññamaññaṁ neva ālapeyyāma na sallapeyyāma—
pli-tv-kd4:1.2.3	yo paṭhamaṁ gāmato piṇḍāya paṭikkameyya so āsanaṁ paññapeyya, pādodakaṁ pādapīṭhaṁ pādakathalikaṁ upanikkhipeyya, avakkārapātiṁ dhovitvā upaṭṭhāpeyya, pānīyaṁ paribhojanīyaṁ upaṭṭhāpeyya;
pli-tv-kd4:1.3.1	yo pacchā gāmato piṇḍāya paṭikkameyya, sacassa bhuttāvaseso, sace ākaṅkheyya bhuñjeyya, no ce ākaṅkheyya appaharite vā chaḍḍeyya, appāṇake vā udake opilāpeyya;
pli-tv-kd4:1.3.2	so āsanaṁ uddhareyya, pādodakaṁ pādapīṭhaṁ pādakathalikaṁ paṭisāmeyya, avakkārapātiṁ dhovitvā paṭisāmeyya, pānīyaṁ paribhojanīyaṁ paṭisāmeyya, bhattaggaṁ sammajjeyya;
pli-tv-kd4:1.4.1	yo passeyya pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ so upaṭṭhāpeyya;
pli-tv-kd4:1.4.2	sacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpeyya;
pli-tv-kd4:1.4.3	na tveva tappaccayā vācaṁ bhindeyya—
pli-tv-kd4:1.4.4	evaṁ kho mayaṁ samaggā sammodamānā avivadamānā phāsukaṁ vassaṁ vaseyyāma, na ca piṇḍakena kilameyyāmā”ti.
pli-tv-kd4:1.5.1	Atha kho te bhikkhū aññamaññaṁ neva ālapiṁsu, na sallapiṁsu.
pli-tv-kd4:1.5.2	Yo paṭhamaṁ gāmato piṇḍāya paṭikkamati, so āsanaṁ paññapeti, pādodakaṁ pādapīṭhaṁ pādakathalikaṁ upanikkhipati, avakkārapātiṁ dhovitvā upaṭṭhāpeti, pānīyaṁ paribhojanīyaṁ upaṭṭhāpeti.
pli-tv-kd4:1.6.1	Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti;
pli-tv-kd4:1.6.2	so āsanaṁ uddharati, pādodakaṁ pādapīṭhaṁ pādakathalikaṁ paṭisāmeti, avakkārapātiṁ dhovitvā paṭisāmeti, pānīyaṁ paribhojanīyaṁ paṭisāmeti, bhattaggaṁ sammajjati.
pli-tv-kd4:1.7.1	Yo passati pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ so upaṭṭhāpeti.
pli-tv-kd4:1.7.2	Sacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpeti, na tveva tappaccayā vācaṁ bhindati.
pli-tv-kd4:1.8.1	Āciṇṇaṁ kho panetaṁ vassaṁvuṭṭhānaṁ bhikkhūnaṁ bhagavantaṁ dassanāya upasaṅkamituṁ.
pli-tv-kd4:1.8.2	Atha kho te bhikkhū vassaṁvuṭṭhā temāsaccayena senāsanaṁ saṁsāmetvā pattacīvaramādāya yena sāvatthi tena pakkamiṁsu.
pli-tv-kd4:1.8.3	Anupubbena yena sāvatthi jetavanaṁ anāthapiṇḍikassa ārāmo yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd4:1.8.4	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-kd4:1.9.1	Atha kho bhagavā te bhikkhū etadavoca—
pli-tv-kd4:1.9.2	“kacci, bhikkhave, khamanīyaṁ, kacci yāpanīyaṁ,
pli-tv-kd4:1.9.3	kacci samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā”ti?
pli-tv-kd4:1.9.4	“Khamanīyaṁ, bhagavā, yāpanīyaṁ, bhagavā.
pli-tv-kd4:1.9.5	Samaggā ca mayaṁ, bhante, sammodamānā avivadamānā phāsukaṁ vassaṁ vasimhā, na ca piṇḍakena kilamimhā”ti.
pli-tv-kd4:1.10.1	Jānantāpi tathāgatā pucchanti, jānantāpi na pucchanti.
pli-tv-kd4:1.10.2	Kālaṁ viditvā pucchanti, kālaṁ viditvā na pucchanti.
pli-tv-kd4:1.10.3	Atthasaṁhitaṁ tathāgatā pucchanti, no anatthasaṁhitaṁ.
pli-tv-kd4:1.10.4	Anatthasaṁhite setughāto tathāgatānaṁ.
pli-tv-kd4:1.10.5	Dvīhākārehi buddhā bhagavanto bhikkhū paṭipucchanti— “dhammaṁ vā desessāma, sāvakānaṁ vā sikkhāpadaṁ paññapessāmā”ti.
pli-tv-kd4:1.10.6	Atha kho bhagavā te bhikkhū etadavoca— “yathākathaṁ pana tumhe, bhikkhave, samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā”ti.
pli-tv-kd4:1.11.1	“Idha mayaṁ, bhante, sambahulā sandiṭṭhā sambhattā bhikkhū kosalesu janapade aññatarasmiṁ āvāse vassaṁ upagacchimhā.
pli-tv-kd4:1.11.2	Tesaṁ no, bhante, amhākaṁ etadahosi—
pli-tv-kd4:1.11.3	‘kena nu kho mayaṁ upāyena samaggā sammodamānā avivadamānā phāsukaṁ vassaṁ vaseyyāma, na ca piṇḍakena kilameyyāmā’ti.
pli-tv-kd4:1.11.4	Tesaṁ no, bhante, amhākaṁ etadahosi—
pli-tv-kd4:1.11.5	‘sace kho mayaṁ aññamaññaṁ neva ālapeyyāma na sallapeyyāma—
pli-tv-kd4:1.11.6	yo paṭhamaṁ gāmato piṇḍāya paṭikkameyya so āsanaṁ paññapeyya, pādodakaṁ pādapīṭhaṁ pādakathalikaṁ upanikkhipeyya, avakkārapātiṁ dhovitvā upaṭṭhāpeyya, pānīyaṁ paribhojanīyaṁ upaṭṭhāpeyya;
pli-tv-kd4:1.11.7	yo pacchā gāmato piṇḍāya paṭikkameyya, sacassa bhuttāvaseso, sace ākaṅkheyya bhuñjeyya, no ce ākaṅkheyya appaharite vā chaḍḍeyya, appāṇake vā udake opilāpeyya;
pli-tv-kd4:1.11.8	so āsanaṁ uddhareyya, pādodakaṁ pādapīṭhaṁ pādakathalikaṁ paṭisāmeyya, avakkārapātiṁ dhovitvā paṭisāmeyya, pānīyaṁ paribhojanīyaṁ paṭisāmeyya, bhattaggaṁ sammajjeyya;
pli-tv-kd4:1.11.9	yo passeyya pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ so upaṭṭhāpeyya;
pli-tv-kd4:1.11.10	sacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpeyya;
pli-tv-kd4:1.11.11	na tveva tappaccayā vācaṁ bhindeyya—
pli-tv-kd4:1.11.12	evaṁ kho mayaṁ samaggā sammodamānā avivadamānā phāsukaṁ vassaṁ vaseyyāma, na ca piṇḍakena kilameyyāmā’ti.
pli-tv-kd4:1.11.13	Atha kho mayaṁ, bhante, aññamaññaṁ neva ālapimhā na sallapimhā.
pli-tv-kd4:1.11.14	Yo paṭhamaṁ gāmato piṇḍāya paṭikkamati so āsanaṁ paññapeti, pādodakaṁ pādapīṭhaṁ pādakathalikaṁ upanikkhipati, avakkārapātiṁ dhovitvā upaṭṭhāpeti, pānīyaṁ paribhojanīyaṁ upaṭṭhāpeti.
pli-tv-kd4:1.11.15	Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti, so āsanaṁ uddharati, pādodakaṁ pādapīṭhaṁ pādakathalikaṁ paṭisāmeti, avakkārapātiṁ dhovitvā paṭisāmeti, pānīyaṁ paribhojanīyaṁ paṭisāmeti, bhattaggaṁ sammajjati.
pli-tv-kd4:1.11.16	Yo passati pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ so upaṭṭhāpeti.
pli-tv-kd4:1.11.17	Sacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpeti, na tveva tappaccayā vācaṁ bhindati.
pli-tv-kd4:1.11.18	Evaṁ kho mayaṁ, bhante, samaggā sammodamānā avivadamānā phāsukaṁ vassaṁ vasimhā, na ca piṇḍakena kilamimhā”ti.
pli-tv-kd4:1.12.1	Atha kho bhagavā bhikkhū āmantesi—
pli-tv-kd4:1.12.2	“aphāsuññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti.
pli-tv-kd4:1.12.3	Pasusaṁvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti.
pli-tv-kd4:1.12.4	Eḷakasaṁvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti.
pli-tv-kd4:1.12.5	Sapattasaṁvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti.
pli-tv-kd4:1.12.6	Kathañhi nāmime, bhikkhave, moghapurisā mūgabbataṁ titthiyasamādānaṁ samādiyissanti.
pli-tv-kd4:1.13.1	Netaṁ, bhikkhave, appasannānaṁ vā pasādāya …pe…
pli-tv-kd4:1.13.2	vigarahitvā dhammiṁ kathaṁ katvā bhikkhū āmantesi—
pli-tv-kd4:1.13.3	na, bhikkhave, mūgabbataṁ titthiyasamādānaṁ samādiyitabbaṁ.
pli-tv-kd4:1.13.4	Yo samādiyeyya, āpatti dukkaṭassa.
pli-tv-kd4:1.13.5	Anujānāmi, bhikkhave, vassaṁvuṭṭhānaṁ bhikkhūnaṁ tīhi ṭhānehi pavāretuṁ—
pli-tv-kd4:1.13.6	diṭṭhena vā sutena vā parisaṅkāya vā.
pli-tv-kd4:1.13.7	Sā vo bhavissati aññamaññānulomatā āpattivuṭṭhānatā vinayapurekkhāratā.
pli-tv-kd4:1.14.1	Evañca pana, bhikkhave, pavāretabbaṁ.
pli-tv-kd4:1.14.2	Byattena bhikkhunā paṭibalena saṅgho ñāpetabbo—
pli-tv-kd4:1.14.3	‘Suṇātu me, bhante, saṅgho.
pli-tv-kd4:1.14.4	Ajja pavāraṇā.
pli-tv-kd4:1.14.5	Yadi saṅghassa pattakallaṁ, saṅgho pavāreyyā’ti.
pli-tv-kd4:1.14.6	Therena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd4:1.14.7	‘saṅghaṁ, āvuso, pavāremi diṭṭhena vā sutena vā parisaṅkāya vā.
pli-tv-kd4:1.14.8	Vadantu maṁ āyasmanto anukampaṁ upādāya.
pli-tv-kd4:1.14.9	Passanto paṭikarissāmi.
pli-tv-kd4:1.14.10	Dutiyampi, āvuso, saṅghaṁ pavāremi diṭṭhena vā sutena vā parisaṅkāya vā.
pli-tv-kd4:1.14.11	Vadantu maṁ āyasmanto anukampaṁ upādāya.
pli-tv-kd4:1.14.12	Passanto paṭikarissāmi.
pli-tv-kd4:1.14.13	Tatiyampi, āvuso, saṅghaṁ pavāremi diṭṭhena vā sutena vā parisaṅkāya vā.
pli-tv-kd4:1.14.14	Vadantu maṁ āyasmanto anukampaṁ upādāya.
pli-tv-kd4:1.14.15	Passanto paṭikarissāmī’ti.
pli-tv-kd4:1.14.16	Navakena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd4:1.14.17	‘saṅghaṁ, bhante, pavāremi diṭṭhena vā sutena vā parisaṅkāya vā.
pli-tv-kd4:1.14.18	Vadantu maṁ āyasmanto anukampaṁ upādāya.
pli-tv-kd4:1.14.19	Passanto paṭikarissāmi.
pli-tv-kd4:1.14.20	Dutiyampi, bhante, saṅghaṁ …pe…
pli-tv-kd4:1.14.21	tatiyampi, bhante, saṅghaṁ pavāremi diṭṭhena vā sutena vā parisaṅkāya vā.
pli-tv-kd4:1.14.22	Vadantu maṁ āyasmanto anukampaṁ upādāya.
pli-tv-kd4:1.14.23	Passanto paṭikarissāmī’”ti.
pli-tv-kd4:2.1.1	Tena kho pana samayena chabbaggiyā bhikkhū theresu bhikkhūsu ukkuṭikaṁ nisinnesu pavārayamānesu āsanesu acchanti.
pli-tv-kd4:2.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd4:2.1.3	“kathañhi nāma chabbaggiyā bhikkhū theresu bhikkhūsu ukkuṭikaṁ nisinnesu pavārayamānesu āsanesu acchissantī”ti.
pli-tv-kd4:2.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd4:2.1.5	“saccaṁ kira, bhikkhave, chabbaggiyā bhikkhū theresu bhikkhūsu ukkuṭikaṁ nisinnesu pavārayamānesu āsanesu acchantī”ti?
pli-tv-kd4:2.1.6	“Saccaṁ, bhagavā”ti.
pli-tv-kd4:2.1.7	Vigarahi buddho bhagavā …pe…
pli-tv-kd4:2.1.8	kathañhi nāma te, bhikkhave, moghapurisā theresu bhikkhūsu ukkuṭikaṁ nisinnesu pavārayamānesu āsanesu acchissanti.
pli-tv-kd4:2.1.9	Netaṁ, bhikkhave, appasannānaṁ vā pasādāya, pasannānaṁ vā bhiyyobhāvāya …pe…
pli-tv-kd4:2.1.10	vigarahitvā …pe…
pli-tv-kd4:2.1.11	dhammiṁ kathaṁ katvā bhikkhū āmantesi—
pli-tv-kd4:2.1.12	“na, bhikkhave, theresu bhikkhūsu ukkuṭikaṁ nisinnesu pavārayamānesu āsanesu acchitabbaṁ.
pli-tv-kd4:2.1.13	Yo accheyya, āpatti dukkaṭassa.
pli-tv-kd4:2.1.14	Anujānāmi, bhikkhave, sabbeheva ukkuṭikaṁ nisinnehi pavāretun”ti.
pli-tv-kd4:2.2.1	Tena kho pana samayena aññataro thero jarādubbalo yāva sabbe pavārentīti ukkuṭikaṁ nisinno āgamayamāno mucchito papati.
pli-tv-kd4:2.2.2	Bhagavato etamatthaṁ ārocesuṁ.
pli-tv-kd4:2.2.3	“Anujānāmi, bhikkhave, tadamantarā ukkuṭikaṁ nisīdituṁ yāva pavāreti, pavāretvā āsane nisīditun”ti.
pli-tv-kd4:3.1.0	2. Pavāraṇābheda
pli-tv-kd4:3.1.1	Atha kho bhikkhūnaṁ etadahosi—
pli-tv-kd4:3.1.2	“kati nu kho pavāraṇā”ti?
pli-tv-kd4:3.1.3	Bhagavato etamatthaṁ ārocesuṁ.
pli-tv-kd4:3.1.4	“Dvemā, bhikkhave, pavāraṇā—
pli-tv-kd4:3.1.5	cātuddasikā ca pannarasikā ca.
pli-tv-kd4:3.1.6	Imā kho, bhikkhave, dve pavāraṇā”ti.
pli-tv-kd4:3.2.1	Atha kho bhikkhūnaṁ etadahosi—
pli-tv-kd4:3.2.2	“kati nu kho pavāraṇakammānī”ti?
pli-tv-kd4:3.2.3	Bhagavato etamatthaṁ ārocesuṁ.
pli-tv-kd4:3.2.4	“Cattārimāni, bhikkhave, pavāraṇakammāni—
pli-tv-kd4:3.2.5	adhammena vaggaṁ pavāraṇakammaṁ,
pli-tv-kd4:3.2.6	adhammena samaggaṁ pavāraṇakammaṁ,
pli-tv-kd4:3.2.7	dhammena vaggaṁ pavāraṇakammaṁ,
pli-tv-kd4:3.2.8	dhammena samaggaṁ pavāraṇakammaṁ.
pli-tv-kd4:3.2.9	Tatra, bhikkhave, yadidaṁ adhammena vaggaṁ pavāraṇakammaṁ, na, bhikkhave, evarūpaṁ pavāraṇakammaṁ kātabbaṁ;
pli-tv-kd4:3.2.10	na ca mayā evarūpaṁ pavāraṇakammaṁ anuññātaṁ.
pli-tv-kd4:3.2.11	Tatra, bhikkhave, yadidaṁ adhammena samaggaṁ pavāraṇakammaṁ, na, bhikkhave, evarūpaṁ pavāraṇakammaṁ kātabbaṁ;
pli-tv-kd4:3.2.12	na ca mayā evarūpaṁ pavāraṇakammaṁ anuññātaṁ.
pli-tv-kd4:3.2.13	Tatra, bhikkhave, yadidaṁ dhammena vaggaṁ pavāraṇakammaṁ, na, bhikkhave, evarūpaṁ pavāraṇakammaṁ kātabbaṁ;
pli-tv-kd4:3.2.14	na ca mayā evarūpaṁ pavāraṇakammaṁ anuññātaṁ.
pli-tv-kd4:3.2.15	Tatra, bhikkhave, yadidaṁ dhammena samaggaṁ pavāraṇakammaṁ, evarūpaṁ, bhikkhave, pavāraṇakammaṁ kātabbaṁ;
pli-tv-kd4:3.2.16	evarūpañca mayā pavāraṇakammaṁ anuññātaṁ.
pli-tv-kd4:3.2.17	Tasmātiha, bhikkhave, evarūpaṁ pavāraṇakammaṁ karissāma yadidaṁ dhammena samagganti, evañhi vo, bhikkhave, sikkhitabban”ti.
pli-tv-kd4:3.3.0	3. Pavāraṇādānānujānana
pli-tv-kd4:3.3.1	Atha kho bhagavā bhikkhū āmantesi—
pli-tv-kd4:3.3.2	“sannipatatha, bhikkhave.
pli-tv-kd4:3.3.3	Saṅgho pavāressatī”ti.
pli-tv-kd4:3.3.4	Evaṁ vutte, aññataro bhikkhu bhagavantaṁ etadavoca—
pli-tv-kd4:3.3.5	“atthi, bhante, bhikkhu gilāno, so anāgato”ti.
pli-tv-kd4:3.3.6	“Anujānāmi, bhikkhave, gilānena bhikkhunā pavāraṇaṁ dātuṁ.
pli-tv-kd4:3.3.7	Evañca pana, bhikkhave, dātabbā—
pli-tv-kd4:3.3.8	tena gilānena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd4:3.3.9	‘pavāraṇaṁ dammi, pavāraṇaṁ me hara, pavāraṇaṁ me ārocehi, mamatthāya pavārehī’ti kāyena viññāpeti, vācāya viññāpeti, kāyena vācāya viññāpeti, dinnā hoti pavāraṇā;
pli-tv-kd4:3.3.10	na kāyena viññāpeti, na vācāya viññāpeti, na kāyena vācāya viññāpeti, na dinnā hoti pavāraṇā.
pli-tv-kd4:3.4.1	Evañcetaṁ labhetha, iccetaṁ kusalaṁ.
pli-tv-kd4:3.4.2	No ce labhetha, so, bhikkhave, gilāno bhikkhu mañcena vā pīṭhena vā saṅghamajjhe ānetvā pavāretabbaṁ.
pli-tv-kd4:3.4.3	Sace, bhikkhave, gilānupaṭṭhākānaṁ bhikkhūnaṁ etadahosi—
pli-tv-kd4:3.4.4	‘sace kho mayaṁ gilānaṁ ṭhānā cāvessāma, ābādho vā abhivaḍḍhissati, kālaṅkiriyā vā bhavissatī’ti na, bhikkhave, gilāno bhikkhu ṭhānā cāvetabbo.
pli-tv-kd4:3.4.5	Saṅghena tattha gantvā pavāretabbaṁ;
pli-tv-kd4:3.4.6	na tveva vaggena saṅghena pavāretabbaṁ.
pli-tv-kd4:3.4.7	Pavāreyya ce, āpatti dukkaṭassa.
pli-tv-kd4:3.5.1	Pavāraṇahārako ce, bhikkhave, dinnāya pavāraṇāya tattheva pakkamati, aññassa dātabbā pavāraṇā.
pli-tv-kd4:3.5.2	Pavāraṇahārako ce, bhikkhave, dinnāya pavāraṇāya tattheva vibbhamati …pe…
pli-tv-kd4:3.5.3	kālaṁ karoti …
pli-tv-kd4:3.5.4	sāmaṇero paṭijānāti …
pli-tv-kd4:3.5.5	sikkhaṁ paccakkhātako paṭijānāti …
pli-tv-kd4:3.5.6	antimavatthuṁ ajjhāpannako paṭijānāti …
pli-tv-kd4:3.5.7	ummattako paṭijānāti …
pli-tv-kd4:3.5.8	khittacitto paṭijānāti …
pli-tv-kd4:3.5.9	vedanāṭṭo paṭijānāti …
pli-tv-kd4:3.5.10	āpattiyā adassane ukkhittako paṭijānāti …
pli-tv-kd4:3.5.11	āpattiyā appaṭikamme ukkhittako paṭijānāti …
pli-tv-kd4:3.5.12	pāpikāya diṭṭhiyā appaṭinissagge ukkhittako paṭijānāti …
pli-tv-kd4:3.5.13	paṇḍako paṭijānāti …
pli-tv-kd4:3.5.14	theyyasaṁvāsako paṭijānāti …
pli-tv-kd4:3.5.15	titthiyapakkantako paṭijānāti …
pli-tv-kd4:3.5.16	tiracchānagato paṭijānāti …
pli-tv-kd4:3.5.17	mātughātako paṭijānāti …
pli-tv-kd4:3.5.18	pitughātako paṭijānāti …
pli-tv-kd4:3.5.19	arahantaghātako paṭijānāti …
pli-tv-kd4:3.5.20	bhikkhunidūsako paṭijānāti …
pli-tv-kd4:3.5.21	saṅghabhedako paṭijānāti …
pli-tv-kd4:3.5.22	lohituppādako paṭijānāti …
pli-tv-kd4:3.5.23	ubhatobyañjanako paṭijānāti, aññassa dātabbā pavāraṇā.
pli-tv-kd4:3.5.24	Pavāraṇahārako ce, bhikkhave, dinnāya pavāraṇāya antarāmagge pakkamati, anāhaṭā hoti pavāraṇā.
pli-tv-kd4:3.5.25	Pavāraṇahārako ce, bhikkhave, dinnāya pavāraṇāya antarāmagge vibbhamati …pe…
pli-tv-kd4:3.5.26	kālaṁ karoti …
pli-tv-kd4:3.5.27	sāmaṇero paṭijānāti …
pli-tv-kd4:3.5.28	sikkhaṁ paccakkhātako paṭijānāti …
pli-tv-kd4:3.5.29	antimavatthuṁ ajjhāpannako paṭijānāti …
pli-tv-kd4:3.5.30	ummattako paṭijānāti …
pli-tv-kd4:3.5.31	khittacitto paṭijānāti …
pli-tv-kd4:3.5.32	vedanāṭṭo paṭijānāti …
pli-tv-kd4:3.5.33	āpattiyā adassane ukkhittako paṭijānāti …
pli-tv-kd4:3.5.34	āpattiyā appaṭikamme ukkhittako paṭijānāti …
pli-tv-kd4:3.5.35	pāpikāya diṭṭhiyā appaṭinissagge ukkhittako paṭijānāti …
pli-tv-kd4:3.5.36	paṇḍako paṭijānāti …
pli-tv-kd4:3.5.37	theyyasaṁvāsako paṭijānāti …
pli-tv-kd4:3.5.38	titthiyapakkantako paṭijānāti …
pli-tv-kd4:3.5.39	tiracchānagato paṭijānāti …
pli-tv-kd4:3.5.40	mātughātako paṭijānāti …
pli-tv-kd4:3.5.41	pitughātako paṭijānāti …
pli-tv-kd4:3.5.42	arahantaghātako paṭijānāti …
pli-tv-kd4:3.5.43	bhikkhunidūsako paṭijānāti …
pli-tv-kd4:3.5.44	saṅghabhedako paṭijānāti …
pli-tv-kd4:3.5.45	lohituppādako paṭijānāti …
pli-tv-kd4:3.5.46	ubhatobyañjanako paṭijānāti, anāhaṭā hoti pavāraṇā.
pli-tv-kd4:3.5.47	Pavāraṇahārako ce, bhikkhave, dinnāya pavāraṇāya saṅghappatto pakkamati, āhaṭā hoti pavāraṇā.
pli-tv-kd4:3.5.48	Pavāraṇahārako ce, bhikkhave, dinnāya pavāraṇāya saṅghappatto vibbhamati …pe…
pli-tv-kd4:3.5.49	kālaṁ karoti …
pli-tv-kd4:3.5.50	sāmaṇero paṭijānāti …
pli-tv-kd4:3.5.51	sikkhaṁ paccakkhātako paṭijānāti …
pli-tv-kd4:3.5.52	antimavatthuṁ ajjhāpannako paṭijānāti …
pli-tv-kd4:3.5.53	ummattako paṭijānāti …
pli-tv-kd4:3.5.54	khittacitto paṭijānāti …
pli-tv-kd4:3.5.55	vedanāṭṭo paṭijānāti …
pli-tv-kd4:3.5.56	āpattiyā adassane ukkhittako paṭijānāti …
pli-tv-kd4:3.5.57	āpattiyā appaṭikamme ukkhittako paṭijānāti …
pli-tv-kd4:3.5.58	pāpikāya diṭṭhiyā appaṭinissagge ukkhittako paṭijānāti …
pli-tv-kd4:3.5.59	paṇḍako paṭijānāti …
pli-tv-kd4:3.5.60	theyyasaṁvāsako paṭijānāti …
pli-tv-kd4:3.5.61	titthiyapakkantako paṭijānāti …
pli-tv-kd4:3.5.62	tiracchānagato paṭijānāti …
pli-tv-kd4:3.5.63	mātughātako paṭijānāti …
pli-tv-kd4:3.5.64	pitughātako paṭijānāti …
pli-tv-kd4:3.5.65	arahantaghātako paṭijānāti …
pli-tv-kd4:3.5.66	bhikkhunidūsako paṭijānāti …
pli-tv-kd4:3.5.67	saṅghabhedako paṭijānāti …
pli-tv-kd4:3.5.68	lohituppādako paṭijānāti …
pli-tv-kd4:3.5.69	ubhatobyañjanako paṭijānāti, āhaṭā hoti pavāraṇā.
pli-tv-kd4:3.5.70	Pavāraṇahārako ce, bhikkhave, dinnāya pavāraṇāya saṅghappatto sutto nāroceti, āhaṭā hoti pavāraṇā.
pli-tv-kd4:3.5.71	Pavāraṇahārakassa anāpatti.
pli-tv-kd4:3.5.72	Pavāraṇahārako ce, bhikkhave, dinnāya pavāraṇāya saṅghappatto pamatto nāroceti …pe…
pli-tv-kd4:3.5.73	samāpanno nāroceti, āhaṭā hoti pavāraṇā.
pli-tv-kd4:3.5.74	Pavāraṇahārakassa anāpatti.
pli-tv-kd4:3.5.75	Pavāraṇahārako ce, bhikkhave, dinnāya pavāraṇāya saṅghappatto sañcicca nāroceti, āhaṭā hoti pavāraṇā.
pli-tv-kd4:3.5.76	Pavāraṇahārakassa āpatti dukkaṭassa.
pli-tv-kd4:3.5.77	Anujānāmi, bhikkhave, tadahu pavāraṇāya pavāraṇaṁ dentena chandampi dātuṁ, santi saṅghassa karaṇīyan”ti.
pli-tv-kd4:4.1.0	4. Ñātakādiggahaṇakathā
pli-tv-kd4:4.1.1	Tena kho pana samayena aññataraṁ bhikkhuṁ tadahu pavāraṇāya ñātakā gaṇhiṁsu.
pli-tv-kd4:4.1.2	Bhagavato etamatthaṁ ārocesuṁ.
pli-tv-kd4:4.1.3	“Idha pana, bhikkhave, bhikkhuṁ tadahu pavāraṇāya ñātakā gaṇhanti.
pli-tv-kd4:4.1.4	Te ñātakā bhikkhūhi evamassu vacanīyā—
pli-tv-kd4:4.1.5	‘iṅgha tumhe āyasmanto imaṁ bhikkhuṁ muhuttaṁ muñcatha, yāvāyaṁ bhikkhu pavāretī’ti.
pli-tv-kd4:4.2.1	Evañcetaṁ labhetha, iccetaṁ kusalaṁ.
pli-tv-kd4:4.2.2	No ce labhetha, te ñātakā bhikkhūhi evamassu vacanīyā—
pli-tv-kd4:4.2.3	‘iṅgha tumhe āyasmanto muhuttaṁ ekamantaṁ hotha, yāvāyaṁ bhikkhu pavāraṇaṁ detī’ti.
pli-tv-kd4:4.2.4	Evañcetaṁ labhetha, iccetaṁ kusalaṁ.
pli-tv-kd4:4.2.5	No ce labhetha, te ñātakā bhikkhūhi evamassu vacanīyā—
pli-tv-kd4:4.2.6	‘iṅgha tumhe āyasmanto imaṁ bhikkhuṁ muhuttaṁ nissīmaṁ netha, yāva saṅgho pavāretī’ti.
pli-tv-kd4:4.2.7	Evañcetaṁ labhetha, iccetaṁ kusalaṁ.
pli-tv-kd4:4.2.8	No ce labhetha, na tveva vaggena saṅghena pavāretabbaṁ.
pli-tv-kd4:4.2.9	Pavāreyya ce, āpatti dukkaṭassa.
pli-tv-kd4:4.3.1	Idha pana, bhikkhave, bhikkhuṁ tadahu pavāraṇāya rājāno gaṇhanti …pe…
pli-tv-kd4:4.3.2	corā gaṇhanti …
pli-tv-kd4:4.3.3	dhuttā gaṇhanti …
pli-tv-kd4:4.3.4	bhikkhupaccatthikā gaṇhanti.
pli-tv-kd4:4.3.5	Te bhikkhupaccatthikā bhikkhūhi evamassu vacanīyā—
pli-tv-kd4:4.3.6	‘iṅgha tumhe āyasmanto imaṁ bhikkhuṁ muhuttaṁ muñcatha, yāvāyaṁ bhikkhu pavāretī’ti.
pli-tv-kd4:4.3.7	Evañcetaṁ labhetha, iccetaṁ kusalaṁ.
pli-tv-kd4:4.3.8	No ce labhetha, te bhikkhupaccatthikā bhikkhūhi evamassu vacanīyā—
pli-tv-kd4:4.3.9	‘iṅgha tumhe āyasmanto muhuttaṁ ekamantaṁ hotha, yāvāyaṁ bhikkhu pavāraṇaṁ detī’ti.
pli-tv-kd4:4.3.10	Evañcetaṁ labhetha, iccetaṁ kusalaṁ.
pli-tv-kd4:4.3.11	No ce labhetha, te bhikkhupaccatthikā bhikkhūhi evamassu vacanīyā—
pli-tv-kd4:4.3.12	‘iṅgha tumhe āyasmanto imaṁ bhikkhuṁ muhuttaṁ nissīmaṁ netha, yāva saṅgho pavāretī’ti.
pli-tv-kd4:4.3.13	Evañcetaṁ labhetha, iccetaṁ kusalaṁ.
pli-tv-kd4:4.3.14	No ce labhetha, na tveva vaggena saṅghena pavāretabbaṁ.
pli-tv-kd4:4.3.15	Pavāreyya ce, āpatti dukkaṭassā”ti.
pli-tv-kd4:5.1.0	5. Saṅghapavāraṇādippabheda
pli-tv-kd4:5.1.1	Tena kho pana samayena aññatarasmiṁ āvāse tadahu pavāraṇāya pañca bhikkhū viharanti.
pli-tv-kd4:5.1.2	Atha kho tesaṁ bhikkhūnaṁ etadahosi—
pli-tv-kd4:5.1.3	“bhagavatā paññattaṁ—
pli-tv-kd4:5.1.4	‘saṅghena pavāretabban’ti.
pli-tv-kd4:5.1.5	Mayañcamhā pañca janā.
pli-tv-kd4:5.1.6	Kathaṁ nu kho amhehi pavāretabban”ti?
pli-tv-kd4:5.1.7	Bhagavato etamatthaṁ ārocesuṁ.
pli-tv-kd4:5.1.8	“Anujānāmi, bhikkhave, pañcannaṁ saṅghe pavāretun”ti.
pli-tv-kd4:5.2.1	Tena kho pana samayena aññatarasmiṁ āvāse tadahu pavāraṇāya cattāro bhikkhū viharanti.
pli-tv-kd4:5.2.2	Atha kho tesaṁ bhikkhūnaṁ etadahosi—
pli-tv-kd4:5.2.3	“bhagavatā anuññātaṁ pañcannaṁ saṅghe pavāretunti.
pli-tv-kd4:5.2.4	Mayañcamhā cattāro janā.
pli-tv-kd4:5.2.5	Kathaṁ nu kho amhehi pavāretabban”ti?
pli-tv-kd4:5.2.6	Bhagavato etamatthaṁ ārocesuṁ.
pli-tv-kd4:5.2.7	“Anujānāmi, bhikkhave, catunnaṁ aññamaññaṁ pavāretuṁ.
pli-tv-kd4:5.3.1	Evañca pana, bhikkhave, pavāretabbaṁ.
pli-tv-kd4:5.3.2	Byattena bhikkhunā paṭibalena te bhikkhū ñāpetabbā—
pli-tv-kd4:5.3.3	‘Suṇantu me āyasmanto.
pli-tv-kd4:5.3.4	Ajja pavāraṇā.
pli-tv-kd4:5.3.5	Yadāyasmantānaṁ pattakallaṁ, mayaṁ aññamaññaṁ pavāreyyāmā’ti.
pli-tv-kd4:5.3.6	Therena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā te bhikkhū evamassu vacanīyā—
pli-tv-kd4:5.3.7	‘ahaṁ, āvuso, āyasmante pavāremi diṭṭhena vā sutena vā parisaṅkāya vā.
pli-tv-kd4:5.3.8	Vadantu maṁ āyasmanto anukampaṁ upādāya.
pli-tv-kd4:5.3.9	Passanto paṭikarissāmi.
pli-tv-kd4:5.3.10	Dutiyampi …pe…
pli-tv-kd4:5.3.11	tatiyampi ahaṁ, āvuso, āyasmante pavāremi diṭṭhena vā sutena vā parisaṅkāya vā.
pli-tv-kd4:5.3.12	Vadantu maṁ āyasmanto anukampaṁ upādāya.
pli-tv-kd4:5.3.13	Passanto paṭikarissāmī’ti.
pli-tv-kd4:5.3.14	Navakena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā te bhikkhū evamassu vacanīyā—
pli-tv-kd4:5.3.15	‘ahaṁ, bhante, āyasmante pavāremi diṭṭhena vā sutena vā parisaṅkāya vā.
pli-tv-kd4:5.3.16	Vadantu maṁ āyasmanto anukampaṁ upādāya.
pli-tv-kd4:5.3.17	Passanto paṭikarissāmi.
pli-tv-kd4:5.3.18	Dutiyampi …pe…
pli-tv-kd4:5.3.19	tatiyampi ahaṁ, bhante, āyasmante pavāremi diṭṭhena vā sutena vā parisaṅkāya vā.
pli-tv-kd4:5.3.20	Vadantu maṁ āyasmanto anukampaṁ upādāya.
pli-tv-kd4:5.3.21	Passanto paṭikarissāmī’”ti.
pli-tv-kd4:5.4.1	Tena kho pana samayena aññatarasmiṁ āvāse tadahu pavāraṇāya tayo bhikkhū viharanti.
pli-tv-kd4:5.4.2	Atha kho tesaṁ bhikkhūnaṁ etadahosi—
pli-tv-kd4:5.4.3	“bhagavatā anuññātaṁ pañcannaṁ saṅghe pavāretuṁ, catunnaṁ aññamaññaṁ pavāretuṁ.
pli-tv-kd4:5.4.4	Mayañcamhā tayo janā.
pli-tv-kd4:5.4.5	Kathaṁ nu kho amhehi pavāretabban”ti?
pli-tv-kd4:5.4.6	Bhagavato etamatthaṁ ārocesuṁ.
pli-tv-kd4:5.4.7	“Anujānāmi, bhikkhave, tiṇṇaṁ aññamaññaṁ pavāretuṁ.
pli-tv-kd4:5.4.8	Evañca pana, bhikkhave, pavāretabbaṁ.
pli-tv-kd4:5.4.9	Byattena bhikkhunā paṭibalena te bhikkhū ñāpetabbā—
pli-tv-kd4:5.4.10	‘Suṇantu me āyasmantā.
pli-tv-kd4:5.4.11	Ajja pavāraṇā.
pli-tv-kd4:5.4.12	Yadāyasmantānaṁ pattakallaṁ, mayaṁ aññamaññaṁ pavāreyyāmā’ti.
pli-tv-kd4:5.4.13	Therena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā te bhikkhū evamassu vacanīyā—
pli-tv-kd4:5.4.14	‘ahaṁ, āvuso, āyasmante pavāremi diṭṭhena vā sutena vā parisaṅkāya vā.
pli-tv-kd4:5.4.15	Vadantu maṁ āyasmantā anukampaṁ upādāya.
pli-tv-kd4:5.4.16	Passanto paṭikarissāmi.
pli-tv-kd4:5.4.17	Dutiyampi …pe…
pli-tv-kd4:5.4.18	tatiyampi ahaṁ, āvuso, āyasmante pavāremi diṭṭhena vā sutena vā parisaṅkāya vā.
pli-tv-kd4:5.4.19	Vadantu maṁ āyasmantā anukampaṁ upādāya.
pli-tv-kd4:5.4.20	Passanto paṭikarissāmī’ti.
pli-tv-kd4:5.4.21	Navakena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā te bhikkhū evamassu vacanīyā—
pli-tv-kd4:5.4.22	‘ahaṁ, bhante, āyasmante pavāremi diṭṭhena vā sutena vā parisaṅkāya vā.
pli-tv-kd4:5.4.23	Vadantu maṁ āyasmantā anukampaṁ upādāya.
pli-tv-kd4:5.4.24	Passanto paṭikarissāmi.
pli-tv-kd4:5.4.25	Dutiyampi …pe…
pli-tv-kd4:5.4.26	tatiyampi ahaṁ, bhante, āyasmante pavāremi diṭṭhena vā sutena vā parisaṅkāya vā.
pli-tv-kd4:5.4.27	Vadantu maṁ āyasmantā anukampaṁ upādāya.
pli-tv-kd4:5.4.28	Passanto paṭikarissāmī’”ti.
pli-tv-kd4:5.5.1	Tena kho pana samayena aññatarasmiṁ āvāse tadahu pavāraṇāya dve bhikkhū viharanti.
pli-tv-kd4:5.5.2	Atha kho tesaṁ bhikkhūnaṁ etadahosi—
pli-tv-kd4:5.5.3	“bhagavatā anuññātaṁ pañcannaṁ saṅghe pavāretuṁ, catunnaṁ aññamaññaṁ pavāretuṁ, tiṇṇaṁ aññamaññaṁ pavāretuṁ.
pli-tv-kd4:5.5.4	Mayañcamhā dve janā.
pli-tv-kd4:5.5.5	Kathaṁ nu kho amhehi pavāretabban”ti.
pli-tv-kd4:5.5.6	Bhagavato etamatthaṁ ārocesuṁ.
pli-tv-kd4:5.5.7	“Anujānāmi, bhikkhave, dvinnaṁ aññamaññaṁ pavāretuṁ.
pli-tv-kd4:5.6.1	Evañca pana, bhikkhave, pavāretabbaṁ.
pli-tv-kd4:5.6.2	Therena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā navo bhikkhu evamassa vacanīyo—
pli-tv-kd4:5.6.3	‘ahaṁ, āvuso, āyasmantaṁ pavāremi diṭṭhena vā sutena vā parisaṅkāya vā.
pli-tv-kd4:5.6.4	Vadatu maṁ āyasmā anukampaṁ upādāya.
pli-tv-kd4:5.6.5	Passanto paṭikarissāmi.
pli-tv-kd4:5.6.6	Dutiyampi …pe…
pli-tv-kd4:5.6.7	tatiyampi ahaṁ, āvuso, āyasmantaṁ pavāremi diṭṭhena vā sutena vā parisaṅkāya vā.
pli-tv-kd4:5.6.8	Vadatu maṁ āyasmā anukampaṁ upādāya.
pli-tv-kd4:5.6.9	Passanto paṭikarissāmīti.
pli-tv-kd4:5.6.10	Navakena bhikkhunā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā thero bhikkhu evamassa vacanīyo—
pli-tv-kd4:5.6.11	‘ahaṁ, bhante, āyasmantaṁ pavāremi diṭṭhena vā sutena vā parisaṅkāya vā.
pli-tv-kd4:5.6.12	Vadatu maṁ āyasmā anukampaṁ upādāya.
pli-tv-kd4:5.6.13	Passanto paṭikarissāmi.
pli-tv-kd4:5.6.14	Dutiyampi …pe…
pli-tv-kd4:5.6.15	tatiyampi ahaṁ, bhante, āyasmantaṁ pavāremi diṭṭhena vā sutena vā parisaṅkāya vā.
pli-tv-kd4:5.6.16	Vadatu maṁ āyasmā anukampaṁ upādāya.
pli-tv-kd4:5.6.17	Passanto paṭikarissāmī’”ti.
pli-tv-kd4:5.7.1	Tena kho pana samayena aññatarasmiṁ āvāse tadahu pavāraṇāya eko bhikkhu viharati.
pli-tv-kd4:5.7.2	Atha kho tassa bhikkhuno etadahosi—
pli-tv-kd4:5.7.3	“bhagavatā anuññātaṁ pañcannaṁ saṅghe pavāretuṁ, catunnaṁ aññamaññaṁ pavāretuṁ, tiṇṇaṁ aññamaññaṁ pavāretuṁ, dvinnaṁ aññamaññaṁ pavāretuṁ.
pli-tv-kd4:5.7.4	Ahañcamhi ekako.
pli-tv-kd4:5.7.5	Kathaṁ nu kho mayā pavāretabban”ti?
pli-tv-kd4:5.7.6	Bhagavato etamatthaṁ ārocesuṁ.
pli-tv-kd4:5.8.1	“Idha pana, bhikkhave, aññatarasmiṁ āvāse tadahu pavāraṇāya eko bhikkhu viharati.
pli-tv-kd4:5.8.2	Tena, bhikkhave, bhikkhunā yattha bhikkhū paṭikkamanti upaṭṭhānasālāya vā maṇḍape vā rukkhamūle vā, so deso sammajjitvā pānīyaṁ paribhojanīyaṁ upaṭṭhāpetvā āsanaṁ paññapetvā padīpaṁ katvā nisīditabbaṁ.
pli-tv-kd4:5.8.3	Sace aññe bhikkhū āgacchanti, tehi saddhiṁ pavāretabbaṁ;
pli-tv-kd4:5.8.4	no ce āgacchanti, ‘ajja me pavāraṇā’ti adhiṭṭhātabbaṁ.
pli-tv-kd4:5.8.5	No ce adhiṭṭheyya, āpatti dukkaṭassa.
pli-tv-kd4:5.9.1	Tatra, bhikkhave, yattha pañca bhikkhū viharanti, na ekassa pavāraṇaṁ āharitvā catūhi saṅghe pavāretabbaṁ.
pli-tv-kd4:5.9.2	Pavāreyyuñce, āpatti dukkaṭassa.
pli-tv-kd4:5.9.3	Tatra, bhikkhave, yattha cattāro bhikkhū viharanti, na ekassa pavāraṇaṁ āharitvā tīhi aññamaññaṁ pavāretabbaṁ.
pli-tv-kd4:5.9.4	Pavāreyyuñce, āpatti dukkaṭassa.
pli-tv-kd4:5.9.5	Tatra, bhikkhave, yattha tayo bhikkhū viharanti, na ekassa pavāraṇaṁ āharitvā dvīhi aññamaññaṁ pavāretabbaṁ.
pli-tv-kd4:5.9.6	Pavāreyyuñce, āpatti dukkaṭassa.
pli-tv-kd4:5.9.7	Tatra, bhikkhave, yattha dve bhikkhū viharanti, na ekassa pavāraṇaṁ āharitvā ekena adhiṭṭhātabbaṁ.
pli-tv-kd4:5.9.8	Adhiṭṭheyya ce, āpatti dukkaṭassā”ti.
pli-tv-kd4:6.1.0	6. Āpattipaṭikammavidhi
pli-tv-kd4:6.1.1	Tena kho pana samayena aññataro bhikkhu tadahu pavāraṇāya āpattiṁ āpanno hoti.
pli-tv-kd4:6.1.2	Atha kho tassa bhikkhuno etadahosi—
pli-tv-kd4:6.1.3	“bhagavatā paññattaṁ—
pli-tv-kd4:6.1.4	‘na sāpattikena pavāretabban’ti.
pli-tv-kd4:6.1.5	Ahañcamhi āpattiṁ āpanno.
pli-tv-kd4:6.1.6	Kathaṁ nu kho mayā paṭipajjitabban”ti?
pli-tv-kd4:6.1.7	Bhagavato etamatthaṁ ārocesuṁ.
pli-tv-kd4:6.1.8	“Idha pana, bhikkhave, bhikkhu tadahu pavāraṇāya āpattiṁ āpanno hoti.
pli-tv-kd4:6.1.9	Tena, bhikkhave, bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd4:6.1.10	‘ahaṁ, āvuso, itthannāmaṁ āpattiṁ āpanno, taṁ paṭidesemī’ti.
pli-tv-kd4:6.1.11	Tena vattabbo—
pli-tv-kd4:6.1.12	‘passasī’ti.
pli-tv-kd4:6.1.13	‘Āma passāmī’ti.
pli-tv-kd4:6.1.14	‘Āyatiṁ saṁvareyyāsī’ti.
pli-tv-kd4:6.1.15	Idha pana, bhikkhave, bhikkhu tadahu pavāraṇāya āpattiyā vematiko hoti.
pli-tv-kd4:6.1.16	Tena, bhikkhave, bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd4:6.1.17	‘ahaṁ, āvuso, itthannāmāya āpattiyā vematiko;
pli-tv-kd4:6.1.18	yadā nibbematiko bhavissāmi tadā taṁ āpattiṁ paṭikarissāmī’ti vatvā pavāretabbaṁ;
pli-tv-kd4:6.1.19	na tveva tappaccayā pavāraṇāya antarāyo kātabbo”ti.
pli-tv-kd4:6.2.0	7. Āpattiāvikaraṇavidhi
pli-tv-kd4:6.2.1	Tena kho pana samayena aññataro bhikkhu pavārayamāno āpattiṁ sarati.
pli-tv-kd4:6.2.2	Atha kho tassa bhikkhuno etadahosi—
pli-tv-kd4:6.2.3	“bhagavatā paññattaṁ—
pli-tv-kd4:6.2.4	‘na sāpattikena pavāretabban’ti.
pli-tv-kd4:6.2.5	Ahañcamhi āpattiṁ āpanno.
pli-tv-kd4:6.2.6	Kathaṁ nu kho mayā paṭipajjitabban”ti?
pli-tv-kd4:6.2.7	Bhagavato etamatthaṁ ārocesuṁ.
pli-tv-kd4:6.2.8	“Idha pana, bhikkhave, bhikkhu pavārayamāno āpattiṁ sarati.
pli-tv-kd4:6.2.9	Tena, bhikkhave, bhikkhunā sāmanto bhikkhu evamassa vacanīyo—
pli-tv-kd4:6.2.10	‘ahaṁ, āvuso, itthannāmaṁ āpattiṁ āpanno.
pli-tv-kd4:6.2.11	Ito vuṭṭhahitvā taṁ āpattiṁ paṭikarissāmī’ti vatvā pavāretabbaṁ;
pli-tv-kd4:6.2.12	na tveva tappaccayā pavāraṇāya antarāyo kātabbo.
pli-tv-kd4:6.3.1	Idha pana, bhikkhave, bhikkhu pavārayamāno āpattiyā vematiko hoti.
pli-tv-kd4:6.3.2	Tena, bhikkhave, bhikkhunā sāmanto bhikkhu evamassa vacanīyo—
pli-tv-kd4:6.3.3	‘ahaṁ, āvuso, itthannāmāya āpattiyā vematiko;
pli-tv-kd4:6.3.4	yadā nibbematiko bhavissāmi tadā taṁ āpattiṁ paṭikarissāmī’ti vatvā pavāretabbaṁ;
pli-tv-kd4:6.3.5	na tveva tappaccayā pavāraṇāya antarāyo kātabbo”ti.
pli-tv-kd4:6.3.6.0	8. Sabhāgāpattipaṭikammavidhi
pli-tv-kd4:6.3.6.1	Tena kho pana samayena aññatarasmiṁ āvāse tadahu pavāraṇāya sabbo saṅgho sabhāgaṁ āpattiṁ āpanno hoti.
pli-tv-kd4:6.3.7	Atha kho tesaṁ bhikkhūnaṁ etadahosi—
pli-tv-kd4:6.3.8	“bhagavatā paññattaṁ—
pli-tv-kd4:6.3.9	‘na sabhāgā āpatti desetabbā, na sabhāgā āpatti paṭiggahetabbā’ti.
pli-tv-kd4:6.3.10	Ayañca sabbo saṅgho sabhāgaṁ āpattiṁ āpanno.
pli-tv-kd4:6.3.11	Kathaṁ nu kho amhehi paṭipajjitabban”ti?
pli-tv-kd4:6.3.12	Bhagavato etamatthaṁ ārocesuṁ.
pli-tv-kd4:6.3.13	“Idha pana, bhikkhave, aññatarasmiṁ āvāse tadahu pavāraṇāya sabbo saṅgho sabhāgaṁ āpattiṁ āpanno hoti.
pli-tv-kd4:6.3.14	Tehi, bhikkhave, bhikkhūhi eko bhikkhu sāmantā āvāsā sajjukaṁ pāhetabbo—
pli-tv-kd4:6.3.15	gacchāvuso, taṁ āpattiṁ paṭikaritvā āgaccha, mayaṁ te santike taṁ āpattiṁ paṭikarissāmāti.
pli-tv-kd4:6.3.16	Evañcetaṁ labhetha, iccetaṁ kusalaṁ.
pli-tv-kd4:6.3.17	No ce labhetha, byattena bhikkhunā paṭibalena saṅgho ñāpetabbo—
pli-tv-kd4:6.3.18	‘Suṇātu me, bhante, saṅgho.
pli-tv-kd4:6.3.19	Ayaṁ sabbo saṅgho sabhāgaṁ āpattiṁ āpanno.
pli-tv-kd4:6.3.20	Yadā aññaṁ bhikkhuṁ suddhaṁ anāpattikaṁ passissati tadā tassa santike taṁ āpattiṁ paṭikarissatī’ti
pli-tv-kd4:6.3.21	vatvā pavāretabbaṁ;
pli-tv-kd4:6.3.22	na tveva tappaccayā pavāraṇāya antarāyo kātabbo.
pli-tv-kd4:6.3.23	Idha pana, bhikkhave, aññatarasmiṁ āvāse tadahu pavāraṇāya sabbo saṅgho sabhāgāya āpattiyā vematiko hoti.
pli-tv-kd4:6.3.24	Byattena bhikkhunā paṭibalena saṅgho ñāpetabbo—
pli-tv-kd4:6.3.25	‘Suṇātu me, bhante, saṅgho.
pli-tv-kd4:6.3.26	Ayaṁ sabbo saṅgho sabhāgāya āpattiyā vematiko.
pli-tv-kd4:6.3.27	Yadā nibbematiko bhavissati tadā taṁ āpattiṁ paṭikarissatī’ti vatvā,
pli-tv-kd4:6.3.28	pavāretabbaṁ, na tveva tappaccayā pavāraṇāya antarāyo kātabbo”ti.
pli-tv-kd4:6.3.29	Paṭhamabhāṇavāro niṭṭhito.
pli-tv-kd4:7.1.0	9. Anāpattipannarasaka
pli-tv-kd4:7.1.1	Tena kho pana samayena aññatarasmiṁ āvāse tadahu pavāraṇāya sambahulā āvāsikā bhikkhū sannipatiṁsu, pañca vā atirekā vā.
pli-tv-kd4:7.1.2	Te na jāniṁsu—
pli-tv-kd4:7.1.3	“atthaññe āvāsikā bhikkhū anāgatā”ti.
pli-tv-kd4:7.1.4	Te dhammasaññino vinayasaññino vaggā samaggasaññino pavāresuṁ.
pli-tv-kd4:7.1.5	Tehi pavāriyamāne athaññe āvāsikā bhikkhū āgacchiṁsu bahutarā.
pli-tv-kd4:7.1.6	Bhagavato etamatthaṁ ārocesuṁ.
pli-tv-kd4:7.2.1	“Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.2.2	Te na jānanti—
pli-tv-kd4:7.2.3	‘atthaññe āvāsikā bhikkhū anāgatā’ti.
pli-tv-kd4:7.2.4	Te dhammasaññino vinayasaññino vaggā samaggasaññino pavārenti.
pli-tv-kd4:7.2.5	Tehi pavāriyamāne athaññe āvāsikā bhikkhū āgacchanti bahutarā.
pli-tv-kd4:7.2.6	Tehi, bhikkhave, bhikkhūhi puna pavāretabbaṁ.
pli-tv-kd4:7.2.7	Pavāritānaṁ anāpatti.
pli-tv-kd4:7.3.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.3.2	Te na jānanti—
pli-tv-kd4:7.3.3	‘atthaññe āvāsikā bhikkhū anāgatā’ti.
pli-tv-kd4:7.3.4	Te dhammasaññino vinayasaññino vaggā samaggasaññino pavārenti.
pli-tv-kd4:7.3.5	Tehi pavāriyamāne athaññe āvāsikā bhikkhū āgacchanti samasamā.
pli-tv-kd4:7.3.6	Pavāritā suppavāritā, avasesehi pavāretabbaṁ.
pli-tv-kd4:7.3.7	Pavāritānaṁ anāpatti.
pli-tv-kd4:7.3.8	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.3.9	Te na jānanti—
pli-tv-kd4:7.3.10	‘atthaññe āvāsikā bhikkhū anāgatā’ti.
pli-tv-kd4:7.3.11	Te dhammasaññino vinayasaññino vaggā samaggasaññino pavārenti.
pli-tv-kd4:7.3.12	Tehi pavāriyamāne athaññe āvāsikā bhikkhū āgacchanti thokatarā.
pli-tv-kd4:7.3.13	Pavāritā suppavāritā, avasesehi pavāretabbaṁ.
pli-tv-kd4:7.3.14	Pavāritānaṁ anāpatti.
pli-tv-kd4:7.4.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.4.2	Te na jānanti—
pli-tv-kd4:7.4.3	‘atthaññe āvāsikā bhikkhū anāgatā’ti.
pli-tv-kd4:7.4.4	Te dhammasaññino vinayasaññino vaggā samaggasaññino pavārenti.
pli-tv-kd4:7.4.5	Tehi pavāritamatte athaññe āvāsikā bhikkhū āgacchanti bahutarā.
pli-tv-kd4:7.4.6	Tehi, bhikkhave, bhikkhūhi puna pavāretabbaṁ.
pli-tv-kd4:7.4.7	Pavāritānaṁ anāpatti.
pli-tv-kd4:7.4.8	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.4.9	Te na jānanti—
pli-tv-kd4:7.4.10	‘atthaññe āvāsikā bhikkhū anāgatā’ti.
pli-tv-kd4:7.4.11	Te dhammasaññino vinayasaññino vaggā samaggasaññino pavārenti.
pli-tv-kd4:7.4.12	Tehi pavāritamatte athaññe āvāsikā bhikkhū āgacchanti samasamā.
pli-tv-kd4:7.4.13	Pavāritā suppavāritā, tesaṁ santike pavāretabbaṁ.
pli-tv-kd4:7.4.14	Pavāritānaṁ anāpatti.
pli-tv-kd4:7.4.15	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.4.16	Te na jānanti—
pli-tv-kd4:7.4.17	‘atthaññe āvāsikā bhikkhū anāgatā’ti.
pli-tv-kd4:7.4.18	Te dhammasaññino vinayasaññino vaggā samaggasaññino pavārenti.
pli-tv-kd4:7.4.19	Tehi pavāritamatte athaññe āvāsikā bhikkhū āgacchanti thokatarā.
pli-tv-kd4:7.4.20	Pavāritā suppavāritā, tesaṁ santike pavāretabbaṁ.
pli-tv-kd4:7.4.21	Pavāritānaṁ anāpatti.
pli-tv-kd4:7.5.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.2	Te na jānanti—
pli-tv-kd4:7.5.3	‘atthaññe āvāsikā bhikkhū anāgatā’ti.
pli-tv-kd4:7.5.4	Te dhammasaññino vinayasaññino vaggā samaggasaññino pavārenti.
pli-tv-kd4:7.5.5	Tehi pavāritamatte, avuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd4:7.5.6	Tehi, bhikkhave, bhikkhūhi puna pavāretabbaṁ.
pli-tv-kd4:7.5.7	Pavāritānaṁ anāpatti.
pli-tv-kd4:7.5.8	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.9	Te na jānanti—
pli-tv-kd4:7.5.10	‘atthaññe āvāsikā bhikkhū anāgatā’ti.
pli-tv-kd4:7.5.11	Te dhammasaññino vinayasaññino vaggā samaggasaññino pavārenti.
pli-tv-kd4:7.5.12	Tehi pavāritamatte, avuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd4:7.5.13	Pavāritā suppavāritā, tesaṁ santike pavāretabbaṁ.
pli-tv-kd4:7.5.14	Pavāritānaṁ anāpatti.
pli-tv-kd4:7.5.15	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.16	Te na jānanti—
pli-tv-kd4:7.5.17	‘atthaññe āvāsikā bhikkhū anāgatā’ti.
pli-tv-kd4:7.5.18	Te dhammasaññino vinayasaññino vaggā samaggasaññino pavārenti.
pli-tv-kd4:7.5.19	Tehi pavāritamatte, avuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd4:7.5.20	Pavāritā suppavāritā, tesaṁ santike pavāretabbaṁ.
pli-tv-kd4:7.5.21	Pavāritānaṁ anāpatti.
pli-tv-kd4:7.5.22	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.23	Te na jānanti—
pli-tv-kd4:7.5.24	‘atthaññe āvāsikā bhikkhū anāgatā’ti.
pli-tv-kd4:7.5.25	Te dhammasaññino vinayasaññino vaggā samaggasaññino pavārenti.
pli-tv-kd4:7.5.26	Tehi pavāritamatte, ekaccāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd4:7.5.27	Tehi, bhikkhave, bhikkhūhi puna pavāretabbaṁ.
pli-tv-kd4:7.5.28	Pavāritānaṁ anāpatti.
pli-tv-kd4:7.5.29	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.30	Te na jānanti—
pli-tv-kd4:7.5.31	‘atthaññe āvāsikā bhikkhū anāgatā’ti.
pli-tv-kd4:7.5.32	Te dhammasaññino vinayasaññino vaggā samaggasaññino pavārenti.
pli-tv-kd4:7.5.33	Tehi pavāritamatte, ekaccāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd4:7.5.34	Pavāritā suppavāritā, tesaṁ santike pavāretabbaṁ.
pli-tv-kd4:7.5.35	Pavāritānaṁ anāpatti.
pli-tv-kd4:7.5.36	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.37	Te na jānanti—
pli-tv-kd4:7.5.38	‘atthaññe āvāsikā bhikkhū anāgatā’ti.
pli-tv-kd4:7.5.39	Te dhammasaññino vinayasaññino vaggā samaggasaññino pavārenti.
pli-tv-kd4:7.5.40	Tehi pavāritamatte, ekaccāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd4:7.5.41	Pavāritā suppavāritā, tesaṁ santike pavāretabbaṁ.
pli-tv-kd4:7.5.42	Pavāritānaṁ anāpatti.
pli-tv-kd4:7.5.43	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.44	Te na jānanti—
pli-tv-kd4:7.5.45	‘atthaññe āvāsikā bhikkhū anāgatā’ti.
pli-tv-kd4:7.5.46	Te dhammasaññino vinayasaññino vaggā samaggasaññino pavārenti.
pli-tv-kd4:7.5.47	Tehi pavāritamatte, sabbāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd4:7.5.48	Tehi, bhikkhave, bhikkhūhi puna pavāretabbaṁ.
pli-tv-kd4:7.5.49	Pavāritānaṁ anāpatti.
pli-tv-kd4:7.5.50	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.51	Te na jānanti—
pli-tv-kd4:7.5.52	‘atthaññe āvāsikā bhikkhū anāgatā’ti.
pli-tv-kd4:7.5.53	Te dhammasaññino vinayasaññino vaggā samaggasaññino pavārenti.
pli-tv-kd4:7.5.54	Tehi pavāritamatte, sabbāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd4:7.5.55	Pavāritā suppavāritā, tesaṁ santike pavāretabbaṁ.
pli-tv-kd4:7.5.56	Pavāritānaṁ anāpatti.
pli-tv-kd4:7.5.57	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:7.5.58	Te na jānanti—
pli-tv-kd4:7.5.59	‘atthaññe āvāsikā bhikkhū anāgatā’ti.
pli-tv-kd4:7.5.60	Te dhammasaññino vinayasaññino vaggā samaggasaññino pavārenti.
pli-tv-kd4:7.5.61	Tehi pavāritamatte, sabbāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd4:7.5.62	Pavāritā suppavāritā, tesaṁ santike pavāretabbaṁ.
pli-tv-kd4:7.5.63	Pavāritānaṁ anāpatti.
pli-tv-kd4:7.5.64	Anāpattipannarasakaṁ niṭṭhitaṁ.
pli-tv-kd4:8.1.0	10. Vaggāvaggasaññipannarasaka
pli-tv-kd4:8.1.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:8.1.2	Te jānanti—
pli-tv-kd4:8.1.3	‘atthaññe āvāsikā bhikkhū anāgatā’ti.
pli-tv-kd4:8.1.4	Te dhammasaññino vinayasaññino vaggā vaggasaññino pavārenti.
pli-tv-kd4:8.1.5	Tehi pavāriyamāne athaññe āvāsikā bhikkhū āgacchanti bahutarā.
pli-tv-kd4:8.1.6	Tehi, bhikkhave, bhikkhūhi puna pavāretabbaṁ.
pli-tv-kd4:8.1.7	Pavāritānaṁ āpatti dukkaṭassa.
pli-tv-kd4:8.2.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:8.2.2	Te jānanti—
pli-tv-kd4:8.2.3	‘atthaññe āvāsikā bhikkhū anāgatā’ti.
pli-tv-kd4:8.2.4	Te dhammasaññino vinayasaññino vaggā vaggasaññino pavārenti.
pli-tv-kd4:8.2.5	Tehi pavāriyamāne athaññe āvāsikā bhikkhū āgacchanti samasamā.
pli-tv-kd4:8.2.6	Pavāritā suppavāritā, avasesehi pavāretabbaṁ.
pli-tv-kd4:8.2.7	Pavāritānaṁ āpatti dukkaṭassa.
pli-tv-kd4:8.2.8	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:8.2.9	Te jānanti—
pli-tv-kd4:8.2.10	‘atthaññe āvāsikā bhikkhū anāgatā’ti.
pli-tv-kd4:8.2.11	Te dhammasaññino vinayasaññino vaggā vaggasaññino pavārenti.
pli-tv-kd4:8.2.12	Tehi pavāriyamāne athaññe āvāsikā bhikkhū āgacchanti thokatarā.
pli-tv-kd4:8.2.13	Pavāritā suppavāritā, avasesehi pavāretabbaṁ.
pli-tv-kd4:8.2.14	Pavāritānaṁ āpatti dukkaṭassa.
pli-tv-kd4:8.3.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:8.3.2	Te jānanti—
pli-tv-kd4:8.3.3	‘atthaññe āvāsikā bhikkhū anāgatā’ti.
pli-tv-kd4:8.3.4	Te dhammasaññino vinayasaññino vaggā vaggasaññino pavārenti.
pli-tv-kd4:8.3.5	Tehi pavāritamatte …pe…
pli-tv-kd4:8.3.6	avuṭṭhitāya parisāya …pe…
pli-tv-kd4:8.3.7	ekaccāya vuṭṭhitāya parisāya …pe…
pli-tv-kd4:8.3.8	sabbāya vuṭṭhitāya parisāya, athaññe āvāsikā bhikkhū āgacchanti bahutarā …pe…
pli-tv-kd4:8.3.9	samasamā …pe…
pli-tv-kd4:8.3.10	thokatarā.
pli-tv-kd4:8.3.11	Pavāritā suppavāritā, tesaṁ santike pavāretabbaṁ.
pli-tv-kd4:8.3.12	Pavāritānaṁ āpatti dukkaṭassa.
pli-tv-kd4:8.3.13	Vaggāvaggasaññipannarasakaṁ niṭṭhitaṁ.
pli-tv-kd4:9.1.0	11. Vematikapannarasaka
pli-tv-kd4:9.1.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:9.1.2	Te jānanti—
pli-tv-kd4:9.1.3	‘atthaññe āvāsikā bhikkhū anāgatā’ti.
pli-tv-kd4:9.1.4	Te ‘kappati nu kho amhākaṁ pavāretuṁ, na nu kho kappatī’ti vematikā pavārenti.
pli-tv-kd4:9.1.5	Tehi pavāriyamāne athaññe āvāsikā bhikkhū āgacchanti bahutarā.
pli-tv-kd4:9.1.6	Tehi, bhikkhave, bhikkhūhi puna pavāretabbaṁ.
pli-tv-kd4:9.1.7	Pavāritānaṁ āpatti dukkaṭassa.
pli-tv-kd4:9.2.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:9.2.2	Te jānanti—
pli-tv-kd4:9.2.3	‘atthaññe āvāsikā bhikkhū anāgatā’ti.
pli-tv-kd4:9.2.4	Te ‘kappati nu kho amhākaṁ pavāretuṁ, na nu kho kappatī’ti vematikā pavārenti.
pli-tv-kd4:9.2.5	Tehi pavāriyamāne athaññe āvāsikā bhikkhū āgacchanti samasamā.
pli-tv-kd4:9.2.6	Pavāritā suppavāritā, avasesehi pavāretabbaṁ.
pli-tv-kd4:9.2.7	Pavāritānaṁ āpatti dukkaṭassa.
pli-tv-kd4:9.2.8	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:9.2.9	Te jānanti—
pli-tv-kd4:9.2.10	‘atthaññe āvāsikā bhikkhū anāgatā’ti.
pli-tv-kd4:9.2.11	Te ‘kappati nu kho amhākaṁ pavāretuṁ, na nu kho kappatī’ti vematikā pavārenti.
pli-tv-kd4:9.2.12	Tehi pavāriyamāne athaññe āvāsikā bhikkhū āgacchanti thokatarā.
pli-tv-kd4:9.2.13	Pavāritā suppavāritā, avasesehi pavāretabbaṁ.
pli-tv-kd4:9.2.14	Pavāritānaṁ āpatti dukkaṭassa.
pli-tv-kd4:9.2.15	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:9.2.16	Te jānanti—
pli-tv-kd4:9.2.17	‘atthaññe āvāsikā bhikkhū anāgatā’ti.
pli-tv-kd4:9.2.18	Te ‘kappati nu kho amhākaṁ pavāretuṁ, na nu kho kappatī’ti vematikā pavārenti.
pli-tv-kd4:9.2.19	Tehi pavāritamatte …pe…
pli-tv-kd4:9.2.20	avuṭṭhitāya parisāya …pe…
pli-tv-kd4:9.2.21	ekaccāya vuṭṭhitāya parisāya …pe…
pli-tv-kd4:9.2.22	sabbāya vuṭṭhitāya parisāya, athaññe āvāsikā bhikkhū āgacchanti bahutarā …pe…
pli-tv-kd4:9.2.23	samasamā …pe…
pli-tv-kd4:9.2.24	thokatarā.
pli-tv-kd4:9.2.25	Pavāritā suppavāritā, tesaṁ santike pavāretabbaṁ.
pli-tv-kd4:9.2.26	Pavāritānaṁ āpatti dukkaṭassa.
pli-tv-kd4:9.2.27	Vematikapannarasakaṁ niṭṭhitaṁ.
pli-tv-kd4:10.1.0	12. Kukkuccapakatapannarasaka
pli-tv-kd4:10.1.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:10.1.2	Te jānanti—
pli-tv-kd4:10.1.3	‘atthaññe āvāsikā bhikkhū anāgatā’ti.
pli-tv-kd4:10.1.4	Te ‘kappateva amhākaṁ pavāretuṁ, nāmhākaṁ na kappatī’ti—
pli-tv-kd4:10.1.5	kukkuccapakatā pavārenti.
pli-tv-kd4:10.1.6	Tehi pavāriyamāne athaññe āvāsikā bhikkhū āgacchanti bahutarā.
pli-tv-kd4:10.1.7	Tehi, bhikkhave, bhikkhūhi puna pavāretabbaṁ.
pli-tv-kd4:10.1.8	Pavāritānaṁ āpatti dukkaṭassa.
pli-tv-kd4:10.2.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:10.2.2	Te jānanti—
pli-tv-kd4:10.2.3	‘atthaññe āvāsikā bhikkhū anāgatā’ti.
pli-tv-kd4:10.2.4	Te ‘kappateva amhākaṁ pavāretuṁ, nāmhākaṁ na kappatī’ti—
pli-tv-kd4:10.2.5	kukkuccapakatā pavārenti.
pli-tv-kd4:10.2.6	Tehi pavāriyamāne athaññe āvāsikā bhikkhū āgacchanti samasamā.
pli-tv-kd4:10.2.7	Pavāritā suppavāritā, avasesehi pavāretabbaṁ.
pli-tv-kd4:10.2.8	Pavāritānaṁ āpatti dukkaṭassa.
pli-tv-kd4:10.2.9	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:10.2.10	Te jānanti—
pli-tv-kd4:10.2.11	‘atthaññe āvāsikā bhikkhū anāgatā’ti.
pli-tv-kd4:10.2.12	Te ‘kappateva amhākaṁ pavāretuṁ, nāmhākaṁ na kappatī’ti—
pli-tv-kd4:10.2.13	kukkuccapakatā pavārenti.
pli-tv-kd4:10.2.14	Tehi pavāriyamāne athaññe āvāsikā bhikkhū āgacchanti thokatarā.
pli-tv-kd4:10.2.15	Pavāritā suppavāritā, avasesehi pavāretabbaṁ.
pli-tv-kd4:10.2.16	Pavāritānaṁ āpatti dukkaṭassa.
pli-tv-kd4:10.2.17	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:10.2.18	Te jānanti—
pli-tv-kd4:10.2.19	‘atthaññe āvāsikā bhikkhū anāgatā’ti.
pli-tv-kd4:10.2.20	Te ‘kappateva amhākaṁ pavāretuṁ, nāmhākaṁ na kappatī’ti—
pli-tv-kd4:10.2.21	kukkuccapakatā pavārenti.
pli-tv-kd4:10.2.22	Tehi pavāritamatte …pe…
pli-tv-kd4:10.2.23	avuṭṭhitāya parisāya …pe…
pli-tv-kd4:10.2.24	ekaccāya vuṭṭhitāya parisāya …pe…
pli-tv-kd4:10.2.25	sabbāya vuṭṭhitāya parisāya, athaññe āvāsikā bhikkhū āgacchanti bahutarā …pe…
pli-tv-kd4:10.2.26	samasamā …pe…
pli-tv-kd4:10.2.27	thokatarā.
pli-tv-kd4:10.2.28	Pavāritā suppavāritā, tesaṁ santike pavāretabbaṁ.
pli-tv-kd4:10.2.29	Pavāritānaṁ āpatti dukkaṭassa.
pli-tv-kd4:10.2.30	Kukkuccapakatapannarasakaṁ niṭṭhitaṁ.
pli-tv-kd4:11.1.0	13. Bhedapurekkhārapannarasaka
pli-tv-kd4:11.1.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.1.2	Te jānanti—
pli-tv-kd4:11.1.3	‘atthaññe āvāsikā bhikkhū anāgatā’ti.
pli-tv-kd4:11.1.4	Te ‘nassantete, vinassantete, ko tehi attho’ti—
pli-tv-kd4:11.1.5	bhedapurekkhārā pavārenti.
pli-tv-kd4:11.1.6	Tehi pavāriyamāne athaññe āvāsikā bhikkhū āgacchanti bahutarā.
pli-tv-kd4:11.1.7	Tehi, bhikkhave, bhikkhūhi puna pavāretabbaṁ.
pli-tv-kd4:11.1.8	Pavāritānaṁ āpatti thullaccayassa.
pli-tv-kd4:11.2.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.2	Te jānanti—
pli-tv-kd4:11.2.3	‘atthaññe āvāsikā bhikkhū anāgatā’ti.
pli-tv-kd4:11.2.4	Te ‘nassantete, vinassantete, ko tehi attho’ti—
pli-tv-kd4:11.2.5	bhedapurekkhārā pavārenti.
pli-tv-kd4:11.2.6	Tehi pavāriyamāne athaññe āvāsikā bhikkhū āgacchanti samasamā.
pli-tv-kd4:11.2.7	Pavāritā suppavāritā, avasesehi pavāretabbaṁ.
pli-tv-kd4:11.2.8	Pavāritānaṁ āpatti thullaccayassa.
pli-tv-kd4:11.2.9	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.10	Te jānanti—
pli-tv-kd4:11.2.11	‘atthaññe āvāsikā bhikkhū anāgatā’ti.
pli-tv-kd4:11.2.12	Te ‘nassantete, vinassantete, ko tehi attho’ti—
pli-tv-kd4:11.2.13	bhedapurekkhārā pavārenti.
pli-tv-kd4:11.2.14	Tehi pavāriyamāne athaññe āvāsikā bhikkhū āgacchanti thokatarā.
pli-tv-kd4:11.2.15	Pavāritā suppavāritā, avasesehi pavāretabbaṁ.
pli-tv-kd4:11.2.16	Pavāritānaṁ āpatti thullaccayassa.
pli-tv-kd4:11.2.17	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.18	Te jānanti—
pli-tv-kd4:11.2.19	‘atthaññe āvāsikā bhikkhū anāgatā’ti.
pli-tv-kd4:11.2.20	Te ‘nassantete, vinassantete, ko tehi attho’ti—
pli-tv-kd4:11.2.21	bhedapurekkhārā pavārenti.
pli-tv-kd4:11.2.22	Tehi pavāritamatte athaññe āvāsikā bhikkhū āgacchanti bahutarā,
pli-tv-kd4:11.2.23	tehi bhikkhave bhikkhūhi puna pavāretabbaṁ,
pli-tv-kd4:11.2.24	pavāritānaṁ āpatti thullaccayassa.
pli-tv-kd4:11.2.25	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.26	Te jānanti—
pli-tv-kd4:11.2.27	‘atthaññe āvāsikā bhikkhū anāgatā’ti.
pli-tv-kd4:11.2.28	Te ‘nassantete, vinassantete, ko tehi attho’ti—
pli-tv-kd4:11.2.29	bhedapurekkhārā pavārenti.
pli-tv-kd4:11.2.30	Tehi pavāritamatte athaññe āvāsikā bhikkhū āgacchanti samasamā.
pli-tv-kd4:11.2.31	Pavāritā suppavāritā, tesaṁ santike pavāretabbaṁ.
pli-tv-kd4:11.2.32	Pavāritānaṁ āpatti thullaccayassa.
pli-tv-kd4:11.2.33	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.34	Te jānanti—
pli-tv-kd4:11.2.35	‘atthaññe āvāsikā bhikkhū anāgatā’ti.
pli-tv-kd4:11.2.36	Te ‘nassantete, vinassantete, ko tehi attho’ti—
pli-tv-kd4:11.2.37	bhedapurekkhārā pavārenti.
pli-tv-kd4:11.2.38	Tehi pavāritamatte athaññe āvāsikā bhikkhū āgacchanti thokatarā.
pli-tv-kd4:11.2.39	Pavāritā suppavāritā, tesaṁ santike pavāretabbaṁ.
pli-tv-kd4:11.2.40	Pavāritānaṁ āpatti thullaccayassa.
pli-tv-kd4:11.2.41	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.42	Te jānanti—
pli-tv-kd4:11.2.43	‘atthaññe āvāsikā bhikkhū anāgatā’ti.
pli-tv-kd4:11.2.44	Te ‘nassantete, vinassantete, ko tehi attho’ti—
pli-tv-kd4:11.2.45	bhedapurekkhārā pavārenti.
pli-tv-kd4:11.2.46	Tehi pavāritamatte, avuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd4:11.2.47	Tehi, bhikkhave, bhikkhūhi puna pavāretabbaṁ.
pli-tv-kd4:11.2.48	Pavāritānaṁ āpatti thullaccayassa.
pli-tv-kd4:11.2.49	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.50	Te jānanti—
pli-tv-kd4:11.2.51	‘atthaññe āvāsikā bhikkhū anāgatā’ti.
pli-tv-kd4:11.2.52	Te ‘nassantete, vinassantete, ko tehi attho’ti—
pli-tv-kd4:11.2.53	bhedapurekkhārā pavārenti.
pli-tv-kd4:11.2.54	Tehi pavāritamatte, avuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd4:11.2.55	Pavāritā suppavāritā, tesaṁ santike pavāretabbaṁ.
pli-tv-kd4:11.2.56	Pavāritānaṁ āpatti thullaccayassa.
pli-tv-kd4:11.2.57	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.58	Te jānanti—
pli-tv-kd4:11.2.59	‘atthaññe āvāsikā bhikkhū anāgatā’ti.
pli-tv-kd4:11.2.60	Te ‘nassantete, vinassantete, ko tehi attho’ti—
pli-tv-kd4:11.2.61	bhedapurekkhārā pavārenti.
pli-tv-kd4:11.2.62	Tehi pavāritamatte, avuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd4:11.2.63	Pavāritā suppavāritā, tesaṁ santike pavāretabbaṁ.
pli-tv-kd4:11.2.64	Pavāritānaṁ āpatti thullaccayassa.
pli-tv-kd4:11.2.65	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.66	Te jānanti—
pli-tv-kd4:11.2.67	‘atthaññe āvāsikā bhikkhū anāgatā’ti.
pli-tv-kd4:11.2.68	Te ‘nassantete, vinassantete, ko tehi attho’ti—
pli-tv-kd4:11.2.69	bhedapurekkhārā pavārenti.
pli-tv-kd4:11.2.70	Tehi pavāritamatte, ekaccāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd4:11.2.71	Tehi, bhikkhave, bhikkhūhi puna pavāretabbaṁ.
pli-tv-kd4:11.2.72	Pavāritānaṁ āpatti thullaccayassa.
pli-tv-kd4:11.2.73	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.74	Te jānanti—
pli-tv-kd4:11.2.75	‘atthaññe āvāsikā bhikkhū anāgatā’ti.
pli-tv-kd4:11.2.76	Te ‘nassantete, vinassantete, ko tehi attho’ti—
pli-tv-kd4:11.2.77	bhedapurekkhārā pavārenti.
pli-tv-kd4:11.2.78	Tehi pavāritamatte, ekaccāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd4:11.2.79	Pavāritā suppavāritā, tesaṁ santike pavāretabbaṁ.
pli-tv-kd4:11.2.80	Pavāritānaṁ āpatti thullaccayassa.
pli-tv-kd4:11.2.81	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.82	Te jānanti—
pli-tv-kd4:11.2.83	‘atthaññe āvāsikā bhikkhū anāgatā’ti.
pli-tv-kd4:11.2.84	Te ‘nassantete, vinassantete, ko tehi attho’ti—
pli-tv-kd4:11.2.85	bhedapurekkhārā pavārenti.
pli-tv-kd4:11.2.86	Tehi pavāritamatte, ekaccāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd4:11.2.87	Pavāritā suppavāritā, tesaṁ santike pavāretabbaṁ.
pli-tv-kd4:11.2.88	Pavāritānaṁ āpatti thullaccayassa.
pli-tv-kd4:11.2.89	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.90	Te jānanti—
pli-tv-kd4:11.2.91	‘atthaññe āvāsikā bhikkhū anāgatā’ti.
pli-tv-kd4:11.2.92	Te ‘nassantete, vinassantete, ko tehi attho’ti—
pli-tv-kd4:11.2.93	bhedapurekkhārā pavārenti.
pli-tv-kd4:11.2.94	Tehi pavāritamatte, sabbāya vuṭṭhitāya parisāya, athaññe āvāsikā bhikkhū āgacchanti bahutarā.
pli-tv-kd4:11.2.95	Tehi, bhikkhave, bhikkhūhi puna pavāretabbaṁ.
pli-tv-kd4:11.2.96	Pavāritānaṁ āpatti thullaccayassa.
pli-tv-kd4:11.2.97	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.98	Te jānanti—
pli-tv-kd4:11.2.99	‘atthaññe āvāsikā bhikkhū anāgatā’ti.
pli-tv-kd4:11.2.100	Te ‘nassantete, vinassantete, ko tehi attho’ti—
pli-tv-kd4:11.2.101	bhedapurekkhārā pavārenti.
pli-tv-kd4:11.2.102	Tehi pavāritamatte, sabbāya vuṭṭhitāya parisāya, athaññe āvāsikā bhikkhū āgacchanti samasamā.
pli-tv-kd4:11.2.103	Pavāritā suppavāritā, tesaṁ santike pavāretabbaṁ.
pli-tv-kd4:11.2.104	Pavāritānaṁ āpatti thullaccayassa.
pli-tv-kd4:11.2.105	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:11.2.106	Te jānanti—
pli-tv-kd4:11.2.107	‘atthaññe āvāsikā bhikkhū anāgatā’ti.
pli-tv-kd4:11.2.108	Te ‘nassantete, vinassantete, ko tehi attho’ti—
pli-tv-kd4:11.2.109	bhedapurekkhārā pavārenti.
pli-tv-kd4:11.2.110	Tehi pavāritamatte, sabbāya vuṭṭhitāya parisāya, athaññe āvāsikā bhikkhū āgacchanti thokatarā.
pli-tv-kd4:11.2.111	Pavāritā suppavāritā, tesaṁ santike pavāretabbaṁ.
pli-tv-kd4:11.2.112	Pavāritānaṁ āpatti thullaccayassa.
pli-tv-kd4:11.2.113	Bhedapurekkhārapannarasakaṁ niṭṭhitaṁ.
pli-tv-kd4:11.2.114	Pañcavīsattikā niṭṭhitā.
pli-tv-kd4:12.1.0	14. Sīmokkantikapeyyāla
pli-tv-kd4:12.1.1	Idha pana, bhikkhave, aññatarasmiṁ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā.
pli-tv-kd4:12.1.2	Te na jānanti—
pli-tv-kd4:12.1.3	‘aññe āvāsikā bhikkhū antosīmaṁ okkamantī’ti …pe…
pli-tv-kd4:12.1.4	te na jānanti—
pli-tv-kd4:12.1.5	‘aññe āvāsikā bhikkhū antosīmaṁ okkantā’ti …pe…
pli-tv-kd4:12.1.6	te na passanti—
pli-tv-kd4:12.1.7	‘aññe āvāsike bhikkhū antosīmaṁ okkamante …pe…
pli-tv-kd4:12.1.8	te na passanti—
pli-tv-kd4:12.1.9	‘aññe āvāsike bhikkhū antosīmaṁ okkante …pe…
pli-tv-kd4:12.1.10	te na suṇanti ‘aññe āvāsikā bhikkhū antosīmaṁ okkamantī’ti …pe…
pli-tv-kd4:12.1.11	te na suṇanti ‘aññe āvāsikā bhikkhū antosīmaṁ okkantā’ti …pe….
pli-tv-kd4:12.1.12	Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā, peyyālamukhena satta tikasatāni honti.
pli-tv-kd4:13.1.0	15. Divasanānatta
pli-tv-kd4:13.1.1	Idha pana, bhikkhave, āvāsikānaṁ bhikkhūnaṁ cātuddaso hoti, āgantukānaṁ pannaraso.
pli-tv-kd4:13.1.2	Sace āvāsikā bahutarā honti, āgantukehi āvāsikānaṁ anuvattitabbaṁ.
pli-tv-kd4:13.1.3	Sace samasamā honti, āgantukehi āvāsikānaṁ anuvattitabbaṁ.
pli-tv-kd4:13.1.4	Sace āgantukā bahutarā honti, āvāsikehi āgantukānaṁ anuvattitabbaṁ.
pli-tv-kd4:13.1.5	Idha pana, bhikkhave, āvāsikānaṁ bhikkhūnaṁ pannaraso hoti, āgantukānaṁ cātuddaso.
pli-tv-kd4:13.1.6	Sace āvāsikā bahutarā honti, āgantukehi āvāsikānaṁ anuvattitabbaṁ.
pli-tv-kd4:13.1.7	Sace samasamā honti, āgantukehi āvāsikānaṁ anuvattitabbaṁ.
pli-tv-kd4:13.1.8	Sace āgantukā bahutarā honti, āvāsikehi āgantukānaṁ anuvattitabbaṁ.
pli-tv-kd4:13.1.9	Idha pana, bhikkhave, āvāsikānaṁ bhikkhūnaṁ pāṭipado hoti, āgantukānaṁ pannaraso.
pli-tv-kd4:13.1.10	Sace āvāsikā bahutarā honti, āvāsikehi āgantukānaṁ nākāmā dātabbā sāmaggī;
pli-tv-kd4:13.1.11	āgantukehi nissīmaṁ gantvā pavāretabbaṁ.
pli-tv-kd4:13.1.12	Sace samasamā honti, āvāsikehi āgantukānaṁ nākāmā dātabbā sāmaggī;
pli-tv-kd4:13.1.13	āgantukehi nissīmaṁ gantvā pavāretabbaṁ.
pli-tv-kd4:13.1.14	Sace āgantukā bahutarā honti, āvāsikehi āgantukānaṁ sāmaggī vā dātabbā, nissīmaṁ vā gantabbaṁ.
pli-tv-kd4:13.1.15	Idha pana, bhikkhave, āvāsikānaṁ bhikkhūnaṁ pannaraso hoti, āgantukānaṁ pāṭipado.
pli-tv-kd4:13.1.16	Sace āvāsikā bahutarā honti, āgantukehi āvāsikānaṁ sāmaggī vā dātabbā, nissīmaṁ vā gantabbaṁ.
pli-tv-kd4:13.1.17	Sace samasamā honti, āgantukehi āvāsikānaṁ sāmaggī vā dātabbā, nissīmaṁ vā gantabbaṁ.
pli-tv-kd4:13.1.18	Sace āgantukā bahutarā honti, āgantukehi āvāsikānaṁ nākāmā dātabbā sāmaggī;
pli-tv-kd4:13.1.19	āvāsikehi nissīmaṁ gantvā pavāretabbaṁ.
pli-tv-kd4:13.1.20.0	16. Liṅgādidassana
pli-tv-kd4:13.1.20.1	Idha pana, bhikkhave, āgantukā bhikkhū passanti āvāsikānaṁ bhikkhūnaṁ āvāsikākāraṁ, āvāsikaliṅgaṁ, āvāsikanimittaṁ, āvāsikuddesaṁ, suppaññattaṁ mañcapīṭhaṁ bhisibibbohanaṁ, pānīyaṁ paribhojanīyaṁ sūpaṭṭhitaṁ, pariveṇaṁ susammaṭṭhaṁ;
pli-tv-kd4:13.1.21	passitvā vematikā honti—‘atthi nu kho āvāsikā bhikkhū, natthi nu kho’ti.
pli-tv-kd4:13.1.22	Te vematikā na vicinanti, avicinitvā pavārenti. Āpatti dukkaṭassa …pe…
pli-tv-kd4:13.1.23	te vematikā vicinanti, vicinitvā na passanti, apassitvā pavārenti. Anāpatti.
pli-tv-kd4:13.1.24	Te vematikā vicinanti, vicinitvā passanti, passitvā ekato pavārenti. Anāpatti.
pli-tv-kd4:13.1.25	Te vematikā vicinanti, vicinitvā passanti, passitvā pāṭekkaṁ pavārenti. Āpatti dukkaṭassa.
pli-tv-kd4:13.1.26	Te vematikā vicinanti, vicinitvā passanti, passitvā—‘nassantete, vinassantete, ko tehi attho’ti—bhedapurekkhārā pavārenti. Āpatti thullaccayassa.
pli-tv-kd4:13.1.27	Idha pana, bhikkhave, āgantukā bhikkhū suṇanti āvāsikānaṁ bhikkhūnaṁ āvāsikākāraṁ, āvāsikaliṅgaṁ, āvāsikanimittaṁ, āvāsikuddesaṁ, caṅkamantānaṁ padasaddaṁ, sajjhāyasaddaṁ, ukkāsitasaddaṁ, khipitasaddaṁ;
pli-tv-kd4:13.1.28	sutvā vematikā honti—‘atthi nu kho āvāsikā bhikkhū, natthi nu kho’ti.
pli-tv-kd4:13.1.29	Te vematikā na vicinanti, avicinitvā pavārenti. Āpatti dukkaṭassa.
pli-tv-kd4:13.1.30	Te vematikā vicinanti, vicinitvā na passanti, apassitvā pavārenti. Anāpatti.
pli-tv-kd4:13.1.31	Te vematikā vicinanti, vicinitvā passanti, passitvā ekato pavārenti. Anāpatti.
pli-tv-kd4:13.1.32	Te vematikā vicinanti, vicinitvā passanti, passitvā pāṭekkaṁ pavārenti. Āpatti dukkaṭassa.
pli-tv-kd4:13.1.33	Te vematikā vicinanti, vicinitvā passanti, passitvā—‘nassantete, vinassantete, ko tehi attho’ti bhedapurekkhārā pavārenti. Āpatti thullaccayassa.
pli-tv-kd4:13.1.34	Idha pana, bhikkhave, āvāsikā bhikkhū passanti āgantukānaṁ bhikkhūnaṁ āgantukākāraṁ, āgantukaliṅgaṁ, āgantukanimittaṁ, āgantukuddesaṁ, aññātakaṁ pattaṁ, aññātakaṁ cīvaraṁ, aññātakaṁ nisīdanaṁ, pādānaṁ dhotaṁ, udakanissekaṁ;
pli-tv-kd4:13.1.35	passitvā vematikā honti—‘atthi nu kho āgantukā bhikkhū, natthi nu kho’ti.
pli-tv-kd4:13.1.36	Te vematikā na vicinanti, avicinitvā pavārenti. Āpatti dukkaṭassa.
pli-tv-kd4:13.1.37	Te vematikā vicinanti, vicinitvā na passanti, apassitvā pavārenti. Anāpatti.
pli-tv-kd4:13.1.38	Te vematikā vicinanti, vicinitvā passanti, passitvā ekato pavārenti. Anāpatti.
pli-tv-kd4:13.1.39	Te vematikā vicinanti, vicinitvā passanti, passitvā pāṭekkaṁ pavārenti. Āpatti dukkaṭassa.
pli-tv-kd4:13.1.40	Te vematikā vicinanti, vicinitvā passanti, passitvā—‘nassantete, vinassantete, ko tehi attho’ti—bhedapurekkhārā pavārenti. Āpatti thullaccayassa.
pli-tv-kd4:13.1.41	Idha pana, bhikkhave, āvāsikā bhikkhū suṇanti āgantukānaṁ bhikkhūnaṁ āgantukākāraṁ, āgantukaliṅgaṁ, āgantukanimittaṁ, āgantukuddesaṁ, āgacchantānaṁ padasaddaṁ, upāhanapapphoṭanasaddaṁ, ukkāsitasaddaṁ, khipitasaddaṁ;
pli-tv-kd4:13.1.42	sutvā vematikā honti—‘atthi nu kho āgantukā bhikkhū, natthi nu kho’ti.
pli-tv-kd4:13.1.43	Te vematikā na vicinanti, avicinitvā pavārenti. Āpatti dukkaṭassa.
pli-tv-kd4:13.1.44	Te vematikā vicinanti, vicinitvā na passanti, apassitvā pavārenti. Anāpatti.
pli-tv-kd4:13.1.45	Te vematikā vicinanti, vicinitvā passanti, passitvā ekato pavārenti. Anāpatti.
pli-tv-kd4:13.1.46	Te vematikā vicinanti, vicinitvā passanti, passitvā pāṭekkaṁ pavārenti. Āpatti dukkaṭassa.
pli-tv-kd4:13.1.47	Te vematikā vicinanti, vicinitvā passanti, passitvā—‘nassantete, vinassantete, ko tehi attho’ti—bhedapurekkhārā pavārenti. Āpatti thullaccayassa.
pli-tv-kd4:13.1.48.0	17. Nānāsaṁvāsakādīhipavāraṇā
pli-tv-kd4:13.1.48.1	Idha pana, bhikkhave, āgantukā bhikkhū passanti āvāsike bhikkhū nānāsaṁvāsake.
pli-tv-kd4:13.1.49	Te samānasaṁvāsakadiṭṭhiṁ paṭilabhanti,
pli-tv-kd4:13.1.50	samānasaṁvāsakadiṭṭhiṁ paṭilabhitvā na pucchanti, apucchitvā ekato pavārenti, anāpatti.
pli-tv-kd4:13.1.51	Te pucchanti, pucchitvā nābhivitaranti, anabhivitaritvā ekato pavārenti. Āpatti dukkaṭassa.
pli-tv-kd4:13.1.52	Te pucchanti, pucchitvā nābhivitaranti, anabhivitaritvā pāṭekkaṁ pavārenti. Anāpatti.
pli-tv-kd4:13.1.53	Idha pana, bhikkhave, āgantukā bhikkhū passanti āvāsike bhikkhū samānasaṁvāsake. Te nānāsaṁvāsakadiṭṭhiṁ paṭilabhanti,
pli-tv-kd4:13.1.54	nānāsaṁvāsakadiṭṭhiṁ paṭilabhitvā na pucchanti, apucchitvā ekato pavārenti. Āpatti dukkaṭassa.
pli-tv-kd4:13.1.55	Te pucchanti, pucchitvā abhivitaranti, abhivitaritvā pāṭekkaṁ pavārenti. Āpatti dukkaṭassa.
pli-tv-kd4:13.1.56	Te pucchanti, pucchitvā abhivitaranti, abhivitaritvā ekato pavārenti. Anāpatti.
pli-tv-kd4:13.1.57	Idha pana, bhikkhave, āvāsikā bhikkhū passanti āgantuke bhikkhū nānāsaṁvāsake.
pli-tv-kd4:13.1.58	Te samānasaṁvāsakadiṭṭhiṁ paṭilabhanti,
pli-tv-kd4:13.1.59	samānasaṁvāsakadiṭṭhiṁ paṭilabhitvā na pucchanti, apucchitvā ekato pavārenti. Anāpatti.
pli-tv-kd4:13.1.60	Te pucchanti, pucchitvā nābhivitaranti, anabhivitaritvā ekato pavārenti. Āpatti dukkaṭassa.
pli-tv-kd4:13.1.61	Te pucchanti, pucchitvā nābhivitaranti, anabhivitaritvā pāṭekkaṁ pavārenti. Anāpatti.
pli-tv-kd4:13.1.62	Idha pana, bhikkhave, āvāsikā bhikkhū passanti āgantuke bhikkhū samānasaṁvāsake.
pli-tv-kd4:13.1.63	Te nānāsaṁvāsakadiṭṭhiṁ paṭilabhanti,
pli-tv-kd4:13.1.64	nānāsaṁvāsakadiṭṭhiṁ paṭilabhitvā na pucchanti, apucchitvā ekato pavārenti. Āpatti dukkaṭassa.
pli-tv-kd4:13.1.65	Te pucchanti, pucchitvā abhivitaranti, abhivitaritvā pāṭekkaṁ pavārenti. Āpatti dukkaṭassa.
pli-tv-kd4:13.1.66	Te pucchanti, pucchitvā abhivitaranti, abhivitaritvā ekato pavārenti. Anāpatti.
pli-tv-kd4:13.1.67.0	18. Nagantabbavāra
pli-tv-kd4:13.1.67.1	Na, bhikkhave, tadahu pavāraṇāya sabhikkhukā āvāsā abhikkhuko āvāso gantabbo, aññatra saṅghena, aññatra antarāyā.
pli-tv-kd4:13.1.68	Na, bhikkhave, tadahu pavāraṇāya sabhikkhukā āvāsā abhikkhuko anāvāso gantabbo, aññatra saṅghena, aññatra antarāyā.
pli-tv-kd4:13.1.69	Na, bhikkhave, tadahu pavāraṇāya sabhikkhukā āvāsā abhikkhuko āvāso vā anāvāso vā gantabbo, aññatra saṅghena, aññatra antarāyā.
pli-tv-kd4:13.1.70	Na, bhikkhave, tadahu pavāraṇāya sabhikkhukā anāvāsā abhikkhuko āvāso gantabbo, aññatra saṅghena, aññatra antarāyā.
pli-tv-kd4:13.1.71	Na, bhikkhave, tadahu pavāraṇāya sabhikkhukā anāvāsā abhikkhuko anāvāso gantabbo, aññatra saṅghena, aññatra antarāyā.
pli-tv-kd4:13.1.72	Na, bhikkhave, tadahu pavāraṇāya sabhikkhukā anāvāsā abhikkhuko āvāso vā anāvāso vā gantabbo, aññatra saṅghena, aññatra antarāyā.
pli-tv-kd4:13.1.73	Na, bhikkhave, tadahu pavāraṇāya sabhikkhukā āvāsā vā anāvāsā vā abhikkhuko āvāso gantabbo, aññatra saṅghena, aññatra antarāyā.
pli-tv-kd4:13.1.74	Na, bhikkhave, tadahu pavāraṇāya sabhikkhukā āvāsā vā anāvāsā vā abhikkhuko anāvāso gantabbo, aññatra saṅghena, aññatra antarāyā.
pli-tv-kd4:13.1.75	Na, bhikkhave, tadahu pavāraṇāya sabhikkhukā āvāsā vā anāvāsā vā abhikkhuko āvāso vā anāvāso vā gantabbo, aññatra saṅghena, aññatra antarāyā.
pli-tv-kd4:13.1.76	Na, bhikkhave, tadahu pavāraṇāya sabhikkhukā āvāsā sabhikkhuko āvāso gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.77	Na, bhikkhave, tadahu pavāraṇāya sabhikkhukā āvāsā sabhikkhuko anāvāso gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.78	Na, bhikkhave, tadahu pavāraṇāya sabhikkhukā āvāsā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.79	Na, bhikkhave, tadahu pavāraṇāya sabhikkhukā anāvāsā sabhikkhuko āvāso gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.80	Na, bhikkhave, tadahu pavāraṇāya sabhikkhukā anāvāsā sabhikkhuko anāvāso gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.81	Na, bhikkhave, tadahu pavāraṇāya sabhikkhukā anāvāsā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.82	Na, bhikkhave, tadahu pavāraṇāya sabhikkhukā āvāsā vā anāvāsā vā sabhikkhuko āvāso gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.83	Na, bhikkhave, tadahu pavāraṇāya sabhikkhukā āvāsā vā anāvāsā vā sabhikkhuko anāvāso gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.84	Na, bhikkhave, tadahu pavāraṇāya sabhikkhukā āvāsā vā anāvāsā vā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd4:13.1.85.0	19. Gantabbavāra
pli-tv-kd4:13.1.85.1	Gantabbo, bhikkhave, tadahu pavāraṇāya sabhikkhukā āvāsā sabhikkhuko āvāso, yatthassu bhikkhū samānasaṁvāsakā, yaṁ jaññā ‘sakkomi ajjeva gantun’ti.
pli-tv-kd4:13.1.86	Gantabbo, bhikkhave, tadahu pavāraṇāya sabhikkhukā āvāsā sabhikkhuko anāvāso …pe…
pli-tv-kd4:13.1.87	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā ‘sakkomi ajjeva gantun’ti.
pli-tv-kd4:13.1.88	Gantabbo, bhikkhave, tadahu pavāraṇāya sabhikkhukā anāvāsā sabhikkhuko āvāso …pe…
pli-tv-kd4:13.1.89	sabhikkhuko anāvāso …pe…
pli-tv-kd4:13.1.90	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā ‘sakkomi ajjeva gantun’ti.
pli-tv-kd4:13.1.91	Gantabbo, bhikkhave, tadahu pavāraṇāya sabhikkhukā āvāsā vā anāvāsā vā sabhikkhuko āvāso …pe…
pli-tv-kd4:13.1.92	sabhikkhuko anāvāso …pe…
pli-tv-kd4:13.1.93	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā ‘sakkomi ajjeva gantun’ti.
pli-tv-kd4:14.1.0	20. Vajjanīyapuggalasandassana
pli-tv-kd4:14.1.1	Na, bhikkhave, bhikkhuniyā nisinnaparisāya pavāretabbaṁ.
pli-tv-kd4:14.1.2	Yo pavāreyya, āpatti dukkaṭassa.
pli-tv-kd4:14.1.3	Na, bhikkhave, sikkhamānāya …pe…
pli-tv-kd4:14.1.4	na sāmaṇerassa …pe…
pli-tv-kd4:14.1.5	na sāmaṇeriyā …pe…
pli-tv-kd4:14.1.6	na sikkhaṁ paccakkhātakassa …pe…
pli-tv-kd4:14.1.7	na antimavatthuṁ ajjhāpannakassa nisinnaparisāya pavāretabbaṁ.
pli-tv-kd4:14.1.8	Yo pavāreyya, āpatti dukkaṭassa.
pli-tv-kd4:14.2.1	Na āpattiyā adassane ukkhittakassa nisinnaparisāya pavāretabbaṁ.
pli-tv-kd4:14.2.2	Yo pavāreyya, yathādhammo kāretabbo.
pli-tv-kd4:14.2.3	Na āpattiyā appaṭikamme ukkhittakassa …pe…
pli-tv-kd4:14.2.4	na pāpikāya diṭṭhiyā appaṭinissagge ukkhittakassa nisinnaparisāya pavāretabbaṁ.
pli-tv-kd4:14.2.5	Yo pavāreyya, yathādhammo kāretabbo.
pli-tv-kd4:14.3.1	Na paṇḍakassa nisinnaparisāya pavāretabbaṁ.
pli-tv-kd4:14.3.2	Yo pavāreyya, āpatti dukkaṭassa.
pli-tv-kd4:14.3.3	Na theyyasaṁvāsakassa …pe…
pli-tv-kd4:14.3.4	na titthiyapakkantakassa …pe…
pli-tv-kd4:14.3.5	na tiracchānagatassa …pe…
pli-tv-kd4:14.3.6	na mātughātakassa …pe…
pli-tv-kd4:14.3.7	na pitughātakassa …pe…
pli-tv-kd4:14.3.8	na arahantaghātakassa …pe…
pli-tv-kd4:14.3.9	na bhikkhunidūsakassa …pe…
pli-tv-kd4:14.3.10	na saṅghabhedakassa …pe…
pli-tv-kd4:14.3.11	na lohituppādakassa …pe…
pli-tv-kd4:14.3.12	na ubhatobyañjanakassa nisinnaparisāya pavāretabbaṁ.
pli-tv-kd4:14.3.13	Yo pavāreyya, āpatti dukkaṭassa.
pli-tv-kd4:14.4.1	Na, bhikkhave, pārivāsikapavāraṇādānena pavāretabbaṁ, aññatra avuṭṭhitāya parisāya.
pli-tv-kd4:14.4.2	Na ca, bhikkhave, appavāraṇāya pavāretabbaṁ, aññatra saṅghasāmaggiyā”ti.
pli-tv-kd4:14.4.3	Dutiyabhāṇavāro niṭṭhito.
pli-tv-kd4:15.1.0	21. Dvevācikādipavāraṇā
pli-tv-kd4:15.1.1	Tena kho pana samayena kosalesu janapade aññatarasmiṁ āvāse tadahu pavāraṇāya savarabhayaṁ ahosi.
pli-tv-kd4:15.1.2	Bhikkhū nāsakkhiṁsu tevācikaṁ pavāretuṁ.
pli-tv-kd4:15.1.3	Bhagavato etamatthaṁ ārocesuṁ.
pli-tv-kd4:15.1.4	“Anujānāmi, bhikkhave, dvevācikaṁ pavāretun”ti.
pli-tv-kd4:15.1.5	Bāḷhataraṁ savarabhayaṁ ahosi.
pli-tv-kd4:15.1.6	Bhikkhū nāsakkhiṁsu dvevācikaṁ pavāretuṁ.
pli-tv-kd4:15.1.7	Bhagavato etamatthaṁ ārocesuṁ.
pli-tv-kd4:15.1.8	“Anujānāmi, bhikkhave, ekavācikaṁ pavāretun”ti.
pli-tv-kd4:15.1.9	Bāḷhataraṁ savarabhayaṁ ahosi.
pli-tv-kd4:15.1.10	Bhikkhū nāsakkhiṁsu ekavācikaṁ pavāretuṁ.
pli-tv-kd4:15.1.11	Bhagavato etamatthaṁ ārocesuṁ.
pli-tv-kd4:15.1.12	“Anujānāmi, bhikkhave, samānavassikaṁ pavāretun”ti.
pli-tv-kd4:15.2.1	Tena kho pana samayena aññatarasmiṁ āvāse tadahu pavāraṇāya manussehi dānaṁ dentehi yebhuyyena ratti khepitā hoti.
pli-tv-kd4:15.2.2	Atha kho tesaṁ bhikkhūnaṁ etadahosi—
pli-tv-kd4:15.2.3	“manussehi dānaṁ dentehi yebhuyyena ratti khepitā.
pli-tv-kd4:15.2.4	Sace saṅgho tevācikaṁ pavāressati, appavāritova saṅgho bhavissati, athāyaṁ ratti vibhāyissati.
pli-tv-kd4:15.2.5	Kathaṁ nu kho amhehi paṭipajjitabban”ti?
pli-tv-kd4:15.2.6	Bhagavato etamatthaṁ ārocesuṁ.
pli-tv-kd4:15.3.1	“Idha pana, bhikkhave, aññatarasmiṁ āvāse tadahu pavāraṇāya manussehi dānaṁ dentehi yebhuyyena ratti khepitā hoti.
pli-tv-kd4:15.3.2	Tatra ce, bhikkhave, bhikkhūnaṁ evaṁ hoti—
pli-tv-kd4:15.3.3	‘manussehi dānaṁ dentehi yebhuyyena ratti khepitā.
pli-tv-kd4:15.3.4	Sace saṅgho tevācikaṁ pavāressati, appavāritova saṅgho bhavissati, athāyaṁ ratti vibhāyissatī’ti, byattena bhikkhunā paṭibalena saṅgho ñāpetabbo—
pli-tv-kd4:15.3.5	‘Suṇātu me, bhante, saṅgho.
pli-tv-kd4:15.3.6	Manussehi dānaṁ dentehi yebhuyyena ratti khepitā.
pli-tv-kd4:15.3.7	Sace saṅgho tevācikaṁ pavāressati, appavāritova saṅgho bhavissati, athāyaṁ ratti vibhāyissati.
pli-tv-kd4:15.3.8	Yadi saṅghassa pattakallaṁ, saṅgho dvevācikaṁ, ekavācikaṁ, samānavassikaṁ pavāreyyā’ti.
pli-tv-kd4:15.4.1	Idha pana, bhikkhave, aññatarasmiṁ āvāse tadahu pavāraṇāya bhikkhūhi dhammaṁ bhaṇantehi …pe…
pli-tv-kd4:15.4.2	suttantikehi suttantaṁ saṅgāyantehi …
pli-tv-kd4:15.4.3	vinayadharehi vinayaṁ vinicchinantehi …
pli-tv-kd4:15.4.4	dhammakathikehi dhammaṁ sākacchantehi …
pli-tv-kd4:15.4.5	bhikkhūhi kalahaṁ karontehi yebhuyyena ratti khepitā hoti.
pli-tv-kd4:15.4.6	Tatra ce bhikkhūnaṁ evaṁ hoti—
pli-tv-kd4:15.4.7	‘bhikkhūhi kalahaṁ karontehi yebhuyyena ratti khepitā.
pli-tv-kd4:15.4.8	Sace saṅgho tevācikaṁ pavāressati, appavāritova saṅgho bhavissati, athāyaṁ ratti vibhāyissatī’ti, byattena bhikkhunā paṭibalena saṅgho ñāpetabbo—
pli-tv-kd4:15.4.9	‘Suṇātu me, bhante, saṅgho.
pli-tv-kd4:15.4.10	Bhikkhūhi kalahaṁ karontehi yebhuyyena ratti khepitā.
pli-tv-kd4:15.4.11	Sace saṅgho tevācikaṁ pavāressati, appavāritova saṅgho bhavissati, athāyaṁ ratti vibhāyissati.
pli-tv-kd4:15.4.12	Yadi saṅghassa pattakallaṁ, saṅgho dvevācikaṁ, ekavācikaṁ, samānavassikaṁ pavāreyyā’”ti.
pli-tv-kd4:15.5.1	Tena kho pana samayena kosalesu janapade aññatarasmiṁ āvāse tadahu pavāraṇāya mahābhikkhusaṅgho sannipatito hoti, parittañca anovassikaṁ hoti, mahā ca megho uggato hoti.
pli-tv-kd4:15.5.2	Atha kho tesaṁ bhikkhūnaṁ etadahosi—
pli-tv-kd4:15.5.3	“ayaṁ kho mahābhikkhusaṅgho sannipatito, parittañca anovassikaṁ, mahā ca megho uggato.
pli-tv-kd4:15.5.4	Sace saṅgho tevācikaṁ pavāressati, appavāritova saṅgho bhavissati, athāyaṁ megho pavassissati.
pli-tv-kd4:15.5.5	Kathaṁ nu kho amhehi paṭipajjitabban”ti?
pli-tv-kd4:15.5.6	Bhagavato etamatthaṁ ārocesuṁ.
pli-tv-kd4:15.6.1	“Idha pana, bhikkhave, aññatarasmiṁ āvāse tadahu pavāraṇāya mahābhikkhusaṅgho sannipatito hoti, parittañca anovassikaṁ hoti, mahā ca megho uggato hoti.
pli-tv-kd4:15.6.2	Tatra ce bhikkhūnaṁ evaṁ hoti—
pli-tv-kd4:15.6.3	‘ayaṁ kho mahābhikkhusaṅgho sannipatito, parittañca anovassikaṁ, mahā ca megho uggato.
pli-tv-kd4:15.6.4	Sace saṅgho tevācikaṁ pavāressati, appavāritova saṅgho bhavissati, athāyaṁ megho pavassissatī’ti.
pli-tv-kd4:15.6.5	Byattena bhikkhunā paṭibalena saṅgho ñāpetabbo—
pli-tv-kd4:15.6.6	‘Suṇātu me, bhante, saṅgho.
pli-tv-kd4:15.6.7	Ayaṁ mahābhikkhusaṅgho sannipatito, parittañca anovassikaṁ, mahā ca megho uggato.
pli-tv-kd4:15.6.8	Sace saṅgho tevācikaṁ pavāressati, appavāritova saṅgho bhavissati, athāyaṁ megho pavassissati.
pli-tv-kd4:15.6.9	Yadi saṅghassa pattakallaṁ, saṅgho dvevācikaṁ, ekavācikaṁ, samānavassikaṁ pavāreyyā’ti.
pli-tv-kd4:15.7.1	Idha pana, bhikkhave, aññatarasmiṁ āvāse tadahu pavāraṇāya rājantarāyo hoti …pe…
pli-tv-kd4:15.7.2	corantarāyo hoti …
pli-tv-kd4:15.7.3	agyantarāyo hoti …
pli-tv-kd4:15.7.4	udakantarāyo hoti …
pli-tv-kd4:15.7.5	manussantarāyo hoti …
pli-tv-kd4:15.7.6	amanussantarāyo hoti …
pli-tv-kd4:15.7.7	vāḷantarāyo hoti …
pli-tv-kd4:15.7.8	sarīsapantarāyo hoti …
pli-tv-kd4:15.7.9	jīvitantarāyo hoti …
pli-tv-kd4:15.7.10	brahmacariyantarāyo hoti.
pli-tv-kd4:15.7.11	Tatra ce bhikkhūnaṁ evaṁ hoti—
pli-tv-kd4:15.7.12	‘ayaṁ kho brahmacariyantarāyo.
pli-tv-kd4:15.7.13	Sace saṅgho tevācikaṁ pavāressati, appavāritova saṅgho bhavissati, athāyaṁ brahmacariyantarāyo bhavissatī’ti, byattena bhikkhunā paṭibalena saṅgho ñāpetabbo—
pli-tv-kd4:15.7.14	‘Suṇātu me, bhante, saṅgho.
pli-tv-kd4:15.7.15	Ayaṁ brahmacariyantarāyo.
pli-tv-kd4:15.7.16	Sace saṅgho tevācikaṁ pavāressati, appavāritova saṅgho bhavissati, athāyaṁ brahmacariyantarāyo bhavissati.
pli-tv-kd4:15.7.17	Yadi saṅghassa pattakallaṁ, saṅgho dvevācikaṁ, ekavācikaṁ, samānavassikaṁ pavāreyyā’”ti.
pli-tv-kd4:16.1.0	22. Pavāraṇāṭhapana
pli-tv-kd4:16.1.1	Tena kho pana samayena chabbaggiyā bhikkhū sāpattikā pavārenti.
pli-tv-kd4:16.1.2	Bhagavato etamatthaṁ ārocesuṁ.
pli-tv-kd4:16.1.3	“Na, bhikkhave, sāpattikena pavāretabbaṁ.
pli-tv-kd4:16.1.4	Yo pavāreyya, āpatti dukkaṭassa.
pli-tv-kd4:16.1.5	Anujānāmi, bhikkhave, yo sāpattiko pavāreti, tassa okāsaṁ kārāpetvā āpattiyā codetun”ti.
pli-tv-kd4:16.2.1	Tena kho pana samayena chabbaggiyā bhikkhū okāsaṁ kārāpiyamānā na icchanti okāsaṁ kātuṁ.
pli-tv-kd4:16.2.2	Bhagavato etamatthaṁ ārocesuṁ.
pli-tv-kd4:16.2.3	“Anujānāmi, bhikkhave, okāsaṁ akarontassa pavāraṇaṁ ṭhapetuṁ.
pli-tv-kd4:16.2.4	Evañca pana, bhikkhave, ṭhapetabbā.
pli-tv-kd4:16.2.5	Tadahu pavāraṇāya cātuddase vā pannarase vā tasmiṁ puggale sammukhībhūte saṅghamajjhe udāharitabbaṁ—
pli-tv-kd4:16.2.6	‘suṇātu me, bhante, saṅgho.
pli-tv-kd4:16.2.7	Itthannāmo puggalo sāpattiko.
pli-tv-kd4:16.2.8	Tassa pavāraṇaṁ ṭhapemi.
pli-tv-kd4:16.2.9	Na tasmiṁ sammukhībhūte pavāretabban’ti.
pli-tv-kd4:16.2.10	Ṭhapitā hoti pavāraṇā”ti.
pli-tv-kd4:16.3.0	
pli-tv-kd4:16.3.1	Tena kho pana samayena chabbaggiyā bhikkhū—
pli-tv-kd4:16.3.2	“puramhākaṁ pesalā bhikkhū pavāraṇaṁ ṭhapentī”ti—
pli-tv-kd4:16.3.3	paṭikacceva suddhānaṁ bhikkhūnaṁ anāpattikānaṁ avatthusmiṁ akāraṇe pavāraṇaṁ ṭhapenti, pavāritānampi pavāraṇaṁ ṭhapenti.
pli-tv-kd4:16.3.4	Bhagavato etamatthaṁ ārocesuṁ.
pli-tv-kd4:16.3.5	“Na, bhikkhave, suddhānaṁ bhikkhūnaṁ anāpattikānaṁ avatthusmiṁ akāraṇe pavāraṇā ṭhapetabbā.
pli-tv-kd4:16.3.6	Yo ṭhapeyya, āpatti dukkaṭassa.
pli-tv-kd4:16.3.7	Na, bhikkhave, pavāritānampi pavāraṇā ṭhapetabbā.
pli-tv-kd4:16.3.8	Yo ṭhapeyya, āpatti dukkaṭassa.
pli-tv-kd4:16.4.1	Evaṁ kho, bhikkhave, ṭhapitā hoti pavāraṇā, evaṁ aṭṭhapitā.
pli-tv-kd4:16.4.2	Kathañca, bhikkhave, aṭṭhapitā hoti pavāraṇā?
pli-tv-kd4:16.4.3	Tevācikāya ce, bhikkhave, pavāraṇāya bhāsitāya lapitāya pariyositāya pavāraṇaṁ ṭhapeti, aṭṭhapitā hoti pavāraṇā.
pli-tv-kd4:16.4.4	Dvevācikāya ce, bhikkhave …
pli-tv-kd4:16.4.5	ekavācikāya ce, bhikkhave …
pli-tv-kd4:16.4.6	samānavassikāya ce, bhikkhave, pavāraṇāya bhāsitāya lapitāya pariyositāya pavāraṇaṁ ṭhapeti, aṭṭhapitā hoti pavāraṇā.
pli-tv-kd4:16.4.7	Evaṁ kho, bhikkhave, aṭṭhapitā hoti pavāraṇā.
pli-tv-kd4:16.4.8	Kathañca, bhikkhave, ṭhapitā hoti pavāraṇā?
pli-tv-kd4:16.5.1	Tevācikāya ce, bhikkhave, pavāraṇāya bhāsitāya lapitāya apariyositāya pavāraṇaṁ ṭhapeti, ṭhapitā hoti pavāraṇā.
pli-tv-kd4:16.5.2	Dvevācikāya ce, bhikkhave …
pli-tv-kd4:16.5.3	ekavācikāya ce, bhikkhave …
pli-tv-kd4:16.5.4	samānavassikāya ce, bhikkhave, pavāraṇāya bhāsitāya lapitāya apariyositāya pavāraṇaṁ ṭhapeti, ṭhapitā hoti pavāraṇā.
pli-tv-kd4:16.5.5	Evaṁ kho, bhikkhave, ṭhapitā hoti pavāraṇā.
pli-tv-kd4:16.6.1	Idha pana, bhikkhave, tadahu pavāraṇāya bhikkhu bhikkhussa pavāraṇaṁ ṭhapeti.
pli-tv-kd4:16.6.2	Tañce bhikkhuṁ aññe bhikkhū jānanti—
pli-tv-kd4:16.6.3	‘ayaṁ kho āyasmā aparisuddhakāyasamācāro, aparisuddhavacīsamācāro, aparisuddhājīvo, bālo, abyatto, na paṭibalo anuyuñjīyamāno anuyogaṁ dātun’ti, ‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena pavāretabbaṁ.
pli-tv-kd4:16.7.1	Idha pana, bhikkhave, tadahu pavāraṇāya bhikkhu bhikkhussa pavāraṇaṁ ṭhapeti.
pli-tv-kd4:16.7.2	Tañce bhikkhuṁ aññe bhikkhū jānanti—
pli-tv-kd4:16.7.3	‘ayaṁ kho āyasmā parisuddhakāyasamācāro, aparisuddhavacīsamācāro, aparisuddhājīvo, bālo, abyatto, na paṭibalo anuyuñjīyamāno anuyogaṁ dātun’ti, ‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena pavāretabbaṁ.
pli-tv-kd4:16.8.1	Idha pana, bhikkhave, tadahu pavāraṇāya bhikkhu bhikkhussa pavāraṇaṁ ṭhapeti.
pli-tv-kd4:16.8.2	Tañce bhikkhuṁ aññe bhikkhū jānanti—
pli-tv-kd4:16.8.3	‘ayaṁ kho āyasmā parisuddhakāyasamācāro, parisuddhavacīsamācāro, aparisuddhājīvo, bālo, abyatto, na paṭibalo anuyuñjīyamāno anuyogaṁ dātun’ti, ‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena pavāretabbaṁ.
pli-tv-kd4:16.9.1	Idha pana, bhikkhave, tadahu pavāraṇāya bhikkhu bhikkhussa pavāraṇaṁ ṭhapeti.
pli-tv-kd4:16.9.2	Tañce bhikkhuṁ aññe bhikkhū jānanti—
pli-tv-kd4:16.9.3	‘ayaṁ kho āyasmā parisuddhakāyasamācāro, parisuddhavacīsamācāro, parisuddhājīvo, bālo, abyatto, na paṭibalo anuyuñjīyamāno anuyogaṁ dātun’ti, ‘alaṁ, bhikkhu, mā bhaṇḍanaṁ, mā kalahaṁ, mā viggahaṁ, mā vivādan’ti omadditvā saṅghena pavāretabbaṁ.
pli-tv-kd4:16.10.0	
pli-tv-kd4:16.10.1	Idha pana, bhikkhave, tadahu pavāraṇāya bhikkhu bhikkhussa pavāraṇaṁ ṭhapeti.
pli-tv-kd4:16.10.2	Tañce bhikkhuṁ aññe bhikkhū jānanti—
pli-tv-kd4:16.10.3	‘ayaṁ kho āyasmā parisuddhakāyasamācāro, parisuddhavacīsamācāro, parisuddhājīvo, paṇḍito, byatto, paṭibalo anuyuñjīyamāno anuyogaṁ dātun’ti, so evamassa vacanīyo, ‘yaṁ kho tvaṁ, āvuso, imassa bhikkhuno pavāraṇaṁ ṭhapesi, kimhi naṁ ṭhapesi, sīlavipattiyā vā ṭhapesi, ācāravipattiyā vā ṭhapesi, diṭṭhivipattiyā vā ṭhapesī’ti?
pli-tv-kd4:16.11.1	So ce evaṁ vadeyya—
pli-tv-kd4:16.11.2	‘sīlavipattiyā vā ṭhapemi, ācāravipattiyā vā ṭhapemi, diṭṭhivipattiyā vā ṭhapemī’ti, so evamassa vacanīyo—
pli-tv-kd4:16.11.3	‘jānāsi panāyasmā sīlavipattiṁ, jānāsi ācāravipattiṁ, jānāsi diṭṭhivipattin’ti?
pli-tv-kd4:16.11.4	So ce evaṁ vadeyya—
pli-tv-kd4:16.11.5	‘jānāmi kho ahaṁ, āvuso, sīlavipattiṁ, jānāmi ācāravipattiṁ, jānāmi diṭṭhivipattin’ti, so evamassa vacanīyo—
pli-tv-kd4:16.11.6	‘katamā panāvuso, sīlavipatti, katamā ācāravipatti, katamā diṭṭhivipattī’ti?
pli-tv-kd4:16.12.1	So ce evaṁ vadeyya—
pli-tv-kd4:16.12.2	‘cattāri pārājikāni, terasa saṅghādisesā, ayaṁ sīlavipatti;
pli-tv-kd4:16.12.3	thullaccayaṁ, pācittiyaṁ, pāṭidesanīyaṁ, dukkaṭaṁ, dubbhāsitaṁ, ayaṁ ācāravipatti;
pli-tv-kd4:16.12.4	micchādiṭṭhi, antaggāhikādiṭṭhi, ayaṁ diṭṭhivipattī’ti, so evamassa vacanīyo—
pli-tv-kd4:16.12.5	‘yaṁ kho tvaṁ, āvuso, imassa bhikkhuno pavāraṇaṁ ṭhapesi, diṭṭhena vā ṭhapesi, sutena vā ṭhapesi, parisaṅkāya vā ṭhapesī’ti?
pli-tv-kd4:16.13.1	So ce evaṁ vadeyya—
pli-tv-kd4:16.13.2	‘diṭṭhena vā ṭhapemi, sutena vā ṭhapemi, parisaṅkāya vā ṭhapemī’ti, so evamassa vacanīyo—
pli-tv-kd4:16.13.3	‘yaṁ kho tvaṁ, āvuso, imassa bhikkhuno diṭṭhena pavāraṇaṁ ṭhapesi, kiṁ te diṭṭhaṁ, kinti te diṭṭhaṁ, kadā te diṭṭhaṁ, kattha te diṭṭhaṁ, pārājikaṁ ajjhāpajjanto diṭṭho, saṅghādisesaṁ ajjhāpajjanto diṭṭho,
pli-tv-kd4:16.13.4	thullaccayaṁ …
pli-tv-kd4:16.13.5	pācittiyaṁ …
pli-tv-kd4:16.13.6	pāṭidesanīyaṁ …
pli-tv-kd4:16.13.7	dukkaṭaṁ …
pli-tv-kd4:16.13.8	dubbhāsitaṁ ajjhāpajjanto diṭṭho, kattha ca tvaṁ ahosi, kattha cāyaṁ bhikkhu ahosi, kiñca tvaṁ karosi, kiñcāyaṁ bhikkhu karotī’ti?
pli-tv-kd4:16.14.1	So ce evaṁ vadeyya—
pli-tv-kd4:16.14.2	‘na kho ahaṁ, āvuso, imassa bhikkhuno diṭṭhena pavāraṇaṁ ṭhapemi, api ca sutena pavāraṇaṁ ṭhapemī’ti, so evamassa vacanīyo—
pli-tv-kd4:16.14.3	‘yaṁ kho tvaṁ, āvuso, imassa bhikkhuno sutena pavāraṇaṁ ṭhapesi, kiṁ te sutaṁ, kinti te sutaṁ, kadā te sutaṁ, kattha te sutaṁ,
pli-tv-kd4:16.14.4	pārājikaṁ ajjhāpannoti sutaṁ, saṅghādisesaṁ ajjhāpannoti sutaṁ, thullaccayaṁ …pācittiyaṁ … pāṭidesanīyaṁ … dukkaṭaṁ … dubbhāsitaṁ ajjhāpannoti sutaṁ,
pli-tv-kd4:16.14.5	bhikkhussa sutaṁ, bhikkhuniyā sutaṁ, sikkhamānāya sutaṁ, sāmaṇerassa sutaṁ, sāmaṇeriyā sutaṁ, upāsakassa sutaṁ, upāsikāya sutaṁ, rājūnaṁ sutaṁ, rājamahāmattānaṁ sutaṁ, titthiyānaṁ sutaṁ, titthiyasāvakānaṁ sutan’ti?
pli-tv-kd4:16.15.1	So ce evaṁ vadeyya—‘na kho ahaṁ, āvuso, imassa bhikkhuno sutena pavāraṇaṁ ṭhapemi, api ca parisaṅkāya pavāraṇaṁ ṭhapemī’ti, so evamassa vacanīyo—
pli-tv-kd4:16.15.2	‘yaṁ kho tvaṁ, āvuso, imassa bhikkhuno parisaṅkāya pavāraṇaṁ ṭhapesi, kiṁ parisaṅkasi, kinti parisaṅkasi, kadā parisaṅkasi, kattha parisaṅkasi,
pli-tv-kd4:16.15.3	pārājikaṁ ajjhāpannoti parisaṅkasi, saṅghādisesaṁ ajjhāpannoti parisaṅkasi, thullaccayaṁ … pācittiyaṁ … pāṭidesanīyaṁ … dukkaṭaṁ … dubbhāsitaṁ ajjhāpannoti parisaṅkasi,
pli-tv-kd4:16.15.4	bhikkhussa sutvā parisaṅkasi, bhikkhuniyā sutvā parisaṅkasi, sikkhamānāya sutvā parisaṅkasi, sāmaṇerassa sutvā parisaṅkasi, sāmaṇeriyā sutvā parisaṅkasi, upāsakassa sutvā parisaṅkasi, upāsikāya sutvā parisaṅkasi, rājūnaṁ sutvā parisaṅkasi, rājamahāmattānaṁ sutvā parisaṅkasi, titthiyānaṁ sutvā parisaṅkasi, titthiyasāvakānaṁ sutvā parisaṅkasī’ti?
pli-tv-kd4:16.16.1	So ce evaṁ vadeyya—
pli-tv-kd4:16.16.2	‘na kho ahaṁ, āvuso, imassa bhikkhuno parisaṅkāya pavāraṇaṁ ṭhapemi, api ca ahampi na jānāmi kena panāhaṁ imassa bhikkhuno pavāraṇaṁ ṭhapemī’ti.
pli-tv-kd4:16.16.3	So ce, bhikkhave, codako bhikkhu anuyogena viññūnaṁ sabrahmacārīnaṁ cittaṁ na ārādheti, ananuvādo cudito bhikkhūti alaṁvacanāya.
pli-tv-kd4:16.16.4	So ce, bhikkhave, codako bhikkhu anuyogena viññūnaṁ sabrahmacārīnaṁ cittaṁ ārādheti, sānuvādo cudito bhikkhūti alaṁvacanāya.
pli-tv-kd4:16.17.1	So ce, bhikkhave, codako bhikkhu amūlakena pārājikena anuddhaṁsitaṁ paṭijānāti, saṅghādisesaṁ āropetvā saṅghena pavāretabbaṁ.
pli-tv-kd4:16.17.2	So ce, bhikkhave, codako bhikkhu amūlakena saṅghādisesena anuddhaṁsitaṁ paṭijānāti, yathādhammaṁ kārāpetvā saṅghena pavāretabbaṁ.
pli-tv-kd4:16.17.3	So ce, bhikkhave, codako, bhikkhu amūlakena thullaccayena …
pli-tv-kd4:16.17.4	pācittiyena …
pli-tv-kd4:16.17.5	pāṭidesanīyena …
pli-tv-kd4:16.17.6	dukkaṭena …
pli-tv-kd4:16.17.7	dubbhāsitena anuddhaṁsitaṁ paṭijānāti, yathādhammaṁ kārāpetvā saṅghena pavāretabbaṁ.
pli-tv-kd4:16.18.1	So ce, bhikkhave, cudito bhikkhu pārājikaṁ ajjhāpannoti paṭijānāti, nāsetvā saṅghena pavāretabbaṁ.
pli-tv-kd4:16.18.2	So ce, bhikkhave, cudito bhikkhu saṅghādisesaṁ ajjhāpannoti paṭijānāti, saṅghādisesaṁ āropetvā saṅghena pavāretabbaṁ.
pli-tv-kd4:16.18.3	So ce, bhikkhave, cudito bhikkhu thullaccayaṁ …
pli-tv-kd4:16.18.4	pācittiyaṁ …
pli-tv-kd4:16.18.5	pāṭidesanīyaṁ …
pli-tv-kd4:16.18.6	dukkaṭaṁ …
pli-tv-kd4:16.18.7	dubbhāsitaṁ ajjhāpannoti paṭijānāti, yathādhammaṁ kārāpetvā saṅghena pavāretabbaṁ.
pli-tv-kd4:16.19.0	23. Thullaccayavatthukādi
pli-tv-kd4:16.19.1	Idha pana, bhikkhave, bhikkhu tadahu pavāraṇāya thullaccayaṁ ajjhāpanno hoti.
pli-tv-kd4:16.19.2	Ekacce bhikkhū thullaccayadiṭṭhino honti, ekacce bhikkhū saṅghādisesadiṭṭhino honti.
pli-tv-kd4:16.19.3	Ye te, bhikkhave, bhikkhū thullaccayadiṭṭhino, tehi so, bhikkhave, bhikkhu ekamantaṁ apanetvā yathādhammaṁ kārāpetvā saṅghaṁ upasaṅkamitvā evamassa vacanīyo—
pli-tv-kd4:16.19.4	‘yaṁ kho so, āvuso, bhikkhu āpattiṁ āpanno, sāssa yathādhammaṁ paṭikatā.
pli-tv-kd4:16.19.5	Yadi saṅghassa pattakallaṁ, saṅgho pavāreyyā’ti.
pli-tv-kd4:16.20.1	Idha pana, bhikkhave, bhikkhu tadahu pavāraṇāya thullaccayaṁ ajjhāpanno hoti.
pli-tv-kd4:16.20.2	Ekacce bhikkhū thullaccayadiṭṭhino honti, ekacce bhikkhū pācittiyadiṭṭhino honti …pe…
pli-tv-kd4:16.20.3	ekacce bhikkhū thullaccayadiṭṭhino honti, ekacce bhikkhū pāṭidesanīyadiṭṭhino honti …
pli-tv-kd4:16.20.4	ekacce bhikkhū thullaccayadiṭṭhino honti, ekacce bhikkhū dukkaṭadiṭṭhino honti …
pli-tv-kd4:16.20.5	ekacce bhikkhū thullaccayadiṭṭhino honti, ekacce bhikkhū dubbhāsitadiṭṭhino honti.
pli-tv-kd4:16.20.6	Ye te, bhikkhave, bhikkhū thullaccayadiṭṭhino, tehi so, bhikkhave, bhikkhu ekamantaṁ apanetvā yathādhammaṁ kārāpetvā saṅghaṁ upasaṅkamitvā evamassa vacanīyo—
pli-tv-kd4:16.20.7	‘yaṁ kho so, āvuso, bhikkhu āpattiṁ āpanno, sāssa yathādhammaṁ paṭikatā.
pli-tv-kd4:16.20.8	Yadi saṅghassa pattakallaṁ, saṅgho pavāreyyā’ti.
pli-tv-kd4:16.21.1	Idha pana, bhikkhave, bhikkhu tadahu pavāraṇāya pācittiyaṁ ajjhāpanno hoti …pe…
pli-tv-kd4:16.21.2	pāṭidesanīyaṁ ajjhāpanno hoti …
pli-tv-kd4:16.21.3	dukkaṭaṁ ajjhāpanno hoti …
pli-tv-kd4:16.21.4	dubbhāsitaṁ ajjhāpanno hoti.
pli-tv-kd4:16.21.5	Ekacce bhikkhū dubbhāsitadiṭṭhino honti, ekacce bhikkhū saṅghādisesadiṭṭhino honti.
pli-tv-kd4:16.21.6	Ye te, bhikkhave, bhikkhū dubbhāsitadiṭṭhino, tehi so, bhikkhave, bhikkhu ekamantaṁ apanetvā yathādhammaṁ kārāpetvā saṅghaṁ upasaṅkamitvā evamassa vacanīyo—
pli-tv-kd4:16.21.7	‘yaṁ kho so, āvuso, bhikkhu āpattiṁ āpanno, sāssa yathādhammaṁ paṭikatā.
pli-tv-kd4:16.21.8	Yadi saṅghassa pattakallaṁ, saṅgho pavāreyyā’ti.
pli-tv-kd4:16.22.1	Idha pana, bhikkhave, bhikkhu tadahu pavāraṇāya dubbhāsitaṁ ajjhāpanno hoti.
pli-tv-kd4:16.22.2	Ekacce bhikkhū dubbhāsitadiṭṭhino honti, ekacce bhikkhū thullaccayadiṭṭhino honti …pe…
pli-tv-kd4:16.22.3	ekacce bhikkhū dubbhāsitadiṭṭhino honti, ekacce bhikkhū pācittiyadiṭṭhino honti …
pli-tv-kd4:16.22.4	ekacce bhikkhū dubbhāsitadiṭṭhino honti, ekacce bhikkhū pāṭidesanīyadiṭṭhino honti …
pli-tv-kd4:16.22.5	ekacce bhikkhū dubbhāsitadiṭṭhino honti, ekacce bhikkhū dukkaṭadiṭṭhino honti.
pli-tv-kd4:16.22.6	Ye te, bhikkhave, bhikkhū dubbhāsitadiṭṭhino, tehi so, bhikkhave, bhikkhu ekamantaṁ apanetvā yathādhammaṁ kārāpetvā saṅghaṁ upasaṅkamitvā evamassa vacanīyo—
pli-tv-kd4:16.22.7	‘yaṁ kho so, āvuso, bhikkhu āpattiṁ āpanno, sāssa yathādhammaṁ paṭikatā.
pli-tv-kd4:16.22.8	Yadi saṅghassa pattakallaṁ, saṅgho pavāreyyā’ti.
pli-tv-kd4:16.23.0	24. Vatthuṭhapanādi
pli-tv-kd4:16.23.1	Idha pana, bhikkhave, bhikkhu tadahu pavāraṇāya saṅghamajjhe udāhareyya—
pli-tv-kd4:16.23.2	‘suṇātu me, bhante, saṅgho.
pli-tv-kd4:16.23.3	Idaṁ vatthu paññāyati, na puggalo.
pli-tv-kd4:16.23.4	Yadi saṅghassa pattakallaṁ, vatthuṁ ṭhapetvā saṅgho pavāreyyā’ti.
pli-tv-kd4:16.23.5	So evamassa vacanīyo—
pli-tv-kd4:16.23.6	‘bhagavatā kho, āvuso, visuddhānaṁ pavāraṇā paññattā.
pli-tv-kd4:16.23.7	Sace vatthu paññāyati, na puggalo, idāneva naṁ vadehī’ti.
pli-tv-kd4:16.24.1	Idha pana, bhikkhave, bhikkhu tadahu pavāraṇāya saṅghamajjhe udāhareyya—
pli-tv-kd4:16.24.2	‘suṇātu me, bhante, saṅgho.
pli-tv-kd4:16.24.3	Ayaṁ puggalo paññāyati, na vatthu.
pli-tv-kd4:16.24.4	Yadi saṅghassa pattakallaṁ, puggalaṁ ṭhapetvā saṅgho pavāreyyā’ti.
pli-tv-kd4:16.24.5	So evamassa vacanīyo—
pli-tv-kd4:16.24.6	‘bhagavatā kho, āvuso, samaggānaṁ pavāraṇā paññattā.
pli-tv-kd4:16.24.7	Sace puggalo paññāyati, na vatthu, idāneva naṁ vadehī’ti.
pli-tv-kd4:16.25.1	Idha pana, bhikkhave, bhikkhu tadahu pavāraṇāya saṅghamajjhe udāhareyya—
pli-tv-kd4:16.25.2	‘suṇātu me, bhante, saṅgho.
pli-tv-kd4:16.25.3	Idaṁ vatthu ca puggalo ca paññāyati.
pli-tv-kd4:16.25.4	Yadi saṅghassa pattakallaṁ, vatthuñca puggalañca ṭhapetvā saṅgho pavāreyyā’ti.
pli-tv-kd4:16.25.5	So evamassa vacanīyo—
pli-tv-kd4:16.25.6	‘bhagavatā kho, āvuso, visuddhānañca samaggānañca pavāraṇā paññattā.
pli-tv-kd4:16.25.7	Sace vatthu ca puggalo ca paññāyati, idāneva naṁ vadehī’ti.
pli-tv-kd4:16.26.1	Pubbe ce, bhikkhave, pavāraṇāya vatthu paññāyati, pacchā puggalo, kallaṁ vacanāya.
pli-tv-kd4:16.26.2	Pubbe ce, bhikkhave, pavāraṇāya puggalo paññāyati, pacchā vatthu, kallaṁ vacanāya.
pli-tv-kd4:16.26.3	Pubbe ce, bhikkhave, pavāraṇāya vatthu ca puggalo ca paññāyati, tañce katāya pavāraṇāya ukkoṭeti, ukkoṭanakaṁ pācittiyan”ti.
pli-tv-kd4:17.1.0	25. Bhaṇḍanakārakavatthu
pli-tv-kd4:17.1.1	Tena kho pana samayena sambahulā sandiṭṭhā sambhattā bhikkhū kosalesu janapade aññatarasmiṁ āvāse vassaṁ upagacchiṁsu.
pli-tv-kd4:17.1.2	Tesaṁ sāmantā aññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā vassaṁ upagacchiṁsu—
pli-tv-kd4:17.1.3	“mayaṁ tesaṁ bhikkhūnaṁ vassaṁvuṭṭhānaṁ pavāraṇāya pavāraṇaṁ ṭhapessāmā”ti.
pli-tv-kd4:17.1.4	Assosuṁ kho te bhikkhū—
pli-tv-kd4:17.1.5	“amhākaṁ kira sāmantā aññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā vassaṁ upagatā—
pli-tv-kd4:17.1.6	‘mayaṁ tesaṁ bhikkhūnaṁ vassaṁvuṭṭhānaṁ pavāraṇāya pavāraṇaṁ ṭhapessāmā’ti.
pli-tv-kd4:17.1.7	Kathaṁ nu kho amhehi paṭipajjitabban”ti?
pli-tv-kd4:17.1.8	Bhagavato etamatthaṁ ārocesuṁ.
pli-tv-kd4:17.2.1	“Idha pana, bhikkhave, sambahulā sandiṭṭhā sambhattā bhikkhū aññatarasmiṁ āvāse vassaṁ upagacchanti.
pli-tv-kd4:17.2.2	Tesaṁ sāmantā aññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā vassaṁ upagacchanti—
pli-tv-kd4:17.2.3	‘mayaṁ tesaṁ bhikkhūnaṁ vassaṁvuṭṭhānaṁ pavāraṇāya pavāraṇaṁ ṭhapessāmā’ti.
pli-tv-kd4:17.2.4	Anujānāmi, bhikkhave, tehi bhikkhūhi dve tayo uposathe cātuddasike kātuṁ—
pli-tv-kd4:17.2.5	‘kathaṁ mayaṁ tehi bhikkhūhi paṭhamataraṁ pavāreyyāmā’ti.
pli-tv-kd4:17.2.6	Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā taṁ āvāsaṁ āgacchanti, tehi, bhikkhave, āvāsikehi bhikkhūhi lahuṁ lahuṁ sannipatitvā pavāretabbaṁ, pavāretvā vattabbā—
pli-tv-kd4:17.2.7	‘pavāritā kho mayaṁ, āvuso;
pli-tv-kd4:17.2.8	yathāyasmantā maññanti tathā karontū’ti.
pli-tv-kd4:17.3.1	Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā asaṁvihitā taṁ āvāsaṁ āgacchanti, tehi, bhikkhave, āvāsikehi bhikkhūhi āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, pānīyena paripucchitabbā;
pli-tv-kd4:17.3.2	tesaṁ vikkhitvā nissīmaṁ gantvā pavāretabbaṁ, pavāretvā vattabbā—
pli-tv-kd4:17.3.3	‘pavāritā kho mayaṁ, āvuso;
pli-tv-kd4:17.3.4	yathāyasmantā maññanti tathā karontū’ti.
pli-tv-kd4:17.4.1	Evañcetaṁ labhetha, iccetaṁ kusalaṁ.
pli-tv-kd4:17.4.2	No ce labhetha, āvāsikena bhikkhunā byattena paṭibalena āvāsikā bhikkhū ñāpetabbā—
pli-tv-kd4:17.4.3	‘Suṇantu me, āyasmanto, āvāsikā.
pli-tv-kd4:17.4.4	Yadāyasmantānaṁ pattakallaṁ, idāni uposathaṁ kareyyāma, pātimokkhaṁ uddiseyyāma, āgame kāḷe pavāreyyāmā’ti.
pli-tv-kd4:17.4.5	Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te bhikkhū evaṁ vadeyyuṁ—
pli-tv-kd4:17.4.6	‘sādhāvuso, idāneva no pavārethā’ti, te evamassu vacanīyā—
pli-tv-kd4:17.4.7	‘anissarā kho tumhe, āvuso, amhākaṁ pavāraṇāya;
pli-tv-kd4:17.4.8	na tāva mayaṁ pavāreyyāmā’ti.
pli-tv-kd4:17.5.1	Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā taṁ kāḷaṁ anuvaseyyuṁ, āvāsikena, bhikkhave, bhikkhunā byattena paṭibalena āvāsikā bhikkhū ñāpetabbā—
pli-tv-kd4:17.5.2	‘Suṇantu me, āyasmanto, āvāsikā.
pli-tv-kd4:17.5.3	Yadāyasmantānaṁ pattakallaṁ, idāni uposathaṁ kareyyāma, pātimokkhaṁ uddiseyyāma, āgame juṇhe pavāreyyāmā’ti.
pli-tv-kd4:17.5.4	Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te bhikkhū evaṁ vadeyyuṁ—
pli-tv-kd4:17.5.5	‘sādhāvuso, idāneva no pavāreyyāthā’ti, te evamassu vacanīyā—
pli-tv-kd4:17.5.6	‘anissarā kho tumhe, āvuso, amhākaṁ pavāraṇāya, na tāva mayaṁ pavāreyyāmā’ti.
pli-tv-kd4:17.6.1	Te ce, bhikkhave, bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā tampi juṇhaṁ anuvaseyyuṁ, tehi, bhikkhave, bhikkhūhi sabbeheva āgame juṇhe komudiyā cātumāsiniyā akāmā pavāretabbaṁ.
pli-tv-kd4:17.7.0	
pli-tv-kd4:17.7.1	Tehi ce, bhikkhave, bhikkhūhi pavāriyamāne gilāno agilānassa pavāraṇaṁ ṭhapeti, so evamassa vacanīyo—
pli-tv-kd4:17.7.2	‘āyasmā kho gilāno.
pli-tv-kd4:17.7.3	Gilāno ca ananuyogakkhamo vutto bhagavatā.
pli-tv-kd4:17.7.4	Āgamehi, āvuso, yāva arogo hosi.
pli-tv-kd4:17.7.5	Arogo ākaṅkhamāno codessasī’ti.
pli-tv-kd4:17.7.6	Evañce vuccamāno codeti, anādariye pācittiyaṁ.
pli-tv-kd4:17.8.1	Tehi ce, bhikkhave, bhikkhūhi pavāriyamāne agilāno gilānassa pavāraṇaṁ ṭhapeti, so evamassa vacanīyo—
pli-tv-kd4:17.8.2	‘ayaṁ kho, āvuso, bhikkhu gilāno.
pli-tv-kd4:17.8.3	Gilāno ca ananuyogakkhamo vutto bhagavatā.
pli-tv-kd4:17.8.4	Āgamehi, āvuso, yāvāyaṁ bhikkhu arogo hoti.
pli-tv-kd4:17.8.5	Arogaṁ ākaṅkhamāno codessasī’ti.
pli-tv-kd4:17.8.6	Evañce vuccamāno codeti, anādariye pācittiyaṁ.
pli-tv-kd4:17.9.1	Tehi ce, bhikkhave, bhikkhūhi pavāriyamāne gilāno gilānassa pavāraṇaṁ ṭhapeti, so evamassa vacanīyo—
pli-tv-kd4:17.9.2	‘āyasmantā kho gilānā.
pli-tv-kd4:17.9.3	Gilāno ca ananuyogakkhamo vutto bhagavatā.
pli-tv-kd4:17.9.4	Āgamehi, āvuso, yāva arogā hotha.
pli-tv-kd4:17.9.5	Arogo arogaṁ ākaṅkhamāno codessasī’ti.
pli-tv-kd4:17.9.6	Evañce vuccamāno codeti, anādariye pācittiyaṁ.
pli-tv-kd4:17.10.1	Tehi ce, bhikkhave, bhikkhūhi pavāriyamāne agilāno agilānassa pavāraṇaṁ ṭhapeti, ubho saṅghena samanuyuñjitvā samanugāhitvā yathādhammaṁ kārāpetvā saṅghena pavāretabban”ti.
pli-tv-kd4:18.1.0	26. Pavāraṇāsaṅgaha
pli-tv-kd4:18.1.1	Tena kho pana samayena sambahulā sandiṭṭhā sambhattā bhikkhū kosalesu janapade aññatarasmiṁ āvāse vassaṁ upagacchiṁsu.
pli-tv-kd4:18.1.2	Tesaṁ samaggānaṁ sammodamānānaṁ avivadamānānaṁ viharataṁ aññataro phāsuvihāro adhigato hoti.
pli-tv-kd4:18.1.3	Atha kho tesaṁ bhikkhūnaṁ etadahosi—
pli-tv-kd4:18.1.4	“amhākaṁ kho samaggānaṁ sammodamānānaṁ avivadamānānaṁ viharataṁ aññataro phāsuvihāro adhigato.
pli-tv-kd4:18.1.5	Sace mayaṁ idāni pavāressāma, siyāpi bhikkhū pavāretvā cārikaṁ pakkameyyuṁ.
pli-tv-kd4:18.1.6	Evaṁ mayaṁ imamhā phāsuvihārā paribāhirā bhavissāma.
pli-tv-kd4:18.1.7	Kathaṁ nu kho amhehi paṭipajjitabban”ti?
pli-tv-kd4:18.1.8	Bhagavato etamatthaṁ ārocesuṁ.
pli-tv-kd4:18.2.1	“Idha pana, bhikkhave, sambahulā sandiṭṭhā sambhattā bhikkhū aññatarasmiṁ āvāse vassaṁ upagacchanti.
pli-tv-kd4:18.2.2	Tesaṁ samaggānaṁ sammodamānānaṁ avivadamānānaṁ viharataṁ aññataro phāsuvihāro adhigato hoti.
pli-tv-kd4:18.2.3	Tatra ce bhikkhūnaṁ evaṁ hoti—
pli-tv-kd4:18.2.4	‘amhākaṁ kho samaggānaṁ sammodamānānaṁ avivadamānānaṁ viharataṁ aññataro phāsuvihāro adhigato.
pli-tv-kd4:18.2.5	Sace mayaṁ idāni pavāressāma, siyāpi bhikkhū pavāretvā cārikaṁ pakkameyyuṁ.
pli-tv-kd4:18.2.6	Evaṁ mayaṁ imamhā phāsuvihārā paribāhirā bhavissāmā’ti.
pli-tv-kd4:18.2.7	Anujānāmi, bhikkhave, tehi bhikkhūhi pavāraṇāsaṅgahaṁ kātuṁ.
pli-tv-kd4:18.3.1	Evañca pana, bhikkhave, kātabbo.
pli-tv-kd4:18.3.2	Sabbeheva ekajjhaṁ sannipatitabbaṁ—
pli-tv-kd4:18.3.3	sannipatitvā byattena bhikkhunā paṭibalena saṅgho ñāpetabbo—
pli-tv-kd4:18.3.4	‘Suṇātu me, bhante, saṅgho.
pli-tv-kd4:18.3.5	Amhākaṁ samaggānaṁ sammodamānānaṁ avivadamānānaṁ viharataṁ aññataro phāsuvihāro adhigato.
pli-tv-kd4:18.3.6	Sace mayaṁ idāni pavāressāma, siyāpi bhikkhū pavāretvā cārikaṁ pakkameyyuṁ.
pli-tv-kd4:18.3.7	Evaṁ mayaṁ imamhā phāsuvihārā paribāhirā bhavissāma.
pli-tv-kd4:18.3.8	Yadi saṅghassa pattakallaṁ, saṅgho pavāraṇāsaṅgahaṁ kareyya, idāni uposathaṁ kareyya, pātimokkhaṁ uddiseyya, āgame juṇhe komudiyā cātumāsiniyā pavāreyya.
pli-tv-kd4:18.3.9	Esā ñatti.
pli-tv-kd4:18.4.1	Suṇātu me, bhante, saṅgho.
pli-tv-kd4:18.4.2	Amhākaṁ samaggānaṁ sammodamānānaṁ avivadamānānaṁ viharataṁ aññataro phāsuvihāro adhigato.
pli-tv-kd4:18.4.3	Sace mayaṁ idāni pavāressāma, siyāpi bhikkhū pavāretvā cārikaṁ pakkameyyuṁ.
pli-tv-kd4:18.4.4	Evaṁ mayaṁ imamhā phāsuvihārā paribāhirā bhavissāma.
pli-tv-kd4:18.4.5	Saṅgho pavāraṇāsaṅgahaṁ karoti, idāni uposathaṁ karissati, pātimokkhaṁ uddisissati, āgame juṇhe komudiyā cātumāsiniyā pavāressati.
pli-tv-kd4:18.4.6	Yassāyasmato khamati pavāraṇāsaṅgahassa karaṇaṁ, idāni uposathaṁ karissati, pātimokkhaṁ uddisissati, āgame juṇhe komudiyā cātumāsiniyā pavāressati, so tuṇhassa;
pli-tv-kd4:18.4.7	yassa nakkhamati, so bhāseyya.
pli-tv-kd4:18.4.8	Kato saṅghena pavāraṇāsaṅgaho, idāni uposathaṁ karissati, pātimokkhaṁ uddisissati, āgame juṇhe komudiyā cātumāsiniyā pavāressati.
pli-tv-kd4:18.4.9	Khamati saṅghassa, tasmā tuṇhī, evametaṁ dhārayāmī’ti.
pli-tv-kd4:18.5.1	Tehi ce, bhikkhave, bhikkhūhi kate pavāraṇāsaṅgahe aññataro bhikkhu evaṁ vadeyya—
pli-tv-kd4:18.5.2	‘icchāmahaṁ, āvuso, janapadacārikaṁ pakkamituṁ;
pli-tv-kd4:18.5.3	atthi me janapade karaṇīyan’ti, so evamassa vacanīyo—
pli-tv-kd4:18.5.4	‘sādhāvuso, pavāretvā gacchāhī’ti.
pli-tv-kd4:18.5.5	So ce, bhikkhave, bhikkhu pavārayamāno aññatarassa bhikkhuno pavāraṇaṁ ṭhapeti, so evamassa vacanīyo—
pli-tv-kd4:18.5.6	‘anissaro kho me tvaṁ, āvuso, pavāraṇāya, na tāvāhaṁ pavāressāmī’ti.
pli-tv-kd4:18.5.7	Tassa ce, bhikkhave, bhikkhuno pavārayamānassa aññataro bhikkhu tassa bhikkhuno pavāraṇaṁ ṭhapeti, ubho saṅghena samanuyuñjitvā samanugāhitvā yathādhammaṁ kārāpetabbā.
pli-tv-kd4:18.6.1	So ce, bhikkhave, bhikkhu janapade taṁ karaṇīyaṁ tīretvā punadeva anto komudiyā cātumāsiniyā taṁ āvāsaṁ āgacchati, tehi ce, bhikkhave, bhikkhūhi pavāriyamāne aññataro bhikkhu tassa bhikkhuno pavāraṇaṁ ṭhapeti, so evamassa vacanīyo—
pli-tv-kd4:18.6.2	‘anissaro kho me tvaṁ, āvuso, pavāraṇāya;
pli-tv-kd4:18.6.3	pavārito ahan’ti.
pli-tv-kd4:18.6.4	Tehi ce, bhikkhave, bhikkhūhi pavāriyamāne so bhikkhu aññatarassa bhikkhuno pavāraṇaṁ ṭhapeti, ubho saṅghena samanuyuñjitvā samanugāhitvā yathādhammaṁ kārāpetvā saṅghena pavāretabban”ti.
pli-tv-kd4:18.6.5	Pavāraṇākkhandhako catuttho.
pli-tv-kd4:18.6.6	Tassuddānaṁ
pli-tv-kd4:18.6.7	Vassaṁvuṭṭhā kosalesu,
pli-tv-kd4:18.6.8	agamuṁ satthu dassanaṁ;
pli-tv-kd4:18.6.9	Aphāsuṁ pasusaṁvāsaṁ,
pli-tv-kd4:18.6.10	aññamaññānulomatā.
pli-tv-kd4:18.6.11	Pavārentā paṇāmañca,
pli-tv-kd4:18.6.12	kammaṁ gilānañātakā;
pli-tv-kd4:18.6.13	Rājā corā ca dhuttā ca,
pli-tv-kd4:18.6.14	bhikkhupaccatthikā tathā.
pli-tv-kd4:18.6.15	Pañca catutayo dveko,
pli-tv-kd4:18.6.16	āpanno vematī sari;
pli-tv-kd4:18.6.17	Sabbo saṅgho vematiko,
pli-tv-kd4:18.6.18	bahū samā ca thokikā.
pli-tv-kd4:18.6.19	Āvāsikā cātuddasa,
pli-tv-kd4:18.6.20	liṅgasaṁvāsakā ubho;
pli-tv-kd4:18.6.21	Gantabbaṁ na nisinnāya,
pli-tv-kd4:18.6.22	chandadāne pavāraṇā.
pli-tv-kd4:18.6.23	Savarehi khepitā megho,
pli-tv-kd4:18.6.24	antarā ca pavāraṇā;
pli-tv-kd4:18.6.25	Na icchanti puramhākaṁ,
pli-tv-kd4:18.6.26	aṭṭhapitā ca bhikkhuno.
pli-tv-kd4:18.6.27	Kimhi vāti katamañca,
pli-tv-kd4:18.6.28	Diṭṭhena sutasaṅkāya;
pli-tv-kd4:18.6.29	Codako cuditako ca,
pli-tv-kd4:18.6.30	Thullaccayaṁ vatthu bhaṇḍanaṁ;
pli-tv-kd4:18.6.31	Pavāraṇāsaṅgaho ca,
pli-tv-kd4:18.6.32	Anissaro pavārayeti.
pli-tv-kd4:18.6.33	Imamhi khandhake vatthūni chacattārīsāti.
pli-tv-kd4:18.6.34	Pavāraṇākkhandhako niṭṭhito.
pli-tv-kd5:0.1	Theravāda Vinayapiṭaka
pli-tv-kd5:0.2	Mahāvagga
pli-tv-kd5:0.3	5. Cammakkhandhaka
pli-tv-kd5:0.4	1. Soṇakoḷivisavatthu
pli-tv-kd5:1.1.1	Tena samayena buddho bhagavā rājagahe viharati gijjhakūṭe pabbate.
pli-tv-kd5:1.1.2	Tena kho pana samayena rājā māgadho seniyo bimbisāro asītiyā gāmasahassesu issariyādhipaccaṁ rajjaṁ kāreti.
pli-tv-kd5:1.1.3	Tena kho pana samayena campāyaṁ soṇo nāma koḷiviso seṭṭhiputto sukhumālo hoti.
pli-tv-kd5:1.1.4	Tassa pādatalesu lomāni jātāni honti.
pli-tv-kd5:1.1.5	Atha kho rājā māgadho seniyo bimbisāro tāni asīti gāmikasahassāni sannipātāpetvā kenacideva karaṇīyena soṇassa koḷivisassa santike dūtaṁ pāhesi—
pli-tv-kd5:1.1.6	“āgacchatu soṇo, icchāmi soṇassa āgatan”ti.
pli-tv-kd5:1.2.1	Atha kho soṇassa koḷivisassa mātāpitaro soṇaṁ koḷivisaṁ etadavocuṁ—
pli-tv-kd5:1.2.2	“rājā te, tāta soṇa, pāde dakkhitukāmo.
pli-tv-kd5:1.2.3	Mā kho tvaṁ, tāta soṇa, yena rājā tena pāde abhippasāreyyāsi.
pli-tv-kd5:1.2.4	Rañño purato pallaṅkena nisīda.
pli-tv-kd5:1.2.5	Nisinnassa te rājā pāde dakkhissatī”ti.
pli-tv-kd5:1.2.6	Atha kho soṇaṁ koḷivisaṁ sivikāya ānesuṁ.
pli-tv-kd5:1.2.7	Atha kho soṇo koḷiviso yena rājā māgadho seniyo bimbisāro tenupasaṅkami, upasaṅkamitvā rājānaṁ māgadhaṁ seniyaṁ bimbisāraṁ abhivādetvā rañño purato pallaṅkena nisīdi.
pli-tv-kd5:1.2.8	Addasā kho rājā māgadho seniyo bimbisāro soṇassa koḷivisassa pādatalesu lomāni jātāni.
pli-tv-kd5:1.3.1	Atha kho rājā māgadho seniyo bimbisāro tāni asīti gāmikasahassāni diṭṭhadhammike atthe anusāsitvā uyyojesi—
pli-tv-kd5:1.3.2	“tumhe khvattha, bhaṇe, mayā diṭṭhadhammike atthe anusāsitā;
pli-tv-kd5:1.3.3	gacchatha, taṁ bhagavantaṁ payirupāsatha;
pli-tv-kd5:1.3.4	so no bhagavā samparāyike atthe anusāsissatī”ti.
pli-tv-kd5:1.3.5	Atha kho tāni asīti gāmikasahassāni yena gijjhakūṭo pabbato tenupasaṅkamiṁsu.
pli-tv-kd5:1.4.1	Tena kho pana samayena āyasmā sāgato bhagavato upaṭṭhāko hoti.
pli-tv-kd5:1.4.2	Atha kho tāni asīti gāmikasahassāni yenāyasmā sāgato tenupasaṅkamiṁsu, upasaṅkamitvā āyasmantaṁ sāgataṁ etadavocuṁ—
pli-tv-kd5:1.4.3	“imāni, bhante, asīti gāmikasahassāni idhūpasaṅkantāni bhagavantaṁ dassanāya;
pli-tv-kd5:1.4.4	sādhu mayaṁ, bhante, labheyyāma bhagavantaṁ dassanāyā”ti.
pli-tv-kd5:1.4.5	“Tena hi tumhe āyasmanto muhuttaṁ idheva tāva hotha, yāvāhaṁ bhagavantaṁ paṭivedemī”ti.
pli-tv-kd5:1.5.1	Atha kho āyasmā sāgato tesaṁ asītiyā gāmikasahassānaṁ purato pekkhamānānaṁ pāṭikāya nimujjitvā bhagavato purato ummujjitvā bhagavantaṁ etadavoca—
pli-tv-kd5:1.5.2	“imāni, bhante, asīti gāmikasahassāni idhūpasaṅkantāni bhagavantaṁ dassanāya;
pli-tv-kd5:1.5.3	yassadāni, bhante, bhagavā kālaṁ maññatī”ti.
pli-tv-kd5:1.5.4	“Tena hi tvaṁ, sāgata, vihārapacchāyāyaṁ āsanaṁ paññapehī”ti.
pli-tv-kd5:1.6.1	“Evaṁ, bhante”ti
pli-tv-kd5:1.6.2	kho āyasmā sāgato bhagavato paṭissuṇitvā pīṭhaṁ gahetvā bhagavato purato nimujjitvā tesaṁ asītiyā gāmikasahassānaṁ purato pekkhamānānaṁ pāṭikāya ummujjitvā vihārapacchāyāyaṁ āsanaṁ paññapeti.
pli-tv-kd5:1.6.3	Atha kho bhagavā vihārā nikkhamitvā vihārapacchāyāyaṁ paññatte āsane nisīdi.
pli-tv-kd5:1.7.1	Atha kho tāni asīti gāmikasahassāni yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd5:1.7.2	Atha kho tāni asīti gāmikasahassāni āyasmantaṁyeva sāgataṁ samannāharanti, no tathā bhagavantaṁ.
pli-tv-kd5:1.7.3	Atha kho bhagavā tesaṁ asītiyā gāmikasahassānaṁ cetasā cetoparivitakkamaññāya āyasmantaṁ sāgataṁ āmantesi—
pli-tv-kd5:1.7.4	“tena hi tvaṁ, sāgata, bhiyyoso mattāya uttari manussadhammaṁ iddhipāṭihāriyaṁ dassehī”ti.
pli-tv-kd5:1.7.5	“Evaṁ, bhante”ti kho āyasmā sāgato bhagavato paṭissuṇitvā vehāsaṁ abbhuggantvā ākāse antalikkhe caṅkamatipi, tiṭṭhatipi, nisīdatipi, seyyampi kappeti, dhūmāyatipi pajjalatipi, antaradhāyatipi.
pli-tv-kd5:1.8.1	Atha kho āyasmā sāgato ākāse antalikkhe anekavihitaṁ uttari manussadhammaṁ iddhipāṭihāriyaṁ dassetvā bhagavato pādesu sirasā nipatitvā bhagavantaṁ etadavoca—
pli-tv-kd5:1.8.2	“satthā me, bhante, bhagavā;
pli-tv-kd5:1.8.3	sāvakohamasmi.
pli-tv-kd5:1.8.4	Satthā me, bhante, bhagavā;
pli-tv-kd5:1.8.5	sāvakohamasmī”ti.
pli-tv-kd5:1.8.6	Atha kho tāni asīti gāmikasahassāni “acchariyaṁ vata bho, abbhutaṁ vata bho.
pli-tv-kd5:1.8.7	Sāvakopi nāma evaṁ mahiddhiko bhavissati, evaṁ mahānubhāvo, aho nūna satthā”ti bhagavantaṁyeva samannāharanti, no tathā āyasmantaṁ sāgataṁ.
pli-tv-kd5:1.9.1	Atha kho bhagavā tesaṁ asītiyā gāmikasahassānaṁ cetasā cetoparivitakkamaññāya anupubbiṁ kathaṁ kathesi, seyyathidaṁ—
pli-tv-kd5:1.9.2	dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.
pli-tv-kd5:1.9.3	Yadā te bhagavā aññāsi kallacitte, muducitte, vinīvaraṇacitte, udaggacitte, pasannacitte, atha yā buddhānaṁ sāmukkaṁsikā dhammadesanā, taṁ pakāsesi—
pli-tv-kd5:1.9.4	dukkhaṁ, samudayaṁ, nirodhaṁ, maggaṁ.
pli-tv-kd5:1.9.5	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd5:1.9.6	evamevaṁ tesaṁ asītiyā gāmikasahassānaṁ tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd5:1.9.7	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd5:1.10.1	Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṅkathā vesārajjappattā aparappaccayā satthusāsane bhagavantaṁ etadavocuṁ—
pli-tv-kd5:1.10.2	“abhikkantaṁ, bhante, abhikkantaṁ, bhante.
pli-tv-kd5:1.10.3	Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—
pli-tv-kd5:1.10.4	‘cakkhumanto rūpāni dakkhantī’ti;
pli-tv-kd5:1.10.5	evamevaṁ bhagavatā anekapariyāyena dhammo pakāsito.
pli-tv-kd5:1.10.6	Ete mayaṁ, bhante, bhagavantaṁ saraṇaṁ gacchāma.
pli-tv-kd5:1.10.7	Dhammañca, bhikkhusaṅghañca.
pli-tv-kd5:1.10.8	Upāsake no bhagavā dhāretu ajjatagge pāṇupete saraṇaṁ gate”ti.
pli-tv-kd5:1.11.0	1.1. Soṇassapabbajjā
pli-tv-kd5:1.11.1	Atha kho soṇassa koḷivisassa etadahosi—
pli-tv-kd5:1.11.2	“yathā yathā kho ahaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
pli-tv-kd5:1.11.3	yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan”ti.
pli-tv-kd5:1.11.4	Atha kho tāni asīti gāmikasahassāni bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pakkamiṁsu.
pli-tv-kd5:1.12.1	Atha kho soṇo koḷiviso acirapakkantesu tesu asītiyā gāmikasahassesu yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd5:1.12.2	Ekamantaṁ nisinno kho soṇo koḷiviso bhagavantaṁ etadavoca—
pli-tv-kd5:1.12.3	“yathā yathāhaṁ, bhante, bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.
pli-tv-kd5:1.12.4	Icchāmahaṁ, bhante, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
pli-tv-kd5:1.12.5	Pabbājetu maṁ, bhante, bhagavā”ti.
pli-tv-kd5:1.12.6	Alattha kho soṇo koḷiviso bhagavato santike pabbajjaṁ, alattha upasampadaṁ.
pli-tv-kd5:1.12.7	Acirupasampanno ca panāyasmā soṇo sītavane viharati.
pli-tv-kd5:1.13.1	Tassa accāraddhavīriyassa caṅkamato pādā bhijjiṁsu.
pli-tv-kd5:1.13.2	Caṅkamo lohitena phuṭo hoti, seyyathāpi gavāghātanaṁ.
pli-tv-kd5:1.13.3	Atha kho āyasmato soṇassa rahogatassa paṭisallīnassa evaṁ cetaso parivitakko udapādi—
pli-tv-kd5:1.13.4	“ye kho keci bhagavato sāvakā āraddhavīriyā viharanti, ahaṁ tesaṁ aññataro.
pli-tv-kd5:1.13.5	Atha ca pana me nānupādāya āsavehi cittaṁ vimuccati.
pli-tv-kd5:1.13.6	Saṁvijjanti kho pana me kule bhogā;
pli-tv-kd5:1.13.7	sakkā bhoge ca bhuñjituṁ, puññāni ca kātuṁ.
pli-tv-kd5:1.13.8	Yannūnāhaṁ hīnāyāvattitvā bhoge ca bhuñjeyyaṁ, puññāni ca kareyyan”ti.
pli-tv-kd5:1.14.1	Atha kho bhagavā āyasmato soṇassa cetasā cetoparivitakkamaññāya—
pli-tv-kd5:1.14.2	seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—gijjhakūṭe pabbate antarahito sītavane pāturahosi.
pli-tv-kd5:1.14.3	Atha kho bhagavā sambahulehi bhikkhūhi saddhiṁ senāsanacārikaṁ āhiṇḍanto yenāyasmato soṇassa caṅkamo tenupasaṅkami.
pli-tv-kd5:1.14.4	Addasā kho bhagavā āyasmato soṇassa caṅkamaṁ lohitena phuṭaṁ, disvāna bhikkhū āmantesi—
pli-tv-kd5:1.14.5	“kassa nvāyaṁ, bhikkhave, caṅkamo lohitena phuṭo, seyyathāpi gavāghātanan”ti?
pli-tv-kd5:1.14.6	“Āyasmato, bhante, soṇassa accāraddhavīriyassa caṅkamato pādā bhijjiṁsu.
pli-tv-kd5:1.14.7	Tassāyaṁ caṅkamo lohitena phuṭo, seyyathāpi gavāghātanan”ti.
pli-tv-kd5:1.15.1	Atha kho bhagavā yenāyasmato soṇassa vihāro tenupasaṅkami, upasaṅkamitvā paññatte āsane nisīdi.
pli-tv-kd5:1.15.2	Āyasmāpi kho soṇo bhagavantaṁ abhivādetvā ekamantaṁ nisīdi.
pli-tv-kd5:1.15.3	Ekamantaṁ nisinnaṁ kho āyasmantaṁ soṇaṁ bhagavā etadavoca—
pli-tv-kd5:1.15.4	“nanu te, soṇa, rahogatassa paṭisallīnassa evaṁ cetaso parivitakko udapādi—
pli-tv-kd5:1.15.5	‘ye kho keci bhagavato sāvakā āraddhavīriyā viharanti, ahaṁ tesaṁ aññataro.
pli-tv-kd5:1.15.6	Atha ca pana me nānupādāya āsavehi cittaṁ vimuccati.
pli-tv-kd5:1.15.7	Saṁvijjanti kho pana me kule bhogā;
pli-tv-kd5:1.15.8	sakkā bhoge ca bhuñjituṁ, puññāni ca kātuṁ.
pli-tv-kd5:1.15.9	Yannūnāhaṁ hīnāyāvattitvā bhoge ca bhuñjeyyaṁ, puññāni ca kareyyan’”ti?
pli-tv-kd5:1.15.10	“Evaṁ, bhante”ti.
pli-tv-kd5:1.15.11	“Taṁ kiṁ maññasi, soṇa, kusalo tvaṁ pubbe agārikabhūto vīṇāya tantissare”ti?
pli-tv-kd5:1.15.12	“Evaṁ, bhante”ti.
pli-tv-kd5:1.15.13	“Taṁ kiṁ maññasi, soṇa, yadā te vīṇāya tantiyo accāyatā honti, api nu te vīṇā tasmiṁ samaye saravatī vā hoti, kammaññā vā”ti?
pli-tv-kd5:1.15.14	“No hetaṁ, bhante”ti.
pli-tv-kd5:1.16.1	“Taṁ kiṁ maññasi, soṇa, yadā te vīṇāya tantiyo atisithilā honti, api nu te vīṇā tasmiṁ samaye saravatī vā hoti, kammaññā vā”ti?
pli-tv-kd5:1.16.2	“No hetaṁ, bhante”ti.
pli-tv-kd5:1.16.3	“Taṁ kiṁ maññasi, soṇa, yadā te vīṇāya tantiyo neva accāyatā honti nātisithilā, same guṇe patiṭṭhitā, api nu te vīṇā tasmiṁ samaye saravatī vā hoti, kammaññā vā”ti?
pli-tv-kd5:1.16.4	“Evaṁ, bhante”ti.
pli-tv-kd5:1.16.5	“Evameva kho, soṇa, accāraddhavīriyaṁ uddhaccāya saṁvattati, atilīnavīriyaṁ kosajjāya saṁvattati.
pli-tv-kd5:1.17.1	Tasmātiha tvaṁ, soṇa, vīriyasamataṁ adhiṭṭhaha, indriyānañca samataṁ paṭivijjha, tattha ca nimittaṁ gaṇhāhī”ti.
pli-tv-kd5:1.17.2	“Evaṁ, bhante”ti kho āyasmā soṇo bhagavato paccassosi.
pli-tv-kd5:1.17.3	Atha kho bhagavā āyasmantaṁ soṇaṁ iminā ovādena ovaditvā—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—sītavane āyasmato soṇassa sammukhe antarahito gijjhakūṭe pabbate pāturahosi.
pli-tv-kd5:1.18.1	Atha kho āyasmā soṇo aparena samayena vīriyasamataṁ adhiṭṭhāsi, indriyānañca samataṁ paṭivijjhi, tattha ca nimittaṁ aggahesi.
pli-tv-kd5:1.18.2	Atha kho āyasmā soṇo, eko vūpakaṭṭho appamatto ātāpī pahitatto viharanto, na cirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.
pli-tv-kd5:1.18.3	“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abhiññāsi.
pli-tv-kd5:1.18.4	Aññataro ca panāyasmā soṇo arahataṁ ahosi.
pli-tv-kd5:1.19.1	Atha kho āyasmato soṇassa arahattappattassa etadahosi—
pli-tv-kd5:1.19.2	“yannūnāhaṁ bhagavato santike aññaṁ byākareyyan”ti.
pli-tv-kd5:1.19.3	Atha kho āyasmā soṇo yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd5:1.19.4	Ekamantaṁ nisinno kho āyasmā soṇo bhagavantaṁ etadavoca—
pli-tv-kd5:1.20.1	“yo so, bhante, bhikkhu arahaṁ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto, so chaṭṭhānāni adhimutto hoti—
pli-tv-kd5:1.20.2	nekkhammādhimutto hoti, pavivekādhimutto hoti, abyāpajjādhimutto hoti, upādānakkhayādhimutto hoti, taṇhakkhayādhimutto hoti, asammohādhimutto hoti.
pli-tv-kd5:1.21.1	Siyā kho pana, bhante, idhekaccassa āyasmato evamassa—
pli-tv-kd5:1.21.2	‘kevalaṁ saddhāmattakaṁ nūna ayamāyasmā nissāya nekkhammādhimutto’ti, na kho panetaṁ, bhante, evaṁ daṭṭhabbaṁ.
pli-tv-kd5:1.21.3	Khīṇāsavo, bhante, bhikkhu, vusitavā, katakaraṇīyo, karaṇīyamattānaṁ asamanupassanto katassa vā paṭicayaṁ khayā rāgassa vītarāgattā nekkhammādhimutto hoti, khayā dosassa vītadosattā nekkhammādhimutto hoti, khayā mohassa vītamohattā nekkhammādhimutto hoti.
pli-tv-kd5:1.22.1	Siyā kho pana, bhante, idhekaccassa āyasmato evamassa—
pli-tv-kd5:1.22.2	‘lābhasakkārasilokaṁ nūna ayamāyasmā nikāmayamāno pavivekādhimutto’ti.
pli-tv-kd5:1.22.3	Na kho panetaṁ, bhante, evaṁ daṭṭhabbaṁ.
pli-tv-kd5:1.22.4	Khīṇāsavo, bhante, bhikkhu, vusitavā, katakaraṇīyo, karaṇīyamattānaṁ asamanupassanto katassa vā paṭicayaṁ, khayā rāgassa vītarāgattā pavivekādhimutto hoti, khayā dosassa vītadosattā pavivekādhimutto hoti, khayā mohassa vītamohattā pavivekādhimutto hoti.
pli-tv-kd5:1.23.1	Siyā kho pana, bhante, idhekaccassa āyasmato evamassa—
pli-tv-kd5:1.23.2	‘sīlabbataparāmāsaṁ nūna ayamāyasmā sārato paccāgacchanto abyāpajjādhimutto’ti.
pli-tv-kd5:1.23.3	Na kho panetaṁ, bhante, evaṁ daṭṭhabbaṁ.
pli-tv-kd5:1.23.4	Khīṇāsavo, bhante, bhikkhu, vusitavā, katakaraṇīyo, karaṇīyamattānaṁ asamanupassanto katassa vā paṭicayaṁ, khayā rāgassa vītarāgattā abyāpajjādhimutto hoti, khayā dosassa vītadosattā abyāpajjādhimutto hoti, khayā mohassa vītamohattā abyāpajjādhimutto hoti.
pli-tv-kd5:1.24.1	Khayā rāgassa vītarāgattā upādānakkhayādhimutto hoti, khayā dosassa vītadosattā upādānakkhayādhimutto hoti, khayā mohassa vītamohattā upādānakkhayādhimutto hoti.
pli-tv-kd5:1.24.2	Khayā rāgassa vītarāgattā taṇhakkhayādhimutto hoti, khayā dosassa vītadosattā taṇhakkhayādhimutto hoti, khayā mohassa vītamohattā taṇhakkhayādhimutto hoti.
pli-tv-kd5:1.24.3	Khayā rāgassa vītarāgattā asammohādhimutto hoti, khayā dosassa vītadosattā asammohādhimutto hoti, khayā mohassa vītamohattā asammohādhimutto hoti.
pli-tv-kd5:1.25.1	Evaṁ sammā vimuttacittassa, bhante, bhikkhuno bhusā cepi cakkhuviññeyyā rūpā cakkhussa āpāthaṁ āgacchanti, nevassa cittaṁ pariyādiyanti.
pli-tv-kd5:1.25.2	Amissīkatamevassa cittaṁ hoti, ṭhitaṁ āneñjappattaṁ, vayañcassānupassati.
pli-tv-kd5:1.25.3	Bhusā cepi sotaviññeyyā saddā …pe…
pli-tv-kd5:1.25.4	ghānaviññeyyā gandhā …
pli-tv-kd5:1.25.5	jivhāviññeyyā rasā …
pli-tv-kd5:1.25.6	kāyaviññeyyā phoṭṭhabbā …
pli-tv-kd5:1.25.7	manoviññeyyā dhammā manassa āpāthaṁ āgacchanti, nevassa cittaṁ pariyādiyanti;
pli-tv-kd5:1.25.8	amissīkatamevassa cittaṁ hoti, ṭhitaṁ āneñjappattaṁ, vayañcassānupassati.
pli-tv-kd5:1.26.1	Seyyathāpi, bhante, selo pabbato acchiddo asusiro ekagghano, puratthimāya cepi disāya āgaccheyya bhusā vātavuṭṭhi, neva naṁ saṅkampeyya na sampakampeyya na sampavedheyya;
pli-tv-kd5:1.26.2	pacchimāya cepi disāya āgaccheyya bhusā vātavuṭṭhi …pe…
pli-tv-kd5:1.26.3	uttarāya cepi disāya …pe…
pli-tv-kd5:1.26.4	dakkhiṇāya cepi disāya āgaccheyya bhusā vātavuṭṭhi, neva naṁ saṅkampeyya na sampakampeyya na sampavedheyya;
pli-tv-kd5:1.26.5	evameva kho, bhante, evaṁ sammā vimuttacittassa bhikkhuno bhusā cepi cakkhuviññeyyā rūpā cakkhussa āpāthaṁ āgacchanti, nevassa cittaṁ pariyādiyanti;
pli-tv-kd5:1.26.6	amissīkatamevassa cittaṁ hoti, ṭhitaṁ āneñjappattaṁ, vayañcassānupassati.
pli-tv-kd5:1.26.7	Bhusā cepi sotaviññeyyā saddā …pe…
pli-tv-kd5:1.26.8	ghānaviññeyyā gandhā …
pli-tv-kd5:1.26.9	jivhāviññeyyā rasā …
pli-tv-kd5:1.26.10	kāyaviññeyyā phoṭṭhabbā …
pli-tv-kd5:1.26.11	manoviññeyyā dhammā manassa āpāthaṁ āgacchanti, nevassa cittaṁ pariyādiyanti;
pli-tv-kd5:1.26.12	amissīkatamevassa cittaṁ hoti, ṭhitaṁ āneñjappattaṁ, vayañcassānupassatī”ti.
pli-tv-kd5:1.27.1	Nekkhammaṁ adhimuttassa,
pli-tv-kd5:1.27.2	pavivekañca cetaso;
pli-tv-kd5:1.27.3	Abyāpajjādhimuttassa,
pli-tv-kd5:1.27.4	upādānakkhayassa ca.
pli-tv-kd5:1.27.5	Taṇhakkhayādhimuttassa,
pli-tv-kd5:1.27.6	asammohañca cetaso;
pli-tv-kd5:1.27.7	Disvā āyatanuppādaṁ,
pli-tv-kd5:1.27.8	sammā cittaṁ vimuccati.
pli-tv-kd5:1.27.9	Tassa sammāvimuttassa,
pli-tv-kd5:1.27.10	santacittassa bhikkhuno;
pli-tv-kd5:1.27.11	Katassa paṭicayo natthi,
pli-tv-kd5:1.27.12	karaṇīyaṁ na vijjati.
pli-tv-kd5:1.27.13	Selo yathā ekagghano,
pli-tv-kd5:1.27.14	vātena na samīrati;
pli-tv-kd5:1.27.15	Evaṁ rūpā rasā saddā,
pli-tv-kd5:1.27.16	gandhā phassā ca kevalā.
pli-tv-kd5:1.27.17	Iṭṭhā dhammā aniṭṭhā ca,
pli-tv-kd5:1.27.18	na pavedhenti tādino;
pli-tv-kd5:1.27.19	Ṭhitaṁ cittaṁ vippamuttaṁ,
pli-tv-kd5:1.27.20	vayañcassānupassatīti.
pli-tv-kd5:1.28.0	2. Diguṇādiupāhanapaṭikkhepa
pli-tv-kd5:1.28.1	Atha kho bhagavā bhikkhū āmantesi—
pli-tv-kd5:1.28.2	“evaṁ kho, bhikkhave, kulaputtā aññaṁ byākaronti, attho ca vutto, attā ca anupanīto.
pli-tv-kd5:1.28.3	Atha ca panidhekacce moghapurisā hasamānakaṁ maññe aññaṁ byākaronti, te pacchā vighātaṁ āpajjantī”ti.
pli-tv-kd5:1.29.1	Atha kho bhagavā āyasmantaṁ soṇaṁ āmantesi—
pli-tv-kd5:1.29.2	“tvaṁ khosi, soṇa, sukhumālo.
pli-tv-kd5:1.29.3	Anujānāmi te, soṇa, ekapalāsikaṁ upāhanan”ti.
pli-tv-kd5:1.29.4	“Ahaṁ kho, bhante, asītisakaṭavāhe hiraññaṁ ohāya agārasmā anagāriyaṁ pabbajito, sattahatthikañca anīkaṁ.
pli-tv-kd5:1.29.5	Athāhaṁ, bhante, ekapalāsikañce upāhanaṁ pariharissāmi, tassa me bhavissanti vattāro ‘soṇo koḷiviso asītisakaṭavāhe hiraññaṁ ohāya agārasmā anagāriyaṁ pabbajito, sattahatthikañca anīkaṁ.
pli-tv-kd5:1.29.6	So dānāyaṁ ekapalāsikāsu upāhanāsu satto’ti.
pli-tv-kd5:1.30.1	Sace bhagavā bhikkhusaṅghassa anujānissati ahampi paribhuñjissāmi;
pli-tv-kd5:1.30.2	no ce bhagavā bhikkhusaṅghassa anujānissati, ahampi na paribhuñjissāmī”ti.
pli-tv-kd5:1.30.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd5:1.30.4	“anujānāmi, bhikkhave, ekapalāsikaṁ upāhanaṁ.
pli-tv-kd5:1.30.5	Na, bhikkhave, diguṇā upāhanā dhāretabbā.
pli-tv-kd5:1.30.6	Na tiguṇā upāhanā dhāretabbā.
pli-tv-kd5:1.30.7	Na guṇaṅguṇūpāhanā dhāretabbā.
pli-tv-kd5:1.30.8	Yo dhāreyya, āpatti dukkaṭassā”ti.
pli-tv-kd5:2.1.0	3. Sabbanīlikādipaṭikkhepa
pli-tv-kd5:2.1.1	Tena kho pana samayena chabbaggiyā bhikkhū sabbanīlikā upāhanāyo dhārenti …pe…
pli-tv-kd5:2.1.2	sabbapītikā upāhanāyo dhārenti …
pli-tv-kd5:2.1.3	sabbalohitikā upāhanāyo dhārenti …
pli-tv-kd5:2.1.4	sabbamañjiṭṭhikā upāhanāyo dhārenti …
pli-tv-kd5:2.1.5	sabbakaṇhā upāhanāyo dhārenti …
pli-tv-kd5:2.1.6	sabbamahāraṅgarattā upāhanāyo dhārenti …
pli-tv-kd5:2.1.7	sabbamahānāmarattā upāhanāyo dhārenti.
pli-tv-kd5:2.1.8	Manussā ujjhāyanti khiyyanti vipācenti—
pli-tv-kd5:2.1.9	“seyyathāpi gihī kāmabhogino”ti.
pli-tv-kd5:2.1.10	Bhagavato etamatthaṁ ārocesuṁ.
pli-tv-kd5:2.1.11	“Na, bhikkhave, sabbanīlikā upāhanā dhāretabbā …pe…
pli-tv-kd5:2.1.12	na sabbapītikā upāhanā dhāretabbā, na sabbalohitikā upāhanā dhāretabbā, na sabbamañjiṭṭhikā upāhanā dhāretabbā, na sabbakaṇhā upāhanā dhāretabbā, na sabbamahāraṅgarattā upāhanā dhāretabbā, na sabbamahānāmarattā upāhanā dhāretabbā.
pli-tv-kd5:2.1.13	Yo dhāreyya, āpatti dukkaṭassā”ti.
pli-tv-kd5:2.2.1	Tena kho pana samayena chabbaggiyā bhikkhū nīlakavaddhikā upāhanāyo dhārenti …pe…
pli-tv-kd5:2.2.2	pītakavaddhikā upāhanāyo dhārenti, lohitakavaddhikā upāhanāyo dhārenti, mañjiṭṭhikavaddhikā upāhanāyo dhārenti, kaṇhavaddhikā upāhanāyo dhārenti, mahāraṅgarattavaddhikā upāhanāyo dhārenti, mahānāmarattavaddhikā upāhanāyo dhārenti.
pli-tv-kd5:2.2.3	Manussā ujjhāyanti khiyyanti vipācenti—
pli-tv-kd5:2.2.4	“seyyathāpi gihī kāmabhogino”ti.
pli-tv-kd5:2.2.5	Bhagavato etamatthaṁ ārocesuṁ.
pli-tv-kd5:2.2.6	“Na, bhikkhave, nīlakavaddhikā upāhanā dhāretabbā …pe… na pītakavaddhikā upāhanā dhāretabbā, na lohitakavaddhikā upāhanā dhāretabbā, na mañjiṭṭhikavaddhikā upāhanā dhāretabbā, na kaṇhavaddhikā upāhanā dhāretabbā, na mahāraṅgarattavaddhikā upāhanā dhāretabbā, na mahānāmarattavaddhikā upāhanā dhāretabbā.
pli-tv-kd5:2.2.7	Yo dhāreyya, āpatti dukkaṭassā”ti.
pli-tv-kd5:2.3.1	Tena kho pana samayena chabbaggiyā bhikkhū khallakabaddhā upāhanāyo dhārenti …pe… puṭabaddhā upāhanāyo dhārenti, pāliguṇṭhimā upāhanāyo dhārenti, tūlapuṇṇikā upāhanāyo dhārenti, tittirapattikā upāhanāyo dhārenti, meṇḍavisāṇavaddhikā upāhanāyo dhārenti, ajavisāṇavaddhikā upāhanāyo dhārenti, vicchikāḷikā upāhanāyo dhārenti, morapiñchaparisibbitā upāhanāyo dhārenti, citrā upāhanāyo dhārenti.
pli-tv-kd5:2.3.2	Manussā ujjhāyanti khiyyanti vipācenti—
pli-tv-kd5:2.3.3	“seyyathāpi gihī kāmabhogino”ti.
pli-tv-kd5:2.3.4	Bhagavato etamatthaṁ ārocesuṁ.
pli-tv-kd5:2.3.5	“Na, bhikkhave, khallakabaddhā upāhanā dhāretabbā …pe…
pli-tv-kd5:2.3.6	na puṭabaddhā upāhanā dhāretabbā, na pāliguṇṭhimā upāhanā dhāretabbā, na tūlapuṇṇikā upāhanā dhāretabbā, na tittirapattikā upāhanā dhāretabbā, na meṇḍavisāṇavaddhikā upāhanā dhāretabbā, na ajavisāṇavaddhikā upāhanā dhāretabbā, na vicchikāḷikā upāhanā dhāretabbā, na morapiñchaparisibbitā upāhanā dhāretabbā, na citrā upāhanā dhāretabbā.
pli-tv-kd5:2.3.7	Yo dhāreyya, āpatti dukkaṭassā”ti.
pli-tv-kd5:2.4.1	Tena kho pana samayena chabbaggiyā bhikkhū sīhacammaparikkhaṭā upāhanāyo dhārenti …pe… byagghacammaparikkhaṭā upāhanāyo dhārenti, dīpicammaparikkhaṭā upāhanāyo dhārenti, ajinacammaparikkhaṭā upāhanāyo dhārenti, uddacammaparikkhaṭā upāhanāyo dhārenti, majjāracammaparikkhaṭā upāhanāyo dhārenti, kāḷakacammaparikkhaṭā upāhanāyo dhārenti, luvakacammaparikkhaṭā upāhanāyo dhārenti.
pli-tv-kd5:2.4.2	Manussā ujjhāyanti khiyyanti vipācenti—
pli-tv-kd5:2.4.3	“seyyathāpi gihī kāmabhogino”ti.
pli-tv-kd5:2.4.4	Bhagavato etamatthaṁ ārocesuṁ.
pli-tv-kd5:2.4.5	“Na, bhikkhave, sīhacammaparikkhaṭā upāhanā dhāretabbā …pe…
pli-tv-kd5:2.4.6	na byagghacammaparikkhaṭā upāhanā dhāretabbā, na dīpicammaparikkhaṭā upāhanā dhāretabbā, na ajinacammaparikkhaṭā upāhanā dhāretabbā, na uddacammaparikkhaṭā upāhanā dhāretabbā, na majjāracammaparikkhaṭā upāhanā dhāretabbā, na kāḷakacammaparikkhaṭā upāhanā dhāretabbā, na luvakacammaparikkhaṭā upāhanā dhāretabbā.
pli-tv-kd5:2.4.7	Yo dhāreyya, āpatti dukkaṭassā”ti.
pli-tv-kd5:3.1.0	4. Omukkaguṇaṅguṇūpāhanānujānana
pli-tv-kd5:3.1.1	Atha kho bhagavā pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi, aññatarena bhikkhunā pacchāsamaṇena.
pli-tv-kd5:3.1.2	Atha kho so bhikkhu khañjamāno bhagavantaṁ piṭṭhito piṭṭhito anubandhi.
pli-tv-kd5:3.1.3	Addasā kho aññataro upāsako guṇaṅguṇūpāhanā ārohitvā bhagavantaṁ dūratova āgacchantaṁ;
pli-tv-kd5:3.1.4	disvā upāhanā ārohitvā yena bhagavā tenupasaṅkami; upasaṅkamitvā bhagavantaṁ abhivādetvā yena so bhikkhu tenupasaṅkami;
pli-tv-kd5:3.1.5	upasaṅkamitvā taṁ bhikkhuṁ abhivādetvā etadavoca—
pli-tv-kd5:3.2.1	“kissa, bhante, ayyo khañjatī”ti?
pli-tv-kd5:3.2.2	“Pādā me, āvuso, phalitā”ti.
pli-tv-kd5:3.2.3	“Handa, bhante, upāhanāyo”ti.
pli-tv-kd5:3.2.4	“Alaṁ, āvuso, paṭikkhittā bhagavatā guṇaṅguṇūpāhanā”ti.
pli-tv-kd5:3.2.5	“Gaṇhāhetā, bhikkhu, upāhanāyo”ti.
pli-tv-kd5:3.2.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd5:3.2.7	“anujānāmi, bhikkhave, omukkaṁ guṇaṅguṇūpāhanaṁ.
pli-tv-kd5:3.2.8	Na, bhikkhave, navā guṇaṅguṇūpāhanā dhāretabbā.
pli-tv-kd5:3.2.9	Yo dhāreyya, āpatti dukkaṭassā”ti.
pli-tv-kd5:4.1.0	5. Ajjhārāmeupāhanapaṭikkhepa
pli-tv-kd5:4.1.1	Tena kho pana samayena bhagavā ajjhokāse anupāhano caṅkamati.
pli-tv-kd5:4.1.2	“Satthā anupāhano caṅkamatī”ti—
pli-tv-kd5:4.1.3	therāpi bhikkhū anupāhanā caṅkamanti.
pli-tv-kd5:4.1.4	Chabbaggiyā bhikkhū, satthari anupāhane caṅkamamāne, theresupi bhikkhūsu anupāhanesu caṅkamamānesu, saupāhanā caṅkamanti.
pli-tv-kd5:4.1.5	Ye te bhikkhū appicchā …pe… te ujjhāyanti khiyyanti vipācenti—
pli-tv-kd5:4.1.6	“kathañhi nāma chabbaggiyā bhikkhū, satthari anupāhane caṅkamamāne, theresupi bhikkhūsu anupāhanesu caṅkamamānesu, saupāhanā caṅkamissantī”ti.
pli-tv-kd5:4.2.1	Atha kho te bhikkhū bhagavato etamatthaṁ ārocesuṁ …pe…
pli-tv-kd5:4.2.2	“saccaṁ kira, bhikkhave, chabbaggiyā bhikkhū, satthari anupāhane caṅkamamāne, theresupi bhikkhūsu anupāhanesu caṅkamamānesu, saupāhanā caṅkamantī”ti?
pli-tv-kd5:4.2.3	“Saccaṁ, bhagavā”ti.
pli-tv-kd5:4.2.4	Vigarahi buddho bhagavā …pe…
pli-tv-kd5:4.2.5	kathañhi nāma te, bhikkhave, moghapurisā, satthari anupāhane caṅkamamāne, theresupi bhikkhūsu anupāhanesu caṅkamamānesu, saupāhanā caṅkamissanti.
pli-tv-kd5:4.2.6	Ime hi nāma, bhikkhave, gihī odātavatthavasanakā abhijīvanikassa sippassa kāraṇā ācariyesu sagāravā sappatissā sabhāgavuttikā viharissanti.
pli-tv-kd5:4.3.1	Idha kho taṁ, bhikkhave, sobhetha, yaṁ tumhe evaṁ svākkhāte dhammavinaye pabbajitā samānā ācariyesu ācariyamattesu upajjhāyesu upajjhāyamattesu agāravā appatissā asabhāgavuttikā vihareyyātha.
pli-tv-kd5:4.3.2	Netaṁ, bhikkhave, appasannānaṁ vā pasādāya …pe…
pli-tv-kd5:4.3.3	vigarahitvā …pe…
pli-tv-kd5:4.3.4	dhammiṁ kathaṁ katvā bhikkhū āmantesi—
pli-tv-kd5:4.3.5	“na, bhikkhave, ācariyesu ācariyamattesu upajjhāyesu upajjhāyamattesu anupāhanesu caṅkamamānesu saupāhanena caṅkamitabbaṁ.
pli-tv-kd5:4.3.6	Yo caṅkameyya, āpatti dukkaṭassa.
pli-tv-kd5:4.3.7	Na ca, bhikkhave, ajjhārāme upāhanā dhāretabbā.
pli-tv-kd5:4.3.8	Yo dhāreyya, āpatti dukkaṭassā”ti.
pli-tv-kd5:5.1.1	Tena kho pana samayena aññatarassa bhikkhuno pādakhilābādho hoti.
pli-tv-kd5:5.1.2	Taṁ bhikkhū pariggahetvā uccārampi passāvampi nikkhāmenti.
pli-tv-kd5:5.1.3	Addasā kho bhagavā senāsanacārikaṁ āhiṇḍanto te bhikkhū taṁ bhikkhuṁ pariggahetvā uccārampi passāvampi nikkhāmente, disvāna yena te bhikkhū tenupasaṅkami, upasaṅkamitvā te bhikkhū etadavoca—
pli-tv-kd5:5.2.1	“kiṁ imassa, bhikkhave, bhikkhuno ābādho”ti?
pli-tv-kd5:5.2.2	“Imassa, bhante, āyasmato pādakhilābādho;
pli-tv-kd5:5.2.3	imaṁ mayaṁ pariggahetvā uccārampi passāvampi nikkhāmemā”ti.
pli-tv-kd5:5.2.4	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd5:5.2.5	“anujānāmi, bhikkhave, yassa pādā vā dukkhā, pādā vā phalitā, pādakhilo vā ābādho upāhanaṁ dhāretun”ti.
pli-tv-kd5:6.1.1	Tena kho pana samayena bhikkhū adhotehi pādehi mañcampi pīṭhampi abhiruhanti;
pli-tv-kd5:6.1.2	cīvarampi senāsanampi dussati.
pli-tv-kd5:6.1.3	Bhagavato etamatthaṁ ārocesuṁ.
pli-tv-kd5:6.1.4	“Anujānāmi, bhikkhave, ‘idāni mañcaṁ vā pīṭhaṁ vā abhiruhissāmī’ti upāhanaṁ dhāretun”ti.
pli-tv-kd5:6.2.1	Tena kho pana samayena bhikkhū rattiyā uposathaggampi sannisajjampi gacchantā andhakāre khāṇumpi kaṇṭakampi akkamanti; pādā dukkhā honti.
pli-tv-kd5:6.2.2	Bhagavato etamatthaṁ ārocesuṁ.
pli-tv-kd5:6.2.3	“Anujānāmi, bhikkhave, ajjhārāme upāhanaṁ dhāretuṁ, ukkaṁ, padīpaṁ, kattaradaṇḍan”ti.
pli-tv-kd5:6.3.0	6. Kaṭṭhapādukādipaṭikkhepa
pli-tv-kd5:6.3.1	Tena kho pana samayena chabbaggiyā bhikkhū rattiyā paccūsasamayaṁ paccuṭṭhāya kaṭṭhapādukāyo abhiruhitvā ajjhokāse caṅkamanti, uccāsaddā mahāsaddā khaṭakhaṭasaddā, anekavihitaṁ tiracchānakathaṁ kathentā, seyyathidaṁ—
pli-tv-kd5:6.3.2	rājakathaṁ, corakathaṁ, mahāmattakathaṁ, senākathaṁ, bhayakathaṁ, yuddhakathaṁ, annakathaṁ, pānakathaṁ, vatthakathaṁ, sayanakathaṁ, mālākathaṁ, gandhakathaṁ, ñātikathaṁ, yānakathaṁ, gāmakathaṁ, nigamakathaṁ, nagarakathaṁ, janapadakathaṁ, itthikathaṁ, sūrakathaṁ, visikhākathaṁ, kumbhaṭṭhānakathaṁ, pubbapetakathaṁ, nānattakathaṁ, lokakkhāyikaṁ, samuddakkhāyikaṁ, itibhavābhavakathaṁ iti vā;
pli-tv-kd5:6.3.3	kīṭakampi akkamitvā mārenti, bhikkhūpi samādhimhā cāventi.
pli-tv-kd5:6.4.1	Ye te bhikkhū appicchā …pe… te ujjhāyanti khiyyanti vipācenti—
pli-tv-kd5:6.4.2	“kathañhi nāma chabbaggiyā bhikkhū rattiyā paccūsasamayaṁ paccuṭṭhāya kaṭṭhapādukāyo abhiruhitvā ajjhokāse caṅkamissanti, uccāsaddā mahāsaddā khaṭakhaṭasaddā anekavihitaṁ tiracchānakathaṁ kathentā, seyyathidaṁ—
pli-tv-kd5:6.4.3	rājakathaṁ, corakathaṁ …pe…
pli-tv-kd5:6.4.4	itibhavābhavakathaṁ iti vā, kīṭakampi akkamitvā māressanti, bhikkhūpi samādhimhā cāvessantī”ti.
pli-tv-kd5:6.4.5	Atha kho te bhikkhū bhagavato etamatthaṁ ārocesuṁ …pe…
pli-tv-kd5:6.4.6	“saccaṁ kira, bhikkhave, chabbaggiyā bhikkhū rattiyā paccūsasamayaṁ paccuṭṭhāya kaṭṭhapādukāyo abhiruhitvā ajjhokāse caṅkamanti, uccāsaddā mahāsaddā khaṭakhaṭasaddā, anekavihitaṁ tiracchānakathaṁ kathentā, seyyathidaṁ—
pli-tv-kd5:6.4.7	rājakathaṁ, corakathaṁ …pe…
pli-tv-kd5:6.4.8	itibhavābhavakathaṁ iti vā, kīṭakampi akkamitvā mārenti, bhikkhūpi samādhimhā cāventī”ti?
pli-tv-kd5:6.4.9	“Saccaṁ, bhagavā”ti …pe…
pli-tv-kd5:6.4.10	vigarahitvā …pe…
pli-tv-kd5:6.4.11	dhammiṁ kathaṁ katvā bhikkhū āmantesi—
pli-tv-kd5:6.4.12	“na, bhikkhave, kaṭṭhapādukā dhāretabbā.
pli-tv-kd5:6.4.13	Yo dhāreyya, āpatti dukkaṭassā”ti.
pli-tv-kd5:7.1.1	Atha kho bhagavā rājagahe yathābhirantaṁ viharitvā yena bārāṇasī tena cārikaṁ pakkāmi.
pli-tv-kd5:7.1.2	Anupubbena cārikaṁ caramāno yena bārāṇasī tadavasari.
pli-tv-kd5:7.1.3	Tatra sudaṁ bhagavā bārāṇasiyaṁ viharati isipatane migadāye.
pli-tv-kd5:7.1.4	Tena kho pana samayena chabbaggiyā bhikkhū—
pli-tv-kd5:7.1.5	“bhagavatā kaṭṭhapādukā paṭikkhittā”ti—
pli-tv-kd5:7.1.6	tālataruṇe chedāpetvā tālapattapādukāyo dhārenti;
pli-tv-kd5:7.1.7	tāni tālataruṇāni chinnāni milāyanti.
pli-tv-kd5:7.1.8	Manussā ujjhāyanti khiyyanti vipācenti—
pli-tv-kd5:7.1.9	“kathañhi nāma samaṇā sakyaputtiyā tālataruṇe chedāpetvā tālapattapādukāyo dhāressanti;
pli-tv-kd5:7.1.10	tāni tālataruṇāni chinnāni milāyanti;
pli-tv-kd5:7.1.11	ekindriyaṁ samaṇā sakyaputtiyā jīvaṁ viheṭhentī”ti.
pli-tv-kd5:7.2.1	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd5:7.2.2	Atha kho te bhikkhū bhagavato etamatthaṁ ārocesuṁ …pe…
pli-tv-kd5:7.2.3	“saccaṁ kira, bhikkhave, chabbaggiyā bhikkhū tālataruṇe chedāpetvā tālapattapādukāyo dhārenti;
pli-tv-kd5:7.2.4	tāni tālataruṇāni chinnāni milāyantī”ti?
pli-tv-kd5:7.2.5	“Saccaṁ, bhagavā”ti.
pli-tv-kd5:7.2.6	Vigarahi buddho bhagavā …pe…
pli-tv-kd5:7.2.7	kathañhi nāma te, bhikkhave, moghapurisā tālataruṇe chedāpetvā tālapattapādukāyo dhāressanti;
pli-tv-kd5:7.2.8	tāni tālataruṇāni chinnāni milāyanti.
pli-tv-kd5:7.2.9	Jīvasaññino hi, bhikkhave, manussā rukkhasmiṁ.
pli-tv-kd5:7.2.10	Netaṁ, bhikkhave, appasannānaṁ vā pasādāya …pe…
pli-tv-kd5:7.2.11	vigarahitvā …pe…
pli-tv-kd5:7.2.12	dhammiṁ kathaṁ katvā bhikkhū āmantesi—
pli-tv-kd5:7.2.13	“na, bhikkhave, tālapattapādukā dhāretabbā.
pli-tv-kd5:7.2.14	Yo dhāreyya, āpatti dukkaṭassā”ti.
pli-tv-kd5:7.3.1	Tena kho pana samayena chabbaggiyā bhikkhū—
pli-tv-kd5:7.3.2	“bhagavatā tālapattapādukā paṭikkhittā”ti—
pli-tv-kd5:7.3.3	veḷutaruṇe chedāpetvā veḷupattapādukāyo dhārenti.
pli-tv-kd5:7.3.4	Tāni veḷutaruṇāni chinnāni milāyanti.
pli-tv-kd5:7.3.5	Manussā ujjhāyanti khiyyanti vipācenti—
pli-tv-kd5:7.3.6	“kathañhi nāma samaṇā sakyaputtiyā veḷutaruṇe chedāpetvā veḷupattapādukāyo dhāressanti.
pli-tv-kd5:7.3.7	Tāni veḷutaruṇāni chinnāni milāyanti.
pli-tv-kd5:7.3.8	Ekindriyaṁ samaṇā sakyaputtiyā jīvaṁ viheṭhentī”ti.
pli-tv-kd5:7.3.9	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd5:7.3.10	Atha kho te bhikkhū bhagavato etamatthaṁ ārocesuṁ …pe…
pli-tv-kd5:7.3.11	jīvasaññino hi, bhikkhave, manussā rukkhasmiṁ …pe…
pli-tv-kd5:7.3.12	na, bhikkhave, veḷupattapādukā dhāretabbā.
pli-tv-kd5:7.3.13	Yo dhāreyya, āpatti dukkaṭassā”ti.
pli-tv-kd5:8.1.1	Atha kho bhagavā bārāṇasiyaṁ yathābhirantaṁ viharitvā yena bhaddiyaṁ tena cārikaṁ pakkāmi.
pli-tv-kd5:8.1.2	Anupubbena cārikaṁ caramāno yena bhaddiyaṁ tadavasari.
pli-tv-kd5:8.1.3	Tatra sudaṁ bhagavā bhaddiye viharati jātiyā vane.
pli-tv-kd5:8.1.4	Tena kho pana samayena bhaddiyā bhikkhū anekavihitaṁ pādukamaṇḍanānuyogamanuyuttā viharanti, tiṇapādukaṁ karontipi kārāpentipi, muñjapādukaṁ karontipi kārāpentipi, pabbajapādukaṁ karontipi kārāpentipi, hintālapādukaṁ karontipi kārāpentipi, kamalapādukaṁ karontipi kārāpentipi, kambalapādukaṁ karontipi kārāpentipi, riñcanti uddesaṁ paripucchaṁ adhisīlaṁ adhicittaṁ adhipaññaṁ.
pli-tv-kd5:8.2.1	Ye te bhikkhū appicchā …pe… te ujjhāyanti khiyyanti vipācenti—
pli-tv-kd5:8.2.2	“kathañhi nāma bhaddiyā bhikkhū anekavihitaṁ pādukamaṇḍanānuyogamanuyuttā viharissanti, tiṇapādukaṁ karissantipi kārāpessantipi, muñjapādukaṁ karissantipi kārāpessantipi, pabbajapādukaṁ karissantipi kārāpessantipi, hintālapādukaṁ karissantipi kārāpessantipi, kamalapādukaṁ karissantipi kārāpessantipi, kambalapādukaṁ karissantipi kārāpessantipi, riñcissanti uddesaṁ paripucchaṁ adhisīlaṁ adhicittaṁ adhipaññan”ti.
pli-tv-kd5:8.2.3	Atha kho te bhikkhū bhagavato etamatthaṁ ārocesuṁ …pe…
pli-tv-kd5:8.2.4	“saccaṁ kira, bhikkhave, bhaddiyā bhikkhū anekavihitaṁ pādukamaṇḍanānuyogamanuyuttā viharanti, tiṇapādukaṁ karontipi kārāpentipi …pe…
pli-tv-kd5:8.2.5	riñcanti uddesaṁ paripucchaṁ adhisīlaṁ adhicittaṁ adhipaññan”ti?
pli-tv-kd5:8.2.6	“Saccaṁ, bhagavā”ti.
pli-tv-kd5:8.2.7	Vigarahi buddho bhagavā …pe…
pli-tv-kd5:8.2.8	kathañhi nāma te, bhikkhave, moghapurisā anekavihitaṁ pādukamaṇḍanānuyogamanuyuttā viharissanti, tiṇapādukaṁ karissantipi kārāpessantipi …pe…
pli-tv-kd5:8.2.9	riñcissanti uddesaṁ paripucchaṁ adhisīlaṁ adhicittaṁ adhipaññaṁ.
pli-tv-kd5:8.3.1	Netaṁ, bhikkhave, appasannānaṁ vā pasādāya …pe…
pli-tv-kd5:8.3.2	vigarahitvā …pe…
pli-tv-kd5:8.3.3	dhammiṁ kathaṁ katvā bhikkhū āmantesi—
pli-tv-kd5:8.3.4	“na, bhikkhave, tiṇapādukā dhāretabbā, na muñjapādukā dhāretabbā, na pabbajapādukā dhāretabbā, na hintālapādukā dhāretabbā, na kamalapādukā dhāretabbā, na kambalapādukā dhāretabbā, na sovaṇṇamayā pādukā dhāretabbā, na rūpiyamayā pādukā dhāretabbā, na maṇimayā pādukā dhāretabbā, na veḷuriyamayā pādukā dhāretabbā, na phalikamayā pādukā dhāretabbā, na kaṁsamayā pādukā dhāretabbā, na kācamayā pādukā dhāretabbā, na tipumayā pādukā dhāretabbā, na sīsamayā pādukā dhāretabbā, na tambalohamayā pādukā dhāretabbā.
pli-tv-kd5:8.3.5	Yo dhāreyya, āpatti dukkaṭassa.
pli-tv-kd5:8.3.6	Na ca, bhikkhave, kāci saṅkamaniyā pādukā dhāretabbā.
pli-tv-kd5:8.3.7	Yo dhāreyya, āpatti dukkaṭassa.
pli-tv-kd5:8.3.8	Anujānāmi, bhikkhave, tisso pādukā dhuvaṭṭhāniyā asaṅkamaniyāyo—
pli-tv-kd5:8.3.9	vaccapādukaṁ, passāvapādukaṁ, ācamanapādukan”ti.
pli-tv-kd5:9.1.1	Atha kho bhagavā bhaddiye yathābhirantaṁ viharitvā yena sāvatthi tena cārikaṁ pakkāmi.
pli-tv-kd5:9.1.2	Anupubbena cārikaṁ caramāno yena sāvatthi tadavasari.
pli-tv-kd5:9.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd5:9.1.4	Tena kho pana samayena chabbaggiyā bhikkhū aciravatiyā nadiyā gāvīnaṁ tarantīnaṁ visāṇesupi gaṇhanti, kaṇṇesupi gaṇhanti, gīvāyapi gaṇhanti, cheppāpi gaṇhanti, piṭṭhimpi abhiruhanti, rattacittāpi aṅgajātaṁ chupanti, vacchatarimpi ogāhetvā mārenti.
pli-tv-kd5:9.2.1	Manussā ujjhāyanti khiyyanti vipācenti—
pli-tv-kd5:9.2.2	“kathañhi nāma samaṇā sakyaputtiyā gāvīnaṁ tarantīnaṁ visāṇesupi gahessanti …pe…
pli-tv-kd5:9.2.3	seyyathāpi gihī kāmabhogino”ti.
pli-tv-kd5:9.2.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd5:9.2.5	Atha kho te bhikkhū bhagavato etamatthaṁ ārocesuṁ …pe…
pli-tv-kd5:9.2.6	“saccaṁ kira, bhikkhave …pe…
pli-tv-kd5:9.3.1	“saccaṁ, bhagavā”ti …pe…
pli-tv-kd5:9.3.2	vigarahitvā …pe…
pli-tv-kd5:9.3.3	dhammiṁ kathaṁ katvā bhikkhū āmantesi—
pli-tv-kd5:9.3.4	“na, bhikkhave, gāvīnaṁ visāṇesu gahetabbaṁ, na kaṇṇesu gahetabbaṁ, na gīvāya gahetabbaṁ, na cheppāya gahetabbaṁ, na piṭṭhi abhiruhitabbā.
pli-tv-kd5:9.3.5	Yo abhiruheyya, āpatti dukkaṭassa.
pli-tv-kd5:9.3.6	Na ca, bhikkhave, rattacittena aṅgajātaṁ chupitabbaṁ.
pli-tv-kd5:9.3.7	Yo chupeyya, āpatti thullaccayassa.
pli-tv-kd5:9.3.8	Na vacchatarī māretabbā.
pli-tv-kd5:9.3.9	Yo māreyya, yathādhammo kāretabbo”ti.
pli-tv-kd5:9.4.0	7. Yānādipaṭikkhepa
pli-tv-kd5:9.4.1	Tena kho pana samayena chabbaggiyā bhikkhū yānena yāyanti, itthiyuttenapi purisantarena, purisayuttenapi itthantarena.
pli-tv-kd5:9.4.2	Manussā ujjhāyanti khiyyanti vipācenti—
pli-tv-kd5:9.4.3	“seyyathāpi gaṅgāmahiyāyā”ti.
pli-tv-kd5:9.4.4	Bhagavato etamatthaṁ ārocesuṁ.
pli-tv-kd5:9.4.5	“Na, bhikkhave, yānena yāyitabbaṁ.
pli-tv-kd5:9.4.6	Yo yāyeyya, āpatti dukkaṭassā”ti.
pli-tv-kd5:10.1.1	Tena kho pana samayena aññataro bhikkhu kosalesu janapade sāvatthiṁ gacchanto bhagavantaṁ dassanāya antarāmagge gilāno hoti.
pli-tv-kd5:10.1.2	Atha kho so bhikkhu maggā okkamma aññatarasmiṁ rukkhamūle nisīdi.
pli-tv-kd5:10.1.3	Manussā taṁ bhikkhuṁ disvā etadavocuṁ—
pli-tv-kd5:10.1.4	“kahaṁ, bhante, ayyo gamissatī”ti?
pli-tv-kd5:10.1.5	“Sāvatthiṁ kho ahaṁ, āvuso, gamissāmi bhagavantaṁ dassanāyā”ti.
pli-tv-kd5:10.2.1	“Ehi, bhante, gamissāmā”ti.
pli-tv-kd5:10.2.2	“Nāhaṁ, āvuso, sakkomi, gilānomhī”ti.
pli-tv-kd5:10.2.3	“Ehi, bhante, yānaṁ abhiruhā”ti.
pli-tv-kd5:10.2.4	“Alaṁ, āvuso, paṭikkhittaṁ bhagavatā yānan”ti kukkuccāyanto yānaṁ nābhiruhi.
pli-tv-kd5:10.2.5	Atha kho so bhikkhu sāvatthiṁ gantvā bhikkhūnaṁ etamatthaṁ ārocesi.
pli-tv-kd5:10.2.6	Bhikkhū bhagavato etamatthaṁ ārocesuṁ.
pli-tv-kd5:10.2.7	“Anujānāmi, bhikkhave, gilānassa yānan”ti.
pli-tv-kd5:10.3.1	Atha kho bhikkhūnaṁ etadahosi—
pli-tv-kd5:10.3.2	“itthiyuttaṁ nu kho purisayuttaṁ nu kho”ti?
pli-tv-kd5:10.3.3	Bhagavato etamatthaṁ ārocesuṁ.
pli-tv-kd5:10.3.4	“Anujānāmi, bhikkhave, purisayuttaṁ hatthavaṭṭakan”ti.
pli-tv-kd5:10.3.5	Tena kho pana samayena aññatarassa bhikkhuno yānugghātena bāḷhataraṁ aphāsu ahosi.
pli-tv-kd5:10.3.6	Bhagavato etamatthaṁ ārocesuṁ.
pli-tv-kd5:10.3.7	“Anujānāmi, bhikkhave, sivikaṁ pāṭaṅkin”ti.
pli-tv-kd5:10.4.0	8. Uccāsayanamahāsayanapaṭikkhepa
pli-tv-kd5:10.4.1	Tena kho pana samayena chabbaggiyā bhikkhū uccāsayanamahāsayanāni dhārenti, seyyathidaṁ—
pli-tv-kd5:10.4.2	āsandiṁ, pallaṅkaṁ, gonakaṁ, cittakaṁ, paṭikaṁ, paṭalikaṁ, tūlikaṁ, vikatikaṁ, uddhalomiṁ, ekantalomiṁ, kaṭṭissaṁ, koseyyaṁ, kuttakaṁ, hatthattharaṁ, assattharaṁ, rathattharaṁ, ajinapaveṇiṁ, kadalimigapavarapaccattharaṇaṁ, sauttaracchadaṁ, ubhatolohitakūpadhānanti.
pli-tv-kd5:10.4.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd5:10.4.4	“seyyathāpi gihī kāmabhogino”ti.
pli-tv-kd5:10.4.5	Bhagavato etamatthaṁ ārocesuṁ.
pli-tv-kd5:10.5.1	“Na, bhikkhave, uccāsayanamahāsayanāni dhāretabbāni, seyyathidaṁ—
pli-tv-kd5:10.5.2	āsandi, pallaṅko, gonako, cittako, paṭikā, paṭalikā, tūlikā, vikatikā, uddhalomi, ekantalomi, kaṭṭissaṁ, koseyyaṁ, kuttakaṁ, hatthattharaṁ, assattharaṁ, rathattharaṁ, ajinapaveṇi, kadalimigapavarapaccattharaṇaṁ, sauttaracchadaṁ, ubhatolohitakūpadhānaṁ.
pli-tv-kd5:10.5.3	Yo dhāreyya, āpatti dukkaṭassā”ti.
pli-tv-kd5:10.6.0	9. Sabbacammapaṭikkhepa
pli-tv-kd5:10.6.1	Tena kho pana samayena chabbaggiyā bhikkhū—
pli-tv-kd5:10.6.2	“bhagavatā uccāsayanamahāsayanāni paṭikkhittānīti—
pli-tv-kd5:10.6.3	mahācammāni dhārenti, sīhacammaṁ byagghacammaṁ dīpicammaṁ.
pli-tv-kd5:10.6.4	Tāni mañcappamāṇenapi chinnāni honti, pīṭhappamāṇenapi chinnāni honti, antopi mañce paññattāni honti, bahipi mañce paññattāni honti, antopi pīṭhe paññattāni honti, bahipi pīṭhe paññattāni honti.
pli-tv-kd5:10.6.5	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd5:10.6.6	“seyyathāpi gihī kāmabhogino”ti.
pli-tv-kd5:10.6.7	Bhagavato etamatthaṁ ārocesuṁ.
pli-tv-kd5:10.6.8	“Na, bhikkhave, mahācammāni dhāretabbāni, sīhacammaṁ byagghacammaṁ dīpicammaṁ.
pli-tv-kd5:10.6.9	Yo dhāreyya, āpatti dukkaṭassā”ti.
pli-tv-kd5:10.7.1	Tena kho pana samayena chabbaggiyā bhikkhū—
pli-tv-kd5:10.7.2	“bhagavatā mahācammāni paṭikkhittānī”ti—
pli-tv-kd5:10.7.3	gocammāni dhārenti.
pli-tv-kd5:10.7.4	Tāni mañcappamāṇenapi chinnāni honti, pīṭhappamāṇenapi chinnāni honti, antopi mañce paññattāni honti, bahipi mañce paññattāni honti, antopi pīṭhe paññattāni honti, bahipi pīṭhe paññattāni honti.
pli-tv-kd5:10.7.5	Aññataropi pāpabhikkhu aññatarassa pāpupāsakassa kulūpako hoti.
pli-tv-kd5:10.7.6	Atha kho so pāpabhikkhu pubbaṇhasamayaṁ nivāsetvā pattacīvaramādāya yena tassa pāpupāsakassa nivesanaṁ tenupasaṅkami, upasaṅkamitvā paññatte āsane nisīdi.
pli-tv-kd5:10.7.7	Atha kho so pāpupāsako yena so pāpabhikkhu tenupasaṅkami, upasaṅkamitvā taṁ pāpabhikkhuṁ abhivādetvā ekamantaṁ nisīdi.
pli-tv-kd5:10.8.1	Tena kho pana samayena tassa pāpupāsakassa vacchako hoti taruṇako abhirūpo dassanīyo pāsādiko citro, seyyathāpi dīpicchāpo.
pli-tv-kd5:10.8.2	Atha kho so pāpabhikkhu taṁ vacchakaṁ sakkaccaṁ upanijjhāyati.
pli-tv-kd5:10.8.3	Atha kho so pāpupāsako taṁ pāpabhikkhuṁ etadavoca—
pli-tv-kd5:10.8.4	“kissa, bhante, ayyo imaṁ vacchakaṁ sakkaccaṁ upanijjhāyatī”ti?
pli-tv-kd5:10.8.5	“Attho me, āvuso, imassa vacchakassa cammenā”ti.
pli-tv-kd5:10.8.6	Atha kho so pāpupāsako taṁ vacchakaṁ vadhitvā cammaṁ vidhunitvā tassa pāpabhikkhuno pādāsi.
pli-tv-kd5:10.8.7	Atha kho so pāpabhikkhu taṁ cammaṁ saṅghāṭiyā paṭicchādetvā agamāsi.
pli-tv-kd5:10.9.1	Atha kho sā gāvī vacchagiddhinī taṁ pāpabhikkhuṁ piṭṭhito piṭṭhito anubandhi.
pli-tv-kd5:10.9.2	Bhikkhū evamāhaṁsu—
pli-tv-kd5:10.9.3	“kissa tyāyaṁ, āvuso, gāvī piṭṭhito piṭṭhito anubandhī”ti?
pli-tv-kd5:10.9.4	“Ahampi kho, āvuso, na jānāmi kena myāyaṁ gāvī piṭṭhito piṭṭhito anubandhī”ti.
pli-tv-kd5:10.9.5	Tena kho pana samayena tassa pāpabhikkhuno saṅghāṭi lohitena makkhitā hoti.
pli-tv-kd5:10.9.6	Bhikkhū evamāhaṁsu—
pli-tv-kd5:10.9.7	“ayaṁ pana te, āvuso, saṅghāṭi kiṁ katā”ti?
pli-tv-kd5:10.9.8	Atha kho so pāpabhikkhu bhikkhūnaṁ etamatthaṁ ārocesi.
pli-tv-kd5:10.9.9	“Kiṁ pana tvaṁ, āvuso, pāṇātipāte samādapesī”ti?
pli-tv-kd5:10.9.10	“Evamāvuso”ti.
pli-tv-kd5:10.9.11	Ye te bhikkhū appicchā te ujjhāyanti khiyyanti vipācenti—
pli-tv-kd5:10.9.12	“kathañhi nāma bhikkhu pāṇātipāte samādapessati, nanu bhagavatā anekapariyāyena pāṇātipāto garahito, pāṇātipātā veramaṇī pasatthā”ti.
pli-tv-kd5:10.9.13	Atha kho te bhikkhū bhagavato etamatthaṁ ārocesuṁ.
pli-tv-kd5:10.10.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā taṁ pāpabhikkhuṁ paṭipucchi—
pli-tv-kd5:10.10.2	“saccaṁ kira tvaṁ, bhikkhu, pāṇātipāte samādapesī”ti?
pli-tv-kd5:10.10.3	“Saccaṁ, bhagavā”ti …pe…
pli-tv-kd5:10.10.4	kathañhi nāma tvaṁ, moghapurisa, pāṇātipāte samādapessasi, nanu mayā, moghapurisa, anekapariyāyena pāṇātipāto garahito, pāṇātipātā veramaṇī pasatthā.
pli-tv-kd5:10.10.5	Netaṁ, moghapurisa, appasannānaṁ vā pasādāya …pe…
pli-tv-kd5:10.10.6	vigarahitvā dhammiṁ kathaṁ katvā bhikkhū āmantesi—
pli-tv-kd5:10.10.7	“na, bhikkhave, pāṇātipāte samādapetabbaṁ.
pli-tv-kd5:10.10.8	Yo samādapeyya, yathādhammo kāretabbo.
pli-tv-kd5:10.10.9	Na, bhikkhave, gocammaṁ dhāretabbaṁ.
pli-tv-kd5:10.10.10	Yo dhāreyya, āpatti dukkaṭassa.
pli-tv-kd5:10.10.11	Na ca, bhikkhave, kiñci cammaṁ dhāretabbaṁ.
pli-tv-kd5:10.10.12	Yo dhāreyya, āpatti dukkaṭassā”ti.
pli-tv-kd5:11.1.0	10. Gihivikatānuññātādi
pli-tv-kd5:11.1.1	Tena kho pana samayena manussānaṁ mañcampi pīṭhampi cammonaddhāni honti, cammavinaddhāni.
pli-tv-kd5:11.1.2	Bhikkhū kukkuccāyantā nābhinisīdanti.
pli-tv-kd5:11.1.3	Bhagavato etamatthaṁ ārocesuṁ.
pli-tv-kd5:11.1.4	“Anujānāmi, bhikkhave, gihivikataṁ abhinisīdituṁ, na tveva abhinipajjitun”ti.
pli-tv-kd5:11.1.5	Tena kho pana samayena vihārā cammavaddhehi ogumphiyanti.
pli-tv-kd5:11.1.6	Bhikkhū kukkuccāyantā nābhinisīdanti.
pli-tv-kd5:11.1.7	Bhagavato etamatthaṁ ārocesuṁ.
pli-tv-kd5:11.1.8	“Anujānāmi, bhikkhave, bandhanamattaṁ abhinisīditun”ti.
pli-tv-kd5:12.1.1	Tena kho pana samayena chabbaggiyā bhikkhū saupāhanā gāmaṁ pavisanti.
pli-tv-kd5:12.1.2	Manussā ujjhāyanti khiyyanti vipācenti—
pli-tv-kd5:12.1.3	“seyyathāpi gihī kāmabhogino”ti.
pli-tv-kd5:12.1.4	Bhagavato etamatthaṁ ārocesuṁ.
pli-tv-kd5:12.1.5	“Na, bhikkhave, saupāhanena gāmo pavisitabbo.
pli-tv-kd5:12.1.6	Yo paviseyya, āpatti dukkaṭassā”ti.
pli-tv-kd5:12.1.7	Tena kho pana samayena aññataro bhikkhu gilāno hoti, na sakkoti vinā upāhanena gāmaṁ pavisituṁ.
pli-tv-kd5:12.1.8	Bhagavato etamatthaṁ ārocesuṁ.
pli-tv-kd5:12.1.9	“Anujānāmi, bhikkhave, gilānena bhikkhunā saupāhanena gāmaṁ pavisitun”ti.
pli-tv-kd5:13.1.0	11. Soṇakuṭikaṇṇavatthu
pli-tv-kd5:13.1.1	Tena kho pana samayena āyasmā mahākaccāno avantīsu viharati kuraraghare papatake pabbate.
pli-tv-kd5:13.1.2	Tena kho pana samayena soṇo upāsako kuṭikaṇṇo āyasmato mahākaccānassa upaṭṭhāko hoti.
pli-tv-kd5:13.1.3	Atha kho soṇo upāsako kuṭikaṇṇo yenāyasmā mahākaccāno tenupasaṅkami, upasaṅkamitvā āyasmantaṁ mahākaccānaṁ abhivādetvā ekamantaṁ nisīdi.
pli-tv-kd5:13.1.4	Ekamantaṁ nisinno kho soṇo upāsako kuṭikaṇṇo āyasmantaṁ mahākaccānaṁ etadavoca—
pli-tv-kd5:13.1.5	“yathā yathāhaṁ, bhante, ayyena mahākaccānena dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.
pli-tv-kd5:13.1.6	Icchāmahaṁ, bhante, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
pli-tv-kd5:13.1.7	Pabbājetu maṁ, bhante, ayyo mahākaccāno”ti.
pli-tv-kd5:13.2.1	(…) “Dukkaraṁ kho, soṇa, yāvajīvaṁ ekaseyyaṁ ekabhattaṁ brahmacariyaṁ carituṁ.
pli-tv-kd5:13.2.2	Iṅgha tvaṁ, soṇa, tattheva agārikabhūto buddhānaṁ sāsanaṁ anuyuñja, kālayuttaṁ ekaseyyaṁ ekabhattaṁ brahmacariyan”ti.
pli-tv-kd5:13.2.3	Atha kho soṇassa upāsakassa kuṭikaṇṇassa yo ahosi pabbajjābhisaṅkhāro so paṭippassambhi.
pli-tv-kd5:13.2.4	Dutiyampi kho soṇo upāsako kuṭikaṇṇo …pe…
pli-tv-kd5:13.2.5	tatiyampi kho soṇo upāsako kuṭikaṇṇo yenāyasmā mahākaccāno tenupasaṅkami, upasaṅkamitvā āyasmantaṁ mahākaccānaṁ abhivādetvā ekamantaṁ nisīdi.
pli-tv-kd5:13.2.6	Ekamantaṁ nisinno kho soṇo upāsako kuṭikaṇṇo āyasmantaṁ mahākaccānaṁ etadavoca—
pli-tv-kd5:13.2.7	“yathā yathāhaṁ, bhante, ayyena mahākaccānena dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.
pli-tv-kd5:13.2.8	Icchāmahaṁ, bhante, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
pli-tv-kd5:13.2.9	Pabbājetu maṁ, bhante, ayyo mahākaccāno”ti.
pli-tv-kd5:13.2.10	Atha kho āyasmā mahākaccāno soṇaṁ upāsakaṁ kuṭikaṇṇaṁ pabbājesi.
pli-tv-kd5:13.2.11	Tena kho pana samayena avantidakkhiṇāpatho appabhikkhuko hoti.
pli-tv-kd5:13.2.12	Atha kho āyasmā mahākaccāno tiṇṇaṁ vassānaṁ accayena kicchena kasirena tato tato dasavaggaṁ bhikkhusaṅghaṁ sannipātāpetvā āyasmantaṁ soṇaṁ upasampādesi.
pli-tv-kd5:13.3.0	12. Mahākaccānassapañcavaraparidassana
pli-tv-kd5:13.3.1	Atha kho āyasmato soṇassa vassaṁvuṭṭhassa rahogatassa paṭisallīnassa evaṁ cetaso parivitakko udapādi—
pli-tv-kd5:13.3.2	“sutoyeva kho me so bhagavā ediso ca ediso cāti, na ca mayā sammukhā diṭṭho, gaccheyyāhaṁ taṁ bhagavantaṁ dassanāya arahantaṁ sammāsambuddhaṁ, sace maṁ upajjhāyo anujāneyyā”ti.
pli-tv-kd5:13.3.3	Atha kho āyasmā soṇo sāyanhasamayaṁ paṭisallānā vuṭṭhito yenāyasmā mahākaccāno tenupasaṅkami, upasaṅkamitvā āyasmantaṁ mahākaccānaṁ abhivādetvā ekamantaṁ nisīdi.
pli-tv-kd5:13.4.1	Ekamantaṁ nisinno kho āyasmā soṇo āyasmantaṁ mahākaccānaṁ etadavoca—
pli-tv-kd5:13.4.2	“idha mayhaṁ, bhante, rahogatassa paṭisallīnassa evaṁ cetaso parivitakko udapādi—
pli-tv-kd5:13.4.3	‘sutoyeva kho me so bhagavā ediso ca ediso cāti, na ca mayā sammukhā diṭṭho, gaccheyyāhaṁ taṁ bhagavantaṁ dassanāya arahantaṁ sammāsambuddhaṁ, sace maṁ upajjhāyo anujāneyyā’ti;
pli-tv-kd5:13.4.4	gaccheyyāhaṁ, bhante, taṁ bhagavantaṁ dassanāya arahantaṁ sammāsambuddhaṁ, sace maṁ upajjhāyo anujānātī”ti.
pli-tv-kd5:13.4.5	“Sādhu sādhu, soṇa.
pli-tv-kd5:13.4.6	Gaccha tvaṁ, soṇa, taṁ bhagavantaṁ dassanāya arahantaṁ sammāsambuddhaṁ.
pli-tv-kd5:13.5.1	Dakkhissasi tvaṁ, soṇa, taṁ bhagavantaṁ pāsādikaṁ pasādanīyaṁ santindriyaṁ santamānasaṁ uttamadamathasamathaṁ anuppattaṁ dantaṁ guttaṁ yatindriyaṁ nāgaṁ.
pli-tv-kd5:13.5.2	Tena hi tvaṁ, soṇa, mama vacanena bhagavato pāde sirasā vanda—
pli-tv-kd5:13.5.3	‘upajjhāyo me, bhante, āyasmā mahākaccāno bhagavato pāde sirasā vandatī’ti.
pli-tv-kd5:13.5.4	Evañca vadehi—
pli-tv-kd5:13.5.5	‘avantidakkhiṇāpatho, bhante, appabhikkhuko, tiṇṇaṁ me vassānaṁ accayena kicchena kasirena tato tato dasavaggaṁ bhikkhusaṅghaṁ sannipātāpetvā upasampadaṁ alatthaṁ;
pli-tv-kd5:13.5.6	appeva nāma bhagavā avantidakkhiṇāpathe appatarena gaṇena upasampadaṁ anujāneyya.
pli-tv-kd5:13.6.1	Avantidakkhiṇāpathe, bhante, kaṇhuttarā bhūmi kharā gokaṇṭakahatā;
pli-tv-kd5:13.6.2	appeva nāma bhagavā avantidakkhiṇāpathe guṇaṅguṇūpāhanaṁ anujāneyya.
pli-tv-kd5:13.6.3	Avantidakkhiṇāpathe, bhante, nahānagarukā manussā udakasuddhikā;
pli-tv-kd5:13.6.4	appeva nāma bhagavā avantidakkhiṇāpathe dhuvanahānaṁ anujāneyya.
pli-tv-kd5:13.6.5	Avantidakkhiṇāpathe, bhante, cammāni attharaṇāni, eḷakacammaṁ ajacammaṁ migacammaṁ.
pli-tv-kd5:13.6.6	Seyyathāpi, bhante, majjhimesu janapadesu eragū moragū majjārū jantū;
pli-tv-kd5:13.6.7	evameva kho, bhante, avantidakkhiṇāpathe cammāni attharaṇāni, eḷakacammaṁ ajacammaṁ migacammaṁ;
pli-tv-kd5:13.6.8	appeva nāma bhagavā avantidakkhiṇāpathe cammāni attharaṇāni anujāneyya, eḷakacammaṁ ajacammaṁ migacammaṁ.
pli-tv-kd5:13.7.1	Etarahi, bhante, manussā nissīmagatānaṁ bhikkhūnaṁ cīvaraṁ denti—
pli-tv-kd5:13.7.2	“imaṁ cīvaraṁ itthannāmassa demā”ti.
pli-tv-kd5:13.7.3	Te āgantvā ārocenti—
pli-tv-kd5:13.7.4	“itthannāmehi te, āvuso, manussehi cīvaraṁ dinnan”ti te kukkuccāyantā na sādiyanti—
pli-tv-kd5:13.7.5	“mā no nissaggiyaṁ ahosī”ti;
pli-tv-kd5:13.7.6	appeva nāma bhagavā cīvare pariyāyaṁ ācikkheyyā’”ti.
pli-tv-kd5:13.7.7	“Evaṁ, bhante”ti
pli-tv-kd5:13.7.8	kho āyasmā soṇo āyasmato mahākaccānassa paṭissutvā uṭṭhāyāsanā āyasmantaṁ mahākaccānaṁ abhivādetvā padakkhiṇaṁ katvā senāsanaṁ saṁsāmetvā pattacīvaramādāya yena sāvatthi tena pakkāmi.
pli-tv-kd5:13.8.1	Anupubbena yena sāvatthi jetavanaṁ anāthapiṇḍikassa ārāmo yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd5:13.8.2	Atha kho bhagavā āyasmantaṁ ānandaṁ āmantesi—
pli-tv-kd5:13.8.3	“imassa, ānanda, āgantukassa bhikkhuno senāsanaṁ paññāpehī”ti.
pli-tv-kd5:13.8.4	Atha kho āyasmā ānando—
pli-tv-kd5:13.8.5	“yassa kho maṁ bhagavā āṇāpeti, ‘imassa, ānanda, āgantukassa bhikkhuno senāsanaṁ paññāpehī’ti, icchati bhagavā tena bhikkhunā saddhiṁ ekavihāre vatthuṁ, icchati bhagavā āyasmatā soṇena saddhiṁ ekavihāre vatthun”ti—
pli-tv-kd5:13.8.6	yasmiṁ vihāre bhagavā viharati tasmiṁ vihāre āyasmato soṇassa senāsanaṁ paññāpesi.
pli-tv-kd5:13.9.1	Atha kho bhagavā bahudeva rattiṁ ajjhokāse vītināmetvā vihāraṁ pāvisi.
pli-tv-kd5:13.9.2	Āyasmāpi kho soṇo bahudeva rattiṁ ajjhokāse vītināmetvā vihāraṁ pāvisi.
pli-tv-kd5:13.9.3	Atha kho bhagavā rattiyā paccūsasamayaṁ paccuṭṭhāya āyasmantaṁ soṇaṁ ajjhesi—
pli-tv-kd5:13.9.4	“paṭibhātu taṁ, bhikkhu, dhammo bhāsitun”ti.
pli-tv-kd5:13.9.5	“Evaṁ, bhante”ti kho āyasmā soṇo bhagavato paṭissuṇitvā sabbāneva aṭṭhakavaggikāni sarena abhāsi.
pli-tv-kd5:13.9.6	Atha kho bhagavā āyasmato soṇassa sarabhaññapariyosāne abbhānumodi—
pli-tv-kd5:13.9.7	“sādhu sādhu, bhikkhu.
pli-tv-kd5:13.9.8	Suggahitāni kho te, bhikkhu, aṭṭhakavaggikāni, sumanasikatāni sūpadhāritāni.
pli-tv-kd5:13.9.9	Kalyāṇiyāpi vācāya samannāgato, vissaṭṭhāya, anelagalāya, atthassa viññāpaniyā.
pli-tv-kd5:13.9.10	Kativassosi tvaṁ, bhikkhū”ti?
pli-tv-kd5:13.9.11	“Ekavassohaṁ, bhagavā”ti.
pli-tv-kd5:13.10.1	“Kissa pana tvaṁ, bhikkhu, evaṁ ciraṁ akāsī”ti?
pli-tv-kd5:13.10.2	“Ciraṁ diṭṭho me, bhante, kāmesu ādīnavo, api ca sambādhā gharāvāsā bahukiccā bahukaraṇīyā”ti.
pli-tv-kd5:13.10.3	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd5:13.10.4	“Disvā ādīnavaṁ loke,
pli-tv-kd5:13.10.5	ñatvā dhammaṁ nirūpadhiṁ;
pli-tv-kd5:13.10.6	Ariyo na ramatī pāpe,
pli-tv-kd5:13.10.7	pāpe na ramatī sucī”ti.
pli-tv-kd5:13.11.1	Atha kho āyasmā soṇo—
pli-tv-kd5:13.11.2	“paṭisammodati kho maṁ bhagavā, ayaṁ khvassa kālo yaṁ me upajjhāyo paridassī”ti—
pli-tv-kd5:13.11.3	uṭṭhāyāsanā ekaṁsaṁ uttarāsaṅgaṁ karitvā bhagavato pādesu sirasā nipatitvā bhagavantaṁ etadavoca—
pli-tv-kd5:13.11.4	“upajjhāyo me, bhante, āyasmā mahākaccāno bhagavato pāde sirasā vandati, evañca vadeti avantidakkhiṇāpatho, bhante, appabhikkhuko.
pli-tv-kd5:13.11.5	Tiṇṇaṁ me vassānaṁ accayena kicchena kasirena tato tato dasavaggaṁ bhikkhusaṅghaṁ sannipātāpetvā upasampadaṁ alatthaṁ, appeva nāma bhagavā avantidakkhiṇāpathe appatarena gaṇena upasampadaṁ anujāneyya.
pli-tv-kd5:13.11.6	Avantidakkhiṇāpathe, bhante, kaṇhuttarā bhūmi kharā gokaṇṭakahatā;
pli-tv-kd5:13.11.7	appeva nāma bhagavā avantidakkhiṇāpathe guṇaṅguṇūpāhanaṁ anujāneyya.
pli-tv-kd5:13.11.8	Avantidakkhiṇāpathe, bhante, nahānagarukā manussā udakasuddhikā, appeva nāma bhagavā avantidakkhiṇāpathe dhuvanahānaṁ anujāneyya.
pli-tv-kd5:13.11.9	Avantidakkhiṇāpathe, bhante, cammāni attharaṇāni, eḷakacammaṁ ajacammaṁ migacammaṁ.
pli-tv-kd5:13.11.10	Seyyathāpi, bhante, majjhimesu janapadesu eragū moragū majjārū jantū;
pli-tv-kd5:13.11.11	evameva kho, bhante, avantidakkhiṇāpathe cammāni attharaṇāni, eḷakacammaṁ ajacammaṁ migacammaṁ;
pli-tv-kd5:13.11.12	appeva nāma bhagavā avantidakkhiṇāpathe cammāni attharaṇāni anujāneyya, eḷakacammaṁ ajacammaṁ migacammaṁ.
pli-tv-kd5:13.11.13	Etarahi, bhante, manussā nissīmagatānaṁ bhikkhūnaṁ cīvaraṁ denti—
pli-tv-kd5:13.11.14	‘imaṁ cīvaraṁ itthannāmassa demā’ti.
pli-tv-kd5:13.11.15	Te āgantvā ārocenti—
pli-tv-kd5:13.11.16	‘itthannāmehi te, āvuso, manussehi cīvaraṁ dinnan’ti.
pli-tv-kd5:13.11.17	Te kukkuccāyantā na sādiyanti—
pli-tv-kd5:13.11.18	‘mā no nissaggiyaṁ ahosī’ti;
pli-tv-kd5:13.11.19	appeva nāma bhagavā cīvare pariyāyaṁ ācikkheyyā”ti.
pli-tv-kd5:13.11.20	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd5:13.11.21	“avantidakkhiṇāpatho, bhikkhave, appabhikkhuko.
pli-tv-kd5:13.11.22	Anujānāmi, bhikkhave, sabbapaccantimesu janapadesu vinayadharapañcamena gaṇena upasampadaṁ.
pli-tv-kd5:13.12.1	Tatrime paccantimā janapadā—
pli-tv-kd5:13.12.2	puratthimāya disāya gajaṅgalaṁ nāma nigamo, tassa parena mahāsālā, tato parā paccantimā janapadā, orato majjhe;
pli-tv-kd5:13.12.3	puratthimadakkhiṇāya disāya sallavatī nāma nadī, tato parā paccantimā janapadā, orato majjhe;
pli-tv-kd5:13.12.4	dakkhiṇāya disāya setakaṇṇikaṁ nāma nigamo, tato parā paccantimā janapadā, orato majjhe;
pli-tv-kd5:13.12.5	pacchimāya disāya thūṇaṁ nāma brāhmaṇagāmo, tato parā paccantimā janapadā, orato majjhe;
pli-tv-kd5:13.12.6	uttarāya disāya usīraddhajo nāma pabbato, tato parā paccantimā janapadā, orato majjhe.
pli-tv-kd5:13.12.7	Anujānāmi, bhikkhave, evarūpesu paccantimesu janapadesu vinayadharapañcamena gaṇena upasampadaṁ.
pli-tv-kd5:13.13.1	Avantidakkhiṇāpathe, bhikkhave, kaṇhuttarā bhūmi kharā gokaṇṭakahatā.
pli-tv-kd5:13.13.2	Anujānāmi, bhikkhave, sabbapaccantimesu janapadesu guṇaṅguṇūpāhanaṁ.
pli-tv-kd5:13.13.3	Avantidakkhiṇāpathe, bhikkhave, nahānagarukā manussā udakasuddhikā.
pli-tv-kd5:13.13.4	Anujānāmi, bhikkhave, sabbapaccantimesu janapadesu dhuvanahānaṁ.
pli-tv-kd5:13.13.5	Avantidakkhiṇāpathe, bhikkhave, cammāni attharaṇāni, eḷakacammaṁ ajacammaṁ migacammaṁ.
pli-tv-kd5:13.13.6	Seyyathāpi, bhikkhave, majjhimesu janapadesu eragū moragū majjārū jantū;
pli-tv-kd5:13.13.7	evameva kho, bhikkhave, avantidakkhiṇāpathe cammāni attharaṇāni, eḷakacammaṁ ajacammaṁ migacammaṁ.
pli-tv-kd5:13.13.8	Anujānāmi, bhikkhave, sabbapaccantimesu janapadesu cammāni attharaṇāni, eḷakacammaṁ ajacammaṁ migacammaṁ.
pli-tv-kd5:13.13.9	Idha pana, bhikkhave, manussā nissīmagatānaṁ bhikkhūnaṁ cīvaraṁ denti—
pli-tv-kd5:13.13.10	‘imaṁ cīvaraṁ itthannāmassa demā’ti.
pli-tv-kd5:13.13.11	Anujānāmi, bhikkhave, sādituṁ, na tāva taṁ gaṇanūpagaṁ yāva na hatthaṁ gacchatī”ti.
pli-tv-kd5:13.13.12	Cammakkhandhako pañcamo.
pli-tv-kd5:13.13.13	Tassuddānaṁ
pli-tv-kd5:13.13.14	Rājā ca māgadho soṇo,
pli-tv-kd5:13.13.15	asītisahassissaro;
pli-tv-kd5:13.13.16	Sāgato gijjhakūṭasmiṁ,
pli-tv-kd5:13.13.17	bahuṁ dasseti uttariṁ.
pli-tv-kd5:13.13.18	Pabbajjāraddhabhijjiṁsu,
pli-tv-kd5:13.13.19	vīṇaṁ ekapalāsikaṁ;
pli-tv-kd5:13.13.20	Nīlā pītā lohitikā,
pli-tv-kd5:13.13.21	mañjiṭṭhā kaṇhameva ca.
pli-tv-kd5:13.13.22	Mahāraṅgamahānāmā,
pli-tv-kd5:13.13.23	vaddhikā ca paṭikkhipi;
pli-tv-kd5:13.13.24	Khallakā puṭapāli ca,
pli-tv-kd5:13.13.25	tūlatittirameṇḍajā.
pli-tv-kd5:13.13.26	Vicchikā moracitrā ca,
pli-tv-kd5:13.13.27	sīhabyagghā ca dīpikā;
pli-tv-kd5:13.13.28	Ajinuddā majjārī ca,
pli-tv-kd5:13.13.29	kāḷaluvakaparikkhaṭā.
pli-tv-kd5:13.13.30	Phalitupāhanā khilā,
pli-tv-kd5:13.13.31	dhotakhāṇukhaṭakhaṭā;
pli-tv-kd5:13.13.32	Tālaveḷutiṇaṁ ceva,
pli-tv-kd5:13.13.33	muñjapabbajahintālā.
pli-tv-kd5:13.13.34	Kamalakambalasovaṇṇā,
pli-tv-kd5:13.13.35	rūpikā maṇiveḷuriyā;
pli-tv-kd5:13.13.36	Phalikā kaṁsakācā ca,
pli-tv-kd5:13.13.37	tipusīsañca tambakā.
pli-tv-kd5:13.13.38	Gāvī yānaṁ gilāno ca,
pli-tv-kd5:13.13.39	purisāyuttasivikā;
pli-tv-kd5:13.13.40	Sayanāni mahācammā,
pli-tv-kd5:13.13.41	gocammehi ca pāpako.
pli-tv-kd5:13.13.42	Gihīnaṁ cammavaddhehi,
pli-tv-kd5:13.13.43	pavisanti gilāyano;
pli-tv-kd5:13.13.44	Mahākaccāyano soṇo,
pli-tv-kd5:13.13.45	sarena aṭṭhakavaggikaṁ.
pli-tv-kd5:13.13.46	Upasampadaṁ pañcahi,
pli-tv-kd5:13.13.47	guṇaṅguṇā dhuvasinā;
pli-tv-kd5:13.13.48	Cammattharaṇānuññāsi,
pli-tv-kd5:13.13.49	na tāva gaṇanūpagaṁ;
pli-tv-kd5:13.13.50	Adāsi me vare pañca,
pli-tv-kd5:13.13.51	soṇattherassa nāyakoti.
pli-tv-kd5:13.13.52	Imamhi khandhake vatthūni tesaṭṭhi.
pli-tv-kd5:13.13.53	Cammakkhandhako niṭṭhito.
pli-tv-kd6:0.1	Theravāda Vinayapiṭaka
pli-tv-kd6:0.2	Mahāvagga
pli-tv-kd6:0.3	6. Bhesajjakkhandhaka
pli-tv-kd6:0.4	1. Pañcabhesajjakathā
pli-tv-kd6:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd6:1.1.2	Tena kho pana samayena bhikkhūnaṁ sāradikena ābādhena phuṭṭhānaṁ yāgupi pītā uggacchati, bhattampi bhuttaṁ uggacchati.
pli-tv-kd6:1.1.3	Te tena kisā honti, lūkhā, dubbaṇṇā, uppaṇḍuppaṇḍukajātā, dhamanisanthatagattā.
pli-tv-kd6:1.1.4	Addasā kho bhagavā te bhikkhū kise lūkhe dubbaṇṇe uppaṇḍuppaṇḍukajāte dhamanisanthatagatte, disvāna āyasmantaṁ ānandaṁ āmantesi—
pli-tv-kd6:1.1.5	“kiṁ nu kho, ānanda, etarahi bhikkhū kisā, lūkhā, dubbaṇṇā, uppaṇḍuppaṇḍukajātā, dhamanisanthatagattā”ti?
pli-tv-kd6:1.1.6	“Etarahi, bhante, bhikkhūnaṁ sāradikena ābādhena phuṭṭhānaṁ yāgupi pītā uggacchati, bhattampi bhuttaṁ uggacchati.
pli-tv-kd6:1.1.7	Te tena kisā honti, lūkhā, dubbaṇṇā, uppaṇḍuppaṇḍukajātā, dhamanisanthatagattā”ti.
pli-tv-kd6:1.2.1	Atha kho bhagavato rahogatassa paṭisallīnassa evaṁ cetaso parivitakko udapādi—
pli-tv-kd6:1.2.2	“etarahi kho bhikkhūnaṁ sāradikena ābādhena phuṭṭhānaṁ yāgupi pītā uggacchati, bhattampi bhuttaṁ uggacchati.
pli-tv-kd6:1.2.3	Te tena kisā honti, lūkhā, dubbaṇṇā, uppaṇḍuppaṇḍukajātā, dhamanisanthatagattā.
pli-tv-kd6:1.2.4	Kiṁ nu kho ahaṁ bhikkhūnaṁ bhesajjaṁ anujāneyyaṁ, yaṁ bhesajjañceva assa bhesajjasammatañca lokassa, āhāratthañca phareyya, na ca oḷāriko āhāro paññāyeyyā”ti?
pli-tv-kd6:1.2.5	Atha kho bhagavato etadahosi—
pli-tv-kd6:1.2.6	“imāni kho pañca bhesajjāni, seyyathidaṁ—
pli-tv-kd6:1.2.7	sappi, navanītaṁ, telaṁ, madhu, phāṇitaṁ;
pli-tv-kd6:1.2.8	bhesajjāni ceva bhesajjasammatāni ca lokassa, āhāratthañca pharanti, na ca oḷāriko āhāro paññāyati.
pli-tv-kd6:1.2.9	Yannūnāhaṁ bhikkhūnaṁ imāni pañca bhesajjāni anujāneyyaṁ, kāle paṭiggahetvā kāle paribhuñjitun”ti.
pli-tv-kd6:1.3.1	Atha kho bhagavā sāyanhasamayaṁ paṭisallānā vuṭṭhito etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:1.3.2	“idha mayhaṁ, bhikkhave, rahogatassa paṭisallīnassa evaṁ cetaso parivitakko udapādi—
pli-tv-kd6:1.3.3	‘etarahi kho bhikkhūnaṁ sāradikena ābādhena phuṭṭhānaṁ yāgupi pītā uggacchati, bhattampi bhuttaṁ uggacchati.
pli-tv-kd6:1.3.4	Te tena kisā honti, lūkhā, dubbaṇṇā, uppaṇḍuppaṇḍukajātā, dhamanisanthatagattā.
pli-tv-kd6:1.3.5	Kiṁ nu kho ahaṁ bhikkhūnaṁ bhesajjaṁ anujāneyyaṁ, yaṁ bhesajjañceva assa bhesajjasammatañca lokassa, āhāratthañca phareyya, na ca oḷāriko āhāro paññāyeyyā’ti.
pli-tv-kd6:1.3.6	Tassa mayhaṁ, bhikkhave, etadahosi—
pli-tv-kd6:1.3.7	‘imāni kho pañca bhesajjāni, seyyathidaṁ—
pli-tv-kd6:1.3.8	sappi, navanītaṁ, telaṁ, madhu, phāṇitaṁ;
pli-tv-kd6:1.3.9	bhesajjāni ceva bhesajjasammatāni ca lokassa, āhāratthañca pharanti, na ca oḷāriko āhāro paññāyati.
pli-tv-kd6:1.3.10	Yannūnāhaṁ bhikkhūnaṁ imāni pañca bhesajjāni anujāneyyaṁ, kāle paṭiggahetvā kāle paribhuñjitun’ti.
pli-tv-kd6:1.3.11	Anujānāmi, bhikkhave, tāni pañca bhesajjāni kāle paṭiggahetvā kāle paribhuñjitun”ti.
pli-tv-kd6:1.4.1	Tena kho pana samayena bhikkhū tāni pañca bhesajjāni kāle paṭiggahetvā kāle paribhuñjanti.
pli-tv-kd6:1.4.2	Tesaṁ yānipi tāni pākatikāni lūkhāni bhojanāni tānipi nacchādenti, pageva senesitāni.
pli-tv-kd6:1.4.3	Te tena ceva sāradikena ābādhena phuṭṭhā, iminā ca bhattācchādakena, tadubhayena bhiyyoso mattāya kisā honti, lūkhā, dubbaṇṇā, uppaṇḍuppaṇḍukajātā, dhamanisanthatagattā.
pli-tv-kd6:1.4.4	Addasā kho bhagavā te bhikkhū bhiyyoso mattāya kise lūkhe dubbaṇṇe uppaṇḍuppaṇḍukajāte dhamanisanthatagatte, disvāna āyasmantaṁ ānandaṁ āmantesi—
pli-tv-kd6:1.4.5	“kiṁ nu kho, ānanda, etarahi bhikkhū bhiyyoso mattāya kisā, lūkhā, dubbaṇṇā, uppaṇḍuppaṇḍukajātā, dhamanisanthatagattā”ti?
pli-tv-kd6:1.5.1	“Etarahi, bhante, bhikkhū tāni ca pañca bhesajjāni kāle paṭiggahetvā kāle paribhuñjanti.
pli-tv-kd6:1.5.2	Tesaṁ yānipi tāni pākatikāni lūkhāni bhojanāni tānipi nacchādenti, pageva senesitāni.
pli-tv-kd6:1.5.3	Te tena ceva sāradikena ābādhena phuṭṭhā, iminā ca bhattācchādakena, tadubhayena bhiyyoso mattāya kisā, lūkhā, dubbaṇṇā, uppaṇḍuppaṇḍukajātā, dhamanisanthatagattā”ti.
pli-tv-kd6:1.5.4	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:1.5.5	“anujānāmi, bhikkhave, tāni pañca bhesajjāni paṭiggahetvā kālepi vikālepi paribhuñjitun”ti.
pli-tv-kd6:2.1.1	Tena kho pana samayena gilānānaṁ bhikkhūnaṁ vasehi bhesajjehi attho hoti.
pli-tv-kd6:2.1.2	Bhagavato etamatthaṁ ārocesuṁ.
pli-tv-kd6:2.1.3	“Anujānāmi, bhikkhave, vasāni bhesajjāni—
pli-tv-kd6:2.1.4	acchavasaṁ, macchavasaṁ, susukāvasaṁ, sūkaravasaṁ, gadrabhavasaṁ—
pli-tv-kd6:2.1.5	kāle paṭiggahitaṁ kāle nippakkaṁ kāle saṁsaṭṭhaṁ telaparibhogena paribhuñjituṁ.
pli-tv-kd6:2.2.1	Vikāle ce, bhikkhave, paṭiggahitaṁ vikāle nippakkaṁ vikāle saṁsaṭṭhaṁ, tañce paribhuñjeyya, āpatti tiṇṇaṁ dukkaṭānaṁ.
pli-tv-kd6:2.2.2	Kāle ce, bhikkhave, paṭiggahitaṁ vikāle nippakkaṁ vikāle saṁsaṭṭhaṁ, tañce paribhuñjeyya, āpatti dvinnaṁ dukkaṭānaṁ.
pli-tv-kd6:2.2.3	Kāle ce, bhikkhave, paṭiggahitaṁ kāle nippakkaṁ vikāle saṁsaṭṭhaṁ, tañce paribhuñjeyya, āpatti dukkaṭassa.
pli-tv-kd6:2.2.4	Kāle ce, bhikkhave, paṭiggahitaṁ kāle nippakkaṁ kāle saṁsaṭṭhaṁ, tañce paribhuñjeyya, anāpattī”ti.
pli-tv-kd6:3.1.0	2. Mūlādibhesajjakathā
pli-tv-kd6:3.1.1	Tena kho pana samayena gilānānaṁ bhikkhūnaṁ mūlehi bhesajjehi attho hoti.
pli-tv-kd6:3.1.2	Bhagavato etamatthaṁ ārocesuṁ.
pli-tv-kd6:3.1.3	“Anujānāmi, bhikkhave, mūlāni bhesajjāni—
pli-tv-kd6:3.1.4	haliddiṁ, siṅgiveraṁ, vacaṁ, vacattaṁ, ativisaṁ, kaṭukarohiṇiṁ, usīraṁ, bhaddamuttakaṁ, yāni vā panaññānipi atthi mūlāni bhesajjāni, neva khādanīye khādanīyatthaṁ pharanti, na bhojanīye bhojanīyatthaṁ pharanti, tāni—
pli-tv-kd6:3.1.5	paṭiggahetvā yāvajīvaṁ pariharituṁ;
pli-tv-kd6:3.1.6	sati paccaye paribhuñjituṁ.
pli-tv-kd6:3.1.7	Asati paccaye paribhuñjantassa āpatti dukkaṭassā”ti.
pli-tv-kd6:3.2.1	Tena kho pana samayena gilānānaṁ bhikkhūnaṁ mūlehi bhesajjehi piṭṭhehi attho hoti.
pli-tv-kd6:3.2.2	Bhagavato etamatthaṁ ārocesuṁ.
pli-tv-kd6:3.2.3	“Anujānāmi, bhikkhave, nisadaṁ nisadapotakan”ti.
pli-tv-kd6:4.1.1	Tena kho pana samayena gilānānaṁ bhikkhūnaṁ kasāvehi bhesajjehi attho hoti.
pli-tv-kd6:4.1.2	Bhagavato etamatthaṁ ārocesuṁ.
pli-tv-kd6:4.1.3	“Anujānāmi, bhikkhave, kasāvāni bhesajjāni—
pli-tv-kd6:4.1.4	nimbakasāvaṁ, kuṭajakasāvaṁ, paṭolakasāvaṁ, phaggavakasāvaṁ, nattamālakasāvaṁ, yāni vā panaññānipi atthi kasāvāni bhesajjāni neva khādanīye khādanīyatthaṁ pharanti, na bhojanīye bhojanīyatthaṁ pharanti, tāni—
pli-tv-kd6:4.1.5	paṭiggahetvā yāvajīvaṁ pariharituṁ;
pli-tv-kd6:4.1.6	sati paccaye paribhuñjituṁ.
pli-tv-kd6:4.1.7	Asati paccaye paribhuñjantassa āpatti dukkaṭassā”ti.
pli-tv-kd6:5.1.1	Tena kho pana samayena gilānānaṁ bhikkhūnaṁ paṇṇehi bhesajjehi attho hoti.
pli-tv-kd6:5.1.2	Bhagavato etamatthaṁ ārocesuṁ.
pli-tv-kd6:5.1.3	“Anujānāmi, bhikkhave, paṇṇāni bhesajjāni—
pli-tv-kd6:5.1.4	nimbapaṇṇaṁ, kuṭajapaṇṇaṁ, paṭolapaṇṇaṁ, sulasipaṇṇaṁ, kappāsapaṇṇaṁ, yāni vā panaññānipi atthi paṇṇāni bhesajjāni, neva khādanīye khādanīyatthaṁ pharanti, na bhojanīye bhojanīyatthaṁ pharanti …
pli-tv-kd6:5.1.5	pe….
pli-tv-kd6:6.1.1	Tena kho pana samayena gilānānaṁ bhikkhūnaṁ phalehi bhesajjehi attho hoti.
pli-tv-kd6:6.1.2	Bhagavato etamatthaṁ ārocesuṁ.
pli-tv-kd6:6.1.3	“Anujānāmi, bhikkhave, phalāni bhesajjāni—
pli-tv-kd6:6.1.4	bilaṅgaṁ, pippaliṁ, maricaṁ, harītakaṁ, vibhītakaṁ, āmalakaṁ, goṭṭhaphalaṁ, yāni vā panaññānipi atthi phalāni bhesajjāni, neva khādanīye khādanīyatthaṁ pharanti, na bhojanīye bhojanīyatthaṁ pharanti …
pli-tv-kd6:6.1.5	pe….
pli-tv-kd6:7.1.1	Tena kho pana samayena gilānānaṁ bhikkhūnaṁ jatūhi bhesajjehi attho hoti.
pli-tv-kd6:7.1.2	Bhagavato etamatthaṁ ārocesuṁ.
pli-tv-kd6:7.1.3	“Anujānāmi, bhikkhave, jatūni bhesajjāni—
pli-tv-kd6:7.1.4	hiṅguṁ, hiṅgujatuṁ, hiṅgusipāṭikaṁ, takaṁ, takapattiṁ, takapaṇṇiṁ, sajjulasaṁ, yāni vā panaññānipi atthi jatūni bhesajjāni, neva khādanīye khādanīyatthaṁ pharanti …
pli-tv-kd6:7.1.5	pe….
pli-tv-kd6:8.1.1	Tena kho pana samayena gilānānaṁ bhikkhūnaṁ loṇehi bhesajjehi attho hoti.
pli-tv-kd6:8.1.2	Bhagavato etamatthaṁ ārocesuṁ.
pli-tv-kd6:8.1.3	“Anujānāmi, bhikkhave, loṇāni bhesajjāni—
pli-tv-kd6:8.1.4	sāmuddaṁ, kāḷaloṇaṁ, sindhavaṁ, ubbhidaṁ, bilaṁ, yāni vā panaññānipi atthi loṇāni bhesajjāni, neva khādanīye khādanīyatthaṁ pharanti, na bhojanīye bhojanīyatthaṁ pharanti, tāni—
pli-tv-kd6:8.1.5	paṭiggahetvā yāvajīvaṁ pariharituṁ;
pli-tv-kd6:8.1.6	sati paccaye paribhuñjituṁ.
pli-tv-kd6:8.1.7	Asati paccaye paribhuñjantassa āpatti dukkaṭassā”ti.
pli-tv-kd6:9.1.0	
pli-tv-kd6:9.1.1	Tena kho pana samayena āyasmato ānandassa upajjhāyassa āyasmato belaṭṭhasīsassa thullakacchābādho hoti.
pli-tv-kd6:9.1.2	Tassa lasikāya cīvarāni kāye lagganti, tāni bhikkhū udakena temetvā temetvā apakaḍḍhanti.
pli-tv-kd6:9.1.3	Addasā kho bhagavā senāsanacārikaṁ āhiṇḍanto te bhikkhū tāni cīvarāni udakena temetvā temetvā apakaḍḍhante, disvāna yena te bhikkhū tenupasaṅkami, upasaṅkamitvā te bhikkhū etadavoca—
pli-tv-kd6:9.1.4	“kiṁ imassa, bhikkhave, bhikkhuno ābādho”ti?
pli-tv-kd6:9.1.5	“Imassa, bhante, āyasmato thullakacchābādho, lasikāya cīvarāni kāye lagganti, tāni mayaṁ udakena temetvā temetvā apakaḍḍhāmā”ti.
pli-tv-kd6:9.2.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:9.2.2	“anujānāmi, bhikkhave, yassa kaṇḍu vā, piḷakā vā, assāvo vā, thullakacchu vā ābādho, kāyo vā duggandho, cuṇṇāni bhesajjāni;
pli-tv-kd6:9.2.3	agilānassa chakaṇaṁ mattikaṁ rajananippakkaṁ.
pli-tv-kd6:9.2.4	Anujānāmi, bhikkhave, udukkhalaṁ musalan”ti.
pli-tv-kd6:10.1.1	Tena kho pana samayena gilānānaṁ bhikkhūnaṁ cuṇṇehi bhesajjehi cālitehi attho hoti.
pli-tv-kd6:10.1.2	Bhagavato etamatthaṁ ārocesuṁ.
pli-tv-kd6:10.1.3	“Anujānāmi, bhikkhave, cuṇṇacālinin”ti.
pli-tv-kd6:10.1.4	Saṇhehi attho hoti.
pli-tv-kd6:10.1.5	Bhagavato etamatthaṁ ārocesuṁ.
pli-tv-kd6:10.1.6	“Anujānāmi, bhikkhave, dussacālinin”ti.
pli-tv-kd6:10.2.1	Tena kho pana samayena aññatarassa bhikkhuno amanussikābādho hoti.
pli-tv-kd6:10.2.2	Taṁ ācariyupajjhāyā upaṭṭhahantā nāsakkhiṁsu arogaṁ kātuṁ.
pli-tv-kd6:10.2.3	So sūkarasūnaṁ gantvā āmakamaṁsaṁ khādi, āmakalohitaṁ pivi.
pli-tv-kd6:10.2.4	Tassa so amanussikābādho paṭippassambhi.
pli-tv-kd6:10.2.5	Bhagavato etamatthaṁ ārocesuṁ.
pli-tv-kd6:10.2.6	“Anujānāmi, bhikkhave, amanussikābādhe āmakamaṁsaṁ āmakalohitan”ti.
pli-tv-kd6:11.1.1	Tena kho pana samayena aññatarassa bhikkhuno cakkhurogābādho hoti.
pli-tv-kd6:11.1.2	Taṁ bhikkhū pariggahetvā uccārampi passāvampi nikkhāmenti.
pli-tv-kd6:11.1.3	Addasā kho bhagavā senāsanacārikaṁ āhiṇḍanto te bhikkhū taṁ bhikkhuṁ pariggahetvā uccārampi passāvampi nikkhāmente, disvāna yena te bhikkhū tenupasaṅkami, upasaṅkamitvā te bhikkhū etadavoca—
pli-tv-kd6:11.1.4	“kiṁ imassa, bhikkhave, bhikkhuno ābādho”ti?
pli-tv-kd6:11.2.1	“Imassa, bhante, āyasmato cakkhurogābādho.
pli-tv-kd6:11.2.2	Imaṁ mayaṁ pariggahetvā uccārampi passāvampi nikkhāmemā”ti.
pli-tv-kd6:11.2.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:11.2.4	“anujānāmi, bhikkhave, añjanaṁ—
pli-tv-kd6:11.2.5	kāḷañjanaṁ, rasañjanaṁ, sotañjanaṁ, gerukaṁ, kapallan”ti.
pli-tv-kd6:11.2.6	Añjanūpapisanehi attho hoti.
pli-tv-kd6:11.2.7	Bhagavato etamatthaṁ ārocesuṁ.
pli-tv-kd6:11.2.8	“Anujānāmi, bhikkhave, candanaṁ, tagaraṁ, kāḷānusāriyaṁ, tālīsaṁ, bhaddamuttakan”ti.
pli-tv-kd6:12.1.1	Tena kho pana samayena bhikkhū piṭṭhāni añjanāni carukesupi sarāvakesupi nikkhipanti;
pli-tv-kd6:12.1.2	tiṇacuṇṇehipi paṁsukehipi okiriyanti.
pli-tv-kd6:12.1.3	Bhagavato etamatthaṁ ārocesuṁ.
pli-tv-kd6:12.1.4	“Anujānāmi, bhikkhave, añjanin”ti.
pli-tv-kd6:12.1.5	Tena kho pana samayena chabbaggiyā bhikkhū uccāvacā añjaniyo dhārenti—
pli-tv-kd6:12.1.6	sovaṇṇamayaṁ, rūpiyamayaṁ.
pli-tv-kd6:12.1.7	Manussā ujjhāyanti khiyyanti vipācenti—
pli-tv-kd6:12.1.8	“seyyathāpi gihī kāmabhogino”ti.
pli-tv-kd6:12.1.9	Bhagavato etamatthaṁ ārocesuṁ.
pli-tv-kd6:12.1.10	“Na, bhikkhave, uccāvacā añjanī dhāretabbā.
pli-tv-kd6:12.1.11	Yo dhāreyya, āpatti dukkaṭassa.
pli-tv-kd6:12.1.12	Anujānāmi, bhikkhave, aṭṭhimayaṁ, dantamayaṁ, visāṇamayaṁ, naḷamayaṁ, veḷumayaṁ, kaṭṭhamayaṁ, jatumayaṁ, phalamayaṁ, lohamayaṁ, saṅkhanābhimayan”ti.
pli-tv-kd6:12.2.1	Tena kho pana samayena añjaniyo apārutā honti, tiṇacuṇṇehipi paṁsukehipi okiriyanti.
pli-tv-kd6:12.2.2	Bhagavato etamatthaṁ ārocesuṁ.
pli-tv-kd6:12.2.3	“Anujānāmi, bhikkhave, apidhānanti.
pli-tv-kd6:12.2.4	Apidhānaṁ nipatati.
pli-tv-kd6:12.2.5	Bhagavato etamatthaṁ ārocesuṁ.
pli-tv-kd6:12.2.6	“Anujānāmi, bhikkhave, suttakena bandhitvā añjaniyā bandhitun”ti.
pli-tv-kd6:12.2.7	Añjanī phalati.
pli-tv-kd6:12.2.8	Bhagavato etamatthaṁ ārocesuṁ.
pli-tv-kd6:12.2.9	“Anujānāmi, bhikkhave, suttakena sibbetun”ti.
pli-tv-kd6:12.3.1	Tena kho pana samayena bhikkhū aṅguliyā añjanti, akkhīni dukkhāni honti.
pli-tv-kd6:12.3.2	Bhagavato etamatthaṁ ārocesuṁ.
pli-tv-kd6:12.3.3	“Anujānāmi, bhikkhave, añjanisalākan”ti.
pli-tv-kd6:12.3.4	Tena kho pana samayena chabbaggiyā bhikkhū uccāvacā añjanisalākāyo dhārenti—
pli-tv-kd6:12.3.5	sovaṇṇamayaṁ rūpiyamayaṁ.
pli-tv-kd6:12.3.6	Manussā ujjhāyanti khiyyanti vipācenti—
pli-tv-kd6:12.3.7	“seyyathāpi gihī kāmabhogino”ti.
pli-tv-kd6:12.3.8	Bhagavato etamatthaṁ ārocesuṁ.
pli-tv-kd6:12.3.9	“Na, bhikkhave, uccāvacā añjanisalākā dhāretabbā.
pli-tv-kd6:12.3.10	Yo dhāreyya, āpatti dukkaṭassa.
pli-tv-kd6:12.3.11	Anujānāmi, bhikkhave, aṭṭhimayaṁ …pe… saṅkhanābhimayan”ti.
pli-tv-kd6:12.4.1	Tena kho pana samayena añjanisalākā bhūmiyaṁ patitā pharusā hoti.
pli-tv-kd6:12.4.2	Bhagavato etamatthaṁ ārocesuṁ.
pli-tv-kd6:12.4.3	“Anujānāmi, bhikkhave, salākaṭhāniyan”ti.
pli-tv-kd6:12.4.4	Tena kho pana samayena bhikkhū añjanimpi añjanisalākampi hatthena pariharanti.
pli-tv-kd6:12.4.5	Bhagavato etamatthaṁ ārocesuṁ.
pli-tv-kd6:12.4.6	“Anujānāmi, bhikkhave, añjanitthavikan”ti.
pli-tv-kd6:12.4.7	Aṁsabaddhako na hoti.
pli-tv-kd6:12.4.8	Bhagavato etamatthaṁ ārocesuṁ.
pli-tv-kd6:12.4.9	“Anujānāmi, bhikkhave, aṁsabaddhakaṁ bandhanasuttakan”ti.
pli-tv-kd6:13.1.1	Tena kho pana samayena āyasmato pilindavacchassa sīsābhitāpo hoti.
pli-tv-kd6:13.1.2	Bhagavato etamatthaṁ ārocesuṁ.
pli-tv-kd6:13.1.3	“Anujānāmi, bhikkhave, muddhani telakan”ti.
pli-tv-kd6:13.1.4	Nakkhamaniyo hoti.
pli-tv-kd6:13.1.5	Bhagavato etamatthaṁ ārocesuṁ.
pli-tv-kd6:13.1.6	“Anujānāmi, bhikkhave, natthukamman”ti.
pli-tv-kd6:13.1.7	Natthu galati.
pli-tv-kd6:13.1.8	Bhagavato etamatthaṁ ārocesuṁ.
pli-tv-kd6:13.1.9	“Anujānāmi, bhikkhave, natthukaraṇin”ti.
pli-tv-kd6:13.1.10	Tena kho pana samayena chabbaggiyā bhikkhū uccāvacā natthukaraṇiyo dhārenti—
pli-tv-kd6:13.1.11	sovaṇṇamayaṁ rūpiyamayaṁ.
pli-tv-kd6:13.1.12	Manussā ujjhāyanti khiyyanti vipācenti—
pli-tv-kd6:13.1.13	“seyyathāpi gihī kāmabhogino”ti.
pli-tv-kd6:13.1.14	Bhagavato etamatthaṁ ārocesuṁ.
pli-tv-kd6:13.1.15	“Na, bhikkhave, uccāvacā natthukaraṇī dhāretabbā.
pli-tv-kd6:13.1.16	Yo dhāreyya, āpatti dukkaṭassa.
pli-tv-kd6:13.1.17	Anujānāmi, bhikkhave, aṭṭhimayaṁ …pe…
pli-tv-kd6:13.1.18	saṅkhanābhimayan”ti.
pli-tv-kd6:13.2.1	Natthuṁ visamaṁ āsiñcanti.
pli-tv-kd6:13.2.2	Bhagavato etamatthaṁ ārocesuṁ.
pli-tv-kd6:13.2.3	“Anujānāmi, bhikkhave, yamakanatthukaraṇin”ti.
pli-tv-kd6:13.2.4	Nakkhamaniyo hoti.
pli-tv-kd6:13.2.5	Bhagavato etamatthaṁ ārocesuṁ.
pli-tv-kd6:13.2.6	“Anujānāmi, bhikkhave, dhūmaṁ pātun”ti.
pli-tv-kd6:13.2.7	Taññeva vaṭṭiṁ ālimpetvā pivanti, kaṇṭho dahati.
pli-tv-kd6:13.2.8	Bhagavato etamatthaṁ ārocesuṁ.
pli-tv-kd6:13.2.9	“Anujānāmi, bhikkhave, dhūmanettan”ti.
pli-tv-kd6:13.2.10	Tena kho pana samayena chabbaggiyā bhikkhū uccāvacāni dhūmanettāni dhārenti—
pli-tv-kd6:13.2.11	sovaṇṇamayaṁ rūpiyamayaṁ.
pli-tv-kd6:13.2.12	Manussā ujjhāyanti khiyyanti vipācenti—
pli-tv-kd6:13.2.13	“seyyathāpi gihī kāmabhogino”ti.
pli-tv-kd6:13.2.14	Bhagavato etamatthaṁ ārocesuṁ.
pli-tv-kd6:13.2.15	“Na, bhikkhave, uccāvacāni dhūmanettāni dhāretabbāni.
pli-tv-kd6:13.2.16	Yo dhāreyya, āpatti dukkaṭassa.
pli-tv-kd6:13.2.17	Anujānāmi, bhikkhave, aṭṭhimayaṁ …pe… saṅkhanābhimayan”ti.
pli-tv-kd6:13.2.18	Tena kho pana samayena dhūmanettāni apārutāni honti, pāṇakā pavisanti.
pli-tv-kd6:13.2.19	Bhagavato etamatthaṁ ārocesuṁ.
pli-tv-kd6:13.2.20	“Anujānāmi, bhikkhave, apidhānan”ti.
pli-tv-kd6:13.2.21	Tena kho pana samayena bhikkhū dhūmanettāni hatthena pariharanti.
pli-tv-kd6:13.2.22	Bhagavato etamatthaṁ ārocesuṁ.
pli-tv-kd6:13.2.23	“Anujānāmi, bhikkhave, dhūmanettathavikan”ti.
pli-tv-kd6:13.2.24	Ekato ghaṁsiyanti.
pli-tv-kd6:13.2.25	Bhagavato etamatthaṁ ārocesuṁ.
pli-tv-kd6:13.2.26	“Anujānāmi, bhikkhave, yamakathavikan”ti.
pli-tv-kd6:13.2.27	Aṁsabaddhako na hoti.
pli-tv-kd6:13.2.28	Bhagavato etamatthaṁ ārocesuṁ.
pli-tv-kd6:13.2.29	“Anujānāmi, bhikkhave, aṁsabaddhakaṁ bandhanasuttakan”ti.
pli-tv-kd6:14.1.0	
pli-tv-kd6:14.1.1	Tena kho pana samayena āyasmato pilindavacchassa vātābādho hoti.
pli-tv-kd6:14.1.2	Vejjā evamāhaṁsu—
pli-tv-kd6:14.1.3	“telaṁ pacitabban”ti.
pli-tv-kd6:14.1.4	Bhagavato etamatthaṁ ārocesuṁ.
pli-tv-kd6:14.1.5	“Anujānāmi, bhikkhave, telapākan”ti.
pli-tv-kd6:14.1.6	Tasmiṁ kho pana telapāke majjaṁ pakkhipitabbaṁ hoti.
pli-tv-kd6:14.1.7	Bhagavato etamatthaṁ ārocesuṁ.
pli-tv-kd6:14.1.8	“Anujānāmi, bhikkhave, telapāke majjaṁ pakkhipitun”ti.
pli-tv-kd6:14.1.9	Tena kho pana samayena chabbaggiyā bhikkhū atipakkhittamajjāni telāni pacanti, tāni pivitvā majjanti.
pli-tv-kd6:14.1.10	Bhagavato etamatthaṁ ārocesuṁ.
pli-tv-kd6:14.1.11	“Na, bhikkhave, atipakkhittamajjaṁ telaṁ pātabbaṁ.
pli-tv-kd6:14.1.12	Yo piveyya, yathādhammo kāretabbo.
pli-tv-kd6:14.1.13	Anujānāmi, bhikkhave, yasmiṁ telapāke majjassa na vaṇṇo na gandho na raso paññāyati, evarūpaṁ majjapakkhittaṁ telaṁ pātun”ti.
pli-tv-kd6:14.2.1	Tena kho pana samayena bhikkhūnaṁ bahuṁ atipakkhittamajjaṁ telaṁ pakkaṁ hoti.
pli-tv-kd6:14.2.2	Atha kho bhikkhūnaṁ etadahosi—“kathaṁ nu kho atipakkhittamajje tele paṭipajjitabban”ti?
pli-tv-kd6:14.2.3	Bhagavato etamatthaṁ ārocesuṁ.
pli-tv-kd6:14.2.4	“Anujānāmi, bhikkhave, abbhañjanaṁ adhiṭṭhātun”ti.
pli-tv-kd6:14.2.5	Tena kho pana samayena āyasmato pilindavacchassa bahutaraṁ telaṁ pakkaṁ hoti, telabhājanaṁ na vijjati.
pli-tv-kd6:14.2.6	Bhagavato etamatthaṁ ārocesuṁ.
pli-tv-kd6:14.2.7	“Anujānāmi, bhikkhave, tīṇi tumbāni—
pli-tv-kd6:14.2.8	lohatumbaṁ, kaṭṭhatumbaṁ, phalatumban”ti.
pli-tv-kd6:14.3.1	Tena kho pana samayena āyasmato pilindavacchassa aṅgavāto hoti.
pli-tv-kd6:14.3.2	Bhagavato etamatthaṁ ārocesuṁ.
pli-tv-kd6:14.3.3	“Anujānāmi, bhikkhave, sedakamman”ti.
pli-tv-kd6:14.3.4	Nakkhamaniyo hoti.
pli-tv-kd6:14.3.5	Bhagavato etamatthaṁ ārocesuṁ.
pli-tv-kd6:14.3.6	“Anujānāmi, bhikkhave, sambhārasedan”ti.
pli-tv-kd6:14.3.7	Nakkhamaniyo hoti.
pli-tv-kd6:14.3.8	Bhagavato etamatthaṁ ārocesuṁ.
pli-tv-kd6:14.3.9	“Anujānāmi, bhikkhave, mahāsedan”ti.
pli-tv-kd6:14.3.10	Nakkhamaniyo hoti.
pli-tv-kd6:14.3.11	Bhagavato etamatthaṁ ārocesuṁ.
pli-tv-kd6:14.3.12	“Anujānāmi, bhikkhave, bhaṅgodakan”ti.
pli-tv-kd6:14.3.13	Nakkhamaniyo hoti.
pli-tv-kd6:14.3.14	Bhagavato etamatthaṁ ārocesuṁ.
pli-tv-kd6:14.3.15	“Anujānāmi, bhikkhave, udakakoṭṭhakan”ti.
pli-tv-kd6:14.4.1	Tena kho pana samayena āyasmato pilindavacchassa pabbavāto hoti.
pli-tv-kd6:14.4.2	Bhagavato etamatthaṁ ārocesuṁ.
pli-tv-kd6:14.4.3	“Anujānāmi, bhikkhave, lohitaṁ mocetun”ti.
pli-tv-kd6:14.4.4	Nakkhamaniyo hoti.
pli-tv-kd6:14.4.5	Bhagavato etamatthaṁ ārocesuṁ.
pli-tv-kd6:14.4.6	“Anujānāmi, bhikkhave, lohitaṁ mocetvā visāṇena gāhetun”ti.
pli-tv-kd6:14.4.7	Tena kho pana samayena āyasmato pilindavacchassa pādā phalitā honti.
pli-tv-kd6:14.4.8	Bhagavato etamatthaṁ ārocesuṁ.
pli-tv-kd6:14.4.9	“Anujānāmi, bhikkhave, pādabbhañjanan”ti.
pli-tv-kd6:14.4.10	Nakkhamaniyo hoti.
pli-tv-kd6:14.4.11	Bhagavato etamatthaṁ ārocesuṁ.
pli-tv-kd6:14.4.12	“Anujānāmi, bhikkhave, pajjaṁ abhisaṅkharitun”ti.
pli-tv-kd6:14.4.13	Tena kho pana samayena aññatarassa bhikkhuno gaṇḍābādho hoti.
pli-tv-kd6:14.4.14	Bhagavato etamatthaṁ ārocesuṁ.
pli-tv-kd6:14.4.15	“Anujānāmi, bhikkhave, satthakamman”ti.
pli-tv-kd6:14.4.16	Kasāvodakena attho hoti.
pli-tv-kd6:14.4.17	Bhagavato etamatthaṁ ārocesuṁ.
pli-tv-kd6:14.4.18	“Anujānāmi, bhikkhave, kasāvodakan”ti.
pli-tv-kd6:14.4.19	Tilakakkena attho hoti.
pli-tv-kd6:14.4.20	Bhagavato etamatthaṁ ārocesuṁ.
pli-tv-kd6:14.4.21	“Anujānāmi, bhikkhave, tilakakkan”ti.
pli-tv-kd6:14.5.1	Kabaḷikāya attho hoti.
pli-tv-kd6:14.5.2	Bhagavato etamatthaṁ ārocesuṁ.
pli-tv-kd6:14.5.3	“Anujānāmi, bhikkhave, kabaḷikan”ti.
pli-tv-kd6:14.5.4	Vaṇabandhanacoḷena attho hoti.
pli-tv-kd6:14.5.5	Bhagavato etamatthaṁ ārocesuṁ.
pli-tv-kd6:14.5.6	“Anujānāmi, bhikkhave, vaṇabandhanacoḷan”ti.
pli-tv-kd6:14.5.7	Vaṇo kaṇḍuvati.
pli-tv-kd6:14.5.8	Bhagavato etamatthaṁ ārocesuṁ.
pli-tv-kd6:14.5.9	“Anujānāmi, bhikkhave, sāsapakuṭṭena phositun”ti.
pli-tv-kd6:14.5.10	Vaṇo kilijjittha.
pli-tv-kd6:14.5.11	Bhagavato etamatthaṁ ārocesuṁ.
pli-tv-kd6:14.5.12	“Anujānāmi, bhikkhave, dhūmaṁ kātun”ti.
pli-tv-kd6:14.5.13	Vaḍḍhamaṁsaṁ vuṭṭhāti.
pli-tv-kd6:14.5.14	Bhagavato etamatthaṁ ārocesuṁ.
pli-tv-kd6:14.5.15	“Anujānāmi, bhikkhave, loṇasakkharikāya chinditun”ti.
pli-tv-kd6:14.5.16	Vaṇo na ruhati.
pli-tv-kd6:14.5.17	Bhagavato etamatthaṁ ārocesuṁ.
pli-tv-kd6:14.5.18	“Anujānāmi, bhikkhave, vaṇatelan”ti.
pli-tv-kd6:14.5.19	Telaṁ galati.
pli-tv-kd6:14.5.20	Bhagavato etamatthaṁ ārocesuṁ.
pli-tv-kd6:14.5.21	“Anujānāmi, bhikkhave, vikāsikaṁ sabbaṁ vaṇapaṭikamman”ti.
pli-tv-kd6:14.6.1	Tena kho pana samayena aññataro bhikkhu ahinā daṭṭho hoti.
pli-tv-kd6:14.6.2	Bhagavato etamatthaṁ ārocesuṁ.
pli-tv-kd6:14.6.3	“Anujānāmi, bhikkhave, cattāri mahāvikaṭāni dātuṁ—
pli-tv-kd6:14.6.4	gūthaṁ, muttaṁ, chārikaṁ, mattikan”ti.
pli-tv-kd6:14.6.5	Atha kho bhikkhūnaṁ etadahosi—
pli-tv-kd6:14.6.6	“appaṭiggahitāni nu kho udāhu paṭiggahetabbānī”ti.
pli-tv-kd6:14.6.7	Bhagavato etamatthaṁ ārocesuṁ.
pli-tv-kd6:14.6.8	“Anujānāmi, bhikkhave, sati kappiyakārake paṭiggahāpetuṁ, asati kappiyakārake sāmaṁ gahetvā paribhuñjitun”ti.
pli-tv-kd6:14.6.9	Tena kho pana samayena aññatarena bhikkhunā visaṁ pītaṁ hoti.
pli-tv-kd6:14.6.10	Bhagavato etamatthaṁ ārocesuṁ.
pli-tv-kd6:14.6.11	“Anujānāmi, bhikkhave, gūthaṁ pāyetun”ti.
pli-tv-kd6:14.6.12	Atha kho bhikkhūnaṁ etadahosi—
pli-tv-kd6:14.6.13	“appaṭiggahitaṁ nu kho udāhu paṭiggahetabbo”ti?
pli-tv-kd6:14.6.14	Bhagavato etamatthaṁ ārocesuṁ.
pli-tv-kd6:14.6.15	“Anujānāmi, bhikkhave, yaṁ karonto paṭiggaṇhāti, sveva paṭiggaho kato, na puna paṭiggahetabbo”ti.
pli-tv-kd6:14.7.1	Tena kho pana samayena aññatarassa bhikkhuno gharadinnakābādho hoti.
pli-tv-kd6:14.7.2	Bhagavato etamatthaṁ ārocesuṁ.
pli-tv-kd6:14.7.3	“Anujānāmi, bhikkhave, sītāloḷiṁ pāyetun”ti.
pli-tv-kd6:14.7.4	Tena kho pana samayena aññataro bhikkhu duṭṭhagahaṇiko hoti.
pli-tv-kd6:14.7.5	Bhagavato etamatthaṁ ārocesuṁ.
pli-tv-kd6:14.7.6	“Anujānāmi, bhikkhave, āmisakhāraṁ pāyetun”ti.
pli-tv-kd6:14.7.7	Tena kho pana samayena aññatarassa bhikkhuno paṇḍurogābādho hoti.
pli-tv-kd6:14.7.8	Bhagavato etamatthaṁ ārocesuṁ.
pli-tv-kd6:14.7.9	“Anujānāmi, bhikkhave, muttaharītakaṁ pāyetun”ti.
pli-tv-kd6:14.7.10	Tena kho pana samayena aññatarassa bhikkhuno chavidosābādho hoti.
pli-tv-kd6:14.7.11	Bhagavato etamatthaṁ ārocesuṁ.
pli-tv-kd6:14.7.12	“Anujānāmi, bhikkhave, gandhālepaṁ kātun”ti.
pli-tv-kd6:14.7.13	Tena kho pana samayena aññataro bhikkhu abhisannakāyo hoti.
pli-tv-kd6:14.7.14	Bhagavato etamatthaṁ ārocesuṁ.
pli-tv-kd6:14.7.15	“Anujānāmi, bhikkhave, virecanaṁ pātun”ti.
pli-tv-kd6:14.7.16	Acchakañjiyā attho hoti.
pli-tv-kd6:14.7.17	Bhagavato etamatthaṁ ārocesuṁ.
pli-tv-kd6:14.7.18	“Anujānāmi, bhikkhave, acchakañjin”ti.
pli-tv-kd6:14.7.19	Akaṭayūsena attho hoti.
pli-tv-kd6:14.7.20	Bhagavato etamatthaṁ ārocesuṁ.
pli-tv-kd6:14.7.21	“Anujānāmi, bhikkhave, akaṭayūsan”ti.
pli-tv-kd6:14.7.22	Kaṭākaṭena attho hoti.
pli-tv-kd6:14.7.23	Bhagavato etamatthaṁ ārocesuṁ.
pli-tv-kd6:14.7.24	“Anujānāmi, bhikkhave, kaṭākaṭan”ti.
pli-tv-kd6:14.7.25	Paṭicchādanīyena attho hoti.
pli-tv-kd6:14.7.26	Bhagavato etamatthaṁ ārocesuṁ.
pli-tv-kd6:14.7.27	“Anujānāmi, bhikkhave, paṭicchādanīyan”ti.
pli-tv-kd6:15.1.0	3. Pilindavacchavatthu
pli-tv-kd6:15.1.1	Tena kho pana samayena āyasmā pilindavaccho rājagahe pabbhāraṁ sodhāpeti leṇaṁ kattukāmo.
pli-tv-kd6:15.1.2	Atha kho rājā māgadho seniyo bimbisāro yenāyasmā pilindavaccho tenupasaṅkami, upasaṅkamitvā āyasmantaṁ pilindavacchaṁ abhivādetvā ekamantaṁ nisīdi.
pli-tv-kd6:15.1.3	Ekamantaṁ nisinno kho rājā māgadho seniyo bimbisāro āyasmantaṁ pilindavacchaṁ etadavoca—
pli-tv-kd6:15.1.4	“kiṁ, bhante, thero kārāpetī”ti?
pli-tv-kd6:15.1.5	“Pabbhāraṁ, mahārāja, sodhāpemi, leṇaṁ kattukāmo”ti.
pli-tv-kd6:15.1.6	“Attho, bhante, ayyassa ārāmikenā”ti?
pli-tv-kd6:15.1.7	“Na kho, mahārāja, bhagavatā ārāmiko anuññāto”ti.
pli-tv-kd6:15.1.8	“Tena hi, bhante, bhagavantaṁ paṭipucchitvā mama āroceyyāthā”ti.
pli-tv-kd6:15.1.9	“Evaṁ, mahārājā”ti kho āyasmā pilindavaccho rañño māgadhassa seniyassa bimbisārassa paccassosi.
pli-tv-kd6:15.2.1	Atha kho āyasmā pilindavaccho rājānaṁ māgadhaṁ seniyaṁ bimbisāraṁ dhammiyā kathāya sandassesi, samādapesi, samuttejesi, sampahaṁsesi.
pli-tv-kd6:15.2.2	Atha kho rājā māgadho seniyo bimbisāro āyasmatā pilindavacchena dhammiyā kathāya sandassito samādapito samuttejito sampahaṁsito uṭṭhāyāsanā āyasmantaṁ pilindavacchaṁ abhivādetvā padakkhiṇaṁ katvā pakkāmi.
pli-tv-kd6:15.2.3	Atha kho āyasmā pilindavaccho bhagavato santike dūtaṁ pāhesi—
pli-tv-kd6:15.2.4	“rājā, bhante, māgadho seniyo bimbisāro ārāmikaṁ dātukāmo.
pli-tv-kd6:15.2.5	Kathaṁ nu kho, bhante, mayā paṭipajjitabban”ti?
pli-tv-kd6:15.2.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:15.2.7	“anujānāmi, bhikkhave, ārāmikan”ti.
pli-tv-kd6:15.3.1	Dutiyampi kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṁ pilindavacchaṁ abhivādetvā ekamantaṁ nisīdi.
pli-tv-kd6:15.3.2	Ekamantaṁ nisinno kho rājā māgadho seniyo bimbisāro āyasmantaṁ pilindavacchaṁ etadavoca—
pli-tv-kd6:15.3.3	“anuññāto, bhante, bhagavatā ārāmiko”ti?
pli-tv-kd6:15.3.4	“Evaṁ, mahārājā”ti.
pli-tv-kd6:15.3.5	“Tena hi, bhante, ayyassa ārāmikaṁ dammī”ti.
pli-tv-kd6:15.3.6	Atha kho rājā māgadho seniyo bimbisāro āyasmato pilindavacchassa ārāmikaṁ paṭissutvā, vissaritvā, cirena satiṁ paṭilabhitvā, aññataraṁ sabbatthakaṁ mahāmattaṁ āmantesi—
pli-tv-kd6:15.3.7	“yo mayā, bhaṇe, ayyassa ārāmiko paṭissuto, dinno so ārāmiko”ti?
pli-tv-kd6:15.3.8	“Na kho, deva, ayyassa ārāmiko dinno”ti.
pli-tv-kd6:15.3.9	“Kīva ciraṁ nu kho, bhaṇe, ito hi taṁ hotī”ti?
pli-tv-kd6:15.4.1	Atha kho so mahāmatto rattiyo gaṇetvā rājānaṁ māgadhaṁ seniyaṁ bimbisāraṁ etadavoca—
pli-tv-kd6:15.4.2	“pañca, deva, rattisatānī”ti.
pli-tv-kd6:15.4.3	“Tena hi, bhaṇe, ayyassa pañca ārāmikasatāni dehī”ti.
pli-tv-kd6:15.4.4	“Evaṁ, devā”ti
pli-tv-kd6:15.4.5	kho so mahāmatto rañño māgadhassa seniyassa bimbisārassa paṭissutvā āyasmato pilindavacchassa pañca ārāmikasatāni pādāsi, pāṭiyekko gāmo nivisi.
pli-tv-kd6:15.4.6	“Ārāmikagāmako”tipi naṁ āhaṁsu, “pilindagāmako”tipi naṁ āhaṁsu.
pli-tv-kd6:15.4.7	Tena kho pana samayena āyasmā pilindavaccho tasmiṁ gāmake kulūpako hoti.
pli-tv-kd6:15.4.8	Atha kho āyasmā pilindavaccho pubbaṇhasamayaṁ nivāsetvā pattacīvaramādāya pilindagāmaṁ piṇḍāya pāvisi.
pli-tv-kd6:15.5.1	Tena kho pana samayena tasmiṁ gāmake ussavo hoti.
pli-tv-kd6:15.5.2	Dārakā alaṅkatā mālākitā kīḷanti.
pli-tv-kd6:15.5.3	Atha kho āyasmā pilindavaccho pilindagāmake sapadānaṁ piṇḍāya caramāno yena aññatarassa ārāmikassa nivesanaṁ tenupasaṅkami, upasaṅkamitvā paññatte āsane nisīdi.
pli-tv-kd6:15.5.4	Tena kho pana samayena tassā ārāmikiniyā dhītā aññe dārake alaṅkate mālākite passitvā rodati—
pli-tv-kd6:15.5.5	“mālaṁ me detha, alaṅkāraṁ me dethā”ti.
pli-tv-kd6:15.5.6	Atha kho āyasmā pilindavaccho taṁ ārāmikiniṁ etadavoca—
pli-tv-kd6:15.5.7	“kissāyaṁ dārikā rodatī”ti?
pli-tv-kd6:15.5.8	“Ayaṁ, bhante, dārikā aññe dārake alaṅkate mālākite passitvā rodati—
pli-tv-kd6:15.5.9	‘mālaṁ me detha, alaṅkāraṁ me dethā’ti.
pli-tv-kd6:15.5.10	Kuto amhākaṁ duggatānaṁ mālā, kuto alaṅkāro”ti?
pli-tv-kd6:15.6.1	Atha kho āyasmā pilindavaccho aññataraṁ tiṇaṇḍupakaṁ gahetvā taṁ ārāmikiniṁ etadavoca—
pli-tv-kd6:15.6.2	“handimaṁ tiṇaṇḍupakaṁ tassā dārikāya sīse paṭimuñcā”ti.
pli-tv-kd6:15.6.3	Atha kho sā ārāmikinī taṁ tiṇaṇḍupakaṁ gahetvā tassā dārikāya sīse paṭimuñci.
pli-tv-kd6:15.6.4	Sā ahosi suvaṇṇamālā abhirūpā, dassanīyā, pāsādikā;
pli-tv-kd6:15.6.5	natthi tādisā raññopi antepure suvaṇṇamālā.
pli-tv-kd6:15.6.6	Manussā rañño māgadhassa seniyassa bimbisārassa ārocesuṁ—
pli-tv-kd6:15.6.7	“amukassa, deva, ārāmikassa ghare suvaṇṇamālā abhirūpā, dassanīyā, pāsādikā;
pli-tv-kd6:15.6.8	natthi tādisā devassapi antepure suvaṇṇamālā;
pli-tv-kd6:15.6.9	kuto tassa duggatassa?
pli-tv-kd6:15.6.10	Nissaṁsayaṁ corikāya ābhatā”ti.
pli-tv-kd6:15.6.11	Atha kho rājā māgadho seniyo bimbisāro taṁ ārāmikakulaṁ bandhāpesi.
pli-tv-kd6:15.7.1	Dutiyampi kho āyasmā pilindavaccho pubbaṇhasamayaṁ nivāsetvā pattacīvaramādāya pilindagāmaṁ piṇḍāya pāvisi.
pli-tv-kd6:15.7.2	Pilindagāmake sapadānaṁ piṇḍāya caramāno yena tassa ārāmikassa nivesanaṁ tenupasaṅkami, upasaṅkamitvā paṭivissake pucchi—
pli-tv-kd6:15.7.3	“kahaṁ imaṁ ārāmikakulaṁ gatan”ti?
pli-tv-kd6:15.7.4	“Etissā, bhante, suvaṇṇamālāya kāraṇā raññā bandhāpitan”ti.
pli-tv-kd6:15.7.5	Atha kho āyasmā pilindavaccho yena rañño māgadhassa seniyassa bimbisārassa nivesanaṁ tenupasaṅkami, upasaṅkamitvā paññatte āsane nisīdi.
pli-tv-kd6:15.7.6	Atha kho rājā māgadho seniyo bimbisāro yenāyasmā pilindavaccho tenupasaṅkami, upasaṅkamitvā āyasmantaṁ pilindavacchaṁ abhivādetvā ekamantaṁ nisīdi.
pli-tv-kd6:15.7.7	Ekamantaṁ nisinnaṁ kho rājānaṁ māgadhaṁ seniyaṁ bimbisāraṁ āyasmā pilindavaccho etadavoca—
pli-tv-kd6:15.8.1	“kissa, mahārāja, ārāmikakulaṁ bandhāpitan”ti?
pli-tv-kd6:15.8.2	“Tassa, bhante, ārāmikassa ghare suvaṇṇamālā abhirūpā, dassanīyā, pāsādikā;
pli-tv-kd6:15.8.3	natthi tādisā amhākampi antepure suvaṇṇamālā;
pli-tv-kd6:15.8.4	kuto tassa duggatassa?
pli-tv-kd6:15.8.5	Nissaṁsayaṁ corikāya ābhatā”ti.
pli-tv-kd6:15.8.6	Atha kho āyasmā pilindavaccho rañño māgadhassa seniyassa bimbisārassa pāsādaṁ suvaṇṇanti adhimucci;
pli-tv-kd6:15.8.7	so ahosi sabbasovaṇṇamayo.
pli-tv-kd6:15.8.8	“Idaṁ pana te, mahārāja, tāva bahuṁ suvaṇṇaṁ kuto”ti?
pli-tv-kd6:15.8.9	“Aññātaṁ, bhante, ayyasseveso iddhānubhāvo”ti taṁ ārāmikakulaṁ muñcāpesi.
pli-tv-kd6:15.9.1	Manussā—
pli-tv-kd6:15.9.2	“ayyena kira pilindavacchena sarājikāya parisāya uttari manussadhammaṁ iddhipāṭihāriyaṁ dassitan”ti—
pli-tv-kd6:15.9.3	attamanā abhippasannā āyasmato pilindavacchassa pañca bhesajjāni abhihariṁsu, seyyathidaṁ—
pli-tv-kd6:15.9.4	sappiṁ, navanītaṁ, telaṁ, madhuṁ, phāṇitaṁ.
pli-tv-kd6:15.9.5	Pakatiyāpi ca āyasmā pilindavaccho lābhī hoti pañcannaṁ bhesajjānaṁ;
pli-tv-kd6:15.9.6	laddhaṁ laddhaṁ parisāya vissajjeti.
pli-tv-kd6:15.9.7	Parisā cassa hoti bāhullikā;
pli-tv-kd6:15.9.8	laddhaṁ laddhaṁ kolambepi, ghaṭepi, pūretvā paṭisāmeti;
pli-tv-kd6:15.9.9	parissāvanānipi, thavikāyopi, pūretvā vātapānesu laggeti.
pli-tv-kd6:15.9.10	Tāni olīnavilīnāni tiṭṭhanti.
pli-tv-kd6:15.9.11	Undūrehipi vihārā okiṇṇavikiṇṇā honti.
pli-tv-kd6:15.9.12	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd6:15.9.13	“antokoṭṭhāgārikā ime samaṇā sakyaputtiyā, seyyathāpi rājā māgadho seniyo bimbisāro”ti.
pli-tv-kd6:15.10.1	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd6:15.10.2	Ye te bhikkhū appicchā, te ujjhāyanti khiyyanti vipācenti—
pli-tv-kd6:15.10.3	“kathañhi nāma bhikkhū evarūpāya bāhullāya cetessantī”ti.
pli-tv-kd6:15.10.4	Atha kho te bhikkhū te anekapariyāyena vigarahitvā bhagavato etamatthaṁ ārocesuṁ …pe…
pli-tv-kd6:15.10.5	“saccaṁ kira, bhikkhave, bhikkhū evarūpāya bāhullāya cetentī”ti?
pli-tv-kd6:15.10.6	“Saccaṁ, bhagavā”ti …pe…
pli-tv-kd6:15.10.7	vigarahitvā dhammiṁ kathaṁ katvā bhikkhū āmantesi—
pli-tv-kd6:15.10.8	“yāni kho pana tāni gilānānaṁ bhikkhūnaṁ paṭisāyanīyāni bhesajjāni, seyyathidaṁ—sappi, navanītaṁ, telaṁ, madhu, phāṇitaṁ, tāni paṭiggahetvā sattāhaparamaṁ sannidhikārakaṁ paribhuñjitabbāni. Taṁ atikkāmayato yathādhammo kāretabbo”ti.
pli-tv-kd6:15.10.9	Bhesajjānuññātabhāṇavāro niṭṭhito paṭhamo.
pli-tv-kd6:16.1.0	4. Guḷādianujānana
pli-tv-kd6:16.1.1	Atha kho bhagavā sāvatthiyaṁ yathābhirantaṁ viharitvā yena rājagahaṁ tena cārikaṁ pakkāmi.
pli-tv-kd6:16.1.2	Addasā kho āyasmā kaṅkhārevato antarāmagge guḷakaraṇaṁ, okkamitvā guḷe piṭṭhampi chārikampi pakkhipante, disvāna—
pli-tv-kd6:16.1.3	“akappiyo guḷo sāmiso, na kappati guḷo vikāle paribhuñjitun”ti—
pli-tv-kd6:16.1.4	kukkuccāyanto sapariso guḷaṁ na paribhuñjati.
pli-tv-kd6:16.1.5	Yepissa sotabbaṁ maññanti, tepi guḷaṁ na paribhuñjanti.
pli-tv-kd6:16.1.6	Bhagavato etamatthaṁ ārocesuṁ.
pli-tv-kd6:16.1.7	“Kimatthāya, bhikkhave, guḷe piṭṭhampi chārikampi pakkhipantī”ti?
pli-tv-kd6:16.1.8	“Thaddhatthāya, bhagavā”ti.
pli-tv-kd6:16.1.9	“Sace, bhikkhave, thaddhatthāya guḷe piṭṭhampi chārikampi pakkhipanti, so ca guḷotveva saṅkhaṁ gacchati.
pli-tv-kd6:16.1.10	Anujānāmi, bhikkhave, yathāsukhaṁ guḷaṁ paribhuñjitun”ti.
pli-tv-kd6:16.2.1	Addasā kho āyasmā kaṅkhārevato antarāmagge vacce muggaṁ jātaṁ, passitvā—
pli-tv-kd6:16.2.2	“akappiyā muggā;
pli-tv-kd6:16.2.3	pakkāpi muggā jāyantī”ti—
pli-tv-kd6:16.2.4	kukkuccāyanto sapariso muggaṁ na paribhuñjati.
pli-tv-kd6:16.2.5	Yepissa sotabbaṁ maññanti, tepi muggaṁ na paribhuñjanti.
pli-tv-kd6:16.2.6	Bhagavato etamatthaṁ ārocesuṁ.
pli-tv-kd6:16.2.7	“Sace, bhikkhave, pakkāpi muggā jāyanti, anujānāmi, bhikkhave, yathāsukhaṁ muggaṁ paribhuñjitun”ti.
pli-tv-kd6:16.3.1	Tena kho pana samayena aññatarassa bhikkhuno udaravātābādho hoti.
pli-tv-kd6:16.3.2	So loṇasovīrakaṁ apāyi.
pli-tv-kd6:16.3.3	Tassa so udaravātābādho paṭippassambhi.
pli-tv-kd6:16.3.4	Bhagavato etamatthaṁ ārocesuṁ.
pli-tv-kd6:16.3.5	“Anujānāmi, bhikkhave, gilānassa loṇasovīrakaṁ;
pli-tv-kd6:16.3.6	agilānassa udakasambhinnaṁ pānaparibhogena paribhuñjitun”ti.
pli-tv-kd6:17.1.0	5. Antovuṭṭhādipaṭikkhepakathā
pli-tv-kd6:17.1.1	Atha kho bhagavā anupubbena cārikaṁ caramāno yena rājagahaṁ tadavasari. Tatra sudaṁ bhagavā rājagahe viharati veḷuvane kalandakanivāpe.
pli-tv-kd6:17.1.2	Tena kho pana samayena bhagavato udaravātābādho hoti.
pli-tv-kd6:17.1.3	Atha kho āyasmā ānando—“pubbepi bhagavato udaravātābādho tekaṭulayāguyā phāsu hotī”ti—
pli-tv-kd6:17.1.4	sāmaṁ tilampi, taṇḍulampi, muggampi viññāpetvā, anto vāsetvā, anto sāmaṁ pacitvā bhagavato upanāmesi—
pli-tv-kd6:17.1.5	“pivatu bhagavā tekaṭulayāgun”ti.
pli-tv-kd6:17.2.1	Jānantāpi tathāgatā pucchanti, jānantāpi na pucchanti;
pli-tv-kd6:17.2.2	kālaṁ viditvā pucchanti, kālaṁ viditvā na pucchanti;
pli-tv-kd6:17.2.3	atthasaṁhitaṁ tathāgatā pucchanti, no anatthasaṁhitaṁ.
pli-tv-kd6:17.2.4	Anatthasaṁhite setughāto tathāgatānaṁ.
pli-tv-kd6:17.2.5	Dvīhi ākārehi buddhā bhagavanto bhikkhū paṭipucchanti— “dhammaṁ vā desessāma, sāvakānaṁ vā sikkhāpadaṁ paññapessāmā”ti.
pli-tv-kd6:17.2.6	Atha kho bhagavā āyasmantaṁ ānandaṁ āmantesi—“kutāyaṁ, ānanda, yāgū”ti?
pli-tv-kd6:17.2.7	Atha kho āyasmā ānando bhagavato etamatthaṁ ārocesi.
pli-tv-kd6:17.3.1	Vigarahi buddho bhagavā—
pli-tv-kd6:17.3.2	“ananucchavikaṁ, ānanda, ananulomikaṁ, appatirūpaṁ, assāmaṇakaṁ, akappiyaṁ, akaraṇīyaṁ.
pli-tv-kd6:17.3.3	Kathañhi nāma tvaṁ, ānanda, evarūpāya bāhullāya cetessasi.
pli-tv-kd6:17.3.4	Yadapi, ānanda, anto vuṭṭhaṁ tadapi akappiyaṁ;
pli-tv-kd6:17.3.5	yadapi anto pakkaṁ, tadapi akappiyaṁ;
pli-tv-kd6:17.3.6	yadapi sāmaṁ pakkaṁ, tadapi akappiyaṁ.
pli-tv-kd6:17.3.7	Netaṁ, ānanda, appasannānaṁ vā pasādāya …pe…
pli-tv-kd6:17.3.8	vigarahitvā dhammiṁ kathaṁ katvā bhikkhū āmantesi—
pli-tv-kd6:17.3.9	“na, bhikkhave, anto vuṭṭhaṁ, anto pakkaṁ, sāmaṁ pakkaṁ paribhuñjitabbaṁ.
pli-tv-kd6:17.3.10	Yo paribhuñjeyya, āpatti dukkaṭassa.
pli-tv-kd6:17.4.1	Anto ce, bhikkhave, vuṭṭhaṁ, anto pakkaṁ, sāmaṁ pakkaṁ tañce paribhuñjeyya, āpatti tiṇṇaṁ dukkaṭānaṁ.
pli-tv-kd6:17.4.2	Anto ce, bhikkhave, vuṭṭhaṁ, anto pakkaṁ, aññehi pakkaṁ, tañce paribhuñjeyya, āpatti dvinnaṁ dukkaṭānaṁ.
pli-tv-kd6:17.4.3	Anto ce, bhikkhave, vuṭṭhaṁ, bahi pakkaṁ, sāmaṁ pakkaṁ, tañce paribhuñjeyya, āpatti dvinnaṁ dukkaṭānaṁ.
pli-tv-kd6:17.5.1	Bahi ce, bhikkhave, vuṭṭhaṁ, anto pakkaṁ, sāmaṁ pakkaṁ, tañce paribhuñjeyya, āpatti dvinnaṁ dukkaṭānaṁ.
pli-tv-kd6:17.5.2	Anto ce, bhikkhave, vuṭṭhaṁ, bahi pakkaṁ, aññehi pakkaṁ, tañce paribhuñjeyya, āpatti dukkaṭassa.
pli-tv-kd6:17.5.3	Bahi ce, bhikkhave, vuṭṭhaṁ, anto pakkaṁ, aññehi pakkaṁ, tañce paribhuñjeyya, āpatti dukkaṭassa.
pli-tv-kd6:17.5.4	Bahi ce, bhikkhave, vuṭṭhaṁ, bahi pakkaṁ, sāmaṁ pakkaṁ, tañce paribhuñjeyya, āpatti dukkaṭassa.
pli-tv-kd6:17.5.5	Bahi ce, bhikkhave, vuṭṭhaṁ, bahi pakkaṁ, aññehi pakkaṁ, tañce paribhuñjeyya, anāpattī”ti.
pli-tv-kd6:17.6.1	Tena kho pana samayena bhikkhū—
pli-tv-kd6:17.6.2	“bhagavatā sāmaṁpāko paṭikkhitto”ti—
pli-tv-kd6:17.6.3	puna pāke kukkuccāyanti.
pli-tv-kd6:17.6.4	Bhagavato etamatthaṁ ārocesuṁ.
pli-tv-kd6:17.6.5	“Anujānāmi, bhikkhave, puna pākaṁ pacitun”ti.
pli-tv-kd6:17.7.1	Tena kho pana samayena rājagahaṁ dubbhikkhaṁ hoti.
pli-tv-kd6:17.7.2	Manussā loṇampi, telampi, taṇḍulampi, khādanīyampi ārāmaṁ āharanti.
pli-tv-kd6:17.7.3	Tāni bhikkhū bahi vāsenti;
pli-tv-kd6:17.7.4	ukkapiṇḍakāpi khādanti, corāpi haranti.
pli-tv-kd6:17.7.5	Bhagavato etamatthaṁ ārocesuṁ.
pli-tv-kd6:17.7.6	“Anujānāmi, bhikkhave, anto vāsetun”ti.
pli-tv-kd6:17.7.7	Anto vāsetvā bahi pācenti.
pli-tv-kd6:17.7.8	Damakā parivārenti.
pli-tv-kd6:17.7.9	Bhikkhū avissaṭṭhā paribhuñjanti.
pli-tv-kd6:17.7.10	Bhagavato etamatthaṁ ārocesuṁ.
pli-tv-kd6:17.7.11	“Anujānāmi, bhikkhave, anto pacitun”ti.
pli-tv-kd6:17.7.12	Dubbhikkhe kappiyakārakā bahutaraṁ haranti, appataraṁ bhikkhūnaṁ denti.
pli-tv-kd6:17.7.13	Bhagavato etamatthaṁ ārocesuṁ.
pli-tv-kd6:17.7.14	“Anujānāmi, bhikkhave, sāmaṁ pacituṁ.
pli-tv-kd6:17.7.15	Anujānāmi, bhikkhave, anto vuṭṭhaṁ, anto pakkaṁ, sāmaṁ pakkan”ti.
pli-tv-kd6:17.8.0	6. Uggahitapaṭiggahaṇa
pli-tv-kd6:17.8.1	Tena kho pana samayena sambahulā bhikkhū kāsīsu vassaṁvuṭṭhā rājagahaṁ gacchantā bhagavantaṁ dassanāya antarāmagge na labhiṁsu lūkhassa vā paṇītassa vā bhojanassa yāvadatthaṁ pāripūriṁ;
pli-tv-kd6:17.8.2	bahuñca phalakhādanīyaṁ ahosi;
pli-tv-kd6:17.8.3	kappiyakārako ca na ahosi.
pli-tv-kd6:17.8.4	Atha kho te bhikkhū kilantarūpā yena rājagahaṁ veḷuvanaṁ kalandakanivāpo, yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd6:17.8.5	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-kd6:17.8.6	Atha kho bhagavā te bhikkhū etadavoca—
pli-tv-kd6:17.8.7	“kacci, bhikkhave, khamanīyaṁ, kacci yāpanīyaṁ,
pli-tv-kd6:17.8.8	kaccittha appakilamathena addhānaṁ āgatā;
pli-tv-kd6:17.8.9	kuto ca tumhe, bhikkhave, āgacchathā”ti?
pli-tv-kd6:17.9.1	“Khamanīyaṁ, bhagavā, yāpanīyaṁ, bhagavā.
pli-tv-kd6:17.9.2	Idha mayaṁ, bhante, kāsīsu vassaṁvuṭṭhā rājagahaṁ āgacchantā bhagavantaṁ dassanāya antarāmagge na labhimhā lūkhassa vā paṇītassa vā bhojanassa yāvadatthaṁ pāripūriṁ;
pli-tv-kd6:17.9.3	bahuñca phalakhādanīyaṁ ahosi;
pli-tv-kd6:17.9.4	kappiyakārako ca na ahosi;
pli-tv-kd6:17.9.5	tena mayaṁ kilantarūpā addhānaṁ āgatā”ti.
pli-tv-kd6:17.9.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:17.9.7	“anujānāmi, bhikkhave, yattha phalakhādanīyaṁ passati, kappiyakārako ca na hoti, sāmaṁ gahetvā, haritvā, kappiyakārake passitvā, bhūmiyaṁ nikkhipitvā, paṭiggahāpetvā paribhuñjituṁ.
pli-tv-kd6:17.9.8	Anujānāmi, bhikkhave, uggahitaṁ paṭiggahitun”ti.
pli-tv-kd6:18.1.1	Tena kho pana samayena aññatarassa brāhmaṇassa navā ca tilā navañca madhu uppannā honti.
pli-tv-kd6:18.1.2	Atha kho tassa brāhmaṇassa etadahosi—
pli-tv-kd6:18.1.3	“yannūnāhaṁ nave ca tile navañca madhuṁ buddhappamukhassa bhikkhusaṅghassa dadeyyan”ti.
pli-tv-kd6:18.1.4	Atha kho so brāhmaṇo yena bhagavā tenupasaṅkami, upasaṅkamitvā bhagavatā saddhiṁ paṭisammodi, sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi.
pli-tv-kd6:18.1.5	Ekamantaṁ ṭhito kho so brāhmaṇo bhagavantaṁ etadavoca—
pli-tv-kd6:18.1.6	“adhivāsetu me bhavaṁ gotamo svātanāya bhattaṁ, saddhiṁ bhikkhusaṅghenā”ti.
pli-tv-kd6:18.1.7	Adhivāsesi bhagavā tuṇhībhāvena.
pli-tv-kd6:18.1.8	Atha kho so brāhmaṇo bhagavato adhivāsanaṁ viditvā pakkāmi.
pli-tv-kd6:18.2.1	Atha kho so brāhmaṇo tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—
pli-tv-kd6:18.2.2	“kālo, bho gotama, niṭṭhitaṁ bhattan”ti.
pli-tv-kd6:18.2.3	Atha kho bhagavā pubbaṇhasamayaṁ nivāsetvā pattacīvaramādāya yena tassa brāhmaṇassa nivesanaṁ tenupasaṅkami, upasaṅkamitvā paññatte āsane nisīdi, saddhiṁ bhikkhusaṅghena.
pli-tv-kd6:18.2.4	Atha kho so brāhmaṇo buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi.
pli-tv-kd6:18.2.5	Ekamantaṁ nisinnaṁ kho taṁ brāhmaṇaṁ bhagavā dhammiyā kathāya sandassetvā, samādapetvā, samuttejetvā, sampahaṁsetvā uṭṭhāyāsanā pakkāmi.
pli-tv-kd6:18.3.1	Atha kho tassa brāhmaṇassa acirapakkantassa bhagavato etadahosi—
pli-tv-kd6:18.3.2	“yesaṁ kho mayā atthāya buddhappamukho bhikkhusaṅgho nimantito, ‘nave ca tile navañca madhuṁ dassāmī’ti, te mayā pamuṭṭhā dātuṁ.
pli-tv-kd6:18.3.3	Yannūnāhaṁ nave ca tile navañca madhuṁ kolambehi ca ghaṭehi ca ārāmaṁ harāpeyyan”ti.
pli-tv-kd6:18.3.4	Atha kho so brāhmaṇo nave ca tile navañca madhuṁ kolambehi ca ghaṭehi ca ārāmaṁ harāpetvā yena bhagavā tenupasaṅkami, upasaṅkamitvā ekamantaṁ aṭṭhāsi.
pli-tv-kd6:18.3.5	Ekamantaṁ ṭhito kho so brāhmaṇo bhagavantaṁ etadavoca—
pli-tv-kd6:18.4.1	“yesaṁ kho mayā, bho gotama, atthāya buddhappamukho bhikkhusaṅgho nimantito, ‘nave ca tile navañca madhuṁ dassāmī’ti, te mayā pamuṭṭhā dātuṁ.
pli-tv-kd6:18.4.2	Paṭiggaṇhātu me bhavaṁ gotamo nave ca tile navañca madhun”ti.
pli-tv-kd6:18.4.3	“Tena hi, brāhmaṇa, bhikkhūnaṁ dehī”ti.
pli-tv-kd6:18.4.4	Tena kho pana samayena bhikkhū dubbhikkhe appamattakepi pavārenti, paṭisaṅkhāpi paṭikkhipanti,
pli-tv-kd6:18.4.5	sabbo ca saṅgho pavārito hoti. Bhikkhū kukkuccāyantā na paṭiggaṇhanti.
pli-tv-kd6:18.4.6	“Paṭiggaṇhatha, bhikkhave, paribhuñjatha.
pli-tv-kd6:18.4.7	Anujānāmi, bhikkhave, tato nīhaṭaṁ bhuttāvinā pavāritena anatirittaṁ paribhuñjitun”ti.
pli-tv-kd6:19.1.0	7. Paṭiggahitādianujānana
pli-tv-kd6:19.1.1	Tena kho pana samayena āyasmato upanandassa sakyaputtassa upaṭṭhākakulaṁ saṅghassatthāya khādanīyaṁ pāhesi—
pli-tv-kd6:19.1.2	“ayyassa upanandassa dassetvā saṅghassa dātabban”ti.
pli-tv-kd6:19.1.3	Tena kho pana samayena āyasmā upanando sakyaputto gāmaṁ piṇḍāya paviṭṭho hoti.
pli-tv-kd6:19.1.4	Atha kho te manussā ārāmaṁ gantvā bhikkhū pucchiṁsu—
pli-tv-kd6:19.1.5	“kahaṁ, bhante, ayyo upanando”ti?
pli-tv-kd6:19.1.6	“Esāvuso, āyasmā upanando sakyaputto gāmaṁ piṇḍāya paviṭṭho”ti.
pli-tv-kd6:19.1.7	“Idaṁ, bhante, khādanīyaṁ ayyassa upanandassa dassetvā saṅghassa dātabban”ti.
pli-tv-kd6:19.1.8	Bhagavato etamatthaṁ ārocesuṁ.
pli-tv-kd6:19.1.9	“Tena hi, bhikkhave, paṭiggahetvā nikkhipatha yāva upanando āgacchatī”ti.
pli-tv-kd6:19.2.1	Atha kho āyasmā upanando sakyaputto purebhattaṁ kulāni payirupāsitvā divā āgacchati.
pli-tv-kd6:19.2.2	Tena kho pana samayena bhikkhū dubbhikkhe appamattakepi pavārenti, paṭisaṅkhāpi paṭikkhipanti, sabbo ca saṅgho pavārito hoti.
pli-tv-kd6:19.2.3	Bhikkhū kukkuccāyantā na paṭiggaṇhanti.
pli-tv-kd6:19.2.4	“Paṭiggaṇhatha, bhikkhave, paribhuñjatha.
pli-tv-kd6:19.2.5	Anujānāmi, bhikkhave, purebhattaṁ paṭiggahitaṁ bhuttāvinā pavāritena anatirittaṁ paribhuñjitun”ti.
pli-tv-kd6:20.1.1	Atha kho bhagavā rājagahe yathābhirantaṁ viharitvā yena sāvatthi tena cārikaṁ pakkāmi.
pli-tv-kd6:20.1.2	Anupubbena cārikaṁ caramāno yena sāvatthi tadavasari.
pli-tv-kd6:20.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd6:20.1.4	Tena kho pana samayena āyasmato sāriputtassa kāyaḍāhābādho hoti.
pli-tv-kd6:20.1.5	Atha kho āyasmā mahāmoggallāno yenāyasmā sāriputto tenupasaṅkami, upasaṅkamitvā āyasmantaṁ sāriputtaṁ etadavoca—
pli-tv-kd6:20.1.6	“pubbe te, āvuso sāriputta, kāyaḍāhābādho kena phāsu hotī”ti?
pli-tv-kd6:20.1.7	“Bhisehi ca me, āvuso, muḷālikāhi cā”ti.
pli-tv-kd6:20.1.8	Atha kho āyasmā mahāmoggallāno seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva jetavane antarahito mandākiniyā pokkharaṇiyā tīre pāturahosi.
pli-tv-kd6:20.2.1	Addasā kho aññataro nāgo āyasmantaṁ mahāmoggallānaṁ dūratova āgacchantaṁ, disvāna āyasmantaṁ mahāmoggallānaṁ etadavoca—
pli-tv-kd6:20.2.2	“etu kho, bhante, ayyo mahāmoggallāno. Svāgataṁ, bhante, ayyassa mahāmoggallānassa.
pli-tv-kd6:20.2.3	Kena, bhante, ayyassa attho;
pli-tv-kd6:20.2.4	kiṁ dammī”ti?
pli-tv-kd6:20.2.5	“Bhisehi ca me, āvuso, attho, muḷālikāhi cā”ti.
pli-tv-kd6:20.2.6	Atha kho so nāgo aññataraṁ nāgaṁ āṇāpesi—
pli-tv-kd6:20.2.7	“tena hi, bhaṇe, ayyassa bhise ca muḷālikāyo ca yāvadatthaṁ dehī”ti.
pli-tv-kd6:20.2.8	Atha kho so nāgo mandākiniṁ pokkharaṇiṁ ogāhetvā, soṇḍāya bhisañca muḷālikañca abbāhitvā, suvikkhālitaṁ vikkhāletvā, bhaṇḍikaṁ bandhitvā yenāyasmā mahāmoggallāno tenupasaṅkami.
pli-tv-kd6:20.3.1	Atha kho āyasmā mahāmoggallāno—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—mandākiniyā pokkharaṇiyā tīre antarahito jetavane pāturahosi.
pli-tv-kd6:20.3.2	Sopi kho nāgo mandākiniyā pokkharaṇiyā tīre antarahito jetavane pāturahosi.
pli-tv-kd6:20.3.3	Atha kho so nāgo āyasmato mahāmoggallānassa bhise ca muḷālikāyo ca paṭiggahāpetvā jetavane antarahito mandākiniyā pokkharaṇiyā tīre pāturahosi.
pli-tv-kd6:20.3.4	Atha kho āyasmā mahāmoggallāno āyasmato sāriputtassa bhise ca muḷālikāyo ca upanāmesi.
pli-tv-kd6:20.3.5	Atha kho āyasmato sāriputtassa bhise ca muḷālikāyo ca bhuttassa kāyaḍāhābādho paṭippassambhi.
pli-tv-kd6:20.3.6	Bahū bhisā ca muḷālikāyo ca avasiṭṭhā honti.
pli-tv-kd6:20.4.1	Tena kho pana samayena bhikkhū dubbhikkhe appamattakepi pavārenti, paṭisaṅkhāpi paṭikkhipanti, sabbo ca saṅgho pavārito hoti.
pli-tv-kd6:20.4.2	Bhikkhū kukkuccāyantā na paṭiggaṇhanti.
pli-tv-kd6:20.4.3	“Paṭiggaṇhatha, bhikkhave, paribhuñjatha.
pli-tv-kd6:20.4.4	Anujānāmi, bhikkhave, vanaṭṭhaṁ pokkharaṭṭhaṁ bhuttāvinā pavāritena anatirittaṁ paribhuñjitun”ti.
pli-tv-kd6:21.1.1	Tena kho pana samayena sāvatthiyaṁ bahuṁ phalakhādanīyaṁ uppannaṁ hoti, kappiyakārako ca na hoti.
pli-tv-kd6:21.1.2	Bhikkhū kukkuccāyantā phalaṁ na paribhuñjanti.
pli-tv-kd6:21.1.3	Bhagavato etamatthaṁ ārocesuṁ.
pli-tv-kd6:21.1.4	“Anujānāmi, bhikkhave, abījaṁ nibbattabījaṁ akatakappaṁ phalaṁ paribhuñjitun”ti.
pli-tv-kd6:22.1.0	8. Satthakammapaṭikkhepakathā
pli-tv-kd6:22.1.1	Atha kho bhagavā sāvatthiyaṁ yathābhirantaṁ viharitvā yena rājagahaṁ tena cārikaṁ pakkāmi.
pli-tv-kd6:22.1.2	Anupubbena cārikaṁ caramāno yena rājagahaṁ tadavasari.
pli-tv-kd6:22.1.3	Tatra sudaṁ bhagavā rājagahe viharati veḷuvane kalandakanivāpe.
pli-tv-kd6:22.1.4	Tena kho pana samayena aññatarassa bhikkhuno bhagandalābādho hoti.
pli-tv-kd6:22.1.5	Ākāsagotto vejjo satthakammaṁ karoti.
pli-tv-kd6:22.1.6	Atha kho bhagavā senāsanacārikaṁ āhiṇḍanto yena tassa bhikkhuno vihāro tenupasaṅkami.
pli-tv-kd6:22.2.1	Addasā kho ākāsagotto vejjo bhagavantaṁ dūratova āgacchantaṁ, disvāna bhagavantaṁ etadavoca—
pli-tv-kd6:22.2.2	“āgacchatu bhavaṁ gotamo, imassa bhikkhuno vaccamaggaṁ passatu, seyyathāpi godhāmukhan”ti.
pli-tv-kd6:22.2.3	Atha kho bhagavā—
pli-tv-kd6:22.2.4	“so maṁ khvāyaṁ moghapuriso uppaṇḍetī”ti—
pli-tv-kd6:22.2.5	tatova paṭinivattitvā, etasmiṁ nidāne etasmiṁ pakaraṇe bhikkhusaṅghaṁ sannipātāpetvā, bhikkhū paṭipucchi—
pli-tv-kd6:22.2.6	“atthi kira, bhikkhave, amukasmiṁ vihāre bhikkhu gilāno”ti?
pli-tv-kd6:22.2.7	“Atthi, bhagavā”ti.
pli-tv-kd6:22.2.8	“Kiṁ tassa, bhikkhave, bhikkhuno ābādho”ti?
pli-tv-kd6:22.2.9	“Tassa, bhante, āyasmato bhagandalābādho, ākāsagotto vejjo satthakammaṁ karotī”ti.
pli-tv-kd6:22.3.1	Vigarahi buddho bhagavā—
pli-tv-kd6:22.3.2	“ananucchavikaṁ, bhikkhave, tassa moghapurisassa, ananulomikaṁ, appatirūpaṁ, assāmaṇakaṁ, akappiyaṁ, akaraṇīyaṁ.
pli-tv-kd6:22.3.3	Kathañhi nāma so, bhikkhave, moghapuriso sambādhe satthakammaṁ kārāpessati.
pli-tv-kd6:22.3.4	Sambādhe, bhikkhave, sukhumā chavi, duropayo vaṇo, dupparihāraṁ satthaṁ.
pli-tv-kd6:22.3.5	Netaṁ, bhikkhave, appasannānaṁ vā pasādāya …pe…
pli-tv-kd6:22.3.6	vigarahitvā …pe…
pli-tv-kd6:22.3.7	dhammiṁ kathaṁ katvā bhikkhū āmantesi—
pli-tv-kd6:22.3.8	“na, bhikkhave, sambādhe satthakammaṁ kārāpetabbaṁ.
pli-tv-kd6:22.3.9	Yo kārāpeyya, āpatti thullaccayassā”ti.
pli-tv-kd6:22.4.1	Tena kho pana samayena chabbaggiyā bhikkhū—
pli-tv-kd6:22.4.2	“bhagavatā satthakammaṁ paṭikkhittan”ti—
pli-tv-kd6:22.4.3	vatthikammaṁ kārāpenti.
pli-tv-kd6:22.4.4	Ye te bhikkhū appicchā, te ujjhāyanti khiyyanti vipācenti—
pli-tv-kd6:22.4.5	“kathañhi nāma chabbaggiyā bhikkhū vatthikammaṁ kārāpessantī”ti.
pli-tv-kd6:22.4.6	Atha kho te bhikkhū bhagavato etamatthaṁ ārocesuṁ.
pli-tv-kd6:22.4.7	“Saccaṁ kira, bhikkhave, chabbaggiyā bhikkhū vatthikammaṁ kārāpentī”ti?
pli-tv-kd6:22.4.8	“Saccaṁ, bhagavā”ti …pe…
pli-tv-kd6:22.4.9	vigarahitvā dhammiṁ kathaṁ katvā bhikkhū āmantesi—
pli-tv-kd6:22.4.10	“na, bhikkhave, sambādhassa sāmantā dvaṅgulā satthakammaṁ vā vatthikammaṁ vā kārāpetabbaṁ.
pli-tv-kd6:22.4.11	Yo kārāpeyya, āpatti thullaccayassā”ti.
pli-tv-kd6:23.1.0	9. Manussamaṁsapaṭikkhepakathā
pli-tv-kd6:23.1.1	Atha kho bhagavā rājagahe yathābhirantaṁ viharitvā yena bārāṇasī tena cārikaṁ pakkāmi.
pli-tv-kd6:23.1.2	Anupubbena cārikaṁ caramāno yena bārāṇasī tadavasari.
pli-tv-kd6:23.1.3	Tatra sudaṁ bhagavā bārāṇasiyaṁ viharati isipatane migadāye.
pli-tv-kd6:23.1.4	Tena kho pana samayena bārāṇasiyaṁ suppiyo ca upāsako suppiyā ca upāsikā ubhatopasannā honti, dāyakā, kārakā, saṅghupaṭṭhākā.
pli-tv-kd6:23.1.5	Atha kho suppiyā upāsikā ārāmaṁ gantvā vihārena vihāraṁ pariveṇena pariveṇaṁ upasaṅkamitvā bhikkhū pucchati—
pli-tv-kd6:23.1.6	“ko, bhante, gilāno, kassa kiṁ āhariyatū”ti?
pli-tv-kd6:23.2.1	Tena kho pana samayena aññatarena bhikkhunā virecanaṁ pītaṁ hoti.
pli-tv-kd6:23.2.2	Atha kho so bhikkhu suppiyaṁ upāsikaṁ etadavoca—
pli-tv-kd6:23.2.3	“mayā kho, bhagini, virecanaṁ pītaṁ.
pli-tv-kd6:23.2.4	Attho me paṭicchādanīyenā”ti.
pli-tv-kd6:23.2.5	“Suṭṭhu, ayya, āhariyissatī”ti
pli-tv-kd6:23.2.6	gharaṁ gantvā antevāsiṁ āṇāpesi—
pli-tv-kd6:23.2.7	“gaccha, bhaṇe, pavattamaṁsaṁ jānāhī”ti.
pli-tv-kd6:23.2.8	“Evaṁ, ayye”ti kho so puriso suppiyāya upāsikāya paṭissuṇitvā kevalakappaṁ bārāṇasiṁ āhiṇḍanto na addasa pavattamaṁsaṁ.
pli-tv-kd6:23.2.9	Atha kho so puriso yena suppiyā upāsikā tenupasaṅkami, upasaṅkamitvā suppiyaṁ upāsikaṁ etadavoca—
pli-tv-kd6:23.2.10	“natthayye pavattamaṁsaṁ.
pli-tv-kd6:23.2.11	Māghāto ajjā”ti.
pli-tv-kd6:23.3.1	Atha kho suppiyāya upāsikāya etadahosi—
pli-tv-kd6:23.3.2	“tassa kho gilānassa bhikkhuno paṭicchādanīyaṁ alabhantassa ābādho vā abhivaḍḍhissati, kālaṅkiriyā vā bhavissati.
pli-tv-kd6:23.3.3	Na kho metaṁ patirūpaṁ yāhaṁ paṭissuṇitvā na harāpeyyan”ti.
pli-tv-kd6:23.3.4	Potthanikaṁ gahetvā ūrumaṁsaṁ ukkantitvā dāsiyā adāsi—
pli-tv-kd6:23.3.5	“handa, je, imaṁ maṁsaṁ sampādetvā amukasmiṁ vihāre bhikkhu gilāno, tassa dajjāhi.
pli-tv-kd6:23.3.6	Yo ca maṁ pucchati, ‘gilānā’ti paṭivedehī”ti uttarāsaṅgena ūruṁ veṭhetvā ovarakaṁ pavisitvā mañcake nipajji.
pli-tv-kd6:23.4.1	Atha kho suppiyo upāsako gharaṁ gantvā dāsiṁ pucchi—
pli-tv-kd6:23.4.2	“kahaṁ suppiyā”ti?
pli-tv-kd6:23.4.3	“Esāyya, ovarake nipannā”ti.
pli-tv-kd6:23.4.4	Atha kho suppiyo upāsako yena suppiyā upāsikā tenupasaṅkami, upasaṅkamitvā suppiyaṁ upāsikaṁ etadavoca—
pli-tv-kd6:23.4.5	“kissa nipannāsī”ti?
pli-tv-kd6:23.4.6	“Gilānāmhī”ti.
pli-tv-kd6:23.4.7	“Kiṁ te ābādho”ti?
pli-tv-kd6:23.4.8	Atha kho suppiyā upāsikā suppiyassa upāsakassa etamatthaṁ ārocesi.
pli-tv-kd6:23.4.9	Atha kho suppiyo upāsako—
pli-tv-kd6:23.4.10	“acchariyaṁ vata bho, abbhutaṁ vata bho.
pli-tv-kd6:23.4.11	Yāva saddhāyaṁ suppiyā pasannā, yatra hi nāma attanopi maṁsāni pariccattāni.
pli-tv-kd6:23.4.12	Kimpimāya aññaṁ kiñci adeyyaṁ bhavissatī”ti—
pli-tv-kd6:23.4.13	haṭṭho udaggo yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd6:23.5.1	Ekamantaṁ nisinno kho suppiyo upāsako bhagavantaṁ etadavoca—
pli-tv-kd6:23.5.2	“adhivāsetu me, bhante, bhagavā svātanāya bhattaṁ, saddhiṁ bhikkhusaṅghenā”ti.
pli-tv-kd6:23.5.3	Adhivāsesi bhagavā tuṇhībhāvena.
pli-tv-kd6:23.5.4	Atha kho suppiyo upāsako bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd6:23.5.5	Atha kho suppiyo upāsako tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bhante, niṭṭhitaṁ bhattan”ti.
pli-tv-kd6:23.5.6	Atha kho bhagavā pubbaṇhasamayaṁ nivāsetvā pattacīvaramādāya yena suppiyassa upāsakassa nivesanaṁ tenupasaṅkami, upasaṅkamitvā paññatte āsane nisīdi, saddhiṁ bhikkhusaṅghena.
pli-tv-kd6:23.6.1	Atha kho suppiyo upāsako yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd6:23.6.2	Ekamantaṁ ṭhitaṁ kho suppiyaṁ upāsakaṁ bhagavā etadavoca—“kahaṁ, suppiyā”ti?
pli-tv-kd6:23.6.3	“Gilānā, bhagavā”ti.
pli-tv-kd6:23.6.4	“Tena hi āgacchatū”ti.
pli-tv-kd6:23.6.5	“Na, bhagavā, ussahatī”ti.
pli-tv-kd6:23.6.6	“Tena hi pariggahetvāpi ānethā”ti.
pli-tv-kd6:23.6.7	Atha kho suppiyo upāsako suppiyaṁ upāsikaṁ pariggahetvā ānesi.
pli-tv-kd6:23.6.8	Tassā saha dassanena bhagavato tāva mahāvaṇo ruḷho ahosi succhavilomajāto.
pli-tv-kd6:23.7.1	Atha kho suppiyo ca upāsako suppiyā ca upāsikā—
pli-tv-kd6:23.7.2	“acchariyaṁ vata bho, abbhutaṁ vata bho.
pli-tv-kd6:23.7.3	Tathāgatassa mahiddhikatā mahānubhāvatā, yatra hi nāma saha dassanena bhagavato tāva mahāvaṇo ruḷho bhavissati succhavilomajāto”ti—
pli-tv-kd6:23.7.4	haṭṭhā udaggā buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdiṁsu.
pli-tv-kd6:23.7.5	Atha kho bhagavā suppiyañca upāsakaṁ suppiyañca upāsikaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd6:23.8.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd6:23.8.2	“ko, bhikkhave, suppiyaṁ upāsikaṁ maṁsaṁ viññāpesī”ti?
pli-tv-kd6:23.8.3	Evaṁ vutte, so bhikkhu bhagavantaṁ etadavoca—“ahaṁ kho, bhante, suppiyaṁ upāsikaṁ maṁsaṁ viññāpesin”ti.
pli-tv-kd6:23.8.4	“Āhariyittha, bhikkhū”ti?
pli-tv-kd6:23.8.5	“Āhariyittha, bhagavā”ti.
pli-tv-kd6:23.8.6	“Paribhuñji tvaṁ, bhikkhū”ti?
pli-tv-kd6:23.8.7	“Paribhuñjāmahaṁ, bhagavā”ti.
pli-tv-kd6:23.8.8	“Paṭivekkhi tvaṁ, bhikkhū”ti?
pli-tv-kd6:23.8.9	“Nāhaṁ, bhagavā, paṭivekkhin”ti.
pli-tv-kd6:23.9.1	Vigarahi buddho bhagavā …pe…
pli-tv-kd6:23.9.2	kathañhi nāma tvaṁ, moghapurisa, appaṭivekkhitvā maṁsaṁ paribhuñjissasi.
pli-tv-kd6:23.9.3	Manussamaṁsaṁ kho tayā, moghapurisa, paribhuttaṁ.
pli-tv-kd6:23.9.4	Netaṁ, moghapurisa, appasannānaṁ vā pasādāya …pe…
pli-tv-kd6:23.9.5	vigarahitvā dhammiṁ kathaṁ katvā bhikkhū āmantesi—
pli-tv-kd6:23.9.6	“santi, bhikkhave, manussā saddhā pasannā, tehi attanopi maṁsāni pariccattāni.
pli-tv-kd6:23.9.7	Na, bhikkhave, manussamaṁsaṁ paribhuñjitabbaṁ.
pli-tv-kd6:23.9.8	Yo paribhuñjeyya, āpatti thullaccayassa.
pli-tv-kd6:23.9.9	Na ca, bhikkhave, appaṭivekkhitvā maṁsaṁ paribhuñjitabbaṁ.
pli-tv-kd6:23.9.10	Yo paribhuñjeyya, āpatti dukkaṭassā”ti.
pli-tv-kd6:23.10.0	10. Hatthimaṁsādipaṭikkhepakathā
pli-tv-kd6:23.10.1	Tena kho pana samayena rañño hatthī maranti.
pli-tv-kd6:23.10.2	Manussā dubbhikkhe hatthimaṁsaṁ paribhuñjanti, bhikkhūnaṁ piṇḍāya carantānaṁ hatthimaṁsaṁ denti.
pli-tv-kd6:23.10.3	Bhikkhū hatthimaṁsaṁ paribhuñjanti.
pli-tv-kd6:23.10.4	Manussā ujjhāyanti khiyyanti vipācenti—
pli-tv-kd6:23.10.5	“kathañhi nāma samaṇā sakyaputtiyā hatthimaṁsaṁ paribhuñjissanti.
pli-tv-kd6:23.10.6	Rājaṅgaṁ hatthī, sace rājā jāneyya, na nesaṁ attamano assā”ti.
pli-tv-kd6:23.10.7	Bhagavato etamatthaṁ ārocesuṁ.
pli-tv-kd6:23.10.8	“Na, bhikkhave, hatthimaṁsaṁ paribhuñjitabbaṁ.
pli-tv-kd6:23.10.9	Yo paribhuñjeyya, āpatti dukkaṭassā”ti.
pli-tv-kd6:23.11.1	Tena kho pana samayena rañño assā maranti.
pli-tv-kd6:23.11.2	Manussā dubbhikkhe assamaṁsaṁ paribhuñjanti, bhikkhūnaṁ piṇḍāya carantānaṁ assamaṁsaṁ denti.
pli-tv-kd6:23.11.3	Bhikkhū assamaṁsaṁ paribhuñjanti.
pli-tv-kd6:23.11.4	Manussā ujjhāyanti khiyyanti vipācenti—
pli-tv-kd6:23.11.5	“kathañhi nāma samaṇā sakyaputtiyā assamaṁsaṁ paribhuñjissanti.
pli-tv-kd6:23.11.6	Rājaṅgaṁ assā, sace rājā jāneyya, na nesaṁ attamano assā”ti.
pli-tv-kd6:23.11.7	Bhagavato etamatthaṁ ārocesuṁ.
pli-tv-kd6:23.11.8	“Na, bhikkhave, assamaṁsaṁ paribhuñjitabbaṁ.
pli-tv-kd6:23.11.9	Yo paribhuñjeyya, āpatti dukkaṭassā”ti.
pli-tv-kd6:23.12.1	Tena kho pana samayena manussā dubbhikkhe sunakhamaṁsaṁ paribhuñjanti, bhikkhūnaṁ piṇḍāya carantānaṁ sunakhamaṁsaṁ denti.
pli-tv-kd6:23.12.2	Bhikkhū sunakhamaṁsaṁ paribhuñjanti.
pli-tv-kd6:23.12.3	Manussā ujjhāyanti khiyyanti vipācenti—
pli-tv-kd6:23.12.4	“kathañhi nāma samaṇā sakyaputtiyā sunakhamaṁsaṁ paribhuñjissanti, jeguccho sunakho paṭikūlo”ti.
pli-tv-kd6:23.12.5	Bhagavato etamatthaṁ ārocesuṁ.
pli-tv-kd6:23.12.6	“Na, bhikkhave, sunakhamaṁsaṁ paribhuñjitabbaṁ.
pli-tv-kd6:23.12.7	Yo paribhuñjeyya, āpatti dukkaṭassā”ti.
pli-tv-kd6:23.13.1	Tena kho pana samayena manussā dubbhikkhe ahimaṁsaṁ paribhuñjanti, bhikkhūnaṁ piṇḍāya carantānaṁ ahimaṁsaṁ denti.
pli-tv-kd6:23.13.2	Bhikkhū ahimaṁsaṁ paribhuñjanti.
pli-tv-kd6:23.13.3	Manussā ujjhāyanti khiyyanti vipācenti—
pli-tv-kd6:23.13.4	“kathañhi nāma samaṇā sakyaputtiyā ahimaṁsaṁ paribhuñjissanti, jeguccho ahi paṭikūlo”ti.
pli-tv-kd6:23.13.5	Supassopi nāgarājā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd6:23.13.6	Ekamantaṁ ṭhito kho supasso nāgarājā bhagavantaṁ etadavoca—
pli-tv-kd6:23.13.7	“santi, bhante, nāgā assaddhā appasannā.
pli-tv-kd6:23.13.8	Te appamattakehipi bhikkhū viheṭheyyuṁ.
pli-tv-kd6:23.13.9	Sādhu, bhante, ayyā ahimaṁsaṁ na paribhuñjeyyun”ti.
pli-tv-kd6:23.13.10	Atha kho bhagavā supassaṁ nāgarājānaṁ dhammiyā kathāya sandassesi …pe… padakkhiṇaṁ katvā pakkāmi.
pli-tv-kd6:23.13.11	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:23.13.12	“na, bhikkhave, ahimaṁsaṁ paribhuñjitabbaṁ.
pli-tv-kd6:23.13.13	Yo paribhuñjeyya, āpatti dukkaṭassā”ti.
pli-tv-kd6:23.14.1	Tena kho pana samayena luddakā sīhaṁ hantvā sīhamaṁsaṁ paribhuñjanti, bhikkhūnaṁ piṇḍāya carantānaṁ sīhamaṁsaṁ denti.
pli-tv-kd6:23.14.2	Bhikkhū sīhamaṁsaṁ paribhuñjitvā araññe viharanti.
pli-tv-kd6:23.14.3	Sīhā sīhamaṁsagandhena bhikkhū paripātenti.
pli-tv-kd6:23.14.4	Bhagavato etamatthaṁ ārocesuṁ.
pli-tv-kd6:23.14.5	“Na, bhikkhave, sīhamaṁsaṁ paribhuñjitabbaṁ.
pli-tv-kd6:23.14.6	Yo paribhuñjeyya, āpatti dukkaṭassā”ti.
pli-tv-kd6:23.15.1	Tena kho pana samayena luddakā byagghaṁ hantvā …pe…
pli-tv-kd6:23.15.2	dīpiṁ hantvā …pe…
pli-tv-kd6:23.15.3	acchaṁ hantvā …pe…
pli-tv-kd6:23.15.4	taracchaṁ hantvā taracchamaṁsaṁ paribhuñjanti, bhikkhūnaṁ piṇḍāya carantānaṁ taracchamaṁsaṁ denti.
pli-tv-kd6:23.15.5	Bhikkhū taracchamaṁsaṁ paribhuñjitvā araññe viharanti.
pli-tv-kd6:23.15.6	Taracchā taracchamaṁsagandhena bhikkhū paripātenti.
pli-tv-kd6:23.15.7	Bhagavato etamatthaṁ ārocesuṁ.
pli-tv-kd6:23.15.8	“Na, bhikkhave, taracchamaṁsaṁ paribhuñjitabbaṁ.
pli-tv-kd6:23.15.9	Yo paribhuñjeyya, āpatti dukkaṭassā”ti.
pli-tv-kd6:23.15.10	Suppiyabhāṇavāro niṭṭhito dutiyo.
pli-tv-kd6:24.1.0	11. Yāgumadhugoḷakānujānana
pli-tv-kd6:24.1.1	Atha kho bhagavā bārāṇasiyaṁ yathābhirantaṁ viharitvā yena andhakavindaṁ tena cārikaṁ pakkāmi, mahatā bhikkhusaṅghena saddhiṁ, aḍḍhatelasehi bhikkhusatehi.
pli-tv-kd6:24.1.2	Tena kho pana samayena jānapadā manussā bahuṁ loṇampi, telampi, taṇḍulampi, khādanīyampi sakaṭesu āropetvā buddhappamukhassa bhikkhusaṅghassa piṭṭhito piṭṭhito anubandhā honti—
pli-tv-kd6:24.1.3	“yadā paṭipāṭiṁ labhissāma tadā bhattaṁ karissāmā”ti, pañcamattāni ca vighāsādasatāni.
pli-tv-kd6:24.1.4	Atha kho bhagavā anupubbena cārikaṁ caramāno yena andhakavindaṁ tadavasari.
pli-tv-kd6:24.2.1	Atha kho aññatarassa brāhmaṇassa paṭipāṭiṁ alabhantassa etadahosi—
pli-tv-kd6:24.2.2	“atītāni kho me dve māsāni buddhappamukhaṁ bhikkhusaṅghaṁ anubandhantassa ‘yadā paṭipāṭiṁ labhissāmi tadā bhattaṁ karissāmī’ti, na ca me paṭipāṭi labbhati, ahañcamhi ekattako, bahu ca me gharāvāsattho hāyati.
pli-tv-kd6:24.2.3	Yannūnāhaṁ bhattaggaṁ olokeyyaṁ;
pli-tv-kd6:24.2.4	yaṁ bhattagge nāssa, taṁ paṭiyādeyyan”ti.
pli-tv-kd6:24.2.5	Atha kho so brāhmaṇo bhattaggaṁ olokento dve nāddasa—
pli-tv-kd6:24.2.6	yāguñca madhugoḷakañca.
pli-tv-kd6:24.3.1	Atha kho so brāhmaṇo yenāyasmā ānando tenupasaṅkami, upasaṅkamitvā āyasmantaṁ ānandaṁ etadavoca—
pli-tv-kd6:24.3.2	“idha me, bho ānanda, paṭipāṭiṁ alabhantassa etadahosi—
pli-tv-kd6:24.3.3	‘atītāni kho me dve māsāni buddhappamukhaṁ bhikkhusaṅghaṁ anubandhantassa, “yadā paṭipāṭiṁ labhissāmi tadā bhattaṁ karissāmī”ti.
pli-tv-kd6:24.3.4	Na ca me paṭipāṭi labbhati, ahañcamhi ekattako, bahu ca me gharāvāsattho hāyati.
pli-tv-kd6:24.3.5	Yannūnāhaṁ bhattaggaṁ olokeyyaṁ;
pli-tv-kd6:24.3.6	yaṁ bhattagge nāssa, taṁ paṭiyādeyyan’ti.
pli-tv-kd6:24.3.7	So kho ahaṁ, bho ānanda, bhattaggaṁ olokento dve nāddasaṁ—
pli-tv-kd6:24.3.8	yāguñca madhugoḷakañca.
pli-tv-kd6:24.3.9	Sacāhaṁ, bho ānanda, paṭiyādeyyaṁ yāguñca madhugoḷakañca, paṭiggaṇheyya me bhavaṁ gotamo”ti?
pli-tv-kd6:24.3.10	“Tena hi, brāhmaṇa, bhagavantaṁ paṭipucchissāmī”ti.
pli-tv-kd6:24.4.1	Atha kho āyasmā ānando bhagavato etamatthaṁ ārocesi.
pli-tv-kd6:24.4.2	“Tena hānanda, paṭiyādetū”ti.
pli-tv-kd6:24.4.3	“Tena hi, brāhmaṇa, paṭiyādehī”ti.
pli-tv-kd6:24.4.4	Atha kho so brāhmaṇo tassā rattiyā accayena pahūtaṁ yāguñca madhugoḷakañca paṭiyādāpetvā bhagavato upanāmesi—
pli-tv-kd6:24.4.5	“paṭiggaṇhātu me bhavaṁ gotamo yāguñca madhugoḷakañcā”ti.
pli-tv-kd6:24.4.6	“Tena hi, brāhmaṇa, bhikkhūnaṁ dehī”ti.
pli-tv-kd6:24.4.7	Bhikkhū kukkuccāyantā na paṭiggaṇhanti.
pli-tv-kd6:24.4.8	“Paṭiggaṇhatha, bhikkhave, paribhuñjathā”ti.
pli-tv-kd6:24.4.9	Atha kho so brāhmaṇo buddhappamukhaṁ bhikkhusaṅghaṁ pahūtāya yāguyā ca madhugoḷakena ca sahatthā santappetvā sampavāretvā bhagavantaṁ dhotahatthaṁ onītapattapāṇiṁ ekamantaṁ nisīdi.
pli-tv-kd6:24.5.1	Ekamantaṁ nisinnaṁ kho taṁ brāhmaṇaṁ bhagavā etadavoca—
pli-tv-kd6:24.6.1	“Dasayime, brāhmaṇa, ānisaṁsā yāguyā.
pli-tv-kd6:24.6.2	Katame dasa?
pli-tv-kd6:24.6.3	Yāguṁ dento āyuṁ deti, vaṇṇaṁ deti, sukhaṁ deti, balaṁ deti, paṭibhānaṁ deti, yāgu pītā khuddaṁ paṭihanati, pipāsaṁ vineti, vātaṁ anulometi, vatthiṁ sodheti, āmāvasesaṁ pāceti—
pli-tv-kd6:24.6.4	ime kho, brāhmaṇa, dasānisaṁsā yāguyāti.
pli-tv-kd6:24.6.5	Yo saññatānaṁ paradattabhojinaṁ,
pli-tv-kd6:24.6.6	Kālena sakkacca dadāti yāguṁ;
pli-tv-kd6:24.6.7	Dasassa ṭhānāni anuppavecchati,
pli-tv-kd6:24.6.8	Āyuñca vaṇṇañca sukhaṁ balañca.
pli-tv-kd6:24.6.9	Paṭibhānamassa upajāyate tato,
pli-tv-kd6:24.6.10	Khuddaṁ pipāsañca byapaneti vātaṁ;
pli-tv-kd6:24.6.11	Sodheti vatthiṁ pariṇāmeti bhattaṁ,
pli-tv-kd6:24.6.12	Bhesajjametaṁ sugatena vaṇṇitaṁ.
pli-tv-kd6:24.6.13	Tasmā hi yāguṁ alameva dātuṁ,
pli-tv-kd6:24.6.14	Niccaṁ manussena sukhatthikena;
pli-tv-kd6:24.6.15	Dibbāni vā patthayatā sukhāni,
pli-tv-kd6:24.6.16	Manussasobhagyatamicchatā vā”ti.
pli-tv-kd6:24.7.1	Atha kho bhagavā taṁ brāhmaṇaṁ imāhi gāthāhi anumoditvā uṭṭhāyāsanā pakkāmi.
pli-tv-kd6:24.7.2	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:24.7.3	“anujānāmi, bhikkhave, yāguñca madhugoḷakañcā”ti.
pli-tv-kd6:25.1.0	12. Taruṇapasannamahāmattavatthu
pli-tv-kd6:25.1.1	Assosuṁ kho manussā bhagavatā kira yāgu anuññātā madhugoḷakañcāti.
pli-tv-kd6:25.1.2	Te kālasseva, bhojjayāguṁ paṭiyādenti madhugoḷakañca.
pli-tv-kd6:25.1.3	Bhikkhū kālasseva bhojjayāguyā dhātā madhugoḷakena ca bhattagge na cittarūpaṁ paribhuñjanti.
pli-tv-kd6:25.1.4	Tena kho pana samayena aññatarena taruṇapasannena mahāmattena svātanāya buddhappamukho bhikkhusaṅgho nimantito hoti.
pli-tv-kd6:25.1.5	Atha kho tassa taruṇapasannassa mahāmattassa etadahosi—
pli-tv-kd6:25.1.6	“yannūnāhaṁ aḍḍhatelasannaṁ bhikkhusatānaṁ aḍḍhatelasāni maṁsapātisatāni paṭiyādeyyaṁ, ekamekassa bhikkhuno ekamekaṁ maṁsapātiṁ upanāmeyyan”ti.
pli-tv-kd6:25.2.1	Atha kho so taruṇapasanno mahāmatto tassā rattiyā accayena paṇītaṁ khādanīyaṁ bhojanīyaṁ paṭiyādāpetvā aḍḍhatelasāni ca maṁsapātisatāni, bhagavato kālaṁ ārocāpesi—“kālo, bhante, niṭṭhitaṁ bhattan”ti.
pli-tv-kd6:25.2.2	Atha kho bhagavā pubbaṇhasamayaṁ nivāsetvā pattacīvaramādāya yena tassa taruṇapasannassa mahāmattassa nivesanaṁ tenupasaṅkami, upasaṅkamitvā paññatte āsane nisīdi, saddhiṁ bhikkhusaṅghena.
pli-tv-kd6:25.3.1	Atha kho so taruṇapasanno mahāmatto bhattagge bhikkhū parivisati.
pli-tv-kd6:25.3.2	Bhikkhū evamāhaṁsu—
pli-tv-kd6:25.3.3	“thokaṁ, āvuso, dehi; thokaṁ, āvuso, dehī”ti.
pli-tv-kd6:25.3.4	“Mā kho tumhe, bhante—‘ayaṁ taruṇapasanno mahāmatto’ti—thokaṁ thokaṁ paṭiggaṇhatha.
pli-tv-kd6:25.3.5	Bahuṁ me khādanīyaṁ bhojanīyaṁ paṭiyattaṁ, aḍḍhatelasāni ca maṁsapātisatāni.
pli-tv-kd6:25.3.6	Ekamekassa bhikkhuno ekamekaṁ maṁsapātiṁ upanāmessāmīti.
pli-tv-kd6:25.3.7	Paṭiggaṇhatha, bhante, yāvadatthan”ti.
pli-tv-kd6:25.3.8	“Na kho mayaṁ, āvuso, etaṅkāraṇā thokaṁ thokaṁ paṭiggaṇhāma, api ca mayaṁ kālasseva bhojjayāguyā dhātā madhugoḷakena ca. Tena mayaṁ thokaṁ thokaṁ paṭiggaṇhāmā”ti.
pli-tv-kd6:25.4.1	Atha kho so taruṇapasanno mahāmatto ujjhāyati khiyyati vipāceti—
pli-tv-kd6:25.4.2	“kathañhi nāma bhadantā mayā nimantitā aññassa bhojjayāguṁ paribhuñjissanti, na cāhaṁ paṭibalo yāvadatthaṁ dātun”ti
pli-tv-kd6:25.4.3	kupito anattamano āsādanāpekkho bhikkhūnaṁ patte pūrento agamāsi—“bhuñjatha vā haratha vā”ti.
pli-tv-kd6:25.4.4	Atha kho so taruṇapasanno mahāmatto buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi.
pli-tv-kd6:25.4.5	Ekamantaṁ nisinnaṁ kho taṁ taruṇapasannaṁ mahāmattaṁ bhagavā dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd6:25.5.1	Atha kho tassa taruṇapasannassa mahāmattassa acirapakkantassa bhagavato ahudeva kukkuccaṁ, ahu vippaṭisāro—
pli-tv-kd6:25.5.2	“alābhā vata me, na vata me lābhā; dulladdhaṁ vata me, na vata me suladdhaṁ;
pli-tv-kd6:25.5.3	yohaṁ kupito anattamano āsādanāpekkho bhikkhūnaṁ patte pūrento agamāsiṁ—‘bhuñjatha vā haratha vā’ti.
pli-tv-kd6:25.5.4	Kiṁ nu kho mayā bahuṁ pasutaṁ puññaṁ vā apuññaṁ vā”ti?
pli-tv-kd6:25.5.5	Atha kho so taruṇapasanno mahāmatto yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd6:25.5.6	Ekamantaṁ nisinno kho so taruṇapasanno mahāmatto bhagavantaṁ etadavoca—
pli-tv-kd6:25.5.7	“idha mayhaṁ, bhante, acirapakkantassa bhagavato ahudeva kukkuccaṁ, ahu vippaṭisāro
pli-tv-kd6:25.5.8	‘alābhā vata me, na vata me lābhā; dulladdhaṁ vata me, na vata me suladdhaṁ;
pli-tv-kd6:25.5.9	yohaṁ kupito anattamano āsādanāpekkho bhikkhūnaṁ patte pūrento agamāsiṁ—bhuñjatha vā haratha vāti.
pli-tv-kd6:25.5.10	Kiṁ nu kho mayā bahuṁ pasutaṁ, puññaṁ vā apuññaṁ vā’ti.
pli-tv-kd6:25.5.11	Kiṁ nu kho mayā, bhante, bahuṁ pasutaṁ, puññaṁ vā apuññaṁ vā”ti?
pli-tv-kd6:25.6.1	“Yadaggena tayā, āvuso, svātanāya buddhappamukho bhikkhusaṅgho nimantito tadaggena te bahuṁ puññaṁ pasutaṁ.
pli-tv-kd6:25.6.2	Yadaggena te ekamekena bhikkhunā ekamekaṁ sitthaṁ paṭiggahitaṁ tadaggena te bahuṁ puññaṁ pasutaṁ, saggā te āraddhā”ti.
pli-tv-kd6:25.6.3	Atha kho so taruṇapasanno mahāmatto—“lābhā kira me, suladdhaṁ kira me, bahuṁ kira mayā puññaṁ pasutaṁ, saggā kira me āraddhā”ti—
pli-tv-kd6:25.6.4	haṭṭho udaggo uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd6:25.7.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd6:25.7.2	“saccaṁ kira, bhikkhave, bhikkhū aññatra nimantitā aññassa bhojjayāguṁ paribhuñjantī”ti?
pli-tv-kd6:25.7.3	“Saccaṁ, bhagavā”ti.
pli-tv-kd6:25.7.4	Vigarahi buddho bhagavā …pe…
pli-tv-kd6:25.7.5	kathañhi nāma te, bhikkhave, moghapurisā aññatra nimantitā aññassa bhojjayāguṁ paribhuñjissanti.
pli-tv-kd6:25.7.6	Netaṁ, bhikkhave, appasannānaṁ vā pasādāya …pe…
pli-tv-kd6:25.7.7	vigarahitvā dhammiṁ kathaṁ katvā bhikkhū āmantesi—
pli-tv-kd6:25.7.8	“na, bhikkhave, aññatra nimantitena aññassa bhojjayāgu paribhuñjitabbā.
pli-tv-kd6:25.7.9	Yo paribhuñjeyya, yathādhammo kāretabbo”ti.
pli-tv-kd6:26.1.0	13. Belaṭṭhakaccānavatthu
pli-tv-kd6:26.1.1	Atha kho bhagavā andhakavinde yathābhirantaṁ viharitvā yena rājagahaṁ tena cārikaṁ pakkāmi, mahatā bhikkhusaṅghena saddhiṁ, aḍḍhatelasehi bhikkhusatehi.
pli-tv-kd6:26.1.2	Tena kho pana samayena belaṭṭho kaccāno rājagahā andhakavindaṁ addhānamaggappaṭipanno hoti, pañcamattehi sakaṭasatehi, sabbeheva guḷakumbhapūrehi.
pli-tv-kd6:26.1.3	Addasā kho bhagavā belaṭṭhaṁ kaccānaṁ dūratova āgacchantaṁ, disvāna maggā okkamma aññatarasmiṁ rukkhamūle nisīdi.
pli-tv-kd6:26.2.1	Atha kho belaṭṭho kaccāno yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd6:26.2.2	Ekamantaṁ ṭhito kho belaṭṭho kaccāno bhagavantaṁ etadavoca—
pli-tv-kd6:26.2.3	“icchāmahaṁ, bhante, ekamekassa bhikkhuno ekamekaṁ guḷakumbhaṁ dātun”ti.
pli-tv-kd6:26.2.4	“Tena hi tvaṁ, kaccāna, ekaṁyeva guḷakumbhaṁ āharā”ti.
pli-tv-kd6:26.2.5	“Evaṁ, bhante”ti kho belaṭṭho kaccāno bhagavato paṭissuṇitvā ekaṁyeva guḷakumbhaṁ ādāya yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd6:26.2.6	“ābhato, bhante, guḷakumbho;
pli-tv-kd6:26.2.7	kathāhaṁ, bhante, paṭipajjāmī”ti?
pli-tv-kd6:26.2.8	“Tena hi tvaṁ, kaccāna, bhikkhūnaṁ guḷaṁ dehī”ti.
pli-tv-kd6:26.3.1	“Evaṁ, bhante”ti kho belaṭṭho kaccāno bhagavato paṭissuṇitvā bhikkhūnaṁ guḷaṁ datvā bhagavantaṁ etadavoca—
pli-tv-kd6:26.3.2	“dinno, bhante, bhikkhūnaṁ guḷo, bahu cāyaṁ guḷo avasiṭṭho.
pli-tv-kd6:26.3.3	Kathāhaṁ, bhante, paṭipajjāmī”ti?
pli-tv-kd6:26.3.4	“Tena hi tvaṁ, kaccāna, bhikkhūnaṁ guḷaṁ yāvadatthaṁ dehī”ti.
pli-tv-kd6:26.3.5	“Evaṁ, bhante”ti kho belaṭṭho kaccāno bhagavato paṭissuṇitvā bhikkhūnaṁ guḷaṁ yāvadatthaṁ datvā bhagavantaṁ etadavoca—
pli-tv-kd6:26.3.6	“dinno, bhante, bhikkhūnaṁ guḷo yāvadattho, bahu cāyaṁ guḷo avasiṭṭho.
pli-tv-kd6:26.3.7	Kathāhaṁ, bhante, paṭipajjāmī”ti?
pli-tv-kd6:26.3.8	“Tena hi tvaṁ, kaccāna, bhikkhū guḷehi santappehī”ti.
pli-tv-kd6:26.3.9	“Evaṁ, bhante”ti kho belaṭṭho kaccāno bhagavato paṭissuṇitvā bhikkhū guḷehi santappesi.
pli-tv-kd6:26.3.10	Ekacce bhikkhū pattepi pūresuṁ parissāvanānipi thavikāyopi pūresuṁ.
pli-tv-kd6:26.4.1	Atha kho belaṭṭho kaccāno bhikkhū guḷehi santappetvā bhagavantaṁ etadavoca—
pli-tv-kd6:26.4.2	“santappitā, bhante, bhikkhū guḷehi, bahu cāyaṁ guḷo avasiṭṭho.
pli-tv-kd6:26.4.3	Kathāhaṁ, bhante, paṭipajjāmī”ti?
pli-tv-kd6:26.4.4	“Tena hi tvaṁ, kaccāna, vighāsādānaṁ guḷaṁ dehī”ti.
pli-tv-kd6:26.4.5	“Evaṁ, bhante”ti kho belaṭṭho kaccāno bhagavato paṭissuṇitvā vighāsādānaṁ guḷaṁ datvā bhagavantaṁ etadavoca—
pli-tv-kd6:26.4.6	“dinno, bhante, vighāsādānaṁ guḷo, bahu cāyaṁ guḷo avasiṭṭho.
pli-tv-kd6:26.4.7	Kathāhaṁ, bhante, paṭipajjāmī”ti?
pli-tv-kd6:26.4.8	“Tena hi tvaṁ, kaccāna, vighāsādānaṁ guḷaṁ yāvadatthaṁ dehī”ti.
pli-tv-kd6:26.5.1	“Evaṁ, bhante”ti kho belaṭṭho kaccāno bhagavato paṭissuṇitvā vighāsādānaṁ guḷaṁ yāvadatthaṁ datvā bhagavantaṁ etadavoca—
pli-tv-kd6:26.5.2	“dinno, bhante, vighāsādānaṁ guḷo yāvadattho, bahu cāyaṁ guḷo avasiṭṭho.
pli-tv-kd6:26.5.3	Kathāhaṁ, bhante, paṭipajjāmī”ti?
pli-tv-kd6:26.5.4	“Tena hi tvaṁ, kaccāna, vighāsāde guḷehi santappehī”ti.
pli-tv-kd6:26.5.5	“Evaṁ, bhante”ti kho belaṭṭho kaccāno bhagavato paṭissuṇitvā vighāsāde guḷehi santappesi.
pli-tv-kd6:26.5.6	Ekacce vighāsādā kolambepi ghaṭepi pūresuṁ, piṭakānipi ucchaṅgepi pūresuṁ.
pli-tv-kd6:26.6.1	Atha kho belaṭṭho kaccāno vighāsāde guḷehi santappetvā bhagavantaṁ etadavoca—
pli-tv-kd6:26.6.2	“santappitā, bhante, vighāsādā guḷehi, bahu cāyaṁ guḷo avasiṭṭho.
pli-tv-kd6:26.6.3	Kathāhaṁ, bhante, paṭipajjāmī”ti?
pli-tv-kd6:26.6.4	“Nāhaṁ taṁ, kaccāna, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yassa so guḷo paribhutto sammā pariṇāmaṁ gaccheyya, aññatra tathāgatassa vā tathāgatasāvakassa vā.
pli-tv-kd6:26.6.5	Tena hi tvaṁ, kaccāna, taṁ guḷaṁ appaharite vā chaḍḍehi, appāṇake vā udake opilāpehī”ti.
pli-tv-kd6:26.6.6	“Evaṁ, bhante”ti kho belaṭṭho kaccāno bhagavato paṭissuṇitvā taṁ guḷaṁ appāṇake udake opilāpeti.
pli-tv-kd6:26.7.1	Atha kho so guḷo udake pakkhitto cicciṭāyati ciṭiciṭāyati padhūpāyati sampadhūpāyati.
pli-tv-kd6:26.7.2	Seyyathāpi nāma phālo divasaṁsantatto udake pakkhitto cicciṭāyati ciṭiciṭāyati padhūpāyati sampadhūpāyati;
pli-tv-kd6:26.7.3	evameva so guḷo udake pakkhitto cicciṭāyati ciṭiciṭāyati padhūpāyati sampadhūpāyati.
pli-tv-kd6:26.7.4	Atha kho belaṭṭho kaccāno saṁviggo lomahaṭṭhajāto yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd6:26.8.1	Ekamantaṁ nisinnassa kho belaṭṭhassa kaccānassa bhagavā anupubbiṁ kathaṁ kathesi, seyyathidaṁ—
pli-tv-kd6:26.8.2	dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.
pli-tv-kd6:26.8.3	Yadā bhagavā aññāsi belaṭṭhaṁ kaccānaṁ kallacittaṁ, muducittaṁ, vinīvaraṇacittaṁ, udaggacittaṁ, pasannacittaṁ, atha yā buddhānaṁ sāmukkaṁsikā dhammadesanā, taṁ pakāsesi …pe…
pli-tv-kd6:26.8.4	evameva belaṭṭhassa kaccānassa tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd6:26.8.5	“yaṁ kiñci samudayadhammaṁ, sabbaṁ taṁ nirodhadhamman”ti.
pli-tv-kd6:26.9.1	Atha kho belaṭṭho kaccāno diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca—
pli-tv-kd6:26.9.2	“abhikkantaṁ, bhante, abhikkantaṁ, bhante.
pli-tv-kd6:26.9.3	Seyyathāpi, bhante, nikkujjitaṁ vā ukkujjeyya …pe…
pli-tv-kd6:26.9.4	evamevaṁ kho bhagavatā anekapariyāyena dhammo pakāsito.
pli-tv-kd6:26.9.5	Esāhaṁ, bhante, bhagavantaṁ saraṇaṁ gacchāmi, dhammañca, bhikkhusaṅghañca.
pli-tv-kd6:26.9.6	Upāsakaṁ maṁ bhagavā dhāretu ajjatagge pāṇupetaṁ saraṇagatan”ti.
pli-tv-kd6:27.1.1	Atha kho bhagavā anupubbena cārikaṁ caramāno yena rājagahaṁ tadavasari.
pli-tv-kd6:27.1.2	Tatra sudaṁ bhagavā rājagahe viharati veḷuvane kalandakanivāpe.
pli-tv-kd6:27.1.3	Tena kho pana samayena rājagahe guḷo ussanno hoti.
pli-tv-kd6:27.1.4	Bhikkhū—
pli-tv-kd6:27.1.5	“gilānasseva bhagavatā guḷo anuññāto, no agilānassā”ti—
pli-tv-kd6:27.1.6	kukkuccāyantā guḷaṁ na bhuñjanti.
pli-tv-kd6:27.1.7	Bhagavato etamatthaṁ ārocesuṁ.
pli-tv-kd6:27.1.8	“Anujānāmi, bhikkhave, gilānassa guḷaṁ, agilānassa guḷodakan”ti.
pli-tv-kd6:28.1.0	14. Pāṭaligāmavatthu
pli-tv-kd6:28.1.1	Atha kho bhagavā rājagahe yathābhirantaṁ viharitvā yena pāṭaligāmo tena cārikaṁ pakkāmi, mahatā bhikkhusaṅghena saddhiṁ aḍḍhatelasehi bhikkhusatehi.
pli-tv-kd6:28.1.2	Atha kho bhagavā anupubbena cārikaṁ caramāno yena pāṭaligāmo tadavasari.
pli-tv-kd6:28.1.3	Assosuṁ kho pāṭaligāmikā upāsakā—
pli-tv-kd6:28.1.4	“bhagavā kira pāṭaligāmaṁ anuppatto”ti.
pli-tv-kd6:28.1.5	Atha kho pāṭaligāmikā upāsakā yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd6:28.1.6	Ekamantaṁ nisinne kho pāṭaligāmike upāsake bhagavā dhammiyā kathāya sandassesi, samādapesi, samuttejesi, sampahaṁsesi.
pli-tv-kd6:28.2.1	Atha kho pāṭaligāmikā upāsakā bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ etadavocuṁ—
pli-tv-kd6:28.2.2	“adhivāsetu no, bhante, bhagavā āvasathāgāraṁ saddhiṁ bhikkhusaṅghenā”ti.
pli-tv-kd6:28.2.3	Adhivāsesi bhagavā tuṇhībhāvena.
pli-tv-kd6:28.2.4	Atha kho pāṭaligāmikā upāsakā bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā yena āvasathāgāraṁ tenupasaṅkamiṁsu, upasaṅkamitvā sabbasanthariṁ āvasathāgāraṁ santharitvā, āsanāni paññapetvā, udakamaṇikaṁ patiṭṭhāpetvā, telapadīpaṁ āropetvā yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ aṭṭhaṁsu.
pli-tv-kd6:28.3.1	Ekamantaṁ ṭhitā kho pāṭaligāmikā upāsakā bhagavantaṁ etadavocuṁ—
pli-tv-kd6:28.3.2	“sabbasantharisanthataṁ, bhante, āvasathāgāraṁ.
pli-tv-kd6:28.3.3	Āsanāni paññattāni.
pli-tv-kd6:28.3.4	Udakamaṇiko patiṭṭhāpito.
pli-tv-kd6:28.3.5	Telapadīpo āropito.
pli-tv-kd6:28.3.6	Yassadāni, bhante, bhagavā kālaṁ maññatī”ti.
pli-tv-kd6:28.3.7	Atha kho bhagavā nivāsetvā pattacīvaramādāya saddhiṁ bhikkhusaṅghena yena āvasathāgāraṁ tenupasaṅkami; upasaṅkamitvā pāde pakkhāletvā āvasathāgāraṁ pavisitvā majjhimaṁ thambhaṁ nissāya puratthābhimukho nisīdi.
pli-tv-kd6:28.3.8	Bhikkhusaṅghopi kho pāde pakkhāletvā āvasathāgāraṁ pavisitvā pacchimaṁ bhittiṁ nissāya puratthābhimukho nisīdi, bhagavantaṁyeva purakkhatvā.
pli-tv-kd6:28.3.9	Pāṭaligāmikāpi kho upāsakā pāde pakkhāletvā āvasathāgāraṁ pavisitvā puratthimaṁ bhittiṁ nissāya pacchimābhimukhā nisīdiṁsu, bhagavantaṁyeva purakkhatvā.
pli-tv-kd6:28.3.10	Atha kho bhagavā pāṭaligāmike upāsake āmantesi—
pli-tv-kd6:28.4.1	“Pañcime, gahapatayo, ādīnavā dussīlassa sīlavipattiyā.
pli-tv-kd6:28.4.2	Katame pañca?
pli-tv-kd6:28.4.3	Idha, gahapatayo, dussīlo sīlavipanno pamādādhikaraṇaṁ mahatiṁ bhogajāniṁ nigacchati.
pli-tv-kd6:28.4.4	Ayaṁ paṭhamo ādīnavo dussīlassa sīlavipattiyā.
pli-tv-kd6:28.4.5	Puna caparaṁ, gahapatayo, dussīlassa sīlavipannassa pāpako kittisaddo abbhuggacchati.
pli-tv-kd6:28.4.6	Ayaṁ dutiyo ādīnavo dussīlassa sīlavipattiyā.
pli-tv-kd6:28.4.7	Puna caparaṁ, gahapatayo, dussīlo sīlavipanno yaññadeva parisaṁ upasaṅkamati, yadi khattiyaparisaṁ, yadi brāhmaṇaparisaṁ, yadi gahapatiparisaṁ, yadi samaṇaparisaṁ, avisārado upasaṅkamati maṅkubhūto.
pli-tv-kd6:28.4.8	Ayaṁ tatiyo ādīnavo dussīlassa sīlavipattiyā.
pli-tv-kd6:28.4.9	Puna caparaṁ, gahapatayo, dussīlo sīlavipanno sammūḷho kālaṁ karoti.
pli-tv-kd6:28.4.10	Ayaṁ catuttho ādīnavo dussīlassa sīlavipattiyā.
pli-tv-kd6:28.4.11	Puna caparaṁ, gahapatayo, dussīlo sīlavipanno kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.
pli-tv-kd6:28.4.12	Ayaṁ pañcamo ādīnavo dussīlassa sīlavipattiyā.
pli-tv-kd6:28.4.13	Ime kho, gahapatayo, pañca ādīnavā dussīlassa sīlavipattiyā.
pli-tv-kd6:28.5.1	Pañcime, gahapatayo, ānisaṁsā sīlavato sīlasampadāya.
pli-tv-kd6:28.5.2	Katame pañca?
pli-tv-kd6:28.5.3	Idha, gahapatayo, sīlavā sīlasampanno appamādādhikaraṇaṁ mahantaṁ bhogakkhandhaṁ adhigacchati.
pli-tv-kd6:28.5.4	Ayaṁ paṭhamo ānisaṁso sīlavato sīlasampadāya.
pli-tv-kd6:28.5.5	Puna caparaṁ, gahapatayo, sīlavato sīlasampannassa kalyāṇo kittisaddo abbhuggacchati.
pli-tv-kd6:28.5.6	Ayaṁ dutiyo ānisaṁso sīlavato sīlasampadāya.
pli-tv-kd6:28.5.7	Puna caparaṁ, gahapatayo, sīlavā sīlasampanno yaññadeva parisaṁ upasaṅkamati, yadi khattiyaparisaṁ, yadi brāhmaṇaparisaṁ, yadi gahapatiparisaṁ, yadi samaṇaparisaṁ, visārado upasaṅkamati amaṅkubhūto.
pli-tv-kd6:28.5.8	Ayaṁ tatiyo ānisaṁso sīlavato sīlasampadāya.
pli-tv-kd6:28.5.9	Puna caparaṁ, gahapatayo, sīlavā sīlasampanno asammūḷho kālaṁ karoti.
pli-tv-kd6:28.5.10	Ayaṁ catuttho ānisaṁso sīlavato sīlasampadāya.
pli-tv-kd6:28.5.11	Puna caparaṁ, gahapatayo, sīlavā sīlasampanno kāyassa bhedā paraṁ maraṇā sugatiṁ saggaṁ lokaṁ upapajjati.
pli-tv-kd6:28.5.12	Ayaṁ pañcamo ānisaṁso sīlavato sīlasampadāya.
pli-tv-kd6:28.5.13	Ime kho, gahapatayo, pañca ānisaṁsā sīlavato sīlasampadāyā”ti.
pli-tv-kd6:28.6.1	Atha kho bhagavā pāṭaligāmike upāsake bahudeva rattiṁ dhammiyā kathāya sandassetvā samādapetvā samuttejetvā sampahaṁsetvā uyyojesi—
pli-tv-kd6:28.6.2	“abhikkantā kho, gahapatayo, ratti.
pli-tv-kd6:28.6.3	Yassadāni tumhe kālaṁ maññathā”ti.
pli-tv-kd6:28.6.4	“Evaṁ, bhante”ti, kho pāṭaligāmikā upāsakā bhagavato paṭissuṇitvā uṭṭhāyāsanā bhagavantaṁ abhivādetvā padakkhiṇaṁ katvā pakkamiṁsu.
pli-tv-kd6:28.7.1	Atha kho bhagavā acirapakkantesu pāṭaligāmikesu upāsakesu suññāgāraṁ pāvisi.
pli-tv-kd6:28.7.2.0	15. Sunidhavassakāravatthu
pli-tv-kd6:28.7.2.1	Tena kho pana samayena sunidhavassakārā magadhamahāmattā pāṭaligāme nagaraṁ māpenti vajjīnaṁ paṭibāhāya.
pli-tv-kd6:28.7.3	Addasā kho bhagavā rattiyā paccūsasamayaṁ paccuṭṭhāya dibbena cakkhunā visuddhena atikkantamānusakena sambahulā devatāyo pāṭaligāme vatthūni pariggaṇhantiyo.
pli-tv-kd6:28.7.4	Yasmiṁ padese mahesakkhā devatā vatthūni pariggaṇhanti, mahesakkhānaṁ tattha rājūnaṁ rājamahāmattānaṁ cittāni namanti nivesanāni māpetuṁ.
pli-tv-kd6:28.7.5	Yasmiṁ padese majjhimā devatā vatthūni pariggaṇhanti, majjhimānaṁ tattha rājūnaṁ rājamahāmattānaṁ cittāni namanti nivesanāni māpetuṁ.
pli-tv-kd6:28.7.6	Yasmiṁ padese nīcā devatā vatthūni pariggaṇhanti, nīcānaṁ tattha rājūnaṁ rājamahāmattānaṁ cittāni namanti nivesanāni māpetuṁ.
pli-tv-kd6:28.7.7	Atha kho bhagavā āyasmantaṁ ānandaṁ āmantesi—
pli-tv-kd6:28.7.8	“ke nu kho te, ānanda, pāṭaligāme nagaraṁ māpentī”ti?
pli-tv-kd6:28.8.1	“Sunidhavassakārā, bhante, magadhamahāmattā pāṭaligāme nagaraṁ māpenti vajjīnaṁ paṭibāhāyā”ti.
pli-tv-kd6:28.8.2	“Seyyathāpi, ānanda, devehi tāvatiṁsehi saddhiṁ mantetvā;
pli-tv-kd6:28.8.3	evameva kho, ānanda, sunidhavassakārā magadhamahāmattā pāṭaligāme nagaraṁ māpenti vajjīnaṁ paṭibāhāya.
pli-tv-kd6:28.8.4	Idhāhaṁ, ānanda, rattiyā paccūsasamayaṁ paccuṭṭhāya addasaṁ dibbena cakkhunā visuddhena atikkantamānusakena sambahulā devatāyo pāṭaligāme vatthūni pariggaṇhantiyo.
pli-tv-kd6:28.8.5	Yasmiṁ padese mahesakkhā devatā vatthūni pariggaṇhanti, mahesakkhānaṁ tattha rājūnaṁ rājamahāmattānaṁ cittāni namanti nivesanāni māpetuṁ.
pli-tv-kd6:28.8.6	Yasmiṁ padese majjhimā devatā vatthūni pariggaṇhanti, majjhimānaṁ tattha rājūnaṁ rājamahāmattānaṁ cittāni namanti nivesanāni māpetuṁ.
pli-tv-kd6:28.8.7	Yasmiṁ padese nīcā devatā vatthūni pariggaṇhanti, nīcānaṁ tattha rājūnaṁ rājamahāmattānaṁ cittāni namanti nivesanāni māpetuṁ.
pli-tv-kd6:28.8.8	Yāvatā, ānanda, ariyaṁ āyatanaṁ, yāvatā vaṇippatho, idaṁ agganagaraṁ bhavissati pāṭaliputtaṁ puṭabhedanaṁ.
pli-tv-kd6:28.8.9	Pāṭaliputtassa kho, ānanda, tayo antarāyā bhavissanti—
pli-tv-kd6:28.8.10	aggito vā udakato vā abbhantarato vā mithubhedā”ti.
pli-tv-kd6:28.9.1	Atha kho sunidhavassakārā magadhamahāmattā yena bhagavā tenupasaṅkamiṁsu, upasaṅkamitvā bhagavatā saddhiṁ sammodiṁsu, sammodanīyaṁ kathaṁ sāraṇīyaṁ vītisāretvā ekamantaṁ aṭṭhaṁsu.
pli-tv-kd6:28.10.1	Ekamantaṁ ṭhitā kho sunidhavassakārā magadhamahāmattā bhagavantaṁ etadavocuṁ—
pli-tv-kd6:28.10.2	“adhivāsetu no bhavaṁ gotamo ajjatanāya bhattaṁ saddhiṁ bhikkhusaṅghenā”ti.
pli-tv-kd6:28.10.3	Adhivāsesi bhagavā tuṇhībhāvena.
pli-tv-kd6:28.10.4	Atha kho sunidhavassakārā magadhamahāmattā bhagavato adhivāsanaṁ viditvā pakkamiṁsu.
pli-tv-kd6:28.10.5	Atha kho sunidhavassakārā magadhamahāmattā paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesuṁ—“kālo, bho gotama, niṭṭhitaṁ bhattan”ti.
pli-tv-kd6:28.10.6	Atha kho bhagavā pubbaṇhasamayaṁ nivāsetvā pattacīvaramādāya yena sunidhavassakārānaṁ magadhamahāmattānaṁ parivesanā tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd6:28.10.7	Atha kho sunidhavassakārā magadhamahāmattā buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdiṁsu.
pli-tv-kd6:28.10.8	Ekamantaṁ nisinne kho sunidhavassakāre magadhamahāmatte bhagavā imāhi gāthāhi anumodi—
pli-tv-kd6:28.11.1	“Yasmiṁ padese kappeti,
pli-tv-kd6:28.11.2	vāsaṁ paṇḍitajātiyo;
pli-tv-kd6:28.11.3	Sīlavantettha bhojetvā,
pli-tv-kd6:28.11.4	saññate brahmacārayo.
pli-tv-kd6:28.11.5	Yā tattha devatā āsuṁ,
pli-tv-kd6:28.11.6	tāsaṁ dakkhiṇamādise;
pli-tv-kd6:28.11.7	Tā pūjitā pūjayanti,
pli-tv-kd6:28.11.8	mānitā mānayanti naṁ.
pli-tv-kd6:28.11.9	Tato naṁ anukampanti,
pli-tv-kd6:28.11.10	mātā puttaṁva orasaṁ;
pli-tv-kd6:28.11.11	Devatānukampito poso,
pli-tv-kd6:28.11.12	sadā bhadrāni passatī”ti.
pli-tv-kd6:28.11.13	Atha kho bhagavā sunidhavassakāre magadhamahāmatte imāhi gāthāhi anumoditvā uṭṭhāyāsanā pakkāmi.
pli-tv-kd6:28.12.1	Tena kho pana samayena sunidhavassakārā magadhamahāmattā bhagavantaṁ piṭṭhito piṭṭhito anubandhā honti—
pli-tv-kd6:28.12.2	“yenajja samaṇo gotamo dvārena nikkhamissati, taṁ gotamadvāraṁ nāma bhavissati;
pli-tv-kd6:28.12.3	yena titthena gaṅgaṁ nadiṁ uttarissati, taṁ gotamatitthaṁ nāma bhavissatī”ti.
pli-tv-kd6:28.12.4	Atha kho bhagavā yena dvārena nikkhami, taṁ gotamadvāraṁ nāma ahosi.
pli-tv-kd6:28.12.5	Atha kho bhagavā yena gaṅgā nadī tenupasaṅkami.
pli-tv-kd6:28.12.6	Tena kho pana samayena gaṅgā nadī pūrā hoti samatittikā kākapeyyā.
pli-tv-kd6:28.12.7	Manussā aññe nāvaṁ pariyesanti, aññe uḷumpaṁ pariyesanti, aññe kullaṁ bandhanti orā pāraṁ gantukāmā.
pli-tv-kd6:28.13.1	Addasā kho bhagavā te manusse aññe nāvaṁ pariyesante, aññe uḷumpaṁ pariyesante, aññe kullaṁ bandhante orā pāraṁ gantukāme, disvāna seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva kho—gaṅgāya nadiyā orimatīre antarahito pārimatīre paccuṭṭhāsi saddhiṁ bhikkhusaṅghena.
pli-tv-kd6:28.13.2	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd6:28.13.3	“Ye taranti aṇṇavaṁ saraṁ,
pli-tv-kd6:28.13.4	Setuṁ katvāna visajja pallalāni;
pli-tv-kd6:28.13.5	Kullañhi jano bandhati,
pli-tv-kd6:28.13.6	Tiṇṇā medhāvino janā”ti.
pli-tv-kd6:29.1.0	16. Koṭigāmesaccakathā
pli-tv-kd6:29.1.1	Atha kho bhagavā yena koṭigāmo tenupasaṅkami.
pli-tv-kd6:29.1.2	Tatra sudaṁ bhagavā koṭigāme viharati.
pli-tv-kd6:29.1.3	Tatra kho bhagavā bhikkhū āmantesi—
pli-tv-kd6:29.1.4	“catunnaṁ, bhikkhave, ariyasaccānaṁ ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.
pli-tv-kd6:29.1.5	Katamesaṁ catunnaṁ?
pli-tv-kd6:29.1.6	Dukkhassa, bhikkhave, ariyasaccassa ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.
pli-tv-kd6:29.1.7	Dukkhasamudayassa ariyasaccassa …pe…
pli-tv-kd6:29.1.8	dukkhanirodhassa ariyasaccassa …pe…
pli-tv-kd6:29.1.9	dukkhanirodhagāminiyā paṭipadāya ariyasaccassa ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.
pli-tv-kd6:29.2.1	Tayidaṁ, bhikkhave, dukkhaṁ ariyasaccaṁ anubuddhaṁ paṭividdhaṁ, dukkhasamudayaṁ ariyasaccaṁ anubuddhaṁ paṭividdhaṁ, dukkhanirodhaṁ ariyasaccaṁ anubuddhaṁ paṭividdhaṁ, dukkhanirodhagāminī paṭipadā ariyasaccaṁ anubuddhaṁ paṭividdhaṁ, ucchinnā bhavataṇhā, khīṇā bhavanetti, natthi dāni punabbhavoti.
pli-tv-kd6:29.2.2	Catunnaṁ ariyasaccānaṁ,
pli-tv-kd6:29.2.3	yathābhūtaṁ adassanā;
pli-tv-kd6:29.2.4	Saṁsitaṁ dīghamaddhānaṁ,
pli-tv-kd6:29.2.5	tāsu tāsveva jātisu.
pli-tv-kd6:29.2.6	Tāni etāni diṭṭhāni,
pli-tv-kd6:29.2.7	bhavanetti samūhatā;
pli-tv-kd6:29.2.8	Ucchinnaṁ mūlaṁ dukkhassa,
pli-tv-kd6:29.2.9	natthi dāni punabbhavo”ti.
pli-tv-kd6:30.1.0	17. Ambapālīvatthu
pli-tv-kd6:30.1.1	Assosi kho ambapālī gaṇikā—
pli-tv-kd6:30.1.2	“bhagavā kira koṭigāmaṁ anuppatto”ti.
pli-tv-kd6:30.1.3	Atha kho ambapālī gaṇikā bhadrāni bhadrāni yānāni yojāpetvā bhadraṁ bhadraṁ yānaṁ abhiruhitvā bhadrehi bhadrehi yānehi vesāliyā niyyāsi bhagavantaṁ dassanāya.
pli-tv-kd6:30.1.4	Yāvatikā yānassa bhūmi, yānena gantvā, yānā paccorohitvā, pattikāva yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-kd6:30.2.1	Ekamantaṁ nisinnaṁ kho ambapāliṁ gaṇikaṁ bhagavā dhammiyā kathāya sandassesi samādapesi samuttejesi sampahaṁsesi.
pli-tv-kd6:30.2.2	Atha kho ambapālī gaṇikā bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ etadavoca—
pli-tv-kd6:30.2.3	“adhivāsetu me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd6:30.2.4	Adhivāsesi bhagavā tuṇhībhāvena.
pli-tv-kd6:30.2.5	Atha kho ambapālī gaṇikā bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd6:30.3.0	18. Licchavīvatthu
pli-tv-kd6:30.3.1	Assosuṁ kho vesālikā licchavī—
pli-tv-kd6:30.3.2	“bhagavā kira koṭigāmaṁ anuppatto”ti.
pli-tv-kd6:30.3.3	Atha kho vesālikā licchavī bhadrāni bhadrāni yānāni yojāpetvā bhadraṁ bhadraṁ yānaṁ abhiruhitvā bhadrehi bhadrehi yānehi vesāliyā niyyāsuṁ bhagavantaṁ dassanāya.
pli-tv-kd6:30.3.4	Appekacce licchavī nīlā honti nīlavaṇṇā nīlavatthā nīlālaṅkārā, appekacce licchavī pītā honti pītavaṇṇā pītavatthā pītālaṅkārā, appekacce licchavī lohitā honti lohitavaṇṇā lohitavatthā lohitālaṅkārā, appekacce licchavī odātā honti odātavaṇṇā odātavatthā odātālaṅkārā.
pli-tv-kd6:30.3.5	Atha kho ambapālī gaṇikā daharānaṁ daharānaṁ licchavīnaṁ īsāya īsaṁ yugena yugaṁ cakkena cakkaṁ akkhena akkhaṁ paṭivaṭṭesi.
pli-tv-kd6:30.4.1	Atha kho te licchavī ambapāliṁ gaṇikaṁ etadavocuṁ—
pli-tv-kd6:30.4.2	“kissa, je ambapāli, daharānaṁ daharānaṁ licchavīnaṁ īsāya īsaṁ yugena yugaṁ cakkena cakkaṁ akkhena akkhaṁ paṭivaṭṭesī”ti?
pli-tv-kd6:30.4.3	“Tathā hi pana mayā, ayyaputtā, svātanāya buddhappamukho bhikkhusaṅgho nimantito”ti.
pli-tv-kd6:30.4.4	“Dehi, je ambapāli, amhākaṁ etaṁ bhattaṁ satasahassenā”ti.
pli-tv-kd6:30.4.5	“Sacepi me, ayyaputtā, vesāliṁ sāhāraṁ dajjeyyātha, neva dajjāhaṁ taṁ bhattan”ti.
pli-tv-kd6:30.4.6	Atha kho te licchavī aṅguliṁ phoṭesuṁ—
pli-tv-kd6:30.4.7	“jitamha vata bho ambakāya, parājitamha vata bho ambakāyā”ti.
pli-tv-kd6:30.5.1	Atha kho te licchavī yena bhagavā tenupasaṅkamiṁsu.
pli-tv-kd6:30.5.2	Addasā kho bhagavā te licchavī dūratova āgacchante, disvāna bhikkhū āmantesi—
pli-tv-kd6:30.5.3	“yehi, bhikkhave, bhikkhūhi devā tāvatiṁsā adiṭṭhapubbā, oloketha, bhikkhave, licchavīparisaṁ;
pli-tv-kd6:30.5.4	apaloketha, bhikkhave, licchavīparisaṁ;
pli-tv-kd6:30.5.5	upasaṁharatha, bhikkhave, licchavīparisaṁ tāvatiṁsaparisan”ti.
pli-tv-kd6:30.5.6	Atha kho te licchavī yāvatikā yānassa bhūmi, yānena gantvā yānā paccorohitvā pattikāva yena bhagavā tenupasaṅkamiṁsu;
pli-tv-kd6:30.5.7	upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd6:30.5.8	Ekamantaṁ nisinne kho te licchavī bhagavā dhammiyā kathāya sandassesi samādapesi samuttejesi sampahaṁsesi.
pli-tv-kd6:30.5.9	Atha kho te licchavī, bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ etadavocuṁ—
pli-tv-kd6:30.5.10	“adhivāsetu no, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd6:30.5.11	“Adhivuṭṭhomhi, licchavī, svātanāya ambapāliyā gaṇikāya bhattan”ti.
pli-tv-kd6:30.5.12	Atha kho te licchavī aṅguliṁ phoṭesuṁ—
pli-tv-kd6:30.5.13	“jitamha vata bho ambakāya, parājitamha vata bho ambakāyā”ti.
pli-tv-kd6:30.5.14	Atha kho te licchavī bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pakkamiṁsu.
pli-tv-kd6:30.6.1	Atha kho bhagavā koṭigāme yathābhirantaṁ viharitvā yena nātikā tenupasaṅkami.
pli-tv-kd6:30.6.2	Tatra sudaṁ bhagavā nātike viharati giñjakāvasathe.
pli-tv-kd6:30.6.3	Atha kho ambapālī gaṇikā tassā rattiyā accayena sake ārāme paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bhante, niṭṭhitaṁ bhattan”ti.
pli-tv-kd6:30.6.4	Atha kho bhagavā pubbaṇhasamayaṁ nivāsetvā pattacīvaramādāya yena ambapāliyā gaṇikāya parivesanā tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd6:30.6.5	Atha kho ambapālī gaṇikā buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi. Ekamantaṁ nisinnā kho ambapālī gaṇikā bhagavantaṁ etadavoca—
pli-tv-kd6:30.6.6	“imāhaṁ, bhante, ambavanaṁ buddhappamukhassa bhikkhusaṅghassa dammī”ti.
pli-tv-kd6:30.6.7	Paṭiggahesi bhagavā ārāmaṁ.
pli-tv-kd6:30.6.8	Atha kho bhagavā ambapāliṁ gaṇikaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā yena mahāvanaṁ tenupasaṅkami.
pli-tv-kd6:30.6.9	Tatra sudaṁ bhagavā vesāliyaṁ viharati mahāvane kūṭāgārasālāyaṁ.
pli-tv-kd6:30.6.10	Licchavibhāṇavāro niṭṭhito tatiyo.
pli-tv-kd6:31.1.0	19. Sīhasenāpativatthu
pli-tv-kd6:31.1.1	Tena kho pana samayena abhiññātā abhiññātā licchavī sandhāgāre sannisinnā sannipatitā anekapariyāyena buddhassa vaṇṇaṁ bhāsanti, dhammassa vaṇṇaṁ bhāsanti, saṅghassa vaṇṇaṁ bhāsanti.
pli-tv-kd6:31.1.2	Tena kho pana samayena sīho senāpati nigaṇṭhasāvako tassaṁ parisāyaṁ nisinno hoti.
pli-tv-kd6:31.1.3	Atha kho sīhassa senāpatissa etadahosi—
pli-tv-kd6:31.1.4	“nissaṁsayaṁ kho so bhagavā arahaṁ sammāsambuddho bhavissati, tathā hime abhiññātā abhiññātā licchavī sandhāgāre sannisinnā sannipatitā anekapariyāyena buddhassa vaṇṇaṁ bhāsanti, dhammassa vaṇṇaṁ bhāsanti, saṅghassa vaṇṇaṁ bhāsanti.
pli-tv-kd6:31.1.5	Yannūnāhaṁ taṁ bhagavantaṁ dassanāya upasaṅkameyyaṁ arahantaṁ sammāsambuddhan”ti.
pli-tv-kd6:31.2.1	Atha kho sīho senāpati yena nigaṇṭho nāṭaputto tenupasaṅkami, upasaṅkamitvā nigaṇṭhaṁ nāṭaputtaṁ etadavoca—
pli-tv-kd6:31.2.2	“icchāmahaṁ, bhante, samaṇaṁ gotamaṁ dassanāya upasaṅkamitun”ti.
pli-tv-kd6:31.2.3	“Kiṁ pana tvaṁ, sīha, kiriyavādo samāno akiriyavādaṁ samaṇaṁ gotamaṁ dassanāya upasaṅkamissasi?
pli-tv-kd6:31.2.4	Samaṇo hi, sīha, gotamo akiriyavādo akiriyāya dhammaṁ deseti, tena ca sāvake vinetī”ti.
pli-tv-kd6:31.2.5	Atha kho sīhassa senāpatissa yo ahosi gamikābhisaṅkhāro bhagavantaṁ dassanāya, so paṭippassambhi.
pli-tv-kd6:31.3.1	Dutiyampi kho abhiññātā abhiññātā licchavī sandhāgāre sannisinnā sannipatitā anekapariyāyena buddhassa vaṇṇaṁ bhāsanti, dhammassa vaṇṇaṁ bhāsanti, saṅghassa vaṇṇaṁ bhāsanti.
pli-tv-kd6:31.3.2	Dutiyampi kho sīhassa senāpatissa etadahosi—
pli-tv-kd6:31.3.3	“nissaṁsayaṁ kho so bhagavā arahaṁ sammāsambuddho bhavissati, tathā hime abhiññātā abhiññātā licchavī sandhāgāre sannisinnā sannipatitā anekapariyāyena buddhassa vaṇṇaṁ bhāsanti, dhammassa vaṇṇaṁ bhāsanti, saṅghassa vaṇṇaṁ bhāsanti.
pli-tv-kd6:31.3.4	Yannūnāhaṁ taṁ bhagavantaṁ dassanāya upasaṅkameyyaṁ arahantaṁ sammāsambuddhan”ti.
pli-tv-kd6:31.3.5	Dutiyampi kho sīho senāpati yena nigaṇṭho nāṭaputto tenupasaṅkami, upasaṅkamitvā nigaṇṭhaṁ nāṭaputtaṁ etadavoca—
pli-tv-kd6:31.3.6	“icchāmahaṁ, bhante, samaṇaṁ gotamaṁ dassanāya upasaṅkamitun”ti.
pli-tv-kd6:31.3.7	“Kiṁ pana tvaṁ, sīha, kiriyavādo samāno akiriyavādaṁ samaṇaṁ gotamaṁ dassanāya upasaṅkamissasi?
pli-tv-kd6:31.3.8	Samaṇo hi, sīha, gotamo akiriyavādo akiriyāya dhammaṁ deseti, tena ca sāvake vinetī”ti.
pli-tv-kd6:31.3.9	Dutiyampi kho sīhassa senāpatissa yo ahosi gamikābhisaṅkhāro bhagavantaṁ dassanāya, so paṭippassambhi.
pli-tv-kd6:31.3.10	Tatiyampi kho abhiññātā abhiññātā licchavī sandhāgāre sannisinnā sannipatitā anekapariyāyena buddhassa vaṇṇaṁ bhāsanti, dhammassa vaṇṇaṁ bhāsanti, saṅghassa vaṇṇaṁ bhāsanti.
pli-tv-kd6:31.3.11	Tatiyampi kho sīhassa senāpatissa etadahosi—
pli-tv-kd6:31.3.12	“nissaṁsayaṁ kho so bhagavā arahaṁ sammāsambuddho bhavissati, tathā hime abhiññātā abhiññātā licchavī sandhāgāre sannisinnā sannipatitā anekapariyāyena buddhassa vaṇṇaṁ bhāsanti, dhammassa vaṇṇaṁ bhāsanti, saṅghassa vaṇṇaṁ bhāsanti.
pli-tv-kd6:31.3.13	Kiñhi me karissanti nigaṇṭhā apalokitā vā anapalokitā vā?
pli-tv-kd6:31.3.14	Yannūnāhaṁ anapaloketvāva nigaṇṭhe taṁ bhagavantaṁ dassanāya upasaṅkameyyaṁ arahantaṁ sammāsambuddhan”ti.
pli-tv-kd6:31.4.1	Atha kho sīho senāpati pañcahi rathasatehi divādivassa vesāliyā niyyāsi bhagavantaṁ dassanāya.
pli-tv-kd6:31.4.2	Yāvatikā yānassa bhūmi, yānena gantvā yānā paccorohitvā pattikova yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-kd6:31.4.3	Ekamantaṁ nisinno kho sīho senāpati bhagavantaṁ etadavoca—
pli-tv-kd6:31.4.4	“sutaṁ me taṁ, bhante—‘akiriyavādo samaṇo gotamo akiriyāya dhammaṁ deseti, tena ca sāvake vinetī’ti.
pli-tv-kd6:31.4.5	Ye te, bhante, evamāhaṁsu—‘akiriyavādo samaṇo gotamo, akiriyāya dhammaṁ deseti, tena ca sāvake vinetī’ti.
pli-tv-kd6:31.4.6	Kacci te, bhante, bhagavato vuttavādino, na ca bhagavantaṁ abhūtena abbhācikkhanti, dhammassa cānudhammaṁ byākaronti, na ca koci sahadhammiko vādānuvādo gārayhaṁ ṭhānaṁ āgacchati?
pli-tv-kd6:31.4.7	Anabbhakkhātukāmā hi mayaṁ, bhante, bhagavantan”ti.
pli-tv-kd6:31.5.1	“Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.2	akiriyavādo samaṇo gotamo, akiriyāya dhammaṁ deseti, tena ca sāvake vinetīti.
pli-tv-kd6:31.5.3	Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.4	kiriyavādo samaṇo gotamo kiriyāya dhammaṁ deseti, tena ca sāvake vinetīti.
pli-tv-kd6:31.5.5	Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.6	ucchedavādo samaṇo gotamo ucchedāya dhammaṁ deseti, tena ca sāvake vinetīti.
pli-tv-kd6:31.5.7	Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.8	jegucchī samaṇo gotamo, jegucchitāya dhammaṁ deseti, tena ca sāvake vinetīti.
pli-tv-kd6:31.5.9	Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.10	venayiko samaṇo gotamo, vinayāya dhammaṁ deseti, tena ca sāvake vinetīti.
pli-tv-kd6:31.5.11	Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.12	tapassī samaṇo gotamo, tapassitāya dhammaṁ deseti, tena ca sāvake vinetīti.
pli-tv-kd6:31.5.13	Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.14	apagabbho samaṇo gotamo, apagabbhatāya dhammaṁ deseti, tena ca sāvake vinetīti.
pli-tv-kd6:31.5.15	Atthi, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.5.16	assattho samaṇo gotamo, assāsāya dhammaṁ deseti, tena ca sāvake vinetīti.
pli-tv-kd6:31.6.1	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.6.2	akiriyavādo samaṇo gotamo, akiriyāya dhammaṁ deseti, tena ca sāvake vinetīti?
pli-tv-kd6:31.6.3	Ahañhi, sīha, akiriyaṁ vadāmi kāyaduccaritassa vacīduccaritassa manoduccaritassa;
pli-tv-kd6:31.6.4	anekavihitānaṁ pāpakānaṁ akusalānaṁ dhammānaṁ akiriyaṁ vadāmi.
pli-tv-kd6:31.6.5	Ayaṁ kho, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.6.6	akiriyavādo samaṇo gotamo, akiriyāya dhammaṁ deseti, tena ca sāvake vinetīti.
pli-tv-kd6:31.6.7	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.6.8	kiriyavādo samaṇo gotamo, kiriyāya dhammaṁ deseti, tena ca sāvake vinetīti?
pli-tv-kd6:31.6.9	Ahañhi, sīha, kiriyaṁ vadāmi kāyasucaritassa vacīsucaritassa manosucaritassa, anekavihitānaṁ kusalānaṁ dhammānaṁ kiriyaṁ vadāmi.
pli-tv-kd6:31.6.10	Ayaṁ kho, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.6.11	kiriyavādo samaṇo gotamo, kiriyāya dhammaṁ deseti, tena ca sāvake vinetīti.
pli-tv-kd6:31.7.1	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.7.2	ucchedavādo samaṇo gotamo, ucchedāya dhammaṁ deseti, tena ca sāvake vinetīti?
pli-tv-kd6:31.7.3	Ahañhi, sīha, ucchedaṁ vadāmi rāgassa dosassa mohassa;
pli-tv-kd6:31.7.4	anekavihitānaṁ pāpakānaṁ akusalānaṁ dhammānaṁ ucchedaṁ vadāmi.
pli-tv-kd6:31.7.5	Ayaṁ kho, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.7.6	ucchedavādo samaṇo gotamo ucchedāya dhammaṁ deseti, tena ca sāvake vinetīti.
pli-tv-kd6:31.7.7	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.7.8	jegucchī samaṇo gotamo, jegucchitāya dhammaṁ deseti, tena ca sāvake vinetīti?
pli-tv-kd6:31.7.9	Ahañhi, sīha, jigucchāmi kāyaduccaritena vacīduccaritena manoduccaritena;
pli-tv-kd6:31.7.10	anekavihitānaṁ pāpakānaṁ akusalānaṁ dhammānaṁ samāpattiyā jigucchāmi.
pli-tv-kd6:31.7.11	Ayaṁ kho, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.7.12	jegucchī samaṇo gotamo, jegucchitāya dhammaṁ deseti, tena ca sāvake vinetīti.
pli-tv-kd6:31.8.1	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.8.2	venayiko samaṇo gotamo, vinayāya dhammaṁ deseti, tena ca sāvake vinetīti?
pli-tv-kd6:31.8.3	Ahañhi, sīha, vinayāya dhammaṁ desemi rāgassa dosassa mohassa;
pli-tv-kd6:31.8.4	anekavihitānaṁ pāpakānaṁ akusalānaṁ dhammānaṁ vinayāya dhammaṁ desemi.
pli-tv-kd6:31.8.5	Ayaṁ kho, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.8.6	venayiko samaṇo gotamo, vinayāya dhammaṁ deseti, tena ca sāvake vinetīti.
pli-tv-kd6:31.8.7	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.8.8	tapassī samaṇo gotamo, tapassitāya dhammaṁ deseti, tena ca sāvake vinetīti?
pli-tv-kd6:31.8.9	Tapanīyāhaṁ, sīha, pāpake akusale dhamme vadāmi—
pli-tv-kd6:31.8.10	kāyaduccaritaṁ vacīduccaritaṁ manoduccaritaṁ.
pli-tv-kd6:31.8.11	Yassa kho, sīha, tapanīyā pāpakā akusalā dhammā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā, tamahaṁ tapassīti vadāmi.
pli-tv-kd6:31.8.12	Tathāgatassa kho, sīha, tapanīyā pāpakā akusalā dhammā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.
pli-tv-kd6:31.8.13	Ayaṁ kho, sīha, pariyāyo, yena maṁ pariyāyena sammā vadamāno vadeyya tapassī samaṇo gotamo tapassitāya dhammaṁ deseti, tena ca sāvake vinetīti.
pli-tv-kd6:31.9.1	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.9.2	apagabbho samaṇo gotamo apagabbhatāya dhammaṁ deseti, tena ca sāvake vinetīti?
pli-tv-kd6:31.9.3	Yassa kho, sīha, āyatiṁ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṅkatā āyatiṁ anuppādadhammā, tamahaṁ apagabbhoti vadāmi.
pli-tv-kd6:31.9.4	Tathāgatassa kho, sīha, āyatiṁ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.
pli-tv-kd6:31.9.5	Ayaṁ kho, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.9.6	apagabbho samaṇo gotamo, apagabbhatāya dhammaṁ deseti, tena ca sāvake vinetīti.
pli-tv-kd6:31.9.7	Katamo ca, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.9.8	assattho samaṇo gotamo assāsāya dhammaṁ deseti, tena ca sāvake vinetīti?
pli-tv-kd6:31.9.9	Ahañhi, sīha, assattho paramena assāsena, assāsāya dhammaṁ desemi, tena ca sāvake vinemi.
pli-tv-kd6:31.9.10	Ayaṁ kho, sīha, pariyāyo, yena maṁ pariyāyena sammā vadamāno vadeyya—
pli-tv-kd6:31.9.11	assattho samaṇo gotamo assāsāya dhammaṁ deseti, tena ca sāvake vinetī”ti.
pli-tv-kd6:31.10.1	Evaṁ vutte sīho senāpati bhagavantaṁ etadavoca—
pli-tv-kd6:31.10.2	“abhikkantaṁ, bhante …pe…
pli-tv-kd6:31.10.3	upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.
pli-tv-kd6:31.10.4	“Anuviccakāraṁ kho, sīha, karohi; anuviccakāro tumhādisānaṁ ñātamanussānaṁ sādhu hotī”ti.
pli-tv-kd6:31.10.5	“Imināpāhaṁ, bhante, bhagavato bhiyyoso mattāya attamano abhiraddho, yaṁ maṁ bhagavā evamāha—
pli-tv-kd6:31.10.6	‘anuviccakāraṁ kho, sīha, karohi; anuviccakāro tumhādisānaṁ ñātamanussānaṁ sādhu hotī’ti.
pli-tv-kd6:31.10.7	Mamañhi, bhante, aññatitthiyā sāvakaṁ labhitvā kevalakappaṁ vesāliṁ paṭākaṁ parihareyyuṁ—‘sīho kho amhākaṁ senāpati sāvakattaṁ upagato’ti.
pli-tv-kd6:31.10.8	Atha ca pana maṁ bhagavā evamāha—
pli-tv-kd6:31.10.9	‘anuviccakāraṁ kho, sīha, karohi; anuviccakāro tumhādisānaṁ ñātamanussānaṁ sādhu hotī’ti.
pli-tv-kd6:31.10.10	Esāhaṁ, bhante, dutiyampi bhagavantaṁ saraṇaṁ gacchāmi dhammañca bhikkhusaṅghañca.
pli-tv-kd6:31.10.11	Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.
pli-tv-kd6:31.11.1	“Dīgharattaṁ kho te, sīha, nigaṇṭhānaṁ opānabhūtaṁ kulaṁ, yena nesaṁ upagatānaṁ piṇḍakaṁ dātabbaṁ maññeyyāsī”ti.
pli-tv-kd6:31.11.2	“Imināpāhaṁ, bhante, bhagavato bhiyyoso mattāya attamano abhiraddho, yaṁ maṁ bhagavā evamāha—
pli-tv-kd6:31.11.3	‘dīgharattaṁ kho te, sīha, nigaṇṭhānaṁ opānabhūtaṁ kulaṁ, yena nesaṁ upagatānaṁ piṇḍakaṁ dātabbaṁ maññeyyāsī’ti.
pli-tv-kd6:31.11.4	Sutaṁ me taṁ, bhante, samaṇo gotamo evamāha—
pli-tv-kd6:31.11.5	‘mayhameva dānaṁ dātabbaṁ, na aññesaṁ dānaṁ dātabbaṁ; mayhameva sāvakānaṁ dānaṁ dātabbaṁ, na aññesaṁ sāvakānaṁ dānaṁ dātabbaṁ;
pli-tv-kd6:31.11.6	mayhameva dinnaṁ mahapphalaṁ, na aññesaṁ dinnaṁ mahapphalaṁ; mayhameva sāvakānaṁ dinnaṁ mahapphalaṁ, na aññesaṁ sāvakānaṁ dinnaṁ mahapphalan’ti.
pli-tv-kd6:31.11.7	Atha ca pana maṁ bhagavā nigaṇṭhesupi dāne samādapeti.
pli-tv-kd6:31.11.8	Api ca, bhante, mayamettha kālaṁ jānissāma.
pli-tv-kd6:31.11.9	Esāhaṁ, bhante, tatiyampi bhagavantaṁ saraṇaṁ gacchāmi dhammañca bhikkhusaṅghañca.
pli-tv-kd6:31.11.10	Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.
pli-tv-kd6:31.12.1	Atha kho bhagavā sīhassa senāpatissa anupubbiṁ kathaṁ kathesi, seyyathidaṁ—
pli-tv-kd6:31.12.2	dānakathaṁ …pe…
pli-tv-kd6:31.12.3	aparappaccayo satthusāsane bhagavantaṁ etadavoca—
pli-tv-kd6:31.12.4	“adhivāsetu me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd6:31.12.5	Adhivāsesi bhagavā tuṇhībhāvena.
pli-tv-kd6:31.12.6	Atha kho sīho senāpati bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd6:31.12.7	Atha kho sīho senāpati aññataraṁ purisaṁ āṇāpesi—
pli-tv-kd6:31.12.8	“gaccha, bhaṇe, pavattamaṁsaṁ jānāhī”ti.
pli-tv-kd6:31.12.9	Atha kho sīho senāpati tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bhante, niṭṭhitaṁ bhattan”ti.
pli-tv-kd6:31.12.10	Atha kho bhagavā pubbaṇhasamayaṁ nivāsetvā pattacīvaramādāya yena sīhassa senāpatissa nivesanaṁ tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd6:31.13.1	Tena kho pana samayena sambahulā nigaṇṭhā vesāliyaṁ rathikāya rathikaṁ siṅghāṭakena siṅghāṭakaṁ bāhā paggayha kandanti—
pli-tv-kd6:31.13.2	“ajja sīhena senāpatinā thūlaṁ pasuṁ vadhitvā samaṇassa gotamassa bhattaṁ kataṁ, taṁ samaṇo gotamo jānaṁ uddissakataṁ maṁsaṁ paribhuñjati paṭiccakamman”ti.
pli-tv-kd6:31.13.3	Atha kho aññataro puriso yena sīho senāpati tenupasaṅkami, upasaṅkamitvā sīhassa senāpatissa upakaṇṇake ārocesi—
pli-tv-kd6:31.13.4	“yagghe, bhante, jāneyyāsi, ete sambahulā nigaṇṭhā vesāliyaṁ rathikāya rathikaṁ siṅghāṭakena siṅghāṭakaṁ bāhā paggayha kandanti—
pli-tv-kd6:31.13.5	‘ajja sīhena senāpatinā thūlaṁ pasuṁ vadhitvā samaṇassa gotamassa bhattaṁ kataṁ, taṁ samaṇo gotamo jānaṁ uddissakataṁ maṁsaṁ paribhuñjati paṭiccakamman’”ti.
pli-tv-kd6:31.13.6	“Alaṁ, ayyo, dīgharattampi te āyasmantā avaṇṇakāmā buddhassa, avaṇṇakāmā dhammassa, avaṇṇakāmā saṅghassa;
pli-tv-kd6:31.13.7	na ca pana te āyasmantā jiridanti taṁ bhagavantaṁ asatā tucchā musā abhūtena abbhācikkhantā;
pli-tv-kd6:31.13.8	na ca mayaṁ jīvitahetupi sañcicca pāṇaṁ jīvitā voropeyyāmā”ti.
pli-tv-kd6:31.14.1	Atha kho sīho senāpati buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi.
pli-tv-kd6:31.14.2	Ekamantaṁ nisinnaṁ kho sīhaṁ senāpatiṁ bhagavā dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd6:31.14.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:31.14.4	“na, bhikkhave, jānaṁ uddissakataṁ maṁsaṁ paribhuñjitabbaṁ.
pli-tv-kd6:31.14.5	Yo paribhuñjeyya, āpatti dukkaṭassa.
pli-tv-kd6:31.14.6	Anujānāmi, bhikkhave, tikoṭiparisuddhaṁ macchamaṁsaṁ—adiṭṭhaṁ assutaṁ aparisaṅkitan”ti.
pli-tv-kd6:32.1.0	20. Kappiyabhūmianujānana
pli-tv-kd6:32.1.1	Tena kho pana samayena vesālī subhikkhā hoti susassā sulabhapiṇḍā, sukarā uñchena paggahena yāpetuṁ.
pli-tv-kd6:32.1.2	Atha kho bhagavato rahogatassa paṭisallīnassa evaṁ cetaso parivitakko udapādi—
pli-tv-kd6:32.1.3	“yāni tāni mayā bhikkhūnaṁ anuññātāni dubbhikkhe dussasse dullabhapiṇḍe anto vuṭṭhaṁ anto pakkaṁ sāmaṁ pakkaṁ uggahitapaṭiggahitakaṁ tato nīhaṭaṁ purebhattaṁ paṭiggahitaṁ vanaṭṭhaṁ pokkharaṭṭhaṁ, ajjāpi nu kho tāni bhikkhū paribhuñjantī”ti.
pli-tv-kd6:32.1.4	Atha kho bhagavā sāyanhasamayaṁ paṭisallānā vuṭṭhito āyasmantaṁ ānandaṁ āmantesi—
pli-tv-kd6:32.1.5	“yāni tāni, ānanda, mayā bhikkhūnaṁ anuññātāni dubbhikkhe dussasse dullabhapiṇḍe anto vuṭṭhaṁ anto pakkaṁ sāmaṁ pakkaṁ uggahitapaṭiggahitakaṁ tato nīhaṭaṁ purebhattaṁ paṭiggahitaṁ vanaṭṭhaṁ pokkharaṭṭhaṁ, ajjāpi nu kho tāni bhikkhū paribhuñjantī”ti?
pli-tv-kd6:32.1.6	“Paribhuñjanti, bhagavā”ti.
pli-tv-kd6:32.2.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:32.2.2	“yāni tāni, bhikkhave, mayā bhikkhūnaṁ anuññātāni dubbhikkhe dussasse dullabhapiṇḍe anto vuṭṭhaṁ anto pakkaṁ sāmaṁ pakkaṁ uggahitapaṭiggahitakaṁ tato nīhaṭaṁ purebhattaṁ paṭiggahitaṁ vanaṭṭhaṁ pokkharaṭṭhaṁ, tānāhaṁ ajjatagge paṭikkhipāmi.
pli-tv-kd6:32.2.3	Na, bhikkhave, anto vuṭṭhaṁ anto pakkaṁ sāmaṁ pakkaṁ uggahitapaṭiggahitakaṁ paribhuñjitabbaṁ.
pli-tv-kd6:32.2.4	Yo paribhuñjeyya, āpatti dukkaṭassa.
pli-tv-kd6:32.2.5	Na ca, bhikkhave, tato nīhaṭaṁ purebhattaṁ paṭiggahitaṁ vanaṭṭhaṁ pokkharaṭṭhaṁ bhuttāvinā pavāritena anatirittaṁ paribhuñjitabbaṁ.
pli-tv-kd6:32.2.6	Yo paribhuñjeyya, yathādhammo kāretabbo”ti.
pli-tv-kd6:33.1.1	Tena kho pana samayena jānapadā manussā bahuṁ loṇampi, telampi, taṇḍulampi, khādanīyampi sakaṭesu āropetvā bahārāmakoṭṭhake sakaṭaparivaṭṭaṁ karitvā acchanti—“yadā paṭipāṭiṁ labhissāma, tadā bhattaṁ karissāmā”ti.
pli-tv-kd6:33.1.2	Mahā ca megho uggato hoti.
pli-tv-kd6:33.1.3	Atha kho te manussā yenāyasmā ānando tenupasaṅkamiṁsu, upasaṅkamitvā āyasmantaṁ ānandaṁ etadavocuṁ—“idha, bhante ānanda, bahuṁ loṇampi, telampi, taṇḍulampi, khādanīyampi sakaṭesu āropitā tiṭṭhanti, mahā ca megho uggato; kathaṁ nu kho, bhante ānanda, paṭipajjitabban”ti?
pli-tv-kd6:33.1.4	Atha kho āyasmā ānando bhagavato etamatthaṁ ārocesi.
pli-tv-kd6:33.2.1	“Tena hānanda, saṅgho paccantimaṁ vihāraṁ kappiyabhūmiṁ sammannitvā tattha vāsetu, yaṁ saṅgho ākaṅkhati vihāraṁ vā aḍḍhayogaṁ vā pāsādaṁ vā hammiyaṁ vā guhaṁ vā.
pli-tv-kd6:33.2.2	Evañca pana, bhikkhave, sammannitabbā.
pli-tv-kd6:33.2.3	Byattena bhikkhunā paṭibalena saṅgho ñāpetabbo—
pli-tv-kd6:33.2.4	‘Suṇātu me, bhante, saṅgho.
pli-tv-kd6:33.2.5	Yadi saṅghassa pattakallaṁ, saṅgho itthannāmaṁ vihāraṁ kappiyabhūmiṁ sammanneyya.
pli-tv-kd6:33.2.6	Esā ñatti.
pli-tv-kd6:33.2.7	Suṇātu me, bhante, saṅgho.
pli-tv-kd6:33.2.8	Saṅgho itthannāmaṁ vihāraṁ kappiyabhūmiṁ sammannati.
pli-tv-kd6:33.2.9	Yassāyasmato khamati itthannāmassa vihārassa kappiyabhūmiyā sammuti, so tuṇhassa;
pli-tv-kd6:33.2.10	yassa nakkhamati, so bhāseyya.
pli-tv-kd6:33.2.11	Sammato saṅghena itthannāmo vihāro kappiyabhūmi.
pli-tv-kd6:33.2.12	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd6:33.3.1	Tena kho pana samayena manussā tattheva sammutiyā kappiyabhūmiyā yāguyo pacanti, bhattāni pacanti, sūpāni sampādenti, maṁsāni koṭṭenti, kaṭṭhāni phālenti.
pli-tv-kd6:33.3.2	Assosi kho bhagavā rattiyā paccūsasamayaṁ paccuṭṭhāya uccāsaddaṁ mahāsaddaṁ kākoravasaddaṁ, sutvāna āyasmantaṁ ānandaṁ āmantesi—
pli-tv-kd6:33.3.3	“kiṁ nu kho so, ānanda, uccāsaddo mahāsaddo kākoravasaddo”ti?
pli-tv-kd6:33.4.1	“Etarahi, bhante, manussā tattheva sammutiyā kappiyabhūmiyā yāguyo pacanti, bhattāni pacanti, sūpāni sampādenti, maṁsāni koṭṭenti, kaṭṭhāni phālenti.
pli-tv-kd6:33.4.2	So eso, bhagavā, uccāsaddo mahāsaddo kākoravasaddo”ti.
pli-tv-kd6:33.4.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:33.4.4	“na, bhikkhave, sammuti kappiyabhūmi paribhuñjitabbā.
pli-tv-kd6:33.4.5	Yo paribhuñjeyya, āpatti dukkaṭassa.
pli-tv-kd6:33.4.6	Anujānāmi, bhikkhave, tisso kappiyabhūmiyo—
pli-tv-kd6:33.4.7	ussāvanantikaṁ gonisādikaṁ gahapatin”ti.
pli-tv-kd6:33.5.1	Tena kho pana samayena āyasmā yasojo gilāno hoti.
pli-tv-kd6:33.5.2	Tassatthāya bhesajjāni āhariyanti.
pli-tv-kd6:33.5.3	Tāni bhikkhū bahi vāsenti.
pli-tv-kd6:33.5.4	Ukkapiṇḍakāpi khādanti, corāpi haranti.
pli-tv-kd6:33.5.5	Bhagavato etamatthaṁ ārocesuṁ.
pli-tv-kd6:33.5.6	“Anujānāmi, bhikkhave, sammutiṁ kappiyabhūmiṁ paribhuñjituṁ.
pli-tv-kd6:33.5.7	Anujānāmi, bhikkhave, catasso kappiyabhūmiyo—
pli-tv-kd6:33.5.8	ussāvanantikaṁ gonisādikaṁ gahapatiṁ sammutin”ti.
pli-tv-kd6:33.5.9	Sīhabhāṇavāro niṭṭhito catuttho.
pli-tv-kd6:34.1.0	21. Meṇḍakagahapativatthu
pli-tv-kd6:34.1.1	Tena kho pana samayena bhaddiyanagare meṇḍako gahapati paṭivasati.
pli-tv-kd6:34.1.2	Tassa evarūpo iddhānubhāvo hoti—
pli-tv-kd6:34.1.3	sīsaṁ nahāyitvā dhaññāgāraṁ sammajjāpetvā bahidvāre nisīdati, antalikkhā dhaññassa dhārā opatitvā dhaññāgāraṁ pūreti.
pli-tv-kd6:34.1.4	Bhariyāya evarūpo iddhānubhāvo hoti—
pli-tv-kd6:34.1.5	ekaṁyeva āḷhakathālikaṁ upanisīditvā ekañca sūpabhiñjanakaṁ dāsakammakaraporisaṁ bhattena parivisati, na tāva taṁ khiyyati yāva sā na vuṭṭhāti.
pli-tv-kd6:34.1.6	Puttassa evarūpo iddhānubhāvo hoti—
pli-tv-kd6:34.1.7	ekaṁyeva sahassathavikaṁ gahetvā dāsakammakaraporisassa chamāsikaṁ vetanaṁ deti, na tāva taṁ khiyyati yāvassa hatthagatā.
pli-tv-kd6:34.2.1	Suṇisāya evarūpo iddhānubhāvo hoti—
pli-tv-kd6:34.2.2	ekaṁyeva catudoṇikaṁ piṭakaṁ upanisīditvā dāsakammakaraporisassa chamāsikaṁ bhattaṁ deti, na tāva taṁ khiyyati yāva sā na vuṭṭhāti.
pli-tv-kd6:34.2.3	Dāsassa evarūpo iddhānubhāvo hoti—
pli-tv-kd6:34.2.4	ekena naṅgalena kasantassa satta sītāyo gacchanti.
pli-tv-kd6:34.3.1	Assosi kho rājā māgadho seniyo bimbisāro—
pli-tv-kd6:34.3.2	“amhākaṁ kira vijite bhaddiyanagare meṇḍako gahapati paṭivasati.
pli-tv-kd6:34.3.3	Tassa evarūpo iddhānubhāvo—
pli-tv-kd6:34.3.4	sīsaṁ nahāyitvā dhaññāgāraṁ sammajjāpetvā bahidvāre nisīdati, antalikkhā dhaññassa dhārā opatitvā dhaññāgāraṁ pūreti.
pli-tv-kd6:34.3.5	Bhariyāya evarūpo iddhānubhāvo—
pli-tv-kd6:34.3.6	ekaṁyeva āḷhakathālikaṁ upanisīditvā ekañca sūpabhiñjanakaṁ dāsakammakaraporisaṁ bhattena parivisati, na tāva taṁ khiyyati yāva sā na vuṭṭhāti.
pli-tv-kd6:34.3.7	Puttassa evarūpo iddhānubhāvo—
pli-tv-kd6:34.3.8	ekaṁyeva sahassathavikaṁ gahetvā dāsakammakaraporisassa chamāsikaṁ vetanaṁ deti, na tāva taṁ khiyyati yāvassa hatthagatā.
pli-tv-kd6:34.4.1	Suṇisāya evarūpo iddhānubhāvo—
pli-tv-kd6:34.4.2	ekaṁyeva catudoṇikaṁ piṭakaṁ upanisīditvā dāsakammakaraporisassa chamāsikaṁ bhattaṁ deti, na tāva taṁ khiyyati yāva sā na vuṭṭhāti.
pli-tv-kd6:34.4.3	Dāsassa evarūpo iddhānubhāvo—
pli-tv-kd6:34.4.4	ekena naṅgalena kasantassa satta sītāyo gacchantī”ti.
pli-tv-kd6:34.5.1	Atha kho rājā māgadho seniyo bimbisāro aññataraṁ sabbatthakaṁ mahāmattaṁ āmantesi—
pli-tv-kd6:34.5.2	“amhākaṁ kira, bhaṇe, vijite bhaddiyanagare meṇḍako gahapati paṭivasati.
pli-tv-kd6:34.5.3	Tassa evarūpo iddhānubhāvo—
pli-tv-kd6:34.5.4	sīsaṁ nahāyitvā dhaññāgāraṁ sammajjāpetvā bahidvāre nisīdati, antalikkhā dhaññassa dhārā opatitvā dhaññāgāraṁ pūreti.
pli-tv-kd6:34.5.5	Bhariyāya …pe…
pli-tv-kd6:34.5.6	puttassa …
pli-tv-kd6:34.5.7	suṇisāya …
pli-tv-kd6:34.5.8	dāsassa evarūpo iddhānubhāvo, ekena naṅgalena kasantassa satta sītāyo gacchantīti.
pli-tv-kd6:34.5.9	Gaccha, bhaṇe, jānāhi.
pli-tv-kd6:34.5.10	Yathā mayā sāmaṁ diṭṭho, evaṁ tava diṭṭho bhavissatī”ti.
pli-tv-kd6:34.5.11	“Evaṁ, devā”ti kho so mahāmatto rañño māgadhassa seniyassa bimbisārassa paṭissuṇitvā caturaṅginiyā senāya yena bhaddiyaṁ tena pāyāsi.
pli-tv-kd6:34.6.1	Anupubbena yena bhaddiyaṁ yena meṇḍako gahapati tenupasaṅkami; upasaṅkamitvā meṇḍakaṁ gahapatiṁ etadavoca—
pli-tv-kd6:34.6.2	“ahañhi, gahapati, raññā āṇatto—
pli-tv-kd6:34.6.3	‘amhākaṁ kira, bhaṇe, vijite bhaddiyanagare meṇḍako gahapati paṭivasati, tassa evarūpo iddhānubhāvo, sīsaṁ nahāyitvā …pe…
pli-tv-kd6:34.6.4	bhariyāya …
pli-tv-kd6:34.6.5	puttassa …
pli-tv-kd6:34.6.6	suṇisāya …
pli-tv-kd6:34.6.7	dāsassa evarūpo iddhānubhāvo, ekena naṅgalena kasantassa satta sītāyo gacchantīti, gaccha, bhaṇe, jānāhi.
pli-tv-kd6:34.6.8	Yathā mayā sāmaṁ diṭṭho, evaṁ tava diṭṭho bhavissatī’ti.
pli-tv-kd6:34.6.9	Passāma te, gahapati, iddhānubhāvan”ti.
pli-tv-kd6:34.6.10	Atha kho meṇḍako gahapati sīsaṁ nahāyitvā dhaññāgāraṁ sammajjāpetvā bahidvāre nisīdi, antalikkhā dhaññassa dhārā opatitvā dhaññāgāraṁ pūresi.
pli-tv-kd6:34.6.11	“Diṭṭho te, gahapati, iddhānubhāvo.
pli-tv-kd6:34.6.12	Bhariyāya te iddhānubhāvaṁ passissāmā”ti.
pli-tv-kd6:34.7.1	Atha kho meṇḍako gahapati bhariyaṁ āṇāpesi—
pli-tv-kd6:34.7.2	“tena hi caturaṅginiṁ senaṁ bhattena parivisā”ti.
pli-tv-kd6:34.7.3	Atha kho meṇḍakassa gahapatissa bhariyā ekaṁyeva āḷhakathālikaṁ upanisīditvā ekañca sūpabhiñjanakaṁ caturaṅginiṁ senaṁ bhattena parivisi, na tāva taṁ khiyyati, yāva sā na vuṭṭhāti.
pli-tv-kd6:34.7.4	“Diṭṭho te, gahapati, bhariyāyapi iddhānubhāvo.
pli-tv-kd6:34.7.5	Puttassa te iddhānubhāvaṁ passissāmā”ti.
pli-tv-kd6:34.8.1	Atha kho meṇḍako gahapati puttaṁ āṇāpesi—
pli-tv-kd6:34.8.2	“tena hi caturaṅginiyā senāya chamāsikaṁ vetanaṁ dehī”ti.
pli-tv-kd6:34.8.3	Atha kho meṇḍakassa gahapatissa putto ekaṁyeva sahassathavikaṁ gahetvā caturaṅginiyā senāya chamāsikaṁ vetanaṁ adāsi, na tāva taṁ khiyyati, yāvassa hatthagatā.
pli-tv-kd6:34.8.4	“Diṭṭho te, gahapati, puttassapi iddhānubhāvo.
pli-tv-kd6:34.8.5	Suṇisāya te iddhānubhāvaṁ passissāmā”ti.
pli-tv-kd6:34.9.1	Atha kho meṇḍako gahapati suṇisaṁ āṇāpesi—
pli-tv-kd6:34.9.2	“tena hi caturaṅginiyā senāya chamāsikaṁ bhattaṁ dehī”ti.
pli-tv-kd6:34.9.3	Atha kho meṇḍakassa gahapatissa suṇisā ekaṁyeva catudoṇikaṁ piṭakaṁ upanisīditvā caturaṅginiyā senāya chamāsikaṁ bhattaṁ adāsi, na tāva taṁ khiyyati yāva sā na vuṭṭhāti.
pli-tv-kd6:34.9.4	“Diṭṭho te, gahapati, suṇisāyapi iddhānubhāvo.
pli-tv-kd6:34.9.5	Dāsassa te iddhānubhāvaṁ passissāmā”ti.
pli-tv-kd6:34.9.6	“Mayhaṁ kho, sāmi, dāsassa iddhānubhāvo khette passitabbo”ti.
pli-tv-kd6:34.9.7	“Alaṁ, gahapati, diṭṭho te dāsassapi iddhānubhāvo”ti.
pli-tv-kd6:34.9.8	Atha kho so mahāmatto caturaṅginiyā senāya punadeva rājagahaṁ paccāgañchi.
pli-tv-kd6:34.9.9	Yena rājā māgadho seniyo bimbisāro tenupasaṅkami; upasaṅkamitvā rañño māgadhassa seniyassa bimbisārassa etamatthaṁ ārocesi.
pli-tv-kd6:34.10.1	Atha kho bhagavā vesāliyaṁ yathābhirantaṁ viharitvā yena bhaddiyaṁ tena cārikaṁ pakkāmi mahatā bhikkhusaṅghena saddhiṁ aḍḍhatelasehi bhikkhusatehi.
pli-tv-kd6:34.10.2	Atha kho bhagavā anupubbena cārikaṁ caramāno yena bhaddiyaṁ tadavasari.
pli-tv-kd6:34.10.3	Tatra sudaṁ bhagavā bhaddiye viharati jātiyā vane.
pli-tv-kd6:34.11.1	Assosi kho meṇḍako gahapati—
pli-tv-kd6:34.11.2	“samaṇo khalu bho gotamo sakyaputto sakyakulā pabbajito bhaddiyaṁ anuppatto bhaddiye viharati jātiyā vane.
pli-tv-kd6:34.11.3	Taṁ kho pana bhagavantaṁ gotamaṁ evaṁ kalyāṇo kittisaddo abbhuggato—
pli-tv-kd6:34.11.4	‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’.
pli-tv-kd6:34.11.5	So imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.
pli-tv-kd6:34.11.6	So dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāseti.
pli-tv-kd6:34.11.7	Sādhu kho pana tathārūpānaṁ arahataṁ dassanaṁ hotī”ti.
pli-tv-kd6:34.12.1	Atha kho meṇḍako gahapati bhadrāni bhadrāni yānāni yojāpetvā bhadraṁ bhadraṁ yānaṁ abhiruhitvā bhadrehi bhadrehi yānehi bhaddiyā niyyāsi bhagavantaṁ dassanāya.
pli-tv-kd6:34.12.2	Addasaṁsu kho sambahulā titthiyā meṇḍakaṁ gahapatiṁ dūratova āgacchantaṁ, disvāna meṇḍakaṁ gahapatiṁ etadavocuṁ—
pli-tv-kd6:34.12.3	“kahaṁ tvaṁ, gahapati, gacchasī”ti?
pli-tv-kd6:34.12.4	“Gacchāmahaṁ, bhante, bhagavantaṁ samaṇaṁ gotamaṁ dassanāyā”ti.
pli-tv-kd6:34.12.5	“Kiṁ pana tvaṁ, gahapati, kiriyavādo samāno akiriyavādaṁ samaṇaṁ gotamaṁ dassanāya upasaṅkamissasi?
pli-tv-kd6:34.12.6	Samaṇo hi, gahapati, gotamo akiriyavādo akiriyāya dhammaṁ deseti, tena ca sāvake vinetī”ti.
pli-tv-kd6:34.13.1	Atha kho meṇḍakassa gahapatissa etadahosi—
pli-tv-kd6:34.13.2	“nissaṁsayaṁ kho so bhagavā arahaṁ sammāsambuddho bhavissati, yathayime titthiyā usūyantī”ti.
pli-tv-kd6:34.13.3	Yāvatikā yānassa bhūmi, yānena gantvā yānā paccorohitvā pattikova yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd6:34.13.4	Ekamantaṁ nisinnassa kho meṇḍakassa gahapatissa bhagavā anupubbiṁ kathaṁ kathesi, seyyathidaṁ—
pli-tv-kd6:34.13.5	dānakathaṁ …pe…
pli-tv-kd6:34.13.6	aparappaccayo satthusāsane bhagavantaṁ etadavoca—
pli-tv-kd6:34.13.7	“abhikkantaṁ, bhante …pe…
pli-tv-kd6:34.13.8	upāsakaṁ maṁ bhagavā dhāretu ajjatagge pāṇupetaṁ saraṇaṁ gataṁ.
pli-tv-kd6:34.13.9	Adhivāsetu ca me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd6:34.13.10	Adhivāsesi bhagavā tuṇhībhāvena.
pli-tv-kd6:34.14.1	Atha kho meṇḍako gahapati bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd6:34.14.2	Atha kho meṇḍako gahapati tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bhante, niṭṭhitaṁ bhattan”ti.
pli-tv-kd6:34.14.3	Atha kho bhagavā pubbaṇhasamayaṁ nivāsetvā pattacīvaramādāya yena meṇḍakassa gahapatissa nivesanaṁ tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd6:34.15.1	Atha kho meṇḍakassa gahapatissa bhariyā ca putto ca suṇisā ca dāso ca yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd6:34.15.2	Tesaṁ bhagavā anupubbiṁ kathaṁ kathesi, seyyathidaṁ—
pli-tv-kd6:34.15.3	dānakathaṁ …pe…
pli-tv-kd6:34.15.4	aparappaccayā satthusāsane bhagavantaṁ etadavocuṁ—
pli-tv-kd6:34.15.5	“abhikkantaṁ, bhante …pe…
pli-tv-kd6:34.15.6	ete mayaṁ, bhante, bhagavantaṁ saraṇaṁ gacchāma dhammañca bhikkhusaṅghañca.
pli-tv-kd6:34.15.7	Upāsake no bhagavā dhāretu ajjatagge pāṇupete saraṇaṁ gate”ti.
pli-tv-kd6:34.16.1	Atha kho meṇḍako gahapati buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi. Ekamantaṁ nisinno kho meṇḍako gahapati bhagavantaṁ etadavoca—
pli-tv-kd6:34.16.2	“yāva, bhante, bhagavā bhaddiye viharati tāva ahaṁ buddhappamukhassa bhikkhusaṅghassa dhuvabhattenā”ti.
pli-tv-kd6:34.16.3	Atha kho bhagavā meṇḍakaṁ gahapatiṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd6:34.17.0	22. Pañcagorasādianujānana
pli-tv-kd6:34.17.1	Atha kho bhagavā bhaddiye yathābhirantaṁ viharitvā meṇḍakaṁ gahapatiṁ anāpucchā yena aṅguttarāpo tena cārikaṁ pakkāmi mahatā bhikkhusaṅghena saddhiṁ aḍḍhatelasehi bhikkhusatehi.
pli-tv-kd6:34.17.2	Assosi kho meṇḍako gahapati—
pli-tv-kd6:34.17.3	“bhagavā kira yena aṅguttarāpo tena cārikaṁ pakkanto mahatā bhikkhusaṅghena saddhiṁ aḍḍhatelasehi bhikkhusatehī”ti.
pli-tv-kd6:34.17.4	Atha kho meṇḍako gahapati dāse ca kammakare ca āṇāpesi—
pli-tv-kd6:34.17.5	“tena hi, bhaṇe, bahuṁ loṇampi, telampi, taṇḍulampi, khādanīyampi sakaṭesu āropetvā āgacchatha, aḍḍhatelasāni ca gopālakasatāni aḍḍhatelasāni ca dhenusatāni ādāya āgacchantu, yattha bhagavantaṁ passissāma tattha taruṇena khīrena bhojessāmā”ti.
pli-tv-kd6:34.18.1	Atha kho meṇḍako gahapati bhagavantaṁ antarāmagge kantāre sambhāvesi.
pli-tv-kd6:34.18.2	Atha kho meṇḍako gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd6:34.18.3	Ekamantaṁ ṭhito kho meṇḍako gahapati bhagavantaṁ etadavoca—
pli-tv-kd6:34.18.4	“adhivāsetu me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd6:34.18.5	Adhivāsesi bhagavā tuṇhībhāvena.
pli-tv-kd6:34.18.6	Atha kho meṇḍako gahapati bhagavato adhivāsanaṁ viditvā bhagavantaṁ abhivādetvā padakkhiṇaṁ katvā pakkāmi.
pli-tv-kd6:34.18.7	Atha kho meṇḍako gahapati tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bhante, niṭṭhitaṁ bhattan”ti.
pli-tv-kd6:34.19.1	Atha kho bhagavā pubbaṇhasamayaṁ nivāsetvā pattacīvaramādāya yena meṇḍakassa gahapatissa parivesanā tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd6:34.19.2	Atha kho meṇḍako gahapati aḍḍhatelasāni gopālakasatāni āṇāpesi—
pli-tv-kd6:34.19.3	“tena hi, bhaṇe, ekamekaṁ dhenuṁ gahetvā ekamekassa bhikkhuno upatiṭṭhatha taruṇena khīrena bhojessāmā”ti.
pli-tv-kd6:34.19.4	Atha kho meṇḍako gahapati buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappesi sampavāresi, taruṇena ca khīrena.
pli-tv-kd6:34.19.5	Bhikkhū kukkuccāyantā khīraṁ na paṭiggaṇhanti.
pli-tv-kd6:34.19.6	“Paṭiggaṇhatha, bhikkhave, paribhuñjathā”ti.
pli-tv-kd6:34.20.1	Atha kho meṇḍako gahapati buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā taruṇena ca khīrena bhagavantaṁ bhuttāviṁ onītapattapāṇiṁ ekamantaṁ nisīdi.
pli-tv-kd6:34.20.2	Ekamantaṁ nisinno kho meṇḍako gahapati bhagavantaṁ etadavoca—
pli-tv-kd6:34.20.3	“santi, bhante, maggā kantārā, appodakā appabhakkhā, na sukarā apātheyyena gantuṁ.
pli-tv-kd6:34.20.4	Sādhu, bhante, bhagavā bhikkhūnaṁ pātheyyaṁ anujānātū”ti.
pli-tv-kd6:34.20.5	Atha kho bhagavā meṇḍakaṁ gahapatiṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd6:34.21.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:34.21.2	“anujānāmi, bhikkhave, pañca gorase—
pli-tv-kd6:34.21.3	khīraṁ, dadhiṁ, takkaṁ, navanītaṁ, sappiṁ.
pli-tv-kd6:34.21.4	Santi, bhikkhave, maggā kantārā appodakā appabhakkhā, na sukarā apātheyyena gantuṁ.
pli-tv-kd6:34.21.5	Anujānāmi, bhikkhave, pātheyyaṁ pariyesituṁ taṇḍulo taṇḍulatthikena, muggo muggatthikena, māso māsatthikena, loṇaṁ loṇatthikena, guḷo guḷatthikena, telaṁ telatthikena, sappi sappitthikena.
pli-tv-kd6:34.21.6	Santi, bhikkhave, manussā, saddhā pasannā, te kappiyakārakānaṁ hatthe hiraññaṁ upanikkhipanti—
pli-tv-kd6:34.21.7	‘iminā ayyassa yaṁ kappiyaṁ taṁ dethā’ti.
pli-tv-kd6:34.21.8	Anujānāmi, bhikkhave, yaṁ tato kappiyaṁ taṁ sādituṁ;
pli-tv-kd6:34.21.9	na tvevāhaṁ, bhikkhave, kenaci pariyāyena jātarūparajataṁ sāditabbaṁ pariyesitabbanti vadāmī”ti.
pli-tv-kd6:35.1.0	23. Keṇiyajaṭilavatthu
pli-tv-kd6:35.1.1	Atha kho bhagavā anupubbena cārikaṁ caramāno yena āpaṇaṁ tadavasari.
pli-tv-kd6:35.1.2	Assosi kho keṇiyo jaṭilo—
pli-tv-kd6:35.1.3	“samaṇo khalu bho gotamo sakyaputto sakyakulā pabbajito āpaṇaṁ anuppatto, taṁ kho pana bhavantaṁ gotamaṁ evaṁ kalyāṇo kittisaddo abbhuggato …pe…
pli-tv-kd6:35.1.4	sādhu kho pana tathārūpānaṁ arahataṁ dassanaṁ hotī”ti.
pli-tv-kd6:35.1.5	Atha kho keṇiyassa jaṭilassa etadahosi—
pli-tv-kd6:35.1.6	“kiṁ nu kho ahaṁ samaṇassa gotamassa harāpeyyan”ti.
pli-tv-kd6:35.2.1	Atha kho keṇiyassa jaṭilassa etadahosi—
pli-tv-kd6:35.2.2	“yepi kho te brāhmaṇānaṁ pubbakā isayo mantānaṁ kattāro mantānaṁ pavattāro, yesamidaṁ etarahi brāhmaṇā porāṇaṁ mantapadaṁ gītaṁ pavuttaṁ samihitaṁ, tadanugāyanti tadanubhāsanti, bhāsitamanubhāsanti, vācitamanuvācenti, seyyathidaṁ—
pli-tv-kd6:35.2.3	aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu, rattūparatā viratā vikālabhojanā, te evarūpāni pānāni sādiyiṁsu.
pli-tv-kd6:35.3.1	Samaṇopi gotamo rattūparato virato vikālabhojanā, arahati samaṇopi gotamo evarūpāni pānāni sādiyitun”ti
pli-tv-kd6:35.3.2	pahūtaṁ pānaṁ paṭiyādāpetvā kājehi gāhāpetvā yena bhagavā tenupasaṅkami; upasaṅkamitvā bhagavatā saddhiṁ sammodi;
pli-tv-kd6:35.3.3	sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi.
pli-tv-kd6:35.3.4	Ekamantaṁ ṭhito kho keṇiyo jaṭilo bhagavantaṁ etadavoca—
pli-tv-kd6:35.3.5	“paṭiggaṇhātu me bhavaṁ gotamo pānan”ti.
pli-tv-kd6:35.3.6	“Tena hi, keṇiya, bhikkhūnaṁ dehī”ti.
pli-tv-kd6:35.3.7	Atha kho keṇiyo jaṭilo bhikkhūnaṁ deti.
pli-tv-kd6:35.3.8	Bhikkhū kukkuccāyantā na paṭiggaṇhanti.
pli-tv-kd6:35.3.9	“Paṭiggaṇhatha, bhikkhave, paribhuñjathā”ti.
pli-tv-kd6:35.4.1	Atha kho keṇiyo jaṭilo buddhappamukhaṁ bhikkhusaṅghaṁ pahūtehi pānehi sahatthā santappetvā sampavāretvā bhagavantaṁ dhotahatthaṁ onītapattapāṇiṁ ekamantaṁ nisīdi.
pli-tv-kd6:35.4.2	Ekamantaṁ nisinnaṁ kho keṇiyaṁ jaṭilaṁ bhagavā dhammiyā kathāya sandassesi samādapesi samuttejesi sampahaṁsesi.
pli-tv-kd6:35.4.3	Atha kho keṇiyo jaṭilo bhagavatā dhammiyā kathāya sandassito samādapito samuttejito sampahaṁsito bhagavantaṁ etadavoca—
pli-tv-kd6:35.4.4	“adhivāsetu me bhavaṁ gotamo svātanāya bhattaṁ saddhiṁ bhikkhusaṅghenā”ti.
pli-tv-kd6:35.5.1	“Mahā kho, keṇiya, bhikkhusaṅgho aḍḍhatelasāni bhikkhusatāni, tvañca brāhmaṇesu abhippasanno”ti.
pli-tv-kd6:35.5.2	Dutiyampi kho keṇiyo jaṭilo bhagavantaṁ etadavoca—
pli-tv-kd6:35.5.3	“kiñcāpi kho, bho gotama, mahā bhikkhusaṅgho aḍḍhatelasāni bhikkhusatāni, ahañca brāhmaṇesu abhippasanno, adhivāsetu me bhavaṁ gotamo svātanāya bhattaṁ saddhiṁ bhikkhusaṅghenā”ti.
pli-tv-kd6:35.5.4	“Mahā kho, keṇiya, bhikkhusaṅgho aḍḍhatelasāni bhikkhusatāni, tvañca brāhmaṇesu abhippasanno”ti.
pli-tv-kd6:35.5.5	Tatiyampi kho keṇiyo jaṭilo bhagavantaṁ etadavoca—
pli-tv-kd6:35.5.6	“kiñcāpi kho, bho gotama, mahā bhikkhusaṅgho aḍḍhatelasāni bhikkhusatāni, ahañca brāhmaṇesu abhippasanno, adhivāsetu bhavaṁ gotamo svātanāya bhattaṁ saddhiṁ bhikkhusaṅghenā”ti.
pli-tv-kd6:35.5.7	Adhivāsesi bhagavā tuṇhībhāvena.
pli-tv-kd6:35.5.8	Atha kho keṇiyo jaṭilo bhagavato adhivāsanaṁ viditvā uṭṭhāyāsanā pakkāmi.
pli-tv-kd6:35.6.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:35.6.2	“anujānāmi, bhikkhave, aṭṭha pānāni—
pli-tv-kd6:35.6.3	ambapānaṁ jambupānaṁ cocapānaṁ mocapānaṁ madhūkapānaṁ muddikapānaṁ sālūkapānaṁ phārusakapānaṁ.
pli-tv-kd6:35.6.4	Anujānāmi, bhikkhave, sabbaṁ phalarasaṁ ṭhapetvā dhaññaphalarasaṁ.
pli-tv-kd6:35.6.5	Anujānāmi, bhikkhave, sabbaṁ pattarasaṁ ṭhapetvā ḍākarasaṁ.
pli-tv-kd6:35.6.6	Anujānāmi, bhikkhave, sabbaṁ puppharasaṁ ṭhapetvā madhūkapuppharasaṁ.
pli-tv-kd6:35.6.7	Anujānāmi, bhikkhave, ucchurasan”ti.
pli-tv-kd6:35.7.1	Atha kho keṇiyo jaṭilo tassā rattiyā accayena sake assame paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bho gotama, niṭṭhitaṁ bhattan”ti.
pli-tv-kd6:35.7.2	Atha kho bhagavā pubbaṇhasamayaṁ nivāsetvā pattacīvaramādāya yena keṇiyassa jaṭilassa assamo tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd6:35.7.3	Atha kho keṇiyo jaṭilo buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi.
pli-tv-kd6:35.8.1	Ekamantaṁ nisinnaṁ kho keṇiyaṁ jaṭilaṁ bhagavā imāhi gāthāhi anumodi—
pli-tv-kd6:35.8.2	“Aggihuttamukhā yaññā,
pli-tv-kd6:35.8.3	sāvittī chandaso mukhaṁ;
pli-tv-kd6:35.8.4	Rājā mukhaṁ manussānaṁ,
pli-tv-kd6:35.8.5	nadīnaṁ sāgaro mukhaṁ.
pli-tv-kd6:35.8.6	Nakkhattānaṁ mukhaṁ cando,
pli-tv-kd6:35.8.7	ādicco tapataṁ mukhaṁ;
pli-tv-kd6:35.8.8	Puññaṁ ākaṅkhamānānaṁ,
pli-tv-kd6:35.8.9	saṅgho ve yajataṁ mukhan”ti.
pli-tv-kd6:35.8.10	Atha kho bhagavā keṇiyaṁ jaṭilaṁ imāhi gāthāhi anumoditvā uṭṭhāyāsanā pakkāmi.
pli-tv-kd6:36.1.0	24. Rojamallavatthu
pli-tv-kd6:36.1.1	Atha kho bhagavā āpaṇe yathābhirantaṁ viharitvā yena kusinārā tena cārikaṁ pakkāmi mahatā bhikkhusaṅghena saddhiṁ aḍḍhatelasehi bhikkhusatehi.
pli-tv-kd6:36.1.2	Assosuṁ kho kosinārakā mallā—“bhagavā kira kusināraṁ āgacchati mahatā bhikkhusaṅghena saddhiṁ aḍḍhatelasehi bhikkhusatehī”ti.
pli-tv-kd6:36.1.3	Te saṅgaraṁ akaṁsu—“yo bhagavato paccuggamanaṁ na karissati, pañcasatānissa daṇḍo”ti.
pli-tv-kd6:36.1.4	Tena kho pana samayena rojo mallo āyasmato ānandassa sahāyo hoti.
pli-tv-kd6:36.1.5	Atha kho bhagavā anupubbena cārikaṁ caramāno yena kusinārā tadavasari.
pli-tv-kd6:36.2.1	Atha kho kosinārakā mallā bhagavato paccuggamanaṁ akaṁsu.
pli-tv-kd6:36.2.2	Atha kho rojo mallo bhagavato paccuggamanaṁ karitvā yenāyasmā ānando tenupasaṅkami, upasaṅkamitvā āyasmantaṁ ānandaṁ abhivādetvā ekamantaṁ aṭṭhāsi.
pli-tv-kd6:36.2.3	Ekamantaṁ ṭhitaṁ kho rojaṁ mallaṁ āyasmā ānando etadavoca—
pli-tv-kd6:36.2.4	“uḷāraṁ kho te idaṁ, āvuso roja, yaṁ tvaṁ bhagavato paccuggamanaṁ akāsī”ti.
pli-tv-kd6:36.2.5	“Nāhaṁ, bhante ānanda, bahukato buddhe vā dhamme vā saṅghe vā;
pli-tv-kd6:36.2.6	api ca ñātīhi saṅgaro kato—‘yo bhagavato paccuggamanaṁ na karissati, pañcasatānissa daṇḍo’ti;
pli-tv-kd6:36.2.7	so kho ahaṁ, bhante ānanda, ñātīnaṁ daṇḍabhayā evāhaṁ bhagavato paccuggamanaṁ akāsin”ti.
pli-tv-kd6:36.2.8	Atha kho āyasmā ānando anattamano ahosi “kathañhi nāma rojo mallo evaṁ vakkhatī”ti?
pli-tv-kd6:36.3.1	Atha kho āyasmā ānando yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd6:36.3.2	Ekamantaṁ nisinno kho āyasmā ānando bhagavantaṁ etadavoca—
pli-tv-kd6:36.3.3	“ayaṁ, bhante, rojo mallo abhiññāto ñātamanusso.
pli-tv-kd6:36.3.4	Mahatthiko kho pana evarūpānaṁ ñātamanussānaṁ imasmiṁ dhammavinaye pasādo.
pli-tv-kd6:36.3.5	Sādhu, bhante, bhagavā tathā karotu, yathā rojo mallo imasmiṁ dhammavinaye pasīdeyyā”ti.
pli-tv-kd6:36.3.6	“Na kho taṁ, ānanda, dukkaraṁ tathāgatena, yathā rojo mallo imasmiṁ dhammavinaye pasīdeyyā”ti.
pli-tv-kd6:36.4.1	Atha kho bhagavā rojaṁ mallaṁ mettena cittena pharitvā uṭṭhāyāsanā vihāraṁ pāvisi.
pli-tv-kd6:36.4.2	Atha kho rojo mallo bhagavato mettena cittena phuṭṭho, seyyathāpi nāma gāviṁ taruṇavaccho;
pli-tv-kd6:36.4.3	evameva vihārena vihāraṁ pariveṇena pariveṇaṁ upasaṅkamitvā bhikkhū pucchati—
pli-tv-kd6:36.4.4	“kahaṁ nu kho, bhante, etarahi so bhagavā viharati arahaṁ sammāsambuddho, dassanakāmā hi mayaṁ taṁ bhagavantaṁ arahantaṁ sammāsambuddhan”ti.
pli-tv-kd6:36.4.5	“Esāvuso roja, vihāro saṁvutadvāro, tena appasaddo upasaṅkamitvā ataramāno āḷindaṁ pavisitvā ukkāsitvā aggaḷaṁ ākoṭehi, vivarissati te bhagavā dvāran”ti.
pli-tv-kd6:36.5.1	Atha kho rojo mallo yena so vihāro saṁvutadvāro, tena appasaddo upasaṅkamitvā ataramāno āḷindaṁ pavisitvā ukkāsitvā aggaḷaṁ ākoṭesi. Vivari bhagavā dvāraṁ.
pli-tv-kd6:36.5.2	Atha kho rojo mallo vihāraṁ pavisitvā bhagavantaṁ abhivādetvā ekamantaṁ nisīdi.
pli-tv-kd6:36.5.3	Ekamantaṁ nisinnassa kho rojassa mallassa bhagavā anupubbiṁ kathaṁ kathesi, seyyathidaṁ—
pli-tv-kd6:36.5.4	dānakathaṁ …pe…
pli-tv-kd6:36.5.5	aparappaccayo satthusāsane bhagavantaṁ etadavoca—
pli-tv-kd6:36.5.6	“sādhu, bhante, ayyā mamaññeva paṭiggaṇheyyuṁ cīvarapiṇḍapātasenāsanagilānappaccayabhesajjaparikkhāraṁ, no aññesan”ti.
pli-tv-kd6:36.5.7	“Yesaṁ kho, roja, sekkhena ñāṇena sekkhena dassanena dhammo diṭṭho seyyathāpi tayā, tesampi evaṁ hoti—
pli-tv-kd6:36.5.8	‘aho nūna ayyā amhākaññeva paṭiggaṇheyyuṁ cīvarapiṇḍapātasenāsanagilānappaccayabhesajjaparikkhāraṁ, no aññesan’ti.
pli-tv-kd6:36.5.9	Tena hi, roja, tava ceva paṭiggahissanti aññesañcā”ti.
pli-tv-kd6:36.6.1	Tena kho pana samayena kusinārāyaṁ paṇītānaṁ bhattānaṁ bhattapaṭipāṭi aṭṭhitā hoti.
pli-tv-kd6:36.6.2	Atha kho rojassa mallassa paṭipāṭiṁ alabhantassa etadahosi—
pli-tv-kd6:36.6.3	“yannūnāhaṁ bhattaggaṁ olokeyyaṁ, yaṁ bhattagge nāssa, taṁ paṭiyādeyyan”ti.
pli-tv-kd6:36.6.4	Atha kho rojo mallo bhattaggaṁ olokento dve nāddasa—
pli-tv-kd6:36.6.5	ḍākañca piṭṭhakhādanīyañca.
pli-tv-kd6:36.6.6	Atha kho rojo mallo yenāyasmā ānando tenupasaṅkami; upasaṅkamitvā āyasmantaṁ ānandaṁ etadavoca—
pli-tv-kd6:36.6.7	“idha me, bhante ānanda, paṭipāṭiṁ alabhantassa etadahosi—
pli-tv-kd6:36.6.8	‘yannūnāhaṁ bhattaggaṁ olokeyyaṁ, yaṁ bhattagge nāssa, taṁ paṭiyādeyyan’ti.
pli-tv-kd6:36.6.9	So kho ahaṁ, bhante ānanda, bhattaggaṁ olokento dve nāddasaṁ—
pli-tv-kd6:36.6.10	ḍākañca piṭṭhakhādanīyañca.
pli-tv-kd6:36.6.11	Sacāhaṁ, bhante ānanda, paṭiyādeyyaṁ ḍākañca piṭṭhakhādanīyañca, paṭiggaṇheyya me bhagavā”ti?
pli-tv-kd6:36.6.12	“Tena hi, roja, bhagavantaṁ paṭipucchissāmī”ti.
pli-tv-kd6:36.7.1	Atha kho āyasmā ānando bhagavato etamatthaṁ ārocesi.
pli-tv-kd6:36.7.2	“Tena hānanda, paṭiyādetū”ti.
pli-tv-kd6:36.7.3	“Tena hi, roja, paṭiyādehī”ti.
pli-tv-kd6:36.7.4	Atha kho rojo mallo tassā rattiyā accayena pahūtaṁ ḍākañca piṭṭhakhādanīyañca paṭiyādāpetvā bhagavato upanāmesi—
pli-tv-kd6:36.7.5	“paṭiggaṇhātu me, bhante, bhagavā ḍākañca piṭṭhakhādanīyañcā”ti.
pli-tv-kd6:36.7.6	“Tena hi, roja, bhikkhūnaṁ dehī”ti.
pli-tv-kd6:36.7.7	Atha kho rojo mallo bhikkhūnaṁ deti.
pli-tv-kd6:36.7.8	Bhikkhū kukkuccāyantā na paṭiggaṇhanti.
pli-tv-kd6:36.7.9	“Paṭiggaṇhatha, bhikkhave, paribhuñjathā”ti.
pli-tv-kd6:36.8.1	Atha kho rojo mallo buddhappamukhaṁ bhikkhusaṅghaṁ pahūtehi ḍākehi ca piṭṭhakhādanīyehi ca sahatthā santappetvā sampavāretvā bhagavantaṁ dhotahatthaṁ onītapattapāṇiṁ ekamantaṁ nisīdi.
pli-tv-kd6:36.8.2	Ekamantaṁ nisinnaṁ kho rojaṁ mallaṁ bhagavā dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd6:36.8.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd6:36.8.4	“anujānāmi, bhikkhave, sabbañca ḍākaṁ sabbañca piṭṭhakhādanīyan”ti.
pli-tv-kd6:37.1.0	25. Vuḍḍhapabbajitavatthu
pli-tv-kd6:37.1.1	Atha kho bhagavā kusinārāyaṁ yathābhirantaṁ viharitvā yena ātumā tena cārikaṁ pakkāmi mahatā bhikkhusaṅghena saddhiṁ aḍḍhatelasehi bhikkhusatehi.
pli-tv-kd6:37.1.2	Tena kho pana samayena aññataro vuḍḍhapabbajito ātumāyaṁ paṭivasati nahāpitapubbo.
pli-tv-kd6:37.1.3	Tassa dve dārakā honti, mañjukā paṭibhāneyyakā, dakkhā pariyodātasippā sake ācariyake nahāpitakamme.
pli-tv-kd6:37.2.1	Assosi kho so vuḍḍhapabbajito—“bhagavā kira ātumaṁ āgacchati mahatā bhikkhusaṅghena saddhiṁ aḍḍhatelasehi bhikkhusatehī”ti.
pli-tv-kd6:37.2.2	Atha kho so vuḍḍhapabbajito te dārake etadavoca—
pli-tv-kd6:37.2.3	“bhagavā kira, tātā, ātumaṁ āgacchati mahatā bhikkhusaṅghena saddhiṁ aḍḍhatelasehi bhikkhusatehi.
pli-tv-kd6:37.2.4	Gacchatha tumhe, tātā, khurabhaṇḍaṁ ādāya nāḷiyāvāpakena anugharakaṁ anugharakaṁ āhiṇḍatha, loṇampi, telampi, taṇḍulampi, khādanīyampi saṁharatha, bhagavato āgatassa yāgupānaṁ karissāmā”ti.
pli-tv-kd6:37.3.1	“Evaṁ, tātā”ti kho te dārakā tassa vuḍḍhapabbajitassa paṭissuṇitvā khurabhaṇḍaṁ ādāya nāḷiyāvāpakena anugharakaṁ anugharakaṁ āhiṇḍanti, loṇampi, telampi, taṇḍulampi, khādanīyampi saṁharantā.
pli-tv-kd6:37.3.2	Manussā te dārake mañjuke paṭibhāneyyake passitvā yepi na kārāpetukāmā tepi kārāpenti, kārāpetvāpi bahuṁ denti.
pli-tv-kd6:37.3.3	Atha kho te dārakā bahuṁ loṇampi, telampi, taṇḍulampi, khādanīyampi saṁhariṁsu.
pli-tv-kd6:37.4.1	Atha kho bhagavā anupubbena cārikaṁ caramāno yena ātumā tadavasari.
pli-tv-kd6:37.4.2	Tatra sudaṁ bhagavā ātumāyaṁ viharati bhusāgāre.
pli-tv-kd6:37.4.3	Atha kho so vuḍḍhapabbajito tassā rattiyā accayena pahūtaṁ yāguṁ paṭiyādāpetvā bhagavato upanāmesi—
pli-tv-kd6:37.4.4	“paṭiggaṇhātu me, bhante, bhagavā yāgun”ti.
pli-tv-kd6:37.4.5	Jānantāpi tathāgatā pucchanti …pe…
pli-tv-kd6:37.4.6	sāvakānaṁ vā sikkhāpadaṁ paññapessāmāti.
pli-tv-kd6:37.4.7	Atha kho bhagavā taṁ vuḍḍhapabbajitaṁ etadavoca—
pli-tv-kd6:37.4.8	“kutāyaṁ, bhikkhu, yāgū”ti?
pli-tv-kd6:37.4.9	Atha kho so vuḍḍhapabbajito bhagavato etamatthaṁ ārocesi.
pli-tv-kd6:37.5.1	Vigarahi buddho bhagavā—
pli-tv-kd6:37.5.2	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd6:37.5.3	Kathañhi nāma tvaṁ, moghapurisa, pabbajito akappiye samādapessasi.
pli-tv-kd6:37.5.4	Netaṁ, moghapurisa, appasannānaṁ vā pasādāya …pe…
pli-tv-kd6:37.5.5	vigarahitvā dhammiṁ kathaṁ katvā bhikkhū āmantesi—
pli-tv-kd6:37.5.6	“na, bhikkhave, pabbajitena akappiye samādapetabbaṁ, yo samādapeyya, āpatti dukkaṭassa.
pli-tv-kd6:37.5.7	Na ca, bhikkhave, nahāpitapubbena khurabhaṇḍaṁ pariharitabbaṁ.
pli-tv-kd6:37.5.8	Yo parihareyya, āpatti dukkaṭassā”ti.
pli-tv-kd6:38.1.1	Atha kho bhagavā ātumāyaṁ yathābhirantaṁ viharitvā yena sāvatthi tena cārikaṁ pakkāmi.
pli-tv-kd6:38.1.2	Anupubbena cārikaṁ caramāno yena sāvatthi tadavasari.
pli-tv-kd6:38.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd6:38.1.4	Tena kho pana samayena sāvatthiyaṁ bahuṁ phalakhādanīyaṁ uppannaṁ hoti.
pli-tv-kd6:38.1.5	Atha kho bhikkhūnaṁ etadahosi—
pli-tv-kd6:38.1.6	“kiṁ nu kho bhagavatā phalakhādanīyaṁ anuññātaṁ, kiṁ ananuññātan”ti?
pli-tv-kd6:38.1.7	Bhagavato etamatthaṁ ārocesuṁ.
pli-tv-kd6:38.1.8	“Anujānāmi, bhikkhave, sabbaṁ phalakhādanīyan”ti.
pli-tv-kd6:39.1.1	Tena kho pana samayena saṅghikāni bījāni puggalikāya bhūmiyā ropiyanti, puggalikāni bījāni saṅghikāya bhūmiyā ropiyanti.
pli-tv-kd6:39.1.2	Bhagavato etamatthaṁ ārocesuṁ.
pli-tv-kd6:39.1.3	“Saṅghikāni, bhikkhave, bījāni puggalikāya bhūmiyā ropitāni bhāgaṁ datvā paribhuñjitabbāni.
pli-tv-kd6:39.1.4	Puggalikāni bījāni saṅghikāya bhūmiyā ropitāni bhāgaṁ datvā paribhuñjitabbānī”ti.
pli-tv-kd6:40.1.0	26. Catumahāpadesakathā
pli-tv-kd6:40.1.1	Tena kho pana samayena bhikkhūnaṁ kismiñci kismiñci ṭhāne kukkuccaṁ uppajjati—
pli-tv-kd6:40.1.2	“kiṁ nu kho bhagavatā anuññātaṁ, kiṁ ananuññātan”ti?
pli-tv-kd6:40.1.3	Bhagavato etamatthaṁ ārocesuṁ.
pli-tv-kd6:40.1.4	“Yaṁ, bhikkhave, mayā ‘idaṁ na kappatī’ti appaṭikkhittaṁ tañce akappiyaṁ anulometi, kappiyaṁ paṭibāhati, taṁ vo na kappati.
pli-tv-kd6:40.1.5	Yaṁ, bhikkhave, mayā ‘idaṁ na kappatī’ti appaṭikkhittaṁ tañce kappiyaṁ anulometi, akappiyaṁ paṭibāhati, taṁ vo kappati.
pli-tv-kd6:40.1.6	Yaṁ, bhikkhave, mayā ‘idaṁ kappatī’ti ananuññātaṁ tañce akappiyaṁ anulometi, kappiyaṁ paṭibāhati, taṁ vo na kappati.
pli-tv-kd6:40.1.7	Yaṁ, bhikkhave, mayā ‘idaṁ kappatī’ti ananuññātaṁ, tañce kappiyaṁ anulometi, akappiyaṁ paṭibāhati, taṁ vo kappatī”ti.
pli-tv-kd6:40.2.1	Atha kho bhikkhūnaṁ etadahosi—
pli-tv-kd6:40.2.2	“kappati nu kho yāvakālikena yāmakālikaṁ, na nu kho kappati?
pli-tv-kd6:40.2.3	Kappati nu kho yāvakālikena sattāhakālikaṁ, na nu kho kappati?
pli-tv-kd6:40.2.4	Kappati nu kho yāvakālikena yāvajīvikaṁ, na nu kho kappati?
pli-tv-kd6:40.2.5	Kappati nu kho yāmakālikena sattāhakālikaṁ, na nu kho kappati?
pli-tv-kd6:40.2.6	Kappati nu kho yāmakālikena yāvajīvikaṁ, na nu kho kappati?
pli-tv-kd6:40.2.7	Kappati nu kho sattāhakālikena yāvajīvikaṁ, na nu kho kappatī”ti?
pli-tv-kd6:40.2.8	Bhagavato etamatthaṁ ārocesuṁ.
pli-tv-kd6:40.3.1	“Yāvakālikena, bhikkhave, yāmakālikaṁ, tadahu paṭiggahitaṁ kāle kappati, vikāle na kappati.
pli-tv-kd6:40.3.2	Yāvakālikena, bhikkhave, sattāhakālikaṁ, tadahu paṭiggahitaṁ kāle kappati, vikāle na kappati.
pli-tv-kd6:40.3.3	Yāvakālikena, bhikkhave, yāvajīvikaṁ, tadahu paṭiggahitaṁ kāle kappati, vikāle na kappati.
pli-tv-kd6:40.3.4	Yāmakālikena, bhikkhave, sattāhakālikaṁ, tadahu paṭiggahitaṁ yāme kappati, yāmātikkante na kappati.
pli-tv-kd6:40.3.5	Yāmakālikena, bhikkhave, yāvajīvikaṁ, tadahu paṭiggahitaṁ yāme kappati, yāmātikkante na kappati.
pli-tv-kd6:40.3.6	Sattāhakālikena, bhikkhave, yāvajīvikaṁ paṭiggahitaṁ, sattāhaṁ kappati, sattāhātikkante na kappatī”ti.
pli-tv-kd6:40.3.7	Bhesajjakkhandhako chaṭṭho.
pli-tv-kd6:40.3.8	Tassuddānaṁ
pli-tv-kd6:40.3.9	Sāradike vikālepi,
pli-tv-kd6:40.3.10	vasaṁ mūle piṭṭhehi ca;
pli-tv-kd6:40.3.11	Kasāvehi paṇṇaṁ phalaṁ,
pli-tv-kd6:40.3.12	jatu loṇaṁ chakaṇañca.
pli-tv-kd6:40.3.13	Cuṇṇaṁ cālini maṁsañca,
pli-tv-kd6:40.3.14	añjanaṁ upapisanī;
pli-tv-kd6:40.3.15	Añjanī uccāpārutā,
pli-tv-kd6:40.3.16	salākā salākaṭhāniṁ.
pli-tv-kd6:40.3.17	Thavikaṁsabaddhakaṁ suttaṁ,
pli-tv-kd6:40.3.18	Muddhanitelanatthu ca;
pli-tv-kd6:40.3.19	Natthukaraṇī dhūmañca,
pli-tv-kd6:40.3.20	Nettañcāpidhanatthavi.
pli-tv-kd6:40.3.21	Telapākesu majjañca,
pli-tv-kd6:40.3.22	atikkhittaṁ abbhañjanaṁ;
pli-tv-kd6:40.3.23	Tumbaṁ sedaṁ sambhārañca,
pli-tv-kd6:40.3.24	mahā bhaṅgodakaṁ tathā.
pli-tv-kd6:40.3.25	Dakakoṭṭhaṁ lohitañca,
pli-tv-kd6:40.3.26	visāṇaṁ pādabbhañjanaṁ;
pli-tv-kd6:40.3.27	Pajjaṁ satthaṁ kasāvañca,
pli-tv-kd6:40.3.28	tilakakkaṁ kabaḷikaṁ.
pli-tv-kd6:40.3.29	Coḷaṁ sāsapakuṭṭañca,
pli-tv-kd6:40.3.30	dhūma sakkharikāya ca;
pli-tv-kd6:40.3.31	Vaṇatelaṁ vikāsikaṁ,
pli-tv-kd6:40.3.32	vikaṭañca paṭiggahaṁ.
pli-tv-kd6:40.3.33	Gūthaṁ karonto loḷiñca,
pli-tv-kd6:40.3.34	khāraṁ muttaharītakaṁ;
pli-tv-kd6:40.3.35	Gandhā virecanañceva,
pli-tv-kd6:40.3.36	acchākaṭaṁ kaṭākaṭaṁ.
pli-tv-kd6:40.3.37	Paṭicchādani pabbhārā,
pli-tv-kd6:40.3.38	ārāma sattāhena ca;
pli-tv-kd6:40.3.39	Guḷaṁ muggaṁ sovīrañca,
pli-tv-kd6:40.3.40	sāmaṁpākā punāpace.
pli-tv-kd6:40.3.41	Punānuññāsi dubbhikkhe,
pli-tv-kd6:40.3.42	phalañca tilakhādanī;
pli-tv-kd6:40.3.43	Purebhattaṁ kāyaḍāho,
pli-tv-kd6:40.3.44	nibbattañca bhagandalaṁ.
pli-tv-kd6:40.3.45	Vatthikammañca suppiñca,
pli-tv-kd6:40.3.46	manussamaṁsameva ca;
pli-tv-kd6:40.3.47	Hatthiassā sunakho ca,
pli-tv-kd6:40.3.48	ahi sīhañca dīpikaṁ.
pli-tv-kd6:40.3.49	Acchataracchamaṁsañca,
pli-tv-kd6:40.3.50	paṭipāṭi ca yāgu ca;
pli-tv-kd6:40.3.51	Taruṇaṁ aññatra guḷaṁ,
pli-tv-kd6:40.3.52	sunidhāvasathāgāraṁ.
pli-tv-kd6:40.3.53	Gaṅgā koṭisaccakathā,
pli-tv-kd6:40.3.54	ambapālī ca licchavī;
pli-tv-kd6:40.3.55	Uddissa kataṁ subhikkhaṁ,
pli-tv-kd6:40.3.56	punadeva paṭikkhipi.
pli-tv-kd6:40.3.57	Megho yaso meṇḍako ca,
pli-tv-kd6:40.3.58	Gorasaṁ pātheyyakena ca;
pli-tv-kd6:40.3.59	Keṇi ambo jambu coca,
pli-tv-kd6:40.3.60	Mocamadhumuddikasālukaṁ.
pli-tv-kd6:40.3.61	Phārusakā ḍākapiṭṭhaṁ,
pli-tv-kd6:40.3.62	ātumāyaṁ nahāpito;
pli-tv-kd6:40.3.63	Sāvatthiyaṁ phalaṁ bījaṁ,
pli-tv-kd6:40.3.64	kismiṁ ṭhāne ca kāliketi.
pli-tv-kd6:40.3.65	Imamhi khandhake vatthū ekasataṁ chavatthu.
pli-tv-kd6:40.3.66	Bhesajjakkhandhako niṭṭhito.
pli-tv-kd7:0.1	Theravāda Vinayapiṭaka
pli-tv-kd7:0.2	Mahāvagga
pli-tv-kd7:0.3	7. Kathinakkhandhaka
pli-tv-kd7:0.4	1. Kathinānujānana
pli-tv-kd7:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd7:1.1.2	Tena kho pana samayena tiṁsamattā pāveyyakā bhikkhū, sabbe āraññikā sabbe piṇḍapātikā sabbe paṁsukūlikā sabbe tecīvarikā sāvatthiṁ āgacchantā bhagavantaṁ dassanāya upakaṭṭhāya vassūpanāyikāya nāsakkhiṁsu sāvatthiyaṁ vassūpanāyikaṁ sambhāvetuṁ;
pli-tv-kd7:1.1.3	antarāmagge sākete vassaṁ upagacchiṁsu.
pli-tv-kd7:1.1.4	Te ukkaṇṭhitarūpā vassaṁ vasiṁsu—āsanneva no bhagavā viharati ito chasu yojanesu, na ca mayaṁ labhāma bhagavantaṁ dassanāyāti.
pli-tv-kd7:1.1.5	Atha kho te bhikkhū vassaṁvuṭṭhā, temāsaccayena katāya pavāraṇāya, deve vassante, udakasaṅgahe udakacikkhalle okapuṇṇehi cīvarehi kilantarūpā
pli-tv-kd7:1.1.6	yena sāvatthi jetavanaṁ anāthapiṇḍikassa ārāmo, yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd7:1.2.1	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-kd7:1.2.2	Atha kho bhagavā te bhikkhū etadavoca—
pli-tv-kd7:1.2.3	“kacci, bhikkhave, khamanīyaṁ, kacci yāpanīyaṁ,
pli-tv-kd7:1.2.4	kacci samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā”ti?
pli-tv-kd7:1.2.5	“Khamanīyaṁ, bhagavā, yāpanīyaṁ, bhagavā;
pli-tv-kd7:1.2.6	samaggā ca mayaṁ, bhante, sammodamānā avivadamānā vassaṁ vasimhā, na ca piṇḍakena kilamimhā.
pli-tv-kd7:1.2.7	Idha mayaṁ, bhante, tiṁsamattā pāveyyakā bhikkhū sāvatthiṁ āgacchantā bhagavantaṁ dassanāya upakaṭṭhāya vassūpanāyikāya nāsakkhimhā sāvatthiyaṁ vassūpanāyikaṁ sambhāvetuṁ, antarāmagge sākete vassaṁ upagacchimhā.
pli-tv-kd7:1.2.8	Te mayaṁ, bhante, ukkaṇṭhitarūpā vassaṁ vasimhā—
pli-tv-kd7:1.2.9	‘āsanneva no bhagavā viharati ito chasu yojanesu, na ca mayaṁ labhāma bhagavantaṁ dassanāyā’ti.
pli-tv-kd7:1.2.10	Atha kho mayaṁ, bhante, vassaṁvuṭṭhā, temāsaccayena katāya pavāraṇāya, deve vassante, udakasaṅgahe udakacikkhalle okapuṇṇehi cīvarehi kilantarūpā addhānaṁ āgatā”ti.
pli-tv-kd7:1.3.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd7:1.3.2	“anujānāmi, bhikkhave, vassaṁvuṭṭhānaṁ bhikkhūnaṁ kathinaṁ attharituṁ.
pli-tv-kd7:1.3.3	Atthatakathinānaṁ vo, bhikkhave, pañca kappissanti—
pli-tv-kd7:1.3.4	anāmantacāro, asamādānacāro, gaṇabhojanaṁ, yāvadatthacīvaraṁ, yo ca tattha cīvaruppādo so nesaṁ bhavissatīti.
pli-tv-kd7:1.3.5	Atthatakathinānaṁ vo, bhikkhave, imāni pañca kappissanti.
pli-tv-kd7:1.3.6	Evañca pana, bhikkhave, kathinaṁ attharitabbaṁ.
pli-tv-kd7:1.4.1	Byattena bhikkhunā paṭibalena saṅgho ñāpetabbo—
pli-tv-kd7:1.4.2	‘Suṇātu me, bhante, saṅgho.
pli-tv-kd7:1.4.3	Idaṁ saṅghassa kathinadussaṁ uppannaṁ.
pli-tv-kd7:1.4.4	Yadi saṅghassa pattakallaṁ, saṅgho imaṁ kathinadussaṁ itthannāmassa bhikkhuno dadeyya kathinaṁ attharituṁ.
pli-tv-kd7:1.4.5	Esā ñatti.
pli-tv-kd7:1.4.6	Suṇātu me, bhante, saṅgho.
pli-tv-kd7:1.4.7	Idaṁ saṅghassa kathinadussaṁ uppannaṁ.
pli-tv-kd7:1.4.8	Saṅgho imaṁ kathinadussaṁ itthannāmassa bhikkhuno deti kathinaṁ attharituṁ.
pli-tv-kd7:1.4.9	Yassāyasmato khamati imassa kathinadussassa itthannāmassa bhikkhuno dānaṁ kathinaṁ attharituṁ, so tuṇhassa;
pli-tv-kd7:1.4.10	yassa nakkhamati, so bhāseyya.
pli-tv-kd7:1.4.11	Dinnaṁ idaṁ saṅghena kathinadussaṁ itthannāmassa bhikkhuno kathinaṁ attharituṁ.
pli-tv-kd7:1.4.12	Khamati saṅghassa, tasmā tuṇhī, evametaṁ dhārayāmī’ti.
pli-tv-kd7:1.5.1	Evaṁ kho, bhikkhave, atthataṁ hoti kathinaṁ, evaṁ anatthataṁ.
pli-tv-kd7:1.5.2	Kathañca pana, bhikkhave, anatthataṁ hoti kathinaṁ?
pli-tv-kd7:1.5.3	Na ullikhitamattena atthataṁ hoti kathinaṁ,
pli-tv-kd7:1.5.4	na dhovanamattena atthataṁ hoti kathinaṁ,
pli-tv-kd7:1.5.5	na cīvaravicāraṇamattena atthataṁ hoti kathinaṁ,
pli-tv-kd7:1.5.6	na chedanamattena atthataṁ hoti kathinaṁ,
pli-tv-kd7:1.5.7	na bandhanamattena atthataṁ hoti kathinaṁ,
pli-tv-kd7:1.5.8	na ovaṭṭiyakaraṇamattena atthataṁ hoti kathinaṁ,
pli-tv-kd7:1.5.9	na kaṇḍusakaraṇamattena atthataṁ hoti kathinaṁ,
pli-tv-kd7:1.5.10	na daḷhīkammakaraṇamattena atthataṁ hoti kathinaṁ,
pli-tv-kd7:1.5.11	na anuvātakaraṇamattena atthataṁ hoti kathinaṁ,
pli-tv-kd7:1.5.12	na paribhaṇḍakaraṇamattena atthataṁ hoti kathinaṁ,
pli-tv-kd7:1.5.13	na ovaddheyyakaraṇamattena atthataṁ hoti kathinaṁ,
pli-tv-kd7:1.5.14	na kambalamaddanamattena atthataṁ hoti kathinaṁ,
pli-tv-kd7:1.5.15	na nimittakatena atthataṁ hoti kathinaṁ,
pli-tv-kd7:1.5.16	na parikathākatena atthataṁ hoti kathinaṁ,
pli-tv-kd7:1.5.17	na kukkukatena atthataṁ hoti kathinaṁ,
pli-tv-kd7:1.5.18	na sannidhikatena atthataṁ hoti kathinaṁ,
pli-tv-kd7:1.5.19	na nissaggiyena atthataṁ hoti kathinaṁ,
pli-tv-kd7:1.5.20	na akappakatena atthataṁ hoti kathinaṁ,
pli-tv-kd7:1.5.21	na aññatra saṅghāṭiyā atthataṁ hoti kathinaṁ,
pli-tv-kd7:1.5.22	na aññatra uttarāsaṅgena atthataṁ hoti kathinaṁ,
pli-tv-kd7:1.5.23	na aññatra antaravāsakena atthataṁ hoti kathinaṁ,
pli-tv-kd7:1.5.24	na aññatra pañcakena vā atirekapañcakena vā tadaheva sañchinnena samaṇḍalīkatena atthataṁ hoti kathinaṁ,
pli-tv-kd7:1.5.25	na aññatra puggalassa atthārā atthataṁ hoti kathinaṁ;
pli-tv-kd7:1.5.26	sammā ce atthataṁ hoti kathinaṁ, tañce nissīmaṭṭho anumodati, evampi anatthataṁ hoti kathinaṁ.
pli-tv-kd7:1.5.27	Evaṁ kho, bhikkhave, anatthataṁ hoti kathinaṁ.
pli-tv-kd7:1.6.1	Kathañca, bhikkhave, atthataṁ hoti kathinaṁ?
pli-tv-kd7:1.6.2	Ahatena atthataṁ hoti kathinaṁ, ahatakappena atthataṁ hoti kathinaṁ, pilotikāya atthataṁ hoti kathinaṁ, paṁsukūlena atthataṁ hoti kathinaṁ, pāpaṇikena atthataṁ hoti kathinaṁ, animittakatena atthataṁ hoti kathinaṁ, aparikathākatena atthataṁ hoti kathinaṁ, akukkukatena atthataṁ hoti kathinaṁ, asannidhikatena atthataṁ hoti kathinaṁ, anissaggiyena atthataṁ hoti kathinaṁ, kappakatena atthataṁ hoti kathinaṁ, saṅghāṭiyā atthataṁ hoti kathinaṁ, uttarāsaṅgena atthataṁ hoti kathinaṁ, antaravāsakena atthataṁ hoti kathinaṁ, pañcakena vā atirekapañcakena vā tadaheva sañchinnena samaṇḍalīkatena atthataṁ hoti kathinaṁ, puggalassa atthārā atthataṁ hoti kathinaṁ; sammā ce atthataṁ hoti kathinaṁ, tañce sīmaṭṭho anumodati, evampi atthataṁ hoti kathinaṁ.
pli-tv-kd7:1.6.3	Evaṁ kho, bhikkhave, atthataṁ hoti kathinaṁ.
pli-tv-kd7:1.7.1	Kathañca, bhikkhave, ubbhataṁ hoti kathinaṁ?
pli-tv-kd7:1.7.2	Aṭṭhimā, bhikkhave, mātikā kathinassa ubbhārāya—
pli-tv-kd7:1.7.3	pakkamanantikā, niṭṭhānantikā, sanniṭṭhānantikā, nāsanantikā, savanantikā, āsāvacchedikā, sīmātikkantikā, sahubbhārā”ti.
pli-tv-kd7:2.1.0	2. Ādāyasattaka
pli-tv-kd7:2.1.1	Bhikkhu atthatakathino katacīvaraṁ ādāya pakkamati—“na paccessan”ti.
pli-tv-kd7:2.1.2	Tassa bhikkhuno pakkamanantiko kathinuddhāro.
pli-tv-kd7:2.1.3	Bhikkhu atthatakathino cīvaraṁ ādāya pakkamati.
pli-tv-kd7:2.1.4	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:2.1.5	So taṁ cīvaraṁ kāreti.
pli-tv-kd7:2.1.6	Tassa bhikkhuno niṭṭhānantiko kathinuddhāro.
pli-tv-kd7:2.1.7	Bhikkhu atthatakathino cīvaraṁ ādāya pakkamati.
pli-tv-kd7:2.1.8	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:2.1.9	Tassa bhikkhuno sanniṭṭhānantiko kathinuddhāro.
pli-tv-kd7:2.1.10	Bhikkhu atthatakathino cīvaraṁ ādāya pakkamati.
pli-tv-kd7:2.1.11	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:2.1.12	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:2.1.13	Tassa bhikkhuno nāsanantiko kathinuddhāro.
pli-tv-kd7:2.2.1	Bhikkhu atthatakathino cīvaraṁ ādāya pakkamati—“paccessan”ti.
pli-tv-kd7:2.2.2	So bahisīmagato taṁ cīvaraṁ kāreti.
pli-tv-kd7:2.2.3	So katacīvaro suṇāti “ubbhataṁ kira tasmiṁ āvāse kathinan”ti.
pli-tv-kd7:2.2.4	Tassa bhikkhuno savanantiko kathinuddhāro.
pli-tv-kd7:2.2.5	Bhikkhu atthatakathino cīvaraṁ ādāya pakkamati—“paccessan”ti.
pli-tv-kd7:2.2.6	So bahisīmagato taṁ cīvaraṁ kāreti.
pli-tv-kd7:2.2.7	So katacīvaro—“paccessaṁ paccessan”ti—bahiddhā kathinuddhāraṁ vītināmeti.
pli-tv-kd7:2.2.8	Tassa bhikkhuno sīmātikkantiko kathinuddhāro.
pli-tv-kd7:2.2.9	Bhikkhu atthatakathino cīvaraṁ ādāya pakkamati—“paccessan”ti.
pli-tv-kd7:2.2.10	So bahisīmagato taṁ cīvaraṁ kāreti.
pli-tv-kd7:2.2.11	So katacīvaro—“paccessaṁ paccessan”ti—sambhuṇāti kathinuddhāraṁ.
pli-tv-kd7:2.2.12	Tassa bhikkhuno saha bhikkhūhi kathinuddhāro.
pli-tv-kd7:2.2.13	Ādāyasattakaṁ niṭṭhitaṁ.
pli-tv-kd7:3.1.0	3. Samādāyasattaka
pli-tv-kd7:3.1.1	Bhikkhu atthatakathino katacīvaraṁ samādāya pakkamati “na paccessan”ti.
pli-tv-kd7:3.1.2	Tassa bhikkhuno pakkamanantiko kathinuddhāro.
pli-tv-kd7:3.1.3	Bhikkhu atthatakathino cīvaraṁ samādāya pakkamati.
pli-tv-kd7:3.1.4	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:3.1.5	So taṁ cīvaraṁ kāreti.
pli-tv-kd7:3.1.6	Tassa bhikkhuno niṭṭhānantiko kathinuddhāro.
pli-tv-kd7:3.1.7	Bhikkhu atthatakathino cīvaraṁ samādāya pakkamati.
pli-tv-kd7:3.1.8	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:3.1.9	Tassa bhikkhuno sanniṭṭhānantiko kathinuddhāro.
pli-tv-kd7:3.1.10	Bhikkhu atthatakathino cīvaraṁ samādāya pakkamati.
pli-tv-kd7:3.1.11	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:3.1.12	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:3.1.13	Tassa bhikkhuno nāsanantiko kathinuddhāro.
pli-tv-kd7:3.2.1	Bhikkhu atthatakathino cīvaraṁ samādāya pakkamati—“paccessan”ti.
pli-tv-kd7:3.2.2	So bahisīmagato taṁ cīvaraṁ kāreti.
pli-tv-kd7:3.2.3	So katacīvaro suṇāti—“ubbhataṁ kira tasmiṁ āvāse kathinan”ti.
pli-tv-kd7:3.2.4	Tassa bhikkhuno savanantiko kathinuddhāro.
pli-tv-kd7:3.2.5	Bhikkhu atthatakathino cīvaraṁ samādāya pakkamati—“paccessan”ti.
pli-tv-kd7:3.2.6	So bahisīmagato taṁ cīvaraṁ kāreti.
pli-tv-kd7:3.2.7	So katacīvaro—“paccessaṁ paccessan”ti—bahiddhā kathinuddhāraṁ vītināmeti.
pli-tv-kd7:3.2.8	Tassa bhikkhuno sīmātikkantiko kathinuddhāro.
pli-tv-kd7:3.2.9	Bhikkhu atthatakathino cīvaraṁ samādāya pakkamati—“paccessan”ti.
pli-tv-kd7:3.2.10	So bahisīmagato taṁ cīvaraṁ kāreti.
pli-tv-kd7:3.2.11	So katacīvaro—“paccessaṁ paccessan”ti—sambhuṇāti kathinuddhāraṁ.
pli-tv-kd7:3.2.12	Tassa bhikkhuno saha bhikkhūhi kathinuddhāro.
pli-tv-kd7:3.2.13	Samādāyasattakaṁ niṭṭhitaṁ.
pli-tv-kd7:4.1.0	4. Ādāyachakka
pli-tv-kd7:4.1.1	Bhikkhu atthatakathino vippakatacīvaraṁ ādāya pakkamati.
pli-tv-kd7:4.1.2	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:4.1.3	So taṁ cīvaraṁ kāreti.
pli-tv-kd7:4.1.4	Tassa bhikkhuno niṭṭhānantiko kathinuddhāro.
pli-tv-kd7:4.1.5	Bhikkhu atthatakathino vippakatacīvaraṁ ādāya pakkamati.
pli-tv-kd7:4.1.6	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:4.1.7	Tassa bhikkhuno sanniṭṭhānantiko kathinuddhāro.
pli-tv-kd7:4.1.8	Bhikkhu atthatakathino vippakatacīvaraṁ ādāya pakkamati.
pli-tv-kd7:4.1.9	Tassa bahisīmagatassa evaṁ hoti—“idhevimaṁ cīvaraṁ kāressaṁ na paccessan”ti.
pli-tv-kd7:4.1.10	So taṁ cīvaraṁ kāreti.
pli-tv-kd7:4.1.11	Tassaṁ taṁ cīvaraṁ kayiramānaṁ nassati.
pli-tv-kd7:4.1.12	Tassa bhikkhuno nāsanantiko kathinuddhāro.
pli-tv-kd7:4.1.13	Bhikkhu atthatakathino vippakatacīvaraṁ ādāya pakkamati “paccessan”ti.
pli-tv-kd7:4.1.14	So bahisīmagato taṁ cīvaraṁ kāreti.
pli-tv-kd7:4.1.15	So katacīvaro suṇāti—
pli-tv-kd7:4.1.16	“ubbhataṁ kira tasmiṁ āvāse kathinan”ti.
pli-tv-kd7:4.1.17	Tassa bhikkhuno savanantiko kathinuddhāro.
pli-tv-kd7:4.1.18	Bhikkhu atthatakathino vippakatacīvaraṁ ādāya pakkamati “paccessan”ti.
pli-tv-kd7:4.1.19	So bahisīmagato taṁ cīvaraṁ kāreti.
pli-tv-kd7:4.1.20	So katacīvaro “paccessaṁ paccessan”ti bahiddhā kathinuddhāraṁ vītināmeti.
pli-tv-kd7:4.1.21	Tassa bhikkhuno sīmātikkantiko kathinuddhāro.
pli-tv-kd7:4.1.22	Bhikkhu atthatakathino vippakatacīvaraṁ ādāya pakkamati “paccessan”ti.
pli-tv-kd7:4.1.23	So bahisīmagato taṁ cīvaraṁ kāreti.
pli-tv-kd7:4.1.24	So katacīvaro “paccessaṁ paccessan”ti sambhuṇāti kathinuddhāraṁ.
pli-tv-kd7:4.1.25	Tassa bhikkhuno saha bhikkhūhi kathinuddhāro.
pli-tv-kd7:4.1.26	Ādāyachakkaṁ niṭṭhitaṁ.
pli-tv-kd7:5.1.0	5. Samādāyachakka
pli-tv-kd7:5.1.1	Bhikkhu atthatakathino vippakatacīvaraṁ samādāya pakkamati.
pli-tv-kd7:5.1.2	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:5.1.3	So taṁ cīvaraṁ kāreti.
pli-tv-kd7:5.1.4	Tassa bhikkhuno niṭṭhānantiko kathinuddhāro.
pli-tv-kd7:5.1.5	Bhikkhu atthatakathino vippakatacīvaraṁ samādāya pakkamati.
pli-tv-kd7:5.1.6	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:5.1.7	Tassa bhikkhuno sanniṭṭhānantiko kathinuddhāro.
pli-tv-kd7:5.1.8	Bhikkhu atthatakathino vippakatacīvaraṁ samādāya pakkamati.
pli-tv-kd7:5.1.9	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:5.1.10	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:5.1.11	Tassa bhikkhuno nāsanantiko kathinuddhāro.
pli-tv-kd7:5.1.12	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:5.1.13	So bahisīmagato taṁ cīvaraṁ kāreti.
pli-tv-kd7:5.1.14	So katacīvaro suṇāti—“ubbhataṁ kira tasmiṁ āvāse kathinan”ti.
pli-tv-kd7:5.1.15	Tassa bhikkhuno savanantiko kathinuddhāro.
pli-tv-kd7:5.1.16	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:5.1.17	So bahisīmagato taṁ cīvaraṁ kāreti.
pli-tv-kd7:5.1.18	So katacīvaro “paccessaṁ paccessan”ti bahiddhā kathinuddhāraṁ vītināmeti.
pli-tv-kd7:5.1.19	Tassa bhikkhuno sīmātikkantiko kathinuddhāro.
pli-tv-kd7:5.1.20	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:5.1.21	So bahisīmagato taṁ cīvaraṁ kāreti.
pli-tv-kd7:5.1.22	So katacīvaro “paccessaṁ paccessan”ti sambhuṇāti kathinuddhāraṁ.
pli-tv-kd7:5.1.23	Tassa bhikkhuno saha bhikkhūhi kathinuddhāro.
pli-tv-kd7:5.1.24	Samādāyachakkaṁ niṭṭhitaṁ.
pli-tv-kd7:6.1.0	6. Ādāyapannarasaka
pli-tv-kd7:6.1.1	Bhikkhu atthatakathino cīvaraṁ ādāya pakkamati.
pli-tv-kd7:6.1.2	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:6.1.3	So taṁ cīvaraṁ kāreti.
pli-tv-kd7:6.1.4	Tassa bhikkhuno niṭṭhānantiko kathinuddhāro.
pli-tv-kd7:6.1.5	Bhikkhu atthatakathino cīvaraṁ ādāya pakkamati.
pli-tv-kd7:6.1.6	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:6.1.7	Tassa bhikkhuno sanniṭṭhānantiko kathinuddhāro.
pli-tv-kd7:6.1.8	Bhikkhu atthatakathino cīvaraṁ ādāya pakkamati.
pli-tv-kd7:6.1.9	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:6.1.10	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:6.1.11	Tassa bhikkhuno nāsanantiko kathinuddhāro.
pli-tv-kd7:6.1.12	Tikaṁ.
pli-tv-kd7:6.2.1	Bhikkhu atthatakathino cīvaraṁ ādāya pakkamati “na paccessan”ti.
pli-tv-kd7:6.2.2	Tassa bahisīmagatassa evaṁ hoti—“idhevimaṁ cīvaraṁ kāressan”ti.
pli-tv-kd7:6.2.3	So taṁ cīvaraṁ kāreti.
pli-tv-kd7:6.2.4	Tassa bhikkhuno niṭṭhānantiko kathinuddhāro.
pli-tv-kd7:6.2.5	Bhikkhu atthatakathino cīvaraṁ ādāya pakkamati “na paccessan”ti.
pli-tv-kd7:6.2.6	Tassa bahisīmagatassa evaṁ hoti—“nevimaṁ cīvaraṁ kāressan”ti.
pli-tv-kd7:6.2.7	Tassa bhikkhuno sanniṭṭhānantiko kathinuddhāro.
pli-tv-kd7:6.2.8	Bhikkhu atthatakathino cīvaraṁ ādāya pakkamati “na paccessan”ti.
pli-tv-kd7:6.2.9	Tassa bahisīmagatassa evaṁ hoti—“idhevimaṁ cīvaraṁ kāressan”ti.
pli-tv-kd7:6.2.10	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:6.2.11	Tassa bhikkhuno nāsanantiko kathinuddhāro.
pli-tv-kd7:6.2.12	Tikaṁ.
pli-tv-kd7:6.3.1	Bhikkhu atthatakathino cīvaraṁ ādāya pakkamati anadhiṭṭhitena; nevassa hoti “paccessan”ti, na panassa hoti “na paccessan”ti.
pli-tv-kd7:6.3.2	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:6.3.3	So taṁ cīvaraṁ kāreti.
pli-tv-kd7:6.3.4	Tassa bhikkhuno niṭṭhānantiko kathinuddhāro.
pli-tv-kd7:6.3.5	Bhikkhu atthatakathino cīvaraṁ ādāya pakkamati anadhiṭṭhitena; nevassa hoti “paccessan”ti, na panassa hoti “na paccessan”ti.
pli-tv-kd7:6.3.6	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:6.3.7	Tassa bhikkhuno sanniṭṭhānantiko kathinuddhāro.
pli-tv-kd7:6.3.8	Bhikkhu atthatakathino cīvaraṁ ādāya pakkamati anadhiṭṭhitena; nevassa hoti “paccessan”ti, na panassa hoti “na paccessan”ti.
pli-tv-kd7:6.3.9	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:6.3.10	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:6.3.11	Tassa bhikkhuno nāsanantiko kathinuddhāro.
pli-tv-kd7:6.3.12	Tikaṁ.
pli-tv-kd7:6.4.1	Bhikkhu atthatakathino cīvaraṁ ādāya pakkamati “paccessan”ti.
pli-tv-kd7:6.4.2	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:6.4.3	So taṁ cīvaraṁ kāreti.
pli-tv-kd7:6.4.4	Tassa bhikkhuno niṭṭhānantiko kathinuddhāro.
pli-tv-kd7:6.4.5	Bhikkhu atthatakathino cīvaraṁ ādāya pakkamati “paccessan”ti.
pli-tv-kd7:6.4.6	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:6.4.7	Tassa bhikkhuno sanniṭṭhānantiko kathinuddhāro.
pli-tv-kd7:6.4.8	Bhikkhu atthatakathino cīvaraṁ ādāya pakkamati “paccessan”ti.
pli-tv-kd7:6.4.9	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:6.4.10	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:6.4.11	Tassa bhikkhuno nāsanantiko kathinuddhāro.
pli-tv-kd7:6.4.12	Bhikkhu atthatakathino cīvaraṁ ādāya pakkamati “paccessan”ti.
pli-tv-kd7:6.4.13	So bahisīmagato taṁ cīvaraṁ kāreti.
pli-tv-kd7:6.4.14	So katacīvaro suṇāti—“ubbhataṁ kira tasmiṁ āvāse kathinan”ti.
pli-tv-kd7:6.4.15	Tassa bhikkhuno savanantiko kathinuddhāro.
pli-tv-kd7:6.4.16	Bhikkhu atthatakathino cīvaraṁ ādāya pakkamati “paccessan”ti.
pli-tv-kd7:6.4.17	So bahisīmagato taṁ cīvaraṁ kāreti.
pli-tv-kd7:6.4.18	So katacīvaro “paccessaṁ paccessan”ti—bahiddhā kathinuddhāraṁ vītināmeti.
pli-tv-kd7:6.4.19	Tassa bhikkhuno sīmātikkantiko kathinuddhāro.
pli-tv-kd7:6.4.20	Bhikkhu atthatakathino cīvaraṁ ādāya pakkamati “paccessan”ti.
pli-tv-kd7:6.4.21	So bahisīmagato taṁ cīvaraṁ kāreti.
pli-tv-kd7:6.4.22	So katacīvaro—“paccessaṁ paccessan”ti sambhuṇāti kathinuddhāraṁ.
pli-tv-kd7:6.4.23	Tassa bhikkhuno saha bhikkhūhi kathinuddhāro.
pli-tv-kd7:6.4.24	Chakkaṁ. Ādāyapannarasakaṁ.
pli-tv-kd7:7.1.0	7. Samādāyapannarasakādi
pli-tv-kd7:7.1.1	Bhikkhu atthatakathino cīvaraṁ samādāya pakkamati …pe….
pli-tv-kd7:7.1.2	(Ādāyavārasadisaṁ evaṁ vitthāretabbaṁ.)
pli-tv-kd7:7.1.3.0	
pli-tv-kd7:7.1.3.1	Bhikkhu atthatakathino vippakatacīvaraṁ ādāya pakkamati.
pli-tv-kd7:7.1.4	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:7.1.5	So taṁ cīvaraṁ kāreti.
pli-tv-kd7:7.1.6	Tassa bhikkhuno niṭṭhānantiko kathinuddhāro …pe….
pli-tv-kd7:7.1.7	(Samādāyavārasadisaṁ evaṁ vitthāretabbaṁ.)
pli-tv-kd7:7.1.8.0	8. Vippakatasamādāyapannarasaka
pli-tv-kd7:7.1.8.1	Bhikkhu atthatakathino vippakatacīvaraṁ samādāya pakkamati.
pli-tv-kd7:7.1.9	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:7.1.10	So taṁ cīvaraṁ kāreti.
pli-tv-kd7:7.1.11	Tassa bhikkhuno niṭṭhānantiko kathinuddhāro.
pli-tv-kd7:7.1.12	Bhikkhu atthatakathino vippakatacīvaraṁ samādāya pakkamati.
pli-tv-kd7:7.1.13	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:7.1.14	Tassa bhikkhuno sanniṭṭhānantiko kathinuddhāro.
pli-tv-kd7:7.1.15	Bhikkhu atthatakathino vippakatacīvaraṁ samādāya pakkamati.
pli-tv-kd7:7.1.16	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:7.1.17	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:7.1.18	Tassa bhikkhuno nāsanantiko kathinuddhāro.
pli-tv-kd7:7.1.19	Tikaṁ.
pli-tv-kd7:7.1.20	Bhikkhu atthatakathino vippakatacīvaraṁ samādāya pakkamati “na paccessan”ti.
pli-tv-kd7:7.1.21	Tassa bahisīmagatassa evaṁ hoti—“idhevimaṁ cīvaraṁ kāressan”ti.
pli-tv-kd7:7.1.22	So taṁ cīvaraṁ kāreti.
pli-tv-kd7:7.1.23	Tassa bhikkhuno niṭṭhānantiko kathinuddhāro.
pli-tv-kd7:7.1.24	Bhikkhu atthatakathino vippakatacīvaraṁ samādāya pakkamati “na paccessan”ti.
pli-tv-kd7:7.1.25	Tassa bahisīmagatassa evaṁ hoti—“nevimaṁ cīvaraṁ kāressan”ti.
pli-tv-kd7:7.1.26	Tassa bhikkhuno sanniṭṭhānantiko kathinuddhāro.
pli-tv-kd7:7.1.27	Bhikkhu atthatakathino vippakatacīvaraṁ samādāya pakkamati “na paccessan”ti.
pli-tv-kd7:7.1.28	Tassa bahisīmagatassa evaṁ hoti—“idhevimaṁ cīvaraṁ kāressan”ti.
pli-tv-kd7:7.1.29	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:7.1.30	Tassa bhikkhuno nāsanantiko kathinuddhāro.
pli-tv-kd7:7.1.31	Tikaṁ.
pli-tv-kd7:7.1.32	Bhikkhu atthatakathino vippakatacīvaraṁ samādāya pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:7.1.33	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:7.1.34	So taṁ cīvaraṁ kāreti.
pli-tv-kd7:7.1.35	Tassa bhikkhuno niṭṭhānantiko kathinuddhāro.
pli-tv-kd7:7.1.36	Bhikkhu atthatakathino vippakatacīvaraṁ samādāya pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:7.1.37	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:7.1.38	Tassa bhikkhuno sanniṭṭhānantiko kathinuddhāro.
pli-tv-kd7:7.1.39	Bhikkhu atthatakathino vippakatacīvaraṁ samādāya pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:7.1.40	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:7.1.41	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:7.1.42	Tassa bhikkhuno nāsanantiko kathinuddhāro.
pli-tv-kd7:7.1.43	Tikaṁ.
pli-tv-kd7:7.1.44	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:7.1.45	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:7.1.46	So taṁ cīvaraṁ kāreti.
pli-tv-kd7:7.1.47	Tassa bhikkhuno niṭṭhānantiko kathinuddhāro.
pli-tv-kd7:7.1.48	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:7.1.49	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:7.1.50	Tassa bhikkhuno sanniṭṭhānantiko kathinuddhāro.
pli-tv-kd7:7.1.51	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:7.1.52	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:7.1.53	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:7.1.54	Tassa bhikkhuno nāsanantiko kathinuddhāro.
pli-tv-kd7:7.1.55	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:7.1.56	So bahisīmagato taṁ cīvaraṁ kāreti.
pli-tv-kd7:7.1.57	So katacīvaro suṇāti—“ubbhataṁ kira tasmiṁ āvāse kathinan”ti.
pli-tv-kd7:7.1.58	Tassa bhikkhuno savanantiko kathinuddhāro.
pli-tv-kd7:7.1.59	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:7.1.60	So bahisīmagato taṁ cīvaraṁ kāreti.
pli-tv-kd7:7.1.61	So katacīvaro—“paccessaṁ paccessan”ti bahiddhā kathinuddhāraṁ vītināmeti.
pli-tv-kd7:7.1.62	Tassa bhikkhuno sīmātikkantiko kathinuddhāro.
pli-tv-kd7:7.1.63	Bhikkhu atthatakathino vippakatacīvaraṁ samādāya pakkamati “paccessan”ti.
pli-tv-kd7:7.1.64	So bahisīmagato taṁ cīvaraṁ kāreti.
pli-tv-kd7:7.1.65	So katacīvaro “paccessaṁ paccessan”ti sambhuṇāti kathinuddhāraṁ.
pli-tv-kd7:7.1.66	Tassa bhikkhuno saha bhikkhūhi kathinuddhāro.
pli-tv-kd7:7.1.67	Chakkaṁ. Samādāyapannarasakaṁ.
pli-tv-kd7:7.1.68	Ādāyabhāṇavāro.
pli-tv-kd7:8.1.0	9. Anāsādoḷasaka
pli-tv-kd7:8.1.1	Bhikkhu atthatakathino cīvarāsāya pakkamati.
pli-tv-kd7:8.1.2	So bahisīmagato taṁ cīvarāsaṁ payirupāsati.
pli-tv-kd7:8.1.3	Anāsāya labhati, āsāya na labhati.
pli-tv-kd7:8.1.4	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:8.1.5	So taṁ cīvaraṁ kāreti.
pli-tv-kd7:8.1.6	Tassa bhikkhuno niṭṭhānantiko kathinuddhāro.
pli-tv-kd7:8.1.7	Bhikkhu atthatakathino cīvarāsāya pakkamati.
pli-tv-kd7:8.1.8	So bahisīmagato taṁ cīvarāsaṁ payirupāsati.
pli-tv-kd7:8.1.9	Anāsāya labhati, āsāya na labhati.
pli-tv-kd7:8.1.10	Tassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:8.1.11	Tassa bhikkhuno sanniṭṭhānantiko kathinuddhāro.
pli-tv-kd7:8.1.12	Bhikkhu atthatakathino cīvarāsāya pakkamati.
pli-tv-kd7:8.1.13	So bahisīmagato taṁ cīvarāsaṁ payirupāsati.
pli-tv-kd7:8.1.14	Anāsāya labhati, āsāya na labhati.
pli-tv-kd7:8.1.15	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:8.1.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:8.1.17	Tassa bhikkhuno nāsanantiko kathinuddhāro.
pli-tv-kd7:8.1.18	Bhikkhu atthatakathino cīvarāsāya pakkamati.
pli-tv-kd7:8.1.19	Tassa bahisīmagatassa evaṁ hoti—“idhevimaṁ cīvarāsaṁ payirupāsissaṁ, na paccessan”ti.
pli-tv-kd7:8.1.20	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:8.1.21	Tassa bhikkhuno āsāvacchediko kathinuddhāro.
pli-tv-kd7:8.2.1	Bhikkhu atthatakathino cīvarāsāya pakkamati “na paccessan”ti.
pli-tv-kd7:8.2.2	So bahisīmagato taṁ cīvarāsaṁ payirupāsati.
pli-tv-kd7:8.2.3	Anāsāya labhati, āsāya na labhati.
pli-tv-kd7:8.2.4	Tassa evaṁ hoti—“idhevimaṁ cīvaraṁ kāressan”ti.
pli-tv-kd7:8.2.5	So taṁ cīvaraṁ kāreti.
pli-tv-kd7:8.2.6	Tassa bhikkhuno niṭṭhānantiko kathinuddhāro.
pli-tv-kd7:8.2.7	Bhikkhu atthatakathino cīvarāsāya pakkamati “na paccessan”ti.
pli-tv-kd7:8.2.8	So bahisīmagato taṁ cīvarāsaṁ payirupāsati.
pli-tv-kd7:8.2.9	Anāsāya labhati, āsāya na labhati.
pli-tv-kd7:8.2.10	Tassa evaṁ hoti—“nevimaṁ cīvaraṁ kāressan”ti.
pli-tv-kd7:8.2.11	Tassa bhikkhuno sanniṭṭhānantiko kathinuddhāro.
pli-tv-kd7:8.2.12	Bhikkhu atthatakathino cīvarāsāya pakkamati “na paccessan”ti.
pli-tv-kd7:8.2.13	So bahisīmagato taṁ cīvarāsaṁ payirupāsati.
pli-tv-kd7:8.2.14	Anāsāya labhati, āsāya na labhati.
pli-tv-kd7:8.2.15	Tassa evaṁ hoti—“idhevimaṁ cīvaraṁ kāressan”ti.
pli-tv-kd7:8.2.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:8.2.17	Tassa bhikkhuno nāsanantiko kathinuddhāro.
pli-tv-kd7:8.2.18	Bhikkhu atthatakathino cīvarāsāya pakkamati “na paccessan”ti.
pli-tv-kd7:8.2.19	Tassa bahisīmagatassa evaṁ hoti—“idhevimaṁ cīvarāsaṁ payirupāsissan”ti.
pli-tv-kd7:8.2.20	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:8.2.21	Tassa bhikkhuno āsāvacchediko kathinuddhāro.
pli-tv-kd7:8.3.1	Bhikkhu atthatakathino cīvarāsāya pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:8.3.2	So bahisīmagato taṁ cīvarāsaṁ payirupāsati.
pli-tv-kd7:8.3.3	Anāsāya labhati, āsāya na labhati.
pli-tv-kd7:8.3.4	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:8.3.5	So taṁ cīvaraṁ kāreti.
pli-tv-kd7:8.3.6	Tassa bhikkhuno niṭṭhānantiko kathinuddhāro.
pli-tv-kd7:8.3.7	Bhikkhu atthatakathino cīvarāsāya pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:8.3.8	So bahisīmagato taṁ cīvarāsaṁ payirupāsati.
pli-tv-kd7:8.3.9	Anāsāya labhati, āsāya na labhati.
pli-tv-kd7:8.3.10	Tassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:8.3.11	Tassa bhikkhuno sanniṭṭhānantiko kathinuddhāro.
pli-tv-kd7:8.3.12	Bhikkhu atthatakathino cīvarāsāya pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:8.3.13	So bahisīmagato taṁ cīvarāsaṁ payirupāsati.
pli-tv-kd7:8.3.14	Anāsāya labhati, āsāya na labhati.
pli-tv-kd7:8.3.15	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:8.3.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:8.3.17	Tassa bhikkhuno nāsanantiko kathinuddhāro.
pli-tv-kd7:8.3.18	Bhikkhu atthatakathino cīvarāsāya pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:8.3.19	Tassa bahisīmagatassa evaṁ hoti—“idhevimaṁ cīvarāsaṁ payirupāsissaṁ, na paccessan”ti.
pli-tv-kd7:8.3.20	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:8.3.21	Tassa bhikkhuno āsāvacchediko kathinuddhāro.
pli-tv-kd7:8.3.22	Anāsādoḷasakaṁ niṭṭhitaṁ.
pli-tv-kd7:9.1.0	10. Āsādoḷasaka
pli-tv-kd7:9.1.1	Bhikkhu atthatakathino cīvarāsāya pakkamati “paccessan”ti.
pli-tv-kd7:9.1.2	So bahisīmagato taṁ cīvarāsaṁ payirupāsati.
pli-tv-kd7:9.1.3	Āsāya labhati, anāsāya na labhati.
pli-tv-kd7:9.1.4	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:9.1.5	So taṁ cīvaraṁ kāreti.
pli-tv-kd7:9.1.6	Tassa bhikkhuno niṭṭhānantiko kathinuddhāro.
pli-tv-kd7:9.1.7	Bhikkhu atthatakathino cīvarāsāya pakkamati “paccessan”ti.
pli-tv-kd7:9.1.8	So bahisīmagato taṁ cīvarāsaṁ payirupāsati.
pli-tv-kd7:9.1.9	Āsāya labhati, anāsāya na labhati.
pli-tv-kd7:9.1.10	Tassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:9.1.11	Tassa bhikkhuno sanniṭṭhānantiko kathinuddhāro.
pli-tv-kd7:9.1.12	Bhikkhu atthatakathino cīvarāsāya pakkamati “paccessan”ti.
pli-tv-kd7:9.1.13	So bahisīmagato taṁ cīvarāsaṁ payirupāsati.
pli-tv-kd7:9.1.14	Āsāya labhati, anāsāya na labhati.
pli-tv-kd7:9.1.15	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:9.1.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:9.1.17	Tassa bhikkhuno nāsanantiko kathinuddhāro.
pli-tv-kd7:9.1.18	Bhikkhu atthatakathino cīvarāsāya pakkamati “paccessan”ti.
pli-tv-kd7:9.1.19	Tassa bahisīmagatassa evaṁ hoti—“idhevimaṁ cīvarāsaṁ payirupāsissaṁ, na paccessan”ti.
pli-tv-kd7:9.1.20	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:9.1.21	Tassa bhikkhuno āsāvacchediko kathinuddhāro.
pli-tv-kd7:9.2.1	Bhikkhu atthatakathino cīvarāsāya pakkamati “paccessan”ti.
pli-tv-kd7:9.2.2	So bahisīmagato suṇāti—“ubbhataṁ kira tasmiṁ āvāse kathinan”ti.
pli-tv-kd7:9.2.3	Tassa evaṁ hoti—“yato tasmiṁ āvāse ubbhataṁ kathinaṁ, idhevimaṁ cīvarāsaṁ payirupāsissan”ti.
pli-tv-kd7:9.2.4	So taṁ cīvarāsaṁ payirupāsati. Āsāya labhati, anāsāya na labhati.
pli-tv-kd7:9.2.5	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:9.2.6	So taṁ cīvaraṁ kāreti.
pli-tv-kd7:9.2.7	Tassa bhikkhuno niṭṭhānantiko kathinuddhāro.
pli-tv-kd7:9.2.8	Bhikkhu atthatakathino cīvarāsāya pakkamati “paccessan”ti.
pli-tv-kd7:9.2.9	So bahisīmagato suṇāti—“ubbhataṁ kira tasmiṁ āvāse kathinan”ti.
pli-tv-kd7:9.2.10	Tassa evaṁ hoti—“yato tasmiṁ āvāse ubbhataṁ kathinaṁ, idhevimaṁ cīvarāsaṁ payirupāsissan”ti.
pli-tv-kd7:9.2.11	So taṁ cīvarāsaṁ payirupāsati. Āsāya labhati, anāsāya na labhati.
pli-tv-kd7:9.2.12	Tassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:9.2.13	Tassa bhikkhuno sanniṭṭhānantiko kathinuddhāro.
pli-tv-kd7:9.2.14	Bhikkhu atthatakathino cīvarāsāya pakkamati “paccessan”ti.
pli-tv-kd7:9.2.15	So bahisīmagato suṇāti—“ubbhataṁ kira tasmiṁ āvāse kathinan”ti.
pli-tv-kd7:9.2.16	Tassa evaṁ hoti—“yato tasmiṁ āvāse ubbhataṁ kathinaṁ, idhevimaṁ cīvarāsaṁ payirupāsissan”ti.
pli-tv-kd7:9.2.17	So taṁ cīvarāsaṁ payirupāsati. Āsāya labhati, anāsāya na labhati.
pli-tv-kd7:9.2.18	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:9.2.19	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:9.2.20	Tassa bhikkhuno nāsanantiko kathinuddhāro.
pli-tv-kd7:9.2.21	Bhikkhu atthatakathino cīvarāsāya pakkamati “paccessan”ti.
pli-tv-kd7:9.2.22	So bahisīmagato suṇāti—“ubbhataṁ kira tasmiṁ āvāse kathinan”ti.
pli-tv-kd7:9.2.23	Tassa evaṁ hoti—“yato tasmiṁ āvāse ubbhataṁ kathinaṁ, idhevimaṁ cīvarāsaṁ payirupāsissaṁ, na paccessan”ti.
pli-tv-kd7:9.2.24	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:9.2.25	Tassa bhikkhuno āsāvacchediko kathinuddhāro.
pli-tv-kd7:9.3.1	Bhikkhu atthatakathino cīvarāsāya pakkamati “paccessan”ti.
pli-tv-kd7:9.3.2	So bahisīmagato taṁ cīvarāsaṁ payirupāsati. Āsāya labhati, anāsāya na labhati. So taṁ cīvaraṁ kāreti.
pli-tv-kd7:9.3.3	So katacīvaro suṇāti—“ubbhataṁ kira tasmiṁ āvāse kathinan”ti.
pli-tv-kd7:9.3.4	Tassa bhikkhuno savanantiko kathinuddhāro.
pli-tv-kd7:9.3.5	Bhikkhu atthatakathino cīvarāsāya pakkamati “paccessan”ti.
pli-tv-kd7:9.3.6	Tassa bahisīmagatassa evaṁ hoti—“idhevimaṁ cīvarāsaṁ payirupāsissaṁ, na paccessan”ti.
pli-tv-kd7:9.3.7	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:9.3.8	Tassa bhikkhuno āsāvacchediko kathinuddhāro.
pli-tv-kd7:9.3.9	Bhikkhu atthatakathino cīvarāsāya pakkamati “paccessan”ti.
pli-tv-kd7:9.3.10	So bahisīmagato taṁ cīvarāsaṁ payirupāsati. Āsāya labhati, anāsāya na labhati.
pli-tv-kd7:9.3.11	So taṁ cīvaraṁ kāreti.
pli-tv-kd7:9.3.12	So katacīvaro “paccessaṁ paccessan”ti—bahiddhā kathinuddhāraṁ vītināmeti.
pli-tv-kd7:9.3.13	Tassa bhikkhuno sīmātikkantiko kathinuddhāro.
pli-tv-kd7:9.3.14	Bhikkhu atthatakathino cīvarāsāya pakkamati “paccessan”ti.
pli-tv-kd7:9.3.15	So bahisīmagato taṁ cīvarāsaṁ payirupāsati. Āsāya labhati, anāsāya na labhati.
pli-tv-kd7:9.3.16	So taṁ cīvaraṁ kāreti.
pli-tv-kd7:9.3.17	So katacīvaro “paccessaṁ paccessan”ti—sambhuṇāti kathinuddhāraṁ.
pli-tv-kd7:9.3.18	Tassa bhikkhuno saha bhikkhūhi kathinuddhāro.
pli-tv-kd7:9.3.19	Āsādoḷasakaṁ niṭṭhitaṁ.
pli-tv-kd7:10.1.0	11. Karaṇīyadoḷasaka
pli-tv-kd7:10.1.1	Bhikkhu atthatakathino kenacideva karaṇīyena pakkamati.
pli-tv-kd7:10.1.2	Tassa bahisīmagatassa cīvarāsā uppajjati.
pli-tv-kd7:10.1.3	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.1.4	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:10.1.5	So taṁ cīvaraṁ kāreti.
pli-tv-kd7:10.1.6	Tassa bhikkhuno niṭṭhānantiko kathinuddhāro.
pli-tv-kd7:10.1.7	Bhikkhu atthatakathino kenacideva karaṇīyena pakkamati.
pli-tv-kd7:10.1.8	Tassa bahisīmagatassa cīvarāsā uppajjati.
pli-tv-kd7:10.1.9	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.1.10	Tassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:10.1.11	Tassa bhikkhuno sanniṭṭhānantiko kathinuddhāro.
pli-tv-kd7:10.1.12	Bhikkhu atthatakathino kenacideva karaṇīyena pakkamati.
pli-tv-kd7:10.1.13	Tassa bahisīmagatassa cīvarāsā uppajjati.
pli-tv-kd7:10.1.14	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.1.15	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:10.1.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:10.1.17	Tassa bhikkhuno nāsanantiko kathinuddhāro.
pli-tv-kd7:10.1.18	Bhikkhu atthatakathino kenacideva karaṇīyena pakkamati.
pli-tv-kd7:10.1.19	Tassa bahisīmagatassa cīvarāsā uppajjati.
pli-tv-kd7:10.1.20	Tassa evaṁ hoti—“idhevimaṁ cīvarāsaṁ payirupāsissaṁ, na paccessan”ti.
pli-tv-kd7:10.1.21	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:10.1.22	Tassa bhikkhuno āsāvacchediko kathinuddhāro.
pli-tv-kd7:10.2.1	Bhikkhu atthatakathino kenacideva karaṇīyena pakkamati “na paccessan”ti.
pli-tv-kd7:10.2.2	Tassa bahisīmagatassa cīvarāsā uppajjati.
pli-tv-kd7:10.2.3	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.2.4	Tassa evaṁ hoti—“idhevimaṁ cīvaraṁ kāressan”ti.
pli-tv-kd7:10.2.5	So taṁ cīvaraṁ kāreti.
pli-tv-kd7:10.2.6	Tassa bhikkhuno niṭṭhānantiko kathinuddhāro.
pli-tv-kd7:10.2.7	Bhikkhu atthatakathino kenacideva karaṇīyena pakkamati “na paccessan”ti.
pli-tv-kd7:10.2.8	Tassa bahisīmagatassa cīvarāsā uppajjati.
pli-tv-kd7:10.2.9	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.2.10	Tassa evaṁ hoti—“nevimaṁ cīvaraṁ kāressan”ti.
pli-tv-kd7:10.2.11	Tassa bhikkhuno sanniṭṭhānantiko kathinuddhāro.
pli-tv-kd7:10.2.12	Bhikkhu atthatakathino kenacideva karaṇīyena pakkamati “na paccessan”ti.
pli-tv-kd7:10.2.13	Tassa bahisīmagatassa cīvarāsā uppajjati.
pli-tv-kd7:10.2.14	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.2.15	Tassa evaṁ hoti—“idhevimaṁ cīvaraṁ kāressan”ti.
pli-tv-kd7:10.2.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:10.2.17	Tassa bhikkhuno nāsanantiko kathinuddhāro.
pli-tv-kd7:10.2.18	Bhikkhu atthatakathino kenacideva karaṇīyena pakkamati “na paccessan”ti.
pli-tv-kd7:10.2.19	Tassa bahisīmagatassa cīvarāsā uppajjati.
pli-tv-kd7:10.2.20	Tassa evaṁ hoti—“idhevimaṁ cīvarāsaṁ payirupāsissan”ti.
pli-tv-kd7:10.2.21	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:10.2.22	Tassa bhikkhuno āsāvacchediko kathinuddhāro.
pli-tv-kd7:10.3.1	Bhikkhu atthatakathino kenacideva karaṇīyena pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:10.3.2	Tassa bahisīmagatassa cīvarāsā uppajjati.
pli-tv-kd7:10.3.3	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.3.4	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:10.3.5	So taṁ cīvaraṁ kāreti.
pli-tv-kd7:10.3.6	Tassa bhikkhuno niṭṭhānantiko kathinuddhāro.
pli-tv-kd7:10.3.7	Bhikkhu atthatakathino kenacideva karaṇīyena pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:10.3.8	Tassa bahisīmagatassa cīvarāsā uppajjati.
pli-tv-kd7:10.3.9	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.3.10	Tassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:10.3.11	Tassa bhikkhuno sanniṭṭhānantiko kathinuddhāro.
pli-tv-kd7:10.3.12	Bhikkhu atthatakathino kenacideva karaṇīyena pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:10.3.13	Tassa bahisīmagatassa cīvarāsā uppajjati.
pli-tv-kd7:10.3.14	So taṁ cīvarāsaṁ payirupāsati. Anāsāya labhati, āsāya na labhati.
pli-tv-kd7:10.3.15	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:10.3.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:10.3.17	Tassa bhikkhuno nāsanantiko kathinuddhāro.
pli-tv-kd7:10.3.18	Bhikkhu atthatakathino kenacideva karaṇīyena pakkamati anadhiṭṭhitena; nevassa hoti—“paccessan”ti, na panassa hoti—“na paccessan”ti.
pli-tv-kd7:10.3.19	Tassa bahisīmagatassa cīvarāsā uppajjati.
pli-tv-kd7:10.3.20	Tassa evaṁ hoti—“idhevimaṁ cīvarāsaṁ payirupāsissaṁ, na paccessan”ti.
pli-tv-kd7:10.3.21	So taṁ cīvarāsaṁ payirupāsati. Tassa sā cīvarāsā upacchijjati.
pli-tv-kd7:10.3.22	Tassa bhikkhuno āsāvacchediko kathinuddhāro.
pli-tv-kd7:10.3.23	Karaṇīyadoḷasakaṁ niṭṭhitaṁ.
pli-tv-kd7:11.1.0	12. Apavilāyananavaka
pli-tv-kd7:11.1.1	Bhikkhu atthatakathino disaṅgamiko pakkamati cīvarapaṭivīsaṁ apavilāyamāno.
pli-tv-kd7:11.1.2	Tamenaṁ disaṅgataṁ bhikkhū pucchanti—“kahaṁ tvaṁ, āvuso, vassaṁvuṭṭho, kattha ca te cīvarapaṭivīso”ti?
pli-tv-kd7:11.1.3	So evaṁ vadeti—“amukasmiṁ āvāse vassaṁvuṭṭhomhi. Tattha ca me cīvarapaṭivīso”ti.
pli-tv-kd7:11.1.4	Te evaṁ vadanti—“gacchāvuso, taṁ cīvaraṁ āhara, mayaṁ te idha cīvaraṁ karissāmā”ti.
pli-tv-kd7:11.1.5	So taṁ āvāsaṁ gantvā bhikkhū pucchati—“kahaṁ me, āvuso, cīvarapaṭivīso”ti?
pli-tv-kd7:11.1.6	Te evaṁ vadanti—“ayaṁ te, āvuso, cīvarapaṭivīso; kahaṁ gamissasī”ti?
pli-tv-kd7:11.1.7	So evaṁ vadeti—“amukaṁ nāma āvāsaṁ gamissāmi, tattha me bhikkhū cīvaraṁ karissantī”ti.
pli-tv-kd7:11.1.8	Te evaṁ vadanti—“alaṁ, āvuso, mā agamāsi. Mayaṁ te idha cīvaraṁ karissāmā”ti.
pli-tv-kd7:11.1.9	Tassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:11.1.10	So taṁ cīvaraṁ kāreti.
pli-tv-kd7:11.1.11	Tassa bhikkhuno niṭṭhānantiko kathinuddhāro.
pli-tv-kd7:11.1.12	Bhikkhu atthatakathino disaṅgamiko pakkamati …pe…
pli-tv-kd7:11.1.13	“nevimaṁ cīvaraṁ kāressaṁ, na paccessan”ti.
pli-tv-kd7:11.1.14	Tassa bhikkhuno sanniṭṭhānantiko kathinuddhāro.
pli-tv-kd7:11.1.15	Bhikkhu atthatakathino disaṅgamiko pakkamati …pe…
pli-tv-kd7:11.1.16	“idhevimaṁ cīvaraṁ kāressaṁ, na paccessan”ti.
pli-tv-kd7:11.1.17	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:11.1.18	Tassa bhikkhuno nāsanantiko kathinuddhāro.
pli-tv-kd7:11.2.1	Bhikkhu atthatakathino disaṅgamiko pakkamati cīvarapaṭivīsaṁ apavilāyamāno.
pli-tv-kd7:11.2.2	Tamenaṁ disaṅgataṁ bhikkhū pucchanti—“kahaṁ tvaṁ, āvuso, vassaṁvuṭṭho, kattha ca te cīvarapaṭivīso”ti?
pli-tv-kd7:11.2.3	So evaṁ vadeti—“amukasmiṁ āvāse vassaṁvuṭṭhomhi, tattha ca me cīvarapaṭivīso”ti.
pli-tv-kd7:11.2.4	Te evaṁ vadanti—“gacchāvuso, taṁ cīvaraṁ āhara, mayaṁ te idha cīvaraṁ karissāmā”ti.
pli-tv-kd7:11.2.5	So taṁ āvāsaṁ gantvā bhikkhū pucchati—“kahaṁ me, āvuso, cīvarapaṭivīso”ti?
pli-tv-kd7:11.2.6	Te evaṁ vadanti—“ayaṁ te, āvuso, cīvarapaṭivīso”ti.
pli-tv-kd7:11.2.7	So taṁ cīvaraṁ ādāya taṁ āvāsaṁ gacchati.
pli-tv-kd7:11.2.8	Tamenaṁ antarāmagge bhikkhū pucchanti—“āvuso, kahaṁ gamissasī”ti?
pli-tv-kd7:11.2.9	So evaṁ vadeti—“amukaṁ nāma āvāsaṁ gamissāmi, tattha me bhikkhū cīvaraṁ karissantī”ti.
pli-tv-kd7:11.2.10	Te evaṁ vadanti—“alaṁ, āvuso, mā agamāsi, mayaṁ te idha cīvaraṁ karissāmā”ti.
pli-tv-kd7:11.2.11	Tassa evaṁ hoti—“idhevimaṁ cīvaraṁ kāressaṁ na paccessan”ti.
pli-tv-kd7:11.2.12	So taṁ cīvaraṁ kāreti.
pli-tv-kd7:11.2.13	Tassa bhikkhuno niṭṭhānantiko kathinuddhāro.
pli-tv-kd7:11.2.14	Bhikkhu atthatakathino disaṅgamiko pakkamati cīvarapaṭivīsaṁ apavilāyamāno.
pli-tv-kd7:11.2.15	Tamenaṁ disaṅgataṁ bhikkhū pucchanti—“kahaṁ tvaṁ, āvuso, vassaṁvuṭṭho, kattha ca te cīvarapaṭivīso”ti?
pli-tv-kd7:11.2.16	So evaṁ vadeti—“amukasmiṁ āvāse vassaṁvuṭṭhomhi, tattha ca me cīvarapaṭivīso”ti.
pli-tv-kd7:11.2.17	Te evaṁ vadanti—“gacchāvuso, taṁ cīvaraṁ āhara, mayaṁ te idha cīvaraṁ karissāmā”ti.
pli-tv-kd7:11.2.18	So taṁ āvāsaṁ gantvā bhikkhū pucchati—“kahaṁ me, āvuso, cīvarapaṭivīso”ti?
pli-tv-kd7:11.2.19	Te evaṁ vadanti—“ayaṁ te, āvuso, cīvarapaṭivīso”ti.
pli-tv-kd7:11.2.20	So taṁ cīvaraṁ ādāya taṁ āvāsaṁ gacchati.
pli-tv-kd7:11.2.21	Tamenaṁ antarāmagge bhikkhū pucchanti—“āvuso, kahaṁ gamissasī”ti?
pli-tv-kd7:11.2.22	So evaṁ vadeti—“amukaṁ nāma āvāsaṁ gamissāmi, tattha me bhikkhū cīvaraṁ karissantī”ti.
pli-tv-kd7:11.2.23	Te evaṁ vadanti—“alaṁ, āvuso, mā agamāsi, mayaṁ te idha cīvaraṁ karissāmā”ti.
pli-tv-kd7:11.2.24	Tassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:11.2.25	Tassa bhikkhuno sanniṭṭhānantiko kathinuddhāro.
pli-tv-kd7:11.2.26	Bhikkhu atthatakathino disaṅgamiko pakkamati …pe…
pli-tv-kd7:11.2.27	“idhevimaṁ cīvaraṁ kāressaṁ, na paccessan”ti.
pli-tv-kd7:11.2.28	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:11.2.29	Tassa bhikkhuno nāsanantiko kathinuddhāro.
pli-tv-kd7:11.3.1	Bhikkhu atthatakathino disaṅgamiko pakkamati cīvarapaṭivīsaṁ apavilāyamāno.
pli-tv-kd7:11.3.2	Tamenaṁ disaṅgataṁ bhikkhū pucchanti—“kahaṁ tvaṁ, āvuso, vassaṁvuṭṭho, kattha ca te cīvarapaṭivīso”ti?
pli-tv-kd7:11.3.3	So evaṁ vadeti—“amukasmiṁ āvāse vassaṁvuṭṭhomhi, tattha ca me cīvarapaṭivīso”ti.
pli-tv-kd7:11.3.4	Te evaṁ vadanti—“gacchāvuso, taṁ cīvaraṁ āhara, mayaṁ te idha cīvaraṁ karissāmā”ti.
pli-tv-kd7:11.3.5	So taṁ āvāsaṁ gantvā bhikkhū pucchati—“kahaṁ me, āvuso, cīvarapaṭivīso”ti?
pli-tv-kd7:11.3.6	Te evaṁ vadanti—“ayaṁ te, āvuso, cīvarapaṭivīso”ti.
pli-tv-kd7:11.3.7	So taṁ cīvaraṁ ādāya taṁ āvāsaṁ gacchati.
pli-tv-kd7:11.3.8	Tassa taṁ āvāsaṁ gatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:11.3.9	So taṁ cīvaraṁ kāreti.
pli-tv-kd7:11.3.10	Tassa bhikkhuno niṭṭhānantiko kathinuddhāro.
pli-tv-kd7:11.3.11	Bhikkhu atthatakathino disaṅgamiko pakkamati …pe…
pli-tv-kd7:11.3.12	“nevimaṁ cīvaraṁ kāressaṁ, na paccessan”ti.
pli-tv-kd7:11.3.13	Tassa bhikkhuno sanniṭṭhānantiko kathinuddhāro.
pli-tv-kd7:11.3.14	Bhikkhu atthatakathino disaṅgamiko pakkamati …pe…
pli-tv-kd7:11.3.15	“idhevimaṁ cīvaraṁ kāressaṁ, na paccessan”ti.
pli-tv-kd7:11.3.16	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:11.3.17	Tassa bhikkhuno nāsanantiko kathinuddhāro.
pli-tv-kd7:11.3.18	Apavilāyananavakaṁ niṭṭhitaṁ.
pli-tv-kd7:12.1.0	13. Phāsuvihārapañcaka
pli-tv-kd7:12.1.1	Bhikkhu atthatakathino phāsuvihāriko cīvaraṁ ādāya pakkamati—
pli-tv-kd7:12.1.2	“amukaṁ nāma āvāsaṁ gamissāmi;
pli-tv-kd7:12.1.3	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.4	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.5	tattha me phāsu bhavissati vasissāmi, no ce me phāsu bhavissati, paccessan”ti.
pli-tv-kd7:12.1.6	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:12.1.7	So taṁ cīvaraṁ kāreti.
pli-tv-kd7:12.1.8	Tassa bhikkhuno niṭṭhānantiko kathinuddhāro.
pli-tv-kd7:12.1.9	Bhikkhu atthatakathino phāsuvihāriko cīvaraṁ ādāya pakkamati—
pli-tv-kd7:12.1.10	“amukaṁ nāma āvāsaṁ gamissāmi;
pli-tv-kd7:12.1.11	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.12	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.13	tattha me phāsu bhavissati vasissāmi, no ce me phāsu bhavissati, paccessan”ti.
pli-tv-kd7:12.1.14	Tassa bahisīmagatassa evaṁ hoti—“nevimaṁ cīvaraṁ kāressaṁ, na paccessan”ti.
pli-tv-kd7:12.1.15	Tassa bhikkhuno sanniṭṭhānantiko kathinuddhāro.
pli-tv-kd7:12.1.16	Bhikkhu atthatakathino phāsuvihāriko cīvaraṁ ādāya pakkamati—“amukaṁ nāma āvāsaṁ gamissāmi;
pli-tv-kd7:12.1.17	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.18	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.19	tattha me phāsu bhavissati vasissāmi, no ce me phāsu bhavissati, paccessan”ti.
pli-tv-kd7:12.1.20	Tassa bahisīmagatassa evaṁ hoti—“idhevimaṁ cīvaraṁ kāressaṁ, na paccessan”ti.
pli-tv-kd7:12.1.21	So taṁ cīvaraṁ kāreti. Tassa taṁ cīvaraṁ kayiramānaṁ nassati.
pli-tv-kd7:12.1.22	Tassa bhikkhuno nāsanantiko kathinuddhāro.
pli-tv-kd7:12.1.23	Bhikkhu atthatakathino phāsuvihāriko cīvaraṁ ādāya pakkamati—“amukaṁ nāma āvāsaṁ gamissāmi;
pli-tv-kd7:12.1.24	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.25	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.26	tattha me phāsu bhavissati vasissāmi, no ce me phāsu bhavissati, paccessan”ti.
pli-tv-kd7:12.1.27	So bahisīmagato taṁ cīvaraṁ kāreti.
pli-tv-kd7:12.1.28	So katacīvaro—“paccessaṁ paccessan”ti bahiddhā kathinuddhāraṁ vītināmeti.
pli-tv-kd7:12.1.29	Tassa bhikkhuno sīmātikkantiko kathinuddhāro.
pli-tv-kd7:12.1.30	Bhikkhu atthatakathino phāsuvihāriko cīvaraṁ ādāya pakkamati—“amukaṁ nāma āvāsaṁ gamissāmi;
pli-tv-kd7:12.1.31	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.32	tattha me phāsu bhavissati vasissāmi, no ce me phāsu bhavissati, amukaṁ nāma āvāsaṁ gamissāmi;
pli-tv-kd7:12.1.33	tattha me phāsu bhavissati vasissāmi, no ce me phāsu bhavissati, paccessan”ti.
pli-tv-kd7:12.1.34	So bahisīmagato taṁ cīvaraṁ kāreti.
pli-tv-kd7:12.1.35	So katacīvaro “paccessaṁ paccessan”ti sambhuṇāti kathinuddhāraṁ.
pli-tv-kd7:12.1.36	Tassa bhikkhuno saha bhikkhūhi kathinuddhāro.
pli-tv-kd7:12.1.37	Phāsuvihārapañcakaṁ niṭṭhitaṁ.
pli-tv-kd7:13.1.0	14. Palibodhāpalibodhakathā
pli-tv-kd7:13.1.1	Dveme, bhikkhave, kathinassa palibodhā, dve apalibodhā.
pli-tv-kd7:13.1.2	Katame ca, bhikkhave, dve kathinassa palibodhā?
pli-tv-kd7:13.1.3	Āvāsapalibodho ca cīvarapalibodho ca.
pli-tv-kd7:13.1.4	Kathañca, bhikkhave, āvāsapalibodho hoti?
pli-tv-kd7:13.1.5	Idha, bhikkhave, bhikkhu vasati vā tasmiṁ āvāse, sāpekkho vā pakkamati “paccessan”ti.
pli-tv-kd7:13.1.6	Evaṁ kho, bhikkhave, āvāsapalibodho hoti.
pli-tv-kd7:13.1.7	Kathañca, bhikkhave, cīvarapalibodho hoti?
pli-tv-kd7:13.1.8	Idha, bhikkhave, bhikkhuno cīvaraṁ akataṁ vā hoti vippakataṁ vā, cīvarāsā vā anupacchinnā.
pli-tv-kd7:13.1.9	Evaṁ kho, bhikkhave, cīvarapalibodho hoti.
pli-tv-kd7:13.1.10	Ime kho, bhikkhave, dve kathinassa palibodhā.
pli-tv-kd7:13.2.1	Katame ca, bhikkhave, dve kathinassa apalibodhā?
pli-tv-kd7:13.2.2	Āvāsaapalibodho ca cīvaraapalibodho ca.
pli-tv-kd7:13.2.3	Kathañca, bhikkhave, āvāsaapalibodho hoti?
pli-tv-kd7:13.2.4	Idha, bhikkhave, bhikkhu pakkamati tamhā āvāsā cattena vantena muttena anapekkho “na paccessan”ti.
pli-tv-kd7:13.2.5	Evaṁ kho, bhikkhave, āvāsaapalibodho hoti.
pli-tv-kd7:13.2.6	Kathañca, bhikkhave, cīvaraapalibodho hoti?
pli-tv-kd7:13.2.7	Idha, bhikkhave, bhikkhuno cīvaraṁ kataṁ vā hoti, naṭṭhaṁ vā vinaṭṭhaṁ vā daḍḍhaṁ vā, cīvarāsā vā upacchinnā.
pli-tv-kd7:13.2.8	Evaṁ kho, bhikkhave, cīvaraapalibodho hoti.
pli-tv-kd7:13.2.9	Ime kho, bhikkhave, dve kathinassa apalibodhā”ti.
pli-tv-kd7:13.2.10	Kathinakkhandhako niṭṭhito sattamo.
pli-tv-kd7:13.2.11	Tassuddānaṁ
pli-tv-kd7:13.2.12	Tiṁsa pāveyyakā bhikkhū,
pli-tv-kd7:13.2.13	sāketukkaṇṭhitā vasuṁ;
pli-tv-kd7:13.2.14	Vassaṁvuṭṭhokapuṇṇehi,
pli-tv-kd7:13.2.15	agamuṁ jinadassanaṁ.
pli-tv-kd7:13.2.16	Idaṁ vatthu kathinassa,
pli-tv-kd7:13.2.17	kappissanti ca pañcakā;
pli-tv-kd7:13.2.18	Anāmantā asamācārā,
pli-tv-kd7:13.2.19	tatheva gaṇabhojanaṁ.
pli-tv-kd7:13.2.20	Yāvadatthañca uppādo,
pli-tv-kd7:13.2.21	atthatānaṁ bhavissati;
pli-tv-kd7:13.2.22	Ñatti evatthatañceva,
pli-tv-kd7:13.2.23	evañceva anatthataṁ.
pli-tv-kd7:13.2.24	Ullikhi dhovanā ceva,
pli-tv-kd7:13.2.25	vicāraṇañca chedanaṁ;
pli-tv-kd7:13.2.26	Bandhano vaṭṭi kaṇḍusa,
pli-tv-kd7:13.2.27	daḷhīkammānuvātikā.
pli-tv-kd7:13.2.28	Paribhaṇḍaṁ ovaddheyyaṁ,
pli-tv-kd7:13.2.29	maddanā nimittaṁ kathā;
pli-tv-kd7:13.2.30	Kukku sannidhi nissaggi,
pli-tv-kd7:13.2.31	na kappaññatra te tayo.
pli-tv-kd7:13.2.32	Aññatra pañcātireke,
pli-tv-kd7:13.2.33	sañchinnena samaṇḍalī;
pli-tv-kd7:13.2.34	Nāññatra puggalā sammā,
pli-tv-kd7:13.2.35	nissīmaṭṭhonumodati.
pli-tv-kd7:13.2.36	Kathinānatthataṁ hoti,
pli-tv-kd7:13.2.37	evaṁ buddhena desitaṁ;
pli-tv-kd7:13.2.38	Ahatākappapiloti,
pli-tv-kd7:13.2.39	paṁsu pāpaṇikāya ca.
pli-tv-kd7:13.2.40	Animittāparikathā,
pli-tv-kd7:13.2.41	akukku ca asannidhi;
pli-tv-kd7:13.2.42	Anissaggi kappakate,
pli-tv-kd7:13.2.43	tathā ticīvarena ca.
pli-tv-kd7:13.2.44	Pañcake vātireke vā,
pli-tv-kd7:13.2.45	chinne samaṇḍalīkate;
pli-tv-kd7:13.2.46	Puggalassatthārā sammā,
pli-tv-kd7:13.2.47	sīmaṭṭho anumodati.
pli-tv-kd7:13.2.48	Evaṁ kathinattharaṇaṁ,
pli-tv-kd7:13.2.49	ubbhārassaṭṭhamātikā;
pli-tv-kd7:13.2.50	Pakkamananti niṭṭhānaṁ,
pli-tv-kd7:13.2.51	sanniṭṭhānañca nāsanaṁ.
pli-tv-kd7:13.2.52	Savanaṁ āsāvacchedi,
pli-tv-kd7:13.2.53	sīmā sahubbhāraṭṭhamī;
pli-tv-kd7:13.2.54	Katacīvaramādāya,
pli-tv-kd7:13.2.55	“na paccessan”ti gacchati.
pli-tv-kd7:13.2.56	Tassa taṁ kathinuddhāro,
pli-tv-kd7:13.2.57	hoti pakkamanantiko;
pli-tv-kd7:13.2.58	Ādāya cīvaraṁ yāti,
pli-tv-kd7:13.2.59	nissīme idaṁ cintayi.
pli-tv-kd7:13.2.60	“Kāressaṁ na paccessan”ti,
pli-tv-kd7:13.2.61	niṭṭhāne kathinuddhāro;
pli-tv-kd7:13.2.62	Ādāya nissīmaṁ neva,
pli-tv-kd7:13.2.63	“na paccessan”ti mānaso.
pli-tv-kd7:13.2.64	Tassa taṁ kathinuddhāro,
pli-tv-kd7:13.2.65	sanniṭṭhānantiko bhave;
pli-tv-kd7:13.2.66	Ādāya cīvaraṁ yāti,
pli-tv-kd7:13.2.67	nissīme idaṁ cintayi.
pli-tv-kd7:13.2.68	“Kāressaṁ na paccessan”ti,
pli-tv-kd7:13.2.69	kayiraṁ tassa nassati;
pli-tv-kd7:13.2.70	Tassa taṁ kathinuddhāro,
pli-tv-kd7:13.2.71	bhavati nāsanantiko.
pli-tv-kd7:13.2.72	Ādāya yāti “paccessaṁ”,
pli-tv-kd7:13.2.73	bahi kāreti cīvaraṁ;
pli-tv-kd7:13.2.74	Katacīvaro suṇāti,
pli-tv-kd7:13.2.75	ubbhataṁ kathinaṁ tahiṁ.
pli-tv-kd7:13.2.76	Tassa taṁ kathinuddhāro,
pli-tv-kd7:13.2.77	bhavati savanantiko;
pli-tv-kd7:13.2.78	Ādāya yāti “paccessaṁ”,
pli-tv-kd7:13.2.79	bahi kāreti cīvaraṁ.
pli-tv-kd7:13.2.80	Katacīvaro bahiddhā,
pli-tv-kd7:13.2.81	nāmeti kathinuddhāraṁ;
pli-tv-kd7:13.2.82	Tassa taṁ kathinuddhāro,
pli-tv-kd7:13.2.83	sīmātikkantiko bhave.
pli-tv-kd7:13.2.84	Ādāya yāti “paccessaṁ”,
pli-tv-kd7:13.2.85	bahi kāreti cīvaraṁ;
pli-tv-kd7:13.2.86	Katacīvaro paccessaṁ,
pli-tv-kd7:13.2.87	sambhoti kathinuddhāraṁ.
pli-tv-kd7:13.2.88	Tassa taṁ kathinuddhāro,
pli-tv-kd7:13.2.89	saha bhikkhūhi jāyati;
pli-tv-kd7:13.2.90	Ādāya ca samādāya,
pli-tv-kd7:13.2.91	sattasattavidhā gati.
pli-tv-kd7:13.2.92	Pakkamanantikā natthi,
pli-tv-kd7:13.2.93	chakke vippakate gati;
pli-tv-kd7:13.2.94	Ādāya nissīmagataṁ,
pli-tv-kd7:13.2.95	kāressaṁ iti jāyati.
pli-tv-kd7:13.2.96	Niṭṭhānaṁ sanniṭṭhānañca,
pli-tv-kd7:13.2.97	nāsanañca ime tayo;
pli-tv-kd7:13.2.98	Ādāya “na paccessan”ti,
pli-tv-kd7:13.2.99	bahisīme karomiti.
pli-tv-kd7:13.2.100	Niṭṭhānaṁ sanniṭṭhānampi,
pli-tv-kd7:13.2.101	nāsanampi idaṁ tayo;
pli-tv-kd7:13.2.102	Anadhiṭṭhitena nevassa,
pli-tv-kd7:13.2.103	heṭṭhā tīṇi nayāvidhi.
pli-tv-kd7:13.2.104	Ādāya yāti paccessaṁ,
pli-tv-kd7:13.2.105	bahisīme karomiti;
pli-tv-kd7:13.2.106	“Na paccessan”ti kāreti,
pli-tv-kd7:13.2.107	niṭṭhāne kathinuddhāro.
pli-tv-kd7:13.2.108	Sanniṭṭhānaṁ nāsanañca,
pli-tv-kd7:13.2.109	savanasīmātikkamā;
pli-tv-kd7:13.2.110	Saha bhikkhūhi jāyetha,
pli-tv-kd7:13.2.111	evaṁ pannarasaṁ gati.
pli-tv-kd7:13.2.112	Samādāya vippakatā,
pli-tv-kd7:13.2.113	samādāya punā tathā;
pli-tv-kd7:13.2.114	Ime te caturo vārā,
pli-tv-kd7:13.2.115	sabbe pannarasavidhi.
pli-tv-kd7:13.2.116	Anāsāya ca āsāya,
pli-tv-kd7:13.2.117	karaṇīyo ca te tayo;
pli-tv-kd7:13.2.118	Nayato taṁ vijāneyya,
pli-tv-kd7:13.2.119	tayo dvādasa dvādasa.
pli-tv-kd7:13.2.120	Apavilānā navettha,
pli-tv-kd7:13.2.121	phāsu pañcavidhā tahiṁ;
pli-tv-kd7:13.2.122	Palibodhāpalibodhā,
pli-tv-kd7:13.2.123	uddānaṁ nayato katanti.
pli-tv-kd7:13.2.124	Imamhi khandhake vatthū doḷasakapeyyālamukhāni ekasataṁ aṭṭhārasa.
pli-tv-kd7:13.2.125	Kathinakkhandhako niṭṭhito.
pli-tv-kd8:0.1	Theravāda Vinayapiṭaka
pli-tv-kd8:0.2	Mahāvagga
pli-tv-kd8:0.3	8. Cīvarakkhandhaka
pli-tv-kd8:0.4	1. Jīvakavatthu
pli-tv-kd8:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-kd8:1.1.2	Tena kho pana samayena vesālī iddhā ceva hoti phitā ca bahujanā ca ākiṇṇamanussā ca subhikkhā ca;
pli-tv-kd8:1.1.3	satta ca pāsādasahassāni satta ca pāsādasatāni satta ca pāsādā;
pli-tv-kd8:1.1.4	satta ca kūṭāgārasahassāni satta ca kūṭāgārasatāni satta ca kūṭāgārāni;
pli-tv-kd8:1.1.5	satta ca ārāmasahassāni satta ca ārāmasatāni satta ca ārāmā;
pli-tv-kd8:1.1.6	satta ca pokkharaṇīsahassāni satta ca pokkharaṇīsatāni satta ca pokkharaṇiyo;
pli-tv-kd8:1.1.7	ambapālī ca gaṇikā abhirūpā hoti dassanīyā pāsādikā paramāya vaṇṇapokkharatāya samannāgatā, padakkhiṇā nacce ca gīte ca vādite ca, abhisaṭā atthikānaṁ atthikānaṁ manussānaṁ paññāsāya ca rattiṁ gacchati;
pli-tv-kd8:1.1.8	tāya ca vesālī bhiyyoso mattāya upasobhati.
pli-tv-kd8:1.2.1	Atha kho rājagahako negamo vesāliṁ agamāsi kenacideva karaṇīyena.
pli-tv-kd8:1.2.2	Addasā kho rājagahako negamo vesāliṁ iddhañceva phitañca bahujanañca ākiṇṇamanussañca subhikkhañca;
pli-tv-kd8:1.2.3	satta ca pāsādasahassāni satta ca pāsādasatāni satta ca pāsāde;
pli-tv-kd8:1.2.4	satta ca kūṭāgārasahassāni satta ca kūṭāgārasatāni satta ca kūṭāgārāni;
pli-tv-kd8:1.2.5	satta ca ārāmasahassāni satta ca ārāmasatāni satta ca ārāme;
pli-tv-kd8:1.2.6	satta ca pokkharaṇīsahassāni satta ca pokkharaṇīsatāni satta ca pokkharaṇiyo;
pli-tv-kd8:1.2.7	ambapāliñca gaṇikaṁ abhirūpaṁ dassanīyaṁ pāsādikaṁ paramāya vaṇṇapokkharatāya samannāgataṁ, padakkhiṇaṁ nacce ca gīte ca vādite ca, abhisaṭaṁ atthikānaṁ atthikānaṁ manussānaṁ paññāsāya ca rattiṁ gacchantiṁ, tāya ca vesāliṁ bhiyyoso mattāya upasobhantiṁ.
pli-tv-kd8:1.2.8	Atha kho rājagahako negamo vesāliyaṁ taṁ karaṇīyaṁ tīretvā punadeva rājagahaṁ paccāgañchi.
pli-tv-kd8:1.2.9	Yena rājā māgadho seniyo bimbisāro tenupasaṅkami, upasaṅkamitvā rājānaṁ māgadhaṁ seniyaṁ bimbisāraṁ etadavoca—
pli-tv-kd8:1.2.10	“vesālī, deva, iddhā ceva phitā ca bahujanā ca ākiṇṇamanussā ca subhikkhā ca;
pli-tv-kd8:1.2.11	satta ca pāsādasahassāni …pe…
pli-tv-kd8:1.2.12	tāya ca vesālī bhiyyoso mattāya upasobhati.
pli-tv-kd8:1.2.13	Sādhu, deva, mayampi gaṇikaṁ vuṭṭhāpessāmā”ti.
pli-tv-kd8:1.2.14	“Tena hi, bhaṇe, tādisiṁ kumāriṁ jānātha yaṁ tumhe gaṇikaṁ vuṭṭhāpeyyāthā”ti.
pli-tv-kd8:1.3.1	Tena kho pana samayena rājagahe sālavatī nāma kumārī abhirūpā hoti dassanīyā pāsādikā paramāya vaṇṇapokkharatāya samannāgatā.
pli-tv-kd8:1.3.2	Atha kho rājagahako negamo sālavatiṁ kumāriṁ gaṇikaṁ vuṭṭhāpesi.
pli-tv-kd8:1.3.3	Atha kho sālavatī gaṇikā nacirasseva padakkhiṇā ahosi nacce ca gīte ca vādite ca, abhisaṭā atthikānaṁ atthikānaṁ manussānaṁ paṭisatena ca rattiṁ gacchati.
pli-tv-kd8:1.3.4	Atha kho sālavatī gaṇikā nacirasseva gabbhinī ahosi.
pli-tv-kd8:1.3.5	Atha kho sālavatiyā gaṇikāya etadahosi—
pli-tv-kd8:1.3.6	“itthī kho gabbhinī purisānaṁ amanāpā.
pli-tv-kd8:1.3.7	Sace maṁ koci jānissati—
pli-tv-kd8:1.3.8	sālavatī gaṇikā gabbhinīti, sabbo me sakkāro bhañjissati.
pli-tv-kd8:1.3.9	Yannūnāhaṁ gilānaṁ paṭivedeyyan”ti.
pli-tv-kd8:1.3.10	Atha kho sālavatī gaṇikā dovārikaṁ āṇāpesi—
pli-tv-kd8:1.3.11	“mā, bhaṇe dovārika, koci puriso pāvisi.
pli-tv-kd8:1.3.12	Yo ca maṁ pucchati, ‘gilānā’ti paṭivedehī”ti.
pli-tv-kd8:1.3.13	“Evaṁ, ayye”ti kho so dovāriko sālavatiyā gaṇikāya paccassosi.
pli-tv-kd8:1.4.1	Atha kho sālavatī gaṇikā tassa gabbhassa paripākamanvāya puttaṁ vijāyi.
pli-tv-kd8:1.4.2	Atha kho sālavatī gaṇikā dāsiṁ āṇāpesi—
pli-tv-kd8:1.4.3	“handa, je, imaṁ dārakaṁ kattarasuppe pakkhipitvā nīharitvā saṅkārakūṭe chaḍḍehī”ti.
pli-tv-kd8:1.4.4	“Evaṁ, ayye”ti kho sā dāsī sālavatiyā gaṇikāya paṭissutvā taṁ dārakaṁ kattarasuppe pakkhipitvā nīharitvā saṅkārakūṭe chaḍḍesi.
pli-tv-kd8:1.4.5	Tena kho pana samayena abhayo nāma rājakumāro kālasseva rājupaṭṭhānaṁ gacchanto addasa taṁ dārakaṁ kākehi samparikiṇṇaṁ, disvāna manusse pucchi—
pli-tv-kd8:1.4.6	“kiṁ etaṁ, bhaṇe, kākehi samparikiṇṇan”ti?
pli-tv-kd8:1.4.7	“Dārako, devā”ti.
pli-tv-kd8:1.4.8	“Jīvati, bhaṇe”ti?
pli-tv-kd8:1.4.9	“Jīvati, devā”ti.
pli-tv-kd8:1.4.10	“Tena hi, bhaṇe, taṁ dārakaṁ amhākaṁ antepuraṁ netvā dhātīnaṁ detha posetun”ti.
pli-tv-kd8:1.4.11	“Evaṁ, devā”ti kho te manussā abhayassa rājakumārassa paṭissutvā taṁ dārakaṁ abhayassa rājakumārassa antepuraṁ netvā dhātīnaṁ adaṁsu—
pli-tv-kd8:1.4.12	“posethā”ti.
pli-tv-kd8:1.4.13	Tassa jīvatīti “jīvako”ti nāmaṁ akaṁsu.
pli-tv-kd8:1.4.14	Kumārena posāpitoti “komārabhacco”ti nāmaṁ akaṁsu.
pli-tv-kd8:1.5.1	Atha kho jīvako komārabhacco nacirasseva viññutaṁ pāpuṇi.
pli-tv-kd8:1.5.2	Atha kho jīvako komārabhacco yena abhayo rājakumāro tenupasaṅkami; upasaṅkamitvā abhayaṁ rājakumāraṁ etadavoca—
pli-tv-kd8:1.5.3	“kā me, deva, mātā, ko pitā”ti?
pli-tv-kd8:1.5.4	“Ahampi kho te, bhaṇe jīvaka, mātaraṁ na jānāmi;
pli-tv-kd8:1.5.5	api cāhaṁ te pitā;
pli-tv-kd8:1.5.6	mayāsi posāpito”ti.
pli-tv-kd8:1.5.7	Atha kho jīvakassa komārabhaccassa etadahosi—
pli-tv-kd8:1.5.8	“imāni kho rājakulāni na sukarāni asippena upajīvituṁ.
pli-tv-kd8:1.5.9	Yannūnāhaṁ sippaṁ sikkheyyan”ti.
pli-tv-kd8:1.5.10	Tena kho pana samayena takkasilāyaṁ disāpāmokkho vejjo paṭivasati.
pli-tv-kd8:1.6.1	Atha kho jīvako komārabhacco abhayaṁ rājakumāraṁ anāpucchā yena takkasilā tena pakkāmi.
pli-tv-kd8:1.6.2	Anupubbena yena takkasilā, yena vejjo tenupasaṅkami; upasaṅkamitvā taṁ vejjaṁ etadavoca—
pli-tv-kd8:1.6.3	“icchāmahaṁ, ācariya, sippaṁ sikkhitun”ti.
pli-tv-kd8:1.6.4	“Tena hi, bhaṇe jīvaka, sikkhassū”ti.
pli-tv-kd8:1.6.5	Atha kho jīvako komārabhacco bahuñca gaṇhāti lahuñca gaṇhāti suṭṭhu ca upadhāreti, gahitañcassa na sammussati.
pli-tv-kd8:1.6.6	Atha kho jīvakassa komārabhaccassa sattannaṁ vassānaṁ accayena etadahosi—
pli-tv-kd8:1.6.7	“ahaṁ kho bahuñca gaṇhāmi lahuñca gaṇhāmi suṭṭhu ca upadhāremi, gahitañca me na sammussati, satta ca me vassāni adhīyantassa, nayimassa sippassa anto paññāyati.
pli-tv-kd8:1.6.8	Kadā imassa sippassa anto paññāyissatī”ti.
pli-tv-kd8:1.7.1	Atha kho jīvako komārabhacco yena so vejjo tenupasaṅkami, upasaṅkamitvā taṁ vejjaṁ etadavoca—
pli-tv-kd8:1.7.2	“ahaṁ kho, ācariya, bahuñca gaṇhāmi lahuñca gaṇhāmi suṭṭhu ca upadhāremi, gahitañca me na sammussati, satta ca me vassāni adhīyantassa, nayimassa sippassa anto paññāyati.
pli-tv-kd8:1.7.3	Kadā imassa sippassa anto paññāyissatī”ti?
pli-tv-kd8:1.7.4	“Tena hi, bhaṇe jīvaka, khaṇittiṁ ādāya takkasilāya samantā yojanaṁ āhiṇḍitvā yaṁ kiñci abhesajjaṁ passeyyāsi taṁ āharā”ti.
pli-tv-kd8:1.7.5	“Evaṁ, ācariyā”ti kho jīvako komārabhacco tassa vejjassa paṭissutvā khaṇittiṁ ādāya takkasilāya samantā yojanaṁ āhiṇḍanto na kiñci abhesajjaṁ addasa.
pli-tv-kd8:1.7.6	Atha kho jīvako komārabhacco yena so vejjo tenupasaṅkami, upasaṅkamitvā taṁ vejjaṁ etadavoca—
pli-tv-kd8:1.7.7	“āhiṇḍantomhi, ācariya, takkasilāya samantā yojanaṁ, na kiñci abhesajjaṁ addasan”ti.
pli-tv-kd8:1.7.8	“Susikkhitosi, bhaṇe jīvaka.
pli-tv-kd8:1.7.9	Alaṁ te ettakaṁ jīvikāyā”ti jīvakassa komārabhaccassa parittaṁ pātheyyaṁ pādāsi.
pli-tv-kd8:1.8.1	Atha kho jīvako komārabhacco taṁ parittaṁ pātheyyaṁ ādāya yena rājagahaṁ tena pakkāmi.
pli-tv-kd8:1.8.2	Atha kho jīvakassa komārabhaccassa taṁ parittaṁ pātheyyaṁ antarāmagge sākete parikkhayaṁ agamāsi.
pli-tv-kd8:1.8.3	Atha kho jīvakassa komārabhaccassa etadahosi—
pli-tv-kd8:1.8.4	“ime kho maggā kantārā appodakā appabhakkhā, na sukarā apātheyyena gantuṁ.
pli-tv-kd8:1.8.5	Yannūnāhaṁ pātheyyaṁ pariyeseyyan”ti.
pli-tv-kd8:1.8.6.0	2. Seṭṭhibhariyāvatthu
pli-tv-kd8:1.8.6.1	Tena kho pana samayena sākete seṭṭhibhariyāya sattavassiko sīsābādho hoti.
pli-tv-kd8:1.8.7	Bahū mahantā mahantā disāpāmokkhā vejjā āgantvā nāsakkhiṁsu arogaṁ kātuṁ.
pli-tv-kd8:1.8.8	Bahuṁ hiraññaṁ ādāya agamaṁsu.
pli-tv-kd8:1.8.9	Atha kho jīvako komārabhacco sāketaṁ pavisitvā manusse pucchi—
pli-tv-kd8:1.8.10	“ko, bhaṇe, gilāno, kaṁ tikicchāmī”ti?
pli-tv-kd8:1.8.11	“Etissā, ācariya, seṭṭhibhariyāya sattavassiko sīsābādho;
pli-tv-kd8:1.8.12	gaccha, ācariya, seṭṭhibhariyaṁ tikicchāhī”ti.
pli-tv-kd8:1.9.1	Atha kho jīvako komārabhacco yena seṭṭhissa gahapatissa nivesanaṁ tenupasaṅkami; upasaṅkamitvā dovārikaṁ āṇāpesi—
pli-tv-kd8:1.9.2	“gaccha, bhaṇe dovārika, seṭṭhibhariyāya pāvada—
pli-tv-kd8:1.9.3	‘vejjo, ayye, āgato, so taṁ daṭṭhukāmo’”ti.
pli-tv-kd8:1.9.4	“Evaṁ, ācariyā”ti kho so dovāriko jīvakassa komārabhaccassa paṭissutvā yena seṭṭhibhariyā tenupasaṅkami, upasaṅkamitvā seṭṭhibhariyaṁ etadavoca—
pli-tv-kd8:1.9.5	“vejjo, ayye, āgato;
pli-tv-kd8:1.9.6	so taṁ daṭṭhukāmo”ti.
pli-tv-kd8:1.9.7	“Kīdiso, bhaṇe dovārika, vejjo”ti?
pli-tv-kd8:1.9.8	“Daharako, ayye”ti.
pli-tv-kd8:1.9.9	“Alaṁ, bhaṇe dovārika, kiṁ me daharako vejjo karissati?
pli-tv-kd8:1.9.10	Bahū mahantā mahantā disāpāmokkhā vejjā āgantvā nāsakkhiṁsu arogaṁ kātuṁ.
pli-tv-kd8:1.9.11	Bahuṁ hiraññaṁ ādāya agamaṁsū”ti.
pli-tv-kd8:1.10.1	Atha kho so dovāriko yena jīvako komārabhacco tenupasaṅkami; upasaṅkamitvā jīvakaṁ komārabhaccaṁ etadavoca—
pli-tv-kd8:1.10.2	“seṭṭhibhariyā, ācariya, evamāha—
pli-tv-kd8:1.10.3	‘alaṁ, bhaṇe dovārika, kiṁ me daharako vejjo karissati?
pli-tv-kd8:1.10.4	Bahū mahantā mahantā disāpāmokkhā vejjā āgantvā nāsakkhiṁsu arogaṁ kātuṁ.
pli-tv-kd8:1.10.5	Bahuṁ hiraññaṁ ādāya agamaṁsū’”ti.
pli-tv-kd8:1.10.6	“Gaccha, bhaṇe dovārika, seṭṭhibhariyāya pāvada—
pli-tv-kd8:1.10.7	‘vejjo, ayye, evamāha—
pli-tv-kd8:1.10.8	mā kira, ayye, pure kiñci adāsi.
pli-tv-kd8:1.10.9	Yadā arogā ahosi tadā yaṁ iccheyyāsi taṁ dajjeyyāsī’”ti.
pli-tv-kd8:1.10.10	“Evaṁ, ācariyā”ti kho so dovāriko jīvakassa komārabhaccassa paṭissutvā yena seṭṭhibhariyā tenupasaṅkami; upasaṅkamitvā seṭṭhibhariyaṁ etadavoca—
pli-tv-kd8:1.10.11	“vejjo, ayye, evamāha—
pli-tv-kd8:1.10.12	‘mā kira, ayye, pure kiñci adāsi.
pli-tv-kd8:1.10.13	Yadā arogā ahosi tadā yaṁ iccheyyāsi taṁ dajjeyyāsī’”ti.
pli-tv-kd8:1.10.14	“Tena hi, bhaṇe dovārika, vejjo āgacchatū”ti.
pli-tv-kd8:1.10.15	“Evaṁ, ayye”ti kho so dovāriko seṭṭhibhariyāya paṭissutvā yena jīvako komārabhacco tenupasaṅkami, upasaṅkamitvā jīvakaṁ komārabhaccaṁ etadavoca—
pli-tv-kd8:1.10.16	“seṭṭhibhariyā taṁ, ācariya, pakkosatī”ti.
pli-tv-kd8:1.11.1	Atha kho jīvako komārabhacco yena seṭṭhibhariyā tenupasaṅkami, upasaṅkamitvā seṭṭhibhariyāya vikāraṁ sallakkhetvā seṭṭhibhariyaṁ etadavoca—
pli-tv-kd8:1.11.2	“pasatena, ayye, sappinā attho”ti.
pli-tv-kd8:1.11.3	Atha kho seṭṭhibhariyā jīvakassa komārabhaccassa pasataṁ sappiṁ dāpesi.
pli-tv-kd8:1.11.4	Atha kho jīvako komārabhacco taṁ pasataṁ sappiṁ nānābhesajjehi nippacitvā seṭṭhibhariyaṁ mañcake uttānaṁ nipātetvā natthuto adāsi.
pli-tv-kd8:1.11.5	Atha kho taṁ sappi natthuto dinnaṁ mukhato uggañchi.
pli-tv-kd8:1.11.6	Atha kho seṭṭhibhariyā paṭiggahe niṭṭhubhitvā dāsiṁ āṇāpesi—
pli-tv-kd8:1.11.7	“handa, je, imaṁ sappiṁ picunā gaṇhāhī”ti.
pli-tv-kd8:1.12.1	Atha kho jīvakassa komārabhaccassa etadahosi—
pli-tv-kd8:1.12.2	“acchariyaṁ yāva lūkhāyaṁ gharaṇī, yatra hi nāma imaṁ chaḍḍanīyadhammaṁ sappiṁ picunā gāhāpessati.
pli-tv-kd8:1.12.3	Bahukāni ca me mahagghāni bhesajjāni upagatāni.
pli-tv-kd8:1.12.4	Kimpi māyaṁ kiñci deyyadhammaṁ dassatī”ti.
pli-tv-kd8:1.12.5	Atha kho seṭṭhibhariyā jīvakassa komārabhaccassa vikāraṁ sallakkhetvā jīvakaṁ komārabhaccaṁ etadavoca—
pli-tv-kd8:1.12.6	“kissa tvaṁ, ācariya, vimanosī”ti?
pli-tv-kd8:1.12.7	Idha me etadahosi—
pli-tv-kd8:1.12.8	“acchariyaṁ yāva lūkhāyaṁ gharaṇī, yatra hi nāma imaṁ chaḍḍanīyadhammaṁ sappiṁ picunā gāhāpessati.
pli-tv-kd8:1.12.9	Bahukāni ca me mahagghāni bhesajjāni upagatāni.
pli-tv-kd8:1.12.10	Kimpi māyaṁ kiñci deyyadhammaṁ dassatī”ti.
pli-tv-kd8:1.12.11	“Mayaṁ kho, ācariya, āgārikā nāma upajānāmetassa saṁyamassa.
pli-tv-kd8:1.12.12	Varametaṁ sappi dāsānaṁ vā kammakarānaṁ vā pādabbhañjanaṁ vā padīpakaraṇe vā āsittaṁ.
pli-tv-kd8:1.12.13	Mā kho tvaṁ, ācariya, vimano ahosi.
pli-tv-kd8:1.12.14	Na te deyyadhammo hāyissatī”ti.
pli-tv-kd8:1.13.1	Atha kho jīvako komārabhacco seṭṭhibhariyāya sattavassikaṁ sīsābādhaṁ ekeneva natthukammena apakaḍḍhi.
pli-tv-kd8:1.13.2	Atha kho seṭṭhibhariyā arogā samānā jīvakassa komārabhaccassa cattāri sahassāni pādāsi.
pli-tv-kd8:1.13.3	Putto—
pli-tv-kd8:1.13.4	“mātā me arogā ṭhitā”ti cattāri sahassāni pādāsi.
pli-tv-kd8:1.13.5	Suṇisā—
pli-tv-kd8:1.13.6	“sassu me arogā ṭhitā”ti cattāri sahassāni pādāsi.
pli-tv-kd8:1.13.7	Seṭṭhi gahapati—
pli-tv-kd8:1.13.8	“bhariyā me arogā ṭhitā”ti cattāri sahassāni pādāsi dāsañca dāsiñca assarathañca.
pli-tv-kd8:1.13.9	Atha kho jīvako komārabhacco tāni soḷasasahassāni ādāya dāsañca dāsiñca assarathañca yena rājagahaṁ tena pakkāmi.
pli-tv-kd8:1.13.10	Anupubbena yena rājagahaṁ yena abhayo rājakumāro tenupasaṅkami, upasaṅkamitvā abhayaṁ rājakumāraṁ etadavoca—
pli-tv-kd8:1.13.11	“idaṁ me, deva, paṭhamakammaṁ soḷasasahassāni dāso ca dāsī ca assaratho ca.
pli-tv-kd8:1.13.12	Paṭiggaṇhātu me devo posāvanikan”ti.
pli-tv-kd8:1.13.13	“Alaṁ, bhaṇe jīvaka;
pli-tv-kd8:1.13.14	tuyhameva hotu.
pli-tv-kd8:1.13.15	Amhākaññeva antepure nivesanaṁ māpehī”ti.
pli-tv-kd8:1.13.16	“Evaṁ, devā”ti kho jīvako komārabhacco abhayassa rājakumārassa paṭissutvā abhayassa rājakumārassa antepure nivesanaṁ māpesi.
pli-tv-kd8:1.14.0	3. Bimbisārarājavatthu
pli-tv-kd8:1.14.1	Tena kho pana samayena rañño māgadhassa seniyassa bimbisārassa bhagandalābādho hoti.
pli-tv-kd8:1.14.2	Sāṭakā lohitena makkhiyanti.
pli-tv-kd8:1.14.3	Deviyo disvā uppaṇḍenti—
pli-tv-kd8:1.14.4	“utunī dāni devo, pupphaṁ devassa uppannaṁ, na ciraṁ devo vijāyissatī”ti.
pli-tv-kd8:1.14.5	Tena rājā maṅku hoti.
pli-tv-kd8:1.14.6	Atha kho rājā māgadho seniyo bimbisāro abhayaṁ rājakumāraṁ etadavoca—
pli-tv-kd8:1.14.7	“mayhaṁ kho, bhaṇe abhaya, tādiso ābādho, sāṭakā lohitena makkhiyanti, deviyo maṁ disvā uppaṇḍenti—
pli-tv-kd8:1.14.8	‘utunī dāni devo, pupphaṁ devassa uppannaṁ, na ciraṁ devo vijāyissatī’ti.
pli-tv-kd8:1.14.9	Iṅgha, bhaṇe abhaya, tādisaṁ vejjaṁ jānāhi yo maṁ tikiccheyyā”ti.
pli-tv-kd8:1.14.10	“Ayaṁ, deva, amhākaṁ jīvako vejjo taruṇo bhadrako.
pli-tv-kd8:1.14.11	So devaṁ tikicchissatī”ti.
pli-tv-kd8:1.14.12	“Tena hi, bhaṇe abhaya, jīvakaṁ vejjaṁ āṇāpehi;
pli-tv-kd8:1.14.13	so maṁ tikicchissatī”ti.
pli-tv-kd8:1.15.1	Atha kho abhayo rājakumāro jīvakaṁ komārabhaccaṁ āṇāpesi—
pli-tv-kd8:1.15.2	“gaccha, bhaṇe jīvaka, rājānaṁ tikicchāhī”ti.
pli-tv-kd8:1.15.3	“Evaṁ, devā”ti kho jīvako komārabhacco abhayassa rājakumārassa paṭissutvā nakhena bhesajjaṁ ādāya yena rājā māgadho seniyo bimbisāro tenupasaṅkami, upasaṅkamitvā rājānaṁ māgadhaṁ seniyaṁ bimbisāraṁ etadavoca—
pli-tv-kd8:1.15.4	“ābādhaṁ te, deva, passāmā”ti.
pli-tv-kd8:1.15.5	Atha kho jīvako komārabhacco rañño māgadhassa seniyassa bimbisārassa bhagandalābādhaṁ ekeneva ālepena apakaḍḍhi.
pli-tv-kd8:1.15.6	Atha kho rājā māgadho seniyo bimbisāro arogo samāno pañca itthisatāni sabbālaṅkāraṁ bhūsāpetvā omuñcāpetvā puñjaṁ kārāpetvā jīvakaṁ komārabhaccaṁ etadavoca—
pli-tv-kd8:1.15.7	“etaṁ, bhaṇe jīvaka, pañcannaṁ itthisatānaṁ sabbālaṅkāraṁ tuyhaṁ hotū”ti.
pli-tv-kd8:1.15.8	“Alaṁ, deva, adhikāraṁ me devo saratū”ti.
pli-tv-kd8:1.15.9	“Tena hi, bhaṇe jīvaka, maṁ upaṭṭhaha, itthāgārañca, buddhappamukhañca bhikkhusaṅghan”ti.
pli-tv-kd8:1.15.10	“Evaṁ, devā”ti kho jīvako komārabhacco rañño māgadhassa seniyassa bimbisārassa paccassosi.
pli-tv-kd8:1.16.0	4. Rājagahaseṭṭhivatthu
pli-tv-kd8:1.16.1	Tena kho pana samayena rājagahakassa seṭṭhissa sattavassiko sīsābādho hoti.
pli-tv-kd8:1.16.2	Bahū mahantā mahantā disāpāmokkhā vejjā āgantvā nāsakkhiṁsu arogaṁ kātuṁ.
pli-tv-kd8:1.16.3	Bahuṁ hiraññaṁ ādāya agamaṁsu.
pli-tv-kd8:1.16.4	Api ca vejjehi paccakkhāto hoti.
pli-tv-kd8:1.16.5	Ekacce vejjā evamāhaṁsu—
pli-tv-kd8:1.16.6	“pañcamaṁ divasaṁ seṭṭhi gahapati kālaṁ karissatī”ti.
pli-tv-kd8:1.16.7	Ekacce vejjā evamāhaṁsu—
pli-tv-kd8:1.16.8	“sattamaṁ divasaṁ seṭṭhi gahapati kālaṁ karissatī”ti.
pli-tv-kd8:1.16.9	Atha kho rājagahakassa negamassa etadahosi—
pli-tv-kd8:1.16.10	“ayaṁ kho seṭṭhi gahapati bahūpakāro rañño ceva negamassa ca.
pli-tv-kd8:1.16.11	Api ca vejjehi paccakkhāto.
pli-tv-kd8:1.16.12	Ekacce vejjā evamāhaṁsu—
pli-tv-kd8:1.16.13	‘pañcamaṁ divasaṁ seṭṭhi gahapati kālaṁ karissatī’ti.
pli-tv-kd8:1.16.14	Ekacce vejjā evamāhaṁsu—
pli-tv-kd8:1.16.15	‘sattamaṁ divasaṁ seṭṭhi gahapati kālaṁ karissatī’ti.
pli-tv-kd8:1.16.16	Ayañca rañño jīvako vejjo taruṇo bhadrako.
pli-tv-kd8:1.16.17	Yannūna mayaṁ rājānaṁ jīvakaṁ vejjaṁ yāceyyāma seṭṭhiṁ gahapatiṁ tikicchitun”ti.
pli-tv-kd8:1.17.1	Atha kho rājagahako negamo yena rājā māgadho seniyo bimbisāro tenupasaṅkami; upasaṅkamitvā rājānaṁ māgadhaṁ seniyaṁ bimbisāraṁ etadavoca—
pli-tv-kd8:1.17.2	“ayaṁ, deva, seṭṭhi gahapati bahūpakāro devassa ceva negamassa ca;
pli-tv-kd8:1.17.3	api ca vejjehi paccakkhāto.
pli-tv-kd8:1.17.4	Ekacce vejjā evamāhaṁsu—
pli-tv-kd8:1.17.5	‘pañcamaṁ divasaṁ seṭṭhi gahapati kālaṁ karissatī’ti.
pli-tv-kd8:1.17.6	Ekacce vejjā evamāhaṁsu—
pli-tv-kd8:1.17.7	‘sattamaṁ divasaṁ seṭṭhi gahapati kālaṁ karissatī’ti.
pli-tv-kd8:1.17.8	Sādhu devo jīvakaṁ vejjaṁ āṇāpetu seṭṭhiṁ gahapatiṁ tikicchitun”ti.
pli-tv-kd8:1.17.9	Atha kho rājā māgadho seniyo bimbisāro jīvakaṁ komārabhaccaṁ āṇāpesi—
pli-tv-kd8:1.17.10	“gaccha, bhaṇe jīvaka, seṭṭhiṁ gahapatiṁ tikicchāhī”ti.
pli-tv-kd8:1.17.11	“Evaṁ, devā”ti kho jīvako komārabhacco rañño māgadhassa seniyassa bimbisārassa paṭissutvā yena seṭṭhi gahapati tenupasaṅkami; upasaṅkamitvā seṭṭhissa gahapatissa vikāraṁ sallakkhetvā seṭṭhiṁ gahapatiṁ etadavoca—
pli-tv-kd8:1.17.12	“sace tvaṁ, gahapati, arogo bhaveyyāsi, kiṁ me assa deyyadhammo”ti?
pli-tv-kd8:1.17.13	“Sabbaṁ sāpateyyañca te, ācariya, hotu, ahañca te dāso”ti.
pli-tv-kd8:1.18.1	“Sakkhissasi pana tvaṁ, gahapati, ekena passena sattamāse nipajjitun”ti?
pli-tv-kd8:1.18.2	“Sakkomahaṁ, ācariya, ekena passena sattamāse nipajjitun”ti.
pli-tv-kd8:1.18.3	“Sakkhissasi pana tvaṁ, gahapati, dutiyena passena sattamāse nipajjitun”ti?
pli-tv-kd8:1.18.4	“Sakkomahaṁ, ācariya, dutiyena passena sattamāse nipajjitun”ti.
pli-tv-kd8:1.18.5	“Sakkhissasi pana tvaṁ, gahapati, uttāno sattamāse nipajjitun”ti?
pli-tv-kd8:1.18.6	“Sakkomahaṁ, ācariya, uttāno sattamāse nipajjitun”ti.
pli-tv-kd8:1.18.7	Atha kho jīvako komārabhacco seṭṭhiṁ gahapatiṁ mañcake nipātetvā mañcake sambandhitvā sīsacchaviṁ uppāṭetvā sibbiniṁ vināmetvā dve pāṇake nīharitvā mahājanassa dassesi—
pli-tv-kd8:1.18.8	“passathayye, ime dve pāṇake, ekaṁ khuddakaṁ ekaṁ mahallakaṁ.
pli-tv-kd8:1.18.9	Ye te ācariyā evamāhaṁsu—
pli-tv-kd8:1.18.10	‘pañcamaṁ divasaṁ seṭṭhi gahapati kālaṁ karissatī’ti—
pli-tv-kd8:1.18.11	tehāyaṁ mahallako pāṇako diṭṭho.
pli-tv-kd8:1.18.12	Pañcamaṁ divasaṁ seṭṭhissa gahapatissa matthaluṅgaṁ pariyādiyissati.
pli-tv-kd8:1.18.13	Matthaluṅgassa pariyādānā seṭṭhi gahapati kālaṁ karissati.
pli-tv-kd8:1.18.14	Sudiṭṭho tehi ācariyehi.
pli-tv-kd8:1.18.15	Ye te ācariyā evamāhaṁsu—
pli-tv-kd8:1.18.16	‘sattamaṁ divasaṁ seṭṭhi gahapati kālaṁ karissatī’ti—
pli-tv-kd8:1.18.17	tehāyaṁ khuddako pāṇako diṭṭho.
pli-tv-kd8:1.18.18	Sattamaṁ divasaṁ seṭṭhissa gahapatissa matthaluṅgaṁ pariyādiyissati.
pli-tv-kd8:1.18.19	Matthaluṅgassa pariyādānā seṭṭhi gahapati kālaṁ karissati.
pli-tv-kd8:1.18.20	Sudiṭṭho tehi ācariyehī”ti.
pli-tv-kd8:1.18.21	Sibbiniṁ sampaṭipāṭetvā sīsacchaviṁ sibbitvā ālepaṁ adāsi.
pli-tv-kd8:1.19.1	Atha kho seṭṭhi gahapati sattāhassa accayena jīvakaṁ komārabhaccaṁ etadavoca—
pli-tv-kd8:1.19.2	“nāhaṁ, ācariya, sakkomi ekena passena sattamāse nipajjitun”ti.
pli-tv-kd8:1.19.3	“Nanu me tvaṁ, gahapati, paṭissuṇi—
pli-tv-kd8:1.19.4	sakkomahaṁ, ācariya, ekena passena sattamāse nipajjitun”ti?
pli-tv-kd8:1.19.5	“Saccāhaṁ, ācariya, paṭissuṇiṁ, apāhaṁ marissāmi, nāhaṁ sakkomi ekena passena sattamāse nipajjitun”ti.
pli-tv-kd8:1.19.6	“Tena hi tvaṁ, gahapati, dutiyena passena sattamāse nipajjāhī”ti.
pli-tv-kd8:1.19.7	Atha kho seṭṭhi gahapati sattāhassa accayena jīvakaṁ komārabhaccaṁ etadavoca—
pli-tv-kd8:1.19.8	“nāhaṁ, ācariya, sakkomi dutiyena passena sattamāse nipajjitun”ti.
pli-tv-kd8:1.19.9	“Nanu me tvaṁ, gahapati, paṭissuṇi—
pli-tv-kd8:1.19.10	sakkomahaṁ, ācariya, dutiyena passena sattamāse nipajjitun”ti?
pli-tv-kd8:1.19.11	“Saccāhaṁ, ācariya, paṭissuṇiṁ, apāhaṁ marissāmi, nāhaṁ, ācariya, sakkomi dutiyena passena sattamāse nipajjitun”ti.
pli-tv-kd8:1.19.12	“Tena hi tvaṁ, gahapati, uttāno sattamāse nipajjāhī”ti.
pli-tv-kd8:1.19.13	Atha kho seṭṭhi gahapati sattāhassa accayena jīvakaṁ komārabhaccaṁ etadavoca—
pli-tv-kd8:1.19.14	“nāhaṁ, ācariya, sakkomi uttāno sattamāse nipajjitun”ti.
pli-tv-kd8:1.19.15	“Nanu me tvaṁ, gahapati, paṭissuṇi—
pli-tv-kd8:1.19.16	sakkomahaṁ, ācariya, uttāno sattamāse nipajjitun”ti?
pli-tv-kd8:1.19.17	“Saccāhaṁ, ācariya, paṭissuṇiṁ, apāhaṁ marissāmi, nāhaṁ sakkomi uttāno sattamāse nipajjitun”ti.
pli-tv-kd8:1.20.1	“Ahañce taṁ, gahapati, na vadeyyaṁ, ettakampi tvaṁ na nipajjeyyāsi, api ca paṭikacceva mayā ñāto—
pli-tv-kd8:1.20.2	tīhi sattāhehi seṭṭhi gahapati arogo bhavissatīti.
pli-tv-kd8:1.20.3	Uṭṭhehi, gahapati, arogosi.
pli-tv-kd8:1.20.4	Jānāsi kiṁ me deyyadhammo”ti?
pli-tv-kd8:1.20.5	“Sabbaṁ sāpateyyañca te, ācariya, hotu, ahañca te dāso”ti.
pli-tv-kd8:1.20.6	“Alaṁ, gahapati, mā me tvaṁ sabbaṁ sāpateyyaṁ adāsi, mā ca me dāso.
pli-tv-kd8:1.20.7	Rañño satasahassaṁ dehi, mayhaṁ satasahassan”ti.
pli-tv-kd8:1.20.8	Atha kho seṭṭhi gahapati arogo samāno rañño satasahassaṁ adāsi, jīvakassa komārabhaccassa satasahassaṁ.
pli-tv-kd8:1.21.0	5. Seṭṭhiputtavatthu
pli-tv-kd8:1.21.1	Tena kho pana samayena bārāṇaseyyakassa seṭṭhiputtassa mokkhacikāya kīḷantassa antagaṇṭhābādho hoti, yena yāgupi pītā na sammā pariṇāmaṁ gacchati, bhattampi bhuttaṁ na sammā pariṇāmaṁ gacchati, uccāropi passāvopi na paguṇo.
pli-tv-kd8:1.21.2	So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto.
pli-tv-kd8:1.21.3	Atha kho bārāṇaseyyakassa seṭṭhissa etadahosi—
pli-tv-kd8:1.21.4	“mayhaṁ kho puttassa tādiso ābādho, yena yāgupi pītā na sammā pariṇāmaṁ gacchati, bhattampi bhuttaṁ na sammā pariṇāmaṁ gacchati, uccāropi passāvopi na paguṇo.
pli-tv-kd8:1.21.5	So tena kiso lūkho dubbaṇṇo uppaṇḍuppaṇḍukajāto dhamanisanthatagatto.
pli-tv-kd8:1.21.6	Yannūnāhaṁ rājagahaṁ gantvā rājānaṁ jīvakaṁ vejjaṁ yāceyyaṁ puttaṁ me tikicchitun”ti.
pli-tv-kd8:1.21.7	Atha kho bārāṇaseyyako seṭṭhi rājagahaṁ gantvā yena rājā māgadho seniyo bimbisāro tenupasaṅkami, upasaṅkamitvā rājānaṁ māgadhaṁ seniyaṁ bimbisāraṁ etadavoca—
pli-tv-kd8:1.21.8	“mayhaṁ kho, deva, puttassa tādiso ābādho, yena yāgupi pītā na sammā pariṇāmaṁ gacchati, bhattampi bhuttaṁ na sammā pariṇāmaṁ gacchati, uccāropi passāvopi na paguṇo.
pli-tv-kd8:1.21.9	So tena kiso lūkho dubbaṇṇo uppaṇḍuppaṇḍukajāto dhamanisanthatagatto.
pli-tv-kd8:1.21.10	Sādhu devo jīvakaṁ vejjaṁ āṇāpetu puttaṁ me tikicchitun”ti.
pli-tv-kd8:1.22.1	Atha kho rājā māgadho seniyo bimbisāro jīvakaṁ komārabhaccaṁ āṇāpesi—
pli-tv-kd8:1.22.2	“gaccha, bhaṇe jīvaka, bārāṇasiṁ gantvā bārāṇaseyyakaṁ seṭṭhiputtaṁ tikicchāhī”ti.
pli-tv-kd8:1.22.3	“Evaṁ, devā”ti kho jīvako komārabhacco rañño māgadhassa seniyassa bimbisārassa paṭissutvā bārāṇasiṁ gantvā yena bārāṇaseyyako seṭṭhiputto tenupasaṅkami, upasaṅkamitvā bārāṇaseyyakassa seṭṭhiputtassa vikāraṁ sallakkhetvā janaṁ ussāretvā tirokaraṇiyaṁ parikkhipitvā thambhe ubbandhitvā bhariyaṁ purato ṭhapetvā udaracchaviṁ uppāṭetvā antagaṇṭhiṁ nīharitvā bhariyāya dassesi—
pli-tv-kd8:1.22.4	“passa te sāmikassa ābādhaṁ, iminā yāgupi pītā na sammā pariṇāmaṁ gacchati, bhattampi bhuttaṁ na sammā pariṇāmaṁ gacchati, uccāropi passāvopi na paguṇo;
pli-tv-kd8:1.22.5	imināyaṁ kiso lūkho dubbaṇṇo uppaṇḍuppaṇḍukajāto dhamanisanthatagatto”ti.
pli-tv-kd8:1.22.6	Antagaṇṭhiṁ viniveṭhetvā antāni paṭipavesetvā udaracchaviṁ sibbitvā ālepaṁ adāsi.
pli-tv-kd8:1.22.7	Atha kho bārāṇaseyyako seṭṭhiputto nacirasseva arogo ahosi.
pli-tv-kd8:1.22.8	Atha kho bārāṇaseyyako seṭṭhi—
pli-tv-kd8:1.22.9	“putto me arogo ṭhito”ti jīvakassa komārabhaccassa soḷasasahassāni pādāsi.
pli-tv-kd8:1.22.10	Atha kho jīvako komārabhacco tāni soḷasasahassāni ādāya punadeva rājagahaṁ paccāgañchi.
pli-tv-kd8:1.23.0	6. Pajjotarājavatthu
pli-tv-kd8:1.23.1	Tena kho pana samayena rañño pajjotassa paṇḍurogābādho hoti.
pli-tv-kd8:1.23.2	Bahū mahantā mahantā disāpāmokkhā vejjā āgantvā nāsakkhiṁsu arogaṁ kātuṁ.
pli-tv-kd8:1.23.3	Bahuṁ hiraññaṁ ādāya agamaṁsu.
pli-tv-kd8:1.23.4	Atha kho rājā pajjoto rañño māgadhassa seniyassa bimbisārassa santike dūtaṁ pāhesi—
pli-tv-kd8:1.23.5	“mayhaṁ kho tādiso ābādho, sādhu devo jīvakaṁ vejjaṁ āṇāpetu, so maṁ tikicchissatī”ti.
pli-tv-kd8:1.23.6	Atha kho rājā māgadho seniyo bimbisāro jīvakaṁ komārabhaccaṁ āṇāpesi—
pli-tv-kd8:1.23.7	“gaccha, bhaṇe jīvaka;
pli-tv-kd8:1.23.8	ujjeniṁ gantvā rājānaṁ pajjotaṁ tikicchāhī”ti.
pli-tv-kd8:1.23.9	“Evaṁ, devā”ti kho jīvako komārabhacco rañño māgadhassa seniyassa bimbisārassa paṭissutvā ujjeniṁ gantvā yena rājā pajjoto tenupasaṅkami; upasaṅkamitvā rañño pajjotassa vikāraṁ sallakkhetvā rājānaṁ pajjotaṁ etadavoca—
pli-tv-kd8:1.24.1	“sappiṁ dehi, sappiṁ, deva, nippacissāmi.
pli-tv-kd8:1.24.2	Taṁ devo pivissatī”ti.
pli-tv-kd8:1.24.3	“Alaṁ, bhaṇe jīvaka, yaṁ te sakkā vinā sappinā arogaṁ kātuṁ taṁ karohi.
pli-tv-kd8:1.24.4	Jegucchaṁ me sappi, paṭikūlan”ti.
pli-tv-kd8:1.24.5	Atha kho jīvakassa komārabhaccassa etadahosi—
pli-tv-kd8:1.24.6	“imassa kho rañño tādiso ābādho, na sakkā vinā sappinā arogaṁ kātuṁ.
pli-tv-kd8:1.24.7	Yannūnāhaṁ sappiṁ nippaceyyaṁ kasāvavaṇṇaṁ kasāvagandhaṁ kasāvarasan”ti.
pli-tv-kd8:1.24.8	Atha kho jīvako komārabhacco nānābhesajjehi sappiṁ nippaci kasāvavaṇṇaṁ kasāvagandhaṁ kasāvarasaṁ.
pli-tv-kd8:1.24.9	Atha kho jīvakassa komārabhaccassa etadahosi—
pli-tv-kd8:1.24.10	“imassa kho rañño sappi pītaṁ pariṇāmentaṁ uddekaṁ dassati.
pli-tv-kd8:1.24.11	Caṇḍoyaṁ rājā ghātāpeyyāpi maṁ.
pli-tv-kd8:1.24.12	Yannūnāhaṁ paṭikacceva āpuccheyyan”ti.
pli-tv-kd8:1.24.13	Atha kho jīvako komārabhacco yena rājā pajjoto tenupasaṅkami, upasaṅkamitvā rājānaṁ pajjotaṁ etadavoca—
pli-tv-kd8:1.25.1	“mayaṁ kho, deva, vejjā nāma tādisena muhuttena mūlāni uddharāma bhesajjāni saṁharāma.
pli-tv-kd8:1.25.2	Sādhu devo vāhanāgāresu ca dvāresu ca āṇāpetu—
pli-tv-kd8:1.25.3	yena vāhanena jīvako icchati tena vāhanena gacchatu, yena dvārena icchati tena dvārena gacchatu, yaṁ kālaṁ icchati taṁ kālaṁ gacchatu, yaṁ kālaṁ icchati taṁ kālaṁ pavisatū”ti.
pli-tv-kd8:1.25.4	Atha kho rājā pajjoto vāhanāgāresu ca dvāresu ca āṇāpesi—
pli-tv-kd8:1.25.5	“yena vāhanena jīvako icchati tena vāhanena gacchatu, yena dvārena icchati tena dvārena gacchatu, yaṁ kālaṁ icchati taṁ kālaṁ gacchatu, yaṁ kālaṁ icchati taṁ kālaṁ pavisatū”ti.
pli-tv-kd8:1.25.6	Tena kho pana samayena rañño pajjotassa bhaddavatikā nāma hatthinikā paññāsayojanikā hoti.
pli-tv-kd8:1.25.7	Atha kho jīvako komārabhacco rañño pajjotassa sappiṁ upanāmesi—
pli-tv-kd8:1.25.8	“kasāvaṁ devo pivatū”ti.
pli-tv-kd8:1.25.9	Atha kho jīvako komārabhacco rājānaṁ pajjotaṁ sappiṁ pāyetvā hatthisālaṁ gantvā bhaddavatikāya hatthinikāya nagaramhā nippati.
pli-tv-kd8:1.26.1	Atha kho rañño pajjotassa taṁ sappi pītaṁ pariṇāmentaṁ uddekaṁ adāsi.
pli-tv-kd8:1.26.2	Atha kho rājā pajjoto manusse etadavoca—
pli-tv-kd8:1.26.3	“duṭṭhena, bhaṇe, jīvakena sappiṁ pāyitomhi.
pli-tv-kd8:1.26.4	Tena hi, bhaṇe, jīvakaṁ vejjaṁ vicinathā”ti.
pli-tv-kd8:1.26.5	“Bhaddavatikāya, deva, hatthinikāya nagaramhā nippatito”ti.
pli-tv-kd8:1.26.6	Tena kho pana samayena rañño pajjotassa kāko nāma dāso saṭṭhiyojaniko hoti, amanussena paṭicca jāto.
pli-tv-kd8:1.26.7	Atha kho rājā pajjoto kākaṁ dāsaṁ āṇāpesi—
pli-tv-kd8:1.26.8	“gaccha, bhaṇe kāka, jīvakaṁ vejjaṁ nivattehi—
pli-tv-kd8:1.26.9	rājā taṁ, ācariya, nivattāpetīti.
pli-tv-kd8:1.26.10	Ete kho, bhaṇe kāka, vejjā nāma bahumāyā.
pli-tv-kd8:1.26.11	Mā cassa kiñci paṭiggahesī”ti.
pli-tv-kd8:1.27.1	Atha kho kāko dāso jīvakaṁ komārabhaccaṁ antarāmagge kosambiyaṁ sambhāvesi pātarāsaṁ karontaṁ.
pli-tv-kd8:1.27.2	Atha kho kāko dāso jīvakaṁ komārabhaccaṁ etadavoca—
pli-tv-kd8:1.27.3	“rājā taṁ, ācariya, nivattāpetī”ti.
pli-tv-kd8:1.27.4	“Āgamehi, bhaṇe kāka, yāva bhuñjāma.
pli-tv-kd8:1.27.5	Handa, bhaṇe kāka, bhuñjassū”ti.
pli-tv-kd8:1.27.6	“Alaṁ, ācariya, raññāmhi āṇatto—
pli-tv-kd8:1.27.7	ete kho, bhaṇe kāka, vejjā nāma bahumāyā, mā cassa kiñci paṭiggahesī”ti.
pli-tv-kd8:1.27.8	Tena kho pana samayena jīvako komārabhacco nakhena bhesajjaṁ olumpetvā āmalakañca khādati pānīyañca pivati.
pli-tv-kd8:1.27.9	Atha kho jīvako komārabhacco kākaṁ dāsaṁ etadavoca—
pli-tv-kd8:1.27.10	“handa, bhaṇe kāka, āmalakañca khāda pānīyañca pivassū”ti.
pli-tv-kd8:1.28.1	Atha kho kāko dāso—
pli-tv-kd8:1.28.2	“ayaṁ kho vejjo āmalakañca khādati pānīyañca pivati, na arahati kiñci pāpakaṁ hotun”ti—
pli-tv-kd8:1.28.3	upaḍḍhāmalakañca khādi pānīyañca apāyi.
pli-tv-kd8:1.28.4	Tassa taṁ upaḍḍhāmalakaṁ khāditaṁ tattheva nicchāresi.
pli-tv-kd8:1.28.5	Atha kho kāko dāso jīvakaṁ komārabhaccaṁ etadavoca—
pli-tv-kd8:1.28.6	“atthi me, ācariya, jīvitan”ti?
pli-tv-kd8:1.28.7	“Mā, bhaṇe kāka, bhāyi, tvañceva arogo bhavissasi rājā ca.
pli-tv-kd8:1.28.8	Caṇḍo so rājā ghātāpeyyāpi maṁ, tenāhaṁ na nivattāmī”ti
pli-tv-kd8:1.28.9	bhaddavatikaṁ hatthinikaṁ kākassa niyyādetvā yena rājagahaṁ tena pakkāmi.
pli-tv-kd8:1.28.10	Anupubbena yena rājā māgadho seniyo bimbisāro tenupasaṅkami; upasaṅkamitvā rañño māgadhassa seniyassa bimbisārassa etamatthaṁ ārocesi.
pli-tv-kd8:1.28.11	“Suṭṭhu, bhaṇe jīvaka, akāsi yampi na nivatto, caṇḍo so rājā ghātāpeyyāpi tan”ti.
pli-tv-kd8:1.29.1	Atha kho rājā pajjoto arogo samāno jīvakassa komārabhaccassa santike dūtaṁ pāhesi—
pli-tv-kd8:1.29.2	“āgacchatu jīvako, varaṁ dassāmī”ti.
pli-tv-kd8:1.29.3	“Alaṁ, ayyo, adhikāraṁ me devo saratū”ti.
pli-tv-kd8:1.29.4.0	7. Siveyyakadussayugakathā
pli-tv-kd8:1.29.4.1	Tena kho pana samayena rañño pajjotassa siveyyakaṁ dussayugaṁ uppannaṁ hoti—
pli-tv-kd8:1.29.5	bahūnaṁ dussānaṁ bahūnaṁ dussayugānaṁ bahūnaṁ dussayugasatānaṁ bahūnaṁ dussayugasahassānaṁ bahūnaṁ dussayugasatasahassānaṁ aggañca seṭṭhañca mokkhañca uttamañca pavarañca.
pli-tv-kd8:1.29.6	Atha kho rājā pajjoto taṁ siveyyakaṁ dussayugaṁ jīvakassa komārabhaccassa pāhesi.
pli-tv-kd8:1.29.7	Atha kho jīvakassa komārabhaccassa etadahosi—
pli-tv-kd8:1.29.8	“idaṁ kho me siveyyakaṁ dussayugaṁ raññā pajjotena pahitaṁ—
pli-tv-kd8:1.29.9	bahūnaṁ dussānaṁ bahūnaṁ dussayugānaṁ bahūnaṁ dussayugasatānaṁ bahūnaṁ dussayugasahassānaṁ bahūnaṁ dussayugasatasahassānaṁ aggañca seṭṭhañca mokkhañca uttamañca pavarañca.
pli-tv-kd8:1.29.10	Nayidaṁ añño koci paccārahati aññatra tena bhagavatā arahatā sammāsambuddhena, raññā vā māgadhena seniyena bimbisārenā”ti.
pli-tv-kd8:1.30.0	8. Samattiṁsavirecanakathā
pli-tv-kd8:1.30.1	Tena kho pana samayena bhagavato kāyo dosābhisanno hoti.
pli-tv-kd8:1.30.2	Atha kho bhagavā āyasmantaṁ ānandaṁ āmantesi—
pli-tv-kd8:1.30.3	“dosābhisanno kho, ānanda, tathāgatassa kāyo.
pli-tv-kd8:1.30.4	Icchati tathāgato virecanaṁ pātun”ti.
pli-tv-kd8:1.30.5	Atha kho āyasmā ānando yena jīvako komārabhacco tenupasaṅkami; upasaṅkamitvā jīvakaṁ komārabhaccaṁ etadavoca—
pli-tv-kd8:1.30.6	“dosābhisanno kho, āvuso jīvaka, tathāgatassa kāyo.
pli-tv-kd8:1.30.7	Icchati tathāgato virecanaṁ pātun”ti.
pli-tv-kd8:1.30.8	“Tena hi, bhante ānanda, bhagavato kāyaṁ katipāhaṁ sinehethā”ti.
pli-tv-kd8:1.30.9	Atha kho āyasmā ānando bhagavato kāyaṁ katipāhaṁ sinehetvā yena jīvako komārabhacco tenupasaṅkami; upasaṅkamitvā jīvakaṁ komārabhaccaṁ etadavoca—
pli-tv-kd8:1.30.10	“siniddho kho, āvuso jīvaka, tathāgatassa kāyo.
pli-tv-kd8:1.30.11	Yassadāni kālaṁ maññasī”ti.
pli-tv-kd8:1.31.1	Atha kho jīvakassa komārabhaccassa etadahosi—
pli-tv-kd8:1.31.2	“na kho metaṁ patirūpaṁ yohaṁ bhagavato oḷārikaṁ virecanaṁ dadeyyan”ti.
pli-tv-kd8:1.31.3	Tīṇi uppalahatthāni nānābhesajjehi paribhāvetvā yena bhagavā tenupasaṅkami, upasaṅkamitvā ekaṁ uppalahatthaṁ bhagavato upanāmesi—
pli-tv-kd8:1.31.4	“imaṁ, bhante, bhagavā paṭhamaṁ uppalahatthaṁ upasiṅghatu.
pli-tv-kd8:1.31.5	Idaṁ bhagavantaṁ dasakkhattuṁ virecessatī”ti.
pli-tv-kd8:1.31.6	Dutiyaṁ uppalahatthaṁ bhagavato upanāmesi—
pli-tv-kd8:1.31.7	“imaṁ, bhante, bhagavā dutiyaṁ uppalahatthaṁ upasiṅghatu.
pli-tv-kd8:1.31.8	Idaṁ bhagavantaṁ dasakkhattuṁ virecessatī”ti.
pli-tv-kd8:1.31.9	Tatiyaṁ uppalahatthaṁ bhagavato upanāmesi—
pli-tv-kd8:1.31.10	“imaṁ, bhante, bhagavā tatiyaṁ uppalahatthaṁ upasiṅghatu.
pli-tv-kd8:1.31.11	Idaṁ bhagavantaṁ dasakkhattuṁ virecessatī”ti.
pli-tv-kd8:1.31.12	Evaṁ bhagavato samattiṁsāya virecanaṁ bhavissatīti.
pli-tv-kd8:1.31.13	Atha kho jīvako komārabhacco bhagavato samattiṁsāya virecanaṁ datvā bhagavantaṁ abhivādetvā padakkhiṇaṁ katvā pakkāmi.
pli-tv-kd8:1.32.1	Atha kho jīvakassa komārabhaccassa bahi dvārakoṭṭhakā nikkhantassa etadahosi—
pli-tv-kd8:1.32.2	“mayā kho bhagavato samattiṁsāya virecanaṁ dinnaṁ.
pli-tv-kd8:1.32.3	Dosābhisanno tathāgatassa kāyo.
pli-tv-kd8:1.32.4	Na bhagavantaṁ samattiṁsakkhattuṁ virecessati, ekūnattiṁsakkhattuṁ bhagavantaṁ virecessati.
pli-tv-kd8:1.32.5	Api ca bhagavā viritto nahāyissati.
pli-tv-kd8:1.32.6	Nahātaṁ bhagavantaṁ sakiṁ virecessati.
pli-tv-kd8:1.32.7	Evaṁ bhagavato samattiṁsāya virecanaṁ bhavissatī”ti.
pli-tv-kd8:1.32.8	Atha kho bhagavā jīvakassa komārabhaccassa cetasā cetoparivitakkamaññāya āyasmantaṁ ānandaṁ āmantesi—
pli-tv-kd8:1.32.9	“idhānanda, jīvakassa komārabhaccassa bahi dvārakoṭṭhakā nikkhantassa etadahosi—
pli-tv-kd8:1.32.10	‘mayā kho bhagavato samattiṁsāya virecanaṁ dinnaṁ.
pli-tv-kd8:1.32.11	Dosābhisanno tathāgatassa kāyo.
pli-tv-kd8:1.32.12	Na bhagavantaṁ samatiṁsakkhattuṁ virecessati, ekūnattiṁsakkhattuṁ bhagavantaṁ virecessati.
pli-tv-kd8:1.32.13	Api ca bhagavā viritto nahāyissati.
pli-tv-kd8:1.32.14	Nahātaṁ bhagavantaṁ sakiṁ virecessati.
pli-tv-kd8:1.32.15	Evaṁ bhagavato samattiṁsāya virecanaṁ bhavissatī’ti.
pli-tv-kd8:1.32.16	Tena hānanda, uṇhodakaṁ paṭiyādehī”ti.
pli-tv-kd8:1.32.17	“Evaṁ, bhante”ti kho āyasmā ānando bhagavato paṭissuṇitvā uṇhodakaṁ paṭiyādesi.
pli-tv-kd8:1.33.1	Atha kho jīvako komārabhacco yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd8:1.33.2	Ekamantaṁ nisinno kho jīvako komārabhacco bhagavantaṁ etadavoca—
pli-tv-kd8:1.33.3	“viritto, bhante, bhagavā”ti?
pli-tv-kd8:1.33.4	“Virittomhi, jīvakā”ti.
pli-tv-kd8:1.33.5	“Idha mayhaṁ, bhante, bahi dvārakoṭṭhakā nikkhantassa etadahosi—
pli-tv-kd8:1.33.6	‘mayā kho bhagavato samattiṁsāya virecanaṁ dinnaṁ.
pli-tv-kd8:1.33.7	Dosābhisanno tathāgatassa kāyo.
pli-tv-kd8:1.33.8	Na bhagavantaṁ samattiṁsakkhattuṁ virecessati, ekūnattiṁsakkhattuṁ bhagavantaṁ virecessati.
pli-tv-kd8:1.33.9	Api ca bhagavā viritto nahāyissati.
pli-tv-kd8:1.33.10	Nahātaṁ bhagavantaṁ sakiṁ virecessati.
pli-tv-kd8:1.33.11	Evaṁ bhagavato samattiṁsāya virecanaṁ bhavissatī’ti.
pli-tv-kd8:1.33.12	Nahāyatu, bhante, bhagavā, nahāyatu sugato”ti.
pli-tv-kd8:1.33.13	Atha kho bhagavā uṇhodakaṁ nahāyi.
pli-tv-kd8:1.33.14	Nahātaṁ bhagavantaṁ sakiṁ virecesi.
pli-tv-kd8:1.33.15	Evaṁ bhagavato samattiṁsāya virecanaṁ ahosi.
pli-tv-kd8:1.33.16	Atha kho jīvako komārabhacco bhagavantaṁ etadavoca—
pli-tv-kd8:1.33.17	“yāva, bhante, bhagavato kāyo pakatatto hoti, alaṁ yūsapiṇḍapātenā”ti.
pli-tv-kd8:1.33.18.0	9. Varayācanākathā
pli-tv-kd8:1.33.18.1	Atha kho bhagavato kāyo nacirasseva pakatatto ahosi.
pli-tv-kd8:1.34.1	Atha kho jīvako komārabhacco taṁ siveyyakaṁ dussayugaṁ ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd8:1.34.2	Ekamantaṁ nisinno kho jīvako komārabhacco bhagavantaṁ etadavoca—
pli-tv-kd8:1.34.3	“ekāhaṁ, bhante, bhagavantaṁ varaṁ yācāmī”ti.
pli-tv-kd8:1.34.4	“Atikkantavarā kho, jīvaka, tathāgatā”ti.
pli-tv-kd8:1.34.5	“Yañca, bhante, kappati yañca anavajjan”ti.
pli-tv-kd8:1.34.6	“Vadehi, jīvakā”ti.
pli-tv-kd8:1.34.7	“Bhagavā, bhante, paṁsukūliko, bhikkhusaṅgho ca.
pli-tv-kd8:1.34.8	Idaṁ me, bhante, siveyyakaṁ dussayugaṁ raññā pajjotena pahitaṁ—
pli-tv-kd8:1.34.9	bahūnaṁ dussānaṁ bahūnaṁ dussayugānaṁ bahūnaṁ dussayugasatānaṁ bahūnaṁ dussayugasahassānaṁ bahūnaṁ dussayugasatasahassānaṁ aggañca seṭṭhañca mokkhañca uttamañca pavarañca.
pli-tv-kd8:1.34.10	Paṭiggaṇhātu me, bhante, bhagavā siveyyakaṁ dussayugaṁ;
pli-tv-kd8:1.34.11	bhikkhusaṅghassa ca gahapaticīvaraṁ anujānātū”ti.
pli-tv-kd8:1.34.12	Paṭiggahesi bhagavā siveyyakaṁ dussayugaṁ.
pli-tv-kd8:1.34.13	Atha kho bhagavā jīvakaṁ komārabhaccaṁ dhammiyā kathāya sandassesi samādapesi samuttejesi sampahaṁsesi.
pli-tv-kd8:1.34.14	Atha kho jīvako komārabhacco bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd8:1.35.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:1.35.2	“anujānāmi, bhikkhave, gahapaticīvaraṁ.
pli-tv-kd8:1.35.3	Yo icchati, paṁsukūliko hotu.
pli-tv-kd8:1.35.4	Yo icchati, gahapaticīvaraṁ sādiyatu.
pli-tv-kd8:1.35.5	Itarītarenapāhaṁ, bhikkhave, santuṭṭhiṁ vaṇṇemī”ti.
pli-tv-kd8:1.35.6	Assosuṁ kho rājagahe manussā—
pli-tv-kd8:1.35.7	“bhagavatā kira bhikkhūnaṁ gahapaticīvaraṁ anuññātan”ti.
pli-tv-kd8:1.35.8	Te ca manussā haṭṭhā ahesuṁ udaggā—
pli-tv-kd8:1.35.9	“idāni kho mayaṁ dānāni dassāma puññāni karissāma, yato bhagavatā bhikkhūnaṁ gahapaticīvaraṁ anuññātan”ti.
pli-tv-kd8:1.35.10	Ekāheneva rājagahe bahūni cīvarasahassāni uppajjiṁsu.
pli-tv-kd8:1.35.11	Assosuṁ kho jānapadā manussā—
pli-tv-kd8:1.35.12	“bhagavatā kira bhikkhūnaṁ gahapaticīvaraṁ anuññātan”ti.
pli-tv-kd8:1.35.13	Te ca manussā haṭṭhā ahesuṁ udaggā—
pli-tv-kd8:1.35.14	“idāni kho mayaṁ dānāni dassāma puññāni karissāma, yato bhagavatā bhikkhūnaṁ gahapaticīvaraṁ anuññātan”ti.
pli-tv-kd8:1.35.15	Janapadepi ekāheneva bahūni cīvarasahassāni uppajjiṁsu.
pli-tv-kd8:1.36.1	Tena kho pana samayena saṅghassa pāvāro uppanno hoti.
pli-tv-kd8:1.36.2	Bhagavato etamatthaṁ ārocesuṁ.
pli-tv-kd8:1.36.3	“Anujānāmi, bhikkhave, pāvāran”ti.
pli-tv-kd8:1.36.4	Koseyyapāvāro uppanno hoti.
pli-tv-kd8:1.36.5	Bhagavato etamatthaṁ ārocesuṁ.
pli-tv-kd8:1.36.6	“Anujānāmi, bhikkhave, koseyyapāvāran”ti.
pli-tv-kd8:1.36.7	Kojavaṁ uppannaṁ hoti.
pli-tv-kd8:1.36.8	Bhagavato etamatthaṁ ārocesuṁ.
pli-tv-kd8:1.36.9	“Anujānāmi, bhikkhave, kojavan”ti.
pli-tv-kd8:1.36.10	Paṭhamabhāṇavāro niṭṭhito.
pli-tv-kd8:2.1.0	10. Kambalānujānanādikathā
pli-tv-kd8:2.1.1	Tena kho pana samayena kāsirājā jīvakassa komārabhaccassa aḍḍhakāsikaṁ kambalaṁ pāhesi upaḍḍhakāsinaṁ khamamānaṁ.
pli-tv-kd8:2.1.2	Atha kho jīvako komārabhacco taṁ aḍḍhakāsikaṁ kambalaṁ ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd8:2.1.3	Ekamantaṁ nisinno kho jīvako komārabhacco bhagavantaṁ etadavoca—
pli-tv-kd8:2.1.4	“ayaṁ me, bhante, aḍḍhakāsiko kambalo kāsiraññā pahito upaḍḍhakāsinaṁ khamamāno.
pli-tv-kd8:2.1.5	Paṭiggaṇhātu me, bhante, bhagavā kambalaṁ, yaṁ mamassa dīgharattaṁ hitāya sukhāyā”ti.
pli-tv-kd8:2.1.6	Paṭiggahesi bhagavā kambalaṁ.
pli-tv-kd8:2.1.7	Atha kho bhagavā jīvakaṁ komārabhaccaṁ dhammiyā kathāya sandassesi …pe…
pli-tv-kd8:2.1.8	padakkhiṇaṁ katvā pakkāmi.
pli-tv-kd8:2.1.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:2.1.10	“anujānāmi, bhikkhave, kambalan”ti.
pli-tv-kd8:3.1.1	Tena kho pana samayena saṅghassa uccāvacāni cīvarāni uppannāni honti.
pli-tv-kd8:3.1.2	Atha kho bhikkhūnaṁ etadahosi—
pli-tv-kd8:3.1.3	“kiṁ nu kho bhagavatā cīvaraṁ anuññātaṁ, kiṁ ananuññātan”ti?
pli-tv-kd8:3.1.4	Bhagavato etamatthaṁ ārocesuṁ.
pli-tv-kd8:3.1.5	“Anujānāmi, bhikkhave, cha cīvarāni—
pli-tv-kd8:3.1.6	khomaṁ kappāsikaṁ koseyyaṁ kambalaṁ sāṇaṁ bhaṅgan”ti.
pli-tv-kd8:3.2.1	Tena kho pana samayena ye te bhikkhū gahapaticīvaraṁ sādiyanti te kukkuccāyantā paṁsukūlaṁ na sādiyanti—
pli-tv-kd8:3.2.2	“ekaṁyeva bhagavatā cīvaraṁ anuññātaṁ, na dve”ti.
pli-tv-kd8:3.2.3	Bhagavato etamatthaṁ ārocesuṁ.
pli-tv-kd8:3.2.4	“Anujānāmi, bhikkhave, gahapaticīvaraṁ sādiyantena paṁsukūlampi sādiyituṁ;
pli-tv-kd8:3.2.5	tadubhayenapāhaṁ, bhikkhave, santuṭṭhiṁ vaṇṇemī”ti.
pli-tv-kd8:4.1.0	11. Paṁsukūlapariyesanakathā
pli-tv-kd8:4.1.1	Tena kho pana samayena sambahulā bhikkhū kosalesu janapade addhānamaggappaṭipannā honti.
pli-tv-kd8:4.1.2	Ekacce bhikkhū susānaṁ okkamiṁsu paṁsukūlāya, ekacce bhikkhū nāgamesuṁ.
pli-tv-kd8:4.1.3	Ye te bhikkhū susānaṁ okkamiṁsu paṁsukūlāya te paṁsukūlāni labhiṁsu.
pli-tv-kd8:4.1.4	Ye te bhikkhū nāgamesuṁ te evamāhaṁsu—
pli-tv-kd8:4.1.5	“amhākampi, āvuso, bhāgaṁ dethā”ti.
pli-tv-kd8:4.1.6	Te evamāhaṁsu—
pli-tv-kd8:4.1.7	“na mayaṁ, āvuso, tumhākaṁ bhāgaṁ dassāma.
pli-tv-kd8:4.1.8	Kissa tumhe nāgamitthā”ti?
pli-tv-kd8:4.1.9	Bhagavato etamatthaṁ ārocesuṁ.
pli-tv-kd8:4.1.10	“Anujānāmi, bhikkhave, nāgamentānaṁ nākāmā bhāgaṁ dātun”ti.
pli-tv-kd8:4.2.1	Tena kho pana samayena sambahulā bhikkhū kosalesu janapade addhānamaggappaṭipannā honti.
pli-tv-kd8:4.2.2	Ekacce bhikkhū susānaṁ okkamiṁsu paṁsukūlāya, ekacce bhikkhū āgamesuṁ.
pli-tv-kd8:4.2.3	Ye te bhikkhū susānaṁ okkamiṁsu paṁsukūlāya te paṁsukūlāni labhiṁsu.
pli-tv-kd8:4.2.4	Ye te bhikkhū āgamesuṁ te evamāhaṁsu—
pli-tv-kd8:4.2.5	“amhākampi, āvuso, bhāgaṁ dethā”ti.
pli-tv-kd8:4.2.6	Te evamāhaṁsu—
pli-tv-kd8:4.2.7	“na mayaṁ, āvuso, tumhākaṁ bhāgaṁ dassāma.
pli-tv-kd8:4.2.8	Kissa tumhe na okkamitthā”ti?
pli-tv-kd8:4.2.9	Bhagavato etamatthaṁ ārocesuṁ.
pli-tv-kd8:4.2.10	“Anujānāmi, bhikkhave, āgamentānaṁ akāmā bhāgaṁ dātun”ti.
pli-tv-kd8:4.3.1	Tena kho pana samayena sambahulā bhikkhū kosalesu janapade addhānamaggappaṭipannā honti.
pli-tv-kd8:4.3.2	Ekacce bhikkhū paṭhamaṁ susānaṁ okkamiṁsu paṁsukūlāya, ekacce bhikkhū pacchā okkamiṁsu.
pli-tv-kd8:4.3.3	Ye te bhikkhū paṭhamaṁ susānaṁ okkamiṁsu paṁsukūlāya te paṁsukūlāni labhiṁsu.
pli-tv-kd8:4.3.4	Ye te bhikkhū pacchā okkamiṁsu te na labhiṁsu.
pli-tv-kd8:4.3.5	Te evamāhaṁsu—
pli-tv-kd8:4.3.6	“amhākampi, āvuso, bhāgaṁ dethā”ti.
pli-tv-kd8:4.3.7	Te evamāhaṁsu—
pli-tv-kd8:4.3.8	“na mayaṁ, āvuso, tumhākaṁ bhāgaṁ dassāma.
pli-tv-kd8:4.3.9	Kissa tumhe pacchā okkamitthā”ti?
pli-tv-kd8:4.3.10	Bhagavato etamatthaṁ ārocesuṁ.
pli-tv-kd8:4.3.11	“Anujānāmi, bhikkhave, pacchā okkantānaṁ nākāmā bhāgaṁ dātun”ti.
pli-tv-kd8:4.4.1	Tena kho pana samayena sambahulā bhikkhū kosalesu janapade addhānamaggappaṭipannā honti.
pli-tv-kd8:4.4.2	Te sadisā susānaṁ okkamiṁsu paṁsukūlāya.
pli-tv-kd8:4.4.3	Ekacce bhikkhū paṁsukūlāni labhiṁsu, ekacce bhikkhū na labhiṁsu.
pli-tv-kd8:4.4.4	Ye te bhikkhū na labhiṁsu, te evamāhaṁsu—
pli-tv-kd8:4.4.5	“amhākampi, āvuso, bhāgaṁ dethā”ti.
pli-tv-kd8:4.4.6	Te evamāhaṁsu—
pli-tv-kd8:4.4.7	“na mayaṁ, āvuso, tumhākaṁ bhāgaṁ dassāma.
pli-tv-kd8:4.4.8	Kissa tumhe na labhitthā”ti?
pli-tv-kd8:4.4.9	Bhagavato etamatthaṁ ārocesuṁ.
pli-tv-kd8:4.4.10	“Anujānāmi, bhikkhave, sadisānaṁ okkantānaṁ akāmā bhāgaṁ dātun”ti.
pli-tv-kd8:4.5.1	Tena kho pana samayena sambahulā bhikkhū kosalesu janapade addhānamaggappaṭipannā honti.
pli-tv-kd8:4.5.2	Te katikaṁ katvā susānaṁ okkamiṁsu paṁsukūlāya.
pli-tv-kd8:4.5.3	Ekacce bhikkhū paṁsukūlāni labhiṁsu, ekacce bhikkhū na labhiṁsu.
pli-tv-kd8:4.5.4	Ye te bhikkhū na labhiṁsu te evamāhaṁsu—
pli-tv-kd8:4.5.5	“amhākampi, āvuso, bhāgaṁ dethā”ti.
pli-tv-kd8:4.5.6	Te evamāhaṁsu—
pli-tv-kd8:4.5.7	“na mayaṁ, āvuso, tumhākaṁ bhāgaṁ dassāma.
pli-tv-kd8:4.5.8	Kissa tumhe na labhitthā”ti?
pli-tv-kd8:4.5.9	Bhagavato etamatthaṁ ārocesuṁ.
pli-tv-kd8:4.5.10	“Anujānāmi, bhikkhave, katikaṁ katvā okkantānaṁ akāmā bhāgaṁ dātun”ti.
pli-tv-kd8:5.1.0	12. Cīvarapaṭiggāhakasammutikathā
pli-tv-kd8:5.1.1	Tena kho pana samayena manussā cīvaraṁ ādāya ārāmaṁ āgacchanti.
pli-tv-kd8:5.1.2	Te paṭiggāhakaṁ alabhamānā paṭiharanti.
pli-tv-kd8:5.1.3	Cīvaraṁ parittaṁ uppajjati.
pli-tv-kd8:5.1.4	Bhagavato etamatthaṁ ārocesuṁ.
pli-tv-kd8:5.1.5	“Anujānāmi, bhikkhave, pañcahaṅgehi samannāgataṁ bhikkhuṁ cīvarapaṭiggāhakaṁ sammannituṁ—
pli-tv-kd8:5.1.6	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, gahitāgahitañca jāneyya.
pli-tv-kd8:5.2.1	Evañca pana, bhikkhave, sammannitabbo.
pli-tv-kd8:5.2.2	Paṭhamaṁ bhikkhu yācitabbo;
pli-tv-kd8:5.2.3	yācitvā byattena bhikkhunā paṭibalena saṅgho ñāpetabbo—
pli-tv-kd8:5.2.4	‘Suṇātu me, bhante, saṅgho.
pli-tv-kd8:5.2.5	Yadi saṅghassa pattakallaṁ saṅgho itthannāmaṁ bhikkhuṁ cīvarapaṭiggāhakaṁ sammanneyya.
pli-tv-kd8:5.2.6	Esā ñatti.
pli-tv-kd8:5.2.7	Suṇātu me, bhante, saṅgho.
pli-tv-kd8:5.2.8	Saṅgho itthannāmaṁ bhikkhuṁ cīvarapaṭiggāhakaṁ sammannati.
pli-tv-kd8:5.2.9	Yassāyasmato khamati itthannāmassa bhikkhuno cīvarapaṭiggāhakassa sammuti, so tuṇhassa;
pli-tv-kd8:5.2.10	yassa nakkhamati, so bhāseyya.
pli-tv-kd8:5.2.11	Sammato saṅghena itthannāmo bhikkhu cīvarapaṭiggāhako.
pli-tv-kd8:5.2.12	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd8:6.1.1	Tena kho pana samayena cīvarapaṭiggāhakā bhikkhū cīvaraṁ paṭiggahetvā tattheva ujjhitvā pakkamanti.
pli-tv-kd8:6.1.2	Cīvaraṁ nassati.
pli-tv-kd8:6.1.3	Bhagavato etamatthaṁ ārocesuṁ.
pli-tv-kd8:6.1.4	“Anujānāmi, bhikkhave, pañcahaṅgehi samannāgataṁ bhikkhuṁ cīvaranidahakaṁ sammannituṁ—
pli-tv-kd8:6.1.5	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, nihitānihitañca jāneyya.
pli-tv-kd8:6.2.1	Evañca pana, bhikkhave, sammannitabbo.
pli-tv-kd8:6.2.2	Paṭhamaṁ bhikkhu yācitabbo;
pli-tv-kd8:6.2.3	yācitvā byattena bhikkhunā paṭibalena saṅgho ñāpetabbo—
pli-tv-kd8:6.2.4	‘Suṇātu me, bhante, saṅgho.
pli-tv-kd8:6.2.5	Yadi saṅghassa pattakallaṁ, saṅgho itthannāmaṁ bhikkhuṁ cīvaranidahakaṁ sammanneyya.
pli-tv-kd8:6.2.6	Esā ñatti.
pli-tv-kd8:6.2.7	Suṇātu me, bhante, saṅgho.
pli-tv-kd8:6.2.8	Saṅgho itthannāmaṁ bhikkhuṁ cīvaranidahakaṁ sammannati.
pli-tv-kd8:6.2.9	Yassāyasmato khamati itthannāmassa bhikkhuno cīvaranidahakassa sammuti, so tuṇhassa;
pli-tv-kd8:6.2.10	yassa nakkhamati, so bhāseyya.
pli-tv-kd8:6.2.11	Sammato saṅghena itthannāmo bhikkhu cīvaranidahako.
pli-tv-kd8:6.2.12	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd8:7.1.0	13. Bhaṇḍāgārasammutiādikathā
pli-tv-kd8:7.1.1	Tena kho pana samayena cīvaranidahako bhikkhu maṇḍapepi rukkhamūlepi nibbakosepi cīvaraṁ nidahati, undūrehipi upacikāhipi khajjanti.
pli-tv-kd8:7.1.2	Bhagavato etamatthaṁ ārocesuṁ.
pli-tv-kd8:7.1.3	“Anujānāmi, bhikkhave, bhaṇḍāgāraṁ sammannituṁ, yaṁ saṅgho ākaṅkhati vihāraṁ vā aḍḍhayogaṁ vā pāsādaṁ vā hammiyaṁ vā guhaṁ vā.
pli-tv-kd8:7.2.1	Evañca pana, bhikkhave, sammannitabbo.
pli-tv-kd8:7.2.2	Byattena bhikkhunā paṭibalena saṅgho ñāpetabbo—
pli-tv-kd8:7.2.3	‘Suṇātu me, bhante, saṅgho.
pli-tv-kd8:7.2.4	Yadi saṅghassa pattakallaṁ, saṅgho itthannāmaṁ vihāraṁ bhaṇḍāgāraṁ sammanneyya.
pli-tv-kd8:7.2.5	Esā ñatti.
pli-tv-kd8:7.2.6	Suṇātu me, bhante, saṅgho.
pli-tv-kd8:7.2.7	Saṅgho itthannāmaṁ vihāraṁ bhaṇḍāgāraṁ sammannati.
pli-tv-kd8:7.2.8	Yassāyasmato khamati itthannāmassa vihārassa bhaṇḍāgārassa sammuti, so tuṇhassa;
pli-tv-kd8:7.2.9	yassa nakkhamati, so bhāseyya.
pli-tv-kd8:7.2.10	Sammato saṅghena itthannāmo vihāro bhaṇḍāgāraṁ.
pli-tv-kd8:7.2.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd8:8.1.1	Tena kho pana samayena saṅghassa bhaṇḍāgāre cīvaraṁ aguttaṁ hoti.
pli-tv-kd8:8.1.2	Bhagavato etamatthaṁ ārocesuṁ.
pli-tv-kd8:8.1.3	“Anujānāmi, bhikkhave, pañcahaṅgehi samannāgataṁ bhikkhuṁ bhaṇḍāgārikaṁ sammannituṁ—yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, guttāguttañca jāneyya.
pli-tv-kd8:8.1.4	Evañca pana, bhikkhave, sammannitabbo.
pli-tv-kd8:8.1.5	Paṭhamaṁ bhikkhu yācitabbo;
pli-tv-kd8:8.1.6	yācitvā byattena bhikkhunā paṭibalena saṅgho ñāpetabbo—
pli-tv-kd8:8.1.7	‘Suṇātu me, bhante, saṅgho.
pli-tv-kd8:8.1.8	Yadi saṅghassa pattakallaṁ, saṅgho itthannāmaṁ bhikkhuṁ bhaṇḍāgārikaṁ sammanneyya.
pli-tv-kd8:8.1.9	Esā ñatti.
pli-tv-kd8:8.1.10	Suṇātu me, bhante, saṅgho.
pli-tv-kd8:8.1.11	Saṅgho itthannāmaṁ bhikkhuṁ bhaṇḍāgārikaṁ sammannati.
pli-tv-kd8:8.1.12	Yassāyasmato khamati itthannāmassa bhikkhuno bhaṇḍāgārikassa sammuti, so tuṇhassa;
pli-tv-kd8:8.1.13	yassa nakkhamati, so bhāseyya.
pli-tv-kd8:8.1.14	Sammato saṅghena itthannāmo bhikkhu bhaṇḍāgāriko.
pli-tv-kd8:8.1.15	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd8:8.2.1	Tena kho pana samayena chabbaggiyā bhikkhū bhaṇḍāgārikaṁ vuṭṭhāpenti.
pli-tv-kd8:8.2.2	Bhagavato etamatthaṁ ārocesuṁ.
pli-tv-kd8:8.2.3	“Na, bhikkhave, bhaṇḍāgāriko vuṭṭhāpetabbo.
pli-tv-kd8:8.2.4	Yo vuṭṭhāpeyya, āpatti dukkaṭassā”ti.
pli-tv-kd8:9.1.0	
pli-tv-kd8:9.1.1	Tena kho pana samayena saṅghassa bhaṇḍāgāre cīvaraṁ ussannaṁ hoti.
pli-tv-kd8:9.1.2	Bhagavato etamatthaṁ ārocesuṁ.
pli-tv-kd8:9.1.3	“Anujānāmi, bhikkhave, sammukhībhūtena saṅghena bhājetun”ti.
pli-tv-kd8:9.1.4	Tena kho pana samayena saṅgho cīvaraṁ bhājento kolāhalaṁ akāsi.
pli-tv-kd8:9.1.5	Bhagavato etamatthaṁ ārocesuṁ.
pli-tv-kd8:9.1.6	“Anujānāmi, bhikkhave, pañcahaṅgehi samannāgataṁ bhikkhuṁ cīvarabhājakaṁ sammannituṁ—
pli-tv-kd8:9.1.7	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, bhājitābhājitañca jāneyya.
pli-tv-kd8:9.1.8	Evañca pana, bhikkhave, sammannitabbo.
pli-tv-kd8:9.1.9	Paṭhamaṁ bhikkhu yācitabbo;
pli-tv-kd8:9.1.10	yācitvā byattena bhikkhunā paṭibalena saṅgho ñāpetabbo—
pli-tv-kd8:9.1.11	‘Suṇātu me, bhante, saṅgho.
pli-tv-kd8:9.1.12	Yadi saṅghassa pattakallaṁ, saṅgho itthannāmaṁ bhikkhuṁ cīvarabhājakaṁ sammanneyya.
pli-tv-kd8:9.1.13	Esā ñatti.
pli-tv-kd8:9.1.14	Suṇātu me, bhante, saṅgho.
pli-tv-kd8:9.1.15	Saṅgho itthannāmaṁ bhikkhuṁ cīvarabhājakaṁ sammannati.
pli-tv-kd8:9.1.16	Yassāyasmato khamati itthannāmassa bhikkhuno cīvarabhājakassa sammuti, so tuṇhassa;
pli-tv-kd8:9.1.17	yassa nakkhamati, so bhāseyya.
pli-tv-kd8:9.1.18	Sammato saṅghena itthannāmo bhikkhu cīvarabhājako.
pli-tv-kd8:9.1.19	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd8:9.2.1	Atha kho cīvarabhājakānaṁ bhikkhūnaṁ etadahosi—
pli-tv-kd8:9.2.2	“kathaṁ nu kho cīvaraṁ bhājetabban”ti?
pli-tv-kd8:9.2.3	Bhagavato etamatthaṁ ārocesuṁ.
pli-tv-kd8:9.2.4	“Anujānāmi, bhikkhave, paṭhamaṁ uccinitvā tulayitvā vaṇṇāvaṇṇaṁ katvā bhikkhū gaṇetvā vaggaṁ bandhitvā cīvarapaṭivīsaṁ ṭhapetun”ti.
pli-tv-kd8:9.2.5	Atha kho cīvarabhājakānaṁ bhikkhūnaṁ etadahosi—
pli-tv-kd8:9.2.6	“kathaṁ nu kho sāmaṇerānaṁ cīvarapaṭivīso dātabbo”ti?
pli-tv-kd8:9.2.7	Bhagavato etamatthaṁ ārocesuṁ.
pli-tv-kd8:9.2.8	“Anujānāmi, bhikkhave, sāmaṇerānaṁ upaḍḍhapaṭivīsaṁ dātun”ti.
pli-tv-kd8:9.3.1	Tena kho pana samayena aññataro bhikkhu sakena bhāgena uttaritukāmo hoti.
pli-tv-kd8:9.3.2	Bhagavato etamatthaṁ ārocesuṁ.
pli-tv-kd8:9.3.3	“Anujānāmi, bhikkhave, uttarantassa sakaṁ bhāgaṁ dātun”ti.
pli-tv-kd8:9.3.4	Tena kho pana samayena aññataro bhikkhu atirekabhāgena uttaritukāmo hoti.
pli-tv-kd8:9.3.5	Bhagavato etamatthaṁ ārocesuṁ.
pli-tv-kd8:9.3.6	“Anujānāmi, bhikkhave, anukkhepe dinne atirekabhāgaṁ dātun”ti.
pli-tv-kd8:9.4.1	Atha kho cīvarabhājakānaṁ bhikkhūnaṁ etadahosi—
pli-tv-kd8:9.4.2	“kathaṁ nu kho cīvarapaṭivīso dātabbo, āgatapaṭipāṭiyā nu kho udāhu yathāvuḍḍhan”ti?
pli-tv-kd8:9.4.3	Bhagavato etamatthaṁ ārocesuṁ.
pli-tv-kd8:9.4.4	“Anujānāmi, bhikkhave, vikalake tosetvā kusapātaṁ kātun”ti.
pli-tv-kd8:10.1.0	14. Cīvararajanakathā
pli-tv-kd8:10.1.1	Tena kho pana samayena bhikkhū chakaṇenapi paṇḍumattikāyapi cīvaraṁ rajanti.
pli-tv-kd8:10.1.2	Cīvaraṁ dubbaṇṇaṁ hoti.
pli-tv-kd8:10.1.3	Bhagavato etamatthaṁ ārocesuṁ.
pli-tv-kd8:10.1.4	“Anujānāmi, bhikkhave, cha rajanāni—
pli-tv-kd8:10.1.5	mūlarajanaṁ, khandharajanaṁ, tacarajanaṁ, pattarajanaṁ, puppharajanaṁ, phalarajanan”ti.
pli-tv-kd8:10.2.1	Tena kho pana samayena bhikkhū sītudakāya cīvaraṁ rajanti.
pli-tv-kd8:10.2.2	Cīvaraṁ duggandhaṁ hoti.
pli-tv-kd8:10.2.3	Bhagavato etamatthaṁ ārocesuṁ.
pli-tv-kd8:10.2.4	“Anujānāmi, bhikkhave, rajanaṁ pacituṁ cullaṁ rajanakumbhin”ti.
pli-tv-kd8:10.2.5	Rajanaṁ uttariyati.
pli-tv-kd8:10.2.6	Bhagavato etamatthaṁ ārocesuṁ.
pli-tv-kd8:10.2.7	“Anujānāmi, bhikkhave, uttarāḷumpaṁ bandhitun”ti.
pli-tv-kd8:10.2.8	Tena kho pana samayena bhikkhū na jānanti rajanaṁ pakkaṁ vā apakkaṁ vā.
pli-tv-kd8:10.2.9	Bhagavato etamatthaṁ ārocesuṁ.
pli-tv-kd8:10.2.10	“Anujānāmi, bhikkhave, udake vā nakhapiṭṭhikāya vā thevakaṁ dātun”ti.
pli-tv-kd8:10.3.1	Tena kho pana samayena bhikkhū rajanaṁ oropentā kumbhiṁ āviñchanti.
pli-tv-kd8:10.3.2	Kumbhī bhijjati.
pli-tv-kd8:10.3.3	Bhagavato etamatthaṁ ārocesuṁ.
pli-tv-kd8:10.3.4	“Anujānāmi, bhikkhave, rajanuḷuṅkaṁ daṇḍakathālakan”ti.
pli-tv-kd8:10.3.5	Tena kho pana samayena bhikkhūnaṁ rajanabhājanaṁ na saṁvijjati.
pli-tv-kd8:10.3.6	Bhagavato etamatthaṁ ārocesuṁ.
pli-tv-kd8:10.3.7	“Anujānāmi, bhikkhave, rajanakolambaṁ rajanaghaṭan”ti.
pli-tv-kd8:10.3.8	Tena kho pana samayena bhikkhū pātiyāpi pattepi cīvaraṁ omaddanti.
pli-tv-kd8:10.3.9	Cīvaraṁ paribhijjati.
pli-tv-kd8:10.3.10	Bhagavato etamatthaṁ ārocesuṁ.
pli-tv-kd8:10.3.11	“Anujānāmi, bhikkhave, rajanadoṇikan”ti.
pli-tv-kd8:11.1.1	Tena kho pana samayena bhikkhū chamāya cīvaraṁ pattharanti.
pli-tv-kd8:11.1.2	Cīvaraṁ paṁsukitaṁ hoti.
pli-tv-kd8:11.1.3	Bhagavato etamatthaṁ ārocesuṁ.
pli-tv-kd8:11.1.4	“Anujānāmi, bhikkhave, tiṇasanthārakan”ti.
pli-tv-kd8:11.1.5	Tiṇasanthārako upacikāhi khajjati.
pli-tv-kd8:11.1.6	Bhagavato etamatthaṁ ārocesuṁ.
pli-tv-kd8:11.1.7	“Anujānāmi, bhikkhave, cīvaravaṁsaṁ cīvararajjun”ti.
pli-tv-kd8:11.1.8	Majjhena laggenti.
pli-tv-kd8:11.1.9	Rajanaṁ ubhato galati.
pli-tv-kd8:11.1.10	Bhagavato etamatthaṁ ārocesuṁ.
pli-tv-kd8:11.1.11	“Anujānāmi, bhikkhave, kaṇṇe bandhitun”ti.
pli-tv-kd8:11.1.12	Kaṇṇo jīrati.
pli-tv-kd8:11.1.13	Bhagavato etamatthaṁ ārocesuṁ.
pli-tv-kd8:11.1.14	“Anujānāmi, bhikkhave, kaṇṇasuttakan”ti.
pli-tv-kd8:11.1.15	Rajanaṁ ekato galati.
pli-tv-kd8:11.1.16	Bhagavato etamatthaṁ ārocesuṁ.
pli-tv-kd8:11.1.17	“Anujānāmi, bhikkhave, samparivattakaṁ samparivattakaṁ rajetuṁ, na ca acchinne theve pakkamitun”ti.
pli-tv-kd8:11.2.1	Tena kho pana samayena cīvaraṁ patthinnaṁ hoti.
pli-tv-kd8:11.2.2	Bhagavato etamatthaṁ ārocesuṁ.
pli-tv-kd8:11.2.3	“Anujānāmi, bhikkhave, udake osāretun”ti.
pli-tv-kd8:11.2.4	Tena kho pana samayena cīvaraṁ pharusaṁ hoti.
pli-tv-kd8:11.2.5	Bhagavato etamatthaṁ ārocesuṁ.
pli-tv-kd8:11.2.6	“Anujānāmi, bhikkhave, pāṇinā ākoṭetun”ti.
pli-tv-kd8:11.2.7	Tena kho pana samayena bhikkhū acchinnakāni cīvarāni dhārenti dantakāsāvāni.
pli-tv-kd8:11.2.8	Manussā ujjhāyanti khiyyanti vipācenti—
pli-tv-kd8:11.2.9	“seyyathāpi nāma gihī kāmabhogino”ti.
pli-tv-kd8:11.2.10	Bhagavato etamatthaṁ ārocesuṁ.
pli-tv-kd8:11.2.11	“Na, bhikkhave, acchinnakāni cīvarāni dhāretabbāni.
pli-tv-kd8:11.2.12	Yo dhāreyya, āpatti dukkaṭassā”ti.
pli-tv-kd8:12.1.0	15. Chinnakacīvarānujānana
pli-tv-kd8:12.1.1	Atha kho bhagavā rājagahe yathābhirantaṁ viharitvā yena dakkhiṇāgiri tena cārikaṁ pakkāmi.
pli-tv-kd8:12.1.2	Addasā kho bhagavā magadhakhettaṁ acchibaddhaṁ pāḷibaddhaṁ mariyādabaddhaṁ siṅghāṭakabaddhaṁ, disvāna āyasmantaṁ ānandaṁ āmantesi—
pli-tv-kd8:12.1.3	“passasi no tvaṁ, ānanda, magadhakhettaṁ acchibaddhaṁ pāḷibaddhaṁ mariyādabaddhaṁ siṅghāṭakabaddhan”ti?
pli-tv-kd8:12.1.4	“Evaṁ, bhante”ti.
pli-tv-kd8:12.1.5	“Ussahasi tvaṁ, ānanda, bhikkhūnaṁ evarūpāni cīvarāni saṁvidahitun”ti?
pli-tv-kd8:12.1.6	“Ussahāmi, bhagavā”ti.
pli-tv-kd8:12.1.7	Atha kho bhagavā dakkhiṇāgirismiṁ yathābhirantaṁ viharitvā punadeva rājagahaṁ paccāgañchi.
pli-tv-kd8:12.1.8	Atha kho āyasmā ānando sambahulānaṁ bhikkhūnaṁ cīvarāni saṁvidahitvā yena bhagavā tenupasaṅkami; upasaṅkamitvā bhagavantaṁ etadavoca—
pli-tv-kd8:12.1.9	“passatu me, bhante, bhagavā cīvarāni saṁvidahitānī”ti.
pli-tv-kd8:12.2.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:12.2.2	“paṇḍito, bhikkhave, ānando; mahāpañño, bhikkhave, ānando; yatra hi nāma mayā saṅkhittena bhāsitassa vitthārena atthaṁ ājānissati,
pli-tv-kd8:12.2.3	kusimpi nāma karissati, aḍḍhakusimpi nāma karissati, maṇḍalampi nāma karissati, aḍḍhamaṇḍalampi nāma karissati, vivaṭṭampi nāma karissati, anuvivaṭṭampi nāma karissati, gīveyyakampi nāma karissati, jaṅgheyyakampi nāma karissati, bāhantampi nāma karissati, chinnakaṁ bhavissati, satthalūkhaṁ samaṇasāruppaṁ paccatthikānañca anabhicchitaṁ.
pli-tv-kd8:12.2.4	Anujānāmi, bhikkhave, chinnakaṁ saṅghāṭiṁ chinnakaṁ uttarāsaṅgaṁ chinnakaṁ antaravāsakan”ti.
pli-tv-kd8:13.1.0	16. Ticīvarānujānana
pli-tv-kd8:13.1.1	Atha kho bhagavā rājagahe yathābhirantaṁ viharitvā yena vesālī tena cārikaṁ pakkāmi.
pli-tv-kd8:13.1.2	Addasa bhagavā antarā ca rājagahaṁ antarā ca vesāliṁ addhānamaggappaṭipanno sambahule bhikkhū cīvarehi ubbhaṇḍite sīsepi cīvarabhisiṁ karitvā khandhepi cīvarabhisiṁ karitvā kaṭiyāpi cīvarabhisiṁ karitvā āgacchante, disvāna bhagavato etadahosi—
pli-tv-kd8:13.1.3	“atilahuṁ kho ime moghapurisā cīvare bāhullāya āvattā.
pli-tv-kd8:13.1.4	Yannūnāhaṁ bhikkhūnaṁ cīvare sīmaṁ bandheyyaṁ, mariyādaṁ ṭhapeyyan”ti.
pli-tv-kd8:13.2.1	Atha kho bhagavā anupubbena cārikaṁ caramāno yena vesālī tadavasari. Tatra sudaṁ bhagavā vesāliyaṁ viharati gotamake cetiye.
pli-tv-kd8:13.2.2	Tena kho pana samayena bhagavā sītāsu hemantikāsu rattīsu antaraṭṭhakāsu himapātasamaye rattiṁ ajjhokāse ekacīvaro nisīdi. Na bhagavantaṁ sītaṁ ahosi.
pli-tv-kd8:13.2.3	Nikkhante paṭhame yāme sītaṁ bhagavantaṁ ahosi. Dutiyaṁ bhagavā cīvaraṁ pārupi. Na bhagavantaṁ sītaṁ ahosi.
pli-tv-kd8:13.2.4	Nikkhante majjhime yāme sītaṁ bhagavantaṁ ahosi. Tatiyaṁ bhagavā cīvaraṁ pārupi. Na bhagavantaṁ sītaṁ ahosi.
pli-tv-kd8:13.2.5	Nikkhante pacchime yāme uddhaste aruṇe nandimukhiyā rattiyā sītaṁ bhagavantaṁ ahosi. Catutthaṁ bhagavā cīvaraṁ pārupi. Na bhagavantaṁ sītaṁ ahosi.
pli-tv-kd8:13.3.1	Atha kho bhagavato etadahosi—“yepi kho te kulaputtā imasmiṁ dhammavinaye sītālukā sītabhīrukā tepi sakkonti ticīvarena yāpetuṁ.
pli-tv-kd8:13.3.2	Yannūnāhaṁ bhikkhūnaṁ cīvare sīmaṁ bandheyyaṁ, mariyādaṁ ṭhapeyyaṁ, ticīvaraṁ anujāneyyan”ti.
pli-tv-kd8:13.3.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:13.4.1	“idhāhaṁ, bhikkhave, antarā ca rājagahaṁ antarā ca vesāliṁ addhānamaggappaṭipanno addasaṁ sambahule bhikkhū cīvarehi ubbhaṇḍite sīsepi cīvarabhisiṁ karitvā khandhepi cīvarabhisiṁ karitvā kaṭiyāpi cīvarabhisiṁ karitvā āgacchante, disvāna me etadahosi—
pli-tv-kd8:13.4.2	‘atilahuṁ kho ime moghapurisā cīvare bāhullāya āvattā.
pli-tv-kd8:13.4.3	Yannūnāhaṁ bhikkhūnaṁ cīvare sīmaṁ bandheyyaṁ, mariyādaṁ ṭhapeyyan’ti.
pli-tv-kd8:13.5.1	Idhāhaṁ, bhikkhave, sītāsu hemantikāsu rattīsu antaraṭṭhakāsu himapātasamaye rattiṁ ajjhokāse ekacīvaro nisīdiṁ. Na maṁ sītaṁ ahosi.
pli-tv-kd8:13.5.2	Nikkhante paṭhame yāme sītaṁ maṁ ahosi. Dutiyāhaṁ cīvaraṁ pārupiṁ. Na maṁ sītaṁ ahosi.
pli-tv-kd8:13.5.3	Nikkhante majjhime yāme sītaṁ maṁ ahosi. Tatiyāhaṁ cīvaraṁ pārupiṁ. Na maṁ sītaṁ ahosi.
pli-tv-kd8:13.5.4	Nikkhante pacchime yāme uddhaste aruṇe nandimukhiyā rattiyā sītaṁ maṁ ahosi. Catutthāhaṁ cīvaraṁ pārupiṁ. Na maṁ sītaṁ ahosi.
pli-tv-kd8:13.5.5	Tassa mayhaṁ, bhikkhave, etadahosi—
pli-tv-kd8:13.5.6	‘yepi kho te kulaputtā imasmiṁ dhammavinaye sītālukā sītabhīrukā tepi sakkonti ticīvarena yāpetuṁ.
pli-tv-kd8:13.5.7	Yannūnāhaṁ bhikkhūnaṁ cīvare sīmaṁ bandheyyaṁ, mariyādaṁ ṭhapeyyaṁ, ticīvaraṁ anujāneyyan’ti.
pli-tv-kd8:13.5.8	Anujānāmi, bhikkhave, ticīvaraṁ—diguṇaṁ saṅghāṭiṁ, ekacciyaṁ uttarāsaṅgaṁ, ekacciyaṁ antaravāsakan”ti.
pli-tv-kd8:13.6.0	17. Atirekacīvarakathā
pli-tv-kd8:13.6.1	Tena kho pana samayena chabbaggiyā bhikkhū—“bhagavatā ticīvaraṁ anuññātan”ti—
pli-tv-kd8:13.6.2	aññeneva ticīvarena gāmaṁ pavisanti, aññena ticīvarena ārāme acchanti, aññena ticīvarena nahānaṁ otaranti.
pli-tv-kd8:13.6.3	Ye te bhikkhū appicchā te ujjhāyanti khiyyanti vipācenti—
pli-tv-kd8:13.6.4	“kathañhi nāma chabbaggiyā bhikkhū atirekacīvaraṁ dhāressantī”ti.
pli-tv-kd8:13.6.5	Atha kho te bhikkhū bhagavato etamatthaṁ ārocesuṁ.
pli-tv-kd8:13.6.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:13.6.7	“na, bhikkhave, atirekacīvaraṁ dhāretabbaṁ.
pli-tv-kd8:13.6.8	Yo dhāreyya, yathādhammo kāretabbo”ti.
pli-tv-kd8:13.7.1	Tena kho pana samayena āyasmato ānandassa atirekacīvaraṁ uppannaṁ hoti.
pli-tv-kd8:13.7.2	Āyasmā ca ānando taṁ cīvaraṁ āyasmato sāriputtassa dātukāmo hoti.
pli-tv-kd8:13.7.3	Āyasmā ca sāriputto sākete viharati.
pli-tv-kd8:13.7.4	Atha kho āyasmato ānandassa etadahosi—
pli-tv-kd8:13.7.5	“bhagavatā sikkhāpadaṁ paññattaṁ—
pli-tv-kd8:13.7.6	‘na atirekacīvaraṁ dhāretabban’ti.
pli-tv-kd8:13.7.7	Idañca me atirekacīvaraṁ uppannaṁ.
pli-tv-kd8:13.7.8	Ahañcimaṁ cīvaraṁ āyasmato sāriputtassa dātukāmo.
pli-tv-kd8:13.7.9	Āyasmā ca sāriputto sākete viharati.
pli-tv-kd8:13.7.10	Kathaṁ nu kho mayā paṭipajjitabban”ti?
pli-tv-kd8:13.7.11	Bhagavato etamatthaṁ ārocesi.
pli-tv-kd8:13.7.12	“Kīvaciraṁ panānanda, sāriputto āgacchissatī”ti?
pli-tv-kd8:13.7.13	“Navamaṁ vā, bhagavā, divasaṁ, dasamaṁ vā”ti.
pli-tv-kd8:13.7.14	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:13.7.15	“anujānāmi, bhikkhave, dasāhaparamaṁ atirekacīvaraṁ dhāretun”ti.
pli-tv-kd8:13.8.1	Tena kho pana samayena bhikkhūnaṁ atirekacīvaraṁ uppannaṁ hoti.
pli-tv-kd8:13.8.2	Atha kho bhikkhūnaṁ etadahosi—
pli-tv-kd8:13.8.3	“kathaṁ nu kho amhehi atirekacīvare paṭipajjitabban”ti?
pli-tv-kd8:13.8.4	Bhagavato etamatthaṁ ārocesuṁ.
pli-tv-kd8:13.8.5	“Anujānāmi, bhikkhave, atirekacīvaraṁ vikappetun”ti.
pli-tv-kd8:14.1.1	Atha kho bhagavā vesāliyaṁ yathābhirantaṁ viharitvā yena bārāṇasī tena cārikaṁ pakkāmi.
pli-tv-kd8:14.1.2	Anupubbena cārikaṁ caramāno yena bārāṇasī tadavasari.
pli-tv-kd8:14.1.3	Tatra sudaṁ bhagavā bārāṇasiyaṁ viharati isipatane migadāye.
pli-tv-kd8:14.1.4	Tena kho pana samayena aññatarassa bhikkhuno antaravāsako chiddo hoti.
pli-tv-kd8:14.1.5	Atha kho tassa bhikkhuno etadahosi—
pli-tv-kd8:14.1.6	“bhagavatā ticīvaraṁ anuññātaṁ—
pli-tv-kd8:14.1.7	diguṇā saṅghāṭi, ekacciyo uttarāsaṅgo, ekacciyo antaravāsako.
pli-tv-kd8:14.1.8	Ayañca me antaravāsako chiddo.
pli-tv-kd8:14.1.9	Yannūnāhaṁ aggaḷaṁ acchupeyyaṁ, samantato dupaṭṭaṁ bhavissati, majjhe ekacciyan”ti.
pli-tv-kd8:14.2.1	Atha kho so bhikkhu aggaḷaṁ acchupesi.
pli-tv-kd8:14.2.2	Addasā kho bhagavā senāsanacārikaṁ āhiṇḍanto taṁ bhikkhuṁ aggaḷaṁ acchupentaṁ, disvāna yena so bhikkhu tenupasaṅkami, upasaṅkamitvā taṁ bhikkhuṁ etadavoca—
pli-tv-kd8:14.2.3	“kiṁ tvaṁ, bhikkhu, karosī”ti?
pli-tv-kd8:14.2.4	“Aggaḷaṁ, bhagavā, acchupemī”ti.
pli-tv-kd8:14.2.5	“Sādhu sādhu, bhikkhu;
pli-tv-kd8:14.2.6	sādhu kho tvaṁ, bhikkhu, aggaḷaṁ acchupesī”ti.
pli-tv-kd8:14.2.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:14.2.8	“anujānāmi, bhikkhave, ahatānaṁ dussānaṁ ahatakappānaṁ diguṇaṁ saṅghāṭiṁ, ekacciyaṁ uttarāsaṅgaṁ, ekacciyaṁ antaravāsakaṁ;
pli-tv-kd8:14.2.9	utuddhaṭānaṁ dussānaṁ catugguṇaṁ saṅghāṭiṁ, diguṇaṁ uttarāsaṅgaṁ, diguṇaṁ antaravāsakaṁ;
pli-tv-kd8:14.2.10	paṁsukūle yāvadatthaṁ;
pli-tv-kd8:14.2.11	pāpaṇike ussāho karaṇīyo.
pli-tv-kd8:14.2.12	Anujānāmi, bhikkhave, aggaḷaṁ tunnaṁ ovaṭṭikaṁ kaṇḍusakaṁ daḷhīkamman”ti.
pli-tv-kd8:15.1.0	18. Visākhāvatthu
pli-tv-kd8:15.1.1	Atha kho bhagavā bārāṇasiyaṁ yathābhirantaṁ viharitvā yena sāvatthi tena cārikaṁ pakkāmi.
pli-tv-kd8:15.1.2	Anupubbena cārikaṁ caramāno yena sāvatthi tadavasari.
pli-tv-kd8:15.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd8:15.1.4	Atha kho visākhā migāramātā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-kd8:15.1.5	Ekamantaṁ nisinnaṁ kho visākhaṁ migāramātaraṁ bhagavā dhammiyā kathāya sandassesi samādapesi samuttejesi sampahaṁsesi.
pli-tv-kd8:15.1.6	Atha kho visākhā migāramātā bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ etadavoca—
pli-tv-kd8:15.1.7	“adhivāsetu me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd8:15.1.8	Adhivāsesi bhagavā tuṇhībhāvena.
pli-tv-kd8:15.1.9	Atha kho visākhā migāramātā bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd8:15.2.1	Tena kho pana samayena tassā rattiyā accayena cātuddīpiko mahāmegho pāvassi.
pli-tv-kd8:15.2.2	Atha kho bhagavā bhikkhū āmantesi—
pli-tv-kd8:15.2.3	“yathā, bhikkhave, jetavane vassati evaṁ catūsu dīpesu vassati.
pli-tv-kd8:15.2.4	Ovassāpetha, bhikkhave, kāyaṁ.
pli-tv-kd8:15.2.5	Ayaṁ pacchimako cātuddīpiko mahāmegho”ti.
pli-tv-kd8:15.2.6	“Evaṁ, bhante”ti kho te bhikkhū bhagavato paṭissuṇitvā nikkhittacīvarā kāyaṁ ovassāpenti.
pli-tv-kd8:15.3.1	Atha kho visākhā migāramātā paṇītaṁ khādanīyaṁ bhojanīyaṁ paṭiyādāpetvā dāsiṁ āṇāpesi—
pli-tv-kd8:15.3.2	“gaccha, je. Ārāmaṁ gantvā kālaṁ ārocehi—kālo, bhante, niṭṭhitaṁ bhattan”ti.
pli-tv-kd8:15.3.3	“Evaṁ, ayye”ti kho sā dāsī visākhāya migāramātuyā paṭissuṇitvā ārāmaṁ gantvā addasa bhikkhū nikkhittacīvare kāyaṁ ovassāpente, disvāna—
pli-tv-kd8:15.3.4	“natthi ārāme bhikkhū, ājīvakā kāyaṁ ovassāpentī”ti—
pli-tv-kd8:15.3.5	yena visākhā migāramātā tenupasaṅkami; upasaṅkamitvā visākhaṁ migāramātaraṁ etadavoca—
pli-tv-kd8:15.3.6	“natthayye, ārāme bhikkhū, ājīvakā kāyaṁ ovassāpentī”ti.
pli-tv-kd8:15.3.7	Atha kho visākhāya migāramātuyā paṇḍitāya viyattāya medhāviniyā etadahosi—“nissaṁsayaṁ kho ayyā nikkhittacīvarā kāyaṁ ovassāpenti.
pli-tv-kd8:15.3.8	Sāyaṁ bālā maññittha—natthi ārāme bhikkhū, ājīvakā kāyaṁ ovassāpentī”ti, puna dāsiṁ āṇāpesi—
pli-tv-kd8:15.3.9	“gaccha, je. Ārāmaṁ gantvā kālaṁ ārocehi—kālo, bhante, niṭṭhitaṁ bhattan”ti.
pli-tv-kd8:15.4.1	Atha kho te bhikkhū gattāni sītiṁ karitvā kallakāyā cīvarāni gahetvā yathāvihāraṁ pavisiṁsu.
pli-tv-kd8:15.4.2	Atha kho sā dāsī ārāmaṁ gantvā bhikkhū apassantī—
pli-tv-kd8:15.4.3	“natthi ārāme bhikkhū, suñño ārāmo”ti—
pli-tv-kd8:15.4.4	yena visākhā migāramātā tenupasaṅkami; upasaṅkamitvā visākhaṁ migāramātaraṁ etadavoca—
pli-tv-kd8:15.4.5	“natthayye, ārāme bhikkhū, suñño ārāmo”ti.
pli-tv-kd8:15.4.6	Atha kho visākhāya migāramātuyā paṇḍitāya viyattāya medhāviniyā etadahosi—
pli-tv-kd8:15.4.7	“nissaṁsayaṁ kho ayyā gattāni sītiṁ karitvā kallakāyā cīvarāni gahetvā yathāvihāraṁ paviṭṭhā.
pli-tv-kd8:15.4.8	Sāyaṁ bālā maññittha—natthi ārāme bhikkhū, suñño ārāmo”ti, puna dāsiṁ āṇāpesi—
pli-tv-kd8:15.4.9	“gaccha, je. Ārāmaṁ gantvā kālaṁ ārocehi—kālo, bhante, niṭṭhitaṁ bhattan”ti.
pli-tv-kd8:15.5.1	Atha kho bhagavā bhikkhū āmantesi—
pli-tv-kd8:15.5.2	“sandahatha, bhikkhave, pattacīvaraṁ; kālo bhattassā”ti.
pli-tv-kd8:15.5.3	“Evaṁ, bhante”ti kho te bhikkhū bhagavato paccassosuṁ.
pli-tv-kd8:15.5.4	Atha kho bhagavā pubbaṇhasamayaṁ nivāsetvā pattacīvaramādāya—
pli-tv-kd8:15.5.5	seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—jetavane antarahito visākhāya migāramātuyā koṭṭhake pāturahosi.
pli-tv-kd8:15.5.6	Nisīdi bhagavā paññatte āsane saddhiṁ bhikkhusaṅghena.
pli-tv-kd8:15.6.1	Atha kho visākhā migāramātā—“acchariyaṁ vata bho, abbhutaṁ vata bho.
pli-tv-kd8:15.6.2	Tathāgatassa mahiddhikatā mahānubhāvatā, yatra hi nāma jaṇṇukamattesupi oghesu pavattamānesu, kaṭimattesupi oghesu pavattamānesu, na hi nāma ekabhikkhussapi pādā vā cīvarāni vā allāni bhavissantī”ti—
pli-tv-kd8:15.6.3	haṭṭhā udaggā buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ekamantaṁ nisīdi.
pli-tv-kd8:15.6.4	Ekamantaṁ nisinnā kho visākhā migāramātā bhagavantaṁ etadavoca—
pli-tv-kd8:15.6.5	“aṭṭhāhaṁ, bhante, bhagavantaṁ varāni yācāmī”ti.
pli-tv-kd8:15.6.6	“Atikkantavarā kho, visākhe, tathāgatā”ti.
pli-tv-kd8:15.6.7	“Yāni ca, bhante, kappiyāni yāni ca anavajjānī”ti.
pli-tv-kd8:15.6.8	“Vadehi, visākhe”ti.
pli-tv-kd8:15.7.1	“Icchāmahaṁ, bhante, saṅghassa yāvajīvaṁ vassikasāṭikaṁ dātuṁ, āgantukabhattaṁ dātuṁ, gamikabhattaṁ dātuṁ, gilānabhattaṁ dātuṁ, gilānupaṭṭhākabhattaṁ dātuṁ, gilānabhesajjaṁ dātuṁ, dhuvayāguṁ dātuṁ, bhikkhunisaṅghassa udakasāṭikaṁ dātun”ti.
pli-tv-kd8:15.7.2	“Kiṁ pana tvaṁ, visākhe, atthavasaṁ sampassamānā tathāgataṁ aṭṭha varāni yācasī”ti?
pli-tv-kd8:15.7.3	“Idhāhaṁ, bhante, dāsiṁ āṇāpesiṁ—
pli-tv-kd8:15.7.4	‘gaccha, je. Ārāmaṁ gantvā kālaṁ ārocehi—kālo, bhante, niṭṭhitaṁ bhattan’ti.
pli-tv-kd8:15.7.5	Atha kho sā, bhante, dāsī ārāmaṁ gantvā addasa bhikkhū nikkhittacīvare kāyaṁ ovassāpente, disvāna—
pli-tv-kd8:15.7.6	‘natthi ārāme bhikkhū, ājīvakā kāyaṁ ovassāpentī’ti—
pli-tv-kd8:15.7.7	yenāhaṁ tenupasaṅkami; upasaṅkamitvā maṁ etadavoca—
pli-tv-kd8:15.7.8	‘natthayye, ārāme bhikkhū, ājīvakā kāyaṁ ovassāpentī’ti.
pli-tv-kd8:15.7.9	Asuci, bhante, naggiyaṁ jegucchaṁ paṭikūlaṁ.
pli-tv-kd8:15.7.10	Imāhaṁ, bhante, atthavasaṁ sampassamānā icchāmi saṅghassa yāvajīvaṁ vassikasāṭikaṁ dātuṁ.
pli-tv-kd8:15.8.1	Puna caparaṁ, bhante, āgantuko bhikkhu na vīthikusalo na gocarakusalo kilanto piṇḍāya carati.
pli-tv-kd8:15.8.2	So me āgantukabhattaṁ bhuñjitvā vīthikusalo gocarakusalo akilanto piṇḍāya carissati.
pli-tv-kd8:15.8.3	Imāhaṁ, bhante, atthavasaṁ sampassamānā icchāmi saṅghassa yāvajīvaṁ āgantukabhattaṁ dātuṁ.
pli-tv-kd8:15.8.4	Puna caparaṁ, bhante, gamiko bhikkhu attano bhattaṁ pariyesamāno satthā vā vihāyissati, yattha vā vāsaṁ gantukāmo bhavissati tattha vikāle upagacchissati, kilanto addhānaṁ gamissati.
pli-tv-kd8:15.8.5	So me gamikabhattaṁ bhuñjitvā satthā na vihāyissati, yattha vāsaṁ gantukāmo bhavissati tattha kāle upagacchissati, akilanto addhānaṁ gamissati.
pli-tv-kd8:15.8.6	Imāhaṁ, bhante, atthavasaṁ sampassamānā icchāmi saṅghassa yāvajīvaṁ gamikabhattaṁ dātuṁ.
pli-tv-kd8:15.9.1	Puna caparaṁ, bhante, gilānassa bhikkhuno sappāyāni bhojanāni alabhantassa ābādho vā abhivaḍḍhissati, kālaṅkiriyā vā bhavissati.
pli-tv-kd8:15.9.2	Tassa me gilānabhattaṁ bhuttassa ābādho na abhivaḍḍhissati, kālaṅkiriyā na bhavissati.
pli-tv-kd8:15.9.3	Imāhaṁ, bhante, atthavasaṁ sampassamānā icchāmi saṅghassa yāvajīvaṁ gilānabhattaṁ dātuṁ.
pli-tv-kd8:15.9.4	Puna caparaṁ, bhante, gilānupaṭṭhāko bhikkhu attano bhattaṁ pariyesamāno gilānassa ussūre bhattaṁ nīharissati, bhattacchedaṁ karissati.
pli-tv-kd8:15.9.5	So me gilānupaṭṭhākabhattaṁ bhuñjitvā gilānassa kālena bhattaṁ nīharissati, bhattacchedaṁ na karissati.
pli-tv-kd8:15.9.6	Imāhaṁ, bhante, atthavasaṁ sampassamānā icchāmi saṅghassa yāvajīvaṁ gilānupaṭṭhākabhattaṁ dātuṁ.
pli-tv-kd8:15.10.1	Puna caparaṁ, bhante, gilānassa bhikkhuno sappāyāni bhesajjāni alabhantassa ābādho vā abhivaḍḍhissati, kālaṅkiriyā vā bhavissati.
pli-tv-kd8:15.10.2	Tassa me gilānabhesajjaṁ paribhuttassa ābādho na abhivaḍḍhissati, kālaṅkiriyā na bhavissati.
pli-tv-kd8:15.10.3	Imāhaṁ, bhante, atthavasaṁ sampassamānā icchāmi saṅghassa yāvajīvaṁ gilānabhesajjaṁ dātuṁ.
pli-tv-kd8:15.10.4	Puna caparaṁ, bhante, bhagavatā andhakavinde dasānisaṁse sampassamānena yāgu anuññātā.
pli-tv-kd8:15.10.5	Tyāhaṁ, bhante, ānisaṁse sampassamānā icchāmi saṅghassa yāvajīvaṁ dhuvayāguṁ dātuṁ.
pli-tv-kd8:15.11.1	Idha, bhante, bhikkhuniyo aciravatiyā nadiyā vesiyāhi saddhiṁ naggā ekatitthe nahāyanti.
pli-tv-kd8:15.11.2	Tā, bhante, vesiyā bhikkhuniyo uppaṇḍesuṁ—
pli-tv-kd8:15.11.3	‘kiṁ nu kho nāma tumhākaṁ, ayye, daharānaṁ brahmacariyaṁ ciṇṇena, nanu nāma kāmā paribhuñjitabbā;
pli-tv-kd8:15.11.4	yadā jiṇṇā bhavissatha tadā brahmacariyaṁ carissatha.
pli-tv-kd8:15.11.5	Evaṁ tumhākaṁ ubho atthā pariggahitā bhavissantī’ti.
pli-tv-kd8:15.11.6	Tā, bhante, bhikkhuniyo vesiyāhi uppaṇḍiyamānā maṅkū ahesuṁ.
pli-tv-kd8:15.11.7	Asuci, bhante, mātugāmassa naggiyaṁ jegucchaṁ paṭikūlaṁ.
pli-tv-kd8:15.11.8	Imāhaṁ, bhante, atthavasaṁ sampassamānā icchāmi bhikkhunisaṅghassa yāvajīvaṁ udakasāṭikaṁ dātun”ti.
pli-tv-kd8:15.12.1	“Kiṁ pana tvaṁ, visākhe, ānisaṁsaṁ sampassamānā tathāgataṁ aṭṭha varāni yācasī”ti?
pli-tv-kd8:15.12.2	“Idha, bhante, disāsu vassaṁvuṭṭhā bhikkhū sāvatthiṁ āgacchissanti bhagavantaṁ dassanāya.
pli-tv-kd8:15.12.3	Te bhagavantaṁ upasaṅkamitvā pucchissanti—
pli-tv-kd8:15.12.4	‘itthannāmo, bhante, bhikkhu kālaṅkato, tassa kā gati ko abhisamparāyo’ti?
pli-tv-kd8:15.12.5	Taṁ bhagavā byākarissati sotāpattiphale vā sakadāgāmiphale vā anāgāmiphale vā arahatte vā.
pli-tv-kd8:15.12.6	Tyāhaṁ upasaṅkamitvā pucchissāmi—
pli-tv-kd8:15.12.7	‘āgatapubbā nu kho, bhante, tena ayyena sāvatthī’ti?
pli-tv-kd8:15.13.1	Sace me vakkhanti—
pli-tv-kd8:15.13.2	‘āgatapubbā tena bhikkhunā sāvatthī’ti niṭṭhamettha gacchissāmi—
pli-tv-kd8:15.13.3	‘nissaṁsayaṁ me paribhuttaṁ tena ayyena vassikasāṭikā vā āgantukabhattaṁ vā gamikabhattaṁ vā gilānabhattaṁ vā gilānupaṭṭhākabhattaṁ vā gilānabhesajjaṁ vā dhuvayāgu vā’ti.
pli-tv-kd8:15.13.4	Tassā me tadanussarantiyā pāmujjaṁ jāyissati, pamuditāya pīti jāyissati, pītimanāya kāyo passambhissati, passaddhakāyā sukhaṁ vediyissāmi, sukhiniyā cittaṁ samādhiyissati.
pli-tv-kd8:15.13.5	Sā me bhavissati indriyabhāvanā balabhāvanā bojjhaṅgabhāvanā.
pli-tv-kd8:15.13.6	Imāhaṁ, bhante, ānisaṁsaṁ sampassamānā tathāgataṁ aṭṭha varāni yācāmī”ti.
pli-tv-kd8:15.14.1	“Sādhu sādhu, visākhe;
pli-tv-kd8:15.14.2	sādhu kho tvaṁ, visākhe, imaṁ ānisaṁsaṁ sampassamānā tathāgataṁ aṭṭha varāni yācasi.
pli-tv-kd8:15.14.3	Anujānāmi te, visākhe, aṭṭha varānī”ti.
pli-tv-kd8:15.14.4	Atha kho bhagavā visākhaṁ migāramātaraṁ imāhi gāthāhi anumodi—
pli-tv-kd8:15.14.5	“Yā annapānaṁ dadatippamoditā,
pli-tv-kd8:15.14.6	Sīlūpapannā sugatassa sāvikā;
pli-tv-kd8:15.14.7	Dadāti dānaṁ abhibhuyya maccharaṁ,
pli-tv-kd8:15.14.8	Sovaggikaṁ sokanudaṁ sukhāvahaṁ.
pli-tv-kd8:15.14.9	Dibbaṁ sā labhate āyuṁ,
pli-tv-kd8:15.14.10	Āgamma maggaṁ virajaṁ anaṅgaṇaṁ;
pli-tv-kd8:15.14.11	Sā puññakāmā sukhinī anāmayā,
pli-tv-kd8:15.14.12	Saggamhi kāyamhi ciraṁ pamodatī”ti.
pli-tv-kd8:15.14.13	Atha kho bhagavā visākhaṁ migāramātaraṁ imāhi gāthāhi anumoditvā uṭṭhāyāsanā pakkāmi.
pli-tv-kd8:15.15.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:15.15.2	“anujānāmi, bhikkhave, vassikasāṭikaṁ, āgantukabhattaṁ, gamikabhattaṁ, gilānabhattaṁ, gilānupaṭṭhākabhattaṁ, gilānabhesajjaṁ, dhuvayāguṁ, bhikkhunisaṅghassa udakasāṭikan”ti.
pli-tv-kd8:15.15.3	Visākhābhāṇavāro niṭṭhito.
pli-tv-kd8:16.1.0	19. Nisīdanādianujānana
pli-tv-kd8:16.1.1	Tena kho pana samayena bhikkhū paṇītāni bhojanāni bhuñjitvā muṭṭhassatī asampajānā niddaṁ okkamanti.
pli-tv-kd8:16.1.2	Tesaṁ muṭṭhassatīnaṁ asampajānānaṁ niddaṁ okkamantānaṁ supinantena asuci muccati, senāsanaṁ asucinā makkhiyati.
pli-tv-kd8:16.1.3	Atha kho bhagavā āyasmatā ānandena pacchāsamaṇena senāsanacārikaṁ āhiṇḍanto addasa senāsanaṁ asucinā makkhitaṁ, disvāna āyasmantaṁ ānandaṁ āmantesi—
pli-tv-kd8:16.1.4	“kiṁ etaṁ, ānanda, senāsanaṁ makkhitan”ti?
pli-tv-kd8:16.1.5	“Etarahi, bhante, bhikkhū paṇītāni bhojanāni bhuñjitvā muṭṭhassatī asampajānā niddaṁ okkamanti.
pli-tv-kd8:16.1.6	Tesaṁ muṭṭhassatīnaṁ asampajānānaṁ niddaṁ okkamantānaṁ supinantena asuci muccati;
pli-tv-kd8:16.1.7	tayidaṁ, bhagavā, senāsanaṁ asucinā makkhitan”ti.
pli-tv-kd8:16.2.1	“Evametaṁ, ānanda, evametaṁ, ānanda.
pli-tv-kd8:16.2.2	Muccati hi, ānanda, muṭṭhassatīnaṁ asampajānānaṁ niddaṁ okkamantānaṁ supinantena asuci.
pli-tv-kd8:16.2.3	Ye te, ānanda, bhikkhū upaṭṭhitassatī sampajānā niddaṁ okkamanti, tesaṁ asuci na muccati.
pli-tv-kd8:16.2.4	Yepi te, ānanda, puthujjanā kāmesu vītarāgā, tesampi asuci na muccati.
pli-tv-kd8:16.2.5	Aṭṭhānametaṁ, ānanda, anavakāso yaṁ arahato asuci mucceyyā”ti.
pli-tv-kd8:16.2.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:16.2.7	“idhāhaṁ, bhikkhave, ānandena pacchāsamaṇena senāsanacārikaṁ āhiṇḍanto addasaṁ senāsanaṁ asucinā makkhitaṁ, disvāna ānandaṁ āmantesiṁ—
pli-tv-kd8:16.2.8	‘kiṁ etaṁ, ānanda, senāsanaṁ makkhitan’ti?
pli-tv-kd8:16.2.9	‘Etarahi, bhante, bhikkhū paṇītāni bhojanāni bhuñjitvā muṭṭhassatī asampajānā niddaṁ okkamanti.
pli-tv-kd8:16.2.10	Tesaṁ muṭṭhassatīnaṁ asampajānānaṁ niddaṁ okkamantānaṁ supinantena asuci muccati;
pli-tv-kd8:16.2.11	tayidaṁ, bhagavā, senāsanaṁ asucinā makkhitan’ti.
pli-tv-kd8:16.2.12	‘Evametaṁ, ānanda, evametaṁ, ānanda, muccati hi, ānanda, muṭṭhassatīnaṁ asampajānānaṁ niddaṁ okkamantānaṁ supinantena asuci.
pli-tv-kd8:16.2.13	Ye te, ānanda, bhikkhū upaṭṭhitassatī sampajānā niddaṁ okkamanti, tesaṁ asuci na muccati.
pli-tv-kd8:16.2.14	Yepi te, ānanda, puthujjanā kāmesu vītarāgā tesampi asuci na muccati.
pli-tv-kd8:16.2.15	Aṭṭhānametaṁ, ānanda, anavakāso yaṁ arahato asuci mucceyyā’ti.
pli-tv-kd8:16.3.1	Pañcime, bhikkhave, ādīnavā muṭṭhassatissa asampajānassa niddaṁ okkamato—
pli-tv-kd8:16.3.2	dukkhaṁ supati, dukkhaṁ paṭibujjhati, pāpakaṁ supinaṁ passati, devatā na rakkhanti, asuci muccati.
pli-tv-kd8:16.3.3	Ime kho, bhikkhave, pañca ādīnavā muṭṭhassatissa asampajānassa niddaṁ okkamato.
pli-tv-kd8:16.3.4	Pañcime, bhikkhave, ānisaṁsā upaṭṭhitassatissa sampajānassa niddaṁ okkamato—
pli-tv-kd8:16.3.5	sukhaṁ supati, sukhaṁ paṭibujjhati, na pāpakaṁ supinaṁ passati, devatā rakkhanti, asuci na muccati.
pli-tv-kd8:16.3.6	Ime kho, bhikkhave, pañca ānisaṁsā upaṭṭhitassatissa sampajānassa niddaṁ okkamato.
pli-tv-kd8:16.3.7	Anujānāmi, bhikkhave, kāyaguttiyā cīvaraguttiyā senāsanaguttiyā nisīdanan”ti.
pli-tv-kd8:16.4.1	Tena kho pana samayena atikhuddakaṁ nisīdanaṁ na sabbaṁ senāsanaṁ saṅgopeti.
pli-tv-kd8:16.4.2	Bhagavato etamatthaṁ ārocesuṁ.
pli-tv-kd8:16.4.3	“Anujānāmi, bhikkhave, yāvamahantaṁ paccattharaṇaṁ ākaṅkhati tāvamahantaṁ paccattharaṇaṁ kātun”ti.
pli-tv-kd8:17.1.1	Tena kho pana samayena āyasmato ānandassa upajjhāyassa āyasmato belaṭṭhasīsassa thullakacchābādho hoti.
pli-tv-kd8:17.1.2	Tassa lasikāya cīvarāni kāye lagganti.
pli-tv-kd8:17.1.3	Tāni bhikkhū udakena temetvā temetvā apakaḍḍhanti.
pli-tv-kd8:17.1.4	Addasā kho bhagavā senāsanacārikaṁ āhiṇḍanto te bhikkhū tāni cīvarāni udakena temetvā temetvā apakaḍḍhante, disvāna yena te bhikkhū tenupasaṅkami, upasaṅkamitvā te bhikkhū etadavoca—
pli-tv-kd8:17.1.5	“kiṁ imassa, bhikkhave, bhikkhuno ābādho”ti?
pli-tv-kd8:17.1.6	“Imassa, bhante, āyasmato thullakacchābādho.
pli-tv-kd8:17.1.7	Lasikāya cīvarāni kāye lagganti.
pli-tv-kd8:17.1.8	Tāni mayaṁ udakena temetvā temetvā apakaḍḍhāmā”ti.
pli-tv-kd8:17.1.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:17.1.10	“anujānāmi, bhikkhave, yassa kaṇḍu vā piḷakā vā assāvo vā thullakacchu vā ābādho kaṇḍuppaṭicchādin”ti.
pli-tv-kd8:18.1.1	Atha kho visākhā migāramātā mukhapuñchanacoḷaṁ ādāya yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-kd8:18.1.2	Ekamantaṁ nisinnā kho visākhā migāramātā bhagavantaṁ etadavoca—
pli-tv-kd8:18.1.3	“paṭiggaṇhātu me, bhante, bhagavā mukhapuñchanacoḷaṁ, yaṁ mamassa dīgharattaṁ hitāya sukhāyā”ti.
pli-tv-kd8:18.1.4	Paṭiggahesi bhagavā mukhapuñchanacoḷaṁ.
pli-tv-kd8:18.1.5	Atha kho bhagavā visākhaṁ migāramātaraṁ dhammiyā kathāya sandassesi samādapesi samuttejesi sampahaṁsesi.
pli-tv-kd8:18.1.6	Atha kho visākhā migāramātā bhagavatā dhammiyā kathāya sandassitā samādapitā samuttejitā sampahaṁsitā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd8:18.1.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd8:18.1.8	“anujānāmi, bhikkhave, mukhapuñchanacoḷakan”ti.
pli-tv-kd8:19.1.1	Tena kho pana samayena rojo mallo āyasmato ānandassa sahāyo hoti.
pli-tv-kd8:19.1.2	Rojassa mallassa khomapilotikā āyasmato ānandassa hatthe nikkhittā hoti.
pli-tv-kd8:19.1.3	Āyasmato ca ānandassa khomapilotikāya attho hoti.
pli-tv-kd8:19.1.4	Bhagavato etamatthaṁ ārocesuṁ.
pli-tv-kd8:19.1.5	“Anujānāmi, bhikkhave, pañcahaṅgehi samannāgatassa vissāsaṁ gahetuṁ—
pli-tv-kd8:19.1.6	sandiṭṭho ca hoti, sambhatto ca, ālapito ca, jīvati ca, jānāti ca—gahite me attamano bhavissatīti.
pli-tv-kd8:19.1.7	Anujānāmi, bhikkhave, imehi pañcahaṅgehi samannāgatassa vissāsaṁ gahetun”ti.
pli-tv-kd8:20.1.1	Tena kho pana samayena bhikkhūnaṁ paripuṇṇaṁ hoti ticīvaraṁ.
pli-tv-kd8:20.1.2	Attho ca hoti parissāvanehipi thavikāhipi.
pli-tv-kd8:20.1.3	Bhagavato etamatthaṁ ārocesuṁ.
pli-tv-kd8:20.1.4	“Anujānāmi, bhikkhave, parikkhāracoḷakan”ti.
pli-tv-kd8:20.2.0	20. Pacchimavikappanupagacīvarādikathā
pli-tv-kd8:20.2.1	Atha kho bhikkhūnaṁ etadahosi—
pli-tv-kd8:20.2.2	“yāni tāni bhagavatā anuññātāni ticīvaranti vā vassikasāṭikāti vā nisīdananti vā paccattharaṇanti vā kaṇḍuppaṭicchādīti vā mukhapuñchanacoḷanti vā parikkhāracoḷanti vā, sabbāni tāni adhiṭṭhātabbāni nu kho, udāhu vikappetabbānī”ti?
pli-tv-kd8:20.2.3	Bhagavato etamatthaṁ ārocesuṁ.
pli-tv-kd8:20.2.4	“Anujānāmi, bhikkhave, ticīvaraṁ adhiṭṭhātuṁ na vikappetuṁ;
pli-tv-kd8:20.2.5	vassikasāṭikaṁ vassānaṁ cātumāsaṁ adhiṭṭhātuṁ, tato paraṁ vikappetuṁ;
pli-tv-kd8:20.2.6	nisīdanaṁ adhiṭṭhātuṁ na vikappetuṁ;
pli-tv-kd8:20.2.7	paccattharaṇaṁ adhiṭṭhātuṁ na vikappetuṁ;
pli-tv-kd8:20.2.8	kaṇḍuppaṭicchādiṁ yāva ābādhā adhiṭṭhātuṁ tato paraṁ vikappetuṁ;
pli-tv-kd8:20.2.9	mukhapuñchanacoḷaṁ adhiṭṭhātuṁ na vikappetuṁ;
pli-tv-kd8:20.2.10	parikkhāracoḷaṁ adhiṭṭhātuṁ na vikappetun”ti.
pli-tv-kd8:21.1.1	Atha kho bhikkhūnaṁ etadahosi—
pli-tv-kd8:21.1.2	“kittakaṁ pacchimaṁ nu kho cīvaraṁ vikappetabban”ti?
pli-tv-kd8:21.1.3	Bhagavato etamatthaṁ ārocesuṁ.
pli-tv-kd8:21.1.4	“Anujānāmi, bhikkhave, āyāmena aṭṭhaṅgulaṁ sugataṅgulena caturaṅgulavitthataṁ pacchimaṁ cīvaraṁ vikappetun”ti.
pli-tv-kd8:21.1.5	Tena kho pana samayena āyasmato mahākassapassa paṁsukūlakato garuko hoti.
pli-tv-kd8:21.1.6	Bhagavato etamatthaṁ ārocesuṁ.
pli-tv-kd8:21.1.7	“Anujānāmi, bhikkhave, suttalūkhaṁ kātun”ti.
pli-tv-kd8:21.1.8	Vikaṇṇo hoti.
pli-tv-kd8:21.1.9	Bhagavato etamatthaṁ ārocesuṁ.
pli-tv-kd8:21.1.10	“Anujānāmi, bhikkhave, vikaṇṇaṁ uddharitun”ti.
pli-tv-kd8:21.1.11	Suttā okiriyanti.
pli-tv-kd8:21.1.12	Bhagavato etamatthaṁ ārocesuṁ.
pli-tv-kd8:21.1.13	“Anujānāmi, bhikkhave, anuvātaṁ paribhaṇḍaṁ āropetun”ti.
pli-tv-kd8:21.1.14	Tena kho pana samayena saṅghāṭiyā pattā lujjanti.
pli-tv-kd8:21.1.15	Bhagavato etamatthaṁ ārocesuṁ.
pli-tv-kd8:21.1.16	“Anujānāmi, bhikkhave, aṭṭhapadakaṁ kātun”ti.
pli-tv-kd8:21.2.1	Tena kho pana samayena aññatarassa bhikkhuno ticīvare kayiramāne sabbaṁ chinnakaṁ nappahoti.
pli-tv-kd8:21.2.2	Bhagavato etamatthaṁ ārocesuṁ.
pli-tv-kd8:21.2.3	“Anujānāmi, bhikkhave, dve chinnakāni ekaṁ acchinnakan”ti.
pli-tv-kd8:21.2.4	Dve chinnakāni ekaṁ acchinnakaṁ nappahoti.
pli-tv-kd8:21.2.5	Bhagavato etamatthaṁ ārocesuṁ.
pli-tv-kd8:21.2.6	“Anujānāmi, bhikkhave, dve acchinnakāni ekaṁ chinnakan”ti.
pli-tv-kd8:21.2.7	Dve acchinnakāni ekaṁ chinnakaṁ nappahoti.
pli-tv-kd8:21.2.8	Bhagavato etamatthaṁ ārocesuṁ.
pli-tv-kd8:21.2.9	“Anujānāmi, bhikkhave, anvādhikampi āropetuṁ.
pli-tv-kd8:21.2.10	Na ca, bhikkhave, sabbaṁ acchinnakaṁ dhāretabbaṁ.
pli-tv-kd8:21.2.11	Yo dhāreyya, āpatti dukkaṭassā”ti.
pli-tv-kd8:22.1.1	Tena kho pana samayena aññatarassa bhikkhuno bahuṁ cīvaraṁ uppannaṁ hoti.
pli-tv-kd8:22.1.2	So ca taṁ cīvaraṁ mātāpitūnaṁ dātukāmo hoti.
pli-tv-kd8:22.1.3	Bhagavato etamatthaṁ ārocesuṁ.
pli-tv-kd8:22.1.4	“Mātāpitaroti kho, bhikkhave, dadamāne kiṁ vadeyyāma?
pli-tv-kd8:22.1.5	Anujānāmi, bhikkhave, mātāpitūnaṁ dātuṁ.
pli-tv-kd8:22.1.6	Na ca, bhikkhave, saddhādeyyaṁ vinipātetabbaṁ.
pli-tv-kd8:22.1.7	Yo vinipāteyya, āpatti dukkaṭassā”ti.
pli-tv-kd8:23.1.1	Tena kho pana samayena aññataro bhikkhu andhavane cīvaraṁ nikkhipitvā santaruttarena gāmaṁ piṇḍāya pāvisi.
pli-tv-kd8:23.1.2	Corā taṁ cīvaraṁ avahariṁsu.
pli-tv-kd8:23.1.3	So bhikkhu duccoḷo hoti lūkhacīvaro.
pli-tv-kd8:23.1.4	Bhikkhū evamāhaṁsu—
pli-tv-kd8:23.1.5	“kissa tvaṁ, āvuso, duccoḷo lūkhacīvarosī”ti?
pli-tv-kd8:23.1.6	“Idhāhaṁ, āvuso, andhavane cīvaraṁ nikkhipitvā santaruttarena gāmaṁ piṇḍāya pāvisiṁ.
pli-tv-kd8:23.1.7	Corā taṁ cīvaraṁ avahariṁsu.
pli-tv-kd8:23.1.8	Tenāhaṁ duccoḷo lūkhacīvaro”ti.
pli-tv-kd8:23.1.9	Bhagavato etamatthaṁ ārocesuṁ.
pli-tv-kd8:23.1.10	“Na, bhikkhave, santaruttarena gāmo pavisitabbo.
pli-tv-kd8:23.1.11	Yo paviseyya, āpatti dukkaṭassā”ti.
pli-tv-kd8:23.2.1	Tena kho pana samayena āyasmā ānando assatiyā santaruttarena gāmaṁ piṇḍāya pāvisi.
pli-tv-kd8:23.2.2	Bhikkhū āyasmantaṁ ānandaṁ etadavocuṁ—
pli-tv-kd8:23.2.3	“nanu, āvuso ānanda, bhagavatā paññattaṁ—
pli-tv-kd8:23.2.4	‘na santaruttarena gāmo pavisitabbo’ti?
pli-tv-kd8:23.2.5	Kissa tvaṁ, āvuso ānanda, santaruttarena gāmaṁ paviṭṭho”ti?
pli-tv-kd8:23.2.6	“Saccaṁ, āvuso, bhagavatā paññattaṁ—
pli-tv-kd8:23.2.7	‘na santaruttarena gāmo pavisitabbo’ti.
pli-tv-kd8:23.2.8	Api cāhaṁ assatiyā paviṭṭho”ti.
pli-tv-kd8:23.2.9	Bhagavato etamatthaṁ ārocesuṁ.
pli-tv-kd8:23.3.1	“Pañcime, bhikkhave, paccayā saṅghāṭiyā nikkhepāya—
pli-tv-kd8:23.3.2	gilāno vā hoti, vassikasaṅketaṁ vā hoti, nadīpāraṁ gantuṁ vā hoti, aggaḷaguttivihāro vā hoti, atthatakathinaṁ vā hoti.
pli-tv-kd8:23.3.3	Ime kho, bhikkhave, pañca paccayā saṅghāṭiyā nikkhepāya.
pli-tv-kd8:23.3.4	Pañcime, bhikkhave, paccayā uttarāsaṅgassa nikkhepāya …pe…
pli-tv-kd8:23.3.5	antaravāsakassa nikkhepāya—
pli-tv-kd8:23.3.6	gilāno vā hoti, vassikasaṅketaṁ vā hoti, nadīpāraṁ gantuṁ vā hoti, aggaḷaguttivihāro vā hoti, atthatakathinaṁ vā hoti.
pli-tv-kd8:23.3.7	Ime kho, bhikkhave, pañca paccayā uttarāsaṅgassa antaravāsakassa nikkhepāya.
pli-tv-kd8:23.3.8	Pañcime, bhikkhave, paccayā vassikasāṭikāya nikkhepāya—
pli-tv-kd8:23.3.9	gilāno vā hoti, nissīmaṁ gantuṁ vā hoti, nadīpāraṁ gantuṁ vā hoti, aggaḷaguttivihāro vā hoti, vassikasāṭikā akatā vā hoti vippakatā vā.
pli-tv-kd8:23.3.10	Ime kho, bhikkhave, pañca paccayā vassikasāṭikāya nikkhepāyā”ti.
pli-tv-kd8:24.1.0	21. Saṅghikacīvaruppādakathā
pli-tv-kd8:24.1.1	Tena kho pana samayena aññataro bhikkhu eko vassaṁ vasi.
pli-tv-kd8:24.1.2	Tattha manussā saṅghassa demāti cīvarāni adaṁsu.
pli-tv-kd8:24.1.3	Atha kho tassa bhikkhuno etadahosi—
pli-tv-kd8:24.1.4	“bhagavatā paññattaṁ—
pli-tv-kd8:24.1.5	‘catuvaggo pacchimo saṅgho’ti.
pli-tv-kd8:24.1.6	Ahañcamhi ekako.
pli-tv-kd8:24.1.7	Ime ca manussā saṅghassa demāti cīvarāni adaṁsu.
pli-tv-kd8:24.1.8	Yannūnāhaṁ imāni saṅghikāni cīvarāni sāvatthiṁ hareyyan”ti.
pli-tv-kd8:24.1.9	Atha kho so bhikkhu tāni cīvarāni ādāya sāvatthiṁ gantvā bhagavato etamatthaṁ ārocesi.
pli-tv-kd8:24.1.10	“Tuyheva, bhikkhu, tāni cīvarāni yāva kathinassa ubbhārāyā”ti.
pli-tv-kd8:24.2.1	“Idha pana, bhikkhave, bhikkhu eko vassaṁ vasati.
pli-tv-kd8:24.2.2	Tattha manussā—
pli-tv-kd8:24.2.3	‘saṅghassa demā’ti cīvarāni denti.
pli-tv-kd8:24.2.4	Anujānāmi, bhikkhave, tasseva tāni cīvarāni yāva kathinassa ubbhārāyā”ti.
pli-tv-kd8:24.3.1	Tena kho pana samayena aññataro bhikkhu utukālaṁ eko vasi.
pli-tv-kd8:24.3.2	Tattha manussā saṅghassa demāti cīvarāni adaṁsu.
pli-tv-kd8:24.3.3	Atha kho tassa bhikkhuno etadahosi—
pli-tv-kd8:24.3.4	“bhagavatā paññattaṁ—
pli-tv-kd8:24.3.5	‘catuvaggo pacchimo saṅgho’ti.
pli-tv-kd8:24.3.6	Ahañcamhi ekako.
pli-tv-kd8:24.3.7	Ime ca manussā—
pli-tv-kd8:24.3.8	‘saṅghassa demā’ti cīvarāni adaṁsu.
pli-tv-kd8:24.3.9	Yannūnāhaṁ imāni saṅghikāni cīvarāni sāvatthiṁ hareyyan”ti.
pli-tv-kd8:24.3.10	Atha kho so bhikkhu tāni cīvarāni ādāya sāvatthiṁ gantvā bhikkhūnaṁ etamatthaṁ ārocesi.
pli-tv-kd8:24.3.11	Bhikkhū bhagavato etamatthaṁ ārocesuṁ.
pli-tv-kd8:24.3.12	“Anujānāmi, bhikkhave, sammukhībhūtena saṅghena bhājetuṁ.
pli-tv-kd8:24.4.1	Idha pana, bhikkhave, bhikkhu utukālaṁ eko vasati. Tattha manussā—‘saṅghassa demā’ti cīvarāni denti.
pli-tv-kd8:24.4.2	Anujānāmi, bhikkhave, tena bhikkhunā tāni cīvarāni adhiṭṭhātuṁ—‘mayhimāni cīvarānī’ti.
pli-tv-kd8:24.4.3	Tassa ce, bhikkhave, bhikkhuno taṁ cīvaraṁ anadhiṭṭhite añño bhikkhu āgacchati, samako dātabbo bhāgo.
pli-tv-kd8:24.4.4	Tehi ce, bhikkhave, bhikkhūhi taṁ cīvaraṁ bhājiyamāne, apātite kuse, añño bhikkhu āgacchati, samako dātabbo bhāgo.
pli-tv-kd8:24.4.5	Tehi ce, bhikkhave, bhikkhūhi taṁ cīvaraṁ bhājiyamāne, pātite kuse, añño bhikkhu āgacchati, nākāmā dātabbo bhāgo”ti.
pli-tv-kd8:24.5.1	Tena kho pana samayena dve bhātikā therā, āyasmā ca isidāso āyasmā ca isibhaṭo, sāvatthiyaṁ vassaṁvuṭṭhā aññataraṁ gāmakāvāsaṁ agamaṁsu.
pli-tv-kd8:24.5.2	Manussā—“cirassāpi therā āgatā”ti—sacīvarāni bhattāni adaṁsu.
pli-tv-kd8:24.5.3	Āvāsikā bhikkhū there pucchiṁsu—“imāni, bhante, saṅghikāni cīvarāni there āgamma uppannāni, sādiyissanti therā bhāgan”ti.
pli-tv-kd8:24.5.4	Therā evamāhaṁsu—“yathā kho mayaṁ, āvuso, bhagavatā dhammaṁ desitaṁ ājānāma, tumhākaṁyeva tāni cīvarāni yāva kathinassa ubbhārāyā”ti.
pli-tv-kd8:24.6.1	Tena kho pana samayena tayo bhikkhū rājagahe vassaṁ vasanti.
pli-tv-kd8:24.6.2	Tattha manussā saṅghassa demāti cīvarāni denti.
pli-tv-kd8:24.6.3	Atha kho tesaṁ bhikkhūnaṁ etadahosi—“bhagavatā paññattaṁ—‘catuvaggo pacchimo saṅgho’ti. Mayañcamhā tayo janā.
pli-tv-kd8:24.6.4	Ime ca manussā saṅghassa demāti cīvarāni denti.
pli-tv-kd8:24.6.5	Kathaṁ nu kho amhehi paṭipajjitabban”ti?
pli-tv-kd8:24.6.6	Tena kho pana samayena sambahulā therā, āyasmā ca nilavāsī āyasmā ca sāṇavāsī āyasmā ca gotako āyasmā ca bhagu āyasmā ca phaḷikasantāno, pāṭaliputte viharanti kukkuṭārāme.
pli-tv-kd8:24.6.7	Atha kho te bhikkhū pāṭaliputtaṁ gantvā there pucchiṁsu.
pli-tv-kd8:24.6.8	Therā evamāhaṁsu—
pli-tv-kd8:24.6.9	“yathā kho mayaṁ āvuso bhagavatā dhammaṁ desitaṁ ājānāma, tumhākaṁyeva tāni cīvarāni yāva kathinassa ubbhārāyā”ti.
pli-tv-kd8:25.1.0	22. Upanandasakyaputtavatthu
pli-tv-kd8:25.1.1	Tena kho pana samayena āyasmā upanando sakyaputto sāvatthiyaṁ vassaṁvuṭṭho aññataraṁ gāmakāvāsaṁ agamāsi.
pli-tv-kd8:25.1.2	Tattha ca bhikkhū cīvaraṁ bhājetukāmā sannipatiṁsu.
pli-tv-kd8:25.1.3	Te evamāhaṁsu—“imāni kho, āvuso, saṅghikāni cīvarāni bhājiyissanti, sādiyissasi bhāgan”ti?
pli-tv-kd8:25.1.4	“Āmāvuso, sādiyissāmī”ti.
pli-tv-kd8:25.1.5	Tato cīvarabhāgaṁ gahetvā aññaṁ āvāsaṁ agamāsi.
pli-tv-kd8:25.1.6	Tatthapi bhikkhū cīvaraṁ bhājetukāmā sannipatiṁsu.
pli-tv-kd8:25.1.7	Tepi evamāhaṁsu—“imāni kho, āvuso, saṅghikāni cīvarāni bhājiyissanti, sādiyissasi bhāgan”ti?
pli-tv-kd8:25.1.8	“Āmāvuso, sādiyissāmī”ti.
pli-tv-kd8:25.1.9	Tatopi cīvarabhāgaṁ gahetvā aññaṁ āvāsaṁ agamāsi.
pli-tv-kd8:25.1.10	Tatthapi bhikkhū cīvaraṁ bhājetukāmā sannipatiṁsu.
pli-tv-kd8:25.1.11	Tepi evamāhaṁsu—“imāni kho, āvuso, saṅghikāni cīvarāni bhājiyissanti, sādiyissasi bhāgan”ti?
pli-tv-kd8:25.1.12	“Āmāvuso, sādiyissāmī”ti.
pli-tv-kd8:25.1.13	Tatopi cīvarabhāgaṁ gahetvā mahantaṁ cīvarabhaṇḍikaṁ ādāya punadeva sāvatthiṁ paccāgañchi.
pli-tv-kd8:25.2.1	Bhikkhū evamāhaṁsu—“mahāpuññosi tvaṁ, āvuso upananda, bahuṁ te cīvaraṁ uppannan”ti.
pli-tv-kd8:25.2.2	“Kuto me, āvuso, puññaṁ?
pli-tv-kd8:25.2.3	Idhāhaṁ, āvuso, sāvatthiyaṁ vassaṁvuṭṭho aññataraṁ gāmakāvāsaṁ agamāsiṁ.
pli-tv-kd8:25.2.4	Tattha bhikkhū cīvaraṁ bhājetukāmā sannipatiṁsu.
pli-tv-kd8:25.2.5	Te maṁ evamāhaṁsu—‘imāni kho, āvuso, saṅghikāni cīvarāni bhājiyissanti, sādiyissasi bhāgan’ti?
pli-tv-kd8:25.2.6	‘Āmāvuso, sādiyissāmī’ti.
pli-tv-kd8:25.2.7	Tato cīvarabhāgaṁ gahetvā aññaṁ āvāsaṁ agamāsiṁ.
pli-tv-kd8:25.2.8	Tatthapi bhikkhū cīvaraṁ bhājetukāmā sannipatiṁsu.
pli-tv-kd8:25.2.9	Tepi maṁ evamāhaṁsu—‘imāni kho, āvuso, saṅghikāni cīvarāni bhājiyissanti, sādiyissasi bhāgan’ti?
pli-tv-kd8:25.2.10	‘Āmāvuso, sādiyissāmī’ti.
pli-tv-kd8:25.2.11	Tatopi cīvarabhāgaṁ gahetvā aññaṁ āvāsaṁ agamāsiṁ.
pli-tv-kd8:25.2.12	Tatthapi bhikkhū cīvaraṁ bhājetukāmā sannipatiṁsu.
pli-tv-kd8:25.2.13	Tepi maṁ evamāhaṁsu—‘imāni kho, āvuso, saṅghikāni cīvarāni bhājiyissanti, sādiyissasi bhāgan’ti?
pli-tv-kd8:25.2.14	‘Āmāvuso, sādiyissāmī’ti.
pli-tv-kd8:25.2.15	Tatopi cīvarabhāgaṁ aggahesiṁ.
pli-tv-kd8:25.2.16	Evaṁ me bahuṁ cīvaraṁ uppannan”ti.
pli-tv-kd8:25.3.1	“Kiṁ pana tvaṁ, āvuso upananda, aññatra vassaṁvuṭṭho aññatra cīvarabhāgaṁ sādiyī”ti?
pli-tv-kd8:25.3.2	“Evamāvuso”ti.
pli-tv-kd8:25.3.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd8:25.3.4	“kathañhi nāma āyasmā upanando sakyaputto aññatra vassaṁvuṭṭho aññatra cīvarabhāgaṁ sādiyissatī”ti.
pli-tv-kd8:25.3.5	Bhagavato etamatthaṁ ārocesuṁ …pe…
pli-tv-kd8:25.3.6	“saccaṁ kira tvaṁ, upananda, aññatra vassaṁvuṭṭho aññatra cīvarabhāgaṁ sādiyī”ti?
pli-tv-kd8:25.3.7	“Saccaṁ, bhagavā”ti.
pli-tv-kd8:25.3.8	Vigarahi buddho bhagavā …pe…
pli-tv-kd8:25.3.9	kathañhi nāma tvaṁ, moghapurisa, aññatra vassaṁvuṭṭho aññatra cīvarabhāgaṁ sādiyissasi.
pli-tv-kd8:25.3.10	Netaṁ, moghapurisa, appasannānaṁ vā pasādāya …pe…
pli-tv-kd8:25.3.11	vigarahitvā …pe…
pli-tv-kd8:25.3.12	dhammiṁ kathaṁ katvā bhikkhū āmantesi—
pli-tv-kd8:25.3.13	“na, bhikkhave, aññatra vassaṁvuṭṭhena aññatra cīvarabhāgo sāditabbo.
pli-tv-kd8:25.3.14	Yo sādiyeyya, āpatti dukkaṭassā”ti.
pli-tv-kd8:25.4.1	Tena kho pana samayena āyasmā upanando sakyaputto eko dvīsu āvāsesu vassaṁ vasi—“evaṁ me bahuṁ cīvaraṁ uppajjissatī”ti.
pli-tv-kd8:25.4.2	Atha kho tesaṁ bhikkhūnaṁ etadahosi—“kathaṁ nu kho āyasmato upanandassa sakyaputtassa cīvarapaṭivīso dātabbo”ti?
pli-tv-kd8:25.4.3	Bhagavato etamatthaṁ ārocesuṁ.
pli-tv-kd8:25.4.4	“Detha, bhikkhave, moghapurisassa ekādhippāyaṁ.
pli-tv-kd8:25.4.5	Idha pana, bhikkhave, bhikkhu eko dvīsu āvāsesu vassaṁ vasati—‘evaṁ me bahuṁ cīvaraṁ uppajjissatī’ti.
pli-tv-kd8:25.4.6	Sace amutra upaḍḍhaṁ amutra upaḍḍhaṁ vasati, amutra upaḍḍho amutra upaḍḍho cīvarapaṭivīso dātabbo.
pli-tv-kd8:25.4.7	Yattha vā pana bahutaraṁ vasati, tato cīvarapaṭivīso dātabbo”ti.
pli-tv-kd8:26.1.0	23. Gilānavatthukathā
pli-tv-kd8:26.1.1	Tena kho pana samayena aññatarassa bhikkhuno kucchivikārābādho hoti.
pli-tv-kd8:26.1.2	So sake muttakarīse palipanno seti.
pli-tv-kd8:26.1.3	Atha kho bhagavā āyasmatā ānandena pacchāsamaṇena senāsanacārikaṁ āhiṇḍanto yena tassa bhikkhuno vihāro tenupasaṅkami.
pli-tv-kd8:26.1.4	Addasā kho bhagavā taṁ bhikkhuṁ sake muttakarīse palipannaṁ sayamānaṁ, disvāna yena so bhikkhu tenupasaṅkami, upasaṅkamitvā taṁ bhikkhuṁ etadavoca—
pli-tv-kd8:26.1.5	“kiṁ te, bhikkhu, ābādho”ti?
pli-tv-kd8:26.1.6	“Kucchivikāro me, bhagavā”ti.
pli-tv-kd8:26.1.7	“Atthi pana te, bhikkhu, upaṭṭhāko”ti?
pli-tv-kd8:26.1.8	“Natthi, bhagavā”ti.
pli-tv-kd8:26.1.9	“Kissa taṁ bhikkhū na upaṭṭhentī”ti?
pli-tv-kd8:26.1.10	“Ahaṁ kho, bhante, bhikkhūnaṁ akārako;
pli-tv-kd8:26.1.11	tena maṁ bhikkhū na upaṭṭhentī”ti.
pli-tv-kd8:26.2.1	Atha kho bhagavā āyasmantaṁ ānandaṁ āmantesi—
pli-tv-kd8:26.2.2	“gacchānanda, udakaṁ āhara, imaṁ bhikkhuṁ nahāpessāmā”ti.
pli-tv-kd8:26.2.3	“Evaṁ, bhante”ti kho āyasmā ānando bhagavato paṭissuṇitvā udakaṁ āhari.
pli-tv-kd8:26.2.4	Bhagavā udakaṁ āsiñci.
pli-tv-kd8:26.2.5	Āyasmā ānando paridhovi.
pli-tv-kd8:26.2.6	Bhagavā sīsato aggahesi.
pli-tv-kd8:26.2.7	Āyasmā ānando pādato uccāretvā mañcake nipātesuṁ.
pli-tv-kd8:26.3.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd8:26.3.2	“atthi, bhikkhave, amukasmiṁ vihāre bhikkhu gilāno”ti?
pli-tv-kd8:26.3.3	“Atthi, bhagavā”ti.
pli-tv-kd8:26.3.4	“Kiṁ tassa, bhikkhave, bhikkhuno ābādho”ti?
pli-tv-kd8:26.3.5	“Tassa, bhante, āyasmato kucchivikārābādho”ti.
pli-tv-kd8:26.3.6	“Atthi pana, bhikkhave, tassa bhikkhuno upaṭṭhāko”ti?
pli-tv-kd8:26.3.7	“Natthi, bhagavā”ti.
pli-tv-kd8:26.3.8	“Kissa taṁ bhikkhū na upaṭṭhentī”ti?
pli-tv-kd8:26.3.9	“Eso, bhante, bhikkhu bhikkhūnaṁ akārako;
pli-tv-kd8:26.3.10	tena taṁ bhikkhū na upaṭṭhentī”ti.
pli-tv-kd8:26.3.11	“Natthi vo, bhikkhave, mātā, natthi pitā, ye vo upaṭṭhaheyyuṁ.
pli-tv-kd8:26.3.12	Tumhe ce, bhikkhave, aññamaññaṁ na upaṭṭhahissatha, atha ko carahi upaṭṭhahissati?
pli-tv-kd8:26.3.13	Yo, bhikkhave, maṁ upaṭṭhaheyya so gilānaṁ upaṭṭhaheyya.
pli-tv-kd8:26.4.1	Sace upajjhāyo hoti, upajjhāyena yāvajīvaṁ upaṭṭhātabbo;
pli-tv-kd8:26.4.2	vuṭṭhānamassa āgametabbaṁ.
pli-tv-kd8:26.4.3	Sace ācariyo hoti, ācariyena yāvajīvaṁ upaṭṭhātabbo;
pli-tv-kd8:26.4.4	vuṭṭhānamassa āgametabbaṁ.
pli-tv-kd8:26.4.5	Sace saddhivihāriko hoti, saddhivihārikena yāvajīvaṁ upaṭṭhātabbo;
pli-tv-kd8:26.4.6	vuṭṭhānamassa āgametabbaṁ.
pli-tv-kd8:26.4.7	Sace antevāsiko hoti, antevāsikena yāvajīvaṁ upaṭṭhātabbo;
pli-tv-kd8:26.4.8	vuṭṭhānamassa āgametabbaṁ.
pli-tv-kd8:26.4.9	Sace samānupajjhāyako hoti, samānupajjhāyakena yāvajīvaṁ upaṭṭhātabbo;
pli-tv-kd8:26.4.10	vuṭṭhānamassa āgametabbaṁ.
pli-tv-kd8:26.4.11	Sace samānācariyako hoti, samānācariyakena yāvajīvaṁ upaṭṭhātabbo;
pli-tv-kd8:26.4.12	vuṭṭhānamassa āgametabbaṁ.
pli-tv-kd8:26.4.13	Sace na hoti upajjhāyo vā ācariyo vā saddhivihāriko vā antevāsiko vā samānupajjhāyako vā samānācariyako vā saṅghena upaṭṭhātabbo.
pli-tv-kd8:26.4.14	No ce upaṭṭhaheyya, āpatti dukkaṭassa.
pli-tv-kd8:26.5.1	Pañcahi, bhikkhave, aṅgehi samannāgato gilāno dūpaṭṭho hoti—
pli-tv-kd8:26.5.2	asappāyakārī hoti, sappāye mattaṁ na jānāti, bhesajjaṁ na paṭisevitā hoti, atthakāmassa gilānupaṭṭhākassa yathābhūtaṁ ābādhaṁ nāvikattā hoti ‘abhikkamantaṁ vā abhikkamatīti, paṭikkamantaṁ vā paṭikkamatīti, ṭhitaṁ vā ṭhito’ti, uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātiko hoti.
pli-tv-kd8:26.5.3	Imehi kho, bhikkhave, pañcahaṅgehi samannāgato gilāno dūpaṭṭho hoti.
pli-tv-kd8:26.6.1	Pañcahi, bhikkhave, aṅgehi samannāgato gilāno sūpaṭṭho hoti—
pli-tv-kd8:26.6.2	sappāyakārī hoti, sappāye mattaṁ jānāti, bhesajjaṁ paṭisevitā hoti, atthakāmassa gilānupaṭṭhākassa yathābhūtaṁ ābādhaṁ āvikattā hoti ‘abhikkamantaṁ vā abhikkamatīti, paṭikkamantaṁ vā paṭikkamatīti, ṭhitaṁ vā ṭhito’ti, uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ adhivāsakajātiko hoti.
pli-tv-kd8:26.6.3	Imehi kho, bhikkhave, pañcahaṅgehi samannāgato gilāno sūpaṭṭho hoti.
pli-tv-kd8:26.7.1	Pañcahi, bhikkhave, aṅgehi samannāgato gilānupaṭṭhāko nālaṁ gilānaṁ upaṭṭhātuṁ—
pli-tv-kd8:26.7.2	na paṭibalo hoti bhesajjaṁ saṁvidhātuṁ, sappāyāsappāyaṁ na jānāti, asappāyaṁ upanāmeti sappāyaṁ apanāmeti, āmisantaro gilānaṁ upaṭṭhāti no mettacitto, jegucchī hoti uccāraṁ vā passāvaṁ vā kheḷaṁ vā vantaṁ vā nīhātuṁ, na paṭibalo hoti gilānaṁ kālena kālaṁ dhammiyā kathāya sandassetuṁ samādapetuṁ samuttejetuṁ sampahaṁsetuṁ.
pli-tv-kd8:26.7.3	Imehi kho, bhikkhave, pañcahaṅgehi samannāgato gilānupaṭṭhāko nālaṁ gilānaṁ upaṭṭhātuṁ.
pli-tv-kd8:26.8.1	Pañcahi, bhikkhave, aṅgehi samannāgato gilānupaṭṭhāko alaṁ gilānaṁ upaṭṭhātuṁ—
pli-tv-kd8:26.8.2	paṭibalo hoti bhesajjaṁ saṁvidhātuṁ, sappāyāsappāyaṁ jānāti, asappāyaṁ apanāmeti sappāyaṁ upanāmeti, mettacitto gilānaṁ upaṭṭhāti no āmisantaro, ajegucchī hoti uccāraṁ vā passāvaṁ vā kheḷaṁ vā vantaṁ vā nīhātuṁ, paṭibalo hoti gilānaṁ kālena kālaṁ dhammiyā kathāya sandassetuṁ samādapetuṁ samuttejetuṁ sampahaṁsetuṁ.
pli-tv-kd8:26.8.3	Imehi kho, bhikkhave, pañcahaṅgehi samannāgato gilānupaṭṭhāko alaṁ gilānaṁ upaṭṭhātun”ti.
pli-tv-kd8:27.1.0	24. Matasantakakathā
pli-tv-kd8:27.1.1	Tena kho pana samayena dve bhikkhū kosalesu janapade addhānamaggappaṭipannā honti.
pli-tv-kd8:27.1.2	Te aññataraṁ āvāsaṁ upagacchiṁsu.
pli-tv-kd8:27.1.3	Tattha aññataro bhikkhu gilāno hoti.
pli-tv-kd8:27.1.4	Atha kho tesaṁ bhikkhūnaṁ etadahosi—
pli-tv-kd8:27.1.5	“bhagavatā kho, āvuso, gilānupaṭṭhānaṁ vaṇṇitaṁ.
pli-tv-kd8:27.1.6	Handa mayaṁ, āvuso, imaṁ bhikkhuṁ upaṭṭhahemā”ti.
pli-tv-kd8:27.1.7	Te taṁ upaṭṭhahiṁsu.
pli-tv-kd8:27.1.8	So tehi upaṭṭhahiyamāno kālamakāsi.
pli-tv-kd8:27.1.9	Atha kho te bhikkhū tassa bhikkhuno pattacīvaramādāya sāvatthiṁ gantvā bhagavato etamatthaṁ ārocesuṁ.
pli-tv-kd8:27.2.1	“Bhikkhussa, bhikkhave, kālaṅkate saṅgho sāmī pattacīvare,
pli-tv-kd8:27.2.2	api ca gilānupaṭṭhākā bahūpakārā.
pli-tv-kd8:27.2.3	Anujānāmi, bhikkhave, saṅghena ticīvarañca pattañca gilānupaṭṭhākānaṁ dātuṁ.
pli-tv-kd8:27.2.4	Evañca pana, bhikkhave, dātabbaṁ.
pli-tv-kd8:27.2.5	Tena gilānupaṭṭhākena bhikkhunā saṅghaṁ upasaṅkamitvā evamassa vacanīyo—
pli-tv-kd8:27.2.6	‘itthannāmo, bhante, bhikkhu kālaṅkato.
pli-tv-kd8:27.2.7	Idaṁ tassa ticīvarañca patto cā’ti.
pli-tv-kd8:27.2.8	Byattena bhikkhunā paṭibalena saṅgho ñāpetabbo—
pli-tv-kd8:27.2.9	‘Suṇātu me, bhante, saṅgho.
pli-tv-kd8:27.2.10	Itthannāmo bhikkhu kālaṅkato.
pli-tv-kd8:27.2.11	Idaṁ tassa ticīvarañca patto ca.
pli-tv-kd8:27.2.12	Yadi saṅghassa pattakallaṁ, saṅgho imaṁ ticīvarañca pattañca gilānupaṭṭhākānaṁ dadeyya.
pli-tv-kd8:27.2.13	Esā ñatti.
pli-tv-kd8:27.2.14	Suṇātu me, bhante, saṅgho.
pli-tv-kd8:27.2.15	Itthannāmo bhikkhu kālaṅkato.
pli-tv-kd8:27.2.16	Idaṁ tassa ticīvarañca patto ca.
pli-tv-kd8:27.2.17	Saṅgho imaṁ ticīvarañca pattañca gilānupaṭṭhākānaṁ deti.
pli-tv-kd8:27.2.18	Yassāyasmato khamati imassa ticīvarassa ca pattassa ca gilānupaṭṭhākānaṁ dānaṁ, so tuṇhassa;
pli-tv-kd8:27.2.19	yassa nakkhamati, so bhāseyya.
pli-tv-kd8:27.2.20	Dinnaṁ idaṁ saṅghena ticīvarañca patto ca gilānupaṭṭhākānaṁ.
pli-tv-kd8:27.2.21	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd8:27.3.1	Tena kho pana samayena aññataro sāmaṇero kālaṅkato hoti.
pli-tv-kd8:27.3.2	Bhagavato etamatthaṁ ārocesuṁ.
pli-tv-kd8:27.3.3	“Sāmaṇerassa, bhikkhave, kālaṅkate saṅgho sāmī pattacīvare,
pli-tv-kd8:27.3.4	api ca gilānupaṭṭhākā bahūpakārā.
pli-tv-kd8:27.3.5	Anujānāmi, bhikkhave, saṅghena cīvarañca pattañca gilānupaṭṭhākānaṁ dātuṁ.
pli-tv-kd8:27.3.6	Evañca pana, bhikkhave, dātabbaṁ.
pli-tv-kd8:27.3.7	Tena gilānupaṭṭhākena bhikkhunā saṅghaṁ upasaṅkamitvā evamassa vacanīyo—
pli-tv-kd8:27.3.8	‘itthannāmo, bhante, sāmaṇero kālaṅkato, idaṁ tassa cīvarañca patto cā’ti.
pli-tv-kd8:27.3.9	Byattena bhikkhunā paṭibalena saṅgho ñāpetabbo—
pli-tv-kd8:27.3.10	‘Suṇātu me, bhante, saṅgho.
pli-tv-kd8:27.3.11	Itthannāmo sāmaṇero kālaṅkato.
pli-tv-kd8:27.3.12	Idaṁ tassa cīvarañca patto ca.
pli-tv-kd8:27.3.13	Yadi saṅghassa pattakallaṁ, saṅgho imaṁ cīvarañca pattañca gilānupaṭṭhākānaṁ dadeyya.
pli-tv-kd8:27.3.14	Esā ñatti.
pli-tv-kd8:27.3.15	Suṇātu me, bhante, saṅgho.
pli-tv-kd8:27.3.16	Itthannāmo sāmaṇero kālaṅkato.
pli-tv-kd8:27.3.17	Idaṁ tassa cīvarañca patto ca.
pli-tv-kd8:27.3.18	Saṅgho imaṁ cīvarañca pattañca gilānupaṭṭhākānaṁ deti.
pli-tv-kd8:27.3.19	Yassāyasmato khamati imassa cīvarassa ca pattassa ca gilānupaṭṭhākānaṁ dānaṁ, so tuṇhassa;
pli-tv-kd8:27.3.20	yassa nakkhamati, so bhāseyya.
pli-tv-kd8:27.3.21	Dinnaṁ idaṁ saṅghena cīvarañca patto ca gilānupaṭṭhākānaṁ.
pli-tv-kd8:27.3.22	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd8:27.4.1	Tena kho pana samayena aññataro bhikkhu ca sāmaṇero ca gilānaṁ upaṭṭhahiṁsu.
pli-tv-kd8:27.4.2	So tehi upaṭṭhahiyamāno kālamakāsi.
pli-tv-kd8:27.4.3	Atha kho tassa gilānupaṭṭhākassa bhikkhuno etadahosi—
pli-tv-kd8:27.4.4	“kathaṁ nu kho gilānupaṭṭhākassa sāmaṇerassa cīvarapaṭivīso dātabbo”ti?
pli-tv-kd8:27.4.5	Bhagavato etamatthaṁ ārocesuṁ.
pli-tv-kd8:27.4.6	“Anujānāmi, bhikkhave, gilānupaṭṭhākassa sāmaṇerassa samakaṁ paṭivīsaṁ dātun”ti.
pli-tv-kd8:27.5.1	Tena kho pana samayena aññataro bhikkhu bahubhaṇḍo bahuparikkhāro kālaṅkato hoti.
pli-tv-kd8:27.5.2	Bhagavato etamatthaṁ ārocesuṁ.
pli-tv-kd8:27.5.3	“Bhikkhussa, bhikkhave, kālaṅkate saṅgho sāmī pattacīvare,
pli-tv-kd8:27.5.4	api ca gilānupaṭṭhākā bahūpakārā.
pli-tv-kd8:27.5.5	Anujānāmi, bhikkhave, saṅghena ticīvarañca pattañca gilānupaṭṭhākānaṁ dātuṁ.
pli-tv-kd8:27.5.6	Yaṁ tattha lahubhaṇḍaṁ lahuparikkhāraṁ taṁ sammukhībhūtena saṅghena bhājetuṁ.
pli-tv-kd8:27.5.7	Yaṁ tattha garubhaṇḍaṁ garuparikkhāraṁ taṁ āgatānāgatassa cātuddisassa saṅghassa avissajjikaṁ avebhaṅgikan”ti.
pli-tv-kd8:28.1.0	25. Naggiyapaṭikkhepakathā
pli-tv-kd8:28.1.1	Tena kho pana samayena aññataro bhikkhu naggo hutvā yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd8:28.1.2	“bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.
pli-tv-kd8:28.1.3	Idaṁ, bhante, naggiyaṁ anekapariyāyena appicchatāya santuṭṭhitāya sallekhāya dhutatāya pāsādikatāya apacayāya vīriyārambhāya saṁvattati.
pli-tv-kd8:28.1.4	Sādhu, bhante, bhagavā bhikkhūnaṁ naggiyaṁ anujānātū”ti.
pli-tv-kd8:28.1.5	Vigarahi buddho bhagavā—
pli-tv-kd8:28.1.6	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd8:28.1.7	Kathañhi nāma tvaṁ, moghapurisa, naggiyaṁ titthiyasamādānaṁ samādiyissasi.
pli-tv-kd8:28.1.8	Netaṁ, moghapurisa, appasannānaṁ vā pasādāya …pe…
pli-tv-kd8:28.1.9	vigarahitvā …pe…
pli-tv-kd8:28.1.10	dhammiṁ kathaṁ katvā bhikkhū āmantesi—
pli-tv-kd8:28.1.11	“na, bhikkhave, naggiyaṁ titthiyasamādānaṁ samādiyitabbaṁ.
pli-tv-kd8:28.1.12	Yo samādiyeyya, āpatti thullaccayassā”ti.
pli-tv-kd8:28.2.0	26. Kusacīrādipaṭikkhepakathā
pli-tv-kd8:28.2.1	Tena kho pana samayena aññataro bhikkhu kusacīraṁ nivāsetvā …pe…
pli-tv-kd8:28.2.2	vākacīraṁ nivāsetvā …pe…
pli-tv-kd8:28.2.3	phalakacīraṁ nivāsetvā …pe…
pli-tv-kd8:28.2.4	kesakambalaṁ nivāsetvā …pe…
pli-tv-kd8:28.2.5	vāḷakambalaṁ nivāsetvā …pe…
pli-tv-kd8:28.2.6	ulūkapakkhaṁ nivāsetvā …pe…
pli-tv-kd8:28.2.7	ajinakkhipaṁ nivāsetvā
pli-tv-kd8:28.2.8	yena bhagavā tenupasaṅkami; upasaṅkamitvā bhagavantaṁ etadavoca—
pli-tv-kd8:28.2.9	“bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.
pli-tv-kd8:28.2.10	Idaṁ, bhante, ajinakkhipaṁ anekapariyāyena appicchatāya santuṭṭhitāya sallekhāya dhutatāya pāsādikatāya apacayāya vīriyārambhāya saṁvattati.
pli-tv-kd8:28.2.11	Sādhu, bhante, bhagavā bhikkhūnaṁ ajinakkhipaṁ anujānātū”ti.
pli-tv-kd8:28.2.12	Vigarahi buddho bhagavā—
pli-tv-kd8:28.2.13	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd8:28.2.14	Kathañhi nāma tvaṁ, moghapurisa, ajinakkhipaṁ titthiyadhajaṁ dhāressasi.
pli-tv-kd8:28.2.15	Netaṁ, moghapurisa, appasannānaṁ vā pasādāya …pe…
pli-tv-kd8:28.2.16	vigarahitvā …pe…
pli-tv-kd8:28.2.17	dhammiṁ kathaṁ katvā bhikkhū āmantesi—
pli-tv-kd8:28.2.18	“na, bhikkhave, ajinakkhipaṁ titthiyadhajaṁ dhāretabbaṁ.
pli-tv-kd8:28.2.19	Yo dhāreyya, āpatti thullaccayassā”ti.
pli-tv-kd8:28.3.1	Tena kho pana samayena aññataro bhikkhu akkanāḷaṁ nivāsetvā …pe…
pli-tv-kd8:28.3.2	potthakaṁ nivāsetvā yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd8:28.3.3	“bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa, vaṇṇavādī.
pli-tv-kd8:28.3.4	Ayaṁ, bhante, potthako anekapariyāyena appicchatāya santuṭṭhitāya sallekhāya dhutatāya pāsādikatāya apacayāya vīriyārambhāya saṁvattati.
pli-tv-kd8:28.3.5	Sādhu, bhante, bhagavā bhikkhūnaṁ potthakaṁ anujānātū”ti.
pli-tv-kd8:28.3.6	Vigarahi buddho bhagavā—
pli-tv-kd8:28.3.7	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd8:28.3.8	Kathañhi nāma tvaṁ, moghapurisa, potthakaṁ nivāsessasi.
pli-tv-kd8:28.3.9	Netaṁ, moghapurisa, appasannānaṁ vā pasādāya …pe…
pli-tv-kd8:28.3.10	vigarahitvā …pe…
pli-tv-kd8:28.3.11	dhammiṁ kathaṁ katvā bhikkhū āmantesi—
pli-tv-kd8:28.3.12	“na, bhikkhave, potthako nivāsetabbo.
pli-tv-kd8:28.3.13	Yo nivāseyya, āpatti dukkaṭassā”ti.
pli-tv-kd8:29.1.0	27. Sabbanīlakādipaṭikkhepakathā
pli-tv-kd8:29.1.1	Tena kho pana samayena chabbaggiyā bhikkhū sabbanīlakāni cīvarāni dhārenti …pe…
pli-tv-kd8:29.1.2	sabbapītakāni cīvarāni dhārenti …pe…
pli-tv-kd8:29.1.3	sabbalohitakāni cīvarāni dhārenti …pe…
pli-tv-kd8:29.1.4	sabbamañjiṭṭhakāni cīvarāni dhārenti …pe…
pli-tv-kd8:29.1.5	sabbakaṇhāni cīvarāni dhārenti …pe…
pli-tv-kd8:29.1.6	sabbamahāraṅgarattāni cīvarāni dhārenti …pe…
pli-tv-kd8:29.1.7	sabbamahānāmarattāni cīvarāni dhārenti …pe…
pli-tv-kd8:29.1.8	acchinnadasāni cīvarāni dhārenti …pe…
pli-tv-kd8:29.1.9	dīghadasāni cīvarāni dhārenti …pe…
pli-tv-kd8:29.1.10	pupphadasāni cīvarāni dhārenti …pe…
pli-tv-kd8:29.1.11	phaṇadasāni cīvarāni dhārenti …pe…
pli-tv-kd8:29.1.12	kañcukaṁ dhārenti …pe…
pli-tv-kd8:29.1.13	tirīṭakaṁ dhārenti …pe…
pli-tv-kd8:29.1.14	veṭhanaṁ dhārenti.
pli-tv-kd8:29.1.15	Manussā ujjhāyanti khiyyanti vipācenti—
pli-tv-kd8:29.1.16	“kathañhi nāma samaṇā sakyaputtiyā veṭhanaṁ dhāressanti, seyyathāpi gihī kāmabhogino”ti.
pli-tv-kd8:29.1.17	Bhagavato etamatthaṁ ārocesuṁ.
pli-tv-kd8:29.1.18	“Na, bhikkhave, sabbanīlakāni cīvarāni dhāretabbāni, na sabbapītakāni cīvarāni dhāretabbāni, na sabbalohitakāni cīvarāni dhāretabbāni, na sabbamañjiṭṭhakāni cīvarāni dhāretabbāni, na sabbakaṇhāni cīvarāni dhāretabbāni, na sabbamahāraṅgarattāni cīvarāni dhāretabbāni, na sabbamahānāmarattāni cīvarāni dhāretabbāni, na acchinnadasāni cīvarāni dhāretabbāni, na dīghadasāni cīvarāni dhāretabbāni, na pupphadasāni cīvarāni dhāretabbāni, na phaṇadasāni cīvarāni dhāretabbāni, na kañcukaṁ dhāretabbaṁ, na tirīṭakaṁ dhāretabbaṁ, na veṭhanaṁ dhāretabbaṁ.
pli-tv-kd8:29.1.19	Yo dhāreyya, āpatti dukkaṭassā”ti.
pli-tv-kd8:30.1.0	28. Vassaṁvuṭṭhānaṁanuppannacīvarakathā
pli-tv-kd8:30.1.1	Tena kho pana samayena vassaṁvuṭṭhā bhikkhū anuppanne cīvare pakkamantipi, vibbhamantipi, kālampi karonti, sāmaṇerāpi paṭijānanti, sikkhaṁ paccakkhātakāpi paṭijānanti, antimavatthuṁ ajjhāpannakāpi paṭijānanti, ummattakāpi paṭijānanti, khittacittāpi paṭijānanti, vedanāṭṭāpi paṭijānanti, āpattiyā adassane ukkhittakāpi paṭijānanti, āpattiyā appaṭikamme ukkhittakāpi paṭijānanti, pāpikāya diṭṭhiyā appaṭinissagge ukkhittakāpi paṭijānanti, paṇḍakāpi paṭijānanti, theyyasaṁvāsakāpi paṭijānanti, titthiyapakkantakāpi paṭijānanti, tiracchānagatāpi paṭijānanti, mātughātakāpi paṭijānanti, pitughātakāpi paṭijānanti, arahantaghātakāpi paṭijānanti, bhikkhunidūsakāpi paṭijānanti, saṅghabhedakāpi paṭijānanti, lohituppādakāpi paṭijānanti, ubhatobyañjanakāpi paṭijānanti.
pli-tv-kd8:30.1.2	Bhagavato etamatthaṁ ārocesuṁ.
pli-tv-kd8:30.2.1	“Idha pana, bhikkhave, vassaṁvuṭṭho bhikkhu anuppanne cīvare pakkamati, sante patirūpe gāhake dātabbaṁ.
pli-tv-kd8:30.2.2	Idha pana, bhikkhave, vassaṁvuṭṭho bhikkhu anuppanne cīvare vibbhamati, kālaṁ karoti, sāmaṇero paṭijānāti, sikkhaṁ paccakkhātako paṭijānāti, antimavatthuṁ ajjhāpannako paṭijānāti, saṅgho sāmī.
pli-tv-kd8:30.2.3	Idha pana, bhikkhave, vassaṁvuṭṭho bhikkhu anuppanne cīvare ummattako paṭijānāti, khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, sante patirūpe gāhake dātabbaṁ.
pli-tv-kd8:30.2.4	Idha pana, bhikkhave, vassaṁvuṭṭho bhikkhu anuppanne cīvare paṇḍako paṭijānāti, theyyasaṁvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti, saṅgho sāmī.
pli-tv-kd8:30.3.1	Idha pana, bhikkhave, vassaṁvuṭṭho bhikkhu uppanne cīvare abhājite pakkamati, sante patirūpe gāhake dātabbaṁ.
pli-tv-kd8:30.3.2	Idha pana, bhikkhave, vassaṁvuṭṭho bhikkhu uppanne cīvare abhājite vibbhamati, kālaṁ karoti, sāmaṇero paṭijānāti, sikkhaṁ paccakkhātako paṭijānāti, antimavatthuṁ ajjhāpannako paṭijānāti, saṅgho sāmī.
pli-tv-kd8:30.3.3	Idha pana, bhikkhave, vassaṁvuṭṭho bhikkhu uppanne cīvare abhājite ummattako paṭijānāti. Khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, sante patirūpe gāhake dātabbaṁ.
pli-tv-kd8:30.3.4	Idha pana, bhikkhave, vassaṁvuṭṭho bhikkhu uppanne cīvare abhājite paṇḍako paṭijānāti, theyyasaṁvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti, saṅgho sāmī.
pli-tv-kd8:30.4.0	29. Saṅghebhinnecīvaruppādakathā
pli-tv-kd8:30.4.1	Idha pana, bhikkhave, vassaṁvuṭṭhānaṁ bhikkhūnaṁ anuppanne cīvare saṅgho bhijjati.
pli-tv-kd8:30.4.2	Tattha manussā ekasmiṁ pakkhe udakaṁ denti, ekasmiṁ pakkhe cīvaraṁ denti—
pli-tv-kd8:30.4.3	saṅghassa demāti.
pli-tv-kd8:30.4.4	Saṅghassevetaṁ.
pli-tv-kd8:30.4.5	Idha pana, bhikkhave, vassaṁvuṭṭhānaṁ bhikkhūnaṁ anuppanne cīvare saṅgho bhijjati.
pli-tv-kd8:30.4.6	Tattha manussā ekasmiṁ pakkhe udakaṁ denti, tasmiṁyeva pakkhe cīvaraṁ denti—
pli-tv-kd8:30.4.7	saṅghassa demāti.
pli-tv-kd8:30.4.8	Saṅghassevetaṁ.
pli-tv-kd8:30.5.1	Idha pana, bhikkhave, vassaṁvuṭṭhānaṁ bhikkhūnaṁ anuppanne cīvare saṅgho bhijjati.
pli-tv-kd8:30.5.2	Tattha manussā ekasmiṁ pakkhe udakaṁ denti, ekasmiṁ pakkhe cīvaraṁ denti—
pli-tv-kd8:30.5.3	pakkhassa demāti.
pli-tv-kd8:30.5.4	Pakkhassevetaṁ.
pli-tv-kd8:30.5.5	Idha pana, bhikkhave, vassaṁvuṭṭhānaṁ bhikkhūnaṁ anuppanne cīvare saṅgho bhijjati.
pli-tv-kd8:30.5.6	Tattha manussā ekasmiṁ pakkhe udakaṁ denti, tasmiṁyeva pakkhe cīvaraṁ denti—
pli-tv-kd8:30.5.7	pakkhassa demāti.
pli-tv-kd8:30.5.8	Pakkhassevetaṁ.
pli-tv-kd8:30.6.1	Idha pana, bhikkhave, vassaṁvuṭṭhānaṁ bhikkhūnaṁ uppanne cīvare abhājite saṅgho bhijjati.
pli-tv-kd8:30.6.2	Sabbesaṁ samakaṁ bhājetabban”ti.
pli-tv-kd8:31.1.0	30. Duggahitasuggahitādikathā
pli-tv-kd8:31.1.1	Tena kho pana samayena āyasmā revato aññatarassa bhikkhuno hatthe āyasmato sāriputtassa cīvaraṁ pāhesi—
pli-tv-kd8:31.1.2	“imaṁ cīvaraṁ therassa dehī”ti.
pli-tv-kd8:31.1.3	Atha kho so bhikkhu antarāmagge āyasmato revatassa vissāsā taṁ cīvaraṁ aggahesi.
pli-tv-kd8:31.1.4	Atha kho āyasmā revato āyasmatā sāriputtena samāgantvā pucchi—
pli-tv-kd8:31.1.5	“ahaṁ, bhante, therassa cīvaraṁ pāhesiṁ.
pli-tv-kd8:31.1.6	Sampattaṁ taṁ cīvaran”ti?
pli-tv-kd8:31.1.7	“Nāhaṁ taṁ, āvuso, cīvaraṁ passāmī”ti.
pli-tv-kd8:31.1.8	Atha kho āyasmā revato taṁ bhikkhuṁ etadavoca—
pli-tv-kd8:31.1.9	“ahaṁ, āvuso, āyasmato hatthe therassa cīvaraṁ pāhesiṁ.
pli-tv-kd8:31.1.10	Kahaṁ taṁ cīvaran”ti?
pli-tv-kd8:31.1.11	“Ahaṁ, bhante, āyasmato vissāsā taṁ cīvaraṁ aggahesin”ti.
pli-tv-kd8:31.1.12	Bhagavato etamatthaṁ ārocesuṁ.
pli-tv-kd8:31.2.1	“Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.2.2	‘imaṁ cīvaraṁ itthannāmassa dehī’ti.
pli-tv-kd8:31.2.3	So antarāmagge yo pahiṇati tassa vissāsā gaṇhāti.
pli-tv-kd8:31.2.4	Suggahitaṁ.
pli-tv-kd8:31.2.5	Yassa pahiyyati tassa vissāsā gaṇhāti.
pli-tv-kd8:31.2.6	Duggahitaṁ.
pli-tv-kd8:31.2.7	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.2.8	‘imaṁ cīvaraṁ itthannāmassa dehī’ti.
pli-tv-kd8:31.2.9	So antarāmagge yassa pahiyyati tassa vissāsā gaṇhāti.
pli-tv-kd8:31.2.10	Duggahitaṁ.
pli-tv-kd8:31.2.11	Yo pahiṇati tassa vissāsā gaṇhāti.
pli-tv-kd8:31.2.12	Suggahitaṁ.
pli-tv-kd8:31.2.13	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.2.14	‘imaṁ cīvaraṁ itthannāmassa dehī’ti.
pli-tv-kd8:31.2.15	So antarāmagge suṇāti—
pli-tv-kd8:31.2.16	‘yo pahiṇati so kālaṅkato’ti.
pli-tv-kd8:31.2.17	Tassa matakacīvaraṁ adhiṭṭhāti.
pli-tv-kd8:31.2.18	Svādhiṭṭhitaṁ.
pli-tv-kd8:31.2.19	Yassa pahiyyati tassa vissāsā gaṇhāti.
pli-tv-kd8:31.2.20	Duggahitaṁ.
pli-tv-kd8:31.2.21	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.2.22	‘imaṁ cīvaraṁ itthannāmassa dehī’ti.
pli-tv-kd8:31.2.23	So antarāmagge suṇāti—
pli-tv-kd8:31.2.24	‘yassa pahiyyati so kālaṅkato’ti.
pli-tv-kd8:31.2.25	Tassa matakacīvaraṁ adhiṭṭhāti.
pli-tv-kd8:31.2.26	Dvādhiṭṭhitaṁ.
pli-tv-kd8:31.2.27	Yo pahiṇati tassa vissāsā gaṇhāti.
pli-tv-kd8:31.2.28	Suggahitaṁ.
pli-tv-kd8:31.2.29	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.2.30	‘imaṁ cīvaraṁ itthannāmassa dehī’ti.
pli-tv-kd8:31.2.31	So antarāmagge suṇāti—
pli-tv-kd8:31.2.32	‘ubho kālaṅkatā’ti.
pli-tv-kd8:31.2.33	Yo pahiṇati tassa matakacīvaraṁ adhiṭṭhāti.
pli-tv-kd8:31.2.34	Svādhiṭṭhitaṁ.
pli-tv-kd8:31.2.35	Yassa pahiyyati tassa matakacīvaraṁ adhiṭṭhāti.
pli-tv-kd8:31.2.36	Dvādhiṭṭhitaṁ.
pli-tv-kd8:31.3.1	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.3.2	‘imaṁ cīvaraṁ itthannāmassa dammī’ti.
pli-tv-kd8:31.3.3	So antarāmagge yo pahiṇati tassa vissāsā gaṇhāti.
pli-tv-kd8:31.3.4	Duggahitaṁ.
pli-tv-kd8:31.3.5	Yassa pahiyyati tassa vissāsā gaṇhāti.
pli-tv-kd8:31.3.6	Suggahitaṁ.
pli-tv-kd8:31.3.7	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.3.8	‘imaṁ cīvaraṁ itthannāmassa dammī’ti.
pli-tv-kd8:31.3.9	So antarāmagge yassa pahiyyati tassa vissāsā gaṇhāti.
pli-tv-kd8:31.3.10	Suggahitaṁ.
pli-tv-kd8:31.3.11	Yo pahiṇati tassa vissāsā gaṇhāti.
pli-tv-kd8:31.3.12	Duggahitaṁ.
pli-tv-kd8:31.3.13	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.3.14	‘imaṁ cīvaraṁ itthannāmassa dammī’ti.
pli-tv-kd8:31.3.15	So antarāmagge suṇāti—
pli-tv-kd8:31.3.16	‘yo pahiṇati so kālaṅkato’ti.
pli-tv-kd8:31.3.17	Tassa matakacīvaraṁ adhiṭṭhāti.
pli-tv-kd8:31.3.18	Dvādhiṭṭhitaṁ.
pli-tv-kd8:31.3.19	Yassa pahiyyati tassa vissāsā gaṇhāti.
pli-tv-kd8:31.3.20	Suggahitaṁ.
pli-tv-kd8:31.3.21	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.3.22	‘imaṁ cīvaraṁ itthannāmassa dammī’ti.
pli-tv-kd8:31.3.23	So antarāmagge suṇāti—
pli-tv-kd8:31.3.24	‘yassa pahiyyati so kālaṅkato’ti.
pli-tv-kd8:31.3.25	Tassa matakacīvaraṁ adhiṭṭhāti.
pli-tv-kd8:31.3.26	Svādhiṭṭhitaṁ.
pli-tv-kd8:31.3.27	Yo pahiṇati tassa vissāsā gaṇhāti.
pli-tv-kd8:31.3.28	Duggahitaṁ.
pli-tv-kd8:31.3.29	Idha pana, bhikkhave, bhikkhu bhikkhussa hatthe cīvaraṁ pahiṇati—
pli-tv-kd8:31.3.30	‘imaṁ cīvaraṁ itthannāmassa dammī’ti.
pli-tv-kd8:31.3.31	So antarāmagge suṇāti ‘ubho kālaṅkatā’ti.
pli-tv-kd8:31.3.32	Yo pahiṇati tassa matakacīvaraṁ adhiṭṭhāti.
pli-tv-kd8:31.3.33	Dvādhiṭṭhitaṁ.
pli-tv-kd8:31.3.34	Yassa pahiyyati tassa matakacīvaraṁ adhiṭṭhāti.
pli-tv-kd8:31.3.35	Svādhiṭṭhitaṁ.
pli-tv-kd8:32.1.0	31. Aṭṭhacīvaramātikā
pli-tv-kd8:32.1.1	Aṭṭhimā, bhikkhave, mātikā cīvarassa uppādāya—
pli-tv-kd8:32.1.2	sīmāya deti, katikāya deti, bhikkhāpaññattiyā deti, saṅghassa deti, ubhatosaṅghassa deti, vassaṁvuṭṭhasaṅghassa deti, ādissa deti, puggalassa deti.
pli-tv-kd8:32.1.3	Sīmāya deti—
pli-tv-kd8:32.1.4	yāvatikā bhikkhū antosīmagatā tehi bhājetabbaṁ.
pli-tv-kd8:32.1.5	Katikāya deti—
pli-tv-kd8:32.1.6	sambahulā āvāsā samānalābhā honti ekasmiṁ āvāse dinne sabbattha dinnaṁ hoti.
pli-tv-kd8:32.1.7	Bhikkhāpaññattiyā deti, yattha saṅghassa dhuvakārā kariyyanti, tattha deti.
pli-tv-kd8:32.1.8	Saṅghassa deti, sammukhībhūtena saṅghena bhājetabbaṁ.
pli-tv-kd8:32.1.9	Ubhatosaṅghassa deti, bahukāpi bhikkhū honti, ekā bhikkhunī hoti, upaḍḍhaṁ dātabbaṁ, bahukāpi bhikkhuniyo honti, eko bhikkhu hoti, upaḍḍhaṁ dātabbaṁ.
pli-tv-kd8:32.1.10	Vassaṁvuṭṭhasaṅghassa deti, yāvatikā bhikkhū tasmiṁ āvāse vassaṁvuṭṭhā, tehi bhājetabbaṁ.
pli-tv-kd8:32.1.11	Ādissa deti, yāguyā vā bhatte vā khādanīye vā cīvare vā senāsane vā bhesajje vā.
pli-tv-kd8:32.1.12	Puggalassa deti—
pli-tv-kd8:32.1.13	‘imaṁ cīvaraṁ itthannāmassa dammī’”ti.
pli-tv-kd8:32.1.14	Cīvarakkhandhako aṭṭhamo.
pli-tv-kd8:32.1.15	Tassuddānaṁ
pli-tv-kd8:32.1.16	Rājagahako negamo,
pli-tv-kd8:32.1.17	disvā vesāliyaṁ gaṇiṁ;
pli-tv-kd8:32.1.18	Puna rājagahaṁ gantvā,
pli-tv-kd8:32.1.19	rañño taṁ paṭivedayi.
pli-tv-kd8:32.1.20	Putto sālavatikāya,
pli-tv-kd8:32.1.21	abhayassa hi atrajo;
pli-tv-kd8:32.1.22	Jīvatīti kumārena,
pli-tv-kd8:32.1.23	saṅkhāto jīvako iti.
pli-tv-kd8:32.1.24	So hi takkasīlaṁ gantvā,
pli-tv-kd8:32.1.25	uggahetvā mahābhiso;
pli-tv-kd8:32.1.26	Sattavassikaābādhaṁ,
pli-tv-kd8:32.1.27	natthukammena nāsayi.
pli-tv-kd8:32.1.28	Rañño bhagandalābādhaṁ,
pli-tv-kd8:32.1.29	ālepena apākaḍḍhi;
pli-tv-kd8:32.1.30	Mamañca itthāgārañca,
pli-tv-kd8:32.1.31	buddhasaṅghaṁ cupaṭṭhahi.
pli-tv-kd8:32.1.32	Rājagahako ca seṭṭhi,
pli-tv-kd8:32.1.33	antagaṇṭhi tikicchitaṁ;
pli-tv-kd8:32.1.34	Pajjotassa mahārogaṁ,
pli-tv-kd8:32.1.35	ghatapānena nāsayi.
pli-tv-kd8:32.1.36	Adhikārañca siveyyaṁ,
pli-tv-kd8:32.1.37	abhisannaṁ sinehati;
pli-tv-kd8:32.1.38	Tīhi uppalahatthehi,
pli-tv-kd8:32.1.39	samattiṁsavirecanaṁ.
pli-tv-kd8:32.1.40	Pakatattaṁ varaṁ yāci,
pli-tv-kd8:32.1.41	siveyyañca paṭiggahi;
pli-tv-kd8:32.1.42	Cīvarañca gihidānaṁ,
pli-tv-kd8:32.1.43	anuññāsi tathāgato.
pli-tv-kd8:32.1.44	Rājagahe janapade,
pli-tv-kd8:32.1.45	bahuṁ uppajji cīvaraṁ;
pli-tv-kd8:32.1.46	Pāvāro kosiyañceva,
pli-tv-kd8:32.1.47	kojavo aḍḍhakāsikaṁ.
pli-tv-kd8:32.1.48	Uccāvacā ca santuṭṭhi,
pli-tv-kd8:32.1.49	nāgamesāgamesuṁ ca;
pli-tv-kd8:32.1.50	Paṭhamaṁ pacchā sadisā,
pli-tv-kd8:32.1.51	katikā ca paṭiharuṁ.
pli-tv-kd8:32.1.52	Bhaṇḍāgāraṁ aguttañca,
pli-tv-kd8:32.1.53	vuṭṭhāpenti tatheva ca;
pli-tv-kd8:32.1.54	Ussannaṁ kolāhalañca,
pli-tv-kd8:32.1.55	kathaṁ bhāje kathaṁ dade.
pli-tv-kd8:32.1.56	Sakātirekabhāgena,
pli-tv-kd8:32.1.57	paṭivīso kathaṁ dade;
pli-tv-kd8:32.1.58	Chakaṇena sītudakā,
pli-tv-kd8:32.1.59	uttaritu na jānare.
pli-tv-kd8:32.1.60	Oropentā bhājanañca,
pli-tv-kd8:32.1.61	pātiyā ca chamāya ca;
pli-tv-kd8:32.1.62	Upacikā majjhe jīranti,
pli-tv-kd8:32.1.63	ekato patthinnena ca.
pli-tv-kd8:32.1.64	Pharusācchinnacchibandhā,
pli-tv-kd8:32.1.65	addasāsi ubbhaṇḍite;
pli-tv-kd8:32.1.66	Vīmaṁsitvā sakyamuni,
pli-tv-kd8:32.1.67	anuññāsi ticīvaraṁ.
pli-tv-kd8:32.1.68	Aññena atirekena,
pli-tv-kd8:32.1.69	uppajji chiddameva ca;
pli-tv-kd8:32.1.70	Cātuddīpo varaṁ yāci,
pli-tv-kd8:32.1.71	dātuṁ vassikasāṭikaṁ.
pli-tv-kd8:32.1.72	Āgantugamigilānaṁ,
pli-tv-kd8:32.1.73	upaṭṭhākañca bhesajjaṁ;
pli-tv-kd8:32.1.74	Dhuvaṁ udakasāṭiñca,
pli-tv-kd8:32.1.75	paṇītaṁ atikhuddakaṁ.
pli-tv-kd8:32.1.76	Thullakacchumukhaṁ khomaṁ,
pli-tv-kd8:32.1.77	paripuṇṇaṁ adhiṭṭhānaṁ;
pli-tv-kd8:32.1.78	Pacchimaṁ kato garuko,
pli-tv-kd8:32.1.79	vikaṇṇo suttamokiri.
pli-tv-kd8:32.1.80	Lujjanti nappahonti,
pli-tv-kd8:32.1.81	ca anvādhikaṁ bahūni ca;
pli-tv-kd8:32.1.82	Andhavane assatiyā,
pli-tv-kd8:32.1.83	eko vassaṁ utumhi ca.
pli-tv-kd8:32.1.84	Dve bhātukā rājagahe,
pli-tv-kd8:32.1.85	upanando puna dvisu;
pli-tv-kd8:32.1.86	Kucchivikāro gilāno,
pli-tv-kd8:32.1.87	ubho ceva gilānakā.
pli-tv-kd8:32.1.88	Naggā kusā vākacīraṁ,
pli-tv-kd8:32.1.89	phalako kesakambalaṁ;
pli-tv-kd8:32.1.90	Vāḷaulūkapakkhañca,
pli-tv-kd8:32.1.91	ajinaṁ akkanāḷakaṁ.
pli-tv-kd8:32.1.92	Potthakaṁ nīlapītañca,
pli-tv-kd8:32.1.93	lohitaṁ mañjiṭṭhena ca;
pli-tv-kd8:32.1.94	Kaṇhā mahāraṅganāma,
pli-tv-kd8:32.1.95	acchinnadasikā tathā.
pli-tv-kd8:32.1.96	Dīghapupphaphaṇadasā,
pli-tv-kd8:32.1.97	kañcutirīṭaveṭhanaṁ;
pli-tv-kd8:32.1.98	Anuppanne pakkamati,
pli-tv-kd8:32.1.99	saṅgho bhijjati tāvade.
pli-tv-kd8:32.1.100	Pakkhe dadanti saṅghassa,
pli-tv-kd8:32.1.101	āyasmā revato pahi;
pli-tv-kd8:32.1.102	Vissāsagāhādhiṭṭhāti,
pli-tv-kd8:32.1.103	aṭṭha cīvaramātikāti.
pli-tv-kd8:32.1.104	Imamhi khandhake vatthū channavuti.
pli-tv-kd8:32.1.105	Cīvarakkhandhako niṭṭhito.
pli-tv-kd9:0.1	Theravāda Vinayapiṭaka
pli-tv-kd9:0.2	Mahāvagga
pli-tv-kd9:0.3	9. Campeyyakkhandhaka
pli-tv-kd9:0.4	1. Kassapagottabhikkhuvatthu
pli-tv-kd9:1.1.1	Tena samayena buddho bhagavā campāyaṁ viharati gaggarāya pokkharaṇiyā tīre.
pli-tv-kd9:1.1.2	Tena kho pana samayena kāsīsu janapade vāsabhagāmo nāma hoti.
pli-tv-kd9:1.1.3	Tattha kassapagotto nāma bhikkhu āvāsiko hoti tantibaddho ussukkaṁ āpanno—
pli-tv-kd9:1.1.4	“kinti anāgatā ca pesalā bhikkhū āgaccheyyuṁ, āgatā ca pesalā bhikkhū phāsu vihareyyuṁ, ayañca āvāso vuddhiṁ viruḷhiṁ vepullaṁ āpajjeyyā”ti.
pli-tv-kd9:1.1.5	Tena kho pana samayena sambahulā bhikkhū kāsīsu cārikaṁ caramānā yena vāsabhagāmo tadavasaruṁ.
pli-tv-kd9:1.1.6	Addasā kho kassapagotto bhikkhu te bhikkhū dūratova āgacchante, disvāna āsanaṁ paññapesi, pādodakaṁ pādapīṭhaṁ pādakathalikaṁ upanikkhipi, paccuggantvā pattacīvaraṁ paṭiggahesi, pānīyena āpucchi, nahāne ussukkaṁ akāsi, ussukkampi akāsi yāguyā khādanīye bhattasmiṁ.
pli-tv-kd9:1.1.7	Atha kho tesaṁ āgantukānaṁ bhikkhūnaṁ etadahosi—
pli-tv-kd9:1.1.8	“bhaddako kho ayaṁ, āvuso, āvāsiko bhikkhu nahāne ussukkaṁ karoti, ussukkampi karoti yāguyā khādanīye bhattasmiṁ.
pli-tv-kd9:1.1.9	Handa mayaṁ, āvuso, idheva vāsabhagāme nivāsaṁ kappemā”ti.
pli-tv-kd9:1.1.10	Atha kho te āgantukā bhikkhū tattheva vāsabhagāme nivāsaṁ kappesuṁ.
pli-tv-kd9:1.2.1	Atha kho kassapagottassa bhikkhuno etadahosi—
pli-tv-kd9:1.2.2	“yo kho imesaṁ āgantukānaṁ bhikkhūnaṁ āgantukakilamatho so paṭippassaddho.
pli-tv-kd9:1.2.3	Yepime gocare appakataññuno tedānime gocare pakataññuno.
pli-tv-kd9:1.2.4	Dukkaraṁ kho pana parakulesu yāvajīvaṁ ussukkaṁ kātuṁ, viññatti ca manussānaṁ amanāpā.
pli-tv-kd9:1.2.5	Yannūnāhaṁ na ussukkaṁ kareyyaṁ yāguyā khādanīye bhattasmin”ti.
pli-tv-kd9:1.2.6	So na ussukkaṁ akāsi yāguyā khādanīye bhattasmiṁ.
pli-tv-kd9:1.2.7	Atha kho tesaṁ āgantukānaṁ bhikkhūnaṁ etadahosi—
pli-tv-kd9:1.2.8	“pubbe khvāyaṁ, āvuso, āvāsiko bhikkhu nahāne ussukkaṁ akāsi, ussukkampi akāsi yāguyā khādanīye bhattasmiṁ.
pli-tv-kd9:1.2.9	Sodānāyaṁ na ussukkaṁ karoti yāguyā khādanīye bhattasmiṁ.
pli-tv-kd9:1.2.10	Duṭṭhodānāyaṁ, āvuso, āvāsiko bhikkhu.
pli-tv-kd9:1.2.11	Handa mayaṁ, āvuso, āvāsikaṁ bhikkhuṁ ukkhipāmā”ti.
pli-tv-kd9:1.3.1	Atha kho te āgantukā bhikkhū sannipatitvā kassapagottaṁ bhikkhuṁ etadavocuṁ—
pli-tv-kd9:1.3.2	“pubbe kho tvaṁ, āvuso, nahāne ussukkaṁ karosi, ussukkampi karosi yāguyā khādanīye bhattasmiṁ.
pli-tv-kd9:1.3.3	Sodāni tvaṁ na ussukkaṁ karosi yāguyā khādanīye bhattasmiṁ.
pli-tv-kd9:1.3.4	Āpattiṁ tvaṁ, āvuso, āpanno.
pli-tv-kd9:1.3.5	Passasetaṁ āpattin”ti?
pli-tv-kd9:1.3.6	“Natthi me, āvuso, āpatti, yamahaṁ passeyyan”ti.
pli-tv-kd9:1.3.7	Atha kho te āgantukā bhikkhū kassapagottaṁ bhikkhuṁ āpattiyā adassane ukkhipiṁsu.
pli-tv-kd9:1.3.8	Atha kho kassapagottassa bhikkhuno etadahosi—
pli-tv-kd9:1.3.9	“ahaṁ kho etaṁ na jānāmi ‘āpatti vā esā anāpatti vā, āpanno camhi anāpanno vā, ukkhitto camhi anukkhitto vā, dhammikena vā adhammikena vā, kuppena vā akuppena vā, ṭhānārahena vā aṭṭhānārahena vā’.
pli-tv-kd9:1.3.10	Yannūnāhaṁ campaṁ gantvā bhagavantaṁ etamatthaṁ puccheyyan”ti.
pli-tv-kd9:1.4.1	Atha kho kassapagotto bhikkhu senāsanaṁ saṁsāmetvā pattacīvaramādāya yena campā tena pakkāmi.
pli-tv-kd9:1.4.2	Anupubbena yena campā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd9:1.4.3	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-kd9:1.4.4	Atha kho bhagavā kassapagottaṁ bhikkhuṁ etadavoca—
pli-tv-kd9:1.4.5	“kacci, bhikkhu, khamanīyaṁ, kacci yāpanīyaṁ,
pli-tv-kd9:1.4.6	kacci appakilamathena addhānaṁ āgato,
pli-tv-kd9:1.4.7	kuto ca tvaṁ, bhikkhu, āgacchasī”ti?
pli-tv-kd9:1.4.8	“Khamanīyaṁ, bhagavā, yāpanīyaṁ, bhagavā;
pli-tv-kd9:1.4.9	appakilamathena cāhaṁ, bhante, addhānaṁ āgato.
pli-tv-kd9:1.5.1	Atthi, bhante, kāsīsu janapade vāsabhagāmo nāma.
pli-tv-kd9:1.5.2	Tatthāhaṁ, bhagavā, āvāsiko tantibaddho ussukkaṁ āpanno—
pli-tv-kd9:1.5.3	‘kinti anāgatā ca pesalā bhikkhū āgaccheyyuṁ, āgatā ca pesalā bhikkhū phāsu vihareyyuṁ, ayañca āvāso vuddhiṁ viruḷhiṁ vepullaṁ āpajjeyyā’ti.
pli-tv-kd9:1.5.4	Atha kho, bhante, sambahulā bhikkhū kāsīsu cārikaṁ caramānā yena vāsabhagāmo tadavasaruṁ.
pli-tv-kd9:1.5.5	Addasaṁ kho ahaṁ, bhante, te bhikkhū dūratova āgacchante, disvāna āsanaṁ paññapesiṁ, pādodakaṁ pādapīṭhaṁ pādakathalikaṁ upanikkhipiṁ, paccuggantvā pattacīvaraṁ paṭiggahesiṁ, pānīyena apucchiṁ, nahāne ussukkaṁ akāsiṁ, ussukkampi akāsiṁ yāguyā khādanīye bhattasmiṁ.
pli-tv-kd9:1.5.6	Atha kho tesaṁ, bhante, āgantukānaṁ bhikkhūnaṁ etadahosi—
pli-tv-kd9:1.5.7	‘bhaddako kho ayaṁ āvuso āvāsiko bhikkhu nahāne ussukkaṁ karoti, ussukkampi karoti yāguyā khādanīye bhattasmiṁ.
pli-tv-kd9:1.5.8	Handa mayaṁ, āvuso, idheva vāsabhagāme nivāsaṁ kappemā’ti.
pli-tv-kd9:1.5.9	Atha kho te, bhante, āgantukā bhikkhū tattheva vāsabhagāme nivāsaṁ kappesuṁ.
pli-tv-kd9:1.5.10	Tassa mayhaṁ, bhante, etadahosi—
pli-tv-kd9:1.5.11	‘yo kho imesaṁ āgantukānaṁ bhikkhūnaṁ āgantukakilamatho so paṭippassaddho.
pli-tv-kd9:1.5.12	Yepime gocare appakataññuno tedānime gocare pakataññuno.
pli-tv-kd9:1.5.13	Dukkaraṁ kho pana parakulesu yāvajīvaṁ ussukkaṁ kātuṁ, viññatti ca manussānaṁ amanāpā.
pli-tv-kd9:1.5.14	Yannūnāhaṁ na ussukkaṁ kareyyaṁ yāguyā khādanīye bhattasmin’ti.
pli-tv-kd9:1.5.15	So kho ahaṁ, bhante, na ussukkaṁ akāsiṁ yāguyā khādanīye bhattasmiṁ.
pli-tv-kd9:1.5.16	Atha kho tesaṁ, bhante, āgantukānaṁ bhikkhūnaṁ etadahosi—
pli-tv-kd9:1.5.17	‘pubbe khvāyaṁ, āvuso, āvāsiko bhikkhu nahāne ussukkaṁ karoti, ussukkampi karoti yāguyā khādanīye bhattasmiṁ.
pli-tv-kd9:1.5.18	Sodānāyaṁ na ussukkaṁ karoti yāguyā khādanīye bhattasmiṁ.
pli-tv-kd9:1.5.19	Duṭṭhodānāyaṁ, āvuso, āvāsiko bhikkhu.
pli-tv-kd9:1.5.20	Handa mayaṁ, āvuso, āvāsikaṁ bhikkhuṁ ukkhipāmā’ti.
pli-tv-kd9:1.5.21	Atha kho te, bhante, āgantukā bhikkhū sannipatitvā maṁ etadavocuṁ—
pli-tv-kd9:1.5.22	‘pubbe kho tvaṁ, āvuso, nahāne ussukkaṁ karosi, ussukkampi karosi yāguyā khādanīye bhattasmiṁ.
pli-tv-kd9:1.5.23	Sodāni tvaṁ na ussukkaṁ karosi yāguyā khādanīye bhattasmiṁ.
pli-tv-kd9:1.5.24	Āpattiṁ tvaṁ, āvuso, āpanno.
pli-tv-kd9:1.5.25	Passasetaṁ āpattin’ti?
pli-tv-kd9:1.5.26	‘Natthi me, āvuso, āpatti yamahaṁ passeyyan’ti.
pli-tv-kd9:1.5.27	Atha kho te, bhante, āgantukā bhikkhū maṁ āpattiyā adassane ukkhipiṁsu.
pli-tv-kd9:1.5.28	Tassa mayhaṁ, bhante, etadahosi—
pli-tv-kd9:1.5.29	‘ahaṁ kho etaṁ na jānāmi “āpatti vā esā anāpatti vā, āpanno camhi anāpanno vā, ukkhitto camhi anukkhitto vā, dhammikena vā adhammikena vā, kuppena vā akuppena vā, ṭhānārahena vā aṭṭhānārahena vā”.
pli-tv-kd9:1.5.30	Yannūnāhaṁ campaṁ gantvā bhagavantaṁ etamatthaṁ puccheyyan’ti.
pli-tv-kd9:1.5.31	Tato ahaṁ, bhagavā, āgacchāmī”ti.
pli-tv-kd9:1.6.1	“Anāpatti esā, bhikkhu, nesā āpatti.
pli-tv-kd9:1.6.2	Anāpannosi, nasi āpanno.
pli-tv-kd9:1.6.3	Anukkhittosi, nasi ukkhitto.
pli-tv-kd9:1.6.4	Adhammikenāsi kammena ukkhitto kuppena aṭṭhānārahena.
pli-tv-kd9:1.6.5	Gaccha tvaṁ, bhikkhu, tattheva vāsabhagāme nivāsaṁ kappehī”ti.
pli-tv-kd9:1.6.6	“Evaṁ, bhante”ti kho kassapagotto bhikkhu bhagavato paṭissuṇitvā uṭṭhāyāsanā bhagavantaṁ abhivādetvā padakkhiṇaṁ katvā yena vāsabhagāmo tena pakkāmi.
pli-tv-kd9:1.7.1	Atha kho tesaṁ āgantukānaṁ bhikkhūnaṁ ahudeva kukkuccaṁ, ahu vippaṭisāro—
pli-tv-kd9:1.7.2	“alābhā vata no, na vata no lābhā;
pli-tv-kd9:1.7.3	dulladdhaṁ vata no, na vata no suladdhaṁ, ye mayaṁ suddhaṁ bhikkhuṁ anāpattikaṁ avatthusmiṁ akāraṇe ukkhipimhā.
pli-tv-kd9:1.7.4	Handa mayaṁ, āvuso, campaṁ gantvā bhagavato santike accayaṁ accayato desemā”ti.
pli-tv-kd9:1.7.5	Atha kho te āgantukā bhikkhū senāsanaṁ saṁsāmetvā pattacīvaramādāya yena campā tena pakkamiṁsu.
pli-tv-kd9:1.7.6	Anupubbena yena campā yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd9:1.7.7	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-kd9:1.7.8	Atha kho bhagavā te bhikkhū etadavoca—
pli-tv-kd9:1.7.9	“kacci, bhikkhave, khamanīyaṁ, kacci yāpanīyaṁ,
pli-tv-kd9:1.7.10	kaccittha appakilamathena addhānaṁ āgatā,
pli-tv-kd9:1.7.11	kuto ca tumhe, bhikkhave, āgacchathā”ti?
pli-tv-kd9:1.7.12	“Khamanīyaṁ, bhagavā, yāpanīyaṁ, bhagavā;
pli-tv-kd9:1.7.13	appakilamathena ca mayaṁ, bhante, addhānaṁ āgatā.
pli-tv-kd9:1.7.14	Atthi, bhante, kāsīsu janapade vāsabhagāmo nāma.
pli-tv-kd9:1.7.15	Tato mayaṁ, bhagavā, āgacchāmā”ti.
pli-tv-kd9:1.8.1	“Tumhe, bhikkhave, āvāsikaṁ bhikkhuṁ ukkhipitthā”ti?
pli-tv-kd9:1.8.2	“Evaṁ, bhante”ti.
pli-tv-kd9:1.8.3	“Kismiṁ, bhikkhave, vatthusmiṁ kāraṇe”ti?
pli-tv-kd9:1.8.4	“Avatthusmiṁ, bhagavā, akāraṇe”ti.
pli-tv-kd9:1.8.5	Vigarahi buddho bhagavā—
pli-tv-kd9:1.8.6	“ananucchavikaṁ, moghapurisā, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd9:1.8.7	Kathañhi nāma tumhe, moghapurisā, suddhaṁ bhikkhuṁ anāpattikaṁ avatthusmiṁ akāraṇe ukkhipissatha.
pli-tv-kd9:1.8.8	Netaṁ, moghapurisā, appasannānaṁ vā pasādāya …pe…
pli-tv-kd9:1.8.9	vigarahitvā dhammiṁ kathaṁ katvā bhikkhū āmantesi—
pli-tv-kd9:1.8.10	“na, bhikkhave, suddho bhikkhu anāpattiko avatthusmiṁ akāraṇe ukkhipitabbo.
pli-tv-kd9:1.8.11	Yo ukkhipeyya, āpatti dukkaṭassā”ti.
pli-tv-kd9:1.9.1	Atha kho te bhikkhū uṭṭhāyāsanā ekaṁsaṁ uttarāsaṅgaṁ karitvā bhagavato pādesu sirasā nipatitvā bhagavantaṁ etadavocuṁ—
pli-tv-kd9:1.9.2	“accayo no, bhante, accagamā yathābāle yathāmūḷhe yathāakusale, ye mayaṁ suddhaṁ bhikkhuṁ anāpattikaṁ avatthusmiṁ akāraṇe ukkhipimhā.
pli-tv-kd9:1.9.3	Tesaṁ no, bhante, bhagavā accayaṁ accayato paṭiggaṇhātu āyatiṁ saṁvarāyā”ti.
pli-tv-kd9:1.9.4	“Taggha tumhe, bhikkhave, accayo accagamā yathābāle yathāmūḷhe yathāakusale, ye tumhe suddhaṁ bhikkhuṁ anāpattikaṁ avatthusmiṁ akāraṇe ukkhipittha.
pli-tv-kd9:1.9.5	Yato ca kho tumhe, bhikkhave, accayaṁ accayato disvā yathādhammaṁ paṭikarotha, taṁ vo mayaṁ paṭiggaṇhāma.
pli-tv-kd9:1.9.6	Vuddhihesā, bhikkhave, ariyassa vinaye yo accayaṁ accayato disvā yathādhammaṁ paṭikaroti, āyatiṁ saṁvaraṁ āpajjatī”ti.
pli-tv-kd9:2.1.0	2. Adhammenavaggādikammakathā
pli-tv-kd9:2.1.1	Tena kho pana samayena campāyaṁ bhikkhū evarūpāni kammāni karonti—
pli-tv-kd9:2.1.2	adhammena vaggakammaṁ karonti, adhammena samaggakammaṁ karonti;
pli-tv-kd9:2.1.3	dhammena vaggakammaṁ karonti, dhammapatirūpakena vaggakammaṁ karonti;
pli-tv-kd9:2.1.4	dhammapatirūpakena samaggakammaṁ karonti;
pli-tv-kd9:2.1.5	ekopi ekaṁ ukkhipati, ekopi dve ukkhipati, ekopi sambahule ukkhipati, ekopi saṅghaṁ ukkhipati;
pli-tv-kd9:2.1.6	dvepi ekaṁ ukkhipanti, dvepi dve ukkhipanti, dvepi sambahule ukkhipanti, dvepi saṅghaṁ ukkhipanti;
pli-tv-kd9:2.1.7	sambahulāpi ekaṁ ukkhipanti;
pli-tv-kd9:2.1.8	sambahulāpi dve ukkhipanti, sambahulāpi sambahule ukkhipanti, sambahulāpi saṅghaṁ ukkhipanti;
pli-tv-kd9:2.1.9	saṅghopi saṅghaṁ ukkhipati.
pli-tv-kd9:2.2.1	Ye te bhikkhū appicchā …pe… te ujjhāyanti khiyyanti vipācenti—
pli-tv-kd9:2.2.2	“kathañhi nāma campāyaṁ bhikkhū evarūpāni kammāni karissanti—
pli-tv-kd9:2.2.3	adhammena vaggakammaṁ karissanti, adhammena samaggakammaṁ karissanti, dhammena vaggakammaṁ karissanti, dhammapatirūpakena vaggakammaṁ karissanti, dhammapatirūpakena samaggakammaṁ karissanti, ekopi ekaṁ ukkhipissati, ekopi dve ukkhipissati, ekopi sambahule ukkhipissati, ekopi saṅghaṁ ukkhipissati, dvepi ekaṁ ukkhipissanti, dvepi dve ukkhipissanti, dvepi sambahule ukkhipissanti, dvepi saṅghaṁ ukkhipissanti, sambahulāpi ekaṁ ukkhipissanti, sambahulāpi dve ukkhipissanti, sambahulāpi sambahule ukkhipissanti, sambahulāpi saṅghaṁ ukkhipissanti, saṅghopi saṅghaṁ ukkhipissatī”ti.
pli-tv-kd9:2.2.4	Atha kho te bhikkhū bhagavato etamatthaṁ ārocesuṁ …pe…
pli-tv-kd9:2.2.5	“saccaṁ kira, bhikkhave, campāyaṁ bhikkhū evarūpāni kammāni karonti—
pli-tv-kd9:2.2.6	adhammena vaggakammaṁ karonti …pe…
pli-tv-kd9:2.2.7	saṅghopi saṅghaṁ ukkhipatī”ti?
pli-tv-kd9:2.2.8	“Saccaṁ, bhagavā”ti.
pli-tv-kd9:2.2.9	Vigarahi buddho bhagavā—
pli-tv-kd9:2.2.10	“ananucchavikaṁ, bhikkhave, tesaṁ moghapurisānaṁ ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd9:2.2.11	Kathañhi nāma te, bhikkhave, moghapurisā evarūpāni kammāni karissanti—
pli-tv-kd9:2.2.12	adhammena vaggakammaṁ karissanti …pe…
pli-tv-kd9:2.2.13	saṅghopi saṅghaṁ ukkhipissati.
pli-tv-kd9:2.2.14	Netaṁ, bhikkhave, appasannānaṁ vā pasādāya …pe…
pli-tv-kd9:2.2.15	vigarahitvā …pe…
pli-tv-kd9:2.2.16	dhammiṁ kathaṁ katvā bhikkhū āmantesi—
pli-tv-kd9:2.3.1	“Adhammena ce, bhikkhave, vaggakammaṁ akammaṁ na ca karaṇīyaṁ,
pli-tv-kd9:2.3.2	adhammena samaggakammaṁ akammaṁ na ca karaṇīyaṁ,
pli-tv-kd9:2.3.3	dhammena vaggakammaṁ akammaṁ na ca karaṇīyaṁ;
pli-tv-kd9:2.3.4	dhammapatirūpakena vaggakammaṁ akammaṁ na ca karaṇīyaṁ,
pli-tv-kd9:2.3.5	dhammapatirūpakena samaggakammaṁ akammaṁ na ca karaṇīyaṁ;
pli-tv-kd9:2.3.6	ekopi ekaṁ ukkhipati akammaṁ na ca karaṇīyaṁ,
pli-tv-kd9:2.3.7	ekopi dve ukkhipati akammaṁ na ca karaṇīyaṁ,
pli-tv-kd9:2.3.8	ekopi sambahule ukkhipati akammaṁ na ca karaṇīyaṁ,
pli-tv-kd9:2.3.9	ekopi saṅghaṁ ukkhipati akammaṁ na ca karaṇīyaṁ;,
pli-tv-kd9:2.3.10	dvepi ekaṁ ukkhipanti akammaṁ na ca karaṇīyaṁ,
pli-tv-kd9:2.3.11	dvepi dve ukkhipanti akammaṁ na ca karaṇīyaṁ,
pli-tv-kd9:2.3.12	dvepi sambahule ukkhipanti akammaṁ na ca karaṇīyaṁ,
pli-tv-kd9:2.3.13	dvepi saṅghaṁ ukkhipanti akammaṁ na ca karaṇīyaṁ;,
pli-tv-kd9:2.3.14	sambahulāpi ekaṁ ukkhipanti akammaṁ na ca karaṇīyaṁ,
pli-tv-kd9:2.3.15	sambahulāpi dve ukkhipanti akammaṁ na ca karaṇīyaṁ,
pli-tv-kd9:2.3.16	sambahulāpi sambahule ukkhipanti akammaṁ na ca karaṇīyaṁ,
pli-tv-kd9:2.3.17	sambahulāpi saṅghaṁ ukkhipanti akammaṁ na ca karaṇīyaṁ;,
pli-tv-kd9:2.3.18	saṅghopi saṅghaṁ ukkhipati akammaṁ na ca karaṇīyaṁ.
pli-tv-kd9:2.4.1	Cattārimāni, bhikkhave, kammāni—
pli-tv-kd9:2.4.2	adhammena vaggakammaṁ, adhammena samaggakammaṁ, dhammena vaggakammaṁ, dhammena samaggakammaṁ.
pli-tv-kd9:2.4.3	Tatra, bhikkhave, yadidaṁ adhammena vaggakammaṁ, idaṁ, bhikkhave, kammaṁ adhammattā vaggattā kuppaṁ aṭṭhānārahaṁ;
pli-tv-kd9:2.4.4	na, bhikkhave, evarūpaṁ kammaṁ kātabbaṁ, na ca mayā evarūpaṁ kammaṁ anuññātaṁ.
pli-tv-kd9:2.4.5	Tatra, bhikkhave, yadidaṁ adhammena samaggakammaṁ, idaṁ, bhikkhave, kammaṁ adhammattā kuppaṁ aṭṭhānārahaṁ;
pli-tv-kd9:2.4.6	na, bhikkhave, evarūpaṁ kammaṁ kātabbaṁ, na ca mayā evarūpaṁ kammaṁ anuññātaṁ.
pli-tv-kd9:2.4.7	Tatra, bhikkhave, yadidaṁ dhammena vaggakammaṁ, idaṁ, bhikkhave, kammaṁ vaggattā kuppaṁ aṭṭhānārahaṁ;
pli-tv-kd9:2.4.8	na, bhikkhave, evarūpaṁ kammaṁ kātabbaṁ, na ca mayā evarūpaṁ kammaṁ anuññātaṁ.
pli-tv-kd9:2.4.9	Tatra, bhikkhave, yadidaṁ dhammena samaggakammaṁ, idaṁ, bhikkhave, kammaṁ dhammattā samaggattā akuppaṁ ṭhānārahaṁ;
pli-tv-kd9:2.4.10	evarūpaṁ, bhikkhave, kammaṁ kātabbaṁ, evarūpañca mayā kammaṁ anuññātaṁ.
pli-tv-kd9:2.4.11	Tasmātiha, bhikkhave, evarūpaṁ kammaṁ karissāma yadidaṁ dhammena samagganti—
pli-tv-kd9:2.4.12	evañhi vo, bhikkhave, sikkhitabban”ti.
pli-tv-kd9:3.1.0	3. Ñattivipannakammādikathā
pli-tv-kd9:3.1.1	Tena kho pana samayena chabbaggiyā bhikkhū evarūpāni kammāni karonti—
pli-tv-kd9:3.1.2	adhammena vaggakammaṁ karonti, adhammena samaggakammaṁ karonti;
pli-tv-kd9:3.1.3	dhammena vaggakammaṁ karonti, dhammapatirūpakena vaggakammaṁ karonti, dhammapatirūpakena samaggakammaṁ karonti;
pli-tv-kd9:3.1.4	ñattivipannampi kammaṁ karonti anussāvanasampannaṁ, anussāvanavipannampi kammaṁ karonti ñattisampannaṁ, ñattivipannampi anussāvanavipannampi kammaṁ karonti;
pli-tv-kd9:3.1.5	aññatrāpi dhammā kammaṁ karonti, aññatrāpi vinayā kammaṁ karonti, aññatrāpi satthusāsanā kammaṁ karonti;
pli-tv-kd9:3.1.6	paṭikuṭṭhakatampi kammaṁ karonti adhammikaṁ kuppaṁ aṭṭhānārahaṁ.
pli-tv-kd9:3.1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-kd9:3.1.8	“kathañhi nāma chabbaggiyā bhikkhū evarūpāni kammāni karissanti—
pli-tv-kd9:3.1.9	adhammena vaggakammaṁ karissanti, adhammena samaggakammaṁ karissanti;
pli-tv-kd9:3.1.10	dhammena vaggakammaṁ karissanti, dhammapatirūpakena vaggakammaṁ karissanti, dhammapatirūpakena samaggakammaṁ karissanti;
pli-tv-kd9:3.1.11	ñattivipannampi kammaṁ karissanti anussāvanasampannaṁ, anussāvanavipannampi kammaṁ karissanti ñattisampannaṁ, ñattivipannampi anussāvanavipannampi kammaṁ karissanti;
pli-tv-kd9:3.1.12	aññatrāpi dhammā kammaṁ karissanti, aññatrāpi vinayā kammaṁ karissanti, aññatrāpi satthusāsanā kammaṁ karissanti;
pli-tv-kd9:3.1.13	paṭikuṭṭhakatampi kammaṁ karissanti adhammikaṁ kuppaṁ aṭṭhānārahan”ti.
pli-tv-kd9:3.1.14	Atha kho te bhikkhū bhagavato etamatthaṁ ārocesuṁ …pe…
pli-tv-kd9:3.1.15	“saccaṁ kira, bhikkhave, chabbaggiyā bhikkhū evarūpāni kammāni karonti—
pli-tv-kd9:3.1.16	adhammena vaggakammaṁ karonti …pe…
pli-tv-kd9:3.1.17	paṭikuṭṭhakatampi kammaṁ karonti adhammikaṁ kuppaṁ aṭṭhānārahan”ti?
pli-tv-kd9:3.1.18	“Saccaṁ, bhagavā”ti.
pli-tv-kd9:3.1.19	Vigarahi buddho bhagavā …pe…
pli-tv-kd9:3.1.20	vigarahitvā dhammiṁ kathaṁ katvā bhikkhū āmantesi—
pli-tv-kd9:3.2.1	“Adhammena ce, bhikkhave, vaggakammaṁ akammaṁ na ca karaṇīyaṁ;
pli-tv-kd9:3.2.2	adhammena samaggakammaṁ akammaṁ na ca karaṇīyaṁ;
pli-tv-kd9:3.2.3	dhammena vaggakammaṁ akammaṁ na ca karaṇīyaṁ;
pli-tv-kd9:3.2.4	dhammapatirūpakena vaggakammaṁ akammaṁ na ca karaṇīyaṁ;
pli-tv-kd9:3.2.5	dhammapatirūpakena samaggakammaṁ akammaṁ na ca karaṇīyaṁ.
pli-tv-kd9:3.2.6	Ñattivipannañce, bhikkhave, kammaṁ anussāvanasampannaṁ akammaṁ na ca karaṇīyaṁ;
pli-tv-kd9:3.2.7	anussāvanavipannañce, bhikkhave, kammaṁ ñattisampannaṁ akammaṁ na ca karaṇīyaṁ;
pli-tv-kd9:3.2.8	ñattivipannañce, bhikkhave, kammaṁ anussāvanavipannaṁ akammaṁ na ca karaṇīyaṁ;
pli-tv-kd9:3.2.9	aññatrāpi dhammā kammaṁ akammaṁ na ca karaṇīyaṁ;
pli-tv-kd9:3.2.10	aññatrāpi vinayā kammaṁ akammaṁ na ca karaṇīyaṁ;
pli-tv-kd9:3.2.11	aññatrāpi satthusāsanā kammaṁ akammaṁ na ca karaṇīyaṁ;
pli-tv-kd9:3.2.12	paṭikuṭṭhakatañce, bhikkhave, kammaṁ adhammikaṁ kuppaṁ aṭṭhānārahaṁ akammaṁ na ca karaṇīyaṁ.
pli-tv-kd9:3.3.1	Chayimāni, bhikkhave, kammāni—
pli-tv-kd9:3.3.2	adhammakammaṁ, vaggakammaṁ, samaggakammaṁ, dhammapatirūpakena vaggakammaṁ, dhammapatirūpakena samaggakammaṁ, dhammena samaggakammaṁ.
pli-tv-kd9:3.3.3	Katamañca, bhikkhave, adhammakammaṁ?
pli-tv-kd9:3.3.4	Ñattidutiye ce, bhikkhave, kamme ekāya ñattiyā kammaṁ karoti, na ca kammavācaṁ anussāveti—adhammakammaṁ.
pli-tv-kd9:3.3.5	Ñattidutiye ce, bhikkhave, kamme dvīhi ñattīhi kammaṁ karoti, na ca kammavācaṁ anussāveti—adhammakammaṁ.
pli-tv-kd9:3.3.6	Ñattidutiye ce, bhikkhave, kamme ekāya kammavācāya kammaṁ karoti, na ca ñattiṁ ṭhapeti—adhammakammaṁ.
pli-tv-kd9:3.3.7	Ñattidutiye ce, bhikkhave, kamme dvīhi kammavācāhi kammaṁ karoti, na ca ñattiṁ ṭhapeti—adhammakammaṁ.
pli-tv-kd9:3.4.1	Ñatticatutthe ce, bhikkhave, kamme ekāya ñattiyā kammaṁ karoti, na ca kammavācaṁ anussāveti—
pli-tv-kd9:3.4.2	adhammakammaṁ.
pli-tv-kd9:3.4.3	Ñatticatutthe ce, bhikkhave, kamme dvīhi ñattīhi kammaṁ karoti, na ca kammavācaṁ anussāveti—adhammakammaṁ.
pli-tv-kd9:3.4.4	Ñatticatutthe ce, bhikkhave, kamme tīhi ñattīhi kammaṁ karoti, na ca kammavācaṁ anussāveti—adhammakammaṁ.
pli-tv-kd9:3.4.5	Ñatticatutthe ce, bhikkhave, kamme catūhi ñattīhi kammaṁ karoti, na ca kammavācaṁ anussāveti—adhammakammaṁ.
pli-tv-kd9:3.4.6	Ñatticatutthe ce, bhikkhave, kamme ekāya kammavācāya kammaṁ karoti, na ca ñattiṁ ṭhapeti—adhammakammaṁ.
pli-tv-kd9:3.4.7	Ñatticatutthe ce, bhikkhave, kamme dvīhi kammavācāhi kammaṁ karoti, na ca ñattiṁ ṭhapeti—adhammakammaṁ.
pli-tv-kd9:3.4.8	Ñatticatutthe ce, bhikkhave, kamme tīhi kammavācāhi kammaṁ karoti, na ca ñattiṁ ṭhapeti—adhammakammaṁ.
pli-tv-kd9:3.4.9	Ñatticatutthe ce, bhikkhave, kamme catūhi kammavācāhi kammaṁ karoti, na ca ñattiṁ ṭhapeti—adhammakammaṁ.
pli-tv-kd9:3.4.10	Idaṁ vuccati, bhikkhave, adhammakammaṁ.
pli-tv-kd9:3.5.1	Katamañca, bhikkhave, vaggakammaṁ?
pli-tv-kd9:3.5.2	Ñattidutiye ce, bhikkhave, kamme yāvatikā bhikkhū kammappattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti—vaggakammaṁ.
pli-tv-kd9:3.5.3	Ñattidutiye ce, bhikkhave, kamme yāvatikā bhikkhū kammappattā te āgatā honti, chandārahānaṁ chando anāhaṭo hoti, sammukhībhūtā paṭikkosanti—vaggakammaṁ.
pli-tv-kd9:3.5.4	Ñattidutiye ce, bhikkhave, kamme yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti—vaggakammaṁ.
pli-tv-kd9:3.5.5	Ñatticatutthe ce, bhikkhave, kamme yāvatikā bhikkhū kammappattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti—vaggakammaṁ.
pli-tv-kd9:3.5.6	Ñatticatutthe ce, bhikkhave, kamme yāvatikā bhikkhū kammappattā te āgatā honti, chandārahānaṁ chando anāhaṭo hoti, sammukhībhūtā paṭikkosanti—vaggakammaṁ.
pli-tv-kd9:3.5.7	Ñatticatutthe ce, bhikkhave, kamme yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti—vaggakammaṁ.
pli-tv-kd9:3.5.8	Idaṁ vuccati, bhikkhave, vaggakammaṁ.
pli-tv-kd9:3.6.1	Katamañca, bhikkhave, samaggakammaṁ?
pli-tv-kd9:3.6.2	Ñattidutiye ce, bhikkhave, kamme yāvatikā bhikkhū kammappattā, te āgatā honti, chandārahānaṁ chando āhaṭo hoti, sammukhībhūtā na paṭikkosanti—samaggakammaṁ.
pli-tv-kd9:3.6.3	Ñatticatutthe ce, bhikkhave, kamme yāvatikā bhikkhū kammappattā, te āgatā honti, chandārahānaṁ chando āhaṭo hoti, sammukhībhūtā na paṭikkosanti—samaggakammaṁ.
pli-tv-kd9:3.6.4	Idaṁ vuccati, bhikkhave, samaggakammaṁ.
pli-tv-kd9:3.7.1	Katamañca, bhikkhave, dhammapatirūpakena vaggakammaṁ?
pli-tv-kd9:3.7.2	Ñattidutiye ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti—dhammapatirūpakena vaggakammaṁ.
pli-tv-kd9:3.7.3	Ñattidutiye ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā te āgatā honti, chandārahānaṁ chando anāhaṭo hoti, sammukhībhūtā paṭikkosanti—dhammapatirūpakena vaggakammaṁ.
pli-tv-kd9:3.7.4	Ñattidutiye ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti—dhammapatirūpakena vaggakammaṁ.
pli-tv-kd9:3.7.5	Ñatticatutthe ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā te anāgatā honti, chandārahānaṁ chando anāhaṭo hoti, sammukhībhūtā paṭikkosanti—dhammapatirūpakena vaggakammaṁ.
pli-tv-kd9:3.7.6	Ñatticatutthe ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā te āgatā honti, chandārahānaṁ chando anāhaṭo hoti, sammukhībhūtā paṭikkosanti—dhammapatirūpakena vaggakammaṁ.
pli-tv-kd9:3.7.7	Ñatticatutthe ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā paṭikkosanti—dhammapatirūpakena vaggakammaṁ.
pli-tv-kd9:3.7.8	Idaṁ vuccati, bhikkhave, dhammapatirūpakena vaggakammaṁ.
pli-tv-kd9:3.8.1	Katamañca, bhikkhave, dhammapatirūpakena samaggakammaṁ?
pli-tv-kd9:3.8.2	Ñattidutiye ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā, te āgatā honti, chandārahānaṁ chando āhaṭo hoti, sammukhībhūtā na paṭikkosanti—dhammapatirūpakena samaggakammaṁ.
pli-tv-kd9:3.8.3	Ñatticatutthe ce, bhikkhave, kamme paṭhamaṁ kammavācaṁ anussāveti, pacchā ñattiṁ ṭhapeti, yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā na paṭikkosanti—dhammapatirūpakena samaggakammaṁ.
pli-tv-kd9:3.8.4	Idaṁ vuccati, bhikkhave, dhammapatirūpakena samaggakammaṁ.
pli-tv-kd9:3.9.1	Katamañca, bhikkhave, dhammena samaggakammaṁ?
pli-tv-kd9:3.9.2	Ñattidutiye ce, bhikkhave, kamme paṭhamaṁ ñattiṁ ṭhapeti, pacchā ekāya kammavācāya kammaṁ karoti, yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā na paṭikkosanti—dhammena samaggakammaṁ.
pli-tv-kd9:3.9.3	Ñatticatutthe ce, bhikkhave, kamme paṭhamaṁ ñattiṁ ṭhapeti, pacchā tīhi kammavācāhi kammaṁ karoti, yāvatikā bhikkhū kammappattā, te āgatā honti, chandārahānaṁ chando āhaṭo hoti, sammukhībhūtā na paṭikkosanti, dhammena samaggakammaṁ.
pli-tv-kd9:3.9.4	Idaṁ vuccati, bhikkhave, dhammena samaggakammaṁ.
pli-tv-kd9:4.1.0	4. Catuvaggakaraṇādikathā
pli-tv-kd9:4.1.1	Pañca saṅghā—
pli-tv-kd9:4.1.2	catuvaggo bhikkhusaṅgho pañcavaggo bhikkhusaṅgho, dasavaggo bhikkhusaṅgho, vīsativaggo bhikkhusaṅgho, atirekavīsativaggo bhikkhusaṅgho.
pli-tv-kd9:4.1.3	Tatra, bhikkhave, yvāyaṁ catuvaggo bhikkhusaṅgho, ṭhapetvā tīṇi kammāni—
pli-tv-kd9:4.1.4	upasampadaṁ pavāraṇaṁ abbhānaṁ, dhammena samaggo sabbakammesu kammappatto.
pli-tv-kd9:4.1.5	Tatra, bhikkhave, yvāyaṁ pañcavaggo bhikkhusaṅgho, ṭhapetvā dve kammāni—
pli-tv-kd9:4.1.6	majjhimesu janapadesu upasampadaṁ abbhānaṁ, dhammena samaggo sabbakammesu kammappatto.
pli-tv-kd9:4.1.7	Tatra, bhikkhave, yvāyaṁ dasavaggo bhikkhusaṅgho, ṭhapetvā ekaṁ kammaṁ—
pli-tv-kd9:4.1.8	abbhānaṁ, dhammena samaggo sabbakammesu kammappatto.
pli-tv-kd9:4.1.9	Tatra, bhikkhave, yvāyaṁ vīsativaggo bhikkhusaṅgho dhammena samaggo sabbakammesu kammappatto.
pli-tv-kd9:4.1.10	Tatra, bhikkhave, yvāyaṁ atirekavīsativaggo bhikkhusaṅgho dhammena samaggo sabbakammesu kammappatto.
pli-tv-kd9:4.2.1	Catuvaggakaraṇañce, bhikkhave, kammaṁ bhikkhunicatuttho kammaṁ kareyya—
pli-tv-kd9:4.2.2	akammaṁ na ca karaṇīyaṁ.
pli-tv-kd9:4.2.3	Catuvaggakaraṇañce, bhikkhave, kammaṁ sikkhamānacatuttho kammaṁ kareyya …
pli-tv-kd9:4.2.4	akammaṁ na ca karaṇīyaṁ …pe….
pli-tv-kd9:4.2.5	Sāmaṇeracatuttho kammaṁ kareyya …
pli-tv-kd9:4.2.6	akammaṁ na ca karaṇīyaṁ.
pli-tv-kd9:4.2.7	Sāmaṇericatuttho kammaṁ kareyya …
pli-tv-kd9:4.2.8	akammaṁ na ca karaṇīyaṁ.
pli-tv-kd9:4.2.9	Sikkhaṁ paccakkhātakacatuttho kammaṁ kareyya …
pli-tv-kd9:4.2.10	akammaṁ na ca karaṇīyaṁ.
pli-tv-kd9:4.2.11	Antimavatthuṁ ajjhāpannakacatuttho kammaṁ kareyya …
pli-tv-kd9:4.2.12	akammaṁ na ca karaṇīyaṁ.
pli-tv-kd9:4.2.13	Āpattiyā adassane ukkhittakacatuttho kammaṁ kareyya …
pli-tv-kd9:4.2.14	akammaṁ na ca karaṇīyaṁ.
pli-tv-kd9:4.2.15	Āpattiyā appaṭikamme ukkhittakacatuttho kammaṁ kareyya …
pli-tv-kd9:4.2.16	akammaṁ na ca karaṇīyaṁ.
pli-tv-kd9:4.2.17	Pāpikāya diṭṭhiyā appaṭinissagge ukkhittakacatuttho kammaṁ kareyya …
pli-tv-kd9:4.2.18	akammaṁ na ca karaṇīyaṁ.
pli-tv-kd9:4.2.19	Paṇḍakacatuttho kammaṁ kareyya …
pli-tv-kd9:4.2.20	akammaṁ na ca karaṇīyaṁ.
pli-tv-kd9:4.2.21	Theyyasaṁvāsakacatuttho kammaṁ kareyya …
pli-tv-kd9:4.2.22	akammaṁ na ca karaṇīyaṁ.
pli-tv-kd9:4.2.23	Titthiyapakkantakacatuttho kammaṁ kareyya …
pli-tv-kd9:4.2.24	akammaṁ na ca karaṇīyaṁ.
pli-tv-kd9:4.2.25	Tiracchānagatacatuttho kammaṁ kareyya …
pli-tv-kd9:4.2.26	akammaṁ na ca karaṇīyaṁ.
pli-tv-kd9:4.2.27	Mātughātakacatuttho kammaṁ kareyya …
pli-tv-kd9:4.2.28	akammaṁ na ca karaṇīyaṁ.
pli-tv-kd9:4.2.29	Pitughātakacatuttho kammaṁ kareyya …
pli-tv-kd9:4.2.30	akammaṁ na ca karaṇīyaṁ.
pli-tv-kd9:4.2.31	Arahantaghātakacatuttho kammaṁ kareyya …
pli-tv-kd9:4.2.32	akammaṁ na ca karaṇīyaṁ.
pli-tv-kd9:4.2.33	Bhikkhunidūsakacatuttho kammaṁ kareyya …
pli-tv-kd9:4.2.34	akammaṁ na ca karaṇīyaṁ.
pli-tv-kd9:4.2.35	Saṅghabhedakacatuttho kammaṁ kareyya …
pli-tv-kd9:4.2.36	akammaṁ na ca karaṇīyaṁ.
pli-tv-kd9:4.2.37	Lohituppādakacatuttho kammaṁ kareyya …
pli-tv-kd9:4.2.38	akammaṁ na ca karaṇīyaṁ.
pli-tv-kd9:4.2.39	Ubhatobyañjanakacatuttho kammaṁ kareyya …
pli-tv-kd9:4.2.40	akammaṁ na ca karaṇīyaṁ.
pli-tv-kd9:4.2.41	Nānāsaṁvāsakacatuttho kammaṁ kareyya …
pli-tv-kd9:4.2.42	akammaṁ na ca karaṇīyaṁ.
pli-tv-kd9:4.2.43	Nānāsīmāya ṭhitacatuttho kammaṁ kareyya …
pli-tv-kd9:4.2.44	akammaṁ na ca karaṇīyaṁ.
pli-tv-kd9:4.2.45	Iddhiyā vehāse ṭhitacatuttho kammaṁ kareyya …
pli-tv-kd9:4.2.46	akammaṁ na ca karaṇīyaṁ.
pli-tv-kd9:4.2.47	Yassa saṅgho kammaṁ karoti, taṁcatuttho kammaṁ kareyya …
pli-tv-kd9:4.2.48	akammaṁ na ca karaṇīyaṁ.
pli-tv-kd9:4.3.1	Catuvaggakaraṇaṁ.
pli-tv-kd9:4.3.2	Pañcavaggakaraṇañce, bhikkhave, kammaṁ bhikkhunipañcamo kammaṁ kareyya …
pli-tv-kd9:4.3.3	akammaṁ na ca karaṇīyaṁ.
pli-tv-kd9:4.3.4	Pañcavaggakaraṇañce, bhikkhave, kammaṁ sikkhamānapañcamo kammaṁ kareyya …pe….
pli-tv-kd9:4.3.5	Sāmaṇerapañcamo kammaṁ kareyya …
pli-tv-kd9:4.3.6	sāmaṇeripañcamo kammaṁ kareyya …
pli-tv-kd9:4.3.7	sikkhaṁ paccakkhātakapañcamo kammaṁ kareyya …
pli-tv-kd9:4.3.8	antimavatthuṁ ajjhāpannakapañcamo kammaṁ kareyya …
pli-tv-kd9:4.3.9	āpattiyā adassane ukkhittakapañcamo kammaṁ kareyya …
pli-tv-kd9:4.3.10	āpattiyā appaṭikamme ukkhittakapañcamo kammaṁ kareyya …
pli-tv-kd9:4.3.11	pāpikāya diṭṭhiyā appaṭinissagge ukkhittakapañcamo kammaṁ kareyya …
pli-tv-kd9:4.3.12	paṇḍakapañcamo kammaṁ kareyya …
pli-tv-kd9:4.3.13	theyyasaṁvāsakapañcamo kammaṁ kareyya …
pli-tv-kd9:4.3.14	titthiyapakkantakapañcamo kammaṁ kareyya …
pli-tv-kd9:4.3.15	tiracchānagatapañcamo kammaṁ kareyya …
pli-tv-kd9:4.3.16	mātughātakapañcamo kammaṁ kareyya …
pli-tv-kd9:4.3.17	pitughātakapañcamo kammaṁ kareyya …
pli-tv-kd9:4.3.18	arahantaghātakapañcamo kammaṁ kareyya …
pli-tv-kd9:4.3.19	bhikkhunidūsakapañcamo kammaṁ kareyya …
pli-tv-kd9:4.3.20	saṅghabhedakapañcamo kammaṁ kareyya …
pli-tv-kd9:4.3.21	lohituppādakapañcamo kammaṁ kareyya …
pli-tv-kd9:4.3.22	ubhatobyañjanakapañcamo kammaṁ kareyya …
pli-tv-kd9:4.3.23	nānāsaṁvāsakapañcamo kammaṁ kareyya …
pli-tv-kd9:4.3.24	nānāsīmāya ṭhitapañcamo kammaṁ kareyya …
pli-tv-kd9:4.3.25	iddhiyā vehāse ṭhitapañcamo kammaṁ kareyya …
pli-tv-kd9:4.3.26	yassa saṅgho kammaṁ karoti, taṁpañcamo kammaṁ kareyya—
pli-tv-kd9:4.3.27	akammaṁ na ca karaṇīyaṁ.
pli-tv-kd9:4.4.1	Pañcavaggakaraṇaṁ.
pli-tv-kd9:4.4.2	Dasavaggakaraṇañce, bhikkhave, kammaṁ bhikkhunidasamo kammaṁ kareyya, akammaṁ na ca karaṇīyaṁ.
pli-tv-kd9:4.4.3	Dasavaggakaraṇañce, bhikkhave, kammaṁ sikkhamānadasamo kammaṁ kareyya, akammaṁ na ca karaṇīyaṁ …
pli-tv-kd9:4.4.4	pe….
pli-tv-kd9:4.4.5	Dasavaggakaraṇañce, bhikkhave, kammaṁ yassa saṅgho kammaṁ karoti, taṁdasamo kammaṁ kareyya—
pli-tv-kd9:4.4.6	akammaṁ na ca karaṇīyaṁ.
pli-tv-kd9:4.5.1	Dasavaggakaraṇaṁ.
pli-tv-kd9:4.5.2	Vīsativaggakaraṇañce, bhikkhave, kammaṁ bhikkhunivīso kammaṁ kareyya—
pli-tv-kd9:4.5.3	akammaṁ na ca karaṇīyaṁ.
pli-tv-kd9:4.5.4	Vīsativaggakaraṇañce, bhikkhave, kammaṁ sikkhamānavīso kammaṁ kareyya …pe…
pli-tv-kd9:4.5.5	sāmaṇeravīso kammaṁ kareyya …
pli-tv-kd9:4.5.6	sāmaṇerivīso kammaṁ kareyya …
pli-tv-kd9:4.5.7	sikkhaṁ paccakkhātakavīso kammaṁ kareyya …
pli-tv-kd9:4.5.8	antimavatthuṁ ajjhāpannakavīso kammaṁ kareyya …
pli-tv-kd9:4.5.9	āpattiyā adassane ukkhittakavīso kammaṁ kareyya …
pli-tv-kd9:4.5.10	āpattiyā appaṭikamme ukkhittakavīso kammaṁ kareyya …
pli-tv-kd9:4.5.11	pāpikāya diṭṭhiyā appaṭinissagge ukkhittakavīso kammaṁ kareyya …
pli-tv-kd9:4.5.12	paṇḍakavīso kammaṁ kareyya …
pli-tv-kd9:4.5.13	theyyasaṁvāsakavīso kammaṁ kareyya …
pli-tv-kd9:4.5.14	titthiyapakkantakavīso kammaṁ kareyya …
pli-tv-kd9:4.5.15	tiracchānagatavīso kammaṁ kareyya …
pli-tv-kd9:4.5.16	mātughātakavīso kammaṁ kareyya …
pli-tv-kd9:4.5.17	pitughātakavīso kammaṁ kareyya …
pli-tv-kd9:4.5.18	arahantaghātakavīso kammaṁ kareyya …
pli-tv-kd9:4.5.19	bhikkhunidūsakavīso kammaṁ kareyya …
pli-tv-kd9:4.5.20	saṅghabhedakavīso kammaṁ kareyya …
pli-tv-kd9:4.5.21	lohituppādakavīso kammaṁ kareyya …
pli-tv-kd9:4.5.22	ubhatobyañjanakavīso kammaṁ kareyya …
pli-tv-kd9:4.5.23	nānāsaṁvāsakavīso kammaṁ kareyya …
pli-tv-kd9:4.5.24	nānāsīmāya ṭhitavīso kammaṁ kareyya …
pli-tv-kd9:4.5.25	iddhiyā vehāse ṭhitavīso kammaṁ kareyya …
pli-tv-kd9:4.5.26	yassa saṅgho kammaṁ karoti, taṁvīso kammaṁ kareyya—
pli-tv-kd9:4.5.27	akammaṁ na ca karaṇīyaṁ.
pli-tv-kd9:4.6.1	Vīsativaggakaraṇaṁ.
pli-tv-kd9:4.6.2.0	5. Pārivāsikādikathā
pli-tv-kd9:4.6.2.1	Pārivāsikacatuttho ce, bhikkhave, parivāsaṁ dadeyya, mūlāya paṭikasseyya, mānattaṁ dadeyya, taṁvīso abbheyya—
pli-tv-kd9:4.6.3	akammaṁ na ca karaṇīyaṁ.
pli-tv-kd9:4.6.4	Mūlāyapaṭikassanārahacatuttho ce, bhikkhave, parivāsaṁ dadeyya, mūlāya paṭikasseyya, mānattaṁ dadeyya, taṁvīso abbheyya—
pli-tv-kd9:4.6.5	akammaṁ na ca karaṇīyaṁ.
pli-tv-kd9:4.6.6	Mānattārahacatuttho ce, bhikkhave, parivāsaṁ dadeyya, mūlāya paṭikasseyya, mānattaṁ dadeyya, taṁvīso abbheyya—
pli-tv-kd9:4.6.7	akammaṁ na ca karaṇīyaṁ.
pli-tv-kd9:4.6.8	Mānattacārikacatuttho ce, bhikkhave, parivāsaṁ dadeyya, mūlāya paṭikasseyya, mānattaṁ dadeyya, taṁvīso abbheyya—
pli-tv-kd9:4.6.9	akammaṁ na ca karaṇīyaṁ.
pli-tv-kd9:4.6.10	Abbhānārahacatuttho ce, bhikkhave, parivāsaṁ dadeyya, mūlāya paṭikasseyya, mānattaṁ dadeyya, taṁvīso abbheyya—
pli-tv-kd9:4.6.11	akammaṁ na ca karaṇīyaṁ.
pli-tv-kd9:4.7.1	Ekaccassa, bhikkhave, saṅghamajjhe paṭikkosanā ruhati, ekaccassa na ruhati.
pli-tv-kd9:4.7.2	Kassa ca, bhikkhave, saṅghamajjhe paṭikkosanā na ruhati?
pli-tv-kd9:4.7.3	Bhikkhuniyā, bhikkhave, saṅghamajjhe paṭikkosanā na ruhati.
pli-tv-kd9:4.7.4	Sikkhamānāya, bhikkhave …pe…
pli-tv-kd9:4.7.5	sāmaṇerassa, bhikkhave …
pli-tv-kd9:4.7.6	sāmaṇeriyā, bhikkhave …
pli-tv-kd9:4.7.7	sikkhāpaccakkhātakassa, bhikkhave …
pli-tv-kd9:4.7.8	antimavatthuṁ ajjhāpannakassa, bhikkhave …
pli-tv-kd9:4.7.9	ummattakassa, bhikkhave …
pli-tv-kd9:4.7.10	khittacittassa, bhikkhave …
pli-tv-kd9:4.7.11	vedanāṭṭassa, bhikkhave …
pli-tv-kd9:4.7.12	āpattiyā adassane ukkhittakassa, bhikkhave …
pli-tv-kd9:4.7.13	āpattiyā appaṭikamme ukkhittakassa, bhikkhave …
pli-tv-kd9:4.7.14	pāpikāya diṭṭhiyā appaṭinissagge ukkhittakassa, bhikkhave …
pli-tv-kd9:4.7.15	paṇḍakassa, bhikkhave …
pli-tv-kd9:4.7.16	theyyasaṁvāsakassa, bhikkhave …
pli-tv-kd9:4.7.17	titthiyapakkantakassa, bhikkhave …
pli-tv-kd9:4.7.18	tiracchānagatassa, bhikkhave …
pli-tv-kd9:4.7.19	mātughātakassa, bhikkhave …
pli-tv-kd9:4.7.20	pitughātakassa, bhikkhave …
pli-tv-kd9:4.7.21	arahantaghātakassa, bhikkhave …
pli-tv-kd9:4.7.22	bhikkhunidūsakassa, bhikkhave …
pli-tv-kd9:4.7.23	saṅghabhedakassa, bhikkhave …
pli-tv-kd9:4.7.24	lohituppādakassa, bhikkhave …
pli-tv-kd9:4.7.25	ubhatobyañjanakassa, bhikkhave …
pli-tv-kd9:4.7.26	nānāsaṁvāsakassa, bhikkhave …
pli-tv-kd9:4.7.27	nānāsīmāya ṭhitassa, bhikkhave …
pli-tv-kd9:4.7.28	iddhiyā vehāse ṭhitassa, bhikkhave, yassa saṅgho kammaṁ karoti, tassa ca, bhikkhave, saṅghamajjhe paṭikkosanā na ruhati.
pli-tv-kd9:4.7.29	Imesaṁ kho, bhikkhave, saṅghamajjhe paṭikkosanā na ruhati.
pli-tv-kd9:4.8.1	Kassa ca, bhikkhave, saṅghamajjhe paṭikkosanā ruhati?
pli-tv-kd9:4.8.2	Bhikkhussa, bhikkhave, pakatattassa samānasaṁvāsakassa samānasīmāya ṭhitassa antamaso ānantarikassāpi bhikkhuno viññāpentassa saṅghamajjhe paṭikkosanā ruhati.
pli-tv-kd9:4.8.3	Imassa, bhikkhave, saṅghamajjhe paṭikkosanā ruhati.
pli-tv-kd9:4.9.0	6. Dvenissāraṇādikathā
pli-tv-kd9:4.9.1	Dvemā, bhikkhave, nissāraṇā.
pli-tv-kd9:4.9.2	Atthi, bhikkhave, puggalo appatto nissāraṇaṁ.
pli-tv-kd9:4.9.3	Tañce saṅgho nissāreti, ekacco sunissārito, ekacco dunnissārito.
pli-tv-kd9:4.9.4	Katamo ca, bhikkhave, puggalo appatto nissāraṇaṁ, tañce saṅgho nissāreti—dunnissārito?
pli-tv-kd9:4.9.5	Idha pana, bhikkhave, bhikkhu suddho hoti anāpattiko. Tañce saṅgho nissāreti—dunnissārito.
pli-tv-kd9:4.9.6	Ayaṁ vuccati, bhikkhave, puggalo appatto nissāraṇaṁ, tañce saṅgho nissāreti—dunnissārito.
pli-tv-kd9:4.9.7	Katamo ca, bhikkhave, puggalo appatto nissāraṇaṁ, tañce saṅgho nissāreti—sunissārito?
pli-tv-kd9:4.9.8	Idha pana, bhikkhave, bhikkhu bālo hoti abyatto āpattibahulo anapadāno, gihisaṁsaṭṭho viharati ananulomikehi gihisaṁsaggehi, tañce saṅgho nissāreti—sunissārito.
pli-tv-kd9:4.9.9	Ayaṁ vuccati, bhikkhave, puggalo appatto nissāraṇaṁ, tañce saṅgho nissāreti—sunissārito.
pli-tv-kd9:4.10.1	Dvemā, bhikkhave, osāraṇā.
pli-tv-kd9:4.10.2	Atthi, bhikkhave, puggalo appatto osāraṇaṁ tañce saṅgho osāreti, ekacco sosārito, ekacco dosārito.
pli-tv-kd9:4.10.3	Katamo ca, bhikkhave, puggalo appatto osāraṇaṁ, tañce saṅgho osāreti—dosārito?
pli-tv-kd9:4.10.4	Paṇḍako, bhikkhave, appatto osāraṇaṁ, tañce saṅgho osāreti—dosārito.
pli-tv-kd9:4.10.5	Theyyasaṁvāsako, bhikkhave, appatto osāraṇaṁ, tañce saṅgho osāreti—dosārito.
pli-tv-kd9:4.10.6	Titthiyapakkantako, bhikkhave …pe…
pli-tv-kd9:4.10.7	tiracchānagato, bhikkhave …
pli-tv-kd9:4.10.8	mātughātako, bhikkhave …
pli-tv-kd9:4.10.9	pitughātako, bhikkhave …
pli-tv-kd9:4.10.10	arahantaghātako, bhikkhave …
pli-tv-kd9:4.10.11	bhikkhunidūsako, bhikkhave …
pli-tv-kd9:4.10.12	saṅghabhedako, bhikkhave …
pli-tv-kd9:4.10.13	lohituppādako, bhikkhave …
pli-tv-kd9:4.10.14	ubhatobyañjanako, bhikkhave, appatto, osāraṇaṁ, tañce saṅgho osāreti—dosārito.
pli-tv-kd9:4.10.15	Ayaṁ vuccati, bhikkhave, puggalo appatto osāraṇaṁ, tañce saṅgho osāreti—dosārito.
pli-tv-kd9:4.10.16	Ime vuccanti, bhikkhave, puggalā appattā osāraṇaṁ, te ce saṅgho osāreti—dosāritā.
pli-tv-kd9:4.11.1	Katamo ca, bhikkhave, puggalo appatto osāraṇaṁ, tañce saṅgho osāreti—sosārito?
pli-tv-kd9:4.11.2	Hatthacchinno, bhikkhave, appatto osāraṇaṁ, tañce saṅgho osāreti, sosārito.
pli-tv-kd9:4.11.3	Pādacchinno, bhikkhave …pe…
pli-tv-kd9:4.11.4	hatthapādacchinno, bhikkhave …
pli-tv-kd9:4.11.5	kaṇṇacchinno, bhikkhave …
pli-tv-kd9:4.11.6	nāsacchinno, bhikkhave …
pli-tv-kd9:4.11.7	kaṇṇanāsacchinno, bhikkhave …
pli-tv-kd9:4.11.8	aṅgulicchinno, bhikkhave …
pli-tv-kd9:4.11.9	aḷacchinno, bhikkhave …
pli-tv-kd9:4.11.10	kaṇḍaracchinno, bhikkhave …
pli-tv-kd9:4.11.11	phaṇahatthako, bhikkhave …
pli-tv-kd9:4.11.12	khujjo, bhikkhave …
pli-tv-kd9:4.11.13	vāmano, bhikkhave …
pli-tv-kd9:4.11.14	galagaṇḍī, bhikkhave …
pli-tv-kd9:4.11.15	lakkhaṇāhato, bhikkhave …
pli-tv-kd9:4.11.16	kasāhato, bhikkhave …
pli-tv-kd9:4.11.17	likhitako, bhikkhave …
pli-tv-kd9:4.11.18	sīpadiko, bhikkhave …
pli-tv-kd9:4.11.19	pāparogī, bhikkhave …
pli-tv-kd9:4.11.20	parisadūsako, bhikkhave …
pli-tv-kd9:4.11.21	kāṇo, bhikkhave …
pli-tv-kd9:4.11.22	kuṇī, bhikkhave …
pli-tv-kd9:4.11.23	khañjo, bhikkhave …
pli-tv-kd9:4.11.24	pakkhahato, bhikkhave …
pli-tv-kd9:4.11.25	chinniriyāpatho, bhikkhave …
pli-tv-kd9:4.11.26	jarādubbalo, bhikkhave …
pli-tv-kd9:4.11.27	andho, bhikkhave …
pli-tv-kd9:4.11.28	mūgo, bhikkhave …
pli-tv-kd9:4.11.29	badhiro, bhikkhave …
pli-tv-kd9:4.11.30	andhamūgo, bhikkhave …
pli-tv-kd9:4.11.31	andhabadhiro, bhikkhave …
pli-tv-kd9:4.11.32	mūgabadhiro, bhikkhave …
pli-tv-kd9:4.11.33	andhamūgabadhiro, bhikkhave, appatto osāraṇaṁ, tañce saṅgho osāreti—sosārito.
pli-tv-kd9:4.11.34	Ayaṁ vuccati, bhikkhave, puggalo appatto osāraṇaṁ, tañce saṅgho osāreti—sosārito.
pli-tv-kd9:4.11.35	Ime vuccanti, bhikkhave, puggalā appattā osāraṇaṁ, te ce saṅgho osāreti—sosāritā.
pli-tv-kd9:4.11.36	Vāsabhagāmabhāṇavāro niṭṭhito paṭhamo.
pli-tv-kd9:5.1.0	7. Adhammakammādikathā
pli-tv-kd9:5.1.1.0	
pli-tv-kd9:5.1.1.1	Idha pana, bhikkhave, bhikkhussa na hoti āpatti daṭṭhabbā.
pli-tv-kd9:5.1.2	Tamenaṁ codeti saṅgho vā sambahulā vā ekapuggalo vā—
pli-tv-kd9:5.1.3	‘āpattiṁ tvaṁ, āvuso, āpanno, passasetaṁ āpattin’ti?
pli-tv-kd9:5.1.4	So evaṁ vadeti—
pli-tv-kd9:5.1.5	‘natthi me, āvuso, āpatti, yamahaṁ passeyyan’ti.
pli-tv-kd9:5.1.6	Taṁ saṅgho āpattiyā adassane ukkhipati—
pli-tv-kd9:5.1.7	adhammakammaṁ.
pli-tv-kd9:5.1.8	Idha pana, bhikkhave, bhikkhussa na hoti āpatti paṭikātabbā.
pli-tv-kd9:5.1.9	Tamenaṁ codeti saṅgho vā sambahulā vā ekapuggalo vā—
pli-tv-kd9:5.1.10	‘āpattiṁ tvaṁ, āvuso, āpanno, paṭikarohi taṁ āpattin’ti.
pli-tv-kd9:5.1.11	So evaṁ vadeti—
pli-tv-kd9:5.1.12	‘natthi me, āvuso, āpatti, yamahaṁ paṭikareyyan’ti.
pli-tv-kd9:5.1.13	Taṁ saṅgho āpattiyā appaṭikamme ukkhipati—
pli-tv-kd9:5.1.14	adhammakammaṁ.
pli-tv-kd9:5.1.15	Idha pana, bhikkhave, bhikkhussa na hoti pāpikā diṭṭhi paṭinissajjetā.
pli-tv-kd9:5.1.16	Tamenaṁ codeti saṅgho vā sambahulā vā ekapuggalo vā—
pli-tv-kd9:5.1.17	‘pāpikā te, āvuso, diṭṭhi, paṭinissajjetaṁ pāpikaṁ diṭṭhin’ti.
pli-tv-kd9:5.1.18	So evaṁ vadeti—
pli-tv-kd9:5.1.19	‘natthi me, āvuso, pāpikā diṭṭhi, yamahaṁ paṭinissajjeyyan’ti.
pli-tv-kd9:5.1.20	Taṁ saṅgho pāpikāya diṭṭhiyā appaṭinissagge ukkhipati—
pli-tv-kd9:5.1.21	adhammakammaṁ.
pli-tv-kd9:5.2.1	Idha pana, bhikkhave, bhikkhussa na hoti āpatti daṭṭhabbā, na hoti āpatti paṭikātabbā.
pli-tv-kd9:5.2.2	Tamenaṁ codeti saṅgho vā sambahulā vā ekapuggalo vā—
pli-tv-kd9:5.2.3	‘āpattiṁ tvaṁ, āvuso, āpanno, passasetaṁ āpattiṁ?
pli-tv-kd9:5.2.4	Paṭikarohi taṁ āpattin’ti.
pli-tv-kd9:5.2.5	So evaṁ vadeti—
pli-tv-kd9:5.2.6	‘natthi me, āvuso, āpatti, yamahaṁ passeyyaṁ.
pli-tv-kd9:5.2.7	Natthi me, āvuso, āpatti, yamahaṁ paṭikareyyan’ti.
pli-tv-kd9:5.2.8	Taṁ saṅgho adassane vā appaṭikamme vā ukkhipati—
pli-tv-kd9:5.2.9	adhammakammaṁ.
pli-tv-kd9:5.3.1	Idha pana, bhikkhave, bhikkhussa na hoti āpatti daṭṭhabbā, na hoti pāpikā diṭṭhi paṭinissajjetā.
pli-tv-kd9:5.3.2	Tamenaṁ codeti saṅgho vā sambahulā vā ekapuggalo vā—
pli-tv-kd9:5.3.3	‘āpattiṁ tvaṁ, āvuso, āpanno, passasetaṁ āpattiṁ?
pli-tv-kd9:5.3.4	Pāpikā te diṭṭhi, paṭinissajjetaṁ pāpikaṁ diṭṭhin’ti.
pli-tv-kd9:5.3.5	So evaṁ vadeti—
pli-tv-kd9:5.3.6	‘natthi me, āvuso, āpatti, yamahaṁ passeyyaṁ;
pli-tv-kd9:5.3.7	natthi me, āvuso, pāpikā diṭṭhi, yamahaṁ paṭinissajjeyyan’ti.
pli-tv-kd9:5.3.8	Taṁ saṅgho adassane vā appaṭinissagge vā ukkhipati—
pli-tv-kd9:5.3.9	adhammakammaṁ.
pli-tv-kd9:5.4.1	Idha pana, bhikkhave, bhikkhussa na hoti āpatti paṭikātabbā, na hoti pāpikā diṭṭhi paṭinissajjetā.
pli-tv-kd9:5.4.2	Tamenaṁ codeti saṅgho vā sambahulā vā ekapuggalo vā—
pli-tv-kd9:5.4.3	‘āpattiṁ tvaṁ, āvuso, āpanno, paṭikarohi taṁ āpattiṁ;
pli-tv-kd9:5.4.4	pāpikā te diṭṭhi, paṭinissajjetaṁ pāpikaṁ diṭṭhin’ti.
pli-tv-kd9:5.4.5	So evaṁ vadeti—
pli-tv-kd9:5.4.6	‘natthi me, āvuso, āpatti, yamahaṁ paṭikareyyaṁ.
pli-tv-kd9:5.4.7	Natthi me, āvuso, pāpikā diṭṭhi, yamahaṁ paṭinissajjeyyan’ti.
pli-tv-kd9:5.4.8	Taṁ saṅgho appaṭikamme vā appaṭinissagge vā ukkhipati—
pli-tv-kd9:5.4.9	adhammakammaṁ.
pli-tv-kd9:5.5.1	Idha pana, bhikkhave, bhikkhussa na hoti āpatti daṭṭhabbā, na hoti āpatti paṭikātabbā, na hoti pāpikā diṭṭhi paṭinissajjetā.
pli-tv-kd9:5.5.2	Tamenaṁ codeti saṅgho vā sambahulā vā ekapuggalo vā—
pli-tv-kd9:5.5.3	‘āpattiṁ tvaṁ, āvuso, āpanno, passasetaṁ āpattiṁ?
pli-tv-kd9:5.5.4	Paṭikarohi taṁ āpattiṁ;
pli-tv-kd9:5.5.5	pāpikā te diṭṭhi, paṭinissajjetaṁ pāpikaṁ diṭṭhin’ti.
pli-tv-kd9:5.5.6	So evaṁ vadeti—
pli-tv-kd9:5.5.7	‘natthi me, āvuso, āpatti, yamahaṁ passeyyaṁ.
pli-tv-kd9:5.5.8	Natthi me, āvuso, āpatti, yamahaṁ paṭikareyyaṁ.
pli-tv-kd9:5.5.9	Natthi me, āvuso, pāpikā diṭṭhi, yamahaṁ paṭinissajjeyyan’ti.
pli-tv-kd9:5.5.10	Taṁ saṅgho adassane vā appaṭikamme vā appaṭinissagge vā ukkhipati—
pli-tv-kd9:5.5.11	adhammakammaṁ.
pli-tv-kd9:5.6.0	
pli-tv-kd9:5.6.1	Idha pana, bhikkhave, bhikkhussa hoti āpatti daṭṭhabbā.
pli-tv-kd9:5.6.2	Tamenaṁ codeti saṅgho vā sambahulā vā ekapuggalo vā—
pli-tv-kd9:5.6.3	‘āpattiṁ tvaṁ, āvuso, āpanno, passasetaṁ āpattin’ti?
pli-tv-kd9:5.6.4	So evaṁ vadeti—
pli-tv-kd9:5.6.5	‘āmāvuso, passāmī’ti.
pli-tv-kd9:5.6.6	Taṁ saṅgho āpattiyā adassane ukkhipati—
pli-tv-kd9:5.6.7	adhammakammaṁ.
pli-tv-kd9:5.6.8	Idha pana, bhikkhave, bhikkhussa hoti āpatti paṭikātabbā.
pli-tv-kd9:5.6.9	Tamenaṁ codeti saṅgho vā sambahulā vā ekapuggalo vā—
pli-tv-kd9:5.6.10	‘āpattiṁ tvaṁ, āvuso, āpanno, paṭikarohi taṁ āpattin’ti.
pli-tv-kd9:5.6.11	So evaṁ vadeti—
pli-tv-kd9:5.6.12	‘āmāvuso, paṭikarissāmī’ti.
pli-tv-kd9:5.6.13	Taṁ saṅgho āpattiyā appaṭikamme ukkhipati—
pli-tv-kd9:5.6.14	adhammakammaṁ.
pli-tv-kd9:5.6.15	Idha pana, bhikkhave, bhikkhussa hoti pāpikā diṭṭhi paṭinissajjetā.
pli-tv-kd9:5.6.16	Tamenaṁ codeti saṅgho vā sambahulā vā ekapuggalo vā—
pli-tv-kd9:5.6.17	‘pāpikā te, āvuso, diṭṭhi;
pli-tv-kd9:5.6.18	paṭinissajjetaṁ pāpikaṁ diṭṭhin’ti.
pli-tv-kd9:5.6.19	So evaṁ vadeti—
pli-tv-kd9:5.6.20	‘āmāvuso, paṭinissajjissāmī’ti.
pli-tv-kd9:5.6.21	Taṁ saṅgho pāpikāya diṭṭhiyā appaṭinissagge ukkhipati—
pli-tv-kd9:5.6.22	adhammakammaṁ.
pli-tv-kd9:5.7.1	Idha pana, bhikkhave, bhikkhussa hoti āpatti daṭṭhabbā, hoti āpatti paṭikātabbā …pe…
pli-tv-kd9:5.7.2	hoti āpatti daṭṭhabbā, hoti pāpikā diṭṭhi paṭinissajjetā …pe…
pli-tv-kd9:5.7.3	hoti āpatti paṭikātabbā, hoti pāpikā diṭṭhi paṭinissajjetā …pe…
pli-tv-kd9:5.7.4	hoti āpatti daṭṭhabbā, hoti āpatti paṭikātabbā, hoti pāpikā diṭṭhi paṭinissajjetā.
pli-tv-kd9:5.7.5	Tamenaṁ codeti saṅgho vā sambahulā vā ekapuggalo vā—
pli-tv-kd9:5.7.6	‘āpattiṁ tvaṁ, āvuso, āpanno, passasetaṁ āpattiṁ?
pli-tv-kd9:5.7.7	Paṭikarohi taṁ āpattiṁ;
pli-tv-kd9:5.7.8	pāpikā te diṭṭhi, paṭinissajjetaṁ pāpikaṁ diṭṭhin’ti.
pli-tv-kd9:5.7.9	So evaṁ vadeti—
pli-tv-kd9:5.7.10	‘āmāvuso, passāmi, āma paṭikarissāmi, āma paṭinissajjissāmī’ti.
pli-tv-kd9:5.7.11	Taṁ saṅgho adassane vā appaṭikamme vā appaṭinissagge vā ukkhipati—
pli-tv-kd9:5.7.12	adhammakammaṁ.
pli-tv-kd9:5.8.0	
pli-tv-kd9:5.8.1	Idha pana, bhikkhave, bhikkhussa hoti āpatti daṭṭhabbā.
pli-tv-kd9:5.8.2	Tamenaṁ codeti saṅgho vā sambahulā vā ekapuggalo vā—
pli-tv-kd9:5.8.3	‘āpattiṁ tvaṁ, āvuso, āpanno, passasetaṁ āpattin’ti?
pli-tv-kd9:5.8.4	So evaṁ vadeti—
pli-tv-kd9:5.8.5	‘natthi me, āvuso, āpatti, yamahaṁ passeyyan’ti.
pli-tv-kd9:5.8.6	Taṁ saṅgho āpattiyā adassane ukkhipati—
pli-tv-kd9:5.8.7	dhammakammaṁ.
pli-tv-kd9:5.8.8	Idha pana, bhikkhave, bhikkhussa hoti āpatti paṭikātabbā.
pli-tv-kd9:5.8.9	Tamenaṁ codeti saṅgho vā sambahulā vā ekapuggalo vā—
pli-tv-kd9:5.8.10	‘āpattiṁ tvaṁ, āvuso, āpanno, paṭikarohi taṁ āpattin’ti.
pli-tv-kd9:5.8.11	So evaṁ vadeti—
pli-tv-kd9:5.8.12	‘natthi me, āvuso, āpatti, yamahaṁ paṭikareyyan’ti.
pli-tv-kd9:5.8.13	Taṁ saṅgho āpattiyā appaṭikamme ukkhipati—
pli-tv-kd9:5.8.14	dhammakammaṁ.
pli-tv-kd9:5.8.15	Idha pana, bhikkhave, bhikkhussa hoti pāpikā diṭṭhi paṭinissajjetā.
pli-tv-kd9:5.8.16	Tamenaṁ codeti saṅgho vā sambahulā vā ekapuggalo vā—
pli-tv-kd9:5.8.17	‘pāpikā te, āvuso, diṭṭhi, paṭinissajjetaṁ pāpikaṁ diṭṭhin’ti.
pli-tv-kd9:5.8.18	So evaṁ vadeti—
pli-tv-kd9:5.8.19	‘natthi me, āvuso, pāpikā diṭṭhi, yamahaṁ paṭinissajjeyyan’ti.
pli-tv-kd9:5.8.20	Taṁ saṅgho pāpikāya diṭṭhiyā appaṭinissagge ukkhipati—
pli-tv-kd9:5.8.21	dhammakammaṁ.
pli-tv-kd9:5.9.1	Idha pana, bhikkhave, bhikkhussa hoti āpatti daṭṭhabbā, hoti āpatti paṭikātabbā …pe…
pli-tv-kd9:5.9.2	hoti āpatti daṭṭhabbā, hoti pāpikā diṭṭhi paṭinissajjetā …pe…
pli-tv-kd9:5.9.3	hoti āpatti paṭikātabbā, hoti pāpikā diṭṭhi paṭinissajjetā …pe…
pli-tv-kd9:5.9.4	hoti āpatti daṭṭhabbā, hoti āpatti paṭikātabbā, hoti pāpikā diṭṭhi paṭinissajjetā.
pli-tv-kd9:5.9.5	Tamenaṁ codeti saṅgho vā sambahulā vā ekapuggalo vā—
pli-tv-kd9:5.9.6	‘āpattiṁ tvaṁ, āvuso, āpanno, passasetaṁ āpattiṁ?
pli-tv-kd9:5.9.7	Paṭikarohi taṁ āpattiṁ.
pli-tv-kd9:5.9.8	Pāpikā te diṭṭhi, paṭinissajjetaṁ pāpikaṁ diṭṭhin’ti.
pli-tv-kd9:5.9.9	So evaṁ vadeti—
pli-tv-kd9:5.9.10	‘natthi me, āvuso, āpatti, yamahaṁ passeyyaṁ.
pli-tv-kd9:5.9.11	Natthi me, āvuso, āpatti yamahaṁ paṭikareyyaṁ.
pli-tv-kd9:5.9.12	Natthi me, āvuso, pāpikā diṭṭhi, yamahaṁ paṭinissajjeyyan’ti.
pli-tv-kd9:5.9.13	Taṁ saṅgho adassane vā appaṭikamme vā appaṭinissagge vā ukkhipati—
pli-tv-kd9:5.9.14	dhammakamman”ti.
pli-tv-kd9:6.1.0	8. Upālipucchākathā
pli-tv-kd9:6.1.1	Atha kho āyasmā upāli yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd9:6.1.2	Ekamantaṁ nisinno kho āyasmā upāli bhagavantaṁ etadavoca—
pli-tv-kd9:6.1.3	“yo nu kho, bhante, samaggo saṅgho sammukhākaraṇīyaṁ kammaṁ asammukhā karoti, dhammakammaṁ nu kho taṁ, bhante, vinayakamman”ti?
pli-tv-kd9:6.1.4	“Adhammakammaṁ taṁ, upāli, avinayakamman”ti.
pli-tv-kd9:6.2.1	“Yo nu kho, bhante, samaggo saṅgho paṭipucchākaraṇīyaṁ kammaṁ appaṭipucchā karoti …pe…
pli-tv-kd9:6.2.2	paṭiññāyakaraṇīyaṁ kammaṁ appaṭiññāya karoti …
pli-tv-kd9:6.2.3	sativinayārahassa amūḷhavinayaṁ deti …
pli-tv-kd9:6.2.4	amūḷhavinayārahassa tassapāpiyasikākammaṁ karoti …
pli-tv-kd9:6.2.5	tassapāpiyasikākammārahassa tajjanīyakammaṁ karoti …
pli-tv-kd9:6.2.6	tajjanīyakammārahassa niyassakammaṁ karoti …
pli-tv-kd9:6.2.7	niyassakammārahassa pabbājanīyakammaṁ karoti …
pli-tv-kd9:6.2.8	pabbājanīyakammārahassa paṭisāraṇīyakammaṁ karoti …
pli-tv-kd9:6.2.9	paṭisāraṇīyakammārahassa ukkhepanīyakammaṁ karoti …
pli-tv-kd9:6.2.10	ukkhepanīyakammārahassa parivāsaṁ deti …
pli-tv-kd9:6.2.11	parivāsārahaṁ mūlāya paṭikassati …
pli-tv-kd9:6.2.12	mūlāyapaṭikassanārahassa mānattaṁ deti …
pli-tv-kd9:6.2.13	mānattārahaṁ abbheti …
pli-tv-kd9:6.2.14	abbhānārahaṁ upasampādeti, dhammakammaṁ nu kho taṁ, bhante, vinayakamman”ti?
pli-tv-kd9:6.3.1	“Adhammakammaṁ taṁ, upāli, avinayakammaṁ.
pli-tv-kd9:6.3.2	Yo kho, upāli, samaggo saṅgho sammukhākaraṇīyaṁ kammaṁ asammukhā karoti, evaṁ kho, upāli, adhammakammaṁ hoti avinayakammaṁ, evañca pana saṅgho sātisāro hoti.
pli-tv-kd9:6.3.3	Yo kho, upāli, samaggo saṅgho paṭipucchākaraṇīyaṁ kammaṁ appaṭipucchā karoti …pe…
pli-tv-kd9:6.3.4	paṭiññāyakaraṇīyaṁ kammaṁ appaṭiññāya karoti …
pli-tv-kd9:6.3.5	sativinayārahassa amūḷhavinayaṁ deti …
pli-tv-kd9:6.3.6	amūḷhavinayārahassa tassapāpiyasikākammaṁ karoti …
pli-tv-kd9:6.3.7	tassapāpiyasikākammārahassa tajjanīyakammaṁ karoti …
pli-tv-kd9:6.3.8	tajjanīyakammārahassa niyassakammaṁ karoti …
pli-tv-kd9:6.3.9	niyassakammārahassa pabbājanīyakammaṁ karoti …
pli-tv-kd9:6.3.10	pabbājanīyakammārahassa paṭisāraṇīyakammaṁ karoti …
pli-tv-kd9:6.3.11	paṭisāraṇīyakammārahassa ukkhepanīyakammaṁ karoti …
pli-tv-kd9:6.3.12	ukkhepanīyakammārahassa parivāsaṁ deti …
pli-tv-kd9:6.3.13	parivāsārahaṁ mūlāya paṭikassati …
pli-tv-kd9:6.3.14	mūlāyapaṭikassanārahassa mānattaṁ deti …
pli-tv-kd9:6.3.15	mānattārahaṁ abbheti …
pli-tv-kd9:6.3.16	abbhānārahaṁ upasampādeti, evaṁ kho, upāli, adhammakammaṁ hoti avinayakammaṁ.
pli-tv-kd9:6.3.17	Evañca pana saṅgho sātisāro hotī”ti.
pli-tv-kd9:6.4.1	“Yo nu kho, bhante, samaggo saṅgho sammukhākaraṇīyaṁ kammaṁ sammukhā karoti, dhammakammaṁ nu kho taṁ, bhante, vinayakamman”ti?
pli-tv-kd9:6.4.2	“Dhammakammaṁ taṁ, upāli, vinayakamman”ti.
pli-tv-kd9:6.4.3	“Yo nu kho, bhante, samaggo saṅgho paṭipucchākaraṇīyaṁ kammaṁ paṭipucchā karoti …pe…
pli-tv-kd9:6.4.4	paṭiññāyakaraṇīyaṁ kammaṁ paṭiññāya karoti …
pli-tv-kd9:6.4.5	sativinayārahassa sativinayaṁ deti …
pli-tv-kd9:6.4.6	amūḷhavinayārahassa amūḷhavinayaṁ deti …
pli-tv-kd9:6.4.7	tassapāpiyasikākammārahassa tassapāpiyasikākammaṁ karoti …
pli-tv-kd9:6.4.8	tajjanīyakammārahassa tajjanīyakammaṁ karoti …
pli-tv-kd9:6.4.9	niyassakammārahassa niyassakammaṁ karoti …
pli-tv-kd9:6.4.10	pabbājanīyakammārahassa pabbājanīyakammaṁ karoti …
pli-tv-kd9:6.4.11	paṭisāraṇīyakammārahassa paṭisāraṇīyakammaṁ karoti …
pli-tv-kd9:6.4.12	ukkhepanīyakammārahassa ukkhepanīyakammaṁ karoti …
pli-tv-kd9:6.4.13	parivāsārahassa parivāsaṁ deti …
pli-tv-kd9:6.4.14	mūlāyapaṭikassanārahaṁ mūlāya paṭikassati …
pli-tv-kd9:6.4.15	mānattārahassa mānattaṁ deti …
pli-tv-kd9:6.4.16	abbhānārahaṁ abbheti …
pli-tv-kd9:6.4.17	upasampadārahaṁ upasampādeti, dhammakammaṁ nu kho taṁ, bhante, vinayakamman”ti?
pli-tv-kd9:6.4.18	“Dhammakammaṁ taṁ, upāli, vinayakammaṁ.
pli-tv-kd9:6.4.19	Yo kho, upāli, samaggo saṅgho sammukhākaraṇīyaṁ kammaṁ sammukhā karoti, evaṁ kho, upāli, dhammakammaṁ hoti vinayakammaṁ.
pli-tv-kd9:6.4.20	Evañca pana saṅgho anatisāro hoti.
pli-tv-kd9:6.4.21	Yo kho, upāli, samaggo saṅgho paṭipucchākaraṇīyaṁ kammaṁ paṭipucchā karoti …
pli-tv-kd9:6.4.22	paṭiññāyakaraṇīyaṁ kammaṁ paṭiññāya karoti …
pli-tv-kd9:6.4.23	sativinayārahassa sativinayaṁ deti …
pli-tv-kd9:6.4.24	amūḷhavinayārahassa amūḷhavinayaṁ deti …
pli-tv-kd9:6.4.25	tassapāpiyasikākammārahassa tassapāpiyasikākammaṁ karoti …
pli-tv-kd9:6.4.26	tajjanīyakammārahassa tajjanīyakammaṁ karoti …
pli-tv-kd9:6.4.27	niyassakammārahassa niyassakammaṁ karoti …
pli-tv-kd9:6.4.28	pabbājanīyakammārahassa pabbājanīyakammaṁ karoti …
pli-tv-kd9:6.4.29	paṭisāraṇīyakammārahassa paṭisāraṇīyakammaṁ karoti …
pli-tv-kd9:6.4.30	ukkhepanīyakammārahassa ukkhepanīyakammaṁ karoti …
pli-tv-kd9:6.4.31	parivāsārahassa parivāsaṁ deti …
pli-tv-kd9:6.4.32	mūlāyapaṭikassanārahaṁ mūlāya paṭikassati …
pli-tv-kd9:6.4.33	mānattārahassa mānattaṁ deti …
pli-tv-kd9:6.4.34	abbhānārahaṁ abbheti …
pli-tv-kd9:6.4.35	upasampadārahaṁ upasampādeti, evaṁ kho, upāli, dhammakammaṁ hoti vinayakammaṁ.
pli-tv-kd9:6.4.36	Evañca pana saṅgho anatisāro hotī”ti.
pli-tv-kd9:6.5.1	“Yo nu kho, bhante, samaggo saṅgho sativinayārahassa amūḷhavinayaṁ deti, amūḷhavinayārahassa sativinayaṁ deti, dhammakammaṁ nu kho taṁ, bhante, vinayakamman”ti?
pli-tv-kd9:6.5.2	“Adhammakammaṁ taṁ, upāli, avinayakamman”ti.
pli-tv-kd9:6.5.3	“Yo nu kho, bhante, samaggo saṅgho amūḷhavinayārahassa tassapāpiyasikākammaṁ karoti, tassapāpiyasikākammārahassa amūḷhavinayaṁ deti …pe…
pli-tv-kd9:6.5.4	tassapāpiyasikākammārahassa tajjanīyakammaṁ karoti, tajjanīyakammārahassa tassapāpiyasikākammaṁ karoti …
pli-tv-kd9:6.5.5	tajjanīyakammārahassa niyassakammaṁ karoti, niyassakammārahassa tajjanīyakammaṁ karoti …
pli-tv-kd9:6.5.6	niyassakammārahassa pabbājanīyakammaṁ karoti, pabbājanīyakammārahassa niyassakammaṁ karoti …
pli-tv-kd9:6.5.7	pabbājanīyakammārahassa paṭisāraṇīyakammaṁ karoti, paṭisāraṇīyakammārahassa pabbājanīyakammaṁ karoti …
pli-tv-kd9:6.5.8	paṭisāraṇīyakammārahassa ukkhepanīyakammaṁ karoti, ukkhepanīyakammārahassa paṭisāraṇīyakammaṁ karoti …
pli-tv-kd9:6.5.9	ukkhepanīyakammārahassa parivāsaṁ deti, parivāsārahassa ukkhepanīyakammaṁ karoti …
pli-tv-kd9:6.5.10	parivāsārahaṁ mūlāya paṭikassati, mūlāyapaṭikassanārahassa parivāsaṁ deti …
pli-tv-kd9:6.5.11	mūlāyapaṭikassanārahassa mānattaṁ deti, mānattārahaṁ mūlāya paṭikassati …
pli-tv-kd9:6.5.12	mānattārahaṁ abbheti, abbhānārahassa mānattaṁ deti …
pli-tv-kd9:6.5.13	abbhānārahaṁ upasampādeti, upasampadārahaṁ abbheti, dhammakammaṁ nu kho taṁ, bhante, vinayakamman”ti?
pli-tv-kd9:6.6.1	“Adhammakammaṁ taṁ, upāli, avinayakammaṁ.
pli-tv-kd9:6.6.2	Yo kho, upāli, samaggo saṅgho sativinayārahassa amūḷhavinayaṁ deti, amūḷhavinayārahassa sativinayaṁ deti, evaṁ kho, upāli, adhammakammaṁ hoti avinayakammaṁ.
pli-tv-kd9:6.6.3	Evañca pana saṅgho sātisāro hoti.
pli-tv-kd9:6.6.4	Yo kho, upāli, samaggo saṅgho amūḷhavinayārahassa tassapāpiyasikākammaṁ karoti, tassapāpiyasikākammārahassa amūḷhavinayaṁ deti …pe…
pli-tv-kd9:6.6.5	tassapāpiyasikākammārahassa tajjanīyakammaṁ karoti, tajjanīyakammārahassa tassapāpiyasikākammaṁ karoti …
pli-tv-kd9:6.6.6	tajjanīyakammārahassa niyassakammaṁ karoti, niyassakammārahassa tajjanīyakammaṁ karoti …
pli-tv-kd9:6.6.7	niyassakammārahassa pabbājanīyakammaṁ karoti, pabbājanīyakammārahassa niyassakammaṁ karoti …
pli-tv-kd9:6.6.8	pabbājanīyakammārahassa paṭisāraṇīyakammaṁ karoti, paṭisāraṇīyakammārahassa pabbājanīyakammaṁ karoti …
pli-tv-kd9:6.6.9	paṭisāraṇīyakammārahassa ukkhepanīyakammaṁ karoti, ukkhepanīyakammārahassa paṭisāraṇīyakammaṁ karoti …
pli-tv-kd9:6.6.10	ukkhepanīyakammārahassa parivāsaṁ deti, parivāsārahassa ukkhepanīyakammaṁ karoti …
pli-tv-kd9:6.6.11	parivāsārahaṁ mūlāya paṭikassati, mūlāyapaṭikassanārahassa parivāsaṁ deti …
pli-tv-kd9:6.6.12	mūlāyapaṭikassanārahassa mānattaṁ deti, mānattārahaṁ mūlāya paṭikassati—
pli-tv-kd9:6.6.13	mānattārahaṁ abbheti, abbhānārahassa mānattaṁ deti …
pli-tv-kd9:6.6.14	abbhānārahaṁ upasampādeti, upasampadārahaṁ abbheti, evaṁ kho, upāli, adhammakammaṁ hoti avinayakammaṁ.
pli-tv-kd9:6.6.15	Evañca pana saṅgho sātisāro hotī”ti.
pli-tv-kd9:6.7.1	“Yo nu kho, bhante, samaggo saṅgho sativinayārahassa sativinayaṁ deti, amūḷhavinayārahassa amūḷhavinayaṁ deti, dhammakammaṁ nu kho taṁ, bhante, vinayakamman”ti?
pli-tv-kd9:6.7.2	“Dhammakammaṁ taṁ, upāli, vinayakamman”ti.
pli-tv-kd9:6.7.3	“Yo nu kho, bhante, samaggo saṅgho amūḷhavinayārahassa amūḷhavinayaṁ deti …pe…
pli-tv-kd9:6.7.4	tassapāpiyasikākammārahassa tassapāpiyasikākammaṁ karoti …pe…
pli-tv-kd9:6.7.5	tajjanīyakammārahassa tajjanīyakammaṁ karoti …pe…
pli-tv-kd9:6.7.6	niyassakammārahassa niyassakammaṁ karoti …pe…
pli-tv-kd9:6.7.7	pabbājanīyakammārahassa pabbājanīyakammaṁ karoti …pe…
pli-tv-kd9:6.7.8	paṭisāraṇīyakammārahassa paṭisāraṇīyakammaṁ karoti …pe…
pli-tv-kd9:6.7.9	ukkhepanīyakammārahassa ukkhepanīyakammaṁ karoti …pe…
pli-tv-kd9:6.7.10	parivāsārahassa parivāsaṁ deti …pe…
pli-tv-kd9:6.7.11	mūlāyapaṭikassanārahaṁ mūlāya paṭikassati …pe…
pli-tv-kd9:6.7.12	mānattārahassa mānattaṁ deti …pe…
pli-tv-kd9:6.7.13	abbhānārahaṁ abbheti, upasampadārahaṁ upasampādeti, dhammakammaṁ nu kho taṁ, bhante, vinayakamman”ti?
pli-tv-kd9:6.8.1	“Dhammakammaṁ taṁ, upāli, vinayakammaṁ.
pli-tv-kd9:6.8.2	Yo kho, upāli, samaggo saṅgho sativinayārahassa sativinayaṁ deti, amūḷhavinayārahassa amūḷhavinayaṁ deti, evaṁ kho, upāli, dhammakammaṁ hoti vinayakammaṁ.
pli-tv-kd9:6.8.3	Evañca pana saṅgho anatisāro hoti.
pli-tv-kd9:6.8.4	Yo kho, upāli, samaggo saṅgho amūḷhavinayārahassa amūḷhavinayaṁ deti …pe…
pli-tv-kd9:6.8.5	tassapāpiyasikākammārahassa tassapāpiyasikākammaṁ karoti …pe…
pli-tv-kd9:6.8.6	tajjanīyakammārahassa tajjanīyakammaṁ karoti …pe…
pli-tv-kd9:6.8.7	niyassakammārahassa niyassakammaṁ karoti …pe…
pli-tv-kd9:6.8.8	pabbājanīyakammārahassa pabbājanīyakammaṁ karoti …pe…
pli-tv-kd9:6.8.9	paṭisāraṇīyakammārahassa paṭisāraṇīyakammaṁ karoti …pe…
pli-tv-kd9:6.8.10	ukkhepanīyakammārahassa ukkhepanīyakammaṁ karoti …pe…
pli-tv-kd9:6.8.11	parivāsārahassa parivāsaṁ deti …pe…
pli-tv-kd9:6.8.12	mūlāyapaṭikassanārahaṁ mūlāya paṭikassati …pe…
pli-tv-kd9:6.8.13	mānattārahassa mānattaṁ deti …pe…
pli-tv-kd9:6.8.14	abbhānārahaṁ abbheti, upasampadārahaṁ upasampādeti, evaṁ kho, upāli, dhammakammaṁ hoti vinayakammaṁ.
pli-tv-kd9:6.8.15	Evañca pana saṅgho anatisāro hotī”ti.
pli-tv-kd9:6.9.1	Atha kho bhagavā bhikkhū āmantesi—
pli-tv-kd9:6.9.2	“yo kho, bhikkhave, samaggo saṅgho sativinayārahassa amūḷhavinayaṁ deti, evaṁ kho, bhikkhave, adhammakammaṁ hoti avinayakammaṁ.
pli-tv-kd9:6.9.3	Evañca pana saṅgho sātisāro hoti.
pli-tv-kd9:6.9.4	Yo kho, bhikkhave, samaggo saṅgho sativinayārahassa tassapāpiyasikākammaṁ karoti …pe…
pli-tv-kd9:6.9.5	sativinayārahassa tajjanīyakammaṁ karoti …
pli-tv-kd9:6.9.6	sativinayārahassa niyassakammaṁ karoti …
pli-tv-kd9:6.9.7	sativinayārahassa pabbājanīyakammaṁ karoti …
pli-tv-kd9:6.9.8	sativinayārahassa paṭisāraṇīyakammaṁ karoti …
pli-tv-kd9:6.9.9	sativinayārahassa ukkhepanīyakammaṁ karoti …
pli-tv-kd9:6.9.10	sativinayārahassa parivāsaṁ deti …
pli-tv-kd9:6.9.11	sativinayārahaṁ mūlāya paṭikassati …
pli-tv-kd9:6.9.12	sativinayārahassa mānattaṁ deti …
pli-tv-kd9:6.9.13	sativinayārahaṁ abbheti …
pli-tv-kd9:6.9.14	sativinayārahaṁ upasampādeti, evaṁ kho, bhikkhave, adhammakammaṁ hoti avinayakammaṁ.
pli-tv-kd9:6.9.15	Evañca pana saṅgho sātisāro hoti.
pli-tv-kd9:6.9.16	Yo kho, bhikkhave, samaggo saṅgho amūḷhavinayārahassa tassapāpiyasikākammaṁ karoti, evaṁ kho, bhikkhave, adhammakammaṁ hoti avinayakammaṁ.
pli-tv-kd9:6.9.17	Evañca pana saṅgho sātisāro hoti.
pli-tv-kd9:6.9.18	Yo kho, bhikkhave, samaggo saṅgho amūḷhavinayārahassa tajjanīyakammaṁ karoti …pe…
pli-tv-kd9:6.9.19	amūḷhavinayārahassa niyassakammaṁ karoti …
pli-tv-kd9:6.9.20	amūḷhavinayārahassa pabbājanīyakammaṁ karoti …
pli-tv-kd9:6.9.21	amūḷhavinayārahassa paṭisāraṇīyakammaṁ karoti …
pli-tv-kd9:6.9.22	amūḷhavinayārahassa ukkhepanīyakammaṁ karoti …
pli-tv-kd9:6.9.23	amūḷhavinayārahassa parivāsaṁ deti …
pli-tv-kd9:6.9.24	amūḷhavinayārahaṁ mūlāya paṭikassati …
pli-tv-kd9:6.9.25	amūḷhavinayārahassa mānattaṁ deti …
pli-tv-kd9:6.9.26	amūḷhavinayārahaṁ abbheti …
pli-tv-kd9:6.9.27	amūḷhavinayārahaṁ upasampādeti …
pli-tv-kd9:6.9.28	amūḷhavinayārahassa sativinayaṁ deti, evaṁ kho, bhikkhave, adhammakammaṁ hoti avinayakammaṁ.
pli-tv-kd9:6.9.29	Evañca pana saṅgho sātisāro hoti.
pli-tv-kd9:6.9.30	Yo kho, bhikkhave, samaggo saṅgho tassapāpiyasikākammārahassa tajjanīyakammaṁ karoti …pe…
pli-tv-kd9:6.9.31	tajjanīyakammārahassa …
pli-tv-kd9:6.9.32	niyassakammārahassa …
pli-tv-kd9:6.9.33	pabbājanīyakammārahassa …
pli-tv-kd9:6.9.34	paṭisāraṇīyakammārahassa …
pli-tv-kd9:6.9.35	ukkhepanīyakammārahassa …
pli-tv-kd9:6.9.36	parivāsārahaṁ …
pli-tv-kd9:6.9.37	mūlāyapaṭikassanārahassa …
pli-tv-kd9:6.9.38	mānattārahaṁ …
pli-tv-kd9:6.9.39	abbhānārahaṁ …
pli-tv-kd9:6.9.40	upasampadārahassa sativinayaṁ deti, evaṁ kho, bhikkhave, adhammakammaṁ hoti avinayakammaṁ.
pli-tv-kd9:6.9.41	Evañca pana saṅgho sātisāro hoti.
pli-tv-kd9:6.9.42	Yo kho, bhikkhave, samaggo saṅgho upasampadārahassa amūḷhavinayaṁ deti …pe…
pli-tv-kd9:6.9.43	upasampadārahassa tassapāpiyasikākammaṁ karoti …
pli-tv-kd9:6.9.44	upasampadārahassa tajjanīyakammaṁ karoti …
pli-tv-kd9:6.9.45	upasampadārahassa niyassakammaṁ karoti …
pli-tv-kd9:6.9.46	upasampadārahassa pabbājanīyakammaṁ karoti …
pli-tv-kd9:6.9.47	upasampadārahassa paṭisāraṇīyakammaṁ karoti …
pli-tv-kd9:6.9.48	upasampadārahassa ukkhepanīyakammaṁ karoti …
pli-tv-kd9:6.9.49	upasampadārahassa parivāsaṁ deti …
pli-tv-kd9:6.9.50	upasampadārahaṁ mūlāya paṭikassati …
pli-tv-kd9:6.9.51	upasampadārahassa mānattaṁ deti …
pli-tv-kd9:6.9.52	upasampadārahaṁ abbheti, evaṁ kho, bhikkhave, adhammakammaṁ hoti avinayakammaṁ.
pli-tv-kd9:6.9.53	Evañca pana saṅgho sātisāro hotī”ti.
pli-tv-kd9:6.9.54	Upālipucchābhāṇavāro niṭṭhito dutiyo.
pli-tv-kd9:7.1.0	9. Tajjanīyakammakathā
pli-tv-kd9:7.1.1	“Idha pana, bhikkhave, bhikkhu bhaṇḍanakārako hoti kalahakārako vivādakārako bhassakārako saṅghe adhikaraṇakārako.
pli-tv-kd9:7.1.2	Tatra ce bhikkhūnaṁ evaṁ hoti—
pli-tv-kd9:7.1.3	‘ayaṁ kho, āvuso, bhikkhu bhaṇḍanakārako kalahakārako vivādakārako bhassakārako saṅghe adhikaraṇakārako.
pli-tv-kd9:7.1.4	Handassa mayaṁ tajjanīyakammaṁ karomā’ti.
pli-tv-kd9:7.1.5	Te tassa tajjanīyakammaṁ karonti—
pli-tv-kd9:7.1.6	adhammena vaggā.
pli-tv-kd9:7.1.7	So tamhā āvāsā aññaṁ āvāsaṁ gacchati.
pli-tv-kd9:7.1.8	Tatthapi bhikkhūnaṁ evaṁ hoti—
pli-tv-kd9:7.1.9	‘ayaṁ kho, āvuso, bhikkhu saṅghena tajjanīyakammakato adhammena vaggehi.
pli-tv-kd9:7.1.10	Handassa mayaṁ tajjanīyakammaṁ karomā’ti.
pli-tv-kd9:7.1.11	Te tassa tajjanīyakammaṁ karonti—
pli-tv-kd9:7.1.12	adhammena samaggā.
pli-tv-kd9:7.1.13	So tamhāpi āvāsā aññaṁ āvāsaṁ gacchati.
pli-tv-kd9:7.1.14	Tatthapi bhikkhūnaṁ evaṁ hoti—
pli-tv-kd9:7.1.15	‘ayaṁ kho, āvuso, bhikkhu saṅghena tajjanīyakammakato adhammena samaggehi.
pli-tv-kd9:7.1.16	Handassa mayaṁ tajjanīyakammaṁ karomā’ti.
pli-tv-kd9:7.1.17	Te tassa tajjanīyakammaṁ karonti—
pli-tv-kd9:7.1.18	dhammena vaggā.
pli-tv-kd9:7.1.19	So tamhāpi āvāsā aññaṁ āvāsaṁ gacchati.
pli-tv-kd9:7.1.20	Tatthapi bhikkhūnaṁ evaṁ hoti—
pli-tv-kd9:7.1.21	‘ayaṁ kho, āvuso, bhikkhu saṅghena tajjanīyakammakato dhammena vaggehi.
pli-tv-kd9:7.1.22	Handassa mayaṁ tajjanīyakammaṁ karomā’ti.
pli-tv-kd9:7.1.23	Te tassa tajjanīyakammaṁ karonti—
pli-tv-kd9:7.1.24	dhammapatirūpakena vaggā.
pli-tv-kd9:7.1.25	So tamhāpi āvāsā aññaṁ āvāsaṁ gacchati.
pli-tv-kd9:7.1.26	Tatthapi bhikkhūnaṁ evaṁ hoti—
pli-tv-kd9:7.1.27	‘ayaṁ kho, āvuso, bhikkhu saṅghena tajjanīyakammakato dhammapatirūpakena vaggehi.
pli-tv-kd9:7.1.28	Handassa mayaṁ tajjanīyakammaṁ karomā’ti.
pli-tv-kd9:7.1.29	Te tassa tajjanīyakammaṁ karonti—
pli-tv-kd9:7.1.30	dhammapatirūpakena samaggā.
pli-tv-kd9:7.2.1	Idha pana, bhikkhave, bhikkhu bhaṇḍanakārako hoti kalahakārako vivādakārako bhassakārako saṅghe adhikaraṇakārako.
pli-tv-kd9:7.2.2	Tatra ce bhikkhūnaṁ evaṁ hoti—
pli-tv-kd9:7.2.3	‘ayaṁ kho, āvuso, bhikkhu bhaṇḍanakārako kalahakārako vivādakārako bhassakārako saṅghe adhikaraṇakārako.
pli-tv-kd9:7.2.4	Handassa mayaṁ tajjanīyakammaṁ karomā’ti.
pli-tv-kd9:7.2.5	Te tassa tajjanīyakammaṁ karonti—
pli-tv-kd9:7.2.6	adhammena samaggā.
pli-tv-kd9:7.2.7	So tamhā āvāsā aññaṁ āvāsaṁ gacchati.
pli-tv-kd9:7.2.8	Tatthapi bhikkhūnaṁ evaṁ hoti—
pli-tv-kd9:7.2.9	‘ayaṁ kho, āvuso, bhikkhu saṅghena tajjanīyakammakato adhammena samaggehi.
pli-tv-kd9:7.2.10	Handassa mayaṁ tajjanīyakammaṁ karomā’ti.
pli-tv-kd9:7.2.11	Te tassa tajjanīyakammaṁ karonti—
pli-tv-kd9:7.2.12	dhammena vaggā.
pli-tv-kd9:7.2.13	So tamhāpi āvāsā aññaṁ āvāsaṁ gacchati.
pli-tv-kd9:7.2.14	Tatthapi bhikkhūnaṁ evaṁ hoti—
pli-tv-kd9:7.2.15	‘ayaṁ kho, āvuso, bhikkhu saṅghena tajjanīyakammakato dhammena vaggehi.
pli-tv-kd9:7.2.16	Handassa mayaṁ tajjanīyakammaṁ karomā’ti.
pli-tv-kd9:7.2.17	Te tassa tajjanīyakammaṁ karonti—
pli-tv-kd9:7.2.18	dhammapatirūpakena vaggā.
pli-tv-kd9:7.2.19	So tamhāpi āvāsā aññaṁ āvāsaṁ gacchati.
pli-tv-kd9:7.2.20	Tatthapi bhikkhūnaṁ evaṁ hoti—
pli-tv-kd9:7.2.21	‘ayaṁ kho, āvuso, bhikkhu saṅghena tajjanīyakammakato dhammapatirūpakena vaggehi.
pli-tv-kd9:7.2.22	Handassa mayaṁ tajjanīyakammaṁ karomā’ti.
pli-tv-kd9:7.2.23	Te tassa tajjanīyakammaṁ karonti—
pli-tv-kd9:7.2.24	dhammapatirūpakena samaggā.
pli-tv-kd9:7.2.25	So tamhāpi āvāsā aññaṁ āvāsaṁ gacchati.
pli-tv-kd9:7.2.26	Tatthapi bhikkhūnaṁ evaṁ hoti—
pli-tv-kd9:7.2.27	‘ayaṁ kho, āvuso, bhikkhu saṅghena tajjanīyakammakato dhammapatirūpakena samaggehi.
pli-tv-kd9:7.2.28	Handassa mayaṁ tajjanīyakammaṁ karomā’ti.
pli-tv-kd9:7.2.29	Te tassa tajjanīyakammaṁ karonti—
pli-tv-kd9:7.2.30	adhammena vaggā.
pli-tv-kd9:7.3.1	Idha pana, bhikkhave, bhikkhu bhaṇḍanakārako hoti kalahakārako vivādakārako bhassakārako saṅghe adhikaraṇakārako.
pli-tv-kd9:7.3.2	Tatra ce bhikkhūnaṁ evaṁ hoti—
pli-tv-kd9:7.3.3	‘ayaṁ kho, āvuso, bhikkhu bhaṇḍanakārako kalahakārako vivādakārako bhassakārako saṅghe adhikaraṇakārako.
pli-tv-kd9:7.3.4	Handassa mayaṁ tajjanīyakammaṁ karomā’ti.
pli-tv-kd9:7.3.5	Te tassa tajjanīyakammaṁ karonti—
pli-tv-kd9:7.3.6	dhammena vaggā.
pli-tv-kd9:7.3.7	So tamhā āvāsā aññaṁ āvāsaṁ gacchati.
pli-tv-kd9:7.3.8	Tatthapi bhikkhūnaṁ evaṁ hoti—
pli-tv-kd9:7.3.9	‘ayaṁ kho, āvuso, bhikkhu saṅghena tajjanīyakammakato dhammena vaggehi.
pli-tv-kd9:7.3.10	Handassa mayaṁ tajjanīyakammaṁ karomā’ti.
pli-tv-kd9:7.3.11	Te tassa tajjanīyakammaṁ karonti—
pli-tv-kd9:7.3.12	dhammapatirūpakena vaggā.
pli-tv-kd9:7.3.13	So tamhāpi āvāsā aññaṁ āvāsaṁ gacchati.
pli-tv-kd9:7.3.14	Tatthapi bhikkhūnaṁ evaṁ hoti—
pli-tv-kd9:7.3.15	‘ayaṁ kho, āvuso, bhikkhu saṅghena tajjanīyakammakato dhammapatirūpakena vaggehi.
pli-tv-kd9:7.3.16	Handassa mayaṁ tajjanīyakammaṁ karomā’ti.
pli-tv-kd9:7.3.17	Te tassa tajjanīyakammaṁ karonti—
pli-tv-kd9:7.3.18	dhammapatirūpakena samaggā.
pli-tv-kd9:7.3.19	So tamhāpi āvāsā aññaṁ āvāsaṁ gacchati.
pli-tv-kd9:7.3.20	Tatthapi bhikkhūnaṁ evaṁ hoti—
pli-tv-kd9:7.3.21	‘ayaṁ kho, āvuso, bhikkhu saṅghena tajjanīyakammakato dhammapatirūpakena samaggehi.
pli-tv-kd9:7.3.22	Handassa mayaṁ tajjanīyakammaṁ karomā’ti.
pli-tv-kd9:7.3.23	Te tassa tajjanīyakammaṁ karonti—
pli-tv-kd9:7.3.24	adhammena vaggā.
pli-tv-kd9:7.3.25	So tamhāpi āvāsā aññaṁ āvāsaṁ gacchati.
pli-tv-kd9:7.3.26	Tatthapi bhikkhūnaṁ evaṁ hoti—
pli-tv-kd9:7.3.27	‘ayaṁ kho, āvuso, bhikkhu saṅghena tajjanīyakammakato adhammena vaggehi.
pli-tv-kd9:7.3.28	Handassa mayaṁ tajjanīyakammaṁ karomā’ti.
pli-tv-kd9:7.3.29	Te tassa tajjanīyakammaṁ karonti—
pli-tv-kd9:7.3.30	adhammena samaggā.
pli-tv-kd9:7.4.1	Idha pana, bhikkhave, bhikkhu bhaṇḍanakārako hoti kalahakārako vivādakārako bhassakārako saṅghe adhikaraṇakārako.
pli-tv-kd9:7.4.2	Tatra ce bhikkhūnaṁ evaṁ hoti—
pli-tv-kd9:7.4.3	‘ayaṁ kho, āvuso, bhikkhu bhaṇḍanakārako kalahakārako vivādakārako bhassakārako saṅghe adhikaraṇakārako.
pli-tv-kd9:7.4.4	Handassa mayaṁ tajjanīyakammaṁ karomā’ti.
pli-tv-kd9:7.4.5	Te tassa tajjanīyakammaṁ karonti—
pli-tv-kd9:7.4.6	dhammapatirūpakena vaggā.
pli-tv-kd9:7.4.7	So tamhā āvāsā aññaṁ āvāsaṁ gacchati.
pli-tv-kd9:7.4.8	Tatthapi bhikkhūnaṁ evaṁ hoti—
pli-tv-kd9:7.4.9	‘ayaṁ kho, āvuso, bhikkhu saṅghena tajjanīyakammakato dhammapatirūpakena vaggehi.
pli-tv-kd9:7.4.10	Handassa mayaṁ tajjanīyakammaṁ karomā’ti.
pli-tv-kd9:7.4.11	Te tassa tajjanīyakammaṁ karonti—
pli-tv-kd9:7.4.12	dhammapatirūpakena samaggā.
pli-tv-kd9:7.4.13	So tamhāpi āvāsā aññaṁ āvāsaṁ gacchati.
pli-tv-kd9:7.4.14	Tatthapi bhikkhūnaṁ evaṁ hoti—
pli-tv-kd9:7.4.15	‘ayaṁ kho, āvuso, bhikkhu saṅghena tajjanīyakammakato dhammapatirūpakena samaggehi.
pli-tv-kd9:7.4.16	Handassa mayaṁ tajjanīyakammaṁ karomā’ti.
pli-tv-kd9:7.4.17	Te tassa tajjanīyakammaṁ karonti—
pli-tv-kd9:7.4.18	adhammena vaggā.
pli-tv-kd9:7.4.19	So tamhāpi āvāsā aññaṁ āvāsaṁ gacchati.
pli-tv-kd9:7.4.20	Tatthapi bhikkhūnaṁ evaṁ hoti—
pli-tv-kd9:7.4.21	‘ayaṁ kho, āvuso, bhikkhu saṅghena tajjanīyakammakato adhammena vaggehi.
pli-tv-kd9:7.4.22	Handassa mayaṁ tajjanīyakammaṁ karomā’ti.
pli-tv-kd9:7.4.23	Te tassa tajjanīyakammaṁ karonti—
pli-tv-kd9:7.4.24	adhammena samaggā.
pli-tv-kd9:7.4.25	So tamhāpi āvāsā aññaṁ āvāsaṁ gacchati.
pli-tv-kd9:7.4.26	Tatthapi bhikkhūnaṁ evaṁ hoti—
pli-tv-kd9:7.4.27	‘ayaṁ kho, āvuso, bhikkhu saṅghena tajjanīyakammakato adhammena samaggehi.
pli-tv-kd9:7.4.28	Handassa mayaṁ tajjanīyakammaṁ karomā’ti.
pli-tv-kd9:7.4.29	Te tassa tajjanīyakammaṁ karonti—
pli-tv-kd9:7.4.30	dhammena vaggā.
pli-tv-kd9:7.5.1	Idha pana, bhikkhave, bhikkhu bhaṇḍanakārako hoti kalahakārako vivādakārako bhassakārako saṅghe adhikaraṇakārako.
pli-tv-kd9:7.5.2	Tatra ce bhikkhūnaṁ evaṁ hoti—
pli-tv-kd9:7.5.3	‘ayaṁ kho, āvuso, bhikkhu bhaṇḍanakārako kalahakārako vivādakārako bhassakārako saṅghe adhikaraṇakārako.
pli-tv-kd9:7.5.4	Handassa mayaṁ tajjanīyakammaṁ karomā’ti.
pli-tv-kd9:7.5.5	Te tassa tajjanīyakammaṁ karonti—
pli-tv-kd9:7.5.6	dhammapatirūpakena samaggā.
pli-tv-kd9:7.5.7	So tamhā āvāsā aññaṁ āvāsaṁ gacchati.
pli-tv-kd9:7.5.8	Tatthapi bhikkhūnaṁ evaṁ hoti—
pli-tv-kd9:7.5.9	‘ayaṁ kho, āvuso, bhikkhu saṅghena tajjanīyakammakato dhammapatirūpakena samaggehi.
pli-tv-kd9:7.5.10	Handassa mayaṁ tajjanīyakammaṁ karomā’ti.
pli-tv-kd9:7.5.11	Te tassa tajjanīyakammaṁ karonti—
pli-tv-kd9:7.5.12	adhammena vaggā.
pli-tv-kd9:7.5.13	So tamhāpi āvāsā aññaṁ āvāsaṁ gacchati.
pli-tv-kd9:7.5.14	Tatthapi bhikkhūnaṁ evaṁ hoti—
pli-tv-kd9:7.5.15	‘ayaṁ kho, āvuso, bhikkhu saṅghena tajjanīyakammakato adhammena vaggehi.
pli-tv-kd9:7.5.16	Handassa mayaṁ tajjanīyakammaṁ karomā’ti.
pli-tv-kd9:7.5.17	Te tassa tajjanīyakammaṁ karonti—
pli-tv-kd9:7.5.18	adhammena samaggā.
pli-tv-kd9:7.5.19	So tamhāpi āvāsā aññaṁ āvāsaṁ gacchati.
pli-tv-kd9:7.5.20	Tatthapi bhikkhūnaṁ evaṁ hoti—
pli-tv-kd9:7.5.21	‘ayaṁ kho, āvuso, bhikkhu saṅghena tajjanīyakammakato adhammena samaggehi.
pli-tv-kd9:7.5.22	Handassa mayaṁ tajjanīyakammaṁ karomā’ti.
pli-tv-kd9:7.5.23	Te tassa tajjanīyakammaṁ karonti—
pli-tv-kd9:7.5.24	dhammena vaggā.
pli-tv-kd9:7.5.25	So tamhāpi āvāsā aññaṁ āvāsaṁ gacchati.
pli-tv-kd9:7.5.26	Tatthapi bhikkhūnaṁ evaṁ hoti—
pli-tv-kd9:7.5.27	‘ayaṁ kho, āvuso, bhikkhu saṅghena tajjanīyakammakato dhammena vaggehi.
pli-tv-kd9:7.5.28	Handassa mayaṁ tajjanīyakammaṁ karomā’ti.
pli-tv-kd9:7.5.29	Te tassa tajjanīyakammaṁ karonti—
pli-tv-kd9:7.5.30	dhammapatirūpakena vaggā.
pli-tv-kd9:7.6.0	10. Niyassakammakathā
pli-tv-kd9:7.6.1	Idha pana, bhikkhave, bhikkhu bālo hoti abyatto āpattibahulo anapadāno, gihisaṁsaṭṭho viharati ananulomikehi gihisaṁsaggehi.
pli-tv-kd9:7.6.2	Tatra ce bhikkhūnaṁ evaṁ hoti—
pli-tv-kd9:7.6.3	‘ayaṁ kho, āvuso, bhikkhu bālo abyatto āpattibahulo anapadāno, gihisaṁsaṭṭho viharati ananulomikehi gihisaṁsaggehi.
pli-tv-kd9:7.6.4	Handassa mayaṁ niyassakammaṁ karomā’ti.
pli-tv-kd9:7.6.5	Te tassa niyassakammaṁ karonti—
pli-tv-kd9:7.6.6	adhammena vaggā.
pli-tv-kd9:7.6.7	So tamhā āvāsā aññaṁ āvāsaṁ gacchati.
pli-tv-kd9:7.6.8	Tatthapi bhikkhūnaṁ evaṁ hoti—
pli-tv-kd9:7.6.9	‘ayaṁ kho, āvuso, bhikkhu saṅghena niyassakammakato adhammena vaggehi.
pli-tv-kd9:7.6.10	Handassa mayaṁ niyassakammaṁ karomā’ti.
pli-tv-kd9:7.6.11	Te tassa niyassakammaṁ karonti—
pli-tv-kd9:7.6.12	adhammena samaggā …pe…
pli-tv-kd9:7.6.13	dhammena vaggā …
pli-tv-kd9:7.6.14	dhammapatirūpakena vaggā …
pli-tv-kd9:7.6.15	dhammapatirūpakena samaggā …pe….
pli-tv-kd9:7.6.16	Yathā heṭṭhā, tathā cakkaṁ kātabbaṁ.
pli-tv-kd9:7.7.0	11. Pabbājanīyakammakathā
pli-tv-kd9:7.7.1	Idha pana, bhikkhave, bhikkhu kuladūsako hoti pāpasamācāro.
pli-tv-kd9:7.7.2	Tatra ce bhikkhūnaṁ evaṁ hoti—
pli-tv-kd9:7.7.3	‘ayaṁ kho, āvuso, bhikkhu kuladūsako pāpasamācāro.
pli-tv-kd9:7.7.4	Handassa mayaṁ pabbājanīyakammaṁ karomā’ti.
pli-tv-kd9:7.7.5	Te tassa pabbājanīyakammaṁ karonti—
pli-tv-kd9:7.7.6	adhammena vaggā.
pli-tv-kd9:7.7.7	So tamhā āvāsā aññaṁ āvāsaṁ gacchati.
pli-tv-kd9:7.7.8	Tatthapi bhikkhūnaṁ evaṁ hoti—
pli-tv-kd9:7.7.9	‘ayaṁ kho, āvuso, bhikkhu saṅghena pabbājanīyakammakato adhammena vaggehi.
pli-tv-kd9:7.7.10	Handassa mayaṁ pabbājanīyakammaṁ karomā’ti.
pli-tv-kd9:7.7.11	Te tassa pabbājanīyakammaṁ karonti—
pli-tv-kd9:7.7.12	adhammena samaggā …pe…
pli-tv-kd9:7.7.13	dhammena vaggā …
pli-tv-kd9:7.7.14	dhammapatirūpakena vaggā …
pli-tv-kd9:7.7.15	dhammapatirūpakena samaggā …pe….
pli-tv-kd9:7.7.16	Cakkaṁ kātabbaṁ.
pli-tv-kd9:7.8.0	12. Paṭisāraṇīyakammakathā
pli-tv-kd9:7.8.1	Idha pana, bhikkhave, bhikkhu gihī akkosati paribhāsati.
pli-tv-kd9:7.8.2	Tatra ce bhikkhūnaṁ evaṁ hoti—
pli-tv-kd9:7.8.3	‘ayaṁ kho, āvuso, bhikkhu gihī akkosati paribhāsati.
pli-tv-kd9:7.8.4	Handassa mayaṁ paṭisāraṇīyakammaṁ karomā’ti.
pli-tv-kd9:7.8.5	Te tassa paṭisāraṇīyakammaṁ karonti—
pli-tv-kd9:7.8.6	adhammena vaggā.
pli-tv-kd9:7.8.7	So tamhā āvāsā aññaṁ āvāsaṁ gacchati.
pli-tv-kd9:7.8.8	Tatthapi bhikkhūnaṁ evaṁ hoti—
pli-tv-kd9:7.8.9	‘ayaṁ kho, āvuso, bhikkhu saṅghena paṭisāraṇīyakammakato adhammena vaggehi.
pli-tv-kd9:7.8.10	Handassa mayaṁ paṭisāraṇīyakammaṁ karomā’ti.
pli-tv-kd9:7.8.11	Te tassa paṭisāraṇīyakammaṁ karonti—
pli-tv-kd9:7.8.12	adhammena samaggā …pe…
pli-tv-kd9:7.8.13	dhammena vaggā …
pli-tv-kd9:7.8.14	dhammapatirūpakena vaggā …
pli-tv-kd9:7.8.15	dhammapatirūpakena samaggā …pe….
pli-tv-kd9:7.8.16	Cakkaṁ kātabbaṁ.
pli-tv-kd9:7.9.0	13. Adassaneukkhepanīyakammakathā
pli-tv-kd9:7.9.1	Idha pana, bhikkhave, bhikkhu āpattiṁ āpajjitvā na icchati āpattiṁ passituṁ.
pli-tv-kd9:7.9.2	Tatra ce bhikkhūnaṁ evaṁ hoti—
pli-tv-kd9:7.9.3	‘ayaṁ kho, āvuso, bhikkhu āpattiṁ āpajjitvā na icchati āpattiṁ passituṁ.
pli-tv-kd9:7.9.4	Handassa mayaṁ āpattiyā adassane ukkhepanīyakammaṁ karomā’ti.
pli-tv-kd9:7.9.5	Te tassa āpattiyā adassane ukkhepanīyakammaṁ karonti—
pli-tv-kd9:7.9.6	adhammena vaggā.
pli-tv-kd9:7.9.7	So tamhā āvāsā aññaṁ āvāsaṁ gacchati.
pli-tv-kd9:7.9.8	Tatthapi bhikkhūnaṁ evaṁ hoti—
pli-tv-kd9:7.9.9	‘ayaṁ kho, āvuso, bhikkhu saṅghena āpattiyā adassane ukkhepanīyakammakato adhammena vaggehi.
pli-tv-kd9:7.9.10	Handassa mayaṁ āpattiyā adassane ukkhepanīyakammaṁ karomā’ti.
pli-tv-kd9:7.9.11	Te tassa āpattiyā adassane ukkhepanīyakammaṁ karonti—
pli-tv-kd9:7.9.12	adhammena samaggā …pe…
pli-tv-kd9:7.9.13	dhammena vaggā …
pli-tv-kd9:7.9.14	dhammapatirūpakena vaggā …
pli-tv-kd9:7.9.15	dhammapatirūpakena samaggā …pe….
pli-tv-kd9:7.9.16	Cakkaṁ kātabbaṁ.
pli-tv-kd9:7.10.0	14. Appaṭikammeukkhepanīyakammakathā
pli-tv-kd9:7.10.1	Idha pana, bhikkhave, bhikkhu āpattiṁ āpajjitvā na icchati āpattiṁ paṭikātuṁ.
pli-tv-kd9:7.10.2	Tatra ce bhikkhūnaṁ evaṁ hoti—
pli-tv-kd9:7.10.3	‘ayaṁ kho, āvuso, bhikkhu āpattiṁ āpajjitvā na icchati āpattiṁ paṭikātuṁ.
pli-tv-kd9:7.10.4	Handassa mayaṁ āpattiyā appaṭikamme ukkhepanīyakammaṁ karomā’ti.
pli-tv-kd9:7.10.5	Te tassa āpattiyā appaṭikamme ukkhepanīyakammaṁ karonti—
pli-tv-kd9:7.10.6	adhammena vaggā.
pli-tv-kd9:7.10.7	So tamhā āvāsā aññaṁ āvāsaṁ gacchati.
pli-tv-kd9:7.10.8	Tatthapi bhikkhūnaṁ evaṁ hoti—
pli-tv-kd9:7.10.9	‘ayaṁ kho, āvuso, bhikkhu saṅghena āpattiyā appaṭikamme ukkhepanīyakammakato adhammena vaggehi.
pli-tv-kd9:7.10.10	Handassa mayaṁ āpattiyā appaṭikamme ukkhepanīyakammaṁ karomā’ti.
pli-tv-kd9:7.10.11	Te tassa āpattiyā appaṭikamme ukkhepanīyakammaṁ karonti—
pli-tv-kd9:7.10.12	adhammena samaggā …pe…
pli-tv-kd9:7.10.13	dhammena vaggā …
pli-tv-kd9:7.10.14	dhammapatirūpakena vaggā …
pli-tv-kd9:7.10.15	dhammapatirūpakena samaggā …pe….
pli-tv-kd9:7.10.16	Cakkaṁ kātabbaṁ.
pli-tv-kd9:7.11.0	15. Appaṭinissaggeukkhepanīyakammakathā
pli-tv-kd9:7.11.1	Idha pana, bhikkhave, bhikkhu na icchati pāpikaṁ diṭṭhiṁ paṭinissajjituṁ.
pli-tv-kd9:7.11.2	Tatra ce bhikkhūnaṁ evaṁ hoti—
pli-tv-kd9:7.11.3	‘ayaṁ kho, āvuso, bhikkhu na icchati pāpikaṁ diṭṭhiṁ paṭinissajjituṁ.
pli-tv-kd9:7.11.4	Handassa mayaṁ pāpikāya diṭṭhiyā appaṭinissagge ukkhepanīyakammaṁ karomā’ti.
pli-tv-kd9:7.11.5	Te tassa pāpikāya diṭṭhiyā appaṭinissagge ukkhepanīyakammaṁ karonti—
pli-tv-kd9:7.11.6	adhammena vaggā.
pli-tv-kd9:7.11.7	So tamhā āvāsā aññaṁ āvāsaṁ gacchati.
pli-tv-kd9:7.11.8	Tatthapi bhikkhūnaṁ evaṁ hoti—
pli-tv-kd9:7.11.9	‘ayaṁ kho, āvuso, bhikkhu saṅghena pāpikāya diṭṭhiyā appaṭinissagge ukkhepanīyakammakato adhammena vaggehi.
pli-tv-kd9:7.11.10	Handassa mayaṁ pāpikāya diṭṭhiyā appaṭinissagge ukkhepanīyakammaṁ karomā’ti.
pli-tv-kd9:7.11.11	Te tassa pāpikāya diṭṭhiyā appaṭinissagge ukkhepanīyakammaṁ karonti—
pli-tv-kd9:7.11.12	adhammena samaggā …pe…
pli-tv-kd9:7.11.13	dhammena vaggā …
pli-tv-kd9:7.11.14	dhammapatirūpakena vaggā …
pli-tv-kd9:7.11.15	dhammapatirūpakena samaggā …pe….
pli-tv-kd9:7.11.16	Cakkaṁ kātabbaṁ.
pli-tv-kd9:7.12.0	16. Tajjanīyakammapaṭippassaddhikathā
pli-tv-kd9:7.12.1	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.12.2	Tatra ce bhikkhūnaṁ evaṁ hoti—
pli-tv-kd9:7.12.3	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.12.4	Handassa mayaṁ tajjanīyakammaṁ paṭippassambhemā’ti.
pli-tv-kd9:7.12.5	Te tassa tajjanīyakammaṁ paṭippassambhenti—
pli-tv-kd9:7.12.6	adhammena vaggā.
pli-tv-kd9:7.12.7	So tamhā āvāsā aññaṁ āvāsaṁ gacchati.
pli-tv-kd9:7.12.8	Tatthapi bhikkhūnaṁ evaṁ hoti—
pli-tv-kd9:7.12.9	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena vaggehi.
pli-tv-kd9:7.12.10	Handassa mayaṁ tajjanīyakammaṁ paṭippassambhemā’ti.
pli-tv-kd9:7.12.11	Te tassa tajjanīyakammaṁ paṭippassambhenti—
pli-tv-kd9:7.12.12	adhammena samaggā.
pli-tv-kd9:7.12.13	So tamhāpi āvāsā aññaṁ āvāsaṁ gacchati.
pli-tv-kd9:7.12.14	Tatthapi bhikkhūnaṁ evaṁ hoti—
pli-tv-kd9:7.12.15	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena samaggehi.
pli-tv-kd9:7.12.16	Handassa mayaṁ tajjanīyakammaṁ paṭippassambhemā’ti.
pli-tv-kd9:7.12.17	Te tassa tajjanīyakammaṁ paṭippassambhenti—
pli-tv-kd9:7.12.18	dhammena vaggā.
pli-tv-kd9:7.12.19	So tamhāpi āvāsā aññaṁ āvāsaṁ gacchati.
pli-tv-kd9:7.12.20	Tatthapi bhikkhūnaṁ evaṁ hoti—
pli-tv-kd9:7.12.21	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammena vaggehi.
pli-tv-kd9:7.12.22	Handassa mayaṁ tajjanīyakammaṁ paṭippassambhemā’ti.
pli-tv-kd9:7.12.23	Te tassa tajjanīyakammaṁ paṭippassambhenti—
pli-tv-kd9:7.12.24	dhammapatirūpakena vaggā.
pli-tv-kd9:7.12.25	So tamhāpi āvāsā aññaṁ āvāsaṁ gacchati.
pli-tv-kd9:7.12.26	Tatthapi bhikkhūnaṁ evaṁ hoti—
pli-tv-kd9:7.12.27	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena vaggehi.
pli-tv-kd9:7.12.28	Handassa mayaṁ tajjanīyakammaṁ paṭippassambhemā’ti.
pli-tv-kd9:7.12.29	Te tassa tajjanīyakammaṁ paṭippassambhenti—
pli-tv-kd9:7.12.30	dhammapatirūpakena samaggā.
pli-tv-kd9:7.13.1	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.2	Tatra ce bhikkhūnaṁ evaṁ hoti—
pli-tv-kd9:7.13.3	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.4	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.5	Te tassa tajjanīyakammaṁ paṭippassambhenti—
pli-tv-kd9:7.13.6	adhammena samaggā.
pli-tv-kd9:7.13.7	So tamhā āvāsā aññaṁ āvāsaṁ gacchati.
pli-tv-kd9:7.13.8	Tatthapi bhikkhūnaṁ evaṁ hoti—
pli-tv-kd9:7.13.9	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena samaggehi.
pli-tv-kd9:7.13.10	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.11	Te tassa tajjanīyakammaṁ paṭippassambhenti—
pli-tv-kd9:7.13.12	dhammena vaggā.
pli-tv-kd9:7.13.13	So tamhāpi āvāsā aññaṁ āvāsaṁ gacchati.
pli-tv-kd9:7.13.14	Tatthapi bhikkhūnaṁ evaṁ hoti—
pli-tv-kd9:7.13.15	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammena vaggehi.
pli-tv-kd9:7.13.16	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.17	Te tassa tajjanīyakammaṁ paṭippassambhenti—
pli-tv-kd9:7.13.18	dhammapatirūpakena vaggā.
pli-tv-kd9:7.13.19	So tamhāpi āvāsā aññaṁ āvāsaṁ gacchati.
pli-tv-kd9:7.13.20	Tatthapi bhikkhūnaṁ evaṁ hoti—
pli-tv-kd9:7.13.21	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena vaggehi.
pli-tv-kd9:7.13.22	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.23	Te tassa tajjanīyakammaṁ paṭippassambhenti—
pli-tv-kd9:7.13.24	dhammapatirūpakena samaggā.
pli-tv-kd9:7.13.25	So tamhāpi āvāsā aññaṁ āvāsaṁ gacchati.
pli-tv-kd9:7.13.26	Tatthapi bhikkhūnaṁ evaṁ hoti—
pli-tv-kd9:7.13.27	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena samaggehi.
pli-tv-kd9:7.13.28	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.29	Te tassa tajjanīyakammaṁ paṭippassambhenti—
pli-tv-kd9:7.13.30	adhammena vaggā.
pli-tv-kd9:7.13.31	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.32	Tatra ce bhikkhūnaṁ evaṁ hoti—
pli-tv-kd9:7.13.33	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.34	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.35	Te tassa tajjanīyakammaṁ paṭippassambhenti—
pli-tv-kd9:7.13.36	dhammena vaggā.
pli-tv-kd9:7.13.37	So tamhā āvāsā aññaṁ āvāsaṁ gacchati.
pli-tv-kd9:7.13.38	Tatthapi bhikkhūnaṁ evaṁ hoti—
pli-tv-kd9:7.13.39	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammena vaggehi.
pli-tv-kd9:7.13.40	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.41	Te tassa tajjanīyakammaṁ paṭippassambhenti—
pli-tv-kd9:7.13.42	dhammapatirūpakena vaggā.
pli-tv-kd9:7.13.43	So tamhāpi āvāsā aññaṁ āvāsaṁ gacchati.
pli-tv-kd9:7.13.44	Tatthapi bhikkhūnaṁ evaṁ hoti—
pli-tv-kd9:7.13.45	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena vaggehi.
pli-tv-kd9:7.13.46	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.47	Te tassa tajjanīyakammaṁ paṭippassambhenti—
pli-tv-kd9:7.13.48	dhammapatirūpakena samaggā.
pli-tv-kd9:7.13.49	So tamhāpi āvāsā aññaṁ āvāsaṁ gacchati.
pli-tv-kd9:7.13.50	Tatthapi bhikkhūnaṁ evaṁ hoti—
pli-tv-kd9:7.13.51	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena samaggehi.
pli-tv-kd9:7.13.52	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.53	Te tassa tajjanīyakammaṁ paṭippassambhenti—
pli-tv-kd9:7.13.54	adhammena vaggā.
pli-tv-kd9:7.13.55	So tamhāpi āvāsā aññaṁ āvāsaṁ gacchati.
pli-tv-kd9:7.13.56	Tatthapi bhikkhūnaṁ evaṁ hoti—
pli-tv-kd9:7.13.57	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena vaggehi.
pli-tv-kd9:7.13.58	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.59	Te tassa tajjanīyakammaṁ paṭippassambhenti—
pli-tv-kd9:7.13.60	adhammena samaggā.
pli-tv-kd9:7.13.61	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.62	Tatra ce bhikkhūnaṁ evaṁ hoti—
pli-tv-kd9:7.13.63	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.64	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.65	Te tassa tajjanīyakammaṁ paṭippassambhenti—
pli-tv-kd9:7.13.66	dhammapatirūpakena vaggā.
pli-tv-kd9:7.13.67	So tamhā āvāsā aññaṁ āvāsaṁ gacchati.
pli-tv-kd9:7.13.68	Tatthapi bhikkhūnaṁ evaṁ hoti—
pli-tv-kd9:7.13.69	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena vaggehi.
pli-tv-kd9:7.13.70	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.71	Te tassa tajjanīyakammaṁ paṭippassambhenti—
pli-tv-kd9:7.13.72	dhammapatirūpakena samaggā.
pli-tv-kd9:7.13.73	So tamhāpi āvāsā aññaṁ āvāsaṁ gacchati.
pli-tv-kd9:7.13.74	Tatthapi bhikkhūnaṁ evaṁ hoti—
pli-tv-kd9:7.13.75	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena samaggehi.
pli-tv-kd9:7.13.76	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.77	Te tassa tajjanīyakammaṁ paṭippassambhenti—
pli-tv-kd9:7.13.78	adhammena vaggā.
pli-tv-kd9:7.13.79	So tamhāpi āvāsā aññaṁ āvāsaṁ gacchati.
pli-tv-kd9:7.13.80	Tatthapi bhikkhūnaṁ evaṁ hoti—
pli-tv-kd9:7.13.81	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena vaggehi.
pli-tv-kd9:7.13.82	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.83	Te tassa tajjanīyakammaṁ paṭippassambhenti—
pli-tv-kd9:7.13.84	adhammena samaggā.
pli-tv-kd9:7.13.85	So tamhāpi āvāsā aññaṁ āvāsaṁ gacchati.
pli-tv-kd9:7.13.86	Tatthapi bhikkhūnaṁ evaṁ hoti—
pli-tv-kd9:7.13.87	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena samaggehi.
pli-tv-kd9:7.13.88	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.89	Te tassa tajjanīyakammaṁ paṭippassambhenti—
pli-tv-kd9:7.13.90	dhammena vaggā.
pli-tv-kd9:7.13.91	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.92	Tatra ce bhikkhūnaṁ evaṁ hoti—
pli-tv-kd9:7.13.93	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.13.94	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.95	Te tassa tajjanīyakammaṁ paṭippassambhenti—
pli-tv-kd9:7.13.96	dhammapatirūpakena samaggā.
pli-tv-kd9:7.13.97	So tamhā āvāsā aññaṁ āvāsaṁ gacchati.
pli-tv-kd9:7.13.98	Tatthapi bhikkhūnaṁ evaṁ hoti—
pli-tv-kd9:7.13.99	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammapatirūpakena samaggehi.
pli-tv-kd9:7.13.100	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.101	Te tassa tajjanīyakammaṁ paṭippassambhenti—
pli-tv-kd9:7.13.102	adhammena vaggā.
pli-tv-kd9:7.13.103	So tamhāpi āvāsā aññaṁ āvāsaṁ gacchati.
pli-tv-kd9:7.13.104	Tatthapi bhikkhūnaṁ evaṁ hoti—
pli-tv-kd9:7.13.105	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena vaggehi.
pli-tv-kd9:7.13.106	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.107	Te tassa tajjanīyakammaṁ paṭippassambhenti—
pli-tv-kd9:7.13.108	adhammena samaggā.
pli-tv-kd9:7.13.109	So tamhāpi āvāsā aññaṁ āvāsaṁ gacchati.
pli-tv-kd9:7.13.110	Tatthapi bhikkhūnaṁ evaṁ hoti—
pli-tv-kd9:7.13.111	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ adhammena samaggehi.
pli-tv-kd9:7.13.112	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.113	Te tassa tajjanīyakammaṁ paṭippassambhenti—
pli-tv-kd9:7.13.114	dhammena vaggā.
pli-tv-kd9:7.13.115	So tamhāpi āvāsā aññaṁ āvāsaṁ gacchati.
pli-tv-kd9:7.13.116	Tatthapi bhikkhūnaṁ evaṁ hoti—
pli-tv-kd9:7.13.117	‘imassa kho, āvuso, bhikkhuno saṅghena tajjanīyakammaṁ paṭippassaddhaṁ dhammena vaggehi.
pli-tv-kd9:7.13.118	Handassa mayaṁ tajjanīyakammaṁ paṭippassambhemā’ti.
pli-tv-kd9:7.13.119	Te tassa tajjanīyakammaṁ paṭippassambhenti—
pli-tv-kd9:7.13.120	dhammapatirūpakena vaggā.
pli-tv-kd9:7.14.0	17. Niyassakammapaṭippassaddhikathā
pli-tv-kd9:7.14.1	Idha pana, bhikkhave, bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd9:7.14.2	Tatra ce bhikkhūnaṁ evaṁ hoti—
pli-tv-kd9:7.14.3	‘ayaṁ kho, āvuso, bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd9:7.14.4	Handassa mayaṁ niyassakammaṁ paṭippassambhemā’ti.
pli-tv-kd9:7.14.5	Te tassa niyassakammaṁ paṭippassambhenti—
pli-tv-kd9:7.14.6	adhammena vaggā.
pli-tv-kd9:7.14.7	So tamhā āvāsā aññaṁ āvāsaṁ gacchati.
pli-tv-kd9:7.14.8	Tatthapi bhikkhūnaṁ evaṁ hoti—
pli-tv-kd9:7.14.9	‘imassa kho, āvuso, bhikkhuno saṅghena niyassakammaṁ paṭippassaddhaṁ adhammena vaggehi.
pli-tv-kd9:7.14.10	Handassa mayaṁ niyassakammaṁ paṭippassambhemā’ti.
pli-tv-kd9:7.14.11	Te tassa niyassakammaṁ paṭippassambhenti—
pli-tv-kd9:7.14.12	adhammena samaggā …pe…
pli-tv-kd9:7.14.13	dhammena vaggā …
pli-tv-kd9:7.14.14	dhammapatirūpakena vaggā …
pli-tv-kd9:7.14.15	dhammapatirūpakena samaggā …pe….
pli-tv-kd9:7.14.16	Cakkaṁ kātabbaṁ.
pli-tv-kd9:7.14.17.0	18. Pabbājanīyakammapaṭippassaddhikathā
pli-tv-kd9:7.14.17.1	Idha pana, bhikkhave, bhikkhu saṅghena pabbājanīyakammakato sammā vattati, lomaṁ pāteti, netthāraṁ vattati, pabbājanīyassa kammassa paṭippassaddhiṁ yācati.
pli-tv-kd9:7.14.18	Tatra ce bhikkhūnaṁ evaṁ hoti—
pli-tv-kd9:7.14.19	‘ayaṁ kho, āvuso, bhikkhu saṅghena pabbājanīyakammakato sammā vattati, lomaṁ pāteti, netthāraṁ vattati, pabbājanīyassa kammassa paṭippassaddhiṁ yācati.
pli-tv-kd9:7.14.20	Handassa mayaṁ pabbājanīyakammaṁ paṭippassambhemā’ti.
pli-tv-kd9:7.14.21	Te tassa pabbājanīyakammaṁ paṭippassambhenti—
pli-tv-kd9:7.14.22	adhammena vaggā.
pli-tv-kd9:7.14.23	So tamhā āvāsā aññaṁ āvāsaṁ gacchati.
pli-tv-kd9:7.14.24	Tatthapi bhikkhūnaṁ evaṁ hoti—
pli-tv-kd9:7.14.25	‘imassa kho, āvuso, bhikkhuno saṅghena pabbājanīyakammaṁ paṭippassaddhaṁ adhammena vaggehi.
pli-tv-kd9:7.14.26	Handassa mayaṁ pabbājanīyakammaṁ paṭippassambhemā’ti.
pli-tv-kd9:7.14.27	Te tassa pabbājanīyakammaṁ paṭippassambhenti—
pli-tv-kd9:7.14.28	adhammena samaggā …pe…
pli-tv-kd9:7.14.29	dhammena vaggā …
pli-tv-kd9:7.14.30	dhammapatirūpakena vaggā …
pli-tv-kd9:7.14.31	dhammapatirūpakena samaggā …pe….
pli-tv-kd9:7.14.32	Cakkaṁ kātabbaṁ.
pli-tv-kd9:7.14.33.0	19. Paṭisāraṇīyakammapaṭippassaddhikathā
pli-tv-kd9:7.14.33.1	Idha pana, bhikkhave, bhikkhu saṅghena paṭisāraṇīyakammakato sammā vattati, lomaṁ pāteti, netthāraṁ vattati, paṭisāraṇīyassa kammassa paṭippassaddhiṁ yācati.
pli-tv-kd9:7.14.34	Tatra ce bhikkhūnaṁ evaṁ hoti—
pli-tv-kd9:7.14.35	‘ayaṁ kho, āvuso, bhikkhu saṅghena paṭisāraṇīyakammakato sammā vattati, lomaṁ pāteti, netthāraṁ vattati, paṭisāraṇīyassa kammassa paṭippassaddhiṁ yācati.
pli-tv-kd9:7.14.36	Handassa mayaṁ paṭisāraṇīyakammaṁ paṭippassambhemā’ti.
pli-tv-kd9:7.14.37	Te tassa paṭisāraṇīyakammaṁ paṭippassambhenti—
pli-tv-kd9:7.14.38	adhammena vaggā.
pli-tv-kd9:7.14.39	So tamhā āvāsā aññaṁ āvāsaṁ gacchati.
pli-tv-kd9:7.14.40	Tatthapi bhikkhūnaṁ evaṁ hoti—
pli-tv-kd9:7.14.41	‘imassa kho, āvuso, bhikkhuno saṅghena paṭisāraṇīyakammaṁ paṭippassaddhaṁ adhammena vaggehi.
pli-tv-kd9:7.14.42	Handassa mayaṁ paṭisāraṇīyakammaṁ paṭippassambhemā’ti.
pli-tv-kd9:7.14.43	Te tassa paṭisāraṇīyakammaṁ paṭippassambhenti—
pli-tv-kd9:7.14.44	adhammena samaggā …pe…
pli-tv-kd9:7.14.45	dhammena vaggā …
pli-tv-kd9:7.14.46	dhammapatirūpakena vaggā …
pli-tv-kd9:7.14.47	dhammapatirūpakena samaggā …pe….
pli-tv-kd9:7.14.48	Cakkaṁ kātabbaṁ.
pli-tv-kd9:7.14.49.0	20. Adassaneukkhepanīyakammapaṭippassaddhikathā
pli-tv-kd9:7.14.49.1	Idha pana, bhikkhave, bhikkhu saṅghena āpattiyā adassane ukkhepanīyakammakato sammā vattati, lomaṁ pāteti, netthāraṁ vattati, āpattiyā adassane ukkhepanīyassa kammassa paṭippassaddhiṁ yācati.
pli-tv-kd9:7.14.50	Tatra ce bhikkhūnaṁ evaṁ hoti—
pli-tv-kd9:7.14.51	‘ayaṁ kho, āvuso, bhikkhu saṅghena āpattiyā adassane ukkhepanīyakammakato sammā vattati, lomaṁ pāteti, netthāraṁ vattati, āpattiyā adassane ukkhepanīyassa kammassa paṭippassaddhiṁ yācati.
pli-tv-kd9:7.14.52	Handassa mayaṁ āpattiyā adassane ukkhepanīyakammaṁ paṭippassambhemā’ti.
pli-tv-kd9:7.14.53	Te tassa āpattiyā adassane ukkhepanīyakammaṁ paṭippassambhenti—
pli-tv-kd9:7.14.54	adhammena vaggā.
pli-tv-kd9:7.14.55	So tamhā āvāsā aññaṁ āvāsaṁ gacchati.
pli-tv-kd9:7.14.56	Tatthapi bhikkhūnaṁ evaṁ hoti—
pli-tv-kd9:7.14.57	‘imassa kho, āvuso, bhikkhuno saṅghena āpattiyā adassane ukkhepanīyakammaṁ paṭippassaddhaṁ adhammena vaggehi.
pli-tv-kd9:7.14.58	Handassa mayaṁ āpattiyā adassane ukkhepanīyakammaṁ paṭippassambhemā’ti.
pli-tv-kd9:7.14.59	Te tassa āpattiyā adassane ukkhepanīyakammaṁ paṭippassambhenti—
pli-tv-kd9:7.14.60	adhammena samaggā …pe…
pli-tv-kd9:7.14.61	dhammena vaggā …
pli-tv-kd9:7.14.62	dhammapatirūpakena vaggā …
pli-tv-kd9:7.14.63	dhammapatirūpakena samaggā …pe….
pli-tv-kd9:7.14.64	Cakkaṁ kātabbaṁ.
pli-tv-kd9:7.14.65.0	21. Appaṭikammeukkhepanīyakammapaṭippassaddhikathā
pli-tv-kd9:7.14.65.1	Idha pana, bhikkhave, bhikkhu saṅghena āpattiyā appaṭikamme ukkhepanīyakammakato sammā vattati, lomaṁ pāteti, netthāraṁ vattati, āpattiyā appaṭikamme ukkhepanīyassa kammassa paṭippassaddhiṁ yācati.
pli-tv-kd9:7.14.66	Tatra ce bhikkhūnaṁ evaṁ hoti—
pli-tv-kd9:7.14.67	‘ayaṁ kho, āvuso, bhikkhu saṅghena āpattiyā appaṭikamme ukkhepanīyakammakato sammā vattati, lomaṁ pāteti, netthāraṁ vattati, āpattiyā appaṭikamme ukkhepanīyassa kammassa paṭippassaddhiṁ yācati.
pli-tv-kd9:7.14.68	Handassa mayaṁ āpattiyā appaṭikamme ukkhepanīyakammaṁ paṭippassambhemā’ti.
pli-tv-kd9:7.14.69	Te tassa āpattiyā appaṭikamme ukkhepanīyakammaṁ paṭippassambhenti—
pli-tv-kd9:7.14.70	adhammena vaggā.
pli-tv-kd9:7.14.71	So tamhā āvāsā aññaṁ āvāsaṁ gacchati.
pli-tv-kd9:7.14.72	Tatthapi bhikkhūnaṁ evaṁ hoti—
pli-tv-kd9:7.14.73	‘imassa kho, āvuso, bhikkhuno saṅghena āpattiyā appaṭikamme ukkhepanīyakammaṁ paṭippassaddhaṁ—
pli-tv-kd9:7.14.74	adhammena vaggehi.
pli-tv-kd9:7.14.75	Handassa mayaṁ āpattiyā appaṭikamme ukkhepanīyakammaṁ paṭippassambhemā’ti.
pli-tv-kd9:7.14.76	Te tassa āpattiyā appaṭikamme ukkhepanīyakammaṁ paṭippassambhenti—
pli-tv-kd9:7.14.77	adhammena samaggā …pe…
pli-tv-kd9:7.14.78	dhammena vaggā …
pli-tv-kd9:7.14.79	dhammapatirūpakena vaggā …
pli-tv-kd9:7.14.80	dhammapatirūpakena samaggā …pe….
pli-tv-kd9:7.14.81	Cakkaṁ kātabbaṁ.
pli-tv-kd9:7.14.82.0	22. Appaṭinissaggeukkhepanīyakammapaṭippassaddhikathā
pli-tv-kd9:7.14.82.1	Idha pana, bhikkhave, bhikkhu saṅghena pāpikāya diṭṭhiyā appaṭinissagge ukkhepanīyakammakato sammā vattati, lomaṁ pāteti, netthāraṁ vattati, pāpikāya diṭṭhiyā appaṭinissagge ukkhepanīyassa kammassa paṭippassaddhiṁ yācati.
pli-tv-kd9:7.14.83	Tatra ce bhikkhūnaṁ evaṁ hoti—
pli-tv-kd9:7.14.84	‘ayaṁ kho, āvuso, bhikkhu saṅghena pāpikāya diṭṭhiyā appaṭinissagge ukkhepanīyakammakato sammā vattati, lomaṁ pāteti, netthāraṁ vattati, pāpikāya diṭṭhiyā appaṭinissagge ukkhepanīyassa kammassa paṭippassaddhiṁ yācati.
pli-tv-kd9:7.14.85	Handassa mayaṁ pāpikāya diṭṭhiyā appaṭinissagge ukkhepanīyakammaṁ paṭippassambhemā’ti.
pli-tv-kd9:7.14.86	Te tassa pāpikāya diṭṭhiyā appaṭinissagge ukkhepanīyakammaṁ paṭippassambhenti—
pli-tv-kd9:7.14.87	adhammena vaggā.
pli-tv-kd9:7.14.88	So tamhā āvāsā aññaṁ āvāsaṁ gacchati.
pli-tv-kd9:7.14.89	Tatthapi bhikkhūnaṁ evaṁ hoti—
pli-tv-kd9:7.14.90	‘imassa kho, āvuso, bhikkhuno saṅghena pāpikāya diṭṭhiyā appaṭinissagge ukkhepanīyakammaṁ paṭippassaddhaṁ—
pli-tv-kd9:7.14.91	adhammena vaggehi.
pli-tv-kd9:7.14.92	Handassa mayaṁ pāpikāya diṭṭhiyā appaṭinissagge ukkhepanīyakammaṁ paṭippassambhemā’ti.
pli-tv-kd9:7.14.93	Te tassa pāpikāya diṭṭhiyā appaṭinissagge ukkhepanīyakammaṁ paṭippassambhenti …
pli-tv-kd9:7.14.94	adhammena samaggā …pe…
pli-tv-kd9:7.14.95	dhammena vaggā …
pli-tv-kd9:7.14.96	dhammapatirūpakena vaggā …
pli-tv-kd9:7.14.97	dhammapatirūpakena samaggā …pe….
pli-tv-kd9:7.14.98	Cakkaṁ kātabbaṁ.
pli-tv-kd9:7.15.0	23. Tajjanīyakammavivādakathā
pli-tv-kd9:7.15.1	Idha pana, bhikkhave, bhikkhu bhaṇḍanakārako hoti kalahakārako vivādakārako bhassakārako saṅghe adhikaraṇakārako.
pli-tv-kd9:7.15.2	Tatra ce bhikkhūnaṁ evaṁ hoti—
pli-tv-kd9:7.15.3	‘ayaṁ kho, āvuso, bhikkhu bhaṇḍanakārako …pe…
pli-tv-kd9:7.15.4	saṅghe adhikaraṇakārako.
pli-tv-kd9:7.15.5	Handassa mayaṁ tajjanīyakammaṁ karomā’ti.
pli-tv-kd9:7.15.6	Te tassa tajjanīyakammaṁ karonti—
pli-tv-kd9:7.15.7	adhammena vaggā.
pli-tv-kd9:7.15.8	Tatraṭṭho saṅgho vivadati—
pli-tv-kd9:7.15.9	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.15.10	Tatra, bhikkhave, ye te bhikkhū evamāhaṁsu—
pli-tv-kd9:7.15.11	‘adhammena vaggakamman’ti, ye ca te bhikkhū evamāhaṁsu—
pli-tv-kd9:7.15.12	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.16.1	Idha pana, bhikkhave, bhikkhu bhaṇḍanakārako hoti …pe…
pli-tv-kd9:7.16.2	saṅghe adhikaraṇakārako.
pli-tv-kd9:7.16.3	Tatra ce bhikkhūnaṁ evaṁ hoti—
pli-tv-kd9:7.16.4	‘ayaṁ kho, āvuso, bhikkhu bhaṇḍanakārako …pe…
pli-tv-kd9:7.16.5	saṅghe adhikaraṇakārako.
pli-tv-kd9:7.16.6	Handassa mayaṁ tajjanīyakammaṁ karomā’ti.
pli-tv-kd9:7.16.7	Te tassa tajjanīyakammaṁ karonti—
pli-tv-kd9:7.16.8	adhammena samaggā.
pli-tv-kd9:7.16.9	Tatraṭṭho saṅgho vivadati—
pli-tv-kd9:7.16.10	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.16.11	Tatra, bhikkhave, ye te bhikkhū evamāhaṁsu—
pli-tv-kd9:7.16.12	‘adhammena samaggakamman’ti, ye ca te bhikkhū evamāhaṁsu—
pli-tv-kd9:7.16.13	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.16.14	Idha pana, bhikkhave, bhikkhu bhaṇḍanakārako hoti …pe…
pli-tv-kd9:7.16.15	saṅghe adhikaraṇakārako.
pli-tv-kd9:7.16.16	Tatra ce bhikkhūnaṁ evaṁ hoti—
pli-tv-kd9:7.16.17	‘ayaṁ kho, āvuso, bhikkhu bhaṇḍanakārako …pe… saṅghe adhikaraṇakārako handassa mayaṁ tajjanīyakammaṁ karomā’ti.
pli-tv-kd9:7.16.18	Te tassa tajjanīyakammaṁ karonti—
pli-tv-kd9:7.16.19	dhammena vaggā.
pli-tv-kd9:7.16.20	Tatraṭṭho saṅgho vivadati—
pli-tv-kd9:7.16.21	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.16.22	Tatra, bhikkhave, ye te bhikkhū evamāhaṁsu—
pli-tv-kd9:7.16.23	‘dhammena vaggakamman’ti, ye ca te bhikkhū evamāhaṁsu—
pli-tv-kd9:7.16.24	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.16.25	Idha pana, bhikkhave, bhikkhu bhaṇḍanakārako hoti …pe…
pli-tv-kd9:7.16.26	saṅghe adhikaraṇakārako.
pli-tv-kd9:7.16.27	Tatra ce bhikkhūnaṁ evaṁ hoti—
pli-tv-kd9:7.16.28	‘ayaṁ kho, āvuso, bhikkhu bhaṇḍanakārako …pe…
pli-tv-kd9:7.16.29	saṅghe adhikaraṇakārako.
pli-tv-kd9:7.16.30	Handassa mayaṁ tajjanīyakammaṁ karomā’ti.
pli-tv-kd9:7.16.31	Te tassa tajjanīyakammaṁ karonti—
pli-tv-kd9:7.16.32	dhammapatirūpakena vaggā.
pli-tv-kd9:7.16.33	Tatraṭṭho saṅgho vivadati—
pli-tv-kd9:7.16.34	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.16.35	Tatra, bhikkhave, ye te bhikkhū evamāhaṁsu—
pli-tv-kd9:7.16.36	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.16.37	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.16.38	Idha pana, bhikkhave, bhikkhu bhaṇḍanakārako hoti …pe…
pli-tv-kd9:7.16.39	saṅghe adhikaraṇakārako.
pli-tv-kd9:7.16.40	Tatra ce bhikkhūnaṁ evaṁ hoti—
pli-tv-kd9:7.16.41	‘ayaṁ kho, āvuso, bhikkhu bhaṇḍanakārako hoti …pe…
pli-tv-kd9:7.16.42	saṅghe adhikaraṇakārako.
pli-tv-kd9:7.16.43	Handassa mayaṁ tajjanīyakammaṁ karomā’ti.
pli-tv-kd9:7.16.44	Te tassa tajjanīyakammaṁ karonti—
pli-tv-kd9:7.16.45	dhammapatirūpakena samaggā.
pli-tv-kd9:7.16.46	Tatraṭṭho saṅgho vivadati—
pli-tv-kd9:7.16.47	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.16.48	Tatra, bhikkhave, ye te bhikkhū evamāhaṁsu—
pli-tv-kd9:7.16.49	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.16.50	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.17.0	24. Niyassakammavivādakathā
pli-tv-kd9:7.17.1	Idha pana, bhikkhave, bhikkhu bālo hoti abyatto āpattibahulo anapadāno, gihisaṁsaṭṭho viharati ananulomikehi gihisaṁsaggehi.
pli-tv-kd9:7.17.2	Tatra ce bhikkhūnaṁ evaṁ hoti—
pli-tv-kd9:7.17.3	‘ayaṁ kho, āvuso, bhikkhu bālo abyatto āpattibahulo anapadāno, gihisaṁsaṭṭho viharati ananulomikehi gihisaṁsaggehi.
pli-tv-kd9:7.17.4	Handassa mayaṁ niyassakammaṁ karomā’ti.
pli-tv-kd9:7.17.5	Te tassa niyassakammaṁ karonti—
pli-tv-kd9:7.17.6	adhammena vaggā …pe…
pli-tv-kd9:7.17.7	adhammena samaggā …
pli-tv-kd9:7.17.8	dhammena vaggā …
pli-tv-kd9:7.17.9	dhammapatirūpakena vaggā …
pli-tv-kd9:7.17.10	dhammapatirūpakena samaggā.
pli-tv-kd9:7.17.11	Tatraṭṭho saṅgho vivadati—
pli-tv-kd9:7.17.12	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.17.13	Tatra, bhikkhave, ye te bhikkhū evamāhaṁsu—
pli-tv-kd9:7.17.14	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.17.15	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.17.16	Ime pañca vārā saṅkhittā.
pli-tv-kd9:7.18.0	25. Pabbājanīyakammavivādakathā
pli-tv-kd9:7.18.1	Idha pana, bhikkhave, bhikkhu kuladūsako hoti pāpasamācāro.
pli-tv-kd9:7.18.2	Tatra ce bhikkhūnaṁ evaṁ hoti—
pli-tv-kd9:7.18.3	‘ayaṁ kho, āvuso, bhikkhu kuladūsako pāpasamācāro.
pli-tv-kd9:7.18.4	Handassa mayaṁ pabbājanīyakammaṁ karomā’ti.
pli-tv-kd9:7.18.5	Te tassa pabbājanīyakammaṁ karonti—
pli-tv-kd9:7.18.6	adhammena vaggā …pe…
pli-tv-kd9:7.18.7	adhammena samaggā …
pli-tv-kd9:7.18.8	dhammena vaggā …
pli-tv-kd9:7.18.9	dhammapatirūpakena vaggā …
pli-tv-kd9:7.18.10	dhammapatirūpakena samaggā.
pli-tv-kd9:7.18.11	Tatraṭṭho saṅgho vivadati—
pli-tv-kd9:7.18.12	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.18.13	Tatra, bhikkhave, ye te bhikkhū evamāhaṁsu—
pli-tv-kd9:7.18.14	‘dhammapatirūpakena samaggakamman’ti ye ca te bhikkhū evamāhaṁsu—
pli-tv-kd9:7.18.15	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.18.16	Ime pañca vārā saṅkhittā.
pli-tv-kd9:7.18.17.0	26. Paṭisāraṇīyakammavivādakathā
pli-tv-kd9:7.18.17.1	Idha pana, bhikkhave, bhikkhu gihī akkosati paribhāsati.
pli-tv-kd9:7.18.18	Tatra ce bhikkhūnaṁ evaṁ hoti—
pli-tv-kd9:7.18.19	‘ayaṁ kho, āvuso, bhikkhu gihī akkosati paribhāsati.
pli-tv-kd9:7.18.20	Handassa mayaṁ paṭisāraṇīyakammaṁ karomā’ti.
pli-tv-kd9:7.18.21	Te tassa paṭisāraṇīyakammaṁ karonti—
pli-tv-kd9:7.18.22	adhammena vaggā …pe…
pli-tv-kd9:7.18.23	adhammena samaggā …
pli-tv-kd9:7.18.24	dhammena vaggā …
pli-tv-kd9:7.18.25	dhammapatirūpakena vaggā …
pli-tv-kd9:7.18.26	dhammapatirūpakena samaggā.
pli-tv-kd9:7.18.27	Tatraṭṭho saṅgho vivadati—
pli-tv-kd9:7.18.28	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.18.29	Tatra, bhikkhave, ye te bhikkhū evamāhaṁsu—
pli-tv-kd9:7.18.30	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.18.31	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.18.32	Ime pañca vārā saṅkhittā.
pli-tv-kd9:7.18.33.0	27. Adassaneukkhepanīyakammavivādakathā
pli-tv-kd9:7.18.33.1	Idha pana, bhikkhave, bhikkhu āpattiṁ āpajjitvā na icchati āpattiṁ passituṁ.
pli-tv-kd9:7.18.34	Tatra ce bhikkhūnaṁ evaṁ hoti—
pli-tv-kd9:7.18.35	‘ayaṁ kho, āvuso, bhikkhu āpattiṁ āpajjitvā na icchati āpattiṁ passituṁ.
pli-tv-kd9:7.18.36	Handassa mayaṁ āpattiyā adassane ukkhepanīyakammaṁ karomā’ti.
pli-tv-kd9:7.18.37	Te tassa āpattiyā adassane ukkhepanīyakammaṁ karonti—
pli-tv-kd9:7.18.38	adhammena vaggā …pe…
pli-tv-kd9:7.18.39	adhammena samaggā …
pli-tv-kd9:7.18.40	dhammena vaggā …
pli-tv-kd9:7.18.41	dhammapatirūpakena vaggā …
pli-tv-kd9:7.18.42	dhammapatirūpakena samaggā.
pli-tv-kd9:7.18.43	Tatraṭṭho saṅgho vivadati—
pli-tv-kd9:7.18.44	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.18.45	Tatra, bhikkhave, ye te bhikkhū evamāhaṁsu—
pli-tv-kd9:7.18.46	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.18.47	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.18.48	Ime pañca vārā saṅkhittā.
pli-tv-kd9:7.18.49.0	28. Appaṭikammeukkhepanīyakammavivādakathā
pli-tv-kd9:7.18.49.1	Idha pana, bhikkhave, bhikkhu āpattiṁ āpajjitvā na icchati āpattiṁ paṭikātuṁ.
pli-tv-kd9:7.18.50	Tatra ce bhikkhūnaṁ evaṁ hoti—
pli-tv-kd9:7.18.51	‘ayaṁ kho, āvuso, bhikkhu āpattiṁ āpajjitvā na icchati āpattiṁ paṭikātuṁ.
pli-tv-kd9:7.18.52	Handassa mayaṁ āpattiyā appaṭikamme ukkhepanīyakammaṁ karomā’ti.
pli-tv-kd9:7.18.53	Te tassa āpattiyā appaṭikamme ukkhepanīyakammaṁ karonti—
pli-tv-kd9:7.18.54	adhammena vaggā …pe…
pli-tv-kd9:7.18.55	adhammena samaggā …
pli-tv-kd9:7.18.56	dhammena vaggā …
pli-tv-kd9:7.18.57	dhammapatirūpakena vaggā …
pli-tv-kd9:7.18.58	dhammapatirūpakena samaggā.
pli-tv-kd9:7.18.59	Tatraṭṭho saṅgho vivadati—
pli-tv-kd9:7.18.60	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.18.61	Tatra, bhikkhave, ye te bhikkhū evamāhaṁsu—
pli-tv-kd9:7.18.62	‘dhammapatirūpakena samaggakamman’ti;
pli-tv-kd9:7.18.63	ye ca te bhikkhū evamāhaṁsu—
pli-tv-kd9:7.18.64	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.18.65	Ime pañca vārā saṅkhittā.
pli-tv-kd9:7.18.66.0	29. Appaṭinissaggeukkhepanīyakammavivādakathā
pli-tv-kd9:7.18.66.1	Idha pana, bhikkhave, bhikkhu na icchati pāpikaṁ diṭṭhiṁ paṭinissajjituṁ.
pli-tv-kd9:7.18.67	Tatra ce bhikkhūnaṁ evaṁ hoti—
pli-tv-kd9:7.18.68	‘ayaṁ kho, āvuso, bhikkhu na icchati pāpikaṁ diṭṭhiṁ paṭinissajjituṁ.
pli-tv-kd9:7.18.69	Handassa mayaṁ pāpikāya diṭṭhiyā appaṭinissagge ukkhepanīyakammaṁ karomā’ti.
pli-tv-kd9:7.18.70	Te tassa pāpikāya diṭṭhiyā appaṭinissagge ukkhepanīyakammaṁ karonti—
pli-tv-kd9:7.18.71	adhammena vaggā …pe…
pli-tv-kd9:7.18.72	adhammena samaggā …
pli-tv-kd9:7.18.73	dhammena vaggā …
pli-tv-kd9:7.18.74	dhammapatirūpakena vaggā …
pli-tv-kd9:7.18.75	dhammapatirūpakena samaggā.
pli-tv-kd9:7.18.76	Tatraṭṭho saṅgho vivadati—
pli-tv-kd9:7.18.77	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.18.78	Tatra, bhikkhave, ye te bhikkhū evamāhaṁsu—
pli-tv-kd9:7.18.79	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.18.80	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.18.81	Ime pañca vārā saṅkhittā.
pli-tv-kd9:7.19.0	30. Tajjanīyakammapaṭippassaddhikathā
pli-tv-kd9:7.19.1	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.2	Tatra ce bhikkhūnaṁ evaṁ hoti—
pli-tv-kd9:7.19.3	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.4	Handassa mayaṁ tajjanīyakammaṁ paṭippassambhemā’ti.
pli-tv-kd9:7.19.5	Te tassa tajjanīyakammaṁ paṭippassambhenti—
pli-tv-kd9:7.19.6	adhammena vaggā.
pli-tv-kd9:7.19.7	Tatraṭṭho saṅgho vivadati—
pli-tv-kd9:7.19.8	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.19.9	Tatra, bhikkhave, ye te bhikkhū evamāhaṁsu—
pli-tv-kd9:7.19.10	‘adhammena vaggakamman’ti, ye ca te bhikkhū evamāhaṁsu—
pli-tv-kd9:7.19.11	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.19.12	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.13	Tatra ce bhikkhūnaṁ evaṁ hoti—
pli-tv-kd9:7.19.14	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.15	Handassa mayaṁ tajjanīyakammaṁ paṭippassambhemā’ti.
pli-tv-kd9:7.19.16	Te tassa tajjanīyakammaṁ paṭippassambhenti—
pli-tv-kd9:7.19.17	adhammena samaggā.
pli-tv-kd9:7.19.18	Tatraṭṭho saṅgho vivadati—
pli-tv-kd9:7.19.19	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.19.20	Tatra, bhikkhave, ye te bhikkhū evamāhaṁsu—
pli-tv-kd9:7.19.21	‘adhammena samaggakamman’ti, ye ca te bhikkhū evamāhaṁsu—
pli-tv-kd9:7.19.22	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.19.23	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.24	Tatra ce bhikkhūnaṁ evaṁ hoti—
pli-tv-kd9:7.19.25	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.26	Handassa mayaṁ tajjanīyakammaṁ paṭippassambhemā’ti.
pli-tv-kd9:7.19.27	Te tassa tajjanīyakammaṁ paṭippassambhenti—
pli-tv-kd9:7.19.28	dhammena vaggā.
pli-tv-kd9:7.19.29	Tatraṭṭho saṅgho vivadati—
pli-tv-kd9:7.19.30	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.19.31	Tatra, bhikkhave, ye te bhikkhū evamāhaṁsu—
pli-tv-kd9:7.19.32	‘dhammena vaggakamman’ti ye ca te bhikkhū evamāhaṁsu—
pli-tv-kd9:7.19.33	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.19.34	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.35	Tatra ce bhikkhūnaṁ evaṁ hoti—
pli-tv-kd9:7.19.36	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.37	Handassa mayaṁ tajjanīyakammaṁ paṭippassambhemā’ti.
pli-tv-kd9:7.19.38	Te tassa tajjanīyakammaṁ paṭippassambhenti—
pli-tv-kd9:7.19.39	dhammapatirūpakena vaggā.
pli-tv-kd9:7.19.40	Tatraṭṭho saṅgho vivadati—
pli-tv-kd9:7.19.41	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.19.42	Tatra, bhikkhave, ye te bhikkhū evamāhaṁsu—
pli-tv-kd9:7.19.43	‘dhammapatirūpakena vaggakamman’ti, ye ca te bhikkhū evamāhaṁsu—
pli-tv-kd9:7.19.44	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.19.45	Idha pana, bhikkhave, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.46	Tatra ce bhikkhūnaṁ evaṁ hoti—
pli-tv-kd9:7.19.47	‘ayaṁ kho, āvuso, bhikkhu saṅghena tajjanīyakammakato sammā vattati, lomaṁ pāteti, netthāraṁ vattati, tajjanīyassa kammassa paṭippassaddhiṁ yācati.
pli-tv-kd9:7.19.48	Handassa mayaṁ tajjanīyakammaṁ paṭippassambhemā’ti.
pli-tv-kd9:7.19.49	Te tassa tajjanīyakammaṁ paṭippassambhenti—
pli-tv-kd9:7.19.50	dhammapatirūpakena samaggā.
pli-tv-kd9:7.19.51	Tatraṭṭho saṅgho vivadati—
pli-tv-kd9:7.19.52	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.19.53	Tatra, bhikkhave, ye te bhikkhū evamāhaṁsu—
pli-tv-kd9:7.19.54	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.19.55	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.20.0	31. Niyassakammapaṭippassaddhikathā
pli-tv-kd9:7.20.1	Idha pana, bhikkhave, bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd9:7.20.2	Tatra ce bhikkhūnaṁ evaṁ hoti—
pli-tv-kd9:7.20.3	‘ayaṁ kho, āvuso, bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd9:7.20.4	Handassa mayaṁ niyassakammaṁ paṭippassambhemā’ti.
pli-tv-kd9:7.20.5	Te tassa niyassakammaṁ paṭippassambhenti—
pli-tv-kd9:7.20.6	adhammena vaggā …pe…
pli-tv-kd9:7.20.7	adhammena samaggā …
pli-tv-kd9:7.20.8	dhammena vaggā …
pli-tv-kd9:7.20.9	dhammapatirūpakena vaggā …
pli-tv-kd9:7.20.10	dhammapatirūpakena samaggā.
pli-tv-kd9:7.20.11	Tatraṭṭho saṅgho vivadati—
pli-tv-kd9:7.20.12	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.20.13	Tatra, bhikkhave, ye te bhikkhū evamāhaṁsu—
pli-tv-kd9:7.20.14	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.20.15	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.20.16	Imepi pañca vārā saṅkhittā.
pli-tv-kd9:7.20.17.0	32. Pabbājanīyakammapaṭippassaddhikathā
pli-tv-kd9:7.20.17.1	Idha pana, bhikkhave, bhikkhu saṅghena pabbājanīyakammakato sammā vattati, lomaṁ pāteti, netthāraṁ vattati, pabbājanīyassa kammassa paṭippassaddhiṁ yācati.
pli-tv-kd9:7.20.18	Tatra ce bhikkhūnaṁ evaṁ hoti—
pli-tv-kd9:7.20.19	‘ayaṁ kho, āvuso, bhikkhu saṅghena pabbājanīyakammakato sammā vattati, lomaṁ pāteti, netthāraṁ vattati, pabbājanīyassa kammassa paṭippassaddhiṁ yācati.
pli-tv-kd9:7.20.20	Handassa mayaṁ pabbājanīyakammaṁ paṭippassambhemā’ti.
pli-tv-kd9:7.20.21	Te tassa pabbājanīyakammaṁ paṭippassambhenti—
pli-tv-kd9:7.20.22	adhammena vaggā …pe…
pli-tv-kd9:7.20.23	adhammena samaggā …
pli-tv-kd9:7.20.24	dhammena vaggā …
pli-tv-kd9:7.20.25	dhammapatirūpakena vaggā …
pli-tv-kd9:7.20.26	dhammapatirūpakena samaggā.
pli-tv-kd9:7.20.27	Tatraṭṭho saṅgho vivadati—
pli-tv-kd9:7.20.28	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.20.29	Tatra, bhikkhave, ye te bhikkhū evamāhaṁsu—
pli-tv-kd9:7.20.30	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.20.31	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.20.32	Imepi pañca vārā saṅkhittā.
pli-tv-kd9:7.20.33.0	33. Paṭisāraṇīyakammapaṭippassaddhikathā
pli-tv-kd9:7.20.33.1	Idha pana, bhikkhave, bhikkhu saṅghena paṭisāraṇīyakammakato sammā vattati, lomaṁ pāteti, netthāraṁ vattati, paṭisāraṇīyassa kammassa paṭippassaddhiṁ yācati.
pli-tv-kd9:7.20.34	Tatra ce bhikkhūnaṁ evaṁ hoti—
pli-tv-kd9:7.20.35	‘ayaṁ kho, āvuso, bhikkhu saṅghena paṭisāraṇīyakammakato sammā vattati, lomaṁ pāteti, netthāraṁ vattati, paṭisāraṇīyassa kammassa paṭippassaddhiṁ yācati.
pli-tv-kd9:7.20.36	Handassa mayaṁ paṭisāraṇīyakammaṁ paṭippassambhemā’ti.
pli-tv-kd9:7.20.37	Te tassa paṭisāraṇīyakammaṁ paṭippassambhenti—
pli-tv-kd9:7.20.38	adhammena vaggā …pe…
pli-tv-kd9:7.20.39	adhammena samaggā …
pli-tv-kd9:7.20.40	dhammena vaggā …
pli-tv-kd9:7.20.41	dhammapatirūpakena vaggā …
pli-tv-kd9:7.20.42	dhammapatirūpakena samaggā.
pli-tv-kd9:7.20.43	Tatraṭṭho saṅgho vivadati—
pli-tv-kd9:7.20.44	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.20.45	Tatra, bhikkhave, ye te bhikkhū evamāhaṁsu—
pli-tv-kd9:7.20.46	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.20.47	‘akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.20.48	Ime tattha bhikkhū dhammavādino.
pli-tv-kd9:7.20.49	Imepi pañca vārā saṅkhittā.
pli-tv-kd9:7.20.50.0	34. Adassaneukkhepanīyakammapaṭippassaddhikathā
pli-tv-kd9:7.20.50.1	Idha pana, bhikkhave, bhikkhu saṅghena āpattiyā adassane ukkhepanīyakammakato sammā vattati, lomaṁ pāteti, netthāraṁ vattati, āpattiyā adassane ukkhepanīyassa kammassa paṭippassaddhiṁ yācati.
pli-tv-kd9:7.20.51	Tatra ce bhikkhūnaṁ evaṁ hoti—
pli-tv-kd9:7.20.52	‘ayaṁ kho, āvuso, bhikkhu saṅghena āpattiyā adassane ukkhepanīyakammakato sammā vattati, lomaṁ pāteti, netthāraṁ vattati, āpattiyā adassane ukkhepanīyassa kammassa paṭippassaddhiṁ yācati.
pli-tv-kd9:7.20.53	Handassa mayaṁ āpattiyā adassane ukkhepanīyakammaṁ paṭippassambhemā’ti.
pli-tv-kd9:7.20.54	Te tassa āpattiyā adassane ukkhepanīyakammaṁ paṭippassambhenti—
pli-tv-kd9:7.20.55	adhammena vaggā …pe…
pli-tv-kd9:7.20.56	adhammena samaggā …
pli-tv-kd9:7.20.57	dhammena vaggā …
pli-tv-kd9:7.20.58	dhammapatirūpakena vaggā …
pli-tv-kd9:7.20.59	dhammapatirūpakena samaggā.
pli-tv-kd9:7.20.60	Tatraṭṭho saṅgho vivadati—
pli-tv-kd9:7.20.61	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.20.62	Tatra, bhikkhave, ye te bhikkhū evamāhaṁsu—
pli-tv-kd9:7.20.63	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.20.64	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.20.65	Imepi pañca vārā saṅkhittā.
pli-tv-kd9:7.20.66.0	35. Appaṭikammeukkhepanīyakammapaṭippassaddhikathā
pli-tv-kd9:7.20.66.1	Idha pana, bhikkhave, bhikkhu saṅghena āpattiyā appaṭikamme ukkhepanīyakammakato sammā vattati, lomaṁ pāteti, netthāraṁ vattati, āpattiyā appaṭikamme ukkhepanīyassa kammassa paṭippassaddhiṁ yācati.
pli-tv-kd9:7.20.67	Tatra ce bhikkhūnaṁ evaṁ hoti—
pli-tv-kd9:7.20.68	‘ayaṁ kho, āvuso, bhikkhu saṅghena āpattiyā appaṭikamme ukkhepanīyakammakato sammā vattati, lomaṁ pāteti, netthāraṁ vattati, āpattiyā appaṭikamme ukkhepanīyassa kammassa paṭippassaddhiṁ yācati.
pli-tv-kd9:7.20.69	Handassa mayaṁ āpattiyā appaṭikamme ukkhepanīyakammaṁ paṭippassambhemā’ti.
pli-tv-kd9:7.20.70	Te tassa āpattiyā appaṭikamme ukkhepanīyakammaṁ paṭippassambhenti—
pli-tv-kd9:7.20.71	adhammena vaggā …pe…
pli-tv-kd9:7.20.72	adhammena samaggā …
pli-tv-kd9:7.20.73	dhammena vaggā …
pli-tv-kd9:7.20.74	dhammapatirūpakena vaggā …
pli-tv-kd9:7.20.75	dhammapatirūpakena samaggā.
pli-tv-kd9:7.20.76	Tatraṭṭho saṅgho vivadati—
pli-tv-kd9:7.20.77	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.20.78	Tatra, bhikkhave, ye te bhikkhū evamāhaṁsu—
pli-tv-kd9:7.20.79	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.20.80	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.20.81	Imepi pañca vārā saṅkhittā.
pli-tv-kd9:7.20.82.0	36. Appaṭinissaggeukkhepanīyakammapaṭippassaddhikathā
pli-tv-kd9:7.20.82.1	Idha pana, bhikkhave, bhikkhu saṅghena pāpikāya diṭṭhiyā appaṭinissagge ukkhepanīyakammakato sammā vattati, lomaṁ pāteti, netthāraṁ vattati, pāpikāya diṭṭhiyā appaṭinissagge ukkhepanīyassa kammassa paṭippassaddhiṁ yācati.
pli-tv-kd9:7.20.83	Tatra ce bhikkhūnaṁ evaṁ hoti—
pli-tv-kd9:7.20.84	‘ayaṁ kho, āvuso, bhikkhu saṅghena pāpikāya diṭṭhiyā appaṭinissagge ukkhepanīyakammakato sammā vattati, lomaṁ pāteti, netthāraṁ vattati, pāpikāya diṭṭhiyā appaṭinissagge ukkhepanīyassa kammassa paṭippassaddhiṁ yācati.
pli-tv-kd9:7.20.85	Handassa mayaṁ pāpikāya diṭṭhiyā appaṭinissagge ukkhepanīyakammaṁ paṭippassambhemā’ti.
pli-tv-kd9:7.20.86	Te tassa pāpikāya diṭṭhiyā appaṭinissagge ukkhepanīyakammaṁ paṭippassambhenti—
pli-tv-kd9:7.20.87	adhammena vaggā …pe…
pli-tv-kd9:7.20.88	adhammena samaggā …
pli-tv-kd9:7.20.89	dhammena vaggā …
pli-tv-kd9:7.20.90	dhammapatirūpakena vaggā …
pli-tv-kd9:7.20.91	dhammapatirūpakena samaggā.
pli-tv-kd9:7.20.92	Tatraṭṭho saṅgho vivadati—
pli-tv-kd9:7.20.93	‘adhammena vaggakammaṁ, adhammena samaggakammaṁ, dhammena vaggakammaṁ, dhammapatirūpakena vaggakammaṁ, dhammapatirūpakena samaggakammaṁ, akataṁ kammaṁ dukkaṭaṁ kammaṁ puna kātabbaṁ kamman’ti.
pli-tv-kd9:7.20.94	Tatra, bhikkhave, ye te bhikkhū evamāhaṁsu—
pli-tv-kd9:7.20.95	‘dhammapatirūpakena samaggakamman’ti, ye ca te bhikkhū evamāhaṁsu—
pli-tv-kd9:7.20.96	‘akataṁ kammaṁ dukkaṭaṁ kammaṁ puna kātabbaṁ kamman’ti, ime tattha bhikkhū dhammavādino.
pli-tv-kd9:7.20.97	Imepi pañca vārā saṅkhittā”.
pli-tv-kd9:7.20.98	Campeyyakkhandhako navamo.
pli-tv-kd9:7.20.99	Tassuddānaṁ
pli-tv-kd9:7.20.100	Campāyaṁ bhagavā āsi,
pli-tv-kd9:7.20.101	vatthu vāsabhagāmake;
pli-tv-kd9:7.20.102	Āgantukānamussukkaṁ,
pli-tv-kd9:7.20.103	akāsi icchitabbake.
pli-tv-kd9:7.20.104	Pakataññunoti ñatvā,
pli-tv-kd9:7.20.105	ussukkaṁ na karī tadā;
pli-tv-kd9:7.20.106	Ukkhitto na karotīti,
pli-tv-kd9:7.20.107	sāgamā jinasantike.
pli-tv-kd9:7.20.108	Adhammena vaggakammaṁ,
pli-tv-kd9:7.20.109	samaggaṁ adhammena ca;
pli-tv-kd9:7.20.110	Dhammena vaggakammañca,
pli-tv-kd9:7.20.111	patirūpakena vaggikaṁ.
pli-tv-kd9:7.20.112	Patirūpakena samaggaṁ,
pli-tv-kd9:7.20.113	eko ukkhipatekakaṁ;
pli-tv-kd9:7.20.114	Eko ca dve sambahule,
pli-tv-kd9:7.20.115	saṅghaṁ ukkhipatekako.
pli-tv-kd9:7.20.116	Duvepi sambahulāpi,
pli-tv-kd9:7.20.117	saṅgho saṅghañca ukkhipi;
pli-tv-kd9:7.20.118	Sabbaññupavaro sutvā,
pli-tv-kd9:7.20.119	adhammanti paṭikkhipi.
pli-tv-kd9:7.20.120	Ñattivipannaṁ yaṁ kammaṁ,
pli-tv-kd9:7.20.121	sampannaṁ anusāvanaṁ;
pli-tv-kd9:7.20.122	Anussāvanavipannaṁ,
pli-tv-kd9:7.20.123	sampannaṁ ñattiyā ca yaṁ.
pli-tv-kd9:7.20.124	Ubhayena vipannañca,
pli-tv-kd9:7.20.125	aññatra dhammameva ca;
pli-tv-kd9:7.20.126	Vinayā satthu paṭikuṭṭhaṁ,
pli-tv-kd9:7.20.127	kuppaṁ aṭṭhānārahikaṁ.
pli-tv-kd9:7.20.128	Adhammavaggaṁ samaggaṁ,
pli-tv-kd9:7.20.129	Dhamma patirūpāni ye duve;
pli-tv-kd9:7.20.130	Dhammeneva ca sāmaggiṁ,
pli-tv-kd9:7.20.131	Anuññāsi tathāgato.
pli-tv-kd9:7.20.132	Catuvaggo pañcavaggo,
pli-tv-kd9:7.20.133	dasavaggo ca vīsati;
pli-tv-kd9:7.20.134	Parovīsativaggo ca,
pli-tv-kd9:7.20.135	saṅgho pañcavidho tathā.
pli-tv-kd9:7.20.136	Ṭhapetvā upasampadaṁ,
pli-tv-kd9:7.20.137	yañca kammaṁ pavāraṇaṁ;
pli-tv-kd9:7.20.138	Abbhānakammena saha,
pli-tv-kd9:7.20.139	catuvaggehi kammiko.
pli-tv-kd9:7.20.140	Duve kamme ṭhapetvāna,
pli-tv-kd9:7.20.141	majjhadesūpasampadaṁ;
pli-tv-kd9:7.20.142	Abbhānaṁ pañcavaggiko,
pli-tv-kd9:7.20.143	sabbakammesu kammiko.
pli-tv-kd9:7.20.144	Abbhānekaṁ ṭhapetvāna,
pli-tv-kd9:7.20.145	ye bhikkhū dasavaggikā;
pli-tv-kd9:7.20.146	Sabbakammakaro saṅgho,
pli-tv-kd9:7.20.147	vīso sabbattha kammiko.
pli-tv-kd9:7.20.148	Bhikkhunī sikkhamānā ca,
pli-tv-kd9:7.20.149	sāmaṇero sāmaṇerī;
pli-tv-kd9:7.20.150	Paccakkhātantimavatthū,
pli-tv-kd9:7.20.151	ukkhittāpattidassane.
pli-tv-kd9:7.20.152	Appaṭikamme diṭṭhiyā,
pli-tv-kd9:7.20.153	paṇḍako theyyasaṁvāsakaṁ;
pli-tv-kd9:7.20.154	Titthiyā tiracchānagataṁ,
pli-tv-kd9:7.20.155	mātu pitu ca ghātakaṁ.
pli-tv-kd9:7.20.156	Arahaṁ bhikkhunīdūsi,
pli-tv-kd9:7.20.157	bhedakaṁ lohituppādaṁ;
pli-tv-kd9:7.20.158	Byañjanaṁ nānāsaṁvāsaṁ,
pli-tv-kd9:7.20.159	nānāsīmāya iddhiyā.
pli-tv-kd9:7.20.160	Yassa saṅgho kare kammaṁ,
pli-tv-kd9:7.20.161	hontete catuvīsati;
pli-tv-kd9:7.20.162	Sambuddhena paṭikkhittā,
pli-tv-kd9:7.20.163	na hete gaṇapūrakā.
pli-tv-kd9:7.20.164	Pārivāsikacatuttho,
pli-tv-kd9:7.20.165	parivāsaṁ dadeyya vā;
pli-tv-kd9:7.20.166	Mūlā mānattamabbheyya,
pli-tv-kd9:7.20.167	akammaṁ na ca karaṇaṁ.
pli-tv-kd9:7.20.168	Mūlā arahamānattā,
pli-tv-kd9:7.20.169	abbhānārahameva ca;
pli-tv-kd9:7.20.170	Na kammakārakā pañca,
pli-tv-kd9:7.20.171	sambuddhena pakāsitā.
pli-tv-kd9:7.20.172	Bhikkhunī sikkhamānā ca,
pli-tv-kd9:7.20.173	sāmaṇero sāmaṇerikā;
pli-tv-kd9:7.20.174	Paccakkhantimaummattā,
pli-tv-kd9:7.20.175	khittāvedanadassane.
pli-tv-kd9:7.20.176	Appaṭikamme diṭṭhiyā,
pli-tv-kd9:7.20.177	paṇḍakāpi ca byañjanā;
pli-tv-kd9:7.20.178	Nānāsaṁvāsakā sīmā,
pli-tv-kd9:7.20.179	vehāsaṁ yassa kamma ca.
pli-tv-kd9:7.20.180	Aṭṭhārasannametesaṁ,
pli-tv-kd9:7.20.181	paṭikkosaṁ na ruhati;
pli-tv-kd9:7.20.182	Bhikkhussa pakatattassa,
pli-tv-kd9:7.20.183	ruhati paṭikkosanā.
pli-tv-kd9:7.20.184	Suddhassa dunnisārito,
pli-tv-kd9:7.20.185	bālo hi sunissārito;
pli-tv-kd9:7.20.186	Paṇḍako theyyasaṁvāso,
pli-tv-kd9:7.20.187	pakkanto tiracchānagato.
pli-tv-kd9:7.20.188	Mātu pitu arahanta,
pli-tv-kd9:7.20.189	dūsako saṅghabhedako;
pli-tv-kd9:7.20.190	Lohituppādako ceva,
pli-tv-kd9:7.20.191	ubhatobyañjano ca yo.
pli-tv-kd9:7.20.192	Ekādasannaṁ etesaṁ,
pli-tv-kd9:7.20.193	osāraṇaṁ na yujjati;
pli-tv-kd9:7.20.194	Hatthapādaṁ tadubhayaṁ,
pli-tv-kd9:7.20.195	kaṇṇanāsaṁ tadūbhayaṁ.
pli-tv-kd9:7.20.196	Aṅguli aḷakaṇḍaraṁ,
pli-tv-kd9:7.20.197	phaṇaṁ khujjo ca vāmano;
pli-tv-kd9:7.20.198	Gaṇḍī lakkhaṇakasā ca,
pli-tv-kd9:7.20.199	likhitako ca sīpadī.
pli-tv-kd9:7.20.200	Pāpā parisakāṇo ca,
pli-tv-kd9:7.20.201	kuṇī khañjo hatopi ca;
pli-tv-kd9:7.20.202	Iriyāpathadubbalo,
pli-tv-kd9:7.20.203	andho mūgo ca badhiro.
pli-tv-kd9:7.20.204	Andhamūgandhabadhiro,
pli-tv-kd9:7.20.205	mūgabadhirameva ca;
pli-tv-kd9:7.20.206	Andhamūgabadhiro ca,
pli-tv-kd9:7.20.207	dvattiṁsete anūnakā.
pli-tv-kd9:7.20.208	Tesaṁ osāraṇaṁ hoti,
pli-tv-kd9:7.20.209	sambuddhena pakāsitaṁ;
pli-tv-kd9:7.20.210	Daṭṭhabbā paṭikātabbā,
pli-tv-kd9:7.20.211	nissajjetā na vijjati.
pli-tv-kd9:7.20.212	Tassa ukkhepanā kammā,
pli-tv-kd9:7.20.213	satta honti adhammikā;
pli-tv-kd9:7.20.214	Āpannaṁ anuvattantaṁ,
pli-tv-kd9:7.20.215	satta tepi adhammikā.
pli-tv-kd9:7.20.216	Āpannaṁ nānuvattantaṁ,
pli-tv-kd9:7.20.217	satta kammā sudhammikā;
pli-tv-kd9:7.20.218	Sammukhā paṭipucchā ca,
pli-tv-kd9:7.20.219	paṭiññāya ca kāraṇā.
pli-tv-kd9:7.20.220	Sati amūḷhapāpikā,
pli-tv-kd9:7.20.221	tajjanīniyassena ca;
pli-tv-kd9:7.20.222	Pabbājanīya paṭisāro,
pli-tv-kd9:7.20.223	ukkhepaparivāsa ca.
pli-tv-kd9:7.20.224	Mūlā mānattaabbhānā,
pli-tv-kd9:7.20.225	tatheva upasampadā;
pli-tv-kd9:7.20.226	Aññaṁ kareyya aññassa,
pli-tv-kd9:7.20.227	soḷasete adhammikā.
pli-tv-kd9:7.20.228	Taṁ taṁ kareyya taṁ tassa,
pli-tv-kd9:7.20.229	soḷasete sudhammikā;
pli-tv-kd9:7.20.230	Paccāropeyya aññaññaṁ,
pli-tv-kd9:7.20.231	soḷasete adhammikā.
pli-tv-kd9:7.20.232	Dve dve tammūlakaṁ tassa,
pli-tv-kd9:7.20.233	tepi soḷasa dhammikā;
pli-tv-kd9:7.20.234	Ekekamūlakaṁ cakkaṁ,
pli-tv-kd9:7.20.235	“adhamman”ti jinobravi.
pli-tv-kd9:7.20.236	Akāsi tajjanīyaṁ kammaṁ,
pli-tv-kd9:7.20.237	saṅgho bhaṇḍanakārako;
pli-tv-kd9:7.20.238	Adhammena vaggakammaṁ,
pli-tv-kd9:7.20.239	aññaṁ āvāsaṁ gacchi so.
pli-tv-kd9:7.20.240	Tatthādhammena samaggā,
pli-tv-kd9:7.20.241	tassa tajjanīyaṁ karuṁ;
pli-tv-kd9:7.20.242	Aññattha vaggādhammena,
pli-tv-kd9:7.20.243	tassa tajjanīyaṁ karuṁ.
pli-tv-kd9:7.20.244	Patirūpena vaggāpi,
pli-tv-kd9:7.20.245	samaggāpi tathā karuṁ;
pli-tv-kd9:7.20.246	Adhammena samaggā ca,
pli-tv-kd9:7.20.247	dhammena vaggameva ca.
pli-tv-kd9:7.20.248	Patirūpakena vaggā ca,
pli-tv-kd9:7.20.249	samaggā ca ime padā;
pli-tv-kd9:7.20.250	Ekekamūlakaṁ katvā,
pli-tv-kd9:7.20.251	cakkaṁ bandhe vicakkhaṇo.
pli-tv-kd9:7.20.252	Bālā byattassa niyassaṁ,
pli-tv-kd9:7.20.253	pabbāje kuladūsakaṁ;
pli-tv-kd9:7.20.254	Paṭisāraṇīyaṁ kammaṁ,
pli-tv-kd9:7.20.255	kare akkosakassa ca.
pli-tv-kd9:7.20.256	Adassanāppaṭikamme,
pli-tv-kd9:7.20.257	yo ca diṭṭhiṁ na nissajje;
pli-tv-kd9:7.20.258	Tesaṁ ukkhepanīyakammaṁ,
pli-tv-kd9:7.20.259	satthavāhena bhāsitaṁ.
pli-tv-kd9:7.20.260	Upari nayakammānaṁ,
pli-tv-kd9:7.20.261	pañño tajjanīyaṁ naye;
pli-tv-kd9:7.20.262	Tesaṁyeva anulomaṁ,
pli-tv-kd9:7.20.263	sammā vattati yācite.
pli-tv-kd9:7.20.264	Passaddhi tesaṁ kammānaṁ,
pli-tv-kd9:7.20.265	heṭṭhā kammanayena ca;
pli-tv-kd9:7.20.266	Tasmiṁ tasmiṁ tu kammesu,
pli-tv-kd9:7.20.267	tatraṭṭho ca vivadati.
pli-tv-kd9:7.20.268	Akataṁ dukkaṭañceva,
pli-tv-kd9:7.20.269	punakātabbakanti ca;
pli-tv-kd9:7.20.270	Kamme passaddhiyā cāpi,
pli-tv-kd9:7.20.271	te bhikkhū dhammavādino.
pli-tv-kd9:7.20.272	Vipattibyādhite disvā,
pli-tv-kd9:7.20.273	kammappatte mahāmuni;
pli-tv-kd9:7.20.274	Paṭippassaddhimakkhāsi,
pli-tv-kd9:7.20.275	sallakattova osadhanti.
pli-tv-kd9:7.20.276	Imamhi khandhake vatthūni chattiṁsāti.
pli-tv-kd9:7.20.277	Campeyyakkhandhako niṭṭhito.
pli-tv-kd10:0.1	Theravāda Vinayapiṭaka
pli-tv-kd10:0.2	Mahāvagga
pli-tv-kd10:0.3	10. Kosambakakkhandhaka
pli-tv-kd10:0.4	1. Kosambakavivādakathā
pli-tv-kd10:1.1.1	Tena samayena buddho bhagavā kosambiyaṁ viharati ghositārāme.
pli-tv-kd10:1.1.2	Tena kho pana samayena aññataro bhikkhu āpattiṁ āpanno hoti.
pli-tv-kd10:1.1.3	So tassā āpattiyā āpattidiṭṭhi hoti;
pli-tv-kd10:1.1.4	aññe bhikkhū tassā āpattiyā anāpattidiṭṭhino honti.
pli-tv-kd10:1.1.5	So aparena samayena tassā āpattiyā anāpattidiṭṭhi hoti;
pli-tv-kd10:1.1.6	aññe bhikkhū tassā āpattiyā āpattidiṭṭhino honti.
pli-tv-kd10:1.1.7	Atha kho te bhikkhū taṁ bhikkhuṁ etadavocuṁ—
pli-tv-kd10:1.1.8	“āpattiṁ tvaṁ, āvuso, āpanno, passasetaṁ āpattin”ti?
pli-tv-kd10:1.1.9	“Natthi me, āvuso, āpatti yamahaṁ passeyyan”ti.
pli-tv-kd10:1.1.10	Atha kho te bhikkhū sāmaggiṁ labhitvā taṁ bhikkhuṁ āpattiyā adassane ukkhipiṁsu.
pli-tv-kd10:1.2.1	So ca bhikkhu bahussuto hoti āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo.
pli-tv-kd10:1.2.2	Atha kho so bhikkhu sandiṭṭhe sambhatte bhikkhū upasaṅkamitvā etadavoca—
pli-tv-kd10:1.2.3	“anāpatti esā, āvuso, nesā āpatti.
pli-tv-kd10:1.2.4	Anāpannomhi, namhi āpanno.
pli-tv-kd10:1.2.5	Anukkhittomhi, namhi ukkhitto.
pli-tv-kd10:1.2.6	Adhammikenamhi kammena ukkhitto kuppena aṭṭhānārahena.
pli-tv-kd10:1.2.7	Hotha me āyasmanto dhammato vinayato pakkhā”ti.
pli-tv-kd10:1.2.8	Alabhi kho so bhikkhu sandiṭṭhe sambhatte bhikkhū pakkhe.
pli-tv-kd10:1.2.9	Jānapadānampi sandiṭṭhānaṁ sambhattānaṁ bhikkhūnaṁ santike dūtaṁ pāhesi—
pli-tv-kd10:1.2.10	“anāpatti esā, āvuso, nesā āpatti.
pli-tv-kd10:1.2.11	Anāpannomhi, namhi āpanno.
pli-tv-kd10:1.2.12	Anukkhittomhi, namhi ukkhitto.
pli-tv-kd10:1.2.13	Adhammikenamhi kammena ukkhitto kuppena aṭṭhānārahena.
pli-tv-kd10:1.2.14	Hontu me āyasmanto dhammato vinayato pakkhā”ti.
pli-tv-kd10:1.2.15	Alabhi kho so bhikkhu jānapadepi sandiṭṭhe sambhatte bhikkhū pakkhe.
pli-tv-kd10:1.3.1	Atha kho te ukkhittānuvattakā bhikkhū yena ukkhepakā bhikkhū tenupasaṅkamiṁsu, upasaṅkamitvā ukkhepake bhikkhū etadavocuṁ—
pli-tv-kd10:1.3.2	“anāpatti esā, āvuso, nesā āpatti.
pli-tv-kd10:1.3.3	Anāpanno eso bhikkhu, neso bhikkhu āpanno.
pli-tv-kd10:1.3.4	Anukkhitto eso bhikkhu, neso bhikkhu ukkhitto.
pli-tv-kd10:1.3.5	Adhammikena kammena ukkhitto kuppena aṭṭhānārahenā”ti.
pli-tv-kd10:1.3.6	Evaṁ vutte, ukkhepakā bhikkhū ukkhittānuvattake bhikkhū etadavocuṁ—
pli-tv-kd10:1.3.7	“āpatti esā, āvuso, nesā anāpatti.
pli-tv-kd10:1.3.8	Āpanno eso bhikkhu, neso bhikkhu anāpanno.
pli-tv-kd10:1.3.9	Ukkhitto eso bhikkhu, neso bhikkhu anukkhitto.
pli-tv-kd10:1.3.10	Dhammikena kammena ukkhitto akuppena ṭhānārahena.
pli-tv-kd10:1.3.11	Mā kho tumhe āyasmanto etaṁ ukkhittakaṁ bhikkhuṁ anuvattittha anuparivārethā”ti.
pli-tv-kd10:1.3.12	Evampi kho te ukkhittānuvattakā bhikkhū ukkhepakehi bhikkhūhi vuccamānā tatheva taṁ ukkhittakaṁ bhikkhuṁ anuvattiṁsu anuparivāresuṁ.
pli-tv-kd10:1.4.1	Atha kho aññataro bhikkhu yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:1.4.2	Ekamantaṁ nisinno kho so bhikkhu bhagavantaṁ etadavoca—
pli-tv-kd10:1.4.3	“idha, bhante, aññataro bhikkhu āpattiṁ āpanno ahosi.
pli-tv-kd10:1.4.4	So tassā āpattiyā āpattidiṭṭhi ahosi, aññe bhikkhū tassā āpattiyā anāpattidiṭṭhino ahesuṁ.
pli-tv-kd10:1.4.5	So aparena samayena tassā āpattiyā anāpattidiṭṭhi ahosi, aññe bhikkhū tassā āpattiyā āpattidiṭṭhino ahesuṁ.
pli-tv-kd10:1.4.6	Atha kho te, bhante, bhikkhū taṁ bhikkhuṁ etadavocuṁ—
pli-tv-kd10:1.4.7	‘āpattiṁ tvaṁ, āvuso, āpanno, passasetaṁ āpattin’ti?
pli-tv-kd10:1.4.8	‘Natthi me, āvuso, āpatti yamahaṁ passeyyan’ti.
pli-tv-kd10:1.4.9	Atha kho te, bhante, bhikkhū sāmaggiṁ labhitvā taṁ bhikkhuṁ āpattiyā adassane ukkhipiṁsu.
pli-tv-kd10:1.4.10	So ca, bhante, bhikkhu bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo.
pli-tv-kd10:1.4.11	Atha kho so, bhante, bhikkhu sandiṭṭhe sambhatte bhikkhū upasaṅkamitvā etadavoca—
pli-tv-kd10:1.4.12	‘anāpatti esā, āvuso;
pli-tv-kd10:1.4.13	nesā āpatti.
pli-tv-kd10:1.4.14	Anāpannomhi, namhi āpanno.
pli-tv-kd10:1.4.15	Anukkhittomhi, namhi ukkhitto.
pli-tv-kd10:1.4.16	Adhammikenamhi kammena ukkhitto kuppena aṭṭhānārahena.
pli-tv-kd10:1.4.17	Hotha me āyasmanto dhammato vinayato pakkhā’ti.
pli-tv-kd10:1.4.18	Alabhi kho so, bhante, bhikkhu sandiṭṭhe sambhatte bhikkhū pakkhe.
pli-tv-kd10:1.4.19	Jānapadānampi sandiṭṭhānaṁ sambhattānaṁ bhikkhūnaṁ santike dūtaṁ pāhesi—
pli-tv-kd10:1.4.20	‘anāpatti esā, āvuso;
pli-tv-kd10:1.4.21	nesā āpatti.
pli-tv-kd10:1.4.22	Anāpannomhi, namhi āpanno.
pli-tv-kd10:1.4.23	Anukkhittomhi, namhi ukkhitto.
pli-tv-kd10:1.4.24	Adhammikenamhi kammena ukkhitto kuppena aṭṭhānārahena.
pli-tv-kd10:1.4.25	Hontu me āyasmanto dhammato vinayato pakkhā’ti.
pli-tv-kd10:1.4.26	Alabhi kho so, bhante, bhikkhu jānapadepi sandiṭṭhe sambhatte bhikkhū pakkhe.
pli-tv-kd10:1.4.27	Atha kho te, bhante, ukkhittānuvattakā bhikkhū yena ukkhepakā bhikkhū tenupasaṅkamiṁsu, upasaṅkamitvā ukkhepake bhikkhū etadavocuṁ—
pli-tv-kd10:1.4.28	‘anāpatti esā, āvuso;
pli-tv-kd10:1.4.29	nesā āpatti.
pli-tv-kd10:1.4.30	Anāpanno eso bhikkhu, neso bhikkhu āpanno.
pli-tv-kd10:1.4.31	Anukkhitto eso bhikkhu, neso bhikkhu ukkhitto.
pli-tv-kd10:1.4.32	Adhammikena kammena ukkhitto kuppena aṭṭhānārahenā’ti.
pli-tv-kd10:1.4.33	Evaṁ vutte, te, bhante, ukkhepakā bhikkhū ukkhittānuvattake bhikkhū etadavocuṁ—
pli-tv-kd10:1.4.34	‘āpatti esā, āvuso;
pli-tv-kd10:1.4.35	nesā anāpatti.
pli-tv-kd10:1.4.36	Āpanno eso bhikkhu, neso bhikkhu anāpanno.
pli-tv-kd10:1.4.37	Ukkhitto eso bhikkhu, neso bhikkhu anukkhitto.
pli-tv-kd10:1.4.38	Dhammikena kammena ukkhitto akuppena ṭhānārahena.
pli-tv-kd10:1.4.39	Mā kho tumhe āyasmanto etaṁ ukkhittakaṁ bhikkhuṁ anuvattittha anuparivārethā’ti.
pli-tv-kd10:1.4.40	Evampi kho te, bhante, ukkhittānuvattakā bhikkhū ukkhepakehi bhikkhūhi vuccamānā tatheva taṁ ukkhittakaṁ bhikkhuṁ anuvattanti anuparivārentī”ti.
pli-tv-kd10:1.5.1	Atha kho bhagavā—“bhinno bhikkhusaṅgho, bhinno bhikkhusaṅgho”ti—
pli-tv-kd10:1.5.2	uṭṭhāyāsanā yena ukkhepakā bhikkhū tenupasaṅkami, upasaṅkamitvā paññatte āsane nisīdi, nisajja kho bhagavā ukkhepake bhikkhū etadavoca—
pli-tv-kd10:1.5.3	“mā kho tumhe, bhikkhave—‘paṭibhāti no, paṭibhāti no’ti—yasmiṁ vā tasmiṁ vā bhikkhuṁ ukkhipitabbaṁ maññittha.
pli-tv-kd10:1.6.1	Idha pana, bhikkhave, bhikkhu āpattiṁ āpanno hoti.
pli-tv-kd10:1.6.2	So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti.
pli-tv-kd10:1.6.3	Te ce, bhikkhave, bhikkhū taṁ bhikkhuṁ evaṁ jānanti—‘ayaṁ kho āyasmā bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo.
pli-tv-kd10:1.6.4	Sace mayaṁ imaṁ bhikkhuṁ āpattiyā adassane ukkhipissāma, na mayaṁ iminā bhikkhunā saddhiṁ uposathaṁ karissāma, vinā iminā bhikkhunā uposathaṁ karissāma, bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, bhedagarukehi, bhikkhave, bhikkhūhi na so bhikkhu āpattiyā adassane ukkhipitabbo.
pli-tv-kd10:1.7.1	Idha pana, bhikkhave, bhikkhu āpattiṁ āpanno hoti.
pli-tv-kd10:1.7.2	So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti.
pli-tv-kd10:1.7.3	Te ce, bhikkhave, bhikkhū taṁ bhikkhuṁ evaṁ jānanti—‘ayaṁ kho āyasmā bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo.
pli-tv-kd10:1.7.4	Sace mayaṁ imaṁ bhikkhuṁ āpattiyā adassane ukkhipissāma, na mayaṁ iminā bhikkhunā saddhiṁ pavāressāma, vinā iminā bhikkhunā pavāressāma.
pli-tv-kd10:1.7.5	Na mayaṁ iminā bhikkhunā saddhiṁ saṅghakammaṁ karissāma, vinā iminā bhikkhunā saṅghakammaṁ karissāma.
pli-tv-kd10:1.7.6	Na mayaṁ iminā bhikkhunā saddhiṁ āsane nisīdissāma, vinā iminā bhikkhunā āsane nisīdissāma.
pli-tv-kd10:1.7.7	Na mayaṁ iminā bhikkhunā saddhiṁ yāgupāne nisīdissāma, vinā iminā bhikkhunā yāgupāne nisīdissāma.
pli-tv-kd10:1.7.8	Na mayaṁ iminā bhikkhunā saddhiṁ bhattagge nisīdissāma, vinā iminā bhikkhunā bhattagge nisīdissāma.
pli-tv-kd10:1.7.9	Na mayaṁ iminā bhikkhunā saddhiṁ ekacchanne vasissāma, vinā iminā bhikkhunā ekacchanne vasissāma.
pli-tv-kd10:1.7.10	Na mayaṁ iminā bhikkhunā saddhiṁ yathāvuḍḍhaṁ abhivādanaṁ paccuṭṭhānaṁ añjalikammaṁ sāmīcikammaṁ karissāma, vinā iminā bhikkhunā yathāvuḍḍhaṁ abhivādanaṁ paccuṭṭhānaṁ añjalikammaṁ sāmīcikammaṁ karissāma.
pli-tv-kd10:1.7.11	Bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, bhedagarukehi, bhikkhave, bhikkhūhi na so bhikkhu āpattiyā adassane ukkhipitabbo”ti.
pli-tv-kd10:1.8.1	Atha kho bhagavā ukkhepakānaṁ bhikkhūnaṁ etamatthaṁ bhāsitvā uṭṭhāyāsanā yena ukkhittānuvattakā bhikkhū tenupasaṅkami, upasaṅkamitvā paññatte āsane nisīdi, nisajja kho bhagavā ukkhittānuvattake bhikkhū etadavoca—
pli-tv-kd10:1.8.2	“mā kho tumhe, bhikkhave, āpattiṁ āpajjitvā ‘nāmha āpannā, nāmha āpannā’ti āpattiṁ na paṭikātabbaṁ maññittha.
pli-tv-kd10:1.8.3	Idha pana, bhikkhave, bhikkhu āpattiṁ āpanno hoti.
pli-tv-kd10:1.8.4	So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti.
pli-tv-kd10:1.8.5	So ce, bhikkhave, bhikkhu te bhikkhū evaṁ jānāti—‘ime kho āyasmanto bahussutā āgatāgamā dhammadharā vinayadharā mātikādharā paṇḍitā byattā medhāvino lajjino kukkuccakā sikkhākāmā, nālaṁ mamaṁ vā kāraṇā aññesaṁ vā kāraṇā chandā dosā mohā bhayā agatiṁ gantuṁ.
pli-tv-kd10:1.8.6	Sace maṁ ime bhikkhū āpattiyā adassane ukkhipissanti, na mayā saddhiṁ uposathaṁ karissanti, vinā mayā uposathaṁ karissanti, bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, bhedagarukena, bhikkhave, bhikkhunā paresampi saddhāya āpatti desetabbā.
pli-tv-kd10:1.8.7	Idha pana, bhikkhave, bhikkhu āpattiṁ āpanno hoti.
pli-tv-kd10:1.8.8	So tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti.
pli-tv-kd10:1.8.9	So ce, bhikkhave, bhikkhu te bhikkhū evaṁ jānāti—‘ime kho āyasmanto bahussutā āgatāgamā dhammadharā vinayadharā mātikādharā paṇḍitā byattā medhāvino lajjino kukkuccakā sikkhākāmā, nālaṁ mamaṁ vā kāraṇā aññesaṁ vā kāraṇā chandā dosā mohā bhayā agatiṁ gantuṁ.
pli-tv-kd10:1.8.10	Sace maṁ ime bhikkhū āpattiyā adassane ukkhipissanti, na mayā saddhiṁ pavāressanti, vinā mayā pavāressanti.
pli-tv-kd10:1.8.11	Na mayā saddhiṁ saṅghakammaṁ karissanti, vinā mayā saṅghakammaṁ karissanti.
pli-tv-kd10:1.8.12	Na mayā saddhiṁ āsane nisīdissanti, vinā mayā āsane nisīdissanti.
pli-tv-kd10:1.8.13	Na mayā saddhiṁ yāgupāne nisīdissanti, vinā mayā yāgupāne nisīdissanti.
pli-tv-kd10:1.8.14	Na mayā saddhiṁ bhattagge nisīdissanti vinā mayā bhattagge nisīdissanti.
pli-tv-kd10:1.8.15	Na mayā saddhiṁ ekacchanne vasissanti, vinā mayā ekacchanne vasissanti.
pli-tv-kd10:1.8.16	Na mayā saddhiṁ yathāvuḍḍhaṁ abhivādanaṁ paccuṭṭhānaṁ añjalikammaṁ sāmīcikammaṁ karissanti, vinā mayā yathāvuḍḍhaṁ abhivādanaṁ paccuṭṭhānaṁ añjalikammaṁ sāmīcikammaṁ karissanti, bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, bhedagarukena, bhikkhave, bhikkhunā paresampi saddhāya āpatti desetabbā”ti.
pli-tv-kd10:1.8.17	Atha kho bhagavā ukkhittānuvattakānaṁ bhikkhūnaṁ etamatthaṁ bhāsitvā uṭṭhāyāsanā pakkāmi.
pli-tv-kd10:1.9.0	
pli-tv-kd10:1.9.1	Tena kho pana samayena ukkhittānuvattakā bhikkhū tattheva antosīmāya uposathaṁ karonti, saṅghakammaṁ karonti.
pli-tv-kd10:1.9.2	Ukkhepakā pana bhikkhū nissīmaṁ gantvā uposathaṁ karonti, saṅghakammaṁ karonti.
pli-tv-kd10:1.9.3	Atha kho aññataro ukkhepako bhikkhu yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:1.9.4	Ekamantaṁ nisinno kho so bhikkhu bhagavantaṁ etadavoca—
pli-tv-kd10:1.9.5	“Te, bhante, ukkhittānuvattakā bhikkhū tattheva antosīmāya uposathaṁ karonti, saṅghakammaṁ karonti.
pli-tv-kd10:1.9.6	Mayaṁ pana ukkhepakā bhikkhū nissīmaṁ gantvā uposathaṁ karoma, saṅghakammaṁ karomā”ti.
pli-tv-kd10:1.9.7	“Te ce, bhikkhu, ukkhittānuvattakā bhikkhū tattheva antosīmāya uposathaṁ karissanti, saṅghakammaṁ karissanti, yathā mayā ñatti ca anussāvanā ca paññattā, tesaṁ tāni kammāni dhammikāni kammāni bhavissanti akuppāni ṭhānārahāni.
pli-tv-kd10:1.9.8	Tumhe ce, bhikkhu, ukkhepakā bhikkhū tattheva antosīmāya uposathaṁ karissatha, saṅghakammaṁ karissatha, yathā mayā ñatti ca anussāvanā ca paññattā, tumhākampi tāni kammāni dhammikāni kammāni bhavissanti akuppāni ṭhānārahāni.
pli-tv-kd10:1.9.9	Taṁ kissa hetu?
pli-tv-kd10:1.10.1	Nānāsaṁvāsakā ete bhikkhū tumhehi, tumhe ca tehi nānāsaṁvāsakā.
pli-tv-kd10:1.10.2	Dvemā, bhikkhu, nānāsaṁvāsakabhūmiyo—
pli-tv-kd10:1.10.3	attanā vā attānaṁ nānāsaṁvāsakaṁ karoti, samaggo vā naṁ saṅgho ukkhipati adassane vā appaṭikamme vā appaṭinissagge vā.
pli-tv-kd10:1.10.4	Imā kho, bhikkhu, dve nānāsaṁvāsakabhūmiyo.
pli-tv-kd10:1.10.5	Dvemā, bhikkhu, samānasaṁvāsakabhūmiyo—
pli-tv-kd10:1.10.6	attanā vā attānaṁ samānasaṁvāsaṁ karoti, samaggo vā naṁ saṅgho ukkhittaṁ osāreti adassane vā appaṭikamme vā appaṭinissagge vā.
pli-tv-kd10:1.10.7	Imā kho, bhikkhu, dve samānasaṁvāsakabhūmiyo”ti.
pli-tv-kd10:2.1.0	
pli-tv-kd10:2.1.1	Tena kho pana samayena bhikkhū bhattagge antaraghare bhaṇḍanajātā kalahajātā vivādāpannā aññamaññaṁ ananulomikaṁ kāyakammaṁ vacīkammaṁ upadaṁsenti, hatthaparāmāsaṁ karonti.
pli-tv-kd10:2.1.2	Manussā ujjhāyanti khiyyanti vipācenti—
pli-tv-kd10:2.1.3	“kathañhi nāma samaṇā sakyaputtiyā bhattagge antaraghare bhaṇḍanajātā kalahajātā vivādāpannā aññamaññaṁ ananulomikaṁ kāyakammaṁ vacīkammaṁ upadaṁsessanti, hatthaparāmāsaṁ karissantī”ti.
pli-tv-kd10:2.1.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd10:2.1.5	Ye te bhikkhū appicchā te ujjhāyanti khiyyanti vipācenti—
pli-tv-kd10:2.1.6	“kathañhi nāma bhikkhū bhattagge antaraghare bhaṇḍanajātā kalahajātā vivādāpannā aññamaññaṁ ananulomikaṁ kāyakammaṁ vacīkammaṁ upadaṁsessanti, hatthaparāmāsaṁ karissantī”ti.
pli-tv-kd10:2.1.7	Atha kho te bhikkhū bhagavato etamatthaṁ ārocesuṁ …pe…
pli-tv-kd10:2.1.8	“saccaṁ kira, bhikkhave, bhikkhū bhattagge antaraghare bhaṇḍanajātā …pe… hatthaparāmāsaṁ karontī”ti?
pli-tv-kd10:2.1.9	“Saccaṁ, bhagavā”ti.
pli-tv-kd10:2.1.10	Vigarahi buddho bhagavā …pe…
pli-tv-kd10:2.1.11	vigarahitvā dhammiṁ kathaṁ katvā bhikkhū āmantesi—
pli-tv-kd10:2.1.12	“bhinne, bhikkhave, saṅghe adhammiyāyamāne asammodikāya vattamānāya ‘ettāvatā na aññamaññaṁ ananulomikaṁ kāyakammaṁ vacīkammaṁ upadaṁsessāma, hatthaparāmāsaṁ karissāmā’ti—
pli-tv-kd10:2.1.13	āsane nisīditabbaṁ.
pli-tv-kd10:2.1.14	Bhinne, bhikkhave, saṅghe dhammiyāyamāne sammodikāya vattamānāya āsanantarikāya nisīditabban”ti.
pli-tv-kd10:2.2.1	Tena kho pana samayena bhikkhū saṅghamajjhe bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.
pli-tv-kd10:2.2.2	Te na sakkonti taṁ adhikaraṇaṁ vūpasametuṁ.
pli-tv-kd10:2.2.3	Atha kho aññataro bhikkhu yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho so bhikkhu bhagavantaṁ etadavoca—
pli-tv-kd10:2.2.4	“idha, bhante, bhikkhū saṅghamajjhe bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.
pli-tv-kd10:2.2.5	Te na sakkonti taṁ adhikaraṇaṁ vūpasametuṁ.
pli-tv-kd10:2.2.6	Sādhu, bhante, bhagavā yena te bhikkhū tenupasaṅkamatu anukampaṁ upādāyā”ti.
pli-tv-kd10:2.2.7	Adhivāsesi bhagavā tuṇhībhāvena.
pli-tv-kd10:2.2.8	Atha kho bhagavā yena te bhikkhū tenupasaṅkami, upasaṅkamitvā paññatte āsane nisīdi, nisajja kho bhagavā te bhikkhū etadavoca—
pli-tv-kd10:2.2.9	“alaṁ, bhikkhave, mā bhaṇḍanaṁ mā kalahaṁ mā viggahaṁ mā vivādan”ti.
pli-tv-kd10:2.2.10	Evaṁ vutte, aññataro adhammavādī bhikkhu bhagavantaṁ etadavoca—
pli-tv-kd10:2.2.11	“āgametu, bhante, bhagavā dhammassāmī;
pli-tv-kd10:2.2.12	appossukko, bhante, bhagavā diṭṭhadhammasukhavihāramanuyutto viharatu.
pli-tv-kd10:2.2.13	Mayametena bhaṇḍanena kalahena viggahena vivādena paññāyissāmā”ti.
pli-tv-kd10:2.2.14	Dutiyampi kho bhagavā te bhikkhū etadavoca—
pli-tv-kd10:2.2.15	“alaṁ, bhikkhave, mā bhaṇḍanaṁ mā kalahaṁ mā viggahaṁ mā vivādan”ti.
pli-tv-kd10:2.2.16	Dutiyampi kho so adhammavādī bhikkhu bhagavantaṁ etadavoca—
pli-tv-kd10:2.2.17	“āgametu, bhante, bhagavā dhammassāmī;
pli-tv-kd10:2.2.18	appossukko, bhante, bhagavā diṭṭhadhammasukhavihāramanuyutto viharatu.
pli-tv-kd10:2.2.19	Mayametena bhaṇḍanena kalahena viggahena vivādena paññāyissāmā”ti.
pli-tv-kd10:2.3.0	2. Dīghāvuvatthu
pli-tv-kd10:2.3.1	Atha kho bhagavā bhikkhū āmantesi—
pli-tv-kd10:2.3.2	“bhūtapubbaṁ, bhikkhave, bārāṇasiyaṁ brahmadatto nāma kāsirājā ahosi aḍḍho mahaddhano mahābhogo mahabbalo mahāvāhano mahāvijito paripuṇṇakosakoṭṭhāgāro.
pli-tv-kd10:2.3.3	Dīghīti nāma kosalarājā ahosi daliddo appadhano appabhogo appabalo appavāhano appavijito aparipuṇṇakosakoṭṭhāgāro.
pli-tv-kd10:2.3.4	Atha kho, bhikkhave, brahmadatto kāsirājā caturaṅginiṁ senaṁ sannayhitvā dīghītiṁ kosalarājānaṁ abbhuyyāsi.
pli-tv-kd10:2.3.5	Assosi kho, bhikkhave, dīghīti kosalarājā—‘brahmadatto kira kāsirājā caturaṅginiṁ senaṁ sannayhitvā mamaṁ abbhuyyāto’ti.
pli-tv-kd10:2.3.6	Atha kho, bhikkhave, dīghītissa kosalarañño etadahosi—‘brahmadatto kho kāsirājā aḍḍho mahaddhano mahābhogo mahabbalo mahāvāhano mahāvijito paripuṇṇakosakoṭṭhāgāro, ahaṁ panamhi daliddo appadhano appabhogo appabalo appavāhano appavijito aparipuṇṇakosakoṭṭhāgāro, nāhaṁ paṭibalo brahmadattena kāsiraññā ekasaṅghātampi sahituṁ.
pli-tv-kd10:2.3.7	Yannūnāhaṁ paṭikacceva nagaramhā nippateyyan’ti.
pli-tv-kd10:2.3.8	Atha kho, bhikkhave, dīghīti kosalarājā mahesiṁ ādāya paṭikacceva nagaramhā nippati.
pli-tv-kd10:2.3.9	Atha kho, bhikkhave, brahmadatto kāsirājā dīghītissa kosalarañño balañca vāhanañca janapadañca kosañca koṭṭhāgārañca abhivijiya ajjhāvasati.
pli-tv-kd10:2.3.10	Atha kho, bhikkhave, dīghīti kosalarājā sapajāpatiko yena bārāṇasī tena pakkāmi.
pli-tv-kd10:2.3.11	Anupubbena yena bārāṇasī tadavasari. Tatra sudaṁ, bhikkhave, dīghīti kosalarājā sapajāpatiko bārāṇasiyaṁ aññatarasmiṁ paccantime okāse kumbhakāranivesane aññātakavesena paribbājakacchannena paṭivasati.
pli-tv-kd10:2.4.1	Atha kho, bhikkhave, dīghītissa kosalarañño mahesī nacirasseva gabbhinī ahosi.
pli-tv-kd10:2.4.2	Tassā evarūpo dohaḷo uppanno hoti—icchati sūriyassa uggamanakāle caturaṅginiṁ senaṁ sannaddhaṁ vammikaṁ subhūme ṭhitaṁ passituṁ, khaggānañca dhovanaṁ pātuṁ.
pli-tv-kd10:2.4.3	Atha kho, bhikkhave, dīghītissa kosalarañño mahesī dīghītiṁ kosalarājānaṁ etadavoca—‘gabbhinīmhi, deva. Tassā me evarūpo dohaḷo uppanno—icchāmi sūriyassa uggamanakāle caturaṅginiṁ senaṁ sannaddhaṁ vammikaṁ subhūme ṭhitaṁ passituṁ, khaggānañca dhovanaṁ pātun’ti.
pli-tv-kd10:2.4.4	‘Kuto, devi, amhākaṁ duggatānaṁ caturaṅginī senā sannaddhā vammikā subhūme ṭhitā, khaggānañca dhovanaṁ pātun’ti
pli-tv-kd10:2.4.5	‘sacāhaṁ, deva, na labhissāmi, marissāmī’ti.
pli-tv-kd10:2.5.1	Tena kho pana samayena, brahmadattassa kāsirañño purohito brāhmaṇo dīghītissa kosalarañño sahāyo hoti.
pli-tv-kd10:2.5.2	Atha kho, bhikkhave, dīghīti kosalarājā yena brahmadattassa kāsirañño purohito brāhmaṇo tenupasaṅkami, upasaṅkamitvā brahmadattassa kāsirañño purohitaṁ brāhmaṇaṁ etadavoca—‘sakhī te, samma, gabbhinī.
pli-tv-kd10:2.5.3	Tassā evarūpo dohaḷo uppanno—icchati sūriyassa uggamanakāle caturaṅginiṁ senaṁ sannaddhaṁ vammikaṁ subhūme ṭhitaṁ passituṁ, khaggānañca dhovanaṁ pātun’ti.
pli-tv-kd10:2.5.4	‘Tena hi, deva, mayampi deviṁ passāmā’ti.
pli-tv-kd10:2.5.5	Atha kho, bhikkhave, dīghītissa kosalarañño mahesī yena brahmadattassa kāsirañño purohito brāhmaṇo tenupasaṅkami.
pli-tv-kd10:2.5.6	Addasā kho, bhikkhave, brahmadattassa kāsirañño purohito brāhmaṇo dīghītissa kosalarañño mahesiṁ dūratova āgacchantiṁ, disvāna uṭṭhāyāsanā ekaṁsaṁ uttarāsaṅgaṁ karitvā yena dīghītissa kosalarañño mahesī tenañjaliṁ paṇāmetvā tikkhattuṁ udānaṁ udānesi—
pli-tv-kd10:2.5.7	‘kosalarājā vata bho kucchigato, kosalarājā vata bho kucchigatoti.
pli-tv-kd10:2.5.8	Attamanā, devi, hohi.
pli-tv-kd10:2.5.9	Lacchasi sūriyassa uggamanakāle caturaṅginiṁ senaṁ sannaddhaṁ vammikaṁ subhūme ṭhitaṁ passituṁ, khaggānañca dhovanaṁ pātun’ti.
pli-tv-kd10:2.6.1	Atha kho, bhikkhave, brahmadattassa kāsirañño purohito brāhmaṇo yena brahmadatto kāsirājā tenupasaṅkami, upasaṅkamitvā brahmadattaṁ kāsirājānaṁ etadavoca—
pli-tv-kd10:2.6.2	‘tathā, deva, nimittāni dissanti, sve sūriyuggamanakāle caturaṅginī senā sannaddhā vammikā subhūme tiṭṭhatu, khaggā ca dhoviyantū’ti.
pli-tv-kd10:2.6.3	Atha kho, bhikkhave, brahmadatto kāsirājā manusse āṇāpesi—‘yathā, bhaṇe, purohito brāhmaṇo āha tathā karothā’ti.
pli-tv-kd10:2.6.4	Alabhi kho, bhikkhave, dīghītissa kosalarañño mahesī sūriyassa uggamanakāle caturaṅginiṁ senaṁ sannaddhaṁ vammikaṁ subhūme ṭhitaṁ passituṁ, khaggānañca dhovanaṁ pātuṁ.
pli-tv-kd10:2.6.5	Atha kho, bhikkhave, dīghītissa kosalarañño mahesī tassa gabbhassa paripākamanvāya puttaṁ vijāyi.
pli-tv-kd10:2.6.6	Tassa dīghāvūti nāmaṁ akaṁsu.
pli-tv-kd10:2.6.7	Atha kho, bhikkhave, dīghāvu kumāro nacirasseva viññutaṁ pāpuṇi.
pli-tv-kd10:2.7.1	Atha kho, bhikkhave, dīghītissa kosalarañño etadahosi—‘ayaṁ kho brahmadatto kāsirājā bahuno amhākaṁ anatthassa kārako, iminā amhākaṁ balañca vāhanañca janapado ca koso ca koṭṭhāgārañca acchinnaṁ, sacāyaṁ amhe jānissati, sabbeva tayo ghātāpessati, yannūnāhaṁ dīghāvuṁ kumāraṁ bahinagare vāseyyan’ti.
pli-tv-kd10:2.7.2	Atha kho, bhikkhavo, dīghīti kosalarājā dīghāvuṁ kumāraṁ bahinagare vāsesi.
pli-tv-kd10:2.7.3	Atha kho, bhikkhave, dīghāvu kumāro bahinagare paṭivasanto nacirasseva sabbasippāni sikkhi.
pli-tv-kd10:2.8.1	Tena kho pana samayena dīghītissa kosalarañño kappako brahmadatte kāsiraññe paṭivasati.
pli-tv-kd10:2.8.2	Addasā kho, bhikkhave, dīghītissa kosalarañño kappako dīghītiṁ kosalarājānaṁ sapajāpatikaṁ bārāṇasiyaṁ aññatarasmiṁ paccantime okāse kumbhakāranivesane aññātakavesena paribbājakacchannena paṭivasantaṁ, disvāna yena brahmadatto kāsirājā tenupasaṅkami, upasaṅkamitvā brahmadattaṁ kāsirājānaṁ etadavoca—
pli-tv-kd10:2.8.3	‘dīghīti, deva, kosalarājā sapajāpatiko bārāṇasiyaṁ aññatarasmiṁ paccantime okāse kumbhakāranivesane aññātakavesena paribbājakacchannena paṭivasatī’ti.
pli-tv-kd10:2.9.1	Atha kho, bhikkhave, brahmadatto kāsirājā manusse āṇāpesi—‘tena hi, bhaṇe, dīghītiṁ kosalarājānaṁ sapajāpatikaṁ ānethā’ti.
pli-tv-kd10:2.9.2	‘Evaṁ, devā’ti kho, bhikkhave, te manussā brahmadattassa kāsirañño paṭissutvā dīghītiṁ kosalarājānaṁ sapajāpatikaṁ ānesuṁ.
pli-tv-kd10:2.9.3	Atha kho, bhikkhave, brahmadatto kāsirājā manusse āṇāpesi—
pli-tv-kd10:2.9.4	‘tena hi, bhaṇe, dīghītiṁ kosalarājānaṁ sapajāpatikaṁ daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinetvā dakkhiṇena dvārena nikkhāmetvā dakkhiṇato nagarassa catudhā chinditvā catuddisā bilāni nikkhipathā’ti.
pli-tv-kd10:2.9.5	‘Evaṁ, devā’ti kho, bhikkhave, te manussā brahmadattassa kāsirañño paṭissutvā dīghītiṁ kosalarājānaṁ sapajāpatikaṁ daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinenti.
pli-tv-kd10:2.10.1	Atha kho, bhikkhave, dīghāvussa kumārassa etadahosi—‘ciraṁdiṭṭhā kho me mātāpitaro. Yannūnāhaṁ mātāpitaro passeyyan’ti.
pli-tv-kd10:2.10.2	Atha kho, bhikkhave, dīghāvu kumāro bārāṇasiṁ pavisitvā addasa mātāpitaro daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinente, disvāna yena mātāpitaro tenupasaṅkami.
pli-tv-kd10:2.10.3	Addasā kho, bhikkhave, dīghīti kosalarājā dīghāvuṁ kumāraṁ dūratova āgacchantaṁ; disvāna dīghāvuṁ kumāraṁ etadavoca—
pli-tv-kd10:2.10.4	‘mā kho tvaṁ, tāta dīghāvu, dīghaṁ passa, mā rassaṁ.
pli-tv-kd10:2.10.5	Na hi, tāta dīghāvu, verena verā sammanti;
pli-tv-kd10:2.10.6	averena hi, tāta dīghāvu, verā sammantī’ti.
pli-tv-kd10:2.11.1	Evaṁ vutte, bhikkhave, te manussā dīghītiṁ kosalarājānaṁ etadavocuṁ—‘ummattako ayaṁ dīghīti kosalarājā vippalapati.
pli-tv-kd10:2.11.2	Ko imassa dīghāvu?
pli-tv-kd10:2.11.3	Kaṁ ayaṁ evamāha—mā kho tvaṁ, tāta dīghāvu, dīghaṁ passa, mā rassaṁ.
pli-tv-kd10:2.11.4	Na hi, tāta dīghāvu, verena verā sammanti;
pli-tv-kd10:2.11.5	averena hi, tāta dīghāvu, verā sammantī’ti.
pli-tv-kd10:2.11.6	‘Nāhaṁ, bhaṇe, ummattako vippalapāmi, api ca yo viññū so vibhāvessatī’ti.
pli-tv-kd10:2.11.7	Dutiyampi kho, bhikkhave …pe…
pli-tv-kd10:2.11.8	tatiyampi kho, bhikkhave, dīghīti kosalarājā dīghāvuṁ kumāraṁ etadavoca—
pli-tv-kd10:2.11.9	‘mā kho tvaṁ, tāta dīghāvu, dīghaṁ passa, mā rassaṁ.
pli-tv-kd10:2.11.10	Na hi, tāta dīghāvu, verena verā sammanti;
pli-tv-kd10:2.11.11	averena hi, tāta dīghāvu, verā sammantī’ti.
pli-tv-kd10:2.11.12	Tatiyampi kho, bhikkhave, te manussā dīghītiṁ kosalarājānaṁ etadavocuṁ—
pli-tv-kd10:2.11.13	‘ummattako ayaṁ dīghīti kosalarājā vippalapati.
pli-tv-kd10:2.11.14	Ko imassa dīghāvu?
pli-tv-kd10:2.11.15	Kaṁ ayaṁ evamāha—
pli-tv-kd10:2.11.16	“mā kho tvaṁ, tāta dīghāvu, dīghaṁ passa, mā rassaṁ.
pli-tv-kd10:2.11.17	Na hi, tāta dīghāvu, verena verā sammanti;
pli-tv-kd10:2.11.18	averena hi, tāta dīghāvu, verā sammantī”’ti.
pli-tv-kd10:2.11.19	‘Nāhaṁ, bhaṇe, ummattako vippalapāmi, api ca yo viññū so vibhāvessatī’ti.
pli-tv-kd10:2.11.20	Atha kho, bhikkhave, te manussā dīghītiṁ kosalarājānaṁ sapajāpatikaṁ rathikāya rathikaṁ siṅghāṭakena siṅghāṭakaṁ parinetvā dakkhiṇena dvārena nikkhāmetvā dakkhiṇato nagarassa catudhā chinditvā catuddisā bilāni nikkhipitvā gumbaṁ ṭhapetvā pakkamiṁsu.
pli-tv-kd10:2.12.1	Atha kho, bhikkhave, dīghāvu kumāro bārāṇasiṁ pavisitvā suraṁ nīharitvā gumbiye pāyesi.
pli-tv-kd10:2.12.2	Yadā te mattā ahesuṁ patitā, atha kaṭṭhāni saṅkaḍḍhitvā citakaṁ karitvā mātāpitūnaṁ sarīraṁ citakaṁ āropetvā aggiṁ datvā pañjaliko tikkhattuṁ citakaṁ padakkhiṇaṁ akāsi.
pli-tv-kd10:2.12.3	Tena kho pana samayena brahmadatto kāsirājā uparipāsādavaragato hoti.
pli-tv-kd10:2.12.4	Addasā kho, bhikkhave, brahmadatto kāsirājā dīghāvuṁ kumāraṁ pañjalikaṁ tikkhattuṁ citakaṁ padakkhiṇaṁ karontaṁ, disvānassa etadahosi—
pli-tv-kd10:2.12.5	‘nissaṁsayaṁ kho so manusso dīghītissa kosalarañño ñāti vā sālohito vā, aho me anatthato, na hi nāma me koci ārocessatī’ti.
pli-tv-kd10:2.13.1	Atha kho, bhikkhave, dīghāvu kumāro araññaṁ gantvā yāvadatthaṁ kanditvā roditvā khappaṁ puñchitvā bārāṇasiṁ pavisitvā antepurassa sāmantā hatthisālaṁ gantvā hatthācariyaṁ etadavoca—
pli-tv-kd10:2.13.2	‘icchāmahaṁ, ācariya, sippaṁ sikkhitun’ti.
pli-tv-kd10:2.13.3	‘Tena hi, bhaṇe māṇavaka, sikkhassū’ti.
pli-tv-kd10:2.13.4	Atha kho, bhikkhave, dīghāvu kumāro rattiyā paccūsasamayaṁ paccuṭṭhāya hatthisālāyaṁ mañjunā sarena gāyi, vīṇañca vādesi.
pli-tv-kd10:2.13.5	Assosi kho, bhikkhave, brahmadatto kāsirājā rattiyā paccūsasamayaṁ paccuṭṭhāya hatthisālāyaṁ mañjunā sarena gītaṁ vīṇañca vāditaṁ, sutvāna manusse pucchi—
pli-tv-kd10:2.14.1	‘ko, bhaṇe, rattiyā paccūsasamayaṁ paccuṭṭhāya hatthisālāyaṁ mañjunā sarena gāyi, vīṇañca vādesī’ti?
pli-tv-kd10:2.14.2	‘Amukassa, deva, hatthācariyassa antevāsī māṇavako rattiyā paccūsasamayaṁ paccuṭṭhāya hatthisālāyaṁ mañjunā sarena gāyi, vīṇañca vādesī’ti.
pli-tv-kd10:2.14.3	‘Tena hi, bhaṇe, taṁ māṇavakaṁ ānethā’ti.
pli-tv-kd10:2.14.4	‘Evaṁ, devā’ti kho, bhikkhave, te manussā brahmadattassa kāsirañño paṭissutvā dīghāvuṁ kumāraṁ ānesuṁ.
pli-tv-kd10:2.14.5	‘Tvaṁ, bhaṇe māṇavaka, rattiyā paccūsasamayaṁ paccuṭṭhāya hatthisālāyaṁ mañjunā sarena gāyi, vīṇañca vādesī’ti?
pli-tv-kd10:2.14.6	‘Evaṁ, devā’ti.
pli-tv-kd10:2.14.7	‘Tena hi tvaṁ, bhaṇe māṇavaka, gāyassu, vīṇañca vādehī’ti.
pli-tv-kd10:2.14.8	‘Evaṁ, devā’ti kho, bhikkhave, dīghāvu kumāro brahmadattassa kāsirañño paṭissutvā ārādhāpekkho mañjunā sarena gāyi, vīṇañca vādesi.
pli-tv-kd10:2.14.9	‘Tvaṁ, bhaṇe māṇavaka, maṁ upaṭṭhahā’ti.
pli-tv-kd10:2.14.10	‘Evaṁ, devā’ti kho, bhikkhave, dīghāvu kumāro brahmadattassa kāsirañño paccassosi.
pli-tv-kd10:2.14.11	Atha kho, bhikkhave, dīghāvu kumāro brahmadattassa kāsirañño pubbuṭṭhāyī ahosi pacchānipātī kiṅkārapaṭissāvī manāpacārī piyavādī.
pli-tv-kd10:2.14.12	Atha kho, bhikkhave, brahmadatto kāsirājā dīghāvuṁ kumāraṁ nacirasseva abbhantarime vissāsikaṭṭhāne ṭhapesi.
pli-tv-kd10:2.15.1	Atha kho, bhikkhave, brahmadatto kāsirājā dīghāvuṁ kumāraṁ etadavoca—
pli-tv-kd10:2.15.2	‘tena hi, bhaṇe māṇavaka, rathaṁ yojehi, migavaṁ gamissāmā’ti.
pli-tv-kd10:2.15.3	‘Evaṁ, devā’ti kho, bhikkhave, dīghāvu kumāro brahmadattassa kāsirañño paṭissutvā rathaṁ yojetvā brahmadattaṁ kāsirājānaṁ etadavoca—
pli-tv-kd10:2.15.4	‘yutto kho te, deva, ratho, yassadāni kālaṁ maññasī’ti.
pli-tv-kd10:2.15.5	Atha kho, bhikkhave, brahmadatto kāsirājā rathaṁ abhiruhi.
pli-tv-kd10:2.15.6	Dīghāvu kumāro rathaṁ pesesi.
pli-tv-kd10:2.15.7	Tathā tathā rathaṁ pesesi yathā yathā aññeneva senā agamāsi aññeneva ratho.
pli-tv-kd10:2.15.8	Atha kho, bhikkhave, brahmadatto kāsirājā dūraṁ gantvā dīghāvuṁ kumāraṁ etadavoca—
pli-tv-kd10:2.15.9	‘tena hi, bhaṇe māṇavaka, rathaṁ muñcassu, kilantomhi, nipajjissāmī’ti.
pli-tv-kd10:2.15.10	‘Evaṁ, devā’ti kho, bhikkhave, dīghāvu kumāro brahmadattassa kāsirañño paṭissutvā rathaṁ muñcitvā pathaviyaṁ pallaṅkena nisīdi.
pli-tv-kd10:2.15.11	Atha kho, bhikkhave, brahmadatto kāsirājā dīghāvussa kumārassa ucchaṅge sīsaṁ katvā seyyaṁ kappesi.
pli-tv-kd10:2.15.12	Tassa kilantassa muhuttakeneva niddā okkami.
pli-tv-kd10:2.16.1	Atha kho, bhikkhave, dīghāvussa kumārassa etadahosi—
pli-tv-kd10:2.16.2	‘ayaṁ kho brahmadatto kāsirājā bahuno amhākaṁ anatthassa kārako.
pli-tv-kd10:2.16.3	Iminā amhākaṁ balañca vāhanañca janapado ca koso ca koṭṭhāgārañca acchinnaṁ.
pli-tv-kd10:2.16.4	Iminā ca me mātāpitaro hatā.
pli-tv-kd10:2.16.5	Ayaṁ khvassa kālo yohaṁ veraṁ appeyyan’ti kosiyā khaggaṁ nibbāhi.
pli-tv-kd10:2.16.6	Atha kho, bhikkhave, dīghāvussa kumārassa etadahosi—
pli-tv-kd10:2.16.7	‘pitā kho maṁ maraṇakāle avaca “mā kho tvaṁ, tāta dīghāvu, dīghaṁ passa, mā rassaṁ.
pli-tv-kd10:2.16.8	Na hi, tāta dīghāvu, verena verā sammanti;
pli-tv-kd10:2.16.9	averena hi, tāta dīghāvu, verā sammantī”ti.
pli-tv-kd10:2.16.10	Na kho metaṁ patirūpaṁ, yvāhaṁ pituvacanaṁ atikkameyyan’ti kosiyā khaggaṁ pavesesi.
pli-tv-kd10:2.16.11	Dutiyampi kho, bhikkhave, dīghāvussa kumārassa etadahosi—
pli-tv-kd10:2.16.12	‘ayaṁ kho brahmadatto kāsirājā bahuno amhākaṁ anatthassa kārako, iminā amhākaṁ balañca vāhanañca janapado ca koso ca koṭṭhāgārañca acchinnaṁ, iminā ca me mātāpitaro hatā, ayaṁ khvassa kālo yohaṁ veraṁ appeyyan’ti kosiyā khaggaṁ nibbāhi.
pli-tv-kd10:2.16.13	Dutiyampi kho, bhikkhave, dīghāvussa kumārassa etadahosi—
pli-tv-kd10:2.16.14	‘pitā kho maṁ maraṇakāle avaca “mā kho tvaṁ, tāta dīghāvu, dīghaṁ passa, mā rassaṁ, na hi, tāta dīghāvu, verena verā sammanti;
pli-tv-kd10:2.16.15	averena hi, tāta dīghāvu, verā sammantī”ti.
pli-tv-kd10:2.16.16	Na kho metaṁ patirūpaṁ, yvāhaṁ pituvacanaṁ atikkameyyan’ti.
pli-tv-kd10:2.16.17	Punadeva kosiyā khaggaṁ pavesesi.
pli-tv-kd10:2.16.18	Tatiyampi kho, bhikkhave, dīghāvussa kumārassa etadahosi—
pli-tv-kd10:2.16.19	‘ayaṁ kho brahmadatto kāsirājā bahuno amhākaṁ anatthassa kārako.
pli-tv-kd10:2.16.20	Iminā amhākaṁ balañca vāhanañca janapado ca koso ca koṭṭhāgārañca acchinnaṁ.
pli-tv-kd10:2.16.21	Iminā ca me mātāpitaro hatā.
pli-tv-kd10:2.16.22	Ayaṁ khvassa kālo yohaṁ veraṁ appeyyan’ti kosiyā khaggaṁ nibbāhi.
pli-tv-kd10:2.16.23	Tatiyampi kho, bhikkhave, dīghāvussa kumārassa etadahosi—
pli-tv-kd10:2.16.24	‘pitā kho maṁ maraṇakāle avaca “mā kho tvaṁ, tāta dīghāvu, dīghaṁ passa, mā rassaṁ.
pli-tv-kd10:2.16.25	Na hi, tāta dīghāvu, verena verā sammanti;
pli-tv-kd10:2.16.26	averena hi, tāta dīghāvu, verā sammantī”ti.
pli-tv-kd10:2.16.27	Na kho metaṁ patirūpaṁ, yvāhaṁ pituvacanaṁ atikkameyyan’ti punadeva kosiyā khaggaṁ pavesesi.
pli-tv-kd10:2.16.28	Atha kho, bhikkhave, brahmadatto kāsirājā bhīto ubbiggo ussaṅkī utrasto sahasā vuṭṭhāsi.
pli-tv-kd10:2.16.29	Atha kho, bhikkhave, dīghāvu kumāro brahmadattaṁ kāsirājānaṁ etadavoca—‘kissa tvaṁ, deva, bhīto ubbiggo ussaṅkī utrasto sahasā vuṭṭhāsī’ti?
pli-tv-kd10:2.16.30	‘Idha maṁ, bhaṇe māṇavaka, dīghītissa kosalarañño putto dīghāvu kumāro supinantena khaggena paripātesi.
pli-tv-kd10:2.16.31	Tenāhaṁ bhīto ubbiggo ussaṅkī utrasto sahasā vuṭṭhāsin’ti.
pli-tv-kd10:2.17.1	Atha kho, bhikkhave, dīghāvu kumāro vāmena hatthena brahmadattassa kāsirañño sīsaṁ parāmasitvā dakkhiṇena hatthena khaggaṁ nibbāhetvā brahmadattaṁ kāsirājānaṁ etadavoca—
pli-tv-kd10:2.17.2	‘ahaṁ kho so, deva, dīghītissa kosalarañño putto dīghāvu kumāro.
pli-tv-kd10:2.17.3	Bahuno tvaṁ amhākaṁ anatthassa kārako.
pli-tv-kd10:2.17.4	Tayā amhākaṁ balañca vāhanañca janapado ca koso ca koṭṭhāgārañca acchinnaṁ.
pli-tv-kd10:2.17.5	Tayā ca me mātāpitaro hatā.
pli-tv-kd10:2.17.6	Ayaṁ khvassa kālo yvāhaṁ veraṁ appeyyan’ti.
pli-tv-kd10:2.17.7	Atha kho, bhikkhave, brahmadatto kāsirājā dīghāvussa kumārassa pādesu sirasā nipatitvā dīghāvuṁ kumāraṁ etadavoca—
pli-tv-kd10:2.17.8	‘jīvitaṁ me, tāta dīghāvu, dehi. Jīvitaṁ me, tāta dīghāvu, dehī’ti.
pli-tv-kd10:2.17.9	‘Kyāhaṁ ussahāmi devassa jīvitaṁ dātuṁ?
pli-tv-kd10:2.17.10	Devo kho me jīvitaṁ dadeyyā’ti.
pli-tv-kd10:2.17.11	‘Tena hi, tāta dīghāvu, tvañceva me jīvitaṁ dehi, ahañca te jīvitaṁ dammī’ti.
pli-tv-kd10:2.17.12	Atha kho, bhikkhave, brahmadatto ca kāsirājā dīghāvu ca kumāro aññamaññassa jīvitaṁ adaṁsu, pāṇiñca aggahesuṁ, sapathañca akaṁsu addūbhāya.
pli-tv-kd10:2.17.13	Atha kho, bhikkhave, brahmadatto kāsirājā dīghāvuṁ kumāraṁ etadavoca—
pli-tv-kd10:2.17.14	‘tena hi, tāta dīghāvu, rathaṁ yojehi, gamissāmā’ti.
pli-tv-kd10:2.17.15	‘Evaṁ, devā’ti kho, bhikkhave, dīghāvu kumāro brahmadattassa kāsirañño paṭissutvā rathaṁ yojetvā brahmadattaṁ kāsirājānaṁ etadavoca—
pli-tv-kd10:2.17.16	‘yutto kho te, deva, ratho, yassadāni kālaṁ maññasī’ti.
pli-tv-kd10:2.17.17	Atha kho, bhikkhave, brahmadatto kāsirājā rathaṁ abhiruhi.
pli-tv-kd10:2.17.18	Dīghāvu kumāro rathaṁ pesesi.
pli-tv-kd10:2.17.19	Tathā tathā rathaṁ pesesi yathā yathā nacirasseva senāya samāgañchi.
pli-tv-kd10:2.18.1	Atha kho, bhikkhave, brahmadatto kāsirājā bārāṇasiṁ pavisitvā amacce pārisajje sannipātāpetvā etadavoca—
pli-tv-kd10:2.18.2	‘sace, bhaṇe, dīghītissa kosalarañño puttaṁ dīghāvuṁ kumāraṁ passeyyātha, kinti naṁ kareyyāthā’ti?
pli-tv-kd10:2.18.3	Ekacce evamāhaṁsu—
pli-tv-kd10:2.18.4	‘mayaṁ, deva, hatthe chindeyyāma.
pli-tv-kd10:2.18.5	Mayaṁ, deva, pāde chindeyyāma.
pli-tv-kd10:2.18.6	Mayaṁ, deva, hatthapāde chindeyyāma.
pli-tv-kd10:2.18.7	Mayaṁ, deva, kaṇṇe chindeyyāma.
pli-tv-kd10:2.18.8	Mayaṁ, deva, nāsaṁ chindeyyāma.
pli-tv-kd10:2.18.9	Mayaṁ, deva, kaṇṇanāsaṁ chindeyyāma.
pli-tv-kd10:2.18.10	Mayaṁ, deva, sīsaṁ chindeyyāmā’ti.
pli-tv-kd10:2.18.11	‘Ayaṁ kho, bhaṇe, dīghītissa kosalarañño putto dīghāvu kumāro.
pli-tv-kd10:2.18.12	Nāyaṁ labbhā kiñci kātuṁ.
pli-tv-kd10:2.18.13	Iminā ca me jīvitaṁ dinnaṁ, mayā ca imassa jīvitaṁ dinnan’ti.
pli-tv-kd10:2.19.1	Atha kho, bhikkhave, brahmadatto kāsirājā dīghāvuṁ kumāraṁ etadavoca—
pli-tv-kd10:2.19.2	‘yaṁ kho te, tāta dīghāvu, pitā maraṇakāle avaca “mā kho tvaṁ, tāta dīghāvu, dīghaṁ passa, mā rassaṁ.
pli-tv-kd10:2.19.3	Na hi, tāta dīghāvu, verena verā sammanti;
pli-tv-kd10:2.19.4	averena hi, tāta dīghāvu, verā sammantī”ti, kiṁ te pitā sandhāya avacā’ti?
pli-tv-kd10:2.19.5	‘Yaṁ kho me, deva, pitā maraṇakāle avaca “mā dīghan”ti mā ciraṁ veraṁ akāsīti.
pli-tv-kd10:2.19.6	Imaṁ kho me, deva, pitā maraṇakāle avaca “mā dīghan”ti.
pli-tv-kd10:2.19.7	Yaṁ kho me, deva, pitā maraṇakāle avaca “mā rassan”ti mā khippaṁ mittehi bhijjitthāti.
pli-tv-kd10:2.19.8	Imaṁ kho me, deva, pitā maraṇakāle avaca “mā rassan”ti.
pli-tv-kd10:2.19.9	Yaṁ kho me, deva, pitā maraṇakāle avaca “na hi, tāta dīghāvu, verena verā sammanti, averena hi, tāta dīghāvu, verā sammantī”ti devena me mātāpitaro hatāti.
pli-tv-kd10:2.19.10	Sacāhaṁ devaṁ jīvitā voropeyyaṁ, ye devassa atthakāmā te maṁ jīvitā voropeyyuṁ, ye me atthakāmā te te jīvitā voropeyyuṁ—
pli-tv-kd10:2.19.11	evaṁ taṁ veraṁ verena na vūpasameyya.
pli-tv-kd10:2.19.12	Idāni ca pana me devena jīvitaṁ dinnaṁ, mayā ca devassa jīvitaṁ dinnaṁ.
pli-tv-kd10:2.19.13	Evaṁ taṁ veraṁ averena vūpasantaṁ.
pli-tv-kd10:2.19.14	Imaṁ kho me, deva, pitā maraṇakāle avaca—
pli-tv-kd10:2.19.15	“na hi, tāta dīghāvu, verena verā sammanti;
pli-tv-kd10:2.19.16	averena hi, tāta dīghāvu, verā sammantī”’ti.
pli-tv-kd10:2.20.1	Atha kho, bhikkhave, brahmadatto kāsirājā—
pli-tv-kd10:2.20.2	‘acchariyaṁ vata bho, abbhutaṁ vata bho.
pli-tv-kd10:2.20.3	Yāva paṇḍito ayaṁ dīghāvu kumāro, yatra hi nāma pituno saṅkhittena bhāsitassa vitthārena atthaṁ ājānissatī’ti pettikaṁ balañca vāhanañca janapadañca kosañca koṭṭhāgārañca paṭipādesi, dhītarañca adāsi.
pli-tv-kd10:2.20.4	Tesañhi nāma, bhikkhave, rājūnaṁ ādinnadaṇḍānaṁ ādinnasatthānaṁ evarūpaṁ khantisoraccaṁ bhavissati.
pli-tv-kd10:2.20.5	Idha kho pana taṁ, bhikkhave, sobhetha yaṁ tumhe evaṁ svākkhāte dhammavinaye pabbajitā samānā khamā ca bhaveyyātha soratā cā”ti?
pli-tv-kd10:2.20.6	Tatiyampi kho bhagavā te bhikkhū etadavoca—
pli-tv-kd10:2.20.7	“alaṁ, bhikkhave, mā bhaṇḍanaṁ mā kalahaṁ mā viggahaṁ mā vivādan”ti.
pli-tv-kd10:2.20.8	Tatiyampi kho so adhammavādī bhikkhu bhagavantaṁ etadavoca—
pli-tv-kd10:2.20.9	“āgametu, bhante, bhagavā dhammassāmī;
pli-tv-kd10:2.20.10	appossukko, bhante, bhagavā diṭṭhadhammasukhavihāramanuyutto viharatu.
pli-tv-kd10:2.20.11	Mayametena bhaṇḍanena kalahena viggahena vivādena paññāyissāmā”ti.
pli-tv-kd10:2.20.12	Atha kho bhagavā—
pli-tv-kd10:2.20.13	“pariyādinnarūpā kho ime moghapurisā, nayime sukarā saññāpetun”ti—
pli-tv-kd10:2.20.14	uṭṭhāyāsanā pakkāmi.
pli-tv-kd10:2.20.15	Dīghāvubhāṇavāro niṭṭhito paṭhamo.
pli-tv-kd10:3.1.1	Atha kho bhagavā pubbaṇhasamayaṁ nivāsetvā pattacīvaramādāya kosambiṁ piṇḍāya pāvisi.
pli-tv-kd10:3.1.2	Kosambiyaṁ piṇḍāya caritvā pacchābhattaṁ piṇḍapātapaṭikkanto senāsanaṁ saṁsāmetvā pattacīvaramādāya saṅghamajjhe ṭhitakova imā gāthāyo abhāsi—
pli-tv-kd10:3.1.3	“Puthusaddo samajano,
pli-tv-kd10:3.1.4	na bālo koci maññatha;
pli-tv-kd10:3.1.5	Saṅghasmiṁ bhijjamānasmiṁ,
pli-tv-kd10:3.1.6	nāññaṁ bhiyyo amaññaruṁ.
pli-tv-kd10:3.1.7	Parimuṭṭhā paṇḍitābhāsā,
pli-tv-kd10:3.1.8	vācāgocarabhāṇino;
pli-tv-kd10:3.1.9	Yāvicchanti mukhāyāmaṁ,
pli-tv-kd10:3.1.10	yena nītā na taṁ vidū.
pli-tv-kd10:3.1.11	Akkocchi maṁ avadhi maṁ,
pli-tv-kd10:3.1.12	ajini maṁ ahāsi me;
pli-tv-kd10:3.1.13	Ye ca taṁ upanayhanti,
pli-tv-kd10:3.1.14	veraṁ tesaṁ na sammati.
pli-tv-kd10:3.1.15	Akkocchi maṁ avadhi maṁ,
pli-tv-kd10:3.1.16	ajini maṁ ahāsi me;
pli-tv-kd10:3.1.17	Ye ca taṁ nupanayhanti,
pli-tv-kd10:3.1.18	veraṁ tesūpasammati.
pli-tv-kd10:3.1.19	Na hi verena verāni,
pli-tv-kd10:3.1.20	sammantīdha kudācanaṁ;
pli-tv-kd10:3.1.21	Averena ca sammanti,
pli-tv-kd10:3.1.22	esadhammo sanantano.
pli-tv-kd10:3.1.23	Pare ca na vijānanti,
pli-tv-kd10:3.1.24	mayamettha yamāmase;
pli-tv-kd10:3.1.25	Ye ca tattha vijānanti,
pli-tv-kd10:3.1.26	tato sammanti medhagā.
pli-tv-kd10:3.1.27	Aṭṭhicchinnā pāṇaharā,
pli-tv-kd10:3.1.28	gavāssadhanahārino;
pli-tv-kd10:3.1.29	Raṭṭhaṁ vilumpamānānaṁ,
pli-tv-kd10:3.1.30	tesampi hoti saṅgati.
pli-tv-kd10:3.1.31	Kasmā tumhāka no siyā.
pli-tv-kd10:3.1.32	Sace labhetha nipakaṁ sahāyaṁ,
pli-tv-kd10:3.1.33	Saddhiñcaraṁ sādhuvihāri dhīraṁ;
pli-tv-kd10:3.1.34	Abhibhuyya sabbāni parissayāni,
pli-tv-kd10:3.1.35	Careyya tenattamano satīmā.
pli-tv-kd10:3.1.36	No ce labhetha nipakaṁ sahāyaṁ,
pli-tv-kd10:3.1.37	Saddhiñcaraṁ sādhuvihāri dhīraṁ;
pli-tv-kd10:3.1.38	Rājāva raṭṭhaṁ vijitaṁ pahāya,
pli-tv-kd10:3.1.39	Eko care mātaṅgaraññeva nāgo.
pli-tv-kd10:3.1.40	Ekassa caritaṁ seyyo,
pli-tv-kd10:3.1.41	Natthi bāle sahāyatā;
pli-tv-kd10:3.1.42	Eko care na ca pāpāni kayirā,
pli-tv-kd10:3.1.43	Appossukko mātaṅgaraññeva nāgo”ti.
pli-tv-kd10:4.1.0	3. Bālakaloṇakagamanakathā
pli-tv-kd10:4.1.1	Atha kho bhagavā saṅghamajjhe ṭhitakova imā gāthāyo bhāsitvā yena bālakaloṇakagāmo tenupasaṅkami.
pli-tv-kd10:4.1.2	Tena kho pana samayena āyasmā bhagu bālakaloṇakagāme viharati.
pli-tv-kd10:4.1.3	Addasā kho āyasmā bhagu bhagavantaṁ dūratova āgacchantaṁ, disvāna āsanaṁ paññapesi, pādodakaṁ pādapīṭhaṁ pādakathalikaṁ upanikkhipi, paccuggantvā pattacīvaraṁ paṭiggahesi.
pli-tv-kd10:4.1.4	Nisīdi bhagavā paññatte āsane, nisajja kho bhagavā pāde pakkhālesi.
pli-tv-kd10:4.1.5	Āyasmāpi kho bhagu bhagavantaṁ abhivādetvā ekamantaṁ nisīdi.
pli-tv-kd10:4.1.6	Ekamantaṁ nisinnaṁ kho āyasmantaṁ bhaguṁ bhagavā etadavoca—
pli-tv-kd10:4.1.7	“kacci, bhikkhu, khamanīyaṁ;
pli-tv-kd10:4.1.8	kacci yāpanīyaṁ, kacci piṇḍakena na kilamasī”ti?
pli-tv-kd10:4.1.9	“Khamanīyaṁ, bhagavā, yāpanīyaṁ, bhagavā;
pli-tv-kd10:4.1.10	na cāhaṁ, bhante, piṇḍakena kilamāmī”ti.
pli-tv-kd10:4.1.11	Atha kho bhagavā āyasmantaṁ bhaguṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā yena pācīnavaṁsadāyo tenupasaṅkami.
pli-tv-kd10:4.2.0	4. Pācīnavaṁsadāyagamanakathā
pli-tv-kd10:4.2.1	Tena kho pana samayena āyasmā ca anuruddho āyasmā ca nandiyo āyasmā ca kimilo pācīnavaṁsadāye viharanti.
pli-tv-kd10:4.2.2	Addasā kho dāyapālo bhagavantaṁ dūratova āgacchantaṁ, disvāna bhagavantaṁ etadavoca—
pli-tv-kd10:4.2.3	“mā, samaṇa, etaṁ dāyaṁ pāvisi.
pli-tv-kd10:4.2.4	Santettha tayo kulaputtā attakāmarūpā viharanti.
pli-tv-kd10:4.2.5	Mā tesaṁ aphāsumakāsī”ti.
pli-tv-kd10:4.2.6	Assosi kho āyasmā anuruddho dāyapālassa bhagavatā saddhiṁ mantayamānassa, sutvāna dāyapālaṁ etadavoca—
pli-tv-kd10:4.2.7	“māvuso dāyapāla, bhagavantaṁ vāresi.
pli-tv-kd10:4.2.8	Satthā no bhagavā anuppatto”ti.
pli-tv-kd10:4.2.9	Atha kho āyasmā anuruddho yenāyasmā ca nandiyo āyasmā ca kimilo tenupasaṅkami, upasaṅkamitvā āyasmantañca nandiyaṁ āyasmantañca kimilaṁ etadavoca—
pli-tv-kd10:4.2.10	“abhikkamathāyasmanto abhikkamathāyasmanto, satthā no bhagavā anuppatto”ti.
pli-tv-kd10:4.3.1	Atha kho āyasmā ca anuruddho āyasmā ca nandiyo āyasmā ca kimilo bhagavantaṁ paccuggantvā eko bhagavato pattacīvaraṁ paṭiggahesi, eko āsanaṁ paññapesi, eko pādodakaṁ pādapīṭhaṁ pādakathalikaṁ upanikkhipi.
pli-tv-kd10:4.3.2	Nisīdi bhagavā paññatte āsane, nisajja kho bhagavā pāde pakkhālesi.
pli-tv-kd10:4.3.3	Tepi kho āyasmanto bhagavantaṁ abhivādetvā ekamantaṁ nisīdiṁsu.
pli-tv-kd10:4.3.4	Ekamantaṁ nisinnaṁ kho āyasmantaṁ anuruddhaṁ bhagavā etadavoca—
pli-tv-kd10:4.3.5	“kacci vo, anuruddhā, khamanīyaṁ, kacci yāpanīyaṁ;
pli-tv-kd10:4.3.6	kacci piṇḍakena na kilamathā”ti?
pli-tv-kd10:4.3.7	“Khamanīyaṁ, bhagavā, yāpanīyaṁ, bhagavā;
pli-tv-kd10:4.3.8	na ca mayaṁ, bhante, piṇḍakena kilamāmā”ti.
pli-tv-kd10:4.3.9	“Kacci pana vo, anuruddhā, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharathā”ti?
pli-tv-kd10:4.3.10	“Taggha mayaṁ, bhante, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharāmā”ti.
pli-tv-kd10:4.3.11	“Yathā kathaṁ pana tumhe, anuruddhā, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharathā”ti?
pli-tv-kd10:4.4.1	“Idha mayhaṁ, bhante, evaṁ hoti—
pli-tv-kd10:4.4.2	‘lābhā vata me, suladdhaṁ vata me, yohaṁ evarūpehi sabrahmacārīhi saddhiṁ viharāmī’ti.
pli-tv-kd10:4.4.3	Tassa mayhaṁ, bhante, imesu āyasmantesu mettaṁ kāyakammaṁ paccupaṭṭhitaṁ āvi ceva raho ca;
pli-tv-kd10:4.4.4	mettaṁ vacīkammaṁ …
pli-tv-kd10:4.4.5	mettaṁ manokammaṁ paccupaṭṭhitaṁ āvi ceva raho ca.
pli-tv-kd10:4.4.6	Tassa mayhaṁ, bhante, evaṁ hoti—
pli-tv-kd10:4.4.7	‘yannūnāhaṁ sakaṁ cittaṁ nikkhipitvā imesaṁyeva āyasmantānaṁ cittassa vasena vatteyyan’ti.
pli-tv-kd10:4.4.8	So kho ahaṁ, bhante, sakaṁ cittaṁ nikkhipitvā imesaṁyeva āyasmantānaṁ cittassa vasena vattāmi.
pli-tv-kd10:4.4.9	Nānā hi kho no, bhante, kāyā, ekañca pana maññe cittan”ti.
pli-tv-kd10:4.4.10	Āyasmāpi kho nandiyo …pe…
pli-tv-kd10:4.4.11	āyasmāpi kho kimilo bhagavantaṁ etadavoca—
pli-tv-kd10:4.4.12	“mayhampi kho, bhante, evaṁ hoti—
pli-tv-kd10:4.4.13	‘lābhā vata me, suladdhaṁ vata me, yohaṁ evarūpehi sabrahmacārīhi saddhiṁ viharāmī’ti.
pli-tv-kd10:4.4.14	Tassa mayhaṁ, bhante, imesu āyasmantesu mettaṁ kāyakammaṁ paccupaṭṭhitaṁ āvi ceva raho ca;
pli-tv-kd10:4.4.15	mettaṁ vacīkammaṁ mettaṁ manokammaṁ paccupaṭṭhitaṁ āvi ceva raho ca.
pli-tv-kd10:4.4.16	Tassa mayhaṁ, bhante, evaṁ hoti—
pli-tv-kd10:4.4.17	‘yannūnāhaṁ sakaṁ cittaṁ nikkhipitvā imesaṁyeva āyasmantānaṁ cittassa vasena vatteyyan’ti.
pli-tv-kd10:4.4.18	So kho ahaṁ, bhante, sakaṁ cittaṁ nikkhipitvā imesaṁyeva āyasmantānaṁ cittassa vasena vattāmi.
pli-tv-kd10:4.4.19	Nānā hi kho no, bhante, kāyā, ekañca pana maññe cittanti.
pli-tv-kd10:4.4.20	Evaṁ kho mayaṁ, bhante, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharāmā”ti.
pli-tv-kd10:4.5.1	“Kacci pana vo, anuruddhā, appamattā ātāpino pahitattā viharathā”ti?
pli-tv-kd10:4.5.2	“Taggha mayaṁ, bhante, appamattā ātāpino pahitattā viharāmā”ti.
pli-tv-kd10:4.5.3	“Yathā kathaṁ pana tumhe, anuruddhā, appamattā ātāpino pahitattā viharathā”ti?
pli-tv-kd10:4.5.4	“Idha, bhante, amhākaṁ yo paṭhamaṁ gāmato piṇḍāya paṭikkamati so āsanaṁ paññapeti, pādodakaṁ pādapīṭhaṁ pādakathalikaṁ upanikkhipati, avakkārapātiṁ dhovitvā upaṭṭhāpeti, pānīyaṁ paribhojanīyaṁ upaṭṭhāpeti.
pli-tv-kd10:4.5.5	Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati bhuñjati, no ce ākaṅkhati appaharite vā chaḍḍeti.
pli-tv-kd10:4.5.6	Appāṇake vā udake opilāpeti.
pli-tv-kd10:4.5.7	So āsanaṁ uddharati, pādodakaṁ pādapīṭhaṁ pādakathalikaṁ paṭisāmeti, avakkārapātiṁ dhovitvā paṭisāmeti, pānīyaṁ paribhojanīyaṁ paṭisāmeti, bhattaggaṁ sammajjati.
pli-tv-kd10:4.5.8	Yo passati pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ so upaṭṭhāpeti.
pli-tv-kd10:4.5.9	Sacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpema, na tveva mayaṁ, bhante, tappaccayā vācaṁ bhindāma.
pli-tv-kd10:4.5.10	Pañcāhikaṁ kho pana mayaṁ, bhante, sabbarattiṁ dhammiyā kathāya sannisīdāma.
pli-tv-kd10:4.5.11	Evaṁ kho mayaṁ, bhante, appamattā ātāpino pahitattā viharāmā”ti.
pli-tv-kd10:4.6.0	5. Pālileyyakagamanakathā
pli-tv-kd10:4.6.1	Atha kho bhagavā āyasmantañca anuruddhaṁ āyasmantañca nandiyaṁ āyasmantañca kimilaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā yena pālileyyakaṁ tena cārikaṁ pakkāmi.
pli-tv-kd10:4.6.2	Anupubbena cārikaṁ caramāno yena pālileyyakaṁ tadavasari.
pli-tv-kd10:4.6.3	Tatra sudaṁ bhagavā pālileyyake viharati rakkhitavanasaṇḍe bhaddasālamūle.
pli-tv-kd10:4.6.4	Atha kho bhagavato rahogatassa paṭisallīnassa evaṁ cetaso parivitakko udapādi—
pli-tv-kd10:4.6.5	“ahaṁ kho pubbe ākiṇṇo na phāsu vihāsiṁ tehi kosambakehi bhikkhūhi bhaṇḍanakārakehi kalahakārakehi vivādakārakehi bhassakārakehi saṅghe adhikaraṇakārakehi.
pli-tv-kd10:4.6.6	Somhi etarahi eko adutiyo sukhaṁ phāsu viharāmi aññatreva tehi kosambakehi bhikkhūhi bhaṇḍanakārakehi kalahakārakehi vivādakārakehi bhassakārakehi saṅghe adhikaraṇakārakehī”ti.
pli-tv-kd10:4.6.7	Aññataropi kho hatthināgo ākiṇṇo viharati hatthīhi hatthinīhi hatthikaḷabhehi hatthicchāpehi, chinnaggāni ceva tiṇāni khādati, obhaggobhaggañcassa sākhābhaṅgaṁ khādanti, āvilāni ca pānīyāni pivati, ogāhā cassa otiṇṇassa hatthiniyo kāyaṁ upanighaṁsantiyo gacchanti.
pli-tv-kd10:4.6.8	Atha kho tassa hatthināgassa etadahosi—
pli-tv-kd10:4.6.9	“ahaṁ kho ākiṇṇo viharāmi hatthīhi hatthinīhi hatthikaḷabhehi hatthicchāpehi, chinnaggāni ceva tiṇāni khādāmi, obhaggobhaggañca me sākhābhaṅgaṁ khādanti, āvilāni ca pānīyāni pivāmi, ogāhā ca me otiṇṇassa hatthiniyo kāyaṁ upanighaṁsantiyo gacchanti.
pli-tv-kd10:4.6.10	Yannūnāhaṁ ekova gaṇasmā vūpakaṭṭho vihareyyan”ti.
pli-tv-kd10:4.7.1	Atha kho so hatthināgo yūthā apakkamma yena pālileyyakaṁ rakkhitavanasaṇḍo bhaddasālamūlaṁ yena bhagavā tenupasaṅkami, upasaṅkamitvā soṇḍāya bhagavato pānīyaṁ paribhojanīyaṁ upaṭṭhāpeti, appaharitañca karoti.
pli-tv-kd10:4.7.2	Atha kho tassa hatthināgassa etadahosi—
pli-tv-kd10:4.7.3	“ahaṁ kho pubbe ākiṇṇo na phāsu vihāsiṁ hatthīhi hatthinīhi hatthikaḷabhehi hatthicchāpehi, chinnaggāni ceva tiṇāni khādiṁ, obhaggobhaggañca me sākhābhaṅgaṁ khādiṁsu, āvilāni ca pānīyāni apāyiṁ ogāhā ca me otiṇṇassa hatthiniyo kāyaṁ upanighaṁsantiyo agamaṁsu.
pli-tv-kd10:4.7.4	Somhi etarahi eko adutiyo sukhaṁ phāsu viharāmi aññatreva hatthīhi hatthinīhi hatthikaḷabhehi hatthicchāpehī”ti.
pli-tv-kd10:4.7.5	Atha kho bhagavā attano ca pavivekaṁ viditvā tassa ca hatthināgassa cetasā cetoparivitakkamaññāya tāyaṁ velāyaṁ imaṁ udānaṁ udānesi—
pli-tv-kd10:4.7.6	“Etaṁ nāgassa nāgena,
pli-tv-kd10:4.7.7	īsādantassa hatthino;
pli-tv-kd10:4.7.8	Sameti cittaṁ cittena,
pli-tv-kd10:4.7.9	yadeko ramatī vane”ti.
pli-tv-kd10:5.1.1	Atha kho bhagavā pālileyyake yathābhirantaṁ viharitvā yena sāvatthi tena cārikaṁ pakkāmi.
pli-tv-kd10:5.1.2	Anupubbena cārikaṁ caramāno yena sāvatthi tadavasari.
pli-tv-kd10:5.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd10:5.1.4	Atha kho kosambakā upāsakā—
pli-tv-kd10:5.1.5	“ime kho ayyā kosambakā bhikkhū bahuno amhākaṁ anatthassa kārakā.
pli-tv-kd10:5.1.6	Imehi ubbāḷho bhagavā pakkanto.
pli-tv-kd10:5.1.7	Handa mayaṁ ayye kosambake bhikkhū neva abhivādeyyāma, na paccuṭṭheyyāma, na añjalikammaṁ sāmīcikammaṁ kareyyāma, na sakkareyyāma, na garuṁ kareyyāma, na māneyyāma, na bhajeyyāma, na pūjeyyāma, upagatānampi piṇḍakaṁ na dajjeyyāma—
pli-tv-kd10:5.1.8	evaṁ ime amhehi asakkariyamānā agarukariyamānā amāniyamānā abhajiyamānā apūjiyamānā asakkārapakatā pakkamissanti vā vibbhamissanti vā bhagavantaṁ vā pasādessantī”ti.
pli-tv-kd10:5.2.1	Atha kho kosambakā upāsakā kosambake bhikkhū neva abhivādesuṁ, na paccuṭṭhesuṁ, na añjalikammaṁ sāmīcikammaṁ akaṁsu, na sakkariṁsu, na garuṁ kariṁsu, na mānesuṁ, na bhajesuṁ, na pūjesuṁ, upagatānampi piṇḍakaṁ na adaṁsu.
pli-tv-kd10:5.2.2	Atha kho kosambakā bhikkhū kosambakehi upāsakehi asakkariyamānā agarukariyamānā amāniyamānā abhajiyamānā apūjiyamānā asakkārapakatā evamāhaṁsu—
pli-tv-kd10:5.2.3	“handa mayaṁ, āvuso, sāvatthiṁ gantvā bhagavato santike imaṁ adhikaraṇaṁ vūpasameyyāmā”ti.
pli-tv-kd10:5.2.4.0	6. Aṭṭhārasavatthukathā
pli-tv-kd10:5.2.4.1	Atha kho kosambakā bhikkhū senāsanaṁ saṁsāmetvā pattacīvaramādāya yena sāvatthi tenupasaṅkamiṁsu.
pli-tv-kd10:5.3.1	Assosi kho āyasmā sāriputto—
pli-tv-kd10:5.3.2	“te kira kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchantī”ti.
pli-tv-kd10:5.3.3	Atha kho āyasmā sāriputto yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:5.3.4	Ekamantaṁ nisinno kho āyasmā sāriputto bhagavantaṁ etadavoca—
pli-tv-kd10:5.3.5	“te kira, bhante, kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchanti.
pli-tv-kd10:5.3.6	Kathāhaṁ, bhante, tesu bhikkhūsu paṭipajjāmī”ti?
pli-tv-kd10:5.3.7	“Tena hi tvaṁ, sāriputta, yathā dhammo tathā tiṭṭhāhī”ti.
pli-tv-kd10:5.3.8	“Kathāhaṁ, bhante, jāneyyaṁ dhammaṁ vā adhammaṁ vā”ti?
pli-tv-kd10:5.4.1	“Aṭṭhārasahi kho, sāriputta, vatthūhi adhammavādī jānitabbo.
pli-tv-kd10:5.4.2	Idha, sāriputta, bhikkhu adhammaṁ dhammoti dīpeti,
pli-tv-kd10:5.4.3	dhammaṁ adhammoti dīpeti;
pli-tv-kd10:5.4.4	avinayaṁ vinayoti dīpeti,
pli-tv-kd10:5.4.5	vinayaṁ avinayoti dīpeti;
pli-tv-kd10:5.4.6	abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti,
pli-tv-kd10:5.4.7	bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti;
pli-tv-kd10:5.4.8	anāciṇṇaṁ tathāgatena āciṇṇaṁ tathāgatenāti dīpeti,
pli-tv-kd10:5.4.9	āciṇṇaṁ tathāgatena anāciṇṇaṁ tathāgatenāti dīpeti;
pli-tv-kd10:5.4.10	apaññattaṁ tathāgatena paññattaṁ tathāgatenāti dīpeti,
pli-tv-kd10:5.4.11	paññattaṁ tathāgatena apaññattaṁ tathāgatenāti dīpeti;
pli-tv-kd10:5.4.12	anāpattiṁ āpattīti dīpeti,
pli-tv-kd10:5.4.13	āpattiṁ anāpattīti dīpeti;
pli-tv-kd10:5.4.14	lahukaṁ āpattiṁ garukā āpattīti dīpeti,
pli-tv-kd10:5.4.15	garukaṁ āpattiṁ lahukā āpattīti dīpeti;
pli-tv-kd10:5.4.16	sāvasesaṁ āpattiṁ anavasesā āpattīti dīpeti,
pli-tv-kd10:5.4.17	anavasesaṁ āpattiṁ sāvasesā āpattīti dīpeti;
pli-tv-kd10:5.4.18	duṭṭhullaṁ āpattiṁ aduṭṭhullā āpattīti dīpeti,
pli-tv-kd10:5.4.19	aduṭṭhullaṁ āpattiṁ duṭṭhullā āpattīti dīpeti—
pli-tv-kd10:5.4.20	imehi kho, sāriputta, aṭṭhārasahi vatthūhi adhammavādī jānitabbo.
pli-tv-kd10:5.5.1	Aṭṭhārasahi ca kho, sāriputta, vatthūhi dhammavādī jānitabbo.
pli-tv-kd10:5.5.2	Idha, sāriputta, bhikkhu adhammaṁ adhammoti dīpeti,
pli-tv-kd10:5.5.3	dhammaṁ dhammoti dīpeti;
pli-tv-kd10:5.5.4	avinayaṁ avinayoti dīpeti,
pli-tv-kd10:5.5.5	vinayaṁ vinayoti dīpeti;
pli-tv-kd10:5.5.6	abhāsitaṁ alapitaṁ tathāgatena abhāsitaṁ alapitaṁ tathāgatenāti dīpeti,
pli-tv-kd10:5.5.7	bhāsitaṁ lapitaṁ tathāgatena bhāsitaṁ lapitaṁ tathāgatenāti dīpeti;
pli-tv-kd10:5.5.8	anāciṇṇaṁ tathāgatena anāciṇṇaṁ tathāgatenāti dīpeti,
pli-tv-kd10:5.5.9	āciṇṇaṁ tathāgatena āciṇṇaṁ tathāgatenāti dīpeti;
pli-tv-kd10:5.5.10	apaññattaṁ tathāgatena apaññattaṁ tathāgatenāti dīpeti,
pli-tv-kd10:5.5.11	paññattaṁ tathāgatena paññattaṁ tathāgatenāti dīpeti;
pli-tv-kd10:5.5.12	anāpattiṁ anāpattīti dīpeti,
pli-tv-kd10:5.5.13	āpattiṁ āpattīti dīpeti;
pli-tv-kd10:5.5.14	lahukaṁ āpattiṁ lahukā āpattīti dīpeti,
pli-tv-kd10:5.5.15	garukaṁ āpattiṁ garukā āpattīti dīpeti;
pli-tv-kd10:5.5.16	sāvasesaṁ āpattiṁ sāvasesā āpattīti dīpeti,
pli-tv-kd10:5.5.17	anavasesaṁ āpattiṁ anavasesā āpattīti dīpeti;
pli-tv-kd10:5.5.18	duṭṭhullaṁ āpattiṁ duṭṭhullā āpattīti dīpeti,
pli-tv-kd10:5.5.19	aduṭṭhullaṁ āpattiṁ aduṭṭhullā āpattīti dīpeti—
pli-tv-kd10:5.5.20	imehi kho, sāriputta, aṭṭhārasahi vatthūhi dhammavādī jānitabbo”ti.
pli-tv-kd10:5.6.1	Assosi kho āyasmā mahāmoggallāno …pe…
pli-tv-kd10:5.6.2	assosi kho āyasmā mahākassapo …
pli-tv-kd10:5.6.3	assosi kho āyasmā mahākaccāno …
pli-tv-kd10:5.6.4	assosi kho āyasmā mahākoṭṭhiko …
pli-tv-kd10:5.6.5	assosi kho āyasmā mahākappino …
pli-tv-kd10:5.6.6	assosi kho āyasmā mahācundo …
pli-tv-kd10:5.6.7	assosi kho āyasmā anuruddho …
pli-tv-kd10:5.6.8	assosi kho āyasmā revato …
pli-tv-kd10:5.6.9	assosi kho āyasmā upāli …
pli-tv-kd10:5.6.10	assosi kho āyasmā ānando …
pli-tv-kd10:5.6.11	assosi kho āyasmā rāhulo—
pli-tv-kd10:5.6.12	“te kira kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchantī”ti.
pli-tv-kd10:5.6.13	Atha kho āyasmā rāhulo yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:5.6.14	Ekamantaṁ nisinno kho āyasmā rāhulo bhagavantaṁ etadavoca—
pli-tv-kd10:5.6.15	“te kira, bhante, kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchanti.
pli-tv-kd10:5.6.16	Kathāhaṁ, bhante, tesu bhikkhūsu paṭipajjāmī”ti?
pli-tv-kd10:5.6.17	“Tena hi tvaṁ, rāhula, yathā dhammo tathā tiṭṭhāhī”ti.
pli-tv-kd10:5.6.18	“Kathāhaṁ, bhante, jāneyyaṁ dhammaṁ vā adhammaṁ vā”ti?
pli-tv-kd10:5.6.19	“Aṭṭhārasahi kho, rāhula, vatthūhi adhammavādī jānitabbo.
pli-tv-kd10:5.6.20	Idha, rāhula, bhikkhu adhammaṁ dhammoti dīpeti, dhammaṁ adhammoti dīpeti;
pli-tv-kd10:5.6.21	avinayaṁ vinayoti dīpeti, vinayaṁ avinayoti dīpeti;
pli-tv-kd10:5.6.22	abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti, bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti;
pli-tv-kd10:5.6.23	anāciṇṇaṁ tathāgatena āciṇṇaṁ tathāgatenāti dīpeti, āciṇṇaṁ tathāgatena anāciṇṇaṁ tathāgatenāti dīpeti;
pli-tv-kd10:5.6.24	apaññattaṁ tathāgatena paññattaṁ tathāgatenāti dīpeti, paññattaṁ tathāgatena apaññattaṁ tathāgatenāti dīpeti;
pli-tv-kd10:5.6.25	anāpattiṁ āpattīti dīpeti, āpattiṁ anāpattīti dīpeti;
pli-tv-kd10:5.6.26	lahukaṁ āpattiṁ garukā āpattīti dīpeti, garukaṁ āpattiṁ lahukā āpattīti dīpeti;
pli-tv-kd10:5.6.27	sāvasesaṁ āpattiṁ anavasesā āpattīti dīpeti, anavasesaṁ āpattiṁ sāvasesā āpattīti dīpeti;
pli-tv-kd10:5.6.28	duṭṭhullaṁ āpattiṁ aduṭṭhullā āpattīti dīpeti, aduṭṭhullaṁ āpattiṁ duṭṭhullā āpattīti dīpeti—
pli-tv-kd10:5.6.29	imehi kho, rāhula, aṭṭhārasahi vatthūhi adhammavādī jānitabbo.
pli-tv-kd10:5.6.30	Aṭṭhārasahi ca kho, rāhula, vatthūhi dhammavādī jānitabbo.
pli-tv-kd10:5.6.31	Idha, rāhula, bhikkhu adhammaṁ adhammoti dīpeti, dhammaṁ dhammoti dīpeti;
pli-tv-kd10:5.6.32	avinayaṁ avinayoti dīpeti, vinayaṁ vinayoti dīpeti;
pli-tv-kd10:5.6.33	abhāsitaṁ alapitaṁ tathāgatena abhāsitaṁ alapitaṁ tathāgatenāti dīpeti, bhāsitaṁ lapitaṁ tathāgatena bhāsitaṁ lapitaṁ tathāgatenāti dīpeti;
pli-tv-kd10:5.6.34	anāciṇṇaṁ tathāgatena anāciṇṇaṁ tathāgatenāti dīpeti, āciṇṇaṁ tathāgatena āciṇṇaṁ tathāgatenāti dīpeti;
pli-tv-kd10:5.6.35	apaññattaṁ tathāgatena apaññattaṁ tathāgatenāti dīpeti, paññattaṁ tathāgatena paññattaṁ tathāgatenāti dīpeti;
pli-tv-kd10:5.6.36	anāpattiṁ anāpattīti dīpeti, āpattiṁ āpattīti dīpeti;
pli-tv-kd10:5.6.37	lahukaṁ āpattiṁ lahukā āpattīti dīpeti, garukaṁ āpattiṁ garukā āpattīti dīpeti;
pli-tv-kd10:5.6.38	sāvasesaṁ āpattiṁ sāvasesā āpattīti dīpeti, anavasesaṁ āpattiṁ anavasesā āpattīti dīpeti;
pli-tv-kd10:5.6.39	duṭṭhullaṁ āpattiṁ duṭṭhullā āpattīti dīpeti, aduṭṭhullaṁ āpattiṁ aduṭṭhullā āpattīti dīpeti—
pli-tv-kd10:5.6.40	imehi kho, rāhula, aṭṭhārasahi vatthūhi dhammavādī jānitabbo”ti.
pli-tv-kd10:5.7.1	Assosi kho mahāpajāpati gotamī—
pli-tv-kd10:5.7.2	“te kira kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchantī”ti.
pli-tv-kd10:5.7.3	Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd10:5.7.4	Ekamantaṁ ṭhitā kho mahāpajāpati gotamī bhagavantaṁ etadavoca—
pli-tv-kd10:5.7.5	“te kira, bhante, kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchanti.
pli-tv-kd10:5.7.6	Kathāhaṁ, bhante, tesu bhikkhūsu paṭipajjāmī”ti?
pli-tv-kd10:5.7.7	“Tena hi tvaṁ, gotami, ubhayattha dhammaṁ suṇa.
pli-tv-kd10:5.7.8	Ubhayattha dhammaṁ sutvā ye tattha bhikkhū dhammavādino tesaṁ diṭṭhiñca khantiñca ruciñca ādāyañca rocehi.
pli-tv-kd10:5.7.9	Yañca kiñci bhikkhunisaṅghena bhikkhusaṅghato paccāsīsitabbaṁ sabbaṁ taṁ dhammavāditova paccāsīsitabban”ti.
pli-tv-kd10:5.8.1	Assosi kho anāthapiṇḍiko gahapati—
pli-tv-kd10:5.8.2	“te kira kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchantī”ti.
pli-tv-kd10:5.8.3	Atha kho anāthapiṇḍiko gahapati yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:5.8.4	Ekamantaṁ nisinno kho anāthapiṇḍiko gahapati bhagavantaṁ etadavoca—
pli-tv-kd10:5.8.5	“te kira, bhante, kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchanti.
pli-tv-kd10:5.8.6	Kathāhaṁ, bhante, tesu bhikkhūsu paṭipajjāmī”ti?
pli-tv-kd10:5.8.7	“Tena hi tvaṁ, gahapati, ubhayattha dānaṁ dehi.
pli-tv-kd10:5.8.8	Ubhayattha dānaṁ datvā ubhayattha dhammaṁ suṇa.
pli-tv-kd10:5.8.9	Ubhayattha dhammaṁ sutvā ye tattha bhikkhū dhammavādino tesaṁ diṭṭhiñca khantiñca ruciñca ādāyañca rocehī”ti.
pli-tv-kd10:5.9.1	Assosi kho visākhā migāramātā—
pli-tv-kd10:5.9.2	“te kira kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchantī”ti.
pli-tv-kd10:5.9.3	Atha kho visākhā migāramātā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:5.9.4	Ekamantaṁ nisinnā kho visākhā migāramātā bhagavantaṁ etadavoca—
pli-tv-kd10:5.9.5	“te kira, bhante, kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ āgacchanti.
pli-tv-kd10:5.9.6	Kathāhaṁ, bhante, tesu bhikkhūsu paṭipajjāmī”ti?
pli-tv-kd10:5.9.7	“Tena hi tvaṁ, visākhe, ubhayattha dānaṁ dehi.
pli-tv-kd10:5.9.8	Ubhayattha dānaṁ datvā ubhayattha dhammaṁ suṇa.
pli-tv-kd10:5.9.9	Ubhayattha dhammaṁ sutvā ye tattha bhikkhū dhammavādino tesaṁ diṭṭhiñca khantiñca ruciñca ādāyañca rocehī”ti.
pli-tv-kd10:5.10.1	Atha kho kosambakā bhikkhū anupubbena yena sāvatthi tadavasaruṁ.
pli-tv-kd10:5.10.2	Atha kho āyasmā sāriputto yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:5.10.3	Ekamantaṁ nisinno kho āyasmā sāriputto bhagavantaṁ etadavoca—
pli-tv-kd10:5.10.4	“te kira, bhante, kosambakā bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā sāvatthiṁ anuppattā.
pli-tv-kd10:5.10.5	Kathaṁ nu kho, bhante, tesu bhikkhūsu senāsane paṭipajjitabban”ti?
pli-tv-kd10:5.10.6	“Tena hi, sāriputta, vivittaṁ senāsanaṁ dātabban”ti.
pli-tv-kd10:5.10.7	“Sace pana, bhante, vivittaṁ na hoti, kathaṁ paṭipajjitabban”ti?
pli-tv-kd10:5.10.8	“Tena hi, sāriputta, vivittaṁ katvāpi dātabbaṁ,
pli-tv-kd10:5.10.9	na tvevāhaṁ, sāriputta, kenaci pariyāyena vuḍḍhatarassa bhikkhuno senāsanaṁ paṭibāhitabbanti vadāmi.
pli-tv-kd10:5.10.10	Yo paṭibāheyya, āpatti dukkaṭassā”ti.
pli-tv-kd10:5.10.11	“Āmise pana, bhante, kathaṁ paṭipajjitabban”ti?
pli-tv-kd10:5.10.12	“Āmisaṁ kho, sāriputta, sabbesaṁ samakaṁ bhājetabban”ti.
pli-tv-kd10:5.11.0	7. Osāraṇānujānana
pli-tv-kd10:5.11.1	Atha kho tassa ukkhittakassa bhikkhuno dhammañca vinayañca paccavekkhantassa etadahosi—
pli-tv-kd10:5.11.2	“āpatti esā, nesā anāpatti.
pli-tv-kd10:5.11.3	Āpannomhi, namhi anāpanno.
pli-tv-kd10:5.11.4	Ukkhittomhi, namhi anukkhitto.
pli-tv-kd10:5.11.5	Dhammikenamhi kammena ukkhitto akuppena ṭhānārahenā”ti.
pli-tv-kd10:5.11.6	Atha kho so ukkhittako bhikkhu yena ukkhittānuvattakā bhikkhū tenupasaṅkami, upasaṅkamitvā ukkhittānuvattake bhikkhū etadavoca—
pli-tv-kd10:5.11.7	“āpatti esā, āvuso;
pli-tv-kd10:5.11.8	nesā anāpatti.
pli-tv-kd10:5.11.9	Āpannomhi, namhi anāpanno.
pli-tv-kd10:5.11.10	Ukkhittomhi, namhi anukkhitto.
pli-tv-kd10:5.11.11	Dhammikenamhi kammena ukkhitto akuppena ṭhānārahena.
pli-tv-kd10:5.11.12	Etha maṁ āyasmanto osārethā”ti.
pli-tv-kd10:5.12.1	Atha kho te ukkhittānuvattakā bhikkhū taṁ ukkhittakaṁ bhikkhuṁ ādāya yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd10:5.12.2	Ekamantaṁ nisinnā kho te bhikkhū bhagavantaṁ etadavocuṁ—
pli-tv-kd10:5.12.3	“ayaṁ, bhante, ukkhittako bhikkhu evamāha—
pli-tv-kd10:5.12.4	‘āpatti esā, āvuso;
pli-tv-kd10:5.12.5	nesā anāpatti.
pli-tv-kd10:5.12.6	Āpannomhi, namhi anāpanno.
pli-tv-kd10:5.12.7	Ukkhittomhi, namhi anukkhitto.
pli-tv-kd10:5.12.8	Dhammikenamhi kammena ukkhitto akuppena ṭhānārahena.
pli-tv-kd10:5.12.9	Etha maṁ āyasmanto osārethā’ti.
pli-tv-kd10:5.12.10	Kathaṁ nu kho, bhante, paṭipajjitabban”ti?
pli-tv-kd10:5.12.11	“Āpatti esā, bhikkhave;
pli-tv-kd10:5.12.12	nesā anāpatti.
pli-tv-kd10:5.12.13	Āpanno eso bhikkhu, neso bhikkhu anāpanno.
pli-tv-kd10:5.12.14	Ukkhitto eso bhikkhu, neso bhikkhu anukkhitto.
pli-tv-kd10:5.12.15	Dhammikena kammena ukkhitto akuppena ṭhānārahena.
pli-tv-kd10:5.12.16	Yato ca kho so, bhikkhave, bhikkhu āpanno ca ukkhitto ca passati ca, tena hi, bhikkhave, taṁ bhikkhuṁ osārethā”ti.
pli-tv-kd10:5.13.0	8. Saṅghasāmaggīkathā
pli-tv-kd10:5.13.1	Atha kho te ukkhittānuvattakā bhikkhū taṁ ukkhittakaṁ bhikkhuṁ osāretvā yena ukkhepakā bhikkhū tenupasaṅkamiṁsu, upasaṅkamitvā ukkhepake bhikkhū etadavocuṁ—
pli-tv-kd10:5.13.2	“yasmiṁ, āvuso, vatthusmiṁ ahosi saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, so eso bhikkhu āpanno ca ukkhitto ca passi ca osārito ca.
pli-tv-kd10:5.13.3	Handa mayaṁ, āvuso, tassa vatthussa vūpasamāya saṅghasāmaggiṁ karomā”ti.
pli-tv-kd10:5.13.4	Atha kho te ukkhepakā bhikkhū yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd10:5.13.5	Ekamantaṁ nisinnā kho te bhikkhū bhagavantaṁ etadavocuṁ—
pli-tv-kd10:5.13.6	“te, bhante, ukkhittānuvattakā bhikkhū evamāhaṁsu—
pli-tv-kd10:5.13.7	‘yasmiṁ, āvuso, vatthusmiṁ ahosi saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, so eso bhikkhu āpanno ca ukkhitto ca passi ca osārito ca.
pli-tv-kd10:5.13.8	Handa mayaṁ, āvuso, tassa vatthussa vūpasamāya saṅghasāmaggiṁ karomā’ti.
pli-tv-kd10:5.13.9	Kathaṁ nu kho, bhante, paṭipajjitabban”ti?
pli-tv-kd10:5.14.1	“Yato ca kho so, bhikkhave, bhikkhu āpanno ca ukkhitto ca passi ca osārito ca, tena hi, bhikkhave, saṅgho tassa vatthussa vūpasamāya saṅghasāmaggiṁ karotu.
pli-tv-kd10:5.14.2	Evañca pana, bhikkhave, kātabbā.
pli-tv-kd10:5.14.3	Sabbeheva ekajjhaṁ sannipatitabbaṁ gilānehi ca agilānehi ca.
pli-tv-kd10:5.14.4	Na kehici chando dātabbo.
pli-tv-kd10:5.14.5	Sannipatitvā byattena bhikkhunā paṭibalena saṅgho ñāpetabbo—
pli-tv-kd10:5.14.6	‘Suṇātu me, bhante, saṅgho.
pli-tv-kd10:5.14.7	Yasmiṁ vatthusmiṁ ahosi saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, so eso bhikkhu āpanno ca ukkhitto ca passi ca osārito ca.
pli-tv-kd10:5.14.8	Yadi saṅghassa pattakallaṁ, saṅgho tassa vatthussa vūpasamāya saṅghasāmaggiṁ kareyya.
pli-tv-kd10:5.14.9	Esā ñatti.
pli-tv-kd10:5.14.10	Suṇātu me, bhante, saṅgho.
pli-tv-kd10:5.14.11	Yasmiṁ vatthusmiṁ ahosi saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, so eso bhikkhu āpanno ca ukkhitto ca passi ca osārito ca.
pli-tv-kd10:5.14.12	Saṅgho tassa vatthussa vūpasamāya saṅghasāmaggiṁ karoti.
pli-tv-kd10:5.14.13	Yassāyasmato khamati tassa vatthussa vūpasamāya saṅghasāmaggiyā karaṇaṁ, so tuṇhassa, yassa nakkhamati so bhāseyya.
pli-tv-kd10:5.14.14	Katā saṅghena tassa vatthussa vūpasamāya saṅghasāmaggī.
pli-tv-kd10:5.14.15	Nihato saṅghabhedo, nihatā saṅgharāji, nihataṁ saṅghavavatthānaṁ, nihataṁ saṅghanānākaraṇaṁ.
pli-tv-kd10:5.14.16	Khamati saṅghassa, tasmā tuṇhī, evametaṁ dhārayāmī’ti.
pli-tv-kd10:5.14.17	Tāvadeva uposatho kātabbo, pātimokkhaṁ uddisitabban”ti.
pli-tv-kd10:6.1.0	9. Upālisaṅghasāmaggīpucchā
pli-tv-kd10:6.1.1	Atha kho āyasmā upāli yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd10:6.1.2	Ekamantaṁ nisinno kho āyasmā upāli bhagavantaṁ etadavoca—
pli-tv-kd10:6.1.3	“yasmiṁ, bhante, vatthusmiṁ hoti saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, saṅgho taṁ vatthuṁ avinicchinitvā amūlā mūlaṁ gantvā saṅghasāmaggiṁ karoti, dhammikā nu kho sā, bhante, saṅghasāmaggī”ti?
pli-tv-kd10:6.1.4	“Yasmiṁ, upāli, vatthusmiṁ hoti saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, saṅgho taṁ vatthuṁ avinicchinitvā amūlā mūlaṁ gantvā saṅghasāmaggiṁ karoti, adhammikā sā, upāli, saṅghasāmaggī”ti.
pli-tv-kd10:6.1.5	“Yasmiṁ pana, bhante, vatthusmiṁ hoti saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, saṅgho taṁ vatthuṁ vinicchinitvā mūlā mūlaṁ gantvā saṅghasāmaggiṁ karoti, dhammikā nu kho sā, bhante, saṅghasāmaggī”ti?
pli-tv-kd10:6.1.6	“Yasmiṁ, upāli, vatthusmiṁ hoti saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, saṅgho taṁ vatthuṁ vinicchinitvā mūlā mūlaṁ gantvā saṅghasāmaggiṁ karoti, dhammikā sā, upāli, saṅghasāmaggī”ti.
pli-tv-kd10:6.2.1	“Kati nu kho, bhante, saṅghasāmaggiyo”ti?
pli-tv-kd10:6.2.2	“Dvemā, upāli, saṅghasāmaggiyo—
pli-tv-kd10:6.2.3	atthupāli, saṅghasāmaggī atthāpetā byañjanupetā;
pli-tv-kd10:6.2.4	atthupāli, saṅghasāmaggī atthupetā ca byañjanupetā ca.
pli-tv-kd10:6.2.5	Katamā ca, upāli, saṅghasāmaggī atthāpetā byañjanupetā?
pli-tv-kd10:6.2.6	Yasmiṁ, upāli, vatthusmiṁ hoti saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, saṅgho taṁ vatthuṁ avinicchinitvā amūlā mūlaṁ gantvā saṅghasāmaggiṁ karoti, ayaṁ vuccati, upāli, saṅghasāmaggī atthāpetā byañjanupetā.
pli-tv-kd10:6.2.7	Katamā ca, upāli, saṅghasāmaggī atthupetā ca byañjanupetā ca?
pli-tv-kd10:6.2.8	Yasmiṁ, upāli, vatthusmiṁ hoti saṅghassa bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ, saṅgho taṁ vatthuṁ vinicchinitvā mūlā mūlaṁ gantvā saṅghasāmaggiṁ karoti, ayaṁ vuccati, upāli, saṅghasāmaggī atthupetā ca byañjanupetā ca.
pli-tv-kd10:6.2.9	Imā kho, upāli, dve saṅghasāmaggiyo”ti.
pli-tv-kd10:6.3.1	Atha kho āyasmā upāli uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ gāthāya ajjhabhāsi—
pli-tv-kd10:6.3.2	“Saṅghassa kiccesu ca mantanāsu ca,
pli-tv-kd10:6.3.3	Atthesu jātesu vinicchayesu ca;
pli-tv-kd10:6.3.4	Kathaṁpakārodha naro mahatthiko,
pli-tv-kd10:6.3.5	Bhikkhu kathaṁ hotidha paggahāraho”ti.
pli-tv-kd10:6.3.6	“Anānuvajjo paṭhamena sīlato,
pli-tv-kd10:6.3.7	Avekkhitācāro susaṁvutindriyo;
pli-tv-kd10:6.3.8	Paccatthikā nūpavadanti dhammato,
pli-tv-kd10:6.3.9	Na hissa taṁ hoti vadeyyu yena naṁ.
pli-tv-kd10:6.3.10	So tādiso sīlavisuddhiyā ṭhito,
pli-tv-kd10:6.3.11	Visārado hoti visayha bhāsati;
pli-tv-kd10:6.3.12	Nacchambhati parisagato na vedhati,
pli-tv-kd10:6.3.13	Atthaṁ na hāpeti anuyyutaṁ bhaṇaṁ.
pli-tv-kd10:6.3.14	Tatheva pañhaṁ parisāsu pucchito,
pli-tv-kd10:6.3.15	Na ceva pajjhāyati na maṅku hoti;
pli-tv-kd10:6.3.16	So kālāgataṁ byākaraṇārahaṁ vaco,
pli-tv-kd10:6.3.17	Rañjeti viññūparisaṁ vicakkhaṇo.
pli-tv-kd10:6.3.18	Sagāravo vuḍḍhataresu bhikkhusu,
pli-tv-kd10:6.3.19	Ācerakamhi ca sake visārado;
pli-tv-kd10:6.3.20	Alaṁ pametuṁ paguṇo kathetave,
pli-tv-kd10:6.3.21	Paccatthikānañca viraddhikovido.
pli-tv-kd10:6.3.22	Paccatthikā yena vajanti niggahaṁ,
pli-tv-kd10:6.3.23	Mahājano saññapanañca gacchati;
pli-tv-kd10:6.3.24	Sakañca ādāyamayaṁ na riñcati,
pli-tv-kd10:6.3.25	Viyākaraṁ pañhamanūpaghātikaṁ.
pli-tv-kd10:6.3.26	Dūteyyakammesu alaṁ samuggaho,
pli-tv-kd10:6.3.27	Saṅghassa kiccesu ca āhu naṁ yathā;
pli-tv-kd10:6.3.28	Karaṁ vaco bhikkhugaṇena pesito,
pli-tv-kd10:6.3.29	Ahaṁ karomīti na tena maññati.
pli-tv-kd10:6.3.30	Āpajjati yāvatakesu vatthusu,
pli-tv-kd10:6.3.31	Āpattiyā hoti yathā ca vuṭṭhiti;
pli-tv-kd10:6.3.32	Ete vibhaṅgā ubhayassa svāgatā,
pli-tv-kd10:6.3.33	Āpatti vuṭṭhānapadassa kovido.
pli-tv-kd10:6.3.34	Nissāraṇaṁ gacchati yāni cācaraṁ,
pli-tv-kd10:6.3.35	Nissārito hoti yathā ca vattanā;
pli-tv-kd10:6.3.36	Osāraṇaṁ taṁvusitassa jantuno,
pli-tv-kd10:6.3.37	Etampi jānāti vibhaṅgakovido.
pli-tv-kd10:6.3.38	Sagāravo vuḍḍhataresu bhikkhusu,
pli-tv-kd10:6.3.39	Navesu theresu ca majjhimesu ca;
pli-tv-kd10:6.3.40	Mahājanassatthacarodha paṇḍito,
pli-tv-kd10:6.3.41	So tādiso bhikkhu idha paggahāraho”ti.
pli-tv-kd10:6.3.42	Kosambakakkhandhako dasamo.
pli-tv-kd10:6.3.43	Tassuddānaṁ
pli-tv-kd10:6.3.44	Kosambiyaṁ jinavaro,
pli-tv-kd10:6.3.45	vivādāpattidassane;
pli-tv-kd10:6.3.46	Nukkhipeyya yasmiṁ tasmiṁ,
pli-tv-kd10:6.3.47	saddhāyāpatti desaye.
pli-tv-kd10:6.3.48	Antosīmāyaṁ tattheva,
pli-tv-kd10:6.3.49	bālakañceva vaṁsadā;
pli-tv-kd10:6.3.50	Pālileyyā ca sāvatthi,
pli-tv-kd10:6.3.51	sāriputto ca kolito.
pli-tv-kd10:6.3.52	Mahākassapakaccānā,
pli-tv-kd10:6.3.53	koṭṭhiko kappinena ca;
pli-tv-kd10:6.3.54	Mahācundo anuruddho,
pli-tv-kd10:6.3.55	revato upāli cubho.
pli-tv-kd10:6.3.56	Ānando rāhulo ceva,
pli-tv-kd10:6.3.57	gotamīnāthapiṇḍiko;
pli-tv-kd10:6.3.58	Senāsanaṁ vivittañca,
pli-tv-kd10:6.3.59	āmisaṁ samakampi ca.
pli-tv-kd10:6.3.60	Na kehi chando dātabbo,
pli-tv-kd10:6.3.61	upāliparipucchito;
pli-tv-kd10:6.3.62	Anānuvajjo sīlena,
pli-tv-kd10:6.3.63	sāmaggī jinasāsaneti.
pli-tv-kd10:6.3.64	Kosambakakkhandhako niṭṭhito.
pli-tv-kd10:6.3.65	Mahāvaggo niṭṭhito.
pli-tv-kd10:6.3.66	Mahāvaggapāḷi niṭṭhitā.
pli-tv-kd11:0.1	Theravāda Vinayapiṭaka
pli-tv-kd11:0.2	Cūḷavagga
pli-tv-kd11:0.3	11. Kammakkhandhaka
pli-tv-kd11:1.0.1	1. Tajjanīyakamma
pli-tv-kd11:1.1.1	Namo tassa Bhagavato Arahato Sammāsambuddhassa.
pli-tv-kd11:1.1.2	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd11:1.1.3	Tena kho pana samayena paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṁ vadanti—
pli-tv-kd11:1.1.4	“mā kho tumhe, āyasmanto, eso ajesi.
pli-tv-kd11:1.1.5	Balavābalavaṁ paṭimantetha.
pli-tv-kd11:1.1.6	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.1.7	Mā cassa bhāyittha.
pli-tv-kd11:1.1.8	Mayampi tumhākaṁ pakkhā bhavissāmā”ti.
pli-tv-kd11:1.1.9	Tena anuppannāni ceva bhaṇḍanāni uppajjanti uppannāni ca bhaṇḍanāni bhiyyobhāvāya vepullāya saṁvattanti.
pli-tv-kd11:1.2.1	Ye te bhikkhū appicchā …pe… te ujjhāyanti khiyyanti vipācenti—
pli-tv-kd11:1.2.2	“kathañhi nāma paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṁ vakkhanti—
pli-tv-kd11:1.2.3	‘mā kho tumhe, āyasmanto, eso ajesi.
pli-tv-kd11:1.2.4	Balavābalavaṁ paṭimantetha.
pli-tv-kd11:1.2.5	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.2.6	Mā cassa bhāyittha.
pli-tv-kd11:1.2.7	Mayampi tumhākaṁ pakkhā bhavissāmā’ti.
pli-tv-kd11:1.2.8	Tena anuppannāni ceva bhaṇḍanāni uppajjanti uppannāni ca bhaṇḍanāni bhiyyobhāvāya vepullāya saṁvattantī”ti.
pli-tv-kd11:1.2.9	Atha kho te bhikkhū bhagavato etamatthaṁ ārocesuṁ.
pli-tv-kd11:1.2.10	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd11:1.2.11	“saccaṁ kira, bhikkhave, paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṁ vadanti—
pli-tv-kd11:1.2.12	‘mā kho tumhe, āyasmanto, eso ajesi.
pli-tv-kd11:1.2.13	Balavābalavaṁ paṭimantetha.
pli-tv-kd11:1.2.14	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.2.15	Mā cassa bhāyittha.
pli-tv-kd11:1.2.16	Mayampi tumhākaṁ pakkhā bhavissāmā’ti.
pli-tv-kd11:1.2.17	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattantī”ti?
pli-tv-kd11:1.2.18	“Saccaṁ, bhagavā”ti.
pli-tv-kd11:1.2.19	Vigarahi buddho bhagavā—
pli-tv-kd11:1.2.20	“ananucchavikaṁ, bhikkhave, tesaṁ moghapurisānaṁ ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd11:1.2.21	Kathañhi nāma te, bhikkhave, moghapurisā attanā bhaṇḍanakārakā …pe…
pli-tv-kd11:1.2.22	saṅghe adhikaraṇakārakā, yepi caññe bhikkhū bhaṇḍanakārakā …pe…
pli-tv-kd11:1.2.23	saṅghe adhikaraṇakārakā te upasaṅkamitvā evaṁ vakkhanti—
pli-tv-kd11:1.2.24	‘mā kho tumhe, āyasmanto, eso ajesi.
pli-tv-kd11:1.2.25	Balavābalavaṁ paṭimantetha.
pli-tv-kd11:1.2.26	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.2.27	Mā cassa bhāyittha.
pli-tv-kd11:1.2.28	Mayampi tumhākaṁ pakkhā bhavissāmā’ti?
pli-tv-kd11:1.2.29	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattanti.
pli-tv-kd11:1.2.30	Netaṁ, bhikkhave, appasannānaṁ vā pasādāya pasannānaṁ vā bhiyyobhāvāya.
pli-tv-kd11:1.2.31	Atha khvetaṁ, bhikkhave, appasannānañceva appasādāya pasannānañca ekaccānaṁ aññathattāyā”ti.
pli-tv-kd11:1.3.1	Atha kho bhagavā te bhikkhū anekapariyāyena vigarahitvā dubbharatāya dupposatāya mahicchatāya asantuṭṭhitāya saṅgaṇikāya kosajjassa avaṇṇaṁ bhāsitvā anekapariyāyena subharatāya suposatāya appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇaṁ bhāsitvā bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi—
pli-tv-kd11:1.3.2	“tena hi, bhikkhave, saṅgho paṇḍukalohitakānaṁ bhikkhūnaṁ tajjanīyakammaṁ karotu.
pli-tv-kd11:1.4.1	Evañca pana, bhikkhave, kātabbaṁ.
pli-tv-kd11:1.4.2	Paṭhamaṁ paṇḍukalohitakā bhikkhū codetabbā, codetvā sāretabbā, sāretvā āpattiṁ āropetabbā, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd11:1.4.3	‘Suṇātu me, bhante, saṅgho.
pli-tv-kd11:1.4.4	Ime paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṁ vadanti—
pli-tv-kd11:1.4.5	“mā kho tumhe, āyasmanto, eso ajesi.
pli-tv-kd11:1.4.6	Balavābalavaṁ paṭimantetha.
pli-tv-kd11:1.4.7	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.4.8	Mā cassa bhāyittha.
pli-tv-kd11:1.4.9	Mayampi tumhākaṁ pakkhā bhavissāmā”ti.
pli-tv-kd11:1.4.10	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattanti.
pli-tv-kd11:1.4.11	Yadi saṅghassa pattakallaṁ, saṅgho paṇḍukalohitakānaṁ bhikkhūnaṁ tajjanīyakammaṁ kareyya.
pli-tv-kd11:1.4.12	Esā ñatti.
pli-tv-kd11:1.4.13	Suṇātu me, bhante, saṅgho.
pli-tv-kd11:1.4.14	Ime paṇḍukalohitakā bhikkhū attanā bhaṇḍanakārakā …pe…
pli-tv-kd11:1.4.15	saṅghe adhikaraṇakārakā,
pli-tv-kd11:1.4.16	yepi caññe bhikkhū bhaṇḍanakārakā …pe… saṅghe adhikaraṇakārakā te upasaṅkamitvā evaṁ vadanti—
pli-tv-kd11:1.4.17	“mā kho tumhe, āyasmanto, eso ajesi.
pli-tv-kd11:1.4.18	Balavābalavaṁ paṭimantetha.
pli-tv-kd11:1.4.19	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.4.20	Mā cassa bhāyittha.
pli-tv-kd11:1.4.21	Mayampi tumhākaṁ pakkhā bhavissāmā”ti.
pli-tv-kd11:1.4.22	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattanti.
pli-tv-kd11:1.4.23	Saṅgho paṇḍukalohitakānaṁ bhikkhūnaṁ tajjanīyakammaṁ karoti.
pli-tv-kd11:1.4.24	Yassāyasmato khamati paṇḍukalohitakānaṁ bhikkhūnaṁ tajjanīyassa kammassa karaṇaṁ, so tuṇhassa;
pli-tv-kd11:1.4.25	yassa nakkhamati, so bhāseyya.
pli-tv-kd11:1.4.26	Dutiyampi etamatthaṁ vadāmi—
pli-tv-kd11:1.4.27	suṇātu me, bhante, saṅgho.
pli-tv-kd11:1.4.28	Ime paṇḍukalohitakā bhikkhū attanā bhaṇḍanakārakā …pe…
pli-tv-kd11:1.4.29	saṅghe adhikaraṇakārakā,
pli-tv-kd11:1.4.30	yepi caññe bhikkhū bhaṇḍanakārakā …pe… saṅghe adhikaraṇakārakā te upasaṅkamitvā evaṁ vadanti—
pli-tv-kd11:1.4.31	“mā kho tumhe, āyasmanto, eso ajesi.
pli-tv-kd11:1.4.32	Balavābalavaṁ paṭimantetha.
pli-tv-kd11:1.4.33	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.4.34	Mā cassa bhāyittha.
pli-tv-kd11:1.4.35	Mayampi tumhākaṁ pakkhā bhavissāmā”ti.
pli-tv-kd11:1.4.36	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattanti.
pli-tv-kd11:1.4.37	Saṅgho paṇḍukalohitakānaṁ bhikkhūnaṁ tajjanīyakammaṁ karoti.
pli-tv-kd11:1.4.38	Yassāyasmato khamati paṇḍukalohitakānaṁ bhikkhūnaṁ tajjanīyassa kammassa karaṇaṁ, so tuṇhassa;
pli-tv-kd11:1.4.39	yassa nakkhamati, so bhāseyya.
pli-tv-kd11:1.4.40	Tatiyampi etamatthaṁ vadāmi—
pli-tv-kd11:1.4.41	suṇātu me, bhante, saṅgho.
pli-tv-kd11:1.4.42	Ime paṇḍukalohitakā bhikkhū attanā bhaṇḍanakārakā …pe…
pli-tv-kd11:1.4.43	saṅghe adhikaraṇakārakā,
pli-tv-kd11:1.4.44	yepi caññe bhikkhū bhaṇḍanakārakā …pe… saṅghe adhikaraṇakārakā te upasaṅkamitvā evaṁ vadanti—
pli-tv-kd11:1.4.45	“mā kho tumhe, āyasmanto, eso ajesi.
pli-tv-kd11:1.4.46	Balavābalavaṁ paṭimantetha.
pli-tv-kd11:1.4.47	Tumhe tena paṇḍitatarā ca byattatarā ca bahussutatarā ca alamattatarā ca.
pli-tv-kd11:1.4.48	Mā cassa bhāyittha.
pli-tv-kd11:1.4.49	Mayampi tumhākaṁ pakkhā bhavissāmā”ti.
pli-tv-kd11:1.4.50	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattanti.
pli-tv-kd11:1.4.51	Saṅgho paṇḍukalohitakānaṁ bhikkhūnaṁ tajjanīyakammaṁ karoti.
pli-tv-kd11:1.4.52	Yassāyasmato khamati paṇḍukalohitakānaṁ bhikkhūnaṁ tajjanīyassa kammassa karaṇaṁ, so tuṇhassa;
pli-tv-kd11:1.4.53	yassa nakkhamati, so bhāseyya.
pli-tv-kd11:1.4.54	Kataṁ saṅghena paṇḍukalohitakānaṁ bhikkhūnaṁ tajjanīyakammaṁ.
pli-tv-kd11:1.4.55	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:2.1.0	1.1. Adhammakammadvādasaka
pli-tv-kd11:2.1.1	“Tīhi, bhikkhave, aṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.2	Asammukhā kataṁ hoti, appaṭipucchā kataṁ hoti, appaṭiññāya kataṁ hoti—
pli-tv-kd11:2.1.3	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.4	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.5	Anāpattiyā kataṁ hoti, adesanāgāminiyā āpattiyā kataṁ hoti, desitāya āpattiyā kataṁ hoti—
pli-tv-kd11:2.1.6	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.7	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.8	Acodetvā kataṁ hoti, asāretvā kataṁ hoti, āpattiṁ anāropetvā kataṁ hoti—
pli-tv-kd11:2.1.9	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.10	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.11	Asammukhā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.12	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.13	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.14	Appaṭipucchā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.15	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.16	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.17	Appaṭiññāya kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.18	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.19	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.20	Anāpattiyā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.21	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.22	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.23	Adesanāgāminiyā āpattiyā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.24	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.25	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.26	Desitāya āpattiyā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.27	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.28	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.29	Acodetvā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.30	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.31	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.32	Asāretvā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.33	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.34	Aparehipi, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.35	Āpattiṁ anāropetvā kataṁ hoti, adhammena kataṁ hoti, vaggena kataṁ hoti—
pli-tv-kd11:2.1.36	imehi kho, bhikkhave, tīhaṅgehi samannāgataṁ tajjanīyakammaṁ adhammakammañca hoti, avinayakammañca, duvūpasantañca.
pli-tv-kd11:2.1.37	Adhammakammadvādasakaṁ niṭṭhitaṁ.
pli-tv-kd11:3.1.0	1.2. Dhammakammadvādasaka
pli-tv-kd11:3.1.1	Tīhi, bhikkhave, aṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.2	Sammukhā kataṁ hoti, paṭipucchā kataṁ hoti, paṭiññāya kataṁ hoti—
pli-tv-kd11:3.1.3	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.4	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.5	Āpattiyā kataṁ hoti, desanāgāminiyā āpattiyā kataṁ hoti, adesitāya āpattiyā kataṁ hoti—
pli-tv-kd11:3.1.6	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.7	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.8	Codetvā kataṁ hoti, sāretvā kataṁ hoti, āpattiṁ āropetvā kataṁ hoti—
pli-tv-kd11:3.1.9	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.10	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.11	Sammukhā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.12	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.13	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.14	Paṭipucchā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.15	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.16	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.17	Paṭiññāya kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.18	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.19	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.20	Āpattiyā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.21	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.22	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.23	Desanāgāminiyā āpattiyā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.24	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.25	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.26	Adesitāya āpattiyā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.27	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.28	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.29	Codetvā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.30	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.31	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.32	Sāretvā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.33	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.34	Aparehipi, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.35	Āpattiṁ āropetvā kataṁ hoti, dhammena kataṁ hoti, samaggena kataṁ hoti—
pli-tv-kd11:3.1.36	imehi kho, bhikkhave, tīhaṅgehi samannāgataṁ tajjanīyakammaṁ dhammakammañca hoti, vinayakammañca, suvūpasantañca.
pli-tv-kd11:3.1.37	Dhammakammadvādasakaṁ niṭṭhitaṁ.
pli-tv-kd11:4.1.0	1.3. Ākaṅkhamānachakka
pli-tv-kd11:4.1.1	Tīhi, bhikkhave, aṅgehi samannāgatassa bhikkhuno, ākaṅkhamāno saṅgho, tajjanīyakammaṁ kareyya.
pli-tv-kd11:4.1.2	Bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:4.1.3	bālo hoti abyatto āpattibahulo anapadāno;
pli-tv-kd11:4.1.4	gihisaṁsaṭṭho viharati ananulomikehi gihisaṁsaggehi—
pli-tv-kd11:4.1.5	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, tajjanīyakammaṁ kareyya.
pli-tv-kd11:4.1.6	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, tajjanīyakammaṁ kareyya.
pli-tv-kd11:4.1.7	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti—
pli-tv-kd11:4.1.8	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, tajjanīyakammaṁ kareyya.
pli-tv-kd11:4.1.9	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, tajjanīyakammaṁ kareyya.
pli-tv-kd11:4.1.10	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati—
pli-tv-kd11:4.1.11	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, tajjanīyakammaṁ kareyya.
pli-tv-kd11:4.2.1	Tiṇṇaṁ, bhikkhave, bhikkhūnaṁ, ākaṅkhamāno saṅgho, tajjanīyakammaṁ kareyya.
pli-tv-kd11:4.2.2	Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:4.2.3	eko bālo hoti abyatto āpattibahulo anapadāno;
pli-tv-kd11:4.2.4	eko gihisaṁsaṭṭho viharati ananulomikehi gihisaṁsaggehi—
pli-tv-kd11:4.2.5	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, tajjanīyakammaṁ kareyya.
pli-tv-kd11:4.2.6	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, tajjanīyakammaṁ kareyya.
pli-tv-kd11:4.2.7	Eko adhisīle sīlavipanno hoti, eko ajjhācāre ācāravipanno hoti, eko atidiṭṭhiyā diṭṭhivipanno hoti—
pli-tv-kd11:4.2.8	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, tajjanīyakammaṁ kareyya.
pli-tv-kd11:4.2.9	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, tajjanīyakammaṁ kareyya.
pli-tv-kd11:4.2.10	Eko buddhassa avaṇṇaṁ bhāsati, eko dhammassa avaṇṇaṁ bhāsati, eko saṅghassa avaṇṇaṁ bhāsati—
pli-tv-kd11:4.2.11	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, tajjanīyakammaṁ kareyya.
pli-tv-kd11:4.2.12	Ākaṅkhamānachakkaṁ niṭṭhitaṁ.
pli-tv-kd11:5.1.0	1.4. Aṭṭhārasavatta
pli-tv-kd11:5.1.1	Tajjanīyakammakatena, bhikkhave, bhikkhunā sammā vattitabbaṁ.
pli-tv-kd11:5.1.2	Tatrāyaṁ sammāvattanā—
pli-tv-kd11:5.1.3	na upasampādetabbaṁ,
pli-tv-kd11:5.1.4	na nissayo dātabbo,
pli-tv-kd11:5.1.5	na sāmaṇero upaṭṭhāpetabbo,
pli-tv-kd11:5.1.6	na bhikkhunovādakasammuti sāditabbā,
pli-tv-kd11:5.1.7	sammatenapi bhikkhuniyo na ovaditabbā.
pli-tv-kd11:5.1.8	Yāya āpattiyā saṅghena tajjanīyakammaṁ kataṁ hoti sā āpatti na āpajjitabbā,
pli-tv-kd11:5.1.9	aññā vā tādisikā,
pli-tv-kd11:5.1.10	tato vā pāpiṭṭhatarā;
pli-tv-kd11:5.1.11	kammaṁ na garahitabbaṁ,
pli-tv-kd11:5.1.12	kammikā na garahitabbā.
pli-tv-kd11:5.1.13	Na pakatattassa bhikkhuno uposatho ṭhapetabbo,
pli-tv-kd11:5.1.14	na pavāraṇā ṭhapetabbā,
pli-tv-kd11:5.1.15	na savacanīyaṁ kātabbaṁ,
pli-tv-kd11:5.1.16	na anuvādo paṭṭhapetabbo,
pli-tv-kd11:5.1.17	na okāso kāretabbo,
pli-tv-kd11:5.1.18	na codetabbo,
pli-tv-kd11:5.1.19	na sāretabbo,
pli-tv-kd11:5.1.20	na bhikkhūhi sampayojetabban”ti.
pli-tv-kd11:5.1.21	Tajjanīyakamme aṭṭhārasavattaṁ niṭṭhitaṁ.
pli-tv-kd11:6.1.0	1.5. Nappaṭippassambhetabbaaṭṭhārasaka
pli-tv-kd11:6.1.1	Atha kho saṅgho paṇḍukalohitakānaṁ bhikkhūnaṁ tajjanīyakammaṁ akāsi.
pli-tv-kd11:6.1.2	Te saṅghena tajjanīyakammakatā sammā vattanti, lomaṁ pātenti, netthāraṁ vattanti, bhikkhū upasaṅkamitvā evaṁ vadanti—
pli-tv-kd11:6.1.3	“mayaṁ, āvuso, saṅghena tajjanīyakammakatā sammā vattāma, lomaṁ pātema, netthāraṁ vattāma, kathaṁ nu kho amhehi paṭipajjitabban”ti?
pli-tv-kd11:6.1.4	Bhikkhū bhagavato etamatthaṁ ārocesuṁ …
pli-tv-kd11:6.1.5	pe….
pli-tv-kd11:6.1.6	“Tena hi, bhikkhave, saṅgho paṇḍukalohitakānaṁ bhikkhūnaṁ tajjanīyakammaṁ paṭippassambhetu.
pli-tv-kd11:6.2.1	Pañcahi, bhikkhave, aṅgehi samannāgatassa bhikkhuno tajjanīyakammaṁ nappaṭippassambhetabbaṁ.
pli-tv-kd11:6.2.2	Upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-kd11:6.2.3	imehi kho, bhikkhave, pañcahaṅgehi samannāgatassa bhikkhuno tajjanīyakammaṁ nappaṭippassambhetabbaṁ.
pli-tv-kd11:6.2.4	Aparehipi, bhikkhave, pañcahaṅgehi samannāgatassa bhikkhuno tajjanīyakammaṁ nappaṭippassambhetabbaṁ.
pli-tv-kd11:6.2.5	Yāya āpattiyā saṅghena tajjanīyakammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:6.2.6	kammaṁ garahati, kammike garahati—
pli-tv-kd11:6.2.7	imehi kho, bhikkhave, pañcahaṅgehi samannāgatassa bhikkhuno tajjanīyakammaṁ nappaṭippassambhetabbaṁ.
pli-tv-kd11:6.2.8	Aṭṭhahi, bhikkhave, aṅgehi samannāgatassa bhikkhuno tajjanīyakammaṁ nappaṭippassambhetabbaṁ.
pli-tv-kd11:6.2.9	Pakatattassa bhikkhuno uposathaṁ ṭhapeti, pavāraṇaṁ ṭhapeti, savacanīyaṁ karoti, anuvādaṁ paṭṭhapeti, okāsaṁ kāreti, codeti, sāreti, bhikkhūhi sampayojeti—
pli-tv-kd11:6.2.10	imehi kho, bhikkhave, aṭṭhahaṅgehi samannāgatassa bhikkhuno tajjanīyakammaṁ nappaṭippassambhetabbaṁ.
pli-tv-kd11:6.2.11	Nappaṭippassambhetabbaaṭṭhārasakaṁ niṭṭhitaṁ.
pli-tv-kd11:7.1.0	1.6. Paṭippassambhetabbaaṭṭhārasaka
pli-tv-kd11:7.1.1	Pañcahi, bhikkhave, aṅgehi samannāgatassa bhikkhuno tajjanīyakammaṁ paṭippassambhetabbaṁ.
pli-tv-kd11:7.1.2	Na upasampādeti, na nissayaṁ deti, na sāmaṇeraṁ upaṭṭhāpeti, na bhikkhunovādakasammutiṁ sādiyati, sammatopi bhikkhuniyo na ovadati—
pli-tv-kd11:7.1.3	imehi kho, bhikkhave, pañcahaṅgehi samannāgatassa bhikkhuno tajjanīyakammaṁ paṭippassambhetabbaṁ.
pli-tv-kd11:7.1.4	Aparehipi, bhikkhave, pañcahaṅgehi samannāgatassa bhikkhuno tajjanīyakammaṁ paṭippassambhetabbaṁ.
pli-tv-kd11:7.1.5	Yāya āpattiyā saṅghena tajjanīyakammaṁ kataṁ hoti taṁ āpattiṁ na āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:7.1.6	kammaṁ na garahati, kammike na garahati—
pli-tv-kd11:7.1.7	imehi kho, bhikkhave, pañcahaṅgehi samannāgatassa bhikkhuno tajjanīyakammaṁ paṭippassambhetabbaṁ.
pli-tv-kd11:7.1.8	Aṭṭhahi, bhikkhave, aṅgehi samannāgatassa bhikkhuno tajjanīyakammaṁ paṭippassambhetabbaṁ.
pli-tv-kd11:7.1.9	Na pakatattassa bhikkhuno uposathaṁ ṭhapeti, na pavāraṇaṁ ṭhapeti, na savacanīyaṁ karoti, na anuvādaṁ paṭṭhapeti, na okāsaṁ kāreti, na codeti, na sāreti, na bhikkhūhi sampayojeti—
pli-tv-kd11:7.1.10	imehi kho, bhikkhave, aṭṭhahaṅgehi samannāgatassa bhikkhuno, tajjanīyakammaṁ paṭippassambhetabbaṁ.
pli-tv-kd11:7.1.11	Paṭippassambhetabbaaṭṭhārasakaṁ niṭṭhitaṁ.
pli-tv-kd11:8.1.1	Evañca pana, bhikkhave, paṭippassambhetabbaṁ.
pli-tv-kd11:8.1.2	Tehi, bhikkhave, paṇḍukalohitakehi bhikkhūhi saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd11:8.1.3	‘mayaṁ, bhante, saṅghena tajjanīyakammakatā sammā vattāma, lomaṁ pātema, netthāraṁ vattāma, tajjanīyassa kammassa paṭippassaddhiṁ yācāmā’ti.
pli-tv-kd11:8.1.4	Dutiyampi yācitabbā.
pli-tv-kd11:8.1.5	Tatiyampi yācitabbā.
pli-tv-kd11:8.1.6	Byattena bhikkhunā paṭibalena saṅgho ñāpetabbo—
pli-tv-kd11:8.2.1	‘Suṇātu me, bhante, saṅgho.
pli-tv-kd11:8.2.2	Ime paṇḍukalohitakā bhikkhū saṅghena tajjanīyakammakatā sammā vattanti, lomaṁ pātenti, netthāraṁ vattanti, tajjanīyassa kammassa paṭippassaddhiṁ yācanti.
pli-tv-kd11:8.2.3	Yadi saṅghassa pattakallaṁ, saṅgho paṇḍukalohitakānaṁ bhikkhūnaṁ tajjanīyakammaṁ paṭippassambheyya.
pli-tv-kd11:8.2.4	Esā ñatti.
pli-tv-kd11:8.2.5	Suṇātu me, bhante, saṅgho.
pli-tv-kd11:8.2.6	Ime paṇḍukalohitakā bhikkhū saṅghena tajjanīyakammakatā sammā vattanti, lomaṁ pātenti, netthāraṁ vattanti, tajjanīyassa kammassa paṭippassaddhiṁ yācanti.
pli-tv-kd11:8.2.7	Saṅgho paṇḍukalohitakānaṁ bhikkhūnaṁ tajjanīyakammaṁ paṭippassambheti.
pli-tv-kd11:8.2.8	Yassāyasmato khamati paṇḍukalohitakānaṁ bhikkhūnaṁ tajjanīyassa kammassa paṭippassaddhi, so tuṇhassa;
pli-tv-kd11:8.2.9	yassa nakkhamati, so bhāseyya.
pli-tv-kd11:8.2.10	Dutiyampi etamatthaṁ vadāmi—
pli-tv-kd11:8.2.11	suṇātu me, bhante, saṅgho.
pli-tv-kd11:8.2.12	Ime paṇḍukalohitakā bhikkhū saṅghena tajjanīyakammakatā sammā vattanti, lomaṁ pātenti, netthāraṁ vattanti, tajjanīyassa kammassa paṭippassaddhiṁ yācanti.
pli-tv-kd11:8.2.13	Saṅgho paṇḍukalohitakānaṁ bhikkhūnaṁ tajjanīyakammaṁ paṭippassambheti.
pli-tv-kd11:8.2.14	Yassāyasmato khamati paṇḍukalohitakānaṁ bhikkhūnaṁ tajjanīyassa kammassa paṭippassaddhi, so tuṇhassa;
pli-tv-kd11:8.2.15	yassa nakkhamati, so bhāseyya.
pli-tv-kd11:8.2.16	Tatiyampi etamatthaṁ vadāmi—
pli-tv-kd11:8.2.17	suṇātu me, bhante, saṅgho.
pli-tv-kd11:8.2.18	Ime paṇḍukalohitakā bhikkhū saṅghena tajjanīyakammakatā sammā vattanti, lomaṁ pātenti, netthāraṁ vattanti, tajjanīyassa kammassa paṭippassaddhiṁ yācanti.
pli-tv-kd11:8.2.19	Saṅgho paṇḍukalohitakānaṁ bhikkhūnaṁ tajjanīyakammaṁ paṭippassambheti.
pli-tv-kd11:8.2.20	Yassāyasmato khamati paṇḍukalohitakānaṁ bhikkhūnaṁ tajjanīyassa kammassa paṭippassaddhi, so tuṇhassa;
pli-tv-kd11:8.2.21	yassa nakkhamati, so bhāseyya.
pli-tv-kd11:8.2.22	Paṭippassaddhaṁ saṅghena paṇḍukalohitakānaṁ bhikkhūnaṁ tajjanīyakammaṁ.
pli-tv-kd11:8.2.23	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:8.2.24	Tajjanīyakammaṁ niṭṭhitaṁ paṭhamaṁ.
pli-tv-kd11:9.1.0	2. Niyassakamma
pli-tv-kd11:9.1.1	Tena kho pana samayena āyasmā seyyasako bālo hoti abyatto āpattibahulo anapadāno;
pli-tv-kd11:9.1.2	gihisaṁsaṭṭho viharati ananulomikehi gihisaṁsaggehi;
pli-tv-kd11:9.1.3	apissu bhikkhū pakatā parivāsaṁ dentā mūlāya paṭikassantā mānattaṁ dentā abbhentā.
pli-tv-kd11:9.1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-kd11:9.1.5	“kathañhi nāma āyasmā seyyasako bālo bhavissati abyatto āpattibahulo anapadāno;
pli-tv-kd11:9.1.6	gihisaṁsaṭṭho viharissati ananulomikehi gihisaṁsaggehi;
pli-tv-kd11:9.1.7	apissu bhikkhū pakatā parivāsaṁ dentā mūlāya paṭikassantā mānattaṁ dentā abbhentā”ti.
pli-tv-kd11:9.1.8	Atha kho te bhikkhū bhagavato etamatthaṁ ārocesuṁ.
pli-tv-kd11:9.1.9	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd11:9.1.10	“saccaṁ kira, bhikkhave, seyyasako bhikkhu bālo abyatto āpattibahulo anapadāno;
pli-tv-kd11:9.1.11	gihisaṁsaṭṭho viharati ananulomikehi gihisaṁsaggehi;
pli-tv-kd11:9.1.12	apissu bhikkhū pakatā parivāsaṁ dentā mūlāya paṭikassantā mānattaṁ dentā abbhentā”ti?
pli-tv-kd11:9.1.13	“Saccaṁ, bhagavā”ti.
pli-tv-kd11:9.1.14	Vigarahi buddho bhagavā—
pli-tv-kd11:9.1.15	“ananucchavikaṁ, bhikkhave, tassa moghapurisassa ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd11:9.1.16	Kathañhi nāma so, bhikkhave, moghapuriso bālo bhavissati abyatto āpattibahulo anapadāno;
pli-tv-kd11:9.1.17	gihisaṁsaṭṭho viharissati ananulomikehi gihisaṁsaggehi;
pli-tv-kd11:9.1.18	apissu bhikkhū pakatā parivāsaṁ dentā mūlāya paṭikassantā mānattaṁ dentā abbhentā.
pli-tv-kd11:9.1.19	Netaṁ, bhikkhave, appasannānaṁ vā pasādāya …pe…
pli-tv-kd11:9.1.20	vigarahitvā …pe…
pli-tv-kd11:9.1.21	dhammiṁ kathaṁ katvā bhikkhū āmantesi—
pli-tv-kd11:9.1.22	“tena hi, bhikkhave, saṅgho seyyasakassa bhikkhuno niyassakammaṁ karotu—
pli-tv-kd11:9.1.23	nissāya te vatthabbanti.
pli-tv-kd11:9.2.1	Evañca pana, bhikkhave, kātabbaṁ.
pli-tv-kd11:9.2.2	Paṭhamaṁ seyyasako bhikkhu codetabbo, codetvā sāretabbo, sāretvā āpattiṁ āropetabbo, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd11:9.2.3	‘Suṇātu me, bhante, saṅgho.
pli-tv-kd11:9.2.4	Ayaṁ seyyasako bhikkhu bālo abyatto āpattibahulo anapadāno;
pli-tv-kd11:9.2.5	gihisaṁsaṭṭho viharati ananulomikehi gihisaṁsaggehi;
pli-tv-kd11:9.2.6	apissu bhikkhū pakatā parivāsaṁ dentā mūlāya paṭikassantā mānattaṁ dentā abbhentā.
pli-tv-kd11:9.2.7	Yadi saṅghassa pattakallaṁ, saṅgho seyyasakassa bhikkhuno niyassakammaṁ kareyya—
pli-tv-kd11:9.2.8	nissāya te vatthabbanti.
pli-tv-kd11:9.2.9	Esā ñatti.
pli-tv-kd11:9.2.10	Suṇātu me, bhante, saṅgho.
pli-tv-kd11:9.2.11	Ayaṁ seyyasako bhikkhu bālo abyatto āpattibahulo anapadāno;
pli-tv-kd11:9.2.12	gihisaṁsaṭṭho viharati ananulomikehi gihisaṁsaggehi;
pli-tv-kd11:9.2.13	apissu bhikkhū pakatā parivāsaṁ dentā mūlāya paṭikassantā mānattaṁ dentā abbhentā.
pli-tv-kd11:9.2.14	Saṅgho seyyasakassa bhikkhuno niyassakammaṁ karoti—
pli-tv-kd11:9.2.15	nissāya te vatthabbanti.
pli-tv-kd11:9.2.16	Yassāyasmato khamati seyyasakassa bhikkhuno niyassassa kammassa karaṇaṁ—
pli-tv-kd11:9.2.17	nissāya te vatthabbanti, so tuṇhassa;
pli-tv-kd11:9.2.18	yassa nakkhamati, so bhāseyya.
pli-tv-kd11:9.2.19	Dutiyampi etamatthaṁ vadāmi …pe…
pli-tv-kd11:9.2.20	tatiyampi etamatthaṁ vadāmi—
pli-tv-kd11:9.2.21	suṇātu me, bhante, saṅgho.
pli-tv-kd11:9.2.22	Ayaṁ seyyasako bhikkhu bālo abyatto āpattibahulo anapadāno;
pli-tv-kd11:9.2.23	gihisaṁsaṭṭho viharati ananulomikehi gihisaṁsaggehi;
pli-tv-kd11:9.2.24	apissu bhikkhū pakatā parivāsaṁ dentā mūlāya paṭikassantā mānattaṁ dentā abbhentā.
pli-tv-kd11:9.2.25	Saṅgho seyyasakassa bhikkhuno niyassakammaṁ karoti—
pli-tv-kd11:9.2.26	nissāya te vatthabbanti.
pli-tv-kd11:9.2.27	Yassāyasmato khamati seyyasakassa bhikkhuno niyassassa kammassa karaṇaṁ—
pli-tv-kd11:9.2.28	nissāya te vatthabbanti, so tuṇhassa;
pli-tv-kd11:9.2.29	yassa nakkhamati, so bhāseyya.
pli-tv-kd11:9.2.30	Kataṁ saṅghena seyyasakassa bhikkhuno niyassakammaṁ—
pli-tv-kd11:9.2.31	nissāya te vatthabbanti.
pli-tv-kd11:9.2.32	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:10.1.0	2.1. Adhammakammadvādasaka
pli-tv-kd11:10.1.1	“Tīhi, bhikkhave, aṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.2	Asammukhā kataṁ hoti, appaṭipucchā kataṁ hoti, appaṭiññāya kataṁ hoti—
pli-tv-kd11:10.1.3	imehi kho, bhikkhave, tīhaṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.4	Aparehipi, bhikkhave, tīhaṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.5	Anāpattiyā kataṁ hoti, adesanāgāminiyā āpattiyā kataṁ hoti, desitāya āpattiyā kataṁ hoti—
pli-tv-kd11:10.1.6	imehi kho, bhikkhave, tīhaṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.7	Aparehipi, bhikkhave, tīhaṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.8	Acodetvā kataṁ hoti, asāretvā kataṁ hoti, āpattiṁ anāropetvā kataṁ hoti—
pli-tv-kd11:10.1.9	imehi kho, bhikkhave, tīhaṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.10	Aparehipi, bhikkhave …pe…
pli-tv-kd11:10.1.11	asammukhā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.12	imehi kho, bhikkhave …pe….
pli-tv-kd11:10.1.13	Aparehipi, bhikkhave …pe…
pli-tv-kd11:10.1.14	appaṭipucchā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.15	imehi kho, bhikkhave …pe….
pli-tv-kd11:10.1.16	Aparehipi, bhikkhave …pe…
pli-tv-kd11:10.1.17	appaṭiññāya kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.18	imehi kho, bhikkhave …pe….
pli-tv-kd11:10.1.19	Aparehipi, bhikkhave …pe…
pli-tv-kd11:10.1.20	anāpattiyā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.21	imehi kho, bhikkhave …pe….
pli-tv-kd11:10.1.22	Aparehipi, bhikkhave …pe…
pli-tv-kd11:10.1.23	adesanāgāminiyā āpattiyā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.24	imehi kho, bhikkhave …pe….
pli-tv-kd11:10.1.25	Aparehipi, bhikkhave …pe…
pli-tv-kd11:10.1.26	desitāya āpattiyā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.27	imehi kho, bhikkhave …pe….
pli-tv-kd11:10.1.28	Aparehipi, bhikkhave …pe…
pli-tv-kd11:10.1.29	acodetvā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.30	imehi kho, bhikkhave …pe….
pli-tv-kd11:10.1.31	Aparehipi, bhikkhave …pe…
pli-tv-kd11:10.1.32	asāretvā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.33	imehi kho, bhikkhave …pe….
pli-tv-kd11:10.1.34	Aparehipi, bhikkhave, tīhaṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.35	Āpattiṁ anāropetvā kataṁ hoti, adhammena kataṁ hoti, vaggena kataṁ hoti—
pli-tv-kd11:10.1.36	imehi kho, bhikkhave, tīhaṅgehi samannāgataṁ niyassakammaṁ adhammakammañca hoti, avinayakammañca, duvūpasantañca.
pli-tv-kd11:10.1.37	Adhammakammadvādasakaṁ niṭṭhitaṁ.
pli-tv-kd11:10.1.38.0	2.2. Dhammakammadvādasaka
pli-tv-kd11:10.1.38.1	Tīhi, bhikkhave, aṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.39	Sammukhā kataṁ hoti, paṭipucchā kataṁ hoti, paṭiññāya kataṁ hoti—
pli-tv-kd11:10.1.40	imehi kho, bhikkhave, tīhaṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.41	Aparehipi, bhikkhave, tīhaṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.42	Āpattiyā kataṁ hoti, desanāgāminiyā āpattiyā kataṁ hoti, adesitāya āpattiyā kataṁ hoti—
pli-tv-kd11:10.1.43	imehi kho, bhikkhave, tīhaṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.44	Aparehipi, bhikkhave, tīhaṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.45	Codetvā kataṁ hoti, sāretvā kataṁ hoti, āpattiṁ āropetvā kataṁ hoti—
pli-tv-kd11:10.1.46	imehi kho, bhikkhave, tīhaṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.47	Aparehipi, bhikkhave …pe…
pli-tv-kd11:10.1.48	sammukhā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.49	imehi kho, bhikkhave …pe….
pli-tv-kd11:10.1.50	Aparehipi, bhikkhave …pe…
pli-tv-kd11:10.1.51	paṭipucchā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.52	imehi kho, bhikkhave …pe….
pli-tv-kd11:10.1.53	Aparehipi, bhikkhave …pe…
pli-tv-kd11:10.1.54	paṭiññāya kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.55	imehi kho, bhikkhave …pe….
pli-tv-kd11:10.1.56	Aparehipi, bhikkhave …pe…
pli-tv-kd11:10.1.57	āpattiyā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.58	imehi kho, bhikkhave …pe….
pli-tv-kd11:10.1.59	Aparehipi, bhikkhave …pe…
pli-tv-kd11:10.1.60	desanāgāminiyā āpattiyā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.61	imehi kho, bhikkhave …pe….
pli-tv-kd11:10.1.62	Aparehipi, bhikkhave …pe…
pli-tv-kd11:10.1.63	adesitāya āpattiyā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.64	imehi kho, bhikkhave …pe….
pli-tv-kd11:10.1.65	Aparehipi, bhikkhave …pe…
pli-tv-kd11:10.1.66	codetvā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.67	imehi kho, bhikkhave …pe….
pli-tv-kd11:10.1.68	Aparehipi, bhikkhave …pe…
pli-tv-kd11:10.1.69	sāretvā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.70	imehi kho, bhikkhave …pe….
pli-tv-kd11:10.1.71	Aparehipi, bhikkhave, tīhaṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.72	Āpattiṁ āropetvā kataṁ hoti, dhammena kataṁ hoti, samaggena kataṁ hoti—
pli-tv-kd11:10.1.73	imehi kho, bhikkhave, tīhaṅgehi samannāgataṁ niyassakammaṁ dhammakammañca hoti, vinayakammañca, suvūpasantañca.
pli-tv-kd11:10.1.74	Dhammakammadvādasakaṁ niṭṭhitaṁ.
pli-tv-kd11:10.1.75.0	2.3. Ākaṅkhamānachakka
pli-tv-kd11:10.1.75.1	Tīhi, bhikkhave, aṅgehi samannāgatassa bhikkhuno, ākaṅkhamāno saṅgho, niyassakammaṁ kareyya.
pli-tv-kd11:10.1.76	Bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:10.1.77	bālo hoti abyatto āpattibahulo anapadāno;
pli-tv-kd11:10.1.78	gihisaṁsaṭṭho viharati ananulomikehi gihisaṁsaggehi—
pli-tv-kd11:10.1.79	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, niyassakammaṁ kareyya.
pli-tv-kd11:10.1.80	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, niyassakammaṁ kareyya.
pli-tv-kd11:10.1.81	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti—
pli-tv-kd11:10.1.82	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, niyassakammaṁ kareyya.
pli-tv-kd11:10.1.83	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, niyassakammaṁ kareyya.
pli-tv-kd11:10.1.84	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati—
pli-tv-kd11:10.1.85	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, niyassakammaṁ kareyya.
pli-tv-kd11:10.1.86	Tiṇṇaṁ, bhikkhave, bhikkhūnaṁ, ākaṅkhamāno saṅgho, niyassakammaṁ kareyya.
pli-tv-kd11:10.1.87	Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:10.1.88	eko bālo hoti, abyatto āpattibahulo anapadāno;
pli-tv-kd11:10.1.89	eko gihisaṁsaṭṭho viharati ananulomikehi gihisaṁsaggehi—
pli-tv-kd11:10.1.90	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, niyassakammaṁ kareyya.
pli-tv-kd11:10.1.91	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, niyassakammaṁ kareyya.
pli-tv-kd11:10.1.92	Eko adhisīle sīlavipanno hoti, eko ajjhācāre ācāravipanno hoti, eko atidiṭṭhiyā diṭṭhivipanno hoti—
pli-tv-kd11:10.1.93	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, niyassakammaṁ kareyya.
pli-tv-kd11:10.1.94	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, niyassakammaṁ kareyya.
pli-tv-kd11:10.1.95	Eko buddhassa avaṇṇaṁ bhāsati, eko dhammassa avaṇṇaṁ bhāsati, eko saṅghassa avaṇṇaṁ bhāsati—
pli-tv-kd11:10.1.96	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, niyassakammaṁ kareyya.
pli-tv-kd11:10.1.97	Ākaṅkhamānachakkaṁ niṭṭhitaṁ.
pli-tv-kd11:10.1.98.0	2.4. Aṭṭhārasavatta
pli-tv-kd11:10.1.98.1	Niyassakammakatena, bhikkhave, bhikkhunā sammā vattitabbaṁ.
pli-tv-kd11:10.1.99	Tatrāyaṁ sammāvattanā—
pli-tv-kd11:10.1.100	na upasampādetabbaṁ,
pli-tv-kd11:10.1.101	na nissayo dātabbo,
pli-tv-kd11:10.1.102	na sāmaṇero upaṭṭhāpetabbo,
pli-tv-kd11:10.1.103	na bhikkhunovādakasammuti sāditabbā,
pli-tv-kd11:10.1.104	sammatenapi bhikkhuniyo na ovaditabbā.
pli-tv-kd11:10.1.105	Yāya āpattiyā saṅghena niyassakammaṁ kataṁ hoti sā āpatti na āpajjitabbā,
pli-tv-kd11:10.1.106	aññā vā tādisikā,
pli-tv-kd11:10.1.107	tato vā pāpiṭṭhatarā;
pli-tv-kd11:10.1.108	kammaṁ na garahitabbaṁ,
pli-tv-kd11:10.1.109	kammikā na garahitabbā.
pli-tv-kd11:10.1.110	Na pakatattassa bhikkhuno uposatho ṭhapetabbo,
pli-tv-kd11:10.1.111	na pavāraṇā ṭhapetabbā,
pli-tv-kd11:10.1.112	na savacanīyaṁ kātabbaṁ,
pli-tv-kd11:10.1.113	na anuvādo paṭṭhapetabbo,
pli-tv-kd11:10.1.114	na okāso kārāpetabbo,
pli-tv-kd11:10.1.115	na codetabbo,
pli-tv-kd11:10.1.116	na sāretabbo,
pli-tv-kd11:10.1.117	na bhikkhūhi sampayojetabban”ti.
pli-tv-kd11:10.1.118	Niyassakamme aṭṭhārasavattaṁ niṭṭhitaṁ.
pli-tv-kd11:11.1.1	Atha kho saṅgho seyyasakassa bhikkhuno niyassakammaṁ akāsi—
pli-tv-kd11:11.1.2	nissāya te vatthabbanti.
pli-tv-kd11:11.1.3	So saṅghena niyassakammakato kalyāṇamitte sevamāno bhajamāno payirupāsamāno uddisāpento paripucchanto bahussuto hoti, āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd11:11.1.4	Sammā vattati, lomaṁ pāteti, netthāraṁ vattati, bhikkhū upasaṅkamitvā evaṁ vadeti—
pli-tv-kd11:11.1.5	“ahaṁ, āvuso, saṅghena niyassakammakato sammā vattāmi, lomaṁ pātemi, netthāraṁ vattāmi.
pli-tv-kd11:11.1.6	Kathaṁ nu kho mayā paṭipajjitabban”ti?
pli-tv-kd11:11.1.7	Bhikkhū bhagavato etamatthaṁ ārocesuṁ …
pli-tv-kd11:11.1.8	pe….
pli-tv-kd11:11.1.9	“Tena hi, bhikkhave, saṅgho seyyasakassa bhikkhuno niyassakammaṁ paṭippassambhetu.
pli-tv-kd11:11.2.0	2.5. Nappaṭippassambhetabbaaṭṭhārasaka
pli-tv-kd11:11.2.1	Pañcahi, bhikkhave, aṅgehi samannāgatassa bhikkhuno niyassakammaṁ nappaṭippassambhetabbaṁ.
pli-tv-kd11:11.2.2	Upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-kd11:11.2.3	imehi kho, bhikkhave, pañcahaṅgehi samannāgatassa bhikkhuno niyassakammaṁ nappaṭippassambhetabbaṁ.
pli-tv-kd11:11.2.4	Aparehipi, bhikkhave, pañcahaṅgehi samannāgatassa bhikkhuno niyassakammaṁ nappaṭippassambhetabbaṁ.
pli-tv-kd11:11.2.5	Yāya āpattiyā saṅghena niyassakammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:11.2.6	kammaṁ garahati, kammike garahati—
pli-tv-kd11:11.2.7	imehi kho, bhikkhave, pañcahaṅgehi samannāgatassa bhikkhuno niyassakammaṁ nappaṭippassambhetabbaṁ.
pli-tv-kd11:11.2.8	Aṭṭhahi, bhikkhave, aṅgehi samannāgatassa bhikkhuno niyassakammaṁ nappaṭippassambhetabbaṁ.
pli-tv-kd11:11.2.9	Pakatattassa bhikkhuno uposathaṁ ṭhapeti, pavāraṇaṁ ṭhapeti, savacanīyaṁ karoti, anuvādaṁ paṭṭhapeti, okāsaṁ kāreti, codeti, sāreti, bhikkhūhi sampayojeti—
pli-tv-kd11:11.2.10	imehi kho, bhikkhave, aṭṭhahaṅgehi samannāgatassa bhikkhuno niyassakammaṁ nappaṭippassambhetabbaṁ.
pli-tv-kd11:11.2.11	Nappaṭippassambhetabbaaṭṭhārasakaṁ niṭṭhitaṁ.
pli-tv-kd11:11.2.12.0	2.6. Paṭippassambhetabbaaṭṭhārasaka
pli-tv-kd11:11.2.12.1	Pañcahi, bhikkhave, aṅgehi samannāgatassa bhikkhuno niyassakammaṁ paṭippassambhetabbaṁ.
pli-tv-kd11:11.2.13	Na upasampādeti, na nissayaṁ deti, na sāmaṇeraṁ upaṭṭhāpeti, na bhikkhunovādakasammutiṁ sādiyati, sammatopi bhikkhuniyo na ovadati—
pli-tv-kd11:11.2.14	imehi kho, bhikkhave, pañcahaṅgehi samannāgatassa bhikkhuno niyassakammaṁ paṭippassambhetabbaṁ.
pli-tv-kd11:11.2.15	Aparehipi, bhikkhave, pañcahaṅgehi samannāgatassa bhikkhuno niyassakammaṁ paṭippassambhetabbaṁ.
pli-tv-kd11:11.2.16	Yāya āpattiyā saṅghena niyassakammaṁ kataṁ hoti taṁ āpattiṁ na āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:11.2.17	kammaṁ na garahati, kammike na garahati—
pli-tv-kd11:11.2.18	imehi kho, bhikkhave, pañcahaṅgehi samannāgatassa bhikkhuno niyassakammaṁ paṭippassambhetabbaṁ.
pli-tv-kd11:11.2.19	Aṭṭhahi, bhikkhave, aṅgehi samannāgatassa bhikkhuno niyassakammaṁ paṭippassambhetabbaṁ.
pli-tv-kd11:11.2.20	Na pakatattassa bhikkhuno uposathaṁ ṭhapeti, na pavāraṇaṁ ṭhapeti, na savacanīyaṁ karoti, na anuvādaṁ paṭṭhapeti, na okāsaṁ kāreti, na codeti, na sāreti, na bhikkhūhi sampayojeti—
pli-tv-kd11:11.2.21	imehi kho, bhikkhave, aṭṭhahaṅgehi samannāgatassa bhikkhuno niyassakammaṁ paṭippassambhetabbaṁ.
pli-tv-kd11:11.2.22	Paṭippassambhetabbaaṭṭhārasakaṁ niṭṭhitaṁ.
pli-tv-kd11:12.1.1	Evañca pana, bhikkhave, paṭippassambhetabbaṁ.
pli-tv-kd11:12.1.2	Tena, bhikkhave, seyyasakena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd11:12.1.3	‘ahaṁ, bhante, saṅghena niyassakammakato sammā vattāmi, lomaṁ pātemi, netthāraṁ vattāmi, niyassassa kammassa paṭippassaddhiṁ yācāmī’ti.
pli-tv-kd11:12.1.4	Dutiyampi yācitabbā.
pli-tv-kd11:12.1.5	Tatiyampi yācitabbā.
pli-tv-kd11:12.2.1	Byattena bhikkhunā paṭibalena saṅgho ñāpetabbo—
pli-tv-kd11:12.2.2	‘Suṇātu me, bhante, saṅgho.
pli-tv-kd11:12.2.3	Ayaṁ seyyasako bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd11:12.2.4	Yadi saṅghassa pattakallaṁ, saṅgho seyyasakassa bhikkhuno niyassakammaṁ paṭippassambheyya.
pli-tv-kd11:12.2.5	Esā ñatti.
pli-tv-kd11:12.2.6	Suṇātu me, bhante, saṅgho.
pli-tv-kd11:12.2.7	Ayaṁ seyyasako bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd11:12.2.8	Saṅgho seyyasakassa bhikkhuno niyassakammaṁ paṭippassambheti.
pli-tv-kd11:12.2.9	Yassāyasmato khamati seyyasakassa bhikkhuno niyassassa kammassa paṭippassaddhi, so tuṇhassa;
pli-tv-kd11:12.2.10	yassa nakkhamati, so bhāseyya.
pli-tv-kd11:12.2.11	Dutiyampi etamatthaṁ vadāmi—
pli-tv-kd11:12.2.12	suṇātu me, bhante, saṅgho.
pli-tv-kd11:12.2.13	Ayaṁ seyyasako bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd11:12.2.14	Saṅgho seyyasakassa bhikkhuno niyassakammaṁ paṭippassambheti.
pli-tv-kd11:12.2.15	Yassāyasmato khamati seyyasakassa bhikkhuno niyassassa kammassa paṭippassaddhi, so tuṇhassa;
pli-tv-kd11:12.2.16	yassa nakkhamati, so bhāseyya.
pli-tv-kd11:12.2.17	Tatiyampi etamatthaṁ vadāmi—
pli-tv-kd11:12.2.18	suṇātu me, bhante, saṅgho.
pli-tv-kd11:12.2.19	Ayaṁ seyyasako bhikkhu saṅghena niyassakammakato sammā vattati, lomaṁ pāteti, netthāraṁ vattati, niyassassa kammassa paṭippassaddhiṁ yācati.
pli-tv-kd11:12.2.20	Saṅgho seyyasakassa bhikkhuno niyassakammaṁ paṭippassambheti.
pli-tv-kd11:12.2.21	Yassāyasmato khamati seyyasakassa bhikkhuno niyassassa kammassa paṭippassaddhi, so tuṇhassa;
pli-tv-kd11:12.2.22	yassa nakkhamati, so bhāseyya.
pli-tv-kd11:12.2.23	Paṭippassaddhaṁ saṅghena seyyasakassa bhikkhuno niyassakammaṁ.
pli-tv-kd11:12.2.24	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:12.2.25	Niyassakammaṁ niṭṭhitaṁ dutiyaṁ.
pli-tv-kd11:13.1.0	3. Pabbājanīyakamma
pli-tv-kd11:13.1.1	Tena kho pana samayena assajipunabbasukā nāma kīṭāgirismiṁ āvāsikā honti alajjino pāpabhikkhū.
pli-tv-kd11:13.1.2	Te evarūpaṁ anācāraṁ ācaranti—
pli-tv-kd11:13.1.3	mālāvacchaṁ ropentipi ropāpentipi, siñcantipi siñcāpentipi, ocinantipi ocināpentipi, ganthentipi ganthāpentipi, ekatovaṇṭikamālaṁ karontipi kārāpentipi, ubhatovaṇṭikamālaṁ karontipi kārāpentipi, mañjarikaṁ karontipi kārāpentipi, vidhūtikaṁ karontipi kārāpentipi, vaṭaṁsakaṁ karontipi kārāpentipi, āveḷaṁ karontipi kārāpentipi, uracchadaṁ karontipi kārāpentipi.
pli-tv-kd11:13.1.4	Te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harantipi harāpentipi, ubhatovaṇṭikamālaṁ harantipi harāpentipi, mañjarikaṁ harantipi harāpentipi, vidhūtikaṁ harantipi harāpentipi, vaṭaṁsakaṁ harantipi harāpentipi, āveḷaṁ harantipi harāpentipi, uracchadaṁ harantipi harāpentipi.
pli-tv-kd11:13.1.5	Te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjanti, ekathālakepi pivanti, ekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti, vikālepi bhuñjanti, majjampi pivanti, mālāgandhavilepanampi dhārenti, naccantipi, gāyantipi, vādentipi, lāsentipi;
pli-tv-kd11:13.1.6	naccantiyāpi naccanti, naccantiyāpi gāyanti, naccantiyāpi vādenti, naccantiyāpi lāsenti;
pli-tv-kd11:13.1.7	gāyantiyāpi naccanti, gāyantiyāpi gāyanti, gāyantiyāpi vādenti, gāyantiyāpi lāsenti;
pli-tv-kd11:13.1.8	vādentiyāpi naccanti, vādentiyāpi gāyanti, vādentiyāpi vādenti, vādentiyāpi lāsenti;
pli-tv-kd11:13.1.9	lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti;
pli-tv-kd11:13.2.1	aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi kīḷanti, salākahatthenapi kīḷanti, akkhenapi kīḷanti, paṅgacīrenapi kīḷanti, vaṅkakenapi kīḷanti, mokkhacikāyapi kīḷanti, ciṅgulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti;
pli-tv-kd11:13.2.2	hatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti, tharusmimpi sikkhanti;
pli-tv-kd11:13.2.3	hatthissapi purato dhāvanti, assassapi purato dhāvanti, rathassapi purato dhāvantipi ādhāvantipi;
pli-tv-kd11:13.2.4	usseḷentipi, apphoṭentipi, nibbujjhantipi, muṭṭhīhipi yujjhanti;
pli-tv-kd11:13.2.5	raṅgamajjhepi saṅghāṭiṁ pattharitvā naccakiṁ evaṁ vadanti—
pli-tv-kd11:13.2.6	“idha, bhagini, naccassū”ti;
pli-tv-kd11:13.2.7	nalāṭikampi denti;
pli-tv-kd11:13.2.8	vividhampi anācāraṁ ācaranti.
pli-tv-kd11:13.3.1	Tena kho pana samayena aññataro bhikkhu kāsīsu vassaṁvuṭṭho sāvatthiṁ gacchanto bhagavantaṁ dassanāya yena kīṭāgiri tadavasari.
pli-tv-kd11:13.3.2	Atha kho so bhikkhu pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisi pāsādikena abhikkantena paṭikkantena ālokitena vilokitena samiñjitena pasāritena, okkhittacakkhu iriyāpathasampanno.
pli-tv-kd11:13.3.3	Manussā taṁ bhikkhuṁ passitvā evamāhaṁsu—
pli-tv-kd11:13.3.4	“kvāyaṁ abalabalo viya mandamando viya bhākuṭikabhākuṭiko viya?
pli-tv-kd11:13.3.5	Ko imassa upagatassa piṇḍakampi dassati?
pli-tv-kd11:13.3.6	Amhākaṁ pana ayyā assajipunabbasukā saṇhā sakhilā sukhasambhāsā mihitapubbaṅgamā ehisvāgatavādino abbhākuṭikā uttānamukhā pubbabhāsino.
pli-tv-kd11:13.3.7	Tesaṁ kho nāma piṇḍo dātabbo”ti.
pli-tv-kd11:13.3.8	Addasā kho aññataro upāsako taṁ bhikkhuṁ kīṭāgirismiṁ piṇḍāya carantaṁ;
pli-tv-kd11:13.3.9	disvāna yena so bhikkhu tenupasaṅkami, upasaṅkamitvā taṁ bhikkhuṁ abhivādetvā etadavoca—
pli-tv-kd11:13.3.10	“api, bhante, piṇḍo labbhatī”ti?
pli-tv-kd11:13.3.11	“Na kho, āvuso, piṇḍo labbhatī”ti.
pli-tv-kd11:13.3.12	“Ehi, bhante, gharaṁ gamissāmā”ti.
pli-tv-kd11:13.4.1	Atha kho so upāsako taṁ bhikkhuṁ gharaṁ netvā bhojetvā etadavoca—
pli-tv-kd11:13.4.2	“kahaṁ, bhante, ayyo gamissatī”ti?
pli-tv-kd11:13.4.3	“Sāvatthiṁ kho ahaṁ, āvuso, gamissāmi bhagavantaṁ dassanāyā”ti.
pli-tv-kd11:13.4.4	“Tena hi, bhante, mama vacanena bhagavato pāde sirasā vanda, evañca vadehi—
pli-tv-kd11:13.4.5	‘duṭṭho, bhante, kīṭāgirismiṁ āvāso.
pli-tv-kd11:13.4.6	Assajipunabbasukā nāma kīṭāgirismiṁ āvāsikā alajjino pāpabhikkhū.
pli-tv-kd11:13.4.7	Te evarūpaṁ anācāraṁ ācaranti—
pli-tv-kd11:13.4.8	mālāvacchaṁ ropentipi ropāpentipi, siñcantipi siñcāpentipi, ocinantipi ocināpentipi, ganthentipi ganthāpentipi, ekatovaṇṭikamālaṁ karontipi kārāpentipi, ubhatovaṇṭikamālaṁ karontipi kārāpentipi, mañjarikaṁ karontipi kārāpentipi, vidhūtikaṁ karontipi kārāpentipi, vaṭaṁsakaṁ karontipi kārāpentipi, āveḷaṁ karontipi kārāpentipi, uracchadaṁ karontipi kārāpentipi.
pli-tv-kd11:13.4.9	Te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harantipi harāpentipi, ubhatovaṇṭikamālaṁ harantipi harāpentipi, mañjarikaṁ harantipi harāpentipi, vidhūtikaṁ harantipi harāpentipi, vaṭaṁsakaṁ harantipi harāpentipi, āveḷaṁ harantipi harāpentipi, uracchadaṁ harantipi harāpentipi.
pli-tv-kd11:13.4.10	Te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjanti, ekathālakepi pivanti, ekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti, vikālepi bhuñjanti, majjampi pivanti, mālāgandhavilepanampi dhārenti, naccantipi, gāyantipi, vādentipi, lāsentipi;
pli-tv-kd11:13.4.11	naccantiyāpi naccanti, naccantiyāpi gāyanti, naccantiyāpi vādenti, naccantiyāpi lāsenti …pe…
pli-tv-kd11:13.4.12	(cakkaṁ kātabbaṁ).
pli-tv-kd11:13.4.13	Lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti;
pli-tv-kd11:13.4.14	aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi kīḷanti, salākahatthenapi kīḷanti, akkhenapi kīḷanti, paṅgacīrenapi kīḷanti, vaṅkakenapi kīḷanti, mokkhacikāyapi kīḷanti, ciṅgulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti;
pli-tv-kd11:13.4.15	hatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti, tharusmimpi sikkhanti;
pli-tv-kd11:13.4.16	hatthissapi purato dhāvanti, assassapi purato dhāvanti, rathassapi purato dhāvantipi ādhāvantipi;
pli-tv-kd11:13.4.17	usseḷentipi, apphoṭentipi, nibbujjhantipi, muṭṭhīhipi yujjhanti;
pli-tv-kd11:13.4.18	raṅgamajjhepi saṅghāṭiṁ pattharitvā naccakiṁ evaṁ vadanti—
pli-tv-kd11:13.4.19	“idha, bhagini, naccassū”ti;
pli-tv-kd11:13.4.20	nalāṭikampi denti;
pli-tv-kd11:13.4.21	vividhampi anācāraṁ ācaranti.
pli-tv-kd11:13.4.22	Yepi te, bhante, manussā pubbe saddhā ahesuṁ pasannā tepi etarahi assaddhā appasannā.
pli-tv-kd11:13.4.23	Yānipi tāni saṅghassa pubbe dānapathāni tānipi etarahi upacchinnāni.
pli-tv-kd11:13.4.24	Riñcanti pesalā bhikkhū, nivasanti pāpabhikkhū.
pli-tv-kd11:13.4.25	Sādhu, bhante, bhagavā kīṭāgiriṁ bhikkhū pahiṇeyya, yathāyaṁ kīṭāgirismiṁ āvāso saṇṭhaheyyā’”ti.
pli-tv-kd11:13.5.1	“Evamāvuso”ti kho so bhikkhu tassa upāsakassa paṭissuṇitvā uṭṭhāyāsanā yena sāvatthi tena pakkāmi.
pli-tv-kd11:13.5.2	Anupubbena yena sāvatthi jetavanaṁ anāthapiṇḍikassa ārāmo yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd11:13.5.3	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-kd11:13.5.4	Atha kho bhagavā taṁ bhikkhuṁ etadavoca—
pli-tv-kd11:13.5.5	“kacci, bhikkhu, khamanīyaṁ, kacci yāpanīyaṁ,
pli-tv-kd11:13.5.6	kaccisi appakilamathena addhānaṁ āgato,
pli-tv-kd11:13.5.7	kuto ca tvaṁ bhikkhu āgacchasī”ti?
pli-tv-kd11:13.5.8	“Khamanīyaṁ, bhagavā, yāpanīyaṁ, bhagavā;
pli-tv-kd11:13.5.9	appakilamathena ca ahaṁ, bhante, addhānaṁ āgato.
pli-tv-kd11:13.5.10	Idhāhaṁ, bhante, kāsīsu vassaṁvuṭṭho sāvatthiṁ āgacchanto bhagavantaṁ dassanāya yena kīṭāgiri tadavasariṁ.
pli-tv-kd11:13.5.11	Atha khvāhaṁ, bhante, pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisiṁ.
pli-tv-kd11:13.5.12	Addasā kho maṁ, bhante, aññataro upāsako kīṭāgirismiṁ piṇḍāya carantaṁ;
pli-tv-kd11:13.5.13	disvāna yenāhaṁ tenupasaṅkami, upasaṅkamitvā maṁ abhivādetvā etadavoca—
pli-tv-kd11:13.5.14	‘api, bhante, piṇḍo labbhatī’ti.
pli-tv-kd11:13.5.15	‘Na kho, āvuso, piṇḍo labbhatī’ti.
pli-tv-kd11:13.5.16	‘Ehi, bhante, gharaṁ gamissāmā’ti.
pli-tv-kd11:13.5.17	Atha kho, bhante, so upāsako maṁ gharaṁ netvā bhojetvā etadavoca—
pli-tv-kd11:13.5.18	‘kahaṁ, bhante, ayyo gamissatī’ti?
pli-tv-kd11:13.5.19	‘Sāvatthiṁ kho ahaṁ, āvuso, gamissāmi bhagavantaṁ dassanāyā’ti.
pli-tv-kd11:13.5.20	‘Tena hi, bhante, mama vacanena bhagavato pāde sirasā vanda, evañca vadehi—
pli-tv-kd11:13.5.21	“duṭṭho, bhante, kīṭāgirismiṁ āvāso.
pli-tv-kd11:13.5.22	Assajipunabbasukā nāma kīṭāgirismiṁ āvāsikā alajjino pāpabhikkhū.
pli-tv-kd11:13.5.23	Te evarūpaṁ anācāraṁ ācaranti—
pli-tv-kd11:13.5.24	mālāvacchaṁ ropentipi ropāpentipi …pe…
pli-tv-kd11:13.5.25	vividhampi anācāraṁ ācaranti.
pli-tv-kd11:13.5.26	Yepi te, bhante, manussā pubbe saddhā ahesuṁ pasannā tepi etarahi assaddhā appasannā.
pli-tv-kd11:13.5.27	Yānipi tāni saṅghassa pubbe dānapathāni tānipi etarahi upacchinnāni.
pli-tv-kd11:13.5.28	Riñcanti pesalā bhikkhū, nivasanti pāpabhikkhū.
pli-tv-kd11:13.5.29	Sādhu, bhante, bhagavā kīṭāgiriṁ bhikkhū pahiṇeyya, yathāyaṁ kīṭāgirismiṁ āvāso saṇṭhaheyyā”’ti.
pli-tv-kd11:13.5.30	Tato ahaṁ, bhagavā, āgacchāmī”ti.
pli-tv-kd11:13.6.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd11:13.6.2	“saccaṁ kira, bhikkhave, assajipunabbasukā nāma kīṭāgirismiṁ āvāsikā alajjino pāpabhikkhū?
pli-tv-kd11:13.6.3	Te evarūpaṁ anācāraṁ ācaranti—
pli-tv-kd11:13.6.4	mālāvacchaṁ ropentipi …pe…
pli-tv-kd11:13.6.5	vividhampi anācāraṁ ācaranti?
pli-tv-kd11:13.6.6	Yepi te manussā pubbe saddhā ahesuṁ pasannā tepi etarahi assaddhā appasannā?
pli-tv-kd11:13.6.7	Yānipi tāni saṅghassa pubbe dānapathāni tānipi etarahi upacchinnāni?
pli-tv-kd11:13.6.8	Riñcanti pesalā bhikkhū, nivasanti pāpabhikkhū”ti?
pli-tv-kd11:13.6.9	“Saccaṁ, bhagavā”ti.
pli-tv-kd11:13.6.10	Vigarahi buddho bhagavā—
pli-tv-kd11:13.6.11	“ananucchavikaṁ …pe…
pli-tv-kd11:13.6.12	kathañhi nāma te, bhikkhave, moghapurisā evarūpaṁ anācāraṁ ācarissanti—
pli-tv-kd11:13.6.13	mālāvacchaṁ ropessantipi ropāpessantipi, siñcissantipi siñcāpessantipi, ocinissantipi ocināpessantipi, ganthessantipi ganthāpessantipi, ekatovaṇṭikamālaṁ karissantipi kārāpessantipi, ubhatovaṇṭikamālaṁ karissantipi kārāpessantipi, mañjarikaṁ karissantipi kārāpessantipi, vidhūtikaṁ karissantipi kārāpessantipi, vaṭaṁsakaṁ karissantipi kārāpessantipi, āveḷaṁ karissantipi kārāpessantipi, uracchadaṁ karissantipi kārāpessantipi.
pli-tv-kd11:13.6.14	Te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harissantipi harāpessantipi, ubhatovaṇṭikamālaṁ harissantipi harāpessantipi, mañjarikaṁ harissantipi harāpessantipi, vidhūtikaṁ harissantipi harāpessantipi, vaṭaṁsakaṁ harissantipi harāpessantipi, āveḷaṁ harissantipi harāpessantipi, uracchadaṁ harissantipi harāpessantipi.
pli-tv-kd11:13.6.15	Te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjissanti, ekathālakepi pivissanti, ekāsanepi nisīdissanti, ekamañcepi tuvaṭṭissanti, ekattharaṇāpi tuvaṭṭissanti, ekapāvuraṇāpi tuvaṭṭissanti, ekattharaṇapāvuraṇāpi tuvaṭṭissanti, vikālepi bhuñjissanti, majjampi pivissanti, mālāgandhavilepanampi dhāressanti, naccissantipi, gāyissantipi, vādessantipi, lāsessantipi;
pli-tv-kd11:13.6.16	naccantiyāpi naccissanti, naccantiyāpi gāyissanti, naccantiyāpi vādessanti, naccantiyāpi lāsessanti;
pli-tv-kd11:13.6.17	gāyantiyāpi naccissanti, gāyantiyāpi gāyissanti, gāyantiyāpi vādessanti, gāyantiyāpi lāsessanti;
pli-tv-kd11:13.6.18	vādentiyāpi naccissanti, vādentiyāpi gāyissanti, vādentiyāpi vādessanti, vādentiyāpi lāsessanti;
pli-tv-kd11:13.6.19	lāsentiyāpi naccissanti, lāsentiyāpi gāyissanti, lāsentiyāpi vādessanti, lāsentiyāpi lāsessanti;
pli-tv-kd11:13.6.20	aṭṭhapadepi kīḷissanti, dasapadepi kīḷissanti, ākāsepi kīḷissanti, parihārapathepi kīḷissanti, santikāyapi kīḷissanti, khalikāyapi kīḷissanti, ghaṭikāyapi kīḷissanti, salākahatthenapi kīḷissanti, akkhenapi kīḷissanti, paṅgacīrenapi kīḷissanti, vaṅkakenapi kīḷissanti mokkhacikāyapi kīḷissanti, ciṅgulakenapi kīḷissanti, pattāḷhakenapi kīḷissanti, rathakenapi kīḷissanti, dhanukenapi kīḷissanti, akkharikāyapi kīḷissanti, manesikāyapi kīḷissanti, yathāvajjenapi kīḷissanti;
pli-tv-kd11:13.6.21	hatthismimpi sikkhissanti, assasmimpi sikkhissanti, rathasmimpi sikkhissanti, dhanusmimpi sikkhissanti, tharusmimpi sikkhissanti;
pli-tv-kd11:13.6.22	hatthissapi purato dhāvissanti, assassapi purato dhāvissanti, rathassapi purato dhāvissantipi ādhāvissantipi;
pli-tv-kd11:13.6.23	usseḷessantipi, apphoṭessantipi, nibbujjhissantipi, muṭṭhīhipi yujjhissanti;
pli-tv-kd11:13.6.24	raṅgamajjhepi saṅghāṭiṁ pattharitvā naccakiṁ evaṁ vakkhanti—
pli-tv-kd11:13.6.25	‘idha, bhagini, naccassū’ti;
pli-tv-kd11:13.6.26	nalāṭikampi dassanti;
pli-tv-kd11:13.6.27	vividhampi anācāraṁ ācarissanti.
pli-tv-kd11:13.6.28	(…) Netaṁ, bhikkhave, appasannānaṁ vā pasādāya …pe…
pli-tv-kd11:13.6.29	vigarahitvā …pe…
pli-tv-kd11:13.6.30	dhammiṁ kathaṁ katvā sāriputtamoggallāne āmantesi—
pli-tv-kd11:13.6.31	“gacchatha tumhe, sāriputtā, kīṭāgiriṁ gantvā assajipunabbasukānaṁ bhikkhūnaṁ kīṭāgirismā pabbājanīyakammaṁ karotha, tumhākaṁ ete saddhivihārino”ti.
pli-tv-kd11:13.6.32	“Kathaṁ mayaṁ, bhante, assajipunabbasukānaṁ bhikkhūnaṁ kīṭāgirismā pabbājanīyakammaṁ karoma, caṇḍā te bhikkhū pharusā”ti?
pli-tv-kd11:13.6.33	“Tena hi tumhe, sāriputtā, bahukehi bhikkhūhi saddhiṁ gacchathā”ti.
pli-tv-kd11:13.6.34	“Evaṁ, bhante”ti kho sāriputtamoggallānā bhagavato paccassosuṁ.
pli-tv-kd11:13.7.1	“Evañca pana, bhikkhave, kātabbaṁ—
pli-tv-kd11:13.7.2	paṭhamaṁ assajipunabbasukā bhikkhū codetabbā, codetvā sāretabbā, sāretvā āpattiṁ āropetabbā, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd11:13.7.3	‘Suṇātu me, bhante, saṅgho.
pli-tv-kd11:13.7.4	Ime assajipunabbasukā bhikkhū kuladūsakā pāpasamācārā.
pli-tv-kd11:13.7.5	Imesaṁ pāpakā samācārā dissanti ceva suyyanti ca.
pli-tv-kd11:13.7.6	Kulāni ca imehi duṭṭhāni dissanti ceva suyyanti ca.
pli-tv-kd11:13.7.7	Yadi saṅghassa pattakallaṁ, saṅgho assajipunabbasukānaṁ bhikkhūnaṁ kīṭāgirismā pabbājanīyakammaṁ kareyya—
pli-tv-kd11:13.7.8	na assajipunabbasukehi bhikkhūhi kīṭāgirismiṁ vatthabbanti.
pli-tv-kd11:13.7.9	Esā ñatti.
pli-tv-kd11:13.7.10	Suṇātu me, bhante, saṅgho.
pli-tv-kd11:13.7.11	Ime assajipunabbasukā bhikkhū kuladūsakā pāpasamācārā.
pli-tv-kd11:13.7.12	Imesaṁ pāpakā samācārā dissanti ceva suyyanti ca.
pli-tv-kd11:13.7.13	Kulāni ca imehi duṭṭhāni dissanti ceva suyyanti ca.
pli-tv-kd11:13.7.14	Saṅgho assajipunabbasukānaṁ bhikkhūnaṁ kīṭāgirismā pabbājanīyakammaṁ karoti—
pli-tv-kd11:13.7.15	na assajipunabbasukehi bhikkhūhi kīṭāgirismiṁ vatthabbanti.
pli-tv-kd11:13.7.16	Yassāyasmato khamati assajipunabbasukānaṁ bhikkhūnaṁ kīṭāgirismā pabbājanīyassa kammassa karaṇaṁ—na assajipunabbasukehi bhikkhūhi kīṭāgirismiṁ vatthabbanti, so tuṇhassa;
pli-tv-kd11:13.7.17	yassa nakkhamati, so bhāseyya.
pli-tv-kd11:13.7.18	Dutiyampi etamatthaṁ vadāmi …pe…
pli-tv-kd11:13.7.19	tatiyampi etamatthaṁ vadāmi.
pli-tv-kd11:13.7.20	Suṇātu me, bhante, saṅgho.
pli-tv-kd11:13.7.21	Ime assajipunabbasukā bhikkhū kuladūsakā pāpasamācārā.
pli-tv-kd11:13.7.22	Imesaṁ pāpakā samācārā dissanti ceva suyyanti ca.
pli-tv-kd11:13.7.23	Kulāni ca imehi duṭṭhāni dissanti ceva suyyanti ca.
pli-tv-kd11:13.7.24	Saṅgho assajipunabbasukānaṁ bhikkhūnaṁ kīṭāgirismā pabbājanīyakammaṁ karoti—
pli-tv-kd11:13.7.25	na assajipunabbasukehi bhikkhūhi kīṭāgirismiṁ vatthabbanti.
pli-tv-kd11:13.7.26	Yassāyasmato khamati assajipunabbasukānaṁ bhikkhūnaṁ kīṭāgirismā pabbājanīyassa kammassa karaṇaṁ—na assajipunabbasukehi bhikkhūhi kīṭāgirismiṁ vatthabbanti, so tuṇhassa;
pli-tv-kd11:13.7.27	yassa nakkhamati, so bhāseyya.
pli-tv-kd11:13.7.28	Kataṁ saṅghena assajipunabbasukānaṁ bhikkhūnaṁ kīṭāgirismā pabbājanīyakammaṁ—
pli-tv-kd11:13.7.29	na assajipunabbasukehi bhikkhūhi kīṭāgirismiṁ vatthabbanti.
pli-tv-kd11:13.7.30	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:14.1.0	3.1. Adhammakammadvādasaka
pli-tv-kd11:14.1.1	“Tīhi, bhikkhave, aṅgehi samannāgataṁ pabbājanīyakammaṁ adhammakammañca hoti, avinayakammañca, duvūpasantañca.
pli-tv-kd11:14.1.2	Asammukhā kataṁ hoti, appaṭipucchā kataṁ hoti, appaṭiññāya kataṁ hoti—
pli-tv-kd11:14.1.3	imehi kho, bhikkhave, tīhaṅgehi samannāgataṁ pabbājanīyakammaṁ adhammakammañca hoti, avinayakammañca, duvūpasantañca.
pli-tv-kd11:14.1.4	Aparehipi, bhikkhave, tīhaṅgehi samannāgataṁ pabbājanīyakammaṁ adhammakammañca hoti, avinayakammañca, duvūpasantañca.
pli-tv-kd11:14.1.5	Anāpattiyā kataṁ hoti, adesanāgāminiyā āpattiyā kataṁ hoti, desitāya āpattiyā kataṁ hoti …pe…
pli-tv-kd11:14.1.6	acodetvā kataṁ hoti, asāretvā kataṁ hoti, āpattiṁ anāropetvā kataṁ hoti …pe…
pli-tv-kd11:14.1.7	asammukhā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.8	appaṭipucchā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.9	appaṭiññāya kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.10	anāpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.11	adesanāgāminiyā āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.12	desitāya āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.13	acodetvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.14	asāretvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:14.1.15	āpattiṁ anāropetvā kataṁ hoti, adhammena kataṁ hoti, vaggena kataṁ hoti—
pli-tv-kd11:14.1.16	imehi kho, bhikkhave, tīhaṅgehi samannāgataṁ pabbājanīyakammaṁ adhammakammañca hoti, avinayakammañca, duvūpasantañca.
pli-tv-kd11:14.1.17	Adhammakammadvādasakaṁ niṭṭhitaṁ.
pli-tv-kd11:14.1.18.0	3.2. Dhammakammadvādasaka
pli-tv-kd11:14.1.18.1	Tīhi, bhikkhave, aṅgehi samannāgataṁ pabbājanīyakammaṁ dhammakammañca hoti, vinayakammañca, suvūpasantañca.
pli-tv-kd11:14.1.19	Sammukhā kataṁ hoti, paṭipucchā kataṁ hoti, paṭiññāya kataṁ hoti—
pli-tv-kd11:14.1.20	imehi kho, bhikkhave, tīhaṅgehi samannāgataṁ pabbājanīyakammaṁ dhammakammañca hoti, vinayakammañca, suvūpasantañca.
pli-tv-kd11:14.1.21	Aparehipi, bhikkhave, tīhaṅgehi samannāgataṁ pabbājanīyakammaṁ dhammakammañca hoti, vinayakammañca, suvūpasantañca.
pli-tv-kd11:14.1.22	Āpattiyā kataṁ hoti desanāgāminiyā āpattiyā kataṁ hoti adesitāya āpattiyā kataṁ hoti …pe…
pli-tv-kd11:14.1.23	codetvā kataṁ hoti, sāretvā kataṁ hoti, āpattiṁ āropetvā kataṁ hoti …pe…
pli-tv-kd11:14.1.24	sammukhā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.25	paṭipucchā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.26	paṭiññāya kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.27	āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.28	desanāgāminiyā āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.29	adesitāya āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.30	codetvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.31	sāretvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:14.1.32	āpattiṁ āropetvā kataṁ hoti, dhammena kataṁ hoti, samaggena kataṁ hoti—
pli-tv-kd11:14.1.33	imehi kho, bhikkhave, tīhaṅgehi samannāgataṁ pabbājanīyakammaṁ dhammakammañca hoti, vinayakammañca, suvūpasantañca.
pli-tv-kd11:14.1.34	Dhammakammadvādasakaṁ niṭṭhitaṁ.
pli-tv-kd11:14.1.35.0	3.3. Ākaṅkhamānacuddasaka
pli-tv-kd11:14.1.35.1	Tīhi, bhikkhave, aṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.36	Bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:14.1.37	bālo hoti abyatto āpattibahulo anapadāno;
pli-tv-kd11:14.1.38	gihisaṁsaṭṭho viharati ananulomikehi gihisaṁsaggehi—
pli-tv-kd11:14.1.39	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.40	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.41	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti—
pli-tv-kd11:14.1.42	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.43	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.44	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati—
pli-tv-kd11:14.1.45	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.46	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.47	Kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti—
pli-tv-kd11:14.1.48	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.49	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.50	Kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti—
pli-tv-kd11:14.1.51	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.52	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.53	Kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti—
pli-tv-kd11:14.1.54	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.55	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.1.56	Kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti—
pli-tv-kd11:14.1.57	imehi, kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.1	Tiṇṇaṁ, bhikkhave, bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.2	Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:14.2.3	eko bālo hoti abyatto āpattibahulo anapadāno;
pli-tv-kd11:14.2.4	eko gihisaṁsaṭṭho viharati ananulomikehi gihisaṁsaggehi—
pli-tv-kd11:14.2.5	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.6	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.7	Eko adhisīle sīlavipanno hoti, eko ajjhācāre ācāravipanno hoti, eko atidiṭṭhiyā diṭṭhivipanno hoti—
pli-tv-kd11:14.2.8	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.9	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.10	Eko buddhassa avaṇṇaṁ bhāsati, eko dhammassa avaṇṇaṁ bhāsati, eko saṅghassa avaṇṇaṁ bhāsati—
pli-tv-kd11:14.2.11	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.12	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.13	Eko kāyikena davena samannāgato hoti, eko vācasikena davena samannāgato hoti, eko kāyikavācasikena davena samannāgato hoti—
pli-tv-kd11:14.2.14	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.15	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.16	Eko kāyikena anācārena samannāgato hoti, eko vācasikena anācārena samannāgato hoti, eko kāyikavācasikena anācārena samannāgato hoti—
pli-tv-kd11:14.2.17	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.18	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.19	Eko kāyikena upaghātikena samannāgato hoti, eko vācasikena upaghātikena samannāgato hoti, eko kāyikavācasikena upaghātikena samannāgato hoti—
pli-tv-kd11:14.2.20	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.21	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.22	Eko kāyikena micchājīvena samannāgato hoti, eko vācasikena micchājīvena samannāgato hoti, eko kāyikavācasikena micchājīvena samannāgato hoti—
pli-tv-kd11:14.2.23	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pabbājanīyakammaṁ kareyya.
pli-tv-kd11:14.2.24	Ākaṅkhamānacuddasakaṁ niṭṭhitaṁ.
pli-tv-kd11:15.1.0	3.4. Aṭṭhārasavatta
pli-tv-kd11:15.1.1	Pabbājanīyakammakatena, bhikkhave, bhikkhunā sammā vattitabbaṁ.
pli-tv-kd11:15.1.2	Tatrāyaṁ sammāvattanā—
pli-tv-kd11:15.1.3	na upasampādetabbaṁ,
pli-tv-kd11:15.1.4	na nissayo dātabbo,
pli-tv-kd11:15.1.5	na sāmaṇero upaṭṭhāpetabbo,
pli-tv-kd11:15.1.6	na bhikkhunovādakasammuti sāditabbā,
pli-tv-kd11:15.1.7	sammatenapi bhikkhuniyo na ovaditabbā.
pli-tv-kd11:15.1.8	Yāya āpattiyā saṅghena pabbājanīyakammaṁ kataṁ hoti sā āpatti na āpajjitabbā,
pli-tv-kd11:15.1.9	aññā vā tādisikā,
pli-tv-kd11:15.1.10	tato vā pāpiṭṭhatarā;
pli-tv-kd11:15.1.11	kammaṁ na garahitabbaṁ,
pli-tv-kd11:15.1.12	kammikā na garahitabbā.
pli-tv-kd11:15.1.13	Na pakatattassa bhikkhuno uposatho ṭhapetabbo,
pli-tv-kd11:15.1.14	na pavāraṇā ṭhapetabbā,
pli-tv-kd11:15.1.15	na savacanīyaṁ kātabbaṁ,
pli-tv-kd11:15.1.16	na anuvādo paṭṭhapetabbo,
pli-tv-kd11:15.1.17	na okāso kāretabbo,
pli-tv-kd11:15.1.18	na codetabbo,
pli-tv-kd11:15.1.19	na sāretabbo,
pli-tv-kd11:15.1.20	na bhikkhūhi sampayojetabban”ti.
pli-tv-kd11:15.1.21	Pabbājanīyakamme aṭṭhārasavattaṁ niṭṭhitaṁ.
pli-tv-kd11:16.1.1	Atha kho sāriputtamoggallānappamukho bhikkhusaṅgho kīṭāgiriṁ gantvā assajipunabbasukānaṁ bhikkhūnaṁ kīṭāgirismā pabbājanīyakammaṁ akāsi—
pli-tv-kd11:16.1.2	na assajipunabbasukehi bhikkhūhi kīṭāgirismiṁ vatthabbanti.
pli-tv-kd11:16.1.3	Te saṅghena pabbājanīyakammakatā na sammā vattanti, na lomaṁ pātenti, na netthāraṁ vattanti;
pli-tv-kd11:16.1.4	na bhikkhū khamāpenti, akkosanti, paribhāsanti;
pli-tv-kd11:16.1.5	chandagāmitā dosagāmitā mohagāmitā bhayagāmitā pāpenti;
pli-tv-kd11:16.1.6	pakkamantipi, vibbhamantipi.
pli-tv-kd11:16.1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-kd11:16.1.8	“kathañhi nāma assajipunabbasukā bhikkhū saṅghena pabbājanīyakammakatā na sammā vattissanti, na lomaṁ pātessanti, na netthāraṁ vattissanti;
pli-tv-kd11:16.1.9	na bhikkhū khamāpessanti, akkosissanti, paribhāsissanti;
pli-tv-kd11:16.1.10	chandagāmitā dosagāmitā mohagāmitā bhayagāmitā pāpessanti;
pli-tv-kd11:16.1.11	pakkamissantipi, vibbhamissantipī”ti.
pli-tv-kd11:16.1.12	Atha kho te bhikkhū bhagavato etamatthaṁ ārocesuṁ.
pli-tv-kd11:16.1.13	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd11:16.1.14	“saccaṁ kira, bhikkhave, assajipunabbasukā bhikkhū saṅghena pabbājanīyakammakatā na sammā vattanti, na lomaṁ pātenti, na netthāraṁ vattanti;
pli-tv-kd11:16.1.15	na bhikkhū khamāpenti, akkosanti, paribhāsanti;
pli-tv-kd11:16.1.16	chandagāmitā dosagāmitā mohagāmitā bhayagāmitā pāpenti;
pli-tv-kd11:16.1.17	pakkamantipi, vibbhamantipī”ti?
pli-tv-kd11:16.1.18	“Saccaṁ, bhagavā”ti.
pli-tv-kd11:16.1.19	Vigarahi buddho bhagavā—
pli-tv-kd11:16.1.20	“ananucchavikaṁ …pe…
pli-tv-kd11:16.1.21	kathañhi nāma te, bhikkhave, moghapurisā saṅghena pabbājanīyakammakatā na sammā vattissanti, na lomaṁ pātessanti, na netthāraṁ vattissanti;
pli-tv-kd11:16.1.22	na bhikkhū khamāpessanti, akkosissanti, paribhāsissanti;
pli-tv-kd11:16.1.23	chandagāmitā dosagāmitā mohagāmitā bhayagāmitā pāpessanti;
pli-tv-kd11:16.1.24	pakkamissantipi, vibbhamissantipi.
pli-tv-kd11:16.1.25	Netaṁ, bhikkhave, appasannānaṁ vā pasādāya …pe…
pli-tv-kd11:16.1.26	vigarahitvā …pe…
pli-tv-kd11:16.1.27	dhammiṁ kathaṁ katvā bhikkhū āmantesi—
pli-tv-kd11:16.1.28	“tena hi, bhikkhave, saṅgho pabbājanīyakammaṁ paṭippassambhetu.
pli-tv-kd11:16.2.0	3.5. Nappaṭippassambhetabbaaṭṭhārasaka
pli-tv-kd11:16.2.1	Pañcahi, bhikkhave, aṅgehi samannāgatassa bhikkhuno pabbājanīyakammaṁ nappaṭippassambhetabbaṁ.
pli-tv-kd11:16.2.2	Upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-kd11:16.2.3	imehi kho, bhikkhave, pañcahaṅgehi samannāgatassa bhikkhuno pabbājanīyakammaṁ nappaṭippassambhetabbaṁ.
pli-tv-kd11:16.2.4	Aparehipi, bhikkhave, pañcahaṅgehi samannāgatassa bhikkhuno pabbājanīyakammaṁ nappaṭippassambhetabbaṁ.
pli-tv-kd11:16.2.5	Yāya āpattiyā saṅghena pabbājanīyakammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:16.2.6	kammaṁ garahati, kammike garahati—
pli-tv-kd11:16.2.7	imehi kho, bhikkhave, pañcahaṅgehi samannāgatassa bhikkhuno pabbājanīyakammaṁ nappaṭippassambhetabbaṁ.
pli-tv-kd11:16.2.8	Aṭṭhahi, bhikkhave, aṅgehi samannāgatassa bhikkhuno pabbājanīyakammaṁ nappaṭippassambhetabbaṁ.
pli-tv-kd11:16.2.9	Pakatattassa bhikkhuno uposathaṁ ṭhapeti, pavāraṇaṁ ṭhapeti, savacanīyaṁ karoti, anuvādaṁ paṭṭhapeti, okāsaṁ kāreti, codeti, sāreti, bhikkhūhi sampayojeti—
pli-tv-kd11:16.2.10	imehi kho, bhikkhave, aṭṭhahaṅgehi samannāgatassa bhikkhuno pabbājanīyakammaṁ nappaṭippassambhetabbaṁ.
pli-tv-kd11:16.2.11	Pabbājanīyakamme nappaṭippassambhetabbaaṭṭhārasakaṁ niṭṭhitaṁ.
pli-tv-kd11:16.2.12.0	3.6. Paṭippassambhetabbaaṭṭhārasaka
pli-tv-kd11:16.2.12.1	Pañcahi, bhikkhave, aṅgehi samannāgatassa bhikkhuno pabbājanīyakammaṁ paṭippassambhetabbaṁ.
pli-tv-kd11:16.2.13	Na upasampādeti, na nissayaṁ deti, na sāmaṇeraṁ upaṭṭhāpeti, na bhikkhunovādakasammutiṁ sādiyati, sammatopi bhikkhuniyo na ovadati—
pli-tv-kd11:16.2.14	imehi kho, bhikkhave, pañcahaṅgehi samannāgatassa bhikkhuno pabbājanīyakammaṁ paṭippassambhetabbaṁ.
pli-tv-kd11:16.2.15	Aparehipi, bhikkhave, pañcahaṅgehi samannāgatassa bhikkhuno pabbājanīyakammaṁ paṭippassambhetabbaṁ.
pli-tv-kd11:16.2.16	Yāya āpattiyā saṅghena pabbājanīyakammaṁ kataṁ hoti taṁ āpattiṁ na āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:16.2.17	kammaṁ na garahati, kammike na garahati—
pli-tv-kd11:16.2.18	imehi kho, bhikkhave, pañcahaṅgehi samannāgatassa bhikkhuno pabbājanīyakammaṁ paṭippassambhetabbaṁ.
pli-tv-kd11:16.2.19	Aṭṭhahi, bhikkhave, aṅgehi samannāgatassa bhikkhuno pabbājanīyakammaṁ paṭippassambhetabbaṁ.
pli-tv-kd11:16.2.20	Na pakatattassa bhikkhuno uposathaṁ ṭhapeti, na pavāraṇaṁ ṭhapeti, na savacanīyaṁ karoti, na anuvādaṁ paṭṭhapeti, na okāsaṁ kāreti, na codeti, na sāreti, na bhikkhūhi sampayojeti—
pli-tv-kd11:16.2.21	imehi kho, bhikkhave, aṭṭhahaṅgehi samannāgatassa bhikkhuno pabbājanīyakammaṁ paṭippassambhetabbaṁ.
pli-tv-kd11:16.2.22	Pabbājanīyakamme paṭippassambhetabbaaṭṭhārasakaṁ niṭṭhitaṁ.
pli-tv-kd11:17.1.1	Evañca pana, bhikkhave, paṭippassambhetabbaṁ.
pli-tv-kd11:17.1.2	Tena, bhikkhave, pabbājanīyakammakatena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd11:17.1.3	‘ahaṁ, bhante, saṅghena pabbājanīyakammakato sammā vattāmi, lomaṁ pātemi, netthāraṁ vattāmi, pabbājanīyassa kammassa paṭippassaddhiṁ yācāmī’ti.
pli-tv-kd11:17.1.4	Dutiyampi yācitabbā.
pli-tv-kd11:17.1.5	Tatiyampi yācitabbā.
pli-tv-kd11:17.1.6	Byattena bhikkhunā paṭibalena saṅgho ñāpetabbo—
pli-tv-kd11:17.2.1	‘Suṇātu me, bhante, saṅgho.
pli-tv-kd11:17.2.2	Ayaṁ itthannāmo bhikkhu saṅghena pabbājanīyakammakato sammā vattati, lomaṁ pāteti, netthāraṁ vattati, pabbājanīyassa kammassa paṭippassaddhiṁ yācati.
pli-tv-kd11:17.2.3	Yadi saṅghassa pattakallaṁ, saṅgho itthannāmassa bhikkhuno pabbājanīyakammaṁ paṭippassambheyya.
pli-tv-kd11:17.2.4	Esā ñatti.
pli-tv-kd11:17.2.5	Suṇātu me, bhante, saṅgho.
pli-tv-kd11:17.2.6	Ayaṁ itthannāmo bhikkhu saṅghena pabbājanīyakammakato sammā vattati, lomaṁ pāteti, netthāraṁ vattati, pabbājanīyassa kammassa paṭippassaddhiṁ yācati.
pli-tv-kd11:17.2.7	Saṅgho itthannāmassa bhikkhuno pabbājanīyakammaṁ paṭippassambheti.
pli-tv-kd11:17.2.8	Yassāyasmato khamati itthannāmassa bhikkhuno pabbājanīyassa kammassa paṭippassaddhi, so tuṇhassa;
pli-tv-kd11:17.2.9	yassa nakkhamati, so bhāseyya.
pli-tv-kd11:17.2.10	Dutiyampi etamatthaṁ vadāmi …pe…
pli-tv-kd11:17.2.11	tatiyampi etamatthaṁ vadāmi.
pli-tv-kd11:17.2.12	Suṇātu me, bhante, saṅgho.
pli-tv-kd11:17.2.13	Ayaṁ itthannāmo bhikkhu saṅghena pabbājanīyakammakato sammā vattati, lomaṁ pāteti, netthāraṁ vattati, pabbājanīyassa kammassa paṭippassaddhiṁ yācati.
pli-tv-kd11:17.2.14	Saṅgho itthannāmassa bhikkhuno pabbājanīyakammaṁ paṭippassambheti.
pli-tv-kd11:17.2.15	Yassāyasmato khamati itthannāmassa bhikkhuno pabbājanīyassa kammassa paṭippassaddhi, so tuṇhassa;
pli-tv-kd11:17.2.16	yassa nakkhamati, so bhāseyya.
pli-tv-kd11:17.2.17	Paṭippassaddhaṁ saṅghena itthannāmassa bhikkhuno pabbājanīyakammaṁ.
pli-tv-kd11:17.2.18	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:17.2.19	Pabbājanīyakammaṁ niṭṭhitaṁ tatiyaṁ.
pli-tv-kd11:18.1.0	4. Paṭisāraṇīyakamma
pli-tv-kd11:18.1.1	Tena kho pana samayena āyasmā sudhammo macchikāsaṇḍe cittassa gahapatino āvāsiko hoti, navakammiko dhuvabhattiko.
pli-tv-kd11:18.1.2	Yadā citto gahapati saṅghaṁ vā gaṇaṁ vā puggalaṁ vā nimantetukāmo hoti tadā na āyasmantaṁ sudhammaṁ anapaloketvā saṅghaṁ vā gaṇaṁ vā puggalaṁ vā nimanteti.
pli-tv-kd11:18.1.3	Tena kho pana samayena sambahulā therā bhikkhū, āyasmā ca sāriputto, āyasmā ca mahāmoggallāno, āyasmā ca mahākaccāno, āyasmā ca mahākoṭṭhiko, āyasmā ca mahākappino, āyasmā ca mahācundo, āyasmā ca anuruddho, āyasmā ca revato, āyasmā ca upāli, āyasmā ca ānando, āyasmā ca rāhulo, kāsīsu cārikaṁ caramānā yena macchikāsaṇḍo tadavasaruṁ.
pli-tv-kd11:18.1.4	Assosi kho citto gahapati therā kira bhikkhū macchikāsaṇḍaṁ anuppattāti.
pli-tv-kd11:18.1.5	Atha kho citto gahapati yena therā bhikkhū tenupasaṅkami, upasaṅkamitvā there bhikkhū abhivādetvā ekamantaṁ nisīdi.
pli-tv-kd11:18.1.6	Ekamantaṁ nisinnaṁ kho cittaṁ gahapatiṁ āyasmā sāriputto dhammiyā kathāya sandassesi samādapesi samuttejesi sampahaṁsesi.
pli-tv-kd11:18.1.7	Atha kho citto gahapati āyasmatā sāriputtena dhammiyā kathāya sandassito samādapito samuttejito sampahaṁsito there bhikkhū etadavoca—
pli-tv-kd11:18.1.8	“adhivāsentu me, bhante, therā svātanāya āgantukabhattan”ti.
pli-tv-kd11:18.1.9	Adhivāsesuṁ kho therā bhikkhū tuṇhībhāvena.
pli-tv-kd11:18.2.1	Atha kho citto gahapati therānaṁ bhikkhūnaṁ adhivāsanaṁ viditvā uṭṭhāyāsanā there bhikkhū abhivādetvā padakkhiṇaṁ katvā yenāyasmā sudhammo tenupasaṅkami, upasaṅkamitvā āyasmantaṁ sudhammaṁ abhivādetvā ekamantaṁ aṭṭhāsi.
pli-tv-kd11:18.2.2	Ekamantaṁ ṭhito kho citto gahapati āyasmantaṁ sudhammaṁ etadavoca—
pli-tv-kd11:18.2.3	“adhivāsetu me, bhante, ayyo sudhammo svātanāya bhattaṁ saddhiṁ therehī”ti.
pli-tv-kd11:18.2.4	Atha kho āyasmā sudhammo—
pli-tv-kd11:18.2.5	“pubbe khvāyaṁ citto gahapati yadā saṅghaṁ vā gaṇaṁ vā puggalaṁ vā nimantetukāmo na maṁ anapaloketvā saṅghaṁ vā gaṇaṁ vā puggalaṁ vā nimanteti;
pli-tv-kd11:18.2.6	sodāni maṁ anapaloketvā there bhikkhū nimantesi;
pli-tv-kd11:18.2.7	duṭṭhodānāyaṁ citto gahapati anapekkho virattarūpo mayī”ti cittaṁ gahapatiṁ etadavoca—
pli-tv-kd11:18.2.8	“alaṁ, gahapati, nādhivāsemī”ti.
pli-tv-kd11:18.2.9	Dutiyampi kho …pe…
pli-tv-kd11:18.2.10	tatiyampi kho citto gahapati āyasmantaṁ sudhammaṁ etadavoca—
pli-tv-kd11:18.2.11	“adhivāsetu me, bhante, ayyo sudhammo svātanāya bhattaṁ saddhiṁ therehī”ti.
pli-tv-kd11:18.2.12	“Alaṁ, gahapati, nādhivāsemī”ti.
pli-tv-kd11:18.2.13	Atha kho citto gahapati—
pli-tv-kd11:18.2.14	“kiṁ me karissati ayyo sudhammo adhivāsento vā anadhivāsento vā”ti āyasmantaṁ sudhammaṁ abhivādetvā padakkhiṇaṁ katvā pakkāmi.
pli-tv-kd11:18.3.1	Atha kho citto gahapati tassā rattiyā accayena therānaṁ bhikkhūnaṁ paṇītaṁ khādanīyaṁ bhojanīyaṁ paṭiyādāpesi.
pli-tv-kd11:18.3.2	Atha kho āyasmā sudhammo—
pli-tv-kd11:18.3.3	“yannūnāhaṁ cittassa gahapatino therānaṁ bhikkhūnaṁ paṭiyattaṁ passeyyan”ti pubbaṇhasamayaṁ nivāsetvā pattacīvaramādāya yena cittassa gahapatino nivesanaṁ tenupasaṅkami, upasaṅkamitvā paññatte āsane nisīdi.
pli-tv-kd11:18.3.4	Atha kho citto gahapati yenāyasmā sudhammo tenupasaṅkami, upasaṅkamitvā āyasmantaṁ sudhammaṁ abhivādetvā ekamantaṁ nisīdi.
pli-tv-kd11:18.3.5	Ekamantaṁ nisinnaṁ kho cittaṁ gahapatiṁ āyasmā sudhammo etadavoca—
pli-tv-kd11:18.3.6	“pahūtaṁ kho te idaṁ, gahapati, khādanīyaṁ bhojanīyaṁ paṭiyattaṁ;
pli-tv-kd11:18.3.7	ekā ca kho idha natthi yadidaṁ tilasaṅguḷikā”ti.
pli-tv-kd11:18.3.8	“Bahumhi vata, bhante, ratane buddhavacane vijjamāne ayyena sudhammena yadeva kiñci bhāsitaṁ yadidaṁ tilasaṅguḷikāti.
pli-tv-kd11:18.3.9	Bhūtapubbaṁ, bhante, dakkhiṇāpathakā vāṇijā puratthimaṁ janapadaṁ agamaṁsu vāṇijjāya.
pli-tv-kd11:18.3.10	Te tato kukkuṭiṁ ānesuṁ.
pli-tv-kd11:18.3.11	Atha kho sā, bhante, kukkuṭī kākena saddhiṁ saṁvāsaṁ kappesi.
pli-tv-kd11:18.3.12	Sā potakaṁ janesi.
pli-tv-kd11:18.3.13	Yadā kho so, bhante, kukkuṭapotako kākavassaṁ vassitukāmo hoti, kākakukkuṭīti vassati;
pli-tv-kd11:18.3.14	yadā kukkuṭivassaṁ vassitukāmo hoti, kukkuṭikākāti vassati.
pli-tv-kd11:18.3.15	Evameva kho, bhante, bahumhi ratane buddhavacane vijjamāne ayyena sudhammena yadeva kiñci bhāsitaṁ yadidaṁ tilasaṅguḷikā”ti.
pli-tv-kd11:18.4.1	“Akkosasi maṁ tvaṁ, gahapati, paribhāsasi maṁ tvaṁ, gahapati.
pli-tv-kd11:18.4.2	Eso te, gahapati, āvāso, pakkamissāmī”ti.
pli-tv-kd11:18.4.3	“Nāhaṁ, bhante, ayyaṁ sudhammaṁ akkosāmi, paribhāsāmi.
pli-tv-kd11:18.4.4	Vasatu, bhante, ayyo sudhammo macchikāsaṇḍe.
pli-tv-kd11:18.4.5	Ramaṇīyaṁ ambāṭakavanaṁ.
pli-tv-kd11:18.4.6	Ahaṁ ayyassa sudhammassa ussukkaṁ karissāmi, cīvarapiṇḍapātasenāsanagilānappaccayabhesajjaparikkhārānan”ti.
pli-tv-kd11:18.4.7	Dutiyampi kho …pe…
pli-tv-kd11:18.4.8	tatiyampi kho āyasmā sudhammo cittaṁ gahapatiṁ etadavoca—
pli-tv-kd11:18.4.9	“akkosasi maṁ tvaṁ, gahapati, paribhāsasi maṁ tvaṁ, gahapati.
pli-tv-kd11:18.4.10	Eso te, gahapati, āvāso, pakkamissāmī”ti.
pli-tv-kd11:18.4.11	“Kahaṁ, bhante, ayyo sudhammo gamissatī”ti?
pli-tv-kd11:18.4.12	“Sāvatthiṁ kho ahaṁ, gahapati, gamissāmi bhagavantaṁ dassanāyā”ti.
pli-tv-kd11:18.4.13	“Tena hi, bhante, yañca attanā bhaṇitaṁ, yañca mayā bhaṇitaṁ taṁ sabbaṁ bhagavato ārocehi.
pli-tv-kd11:18.4.14	Anacchariyaṁ kho panetaṁ, bhante, yaṁ ayyo sudhammo punadeva macchikāsaṇḍaṁ paccāgaccheyyā”ti.
pli-tv-kd11:18.5.1	Atha kho āyasmā sudhammo senāsanaṁ saṁsāmetvā pattacīvaramādāya yena sāvatthi tena pakkāmi.
pli-tv-kd11:18.5.2	Anupubbena yena sāvatthi jetavanaṁ anāthapiṇḍikassa ārāmo yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd11:18.5.3	Ekamantaṁ nisinno kho āyasmā sudhammo yañca attanā bhaṇitaṁ yañca cittena gahapatinā bhaṇitaṁ taṁ sabbaṁ bhagavato ārocesi.
pli-tv-kd11:18.5.4	Vigarahi buddho bhagavā—
pli-tv-kd11:18.5.5	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd11:18.5.6	Kathañhi nāma tvaṁ, moghapurisa, cittaṁ gahapatiṁ saddhaṁ pasannaṁ dāyakaṁ kārakaṁ saṅghupaṭṭhākaṁ hīnena khuṁsessasi, hīnena vambhessasi?
pli-tv-kd11:18.5.7	Netaṁ, moghapurisa, appasannānaṁ vā pasādāya …pe…
pli-tv-kd11:18.5.8	vigarahitvā …pe…
pli-tv-kd11:18.5.9	dhammiṁ kathaṁ katvā bhikkhū āmantesi—
pli-tv-kd11:18.5.10	“tena hi, bhikkhave, saṅgho sudhammassa bhikkhuno paṭisāraṇīyakammaṁ karotu—
pli-tv-kd11:18.5.11	citto te gahapati khamāpetabboti.
pli-tv-kd11:18.6.1	Evañca pana, bhikkhave, kātabbaṁ—
pli-tv-kd11:18.6.2	paṭhamaṁ sudhammo bhikkhu codetabbo, codetvā sāretabbo, sāretvā āpattiṁ āropetabbo, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd11:18.6.3	‘Suṇātu me, bhante, saṅgho.
pli-tv-kd11:18.6.4	Ayaṁ sudhammo bhikkhu cittaṁ gahapatiṁ saddhaṁ pasannaṁ dāyakaṁ kārakaṁ saṅghupaṭṭhākaṁ hīnena khuṁseti, hīnena vambheti.
pli-tv-kd11:18.6.5	Yadi saṅghassa pattakallaṁ, saṅgho sudhammassa bhikkhuno paṭisāraṇīyakammaṁ kareyya—
pli-tv-kd11:18.6.6	citto te gahapati khamāpetabboti.
pli-tv-kd11:18.6.7	Esā ñatti.
pli-tv-kd11:18.6.8	Suṇātu me, bhante, saṅgho.
pli-tv-kd11:18.6.9	Ayaṁ sudhammo bhikkhu cittaṁ gahapatiṁ saddhaṁ pasannaṁ dāyakaṁ kārakaṁ saṅghupaṭṭhākaṁ hīnena khuṁseti, hīnena vambheti.
pli-tv-kd11:18.6.10	Saṅgho sudhammassa bhikkhuno paṭisāraṇīyakammaṁ karoti—
pli-tv-kd11:18.6.11	citto te gahapati khamāpetabboti.
pli-tv-kd11:18.6.12	Yassāyasmato khamati sudhammassa bhikkhuno paṭisāraṇīyassa kammassa karaṇaṁ—citto te gahapati khamāpetabboti, so tuṇhassa;
pli-tv-kd11:18.6.13	yassa nakkhamati, so bhāseyya.
pli-tv-kd11:18.6.14	Dutiyampi etamatthaṁ vadāmi …pe…
pli-tv-kd11:18.6.15	tatiyampi etamatthaṁ vadāmi—
pli-tv-kd11:18.6.16	suṇātu me, bhante, saṅgho.
pli-tv-kd11:18.6.17	Ayaṁ sudhammo bhikkhu cittaṁ gahapatiṁ saddhaṁ pasannaṁ dāyakaṁ kārakaṁ saṅghupaṭṭhākaṁ hīnena khuṁseti, hīnena vambheti.
pli-tv-kd11:18.6.18	Saṅgho sudhammassa bhikkhuno paṭisāraṇīyakammaṁ karoti—
pli-tv-kd11:18.6.19	citto te gahapati khamāpetabboti.
pli-tv-kd11:18.6.20	Yassāyasmato khamati sudhammassa bhikkhuno paṭisāraṇīyassa kammassa karaṇaṁ—citto te gahapati khamāpetabboti, so tuṇhassa;
pli-tv-kd11:18.6.21	yassa nakkhamati, so bhāseyya.
pli-tv-kd11:18.6.22	Kataṁ saṅghena sudhammassa bhikkhuno paṭisāraṇīyakammaṁ—
pli-tv-kd11:18.6.23	citto te gahapati khamāpetabboti.
pli-tv-kd11:18.6.24	Khamati saṅghassa, tasmā tuṇhī, evametaṁ dhārayāmī’ti.
pli-tv-kd11:19.1.0	4.1. Adhammakammadvādasaka
pli-tv-kd11:19.1.1	Tīhi, bhikkhave, aṅgehi samannāgataṁ paṭisāraṇīyakammaṁ adhammakammañca hoti, avinayakammañca, duvūpasantañca.
pli-tv-kd11:19.1.2	Asammukhā kataṁ hoti, appaṭipucchā kataṁ hoti, appaṭiññāya kataṁ hoti—
pli-tv-kd11:19.1.3	imehi kho, bhikkhave, tīhaṅgehi samannāgataṁ paṭisāraṇīyakammaṁ adhammakammañca hoti, avinayakammañca, duvūpasantañca.
pli-tv-kd11:19.1.4	Aparehipi, bhikkhave, tīhaṅgehi samannāgataṁ paṭisāraṇīyakammaṁ adhammakammañca hoti, avinayakammañca, duvūpasantañca.
pli-tv-kd11:19.1.5	Anāpattiyā kataṁ hoti, adesanāgāminiyā āpattiyā kataṁ hoti, desitāya āpattiyā kataṁ hoti …pe…
pli-tv-kd11:19.1.6	acodetvā kataṁ hoti, asāretvā kataṁ hoti, āpattiṁ anāropetvā kataṁ hoti …pe…
pli-tv-kd11:19.1.7	asammukhā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.8	appaṭipucchā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.9	appaṭiññāya kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.10	anāpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.11	adesanāgāminiyā āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.12	desitāya āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.13	acodetvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.14	asāretvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:19.1.15	āpattiṁ anāropetvā kataṁ hoti, adhammena kataṁ hoti, vaggena kataṁ hoti—
pli-tv-kd11:19.1.16	imehi kho, bhikkhave, tīhaṅgehi samannāgataṁ paṭisāraṇīyakammaṁ adhammakammañca hoti, avinayakammañca, duvūpasantañca.
pli-tv-kd11:19.1.17	Paṭisāraṇīyakamme adhammakammadvādasakaṁ niṭṭhitaṁ.
pli-tv-kd11:19.1.18.0	4.2. Dhammakammadvādasaka
pli-tv-kd11:19.1.18.1	Tīhi, bhikkhave, aṅgehi samannāgataṁ paṭisāraṇīyakammaṁ dhammakammañca hoti, vinayakammañca, suvūpasantañca.
pli-tv-kd11:19.1.19	Sammukhā kataṁ hoti, paṭipucchā kataṁ hoti, paṭiññāya kataṁ hoti—
pli-tv-kd11:19.1.20	imehi kho, bhikkhave, tīhaṅgehi samannāgataṁ paṭisāraṇīyakammaṁ dhammakammañca hoti, vinayakammañca, suvūpasantañca.
pli-tv-kd11:19.1.21	Aparehipi, bhikkhave, tīhaṅgehi samannāgataṁ paṭisāraṇīyakammaṁ dhammakammañca hoti, vinayakammañca, suvūpasantañca.
pli-tv-kd11:19.1.22	Āpattiyā kataṁ hoti, desanāgāminiyā āpattiyā kataṁ hoti, adesitāya āpattiyā kataṁ hoti …pe…
pli-tv-kd11:19.1.23	codetvā kataṁ hoti, sāretvā kataṁ hoti, āpattiṁ āropetvā kataṁ hoti …pe…
pli-tv-kd11:19.1.24	sammukhā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.25	paṭipucchā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.26	paṭiññāya kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.27	āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.28	desanāgāminiyā āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.29	adesitāya āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.30	codetvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.31	sāretvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:19.1.32	āpattiṁ āropetvā kataṁ hoti, dhammena kataṁ hoti, samaggena kataṁ hoti—
pli-tv-kd11:19.1.33	imehi kho, bhikkhave, tīhaṅgehi samannāgataṁ paṭisāraṇīyakammaṁ dhammakammañca hoti, vinayakammañca, suvūpasantañca.
pli-tv-kd11:19.1.34	Paṭisāraṇīyakamme dhammakammadvādasakaṁ niṭṭhitaṁ.
pli-tv-kd11:20.1.0	4.3. Ākaṅkhamānacatukka
pli-tv-kd11:20.1.1	Pañcahi, bhikkhave, aṅgehi samannāgatassa bhikkhuno, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.2	Gihīnaṁ alābhāya parisakkati, gihīnaṁ anatthāya parisakkati, gihīnaṁ anāvāsāya parisakkati, gihī akkosati paribhāsati, gihī gihīhi bhedeti—
pli-tv-kd11:20.1.3	imehi kho, bhikkhave, pañcahaṅgehi samannāgatassa bhikkhuno, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.4	Aparehipi, bhikkhave, pañcahaṅgehi samannāgatassa bhikkhuno, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.5	Gihīnaṁ buddhassa avaṇṇaṁ bhāsati, gihīnaṁ dhammassa avaṇṇaṁ bhāsati, gihīnaṁ saṅghassa avaṇṇaṁ bhāsati, gihī hīnena khuṁseti hīnena vambheti, gihīnaṁ dhammikaṁ paṭissavaṁ na saccāpeti—
pli-tv-kd11:20.1.6	imehi kho, bhikkhave, pañcahaṅgehi samannāgatassa bhikkhuno, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.7	Pañcannaṁ, bhikkhave, bhikkhūnaṁ, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.8	Eko gihīnaṁ alābhāya parisakkati, eko gihīnaṁ anatthāya parisakkati, eko gihīnaṁ anāvāsāya parisakkati, eko gihī akkosati paribhāsati, eko gihī gihīhi bhedeti—
pli-tv-kd11:20.1.9	imesaṁ kho, bhikkhave, pañcannaṁ bhikkhūnaṁ, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.10	Aparesampi, bhikkhave, pañcannaṁ bhikkhūnaṁ, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.11	Eko gihīnaṁ buddhassa avaṇṇaṁ bhāsati, eko gihīnaṁ dhammassa avaṇṇaṁ bhāsati, eko gihīnaṁ saṅghassa avaṇṇaṁ bhāsati, eko gihī hīnena khuṁseti hīnena vambheti, eko gihīnaṁ dhammikaṁ paṭissavaṁ na saccāpeti—
pli-tv-kd11:20.1.12	imesaṁ kho, bhikkhave, pañcannaṁ bhikkhūnaṁ, ākaṅkhamāno saṅgho, paṭisāraṇīyakammaṁ kareyya.
pli-tv-kd11:20.1.13	Ākaṅkhamānacatukkaṁ niṭṭhitaṁ.
pli-tv-kd11:21.1.0	4.4. Aṭṭhārasavatta
pli-tv-kd11:21.1.1	Paṭisāraṇīyakammakatena, bhikkhave, bhikkhunā sammā vattitabbaṁ.
pli-tv-kd11:21.1.2	Tatrāyaṁ sammāvattanā—
pli-tv-kd11:21.1.3	na upasampādetabbaṁ,
pli-tv-kd11:21.1.4	na nissayo dātabbo,
pli-tv-kd11:21.1.5	na sāmaṇero upaṭṭhāpetabbo,
pli-tv-kd11:21.1.6	na bhikkhunovādakasammuti sāditabbā,
pli-tv-kd11:21.1.7	sammatenapi bhikkhuniyo na ovaditabbā.
pli-tv-kd11:21.1.8	Yāya āpattiyā saṅghena paṭisāraṇīyakammaṁ kataṁ hoti sā āpatti na āpajjitabbā,
pli-tv-kd11:21.1.9	aññā vā tādisikā,
pli-tv-kd11:21.1.10	tato vā pāpiṭṭhatarā;
pli-tv-kd11:21.1.11	kammaṁ na garahitabbaṁ,
pli-tv-kd11:21.1.12	kammikā na garahitabbā.
pli-tv-kd11:21.1.13	Na pakatattassa bhikkhuno uposatho ṭhapetabbo,
pli-tv-kd11:21.1.14	na pavāraṇā ṭhapetabbā,
pli-tv-kd11:21.1.15	na savacanīyaṁ kātabbaṁ,
pli-tv-kd11:21.1.16	na anuvādo paṭṭhapetabbo,
pli-tv-kd11:21.1.17	na okāso kāretabbo,
pli-tv-kd11:21.1.18	na codetabbo,
pli-tv-kd11:21.1.19	na sāretabbo,
pli-tv-kd11:21.1.20	na bhikkhūhi sampayojetabban”ti.
pli-tv-kd11:21.1.21	Paṭisāraṇīyakamme aṭṭhārasavattaṁ niṭṭhitaṁ.
pli-tv-kd11:22.1.1	Atha kho saṅgho sudhammassa bhikkhuno paṭisāraṇīyakammaṁ akāsi—
pli-tv-kd11:22.1.2	“citto te gahapati khamāpetabbo”ti.
pli-tv-kd11:22.1.3	So saṅghena paṭisāraṇīyakammakato macchikāsaṇḍaṁ gantvā maṅkubhūto nāsakkhi cittaṁ gahapatiṁ khamāpetuṁ.
pli-tv-kd11:22.1.4	Punadeva sāvatthiṁ paccāgañchi.
pli-tv-kd11:22.1.5	Bhikkhū evamāhaṁsu—
pli-tv-kd11:22.1.6	“khamāpito tayā, āvuso sudhamma, citto gahapatī”ti?
pli-tv-kd11:22.1.7	“Idhāhaṁ, āvuso, macchikāsaṇḍaṁ gantvā maṅkubhūto nāsakkhiṁ cittaṁ gahapatiṁ khamāpetun”ti.
pli-tv-kd11:22.1.8	Bhikkhū bhagavato etamatthaṁ ārocesuṁ …pe….
pli-tv-kd11:22.2.1	“Tena hi, bhikkhave, saṅgho sudhammassa bhikkhuno anudūtaṁ detu—
pli-tv-kd11:22.2.2	cittaṁ gahapatiṁ khamāpetuṁ.
pli-tv-kd11:22.2.3	Evañca pana, bhikkhave, dātabbo—
pli-tv-kd11:22.2.4	paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd11:22.2.5	‘Suṇātu me, bhante, saṅgho.
pli-tv-kd11:22.2.6	Yadi saṅghassa pattakallaṁ, saṅgho itthannāmaṁ bhikkhuṁ sudhammassa bhikkhuno anudūtaṁ dadeyya cittaṁ gahapatiṁ khamāpetuṁ.
pli-tv-kd11:22.2.7	Esā ñatti.
pli-tv-kd11:22.2.8	Suṇātu me, bhante, saṅgho.
pli-tv-kd11:22.2.9	Saṅgho itthannāmaṁ bhikkhuṁ sudhammassa bhikkhuno anudūtaṁ deti cittaṁ gahapatiṁ khamāpetuṁ.
pli-tv-kd11:22.2.10	Yassāyasmato khamati itthannāmassa bhikkhuno sudhammassa bhikkhuno anudūtassa dānaṁ cittaṁ gahapatiṁ khamāpetuṁ, so tuṇhassa;
pli-tv-kd11:22.2.11	yassa nakkhamati, so bhāseyya.
pli-tv-kd11:22.2.12	Dinno saṅghena itthannāmo bhikkhu sudhammassa bhikkhuno anudūto cittaṁ gahapatiṁ khamāpetuṁ.
pli-tv-kd11:22.2.13	Khamati saṅghassa, tasmā tuṇhī, evametaṁ dhārayāmī’ti.
pli-tv-kd11:22.3.1	Tena, bhikkhave, sudhammena bhikkhunā anudūtena bhikkhunā saddhiṁ macchikāsaṇḍaṁ gantvā citto gahapati khamāpetabbo—
pli-tv-kd11:22.3.2	‘khama, gahapati, pasādemi tan’ti.
pli-tv-kd11:22.3.3	Evañce vuccamāno khamati, iccetaṁ kusalaṁ.
pli-tv-kd11:22.3.4	No ce khamati, anudūtena bhikkhunā vattabbo—
pli-tv-kd11:22.3.5	‘khama, gahapati, imassa bhikkhuno, pasādeti tan’ti.
pli-tv-kd11:22.3.6	Evañce vuccamāno khamati, iccetaṁ kusalaṁ.
pli-tv-kd11:22.3.7	No ce khamati, anudūtena bhikkhunā vattabbo—
pli-tv-kd11:22.3.8	‘khama, gahapati, imassa bhikkhuno, ahaṁ taṁ pasādemī’ti.
pli-tv-kd11:22.3.9	Evañce vuccamāno khamati, iccetaṁ kusalaṁ.
pli-tv-kd11:22.3.10	No ce khamati, anudūtena bhikkhunā vattabbo—
pli-tv-kd11:22.3.11	‘khama, gahapati, imassa bhikkhuno, saṅghassa vacanenā’ti.
pli-tv-kd11:22.3.12	Evañce vuccamāno khamati, iccetaṁ kusalaṁ.
pli-tv-kd11:22.3.13	No ce khamati, anudūtena bhikkhunā sudhammo bhikkhu cittassa gahapatino dassanūpacāraṁ avijahāpetvā savanūpacāraṁ avijahāpetvā ekaṁsaṁ uttarāsaṅgaṁ kārāpetvā ukkuṭikaṁ nisīdāpetvā añjaliṁ paggaṇhāpetvā taṁ āpattiṁ desāpetabbo”ti.
pli-tv-kd11:23.1.1	Atha kho āyasmā sudhammo anudūtena bhikkhunā saddhiṁ macchikāsaṇḍaṁ gantvā cittaṁ gahapatiṁ khamāpesi.
pli-tv-kd11:23.1.2	So sammā vattati, lomaṁ pāteti, netthāraṁ vattati, bhikkhū upasaṅkamitvā evaṁ vadeti—
pli-tv-kd11:23.1.3	“ahaṁ, āvuso, saṅghena paṭisāraṇīyakammakato sammā vattāmi, lomaṁ pātemi, netthāraṁ vattāmi.
pli-tv-kd11:23.1.4	Kathaṁ nu kho mayā paṭipajjitabban”ti?
pli-tv-kd11:23.1.5	Bhikkhū bhagavato etamatthaṁ ārocesuṁ …pe…
pli-tv-kd11:23.1.6	“tena hi, bhikkhave, saṅgho sudhammassa bhikkhuno paṭisāraṇīyakammaṁ paṭippassambhetu.
pli-tv-kd11:23.2.0	4.5. Nappaṭippassambhetabbaaṭṭhārasaka
pli-tv-kd11:23.2.1	Pañcahi, bhikkhave, aṅgehi samannāgatassa bhikkhuno paṭisāraṇīyakammaṁ nappaṭippassambhetabbaṁ.
pli-tv-kd11:23.2.2	Upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-kd11:23.2.3	imehi kho, bhikkhave, pañcahaṅgehi samannāgatassa bhikkhuno paṭisāraṇīyakammaṁ nappaṭippassambhetabbaṁ.
pli-tv-kd11:23.2.4	Aparehipi, bhikkhave, pañcahaṅgehi samannāgatassa bhikkhuno paṭisāraṇīyakammaṁ nappaṭippassambhetabbaṁ.
pli-tv-kd11:23.2.5	Yāya āpattiyā saṅghena paṭisāraṇīyakammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:23.2.6	kammaṁ garahati, kammike garahati—
pli-tv-kd11:23.2.7	imehi kho, bhikkhave, pañcahaṅgehi samannāgatassa bhikkhuno paṭisāraṇīyakammaṁ nappaṭippassambhetabbaṁ.
pli-tv-kd11:23.2.8	Aṭṭhahi, bhikkhave, aṅgehi samannāgatassa bhikkhuno paṭisāraṇīyakammaṁ nappaṭippassambhetabbaṁ.
pli-tv-kd11:23.2.9	Pakatattassa bhikkhuno uposathaṁ ṭhapeti, pavāraṇaṁ ṭhapeti, savacanīyaṁ karoti, anuvādaṁ paṭṭhapeti, okāsaṁ kāreti, codeti, sāreti, bhikkhūhi sampayojeti—
pli-tv-kd11:23.2.10	imehi kho, bhikkhave, aṭṭhahaṅgehi samannāgatassa bhikkhuno paṭisāraṇīyakammaṁ nappaṭippassambhetabbaṁ.
pli-tv-kd11:23.2.11	Paṭisāraṇīyakamme nappaṭippassambhetabbaaṭṭhārasakaṁ niṭṭhitaṁ.
pli-tv-kd11:23.2.12.0	4.6. Paṭippassambhetabbaaṭṭhārasaka
pli-tv-kd11:23.2.12.1	Pañcahi, bhikkhave, aṅgehi samannāgatassa bhikkhuno paṭisāraṇīyakammaṁ paṭippassambhetabbaṁ.
pli-tv-kd11:23.2.13	Na upasampādeti, na nissayaṁ deti, na sāmaṇeraṁ upaṭṭhāpeti, na bhikkhunovādakasammutiṁ sādiyati, sammatopi bhikkhuniyo na ovadati—
pli-tv-kd11:23.2.14	imehi kho, bhikkhave, pañcahaṅgehi samannāgatassa bhikkhuno paṭisāraṇīyakammaṁ paṭippassambhetabbaṁ.
pli-tv-kd11:23.2.15	Aparehipi, bhikkhave, pañcahaṅgehi samannāgatassa bhikkhuno paṭisāraṇīyakammaṁ paṭippassambhetabbaṁ.
pli-tv-kd11:23.2.16	Yāya āpattiyā saṅghena paṭisāraṇīyakammaṁ kataṁ hoti taṁ āpattiṁ na āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:23.2.17	kammaṁ na garahati, kammike na garahati—
pli-tv-kd11:23.2.18	imehi kho, bhikkhave, pañcahaṅgehi samannāgatassa bhikkhuno paṭisāraṇīyakammaṁ paṭippassambhetabbaṁ.
pli-tv-kd11:23.2.19	Aṭṭhahi, bhikkhave, aṅgehi samannāgatassa bhikkhuno paṭisāraṇīyakammaṁ paṭippassambhetabbaṁ.
pli-tv-kd11:23.2.20	Na pakatattassa bhikkhuno uposathaṁ ṭhapeti, na pavāraṇaṁ ṭhapeti, na savacanīyaṁ karoti, na anuvādaṁ paṭṭhapeti, na okāsaṁ kāreti, na codeti, na sāreti, na bhikkhūhi sampayojeti—
pli-tv-kd11:23.2.21	imehi kho, bhikkhave, aṭṭhahaṅgehi samannāgatassa bhikkhuno paṭisāraṇīyakammaṁ paṭippassambhetabbaṁ.
pli-tv-kd11:23.2.22	Paṭisāraṇīyakamme paṭippassambhetabbaaṭṭhārasakaṁ niṭṭhitaṁ.
pli-tv-kd11:24.1.1	Evañca pana, bhikkhave, paṭippassambhetabbaṁ.
pli-tv-kd11:24.1.2	Tena, bhikkhave, sudhammena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd11:24.1.3	‘ahaṁ, bhante, saṅghena paṭisāraṇīyakammakato sammā vattāmi, lomaṁ pātemi, netthāraṁ vattāmi, paṭisāraṇīyassa kammassa paṭippassaddhiṁ yācāmī’ti.
pli-tv-kd11:24.1.4	Dutiyampi yācitabbā.
pli-tv-kd11:24.1.5	Tatiyampi yācitabbā.
pli-tv-kd11:24.1.6	Byattena bhikkhunā paṭibalena saṅgho ñāpetabbo—
pli-tv-kd11:24.1.7	‘Suṇātu me, bhante, saṅgho.
pli-tv-kd11:24.1.8	Ayaṁ sudhammo bhikkhu saṅghena paṭisāraṇīyakammakato sammā vattati, lomaṁ pāteti, netthāraṁ vattati, paṭisāraṇīyassa kammassa paṭippassaddhiṁ yācati.
pli-tv-kd11:24.1.9	Yadi saṅghassa pattakallaṁ, saṅgho sudhammassa bhikkhuno paṭisāraṇīyakammaṁ paṭippassambheyya.
pli-tv-kd11:24.1.10	Esā ñatti.
pli-tv-kd11:24.1.11	Suṇātu me, bhante, saṅgho.
pli-tv-kd11:24.1.12	Ayaṁ sudhammo bhikkhu saṅghena paṭisāraṇīyakammakato sammā vattati, lomaṁ pāteti, netthāraṁ vattati, paṭisāraṇīyassa kammassa paṭippassaddhiṁ yācati.
pli-tv-kd11:24.1.13	Saṅgho sudhammassa bhikkhuno paṭisāraṇīyakammaṁ paṭippassambheti.
pli-tv-kd11:24.1.14	Yassāyasmato khamati sudhammassa bhikkhuno paṭisāraṇīyassa kammassa paṭippassaddhi, so tuṇhassa;
pli-tv-kd11:24.1.15	yassa nakkhamati, so bhāseyya.
pli-tv-kd11:24.1.16	Dutiyampi etamatthaṁ vadāmi …pe…
pli-tv-kd11:24.1.17	tatiyampi etamatthaṁ vadāmi—
pli-tv-kd11:24.1.18	suṇātu me, bhante, saṅgho.
pli-tv-kd11:24.1.19	Ayaṁ sudhammo bhikkhu saṅghena paṭisāraṇīyakammakato sammā vattati, lomaṁ pāteti, netthāraṁ vattati, paṭisāraṇīyassa kammassa paṭippassaddhiṁ yācati.
pli-tv-kd11:24.1.20	Saṅgho sudhammassa bhikkhuno paṭisāraṇīyakammaṁ paṭippassambheti.
pli-tv-kd11:24.1.21	Yassāyasmato khamati sudhammassa bhikkhuno paṭisāraṇīyassa kammassa paṭippassaddhi, so tuṇhassa;
pli-tv-kd11:24.1.22	yassa nakkhamati, so bhāseyya.
pli-tv-kd11:24.1.23	Paṭippassaddhaṁ saṅghena sudhammassa bhikkhuno paṭisāraṇīyakammaṁ.
pli-tv-kd11:24.1.24	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:24.1.25	Paṭisāraṇīyakammaṁ niṭṭhitaṁ catutthaṁ.
pli-tv-kd11:25.1.0	5. Āpattiyāadassaneukkhepanīyakamma
pli-tv-kd11:25.1.1	Tena samayena buddho bhagavā kosambiyaṁ viharati ghositārāme.
pli-tv-kd11:25.1.2	Tena kho pana samayena āyasmā channo āpattiṁ āpajjitvā na icchati āpattiṁ passituṁ.
pli-tv-kd11:25.1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd11:25.1.4	“kathañhi nāma āyasmā channo āpattiṁ āpajjitvā na icchissati āpattiṁ passitun”ti.
pli-tv-kd11:25.1.5	Atha kho te bhikkhū bhagavato etamatthaṁ ārocesuṁ.
pli-tv-kd11:25.1.6	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd11:25.1.7	“saccaṁ kira, bhikkhave, channo bhikkhu āpattiṁ āpajjitvā na icchati āpattiṁ passitun”ti?
pli-tv-kd11:25.1.8	“Saccaṁ, bhagavā”ti.
pli-tv-kd11:25.1.9	Vigarahi buddho bhagavā—
pli-tv-kd11:25.1.10	“ananucchavikaṁ …pe…
pli-tv-kd11:25.1.11	kathañhi nāma so, bhikkhave, moghapuriso āpattiṁ āpajjitvā na icchissati āpattiṁ passituṁ?
pli-tv-kd11:25.1.12	Netaṁ, bhikkhave, appasannānaṁ vā pasādāya …pe…
pli-tv-kd11:25.1.13	vigarahitvā …pe…
pli-tv-kd11:25.1.14	dhammiṁ kathaṁ katvā bhikkhū āmantesi—
pli-tv-kd11:25.1.15	“tena hi, bhikkhave, saṅgho channassa bhikkhuno, āpattiyā adassane, ukkhepanīyakammaṁ karotu—
pli-tv-kd11:25.1.16	asambhogaṁ saṅghena.
pli-tv-kd11:25.2.1	Evañca pana, bhikkhave, kātabbaṁ—
pli-tv-kd11:25.2.2	paṭhamaṁ channo bhikkhu codetabbo, codetvā sāretabbo, sāretvā āpattiṁ āropetabbo, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd11:25.2.3	‘Suṇātu me, bhante, saṅgho.
pli-tv-kd11:25.2.4	Ayaṁ channo bhikkhu āpattiṁ āpajjitvā na icchati āpattiṁ passituṁ.
pli-tv-kd11:25.2.5	Yadi saṅghassa pattakallaṁ, saṅgho channassa bhikkhuno, āpattiyā adassane, ukkhepanīyakammaṁ kareyya—
pli-tv-kd11:25.2.6	asambhogaṁ saṅghena.
pli-tv-kd11:25.2.7	Esā ñatti.
pli-tv-kd11:25.2.8	Suṇātu me, bhante, saṅgho.
pli-tv-kd11:25.2.9	Ayaṁ channo bhikkhu āpattiṁ āpajjitvā na icchati āpattiṁ passituṁ.
pli-tv-kd11:25.2.10	Saṅgho channassa bhikkhuno, āpattiyā adassane, ukkhepanīyakammaṁ karoti—
pli-tv-kd11:25.2.11	asambhogaṁ saṅghena.
pli-tv-kd11:25.2.12	Yassāyasmato khamati channassa bhikkhuno, āpattiyā adassane, ukkhepanīyassa kammassa karaṇaṁ—
pli-tv-kd11:25.2.13	asambhogaṁ saṅghena, so tuṇhassa;
pli-tv-kd11:25.2.14	yassa nakkhamati, so bhāseyya.
pli-tv-kd11:25.2.15	Dutiyampi etamatthaṁ vadāmi …pe…
pli-tv-kd11:25.2.16	tatiyampi etamatthaṁ vadāmi—
pli-tv-kd11:25.2.17	suṇātu me, bhante, saṅgho.
pli-tv-kd11:25.2.18	Ayaṁ channo bhikkhu āpattiṁ āpajjitvā na icchati āpattiṁ passituṁ.
pli-tv-kd11:25.2.19	Saṅgho channassa bhikkhuno, āpattiyā adassane, ukkhepanīyakammaṁ karoti—
pli-tv-kd11:25.2.20	asambhogaṁ saṅghena.
pli-tv-kd11:25.2.21	Yassāyasmato khamati channassa bhikkhuno, āpattiyā adassane, ukkhepanīyassa kammassa karaṇaṁ—
pli-tv-kd11:25.2.22	asambhogaṁ saṅghena, so tuṇhassa;
pli-tv-kd11:25.2.23	yassa nakkhamati, so bhāseyya.
pli-tv-kd11:25.2.24	Kataṁ saṅghena channassa bhikkhuno, āpattiyā adassane, ukkhepanīyakammaṁ—
pli-tv-kd11:25.2.25	asambhogaṁ saṅghena.
pli-tv-kd11:25.2.26	Khamati saṅghassa, tasmā tuṇhī, evametaṁ dhārayāmī’ti.
pli-tv-kd11:25.2.27	Āvāsaparamparañca, bhikkhave, saṁsatha—
pli-tv-kd11:25.2.28	‘channo bhikkhu saṅghena āpattiyā adassane, ukkhepanīyakammakato—
pli-tv-kd11:25.2.29	asambhogaṁ saṅghenā’ti.
pli-tv-kd11:26.1.0	5.1. Adhammakammadvādasaka
pli-tv-kd11:26.1.1	Tīhi, bhikkhave, aṅgehi samannāgataṁ, āpattiyā adassane, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:26.1.2	Asammukhā kataṁ hoti, appaṭipucchā kataṁ hoti, appaṭiññāya kataṁ hoti—
pli-tv-kd11:26.1.3	imehi kho, bhikkhave, tīhaṅgehi samannāgataṁ, āpattiyā adassane, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:26.1.4	Aparehipi, bhikkhave, tīhaṅgehi samannāgataṁ, āpattiyā adassane, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:26.1.5	Anāpattiyā kataṁ hoti, adesanāgāminiyā āpattiyā kataṁ hoti, desitāya āpattiyā kataṁ hoti …pe…
pli-tv-kd11:26.1.6	acodetvā kataṁ hoti, asāretvā kataṁ hoti, āpattiṁ anāropetvā kataṁ hoti …pe…
pli-tv-kd11:26.1.7	asammukhā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.8	appaṭipucchā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.9	appaṭiññāya kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.10	anāpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.11	adesanāgāminiyā āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.12	desitāya āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.13	acodetvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.14	asāretvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:26.1.15	āpattiṁ anāropetvā kataṁ hoti, adhammena kataṁ hoti, vaggena kataṁ hoti—
pli-tv-kd11:26.1.16	imehi kho, bhikkhave, tīhaṅgehi samannāgataṁ, āpattiyā adassane, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:26.1.17	Āpattiyā adassane ukkhepanīyakamme adhammakammadvādasakaṁ niṭṭhitaṁ.
pli-tv-kd11:26.1.18.0	5.2. Dhammakammadvādasaka
pli-tv-kd11:26.1.18.1	Tīhi, bhikkhave, aṅgehi samannāgataṁ, āpattiyā adassane, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:26.1.19	Sammukhā kataṁ hoti, paṭipucchā kataṁ hoti, paṭiññāya kataṁ hoti—
pli-tv-kd11:26.1.20	imehi kho, bhikkhave, tīhaṅgehi samannāgataṁ, āpattiyā adassane, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:26.1.21	Aparehipi, bhikkhave, tīhaṅgehi samannāgataṁ …pe….
pli-tv-kd11:26.1.22	Āpattiyā kataṁ hoti, desanāgāminiyā āpattiyā kataṁ hoti, adesitāya āpattiyā kataṁ hoti …pe…
pli-tv-kd11:26.1.23	codetvā kataṁ hoti, sāretvā kataṁ hoti, āpattiṁ āropetvā kataṁ hoti …pe…
pli-tv-kd11:26.1.24	sammukhā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.25	paṭipucchā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.26	paṭiññāya kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.27	āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.28	desanāgāminiyā āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.29	adesitāya āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.30	codetvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.31	sāretvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:26.1.32	āpattiṁ āropetvā kataṁ hoti, dhammena kataṁ hoti, samaggena kataṁ hoti—
pli-tv-kd11:26.1.33	imehi kho, bhikkhave, tīhaṅgehi samannāgataṁ, āpattiyā adassane, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:26.1.34	Āpattiyā adassane ukkhepanīyakamme dhammakammadvādasakaṁ niṭṭhitaṁ.
pli-tv-kd11:26.1.35.0	5.3. Ākaṅkhamānachakka
pli-tv-kd11:26.1.35.1	Tīhi, bhikkhave, aṅgehi samannāgatassa bhikkhuno, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.36	Bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:26.1.37	bālo hoti abyatto āpattibahulo anapadāno;
pli-tv-kd11:26.1.38	gihisaṁsaṭṭho viharati ananulomikehi gihisaṁsaggehi—
pli-tv-kd11:26.1.39	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.40	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.41	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti—
pli-tv-kd11:26.1.42	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.43	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.44	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati—
pli-tv-kd11:26.1.45	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.46	Tiṇṇaṁ, bhikkhave, bhikkhūnaṁ, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.47	Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:26.1.48	eko bālo hoti abyatto āpattibahulo anapadāno;
pli-tv-kd11:26.1.49	eko gihisaṁsaṭṭho viharati ananulomikehi gihisaṁsaggehi—
pli-tv-kd11:26.1.50	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.51	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.52	Eko adhisīle sīlavipanno hoti, eko ajjhācāre ācāravipanno hoti, eko atidiṭṭhiyā diṭṭhivipanno hoti—
pli-tv-kd11:26.1.53	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.54	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.55	Eko buddhassa avaṇṇaṁ bhāsati, eko dhammassa avaṇṇaṁ bhāsati, eko saṅghassa avaṇṇaṁ bhāsati—
pli-tv-kd11:26.1.56	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā adassane, ukkhepanīyakammaṁ kareyya.
pli-tv-kd11:26.1.57	Āpattiyā adassane ukkhepanīyakamme ākaṅkhamānachakkaṁ niṭṭhitaṁ.
pli-tv-kd11:27.1.0	5.4. Tecattālīsavatta
pli-tv-kd11:27.1.1	Āpattiyā adassane ukkhepanīyakammakatena, bhikkhave, bhikkhunā sammā vattitabbaṁ.
pli-tv-kd11:27.1.2	Tatrāyaṁ sammāvattanā—
pli-tv-kd11:27.1.3	na upasampādetabbaṁ,
pli-tv-kd11:27.1.4	na nissayo dātabbo,
pli-tv-kd11:27.1.5	na sāmaṇero upaṭṭhāpetabbo,
pli-tv-kd11:27.1.6	na bhikkhunovādakasammuti sāditabbā,
pli-tv-kd11:27.1.7	sammatenapi bhikkhuniyo na ovaditabbā.
pli-tv-kd11:27.1.8	Yāya āpattiyā saṅghena āpattiyā adassane ukkhepanīyakammaṁ kataṁ hoti sā āpatti na āpajjitabbā,
pli-tv-kd11:27.1.9	aññā vā tādisikā,
pli-tv-kd11:27.1.10	tato vā pāpiṭṭhatarā;
pli-tv-kd11:27.1.11	kammaṁ na garahitabbaṁ,
pli-tv-kd11:27.1.12	kammikā na garahitabbā.
pli-tv-kd11:27.1.13	Na pakatattassa bhikkhuno abhivādanaṁ,
pli-tv-kd11:27.1.14	paccuṭṭhānaṁ,
pli-tv-kd11:27.1.15	añjalikammaṁ,
pli-tv-kd11:27.1.16	sāmīcikammaṁ,
pli-tv-kd11:27.1.17	āsanābhihāro,
pli-tv-kd11:27.1.18	seyyābhihāro,
pli-tv-kd11:27.1.19	pādodakaṁ pādapīṭhaṁ,
pli-tv-kd11:27.1.20	pādakathalikaṁ,
pli-tv-kd11:27.1.21	pattacīvarappaṭiggahaṇaṁ,
pli-tv-kd11:27.1.22	nahāne piṭṭhiparikammaṁ sāditabbaṁ.
pli-tv-kd11:27.1.23	Na pakatatto bhikkhu sīlavipattiyā anuddhaṁsetabbo,
pli-tv-kd11:27.1.24	na ācāravipattiyā anuddhaṁsetabbo,
pli-tv-kd11:27.1.25	na diṭṭhivipattiyā anuddhaṁsetabbo,
pli-tv-kd11:27.1.26	na ājīvavipattiyā anuddhaṁsetabbo,
pli-tv-kd11:27.1.27	na bhikkhu bhikkhūhi bhedetabbo,
pli-tv-kd11:27.1.28	na gihiddhajo dhāretabbo,
pli-tv-kd11:27.1.29	na titthiyaddhajo dhāretabbo,
pli-tv-kd11:27.1.30	na titthiyā sevitabbā;
pli-tv-kd11:27.1.31	bhikkhū sevitabbā,
pli-tv-kd11:27.1.32	bhikkhusikkhāya sikkhitabbaṁ.
pli-tv-kd11:27.1.33	Na pakatattena bhikkhunā saddhiṁ ekacchanne āvāse vatthabbaṁ,
pli-tv-kd11:27.1.34	na ekacchanne anāvāse vatthabbaṁ,
pli-tv-kd11:27.1.35	na ekacchanne āvāse vā anāvāse vā vatthabbaṁ,
pli-tv-kd11:27.1.36	pakatattaṁ bhikkhuṁ disvā āsanā vuṭṭhātabbaṁ,
pli-tv-kd11:27.1.37	na pakatatto bhikkhu āsādetabbo anto vā bahi vā.
pli-tv-kd11:27.1.38	Na pakatattassa bhikkhuno uposatho ṭhapetabbo,
pli-tv-kd11:27.1.39	na pavāraṇā ṭhapetabbā,
pli-tv-kd11:27.1.40	na savacanīyaṁ kātabbaṁ,
pli-tv-kd11:27.1.41	na anuvādo paṭṭhapetabbo,
pli-tv-kd11:27.1.42	na okāso kāretabbo,
pli-tv-kd11:27.1.43	na codetabbo,
pli-tv-kd11:27.1.44	na sāretabbo,
pli-tv-kd11:27.1.45	na bhikkhūhi sampayojetabban”ti.
pli-tv-kd11:27.1.46	Āpattiyā adassane ukkhepanīyakamme tecattālīsavattaṁ niṭṭhitaṁ.
pli-tv-kd11:28.1.1	Atha kho saṅgho channassa bhikkhuno, āpattiyā adassane, ukkhepanīyakammaṁ akāsi—
pli-tv-kd11:28.1.2	asambhogaṁ saṅghena.
pli-tv-kd11:28.1.3	So saṅghena, āpattiyā adassane, ukkhepanīyakammakato tamhā āvāsā aññaṁ āvāsaṁ agamāsi.
pli-tv-kd11:28.1.4	Tattha bhikkhū neva abhivādesuṁ, na paccuṭṭhesuṁ, na añjalikammaṁ na sāmīcikammaṁ akaṁsu, na sakkariṁsu, na garuṁ kariṁsu, na mānesuṁ, na pūjesuṁ.
pli-tv-kd11:28.1.5	So bhikkhūhi asakkariyamāno agarukariyamāno amāniyamāno apūjiyamāno asakkārapakato tamhāpi āvāsā aññaṁ āvāsaṁ agamāsi.
pli-tv-kd11:28.1.6	Tatthapi bhikkhū neva abhivādesuṁ, na paccuṭṭhesuṁ, na añjalikammaṁ na sāmīcikammaṁ akaṁsu, na sakkariṁsu, na garuṁ kariṁsu, na mānesuṁ, na pūjesuṁ.
pli-tv-kd11:28.1.7	So bhikkhūhi asakkariyamāno agarukariyamāno amāniyamāno apūjiyamāno asakkārapakato tamhāpi āvāsā aññaṁ āvāsaṁ agamāsi.
pli-tv-kd11:28.1.8	Tatthapi bhikkhū neva abhivādesuṁ, na paccuṭṭhesuṁ, na añjalikammaṁ na sāmīcikammaṁ akaṁsu, na sakkariṁsu, na garuṁ kariṁsu, na mānesuṁ, na pūjesuṁ.
pli-tv-kd11:28.1.9	So bhikkhūhi asakkariyamāno agarukariyamāno amāniyamāno apūjiyamāno asakkārapakato punadeva kosambiṁ paccāgañchi.
pli-tv-kd11:28.1.10	So sammā vattati, lomaṁ pāteti, netthāraṁ vattati, bhikkhū upasaṅkamitvā evaṁ vadeti—
pli-tv-kd11:28.1.11	“ahaṁ, āvuso, saṅghena, āpattiyā adassane, ukkhepanīyakammakato sammā vattāmi, lomaṁ pātemi, netthāraṁ vattāmi.
pli-tv-kd11:28.1.12	Kathaṁ nu kho mayā paṭipajjitabban”ti?
pli-tv-kd11:28.1.13	Bhikkhū bhagavato etamatthaṁ ārocesuṁ …pe….
pli-tv-kd11:28.1.14	“Tena hi, bhikkhave, saṅgho channassa bhikkhuno, āpattiyā adassane, ukkhepanīyakammaṁ paṭippassambhetu.
pli-tv-kd11:28.2.0	5.5. Nappaṭippassambhetabbatecattālīsaka
pli-tv-kd11:28.2.1	Pañcahi, bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.2	Upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-kd11:28.2.3	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.4	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.5	Yāya āpattiyā saṅghena, āpattiyā adassane, ukkhepanīyakammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:28.2.6	kammaṁ garahati, kammike garahati—
pli-tv-kd11:28.2.7	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.8	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.9	Pakatattassa bhikkhuno abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ sādiyati—
pli-tv-kd11:28.2.10	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.11	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.12	Pakatattassa bhikkhuno seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ sādiyati—
pli-tv-kd11:28.2.13	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.14	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.15	Pakatattaṁ bhikkhuṁ sīlavipattiyā anuddhaṁseti, ācāravipattiyā anuddhaṁseti, diṭṭhivipattiyā anuddhaṁseti, ājīvavipattiyā anuddhaṁseti, bhikkhuṁ bhikkhūhi bhedeti—
pli-tv-kd11:28.2.16	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.17	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.18	Gihiddhajaṁ dhāreti, titthiyaddhajaṁ dhāreti, titthiye sevati;
pli-tv-kd11:28.2.19	bhikkhū na sevati, bhikkhusikkhāya na sikkhati—
pli-tv-kd11:28.2.20	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.21	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.22	Pakatattena bhikkhunā saddhiṁ ekacchanne āvāse vasati, ekacchanne anāvāse vasati, ekacchanne āvāse vā anāvāse vā vasati;
pli-tv-kd11:28.2.23	pakatattaṁ bhikkhuṁ disvā āsanā na vuṭṭhāti;
pli-tv-kd11:28.2.24	pakatattaṁ bhikkhuṁ āsādeti anto vā bahi vā—
pli-tv-kd11:28.2.25	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.26	Aṭṭhahi, bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.27	Pakatattassa bhikkhuno uposathaṁ ṭhapeti, pavāraṇaṁ ṭhapeti, savacanīyaṁ karoti, anuvādaṁ paṭṭhapeti, okāsaṁ kāreti, codeti, sāreti, bhikkhūhi sampayojeti—
pli-tv-kd11:28.2.28	imehi kho, bhikkhave, aṭṭhahaṅgehi samannāgatassa bhikkhuno, āpattiyā adassane, ukkhepanīyakammaṁ nappaṭippassambhetabbaṁ.
pli-tv-kd11:28.2.29	Āpattiyā adassane ukkhepanīyakamme nappaṭippassambhetabbatecattālīsakaṁ niṭṭhitaṁ.
pli-tv-kd11:29.1.0	5.6. Paṭippassambhetabbatecattālīsaka
pli-tv-kd11:29.1.1	Pañcahi, bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.2	Na upasampādeti, na nissayaṁ deti, na sāmaṇeraṁ upaṭṭhāpeti, na bhikkhunovādakasammutiṁ sādiyati, sammatopi bhikkhuniyo na ovadati—
pli-tv-kd11:29.1.3	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.4	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.5	Yāya āpattiyā saṅghena āpattiyā adassane ukkhepanīyakammaṁ kataṁ hoti taṁ āpattiṁ na āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:29.1.6	kammaṁ na garahati, kammike na garahati—
pli-tv-kd11:29.1.7	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.8	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.9	Na pakatattassa bhikkhuno abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ sādiyati—
pli-tv-kd11:29.1.10	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.11	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.12	Na pakatattassa bhikkhuno seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ sādiyati—
pli-tv-kd11:29.1.13	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.14	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.15	Na pakatattaṁ bhikkhuṁ sīlavipattiyā anuddhaṁseti, na ācāravipattiyā anuddhaṁseti, na diṭṭhivipattiyā anuddhaṁseti, na ājīvavipattiyā anuddhaṁseti, na bhikkhuṁ bhikkhūhi bhedeti—
pli-tv-kd11:29.1.16	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.17	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.18	Na gihiddhajaṁ dhāreti, na titthiyaddhajaṁ dhāreti, na titthiye sevati, bhikkhū sevati, bhikkhusikkhāya sikkhati—
pli-tv-kd11:29.1.19	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.20	Aparehipi, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.21	Na pakatattena bhikkhunā saddhiṁ ekacchanne āvāse vasati, na ekacchanne anāvāse vasati, na ekacchanne āvāse vā anāvāse vā vasati, pakatattaṁ bhikkhuṁ disvā āsanā vuṭṭhāti, na pakatattaṁ bhikkhuṁ āsādeti anto vā bahi vā—
pli-tv-kd11:29.1.22	imehi kho, bhikkhave, pañcahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.23	Aṭṭhahi, bhikkhave, aṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.24	Na pakatattassa bhikkhuno uposathaṁ ṭhapeti, na pavāraṇaṁ ṭhapeti, na savacanīyaṁ karoti, na anuvādaṁ paṭṭhapeti, na okāsaṁ kāreti, na codeti, na sāreti, na bhikkhūhi sampayojeti—
pli-tv-kd11:29.1.25	imehi kho, bhikkhave, aṭṭhahaṅgehi samannāgatassa bhikkhuno, āpattiyā adassane, ukkhepanīyakammaṁ paṭippassambhetabbaṁ.
pli-tv-kd11:29.1.26	Āpattiyā adassane ukkhepanīyakamme paṭippassambhetabbatecattālīsakaṁ niṭṭhitaṁ.
pli-tv-kd11:30.1.1	Evañca pana, bhikkhave, paṭippassambhetabbaṁ.
pli-tv-kd11:30.1.2	Tena, bhikkhave, channena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd11:30.1.3	‘ahaṁ, bhante, saṅghena, āpattiyā adassane, ukkhepanīyakammakato sammā vattāmi, lomaṁ pātemi, netthāraṁ vattāmi, āpattiyā adassane ukkhepanīyassa kammassa paṭippassaddhiṁ yācāmī’ti.
pli-tv-kd11:30.1.4	Dutiyampi yācitabbā.
pli-tv-kd11:30.1.5	Tatiyampi yācitabbā.
pli-tv-kd11:30.1.6	Byattena bhikkhunā paṭibalena saṅgho ñāpetabbo—
pli-tv-kd11:30.1.7	‘Suṇātu me, bhante, saṅgho.
pli-tv-kd11:30.1.8	Ayaṁ channo bhikkhu saṅghena, āpattiyā adassane, ukkhepanīyakammakato sammā vattati, lomaṁ pāteti, netthāraṁ vattati, āpattiyā adassane ukkhepanīyassa kammassa paṭippassaddhiṁ yācati.
pli-tv-kd11:30.1.9	Yadi saṅghassa pattakallaṁ, saṅgho channassa bhikkhuno, āpattiyā adassane, ukkhepanīyakammaṁ paṭippassambheyya.
pli-tv-kd11:30.1.10	Esā ñatti.
pli-tv-kd11:30.1.11	Suṇātu me, bhante, saṅgho.
pli-tv-kd11:30.1.12	Ayaṁ channo bhikkhu saṅghena, āpattiyā adassane, ukkhepanīyakammakato sammā vattati, lomaṁ pāteti, netthāraṁ vattati, āpattiyā adassane, ukkhepanīyassa kammassa paṭippassaddhiṁ yācati.
pli-tv-kd11:30.1.13	Saṅgho channassa bhikkhuno, āpattiyā adassane, ukkhepanīyakammaṁ paṭippassambheti.
pli-tv-kd11:30.1.14	Yassāyasmato khamati channassa bhikkhuno, āpattiyā adassane, ukkhepanīyassa kammassa paṭippassaddhi, so tuṇhassa;
pli-tv-kd11:30.1.15	yassa nakkhamati, so bhāseyya.
pli-tv-kd11:30.1.16	Dutiyampi etamatthaṁ vadāmi …pe…
pli-tv-kd11:30.1.17	tatiyampi etamatthaṁ vadāmi—
pli-tv-kd11:30.1.18	suṇātu me, bhante, saṅgho.
pli-tv-kd11:30.1.19	Ayaṁ channo bhikkhu saṅghena, āpattiyā adassane, ukkhepanīyakammakato sammā vattati, lomaṁ pāteti, netthāraṁ vattati, āpattiyā adassane, ukkhepanīyassa kammassa paṭippassaddhiṁ yācati.
pli-tv-kd11:30.1.20	Saṅgho channassa bhikkhuno, āpattiyā adassane, ukkhepanīyakammaṁ paṭippassambheti.
pli-tv-kd11:30.1.21	Yassāyasmato khamati channassa bhikkhuno, āpattiyā adassane, ukkhepanīyassa kammassa paṭippassaddhi, so tuṇhassa;
pli-tv-kd11:30.1.22	yassa nakkhamati, so bhāseyya.
pli-tv-kd11:30.1.23	Paṭippassaddhaṁ saṅghena channassa bhikkhuno, āpattiyā adassane, ukkhepanīyakammaṁ.
pli-tv-kd11:30.1.24	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:30.1.25	Āpattiyā adassane ukkhepanīyakammaṁ niṭṭhitaṁ pañcamaṁ.
pli-tv-kd11:31.1.0	6. Āpattiyāappaṭikammeukkhepanīyakamma
pli-tv-kd11:31.1.1	Tena samayena buddho bhagavā kosambiyaṁ viharati ghositārāme.
pli-tv-kd11:31.1.2	Tena kho pana samayena āyasmā channo āpattiṁ āpajjitvā na icchati āpattiṁ paṭikātuṁ.
pli-tv-kd11:31.1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd11:31.1.4	“kathañhi nāma āyasmā channo āpattiṁ āpajjitvā na icchissati āpattiṁ paṭikātun”ti?
pli-tv-kd11:31.1.5	Atha kho te bhikkhū bhagavato etamatthaṁ ārocesuṁ.
pli-tv-kd11:31.1.6	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd11:31.1.7	“saccaṁ kira, bhikkhave, channo bhikkhu āpattiṁ āpajjitvā na icchati āpattiṁ paṭikātun”ti?
pli-tv-kd11:31.1.8	“Saccaṁ, bhagavā”ti.
pli-tv-kd11:31.1.9	Vigarahi buddho bhagavā—
pli-tv-kd11:31.1.10	“ananucchavikaṁ …pe…
pli-tv-kd11:31.1.11	kathañhi nāma so, bhikkhave, moghapuriso āpattiṁ āpajjitvā na icchissati āpattiṁ paṭikātuṁ.
pli-tv-kd11:31.1.12	Netaṁ, bhikkhave, appasannānaṁ vā pasādāya …pe…
pli-tv-kd11:31.1.13	vigarahitvā …pe…
pli-tv-kd11:31.1.14	dhammiṁ kathaṁ katvā bhikkhū āmantesi—
pli-tv-kd11:31.1.15	“tena hi, bhikkhave, saṅgho channassa bhikkhuno, āpattiyā appaṭikamme, ukkhepanīyakammaṁ karotu—
pli-tv-kd11:31.1.16	asambhogaṁ saṅghena.
pli-tv-kd11:31.1.17	Evañca pana, bhikkhave, kātabbaṁ—
pli-tv-kd11:31.1.18	paṭhamaṁ channo bhikkhu codetabbo, codetvā sāretabbo, sāretvā āpattiṁ āropetabbo, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd11:31.1.19	‘Suṇātu me, bhante, saṅgho.
pli-tv-kd11:31.1.20	Ayaṁ channo bhikkhu āpattiṁ āpajjitvā na icchati āpattiṁ paṭikātuṁ.
pli-tv-kd11:31.1.21	Yadi saṅghassa pattakallaṁ, saṅgho channassa bhikkhuno, āpattiyā appaṭikamme, ukkhepanīyakammaṁ kareyya—
pli-tv-kd11:31.1.22	asambhogaṁ saṅghena.
pli-tv-kd11:31.1.23	Esā ñatti.
pli-tv-kd11:31.1.24	Suṇātu me, bhante, saṅgho.
pli-tv-kd11:31.1.25	Ayaṁ channo bhikkhu āpattiṁ āpajjitvā na icchati āpattiṁ paṭikātuṁ.
pli-tv-kd11:31.1.26	Saṅgho channassa bhikkhuno, āpattiyā appaṭikamme, ukkhepanīyakammaṁ karoti—
pli-tv-kd11:31.1.27	asambhogaṁ saṅghena.
pli-tv-kd11:31.1.28	Yassāyasmato khamati channassa bhikkhuno, āpattiyā appaṭikamme, ukkhepanīyassa kammassa karaṇaṁ—
pli-tv-kd11:31.1.29	asambhogaṁ saṅghena, so tuṇhassa;
pli-tv-kd11:31.1.30	yassa nakkhamati, so bhāseyya.
pli-tv-kd11:31.1.31	Dutiyampi etamatthaṁ vadāmi …pe…
pli-tv-kd11:31.1.32	tatiyampi etamatthaṁ vadāmi—
pli-tv-kd11:31.1.33	suṇātu me, bhante, saṅgho.
pli-tv-kd11:31.1.34	Ayaṁ channo bhikkhu āpattiṁ āpajjitvā na icchati āpattiṁ paṭikātuṁ.
pli-tv-kd11:31.1.35	Saṅgho channassa bhikkhuno, āpattiyā appaṭikamme, ukkhepanīyakammaṁ karoti—
pli-tv-kd11:31.1.36	asambhogaṁ saṅghena.
pli-tv-kd11:31.1.37	Yassāyasmato khamati channassa bhikkhuno, āpattiyā appaṭikamme, ukkhepanīyassa kammassa karaṇaṁ—
pli-tv-kd11:31.1.38	asambhogaṁ saṅghena, so tuṇhassa;
pli-tv-kd11:31.1.39	yassa nakkhamati, so bhāseyya.
pli-tv-kd11:31.1.40	Kataṁ saṅghena channassa bhikkhuno, āpattiyā appaṭikamme, ukkhepanīyakammaṁ—
pli-tv-kd11:31.1.41	asambhogaṁ saṅghena.
pli-tv-kd11:31.1.42	Khamati saṅghassa, tasmā tuṇhī, evametaṁ dhārayāmī’ti.
pli-tv-kd11:31.1.43	Āvāsaparamparañca, bhikkhave, saṁsatha—
pli-tv-kd11:31.1.44	‘channo bhikkhu saṅghena āpattiyā appaṭikamme, ukkhepanīyakammakato—
pli-tv-kd11:31.1.45	asambhogaṁ saṅghenā’ti.
pli-tv-kd11:31.1.46.0	6.1. Adhammakammadvādasaka
pli-tv-kd11:31.1.46.1	Tīhi, bhikkhave, aṅgehi samannāgataṁ, āpattiyā appaṭikamme, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:31.1.47	Asammukhā kataṁ hoti, appaṭipucchā kataṁ hoti, appaṭiññāya kataṁ hoti—
pli-tv-kd11:31.1.48	imehi kho, bhikkhave, tīhaṅgehi samannāgataṁ, āpattiyā appaṭikamme, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:31.1.49	Aparehipi, bhikkhave, tīhaṅgehi samannāgataṁ, āpattiyā appaṭikamme, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:31.1.50	Anāpattiyā kataṁ hoti, adesanāgāminiyā āpattiyā kataṁ hoti, desitāya āpattiyā kataṁ hoti …pe…
pli-tv-kd11:31.1.51	acodetvā kataṁ hoti, asāretvā kataṁ hoti, āpattiṁ anāropetvā kataṁ hoti …pe…
pli-tv-kd11:31.1.52	asammukhā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.53	appaṭipucchā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.54	appaṭiññāya kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.55	anāpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.56	adesanāgāminiyā āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.57	desitāya āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.58	acodetvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.59	asāretvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:31.1.60	āpattiṁ anāropetvā kataṁ hoti, adhammena kataṁ hoti, vaggena kataṁ hoti—
pli-tv-kd11:31.1.61	imehi kho, bhikkhave, tīhaṅgehi samannāgataṁ, āpattiyā appaṭikamme, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:31.1.62	Āpattiyā appaṭikamme ukkhepanīyakamme adhammakammadvādasakaṁ niṭṭhitaṁ.
pli-tv-kd11:31.1.63.0	6.2. Dhammakammadvādasaka
pli-tv-kd11:31.1.63.1	Tīhi, bhikkhave, aṅgehi samannāgataṁ, āpattiyā appaṭikamme, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:31.1.64	Sammukhā kataṁ hoti, paṭipucchā kataṁ hoti, paṭiññāya kataṁ hoti—
pli-tv-kd11:31.1.65	imehi kho, bhikkhave, tīhaṅgehi samannāgataṁ, āpattiyā appaṭikamme, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:31.1.66	Aparehipi, bhikkhave, tīhaṅgehi samannāgataṁ, āpattiyā appaṭikamme, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:31.1.67	Āpattiyā kataṁ hoti, desanāgāminiyā āpattiyā kataṁ hoti, adesitāya āpattiyā kataṁ hoti …pe…
pli-tv-kd11:31.1.68	codetvā kataṁ hoti, sāretvā kataṁ hoti, āpattiṁ āropetvā kataṁ hoti …pe…
pli-tv-kd11:31.1.69	sammukhā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.70	paṭipucchā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.71	paṭiññāya kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.72	āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.73	desanāgāminiyā āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.74	adesitāya āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.75	codetvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.76	sāretvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:31.1.77	āpattiṁ āropetvā kataṁ hoti, dhammena kataṁ hoti, samaggena kataṁ hoti—
pli-tv-kd11:31.1.78	imehi kho, bhikkhave, tīhaṅgehi samannāgataṁ, āpattiyā appaṭikamme, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:31.1.79	Āpattiyā appaṭikamme ukkhepanīyakamme dhammakammadvādasakaṁ niṭṭhitaṁ.
pli-tv-kd11:31.1.80.0	6.3. Ākaṅkhamānachakka
pli-tv-kd11:31.1.80.1	Tīhi, bhikkhave, aṅgehi samannāgatassa bhikkhuno, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.81	Bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:31.1.82	bālo hoti abyatto āpattibahulo anapadāno;
pli-tv-kd11:31.1.83	gihisaṁsaṭṭho viharati ananulomikehi gihisaṁsaggehi—
pli-tv-kd11:31.1.84	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.85	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.86	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti—
pli-tv-kd11:31.1.87	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.88	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.89	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati—
pli-tv-kd11:31.1.90	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.91	Tiṇṇaṁ, bhikkhave, bhikkhūnaṁ, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.92	Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:31.1.93	eko bālo hoti abyatto āpattibahulo anapadāno;
pli-tv-kd11:31.1.94	eko gihisaṁsaṭṭho viharati ananulomikehi gihisaṁsaggehi—
pli-tv-kd11:31.1.95	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.96	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.97	Eko adhisīle sīlavipanno hoti, eko ajjhācāre ācāravipanno hoti, eko atidiṭṭhiyā diṭṭhivipanno hoti—
pli-tv-kd11:31.1.98	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.99	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.100	Eko buddhassa avaṇṇaṁ bhāsati, eko dhammassa avaṇṇaṁ bhāsati, eko saṅghassa avaṇṇaṁ bhāsati—
pli-tv-kd11:31.1.101	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, āpattiyā appaṭikamme, ukkhepanīyakammaṁ kareyya.
pli-tv-kd11:31.1.102	Āpattiyā appaṭikamme ukkhepanīyakamme ākaṅkhamānachakkaṁ niṭṭhitaṁ.
pli-tv-kd11:31.1.103.0	6.4. Tecattālīsavatta
pli-tv-kd11:31.1.103.1	Āpattiyā appaṭikamme ukkhepanīyakammakatena, bhikkhave, bhikkhunā sammā vattitabbaṁ.
pli-tv-kd11:31.1.104	Tatrāyaṁ sammāvattanā—
pli-tv-kd11:31.1.105	na upasampādetabbaṁ,
pli-tv-kd11:31.1.106	na nissayo dātabbo,
pli-tv-kd11:31.1.107	na sāmaṇero upaṭṭhāpetabbo,
pli-tv-kd11:31.1.108	na bhikkhunovādakasammuti sāditabbā,
pli-tv-kd11:31.1.109	sammatenapi bhikkhuniyo na ovaditabbā.
pli-tv-kd11:31.1.110	Yāya āpattiyā saṅghena, āpattiyā appaṭikamme, ukkhepanīyakammaṁ kataṁ hoti sā āpatti na āpajjitabbā,
pli-tv-kd11:31.1.111	aññā vā tādisikā,
pli-tv-kd11:31.1.112	tato vā pāpiṭṭhatarā;
pli-tv-kd11:31.1.113	kammaṁ na garahitabbaṁ,
pli-tv-kd11:31.1.114	kammikā na garahitabbā.
pli-tv-kd11:31.1.115	Na pakatattassa bhikkhuno abhivādanaṁ,
pli-tv-kd11:31.1.116	paccuṭṭhānaṁ,
pli-tv-kd11:31.1.117	añjalikammaṁ,
pli-tv-kd11:31.1.118	sāmīcikammaṁ,
pli-tv-kd11:31.1.119	āsanābhihāro,
pli-tv-kd11:31.1.120	seyyābhihāro,
pli-tv-kd11:31.1.121	pādodakaṁ pādapīṭhaṁ,
pli-tv-kd11:31.1.122	pādakathalikaṁ,
pli-tv-kd11:31.1.123	pattacīvarappaṭiggahaṇaṁ,
pli-tv-kd11:31.1.124	nahāne piṭṭhiparikammaṁ sāditabbaṁ.
pli-tv-kd11:31.1.125	Na pakatatto bhikkhu sīlavipattiyā anuddhaṁsetabbo,
pli-tv-kd11:31.1.126	na ācāravipattiyā anuddhaṁsetabbo,
pli-tv-kd11:31.1.127	na diṭṭhivipattiyā anuddhaṁsetabbo,
pli-tv-kd11:31.1.128	na ājīvavipattiyā anuddhaṁsetabbo,
pli-tv-kd11:31.1.129	na bhikkhu bhikkhūhi bhedetabbo.
pli-tv-kd11:31.1.130	Na gihiddhajo dhāretabbo,
pli-tv-kd11:31.1.131	na titthiyaddhajo dhāretabbo,
pli-tv-kd11:31.1.132	na titthiyā sevitabbā;
pli-tv-kd11:31.1.133	bhikkhū sevitabbā,
pli-tv-kd11:31.1.134	bhikkhusikkhāya sikkhitabbaṁ.
pli-tv-kd11:31.1.135	Na pakatattena bhikkhunā saddhiṁ ekacchanne āvāse vatthabbaṁ,
pli-tv-kd11:31.1.136	na ekacchanne anāvāse vatthabbaṁ,
pli-tv-kd11:31.1.137	na ekacchanne āvāse vā anāvāse vā vatthabbaṁ,
pli-tv-kd11:31.1.138	pakatattaṁ bhikkhuṁ disvā āsanā vuṭṭhātabbaṁ,
pli-tv-kd11:31.1.139	na pakatatto bhikkhu āsādetabbo anto vā bahi vā.
pli-tv-kd11:31.1.140	Na pakatattassa bhikkhuno uposatho ṭhapetabbo,
pli-tv-kd11:31.1.141	na pavāraṇā ṭhapetabbā,
pli-tv-kd11:31.1.142	na savacanīyaṁ kātabbaṁ,
pli-tv-kd11:31.1.143	na anuvādo paṭṭhapetabbo,
pli-tv-kd11:31.1.144	na okāso kāretabbo,
pli-tv-kd11:31.1.145	na codetabbo,
pli-tv-kd11:31.1.146	na sāretabbo,
pli-tv-kd11:31.1.147	na bhikkhūhi sampayojetabban”ti.
pli-tv-kd11:31.1.148	Āpattiyā appaṭikamme ukkhepanīyakamme tecattālīsavattaṁ niṭṭhitaṁ.
pli-tv-kd11:31.1.149	Atha kho saṅgho channassa bhikkhuno, āpattiyā appaṭikamme, ukkhepanīyakammaṁ akāsi—
pli-tv-kd11:31.1.150	asambhogaṁ saṅghena.
pli-tv-kd11:31.1.151	So saṅghena, āpattiyā appaṭikamme, ukkhepanīyakammakato tamhā āvāsā aññaṁ āvāsaṁ agamāsi.
pli-tv-kd11:31.1.152	Tattha bhikkhū neva abhivādesuṁ, na paccuṭṭhesuṁ, na añjalikammaṁ na sāmīcikammaṁ akaṁsu, na sakkariṁsu, na garuṁ kariṁsu, na mānesuṁ, na pūjesuṁ.
pli-tv-kd11:31.1.153	So bhikkhūhi asakkariyamāno agarukariyamāno amāniyamāno apūjiyamāno asakkārapakato tamhāpi āvāsā aññaṁ āvāsaṁ agamāsi.
pli-tv-kd11:31.1.154	Tatthapi bhikkhū neva abhivādesuṁ, na paccuṭṭhesuṁ, na añjalikammaṁ na sāmīcikammaṁ akaṁsu, na sakkariṁsu, na garuṁ kariṁsu, na mānesuṁ, na pūjesuṁ.
pli-tv-kd11:31.1.155	So bhikkhūhi asakkariyamāno agarukariyamāno amāniyamāno apūjiyamāno asakkārapakato tamhāpi āvāsā aññaṁ āvāsaṁ agamāsi.
pli-tv-kd11:31.1.156	Tatthapi bhikkhū neva abhivādesuṁ, na paccuṭṭhesuṁ, na añjalikammaṁ na sāmīcikammaṁ akaṁsu, na sakkariṁsu, na garuṁ kariṁsu, na mānesuṁ, na pūjesuṁ.
pli-tv-kd11:31.1.157	So bhikkhūhi asakkariyamāno agarukariyamāno amāniyamāno apūjiyamāno asakkārapakato punadeva kosambiṁ paccāgañchi.
pli-tv-kd11:31.1.158	So sammā vattati, lomaṁ pāteti, netthāraṁ vattati, bhikkhū upasaṅkamitvā evaṁ vadeti—
pli-tv-kd11:31.1.159	“ahaṁ, āvuso, saṅghena, āpattiyā appaṭikamme, ukkhepanīyakammakato sammā vattāmi, lomaṁ pātemi, netthāraṁ vattāmi.
pli-tv-kd11:31.1.160	Kathaṁ nu kho mayā paṭipajjitabban”ti?
pli-tv-kd11:31.1.161	Bhikkhū bhagavato etamatthaṁ ārocesuṁ …pe….
pli-tv-kd11:31.1.162	“Tena hi, bhikkhave, saṅgho channassa bhikkhuno, āpattiyā appaṭikamme, ukkhepanīyakammaṁ paṭippassambhetu.
pli-tv-kd11:31.1.163.0	6.5. Nappaṭippassambhetabbatecattālīsaka
pli-tv-kd11:31.1.163.1	Pañcahi, bhikkhave, aṅgehi samannāgatassa bhikkhuno, āpattiyā appaṭikamme, ukkhepanīyakammaṁ nappaṭippassambhetabbaṁ.
pli-tv-kd11:31.1.164	Upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-kd11:31.1.165	imehi kho, bhikkhave, pañcahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ nappaṭippassambhetabbaṁ.
pli-tv-kd11:31.1.166	Aparehipi, bhikkhave, pañcahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ nappaṭippassambhetabbaṁ.
pli-tv-kd11:31.1.167	Yāya āpattiyā saṅghena, āpattiyā appaṭikamme, ukkhepanīyakammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:31.1.168	kammaṁ garahati, kammike garahati …pe…
pli-tv-kd11:31.1.169	pakatattassa bhikkhuno abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ sādiyati …pe…
pli-tv-kd11:31.1.170	pakatattassa bhikkhuno seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ sādiyati …pe…
pli-tv-kd11:31.1.171	pakatattaṁ bhikkhuṁ sīlavipattiyā anuddhaṁseti, ācāravipattiyā anuddhaṁseti, diṭṭhivipattiyā anuddhaṁseti, ājīvavipattiyā anuddhaṁseti, bhikkhuṁ bhikkhūhi bhedeti …pe…
pli-tv-kd11:31.1.172	gihiddhajaṁ dhāreti, titthiyaddhajaṁ dhāreti, titthiye sevati, bhikkhū na sevati, bhikkhusikkhāya na sikkhati …pe…
pli-tv-kd11:31.1.173	pakatattena bhikkhunā saddhiṁ ekacchanne āvāse vasati, ekacchanne anāvāse vasati, ekacchanne āvāse vā anāvāse vā vasati, pakatattaṁ bhikkhuṁ disvā āsanā na vuṭṭhāti, pakatattaṁ bhikkhuṁ āsādeti anto vā bahi vā—
pli-tv-kd11:31.1.174	imehi kho, bhikkhave, pañcahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ nappaṭippassambhetabbaṁ.
pli-tv-kd11:31.1.175	Aṭṭhahi, bhikkhave, aṅgehi samannāgatassa bhikkhuno, āpattiyā appaṭikamme, ukkhepanīyakammaṁ nappaṭippassambhetabbaṁ.
pli-tv-kd11:31.1.176	Pakatattassa bhikkhuno uposathaṁ ṭhapeti, pavāraṇaṁ ṭhapeti, savacanīyaṁ karoti, anuvādaṁ paṭṭhapeti, okāsaṁ kāreti, codeti, sāreti, bhikkhūhi sampayojeti—
pli-tv-kd11:31.1.177	imehi kho, bhikkhave, aṭṭhahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ nappaṭippassambhetabbaṁ.
pli-tv-kd11:31.1.178	Āpattiyā appaṭikamme ukkhepanīyakamme nappaṭippassambhetabbatecattālīsakaṁ niṭṭhitaṁ.
pli-tv-kd11:31.1.179.0	6.6. Paṭippassambhetabbatecattālīsaka
pli-tv-kd11:31.1.179.1	Pañcahi, bhikkhave, aṅgehi samannāgatassa bhikkhuno, āpattiyā appaṭikamme, ukkhepanīyakammaṁ paṭippassambhetabbaṁ.
pli-tv-kd11:31.1.180	Na upasampādeti, na nissayaṁ deti, na sāmaṇeraṁ upaṭṭhāpeti, na bhikkhunovādakasammutiṁ sādiyati, sammatopi bhikkhuniyo na ovadati—
pli-tv-kd11:31.1.181	imehi kho, bhikkhave, pañcahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ paṭippassambhetabbaṁ.
pli-tv-kd11:31.1.182	Aparehipi, bhikkhave, pañcahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ paṭippassambhetabbaṁ.
pli-tv-kd11:31.1.183	Yāya āpattiyā saṅghena, āpattiyā appaṭikamme, ukkhepanīyakammaṁ kataṁ hoti taṁ āpattiṁ na āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:31.1.184	kammaṁ na garahati, kammike na garahati …pe…
pli-tv-kd11:31.1.185	na pakatattassa bhikkhuno abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ sādiyati …pe…
pli-tv-kd11:31.1.186	na pakatattassa bhikkhuno seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ sādiyati …pe…
pli-tv-kd11:31.1.187	na pakatattaṁ bhikkhuṁ sīlavipattiyā anuddhaṁseti, na ācāravipattiyā anuddhaṁseti, na diṭṭhivipattiyā anuddhaṁseti, na ājīvavipattiyā anuddhaṁseti, na bhikkhuṁ bhikkhūhi bhedeti …pe…
pli-tv-kd11:31.1.188	na gihiddhajaṁ dhāreti, na titthiyaddhajaṁ dhāreti, na titthiye sevati, bhikkhū sevati, bhikkhusikkhāya sikkhati …pe…
pli-tv-kd11:31.1.189	na pakatattena bhikkhunā saddhiṁ ekacchanne āvāse vasati, na ekacchanne anāvāse vasati, na ekacchanne āvāse vā anāvāse vā vasati, pakatattaṁ bhikkhuṁ disvā āsanā vuṭṭhāti, na pakatattaṁ bhikkhuṁ āsādeti anto vā bahi vā—
pli-tv-kd11:31.1.190	imehi kho, bhikkhave, pañcahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ paṭippassambhetabbaṁ.
pli-tv-kd11:31.1.191	Aṭṭhahi, bhikkhave, aṅgehi samannāgatassa bhikkhuno, āpattiyā appaṭikamme, ukkhepanīyakammaṁ paṭippassambhetabbaṁ.
pli-tv-kd11:31.1.192	Na pakatattassa bhikkhuno uposathaṁ ṭhapeti, na pavāraṇaṁ ṭhapeti, na savacanīyaṁ karoti, na anuvādaṁ paṭṭhapeti, na okāsaṁ kāreti, na codeti, na sāreti, na bhikkhūhi sampayojeti—
pli-tv-kd11:31.1.193	imehi kho, bhikkhave, aṭṭhahaṅgehi samannāgatassa bhikkhuno, āpattiyā appaṭikamme, ukkhepanīyakammaṁ paṭippassambhetabbaṁ.
pli-tv-kd11:31.1.194	Āpattiyā appaṭikamme ukkhepanīyakamme paṭippassambhetabbatecattālīsakaṁ niṭṭhitaṁ.
pli-tv-kd11:31.1.195	Evañca pana, bhikkhave, paṭippassambhetabbaṁ.
pli-tv-kd11:31.1.196	Tena bhikkhave, channena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd11:31.1.197	‘ahaṁ, bhante, saṅghena āpattiyā appaṭikamme ukkhepanīyakammakato sammā vattāmi, lomaṁ pātemi, netthāraṁ vattāmi, āpattiyā appaṭikamme ukkhepanīyassa kammassa paṭippassaddhiṁ yācāmī’ti.
pli-tv-kd11:31.1.198	Dutiyampi yācitabbā.
pli-tv-kd11:31.1.199	Tatiyampi yācitabbā.
pli-tv-kd11:31.1.200	Byattena bhikkhunā paṭibalena saṅgho ñāpetabbo—
pli-tv-kd11:31.1.201	‘Suṇātu me, bhante, saṅgho.
pli-tv-kd11:31.1.202	Ayaṁ channo bhikkhu saṅghena, āpattiyā appaṭikamme, ukkhepanīyakammakato sammā vattati, lomaṁ pāteti, netthāraṁ vattati, āpattiyā appaṭikamme ukkhepanīyassa kammassa paṭippassaddhiṁ yācati.
pli-tv-kd11:31.1.203	Yadi saṅghassa pattakallaṁ, saṅgho channassa bhikkhuno, āpattiyā appaṭikamme, ukkhepanīyakammaṁ paṭippassambheyya.
pli-tv-kd11:31.1.204	Esā ñatti.
pli-tv-kd11:31.1.205	Suṇātu me, bhante, saṅgho.
pli-tv-kd11:31.1.206	Ayaṁ channo bhikkhu saṅghena, āpattiyā appaṭikamme, ukkhepanīyakammakato sammā vattati, lomaṁ pāteti, netthāraṁ vattati, āpattiyā appaṭikamme ukkhepanīyassa kammassa paṭippassaddhiṁ yācati.
pli-tv-kd11:31.1.207	Saṅgho channassa bhikkhuno, āpattiyā appaṭikamme, ukkhepanīyakammaṁ paṭippassambheti.
pli-tv-kd11:31.1.208	Yassāyasmato khamati channassa bhikkhuno, āpattiyā appaṭikamme, ukkhepanīyassa kammassa paṭippassaddhi, so tuṇhassa;
pli-tv-kd11:31.1.209	yassa nakkhamati, so bhāseyya.
pli-tv-kd11:31.1.210	Dutiyampi etamatthaṁ vadāmi …pe…
pli-tv-kd11:31.1.211	tatiyampi etamatthaṁ vadāmi—
pli-tv-kd11:31.1.212	suṇātu me, bhante, saṅgho.
pli-tv-kd11:31.1.213	Ayaṁ channo bhikkhu saṅghena, āpattiyā appaṭikamme, ukkhepanīyakammakato sammā vattati, lomaṁ pāteti, netthāraṁ vattati, āpattiyā appaṭikamme, ukkhepanīyassa kammassa paṭippassaddhiṁ yācati.
pli-tv-kd11:31.1.214	Saṅgho channassa bhikkhuno, āpattiyā appaṭikamme, ukkhepanīyakammaṁ paṭippassambheti.
pli-tv-kd11:31.1.215	Yassāyasmato khamati channassa bhikkhuno, āpattiyā appaṭikamme, ukkhepanīyassa kammassa paṭippassaddhi, so tuṇhassa;
pli-tv-kd11:31.1.216	yassa nakkhamati, so bhāseyya.
pli-tv-kd11:31.1.217	Paṭippassaddhaṁ saṅghena channassa bhikkhuno, āpattiyā appaṭikamme, ukkhepanīyakammaṁ.
pli-tv-kd11:31.1.218	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:31.1.219	Āpattiyā appaṭikamme ukkhepanīyakammaṁ niṭṭhitaṁ chaṭṭhaṁ.
pli-tv-kd11:32.1.0	7. Pāpikāyadiṭṭhiyāappaṭinissagge ukkhepanīyakamma
pli-tv-kd11:32.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd11:32.1.2	Tena kho pana samayena ariṭṭhassa nāma bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ hoti—
pli-tv-kd11:32.1.3	“tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-kd11:32.1.4	Assosuṁ kho sambahulā bhikkhū ariṭṭhassa nāma kira bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ—
pli-tv-kd11:32.1.5	“Tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-kd11:32.1.6	Atha kho te bhikkhū yena ariṭṭho bhikkhu gaddhabādhipubbo tenupasaṅkamiṁsu.
pli-tv-kd11:32.1.7	Upasaṅkamitvā ariṭṭhaṁ bhikkhuṁ gaddhabādhipubbaṁ etadavocuṁ—
pli-tv-kd11:32.1.8	“saccaṁ kira te, āvuso ariṭṭha, evarūpaṁ pāpakaṁ diṭṭhigataṁ uppannaṁ—
pli-tv-kd11:32.1.9	tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti?
pli-tv-kd11:32.1.10	“Evaṁ byā kho ahaṁ, āvuso, bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-kd11:32.2.1	“Māvuso ariṭṭha, evaṁ avaca.
pli-tv-kd11:32.2.2	Mā bhagavantaṁ abbhācikkhi.
pli-tv-kd11:32.2.3	Na hi sādhu bhagavato abbhakkhānaṁ.
pli-tv-kd11:32.2.4	Na hi bhagavā evaṁ vadeyya.
pli-tv-kd11:32.2.5	Anekapariyāyenāvuso ariṭṭha, antarāyikā dhammā antarāyikā vuttā bhagavatā.
pli-tv-kd11:32.2.6	Alañca pana te paṭisevato antarāyāya.
pli-tv-kd11:32.2.7	Appassādā kāmā vuttā bhagavatā, bahudukkhā bahupāyāsā, ādīnavo ettha bhiyyo.
pli-tv-kd11:32.2.8	Aṭṭhikaṅkalūpamā kāmā vuttā bhagavatā, bahudukkhā bahupāyāsā, ādīnavo ettha bhiyyo.
pli-tv-kd11:32.2.9	Maṁsapesūpamā kāmā vuttā bhagavatā …pe…
pli-tv-kd11:32.2.10	tiṇukkūpamā kāmā vuttā bhagavatā …pe…
pli-tv-kd11:32.2.11	aṅgārakāsūpamā kāmā vuttā bhagavatā …
pli-tv-kd11:32.2.12	supinakūpamā kāmā vuttā bhagavatā …
pli-tv-kd11:32.2.13	yācitakūpamā kāmā vuttā bhagavatā …
pli-tv-kd11:32.2.14	rukkhaphalūpamā kāmā vuttā bhagavatā …
pli-tv-kd11:32.2.15	asisūnūpamā kāmā vuttā bhagavatā …
pli-tv-kd11:32.2.16	sattisūlūpamā kāmā vuttā bhagavatā …
pli-tv-kd11:32.2.17	sappasirūpamā kāmā vuttā bhagavatā, bahudukkhā bahupāyāsā, ādīnavo ettha bhiyyo”ti.
pli-tv-kd11:32.2.18	Evampi kho ariṭṭho bhikkhu gaddhabādhipubbo tehi bhikkhūhi vuccamāno tatheva taṁ pāpakaṁ diṭṭhigataṁ thāmasā parāmāsā abhinivissa voharati—
pli-tv-kd11:32.2.19	“evaṁ byā kho ahaṁ, āvuso, bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-kd11:32.3.1	Yato ca kho te bhikkhū nāsakkhiṁsu ariṭṭhaṁ bhikkhuṁ gaddhabādhipubbaṁ etasmā pāpakā diṭṭhigatā vivecetuṁ, atha kho te bhikkhū yena bhagavā tenupasaṅkamiṁsu, upasaṅkamitvā bhagavato etamatthaṁ ārocesuṁ.
pli-tv-kd11:32.3.2	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā ariṭṭhaṁ bhikkhuṁ gaddhabādhipubbaṁ paṭipucchi—
pli-tv-kd11:32.3.3	“saccaṁ kira te, ariṭṭha, evarūpaṁ pāpakaṁ diṭṭhigataṁ uppannaṁ—
pli-tv-kd11:32.3.4	tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti?
pli-tv-kd11:32.3.5	“Evaṁ byā kho ahaṁ, bhante, bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-kd11:32.3.6	“Kassa nu kho nāma tvaṁ, moghapurisa, mayā evaṁ dhammaṁ desitaṁ ājānāsi?
pli-tv-kd11:32.3.7	Nanu mayā, moghapurisa, anekapariyāyena antarāyikā dhammā antarāyikā vuttā?
pli-tv-kd11:32.3.8	Alañca pana te paṭisevato antarāyāya.
pli-tv-kd11:32.3.9	Appassādā kāmā vuttā mayā, bahudukkhā bahupāyāsā, ādīnavo ettha bhiyyo.
pli-tv-kd11:32.3.10	Aṭṭhikaṅkalūpamā kāmā vuttā mayā, bahudukkhā bahupāyāsā, ādīnavo ettha bhiyyo.
pli-tv-kd11:32.3.11	Maṁsapesūpamā kāmā vuttā mayā …pe…
pli-tv-kd11:32.3.12	tiṇukkūpamā kāmā vuttā mayā …
pli-tv-kd11:32.3.13	aṅgārakāsūpamā kāmā vuttā mayā …
pli-tv-kd11:32.3.14	supinakūpamā kāmā vuttā mayā …
pli-tv-kd11:32.3.15	yācitakūpamā kāmā vuttā mayā …
pli-tv-kd11:32.3.16	rukkhaphalūpamā kāmā vuttā mayā …
pli-tv-kd11:32.3.17	asisūnūpamā kāmā vuttā mayā …
pli-tv-kd11:32.3.18	sattisūlūpamā kāmā vuttā mayā …
pli-tv-kd11:32.3.19	sappasirūpamā kāmā vuttā mayā, bahudukkhā bahupāyāsā, ādīnavo ettha bhiyyo.
pli-tv-kd11:32.3.20	Atha ca pana tvaṁ, moghapurisa, attanā duggahitena amhe ceva abbhācikkhasi, attānañca khaṇasi, bahuñca apuññaṁ pasavasi.
pli-tv-kd11:32.3.21	Tañhi te, moghapurisa, bhavissati dīgharattaṁ ahitāya dukkhāya.
pli-tv-kd11:32.3.22	Netaṁ, moghapurisa, appasannānaṁ vā pasādāya …pe…
pli-tv-kd11:32.3.23	vigarahitvā …pe…
pli-tv-kd11:32.3.24	dhammiṁ kathaṁ katvā bhikkhū āmantesi—
pli-tv-kd11:32.3.25	“tena hi, bhikkhave, saṅgho ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyakammaṁ karotu—
pli-tv-kd11:32.3.26	asambhogaṁ saṅghena.
pli-tv-kd11:32.4.1	Evañca pana, bhikkhave, kātabbaṁ—
pli-tv-kd11:32.4.2	paṭhamaṁ ariṭṭho bhikkhu codetabbo, codetvā sāretabbo, sāretvā āpattiṁ āropetabbo, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd11:32.4.3	‘Suṇātu me, bhante, saṅgho.
pli-tv-kd11:32.4.4	Ariṭṭhassa bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ—
pli-tv-kd11:32.4.5	tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyāti.
pli-tv-kd11:32.4.6	So taṁ diṭṭhiṁ na paṭinissajjati.
pli-tv-kd11:32.4.7	Yadi saṅghassa pattakallaṁ, saṅgho ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyakammaṁ kareyya—
pli-tv-kd11:32.4.8	asambhogaṁ saṅghena.
pli-tv-kd11:32.4.9	Esā ñatti.
pli-tv-kd11:32.4.10	Suṇātu me, bhante, saṅgho.
pli-tv-kd11:32.4.11	Ariṭṭhassa bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ—
pli-tv-kd11:32.4.12	tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyāti.
pli-tv-kd11:32.4.13	So taṁ diṭṭhiṁ na paṭinissajjati.
pli-tv-kd11:32.4.14	Saṅgho ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyakammaṁ karoti—
pli-tv-kd11:32.4.15	asambhogaṁ saṅghena.
pli-tv-kd11:32.4.16	Yassāyasmato khamati ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyassa kammassa karaṇaṁ—
pli-tv-kd11:32.4.17	asambhogaṁ saṅghena, so tuṇhassa;
pli-tv-kd11:32.4.18	yassa nakkhamati, so bhāseyya.
pli-tv-kd11:32.4.19	Dutiyampi etamatthaṁ vadāmi …pe…
pli-tv-kd11:32.4.20	tatiyampi etamatthaṁ vadāmi—
pli-tv-kd11:32.4.21	suṇātu me, bhante, saṅgho.
pli-tv-kd11:32.4.22	Ariṭṭhassa bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ—
pli-tv-kd11:32.4.23	tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyāti.
pli-tv-kd11:32.4.24	So taṁ diṭṭhiṁ na paṭinissajjati.
pli-tv-kd11:32.4.25	Saṅgho ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyakammaṁ karoti—
pli-tv-kd11:32.4.26	asambhogaṁ saṅghena.
pli-tv-kd11:32.4.27	Yassāyasmato khamati ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyassa kammassa karaṇaṁ—
pli-tv-kd11:32.4.28	asambhogaṁ saṅghena, so tuṇhassa;
pli-tv-kd11:32.4.29	yassa nakkhamati, so bhāseyya.
pli-tv-kd11:32.4.30	Kataṁ saṅghena ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyakammaṁ—
pli-tv-kd11:32.4.31	asambhogaṁ saṅghena.
pli-tv-kd11:32.4.32	Khamati saṅghassa, tasmā tuṇhī, evametaṁ dhārayāmī’ti.
pli-tv-kd11:32.4.33	Āvāsaparamparañca, bhikkhave, saṁsatha—
pli-tv-kd11:32.4.34	‘ariṭṭho bhikkhu gaddhabādhipubbo, saṅghena pāpikāya diṭṭhiyā appaṭinissagge, ukkhepanīyakammakato—
pli-tv-kd11:32.4.35	asambhogaṁ saṅghenā’”ti.
pli-tv-kd11:33.1.0	7.1. Adhammakammadvādasaka
pli-tv-kd11:33.1.1	“Tīhi, bhikkhave, aṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:33.1.2	Asammukhā kataṁ hoti, appaṭipucchā kataṁ hoti, appaṭiññāya kataṁ hoti—
pli-tv-kd11:33.1.3	imehi kho, bhikkhave, tīhaṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:33.1.4	Aparehipi, bhikkhave, tīhaṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:33.1.5	Anāpattiyā kataṁ hoti, adesanāgāminiyā āpattiyā kataṁ hoti, desitāya āpattiyā kataṁ hoti …pe…
pli-tv-kd11:33.1.6	acodetvā kataṁ hoti, asāretvā kataṁ hoti, āpattiṁ anāropetvā kataṁ hoti …pe…
pli-tv-kd11:33.1.7	asammukhā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.8	appaṭipucchā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.9	appaṭiññāya kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.10	anāpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.11	adesanāgāminiyā āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.12	desitāya āpattiyā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.13	acodetvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.14	asāretvā kataṁ hoti, adhammena kataṁ hoti, vaggena kataṁ hoti …pe…
pli-tv-kd11:33.1.15	āpattiṁ anāropetvā kataṁ hoti, adhammena kataṁ hoti, vaggena kataṁ hoti—
pli-tv-kd11:33.1.16	imehi kho, bhikkhave, tīhaṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ adhammakammañca hoti, avinayakammañca, duvūpasantañca.
pli-tv-kd11:33.1.17	Pāpikāya diṭṭhiyā appaṭinissagge ukkhepanīyakamme adhammakammadvādasakaṁ niṭṭhitaṁ.
pli-tv-kd11:33.1.18.0	7.2. Dhammakammadvādasaka
pli-tv-kd11:33.1.18.1	Tīhi, bhikkhave, aṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:33.1.19	Sammukhā kataṁ hoti, paṭipucchā kataṁ hoti, paṭiññāya kataṁ hoti—
pli-tv-kd11:33.1.20	imehi kho, bhikkhave, tīhaṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:33.1.21	Aparehipi, bhikkhave, tīhaṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:33.1.22	Āpattiyā kataṁ hoti, desanāgāminiyā āpattiyā kataṁ hoti, adesitāya āpattiyā kataṁ hoti …pe…
pli-tv-kd11:33.1.23	codetvā kataṁ hoti, sāretvā kataṁ hoti, āpattiṁ āropetvā kataṁ hoti …pe…
pli-tv-kd11:33.1.24	sammukhā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.25	paṭipucchā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.26	paṭiññāya kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.27	āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.28	desanāgāminiyā āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.29	adesitāya āpattiyā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.30	codetvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.31	sāretvā kataṁ hoti, dhammena kataṁ hoti, samaggena kataṁ hoti …pe…
pli-tv-kd11:33.1.32	āpattiṁ āropetvā kataṁ hoti, dhammena kataṁ hoti, samaggena kataṁ hoti—
pli-tv-kd11:33.1.33	imehi kho, bhikkhave, tīhaṅgehi samannāgataṁ, pāpikāya diṭṭhiyā appaṭinissagge, ukkhepanīyakammaṁ dhammakammañca hoti, vinayakammañca, suvūpasantañca.
pli-tv-kd11:33.1.34	Pāpikāya diṭṭhiyā appaṭinissagge ukkhepanīyakamme dhammakammadvādasakaṁ niṭṭhitaṁ.
pli-tv-kd11:33.1.35.0	7.3. Ākaṅkhamānachakka
pli-tv-kd11:33.1.35.1	Tīhi, bhikkhave, aṅgehi samannāgatassa bhikkhuno, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.36	Bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:33.1.37	bālo hoti abyatto āpattibahulo anapadāno;
pli-tv-kd11:33.1.38	gihisaṁsaṭṭho viharati ananulomikehi gihisaṁsaggehi—
pli-tv-kd11:33.1.39	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.40	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.41	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti—
pli-tv-kd11:33.1.42	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.43	Aparehipi, bhikkhave, tīhaṅgehi samannāgatassa bhikkhuno, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.44	Buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati—
pli-tv-kd11:33.1.45	imehi kho, bhikkhave, tīhaṅgehi samannāgatassa bhikkhuno, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.46	Tiṇṇaṁ, bhikkhave, bhikkhūnaṁ, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.47	Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd11:33.1.48	eko bālo hoti abyatto āpattibahulo anapadāno;
pli-tv-kd11:33.1.49	eko gihisaṁsaṭṭho viharati ananulomikehi gihisaṁsaggehi—
pli-tv-kd11:33.1.50	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.51	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.52	Eko adhisīle sīlavipanno hoti, eko ajjhācāre ācāravipanno hoti, eko atidiṭṭhiyā diṭṭhivipanno hoti—
pli-tv-kd11:33.1.53	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.54	Aparesampi, bhikkhave, tiṇṇaṁ bhikkhūnaṁ, ākaṅkhamāno saṅgho, pāpikāya diṭṭhiyā appaṭinissagge, ukkhepanīyakammaṁ kareyya.
pli-tv-kd11:33.1.55	Eko buddhassa avaṇṇaṁ bhāsati, eko dhammassa avaṇṇaṁ bhāsati, eko saṅghassa avaṇṇaṁ bhāsati—
pli-tv-kd11:33.1.56	imesaṁ kho, bhikkhave, tiṇṇaṁ bhikkhūnaṁ, ākaṅkhamāno saṅgho, pāpikāya diṭṭhiyā appaṭinissage, ukkhepanīyakammaṁ kareyya.
pli-tv-kd11:33.1.57	Pāpikāya diṭṭhiyā appaṭinissage ukkhepanīyakamme ākaṅkhamānachakkaṁ niṭṭhitaṁ.
pli-tv-kd11:33.1.58.0	7.4. Tecattālīsavatta
pli-tv-kd11:33.1.58.1	Pāpikāya diṭṭhiyā appaṭinissagge ukkhepanīyakammakatena, bhikkhave, bhikkhunā sammā vattitabbaṁ.
pli-tv-kd11:33.1.59	Tatrāyaṁ sammāvattanā—
pli-tv-kd11:33.1.60	na upasampādetabbaṁ,
pli-tv-kd11:33.1.61	na nissayo dātabbo,
pli-tv-kd11:33.1.62	na sāmaṇero upaṭṭhāpetabbo,
pli-tv-kd11:33.1.63	na bhikkhunovādakasammuti sāditabbā,
pli-tv-kd11:33.1.64	sammatenapi bhikkhuniyo na ovaditabbā.
pli-tv-kd11:33.1.65	Yāya āpattiyā saṅghena, pāpikāya diṭṭhiyā appaṭinissagge, ukkhepanīyakammaṁ kataṁ hoti sā āpatti na āpajjitabbā,
pli-tv-kd11:33.1.66	aññā vā tādisikā,
pli-tv-kd11:33.1.67	tato vā pāpiṭṭhatarā;
pli-tv-kd11:33.1.68	kammaṁ na garahitabbaṁ,
pli-tv-kd11:33.1.69.1	kammikā na garahitabbā …pe…,
pli-tv-kd11:33.1.69.2	
pli-tv-kd11:33.1.69.3	
pli-tv-kd11:33.1.69.4	
pli-tv-kd11:33.1.69.5	
pli-tv-kd11:33.1.69.6	
pli-tv-kd11:33.1.69.7	
pli-tv-kd11:33.1.69.8	
pli-tv-kd11:33.1.69.9	
pli-tv-kd11:33.1.69.10	
pli-tv-kd11:33.1.69.11	
pli-tv-kd11:33.1.69.12	
pli-tv-kd11:33.1.69.13	
pli-tv-kd11:33.1.69.14	
pli-tv-kd11:33.1.69.15	
pli-tv-kd11:33.1.69.16	
pli-tv-kd11:33.1.69.17	
pli-tv-kd11:33.1.69.18	
pli-tv-kd11:33.1.69.19	
pli-tv-kd11:33.1.69.20	
pli-tv-kd11:33.1.69.21	
pli-tv-kd11:33.1.69.22	
pli-tv-kd11:33.1.69.23	
pli-tv-kd11:33.1.69.24	
pli-tv-kd11:33.1.69.25	
pli-tv-kd11:33.1.69.26	
pli-tv-kd11:33.1.70	na pakatattassa bhikkhuno uposatho ṭhapetabbo,
pli-tv-kd11:33.1.71	na pavāraṇā ṭhapetabbā,
pli-tv-kd11:33.1.72	na savacanīyaṁ kātabbaṁ,
pli-tv-kd11:33.1.73	na anuvādo paṭṭhapetabbo,
pli-tv-kd11:33.1.74	na okāso kāretabbo,
pli-tv-kd11:33.1.75	na codetabbo,
pli-tv-kd11:33.1.76	na sāretabbo,
pli-tv-kd11:33.1.77	na bhikkhūhi sampayojetabban”ti.
pli-tv-kd11:33.1.78	Pāpikāya diṭṭhiyā appaṭinissagge ukkhepanīyakamme tecattālīsavattaṁ niṭṭhitaṁ.
pli-tv-kd11:34.1.1	Atha kho saṅgho ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyakammaṁ akāsi—
pli-tv-kd11:34.1.2	asambhogaṁ saṅghena.
pli-tv-kd11:34.1.3	So saṅghena, pāpikāya diṭṭhiyā appaṭinissagge, ukkhepanīyakammakato vibbhami.
pli-tv-kd11:34.1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-kd11:34.1.5	“kathañhi nāma ariṭṭho bhikkhu gaddhabādhipubbo saṅghena, pāpikāya diṭṭhiyā appaṭinissagge, ukkhepanīyakammakato vibbhamissatī”ti?
pli-tv-kd11:34.1.6	Atha kho te bhikkhū bhagavato etamatthaṁ ārocesuṁ.
pli-tv-kd11:34.1.7	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd11:34.1.8	“saccaṁ kira, bhikkhave, ariṭṭho bhikkhu gaddhabādhipubbo saṅghena, pāpikāya diṭṭhiyā appaṭinissagge, ukkhepanīyakammakato vibbhamatī”ti?
pli-tv-kd11:34.1.9	“Saccaṁ, bhagavā”ti.
pli-tv-kd11:34.1.10	Vigarahi buddho bhagavā—
pli-tv-kd11:34.1.11	“ananucchavikaṁ …pe…
pli-tv-kd11:34.1.12	kathañhi nāma so, bhikkhave, moghapuriso saṅghena, pāpikāya diṭṭhiyā appaṭinissagge, ukkhepanīyakammakato vibbhamissati?
pli-tv-kd11:34.1.13	Netaṁ, bhikkhave, appasannānaṁ vā pasādāya …pe…
pli-tv-kd11:34.1.14	vigarahitvā …pe…
pli-tv-kd11:34.1.15	dhammiṁ kathaṁ katvā bhikkhū āmantesi—
pli-tv-kd11:34.1.16	“tena hi, bhikkhave, saṅgho, pāpikāya diṭṭhiyā appaṭinissagge, ukkhepanīyakammaṁ paṭippassambhetu.
pli-tv-kd11:34.2.0	7.5. Nappaṭippassambhetabbatecattālīsaka
pli-tv-kd11:34.2.1	Pañcahi, bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ nappaṭippassambhetabbaṁ.
pli-tv-kd11:34.2.2	Upasampādeti, nissayaṁ deti, sāmaṇeraṁ upaṭṭhāpeti, bhikkhunovādakasammutiṁ sādiyati, sammatopi bhikkhuniyo ovadati—
pli-tv-kd11:34.2.3	imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissage, ukkhepanīyakammaṁ nappaṭippassambhetabbaṁ.
pli-tv-kd11:34.2.4	Aparehipi, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ nappaṭippassambhetabbaṁ.
pli-tv-kd11:34.2.5	Yāya āpattiyā saṅghena pāpikāya diṭṭhiyā appaṭinissagge ukkhepanīyakammaṁ kataṁ hoti taṁ āpattiṁ āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:34.2.6	kammaṁ garahati, kammike garahati—
pli-tv-kd11:34.2.7	imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ nappaṭippassambhetabbaṁ …
pli-tv-kd11:34.2.8	pe….
pli-tv-kd11:34.2.9	Aṭṭhahi, bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ nappaṭippassambhetabbaṁ.
pli-tv-kd11:34.2.10	Pakatattassa bhikkhuno uposathaṁ ṭhapeti, pavāraṇaṁ ṭhapeti, savacanīyaṁ karoti, anuvādaṁ paṭṭhapeti, okāsaṁ kāreti, codeti, sāreti, bhikkhūhi sampayojeti—
pli-tv-kd11:34.2.11	imehi kho, bhikkhave, aṭṭhahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ nappaṭippassambhetabbaṁ.
pli-tv-kd11:34.2.12	Pāpikāya diṭṭhiyā appaṭinissagge ukkhepanīyakamme nappaṭippassambhetabbatecattālīsakaṁ niṭṭhitaṁ.
pli-tv-kd11:34.2.13.0	7.6. Paṭippassambhetabbatecattālīsaka
pli-tv-kd11:34.2.13.1	Pañcahi, bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambhetabbaṁ.
pli-tv-kd11:34.2.14	Na upasampādeti, na nissayaṁ deti, na sāmaṇeraṁ upaṭṭhāpeti, na bhikkhunovādakasammutiṁ sādiyati, sammatopi bhikkhuniyo na ovadati—
pli-tv-kd11:34.2.15	imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambhetabbaṁ.
pli-tv-kd11:34.2.16	Aparehipi, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambhetabbaṁ.
pli-tv-kd11:34.2.17	Yāya āpattiyā saṅghena, pāpikāya diṭṭhiyā appaṭinissagge, ukkhepanīyakammaṁ kataṁ hoti taṁ āpattiṁ na āpajjati, aññaṁ vā tādisikaṁ, tato vā pāpiṭṭhataraṁ;
pli-tv-kd11:34.2.18	kammaṁ na garahati, kammike na garahati—
pli-tv-kd11:34.2.19	imehi kho, bhikkhave, pañcahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambhetabbaṁ …
pli-tv-kd11:34.2.20	pe….
pli-tv-kd11:34.2.21	Aṭṭhahi, bhikkhave, aṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambhetabbaṁ.
pli-tv-kd11:34.2.22	Na pakatattassa bhikkhuno uposathaṁ ṭhapeti, na pavāraṇaṁ ṭhapeti, na savacanīyaṁ karoti, na anuvādaṁ paṭṭhapeti, na okāsaṁ kāreti, na codeti, na sāreti, na bhikkhūhi sampayojeti—
pli-tv-kd11:34.2.23	imehi kho, bhikkhave, aṭṭhahaṅgehi samannāgatassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambhetabbaṁ.
pli-tv-kd11:34.2.24	Pāpikāya diṭṭhiyā appaṭinissagge ukkhepanīyakamme paṭippassambhetabbatecattālīsakaṁ niṭṭhitaṁ.
pli-tv-kd11:35.1.1	Evañca pana, bhikkhave, paṭippassambhetabbaṁ.
pli-tv-kd11:35.1.2	Tena, bhikkhave, pāpikāya diṭṭhiyā appaṭinissagge, ukkhepanīyakammakatena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd11:35.1.3	‘ahaṁ, bhante, saṅghena, pāpikāya diṭṭhiyā appaṭinissagge, ukkhepanīyakammakato sammā vattāmi, lomaṁ pātemi, netthāraṁ vattāmi, pāpikāya diṭṭhiyā appaṭinissagge, ukkhepanīyassa kammassa paṭippassaddhiṁ yācāmī’ti.
pli-tv-kd11:35.1.4	Dutiyampi yācitabbā.
pli-tv-kd11:35.1.5	Tatiyampi yācitabbā.
pli-tv-kd11:35.1.6	Byattena bhikkhunā paṭibalena saṅgho ñāpetabbo—
pli-tv-kd11:35.1.7	‘Suṇātu me, bhante, saṅgho.
pli-tv-kd11:35.1.8	Ayaṁ itthannāmo bhikkhu saṅghena, pāpikāya diṭṭhiyā appaṭinissagge, ukkhepanīyakammakato sammā vattati, lomaṁ pāteti, netthāraṁ vattati, pāpikāya diṭṭhiyā appaṭinissagge, ukkhepanīyassa kammassa paṭippassaddhiṁ yācati.
pli-tv-kd11:35.1.9	Yadi saṅghassa pattakallaṁ, saṅgho itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambheyya.
pli-tv-kd11:35.1.10	Esā ñatti.
pli-tv-kd11:35.1.11	Suṇātu me, bhante, saṅgho.
pli-tv-kd11:35.1.12	Ayaṁ itthannāmo bhikkhu saṅghena, pāpikāya diṭṭhiyā appaṭinissagge, ukkhepanīyakammakato sammā vattati, lomaṁ pāteti, netthāraṁ vattati, pāpikāya diṭṭhiyā appaṭinissagge, ukkhepanīyassa kammassa paṭippassaddhiṁ yācati.
pli-tv-kd11:35.1.13	Saṅgho itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambheti.
pli-tv-kd11:35.1.14	Yassāyasmato khamati itthannāmassa bhikkhuno, pāpikāya diṭṭhiyā appaṭinissagge, ukkhepanīyassa kammassa paṭippassaddhi, so tuṇhassa;
pli-tv-kd11:35.1.15	yassa nakkhamati, so bhāseyya.
pli-tv-kd11:35.1.16	Dutiyampi etamatthaṁ vadāmi …pe…
pli-tv-kd11:35.1.17	tatiyampi etamatthaṁ vadāmi—
pli-tv-kd11:35.1.18	suṇātu me, bhante, saṅgho.
pli-tv-kd11:35.1.19	Ayaṁ itthannāmo bhikkhu saṅghena, pāpikāya diṭṭhiyā appaṭinissagge, ukkhepanīyakammakato sammā vattati, lomaṁ pāteti, netthāraṁ vattati, pāpikāya diṭṭhiyā appaṭinissagge ukkhepanīyassa kammassa paṭippassaddhiṁ yācati.
pli-tv-kd11:35.1.20	Saṅgho itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṁ paṭippassambheti.
pli-tv-kd11:35.1.21	Yassāyasmato khamati itthannāmassa bhikkhuno, pāpikāya diṭṭhiyā appaṭinissagge, ukkhepanīyassa kammassa paṭippassaddhi, so tuṇhassa;
pli-tv-kd11:35.1.22	yassa nakkhamati, so bhāseyya.
pli-tv-kd11:35.1.23	Paṭippassaddhaṁ saṅghena itthannāmassa bhikkhuno, pāpikāya diṭṭhiyā appaṭinissagge, ukkhepanīyakammaṁ.
pli-tv-kd11:35.1.24	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd11:35.1.25	Pāpikāya diṭṭhiyā appaṭinissagge ukkhepanīyakammaṁ niṭṭhitaṁ sattamaṁ.
pli-tv-kd11:35.1.26	Kammakkhandhako paṭhamo. Imamhi khandhake vatthū satta.
pli-tv-kd11:35.1.27	Tassuddānaṁ
pli-tv-kd11:35.1.28	Paṇḍulohitakā bhikkhū,
pli-tv-kd11:35.1.29	sayaṁ bhaṇḍanakārakā;
pli-tv-kd11:35.1.30	Tādise upasaṅkamma,
pli-tv-kd11:35.1.31	ussahiṁsu ca bhaṇḍane.
pli-tv-kd11:35.1.32	Anuppannāpi jāyanti,
pli-tv-kd11:35.1.33	uppannānipi vaḍḍhare;
pli-tv-kd11:35.1.34	Appicchā pesalā bhikkhū,
pli-tv-kd11:35.1.35	ujjhāyanti padassato.
pli-tv-kd11:35.1.36	Saddhammaṭṭhitiko buddho,
pli-tv-kd11:35.1.37	sayambhū aggapuggalo;
pli-tv-kd11:35.1.38	Āṇāpesi tajjanīya,
pli-tv-kd11:35.1.39	kammaṁ sāvatthiyaṁ jino.
pli-tv-kd11:35.1.40	Asammukhāppaṭipucchāp-
pli-tv-kd11:35.1.41	paṭiññāya katañca yaṁ;
pli-tv-kd11:35.1.42	Anāpatti adesane,
pli-tv-kd11:35.1.43	desitāya katañca yaṁ.
pli-tv-kd11:35.1.44	Acodetvā asāretvā,
pli-tv-kd11:35.1.45	anāropetvā ca yaṁ kataṁ;
pli-tv-kd11:35.1.46	Asammukhā adhammena,
pli-tv-kd11:35.1.47	vaggena cāpi yaṁ kataṁ.
pli-tv-kd11:35.1.48	Appaṭipucchā adhammena,
pli-tv-kd11:35.1.49	puna vaggena yaṁ kataṁ;
pli-tv-kd11:35.1.50	Appaṭiññāya adhammena,
pli-tv-kd11:35.1.51	vaggena cāpi yaṁ kataṁ.
pli-tv-kd11:35.1.52	Anāpatti adhammena,
pli-tv-kd11:35.1.53	vaggena cāpi yaṁ kataṁ;
pli-tv-kd11:35.1.54	Adesanāgāminiyā,
pli-tv-kd11:35.1.55	adhammavaggameva ca.
pli-tv-kd11:35.1.56	Desitāya adhammena,
pli-tv-kd11:35.1.57	vaggenāpi tatheva ca;
pli-tv-kd11:35.1.58	Acodetvā adhammena,
pli-tv-kd11:35.1.59	vaggenāpi tatheva ca.
pli-tv-kd11:35.1.60	Asāretvā adhammena,
pli-tv-kd11:35.1.61	vaggenāpi tatheva ca;
pli-tv-kd11:35.1.62	Anāropetvā adhammena,
pli-tv-kd11:35.1.63	vaggenāpi tatheva ca.
pli-tv-kd11:35.1.64	Kaṇhavāranayeneva,
pli-tv-kd11:35.1.65	sukkavāraṁ vijāniyā;
pli-tv-kd11:35.1.66	Saṅgho ākaṅkhamāno ca,
pli-tv-kd11:35.1.67	yassa tajjanīyaṁ kare.
pli-tv-kd11:35.1.68	Bhaṇḍanaṁ bālo saṁsaṭṭho,
pli-tv-kd11:35.1.69	adhisīle ajjhācāre;
pli-tv-kd11:35.1.70	Atidiṭṭhivipannassa,
pli-tv-kd11:35.1.71	saṅgho tajjanīyaṁ kare.
pli-tv-kd11:35.1.72	Buddhadhammassa saṅghassa,
pli-tv-kd11:35.1.73	avaṇṇaṁ yo ca bhāsati;
pli-tv-kd11:35.1.74	Tiṇṇannampi ca bhikkhūnaṁ,
pli-tv-kd11:35.1.75	saṅgho tajjaniyaṁ kare.
pli-tv-kd11:35.1.76	Bhaṇḍanaṁ kārako eko,
pli-tv-kd11:35.1.77	bālo saṁsagganissito;
pli-tv-kd11:35.1.78	Adhisīle ajjhācāre,
pli-tv-kd11:35.1.79	tatheva atidiṭṭhiyā.
pli-tv-kd11:35.1.80	Buddhadhammassa saṅghassa,
pli-tv-kd11:35.1.81	avaṇṇaṁ yo ca bhāsati;
pli-tv-kd11:35.1.82	Tajjanīyakammakato,
pli-tv-kd11:35.1.83	evaṁ sammānuvattanā.
pli-tv-kd11:35.1.84	Upasampadanissayā,
pli-tv-kd11:35.1.85	sāmaṇeraṁ upaṭṭhanā;
pli-tv-kd11:35.1.86	Ovādasammatenāpi,
pli-tv-kd11:35.1.87	na kare tajjanīkato.
pli-tv-kd11:35.1.88	Nāpajje tañca āpattiṁ,
pli-tv-kd11:35.1.89	tādisañca tato paraṁ;
pli-tv-kd11:35.1.90	Kammañca kammike cāpi,
pli-tv-kd11:35.1.91	na garahe tathāvidho.
pli-tv-kd11:35.1.92	Uposathaṁ pavāraṇaṁ,
pli-tv-kd11:35.1.93	pakatattassa naṭṭhape;
pli-tv-kd11:35.1.94	Savacaniṁ anuvādo,
pli-tv-kd11:35.1.95	okāso codanena ca.
pli-tv-kd11:35.1.96	Sāraṇaṁ sampayogañca,
pli-tv-kd11:35.1.97	na kareyya tathāvidho;
pli-tv-kd11:35.1.98	Upasampadanissayā,
pli-tv-kd11:35.1.99	sāmaṇeraṁ upaṭṭhanā.
pli-tv-kd11:35.1.100	Ovādasammatenāpi,
pli-tv-kd11:35.1.101	pañcahaṅgehi na sammati;
pli-tv-kd11:35.1.102	Tañcāpajjati āpattiṁ,
pli-tv-kd11:35.1.103	tādisañca tato paraṁ.
pli-tv-kd11:35.1.104	Kammañca kammike cāpi,
pli-tv-kd11:35.1.105	garahanto na sammati;
pli-tv-kd11:35.1.106	Uposathaṁ pavāraṇaṁ,
pli-tv-kd11:35.1.107	savacanīyā ca novādo.
pli-tv-kd11:35.1.108	Okāso codanañceva,
pli-tv-kd11:35.1.109	sāraṇā sampayojanā;
pli-tv-kd11:35.1.110	Imehaṭṭhaṅgehi yo yutto,
pli-tv-kd11:35.1.111	tajjanānupasammati.
pli-tv-kd11:35.1.112	Kaṇhavāranayeneva,
pli-tv-kd11:35.1.113	sukkavāraṁ vijāniyā;
pli-tv-kd11:35.1.114	Bālo āpattibahulo,
pli-tv-kd11:35.1.115	saṁsaṭṭhopi ca seyyaso.
pli-tv-kd11:35.1.116	Niyassakammaṁ sambuddho,
pli-tv-kd11:35.1.117	āṇāpesi mahāmuni;
pli-tv-kd11:35.1.118	Kīṭāgirismiṁ dve bhikkhū,
pli-tv-kd11:35.1.119	assajipunabbasukā.
pli-tv-kd11:35.1.120	Anācārañca vividhaṁ,
pli-tv-kd11:35.1.121	ācariṁsu asaññatā;
pli-tv-kd11:35.1.122	Pabbājanīyaṁ sambuddho,
pli-tv-kd11:35.1.123	kammaṁ sāvatthiyaṁ jino;
pli-tv-kd11:35.1.124	Macchikāsaṇḍe sudhammo,
pli-tv-kd11:35.1.125	cittassāvāsiko ahu.
pli-tv-kd11:35.1.126	Jātivādena khuṁseti,
pli-tv-kd11:35.1.127	sudhammo cittupāsakaṁ;
pli-tv-kd11:35.1.128	Paṭisāraṇīyakammaṁ,
pli-tv-kd11:35.1.129	āṇāpesi tathāgato.
pli-tv-kd11:35.1.130	Kosambiyaṁ channaṁ bhikkhuṁ,
pli-tv-kd11:35.1.131	Nicchantāpattiṁ passituṁ;
pli-tv-kd11:35.1.132	Adassane ukkhipituṁ,
pli-tv-kd11:35.1.133	Āṇāpesi jinuttamo.
pli-tv-kd11:35.1.134	Channo taṁyeva āpattiṁ,
pli-tv-kd11:35.1.135	paṭikātuṁ na icchati;
pli-tv-kd11:35.1.136	Ukkhepanāppaṭikamme,
pli-tv-kd11:35.1.137	āṇāpesi vināyako.
pli-tv-kd11:35.1.138	Pāpadiṭṭhi ariṭṭhassa,
pli-tv-kd11:35.1.139	āsi aññāṇanissitā;
pli-tv-kd11:35.1.140	Diṭṭhiyāppaṭinissagge,
pli-tv-kd11:35.1.141	ukkhepaṁ jinabhāsitaṁ.
pli-tv-kd11:35.1.142	Niyassakammaṁ pabbajjaṁ,
pli-tv-kd11:35.1.143	tatheva paṭisāraṇī;
pli-tv-kd11:35.1.144	Adassanāppaṭikamme,
pli-tv-kd11:35.1.145	anissagge ca diṭṭhiyā.
pli-tv-kd11:35.1.146	Davānācārūpaghāti,
pli-tv-kd11:35.1.147	micchāājīvameva ca;
pli-tv-kd11:35.1.148	Pabbājanīyakammamhi,
pli-tv-kd11:35.1.149	atirekapadā ime.
pli-tv-kd11:35.1.150	Alābhāvaṇṇā dve pañca,
pli-tv-kd11:35.1.151	dve pañcakāti nāmakā;
pli-tv-kd11:35.1.152	Paṭisāraṇīyakammamhi,
pli-tv-kd11:35.1.153	atirekapadā ime.
pli-tv-kd11:35.1.154	Tajjanīyaṁ niyassañca,
pli-tv-kd11:35.1.155	duve kammāpi sādisā;
pli-tv-kd11:35.1.156	Pabbajjā paṭisārī ca,
pli-tv-kd11:35.1.157	atthi padātirittatā.
pli-tv-kd11:35.1.158	Tayo ukkhepanā kammā,
pli-tv-kd11:35.1.159	sadisā te vibhattito;
pli-tv-kd11:35.1.160	Tajjanīyanayenāpi,
pli-tv-kd11:35.1.161	sesakammaṁ vijāniyāti.
pli-tv-kd11:35.1.162	Kammakkhandhako niṭṭhito.
pli-tv-kd12:0.1	Theravāda Vinayapiṭaka
pli-tv-kd12:0.2	Cūḷavagga
pli-tv-kd12:0.3	12. Pārivāsikakkhandhaka
pli-tv-kd12:0.4	1. Pārivāsikavatta
pli-tv-kd12:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd12:1.1.2	Tena kho pana samayena pārivāsikā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ.
pli-tv-kd12:1.1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd12:1.1.4	“kathañhi nāma pārivāsikā bhikkhū sādiyissanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikamman”ti.
pli-tv-kd12:1.1.5	Atha kho te bhikkhū bhagavato etamatthaṁ ārocesuṁ.
pli-tv-kd12:1.1.6	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd12:1.1.7	“saccaṁ kira, bhikkhave, pārivāsikā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikamman”ti?
pli-tv-kd12:1.1.8	“Saccaṁ, bhagavā”ti.
pli-tv-kd12:1.1.9	Vigarahi buddho bhagavā—
pli-tv-kd12:1.1.10	“ananucchavikaṁ …pe…
pli-tv-kd12:1.1.11	kathañhi nāma, bhikkhave, pārivāsikā bhikkhū sādiyissanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ.
pli-tv-kd12:1.1.12	Netaṁ, bhikkhave, appasannānaṁ vā pasādāya …pe…
pli-tv-kd12:1.1.13	vigarahitvā …pe…
pli-tv-kd12:1.1.14	dhammiṁ kathaṁ katvā bhikkhū āmantesi—
pli-tv-kd12:1.1.15	“na, bhikkhave, pārivāsikena bhikkhunā sāditabbaṁ
pli-tv-kd12:1.1.16	pakatattānaṁ bhikkhūnaṁ abhivādanaṁ,
pli-tv-kd12:1.1.17	paccuṭṭhānaṁ,
pli-tv-kd12:1.1.18	añjalikammaṁ,
pli-tv-kd12:1.1.19	sāmīcikammaṁ,
pli-tv-kd12:1.1.20	āsanābhihāro,
pli-tv-kd12:1.1.21	seyyābhihāro,
pli-tv-kd12:1.1.22	pādodakaṁ pādapīṭhaṁ,
pli-tv-kd12:1.1.23	pādakathalikaṁ,
pli-tv-kd12:1.1.24	pattacīvarappaṭiggahaṇaṁ,
pli-tv-kd12:1.1.25	nahāne piṭṭhiparikammaṁ.
pli-tv-kd12:1.1.26	Yo sādiyeyya, āpatti dukkaṭassa.
pli-tv-kd12:1.1.27	Anujānāmi, bhikkhave, pārivāsikānaṁ bhikkhūnaṁ mithu yathāvuḍḍhaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ.
pli-tv-kd12:1.1.28	Anujānāmi, bhikkhave, pārivāsikānaṁ bhikkhūnaṁ pañca yathāvuḍḍhaṁ—
pli-tv-kd12:1.1.29	uposathaṁ, pavāraṇaṁ, vassikasāṭikaṁ, oṇojanaṁ, bhattaṁ.
pli-tv-kd12:1.1.30	Tena hi, bhikkhave, pārivāsikānaṁ bhikkhūnaṁ vattaṁ paññapessāmi yathā pārivāsikehi bhikkhūhi vattitabbaṁ.
pli-tv-kd12:1.2.1	Pārivāsikena, bhikkhave, bhikkhunā sammā vattitabbaṁ.
pli-tv-kd12:1.2.2	Tatrāyaṁ sammāvattanā—
pli-tv-kd12:1.2.3	Na upasampādetabbaṁ,
pli-tv-kd12:1.2.4	na nissayo dātabbo,
pli-tv-kd12:1.2.5	na sāmaṇero upaṭṭhāpetabbo,
pli-tv-kd12:1.2.6	na bhikkhunovādakasammuti sāditabbā,
pli-tv-kd12:1.2.7	sammatenapi bhikkhuniyo na ovaditabbā.
pli-tv-kd12:1.2.8	Yāya āpattiyā saṅghena parivāso dinno hoti sā āpatti na āpajjitabbā, aññā vā tādisikā, tato vā pāpiṭṭhatarā;
pli-tv-kd12:1.2.9	kammaṁ na garahitabbaṁ,
pli-tv-kd12:1.2.10	kammikā na garahitabbā.
pli-tv-kd12:1.2.11	Na pakatattassa bhikkhuno uposatho ṭhapetabbo,
pli-tv-kd12:1.2.12	na pavāraṇā ṭhapetabbā,
pli-tv-kd12:1.2.13	na savacanīyaṁ kātabbaṁ,
pli-tv-kd12:1.2.14	na anuvādo paṭṭhapetabbo,
pli-tv-kd12:1.2.15	na okāso kāretabbo,
pli-tv-kd12:1.2.16	na codetabbo,
pli-tv-kd12:1.2.17	na sāretabbo,
pli-tv-kd12:1.2.18	na bhikkhūhi sampayojetabbaṁ.
pli-tv-kd12:1.2.19	Na, bhikkhave, pārivāsikena bhikkhunā pakatattassa bhikkhuno purato gantabbaṁ,
pli-tv-kd12:1.2.20	na purato nisīditabbaṁ.
pli-tv-kd12:1.2.21	Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
pli-tv-kd12:1.2.22	Na, bhikkhave, pārivāsikena bhikkhunā pakatattena bhikkhunā puresamaṇena vā
pli-tv-kd12:1.2.23	pacchāsamaṇena vā kulāni upasaṅkamitabbāni,
pli-tv-kd12:1.2.24	na āraññikaṅgaṁ samādātabbaṁ,
pli-tv-kd12:1.2.25	na piṇḍapātikaṅgaṁ samādātabbaṁ,
pli-tv-kd12:1.2.26	na ca tappaccayā piṇḍapāto nīharāpetabbo—mā maṁ jāniṁsūti.
pli-tv-kd12:1.2.27	Pārivāsikena, bhikkhave, bhikkhunā āgantukena ārocetabbaṁ,
pli-tv-kd12:1.2.28	āgantukassa ārocetabbaṁ,
pli-tv-kd12:1.2.29	uposathe ārocetabbaṁ,
pli-tv-kd12:1.2.30	pavāraṇāya ārocetabbaṁ.
pli-tv-kd12:1.2.31	Sace gilāno hoti, dūtenapi ārocetabbaṁ.
pli-tv-kd12:1.3.1	Na, bhikkhave, pārivāsikena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
pli-tv-kd12:1.3.2	Na, bhikkhave, pārivāsikena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā.
pli-tv-kd12:1.3.3	Na, bhikkhave, pārivāsikena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:1.3.4	Na, bhikkhave, pārivāsikena bhikkhunā sabhikkhukā anāvāsā abhikkhuko āvāso gantabbo, aññatra pakatattena, aññatra antarāyā.
pli-tv-kd12:1.3.5	Na, bhikkhave, pārivāsikena bhikkhunā sabhikkhukā anāvāsā abhikkhuko anāvāso gantabbo, aññatra pakatattena, aññatra antarāyā.
pli-tv-kd12:1.3.6	Na, bhikkhave, pārivāsikena bhikkhunā sabhikkhukā anāvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:1.3.7	Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko āvāso gantabbo, aññatra pakatattena, aññatra antarāyā.
pli-tv-kd12:1.3.8	Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko anāvāso gantabbo, aññatra pakatattena, aññatra antarāyā.
pli-tv-kd12:1.3.9	Na, bhikkhave, pārivāsikena bhikkhunā sabhikkhukā āvāsā vā anāvāsā vā abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:1.3.10	Na, bhikkhave, pārivāsikena bhikkhunā sabhikkhukā āvāsā sabhikkhuko āvāso gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.11	Na, bhikkhave, pārivāsikena bhikkhunā sabhikkhukā āvāsā sabhikkhuko anāvāso gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.12	Na, bhikkhave, pārivāsikena bhikkhunā sabhikkhukā āvāsā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.13	Na, bhikkhave, pārivāsikena bhikkhunā sabhikkhukā anāvāsā sabhikkhuko āvāso gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.14	Na, bhikkhave, pārivāsikena bhikkhunā sabhikkhukā anāvāsā sabhikkhuko anāvāso gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.15	Na, bhikkhave, pārivāsikena bhikkhunā sabhikkhukā anāvāsā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.16	Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.17	Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko anāvāso gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.18	Na, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:1.3.19	Gantabbo, bhikkhave, pārivāsikena bhikkhunā sabhikkhukā āvāsā sabhikkhuko āvāso, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.20	Gantabbo, bhikkhave, pārivāsikena bhikkhunā sabhikkhukā āvāsā sabhikkhuko anāvāso, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.21	Gantabbo, bhikkhave, pārivāsikena bhikkhunā sabhikkhukā āvāsā sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.22	Gantabbo, bhikkhave, pārivāsikena bhikkhunā sabhikkhukā anāvāsā sabhikkhuko āvāso, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.23	Gantabbo, bhikkhave, pārivāsikena bhikkhunā sabhikkhukā anāvāsā sabhikkhuko anāvāso, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.24	Gantabbo, bhikkhave, pārivāsikena bhikkhunā sabhikkhukā anāvāsā sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.25	Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.26	Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko anāvāso, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.3.27	Gantabbo, bhikkhave, pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:1.4.1	Na, bhikkhave, pārivāsikena bhikkhunā pakatattena bhikkhunā saddhiṁ ekacchanne āvāse vatthabbaṁ,
pli-tv-kd12:1.4.2	na ekacchanne anāvāse vatthabbaṁ,
pli-tv-kd12:1.4.3	na ekacchanne āvāse vā anāvāse vā vatthabbaṁ.
pli-tv-kd12:1.4.4	Pakatattaṁ bhikkhuṁ disvā āsanā vuṭṭhātabbaṁ.
pli-tv-kd12:1.4.5	Pakatatto bhikkhu āsanena nimantetabbo.
pli-tv-kd12:1.4.6	Na pakatattena bhikkhunā saddhiṁ ekāsane nisīditabbaṁ,
pli-tv-kd12:1.4.7	na nīce āsane nisinne ucce āsane nisīditabbaṁ,
pli-tv-kd12:1.4.8	na chamāyaṁ nisinne āsane nisīditabbaṁ;
pli-tv-kd12:1.4.9	na ekacaṅkame caṅkamitabbaṁ,
pli-tv-kd12:1.4.10	na nīce caṅkame caṅkamante ucce caṅkame caṅkamitabbaṁ,
pli-tv-kd12:1.4.11	na chamāyaṁ caṅkamante caṅkame caṅkamitabbaṁ.
pli-tv-kd12:1.4.12	Na, bhikkhave, pārivāsikena bhikkhunā pārivāsikena vuḍḍhatarena bhikkhunā saddhiṁ …pe…
pli-tv-kd12:1.4.13	mūlāyapaṭikassanārahena bhikkhunā saddhiṁ …pe…
pli-tv-kd12:1.4.14	mānattārahena bhikkhunā saddhiṁ …pe…
pli-tv-kd12:1.4.15	mānattacārikena bhikkhunā saddhiṁ …pe…
pli-tv-kd12:1.4.16	abbhānārahena bhikkhunā saddhiṁ ekacchanne āvāse vatthabbaṁ,
pli-tv-kd12:1.4.17	na ekacchanne anāvāse vatthabbaṁ,
pli-tv-kd12:1.4.18	na ekacchanne āvāse vā anāvāse vā vatthabbaṁ;
pli-tv-kd12:1.4.19	na ekāsane nisīditabbaṁ,
pli-tv-kd12:1.4.20	na nīce āsane nisinne ucce āsane nisīditabbaṁ,
pli-tv-kd12:1.4.21	na chamāyaṁ nisinne āsane nisīditabbaṁ;
pli-tv-kd12:1.4.22	na ekacaṅkame caṅkamitabbaṁ,
pli-tv-kd12:1.4.23	na nīce caṅkame caṅkamante ucce caṅkame caṅkamitabbaṁ,
pli-tv-kd12:1.4.24	na chamāyaṁ caṅkamante caṅkame caṅkamitabbaṁ.
pli-tv-kd12:1.4.25	Pārivāsikacatuttho ce, bhikkhave, parivāsaṁ dadeyya,
pli-tv-kd12:1.4.26	mūlāya paṭikasseyya,
pli-tv-kd12:1.4.27	mānattaṁ dadeyya,
pli-tv-kd12:1.4.28	taṁvīso abbheyya, akammaṁ, na ca karaṇīyan”ti.
pli-tv-kd12:1.4.29	Catunnavutipārivāsikavattaṁ niṭṭhitaṁ.
pli-tv-kd12:2.1.0	
pli-tv-kd12:2.1.1	Atha kho āyasmā upāli yena bhagavā tenupasaṅkami.
pli-tv-kd12:2.1.2	Upasaṅkamitvā bhagavantaṁ abhivādetvā ekamantaṁ nisīdi.
pli-tv-kd12:2.1.3	Ekamantaṁ nisinno kho āyasmā upāli bhagavantaṁ etadavoca—
pli-tv-kd12:2.1.4	“kati nu kho, bhante, pārivāsikassa bhikkhuno ratticchedā”ti?
pli-tv-kd12:2.1.5	“Tayo kho, upāli, pārivāsikassa bhikkhuno ratticchedā.
pli-tv-kd12:2.1.6	Sahavāso, vippavāso, anārocanā—
pli-tv-kd12:2.1.7	ime kho, upāli, tayo pārivāsikassa bhikkhuno ratticchedā”ti.
pli-tv-kd12:3.1.1	Tena kho pana samayena sāvatthiyaṁ mahābhikkhusaṅgho sannipatito hoti.
pli-tv-kd12:3.1.2	Na sakkonti pārivāsikā bhikkhū parivāsaṁ sodhetuṁ.
pli-tv-kd12:3.1.3	Bhagavato etamatthaṁ ārocesuṁ.
pli-tv-kd12:3.1.4	“Anujānāmi, bhikkhave, parivāsaṁ nikkhipituṁ.
pli-tv-kd12:3.1.5	Evañca pana, bhikkhave, nikkhipitabbo.
pli-tv-kd12:3.1.6	Tena pārivāsikena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd12:3.1.7	‘parivāsaṁ nikkhipāmī’ti.
pli-tv-kd12:3.1.8	Nikkhitto hoti parivāso.
pli-tv-kd12:3.1.9	‘Vattaṁ nikkhipāmī’ti.
pli-tv-kd12:3.1.10	Nikkhitto hoti parivāso”.
pli-tv-kd12:3.2.1	Tena kho pana samayena sāvatthiyā bhikkhū tahaṁ tahaṁ pakkamiṁsu.
pli-tv-kd12:3.2.2	Sakkonti pārivāsikā bhikkhū parivāsaṁ sodhetuṁ.
pli-tv-kd12:3.2.3	Bhagavato etamatthaṁ ārocesuṁ.
pli-tv-kd12:3.2.4	“Anujānāmi, bhikkhave, parivāsaṁ samādiyituṁ.
pli-tv-kd12:3.2.5	Evañca pana, bhikkhave, samādiyitabbo.
pli-tv-kd12:3.2.6	Tena pārivāsikena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd12:3.2.7	‘parivāsaṁ samādiyāmī’ti.
pli-tv-kd12:3.2.8	Samādinno hoti parivāso.
pli-tv-kd12:3.2.9	‘Vattaṁ samādiyāmī’ti.
pli-tv-kd12:3.2.10	Samādinno hoti parivāso”.
pli-tv-kd12:3.2.11	Pārivāsikavattaṁ niṭṭhitaṁ.
pli-tv-kd12:4.1.0	2. Mūlāyapaṭikassanārahavatta
pli-tv-kd12:4.1.1	Tena kho pana samayena mūlāyapaṭikassanārahā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ.
pli-tv-kd12:4.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd12:4.1.3	“kathañhi nāma mūlāyapaṭikassanārahā bhikkhū sādiyissanti pakatattānaṁ bhikkhūnaṁ abhivādanaṁ, paccuṭṭhānaṁ …pe… nahāne piṭṭhiparikamman”ti.
pli-tv-kd12:4.1.4	Atha kho te bhikkhū bhagavato etamatthaṁ ārocesuṁ.
pli-tv-kd12:4.1.5	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd12:4.1.6	“saccaṁ kira, bhikkhave, mūlāyapaṭikassanārahā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ …pe… nahāne piṭṭhiparikamman”ti?
pli-tv-kd12:4.1.7	“Saccaṁ, bhagavā”ti.
pli-tv-kd12:4.1.8	Vigarahi buddho bhagavā—
pli-tv-kd12:4.1.9	“ananucchavikaṁ …pe…
pli-tv-kd12:4.1.10	kathañhi nāma, bhikkhave, mūlāyapaṭikassanārahā bhikkhū sādiyissanti pakatattānaṁ bhikkhūnaṁ abhivādanaṁ, paccuṭṭhānaṁ …pe… nahāne piṭṭhiparikammaṁ.
pli-tv-kd12:4.1.11	Netaṁ bhikkhave, appasannānaṁ vā pasādāya …pe…
pli-tv-kd12:4.1.12	vigarahitvā …pe…
pli-tv-kd12:4.1.13	dhammiṁ kathaṁ katvā bhikkhū āmantesi—
pli-tv-kd12:4.1.14	“na, bhikkhave, mūlāyapaṭikassanārahena bhikkhunā sāditabbaṁ
pli-tv-kd12:4.1.15	pakatattānaṁ bhikkhūnaṁ abhivādanaṁ,
pli-tv-kd12:4.1.16	paccuṭṭhānaṁ,
pli-tv-kd12:4.1.17	añjalikammaṁ,
pli-tv-kd12:4.1.18	sāmīcikammaṁ,
pli-tv-kd12:4.1.19	āsanābhihāro,
pli-tv-kd12:4.1.20	seyyābhihāro,
pli-tv-kd12:4.1.21	pādodakaṁ pādapīṭhaṁ,
pli-tv-kd12:4.1.22	pādakathalikaṁ,
pli-tv-kd12:4.1.23	pattacīvarappaṭiggahaṇaṁ,
pli-tv-kd12:4.1.24	nahāne piṭṭhiparikammaṁ.
pli-tv-kd12:4.1.25	Yo sādiyeyya, āpatti dukkaṭassa.
pli-tv-kd12:4.1.26	Anujānāmi, bhikkhave, mūlāyapaṭikassanārahānaṁ bhikkhūnaṁ mithu yathāvuḍḍhaṁ abhivādanaṁ, paccuṭṭhānaṁ …pe… nahāne piṭṭhiparikammaṁ.
pli-tv-kd12:4.1.27	Anujānāmi, bhikkhave, mūlāyapaṭikassanārahānaṁ bhikkhūnaṁ pañca yathāvuḍḍhaṁ—
pli-tv-kd12:4.1.28	uposathaṁ, pavāraṇaṁ, vassikasāṭikaṁ, oṇojanaṁ, bhattaṁ.
pli-tv-kd12:4.1.29	Tena hi, bhikkhave, mūlāyapaṭikassanārahānaṁ bhikkhūnaṁ vattaṁ paññapessāmi yathā mūlāyapaṭikassanārahehi bhikkhūhi vattitabbaṁ.
pli-tv-kd12:4.1.30	Mūlāyapaṭikassanārahena, bhikkhave, bhikkhunā sammā vattitabbaṁ.
pli-tv-kd12:4.1.31	Tatrāyaṁ sammāvattanā—
pli-tv-kd12:4.1.32	Na upasampādetabbaṁ,
pli-tv-kd12:4.1.33	na nissayo dātabbo,
pli-tv-kd12:4.1.34	na sāmaṇero upaṭṭhāpetabbo,
pli-tv-kd12:4.1.35	na bhikkhunovādakasammuti sāditabbā,
pli-tv-kd12:4.1.36	sammatenapi bhikkhuniyo na ovaditabbā.
pli-tv-kd12:4.1.37	Yāya āpattiyā saṅghena mūlāyapaṭikassanāraho kato hoti sā āpatti na āpajjitabbā, aññā vā tādisikā, tato vā pāpiṭṭhatarā;
pli-tv-kd12:4.1.38	kammaṁ na garahitabbaṁ,
pli-tv-kd12:4.1.39	kammikā na garahitabbā.
pli-tv-kd12:4.1.40	Na pakatattassa bhikkhuno uposatho ṭhapetabbo,
pli-tv-kd12:4.1.41	na pavāraṇā ṭhapetabbā,
pli-tv-kd12:4.1.42	na savacanīyaṁ kātabbaṁ,
pli-tv-kd12:4.1.43	na anuvādo paṭṭhapetabbo,
pli-tv-kd12:4.1.44	na okāso kāretabbo,
pli-tv-kd12:4.1.45	na codetabbo,
pli-tv-kd12:4.1.46	na sāretabbo,
pli-tv-kd12:4.1.47	na bhikkhūhi sampayojetabbaṁ.
pli-tv-kd12:4.1.48	Na, bhikkhave, mūlāyapaṭikassanārahena bhikkhunā pakatattassa bhikkhuno purato gantabbaṁ,
pli-tv-kd12:4.1.49	na purato nisīditabbaṁ.
pli-tv-kd12:4.1.50	Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
pli-tv-kd12:4.1.51	Na, bhikkhave, mūlāyapaṭikassanārahena bhikkhunā pakatattena bhikkhunā puresamaṇena vā
pli-tv-kd12:4.1.52	pacchāsamaṇena vā kulāni upasaṅkamitabbāni,
pli-tv-kd12:4.1.53	na āraññikaṅgaṁ samādātabbaṁ,
pli-tv-kd12:4.1.54	na piṇḍapātikaṅgaṁ samādātabbaṁ,
pli-tv-kd12:4.1.55	na ca tappaccayā piṇḍapāto nīharāpetabbo—mā maṁ jāniṁsūti.
pli-tv-kd12:4.1.56	Na, bhikkhave, mūlāyapaṭikassanārahena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
pli-tv-kd12:4.1.57	Na, bhikkhave, mūlāyapaṭikassanārahena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā.
pli-tv-kd12:4.1.58	Na, bhikkhave, mūlāyapaṭikassanārahena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:4.1.59	Na, bhikkhave, mūlāyapaṭikassanārahena bhikkhunā sabhikkhukā anāvāsā abhikkhuko āvāso gantabbo …pe…
pli-tv-kd12:4.1.60	abhikkhuko anāvāso gantabbo …pe…
pli-tv-kd12:4.1.61	abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:4.1.62	Na, bhikkhave, mūlāyapaṭikassanārahena bhikkhunā sabhikkhukā āvāsā vā anāvāsā vā abhikkhuko āvāso gantabbo …pe…
pli-tv-kd12:4.1.63	abhikkhuko anāvāso gantabbo …pe…
pli-tv-kd12:4.1.64	abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:4.1.65	Na, bhikkhave, mūlāyapaṭikassanārahena bhikkhunā sabhikkhukā āvāsā sabhikkhuko āvāso gantabbo …pe…
pli-tv-kd12:4.1.66	sabhikkhuko anāvāso gantabbo …pe…
pli-tv-kd12:4.1.67	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:4.1.68	Na, bhikkhave, mūlāyapaṭikassanārahena bhikkhunā sabhikkhukā anāvāsā sabhikkhuko āvāso gantabbo …pe…
pli-tv-kd12:4.1.69	sabhikkhuko anāvāso gantabbo …pe…
pli-tv-kd12:4.1.70	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:4.1.71	Na, bhikkhave, mūlāyapaṭikassanārahena bhikkhunā sabhikkhukā āvāsā vā anāvāsā vā sabhikkhuko āvāso gantabbo …pe…
pli-tv-kd12:4.1.72	sabhikkhuko anāvāso gantabbo …pe…
pli-tv-kd12:4.1.73	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:4.1.74	Gantabbo, bhikkhave, mūlāyapaṭikassanārahena bhikkhunā sabhikkhukā āvāsā sabhikkhuko āvāso …pe…
pli-tv-kd12:4.1.75	sabhikkhuko anāvāso …pe…
pli-tv-kd12:4.1.76	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:4.1.77	Gantabbo, bhikkhave, mūlāyapaṭikassanārahena bhikkhunā sabhikkhukā anāvāsā sabhikkhuko āvāso …pe…
pli-tv-kd12:4.1.78	sabhikkhuko anāvāso …pe…
pli-tv-kd12:4.1.79	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:4.1.80	Gantabbo, bhikkhave, mūlāyapaṭikassanārahena bhikkhunā sabhikkhukā āvāsā vā anāvāsā vā sabhikkhuko āvāso …pe…
pli-tv-kd12:4.1.81	sabhikkhuko anāvāso …pe…
pli-tv-kd12:4.1.82	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:4.1.83	Na, bhikkhave, mūlāyapaṭikassanārahena bhikkhunā pakatattena bhikkhunā saddhiṁ ekacchanne āvāse vatthabbaṁ,
pli-tv-kd12:4.1.84	na ekacchanne anāvāse vatthabbaṁ,
pli-tv-kd12:4.1.85	na ekacchanne āvāse vā anāvāse vā vatthabbaṁ;
pli-tv-kd12:4.1.86	pakatattaṁ bhikkhuṁ disvā āsanā vuṭṭhātabbaṁ,
pli-tv-kd12:4.1.87	pakatatto bhikkhu āsanena nimantetabbo;
pli-tv-kd12:4.1.88	na pakatattena bhikkhunā saddhiṁ ekāsane nisīditabbaṁ;
pli-tv-kd12:4.1.89	na nīce āsane nisinne ucce āsane nisīditabbaṁ;
pli-tv-kd12:4.1.90	na chamāyaṁ nisinne āsane nisīditabbaṁ;
pli-tv-kd12:4.1.91	na ekacaṅkame caṅkamitabbaṁ,
pli-tv-kd12:4.1.92	na nīce caṅkame caṅkamante ucce caṅkame caṅkamitabbaṁ,
pli-tv-kd12:4.1.93	na chamāyaṁ caṅkamante caṅkame caṅkamitabbaṁ.
pli-tv-kd12:4.1.94	Na, bhikkhave, mūlāyapaṭikassanārahena bhikkhunā pārivāsikena bhikkhunā saddhiṁ …pe…
pli-tv-kd12:4.1.95	mūlāyapaṭikassanārahena vuḍḍhatarena bhikkhunā saddhiṁ …pe…
pli-tv-kd12:4.1.96	mānattārahena bhikkhunā saddhiṁ …pe…
pli-tv-kd12:4.1.97	mānattacārikena bhikkhunā saddhiṁ …pe…
pli-tv-kd12:4.1.98	abbhānārahena bhikkhunā saddhiṁ ekacchanne āvāse vatthabbaṁ,
pli-tv-kd12:4.1.99	na ekacchanne anāvāse vatthabbaṁ,
pli-tv-kd12:4.1.100	na ekacchanne āvāse vā anāvāse vā vatthabbaṁ;
pli-tv-kd12:4.1.101	na ekāsane nisīditabbaṁ;
pli-tv-kd12:4.1.102	na nīce āsane nisinne ucce āsane nisīditabbaṁ,
pli-tv-kd12:4.1.103	na chamāyaṁ nisinne āsane nisīditabbaṁ;
pli-tv-kd12:4.1.104	na ekacaṅkame caṅkamitabbaṁ,
pli-tv-kd12:4.1.105	na nīce caṅkame caṅkamante ucce caṅkame caṅkamitabbaṁ,
pli-tv-kd12:4.1.106	na chamāyaṁ caṅkamante caṅkame caṅkamitabbaṁ.
pli-tv-kd12:4.1.107	Mūlāyapaṭikassanārahacatuttho ce, bhikkhave, parivāsaṁ dadeyya,
pli-tv-kd12:4.1.108	mūlāya paṭikasseyya,
pli-tv-kd12:4.1.109	mānattaṁ dadeyya,
pli-tv-kd12:4.1.110	taṁvīso abbheyya, akammaṁ, na ca karaṇīyan”ti.
pli-tv-kd12:4.1.111	Mūlāyapaṭikassanārahavattaṁ niṭṭhitaṁ.
pli-tv-kd12:5.1.0	3. Mānattārahavatta
pli-tv-kd12:5.1.1	Tena kho pana samayena mānattārahā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ.
pli-tv-kd12:5.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd12:5.1.3	“kathañhi nāma mānattārahā bhikkhū sādiyissanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikamman”ti.
pli-tv-kd12:5.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd12:5.1.5	“saccaṁ kira, bhikkhave, mānattārahā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ …pe… nahāne piṭṭhiparikamman”ti?
pli-tv-kd12:5.1.6	“Saccaṁ, bhagavā”ti.
pli-tv-kd12:5.1.7	Vigarahi buddho bhagavā—
pli-tv-kd12:5.1.8	“ananucchavikaṁ …pe…
pli-tv-kd12:5.1.9	kathañhi nāma, bhikkhave, mānattārahā bhikkhū sādiyissanti pakatattānaṁ bhikkhūnaṁ abhivādanaṁ …pe… nahāne piṭṭhiparikammaṁ.
pli-tv-kd12:5.1.10	Netaṁ, bhikkhave, appasannānaṁ vā pasādāya …pe…
pli-tv-kd12:5.1.11	vigarahitvā …pe…
pli-tv-kd12:5.1.12	dhammiṁ kathaṁ katvā bhikkhū āmantesi—
pli-tv-kd12:5.1.13	“na, bhikkhave, mānattārahena bhikkhunā sāditabbaṁ
pli-tv-kd12:5.1.14	pakatattānaṁ bhikkhūnaṁ abhivādanaṁ,
pli-tv-kd12:5.1.15	paccuṭṭhānaṁ
pli-tv-kd12:5.1.16.1	…pe…
pli-tv-kd12:5.1.16.2	
pli-tv-kd12:5.1.16.3	
pli-tv-kd12:5.1.16.4	
pli-tv-kd12:5.1.16.5	
pli-tv-kd12:5.1.16.6	
pli-tv-kd12:5.1.16.7	
pli-tv-kd12:5.1.17	nahāne piṭṭhiparikammaṁ.
pli-tv-kd12:5.1.18	Yo sādiyeyya, āpatti dukkaṭassa.
pli-tv-kd12:5.1.19	Anujānāmi, bhikkhave, mānattārahānaṁ bhikkhūnaṁ mithu yathāvuḍḍhaṁ abhivādanaṁ, paccuṭṭhānaṁ …pe… nahāne piṭṭhiparikammaṁ.
pli-tv-kd12:5.1.20	Anujānāmi, bhikkhave, mānattārahānaṁ bhikkhūnaṁ pañca yathāvuḍḍhaṁ—
pli-tv-kd12:5.1.21	uposathaṁ, pavāraṇaṁ, vassikasāṭikaṁ, oṇojanaṁ, bhattaṁ.
pli-tv-kd12:5.1.22	Tena hi, bhikkhave, mānattārahānaṁ bhikkhūnaṁ vattaṁ paññapessāmi yathā mānattārahehi bhikkhūhi vattitabbaṁ.
pli-tv-kd12:5.1.23	Mānattārahena, bhikkhave, bhikkhunā sammā vattitabbaṁ.
pli-tv-kd12:5.1.24	Tatrāyaṁ sammāvattanā—
pli-tv-kd12:5.1.25	Na upasampādetabbaṁ …pe…
pli-tv-kd12:5.1.26.1	(yathā mūlāyapaṭikassanā, tathā vitthāretabbaṁ.)
pli-tv-kd12:5.1.26.2	
pli-tv-kd12:5.1.26.3	
pli-tv-kd12:5.1.26.4	
pli-tv-kd12:5.1.26.5	
pli-tv-kd12:5.1.26.6	
pli-tv-kd12:5.1.26.7	
pli-tv-kd12:5.1.26.8	
pli-tv-kd12:5.1.26.9	
pli-tv-kd12:5.1.26.10	
pli-tv-kd12:5.1.26.11	
pli-tv-kd12:5.1.26.12	
pli-tv-kd12:5.1.26.13	
pli-tv-kd12:5.1.26.14	
pli-tv-kd12:5.1.27	Na bhikkhūhi sampayojetabbaṁ.
pli-tv-kd12:5.1.28	Na, bhikkhave, mānattārahena bhikkhunā pakatattassa bhikkhuno purato gantabbaṁ,
pli-tv-kd12:5.1.29	na purato nisīditabbaṁ.
pli-tv-kd12:5.1.30	Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
pli-tv-kd12:5.1.31	Na, bhikkhave, mānattārahena bhikkhunā pakatattena bhikkhunā puresamaṇena vā
pli-tv-kd12:5.1.32	pacchāsamaṇena vā kulāni upasaṅkamitabbāni,
pli-tv-kd12:5.1.33	na āraññikaṅgaṁ samādātabbaṁ,
pli-tv-kd12:5.1.34	na piṇḍapātikaṅgaṁ samādātabbaṁ,
pli-tv-kd12:5.1.35	na ca tappaccayā piṇḍapāto nīharāpetabbo—mā maṁ jāniṁsūti.
pli-tv-kd12:5.1.36	Na, bhikkhave, mānattārahena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
pli-tv-kd12:5.1.37	Na, bhikkhave, mānattārahena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā.
pli-tv-kd12:5.1.38	Na, bhikkhave, mānattārahena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:5.1.39	Na, bhikkhave, mānattārahena bhikkhunā sabhikkhukā anāvāsā abhikkhuko āvāso gantabbo …pe…
pli-tv-kd12:5.1.40	abhikkhuko anāvāso gantabbo …pe…
pli-tv-kd12:5.1.41	abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:5.1.42	Na, bhikkhave, mānattārahena bhikkhunā sabhikkhukā āvāsā vā anāvāsā vā abhikkhuko āvāso gantabbo …pe…
pli-tv-kd12:5.1.43	abhikkhuko anāvāso gantabbo …pe…
pli-tv-kd12:5.1.44	abhikkhuko āvāso vā anāvāso vā gantabbo, aññatra pakatattena, aññatra antarāyā.
pli-tv-kd12:5.1.45	Na, bhikkhave, mānattārahena bhikkhunā sabhikkhukā āvāsā sabhikkhuko āvāso gantabbo …pe…
pli-tv-kd12:5.1.46	sabhikkhuko anāvāso gantabbo …pe…
pli-tv-kd12:5.1.47	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:5.1.48	Na, bhikkhave, mānattārahena bhikkhunā sabhikkhukā anāvāsā sabhikkhuko āvāso gantabbo …pe…
pli-tv-kd12:5.1.49	sabhikkhuko anāvāso gantabbo …pe…
pli-tv-kd12:5.1.50	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:5.1.51	Na, bhikkhave, mānattārahena bhikkhunā sabhikkhukā āvāsā vā anāvāsā vā sabhikkhuko āvāso gantabbo …pe…
pli-tv-kd12:5.1.52	sabhikkhuko anāvāso gantabbo …pe…
pli-tv-kd12:5.1.53	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra pakatattena, aññatra antarāyā.
pli-tv-kd12:5.1.54	Gantabbo, bhikkhave, mānattārahena bhikkhunā sabhikkhukā āvāsā sabhikkhuko āvāso …pe…
pli-tv-kd12:5.1.55	sabhikkhuko anāvāso …pe…
pli-tv-kd12:5.1.56	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:5.1.57	Gantabbo, bhikkhave, mānattārahena bhikkhunā sabhikkhukā anāvāsā sabhikkhuko āvāso …pe…
pli-tv-kd12:5.1.58	sabhikkhuko anāvāso …pe…
pli-tv-kd12:5.1.59	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:5.1.60	Gantabbo, bhikkhave, mānattārahena bhikkhunā sabhikkhukā āvāsā vā anāvāsā vā sabhikkhuko āvāso …pe…
pli-tv-kd12:5.1.61	sabhikkhuko anāvāso …pe…
pli-tv-kd12:5.1.62	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:5.1.63	Na, bhikkhave, mānattārahena bhikkhunā pakatattena bhikkhunā saddhiṁ ekacchanne āvāse vatthabbaṁ,
pli-tv-kd12:5.1.64	na ekacchanne anāvāse vatthabbaṁ,
pli-tv-kd12:5.1.65	na ekacchanne āvāse vā anāvāse vā vatthabbaṁ.
pli-tv-kd12:5.1.66	Pakatattaṁ bhikkhuṁ disvā āsanā vuṭṭhātabbaṁ.
pli-tv-kd12:5.1.67	Pakatatto bhikkhu āsanena nimantetabbo.
pli-tv-kd12:5.1.68	Na pakatattena bhikkhunā saddhiṁ ekāsane nisīditabbaṁ,
pli-tv-kd12:5.1.69	na nīce āsane nisinne ucce āsane nisīditabbaṁ,
pli-tv-kd12:5.1.70	na chamāyaṁ nisinne āsane nisīditabbaṁ;
pli-tv-kd12:5.1.71	na ekacaṅkame caṅkamitabbaṁ,
pli-tv-kd12:5.1.72	na nīce caṅkame caṅkamante ucce caṅkame caṅkamitabbaṁ,
pli-tv-kd12:5.1.73	na chamāyaṁ caṅkamante caṅkame caṅkamitabbaṁ.
pli-tv-kd12:5.1.74	Na, bhikkhave, mānattārahena bhikkhunā pārivāsikena bhikkhunā saddhiṁ …pe…
pli-tv-kd12:5.1.75	mūlāyapaṭikassanārahena bhikkhunā saddhiṁ …pe…
pli-tv-kd12:5.1.76	mānattārahena vuḍḍhatarena bhikkhunā saddhiṁ …pe…
pli-tv-kd12:5.1.77	mānattacārikena bhikkhunā saddhiṁ …pe…
pli-tv-kd12:5.1.78	abbhānārahena bhikkhunā saddhiṁ ekacchanne āvāse vatthabbaṁ,
pli-tv-kd12:5.1.79	na ekacchanne anāvāse vatthabbaṁ,
pli-tv-kd12:5.1.80	na ekacchanne āvāse vā anāvāse vā vatthabbaṁ;
pli-tv-kd12:5.1.81	na ekāsane nisīditabbaṁ,
pli-tv-kd12:5.1.82	na nīce āsane nisinne ucce āsane nisīditabbaṁ,
pli-tv-kd12:5.1.83	na chamāyaṁ nisinne āsane nisīditabbaṁ;
pli-tv-kd12:5.1.84	na ekacaṅkame caṅkamitabbaṁ,
pli-tv-kd12:5.1.85	na nīce caṅkame caṅkamante ucce caṅkame caṅkamitabbaṁ,
pli-tv-kd12:5.1.86	na chamāyaṁ caṅkamante caṅkame caṅkamitabbaṁ.
pli-tv-kd12:5.1.87	Mānattārahacatuttho ce, bhikkhave, parivāsaṁ dadeyya,
pli-tv-kd12:5.1.88	mūlāya paṭikasseyya,
pli-tv-kd12:5.1.89	mānattaṁ dadeyya,
pli-tv-kd12:5.1.90	taṁvīso abbheyya, akammaṁ, na ca karaṇīyan”ti.
pli-tv-kd12:5.1.91	Mānattārahavattaṁ niṭṭhitaṁ.
pli-tv-kd12:6.1.0	4. Mānattacārikavatta
pli-tv-kd12:6.1.1	Tena kho pana samayena mānattacārikā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, āsanābhihāraṁ, seyyābhihāraṁ, pādodakaṁ pādapīṭhaṁ, pādakathalikaṁ, pattacīvarappaṭiggahaṇaṁ, nahāne piṭṭhiparikammaṁ.
pli-tv-kd12:6.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd12:6.1.3	“kathañhi nāma mānattacārikā bhikkhū sādiyissanti pakatattānaṁ bhikkhūnaṁ abhivādanaṁ, paccuṭṭhānaṁ …pe… nahāne piṭṭhiparikamman”ti.
pli-tv-kd12:6.1.4	Atha kho te bhikkhū bhagavato etamatthaṁ ārocesuṁ.
pli-tv-kd12:6.1.5	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd12:6.1.6	“saccaṁ kira, bhikkhave, mānattacārikā bhikkhū sādiyanti pakatattānaṁ bhikkhūnaṁ abhivādanaṁ, paccuṭṭhānaṁ …pe… nahāne piṭṭhiparikamman”ti?
pli-tv-kd12:6.1.7	“Saccaṁ, bhagavā”ti.
pli-tv-kd12:6.1.8	Vigarahi buddho bhagavā—
pli-tv-kd12:6.1.9	“ananucchavikaṁ …pe…
pli-tv-kd12:6.1.10	kathañhi nāma, bhikkhave, mānattacārikā bhikkhū sādiyissanti pakatattānaṁ bhikkhūnaṁ abhivādanaṁ …pe… nahāne piṭṭhiparikammaṁ.
pli-tv-kd12:6.1.11	Netaṁ, bhikkhave, appasannānaṁ vā pasādāya …pe…
pli-tv-kd12:6.1.12	vigarahitvā …pe…
pli-tv-kd12:6.1.13	dhammiṁ kathaṁ katvā bhikkhū āmantesi—
pli-tv-kd12:6.1.14	“Na, bhikkhave, mānattacārikena bhikkhunā sāditabbaṁ
pli-tv-kd12:6.1.15	pakatattānaṁ bhikkhūnaṁ abhivādanaṁ,
pli-tv-kd12:6.1.16	paccuṭṭhānaṁ,
pli-tv-kd12:6.1.17	añjalikammaṁ,
pli-tv-kd12:6.1.18	sāmīcikammaṁ,
pli-tv-kd12:6.1.19	āsanābhihāro,
pli-tv-kd12:6.1.20	seyyābhihāro,
pli-tv-kd12:6.1.21	pādodakaṁ pādapīṭhaṁ,
pli-tv-kd12:6.1.22	pādakathalikaṁ,
pli-tv-kd12:6.1.23	pattacīvarappaṭiggahaṇaṁ,
pli-tv-kd12:6.1.24	nahāne piṭṭhiparikammaṁ.
pli-tv-kd12:6.1.25	Yo sādiyeyya, āpatti dukkaṭassa.
pli-tv-kd12:6.1.26	Anujānāmi, bhikkhave, mānattacārikānaṁ bhikkhūnaṁ mithu yathāvuḍḍhaṁ abhivādanaṁ, paccuṭṭhānaṁ …pe… nahāne piṭṭhiparikammaṁ.
pli-tv-kd12:6.1.27	Anujānāmi, bhikkhave, mānattacārikānaṁ bhikkhūnaṁ pañca yathāvuḍḍhaṁ—
pli-tv-kd12:6.1.28	uposathaṁ, pavāraṇaṁ, vassikasāṭikaṁ, oṇojanaṁ, bhattaṁ.
pli-tv-kd12:6.1.29	Tena hi, bhikkhave, mānattacārikānaṁ bhikkhūnaṁ vattaṁ paññapessāmi yathā mānattacārikehi bhikkhūhi vattitabbaṁ.
pli-tv-kd12:6.1.30	Mānattacārikena, bhikkhave, bhikkhunā sammā vattitabbaṁ.
pli-tv-kd12:6.1.31	Tatrāyaṁ sammāvattanā—
pli-tv-kd12:6.1.32	Na upasampādetabbaṁ,
pli-tv-kd12:6.1.33	na nissayo dātabbo,
pli-tv-kd12:6.1.34	na sāmaṇero upaṭṭhāpetabbo,
pli-tv-kd12:6.1.35	na bhikkhunovādakasammuti sāditabbā,
pli-tv-kd12:6.1.36	sammatenapi bhikkhuniyo na ovaditabbā.
pli-tv-kd12:6.1.37	Yāya āpattiyā saṅghena mānattaṁ dinnaṁ hoti sā āpatti na āpajjitabbā, aññā vā tādisikā, tato vā pāpiṭṭhatarā;
pli-tv-kd12:6.1.38	kammaṁ na garahitabbaṁ,
pli-tv-kd12:6.1.39	kammikā na garahitabbā.
pli-tv-kd12:6.1.40	Na pakatattassa bhikkhuno uposatho ṭhapetabbo,
pli-tv-kd12:6.1.41	na pavāraṇā ṭhapetabbā,
pli-tv-kd12:6.1.42	na savacanīyaṁ kātabbaṁ,
pli-tv-kd12:6.1.43	na anuvādo paṭṭhapetabbo,
pli-tv-kd12:6.1.44	na okāso kāretabbo,
pli-tv-kd12:6.1.45	na codetabbo,
pli-tv-kd12:6.1.46	na sāretabbo,
pli-tv-kd12:6.1.47	na bhikkhūhi sampayojetabbaṁ.
pli-tv-kd12:6.1.48	Na, bhikkhave, mānattacārikena bhikkhunā pakatattassa bhikkhuno purato gantabbaṁ,
pli-tv-kd12:6.1.49	na purato nisīditabbaṁ.
pli-tv-kd12:6.1.50	Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
pli-tv-kd12:6.1.51	Na, bhikkhave, mānattacārikena bhikkhunā pakatattena bhikkhunā puresamaṇena vā
pli-tv-kd12:6.1.52	pacchāsamaṇena vā kulāni upasaṅkamitabbāni,
pli-tv-kd12:6.1.53	na āraññikaṅgaṁ samādātabbaṁ,
pli-tv-kd12:6.1.54	na piṇḍapātikaṅgaṁ samādātabbaṁ,
pli-tv-kd12:6.1.55	na ca tappaccayā piṇḍapāto nīharāpetabbo—mā maṁ jāniṁsūti.
pli-tv-kd12:6.1.56	Mānattacārikena, bhikkhave, bhikkhunā āgantukena ārocetabbaṁ,
pli-tv-kd12:6.1.57	āgantukassa ārocetabbaṁ,
pli-tv-kd12:6.1.58	uposathe ārocetabbaṁ,
pli-tv-kd12:6.1.59	pavāraṇāya ārocetabbaṁ,
pli-tv-kd12:6.1.60	devasikaṁ ārocetabbaṁ.
pli-tv-kd12:6.1.61	Sace gilāno hoti, dūtenapi ārocetabbaṁ.
pli-tv-kd12:6.1.62	Na, bhikkhave, mānattacārikena bhikkhunā sabhikkhukā āvāsā abhikkhuko āvāso gantabbo, aññatra saṅghena, aññatra antarāyā.
pli-tv-kd12:6.1.63	Na, bhikkhave, mānattacārikena bhikkhunā sabhikkhukā āvāsā abhikkhuko anāvāso gantabbo, aññatra saṅghena, aññatra antarāyā.
pli-tv-kd12:6.1.64	Na, bhikkhave, mānattacārikena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra saṅghena, aññatra antarāyā.
pli-tv-kd12:6.1.65	Na, bhikkhave, mānattacārikena bhikkhunā sabhikkhukā anāvāsā abhikkhuko āvāso gantabbo …pe…
pli-tv-kd12:6.1.66	abhikkhuko anāvāso gantabbo …pe…
pli-tv-kd12:6.1.67	abhikkhuko āvāso vā anāvāso vā gantabbo, aññatra saṅghena, aññatra antarāyā.
pli-tv-kd12:6.1.68	Na, bhikkhave, mānattacārikena bhikkhunā sabhikkhukā āvāsā vā anāvāsā vā abhikkhuko āvāso gantabbo …pe…
pli-tv-kd12:6.1.69	abhikkhuko anāvāso gantabbo …pe…
pli-tv-kd12:6.1.70	abhikkhuko āvāso vā anāvāso vā gantabbo, aññatra saṅghena, aññatra antarāyā.
pli-tv-kd12:6.1.71	Na, bhikkhave, mānattacārikena bhikkhunā sabhikkhukā āvāsā sabhikkhuko āvāso gantabbo …pe…
pli-tv-kd12:6.1.72	sabhikkhuko anāvāso gantabbo …pe…
pli-tv-kd12:6.1.73	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd12:6.1.74	Na bhikkhave, mānattacārikena bhikkhunā sabhikkhukā anāvāsā sabhikkhuko āvāso gantabbo …pe…
pli-tv-kd12:6.1.75	sabhikkhuko anāvāso gantabbo …pe…
pli-tv-kd12:6.1.76	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd12:6.1.77	Na, bhikkhave, mānattacārikena bhikkhunā sabhikkhukā āvāsā vā anāvāsā vā sabhikkhuko āvāso gantabbo …pe…
pli-tv-kd12:6.1.78	sabhikkhuko anāvāso gantabbo …pe…
pli-tv-kd12:6.1.79	sabhikkhuko āvāso vā anāvāso vā gantabbo, yatthassu bhikkhū nānāsaṁvāsakā, aññatra saṅghena, aññatra antarāyā.
pli-tv-kd12:6.1.80	Gantabbo, bhikkhave mānattacārikena bhikkhunā sabhikkhukā āvāsā sabhikkhuko āvāso …pe…
pli-tv-kd12:6.1.81	sabhikkhuko anāvāso …pe…
pli-tv-kd12:6.1.82	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:6.1.83	Gantabbo, bhikkhave, mānattacārikena bhikkhunā sabhikkhukā anāvāsā sabhikkhuko āvāso …pe…
pli-tv-kd12:6.1.84	sabhikkhuko anāvāso …pe…
pli-tv-kd12:6.1.85	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:6.1.86	Gantabbo, bhikkhave, mānattacārikena bhikkhunā sabhikkhukā āvāsā vā anāvāsā vā sabhikkhuko āvāso …pe…
pli-tv-kd12:6.1.87	sabhikkhuko anāvāso …pe…
pli-tv-kd12:6.1.88	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:6.1.89	Na, bhikkhave, mānattacārikena bhikkhunā pakatattena bhikkhunā saddhiṁ ekacchanne āvāse vatthabbaṁ,
pli-tv-kd12:6.1.90	na ekacchanne anāvāse vatthabbaṁ,
pli-tv-kd12:6.1.91	na ekacchanne āvāse vā anāvāse vā vatthabbaṁ.
pli-tv-kd12:6.1.92	Pakatattaṁ bhikkhuṁ disvā āsanā vuṭṭhātabbaṁ.
pli-tv-kd12:6.1.93	Pakatatto bhikkhu āsanena nimantetabbo.
pli-tv-kd12:6.1.94	Na pakatattena bhikkhunā saddhiṁ ekāsane nisīditabbaṁ,
pli-tv-kd12:6.1.95	na nīce āsane nisinne ucce āsane nisīditabbaṁ,
pli-tv-kd12:6.1.96	na chamāyaṁ nisinne āsane nisīditabbaṁ;
pli-tv-kd12:6.1.97	na ekacaṅkame caṅkamitabbaṁ,
pli-tv-kd12:6.1.98	na nīce caṅkame caṅkamante ucce caṅkame caṅkamitabbaṁ,
pli-tv-kd12:6.1.99	na chamāyaṁ caṅkamante caṅkame caṅkamitabbaṁ.
pli-tv-kd12:6.1.100	Na, bhikkhave, mānattacārikena bhikkhunā pārivāsikena bhikkhunā saddhiṁ …pe…
pli-tv-kd12:6.1.101	mūlāyapaṭikassanārahena bhikkhunā saddhiṁ …pe…
pli-tv-kd12:6.1.102	mānattārahena bhikkhunā saddhiṁ …pe…
pli-tv-kd12:6.1.103	mānattacārikena vuḍḍhatarena bhikkhunā saddhiṁ …pe…
pli-tv-kd12:6.1.104	abbhānārahena bhikkhunā saddhiṁ ekacchanne āvāse vatthabbaṁ,
pli-tv-kd12:6.1.105	na ekacchanne anāvāse vatthabbaṁ,
pli-tv-kd12:6.1.106	na ekacchanne āvāse vā anāvāse vā vatthabbaṁ;
pli-tv-kd12:6.1.107	na ekāsane nisīditabbaṁ,
pli-tv-kd12:6.1.108	na nīce āsane nisinne ucce āsane nisīditabbaṁ,
pli-tv-kd12:6.1.109	na chamāyaṁ nisinne āsane nisīditabbaṁ;
pli-tv-kd12:6.1.110	na ekacaṅkame caṅkamitabbaṁ,
pli-tv-kd12:6.1.111	na nīce caṅkame caṅkamante ucce caṅkame caṅkamitabbaṁ,
pli-tv-kd12:6.1.112	na chamāyaṁ caṅkamante caṅkame caṅkamitabbaṁ.
pli-tv-kd12:6.1.113	Mānattacārikacatuttho ce, bhikkhave, parivāsaṁ dadeyya,
pli-tv-kd12:6.1.114	mūlāya paṭikasseyya,
pli-tv-kd12:6.1.115	mānattaṁ dadeyya,
pli-tv-kd12:6.1.116	taṁvīso abbheyya, akammaṁ, na ca karaṇīyan”ti.
pli-tv-kd12:7.1.0	
pli-tv-kd12:7.1.1	Atha kho āyasmā upāli yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd12:7.1.2	Ekamantaṁ nisinno kho āyasmā upāli bhagavantaṁ etadavoca—
pli-tv-kd12:7.1.3	“kati nu kho, bhante, mānattacārikassa bhikkhuno ratticchedā”ti?
pli-tv-kd12:7.1.4	“Cattāro kho, upāli, mānattacārikassa bhikkhuno ratticchedā.
pli-tv-kd12:7.1.5	Sahavāso, vippavāso, anārocanā, ūne gaṇe caraṇaṁ—
pli-tv-kd12:7.1.6	ime kho, upāli, cattāro mānattacārikassa bhikkhuno ratticchedā”ti.
pli-tv-kd12:8.1.1	Tena kho pana samayena sāvatthiyaṁ mahābhikkhusaṅgho sannipatito hoti.
pli-tv-kd12:8.1.2	Na sakkonti mānattacārikā bhikkhū mānattaṁ sodhetuṁ.
pli-tv-kd12:8.1.3	Bhagavato etamatthaṁ ārocesuṁ.
pli-tv-kd12:8.1.4	“Anujānāmi, bhikkhave, mānattaṁ nikkhipituṁ.
pli-tv-kd12:8.1.5	Evañca pana, bhikkhave, nikkhipitabbaṁ.
pli-tv-kd12:8.1.6	Tena mānattacārikena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd12:8.1.7	‘mānattaṁ nikkhipāmī’ti.
pli-tv-kd12:8.1.8	Nikkhittaṁ hoti mānattaṁ.
pli-tv-kd12:8.1.9	‘Vattaṁ nikkhipāmī’ti.
pli-tv-kd12:8.1.10	Nikkhittaṁ hoti mānattan”ti.
pli-tv-kd12:8.1.11	Tena kho pana samayena sāvatthiyā bhikkhū tahaṁ tahaṁ pakkamiṁsu.
pli-tv-kd12:8.1.12	Sakkonti mānattacārikā bhikkhū mānattaṁ sodhetuṁ.
pli-tv-kd12:8.1.13	Bhagavato etamatthaṁ ārocesuṁ.
pli-tv-kd12:8.1.14	“Anujānāmi, bhikkhave, mānattaṁ samādiyituṁ.
pli-tv-kd12:8.1.15	Evañca pana, bhikkhave, samādiyitabbaṁ.
pli-tv-kd12:8.1.16	Tena mānattacārikena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā, evamassa vacanīyo—
pli-tv-kd12:8.1.17	‘mānattaṁ samādiyāmī’ti.
pli-tv-kd12:8.1.18	Samādinnaṁ hoti mānattaṁ.
pli-tv-kd12:8.1.19	‘Vattaṁ samādiyāmī’ti.
pli-tv-kd12:8.1.20	Samādinnaṁ hoti mānattan”ti.
pli-tv-kd12:8.1.21	Mānattacārikavattaṁ niṭṭhitaṁ.
pli-tv-kd12:9.1.0	5. Abbhānārahavatta
pli-tv-kd12:9.1.1	Tena kho pana samayena abbhānārahā bhikkhū sādiyanti pakatattānaṁ bhikkhūnaṁ abhivādanaṁ paccuṭṭhānaṁ …pe…
pli-tv-kd12:9.1.2	nahāne piṭṭhiparikammaṁ.
pli-tv-kd12:9.1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd12:9.1.4	“kathañhi nāma abbhānārahā bhikkhū sādiyissanti pakatattānaṁ bhikkhūnaṁ abhivādanaṁ paccuṭṭhānaṁ …pe… nahāne piṭṭhiparikamman”ti.
pli-tv-kd12:9.1.5	Atha kho te bhikkhū bhagavato etamatthaṁ ārocesuṁ.
pli-tv-kd12:9.1.6	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd12:9.1.7	“saccaṁ kira, bhikkhave, abbhānārahā bhikkhū sādiyanti pakatattānaṁ bhikkhūnaṁ abhivādanaṁ paccuṭṭhānaṁ …pe… nahāne piṭṭhiparikamman”ti?
pli-tv-kd12:9.1.8	“Saccaṁ, bhagavā”ti.
pli-tv-kd12:9.1.9	Vigarahi buddho bhagavā—
pli-tv-kd12:9.1.10	“ananucchavikaṁ …pe…
pli-tv-kd12:9.1.11	kathañhi nāma, bhikkhave, abbhānārahā bhikkhū sādiyissanti pakatattānaṁ bhikkhūnaṁ abhivādanaṁ paccuṭṭhānaṁ …pe… nahāne piṭṭhiparikammaṁ.
pli-tv-kd12:9.1.12	Netaṁ, bhikkhave, appasannānaṁ vā pasādāya …pe…
pli-tv-kd12:9.1.13	vigarahitvā …pe…
pli-tv-kd12:9.1.14	dhammiṁ kathaṁ katvā bhikkhū āmantesi—
pli-tv-kd12:9.1.15	“na, bhikkhave, abbhānārahena bhikkhunā sāditabbaṁ
pli-tv-kd12:9.1.16	pakatattānaṁ bhikkhūnaṁ abhivādanaṁ paccupaṭṭhānaṁ
pli-tv-kd12:9.1.17.1	…pe…
pli-tv-kd12:9.1.17.2	
pli-tv-kd12:9.1.17.3	
pli-tv-kd12:9.1.17.4	
pli-tv-kd12:9.1.17.5	
pli-tv-kd12:9.1.17.6	
pli-tv-kd12:9.1.17.7	
pli-tv-kd12:9.1.17.8	
pli-tv-kd12:9.1.18	nahāne piṭṭhiparikammaṁ.
pli-tv-kd12:9.1.19	Yo sādiyeyya, āpatti dukkaṭassa.
pli-tv-kd12:9.1.20	Anujānāmi, bhikkhave, abbhānārahānaṁ bhikkhūnaṁ mithu yathāvuḍḍhaṁ abhivādanaṁ paccuṭṭhānaṁ …pe… nahāne piṭṭhiparikammaṁ.
pli-tv-kd12:9.1.21	Anujānāmi, bhikkhave, abbhānārahānaṁ bhikkhūnaṁ pañca yathāvuḍḍhaṁ—
pli-tv-kd12:9.1.22	uposathaṁ, pavāraṇaṁ, vassikasāṭikaṁ, oṇojanaṁ, bhattaṁ.
pli-tv-kd12:9.1.23	Tena hi, bhikkhave, abbhānārahānaṁ bhikkhūnaṁ vattaṁ paññapessāmi yathā abbhānārahehi bhikkhūhi vattitabbaṁ.
pli-tv-kd12:9.1.24	Abbhānārahena, bhikkhave, bhikkhunā sammā vattitabbaṁ.
pli-tv-kd12:9.1.25	Tatrāyaṁ sammāvattanā—
pli-tv-kd12:9.1.26	Na upasampādetabbaṁ …pe…
pli-tv-kd12:9.1.27.1	(yathā heṭṭhā, tathā vitthāretabbaṁ)
pli-tv-kd12:9.1.27.2	
pli-tv-kd12:9.1.27.3	
pli-tv-kd12:9.1.27.4	
pli-tv-kd12:9.1.27.5	
pli-tv-kd12:9.1.27.6	
pli-tv-kd12:9.1.27.7	
pli-tv-kd12:9.1.27.8	
pli-tv-kd12:9.1.27.9	
pli-tv-kd12:9.1.27.10	
pli-tv-kd12:9.1.27.11	
pli-tv-kd12:9.1.27.12	
pli-tv-kd12:9.1.27.13	
pli-tv-kd12:9.1.27.14	
pli-tv-kd12:9.1.28	na bhikkhūhi sampayojetabbaṁ.
pli-tv-kd12:9.1.29	Na, bhikkhave, abbhānārahena bhikkhunā pakatattassa bhikkhuno purato gantabbaṁ,
pli-tv-kd12:9.1.30	na purato nisīditabbaṁ.
pli-tv-kd12:9.1.31	Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
pli-tv-kd12:9.1.32	Na, bhikkhave, abbhānārahena bhikkhunā pakatattena bhikkhunā puresamaṇena vā
pli-tv-kd12:9.1.33	pacchāsamaṇena vā kulāni upasaṅkamitabbāni;
pli-tv-kd12:9.1.34	na āraññikaṅgaṁ samādātabbaṁ;
pli-tv-kd12:9.1.35	na piṇḍapātikaṅgaṁ samādātabbaṁ;
pli-tv-kd12:9.1.36	na ca tappaccayā piṇḍapāto nīharāpetabbo—mā maṁ jāniṁsūti.
pli-tv-kd12:9.1.37	Na, bhikkhave, abbhānārahena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
pli-tv-kd12:9.1.38	Na, bhikkhave, abbhānārahena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā …
pli-tv-kd12:9.1.39	pe….
pli-tv-kd12:9.1.40.1	(Yathā heṭṭhā, tathā vitthāretabbā.)
pli-tv-kd12:9.1.40.2	
pli-tv-kd12:9.1.40.3	
pli-tv-kd12:9.1.40.4	
pli-tv-kd12:9.1.40.5	
pli-tv-kd12:9.1.40.6	
pli-tv-kd12:9.1.40.7	
pli-tv-kd12:9.1.40.8	
pli-tv-kd12:9.1.40.9	
pli-tv-kd12:9.1.40.10	
pli-tv-kd12:9.1.40.11	
pli-tv-kd12:9.1.40.12	
pli-tv-kd12:9.1.40.13	
pli-tv-kd12:9.1.40.14	
pli-tv-kd12:9.1.40.15	
pli-tv-kd12:9.1.41	Gantabbo, bhikkhave, abbhānārahena bhikkhunā sabhikkhukā āvāsā …pe…
pli-tv-kd12:9.1.42	anāvāsā …pe…
pli-tv-kd12:9.1.43	āvāsā vā anāvāsā vā sabhikkhuko āvāso …pe…
pli-tv-kd12:9.1.44.1	sabhikkhuko anāvāso …pe…
pli-tv-kd12:9.1.44.2	
pli-tv-kd12:9.1.44.3	
pli-tv-kd12:9.1.44.4	
pli-tv-kd12:9.1.44.5	
pli-tv-kd12:9.1.45	sabhikkhuko āvāso vā anāvāso vā, yatthassu bhikkhū samānasaṁvāsakā, yaṁ jaññā sakkomi ajjeva gantunti.
pli-tv-kd12:9.1.46	Na, bhikkhave, abbhānārahena bhikkhunā pakatattena bhikkhunā saddhiṁ ekacchanne āvāse vatthabbaṁ,
pli-tv-kd12:9.1.47	na ekacchanne anāvāse vatthabbaṁ,
pli-tv-kd12:9.1.48	na ekacchanne āvāse vā anāvāse vā vatthabbaṁ;
pli-tv-kd12:9.1.49	pakatattaṁ bhikkhuṁ disvā āsanā vuṭṭhātabbaṁ,
pli-tv-kd12:9.1.50	pakatatto bhikkhu āsanena nimantetabbo;
pli-tv-kd12:9.1.51	na pakatattena bhikkhunā saddhiṁ ekāsane nisīditabbaṁ,
pli-tv-kd12:9.1.52	na nīce āsane nisinne ucce āsane nisīditabbaṁ,
pli-tv-kd12:9.1.53	na chamāyaṁ nisinne āsane nisīditabbaṁ;
pli-tv-kd12:9.1.54	na ekacaṅkame caṅkamitabbaṁ,
pli-tv-kd12:9.1.55	na nīce caṅkame caṅkamante ucce caṅkame caṅkamitabbaṁ,
pli-tv-kd12:9.1.56	na chamāyaṁ caṅkamante caṅkame caṅkamitabbaṁ.
pli-tv-kd12:9.1.57	Na, bhikkhave, abbhānārahena bhikkhunā pārivāsikena bhikkhunā saddhiṁ …pe…
pli-tv-kd12:9.1.58	mūlāyapaṭikassanārahena bhikkhunā saddhiṁ …pe…
pli-tv-kd12:9.1.59	mānattārahena bhikkhunā saddhiṁ …pe…
pli-tv-kd12:9.1.60	mānattacārikena bhikkhunā saddhiṁ …pe…
pli-tv-kd12:9.1.61	abbhānārahena vuḍḍhatarena bhikkhunā saddhiṁ ekacchanne āvāse vatthabbaṁ,
pli-tv-kd12:9.1.62	na ekacchanne anāvāse vatthabbaṁ;
pli-tv-kd12:9.1.63	na ekacchanne āvāse vā anāvāse vā vatthabbaṁ;
pli-tv-kd12:9.1.64	na ekāsane nisīditabbaṁ,
pli-tv-kd12:9.1.65	na nīce āsane nisinne ucce āsane nisīditabbaṁ,
pli-tv-kd12:9.1.66	na chamāyaṁ nisinne āsane nisīditabbaṁ;
pli-tv-kd12:9.1.67	na ekacaṅkame caṅkamitabbaṁ,
pli-tv-kd12:9.1.68	na nīce caṅkame caṅkamante ucce caṅkame caṅkamitabbaṁ,
pli-tv-kd12:9.1.69	na chamāyaṁ caṅkamante caṅkame caṅkamitabbaṁ.
pli-tv-kd12:9.1.70	Abbhānārahacatuttho ce, bhikkhave, parivāsaṁ dadeyya,
pli-tv-kd12:9.1.71	mūlāya paṭikasseyya,
pli-tv-kd12:9.1.72	mānattaṁ dadeyya,
pli-tv-kd12:9.1.73	taṁvīso abbheyya, akammaṁ, na ca karaṇīyan”ti.
pli-tv-kd12:9.1.74	Abbhānārahavattaṁ niṭṭhitaṁ.
pli-tv-kd12:9.1.75	Pārivāsikakkhandhako dutiyo.
pli-tv-kd12:9.1.76	Imamhi khandhake vatthū pañca.
pli-tv-kd12:9.1.77	Tassuddānaṁ
pli-tv-kd12:9.1.78	Pārivāsikā sādenti,
pli-tv-kd12:9.1.79	pakatattāna bhikkhunaṁ;
pli-tv-kd12:9.1.80	Abhivādanaṁ paccuṭṭhānaṁ,
pli-tv-kd12:9.1.81	añjaliñca sāmīciyaṁ.
pli-tv-kd12:9.1.82	Āsanaṁ seyyābhihāraṁ,
pli-tv-kd12:9.1.83	pādo pīṭhaṁ kathalikaṁ;
pli-tv-kd12:9.1.84	Pattaṁ nahāne parikammaṁ,
pli-tv-kd12:9.1.85	ujjhāyanti ca pesalā.
pli-tv-kd12:9.1.86	Dukkaṭaṁ sādiyantassa,
pli-tv-kd12:9.1.87	Mithu pañca yathāvuḍḍhaṁ;
pli-tv-kd12:9.1.88	Uposathaṁ pavāraṇaṁ,
pli-tv-kd12:9.1.89	Vassikoṇojabhojanaṁ.
pli-tv-kd12:9.1.90	Sammā ca vattanā tattha,
pli-tv-kd12:9.1.91	pakatattassa gacchantaṁ;
pli-tv-kd12:9.1.92	Yo ca hoti pariyanto,
pli-tv-kd12:9.1.93	pure pacchā tatheva ca.
pli-tv-kd12:9.1.94	Āraññapiṇḍanīhāro,
pli-tv-kd12:9.1.95	āgantuke uposathe;
pli-tv-kd12:9.1.96	Pavāraṇāya dūtena,
pli-tv-kd12:9.1.97	gantabbo ca sabhikkhuko.
pli-tv-kd12:9.1.98	Ekacchanne ca vuṭṭhānaṁ,
pli-tv-kd12:9.1.99	tatheva ca nimantaye;
pli-tv-kd12:9.1.100	Āsane nīce caṅkame,
pli-tv-kd12:9.1.101	chamāyaṁ caṅkamena ca.
pli-tv-kd12:9.1.102	Vuḍḍhatarena akammaṁ,
pli-tv-kd12:9.1.103	ratticchedā ca sodhanā;
pli-tv-kd12:9.1.104	Nikkhipanaṁ samādānaṁ,
pli-tv-kd12:9.1.105	vattaṁva pārivāsike.
pli-tv-kd12:9.1.106	Mūlāya mānattārahā,
pli-tv-kd12:9.1.107	tathā mānattacārikā;
pli-tv-kd12:9.1.108	Abbhānārahe nayo cāpi,
pli-tv-kd12:9.1.109	sambhedaṁ nayato puna.
pli-tv-kd12:9.1.110	Pārivāsikesu tayo,
pli-tv-kd12:9.1.111	catu mānattacārike;
pli-tv-kd12:9.1.112	Na samenti ratticchedesu,
pli-tv-kd12:9.1.113	mānattesu ca devasi;
pli-tv-kd12:9.1.114	Dve kammā sadisā sesā,
pli-tv-kd12:9.1.115	tayo kammā samāsamāti.
pli-tv-kd12:9.1.116	Pārivāsikakkhandhakaṁ niṭṭhitaṁ.
pli-tv-kd13:0.1	Theravāda Vinayapiṭaka
pli-tv-kd13:0.2	Cūḷavagga
pli-tv-kd13:0.3	13. Samuccayakkhandhaka
pli-tv-kd13:0.4	1. Sukkavissaṭṭhi
pli-tv-kd13:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd13:1.1.2	Tena kho pana samayena āyasmā udāyī ekaṁ āpattiṁ āpanno hoti sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.1.3	So bhikkhūnaṁ ārocesi—
pli-tv-kd13:1.1.4	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.1.5	Kathaṁ nu kho mayā paṭipajjitabban”ti?
pli-tv-kd13:1.1.6	Bhagavato etamatthaṁ ārocesuṁ.
pli-tv-kd13:1.1.7	“Tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ detu.
pli-tv-kd13:1.2.1	Evañca pana, bhikkhave, dātabbaṁ—
pli-tv-kd13:1.2.2.0	1.1. Appaṭicchannamānatta
pli-tv-kd13:1.2.2.1	Tena, bhikkhave, udāyinā bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd13:1.2.3	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.2.4	Sohaṁ, bhante, saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācāmi.
pli-tv-kd13:1.2.5	Ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.2.6	Dutiyampi, sohaṁ, bhante, saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācāmi.
pli-tv-kd13:1.2.7	Ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.2.8	Tatiyampi sohaṁ, bhante, saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācāmī’ti.
pli-tv-kd13:1.3.1	Byattena bhikkhunā paṭibalena saṅgho ñāpetabbo—
pli-tv-kd13:1.3.2	‘Suṇātu me, bhante, saṅgho.
pli-tv-kd13:1.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.3.4	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācati.
pli-tv-kd13:1.3.5	Yadi saṅghassa pattakallaṁ, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ dadeyya.
pli-tv-kd13:1.3.6	Esā ñatti.
pli-tv-kd13:1.3.7	Suṇātu me, bhante, saṅgho.
pli-tv-kd13:1.3.8	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.3.9	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācati.
pli-tv-kd13:1.3.10	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ deti.
pli-tv-kd13:1.3.11	Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattassa dānaṁ, so tuṇhassa;
pli-tv-kd13:1.3.12	yassa nakkhamati, so bhāseyya.
pli-tv-kd13:1.3.13	Dutiyampi etamatthaṁ vadāmi—
pli-tv-kd13:1.3.14	suṇātu me, bhante, saṅgho.
pli-tv-kd13:1.3.15	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.3.16	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācati.
pli-tv-kd13:1.3.17	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ deti.
pli-tv-kd13:1.3.18	Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattassa dānaṁ, so tuṇhassa;
pli-tv-kd13:1.3.19	yassa nakkhamati, so bhāseyya.
pli-tv-kd13:1.3.20	Tatiyampi etamatthaṁ vadāmi—
pli-tv-kd13:1.3.21	suṇātu me, bhante, saṅgho.
pli-tv-kd13:1.3.22	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:1.3.23	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācati.
pli-tv-kd13:1.3.24	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ deti.
pli-tv-kd13:1.3.25	Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattassa dānaṁ, so tuṇhassa;
pli-tv-kd13:1.3.26	yassa nakkhamati, so bhāseyya.
pli-tv-kd13:1.3.27	Dinnaṁ saṅghena udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ.
pli-tv-kd13:1.3.28	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:2.1.0	1.2. Appaṭicchannaabbhāna
pli-tv-kd13:2.1.1	So ciṇṇamānatto bhikkhūnaṁ ārocesi—
pli-tv-kd13:2.1.2	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:2.1.3	Sohaṁ saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāciṁ.
pli-tv-kd13:2.1.4	Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.1.5	Sohaṁ ciṇṇamānatto.
pli-tv-kd13:2.1.6	Kathaṁ nu kho mayā paṭipajjitabban”ti?
pli-tv-kd13:2.1.7	Bhagavato etamatthaṁ ārocesuṁ.
pli-tv-kd13:2.1.8	“Tena hi, bhikkhave, saṅgho udāyiṁ bhikkhuṁ abbhetu.
pli-tv-kd13:2.2.1	Evañca pana, bhikkhave, abbhetabbo—
pli-tv-kd13:2.2.2	Tena, bhikkhave, udāyinā bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd13:2.2.3	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ, sohaṁ saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāciṁ.
pli-tv-kd13:2.2.4	Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.2.5	Sohaṁ, bhante, ciṇṇamānatto saṅghaṁ abbhānaṁ yācāmi.
pli-tv-kd13:2.2.6	Ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:2.2.7	Sohaṁ saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāciṁ.
pli-tv-kd13:2.2.8	Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.2.9	Sohaṁ ciṇṇamānatto dutiyampi, bhante, saṅghaṁ abbhānaṁ yācāmi.
pli-tv-kd13:2.2.10	Ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:2.2.11	Sohaṁ saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāciṁ.
pli-tv-kd13:2.2.12	Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.2.13	Sohaṁ ciṇṇamānatto tatiyampi, bhante, saṅghaṁ abbhānaṁ yācāmī’ti.
pli-tv-kd13:2.3.1	Byattena bhikkhunā paṭibalena saṅgho ñāpetabbo—
pli-tv-kd13:2.3.2	‘Suṇātu me, bhante, saṅgho.
pli-tv-kd13:2.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:2.3.4	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāci.
pli-tv-kd13:2.3.5	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.3.6	So ciṇṇamānatto saṅghaṁ abbhānaṁ yācati.
pli-tv-kd13:2.3.7	Yadi saṅghassa pattakallaṁ, saṅgho udāyiṁ bhikkhuṁ abbheyya.
pli-tv-kd13:2.3.8	Esā ñatti.
pli-tv-kd13:2.3.9	Suṇātu me, bhante, saṅgho.
pli-tv-kd13:2.3.10	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:2.3.11	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāci.
pli-tv-kd13:2.3.12	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.3.13	So ciṇṇamānatto saṅghaṁ abbhānaṁ yācati.
pli-tv-kd13:2.3.14	Saṅgho udāyiṁ bhikkhuṁ abbheti.
pli-tv-kd13:2.3.15	Yassāyasmato khamati udāyissa bhikkhuno abbhānaṁ, so tuṇhassa;
pli-tv-kd13:2.3.16	yassa nakkhamati, so bhāseyya.
pli-tv-kd13:2.3.17	Dutiyampi etamatthaṁ vadāmi—
pli-tv-kd13:2.3.18	suṇātu me, bhante, saṅgho.
pli-tv-kd13:2.3.19	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:2.3.20	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāci.
pli-tv-kd13:2.3.21	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.3.22	So ciṇṇamānatto saṅghaṁ abbhānaṁ yācati.
pli-tv-kd13:2.3.23	Saṅgho udāyiṁ bhikkhuṁ abbheti.
pli-tv-kd13:2.3.24	Yassāyasmato khamati udāyissa bhikkhuno abbhānaṁ, so tuṇhassa;
pli-tv-kd13:2.3.25	yassa nakkhamati, so bhāseyya.
pli-tv-kd13:2.3.26	Tatiyampi etamatthaṁ vadāmi—
pli-tv-kd13:2.3.27	suṇātu me, bhante, saṅgho.
pli-tv-kd13:2.3.28	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:2.3.29	So saṅghaṁ ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāci.
pli-tv-kd13:2.3.30	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:2.3.31	So ciṇṇamānatto saṅghaṁ abbhānaṁ yācati.
pli-tv-kd13:2.3.32	Saṅgho udāyiṁ bhikkhuṁ abbheti.
pli-tv-kd13:2.3.33	Yassāyasmato khamati udāyissa bhikkhuno abbhānaṁ, so tuṇhassa;
pli-tv-kd13:2.3.34	yassa nakkhamati, so bhāseyya.
pli-tv-kd13:2.3.35	Abbhito saṅghena udāyī bhikkhu.
pli-tv-kd13:2.3.36	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:3.1.0	1.3. Ekāhappaṭicchannaparivāsa
pli-tv-kd13:3.1.1	Tena kho pana samayena āyasmā udāyī ekaṁ āpattiṁ āpanno hoti sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:3.1.2	So bhikkhūnaṁ ārocesi—
pli-tv-kd13:3.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:3.1.4	Kathaṁ nu kho mayā paṭipajjitabban”ti?
pli-tv-kd13:3.1.5	Bhagavato etamatthaṁ ārocesuṁ.
pli-tv-kd13:3.1.6	“Tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ detu.
pli-tv-kd13:3.2.1	Evañca pana, bhikkhave, dātabbo—
pli-tv-kd13:3.2.2	Tena, bhikkhave, udāyinā bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd13:3.2.3	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:3.2.4	Sohaṁ, bhante, saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yācāmī’ti.
pli-tv-kd13:3.2.5	Dutiyampi yācitabbo.
pli-tv-kd13:3.2.6	Tatiyampi yācitabbo.
pli-tv-kd13:3.3.1	Byattena bhikkhunā paṭibalena saṅgho ñāpetabbo—
pli-tv-kd13:3.3.2	‘Suṇātu me, bhante, saṅgho.
pli-tv-kd13:3.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:3.3.4	So saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yācati.
pli-tv-kd13:3.3.5	Yadi saṅghassa pattakallaṁ, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ dadeyya.
pli-tv-kd13:3.3.6	Esā ñatti.
pli-tv-kd13:3.3.7	Suṇātu me, bhante, saṅgho.
pli-tv-kd13:3.3.8	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:3.3.9	So saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yācati.
pli-tv-kd13:3.3.10	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ deti.
pli-tv-kd13:3.3.11	Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsassa dānaṁ, so tuṇhassa;
pli-tv-kd13:3.3.12	yassa nakkhamati, so bhāseyya.
pli-tv-kd13:3.3.13	Dutiyampi etamatthaṁ vadāmi …pe…
pli-tv-kd13:3.3.14	tatiyampi etamatthaṁ vadāmi …pe….
pli-tv-kd13:3.3.15	Dinno saṅghena udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāso.
pli-tv-kd13:3.3.16	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:4.1.0	1.4. Ekāhappaṭicchannamānatta
pli-tv-kd13:4.1.1	So parivutthaparivāso bhikkhūnaṁ ārocesi—
pli-tv-kd13:4.1.2	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:4.1.3	Sohaṁ saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāciṁ.
pli-tv-kd13:4.1.4	Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:4.1.5	Sohaṁ parivutthaparivāso.
pli-tv-kd13:4.1.6	Kathaṁ nu kho mayā paṭipajjitabban”ti?
pli-tv-kd13:4.1.7	Bhagavato etamatthaṁ ārocesuṁ.
pli-tv-kd13:4.1.8	“Tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ detu.
pli-tv-kd13:4.2.1	Evañca pana, bhikkhave, dātabbaṁ—
pli-tv-kd13:4.2.2	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:4.2.3	evamassa vacanīyo—
pli-tv-kd13:4.2.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:4.2.5	Sohaṁ saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāciṁ.
pli-tv-kd13:4.2.6	Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:4.2.7	Sohaṁ, bhante, parivutthaparivāso saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ yācāmī’ti.
pli-tv-kd13:4.2.8	Dutiyampi yācitabbaṁ.
pli-tv-kd13:4.2.9	Tatiyampi yācitabbaṁ.
pli-tv-kd13:4.3.1	Byattena bhikkhunā paṭibalena saṅgho ñāpetabbo—
pli-tv-kd13:4.3.2	‘Suṇātu me, bhante, saṅgho.
pli-tv-kd13:4.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:4.3.4	So saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāci.
pli-tv-kd13:4.3.5	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:4.3.6	So parivutthaparivāso saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ yācati.
pli-tv-kd13:4.3.7	Yadi saṅghassa pattakallaṁ, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ dadeyya.
pli-tv-kd13:4.3.8	Esā ñatti.
pli-tv-kd13:4.3.9	Suṇātu me, bhante, saṅgho.
pli-tv-kd13:4.3.10	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:4.3.11	So saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāci.
pli-tv-kd13:4.3.12	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:4.3.13	So parivutthaparivāso saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ yācati.
pli-tv-kd13:4.3.14	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ deti.
pli-tv-kd13:4.3.15	Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattassa dānaṁ, so tuṇhassa;
pli-tv-kd13:4.3.16	yassa nakkhamati, so bhāseyya.
pli-tv-kd13:4.3.17	Dutiyampi etamatthaṁ vadāmi …pe…
pli-tv-kd13:4.3.18	tatiyampi etamatthaṁ vadāmi …pe….
pli-tv-kd13:4.3.19	Dinnaṁ saṅghena udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ.
pli-tv-kd13:4.3.20	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:5.1.0	1.5. Ekāhappaṭicchannaabbhāna
pli-tv-kd13:5.1.1	So ciṇṇamānatto bhikkhūnaṁ ārocesi—
pli-tv-kd13:5.1.2	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:5.1.3	Sohaṁ saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāciṁ.
pli-tv-kd13:5.1.4	Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:5.1.5	Sohaṁ parivutthaparivāso saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ yāciṁ.
pli-tv-kd13:5.1.6	Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ adāsi.
pli-tv-kd13:5.1.7	Sohaṁ ciṇṇamānatto.
pli-tv-kd13:5.1.8	Kathaṁ nu kho mayā paṭipajjitabban”ti?
pli-tv-kd13:5.1.9	Bhagavato etamatthaṁ ārocesuṁ.
pli-tv-kd13:5.1.10	“Tena hi, bhikkhave, saṅgho udāyiṁ bhikkhuṁ abbhetu.
pli-tv-kd13:5.2.1	Evañca pana, bhikkhave, abbhetabbo—
pli-tv-kd13:5.2.2	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:5.2.3	evamassa vacanīyo—
pli-tv-kd13:5.2.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:5.2.5	Sohaṁ saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāciṁ.
pli-tv-kd13:5.2.6	Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:5.2.7	Sohaṁ parivutthaparivāso saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ yāciṁ.
pli-tv-kd13:5.2.8	Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ adāsi.
pli-tv-kd13:5.2.9	Sohaṁ, bhante, ciṇṇamānatto saṅghaṁ abbhānaṁ yācāmī’ti.
pli-tv-kd13:5.2.10	Dutiyampi yācitabbaṁ.
pli-tv-kd13:5.2.11	Tatiyampi yācitabbaṁ.
pli-tv-kd13:5.3.1	Byattena bhikkhunā paṭibalena saṅgho ñāpetabbo—
pli-tv-kd13:5.3.2	‘Suṇātu me, bhante, saṅgho.
pli-tv-kd13:5.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:5.3.4	So saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāci.
pli-tv-kd13:5.3.5	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:5.3.6	So parivutthaparivāso saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ yāci.
pli-tv-kd13:5.3.7	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ adāsi.
pli-tv-kd13:5.3.8	So ciṇṇamānatto saṅghaṁ abbhānaṁ yācati.
pli-tv-kd13:5.3.9	Yadi saṅghassa pattakallaṁ, saṅgho udāyiṁ bhikkhuṁ abbheyya.
pli-tv-kd13:5.3.10	Esā ñatti.
pli-tv-kd13:5.3.11	Suṇātu me, bhante, saṅgho.
pli-tv-kd13:5.3.12	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ ekāhappaṭicchannaṁ.
pli-tv-kd13:5.3.13	So saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ yāci.
pli-tv-kd13:5.3.14	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṁ adāsi.
pli-tv-kd13:5.3.15	So parivutthaparivāso saṅghaṁ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ yāci.
pli-tv-kd13:5.3.16	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṁ mānattaṁ adāsi.
pli-tv-kd13:5.3.17	So ciṇṇamānatto saṅghaṁ abbhānaṁ yācati.
pli-tv-kd13:5.3.18	Saṅgho udāyiṁ bhikkhuṁ abbheti.
pli-tv-kd13:5.3.19	Yassāyasmato khamati udāyissa bhikkhuno abbhānaṁ, so tuṇhassa;
pli-tv-kd13:5.3.20	yassa nakkhamati, so bhāseyya.
pli-tv-kd13:5.3.21	Dutiyampi etamatthaṁ vadāmi …pe…
pli-tv-kd13:5.3.22	tatiyampi etamatthaṁ vadāmi …pe….
pli-tv-kd13:5.3.23	Abbhito saṅghena udāyī bhikkhu.
pli-tv-kd13:5.3.24	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:6.1.0	1.6. Pañcāhappaṭicchannaparivāsa
pli-tv-kd13:6.1.1	Tena kho pana samayena āyasmā udāyī ekaṁ āpattiṁ āpanno hoti sañcetanikaṁ sukkavissaṭṭhiṁ dvīhappaṭicchannaṁ …pe…
pli-tv-kd13:6.1.2	tīhappaṭicchannaṁ …pe…
pli-tv-kd13:6.1.3	catūhappaṭicchannaṁ …pe…
pli-tv-kd13:6.1.4	pañcāhappaṭicchannaṁ.
pli-tv-kd13:6.1.5	So bhikkhūnaṁ ārocesi—
pli-tv-kd13:6.1.6	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:6.1.7	Kathaṁ nu kho mayā paṭipajjitabban”ti?
pli-tv-kd13:6.1.8	Bhagavato etamatthaṁ ārocesuṁ.
pli-tv-kd13:6.1.9	“Tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ detu.
pli-tv-kd13:6.1.10	Evañca pana, bhikkhave, dātabbo—
pli-tv-kd13:6.1.11	Tena, bhikkhave, udāyinā bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd13:6.1.12	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:6.1.13	Sohaṁ, bhante, saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yācāmī’ti.
pli-tv-kd13:6.1.14	Dutiyampi yācitabbo.
pli-tv-kd13:6.1.15	Tatiyampi yācitabbo.
pli-tv-kd13:6.1.16	Byattena bhikkhunā paṭibalena saṅgho ñāpetabbo—
pli-tv-kd13:6.1.17	‘Suṇātu me, bhante, saṅgho.
pli-tv-kd13:6.1.18	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:6.1.19	So saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yācati.
pli-tv-kd13:6.1.20	Yadi saṅghassa pattakallaṁ, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ dadeyya.
pli-tv-kd13:6.1.21	Esā ñatti.
pli-tv-kd13:6.1.22	Suṇātu me, bhante, saṅgho.
pli-tv-kd13:6.1.23	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:6.1.24	So saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yācati.
pli-tv-kd13:6.1.25	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ deti.
pli-tv-kd13:6.1.26	Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsassa dānaṁ, so tuṇhassa;
pli-tv-kd13:6.1.27	yassa nakkhamati, so bhāseyya.
pli-tv-kd13:6.1.28	Dutiyampi etamatthaṁ vadāmi …pe…
pli-tv-kd13:6.1.29	tatiyampi etamatthaṁ vadāmi …pe….
pli-tv-kd13:6.1.30	Dinno saṅghena udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāso.
pli-tv-kd13:6.1.31	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:7.1.0	1.7. Pārivāsikamūlāyapaṭikassanā
pli-tv-kd13:7.1.1	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:7.1.2	So bhikkhūnaṁ ārocesi—
pli-tv-kd13:7.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:7.1.4	Sohaṁ saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāciṁ.
pli-tv-kd13:7.1.5	Tassa me saṅgho ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi.
pli-tv-kd13:7.1.6	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:7.1.7	Kathaṁ nu kho mayā paṭipajjitabban”ti?
pli-tv-kd13:7.1.8	Bhagavato etamatthaṁ ārocesuṁ.
pli-tv-kd13:7.1.9	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassatu.
pli-tv-kd13:7.2.1	Evañca pana, bhikkhave, mūlāya paṭikassitabbo—
pli-tv-kd13:7.2.2	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:7.2.3	evamassa vacanīyo—
pli-tv-kd13:7.2.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:7.2.5	Sohaṁ saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāciṁ.
pli-tv-kd13:7.2.6	Tassa me saṅgho ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi.
pli-tv-kd13:7.2.7	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:7.2.8	Sohaṁ, bhante, saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yācāmī’ti.
pli-tv-kd13:7.2.9	Dutiyampi yācitabbā.
pli-tv-kd13:7.2.10	Tatiyampi yācitabbā.
pli-tv-kd13:7.3.1	Byattena bhikkhunā paṭibalena saṅgho ñāpetabbo—
pli-tv-kd13:7.3.2	‘Suṇātu me, bhante, saṅgho.
pli-tv-kd13:7.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:7.3.4	So saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāci.
pli-tv-kd13:7.3.5	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi.
pli-tv-kd13:7.3.6	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:7.3.7	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yācati.
pli-tv-kd13:7.3.8	Yadi saṅghassa pattakallaṁ, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikasseyya.
pli-tv-kd13:7.3.9	Esā ñatti.
pli-tv-kd13:7.3.10	Suṇātu me, bhante, saṅgho.
pli-tv-kd13:7.3.11	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:7.3.12	So saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāci.
pli-tv-kd13:7.3.13	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi.
pli-tv-kd13:7.3.14	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:7.3.15	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yācati.
pli-tv-kd13:7.3.16	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassati.
pli-tv-kd13:7.3.17	Yassāyasmato khamati udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanā, so tuṇhassa;
pli-tv-kd13:7.3.18	yassa nakkhamati, so bhāseyya.
pli-tv-kd13:7.3.19	Dutiyampi etamatthaṁ vadāmi …pe…
pli-tv-kd13:7.3.20	tatiyampi etamatthaṁ vadāmi …pe….
pli-tv-kd13:7.3.21	Paṭikassito saṅghena udāyī bhikkhu antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanā.
pli-tv-kd13:7.3.22	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:8.1.0	1.8. Mānattārahamūlāyapaṭikassanā
pli-tv-kd13:8.1.1	So parivutthaparivāso mānattāraho antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:8.1.2	So bhikkhūnaṁ ārocesi—
pli-tv-kd13:8.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:8.1.4	Sohaṁ saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāciṁ.
pli-tv-kd13:8.1.5	Tassa me saṅgho ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi.
pli-tv-kd13:8.1.6	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:8.1.7	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāciṁ.
pli-tv-kd13:8.1.8	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:8.1.9	Sohaṁ parivutthaparivāso mānattāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:8.1.10	Kathaṁ nu kho mayā paṭipajjitabban”ti?
pli-tv-kd13:8.1.11	Bhagavato etamatthaṁ ārocesuṁ.
pli-tv-kd13:8.1.12	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassatu.
pli-tv-kd13:8.2.1	Evañca pana, bhikkhave, mūlāya paṭikassitabbo—
pli-tv-kd13:8.2.2	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:8.2.3	evamassa vacanīyo—
pli-tv-kd13:8.2.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:8.2.5	sohaṁ parivutthaparivāso mānattāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:8.2.6	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yācāmī’ti.
pli-tv-kd13:8.2.7	Dutiyampi yācitabbā.
pli-tv-kd13:8.2.8	Tatiyampi yācitabbā.
pli-tv-kd13:8.3.1	Byattena bhikkhunā paṭibalena saṅgho ñāpetabbo—
pli-tv-kd13:8.3.2	‘Suṇātu me, bhante, saṅgho.
pli-tv-kd13:8.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:8.3.4	so parivutthaparivāso mānattāraho antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:8.3.5	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yācati.
pli-tv-kd13:8.3.6	Yadi saṅghassa pattakallaṁ, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikasseyya.
pli-tv-kd13:8.3.7	Esā ñatti.
pli-tv-kd13:8.3.8	Suṇātu me, bhante, saṅgho.
pli-tv-kd13:8.3.9	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:8.3.10	so parivutthaparivāso mānattāraho antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:8.3.11	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yācati.
pli-tv-kd13:8.3.12	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassati.
pli-tv-kd13:8.3.13	Yassāyasmato khamati udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanā, so tuṇhassa;
pli-tv-kd13:8.3.14	yassa nakkhamati, so bhāseyya.
pli-tv-kd13:8.3.15	Dutiyampi etamatthaṁ vadāmi …pe…
pli-tv-kd13:8.3.16	tatiyampi etamatthaṁ vadāmi …pe….
pli-tv-kd13:8.3.17	Paṭikassito saṅghena udāyī bhikkhu antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanā.
pli-tv-kd13:8.3.18	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:9.1.0	1.9. Tikāpattimānatta
pli-tv-kd13:9.1.1	So parivutthaparivāso bhikkhūnaṁ ārocesi—
pli-tv-kd13:9.1.2	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:9.1.3	sohaṁ parivutthaparivāso.
pli-tv-kd13:9.1.4	Kathaṁ nu kho mayā paṭipajjitabban”ti?
pli-tv-kd13:9.1.5	Bhagavato etamatthaṁ ārocesuṁ.
pli-tv-kd13:9.1.6	“Tena hi, bhikkhave, saṅgho udāyissa bhikkhuno tissannaṁ āpattīnaṁ chārattaṁ mānattaṁ detu.
pli-tv-kd13:9.2.1	Evañca pana, bhikkhave, dātabbaṁ—
pli-tv-kd13:9.2.2	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:9.2.3	evamassa vacanīyo—
pli-tv-kd13:9.2.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:9.2.5	Sohaṁ saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāciṁ.
pli-tv-kd13:9.2.6	Tassa me saṅgho ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi …pe…
pli-tv-kd13:9.2.7	sohaṁ, bhante, parivutthaparivāso saṅghaṁ tissannaṁ āpattīnaṁ chārattaṁ mānattaṁ yācāmī’ti.
pli-tv-kd13:9.2.8	Dutiyampi yācitabbaṁ.
pli-tv-kd13:9.2.9	Tatiyampi yācitabbaṁ.
pli-tv-kd13:9.3.1	Byattena bhikkhunā paṭibalena saṅgho ñāpetabbo—
pli-tv-kd13:9.3.2	‘Suṇātu me, bhante, saṅgho.
pli-tv-kd13:9.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:9.3.4	so parivutthaparivāso saṅghaṁ tissannaṁ āpattīnaṁ chārattaṁ mānattaṁ yācati.
pli-tv-kd13:9.3.5	Yadi saṅghassa pattakallaṁ, saṅgho udāyissa bhikkhuno tissannaṁ āpattīnaṁ chārattaṁ mānattaṁ dadeyya.
pli-tv-kd13:9.3.6	Esā ñatti.
pli-tv-kd13:9.3.7	Suṇātu me, bhante, saṅgho.
pli-tv-kd13:9.3.8	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:9.3.9	so parivutthaparivāso saṅghaṁ tissannaṁ āpattīnaṁ chārattaṁ mānattaṁ yācati.
pli-tv-kd13:9.3.10	Saṅgho udāyissa bhikkhuno tissannaṁ āpattīnaṁ chārattaṁ mānattaṁ deti.
pli-tv-kd13:9.3.11	Yassāyasmato khamati udāyissa bhikkhuno tissannaṁ āpattīnaṁ chārattaṁ mānattassa dānaṁ, so tuṇhassa;
pli-tv-kd13:9.3.12	yassa nakkhamati, so bhāseyya.
pli-tv-kd13:9.3.13	Dutiyampi etamatthaṁ vadāmi …pe…
pli-tv-kd13:9.3.14	tatiyampi etamatthaṁ vadāmi …pe….
pli-tv-kd13:9.3.15	Dinnaṁ saṅghena udāyissa bhikkhuno tissannaṁ āpattīnaṁ chārattaṁ mānattaṁ.
pli-tv-kd13:9.3.16	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:10.1.0	1.10. Mānattacārikamūlāyapaṭikassanā
pli-tv-kd13:10.1.1	So mānattaṁ caranto antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:10.1.2	So bhikkhūnaṁ ārocesi—
pli-tv-kd13:10.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:10.1.4	sohaṁ mānattaṁ caranto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:10.1.5	Kathaṁ nu kho mayā paṭipajjitabban”ti?
pli-tv-kd13:10.1.6	Bhagavato etamatthaṁ ārocesuṁ.
pli-tv-kd13:10.1.7	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassitvā chārattaṁ mānattaṁ detu.
pli-tv-kd13:10.1.8	Evañca pana, bhikkhave, mūlāya paṭikassitabbo—
pli-tv-kd13:10.1.9	tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:10.1.10	evamassa vacanīyo—
pli-tv-kd13:10.1.11	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:10.1.12	sohaṁ mānattaṁ caranto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:10.1.13	Sohaṁ, bhante, saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yācāmī’ti.
pli-tv-kd13:10.1.14	Dutiyampi yācitabbā.
pli-tv-kd13:10.1.15	Tatiyampi yācitabbā.
pli-tv-kd13:10.1.16	Byattena bhikkhunā paṭibalena saṅgho ñāpetabbo—
pli-tv-kd13:10.1.17	‘Suṇātu me, bhante, saṅgho.
pli-tv-kd13:10.1.18	Ayaṁ udāyī bhikkhu …pe…
pli-tv-kd13:10.1.19	mūlāyapaṭikassanaṁ yācati.
pli-tv-kd13:10.1.20	Yadi saṅghassa pattakallaṁ, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikasseyya.
pli-tv-kd13:10.1.21	Esā ñatti …pe…
pli-tv-kd13:10.1.22	paṭikassito saṅghena udāyī bhikkhu antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanā.
pli-tv-kd13:10.1.23	Khamati saṅghassa, tasmā tuṇhī, evametaṁ dhārayāmīti.
pli-tv-kd13:10.1.24	Evañca pana, bhikkhave, chārattaṁ mānattaṁ dātabbaṁ—
pli-tv-kd13:10.1.25	tena, bhikkhave, udāyinā bhikkhunā …pe…
pli-tv-kd13:10.1.26	evamassa vacanīyo—
pli-tv-kd13:10.1.27	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:10.1.28	sohaṁ mānattaṁ caranto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:10.1.29	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāciṁ.
pli-tv-kd13:10.1.30	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:10.1.31	Sohaṁ, bhante, saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yācāmī’ti.
pli-tv-kd13:10.1.32	Dutiyampi yācitabbaṁ.
pli-tv-kd13:10.1.33	Tatiyampi yācitabbaṁ.
pli-tv-kd13:10.1.34	Byattena bhikkhunā paṭibalena saṅgho ñāpetabbo—
pli-tv-kd13:10.1.35	‘Suṇātu me, bhante, saṅgho.
pli-tv-kd13:10.1.36	Ayaṁ udāyī bhikkhu …pe…
pli-tv-kd13:10.1.37	chārattaṁ mānattaṁ yācati.
pli-tv-kd13:10.1.38	Yadi saṅghassa pattakallaṁ, saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ dadeyya.
pli-tv-kd13:10.1.39	Esā ñatti …pe…
pli-tv-kd13:10.1.40	Dinnaṁ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ.
pli-tv-kd13:10.1.41	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:11.1.0	1.11. Abbhānārahamūlāyapaṭikassanā
pli-tv-kd13:11.1.1	So ciṇṇamānatto abbhānāraho antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:11.1.2	So bhikkhūnaṁ ārocesi—
pli-tv-kd13:11.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:11.1.4	sohaṁ ciṇṇamānatto abbhānāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:11.1.5	Kathaṁ nu kho mayā paṭipajjitabban”ti?
pli-tv-kd13:11.1.6	Bhagavato etamatthaṁ ārocesuṁ.
pli-tv-kd13:11.1.7	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassitvā chārattaṁ mānattaṁ detu.
pli-tv-kd13:11.1.8	Evañca pana, bhikkhave, mūlāya paṭikassitabbo …pe….
pli-tv-kd13:11.1.9	Evañca pana, bhikkhave, chārattaṁ mānattaṁ dātabbaṁ …pe….
pli-tv-kd13:11.1.10	Dinnaṁ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ.
pli-tv-kd13:11.1.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:12.1.0	1.12. Mūlāyapaṭikassitaabbhāna
pli-tv-kd13:12.1.1	So ciṇṇamānatto bhikkhūnaṁ ārocesi—
pli-tv-kd13:12.1.2	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:12.1.3	sohaṁ ciṇṇamānatto.
pli-tv-kd13:12.1.4	Kathaṁ nu kho mayā paṭipajjitabban”ti?
pli-tv-kd13:12.1.5	Bhagavato etamatthaṁ ārocesuṁ.
pli-tv-kd13:12.1.6	“Tena hi, bhikkhave, saṅgho udāyiṁ bhikkhuṁ abbhetu.
pli-tv-kd13:12.2.1	Evañca pana, bhikkhave, abbhetabbo—
pli-tv-kd13:12.2.2	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:12.2.3	evamassa vacanīyo—
pli-tv-kd13:12.2.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:12.2.5	Sohaṁ saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāciṁ.
pli-tv-kd13:12.2.6	Tassa me saṅgho ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi.
pli-tv-kd13:12.2.7	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.2.8	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāciṁ.
pli-tv-kd13:12.2.9	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.2.10	Sohaṁ parivutthaparivāso mānattāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.2.11	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāciṁ.
pli-tv-kd13:12.2.12	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.2.13	Sohaṁ parivutthaparivāso saṅghaṁ tissannaṁ āpattīnaṁ chārattaṁ mānattaṁ yāciṁ.
pli-tv-kd13:12.2.14	Tassa me saṅgho tissannaṁ āpattīnaṁ chārattaṁ mānattaṁ adāsi.
pli-tv-kd13:12.2.15	Sohaṁ mānattaṁ caranto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.2.16	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāciṁ.
pli-tv-kd13:12.2.17	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.2.18	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāciṁ.
pli-tv-kd13:12.2.19	Tassa me saṅgho antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:12.2.20	Sohaṁ ciṇṇamānatto abbhānāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.2.21	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāciṁ.
pli-tv-kd13:12.2.22	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.2.23	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāciṁ.
pli-tv-kd13:12.2.24	Tassa me saṅgho antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:12.2.25	Sohaṁ, bhante, ciṇṇamānatto saṅghaṁ abbhānaṁ yācāmī’ti.
pli-tv-kd13:12.2.26	Dutiyampi yācitabbaṁ.
pli-tv-kd13:12.2.27	Tatiyampi yācitabbaṁ.
pli-tv-kd13:12.3.1	Byattena bhikkhunā paṭibalena saṅgho ñāpetabbo—
pli-tv-kd13:12.3.2	‘Suṇātu me, bhante, saṅgho.
pli-tv-kd13:12.3.3	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:12.3.4	So saṅghaṁ ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ yāci.
pli-tv-kd13:12.3.5	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pañcāhappaṭicchannāya pañcāhaparivāsaṁ adāsi.
pli-tv-kd13:12.3.6	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.3.7	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāci.
pli-tv-kd13:12.3.8	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.3.9	So parivutthaparivāso mānattāraho antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.3.10	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāci.
pli-tv-kd13:12.3.11	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.3.12	So parivutthaparivāso saṅghaṁ tissannaṁ āpattīnaṁ chārattaṁ mānattaṁ yāci.
pli-tv-kd13:12.3.13	Saṅgho udāyissa bhikkhuno tissannaṁ āpattīnaṁ chārattaṁ mānattaṁ adāsi.
pli-tv-kd13:12.3.14	So mānattaṁ caranto antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.3.15	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāci.
pli-tv-kd13:12.3.16	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.3.17	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāci.
pli-tv-kd13:12.3.18	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:12.3.19	So ciṇṇamānatto abbhānāraho antarā ekaṁ āpattiṁ āpajji sañcetanikaṁ sukkavissaṭṭhiṁ appaṭicchannaṁ.
pli-tv-kd13:12.3.20	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāyapaṭikassanaṁ yāci.
pli-tv-kd13:12.3.21	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassi.
pli-tv-kd13:12.3.22	So saṅghaṁ antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ yāci.
pli-tv-kd13:12.3.23	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya chārattaṁ mānattaṁ adāsi.
pli-tv-kd13:12.3.24	So ciṇṇamānatto saṅghaṁ abbhānaṁ yācati.
pli-tv-kd13:12.3.25	Yadi saṅghassa pattakallaṁ, saṅgho udāyiṁ bhikkhuṁ abbheyya.
pli-tv-kd13:12.3.26	Esā ñatti.
pli-tv-kd13:12.3.27	Suṇātu me, bhante, saṅgho.
pli-tv-kd13:12.3.28	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ …pe…
pli-tv-kd13:12.3.29	so ciṇṇamānatto saṅghaṁ abbhānaṁ yācati.
pli-tv-kd13:12.3.30	Saṅgho udāyiṁ bhikkhuṁ abbheti.
pli-tv-kd13:12.3.31	Yassāyasmato khamati udāyissa bhikkhuno abbhānaṁ, so tuṇhassa;
pli-tv-kd13:12.3.32	yassa nakkhamati, so bhāseyya.
pli-tv-kd13:12.3.33	Dutiyampi etamatthaṁ vadāmi …pe…
pli-tv-kd13:12.3.34	tatiyampi etamatthaṁ vadāmi …pe….
pli-tv-kd13:12.3.35	Abbhito saṅghena udāyī bhikkhu.
pli-tv-kd13:12.3.36	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:13.1.0	1.13. Pakkhappaṭicchannaparivāsa
pli-tv-kd13:13.1.1	Tena kho pana samayena āyasmā udāyī ekaṁ āpattiṁ āpanno hoti sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:13.1.2	So bhikkhūnaṁ ārocesi—
pli-tv-kd13:13.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:13.1.4	Kathaṁ nu kho mayā paṭipajjitabban”ti?
pli-tv-kd13:13.1.5	Bhagavato etamatthaṁ ārocesuṁ.
pli-tv-kd13:13.1.6	“Tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ detu.
pli-tv-kd13:13.1.7	Evañca pana, bhikkhave, dātabbo—
pli-tv-kd13:13.1.8	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:13.1.9	evamassa vacanīyo—
pli-tv-kd13:13.1.10	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:13.1.11	Sohaṁ, bhante, saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yācāmī’ti.
pli-tv-kd13:13.1.12	Dutiyampi yācitabbo.
pli-tv-kd13:13.1.13	Tatiyampi yācitabbo.
pli-tv-kd13:13.1.14	Byattena bhikkhunā paṭibalena saṅgho ñāpetabbo—
pli-tv-kd13:13.1.15	‘Suṇātu me, bhante, saṅgho.
pli-tv-kd13:13.1.16	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:13.1.17	So saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yācati.
pli-tv-kd13:13.1.18	Yadi saṅghassa pattakallaṁ, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ dadeyya.
pli-tv-kd13:13.1.19	Esā ñatti.
pli-tv-kd13:13.1.20	Suṇātu me, bhante, saṅgho.
pli-tv-kd13:13.1.21	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:13.1.22	So saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yācati.
pli-tv-kd13:13.1.23	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ deti.
pli-tv-kd13:13.1.24	Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsassa dānaṁ, so tuṇhassa;
pli-tv-kd13:13.1.25	yassa nakkhamati, so bhāseyya.
pli-tv-kd13:13.1.26	Dutiyampi etamatthaṁ vadāmi …pe…
pli-tv-kd13:13.1.27	tatiyampi etamatthaṁ vadāmi …pe….
pli-tv-kd13:13.1.28	Dinno saṅghena udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāso.
pli-tv-kd13:13.1.29	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:14.1.0	1.14. Pakkhapārivāsikamūlāyapaṭikassana
pli-tv-kd13:14.1.1	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.1.2	So bhikkhūnaṁ ārocesi—
pli-tv-kd13:14.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:14.1.4	Sohaṁ saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāciṁ.
pli-tv-kd13:14.1.5	Tassa me saṅgho ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:14.1.6	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.1.7	Kathaṁ nu kho mayā paṭipajjitabban”ti.
pli-tv-kd13:14.1.8	Bhagavato etamatthaṁ ārocesuṁ.
pli-tv-kd13:14.1.9	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassitvā purimāya āpattiyā samodhānaparivāsaṁ detu.
pli-tv-kd13:14.2.1	Evañca pana, bhikkhave, mūlāya paṭikassitabbo—
pli-tv-kd13:14.2.2	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:14.2.3	evamassa vacanīyo—
pli-tv-kd13:14.2.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:14.2.5	Sohaṁ saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāciṁ.
pli-tv-kd13:14.2.6	Tassa me saṅgho ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:14.2.7	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.2.8	Sohaṁ, bhante, saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yācāmī’ti.
pli-tv-kd13:14.2.9	Dutiyampi yācitabbā.
pli-tv-kd13:14.2.10	Tatiyampi yācitabbā.
pli-tv-kd13:14.2.11	Byattena bhikkhunā paṭibalena saṅgho ñāpetabbo—
pli-tv-kd13:14.2.12	‘Suṇātu me, bhante, saṅgho.
pli-tv-kd13:14.2.13	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:14.2.14	So saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāci.
pli-tv-kd13:14.2.15	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:14.2.16	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.2.17	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yācati.
pli-tv-kd13:14.2.18	Yadi saṅghassa pattakallaṁ, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikasseyya.
pli-tv-kd13:14.2.19	Esā ñatti.
pli-tv-kd13:14.2.20	Suṇātu me, bhante, saṅgho.
pli-tv-kd13:14.2.21	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:14.2.22	So saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāci.
pli-tv-kd13:14.2.23	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:14.2.24	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.2.25	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yācati.
pli-tv-kd13:14.2.26	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassati.
pli-tv-kd13:14.2.27	Yassāyasmato khamati udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanā, so tuṇhassa;
pli-tv-kd13:14.2.28	yassa nakkhamati, so bhāseyya.
pli-tv-kd13:14.2.29	Dutiyampi etamatthaṁ vadāmi …pe…
pli-tv-kd13:14.2.30	tatiyampi etamatthaṁ vadāmi …pe….
pli-tv-kd13:14.2.31	Paṭikassito saṅghena udāyī bhikkhu antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanā.
pli-tv-kd13:14.2.32	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:14.3.0	1.15. Samodhānaparivāsa
pli-tv-kd13:14.3.1	“Evañca pana, bhikkhave, purimāya āpattiyā samodhānaparivāso dātabbo—
pli-tv-kd13:14.3.2	tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:14.3.3	evamassa vacanīyo—
pli-tv-kd13:14.3.4	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:14.3.5	Sohaṁ saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāciṁ.
pli-tv-kd13:14.3.6	Tassa me saṅgho ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:14.3.7	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.3.8	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāciṁ.
pli-tv-kd13:14.3.9	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:14.3.10	Sohaṁ, bhante, saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yācāmī’ti.
pli-tv-kd13:14.3.11	Dutiyampi yācitabbo.
pli-tv-kd13:14.3.12	Tatiyampi yācitabbo.
pli-tv-kd13:14.3.13	Byattena bhikkhunā paṭibalena saṅgho ñāpetabbo—
pli-tv-kd13:14.3.14	‘Suṇātu me, bhante, saṅgho.
pli-tv-kd13:14.3.15	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:14.3.16	So saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāci.
pli-tv-kd13:14.3.17	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:14.3.18	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.3.19	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāci.
pli-tv-kd13:14.3.20	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:14.3.21	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yācati.
pli-tv-kd13:14.3.22	Yadi saṅghassa pattakallaṁ, saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ dadeyya.
pli-tv-kd13:14.3.23	Esā ñatti.
pli-tv-kd13:14.3.24	Suṇātu me, bhante, saṅgho.
pli-tv-kd13:14.3.25	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:14.3.26	So saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāci.
pli-tv-kd13:14.3.27	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:14.3.28	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:14.3.29	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāci.
pli-tv-kd13:14.3.30	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:14.3.31	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yācati.
pli-tv-kd13:14.3.32	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ deti.
pli-tv-kd13:14.3.33	Yassāyasmato khamati udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsassa dānaṁ, so tuṇhassa;
pli-tv-kd13:14.3.34	yassa nakkhamati, so bhāseyya.
pli-tv-kd13:14.3.35	Dutiyampi etamatthaṁ vadāmi …pe…
pli-tv-kd13:14.3.36	tatiyampi etamatthaṁ vadāmi …pe….
pli-tv-kd13:14.3.37	Dinno saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāso.
pli-tv-kd13:14.3.38	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:15.1.0	1.16. Mānattārahamūlāyapaṭikassanādi
pli-tv-kd13:15.1.1	So parivutthaparivāso mānattāraho antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:15.1.2	So bhikkhūnaṁ ārocesi—
pli-tv-kd13:15.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:15.1.4	sohaṁ parivutthaparivāso mānattāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:15.1.5	Kathaṁ nu kho mayā paṭipajjitabban”ti?
pli-tv-kd13:15.1.6	Bhagavato etamatthaṁ ārocesuṁ.
pli-tv-kd13:15.1.7	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassitvā purimāya āpattiyā samodhānaparivāsaṁ detu.
pli-tv-kd13:15.1.8	Evañca pana, bhikkhave, mūlāya paṭikassitabbo …pe….
pli-tv-kd13:15.1.9	Evañca pana, bhikkhave, purimāya āpattiyā samodhānaparivāso dātabbo …pe…
pli-tv-kd13:15.1.10	deti …pe….
pli-tv-kd13:15.1.11	Dinno saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāso.
pli-tv-kd13:15.1.12	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:16.1.0	1.17. Tikāpattimānatta
pli-tv-kd13:16.1.1	So parivutthaparivāso bhikkhūnaṁ ārocesi—
pli-tv-kd13:16.1.2	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:16.1.3	sohaṁ parivutthaparivāso.
pli-tv-kd13:16.1.4	Kathaṁ nu kho mayā paṭipajjitabban”ti?
pli-tv-kd13:16.1.5	Bhagavato etamatthaṁ ārocesuṁ.
pli-tv-kd13:16.1.6	“Tena hi, bhikkhave, saṅgho udāyissa bhikkhuno tissannaṁ āpattīnaṁ chārattaṁ mānattaṁ detu.
pli-tv-kd13:16.1.7	Evañca pana, bhikkhave, dātabbaṁ—
pli-tv-kd13:16.1.8	Tena, bhikkhave, udāyinā bhikkhunā saṅghaṁ upasaṅkamitvā …pe…
pli-tv-kd13:16.1.9	evamassa vacanīyo—
pli-tv-kd13:16.1.10	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:16.1.11	sohaṁ, bhante, parivutthaparivāso saṅghaṁ tissannaṁ āpattīnaṁ chārattaṁ mānattaṁ yācāmī’ti.
pli-tv-kd13:16.1.12	Dutiyampi yācitabbaṁ.
pli-tv-kd13:16.1.13	Tatiyampi yācitabbaṁ.
pli-tv-kd13:16.1.14	Byattena bhikkhunā paṭibalena saṅgho ñāpetabbo—
pli-tv-kd13:16.1.15	‘Suṇātu me, bhante, saṅgho.
pli-tv-kd13:16.1.16	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:16.1.17	so parivutthaparivāso saṅghaṁ tissannaṁ āpattīnaṁ chārattaṁ mānattaṁ yācati.
pli-tv-kd13:16.1.18	Yadi saṅghassa pattakallaṁ, saṅgho udāyissa bhikkhuno tissannaṁ āpattīnaṁ chārattaṁ mānattaṁ dadeyya.
pli-tv-kd13:16.1.19	Esā ñatti.
pli-tv-kd13:16.1.20	Suṇātu me, bhante, saṅgho.
pli-tv-kd13:16.1.21	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:16.1.22	so parivutthaparivāso saṅghaṁ tissannaṁ āpattīnaṁ chārattaṁ mānattaṁ yācati.
pli-tv-kd13:16.1.23	Saṅgho udāyissa bhikkhuno tissannaṁ āpattīnaṁ chārattaṁ mānattaṁ deti.
pli-tv-kd13:16.1.24	Yassāyasmato khamati udāyissa bhikkhuno tissannaṁ āpattīnaṁ chārattaṁ mānattassa dānaṁ, so tuṇhassa;
pli-tv-kd13:16.1.25	yassa nakkhamati, so bhāseyya.
pli-tv-kd13:16.1.26	Dutiyampi etamatthaṁ vadāmi …pe…
pli-tv-kd13:16.1.27	tatiyampi etamatthaṁ vadāmi …pe….
pli-tv-kd13:16.1.28	Dinnaṁ saṅghena udāyissa bhikkhuno tissannaṁ āpattīnaṁ chārattaṁ mānattaṁ.
pli-tv-kd13:16.1.29	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:17.1.0	1.18. Mānattacārikamūlāyapaṭikassanādi
pli-tv-kd13:17.1.1	So mānattaṁ caranto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:17.1.2	So bhikkhūnaṁ ārocesi—
pli-tv-kd13:17.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:17.1.4	sohaṁ mānattaṁ caranto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:17.1.5	Kathaṁ nu kho mayā paṭipajjitabban”ti?
pli-tv-kd13:17.1.6	Bhagavato etamatthaṁ ārocesuṁ.
pli-tv-kd13:17.1.7	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassitvā purimāya āpattiyā samodhānaparivāsaṁ datvā chārattaṁ mānattaṁ detu.
pli-tv-kd13:17.1.8	Evañca pana, bhikkhave, mūlāya paṭikassitabbo …pe….
pli-tv-kd13:17.1.9	Evañca pana, bhikkhave, purimāya āpattiyā samodhānaparivāso dātabbo …pe….
pli-tv-kd13:17.1.10	Evañca pana, bhikkhave, chārattaṁ mānattaṁ dātabbaṁ …pe…
pli-tv-kd13:17.1.11	deti …pe….
pli-tv-kd13:17.1.12	Dinnaṁ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ.
pli-tv-kd13:17.1.13	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:18.1.0	1.19. Abbhānārahamūlāyapaṭikassanādi
pli-tv-kd13:18.1.1	So ciṇṇamānatto abbhānāraho antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:18.1.2	So bhikkhūnaṁ ārocesi—
pli-tv-kd13:18.1.3	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:18.1.4	sohaṁ ciṇṇamānatto abbhānāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:18.1.5	Kathaṁ nu kho mayā paṭipajjitabban”ti?
pli-tv-kd13:18.1.6	Bhagavato etamatthaṁ ārocesuṁ.
pli-tv-kd13:18.1.7	“Tena hi, bhikkhave, saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassitvā purimāya āpattiyā samodhānaparivāsaṁ datvā chārattaṁ mānattaṁ detu.
pli-tv-kd13:18.1.8	Evañca pana, bhikkhave, mūlāya paṭikassitabbo …pe….
pli-tv-kd13:18.1.9	Evañca pana, bhikkhave, purimāya āpattiyā samodhānaparivāso dātabbo …pe….
pli-tv-kd13:18.1.10	Evañca pana, bhikkhave, chārattaṁ mānattaṁ dātabbaṁ …pe…
pli-tv-kd13:18.1.11	deti …pe….
pli-tv-kd13:18.1.12	Dinnaṁ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ.
pli-tv-kd13:18.1.13	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:19.1.0	1.20. Pakkhappaṭicchannaabbhāna
pli-tv-kd13:19.1.1	So ciṇṇamānatto bhikkhūnaṁ ārocesi—
pli-tv-kd13:19.1.2	“ahaṁ, āvuso, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:19.1.3	sohaṁ ciṇṇamānatto.
pli-tv-kd13:19.1.4	Kathaṁ nu kho mayā paṭipajjitabban”ti?
pli-tv-kd13:19.1.5	Bhagavato etamatthaṁ ārocesuṁ.
pli-tv-kd13:19.1.6	“Tena hi, bhikkhave, saṅgho udāyiṁ bhikkhuṁ abbhetu.
pli-tv-kd13:19.1.7	Evañca pana, bhikkhave, abbhetabbo—
pli-tv-kd13:19.1.8	Tena, bhikkhave, udāyinā bhikkhunā saṅghaṁ upasaṅkamitvā, ekaṁsaṁ uttarāsaṅgaṁ karitvā, vuḍḍhānaṁ bhikkhūnaṁ pāde vanditvā, ukkuṭikaṁ nisīditvā, añjaliṁ paggahetvā, evamassa vacanīyo—
pli-tv-kd13:19.1.9	‘ahaṁ, bhante, ekaṁ āpattiṁ āpajjiṁ sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:19.1.10	Sohaṁ saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāciṁ.
pli-tv-kd13:19.1.11	Tassa me saṅgho ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:19.1.12	Sohaṁ parivasanto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.13	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāciṁ.
pli-tv-kd13:19.1.14	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.15	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāciṁ.
pli-tv-kd13:19.1.16	Tassa me saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.17	Sohaṁ parivutthaparivāso mānattāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.18	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāciṁ.
pli-tv-kd13:19.1.19	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.20	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāciṁ.
pli-tv-kd13:19.1.21	Tassa me saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.22	Sohaṁ parivutthaparivāso saṅghaṁ tissannaṁ āpattīnaṁ chārattaṁ mānattaṁ yāciṁ.
pli-tv-kd13:19.1.23	Tassa me saṅgho tissannaṁ āpattīnaṁ chārattaṁ mānattaṁ adāsi.
pli-tv-kd13:19.1.24	Sohaṁ mānattaṁ caranto antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.25	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāciṁ.
pli-tv-kd13:19.1.26	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.27	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāciṁ.
pli-tv-kd13:19.1.28	Tassa me saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.29	Sohaṁ parivutthaparivāso saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ yāciṁ.
pli-tv-kd13:19.1.30	Tassa me saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ adāsi.
pli-tv-kd13:19.1.31	Sohaṁ ciṇṇamānatto abbhānāraho antarā ekaṁ āpattiṁ āpajjiṁ sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.32	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāciṁ.
pli-tv-kd13:19.1.33	Taṁ maṁ saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.34	Sohaṁ saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāciṁ.
pli-tv-kd13:19.1.35	Tassa me saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.36	Sohaṁ parivutthaparivāso saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ yāciṁ.
pli-tv-kd13:19.1.37	Tassa me saṅgho antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ adāsi.
pli-tv-kd13:19.1.38	Sohaṁ, bhante, ciṇṇamānatto saṅghaṁ abbhānaṁ yācāmī’ti.
pli-tv-kd13:19.1.39	Dutiyampi yācitabbaṁ.
pli-tv-kd13:19.1.40	Tatiyampi yācitabbaṁ.
pli-tv-kd13:19.1.41	Byattena bhikkhunā paṭibalena saṅgho ñāpetabbo—
pli-tv-kd13:19.1.42	‘Suṇātu me, bhante, saṅgho.
pli-tv-kd13:19.1.43	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ.
pli-tv-kd13:19.1.44	So saṅghaṁ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ yāci.
pli-tv-kd13:19.1.45	Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṁ adāsi.
pli-tv-kd13:19.1.46	So parivasanto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.47	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāci.
pli-tv-kd13:19.1.48	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.49	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāci.
pli-tv-kd13:19.1.50	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.51	So parivutthaparivāso mānattāraho antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.52	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāci.
pli-tv-kd13:19.1.53	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.54	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāci.
pli-tv-kd13:19.1.55	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.56	So parivutthaparivāso saṅghaṁ tissannaṁ āpattīnaṁ chārattaṁ mānattaṁ yāci.
pli-tv-kd13:19.1.57	Saṅgho udāyissa bhikkhuno tissannaṁ āpattīnaṁ chārattaṁ mānattaṁ adāsi.
pli-tv-kd13:19.1.58	So mānattaṁ caranto antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.59	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāci.
pli-tv-kd13:19.1.60	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.61	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāci.
pli-tv-kd13:19.1.62	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.63	So parivutthaparivāso saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ yāci.
pli-tv-kd13:19.1.64	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ adāsi.
pli-tv-kd13:19.1.65	So ciṇṇamānatto abbhānāraho antarā ekaṁ āpattiṁ āpajji sañcetanikaṁ sukkavissaṭṭhiṁ pañcāhappaṭicchannaṁ.
pli-tv-kd13:19.1.66	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāyapaṭikassanaṁ yāci.
pli-tv-kd13:19.1.67	Saṅgho udāyiṁ bhikkhuṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassi.
pli-tv-kd13:19.1.68	So saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ yāci.
pli-tv-kd13:19.1.69	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya purimāya āpattiyā samodhānaparivāsaṁ adāsi.
pli-tv-kd13:19.1.70	So parivutthaparivāso saṅghaṁ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ yāci.
pli-tv-kd13:19.1.71	Saṅgho udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṁ mānattaṁ adāsi.
pli-tv-kd13:19.1.72	So ciṇṇamānatto saṅghaṁ abbhānaṁ yācati.
pli-tv-kd13:19.1.73	Yadi saṅghassa pattakallaṁ, saṅgho udāyiṁ bhikkhuṁ abbheyya.
pli-tv-kd13:19.1.74	Esā ñatti.
pli-tv-kd13:19.1.75	Suṇātu me, bhante, saṅgho.
pli-tv-kd13:19.1.76	Ayaṁ udāyī bhikkhu ekaṁ āpattiṁ āpajji sañcetanikaṁ sukkavissaṭṭhiṁ pakkhappaṭicchannaṁ …pe…
pli-tv-kd13:19.1.77	so ciṇṇamānatto saṅghaṁ abbhānaṁ yācati.
pli-tv-kd13:19.1.78	Saṅgho udāyiṁ bhikkhuṁ abbheti.
pli-tv-kd13:19.1.79	Yassāyasmato khamati udāyissa bhikkhuno abbhānaṁ, so tuṇhassa;
pli-tv-kd13:19.1.80	yassa nakkhamati, so bhāseyya.
pli-tv-kd13:19.1.81	Dutiyampi etamatthaṁ vadāmi …pe…
pli-tv-kd13:19.1.82	tatiyampi etamatthaṁ vadāmi …pe….
pli-tv-kd13:19.1.83	Abbhito saṅghena udāyī bhikkhu.
pli-tv-kd13:19.1.84	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:19.1.85	Sukkavissaṭṭhi samattā.
pli-tv-kd13:20.1.0.1	2. Parivāsa
pli-tv-kd13:20.1.0.2	2.1. Agghasamodhānaparivāsa
pli-tv-kd13:20.1.1	Tena kho pana samayena aññataro bhikkhu sambahulā saṅghādisesā āpattiyo āpanno hoti—
pli-tv-kd13:20.1.2	ekā āpatti ekāhappaṭicchannā, ekā āpatti dvīhappaṭicchannā, ekā āpatti tīhappaṭicchannā, ekā āpatti catūhappaṭicchannā, ekā āpatti pañcāhappaṭicchannā, ekā āpatti chāhappaṭicchannā, ekā āpatti sattāhappaṭicchannā, ekā āpatti aṭṭhāhappaṭicchannā, ekā āpatti navāhappaṭicchannā, ekā āpatti dasāhappaṭicchannā.
pli-tv-kd13:20.1.3	So bhikkhūnaṁ ārocesi—
pli-tv-kd13:20.1.4	“ahaṁ, āvuso, sambahulā saṅghādisesā āpattiyo āpajjiṁ—
pli-tv-kd13:20.1.5	ekā āpatti ekāhappaṭicchannā …pe…
pli-tv-kd13:20.1.6	ekā āpatti dasāhappaṭicchannā.
pli-tv-kd13:20.1.7	Kathaṁ nu kho mayā paṭipajjitabban”ti?
pli-tv-kd13:20.1.8	Bhagavato etamatthaṁ ārocesuṁ.
pli-tv-kd13:20.1.9	“Tena hi, bhikkhave, saṅgho tassa bhikkhuno tāsaṁ āpattīnaṁ yā āpatti dasāhappaṭicchannā tassā agghena samodhānaparivāsaṁ detu.
pli-tv-kd13:20.2.1	Evañca pana, bhikkhave, dātabbo—
pli-tv-kd13:20.2.2	Tena, bhikkhave, bhikkhunā saṅghaṁ upasaṅkamitvā …pe…
pli-tv-kd13:20.2.3	evamassa vacanīyo—
pli-tv-kd13:20.2.4	‘ahaṁ, bhante, sambahulā saṅghādisesā āpattiyo āpajjiṁ—
pli-tv-kd13:20.2.5	ekā āpatti ekāhappaṭicchannā …pe…
pli-tv-kd13:20.2.6	ekā āpatti dasāhappaṭicchannā.
pli-tv-kd13:20.2.7	Sohaṁ, bhante, saṅghaṁ tāsaṁ āpattīnaṁ yā āpatti dasāhappaṭicchannā tassā agghena samodhānaparivāsaṁ yācāmī’ti.
pli-tv-kd13:20.2.8	Dutiyampi yācitabbo.
pli-tv-kd13:20.2.9	Tatiyampi yācitabbo.
pli-tv-kd13:20.2.10	Byattena bhikkhunā paṭibalena saṅgho ñāpetabbo—
pli-tv-kd13:20.2.11	‘Suṇātu me, bhante, saṅgho.
pli-tv-kd13:20.2.12	Ayaṁ itthannāmo bhikkhu sambahulā saṅghādisesā āpattiyo āpajji—
pli-tv-kd13:20.2.13	ekā āpatti ekāhappaṭicchannā …pe…
pli-tv-kd13:20.2.14	ekā āpatti dasāhappaṭicchannā.
pli-tv-kd13:20.2.15	So saṅghaṁ tāsaṁ āpattīnaṁ yā āpatti dasāhappaṭicchannā tassā agghena samodhānaparivāsaṁ yācati.
pli-tv-kd13:20.2.16	Yadi saṅghassa pattakallaṁ, saṅgho itthannāmassa bhikkhuno tāsaṁ āpattīnaṁ yā āpatti dasāhappaṭicchannā tassā agghena samodhānaparivāsaṁ dadeyya.
pli-tv-kd13:20.2.17	Esā ñatti.
pli-tv-kd13:20.2.18	Suṇātu me, bhante, saṅgho.
pli-tv-kd13:20.2.19	Ayaṁ itthannāmo bhikkhu sambahulā saṅghādisesā āpattiyo āpajji—
pli-tv-kd13:20.2.20	ekā āpatti ekāhappaṭicchannā …pe…
pli-tv-kd13:20.2.21	ekā āpatti dasāhappaṭicchannā.
pli-tv-kd13:20.2.22	So saṅghaṁ tāsaṁ āpattīnaṁ yā āpatti dasāhappaṭicchannā tassā agghena samodhānaparivāsaṁ yācati.
pli-tv-kd13:20.2.23	Saṅgho itthannāmassa bhikkhuno tāsaṁ āpattīnaṁ yā āpatti dasāhappaṭicchannā tassā agghena samodhānaparivāsaṁ deti.
pli-tv-kd13:20.2.24	Yassāyasmato khamati itthannāmassa bhikkhuno tāsaṁ āpattīnaṁ yā āpatti dasāhappaṭicchannā;
pli-tv-kd13:20.2.25	tassā agghena samodhānaparivāsassa dānaṁ, so tuṇhassa;
pli-tv-kd13:20.2.26	yassa nakkhamati, so bhāseyya.
pli-tv-kd13:20.2.27	Dutiyampi etamatthaṁ vadāmi …pe…
pli-tv-kd13:20.2.28	tatiyampi etamatthaṁ vadāmi …pe….
pli-tv-kd13:20.2.29	Dinno saṅghena itthannāmassa bhikkhuno tāsaṁ āpattīnaṁ yā āpatti dasāhappaṭicchannā tassā agghena samodhānaparivāso.
pli-tv-kd13:20.2.30	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:21.1.0	2.2. Sabbacirappaṭicchannaagghasamodhāna
pli-tv-kd13:21.1.1	Tena kho pana samayena aññataro bhikkhu sambahulā saṅghādisesā āpattiyo āpanno hoti—
pli-tv-kd13:21.1.2	ekā āpatti ekāhappaṭicchannā, dve āpattiyo dvīhappaṭicchannāyo, tisso āpattiyo tīhappaṭicchannāyo, catasso āpattiyo catūhappaṭicchannāyo, pañca āpattiyo pañcāhappaṭicchannāyo, cha āpattiyo chāhappaṭicchannāyo, satta āpattiyo sattāhappaṭicchannāyo, aṭṭha āpattiyo aṭṭhāhappaṭicchannāyo, nava āpattiyo navāhappaṭicchannāyo, dasa āpattiyo dasāhappaṭicchannāyo.
pli-tv-kd13:21.1.3	So bhikkhūnaṁ ārocesi—
pli-tv-kd13:21.1.4	“ahaṁ, āvuso, sambahulā saṅghādisesā āpattiyo āpajjiṁ, ekā āpatti ekāhappaṭicchannā …pe…
pli-tv-kd13:21.1.5	dasa āpattiyo dasāhappaṭicchannāyo.
pli-tv-kd13:21.1.6	Kathaṁ nu kho mayā paṭipajjitabban”ti?
pli-tv-kd13:21.1.7	Bhagavato etamatthaṁ ārocesuṁ.
pli-tv-kd13:21.1.8	“Tena hi, bhikkhave, saṅgho tassa bhikkhuno tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāsaṁ detu.
pli-tv-kd13:21.1.9	Evañca pana, bhikkhave, dātabbo—
pli-tv-kd13:21.1.10	Tena, bhikkhave, bhikkhunā saṅghaṁ upasaṅkamitvā …pe…
pli-tv-kd13:21.1.11	evamassa vacanīyo—
pli-tv-kd13:21.1.12	‘ahaṁ, bhante, sambahulā saṅghādisesā āpattiyo āpajjiṁ, ekā āpatti ekāhappaṭicchannā …pe…
pli-tv-kd13:21.1.13	dasa āpattiyo dasāhappaṭicchannāyo.
pli-tv-kd13:21.1.14	Sohaṁ, bhante, saṅghaṁ tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāsaṁ yācāmī’ti.
pli-tv-kd13:21.1.15	Dutiyampi yācitabbo.
pli-tv-kd13:21.1.16	Tatiyampi yācitabbo.
pli-tv-kd13:21.1.17	Byattena bhikkhunā paṭibalena saṅgho ñāpetabbo—
pli-tv-kd13:21.1.18	‘Suṇātu me, bhante, saṅgho.
pli-tv-kd13:21.1.19	Ayaṁ itthannāmo bhikkhu sambahulā saṅghādisesā āpattiyo āpajji, ekā āpatti ekāhappaṭicchannā …pe…
pli-tv-kd13:21.1.20	dasa āpattiyo dasāhappaṭicchannāyo.
pli-tv-kd13:21.1.21	So saṅghaṁ tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāsaṁ yācati.
pli-tv-kd13:21.1.22	Yadi saṅghassa pattakallaṁ saṅgho itthannāmassa bhikkhuno tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāsaṁ dadeyya.
pli-tv-kd13:21.1.23	Esā ñatti.
pli-tv-kd13:21.1.24	Suṇātu me, bhante, saṅgho.
pli-tv-kd13:21.1.25	Ayaṁ itthannāmo bhikkhu sambahulā saṅghādisesā āpattiyo āpajji—
pli-tv-kd13:21.1.26	ekā āpatti ekāhappaṭicchannā …pe…
pli-tv-kd13:21.1.27	dasa āpattiyo dasāhappaṭicchannāyo.
pli-tv-kd13:21.1.28	So saṅghaṁ tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāsaṁ yācati.
pli-tv-kd13:21.1.29	Saṅgho itthannāmassa bhikkhuno tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāsaṁ deti.
pli-tv-kd13:21.1.30	Yassāyasmato khamati itthannāmassa bhikkhuno tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāsassa dānaṁ, so tuṇhassa;
pli-tv-kd13:21.1.31	yassa nakkhamati, so bhāseyya.
pli-tv-kd13:21.1.32	Dutiyampi etamatthaṁ vadāmi …pe…
pli-tv-kd13:21.1.33	tatiyampi etamatthaṁ vadāmi …pe….
pli-tv-kd13:21.1.34	Dinno saṅghena itthannāmassa bhikkhuno tāsaṁ āpattīnaṁ yā āpattiyo sabbacirappaṭicchannāyo tāsaṁ agghena samodhānaparivāso.
pli-tv-kd13:21.1.35	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd13:22.1.0	2.3. Dvemāsaparivāsa
pli-tv-kd13:22.1.1	Tena kho pana samayena aññataro bhikkhu dve saṅghādisesā āpattiyo āpanno hoti dvemāsappaṭicchannāyo.
pli-tv-kd13:22.1.2	Tassa etadahosi—
pli-tv-kd13:22.1.3	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.1.4	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.1.5	So saṅghaṁ ekissā āpattiyā dvemāsappaṭicchannāya dvemāsaparivāsaṁ yāci.
pli-tv-kd13:22.1.6	Tassa saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.1.7	Tassa parivasantassa lajjīdhammo okkami—
pli-tv-kd13:22.1.8	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.1.9	Tassa me etadahosi—
pli-tv-kd13:22.1.10	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.1.11	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan’ti.
pli-tv-kd13:22.1.12	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:22.1.13	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.1.14	Tassa me parivasantassa lajjīdhammo okkami—
pli-tv-kd13:22.1.15	‘yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan’”ti.
pli-tv-kd13:22.2.1	So bhikkhūnaṁ ārocesi—
pli-tv-kd13:22.2.2	“ahaṁ, āvuso, dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.2.3	Tassa me etadahosi—
pli-tv-kd13:22.2.4	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.2.5	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan’ti.
pli-tv-kd13:22.2.6	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:22.2.7	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.2.8	Tassa me parivasantassa lajjīdhammo okkami—
pli-tv-kd13:22.2.9	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.2.10	Tassa me etadahosi—
pli-tv-kd13:22.2.11	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.2.12	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”’ti.
pli-tv-kd13:22.2.13	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:22.2.14	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.2.15	Tassa me parivasantassa lajjīdhammo okkami—
pli-tv-kd13:22.2.16	‘yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan’ti.
pli-tv-kd13:22.2.17	Kathaṁ nu kho mayā paṭipajjitabban”ti?
pli-tv-kd13:22.2.18	Bhagavato etamatthaṁ ārocesuṁ.
pli-tv-kd13:22.3.1	“Tena hi, bhikkhave, saṅgho tassa bhikkhuno itarissāpi āpattiyā dvemāsappaṭicchannāya dvemāsaparivāsaṁ detu.
pli-tv-kd13:22.3.2	Evañca pana, bhikkhave, dātabbo—
pli-tv-kd13:22.3.3	Tena, bhikkhave, bhikkhunā saṅghaṁ upasaṅkamitvā, ekaṁsaṁ uttarāsaṅgaṁ karitvā, vuḍḍhānaṁ bhikkhūnaṁ pāde vanditvā, ukkuṭikaṁ nisīditvā, añjaliṁ paggahetvā, evamassa vacanīyo—
pli-tv-kd13:22.3.4	‘ahaṁ, bhante, dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.3.5	Tassa me etadahosi—
pli-tv-kd13:22.3.6	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.3.7	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.3.8	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:22.3.9	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.3.10	Tassa me parivasantassa lajjīdhammo okkami—
pli-tv-kd13:22.3.11	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.3.12	Tassa me etadahosi—
pli-tv-kd13:22.3.13	ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.3.14	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.3.15	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:22.3.16	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.3.17	Tassa me parivasantassa lajjīdhammo okkami—
pli-tv-kd13:22.3.18	“yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.3.19	Sohaṁ, bhante, saṅghaṁ itarissāpi āpattiyā dvemāsappaṭicchannāya dvemāsaparivāsaṁ yācāmī’ti.
pli-tv-kd13:22.3.20	Dutiyampi yācitabbo.
pli-tv-kd13:22.3.21	Tatiyampi yācitabbo.
pli-tv-kd13:22.4.1	Byattena bhikkhunā paṭibalena saṅgho ñāpetabbo—
pli-tv-kd13:22.4.2	‘Suṇātu me, bhante, saṅgho.
pli-tv-kd13:22.4.3	Ayaṁ itthannāmo bhikkhu dve saṅghādisesā āpattiyo āpajji dvemāsappaṭicchannāyo.
pli-tv-kd13:22.4.4	Tassa etadahosi—
pli-tv-kd13:22.4.5	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.4.6	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.4.7	So saṅghaṁ ekissā āpattiyā dvemāsappaṭicchannāya dvemāsaparivāsaṁ yāci.
pli-tv-kd13:22.4.8	Tassa saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.4.9	Tassa parivasantassa lajjīdhammo okkami—
pli-tv-kd13:22.4.10	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.4.11	Tassa me etadahosi—
pli-tv-kd13:22.4.12	ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.4.13	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.4.14	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:22.4.15	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.4.16	Tassa me parivasantassa lajjīdhammo okkami—
pli-tv-kd13:22.4.17	“yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.4.18	So saṅghaṁ itarissāpi āpattiyā dvemāsappaṭicchannāya dvemāsaparivāsaṁ yācati.
pli-tv-kd13:22.4.19	Yadi saṅghassa pattakallaṁ, saṅgho itthannāmassa bhikkhuno itarissāpi āpattiyā dvemāsappaṭicchannāya dvemāsaparivāsaṁ dadeyya.
pli-tv-kd13:22.4.20	Esā ñatti.
pli-tv-kd13:22.4.21	Suṇātu me, bhante, saṅgho.
pli-tv-kd13:22.4.22	Ayaṁ itthannāmo bhikkhu dve saṅghādisesā āpattiyo āpajji dvemāsappaṭicchannāyo.
pli-tv-kd13:22.4.23	Tassa etadahosi—
pli-tv-kd13:22.4.24	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.4.25	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.4.26	So saṅghaṁ ekissā āpattiyā dvemāsappaṭicchannāya dvemāsaparivāsaṁ yāci.
pli-tv-kd13:22.4.27	Tassa saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.4.28	Tassa parivasantassa lajjīdhammo okkami—
pli-tv-kd13:22.4.29	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.4.30	Tassa me etadahosi—
pli-tv-kd13:22.4.31	ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:22.4.32	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.4.33	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:22.4.34	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:22.4.35	Tassa me parivasantassa lajjīdhammo okkami—
pli-tv-kd13:22.4.36	“yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:22.4.37	So saṅghaṁ itarissāpi āpattiyā dvemāsappaṭicchannāya dvemāsaparivāsaṁ yācati.
pli-tv-kd13:22.4.38	Saṅgho itthannāmassa bhikkhuno itarissāpi āpattiyā dvemāsappaṭicchannāya dvemāsaparivāsaṁ deti.
pli-tv-kd13:22.4.39	Yassāyasmato khamati itthannāmassa bhikkhuno itarissāpi āpattiyā dvemāsappaṭicchannāya dvemāsaparivāsassa dānaṁ, so tuṇhassa;
pli-tv-kd13:22.4.40	yassa nakkhamati, so bhāseyya.
pli-tv-kd13:22.4.41	Dutiyampi etamatthaṁ vadāmi …pe…
pli-tv-kd13:22.4.42	tatiyampi etamatthaṁ vadāmi …pe….
pli-tv-kd13:22.4.43	Dinno saṅghena itthannāmassa bhikkhuno itarissāpi āpattiyā dvemāsappaṭicchannāya dvemāsaparivāso.
pli-tv-kd13:22.4.44	Khamati saṅghassa, tasmā tuṇhī, evametaṁ dhārayāmī’ti.
pli-tv-kd13:22.4.45	Tena, bhikkhave, bhikkhunā tadupādāya dve māsā parivasitabbā.
pli-tv-kd13:23.1.0	2.4. Dvemāsāparivasitabbavidhi
pli-tv-kd13:23.1.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo.
pli-tv-kd13:23.1.2	Tassa evaṁ hoti—
pli-tv-kd13:23.1.3	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:23.1.4	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan’ti.
pli-tv-kd13:23.1.5	So saṅghaṁ ekissā āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.1.6	Tassa saṅgho ekissā āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.1.7	Tassa parivasantassa lajjīdhammo okkami—
pli-tv-kd13:23.1.8	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:23.1.9	Tassa me etadahosi—
pli-tv-kd13:23.1.10	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:23.1.11	Yannūnāhaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāceyyan”ti.
pli-tv-kd13:23.1.12	Sohaṁ saṅghaṁ ekissā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:23.1.13	Tassa me saṅgho ekissā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:23.1.14	Tassa me parivasantassa lajjīdhammo okkami—
pli-tv-kd13:23.1.15	“yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan”’ti.
pli-tv-kd13:23.1.16	So saṅghaṁ itarissāpi āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.1.17	Tassa saṅgho itarissāpi āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.1.18	Tena, bhikkhave, bhikkhunā tadupādāya dve māsā parivasitabbā.
pli-tv-kd13:23.2.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:23.2.2	ekaṁ āpattiṁ jānāti, ekaṁ āpattiṁ na jānāti.
pli-tv-kd13:23.2.3	So saṅghaṁ yaṁ āpattiṁ jānāti, tassā āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.2.4	Tassa saṅgho tassā āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.2.5	So parivasanto itarampi āpattiṁ jānāti.
pli-tv-kd13:23.2.6	Tassa evaṁ hoti—
pli-tv-kd13:23.2.7	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo;
pli-tv-kd13:23.2.8	ekaṁ āpattiṁ jāniṁ, ekaṁ āpattiṁ na jāniṁ.
pli-tv-kd13:23.2.9	Sohaṁ saṅghaṁ yaṁ āpattiṁ jāniṁ tassā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:23.2.10	Tassa me saṅgho tassā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:23.2.11	Sohaṁ parivasanto itarampi āpattiṁ jānāmi.
pli-tv-kd13:23.2.12	Yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan’ti.
pli-tv-kd13:23.2.13	So saṅghaṁ itarissāpi āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.2.14	Tassa saṅgho itarissāpi āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.2.15	Tena, bhikkhave, bhikkhunā tadupādāya dve māsā parivasitabbā.
pli-tv-kd13:23.3.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:23.3.2	ekaṁ āpattiṁ sarati, ekaṁ āpattiṁ nassarati.
pli-tv-kd13:23.3.3	So saṅghaṁ yaṁ āpattiṁ sarati, tassā āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.3.4	Tassa saṅgho tassā āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.3.5	So parivasanto itarampi āpattiṁ sarati.
pli-tv-kd13:23.3.6	Tassa evaṁ hoti—
pli-tv-kd13:23.3.7	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo;
pli-tv-kd13:23.3.8	ekaṁ āpattiṁ sariṁ, ekaṁ āpattiṁ nassariṁ.
pli-tv-kd13:23.3.9	Sohaṁ saṅghaṁ yaṁ āpattiṁ sariṁ, tassā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:23.3.10	Tassa me saṅgho tassā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:23.3.11	Sohaṁ parivasanto itarampi āpattiṁ sarāmi.
pli-tv-kd13:23.3.12	Yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan’ti.
pli-tv-kd13:23.3.13	So saṅghaṁ itarissāpi āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.3.14	Tassa saṅgho itarissāpi āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.3.15	Tena, bhikkhave, bhikkhunā tadupādāya dve māsā parivasitabbā.
pli-tv-kd13:23.4.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:23.4.2	ekāya āpattiyā nibbematiko, ekāya āpattiyā vematiko.
pli-tv-kd13:23.4.3	So saṅghaṁ yāya āpattiyā nibbematiko, tassā āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.4.4	Tassa saṅgho tassā āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.4.5	So parivasanto itarissāpi āpattiyā nibbematiko hoti.
pli-tv-kd13:23.4.6	Tassa evaṁ hoti—
pli-tv-kd13:23.4.7	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo;
pli-tv-kd13:23.4.8	ekāya āpattiyā nibbematiko, ekāya āpattiyā vematiko.
pli-tv-kd13:23.4.9	Sohaṁ saṅghaṁ yāya āpattiyā nibbematiko tassā āpattiyā dvemāsappaṭicchannāya dvemāsaparivāsaṁ yāciṁ.
pli-tv-kd13:23.4.10	Tassa me saṅgho tassā āpattiyā dvemāsappaṭicchannāya dvemāsaparivāsaṁ adāsi.
pli-tv-kd13:23.4.11	Sohaṁ parivasanto itarissāpi āpattiyā nibbematiko.
pli-tv-kd13:23.4.12	Yannūnāhaṁ saṅghaṁ itarissāpi āpattiyā dvemāsappaṭicchannāya dvemāsaparivāsaṁ yāceyyan’ti.
pli-tv-kd13:23.4.13	So saṅghaṁ itarissāpi āpattiyā dvemāsappaṭicchannāya dvemāsaparivāsaṁ yācati.
pli-tv-kd13:23.4.14	Tassa saṅgho itarissāpi āpattiyā dvemāsappaṭicchannāya dvemāsaparivāsaṁ deti.
pli-tv-kd13:23.4.15	Tena, bhikkhave, bhikkhunā tadupādāya dve māsā parivasitabbā.
pli-tv-kd13:23.5.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:23.5.2	ekā āpatti jānappaṭicchannā, ekā āpatti ajānappaṭicchannā.
pli-tv-kd13:23.5.3	So saṅghaṁ tāsaṁ āpattīnaṁ dvemāsappaṭicchannānaṁ dvemāsaparivāsaṁ yācati.
pli-tv-kd13:23.5.4	Tassa saṅgho tāsaṁ āpattīnaṁ dvemāsappaṭicchannānaṁ dvemāsaparivāsaṁ deti.
pli-tv-kd13:23.5.5	Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd13:23.5.6	So evaṁ vadeti—
pli-tv-kd13:23.5.7	‘kiṁ ayaṁ, āvuso, bhikkhu āpanno?
pli-tv-kd13:23.5.8	Kissāyaṁ bhikkhu parivasatī’ti?
pli-tv-kd13:23.5.9	Te evaṁ vadenti—
pli-tv-kd13:23.5.10	‘ayaṁ, āvuso, bhikkhu dve saṅghādisesā āpattiyo āpajji dvemāsappaṭicchannāyo;
pli-tv-kd13:23.5.11	ekā āpatti jānappaṭicchannā, ekā āpatti ajānappaṭicchannā.
pli-tv-kd13:23.5.12	So saṅghaṁ tāsaṁ āpattīnaṁ dvemāsappaṭicchannānaṁ dvemāsaparivāsaṁ yācati.
pli-tv-kd13:23.5.13	Tassa saṅgho tāsaṁ āpattīnaṁ dvemāsappaṭicchannānaṁ dvemāsaparivāsaṁ adāsi.
pli-tv-kd13:23.5.14	Tāyo ayaṁ, āvuso, bhikkhu āpanno, tāsāyaṁ bhikkhu parivasatī’ti.
pli-tv-kd13:23.5.15	So evaṁ vadeti—
pli-tv-kd13:23.5.16	‘yāyaṁ, āvuso, āpatti jānappaṭicchannā, dhammikaṁ tassā āpattiyā parivāsadānaṁ;
pli-tv-kd13:23.5.17	dhammattā ruhati.
pli-tv-kd13:23.5.18	Yā ca khvāyaṁ, āvuso, āpatti ajānappaṭicchannā, adhammikaṁ tassā āpattiyā parivāsadānaṁ;
pli-tv-kd13:23.5.19	adhammattā na ruhati.
pli-tv-kd13:23.5.20	Ekissā, āvuso, āpattiyā bhikkhu mānattāraho’ti.
pli-tv-kd13:23.6.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:23.6.2	ekā āpatti saramānappaṭicchannā, ekā āpatti assaramānappaṭicchannā.
pli-tv-kd13:23.6.3	So saṅghaṁ tāsaṁ āpattīnaṁ dvemāsappaṭicchannānaṁ dvemāsaparivāsaṁ yācati.
pli-tv-kd13:23.6.4	Tassa saṅgho tāsaṁ āpattīnaṁ dvemāsappaṭicchannānaṁ dvemāsaparivāsaṁ deti.
pli-tv-kd13:23.6.5	Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd13:23.6.6	So evaṁ vadeti—
pli-tv-kd13:23.6.7	‘kiṁ ayaṁ, āvuso, bhikkhu āpanno?
pli-tv-kd13:23.6.8	Kissāyaṁ bhikkhu parivasatī’ti?
pli-tv-kd13:23.6.9	Te evaṁ vadenti—
pli-tv-kd13:23.6.10	‘ayaṁ, āvuso, bhikkhu dve saṅghādisesā āpattiyo āpajji dvemāsappaṭicchannāyo;
pli-tv-kd13:23.6.11	ekā āpatti saramānappaṭicchannā, ekā āpatti assaramānappaṭicchannā.
pli-tv-kd13:23.6.12	So saṅghaṁ tāsaṁ āpattīnaṁ dvemāsappaṭicchannānaṁ dvemāsaparivāsaṁ yāci.
pli-tv-kd13:23.6.13	Tassa saṅgho tāsaṁ āpattīnaṁ dvemāsappaṭicchannānaṁ dvemāsaparivāsaṁ adāsi.
pli-tv-kd13:23.6.14	Tāyo ayaṁ, āvuso, bhikkhu āpanno;
pli-tv-kd13:23.6.15	tāsāyaṁ bhikkhu parivasatī’ti.
pli-tv-kd13:23.6.16	So evaṁ vadeti—
pli-tv-kd13:23.6.17	‘yāyaṁ, āvuso, āpatti saramānappaṭicchannā dhammikaṁ tassā āpattiyā parivāsadānaṁ;
pli-tv-kd13:23.6.18	dhammattā ruhati.
pli-tv-kd13:23.6.19	Yā ca khvāyaṁ, āvuso, āpatti assaramānappaṭicchannā, adhammikaṁ tassā āpattiyā parivāsadānaṁ;
pli-tv-kd13:23.6.20	adhammattā na ruhati.
pli-tv-kd13:23.6.21	Ekissā, āvuso, āpattiyā bhikkhu mānattāraho’ti.
pli-tv-kd13:23.6.22	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:23.6.23	ekā āpatti nibbematikappaṭicchannā, ekā āpatti vematikappaṭicchannā.
pli-tv-kd13:23.6.24	So saṅghaṁ tāsaṁ āpattīnaṁ dvemāsappaṭicchannānaṁ dvemāsaparivāsaṁ yācati.
pli-tv-kd13:23.6.25	Tassa saṅgho tāsaṁ āpattīnaṁ dvemāsappaṭicchannānaṁ dvemāsaparivāsaṁ deti.
pli-tv-kd13:23.6.26	Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd13:23.6.27	So evaṁ vadeti—
pli-tv-kd13:23.6.28	‘kiṁ ayaṁ, āvuso, bhikkhu āpanno?
pli-tv-kd13:23.6.29	Kissāyaṁ bhikkhu parivasatī’ti?
pli-tv-kd13:23.6.30	Te evaṁ vadenti—
pli-tv-kd13:23.6.31	‘ayaṁ, āvuso, bhikkhu dve saṅghādisesā āpattiyo āpajji dvemāsappaṭicchannāyo;
pli-tv-kd13:23.6.32	ekā āpatti nibbematikappaṭicchannā, ekā āpatti vematikappaṭicchannā.
pli-tv-kd13:23.6.33	So saṅghaṁ tāsaṁ āpattīnaṁ dvemāsappaṭicchannānaṁ dvemāsaparivāsaṁ yāci.
pli-tv-kd13:23.6.34	Tassa saṅgho tāsaṁ āpattīnaṁ dvemāsappaṭicchannānaṁ dvemāsaparivāsaṁ adāsi.
pli-tv-kd13:23.6.35	Tāyo ayaṁ, āvuso, bhikkhu āpanno;
pli-tv-kd13:23.6.36	tāsāyaṁ bhikkhu parivasatī’ti.
pli-tv-kd13:23.6.37	So evaṁ vadeti—
pli-tv-kd13:23.6.38	‘yāyaṁ, āvuso, āpatti nibbematikappaṭicchannā, dhammikaṁ tassā āpattiyā parivāsadānaṁ;
pli-tv-kd13:23.6.39	dhammattā ruhati.
pli-tv-kd13:23.6.40	Yā ca khvāyaṁ, āvuso, āpatti vematikappaṭicchannā adhammikaṁ tassā āpattiyā parivāsadānaṁ;
pli-tv-kd13:23.6.41	adhammattā na ruhati.
pli-tv-kd13:23.6.42	Ekissā, āvuso, āpattiyā bhikkhu mānattāraho’”ti.
pli-tv-kd13:24.1.1	Tena kho pana samayena aññataro bhikkhu dve saṅghādisesā āpattiyo āpanno hoti dvemāsappaṭicchannāyo.
pli-tv-kd13:24.1.2	Tassa etadahosi—
pli-tv-kd13:24.1.3	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.1.4	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:24.1.5	So saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāci.
pli-tv-kd13:24.1.6	Tassa saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.1.7	Tassa parivasantassa lajjīdhammo okkami—
pli-tv-kd13:24.1.8	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.1.9	Tassa me etadahosi—
pli-tv-kd13:24.1.10	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.1.11	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan’ti.
pli-tv-kd13:24.1.12	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:24.1.13	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.1.14	Tassa me parivasantassa lajjīdhammo okkami.
pli-tv-kd13:24.1.15	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan”ti.
pli-tv-kd13:24.2.1	So bhikkhūnaṁ ārocesi—
pli-tv-kd13:24.2.2	“ahaṁ kho, āvuso, dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.2.3	Tassa me etadahosi—
pli-tv-kd13:24.2.4	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.2.5	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan’ti.
pli-tv-kd13:24.2.6	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:24.2.7	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.2.8	Tassa me parivasantassa lajjīdhammo okkami—
pli-tv-kd13:24.2.9	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.2.10	Tassa me etadahosi—
pli-tv-kd13:24.2.11	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.2.12	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”’ti.
pli-tv-kd13:24.2.13	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:24.2.14	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.2.15	Tassa me parivasantassa lajjīdhammo okkami—
pli-tv-kd13:24.2.16	‘yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan’ti.
pli-tv-kd13:24.2.17	Kathaṁ nu kho mayā paṭipajjitabban”ti?
pli-tv-kd13:24.2.18	Bhagavato etamatthaṁ ārocesuṁ.
pli-tv-kd13:24.3.1	“Tena hi, bhikkhave, saṅgho tassa bhikkhuno dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ detu.
pli-tv-kd13:24.3.2	Evañca pana, bhikkhave, dātabbo—
pli-tv-kd13:24.3.3	Tena, bhikkhave, bhikkhunā saṅghaṁ upasaṅkamitvā …pe…
pli-tv-kd13:24.3.4	evamassa vacanīyo—
pli-tv-kd13:24.3.5	‘ahaṁ, bhante, dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.6	Tassa me etadahosi—
pli-tv-kd13:24.3.7	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.8	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:24.3.9	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:24.3.10	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.3.11	Tassa me parivasantassa lajjīdhammo okkami—
pli-tv-kd13:24.3.12	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.13	Tassa me etadahosi—
pli-tv-kd13:24.3.14	ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.15	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:24.3.16	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:24.3.17	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.3.18	Tassa me parivasantassa lajjīdhammo okkami—
pli-tv-kd13:24.3.19	“yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan”ti.
pli-tv-kd13:24.3.20	Sohaṁ, bhante, saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yācāmī’ti.
pli-tv-kd13:24.3.21	Dutiyampi yācitabbo.
pli-tv-kd13:24.3.22	Tatiyampi yācitabbo.
pli-tv-kd13:24.3.23	Byattena bhikkhunā paṭibalena saṅgho ñāpetabbo—
pli-tv-kd13:24.3.24	‘Suṇātu me, bhante, saṅgho.
pli-tv-kd13:24.3.25	Ayaṁ itthannāmo bhikkhu dve saṅghādisesā āpattiyo āpajji dvemāsappaṭicchannāyo.
pli-tv-kd13:24.3.26	Tassa etadahosi—
pli-tv-kd13:24.3.27	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.28	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:24.3.29	So saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāci.
pli-tv-kd13:24.3.30	Tassa saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.3.31	Tassa parivasantassa lajjīdhammo okkami—
pli-tv-kd13:24.3.32	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.33	Tassa me etadahosi—
pli-tv-kd13:24.3.34	ahaṁ kho dve saṅghādisesā āpattiyo āpajjiṁ dvemāsappaṭicchannāyo—
pli-tv-kd13:24.3.35	“yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:24.3.36	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:24.3.37	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.3.38	Tassa me parivasantassa lajjīdhammo okkami.
pli-tv-kd13:24.3.39	“Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan”ti.
pli-tv-kd13:24.3.40	So saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yācati.
pli-tv-kd13:24.3.41	Yadi saṅghassa pattakallaṁ, saṅgho itthannāmassa bhikkhuno dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ dadeyya.
pli-tv-kd13:24.3.42	Esā ñatti.
pli-tv-kd13:24.3.43	Suṇātu me, bhante, saṅgho.
pli-tv-kd13:24.3.44	Ayaṁ itthannāmo bhikkhu dve saṅghādisesā āpattiyo āpajji dvemāsappaṭicchannāyo.
pli-tv-kd13:24.3.45	Tassa etadahosi—
pli-tv-kd13:24.3.46	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.47	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:24.3.48	So saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāci.
pli-tv-kd13:24.3.49	Tassa saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.3.50	Tassa parivasantassa lajjīdhammo okkami—
pli-tv-kd13:24.3.51	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.52	Tassa me etadahosi—
pli-tv-kd13:24.3.53	ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:24.3.54	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:24.3.55	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:24.3.56	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:24.3.57	Tassa me parivasantassa lajjīdhammo okkami—
pli-tv-kd13:24.3.58	“yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan”ti.
pli-tv-kd13:24.3.59	So saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yācati.
pli-tv-kd13:24.3.60	Saṅgho itthannāmassa bhikkhuno dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ deti.
pli-tv-kd13:24.3.61	Yassāyasmato khamati itthannāmassa bhikkhuno dvinnaṁ āpattīnaṁ dvemāsappaṭicchannānaṁ itarampi māsaṁ parivāsassa dānaṁ, so tuṇhassa;
pli-tv-kd13:24.3.62	yassa nakkhamati, so bhāseyya.
pli-tv-kd13:24.3.63	Dutiyampi etamatthaṁ vadāmi …pe…
pli-tv-kd13:24.3.64	tatiyampi etamatthaṁ vadāmi …pe….
pli-tv-kd13:24.3.65	Dinno saṅghena itthannāmassa bhikkhuno dvinnaṁ āpattīnaṁ dvemāsappaṭicchannānaṁ itarampi māsaṁ parivāso.
pli-tv-kd13:24.3.66	Khamati saṅghassa, tasmā tuṇhī, evametaṁ dhārayāmī’ti.
pli-tv-kd13:24.3.67	Tena, bhikkhave, bhikkhunā purimaṁ upādāya dve māsā parivasitabbā.
pli-tv-kd13:25.1.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo.
pli-tv-kd13:25.1.2	Tassa evaṁ hoti—
pli-tv-kd13:25.1.3	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:25.1.4	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan’ti.
pli-tv-kd13:25.1.5	So saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yācati.
pli-tv-kd13:25.1.6	Tassa saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ deti.
pli-tv-kd13:25.1.7	Tassa parivasantassa lajjīdhammo okkami—
pli-tv-kd13:25.1.8	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:25.1.9	Tassa me etadahosi—
pli-tv-kd13:25.1.10	“ahaṁ kho dve saṅghādisesā āpattiyo āpajjiṁ dvemāsappaṭicchannāyo.
pli-tv-kd13:25.1.11	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāceyyan”ti.
pli-tv-kd13:25.1.12	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ ekamāsaparivāsaṁ yāciṁ.
pli-tv-kd13:25.1.13	Tassa me saṅgho dvinnaṁ āpattīnaṁ dvemāsappaṭicchannānaṁ ekamāsaparivāsaṁ adāsi.
pli-tv-kd13:25.1.14	Tassa me parivasantassa lajjīdhammo okkami—
pli-tv-kd13:25.1.15	“Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan”ti.
pli-tv-kd13:25.1.16	So saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yācati.
pli-tv-kd13:25.1.17	Tassa saṅgho dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ deti.
pli-tv-kd13:25.1.18	Tena, bhikkhave, bhikkhunā purimaṁ upādāya dve māsā parivasitabbā.
pli-tv-kd13:25.2.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:25.2.2	ekaṁ māsaṁ jānāti, ekaṁ māsaṁ na jānāti.
pli-tv-kd13:25.2.3	So saṅghaṁ dvinnaṁ āpattīnaṁ dvemāsappaṭicchannānaṁ yaṁ māsaṁ jānāti taṁ māsaṁ parivāsaṁ yācati.
pli-tv-kd13:25.2.4	Tassa saṅgho dvinnaṁ āpattīnaṁ dvemāsappaṭicchannānaṁ yaṁ māsaṁ jānāti taṁ māsaṁ parivāsaṁ deti.
pli-tv-kd13:25.2.5	So parivasanto itarampi māsaṁ jānāti.
pli-tv-kd13:25.2.6	Tassa evaṁ hoti—
pli-tv-kd13:25.2.7	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo;
pli-tv-kd13:25.2.8	ekaṁ māsaṁ jāniṁ, ekaṁ māsaṁ na jāniṁ.
pli-tv-kd13:25.2.9	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ yaṁ māsaṁ jāniṁ taṁ māsaṁ parivāsaṁ yāciṁ.
pli-tv-kd13:25.2.10	Tassa me saṅgho dvinnaṁ āpattīnaṁ dvemāsappaṭicchannānaṁ yaṁ māsaṁ jāniṁ taṁ māsaṁ parivāsaṁ adāsi.
pli-tv-kd13:25.2.11	Sohaṁ parivasanto itarampi māsaṁ jānāmi.
pli-tv-kd13:25.2.12	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan’ti.
pli-tv-kd13:25.2.13	So saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yācati.
pli-tv-kd13:25.2.14	Tassa saṅgho dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ deti.
pli-tv-kd13:25.2.15	Tena, bhikkhave, bhikkhunā purimaṁ upādāya dve māsā parivasitabbā.
pli-tv-kd13:25.2.16	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:25.2.17	ekaṁ māsaṁ sarati, ekaṁ māsaṁ nassarati.
pli-tv-kd13:25.2.18	So saṅghaṁ dvinnaṁ āpattīnaṁ dvemāsappaṭicchannānaṁ yaṁ māsaṁ sarati taṁ māsaṁ parivāsaṁ yācati.
pli-tv-kd13:25.2.19	Tassa saṅgho dvinnaṁ āpattīnaṁ dvemāsappaṭicchannānaṁ yaṁ māsaṁ sarati taṁ māsaṁ parivāsaṁ deti.
pli-tv-kd13:25.2.20	So parivasanto itarampi māsaṁ sarati.
pli-tv-kd13:25.2.21	Tassa evaṁ hoti—
pli-tv-kd13:25.2.22	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo;
pli-tv-kd13:25.2.23	ekaṁ māsaṁ sariṁ, ekaṁ māsaṁ nassariṁ.
pli-tv-kd13:25.2.24	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ yaṁ māsaṁ sariṁ taṁ māsaṁ parivāsaṁ yāciṁ.
pli-tv-kd13:25.2.25	Tassa me saṅgho dvinnaṁ āpattīnaṁ dvemāsappaṭicchannānaṁ yaṁ māsaṁ sariṁ taṁ māsaṁ parivāsaṁ adāsi.
pli-tv-kd13:25.2.26	Sohaṁ parivasanto itarampi māsaṁ sarāmi.
pli-tv-kd13:25.2.27	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan’ti.
pli-tv-kd13:25.2.28	So saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yācati.
pli-tv-kd13:25.2.29	Tassa saṅgho dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ deti.
pli-tv-kd13:25.2.30	Tena, bhikkhave, bhikkhunā purimaṁ upādāya dve māsā parivasitabbā.
pli-tv-kd13:25.2.31	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:25.2.32	ekaṁ māsaṁ nibbematiko, ekaṁ māsaṁ vematiko.
pli-tv-kd13:25.2.33	So saṅghaṁ dvinnaṁ āpattīnaṁ dvemāsappaṭicchannānaṁ yaṁ māsaṁ nibbematiko taṁ māsaṁ parivāsaṁ yācati.
pli-tv-kd13:25.2.34	Tassa saṅgho dvinnaṁ āpattīnaṁ dvemāsappaṭicchannānaṁ yaṁ māsaṁ nibbematiko taṁ māsaṁ parivāsaṁ deti.
pli-tv-kd13:25.2.35	So parivasanto itarampi māsaṁ nibbematiko hoti.
pli-tv-kd13:25.2.36	Tassa evaṁ hoti—
pli-tv-kd13:25.2.37	‘ahaṁ kho dve saṅghādisesā āpattiyo āpajjiṁ dvemāsappaṭicchannāyo;
pli-tv-kd13:25.2.38	ekaṁ māsaṁ nibbematiko, ekaṁ māsaṁ vematiko.
pli-tv-kd13:25.2.39	Sohaṁ saṅghaṁ dvinnaṁ āpattīnaṁ dvemāsappaṭicchannānaṁ yaṁ māsaṁ nibbematiko taṁ māsaṁ parivāsaṁ yāciṁ.
pli-tv-kd13:25.2.40	Tassa me saṅgho dvinnaṁ āpattīnaṁ dvemāsappaṭicchānnānaṁ yaṁ māsaṁ nibbematiko taṁ māsaṁ parivāsaṁ adāsi.
pli-tv-kd13:25.2.41	Sohaṁ parivasanto itarampi māsaṁ nibbematiko.
pli-tv-kd13:25.2.42	Yannūnāhaṁ saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yāceyyan’ti.
pli-tv-kd13:25.2.43	So saṅghaṁ dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ yācati.
pli-tv-kd13:25.2.44	Tassa saṅgho dvinnaṁ āpattīnaṁ dvemāsappaṭicchannānaṁ itarampi māsaṁ parivāsaṁ deti.
pli-tv-kd13:25.2.45	Tena, bhikkhave, bhikkhunā purimaṁ upādāya dve māsā parivasitabbā.
pli-tv-kd13:25.3.1	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:25.3.2	eko māso jānappaṭicchanno, eko māso ajānappaṭicchanno.
pli-tv-kd13:25.3.3	So saṅghaṁ dvinnaṁ āpattīnaṁ dvemāsappaṭicchannānaṁ dvemāsaparivāsaṁ yācati.
pli-tv-kd13:25.3.4	Tassa saṅgho dvinnaṁ āpattīnaṁ dvemāsappaṭicchannānaṁ dvemāsaparivāsaṁ deti.
pli-tv-kd13:25.3.5	Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd13:25.3.6	So evaṁ vadeti—
pli-tv-kd13:25.3.7	‘kiṁ ayaṁ, āvuso, bhikkhu āpanno?
pli-tv-kd13:25.3.8	Kissāyaṁ bhikkhu parivasatī’ti?
pli-tv-kd13:25.3.9	Te evaṁ vadenti—
pli-tv-kd13:25.3.10	‘ayaṁ, āvuso, bhikkhu dve saṅghādisesā āpattiyo āpajji dvemāsappaṭicchannāyo.
pli-tv-kd13:25.3.11	Eko māso jānappaṭicchanno, eko māso ajānappaṭicchanno.
pli-tv-kd13:25.3.12	So saṅghaṁ dvinnaṁ āpattīnaṁ dvemāsappaṭicchannānaṁ dvemāsaparivāsaṁ yāci.
pli-tv-kd13:25.3.13	Tassa saṅgho dvinnaṁ āpattīnaṁ dvemāsappaṭicchannānaṁ dvemāsaparivāsaṁ adāsi.
pli-tv-kd13:25.3.14	Tāyo ayaṁ, āvuso, bhikkhu āpanno tāsāyaṁ bhikkhu parivasatī’ti.
pli-tv-kd13:25.3.15	So evaṁ vadeti—
pli-tv-kd13:25.3.16	‘yvāyaṁ, āvuso, māso jānappaṭicchanno dhammikaṁ tassa māsassa parivāsadānaṁ;
pli-tv-kd13:25.3.17	dhammattā ruhati.
pli-tv-kd13:25.3.18	Yo ca khvāyaṁ, āvuso, māso ajānappaṭicchanno adhammikaṁ tassa māsassa parivāsadānaṁ;
pli-tv-kd13:25.3.19	adhammattā na ruhati.
pli-tv-kd13:25.3.20	Ekassa, āvuso, māsassa bhikkhu mānattāraho’ti.
pli-tv-kd13:25.3.21	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:25.3.22	eko māso saramānappaṭicchanno, eko māso assaramānappaṭicchanno.
pli-tv-kd13:25.3.23	So saṅghaṁ dvinnaṁ āpattīnaṁ dvemāsappaṭicchannānaṁ dvemāsaparivāsaṁ yācati.
pli-tv-kd13:25.3.24	Tassa saṅgho dvinnaṁ āpattīnaṁ dvemāsappaṭicchannānaṁ dvemāsaparivāsaṁ deti.
pli-tv-kd13:25.3.25	Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd13:25.3.26	So evaṁ vadeti—
pli-tv-kd13:25.3.27	‘kiṁ ayaṁ, āvuso, bhikkhu āpanno?
pli-tv-kd13:25.3.28	Kissāyaṁ bhikkhu parivasatī’ti?
pli-tv-kd13:25.3.29	Te evaṁ vadenti—
pli-tv-kd13:25.3.30	‘ayaṁ, āvuso, bhikkhu dve saṅghādisesā āpattiyo āpajji dvemāsappaṭicchannāyo;
pli-tv-kd13:25.3.31	eko māso saramānappaṭicchanno, eko māso assaramānappaṭicchanno.
pli-tv-kd13:25.3.32	So saṅghaṁ dvinnaṁ āpattīnaṁ dvemāsappaṭicchannānaṁ dvemāsaparivāsaṁ yāci.
pli-tv-kd13:25.3.33	Tassa saṅgho dvinnaṁ āpattīnaṁ dvemāsappaṭicchannānaṁ dvemāsaparivāsaṁ adāsi.
pli-tv-kd13:25.3.34	Tāyo ayaṁ, āvuso, bhikkhu āpanno tāsāyaṁ bhikkhu parivasatī’ti.
pli-tv-kd13:25.3.35	So evaṁ vadeti—
pli-tv-kd13:25.3.36	‘yvāyaṁ, āvuso, māso saramānappaṭicchanno dhammikaṁ tassa māsassa parivāsadānaṁ;
pli-tv-kd13:25.3.37	dhammattā ruhati.
pli-tv-kd13:25.3.38	Yo ca khvāyaṁ, āvuso, māso assaramānappaṭicchanno adhammikaṁ tassa māsassa parivāsadānaṁ;
pli-tv-kd13:25.3.39	adhammattā na ruhati.
pli-tv-kd13:25.3.40	Ekassa, āvuso, māsassa bhikkhu mānattāraho’ti.
pli-tv-kd13:25.3.41	Idha pana, bhikkhave, bhikkhu dve saṅghādisesā āpattiyo āpajjati dvemāsappaṭicchannāyo;
pli-tv-kd13:25.3.42	eko māso nibbematikappaṭicchanno, eko māso vematikappaṭicchanno.
pli-tv-kd13:25.3.43	So saṅghaṁ dvinnaṁ āpattīnaṁ dvemāsappaṭicchannānaṁ dvemāsaparivāsaṁ yācati.
pli-tv-kd13:25.3.44	Tassa saṅgho dvinnaṁ āpattīnaṁ dvemāsappaṭicchannānaṁ dvemāsaparivāsaṁ deti.
pli-tv-kd13:25.3.45	Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd13:25.3.46	So evaṁ vadeti—
pli-tv-kd13:25.3.47	‘kiṁ ayaṁ, āvuso, bhikkhu āpanno?
pli-tv-kd13:25.3.48	Kissāyaṁ bhikkhu parivasatī’ti?
pli-tv-kd13:25.3.49	Te evaṁ vadenti—
pli-tv-kd13:25.3.50	‘ayaṁ, āvuso, bhikkhu dve saṅghādisesā āpattiyo āpajji dvemāsappaṭicchannāyo;
pli-tv-kd13:25.3.51	eko māso nibbematikappaṭicchanno, eko māso vematikappaṭicchanno.
pli-tv-kd13:25.3.52	So saṅghaṁ dvinnaṁ āpattīnaṁ dvemāsappaṭicchannānaṁ dvemāsaparivāsaṁ yāci.
pli-tv-kd13:25.3.53	Tassa saṅgho dvinnaṁ āpattīnaṁ dvemāsappaṭicchannānaṁ dvemāsaparivāsaṁ adāsi.
pli-tv-kd13:25.3.54	Tāyo ayaṁ, āvuso, bhikkhu āpanno tāsāyaṁ bhikkhu parivasatī’ti.
pli-tv-kd13:25.3.55	So evaṁ vadeti—
pli-tv-kd13:25.3.56	‘yvāyaṁ, āvuso, māso nibbematikappaṭicchanno dhammikaṁ tassa māsassa parivāsadānaṁ;
pli-tv-kd13:25.3.57	dhammattā ruhati.
pli-tv-kd13:25.3.58	Yo ca khvāyaṁ, āvuso, māso vematikappaṭicchanno adhammikaṁ tassa māsassa parivāsadānaṁ;
pli-tv-kd13:25.3.59	adhammattā na ruhati.
pli-tv-kd13:25.3.60	Ekassa, āvuso, māsassa bhikkhu mānattāraho’”ti.
pli-tv-kd13:26.1.0	2.5. Suddhantaparivāsa
pli-tv-kd13:26.1.1	Tena kho pana samayena aññataro bhikkhu sambahulā saṅghādisesā āpattiyo āpanno hoti.
pli-tv-kd13:26.1.2	So āpattipariyantaṁ na jānāti;
pli-tv-kd13:26.1.3	rattipariyantaṁ na jānāti;
pli-tv-kd13:26.1.4	āpattipariyantaṁ nassarati, rattipariyantaṁ nassarati;
pli-tv-kd13:26.1.5	āpattipariyante vematiko, rattipariyante vematiko.
pli-tv-kd13:26.1.6	So bhikkhūnaṁ ārocesi—
pli-tv-kd13:26.1.7	“ahaṁ, āvuso, sambahulā saṅghādisesā āpattiyo āpajjiṁ;
pli-tv-kd13:26.1.8	āpattipariyantaṁ na jānāmi, rattipariyantaṁ na jānāmi;
pli-tv-kd13:26.1.9	āpattipariyantaṁ nassarāmi, rattipariyantaṁ nassarāmi;
pli-tv-kd13:26.1.10	āpattipariyante vematiko, rattipariyante vematiko.
pli-tv-kd13:26.1.11	Kathaṁ nu kho mayā paṭipajjitabban”ti?
pli-tv-kd13:26.1.12	Bhagavato etamatthaṁ ārocesuṁ.
pli-tv-kd13:26.1.13	“Tena hi, bhikkhave, saṅgho tassa bhikkhuno tāsaṁ āpattīnaṁ suddhantaparivāsaṁ detu.
pli-tv-kd13:26.2.1	Evañca pana, bhikkhave, dātabbo—
pli-tv-kd13:26.2.2	Tena, bhikkhave, bhikkhunā saṅghaṁ upasaṅkamitvā …pe…
pli-tv-kd13:26.2.3	evamassa vacanīyo—
pli-tv-kd13:26.2.4	‘ahaṁ, bhante, sambahulā saṅghādisesā āpattiyo āpajjiṁ.
pli-tv-kd13:26.2.5	Āpattipariyantaṁ na jānāmi, rattipariyantaṁ na jānāmi;
pli-tv-kd13:26.2.6	āpattipariyantaṁ nassarāmi, rattipariyantaṁ nassarāmi;
pli-tv-kd13:26.2.7	āpattipariyante vematiko, rattipariyante vematiko.
pli-tv-kd13:26.2.8	Sohaṁ, bhante, saṅghaṁ tāsaṁ āpattīnaṁ suddhantaparivāsaṁ yācāmī’ti.
pli-tv-kd13:26.2.9	Dutiyampi yācitabbo.
pli-tv-kd13:26.2.10	Tatiyampi yācitabbo.
pli-tv-kd13:26.2.11	Byattena bhikkhunā paṭibalena saṅgho ñāpetabbo—
pli-tv-kd13:26.2.12	‘Suṇātu me, bhante, saṅgho.
pli-tv-kd13:26.2.13	Ayaṁ itthannāmo bhikkhu sambahulā saṅghādisesā āpattiyo āpajji.
pli-tv-kd13:26.2.14	Āpattipariyantaṁ na jānāti, rattipariyantaṁ na jānāti;
pli-tv-kd13:26.2.15	āpattipariyantaṁ nassarati, rattipariyantaṁ nassarati;
pli-tv-kd13:26.2.16	āpattipariyante vematiko, rattipariyante vematiko.
pli-tv-kd13:26.2.17	So saṅghaṁ tāsaṁ āpattīnaṁ suddhantaparivāsaṁ yācati.
pli-tv-kd13:26.2.18	Yadi saṅghassa pattakallaṁ, saṅgho itthannāmassa bhikkhuno tāsaṁ āpattīnaṁ suddhantaparivāsaṁ dadeyya.
pli-tv-kd13:26.2.19	Esā ñatti.
pli-tv-kd13:26.2.20	Suṇātu me, bhante, saṅgho.
pli-tv-kd13:26.2.21	Ayaṁ itthannāmo bhikkhu sambahulā saṅghādisesā āpattiyo āpajji.
pli-tv-kd13:26.2.22	Āpattipariyantaṁ na jānāti, rattipariyantaṁ na jānāti;
pli-tv-kd13:26.2.23	āpattipariyantaṁ nassarati, rattipariyantaṁ nassarati;
pli-tv-kd13:26.2.24	āpattipariyante vematiko, rattipariyante vematiko.
pli-tv-kd13:26.2.25	So saṅghaṁ tāsaṁ āpattīnaṁ suddhantaparivāsaṁ yācati.
pli-tv-kd13:26.2.26	Saṅgho itthannāmassa bhikkhuno tāsaṁ āpattīnaṁ suddhantaparivāsaṁ deti.
pli-tv-kd13:26.2.27	Yassāyasmato khamati itthannāmassa bhikkhuno tāsaṁ āpattīnaṁ suddhantaparivāsassa dānaṁ, so tuṇhassa;
pli-tv-kd13:26.2.28	yassa nakkhamati, so bhāseyya.
pli-tv-kd13:26.2.29	Dutiyampi etamatthaṁ vadāmi …pe…
pli-tv-kd13:26.2.30	tatiyampi etamatthaṁ vadāmi …pe….
pli-tv-kd13:26.2.31	Dinno saṅghena itthannāmassa bhikkhuno tāsaṁ āpattīnaṁ suddhantaparivāso.
pli-tv-kd13:26.2.32	Khamati saṅghassa, tasmā tuṇhī, evametaṁ dhārayāmī’ti.
pli-tv-kd13:26.2.33	Evaṁ kho, bhikkhave, suddhantaparivāso dātabbo;
pli-tv-kd13:26.2.34	evaṁ parivāso dātabbo.
pli-tv-kd13:26.3.0	
pli-tv-kd13:26.3.1	Kathañca, bhikkhave, suddhantaparivāso dātabbo?
pli-tv-kd13:26.3.2	Āpattipariyantaṁ na jānāti, rattipariyantaṁ na jānāti;
pli-tv-kd13:26.3.3	āpattipariyantaṁ nassarati, rattipariyantaṁ nassarati;
pli-tv-kd13:26.3.4	āpattipariyante vematiko, rattipariyante vematiko—
pli-tv-kd13:26.3.5	suddhantaparivāso dātabbo.
pli-tv-kd13:26.3.6	Āpattipariyantaṁ jānāti, rattipariyantaṁ na jānāti;
pli-tv-kd13:26.3.7	āpattipariyantaṁ sarati, rattipariyantaṁ nassarati;
pli-tv-kd13:26.3.8	āpattipariyante nibbematiko, rattipariyante vematiko—
pli-tv-kd13:26.3.9	suddhantaparivāso dātabbo.
pli-tv-kd13:26.3.10	Āpattipariyantaṁ ekaccaṁ jānāti, ekaccaṁ na jānāti, rattipariyantaṁ na jānāti;
pli-tv-kd13:26.3.11	āpattipariyantaṁ ekaccaṁ sarati, ekaccaṁ nassarati, rattipariyantaṁ nassarati;
pli-tv-kd13:26.3.12	āpattipariyante ekacce vematiko, ekacce nibbematiko, rattipariyante vematiko—
pli-tv-kd13:26.3.13	suddhantaparivāso dātabbo.
pli-tv-kd13:26.3.14	Āpattipariyantaṁ na jānāti, rattipariyantaṁ ekaccaṁ jānāti, ekaccaṁ na jānāti;
pli-tv-kd13:26.3.15	āpattipariyantaṁ nassarati, rattipariyantaṁ ekaccaṁ sarati, ekaccaṁ nassarati;
pli-tv-kd13:26.3.16	āpattipariyante vematiko, rattipariyante ekacce vematiko, ekacce nibbematiko—
pli-tv-kd13:26.3.17	suddhantaparivāso dātabbo.
pli-tv-kd13:26.3.18	Āpattipariyantaṁ jānāti, rattipariyantaṁ ekaccaṁ jānāti, ekaccaṁ na jānāti;
pli-tv-kd13:26.3.19	āpattipariyantaṁ sarati, rattipariyantaṁ ekaccaṁ sarati, ekaccaṁ nassarati;
pli-tv-kd13:26.3.20	āpattipariyante nibbematiko, rattipariyante ekacce vematiko, ekacce nibbematiko—
pli-tv-kd13:26.3.21	suddhantaparivāso dātabbo.
pli-tv-kd13:26.3.22	Āpattipariyantaṁ ekaccaṁ jānāti, ekaccaṁ na jānāti;
pli-tv-kd13:26.3.23	rattipariyantaṁ ekaccaṁ jānāti, ekaccaṁ na jānāti;
pli-tv-kd13:26.3.24	āpattipariyantaṁ ekaccaṁ sarati, ekaccaṁ nassarati;
pli-tv-kd13:26.3.25	rattipariyantaṁ ekaccaṁ sarati, ekaccaṁ nassarati;
pli-tv-kd13:26.3.26	āpattipariyante ekacce vematiko, ekacce nibbematiko;
pli-tv-kd13:26.3.27	rattipariyante ekacce vematiko, ekacce nibbematiko—
pli-tv-kd13:26.3.28	suddhantaparivāso dātabbo.
pli-tv-kd13:26.3.29	Evaṁ kho, bhikkhave, suddhantaparivāso dātabbo.
pli-tv-kd13:26.4.0	
pli-tv-kd13:26.4.1	Kathañca, bhikkhave, parivāso dātabbo?
pli-tv-kd13:26.4.2	Āpattipariyantaṁ jānāti, rattipariyantaṁ jānāti;
pli-tv-kd13:26.4.3	āpattipariyantaṁ sarati, rattipariyantaṁ sarati;
pli-tv-kd13:26.4.4	āpattipariyante nibbematiko, rattipariyante nibbematiko—
pli-tv-kd13:26.4.5	parivāso dātabbo.
pli-tv-kd13:26.4.6	Āpattipariyantaṁ na jānāti, rattipariyantaṁ jānāti;
pli-tv-kd13:26.4.7	āpattipariyantaṁ nassarati, rattipariyantaṁ sarati,
pli-tv-kd13:26.4.8	āpattipariyante vematiko, rattipariyante nibbematiko—
pli-tv-kd13:26.4.9	parivāso dātabbo.
pli-tv-kd13:26.4.10	Āpattipariyantaṁ ekaccaṁ jānāti, ekaccaṁ na jānāti, rattipariyantaṁ jānāti;
pli-tv-kd13:26.4.11	āpattipariyantaṁ ekaccaṁ sarati, ekaccaṁ nassarati, rattipariyantaṁ sarati;
pli-tv-kd13:26.4.12	āpattipariyante ekacce vematiko, ekacce nibbematiko, rattipariyante nibbematiko—
pli-tv-kd13:26.4.13	parivāso dātabbo.
pli-tv-kd13:26.4.14	Evaṁ kho, bhikkhave, parivāso dātabbo”.
pli-tv-kd13:26.4.15	Parivāso niṭṭhito.
pli-tv-kd13:27.1.0	3. Cattālīsaka
pli-tv-kd13:27.1.1	Tena kho pana samayena aññataro bhikkhu parivasanto vibbhami.
pli-tv-kd13:27.1.2	So puna paccāgantvā bhikkhū upasampadaṁ yāci.
pli-tv-kd13:27.1.3	Bhagavato etamatthaṁ ārocesuṁ.
pli-tv-kd13:27.1.4	“Idha pana, bhikkhave, bhikkhu parivasanto vibbhamati.
pli-tv-kd13:27.1.5	Vibbhantakassa, bhikkhave, parivāso na ruhati.
pli-tv-kd13:27.1.6	So ce puna upasampajjati, tassa tadeva purimaṁ parivāsadānaṁ.
pli-tv-kd13:27.1.7	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.1.8	Idha pana, bhikkhave, bhikkhu parivasanto sāmaṇero hoti.
pli-tv-kd13:27.1.9	Sāmaṇerassa, bhikkhave, parivāso na ruhati.
pli-tv-kd13:27.1.10	So ce puna upasampajjati, tassa tadeva purimaṁ parivāsadānaṁ.
pli-tv-kd13:27.1.11	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.1.12	Idha pana, bhikkhave, bhikkhu parivasanto ummattako hoti.
pli-tv-kd13:27.1.13	Ummattakassa, bhikkhave, parivāso na ruhati.
pli-tv-kd13:27.1.14	So ce puna anummattako hoti, tassa tadeva purimaṁ parivāsadānaṁ.
pli-tv-kd13:27.1.15	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.1.16	Idha pana, bhikkhave, bhikkhu parivasanto khittacitto hoti.
pli-tv-kd13:27.1.17	Khittacittassa, bhikkhave, parivāso na ruhati.
pli-tv-kd13:27.1.18	So ce puna akhittacitto hoti, tassa tadeva purimaṁ parivāsadānaṁ.
pli-tv-kd13:27.1.19	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.1.20	Idha pana, bhikkhave, bhikkhu parivasanto vedanāṭṭo hoti.
pli-tv-kd13:27.1.21	Vedanāṭṭassa, bhikkhave, parivāso na ruhati.
pli-tv-kd13:27.1.22	So ce puna avedanāṭṭo hoti, tassa tadeva purimaṁ parivāsadānaṁ.
pli-tv-kd13:27.1.23	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.1.24	Idha pana, bhikkhave, bhikkhu parivasanto, āpattiyā adassane, ukkhipiyyati.
pli-tv-kd13:27.1.25	Ukkhittakassa, bhikkhave, parivāso na ruhati.
pli-tv-kd13:27.1.26	So ce puna osāriyyati, tassa tadeva purimaṁ parivāsadānaṁ.
pli-tv-kd13:27.1.27	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.1.28	Idha pana, bhikkhave, bhikkhu parivasanto, āpattiyā appaṭikamme, ukkhipiyyati.
pli-tv-kd13:27.1.29	Ukkhittakassa, bhikkhave, parivāso na ruhati.
pli-tv-kd13:27.1.30	So ce puna osāriyyati, tassa tadeva purimaṁ parivāsadānaṁ.
pli-tv-kd13:27.1.31	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.1.32	Idha pana, bhikkhave, bhikkhu parivasanto, pāpikāya diṭṭhiyā, appaṭinissagge, ukkhipiyyati.
pli-tv-kd13:27.1.33	Ukkhittakassa, bhikkhave, parivāso na ruhati.
pli-tv-kd13:27.1.34	So ce puna osāriyyati, tassa tadeva purimaṁ parivāsadānaṁ.
pli-tv-kd13:27.1.35	Yo parivāso dinno sudinno, yo parivuttho suparivuttho, avaseso parivasitabbo.
pli-tv-kd13:27.2.1	Idha pana, bhikkhave, bhikkhu mūlāyapaṭikassanāraho vibbhamati.
pli-tv-kd13:27.2.2	Vibbhantakassa, bhikkhave, mūlāyapaṭikassanā na ruhati.
pli-tv-kd13:27.2.3	So ce puna upasampajjati, tassa tadeva purimaṁ parivāsadānaṁ.
pli-tv-kd13:27.2.4	Yo parivāso dinno sudinno, yo parivuttho suparivuttho.
pli-tv-kd13:27.2.5	So bhikkhu mūlāya paṭikassitabbo.
pli-tv-kd13:27.2.6	Idha pana, bhikkhave, bhikkhu mūlāyapaṭikassanāraho sāmaṇero hoti …pe…
pli-tv-kd13:27.2.7	ummattako hoti …pe…
pli-tv-kd13:27.2.8	khittacitto hoti …pe…
pli-tv-kd13:27.2.9	vedanāṭṭo hoti …pe…
pli-tv-kd13:27.2.10	āpattiyā adassane ukkhipiyyati …pe…
pli-tv-kd13:27.2.11	āpattiyā appaṭikamme ukkhipiyyati …pe…
pli-tv-kd13:27.2.12	pāpikāya diṭṭhiyā, appaṭinissagge, ukkhipiyyati.
pli-tv-kd13:27.2.13	Ukkhittakassa, bhikkhave, mūlāyapaṭikassanā na ruhati.
pli-tv-kd13:27.2.14	So ce puna osāriyyati, tassa tadeva purimaṁ parivāsadānaṁ.
pli-tv-kd13:27.2.15	Yo parivāso dinno sudinno, yo parivuttho suparivuttho.
pli-tv-kd13:27.2.16	So bhikkhu mūlāya paṭikassitabbo.
pli-tv-kd13:27.3.1	Idha pana, bhikkhave, bhikkhu mānattāraho vibbhamati.
pli-tv-kd13:27.3.2	Vibbhantakassa, bhikkhave, mānattadānaṁ na ruhati.
pli-tv-kd13:27.3.3	So ce puna upasampajjati, tassa tadeva purimaṁ parivāsadānaṁ.
pli-tv-kd13:27.3.4	Yo parivāso dinno sudinno, yo parivuttho suparivuttho.
pli-tv-kd13:27.3.5	Tassa bhikkhuno mānattaṁ dātabbaṁ.
pli-tv-kd13:27.3.6	Idha pana, bhikkhave, bhikkhu mānattāraho sāmaṇero hoti …pe…
pli-tv-kd13:27.3.7	ummattako hoti …pe…
pli-tv-kd13:27.3.8	khittacitto hoti …pe…
pli-tv-kd13:27.3.9	vedanāṭṭo hoti …pe…
pli-tv-kd13:27.3.10	āpattiyā adassane, ukkhipiyyati …pe…
pli-tv-kd13:27.3.11	āpattiyā appaṭikamme, ukkhipiyyati …pe…
pli-tv-kd13:27.3.12	pāpikāya diṭṭhiyā, appaṭinissagge, ukkhipiyyati.
pli-tv-kd13:27.3.13	Ukkhittakassa, bhikkhave, mānattadānaṁ na ruhati.
pli-tv-kd13:27.3.14	So ce puna osāriyyati, tassa tadeva purimaṁ parivāsadānaṁ.
pli-tv-kd13:27.3.15	Yo parivāso dinno sudinno, yo parivuttho suparivuttho.
pli-tv-kd13:27.3.16	Tassa bhikkhuno mānattaṁ dātabbaṁ.
pli-tv-kd13:27.4.1	Idha pana, bhikkhave, bhikkhu mānattaṁ caranto vibbhamati.
pli-tv-kd13:27.4.2	Vibbhantakassa, bhikkhave, mānattacariyā na ruhati.
pli-tv-kd13:27.4.3	So ce puna upasampajjati tassa tadeva purimaṁ parivāsadānaṁ.
pli-tv-kd13:27.4.4	Yo parivāso dinno sudinno, yo parivuttho suparivuttho;
pli-tv-kd13:27.4.5	yaṁ mānattaṁ dinnaṁ sudinnaṁ, yaṁ mānattaṁ ciṇṇaṁ suciṇṇaṁ, avasesaṁ caritabbaṁ.
pli-tv-kd13:27.4.6	Idha pana, bhikkhave, bhikkhu mānattaṁ caranto sāmaṇero hoti …pe…
pli-tv-kd13:27.4.7	ummattako hoti …pe…
pli-tv-kd13:27.4.8	khittacitto hoti …pe…
pli-tv-kd13:27.4.9	vedanāṭṭo hoti …pe…
pli-tv-kd13:27.4.10	āpattiyā adassane, ukkhipiyyati …pe…
pli-tv-kd13:27.4.11	āpattiyā appaṭikamme, ukkhipiyyati …pe…
pli-tv-kd13:27.4.12	pāpikāya diṭṭhiyā, appaṭinissagge, ukkhipiyyati.
pli-tv-kd13:27.4.13	Ukkhittakassa, bhikkhave, mānattacariyā na ruhati.
pli-tv-kd13:27.4.14	So ce puna osāriyyati, tassa tadeva purimaṁ parivāsadānaṁ.
pli-tv-kd13:27.4.15	Yo parivāso dinno sudinno, yo purivuttho suparivuttho;
pli-tv-kd13:27.4.16	yaṁ mānattaṁ dinnaṁ sudinnaṁ, yaṁ mānattaṁ ciṇṇaṁ suciṇṇaṁ, avasesaṁ caritabbaṁ.
pli-tv-kd13:27.5.1	Idha pana, bhikkhave, bhikkhu abbhānāraho vibbhamati.
pli-tv-kd13:27.5.2	Vibbhantakassa, bhikkhave, abbhānaṁ na ruhati.
pli-tv-kd13:27.5.3	So ce puna upasampajjati, tassa tadeva purimaṁ parivāsadānaṁ.
pli-tv-kd13:27.5.4	Yo parivāso dinno sudinno, yo parivuttho suparivuttho;
pli-tv-kd13:27.5.5	yaṁ mānattaṁ dinnaṁ sudinnaṁ, yaṁ mānattaṁ ciṇṇaṁ suciṇṇaṁ.
pli-tv-kd13:27.5.6	So bhikkhu abbhetabbo.
pli-tv-kd13:27.5.7	Idha pana, bhikkhave, bhikkhu abbhānāraho sāmaṇero hoti …pe…
pli-tv-kd13:27.5.8	ummattako hoti …pe…
pli-tv-kd13:27.5.9	khittacitto hoti …pe…
pli-tv-kd13:27.5.10	vedanāṭṭo hoti …pe…
pli-tv-kd13:27.5.11	āpattiyā adassane, ukkhipiyyati …pe…
pli-tv-kd13:27.5.12	āpattiyā appaṭikamme, ukkhipiyyati …pe…
pli-tv-kd13:27.5.13	pāpikāya diṭṭhiyā, appaṭinissagge, ukkhipiyyati.
pli-tv-kd13:27.5.14	Ukkhittakassa, bhikkhave, abbhānaṁ na ruhati.
pli-tv-kd13:27.5.15	So ce puna osāriyyati, tassa tadeva purimaṁ parivāsadānaṁ.
pli-tv-kd13:27.5.16	Yo parivāso dinno sudinno, yo parivuttho suparivuttho;
pli-tv-kd13:27.5.17	yaṁ mānattaṁ dinnaṁ sudinnaṁ, yaṁ mānattaṁ ciṇṇaṁ suciṇṇaṁ.
pli-tv-kd13:27.5.18	So bhikkhu abbhetabbo.
pli-tv-kd13:27.5.19	Cattālīsakaṁ samattaṁ.
pli-tv-kd13:28.1.0	4. Chattiṁsaka
pli-tv-kd13:28.1.1	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati parimāṇā appaṭicchannāyo.
pli-tv-kd13:28.1.2	So bhikkhu mūlāya paṭikassitabbo.
pli-tv-kd13:28.1.3	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati parimāṇā paṭicchannāyo.
pli-tv-kd13:28.1.4	So bhikkhu mūlāya paṭikassitabbo.
pli-tv-kd13:28.1.5	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:28.1.6	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati parimāṇā paṭicchannāyopi appaṭicchannāyopi.
pli-tv-kd13:28.1.7	So bhikkhu mūlāya paṭikassitabbo.
pli-tv-kd13:28.1.8	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:28.1.9	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati aparimāṇā appaṭicchannāyo …pe…
pli-tv-kd13:28.1.10	aparimāṇā paṭicchannāyo …pe…
pli-tv-kd13:28.1.11	aparimāṇā paṭicchannāyopi appaṭicchannāyopi …pe…
pli-tv-kd13:28.1.12	parimāṇāyopi aparimāṇāyopi appaṭicchannāyo …pe…
pli-tv-kd13:28.1.13	parimāṇāyopi aparimāṇāyopi paṭicchannāyo …pe…
pli-tv-kd13:28.1.14	parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:28.1.15	So bhikkhu mūlāya paṭikassitabbo.
pli-tv-kd13:28.1.16	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:28.2.1	Idha pana, bhikkhave, bhikkhu mānattāraho …pe…
pli-tv-kd13:28.2.2	mānattaṁ caranto …pe…
pli-tv-kd13:28.2.3	(yathāparivāsaṁ tathā vitthāretabbaṁ)
pli-tv-kd13:28.2.4	abbhānāraho antarā sambahulā saṅghādisesā, āpattiyo āpajjati parimāṇā appaṭicchannāyo …pe…
pli-tv-kd13:28.2.5	parimāṇā paṭicchannāyo …pe…
pli-tv-kd13:28.2.6	parimāṇā paṭicchannāyopi appaṭicchannāyopi …pe…
pli-tv-kd13:28.2.7	aparimāṇā appaṭicchannāyo …pe…
pli-tv-kd13:28.2.8	aparimāṇā paṭicchannāyo …pe…
pli-tv-kd13:28.2.9	aparimāṇā paṭicchannāyopi appaṭicchannāyopi …pe…
pli-tv-kd13:28.2.10	parimāṇāyopi aparimāṇāyopi appaṭicchannāyo …pe…
pli-tv-kd13:28.2.11	parimāṇāyopi aparimāṇāyopi paṭicchannāyo …pe…
pli-tv-kd13:28.2.12	parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:28.2.13	So bhikkhu mūlāya paṭikassitabbo.
pli-tv-kd13:28.2.14	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:28.2.15	Chattiṁsakaṁ samattaṁ.
pli-tv-kd13:29.1.0	5. Mānattasata
pli-tv-kd13:29.1.1	Idha pana, bhikkhave, bhikkhu sambahulā saṅghādisesā āpattiyo āpajjitvā appaṭicchādetvā vibbhamati.
pli-tv-kd13:29.1.2	So puna upasampanno tā āpattiyo nacchādeti.
pli-tv-kd13:29.1.3	Tassa, bhikkhave, bhikkhuno mānattaṁ dātabbaṁ.
pli-tv-kd13:29.1.4	Idha pana, bhikkhave, bhikkhu sambahulā saṅghādisesā āpattiyo āpajjitvā appaṭicchādetvā vibbhamati.
pli-tv-kd13:29.1.5	So puna upasampanno tā āpattiyo chādeti.
pli-tv-kd13:29.1.6	Tassa, bhikkhave, bhikkhuno pacchimasmiṁ āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.1.7	Idha pana, bhikkhave, bhikkhu sambahulā saṅghādisesā āpattiyo āpajjitvā paṭicchādetvā vibbhamati.
pli-tv-kd13:29.1.8	So puna upasampanno tā āpattiyo nacchādeti.
pli-tv-kd13:29.1.9	Tassa, bhikkhave, bhikkhuno purimasmiṁ āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.1.10	Idha pana, bhikkhave, bhikkhu sambahulā saṅghādisesā āpattiyo āpajjitvā paṭicchādetvā vibbhamati.
pli-tv-kd13:29.1.11	So puna upasampanno tā āpattiyo chādeti.
pli-tv-kd13:29.1.12	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.2.1	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.2.2	Tassa honti āpattiyo paṭicchannāyopi appaṭicchannāyopi.
pli-tv-kd13:29.2.3	So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti;
pli-tv-kd13:29.2.4	yā āpattiyo pubbe nacchādesi tā āpattiyo pacchā nacchādeti.
pli-tv-kd13:29.2.5	Tassa, bhikkhave, bhikkhuno purimasmiṁ āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.2.6	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.2.7	Tassa honti āpattiyo paṭicchannāyopi appaṭicchannāyopi.
pli-tv-kd13:29.2.8	So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti;
pli-tv-kd13:29.2.9	yā āpattiyo pubbe nacchādesi tā āpattiyo pacchā chādeti.
pli-tv-kd13:29.2.10	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.2.11	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.2.12	Tassa honti āpattiyo paṭicchannāyopi appaṭicchannāyopi.
pli-tv-kd13:29.2.13	So vibbhamitvā puna upasampanno yā āpattiyo pubbe chādesi tā āpattiyo pacchā chādeti;
pli-tv-kd13:29.2.14	yā āpattiyo pubbe nacchādesi tā āpattiyo pacchā nacchādeti.
pli-tv-kd13:29.2.15	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.2.16	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.2.17	Tassa honti āpattiyo paṭicchannāyopi appaṭicchannāyopi.
pli-tv-kd13:29.2.18	So vibbhamitvā puna upasampanno yā āpattiyo pubbe chādesi tā āpattiyo pacchā chādeti;
pli-tv-kd13:29.2.19	yā āpattiyo pubbe nacchādesi tā āpattiyo pacchā chādeti.
pli-tv-kd13:29.2.20	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.3.1	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.3.2	Ekaccā āpattiyo jānāti, ekaccā āpattiyo na jānāti.
pli-tv-kd13:29.3.3	Yā āpattiyo jānāti tā āpattiyo chādeti.
pli-tv-kd13:29.3.4	Yā āpattiyo na jānāti tā āpattiyo nacchādeti.
pli-tv-kd13:29.3.5	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti;
pli-tv-kd13:29.3.6	yā āpattiyo pubbe ajānitvā nacchādesi tā āpattiyo pacchā jānitvā nacchādeti.
pli-tv-kd13:29.3.7	Tassa, bhikkhave, bhikkhuno purimasmiṁ āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.3.8	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.3.9	Ekaccā āpattiyo jānāti, ekaccā āpattiyo na jānāti.
pli-tv-kd13:29.3.10	Yā āpattiyo jānāti tā āpattiyo chādeti.
pli-tv-kd13:29.3.11	Yā āpattiyo na jānāti tā āpattiyo nacchādeti.
pli-tv-kd13:29.3.12	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti;
pli-tv-kd13:29.3.13	yā āpattiyo pubbe ajānitvā nacchādesi tā āpattiyo pacchā jānitvā chādeti.
pli-tv-kd13:29.3.14	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.3.15	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.3.16	Ekaccā āpattiyo jānāti, ekaccā āpattiyo na jānāti.
pli-tv-kd13:29.3.17	Yā āpattiyo jānāti tā āpattiyo chādeti.
pli-tv-kd13:29.3.18	Yā āpattiyo na jānāti tā āpattiyo nacchādeti.
pli-tv-kd13:29.3.19	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti;
pli-tv-kd13:29.3.20	yā āpattiyo pubbe ajānitvā nacchādesi tā āpattiyo pacchā jānitvā nacchādeti.
pli-tv-kd13:29.3.21	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.3.22	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.3.23	Ekaccā āpattiyo jānāti, ekaccā āpattiyo na jānāti.
pli-tv-kd13:29.3.24	Yā āpattiyo jānāti tā āpattiyo chādeti;
pli-tv-kd13:29.3.25	yā āpattiyo na jānāti tā āpattiyo nacchādeti.
pli-tv-kd13:29.3.26	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti;
pli-tv-kd13:29.3.27	yā āpattiyo pubbe ajānitvā nacchādesi tā āpattiyo pacchā jānitvā chādeti.
pli-tv-kd13:29.3.28	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.4.1	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.4.2	Ekaccā āpattiyo sarati, ekaccā āpattiyo nassarati.
pli-tv-kd13:29.4.3	Yā āpattiyo sarati tā āpattiyo chādeti;
pli-tv-kd13:29.4.4	yā āpattiyo nassarati tā āpattiyo nacchādeti.
pli-tv-kd13:29.4.5	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti;
pli-tv-kd13:29.4.6	yā āpattiyo pubbe assaritvā nacchādesi tā āpattiyo pacchā saritvā nacchādeti.
pli-tv-kd13:29.4.7	Tassa, bhikkhave, bhikkhuno purimasmiṁ āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.4.8	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.4.9	Ekaccā āpattiyo sarati, ekaccā āpattiyo nassarati.
pli-tv-kd13:29.4.10	Yā āpattiyo sarati tā āpattiyo chādeti;
pli-tv-kd13:29.4.11	yā āpattiyo nassarati tā āpattiyo nacchādeti.
pli-tv-kd13:29.4.12	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti;
pli-tv-kd13:29.4.13	yā āpattiyo pubbe assaritvā nacchādesi tā āpattiyo pacchā saritvā chādeti.
pli-tv-kd13:29.4.14	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.4.15	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.4.16	Ekaccā āpattiyo sarati, ekaccā āpattiyo nassarati.
pli-tv-kd13:29.4.17	Yā āpattiyo sarati tā āpattiyo chādeti;
pli-tv-kd13:29.4.18	yā āpattiyo nassarati tā āpattiyo nacchādeti.
pli-tv-kd13:29.4.19	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā chādeti;
pli-tv-kd13:29.4.20	yā āpattiyo pubbe assaritvā nacchādesi tā āpattiyo pacchā saritvā nacchādeti.
pli-tv-kd13:29.4.21	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.4.22	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.4.23	Ekaccā āpattiyo sarati, ekaccā āpattiyo nassarati.
pli-tv-kd13:29.4.24	Yā āpattiyo sarati tā āpattiyo chādeti;
pli-tv-kd13:29.4.25	yā āpattiyo nassarati tā āpattiyo nacchādeti.
pli-tv-kd13:29.4.26	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā chādeti;
pli-tv-kd13:29.4.27	yā āpattiyo pubbe assaritvā nacchādesi tā āpattiyo pacchā saritvā chādeti.
pli-tv-kd13:29.4.28	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.5.1	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.5.2	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:29.5.3	Yāsu āpattīsu nibbematiko tā āpattiyo chādeti;
pli-tv-kd13:29.5.4	yāsu āpattīsu vematiko tā āpattiyo nacchādeti.
pli-tv-kd13:29.5.5	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:29.5.6	yā āpattiyo pubbe vematiko nacchādesi tā āpattiyo pacchā nibbematiko nacchādeti.
pli-tv-kd13:29.5.7	Tassa, bhikkhave, bhikkhuno purimasmiṁ āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.5.8	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.5.9	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:29.5.10	Yāsu āpattīsu nibbematiko tā āpattiyo chādeti;
pli-tv-kd13:29.5.11	yāsu āpattīsu vematiko tā āpattiyo nacchādeti.
pli-tv-kd13:29.5.12	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:29.5.13	yā āpattiyo pubbe vematiko nacchādesi tā āpattiyo pacchā nibbematiko chādeti.
pli-tv-kd13:29.5.14	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.5.15	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.5.16	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:29.5.17	Yāsu āpattīsu nibbematiko tā āpattiyo chādeti;
pli-tv-kd13:29.5.18	yāsu āpattīsu vematiko tā āpattiyo nacchādeti.
pli-tv-kd13:29.5.19	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:29.5.20	yā āpattiyo pubbe vematiko nacchādesi tā āpattiyo pacchā nibbematiko nacchādeti.
pli-tv-kd13:29.5.21	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:29.5.22	Idha pana, bhikkhave, bhikkhu sambahulā saṅghādisesā āpattiyo āpajjati.
pli-tv-kd13:29.5.23	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:29.5.24	Yāsu āpattīsu nibbematiko tā āpattiyo chādeti;
pli-tv-kd13:29.5.25	yāsu āpattīsu vematiko tā āpattiyo nacchādeti.
pli-tv-kd13:29.5.26	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:29.5.27	yā āpattiyo pubbe vematiko nacchādesi tā āpattiyo pacchā nibbematiko chādeti.
pli-tv-kd13:29.5.28	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:30.1.1	Idha pana, bhikkhave, bhikkhu sambahulā saṅghādisesā āpattiyo āpajjitvā appaṭicchādetvā sāmaṇero hoti …pe…
pli-tv-kd13:30.1.2	ummattako hoti …pe…
pli-tv-kd13:30.1.3	khittacitto hoti …pe…
pli-tv-kd13:30.1.4	(yathā heṭṭhā tathā vitthāretabbaṁ)
pli-tv-kd13:30.1.5	vedanāṭṭo hoti …pe…
pli-tv-kd13:30.1.6	tassa honti āpattiyo paṭicchannāyopi appaṭicchannāyopi …pe…
pli-tv-kd13:30.1.7	ekaccā āpattiyo jānāti, ekaccā āpattiyo na jānāti …pe…
pli-tv-kd13:30.1.8	ekaccā āpattiyo sarati, ekaccā āpattiyo nassarati …pe…
pli-tv-kd13:30.1.9	ekaccāsu āpattīsu nibbematiko, ekaccāsu āpattīsu vematiko.
pli-tv-kd13:30.1.10	Yāsu āpattīsu nibbematiko tā āpattiyo chādeti;
pli-tv-kd13:30.1.11	yāsu āpattīsu vematiko tā āpattiyo nacchādeti.
pli-tv-kd13:30.1.12	So vedanāṭṭo hoti.
pli-tv-kd13:30.1.13	So puna avedanāṭṭo hutvā yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:30.1.14	yā āpattiyo pubbe vematiko nacchādesi tā āpattiyo pacchā nibbematiko nacchādeti …pe…
pli-tv-kd13:30.1.15	yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:30.1.16	yā āpattiyo pubbe vematiko nacchādesi tā āpattiyo pacchā nibbematiko chādeti …pe…
pli-tv-kd13:30.1.17	yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:30.1.18	yā āpattiyo pubbe vematiko nacchādesi tā āpattiyo pacchā nibbematiko nacchādeti …pe…
pli-tv-kd13:30.1.19	yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:30.1.20	yā āpattiyo pubbe vematiko nacchādesi tā āpattiyo pacchā nibbematiko chādeti.
pli-tv-kd13:30.1.21	Tassa, bhikkhave, bhikkhuno purimasmiñca pacchimasmiñca āpattikkhandhe yathāpaṭicchanne parivāsaṁ datvā mānattaṁ dātabbaṁ.
pli-tv-kd13:30.1.22	Mānattasataṁ niṭṭhitaṁ.
pli-tv-kd13:31.1.0	6. Samūlāyasamodhānaparivāsacatussata
pli-tv-kd13:31.1.1	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjitvā appaṭicchādetvā vibbhamati.
pli-tv-kd13:31.1.2	So puna upasampanno tā āpattiyo nacchādeti.
pli-tv-kd13:31.1.3	So bhikkhu mūlāya paṭikassitabbo.
pli-tv-kd13:31.1.4	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjitvā appaṭicchādetvā vibbhamati.
pli-tv-kd13:31.1.5	So puna upasampanno tā āpattiyo chādeti.
pli-tv-kd13:31.1.6	So bhikkhu mūlāya paṭikassitabbo.
pli-tv-kd13:31.1.7	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.1.8	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjitvā paṭicchādetvā vibbhamati.
pli-tv-kd13:31.1.9	So puna upasampanno tā āpattiyo nacchādeti.
pli-tv-kd13:31.1.10	So bhikkhu mūlāya paṭikassitabbo.
pli-tv-kd13:31.1.11	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.1.12	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjitvā paṭicchādetvā vibbhamati.
pli-tv-kd13:31.1.13	So puna upasampanno tā āpattiyo chādeti.
pli-tv-kd13:31.1.14	So bhikkhu mūlāya paṭikassitabbo.
pli-tv-kd13:31.1.15	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.2.1	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.2.2	Tassa honti āpattiyo paṭicchannāyopi appaṭicchannāyopi.
pli-tv-kd13:31.2.3	So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti;
pli-tv-kd13:31.2.4	yā āpattiyo pubbe nacchādesi tā āpattiyo pacchā nacchādeti.
pli-tv-kd13:31.2.5	So bhikkhu mūlāya paṭikassitabbo.
pli-tv-kd13:31.2.6	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.2.7	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.2.8	Tassa honti āpattiyo paṭicchannāyopi appaṭicchannāyopi.
pli-tv-kd13:31.2.9	So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti;
pli-tv-kd13:31.2.10	yā āpattiyo pubbe nacchādesi tā āpattiyo pacchā chādeti.
pli-tv-kd13:31.2.11	So bhikkhu mūlāya paṭikassitabbo.
pli-tv-kd13:31.2.12	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.2.13	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.2.14	Tassa honti āpattiyo paṭicchannāyopi appaṭicchannāyopi.
pli-tv-kd13:31.2.15	So vibbhamitvā puna upasampanno yā āpattiyo pubbe chādesi tā āpattiyo pacchā chādeti;
pli-tv-kd13:31.2.16	yā āpattiyo pubbe nacchādesi tā āpattiyo pacchā nacchādeti.
pli-tv-kd13:31.2.17	So bhikkhu mūlāya paṭikassitabbo.
pli-tv-kd13:31.2.18	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.2.19	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.2.20	Tassa honti āpattiyo paṭicchannāyopi appaṭicchannāyopi.
pli-tv-kd13:31.2.21	So vibbhamitvā puna upasampanno yā āpattiyo pubbe chādesi tā āpattiyo pacchā chādeti;
pli-tv-kd13:31.2.22	yā āpattiyo pubbe nacchādesi tā āpattiyo pacchā chādeti.
pli-tv-kd13:31.2.23	So bhikkhu mūlāya paṭikassitabbo.
pli-tv-kd13:31.2.24	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.1	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.2	Ekaccā āpattiyo jānāti, ekaccā āpattiyo na jānāti.
pli-tv-kd13:31.3.3	Yā āpattiyo jānāti tā āpattiyo chādeti;
pli-tv-kd13:31.3.4	yā āpattiyo na jānāti tā āpattiyo nacchādeti.
pli-tv-kd13:31.3.5	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti;
pli-tv-kd13:31.3.6	yā āpattiyo pubbe ajānitvā nacchādesi tā āpattiyo pacchā jānitvā nacchādeti.
pli-tv-kd13:31.3.7	So bhikkhu mūlāya paṭikassitabbo.
pli-tv-kd13:31.3.8	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.9	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.10	Ekaccā āpattiyo jānāti, ekaccā āpattiyo na jānāti.
pli-tv-kd13:31.3.11	Yā āpattiyo jānāti tā āpattiyo chādeti;
pli-tv-kd13:31.3.12	yā āpattiyo na jānāti tā āpattiyo nacchādeti.
pli-tv-kd13:31.3.13	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti;
pli-tv-kd13:31.3.14	yā āpattiyo pubbe ajānitvā nacchādesi tā āpattiyo pacchā jānitvā chādeti.
pli-tv-kd13:31.3.15	So bhikkhu mūlāya paṭikassitabbo.
pli-tv-kd13:31.3.16	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.17	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.18	Ekaccā āpattiyo jānāti, ekaccā āpattiyo na jānāti.
pli-tv-kd13:31.3.19	Yā āpattiyo jānāti tā āpattiyo chādeti;
pli-tv-kd13:31.3.20	yā āpattiyo na jānāti tā āpattiyo nacchādeti.
pli-tv-kd13:31.3.21	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti;
pli-tv-kd13:31.3.22	yā āpattiyo pubbe ajānitvā nacchādesi tā āpattiyo pacchā jānitvā nacchādeti.
pli-tv-kd13:31.3.23	So bhikkhu mūlāya paṭikassitabbo.
pli-tv-kd13:31.3.24	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.25	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.26	Ekaccā āpattiyo jānāti, ekaccā āpattiyo na jānāti.
pli-tv-kd13:31.3.27	Yā āpattiyo jānāti tā āpattiyo chādeti, yā āpattiyo na jānāti tā āpattiyo nacchādeti.
pli-tv-kd13:31.3.28	So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti;
pli-tv-kd13:31.3.29	yā āpattiyo pubbe ajānitvā nacchādesi tā āpattiyo pacchā jānitvā chādeti.
pli-tv-kd13:31.3.30	So bhikkhu mūlāya paṭikassitabbo.
pli-tv-kd13:31.3.31	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.32	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.33	Ekaccā āpattiyo sarati, ekaccā āpattiyo nassarati.
pli-tv-kd13:31.3.34	Yā āpattiyo sarati tā āpattiyo chādeti;
pli-tv-kd13:31.3.35	yā āpattiyo nassarati tā āpattiyo nacchādeti.
pli-tv-kd13:31.3.36	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti;
pli-tv-kd13:31.3.37	yā āpattiyo pubbe assaritvā nacchādesi tā āpattiyo pacchā saritvā nacchādeti.
pli-tv-kd13:31.3.38	So bhikkhu mūlāya paṭikassitabbo.
pli-tv-kd13:31.3.39	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.40	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.41	Ekaccā āpattiyo sarati, ekaccā āpattiyo nassarati.
pli-tv-kd13:31.3.42	Yā āpattiyo sarati tā āpattiyo chādeti;
pli-tv-kd13:31.3.43	yā āpattiyo nassarati tā āpattiyo nacchādeti.
pli-tv-kd13:31.3.44	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti;
pli-tv-kd13:31.3.45	yā āpattiyo pubbe assaritvā nacchādesi tā āpattiyo pacchā saritvā chādeti.
pli-tv-kd13:31.3.46	So bhikkhu mūlāya paṭikassitabbo.
pli-tv-kd13:31.3.47	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.48	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.49	Ekaccā āpattiyo sarati, ekaccā āpattiyo nassarati.
pli-tv-kd13:31.3.50	Yā āpattiyo sarati tā āpattiyo chādeti;
pli-tv-kd13:31.3.51	yā āpattiyo nassarati tā āpattiyo nacchādeti.
pli-tv-kd13:31.3.52	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā chādeti;
pli-tv-kd13:31.3.53	yā āpattiyo pubbe assaritvā nacchādesi tā āpattiyo pacchā saritvā nacchādeti.
pli-tv-kd13:31.3.54	So bhikkhu mūlāya paṭikassitabbo.
pli-tv-kd13:31.3.55	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.56	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.57	Ekaccā āpattiyo sarati, ekaccā āpattiyo nassarati.
pli-tv-kd13:31.3.58	Yā āpattiyo sarati tā āpattiyo chādeti;
pli-tv-kd13:31.3.59	yā āpattiyo nassarati tā āpattiyo nacchādeti.
pli-tv-kd13:31.3.60	So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā chādeti;
pli-tv-kd13:31.3.61	yā āpattiyo pubbe assaritvā nacchādesi tā āpattiyo pacchā saritvā chādeti.
pli-tv-kd13:31.3.62	So bhikkhu mūlāya paṭikassitabbo.
pli-tv-kd13:31.3.63	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.64	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.65	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:31.3.66	Yāsu āpattīsu nibbematiko tā āpattiyo chādeti;
pli-tv-kd13:31.3.67	yāsu āpattīsu vematiko tā āpattiyo nacchādeti.
pli-tv-kd13:31.3.68	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:31.3.69	yā āpattiyo pubbe vematiko nacchādesi tā āpattiyo pacchā nibbematiko nacchādeti.
pli-tv-kd13:31.3.70	So bhikkhu mūlāya paṭikassitabbo.
pli-tv-kd13:31.3.71	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.72	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.73	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:31.3.74	Yāsu āpattīsu nibbematiko tā āpattiyo chādeti;
pli-tv-kd13:31.3.75	yāsu āpattīsu vematiko tā āpattiyo nacchādeti.
pli-tv-kd13:31.3.76	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:31.3.77	yā āpattiyo pubbe vematiko nacchādesi tā āpattiyo pacchā nibbematiko chādeti.
pli-tv-kd13:31.3.78	So bhikkhu mūlāya paṭikassitabbo.
pli-tv-kd13:31.3.79	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.80	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.81	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:31.3.82	Yāsu āpattīsu nibbematiko tā āpattiyo chādeti;
pli-tv-kd13:31.3.83	yāsu āpattīsu vematiko tā āpattiyo nacchādeti.
pli-tv-kd13:31.3.84	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:31.3.85	yā āpattiyo pubbe vematiko nacchādesi tā āpattiyo pacchā nibbematiko nacchādeti.
pli-tv-kd13:31.3.86	So bhikkhu mūlāya paṭikassitabbo.
pli-tv-kd13:31.3.87	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.88	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjati.
pli-tv-kd13:31.3.89	Ekaccāsu āpattīsu nibbematiko, ekaccāsu āpattīsu vematiko.
pli-tv-kd13:31.3.90	Yāsu āpattīsu nibbematiko tā āpattiyo chādeti;
pli-tv-kd13:31.3.91	yāsu āpattīsu vematiko tā āpattiyo nacchādeti.
pli-tv-kd13:31.3.92	So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:31.3.93	yā āpattiyo pubbe vematiko nacchādesi tā āpattiyo pacchā nibbematiko chādeti.
pli-tv-kd13:31.3.94	So bhikkhu mūlāya paṭikassitabbo.
pli-tv-kd13:31.3.95	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:31.3.96	Idha pana, bhikkhave, bhikkhu parivasanto antarā sambahulā saṅghādisesā āpattiyo āpajjitvā appaṭicchādetvā sāmaṇero hoti …pe…
pli-tv-kd13:31.3.97	ummattako hoti …pe…
pli-tv-kd13:31.3.98	khittacitto hoti …pe…
pli-tv-kd13:31.3.99	vedanāṭṭo hoti …pe…
pli-tv-kd13:31.3.100	tassa honti āpattiyo paṭicchannāyopi appaṭicchannāyopi …pe…
pli-tv-kd13:31.3.101	(yathā heṭṭhā vitthāritaṁ tathā vitthāretabbaṁ)
pli-tv-kd13:31.3.102	ekaccā āpattiyo jānāti, ekaccā āpattiyo na jānāti …pe…
pli-tv-kd13:31.3.103	ekaccā āpattiyo sarati, ekaccā āpattiyo nassarati …pe…
pli-tv-kd13:31.3.104	ekaccāsu āpattīsu nibbematiko, ekaccāsu āpattīsu vematiko.
pli-tv-kd13:31.3.105	Yāsu āpattīsu nibbematiko tā āpattiyo chādeti;
pli-tv-kd13:31.3.106	yāsu āpattīsu vematiko tā āpattiyo nacchādeti.
pli-tv-kd13:31.3.107	So vedanāṭṭo hoti.
pli-tv-kd13:31.3.108	So puna avedanāṭṭo hutvā yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:31.3.109	yā āpattiyo pubbe vematiko nacchādesi tā āpattiyo pacchā nibbematiko nacchādeti …pe…
pli-tv-kd13:31.3.110	yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:31.3.111	yā āpattiyo pubbe vematiko nacchādesi tā āpattiyo pacchā nibbematiko chādeti …pe…
pli-tv-kd13:31.3.112	yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:31.3.113	yā āpattiyo pubbe vematiko nacchādesi tā āpattiyo pacchā nibbematiko nacchādeti …pe…
pli-tv-kd13:31.3.114	yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:31.3.115	yā āpattiyo pubbe vematiko nacchādesi tā āpattiyo pacchā nibbematiko chādeti.
pli-tv-kd13:31.3.116	So bhikkhu mūlāya paṭikassitabbo.
pli-tv-kd13:31.3.117	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:32.1.1	Idha pana, bhikkhave, bhikkhu mānattāraho …pe…
pli-tv-kd13:32.1.2	mānattaṁ caranto …pe…
pli-tv-kd13:32.1.3	abbhānāraho antarā sambahulā saṅghādisesā āpattiyo āpajjitvā appaṭicchādetvā vibbhamati …pe…
pli-tv-kd13:32.1.4	(mānattāraho ca mānattacārī ca abbhānāraho ca yathā parivāso vitthārito tathā vitthāretabbo).
pli-tv-kd13:32.1.5	Idha pana, bhikkhave, bhikkhu abbhānāraho antarā sambahulā saṅghādisesā āpattiyo āpajjitvā appaṭicchādetvā sāmaṇero hoti …pe…
pli-tv-kd13:32.1.6	ummattako hoti …pe…
pli-tv-kd13:32.1.7	khittacitto hoti …pe…
pli-tv-kd13:32.1.8	vedanāṭṭo hoti …pe…
pli-tv-kd13:32.1.9	tassa honti āpattiyo paṭicchannāyopi appaṭicchannāyopi …pe…
pli-tv-kd13:32.1.10	ekaccā āpattiyo jānāti, ekaccā āpattiyo na jānāti …pe…
pli-tv-kd13:32.1.11	ekaccā āpattiyo sarati, ekaccā āpattiyo nassarati …pe…
pli-tv-kd13:32.1.12	ekaccāsu āpattīsu nibbematiko, ekaccāsu āpattīsu vematiko.
pli-tv-kd13:32.1.13	Yāsu āpattīsu nibbematiko tā āpattiyo chādeti;
pli-tv-kd13:32.1.14	yāsu āpattīsu vematiko tā āpattiyo nacchādeti.
pli-tv-kd13:32.1.15	So vedanāṭṭo hoti.
pli-tv-kd13:32.1.16	So puna avedanāṭṭo hutvā yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:32.1.17	yā āpattiyo pubbe vematiko nacchādesi tā āpattiyo pacchā nibbematiko nacchādeti …pe…
pli-tv-kd13:32.1.18	yā āpattiyo pubbe nibbematiko chādesi tā āpattiyo pacchā nibbematiko nacchādeti;
pli-tv-kd13:32.1.19	yā āpattiyo pubbe vematiko nacchādesi tā āpattiyo pacchā nibbematiko chādeti …pe…
pli-tv-kd13:32.1.20	yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:32.1.21	yā āpattiyo pubbe vematiko nacchādesi tā āpattiyo pacchā nibbematiko nacchādeti …pe…
pli-tv-kd13:32.1.22	yā āpattiyo pubbe nibbematiko chādesi tā āpattiyo pacchā nibbematiko chādeti;
pli-tv-kd13:32.1.23	yā āpattiyo pubbe vematiko nacchādesi tā āpattiyo pacchā nibbematiko chādeti.
pli-tv-kd13:32.1.24	So bhikkhu mūlāya paṭikassitabbo.
pli-tv-kd13:32.1.25	Yathāpaṭicchannānañcassa āpattīnaṁ purimāya āpattiyā samodhānaparivāso dātabbo.
pli-tv-kd13:32.1.26	Samūlāyasamodhānaparivāsacatussataṁ niṭṭhitaṁ.
pli-tv-kd13:33.1.0	7. Parimāṇādivāraaṭṭhaka
pli-tv-kd13:33.1.1	Idha pana, bhikkhave, bhikkhu sambahulā saṅghādisesā āpattiyo āpajjitvā parimāṇā appaṭicchādetvā …pe…
pli-tv-kd13:33.1.2	aparimāṇā appaṭicchādetvā …pe…
pli-tv-kd13:33.1.3	ekanāmā appaṭicchādetvā …pe…
pli-tv-kd13:33.1.4	nānānāmā appaṭicchādetvā …pe…
pli-tv-kd13:33.1.5	sabhāgā appaṭicchādetvā …pe…
pli-tv-kd13:33.1.6	visabhāgā appaṭicchādetvā …pe…
pli-tv-kd13:33.1.7	vavatthitā appaṭicchādetvā …pe…
pli-tv-kd13:33.1.8	sambhinnā appaṭicchādetvā vibbhamati …pe…
pli-tv-kd13:33.1.9	(yathā heṭṭhā tathā vitthāretabbaṁ).
pli-tv-kd13:33.1.10	Parimāṇādivāraaṭṭhakaṁ niṭṭhitaṁ.
pli-tv-kd13:34.1.0	8. Dvebhikkhuvāraekādasaka
pli-tv-kd13:34.1.1	Dve bhikkhū saṅghādisesaṁ āpannā honti.
pli-tv-kd13:34.1.2	Te saṅghādisese saṅghādisesadiṭṭhino honti.
pli-tv-kd13:34.1.3	Eko chādeti, eko nacchādeti.
pli-tv-kd13:34.1.4	Yo chādeti so dukkaṭaṁ desāpetabbo.
pli-tv-kd13:34.1.5	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.1.6	Dve bhikkhū saṅghādisesaṁ āpannā honti.
pli-tv-kd13:34.1.7	Te saṅghādisese vematikā honti.
pli-tv-kd13:34.1.8	Eko chādeti, eko nacchādeti.
pli-tv-kd13:34.1.9	Yo chādeti so dukkaṭaṁ desāpetabbo.
pli-tv-kd13:34.1.10	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.1.11	Dve bhikkhū saṅghādisesaṁ āpannā honti.
pli-tv-kd13:34.1.12	Te saṅghādisese missakadiṭṭhino honti.
pli-tv-kd13:34.1.13	Eko chādeti, eko nacchādeti.
pli-tv-kd13:34.1.14	Yo chādeti so dukkaṭaṁ desāpetabbo.
pli-tv-kd13:34.1.15	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.1.16	Dve bhikkhū missakaṁ āpannā honti.
pli-tv-kd13:34.1.17	Te missake saṅghādisesadiṭṭhino honti.
pli-tv-kd13:34.1.18	Eko chādeti, eko nacchādeti.
pli-tv-kd13:34.1.19	Yo chādeti so dukkaṭaṁ desāpetabbo.
pli-tv-kd13:34.1.20	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.1.21	Dve bhikkhū missakaṁ āpannā honti.
pli-tv-kd13:34.1.22	Te missake missakadiṭṭhino honti.
pli-tv-kd13:34.1.23	Eko chādeti, eko nacchādeti.
pli-tv-kd13:34.1.24	Yo chādeti so dukkaṭaṁ desāpetabbo.
pli-tv-kd13:34.1.25	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.1.26	Dve bhikkhū suddhakaṁ āpannā honti.
pli-tv-kd13:34.1.27	Te suddhake saṅghādisesadiṭṭhino honti.
pli-tv-kd13:34.1.28	Eko chādeti, eko nacchādeti.
pli-tv-kd13:34.1.29	Yo chādeti so dukkaṭaṁ desāpetabbo.
pli-tv-kd13:34.1.30	Ubhopi yathādhammaṁ kārāpetabbā.
pli-tv-kd13:34.1.31	Dve bhikkhū suddhakaṁ āpannā honti.
pli-tv-kd13:34.1.32	Te suddhake suddhakadiṭṭhino honti.
pli-tv-kd13:34.1.33	Eko chādeti, eko nacchādeti.
pli-tv-kd13:34.1.34	Yo chādeti so dukkaṭaṁ desāpetabbo.
pli-tv-kd13:34.1.35	Ubhopi yathādhammaṁ kārāpetabbā.
pli-tv-kd13:34.2.1	Dve bhikkhū saṅghādisesaṁ āpannā honti.
pli-tv-kd13:34.2.2	Te saṅghādisese saṅghādisesadiṭṭhino honti.
pli-tv-kd13:34.2.3	Ekassa hoti ārocessāmīti, ekassa hoti na ārocessāmīti.
pli-tv-kd13:34.2.4	So paṭhamampi yāmaṁ chādeti, dutiyampi yāmaṁ chādeti, tatiyampi yāmaṁ chādeti—
pli-tv-kd13:34.2.5	uṭṭhite aruṇe channā hoti āpatti.
pli-tv-kd13:34.2.6	Yo chādeti so dukkaṭaṁ desāpetabbo.
pli-tv-kd13:34.2.7	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.2.8	Dve bhikkhū saṅghādisesaṁ āpannā honti.
pli-tv-kd13:34.2.9	Te saṅghādisese saṅghādisesadiṭṭhino honti.
pli-tv-kd13:34.2.10	Te gacchanti ārocessāmāti.
pli-tv-kd13:34.2.11	Ekassa antarāmagge makkhadhammo uppajjati na ārocessāmīti.
pli-tv-kd13:34.2.12	So paṭhamampi yāmaṁ chādeti, dutiyampi yāmaṁ chādeti, tatiyampi yāmaṁ chādeti—
pli-tv-kd13:34.2.13	uṭṭhite aruṇe channā hoti āpatti.
pli-tv-kd13:34.2.14	Yo chādeti so dukkaṭaṁ desāpetabbo.
pli-tv-kd13:34.2.15	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.2.16	Dve bhikkhū saṅghādisesaṁ āpannā honti.
pli-tv-kd13:34.2.17	Te saṅghādisese saṅghādisesadiṭṭhino honti.
pli-tv-kd13:34.2.18	Te ummattakā honti.
pli-tv-kd13:34.2.19	Te pacchā anummattakā hutvā eko chādeti, eko nacchādeti.
pli-tv-kd13:34.2.20	Yo chādeti so dukkaṭaṁ desāpetabbo.
pli-tv-kd13:34.2.21	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.2.22	Dve bhikkhū saṅghādisesaṁ āpannā honti.
pli-tv-kd13:34.2.23	Te pātimokkhe uddissamāne evaṁ vadanti—
pli-tv-kd13:34.2.24	‘idāneva kho mayaṁ jānāma—
pli-tv-kd13:34.2.25	ayampi kira dhammo suttāgato suttapariyāpanno anvaddhamāsaṁ uddesaṁ āgacchatī’ti.
pli-tv-kd13:34.2.26	Te saṅghādisese saṅghādisesadiṭṭhino honti.
pli-tv-kd13:34.2.27	Eko chādeti, eko nacchādeti.
pli-tv-kd13:34.2.28	Yo chādeti so dukkaṭaṁ desāpetabbo.
pli-tv-kd13:34.2.29	Yathāpaṭicchanne cassa parivāsaṁ datvā ubhinnampi mānattaṁ dātabbaṁ.
pli-tv-kd13:34.2.30	Dvebhikkhuvāraekādasakaṁ niṭṭhitaṁ.
pli-tv-kd13:35.1.0	9. Mūlāyaavisuddhinavaka
pli-tv-kd13:35.1.1	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi.
pli-tv-kd13:35.1.2	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:35.1.3	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:35.1.4	So parivasanto antarā sambahulā saṅghādisesā āpattiyo āpajjati parimāṇāyo appaṭicchannāyo.
pli-tv-kd13:35.1.5	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:35.1.6	Taṁ saṅgho antarāāpattīnaṁ mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti;
pli-tv-kd13:35.1.7	adhammena mānattaṁ deti, adhammena abbheti.
pli-tv-kd13:35.1.8	So, bhikkhave, bhikkhu avisuddho tāhi āpattīhi.
pli-tv-kd13:35.1.9	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi.
pli-tv-kd13:35.1.10	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:35.1.11	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:35.1.12	So parivasanto antarā sambahulā saṅghādisesā āpattiyo āpajjati parimāṇāyo paṭicchannāyo.
pli-tv-kd13:35.1.13	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:35.1.14	Taṁ saṅgho antarāāpattīnaṁ mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti;
pli-tv-kd13:35.1.15	adhammena mānattaṁ deti, adhammena abbheti.
pli-tv-kd13:35.1.16	So, bhikkhave, bhikkhu avisuddho tāhi āpattīhi.
pli-tv-kd13:35.1.17	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi.
pli-tv-kd13:35.1.18	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:35.1.19	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:35.1.20	So parivasanto antarā sambahulā saṅghādisesā āpattiyo āpajjati parimāṇāyo paṭicchannāyopi appaṭicchannāyopi.
pli-tv-kd13:35.1.21	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:35.1.22	Taṁ saṅgho antarāāpattīnaṁ mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti, adhammena mānattaṁ deti, adhammena abbheti.
pli-tv-kd13:35.1.23	So, bhikkhave, bhikkhu avisuddho tāhi āpattīhi.
pli-tv-kd13:35.2.1	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi.
pli-tv-kd13:35.2.2	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:35.2.3	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:35.2.4	So parivasanto antarā sambahulā saṅghādisesā āpattiyo āpajjati aparimāṇāyo appaṭicchannāyo …pe…
pli-tv-kd13:35.2.5	aparimāṇāyo paṭicchannāyo …pe…
pli-tv-kd13:35.2.6	aparimāṇāyo paṭicchannāyopi appaṭicchannāyopi …pe…
pli-tv-kd13:35.2.7	parimāṇāyopi aparimāṇāyopi appaṭicchannāyo.
pli-tv-kd13:35.2.8	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:35.2.9	Taṁ saṅgho antarāāpattīnaṁ mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti;
pli-tv-kd13:35.2.10	adhammena mānattaṁ deti, adhammena abbheti.
pli-tv-kd13:35.2.11	So, bhikkhave, bhikkhu avisuddho tāhi āpattīhi.
pli-tv-kd13:35.2.12	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi.
pli-tv-kd13:35.2.13	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:35.2.14	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:35.2.15	So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyo.
pli-tv-kd13:35.2.16	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:35.2.17	Taṁ saṅgho antarāāpattīnaṁ mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti;
pli-tv-kd13:35.2.18	adhammena mānattaṁ deti, adhammena abbheti.
pli-tv-kd13:35.2.19	So, bhikkhave, bhikkhu avisuddho tāhi āpattīhi.
pli-tv-kd13:35.2.20	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi.
pli-tv-kd13:35.2.21	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:35.2.22	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:35.2.23	So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:35.2.24	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:35.2.25	Taṁ saṅgho antarāāpattīnaṁ mūlāya paṭikassati dhammikena kammena akuppena ṭhānārahena;
pli-tv-kd13:35.2.26	dhammena samodhānaparivāsaṁ deti;
pli-tv-kd13:35.2.27	adhammena mānattaṁ deti;
pli-tv-kd13:35.2.28	adhammena abbheti.
pli-tv-kd13:35.2.29	So, bhikkhave, bhikkhu avisuddho tāhi āpattīhi.
pli-tv-kd13:35.2.30	Mūlāyaavisuddhinavakaṁ niṭṭhitaṁ.
pli-tv-kd13:36.1.0	10. Dutiyanavaka
pli-tv-kd13:36.1.1	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.1.2	vavatthitampi sambhinnampi.
pli-tv-kd13:36.1.3	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.1.4	Tassa saṅgho tāsaṁ āpattīnaṁ samodhānaparivāsaṁ deti, so parivasanto antarā sambahulā saṅghādisesā āpattiyo āpajjati parimāṇā appaṭicchannāyo.
pli-tv-kd13:36.1.5	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.1.6	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti;
pli-tv-kd13:36.1.7	dhammena mānattaṁ deti, dhammena abbheti.
pli-tv-kd13:36.1.8	So, bhikkhave, bhikkhu avisuddho tāhi āpattīhi.
pli-tv-kd13:36.1.9	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.1.10	vavatthitampi sambhinnampi.
pli-tv-kd13:36.1.11	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.1.12	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.1.13	So parivasanto antarā sambahulā saṅghādisesā āpattiyo āpajjati parimāṇā paṭicchannāyo.
pli-tv-kd13:36.1.14	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.1.15	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti;
pli-tv-kd13:36.1.16	dhammena mānattaṁ deti, dhammena abbheti.
pli-tv-kd13:36.1.17	So, bhikkhave, bhikkhu avisuddho tāhi āpattīhi.
pli-tv-kd13:36.1.18	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.1.19	vavatthitampi sambhinnampi.
pli-tv-kd13:36.1.20	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.1.21	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.1.22	So parivasanto antarā sambahulā saṅghādisesā āpattiyo āpajjati parimāṇā paṭicchannāyopi appaṭicchannāyopi.
pli-tv-kd13:36.1.23	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.1.24	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti;
pli-tv-kd13:36.1.25	dhammena mānattaṁ deti, dhammena abbheti.
pli-tv-kd13:36.1.26	So bhikkhave, bhikkhu avisuddho tāhi āpattīhi.
pli-tv-kd13:36.1.27	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi.
pli-tv-kd13:36.1.28	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.1.29	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.1.30	So parivasanto antarā sambahulā saṅghādisesā āpattiyo āpajjati aparimāṇā appaṭicchannāyo …pe…
pli-tv-kd13:36.1.31	aparimāṇā paṭicchannāyo …pe…
pli-tv-kd13:36.1.32	aparimāṇā paṭicchannāyopi appaṭicchannāyopi …pe…
pli-tv-kd13:36.1.33	parimāṇāyopi aparimāṇāyopi appaṭicchannāyo.
pli-tv-kd13:36.1.34	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.1.35	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti;
pli-tv-kd13:36.1.36	dhammena mānattaṁ deti, dhammena abbheti.
pli-tv-kd13:36.1.37	So, bhikkhave, bhikkhu avisuddho tāhi āpattīhi.
pli-tv-kd13:36.1.38	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.1.39	vavatthitampi sambhinnampi.
pli-tv-kd13:36.1.40	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.1.41	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.1.42	So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyo.
pli-tv-kd13:36.1.43	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.1.44	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti, dhammena mānattaṁ deti, dhammena abbheti.
pli-tv-kd13:36.1.45	So, bhikkhave, bhikkhu avisuddho tāhi āpattīhi.
pli-tv-kd13:36.1.46	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.1.47	vavatthitampi sambhinnampi.
pli-tv-kd13:36.1.48	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.1.49	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.1.50	So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:36.1.51	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.1.52	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti;
pli-tv-kd13:36.1.53	dhammena mānattaṁ deti, dhammena abbheti.
pli-tv-kd13:36.1.54	So, bhikkhave, bhikkhu avisuddho tāhi āpattīhi.
pli-tv-kd13:36.1.55	Dutiyanavakaṁ niṭṭhitaṁ.
pli-tv-kd13:36.2.0	11. Tatiyanavaka
pli-tv-kd13:36.2.1	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.2.2	vavatthitampi sambhinnampi.
pli-tv-kd13:36.2.3	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.2.4	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.2.5	So parivasanto antarā sambahulā saṅghādisesā āpattiyo āpajjati parimāṇāyo appaṭicchannāyo.
pli-tv-kd13:36.2.6	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.2.7	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti.
pli-tv-kd13:36.2.8	So parivasāmīti maññamāno antarā sambahulā saṅghādisesā āpattiyo āpajjati parimāṇāyo appaṭicchannāyo.
pli-tv-kd13:36.2.9	So tasmiṁ bhūmiyaṁ ṭhito purimāāpattīnaṁ antarāāpattiyo sarati, aparāāpattīnaṁ antarāāpattiyo sarati.
pli-tv-kd13:36.2.10	Tassa evaṁ hoti—
pli-tv-kd13:36.2.11	‘ahaṁ kho sambahulā saṅghādisesā āpattiyo āpajjiṁ parimāṇampi aparimāṇampi …pe…
pli-tv-kd13:36.2.12	vavatthitampi sambhinnampi.
pli-tv-kd13:36.2.13	Sohaṁ saṅghaṁ tāsaṁ āpattīnaṁ samodhānaparivāsaṁ yāciṁ.
pli-tv-kd13:36.2.14	Tassa me saṅgho tāsaṁ āpattīnaṁ samodhānaparivāsaṁ adāsi.
pli-tv-kd13:36.2.15	Sohaṁ parivasanto antarā sambahulā saṅghādisesā āpattiyo āpajjiṁ parimāṇāyo appaṭicchannāyo.
pli-tv-kd13:36.2.16	Sohaṁ saṅghaṁ antarāāpattīnaṁ mūlāyapaṭikassanaṁ yāciṁ.
pli-tv-kd13:36.2.17	Taṁ maṁ saṅgho antarāāpattīnaṁ mūlāya paṭikassi adhammikena kammena kuppena aṭṭhānārahena, adhammena samodhānaparivāsaṁ adāsi.
pli-tv-kd13:36.2.18	Sohaṁ parivasāmīti maññamāno antarā sambahulā saṅghādisesā āpattiyo āpajjiṁ parimāṇāyo appaṭicchannāyo.
pli-tv-kd13:36.2.19	Sohaṁ tasmiṁ bhūmiyaṁ ṭhito purimāāpattīnaṁ antarāāpattiyo sarāmi, aparāāpattīnaṁ antarāāpattiyo sarāmi.
pli-tv-kd13:36.2.20	Yannūnāhaṁ saṅghaṁ purimāāpattīnaṁ antarāāpattīnañca aparāāpattīnaṁ antarāāpattīnañca mūlāyapaṭikassanaṁ yāceyyaṁ dhammikena kammena akuppena ṭhānārahena, dhammena samodhānaparivāsaṁ;
pli-tv-kd13:36.2.21	dhammena mānattaṁ, dhammena abbhānan’ti.
pli-tv-kd13:36.2.22	So saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāyapaṭikassanaṁ yācati dhammikena kammena akuppena ṭhānārahena, dhammena samodhānaparivāsaṁ;
pli-tv-kd13:36.2.23	dhammena mānattaṁ, dhammena abbhānaṁ.
pli-tv-kd13:36.2.24	Taṁ saṅgho purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti;
pli-tv-kd13:36.2.25	dhammena mānattaṁ deti, dhammena abbheti.
pli-tv-kd13:36.2.26	So, bhikkhave, bhikkhu visuddho tāhi āpattīhi.
pli-tv-kd13:36.2.27	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.2.28	vavatthitampi sambhinnampi.
pli-tv-kd13:36.2.29	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.2.30	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.2.31	So parivasanto antarā sambahulā saṅghādisesā āpattiyo āpajjati parimāṇā paṭicchannāyo.
pli-tv-kd13:36.2.32	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.2.33	Taṁ saṅgho antarāāpattīnaṁ mūlāya paṭikassati, adhammikena kammena kuppena aṭṭhānārahena, adhammena samodhānaparivāsaṁ deti.
pli-tv-kd13:36.2.34	So parivasāmīti maññamāno antarā sambahulā saṅghādisesā āpattiyo āpajjati parimāṇā paṭicchannāyo.
pli-tv-kd13:36.2.35	So tasmiṁ bhūmiyaṁ ṭhito purimāāpattīnaṁ antarāāpattiyo sarati, aparāāpattīnaṁ antarāāpattiyo sarati.
pli-tv-kd13:36.2.36	Tassa evaṁ hoti—
pli-tv-kd13:36.2.37	‘ahaṁ kho sambahulā saṅghādisesā āpattiyo āpajjiṁ parimāṇampi aparimāṇampi …pe…
pli-tv-kd13:36.2.38	vavatthitampi sambhinnampi.
pli-tv-kd13:36.2.39	Sohaṁ saṅghaṁ tāsaṁ āpattīnaṁ samodhānaparivāsaṁ yāciṁ.
pli-tv-kd13:36.2.40	Tassa me saṅgho tāsaṁ āpattīnaṁ samodhānaparivāsaṁ adāsi.
pli-tv-kd13:36.2.41	Sohaṁ parivasanto antarā sambahulā saṅghādisesā āpattiyo āpajjiṁ parimāṇā paṭicchannāyo.
pli-tv-kd13:36.2.42	Sohaṁ saṅghaṁ antarāāpattīnaṁ mūlāyapaṭikassanaṁ yāciṁ.
pli-tv-kd13:36.2.43	Taṁ maṁ saṅgho antarāāpattīnaṁ mūlāya paṭikassi, adhammikena kammena kuppena aṭṭhānārahena, adhammena samodhānaparivāsaṁ adāsi.
pli-tv-kd13:36.2.44	Sohaṁ parivasāmīti maññamāno antarā sambahulā saṅghādisesā āpattiyo āpajjiṁ parimāṇā paṭicchannāyo.
pli-tv-kd13:36.2.45	Sohaṁ tasmiṁ bhūmiyaṁ ṭhito purimāāpattīnaṁ antarāāpattiyo sarāmi, aparāāpattīnaṁ antarāāpattiyo sarāmi.
pli-tv-kd13:36.2.46	Yannūnāhaṁ saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāyapaṭikassanaṁ yāceyyaṁ dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānan’ti.
pli-tv-kd13:36.2.47	So saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca mūlāyapaṭikassanaṁ yācati dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānaṁ.
pli-tv-kd13:36.2.48	Taṁ saṅgho purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti, dhammena mānattaṁ deti, dhammena abbheti.
pli-tv-kd13:36.2.49	So, bhikkhave, bhikkhu visuddho tāhi āpattīhi.
pli-tv-kd13:36.2.50	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.2.51	vavatthitampi sambhinnampi.
pli-tv-kd13:36.2.52	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.2.53	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.2.54	So parivasanto antarā sambahulā saṅghādisesā āpattiyo āpajjati parimāṇā paṭicchannāyopi appaṭicchannāyopi.
pli-tv-kd13:36.2.55	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.2.56	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti.
pli-tv-kd13:36.2.57	So parivasāmīti maññamāno antarā sambahulā saṅghādisesā āpattiyo āpajjati parimāṇā paṭicchannāyopi appaṭicchannāyopi.
pli-tv-kd13:36.2.58	So tasmiṁ bhūmiyaṁ ṭhito purimāāpattīnaṁ antarāāpattiyo sarati, aparāāpattīnaṁ antarāāpattiyo sarati.
pli-tv-kd13:36.2.59	Tassa evaṁ hoti—
pli-tv-kd13:36.2.60	‘ahaṁ kho sambahulā saṅghādisesā āpattiyo āpajjiṁ parimāṇampi aparimāṇampi …pe…
pli-tv-kd13:36.2.61	vavatthitampi sambhinnampi.
pli-tv-kd13:36.2.62	Sohaṁ saṅghaṁ tāsaṁ āpattīnaṁ samodhānaparivāsaṁ yāciṁ.
pli-tv-kd13:36.2.63	Tassa me saṅgho tāsaṁ āpattīnaṁ samodhānaparivāsaṁ adāsi.
pli-tv-kd13:36.2.64	Sohaṁ parivasanto antarā sambahulā saṅghādisesā āpattiyo āpajjiṁ parimāṇā paṭicchannāyopi appaṭicchannāyopi.
pli-tv-kd13:36.2.65	Sohaṁ saṅghaṁ antarāāpattīnaṁ mūlāyapaṭikassanaṁ yāciṁ.
pli-tv-kd13:36.2.66	Taṁ maṁ saṅgho antarāāpattīnaṁ mūlāya paṭikassi adhammikena kammena kuppena aṭṭhānārahena, adhammena samodhānaparivāsaṁ adāsi.
pli-tv-kd13:36.2.67	Sohaṁ parivasāmīti maññamāno antarā sambahulā saṅghādisesā āpattiyo āpajjiṁ parimāṇā paṭicchannāyopi appaṭicchannāyopi.
pli-tv-kd13:36.2.68	Sohaṁ tasmiṁ bhūmiyaṁ ṭhito purimāāpattīnaṁ antarāāpattiyo sarāmi, aparāāpattīnaṁ antarāāpattiyo sarāmi.
pli-tv-kd13:36.2.69	Yannūnāhaṁ saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāyapaṭikassanaṁ yāceyyaṁ dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānan’ti.
pli-tv-kd13:36.2.70	So saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāyapaṭikassanaṁ yācati dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānaṁ.
pli-tv-kd13:36.2.71	Taṁ saṅgho purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti, dhammena mānattaṁ deti, dhammena abbheti.
pli-tv-kd13:36.2.72	So, bhikkhave, bhikkhu visuddho tāhi āpattīhi.
pli-tv-kd13:36.3.1	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.3.2	vavatthitampi sambhinnampi.
pli-tv-kd13:36.3.3	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.3.4	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.3.5	So parivasanto antarā sambahulā saṅghādisesā āpattiyo āpajjati aparimāṇāyo appaṭicchannāyo …pe…
pli-tv-kd13:36.3.6	aparimāṇāyo paṭicchannāyo …pe…
pli-tv-kd13:36.3.7	aparimāṇāyo paṭicchannāyopi appaṭicchannāyopi …pe…
pli-tv-kd13:36.3.8	parimāṇāyopi aparimāṇāyopi appaṭicchannāyo.
pli-tv-kd13:36.3.9	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.3.10	Taṁ saṅgho antarāāpattīnaṁ mūlāya paṭikassi adhammikena kammena kuppena aṭṭhānārahena, adhammena samodhānaparivāsaṁ deti.
pli-tv-kd13:36.3.11	So parivasāmīti maññamāno …pe…
pli-tv-kd13:36.3.12	taṁ saṅgho purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti, dhammena mānattaṁ deti, dhammena abbheti.
pli-tv-kd13:36.3.13	So, bhikkhave, bhikkhu visuddho tāhi āpattīhi.
pli-tv-kd13:36.4.1	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.4.2	vavatthitampi sambhinnampi.
pli-tv-kd13:36.4.3	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.4.4	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.4.5	So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyo.
pli-tv-kd13:36.4.6	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.4.7	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti.
pli-tv-kd13:36.4.8	So parivasāmīti maññamāno antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyo.
pli-tv-kd13:36.4.9	So tasmiṁ bhūmiyaṁ ṭhito purimāāpattīnaṁ antarāāpattiyo sarati, aparāāpattīnaṁ antarāāpattiyo sarati.
pli-tv-kd13:36.4.10	Tassa evaṁ hoti—
pli-tv-kd13:36.4.11	‘ahaṁ kho sambahulā saṅghādisesā āpattiyo āpajjiṁ parimāṇampi aparimāṇampi …pe…
pli-tv-kd13:36.4.12	vavatthitampi sambhinnampi.
pli-tv-kd13:36.4.13	Sohaṁ saṅghaṁ tāsaṁ āpattīnaṁ samodhānaparivāsaṁ yāciṁ.
pli-tv-kd13:36.4.14	Tassa me saṅgho tāsaṁ āpattīnaṁ samodhānaparivāsaṁ adāsi.
pli-tv-kd13:36.4.15	Sohaṁ parivasanto antarā sambahulā saṅghādisesā āpattiyo āpajjiṁ parimāṇāyopi aparimāṇāyopi paṭicchannāyo.
pli-tv-kd13:36.4.16	Sohaṁ saṅghaṁ antarāāpattīnaṁ mūlāyapaṭikassanaṁ yāciṁ.
pli-tv-kd13:36.4.17	Taṁ maṁ saṅgho antarāāpattīnaṁ mūlāya paṭikassi adhammikena kammena kuppena aṭṭhānārahena, adhammena samodhānaparivāsaṁ adāsi.
pli-tv-kd13:36.4.18	Sohaṁ parivasāmīti maññamāno antarā sambahulā saṅghādisesā āpattiyo āpajjiṁ parimāṇāyopi aparimāṇāyopi paṭicchannāyo.
pli-tv-kd13:36.4.19	Sohaṁ tasmiṁ bhūmiyaṁ ṭhito purimāāpattīnaṁ antarāāpattiyo sarāmi, aparāāpattīnaṁ antarāāpattiyo sarāmi.
pli-tv-kd13:36.4.20	Yannūnāhaṁ saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāyapaṭikassanaṁ yāceyyaṁ dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānan’ti.
pli-tv-kd13:36.4.21	So saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāyapaṭikassanaṁ yācati dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānaṁ.
pli-tv-kd13:36.4.22	Taṁ saṅgho purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti, dhammena mānattaṁ deti, dhammena abbheti.
pli-tv-kd13:36.4.23	So, bhikkhave, bhikkhu visuddho tāhi āpattīhi.
pli-tv-kd13:36.4.24	Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi …pe…
pli-tv-kd13:36.4.25	vavatthitampi sambhinnampi.
pli-tv-kd13:36.4.26	So saṅghaṁ tāsaṁ āpattīnaṁ samodhānaparivāsaṁ yācati.
pli-tv-kd13:36.4.27	Tassa saṅgho tāsaṁ āpattīnaṁ samodhānaparivāsaṁ deti.
pli-tv-kd13:36.4.28	So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:36.4.29	So saṅghaṁ antarāāpattīnaṁ mūlāyapaṭikassanaṁ yācati.
pli-tv-kd13:36.4.30	Taṁ saṅgho antarāāpattīnaṁ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṁ deti.
pli-tv-kd13:36.4.31	So parivasāmīti maññamāno antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:36.4.32	So tasmiṁ bhūmiyaṁ ṭhito purimāāpattīnaṁ antarāāpattiyo sarati, aparāāpattīnaṁ antarāāpattiyo sarati.
pli-tv-kd13:36.4.33	Tassa evaṁ hoti—
pli-tv-kd13:36.4.34	‘ahaṁ kho sambahulā saṅghādisesā āpattiyo āpajjiṁ parimāṇampi aparimāṇampi …pe…
pli-tv-kd13:36.4.35	vavatthitampi sambhinnampi.
pli-tv-kd13:36.4.36	Sohaṁ saṅghaṁ tāsaṁ āpattīnaṁ samodhānaparivāsaṁ yāciṁ.
pli-tv-kd13:36.4.37	Tassa me saṅgho tāsaṁ āpattīnaṁ samodhānaparivāsaṁ adāsi.
pli-tv-kd13:36.4.38	Sohaṁ parivasanto antarā sambahulā saṅghādisesā āpattiyo āpajjiṁ parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:36.4.39	Sohaṁ saṅghaṁ antarāāpattīnaṁ mūlāyapaṭikassanaṁ yāciṁ.
pli-tv-kd13:36.4.40	Taṁ maṁ saṅgho antarāāpattīnaṁ mūlāya paṭikassi adhammikena kammena kuppena aṭṭhānārahena, adhammena samodhānaparivāsaṁ adāsi.
pli-tv-kd13:36.4.41	Sohaṁ parivasāmīti maññamāno antarā sambahulā saṅghādisesā āpattiyo āpajjiṁ parimāṇāyopi aparimāṇāyopi paṭicchannāyopi appaṭicchannāyopi.
pli-tv-kd13:36.4.42	Sohaṁ tasmiṁ bhūmiyaṁ ṭhito purimāāpattīnaṁ antarāāpattiyo sarāmi, aparāāpattīnaṁ antarāāpattiyo sarāmi.
pli-tv-kd13:36.4.43	Yannūnāhaṁ saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāyapaṭikassanaṁ yāceyyaṁ dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānan’ti.
pli-tv-kd13:36.4.44	So saṅghaṁ purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāya paṭikassanaṁ yācati dhammikena kammena akuppena ṭhānārahena, dhammena samodhānaparivāsaṁ, dhammena mānattaṁ, dhammena abbhānaṁ.
pli-tv-kd13:36.4.45	Taṁ saṅgho purimāāpattīnaṁ antarāāpattīnañca, aparāāpattīnaṁ antarāāpattīnañca, mūlāya paṭikassati dhammikena kammena akuppena ṭhānārahena, dhammena samodhānaparivāsaṁ deti, dhammena mānattaṁ deti, dhammena abbheti.
pli-tv-kd13:36.4.46	So, bhikkhave, bhikkhu visuddho tāhi āpattīhi”.
pli-tv-kd13:36.4.47	Tatiyanavakaṁ niṭṭhitaṁ.
pli-tv-kd13:36.4.48	Samuccayakkhandhako tatiyo.
pli-tv-kd13:36.4.49	Tassuddānaṁ
pli-tv-kd13:36.4.50	Appaṭicchannā ekāha,
pli-tv-kd13:36.4.51	dvīha tīha catūha ca;
pli-tv-kd13:36.4.52	Pañcāhapakkhadasannaṁ,
pli-tv-kd13:36.4.53	āpattimāha mahāmuni.
pli-tv-kd13:36.4.54	Suddhanto ca vibbhamanto,
pli-tv-kd13:36.4.55	parimāṇamukhaṁ dve bhikkhū;
pli-tv-kd13:36.4.56	Tattha saññino dve yathā,
pli-tv-kd13:36.4.57	vematikā tatheva ca.
pli-tv-kd13:36.4.58	Missakadiṭṭhino dve ca,
pli-tv-kd13:36.4.59	asuddhakekadiṭṭhino;
pli-tv-kd13:36.4.60	Dve ceva suddhadiṭṭhino.
pli-tv-kd13:36.4.61	Tatheva ca eko chādeti,
pli-tv-kd13:36.4.62	Atha makkhamatena ca;
pli-tv-kd13:36.4.63	Ummattakadesanañca,
pli-tv-kd13:36.4.64	Mūlā aṭṭhārasa visuddhato.
pli-tv-kd13:36.4.65	Ācariyānaṁ vibhajjapadānaṁ,
pli-tv-kd13:36.4.66	Tambapaṇṇidīpapasādakānaṁ;
pli-tv-kd13:36.4.67	Mahāvihāravāsīnaṁ,
pli-tv-kd13:36.4.68	Vācanā saddhammaṭṭhitiyāti.
pli-tv-kd13:36.4.69	Samuccayakkhandhako niṭṭhito.
pli-tv-kd14:0.1	Theravāda Vinayapiṭaka
pli-tv-kd14:0.2	Cūḷavagga
pli-tv-kd14:0.3	14. Samathakkhandhaka
pli-tv-kd14:0.4	1. Sammukhāvinaya
pli-tv-kd14:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd14:1.1.2	Tena kho pana samayena chabbaggiyā bhikkhū asammukhībhūtānaṁ bhikkhūnaṁ kammāni karonti—
pli-tv-kd14:1.1.3	tajjanīyampi, niyassampi, pabbājanīyampi, paṭisāraṇīyampi, ukkhepanīyampi.
pli-tv-kd14:1.1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-kd14:1.1.5	“kathañhi nāma chabbaggiyā bhikkhū asammukhībhūtānaṁ bhikkhūnaṁ kammāni karissanti—
pli-tv-kd14:1.1.6	tajjanīyampi, niyassampi, pabbājanīyampi, paṭisāraṇīyampi, ukkhepanīyampī”ti.
pli-tv-kd14:1.1.7	Atha kho te bhikkhū bhagavato etamatthaṁ ārocesuṁ …pe…
pli-tv-kd14:1.1.8	“saccaṁ kira, bhikkhave, chabbaggiyā bhikkhū asammukhībhūtānaṁ bhikkhūnaṁ kammāni karonti—
pli-tv-kd14:1.1.9	tajjanīyampi, niyassampi, pabbājanīyampi, paṭisāraṇīyampi, ukkhepanīyampī”ti?
pli-tv-kd14:1.1.10	“Saccaṁ, bhagavā”ti.
pli-tv-kd14:1.1.11	Vigarahi buddho bhagavā—
pli-tv-kd14:1.1.12	“ananucchavikaṁ, bhikkhave, tesaṁ moghapurisānaṁ ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd14:1.1.13	Kathañhi nāma te, bhikkhave, moghapurisā asammukhībhūtānaṁ bhikkhūnaṁ kammāni karissanti—
pli-tv-kd14:1.1.14	tajjanīyampi, niyassampi, pabbājanīyampi, paṭisāraṇīyampi, ukkhepanīyampi.
pli-tv-kd14:1.1.15	Netaṁ, bhikkhave, appasannānaṁ vā pasādāya …pe…
pli-tv-kd14:1.1.16	vigarahitvā …pe…
pli-tv-kd14:1.1.17	dhammiṁ kathaṁ katvā bhikkhū āmantesi—
pli-tv-kd14:1.1.18	“Na, bhikkhave, asammukhībhūtānaṁ bhikkhūnaṁ kammaṁ kātabbaṁ—
pli-tv-kd14:1.1.19	tajjanīyaṁ vā, niyassaṁ vā, pabbājanīyaṁ vā, paṭisāraṇīyaṁ vā, ukkhepanīyaṁ vā.
pli-tv-kd14:1.1.20	Yo kareyya, āpatti dukkaṭassa.
pli-tv-kd14:1.1.21	Adhammavādī puggalo adhammavādī sambahulā adhammavādī saṅgho.
pli-tv-kd14:1.1.22	Dhammavādī puggalo dhammavādī sambahulā dhammavādī saṅgho.
pli-tv-kd14:2.1.0	1.1. Kaṇhapakkhanavaka
pli-tv-kd14:2.1.1	Adhammavādī puggalo dhammavādiṁ puggalaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:2.1.2	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:2.1.3	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.4	Adhammavādī puggalo dhammavādī sambahule saññāpeti nijjhāpeti pekkheti anupekkheti dasseti anudasseti—
pli-tv-kd14:2.1.5	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd14:2.1.6	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.7	Adhammavādī puggalo dhammavādiṁ saṅghaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:2.1.8	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:2.1.9	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.10	Adhammavādī sambahulā dhammavādiṁ puggalaṁ saññāpenti nijjhāpenti pekkhenti anupekkhenti dassenti anudassenti—
pli-tv-kd14:2.1.11	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:2.1.12	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.13	Adhammavādī sambahulā dhammavādī sambahule saññāpenti nijjhāpenti pekkhenti anupekkhenti dassenti anudassenti—
pli-tv-kd14:2.1.14	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd14:2.1.15	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.16	Adhammavādī sambahulā dhammavādiṁ saṅghaṁ saññāpenti nijjhāpenti pekkhenti anupekkhenti dassenti anudassenti—
pli-tv-kd14:2.1.17	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:2.1.18	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.19	Adhammavādī saṅgho dhammavādiṁ puggalaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:2.1.20	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:2.1.21	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.22	Adhammavādī saṅgho dhammavādī sambahule saññāpeti nijjhāpeti pekkheti anupekkheti dasseti anudasseti—
pli-tv-kd14:2.1.23	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd14:2.1.24	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.25	Adhammavādī saṅgho dhammavādiṁ saṅghaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:2.1.26	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:2.1.27	Evañcetaṁ adhikaraṇaṁ vūpasammati, adhammena vūpasammati sammukhāvinayapatirūpakena.
pli-tv-kd14:2.1.28	Kaṇhapakkhanavakaṁ niṭṭhitaṁ.
pli-tv-kd14:3.1.0	1.2. Sukkapakkhanavaka
pli-tv-kd14:3.1.1	Dhammavādī puggalo adhammavādiṁ puggalaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:3.1.2	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:3.1.3	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.4	Dhammavādī puggalo adhammavādī sambahule saññāpeti nijjhāpeti pekkheti anupekkheti dasseti anudasseti—
pli-tv-kd14:3.1.5	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd14:3.1.6	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.7	Dhammavādī puggalo adhammavādiṁ saṅghaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:3.1.8	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:3.1.9	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.10	Dhammavādī sambahulā adhammavādiṁ puggalaṁ saññāpenti nijjhāpenti pekkhenti anupekkhenti dassenti anudassenti—
pli-tv-kd14:3.1.11	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:3.1.12	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.13	Dhammavādī sambahulā adhammavādī sambahule saññāpenti nijjhāpenti pekkhenti anupekkhenti dassenti anudassenti—
pli-tv-kd14:3.1.14	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd14:3.1.15	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.16	Dhammavādī sambahulā adhammavādiṁ saṅghaṁ saññāpenti nijjhāpenti pekkhenti anupekkhenti dassenti anudassenti—
pli-tv-kd14:3.1.17	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:3.1.18	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.19	Dhammavādī saṅgho adhammavādiṁ puggalaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:3.1.20	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:3.1.21	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.22	Dhammavādī saṅgho adhammavādī sambahule saññāpeti nijjhāpeti pekkheti anupekkheti dasseti anudasseti—
pli-tv-kd14:3.1.23	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd14:3.1.24	Evañcetaṁ adhikaraṇaṁ vūpasammati, dhammena vūpasammati sammukhāvinayena.
pli-tv-kd14:3.1.25	Dhammavādī saṅgho adhammavādiṁ saṅghaṁ saññāpeti nijjhāpeti pekkheti anupekkheti dasseti anudasseti—
pli-tv-kd14:3.1.26	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhāhi, imaṁ rocehī’ti.
pli-tv-kd14:3.1.27	Evañcetaṁ adhikaraṇaṁ vūpasammati, dhammena vūpasammati sammukhāvinayenā”ti.
pli-tv-kd14:3.1.28	Sukkapakkhanavakaṁ niṭṭhitaṁ.
pli-tv-kd14:4.1.0	2. Sativinaya
pli-tv-kd14:4.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-kd14:4.1.2	Tena kho pana samayena āyasmatā dabbena mallaputtena jātiyā sattavassena arahattaṁ sacchikataṁ hoti.
pli-tv-kd14:4.1.3	Yaṁ kiñci sāvakena pattabbaṁ sabbaṁ tena anuppattaṁ hoti.
pli-tv-kd14:4.1.4	Natthi cassa kiñci uttari karaṇīyaṁ, katassa vā paticayo.
pli-tv-kd14:4.1.5	Atha kho āyasmato dabbassa mallaputtassa rahogatassa paṭisallīnassa evaṁ cetaso parivitakko udapādi—
pli-tv-kd14:4.1.6	“mayā kho jātiyā sattavassena arahattaṁ sacchikataṁ.
pli-tv-kd14:4.1.7	Yaṁ kiñci sāvakena pattabbaṁ sabbaṁ mayā anuppattaṁ.
pli-tv-kd14:4.1.8	Natthi ca me kiñci uttarikaraṇīyaṁ, katassa vā paticayo.
pli-tv-kd14:4.1.9	Kiṁ nu kho ahaṁ saṅghassa veyyāvaccaṁ kareyyan”ti.
pli-tv-kd14:4.1.10	Atha kho āyasmato dabbassa mallaputtassa etadahosi—
pli-tv-kd14:4.1.11	“yannūnāhaṁ saṅghassa senāsanañca paññapeyyaṁ bhattāni ca uddiseyyan”ti.
pli-tv-kd14:4.2.1	Atha kho āyasmā dabbo mallaputto sāyanhasamayaṁ paṭisallānā vuṭṭhito yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd14:4.2.2	Ekamantaṁ nisinno kho āyasmā dabbo mallaputto bhagavantaṁ etadavoca—
pli-tv-kd14:4.2.3	“idha mayhaṁ, bhante, rahogatassa paṭisallīnassa evaṁ cetaso parivitakko udapādi—
pli-tv-kd14:4.2.4	‘mayā kho jātiyā sattavassena arahattaṁ sacchikataṁ.
pli-tv-kd14:4.2.5	Yaṁ kiñci sāvakena pattabbaṁ, sabbaṁ mayā anuppattaṁ.
pli-tv-kd14:4.2.6	Natthi ca me kiñci uttarikaraṇīyaṁ, katassa vā paticayo.
pli-tv-kd14:4.2.7	Kiṁ nu kho ahaṁ saṅghassa veyyāvaccaṁ kareyyan’ti?
pli-tv-kd14:4.2.8	Tassa mayhaṁ, bhante, etadahosi—
pli-tv-kd14:4.2.9	‘yannūnāhaṁ saṅghassa senāsanañca paññapeyyaṁ bhattāni ca uddiseyyan’ti.
pli-tv-kd14:4.2.10	Icchāmahaṁ, bhante, saṅghassa senāsanañca paññāpetuṁ bhattāni ca uddisitun”ti.
pli-tv-kd14:4.2.11	“Sādhu sādhu, dabba.
pli-tv-kd14:4.2.12	Tena hi tvaṁ, dabba, saṅghassa senāsanañca paññapehi bhattāni ca uddisāhī”ti.
pli-tv-kd14:4.2.13	“Evaṁ, bhante”ti kho āyasmā dabbo mallaputto bhagavato paccassosi.
pli-tv-kd14:4.3.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd14:4.3.2	“tena hi, bhikkhave, saṅgho dabbaṁ mallaputtaṁ senāsanapaññāpakañca bhattuddesakañca sammannatu.
pli-tv-kd14:4.3.3	Evañca pana, bhikkhave, sammannitabbo.
pli-tv-kd14:4.3.4	Paṭhamaṁ dabbo mallaputto yācitabbo.
pli-tv-kd14:4.3.5	Yācitvā byattena bhikkhunā paṭibalena saṅgho ñāpetabbo—
pli-tv-kd14:4.3.6	‘Suṇātu me, bhante, saṅgho.
pli-tv-kd14:4.3.7	Yadi saṅghassa pattakallaṁ, saṅgho āyasmantaṁ dabbaṁ mallaputtaṁ senāsanapaññāpakañca bhattuddesakañca sammanneyya.
pli-tv-kd14:4.3.8	Esā ñatti.
pli-tv-kd14:4.3.9	Suṇātu me, bhante, saṅgho.
pli-tv-kd14:4.3.10	Saṅgho āyasmantaṁ dabbaṁ mallaputtaṁ senāsanapaññāpakañca bhattuddesakañca sammannati.
pli-tv-kd14:4.3.11	Yassāyasmato khamati āyasmato dabbassa mallaputtassa senāsanapaññāpakassa ca bhattuddesakassa ca sammuti, so tuṇhassa;
pli-tv-kd14:4.3.12	yassa nakkhamati, so bhāseyya.
pli-tv-kd14:4.3.13	Sammato saṅghena āyasmā dabbo mallaputto senāsanapaññāpako ca bhattuddesako ca.
pli-tv-kd14:4.3.14	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd14:4.4.1	Sammato ca panāyasmā dabbo mallaputto sabhāgānaṁ bhikkhūnaṁ ekajjhaṁ senāsanaṁ paññapeti.
pli-tv-kd14:4.4.2	Ye te bhikkhū suttantikā tesaṁ ekajjhaṁ senāsanaṁ paññapeti—
pli-tv-kd14:4.4.3	“te aññamaññaṁ suttantaṁ saṅgāyissantī”ti.
pli-tv-kd14:4.4.4	Ye te bhikkhū vinayadharā tesaṁ ekajjhaṁ senāsanaṁ paññapeti—
pli-tv-kd14:4.4.5	“te aññamaññaṁ vinayaṁ vinicchinissantī”ti.
pli-tv-kd14:4.4.6	Ye te bhikkhū dhammakathikā tesaṁ ekajjhaṁ senāsanaṁ paññapeti—
pli-tv-kd14:4.4.7	“te aññamaññaṁ dhammaṁ sākacchissantī”ti.
pli-tv-kd14:4.4.8	Ye te bhikkhū jhāyino tesaṁ ekajjhaṁ senāsanaṁ paññapeti—
pli-tv-kd14:4.4.9	“te aññamaññaṁ na byābādhissantī”ti.
pli-tv-kd14:4.4.10	Ye te bhikkhū tiracchānakathikā kāyadaḷhibahulā viharanti tesampi ekajjhaṁ senāsanaṁ paññapeti—
pli-tv-kd14:4.4.11	“imāyapime āyasmanto ratiyā acchissantī”ti.
pli-tv-kd14:4.4.12	Yepi te bhikkhū vikāle āgacchanti tesampi tejodhātuṁ samāpajjitvā teneva ālokena senāsanaṁ paññapeti;
pli-tv-kd14:4.4.13	apissu bhikkhū sañcicca vikāle āgacchanti—
pli-tv-kd14:4.4.14	“mayaṁ āyasmato dabbassa mallaputtassa iddhipāṭihāriyaṁ passissāmā”ti.
pli-tv-kd14:4.4.15	Te āyasmantaṁ dabbaṁ mallaputtaṁ upasaṅkamitvā evaṁ vadanti—
pli-tv-kd14:4.4.16	“amhākaṁ, āvuso dabba, senāsanaṁ paññapehī”ti.
pli-tv-kd14:4.4.17	Te āyasmā dabbo mallaputto evaṁ vadeti—
pli-tv-kd14:4.4.18	“kattha āyasmantā icchanti kattha paññapemī”ti?
pli-tv-kd14:4.4.19	Te sañcicca dūre apadisanti—
pli-tv-kd14:4.4.20	“amhākaṁ, āvuso dabba, gijjhakūṭe pabbate senāsanaṁ paññapehi.
pli-tv-kd14:4.4.21	Amhākaṁ, āvuso, corapapāte senāsanaṁ paññapehi.
pli-tv-kd14:4.4.22	Amhākaṁ, āvuso, isigilipasse kāḷasilāyaṁ senāsanaṁ paññapehi.
pli-tv-kd14:4.4.23	Amhākaṁ, āvuso, vebhārapasse sattapaṇṇiguhāyaṁ senāsanaṁ paññapehi.
pli-tv-kd14:4.4.24	Amhākaṁ, āvuso, sītavane sappasoṇḍikapabbhāre senāsanaṁ paññapehi.
pli-tv-kd14:4.4.25	Amhākaṁ, āvuso, gotamakakandarāyaṁ senāsanaṁ paññapehi.
pli-tv-kd14:4.4.26	Amhākaṁ, āvuso, tindukakandarāyaṁ senāsanaṁ paññapehi.
pli-tv-kd14:4.4.27	Amhākaṁ, āvuso, tapodakandarāyaṁ senāsanaṁ paññapehi.
pli-tv-kd14:4.4.28	Amhākaṁ, āvuso, tapodārāme senāsanaṁ paññapehi.
pli-tv-kd14:4.4.29	Amhākaṁ, āvuso, jīvakambavane senāsanaṁ paññapehi.
pli-tv-kd14:4.4.30	Amhākaṁ, āvuso, maddakucchimhi migadāye senāsanaṁ paññapehī”ti.
pli-tv-kd14:4.4.31	Tesaṁ āyasmā dabbo mallaputto tejodhātuṁ samāpajjitvā aṅguliyā jalamānāya purato purato gacchati.
pli-tv-kd14:4.4.32	Tepi teneva ālokena āyasmato dabbassa mallaputtassa piṭṭhito piṭṭhito gacchanti.
pli-tv-kd14:4.4.33	Tesaṁ āyasmā dabbo mallaputto evaṁ senāsanaṁ paññapeti—
pli-tv-kd14:4.4.34	“ayaṁ mañco, idaṁ pīṭhaṁ, ayaṁ bhisi, idaṁ bibbohanaṁ, idaṁ vaccaṭṭhānaṁ, idaṁ passāvaṭṭhānaṁ, idaṁ pānīyaṁ, idaṁ paribhojanīyaṁ, ayaṁ kattaradaṇḍo, idaṁ saṅghassa katikasaṇṭhānaṁ, imaṁ kālaṁ pavisitabbaṁ, imaṁ kālaṁ nikkhamitabban”ti.
pli-tv-kd14:4.4.35	Tesaṁ āyasmā dabbo mallaputto evaṁ senāsanaṁ paññapetvā punadeva veḷuvanaṁ paccāgacchati.
pli-tv-kd14:4.5.1	Tena kho pana samayena mettiyabhūmajakā bhikkhū navakā ceva honti appapuññā ca.
pli-tv-kd14:4.5.2	Yāni saṅghassa lāmakāni senāsanāni tāni tesaṁ pāpuṇanti lāmakāni ca bhattāni.
pli-tv-kd14:4.5.3	Tena kho pana samayena rājagahe manussā icchanti therānaṁ bhikkhūnaṁ abhisaṅkhārikaṁ piṇḍapātaṁ dātuṁ—
pli-tv-kd14:4.5.4	sappimpi, telampi, uttaribhaṅgampi.
pli-tv-kd14:4.5.5	Mettiyabhūmajakānaṁ pana bhikkhūnaṁ pākatikaṁ denti—
pli-tv-kd14:4.5.6	yathārandhaṁ kaṇājakaṁ bilaṅgadutiyaṁ.
pli-tv-kd14:4.5.7	Te pacchābhattaṁ piṇḍapātapaṭikkantā there bhikkhū pucchanti—
pli-tv-kd14:4.5.8	“tumhākaṁ, āvuso, bhattagge kiṁ ahosi, tumhākaṁ kiṁ ahosī”ti?
pli-tv-kd14:4.5.9	Ekacce therā evaṁ vadanti—
pli-tv-kd14:4.5.10	“amhākaṁ, āvuso, sappi ahosi, telaṁ ahosi, uttaribhaṅgaṁ ahosī”ti.
pli-tv-kd14:4.5.11	Mettiyabhūmajakā pana bhikkhū evaṁ vadanti—
pli-tv-kd14:4.5.12	“amhākaṁ, āvuso, na kiñci ahosi—
pli-tv-kd14:4.5.13	pākatikaṁ yathārandhaṁ kaṇājakaṁ bilaṅgadutiyan”ti.
pli-tv-kd14:4.6.1	Tena kho pana samayena kalyāṇabhattiko gahapati saṅghassa catukkabhattaṁ deti niccabhattaṁ.
pli-tv-kd14:4.6.2	So bhattagge saputtadāro upatiṭṭhitvā parivisati—
pli-tv-kd14:4.6.3	aññe odanena pucchanti, aññe sūpena pucchanti, aññe telena pucchanti, aññe uttaribhaṅgena pucchanti.
pli-tv-kd14:4.6.4	Tena kho pana samayena kalyāṇabhattikassa gahapatino bhattaṁ svātanāya mettiyabhūmajakānaṁ bhikkhūnaṁ uddiṭṭhaṁ hoti.
pli-tv-kd14:4.6.5	Atha kho kalyāṇabhattiko gahapati ārāmaṁ agamāsi kenacideva karaṇīyena.
pli-tv-kd14:4.6.6	So yenāyasmā dabbo mallaputto tenupasaṅkami, upasaṅkamitvā āyasmantaṁ dabbaṁ mallaputtaṁ abhivādetvā ekamantaṁ nisīdi.
pli-tv-kd14:4.6.7	Ekamantaṁ nisinnaṁ kho kalyāṇabhattikaṁ gahapatiṁ āyasmā dabbo mallaputto dhammiyā kathāya sandassesi samādapesi samuttejesi sampahaṁsesi.
pli-tv-kd14:4.6.8	Atha kho kalyāṇabhattiko gahapati āyasmatā dabbena mallaputtena dhammiyā kathāya sandassito samādapito samuttejito sampahaṁsito āyasmantaṁ dabbaṁ mallaputtaṁ etadavoca—
pli-tv-kd14:4.6.9	“kassa, bhante, amhākaṁ ghare svātanāya bhattaṁ uddiṭṭhan”ti?
pli-tv-kd14:4.6.10	“Mettiyabhūmajakānaṁ kho, gahapati, bhikkhūnaṁ tumhākaṁ ghare svātanāya bhattaṁ uddiṭṭhan”ti.
pli-tv-kd14:4.6.11	Atha kho kalyāṇabhattiko gahapati anattamano ahosi.
pli-tv-kd14:4.6.12	Kathañhi nāma pāpabhikkhū amhākaṁ ghare bhuñjissantīti gharaṁ gantvā dāsiṁ āṇāpesi—
pli-tv-kd14:4.6.13	“ye, je, sve bhattikā āgacchanti te koṭṭhake āsanaṁ paññapetvā kaṇājakena bilaṅgadutiyena parivisā”ti.
pli-tv-kd14:4.6.14	“Evaṁ, ayyā”ti kho sā dāsī kalyāṇabhattikassa gahapatino paccassosi.
pli-tv-kd14:4.7.1	Atha kho mettiyabhūmajakā bhikkhū—
pli-tv-kd14:4.7.2	“hiyyo kho, āvuso, amhākaṁ kalyāṇabhattikassa gahapatino bhattaṁ uddiṭṭhaṁ;
pli-tv-kd14:4.7.3	sve amhe kalyāṇabhattiko gahapati saputtadāro upatiṭṭhitvā parivisissati;
pli-tv-kd14:4.7.4	aññe odanena pucchissanti, aññe sūpena pucchissanti, aññe telena pucchissanti, aññe uttaribhaṅgena pucchissantī”ti.
pli-tv-kd14:4.7.5	Te teneva somanassena na cittarūpaṁ rattiyā supiṁsu.
pli-tv-kd14:4.7.6	Atha kho mettiyabhūmajakā bhikkhū pubbaṇhasamayaṁ nivāsetvā pattacīvaramādāya yena kalyāṇabhattikassa gahapatino nivesanaṁ tenupasaṅkamiṁsu.
pli-tv-kd14:4.7.7	Addasā kho sā dāsī mettiyabhūmajake bhikkhū dūratova āgacchante;
pli-tv-kd14:4.7.8	disvāna koṭṭhake āsanaṁ paññapetvā mettiyabhūmajake bhikkhū etadavoca—
pli-tv-kd14:4.7.9	“nisīdatha, bhante”ti.
pli-tv-kd14:4.7.10	Atha kho mettiyabhūmajakānaṁ bhikkhūnaṁ etadahosi—
pli-tv-kd14:4.7.11	“nissaṁsayaṁ kho na tāva bhattaṁ siddhaṁ bhavissati yathā mayaṁ koṭṭhake nisīdāpiyāmā”ti.
pli-tv-kd14:4.7.12	Atha kho sā dāsī kaṇājakena bilaṅgadutiyena upagañchi—
pli-tv-kd14:4.7.13	“bhuñjatha, bhante”ti.
pli-tv-kd14:4.7.14	“Mayaṁ kho, bhagini, niccabhattikā”ti.
pli-tv-kd14:4.7.15	“Jānāmi ayyā niccabhattikāti.
pli-tv-kd14:4.7.16	Api cāhaṁ hiyyova gahapatinā āṇattā—
pli-tv-kd14:4.7.17	‘ye, je, sve bhattikā āgacchanti, te koṭṭhake āsanaṁ paññapetvā kaṇājakena bilaṅgadutiyena parivisā’ti.
pli-tv-kd14:4.7.18	Bhuñjatha, bhante”ti.
pli-tv-kd14:4.7.19	Atha kho mettiyabhūmajakā bhikkhū—
pli-tv-kd14:4.7.20	“hiyyo kho, āvuso, kalyāṇabhattiko gahapati ārāmaṁ agamāsi dabbassa mallaputtassa santike.
pli-tv-kd14:4.7.21	Nissaṁsayaṁ kho mayaṁ dabbena mallaputtena gahapatino antare paribhinnā”ti.
pli-tv-kd14:4.7.22	Te teneva domanassena na cittarūpaṁ bhuñjiṁsu.
pli-tv-kd14:4.7.23	Atha kho mettiyabhūmajakā bhikkhū pacchābhattaṁ piṇḍapātapaṭikkantā ārāmaṁ gantvā pattacīvaraṁ paṭisāmetvā bahārāmakoṭṭhake saṅghāṭipallatthikāya nisīdiṁsu tuṇhībhūtā maṅkubhūtā pattakkhandhā adhomukhā pajjhāyantā appaṭibhānā.
pli-tv-kd14:4.8.1	Atha kho mettiyā bhikkhunī yena mettiyabhūmajakā bhikkhū tenupasaṅkami, upasaṅkamitvā mettiyabhūmajake bhikkhū etadavoca—
pli-tv-kd14:4.8.2	“vandāmi, ayyā”ti.
pli-tv-kd14:4.8.3	Evaṁ vutte, mettiyabhūmajakā bhikkhū nālapiṁsu.
pli-tv-kd14:4.8.4	Dutiyampi kho …pe…
pli-tv-kd14:4.8.5	tatiyampi kho mettiyā bhikkhunī mettiyabhūmajake bhikkhū etadavoca—
pli-tv-kd14:4.8.6	“vandāmi, ayyā”ti.
pli-tv-kd14:4.8.7	Tatiyampi kho mettiyabhūmajakā bhikkhū nālapiṁsu.
pli-tv-kd14:4.8.8	“Kyāhaṁ ayyānaṁ aparajjhāmi?
pli-tv-kd14:4.8.9	Kissa maṁ ayyā nālapantī”ti?
pli-tv-kd14:4.8.10	“Tathā hi pana tvaṁ, bhagini, amhe dabbena mallaputtena viheṭhiyamāne ajjhupekkhasī”ti?
pli-tv-kd14:4.8.11	“Kyāhaṁ, ayyā, karomī”ti?
pli-tv-kd14:4.8.12	“Sace kho tvaṁ, bhagini, iccheyyāsi, ajjeva bhagavā āyasmantaṁ dabbaṁ mallaputtaṁ nāsāpeyyā”ti.
pli-tv-kd14:4.8.13	“Kyāhaṁ, ayyā, karomi?
pli-tv-kd14:4.8.14	Kiṁ mayā sakkā kātun”ti?
pli-tv-kd14:4.8.15	“Ehi tvaṁ, bhagini, yena bhagavā tenupasaṅkama, upasaṅkamitvā bhagavantaṁ evaṁ vadehi—
pli-tv-kd14:4.8.16	‘idaṁ, bhante, nacchannaṁ nappatirūpaṁ, yāyaṁ, bhante, disā abhayā anītikā anupaddavā sāyaṁ disā sabhayā saītikā saupaddavā;
pli-tv-kd14:4.8.17	yato nivātaṁ tato savātaṁ;
pli-tv-kd14:4.8.18	udakaṁ maññe ādittaṁ;
pli-tv-kd14:4.8.19	ayyenamhi dabbena mallaputtena dūsitā’”ti.
pli-tv-kd14:4.8.20	“Evaṁ, ayyā”ti kho mettiyā bhikkhunī mettiyabhūmajakānaṁ bhikkhūnaṁ paṭissutvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd14:4.8.21	Ekamantaṁ ṭhitā kho mettiyā bhikkhunī bhagavantaṁ etadavoca—
pli-tv-kd14:4.8.22	“idaṁ, bhante, nacchannaṁ nappatirūpaṁ, yāyaṁ, bhante, disā abhayā anītikā anupaddavā sāyaṁ disā sabhayā saītikā saupaddavā;
pli-tv-kd14:4.8.23	yato nivātaṁ tato savātaṁ;
pli-tv-kd14:4.8.24	udakaṁ maññe ādittaṁ;
pli-tv-kd14:4.8.25	ayyenamhi dabbena mallaputtena dūsitā”ti.
pli-tv-kd14:4.9.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dabbaṁ mallaputtaṁ paṭipucchi—
pli-tv-kd14:4.9.2	“sarasi tvaṁ, dabba, evarūpaṁ kattā yathāyaṁ bhikkhunī āhā”ti?
pli-tv-kd14:4.9.3	“Yathā maṁ, bhante, bhagavā jānātī”ti.
pli-tv-kd14:4.9.4	Dutiyampi kho bhagavā āyasmantaṁ dabbaṁ mallaputtaṁ etadavoca—
pli-tv-kd14:4.9.5	“sarasi tvaṁ, dabba, evarūpaṁ kattā yathāyaṁ bhikkhunī āhā”ti?
pli-tv-kd14:4.9.6	“Yathā maṁ, bhante, bhagavā jānātī”ti.
pli-tv-kd14:4.9.7	Tatiyampi kho bhagavā āyasmantaṁ dabbaṁ mallaputtaṁ etadavoca—
pli-tv-kd14:4.9.8	“sarasi tvaṁ, dabba, evarūpaṁ kattā yathāyaṁ bhikkhunī āhā”ti?
pli-tv-kd14:4.9.9	“Yathā maṁ, bhante, bhagavā jānātī”ti.
pli-tv-kd14:4.9.10	“Na kho, dabba, dabbā evaṁ nibbeṭhenti.
pli-tv-kd14:4.9.11	Sace tayā kataṁ katanti vadehi.
pli-tv-kd14:4.9.12	Sace akataṁ akatanti vadehī”ti.
pli-tv-kd14:4.9.13	“Yatohaṁ, bhante, jāto nābhijānāmi supinantenapi methunaṁ dhammaṁ paṭisevitā, pageva jāgaro”ti.
pli-tv-kd14:4.9.14	Atha kho bhagavā bhikkhū āmantesi—
pli-tv-kd14:4.9.15	“tena hi, bhikkhave, mettiyaṁ bhikkhuniṁ nāsetha.
pli-tv-kd14:4.9.16	Ime ca bhikkhū anuyuñjathā”ti.
pli-tv-kd14:4.9.17	Idaṁ vatvā bhagavā uṭṭhāyāsanā vihāraṁ pāvisi.
pli-tv-kd14:4.9.18	Atha kho te bhikkhū mettiyaṁ bhikkhuniṁ nāsesuṁ.
pli-tv-kd14:4.9.19	Atha kho mettiyabhūmajakā bhikkhū te bhikkhū etadavocuṁ—
pli-tv-kd14:4.9.20	“māvuso, mettiyaṁ bhikkhuniṁ nāsetha, na sā kiñci aparajjhati;
pli-tv-kd14:4.9.21	amhehi sā ussāhitā kupitehi anattamanehi cāvanādhippāyehī”ti.
pli-tv-kd14:4.9.22	“Kiṁ pana tumhe, āvuso, āyasmantaṁ dabbaṁ mallaputtaṁ amūlikāya sīlavipattiyā anuddhaṁsethā”ti?
pli-tv-kd14:4.9.23	“Evamāvuso”ti.
pli-tv-kd14:4.9.24	Ye te bhikkhū appicchā …pe… te ujjhāyanti khiyyanti vipācenti—
pli-tv-kd14:4.9.25	“kathañhi nāma mettiyabhūmajakā bhikkhū āyasmantaṁ dabbaṁ mallaputtaṁ amūlikāya sīlavipattiyā anuddhaṁsessantī”ti.
pli-tv-kd14:4.9.26	Atha kho te bhikkhū bhagavato etamatthaṁ ārocesuṁ …pe…
pli-tv-kd14:4.9.27	“saccaṁ kira, bhikkhave, mettiyabhūmajakā bhikkhū dabbaṁ mallaputtaṁ amūlikāya sīlavipattiyā anuddhaṁsentī”ti?
pli-tv-kd14:4.9.28	“Saccaṁ, bhagavā”ti …pe…
pli-tv-kd14:4.9.29	vigarahitvā …pe…
pli-tv-kd14:4.9.30	dhammiṁ kathaṁ katvā bhikkhū āmantesi—
pli-tv-kd14:4.10.1	“Tena hi, bhikkhave, saṅgho dabbassa mallaputtassa sativepullappattassa sativinayaṁ detu.
pli-tv-kd14:4.10.2	Evañca pana, bhikkhave, dātabbo—
pli-tv-kd14:4.10.3	tena, bhikkhave, dabbena mallaputtena saṅghaṁ upasaṅkamitvā, ekaṁsaṁ uttarāsaṅgaṁ karitvā, vuḍḍhānaṁ bhikkhūnaṁ pāde vanditvā, ukkuṭikaṁ nisīditvā, añjaliṁ paggahetvā, evamassa vacanīyo—
pli-tv-kd14:4.10.4	‘ime maṁ, bhante, mettiyabhūmajakā bhikkhū amūlikāya sīlavipattiyā anuddhaṁsenti.
pli-tv-kd14:4.10.5	Sohaṁ, bhante, sativepullappatto saṅghaṁ sativinayaṁ yācāmī’ti.
pli-tv-kd14:4.10.6	Dutiyampi yācitabbo.
pli-tv-kd14:4.10.7	Tatiyampi yācitabbo—
pli-tv-kd14:4.10.8	‘ime maṁ, bhante, mettiyabhūmajakā bhikkhū amūlikāya sīlavipattiyā anuddhaṁsenti.
pli-tv-kd14:4.10.9	Sohaṁ sativepullappatto tatiyampi, bhante, saṅghaṁ sativinayaṁ yācāmī’ti.
pli-tv-kd14:4.10.10	Byattena bhikkhunā paṭibalena saṅgho ñāpetabbo—
pli-tv-kd14:4.10.11	‘Suṇātu me, bhante, saṅgho.
pli-tv-kd14:4.10.12	Ime mettiyabhūmajakā bhikkhū āyasmantaṁ dabbaṁ mallaputtaṁ amūlikāya sīlavipattiyā anuddhaṁsenti.
pli-tv-kd14:4.10.13	Āyasmā dabbo mallaputto sativepullappatto saṅghaṁ sativinayaṁ yācati.
pli-tv-kd14:4.10.14	Yadi saṅghassa pattakallaṁ, saṅgho āyasmato dabbassa mallaputtassa sativepullappattassa sativinayaṁ dadeyya.
pli-tv-kd14:4.10.15	Esā ñatti.
pli-tv-kd14:4.10.16	Suṇātu me, bhante, saṅgho.
pli-tv-kd14:4.10.17	Ime mettiyabhūmajakā bhikkhū āyasmantaṁ dabbaṁ mallaputtaṁ amūlikāya sīlavipattiyā anuddhaṁsenti.
pli-tv-kd14:4.10.18	Āyasmā dabbo mallaputto sativepullappatto saṅghaṁ sativinayaṁ yācati.
pli-tv-kd14:4.10.19	Saṅgho āyasmato dabbassa mallaputtassa sativepullappattassa sativinayaṁ deti.
pli-tv-kd14:4.10.20	Yassāyasmato khamati āyasmato dabbassa mallaputtassa sativepullappattassa sativinayassa dānaṁ, so tuṇhassa;
pli-tv-kd14:4.10.21	yassa nakkhamati, so bhāseyya.
pli-tv-kd14:4.10.22	Dutiyampi etamatthaṁ vadāmi …pe…
pli-tv-kd14:4.10.23	tatiyampi etamatthaṁ vadāmi—
pli-tv-kd14:4.10.24	suṇātu me, bhante, saṅgho.
pli-tv-kd14:4.10.25	Ime mettiyabhūmajakā bhikkhū āyasmantaṁ dabbaṁ mallaputtaṁ amūlikāya sīlavipattiyā anuddhaṁsenti.
pli-tv-kd14:4.10.26	Āyasmā dabbo mallaputto sativepullappatto saṅghaṁ sativinayaṁ yācati.
pli-tv-kd14:4.10.27	Saṅgho āyasmato dabbassa mallaputtassa sativepullappattassa sativinayaṁ deti.
pli-tv-kd14:4.10.28	Yassāyasmato khamati āyasmato dabbassa mallaputtassa sativepullappattassa sativinayassa dānaṁ, so tuṇhassa;
pli-tv-kd14:4.10.29	yassa nakkhamati, so bhāseyya.
pli-tv-kd14:4.10.30	Dinno saṅghena āyasmato dabbassa mallaputtassa sativepullappattassa sativinayo.
pli-tv-kd14:4.10.31	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:4.11.1	Pañcimāni, bhikkhave, dhammikāni sativinayassa dānāni.
pli-tv-kd14:4.11.2	Suddho hoti bhikkhu anāpattiko, anuvadanti ca naṁ, yācati ca, tassa saṅgho sativinayaṁ deti dhammena samaggena—
pli-tv-kd14:4.11.3	imāni kho, bhikkhave, pañca dhammikāni sativinayassa dānānī”ti.
pli-tv-kd14:5.1.0	3. Amūḷhavinaya
pli-tv-kd14:5.1.1	Tena kho pana samayena gaggo bhikkhu ummattako hoti, cittavipariyāsakato.
pli-tv-kd14:5.1.2	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:5.1.3	Bhikkhū gaggaṁ bhikkhuṁ ummattakena cittavipariyāsakatena ajjhāciṇṇena āpattiyā codenti—
pli-tv-kd14:5.1.4	“saratāyasmā evarūpiṁ āpattiṁ āpajjitā”ti?
pli-tv-kd14:5.1.5	So evaṁ vadeti—
pli-tv-kd14:5.1.6	“ahaṁ kho, āvuso, ummattako ahosiṁ cittavipariyāsakato.
pli-tv-kd14:5.1.7	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.1.8	Nāhaṁ taṁ sarāmi.
pli-tv-kd14:5.1.9	Mūḷhena me etaṁ katan”ti.
pli-tv-kd14:5.1.10	Evampi naṁ vuccamānā codenteva—
pli-tv-kd14:5.1.11	“saratāyasmā evarūpiṁ āpattiṁ āpajjitā”ti?
pli-tv-kd14:5.1.12	Ye te bhikkhū appicchā …pe… te ujjhāyanti khiyyanti vipācenti—
pli-tv-kd14:5.1.13	“kathañhi nāma bhikkhū gaggaṁ bhikkhuṁ ummattakena cittavipariyāsakatena ajjhāciṇṇena āpattiyā codessanti—
pli-tv-kd14:5.1.14	‘saratāyasmā evarūpiṁ āpattiṁ āpajjitā’ti.
pli-tv-kd14:5.1.15	So evaṁ vadeti—
pli-tv-kd14:5.1.16	‘ahaṁ kho, āvuso, ummattako ahosiṁ cittavipariyāsakato.
pli-tv-kd14:5.1.17	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.1.18	Nāhaṁ taṁ sarāmi.
pli-tv-kd14:5.1.19	Mūḷhena me etaṁ katan’ti.
pli-tv-kd14:5.1.20	Evampi naṁ vuccamānā codenteva—
pli-tv-kd14:5.1.21	‘saratāyasmā evarūpiṁ āpattiṁ āpajjitā’”ti?
pli-tv-kd14:5.1.22	Atha kho te bhikkhū bhagavato etamatthaṁ ārocesuṁ …pe…
pli-tv-kd14:5.1.23	“saccaṁ kira, bhikkhave …pe…
pli-tv-kd14:5.1.24	saccaṁ, bhagavā”ti …pe…
pli-tv-kd14:5.1.25	vigarahitvā …pe…
pli-tv-kd14:5.1.26	dhammiṁ kathaṁ katvā bhikkhū āmantesi—
pli-tv-kd14:5.1.27	“Tena hi, bhikkhave, saṅgho gaggassa bhikkhuno amūḷhassa amūḷhavinayaṁ detu.
pli-tv-kd14:5.2.1	Evañca pana, bhikkhave, dātabbo—
pli-tv-kd14:5.2.2	tena, bhikkhave, gaggena bhikkhunā saṅghaṁ upasaṅkamitvā, ekaṁsaṁ uttarāsaṅgaṁ karitvā, vuḍḍhānaṁ bhikkhūnaṁ pāde vanditvā, ukkuṭikaṁ nisīditvā, añjaliṁ paggahetvā, evamassa vacanīyo—
pli-tv-kd14:5.2.3	‘ahaṁ, bhante, ummattako ahosiṁ cittavipariyāsakato.
pli-tv-kd14:5.2.4	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.5	Maṁ bhikkhū ummattakena cittavipariyāsakatena ajjhāciṇṇena āpattiyā codenti—
pli-tv-kd14:5.2.6	“saratāyasmā evarūpiṁ āpattiṁ āpajjitā”ti?
pli-tv-kd14:5.2.7	Tyāhaṁ evaṁ vadāmi—
pli-tv-kd14:5.2.8	“ahaṁ kho, āvuso, ummattako ahosiṁ cittavipariyāsakato.
pli-tv-kd14:5.2.9	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.10	Nāhaṁ taṁ sarāmi.
pli-tv-kd14:5.2.11	Mūḷhena me etaṁ katan”ti.
pli-tv-kd14:5.2.12	Evampi maṁ vuccamānā codenteva—
pli-tv-kd14:5.2.13	“saratāyasmā evarūpiṁ āpattiṁ āpajjitā”ti?
pli-tv-kd14:5.2.14	Sohaṁ, bhante, amūḷho saṅghaṁ amūḷhavinayaṁ yācāmī’ti.
pli-tv-kd14:5.2.15	Dutiyampi yācitabbo.
pli-tv-kd14:5.2.16	Tatiyampi yācitabbo—
pli-tv-kd14:5.2.17	‘ahaṁ, bhante, ummattako ahosiṁ cittavipariyāsakato.
pli-tv-kd14:5.2.18	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.19	Maṁ bhikkhū ummattakena cittavipariyāsakatena ajjhāciṇṇena āpattiyā codenti—
pli-tv-kd14:5.2.20	“saratāyasmā evarūpiṁ āpattiṁ āpajjitā”ti?
pli-tv-kd14:5.2.21	Tyāhaṁ evaṁ vadāmi—
pli-tv-kd14:5.2.22	“ahaṁ kho, āvuso, ummattako ahosiṁ cittavipariyāsakato.
pli-tv-kd14:5.2.23	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.24	Nāhaṁ taṁ sarāmi mūḷhena me etaṁ katan”ti.
pli-tv-kd14:5.2.25	Evampi maṁ vuccamānā codenteva—
pli-tv-kd14:5.2.26	“saratāyasmā evarūpiṁ āpattiṁ āpajjitā”ti?
pli-tv-kd14:5.2.27	Sohaṁ amūḷho tatiyampi, bhante, saṅghaṁ amūḷhavinayaṁ yācāmī’ti.
pli-tv-kd14:5.2.28	Byattena bhikkhunā paṭibalena saṅgho ñāpetabbo—
pli-tv-kd14:5.2.29	‘Suṇātu me, bhante, saṅgho.
pli-tv-kd14:5.2.30	Ayaṁ gaggo bhikkhu ummattako ahosi cittavipariyāsakato.
pli-tv-kd14:5.2.31	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.32	Bhikkhū gaggaṁ bhikkhuṁ ummattakena cittavipariyāsakatena ajjhāciṇṇena āpattiyā codenti—
pli-tv-kd14:5.2.33	“saratāyasmā evarūpiṁ āpattiṁ āpajjitā”ti?
pli-tv-kd14:5.2.34	So evaṁ vadeti—
pli-tv-kd14:5.2.35	“ahaṁ kho, āvuso, ummattako ahosiṁ cittavipariyāsakato.
pli-tv-kd14:5.2.36	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.37	Nāhaṁ taṁ sarāmi, mūḷhena me etaṁ katan”ti.
pli-tv-kd14:5.2.38	Evampi naṁ vuccamānā codenteva—
pli-tv-kd14:5.2.39	“saratāyasmā evarūpiṁ āpattiṁ āpajjitā”ti?
pli-tv-kd14:5.2.40	So amūḷho saṅghaṁ amūḷhavinayaṁ yācati.
pli-tv-kd14:5.2.41	Yadi saṅghassa pattakallaṁ, saṅgho gaggassa bhikkhuno amūḷhassa amūḷhavinayaṁ dadeyya.
pli-tv-kd14:5.2.42	Esā ñatti.
pli-tv-kd14:5.2.43	Suṇātu me, bhante, saṅgho.
pli-tv-kd14:5.2.44	Ayaṁ gaggo bhikkhu ummattako ahosi cittavipariyāsakato.
pli-tv-kd14:5.2.45	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.46	Bhikkhū gaggaṁ bhikkhuṁ ummattakena cittavipariyāsakatena ajjhāciṇṇena āpattiyā codenti—
pli-tv-kd14:5.2.47	“saratāyasmā evarūpiṁ āpattiṁ āpajjitā”ti?
pli-tv-kd14:5.2.48	So evaṁ vadeti—
pli-tv-kd14:5.2.49	“ahaṁ kho, āvuso, ummattako ahosiṁ cittavipariyāsakato.
pli-tv-kd14:5.2.50	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:5.2.51	Nāhaṁ taṁ sarāmi mūḷhena me etaṁ katan”ti.
pli-tv-kd14:5.2.52	Evampi naṁ vuccamānā codenteva—
pli-tv-kd14:5.2.53	“saratāyasmā evarūpiṁ āpattiṁ āpajjitā”ti?
pli-tv-kd14:5.2.54	So amūḷho saṅghaṁ amūḷhavinayaṁ yācati.
pli-tv-kd14:5.2.55	Saṅgho gaggassa bhikkhuno amūḷhassa amūḷhavinayaṁ deti.
pli-tv-kd14:5.2.56	Yassāyasmato khamati gaggassa bhikkhuno amūḷhassa amūḷhavinayassa dānaṁ, so tuṇhassa;
pli-tv-kd14:5.2.57	yassa nakkhamati, so bhāseyya.
pli-tv-kd14:5.2.58	Dutiyampi etamatthaṁ vadāmi …pe…
pli-tv-kd14:5.2.59	tatiyampi etamatthaṁ vadāmi …pe….
pli-tv-kd14:5.2.60	Dinno saṅghena gaggassa bhikkhuno amūḷhassa amūḷhavinayo.
pli-tv-kd14:5.2.61	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:6.1.1	Tīṇimāni, bhikkhave, adhammikāni amūḷhavinayassa dānāni, tīṇi dhammikāni.
pli-tv-kd14:6.1.2	Katamāni tīṇi adhammikāni amūḷhavinayassa dānāni?
pli-tv-kd14:6.1.3	Idha pana, bhikkhave, bhikkhu āpattiṁ āpanno hoti.
pli-tv-kd14:6.1.4	Tamenaṁ codeti saṅgho vā, sambahulā vā, ekapuggalo vā—
pli-tv-kd14:6.1.5	‘saratāyasmā evarūpiṁ āpattiṁ āpajjitā’ti?
pli-tv-kd14:6.1.6	So saramānova evaṁ vadeti—
pli-tv-kd14:6.1.7	‘na kho ahaṁ, āvuso, sarāmi evarūpiṁ āpattiṁ āpajjitā’ti.
pli-tv-kd14:6.1.8	Tassa saṅgho amūḷhavinayaṁ deti.
pli-tv-kd14:6.1.9	Adhammikaṁ amūḷhavinayassa dānaṁ.
pli-tv-kd14:6.1.10	Idha pana, bhikkhave, bhikkhu āpattiṁ āpanno hoti.
pli-tv-kd14:6.1.11	Tamenaṁ codeti saṅgho vā, sambahulā vā, ekapuggalo vā—
pli-tv-kd14:6.1.12	‘saratāyasmā evarūpiṁ āpattiṁ āpajjitā’ti?
pli-tv-kd14:6.1.13	So saramānova evaṁ vadeti—
pli-tv-kd14:6.1.14	‘sarāmi kho ahaṁ, āvuso, yathāsupinantenā’ti.
pli-tv-kd14:6.1.15	Tassa saṅgho amūḷhavinayaṁ deti.
pli-tv-kd14:6.1.16	Adhammikaṁ amūḷhavinayassa dānaṁ.
pli-tv-kd14:6.1.17	Idha pana, bhikkhave, bhikkhu āpattiṁ āpanno hoti.
pli-tv-kd14:6.1.18	Tamenaṁ codeti saṅgho vā, sambahulā vā, ekapuggalo vā—
pli-tv-kd14:6.1.19	‘saratāyasmā evarūpiṁ āpattiṁ āpajjitā’ti?
pli-tv-kd14:6.1.20	So anummattako ummattakālayaṁ karoti—
pli-tv-kd14:6.1.21	‘ahampi kho evaṁ karomi.
pli-tv-kd14:6.1.22	Tumhepi evaṁ karotha.
pli-tv-kd14:6.1.23	Mayhampi etaṁ kappati.
pli-tv-kd14:6.1.24	Tumhākampetaṁ kappatī’ti.
pli-tv-kd14:6.1.25	Tassa saṅgho amūḷhavinayaṁ deti.
pli-tv-kd14:6.1.26	Adhammikaṁ amūḷhavinayassa dānaṁ.
pli-tv-kd14:6.2.1	Imāni tīṇi adhammikāni amūḷhavinayassa dānāni.
pli-tv-kd14:6.2.2	Katamāni tīṇi dhammikāni amūḷhavinayassa dānāni?
pli-tv-kd14:6.2.3	Idha pana, bhikkhave, bhikkhu ummattako hoti cittavipariyāsakato.
pli-tv-kd14:6.2.4	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:6.2.5	Tamenaṁ codeti saṅgho vā, sambahulā vā, ekapuggalo vā—
pli-tv-kd14:6.2.6	‘saratāyasmā evarūpiṁ āpattiṁ āpajjitā’ti?
pli-tv-kd14:6.2.7	So assaramānova evaṁ vadeti—
pli-tv-kd14:6.2.8	‘na kho ahaṁ, āvuso, sarāmi evarūpiṁ āpattiṁ āpajjitā’ti.
pli-tv-kd14:6.2.9	Tassa saṅgho amūḷhavinayaṁ deti.
pli-tv-kd14:6.2.10	Dhammikaṁ amūḷhavinayassa dānaṁ.
pli-tv-kd14:6.2.11	Idha pana, bhikkhave, bhikkhu ummattako hoti cittavipariyāsakato.
pli-tv-kd14:6.2.12	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:6.2.13	Tamenaṁ codeti saṅgho vā, sambahulā vā, ekapuggalo vā—
pli-tv-kd14:6.2.14	‘saratāyasmā evarūpiṁ āpattiṁ āpajjitā’ti?
pli-tv-kd14:6.2.15	So assaramānova evaṁ vadeti—
pli-tv-kd14:6.2.16	‘sarāmi kho ahaṁ, āvuso, yathāsupinantenā’ti.
pli-tv-kd14:6.2.17	Tassa saṅgho amūḷhavinayaṁ deti.
pli-tv-kd14:6.2.18	Dhammikaṁ amūḷhavinayassa dānaṁ.
pli-tv-kd14:6.2.19	Idha pana, bhikkhave, bhikkhu ummattako hoti cittavipariyāsakato.
pli-tv-kd14:6.2.20	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:6.2.21	Tamenaṁ codeti saṅgho vā, sambahulā vā, ekapuggalo vā—
pli-tv-kd14:6.2.22	‘saratāyasmā evarūpiṁ āpattiṁ āpajjitā’ti?
pli-tv-kd14:6.2.23	So ummattako ummattakālayaṁ karoti—
pli-tv-kd14:6.2.24	‘ahampi evaṁ karomi.
pli-tv-kd14:6.2.25	Tumhepi evaṁ karotha.
pli-tv-kd14:6.2.26	Mayhampi etaṁ kappati.
pli-tv-kd14:6.2.27	Tumhākampetaṁ kappatī’ti.
pli-tv-kd14:6.2.28	Tassa saṅgho amūḷhavinayaṁ deti.
pli-tv-kd14:6.2.29	Dhammikaṁ amūḷhavinayassa dānaṁ.
pli-tv-kd14:6.2.30	Imāni tīṇi dhammikāni amūḷhavinayassa dānānī”ti.
pli-tv-kd14:7.1.0	4. Paṭiññātakaraṇa
pli-tv-kd14:7.1.1	Tena kho pana samayena chabbaggiyā bhikkhū appaṭiññāya bhikkhūnaṁ kammāni karonti—
pli-tv-kd14:7.1.2	tajjanīyampi, niyassampi, pabbājanīyampi, paṭisāraṇīyampi, ukkhepanīyampi.
pli-tv-kd14:7.1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd14:7.1.4	“kathañhi nāma chabbaggiyā bhikkhū appaṭiññāya bhikkhūnaṁ kammāni karissanti—
pli-tv-kd14:7.1.5	tajjanīyampi, niyassampi, pabbājanīyampi, paṭisāraṇīyampi, ukkhepanīyampī”ti.
pli-tv-kd14:7.1.6	Atha kho te bhikkhū bhagavato etamatthaṁ ārocesuṁ …pe…
pli-tv-kd14:7.1.7	“saccaṁ kira, bhikkhave …pe…
pli-tv-kd14:7.1.8	“saccaṁ, bhagavā”ti …pe…
pli-tv-kd14:7.1.9	vigarahitvā …pe…
pli-tv-kd14:7.1.10	dhammiṁ kathaṁ katvā bhikkhū āmantesi—
pli-tv-kd14:7.1.11	“na, bhikkhave, appaṭiññāya bhikkhūnaṁ kammaṁ kātabbaṁ—
pli-tv-kd14:7.1.12	tajjanīyaṁ vā, niyassaṁ vā, pabbājanīyaṁ vā, paṭisāraṇīyaṁ vā, ukkhepanīyaṁ vā.
pli-tv-kd14:7.1.13	Yo kareyya, āpatti dukkaṭassa.
pli-tv-kd14:8.1.1	Evaṁ kho, bhikkhave, adhammikaṁ hoti paṭiññātakaraṇaṁ, evaṁ dhammikaṁ.
pli-tv-kd14:8.1.2	Kathañca, bhikkhave, adhammikaṁ hoti paṭiññātakaraṇaṁ?
pli-tv-kd14:8.1.3	Bhikkhu pārājikaṁ ajjhāpanno hoti.
pli-tv-kd14:8.1.4	Tamenaṁ codeti saṅgho vā, sambahulā vā, ekapuggalo vā—
pli-tv-kd14:8.1.5	‘pārājikaṁ āyasmā ajjhāpanno’ti?
pli-tv-kd14:8.1.6	So evaṁ vadeti—
pli-tv-kd14:8.1.7	‘na kho ahaṁ, āvuso, pārājikaṁ ajjhāpanno, saṅghādisesaṁ ajjhāpanno’ti.
pli-tv-kd14:8.1.8	Taṁ saṅgho saṅghādisesena kāreti.
pli-tv-kd14:8.1.9	Adhammikaṁ paṭiññātakaraṇaṁ.
pli-tv-kd14:8.1.10	Bhikkhu pārājikaṁ ajjhāpanno hoti.
pli-tv-kd14:8.1.11	Tamenaṁ codeti saṅgho vā, sambahulā vā, ekapuggalo vā—
pli-tv-kd14:8.1.12	‘pārājikaṁ āyasmā ajjhāpanno’ti?
pli-tv-kd14:8.1.13	So evaṁ vadeti—
pli-tv-kd14:8.1.14	‘na kho ahaṁ, āvuso, pārājikaṁ ajjhāpanno, thullaccayaṁ …pe…
pli-tv-kd14:8.1.15	pācittiyaṁ …pe…
pli-tv-kd14:8.1.16	pāṭidesanīyaṁ …pe…
pli-tv-kd14:8.1.17	dukkaṭaṁ …pe…
pli-tv-kd14:8.1.18	dubbhāsitaṁ ajjhāpanno’ti.
pli-tv-kd14:8.1.19	Taṁ saṅgho dubbhāsitena kāreti.
pli-tv-kd14:8.1.20	Adhammikaṁ paṭiññātakaraṇaṁ.
pli-tv-kd14:8.1.21	Bhikkhu saṅghādisesaṁ …pe…
pli-tv-kd14:8.1.22	thullaccayaṁ …pe…
pli-tv-kd14:8.1.23	pācittiyaṁ …pe…
pli-tv-kd14:8.1.24	pāṭidesanīyaṁ …pe…
pli-tv-kd14:8.1.25	dukkaṭaṁ …pe…
pli-tv-kd14:8.1.26	dubbhāsitaṁ ajjhāpanno hoti.
pli-tv-kd14:8.1.27	Tamenaṁ codeti saṅgho vā, sambahulā vā, ekapuggalo vā—
pli-tv-kd14:8.1.28	‘dubbhāsitaṁ āyasmā ajjhāpanno’ti?
pli-tv-kd14:8.1.29	So evaṁ vadeti—
pli-tv-kd14:8.1.30	‘na kho ahaṁ, āvuso, dubbhāsitaṁ ajjhāpanno, pārājikaṁ ajjhāpanno’ti.
pli-tv-kd14:8.1.31	Taṁ saṅgho pārājikena kāreti.
pli-tv-kd14:8.1.32	Adhammikaṁ paṭiññātakaraṇaṁ.
pli-tv-kd14:8.1.33	Bhikkhu dubbhāsitaṁ ajjhāpanno hoti.
pli-tv-kd14:8.1.34	Tamenaṁ codeti saṅgho vā, sambahulā vā, ekapuggalo vā—
pli-tv-kd14:8.1.35	‘dubbhāsitaṁ āyasmā ajjhāpanno’ti?
pli-tv-kd14:8.1.36	So evaṁ vadeti—
pli-tv-kd14:8.1.37	‘na kho ahaṁ, āvuso, dubbhāsitaṁ ajjhāpanno, saṅghādisesaṁ …pe…
pli-tv-kd14:8.1.38	thullaccayaṁ …pe…
pli-tv-kd14:8.1.39	pācittiyaṁ …pe…
pli-tv-kd14:8.1.40	pāṭidesanīyaṁ …pe…
pli-tv-kd14:8.1.41	dukkaṭaṁ ajjhāpanno’ti.
pli-tv-kd14:8.1.42	Taṁ saṅgho dukkaṭena kāreti.
pli-tv-kd14:8.1.43	Adhammikaṁ paṭiññātakaraṇaṁ.
pli-tv-kd14:8.2.1	Evaṁ kho, bhikkhave, adhammikaṁ hoti paṭiññātakaraṇaṁ.
pli-tv-kd14:8.2.2	Kathañca, bhikkhave, dhammikaṁ hoti paṭiññātakaraṇaṁ?
pli-tv-kd14:8.2.3	Bhikkhu pārājikaṁ ajjhāpanno hoti.
pli-tv-kd14:8.2.4	Tamenaṁ codeti saṅgho vā, sambahulā vā, ekapuggalo vā—
pli-tv-kd14:8.2.5	‘pārājikaṁ āyasmā ajjhāpanno’ti?
pli-tv-kd14:8.2.6	So evaṁ vadeti—
pli-tv-kd14:8.2.7	‘āma, āvuso, pārājikaṁ ajjhāpanno’ti.
pli-tv-kd14:8.2.8	Taṁ saṅgho pārājikena kāreti.
pli-tv-kd14:8.2.9	Dhammikaṁ paṭiññātakaraṇaṁ.
pli-tv-kd14:8.2.10	Bhikkhu saṅghādisesaṁ …pe…
pli-tv-kd14:8.2.11	thullaccayaṁ …pe…
pli-tv-kd14:8.2.12	pācittiyaṁ …pe…
pli-tv-kd14:8.2.13	pāṭidesanīyaṁ …pe…
pli-tv-kd14:8.2.14	dukkaṭaṁ …pe…
pli-tv-kd14:8.2.15	dubbhāsitaṁ ajjhāpanno hoti.
pli-tv-kd14:8.2.16	Tamenaṁ codeti saṅgho vā, sambahulā vā, ekapuggalo vā—
pli-tv-kd14:8.2.17	‘dubbhāsitaṁ āyasmā ajjhāpanno’ti?
pli-tv-kd14:8.2.18	So evaṁ vadeti—
pli-tv-kd14:8.2.19	‘āma, āvuso, dubbhāsitaṁ ajjhāpanno’ti.
pli-tv-kd14:8.2.20	Taṁ saṅgho dubbhāsitena kāreti.
pli-tv-kd14:8.2.21	Dhammikaṁ paṭiññātakaraṇaṁ.
pli-tv-kd14:8.2.22	Evaṁ kho, bhikkhave, dhammikaṁ hoti paṭiññātakaraṇan”ti.
pli-tv-kd14:9.1.0	5. Yebhuyyasikā
pli-tv-kd14:9.1.1	Tena kho pana samayena bhikkhū saṅghamajjhe bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti, na sakkonti taṁ adhikaraṇaṁ vūpasametuṁ.
pli-tv-kd14:9.1.2	Bhagavato etamatthaṁ ārocesuṁ.
pli-tv-kd14:9.1.3	“Anujānāmi, bhikkhave, evarūpaṁ adhikaraṇaṁ yebhuyyasikāya vūpasametuṁ.
pli-tv-kd14:9.1.4	Pañcahaṅgehi samannāgato bhikkhu salākaggāhāpako sammannitabbo—
pli-tv-kd14:9.1.5	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, gahitāgahitañca jāneyya.
pli-tv-kd14:9.1.6	Evañca pana, bhikkhave, sammannitabbo.
pli-tv-kd14:9.1.7	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd14:9.1.8	‘Suṇātu me, bhante, saṅgho.
pli-tv-kd14:9.1.9	Yadi saṅghassa pattakallaṁ, saṅgho itthannāmaṁ bhikkhuṁ salākaggāhāpakaṁ sammanneyya.
pli-tv-kd14:9.1.10	Esā ñatti.
pli-tv-kd14:9.1.11	Suṇātu me, bhante, saṅgho.
pli-tv-kd14:9.1.12	Saṅgho itthannāmaṁ bhikkhuṁ salākaggāhāpakaṁ sammannati.
pli-tv-kd14:9.1.13	Yassāyasmato khamati itthannāmassa bhikkhuno salākaggāhāpakassa sammuti, so tuṇhassa;
pli-tv-kd14:9.1.14	yassa nakkhamati, so bhāseyya.
pli-tv-kd14:9.1.15	Sammato saṅghena itthannāmo bhikkhu salākaggāhāpako.
pli-tv-kd14:9.1.16	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:10.1.1	Dasayime, bhikkhave, adhammikā salākaggāhā, dasa dhammikā.
pli-tv-kd14:10.1.2	Katame dasa adhammikā salākaggāhā?
pli-tv-kd14:10.1.3	Oramattakañca adhikaraṇaṁ hoti, na ca gatigataṁ hoti, na ca saritasāritaṁ hoti, jānāti adhammavādī bahutarāti, appeva nāma adhammavādī bahutarā assūti, jānāti saṅgho bhijjissatīti, appeva nāma saṅgho bhijjeyyāti, adhammena gaṇhanti, vaggā gaṇhanti, na ca yathādiṭṭhiyā gaṇhanti—
pli-tv-kd14:10.1.4	ime dasa adhammikā salākaggāhā.
pli-tv-kd14:10.2.1	Katame dasa dhammikā salākaggāhā?
pli-tv-kd14:10.2.2	Na ca oramattakaṁ adhikaraṇaṁ hoti, gatigatañca hoti, saritasāritañca hoti, jānāti dhammavādī bahutarāti, appeva nāma dhammavādī bahutarā assūti, jānāti saṅgho na bhijjissatīti, appeva nāma saṅgho na bhijjeyyāti, dhammena gaṇhanti, samaggā gaṇhanti, yathādiṭṭhiyā ca gaṇhanti—
pli-tv-kd14:10.2.3	ime dasa dhammikā salākaggāhā”ti.
pli-tv-kd14:11.1.0	6. Tassapāpiyasikā
pli-tv-kd14:11.1.1	Tena kho pana samayena upavāḷo bhikkhu saṅghamajjhe āpattiyā anuyuñjiyamāno avajānitvā paṭijānāti, paṭijānitvā avajānāti, aññenaññaṁ paṭicarati, sampajānamusā bhāsati.
pli-tv-kd14:11.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd14:11.1.3	“kathañhi nāma upavāḷo bhikkhu saṅghamajjhe āpattiyā anuyuñjiyamāno avajānitvā paṭijānissati, paṭijānitvā avajānissati, aññenaññaṁ paṭicarissati, sampajānamusā bhāsissatī”ti.
pli-tv-kd14:11.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd14:11.1.5	“saccaṁ kira, bhikkhave …pe…
pli-tv-kd14:11.1.6	“saccaṁ, bhagavā”ti …pe…
pli-tv-kd14:11.1.7	vigarahitvā …pe…
pli-tv-kd14:11.1.8	dhammiṁ kathaṁ katvā bhikkhū āmantesi—
pli-tv-kd14:11.1.9	“tena hi, bhikkhave, saṅgho upavāḷassa bhikkhuno tassapāpiyasikākammaṁ karotu.
pli-tv-kd14:11.2.1	Evañca pana, bhikkhave, kātabbaṁ.
pli-tv-kd14:11.2.2	Paṭhamaṁ upavāḷo bhikkhu codetabbo, codetvā sāretabbo, sāretvā āpattiṁ āropetabbo, āpattiṁ āropetvā byattena bhikkhunā paṭibalena saṅgho ñāpetabbo—
pli-tv-kd14:11.2.3	‘Suṇātu me, bhante, saṅgho.
pli-tv-kd14:11.2.4	Ayaṁ upavāḷo bhikkhu saṅghamajjhe āpattiyā anuyuñjiyamāno avajānitvā paṭijānāti, paṭijānitvā avajānāti, aññenaññaṁ paṭicarati, sampajānamusā bhāsati.
pli-tv-kd14:11.2.5	Yadi saṅghassa pattakallaṁ, saṅgho upavāḷassa bhikkhuno tassapāpiyasikākammaṁ kareyya.
pli-tv-kd14:11.2.6	Esā ñatti.
pli-tv-kd14:11.2.7	Suṇātu me, bhante, saṅgho.
pli-tv-kd14:11.2.8	Ayaṁ upavāḷo bhikkhu saṅghamajjhe āpattiyā anuyuñjiyamāno avajānitvā paṭijānāti, paṭijānitvā avajānāti, aññenaññaṁ paṭicarati, sampajānamusā bhāsati.
pli-tv-kd14:11.2.9	Saṅgho upavāḷassa bhikkhuno tassapāpiyasikākammaṁ karoti.
pli-tv-kd14:11.2.10	Yassāyasmato khamati upavāḷassa bhikkhuno tassapāpiyasikākammassa karaṇaṁ, so tuṇhassa;
pli-tv-kd14:11.2.11	yassa nakkhamati, so bhāseyya.
pli-tv-kd14:11.2.12	Dutiyampi etamatthaṁ vadāmi …pe…
pli-tv-kd14:11.2.13	tatiyampi etamatthaṁ vadāmi …pe….
pli-tv-kd14:11.2.14	Kataṁ saṅghena upavāḷassa bhikkhuno tassapāpiyasikākammaṁ.
pli-tv-kd14:11.2.15	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:12.1.1	Pañcimāni, bhikkhave, dhammikāni tassapāpiyasikākammassa karaṇāni.
pli-tv-kd14:12.1.2	Asuci ca hoti, alajjī ca, sānuvādo ca, tassa saṅgho tassapāpiyasikākammaṁ karoti dhammena, samaggena—
pli-tv-kd14:12.1.3	imāni kho, bhikkhave, pañca dhammikāni tassapāpiyasikākammassa karaṇāni.
pli-tv-kd14:12.2.0	6.1. Adhammakammadvādasaka
pli-tv-kd14:12.2.1	Tīhi, bhikkhave, aṅgehi samannāgataṁ tassapāpiyasikākammaṁ adhammakammañca hoti, avinayakammañca, duvūpasantañca.
pli-tv-kd14:12.2.2.1	Asammukhā kataṁ hoti, appaṭipucchākataṁ hoti, appaṭiññāya kataṁ hoti …pe…
pli-tv-kd14:12.2.2.2	
pli-tv-kd14:12.2.2.3	
pli-tv-kd14:12.2.2.4	
pli-tv-kd14:12.2.2.5	
pli-tv-kd14:12.2.2.6	
pli-tv-kd14:12.2.2.7	
pli-tv-kd14:12.2.2.8	
pli-tv-kd14:12.2.2.9	
pli-tv-kd14:12.2.2.10	
pli-tv-kd14:12.2.2.11	
pli-tv-kd14:12.2.3	… adhammena kataṁ hoti, vaggena kataṁ hoti—
pli-tv-kd14:12.2.4	imehi kho, bhikkhave, tīhaṅgehi samannāgataṁ tassapāpiyasikākammaṁ adhammakammañca hoti, avinayakammañca, duvūpasantañca.
pli-tv-kd14:12.3.0	6.2. Dhammakammadvādasaka
pli-tv-kd14:12.3.1	Tīhi, bhikkhave, aṅgehi samannāgataṁ tassapāpiyasikākammaṁ dhammakammañca hoti, vinayakammañca, suvūpasantañca.
pli-tv-kd14:12.3.2.1	Sammukhā kataṁ hoti, paṭipucchākataṁ hoti, paṭiññāya kataṁ hoti …pe…
pli-tv-kd14:12.3.2.2	
pli-tv-kd14:12.3.2.3	
pli-tv-kd14:12.3.2.4	
pli-tv-kd14:12.3.2.5	
pli-tv-kd14:12.3.2.6	
pli-tv-kd14:12.3.2.7	
pli-tv-kd14:12.3.2.8	
pli-tv-kd14:12.3.2.9	
pli-tv-kd14:12.3.2.10	
pli-tv-kd14:12.3.2.11	
pli-tv-kd14:12.3.3	… dhammena kataṁ hoti, samaggena kataṁ hoti—
pli-tv-kd14:12.3.4	imehi kho, bhikkhave, tīhaṅgehi samannāgataṁ tassapāpiyasikākammaṁ dhammakammañca hoti, vinayakammañca, suvūpasantañca.
pli-tv-kd14:12.4.0	6.3. Ākaṅkhamānachakka
pli-tv-kd14:12.4.1	Tīhi, bhikkhave, aṅgehi samannāgatassa bhikkhuno ākaṅkhamāno saṅgho tassapāpiyasikākammaṁ kareyya.
pli-tv-kd14:12.4.2	Bhaṇḍanakārako hoti kalahakārako vivādakārako bhassakārako saṅghe adhikaraṇakārako;
pli-tv-kd14:12.4.3	bālo hoti abyatto āpattibahulo anapadāno;
pli-tv-kd14:12.4.4	gihisaṁsaṭṭho viharati ananulomikehi gihisaṁsaggehi—
pli-tv-kd14:12.4.5	imehi kho, bhikkhave, tīhaṅgehi samannāgatassa bhikkhuno ākaṅkhamāno saṅgho tassapāpiyasikākammaṁ kareyya.
pli-tv-kd14:12.4.6	Aparehipi, bhikkhave, tīhaṅgehi samannāgatassa bhikkhuno ākaṅkhamāno saṅgho tassapāpiyasikākammaṁ kareyya.
pli-tv-kd14:12.4.7	Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti—
pli-tv-kd14:12.4.8	imehi kho, bhikkhave …pe….
pli-tv-kd14:12.4.9	Aparehipi, bhikkhave …pe…
pli-tv-kd14:12.4.10	buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati—
pli-tv-kd14:12.4.11	imehi kho, bhikkhave, tīhaṅgehi samannāgatassa bhikkhuno ākaṅkhamāno saṅgho tassapāpiyasikākammaṁ kareyya.
pli-tv-kd14:12.4.12	Tiṇṇaṁ, bhikkhave, bhikkhūnaṁ ākaṅkhamāno saṅgho tassapāpiyasikākammaṁ kareyya.
pli-tv-kd14:12.4.13	Eko bhaṇḍanakārako hoti …pe…
pli-tv-kd14:12.4.14	saṅghe adhikaraṇakārako;
pli-tv-kd14:12.4.15	eko bālo hoti abyatto āpattibahulo anapadāno;
pli-tv-kd14:12.4.16	eko gihisaṁsaṭṭho viharati ananulomikehi gihisaṁsaggehi—
pli-tv-kd14:12.4.17	imesaṁ kho, bhikkhave, tiṇṇaṁ bhikkhūnaṁ ākaṅkhamāno saṅgho tassapāpiyasikākammaṁ kareyya.
pli-tv-kd14:12.4.18	Aparesampi, bhikkhave, tiṇṇaṁ bhikkhūnaṁ ākaṅkhamāno saṅgho tassapāpiyasikākammaṁ kareyya.
pli-tv-kd14:12.4.19	Eko adhisīle sīlavipanno hoti, eko ajjhācāre ācāravipanno hoti, eko atidiṭṭhiyā diṭṭhivipanno hoti—
pli-tv-kd14:12.4.20	imesaṁ kho, bhikkhave …pe….
pli-tv-kd14:12.4.21	Aparesampi, bhikkhave …pe…
pli-tv-kd14:12.4.22	eko buddhassa avaṇṇaṁ bhāsati, eko dhammassa avaṇṇaṁ bhāsati, eko saṅghassa avaṇṇaṁ bhāsati—
pli-tv-kd14:12.4.23	imesaṁ kho, bhikkhave, tiṇṇaṁ bhikkhūnaṁ ākaṅkhamāno saṅgho tassapāpiyasikākammaṁ kareyya.
pli-tv-kd14:12.5.0	6.4. Aṭṭhārasavatta
pli-tv-kd14:12.5.1	Tassapāpiyasikākammakatena, bhikkhave, bhikkhunā sammā vattitabbaṁ.
pli-tv-kd14:12.5.2	Tatrāyaṁ sammāvattanā—
pli-tv-kd14:12.5.3	Na upasampādetabbaṁ,
pli-tv-kd14:12.5.4	na nissayo dātabbo,
pli-tv-kd14:12.5.5	na sāmaṇero upaṭṭhāpetabbo,
pli-tv-kd14:12.5.6	na bhikkhunovādakasammuti sāditabbā,
pli-tv-kd14:12.5.7.1	sammatenapi bhikkhuniyo na ovaditabbā …pe…
pli-tv-kd14:12.5.7.2	
pli-tv-kd14:12.5.7.3	
pli-tv-kd14:12.5.7.4	
pli-tv-kd14:12.5.7.5	
pli-tv-kd14:12.5.7.6	
pli-tv-kd14:12.5.7.7	
pli-tv-kd14:12.5.7.8	
pli-tv-kd14:12.5.7.9	
pli-tv-kd14:12.5.7.10	
pli-tv-kd14:12.5.7.11	
pli-tv-kd14:12.5.7.12	
pli-tv-kd14:12.5.7.13	
pli-tv-kd14:12.5.8	na bhikkhūhi sampayojetabban”ti.
pli-tv-kd14:12.6.1	Atha kho saṅgho upavāḷassa bhikkhuno tassapāpiyasikākammaṁ akāsi.
pli-tv-kd14:13.1.0	7. Tiṇavatthāraka
pli-tv-kd14:13.1.1	Tena kho pana samayena bhikkhūnaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:13.1.2	Atha kho tesaṁ bhikkhūnaṁ etadahosi—
pli-tv-kd14:13.1.3	“amhākaṁ kho bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.1.4	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.1.5	Kathaṁ nu kho amhehi paṭipajjitabban”ti?
pli-tv-kd14:13.1.6	Bhagavato etamatthaṁ ārocesuṁ.
pli-tv-kd14:13.1.7	“Idha pana, bhikkhave, bhikkhūnaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:13.1.8	Tatra ce bhikkhūnaṁ evaṁ hoti—
pli-tv-kd14:13.1.9	‘amhākaṁ kho bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ;
pli-tv-kd14:13.1.10	sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyyā’ti, anujānāmi, bhikkhave, evarūpaṁ adhikaraṇaṁ tiṇavatthārakena vūpasametuṁ.
pli-tv-kd14:13.2.1	Evañca pana, bhikkhave, vūpasametabbaṁ.
pli-tv-kd14:13.2.2	Sabbeheva ekajjhaṁ sannipatitabbaṁ, sannipatitvā byattena bhikkhunā paṭibalena saṅgho ñāpetabbo—
pli-tv-kd14:13.2.3	‘Suṇātu me, bhante, saṅgho.
pli-tv-kd14:13.2.4	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.2.5	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.2.6	Yadi saṅghassa pattakallaṁ, saṅgho imaṁ adhikaraṇaṁ tiṇavatthārakena vūpasameyya, ṭhapetvā thullavajjaṁ, ṭhapetvā gihippaṭisaṁyuttan’ti.
pli-tv-kd14:13.2.7	Ekatopakkhikānaṁ bhikkhūnaṁ byattena bhikkhunā paṭibalena sako pakkho ñāpetabbo—
pli-tv-kd14:13.2.8	‘Suṇantu me āyasmantā.
pli-tv-kd14:13.2.9	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.2.10	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.2.11	Yadāyasmantānaṁ pattakallaṁ, ahaṁ yā ceva āyasmantānaṁ āpatti, yā ca attano āpatti, āyasmantānañceva atthāya, attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ, ṭhapetvā gihippaṭisaṁyuttan’ti.
pli-tv-kd14:13.2.12	Athāparesaṁ ekatopakkhikānaṁ bhikkhūnaṁ byattena bhikkhunā paṭibalena sako pakkho ñāpetabbo—
pli-tv-kd14:13.2.13	‘Suṇantu me āyasmantā.
pli-tv-kd14:13.2.14	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.2.15	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.2.16	Yadāyasmantānaṁ pattakallaṁ, ahaṁ yā ceva āyasmantānaṁ āpatti, yā ca attano āpatti, āyasmantānañceva atthāya, attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ, ṭhapetvā gihippaṭisaṁyuttan’ti.
pli-tv-kd14:13.3.1	Athāparesaṁ ekatopakkhikānaṁ bhikkhūnaṁ byattena bhikkhunā paṭibalena saṅgho ñāpetabbo—
pli-tv-kd14:13.3.2	‘Suṇātu me, bhante, saṅgho.
pli-tv-kd14:13.3.3	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.3.4	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.3.5	Yadi saṅghassa pattakallaṁ, ahaṁ yā ceva imesaṁ āyasmantānaṁ āpatti, yā ca attano āpatti, imesañceva āyasmantānaṁ atthāya, attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:13.3.6	Esā ñatti.
pli-tv-kd14:13.3.7	Suṇātu me, bhante, saṅgho.
pli-tv-kd14:13.3.8	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.3.9	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.3.10	Ahaṁ yā ceva imesaṁ āyasmantānaṁ āpatti, yā ca attano āpatti, imesañceva āyasmantānaṁ atthāya, attano ca atthāya, saṅghamajjhe tiṇavatthārakena desemi, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:13.3.11	Yassāyasmato khamati amhākaṁ imāsaṁ āpattīnaṁ saṅghamajjhe tiṇavatthārakena desanā, ṭhapetvā thullavajjaṁ, ṭhapetvā gihippaṭisaṁyuttaṁ, so tuṇhassa;
pli-tv-kd14:13.3.12	yassa nakkhamati, so bhāseyya.
pli-tv-kd14:13.3.13	Desitā amhākaṁ imā āpattiyo saṅghamajjhe tiṇavatthārakena, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:13.3.14	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:13.3.15	Athāparesaṁ ekatopakkhikānaṁ bhikkhūnaṁ byattena bhikkhunā paṭibalena saṅgho ñāpetabbo—
pli-tv-kd14:13.3.16	‘Suṇātu me, bhante, saṅgho.
pli-tv-kd14:13.3.17	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.3.18	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.3.19	Yadi saṅghassa pattakallaṁ, ahaṁ yā ceva imesaṁ āyasmantānaṁ āpatti, yā ca attano āpatti, imesañceva āyasmantānaṁ atthāya, attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:13.3.20	Esā ñatti.
pli-tv-kd14:13.3.21	Suṇātu me, bhante, saṅgho.
pli-tv-kd14:13.3.22	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:13.3.23	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:13.3.24	Ahaṁ yā ceva imesaṁ āyasmantānaṁ āpatti, yā ca attano āpatti, imesañceva āyasmantānaṁ atthāya, attano ca atthāya, saṅghamajjhe tiṇavatthārakena desemi, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:13.3.25	Yassāyasmato khamati amhākaṁ imāsaṁ āpattīnaṁ saṅghamajjhe tiṇavatthārakena desanā, ṭhapetvā thullavajjaṁ, ṭhapetvā gihippaṭisaṁyuttaṁ, so tuṇhassa;
pli-tv-kd14:13.3.26	yassa nakkhamati, so bhāseyya.
pli-tv-kd14:13.3.27	Desitā amhākaṁ imā āpattiyo saṅghamajjhe tiṇavatthārakena, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:13.3.28	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:13.4.1	Evañca pana, bhikkhave, te bhikkhū tāhi āpattīhi vuṭṭhitā honti, ṭhapetvā thullavajjaṁ, ṭhapetvā gihippaṭisaṁyuttaṁ, ṭhapetvā diṭṭhāvikammaṁ, ṭhapetvā ye na tattha hontī”ti.
pli-tv-kd14:14.1.0	8. Adhikaraṇa
pli-tv-kd14:14.1.1	Tena kho pana samayena bhikkhūpi bhikkhūhi vivadanti, bhikkhūpi bhikkhunīhi vivadanti, bhikkhuniyopi bhikkhūhi vivadanti, channopi bhikkhu bhikkhunīnaṁ anupakhajja bhikkhūhi saddhiṁ vivadati, bhikkhunīnaṁ pakkhaṁ gāheti.
pli-tv-kd14:14.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd14:14.1.3	“kathañhi nāma channo bhikkhu bhikkhunīnaṁ anupakhajja bhikkhūhi saddhiṁ vivadissati, bhikkhunīnaṁ pakkhaṁ gāhessatīti.
pli-tv-kd14:14.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd14:14.1.5	saccaṁ kira, bhikkhave …pe…
pli-tv-kd14:14.1.6	saccaṁ, bhagavā”ti …pe…
pli-tv-kd14:14.1.7	vigarahitvā …pe…
pli-tv-kd14:14.1.8	dhammiṁ kathaṁ katvā bhikkhū āmantesi—
pli-tv-kd14:14.2.0	
pli-tv-kd14:14.2.1	“Cattārimāni, bhikkhave, adhikaraṇāni— vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.
pli-tv-kd14:14.2.2	Tattha katamaṁ vivādādhikaraṇaṁ?
pli-tv-kd14:14.2.3	Idha pana, bhikkhave, bhikkhū vivadanti—
pli-tv-kd14:14.2.4	dhammoti vā adhammoti vā, vinayoti vā avinayoti vā, bhāsitaṁ lapitaṁ tathāgatenāti vā abhāsitaṁ alapitaṁ tathāgatenāti vā, āciṇṇaṁ tathāgatenāti vā anāciṇṇaṁ tathāgatenāti vā, paññattaṁ tathāgatenāti vā apaññattaṁ tathāgatenāti vā, āpattīti vā anāpattīti vā, lahukā āpattīti vā garukā āpattīti vā, sāvasesā āpattīti vā anavasesā āpattīti vā, duṭṭhullā āpattīti vā aduṭṭhullā āpattīti vā?
pli-tv-kd14:14.2.5	Yaṁ tattha bhaṇḍanaṁ kalaho viggaho vivādo nānāvādo aññathāvādo vipaccatāya vohāro medhagaṁ—
pli-tv-kd14:14.2.6	idaṁ vuccati vivādādhikaraṇaṁ.
pli-tv-kd14:14.2.7	Tattha katamaṁ anuvādādhikaraṇaṁ?
pli-tv-kd14:14.2.8	Idha pana, bhikkhave, bhikkhū bhikkhuṁ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā.
pli-tv-kd14:14.2.9	Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ—
pli-tv-kd14:14.2.10	idaṁ vuccati anuvādādhikaraṇaṁ.
pli-tv-kd14:14.2.11	Tattha katamaṁ āpattādhikaraṇaṁ?
pli-tv-kd14:14.2.12	Pañcapi āpattikkhandhā āpattādhikaraṇaṁ, sattapi āpattikkhandhā āpattādhikaraṇaṁ—
pli-tv-kd14:14.2.13	idaṁ vuccati āpattādhikaraṇaṁ.
pli-tv-kd14:14.2.14	Tattha katamaṁ kiccādhikaraṇaṁ?
pli-tv-kd14:14.2.15	Yā saṅghassa kiccayatā, karaṇīyatā, apalokanakammaṁ, ñattikammaṁ, ñattidutiyakammaṁ, ñatticatutthakammaṁ—
pli-tv-kd14:14.2.16	idaṁ vuccati kiccādhikaraṇaṁ.
pli-tv-kd14:14.3.0	
pli-tv-kd14:14.3.1	Vivādādhikaraṇassa kiṁ mūlaṁ?
pli-tv-kd14:14.3.2	Cha vivādamūlāni vivādādhikaraṇassa mūlaṁ.
pli-tv-kd14:14.3.3	Tīṇipi akusalamūlāni vivādādhikaraṇassa mūlaṁ, tīṇipi kusalamūlāni vivādādhikaraṇassa mūlaṁ.
pli-tv-kd14:14.3.4	Katamāni cha vivādamūlāni vivādādhikaraṇassa mūlaṁ?
pli-tv-kd14:14.3.5	Idha pana, bhikkhave, bhikkhu kodhano hoti upanāhī.
pli-tv-kd14:14.3.6	Yo so, bhikkhave, bhikkhu kodhano hoti upanāhī, so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-kd14:14.3.7	Yo so, bhikkhave, bhikkhu sattharipi agāravo viharati appatisso, dhammepi …pe…
pli-tv-kd14:14.3.8	saṅghepi …pe…
pli-tv-kd14:14.3.9	sikkhāyapi na paripūrakārī, so saṅghe vivādaṁ janeti.
pli-tv-kd14:14.3.10	Yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-kd14:14.3.11	Evarūpañce tumhe, bhikkhave, vivādamūlaṁ ajjhattaṁ vā bahiddhā vā samanupasseyyātha, tatra tumhe, bhikkhave, tasseva pāpakassa vivādamūlassa pahānāya vāyameyyātha.
pli-tv-kd14:14.3.12	Evarūpañce tumhe, bhikkhave, vivādamūlaṁ ajjhattaṁ vā bahiddhā vā na samanupasseyyātha, tatra tumhe, bhikkhave, tasseva pāpakassa vivādamūlassa āyatiṁ anavassavāya paṭipajjeyyātha.
pli-tv-kd14:14.3.13	Evametassa pāpakassa vivādamūlassa pahānaṁ hoti.
pli-tv-kd14:14.3.14	Evametassa pāpakassa vivādamūlassa āyatiṁ anavassavo hoti.
pli-tv-kd14:14.3.15	Puna caparaṁ, bhikkhave, bhikkhu makkhī hoti paḷāsī …pe…
pli-tv-kd14:14.3.16	issukī hoti maccharī, saṭho hoti māyāvī, pāpiccho hoti micchādiṭṭhī, sandiṭṭhiparāmāsī hoti ādhānaggāhī duppaṭinissaggī.
pli-tv-kd14:14.3.17	Yo so, bhikkhave, bhikkhu sandiṭṭhiparāmāsī hoti ādhānaggāhī duppaṭinissaggī, so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-kd14:14.3.18	Yo so, bhikkhave, bhikkhu sattharipi agāravo viharati appatisso, dhammepi …pe…
pli-tv-kd14:14.3.19	saṅghepi …pe…
pli-tv-kd14:14.3.20	sikkhāyapi na paripūrakārī, so saṅghe vivādaṁ janeti.
pli-tv-kd14:14.3.21	Yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-kd14:14.3.22	Evarūpañce tumhe, bhikkhave, vivādamūlaṁ ajjhattaṁ vā bahiddhā vā samanupasseyyātha, tatra tumhe, bhikkhave, tasseva pāpakassa vivādamūlassa pahānāya vāyameyyātha.
pli-tv-kd14:14.3.23	Evarūpañce tumhe, bhikkhave, vivādamūlaṁ ajjhattaṁ vā bahiddhā vā na samanupasseyyātha, tatra tumhe, bhikkhave, tasseva pāpakassa vivādamūlassa āyatiṁ anavassavāya paṭipajjeyyātha.
pli-tv-kd14:14.3.24	Evametassa pāpakassa vivādamūlassa pahānaṁ hoti.
pli-tv-kd14:14.3.25	Evametassa pāpakassa vivādamūlassa āyatiṁ anavassavo hoti.
pli-tv-kd14:14.3.26	Imāni cha vivādamūlāni vivādādhikaraṇassa mūlaṁ.
pli-tv-kd14:14.4.1	Katamāni tīṇi akusalamūlāni vivādādhikaraṇassa mūlaṁ?
pli-tv-kd14:14.4.2	Idha pana, bhikkhave, bhikkhū luddhacittā vivadanti, duṭṭhacittā vivadanti, mūḷhacittā vivadanti—
pli-tv-kd14:14.4.3	dhammoti vā adhammoti vā, vinayoti vā avinayoti vā, bhāsitaṁ lapitaṁ tathāgatenāti vā abhāsitaṁ alapitaṁ tathāgatenāti vā, āciṇṇaṁ tathāgatenāti vā anāciṇṇaṁ tathāgatenāti vā, paññattaṁ tathāgatenāti vā apaññattaṁ tathāgatenāti vā, āpattīti vā anāpattīti vā, lahukā āpattīti vā garukā āpattīti vā, sāvasesā āpattīti vā anavasesā āpattīti vā, duṭṭhullā āpattīti vā aduṭṭhullā āpattīti vā.
pli-tv-kd14:14.4.4	Imāni tīṇi akusalamūlāni vivādādhikaraṇassa mūlaṁ.
pli-tv-kd14:14.4.5	Katamāni tīṇi kusalamūlāni vivādādhikaraṇassa mūlaṁ?
pli-tv-kd14:14.4.6	Idha pana, bhikkhave, bhikkhū aluddhacittā vivadanti, aduṭṭhacittā vivadanti, amūḷhacittā vivadanti—
pli-tv-kd14:14.4.7	dhammoti vā adhammoti vā …pe…
pli-tv-kd14:14.4.8	duṭṭhullā āpattīti vā aduṭṭhullā āpattīti vā.
pli-tv-kd14:14.4.9	Imāni tīṇi kusalamūlāni vivādādhikaraṇassa mūlaṁ.
pli-tv-kd14:14.5.0	
pli-tv-kd14:14.5.1	“Anuvādādhikaraṇassa kiṁ mūlaṁ?
pli-tv-kd14:14.5.2	Cha anuvādamūlāni anuvādādhikaraṇassa mūlaṁ.
pli-tv-kd14:14.5.3	Tīṇipi akusalamūlāni anuvādādhikaraṇassa mūlaṁ, tīṇipi kusalamūlāni anuvādādhikaraṇassa mūlaṁ, kāyopi anuvādādhikaraṇassa mūlaṁ, vācāpi anuvādādhikaraṇassa mūlaṁ.
pli-tv-kd14:14.5.4	Katamāni cha anuvādamūlāni anuvādādhikaraṇassa mūlaṁ?
pli-tv-kd14:14.5.5	Idha pana, bhikkhave, bhikkhu kodhano hoti upanāhī.
pli-tv-kd14:14.5.6	Yo so, bhikkhave, bhikkhu kodhano hoti upanāhī, so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-kd14:14.5.7	Yo so, bhikkhave, bhikkhu sattharipi agāravo viharati appatisso, dhammepi …pe…
pli-tv-kd14:14.5.8	saṅghepi …pe…
pli-tv-kd14:14.5.9	sikkhāyapi na paripūrakārī, so saṅghe anuvādaṁ janeti.
pli-tv-kd14:14.5.10	Yo hoti anuvādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-kd14:14.5.11	Evarūpañce tumhe, bhikkhave, anuvādamūlaṁ ajjhattaṁ vā bahiddhā vā samanupasseyyātha, tatra tumhe, bhikkhave, tasseva pāpakassa anuvādamūlassa pahānāya vāyameyyātha.
pli-tv-kd14:14.5.12	Evarūpañce tumhe, bhikkhave, anuvādamūlaṁ ajjhattaṁ vā bahiddhā vā na samanupasseyyātha, tatra tumhe, bhikkhave, tasseva pāpakassa anuvādamūlassa āyatiṁ anavassavāya paṭipajjeyyātha.
pli-tv-kd14:14.5.13	Evametassa pāpakassa anuvādamūlassa pahānaṁ hoti.
pli-tv-kd14:14.5.14	Evametassa pāpakassa anuvādamūlassa āyatiṁ anavassavo hoti.
pli-tv-kd14:14.5.15	Puna caparaṁ, bhikkhave, bhikkhu makkhī hoti paḷāsī …pe…
pli-tv-kd14:14.5.16	issukī hoti maccharī, saṭho hoti māyāvī, pāpiccho hoti micchādiṭṭhī, sandiṭṭhiparāmāsī hoti ādhānaggāhī duppaṭinissaggī.
pli-tv-kd14:14.5.17	Yo so, bhikkhave, bhikkhu sandiṭṭhiparāmāsī hoti ādhānaggāhī duppaṭinissaggī, so sattharipi agāravo viharati appatisso, dhammepi agāravo viharati appatisso, saṅghepi agāravo viharati appatisso, sikkhāyapi na paripūrakārī hoti.
pli-tv-kd14:14.5.18	Yo so, bhikkhave, bhikkhu sattharipi agāravo viharati appatisso, dhammepi …pe…
pli-tv-kd14:14.5.19	saṅghepi …pe…
pli-tv-kd14:14.5.20	sikkhāyapi na paripūrakārī, so saṅghe anuvādaṁ janeti.
pli-tv-kd14:14.5.21	Yo hoti anuvādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṁ.
pli-tv-kd14:14.5.22	Evarūpañce tumhe, bhikkhave, anuvādamūlaṁ ajjhattaṁ vā bahiddhā vā samanupasseyyātha, tatra tumhe, bhikkhave, tasseva pāpakassa anuvādamūlassa pahānāya vāyameyyātha.
pli-tv-kd14:14.5.23	Evarūpañce tumhe, bhikkhave, anuvādamūlaṁ ajjhattaṁ vā bahiddhā vā na samanupasseyyātha, tatra tumhe, bhikkhave, tasseva pāpakassa anuvādamūlassa āyatiṁ anavassavāya paṭipajjeyyātha.
pli-tv-kd14:14.5.24	Evametassa pāpakassa anuvādamūlassa pahānaṁ hoti.
pli-tv-kd14:14.5.25	Evametassa pāpakassa anuvādamūlassa āyatiṁ anavassavo hoti.
pli-tv-kd14:14.5.26	Imāni cha anuvādamūlāni anuvādādhikaraṇassa mūlaṁ.
pli-tv-kd14:14.5.27	Katamāni tīṇi akusalamūlāni anuvādādhikaraṇassa mūlaṁ?
pli-tv-kd14:14.5.28	Idha pana, bhikkhave, bhikkhū bhikkhuṁ luddhacittā anuvadanti, duṭṭhacittā anuvadanti, mūḷhacittā anuvadanti—
pli-tv-kd14:14.5.29	sīlavipattiyā vā, ācāravipattiyā vā, diṭṭhivipattiyā vā, ājīvavipattiyā vā.
pli-tv-kd14:14.5.30	Imāni tīṇi akusalamūlāni anuvādādhikaraṇassa mūlaṁ.
pli-tv-kd14:14.5.31	Katamāni tīṇi kusalamūlāni anuvādādhikaraṇassa mūlaṁ?
pli-tv-kd14:14.5.32	Idha pana, bhikkhave, bhikkhū bhikkhuṁ aluddhacittā anuvadanti, aduṭṭhacittā anuvadanti, amūḷhacittā anuvadanti—
pli-tv-kd14:14.5.33	sīlavipattiyā vā, ācāravipattiyā vā, diṭṭhivipattiyā vā, ājīvavipattiyā vā.
pli-tv-kd14:14.5.34	Imāni tīṇi kusalamūlāni anuvādādhikaraṇassa mūlaṁ.
pli-tv-kd14:14.5.35	Katamo kāyo anuvādādhikaraṇassa mūlaṁ?
pli-tv-kd14:14.5.36	Idhekacco dubbaṇṇo hoti, duddassiko, okoṭimako, bahvābādho, kāṇo vā, kuṇī vā, khañjo vā, pakkhahato vā, yena naṁ anuvadanti.
pli-tv-kd14:14.5.37	Ayaṁ kāyo anuvādādhikaraṇassa mūlaṁ.
pli-tv-kd14:14.5.38	Katamā vācā anuvādādhikaraṇassa mūlaṁ?
pli-tv-kd14:14.5.39	Idhekacco dubbaco hoti, mammano, eḷagalavāco, yāya naṁ anuvadanti.
pli-tv-kd14:14.5.40	Ayaṁ vācā anuvādādhikaraṇassa mūlaṁ.
pli-tv-kd14:14.6.0	
pli-tv-kd14:14.6.1	Āpattādhikaraṇassa kiṁ mūlaṁ?
pli-tv-kd14:14.6.2	Cha āpattisamuṭṭhānā āpattādhikaraṇassa mūlaṁ.
pli-tv-kd14:14.6.3	Atthāpatti kāyato samuṭṭhāti, na vācato, na cittato.
pli-tv-kd14:14.6.4	Atthāpatti vācato samuṭṭhāti, na kāyato, na cittato.
pli-tv-kd14:14.6.5	Atthāpatti kāyato ca vācato ca samuṭṭhāti, na cittato.
pli-tv-kd14:14.6.6	Atthāpatti kāyato ca cittato ca samuṭṭhāti, na vācato.
pli-tv-kd14:14.6.7	Atthāpatti vācato ca cittato ca samuṭṭhāti, na kāyato.
pli-tv-kd14:14.6.8	Atthāpatti kāyato ca vācato ca cittato ca samuṭṭhāti.
pli-tv-kd14:14.6.9	Ime cha āpattisamuṭṭhānā āpattādhikaraṇassa mūlaṁ.
pli-tv-kd14:14.7.1	Kiccādhikaraṇassa kiṁ mūlaṁ?
pli-tv-kd14:14.7.2	Kiccādhikaraṇassa ekaṁ mūlaṁ—
pli-tv-kd14:14.7.3	saṅgho.
pli-tv-kd14:14.8.0	
pli-tv-kd14:14.8.1	Vivādādhikaraṇaṁ kusalaṁ, akusalaṁ, abyākataṁ.
pli-tv-kd14:14.8.2	Vivādādhikaraṇaṁ siyā kusalaṁ, siyā akusalaṁ, siyā abyākataṁ.
pli-tv-kd14:14.8.3	Tattha katamaṁ vivādādhikaraṇaṁ kusalaṁ?
pli-tv-kd14:14.8.4	Idha pana, bhikkhave, bhikkhū kusalacittā vivadanti—
pli-tv-kd14:14.8.5	dhammoti vā adhammoti vā …pe…
pli-tv-kd14:14.8.6	duṭṭhullā āpattīti vā aduṭṭhullā āpattīti vā.
pli-tv-kd14:14.8.7	Yaṁ tattha bhaṇḍanaṁ kalaho viggaho vivādo nānāvādo aññathāvādo vipaccatāya vohāro medhagaṁ—
pli-tv-kd14:14.8.8	idaṁ vuccati vivādādhikaraṇaṁ kusalaṁ.
pli-tv-kd14:14.8.9	Tattha katamaṁ vivādādhikaraṇaṁ akusalaṁ?
pli-tv-kd14:14.8.10	Idha pana, bhikkhave, bhikkhū akusalacittā vivadanti—
pli-tv-kd14:14.8.11	dhammoti vā adhammoti vā …pe…
pli-tv-kd14:14.8.12	duṭṭhullā āpattīti vā aduṭṭhullā āpattīti vā.
pli-tv-kd14:14.8.13	Yaṁ tattha bhaṇḍanaṁ kalaho viggaho vivādo nānāvādo aññathāvādo vipaccatāya vohāro medhagaṁ—
pli-tv-kd14:14.8.14	idaṁ vuccati vivādādhikaraṇaṁ akusalaṁ.
pli-tv-kd14:14.8.15	Tattha katamaṁ vivādādhikaraṇaṁ abyākataṁ?
pli-tv-kd14:14.8.16	Idha pana, bhikkhave, bhikkhū abyākatacittā vivadanti—
pli-tv-kd14:14.8.17	dhammoti vā adhammoti vā …pe…
pli-tv-kd14:14.8.18	duṭṭhullā āpattīti vā aduṭṭhullā āpattīti vā.
pli-tv-kd14:14.8.19	Yaṁ tattha bhaṇḍanaṁ kalaho viggaho vivādo nānāvādo aññathāvādo vipaccatāya vohāro medhagaṁ—
pli-tv-kd14:14.8.20	idaṁ vuccati vivādādhikaraṇaṁ abyākataṁ.
pli-tv-kd14:14.9.0	
pli-tv-kd14:14.9.1	Anuvādādhikaraṇaṁ kusalaṁ, akusalaṁ, abyākataṁ.
pli-tv-kd14:14.9.2	Anuvādādhikaraṇaṁ siyā kusalaṁ, siyā akusalaṁ, siyā abyākataṁ.
pli-tv-kd14:14.9.3	Tattha katamaṁ anuvādādhikaraṇaṁ kusalaṁ?
pli-tv-kd14:14.9.4	Idha pana, bhikkhave, bhikkhū bhikkhuṁ kusalacittā anuvadanti—
pli-tv-kd14:14.9.5	sīlavipattiyā vā, ācāravipattiyā vā, diṭṭhivipattiyā vā, ājīvavipattiyā vā.
pli-tv-kd14:14.9.6	Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ—
pli-tv-kd14:14.9.7	idaṁ vuccati anuvādādhikaraṇaṁ kusalaṁ.
pli-tv-kd14:14.9.8	Tattha katamaṁ anuvādādhikaraṇaṁ akusalaṁ?
pli-tv-kd14:14.9.9	Idha pana, bhikkhave, bhikkhū bhikkhuṁ akusalacittā anuvadanti—
pli-tv-kd14:14.9.10	sīlavipattiyā vā, ācāravipattiyā vā, diṭṭhivipattiyā vā, ājīvavipattiyā vā.
pli-tv-kd14:14.9.11	Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ—
pli-tv-kd14:14.9.12	idaṁ vuccati anuvādādhikaraṇaṁ akusalaṁ.
pli-tv-kd14:14.9.13	Tattha katamaṁ anuvādādhikaraṇaṁ abyākataṁ?
pli-tv-kd14:14.9.14	Idha pana, bhikkhave, bhikkhū bhikkhuṁ abyākatacittā anuvadanti—
pli-tv-kd14:14.9.15	sīlavipattiyā vā, ācāravipattiyā vā, diṭṭhivipattiyā vā, ājīvavipattiyā vā.
pli-tv-kd14:14.9.16	Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ—
pli-tv-kd14:14.9.17	idaṁ vuccati anuvādādhikaraṇaṁ abyākataṁ.
pli-tv-kd14:14.10.0	
pli-tv-kd14:14.10.1	Āpattādhikaraṇaṁ kusalaṁ, akusalaṁ, abyākataṁ?
pli-tv-kd14:14.10.2	Āpattādhikaraṇaṁ siyā akusalaṁ, siyā abyākataṁ;
pli-tv-kd14:14.10.3	natthi āpattādhikaraṇaṁ kusalaṁ.
pli-tv-kd14:14.10.4	Tattha katamaṁ āpattādhikaraṇaṁ akusalaṁ?
pli-tv-kd14:14.10.5	Yaṁ jānanto sañjānanto cecca abhivitaritvā vītikkamo—
pli-tv-kd14:14.10.6	idaṁ vuccati āpattādhikaraṇaṁ akusalaṁ.
pli-tv-kd14:14.10.7	Tattha katamaṁ āpattādhikaraṇaṁ abyākataṁ?
pli-tv-kd14:14.10.8	Yaṁ ajānanto asañjānanto acecca anabhivitaritvā vītikkamo—
pli-tv-kd14:14.10.9	idaṁ vuccati āpattādhikaraṇaṁ abyākataṁ.
pli-tv-kd14:14.11.0	
pli-tv-kd14:14.11.1	Kiccādhikaraṇaṁ kusalaṁ, akusalaṁ, abyākataṁ?
pli-tv-kd14:14.11.2	Kiccādhikaraṇaṁ siyā kusalaṁ, siyā akusalaṁ, siyā abyākataṁ.
pli-tv-kd14:14.11.3	Tattha katamaṁ kiccādhikaraṇaṁ kusalaṁ?
pli-tv-kd14:14.11.4	Yaṁ saṅgho kusalacitto kammaṁ karoti—
pli-tv-kd14:14.11.5	apalokanakammaṁ, ñattikammaṁ, ñattidutiyakammaṁ, ñatticatutthakammaṁ—
pli-tv-kd14:14.11.6	idaṁ vuccati kiccādhikaraṇaṁ kusalaṁ.
pli-tv-kd14:14.11.7	Tattha katamaṁ kiccādhikaraṇaṁ akusalaṁ?
pli-tv-kd14:14.11.8	Yaṁ saṅgho akusalacitto kammaṁ karoti—
pli-tv-kd14:14.11.9	apalokanakammaṁ, ñattikammaṁ, ñattidutiyakammaṁ, ñatticatutthakammaṁ—
pli-tv-kd14:14.11.10	idaṁ vuccati kiccādhikaraṇaṁ akusalaṁ.
pli-tv-kd14:14.11.11	Tattha katamaṁ kiccādhikaraṇaṁ abyākataṁ?
pli-tv-kd14:14.11.12	Yaṁ saṅgho abyākatacitto kammaṁ karoti—
pli-tv-kd14:14.11.13	apalokanakammaṁ, ñattikammaṁ, ñattidutiyakammaṁ, ñatticatutthakammaṁ—
pli-tv-kd14:14.11.14	idaṁ vuccati kiccādhikaraṇaṁ abyākataṁ.
pli-tv-kd14:14.12.0	
pli-tv-kd14:14.12.1	Vivādo vivādādhikaraṇaṁ, vivādo no adhikaraṇaṁ, adhikaraṇaṁ no vivādo, adhikaraṇañceva vivādo ca.
pli-tv-kd14:14.12.2	Siyā vivādo vivādādhikaraṇaṁ, siyā vivādo no adhikaraṇaṁ, siyā adhikaraṇaṁ no vivādo, siyā adhikaraṇañceva vivādo ca.
pli-tv-kd14:14.12.3	Tattha katamo vivādo vivādādhikaraṇaṁ?
pli-tv-kd14:14.12.4	Idha pana, bhikkhave, bhikkhū vivadanti—
pli-tv-kd14:14.12.5	dhammoti vā adhammoti vā …pe…
pli-tv-kd14:14.12.6	duṭṭhullā āpattīti vā aduṭṭhullā āpattīti vā.
pli-tv-kd14:14.12.7	Yaṁ tattha bhaṇḍanaṁ kalaho viggaho vivādo nānāvādo aññathāvādo vipaccatāya vohāro medhagaṁ—
pli-tv-kd14:14.12.8	ayaṁ vivādo vivādādhikaraṇaṁ.
pli-tv-kd14:14.12.9	Tattha katamo vivādo no adhikaraṇaṁ?
pli-tv-kd14:14.12.10	Mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati—
pli-tv-kd14:14.12.11	ayaṁ vivādo no adhikaraṇaṁ.
pli-tv-kd14:14.12.12	Tattha katamaṁ adhikaraṇaṁ no vivādo?
pli-tv-kd14:14.12.13	Anuvādādhikaraṇaṁ, āpattādhikaraṇaṁ, kiccādhikaraṇaṁ—
pli-tv-kd14:14.12.14	idaṁ adhikaraṇaṁ no vivādo.
pli-tv-kd14:14.12.15	Tattha katamaṁ adhikaraṇañceva vivādo ca?
pli-tv-kd14:14.12.16	Vivādādhikaraṇaṁ adhikaraṇañceva vivādo ca.
pli-tv-kd14:14.13.0	
pli-tv-kd14:14.13.1	Anuvādo anuvādādhikaraṇaṁ, anuvādo no adhikaraṇaṁ, adhikaraṇaṁ no anuvādo, adhikaraṇañceva anuvādo ca.
pli-tv-kd14:14.13.2	Siyā anuvādo anuvādādhikaraṇaṁ, siyā anuvādo no adhikaraṇaṁ, siyā adhikaraṇaṁ no anuvādo, siyā adhikaraṇañceva anuvādo ca.
pli-tv-kd14:14.13.3	Tattha katamo anuvādo anuvādādhikaraṇaṁ?
pli-tv-kd14:14.13.4	Idha pana, bhikkhave, bhikkhū bhikkhuṁ anuvadanti—
pli-tv-kd14:14.13.5	sīlavipattiyā vā, ācāravipattiyā vā, diṭṭhivipattiyā vā, ājīvavipattiyā vā.
pli-tv-kd14:14.13.6	Yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaṁ—
pli-tv-kd14:14.13.7	ayaṁ anuvādo anuvādādhikaraṇaṁ.
pli-tv-kd14:14.13.8	Tattha katamo anuvādo no adhikaraṇaṁ?
pli-tv-kd14:14.13.9	Mātāpi puttaṁ anuvadati, puttopi mātaraṁ anuvadati, pitāpi puttaṁ anuvadati, puttopi pitaraṁ anuvadati, bhātāpi bhātaraṁ anuvadati, bhātāpi bhaginiṁ anuvadati, bhaginīpi bhātaraṁ anuvadati, sahāyopi sahāyaṁ anuvadati—
pli-tv-kd14:14.13.10	ayaṁ anuvādo no adhikaraṇaṁ.
pli-tv-kd14:14.13.11	Tattha katamaṁ adhikaraṇaṁ no anuvādo?
pli-tv-kd14:14.13.12	Āpattādhikaraṇaṁ, kiccādhikaraṇaṁ, vivādādhikaraṇaṁ—
pli-tv-kd14:14.13.13	idaṁ adhikaraṇaṁ no anuvādo.
pli-tv-kd14:14.13.14	Tattha katamaṁ adhikaraṇañceva anuvādo ca?
pli-tv-kd14:14.13.15	Anuvādādhikaraṇaṁ adhikaraṇañceva anuvādo ca.
pli-tv-kd14:14.14.0	
pli-tv-kd14:14.14.1	Āpatti āpattādhikaraṇaṁ, āpatti no adhikaraṇaṁ, adhikaraṇaṁ no āpatti, adhikaraṇañceva āpatti ca.
pli-tv-kd14:14.14.2	Siyā āpatti āpattādhikaraṇaṁ, siyā āpatti no adhikaraṇaṁ, siyā adhikaraṇaṁ no āpatti, siyā adhikaraṇañceva āpatti ca.
pli-tv-kd14:14.14.3	Tattha katamaṁ āpatti āpattādhikaraṇaṁ?
pli-tv-kd14:14.14.4	Pañcapi āpattikkhandhā āpattādhikaraṇaṁ, sattapi āpattikkhandhā āpattādhikaraṇaṁ—
pli-tv-kd14:14.14.5	ayaṁ āpatti āpattādhikaraṇaṁ.
pli-tv-kd14:14.14.6	Tattha katamaṁ āpatti no adhikaraṇaṁ?
pli-tv-kd14:14.14.7	Sotāpatti samāpatti—
pli-tv-kd14:14.14.8	ayaṁ āpatti no adhikaraṇaṁ.
pli-tv-kd14:14.14.9	Tattha katamaṁ adhikaraṇaṁ no āpatti?
pli-tv-kd14:14.14.10	Kiccādhikaraṇaṁ, vivādādhikaraṇaṁ, anuvādādhikaraṇaṁ—
pli-tv-kd14:14.14.11	idaṁ adhikaraṇaṁ no āpatti.
pli-tv-kd14:14.14.12	Tattha katamaṁ adhikaraṇañceva āpatti ca?
pli-tv-kd14:14.14.13	Āpattādhikaraṇaṁ adhikaraṇañceva āpatti ca.
pli-tv-kd14:14.15.0	
pli-tv-kd14:14.15.1	Kiccaṁ kiccādhikaraṇaṁ, kiccaṁ no adhikaraṇaṁ, adhikaraṇaṁ no kiccaṁ, adhikaraṇañceva kiccañca.
pli-tv-kd14:14.15.2	Siyā kiccaṁ kiccādhikaraṇaṁ, siyā kiccaṁ no adhikaraṇaṁ, siyā adhikaraṇaṁ no kiccaṁ, siyā adhikaraṇañceva kiccañca.
pli-tv-kd14:14.15.3	Tattha katamaṁ kiccaṁ kiccādhikaraṇaṁ?
pli-tv-kd14:14.15.4	Yā saṅghassa kiccayatā, karaṇīyatā, apalokanakammaṁ, ñattikammaṁ, ñattidutiyakammaṁ, ñatticatutthakammaṁ—
pli-tv-kd14:14.15.5	idaṁ kiccaṁ kiccādhikaraṇaṁ.
pli-tv-kd14:14.15.6	Tattha katamaṁ kiccaṁ no adhikaraṇaṁ?
pli-tv-kd14:14.15.7	Ācariyakiccaṁ, upajjhāyakiccaṁ, samānupajjhāyakiccaṁ, samānācariyakiccaṁ—
pli-tv-kd14:14.15.8	idaṁ kiccaṁ no adhikaraṇaṁ.
pli-tv-kd14:14.15.9	Tattha katamaṁ adhikaraṇaṁ no kiccaṁ?
pli-tv-kd14:14.15.10	Vivādādhikaraṇaṁ, anuvādādhikaraṇaṁ, āpattādhikaraṇaṁ—
pli-tv-kd14:14.15.11	idaṁ adhikaraṇaṁ no kiccaṁ.
pli-tv-kd14:14.15.12	Tattha katamaṁ adhikaraṇañceva kiccañca?
pli-tv-kd14:14.15.13	Kiccādhikaraṇaṁ adhikaraṇañceva kiccañca.
pli-tv-kd14:14.15.14.0.1	9. Adhikaraṇavūpasamanasamatha
pli-tv-kd14:14.15.14.0.2	9.1. Sammukhāvinaya
pli-tv-kd14:14.15.14.1	Vivādādhikaraṇaṁ katihi samathehi sammati?
pli-tv-kd14:14.16.1	Vivādādhikaraṇaṁ dvīhi samathehi sammati—
pli-tv-kd14:14.16.2	sammukhāvinayena ca, yebhuyyasikāya ca.
pli-tv-kd14:14.16.3	Siyā vivādādhikaraṇaṁ ekaṁ samathaṁ anāgamma yebhuyyasikaṁ, ekena samathena sameyya—
pli-tv-kd14:14.16.4	sammukhāvinayenāti?
pli-tv-kd14:14.16.5	Siyātissa vacanīyaṁ.
pli-tv-kd14:14.16.6	Yathā kathaṁ viya?
pli-tv-kd14:14.16.7	Idha pana, bhikkhave, bhikkhū vivadanti—
pli-tv-kd14:14.16.8	dhammoti vā adhammoti vā, vinayoti vā avinayoti vā, bhāsitaṁ lapitaṁ tathāgatenāti vā abhāsitaṁ alapitaṁ tathāgatenāti vā, āciṇṇaṁ tathāgatenāti vā anāciṇṇaṁ tathāgatenāti vā, paññattaṁ tathāgatenāti vā apaññattaṁ tathāgatenāti vā, āpattīti vā anāpattīti vā, lahukā āpattīti vā garukā āpattīti vā, sāvasesā āpattīti vā anavasesā āpattīti vā, duṭṭhullā āpattīti vā aduṭṭhullā āpattīti vā.
pli-tv-kd14:14.16.9	Te ce, bhikkhave, bhikkhū sakkonti taṁ adhikaraṇaṁ vūpasametuṁ, idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.16.10	Kena vūpasantaṁ?
pli-tv-kd14:14.16.11	Sammukhāvinayena.
pli-tv-kd14:14.16.12	Kiñca tattha sammukhāvinayasmiṁ?
pli-tv-kd14:14.16.13	Saṅghasammukhatā, dhammasammukhatā, vinayasammukhatā, puggalasammukhatā.
pli-tv-kd14:14.16.14	Kā ca tattha saṅghasammukhatā?
pli-tv-kd14:14.16.15	Yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā na paṭikkosanti—
pli-tv-kd14:14.16.16	ayaṁ tattha saṅghasammukhatā.
pli-tv-kd14:14.16.17	Kā ca tattha dhammasammukhatā, vinayasammukhatā?
pli-tv-kd14:14.16.18	Yena dhammena yena vinayena yena satthusāsanena taṁ adhikaraṇaṁ vūpasammati—
pli-tv-kd14:14.16.19	ayaṁ tattha dhammasammukhatā, vinayasammukhatā.
pli-tv-kd14:14.16.20	Kā ca tattha puggalasammukhatā?
pli-tv-kd14:14.16.21	Yo ca vivadati, yena ca vivadati, ubho atthapaccatthikā sammukhībhūtā honti—
pli-tv-kd14:14.16.22	ayaṁ tattha puggalasammukhatā.
pli-tv-kd14:14.16.23	Evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ;
pli-tv-kd14:14.16.24	chandadāyako khīyati, khīyanakaṁ pācittiyaṁ.
pli-tv-kd14:14.17.1	Te ce, bhikkhave, bhikkhū na sakkonti taṁ adhikaraṇaṁ tasmiṁ āvāse vūpasametuṁ, tehi, bhikkhave, bhikkhūhi, yasmiṁ āvāse sambahulā bhikkhū, so āvāso gantabbo.
pli-tv-kd14:14.17.2	Te ce, bhikkhave, bhikkhū taṁ āvāsaṁ gacchantā antarāmagge sakkonti taṁ adhikaraṇaṁ vūpasametuṁ, idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.17.3	Kena vūpasantaṁ?
pli-tv-kd14:14.17.4	Sammukhāvinayena.
pli-tv-kd14:14.17.5	Kiñca tattha sammukhāvinayasmiṁ?
pli-tv-kd14:14.17.6	Saṅghasammukhatā, dhammasammukhatā, vinayasammukhatā, puggalasammukhatā.
pli-tv-kd14:14.17.7	Kā ca tattha saṅghasammukhatā?
pli-tv-kd14:14.17.8	Yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā na paṭikkosanti—
pli-tv-kd14:14.17.9	ayaṁ tattha saṅghasammukhatā.
pli-tv-kd14:14.17.10	Kā ca tattha dhammasammukhatā, vinayasammukhatā?
pli-tv-kd14:14.17.11	Yena dhammena yena vinayena yena satthusāsanena taṁ adhikaraṇaṁ vūpasammati—
pli-tv-kd14:14.17.12	ayaṁ tattha dhammasammukhatā, vinayasammukhatā.
pli-tv-kd14:14.17.13	Kā ca tattha puggalasammukhatā?
pli-tv-kd14:14.17.14	Yo ca vivadati, yena ca vivadati, ubho atthapaccatthikā sammukhībhūtā honti—
pli-tv-kd14:14.17.15	ayaṁ tattha puggalasammukhatā.
pli-tv-kd14:14.17.16	Evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ;
pli-tv-kd14:14.17.17	chandadāyako khīyati, khīyanakaṁ pācittiyaṁ.
pli-tv-kd14:14.18.1	Te ce, bhikkhave, bhikkhū taṁ āvāsaṁ āgacchantā antarāmagge na sakkonti taṁ adhikaraṇaṁ vūpasametuṁ, tehi, bhikkhave, bhikkhūhi, taṁ āvāsaṁ gantvā āvāsikā bhikkhū evamassu vacanīyā—
pli-tv-kd14:14.18.2	‘idaṁ kho, āvuso, adhikaraṇaṁ evaṁ jātaṁ, evaṁ samuppannaṁ;
pli-tv-kd14:14.18.3	sādhāyasmantā imaṁ adhikaraṇaṁ vūpasamentu dhammena vinayena satthusāsanena, yathayidaṁ adhikaraṇaṁ suvūpasantaṁ assā’ti.
pli-tv-kd14:14.18.4	Sace, bhikkhave, āvāsikā bhikkhū vuḍḍhatarā honti, āgantukā bhikkhū navakatarā, tehi, bhikkhave, āvāsikehi bhikkhūhi āgantukā bhikkhū evamassu vacanīyā—
pli-tv-kd14:14.18.5	‘iṅgha tumhe, āyasmanto, muhuttaṁ ekamantaṁ hotha, yāva mayaṁ mantemā’ti.
pli-tv-kd14:14.18.6	Sace pana, bhikkhave, āvāsikā bhikkhū navakatarā honti, āgantukā bhikkhū vuḍḍhatarā, tehi, bhikkhave, āvāsikehi bhikkhūhi āgantukā bhikkhū evamassu vacanīyā—
pli-tv-kd14:14.18.7	‘tena hi tumhe, āyasmanto, muhuttaṁ idheva tāva hotha, yāva mayaṁ mantemā’ti.
pli-tv-kd14:14.18.8	Sace pana, bhikkhave, āvāsikānaṁ bhikkhūnaṁ mantayamānānaṁ evaṁ hoti—
pli-tv-kd14:14.18.9	‘na mayaṁ sakkoma imaṁ adhikaraṇaṁ vūpasametuṁ dhammena vinayena satthusāsanenā’ti, na taṁ adhikaraṇaṁ āvāsikehi bhikkhūhi sampaṭicchitabbaṁ.
pli-tv-kd14:14.18.10	Sace pana, bhikkhave, āvāsikānaṁ bhikkhūnaṁ mantayamānānaṁ evaṁ hoti—
pli-tv-kd14:14.18.11	‘sakkoma mayaṁ imaṁ adhikaraṇaṁ vūpasametuṁ dhammena vinayena satthusāsanenā’ti.
pli-tv-kd14:14.18.12	Tehi, bhikkhave, āvāsikehi bhikkhūhi āgantukā bhikkhū evamassu vacanīyā—
pli-tv-kd14:14.18.13	‘sace tumhe, āyasmanto, amhākaṁ imaṁ adhikaraṇaṁ yathājātaṁ yathāsamuppannaṁ ārocessatha, yathā ca mayaṁ imaṁ adhikaraṇaṁ vūpasamessāma dhammena vinayena satthusāsanena tathā suvūpasantaṁ bhavissati.
pli-tv-kd14:14.18.14	Evaṁ mayaṁ imaṁ adhikaraṇaṁ sampaṭicchissāma.
pli-tv-kd14:14.18.15	No ce tumhe, āyasmanto, amhākaṁ imaṁ adhikaraṇaṁ yathājātaṁ yathāsamuppannaṁ ārocessatha, yathā ca mayaṁ imaṁ adhikaraṇaṁ vūpasamessāma dhammena vinayena satthusāsanena tathā na suvūpasantaṁ bhavissati, na mayaṁ imaṁ adhikaraṇaṁ sampaṭicchissāmā’ti.
pli-tv-kd14:14.18.16	Evaṁ supariggahitaṁ kho, bhikkhave, katvā āvāsikehi bhikkhūhi taṁ adhikaraṇaṁ sampaṭicchitabbaṁ.
pli-tv-kd14:14.18.17	Tehi, bhikkhave, āgantukehi bhikkhūhi āvāsikā bhikkhū evamassu vacanīyā—
pli-tv-kd14:14.18.18	‘yathājātaṁ yathāsamuppannaṁ mayaṁ imaṁ adhikaraṇaṁ āyasmantānaṁ ārocessāma.
pli-tv-kd14:14.18.19	Sace āyasmantā sakkonti ettakena vā ettakena vā antarena imaṁ adhikaraṇaṁ vūpasametuṁ dhammena vinayena satthusāsanena tathā suvūpasantaṁ bhavissati.
pli-tv-kd14:14.18.20	Evaṁ mayaṁ imaṁ adhikaraṇaṁ āyasmantānaṁ niyyādessāma.
pli-tv-kd14:14.18.21	No ce āyasmantā sakkonti ettakena vā ettakena vā antarena imaṁ adhikaraṇaṁ vūpasametuṁ dhammena vinayena satthusāsanena tathā na suvūpasantaṁ bhavissati, na mayaṁ imaṁ adhikaraṇaṁ āyasmantānaṁ niyyādessāma.
pli-tv-kd14:14.18.22	Mayameva imassa adhikaraṇassa sāmino bhavissāmā’ti.
pli-tv-kd14:14.18.23	Evaṁ supariggahitaṁ kho, bhikkhave, katvā āgantukehi bhikkhūhi taṁ adhikaraṇaṁ āvāsikānaṁ bhikkhūnaṁ niyyādetabbaṁ.
pli-tv-kd14:14.18.24	Te ce, bhikkhave, bhikkhū sakkonti taṁ adhikaraṇaṁ vūpasametuṁ, idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.18.25	Kena vūpasantaṁ?
pli-tv-kd14:14.18.26	Sammukhāvinayena.
pli-tv-kd14:14.18.27	Kiñca tattha sammukhāvinayasmiṁ?
pli-tv-kd14:14.18.28	Saṅghasammukhatā, dhammasammukhatā, vinayasammukhatā, puggalasammukhatā …pe…
pli-tv-kd14:14.18.29	evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ;
pli-tv-kd14:14.18.30	chandadāyako khīyati, khīyanakaṁ pācittiyaṁ.
pli-tv-kd14:14.19.0	9.2. Ubbāhikāyavūpasamana
pli-tv-kd14:14.19.1	Tehi ce, bhikkhave, bhikkhūhi tasmiṁ adhikaraṇe vinicchiyamāne anantāni ceva bhassāni jāyanti, na cekassa bhāsitassa attho viññāyati, anujānāmi, bhikkhave, evarūpaṁ adhikaraṇaṁ ubbāhikāya vūpasametuṁ.
pli-tv-kd14:14.19.2	Dasahaṅgehi samannāgato bhikkhu ubbāhikāya sammannitabbo—
pli-tv-kd14:14.19.3	sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu;
pli-tv-kd14:14.19.4	bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpassa dhammā bahussutā honti, dhātā vacasā paricitā manasānupekkhitā diṭṭhiyā suppaṭividdhā;
pli-tv-kd14:14.19.5	ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso;
pli-tv-kd14:14.19.6	vinaye kho pana ṭhito hoti asaṁhīro;
pli-tv-kd14:14.19.7	paṭibalo hoti ubho atthapaccatthike assāsetuṁ saññāpetuṁ nijjhāpetuṁ pekkhetuṁ pasādetuṁ;
pli-tv-kd14:14.19.8	adhikaraṇasamuppādavūpasamanakusalo hoti;
pli-tv-kd14:14.19.9	adhikaraṇaṁ jānāti;
pli-tv-kd14:14.19.10	adhikaraṇasamudayaṁ jānāti;
pli-tv-kd14:14.19.11	adhikaraṇanirodhaṁ jānāti;
pli-tv-kd14:14.19.12	adhikaraṇanirodhagāminipaṭipadaṁ jānāti.
pli-tv-kd14:14.19.13	Anujānāmi, bhikkhave, imehi dasahaṅgehi samannāgataṁ bhikkhuṁ ubbāhikāya sammannituṁ.
pli-tv-kd14:14.20.1	Evañca pana, bhikkhave, sammannitabbo.
pli-tv-kd14:14.20.2	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd14:14.20.3	‘Suṇātu me, bhante, saṅgho.
pli-tv-kd14:14.20.4	Amhākaṁ imasmiṁ adhikaraṇe vinicchiyamāne anantāni ceva bhassāni jāyanti, na cekassa bhāsitassa attho viññāyati.
pli-tv-kd14:14.20.5	Yadi saṅghassa pattakallaṁ, saṅgho itthannāmañca itthannāmañca bhikkhuṁ sammanneyya ubbāhikāya imaṁ adhikaraṇaṁ vūpasametuṁ.
pli-tv-kd14:14.20.6	Esā ñatti.
pli-tv-kd14:14.20.7	Suṇātu me, bhante, saṅgho.
pli-tv-kd14:14.20.8	Amhākaṁ imasmiṁ adhikaraṇe vinicchiyamāne anantāni ceva bhassāni jāyanti, na cekassa bhāsitassa attho viññāyati.
pli-tv-kd14:14.20.9	Saṅgho itthannāmañca itthannāmañca bhikkhuṁ sammannati ubbāhikāya imaṁ adhikaraṇaṁ vūpasametuṁ.
pli-tv-kd14:14.20.10	Yassāyasmato khamati itthannāmassa ca itthannāmassa ca bhikkhuno sammuti ubbāhikāya imaṁ adhikaraṇaṁ vūpasametuṁ, so tuṇhassa;
pli-tv-kd14:14.20.11	yassa nakkhamati, so bhāseyya.
pli-tv-kd14:14.20.12	Sammato saṅghena itthannāmo ca itthannāmo ca bhikkhu ubbāhikāya imaṁ adhikaraṇaṁ vūpasametuṁ.
pli-tv-kd14:14.20.13	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:14.21.1	Te ce, bhikkhave, bhikkhū sakkonti taṁ adhikaraṇaṁ ubbāhikāya vūpasametuṁ, idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.21.2	Kena vūpasantaṁ?
pli-tv-kd14:14.21.3	Sammukhāvinayena.
pli-tv-kd14:14.21.4	Kiñca tattha sammukhāvinayasmiṁ?
pli-tv-kd14:14.21.5	Dhammasammukhatā, vinayasammukhatā, puggalasammukhatā …pe…
pli-tv-kd14:14.21.6	evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ.
pli-tv-kd14:14.22.0	
pli-tv-kd14:14.22.1	Tehi ce, bhikkhave, bhikkhūhi tasmiṁ adhikaraṇe vinicchiyamāne tatrāssa bhikkhu dhammakathiko, tassa neva suttaṁ āgataṁ hoti, no suttavibhaṅgo, so atthaṁ asallakkhento byañjanacchāyāya atthaṁ paṭibāhati, byattena bhikkhunā paṭibalena te bhikkhū ñāpetabbā—
pli-tv-kd14:14.22.2	‘Suṇantu me āyasmantā.
pli-tv-kd14:14.22.3	Ayaṁ itthannāmo bhikkhu dhammakathiko.
pli-tv-kd14:14.22.4	Imassa neva suttaṁ āgataṁ hoti, no suttavibhaṅgo.
pli-tv-kd14:14.22.5	So atthaṁ asallakkhento byañjanacchāyāya atthaṁ paṭibāhati.
pli-tv-kd14:14.22.6	Yadāyasmantānaṁ pattakallaṁ, itthannāmaṁ bhikkhuṁ vuṭṭhāpetvā avasesā imaṁ adhikaraṇaṁ vūpasameyyāmā’ti.
pli-tv-kd14:14.22.7	Te ce, bhikkhave, bhikkhū taṁ bhikkhuṁ vuṭṭhāpetvā sakkonti taṁ adhikaraṇaṁ vūpasametuṁ, idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.22.8	Kena vūpasantaṁ?
pli-tv-kd14:14.22.9	Sammukhāvinayena.
pli-tv-kd14:14.22.10	Kiñca tattha sammukhāvinayasmiṁ?
pli-tv-kd14:14.22.11	Dhammasammukhatā, vinayasammukhatā, puggalasammukhatā …pe…
pli-tv-kd14:14.22.12	evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ.
pli-tv-kd14:14.23.1	Tehi ce, bhikkhave, bhikkhūhi tasmiṁ adhikaraṇe vinicchiyamāne tatrāssa bhikkhu dhammakathiko, tassa suttañhi kho āgataṁ hoti, no suttavibhaṅgo, so atthaṁ asallakkhento byañjanacchāyāya atthaṁ paṭibāhati, byattena bhikkhunā paṭibalena te bhikkhū ñāpetabbā—
pli-tv-kd14:14.23.2	‘Suṇantu me āyasmantā.
pli-tv-kd14:14.23.3	Ayaṁ itthannāmo bhikkhu dhammakathiko.
pli-tv-kd14:14.23.4	Imassa suttañhi kho āgataṁ hoti, no suttavibhaṅgo.
pli-tv-kd14:14.23.5	So atthaṁ asallakkhento byañjanacchāyāya atthaṁ paṭibāhati.
pli-tv-kd14:14.23.6	Yadāyasmantānaṁ pattakallaṁ, itthannāmaṁ bhikkhuṁ vuṭṭhāpetvā avasesā imaṁ adhikaraṇaṁ vūpasameyyāmā’ti.
pli-tv-kd14:14.23.7	Te ce, bhikkhave, bhikkhū taṁ bhikkhuṁ vuṭṭhāpetvā sakkonti taṁ adhikaraṇaṁ vūpasametuṁ, idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.23.8	Kena vūpasantaṁ?
pli-tv-kd14:14.23.9	Sammukhāvinayena.
pli-tv-kd14:14.23.10	Kiñca tattha sammukhāvinayasmiṁ?
pli-tv-kd14:14.23.11	Dhammasammukhatā, vinayasammukhatā, puggalasammukhatā …pe…
pli-tv-kd14:14.23.12	evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ.
pli-tv-kd14:14.24.0	9.3. Yebhuyyasikāvinaya
pli-tv-kd14:14.24.1	Te ce, bhikkhave, bhikkhū na sakkonti taṁ adhikaraṇaṁ ubbāhikāya vūpasametuṁ, tehi, bhikkhave, bhikkhūhi taṁ adhikaraṇaṁ saṅghassa niyyādetabbaṁ—
pli-tv-kd14:14.24.2	‘na mayaṁ, bhante, sakkoma imaṁ adhikaraṇaṁ ubbāhikāya vūpasametuṁ, saṅghova imaṁ adhikaraṇaṁ vūpasametū’ti.
pli-tv-kd14:14.24.3	Anujānāmi, bhikkhave, evarūpaṁ adhikaraṇaṁ yebhuyyasikāya vūpasametuṁ.
pli-tv-kd14:14.24.4	Pañcahaṅgehi samannāgato bhikkhu salākaggāhāpako sammannitabbo—
pli-tv-kd14:14.24.5	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, gahitāgahitañca jāneyya …pe…
pli-tv-kd14:14.24.6	evañca pana, bhikkhave, sammannitabbo.
pli-tv-kd14:14.24.7	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd14:14.24.8	‘Suṇātu me, bhante, saṅgho.
pli-tv-kd14:14.24.9	Yadi saṅghassa pattakallaṁ, saṅgho itthannāmaṁ bhikkhuṁ salākaggāhāpakaṁ sammanneyya.
pli-tv-kd14:14.24.10	Esā ñatti.
pli-tv-kd14:14.24.11	Suṇātu me, bhante, saṅgho.
pli-tv-kd14:14.24.12	Saṅgho itthannāmaṁ bhikkhuṁ salākaggāhāpakaṁ sammannati.
pli-tv-kd14:14.24.13	Yassāyasmato khamati itthannāmassa bhikkhuno salākaggāhāpakassa sammuti, so tuṇhassa;
pli-tv-kd14:14.24.14	yassa nakkhamati, so bhāseyya.
pli-tv-kd14:14.24.15	Sammato saṅghena itthannāmo bhikkhu salākaggāhāpako.
pli-tv-kd14:14.24.16	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:14.24.17	Tena salākaggāhāpakena bhikkhunā salākā gāhetabbā.
pli-tv-kd14:14.24.18	Yathā bahutarā bhikkhū dhammavādino vadanti tathā taṁ adhikaraṇaṁ vūpasametabbaṁ.
pli-tv-kd14:14.24.19	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.24.20	Kena vūpasantaṁ?
pli-tv-kd14:14.24.21	Sammukhāvinayena ca, yebhuyyasikāya ca.
pli-tv-kd14:14.24.22	Kiñca tattha sammukhāvinayasmiṁ?
pli-tv-kd14:14.24.23	Saṅghasammukhatā, dhammasammukhatā, vinayasammukhatā, puggalasammukhatā.
pli-tv-kd14:14.24.24	Kā ca tattha saṅghasammukhatā?
pli-tv-kd14:14.24.25	Yāvatikā bhikkhū kammappattā te āgatā honti, chandārahānaṁ chando āhaṭo hoti, sammukhībhūtā na paṭikkosanti—
pli-tv-kd14:14.24.26	ayaṁ tattha saṅghasammukhatā.
pli-tv-kd14:14.24.27	Kā ca tattha dhammasammukhatā, vinayasammukhatā?
pli-tv-kd14:14.24.28	Yena dhammena yena vinayena yena satthusāsanena taṁ adhikaraṇaṁ vūpasammati—
pli-tv-kd14:14.24.29	ayaṁ tattha dhammasammukhatā, vinayasammukhatā.
pli-tv-kd14:14.24.30	Kā ca tattha puggalasammukhatā?
pli-tv-kd14:14.24.31	Yo ca vivadati, yena ca vivadati, ubho atthapaccatthikā sammukhībhūtā honti—
pli-tv-kd14:14.24.32	ayaṁ tattha puggalasammukhatā.
pli-tv-kd14:14.24.33	Kā ca tattha yebhuyyasikāya?
pli-tv-kd14:14.24.34	Yā yebhuyyasikākammassa kiriyā karaṇaṁ upagamanaṁ ajjhupagamanaṁ adhivāsanā appaṭikkosanā—
pli-tv-kd14:14.24.35	ayaṁ tattha yebhuyyasikāya.
pli-tv-kd14:14.24.36	Evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ;
pli-tv-kd14:14.24.37	chandadāyako khīyati, khīyanakaṁ pācittiyan”ti.
pli-tv-kd14:14.25.0	9.4. Tividhasalākaggāha
pli-tv-kd14:14.25.1	Tena kho pana samayena sāvatthiyā evaṁ jātaṁ evaṁ samuppannaṁ adhikaraṇaṁ hoti.
pli-tv-kd14:14.25.2	Atha kho te bhikkhū—
pli-tv-kd14:14.25.3	asantuṭṭhā sāvatthiyā saṅghassa adhikaraṇavūpasamanena—
pli-tv-kd14:14.25.4	assosuṁ kho amukasmiṁ kira āvāse sambahulā therā viharanti bahussutā āgatāgamā dhammadharā vinayadharā mātikādharā paṇḍitā viyattā medhāvino lajjino kukkuccakā sikkhākāmā.
pli-tv-kd14:14.25.5	Te ce therā imaṁ adhikaraṇaṁ vūpasameyyuṁ dhammena vinayena satthusāsanena, evamidaṁ adhikaraṇaṁ suvūpasantaṁ assāti.
pli-tv-kd14:14.25.6	Atha kho te bhikkhū taṁ āvāsaṁ gantvā te there etadavocuṁ—
pli-tv-kd14:14.25.7	“idaṁ, bhante, adhikaraṇaṁ evaṁ jātaṁ, evaṁ samuppannaṁ.
pli-tv-kd14:14.25.8	Sādhu, bhante, therā imaṁ adhikaraṇaṁ vūpasamentu dhammena vinayena satthusāsanena, yathayidaṁ adhikaraṇaṁ suvūpasantaṁ assā”ti.
pli-tv-kd14:14.25.9	Atha kho te therā—
pli-tv-kd14:14.25.10	yathā sāvatthiyā saṅghena adhikaraṇaṁ vūpasamitaṁ tathā suvūpasantanti—
pli-tv-kd14:14.25.11	tathā taṁ adhikaraṇaṁ vūpasamesuṁ.
pli-tv-kd14:14.25.12	Atha kho te bhikkhū—
pli-tv-kd14:14.25.13	asantuṭṭhā sāvatthiyā saṅghassa adhikaraṇavūpasamanena, asantuṭṭhā sambahulānaṁ therānaṁ adhikaraṇavūpasamanena—
pli-tv-kd14:14.25.14	assosuṁ kho amukasmiṁ kira āvāse tayo therā viharanti …pe…
pli-tv-kd14:14.25.15	dve therā viharanti …pe…
pli-tv-kd14:14.25.16	eko thero viharati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd14:14.25.17	So ce thero imaṁ adhikaraṇaṁ vūpasameyya dhammena vinayena satthusāsanena, evamidaṁ adhikaraṇaṁ suvūpasantaṁ assāti.
pli-tv-kd14:14.25.18	Atha kho te bhikkhū taṁ āvāsaṁ gantvā taṁ theraṁ etadavocuṁ—
pli-tv-kd14:14.25.19	“idaṁ, bhante, adhikaraṇaṁ evaṁ jātaṁ, evaṁ samuppannaṁ.
pli-tv-kd14:14.25.20	Sādhu, bhante, thero imaṁ adhikaraṇaṁ vūpasametu dhammena vinayena satthusāsanena, yathayidaṁ adhikaraṇaṁ suvūpasantaṁ assā”ti.
pli-tv-kd14:14.25.21	Atha kho so thero—
pli-tv-kd14:14.25.22	yathā sāvatthiyā saṅghena adhikaraṇaṁ vūpasamitaṁ, yathā sambahulehi therehi adhikaraṇaṁ vūpasamitaṁ, yathā tīhi therehi adhikaraṇaṁ vūpasamitaṁ, yathā dvīhi therehi adhikaraṇaṁ vūpasamitaṁ, tathā suvūpasantanti—
pli-tv-kd14:14.25.23	tathā taṁ adhikaraṇaṁ vūpasamesi.
pli-tv-kd14:14.25.24	Atha kho te bhikkhū asantuṭṭhā sāvatthiyā saṅghassa adhikaraṇavūpasamanena, asantuṭṭhā sambahulānaṁ therānaṁ adhikaraṇavūpasamanena, asantuṭṭhā tiṇṇaṁ therānaṁ adhikaraṇavūpasamanena, asantuṭṭhā dvinnaṁ therānaṁ adhikaraṇavūpasamanena, asantuṭṭhā ekassa therassa adhikaraṇavūpasamanena, yena bhagavā tenupasaṅkamiṁsu, upasaṅkamitvā bhagavato etamatthaṁ ārocesuṁ …pe…
pli-tv-kd14:14.25.25	“Nihatametaṁ, bhikkhave, adhikaraṇaṁ santaṁ vūpasantaṁ suvūpasantaṁ.
pli-tv-kd14:14.26.1	Anujānāmi, bhikkhave, tesaṁ bhikkhūnaṁ saññattiyā tayo salākaggāhe—
pli-tv-kd14:14.26.2	gūḷhakaṁ, sakaṇṇajappakaṁ, vivaṭakaṁ.
pli-tv-kd14:14.26.3	Kathañca, bhikkhave, gūḷhako salākaggāho hoti?
pli-tv-kd14:14.26.4	Tena salākaggāhāpakena bhikkhunā salākāyo vaṇṇāvaṇṇāyo katvā ekameko bhikkhu upasaṅkamitvā evamassa vacanīyo—
pli-tv-kd14:14.26.5	‘ayaṁ evaṁvādissa salākā, ayaṁ evaṁvādissa salākā.
pli-tv-kd14:14.26.6	Yaṁ icchasi taṁ gaṇhāhī’ti.
pli-tv-kd14:14.26.7	Gahite vattabbo—
pli-tv-kd14:14.26.8	‘mā ca kassaci dassehī’ti.
pli-tv-kd14:14.26.9	Sace jānāti—
pli-tv-kd14:14.26.10	adhammavādī bahutarāti, duggahoti, paccukkaḍḍhitabbaṁ.
pli-tv-kd14:14.26.11	Sace jānāti—
pli-tv-kd14:14.26.12	dhammavādī bahutarāti, suggahoti, sāvetabbaṁ.
pli-tv-kd14:14.26.13	Evaṁ kho, bhikkhave, gūḷhako salākaggāho hoti.
pli-tv-kd14:14.26.14	Kathañca, bhikkhave, sakaṇṇajappako salākaggāho hoti?
pli-tv-kd14:14.26.15	Tena salākaggāhāpakena bhikkhunā ekamekassa bhikkhuno upakaṇṇake ārocetabbaṁ—
pli-tv-kd14:14.26.16	‘ayaṁ evaṁvādissa salākā, ayaṁ evaṁvādissa salākā.
pli-tv-kd14:14.26.17	Yaṁ icchasi taṁ gaṇhāhī’ti.
pli-tv-kd14:14.26.18	Gahite vattabbo—
pli-tv-kd14:14.26.19	‘mā ca kassaci ārocehī’ti.
pli-tv-kd14:14.26.20	Sace jānāti—
pli-tv-kd14:14.26.21	adhammavādī bahutarāti, duggahoti, paccukkaḍḍhitabbaṁ.
pli-tv-kd14:14.26.22	Sace jānāti—
pli-tv-kd14:14.26.23	dhammavādī bahutarāti, suggahoti, sāvetabbaṁ.
pli-tv-kd14:14.26.24	Evaṁ kho, bhikkhave, sakaṇṇajappako salākaggāho hoti.
pli-tv-kd14:14.26.25	Kathañca, bhikkhave, vivaṭako salākaggāho hoti?
pli-tv-kd14:14.26.26	Sace jānāti—
pli-tv-kd14:14.26.27	dhammavādī bahutarāti, vissaṭṭheneva vivaṭena gāhetabbo.
pli-tv-kd14:14.26.28	Evaṁ kho, bhikkhave, vivaṭako salākaggāho hoti.
pli-tv-kd14:14.26.29	Ime kho, bhikkhave, tayo salākaggāhā”ti.
pli-tv-kd14:14.27.0	9.5. Sativinaya
pli-tv-kd14:14.27.1	“Anuvādādhikaraṇaṁ katihi samathehi sammati?
pli-tv-kd14:14.27.2	Anuvādādhikaraṇaṁ catūhi samathehi sammati—
pli-tv-kd14:14.27.3	sammukhāvinayena ca, sativinayena ca, amūḷhavinayena ca, tassapāpiyasikāya ca.
pli-tv-kd14:14.27.4	Siyā anuvādādhikaraṇaṁ dve samathe anāgamma—
pli-tv-kd14:14.27.5	amūḷhavinayañca, tassapāpiyasikañca;
pli-tv-kd14:14.27.6	dvīhi samathehi sammeyya—
pli-tv-kd14:14.27.7	sammukhāvinayena ca, sativinayena cāti?
pli-tv-kd14:14.27.8	Siyātissa vacanīyaṁ.
pli-tv-kd14:14.27.9	Yathā kathaṁ viya?
pli-tv-kd14:14.27.10	Idha pana, bhikkhave, bhikkhū bhikkhuṁ amūlikāya sīlavipattiyā anuddhaṁsenti.
pli-tv-kd14:14.27.11	Tassa kho, bhikkhave, bhikkhuno sativepullappattassa sativinayo dātabbo.
pli-tv-kd14:14.27.12	Evañca pana, bhikkhave, dātabbo—
pli-tv-kd14:14.27.13	Tena, bhikkhave, bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā …pe…
pli-tv-kd14:14.27.14	evamassa vacanīyo—
pli-tv-kd14:14.27.15	‘maṁ, bhante, bhikkhū amūlikāya sīlavipattiyā anuddhaṁsenti.
pli-tv-kd14:14.27.16	Sohaṁ, bhante, sativepullappatto saṅghaṁ sativinayaṁ yācāmī’ti.
pli-tv-kd14:14.27.17	Dutiyampi yācitabbo.
pli-tv-kd14:14.27.18	Tatiyampi yācitabbo.
pli-tv-kd14:14.27.19	Byattenaṁ bhikkhunā paṭibalena saṅgho ñāpetabbo—
pli-tv-kd14:14.27.20	‘Suṇātu me, bhante, saṅgho.
pli-tv-kd14:14.27.21	Bhikkhū itthannāmaṁ bhikkhuṁ amūlikāya sīlavipattiyā anuddhaṁsenti.
pli-tv-kd14:14.27.22	So sativepullappatto saṅghaṁ sativinayaṁ yācati.
pli-tv-kd14:14.27.23	Yadi saṅghassa pattakallaṁ, saṅgho itthannāmassa bhikkhuno sativepullappattassa sativinayaṁ dadeyya.
pli-tv-kd14:14.27.24	Esā ñatti.
pli-tv-kd14:14.27.25	Suṇātu me, bhante, saṅgho.
pli-tv-kd14:14.27.26	Bhikkhū itthannāmaṁ bhikkhuṁ amūlikāya sīlavipattiyā anuddhaṁsenti.
pli-tv-kd14:14.27.27	So sativepullappatto saṅghaṁ sativinayaṁ yācati.
pli-tv-kd14:14.27.28	Saṅgho itthannāmassa bhikkhuno sativepullappattassa sativinayaṁ deti.
pli-tv-kd14:14.27.29	Yassāyasmato khamati itthannāmassa bhikkhuno sativepullappattassa sativinayassa dānaṁ, so tuṇhassa;
pli-tv-kd14:14.27.30	yassa nakkhamati, so bhāseyya.
pli-tv-kd14:14.27.31	Dutiyampi etamatthaṁ vadāmi …pe…
pli-tv-kd14:14.27.32	tatiyampi etamatthaṁ vadāmi …pe….
pli-tv-kd14:14.27.33	Dinno saṅghena itthannāmassa bhikkhuno sativepullappattassa sativinayo.
pli-tv-kd14:14.27.34	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:14.27.35	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.27.36	Kena vūpasantaṁ?
pli-tv-kd14:14.27.37	Sammukhāvinayena ca sativinayena ca.
pli-tv-kd14:14.27.38	Kiñca tattha sammukhāvinayasmiṁ?
pli-tv-kd14:14.27.39	Saṅghasammukhatā, dhammasammukhatā, vinayasammukhatā, puggalasammukhatā …pe…
pli-tv-kd14:14.27.40	kā ca tattha puggalasammukhatā?
pli-tv-kd14:14.27.41	Yo ca anuvadati, yañca anuvadati, ubho sammukhībhūtā honti—
pli-tv-kd14:14.27.42	ayaṁ tattha puggalasammukhatā.
pli-tv-kd14:14.27.43	Kiñca tattha sativinayasmiṁ?
pli-tv-kd14:14.27.44	Yā sativinayassa kammassa kiriyā karaṇaṁ upagamanaṁ ajjhupagamanaṁ adhivāsanā appaṭikkosanā—
pli-tv-kd14:14.27.45	idaṁ tattha sativinayasmiṁ.
pli-tv-kd14:14.27.46	Evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ;
pli-tv-kd14:14.27.47	chandadāyako khīyati, khīyanakaṁ pācittiyaṁ.
pli-tv-kd14:14.28.0	9.6. Amūḷhavinaya
pli-tv-kd14:14.28.1	Siyā anuvādādhikaraṇaṁ dve samathe anāgamma—
pli-tv-kd14:14.28.2	sativinayañca, tassapāpiyasikañca;
pli-tv-kd14:14.28.3	dvīhi samathehi sammeyya—
pli-tv-kd14:14.28.4	sammukhāvinayena ca, amūḷhavinayena cāti?
pli-tv-kd14:14.28.5	Siyātissa vacanīyaṁ.
pli-tv-kd14:14.28.6	Yathā kathaṁ viya?
pli-tv-kd14:14.28.7	Idha pana, bhikkhave, bhikkhu ummattako hoti cittavipariyāsakato.
pli-tv-kd14:14.28.8	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:14.28.9	Taṁ bhikkhū ummattakena cittavipariyāsakatena ajjhāciṇṇena āpattiyā codenti—
pli-tv-kd14:14.28.10	‘saratāyasmā evarūpiṁ āpattiṁ āpajjitā’ti.
pli-tv-kd14:14.28.11	So evaṁ vadeti—
pli-tv-kd14:14.28.12	‘ahaṁ kho, āvuso, ummattako ahosiṁ cittavipariyāsakato.
pli-tv-kd14:14.28.13	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.28.14	Nāhaṁ taṁ sarāmi.
pli-tv-kd14:14.28.15	Mūḷhena me etaṁ katan’ti.
pli-tv-kd14:14.28.16	Evampi naṁ vuccamānā codenteva—
pli-tv-kd14:14.28.17	‘saratāyasmā evarūpiṁ āpattiṁ āpajjitā’ti.
pli-tv-kd14:14.28.18	Tassa kho, bhikkhave, bhikkhuno amūḷhassa amūḷhavinayo dātabbo.
pli-tv-kd14:14.28.19	Evañca pana, bhikkhave, dātabbo—
pli-tv-kd14:14.28.20	Tena, bhikkhave, bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā …pe…
pli-tv-kd14:14.28.21	evamassa vacanīyo—
pli-tv-kd14:14.28.22	‘ahaṁ, bhante, ummattako ahosiṁ cittavipariyāsakato.
pli-tv-kd14:14.28.23	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.28.24	Maṁ bhikkhū ummattakena cittavipariyāsakatena ajjhāciṇṇena āpattiyā codenti—
pli-tv-kd14:14.28.25	“saratāyasmā evarūpiṁ āpattiṁ āpajjitā”ti.
pli-tv-kd14:14.28.26	Tyāhaṁ evaṁ vadāmi—
pli-tv-kd14:14.28.27	“ahaṁ kho, āvuso, ummattako ahosiṁ cittavipariyāsakato.
pli-tv-kd14:14.28.28	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.28.29	Nāhaṁ taṁ sarāmi.
pli-tv-kd14:14.28.30	Mūḷhena me etaṁ katan”ti.
pli-tv-kd14:14.28.31	Evampi maṁ vuccamānā codenteva—
pli-tv-kd14:14.28.32	“saratāyasmā evarūpiṁ āpattiṁ āpajjitā”ti.
pli-tv-kd14:14.28.33	“Sohaṁ, bhante, amūḷho saṅghaṁ amūḷhavinayaṁ yācāmī”’ti.
pli-tv-kd14:14.28.34	Dutiyampi yācitabbo.
pli-tv-kd14:14.28.35	Tatiyampi yācitabbo.
pli-tv-kd14:14.28.36	Byattena bhikkhunā paṭibalena saṅgho ñāpetabbo—
pli-tv-kd14:14.28.37	‘Suṇātu me, bhante, saṅgho.
pli-tv-kd14:14.28.38	Ayaṁ itthannāmo bhikkhu ummattako ahosi cittavipariyāsakato.
pli-tv-kd14:14.28.39	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.28.40	Taṁ bhikkhū ummattakena cittavipariyāsakatena ajjhāciṇṇena āpattiyā codenti—
pli-tv-kd14:14.28.41	“saratāyasmā evarūpiṁ āpattiṁ āpajjitā”ti.
pli-tv-kd14:14.28.42	So evaṁ vadeti—
pli-tv-kd14:14.28.43	“ahaṁ kho, āvuso, ummattako ahosiṁ cittavipariyāsakato.
pli-tv-kd14:14.28.44	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.28.45	Nāhaṁ taṁ sarāmi.
pli-tv-kd14:14.28.46	Mūḷhena me etaṁ katan”ti.
pli-tv-kd14:14.28.47	Evampi naṁ vuccamānā codenteva—
pli-tv-kd14:14.28.48	“saratāyasmā evarūpiṁ āpattiṁ āpajjitā”ti.
pli-tv-kd14:14.28.49	So amūḷho saṅghaṁ amūḷhavinayaṁ yācati.
pli-tv-kd14:14.28.50	Yadi saṅghassa pattakallaṁ, saṅgho itthannāmassa bhikkhuno amūḷhassa amūḷhavinayaṁ dadeyya.
pli-tv-kd14:14.28.51	Esā ñatti.
pli-tv-kd14:14.28.52	Suṇātu me, bhante, saṅgho.
pli-tv-kd14:14.28.53	Ayaṁ itthannāmo bhikkhu ummattako ahosi cittavipariyāsakato.
pli-tv-kd14:14.28.54	Tena ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.28.55	Taṁ bhikkhū ummattakena cittavipariyāsakatena ajjhāciṇṇena āpattiyā codenti—
pli-tv-kd14:14.28.56	“saratāyasmā evarūpiṁ āpattiṁ āpajjitā”ti.
pli-tv-kd14:14.28.57	So evaṁ vadeti—
pli-tv-kd14:14.28.58	“ahaṁ kho, āvuso, ummattako ahosiṁ cittavipariyāsakato.
pli-tv-kd14:14.28.59	Tena me ummattakena cittavipariyāsakatena bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.28.60	Nāhaṁ taṁ sarāmi.
pli-tv-kd14:14.28.61	Mūḷhena me etaṁ katan”ti.
pli-tv-kd14:14.28.62	Evampi naṁ vuccamānā codenteva—
pli-tv-kd14:14.28.63	“saratāyasmā evarūpiṁ āpattiṁ āpajjitā”ti.
pli-tv-kd14:14.28.64	So amūḷho saṅghaṁ amūḷhavinayaṁ yācati.
pli-tv-kd14:14.28.65	Saṅgho itthannāmassa bhikkhuno amūḷhassa amūḷhavinayaṁ deti.
pli-tv-kd14:14.28.66	Yassāyasmato khamati itthannāmassa bhikkhuno amūḷhassa amūḷhavinayassa dānaṁ, so tuṇhassa;
pli-tv-kd14:14.28.67	yassa nakkhamati, so bhāseyya.
pli-tv-kd14:14.28.68	Dutiyampi etamatthaṁ vadāmi …pe…
pli-tv-kd14:14.28.69	tatiyampi etamatthaṁ vadāmi …pe….
pli-tv-kd14:14.28.70	Dinno saṅghena itthannāmassa bhikkhuno amūḷhassa amūḷhavinayo.
pli-tv-kd14:14.28.71	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:14.28.72	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.28.73	Kena vūpasantaṁ?
pli-tv-kd14:14.28.74	Sammukhāvinayena ca, amūḷhavinayena ca.
pli-tv-kd14:14.28.75	Kiñca tattha sammukhāvinayasmiṁ?
pli-tv-kd14:14.28.76	Saṅghasammukhatā, dhammasammukhatā, vinayasammukhatā, puggalasammukhatā …pe…
pli-tv-kd14:14.28.77	kiñca tattha amūḷhavinayasmiṁ?
pli-tv-kd14:14.28.78	Yā amūḷhavinayassa kammassa kiriyā karaṇaṁ upagamanaṁ ajjhupagamanaṁ adhivāsanā appaṭikkosanā—
pli-tv-kd14:14.28.79	idaṁ tattha amūḷhavinayasmiṁ.
pli-tv-kd14:14.28.80	Evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ;
pli-tv-kd14:14.28.81	chandadāyako khīyati, khīyanakaṁ pācittiyaṁ.
pli-tv-kd14:14.29.0	9.7. Tassapāpiyasikāvinaya
pli-tv-kd14:14.29.1	Siyā anuvādādhikaraṇaṁ dve samathe anāgamma—
pli-tv-kd14:14.29.2	sativinayañca, amūḷhavinayañca;
pli-tv-kd14:14.29.3	dvīhi samathehi sammeyya—
pli-tv-kd14:14.29.4	sammukhāvinayena ca, tassapāpiyasikāya cāti?
pli-tv-kd14:14.29.5	Siyātissa vacanīyaṁ.
pli-tv-kd14:14.29.6	Yathā kathaṁ viya?
pli-tv-kd14:14.29.7	Idha pana, bhikkhave, bhikkhu bhikkhuṁ saṅghamajjhe garukāya āpattiyā codeti—
pli-tv-kd14:14.29.8	‘saratāyasmā evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā’ti.
pli-tv-kd14:14.29.9	So evaṁ vadeti—
pli-tv-kd14:14.29.10	‘na kho ahaṁ, āvuso, sarāmi evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā’ti.
pli-tv-kd14:14.29.11	Tamenaṁ so nibbeṭhentaṁ ativeṭheti—
pli-tv-kd14:14.29.12	‘iṅghāyasmā sādhukameva jānāhi, yadi sarasi evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā’ti.
pli-tv-kd14:14.29.13	So evaṁ vadeti—
pli-tv-kd14:14.29.14	‘na kho ahaṁ, āvuso, sarāmi evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā.
pli-tv-kd14:14.29.15	Sarāmi ca kho ahaṁ, āvuso, evarūpiṁ appamattikaṁ āpattiṁ āpajjitā’ti.
pli-tv-kd14:14.29.16	Tamenaṁ so nibbeṭhentaṁ ativeṭheti—
pli-tv-kd14:14.29.17	‘iṅghāyasmā sādhukameva jānāhi, yadi sarasi evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā’ti.
pli-tv-kd14:14.29.18	So evaṁ vadeti—
pli-tv-kd14:14.29.19	‘imañhi nāmāhaṁ, āvuso, appamattikaṁ āpattiṁ āpajjitvā apuṭṭho paṭijānissāmi.
pli-tv-kd14:14.29.20	Kiṁ panāhaṁ evarūpiṁ garukaṁ āpattiṁ āpajjitvā, pārājikaṁ vā pārājikasāmantaṁ vā, puṭṭho na paṭijānissāmī’ti?
pli-tv-kd14:14.29.21	So evaṁ vadeti—
pli-tv-kd14:14.29.22	‘imañhi nāma tvaṁ, āvuso, appamattikaṁ āpattiṁ āpajjitvā apuṭṭho na paṭijānissasi.
pli-tv-kd14:14.29.23	Kiṁ pana tvaṁ evarūpiṁ garukaṁ āpattiṁ āpajjitvā, pārājikaṁ vā pārājikasāmantaṁ vā, apuṭṭho paṭijānissasi?
pli-tv-kd14:14.29.24	Iṅghāyasmā sādhukameva jānāhi, yadi sarasi evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā’ti.
pli-tv-kd14:14.29.25	So evaṁ vadesi—
pli-tv-kd14:14.29.26	‘sarāmi kho ahaṁ, āvuso, evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā.
pli-tv-kd14:14.29.27	Davā me etaṁ vuttaṁ, ravā me etaṁ vuttaṁ—
pli-tv-kd14:14.29.28	nāhaṁ taṁ sarāmi evarūpiṁ garukaṁ āpattiṁ āpajjitā, pārājikaṁ vā pārājikasāmantaṁ vā’ti.
pli-tv-kd14:14.29.29	Tassa kho, bhikkhave, bhikkhuno tassapāpiyasikākammaṁ kātabbaṁ.
pli-tv-kd14:14.29.30	Evañca pana, bhikkhave, kātabbaṁ.
pli-tv-kd14:14.29.31	Byattena bhikkhunā paṭibalena saṅgho ñāpetabbo—
pli-tv-kd14:14.29.32	‘Suṇātu me, bhante, saṅgho.
pli-tv-kd14:14.29.33	Ayaṁ itthannāmo bhikkhu saṅghamajjhe garukāya āpattiyā anuyuñjiyamāno avajānitvā paṭijānāti, paṭijānitvā avajānāti, aññenāññaṁ paṭicarati, sampajānamusā bhāsati.
pli-tv-kd14:14.29.34	Yadi saṅghassa pattakallaṁ, saṅgho itthannāmassa bhikkhuno tassapāpiyasikākammaṁ kareyya.
pli-tv-kd14:14.29.35	Esā ñatti.
pli-tv-kd14:14.29.36	Suṇātu me, bhante, saṅgho.
pli-tv-kd14:14.29.37	Ayaṁ itthannāmo bhikkhu saṅghamajjhe garukāya āpattiyā anuyuñjiyamāno avajānitvā paṭijānāti, paṭijānitvā avajānāti, aññenāññaṁ paṭicarati, sampajānamusā bhāsati.
pli-tv-kd14:14.29.38	Saṅgho itthannāmassa bhikkhuno tassapāpiyasikākammaṁ karoti.
pli-tv-kd14:14.29.39	Yassāyasmato khamati itthannāmassa bhikkhuno tassapāpiyasikākammassa karaṇaṁ, so tuṇhassa;
pli-tv-kd14:14.29.40	yassa nakkhamati, so bhāseyya.
pli-tv-kd14:14.29.41	Dutiyampi etamatthaṁ vadāmi …pe…
pli-tv-kd14:14.29.42	tatiyampi etamatthaṁ vadāmi …pe….
pli-tv-kd14:14.29.43	Kataṁ saṅghena itthannāmassa bhikkhuno tassapāpiyasikākammaṁ.
pli-tv-kd14:14.29.44	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:14.29.45	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.29.46	Kena vūpasantaṁ?
pli-tv-kd14:14.29.47	Sammukhāvinayena ca, tassapāpiyasikāya ca.
pli-tv-kd14:14.29.48	Kiñca tattha sammukhāvinayasmiṁ?
pli-tv-kd14:14.29.49	Saṅghasammukhatā, dhammasammukhatā, vinayasammukhatā …pe…
pli-tv-kd14:14.29.50	kā ca tattha tassapāpiyasikāya?
pli-tv-kd14:14.29.51	Yā tassapāpiyasikākammassa kiriyā karaṇaṁ upagamanaṁ ajjhupagamanaṁ adhivāsanā appaṭikkosanā—
pli-tv-kd14:14.29.52	ayaṁ tattha tassapāpiyasikāya.
pli-tv-kd14:14.29.53	Evaṁ vūpasantañce, bhikkhave, adhikaraṇaṁ kārako ukkoṭeti, ukkoṭanakaṁ pācittiyaṁ;
pli-tv-kd14:14.29.54	chandadāyako khīyati, khīyanakaṁ pācittiyaṁ.
pli-tv-kd14:14.30.0	9.8. Paṭiññātakaraṇa
pli-tv-kd14:14.30.1	Āpattādhikaraṇaṁ katihi samathehi sammati?
pli-tv-kd14:14.30.2	Āpattādhikaraṇaṁ tīhi samathehi sammati—
pli-tv-kd14:14.30.3	sammukhāvinayena ca, paṭiññātakaraṇena ca, tiṇavatthārakena ca.
pli-tv-kd14:14.30.4	Siyā āpattādhikaraṇaṁ ekaṁ samathaṁ anāgamma—
pli-tv-kd14:14.30.5	tiṇavatthārakaṁ, dvīhi samathehi sammeyya—
pli-tv-kd14:14.30.6	sammukhāvinayena ca, paṭiññātakaraṇena cāti?
pli-tv-kd14:14.30.7	Siyātissa vacanīyaṁ.
pli-tv-kd14:14.30.8	Yathā kathaṁ viya?
pli-tv-kd14:14.30.9	Idha pana, bhikkhave, bhikkhu lahukaṁ āpattiṁ āpanno hoti.
pli-tv-kd14:14.30.10	Tena, bhikkhave, bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd14:14.30.11	‘ahaṁ, āvuso, itthannāmaṁ āpattiṁ āpanno;
pli-tv-kd14:14.30.12	taṁ paṭidesemī’ti.
pli-tv-kd14:14.30.13	Tena vattabbo—
pli-tv-kd14:14.30.14	‘passasī’ti?
pli-tv-kd14:14.30.15	‘Āma passāmī’ti.
pli-tv-kd14:14.30.16	‘Āyatiṁ saṁvareyyāsī’ti.
pli-tv-kd14:14.30.17	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.30.18	Kena vūpasantaṁ?
pli-tv-kd14:14.30.19	Sammukhāvinayena ca, paṭiññātakaraṇena ca.
pli-tv-kd14:14.30.20	Kiñca tattha sammukhāvinayasmiṁ?
pli-tv-kd14:14.30.21	Dhammasammukhatā, vinayasammukhatā, puggalasammukhatā …pe…
pli-tv-kd14:14.30.22	kā ca tattha puggalasammukhatā?
pli-tv-kd14:14.30.23	Yo ca deseti, yassa ca deseti, ubho sammukhībhūtā honti—
pli-tv-kd14:14.30.24	ayaṁ tattha puggalasammukhatā.
pli-tv-kd14:14.30.25	Kiñca tattha paṭiññātakaraṇasmiṁ?
pli-tv-kd14:14.30.26	Yā paṭiññātakaraṇassa kammassa kiriyā karaṇaṁ upagamanaṁ ajjhupagamanaṁ adhivāsanā appaṭikkosanā—
pli-tv-kd14:14.30.27	idaṁ tattha paṭiññātakaraṇasmiṁ.
pli-tv-kd14:14.30.28	Evaṁ vūpasantañce, bhikkhave, adhikaraṇaṁ paṭiggāhako ukkoṭeti, ukkoṭanakaṁ pācittiyaṁ.
pli-tv-kd14:14.31.1	Evañcetaṁ labhetha, iccetaṁ kusalaṁ.
pli-tv-kd14:14.31.2	No ce labhetha, tena, bhikkhave, bhikkhunā sambahule bhikkhū upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassu vacanīyā—
pli-tv-kd14:14.31.3	‘ahaṁ, bhante, itthannāmaṁ āpattiṁ āpanno;
pli-tv-kd14:14.31.4	taṁ paṭidesemī’ti.
pli-tv-kd14:14.31.5	Byattena bhikkhunā paṭibalena te bhikkhū ñāpetabbā—
pli-tv-kd14:14.31.6	‘Suṇantu me āyasmantā.
pli-tv-kd14:14.31.7	Ayaṁ itthannāmo bhikkhu āpattiṁ sarati, vivarati, uttāniṁ karoti deseti.
pli-tv-kd14:14.31.8	Yadāyasmantānaṁ pattakallaṁ, ahaṁ itthannāmassa bhikkhuno āpattiṁ paṭiggaṇheyyan’ti.
pli-tv-kd14:14.31.9	Tena vattabbo—
pli-tv-kd14:14.31.10	‘passasī’ti?
pli-tv-kd14:14.31.11	‘Āma passāmī’ti.
pli-tv-kd14:14.31.12	‘Āyatiṁ saṁvareyyāsī’ti.
pli-tv-kd14:14.31.13	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.31.14	Kena vūpasantaṁ?
pli-tv-kd14:14.31.15	Sammukhāvinayena ca, paṭiññātakaraṇena ca.
pli-tv-kd14:14.31.16	Kiñca tattha sammukhāvinayasmiṁ?
pli-tv-kd14:14.31.17	Dhammasammukhatā, vinayasammukhatā, puggalasammukhatā …pe…
pli-tv-kd14:14.31.18	kā ca tattha puggalasammukhatā?
pli-tv-kd14:14.31.19	Yo ca deseti, yassa ca deseti, ubho sammukhībhūtā honti—
pli-tv-kd14:14.31.20	ayaṁ tattha puggalasammukhatā.
pli-tv-kd14:14.31.21	Kiñca tattha paṭiññātakaraṇasmiṁ?
pli-tv-kd14:14.31.22	Yā paṭiññātakaraṇassa kammassa kiriyā karaṇaṁ upagamanaṁ ajjhupagamanaṁ adhivāsanā appaṭikkosanā—
pli-tv-kd14:14.31.23	idaṁ tattha paṭiññātakaraṇasmiṁ.
pli-tv-kd14:14.31.24	Evaṁ vūpasantañce, bhikkhave, adhikaraṇaṁ paṭiggāhako ukkoṭeti, ukkoṭanakaṁ pācittiyaṁ.
pli-tv-kd14:14.32.1	Evañcetaṁ labhetha, iccetaṁ kusalaṁ.
pli-tv-kd14:14.32.2	No ce labhetha, tena, bhikkhave, bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd14:14.32.3	‘ahaṁ, bhante, itthannāmaṁ āpattiṁ āpanno;
pli-tv-kd14:14.32.4	taṁ paṭidesemī’ti.
pli-tv-kd14:14.32.5	Byattena bhikkhunā paṭibalena saṅgho ñāpetabbo—
pli-tv-kd14:14.32.6	‘Suṇātu me, bhante, saṅgho.
pli-tv-kd14:14.32.7	Ayaṁ itthannāmo bhikkhu āpattiṁ sarati, vivarati, uttāniṁ karoti, deseti.
pli-tv-kd14:14.32.8	Yadi saṅghassa pattakallaṁ, ahaṁ itthannāmassa bhikkhuno āpattiṁ paṭiggaṇheyyan’ti.
pli-tv-kd14:14.32.9	Tena vattabbo—
pli-tv-kd14:14.32.10	‘passasī’ti?
pli-tv-kd14:14.32.11	‘Āma passāmī’ti.
pli-tv-kd14:14.32.12	‘Āyatiṁ saṁvareyyāsī’ti.
pli-tv-kd14:14.32.13	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.32.14	Kena vūpasantaṁ?
pli-tv-kd14:14.32.15	Sammukhāvinayena ca, paṭiññātakaraṇena ca.
pli-tv-kd14:14.32.16	Kiñca tattha sammukhāvinayasmiṁ?
pli-tv-kd14:14.32.17	Saṅghasammukhatā, dhammasammukhatā, vinayasammukhatā, puggalasammukhatā …pe…
pli-tv-kd14:14.32.18	evaṁ vūpasantañce, bhikkhave, adhikaraṇaṁ paṭiggāhako ukkoṭeti, ukkoṭanakaṁ pācittiyaṁ;
pli-tv-kd14:14.32.19	chandadāyako khīyati, khīyanakaṁ pācittiyaṁ.
pli-tv-kd14:14.33.0	9.9. Tiṇavatthāraka
pli-tv-kd14:14.33.1	Siyā āpattādhikaraṇaṁ ekaṁ samathaṁ anāgamma—
pli-tv-kd14:14.33.2	paṭiññātakaraṇaṁ, dvīhi samathehi sammeyya—
pli-tv-kd14:14.33.3	sammukhāvinayena ca, tiṇavatthārakena cāti?
pli-tv-kd14:14.33.4	Siyātissa vacanīyaṁ.
pli-tv-kd14:14.33.5	Yathā kathaṁ viya?
pli-tv-kd14:14.33.6	Idha pana, bhikkhave, bhikkhūnaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ hoti bhāsitaparikkantaṁ.
pli-tv-kd14:14.33.7	Tatra ce bhikkhūnaṁ evaṁ hoti—
pli-tv-kd14:14.33.8	‘amhākaṁ kho bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.33.9	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyyā’ti.
pli-tv-kd14:14.33.10	Anujānāmi, bhikkhave, evarūpaṁ adhikaraṇaṁ tiṇavatthārakena vūpasametuṁ.
pli-tv-kd14:14.33.11	Evañca pana, bhikkhave, vūpasametabbaṁ.
pli-tv-kd14:14.33.12	Sabbeheva ekajjhaṁ sannipatitabbaṁ, sannipatitvā byattena bhikkhunā paṭibalena saṅgho ñāpetabbo—
pli-tv-kd14:14.33.13	‘Suṇātu me, bhante, saṅgho.
pli-tv-kd14:14.33.14	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.33.15	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:14.33.16	Yadi saṅghassa pattakallaṁ, saṅgho imaṁ adhikaraṇaṁ tiṇavatthārakena vūpasameyya, ṭhapetvā thullavajjaṁ, ṭhapetvā gihippaṭisaṁyuttanti.
pli-tv-kd14:14.33.17	Ekatopakkhikānaṁ bhikkhūnaṁ byattena bhikkhunā paṭibalena sako pakkho ñāpetabbo—
pli-tv-kd14:14.33.18	Suṇantu me āyasmantā.
pli-tv-kd14:14.33.19	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.33.20	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:14.33.21	Yadāyasmantānaṁ pattakallaṁ, ahaṁ yā ceva āyasmantānaṁ āpatti, yā ca attano āpatti, āyasmantānañceva atthāya, attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ, ṭhapetvā gihippaṭisaṁyuttan’ti.
pli-tv-kd14:14.33.22	Athāparesaṁ ekatopakkhikānaṁ bhikkhūnaṁ byattena bhikkhunā paṭibalena sako pakkho ñāpetabbo—
pli-tv-kd14:14.33.23	‘Suṇantu me āyasmantā.
pli-tv-kd14:14.33.24	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.33.25	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:14.33.26	Yadāyasmantānaṁ pattakallaṁ, ahaṁ yā ceva āyasmantānaṁ āpatti, yā ca attano āpatti, āyasmantānañceva atthāya, attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ, ṭhapetvā gihippaṭisaṁyuttan’ti.
pli-tv-kd14:14.33.27	Athāparesaṁ ekatopakkhikānaṁ bhikkhūnaṁ byattena bhikkhunā paṭibalena saṅgho ñāpetabbo—
pli-tv-kd14:14.33.28	‘Suṇātu me, bhante, saṅgho.
pli-tv-kd14:14.33.29	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.33.30	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:14.33.31	Yadi saṅghassa pattakallaṁ, ahaṁ yā ceva imesaṁ āyasmantānaṁ āpatti, yā ca attano āpatti, imesañceva āyasmantānaṁ atthāya, attano ca atthāya, saṅghamajjhe tiṇavatthārakena deseyyaṁ, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:14.33.32	Esā ñatti.
pli-tv-kd14:14.33.33	Suṇātu me, bhante, saṅgho.
pli-tv-kd14:14.33.34	Amhākaṁ bhaṇḍanajātānaṁ kalahajātānaṁ vivādāpannānaṁ viharataṁ bahuṁ assāmaṇakaṁ ajjhāciṇṇaṁ bhāsitaparikkantaṁ.
pli-tv-kd14:14.33.35	Sace mayaṁ imāhi āpattīhi aññamaññaṁ kāressāma, siyāpi taṁ adhikaraṇaṁ kakkhaḷattāya vāḷattāya bhedāya saṁvatteyya.
pli-tv-kd14:14.33.36	Ahaṁ yā ceva imesaṁ āyasmantānaṁ āpatti, yā ca attano āpatti, imesañceva āyasmantānaṁ atthāya, attano ca atthāya, saṅghamajjhe tiṇavatthārakena desemi, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:14.33.37	Yassāyasmato khamati amhākaṁ imāsaṁ āpattīnaṁ saṅghamajjhe tiṇavatthārakena desanā, ṭhapetvā thullavajjaṁ, ṭhapetvā gihippaṭisaṁyuttaṁ, so tuṇhassa;
pli-tv-kd14:14.33.38	yassa nakkhamati, so bhāseyya.
pli-tv-kd14:14.33.39	Desitā amhākaṁ imā āpattiyo saṅghamajjhe tiṇavatthārakena, ṭhapetvā thullavajjaṁ, ṭhapetvā gihippaṭisaṁyuttaṁ.
pli-tv-kd14:14.33.40	Khamati saṅghassa, tasmā tuṇhī, evametaṁ dhārayāmī’ti.
pli-tv-kd14:14.33.41.1	Athāparesaṁ …pe…
pli-tv-kd14:14.33.41.2	
pli-tv-kd14:14.33.41.3	
pli-tv-kd14:14.33.41.4	
pli-tv-kd14:14.33.42	evametaṁ dhārayāmī’ti.
pli-tv-kd14:14.33.43	Idaṁ vuccati, bhikkhave, adhikaraṇaṁ vūpasantaṁ.
pli-tv-kd14:14.33.44	Kena vūpasantaṁ?
pli-tv-kd14:14.33.45	Sammukhāvinayena ca, tiṇavatthārakena ca.
pli-tv-kd14:14.33.46	Kiñca tattha sammukhāvinayasmiṁ?
pli-tv-kd14:14.33.47	Saṅghasammukhatā, dhammasammukhatā, vinayasammukhatā, puggalasammukhatā.
pli-tv-kd14:14.33.48	Kā ca tattha saṅghasammukhatā?
pli-tv-kd14:14.33.49	Yāvatikā bhikkhū kammappattā, te āgatā honti, chandārahānaṁ chando āhaṭo hoti, sammukhībhūtā na paṭikkosanti—
pli-tv-kd14:14.33.50	ayaṁ tattha saṅghasammukhatā.
pli-tv-kd14:14.33.51	Kā ca tattha dhammasammukhatā, vinayasammukhatā?
pli-tv-kd14:14.33.52	Yena dhammena yena vinayena yena satthusāsanena taṁ adhikaraṇaṁ vūpasammati—
pli-tv-kd14:14.33.53	ayaṁ tattha dhammasammukhatā, vinayasammukhatā.
pli-tv-kd14:14.33.54	Kā ca tattha puggalasammukhatā?
pli-tv-kd14:14.33.55	Yo ca deseti, yassa ca deseti, ubho sammukhībhūtā honti—
pli-tv-kd14:14.33.56	ayaṁ tattha puggalasammukhatā.
pli-tv-kd14:14.33.57	Kiñca tattha tiṇavatthārakasmiṁ?
pli-tv-kd14:14.33.58	Yā tiṇavatthārakassa kammassa kiriyā karaṇaṁ upagamanaṁ ajjhupagamanaṁ adhivāsanā appaṭikkosanā—
pli-tv-kd14:14.33.59	idaṁ tattha tiṇavatthārakasmiṁ.
pli-tv-kd14:14.33.60	Evaṁ vūpasantañce, bhikkhave, adhikaraṇaṁ paṭiggāhako ukkoṭeti, ukkoṭanakaṁ pācittiyaṁ;
pli-tv-kd14:14.33.61	chandadāyako khīyati, khīyanakaṁ pācittiyaṁ.
pli-tv-kd14:14.34.1	Kiccādhikaraṇaṁ katihi samathehi sammati?
pli-tv-kd14:14.34.2	Kiccādhikaraṇaṁ ekena samathena sammati—
pli-tv-kd14:14.34.3	sammukhāvinayenā”ti.
pli-tv-kd14:14.34.4	Samathakkhandhako niṭṭhito catuttho.
pli-tv-kd15:0.1	Theravāda Vinayapiṭaka
pli-tv-kd15:0.2	Cūḷavagga
pli-tv-kd15:0.3	15. Khuddakavatthukkhandhaka
pli-tv-kd15:1.1.0	
pli-tv-kd15:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-kd15:1.1.2	Tena kho pana samayena chabbaggiyā bhikkhū nahāyamānā rukkhe kāyaṁ ugghaṁsenti, ūrumpi bāhumpi urampi piṭṭhimpi.
pli-tv-kd15:1.1.3	Manussā ujjhāyanti khiyyanti vipācenti—
pli-tv-kd15:1.1.4	“kathañhi nāma samaṇā sakyaputtiyā nahāyamānā rukkhe kāyaṁ ugghaṁsessanti, ūrumpi bāhumpi urampi piṭṭhimpi, seyyathāpi mallamuṭṭhikā gāmamoddavā”ti.
pli-tv-kd15:1.1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:1.1.6	Atha kho te bhikkhū bhagavato etamatthaṁ ārocesuṁ.
pli-tv-kd15:1.1.7	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd15:1.1.8	“saccaṁ kira, bhikkhave, chabbaggiyā bhikkhū nahāyamānā rukkhe kāyaṁ ugghaṁsenti, ūrumpi bāhumpi urampi piṭṭhimpī”ti?
pli-tv-kd15:1.1.9	“Saccaṁ, bhagavā”ti.
pli-tv-kd15:1.1.10	Vigarahi buddho bhagavā—
pli-tv-kd15:1.1.11	“ananucchavikaṁ, bhikkhave, tesaṁ moghapurisānaṁ ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd15:1.1.12	Kathañhi nāma te, bhikkhave, moghapurisā nahāyamānā rukkhe kāyaṁ ugghaṁsessanti, ūrumpi bāhumpi urampi piṭṭhimpi?
pli-tv-kd15:1.1.13	Netaṁ, bhikkhave, appasannānaṁ vā pasādāya …pe…
pli-tv-kd15:1.1.14	vigarahitvā …pe…
pli-tv-kd15:1.1.15	dhammiṁ kathaṁ katvā bhikkhū āmantesi—
pli-tv-kd15:1.1.16	“na, bhikkhave, nahāyamānena bhikkhunā rukkhe kāyo ugghaṁsetabbo.
pli-tv-kd15:1.1.17	Yo ugghaṁseyya, āpatti dukkaṭassā”ti.
pli-tv-kd15:1.2.1	Tena kho pana samayena chabbaggiyā bhikkhū nahāyamānā thambhe kāyaṁ ugghaṁsenti, ūrumpi bāhumpi urampi piṭṭhimpi.
pli-tv-kd15:1.2.2	Manussā ujjhāyanti khiyyanti vipācenti—
pli-tv-kd15:1.2.3	“kathañhi nāma samaṇā sakyaputtiyā nahāyamānā thambhe kāyaṁ ugghaṁsessanti, ūrumpi bāhumpi urampi piṭṭhimpi, seyyathāpi mallamuṭṭhikā gāmamoddavā”ti.
pli-tv-kd15:1.2.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:1.2.5	Atha kho te bhikkhū bhagavato etamatthaṁ ārocesuṁ …pe…
pli-tv-kd15:1.2.6	“saccaṁ, bhagavā”ti …pe…
pli-tv-kd15:1.2.7	vigarahitvā …pe…
pli-tv-kd15:1.2.8	dhammiṁ kathaṁ katvā bhikkhū āmantesi—
pli-tv-kd15:1.2.9	“na, bhikkhave, nahāyamānena bhikkhunā thambhe kāyo ugghaṁsetabbo.
pli-tv-kd15:1.2.10	Yo ugghaṁseyya, āpatti dukkaṭassā”ti.
pli-tv-kd15:1.2.11	Tena kho pana samayena chabbaggiyā bhikkhū nahāyamānā kuṭṭe kāyaṁ ugghaṁsenti, ūrumpi bāhumpi urampi piṭṭhimpi.
pli-tv-kd15:1.2.12	Manussā ujjhāyanti khiyyanti vipācenti—
pli-tv-kd15:1.2.13	“kathañhi nāma samaṇā sakyaputtiyā nahāyamānā kuṭṭe kāyaṁ ugghaṁsessanti, ūrumpi bāhumpi urampi piṭṭhimpi, seyyathāpi mallamuṭṭhikā gāmamoddavā”ti …pe…
pli-tv-kd15:1.2.14	“na, bhikkhave, nahāyamānena bhikkhunā kuṭṭe kāyo ugghaṁsetabbo.
pli-tv-kd15:1.2.15	Yo ugghaṁseyya, āpatti dukkaṭassā”ti.
pli-tv-kd15:1.3.1	Tena kho pana samayena chabbaggiyā bhikkhū aṭṭāne nahāyanti.
pli-tv-kd15:1.3.2	Manussā ujjhāyanti khiyyanti vipācenti …pe…
pli-tv-kd15:1.3.3	seyyathāpi gihī kāmabhogino”ti.
pli-tv-kd15:1.3.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:1.3.5	Atha kho te bhikkhū bhagavato etamatthaṁ ārocesuṁ …pe…
pli-tv-kd15:1.3.6	“saccaṁ, bhagavā”ti …pe…
pli-tv-kd15:1.3.7	vigarahitvā …pe…
pli-tv-kd15:1.3.8	dhammiṁ kathaṁ katvā bhikkhū āmantesi—
pli-tv-kd15:1.3.9	“na, bhikkhave, aṭṭāne nahāyitabbaṁ.
pli-tv-kd15:1.3.10	Yo nahāyeyya, āpatti dukkaṭassā”ti.
pli-tv-kd15:1.3.11	Tena kho pana samayena chabbaggiyā bhikkhū gandhabbahatthakena nahāyanti.
pli-tv-kd15:1.3.12	Manussā ujjhāyanti khiyyanti vipācenti …pe…
pli-tv-kd15:1.3.13	seyyathāpi gihī kāmabhogino”ti.
pli-tv-kd15:1.3.14	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:1.3.15	Atha kho te bhikkhū bhagavato etamatthaṁ ārocesuṁ …pe…
pli-tv-kd15:1.3.16	“na, bhikkhave, gandhabbahatthakena nahāyitabbaṁ.
pli-tv-kd15:1.3.17	Yo nahāyeyya, āpatti dukkaṭassā”ti.
pli-tv-kd15:1.3.18	Tena kho pana samayena chabbaggiyā bhikkhū kuruvindakasuttiyā nahāyanti.
pli-tv-kd15:1.3.19	Manussā ujjhāyanti khiyyanti vipācenti …pe…
pli-tv-kd15:1.3.20	seyyathāpi gihī kāmabhoginoti.
pli-tv-kd15:1.3.21	Bhagavato etamatthaṁ ārocesuṁ.
pli-tv-kd15:1.3.22	“Na, bhikkhave, kuruvindakasuttiyā nahāyitabbaṁ.
pli-tv-kd15:1.3.23	Yo nahāyeyya, āpatti dukkaṭassā”ti.
pli-tv-kd15:1.4.1	Tena kho pana samayena chabbaggiyā bhikkhū viggayha parikammaṁ kārāpenti.
pli-tv-kd15:1.4.2	Manussā ujjhāyanti khiyyanti vipācenti …pe…
pli-tv-kd15:1.4.3	seyyathāpi gihī kāmabhogino”ti.
pli-tv-kd15:1.4.4	Bhagavato etamatthaṁ ārocesuṁ.
pli-tv-kd15:1.4.5	“Na, bhikkhave, viggayha parikammaṁ kārāpetabbaṁ.
pli-tv-kd15:1.4.6	Yo kārāpeyya, āpatti dukkaṭassā”ti.
pli-tv-kd15:1.4.7	Tena kho pana samayena chabbaggiyā bhikkhū mallakena nahāyanti.
pli-tv-kd15:1.4.8	Manussā ujjhāyanti khiyyanti vipācenti …pe…
pli-tv-kd15:1.4.9	seyyathāpi gihī kāmabhogino”ti.
pli-tv-kd15:1.4.10	Bhagavato etamatthaṁ ārocesuṁ.
pli-tv-kd15:1.4.11	“Na, bhikkhave, mallakena nahāyitabbaṁ.
pli-tv-kd15:1.4.12	Yo nahāyeyya, āpatti dukkaṭassā”ti.
pli-tv-kd15:1.4.13	Tena kho pana samayena aññatarassa bhikkhuno kacchurogābādho hoti.
pli-tv-kd15:1.4.14	Na tassa vinā mallakena phāsu hoti.
pli-tv-kd15:1.4.15	Bhagavato etamatthaṁ ārocesuṁ.
pli-tv-kd15:1.4.16	“Anujānāmi, bhikkhave, gilānassa akatamallakan”ti.
pli-tv-kd15:1.5.1	Tena kho pana samayena aññataro bhikkhu jarādubbalo nahāyamāno na sakkoti attano kāyaṁ ugghaṁsetuṁ.
pli-tv-kd15:1.5.2	Bhagavato etamatthaṁ ārocesuṁ.
pli-tv-kd15:1.5.3	“Anujānāmi, bhikkhave, ukkāsikan”ti.
pli-tv-kd15:1.5.4	Tena kho pana samayena bhikkhū piṭṭhiparikammaṁ kātuṁ kukkuccāyanti.
pli-tv-kd15:1.5.5	Bhagavato etamatthaṁ ārocesuṁ.
pli-tv-kd15:1.5.6	“Anujānāmi, bhikkhave, puthupāṇikan”ti.
pli-tv-kd15:2.1.0	
pli-tv-kd15:2.1.1	Tena kho pana samayena chabbaggiyā bhikkhū vallikaṁ dhārenti …pe…
pli-tv-kd15:2.1.2	pāmaṅgaṁ dhārenti …pe…
pli-tv-kd15:2.1.3	kaṇṭhasuttakaṁ dhārenti …pe…
pli-tv-kd15:2.1.4	kaṭisuttakaṁ dhārenti …pe…
pli-tv-kd15:2.1.5	ovaṭṭikaṁ dhārenti …pe…
pli-tv-kd15:2.1.6	kāyuraṁ dhārenti …pe…
pli-tv-kd15:2.1.7	hatthābharaṇaṁ dhārenti …pe…
pli-tv-kd15:2.1.8	aṅgulimuddikaṁ dhārenti.
pli-tv-kd15:2.1.9	Manussā ujjhāyanti khiyyanti vipācenti …pe…
pli-tv-kd15:2.1.10	seyyathāpi gihī kāmabhogino”ti.
pli-tv-kd15:2.1.11	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:2.1.12	Atha kho te bhikkhū bhagavato etamatthaṁ ārocesuṁ.
pli-tv-kd15:2.1.13	“Saccaṁ kira, bhikkhave, chabbaggiyā bhikkhū vallikaṁ dhārenti …pe…
pli-tv-kd15:2.1.14	pāmaṅgaṁ dhārenti, kaṇṭhasuttakaṁ dhārenti, kaṭisuttakaṁ dhārenti, ovaṭṭikaṁ dhārenti, kāyuraṁ dhārenti, hatthābharaṇaṁ dhārenti, aṅgulimuddikaṁ dhārentī”ti?
pli-tv-kd15:2.1.15	“Saccaṁ, bhagavā”ti …pe…
pli-tv-kd15:2.1.16	vigarahitvā …pe…
pli-tv-kd15:2.1.17	dhammiṁ kathaṁ katvā bhikkhū āmantesi—
pli-tv-kd15:2.1.18	“na, bhikkhave, vallikā dhāretabbā …pe…
pli-tv-kd15:2.1.19	na pāmaṅgo dhāretabbo …
pli-tv-kd15:2.1.20	na kaṇṭhasuttakaṁ dhāretabbaṁ …
pli-tv-kd15:2.1.21	na kaṭisuttakaṁ dhāretabbaṁ …
pli-tv-kd15:2.1.22	na ovaṭṭikaṁ dhāretabbaṁ …
pli-tv-kd15:2.1.23	na kāyuraṁ dhāretabbaṁ …
pli-tv-kd15:2.1.24	na hatthābharaṇaṁ dhāretabbaṁ …
pli-tv-kd15:2.1.25	na aṅgulimuddikā dhāretabbā.
pli-tv-kd15:2.1.26	Yo dhāreyya, āpatti dukkaṭassā”ti.
pli-tv-kd15:2.2.1	Tena kho pana samayena chabbaggiyā bhikkhū dīghe kese dhārenti.
pli-tv-kd15:2.2.2	Manussā ujjhāyanti khiyyanti vipācenti—
pli-tv-kd15:2.2.3	“seyyathāpi gihī kāmabhogino”ti.
pli-tv-kd15:2.2.4	Bhagavato etamatthaṁ ārocesuṁ.
pli-tv-kd15:2.2.5	“Na, bhikkhave, dīghā kesā dhāretabbā.
pli-tv-kd15:2.2.6	Yo dhāreyya, āpatti dukkaṭassa.
pli-tv-kd15:2.2.7	Anujānāmi, bhikkhave, dumāsikaṁ vā duvaṅgulaṁ vā”ti.
pli-tv-kd15:2.3.1	Tena kho pana samayena chabbaggiyā bhikkhū kocchena kese osaṇṭhenti …pe…
pli-tv-kd15:2.3.2	phaṇakena kese osaṇṭhenti, hatthaphaṇakena kese osaṇṭhenti, sitthatelakena kese osaṇṭhenti, udakatelakena kese osaṇṭhenti.
pli-tv-kd15:2.3.3	Manussā ujjhāyanti khiyyanti vipācenti—
pli-tv-kd15:2.3.4	“seyyathāpi gihī kāmabhogino”ti.
pli-tv-kd15:2.3.5	Bhagavato etamatthaṁ ārocesuṁ.
pli-tv-kd15:2.3.6	“Na, bhikkhave, kocchena kesā osaṇṭhetabbā …pe…
pli-tv-kd15:2.3.7	na sitthatelakena kesā osaṇṭhetabbā …
pli-tv-kd15:2.3.8	na udakatelakena kesā osaṇṭhetabbā.
pli-tv-kd15:2.3.9	Yo osaṇṭheyya, āpatti dukkaṭassā”ti.
pli-tv-kd15:2.4.1	Tena kho pana samayena chabbaggiyā bhikkhū ādāsepi udakapattepi mukhanimittaṁ olokenti.
pli-tv-kd15:2.4.2	Manussā ujjhāyanti khiyyanti vipācenti—
pli-tv-kd15:2.4.3	“seyyathāpi gihī kāmabhogino”ti.
pli-tv-kd15:2.4.4	Bhagavato etamatthaṁ ārocesuṁ.
pli-tv-kd15:2.4.5	“Na, bhikkhave, ādāse vā udakapatte vā mukhanimittaṁ oloketabbaṁ.
pli-tv-kd15:2.4.6	Yo olokeyya, āpatti dukkaṭassā”ti.
pli-tv-kd15:2.4.7	Tena kho pana samayena aññatarassa bhikkhuno mukhe vaṇo hoti.
pli-tv-kd15:2.4.8	So bhikkhū pucchi—
pli-tv-kd15:2.4.9	“kīdiso me, āvuso, vaṇo”ti?
pli-tv-kd15:2.4.10	Bhikkhū evamāhaṁsu—
pli-tv-kd15:2.4.11	“ediso te, āvuso vaṇo”ti.
pli-tv-kd15:2.4.12	So na saddahati.
pli-tv-kd15:2.4.13	Bhagavato etamatthaṁ ārocesuṁ.
pli-tv-kd15:2.4.14	“Anujānāmi, bhikkhave, ābādhappaccayā ādāse vā udakapatte vā mukhanimittaṁ oloketun”ti.
pli-tv-kd15:2.5.1	Tena kho pana samayena chabbaggiyā bhikkhū mukhaṁ ālimpanti …pe…
pli-tv-kd15:2.5.2	mukhaṁ ummaddenti, mukhaṁ cuṇṇenti, manosilikāya mukhaṁ lañchenti, aṅgarāgaṁ karonti, mukharāgaṁ karonti, aṅgarāgamukharāgaṁ karonti.
pli-tv-kd15:2.5.3	Manussā ujjhāyanti khiyyanti vipācenti—
pli-tv-kd15:2.5.4	“seyyathāpi gihī kāmabhogino”ti.
pli-tv-kd15:2.5.5	Bhagavato etamatthaṁ ārocesuṁ.
pli-tv-kd15:2.5.6	“Na, bhikkhave, mukhaṁ ālimpitabbaṁ …pe…
pli-tv-kd15:2.5.7	na mukhaṁ ummadditabbaṁ, na mukhaṁ cuṇṇetabbaṁ, na manosilikāya mukhaṁ lañchetabbaṁ, na aṅgarāgo kātabbo, na mukharāgo kātabbo, na aṅgarāgamukharāgo kātabbo.
pli-tv-kd15:2.5.8	Yo kareyya, āpatti dukkaṭassā”ti.
pli-tv-kd15:2.5.9	Tena kho pana samayena aññatarassa bhikkhuno cakkhurogābādho hoti.
pli-tv-kd15:2.5.10	Bhagavato etamatthaṁ ārocesuṁ.
pli-tv-kd15:2.5.11	“Anujānāmi, bhikkhave, ābādhappaccayā mukhaṁ ālimpitun”ti.
pli-tv-kd15:2.6.0	
pli-tv-kd15:2.6.1	Tena kho pana samayena rājagahe giraggasamajjo hoti.
pli-tv-kd15:2.6.2	Chabbaggiyā bhikkhū giraggasamajjaṁ dassanāya agamaṁsu.
pli-tv-kd15:2.6.3	Manussā ujjhāyanti khiyyanti vipācenti—
pli-tv-kd15:2.6.4	“kathañhi nāma samaṇā sakyaputtiyā naccampi gītampi vāditampi dassanāya gacchissanti, seyyathāpi gihī kāmabhogino”ti.
pli-tv-kd15:2.6.5	Bhagavato etamatthaṁ ārocesuṁ.
pli-tv-kd15:2.6.6	“Na, bhikkhave, naccaṁ vā gītaṁ vā vāditaṁ vā dassanāya gantabbaṁ.
pli-tv-kd15:2.6.7	Yo gaccheyya, āpatti dukkaṭassā”ti.
pli-tv-kd15:3.1.1	Tena kho pana samayena chabbaggiyā bhikkhū āyatakena gītassarena dhammaṁ gāyanti.
pli-tv-kd15:3.1.2	Manussā ujjhāyanti khiyyanti vipācenti—
pli-tv-kd15:3.1.3	“yatheva mayaṁ gāyāma, evamevime samaṇā sakyaputtiyā āyatakena gītassarena dhammaṁ gāyantī”ti.
pli-tv-kd15:3.1.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:3.1.5	Ye te bhikkhū appicchā …pe… te ujjhāyanti khiyyanti vipācenti—
pli-tv-kd15:3.1.6	“kathañhi nāma chabbaggiyā bhikkhū āyatakena gītassarena dhammaṁ gāyissantī”ti.
pli-tv-kd15:3.1.7	Atha kho te bhikkhū bhagavato etamatthaṁ ārocesuṁ.
pli-tv-kd15:3.1.8	“Saccaṁ kira, bhikkhave …pe…
pli-tv-kd15:3.1.9	“saccaṁ, bhagavā”ti …pe…
pli-tv-kd15:3.1.10	dhammiṁ kathaṁ katvā bhikkhū āmantesi—
pli-tv-kd15:3.1.11	“pañcime, bhikkhave, ādīnavā āyatakena gītassarena dhammaṁ gāyantassa.
pli-tv-kd15:3.1.12	Attanāpi tasmiṁ sare sārajjati, parepi tasmiṁ sare sārajjanti, gahapatikāpi ujjhāyanti, sarakuttimpi nikāmayamānassa samādhissa bhaṅgo hoti, pacchimā janatā diṭṭhānugatiṁ āpajjati—
pli-tv-kd15:3.1.13	ime kho, bhikkhave, pañca ādīnavā āyatakena gītassarena dhammaṁ gāyantassa.
pli-tv-kd15:3.1.14	Na, bhikkhave, āyatakena gītassarena dhammo gāyitabbo.
pli-tv-kd15:3.1.15	Yo gāyeyya, āpatti dukkaṭassā”ti.
pli-tv-kd15:3.2.1	Tena kho pana samayena bhikkhū sarabhaññe kukkuccāyanti.
pli-tv-kd15:3.2.2	Bhagavato etamatthaṁ ārocesuṁ.
pli-tv-kd15:3.2.3	“Anujānāmi, bhikkhave, sarabhaññan”ti.
pli-tv-kd15:4.1.1	Tena kho pana samayena chabbaggiyā bhikkhū bāhiralomiṁ uṇṇiṁ dhārenti.
pli-tv-kd15:4.1.2	Manussā ujjhāyanti khiyyanti vipācenti—
pli-tv-kd15:4.1.3	“seyyathāpi gihī kāmabhogino”ti.
pli-tv-kd15:4.1.4	Bhagavato etamatthaṁ ārocesuṁ.
pli-tv-kd15:4.1.5	“Na, bhikkhave, bāhiyalomi uṇṇi dhāretabbā.
pli-tv-kd15:4.1.6	Yo dhāreyya, āpatti dukkaṭassā”ti.
pli-tv-kd15:5.1.0	
pli-tv-kd15:5.1.1	Tena kho pana samayena rañño māgadhassa seniyassa bimbisārassa ārāme ambā phalino honti.
pli-tv-kd15:5.1.2	Raññā māgadhena seniyena bimbisārena anuññātaṁ hoti—
pli-tv-kd15:5.1.3	“yathāsukhaṁ ayyā ambaṁ paribhuñjantū”ti.
pli-tv-kd15:5.1.4	Chabbaggiyā bhikkhū taruṇaññeva ambaṁ pātāpetvā paribhuñjiṁsu.
pli-tv-kd15:5.1.5	Rañño ca māgadhassa seniyassa bimbisārassa ambena attho hoti.
pli-tv-kd15:5.1.6	Atha kho rājā māgadho seniyo bimbisāro manusse āṇāpesi—
pli-tv-kd15:5.1.7	“gacchatha, bhaṇe, ārāmaṁ gantvā ambaṁ āharathā”ti.
pli-tv-kd15:5.1.8	“Evaṁ, devā”ti kho te manussā rañño māgadhassa seniyassa bimbisārassa paṭissutvā ārāmaṁ gantvā ārāmapālaṁ etadavocuṁ—
pli-tv-kd15:5.1.9	“devassa, bhaṇe, ambena attho, ambaṁ dethā”ti.
pli-tv-kd15:5.1.10	“Natthāyyā, ambaṁ.
pli-tv-kd15:5.1.11	Taruṇaññeva ambaṁ pātāpetvā bhikkhū paribhuñjiṁsū”ti.
pli-tv-kd15:5.1.12	Atha kho te manussā rañño māgadhassa seniyassa bimbisārassa etamatthaṁ ārocesuṁ.
pli-tv-kd15:5.1.13	“Suparibhuttaṁ, bhaṇe, ayyehi ambaṁ, api ca bhagavatā mattā vaṇṇitā”ti.
pli-tv-kd15:5.1.14	Manussā ujjhāyanti khiyyanti vipācenti—
pli-tv-kd15:5.1.15	“kathañhi nāma samaṇā sakyaputtiyā na mattaṁ jānitvā rañño ambaṁ paribhuñjissantī”ti.
pli-tv-kd15:5.1.16	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:5.1.17	Atha kho te bhikkhū bhagavato etamatthaṁ ārocesuṁ.
pli-tv-kd15:5.1.18	“Na, bhikkhave, ambaṁ paribhuñjitabbaṁ.
pli-tv-kd15:5.1.19	Yo paribhuñjeyya, āpatti dukkaṭassā”ti.
pli-tv-kd15:5.2.1	Tena kho pana samayena aññatarassa pūgassa saṅghabhattaṁ hoti.
pli-tv-kd15:5.2.2	Sūpe ambapesikāyo pakkhittā honti.
pli-tv-kd15:5.2.3	Bhikkhū kukkuccāyantā nappaṭiggaṇhanti …pe…
pli-tv-kd15:5.2.4	“paṭiggaṇhatha, bhikkhave, paribhuñjatha.
pli-tv-kd15:5.2.5	Anujānāmi, bhikkhave, ambapesikan”ti.
pli-tv-kd15:5.2.6	Tena kho pana samayena aññatarassa pūgassa saṅghabhattaṁ hoti.
pli-tv-kd15:5.2.7	Te na pariyāpuṇiṁsu ambapesikaṁ kātuṁ, bhattagge sakaleheva ambehi denti.
pli-tv-kd15:5.2.8	Bhikkhū kukkuccāyantā nappaṭiggaṇhanti.
pli-tv-kd15:5.2.9	“Paṭiggaṇhatha, bhikkhave, paribhuñjatha.
pli-tv-kd15:5.2.10	Anujānāmi, bhikkhave, pañcahi samaṇakappehi phalaṁ paribhuñjituṁ—
pli-tv-kd15:5.2.11	aggiparicitaṁ, satthaparicitaṁ, nakhaparicitaṁ, abījaṁ, nibbattabījaññeva pañcamaṁ.
pli-tv-kd15:5.2.12	Anujānāmi, bhikkhave, imehi pañcahi samaṇakappehi phalaṁ paribhuñjitun”ti.
pli-tv-kd15:6.1.0	
pli-tv-kd15:6.1.1	Tena kho pana samayena aññataro bhikkhu ahinā daṭṭho kālaṅkato hoti.
pli-tv-kd15:6.1.2	Bhagavato etamatthaṁ ārocesuṁ.
pli-tv-kd15:6.1.3	“Na hi nūna so, bhikkhave, bhikkhu imāni cattāri ahirājakulāni mettena cittena phari.
pli-tv-kd15:6.1.4	Sace hi so, bhikkhave, bhikkhu imāni cattāri ahirājakulāni mettena cittena phareyya, na hi so, bhikkhave, bhikkhu ahinā daṭṭho kālaṁ kareyya.
pli-tv-kd15:6.1.5	Katamāni cattāri ahirājakulāni?
pli-tv-kd15:6.1.6	Virūpakkhaṁ ahirājakulaṁ, erāpathaṁ ahirājakulaṁ, chabyāputtaṁ ahirājakulaṁ, kaṇhāgotamaṁ ahirājakulaṁ.
pli-tv-kd15:6.1.7	Na hi nūna so, bhikkhave, bhikkhu imāni cattāri ahirājakulāni mettena cittena phari.
pli-tv-kd15:6.1.8	Sace hi so, bhikkhave, bhikkhu imāni cattāri ahirājakulāni mettena cittena phareyya, na hi so, bhikkhave, bhikkhu ahinā daṭṭho kālaṁ kareyya.
pli-tv-kd15:6.1.9	Anujānāmi, bhikkhave, imāni cattāri ahirājakulāni mettena cittena pharituṁ, attaguttiyā attarakkhāya attaparittaṁ kātuṁ.
pli-tv-kd15:6.1.10	Evañca pana, bhikkhave, kātabbaṁ—
pli-tv-kd15:6.1.11	‘Virūpakkhehi me mettaṁ,
pli-tv-kd15:6.1.12	Mettaṁ erāpathehi me;
pli-tv-kd15:6.1.13	Chabyāputtehi me mettaṁ,
pli-tv-kd15:6.1.14	Mettaṁ kaṇhāgotamakehi ca.
pli-tv-kd15:6.1.15	Apādakehi me mettaṁ,
pli-tv-kd15:6.1.16	mettaṁ dvipādakehi me;
pli-tv-kd15:6.1.17	Catuppadehi me mettaṁ,
pli-tv-kd15:6.1.18	mettaṁ bahuppadehi me.
pli-tv-kd15:6.1.19	Mā maṁ apādako hiṁsi,
pli-tv-kd15:6.1.20	mā maṁ hiṁsi dvipādako;
pli-tv-kd15:6.1.21	Mā maṁ catuppado hiṁsi,
pli-tv-kd15:6.1.22	mā maṁ hiṁsi bahuppado.
pli-tv-kd15:6.1.23	Sabbe sattā sabbe pāṇā,
pli-tv-kd15:6.1.24	sabbe bhūtā ca kevalā;
pli-tv-kd15:6.1.25	Sabbe bhadrāni passantu,
pli-tv-kd15:6.1.26	mā kiñci pāpamāgamā.
pli-tv-kd15:6.1.27	Appamāṇo buddho,
pli-tv-kd15:6.1.28	Appamāṇo dhammo;
pli-tv-kd15:6.1.29	Appamāṇo saṅgho,
pli-tv-kd15:6.1.30	Pamāṇavantāni sarīsapāni.
pli-tv-kd15:6.1.31	Ahi vicchikā satapadī,
pli-tv-kd15:6.1.32	Uṇṇanābhi sarabū mūsikā;
pli-tv-kd15:6.1.33	Katā me rakkhā kataṁ me parittaṁ,
pli-tv-kd15:6.1.34	Paṭikkamantu bhūtāni;
pli-tv-kd15:6.1.35	Sohaṁ namo bhagavato,
pli-tv-kd15:6.1.36	Namo sattannaṁ sammāsambuddhānan’”ti.
pli-tv-kd15:7.1.1	Tena kho pana samayena aññataro bhikkhu anabhiratiyā pīḷito attano aṅgajātaṁ chindi.
pli-tv-kd15:7.1.2	Bhagavato etamatthaṁ ārocesuṁ.
pli-tv-kd15:7.1.3	“Aññamhi so, bhikkhave, moghapuriso chetabbamhi, aññaṁ chindi.
pli-tv-kd15:7.1.4	Na, bhikkhave, attano aṅgajātaṁ chetabbaṁ.
pli-tv-kd15:7.1.5	Yo chindeyya, āpatti thullaccayassā”ti.
pli-tv-kd15:8.1.0	
pli-tv-kd15:8.1.1	Tena kho pana samayena rājagahakassa seṭṭhissa mahagghassa candanassa candanagaṇṭhi uppannā hoti.
pli-tv-kd15:8.1.2	Atha kho rājagahakassa seṭṭhissa etadahosi—
pli-tv-kd15:8.1.3	“yannūnāhaṁ imāya candanagaṇṭhiyā pattaṁ lekhāpeyyaṁ.
pli-tv-kd15:8.1.4	Lekhañca me paribhogaṁ bhavissati, pattañca dānaṁ dassāmī”ti.
pli-tv-kd15:8.1.5	Atha kho rājagahako seṭṭhi tāya candanagaṇṭhiyā pattaṁ lekhāpetvā sikkāya uḍḍitvā veḷagge ālaggetvā veḷuparamparāya bandhitvā evamāha—
pli-tv-kd15:8.1.6	“yo samaṇo vā brāhmaṇo vā arahā ceva iddhimā ca dinnaṁyeva pattaṁ oharatū”ti.
pli-tv-kd15:8.1.7	Atha kho pūraṇo kassapo yena rājagahako seṭṭhi tenupasaṅkami, upasaṅkamitvā rājagahakaṁ seṭṭhiṁ etadavoca—
pli-tv-kd15:8.1.8	“ahañhi, gahapati, arahā ceva iddhimā ca, dehi me pattan”ti.
pli-tv-kd15:8.1.9	“Sace, bhante, āyasmā arahā ceva iddhimā ca dinnaṁyeva pattaṁ oharatū”ti.
pli-tv-kd15:8.1.10	Atha kho makkhali gosālo …
pli-tv-kd15:8.1.11	ajito kesakambalo …
pli-tv-kd15:8.1.12	pakudho kaccāyano …
pli-tv-kd15:8.1.13	sañcayo belaṭṭhaputto …
pli-tv-kd15:8.1.14	nigaṇṭho nāṭaputto yena rājagahako seṭṭhi tenupasaṅkami, upasaṅkamitvā rājagahakaṁ seṭṭhiṁ etadavoca—
pli-tv-kd15:8.1.15	“ahañhi, gahapati, arahā ceva iddhimā ca, dehi me pattan”ti.
pli-tv-kd15:8.1.16	“Sace, bhante, āyasmā arahā ceva iddhimā ca, dinnaṁyeva pattaṁ oharatū”ti.
pli-tv-kd15:8.1.17	Tena kho pana samayena āyasmā ca mahāmoggallāno āyasmā ca piṇḍolabhāradvājo pubbaṇhasamayaṁ nivāsetvā pattacīvaramādāya rājagahaṁ piṇḍāya pavisiṁsu.
pli-tv-kd15:8.1.18	Atha kho āyasmā piṇḍolabhāradvājo āyasmantaṁ mahāmoggallānaṁ etadavoca—
pli-tv-kd15:8.1.19	“āyasmā kho mahāmoggallāno arahā ceva iddhimā ca.
pli-tv-kd15:8.1.20	Gacchāvuso, moggallāna, etaṁ pattaṁ ohara.
pli-tv-kd15:8.1.21	Tuyheso patto”ti.
pli-tv-kd15:8.1.22	“Āyasmā kho bhāradvājo arahā ceva iddhimā ca.
pli-tv-kd15:8.1.23	Gacchāvuso, bhāradvāja, etaṁ pattaṁ ohara.
pli-tv-kd15:8.1.24	Tuyheso patto”ti.
pli-tv-kd15:8.1.25	Atha kho āyasmā piṇḍolabhāradvājo vehāsaṁ abbhuggantvā taṁ pattaṁ gahetvā tikkhattuṁ rājagahaṁ anupariyāyi.
pli-tv-kd15:8.1.26	Tena kho pana samayena rājagahako seṭṭhi saputtadāro sake nivesane ṭhito hoti pañjaliko namassamāno—
pli-tv-kd15:8.1.27	idheva, bhante, ayyo bhāradvājo amhākaṁ nivesane patiṭṭhātūti.
pli-tv-kd15:8.1.28	Atha kho āyasmā piṇḍolabhāradvājo rājagahakassa seṭṭhissa nivesane patiṭṭhāsi.
pli-tv-kd15:8.1.29	Atha kho rājagahako seṭṭhi āyasmato piṇḍolabhāradvājassa hatthato pattaṁ gahetvā mahagghassa khādanīyassa pūretvā āyasmato piṇḍolabhāradvājassa adāsi.
pli-tv-kd15:8.1.30	Atha kho āyasmā piṇḍolabhāradvājo taṁ pattaṁ gahetvā ārāmaṁ agamāsi.
pli-tv-kd15:8.2.1	Assosuṁ kho manussā—
pli-tv-kd15:8.2.2	ayyena kira piṇḍolabhāradvājena rājagahakassa seṭṭhissa patto ohāritoti.
pli-tv-kd15:8.2.3	Te ca manussā uccāsaddā mahāsaddā āyasmantaṁ piṇḍolabhāradvājaṁ piṭṭhito piṭṭhito anubandhiṁsu.
pli-tv-kd15:8.2.4	Assosi kho bhagavā uccāsaddaṁ mahāsaddaṁ;
pli-tv-kd15:8.2.5	sutvāna āyasmantaṁ ānandaṁ āmantesi—
pli-tv-kd15:8.2.6	“kiṁ nu kho so, ānanda, uccāsaddo mahāsaddo”ti?
pli-tv-kd15:8.2.7	“Āyasmatā, bhante, piṇḍolabhāradvājena rājagahakassa seṭṭhissa patto ohārito.
pli-tv-kd15:8.2.8	Assosuṁ kho, bhante, manussā—
pli-tv-kd15:8.2.9	ayyena kira piṇḍolabhāradvājena rājagahakassa seṭṭhissa patto ohāritoti.
pli-tv-kd15:8.2.10	Te ca, bhante, manussā uccāsaddā mahāsaddā āyasmantaṁ piṇḍolabhāradvājaṁ piṭṭhito piṭṭhito anubandhā.
pli-tv-kd15:8.2.11	So eso, bhante, bhagavā uccāsaddo mahāsaddo”ti.
pli-tv-kd15:8.2.12	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ piṇḍolabhāradvājaṁ paṭipucchi—
pli-tv-kd15:8.2.13	“saccaṁ kira tayā, bhāradvāja, rājagahakassa seṭṭhissa patto ohārito”ti?
pli-tv-kd15:8.2.14	“Saccaṁ, bhagavā”ti.
pli-tv-kd15:8.2.15	Vigarahi buddho bhagavā—
pli-tv-kd15:8.2.16	“ananucchavikaṁ, bhāradvāja, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd15:8.2.17	Kathañhi nāma tvaṁ, bhāradvāja, chavassa dārupattassa kāraṇā gihīnaṁ uttari manussadhammaṁ iddhipāṭihāriyaṁ dassessasi.
pli-tv-kd15:8.2.18	Seyyathāpi, bhāradvāja, mātugāmo chavassa māsakarūpassa kāraṇā kopinaṁ dasseti;
pli-tv-kd15:8.2.19	evameva kho tayā, bhāradvāja, chavassa dārupattassa kāraṇā gihīnaṁ uttari manussadhammaṁ iddhipāṭihāriyaṁ dassitaṁ.
pli-tv-kd15:8.2.20	Netaṁ, bhāradvāja, appasannānaṁ vā pasādāya …pe…
pli-tv-kd15:8.2.21	vigarahitvā …pe…
pli-tv-kd15:8.2.22	dhammiṁ kathaṁ katvā bhikkhū āmantesi—
pli-tv-kd15:8.2.23	“na, bhikkhave, gihīnaṁ uttarimanussadhammaṁ iddhipāṭihāriyaṁ dassetabbaṁ.
pli-tv-kd15:8.2.24	Yo dasseyya, āpatti dukkaṭassa.
pli-tv-kd15:8.2.25	Bhindathetaṁ, bhikkhave, dārupattaṁ sakalikaṁ sakalikaṁ katvā, bhikkhūnaṁ añjanupapisanaṁ detha.
pli-tv-kd15:8.2.26	Na ca, bhikkhave, dārupatto dhāretabbo.
pli-tv-kd15:8.2.27	Yo dhāreyya, āpatti dukkaṭassā”ti.
pli-tv-kd15:9.1.1	Tena kho pana samayena chabbaggiyā bhikkhū uccāvace patte dhārenti sovaṇṇamayaṁ rūpiyamayaṁ.
pli-tv-kd15:9.1.2	Manussā ujjhāyanti khiyyanti vipācenti—
pli-tv-kd15:9.1.3	“seyyathāpi gihī kāmabhogino”ti.
pli-tv-kd15:9.1.4	Bhagavato etamatthaṁ ārocesuṁ.
pli-tv-kd15:9.1.5	“Na, bhikkhave, sovaṇṇamayo patto dhāretabbo …pe…
pli-tv-kd15:9.1.6	na rūpiyamayo patto dhāretabbo …
pli-tv-kd15:9.1.7	na maṇimayo patto dhāretabbo …
pli-tv-kd15:9.1.8	na veḷuriyamayo patto dhāretabbo …
pli-tv-kd15:9.1.9	na phalikamayo patto dhāretabbo …
pli-tv-kd15:9.1.10	na kaṁsamayo patto dhāretabbo …
pli-tv-kd15:9.1.11	na kācamayo patto dhāretabbo …
pli-tv-kd15:9.1.12	na tipumayo patto dhāretabbo …
pli-tv-kd15:9.1.13	na sīsamayo patto dhāretabbo …
pli-tv-kd15:9.1.14	na tambalohamayo patto dhāretabbo.
pli-tv-kd15:9.1.15	Yo dhāreyya, āpatti dukkaṭassa.
pli-tv-kd15:9.1.16	Anujānāmi, bhikkhave, dve patte—
pli-tv-kd15:9.1.17	ayopattaṁ, mattikāpattan”ti.
pli-tv-kd15:9.2.1	Tena kho pana samayena pattamūlaṁ ghaṁsiyati.
pli-tv-kd15:9.2.2	Bhagavato etamatthaṁ ārocesuṁ.
pli-tv-kd15:9.2.3	“Anujānāmi, bhikkhave, pattamaṇḍalan”ti.
pli-tv-kd15:9.2.4	Tena kho pana samayena chabbaggiyā bhikkhū uccāvacāni pattamaṇḍalāni dhārenti sovaṇṇamayaṁ rūpiyamayaṁ.
pli-tv-kd15:9.2.5	Manussā ujjhāyanti khiyyanti vipācenti—
pli-tv-kd15:9.2.6	“seyyathāpi gihī kāmabhogino”ti.
pli-tv-kd15:9.2.7	Bhagavato etamatthaṁ ārocesuṁ.
pli-tv-kd15:9.2.8	“Na, bhikkhave, uccāvacāni pattamaṇḍalāni dhāretabbāni.
pli-tv-kd15:9.2.9	Yo dhāreyya, āpatti dukkaṭassa.
pli-tv-kd15:9.2.10	Anujānāmi, bhikkhave, dve pattamaṇḍalāni—
pli-tv-kd15:9.2.11	tipumayaṁ, sīsamayan”ti.
pli-tv-kd15:9.2.12	Bahalāni maṇḍalāni na acchupiyanti.
pli-tv-kd15:9.2.13	Bhagavato etamatthaṁ ārocesuṁ.
pli-tv-kd15:9.2.14	“Anujānāmi, bhikkhave, likhitun”ti.
pli-tv-kd15:9.2.15	Valī honti.
pli-tv-kd15:9.2.16	Bhagavato etamatthaṁ ārocesuṁ.
pli-tv-kd15:9.2.17	“Anujānāmi, bhikkhave, makaradantakaṁ chinditun”ti.
pli-tv-kd15:9.2.18	Tena kho pana samayena chabbaggiyā bhikkhū citrāni pattamaṇḍalāni dhārenti rūpakākiṇṇāni bhittikammakatāni.
pli-tv-kd15:9.2.19	Tāni rathikāyapi dassentā āhiṇḍanti.
pli-tv-kd15:9.2.20	Manussā ujjhāyanti khiyyanti vipācenti—
pli-tv-kd15:9.2.21	“seyyathāpi gihī kāmabhogino”ti.
pli-tv-kd15:9.2.22	Bhagavato etamatthaṁ ārocesuṁ.
pli-tv-kd15:9.2.23	“Na, bhikkhave, citrāni pattamaṇḍalāni dhāretabbāni rūpakākiṇṇāni bhittikammakatāni.
pli-tv-kd15:9.2.24	Yo dhāreyya, āpatti dukkaṭassa.
pli-tv-kd15:9.2.25	Anujānāmi, bhikkhave, pakatimaṇḍalan”ti.
pli-tv-kd15:9.3.1	Tena kho pana samayena bhikkhū sodakaṁ pattaṁ paṭisāmenti.
pli-tv-kd15:9.3.2	Patto dussati.
pli-tv-kd15:9.3.3	Bhagavato etamatthaṁ ārocesuṁ.
pli-tv-kd15:9.3.4	“Na, bhikkhave, sodako patto paṭisāmetabbo.
pli-tv-kd15:9.3.5	Yo paṭisāmeyya, āpatti dukkaṭassa.
pli-tv-kd15:9.3.6	Anujānāmi, bhikkhave, otāpetvā pattaṁ paṭisāmetun”ti.
pli-tv-kd15:9.3.7	Tena kho pana samayena bhikkhū sodakaṁ pattaṁ otāpenti.
pli-tv-kd15:9.3.8	Patto duggandho hoti.
pli-tv-kd15:9.3.9	Bhagavato etamatthaṁ ārocesuṁ.
pli-tv-kd15:9.3.10	“Na, bhikkhave, sodako patto otāpetabbo.
pli-tv-kd15:9.3.11	Yo otāpeyya, āpatti dukkaṭassa.
pli-tv-kd15:9.3.12	Anujānāmi, bhikkhave, vodakaṁ katvā otāpetvā pattaṁ paṭisāmetun”ti.
pli-tv-kd15:9.3.13	Tena kho pana samayena bhikkhū uṇhe pattaṁ nidahanti.
pli-tv-kd15:9.3.14	Pattassa vaṇṇo dussati.
pli-tv-kd15:9.3.15	Bhagavato etamatthaṁ ārocesuṁ.
pli-tv-kd15:9.3.16	“Na, bhikkhave, uṇhe patto nidahitabbo.
pli-tv-kd15:9.3.17	Yo nidaheyya, āpatti dukkaṭassa.
pli-tv-kd15:9.3.18	Anujānāmi, bhikkhave, muhuttaṁ uṇhe otāpetvā pattaṁ paṭisāmetun”ti.
pli-tv-kd15:9.4.1	Tena kho pana samayena sambahulā pattā ajjhokāse anādhārā nikkhittā honti.
pli-tv-kd15:9.4.2	Vātamaṇḍalikāya āvaṭṭetvā pattā bhijjiṁsu.
pli-tv-kd15:9.4.3	Bhagavato etamatthaṁ ārocesuṁ.
pli-tv-kd15:9.4.4	“Anujānāmi, bhikkhave, pattādhārakan”ti.
pli-tv-kd15:9.4.5	Tena kho pana samayena bhikkhū miḍḍhante pattaṁ nikkhipanti.
pli-tv-kd15:9.4.6	Paripatitvā patto bhijjati.
pli-tv-kd15:9.4.7	Bhagavato etamatthaṁ ārocesuṁ.
pli-tv-kd15:9.4.8	“Na, bhikkhave, miḍḍhante patto nikkhipitabbo.
pli-tv-kd15:9.4.9	Yo nikkhipeyya, āpatti dukkaṭassā”ti.
pli-tv-kd15:9.4.10	Tena kho pana samayena bhikkhū paribhaṇḍante pattaṁ nikkhipanti.
pli-tv-kd15:9.4.11	Paripatitvā patto bhijjati.
pli-tv-kd15:9.4.12	Bhagavato etamatthaṁ ārocesuṁ.
pli-tv-kd15:9.4.13	“Na, bhikkhave, paribhaṇḍante patto nikkhipitabbo.
pli-tv-kd15:9.4.14	Yo nikkhipeyya, āpatti dukkaṭassā”ti.
pli-tv-kd15:9.4.15	Tena kho pana samayena bhikkhū chamāya pattaṁ nikkujjanti.
pli-tv-kd15:9.4.16	Oṭṭho ghaṁsiyati.
pli-tv-kd15:9.4.17	Bhagavato etamatthaṁ ārocesuṁ.
pli-tv-kd15:9.4.18	“Anujānāmi, bhikkhave, tiṇasanthārakan”ti.
pli-tv-kd15:9.4.19	Tiṇasanthārako upacikāhi khajjati.
pli-tv-kd15:9.4.20	Bhagavato etamatthaṁ ārocesuṁ.
pli-tv-kd15:9.4.21	“Anujānāmi, bhikkhave, coḷakan”ti.
pli-tv-kd15:9.4.22	Coḷakaṁ upacikāhi khajjati.
pli-tv-kd15:9.4.23	Bhagavato etamatthaṁ ārocesuṁ.
pli-tv-kd15:9.4.24	“Anujānāmi, bhikkhave, pattamāḷakan”ti.
pli-tv-kd15:9.4.25	Pattamāḷako paripatitvā patto bhijjati.
pli-tv-kd15:9.4.26	Bhagavato etamatthaṁ ārocesuṁ.
pli-tv-kd15:9.4.27	“Anujānāmi, bhikkhave, pattakuṇḍolikan”ti.
pli-tv-kd15:9.4.28	Pattakuṇḍolikāya patto ghaṁsiyati.
pli-tv-kd15:9.4.29	Bhagavato etamatthaṁ ārocesuṁ.
pli-tv-kd15:9.4.30	“Anujānāmi, bhikkhave, pattatthavikan”ti.
pli-tv-kd15:9.4.31	Aṁsabaddhako na hoti.
pli-tv-kd15:9.4.32	Bhagavato etamatthaṁ ārocesuṁ.
pli-tv-kd15:9.4.33	“Anujānāmi, bhikkhave, aṁsabaddhakaṁ bandhanasuttakan”ti.
pli-tv-kd15:9.5.1	Tena kho pana samayena bhikkhū bhittikhilepi nāgadantakepi pattaṁ laggenti.
pli-tv-kd15:9.5.2	Paripatitvā patto bhijjati.
pli-tv-kd15:9.5.3	Bhagavato etamatthaṁ ārocesuṁ.
pli-tv-kd15:9.5.4	“Na, bhikkhave, patto laggetabbo.
pli-tv-kd15:9.5.5	Yo laggeyya, āpatti dukkaṭassā”ti.
pli-tv-kd15:9.5.6	Tena kho pana samayena bhikkhū mañce pattaṁ nikkhipanti, satisammosā nisīdantā ottharitvā pattaṁ bhindenti.
pli-tv-kd15:9.5.7	Bhagavato etamatthaṁ ārocesuṁ.
pli-tv-kd15:9.5.8	“Na, bhikkhave, mañce patto nikkhipitabbo.
pli-tv-kd15:9.5.9	Yo nikkhipeyya, āpatti dukkaṭassā”ti.
pli-tv-kd15:9.5.10	Tena kho pana samayena bhikkhū pīṭhe pattaṁ nikkhipanti, satisammosā nisīdantā ottharitvā pattaṁ bhindenti.
pli-tv-kd15:9.5.11	Bhagavato etamatthaṁ ārocesuṁ.
pli-tv-kd15:9.5.12	“Na, bhikkhave, pīṭhe patto nikkhipitabbo.
pli-tv-kd15:9.5.13	Yo nikkhipeyya, āpatti dukkaṭassā”ti.
pli-tv-kd15:9.5.14	Tena kho pana samayena bhikkhū aṅke pattaṁ nikkhipanti, satisammosā uṭṭhahanti.
pli-tv-kd15:9.5.15	Paripatitvā patto bhijjati.
pli-tv-kd15:9.5.16	Bhagavato etamatthaṁ ārocesuṁ.
pli-tv-kd15:9.5.17	“Na, bhikkhave, aṅke patto nikkhipitabbo.
pli-tv-kd15:9.5.18	Yo nikkhipeyya, āpatti dukkaṭassā”ti.
pli-tv-kd15:9.5.19	Tena kho pana samayena bhikkhū chatte pattaṁ nikkhipanti.
pli-tv-kd15:9.5.20	Vātamaṇḍalikāya chattaṁ ukkhipiyati paripatitvā patto bhijjati.
pli-tv-kd15:9.5.21	Bhagavato etamatthaṁ ārocesuṁ.
pli-tv-kd15:9.5.22	“Na, bhikkhave, chatte patto nikkhipitabbo.
pli-tv-kd15:9.5.23	Yo nikkhipeyya, āpatti dukkaṭassā”ti.
pli-tv-kd15:9.5.24	Tena kho pana samayena bhikkhū pattahatthā kavāṭaṁ paṇāmenti.
pli-tv-kd15:9.5.25	Kavāṭo āvaṭṭitvā patto bhijjati.
pli-tv-kd15:9.5.26	Bhagavato etamatthaṁ ārocesuṁ.
pli-tv-kd15:9.5.27	“Na, bhikkhave, pattahatthena kavāṭaṁ paṇāmetabbaṁ.
pli-tv-kd15:9.5.28	Yo paṇāmeyya, āpatti dukkaṭassā”ti.
pli-tv-kd15:10.1.1	Tena kho pana samayena bhikkhū tumbakaṭāhe piṇḍāya caranti.
pli-tv-kd15:10.1.2	Manussā ujjhāyanti khiyyanti vipācenti—
pli-tv-kd15:10.1.3	“seyyathāpi titthiyā”ti.
pli-tv-kd15:10.1.4	Bhagavato etamatthaṁ ārocesuṁ.
pli-tv-kd15:10.1.5	“Na, bhikkhave, tumbakaṭāhe piṇḍāya caritabbaṁ.
pli-tv-kd15:10.1.6	Yo careyya, āpatti dukkaṭassā”ti.
pli-tv-kd15:10.1.7	Tena kho pana samayena bhikkhū ghaṭikaṭāhe piṇḍāya caranti.
pli-tv-kd15:10.1.8	Manussā ujjhāyanti khiyyanti vipācenti—
pli-tv-kd15:10.1.9	“seyyathāpi titthiyā”ti.
pli-tv-kd15:10.1.10	Bhagavato etamatthaṁ ārocesuṁ.
pli-tv-kd15:10.1.11	“Na, bhikkhave, ghaṭikaṭāhe piṇḍāya caritabbaṁ.
pli-tv-kd15:10.1.12	Yo careyya, āpatti dukkaṭassā”ti.
pli-tv-kd15:10.2.1	Tena kho pana samayena aññataro bhikkhu sabbapaṁsukūliko hoti.
pli-tv-kd15:10.2.2	So chavasīsassa pattaṁ dhāreti.
pli-tv-kd15:10.2.3	Aññatarā itthī passitvā bhītā vissaramakāsi—
pli-tv-kd15:10.2.4	“abhuṁ me pisāco vatāyan”ti.
pli-tv-kd15:10.2.5	Manussā ujjhāyanti khiyyanti vipācenti—
pli-tv-kd15:10.2.6	“kathañhi nāma samaṇā sakyaputtiyā chavasīsassa pattaṁ dhāressanti, seyyathāpi pisācillikā”ti.
pli-tv-kd15:10.2.7	Bhagavato etamatthaṁ ārocesuṁ.
pli-tv-kd15:10.2.8	“Na, bhikkhave, chavasīsassa patto dhāretabbo.
pli-tv-kd15:10.2.9	Yo dhāreyya, āpatti dukkaṭassa.
pli-tv-kd15:10.2.10	Na ca, bhikkhave, sabbapaṁsukūlikena bhavitabbaṁ.
pli-tv-kd15:10.2.11	Yo bhaveyya, āpatti dukkaṭassā”ti.
pli-tv-kd15:10.3.1	Tena kho pana samayena bhikkhū calakānipi aṭṭhikānipi ucchiṭṭhodakampi pattena nīharanti.
pli-tv-kd15:10.3.2	Manussā ujjhāyanti khiyyanti vipācenti—
pli-tv-kd15:10.3.3	“yasmiṁ yevime samaṇā sakyaputtiyā bhuñjanti sova nesaṁ paṭiggaho”ti.
pli-tv-kd15:10.3.4	Bhagavato etamatthaṁ ārocesuṁ.
pli-tv-kd15:10.3.5	“Na bhikkhave, calakāni vā aṭṭhikāni vā ucchiṭṭhodakaṁ vā pattena nīharitabbaṁ.
pli-tv-kd15:10.3.6	Yo nīhareyya, āpatti dukkaṭassa.
pli-tv-kd15:10.3.7	Anujānāmi, bhikkhave, paṭiggahan”ti.
pli-tv-kd15:11.1.0	
pli-tv-kd15:11.1.1	Tena kho pana samayena bhikkhū hatthena vipphāḷetvā cīvaraṁ sibbenti.
pli-tv-kd15:11.1.2	Cīvaraṁ vilomikaṁ hoti.
pli-tv-kd15:11.1.3	Bhagavato etamatthaṁ ārocesuṁ.
pli-tv-kd15:11.1.4	“Anujānāmi, bhikkhave, satthakaṁ namatakan”ti.
pli-tv-kd15:11.1.5	Tena kho pana samayena saṅghassa daṇḍasatthakaṁ uppannaṁ hoti.
pli-tv-kd15:11.1.6	Bhagavato etamatthaṁ ārocesuṁ.
pli-tv-kd15:11.1.7	“Anujānāmi, bhikkhave, daṇḍasatthakan”ti.
pli-tv-kd15:11.1.8	Tena kho pana samayena chabbaggiyā bhikkhū uccāvace satthakadaṇḍe dhārenti sovaṇṇamayaṁ rūpiyamayaṁ.
pli-tv-kd15:11.1.9	Manussā ujjhāyanti khiyyanti vipācenti—
pli-tv-kd15:11.1.10	“seyyathāpi gihī kāmabhogino”ti.
pli-tv-kd15:11.1.11	Bhagavato etamatthaṁ ārocesuṁ.
pli-tv-kd15:11.1.12	“Na, bhikkhave, uccāvacā satthakadaṇḍā dhāretabbā.
pli-tv-kd15:11.1.13	Yo dhāreyya, āpatti dukkaṭassa.
pli-tv-kd15:11.1.14	Anujānāmi, bhikkhave, aṭṭhimayaṁ dantamayaṁ visāṇamayaṁ naḷamayaṁ veḷumayaṁ kaṭṭhamayaṁ jatumayaṁ phalamayaṁ lohamayaṁ saṅkhanābhimayan”ti.
pli-tv-kd15:11.2.1	Tena kho pana samayena bhikkhū kukkuṭapattenapi veḷupesikāyapi cīvaraṁ sibbenti.
pli-tv-kd15:11.2.2	Cīvaraṁ dussibbitaṁ hoti.
pli-tv-kd15:11.2.3	Bhagavato etamatthaṁ ārocesuṁ.
pli-tv-kd15:11.2.4	“Anujānāmi, bhikkhave, sūcin”ti.
pli-tv-kd15:11.2.5	Sūciyo kaṇṇakitāyo honti …pe…
pli-tv-kd15:11.2.6	“anujānāmi, bhikkhave, sūcināḷikan”ti.
pli-tv-kd15:11.2.7	Sūcināḷikāyapi kaṇṇakitāyo honti …pe…
pli-tv-kd15:11.2.8	“anujānāmi, bhikkhave, kiṇṇena pūretun”ti.
pli-tv-kd15:11.2.9	Kiṇṇepi kaṇṇakitāyo honti …pe…
pli-tv-kd15:11.2.10	“anujānāmi, bhikkhave, sattuyā pūretun”ti.
pli-tv-kd15:11.2.11	Sattuyāpi kaṇṇakitāyo honti …pe…
pli-tv-kd15:11.2.12	“anujānāmi, bhikkhave, saritakan”ti.
pli-tv-kd15:11.2.13	Saritakepi kaṇṇakitāyo honti …pe…
pli-tv-kd15:11.2.14	“anujānāmi, bhikkhave, madhusitthakena sāretun”ti.
pli-tv-kd15:11.2.15	Saritakaṁ paribhijjati …pe…
pli-tv-kd15:11.2.16	“anujānāmi, bhikkhave, saritakasipāṭikan”ti.
pli-tv-kd15:11.3.1	Tena kho pana samayena bhikkhū tattha tattha khilaṁ nikkhaṇitvā sambandhitvā cīvaraṁ sibbenti.
pli-tv-kd15:11.3.2	Cīvaraṁ vikaṇṇaṁ hoti.
pli-tv-kd15:11.3.3	Bhagavato etamatthaṁ ārocesuṁ.
pli-tv-kd15:11.3.4	“Anujānāmi, bhikkhave, kathinaṁ kathinarajjuṁ tattha tattha obandhitvā cīvaraṁ sibbetun”ti.
pli-tv-kd15:11.3.5	Visame kathinaṁ pattharanti.
pli-tv-kd15:11.3.6	Kathinaṁ paribhijjati …pe…
pli-tv-kd15:11.3.7	“na, bhikkhave, visame kathinaṁ pattharitabbaṁ.
pli-tv-kd15:11.3.8	Yo patthareyya, āpatti dukkaṭassā”ti.
pli-tv-kd15:11.3.9	Chamāya kathinaṁ pattharanti.
pli-tv-kd15:11.3.10	Kathinaṁ paṁsukitaṁ hoti …pe…
pli-tv-kd15:11.3.11	“anujānāmi, bhikkhave, tiṇasanthārakan”ti.
pli-tv-kd15:11.3.12	Kathinassa anto jīrati …pe…
pli-tv-kd15:11.3.13	“anujānāmi, bhikkhave, anuvātaṁ paribhaṇḍaṁ āropetun”ti.
pli-tv-kd15:11.3.14	Kathinaṁ nappahoti …pe…
pli-tv-kd15:11.3.15	“anujānāmi, bhikkhave, daṇḍakathinaṁ bidalakaṁ salākaṁ vinandhanarajjuṁ vinandhanasuttaṁ vinandhitvā cīvaraṁ sibbetun”ti.
pli-tv-kd15:11.3.16	Suttantarikāyo visamā honti …pe…
pli-tv-kd15:11.3.17	“anujānāmi, bhikkhave, kaḷimbhakan”ti.
pli-tv-kd15:11.3.18	Suttā vaṅkā honti …pe…
pli-tv-kd15:11.3.19	“anujānāmi, bhikkhave, moghasuttakan”ti.
pli-tv-kd15:11.4.1	Tena kho pana samayena bhikkhū adhotehi pādehi kathinaṁ akkamanti.
pli-tv-kd15:11.4.2	Kathinaṁ dussati.
pli-tv-kd15:11.4.3	Bhagavato etamatthaṁ ārocesuṁ.
pli-tv-kd15:11.4.4	“Na, bhikkhave, adhotehi pādehi kathinaṁ akkamitabbaṁ.
pli-tv-kd15:11.4.5	Yo akkameyya, āpatti dukkaṭassā”ti.
pli-tv-kd15:11.4.6	Tena kho pana samayena bhikkhū allehi pādehi kathinaṁ akkamanti.
pli-tv-kd15:11.4.7	Kathinaṁ dussati.
pli-tv-kd15:11.4.8	Bhagavato etamatthaṁ ārocesuṁ.
pli-tv-kd15:11.4.9	“Na, bhikkhave, allehi pādehi kathinaṁ akkamitabbaṁ.
pli-tv-kd15:11.4.10	Yo akkameyya, āpatti dukkaṭassā”ti.
pli-tv-kd15:11.4.11	Tena kho pana samayena bhikkhū saupāhanā kathinaṁ akkamanti.
pli-tv-kd15:11.4.12	Kathinaṁ dussati.
pli-tv-kd15:11.4.13	Bhagavato etamatthaṁ ārocesuṁ.
pli-tv-kd15:11.4.14	“Na, bhikkhave, saupāhanena kathinaṁ akkamitabbaṁ.
pli-tv-kd15:11.4.15	Yo akkameyya, āpatti dukkaṭassā”ti.
pli-tv-kd15:11.5.1	Tena kho pana samayena bhikkhū cīvaraṁ sibbantā aṅguliyā paṭiggaṇhanti.
pli-tv-kd15:11.5.2	Aṅguliyo dukkhā honti.
pli-tv-kd15:11.5.3	Bhagavato etamatthaṁ ārocesuṁ.
pli-tv-kd15:11.5.4	“Anujānāmi, bhikkhave, paṭiggahan”ti.
pli-tv-kd15:11.5.5	Tena kho pana samayena chabbaggiyā bhikkhū uccāvace paṭiggahe dhārenti sovaṇṇamayaṁ rūpiyamayaṁ.
pli-tv-kd15:11.5.6	Manussā ujjhāyanti khiyyanti vipācenti—
pli-tv-kd15:11.5.7	“seyyathāpi gihī kāmabhogino”ti.
pli-tv-kd15:11.5.8	Bhagavato etamatthaṁ ārocesuṁ.
pli-tv-kd15:11.5.9	“Na, bhikkhave, uccāvacā paṭiggahā dhāretabbā.
pli-tv-kd15:11.5.10	Yo dhāreyya, āpatti dukkaṭassa.
pli-tv-kd15:11.5.11	Anujānāmi, bhikkhave, aṭṭhimayaṁ …pe…
pli-tv-kd15:11.5.12	saṅkhanābhimayan”ti.
pli-tv-kd15:11.5.13	Tena kho pana samayena sūciyopi satthakāpi paṭiggahāpi nassanti.
pli-tv-kd15:11.5.14	Bhagavato etamatthaṁ ārocesuṁ.
pli-tv-kd15:11.5.15	“Anujānāmi, bhikkhave, āvesanavitthakan”ti.
pli-tv-kd15:11.5.16	Āvesanavitthake samākulā honti.
pli-tv-kd15:11.5.17	Bhagavato etamatthaṁ ārocesuṁ.
pli-tv-kd15:11.5.18	“Anujānāmi, bhikkhave, paṭiggahathavikan”ti.
pli-tv-kd15:11.5.19	Aṁsabaddhako na hoti.
pli-tv-kd15:11.5.20	Bhagavato etamatthaṁ ārocesuṁ.
pli-tv-kd15:11.5.21	“Anujānāmi, bhikkhave, aṁsabaddhakaṁ bandhanasuttakan”ti.
pli-tv-kd15:11.6.1	Tena kho pana samayena bhikkhū abbhokāse cīvaraṁ sibbantā sītenapi uṇhenapi kilamanti.
pli-tv-kd15:11.6.2	Bhagavato etamatthaṁ ārocesuṁ.
pli-tv-kd15:11.6.3	“Anujānāmi, bhikkhave, kathinasālaṁ kathinamaṇḍapan”ti.
pli-tv-kd15:11.6.4	Kathinasālā nīcavatthukā hoti, udakena otthariyyati.
pli-tv-kd15:11.6.5	Bhagavato etamatthaṁ ārocesuṁ.
pli-tv-kd15:11.6.6	“Anujānāmi, bhikkhave, uccavatthukaṁ kātun”ti.
pli-tv-kd15:11.6.7	Cayo paripatati …pe…
pli-tv-kd15:11.6.8	“anujānāmi, bhikkhave, cinituṁ tayo caye—
pli-tv-kd15:11.6.9	iṭṭhakācayaṁ, silācayaṁ, dārucayan”ti.
pli-tv-kd15:11.6.10	Ārohantā vihaññanti …pe…
pli-tv-kd15:11.6.11	“anujānāmi, bhikkhave, tayo sopāne—
pli-tv-kd15:11.6.12	iṭṭhakāsopānaṁ, silāsopānaṁ, dārusopānan”ti.
pli-tv-kd15:11.6.13	Ārohantā paripatanti …pe…
pli-tv-kd15:11.6.14	“anujānāmi, bhikkhave, ālambanabāhan”ti.
pli-tv-kd15:11.6.15	Kathinasālāya tiṇacuṇṇaṁ paripatati …pe…
pli-tv-kd15:11.6.16	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd15:11.6.17	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvararajjukan”ti.
pli-tv-kd15:11.7.1	Tena kho pana samayena bhikkhū cīvaraṁ sibbetvā tattheva kathinaṁ ujjhitvā pakkamanti, undūrehipi upacikāhipi khajjati.
pli-tv-kd15:11.7.2	Bhagavato etamatthaṁ ārocesuṁ.
pli-tv-kd15:11.7.3	“Anujānāmi, bhikkhave, kathinaṁ saṅgharitun”ti.
pli-tv-kd15:11.7.4	Kathinaṁ paribhijjati …pe…
pli-tv-kd15:11.7.5	“anujānāmi, bhikkhave, goghaṁsikāya kathinaṁ saṅgharitun”ti.
pli-tv-kd15:11.7.6	Kathinaṁ viniveṭhiyati …pe…
pli-tv-kd15:11.7.7	“anujānāmi, bhikkhave, bandhanarajjun”ti.
pli-tv-kd15:11.7.8	Tena kho pana samayena bhikkhū kuṭṭepi thambhepi kathinaṁ ussāpetvā pakkamanti.
pli-tv-kd15:11.7.9	Paripatitvā kathinaṁ bhijjati.
pli-tv-kd15:11.7.10	Bhagavato etamatthaṁ ārocesuṁ.
pli-tv-kd15:11.7.11	“Anujānāmi, bhikkhave, bhittikhile vā nāgadante vā laggetun”ti.
pli-tv-kd15:12.1.0	
pli-tv-kd15:12.1.1	Atha kho bhagavā rājagahe yathābhirantaṁ viharitvā yena vesālī tena cārikaṁ pakkāmi.
pli-tv-kd15:12.1.2	Tena kho pana samayena bhikkhū sūcikampi satthakampi bhesajjampi pattena ādāya gacchanti.
pli-tv-kd15:12.1.3	Bhagavato etamatthaṁ ārocesuṁ.
pli-tv-kd15:12.1.4	“Anujānāmi, bhikkhave, bhesajjatthavikan”ti.
pli-tv-kd15:12.1.5	Aṁsabaddhako na hoti …pe…
pli-tv-kd15:12.1.6	“anujānāmi, bhikkhave, aṁsabaddhakaṁ bandhanasuttakan”ti.
pli-tv-kd15:12.1.7	Tena kho pana samayena aññataro bhikkhu upāhanāyo kāyabandhanena bandhitvā gāmaṁ piṇḍāya pāvisi.
pli-tv-kd15:12.1.8	Aññataro upāsako taṁ bhikkhuṁ abhivādento upāhanāyo sīsena ghaṭṭeti.
pli-tv-kd15:12.1.9	So bhikkhu maṅku ahosi.
pli-tv-kd15:12.1.10	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-kd15:12.1.11	Bhikkhū bhagavato etamatthaṁ ārocesuṁ.
pli-tv-kd15:12.1.12	“Anujānāmi, bhikkhave, upāhanatthavikan”ti.
pli-tv-kd15:12.1.13	Aṁsabaddhako na hoti …pe…
pli-tv-kd15:12.1.14	“anujānāmi, bhikkhave, aṁsabaddhakaṁ bandhanasuttakan”ti.
pli-tv-kd15:13.1.1	Tena kho pana samayena antarāmagge udakaṁ akappiyaṁ hoti.
pli-tv-kd15:13.1.2	Parissāvanaṁ na hoti.
pli-tv-kd15:13.1.3	Bhagavato etamatthaṁ ārocesuṁ.
pli-tv-kd15:13.1.4	“Anujānāmi, bhikkhave, parissāvanan”ti.
pli-tv-kd15:13.1.5	Coḷakaṁ nappahoti …pe…
pli-tv-kd15:13.1.6	“anujānāmi, bhikkhave, kaṭacchuparissāvanan”ti.
pli-tv-kd15:13.1.7	Coḷakaṁ nappahoti …pe…
pli-tv-kd15:13.1.8	“anujānāmi, bhikkhave, dhammakaraṇan”ti.
pli-tv-kd15:13.2.1	Tena kho pana samayena dve bhikkhū kosalesu janapade addhānamaggappaṭipannā honti.
pli-tv-kd15:13.2.2	Eko bhikkhu anācāraṁ ācarati.
pli-tv-kd15:13.2.3	Dutiyo bhikkhu taṁ bhikkhuṁ etadavoca—
pli-tv-kd15:13.2.4	“mā, āvuso, evarūpaṁ akāsi.
pli-tv-kd15:13.2.5	Netaṁ kappatī”ti.
pli-tv-kd15:13.2.6	So tasmiṁ upanandhi.
pli-tv-kd15:13.2.7	Atha kho so bhikkhu pipāsāya pīḷito upanaddhaṁ bhikkhuṁ etadavoca—
pli-tv-kd15:13.2.8	“dehi me, āvuso, parissāvanaṁ, pānīyaṁ pivissāmī”ti.
pli-tv-kd15:13.2.9	Upanaddho bhikkhu na adāsi.
pli-tv-kd15:13.2.10	So bhikkhu pipāsāya pīḷito kālamakāsi.
pli-tv-kd15:13.2.11	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-kd15:13.2.12	“Kiṁ pana tvaṁ, āvuso, parissāvanaṁ yāciyamāno na adāsī”ti?
pli-tv-kd15:13.2.13	“Evamāvuso”ti.
pli-tv-kd15:13.2.14	Ye te bhikkhū appicchā …pe… te ujjhāyanti khiyyanti vipācenti—
pli-tv-kd15:13.2.15	“kathañhi nāma bhikkhu parissāvanaṁ yāciyamāno na dassatī”ti.
pli-tv-kd15:13.2.16	Atha kho te bhikkhū bhagavato etamatthaṁ ārocesuṁ.
pli-tv-kd15:13.2.17	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā taṁ bhikkhuṁ paṭipucchi—
pli-tv-kd15:13.2.18	“saccaṁ kira tvaṁ, bhikkhu, parissāvanaṁ yāciyamāno na adāsī”ti?
pli-tv-kd15:13.2.19	“Saccaṁ, bhagavā”ti.
pli-tv-kd15:13.2.20	Vigarahi buddho bhagavā—
pli-tv-kd15:13.2.21	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-kd15:13.2.22	Kathañhi nāma tvaṁ, moghapurisa, parissāvanaṁ yāciyamāno na dassasi.
pli-tv-kd15:13.2.23	Netaṁ, moghapurisa, appasannānaṁ vā pasādāya …pe…
pli-tv-kd15:13.2.24	vigarahitvā …pe…
pli-tv-kd15:13.2.25	dhammiṁ kathaṁ katvā bhikkhū āmantesi—
pli-tv-kd15:13.2.26	“na, bhikkhave, addhānamaggappaṭipannena bhikkhunā parissāvanaṁ yāciyamānena na dātabbaṁ.
pli-tv-kd15:13.2.27	Yo na dadeyya, āpatti dukkaṭassa.
pli-tv-kd15:13.2.28	Na ca, bhikkhave, aparissāvanakena addhāno paṭipajjitabbo.
pli-tv-kd15:13.2.29	Yo paṭipajjeyya, āpatti dukkaṭassa.
pli-tv-kd15:13.2.30	Sace na hoti parissāvanaṁ vā dhammakaraṇo vā, saṅghāṭikaṇṇopi adhiṭṭhātabbo—
pli-tv-kd15:13.2.31	iminā parissāvetvā pivissāmī”ti.
pli-tv-kd15:13.3.1	Atha kho bhagavā anupubbena cārikaṁ caramāno yena vesālī tadavasari.
pli-tv-kd15:13.3.2	Tatra sudaṁ bhagavā vesāliyaṁ viharati mahāvane kūṭāgārasālāyaṁ.
pli-tv-kd15:13.3.3	Tena kho pana samayena bhikkhū navakammaṁ karonti.
pli-tv-kd15:13.3.4	Parissāvanaṁ na sammati.
pli-tv-kd15:13.3.5	Bhagavato etamatthaṁ ārocesuṁ.
pli-tv-kd15:13.3.6	“Anujānāmi, bhikkhave, daṇḍaparissāvanan”ti.
pli-tv-kd15:13.3.7	Daṇḍaparissāvanaṁ na sammati.
pli-tv-kd15:13.3.8	Bhagavato etamatthaṁ ārocesuṁ.
pli-tv-kd15:13.3.9	“Anujānāmi, bhikkhave, ottharakan”ti.
pli-tv-kd15:13.3.10	Tena kho pana samayena bhikkhū makasehi ubbāḷhā honti.
pli-tv-kd15:13.3.11	Bhagavato etamatthaṁ ārocesuṁ.
pli-tv-kd15:13.3.12	“Anujānāmi, bhikkhave, makasakuṭikan”ti.
pli-tv-kd15:14.1.0.1	
pli-tv-kd15:14.1.0.2	
pli-tv-kd15:14.1.1	Tena kho pana samayena vesāliyaṁ paṇītānaṁ bhattānaṁ bhattapaṭipāṭi aṭṭhitā hoti.
pli-tv-kd15:14.1.2	Bhikkhū paṇītāni bhojanāni bhuñjitvā abhisannakāyā honti bahvābādhā.
pli-tv-kd15:14.1.3	Atha kho jīvako komārabhacco vesāliṁ agamāsi kenacideva karaṇīyena.
pli-tv-kd15:14.1.4	Addasā kho jīvako komārabhacco bhikkhū abhisannakāye bahvābādhe.
pli-tv-kd15:14.1.5	Disvāna yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd15:14.1.6	Ekamantaṁ nisinno kho jīvako komārabhacco bhagavantaṁ etadavoca—
pli-tv-kd15:14.1.7	“etarahi, bhante, bhikkhū abhisannakāyā bahvābādhā.
pli-tv-kd15:14.1.8	Sādhu, bhante, bhagavā bhikkhūnaṁ caṅkamañca jantāgharañca anujānātu.
pli-tv-kd15:14.1.9	Evaṁ bhikkhū appābādhā bhavissantī”ti.
pli-tv-kd15:14.1.10	Atha kho bhagavā jīvakaṁ komārabhaccaṁ dhammiyā kathāya sandassesi samādapesi samuttejesi sampahaṁsesi.
pli-tv-kd15:14.1.11	Atha kho jīvako komārabhacco bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd15:14.1.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd15:14.1.13	“anujānāmi, bhikkhave, caṅkamañca jantāgharañcā”ti.
pli-tv-kd15:14.2.1	Tena kho pana samayena bhikkhū visame caṅkame caṅkamanti.
pli-tv-kd15:14.2.2	Pādā dukkhā honti.
pli-tv-kd15:14.2.3	Bhagavato etamatthaṁ ārocesuṁ.
pli-tv-kd15:14.2.4	“Anujānāmi, bhikkhave, samaṁ kātun”ti.
pli-tv-kd15:14.2.5	Caṅkamo nīcavatthuko hoti.
pli-tv-kd15:14.2.6	Udakena otthariyyati …pe…
pli-tv-kd15:14.2.7	“anujānāmi, bhikkhave, uccavatthukaṁ kātun”ti.
pli-tv-kd15:14.2.8	Cayo paripatati …pe…
pli-tv-kd15:14.2.9	“anujānāmi, bhikkhave, cinituṁ tayo caye—
pli-tv-kd15:14.2.10	iṭṭhakācayaṁ, silācayaṁ, dārucayan”ti.
pli-tv-kd15:14.2.11	Ārohantā vihaññanti …pe…
pli-tv-kd15:14.2.12	“anujānāmi, bhikkhave, tayo sopāne—
pli-tv-kd15:14.2.13	iṭṭhakāsopānaṁ, silāsopānaṁ, dārusopānan”ti.
pli-tv-kd15:14.2.14	Ārohantā paripatanti …pe…
pli-tv-kd15:14.2.15	“anujānāmi, bhikkhave, ālambanabāhan”ti.
pli-tv-kd15:14.2.16	Tena kho pana samayena bhikkhū caṅkame caṅkamantā paripatanti.
pli-tv-kd15:14.2.17	Bhagavato etamatthaṁ ārocesuṁ.
pli-tv-kd15:14.2.18	“Anujānāmi, bhikkhave, caṅkamanavedikan”ti.
pli-tv-kd15:14.2.19	Tena kho pana samayena bhikkhū ajjhokāse caṅkamantā sītenapi uṇhenapi kilamanti.
pli-tv-kd15:14.2.20	Bhagavato etamatthaṁ ārocesuṁ.
pli-tv-kd15:14.2.21	“Anujānāmi, bhikkhave, caṅkamanasālan”ti.
pli-tv-kd15:14.2.22	Caṅkamanasālāyaṁ tiṇacuṇṇaṁ paripatati …pe…
pli-tv-kd15:14.2.23	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd15:14.2.24	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvararajjun”ti.
pli-tv-kd15:14.3.0	
pli-tv-kd15:14.3.1	Jantāgharaṁ nīcavatthukaṁ hoti, udakena otthariyyati …pe…
pli-tv-kd15:14.3.2	“anujānāmi, bhikkhave, uccavatthukaṁ kātun”ti.
pli-tv-kd15:14.3.3	Cayo paripatati …pe…
pli-tv-kd15:14.3.4	“anujānāmi, bhikkhave, cinituṁ tayo caye—
pli-tv-kd15:14.3.5	iṭṭhakācayaṁ, silācayaṁ, dārucayan”ti.
pli-tv-kd15:14.3.6	Ārohantā vihaññanti …pe…
pli-tv-kd15:14.3.7	“anujānāmi, bhikkhave, tayo sopāne—
pli-tv-kd15:14.3.8	iṭṭhakāsopānaṁ, silāsopānaṁ, dārusopānan”ti.
pli-tv-kd15:14.3.9	Ārohantā paripatanti …pe…
pli-tv-kd15:14.3.10	“anujānāmi, bhikkhave, ālambanabāhan”ti.
pli-tv-kd15:14.3.11	Jantāgharassa kavāṭaṁ na hoti …pe…
pli-tv-kd15:14.3.12	“anujānāmi, bhikkhave, kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ ghaṭikaṁ tāḷacchiddaṁ āviñchanachiddaṁ āviñchanarajjun”ti.
pli-tv-kd15:14.3.13	Jantāgharassa kuṭṭapādo jīrati …pe…
pli-tv-kd15:14.3.14	“anujānāmi, bhikkhave, maṇḍalikaṁ kātun”ti.
pli-tv-kd15:14.3.15	Jantāgharassa dhūmanettaṁ na hoti …pe…
pli-tv-kd15:14.3.16	“anujānāmi, bhikkhave, dhūmanettan”ti.
pli-tv-kd15:14.3.17	Tena kho pana samayena bhikkhū khuddake jantāghare majjhe aggiṭṭhānaṁ karonti.
pli-tv-kd15:14.3.18	Upacāro na hoti.
pli-tv-kd15:14.3.19	Bhagavato etamatthaṁ ārocesuṁ.
pli-tv-kd15:14.3.20	“Anujānāmi, bhikkhave, khuddake jantāghare ekamantaṁ aggiṭṭhānaṁ kātuṁ, mahallake majjhe”ti.
pli-tv-kd15:14.3.21	Jantāghare aggi mukhaṁ ḍahati …pe…
pli-tv-kd15:14.3.22	“anujānāmi, bhikkhave, mukhamattikan”ti.
pli-tv-kd15:14.3.23	Hatthe mattikaṁ tementi …pe…
pli-tv-kd15:14.3.24	“anujānāmi, bhikkhave, mattikādoṇikan”ti.
pli-tv-kd15:14.3.25	Mattikā duggandhā hoti …pe…
pli-tv-kd15:14.3.26	“anujānāmi, bhikkhave, vāsetun”ti.
pli-tv-kd15:14.3.27	Jantāghare aggi kāyaṁ ḍahati …pe…
pli-tv-kd15:14.3.28	“anujānāmi, bhikkhave, udakaṁ atiharitun”ti.
pli-tv-kd15:14.3.29	Pātiyāpi pattenapi udakaṁ atiharanti …pe…
pli-tv-kd15:14.3.30	“anujānāmi, bhikkhave, udakaṭṭhānaṁ, udakasarāvakan”ti.
pli-tv-kd15:14.3.31	Jantāgharaṁ tiṇacchadanaṁ na sedeti …pe…
pli-tv-kd15:14.3.32	“anujānāmi, bhikkhave, ogumphetvā ullittāvalittaṁ kātun”ti.
pli-tv-kd15:14.3.33	Jantāgharaṁ cikkhallaṁ hoti …pe…
pli-tv-kd15:14.3.34	“anujānāmi, bhikkhave, santharituṁ tayo santhare—
pli-tv-kd15:14.3.35	iṭṭhakāsantharaṁ, silāsantharaṁ, dārusantharan”ti.
pli-tv-kd15:14.3.36	Cikkhallaṁyeva hoti …pe…
pli-tv-kd15:14.3.37	“anujānāmi, bhikkhave, dhovitun”ti.
pli-tv-kd15:14.3.38	Udakaṁ santiṭṭhati …pe…
pli-tv-kd15:14.3.39	“anujānāmi, bhikkhave, udakaniddhamanan”ti.
pli-tv-kd15:14.3.40	Tena kho pana samayena bhikkhū jantāghare chamāya nisīdanti, gattāni kaṇḍūvanti.
pli-tv-kd15:14.3.41	Bhagavato etamatthaṁ ārocesuṁ.
pli-tv-kd15:14.3.42	“Anujānāmi, bhikkhave, jantāgharapīṭhan”ti.
pli-tv-kd15:14.3.43	Tena kho pana samayena jantāgharaṁ aparikkhittaṁ hoti …pe…
pli-tv-kd15:14.3.44	“anujānāmi, bhikkhave, parikkhipituṁ tayo pākāre—
pli-tv-kd15:14.3.45	iṭṭhakāpākāraṁ, silāpākāraṁ, dārupākāran”ti.
pli-tv-kd15:14.4.1	Koṭṭhako na hoti …pe…
pli-tv-kd15:14.4.2	“anujānāmi, bhikkhave, koṭṭhakan”ti.
pli-tv-kd15:14.4.3	Koṭṭhako nīcavatthuko hoti, udakena otthariyyati …pe…
pli-tv-kd15:14.4.4	“anujānāmi, bhikkhave, uccavatthukaṁ kātun”ti.
pli-tv-kd15:14.4.5	Cayo paripatati …pe…
pli-tv-kd15:14.4.6	“anujānāmi, bhikkhave, cinituṁ tayo caye—
pli-tv-kd15:14.4.7	iṭṭhakācayaṁ, silācayaṁ, dārucayan”ti.
pli-tv-kd15:14.4.8	Ārohantā vihaññanti …pe…
pli-tv-kd15:14.4.9	“anujānāmi, bhikkhave, tayo sopāne—
pli-tv-kd15:14.4.10	iṭṭhakāsopānaṁ, silāsopānaṁ, dārusopānan”ti.
pli-tv-kd15:14.4.11	Ārohantā paripatanti …pe…
pli-tv-kd15:14.4.12	“anujānāmi, bhikkhave, ālambanabāhan”ti.
pli-tv-kd15:14.4.13	Koṭṭhakassa kavāṭaṁ na hoti …pe…
pli-tv-kd15:14.4.14	“anujānāmi, bhikkhave, kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ ghaṭikaṁ tāḷacchiddaṁ āviñchanachiddaṁ āviñchanarajjun”ti.
pli-tv-kd15:14.4.15	Koṭṭhake tiṇacuṇṇaṁ paripatati …pe…
pli-tv-kd15:14.4.16	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd15:14.4.17	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikan”ti.
pli-tv-kd15:14.5.1	Pariveṇaṁ cikkhallaṁ hoti …pe…
pli-tv-kd15:14.5.2	“anujānāmi, bhikkhave, marumbaṁ upakiritun”ti.
pli-tv-kd15:14.5.3	Na pariyāpuṇanti …pe…
pli-tv-kd15:14.5.4	“anujānāmi, bhikkhave, padarasilaṁ nikkhipitun”ti.
pli-tv-kd15:14.5.5	Udakaṁ santiṭṭhati …pe…
pli-tv-kd15:14.5.6	“anujānāmi, bhikkhave, udakaniddhamanan”ti.
pli-tv-kd15:15.1.1	Tena kho pana samayena bhikkhū naggā naggaṁ abhivādenti …pe…
pli-tv-kd15:15.1.2	naggā naggaṁ abhivādāpenti, naggā naggassa parikammaṁ karonti, naggā naggassa parikammaṁ kārāpenti, naggā naggassa denti, naggā paṭiggaṇhanti, naggā khādanti, naggā bhuñjanti, naggā sāyanti, naggā pivanti.
pli-tv-kd15:15.1.3	Bhagavato etamatthaṁ ārocesuṁ.
pli-tv-kd15:15.1.4	“Na, bhikkhave, naggena naggo abhivādetabbo …pe…
pli-tv-kd15:15.1.5	na naggena abhivādetabbaṁ …
pli-tv-kd15:15.1.6	na naggena naggo abhivādāpetabbo …
pli-tv-kd15:15.1.7	na naggena abhivādāpetabbaṁ …
pli-tv-kd15:15.1.8	na naggena naggassa parikammaṁ kātabbaṁ …
pli-tv-kd15:15.1.9	na naggena naggassa parikammaṁ kārāpetabbaṁ …
pli-tv-kd15:15.1.10	na naggena naggassa dātabbaṁ …
pli-tv-kd15:15.1.11	na naggena paṭiggahetabbaṁ …
pli-tv-kd15:15.1.12	na naggena khāditabbaṁ …
pli-tv-kd15:15.1.13	na naggena bhuñjitabbaṁ …
pli-tv-kd15:15.1.14	na naggena sāyitabbaṁ …
pli-tv-kd15:15.1.15	na naggena pātabbaṁ.
pli-tv-kd15:15.1.16	Yo piveyya, āpatti dukkaṭassā”ti.
pli-tv-kd15:16.1.1	Tena kho pana samayena bhikkhū jantāghare chamāya cīvaraṁ nikkhipanti.
pli-tv-kd15:16.1.2	Cīvaraṁ paṁsukitaṁ hoti.
pli-tv-kd15:16.1.3	Bhagavato etamatthaṁ ārocesuṁ.
pli-tv-kd15:16.1.4	“Anujānāmi, bhikkhave, cīvaravaṁsaṁ cīvararajjun”ti.
pli-tv-kd15:16.1.5	Deve vassante cīvaraṁ ovassati …pe…
pli-tv-kd15:16.1.6	“anujānāmi, bhikkhave, jantāgharasālan”ti.
pli-tv-kd15:16.1.7	Jantāgharasālā nīcavatthukā hoti, udakena otthariyyati …pe…
pli-tv-kd15:16.1.8	“anujānāmi, bhikkhave, uccavatthukaṁ kātun”ti.
pli-tv-kd15:16.1.9	Cayo paripatati …pe…
pli-tv-kd15:16.1.10	“anujānāmi, bhikkhave, cinituṁ …pe…
pli-tv-kd15:16.1.11.1	ārohantā vihaññanti …pe…
pli-tv-kd15:16.1.11.2	
pli-tv-kd15:16.1.12	ārohantā paripatanti …pe…
pli-tv-kd15:16.1.13	“anujānāmi, bhikkhave, ālambanabāhan”ti.
pli-tv-kd15:16.1.14	Jantāgharasālāya tiṇacuṇṇaṁ paripatati …pe…
pli-tv-kd15:16.1.15	“anujānāmi, bhikkhave, ogumphetvā ullittāvalittaṁ kātuṁ …pe…
pli-tv-kd15:16.1.16	cīvaravaṁsaṁ cīvararajjun”ti.
pli-tv-kd15:16.2.1	Tena kho pana samayena bhikkhū jantāgharepi udakepi parikammaṁ kātuṁ kukkuccāyanti.
pli-tv-kd15:16.2.2	Bhagavato etamatthaṁ ārocesuṁ.
pli-tv-kd15:16.2.3	“Anujānāmi, bhikkhave, tisso paṭicchādiyo—
pli-tv-kd15:16.2.4	jantāgharapaṭicchādiṁ, udakapaṭicchādiṁ, vatthapaṭicchādin”ti.
pli-tv-kd15:16.2.5.0	
pli-tv-kd15:16.2.5.1	Tena kho pana samayena jantāghare udakaṁ na hoti.
pli-tv-kd15:16.2.6	Bhagavato etamatthaṁ ārocesuṁ.
pli-tv-kd15:16.2.7	“Anujānāmi, bhikkhave, udapānan”ti.
pli-tv-kd15:16.2.8	Udapānassa kūlaṁ lujjati …pe…
pli-tv-kd15:16.2.9	“anujānāmi, bhikkhave, cinituṁ tayo caye—
pli-tv-kd15:16.2.10	iṭṭhakācayaṁ, silācayaṁ, dārucayan”ti.
pli-tv-kd15:16.2.11	Udapāno nīcavatthuko hoti, udakena otthariyyati …pe…
pli-tv-kd15:16.2.12	“anujānāmi, bhikkhave, uccavatthukaṁ kātun”ti.
pli-tv-kd15:16.2.13.1	Cayo paripatati …pe…
pli-tv-kd15:16.2.13.2	
pli-tv-kd15:16.2.14.1	ārohantā vihaññanti …pe…
pli-tv-kd15:16.2.14.2	
pli-tv-kd15:16.2.15	ārohantā paripatanti …pe…
pli-tv-kd15:16.2.16	“anujānāmi, bhikkhave, ālambanabāhan”ti.
pli-tv-kd15:16.2.17	Tena kho pana samayena bhikkhū vallikāyapi kāyabandhanenapi udakaṁ vāhenti.
pli-tv-kd15:16.2.18	Bhagavato etamatthaṁ ārocesuṁ.
pli-tv-kd15:16.2.19	“Anujānāmi, bhikkhave, udakavāhanarajjun”ti.
pli-tv-kd15:16.2.20	Hatthā dukkhā honti …pe…
pli-tv-kd15:16.2.21	“anujānāmi, bhikkhave, tulaṁ karakaṭakaṁ cakkavaṭṭakan”ti.
pli-tv-kd15:16.2.22	Bhājanā bahū bhijjanti …pe…
pli-tv-kd15:16.2.23	“anujānāmi, bhikkhave, tayo vārake—
pli-tv-kd15:16.2.24	lohavārakaṁ, dāruvārakaṁ, cammakkhaṇḍan”ti.
pli-tv-kd15:16.2.25	Tena kho pana samayena bhikkhū ajjhokāse udakaṁ vāhentā sītenapi uṇhenapi kilamanti.
pli-tv-kd15:16.2.26	Bhagavato etamatthaṁ ārocesuṁ.
pli-tv-kd15:16.2.27	“Anujānāmi, bhikkhave, udapānasālan”ti.
pli-tv-kd15:16.2.28	Udapānasālāya tiṇacuṇṇaṁ paripatati …pe…
pli-tv-kd15:16.2.29	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd15:16.2.30	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvararajjun”ti.
pli-tv-kd15:16.2.31	Udapāno apāruto hoti, tiṇacuṇṇehipi paṁsukehipi okiriyyati …pe…
pli-tv-kd15:16.2.32	“anujānāmi, bhikkhave, apidhānan”ti.
pli-tv-kd15:16.2.33	Udakabhājanaṁ na saṁvijjati …pe…
pli-tv-kd15:16.2.34	“anujānāmi, bhikkhave, udakadoṇiṁ udakakaṭāhan”ti.
pli-tv-kd15:17.1.0	
pli-tv-kd15:17.1.1	Tena kho pana samayena bhikkhū ārāme tahaṁ tahaṁ nahāyanti.
pli-tv-kd15:17.1.2	Ārāmo cikkhallo hoti.
pli-tv-kd15:17.1.3	Bhagavato etamatthaṁ ārocesuṁ.
pli-tv-kd15:17.1.4	“Anujānāmi, bhikkhave, candanikan”ti.
pli-tv-kd15:17.1.5	Candanikā pākaṭā hoti.
pli-tv-kd15:17.1.6	Bhikkhū hiriyanti nahāyituṁ …pe…
pli-tv-kd15:17.1.7	“anujānāmi, bhikkhave, parikkhipituṁ tayo pākāre—
pli-tv-kd15:17.1.8	iṭṭhakāpākāraṁ, silāpākāraṁ, dārupākāran”ti.
pli-tv-kd15:17.1.9	Candanikā cikkhallā hoti …pe…
pli-tv-kd15:17.1.10	“anujānāmi, bhikkhave, santharituṁ tayo santhare—
pli-tv-kd15:17.1.11	iṭṭhakāsantharaṁ, silāsantharaṁ, dārusantharan”ti.
pli-tv-kd15:17.1.12	Udakaṁ santiṭṭhati …pe…
pli-tv-kd15:17.1.13	“anujānāmi, bhikkhave, udakaniddhamanan”ti.
pli-tv-kd15:17.1.14	Tena kho pana samayena bhikkhūnaṁ gattāni sītigatāni honti.
pli-tv-kd15:17.1.15	Bhagavato etamatthaṁ ārocesuṁ …pe…
pli-tv-kd15:17.1.16	“anujānāmi, bhikkhave, udakapuñchaniṁ coḷakenapi paccuddharitun”ti.
pli-tv-kd15:17.2.1	Tena kho pana samayena aññataro upāsako saṅghassa atthāya pokkharaṇiṁ kāretukāmo hoti.
pli-tv-kd15:17.2.2	Bhagavato etamatthaṁ ārocesuṁ …pe…
pli-tv-kd15:17.2.3	“anujānāmi, bhikkhave, pokkharaṇin”ti.
pli-tv-kd15:17.2.4	Pokkharaṇiyā kūlaṁ lujjati …pe…
pli-tv-kd15:17.2.5	“anujānāmi, bhikkhave, cinituṁ tayo caye—
pli-tv-kd15:17.2.6	iṭṭhakācayaṁ, silācayaṁ, dārucayan”ti.
pli-tv-kd15:17.2.7	Ārohantā vihaññanti …pe…
pli-tv-kd15:17.2.8	“anujānāmi, bhikkhave, tayo sopāne—
pli-tv-kd15:17.2.9	iṭṭhakāsopānaṁ, silāsopānaṁ, dārusopānan”ti.
pli-tv-kd15:17.2.10	Ārohantā paripatanti …pe…
pli-tv-kd15:17.2.11	“anujānāmi, bhikkhave, ālambanabāhan”ti.
pli-tv-kd15:17.2.12	Pokkharaṇiyā udakaṁ purāṇaṁ hoti …pe…
pli-tv-kd15:17.2.13	“anujānāmi, bhikkhave, udakamātikaṁ udakaniddhamanan”ti.
pli-tv-kd15:17.2.14	Tena kho pana samayena aññataro bhikkhu saṅghassa atthāya nillekhaṁ jantāgharaṁ kattukāmo hoti.
pli-tv-kd15:17.2.15	Bhagavato etamatthaṁ ārocesuṁ …pe…
pli-tv-kd15:17.2.16	“anujānāmi, bhikkhave, nillekhaṁ jantāgharan”ti.
pli-tv-kd15:18.1.0	
pli-tv-kd15:18.1.1	Tena kho pana samayena chabbaggiyā bhikkhū cātumāsaṁ nisīdanena vippavasanti.
pli-tv-kd15:18.1.2	Bhagavato etamatthaṁ ārocesuṁ …pe…
pli-tv-kd15:18.1.3	“na, bhikkhave, cātumāsaṁ nisīdanena vippavasitabbaṁ.
pli-tv-kd15:18.1.4	Yo vippavaseyya, āpatti dukkaṭassā”ti.
pli-tv-kd15:18.1.5	Tena kho pana samayena chabbaggiyā bhikkhū pupphābhikiṇṇesu sayanesu sayanti.
pli-tv-kd15:18.1.6	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd15:18.1.7	“seyyathāpi gihī kāmabhogino”ti.
pli-tv-kd15:18.1.8	Bhagavato etamatthaṁ ārocesuṁ.
pli-tv-kd15:18.1.9	“Na, bhikkhave, pupphābhikiṇṇesu sayanesu sayitabbaṁ.
pli-tv-kd15:18.1.10	Yo sayeyya, āpatti dukkaṭassā”ti.
pli-tv-kd15:18.1.11	Tena kho pana samayena manussā gandhampi mālampi ādāya ārāmaṁ āgacchanti.
pli-tv-kd15:18.1.12	Bhikkhū kukkuccāyantā na paṭiggaṇhanti.
pli-tv-kd15:18.1.13	Bhagavato etamatthaṁ ārocesuṁ.
pli-tv-kd15:18.1.14	“Anujānāmi, bhikkhave, gandhaṁ gahetvā kavāṭe pañcaṅgulikaṁ dātuṁ, pupphaṁ gahetvā vihāre ekamantaṁ nikkhipitun”ti.
pli-tv-kd15:19.1.1	Tena kho pana samayena saṅghassa namatakaṁ uppannaṁ hoti.
pli-tv-kd15:19.1.2	Bhagavato etamatthaṁ ārocesuṁ.
pli-tv-kd15:19.1.3	“Anujānāmi, bhikkhave, namatakan”ti.
pli-tv-kd15:19.1.4	Atha kho bhikkhūnaṁ etadahosi—
pli-tv-kd15:19.1.5	“namatakaṁ adhiṭṭhātabbaṁ nu kho udāhu vikappetabban”ti …pe…
pli-tv-kd15:19.1.6	“na, bhikkhave, namatakaṁ adhiṭṭhātabbaṁ, na vikappetabban”ti.
pli-tv-kd15:19.1.7	Tena kho pana samayena chabbaggiyā bhikkhū āsittakūpadhāne bhuñjanti.
pli-tv-kd15:19.1.8	Manussā ujjhāyanti khiyyanti vipācenti—
pli-tv-kd15:19.1.9	“seyyathāpi gihī kāmabhogino”ti.
pli-tv-kd15:19.1.10	Bhagavato etamatthaṁ ārocesuṁ …pe…
pli-tv-kd15:19.1.11	“na, bhikkhave, āsittakūpadhāne bhuñjitabbaṁ.
pli-tv-kd15:19.1.12	Yo bhuñjeyya, āpatti dukkaṭassā”ti.
pli-tv-kd15:19.1.13	Tena kho pana samayena aññataro bhikkhu gilāno hoti.
pli-tv-kd15:19.1.14	So bhuñjamāno na sakkoti hatthena pattaṁ sandhāretuṁ.
pli-tv-kd15:19.1.15	Bhagavato etamatthaṁ ārocesuṁ.
pli-tv-kd15:19.1.16	“Anujānāmi, bhikkhave, maḷorikan”ti.
pli-tv-kd15:19.2.1	Tena kho pana samayena chabbaggiyā bhikkhū ekabhājanepi bhuñjanti …pe…
pli-tv-kd15:19.2.2	ekathālakepi pivanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti.
pli-tv-kd15:19.2.3	Manussā ujjhāyanti khiyyanti vipācenti—
pli-tv-kd15:19.2.4	“seyyathāpi gihī kāmabhogino”ti.
pli-tv-kd15:19.2.5	Bhagavato etamatthaṁ ārocesuṁ.
pli-tv-kd15:19.2.6	“Na, bhikkhave, ekabhājane bhuñjitabbaṁ …pe…
pli-tv-kd15:19.2.7	na ekathālake pātabbaṁ …
pli-tv-kd15:19.2.8	na ekamañce tuvaṭṭitabbaṁ …
pli-tv-kd15:19.2.9	na ekattharaṇā tuvaṭṭitabbaṁ …
pli-tv-kd15:19.2.10	na ekapāvuraṇā tuvaṭṭitabbaṁ …
pli-tv-kd15:19.2.11	na ekattharaṇapāvuraṇā tuvaṭṭitabbaṁ.
pli-tv-kd15:19.2.12	Yo tuvaṭṭeyya, āpatti dukkaṭassā”ti.
pli-tv-kd15:20.1.0	
pli-tv-kd15:20.1.1	Tena kho pana samayena vaḍḍho licchavī mettiyabhūmajakānaṁ bhikkhūnaṁ sahāyo hoti.
pli-tv-kd15:20.1.2	Atha kho vaḍḍho licchavī yena mettiyabhūmajakā bhikkhū tenupasaṅkami, upasaṅkamitvā mettiyabhūmajake bhikkhū etadavoca—
pli-tv-kd15:20.1.3	“vandāmi, ayyā”ti.
pli-tv-kd15:20.1.4	Evaṁ vutte, mettiyabhūmajakā bhikkhū nālapiṁsu.
pli-tv-kd15:20.1.5	Dutiyampi kho vaḍḍho licchavī mettiyabhūmajake bhikkhū etadavoca—
pli-tv-kd15:20.1.6	“vandāmi, ayyā”ti.
pli-tv-kd15:20.1.7	Dutiyampi kho mettiyabhūmajakā bhikkhū nālapiṁsu.
pli-tv-kd15:20.1.8	Tatiyampi kho vaḍḍho licchavī mettiyabhūmajake bhikkhū etadavoca—
pli-tv-kd15:20.1.9	“vandāmi, ayyā”ti.
pli-tv-kd15:20.1.10	Tatiyampi kho mettiyabhūmajakā bhikkhū nālapiṁsu.
pli-tv-kd15:20.1.11	“Kyāhaṁ ayyānaṁ aparajjhāmi, kissa maṁ ayyā nālapantī”ti?
pli-tv-kd15:20.1.12	“Tathā hi pana tvaṁ, āvuso vaḍḍha, amhe dabbena mallaputtena viheṭhiyamāne ajjhupekkhasī”ti.
pli-tv-kd15:20.1.13	“Kyāhaṁ, ayyā, karomī”ti?
pli-tv-kd15:20.1.14	“Sace kho tvaṁ, āvuso vaḍḍha, iccheyyāsi, ajjeva bhagavā āyasmantaṁ dabbaṁ mallaputtaṁ nāsāpeyyā”ti.
pli-tv-kd15:20.1.15	“Kyāhaṁ, ayyā, karomi, kiṁ mayā sakkā kātun”ti?
pli-tv-kd15:20.1.16	“Ehi tvaṁ, āvuso vaḍḍha, yena bhagavā tenupasaṅkama, upasaṅkamitvā bhagavantaṁ evaṁ vadehi—
pli-tv-kd15:20.1.17	‘idaṁ, bhante, nacchannaṁ nappatirūpaṁ.
pli-tv-kd15:20.1.18	Yāyaṁ, bhante, disā abhayā anītikā anupaddavā sāyaṁ disā sabhayā saītikā saupaddavā;
pli-tv-kd15:20.1.19	yato nivātaṁ tato savātaṁ;
pli-tv-kd15:20.1.20	udakaṁ maññe ādittaṁ;
pli-tv-kd15:20.1.21	ayyena me dabbena mallaputtena pajāpati dūsitā’”ti.
pli-tv-kd15:20.2.1	“Evaṁ, ayyā”ti kho vaḍḍho licchavī mettiyabhūmajakānaṁ bhikkhūnaṁ paṭissutvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd15:20.2.2	Ekamantaṁ nisinno kho vaḍḍho licchavī bhagavantaṁ etadavoca—
pli-tv-kd15:20.2.3	“idaṁ, bhante, nacchannaṁ nappatirūpaṁ.
pli-tv-kd15:20.2.4	Yāyaṁ, bhante, disā abhayā anītikā anupaddavā sāyaṁ disā sabhayā saītikā saupaddavā;
pli-tv-kd15:20.2.5	yato nivātaṁ tato savātaṁ;
pli-tv-kd15:20.2.6	udakaṁ maññe ādittaṁ;
pli-tv-kd15:20.2.7	ayyena me dabbena mallaputtena pajāpati dūsitā”ti.
pli-tv-kd15:20.2.8	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dabbaṁ mallaputtaṁ paṭipucchi—
pli-tv-kd15:20.2.9	“sarasi tvaṁ, dabba, evarūpaṁ kattā yathāyaṁ vaḍḍho āhā”ti?
pli-tv-kd15:20.2.10	“Yathā maṁ, bhante, bhagavā jānātī”ti.
pli-tv-kd15:20.2.11	Dutiyampi kho bhagavā …pe…
pli-tv-kd15:20.2.12	tatiyampi kho bhagavā āyasmantaṁ dabbaṁ mallaputtaṁ etadavoca—
pli-tv-kd15:20.2.13	“sarasi tvaṁ, dabba, evarūpaṁ kattā yathāyaṁ vaḍḍho āhā”ti?
pli-tv-kd15:20.2.14	“Yathā maṁ, bhante, bhagavā jānātī”ti.
pli-tv-kd15:20.2.15	“Na kho, dabba, dabbā evaṁ nibbeṭhenti.
pli-tv-kd15:20.2.16	Sace tayā kataṁ, katanti vadehi;
pli-tv-kd15:20.2.17	sace akataṁ, akatanti vadehī”ti.
pli-tv-kd15:20.2.18	“Yato ahaṁ, bhante, jāto nābhijānāmi supinantenapi methunaṁ dhammaṁ paṭisevitā, pageva jāgaro”ti.
pli-tv-kd15:20.3.1	Atha kho bhagavā bhikkhū āmantesi—
pli-tv-kd15:20.3.2	“tena hi, bhikkhave, saṅgho vaḍḍhassa licchavissa pattaṁ nikkujjatu, asambhogaṁ saṅghena karotu.
pli-tv-kd15:20.3.3	Aṭṭhahi, bhikkhave, aṅgehi samannāgatassa upāsakassa patto nikkujjitabbo—
pli-tv-kd15:20.3.4	bhikkhūnaṁ alābhāya parisakkati, bhikkhūnaṁ anatthāya parisakkati, bhikkhūnaṁ avāsāya parisakkati, bhikkhū akkosati paribhāsati, bhikkhū bhikkhūhi bhedeti, buddhassa avaṇṇaṁ bhāsati, dhammassa avaṇṇaṁ bhāsati, saṅghassa avaṇṇaṁ bhāsati.
pli-tv-kd15:20.3.5	Anujānāmi, bhikkhave, imehi aṭṭhahaṅgehi samannāgatassa upāsakassa pattaṁ nikkujjituṁ.
pli-tv-kd15:20.4.1	Evañca pana, bhikkhave, nikkujjitabbo.
pli-tv-kd15:20.4.2	Byattena bhikkhunā paṭibalena saṅgho ñāpetabbo—
pli-tv-kd15:20.4.3	‘Suṇātu me, bhante, saṅgho.
pli-tv-kd15:20.4.4	Vaḍḍho licchavī āyasmantaṁ dabbaṁ mallaputtaṁ amūlikāya sīlavipattiyā anuddhaṁseti.
pli-tv-kd15:20.4.5	Yadi saṅghassa pattakallaṁ, saṅgho vaḍḍhassa licchavissa pattaṁ nikkujjeyya, asambhogaṁ saṅghena kareyya.
pli-tv-kd15:20.4.6	Esā ñatti.
pli-tv-kd15:20.4.7	Suṇātu me, bhante, saṅgho.
pli-tv-kd15:20.4.8	Vaḍḍho licchavī āyasmantaṁ dabbaṁ mallaputtaṁ amūlikāya sīlavipattiyā anuddhaṁseti.
pli-tv-kd15:20.4.9	Saṅgho vaḍḍhassa licchavissa pattaṁ nikkujjati, asambhogaṁ saṅghena karoti.
pli-tv-kd15:20.4.10	Yassāyasmato khamati vaḍḍhassa licchavissa pattassa nikkujjanā, asambhogaṁ saṅghena karaṇaṁ, so tuṇhassa;
pli-tv-kd15:20.4.11	yassa nakkhamati, so bhāseyya.
pli-tv-kd15:20.4.12	Nikkujjito saṅghena vaḍḍhassa licchavissa patto, asambhogo saṅghena.
pli-tv-kd15:20.4.13	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd15:20.5.0	
pli-tv-kd15:20.5.1	Atha kho āyasmā ānando pubbaṇhasamayaṁ nivāsetvā pattacīvaramādāya yena vaḍḍhassa licchavissa nivesanaṁ tenupasaṅkami, upasaṅkamitvā vaḍḍhaṁ licchaviṁ etadavoca—
pli-tv-kd15:20.5.2	“saṅghena te, āvuso vaḍḍha, patto nikkujjito.
pli-tv-kd15:20.5.3	Asambhogosi saṅghenā”ti.
pli-tv-kd15:20.5.4	Atha kho vaḍḍho licchavī—
pli-tv-kd15:20.5.5	saṅghena kira me patto nikkujjito, asambhogomhi kira saṅghenāti—
pli-tv-kd15:20.5.6	tattheva mucchito papato.
pli-tv-kd15:20.5.7	Atha kho vaḍḍhassa licchavissa mittāmaccā ñātisālohitā vaḍḍhaṁ licchaviṁ etadavocuṁ—
pli-tv-kd15:20.5.8	“alaṁ, āvuso vaḍḍha, mā soci, mā paridevi.
pli-tv-kd15:20.5.9	Mayaṁ bhagavantaṁ pasādessāma bhikkhusaṅghañcā”ti.
pli-tv-kd15:20.5.10	Atha kho vaḍḍho licchavī saputtadāro samittāmacco sañātisālohito allavattho allakeso yena bhagavā tenupasaṅkami, upasaṅkamitvā bhagavato pādesu sirasā nipatitvā bhagavantaṁ etadavoca—
pli-tv-kd15:20.5.11	“accayo maṁ, bhante, accagamā yathābālaṁ yathāmūḷhaṁ yathāakusalaṁ, yohaṁ ayyaṁ dabbaṁ mallaputtaṁ amūlikāya sīlavipattiyā anuddhaṁsesiṁ.
pli-tv-kd15:20.5.12	Tassa me, bhante, bhagavā accayaṁ accayato paṭiggaṇhātu āyatiṁ saṁvarāyā”ti.
pli-tv-kd15:20.5.13	“Taggha tvaṁ, āvuso vaḍḍha, accayo accagamā yathābālaṁ yathāmūḷhaṁ yathāakusalaṁ, yaṁ tvaṁ dabbaṁ mallaputtaṁ amūlikāya sīlavipattiyā anuddhaṁsesi.
pli-tv-kd15:20.5.14	Yato ca kho tvaṁ, āvuso vaḍḍha, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.
pli-tv-kd15:20.5.15	Vuḍḍhihesā, āvuso vaḍḍha, ariyassa vinaye yo accayaṁ accayato disvā yathādhammaṁ paṭikaroti, āyatiṁ saṁvaraṁ āpajjatī”ti.
pli-tv-kd15:20.6.1	Atha kho bhagavā bhikkhū āmantesi—
pli-tv-kd15:20.6.2	“tena hi, bhikkhave, saṅgho vaḍḍhassa licchavissa pattaṁ ukkujjatu, sambhogaṁ saṅghena karotu.
pli-tv-kd15:20.6.3	Aṭṭhahi, bhikkhave, aṅgehi samannāgatassa upāsakassa patto ukkujjitabbo—
pli-tv-kd15:20.6.4	na bhikkhūnaṁ alābhāya parisakkati, na bhikkhūnaṁ anatthāya parisakkati, na bhikkhūnaṁ avāsāya parisakkati, na bhikkhū akkosati paribhāsati, na bhikkhū bhikkhūhi bhedeti, na buddhassa avaṇṇaṁ bhāsati, na dhammassa avaṇṇaṁ bhāsati, na saṅghassa avaṇṇaṁ bhāsati.
pli-tv-kd15:20.6.5	Anujānāmi, bhikkhave, imehi aṭṭhahaṅgehi samannāgatassa upāsakassa pattaṁ ukkujjituṁ.
pli-tv-kd15:20.7.1	Evañca pana, bhikkhave, ukkujjitabbo.
pli-tv-kd15:20.7.2	Tena, bhikkhave, vaḍḍhena licchavinā saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd15:20.7.3	‘saṅghena me, bhante, patto nikkujjito, asambhogomhi saṅghena.
pli-tv-kd15:20.7.4	Sohaṁ, bhante, sammā vattāmi, lomaṁ pātemi, netthāraṁ vattāmi, saṅghaṁ pattukkujjanaṁ yācāmī’ti.
pli-tv-kd15:20.7.5	Dutiyampi yācitabbo.
pli-tv-kd15:20.7.6	Tatiyampi yācitabbo.
pli-tv-kd15:20.7.7	Byattena bhikkhunā paṭibalena saṅgho ñāpetabbo—
pli-tv-kd15:20.7.8	‘Suṇātu me, bhante, saṅgho.
pli-tv-kd15:20.7.9	Saṅghena vaḍḍhassa licchavissa patto nikkujjito, asambhogo saṅghena.
pli-tv-kd15:20.7.10	So sammā vattati, lomaṁ pāteti, netthāraṁ vattati, saṅghaṁ pattukkujjanaṁ yācati.
pli-tv-kd15:20.7.11	Yadi saṅghassa pattakallaṁ, saṅgho vaḍḍhassa licchavissa pattaṁ ukkujjeyya, sambhogaṁ saṅghena kareyya.
pli-tv-kd15:20.7.12	Esā ñatti.
pli-tv-kd15:20.7.13	Suṇātu me, bhante, saṅgho.
pli-tv-kd15:20.7.14	Saṅghena vaḍḍhassa licchavissa patto nikkujjito, asambhogo saṅghena.
pli-tv-kd15:20.7.15	So sammā vattati, lomaṁ pāteti, netthāraṁ vattati, saṅghaṁ pattukkujjanaṁ yācati.
pli-tv-kd15:20.7.16	Saṅgho vaḍḍhassa licchavissa pattaṁ ukkujjati, sambhogaṁ saṅghena karoti.
pli-tv-kd15:20.7.17	Yassāyasmato khamati vaḍḍhassa licchavissa pattassa ukkujjanā, sambhogaṁ saṅghena karaṇaṁ, so tuṇhassa;
pli-tv-kd15:20.7.18	yassa nakkhamati, so bhāseyya.
pli-tv-kd15:20.7.19	Ukkujjito saṅghena vaḍḍhassa licchavissa patto, sambhogo saṅghena.
pli-tv-kd15:20.7.20	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd15:21.1.0	
pli-tv-kd15:21.1.1	Atha kho bhagavā vesāliyaṁ yathābhirantaṁ viharitvā yena bhaggā tena cārikaṁ pakkāmi.
pli-tv-kd15:21.1.2	Anupubbena cārikaṁ caramāno yena bhaggā tadavasari.
pli-tv-kd15:21.1.3	Tatra sudaṁ bhagavā bhaggesu viharati susumāragire bhesakaḷāvane migadāye.
pli-tv-kd15:21.1.4	Tena kho pana samayena bodhissa rājakumārassa kokanado nāma pāsādo acirakārito hoti, anajjhāvuttho samaṇena vā brāhmaṇena vā kenaci vā manussabhūtena.
pli-tv-kd15:21.1.5	Atha kho bodhi rājakumāro sañcikāputtaṁ māṇavaṁ āmantesi—
pli-tv-kd15:21.1.6	“ehi tvaṁ, samma sañcikāputta, yena bhagavā tenupasaṅkama, upasaṅkamitvā mama vacanena bhagavato pāde sirasā vanda;
pli-tv-kd15:21.1.7	appābādhaṁ appātaṅkaṁ lahuṭṭhānaṁ balaṁ phāsuvihāraṁ puccha—
pli-tv-kd15:21.1.8	‘bodhi, bhante, rājakumāro bhagavato pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchatī’ti.
pli-tv-kd15:21.1.9	Evañca vadehi—
pli-tv-kd15:21.1.10	‘adhivāsetu kira, bhante, bhagavā bodhissa rājakumārassa svātanāya bhattaṁ saddhiṁ bhikkhusaṅghenā’”ti.
pli-tv-kd15:21.1.11	“Evaṁ, bho”ti kho sañcikāputto māṇavo bodhissa rājakumārassa paṭissutvā yena bhagavā tenupasaṅkami, upasaṅkamitvā bhagavatā saddhiṁ sammodi, sammodanīyaṁ kathaṁ sāraṇīyaṁ vītisāretvā ekamantaṁ nisīdi.
pli-tv-kd15:21.1.12	Ekamantaṁ nisinno kho sañcikāputto māṇavo bhagavantaṁ etadavoca—
pli-tv-kd15:21.1.13	“bodhi kho rājakumāro bhoto gotamassa pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati.
pli-tv-kd15:21.1.14	Evañca vadeti—
pli-tv-kd15:21.1.15	‘adhivāsetu kira bhavaṁ gotamo bodhissa rājakumārassa svātanāya bhattaṁ saddhiṁ bhikkhusaṅghenā’”ti.
pli-tv-kd15:21.1.16	Adhivāsesi bhagavā tuṇhībhāvena.
pli-tv-kd15:21.2.1	Atha kho sañcikāputto māṇavo bhagavato adhivāsanaṁ viditvā uṭṭhāyāsanā yena bodhi rājakumāro tenupasaṅkami, upasaṅkamitvā bodhiṁ rājakumāraṁ etadavoca—
pli-tv-kd15:21.2.2	“avocumha kho mayaṁ bhoto vacanena taṁ bhavantaṁ gotamaṁ—
pli-tv-kd15:21.2.3	‘bodhi kho rājakumāro bhoto gotamassa pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati.
pli-tv-kd15:21.2.4	Evañca vadeti—
pli-tv-kd15:21.2.5	adhivāsetu kira bhavaṁ gotamo bodhissa rājakumārassa svātanāya bhattaṁ saddhiṁ bhikkhusaṅghenā’ti.
pli-tv-kd15:21.2.6	Adhivutthañca pana samaṇena gotamenā”ti.
pli-tv-kd15:21.2.7	Atha kho bodhi rājakumāro tassā rattiyā accayena paṇītaṁ khādanīyaṁ bhojanīyaṁ paṭiyādāpetvā, kokanadañca pāsādaṁ odātehi dussehi santharāpetvā yāva pacchimasopānakaḷevarā, sañcikāputtaṁ māṇavaṁ āmantesi—
pli-tv-kd15:21.2.8	“ehi tvaṁ, samma sañcikāputta, yena bhagavā tenupasaṅkama, upasaṅkamitvā bhagavato kālaṁ ārocehi—
pli-tv-kd15:21.2.9	‘kālo, bhante, niṭṭhitaṁ bhattan’”ti.
pli-tv-kd15:21.2.10	“Evaṁ, bho”ti kho sañcikāputto māṇavo bodhissa rājakumārassa paṭissutvā yena bhagavā tenupasaṅkami, upasaṅkamitvā bhagavato kālaṁ ārocesi—
pli-tv-kd15:21.2.11	“kālo, bho gotama, niṭṭhitaṁ bhattan”ti.
pli-tv-kd15:21.2.12	Atha kho bhagavā pubbaṇhasamayaṁ nivāsetvā pattacīvaramādāya yena bodhissa rājakumārassa nivesanaṁ tenupasaṅkami.
pli-tv-kd15:21.2.13	Tena kho pana samayena bodhi rājakumāro bahidvārakoṭṭhake ṭhito hoti, bhagavantaṁ āgamayamāno.
pli-tv-kd15:21.2.14	Addasā kho bodhi rājakumāro bhagavantaṁ dūratova āgacchantaṁ.
pli-tv-kd15:21.2.15	Disvāna tato paccuggantvā bhagavantaṁ abhivādetvā purekkhatvā yena kokanado pāsādo tenupasaṅkami.
pli-tv-kd15:21.2.16	Atha kho bhagavā pacchimasopānakaḷevaraṁ nissāya aṭṭhāsi.
pli-tv-kd15:21.2.17	Atha kho bodhi rājakumāro bhagavantaṁ etadavoca—
pli-tv-kd15:21.2.18	“akkamatu, bhante, bhagavā dussāni, akkamatu sugato dussāni, yaṁ mama assa dīgharattaṁ hitāya sukhāyā”ti.
pli-tv-kd15:21.2.19	Evaṁ vutte, bhagavā tuṇhī ahosi.
pli-tv-kd15:21.2.20	Dutiyampi kho …pe…
pli-tv-kd15:21.2.21	tatiyampi kho bodhi rājakumāro bhagavantaṁ etadavoca—
pli-tv-kd15:21.2.22	“akkamatu, bhante, bhagavā dussāni, akkamatu sugato dussāni, yaṁ mama assa dīgharattaṁ hitāya sukhāyā”ti.
pli-tv-kd15:21.2.23	Atha kho bhagavā āyasmantaṁ ānandaṁ apalokesi.
pli-tv-kd15:21.2.24	Atha kho āyasmā ānando bodhiṁ rājakumāraṁ etadavoca—
pli-tv-kd15:21.2.25	“saṁharantu, rājakumāra, dussāni.
pli-tv-kd15:21.2.26	Na bhagavā celapaṭikaṁ akkamissati pacchimaṁ janataṁ tathāgato anukampatī”ti.
pli-tv-kd15:21.3.1	Atha kho bodhi rājakumāro dussāni saṁharāpetvā uparikokanade pāsāde āsanaṁ paññapesi.
pli-tv-kd15:21.3.2	Atha kho bhagavā kokanadaṁ pāsādaṁ abhiruhitvā paññatte āsane nisīdi saddhiṁ bhikkhusaṅghena.
pli-tv-kd15:21.3.3	Atha kho bodhi rājakumāro buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā, bhagavantaṁ bhuttāviṁ onītapattapāṇiṁ, ekamantaṁ nisīdi.
pli-tv-kd15:21.3.4	Ekamantaṁ nisinnaṁ kho bodhiṁ rājakumāraṁ bhagavā dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd15:21.3.5	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd15:21.3.6	“na, bhikkhave, celapaṭikā akkamitabbā.
pli-tv-kd15:21.3.7	Yo akkameyya, āpatti dukkaṭassā”ti.
pli-tv-kd15:21.4.1	Tena kho pana samayena aññatarā itthī apagatagabbhā bhikkhū nimantetvā dussaṁ paññapetvā etadavoca—
pli-tv-kd15:21.4.2	“akkamatha, bhante, dussan”ti.
pli-tv-kd15:21.4.3	Bhikkhū kukkuccāyantā na akkamanti.
pli-tv-kd15:21.4.4	“Akkamatha, bhante, dussaṁ maṅgalatthāyā”ti.
pli-tv-kd15:21.4.5	Bhikkhū kukkuccāyantā na akkamiṁsu.
pli-tv-kd15:21.4.6	Atha kho sā itthī ujjhāyati khiyyati vipāceti—
pli-tv-kd15:21.4.7	“kathañhi nāma ayyā maṅgalatthāya yāciyamānā celapaṭikaṁ na akkamissantī”ti.
pli-tv-kd15:21.4.8	Assosuṁ kho bhikkhū tassā itthiyā ujjhāyantiyā khiyyantiyā vipācentiyā.
pli-tv-kd15:21.4.9	Atha kho te bhikkhū bhagavato etamatthaṁ ārocesuṁ.
pli-tv-kd15:21.4.10	“Gihī, bhikkhave, maṅgalikā.
pli-tv-kd15:21.4.11	Anujānāmi, bhikkhave, gihīnaṁ maṅgalatthāya yāciyamānena celapaṭikaṁ akkamitun”ti.
pli-tv-kd15:21.4.12	Tena kho pana samayena bhikkhū dhotapādakaṁ akkamituṁ kukkuccāyanti.
pli-tv-kd15:21.4.13	Bhagavato etamatthaṁ ārocesuṁ.
pli-tv-kd15:21.4.14	“Anujānāmi, bhikkhave, dhotapādakaṁ akkamitun”ti.
pli-tv-kd15:21.4.15	Dutiyabhāṇavāro niṭṭhito.
pli-tv-kd15:22.1.0	
pli-tv-kd15:22.1.1	Atha kho bhagavā bhaggesu yathābhirantaṁ viharitvā yena sāvatthi tena cārikaṁ pakkāmi.
pli-tv-kd15:22.1.2	Anupubbena cārikaṁ caramāno yena sāvatthi tadavasari.
pli-tv-kd15:22.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd15:22.1.4	Atha kho visākhā migāramātā ghaṭakañca katakañca sammajjaniñca ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd15:22.1.5	Ekamantaṁ nisinnā kho visākhā migāramātā bhagavantaṁ etadavoca—
pli-tv-kd15:22.1.6	“paṭiggaṇhātu me, bhante, bhagavā ghaṭakañca katakañca sammajjaniñca, yaṁ mama assa dīgharattaṁ hitāya sukhāyā”ti.
pli-tv-kd15:22.1.7	Paṭiggahesi bhagavā ghaṭakañca sammajjaniñca.
pli-tv-kd15:22.1.8	Na bhagavā katakaṁ paṭiggahesi.
pli-tv-kd15:22.1.9	Atha kho bhagavā visākhaṁ migāramātaraṁ dhammiyā kathāya sandassesi samādapesi samuttejesi sampahaṁsesi.
pli-tv-kd15:22.1.10	Atha kho visākhā migāramātā bhagavatā dhammiyā kathāya sandassitā samādapitā samuttejitā sampahaṁsitā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd15:22.1.11	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd15:22.1.12	“anujānāmi, bhikkhave, ghaṭakañca sammajjaniñca.
pli-tv-kd15:22.1.13	Na, bhikkhave, katakaṁ paribhuñjitabbaṁ.
pli-tv-kd15:22.1.14	Yo paribhuñjeyya, āpatti dukkaṭassa.
pli-tv-kd15:22.1.15	Anujānāmi, bhikkhave, tisso pādaghaṁsaniyo—
pli-tv-kd15:22.1.16	sakkharaṁ, kathalaṁ, samuddapheṇakan”ti.
pli-tv-kd15:22.2.1	Atha kho visākhā migāramātā vidhūpanañca tālavaṇṭañca ādāya yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd15:22.2.2	Ekamantaṁ nisinnā kho visākhā migāramātā bhagavantaṁ etadavoca—
pli-tv-kd15:22.2.3	“paṭiggaṇhātu me, bhante, bhagavā vidhūpanañca tālavaṇṭañca, yaṁ mama assa dīgharattaṁ hitāya sukhāyā”ti.
pli-tv-kd15:22.2.4	Paṭiggahesi bhagavā vidhūpanañca tālavaṇṭañca.
pli-tv-kd15:22.2.5	Atha kho bhagavā visākhaṁ migāramātaraṁ dhammiyā kathāya sandassesi samādapesi samuttejesi sampahaṁsesi …pe…
pli-tv-kd15:22.2.6	padakkhiṇaṁ katvā pakkāmi.
pli-tv-kd15:22.2.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd15:22.2.8	“anujānāmi, bhikkhave, vidhūpanañca tālavaṇṭañcā”ti.
pli-tv-kd15:23.1.1	Tena kho pana samayena saṅghassa makasabījanī uppannā hoti.
pli-tv-kd15:23.1.2	Bhagavato etamatthaṁ ārocesuṁ.
pli-tv-kd15:23.1.3	“Anujānāmi, bhikkhave, makasabījanin”ti.
pli-tv-kd15:23.1.4	Cāmaribījanī uppannā hoti.
pli-tv-kd15:23.1.5	Bhagavato etamatthaṁ ārocesuṁ.
pli-tv-kd15:23.1.6	“Na, bhikkhave, cāmaribījanī dhāretabbā.
pli-tv-kd15:23.1.7	Yo dhāreyya, āpatti dukkaṭassa.
pli-tv-kd15:23.1.8	Anujānāmi, bhikkhave, tisso bījaniyo—
pli-tv-kd15:23.1.9	vākamayaṁ, usīramayaṁ, morapiñchamayan”ti.
pli-tv-kd15:23.2.1	Tena kho pana samayena saṅghassa chattaṁ uppannaṁ hoti.
pli-tv-kd15:23.2.2	Bhagavato etamatthaṁ ārocesuṁ.
pli-tv-kd15:23.2.3	“Anujānāmi, bhikkhave, chattan”ti.
pli-tv-kd15:23.2.4	Tena kho pana samayena chabbaggiyā bhikkhū chattappaggahitā āhiṇḍanti.
pli-tv-kd15:23.2.5	Tena kho pana samayena aññataro upāsako sambahulehi ājīvakasāvakehi saddhiṁ uyyānaṁ agamāsi.
pli-tv-kd15:23.2.6	Addasāsuṁ kho te ājīvakasāvakā chabbaggiye bhikkhū dūratova chattappaggahite āgacchante.
pli-tv-kd15:23.2.7	Disvāna taṁ upāsakaṁ etadavocuṁ—
pli-tv-kd15:23.2.8	“ete kho ayyā tumhākaṁ bhadantā chattappaggahitā āgacchanti, seyyathāpi gaṇakamahāmattā”ti.
pli-tv-kd15:23.2.9	“Nāyyā ete bhikkhū, paribbājakā”ti.
pli-tv-kd15:23.2.10	“Bhikkhū na bhikkhū”ti abbhutaṁ akaṁsu.
pli-tv-kd15:23.2.11	Atha kho so upāsako upagate sañjānitvā ujjhāyati khiyyati vipāceti—
pli-tv-kd15:23.2.12	“kathañhi nāma bhadantā chattappaggahitā āhiṇḍissantī”ti.
pli-tv-kd15:23.2.13	Assosuṁ kho bhikkhū tassa upāsakassa ujjhāyantassa khiyyantassa vipācentassa.
pli-tv-kd15:23.2.14	Atha kho te bhikkhū bhagavato etamatthaṁ ārocesuṁ.
pli-tv-kd15:23.2.15	“Saccaṁ kira, bhikkhave …pe…
pli-tv-kd15:23.2.16	“saccaṁ, bhagavā”ti …pe…
pli-tv-kd15:23.2.17	vigarahitvā …pe…
pli-tv-kd15:23.2.18	dhammiṁ kathaṁ katvā bhikkhū āmantesi—
pli-tv-kd15:23.2.19	“na, bhikkhave, chattaṁ dhāretabbaṁ.
pli-tv-kd15:23.2.20	Yo dhāreyya, āpatti dukkaṭassā”ti.
pli-tv-kd15:23.3.1	Tena kho pana samayena aññataro bhikkhu gilāno hoti.
pli-tv-kd15:23.3.2	Tassa bhikkhuno vinā chattaṁ na phāsu hoti.
pli-tv-kd15:23.3.3	Bhagavato etamatthaṁ ārocesuṁ.
pli-tv-kd15:23.3.4	“Anujānāmi, bhikkhave, gilānassa chattaṁ dhāretun”ti.
pli-tv-kd15:23.4.1	Tena kho pana samayena bhikkhū—
pli-tv-kd15:23.4.2	gilānasseva bhagavatā chattaṁ anuññātaṁ no agilānassāti—
pli-tv-kd15:23.4.3	ārāme ārāmūpacāre chattaṁ dhāretuṁ kukkuccāyanti.
pli-tv-kd15:23.4.4	Bhagavato etamatthaṁ ārocesuṁ.
pli-tv-kd15:23.4.5	“Anujānāmi, bhikkhave, agilānenapi ārāme ārāmūpacāre chattaṁ dhāretun”ti.
pli-tv-kd15:24.1.0	
pli-tv-kd15:24.1.1	Tena kho pana samayena aññataro bhikkhu sikkāya pattaṁ uṭṭitvā daṇḍe ālaggetvā vikāle aññatarena gāmadvārena atikkamati.
pli-tv-kd15:24.1.2	Manussā—
pli-tv-kd15:24.1.3	“esayyo coro gacchati, asissa vijjotalatī”ti anupatitvā gahetvā sañjānitvā muñciṁsu.
pli-tv-kd15:24.1.4	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-kd15:24.1.5	“Kiṁ pana tvaṁ, āvuso, daṇḍasikkaṁ dhāresī”ti?
pli-tv-kd15:24.1.6	“Evamāvuso”ti.
pli-tv-kd15:24.1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-kd15:24.1.8	“kathañhi nāma bhikkhu daṇḍasikkaṁ dhāressasī”ti.
pli-tv-kd15:24.1.9	Atha kho te bhikkhū bhagavato etamatthaṁ ārocesuṁ …pe…
pli-tv-kd15:24.1.10	“saccaṁ, bhagavā”ti …pe…
pli-tv-kd15:24.1.11	vigarahitvā …pe…
pli-tv-kd15:24.1.12	dhammiṁ kathaṁ katvā bhikkhū āmantesi—
pli-tv-kd15:24.1.13	“na, bhikkhave, daṇḍasikkā dhāretabbā.
pli-tv-kd15:24.1.14	Yo dhāreyya, āpatti dukkaṭassā”ti.
pli-tv-kd15:24.2.1	Tena kho pana samayena aññataro bhikkhu gilāno hoti, na sakkoti vinā daṇḍena āhiṇḍituṁ.
pli-tv-kd15:24.2.2	Bhagavato etamatthaṁ ārocesuṁ.
pli-tv-kd15:24.2.3	“Anujānāmi, bhikkhave, gilānassa bhikkhuno daṇḍasammutiṁ dātuṁ.
pli-tv-kd15:24.2.4	Evañca pana, bhikkhave, dātabbā.
pli-tv-kd15:24.2.5	Tena gilānena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd15:24.2.6	‘ahaṁ, bhante, gilāno;
pli-tv-kd15:24.2.7	na sakkomi vinā daṇḍena āhiṇḍituṁ.
pli-tv-kd15:24.2.8	Sohaṁ, bhante, saṅghaṁ daṇḍasammutiṁ yācāmī’ti.
pli-tv-kd15:24.2.9	Dutiyampi yācitabbā.
pli-tv-kd15:24.2.10	Tatiyampi yācitabbā.
pli-tv-kd15:24.2.11	Byattena bhikkhunā paṭibalena saṅgho ñāpetabbo—
pli-tv-kd15:24.2.12	‘Suṇātu me, bhante, saṅgho.
pli-tv-kd15:24.2.13	Ayaṁ itthannāmo bhikkhu gilāno, na sakkoti vinā daṇḍena āhiṇḍituṁ.
pli-tv-kd15:24.2.14	So saṅghaṁ daṇḍasammutiṁ yācati.
pli-tv-kd15:24.2.15	Yadi saṅghassa pattakallaṁ, saṅgho itthannāmassa bhikkhuno daṇḍasammutiṁ dadeyya.
pli-tv-kd15:24.2.16	Esā ñatti.
pli-tv-kd15:24.2.17	Suṇātu me, bhante, saṅgho.
pli-tv-kd15:24.2.18	Ayaṁ itthannāmo bhikkhu gilāno, na sakkoti vinā daṇḍena āhiṇḍituṁ.
pli-tv-kd15:24.2.19	So saṅghaṁ daṇḍasammutiṁ yācati.
pli-tv-kd15:24.2.20	Saṅgho itthannāmassa bhikkhuno daṇḍasammutiṁ deti.
pli-tv-kd15:24.2.21	Yassāyasmato khamati itthannāmassa bhikkhuno daṇḍasammutiyā dānaṁ, so tuṇhassa;
pli-tv-kd15:24.2.22	yassa nakkhamati, so bhāseyya.
pli-tv-kd15:24.2.23	Dinnā saṅghena itthannāmassa bhikkhuno daṇḍasammuti.
pli-tv-kd15:24.2.24	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd15:24.3.1	Tena kho pana samayena aññataro bhikkhu gilāno hoti, na sakkoti vinā sikkāya pattaṁ pariharituṁ.
pli-tv-kd15:24.3.2	Bhagavato etamatthaṁ ārocesuṁ.
pli-tv-kd15:24.3.3	“Anujānāmi, bhikkhave, gilānassa bhikkhuno sikkāsammutiṁ dātuṁ.
pli-tv-kd15:24.3.4	Evañca pana, bhikkhave, dātabbā.
pli-tv-kd15:24.3.5	Tena gilānena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd15:24.3.6	‘ahaṁ, bhante, gilāno;
pli-tv-kd15:24.3.7	na sakkomi vinā sikkāya pattaṁ pariharituṁ.
pli-tv-kd15:24.3.8	Sohaṁ, bhante, saṅghaṁ sikkāsammutiṁ yācāmī’ti.
pli-tv-kd15:24.3.9	Dutiyampi yācitabbā.
pli-tv-kd15:24.3.10	Tatiyampi yācitabbā.
pli-tv-kd15:24.3.11	Byattena bhikkhunā paṭibalena saṅgho ñāpetabbo—
pli-tv-kd15:24.3.12	‘Suṇātu me, bhante, saṅgho.
pli-tv-kd15:24.3.13	Ayaṁ itthannāmo bhikkhu gilāno, na sakkoti vinā sikkāya pattaṁ pariharituṁ.
pli-tv-kd15:24.3.14	So saṅghaṁ sikkāsammutiṁ yācati.
pli-tv-kd15:24.3.15	Yadi saṅghassa pattakallaṁ, saṅgho itthannāmassa bhikkhuno sikkāsammutiṁ dadeyya.
pli-tv-kd15:24.3.16	Esā ñatti.
pli-tv-kd15:24.3.17	Suṇātu me, bhante, saṅgho.
pli-tv-kd15:24.3.18	Ayaṁ itthannāmo bhikkhu gilāno, na sakkoti vinā sikkāya pattaṁ pariharituṁ.
pli-tv-kd15:24.3.19	So saṅghaṁ sikkāsammutiṁ yācati.
pli-tv-kd15:24.3.20	Saṅgho itthannāmassa bhikkhuno sikkāsammutiṁ deti.
pli-tv-kd15:24.3.21	Yassāyasmato khamati itthannāmassa bhikkhuno sikkāsammutiyā dānaṁ, so tuṇhassa;
pli-tv-kd15:24.3.22	yassa nakkhamati, so bhāseyya.
pli-tv-kd15:24.3.23	Dinnā saṅghena itthannāmassa bhikkhuno sikkāsammuti.
pli-tv-kd15:24.3.24	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd15:24.3.25	Tena kho pana samayena aññataro bhikkhu gilāno hoti, na sakkoti vinā daṇḍena āhiṇḍituṁ, na sakkoti vinā sikkāya pattaṁ pariharituṁ.
pli-tv-kd15:24.3.26	Bhagavato etamatthaṁ ārocesuṁ.
pli-tv-kd15:24.3.27	“Anujānāmi, bhikkhave, gilānassa bhikkhuno daṇḍasikkāsammutiṁ dātuṁ.
pli-tv-kd15:24.3.28	Evañca pana, bhikkhave, dātabbā.
pli-tv-kd15:24.3.29	Tena gilānena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd15:24.3.30	‘ahaṁ, bhante, gilāno;
pli-tv-kd15:24.3.31	na sakkomi vinā daṇḍena āhiṇḍituṁ;
pli-tv-kd15:24.3.32	na sakkomi vinā sikkāya pattaṁ pariharituṁ.
pli-tv-kd15:24.3.33	Sohaṁ, bhante, saṅghaṁ daṇḍasikkāsammutiṁ yācāmī’ti.
pli-tv-kd15:24.3.34	Dutiyampi yācitabbā.
pli-tv-kd15:24.3.35	Tatiyampi yācitabbā.
pli-tv-kd15:24.3.36	Byattena bhikkhunā paṭibalena saṅgho ñāpetabbo—
pli-tv-kd15:24.3.37	‘Suṇātu me, bhante, saṅgho.
pli-tv-kd15:24.3.38	Ayaṁ itthannāmo bhikkhu gilāno, na sakkoti vinā daṇḍena āhiṇḍituṁ, na sakkoti vinā sikkāya pattaṁ pariharituṁ.
pli-tv-kd15:24.3.39	So saṅghaṁ daṇḍasikkāsammutiṁ yācati.
pli-tv-kd15:24.3.40	Yadi saṅghassa pattakallaṁ, saṅgho itthannāmassa bhikkhuno daṇḍasikkāsammutiṁ dadeyya.
pli-tv-kd15:24.3.41	Esā ñatti.
pli-tv-kd15:24.3.42	Suṇātu me, bhante, saṅgho.
pli-tv-kd15:24.3.43	Ayaṁ itthannāmo bhikkhu gilāno na sakkoti vinā daṇḍena āhiṇḍituṁ, na sakkoti vinā sikkāya pattaṁ pariharituṁ.
pli-tv-kd15:24.3.44	So saṅghaṁ daṇḍasikkāsammutiṁ yācati.
pli-tv-kd15:24.3.45	Saṅgho itthannāmassa bhikkhuno daṇḍasikkāsammutiṁ deti.
pli-tv-kd15:24.3.46	Yassāyasmato khamati itthannāmassa bhikkhuno daṇḍasikkāsammutiyā dānaṁ, so tuṇhassa;
pli-tv-kd15:24.3.47	yassa nakkhamati, so bhāseyya.
pli-tv-kd15:24.3.48	Dinnā saṅghena itthannāmassa bhikkhuno daṇḍasikkāsammuti.
pli-tv-kd15:24.3.49	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd15:25.1.1	Tena kho pana samayena aññataro bhikkhu romanthako hoti.
pli-tv-kd15:25.1.2	So romanthitvā romanthitvā ajjhoharati.
pli-tv-kd15:25.1.3	Bhikkhū ujjhāyanti khiyyanti vipācenti—
pli-tv-kd15:25.1.4	“vikālāyaṁ bhikkhu bhojanaṁ bhuñjatī”ti.
pli-tv-kd15:25.1.5	Bhagavato etamatthaṁ ārocesuṁ.
pli-tv-kd15:25.1.6	“Eso, bhikkhave, bhikkhu aciraṅgoyoniyā cuto.
pli-tv-kd15:25.1.7	Anujānāmi, bhikkhave, romanthakassa romanthanaṁ.
pli-tv-kd15:25.1.8	Na ca, bhikkhave, bahimukhadvāraṁ nīharitvā ajjhoharitabbaṁ.
pli-tv-kd15:25.1.9	Yo ajjhohareyya, yathādhammo kāretabbo”ti.
pli-tv-kd15:26.1.1	Tena kho pana samayena aññatarassa pūgassa saṅghabhattaṁ hoti.
pli-tv-kd15:26.1.2	Bhattagge bahusitthāni pakiriyiṁsu.
pli-tv-kd15:26.1.3	Manussā ujjhāyanti khiyyanti vipācenti—
pli-tv-kd15:26.1.4	“kathañhi nāma samaṇā sakyaputtiyā odane diyyamāne na sakkaccaṁ paṭiggahessanti, ekamekaṁ sitthaṁ kammasatena niṭṭhāyatī”ti.
pli-tv-kd15:26.1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:26.1.6	Atha kho te bhikkhū bhagavato etamatthaṁ ārocesuṁ.
pli-tv-kd15:26.1.7	“Anujānāmi, bhikkhave, yaṁ diyyamānaṁ patati, taṁ sāmaṁ gahetvā paribhuñjituṁ.
pli-tv-kd15:26.1.8	Pariccattaṁ taṁ, bhikkhave, dāyakehī”ti.
pli-tv-kd15:27.1.0	
pli-tv-kd15:27.1.1	Tena kho pana samayena aññataro bhikkhu dīghehi nakhehi piṇḍāya carati.
pli-tv-kd15:27.1.2	Aññatarā itthī passitvā taṁ bhikkhuṁ etadavoca—
pli-tv-kd15:27.1.3	“ehi, bhante, methunaṁ dhammaṁ paṭisevā”ti.
pli-tv-kd15:27.1.4	“Alaṁ, bhagini, netaṁ kappatī”ti.
pli-tv-kd15:27.1.5	“Sace kho tvaṁ, bhante, nappaṭisevissasi, idānāhaṁ attano nakhehi gattāni vilikhitvā kuppaṁ karissāmi—
pli-tv-kd15:27.1.6	ayaṁ maṁ bhikkhu vippakarotī”ti.
pli-tv-kd15:27.1.7	“Pajānāhi tvaṁ, bhaginī”ti.
pli-tv-kd15:27.1.8	Atha kho sā itthī attano nakhehi gattāni vilikhitvā kuppaṁ akāsi—
pli-tv-kd15:27.1.9	“ayaṁ maṁ bhikkhu vippakarotī”ti.
pli-tv-kd15:27.1.10	Manussā upadhāvitvā taṁ bhikkhuṁ aggahesuṁ.
pli-tv-kd15:27.1.11	Addasāsuṁ kho te manussā tassā itthiyā nakhe chavimpi lohitampi.
pli-tv-kd15:27.1.12	Disvāna—
pli-tv-kd15:27.1.13	“imissāyeva itthiyā idaṁ kammaṁ, akārako bhikkhū”ti—
pli-tv-kd15:27.1.14	taṁ bhikkhuṁ muñciṁsu.
pli-tv-kd15:27.1.15	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-kd15:27.1.16	“Kiṁ pana tvaṁ, āvuso, dīghe nakhe dhāresī”ti?
pli-tv-kd15:27.1.17	“Evamāvuso”ti.
pli-tv-kd15:27.1.18	Ye te bhikkhū appicchā …pe… te ujjhāyanti khiyyanti vipācenti—
pli-tv-kd15:27.1.19	“kathañhi nāma bhikkhu dīghe nakhe dhāressasī”ti.
pli-tv-kd15:27.1.20	Atha kho te bhikkhū bhagavato etamatthaṁ ārocesuṁ.
pli-tv-kd15:27.1.21	“Na, bhikkhave, dīghā nakhā dhāretabbā.
pli-tv-kd15:27.1.22	Yo dhāreyya, āpatti dukkaṭassā”ti.
pli-tv-kd15:27.2.1	Tena kho pana samayena bhikkhū nakhenapi nakhaṁ chindanti, mukhenapi nakhaṁ chindanti, kuṭṭepi ghaṁsanti.
pli-tv-kd15:27.2.2	Aṅguliyo dukkhā honti.
pli-tv-kd15:27.2.3	Bhagavato etamatthaṁ ārocesuṁ.
pli-tv-kd15:27.2.4	“Anujānāmi, bhikkhave, nakhacchedanan”ti.
pli-tv-kd15:27.2.5	Salohitaṁ nakhaṁ chindanti.
pli-tv-kd15:27.2.6	Aṅguliyo dukkhā honti …pe…
pli-tv-kd15:27.2.7	“anujānāmi, bhikkhave, maṁsappamāṇena nakhaṁ chinditun”ti.
pli-tv-kd15:27.2.8	Tena kho pana samayena chabbaggiyā bhikkhū vīsatimaṭṭhaṁ kārāpenti.
pli-tv-kd15:27.2.9	Manussā ujjhāyanti khiyyanti vipācenti—
pli-tv-kd15:27.2.10	“seyyathāpi gihī kāmabhogino”ti.
pli-tv-kd15:27.2.11	Bhagavato etamatthaṁ ārocesuṁ.
pli-tv-kd15:27.2.12	“Na, bhikkhave, vīsatimaṭṭhaṁ kārāpetabbaṁ.
pli-tv-kd15:27.2.13	Yo kārāpeyya, āpatti dukkaṭassa.
pli-tv-kd15:27.2.14	Anujānāmi, bhikkhave, malamattaṁ apakaḍḍhitun”ti.
pli-tv-kd15:27.3.1	Tena kho pana samayena bhikkhūnaṁ kesā dīghā honti.
pli-tv-kd15:27.3.2	Bhagavato etamatthaṁ ārocesuṁ.
pli-tv-kd15:27.3.3	“Ussahanti pana, bhikkhave, bhikkhū aññamaññaṁ kese oropetun”ti?
pli-tv-kd15:27.3.4	“Ussahanti, bhagavā”ti.
pli-tv-kd15:27.3.5	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā …pe…
pli-tv-kd15:27.3.6	bhikkhū āmantesi—
pli-tv-kd15:27.3.7	“anujānāmi, bhikkhave, khuraṁ khurasilaṁ khurasipāṭikaṁ namatakaṁ sabbaṁ khurabhaṇḍan”ti.
pli-tv-kd15:27.4.1	Tena kho pana samayena chabbaggiyā bhikkhū massuṁ kappāpenti …pe…
pli-tv-kd15:27.4.2	massuṁ vaḍḍhāpenti …
pli-tv-kd15:27.4.3	golomikaṁ kārāpenti …
pli-tv-kd15:27.4.4	caturassakaṁ kārāpenti …
pli-tv-kd15:27.4.5	parimukhaṁ kārāpenti …
pli-tv-kd15:27.4.6	aḍḍhadukaṁ kārāpenti …
pli-tv-kd15:27.4.7	dāṭhikaṁ ṭhapenti …
pli-tv-kd15:27.4.8	sambādhe lomaṁ saṁharāpenti.
pli-tv-kd15:27.4.9	Manussā ujjhāyanti khiyyanti vipācenti—
pli-tv-kd15:27.4.10	“seyyathāpi gihī kāmabhogino”ti.
pli-tv-kd15:27.4.11	Bhagavato etamatthaṁ ārocesuṁ.
pli-tv-kd15:27.4.12	“Na, bhikkhave, massu kappāpetabbaṁ …pe…
pli-tv-kd15:27.4.13	na massu vaḍḍhāpetabbaṁ …
pli-tv-kd15:27.4.14	na golomikaṁ kārāpetabbaṁ …
pli-tv-kd15:27.4.15	na caturassakaṁ kārāpetabbaṁ …
pli-tv-kd15:27.4.16	na parimukhaṁ kārāpetabbaṁ …
pli-tv-kd15:27.4.17	na aḍḍhadukaṁ kārāpetabbaṁ …
pli-tv-kd15:27.4.18	na dāṭhikā ṭhapetabbā …
pli-tv-kd15:27.4.19	na sambādhe lomaṁ saṁharāpetabbaṁ.
pli-tv-kd15:27.4.20	Yo saṁharāpeyya, āpatti dukkaṭassā”ti.
pli-tv-kd15:27.4.21	Tena kho pana samayena aññatarassa bhikkhuno sambādhe vaṇo hoti.
pli-tv-kd15:27.4.22	Bhesajjaṁ na santiṭṭhati.
pli-tv-kd15:27.4.23	Bhagavato etamatthaṁ ārocesuṁ.
pli-tv-kd15:27.4.24	“Anujānāmi, bhikkhave, ābādhappaccayā sambādhe lomaṁ saṁharāpetun”ti.
pli-tv-kd15:27.5.1	Tena kho pana samayena chabbaggiyā bhikkhū kattarikāya kese chedāpenti.
pli-tv-kd15:27.5.2	Manussā ujjhāyanti khiyyanti vipācenti—
pli-tv-kd15:27.5.3	“seyyathāpi gihī kāmabhogino”ti.
pli-tv-kd15:27.5.4	Bhagavato etamatthaṁ ārocesuṁ.
pli-tv-kd15:27.5.5	“Na, bhikkhave, kattarikāya kesā chedāpetabbā.
pli-tv-kd15:27.5.6	Yo chedāpeyya, āpatti dukkaṭassā”ti.
pli-tv-kd15:27.5.7	Tena kho pana samayena aññatarassa bhikkhuno sīse vaṇo hoti, na sakkoti khurena kese oropetuṁ.
pli-tv-kd15:27.5.8	Bhagavato etamatthaṁ ārocesuṁ.
pli-tv-kd15:27.5.9	“Anujānāmi, bhikkhave, ābādhappaccayā kattarikāya kese chedāpetun”ti.
pli-tv-kd15:27.5.10	Tena kho pana samayena bhikkhū dīghāni nāsikālomāni dhārenti.
pli-tv-kd15:27.5.11	Manussā ujjhāyanti khiyyanti vipācenti—
pli-tv-kd15:27.5.12	“seyyathāpi pisācillikā”ti.
pli-tv-kd15:27.5.13	Bhagavato etamatthaṁ ārocesuṁ.
pli-tv-kd15:27.5.14	“Na, bhikkhave, dīghaṁ nāsikālomaṁ dhāretabbaṁ.
pli-tv-kd15:27.5.15	Yo dhāreyya, āpatti dukkaṭassā”ti.
pli-tv-kd15:27.5.16	Tena kho pana samayena bhikkhū sakkharikāyapi madhusitthakenapi nāsikālomaṁ gāhāpenti.
pli-tv-kd15:27.5.17	Nāsikā dukkhā honti.
pli-tv-kd15:27.5.18	Bhagavato etamatthaṁ ārocesuṁ.
pli-tv-kd15:27.5.19	“Anujānāmi, bhikkhave, saṇḍāsan”ti.
pli-tv-kd15:27.5.20	Tena kho pana samayena chabbaggiyā bhikkhū palitaṁ gāhāpenti.
pli-tv-kd15:27.5.21	Manussā ujjhāyanti khiyyanti vipācenti—
pli-tv-kd15:27.5.22	“seyyathāpi gihī kāmabhogino”ti.
pli-tv-kd15:27.5.23	Bhagavato etamatthaṁ ārocesuṁ.
pli-tv-kd15:27.5.24	“Na, bhikkhave, palitaṁ gāhāpetabbaṁ.
pli-tv-kd15:27.5.25	Yo gāhāpeyya, āpatti dukkaṭassā”ti.
pli-tv-kd15:27.6.1	Tena kho pana samayena aññatarassa bhikkhuno kaṇṇagūthakehi kaṇṇā thakitā honti.
pli-tv-kd15:27.6.2	Bhagavato etamatthaṁ ārocesuṁ.
pli-tv-kd15:27.6.3	“Anujānāmi, bhikkhave, kaṇṇamalaharaṇin”ti.
pli-tv-kd15:27.6.4	Tena kho pana samayena chabbaggiyā bhikkhū uccāvacā kaṇṇamalaharaṇiyo dhārenti sovaṇṇamayaṁ rūpiyamayaṁ.
pli-tv-kd15:27.6.5	Manussā ujjhāyanti khiyyanti vipācenti—
pli-tv-kd15:27.6.6	“seyyathāpi gihī kāmabhogino”ti.
pli-tv-kd15:27.6.7	Bhagavato etamatthaṁ ārocesuṁ.
pli-tv-kd15:27.6.8	“Na, bhikkhave, uccāvacā kaṇṇamalaharaṇiyo dhāretabbā.
pli-tv-kd15:27.6.9	Yo dhāreyya, āpatti dukkaṭassāti.
pli-tv-kd15:27.6.10	Anujānāmi, bhikkhave, aṭṭhimayaṁ dantamayaṁ visāṇamayaṁ naḷamayaṁ veḷumayaṁ kaṭṭhamayaṁ jatumayaṁ phalamayaṁ lohamayaṁ saṅkhanābhimayan”ti.
pli-tv-kd15:28.1.0	
pli-tv-kd15:28.1.1	Tena kho pana samayena chabbaggiyā bhikkhū bahuṁ lohabhaṇḍaṁ kaṁsabhaṇḍaṁ sannicayaṁ karonti.
pli-tv-kd15:28.1.2	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd15:28.1.3	“kathañhi nāma samaṇā sakyaputtiyā bahuṁ lohabhaṇḍaṁ kaṁsabhaṇḍaṁ sannicayaṁ karissanti, seyyathāpi kaṁsapattharikā”ti.
pli-tv-kd15:28.1.4	Bhagavato etamatthaṁ ārocesuṁ.
pli-tv-kd15:28.1.5	“Na, bhikkhave, bahuṁ lohabhaṇḍaṁ kaṁsabhaṇḍaṁ sannicayo kātabbo.
pli-tv-kd15:28.1.6	Yo kareyya, āpatti dukkaṭassā”ti.
pli-tv-kd15:28.2.1	Tena kho pana samayena bhikkhū añjanimpi añjanisalākampi kaṇṇamalaharaṇimpi bandhanamattampi kukkuccāyanti.
pli-tv-kd15:28.2.2	Bhagavato etamatthaṁ ārocesuṁ.
pli-tv-kd15:28.2.3	“Anujānāmi, bhikkhave, añjaniṁ añjanisalākaṁ kaṇṇamalaharaṇiṁ bandhanamattan”ti.
pli-tv-kd15:28.2.4	Tena kho pana samayena chabbaggiyā bhikkhū saṅghāṭipallatthikāya nisīdanti.
pli-tv-kd15:28.2.5	Saṅghāṭiyā pattā lujjanti.
pli-tv-kd15:28.2.6	Bhagavato etamatthaṁ ārocesuṁ.
pli-tv-kd15:28.2.7	“Na, bhikkhave, saṅghāṭipallatthikāya nisīditabbaṁ.
pli-tv-kd15:28.2.8	Yo nisīdeyya, āpatti dukkaṭassā”ti.
pli-tv-kd15:28.2.9	Tena kho pana samayena aññataro bhikkhu gilāno hoti.
pli-tv-kd15:28.2.10	Tassa vinā āyogena na phāsu hoti.
pli-tv-kd15:28.2.11	Bhagavato etamatthaṁ ārocesuṁ.
pli-tv-kd15:28.2.12	“Anujānāmi, bhikkhave, āyogan”ti.
pli-tv-kd15:28.2.13	Atha kho bhikkhūnaṁ etadahosi—
pli-tv-kd15:28.2.14	“kathaṁ nu kho āyogo kātabbo”ti?
pli-tv-kd15:28.2.15	Bhagavato etamatthaṁ ārocesuṁ.
pli-tv-kd15:28.2.16	“Anujānāmi, bhikkhave, tantakaṁ vemaṁ kavaṭaṁ salākaṁ sabbaṁ tantabhaṇḍakan”ti.
pli-tv-kd15:29.1.1	Tena kho pana samayena aññataro bhikkhu akāyabandhano gāmaṁ piṇḍāya pāvisi.
pli-tv-kd15:29.1.2	Tassa rathikāya antaravāsako pabhassittha.
pli-tv-kd15:29.1.3	Manussā ukkuṭṭhimakaṁsu.
pli-tv-kd15:29.1.4	So bhikkhu maṅku ahosi.
pli-tv-kd15:29.1.5	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-kd15:29.1.6	Bhikkhū bhagavato etamatthaṁ ārocesuṁ.
pli-tv-kd15:29.1.7	“Na, bhikkhave, akāyabandhanena gāmo pavisitabbo.
pli-tv-kd15:29.1.8	Yo paviseyya, āpatti dukkaṭassa.
pli-tv-kd15:29.1.9	Anujānāmi, bhikkhave, kāyabandhanan”ti.
pli-tv-kd15:29.2.1	Tena kho pana samayena chabbaggiyā bhikkhū uccāvacāni kāyabandhanāni dhārenti—
pli-tv-kd15:29.2.2	kalābukaṁ, deḍḍubhakaṁ, murajaṁ, maddavīṇaṁ.
pli-tv-kd15:29.2.3	Manussā ujjhāyanti khiyyanti vipācenti—
pli-tv-kd15:29.2.4	“seyyathāpi gihī kāmabhogino”ti.
pli-tv-kd15:29.2.5	Bhagavato etamatthaṁ ārocesuṁ.
pli-tv-kd15:29.2.6	“Na, bhikkhave, uccāvacāni kāyabandhanāni dhāretabbāni—
pli-tv-kd15:29.2.7	kalābukaṁ, deḍḍubhakaṁ, murajaṁ, maddavīṇaṁ.
pli-tv-kd15:29.2.8	Yo dhāreyya, āpatti dukkaṭassa.
pli-tv-kd15:29.2.9	Anujānāmi, bhikkhave, dve kāyabandhanāni—
pli-tv-kd15:29.2.10	paṭṭikaṁ, sūkarantakan”ti.
pli-tv-kd15:29.2.11	Kāyabandhanassa dasā jīranti …pe…
pli-tv-kd15:29.2.12	“anujānāmi, bhikkhave, murajaṁ maddavīṇan”ti.
pli-tv-kd15:29.2.13	Kāyabandhanassa anto jīrati …pe…
pli-tv-kd15:29.2.14	“anujānāmi, bhikkhave, sobhaṇaṁ guṇakan”ti.
pli-tv-kd15:29.2.15	Kāyabandhanassa pavananto jīrati …pe…
pli-tv-kd15:29.2.16	“anujānāmi, bhikkhave, vidhan”ti.
pli-tv-kd15:29.2.17	Tena kho pana samayena chabbaggiyā bhikkhū uccāvace vidhe dhārenti sovaṇṇamayaṁ rūpiyamayaṁ.
pli-tv-kd15:29.2.18	Manussā ujjhāyanti khiyyanti vipācenti—
pli-tv-kd15:29.2.19	“seyyathāpi gihī kāmabhogino”ti.
pli-tv-kd15:29.2.20	Bhagavato etamatthaṁ ārocesuṁ.
pli-tv-kd15:29.2.21	“Na, bhikkhave, uccāvacā vidhā dhāretabbā.
pli-tv-kd15:29.2.22	Yo dhāreyya, āpatti dukkaṭassa.
pli-tv-kd15:29.2.23	Anujānāmi, bhikkhave, aṭṭhimayaṁ …pe…
pli-tv-kd15:29.2.24	saṅkhanābhimayaṁ suttamayan”ti.
pli-tv-kd15:29.3.1	Tena kho pana samayena āyasmā ānando lahukā saṅghāṭiyo pārupitvā gāmaṁ piṇḍāya pāvisi.
pli-tv-kd15:29.3.2	Vātamaṇḍalikāya saṅghāṭiyo ukkhipiyiṁsu.
pli-tv-kd15:29.3.3	Atha kho āyasmā ānando ārāmaṁ gantvā bhikkhūnaṁ etamatthaṁ ārocesi.
pli-tv-kd15:29.3.4	Bhikkhū bhagavato etamatthaṁ ārocesuṁ.
pli-tv-kd15:29.3.5	“Anujānāmi, bhikkhave, gaṇṭhikaṁ pāsakan”ti.
pli-tv-kd15:29.3.6	Tena kho pana samayena chabbaggiyā bhikkhū uccāvacā gaṇṭhikāyo dhārenti sovaṇṇamayaṁ rūpiyamayaṁ.
pli-tv-kd15:29.3.7	Manussā ujjhāyanti khiyyanti vipācenti—
pli-tv-kd15:29.3.8	“seyyathāpi gihī kāmabhogino”ti.
pli-tv-kd15:29.3.9	Bhagavato etamatthaṁ ārocesuṁ.
pli-tv-kd15:29.3.10	“Na, bhikkhave, uccāvacā gaṇṭhikā dhāretabbā.
pli-tv-kd15:29.3.11	Yo dhāreyya, āpatti dukkaṭassa.
pli-tv-kd15:29.3.12	Anujānāmi, bhikkhave, aṭṭhimayaṁ dantamayaṁ visāṇamayaṁ naḷamayaṁ veḷumayaṁ kaṭṭhamayaṁ jatumayaṁ phalamayaṁ lohamayaṁ saṅkhanābhimayaṁ suttamayan”ti.
pli-tv-kd15:29.3.13	Tena kho pana samayena bhikkhū gaṇṭhikampi pāsakampi cīvare appenti.
pli-tv-kd15:29.3.14	Cīvaraṁ jīrati.
pli-tv-kd15:29.3.15	Bhagavato etamatthaṁ ārocesuṁ.
pli-tv-kd15:29.3.16	“Anujānāmi, bhikkhave, gaṇṭhikaphalakaṁ pāsakaphalakan”ti.
pli-tv-kd15:29.3.17	Gaṇṭhikaphalakampi pāsakaphalakampi ante appenti.
pli-tv-kd15:29.3.18	Koṭṭo vivariyati.
pli-tv-kd15:29.3.19	Bhagavato etamatthaṁ ārocesuṁ.
pli-tv-kd15:29.3.20	“Anujānāmi, bhikkhave, gaṇṭhikaphalakaṁ ante appetuṁ;
pli-tv-kd15:29.3.21	pāsakaphalakaṁ sattaṅgulaṁ vā aṭṭhaṅgulaṁ vā ogāhetvā appetun”ti.
pli-tv-kd15:29.4.1	Tena kho pana samayena chabbaggiyā bhikkhū gihinivatthaṁ nivāsenti—
pli-tv-kd15:29.4.2	hatthisoṇḍakaṁ, macchavāḷakaṁ, catukaṇṇakaṁ, tālavaṇṭakaṁ, satavalikaṁ.
pli-tv-kd15:29.4.3	Manussā ujjhāyanti khiyyanti vipācenti—
pli-tv-kd15:29.4.4	“seyyathāpi gihī kāmabhogino”ti.
pli-tv-kd15:29.4.5	Bhagavato etamatthaṁ ārocesuṁ.
pli-tv-kd15:29.4.6	“Na, bhikkhave, gihinivatthaṁ nivāsetabbaṁ—
pli-tv-kd15:29.4.7	hatthisoṇḍakaṁ, macchavāḷakaṁ, catukaṇṇakaṁ, tālavaṇṭakaṁ, satavalikaṁ.
pli-tv-kd15:29.4.8	Yo nivāseyya, āpatti dukkaṭassā”ti.
pli-tv-kd15:29.4.9	Tena kho pana samayena chabbaggiyā bhikkhū gihipārutaṁ pārupanti.
pli-tv-kd15:29.4.10	Manussā ujjhāyanti khiyyanti vipācenti—
pli-tv-kd15:29.4.11	“seyyathāpi gihī kāmabhogino”ti.
pli-tv-kd15:29.4.12	Bhagavato etamatthaṁ ārocesuṁ.
pli-tv-kd15:29.4.13	“Na, bhikkhave, gihipārutaṁ pārupitabbaṁ.
pli-tv-kd15:29.4.14	Yo pārupeyya, āpatti dukkaṭassā”ti.
pli-tv-kd15:29.5.1	Tena kho pana samayena chabbaggiyā bhikkhū saṁvelliyaṁ nivāsenti.
pli-tv-kd15:29.5.2	Manussā ujjhāyanti khiyyanti vipācenti—
pli-tv-kd15:29.5.3	“seyyathāpi rañño muṇḍavaṭṭī”ti.
pli-tv-kd15:29.5.4	Bhagavato etamatthaṁ ārocesuṁ.
pli-tv-kd15:29.5.5	“Na, bhikkhave, saṁvelliyaṁ nivāsetabbaṁ.
pli-tv-kd15:29.5.6	Yo nivāseyya, āpatti dukkaṭassā”ti.
pli-tv-kd15:30.1.1	Tena kho pana samayena chabbaggiyā bhikkhū ubhatokājaṁ haranti.
pli-tv-kd15:30.1.2	Manussā ujjhāyanti khiyyanti vipācenti—
pli-tv-kd15:30.1.3	“seyyathāpi rañño muṇḍavaṭṭī”ti.
pli-tv-kd15:30.1.4	Bhagavato etamatthaṁ ārocesuṁ.
pli-tv-kd15:30.1.5	“Na, bhikkhave, ubhatokājaṁ haritabbaṁ.
pli-tv-kd15:30.1.6	Yo hareyya, āpatti dukkaṭassa.
pli-tv-kd15:30.1.7	Anujānāmi, bhikkhave, ekatokājaṁ antarākājaṁ sīsabhāraṁ khandhabhāraṁ kaṭibhāraṁ olambakan”ti.
pli-tv-kd15:31.1.1	Tena kho pana samayena bhikkhū dantakaṭṭhaṁ na khādanti.
pli-tv-kd15:31.1.2	Mukhaṁ duggandhaṁ hoti.
pli-tv-kd15:31.1.3	Bhagavato etamatthaṁ ārocesuṁ.
pli-tv-kd15:31.1.4	“Pañcime, bhikkhave, ādīnavā dantakaṭṭhassa akhādane.
pli-tv-kd15:31.1.5	Acakkhussaṁ, mukhaṁ duggandhaṁ hoti, rasaharaṇiyo na visujjhanti, pittaṁ semhaṁ bhattaṁ pariyonandhati, bhattamassa nacchādeti—
pli-tv-kd15:31.1.6	ime kho, bhikkhave, pañca ādīnavā dantakaṭṭhassa akhādane.
pli-tv-kd15:31.1.7	Pañcime, bhikkhave, ānisaṁsā dantakaṭṭhassa khādane.
pli-tv-kd15:31.1.8	Cakkhussaṁ, mukhaṁ na duggandhaṁ hoti, rasaharaṇiyo visujjhanti, pittaṁ semhaṁ bhattaṁ na pariyonandhati, bhattamassa chādeti—
pli-tv-kd15:31.1.9	ime kho, bhikkhave, pañca ānisaṁsā dantakaṭṭhassa khādane.
pli-tv-kd15:31.1.10	Anujānāmi, bhikkhave, dantakaṭṭhan”ti.
pli-tv-kd15:31.2.1	Tena kho pana samayena chabbaggiyā bhikkhū dīghāni dantakaṭṭhāni khādanti, teheva sāmaṇeraṁ ākoṭenti.
pli-tv-kd15:31.2.2	Bhagavato etamatthaṁ ārocesuṁ.
pli-tv-kd15:31.2.3	“Na, bhikkhave, dīghaṁ dantakaṭṭhaṁ khāditabbaṁ.
pli-tv-kd15:31.2.4	Yo khādeyya, āpatti dukkaṭassa.
pli-tv-kd15:31.2.5	Anujānāmi, bhikkhave, aṭṭhaṅgulaparamaṁ dantakaṭṭhaṁ, na ca tena sāmaṇero ākoṭetabbo.
pli-tv-kd15:31.2.6	Yo ākoṭeyya, āpatti dukkaṭassā”ti.
pli-tv-kd15:31.2.7	Tena kho pana samayena aññatarassa bhikkhuno atimaṭāhakaṁ dantakaṭṭhaṁ khādantassa kaṇṭhe vilaggaṁ hoti.
pli-tv-kd15:31.2.8	Bhagavato etamatthaṁ ārocesuṁ.
pli-tv-kd15:31.2.9	“Na, bhikkhave, atimaṭāhakaṁ dantakaṭṭhaṁ khāditabbaṁ.
pli-tv-kd15:31.2.10	Yo khādeyya, āpatti dukkaṭassa.
pli-tv-kd15:31.2.11	Anujānāmi, bhikkhave, caturaṅgulapacchimaṁ dantakaṭṭhan”ti.
pli-tv-kd15:32.1.1	Tena kho pana samayena chabbaggiyā bhikkhū dāyaṁ ālimpenti.
pli-tv-kd15:32.1.2	Manussā ujjhāyanti khiyyanti vipācenti—
pli-tv-kd15:32.1.3	“seyyathāpi davaḍāhakā”ti.
pli-tv-kd15:32.1.4	Bhagavato etamatthaṁ ārocesuṁ.
pli-tv-kd15:32.1.5	“Na, bhikkhave, dāyo ālimpitabbo.
pli-tv-kd15:32.1.6	Yo ālimpeyya, āpatti dukkaṭassā”ti.
pli-tv-kd15:32.1.7	Tena kho pana samayena vihārā tiṇagahanā honti, davaḍāhe ḍayhamāne vihārā ḍayhanti.
pli-tv-kd15:32.1.8	Bhikkhū kukkuccāyanti paṭaggiṁ dātuṁ, parittaṁ kātuṁ.
pli-tv-kd15:32.1.9	Bhagavato etamatthaṁ ārocesuṁ.
pli-tv-kd15:32.1.10	“Anujānāmi, bhikkhave, davaḍāhe ḍayhamāne paṭaggiṁ dātuṁ, parittaṁ kātun”ti.
pli-tv-kd15:32.2.1	Tena kho pana samayena chabbaggiyā bhikkhū rukkhaṁ abhiruhanti, rukkhā rukkhaṁ saṅkamanti.
pli-tv-kd15:32.2.2	Manussā ujjhāyanti khiyyanti vipācenti—
pli-tv-kd15:32.2.3	“seyyathāpi makkaṭā”ti.
pli-tv-kd15:32.2.4	Bhagavato etamatthaṁ ārocesuṁ.
pli-tv-kd15:32.2.5	“Na, bhikkhave, rukkho abhiruhitabbo.
pli-tv-kd15:32.2.6	Yo abhiruheyya, āpatti dukkaṭassā”ti.
pli-tv-kd15:32.2.7	Tena kho pana samayena aññatarassa bhikkhuno kosalesu janapade sāvatthiṁ gacchantassa antarāmagge hatthī pariyuṭṭhāti.
pli-tv-kd15:32.2.8	Atha kho so bhikkhu rukkhamūlaṁ upadhāvitvā kukkuccāyanto rukkhaṁ na abhiruhi.
pli-tv-kd15:32.2.9	So hatthī aññena agamāsi.
pli-tv-kd15:32.2.10	Atha kho so bhikkhu sāvatthiṁ gantvā bhikkhūnaṁ etamatthaṁ ārocesi.
pli-tv-kd15:32.2.11	Bhikkhū bhagavato etamatthaṁ ārocesuṁ.
pli-tv-kd15:32.2.12	“Anujānāmi, bhikkhave, sati karaṇīye porisaṁ rukkhaṁ abhiruhituṁ āpadāsu yāvadatthan”ti.
pli-tv-kd15:33.1.0	
pli-tv-kd15:33.1.1	Tena kho pana samayena yameḷakekuṭā nāma bhikkhū dve bhātikā honti brāhmaṇajātikā kalyāṇavācā kalyāṇavākkaraṇā.
pli-tv-kd15:33.1.2	Te yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd15:33.1.3	Ekamantaṁ nisinnā kho te bhikkhū bhagavantaṁ etadavocuṁ—
pli-tv-kd15:33.1.4	“etarahi, bhante, bhikkhū nānānāmā nānāgottā nānājaccā nānākulā pabbajitā.
pli-tv-kd15:33.1.5	Te sakāya niruttiyā buddhavacanaṁ dūsenti.
pli-tv-kd15:33.1.6	Handa mayaṁ, bhante, buddhavacanaṁ chandaso āropemā”ti.
pli-tv-kd15:33.1.7	Vigarahi buddho bhagavā …pe…
pli-tv-kd15:33.1.8	kathañhi nāma tumhe, moghapurisā, evaṁ vakkhatha—
pli-tv-kd15:33.1.9	“handa mayaṁ, bhante, buddhavacanaṁ chandaso āropemā”ti.
pli-tv-kd15:33.1.10	Netaṁ, moghapurisā, appasannānaṁ vā pasādāya …pe…
pli-tv-kd15:33.1.11	vigarahitvā …pe…
pli-tv-kd15:33.1.12	dhammiṁ kathaṁ katvā bhikkhū āmantesi—
pli-tv-kd15:33.1.13	“na, bhikkhave, buddhavacanaṁ chandaso āropetabbaṁ.
pli-tv-kd15:33.1.14	Yo āropeyya, āpatti dukkaṭassa.
pli-tv-kd15:33.1.15	Anujānāmi, bhikkhave, sakāya niruttiyā buddhavacanaṁ pariyāpuṇitun”ti.
pli-tv-kd15:33.2.1	Tena kho pana samayena chabbaggiyā bhikkhū lokāyataṁ pariyāpuṇanti.
pli-tv-kd15:33.2.2	Manussā ujjhāyanti khiyyanti vipācenti—
pli-tv-kd15:33.2.3	“seyyathāpi gihī kāmabhogino”ti.
pli-tv-kd15:33.2.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd15:33.2.5	Atha kho te bhikkhū bhagavato etamatthaṁ ārocesuṁ.
pli-tv-kd15:33.2.6	“Api nu kho, bhikkhave, lokāyate sāradassāvī imasmiṁ dhammavinaye vuddhiṁ viruḷhiṁ vepullaṁ āpajjeyyā”ti?
pli-tv-kd15:33.2.7	“No hetaṁ, bhante”.
pli-tv-kd15:33.2.8	“Imasmiṁ vā pana dhammavinaye sāradassāvī lokāyataṁ pariyāpuṇeyyā”ti?
pli-tv-kd15:33.2.9	“No hetaṁ, bhante”.
pli-tv-kd15:33.2.10	“Na, bhikkhave, lokāyataṁ pariyāpuṇitabbaṁ.
pli-tv-kd15:33.2.11	Yo pariyāpuṇeyya, āpatti dukkaṭassā”ti.
pli-tv-kd15:33.2.12	Tena kho pana samayena chabbaggiyā bhikkhū lokāyataṁ vācenti.
pli-tv-kd15:33.2.13	Manussā ujjhāyanti khiyyanti vipācenti—
pli-tv-kd15:33.2.14	“seyyathāpi gihī kāmabhogino”ti.
pli-tv-kd15:33.2.15	Bhagavato etamatthaṁ ārocesuṁ.
pli-tv-kd15:33.2.16	“Na, bhikkhave, lokāyataṁ vācetabbaṁ.
pli-tv-kd15:33.2.17	Yo vāceyya, āpatti dukkaṭassā”ti.
pli-tv-kd15:33.2.18	Tena kho pana samayena chabbaggiyā bhikkhū tiracchānavijjaṁ pariyāpuṇanti.
pli-tv-kd15:33.2.19	Manussā ujjhāyanti khiyyanti vipācenti—
pli-tv-kd15:33.2.20	“seyyathāpi gihī kāmabhogino”ti.
pli-tv-kd15:33.2.21	Bhagavato etamatthaṁ ārocesuṁ.
pli-tv-kd15:33.2.22	“Na, bhikkhave, tiracchānavijjā pariyāpuṇitabbā.
pli-tv-kd15:33.2.23	Yo pariyāpuṇeyya, āpatti dukkaṭassā”ti.
pli-tv-kd15:33.2.24	Tena kho pana samayena chabbaggiyā bhikkhū tiracchānavijjaṁ vācenti.
pli-tv-kd15:33.2.25	Manussā ujjhāyanti khiyyanti vipācenti—
pli-tv-kd15:33.2.26	“seyyathāpi gihī kāmabhogino”ti.
pli-tv-kd15:33.2.27	Bhagavato etamatthaṁ ārocesuṁ.
pli-tv-kd15:33.2.28	“Na, bhikkhave, tiracchānavijjā vācetabbā.
pli-tv-kd15:33.2.29	Yo vāceyya, āpatti dukkaṭassā”ti.
pli-tv-kd15:33.3.1	Tena kho pana samayena bhagavā mahatiyā parisāya parivuto dhammaṁ desento khipi.
pli-tv-kd15:33.3.2	Bhikkhū—
pli-tv-kd15:33.3.3	“jīvatu, bhante, bhagavā;
pli-tv-kd15:33.3.4	jīvatu sugato”ti—
pli-tv-kd15:33.3.5	uccāsaddaṁ mahāsaddaṁ akaṁsu.
pli-tv-kd15:33.3.6	Tena saddena dhammakathā antarā ahosi.
pli-tv-kd15:33.3.7	Atha kho bhagavā bhikkhū āmantesi—
pli-tv-kd15:33.3.8	“api nu kho, bhikkhave, khipite ‘jīvā’ti vutto tappaccayā jīveyya vā mareyya vā”ti?
pli-tv-kd15:33.3.9	“No hetaṁ, bhante”.
pli-tv-kd15:33.3.10	“Na, bhikkhave, khipite ‘jīvā’ti vattabbo.
pli-tv-kd15:33.3.11	Yo vadeyya, āpatti dukkaṭassā”ti.
pli-tv-kd15:33.3.12	Tena kho pana samayena manussā bhikkhūnaṁ khipite “jīvatha, bhante”ti vadanti.
pli-tv-kd15:33.3.13	Bhikkhū kukkuccāyantā nālapanti.
pli-tv-kd15:33.3.14	Manussā ujjhāyanti khiyyanti vipācenti—
pli-tv-kd15:33.3.15	“kathañhi nāma samaṇā sakyaputtiyā ‘jīvatha, bhante’ti vuccamānā nālapissantī”ti.
pli-tv-kd15:33.3.16	Bhagavato etamatthaṁ ārocesuṁ.
pli-tv-kd15:33.3.17	“Gihī, bhikkhave, maṅgalikā.
pli-tv-kd15:33.3.18	Anujānāmi, bhikkhave, gihīnaṁ ‘jīvatha, bhante’ti vuccamānena ‘ciraṁ jīvā’ti vattun”ti.
pli-tv-kd15:34.1.1	Tena kho pana samayena bhagavā mahatiyā parisāya parivuto dhammaṁ desento nisinno hoti.
pli-tv-kd15:34.1.2	Aññatarena bhikkhunā lasuṇaṁ khāyitaṁ hoti.
pli-tv-kd15:34.1.3	So—
pli-tv-kd15:34.1.4	mā bhikkhū byābādhiṁsūti—
pli-tv-kd15:34.1.5	ekamantaṁ nisīdi.
pli-tv-kd15:34.1.6	Addasā kho bhagavā taṁ bhikkhuṁ ekamantaṁ nisinnaṁ.
pli-tv-kd15:34.1.7	Disvāna bhikkhū āmantesi—
pli-tv-kd15:34.1.8	“kiṁ nu kho so, bhikkhave, bhikkhu ekamantaṁ nisinno”ti?
pli-tv-kd15:34.1.9	“Etena, bhante, bhikkhunā lasuṇaṁ khāyitaṁ.
pli-tv-kd15:34.1.10	So—
pli-tv-kd15:34.1.11	mā bhikkhū byābādhiṁsūti—
pli-tv-kd15:34.1.12	ekamantaṁ nisinno”ti.
pli-tv-kd15:34.1.13	“Api nu kho, bhikkhave, taṁ khāditabbaṁ, yaṁ khāditvā evarūpāya dhammakathāya paribāhiyo assā”ti?
pli-tv-kd15:34.1.14	“No hetaṁ, bhante”.
pli-tv-kd15:34.1.15	“Na, bhikkhave, lasuṇaṁ khāditabbaṁ.
pli-tv-kd15:34.1.16	Yo khādeyya, āpatti dukkaṭassā”ti.
pli-tv-kd15:34.2.1	Tena kho pana samayena āyasmato sāriputtassa udaravātābādho hoti.
pli-tv-kd15:34.2.2	Atha kho āyasmā mahāmoggallāno yenāyasmā sāriputto tenupasaṅkami, upasaṅkamitvā āyasmantaṁ sāriputtaṁ etadavoca—
pli-tv-kd15:34.2.3	“pubbe te, āvuso sāriputta, udaravātābādho kena phāsu hotī”ti?
pli-tv-kd15:34.2.4	“Lasuṇena me, āvuso”ti.
pli-tv-kd15:34.2.5	Bhagavato etamatthaṁ ārocesuṁ.
pli-tv-kd15:34.2.6	“Anujānāmi, bhikkhave, ābādhappaccayā lasuṇaṁ khāditun”ti.
pli-tv-kd15:35.1.0	
pli-tv-kd15:35.1.1	Tena kho pana samayena bhikkhū ārāme tahaṁ tahaṁ passāvaṁ karonti.
pli-tv-kd15:35.1.2	Ārāmo dussati.
pli-tv-kd15:35.1.3	Bhagavato etamatthaṁ ārocesuṁ.
pli-tv-kd15:35.1.4	“Anujānāmi, bhikkhave, ekamantaṁ passāvaṁ kātun”ti.
pli-tv-kd15:35.1.5	Ārāmo duggandho hoti …pe…
pli-tv-kd15:35.1.6	“anujānāmi, bhikkhave, passāvakumbhin”ti.
pli-tv-kd15:35.1.7	Dukkhaṁ nisinnā passāvaṁ karonti …pe…
pli-tv-kd15:35.1.8	“anujānāmi, bhikkhave, passāvapādukan”ti.
pli-tv-kd15:35.1.9	Passāvapādukā pākaṭā honti.
pli-tv-kd15:35.1.10	Bhikkhū hiriyanti passāvaṁ kātuṁ …pe…
pli-tv-kd15:35.1.11	“anujānāmi, bhikkhave, parikkhipituṁ tayo pākāre—
pli-tv-kd15:35.1.12	iṭṭhakāpākāraṁ, silāpākāraṁ, dārupākāran”ti.
pli-tv-kd15:35.1.13	Passāvakumbhī apārutā duggandhā hoti …pe…
pli-tv-kd15:35.1.14	“anujānāmi, bhikkhave, apidhānan”ti.
pli-tv-kd15:35.2.1	Tena kho pana samayena bhikkhū ārāme tahaṁ tahaṁ vaccaṁ karonti.
pli-tv-kd15:35.2.2	Ārāmo dussati.
pli-tv-kd15:35.2.3	Bhagavato etamatthaṁ ārocesuṁ.
pli-tv-kd15:35.2.4	“Anujānāmi, bhikkhave, ekamantaṁ vaccaṁ kātun”ti.
pli-tv-kd15:35.2.5	Ārāmo duggandho hoti …pe…
pli-tv-kd15:35.2.6	“anujānāmi, bhikkhave, vaccakūpan”ti.
pli-tv-kd15:35.2.7	Vaccakūpassa kūlaṁ lujjati …pe…
pli-tv-kd15:35.2.8	“anujānāmi, bhikkhave, cinituṁ tayo caye—
pli-tv-kd15:35.2.9	iṭṭhakācayaṁ, silācayaṁ, dārucayan”ti.
pli-tv-kd15:35.2.10	Vaccakūpo nīcavatthuko hoti, udakena otthariyyati …pe…
pli-tv-kd15:35.2.11	“anujānāmi, bhikkhave, uccavatthukaṁ kātun”ti.
pli-tv-kd15:35.2.12	Cayo paripatati …pe…
pli-tv-kd15:35.2.13	“anujānāmi, bhikkhave, cinituṁ tayo caye—
pli-tv-kd15:35.2.14	iṭṭhakācayaṁ, silācayaṁ, dārucayan”ti.
pli-tv-kd15:35.2.15	Ārohantā vihaññanti …pe…
pli-tv-kd15:35.2.16	“anujānāmi, bhikkhave, tayo sopāne—
pli-tv-kd15:35.2.17	iṭṭhakāsopānaṁ, silāsopānaṁ, dārusopānan”ti.
pli-tv-kd15:35.2.18	Ārohantā paripatanti …pe…
pli-tv-kd15:35.2.19	“anujānāmi, bhikkhave, ālambanabāhan”ti.
pli-tv-kd15:35.2.20	Ante nisinnā vaccaṁ karontā paripatanti …pe…
pli-tv-kd15:35.2.21	“anujānāmi, bhikkhave, santharitvā majjhe chiddaṁ katvā vaccaṁ kātun”ti.
pli-tv-kd15:35.2.22	Dukkhaṁ nisinnā vaccaṁ karonti …pe…
pli-tv-kd15:35.2.23	“anujānāmi, bhikkhave, vaccapādukan”ti.
pli-tv-kd15:35.3.1	Bahiddhā passāvaṁ karonti …pe…
pli-tv-kd15:35.3.2	“anujānāmi, bhikkhave, passāvadoṇikan”ti.
pli-tv-kd15:35.3.3	Avalekhanakaṭṭhaṁ na hoti …pe…
pli-tv-kd15:35.3.4	“anujānāmi, bhikkhave, avalekhanakaṭṭhan”ti.
pli-tv-kd15:35.3.5	Avalekhanapiṭharo na hoti …pe…
pli-tv-kd15:35.3.6	“anujānāmi, bhikkhave, avalekhanapiṭharan”ti.
pli-tv-kd15:35.3.7	Vaccakūpo apāruto duggandho hoti …pe…
pli-tv-kd15:35.3.8	“anujānāmi, bhikkhave, apidhānan”ti.
pli-tv-kd15:35.3.9	Ajjhokāse vaccaṁ karontā sītenapi uṇhenapi kilamanti …pe…
pli-tv-kd15:35.3.10	“anujānāmi, bhikkhave, vaccakuṭin”ti.
pli-tv-kd15:35.3.11	Vaccakuṭiyā kavāṭaṁ na hoti …pe…
pli-tv-kd15:35.3.12	“anujānāmi, bhikkhave, kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ ghaṭikaṁ tāḷacchiddaṁ āviñchanacchiddaṁ āviñchanarajjun”ti.
pli-tv-kd15:35.3.13	Vaccakuṭiyā tiṇacuṇṇaṁ paripatati …pe…
pli-tv-kd15:35.3.14	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd15:35.3.15	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvararajjun”ti.
pli-tv-kd15:35.3.16	Tena kho pana samayena aññataro bhikkhu jarādubbalo vaccaṁ katvā vuṭṭhahanto paripatati.
pli-tv-kd15:35.3.17	Bhagavato etamatthaṁ ārocesuṁ.
pli-tv-kd15:35.3.18	“Anujānāmi, bhikkhave, olambakan”ti.
pli-tv-kd15:35.3.19	Vaccakuṭi aparikkhittā hoti …pe…
pli-tv-kd15:35.3.20	“anujānāmi, bhikkhave, parikkhipituṁ tayo pākāre—
pli-tv-kd15:35.3.21	iṭṭhakāpākāraṁ, silāpākāraṁ, dārupākāran”ti.
pli-tv-kd15:35.4.1	Koṭṭhako na hoti …pe…
pli-tv-kd15:35.4.2	“ anujānāmi, bhikkhave, koṭṭhakan”ti.
pli-tv-kd15:35.4.3	Koṭṭhakassa kavāṭaṁ na hoti …pe…
pli-tv-kd15:35.4.4	“anujānāmi, bhikkhave, kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ ghaṭikaṁ tāḷacchiddaṁ āviñchanacchiddaṁ āviñchanarajjun”ti.
pli-tv-kd15:35.4.5	Koṭṭhake tiṇacuṇṇaṁ paripatati …pe…
pli-tv-kd15:35.4.6	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd15:35.4.7	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikan”ti.
pli-tv-kd15:35.4.8	Pariveṇaṁ cikkhallaṁ hoti …pe…
pli-tv-kd15:35.4.9	“anujānāmi, bhikkhave, marumbaṁ pakiritun”ti.
pli-tv-kd15:35.4.10	Na pariyāpuṇanti …pe…
pli-tv-kd15:35.4.11	“anujānāmi, bhikkhave, padarasilaṁ nikkhipitun”ti.
pli-tv-kd15:35.4.12	Udakaṁ santiṭṭhati …pe…
pli-tv-kd15:35.4.13	“anujānāmi, bhikkhave, udakaniddhamanan”ti.
pli-tv-kd15:35.4.14	Ācamanakumbhī na hoti …pe…
pli-tv-kd15:35.4.15	“anujānāmi, bhikkhave, ācamanakumbhin”ti.
pli-tv-kd15:35.4.16	Ācamanasarāvako na hoti …pe…
pli-tv-kd15:35.4.17	“anujānāmi, bhikkhave, ācamanasarāvakan”ti.
pli-tv-kd15:35.4.18	Dukkhaṁ nisinnā ācamenti …pe…
pli-tv-kd15:35.4.19	“anujānāmi, bhikkhave, ācamanapādukan”ti.
pli-tv-kd15:35.4.20	Ācamanapādukā pākaṭā honti, bhikkhū hiriyanti ācametuṁ …pe…
pli-tv-kd15:35.4.21	“anujānāmi, bhikkhave, parikkhipituṁ tayo pākāre—
pli-tv-kd15:35.4.22	iṭṭhakāpākāraṁ, silāpākāraṁ, dārupākāran”ti.
pli-tv-kd15:35.4.23	Ācamanakumbhī apārutā hoti, tiṇacuṇṇehipi paṁsukehipi okiriyyati …pe…
pli-tv-kd15:35.4.24	“anujānāmi, bhikkhave, apidhānan”ti.
pli-tv-kd15:36.1.0	
pli-tv-kd15:36.1.1	Tena kho pana samayena chabbaggiyā bhikkhū evarūpaṁ anācāraṁ ācaranti—
pli-tv-kd15:36.1.2	mālāvacchaṁ ropentipi ropāpentipi, siñcantipi siñcāpentipi, ocinantipi ocināpentipi, ganthentipi ganthāpentipi, ekatovaṇṭikamālaṁ karontipi kārāpentipi, ubhatovaṇṭikamālaṁ karontipi kārāpentipi, mañjarikaṁ karontipi kārāpentipi, vidhūtikaṁ karontipi kārāpentipi, vaṭaṁsakaṁ karontipi kārāpentipi, āveḷaṁ karontipi kārāpentipi, uracchadaṁ karontipi kārāpentipi.
pli-tv-kd15:36.1.3	Te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harantipi harāpentipi, ubhatovaṇṭikamālaṁ harantipi harāpentipi, mañjarikaṁ harantipi harāpentipi, vidhūtikaṁ harantipi harāpentipi, vaṭaṁsakaṁ harantipi harāpentipi, āveḷaṁ harantipi harāpentipi, uracchadaṁ harantipi harāpentipi.
pli-tv-kd15:36.1.4	Te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjanti, ekathālakepi pivanti, ekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti, vikālepi bhuñjanti, majjampi pivanti, mālāgandhavilepanampi dhārenti, naccantipi, gāyantipi, vādentipi, lāsentipi;
pli-tv-kd15:36.1.5	naccantiyāpi naccanti, naccantiyāpi gāyanti, naccantiyāpi vādenti, naccantiyāpi lāsenti …pe…
pli-tv-kd15:36.1.6	lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti;
pli-tv-kd15:36.1.7	aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi kīḷanti, salākahatthenapi kīḷanti, akkhenapi kīḷanti, paṅgacīrenapi kīḷanti, vaṅkakenapi kīḷanti, mokkhacikāyapi kīḷanti, ciṅgulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti;
pli-tv-kd15:36.1.8	hatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti;
pli-tv-kd15:36.1.9	tharusmimpi sikkhanti;
pli-tv-kd15:36.1.10	hatthissapi purato dhāvanti, assassapi purato dhāvanti, rathassapi purato dhāvantipi ādhāvantipi;
pli-tv-kd15:36.1.11	usseḷentipi, apphoṭentipi, nibbujjhantipi, muṭṭhīhipi yujjhanti;
pli-tv-kd15:36.1.12	raṅgamajjhepi saṅghāṭiṁ pattharitvā naccakiṁ evaṁ vadanti—
pli-tv-kd15:36.1.13	“idha, bhagini, naccassū”ti;
pli-tv-kd15:36.1.14	nalāṭikampi denti;
pli-tv-kd15:36.1.15	vividhampi anācāraṁ ācaranti.
pli-tv-kd15:36.1.16	Bhagavato etamatthaṁ ārocesuṁ …pe…
pli-tv-kd15:36.1.17	“na, bhikkhave, vividhaṁ anācāraṁ ācaritabbaṁ.
pli-tv-kd15:36.1.18	Yo ācareyya, yathādhammo kāretabbo”ti.
pli-tv-kd15:37.1.1	Tena kho pana samayena āyasmante uruvelakassape pabbajite saṅghassa bahuṁ lohabhaṇḍaṁ dārubhaṇḍaṁ mattikābhaṇḍaṁ uppannaṁ hoti.
pli-tv-kd15:37.1.2	Atha kho bhikkhūnaṁ etadahosi—
pli-tv-kd15:37.1.3	“kiṁ nu kho bhagavatā lohabhaṇḍaṁ anuññātaṁ, kiṁ ananuññātaṁ;
pli-tv-kd15:37.1.4	kiṁ dārubhaṇḍaṁ anuññātaṁ, kiṁ ananuññātaṁ;
pli-tv-kd15:37.1.5	kiṁ mattikābhaṇḍaṁ anuññātaṁ, kiṁ ananuññātan”ti?
pli-tv-kd15:37.1.6	Bhagavato etamatthaṁ ārocesuṁ.
pli-tv-kd15:37.1.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd15:37.1.8	“anujānāmi, bhikkhave, ṭhapetvā paharaṇiṁ sabbaṁ lohabhaṇḍaṁ, ṭhapetvā āsandiṁ pallaṅkaṁ dārupattaṁ dārupādukaṁ sabbaṁ dārubhaṇḍaṁ, ṭhapetvā katakañca kumbhakārikañca sabbaṁ mattikābhaṇḍan”ti.
pli-tv-kd15:37.1.9	Khuddakavatthukkhandhako pañcamo.
pli-tv-kd15:37.1.10	Tassuddānaṁ
pli-tv-kd15:37.1.11	Rukkhe thambhe ca kuṭṭe ca,
pli-tv-kd15:37.1.12	aṭṭāne gandhasuttiyā;
pli-tv-kd15:37.1.13	Vigayha mallako kacchu,
pli-tv-kd15:37.1.14	jarā ca puthupāṇikā.
pli-tv-kd15:37.1.15	Vallikāpi ca pāmaṅgo,
pli-tv-kd15:37.1.16	kaṇṭhasuttaṁ na dhāraye;
pli-tv-kd15:37.1.17	Kaṭi ovaṭṭi kāyuraṁ,
pli-tv-kd15:37.1.18	hatthābharaṇamuddikā.
pli-tv-kd15:37.1.19	Dīghe kocche phaṇe hatthe,
pli-tv-kd15:37.1.20	sitthā udakatelake;
pli-tv-kd15:37.1.21	Ādāsudapattavaṇā,
pli-tv-kd15:37.1.22	ālepommaddacuṇṇanā.
pli-tv-kd15:37.1.23	Lañchenti aṅgarāgañca,
pli-tv-kd15:37.1.24	mukharāgaṁ tadūbhayaṁ;
pli-tv-kd15:37.1.25	Cakkhurogaṁ giraggañca,
pli-tv-kd15:37.1.26	āyataṁ sarabāhiraṁ.
pli-tv-kd15:37.1.27	Ambapesisakalehi,
pli-tv-kd15:37.1.28	ahicchindi ca candanaṁ;
pli-tv-kd15:37.1.29	Uccāvacā pattamūlā,
pli-tv-kd15:37.1.30	suvaṇṇo bahalā valī.
pli-tv-kd15:37.1.31	Citrā dussati duggandho,
pli-tv-kd15:37.1.32	uṇhe bhijjiṁsu miḍḍhiyā;
pli-tv-kd15:37.1.33	Paribhaṇḍaṁ tiṇaṁ coḷaṁ,
pli-tv-kd15:37.1.34	mālaṁ kuṇḍolikāya ca.
pli-tv-kd15:37.1.35	Thavikā aṁsabaddhañca,
pli-tv-kd15:37.1.36	tathā bandhanasuttakā;
pli-tv-kd15:37.1.37	Khile mañce ca pīṭhe ca,
pli-tv-kd15:37.1.38	aṅke chatte paṇāmanā.
pli-tv-kd15:37.1.39	Tumbaghaṭichavasīsaṁ,
pli-tv-kd15:37.1.40	calakāni paṭiggaho;
pli-tv-kd15:37.1.41	Vipphālidaṇḍasovaṇṇaṁ,
pli-tv-kd15:37.1.42	patte pesi ca nāḷikā.
pli-tv-kd15:37.1.43	Kiṇṇasattu saritañca,
pli-tv-kd15:37.1.44	madhusitthaṁ sipāṭikaṁ;
pli-tv-kd15:37.1.45	Vikaṇṇaṁ bandhivisamaṁ,
pli-tv-kd15:37.1.46	chamājirapahoti ca.
pli-tv-kd15:37.1.47	Kaḷimbhaṁ moghasuttañca,
pli-tv-kd15:37.1.48	adhotallaṁ upāhanā;
pli-tv-kd15:37.1.49	Aṅgule paṭiggahañca,
pli-tv-kd15:37.1.50	vitthakaṁ thavikabaddhakā.
pli-tv-kd15:37.1.51	Ajjhokāse nīcavatthu,
pli-tv-kd15:37.1.52	cayo cāpi vihaññare;
pli-tv-kd15:37.1.53	Paripati tiṇacuṇṇaṁ,
pli-tv-kd15:37.1.54	ullittaavalittakaṁ.
pli-tv-kd15:37.1.55	Setaṁ kāḷakavaṇṇañca,
pli-tv-kd15:37.1.56	parikammañca gerukaṁ;
pli-tv-kd15:37.1.57	Mālākammaṁ latākammaṁ,
pli-tv-kd15:37.1.58	makaradantakapāṭikaṁ.
pli-tv-kd15:37.1.59	Cīvaravaṁsaṁ rajjuñca,
pli-tv-kd15:37.1.60	anuññāsi vināyako;
pli-tv-kd15:37.1.61	Ujjhitvā pakkamanti ca,
pli-tv-kd15:37.1.62	kathinaṁ paribhijjati.
pli-tv-kd15:37.1.63	Viniveṭhiyati kuṭṭepi,
pli-tv-kd15:37.1.64	pattenādāya gacchare;
pli-tv-kd15:37.1.65	Thavikā bandhasuttañca,
pli-tv-kd15:37.1.66	bandhitvā ca upāhanā.
pli-tv-kd15:37.1.67	Upāhanatthavikañca,
pli-tv-kd15:37.1.68	aṁsabaddhañca suttakaṁ;
pli-tv-kd15:37.1.69	Udakākappiyaṁ magge,
pli-tv-kd15:37.1.70	parissāvanacoḷakaṁ.
pli-tv-kd15:37.1.71	Dhammakaraṇaṁ dve bhikkhū,
pli-tv-kd15:37.1.72	vesāliṁ agamā muni;
pli-tv-kd15:37.1.73	Daṇḍaṁ ottharakaṁ tattha,
pli-tv-kd15:37.1.74	anuññāsi parissāvanaṁ.
pli-tv-kd15:37.1.75	Makasehi paṇītena,
pli-tv-kd15:37.1.76	bahvābādhā ca jīvako;
pli-tv-kd15:37.1.77	Caṅkamanajantāgharaṁ,
pli-tv-kd15:37.1.78	visame nīcavatthuko.
pli-tv-kd15:37.1.79	Tayo caye vihaññanti,
pli-tv-kd15:37.1.80	sopānālambavedikaṁ;
pli-tv-kd15:37.1.81	Ajjhokāse tiṇacuṇṇaṁ,
pli-tv-kd15:37.1.82	ullittaavalittakaṁ.
pli-tv-kd15:37.1.83	Setakaṁ kāḷavaṇṇañca,
pli-tv-kd15:37.1.84	parikammañca gerukaṁ;
pli-tv-kd15:37.1.85	Mālākammaṁ latākammaṁ,
pli-tv-kd15:37.1.86	makaradantakapāṭikaṁ.
pli-tv-kd15:37.1.87	Vaṁsaṁ cīvararajjuñca,
pli-tv-kd15:37.1.88	uccañca vatthukaṁ kare;
pli-tv-kd15:37.1.89	Cayo sopānabāhañca,
pli-tv-kd15:37.1.90	kavāṭaṁ piṭṭhasaṅghāṭaṁ.
pli-tv-kd15:37.1.91	Udukkhaluttarapāsakaṁ,
pli-tv-kd15:37.1.92	vaṭṭiñca kapisīsakaṁ;
pli-tv-kd15:37.1.93	Sūcighaṭitāḷacchiddaṁ,
pli-tv-kd15:37.1.94	āviñchanañca rajjukaṁ.
pli-tv-kd15:37.1.95	Maṇḍalaṁ dhūmanettañca,
pli-tv-kd15:37.1.96	majjhe ca mukhamattikā;
pli-tv-kd15:37.1.97	Doṇi duggandhā dahati,
pli-tv-kd15:37.1.98	udakaṭṭhānaṁ sarāvakaṁ.
pli-tv-kd15:37.1.99	Na sedeti ca cikkhallaṁ,
pli-tv-kd15:37.1.100	dhovi niddhamanaṁ kare;
pli-tv-kd15:37.1.101	Pīṭhañca koṭṭhake kammaṁ,
pli-tv-kd15:37.1.102	marumbā silā niddhamanaṁ.
pli-tv-kd15:37.1.103	Naggā chamāya vassante,
pli-tv-kd15:37.1.104	paṭicchādī tayo tahiṁ;
pli-tv-kd15:37.1.105	Udapānaṁ lujjati nīcaṁ,
pli-tv-kd15:37.1.106	valliyā kāyabandhane.
pli-tv-kd15:37.1.107	Tulaṁ kaṭakaṭaṁ cakkaṁ,
pli-tv-kd15:37.1.108	bahū bhijjanti bhājanā;
pli-tv-kd15:37.1.109	Lohadārucammakhaṇḍaṁ,
pli-tv-kd15:37.1.110	sālātiṇāpidhāni ca.
pli-tv-kd15:37.1.111	Doṇicandani pākāraṁ,
pli-tv-kd15:37.1.112	cikkhallaṁ niddhamanena ca;
pli-tv-kd15:37.1.113	Sītigataṁ pokkharaṇiṁ,
pli-tv-kd15:37.1.114	purāṇañca nillekhaṇaṁ.
pli-tv-kd15:37.1.115	Cātumāsaṁ sayanti ca,
pli-tv-kd15:37.1.116	namatakañca nadhiṭṭhahe;
pli-tv-kd15:37.1.117	Āsittakaṁ maḷorikaṁ,
pli-tv-kd15:37.1.118	bhuñjantekaṁ tuvaṭṭeyyuṁ.
pli-tv-kd15:37.1.119	Vaḍḍho bodhi na akkami,
pli-tv-kd15:37.1.120	ghaṭaṁ katakasammajjani;
pli-tv-kd15:37.1.121	Sakkharaṁ kathalañceva,
pli-tv-kd15:37.1.122	pheṇakaṁ pādaghaṁsanī.
pli-tv-kd15:37.1.123	Vidhūpanaṁ tālavaṇṭaṁ,
pli-tv-kd15:37.1.124	makasañcāpi cāmarī;
pli-tv-kd15:37.1.125	Chattaṁ vinā ca ārāme,
pli-tv-kd15:37.1.126	tayo sikkāya sammuti.
pli-tv-kd15:37.1.127	Romasitthā nakhā dīghā,
pli-tv-kd15:37.1.128	chindantaṅgulikā dukkhā;
pli-tv-kd15:37.1.129	Salohitaṁ pamāṇañca,
pli-tv-kd15:37.1.130	vīsati dīghakesatā.
pli-tv-kd15:37.1.131	Khuraṁ silaṁ sipāṭikaṁ,
pli-tv-kd15:37.1.132	namatakaṁ khurabhaṇḍakaṁ;
pli-tv-kd15:37.1.133	Massuṁ kappenti vaḍḍhenti,
pli-tv-kd15:37.1.134	golomicaturassakaṁ.
pli-tv-kd15:37.1.135	Parimukhaṁ aḍḍhadukañca,
pli-tv-kd15:37.1.136	dāṭhisambādhasaṁhare;
pli-tv-kd15:37.1.137	Ābādhā kattarivaṇo,
pli-tv-kd15:37.1.138	dīghaṁ sakkharikāya ca.
pli-tv-kd15:37.1.139	Palitaṁ thakitaṁ uccā,
pli-tv-kd15:37.1.140	lohabhaṇḍañjanī saha;
pli-tv-kd15:37.1.141	Pallatthikañca āyogo,
pli-tv-kd15:37.1.142	vaṭaṁ salākabandhanaṁ.
pli-tv-kd15:37.1.143	Kalābukaṁ deḍḍubhakaṁ,
pli-tv-kd15:37.1.144	murajaṁ maddavīṇakaṁ;
pli-tv-kd15:37.1.145	Paṭṭikā sūkarantañca,
pli-tv-kd15:37.1.146	dasā murajaveṇikā;
pli-tv-kd15:37.1.147	Anto sobhaṁ guṇakañca,
pli-tv-kd15:37.1.148	pavanantopi jīrati.
pli-tv-kd15:37.1.149	Gaṇṭhikā uccāvacañca,
pli-tv-kd15:37.1.150	phalakantepi ogāhe;
pli-tv-kd15:37.1.151	Gihivatthaṁ hatthisoṇḍaṁ,
pli-tv-kd15:37.1.152	macchakaṁ catukaṇṇakaṁ.
pli-tv-kd15:37.1.153	Tālavaṇṭaṁ satavali,
pli-tv-kd15:37.1.154	gihipārutapārupaṁ;
pli-tv-kd15:37.1.155	Saṁvelli ubhatokājaṁ,
pli-tv-kd15:37.1.156	dantakaṭṭhaṁ ākoṭane.
pli-tv-kd15:37.1.157	Kaṇṭhe vilaggaṁ dāyañca,
pli-tv-kd15:37.1.158	paṭaggi rukkhahatthinā;
pli-tv-kd15:37.1.159	Yameḷe lokāyatakaṁ,
pli-tv-kd15:37.1.160	pariyāpuṇiṁsu vācayuṁ.
pli-tv-kd15:37.1.161	Tiracchānakathā vijjā,
pli-tv-kd15:37.1.162	khipi maṅgalaṁ khādi ca;
pli-tv-kd15:37.1.163	Vātābādho dussati ca,
pli-tv-kd15:37.1.164	duggandho dukkhapādukā.
pli-tv-kd15:37.1.165	Hiriyanti pāruduggandho,
pli-tv-kd15:37.1.166	tahaṁ tahaṁ karonti ca;
pli-tv-kd15:37.1.167	Duggandho kūpaṁ lujjanti,
pli-tv-kd15:37.1.168	uccavatthu cayena ca.
pli-tv-kd15:37.1.169	Sopānālambanabāhā,
pli-tv-kd15:37.1.170	ante dukkhañca pādukā;
pli-tv-kd15:37.1.171	Bahiddhā doṇi kaṭṭhañca,
pli-tv-kd15:37.1.172	piṭharo ca apāruto.
pli-tv-kd15:37.1.173	Vaccakuṭiṁ kavāṭañca,
pli-tv-kd15:37.1.174	piṭṭhasaṅghāṭameva ca;
pli-tv-kd15:37.1.175	Udukkhaluttarapāso,
pli-tv-kd15:37.1.176	vaṭṭiñca kapisīsakaṁ.
pli-tv-kd15:37.1.177	Sūcighaṭitāḷacchiddaṁ,
pli-tv-kd15:37.1.178	āviñchanacchiddameva ca;
pli-tv-kd15:37.1.179	Rajju ullittāvalittaṁ,
pli-tv-kd15:37.1.180	setavaṇṇañca kāḷakaṁ.
pli-tv-kd15:37.1.181	Mālākammaṁ latākammaṁ,
pli-tv-kd15:37.1.182	makaraṁ pañcapaṭikaṁ;
pli-tv-kd15:37.1.183	Cīvaravaṁsaṁ rajjuñca,
pli-tv-kd15:37.1.184	jarādubbalapākāraṁ.
pli-tv-kd15:37.1.185	Koṭṭhake cāpi tatheva,
pli-tv-kd15:37.1.186	marumbaṁ padarasilā;
pli-tv-kd15:37.1.187	Santiṭṭhati niddhamanaṁ,
pli-tv-kd15:37.1.188	kumbhiñcāpi sarāvakaṁ.
pli-tv-kd15:37.1.189	Dukkhaṁ hiri apidhānaṁ,
pli-tv-kd15:37.1.190	anācārañca ācaruṁ;
pli-tv-kd15:37.1.191	Lohabhaṇḍaṁ anuññāsi,
pli-tv-kd15:37.1.192	ṭhapayitvā paharaṇiṁ.
pli-tv-kd15:37.1.193	Ṭhapayitvāsandipallaṅkaṁ,
pli-tv-kd15:37.1.194	dārupattañca pādukaṁ;
pli-tv-kd15:37.1.195	Sabbaṁ dārumayaṁ bhaṇḍaṁ,
pli-tv-kd15:37.1.196	anuññāsi mahāmuni.
pli-tv-kd15:37.1.197	Katakaṁ kumbhakārañca,
pli-tv-kd15:37.1.198	ṭhapayitvā tathāgato;
pli-tv-kd15:37.1.199	Sabbampi mattikābhaṇḍaṁ,
pli-tv-kd15:37.1.200	anuññāsi anukampako.
pli-tv-kd15:37.1.201	Yassa vatthussa niddeso,
pli-tv-kd15:37.1.202	purimena yadi samaṁ;
pli-tv-kd15:37.1.203	Tampi saṅkhittaṁ uddāne,
pli-tv-kd15:37.1.204	nayato taṁ vijāniyā.
pli-tv-kd15:37.1.205	Evaṁ dasasatā vatthū,
pli-tv-kd15:37.1.206	vinaye khuddakavatthuke;
pli-tv-kd15:37.1.207	Saddhammaṭṭhitiko ceva,
pli-tv-kd15:37.1.208	pesalānañcanuggaho.
pli-tv-kd15:37.1.209	Susikkhito vinayadharo,
pli-tv-kd15:37.1.210	hitacitto supesalo;
pli-tv-kd15:37.1.211	Padīpakaraṇo dhīro,
pli-tv-kd15:37.1.212	pūjāraho bahussutoti.
pli-tv-kd15:37.1.213	Khuddakavatthukkhandhako niṭṭhito.
pli-tv-kd16:0.1	Theravāda Vinayapiṭaka
pli-tv-kd16:0.2	Cūḷavagga
pli-tv-kd16:0.3	16. Senāsanakkhandhaka
pli-tv-kd16:0.4	
pli-tv-kd16:0.5	1.1. Vihārānujānana
pli-tv-kd16:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-kd16:1.1.2	Tena kho pana samayena bhagavatā bhikkhūnaṁ senāsanaṁ apaññattaṁ hoti.
pli-tv-kd16:1.1.3	Te ca bhikkhū tahaṁ tahaṁ viharanti—
pli-tv-kd16:1.1.4	araññe, rukkhamūle, pabbate, kandarāyaṁ, giriguhāyaṁ, susāne, vanapatthe, ajjhokāse, palālapuñje.
pli-tv-kd16:1.1.5	Te kālasseva tato tato upanikkhamanti—
pli-tv-kd16:1.1.6	araññā rukkhamūlā pabbatā kandarā giriguhā susānā vanapatthā ajjhokāsā palālapuñjā, pāsādikena abhikkantena paṭikkantena, ālokitena vilokitena, samiñjitena pasāritena, okkhittacakkhū, iriyāpathasampannā.
pli-tv-kd16:1.2.1	Tena kho pana samayena rājagahako seṭṭhī kālasseva uyyānaṁ agamāsi.
pli-tv-kd16:1.2.2	Addasā kho rājagahako seṭṭhī te bhikkhū kālasseva tato tato upanikkhamante—
pli-tv-kd16:1.2.3	araññā rukkhamūlā pabbatā kandarā giriguhā susānā vanapatthā ajjhokāsā palālapuñjā, pāsādikena abhikkantena paṭikkantena, ālokitena vilokitena, samiñjitena pasāritena, okkhittacakkhū, iriyāpathasampanne.
pli-tv-kd16:1.2.4	Disvānassa cittaṁ pasīdi.
pli-tv-kd16:1.2.5	Atha kho rājagahako seṭṭhī yena te bhikkhū tenupasaṅkami, upasaṅkamitvā te bhikkhū etadavoca—
pli-tv-kd16:1.2.6	“sacāhaṁ, bhante, vihāre kārāpeyyaṁ, vaseyyātha me vihāresū”ti?
pli-tv-kd16:1.2.7	“Na kho, gahapati, bhagavatā vihārā anuññātā”ti.
pli-tv-kd16:1.2.8	“Tena hi, bhante, bhagavantaṁ paṭipucchitvā mama āroceyyāthā”ti.
pli-tv-kd16:1.2.9	“Evaṁ, gahapatī”ti
pli-tv-kd16:1.2.10	kho te bhikkhū rājagahakassa seṭṭhissa paṭissutvā yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd16:1.2.11	Ekamantaṁ nisinnā kho te bhikkhū bhagavantaṁ etadavocuṁ—
pli-tv-kd16:1.2.12	“rājagahako, bhante, seṭṭhī vihāre kārāpetukāmo.
pli-tv-kd16:1.2.13	Kathaṁ nu kho, bhante, amhehi paṭipajjitabban”ti?
pli-tv-kd16:1.2.14	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd16:1.2.15	“anujānāmi, bhikkhave, pañca leṇāni—
pli-tv-kd16:1.2.16	vihāraṁ, aḍḍhayogaṁ, pāsādaṁ, hammiyaṁ, guhan”ti.
pli-tv-kd16:1.3.1	Atha kho te bhikkhū yena rājagahako seṭṭhī tenupasaṅkamiṁsu, upasaṅkamitvā rājagahakaṁ seṭṭhiṁ etadavocuṁ—
pli-tv-kd16:1.3.2	“anuññātā kho, gahapati, bhagavatā vihārā;
pli-tv-kd16:1.3.3	yassadāni kālaṁ maññasī”ti.
pli-tv-kd16:1.3.4	Atha kho rājagahako seṭṭhī ekāheneva saṭṭhivihāre patiṭṭhāpesi.
pli-tv-kd16:1.3.5	Atha kho rājagahako seṭṭhī te saṭṭhivihāre pariyosāpetvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd16:1.3.6	Ekamantaṁ nisinno kho rājagahako seṭṭhī bhagavantaṁ etadavoca—
pli-tv-kd16:1.3.7	“adhivāsetu me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd16:1.3.8	Adhivāsesi bhagavā tuṇhībhāvena.
pli-tv-kd16:1.3.9	Atha kho rājagahako seṭṭhī bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd16:1.4.1	Atha kho rājagahako seṭṭhī tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—
pli-tv-kd16:1.4.2	“kālo, bhante, niṭṭhitaṁ bhattan”ti.
pli-tv-kd16:1.4.3	Atha kho bhagavā pubbaṇhasamayaṁ nivāsetvā pattacīvaramādāya yena rājagahakassa seṭṭhissa nivesanaṁ tenupasaṅkami, upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd16:1.4.4	Atha kho rājagahako seṭṭhī buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā, bhagavantaṁ bhuttāviṁ onītapattapāṇiṁ, ekamantaṁ nisīdi.
pli-tv-kd16:1.4.5	Ekamantaṁ nisinno kho rājagahako seṭṭhī bhagavantaṁ etadavoca—
pli-tv-kd16:1.4.6	“ete me, bhante, saṭṭhivihārā puññatthikena saggatthikena kārāpitā.
pli-tv-kd16:1.4.7	Kathāhaṁ, bhante, tesu vihāresu paṭipajjāmī”ti?
pli-tv-kd16:1.4.8	“Tena hi tvaṁ, gahapati, te saṭṭhivihāre āgatānāgatassa cātuddisassa saṅghassa patiṭṭhāpehī”ti.
pli-tv-kd16:1.4.9	“Evaṁ, bhante”ti kho rājagahako seṭṭhī bhagavato paṭissutvā te saṭṭhivihāre āgatānāgatassa cātuddisassa saṅghassa patiṭṭhāpesi.
pli-tv-kd16:1.5.1	Atha kho bhagavā rājagahakaṁ seṭṭhiṁ imāhi gāthāhi anumodi—
pli-tv-kd16:1.5.2	“Sītaṁ uṇhaṁ paṭihanti,
pli-tv-kd16:1.5.3	tato vāḷamigāni ca;
pli-tv-kd16:1.5.4	Sarīsape ca makase,
pli-tv-kd16:1.5.5	sisire cāpi vuṭṭhiyo.
pli-tv-kd16:1.5.6	Tato vātātapo ghoro,
pli-tv-kd16:1.5.7	sañjāto paṭihaññati;
pli-tv-kd16:1.5.8	Leṇatthañca sukhatthañca,
pli-tv-kd16:1.5.9	jhāyituñca vipassituṁ.
pli-tv-kd16:1.5.10	Vihāradānaṁ saṅghassa,
pli-tv-kd16:1.5.11	Aggaṁ buddhena vaṇṇitaṁ;
pli-tv-kd16:1.5.12	Tasmā hi paṇḍito poso,
pli-tv-kd16:1.5.13	Sampassaṁ atthamattano.
pli-tv-kd16:1.5.14	Vihāre kāraye ramme,
pli-tv-kd16:1.5.15	vāsayettha bahussute;
pli-tv-kd16:1.5.16	Tesaṁ annañca pānañca,
pli-tv-kd16:1.5.17	vatthasenāsanāni ca.
pli-tv-kd16:1.5.18	Dadeyya ujubhūtesu,
pli-tv-kd16:1.5.19	Vippasannena cetasā;
pli-tv-kd16:1.5.20	Te tassa dhammaṁ desenti,
pli-tv-kd16:1.5.21	Sabbadukkhāpanūdanaṁ;
pli-tv-kd16:1.5.22	Yaṁ so dhammaṁ idhaññāya,
pli-tv-kd16:1.5.23	Parinibbāti anāsavo”ti.
pli-tv-kd16:1.5.24	Atha kho bhagavā rājagahakaṁ seṭṭhiṁ imāhi gāthāhi anumoditvā uṭṭhāyāsanā pakkāmi.
pli-tv-kd16:2.1.1	Assosuṁ kho manussā—
pli-tv-kd16:2.1.2	“bhagavatā kira vihārā anuññātā”ti sakkaccaṁ vihāre kārāpenti.
pli-tv-kd16:2.1.3	Te vihārā akavāṭakā honti;
pli-tv-kd16:2.1.4	ahīpi vicchikāpi satapadiyopi pavisanti.
pli-tv-kd16:2.1.5	Bhagavato etamatthaṁ ārocesuṁ.
pli-tv-kd16:2.1.6	“Anujānāmi, bhikkhave, kavāṭan”ti.
pli-tv-kd16:2.1.7	Bhittichiddaṁ karitvā valliyāpi rajjuyāpi kavāṭaṁ bandhanti.
pli-tv-kd16:2.1.8	Undūrehipi upacikāhipi khajjanti.
pli-tv-kd16:2.1.9	Khayitabandhanāni kavāṭāni patanti.
pli-tv-kd16:2.1.10	Bhagavato etamatthaṁ ārocesuṁ.
pli-tv-kd16:2.1.11	“Anujānāmi, bhikkhave, piṭṭhasaṅghāṭaṁ udukkhalikaṁ uttarapāsakan”ti.
pli-tv-kd16:2.1.12	Kavāṭā na phusīyanti.
pli-tv-kd16:2.1.13	Bhagavato etamatthaṁ ārocesuṁ.
pli-tv-kd16:2.1.14	“Anujānāmi, bhikkhave, āviñchanacchiddaṁ āviñchanarajjun”ti.
pli-tv-kd16:2.1.15	Kavāṭā na thakiyanti.
pli-tv-kd16:2.1.16	Bhagavato etamatthaṁ ārocesuṁ.
pli-tv-kd16:2.1.17	“Anujānāmi, bhikkhave, aggaḷavaṭṭiṁ kapisīsakaṁ sūcikaṁ ghaṭikan”ti.
pli-tv-kd16:2.1.18	Tena kho pana samayena bhikkhū na sakkonti kavāṭaṁ apāpurituṁ.
pli-tv-kd16:2.1.19	Bhagavato etamatthaṁ ārocesuṁ.
pli-tv-kd16:2.1.20	“Anujānāmi, bhikkhave, tāḷacchiddaṁ.
pli-tv-kd16:2.1.21	Tīṇi tāḷāni—
pli-tv-kd16:2.1.22	lohatāḷaṁ, kaṭṭhatāḷaṁ, visāṇatāḷan”ti.
pli-tv-kd16:2.1.23	Yehi te ugghāṭetvā pavisanti, vihārā aguttā honti.
pli-tv-kd16:2.1.24	Bhagavato etamatthaṁ ārocesuṁ.
pli-tv-kd16:2.1.25	“Anujānāmi, bhikkhave, yantakaṁ sūcikan”ti.
pli-tv-kd16:2.2.1	Tena kho pana samayena vihārā tiṇacchadanā honti;
pli-tv-kd16:2.2.2	sītakāle sītā, uṇhakāle uṇhā.
pli-tv-kd16:2.2.3	Bhagavato etamatthaṁ ārocesuṁ.
pli-tv-kd16:2.2.4	“Anujānāmi, bhikkhave, ogumphetvā ullittāvalittaṁ kātun”ti.
pli-tv-kd16:2.2.5	Tena kho pana samayena vihārā avātapānakā honti acakkhussā duggandhā.
pli-tv-kd16:2.2.6	Bhagavato etamatthaṁ ārocesuṁ.
pli-tv-kd16:2.2.7	“Anujānāmi, bhikkhave, tīṇi vātapānāni—
pli-tv-kd16:2.2.8	vedikāvātapānaṁ, jālavātapānaṁ, salākavātapānan”ti.
pli-tv-kd16:2.2.9	Vātapānantarikāya kāḷakāpi vagguliyopi pavisanti.
pli-tv-kd16:2.2.10	Bhagavato etamatthaṁ ārocesuṁ.
pli-tv-kd16:2.2.11	“Anujānāmi, bhikkhave, vātapānacakkalikan”ti.
pli-tv-kd16:2.2.12	Cakkalikantarikāyapi kāḷakāpi vagguliyopi pavisanti.
pli-tv-kd16:2.2.13	Bhagavato etamatthaṁ ārocesuṁ.
pli-tv-kd16:2.2.14	“Anujānāmi, bhikkhave, vātapānakavāṭakaṁ vātapānabhisikan”ti.
pli-tv-kd16:2.3.1	Tena kho pana samayena bhikkhū chamāyaṁ sayanti.
pli-tv-kd16:2.3.2	Gattānipi cīvarānipi paṁsukitāni honti.
pli-tv-kd16:2.3.3	Bhagavato etamatthaṁ ārocesuṁ.
pli-tv-kd16:2.3.4	“Anujānāmi, bhikkhave, tiṇasanthārakan”ti.
pli-tv-kd16:2.3.5	Tiṇasanthārako undūrehipi upacikāhipi khajjati.
pli-tv-kd16:2.3.6	Bhagavato etamatthaṁ ārocesuṁ.
pli-tv-kd16:2.3.7	“Anujānāmi, bhikkhave, miḍḍhin”ti.
pli-tv-kd16:2.3.8	Miḍḍhiyā gattāni dukkhā honti.
pli-tv-kd16:2.3.9	Bhagavato etamatthaṁ ārocesuṁ.
pli-tv-kd16:2.3.10	“Anujānāmi, bhikkhave, bidalamañcakan”ti.
pli-tv-kd16:2.3.11.0	1.2. Mañcapīṭhādianujānana
pli-tv-kd16:2.3.11.1	Tena kho pana samayena saṅghassa sosāniko masārako mañco uppanno hoti.
pli-tv-kd16:2.3.12	Bhagavato etamatthaṁ ārocesuṁ.
pli-tv-kd16:2.3.13	“Anujānāmi, bhikkhave, masārakaṁ mañcan”ti.
pli-tv-kd16:2.3.14	Masārakaṁ pīṭhaṁ uppannaṁ hoti.
pli-tv-kd16:2.3.15	Bhagavato etamatthaṁ ārocesuṁ.
pli-tv-kd16:2.3.16	“Anujānāmi, bhikkhave, masārakaṁ pīṭhan”ti.
pli-tv-kd16:2.3.17	Tena kho pana samayena saṅghassa sosāniko bundikābaddho mañco uppanno hoti.
pli-tv-kd16:2.3.18	Bhagavato etamatthaṁ ārocesuṁ.
pli-tv-kd16:2.3.19	“Anujānāmi, bhikkhave, bundikābaddhaṁ mañcan”ti.
pli-tv-kd16:2.3.20	Bundikābaddhaṁ pīṭhaṁ uppannaṁ hoti.
pli-tv-kd16:2.3.21	Bhagavato etamatthaṁ ārocesuṁ.
pli-tv-kd16:2.3.22	“Anujānāmi, bhikkhave, bundikābaddhaṁ pīṭhan”ti.
pli-tv-kd16:2.3.23	Tena kho pana samayena saṅghassa sosāniko kuḷīrapādako mañco uppanno hoti.
pli-tv-kd16:2.3.24	Bhagavato etamatthaṁ ārocesuṁ.
pli-tv-kd16:2.3.25	“Anujānāmi, bhikkhave, kuḷīrapādakaṁ mañcan”ti.
pli-tv-kd16:2.3.26	Kuḷīrapādakaṁ pīṭhaṁ uppannaṁ hoti.
pli-tv-kd16:2.3.27	Bhagavato etamatthaṁ ārocesuṁ.
pli-tv-kd16:2.3.28	“Anujānāmi, bhikkhave, kuḷīrapādakaṁ pīṭhan”ti.
pli-tv-kd16:2.3.29	Tena kho pana samayena saṅghassa sosāniko āhaccapādako mañco uppanno hoti.
pli-tv-kd16:2.3.30	Bhagavato etamatthaṁ ārocesuṁ.
pli-tv-kd16:2.3.31	“Anujānāmi, bhikkhave, āhaccapādakaṁ mañcan”ti.
pli-tv-kd16:2.3.32	Āhaccapādakaṁ pīṭhaṁ uppannaṁ hoti.
pli-tv-kd16:2.3.33	Bhagavato etamatthaṁ ārocesuṁ.
pli-tv-kd16:2.3.34	“Anujānāmi, bhikkhave, āhaccapādakaṁ pīṭhan”ti.
pli-tv-kd16:2.4.1	Tena kho pana samayena saṅghassa āsandiko uppanno hoti.
pli-tv-kd16:2.4.2	Bhagavato etamatthaṁ ārocesuṁ.
pli-tv-kd16:2.4.3	“Anujānāmi, bhikkhave, āsandikan”ti.
pli-tv-kd16:2.4.4	Uccako āsandiko uppanno hoti.
pli-tv-kd16:2.4.5	Bhagavato etamatthaṁ ārocesuṁ.
pli-tv-kd16:2.4.6	“Anujānāmi, bhikkhave, uccakampi āsandikan”ti.
pli-tv-kd16:2.4.7	Sattaṅgo uppanno hoti.
pli-tv-kd16:2.4.8	Bhagavato etamatthaṁ ārocesuṁ.
pli-tv-kd16:2.4.9	“Anujānāmi, bhikkhave, sattaṅgan”ti.
pli-tv-kd16:2.4.10	Uccako sattaṅgo uppanno hoti.
pli-tv-kd16:2.4.11	Bhagavato etamatthaṁ ārocesuṁ.
pli-tv-kd16:2.4.12	“Anujānāmi, bhikkhave, uccakampi sattaṅgan”ti.
pli-tv-kd16:2.4.13	Bhaddapīṭhaṁ uppannaṁ hoti.
pli-tv-kd16:2.4.14	Bhagavato etamatthaṁ ārocesuṁ.
pli-tv-kd16:2.4.15	“Anujānāmi, bhikkhave, bhaddapīṭhan”ti.
pli-tv-kd16:2.4.16	Pīṭhikā uppannā hoti.
pli-tv-kd16:2.4.17	Bhagavato etamatthaṁ ārocesuṁ.
pli-tv-kd16:2.4.18	“Anujānāmi, bhikkhave, pīṭhikan”ti.
pli-tv-kd16:2.4.19	Eḷakapādakaṁ pīṭhaṁ uppannaṁ hoti.
pli-tv-kd16:2.4.20	Bhagavato etamatthaṁ ārocesuṁ.
pli-tv-kd16:2.4.21	“Anujānāmi, bhikkhave, eḷakapādakaṁ pīṭhan”ti.
pli-tv-kd16:2.4.22	Āmalakavaṭṭikaṁ pīṭhaṁ uppannaṁ hoti.
pli-tv-kd16:2.4.23	Bhagavato etamatthaṁ ārocesuṁ.
pli-tv-kd16:2.4.24	“Anujānāmi, bhikkhave, āmalakavaṭṭikaṁ pīṭhan”ti.
pli-tv-kd16:2.4.25	Phalakaṁ uppannaṁ hoti.
pli-tv-kd16:2.4.26	Bhagavato etamatthaṁ ārocesuṁ.
pli-tv-kd16:2.4.27	“Anujānāmi, bhikkhave, phalakan”ti.
pli-tv-kd16:2.4.28	Kocchaṁ uppannaṁ hoti.
pli-tv-kd16:2.4.29	Bhagavato etamatthaṁ ārocesuṁ.
pli-tv-kd16:2.4.30	“Anujānāmi, bhikkhave, kocchan”ti.
pli-tv-kd16:2.4.31	Palālapīṭhaṁ uppannaṁ hoti.
pli-tv-kd16:2.4.32	Bhagavato etamatthaṁ ārocesuṁ.
pli-tv-kd16:2.4.33	“Anujānāmi, bhikkhave, palālapīṭhan”ti.
pli-tv-kd16:2.5.1	Tena kho pana samayena chabbaggiyā bhikkhū ucce mañce sayanti.
pli-tv-kd16:2.5.2	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd16:2.5.3	“seyyathāpi gihī kāmabhogino”ti.
pli-tv-kd16:2.5.4	Bhagavato etamatthaṁ ārocesuṁ.
pli-tv-kd16:2.5.5	“Na, bhikkhave, ucce mañce sayitabbaṁ.
pli-tv-kd16:2.5.6	Yo sayeyya, āpatti dukkaṭassā”ti.
pli-tv-kd16:2.5.7	Tena kho pana samayena aññataro bhikkhu nīce mañce sayanto ahinā daṭṭho hoti.
pli-tv-kd16:2.5.8	Bhagavato etamatthaṁ ārocesuṁ.
pli-tv-kd16:2.5.9	“Anujānāmi, bhikkhave, mañcapaṭipādakan”ti.
pli-tv-kd16:2.5.10	Tena kho pana samayena chabbaggiyā bhikkhū ucce mañcapaṭipādake dhārenti, saha mañcapaṭipādakehi pavedhenti.
pli-tv-kd16:2.5.11	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd16:2.5.12	“seyyathāpi gihī kāmabhogino”ti.
pli-tv-kd16:2.5.13	Bhagavato etamatthaṁ ārocesuṁ.
pli-tv-kd16:2.5.14	“Na, bhikkhave, uccā mañcapaṭipādakā dhāretabbā.
pli-tv-kd16:2.5.15	Yo dhāreyya, āpatti dukkaṭassa.
pli-tv-kd16:2.5.16	Anujānāmi, bhikkhave, aṭṭhaṅgulaparamaṁ mañcapaṭipādakan”ti.
pli-tv-kd16:2.6.1	Tena kho pana samayena saṅghassa suttaṁ uppannaṁ hoti.
pli-tv-kd16:2.6.2	Bhagavato etamatthaṁ ārocesuṁ.
pli-tv-kd16:2.6.3	“Anujānāmi, bhikkhave, suttaṁ mañcaṁ veṭhetun”ti.
pli-tv-kd16:2.6.4	Aṅgāni bahusuttaṁ pariyādiyanti.
pli-tv-kd16:2.6.5	Bhagavato etamatthaṁ ārocesuṁ.
pli-tv-kd16:2.6.6	“Anujānāmi, bhikkhave, aṅge vijjhitvā aṭṭhapadakaṁ veṭhetun”ti.
pli-tv-kd16:2.6.7	Coḷakaṁ uppannaṁ hoti.
pli-tv-kd16:2.6.8	Bhagavato etamatthaṁ ārocesuṁ.
pli-tv-kd16:2.6.9	“Anujānāmi, bhikkhave, cimilikaṁ kātun”ti.
pli-tv-kd16:2.6.10	Tūlikā uppannā hoti.
pli-tv-kd16:2.6.11	Bhagavato etamatthaṁ ārocesuṁ.
pli-tv-kd16:2.6.12	“Anujānāmi, bhikkhave, vijaṭetvā bibbohanaṁ kātuṁ.
pli-tv-kd16:2.6.13	Tīṇi tūlāni—
pli-tv-kd16:2.6.14	rukkhatūlaṁ, latātūlaṁ, poṭakitūlan”ti.
pli-tv-kd16:2.6.15	Tena kho pana samayena chabbaggiyā bhikkhū addhakāyikāni bibbohanāni dhārenti.
pli-tv-kd16:2.6.16	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd16:2.6.17	“seyyathāpi gihī kāmabhogino”ti.
pli-tv-kd16:2.6.18	Bhagavato etamatthaṁ ārocesuṁ.
pli-tv-kd16:2.6.19	“Na, bhikkhave, aḍḍhakāyikāni bibbohanāni dhāretabbāni.
pli-tv-kd16:2.6.20	Yo dhāreyya, āpatti dukkaṭassa.
pli-tv-kd16:2.6.21	Anujānāmi, bhikkhave, sīsappamāṇaṁ bibbohanaṁ kātun”ti.
pli-tv-kd16:2.7.1	Tena kho pana samayena rājagahe giraggasamajjo hoti.
pli-tv-kd16:2.7.2	Manussā mahāmattānaṁ atthāya bhisiyo paṭiyādenti—
pli-tv-kd16:2.7.3	uṇṇabhisiṁ, coḷabhisiṁ, vākabhisiṁ, tiṇabhisiṁ, paṇṇabhisiṁ.
pli-tv-kd16:2.7.4	Te vītivatte samajje chaviṁ uppāṭetvā haranti.
pli-tv-kd16:2.7.5	Addasāsuṁ kho bhikkhū samajjaṭṭhāne bahuṁ uṇṇampi coḷakampi vākampi tiṇampi paṇṇampi chaṭṭitaṁ.
pli-tv-kd16:2.7.6	Disvāna bhagavato etamatthaṁ ārocesuṁ.
pli-tv-kd16:2.7.7	“Anujānāmi, bhikkhave, pañca bhisiyo—
pli-tv-kd16:2.7.8	uṇṇabhisiṁ, coḷabhisiṁ, vākabhisiṁ, tiṇabhisiṁ, paṇṇabhisin”ti.
pli-tv-kd16:2.7.9	Tena kho pana samayena saṅghassa senāsanaparikkhārikaṁ dussaṁ uppannaṁ hoti.
pli-tv-kd16:2.7.10	Bhagavato etamatthaṁ ārocesuṁ.
pli-tv-kd16:2.7.11	“Anujānāmi, bhikkhave, bhisiṁ onandhitun”ti.
pli-tv-kd16:2.7.12	Tena kho pana samayena bhikkhū mañcabhisiṁ pīṭhe santharanti, pīṭhabhisiṁ mañce santharanti.
pli-tv-kd16:2.7.13	Bhisiyo paribhijjanti.
pli-tv-kd16:2.7.14	Bhagavato etamatthaṁ ārocesuṁ.
pli-tv-kd16:2.7.15	“Anujānāmi, bhikkhave, onaddhamañcaṁ onaddhapīṭhan”ti.
pli-tv-kd16:2.7.16	Ullokaṁ akaritvā santharanti, heṭṭhato nipatanti …pe…
pli-tv-kd16:2.7.17	“anujānāmi, bhikkhave, ullokaṁ karitvā santharitvā bhisiṁ onandhitun”ti.
pli-tv-kd16:2.7.18	Chaviṁ uppāṭetvā haranti …pe…
pli-tv-kd16:2.7.19	“anujānāmi, bhikkhave, phositun”ti.
pli-tv-kd16:2.7.20	Harantiyeva …pe…
pli-tv-kd16:2.7.21	“anujānāmi, bhikkhave, bhattikamman”ti.
pli-tv-kd16:2.7.22	Harantiyeva …pe…
pli-tv-kd16:2.7.23	“anujānāmi, bhikkhave, hatthabhattikamman”ti.
pli-tv-kd16:2.7.24	Harantiyeva …pe…
pli-tv-kd16:2.7.25	“anujānāmi, bhikkhave, hatthabhattin”ti.
pli-tv-kd16:3.1.0	1.3. Setavaṇṇādianujānana
pli-tv-kd16:3.1.1	Tena kho pana samayena titthiyānaṁ seyyāyo setavaṇṇā honti, kāḷavaṇṇakatā bhūmi, gerukaparikammakatā bhitti.
pli-tv-kd16:3.1.2	Bahū manussā seyyāpekkhakā gacchanti.
pli-tv-kd16:3.1.3	Bhagavato etamatthaṁ ārocesuṁ.
pli-tv-kd16:3.1.4	“Anujānāmi, bhikkhave, vihāre setavaṇṇaṁ kāḷavaṇṇaṁ gerukaparikamman”ti.
pli-tv-kd16:3.1.5	Tena kho pana samayena pharusāya bhittiyā setavaṇṇo na nipatati.
pli-tv-kd16:3.1.6	Bhagavato etamatthaṁ ārocesuṁ.
pli-tv-kd16:3.1.7	“Anujānāmi, bhikkhave, thusapiṇḍaṁ datvā pāṇikāya paṭibāhetvā setavaṇṇaṁ nipātetun”ti.
pli-tv-kd16:3.1.8	Setavaṇṇo anibandhanīyo hoti …pe…
pli-tv-kd16:3.1.9	“anujānāmi, bhikkhave, saṇhamattikaṁ datvā pāṇikāya paṭibāhetvā setavaṇṇaṁ nipātetun”ti.
pli-tv-kd16:3.1.10	Setavaṇṇo anibandhanīyo hoti …pe…
pli-tv-kd16:3.1.11	“anujānāmi, bhikkhave, ikkāsaṁ piṭṭhamaddan”ti.
pli-tv-kd16:3.1.12	Tena kho pana samayena pharusāya bhittiyā gerukā na nipatati.
pli-tv-kd16:3.1.13	Bhagavato etamatthaṁ ārocesuṁ.
pli-tv-kd16:3.1.14	“Anujānāmi, bhikkhave, thusapiṇḍaṁ datvā pāṇikāya paṭibāhetvā gerukaṁ nipātetun”ti.
pli-tv-kd16:3.1.15	Gerukā anibandhanīyā hoti …pe…
pli-tv-kd16:3.1.16	“anujānāmi, bhikkhave, kuṇḍakamattikaṁ datvā pāṇikāya paṭibāhetvā gerukaṁ nipātetun”ti.
pli-tv-kd16:3.1.17	Gerukā anibandhanīyā hoti …pe…
pli-tv-kd16:3.1.18	“anujānāmi, bhikkhave, sāsapakuṭṭaṁ sitthatelakan”ti.
pli-tv-kd16:3.1.19	Accussannaṁ hoti …pe…
pli-tv-kd16:3.1.20	“anujānāmi, bhikkhave, coḷakena paccuddharitun”ti.
pli-tv-kd16:3.1.21	Tena kho pana samayena pharusāya bhūmiyā kāḷavaṇṇo na nipatati.
pli-tv-kd16:3.1.22	Bhagavato etamatthaṁ ārocesuṁ.
pli-tv-kd16:3.1.23	“Anujānāmi, bhikkhave, thusapiṇḍaṁ datvā pāṇikāya paṭibāhetvā kāḷavaṇṇaṁ nipātetun”ti.
pli-tv-kd16:3.1.24	Kāḷavaṇṇo anibandhanīyo hoti …pe…
pli-tv-kd16:3.1.25	“anujānāmi, bhikkhave, gaṇḍumattikaṁ datvā pāṇikāya paṭibāhetvā kāḷavaṇṇaṁ nipātetun”ti.
pli-tv-kd16:3.1.26	Kāḷavaṇṇo anibandhanīyo hoti …pe…
pli-tv-kd16:3.1.27	“anujānāmi, bhikkhave, ikkāsaṁ kasāvan”ti.
pli-tv-kd16:3.2.0	1.4. Paṭibhānacittapaṭikkhepa
pli-tv-kd16:3.2.1	Tena kho pana samayena chabbaggiyā bhikkhū vihāre paṭibhānacittaṁ kārāpenti—
pli-tv-kd16:3.2.2	itthirūpakaṁ purisarūpakaṁ.
pli-tv-kd16:3.2.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-kd16:3.2.4	“seyyathāpi gihī kāmabhogino”ti.
pli-tv-kd16:3.2.5	Bhagavato etamatthaṁ ārocesuṁ.
pli-tv-kd16:3.2.6	“Na, bhikkhave, paṭibhānacittaṁ kārāpetabbaṁ—
pli-tv-kd16:3.2.7	itthirūpakaṁ purisarūpakaṁ.
pli-tv-kd16:3.2.8	Yo kārāpeyya, āpatti dukkaṭassa.
pli-tv-kd16:3.2.9	Anujānāmi, bhikkhave, mālākammaṁ latākammaṁ makaradantakaṁ pañcapaṭikan”ti.
pli-tv-kd16:3.3.0	1.5. Iṭṭhakācayādianujānana
pli-tv-kd16:3.3.1	Tena kho pana samayena vihārā nīcavatthukā honti, udakena otthariyyanti.
pli-tv-kd16:3.3.2	Bhagavato etamatthaṁ ārocesuṁ.
pli-tv-kd16:3.3.3	“Anujānāmi, bhikkhave, uccavatthukaṁ kātun”ti.
pli-tv-kd16:3.3.4	Cayo paripatati …pe…
pli-tv-kd16:3.3.5	“anujānāmi, bhikkhave, cinituṁ tayo caye—
pli-tv-kd16:3.3.6	iṭṭhakācayaṁ, silācayaṁ, dārucayan”ti.
pli-tv-kd16:3.3.7	Ārohantā vihaññanti …pe…
pli-tv-kd16:3.3.8	“anujānāmi, bhikkhave, tayo sopāne—
pli-tv-kd16:3.3.9	iṭṭhakāsopānaṁ, silāsopānaṁ, dārusopānan”ti.
pli-tv-kd16:3.3.10	Ārohantā paripatanti …pe…
pli-tv-kd16:3.3.11	“anujānāmi, bhikkhave, ālambanabāhan”ti.
pli-tv-kd16:3.3.12	Tena kho pana samayena vihārā āḷakamandā honti.
pli-tv-kd16:3.3.13	Bhikkhū hiriyanti nipajjituṁ.
pli-tv-kd16:3.3.14	Bhagavato etamatthaṁ ārocesuṁ.
pli-tv-kd16:3.3.15	“Anujānāmi, bhikkhave, tirokaraṇin”ti.
pli-tv-kd16:3.3.16	Tirokaraṇiṁ ukkhipitvā olokenti …pe…
pli-tv-kd16:3.3.17	“anujānāmi, bhikkhave, aḍḍhakuṭṭakan”ti.
pli-tv-kd16:3.3.18	Aḍḍhakuṭṭakā uparito olokenti …pe…
pli-tv-kd16:3.3.19	“anujānāmi, bhikkhave, tayo gabbhe—
pli-tv-kd16:3.3.20	sivikāgabbhaṁ, nāḷikāgabbhaṁ, hammiyagabbhan”ti.
pli-tv-kd16:3.3.21	Tena kho pana samayena bhikkhū khuddake vihāre majjhe gabbhaṁ karonti.
pli-tv-kd16:3.3.22	Upacāro na hoti.
pli-tv-kd16:3.3.23	Bhagavato etamatthaṁ ārocesuṁ.
pli-tv-kd16:3.3.24	“Anujānāmi, bhikkhave, khuddake vihāre ekamantaṁ gabbhaṁ kātuṁ, mahallake majjhe”ti.
pli-tv-kd16:3.4.1	Tena kho pana samayena vihārassa kuṭṭapādo jīrati.
pli-tv-kd16:3.4.2	Bhagavato etamatthaṁ ārocesuṁ.
pli-tv-kd16:3.4.3	“Anujānāmi, bhikkhave, kulaṅkapādakan”ti.
pli-tv-kd16:3.4.4	Vihārassa kuṭṭo ovassati …pe…
pli-tv-kd16:3.4.5	“anujānāmi, bhikkhave, parittāṇakiṭikaṁ uddasudhan”ti.
pli-tv-kd16:3.4.6	Tena kho pana samayena aññatarassa bhikkhuno tiṇacchadanā ahi khandhe patati.
pli-tv-kd16:3.4.7	So bhīto vissaramakāsi.
pli-tv-kd16:3.4.8	Bhikkhū upadhāvitvā taṁ bhikkhuṁ etadavocuṁ—
pli-tv-kd16:3.4.9	“kissa tvaṁ, āvuso, vissaramakāsī”ti?
pli-tv-kd16:3.4.10	Atha kho so bhikkhūnaṁ etamatthaṁ ārocesi.
pli-tv-kd16:3.4.11	Bhikkhū bhagavato etamatthaṁ ārocesuṁ.
pli-tv-kd16:3.4.12	“Anujānāmi, bhikkhave, vitānan”ti.
pli-tv-kd16:3.5.1	Tena kho pana samayena bhikkhū mañcapādepi pīṭhapādepi thavikāyo laggenti.
pli-tv-kd16:3.5.2	Undūrehipi upacikāhipi khajjanti.
pli-tv-kd16:3.5.3	Bhagavato etamatthaṁ ārocesuṁ.
pli-tv-kd16:3.5.4	“Anujānāmi, bhikkhave, bhittikhilaṁ nāgadantakan”ti.
pli-tv-kd16:3.5.5	Tena kho pana samayena bhikkhū mañcepi pīṭhepi cīvaraṁ nikkhipanti.
pli-tv-kd16:3.5.6	Cīvaraṁ paribhijji.
pli-tv-kd16:3.5.7	Bhagavato etamatthaṁ ārocesuṁ.
pli-tv-kd16:3.5.8	“Anujānāmi, bhikkhave, vihāre cīvaravaṁsaṁ cīvararajjun”ti.
pli-tv-kd16:3.5.9	Tena kho pana samayena vihārā anāḷindakā honti appaṭissaraṇā.
pli-tv-kd16:3.5.10	Bhagavato etamatthaṁ ārocesuṁ.
pli-tv-kd16:3.5.11	“Anujānāmi, bhikkhave, āḷindaṁ paghanaṁ pakuṭṭaṁ osārakan”ti.
pli-tv-kd16:3.5.12	Āḷindā pākaṭā honti.
pli-tv-kd16:3.5.13	Bhikkhū hiriyanti nipajjituṁ …pe…
pli-tv-kd16:3.5.14	“anujānāmi, bhikkhave, saṁsaraṇakiṭikaṁ ugghāṭanakiṭikan”ti.
pli-tv-kd16:3.6.0	1.6. Upaṭṭhānasālāanujānana
pli-tv-kd16:3.6.1	Tena kho pana samayena bhikkhū ajjhokāse bhattavissaggaṁ karontā sītenapi uṇhenapi kilamanti.
pli-tv-kd16:3.6.2	Bhagavato etamatthaṁ ārocesuṁ.
pli-tv-kd16:3.6.3	“Anujānāmi, bhikkhave, upaṭṭhānasālan”ti.
pli-tv-kd16:3.6.4	Upaṭṭhānasālā nīcavatthukā hoti, udakena otthariyyati …pe…
pli-tv-kd16:3.6.5	“anujānāmi, bhikkhave, uccavatthukaṁ kātun”ti.
pli-tv-kd16:3.6.6	Cayo paripatati …pe…
pli-tv-kd16:3.6.7	“anujānāmi, bhikkhave, cinituṁ tayo caye—
pli-tv-kd16:3.6.8	iṭṭhakācayaṁ, silācayaṁ, dārucayan”ti.
pli-tv-kd16:3.6.9	Ārohantā vihaññanti …pe…
pli-tv-kd16:3.6.10	“anujānāmi, bhikkhave, tayo sopāne—
pli-tv-kd16:3.6.11	iṭṭhakāsopānaṁ, silāsopānaṁ, dārusopānan”ti.
pli-tv-kd16:3.6.12	Ārohantā paripatanti …pe…
pli-tv-kd16:3.6.13	“anujānāmi, bhikkhave, ālambanabāhan”ti.
pli-tv-kd16:3.6.14	Upaṭṭhānasālāya tiṇacuṇṇaṁ paripatati …pe…
pli-tv-kd16:3.6.15	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd16:3.6.16	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvararajjun”ti.
pli-tv-kd16:3.6.17	Tena kho pana samayena bhikkhū ajjhokāse chamāya cīvaraṁ pattharanti.
pli-tv-kd16:3.6.18	Cīvaraṁ paṁsukitaṁ hoti.
pli-tv-kd16:3.6.19	Bhagavato etamatthaṁ ārocesuṁ.
pli-tv-kd16:3.6.20	“Anujānāmi, bhikkhave, ajjhokāse cīvaravaṁsaṁ cīvararajjun”ti.
pli-tv-kd16:3.7.1	Pānīyaṁ otappati …pe…
pli-tv-kd16:3.7.2	“anujānāmi, bhikkhave, pānīyasālaṁ pānīyamaṇḍapan”ti.
pli-tv-kd16:3.7.3	Pānīyasālā nīcavatthukā hoti, udakena otthariyyati …pe…
pli-tv-kd16:3.7.4	“anujānāmi, bhikkhave, uccavatthukaṁ kātun”ti.
pli-tv-kd16:3.7.5	Cayo paripatati …pe…
pli-tv-kd16:3.7.6	“anujānāmi, bhikkhave, cinituṁ tayo caye—
pli-tv-kd16:3.7.7	iṭṭhakācayaṁ, silācayaṁ, dārucayan”ti.
pli-tv-kd16:3.7.8	Ārohantā vihaññanti …pe…
pli-tv-kd16:3.7.9	“anujānāmi, bhikkhave, tayo sopāne—
pli-tv-kd16:3.7.10	iṭṭhakāsopānaṁ, silāsopānaṁ, dārusopānan”ti.
pli-tv-kd16:3.7.11	Ārohantā paripatanti …pe…
pli-tv-kd16:3.7.12	“anujānāmi, bhikkhave, ālambanabāhan”ti.
pli-tv-kd16:3.7.13	Pānīyasālāya tiṇacuṇṇaṁ paripatati …pe…
pli-tv-kd16:3.7.14	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd16:3.7.15	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvararajjun”ti.
pli-tv-kd16:3.7.16	Pānīyabhājanaṁ na saṁvijjati …pe…
pli-tv-kd16:3.7.17	“anujānāmi, bhikkhave, pānīyasaṅkhaṁ pānīyasarāvakan”ti.
pli-tv-kd16:3.8.0	1.7. Pākārādianujānana
pli-tv-kd16:3.8.1	Tena kho pana samayena vihārā aparikkhittā honti.
pli-tv-kd16:3.8.2	Bhagavato etamatthaṁ ārocesuṁ.
pli-tv-kd16:3.8.3	“Anujānāmi, bhikkhave, parikkhipituṁ tayo pākāre—
pli-tv-kd16:3.8.4	iṭṭhakāpākāraṁ, silāpākāraṁ, dārupākāran”ti.
pli-tv-kd16:3.8.5	Koṭṭhako na hoti …pe…
pli-tv-kd16:3.8.6	“anujānāmi, bhikkhave, koṭṭhakan”ti.
pli-tv-kd16:3.8.7	Koṭṭhako nīcavatthuko hoti, udakena otthariyyati …pe…
pli-tv-kd16:3.8.8	“anujānāmi, bhikkhave, uccavatthukaṁ kātun”ti.
pli-tv-kd16:3.8.9	Koṭṭhakassa kavāṭaṁ na hoti …pe…
pli-tv-kd16:3.8.10	“anujānāmi, bhikkhave, kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ ghaṭikaṁ tāḷacchiddaṁ āviñchanacchiddaṁ āviñchanarajjun”ti.
pli-tv-kd16:3.8.11	Koṭṭhake tiṇacuṇṇaṁ paripatati …pe…
pli-tv-kd16:3.8.12	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd16:3.8.13	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikan”ti.
pli-tv-kd16:3.8.14	Tena kho pana samayena pariveṇaṁ cikkhallaṁ hoti.
pli-tv-kd16:3.8.15	Bhagavato etamatthaṁ ārocesuṁ.
pli-tv-kd16:3.8.16	“Anujānāmi, bhikkhave, marumbaṁ upakiritun”ti.
pli-tv-kd16:3.8.17	Na pariyāpuṇanti …pe…
pli-tv-kd16:3.8.18	“anujānāmi, bhikkhave, padarasilaṁ nikkhipitun”ti.
pli-tv-kd16:3.8.19	Udakaṁ santiṭṭhati …pe…
pli-tv-kd16:3.8.20	“anujānāmi, bhikkhave, udakaniddhamanan”ti.
pli-tv-kd16:3.9.1	Tena kho pana samayena bhikkhū pariveṇe tahaṁ tahaṁ aggiṭṭhānaṁ karonti.
pli-tv-kd16:3.9.2	Pariveṇaṁ uklāpaṁ hoti.
pli-tv-kd16:3.9.3	Bhagavato etamatthaṁ ārocesuṁ.
pli-tv-kd16:3.9.4	“Anujānāmi, bhikkhave, ekamantaṁ aggisālaṁ kātun”ti.
pli-tv-kd16:3.9.5	Aggisālā nīcavatthukā hoti, udakena otthariyyati …pe…
pli-tv-kd16:3.9.6	“anujānāmi, bhikkhave, uccavatthukaṁ kātun”ti.
pli-tv-kd16:3.9.7	Cayo paripatati …pe…
pli-tv-kd16:3.9.8	“anujānāmi, bhikkhave, cinituṁ tayo caye—
pli-tv-kd16:3.9.9	iṭṭhakācayaṁ, silācayaṁ, dārucayan”ti.
pli-tv-kd16:3.9.10	Ārohantā vihaññanti …pe…
pli-tv-kd16:3.9.11	“anujānāmi, bhikkhave, tayo sopāne—
pli-tv-kd16:3.9.12	iṭṭhakāsopānaṁ, silāsopānaṁ, dārusopānan”ti.
pli-tv-kd16:3.9.13	Ārohantā paripatanti …pe…
pli-tv-kd16:3.9.14	“anujānāmi, bhikkhave, ālambanabāhan”ti.
pli-tv-kd16:3.9.15	Aggisālāya kavāṭaṁ na hoti …pe…
pli-tv-kd16:3.9.16	“anujānāmi, bhikkhave, kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ ghaṭikaṁ tāḷacchiddaṁ āviñchanacchiddaṁ āviñchanarajjun”ti.
pli-tv-kd16:3.9.17	Aggisālāya tiṇacuṇṇaṁ paripatati …pe…
pli-tv-kd16:3.9.18	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd16:3.9.19	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvararajjun”ti.
pli-tv-kd16:3.10.0	1.8. Ārāmaparikkhepaanujānana
pli-tv-kd16:3.10.1	Tena kho pana samayena ārāmo aparikkhitto hoti.
pli-tv-kd16:3.10.2	Ajakāpi pasukāpi uparope viheṭhenti.
pli-tv-kd16:3.10.3	Bhagavato etamatthaṁ ārocesuṁ.
pli-tv-kd16:3.10.4	“Anujānāmi, bhikkhave, parikkhipituṁ tayo vāṭe—
pli-tv-kd16:3.10.5	veḷuvāṭaṁ, kaṇḍakavāṭaṁ, parikkhan”ti.
pli-tv-kd16:3.10.6	Koṭṭhako na hoti.
pli-tv-kd16:3.10.7	Tatheva ajakāpi pasukāpi uparope viheṭhenti …pe…
pli-tv-kd16:3.10.8	“anujānāmi, bhikkhave, koṭṭhakaṁ apesiṁ yamakakavāṭaṁ toraṇaṁ palighan”ti.
pli-tv-kd16:3.10.9	Koṭṭhake tiṇacuṇṇaṁ paripatati …pe…
pli-tv-kd16:3.10.10	“anujānāmi, bhikkhave, ogumphetvā ullittāvalittaṁ kātuṁ—
pli-tv-kd16:3.10.11	setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikan”ti.
pli-tv-kd16:3.10.12	Ārāmo cikkhallo hoti …pe…
pli-tv-kd16:3.10.13	“anujānāmi, bhikkhave, marumbaṁ upakiritun”ti.
pli-tv-kd16:3.10.14	Na pariyāpuṇanti …pe…
pli-tv-kd16:3.10.15	“anujānāmi, bhikkhave, padarasilaṁ nikkhipitun”ti.
pli-tv-kd16:3.10.16	Udakaṁ santiṭṭhati …pe…
pli-tv-kd16:3.10.17	“anujānāmi, bhikkhave, udakaniddhamanan”ti.
pli-tv-kd16:3.11.1	Tena kho pana samayena rājā māgadho seniyo bimbisāro saṅghassa atthāya sudhāmattikālepanaṁ pāsādaṁ kāretukāmo hoti.
pli-tv-kd16:3.11.2	Atha kho bhikkhūnaṁ etadahosi—
pli-tv-kd16:3.11.3	“kiṁ nu kho bhagavatā chadanaṁ anuññātaṁ, kiṁ ananuññātan”ti.
pli-tv-kd16:3.11.4	Bhagavato etamatthaṁ ārocesuṁ.
pli-tv-kd16:3.11.5	“Anujānāmi, bhikkhave, pañca chadanāni—
pli-tv-kd16:3.11.6	iṭṭhakāchadanaṁ, silāchadanaṁ, sudhāchadanaṁ, tiṇacchadanaṁ, paṇṇacchadanan”ti.
pli-tv-kd16:3.11.7	Paṭhamabhāṇavāro niṭṭhito.
pli-tv-kd16:4.1.0.1	
pli-tv-kd16:4.1.0.2	2.1. Anāthapiṇḍikavatthu
pli-tv-kd16:4.1.1	Tena kho pana samayena anāthapiṇḍiko gahapati rājagahakassa seṭṭhissa bhaginipatiko hoti.
pli-tv-kd16:4.1.2	Atha kho anāthapiṇḍiko gahapati rājagahaṁ agamāsi kenacideva karaṇīyena.
pli-tv-kd16:4.1.3	Tena kho pana samayena rājagahakena seṭṭhinā svātanāya buddhappamukho saṅgho nimantito hoti.
pli-tv-kd16:4.1.4	Atha kho rājagahako seṭṭhī dāse ca kammakāre ca āṇāpesi—
pli-tv-kd16:4.1.5	“tena hi, bhaṇe, kālasseva uṭṭhāya yāguyo pacatha, bhattāni pacatha, sūpāni sampādetha, uttaribhaṅgāni sampādethā”ti.
pli-tv-kd16:4.1.6	Atha kho anāthapiṇḍikassa gahapatissa etadahosi—
pli-tv-kd16:4.1.7	“pubbe khvāyaṁ gahapati mayi āgate sabbakiccāni nikkhipitvā mamaññeva saddhiṁ paṭisammodati.
pli-tv-kd16:4.1.8	Sodānāyaṁ vikkhittarūpo dāse ca kammakāre ca āṇāpesi—
pli-tv-kd16:4.1.9	‘tena hi, bhaṇe, kālasseva uṭṭhāya yāguyo pacatha, bhattāni pacatha, sūpāni sampādetha, uttaribhaṅgāni sampādethā’ti.
pli-tv-kd16:4.1.10	Kiṁ nu kho imassa gahapatissa āvāho vā bhavissati, vivāho vā bhavissati, mahāyañño vā paccupaṭṭhito, rājā vā māgadho seniyo bimbisāro nimantito svātanāya saddhiṁ balakāyenā”ti?
pli-tv-kd16:4.2.1	Atha kho rājagahako seṭṭhī dāse ca kammakāre ca āṇāpetvā yena anāthapiṇḍiko gahapati tenupasaṅkami, upasaṅkamitvā anāthapiṇḍikena gahapatinā saddhiṁ paṭisammoditvā ekamantaṁ nisīdi.
pli-tv-kd16:4.2.2	Ekamantaṁ nisinnaṁ kho rājagahakaṁ seṭṭhiṁ anāthapiṇḍiko gahapati etadavoca—
pli-tv-kd16:4.2.3	“pubbe kho tvaṁ, gahapati, mayi āgate sabbakiccāni nikkhipitvā mamaññeva saddhiṁ paṭisammodasi.
pli-tv-kd16:4.2.4	Sodāni tvaṁ vikkhittarūpo dāse ca kammakāre ca āṇāpesi—
pli-tv-kd16:4.2.5	‘tena hi, bhaṇe, kālasseva uṭṭhāya yāguyo pacatha, bhattāni pacatha, sūpāni sampādetha, uttaribhaṅgāni sampādethā’ti.
pli-tv-kd16:4.2.6	Kiṁ nu kho te, gahapati, āvāho vā bhavissati, vivāho vā bhavissati, mahāyañño vā paccupaṭṭhito, rājā vā māgadho seniyo bimbisāro nimantito svātanāya saddhiṁ balakāyenā”ti?
pli-tv-kd16:4.2.7	“Na me, gahapati, āvāho vā bhavissati, nāpi vivāho vā bhavissati, nāpi rājā vā māgadho seniyo bimbisāro nimantito svātanāya saddhiṁ balakāyena;
pli-tv-kd16:4.2.8	api ca me mahāyañño paccupaṭṭhito;
pli-tv-kd16:4.2.9	svātanāya buddhappamukho saṅgho nimantito”ti.
pli-tv-kd16:4.2.10	“Buddhoti tvaṁ, gahapati, vadesī”ti?
pli-tv-kd16:4.2.11	“Buddho tyāhaṁ, gahapati, vadāmī”ti.
pli-tv-kd16:4.2.12	“Buddhoti tvaṁ, gahapati, vadesī”ti?
pli-tv-kd16:4.2.13	“Buddho tyāhaṁ, gahapati, vadāmī”ti.
pli-tv-kd16:4.2.14	“Buddhoti tvaṁ, gahapati, vadesī”ti?
pli-tv-kd16:4.2.15	“Buddho tyāhaṁ, gahapati, vadāmī”ti.
pli-tv-kd16:4.2.16	“Ghosopi kho eso, gahapati, dullabho lokasmiṁ yadidaṁ—
pli-tv-kd16:4.2.17	buddho buddhoti.
pli-tv-kd16:4.2.18	Sakkā nu kho, gahapati, imaṁ kālaṁ taṁ bhagavantaṁ dassanāya upasaṅkamituṁ arahantaṁ sammāsambuddhan”ti?
pli-tv-kd16:4.2.19	“Akālo kho, gahapati, imaṁ kālaṁ taṁ bhagavantaṁ dassanāya upasaṅkamituṁ arahantaṁ sammāsambuddhaṁ.
pli-tv-kd16:4.2.20	Svedāni tvaṁ kālena taṁ bhagavantaṁ dassanāya upasaṅkamissasi arahantaṁ sammāsambuddhan”ti.
pli-tv-kd16:4.2.21	Atha kho anāthapiṇḍiko gahapati—
pli-tv-kd16:4.2.22	svedānāhaṁ kālena taṁ bhagavantaṁ dassanāya upasaṅkamissāmi arahantaṁ sammāsambuddhanti—
pli-tv-kd16:4.2.23	buddhagatāya satiyā nipajjitvā rattiyā sudaṁ tikkhattuṁ vuṭṭhāsi pabhātaṁ maññamāno.
pli-tv-kd16:4.3.1	Atha kho anāthapiṇḍiko gahapati yena sivakadvāraṁ tenupasaṅkami.
pli-tv-kd16:4.3.2	Amanussā dvāraṁ vivariṁsu.
pli-tv-kd16:4.3.3	Atha kho anāthapiṇḍikassa gahapatissa nagaramhā nikkhantassa āloko antaradhāyi, andhakāro pāturahosi, bhayaṁ chambhitattaṁ lomahaṁso udapādi;
pli-tv-kd16:4.3.4	tatova puna nivattitukāmo ahosi.
pli-tv-kd16:4.3.5	Atha kho sivako yakkho antarahito saddamanussāvesi—
pli-tv-kd16:4.3.6	“Sataṁ hatthī sataṁ assā,
pli-tv-kd16:4.3.7	Sataṁ assatarīrathā;
pli-tv-kd16:4.3.8	Sataṁ kaññāsahassāni,
pli-tv-kd16:4.3.9	Āmukkamaṇikuṇḍalā;
pli-tv-kd16:4.3.10	Ekassa padavītihārassa,
pli-tv-kd16:4.3.11	Kalaṁ nāgghanti soḷasiṁ.
pli-tv-kd16:4.3.12	Abhikkama gahapati abhikkama gahapati,
pli-tv-kd16:4.3.13	Abhikkantaṁ te seyyo no paṭikkantan”ti.
pli-tv-kd16:4.3.14	Atha kho anāthapiṇḍikassa gahapatissa andhakāro antaradhāyi, āloko pāturahosi.
pli-tv-kd16:4.3.15	Yaṁ ahosi bhayaṁ chambhitattaṁ lomahaṁso so paṭippassambhi.
pli-tv-kd16:4.3.16	Dutiyampi kho …pe…
pli-tv-kd16:4.3.17	tatiyampi kho …
pli-tv-kd16:4.3.18	anāthapiṇḍikassa gahapatissa āloko antaradhāyi, andhakāro pāturahosi, bhayaṁ chambhitattaṁ lomahaṁso udapādi, tatova puna nivattitukāmo ahosi.
pli-tv-kd16:4.3.19	Tatiyampi kho sivako yakkho antarahito saddamanussāvesi—
pli-tv-kd16:4.3.20	“Sataṁ hatthī sataṁ assā,
pli-tv-kd16:4.3.21	Sataṁ assatarīrathā;
pli-tv-kd16:4.3.22	Sataṁ kaññāsahassāni,
pli-tv-kd16:4.3.23	Āmukkamaṇikuṇḍalā;
pli-tv-kd16:4.3.24	Ekassa padavītihārassa,
pli-tv-kd16:4.3.25	Kalaṁ nāgghanti soḷasiṁ.
pli-tv-kd16:4.3.26	Abhikkama gahapati abhikkama gahapati,
pli-tv-kd16:4.3.27	Abhikkantaṁ te seyyo no paṭikkantan”ti.
pli-tv-kd16:4.3.28	Tatiyampi kho anāthapiṇḍikassa gahapatissa andhakāro antaradhāyi, āloko pāturahosi, yaṁ ahosi bhayaṁ chambhitattaṁ lomahaṁso, so paṭippassambhi.
pli-tv-kd16:4.4.1	Atha kho anāthapiṇḍiko gahapati yena sītavanaṁ tenupasaṅkami.
pli-tv-kd16:4.4.2	Tena kho pana samayena bhagavā rattiyā paccūsasamayaṁ paccuṭṭhāya ajjhokāse caṅkamati.
pli-tv-kd16:4.4.3	Addasā kho bhagavā anāthapiṇḍikaṁ gahapatiṁ dūratova āgacchantaṁ.
pli-tv-kd16:4.4.4	Disvāna caṅkamā orohitvā paññatte āsane nisīdi.
pli-tv-kd16:4.4.5	Nisajja kho bhagavā anāthapiṇḍikaṁ gahapatiṁ etadavoca—
pli-tv-kd16:4.4.6	“ehi, sudattā”ti.
pli-tv-kd16:4.4.7	Atha kho anāthapiṇḍiko gahapati—
pli-tv-kd16:4.4.8	“nāmena maṁ bhagavā ālapatī”ti—
pli-tv-kd16:4.4.9	haṭṭho udaggo yena bhagavā tenupasaṅkami, upasaṅkamitvā bhagavato pādesu sirasā nipatitvā bhagavantaṁ etadavoca—
pli-tv-kd16:4.4.10	“kacci, bhante, bhagavā sukhaṁ sayitthā”ti?
pli-tv-kd16:4.4.11	“Sabbadā ve sukhaṁ seti,
pli-tv-kd16:4.4.12	brāhmaṇo parinibbuto;
pli-tv-kd16:4.4.13	Yo na limpati kāmesu,
pli-tv-kd16:4.4.14	sītibhūto nirūpadhi.
pli-tv-kd16:4.4.15	Sabbā āsattiyo chetvā,
pli-tv-kd16:4.4.16	vineyya hadaye daraṁ;
pli-tv-kd16:4.4.17	Upasanto sukhaṁ seti,
pli-tv-kd16:4.4.18	santiṁ pappuyya cetasā”ti.
pli-tv-kd16:4.5.1	Atha kho bhagavā anāthapiṇḍikassa gahapatissa anupubbiṁ kathaṁ kathesi, seyyathidaṁ—
pli-tv-kd16:4.5.2	dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.
pli-tv-kd16:4.5.3	Yadā bhagavā aññāsi anāthapiṇḍikaṁ gahapatiṁ kallacittaṁ muducittaṁ vinīvaraṇacittaṁ udaggacittaṁ pasannacittaṁ, atha yā buddhānaṁ sāmukkaṁsikā dhammadesanā taṁ pakāsesi—
pli-tv-kd16:4.5.4	dukkhaṁ, samudayaṁ, nirodhaṁ, maggaṁ.
pli-tv-kd16:4.5.5	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;
pli-tv-kd16:4.5.6	evameva anāthapiṇḍikassa gahapatissa tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd16:4.5.7	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd16:4.5.8	Atha kho anāthapiṇḍiko gahapati diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca—
pli-tv-kd16:4.5.9	“abhikkantaṁ, bhante, abhikkantaṁ, bhante.
pli-tv-kd16:4.5.10	Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—
pli-tv-kd16:4.5.11	‘cakkhumanto rūpāni dakkhantī’ti;
pli-tv-kd16:4.5.12	evamevaṁ bhagavatā anekapariyāyena dhammo pakāsito.
pli-tv-kd16:4.5.13	Esāhaṁ, bhante, bhagavantaṁ saraṇaṁ gacchāmi, dhammañca, bhikkhusaṅghañca.
pli-tv-kd16:4.5.14	Upāsakaṁ maṁ bhagavā dhāretu ajjatagge pāṇupetaṁ saraṇaṁ gataṁ.
pli-tv-kd16:4.5.15	Adhivāsetu ca me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd16:4.5.16	Adhivāsesi bhagavā tuṇhībhāvena.
pli-tv-kd16:4.5.17	Atha kho anāthapiṇḍiko gahapati bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd16:4.6.1	Assosi kho rājagahako seṭṭhī—
pli-tv-kd16:4.6.2	“anāthapiṇḍikena kira gahapatinā svātanāya buddhappamukho saṅgho nimantito”ti.
pli-tv-kd16:4.6.3	Atha kho rājagahako seṭṭhī anāthapiṇḍikaṁ gahapatiṁ etadavoca—
pli-tv-kd16:4.6.4	“tayā kira, gahapati, svātanāya buddhappamukho saṅgho nimantito.
pli-tv-kd16:4.6.5	Tvañcāsi āgantuko.
pli-tv-kd16:4.6.6	Demi te, gahapati, veyyāyikaṁ yena tvaṁ buddhappamukhassa saṅghassa bhattaṁ kareyyāsī”ti.
pli-tv-kd16:4.6.7	“Alaṁ, gahapati, atthi me veyyāyikaṁ yenāhaṁ buddhappamukhassa saṅghassa bhattaṁ karissāmī”ti.
pli-tv-kd16:4.6.8	Assosi kho rājagahako negamo—
pli-tv-kd16:4.6.9	“anāthapiṇḍikena kira gahapatinā svātanāya buddhappamukho saṅgho nimantito”ti.
pli-tv-kd16:4.6.10	Atha kho rājagahako negamo anāthapiṇḍikaṁ gahapatiṁ etadavoca—
pli-tv-kd16:4.6.11	“tayā kira, gahapati, svātanāya buddhappamukho saṅgho nimantito.
pli-tv-kd16:4.6.12	Tvañcāsi āgantuko.
pli-tv-kd16:4.6.13	Demi te, gahapati, veyyāyikaṁ yena tvaṁ buddhappamukhassa saṅghassa bhattaṁ kareyyāsī”ti.
pli-tv-kd16:4.6.14	“Alaṁ, ayya;
pli-tv-kd16:4.6.15	atthi me veyyāyikaṁ yenāhaṁ buddhappamukhassa saṅghassa bhattaṁ karissāmī”ti.
pli-tv-kd16:4.6.16	Assosi kho rājā māgadho seniyo bimbisāro—
pli-tv-kd16:4.6.17	“anāthapiṇḍikena kira gahapatinā svātanāya buddhappamukho saṅgho nimantito”ti.
pli-tv-kd16:4.6.18	Atha kho rājā māgadho seniyo bimbisāro anāthapiṇḍikaṁ gahapatiṁ etadavoca—
pli-tv-kd16:4.6.19	“tayā kira, gahapati, svātanāya buddhappamukho saṅgho nimantito.
pli-tv-kd16:4.6.20	Tvañcāsi āgantuko.
pli-tv-kd16:4.6.21	Demi te, gahapati, veyyāyikaṁ yena tvaṁ buddhappamukhassa saṅghassa bhattaṁ kareyyāsī”ti.
pli-tv-kd16:4.6.22	“Alaṁ, deva;
pli-tv-kd16:4.6.23	atthi me veyyāyikaṁ yenāhaṁ buddhappamukhassa saṅghassa bhattaṁ karissāmī”ti.
pli-tv-kd16:4.7.1	Atha kho anāthapiṇḍiko gahapati tassā rattiyā accayena rājagahakassa seṭṭhissa nivesane paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—
pli-tv-kd16:4.7.2	“kālo, bhante, niṭṭhitaṁ bhattan”ti.
pli-tv-kd16:4.7.3	Atha kho bhagavā pubbaṇhasamayaṁ nivāsetvā pattacīvaramādāya yena rājagahakassa seṭṭhissa nivesanaṁ tenupasaṅkami, upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd16:4.7.4	Atha kho anāthapiṇḍiko gahapati buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā, bhagavantaṁ bhuttāviṁ onītapattapāṇiṁ, ekamantaṁ nisīdi.
pli-tv-kd16:4.7.5	Ekamantaṁ nisinno kho anāthapiṇḍiko gahapati bhagavantaṁ etadavoca—
pli-tv-kd16:4.7.6	“adhivāsetu me, bhante, bhagavā sāvatthiyaṁ vassāvāsaṁ saddhiṁ bhikkhusaṅghenā”ti.
pli-tv-kd16:4.7.7	“Suññāgāre kho, gahapati, tathāgatā abhiramantī”ti.
pli-tv-kd16:4.7.8	“Aññātaṁ, bhagavā, aññātaṁ, sugatā”ti.
pli-tv-kd16:4.7.9	Atha kho bhagavā anāthapiṇḍikaṁ gahapatiṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-kd16:4.8.1	Tena kho pana samayena anāthapiṇḍiko gahapati bahumitto hoti bahusahāyo ādeyyavāco.
pli-tv-kd16:4.8.2	Atha kho anāthapiṇḍiko gahapati rājagahe taṁ karaṇīyaṁ tīretvā yena sāvatthi tena pakkāmi.
pli-tv-kd16:4.8.3	Atha kho anāthapiṇḍiko gahapati antarāmagge manusse āṇāpesi—
pli-tv-kd16:4.8.4	“ārāme, ayyā, karotha, vihāre patiṭṭhāpetha, dānāni paṭṭhapetha.
pli-tv-kd16:4.8.5	Buddho loke uppanno.
pli-tv-kd16:4.8.6	So ca mayā bhagavā nimantito iminā maggena āgacchissatī”ti.
pli-tv-kd16:4.8.7	Atha kho te manussā anāthapiṇḍikena gahapatinā uyyojitā ārāme akaṁsu, vihāre patiṭṭhāpesuṁ, dānāni paṭṭhapesuṁ.
pli-tv-kd16:4.8.8	Atha kho anāthapiṇḍiko gahapati sāvatthiṁ gantvā samantā sāvatthiṁ anuvilokesi—
pli-tv-kd16:4.8.9	“kattha nu kho bhagavā vihareyya?
pli-tv-kd16:4.8.10	Yaṁ assa gāmato neva atidūre na accāsanne, gamanāgamanasampannaṁ, atthikānaṁ atthikānaṁ manussānaṁ abhikkamanīyaṁ, divā appākiṇṇaṁ, rattiṁ appasaddaṁ, appanigghosaṁ, vijanavātaṁ, manussarāhasseyyakaṁ, paṭisallānasāruppan”ti.
pli-tv-kd16:4.9.1	Addasā kho anāthapiṇḍiko gahapati jetassa kumārassa uyyānaṁ—
pli-tv-kd16:4.9.2	gāmato neva atidūre na accāsanne, gamanāgamanasampannaṁ, atthikānaṁ atthikānaṁ manussānaṁ abhikkamanīyaṁ, divā appākiṇṇaṁ, rattiṁ appasaddaṁ, appanigghosaṁ, vijanavātaṁ, manussarāhasseyyakaṁ, paṭisallānasāruppaṁ.
pli-tv-kd16:4.9.3	Disvāna yena jeto kumāro tenupasaṅkami, upasaṅkamitvā jetaṁ kumāraṁ etadavoca—
pli-tv-kd16:4.9.4	“dehi me, ayyaputta, uyyānaṁ ārāmaṁ kātun”ti.
pli-tv-kd16:4.9.5	“Adeyyo, gahapati, ārāmo api koṭisantharenā”ti.
pli-tv-kd16:4.9.6	“Gahito, ayyaputta, ārāmo”ti.
pli-tv-kd16:4.9.7	“Na, gahapati, gahito ārāmo”ti.
pli-tv-kd16:4.9.8	“Gahito na gahito”ti vohārike mahāmatte pucchiṁsu.
pli-tv-kd16:4.9.9	Mahāmattā evamāhaṁsu—
pli-tv-kd16:4.9.10	“yato tayā, ayyaputta, aggho kato, gahito ārāmo”ti.
pli-tv-kd16:4.9.11	Atha kho anāthapiṇḍiko gahapati sakaṭehi hiraññaṁ nibbāhāpetvā jetavanaṁ koṭisantharaṁ santharāpesi.
pli-tv-kd16:4.10.1	Sakiṁ nīhaṭaṁ hiraññaṁ thokassa okāsassa koṭṭhakasāmantā nappahoti.
pli-tv-kd16:4.10.2	Atha kho anāthapiṇḍiko gahapati manusse āṇāpesi—
pli-tv-kd16:4.10.3	“gacchatha, bhaṇe, hiraññaṁ āharatha;
pli-tv-kd16:4.10.4	imaṁ okāsaṁ santharissāmā”ti.
pli-tv-kd16:4.10.5	Atha kho jetassa kumārassa etadahosi—
pli-tv-kd16:4.10.6	“na kho idaṁ orakaṁ bhavissati, yathāyaṁ gahapati tāva bahuṁ hiraññaṁ pariccajatī”ti.
pli-tv-kd16:4.10.7	Anāthapiṇḍikaṁ gahapatiṁ etadavoca—
pli-tv-kd16:4.10.8	“alaṁ, gahapati;
pli-tv-kd16:4.10.9	mā taṁ okāsaṁ santharāpesi.
pli-tv-kd16:4.10.10	Dehi me etaṁ okāsaṁ.
pli-tv-kd16:4.10.11	Mametaṁ dānaṁ bhavissatī”ti.
pli-tv-kd16:4.10.12	Atha kho anāthapiṇḍiko gahapati—
pli-tv-kd16:4.10.13	ayaṁ kho jeto kumāro abhiññāto ñātamanusso;
pli-tv-kd16:4.10.14	mahatthiko kho pana evarūpānaṁ ñātamanussānaṁ imasmiṁ dhammavinaye pasādoti—
pli-tv-kd16:4.10.15	taṁ okāsaṁ jetassa kumārassa pādāsi.
pli-tv-kd16:4.10.16	Atha kho jeto kumāro tasmiṁ okāse koṭṭhakaṁ māpesi.
pli-tv-kd16:4.10.17	Atha kho anāthapiṇḍiko gahapati jetavane vihāre kārāpesi, pariveṇāni kārāpesi, koṭṭhake kārāpesi, upaṭṭhānasālāyo kārāpesi, aggisālāyo kārāpesi, kappiyakuṭiyo kārāpesi, vaccakuṭiyo kārāpesi, caṅkame kārāpesi, caṅkamanasālāyo kārāpesi, udapāne kārāpesi, udapānasālāyo kārāpesi, jantāghare kārāpesi, jantāgharasālāyo kārāpesi, pokkharaṇiyo kārāpesi, maṇḍape kārāpesi.
pli-tv-kd16:5.1.0	2.2. Navakammadāna
pli-tv-kd16:5.1.1	Atha kho bhagavā rājagahe yathābhirantaṁ viharitvā yena vesālī tena cārikaṁ pakkāmi.
pli-tv-kd16:5.1.2	Anupubbena cārikaṁ caramāno yena vesālī tadavasari.
pli-tv-kd16:5.1.3	Tatra sudaṁ bhagavā vesāliyaṁ viharati mahāvane kūṭāgārasālāyaṁ.
pli-tv-kd16:5.1.4	Tena kho pana samayena manussā sakkaccaṁ navakammaṁ karonti.
pli-tv-kd16:5.1.5	Yepi bhikkhū navakammaṁ adhiṭṭhenti tepi sakkaccaṁ upaṭṭhenti cīvarapiṇḍapātasenāsanagilānappaccayabhesajjaparikkhārena.
pli-tv-kd16:5.1.6	Atha kho aññatarassa daliddassa tunnavāyassa etadahosi—
pli-tv-kd16:5.1.7	“na kho idaṁ orakaṁ bhavissati, yathayime manussā sakkaccaṁ navakammaṁ karonti;
pli-tv-kd16:5.1.8	yannūnāhampi navakammaṁ kareyyan”ti.
pli-tv-kd16:5.1.9	Atha kho so daliddo tunnavāyo sāmaṁ cikkhallaṁ madditvā iṭṭhakāyo cinitvā kuṭṭaṁ uṭṭhāpesi.
pli-tv-kd16:5.1.10	Tena akusalakena citā vaṅkā bhitti paripati.
pli-tv-kd16:5.1.11	Dutiyampi kho …pe…
pli-tv-kd16:5.1.12	tatiyampi kho so daliddo tunnavāyo sāmaṁ cikkhallaṁ madditvā iṭṭhakāyo cinitvā kuṭṭaṁ uṭṭhāpesi.
pli-tv-kd16:5.1.13	Tena akusalakena citā vaṅkā bhitti paripati.
pli-tv-kd16:5.2.1	Atha kho so daliddo tunnavāyo ujjhāyati khiyyati vipāceti—
pli-tv-kd16:5.2.2	“ye imesaṁ samaṇānaṁ sakyaputtiyānaṁ denti cīvarapiṇḍapātasenāsanagilānappaccayabhesajjaparikkhāraṁ, te ime ovadanti anusāsanti, tesañca navakammaṁ adhiṭṭhenti.
pli-tv-kd16:5.2.3	Ahaṁ panamhi daliddo.
pli-tv-kd16:5.2.4	Na maṁ koci ovadati vā anusāsati vā navakammaṁ vā adhiṭṭhetī”ti.
pli-tv-kd16:5.2.5	Assosuṁ kho bhikkhū tassa daliddassa tunnavāyassa ujjhāyantassa khiyyantassa vipācentassa.
pli-tv-kd16:5.2.6	Atha kho te bhikkhū bhagavato etamatthaṁ ārocesuṁ.
pli-tv-kd16:5.2.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd16:5.2.8	“anujānāmi, bhikkhave, navakammaṁ dātuṁ.
pli-tv-kd16:5.2.9	Navakammiko, bhikkhave, bhikkhu ussukkaṁ āpajjissati—
pli-tv-kd16:5.2.10	‘kinti nu kho vihāro khippaṁ pariyosānaṁ gaccheyyā’ti;
pli-tv-kd16:5.2.11	khaṇḍaṁ phullaṁ paṭisaṅkharissati.
pli-tv-kd16:5.3.1	Evañca pana, bhikkhave, dātabbaṁ.
pli-tv-kd16:5.3.2	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd16:5.3.3	‘Suṇātu me, bhante, saṅgho.
pli-tv-kd16:5.3.4	Yadi saṅghassa pattakallaṁ, saṅgho itthannāmassa gahapatino vihāraṁ itthannāmassa bhikkhuno navakammaṁ dadeyya.
pli-tv-kd16:5.3.5	Esā ñatti.
pli-tv-kd16:5.3.6	Suṇātu me, bhante, saṅgho.
pli-tv-kd16:5.3.7	Saṅgho itthannāmassa gahapatino vihāraṁ itthannāmassa bhikkhuno navakammaṁ deti.
pli-tv-kd16:5.3.8	Yassāyasmato khamati itthannāmassa gahapatino vihāraṁ itthannāmassa bhikkhuno navakammassa dānaṁ, so tuṇhassa;
pli-tv-kd16:5.3.9	yassa nakkhamati, so bhāseyya.
pli-tv-kd16:5.3.10	Dinno saṅghena itthannāmassa gahapatino vihāro itthannāmassa bhikkhuno navakammaṁ.
pli-tv-kd16:5.3.11	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd16:6.1.0	2.3. Aggāsanādianujānana
pli-tv-kd16:6.1.1	Atha kho bhagavā vesāliyaṁ yathābhirantaṁ viharitvā yena sāvatthi tena cārikaṁ pakkāmi.
pli-tv-kd16:6.1.2	Tena kho pana samayena chabbaggiyānaṁ bhikkhūnaṁ antevāsikā bhikkhū buddhappamukhassa saṅghassa purato purato gantvā vihāre pariggaṇhanti, seyyāyo pariggaṇhanti—
pli-tv-kd16:6.1.3	“idaṁ amhākaṁ upajjhāyānaṁ bhavissati, idaṁ amhākaṁ ācariyānaṁ bhavissati, idaṁ amhākaṁ bhavissatī”ti.
pli-tv-kd16:6.1.4	Atha kho āyasmā sāriputto buddhappamukhassa saṅghassa piṭṭhito piṭṭhito gantvā vihāresu pariggahitesu, seyyāsu pariggahitāsu, seyyaṁ alabhamāno aññatarasmiṁ rukkhamūle nisīdi.
pli-tv-kd16:6.1.5	Atha kho bhagavā rattiyā paccūsasamayaṁ paccuṭṭhāya ukkāsi.
pli-tv-kd16:6.1.6	Āyasmāpi sāriputto ukkāsi.
pli-tv-kd16:6.1.7	“Ko etthā”ti?
pli-tv-kd16:6.1.8	“Ahaṁ, bhagavā, sāriputto”ti.
pli-tv-kd16:6.1.9	“Kissa tvaṁ, sāriputta, idha nisinno”ti?
pli-tv-kd16:6.1.10	Atha kho āyasmā sāriputto bhagavato etamatthaṁ ārocesi.
pli-tv-kd16:6.2.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd16:6.2.2	“saccaṁ kira, bhikkhave, chabbaggiyānaṁ bhikkhūnaṁ antevāsikā bhikkhū buddhappamukhassa saṅghassa purato purato gantvā vihāre pariggaṇhanti, seyyāyo pariggaṇhanti—
pli-tv-kd16:6.2.3	idaṁ amhākaṁ upajjhāyānaṁ bhavissati, idaṁ amhākaṁ ācariyānaṁ bhavissati, idaṁ amhākaṁ bhavissatī”ti?
pli-tv-kd16:6.2.4	“Saccaṁ, bhagavā”ti.
pli-tv-kd16:6.2.5	Vigarahi buddho bhagavā …pe…
pli-tv-kd16:6.2.6	kathañhi nāma te, bhikkhave, moghapurisā buddhappamukhassa saṅghassa purato purato gantvā vihāre pariggahessanti, seyyāyo pariggahessanti—
pli-tv-kd16:6.2.7	idaṁ amhākaṁ upajjhāyānaṁ bhavissati, idaṁ amhākaṁ ācariyānaṁ bhavissati, idaṁ amhākaṁ bhavissatīti.
pli-tv-kd16:6.2.8	Netaṁ, bhikkhave, appasannānaṁ vā pasādāya …pe…
pli-tv-kd16:6.2.9	vigarahitvā …pe…
pli-tv-kd16:6.2.10	dhammiṁ kathaṁ katvā bhikkhū āmantesi—
pli-tv-kd16:6.2.11	“ko, bhikkhave, arahati aggāsanaṁ aggodakaṁ aggapiṇḍan”ti?
pli-tv-kd16:6.2.12	Ekacce bhikkhū evamāhaṁsu—
pli-tv-kd16:6.2.13	“yo, bhagavā, khattiyakulā pabbajito so arahati aggāsanaṁ aggodakaṁ aggapiṇḍan”ti.
pli-tv-kd16:6.2.14	Ekacce bhikkhū evamāhaṁsu—
pli-tv-kd16:6.2.15	“yo, bhagavā, brāhmaṇakulā pabbajito so arahati aggāsanaṁ aggodakaṁ aggapiṇḍan”ti.
pli-tv-kd16:6.2.16	Ekacce bhikkhū evamāhaṁsu—
pli-tv-kd16:6.2.17	“yo, bhagavā, gahapatikulā pabbajito so arahati aggāsanaṁ aggodakaṁ aggapiṇḍan”ti.
pli-tv-kd16:6.2.18	Ekacce bhikkhū evamāhaṁsu—
pli-tv-kd16:6.2.19	“yo, bhagavā, suttantiko so arahati aggāsanaṁ aggodakaṁ aggapiṇḍan”ti.
pli-tv-kd16:6.2.20	Ekacce bhikkhū evamāhaṁsu—
pli-tv-kd16:6.2.21	“yo, bhagavā, vinayadharo so arahati aggāsanaṁ aggodakaṁ aggapiṇḍan”ti.
pli-tv-kd16:6.2.22	Ekacce bhikkhū evamāhaṁsu—
pli-tv-kd16:6.2.23	“yo, bhagavā, dhammakathiko so arahati aggāsanaṁ aggodakaṁ aggapiṇḍan”ti.
pli-tv-kd16:6.2.24	Ekacce bhikkhū evamāhaṁsu—
pli-tv-kd16:6.2.25	“yo, bhagavā, paṭhamassa jhānassa lābhī so arahati aggāsanaṁ aggodakaṁ aggapiṇḍan”ti.
pli-tv-kd16:6.2.26	Ekacce bhikkhū evamāhaṁsu—
pli-tv-kd16:6.2.27	“yo, bhagavā, dutiyassa jhānassa lābhī so arahati aggāsanaṁ aggodakaṁ aggapiṇḍan”ti.
pli-tv-kd16:6.2.28	Ekacce bhikkhū evamāhaṁsu—
pli-tv-kd16:6.2.29	“yo, bhagavā, tatiyassa jhānassa lābhī so arahati aggāsanaṁ aggodakaṁ aggapiṇḍan”ti.
pli-tv-kd16:6.2.30	Ekacce bhikkhū evamāhaṁsu—
pli-tv-kd16:6.2.31	“yo, bhagavā, catutthassa jhānassa lābhī so arahati aggāsanaṁ aggodakaṁ aggapiṇḍan”ti.
pli-tv-kd16:6.2.32	Ekacce bhikkhū evamāhaṁsu—
pli-tv-kd16:6.2.33	“yo, bhagavā, sotāpanno so arahati aggāsanaṁ aggodakaṁ aggapiṇḍan”ti.
pli-tv-kd16:6.2.34	Ekacce bhikkhū evamāhaṁsu—
pli-tv-kd16:6.2.35	“yo, bhagavā, sakadāgāmī …pe…
pli-tv-kd16:6.2.36	yo, bhagavā, anāgāmī …pe…
pli-tv-kd16:6.2.37	yo, bhagavā, arahā so arahati aggāsanaṁ aggodakaṁ aggapiṇḍan”ti.
pli-tv-kd16:6.2.38	Ekacce bhikkhū evamāhaṁsu—
pli-tv-kd16:6.2.39	“yo, bhagavā, tevijjo so arahati aggāsanaṁ aggodakaṁ aggapiṇḍan”ti.
pli-tv-kd16:6.2.40	Ekacce bhikkhū evamāhaṁsu—
pli-tv-kd16:6.2.41	“yo, bhagavā, chaḷabhiñño so arahati aggāsanaṁ aggodakaṁ aggapiṇḍan”ti.
pli-tv-kd16:6.3.1	Atha kho bhagavā bhikkhū āmantesi—
pli-tv-kd16:6.3.2.0	
pli-tv-kd16:6.3.2.1	“bhūtapubbaṁ, bhikkhave, himavantapadese mahānigrodho ahosi.
pli-tv-kd16:6.3.3	Taṁ tayo sahāyā upanissāya vihariṁsu—
pli-tv-kd16:6.3.4	tittiro ca, makkaṭo ca, hatthināgo ca.
pli-tv-kd16:6.3.5	Te aññamaññaṁ agāravā appatissā asabhāgavuttikā viharanti.
pli-tv-kd16:6.3.6	Atha kho, bhikkhave, tesaṁ sahāyānaṁ etadahosi—
pli-tv-kd16:6.3.7	‘aho nūna mayaṁ jāneyyāma yaṁ amhākaṁ jātiyā mahantataraṁ taṁ mayaṁ sakkareyyāma garuṁ kareyyāma māneyyāma pūjeyyāma, tassa ca mayaṁ ovāde tiṭṭheyyāmā’ti.
pli-tv-kd16:6.3.8	Atha kho, bhikkhave, tittiro ca makkaṭo ca hatthināgaṁ pucchiṁsu—
pli-tv-kd16:6.3.9	‘tvaṁ, samma, kiṁ porāṇaṁ sarasī’ti?
pli-tv-kd16:6.3.10	‘Yadāhaṁ, sammā, poto homi, imaṁ nigrodhaṁ antarā satthīnaṁ karitvā atikkamāmi, aggaṅkurakaṁ me udaraṁ chupati.
pli-tv-kd16:6.3.11	Imāhaṁ, sammā, porāṇaṁ sarāmī’ti.
pli-tv-kd16:6.3.12	Atha kho, bhikkhave, tittiro ca hatthināgo ca makkaṭaṁ pucchiṁsu—
pli-tv-kd16:6.3.13	‘tvaṁ, samma, kiṁ porāṇaṁ sarasī’ti?
pli-tv-kd16:6.3.14	‘Yadāhaṁ, sammā, chāpo homi, chamāyaṁ nisīditvā imassa nigrodhassa aggaṅkurakaṁ khādāmi.
pli-tv-kd16:6.3.15	Imāhaṁ, sammā, porāṇaṁ sarāmī’ti.
pli-tv-kd16:6.3.16	Atha kho, bhikkhave, makkaṭo ca hatthināgo ca tittiraṁ pucchiṁsu—
pli-tv-kd16:6.3.17	‘tvaṁ, samma, kiṁ porāṇaṁ sarasī’ti?
pli-tv-kd16:6.3.18	‘Amukasmiṁ, sammā, okāse mahānigrodho ahosi.
pli-tv-kd16:6.3.19	Tato ahaṁ phalaṁ bhakkhitvā imasmiṁ okāse vaccaṁ akāsiṁ;
pli-tv-kd16:6.3.20	tassāyaṁ nigrodho jāto.
pli-tv-kd16:6.3.21	Tadāhaṁ, sammā, jātiyā mahantataro’ti.
pli-tv-kd16:6.3.22	Atha kho, bhikkhave, makkaṭo ca hatthināgo ca tittiraṁ etadavocuṁ—
pli-tv-kd16:6.3.23	‘tvaṁ, samma, amhākaṁ jātiyā mahantataro.
pli-tv-kd16:6.3.24	Taṁ mayaṁ sakkarissāma garuṁ karissāma mānessāma pūjessāma, tuyhañca mayaṁ ovāde patiṭṭhissāmā’ti.
pli-tv-kd16:6.3.25	Atha kho, bhikkhave, tittiro makkaṭañca hatthināgañca pañcasu sīlesu samādapesi, attanā ca pañcasu sīlesu samādāya vattati.
pli-tv-kd16:6.3.26	Te aññamaññaṁ sagāravā sappatissā sabhāgavuttikā viharitvā kāyassa bhedā paraṁ maraṇā sugatiṁ saggaṁ lokaṁ upapajjiṁsu.
pli-tv-kd16:6.3.27	Evaṁ kho taṁ, bhikkhave, tittiriyaṁ nāma brahmacariyaṁ ahosi.
pli-tv-kd16:6.3.28	‘Ye vuḍḍhamapacāyanti,
pli-tv-kd16:6.3.29	narā dhammassa kovidā;
pli-tv-kd16:6.3.30	Diṭṭhe dhamme ca pāsaṁsā,
pli-tv-kd16:6.3.31	samparāye ca suggatī’ti.
pli-tv-kd16:6.4.1	Te hi nāma, bhikkhave, tiracchānagatā pāṇā aññamaññaṁ sagāravā sappatissā sabhāgavuttikā viharissanti.
pli-tv-kd16:6.4.2	Idha kho taṁ, bhikkhave, sobhetha yaṁ tumhe evaṁ svākkhāte dhammavinaye pabbajitā samānā aññamaññaṁ agāravā appatissā asabhāgavuttikā vihareyyātha?
pli-tv-kd16:6.4.3	Netaṁ, bhikkhave, appasannānaṁ vā pasādāya …pe…
pli-tv-kd16:6.4.4	vigarahitvā …pe…
pli-tv-kd16:6.4.5	dhammiṁ kathaṁ katvā bhikkhū āmantesi—
pli-tv-kd16:6.4.6	“anujānāmi, bhikkhave, yathāvuḍḍhaṁ abhivādanaṁ, paccuṭṭhānaṁ, añjalikammaṁ, sāmīcikammaṁ, aggāsanaṁ, aggodakaṁ, aggapiṇḍaṁ.
pli-tv-kd16:6.4.7	Na ca, bhikkhave, saṅghikaṁ yathāvuḍḍhaṁ paṭibāhitabbaṁ.
pli-tv-kd16:6.4.8	Yo paṭibāheyya, āpatti dukkaṭassā”ti.
pli-tv-kd16:6.5.0	2.4. Avandiyādipuggala
pli-tv-kd16:6.5.1	“Dasayime, bhikkhave, avandiyā—
pli-tv-kd16:6.5.2	pure upasampannena pacchā upasampanno avandiyo, anupasampanno avandiyo, nānāsaṁvāsako vuḍḍhataro adhammavādī avandiyo, mātugāmo avandiyo, paṇḍako avandiyo, pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo.
pli-tv-kd16:6.5.3	Ime kho, bhikkhave, dasa avandiyā.
pli-tv-kd16:6.5.4	Tayome, bhikkhave, vandiyā—
pli-tv-kd16:6.5.5	pacchā upasampannena pure upasampanno vandiyo, nānāsaṁvāsako vuḍḍhataro dhammavādī vandiyo, sadevake bhikkhave loke samārake sabrahmake sassamaṇabrāhmaṇiyā pajāya sadevamanussāya tathāgato arahaṁ sammāsambuddho vandiyo.
pli-tv-kd16:6.5.6	Ime kho, bhikkhave, tayo vandiyā”ti.
pli-tv-kd16:7.0	2.5. Āsanappaṭibāhanapaṭikkhepa
pli-tv-kd16:7.1	Tena kho pana samayena manussā saṅghaṁ uddissa maṇḍape paṭiyādenti, santhare paṭiyādenti, okāse paṭiyādenti.
pli-tv-kd16:7.2	Chabbaggiyānaṁ bhikkhūnaṁ antevāsikā bhikkhū—
pli-tv-kd16:7.3	“saṅghikaññeva bhagavatā yathāvuḍḍhaṁ anuññātaṁ, no uddissakatan”ti buddhappamukhassa saṅghassa purato purato gantvā maṇḍapepi pariggaṇhanti, santharepi pariggaṇhanti, okāsepi pariggaṇhanti—
pli-tv-kd16:7.4	“idaṁ amhākaṁ upajjhāyānaṁ bhavissati, idaṁ amhākaṁ ācariyānaṁ bhavissati, idaṁ amhākaṁ bhavissatī”ti.
pli-tv-kd16:7.5	Atha kho āyasmā sāriputto buddhappamukhassa saṅghassa piṭṭhito piṭṭhito gantvā maṇḍapesu pariggahitesu, santharesu pariggahitesu, okāsesu pariggahitesu, okāsaṁ alabhamāno aññatarasmiṁ rukkhamūle nisīdi.
pli-tv-kd16:7.6	Atha kho bhagavā rattiyā paccūsasamayaṁ paccuṭṭhāya ukkāsi.
pli-tv-kd16:7.7	Āyasmāpi sāriputto ukkāsi.
pli-tv-kd16:7.8	“Ko etthā”ti?
pli-tv-kd16:7.9	“Ahaṁ, bhagavā, sāriputto”ti.
pli-tv-kd16:7.10	“Kissa tvaṁ, sāriputta, idha nisinno”ti?
pli-tv-kd16:7.11	Atha kho āyasmā sāriputto bhagavato etamatthaṁ ārocesi.
pli-tv-kd16:7.12	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd16:7.13	“saccaṁ kira, bhikkhave, chabbaggiyānaṁ bhikkhūnaṁ antevāsikā bhikkhū—
pli-tv-kd16:7.14	‘saṅghikaññeva bhagavatā yathāvuḍḍhaṁ anuññātaṁ, no uddissakatan’ti buddhappamukhassa saṅghassa purato purato gantvā maṇḍape pariggaṇhanti, santhare pariggaṇhanti, okāse pariggaṇhanti—
pli-tv-kd16:7.15	idaṁ amhākaṁ upajjhāyānaṁ bhavissati, idaṁ amhākaṁ ācariyānaṁ bhavissati, idaṁ amhākaṁ bhavissatī”ti?
pli-tv-kd16:7.16	“Saccaṁ, bhagavā”ti …pe…
pli-tv-kd16:7.17	vigarahitvā …pe…
pli-tv-kd16:7.18	dhammiṁ kathaṁ katvā bhikkhū āmantesi—
pli-tv-kd16:7.19	“na, bhikkhave, uddissakatampi yathāvuḍḍhaṁ paṭibāhitabbaṁ.
pli-tv-kd16:7.20	Yo paṭibāheyya, āpatti dukkaṭassā”ti.
pli-tv-kd16:8.0	2.6. Gihivikataanujānana
pli-tv-kd16:8.1	Tena kho pana samayena manussā bhattagge antaraghare uccāsayanamahāsayanāni paññapenti, seyyathidaṁ—
pli-tv-kd16:8.2	āsandiṁ, pallaṅkaṁ, gonakaṁ, cittakaṁ, paṭikaṁ, paṭalikaṁ, tūlikaṁ, vikatikaṁ, uddalomiṁ, ekantalomiṁ, kaṭṭissaṁ, koseyyaṁ, kuttakaṁ, hatthattharaṁ, assattharaṁ, rathattharaṁ, ajinapaveṇiṁ, kadalimigapavarapaccattharaṇaṁ, sauttaracchadaṁ, ubhatolohitakūpadhānaṁ.
pli-tv-kd16:8.3	Bhikkhū kukkuccāyantā nābhinisīdanti.
pli-tv-kd16:8.4	Bhagavato etamatthaṁ ārocesuṁ.
pli-tv-kd16:8.5	“Anujānāmi, bhikkhave, ṭhapetvā tīṇi—
pli-tv-kd16:8.6	āsandiṁ, pallaṅkaṁ, tūlikaṁ—
pli-tv-kd16:8.7	gihivikataṁ abhinisīdituṁ, na tveva abhinipajjitun”ti.
pli-tv-kd16:8.8	Tena kho pana samayena manussā bhattagge antaraghare tūlonaddhaṁ mañcampi pīṭhampi paññapenti.
pli-tv-kd16:8.9	Bhikkhū kukkuccāyantā nābhinisīdanti.
pli-tv-kd16:8.10	Bhagavato etamatthaṁ ārocesuṁ.
pli-tv-kd16:8.11	“Anujānāmi, bhikkhave, gihivikataṁ abhinisīdituṁ, na tveva abhinipajjitun”ti.
pli-tv-kd16:9.0	2.7. Jetavanavihārānumodanā
pli-tv-kd16:9.1.1	Atha kho bhagavā anupubbena cārikaṁ caramāno yena sāvatthi tadavasari.
pli-tv-kd16:9.1.2	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd16:9.1.3	Atha kho anāthapiṇḍiko gahapati yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd16:9.1.4	Ekamantaṁ nisinno kho anāthapiṇḍiko gahapati bhagavantaṁ etadavoca—
pli-tv-kd16:9.1.5	“adhivāsetu me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-kd16:9.1.6	Adhivāsesi bhagavā tuṇhībhāvena.
pli-tv-kd16:9.1.7	Atha kho anāthapiṇḍiko gahapati bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd16:9.1.8	Atha kho anāthapiṇḍiko gahapati tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—
pli-tv-kd16:9.1.9	“kālo, bhante, niṭṭhitaṁ bhattan”ti.
pli-tv-kd16:9.1.10	Atha kho bhagavā pubbaṇhasamayaṁ nivāsetvā pattacīvaramādāya yena anāthapiṇḍikassa gahapatissa nivesanaṁ tenupasaṅkami, upasaṅkamitvā paññatte āsane nisīdi saddhiṁ bhikkhusaṅghena.
pli-tv-kd16:9.1.11	Atha kho anāthapiṇḍiko gahapati buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā, bhagavantaṁ bhuttāviṁ onītapattapāṇiṁ, ekamantaṁ nisīdi.
pli-tv-kd16:9.1.12	Ekamantaṁ nisinno kho anāthapiṇḍiko gahapati bhagavantaṁ etadavoca—
pli-tv-kd16:9.1.13	“kathāhaṁ, bhante, jetavane paṭipajjāmī”ti?
pli-tv-kd16:9.1.14	“Tena hi tvaṁ, gahapati, jetavanaṁ āgatānāgatassa cātuddisassa saṅghassa patiṭṭhapehī”ti.
pli-tv-kd16:9.1.15	“Evaṁ, bhante”ti kho anāthapiṇḍiko gahapati bhagavato paṭissutvā jetavanaṁ āgatānāgatassa cātuddisassa saṅghassa patiṭṭhāpesi.
pli-tv-kd16:9.2.1	Atha kho bhagavā anāthapiṇḍikaṁ gahapatiṁ imāhi gāthāhi anumodi—
pli-tv-kd16:9.2.2	“Sītaṁ uṇhaṁ paṭihanti,
pli-tv-kd16:9.2.3	tato vāḷamigāni ca;
pli-tv-kd16:9.2.4	Sarīsape ca makase,
pli-tv-kd16:9.2.5	sisire cāpi vuṭṭhiyo.
pli-tv-kd16:9.2.6	Tato vātātapo ghoro,
pli-tv-kd16:9.2.7	sañjāto paṭihaññati;
pli-tv-kd16:9.2.8	Leṇatthañca sukhatthañca,
pli-tv-kd16:9.2.9	jhāyituñca vipassituṁ.
pli-tv-kd16:9.2.10	Vihāradānaṁ saṅghassa,
pli-tv-kd16:9.2.11	aggaṁ buddhena vaṇṇitaṁ;
pli-tv-kd16:9.2.12	Tasmā hi paṇḍito poso,
pli-tv-kd16:9.2.13	sampassaṁ atthamattano.
pli-tv-kd16:9.2.14	Vihāre kāraye ramme,
pli-tv-kd16:9.2.15	vāsayettha bahussute;
pli-tv-kd16:9.2.16	Tesaṁ annañca pānañca,
pli-tv-kd16:9.2.17	vatthasenāsanāni ca.
pli-tv-kd16:9.2.18	Dadeyya ujubhūtesu,
pli-tv-kd16:9.2.19	Vippasannena cetasā;
pli-tv-kd16:9.2.20	Te tassa dhammaṁ desenti,
pli-tv-kd16:9.2.21	Sabbadukkhāpanūdanaṁ;
pli-tv-kd16:9.2.22	Yaṁ so dhammaṁ idhaññāya,
pli-tv-kd16:9.2.23	Parinibbāti anāsavo”ti.
pli-tv-kd16:9.2.24	Atha kho bhagavā anāthapiṇḍikaṁ gahapatiṁ imāhi gāthāhi anumoditvā uṭṭhāyāsanā pakkāmi.
pli-tv-kd16:10.1.0	2.8. Āsanappaṭibāhanādi
pli-tv-kd16:10.1.1	Tena kho pana samayena aññatarassa ājīvakasāvakassa mahāmattassa saṅghabhattaṁ hoti.
pli-tv-kd16:10.1.2	Āyasmā upanando sakyaputto pacchā āgantvā vippakatabhojanaṁ ānantarikaṁ bhikkhuṁ vuṭṭhāpesi.
pli-tv-kd16:10.1.3	Bhattaggaṁ kolāhalaṁ ahosi.
pli-tv-kd16:10.1.4	Atha kho so mahāmatto ujjhāyati khiyyati vipāceti—
pli-tv-kd16:10.1.5	“kathañhi nāma samaṇā sakyaputtiyā pacchā āgantvā vippakatabhojanaṁ ānantarikaṁ bhikkhuṁ vuṭṭhāpessanti.
pli-tv-kd16:10.1.6	Bhattaggaṁ kolāhalaṁ ahosi.
pli-tv-kd16:10.1.7	Nanu nāma labbhā aññatrāpi nisinnena yāvadatthaṁ bhuñjitun”ti?
pli-tv-kd16:10.1.8	Assosuṁ kho bhikkhū tassa mahāmattassa ujjhāyantassa khiyyantassa vipācentassa.
pli-tv-kd16:10.1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-kd16:10.1.10	“kathañhi nāma āyasmā upanando sakyaputto pacchā āgantvā vippakatabhojanaṁ ānantarikaṁ bhikkhuṁ vuṭṭhāpessati.
pli-tv-kd16:10.1.11	Bhattaggaṁ kolāhalaṁ ahosī”ti.
pli-tv-kd16:10.1.12	Atha kho te bhikkhū bhagavato etamatthaṁ ārocesuṁ.
pli-tv-kd16:10.1.13	“Saccaṁ kira tvaṁ, upananda, pacchā āgantvā vippakatabhojanaṁ ānantarikaṁ bhikkhuṁ vuṭṭhāpesi, bhattaggaṁ kolāhalaṁ ahosī”ti?
pli-tv-kd16:10.1.14	“Saccaṁ, bhagavā”ti.
pli-tv-kd16:10.1.15	Vigarahi buddho bhagavā …pe…
pli-tv-kd16:10.1.16	kathañhi nāma tvaṁ, moghapurisa, pacchā āgantvā vippakatabhojanaṁ ānantarikaṁ bhikkhuṁ vuṭṭhāpessasi?
pli-tv-kd16:10.1.17	Bhattaggaṁ kolāhalaṁ ahosi.
pli-tv-kd16:10.1.18	Netaṁ, moghapurisa, appasannānaṁ vā pasādāya …pe…
pli-tv-kd16:10.1.19	vigarahitvā …pe…
pli-tv-kd16:10.1.20	dhammiṁ kathaṁ katvā bhikkhū āmantesi—
pli-tv-kd16:10.1.21	“na, bhikkhave, vippakatabhojano bhikkhu vuṭṭhāpetabbo.
pli-tv-kd16:10.1.22	Yo vuṭṭhāpeyya, āpatti dukkaṭassa.
pli-tv-kd16:10.1.23	Sace vuṭṭhāpeti, pavārito ca hoti, ‘gaccha udakaṁ āharā’ti vattabbo.
pli-tv-kd16:10.1.24	Evañcetaṁ labhetha, iccetaṁ kusalaṁ.
pli-tv-kd16:10.1.25	No ce labhetha, sādhukaṁ sitthāni gilitvā vuḍḍhatarassa bhikkhuno āsanaṁ dātabbaṁ.
pli-tv-kd16:10.1.26	Na tvevāhaṁ, bhikkhave, kenaci pariyāyena vuḍḍhatarassa bhikkhuno āsanaṁ paṭibāhitabbanti vadāmi.
pli-tv-kd16:10.1.27	Yo paṭibāheyya, āpatti dukkaṭassāti”.
pli-tv-kd16:10.2.1	Tena kho pana samayena chabbaggiyā bhikkhū gilāne bhikkhū vuṭṭhāpenti.
pli-tv-kd16:10.2.2	Gilānā evaṁ vadenti—
pli-tv-kd16:10.2.3	“na mayaṁ, āvuso, sakkoma vuṭṭhātuṁ, gilānāmhā”ti.
pli-tv-kd16:10.2.4	“Mayaṁ āyasmante vuṭṭhāpessāmā”ti pariggahetvā vuṭṭhāpetvā ṭhitake muñcanti.
pli-tv-kd16:10.2.5	Gilānā mucchitā papatanti.
pli-tv-kd16:10.2.6	Bhagavato etamatthaṁ ārocesuṁ.
pli-tv-kd16:10.2.7	“Na, bhikkhave, gilāno vuṭṭhāpetabbo.
pli-tv-kd16:10.2.8	Yo vuṭṭhāpeyya, āpatti dukkaṭassā”ti.
pli-tv-kd16:10.2.9	Tena kho pana samayena chabbaggiyā bhikkhū—
pli-tv-kd16:10.2.10	“gilānā mayamhā avuṭṭhāpanīyā”ti varaseyyāyo palibuddhenti.
pli-tv-kd16:10.2.11	Bhagavato etamatthaṁ ārocesuṁ.
pli-tv-kd16:10.2.12	“Anujānāmi, bhikkhave, gilānassa patirūpaṁ seyyaṁ dātun”ti.
pli-tv-kd16:10.2.13	Tena kho pana samayena chabbaggiyā bhikkhū lesakappena senāsanaṁ paṭibāhanti.
pli-tv-kd16:10.2.14	Bhagavato etamatthaṁ ārocesuṁ.
pli-tv-kd16:10.2.15	“Na, bhikkhave, lesakappena senāsanaṁ paṭibāhitabbaṁ.
pli-tv-kd16:10.2.16	Yo paṭibāheyya, āpatti dukkaṭassā”ti.
pli-tv-kd16:11.1.1	Tena kho pana samayena sattarasavaggiyā bhikkhū aññataraṁ paccantimaṁ mahāvihāraṁ paṭisaṅkharonti—
pli-tv-kd16:11.1.2	“idha mayaṁ vassaṁ vasissāmā”ti.
pli-tv-kd16:11.1.3	Addasaṁsu kho chabbaggiyā bhikkhū sattarasavaggiye bhikkhū vihāraṁ paṭisaṅkharonte.
pli-tv-kd16:11.1.4	Disvāna evamāhaṁsu—
pli-tv-kd16:11.1.5	“ime, āvuso, sattarasavaggiyā bhikkhū vihāraṁ paṭisaṅkharonti.
pli-tv-kd16:11.1.6	Handa ne vuṭṭhāpessāmā”ti.
pli-tv-kd16:11.1.7	Ekacce evamāhaṁsu—
pli-tv-kd16:11.1.8	“āgamethāvuso, yāva paṭisaṅkharonti, paṭisaṅkhate vuṭṭhāpessāmā”ti.
pli-tv-kd16:11.1.9	Atha kho chabbaggiyā bhikkhū sattarasavaggiye bhikkhū etadavocuṁ—
pli-tv-kd16:11.1.10	“uṭṭhethāvuso, amhākaṁ vihāro pāpuṇātī”ti.
pli-tv-kd16:11.1.11	“Nanu, āvuso, paṭikacceva ācikkhitabbaṁ?
pli-tv-kd16:11.1.12	Mayañcaññaṁ paṭisaṅkhareyyāmā”ti.
pli-tv-kd16:11.1.13	“Nanu, āvuso, saṅghiko vihāro”ti?
pli-tv-kd16:11.1.14	“Āmāvuso, saṅghiko vihāro”ti.
pli-tv-kd16:11.1.15	“Uṭṭhethāvuso, amhākaṁ vihāro pāpuṇātī”ti.
pli-tv-kd16:11.1.16	“Mahallako, āvuso, vihāro;
pli-tv-kd16:11.1.17	tumhepi vasatha, mayampi vasissāmā”ti.
pli-tv-kd16:11.1.18	“Uṭṭhethāvuso, amhākaṁ vihāro pāpuṇātī”ti kupitā anattamanā gīvāyaṁ gahetvā nikkaḍḍhanti.
pli-tv-kd16:11.1.19	Te nikkaḍḍhiyamānā rodanti.
pli-tv-kd16:11.1.20	Bhikkhū evamāhaṁsu—
pli-tv-kd16:11.1.21	“kissa tumhe, āvuso, rodathā”ti?
pli-tv-kd16:11.1.22	“Ime, āvuso, chabbaggiyā bhikkhū kupitā anattamanā amhe saṅghikā vihārā nikkaḍḍhantī”ti.
pli-tv-kd16:11.1.23	Ye te bhikkhū appicchā …pe… te ujjhāyanti khiyyanti vipācenti—
pli-tv-kd16:11.1.24	“kathañhi nāma chabbaggiyā bhikkhū kupitā anattamanā bhikkhū saṅghikā vihārā nikkaḍḍhissantī”ti.
pli-tv-kd16:11.1.25	Atha kho te bhikkhū bhagavato etamatthaṁ ārocesuṁ …pe…
pli-tv-kd16:11.1.26	“saccaṁ kira, tumhe bhikkhave, kupitā anattamanā saṅghikā vihārā bhikkhū nikkaḍḍhathā”ti?
pli-tv-kd16:11.1.27	“Saccaṁ, bhagavā”ti …pe…
pli-tv-kd16:11.1.28	vigarahitvā …pe…
pli-tv-kd16:11.1.29	dhammiṁ kathaṁ katvā bhikkhū āmantesi—
pli-tv-kd16:11.1.30	“na, bhikkhave, kupitena anattamanena bhikkhu saṅghikā vihārā nikkaḍḍhitabbo.
pli-tv-kd16:11.1.31	Yo nikkaḍḍheyya, yathādhammo kāretabbo.
pli-tv-kd16:11.1.32	Anujānāmi, bhikkhave, senāsanaṁ gāhetun”ti.
pli-tv-kd16:11.2.0	2.9. Senāsanaggāhāpakasammuti
pli-tv-kd16:11.2.1	Atha kho bhikkhūnaṁ etadahosi—
pli-tv-kd16:11.2.2	“kena nu kho senāsanaṁ gāhetabban”ti?
pli-tv-kd16:11.2.3	Bhagavato etamatthaṁ ārocesuṁ …pe…
pli-tv-kd16:11.2.4	“anujānāmi, bhikkhave, pañcahaṅgehi samannāgataṁ bhikkhuṁ senāsanaggāhāpakaṁ sammannituṁ—
pli-tv-kd16:11.2.5	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, gahitāgahitañca jāneyya.
pli-tv-kd16:11.2.6	Evañca pana, bhikkhave, sammannitabbo—
pli-tv-kd16:11.2.7	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd16:11.2.8	‘Suṇātu me, bhante, saṅgho.
pli-tv-kd16:11.2.9	Yadi saṅghassa pattakallaṁ, saṅgho itthannāmaṁ bhikkhuṁ senāsanaggāhāpakaṁ sammanneyya.
pli-tv-kd16:11.2.10	Esā ñatti.
pli-tv-kd16:11.2.11	Suṇātu me, bhante, saṅgho.
pli-tv-kd16:11.2.12	Saṅgho itthannāmaṁ bhikkhuṁ senāsanaggāhāpakaṁ sammannati.
pli-tv-kd16:11.2.13	Yassāyasmato khamati itthannāmassa bhikkhuno senāsanaggāhāpakassa sammuti, so tuṇhassa;
pli-tv-kd16:11.2.14	yassa nakkhamati, so bhāseyya.
pli-tv-kd16:11.2.15	Sammato saṅghena itthannāmo bhikkhu senāsanaggāhāpako.
pli-tv-kd16:11.2.16	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd16:11.3.1	Atha kho senāsanaggāhāpakānaṁ bhikkhūnaṁ etadahosi—
pli-tv-kd16:11.3.2	“kathaṁ nu kho senāsanaṁ gāhetabban”ti?
pli-tv-kd16:11.3.3	Bhagavato etamatthaṁ ārocesuṁ.
pli-tv-kd16:11.3.4	“Anujānāmi, bhikkhave, paṭhamaṁ bhikkhū gaṇetuṁ, bhikkhū gaṇetvā seyyā gaṇetuṁ, seyyā gaṇetvā seyyaggena gāhetun”ti.
pli-tv-kd16:11.3.5	Seyyaggena gāhentā seyyā ussārayiṁsu …pe…
pli-tv-kd16:11.3.6	“anujānāmi, bhikkhave, vihāraggena gāhetun”ti.
pli-tv-kd16:11.3.7	Vihāraggena gāhentā vihārā ussārayiṁsu …pe…
pli-tv-kd16:11.3.8	“anujānāmi, bhikkhave, pariveṇaggena gāhetun”ti.
pli-tv-kd16:11.3.9	Pariveṇaggena gāhentā pariveṇā ussārayiṁsu …pe…
pli-tv-kd16:11.3.10	“anujānāmi, bhikkhave, anubhāgampi dātuṁ.
pli-tv-kd16:11.3.11	Gahite anubhāge añño bhikkhu āgacchati, akāmā na dātabbo”ti.
pli-tv-kd16:11.3.12	Tena kho pana samayena bhikkhū nissīme ṭhitassa senāsanaṁ gāhenti.
pli-tv-kd16:11.3.13	Bhagavato etamatthaṁ ārocesuṁ.
pli-tv-kd16:11.3.14	“Na, bhikkhave, nissīme ṭhitassa senāsanaṁ gāhetabbaṁ.
pli-tv-kd16:11.3.15	Yo gāheyya, āpatti dukkaṭassā”ti.
pli-tv-kd16:11.3.16	Tena kho pana samayena bhikkhū senāsanaṁ gahetvā sabbakālaṁ paṭibāhanti.
pli-tv-kd16:11.3.17	Bhagavato etamatthaṁ ārocesuṁ.
pli-tv-kd16:11.3.18	“Na, bhikkhave, senāsanaṁ gahetvā sabbakālaṁ paṭibāhitabbaṁ.
pli-tv-kd16:11.3.19	Yo paṭibāheyya, āpatti dukkaṭassa.
pli-tv-kd16:11.3.20	Anujānāmi, bhikkhave, vassānaṁ temāsaṁ paṭibāhituṁ, utukālaṁ pana na paṭibāhitun”ti.
pli-tv-kd16:11.4.1	Atha kho bhikkhūnaṁ etadahosi—
pli-tv-kd16:11.4.2	“kati nu kho senāsanaggāhā”ti?
pli-tv-kd16:11.4.3	Bhagavato etamatthaṁ ārocesuṁ.
pli-tv-kd16:11.4.4	“Tayo me, bhikkhave, senāsanaggāhā—
pli-tv-kd16:11.4.5	purimako, pacchimako, antarāmuttako.
pli-tv-kd16:11.4.6	Aparajjugatāya āsāḷhiyā purimako gāhetabbo.
pli-tv-kd16:11.4.7	Māsagatāya āsāḷhiyā pacchimako gāhetabbo.
pli-tv-kd16:11.4.8	Aparajjugatāya pavāraṇāya āyatiṁ vassāvāsatthāya antarāmuttako gāhetabbo.
pli-tv-kd16:11.4.9	Ime kho, bhikkhave, tayo senāsanaggāhā”ti.
pli-tv-kd16:11.4.10	Dutiyabhāṇavāro niṭṭhito.
pli-tv-kd16:12.1.0.1	
pli-tv-kd16:12.1.0.2	
pli-tv-kd16:12.1.1	Tena kho pana samayena āyasmā upanando sakyaputto sāvatthiyaṁ senāsanaṁ gahetvā aññataraṁ gāmakāvāsaṁ agamāsi.
pli-tv-kd16:12.1.2	Tatthapi senāsanaṁ aggahesi.
pli-tv-kd16:12.1.3	Atha kho tesaṁ bhikkhūnaṁ etadahosi—
pli-tv-kd16:12.1.4	“ayaṁ, āvuso, āyasmā upanando sakyaputto bhaṇḍanakārako kalahakārako vivādakārako bhassakārako saṅghe adhikaraṇakārako.
pli-tv-kd16:12.1.5	Sacāyaṁ idha vassaṁ vasissati, sabbeva mayaṁ na phāsu bhavissāma.
pli-tv-kd16:12.1.6	Handa naṁ pucchāmā”ti.
pli-tv-kd16:12.1.7	Atha kho te bhikkhū āyasmantaṁ upanandaṁ sakyaputtaṁ etadavocuṁ—
pli-tv-kd16:12.1.8	“nanu tayā, āvuso upananda, sāvatthiyaṁ senāsanaṁ gahitan”ti?
pli-tv-kd16:12.1.9	“Evamāvuso”ti.
pli-tv-kd16:12.1.10	“Kiṁ pana tvaṁ, āvuso upananda, eko dve paṭibāhasī”ti?
pli-tv-kd16:12.1.11	“Idha dānāhaṁ, āvuso, muñcāmi;
pli-tv-kd16:12.1.12	tattha gaṇhāmī”ti.
pli-tv-kd16:12.1.13	Ye te bhikkhū appicchā …pe… te ujjhāyanti khiyyanti vipācenti—
pli-tv-kd16:12.1.14	“kathañhi nāma āyasmā upanando sakyaputto eko dve paṭibāhessatī”ti.
pli-tv-kd16:12.1.15	Bhagavato etamatthaṁ ārocesuṁ …pe…
pli-tv-kd16:12.1.16	“saccaṁ kira tvaṁ, upananda, eko dve paṭibāhasī”ti?
pli-tv-kd16:12.1.17	“Saccaṁ, bhagavā”ti.
pli-tv-kd16:12.1.18	Vigarahi buddho bhagavā …pe…
pli-tv-kd16:12.1.19	kathañhi nāma tvaṁ, moghapurisa, eko dve paṭibāhissasi?
pli-tv-kd16:12.1.20	Tattha tayā, moghapurisa, gahitaṁ idha muttaṁ, idha tayā gahitaṁ tatra muttaṁ.
pli-tv-kd16:12.1.21	Evaṁ kho tvaṁ, moghapurisa, ubhayattha paribāhiro.
pli-tv-kd16:12.1.22	Netaṁ, moghapurisa, appasannānaṁ vā pasādāya …pe…
pli-tv-kd16:12.1.23	vigarahitvā …pe…
pli-tv-kd16:12.1.24	dhammiṁ kathaṁ katvā bhikkhū āmantesi—
pli-tv-kd16:12.1.25	“na, bhikkhave, ekena dve paṭibāhitabbā.
pli-tv-kd16:12.1.26	Yo paṭibāheyya, āpatti dukkaṭassā”ti.
pli-tv-kd16:13.1.1	Tena kho pana samayena bhagavā bhikkhūnaṁ anekapariyāyena vinayakathaṁ kathesi, vinayassa vaṇṇaṁ bhāsati, vinayapariyattiyā vaṇṇaṁ bhāsati, ādissa ādissa āyasmato upālissa vaṇṇaṁ bhāsati.
pli-tv-kd16:13.1.2	Bhikkhūnaṁ etadahosi—
pli-tv-kd16:13.1.3	“bhagavā kho anekapariyāyena vinayakathaṁ katheti, vinayassa vaṇṇaṁ bhāsati, vinayapariyattiyā vaṇṇaṁ bhāsati, ādissa ādissa āyasmato upālissa vaṇṇaṁ bhāsati.
pli-tv-kd16:13.1.4	Handa mayaṁ, āvuso, āyasmato upālissa santike vinayaṁ pariyāpuṇāmā”ti.
pli-tv-kd16:13.1.5	Tedha bahū bhikkhū therā ca navā ca majjhimā ca āyasmato upālissa santike vinayaṁ pariyāpuṇanti.
pli-tv-kd16:13.1.6	Āyasmā upāli ṭhitakova uddisati therānaṁ bhikkhūnaṁ gāravena.
pli-tv-kd16:13.1.7	Therāpi bhikkhū ṭhitakāva uddisāpenti dhammagāravena.
pli-tv-kd16:13.1.8	Tattha therā ceva bhikkhū kilamanti, āyasmā ca upāli kilamati.
pli-tv-kd16:13.1.9	Bhagavato etamatthaṁ ārocesuṁ.
pli-tv-kd16:13.1.10	“Anujānāmi, bhikkhave, navakena bhikkhunā uddisantena samake vā āsane nisīdituṁ, uccatare vā dhammagāravena;
pli-tv-kd16:13.1.11	therena bhikkhunā uddisāpentena samake vā āsane nisīdituṁ, nīcatare vā dhammagāravenā”ti.
pli-tv-kd16:13.2.1	Tena kho pana samayena bahū bhikkhū āyasmato upālissa santike ṭhitakā uddesaṁ paṭimānentā kilamanti.
pli-tv-kd16:13.2.2	Bhagavato etamatthaṁ ārocesuṁ.
pli-tv-kd16:13.2.3	“Anujānāmi, bhikkhave, samānāsanikehi saha nisīditun”ti.
pli-tv-kd16:13.2.4	Atha kho bhikkhūnaṁ etadahosi—
pli-tv-kd16:13.2.5	“kittāvatā nu kho samānāsaniko hotī”ti?
pli-tv-kd16:13.2.6	Bhagavato etamatthaṁ ārocesuṁ—
pli-tv-kd16:13.2.7	“anujānāmi, bhikkhave, tivassantarena saha nisīditun”ti.
pli-tv-kd16:13.2.8	Tena kho pana samayena sambahulā bhikkhū samānāsanikā mañce nisīditvā mañcaṁ bhindiṁsu, pīṭhe nisīditvā pīṭhaṁ bhindiṁsu.
pli-tv-kd16:13.2.9	Bhagavato etamatthaṁ ārocesuṁ.
pli-tv-kd16:13.2.10	“Anujānāmi, bhikkhave, tivaggassa mañcaṁ, tivaggassa pīṭhan”ti.
pli-tv-kd16:13.2.11	Tivaggopi mañce nisīditvā mañcaṁ bhindi, pīṭhe nisīditvā pīṭhaṁ bhindi …pe…
pli-tv-kd16:13.2.12	“anujānāmi, bhikkhave, duvaggassa mañcaṁ, duvaggassa pīṭhan”ti.
pli-tv-kd16:13.2.13	Tena kho pana samayena bhikkhū asamānāsanikehi saha dīghāsane nisīdituṁ kukkuccāyanti.
pli-tv-kd16:13.2.14	Bhagavato etamatthaṁ ārocesuṁ.
pli-tv-kd16:13.2.15	“Anujānāmi, bhikkhave, ṭhapetvā paṇḍakaṁ, mātugāmaṁ, ubhatobyañjanakaṁ, asamānāsanikehi saha dīghāsane nisīditun”ti.
pli-tv-kd16:13.2.16	Atha kho bhikkhūnaṁ etadahosi—
pli-tv-kd16:13.2.17	“kittakaṁ pacchimaṁ nu kho dīghāsanaṁ hotī”ti?
pli-tv-kd16:13.2.18	Bhagavato etamatthaṁ ārocesuṁ.
pli-tv-kd16:13.2.19	“Anujānāmi, bhikkhave, yaṁ tiṇṇaṁ pahoti, ettakaṁ pacchimaṁ dīghāsanan”ti.
pli-tv-kd16:14.1.1	Tena kho pana samayena visākhā migāramātā saṅghassa atthāya sāḷindaṁ pāsādaṁ kārāpetukāmā hoti hatthinakhakaṁ.
pli-tv-kd16:14.1.2	Atha kho bhikkhūnaṁ etadahosi—
pli-tv-kd16:14.1.3	“kiṁ nu kho bhagavatā pāsādaparibhogo anuññāto kiṁ ananuññāto”ti?
pli-tv-kd16:14.1.4	Bhagavato etamatthaṁ ārocesuṁ.
pli-tv-kd16:14.1.5	“Anujānāmi, bhikkhave, sabbaṁ pāsādaparibhogan”ti.
pli-tv-kd16:14.1.6	Tena kho pana samayena rañño pasenadissa kosalassa ayyikā kālaṅkatā hoti.
pli-tv-kd16:14.1.7	Tassa kālaṅkiriyāya saṅghassa bahuṁ akappiyabhaṇḍaṁ uppannaṁ hoti, seyyathidaṁ—
pli-tv-kd16:14.1.8	āsandi, pallaṅko, gonako, cittako, paṭikā, paṭalikā, tūlikā, vikatikā, uddalomī, ekantalomī, kaṭṭissaṁ, koseyyaṁ, kuttakaṁ, hatthattharaṁ, assattharaṁ, rathattharaṁ, ajinapaveṇi, kadalimigapavarapaccattharaṇaṁ, sauttaracchadaṁ, ubhatolohitakūpadhānaṁ.
pli-tv-kd16:14.1.9	Bhagavato etamatthaṁ ārocesuṁ.
pli-tv-kd16:14.1.10	“Anujānāmi, bhikkhave, āsandiyā pāde chinditvā paribhuñjituṁ, pallaṅkassa vāḷe bhinditvā paribhuñjituṁ, tūlikaṁ vijaṭetvā bibbohanaṁ kātuṁ, avasesaṁ bhūmattharaṇaṁ kātun”ti.
pli-tv-kd16:15.1.0	3.1. Avissajjiyavatthu
pli-tv-kd16:15.1.1	Tena kho pana samayena sāvatthiyā avidūre aññatarasmiṁ gāmakāvāse āvāsikā bhikkhū upaddutā honti āgantukagamikānaṁ bhikkhūnaṁ senāsanaṁ paññapentā.
pli-tv-kd16:15.1.2	Atha kho tesaṁ bhikkhūnaṁ etadahosi—
pli-tv-kd16:15.1.3	“etarahi kho mayaṁ, āvuso, upaddutā āgantukagamikānaṁ bhikkhūnaṁ senāsanaṁ paññapentā.
pli-tv-kd16:15.1.4	Handa mayaṁ, āvuso, sabbaṁ saṅghikaṁ senāsanaṁ ekassa dema.
pli-tv-kd16:15.1.5	Tassa santakaṁ paribhuñjissāmā”ti.
pli-tv-kd16:15.1.6	Te sabbaṁ saṅghikaṁ senāsanaṁ ekassa adaṁsu.
pli-tv-kd16:15.1.7	Āgantukā bhikkhū te bhikkhū etadavocuṁ—
pli-tv-kd16:15.1.8	“amhākaṁ, āvuso, senāsanaṁ paññapethā”ti.
pli-tv-kd16:15.1.9	“Natthāvuso, saṅghikaṁ senāsanaṁ;
pli-tv-kd16:15.1.10	sabbaṁ amhehi ekassa dinnan”ti.
pli-tv-kd16:15.1.11	“Kiṁ pana tumhe, āvuso, saṅghikaṁ senāsanaṁ vissajjethā”ti?
pli-tv-kd16:15.1.12	“Evamāvuso”ti.
pli-tv-kd16:15.1.13	Ye te bhikkhū appicchā …pe… te ujjhāyanti khiyyanti vipācenti—
pli-tv-kd16:15.1.14	“kathañhi nāma bhikkhū saṅghikaṁ senāsanaṁ vissajjessantī”ti.
pli-tv-kd16:15.1.15	Atha kho te bhikkhū bhagavato etamatthaṁ ārocesuṁ …pe…
pli-tv-kd16:15.1.16	“saccaṁ kira, bhikkhave, bhikkhū saṅghikaṁ senāsanaṁ vissajjentī”ti?
pli-tv-kd16:15.1.17	“Saccaṁ, bhagavā”ti.
pli-tv-kd16:15.1.18	Vigarahi buddho bhagavā …pe…
pli-tv-kd16:15.1.19	kathañhi nāma te, bhikkhave, moghapurisā saṅghikaṁ senāsanaṁ vissajjessanti?
pli-tv-kd16:15.1.20	Netaṁ, bhikkhave, appasannānaṁ vā pasādāya …pe…
pli-tv-kd16:15.1.21	vigarahitvā …pe…
pli-tv-kd16:15.1.22	dhammiṁ kathaṁ katvā bhikkhū āmantesi—
pli-tv-kd16:15.2.1	“Pañcimāni, bhikkhave, avissajjiyāni, na vissajjetabbāni, saṅghena vā gaṇena vā puggalena vā.
pli-tv-kd16:15.2.2	Vissajjitānipi avissajjitāni honti.
pli-tv-kd16:15.2.3	Yo vissajjeyya, āpatti thullaccayassa.
pli-tv-kd16:15.2.4	Katamāni pañca?
pli-tv-kd16:15.2.5	Ārāmo, ārāmavatthu—
pli-tv-kd16:15.2.6	idaṁ paṭhamaṁ avissajjiyaṁ, na vissajjetabbaṁ, saṅghena vā gaṇena vā puggalena vā.
pli-tv-kd16:15.2.7	Vissajjitampi avissajjitaṁ hoti.
pli-tv-kd16:15.2.8	Yo vissajjeyya, āpatti thullaccayassa.
pli-tv-kd16:15.2.9	Vihāro, vihāravatthu—
pli-tv-kd16:15.2.10	idaṁ dutiyaṁ avissajjiyaṁ, na vissajjetabbaṁ, saṅghena vā gaṇena vā puggalena vā.
pli-tv-kd16:15.2.11	Vissajjitampi avissajjitaṁ hoti.
pli-tv-kd16:15.2.12	Yo vissajjeyya, āpatti thullaccayassa.
pli-tv-kd16:15.2.13	Mañco, pīṭhaṁ, bhisi, bibbohanaṁ—
pli-tv-kd16:15.2.14	idaṁ tatiyaṁ avissajjiyaṁ, na vissajjetabbaṁ, saṅghena vā gaṇena vā puggalena vā.
pli-tv-kd16:15.2.15	Vissajjitampi avissajjitaṁ hoti.
pli-tv-kd16:15.2.16	Yo vissajjeyya, āpatti thullaccayassa.
pli-tv-kd16:15.2.17	Lohakumbhī, lohabhāṇakaṁ, lohavārako, lohakaṭāhaṁ, vāsi, parasu, kuṭhārī, kudālo, nikhādanaṁ—
pli-tv-kd16:15.2.18	idaṁ catutthaṁ avissajjiyaṁ, na vissajjetabbaṁ, saṅghena vā gaṇena vā puggalena vā.
pli-tv-kd16:15.2.19	Vissajjitampi avissajjitaṁ hoti.
pli-tv-kd16:15.2.20	Yo vissajjeyya, āpatti thullaccayassa.
pli-tv-kd16:15.2.21	Valli, veḷu, muñjaṁ, pabbajaṁ, tiṇaṁ, mattikā, dārubhaṇḍaṁ, mattikābhaṇḍaṁ—
pli-tv-kd16:15.2.22	idaṁ pañcamaṁ avissajjiyaṁ, na vissajjetabbaṁ, saṅghena vā gaṇena vā puggalena vā.
pli-tv-kd16:15.2.23	Vissajjitampi avissajjitaṁ hoti.
pli-tv-kd16:15.2.24	Yo vissajjeyya, āpatti thullaccayassa.
pli-tv-kd16:15.2.25	Imāni kho, bhikkhave, pañca avissajjiyāni, na vissajjetabbāni, saṅghena vā gaṇena vā puggalena vā.
pli-tv-kd16:15.2.26	Vissajjitānipi avissajjitāni honti.
pli-tv-kd16:15.2.27	Yo vissajjeyya, āpatti thullaccayassā”ti.
pli-tv-kd16:16.1.0	3.2. Avebhaṅgiyavatthu
pli-tv-kd16:16.1.1	Atha kho bhagavā sāvatthiyaṁ yathābhirantaṁ viharitvā yena kīṭāgiri tena cārikaṁ pakkāmi mahatā bhikkhusaṅghena saddhiṁ pañcamattehi bhikkhusatehi sāriputtamoggallānehi ca.
pli-tv-kd16:16.1.2	Assosuṁ kho assajipunabbasukā bhikkhū—
pli-tv-kd16:16.1.3	“bhagavā kira kīṭāgiriṁ āgacchati mahatā bhikkhusaṅghena saddhiṁ pañcamattehi bhikkhusatehi sāriputtamoggallānehi ca.
pli-tv-kd16:16.1.4	Handa mayaṁ, āvuso, sabbaṁ saṅghikaṁ senāsanaṁ bhājema.
pli-tv-kd16:16.1.5	Pāpicchā sāriputtamoggallānā, pāpikānaṁ icchānaṁ vasaṁ gatā;
pli-tv-kd16:16.1.6	na mayaṁ tesaṁ senāsanaṁ paññapessāmā”ti, te sabbaṁ saṅghikaṁ senāsanaṁ bhājesuṁ.
pli-tv-kd16:16.1.7	Atha kho bhagavā anupubbena cārikaṁ caramāno yena kīṭāgiri tadavasari.
pli-tv-kd16:16.1.8	Atha kho bhagavā sambahule bhikkhū āmantesi—
pli-tv-kd16:16.1.9	“gacchatha tumhe, bhikkhave;
pli-tv-kd16:16.1.10	assajipunabbasuke bhikkhū upasaṅkamitvā evaṁ vadetha—
pli-tv-kd16:16.1.11	‘bhagavā, āvuso, āgacchati mahatā bhikkhusaṅghena saddhiṁ pañcamattehi bhikkhusatehi sāriputtamoggallānehi ca.
pli-tv-kd16:16.1.12	Bhagavato ca, āvuso, senāsanaṁ paññapetha, bhikkhusaṅghassa ca, sāriputtamoggallānānañcā’”ti.
pli-tv-kd16:16.1.13	“Evaṁ, bhante”ti kho te bhikkhū bhagavato paṭissutvā yena assajipunabbasukā bhikkhū tenupasaṅkamiṁsu, upasaṅkamitvā assajipunabbasuke bhikkhū etadavocuṁ—
pli-tv-kd16:16.1.14	“bhagavā, āvuso, āgacchati mahatā bhikkhusaṅghena saddhiṁ pañcamattehi bhikkhusatehi sāriputtamoggallānehi ca.
pli-tv-kd16:16.1.15	Bhagavato ca, āvuso, senāsanaṁ paññapetha, bhikkhusaṅghassa ca, sāriputtamoggallānānañcā”ti.
pli-tv-kd16:16.1.16	“Natthāvuso, saṅghikaṁ senāsanaṁ.
pli-tv-kd16:16.1.17	Sabbaṁ amhehi bhājitaṁ.
pli-tv-kd16:16.1.18	Svāgataṁ, āvuso, bhagavato.
pli-tv-kd16:16.1.19	Yasmiṁ vihāre bhagavā icchissati tasmiṁ vihāre vasissati.
pli-tv-kd16:16.1.20	Pāpicchā sāriputtamoggallānā, pāpikānaṁ icchānaṁ vasaṁ gatā.
pli-tv-kd16:16.1.21	Na mayaṁ tesaṁ senāsanaṁ paññapessāmā”ti.
pli-tv-kd16:16.2.1	“Kiṁ pana tumhe, āvuso, saṅghikaṁ senāsanaṁ bhājitthā”ti?
pli-tv-kd16:16.2.2	“Evamāvuso”ti.
pli-tv-kd16:16.2.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd16:16.2.4	“kathañhi nāma assajipunabbasukā bhikkhū saṅghikaṁ senāsanaṁ bhājessantī”ti.
pli-tv-kd16:16.2.5	Atha kho te bhikkhū bhagavato etamatthaṁ ārocesuṁ …pe…
pli-tv-kd16:16.2.6	“saccaṁ kira, bhikkhave …pe…
pli-tv-kd16:16.2.7	“Saccaṁ, bhagavā”ti.
pli-tv-kd16:16.2.8	Vigarahi buddho bhagavā …pe…
pli-tv-kd16:16.2.9	kathañhi nāma te, bhikkhave, moghapurisā saṅghikaṁ senāsanaṁ bhājessanti?
pli-tv-kd16:16.2.10	Netaṁ, bhikkhave, appasannānaṁ vā pasādāya …pe…
pli-tv-kd16:16.2.11	vigarahitvā …pe…
pli-tv-kd16:16.2.12	dhammiṁ kathaṁ katvā bhikkhū āmantesi—
pli-tv-kd16:16.2.13	“Pañcimāni, bhikkhave, avebhaṅgiyāni, na vibhajitabbāni, saṅghena vā gaṇena vā puggalena vā.
pli-tv-kd16:16.2.14	Vibhattānipi avibhattāni honti.
pli-tv-kd16:16.2.15	Yo vibhajeyya, āpatti thullaccayassa.
pli-tv-kd16:16.2.16	Katamāni pañca?
pli-tv-kd16:16.2.17	Ārāmo, ārāmavatthu—
pli-tv-kd16:16.2.18	idaṁ paṭhamaṁ avebhaṅgiyaṁ, na vibhajitabbaṁ, saṅghena vā gaṇena vā puggalena vā.
pli-tv-kd16:16.2.19	Vibhattampi avibhattaṁ hoti.
pli-tv-kd16:16.2.20	Yo vibhajeyya, āpatti thullaccayassa.
pli-tv-kd16:16.2.21	Vihāro, vihāravatthu—
pli-tv-kd16:16.2.22	idaṁ dutiyaṁ avebhaṅgiyaṁ, na vibhajitabbaṁ, saṅghena vā gaṇena vā puggalena vā.
pli-tv-kd16:16.2.23	Vibhattampi avibhattaṁ hoti.
pli-tv-kd16:16.2.24	Yo vibhajeyya, āpatti thullaccayassa.
pli-tv-kd16:16.2.25	Mañco, pīṭhaṁ, bhisi, bibbohanaṁ—
pli-tv-kd16:16.2.26	idaṁ tatiyaṁ avebhaṅgiyaṁ, na vibhajitabbaṁ, saṅghena vā gaṇena vā puggalena vā.
pli-tv-kd16:16.2.27	Vibhattampi avibhattaṁ hoti.
pli-tv-kd16:16.2.28	Yo vibhajeyya, āpatti thullaccayassa.
pli-tv-kd16:16.2.29	Lohakumbhī, lohabhāṇakaṁ, lohavārako, lohakaṭāhaṁ, vāsī, parasu, kuṭhārī, kudālo, nikhādanaṁ—
pli-tv-kd16:16.2.30	idaṁ catutthaṁ avebhaṅgiyaṁ, na vibhajitabbaṁ, saṅghena vā gaṇena vā puggalena vā.
pli-tv-kd16:16.2.31	Vibhattampi avibhattaṁ hoti.
pli-tv-kd16:16.2.32	Yo vibhajeyya, āpatti thullaccayassa.
pli-tv-kd16:16.2.33	Vallī, veḷu, muñjaṁ, pabbajaṁ, tiṇaṁ, mattikā, dārubhaṇḍaṁ, mattikābhaṇḍaṁ—
pli-tv-kd16:16.2.34	idaṁ pañcamaṁ avebhaṅgiyaṁ, na vibhajitabbaṁ, saṅghena vā gaṇena vā puggalena vā.
pli-tv-kd16:16.2.35	Vibhattampi avibhattaṁ hoti.
pli-tv-kd16:16.2.36	Yo vibhajeyya, āpatti thullaccayassa.
pli-tv-kd16:16.2.37	Imāni kho, bhikkhave, pañca avebhaṅgiyāni, na vibhajitabbāni, saṅghena vā gaṇena vā puggalena vā.
pli-tv-kd16:16.2.38	Vibhattānipi avibhattāni honti.
pli-tv-kd16:16.2.39	Yo vibhajeyya, āpatti thullaccayassā”ti.
pli-tv-kd16:17.1.0	3.3. Navakammadānakathā
pli-tv-kd16:17.1.1	Atha kho bhagavā kīṭāgirismiṁ yathābhirantaṁ viharitvā yena āḷavī tena cārikaṁ pakkāmi.
pli-tv-kd16:17.1.2	Anupubbena cārikaṁ caramāno yena āḷavī tadavasari.
pli-tv-kd16:17.1.3	Tatra sudaṁ bhagavā āḷaviyaṁ viharati aggāḷave cetiye.
pli-tv-kd16:17.1.4	Tena kho pana samayena āḷavakā bhikkhū evarūpāni navakammāni denti—
pli-tv-kd16:17.1.5	piṇḍanikkhepanamattenapi navakammaṁ denti;
pli-tv-kd16:17.1.6	kuṭṭalepanamattenapi navakammaṁ denti;
pli-tv-kd16:17.1.7	dvāraṭṭhapanamattenapi navakammaṁ denti;
pli-tv-kd16:17.1.8	aggaḷavaṭṭikaraṇamattenapi navakammaṁ denti;
pli-tv-kd16:17.1.9	ālokasandhikaraṇamattenapi navakammaṁ denti;
pli-tv-kd16:17.1.10	setavaṇṇakaraṇamattenapi navakammaṁ denti;
pli-tv-kd16:17.1.11	kāḷavaṇṇakaraṇamattenapi navakammaṁ denti;
pli-tv-kd16:17.1.12	gerukaparikammakaraṇamattenapi navakammaṁ denti;
pli-tv-kd16:17.1.13	chādanamattenapi navakammaṁ denti;
pli-tv-kd16:17.1.14	bandhanamattenapi navakammaṁ denti;
pli-tv-kd16:17.1.15	bhaṇḍikāṭṭhapanamattenapi navakammaṁ denti;
pli-tv-kd16:17.1.16	khaṇḍaphullapaṭisaṅkharaṇamattenapi navakammaṁ denti;
pli-tv-kd16:17.1.17	paribhaṇḍakaraṇamattenapi navakammaṁ denti;
pli-tv-kd16:17.1.18	vīsativassikampi navakammaṁ denti;
pli-tv-kd16:17.1.19	tiṁsavassikampi navakammaṁ denti;
pli-tv-kd16:17.1.20	yāvajīvikampi navakammaṁ denti;
pli-tv-kd16:17.1.21	dhūmakālikampi pariyositaṁ vihāraṁ navakammaṁ denti.
pli-tv-kd16:17.1.22	Ye te bhikkhū appicchā …pe… te ujjhāyanti khiyyanti vipācenti—
pli-tv-kd16:17.1.23	“kathañhi nāma āḷavakā bhikkhū evarūpāni navakammāni dassanti—
pli-tv-kd16:17.1.24	piṇḍanikkhepanamattenapi navakammaṁ dassanti;
pli-tv-kd16:17.1.25	kuṭṭalepanamattenapi …
pli-tv-kd16:17.1.26	dvāraṭṭhapanamattenapi …
pli-tv-kd16:17.1.27	aggaḷavaṭṭikaraṇamattenapi …
pli-tv-kd16:17.1.28	ālokasandhikaraṇamattenapi …
pli-tv-kd16:17.1.29	setavaṇṇakaraṇamattenapi …
pli-tv-kd16:17.1.30	kāḷavaṇṇakaraṇamattenapi …
pli-tv-kd16:17.1.31	gerukaparikammakaraṇamattenapi …
pli-tv-kd16:17.1.32	chādanamattenapi …
pli-tv-kd16:17.1.33	bandhanamattenapi …
pli-tv-kd16:17.1.34	bhaṇḍikāṭṭhapanamattenapi …
pli-tv-kd16:17.1.35	khaṇḍaphullapaṭisaṅkharaṇamattenapi …
pli-tv-kd16:17.1.36	paribhaṇḍakaraṇamattenapi …
pli-tv-kd16:17.1.37	vīsativassikampi …
pli-tv-kd16:17.1.38	tiṁsavassikampi …
pli-tv-kd16:17.1.39	yāvajīvikampi …
pli-tv-kd16:17.1.40	dhūmakālikampi pariyositaṁ vihāraṁ navakammaṁ dassantī”ti.
pli-tv-kd16:17.1.41	Bhagavato etamatthaṁ ārocesuṁ …pe…
pli-tv-kd16:17.1.42	“saccaṁ kira, bhikkhave …pe…
pli-tv-kd16:17.1.43	“saccaṁ, bhagavā”ti …pe…
pli-tv-kd16:17.1.44	vigarahitvā …pe…
pli-tv-kd16:17.1.45	dhammiṁ kathaṁ katvā bhikkhū āmantesi—
pli-tv-kd16:17.1.46	“na, bhikkhave, piṇḍanikkhepanamattena navakammaṁ dātabbaṁ …pe…
pli-tv-kd16:17.1.47	na kuṭṭalepanamattena navakammaṁ dātabbaṁ.
pli-tv-kd16:17.1.48	Na dvāraṭṭhapanamattena navakammaṁ dātabbaṁ.
pli-tv-kd16:17.1.49	Na aggaḷavaṭṭikaraṇamattena navakammaṁ dātabbaṁ.
pli-tv-kd16:17.1.50	Na ālokasandhikaraṇamattena navakammaṁ dātabbaṁ.
pli-tv-kd16:17.1.51	Na setavaṇṇakaraṇamattena navakammaṁ dātabbaṁ.
pli-tv-kd16:17.1.52	Na kāḷavaṇṇakaraṇamattena navakammaṁ dātabbaṁ.
pli-tv-kd16:17.1.53	Na gerukaparikammakaraṇamattena navakammaṁ dātabbaṁ.
pli-tv-kd16:17.1.54	Na chādanamattena navakammaṁ dātabbaṁ.
pli-tv-kd16:17.1.55	Na bandhanamattena navakammaṁ dātabbaṁ.
pli-tv-kd16:17.1.56	Na bhaṇḍikāṭṭhapanamattena navakammaṁ dātabbaṁ.
pli-tv-kd16:17.1.57	Na khaṇḍaphullapaṭisaṅkharaṇamattena navakammaṁ dātabbaṁ.
pli-tv-kd16:17.1.58	Na paribhaṇḍakaraṇamattena navakammaṁ dātabbaṁ.
pli-tv-kd16:17.1.59	Na vīsativassikaṁ navakammaṁ dātabbaṁ.
pli-tv-kd16:17.1.60	Na tiṁsavassikaṁ navakammaṁ dātabbaṁ.
pli-tv-kd16:17.1.61	Na yāvajīvikaṁ navakammaṁ dātabbaṁ.
pli-tv-kd16:17.1.62	Na dhūmakālikampi pariyositaṁ vihāraṁ navakammaṁ dātabbaṁ.
pli-tv-kd16:17.1.63	Yo dadeyya, āpatti dukkaṭassa.
pli-tv-kd16:17.1.64	Anujānāmi, bhikkhave, akataṁ vā vippakataṁ vā navakammaṁ dātuṁ, khuddake vihāre kammaṁ oloketvā chappañcavassikaṁ navakammaṁ dātuṁ, aḍḍhayoge kammaṁ oloketvā sattaṭṭhavassikaṁ navakammaṁ dātuṁ, mahallake vihāre pāsāde vā kammaṁ oloketvā dasadvādasavassikaṁ navakammaṁ dātun”ti.
pli-tv-kd16:17.2.1	Tena kho pana samayena bhikkhū sabbe vihāre navakammaṁ denti.
pli-tv-kd16:17.2.2	Bhagavato etamatthaṁ ārocesuṁ.
pli-tv-kd16:17.2.3	“Na, bhikkhave, sabbe vihāre navakammaṁ dātabbaṁ.
pli-tv-kd16:17.2.4	Yo dadeyya, āpatti dukkaṭassā”ti.
pli-tv-kd16:17.2.5	Tena kho pana samayena bhikkhū ekassa dve denti.
pli-tv-kd16:17.2.6	Bhagavato etamatthaṁ ārocesuṁ.
pli-tv-kd16:17.2.7	“Na, bhikkhave, ekassa dve dātabbā.
pli-tv-kd16:17.2.8	Yo dadeyya, āpatti dukkaṭassā”ti.
pli-tv-kd16:17.2.9	Tena kho pana samayena bhikkhū navakammaṁ gahetvā aññaṁ vāsenti.
pli-tv-kd16:17.2.10	Bhagavato etamatthaṁ ārocesuṁ.
pli-tv-kd16:17.2.11	“Na, bhikkhave, navakammaṁ gahetvā añño vāsetabbo.
pli-tv-kd16:17.2.12	Yo vāseyya, āpatti dukkaṭassā”ti.
pli-tv-kd16:17.2.13	Tena kho pana samayena bhikkhū navakammaṁ gahetvā saṅghikaṁ paṭibāhenti.
pli-tv-kd16:17.2.14	Bhagavato etamatthaṁ ārocesuṁ.
pli-tv-kd16:17.2.15	“Na, bhikkhave, navakammaṁ gahetvā saṅghikaṁ paṭibāhitabbaṁ.
pli-tv-kd16:17.2.16	Yo paṭibāheyya, āpatti dukkaṭassa.
pli-tv-kd16:17.2.17	Anujānāmi, bhikkhave, ekaṁ varaseyyaṁ gahetun”ti.
pli-tv-kd16:17.2.18	Tena kho pana samayena bhikkhū nissīme ṭhitassa navakammaṁ denti.
pli-tv-kd16:17.2.19	Bhagavato etamatthaṁ ārocesuṁ.
pli-tv-kd16:17.2.20	“Na, bhikkhave, nissīme ṭhitassa navakammaṁ dātabbaṁ.
pli-tv-kd16:17.2.21	Yo dadeyya, āpatti dukkaṭassā”ti.
pli-tv-kd16:17.2.22	Tena kho pana samayena bhikkhū navakammaṁ gahetvā sabbakālaṁ paṭibāhanti.
pli-tv-kd16:17.2.23	Bhagavato etamatthaṁ ārocesuṁ.
pli-tv-kd16:17.2.24	“Na, bhikkhave, navakammaṁ gahetvā sabbakālaṁ paṭibāhitabbaṁ.
pli-tv-kd16:17.2.25	Yo paṭibāheyya, āpatti dukkaṭassa.
pli-tv-kd16:17.2.26	Anujānāmi, bhikkhave, vassānaṁ temāsaṁ paṭibāhituṁ, utukālaṁ pana na paṭibāhitun”ti.
pli-tv-kd16:17.3.1	Tena kho pana samayena bhikkhū navakammaṁ gahetvā pakkamantipi, vibbhamantipi, kālampi karonti;
pli-tv-kd16:17.3.2	sāmaṇerāpi paṭijānanti;
pli-tv-kd16:17.3.3	sikkhaṁ paccakkhātakāpi paṭijānanti;
pli-tv-kd16:17.3.4	antimavatthuṁ ajjhāpannakāpi paṭijānanti;
pli-tv-kd16:17.3.5	ummattakāpi paṭijānanti;
pli-tv-kd16:17.3.6	khittacittāpi paṭijānanti;
pli-tv-kd16:17.3.7	vedanāṭṭāpi paṭijānanti;
pli-tv-kd16:17.3.8	āpattiyā adassane ukkhittakāpi paṭijānanti;
pli-tv-kd16:17.3.9	āpattiyā appaṭikamme ukkhittakāpi paṭijānanti;
pli-tv-kd16:17.3.10	pāpikāya diṭṭhiyā appaṭinissagge ukkhittakāpi paṭijānanti;
pli-tv-kd16:17.3.11	paṇḍakāpi paṭijānanti;
pli-tv-kd16:17.3.12	theyyasaṁvāsakāpi paṭijānanti;
pli-tv-kd16:17.3.13	titthiyapakkantakāpi paṭijānanti;
pli-tv-kd16:17.3.14	tiracchānagatāpi paṭijānanti;
pli-tv-kd16:17.3.15	mātughātakāpi paṭijānanti;
pli-tv-kd16:17.3.16	pitughātakāpi paṭijānanti;
pli-tv-kd16:17.3.17	arahantaghātakāpi paṭijānanti;
pli-tv-kd16:17.3.18	bhikkhunidūsakāpi paṭijānanti;
pli-tv-kd16:17.3.19	saṅghabhedakāpi paṭijānanti;
pli-tv-kd16:17.3.20	lohituppādakāpi paṭijānanti;
pli-tv-kd16:17.3.21	ubhatobyañjanakāpi paṭijānanti.
pli-tv-kd16:17.3.22	Bhagavato etamatthaṁ ārocesuṁ.
pli-tv-kd16:17.3.23	“Idha pana, bhikkhave, bhikkhu navakammaṁ gahetvā pakkamati—
pli-tv-kd16:17.3.24	mā saṅghassa hāyīti aññassa dātabbaṁ.
pli-tv-kd16:17.3.25	Idha pana, bhikkhave, bhikkhu navakammaṁ gahetvā vibbhamati …pe…
pli-tv-kd16:17.3.26	kālaṁ karoti, sāmaṇero paṭijānāti, sikkhaṁ paccakkhātako paṭijānāti, antimavatthuṁ ajjhāpannako paṭijānāti, ummattako paṭijānāti, khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti, paṇḍako paṭijānāti, theyyasaṁvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti—
pli-tv-kd16:17.3.27	mā saṅghassa hāyīti aññassa dātabbaṁ.
pli-tv-kd16:17.3.28	Idha pana, bhikkhave, bhikkhu navakammaṁ gahetvā vippakate pakkamati—
pli-tv-kd16:17.3.29	mā saṅghassa hāyīti aññassa dātabbaṁ.
pli-tv-kd16:17.3.30	Idha pana, bhikkhave, bhikkhu navakammaṁ gahetvā vippakate vibbhamati …pe…
pli-tv-kd16:17.3.31	ubhatobyañjanako paṭijānāti—
pli-tv-kd16:17.3.32	mā saṅghassa hāyīti aññassa dātabbaṁ.
pli-tv-kd16:17.3.33	Idha pana, bhikkhave, bhikkhu navakammaṁ gahetvā pariyosite pakkamati—
pli-tv-kd16:17.3.34	tassevetaṁ.
pli-tv-kd16:17.3.35	Idha pana, bhikkhave, bhikkhu navakammaṁ gahetvā pariyosite vibbhamati …pe…
pli-tv-kd16:17.3.36	kālaṁ karoti, sāmaṇero paṭijānāti, sikkhaṁ paccakkhātako paṭijānāti, antimavatthuṁ ajjhāpannako paṭijānāti—
pli-tv-kd16:17.3.37	saṅgho sāmī.
pli-tv-kd16:17.3.38	Idha pana, bhikkhave, bhikkhu navakammaṁ gahetvā pariyosite ummattako paṭijānāti, khittacitto paṭijānāti, vedanāṭṭo paṭijānāti, āpattiyā adassane ukkhittako paṭijānāti, āpattiyā appaṭikamme ukkhittako paṭijānāti, pāpikāya diṭṭhiyā appaṭinissagge ukkhittako paṭijānāti—
pli-tv-kd16:17.3.39	tassevetaṁ.
pli-tv-kd16:17.3.40	Idha pana, bhikkhave, bhikkhu navakammaṁ gahetvā pariyosite paṇḍako paṭijānāti, theyyasaṁvāsako paṭijānāti, titthiyapakkantako paṭijānāti, tiracchānagato paṭijānāti, mātughātako paṭijānāti, pitughātako paṭijānāti, arahantaghātako paṭijānāti, bhikkhunidūsako paṭijānāti, saṅghabhedako paṭijānāti, lohituppādako paṭijānāti, ubhatobyañjanako paṭijānāti—
pli-tv-kd16:17.3.41	saṅgho sāmī”ti.
pli-tv-kd16:18.1.0	3.4. Aññatraparibhogapaṭikkhepādi
pli-tv-kd16:18.1.1	Tena kho pana samayena bhikkhū aññatarassa upāsakassa vihāraparibhogaṁ senāsanaṁ aññatra paribhuñjanti.
pli-tv-kd16:18.1.2	Atha kho so upāsako ujjhāyati khiyyati vipāceti—
pli-tv-kd16:18.1.3	“kathañhi nāma bhadantā aññatra paribhogaṁ aññatra paribhuñjissantī”ti.
pli-tv-kd16:18.1.4	Bhagavato etamatthaṁ ārocesuṁ.
pli-tv-kd16:18.1.5	“Na, bhikkhave, aññatra paribhogo aññatra paribhuñjitabbo.
pli-tv-kd16:18.1.6	Yo paribhuñjeyya, āpatti dukkaṭassā”ti.
pli-tv-kd16:18.1.7	Tena kho pana samayena bhikkhū uposathaggampi sannisajjampi harituṁ kukkuccāyantā chamāya nisīdanti.
pli-tv-kd16:18.1.8	Gattānipi cīvarānipi paṁsukitāni honti.
pli-tv-kd16:18.1.9	Bhagavato etamatthaṁ ārocesuṁ.
pli-tv-kd16:18.1.10	“Anujānāmi, bhikkhave, tāvakālikaṁ haritun”ti.
pli-tv-kd16:18.1.11	Tena kho pana samayena saṅghassa mahāvihāro undriyati.
pli-tv-kd16:18.1.12	Bhikkhū kukkuccāyantā senāsanaṁ nātiharanti.
pli-tv-kd16:18.1.13	Bhagavato etamatthaṁ ārocesuṁ.
pli-tv-kd16:18.1.14	“Anujānāmi, bhikkhave, guttatthāya haritun”ti.
pli-tv-kd16:19.1.1	Tena kho pana samayena saṅghassa senāsanaparikkhāriko mahaggho kambalo uppanno hoti.
pli-tv-kd16:19.1.2	Bhagavato etamatthaṁ ārocesuṁ.
pli-tv-kd16:19.1.3	“Anujānāmi, bhikkhave, phātikammatthāya parivattetun”ti.
pli-tv-kd16:19.1.4	Tena kho pana samayena saṅghassa senāsanaparikkhārikaṁ mahagghaṁ dussaṁ uppannaṁ hoti.
pli-tv-kd16:19.1.5	Bhagavato etamatthaṁ ārocesuṁ.
pli-tv-kd16:19.1.6	“Anujānāmi, bhikkhave, phātikammatthāya parivattetun”ti.
pli-tv-kd16:19.1.7	Tena kho pana samayena saṅghassa acchacammaṁ uppannaṁ hoti.
pli-tv-kd16:19.1.8	Bhagavato etamatthaṁ ārocesuṁ.
pli-tv-kd16:19.1.9	“Anujānāmi, bhikkhave, pādapuñchaniṁ kātun”ti.
pli-tv-kd16:19.1.10	Tena kho pana samayena saṅghassa cakkalikaṁ uppannaṁ hoti.
pli-tv-kd16:19.1.11	Bhagavato etamatthaṁ ārocesuṁ.
pli-tv-kd16:19.1.12	“Anujānāmi, bhikkhave, pādapuñchaniṁ kātun”ti.
pli-tv-kd16:19.1.13	Tena kho pana samayena saṅghassa coḷakaṁ uppannaṁ hoti.
pli-tv-kd16:19.1.14	Bhagavato etamatthaṁ ārocesuṁ.
pli-tv-kd16:19.1.15	“Anujānāmi, bhikkhave, pādapuñchaniṁ kātun”ti.
pli-tv-kd16:20.1.1	Tena kho pana samayena bhikkhū adhotehi pādehi senāsanaṁ akkamanti.
pli-tv-kd16:20.1.2	Senāsanaṁ dussati.
pli-tv-kd16:20.1.3	Bhagavato etamatthaṁ ārocesuṁ.
pli-tv-kd16:20.1.4	“Na, bhikkhave, adhotehi pādehi senāsanaṁ akkamitabbaṁ.
pli-tv-kd16:20.1.5	Yo akkameyya, āpatti dukkaṭassā”ti.
pli-tv-kd16:20.1.6	Tena kho pana samayena bhikkhū allehi pādehi senāsanaṁ akkamanti.
pli-tv-kd16:20.1.7	Senāsanaṁ dussati.
pli-tv-kd16:20.1.8	Bhagavato etamatthaṁ ārocesuṁ.
pli-tv-kd16:20.1.9	“Na, bhikkhave, allehi pādehi senāsanaṁ akkamitabbaṁ.
pli-tv-kd16:20.1.10	Yo akkameyya, āpatti dukkaṭassā”ti.
pli-tv-kd16:20.1.11	Tena kho pana samayena bhikkhū saupāhanā senāsanaṁ akkamanti.
pli-tv-kd16:20.1.12	Senāsanaṁ dussati.
pli-tv-kd16:20.1.13	Bhagavato etamatthaṁ ārocesuṁ.
pli-tv-kd16:20.1.14	“Na, bhikkhave, saupāhanena senāsanaṁ akkamitabbaṁ.
pli-tv-kd16:20.1.15	Yo akkameyya, āpatti dukkaṭassā”ti.
pli-tv-kd16:20.2.1	Tena kho pana samayena bhikkhū parikammakatāya bhūmiyā niṭṭhubhanti.
pli-tv-kd16:20.2.2	Vaṇṇo dussati.
pli-tv-kd16:20.2.3	Bhagavato etamatthaṁ ārocesuṁ.
pli-tv-kd16:20.2.4	“Na, bhikkhave, parikammakatāya bhūmiyā niṭṭhubhitabbaṁ.
pli-tv-kd16:20.2.5	Yo niṭṭhubheyya, āpatti dukkaṭassa.
pli-tv-kd16:20.2.6	Anujānāmi, bhikkhave, kheḷamallakan”ti.
pli-tv-kd16:20.2.7	Tena kho pana samayena mañcapādāpi pīṭhapādāpi parikammakataṁ bhūmiṁ vilikhanti.
pli-tv-kd16:20.2.8	Bhagavato etamatthaṁ ārocesuṁ.
pli-tv-kd16:20.2.9	“Anujānāmi, bhikkhave, coḷakena paliveṭhetun”ti.
pli-tv-kd16:20.2.10	Tena kho pana samayena bhikkhū parikammakataṁ bhittiṁ apassenti.
pli-tv-kd16:20.2.11	Vaṇṇo dussati.
pli-tv-kd16:20.2.12	Bhagavato etamatthaṁ ārocesuṁ.
pli-tv-kd16:20.2.13	“Na, bhikkhave, parikammakatā bhitti apassetabbā.
pli-tv-kd16:20.2.14	Yo apasseyya, āpatti dukkaṭassa.
pli-tv-kd16:20.2.15	Anujānāmi, bhikkhave, apassenaphalakan”ti.
pli-tv-kd16:20.2.16	Apassenaphalakaṁ heṭṭhato bhūmiṁ vilikhati, uparito bhittiñca.
pli-tv-kd16:20.2.17	Bhagavato etamatthaṁ ārocesuṁ.
pli-tv-kd16:20.2.18	“Anujānāmi, bhikkhave, heṭṭhato ca uparito ca coḷakena paliveṭhetun”ti.
pli-tv-kd16:20.2.19	Tena kho pana samayena bhikkhū dhotapādakā nipajjituṁ kukkuccāyanti.
pli-tv-kd16:20.2.20	Bhagavato etamatthaṁ ārocesuṁ.
pli-tv-kd16:20.2.21	“Anujānāmi, bhikkhave, paccattharitvā nipajjitun”ti.
pli-tv-kd16:21.1.0	3.5. Saṅghabhattādianujānana
pli-tv-kd16:21.1.1	Atha kho bhagavā āḷaviyaṁ yathābhirantaṁ viharitvā yena rājagahaṁ tena cārikaṁ pakkāmi.
pli-tv-kd16:21.1.2	Anupubbena cārikaṁ caramāno yena rājagahaṁ tadavasari.
pli-tv-kd16:21.1.3	Tatra sudaṁ bhagavā rājagahe viharati veḷuvane kalandakanivāpe.
pli-tv-kd16:21.1.4	Tena kho pana samayena rājagahaṁ dubbhikkhaṁ hoti.
pli-tv-kd16:21.1.5	Manussā na sakkonti saṅghabhattaṁ kātuṁ;
pli-tv-kd16:21.1.6	icchanti uddesabhattaṁ nimantanaṁ salākabhattaṁ pakkhikaṁ uposathikaṁ pāṭipadikaṁ kātuṁ.
pli-tv-kd16:21.1.7	Bhagavato etamatthaṁ ārocesuṁ.
pli-tv-kd16:21.1.8	“Anujānāmi, bhikkhave, saṅghabhattaṁ uddesabhattaṁ nimantanaṁ salākabhattaṁ pakkhikaṁ uposathikaṁ pāṭipadikan”ti.
pli-tv-kd16:21.1.9.0	3.6. Bhattuddesakasammuti
pli-tv-kd16:21.1.9.1	Tena kho pana samayena chabbaggiyā bhikkhū attano varabhattāni gahetvā lāmakāni bhattāni bhikkhūnaṁ denti.
pli-tv-kd16:21.1.10	Bhagavato etamatthaṁ ārocesuṁ.
pli-tv-kd16:21.1.11	“Anujānāmi, bhikkhave, pañcahaṅgehi samannāgataṁ bhikkhuṁ bhattuddesakaṁ sammannituṁ—
pli-tv-kd16:21.1.12	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, uddiṭṭhānuddiṭṭhañca jāneyya.
pli-tv-kd16:21.1.13	Evañca pana, bhikkhave, sammannitabbo.
pli-tv-kd16:21.1.14	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd16:21.1.15	‘Suṇātu me, bhante, saṅgho.
pli-tv-kd16:21.1.16	Yadi saṅghassa pattakallaṁ, saṅgho itthannāmaṁ bhikkhuṁ bhattuddesakaṁ sammanneyya.
pli-tv-kd16:21.1.17	Esā ñatti.
pli-tv-kd16:21.1.18	Suṇātu me, bhante, saṅgho.
pli-tv-kd16:21.1.19	Saṅgho itthannāmaṁ bhikkhuṁ bhattuddesakaṁ sammannati.
pli-tv-kd16:21.1.20	Yassāyasmato khamati itthannāmassa bhikkhuno bhattuddesakassa sammuti, so tuṇhassa;
pli-tv-kd16:21.1.21	yassa nakkhamati, so bhāseyya.
pli-tv-kd16:21.1.22	Sammato saṅghena itthannāmo bhikkhu bhattuddesako.
pli-tv-kd16:21.1.23	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd16:21.1.24	Atha kho bhattuddesakānaṁ bhikkhūnaṁ etadahosi—
pli-tv-kd16:21.1.25	“kathaṁ nu kho bhattaṁ uddisitabban”ti?
pli-tv-kd16:21.1.26	Bhagavato etamatthaṁ ārocesuṁ.
pli-tv-kd16:21.1.27	“Anujānāmi, bhikkhave, salākāya vā paṭṭikāya vā upanibandhitvā opuñjitvā bhattaṁ uddisitun”ti.
pli-tv-kd16:21.2.0	3.7. Senāsanapaññāpakādisammuti
pli-tv-kd16:21.2.1	Tena kho pana samayena saṅghassa senāsanapaññāpako na hoti …pe…
pli-tv-kd16:21.2.2	bhaṇḍāgāriko na hoti …pe…
pli-tv-kd16:21.2.3	cīvarappaṭiggāhako na hoti …pe…
pli-tv-kd16:21.2.4	cīvarabhājako na hoti …pe…
pli-tv-kd16:21.2.5	yāgubhājako na hoti …pe…
pli-tv-kd16:21.2.6	phalabhājako na hoti …pe…
pli-tv-kd16:21.2.7	khajjakabhājako na hoti.
pli-tv-kd16:21.2.8	Khajjakaṁ abhājiyamānaṁ nassati.
pli-tv-kd16:21.2.9	Bhagavato etamatthaṁ ārocesuṁ.
pli-tv-kd16:21.2.10	“Anujānāmi, bhikkhave, pañcahaṅgehi samannāgataṁ bhikkhuṁ khajjakabhājakaṁ sammannituṁ—
pli-tv-kd16:21.2.11	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, bhājitābhājitañca jāneyya.
pli-tv-kd16:21.2.12	Evañca pana, bhikkhave, sammannitabbo.
pli-tv-kd16:21.2.13	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd16:21.2.14	‘Suṇātu me, bhante, saṅgho.
pli-tv-kd16:21.2.15	Yadi saṅghassa pattakallaṁ, saṅgho itthannāmaṁ bhikkhuṁ khajjakabhājakaṁ sammanneyya.
pli-tv-kd16:21.2.16	Esā ñatti.
pli-tv-kd16:21.2.17	Suṇātu me, bhante, saṅgho.
pli-tv-kd16:21.2.18	Saṅgho itthannāmaṁ bhikkhuṁ khajjakabhājakaṁ sammannati.
pli-tv-kd16:21.2.19	Yassāyasmato khamati itthannāmassa bhikkhuno khajjakabhājakassa sammuti, so tuṇhassa;
pli-tv-kd16:21.2.20	yassa nakkhamati, so bhāseyya.
pli-tv-kd16:21.2.21	Sammato saṅghena itthannāmo bhikkhu khajjakabhājako.
pli-tv-kd16:21.2.22	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd16:21.3.0	3.8. Appamattakavissajjakasammuti
pli-tv-kd16:21.3.1	Tena kho pana samayena saṅghassa bhaṇḍāgāre appamattako parikkhāro uppanno hoti.
pli-tv-kd16:21.3.2	Bhagavato etamatthaṁ ārocesuṁ.
pli-tv-kd16:21.3.3	“Anujānāmi, bhikkhave, pañcahaṅgehi samannāgataṁ bhikkhuṁ appamattakavissajjakaṁ sammannituṁ—
pli-tv-kd16:21.3.4	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, vissajjitāvissajjitañca jāneyya.
pli-tv-kd16:21.3.5	Evañca pana, bhikkhave, sammannitabbo.
pli-tv-kd16:21.3.6	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd16:21.3.7	‘Suṇātu me, bhante, saṅgho.
pli-tv-kd16:21.3.8	Yadi saṅghassa pattakallaṁ, saṅgho itthannāmaṁ bhikkhuṁ appamattakavissajjakaṁ sammanneyya.
pli-tv-kd16:21.3.9	Esā ñatti.
pli-tv-kd16:21.3.10	Suṇātu me, bhante, saṅgho.
pli-tv-kd16:21.3.11	Saṅgho itthannāmaṁ bhikkhuṁ appamattakavissajjakaṁ sammannati.
pli-tv-kd16:21.3.12	Yassāyasmato khamati itthannāmassa bhikkhuno appamattakavissajjakassa sammuti, so tuṇhassa;
pli-tv-kd16:21.3.13	yassa nakkhamati, so bhāseyya.
pli-tv-kd16:21.3.14	Sammato saṅghena itthannāmo bhikkhu appamattakavissajjako.
pli-tv-kd16:21.3.15	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd16:21.3.16	Tena appamattakavissajjakena bhikkhunā ekā sūci dātabbā, satthakaṁ dātabbaṁ, upāhanā dātabbā, kāyabandhanaṁ dātabbaṁ, aṁsabaddhako dātabbo, parissāvanaṁ dātabbaṁ, dhammakaraṇo dātabbo, kusi dātabbā, aḍḍhakusi dātabbā, maṇḍalaṁ dātabbaṁ, aḍḍhamaṇḍalaṁ dātabbaṁ, anuvāto dātabbo, paribhaṇḍaṁ dātabbaṁ.
pli-tv-kd16:21.3.17	Sace hoti saṅghassa sappi vā telaṁ vā madhu vā phāṇitaṁ vā, sakiṁ paṭisāyituṁ dātabbaṁ.
pli-tv-kd16:21.3.18	Sace punapi attho hoti, punapi dātabbaṁ.
pli-tv-kd16:21.3.19.0	3.9. Sāṭiyaggāhāpakādisammuti
pli-tv-kd16:21.3.19.1	Tena kho pana samayena saṅghassa sāṭiyaggāhāpako na hoti …pe…
pli-tv-kd16:21.3.20	pattaggāhāpako na hoti …pe…
pli-tv-kd16:21.3.21	ārāmikapesako na hoti …pe…
pli-tv-kd16:21.3.22	sāmaṇerapesako na hoti.
pli-tv-kd16:21.3.23	Sāmaṇerā apesiyamānā kammaṁ na karonti.
pli-tv-kd16:21.3.24	Bhagavato etamatthaṁ ārocesuṁ.
pli-tv-kd16:21.3.25	“Anujānāmi, bhikkhave, pañcahaṅgehi samannāgataṁ bhikkhuṁ sāmaṇerapesakaṁ sammannituṁ—
pli-tv-kd16:21.3.26	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, pesitāpesitañca jāneyya.
pli-tv-kd16:21.3.27	Evañca pana, bhikkhave, sammannitabbo.
pli-tv-kd16:21.3.28	Paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo—
pli-tv-kd16:21.3.29	‘Suṇātu me, bhante, saṅgho.
pli-tv-kd16:21.3.30	Yadi saṅghassa pattakallaṁ, saṅgho itthannāmaṁ bhikkhuṁ sāmaṇerapesakaṁ sammanneyya.
pli-tv-kd16:21.3.31	Esā ñatti.
pli-tv-kd16:21.3.32	Suṇātu me, bhante, saṅgho.
pli-tv-kd16:21.3.33	Saṅgho itthannāmaṁ bhikkhuṁ sāmaṇerapesakaṁ sammannati.
pli-tv-kd16:21.3.34	Yassāyasmato khamati itthannāmassa bhikkhuno sāmaṇerapesakassa sammuti, so tuṇhassa;
pli-tv-kd16:21.3.35	yassa nakkhamati, so bhāseyya.
pli-tv-kd16:21.3.36	Sammato saṅghena itthannāmo bhikkhu sāmaṇerapesako.
pli-tv-kd16:21.3.37	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd16:21.3.38	Tatiyabhāṇavāro niṭṭhito.
pli-tv-kd16:21.3.39	Senāsanakkhandhako chaṭṭho.
pli-tv-kd16:21.3.40	Tassuddānaṁ
pli-tv-kd16:21.3.41	Vihāraṁ buddhaseṭṭhena,
pli-tv-kd16:21.3.42	apaññattaṁ tadā ahu;
pli-tv-kd16:21.3.43	Tahaṁ tahaṁ nikkhamanti,
pli-tv-kd16:21.3.44	vāsā te jinasāvakā.
pli-tv-kd16:21.3.45	Seṭṭhī gahapati disvā,
pli-tv-kd16:21.3.46	bhikkhūnaṁ idamabravi;
pli-tv-kd16:21.3.47	Kārāpeyyaṁ vaseyyātha,
pli-tv-kd16:21.3.48	paṭipucchiṁsu nāyakaṁ.
pli-tv-kd16:21.3.49	Vihāraṁ aḍḍhayogañca,
pli-tv-kd16:21.3.50	pāsādaṁ hammiyaṁ guhaṁ;
pli-tv-kd16:21.3.51	Pañcaleṇaṁ anuññāsi,
pli-tv-kd16:21.3.52	vihāre seṭṭhi kārayi.
pli-tv-kd16:21.3.53	Jano vihāraṁ kāreti,
pli-tv-kd16:21.3.54	akavāṭaṁ asaṁvutaṁ;
pli-tv-kd16:21.3.55	Kavāṭaṁ piṭṭhasaṅghāṭaṁ,
pli-tv-kd16:21.3.56	udukkhalañca uttari.
pli-tv-kd16:21.3.57	Āviñchanacchiddaṁ rajjuṁ,
pli-tv-kd16:21.3.58	vaṭṭiñca kapisīsakaṁ;
pli-tv-kd16:21.3.59	Sūcighaṭitāḷacchiddaṁ,
pli-tv-kd16:21.3.60	lohakaṭṭhavisāṇakaṁ.
pli-tv-kd16:21.3.61	Yantakaṁ sūcikañceva,
pli-tv-kd16:21.3.62	chadanaṁ ullittāvalittaṁ;
pli-tv-kd16:21.3.63	Vedijālasalākañca,
pli-tv-kd16:21.3.64	cakkali santharena ca.
pli-tv-kd16:21.3.65	Miḍḍhi bidalamañcañca,
pli-tv-kd16:21.3.66	sosānikamasārako;
pli-tv-kd16:21.3.67	Bundikuḷirapādañca,
pli-tv-kd16:21.3.68	āhaccāsandi uccake.
pli-tv-kd16:21.3.69	Sattaṅgo ca bhaddapīṭhaṁ,
pli-tv-kd16:21.3.70	pīṭhakeḷakapādakaṁ;
pli-tv-kd16:21.3.71	Āmalāphalakā kocchā,
pli-tv-kd16:21.3.72	palālapīṭhameva ca.
pli-tv-kd16:21.3.73	Uccāhipaṭipādakā,
pli-tv-kd16:21.3.74	aṭṭhaṅguli ca pādakā;
pli-tv-kd16:21.3.75	Suttaṁ aṭṭhapadaṁ coḷaṁ,
pli-tv-kd16:21.3.76	tūlikaṁ aḍḍhakāyikaṁ.
pli-tv-kd16:21.3.77	Giraggo bhisiyo cāpi,
pli-tv-kd16:21.3.78	dussaṁ senāsanampi ca;
pli-tv-kd16:21.3.79	Onaddhaṁ heṭṭhā patati,
pli-tv-kd16:21.3.80	uppāṭetvā haranti ca.
pli-tv-kd16:21.3.81	Bhattiñca hatthabhattiñca,
pli-tv-kd16:21.3.82	anuññāsi tathāgato;
pli-tv-kd16:21.3.83	Titthiyā vihāre cāpi,
pli-tv-kd16:21.3.84	thusaṁ saṇhañca mattikā.
pli-tv-kd16:21.3.85	Ikkāsaṁ pāṇikaṁ kuṇḍaṁ,
pli-tv-kd16:21.3.86	sāsapaṁ sitthatelakaṁ;
pli-tv-kd16:21.3.87	Ussanne paccuddharituṁ,
pli-tv-kd16:21.3.88	pharusaṁ gaṇḍumattikaṁ.
pli-tv-kd16:21.3.89	Ikkāsaṁ paṭibhānañca,
pli-tv-kd16:21.3.90	nīcā cayo ca āruhaṁ;
pli-tv-kd16:21.3.91	Paripatanti āḷakā,
pli-tv-kd16:21.3.92	aḍḍhakuṭṭaṁ tayo puna.
pli-tv-kd16:21.3.93	Khuddake kuṭṭapādo ca,
pli-tv-kd16:21.3.94	ovassati saraṁ khilaṁ;
pli-tv-kd16:21.3.95	Cīvaravaṁsaṁ rajjuñca,
pli-tv-kd16:21.3.96	āḷindaṁ kiṭikena ca.
pli-tv-kd16:21.3.97	Ālambanaṁ tiṇacuṇṇaṁ,
pli-tv-kd16:21.3.98	heṭṭhāmagge nayaṁ kare;
pli-tv-kd16:21.3.99	Ajjhokāse otappati,
pli-tv-kd16:21.3.100	sālaṁ heṭṭhā ca bhājanaṁ.
pli-tv-kd16:21.3.101	Vihāro koṭṭhako ceva,
pli-tv-kd16:21.3.102	pariveṇaggisālakaṁ;
pli-tv-kd16:21.3.103	Ārāme ca puna koṭṭhe,
pli-tv-kd16:21.3.104	heṭṭhaññeva nayaṁ kare.
pli-tv-kd16:21.3.105	Sudhaṁ anāthapiṇḍi ca,
pli-tv-kd16:21.3.106	saddho sītavanaṁ agā;
pli-tv-kd16:21.3.107	Diṭṭhadhammo nimantesi,
pli-tv-kd16:21.3.108	saha saṅghena nāyakaṁ.
pli-tv-kd16:21.3.109	Āṇāpesantarāmagge,
pli-tv-kd16:21.3.110	ārāmaṁ kārayī gaṇo;
pli-tv-kd16:21.3.111	Vesāliyaṁ navakammaṁ,
pli-tv-kd16:21.3.112	purato ca pariggahi.
pli-tv-kd16:21.3.113	Ko arahati bhattagge,
pli-tv-kd16:21.3.114	tittirañca avandiyā;
pli-tv-kd16:21.3.115	Pariggahitantaragharā,
pli-tv-kd16:21.3.116	tūlo sāvatthi osari.
pli-tv-kd16:21.3.117	Patiṭṭhāpesi ārāmaṁ,
pli-tv-kd16:21.3.118	bhattagge ca kolāhalaṁ;
pli-tv-kd16:21.3.119	Gilānā varaseyyā ca,
pli-tv-kd16:21.3.120	lesā sattarasā tahiṁ.
pli-tv-kd16:21.3.121	Kena nu kho kathaṁ nu kho,
pli-tv-kd16:21.3.122	vihāraggena bhājayi;
pli-tv-kd16:21.3.123	Pariveṇaṁ anubhāgañca,
pli-tv-kd16:21.3.124	akāmā bhāgaṁ no dade.
pli-tv-kd16:21.3.125	Nissīmaṁ sabbakālañca,
pli-tv-kd16:21.3.126	gāhā senāsane tayo;
pli-tv-kd16:21.3.127	Upanando ca vaṇṇesi,
pli-tv-kd16:21.3.128	ṭhitakā samakāsanā.
pli-tv-kd16:21.3.129	Samānāsanikā bhindiṁsu,
pli-tv-kd16:21.3.130	tivaggā ca duvaggikaṁ;
pli-tv-kd16:21.3.131	Asamānāsanikā dīghaṁ,
pli-tv-kd16:21.3.132	sāḷindaṁ paribhuñjituṁ.
pli-tv-kd16:21.3.133	Ayyikā ca avidūre,
pli-tv-kd16:21.3.134	bhājitañca kīṭāgire;
pli-tv-kd16:21.3.135	Āḷavī piṇḍakakuṭṭehi,
pli-tv-kd16:21.3.136	dvāraaggaḷavaṭṭikā.
pli-tv-kd16:21.3.137	Ālokasetakāḷañca,
pli-tv-kd16:21.3.138	geruchādanabandhanā;
pli-tv-kd16:21.3.139	Bhaṇḍikhaṇḍaparibhaṇḍaṁ,
pli-tv-kd16:21.3.140	vīsa tiṁsā ca kālikā.
pli-tv-kd16:21.3.141	Osite akataṁ vippaṁ,
pli-tv-kd16:21.3.142	khudde chappañcavassikaṁ;
pli-tv-kd16:21.3.143	Aḍḍhayoge ca sattaṭṭha,
pli-tv-kd16:21.3.144	mahalle dasa dvādasa.
pli-tv-kd16:21.3.145	Sabbaṁ vihāraṁ ekassa,
pli-tv-kd16:21.3.146	aññaṁ vāsenti saṅghikaṁ;
pli-tv-kd16:21.3.147	Nissīmaṁ sabbakālañca,
pli-tv-kd16:21.3.148	pakkami vibbhamanti ca.
pli-tv-kd16:21.3.149	Kālañca sāmaṇerañca,
pli-tv-kd16:21.3.150	sikkhāpaccakkhaantimaṁ;
pli-tv-kd16:21.3.151	Ummattakhittacittā ca,
pli-tv-kd16:21.3.152	vedanāpattidassanā.
pli-tv-kd16:21.3.153	Appaṭikammadiṭṭhiyā,
pli-tv-kd16:21.3.154	paṇḍakā theyyatitthiyā;
pli-tv-kd16:21.3.155	Tiracchānamātupitu,
pli-tv-kd16:21.3.156	arahantā ca dūsakā.
pli-tv-kd16:21.3.157	Bhedakā lohituppādā,
pli-tv-kd16:21.3.158	ubhato cāpi byañjanakā;
pli-tv-kd16:21.3.159	Mā saṅghassa parihāyi,
pli-tv-kd16:21.3.160	kammaṁ aññassa dātave.
pli-tv-kd16:21.3.161	Vippakate ca aññassa,
pli-tv-kd16:21.3.162	kate tasseva pakkame;
pli-tv-kd16:21.3.163	Vibbhamati kālaṅkato,
pli-tv-kd16:21.3.164	sāmaṇero ca jāyati.
pli-tv-kd16:21.3.165	Paccakkhāto ca sikkhāya,
pli-tv-kd16:21.3.166	antimajjhāpannako yadi;
pli-tv-kd16:21.3.167	Saṅghova sāmiko hoti,
pli-tv-kd16:21.3.168	ummattakhittavedanā.
pli-tv-kd16:21.3.169	Adassanāppaṭikamme,
pli-tv-kd16:21.3.170	diṭṭhi tasseva hoti taṁ;
pli-tv-kd16:21.3.171	Paṇḍako theyyatitthī ca,
pli-tv-kd16:21.3.172	tiracchānamātupettikaṁ.
pli-tv-kd16:21.3.173	Ghātako dūsako cāpi,
pli-tv-kd16:21.3.174	bhedalohitabyañjanā;
pli-tv-kd16:21.3.175	Paṭijānāti yadi so,
pli-tv-kd16:21.3.176	saṅghova hoti sāmiko.
pli-tv-kd16:21.3.177	Harantaññatra kukkuccaṁ,
pli-tv-kd16:21.3.178	undriyati ca kambalaṁ;
pli-tv-kd16:21.3.179	Dussañca cammacakkalī,
pli-tv-kd16:21.3.180	coḷakaṁ akkamanti ca.
pli-tv-kd16:21.3.181	Allā upāhanāniṭṭhu,
pli-tv-kd16:21.3.182	likhanti apassenti ca;
pli-tv-kd16:21.3.183	Apassenaṁ likhateva,
pli-tv-kd16:21.3.184	dhotapaccattharena ca.
pli-tv-kd16:21.3.185	Rājagahe na sakkonti,
pli-tv-kd16:21.3.186	lāmakaṁ bhattuddesakaṁ;
pli-tv-kd16:21.3.187	Kathaṁ nu kho paññāpakaṁ,
pli-tv-kd16:21.3.188	bhaṇḍāgārikasammuti.
pli-tv-kd16:21.3.189	Paṭiggāhabhājako cāpi,
pli-tv-kd16:21.3.190	yāgu ca phalabhājako;
pli-tv-kd16:21.3.191	Khajjakabhājako ceva,
pli-tv-kd16:21.3.192	appamattakavissajje.
pli-tv-kd16:21.3.193	Sāṭiyaggāhāpako ceva,
pli-tv-kd16:21.3.194	tatheva pattaggāhako;
pli-tv-kd16:21.3.195	Ārāmikasāmaṇera,
pli-tv-kd16:21.3.196	pesakassa ca sammuti.
pli-tv-kd16:21.3.197	Sabbābhibhū lokavidū,
pli-tv-kd16:21.3.198	hitacitto vināyako;
pli-tv-kd16:21.3.199	Leṇatthañca sukhatthañca,
pli-tv-kd16:21.3.200	jhāyituñca vipassitunti.
pli-tv-kd16:21.3.201	Senāsanakkhandhako niṭṭhito.
pli-tv-kd17:0.1	Theravāda Vinayapiṭaka
pli-tv-kd17:0.2	Cūḷavagga
pli-tv-kd17:0.3	17. Saṅghabhedakakkhandhaka
pli-tv-kd17:0.4	
pli-tv-kd17:0.5	1.1 Chasakyapabbajjākathā
pli-tv-kd17:1.1.1	Tena samayena buddho bhagavā anupiyāyaṁ viharati, anupiyaṁ nāma mallānaṁ nigamo.
pli-tv-kd17:1.1.2	Tena kho pana samayena abhiññātā abhiññātā sakyakumārā bhagavantaṁ pabbajitaṁ anupabbajanti.
pli-tv-kd17:1.1.3	Tena kho pana samayena mahānāmo ca sakko anuruddho ca sakko dvebhātikā honti.
pli-tv-kd17:1.1.4	Anuruddho sakko sukhumālo hoti.
pli-tv-kd17:1.1.5	Tassa tayo pāsādā honti—
pli-tv-kd17:1.1.6	eko hemantiko, eko gimhiko, eko vassiko.
pli-tv-kd17:1.1.7	So vassike pāsāde cattāro māse nippurisehi tūriyehi paricārayamāno na heṭṭhāpāsādaṁ orohati.
pli-tv-kd17:1.1.8	Atha kho mahānāmassa sakkassa etadahosi—
pli-tv-kd17:1.1.9	“etarahi kho abhiññātā abhiññātā sakyakumārā bhagavantaṁ pabbajitaṁ anupabbajanti.
pli-tv-kd17:1.1.10	Amhākañca pana kulā natthi koci agārasmā anagāriyaṁ pabbajito.
pli-tv-kd17:1.1.11	Yannūnāhaṁ vā pabbajeyyaṁ, anuruddho vā”ti.
pli-tv-kd17:1.1.12	Atha kho mahānāmo sakko yena anuruddho sakko tenupasaṅkami, upasaṅkamitvā anuruddhaṁ sakkaṁ etadavoca—
pli-tv-kd17:1.1.13	“etarahi, tāta anuruddha, abhiññātā abhiññātā sakyakumārā bhagavantaṁ pabbajitaṁ anupabbajanti.
pli-tv-kd17:1.1.14	Amhākañca pana kulā natthi koci agārasmā anagāriyaṁ pabbajito.
pli-tv-kd17:1.1.15	Tena hi tvaṁ vā pabbaja, ahaṁ vā pabbajissāmī”ti.
pli-tv-kd17:1.1.16	“Ahaṁ kho sukhumālo, nāhaṁ sakkomi agārasmā anagāriyaṁ pabbajituṁ.
pli-tv-kd17:1.1.17	Tvaṁ pabbajāhī”ti.
pli-tv-kd17:1.2.1	“Ehi kho te, tāta anuruddha, gharāvāsatthaṁ anusāsissāmi.
pli-tv-kd17:1.2.2	Paṭhamaṁ khettaṁ kasāpetabbaṁ.
pli-tv-kd17:1.2.3	Kasāpetvā vapāpetabbaṁ.
pli-tv-kd17:1.2.4	Vapāpetvā udakaṁ abhinetabbaṁ.
pli-tv-kd17:1.2.5	Udakaṁ abhinetvā udakaṁ ninnetabbaṁ.
pli-tv-kd17:1.2.6	Udakaṁ ninnetvā niddhāpetabbaṁ.
pli-tv-kd17:1.2.7	Niddhāpetvā lavāpetabbaṁ.
pli-tv-kd17:1.2.8	Lavāpetvā ubbāhāpetabbaṁ.
pli-tv-kd17:1.2.9	Ubbāhāpetvā puñjaṁ kārāpetabbaṁ.
pli-tv-kd17:1.2.10	Puñjaṁ kārāpetvā maddāpetabbaṁ.
pli-tv-kd17:1.2.11	Maddāpetvā palālāni uddharāpetabbāni.
pli-tv-kd17:1.2.12	Palālāni uddharāpetvā bhusikā uddharāpetabbā.
pli-tv-kd17:1.2.13	Bhusikaṁ uddharāpetvā opunāpetabbaṁ.
pli-tv-kd17:1.2.14	Opunāpetvā atiharāpetabbaṁ.
pli-tv-kd17:1.2.15	Atiharāpetvā āyatimpi vassaṁ evameva kātabbaṁ, āyatimpi vassaṁ evameva kātabban”ti.
pli-tv-kd17:1.2.16	“Na kammā khīyanti?
pli-tv-kd17:1.2.17	Na kammānaṁ anto paññāyati?
pli-tv-kd17:1.2.18	Kadā kammā khīyissanti?
pli-tv-kd17:1.2.19	Kadā kammānaṁ anto paññāyissati?
pli-tv-kd17:1.2.20	Kadā mayaṁ appossukkā pañcahi kāmaguṇehi samappitā samaṅgībhūtā paricāressāmā”ti?
pli-tv-kd17:1.2.21	“Na hi, tāta anuruddha, kammā khīyanti.
pli-tv-kd17:1.2.22	Na kammānaṁ anto paññāyati.
pli-tv-kd17:1.2.23	Akhīṇeva kamme pitaro ca pitāmahā ca kālaṅkatā”ti.
pli-tv-kd17:1.2.24	“Tena hi tvaññeva gharāvāsatthena upajānāhi.
pli-tv-kd17:1.2.25	Ahaṁ agārasmā anagāriyaṁ pabbajissāmī”ti.
pli-tv-kd17:1.2.26	Atha kho anuruddho sakko yena mātā tenupasaṅkami, upasaṅkamitvā mātaraṁ etadavoca—
pli-tv-kd17:1.2.27	“icchāmahaṁ, amma, agārasmā anagāriyaṁ pabbajituṁ.
pli-tv-kd17:1.2.28	Anujānāhi maṁ agārasmā anagāriyaṁ pabbajjāyā”ti.
pli-tv-kd17:1.2.29	Evaṁ vutte, anuruddhassa sakkassa mātā anuruddhaṁ sakkaṁ etadavoca—
pli-tv-kd17:1.2.30	“tumhe kho me, tāta anuruddha, dve puttā piyā manāpā appaṭikūlā.
pli-tv-kd17:1.2.31	Maraṇenapi vo akāmakā vinā bhavissāmi.
pli-tv-kd17:1.2.32	Kiṁ panāhaṁ tumhe jīvante anujānissāmi agārasmā anagāriyaṁ pabbajjāyā”ti?
pli-tv-kd17:1.2.33	Dutiyampi kho …pe…
pli-tv-kd17:1.2.34	tatiyampi kho anuruddho sakko mātaraṁ etadavoca—
pli-tv-kd17:1.2.35	“icchāmahaṁ, amma, agārasmā anagāriyaṁ pabbajituṁ.
pli-tv-kd17:1.2.36	Anujānāhi maṁ agārasmā anagāriyaṁ pabbajjāyā”ti.
pli-tv-kd17:1.3.1	Tena kho pana samayena bhaddiyo sakyarājā sakyānaṁ rajjaṁ kāreti.
pli-tv-kd17:1.3.2	So ca anuruddhassa sakkassa sahāyo hoti.
pli-tv-kd17:1.3.3	Atha kho anuruddhassa sakkassa mātā—
pli-tv-kd17:1.3.4	“ayaṁ kho bhaddiyo sakyarājā sakyānaṁ rajjaṁ kāreti;
pli-tv-kd17:1.3.5	anuruddhassa sakkassa sahāyo;
pli-tv-kd17:1.3.6	so na ussahati agārasmā anagāriyaṁ pabbajitun”ti—
pli-tv-kd17:1.3.7	anuruddhaṁ sakkaṁ etadavoca—
pli-tv-kd17:1.3.8	“sace, tāta anuruddha, bhaddiyo sakyarājā agārasmā anagāriyaṁ pabbajati, evaṁ tvampi pabbajāhī”ti.
pli-tv-kd17:1.3.9	Atha kho anuruddho sakko yena bhaddiyo sakyarājā tenupasaṅkami, upasaṅkamitvā bhaddiyaṁ sakyarājānaṁ etadavoca—
pli-tv-kd17:1.3.10	“mama kho, samma, pabbajjā tava paṭibaddhā”ti.
pli-tv-kd17:1.3.11	“Sace te, samma, pabbajjā mama paṭibaddhā vā appaṭibaddhā vā sā hotu, ahaṁ tayā;
pli-tv-kd17:1.3.12	yathā sukhaṁ pabbajāhī”ti.
pli-tv-kd17:1.3.13	“Ehi, samma, ubho agārasmā anagāriyaṁ pabbajissāmā”ti.
pli-tv-kd17:1.3.14	“Nāhaṁ, samma, sakkomi agārasmā anagāriyaṁ pabbajitunti.
pli-tv-kd17:1.3.15	Yaṁ te sakkā aññaṁ mayā kātuṁ, kyāhaṁ karissāmi.
pli-tv-kd17:1.3.16	Tvaṁ pabbajāhī”ti.
pli-tv-kd17:1.3.17	“Mātā kho maṁ, samma, evamāha—
pli-tv-kd17:1.3.18	‘sace, tāta anuruddha, bhaddiyo sakyarājā agārasmā anagāriyaṁ pabbajati, evaṁ tvampi pabbajāhī’”ti.
pli-tv-kd17:1.3.19	“Bhāsitā kho pana te, samma, esā vācā.
pli-tv-kd17:1.3.20	Sace te, samma, pabbajjā mama paṭibaddhā vā, appaṭibaddhā vā sā hotu, ahaṁ tayā;
pli-tv-kd17:1.3.21	yathā sukhaṁ pabbajāhī”ti.
pli-tv-kd17:1.3.22	“Ehi, samma, ubho agārasmā anagāriyaṁ pabbajissāmā”ti.
pli-tv-kd17:1.3.23	Tena kho pana samayena manussā saccavādino honti, saccapaṭiññā.
pli-tv-kd17:1.3.24	Atha kho bhaddiyo sakyarājā anuruddhaṁ sakkaṁ etadavoca—
pli-tv-kd17:1.3.25	“āgamehi, samma, sattavassāni.
pli-tv-kd17:1.3.26	Sattannaṁ vassānaṁ accayena ubho agārasmā anagāriyaṁ pabbajissāmā”ti.
pli-tv-kd17:1.3.27	“Aticiraṁ, samma, sattavassāni.
pli-tv-kd17:1.3.28	Nāhaṁ sakkomi sattavassāni āgametun”ti.
pli-tv-kd17:1.3.29	“Āgamehi, samma, chavassāni …pe…
pli-tv-kd17:1.3.30	pañcavassāni …
pli-tv-kd17:1.3.31	cattāri vassāni …
pli-tv-kd17:1.3.32	tīṇi vassāni …
pli-tv-kd17:1.3.33	dve vassāni …
pli-tv-kd17:1.3.34	ekaṁ vassaṁ.
pli-tv-kd17:1.3.35	Ekassa vassassa accayena ubho agārasmā anagāriyaṁ pabbajissāmā”ti.
pli-tv-kd17:1.3.36	“Aticiraṁ, samma, ekavassaṁ.
pli-tv-kd17:1.3.37	Nāhaṁ sakkomi ekaṁ vassaṁ āgametun”ti.
pli-tv-kd17:1.3.38	“Āgamehi, samma, sattamāse.
pli-tv-kd17:1.3.39	Sattannaṁ māsānaṁ accayena ubhopi agārasmā anagāriyaṁ pabbajissāmā”ti.
pli-tv-kd17:1.3.40	“Aticiraṁ, samma, sattamāsā.
pli-tv-kd17:1.3.41	Nāhaṁ sakkomi sattamāse āgametun”ti.
pli-tv-kd17:1.3.42	“Āgamehi, samma, cha māse …pe…
pli-tv-kd17:1.3.43	pañca māse …
pli-tv-kd17:1.3.44	cattāro māse …
pli-tv-kd17:1.3.45	tayo māse …
pli-tv-kd17:1.3.46	dve māse …
pli-tv-kd17:1.3.47	ekaṁ māsaṁ …
pli-tv-kd17:1.3.48	aḍḍhamāsaṁ.
pli-tv-kd17:1.3.49	Aḍḍhamāsassa accayena ubhopi agārasmā anagāriyaṁ pabbajissāmā”ti.
pli-tv-kd17:1.3.50	“Aticiraṁ, samma, aḍḍhamāso.
pli-tv-kd17:1.3.51	Nāhaṁ sakkomi aḍḍhamāsaṁ āgametun”ti.
pli-tv-kd17:1.3.52	“Āgamehi, samma, sattāhaṁ yāvāhaṁ putte ca bhātaro ca rajjaṁ niyyādemī”ti.
pli-tv-kd17:1.3.53	“Na ciraṁ, samma, sattāho, āgamessāmī”ti.
pli-tv-kd17:1.4.1	Atha kho bhaddiyo ca sakyarājā anuruddho ca ānando ca bhagu ca kimilo ca devadatto ca, upālikappakena sattamā, yathā pure caturaṅginiyā senāya uyyānabhūmiṁ niyyanti, evameva caturaṅginiyā senāya niyyiṁsu.
pli-tv-kd17:1.4.2	Te dūraṁ gantvā senaṁ nivattāpetvā paravisayaṁ okkamitvā ābharaṇaṁ omuñcitvā uttarāsaṅgena bhaṇḍikaṁ bandhitvā upāliṁ kappakaṁ etadavocuṁ—
pli-tv-kd17:1.4.3	“handa, bhaṇe upāli, nivattassu;
pli-tv-kd17:1.4.4	alaṁ te ettakaṁ jīvikāyā”ti.
pli-tv-kd17:1.4.5	Atha kho upālissa kappakassa nivattantassa etadahosi—
pli-tv-kd17:1.4.6	“caṇḍā kho sākiyā;
pli-tv-kd17:1.4.7	iminā kumārā nippātitāti ghātāpeyyumpi maṁ.
pli-tv-kd17:1.4.8	Ime hi nāma sakyakumārā agārasmā anagāriyaṁ pabbajissanti.
pli-tv-kd17:1.4.9	Kimaṅgaṁ panāhan”ti.
pli-tv-kd17:1.4.10	Bhaṇḍikaṁ muñcitvā taṁ bhaṇḍaṁ rukkhe ālaggetvā “yo passati, dinnaṁyeva haratū”ti vatvā yena te sakyakumārā tenupasaṅkami.
pli-tv-kd17:1.4.11	Addasāsuṁ kho te sakyakumārā upāliṁ kappakaṁ dūratova āgacchantaṁ.
pli-tv-kd17:1.4.12	Disvāna upāliṁ kappakaṁ etadavocuṁ—
pli-tv-kd17:1.4.13	“kissa, bhaṇe upāli, nivattesī”ti?
pli-tv-kd17:1.4.14	“Idha me, ayyaputtā, nivattantassa etadahosi—
pli-tv-kd17:1.4.15	‘caṇḍā kho sākiyā;
pli-tv-kd17:1.4.16	iminā kumārā nippātitāti ghātāpeyyumpi maṁ.
pli-tv-kd17:1.4.17	Ime hi nāma sakyakumārā agārasmā anagāriyaṁ pabbajissanti.
pli-tv-kd17:1.4.18	Kimaṅgaṁ panāhan’ti.
pli-tv-kd17:1.4.19	So kho ahaṁ, ayyaputtā, bhaṇḍikaṁ muñcitvā taṁ bhaṇḍaṁ rukkhe ālaggetvā ‘yo passati, dinnaññeva haratū’ti vatvā tatomhi paṭinivatto”ti.
pli-tv-kd17:1.4.20	“Suṭṭhu, bhaṇe upāli, akāsi yampi na nivatto.
pli-tv-kd17:1.4.21	Caṇḍā kho sākiyā;
pli-tv-kd17:1.4.22	iminā kumārā nippātitāti ghātāpeyyumpi tan”ti.
pli-tv-kd17:1.4.23	Atha kho sakyakumārā upāliṁ kappakaṁ ādāya yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd17:1.4.24	Ekamantaṁ nisinnā kho te sakyakumārā bhagavantaṁ etadavocuṁ—
pli-tv-kd17:1.4.25	“mayaṁ, bhante, sākiyā nāma mānassino.
pli-tv-kd17:1.4.26	Ayaṁ, bhante, upāli kappako amhākaṁ dīgharattaṁ paricārako.
pli-tv-kd17:1.4.27	Imaṁ bhagavā paṭhamaṁ pabbājetu.
pli-tv-kd17:1.4.28	Imassa mayaṁ abhivādanapaccuṭṭhānaañjalikammasāmīcikammaṁ karissāma.
pli-tv-kd17:1.4.29	Evaṁ amhākaṁ sākiyānaṁ sākiyamāno nimmānāyissatī”ti.
pli-tv-kd17:1.4.30	Atha kho bhagavā upāliṁ kappakaṁ paṭhamaṁ pabbājesi, pacchā te sakyakumāre.
pli-tv-kd17:1.4.31	Atha kho āyasmā bhaddiyo teneva antaravassena tisso vijjā sacchākāsi.
pli-tv-kd17:1.4.32	Āyasmā anuruddho dibbacakkhuṁ uppādesi.
pli-tv-kd17:1.4.33	Āyasmā ānando sotāpattiphalaṁ sacchākāsi.
pli-tv-kd17:1.4.34	Devadatto pothujjanikaṁ iddhiṁ abhinipphādesi.
pli-tv-kd17:1.5.1	Tena kho pana samayena āyasmā bhaddiyo araññagatopi rukkhamūlagatopi suññāgāragatopi abhikkhaṇaṁ udānaṁ udānesi—
pli-tv-kd17:1.5.2	“aho sukhaṁ, aho sukhan”ti.
pli-tv-kd17:1.5.3	Atha kho sambahulā bhikkhū yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd17:1.5.4	Ekamantaṁ nisinnā kho te bhikkhū bhagavantaṁ etadavocuṁ—
pli-tv-kd17:1.5.5	“āyasmā, bhante, bhaddiyo araññagatopi rukkhamūlagatopi suññāgāragatopi abhikkhaṇaṁ udānaṁ udānesi—
pli-tv-kd17:1.5.6	‘aho sukhaṁ, aho sukhan’ti.
pli-tv-kd17:1.5.7	Nissaṁsayaṁ kho, bhante, āyasmā bhaddiyo anabhiratova brahmacariyaṁ carati.
pli-tv-kd17:1.5.8	Taṁyeva vā purimaṁ rajjasukhaṁ samanussaranto araññagatopi rukkhamūlagatopi suññāgāragatopi abhikkhaṇaṁ udānaṁ udānesi—
pli-tv-kd17:1.5.9	‘aho sukhaṁ, aho sukhan’”ti.
pli-tv-kd17:1.5.10	Atha kho bhagavā aññataraṁ bhikkhuṁ āmantesi—
pli-tv-kd17:1.5.11	“ehi tvaṁ, bhikkhu, mama vacanena bhaddiyaṁ bhikkhuṁ āmantehi—
pli-tv-kd17:1.5.12	‘satthā taṁ, āvuso bhaddiya, āmantetī’”ti.
pli-tv-kd17:1.5.13	“Evaṁ, bhante”ti kho so bhikkhu bhagavato paṭissutvā yenāyasmā bhaddiyo tenupasaṅkami, upasaṅkamitvā āyasmantaṁ bhaddiyaṁ etadavoca—
pli-tv-kd17:1.5.14	“satthā taṁ, āvuso bhaddiya, āmantetī”ti.
pli-tv-kd17:1.6.1	“Evamāvuso”ti kho āyasmā bhaddiyo tassa bhikkhuno paṭissutvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd17:1.6.2	Ekamantaṁ nisinnaṁ kho āyasmantaṁ bhaddiyaṁ bhagavā etadavoca—
pli-tv-kd17:1.6.3	“saccaṁ kira tvaṁ, bhaddiya, araññagatopi rukkhamūlagatopi suññāgāragatopi abhikkhaṇaṁ udānaṁ udānesi—
pli-tv-kd17:1.6.4	‘aho sukhaṁ, aho sukhan’”ti?
pli-tv-kd17:1.6.5	“Evaṁ, bhante”ti.
pli-tv-kd17:1.6.6	“Kiṁ pana tvaṁ, bhaddiya, atthavasaṁ sampassamāno araññagatopi rukkhamūlagatopi suññāgāragatopi abhikkhaṇaṁ udānaṁ udānesi—
pli-tv-kd17:1.6.7	‘aho sukhaṁ, aho sukhan’”ti?
pli-tv-kd17:1.6.8	“Pubbe me, bhante, rañño satopi antopi antepure rakkhā susaṁvihitā hoti, bahipi antepure rakkhā susaṁvihitā hoti, antopi nagare rakkhā susaṁvihitā hoti, bahipi nagare rakkhā susaṁvihitā hoti, antopi janapade rakkhā susaṁvihitā hoti, bahipi janapade rakkhā susaṁvihitā hoti.
pli-tv-kd17:1.6.9	So kho ahaṁ, bhante, evaṁ rakkhitopi gopitopi santo bhīto ubbiggo ussaṅkī utrasto viharāmi.
pli-tv-kd17:1.6.10	Etarahi kho pana ahaṁ eko, bhante, araññagatopi rukkhamūlagatopi suññāgāragatopi abhīto anubbiggo anussaṅkī anutrasto appossukko pannalomo paradattavutto migabhūtena cetasā viharāmīti.
pli-tv-kd17:1.6.11	Imaṁ kho ahaṁ, bhante, atthavasaṁ sampassamāno araññagatopi rukkhamūlagatopi suññāgāragatopi abhikkhaṇaṁ udānaṁ udānemi—
pli-tv-kd17:1.6.12	‘aho sukhaṁ, aho sukhan’”ti.
pli-tv-kd17:1.6.13	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd17:1.6.14	“Yassantarato na santi kopā,
pli-tv-kd17:1.6.15	Iti bhavābhavatañca vītivatto;
pli-tv-kd17:1.6.16	Taṁ vigatabhayaṁ sukhiṁ asokaṁ,
pli-tv-kd17:1.6.17	Devā nānubhavanti dassanāyā”ti.
pli-tv-kd17:2.1.0	1.2. Devadattavatthu
pli-tv-kd17:2.1.1	Atha kho bhagavā anupiyāyaṁ yathābhirantaṁ viharitvā yena kosambī tena cārikaṁ pakkāmi.
pli-tv-kd17:2.1.2	Anupubbena cārikaṁ caramāno yena kosambī tadavasari.
pli-tv-kd17:2.1.3	Tatra sudaṁ bhagavā kosambiyaṁ viharati ghositārāme.
pli-tv-kd17:2.1.4	Atha kho devadattassa rahogatassa paṭisallīnassa evaṁ cetaso parivitakko udapādi—
pli-tv-kd17:2.1.5	“kaṁ nu kho ahaṁ pasādeyyaṁ, yasmiṁ me pasanne bahulābhasakkāro uppajjeyyā”ti?
pli-tv-kd17:2.1.6	Atha kho devadattassa etadahosi—
pli-tv-kd17:2.1.7	“ayaṁ kho ajātasattu kumāro taruṇo ceva āyatiṁ bhaddo ca.
pli-tv-kd17:2.1.8	Yannūnāhaṁ ajātasattuṁ kumāraṁ pasādeyyaṁ.
pli-tv-kd17:2.1.9	Tasmiṁ me pasanne bahulābhasakkāro uppajjissatī”ti.
pli-tv-kd17:2.1.10	Atha kho devadatto senāsanaṁ saṁsāmetvā pattacīvaramādāya yena rājagahaṁ tena pakkāmi.
pli-tv-kd17:2.1.11	Anupubbena yena rājagahaṁ tadavasari.
pli-tv-kd17:2.1.12	Atha kho devadatto sakavaṇṇaṁ paṭisaṁharitvā kumārakavaṇṇaṁ abhinimminitvā ahimekhalikāya ajātasattussa kumārassa ucchaṅge pāturahosi.
pli-tv-kd17:2.1.13	Atha kho ajātasattu kumāro bhīto ahosi, ubbiggo ussaṅkī utrasto.
pli-tv-kd17:2.1.14	Atha kho devadatto ajātasattuṁ kumāraṁ etadavoca—
pli-tv-kd17:2.1.15	“bhāyasi maṁ tvaṁ, kumārā”ti?
pli-tv-kd17:2.1.16	“Āma bhāyāmi.
pli-tv-kd17:2.1.17	Kosi tvan”ti?
pli-tv-kd17:2.1.18	“Ahaṁ devadatto”ti.
pli-tv-kd17:2.1.19	“Sace kho tvaṁ, bhante, ayyo devadatto, iṅgha sakeneva vaṇṇena pātubhavassū”ti.
pli-tv-kd17:2.1.20	Atha kho devadatto kumārakavaṇṇaṁ paṭisaṁharitvā saṅghāṭipattacīvaradharo ajātasattussa kumārassa purato aṭṭhāsi.
pli-tv-kd17:2.1.21	Atha kho ajātasattu kumāro devadattassa iminā iddhipāṭihāriyena abhippasanno pañcahi rathasatehi sāyaṁ pātaṁ upaṭṭhānaṁ gacchati, pañca ca thālipākasatāni bhattābhihāro abhiharīyati.
pli-tv-kd17:2.1.22	Atha kho devadattassa lābhasakkārasilokena abhibhūtassa pariyādinnacittassa evarūpaṁ icchāgataṁ uppajji—
pli-tv-kd17:2.1.23	“ahaṁ bhikkhusaṅghaṁ pariharissāmī”ti.
pli-tv-kd17:2.1.24	Saha cittuppādāva devadatto tassā iddhiyā parihāyi.
pli-tv-kd17:2.2.1	Tena kho pana samayena kakudho nāma koḷiyaputto, āyasmato mahāmoggallānassa upaṭṭhāko, adhunā kālaṅkato aññataraṁ manomayaṁ kāyaṁ upapanno.
pli-tv-kd17:2.2.2	Tassa evarūpo attabhāvappaṭilābho hoti—
pli-tv-kd17:2.2.3	seyyathāpi nāma dve vā tīṇi vā māgadhakāni gāmakkhettāni.
pli-tv-kd17:2.2.4	So tena attabhāvappaṭilābhena neva attānaṁ na paraṁ byābādheti.
pli-tv-kd17:2.2.5	Atha kho kakudho devaputto yenāyasmā mahāmoggallāno tenupasaṅkami, upasaṅkamitvā āyasmantaṁ mahāmoggallānaṁ abhivādetvā ekamantaṁ aṭṭhāsi.
pli-tv-kd17:2.2.6	Ekamantaṁ ṭhito kho kakudho devaputto āyasmantaṁ mahāmoggallānaṁ etadavoca—
pli-tv-kd17:2.2.7	“devadattassa, bhante, lābhasakkārasilokena abhibhūtassa pariyādinnacittassa evarūpaṁ icchāgataṁ uppajji—
pli-tv-kd17:2.2.8	‘ahaṁ bhikkhusaṅghaṁ pariharissāmī’ti.
pli-tv-kd17:2.2.9	Saha cittuppādāva, bhante, devadatto tassā iddhiyā parihīno”ti.
pli-tv-kd17:2.2.10	Idamavoca kakudho devaputto.
pli-tv-kd17:2.2.11	Idaṁ vatvā āyasmantaṁ mahāmoggallānaṁ abhivādetvā padakkhiṇaṁ katvā tattheva antaradhāyi.
pli-tv-kd17:2.2.12	Atha kho āyasmā mahāmoggallāno yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd17:2.2.13	Ekamantaṁ nisinno kho āyasmā mahāmoggallāno bhagavantaṁ etadavoca—
pli-tv-kd17:2.2.14	“kakudho nāma, bhante, koḷiyaputto mama upaṭṭhāko adhunā kālaṅkato aññataraṁ manomayaṁ kāyaṁ upapanno.
pli-tv-kd17:2.2.15	Tassa evarūpo attabhāvappaṭilābho—
pli-tv-kd17:2.2.16	seyyathāpi nāma dve vā tīṇi vā māgadhakāni gāmakkhettāni.
pli-tv-kd17:2.2.17	So tena attabhāvappaṭilābhena neva attānaṁ na paraṁ byābādheti.
pli-tv-kd17:2.2.18	Atha kho, bhante, kakudho devaputto yenāhaṁ tenupasaṅkami, upasaṅkamitvā maṁ abhivādetvā ekamantaṁ aṭṭhāsi.
pli-tv-kd17:2.2.19	Ekamantaṁ ṭhito kho, bhante, kakudho devaputto maṁ etadavoca—
pli-tv-kd17:2.2.20	‘devadattassa, bhante, lābhasakkārasilokena abhibhūtassa pariyādinnacittassa evarūpaṁ icchāgataṁ uppajji—
pli-tv-kd17:2.2.21	ahaṁ bhikkhusaṅghaṁ pariharissāmīti.
pli-tv-kd17:2.2.22	Saha cittuppādāva, bhante, devadatto tassā iddhiyā parihīno’ti.
pli-tv-kd17:2.2.23	Idamavoca, bhante, kakudho devaputto.
pli-tv-kd17:2.2.24	Idaṁ vatvā maṁ abhivādetvā padakkhiṇaṁ katvā tattheva antaradhāyī”ti.
pli-tv-kd17:2.2.25	“Kiṁ pana te, moggallāna, kakudho devaputto cetasā ceto paricca vidito?
pli-tv-kd17:2.2.26	Yaṁ kiñci kakudho devaputto bhāsati sabbaṁ taṁ tatheva hoti, no aññathā”ti?
pli-tv-kd17:2.2.27	“Cetasā ceto paricca vidito ca me, bhante, kakudho devaputto.
pli-tv-kd17:2.2.28	Yaṁ kiñci kakudho devaputto bhāsati sabbaṁ taṁ tatheva hoti, no aññathā”ti.
pli-tv-kd17:2.2.29	“Rakkhassetaṁ, moggallāna, vācaṁ.
pli-tv-kd17:2.2.30	Rakkhassetaṁ, moggallāna, vācaṁ.
pli-tv-kd17:2.2.31	Idāni so moghapuriso attanāva attānaṁ pātukarissati.
pli-tv-kd17:2.3.0	1.3. Pañcasatthukathā
pli-tv-kd17:2.3.1	Pañcime, moggallāna, satthāro santo saṁvijjamānā lokasmiṁ.
pli-tv-kd17:2.3.2	Katame pañca?
pli-tv-kd17:2.3.3	Idha, moggallāna, ekacco satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṁ me sīlaṁ pariyodātaṁ asaṅkiliṭṭhan’ti ca.
pli-tv-kd17:2.3.4	Tamenaṁ sāvakā evaṁ jānanti—
pli-tv-kd17:2.3.5	‘ayaṁ kho bhavaṁ satthā aparisuddhasīlo samāno “parisuddhasīlomhī”ti paṭijānāti “parisuddhaṁ me sīlaṁ pariyodātaṁ asaṅkiliṭṭhan”ti ca.
pli-tv-kd17:2.3.6	Mayañceva kho pana gihīnaṁ āroceyyāma, nāssassa manāpaṁ.
pli-tv-kd17:2.3.7	Yaṁ kho panassa amanāpaṁ, kathaṁ naṁ mayaṁ tena samudācareyyāma?
pli-tv-kd17:2.3.8	Sammannati kho pana cīvarapiṇḍapātasenāsanagilānappaccayabhesajjaparikkhārena—
pli-tv-kd17:2.3.9	yaṁ tumo karissati, tumova tena paññāyissatī’ti.
pli-tv-kd17:2.3.10	Evarūpaṁ kho, moggallāna, satthāraṁ sāvakā sīlato rakkhanti;
pli-tv-kd17:2.3.11	evarūpo ca pana satthā sāvakehi sīlato rakkhaṁ paccāsīsati.
pli-tv-kd17:2.4.1	Puna caparaṁ, moggallāna, idhekacco satthā aparisuddhājīvo samāno ‘parisuddhājīvomhī’ti paṭijānāti ‘parisuddho me ājīvo pariyodāto asaṅkiliṭṭho’ti ca.
pli-tv-kd17:2.4.2	Tamenaṁ sāvakā evaṁ jānanti—
pli-tv-kd17:2.4.3	‘ayaṁ kho bhavaṁ satthā aparisuddhājīvo samāno “parisuddhājīvomhī”ti paṭijānāti “parisuddho me ājīvo pariyodāto asaṅkiliṭṭho”ti ca.
pli-tv-kd17:2.4.4	Mayañceva kho pana gihīnaṁ āroceyyāma, nāssassa manāpaṁ.
pli-tv-kd17:2.4.5	Yaṁ kho panassa amanāpaṁ, kathaṁ naṁ mayaṁ tena samudācareyyāma?
pli-tv-kd17:2.4.6	Sammannati kho pana cīvarapiṇḍapātasenāsanagilānappaccayabhesajjaparikkhārena—
pli-tv-kd17:2.4.7	yaṁ tumo karissati, tumova tena paññāyissatī’ti.
pli-tv-kd17:2.4.8	Evarūpaṁ kho, moggallāna, satthāraṁ sāvakā ājīvato rakkhanti;
pli-tv-kd17:2.4.9	evarūpo ca pana satthā sāvakehi ājīvato rakkhaṁ paccāsīsati.
pli-tv-kd17:2.4.10	Puna caparaṁ, moggallāna, idhekacco satthā aparisuddhadhammadesano samāno ‘parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṅkiliṭṭhā’ti ca.
pli-tv-kd17:2.4.11	Tamenaṁ sāvakā evaṁ jānanti—
pli-tv-kd17:2.4.12	‘ayaṁ kho bhavaṁ satthā aparisuddhadhammadesano samāno “parisuddhadhammadesanomhī”ti paṭijānāti “parisuddhā me dhammadesanā pariyodātā asaṅkiliṭṭhā”ti ca.
pli-tv-kd17:2.4.13	Mayañceva kho pana gihīnaṁ āroceyyāma, nāssassa manāpaṁ.
pli-tv-kd17:2.4.14	Yaṁ kho panassa amanāpaṁ, kathaṁ naṁ mayaṁ tena samudācareyyāma?
pli-tv-kd17:2.4.15	Sammannati kho pana cīvarapiṇḍapātasenāsanagilānappaccayabhesajjaparikkhārena—
pli-tv-kd17:2.4.16	yaṁ tumo karissati, tumova tena paññāyissatī’ti.
pli-tv-kd17:2.4.17	Evarūpaṁ kho, moggallāna, satthāraṁ sāvakā dhammadesanato rakkhanti;
pli-tv-kd17:2.4.18	evarūpo ca pana satthā sāvakehi dhammadesanato rakkhaṁ paccāsīsati.
pli-tv-kd17:2.4.19	Puna caparaṁ, moggallāna, idhekacco satthā aparisuddhaveyyākaraṇo samāno ‘parisuddhaveyyākaraṇomhī’ti paṭijānāti ‘parisuddhaṁ me veyyākaraṇaṁ pariyodātaṁ asaṅkiliṭṭhan’ti ca.
pli-tv-kd17:2.4.20	Tamenaṁ sāvakā evaṁ jānanti—
pli-tv-kd17:2.4.21	‘ayaṁ kho bhavaṁ satthā aparisuddhaveyyākaraṇo samāno “parisuddhaveyyākaraṇomhī”ti paṭijānāti “parisuddhaṁ me veyyākaraṇaṁ pariyodātaṁ asaṅkiliṭṭhan”ti ca.
pli-tv-kd17:2.4.22	Mayañceva kho pana gihīnaṁ āroceyyāma, nāssassa manāpaṁ.
pli-tv-kd17:2.4.23	Yaṁ kho panassa amanāpaṁ, kathaṁ naṁ mayaṁ tena samudācareyyāma?
pli-tv-kd17:2.4.24	Sammannati kho pana cīvarapiṇḍapātasenāsanagilānappaccayabhesajjaparikkhārena—
pli-tv-kd17:2.4.25	yaṁ tumo karissati, tumova tena paññāyissatī’ti.
pli-tv-kd17:2.4.26	Evarūpaṁ kho, moggallāna, satthāraṁ sāvakā veyyākaraṇato rakkhanti;
pli-tv-kd17:2.4.27	evarūpo ca pana satthā sāvakehi veyyākaraṇato rakkhaṁ paccāsīsati.
pli-tv-kd17:2.4.28	Puna caparaṁ, moggallāna, idhekacco satthā aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti ca.
pli-tv-kd17:2.4.29	Tamenaṁ sāvakā evaṁ jānanti—
pli-tv-kd17:2.4.30	‘ayaṁ kho bhavaṁ satthā aparisuddhañāṇadassano samāno “parisuddhañāṇadassanomhī”ti paṭijānāti “parisuddhaṁ me ñāṇadassanaṁ pariyodātaṁ asaṅkiliṭṭhan”ti ca.
pli-tv-kd17:2.4.31	Mayañceva kho pana gihīnaṁ āroceyyāma, nāssassa manāpaṁ.
pli-tv-kd17:2.4.32	Yaṁ kho panassa amanāpaṁ, kathaṁ naṁ mayaṁ tena samudācareyyāma?
pli-tv-kd17:2.4.33	Sammannati kho pana cīvarapiṇḍapātasenāsanagilānappaccayabhesajjaparikkhārena—
pli-tv-kd17:2.4.34	yaṁ tumo karissati, tumova tena paññāyissatī’ti.
pli-tv-kd17:2.4.35	Evarūpaṁ kho, moggallāna, satthāraṁ sāvakā ñāṇadassanato rakkhanti;
pli-tv-kd17:2.4.36	evarūpo ca pana satthā sāvakehi ñāṇadassanato rakkhaṁ paccāsīsatīti.
pli-tv-kd17:2.4.37	Ime kho, moggallāna, pañca satthāro santo saṁvijjamānā lokasmiṁ.
pli-tv-kd17:2.4.38	Ahaṁ kho pana, moggallāna, parisuddhasīlo samāno ‘parisuddhasīlomhī’ti paṭijānāmi ‘parisuddhaṁ me sīlaṁ pariyodātaṁ asaṅkiliṭṭhan’ti ca.
pli-tv-kd17:2.4.39	Na ca maṁ sāvakā sīlato rakkhanti;
pli-tv-kd17:2.4.40	na cāhaṁ sāvakehi sīlato rakkhaṁ paccāsīsāmi.
pli-tv-kd17:2.4.41	Parisuddhājīvo samāno …pe…
pli-tv-kd17:2.4.42	parisuddhadhammadesano samāno …pe…
pli-tv-kd17:2.4.43	parisuddhaveyyākaraṇo samāno …pe…
pli-tv-kd17:2.4.44	parisuddhañāṇadassano samāno ‘parisuddhañāṇadassanomhī’ti paṭijānāmi ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti ca.
pli-tv-kd17:2.4.45	Na ca maṁ sāvakā ñāṇadassanato rakkhanti;
pli-tv-kd17:2.4.46	na cāhaṁ sāvakehi ñāṇadassanato rakkhaṁ paccāsīsāmī”ti.
pli-tv-kd17:2.5.1	Atha kho bhagavā kosambiyaṁ yathābhirantaṁ viharitvā yena rājagahaṁ tena cārikaṁ pakkāmi.
pli-tv-kd17:2.5.2	Anupubbena cārikaṁ caramāno yena rājagahaṁ tadavasari.
pli-tv-kd17:2.5.3	Tatra sudaṁ bhagavā rājagahe viharati veḷuvane kalandakanivāpe.
pli-tv-kd17:2.5.4	Atha kho sambahulā bhikkhū yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd17:2.5.5	Ekamantaṁ nisinnā kho te bhikkhū bhagavantaṁ etadavocuṁ—
pli-tv-kd17:2.5.6	“devadattassa, bhante, ajātasattu kumāro pañcahi rathasatehi sāyaṁ pātaṁ upaṭṭhānaṁ gacchati;
pli-tv-kd17:2.5.7	pañca ca thālipākasatāni bhattābhihāro abhiharīyatī”ti.
pli-tv-kd17:2.5.8	“Mā, bhikkhave, devadattassa lābhasakkārasilokaṁ pihayittha.
pli-tv-kd17:2.5.9	Yāvakīvañca, bhikkhave, devadattassa ajātasattu kumāro pañcahi rathasatehi sāyaṁ pātaṁ upaṭṭhānaṁ gamissati, pañca ca thālipākasatāni bhattābhihāro abhiharīyissati, hāniyeva, bhikkhave, devadattassa pāṭikaṅkhā kusalesu dhammesu, no vuḍḍhi.
pli-tv-kd17:2.5.10	Seyyathāpi, bhikkhave, caṇḍassa kukkurassa nāsāya pittaṁ bhindeyyuṁ, evañhi so, bhikkhave, kukkuro bhiyyoso mattāya caṇḍataro assa;
pli-tv-kd17:2.5.11	evameva kho, bhikkhave, yāvakīvañca devadattassa ajātasattu kumāro pañcahi rathasatehi sāyaṁ pātaṁ upaṭṭhānaṁ gamissati, pañca ca thālipākasatāni bhattābhihāro abhiharīyissati, hāniyeva, bhikkhave, devadattassa pāṭikaṅkhā kusalesu dhammesu, no vuḍḍhi.
pli-tv-kd17:2.5.12	Attavadhāya, bhikkhave, devadattassa lābhasakkārasiloko udapādi, parābhavāya devadattassa lābhasakkārasiloko udapādi.
pli-tv-kd17:2.5.13	Seyyathāpi, bhikkhave, kadalī attavadhāya phalaṁ deti, parābhavāya phalaṁ deti;
pli-tv-kd17:2.5.14	evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.
pli-tv-kd17:2.5.15	Seyyathāpi, bhikkhave, veḷu attavadhāya phalaṁ deti, parābhavāya phalaṁ deti;
pli-tv-kd17:2.5.16	evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.
pli-tv-kd17:2.5.17	Seyyathāpi, bhikkhave, naḷo attavadhāya phalaṁ deti, parābhavāya phalaṁ deti;
pli-tv-kd17:2.5.18	evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādi.
pli-tv-kd17:2.5.19	Seyyathāpi, bhikkhave, assatarī attavadhāya gabbhaṁ gaṇhāti, parābhavāya gabbhaṁ gaṇhāti;
pli-tv-kd17:2.5.20	evameva kho, bhikkhave, attavadhāya devadattassa lābhasakkārasiloko udapādi, parābhavāya devadattassa lābhasakkārasiloko udapādīti.
pli-tv-kd17:2.5.21	Phalaṁ ve kadaliṁ hanti,
pli-tv-kd17:2.5.22	phalaṁ veḷuṁ phalaṁ naḷaṁ;
pli-tv-kd17:2.5.23	Sakkāro kāpurisaṁ hanti,
pli-tv-kd17:2.5.24	gabbho assatariṁ yathā”ti.
pli-tv-kd17:2.5.25	Paṭhamabhāṇavāro niṭṭhito.
pli-tv-kd17:3.1.0.1	
pli-tv-kd17:3.1.0.2	2.1. Pakāsanīyakamma
pli-tv-kd17:3.1.1	Tena kho pana samayena bhagavā mahatiyā parisāya parivuto dhammaṁ desento nisinno hoti sarājikāya parisāya.
pli-tv-kd17:3.1.2	Atha kho devadatto uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca—
pli-tv-kd17:3.1.3	“jiṇṇo dāni, bhante, bhagavā vuḍḍho mahallako addhagato vayoanuppatto.
pli-tv-kd17:3.1.4	Appossukko dāni, bhante, bhagavā diṭṭhadhammasukhavihāraṁ anuyutto viharatu, mamaṁ bhikkhusaṅghaṁ nissajjatu.
pli-tv-kd17:3.1.5	Ahaṁ bhikkhusaṅghaṁ pariharissāmī”ti.
pli-tv-kd17:3.1.6	“Alaṁ, devadatta, mā te rucci bhikkhusaṅghaṁ pariharitun”ti.
pli-tv-kd17:3.1.7	Dutiyampi kho devadatto …pe…
pli-tv-kd17:3.1.8	tatiyampi kho devadatto bhagavantaṁ etadavoca—
pli-tv-kd17:3.1.9	“jiṇṇo dāni, bhante, bhagavā vuḍḍho mahallako addhagato vayoanuppatto.
pli-tv-kd17:3.1.10	Appossukko dāni, bhante, bhagavā diṭṭhadhammasukhavihāraṁ anuyutto viharatu, mamaṁ bhikkhusaṅghaṁ nissajjatu.
pli-tv-kd17:3.1.11	Ahaṁ bhikkhusaṅghaṁ pariharissāmī”ti.
pli-tv-kd17:3.1.12	“Sāriputtamoggallānānampi kho ahaṁ, devadatta, bhikkhusaṅghaṁ na nissajjeyyaṁ, kiṁ pana tuyhaṁ chavassa kheḷāsakassā”ti.
pli-tv-kd17:3.1.13	Atha kho devadatto—
pli-tv-kd17:3.1.14	sarājikāya maṁ bhagavā parisāya kheḷāsakavādena apasādeti, sāriputtamoggallāneva ukkaṁsatīti—
pli-tv-kd17:3.1.15	kupito anattamano bhagavantaṁ abhivādetvā padakkhiṇaṁ katvā pakkāmi.
pli-tv-kd17:3.1.16	Ayañcarahi devadattassa bhagavati paṭhamo āghāto ahosi.
pli-tv-kd17:3.2.1	Atha kho bhagavā bhikkhū āmantesi—
pli-tv-kd17:3.2.2	“tena hi, bhikkhave, saṅgho devadattassa rājagahe pakāsanīyaṁ kammaṁ karotu—
pli-tv-kd17:3.2.3	‘pubbe devadattassa aññā pakati ahosi, idāni aññā pakati.
pli-tv-kd17:3.2.4	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti.
pli-tv-kd17:3.2.5	Evañca pana, bhikkhave, kātabbaṁ.
pli-tv-kd17:3.2.6	Byattena bhikkhunā paṭibalena saṅgho ñāpetabbo—
pli-tv-kd17:3.2.7	‘Suṇātu me, bhante, saṅgho.
pli-tv-kd17:3.2.8	Yadi saṅghassa pattakallaṁ saṅgho devadattassa rājagahe pakāsanīyaṁ kammaṁ kareyya—
pli-tv-kd17:3.2.9	“pubbe devadattassa aññā pakati ahosi, idāni aññā pakati.
pli-tv-kd17:3.2.10	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti.
pli-tv-kd17:3.2.11	Esā ñatti.
pli-tv-kd17:3.2.12	Suṇātu me, bhante, saṅgho.
pli-tv-kd17:3.2.13	Saṅgho devadattassa rājagahe pakāsanīyaṁ kammaṁ karoti—
pli-tv-kd17:3.2.14	“pubbe devadattassa aññā pakati ahosi, idāni aññā pakati.
pli-tv-kd17:3.2.15	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti.
pli-tv-kd17:3.2.16	Yassāyasmato khamati devadattassa rājagahe pakāsanīyassa kammassa karaṇaṁ—
pli-tv-kd17:3.2.17	“pubbe devadattassa aññā pakati ahosi, idāni aññā pakati, yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti—
pli-tv-kd17:3.2.18	so tuṇhassa;
pli-tv-kd17:3.2.19	yassa nakkhamati, so bhāseyya.
pli-tv-kd17:3.2.20	Kataṁ saṅghena devadattassa rājagahe pakāsanīyaṁ kammaṁ—
pli-tv-kd17:3.2.21	“pubbe devadattassa aññā pakati ahosi, idāni aññā pakati.
pli-tv-kd17:3.2.22	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti.
pli-tv-kd17:3.2.23	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd17:3.2.24	Atha kho bhagavā āyasmantaṁ sāriputtaṁ āmantesi—
pli-tv-kd17:3.2.25	“tena hi tvaṁ, sāriputta, devadattaṁ rājagahe pakāsehī”ti.
pli-tv-kd17:3.2.26	“Pubbe mayā, bhante, devadattassa rājagahe vaṇṇo bhāsito—
pli-tv-kd17:3.2.27	‘mahiddhiko godhiputto, mahānubhāvo godhiputto’ti.
pli-tv-kd17:3.2.28	Kathāhaṁ, bhante, devadattaṁ rājagahe pakāsemī”ti?
pli-tv-kd17:3.2.29	“Nanu tayā, sāriputta, bhūtoyeva devadattassa rājagahe vaṇṇo bhāsito—
pli-tv-kd17:3.2.30	‘mahiddhiko godhiputto, mahānubhāvo godhiputto’”ti?
pli-tv-kd17:3.2.31	“Evaṁ, bhante”ti.
pli-tv-kd17:3.2.32	“Evameva kho tvaṁ, sāriputta, bhūtaṁyeva devadattaṁ rājagahe pakāsehī”ti.
pli-tv-kd17:3.2.33	“Evaṁ, bhante”ti kho āyasmā sāriputto bhagavato paccassosi.
pli-tv-kd17:3.3.1	Atha kho bhagavā bhikkhū āmantesi—
pli-tv-kd17:3.3.2	“tena hi, bhikkhave, saṅgho sāriputtaṁ sammannatu devadattaṁ rājagahe pakāsetuṁ—
pli-tv-kd17:3.3.3	‘pubbe devadattassa aññā pakati ahosi, idāni aññā pakati.
pli-tv-kd17:3.3.4	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’ti.
pli-tv-kd17:3.3.5	Evañca pana, bhikkhave, sammannitabbo.
pli-tv-kd17:3.3.6	Paṭhamaṁ sāriputto yācitabbo.
pli-tv-kd17:3.3.7	Yācitvā byattena bhikkhunā paṭibalena saṅgho ñāpetabbo—
pli-tv-kd17:3.3.8	‘Suṇātu me, bhante, saṅgho.
pli-tv-kd17:3.3.9	Yadi saṅghassa pattakallaṁ, saṅgho āyasmantaṁ sāriputtaṁ sammanneyya devadattaṁ rājagahe pakāsetuṁ—
pli-tv-kd17:3.3.10	“pubbe devadattassa aññā pakati ahosi, idāni aññā pakati.
pli-tv-kd17:3.3.11	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti.
pli-tv-kd17:3.3.12	Esā ñatti.
pli-tv-kd17:3.3.13	Suṇātu me, bhante, saṅgho.
pli-tv-kd17:3.3.14	Saṅgho āyasmantaṁ sāriputtaṁ sammannati devadattaṁ rājagahe pakāsetuṁ—
pli-tv-kd17:3.3.15	“pubbe devadattassa aññā pakati ahosi, idāni aññā pakati, yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti.
pli-tv-kd17:3.3.16	Yassāyasmato khamati, āyasmato sāriputtassa sammuti devadattaṁ rājagahe pakāsetuṁ—
pli-tv-kd17:3.3.17	“pubbe devadattassa aññā pakati ahosi, idāni aññā pakati, yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti—
pli-tv-kd17:3.3.18	so tuṇhassa;
pli-tv-kd17:3.3.19	yassa nakkhamati, so bhāseyya.
pli-tv-kd17:3.3.20	Sammato saṅghena āyasmā sāriputto devadattaṁ rājagahe pakāsetuṁ—
pli-tv-kd17:3.3.21	“pubbe devadattassa aññā pakati ahosi, idāni aññā pakati.
pli-tv-kd17:3.3.22	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti.
pli-tv-kd17:3.3.23	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd17:3.3.24	Sammato ca āyasmā sāriputto sambahulehi bhikkhūhi saddhiṁ rājagahaṁ pavisitvā devadattaṁ rājagahe pakāsesi—
pli-tv-kd17:3.3.25	“pubbe devadattassa aññā pakati ahosi, idāni aññā pakati.
pli-tv-kd17:3.3.26	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo”ti.
pli-tv-kd17:3.3.27	Tattha ye te manussā assaddhā appasannā dubbuddhino, te evamāhaṁsu—
pli-tv-kd17:3.3.28	“usūyakā ime samaṇā sakyaputtiyā devadattassa lābhasakkāraṁ usūyantī”ti.
pli-tv-kd17:3.3.29	Ye pana te manussā saddhā pasannā paṇḍitā byattā buddhimanto, te evamāhaṁsu—
pli-tv-kd17:3.3.30	“na kho idaṁ orakaṁ bhavissati yathā bhagavā devadattaṁ rājagahe pakāsāpetī”ti.
pli-tv-kd17:3.4.0	2.2. Ajātasattukumāravatthu
pli-tv-kd17:3.4.1	Atha kho devadatto yena ajātasattu kumāro tenupasaṅkami, upasaṅkamitvā ajātasattuṁ kumāraṁ etadavoca—
pli-tv-kd17:3.4.2	“pubbe kho, kumāra, manussā dīghāyukā, etarahi appāyukā.
pli-tv-kd17:3.4.3	Ṭhānaṁ kho panetaṁ vijjati yaṁ tvaṁ kumārova samāno kālaṁ kareyyāsi.
pli-tv-kd17:3.4.4	Tena hi tvaṁ, kumāra, pitaraṁ hantvā rājā hohi.
pli-tv-kd17:3.4.5	Ahaṁ bhagavantaṁ hantvā buddho bhavissāmī”ti.
pli-tv-kd17:3.4.6	Atha kho ajātasattu kumāro—
pli-tv-kd17:3.4.7	“ayyo kho devadatto mahiddhiko mahānubhāvo, jāneyyāsi ayyo devadatto”ti—
pli-tv-kd17:3.4.8	ūruyā potthanikaṁ bandhitvā divā divassa bhīto ubbiggo ussaṅkī utrasto sahasā antepuraṁ pāvisi.
pli-tv-kd17:3.4.9	Addasāsuṁ kho antepure upacārakā mahāmattā ajātasattuṁ kumāraṁ divā divassa bhītaṁ ubbiggaṁ ussaṅkiṁ utrastaṁ sahasā antepuraṁ pavisantaṁ;
pli-tv-kd17:3.4.10	disvāna aggahesuṁ.
pli-tv-kd17:3.4.11	Te vicinantā ūruyā potthanikaṁ baddhaṁ disvāna ajātasattuṁ kumāraṁ etadavocuṁ—
pli-tv-kd17:3.4.12	“kiṁ tvaṁ, kumāra, kattukāmosī”ti?
pli-tv-kd17:3.4.13	“Pitaramhi hantukāmo”ti.
pli-tv-kd17:3.4.14	“Kenāsi ussāhito”ti?
pli-tv-kd17:3.4.15	“Ayyena devadattenā”ti.
pli-tv-kd17:3.4.16	Ekacce mahāmattā evaṁ matiṁ akaṁsu—
pli-tv-kd17:3.4.17	“kumāro ca hantabbo, devadatto ca, sabbe ca bhikkhū hantabbā”ti.
pli-tv-kd17:3.4.18	Ekacce mahāmattā evaṁ matiṁ akaṁsu—
pli-tv-kd17:3.4.19	“na bhikkhū hantabbā.
pli-tv-kd17:3.4.20	Na bhikkhū kiñci aparajjhanti.
pli-tv-kd17:3.4.21	Kumāro ca hantabbo, devadatto cā”ti.
pli-tv-kd17:3.4.22	Ekacce mahāmattā evaṁ matiṁ akaṁsu—
pli-tv-kd17:3.4.23	“na kumāro ca hantabbo, na devadatto.
pli-tv-kd17:3.4.24	Na bhikkhū hantabbā.
pli-tv-kd17:3.4.25	Rañño ārocetabbaṁ.
pli-tv-kd17:3.4.26	Yathā rājā vakkhati tathā karissāmā”ti.
pli-tv-kd17:3.5.1	Atha kho te mahāmattā ajātasattuṁ kumāraṁ ādāya yena rājā māgadho seniyo bimbisāro tenupasaṅkamiṁsu, upasaṅkamitvā rañño māgadhassa seniyassa bimbisārassa etamatthaṁ ārocesuṁ.
pli-tv-kd17:3.5.2	“Kathaṁ, bhaṇe, mahāmattehi mati katā”ti?
pli-tv-kd17:3.5.3	“Ekacce, deva, mahāmattā evaṁ matiṁ akaṁsu—
pli-tv-kd17:3.5.4	‘kumāro ca hantabbo, devadatto ca, sabbe ca bhikkhū hantabbā’ti.
pli-tv-kd17:3.5.5	Ekacce mahāmattā evaṁ matiṁ akaṁsu—
pli-tv-kd17:3.5.6	‘na bhikkhū hantabbā.
pli-tv-kd17:3.5.7	Na bhikkhū kiñci aparajjhanti.
pli-tv-kd17:3.5.8	Kumāro ca hantabbo, devadatto cā’ti.
pli-tv-kd17:3.5.9	Ekacce mahāmattā evaṁ matiṁ akaṁsu—
pli-tv-kd17:3.5.10	‘na kumāro ca hantabbo, na devadatto.
pli-tv-kd17:3.5.11	Na bhikkhū hantabbā.
pli-tv-kd17:3.5.12	Rañño ārocetabbaṁ.
pli-tv-kd17:3.5.13	Yathā rājā vakkhati tathā karissāmā’”ti.
pli-tv-kd17:3.5.14	“Kiṁ, bhaṇe, karissati buddho vā dhammo vā saṅgho vā?
pli-tv-kd17:3.5.15	Nanu bhagavatā paṭikacceva devadatto rājagahe pakāsāpito—
pli-tv-kd17:3.5.16	‘pubbe devadattassa aññā pakati ahosi, idāni aññā pakati.
pli-tv-kd17:3.5.17	Yaṁ devadatto kareyya kāyena vācāya, na tena buddho vā dhammo vā saṅgho vā daṭṭhabbo, devadattova tena daṭṭhabbo’”ti?
pli-tv-kd17:3.5.18	Tattha ye te mahāmattā evaṁ matiṁ akaṁsu—
pli-tv-kd17:3.5.19	“kumāro ca hantabbo devadatto ca;
pli-tv-kd17:3.5.20	sabbe ca bhikkhū hantabbā”ti;
pli-tv-kd17:3.5.21	te aṭṭhāne akāsi.
pli-tv-kd17:3.5.22	Ye te mahāmattā evaṁ matiṁ akaṁsu—
pli-tv-kd17:3.5.23	“na bhikkhū hantabbā;
pli-tv-kd17:3.5.24	na bhikkhū kiñci aparajjhanti;
pli-tv-kd17:3.5.25	kumāro ca hantabbo devadatto cā”ti;
pli-tv-kd17:3.5.26	te nīce ṭhāne ṭhapesi.
pli-tv-kd17:3.5.27	Ye te mahāmattā evaṁ matiṁ akaṁsu—
pli-tv-kd17:3.5.28	“na kumāro ca hantabbo, na devadatto;
pli-tv-kd17:3.5.29	na bhikkhū hantabbā;
pli-tv-kd17:3.5.30	rañño ārocetabbaṁ;
pli-tv-kd17:3.5.31	yathā rājā vakkhati tathā karissāmā”ti;
pli-tv-kd17:3.5.32	te ucce ṭhāne ṭhapesi.
pli-tv-kd17:3.5.33	Atha kho rājā māgadho seniyo bimbisāro ajātasattuṁ kumāraṁ etadavoca—
pli-tv-kd17:3.5.34	“kissa maṁ tvaṁ, kumāra, hantukāmosī”ti?
pli-tv-kd17:3.5.35	“Rajjenāmhi, deva, atthiko”ti.
pli-tv-kd17:3.5.36	“Sace kho tvaṁ, kumāra, rajjena atthiko, etaṁ te rajjan”ti ajātasattussa kumārassa rajjaṁ niyyādesi.
pli-tv-kd17:3.6.0	2.3. Abhimārapesana
pli-tv-kd17:3.6.1	Atha kho devadatto yena ajātasattu kumāro tenupasaṅkami, upasaṅkamitvā ajātasattuṁ kumāraṁ etadavoca—
pli-tv-kd17:3.6.2	“purise, mahārāja, āṇāpehi, ye samaṇaṁ gotamaṁ jīvitā voropessantī”ti.
pli-tv-kd17:3.6.3	Atha kho ajātasattu kumāro manusse āṇāpesi—
pli-tv-kd17:3.6.4	“yathā, bhaṇe, ayyo devadatto āha tathā kareyyāthā”ti.
pli-tv-kd17:3.6.5	Atha kho devadatto ekaṁ purisaṁ āṇāpesi—
pli-tv-kd17:3.6.6	“gacchāvuso, amukasmiṁ okāse samaṇo gotamo viharati.
pli-tv-kd17:3.6.7	Taṁ jīvitā voropetvā iminā maggena āgacchā”ti.
pli-tv-kd17:3.6.8	Tasmiṁ magge dve purise ṭhapesi—
pli-tv-kd17:3.6.9	“yo iminā maggena eko puriso āgacchati, taṁ jīvitā voropetvā iminā maggena āgacchathā”ti.
pli-tv-kd17:3.6.10	Tasmiṁ magge cattāro purise ṭhapesi—
pli-tv-kd17:3.6.11	“ye iminā maggena dve purisā āgacchanti, te jīvitā voropetvā iminā maggena āgacchathā”ti.
pli-tv-kd17:3.6.12	Tasmiṁ magge aṭṭha purise ṭhapesi—
pli-tv-kd17:3.6.13	“ye iminā maggena cattāro purisā āgacchanti, te jīvitā voropetvā iminā maggena āgacchathā”ti.
pli-tv-kd17:3.6.14	Tasmiṁ magge soḷasa purise ṭhapesi—
pli-tv-kd17:3.6.15	“ye iminā maggena aṭṭha purisā āgacchanti, te jīvitā voropetvā āgacchathā”ti.
pli-tv-kd17:3.7.1	Atha kho so eko puriso asicammaṁ gahetvā dhanukalāpaṁ sannayhitvā yena bhagavā tenupasaṅkami, upasaṅkamitvā bhagavato avidūre bhīto ubbiggo ussaṅkī utrasto patthaddhena kāyena aṭṭhāsi.
pli-tv-kd17:3.7.2	Addasā kho bhagavā taṁ purisaṁ bhītaṁ ubbiggaṁ ussaṅkiṁ utrastaṁ patthaddhena kāyena ṭhitaṁ.
pli-tv-kd17:3.7.3	Disvāna taṁ purisaṁ etadavoca—
pli-tv-kd17:3.7.4	“ehāvuso, mā bhāyī”ti.
pli-tv-kd17:3.7.5	Atha kho so puriso asicammaṁ ekamantaṁ karitvā dhanukalāpaṁ nikkhipitvā yena bhagavā tenupasaṅkami, upasaṅkamitvā bhagavato pādesu sirasā nipatitvā bhagavantaṁ etadavoca—
pli-tv-kd17:3.7.6	“accayo maṁ, bhante, accagamā yathābālaṁ yathāmūḷhaṁ yathāakusalaṁ, yohaṁ duṭṭhacitto vadhakacitto idhūpasaṅkanto.
pli-tv-kd17:3.7.7	Tassa me, bhante, bhagavā accayaṁ accayato paṭiggaṇhātu āyatiṁ saṁvarāyā”ti.
pli-tv-kd17:3.7.8	“Taggha tvaṁ, āvuso, accayo accagamā yathābālaṁ yathāmūḷhaṁ yathāakusalaṁ, yaṁ tvaṁ duṭṭhacitto vadhakacitto idhūpasaṅkanto.
pli-tv-kd17:3.7.9	Yato ca kho tvaṁ, āvuso, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.
pli-tv-kd17:3.7.10	Vuḍḍhi hesā, āvuso, ariyassa vinaye—
pli-tv-kd17:3.7.11	yo accayaṁ accayato disvā yathādhammaṁ paṭikaroti, āyatiṁ saṁvaraṁ āpajjatī”ti.
pli-tv-kd17:3.7.12	Atha kho bhagavā tassa purisassa anupubbiṁ kathaṁ kathesi, seyyathidaṁ—
pli-tv-kd17:3.7.13	dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.
pli-tv-kd17:3.7.14	Yadā taṁ bhagavā aññāsi kallacittaṁ, muducittaṁ, vinīvaraṇacittaṁ, udaggacittaṁ, pasannacittaṁ, atha yā buddhānaṁ sāmukkaṁsikā dhammadesanā taṁ pakāsesi—
pli-tv-kd17:3.7.15	dukkhaṁ, samudayaṁ, nirodhaṁ, maggaṁ.
pli-tv-kd17:3.7.16	Seyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaheyya;
pli-tv-kd17:3.7.17	evameva tassa purisassa tasmiṁyeva āsane virajaṁ vītamalaṁ dhammacakkhuṁ udapādi—
pli-tv-kd17:3.7.18	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd17:3.7.19	Atha kho so puriso diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca—
pli-tv-kd17:3.7.20	“abhikkantaṁ, bhante, abhikkantaṁ, bhante.
pli-tv-kd17:3.7.21	Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—
pli-tv-kd17:3.7.22	‘cakkhumanto rūpāni dakkhantī’ti—
pli-tv-kd17:3.7.23	evamevaṁ bhagavatā anekapariyāyena dhammo pakāsito.
pli-tv-kd17:3.7.24	Esāhaṁ, bhante, bhagavantaṁ saraṇaṁ gacchāmi, dhammañca, bhikkhusaṅghañca.
pli-tv-kd17:3.7.25	Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.
pli-tv-kd17:3.7.26	Atha kho bhagavā taṁ purisaṁ etadavoca—
pli-tv-kd17:3.7.27	“mā kho tvaṁ, āvuso, iminā maggena gaccha, iminā maggena gacchāhī”ti aññena maggena uyyojesi.
pli-tv-kd17:3.8.1	Atha kho te dve purisā—
pli-tv-kd17:3.8.2	“kiṁ nu kho so eko puriso cirena āgacchatī”ti—
pli-tv-kd17:3.8.3	paṭipathaṁ gacchantā addasāsuṁ bhagavantaṁ aññatarasmiṁ rukkhamūle nisinnaṁ.
pli-tv-kd17:3.8.4	Disvāna yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd17:3.8.5	Tesaṁ bhagavā anupubbiṁ kathaṁ kathesi …pe…
pli-tv-kd17:3.8.6	aparappaccayā satthusāsane bhagavantaṁ etadavocuṁ—
pli-tv-kd17:3.8.7	“abhikkantaṁ, bhante …pe…
pli-tv-kd17:3.8.8	upāsake no bhagavā dhāretu ajjatagge pāṇupetaṁ saraṇaṁ gate”ti.
pli-tv-kd17:3.8.9	Atha kho bhagavā te purise etadavoca—
pli-tv-kd17:3.8.10	“mā kho tumhe, āvuso, iminā maggena gacchittha, iminā maggena gacchathā”ti aññena maggena uyyojesi.
pli-tv-kd17:3.8.11	Atha kho te cattāro purisā …pe…
pli-tv-kd17:3.8.12	atha kho te aṭṭha purisā …pe…
pli-tv-kd17:3.8.13	atha kho te soḷasa purisā—
pli-tv-kd17:3.8.14	kiṁ nu kho te aṭṭha purisā cirena āgacchantīti—
pli-tv-kd17:3.8.15	paṭipathaṁ gacchantā addasāsuṁ bhagavantaṁ aññatarasmiṁ rukkhamūle nisinnaṁ.
pli-tv-kd17:3.8.16	Disvāna yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd17:3.8.17	Tesaṁ bhagavā anupubbiṁ kathaṁ kathesi, seyyathidaṁ—
pli-tv-kd17:3.8.18	dānakathaṁ …pe…
pli-tv-kd17:3.8.19	aparappaccayā satthusāsane bhagavantaṁ etadavocuṁ—
pli-tv-kd17:3.8.20	“abhikkantaṁ, bhante …pe…
pli-tv-kd17:3.8.21	upāsake no bhagavā dhāretu ajjatagge pāṇupetaṁ saraṇaṁ gate”ti.
pli-tv-kd17:3.8.22	Atha kho bhagavā te purise etadavoca—
pli-tv-kd17:3.8.23	“mā kho tumhe, āvuso, iminā maggena gacchittha, iminā maggena gacchathā”ti aññena maggena uyyojesi.
pli-tv-kd17:3.9.1	Atha kho so eko puriso yena devadatto tenupasaṅkami, upasaṅkamitvā devadattaṁ etadavoca—
pli-tv-kd17:3.9.2	“nāhaṁ, bhante, sakkomi taṁ bhagavantaṁ jīvitā voropetuṁ;
pli-tv-kd17:3.9.3	mahiddhiko so bhagavā mahānubhāvo”ti.
pli-tv-kd17:3.9.4	“Alaṁ, āvuso;
pli-tv-kd17:3.9.5	mā tvaṁ samaṇaṁ gotamaṁ jīvitā voropesi.
pli-tv-kd17:3.9.6	Ahameva samaṇaṁ gotamaṁ jīvitā voropessāmī”ti.
pli-tv-kd17:3.9.7.0	2.4. Lohituppādakakamma
pli-tv-kd17:3.9.7.1	Tena kho pana samayena bhagavā gijjhakūṭassa pabbatassa chāyāyaṁ caṅkamati.
pli-tv-kd17:3.9.8	Atha kho devadatto gijjhakūṭaṁ pabbataṁ āruhitvā mahatiṁ silaṁ pavijjhi—
pli-tv-kd17:3.9.9	imāya samaṇaṁ gotamaṁ jīvitā voropessāmīti.
pli-tv-kd17:3.9.10	Dve pabbatakūṭā samāgantvā taṁ silaṁ sampaṭicchiṁsu.
pli-tv-kd17:3.9.11	Tato papatikā uppatitvā bhagavato pāde ruhiraṁ uppādesi.
pli-tv-kd17:3.9.12	Atha kho bhagavā uddhaṁ ulloketvā devadattaṁ etadavoca—
pli-tv-kd17:3.9.13	“bahuṁ tayā, moghapurisa, apuññaṁ pasutaṁ, yaṁ tvaṁ duṭṭhacitto vadhakacitto tathāgatassa ruhiraṁ uppādesī”ti.
pli-tv-kd17:3.9.14	Atha kho bhagavā bhikkhū āmantesi—
pli-tv-kd17:3.9.15	“idaṁ, bhikkhave, devadattena paṭhamaṁ ānantariyaṁ kammaṁ upacitaṁ, yaṁ duṭṭhacittena vadhakacittena tathāgatassa ruhiraṁ uppāditan”ti.
pli-tv-kd17:3.10.1	Assosuṁ kho bhikkhū—
pli-tv-kd17:3.10.2	“devadattena kira bhagavato vadho payutto”ti.
pli-tv-kd17:3.10.3	Te ca bhikkhū bhagavato vihārassa parito parito caṅkamanti uccāsaddā mahāsaddā sajjhāyaṁ karontā, bhagavato rakkhāvaraṇaguttiyā.
pli-tv-kd17:3.10.4	Assosi kho bhagavā uccāsaddaṁ mahāsaddaṁ sajjhāyasaddaṁ.
pli-tv-kd17:3.10.5	Sutvāna āyasmantaṁ ānandaṁ āmantesi—
pli-tv-kd17:3.10.6	“kiṁ nu kho so, ānanda, uccāsaddo mahāsaddo sajjhāyasaddo”ti?
pli-tv-kd17:3.10.7	“Assosuṁ kho, bhante, bhikkhū—
pli-tv-kd17:3.10.8	‘devadattena kira bhagavato vadho payutto’ti.
pli-tv-kd17:3.10.9	Te ca, bhante, bhikkhū bhagavato vihārassa parito parito caṅkamanti uccāsaddā mahāsaddā sajjhāyaṁ karontā, bhagavato rakkhāvaraṇaguttiyā.
pli-tv-kd17:3.10.10	So eso, bhagavā, uccāsaddo mahāsaddo sajjhāyasaddo”ti.
pli-tv-kd17:3.10.11	“Tena hānanda, mama vacanena te bhikkhū āmantehi—
pli-tv-kd17:3.10.12	satthā āyasmante āmantetī”ti.
pli-tv-kd17:3.10.13	“Evaṁ, bhante”ti kho āyasmā ānando bhagavato paṭissutvā yena te bhikkhū tenupasaṅkami, upasaṅkamitvā te bhikkhū etadavoca—
pli-tv-kd17:3.10.14	“satthā āyasmante āmantetī”ti.
pli-tv-kd17:3.10.15	“Evamāvuso”ti kho te bhikkhū āyasmato ānandassa paṭissutvā yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd17:3.10.16	Ekamantaṁ nisinne kho te bhikkhū bhagavā etadavoca—
pli-tv-kd17:3.10.17	“Aṭṭhānametaṁ, bhikkhave, anavakāso, yaṁ parūpakkamena tathāgataṁ jīvitā voropeyya.
pli-tv-kd17:3.10.18	Anupakkamena, bhikkhave, tathāgatā parinibbāyanti.
pli-tv-kd17:3.10.19	Pañcime, bhikkhave, satthāro santo saṁvijjamānā lokasmiṁ.
pli-tv-kd17:3.10.20	Katame pañca?
pli-tv-kd17:3.10.21	Idha, bhikkhave, ekacco satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṁ me sīlaṁ pariyodātaṁ asaṅkiliṭṭhan’ti ca.
pli-tv-kd17:3.10.22	Tamenaṁ sāvakā evaṁ jānanti—
pli-tv-kd17:3.10.23	‘ayaṁ kho bhavaṁ satthā aparisuddhasīlo samāno “parisuddhasīlomhī”ti paṭijānāti “parisuddhaṁ me sīlaṁ pariyodātaṁ asaṅkiliṭṭhan”ti ca.
pli-tv-kd17:3.10.24	Mayañceva kho pana gihīnaṁ āroceyyāma, nāssassa manāpaṁ.
pli-tv-kd17:3.10.25	Yaṁ kho panassa amanāpaṁ, kathaṁ naṁ mayaṁ tena samudācareyyāma?
pli-tv-kd17:3.10.26	Sammannati kho pana cīvarapiṇḍapātasenāsanagilānappaccayabhesajjaparikkhārena—
pli-tv-kd17:3.10.27	yaṁ tumo karissati, tumova tena paññāyissatī’ti.
pli-tv-kd17:3.10.28	Evarūpaṁ kho, bhikkhave, satthāraṁ sāvakā sīlato rakkhanti;
pli-tv-kd17:3.10.29	evarūpo ca pana satthā sāvakehi sīlato rakkhaṁ paccāsīsati.
pli-tv-kd17:3.10.30	Puna caparaṁ, bhikkhave, idhekacco satthā aparisuddhājīvo samāno …pe…
pli-tv-kd17:3.10.31	aparisuddhadhammadesano samāno …pe…
pli-tv-kd17:3.10.32	aparisuddhaveyyākaraṇo samāno …pe…
pli-tv-kd17:3.10.33	aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṁ me ñāṇadassanaṁ pariyodātaṁ asaṅkiliṭṭhan’ti ca.
pli-tv-kd17:3.10.34	Tamenaṁ sāvakā evaṁ jānanti—
pli-tv-kd17:3.10.35	‘ayaṁ kho bhavaṁ satthā aparisuddhañāṇadassano samāno “parisuddhañāṇadassanomhī”ti paṭijānāti “parisuddhaṁ me ñāṇadassanaṁ pariyodātaṁ asaṅkiliṭṭhan”ti ca.
pli-tv-kd17:3.10.36	Mayañceva kho pana gihīnaṁ āroceyyāma, nāssassa manāpaṁ.
pli-tv-kd17:3.10.37	Yaṁ kho panassa amanāpaṁ, kathaṁ na mayaṁ tena samudācareyyāma?
pli-tv-kd17:3.10.38	Sammannati kho pana cīvarapiṇḍapātasenāsanagilānappaccayabhesajjaparikkhārena—
pli-tv-kd17:3.10.39	yaṁ tumo karissati, tumova tena paññāyissatī’ti.
pli-tv-kd17:3.10.40	Evarūpaṁ kho, bhikkhave, satthāraṁ sāvakā ñāṇadassanato rakkhanti;
pli-tv-kd17:3.10.41	evarūpo ca pana satthā sāvakehi ñāṇadassanato rakkhaṁ paccāsīsati.
pli-tv-kd17:3.10.42	Ime kho, bhikkhave, pañca satthāro santo saṁvijjamānā lokasmiṁ.
pli-tv-kd17:3.10.43	Ahaṁ kho pana, bhikkhave, parisuddhasīlo samāno ‘parisuddhasīlomhī’ti paṭijānāmi ‘parisuddhaṁ me sīlaṁ pariyodātaṁ asaṅkiliṭṭhan’ti ca.
pli-tv-kd17:3.10.44	Na ca maṁ sāvakā sīlato rakkhanti;
pli-tv-kd17:3.10.45	na cāhaṁ sāvakehi sīlato rakkhaṁ paccāsīsāmi.
pli-tv-kd17:3.10.46	Ahaṁ kho pana, bhikkhave, parisuddhājīvo samāno …pe…
pli-tv-kd17:3.10.47	parisuddhadhammadesano samāno …pe…
pli-tv-kd17:3.10.48	parisuddhaveyyākaraṇo samāno …pe…
pli-tv-kd17:3.10.49	parisuddhañāṇadassano samāno “parisuddhañāṇadassanomhī”ti paṭijānāmi “parisuddhaṁ me ñāṇadassanaṁ pariyodātaṁ asaṅkiliṭṭhan”ti ca, na ca maṁ sāvakā ñāṇadassanato rakkhanti, na cāhaṁ sāvakehi ñāṇadassanato rakkhaṁ paccāsīsāmi.
pli-tv-kd17:3.10.50	“Aṭṭhānametaṁ, bhikkhave, anavakāso, yaṁ parūpakkamena tathāgataṁ jīvitā voropeyya.
pli-tv-kd17:3.10.51	Anupakkamena, bhikkhave, tathāgatā parinibbāyanti.
pli-tv-kd17:3.10.52	Gacchatha tumhe, bhikkhave, yathāvihāraṁ.
pli-tv-kd17:3.10.53	Arakkhiyā, bhikkhave, tathāgatā”ti.
pli-tv-kd17:3.11.0	2.5. Nāḷāgiripesana
pli-tv-kd17:3.11.1	Tena kho pana samayena rājagahe nāḷāgiri nāma hatthī caṇḍo hoti, manussaghātako.
pli-tv-kd17:3.11.2	Atha kho devadatto rājagahaṁ pavisitvā hatthisālaṁ gantvā hatthibhaṇḍe etadavoca—
pli-tv-kd17:3.11.3	“mayaṁ kho, bhaṇe, rājañātakā nāma paṭibalā nīcaṭṭhāniyaṁ uccaṭṭhāne ṭhapetuṁ, bhattampi vetanampi vaḍḍhāpetuṁ.
pli-tv-kd17:3.11.4	Tena hi, bhaṇe, yadā samaṇo gotamo imaṁ racchaṁ paṭipanno hoti, tadā imaṁ nāḷāgiriṁ hatthiṁ muñcetvā imaṁ racchaṁ paṭipādethā”ti.
pli-tv-kd17:3.11.5	“Evaṁ, bhante”ti kho te hatthibhaṇḍā devadattassa paccassosuṁ.
pli-tv-kd17:3.11.6	Atha kho bhagavā pubbaṇhasamayaṁ nivāsetvā pattacīvaramādāya sambahulehi bhikkhūhi saddhiṁ rājagahaṁ piṇḍāya pāvisi.
pli-tv-kd17:3.11.7	Atha kho bhagavā taṁ racchaṁ paṭipajji.
pli-tv-kd17:3.11.8	Addasāsuṁ kho te hatthibhaṇḍā bhagavantaṁ taṁ racchaṁ paṭipannaṁ.
pli-tv-kd17:3.11.9	Disvāna nāḷāgiriṁ hatthiṁ muñcitvā taṁ racchaṁ paṭipādesuṁ.
pli-tv-kd17:3.11.10	Addasā kho nāḷāgiri hatthī bhagavantaṁ dūratova āgacchantaṁ.
pli-tv-kd17:3.11.11	Disvāna soṇḍaṁ ussāpetvā pahaṭṭhakaṇṇavālo yena bhagavā tena abhidhāvi.
pli-tv-kd17:3.11.12	Addasāsuṁ kho te bhikkhū nāḷāgiriṁ hatthiṁ dūratova āgacchantaṁ.
pli-tv-kd17:3.11.13	Disvāna bhagavantaṁ etadavocuṁ—
pli-tv-kd17:3.11.14	“ayaṁ, bhante, nāḷāgiri hatthī caṇḍo manussaghātako imaṁ racchaṁ paṭipanno.
pli-tv-kd17:3.11.15	Paṭikkamatu, bhante, bhagavā;
pli-tv-kd17:3.11.16	paṭikkamatu sugato”ti.
pli-tv-kd17:3.11.17	“Āgacchatha, bhikkhave, mā bhāyittha.
pli-tv-kd17:3.11.18	Aṭṭhānametaṁ, bhikkhave, anavakāso, yaṁ parūpakkamena tathāgataṁ jīvitā voropeyya.
pli-tv-kd17:3.11.19	Anupakkamena, bhikkhave, tathāgatā parinibbāyantī”ti.
pli-tv-kd17:3.11.20	Dutiyampi kho te bhikkhū …pe…
pli-tv-kd17:3.11.21	tatiyampi kho te bhikkhū bhagavantaṁ etadavocuṁ—
pli-tv-kd17:3.11.22	“ayaṁ, bhante, nāḷāgiri hatthī caṇḍo manussaghātako imaṁ racchaṁ paṭipanno.
pli-tv-kd17:3.11.23	Paṭikkamatu, bhante, bhagavā;
pli-tv-kd17:3.11.24	paṭikkamatu sugato”ti.
pli-tv-kd17:3.11.25	“Āgacchatha, bhikkhave, mā bhāyittha.
pli-tv-kd17:3.11.26	Aṭṭhānametaṁ, bhikkhave, anavakāso, yaṁ parūpakkamena tathāgataṁ jīvitā voropeyya.
pli-tv-kd17:3.11.27	Anupakkamena, bhikkhave, tathāgatā parinibbāyantī”ti.
pli-tv-kd17:3.12.1	Tena kho pana samayena manussā pāsādesupi hammiyesupi chadanesupi āruḷhā acchanti.
pli-tv-kd17:3.12.2	Tattha ye te manussā assaddhā appasannā dubbuddhino, te evamāhaṁsu—
pli-tv-kd17:3.12.3	“abhirūpo vata, bho, mahāsamaṇo nāgena viheṭhīyissatī”ti.
pli-tv-kd17:3.12.4	Ye pana te manussā saddhā pasannā paṇḍitā byattā buddhimanto, te evamāhaṁsu—
pli-tv-kd17:3.12.5	“nacirassaṁ vata, bho, nāgo nāgena saṅgāmessatī”ti.
pli-tv-kd17:3.12.6	Atha kho bhagavā nāḷāgiriṁ hatthiṁ mettena cittena phari.
pli-tv-kd17:3.12.7	Atha kho nāḷāgiri hatthī bhagavato mettena cittena phuṭṭho soṇḍaṁ oropetvā yena bhagavā tenupasaṅkami, upasaṅkamitvā bhagavato purato aṭṭhāsi.
pli-tv-kd17:3.12.8	Atha kho bhagavā dakkhiṇena hatthena nāḷāgirissa hatthissa kumbhaṁ parāmasanto nāḷāgiriṁ hatthiṁ imāhi gāthāhi ajjhabhāsi—
pli-tv-kd17:3.12.9	“Mā kuñjara nāgamāsado,
pli-tv-kd17:3.12.10	Dukkhañhi kuñjara nāgamāsado;
pli-tv-kd17:3.12.11	Na hi nāgahatassa kuñjara,
pli-tv-kd17:3.12.12	Sugati hoti ito paraṁ yato.
pli-tv-kd17:3.12.13	Mā ca mado mā ca pamādo,
pli-tv-kd17:3.12.14	Na hi pamattā sugatiṁ vajanti te;
pli-tv-kd17:3.12.15	Tvaññeva tathā karissasi,
pli-tv-kd17:3.12.16	Yena tvaṁ sugatiṁ gamissasī”ti.
pli-tv-kd17:3.12.17	Atha kho nāḷāgiri hatthī soṇḍāya bhagavato pādapaṁsūni gahetvā uparimuddhani ākiritvā paṭikuṭiyova osakki, yāva bhagavantaṁ addakkhi.
pli-tv-kd17:3.12.18	Atha kho nāḷāgiri hatthī hatthisālaṁ gantvā sake ṭhāne aṭṭhāsi.
pli-tv-kd17:3.12.19	Tathā danto ca pana nāḷāgiri hatthī ahosi.
pli-tv-kd17:3.12.20	Tena kho pana samayena manussā imaṁ gāthaṁ gāyanti—
pli-tv-kd17:3.12.21	“Daṇḍeneke damayanti,
pli-tv-kd17:3.12.22	aṅkusehi kasāhi ca;
pli-tv-kd17:3.12.23	Adaṇḍena asatthena,
pli-tv-kd17:3.12.24	nāgo danto mahesinā”ti.
pli-tv-kd17:3.13.1	Manussā ujjhāyanti khiyyanti vipācenti—
pli-tv-kd17:3.13.2	“yāva pāpo ayaṁ devadatto, alakkhiko, yatra hi nāma samaṇassa gotamassa evaṁmahiddhikassa evaṁmahānubhāvassa vadhāya parakkamissatī”ti.
pli-tv-kd17:3.13.3	Devadattassa lābhasakkāro parihāyi.
pli-tv-kd17:3.13.4	Bhagavato ca lābhasakkāro abhivaḍḍhi.
pli-tv-kd17:3.13.5.0	2.6. Pañcavatthuyācanakathā
pli-tv-kd17:3.13.5.1	Tena kho pana samayena devadatto parihīnalābhasakkāro sapariso kulesu viññāpetvā viññāpetvā bhuñjati.
pli-tv-kd17:3.13.6	Manussā ujjhāyanti khiyyanti vipācenti—
pli-tv-kd17:3.13.7	“kathañhi nāma samaṇā sakyaputtiyā kulesu viññāpetvā viññāpetvā bhuñjissanti.
pli-tv-kd17:3.13.8	Kassa sampannaṁ na manāpaṁ, kassa sāduṁ na ruccatī”ti.
pli-tv-kd17:3.13.9	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd17:3.13.10	Ye te bhikkhū appicchā …pe… te ujjhāyanti khiyyanti vipācenti—
pli-tv-kd17:3.13.11	“kathañhi nāma devadatto sapariso kulesu viññāpetvā viññāpetvā bhuñjissatī”ti.
pli-tv-kd17:3.13.12	Bhagavato etamatthaṁ ārocesuṁ …pe…
pli-tv-kd17:3.13.13	“saccaṁ kira tvaṁ, devadatta, sapariso kulesu viññāpetvā viññāpetvā bhuñjasī”ti?
pli-tv-kd17:3.13.14	“Saccaṁ, bhagavā”ti …pe…
pli-tv-kd17:3.13.15	vigarahitvā …pe…
pli-tv-kd17:3.13.16	dhammiṁ kathaṁ katvā bhikkhū āmantesi—
pli-tv-kd17:3.13.17	“tena hi, bhikkhave, bhikkhūnaṁ kulesu tikabhojanaṁ paññapessāmi tayo atthavase paṭicca—
pli-tv-kd17:3.13.18	dummaṅkūnaṁ puggalānaṁ niggahāya;
pli-tv-kd17:3.13.19	pesalānaṁ bhikkhūnaṁ phāsuvihārāya, ‘mā pāpicchā pakkhaṁ nissāya saṅghaṁ bhindeyyun’ti;
pli-tv-kd17:3.13.20	kulānuddayāya ca.
pli-tv-kd17:3.13.21	Gaṇabhojane yathādhammo kāretabbo”ti.
pli-tv-kd17:3.14.1	Atha kho devadatto yena kokāliko kaṭamodakatissako khaṇḍadeviyā putto samuddadatto tenupasaṅkami, upasaṅkamitvā kokālikaṁ kaṭamodakatissakaṁ khaṇḍadeviyā puttaṁ samuddadattaṁ etadavoca—
pli-tv-kd17:3.14.2	“etha, mayaṁ, āvuso, samaṇassa gotamassa saṅghabhedaṁ karissāma cakkabhedan”ti.
pli-tv-kd17:3.14.3	Evaṁ vutte, kokāliko devadattaṁ etadavoca—
pli-tv-kd17:3.14.4	“samaṇo kho, āvuso, gotamo mahiddhiko mahānubhāvo.
pli-tv-kd17:3.14.5	Kathaṁ mayaṁ samaṇassa gotamassa saṅghabhedaṁ karissāma cakkabhedan”ti?
pli-tv-kd17:3.14.6	“Etha, mayaṁ, āvuso, samaṇaṁ gotamaṁ upasaṅkamitvā pañca vatthūni yācissāma—
pli-tv-kd17:3.14.7	‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.
pli-tv-kd17:3.14.8	Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṁvattanti.
pli-tv-kd17:3.14.9	Sādhu, bhante, bhikkhū yāvajīvaṁ āraññikā assu; yo gāmantaṁ osareyya, vajjaṁ naṁ phuseyya.
pli-tv-kd17:3.14.10	Yāvajīvaṁ piṇḍapātikā assu; yo nimantanaṁ sādiyeyya, vajjaṁ naṁ phuseyya.
pli-tv-kd17:3.14.11	Yāvajīvaṁ paṁsukūlikā assu; yo gahapaticīvaraṁ sādiyeyya, vajjaṁ naṁ phuseyya.
pli-tv-kd17:3.14.12	Yāvajīvaṁ rukkhamūlikā assu; yo channaṁ upagaccheyya, vajjaṁ naṁ phuseyya.
pli-tv-kd17:3.14.13	Yāvajīvaṁ macchamaṁsaṁ na khādeyyuṁ; yo macchamaṁsaṁ khādeyya, vajjaṁ naṁ phuseyyā’ti.
pli-tv-kd17:3.14.14	Imāni pañca vatthūni samaṇo gotamo nānujānissati.
pli-tv-kd17:3.14.15	Te mayaṁ imehi pañcahi vatthūhi janaṁ saññāpessāmā”ti.
pli-tv-kd17:3.14.16	“Sakkā kho, āvuso, imehi pañcahi vatthūhi samaṇassa gotamassa saṅghabhedo kātuṁ cakkabhedo.
pli-tv-kd17:3.14.17	Lūkhappasannā hi, āvuso, manussā”ti.
pli-tv-kd17:3.15.1	Atha kho devadatto sapariso yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd17:3.15.2	Ekamantaṁ nisinno kho devadatto bhagavantaṁ etadavoca—
pli-tv-kd17:3.15.3	“bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.
pli-tv-kd17:3.15.4	Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṁvattanti.
pli-tv-kd17:3.15.5	Sādhu, bhante, bhikkhū yāvajīvaṁ āraññikā assu; yo gāmantaṁ osareyya, vajjaṁ naṁ phuseyya.
pli-tv-kd17:3.15.6	Yāvajīvaṁ piṇḍapātikā assu; yo nimantanaṁ sādiyeyya, vajjaṁ naṁ phuseyya.
pli-tv-kd17:3.15.7	Yāvajīvaṁ paṁsukūlikā assu; yo gahapaticīvaraṁ sādiyeyya, vajjaṁ naṁ phuseyya.
pli-tv-kd17:3.15.8	Yāvajīvaṁ rukkhamūlikā assu; yo channaṁ upagaccheyya, vajjaṁ naṁ phuseyya.
pli-tv-kd17:3.15.9	Yāvajīvaṁ macchamaṁsaṁ na khādeyyuṁ; yo macchamaṁsaṁ khādeyya, vajjaṁ naṁ phuseyyā”ti.
pli-tv-kd17:3.15.10	“Alaṁ, devadatta.
pli-tv-kd17:3.15.11	Yo icchati, āraññiko hotu; yo icchati, gāmante viharatu.
pli-tv-kd17:3.15.12	Yo icchati, piṇḍapātiko hotu; yo icchati, nimantanaṁ sādiyatu.
pli-tv-kd17:3.15.13	Yo icchati, paṁsukūliko hotu; yo icchati, gahapaticīvaraṁ sādiyatu.
pli-tv-kd17:3.15.14	Aṭṭhamāse kho mayā, devadatta, rukkhamūlasenāsanaṁ anuññātaṁ;
pli-tv-kd17:3.15.15	tikoṭiparisuddhaṁ macchamaṁsaṁ—
pli-tv-kd17:3.15.16	adiṭṭhaṁ, assutaṁ, aparisaṅkitan”ti.
pli-tv-kd17:3.15.17	Atha kho devadatto—
pli-tv-kd17:3.15.18	“na bhagavā imāni pañca vatthūni anujānātī”ti—
pli-tv-kd17:3.15.19	haṭṭho udaggo sapariso uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-kd17:3.15.20	Atha kho devadatto sapariso rājagahaṁ pavisitvā pañcahi vatthūhi janaṁ saññāpesi—
pli-tv-kd17:3.15.21	“mayaṁ, āvuso, samaṇaṁ gotamaṁ upasaṅkamitvā pañca vatthūni yācimhā—
pli-tv-kd17:3.15.22	‘bhagavā, bhante, anekapariyāyena appicchassa …pe…
pli-tv-kd17:3.15.23	vīriyārambhassa vaṇṇavādī.
pli-tv-kd17:3.15.24	Imāni, bhante, pañca vatthūni anekapariyāyena appicchatāya …pe…
pli-tv-kd17:3.15.25	vīriyārambhāya saṁvattanti.
pli-tv-kd17:3.15.26	Sādhu, bhante, bhikkhū yāvajīvaṁ āraññikā assu; yo gāmantaṁ osareyya, vajjaṁ naṁ phuseyya …pe…
pli-tv-kd17:3.15.27	yāvajīvaṁ macchamaṁsaṁ na khādeyyuṁ; yo macchamaṁsaṁ khādeyya, vajjaṁ naṁ phuseyyā’ti.
pli-tv-kd17:3.15.28	Imāni pañca vatthūni samaṇo gotamo nānujānāti.
pli-tv-kd17:3.15.29	Te mayaṁ imehi pañcahi vatthūhi samādāya vattāmā”ti.
pli-tv-kd17:3.16.1	Tattha ye te manussā assaddhā appasannā dubbuddhino, te evamāhaṁsu—
pli-tv-kd17:3.16.2	“ime kho samaṇā sakyaputtiyā dhutā sallekhavuttino.
pli-tv-kd17:3.16.3	Samaṇo pana gotamo bāhulliko bāhullāya cetetī”ti.
pli-tv-kd17:3.16.4	Ye pana te manussā saddhā pasannā paṇḍitā byattā buddhimanto, te ujjhāyanti khiyyanti vipācenti—
pli-tv-kd17:3.16.5	“kathañhi nāma devadatto bhagavato saṅghabhedāya parakkamissati cakkabhedāyā”ti.
pli-tv-kd17:3.16.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd17:3.16.7	Ye te bhikkhū appicchā …pe… te ujjhāyanti khiyyanti vipācenti—
pli-tv-kd17:3.16.8	“kathañhi nāma devadatto saṅghabhedāya parakkamissati cakkabhedāyā”ti.
pli-tv-kd17:3.16.9	Atha kho te bhikkhū bhagavato etamatthaṁ ārocesuṁ …pe…
pli-tv-kd17:3.16.10	“saccaṁ kira tvaṁ, devadatta, saṅghabhedāya parakkamasi cakkabhedāyā”ti?
pli-tv-kd17:3.16.11	“Saccaṁ, bhagavā”ti.
pli-tv-kd17:3.16.12	“Alaṁ, devadatta.
pli-tv-kd17:3.16.13	Mā te rucci saṅghabhedo.
pli-tv-kd17:3.16.14	Garuko kho, devadatta, saṅghabhedo.
pli-tv-kd17:3.16.15	Yo kho, devadatta, samaggaṁ saṅghaṁ bhindati, kappaṭṭhikaṁ kibbisaṁ pasavati, kappaṁ nirayamhi paccati.
pli-tv-kd17:3.16.16	Yo ca kho, devadatta, bhinnaṁ saṅghaṁ samaggaṁ karoti, brahmaṁ puññaṁ pasavati, kappaṁ saggamhi modati.
pli-tv-kd17:3.16.17	Alaṁ, devadatta.
pli-tv-kd17:3.16.18	Mā te rucci saṅghabhedo.
pli-tv-kd17:3.16.19	Garuko kho, devadatta, saṅghabhedo”ti.
pli-tv-kd17:3.17.1	Atha kho āyasmā ānando pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi.
pli-tv-kd17:3.17.2	Addasā kho devadatto āyasmantaṁ ānandaṁ rājagahe piṇḍāya carantaṁ.
pli-tv-kd17:3.17.3	Disvāna yenāyasmā ānando tenupasaṅkami, upasaṅkamitvā āyasmantaṁ ānandaṁ etadavoca—
pli-tv-kd17:3.17.4	“ajjataggedānāhaṁ, āvuso ānanda, aññatreva bhagavatā, aññatreva bhikkhusaṅghā, uposathaṁ karissāmi saṅghakammaṁ karissāmī”ti.
pli-tv-kd17:3.17.5	Atha kho āyasmā ānando rājagahe piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd17:3.17.6	Ekamantaṁ nisinno kho āyasmā ānando bhagavantaṁ etadavoca—
pli-tv-kd17:3.17.7	“idhāhaṁ, bhante, pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisiṁ.
pli-tv-kd17:3.17.8	Addasā kho maṁ, bhante, devadatto rājagahe piṇḍāya carantaṁ.
pli-tv-kd17:3.17.9	Disvāna yenāhaṁ tenupasaṅkami, upasaṅkamitvā maṁ etadavoca—
pli-tv-kd17:3.17.10	‘ajjataggedānāhaṁ, āvuso ānanda, aññatreva bhagavatā, aññatreva bhikkhusaṅghā, uposathaṁ karissāmi saṅghakammaṁ karissāmī’ti.
pli-tv-kd17:3.17.11	Ajjatagge, bhante, devadatto saṅghaṁ bhindissatī”ti.
pli-tv-kd17:3.17.12	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd17:3.17.13	“Sukaraṁ sādhunā sādhuṁ,
pli-tv-kd17:3.17.14	Sādhuṁ pāpena dukkaraṁ;
pli-tv-kd17:3.17.15	Pāpaṁ pāpena sukaraṁ,
pli-tv-kd17:3.17.16	Pāpamariyehi dukkaran”ti.
pli-tv-kd17:3.17.17	Dutiyabhāṇavāro niṭṭhito.
pli-tv-kd17:4.1.0.1	
pli-tv-kd17:4.1.0.2	3.1. Saṅghabhedakathā
pli-tv-kd17:4.1.1	Atha kho devadatto tadahuposathe uṭṭhāyāsanā salākaṁ gāhesi—
pli-tv-kd17:4.1.2	“mayaṁ, āvuso, samaṇaṁ gotamaṁ upasaṅkamitvā pañca vatthūni yācimhā—
pli-tv-kd17:4.1.3	‘bhagavā, bhante, anekapariyāyena appicchassa …pe…
pli-tv-kd17:4.1.4	vīriyārambhassa vaṇṇavādī.
pli-tv-kd17:4.1.5	Imāni, bhante, pañca vatthūni anekapariyāyena appicchatāya …pe…
pli-tv-kd17:4.1.6	vīriyārambhāya saṁvattanti.
pli-tv-kd17:4.1.7.1	Sādhu, bhante, bhikkhū yāvajīvaṁ āraññikā assu; yo gāmantaṁ osareyya, vajjaṁ naṁ phuseyya …pe…
pli-tv-kd17:4.1.7.2	
pli-tv-kd17:4.1.7.3	
pli-tv-kd17:4.1.7.4	
pli-tv-kd17:4.1.8	yāvajīvaṁ macchamaṁsaṁ na khādeyyuṁ; yo macchamaṁsaṁ khādeyya, vajjaṁ naṁ phuseyyā’ti.
pli-tv-kd17:4.1.9	Imāni pañca vatthūni samaṇo gotamo nānujānāti.
pli-tv-kd17:4.1.10	Te mayaṁ imehi pañcahi vatthūhi samādāya vattāma.
pli-tv-kd17:4.1.11	Yassāyasmato imāni pañca vatthūni khamanti, so salākaṁ gaṇhātū”ti.
pli-tv-kd17:4.1.12	Tena kho pana samayena vesālikā vajjiputtakā pañcamattāni bhikkhusatāni navakā ceva honti appakataññuno ca.
pli-tv-kd17:4.1.13	Te—“ayaṁ dhammo, ayaṁ vinayo, idaṁ satthusāsanan”ti salākaṁ gaṇhiṁsu.
pli-tv-kd17:4.1.14	Atha kho devadatto saṅghaṁ bhinditvā pañcamattāni bhikkhusatāni ādāya yena gayāsīsaṁ tena pakkāmi.
pli-tv-kd17:4.1.15	Atha kho sāriputtamoggallānā yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-kd17:4.1.16	Ekamantaṁ nisinno kho āyasmā sāriputto bhagavantaṁ etadavoca—
pli-tv-kd17:4.1.17	“devadatto, bhante, saṅghaṁ bhinditvā pañcamattāni bhikkhusatāni ādāya yena gayāsīsaṁ tena pakkanto”ti.
pli-tv-kd17:4.1.18	“Na hi nāma tumhākaṁ, sāriputtā, tesu navakesu bhikkhūsu kāruññampi bhavissati?
pli-tv-kd17:4.1.19	Gacchatha tumhe, sāriputtā, purā te bhikkhū anayabyasanaṁ āpajjantī”ti.
pli-tv-kd17:4.1.20	“Evaṁ, bhante”ti kho sāriputtamoggallānā bhagavato paṭissutvā uṭṭhāyāsanā bhagavantaṁ abhivādetvā padakkhiṇaṁ katvā yena gayāsīsaṁ tenupasaṅkamiṁsu.
pli-tv-kd17:4.1.21	Tena kho pana samayena aññataro bhikkhu bhagavato avidūre rodamāno ṭhito hoti.
pli-tv-kd17:4.1.22	Atha kho bhagavā taṁ bhikkhuṁ etadavoca—
pli-tv-kd17:4.1.23	“kissa tvaṁ, bhikkhu, rodasī”ti?
pli-tv-kd17:4.1.24	“Yepi te, bhante, bhagavato aggasāvakā sāriputtamoggallānā tepi devadattassa santike gacchanti devadattassa dhammaṁ rocentā”ti.
pli-tv-kd17:4.1.25	“Aṭṭhānametaṁ, bhikkhu, anavakāso, yaṁ sāriputtamoggallānā devadattassa dhammaṁ roceyyuṁ, api ca te gatā bhikkhūnaṁ saññattiyā”ti.
pli-tv-kd17:4.2.1	Tena kho pana samayena devadatto mahatiyā parisāya parivuto dhammaṁ desento nisinno hoti.
pli-tv-kd17:4.2.2	Addasā kho devadatto sāriputtamoggallāne dūratova āgacchante.
pli-tv-kd17:4.2.3	Disvāna bhikkhū āmantesi—
pli-tv-kd17:4.2.4	“passatha, bhikkhave, yāva svākkhāto mayā dhammo, yepi te samaṇassa gotamassa aggasāvakā sāriputtamoggallānā tepi mama santike āgacchanti.
pli-tv-kd17:4.2.5	Mama dhammaṁ rocentā”ti.
pli-tv-kd17:4.2.6	Evaṁ vutte, kokāliko devadattaṁ etadavoca—
pli-tv-kd17:4.2.7	“mā, āvuso devadatta, sāriputtamoggallāne vissasi.
pli-tv-kd17:4.2.8	Pāpicchā sāriputtamoggallānā, pāpikānaṁ icchānaṁ vasaṁ gatā”ti.
pli-tv-kd17:4.2.9	“Alaṁ, āvuso.
pli-tv-kd17:4.2.10	Svāgataṁ tesaṁ yato me dhammaṁ rocentī”ti.
pli-tv-kd17:4.2.11	Atha kho devadatto āyasmantaṁ sāriputtaṁ upaḍḍhāsanena nimantesi—
pli-tv-kd17:4.2.12	“ehāvuso sāriputta, idha nisīdāhī”ti.
pli-tv-kd17:4.2.13	“Alaṁ, āvuso”ti kho āyasmā sāriputto aññataraṁ āsanaṁ gahetvā ekamantaṁ nisīdi.
pli-tv-kd17:4.2.14	Āyasmāpi kho mahāmoggallāno aññataraṁ āsanaṁ gahetvā ekamantaṁ nisīdi.
pli-tv-kd17:4.2.15	Atha kho devadatto bahudeva rattiṁ bhikkhū dhammiyā kathāya sandassetvā samādapetvā samuttejetvā sampahaṁsetvā āyasmantaṁ sāriputtaṁ ajjhesi—
pli-tv-kd17:4.2.16	“vigatathinamiddho kho, āvuso sāriputta, bhikkhusaṅgho.
pli-tv-kd17:4.2.17	Paṭibhātu taṁ, āvuso sāriputta, bhikkhūnaṁ dhammī kathā, piṭṭhi me āgilāyati, tamahaṁ āyamissāmī”ti.
pli-tv-kd17:4.2.18	“Evamāvuso”ti kho āyasmā sāriputto devadattassa paccassosi.
pli-tv-kd17:4.2.19	Atha kho devadatto catugguṇaṁ saṅghāṭiṁ paññapetvā dakkhiṇena passena seyyaṁ kappesi.
pli-tv-kd17:4.2.20	Tassa kilamantassa muṭṭhassatissa asampajānassa muhuttakeneva niddā okkami.
pli-tv-kd17:4.3.1	Atha kho āyasmā sāriputto ādesanāpāṭihāriyānusāsaniyā bhikkhū dhammiyā kathāya ovadi anusāsi.
pli-tv-kd17:4.3.2	Āyasmā mahāmoggallāno iddhipāṭihāriyānusāsaniyā bhikkhū dhammiyā kathāya ovadi anusāsi.
pli-tv-kd17:4.3.3	Atha kho tesaṁ bhikkhūnaṁ āyasmatā sāriputtena ādesanāpāṭihāriyānusāsaniyā āyasmatā ca mahāmoggallānena iddhipāṭihāriyānusāsaniyā ovadiyamānānaṁ anusāsiyamānānaṁ virajaṁ vītamalaṁ dhammacakkhuṁ udapādi—
pli-tv-kd17:4.3.4	“yaṁ kiñci samudayadhammaṁ sabbaṁ taṁ nirodhadhamman”ti.
pli-tv-kd17:4.3.5	Atha kho āyasmā sāriputto bhikkhū āmantesi—
pli-tv-kd17:4.3.6	“gacchāma mayaṁ, āvuso, bhagavato santike.
pli-tv-kd17:4.3.7	Yo tassa bhagavato dhammaṁ rocesi so āgacchatū”ti.
pli-tv-kd17:4.3.8	Atha kho sāriputtamoggallānā tāni pañcabhikkhusatāni ādāya yena veḷuvanaṁ tenupasaṅkamiṁsu.
pli-tv-kd17:4.3.9	Atha kho kokāliko devadattaṁ uṭṭhāpesi—
pli-tv-kd17:4.3.10	“uṭṭhehi, āvuso devadatta, nītā te bhikkhū sāriputtamoggallānehi.
pli-tv-kd17:4.3.11	Nanu tvaṁ, āvuso devadatta, mayā vutto—
pli-tv-kd17:4.3.12	‘mā, āvuso devadatta, sāriputtamoggallāne vissāsi.
pli-tv-kd17:4.3.13	Pāpicchā sāriputtamoggallānā, pāpikānaṁ icchānaṁ vasaṁ gatā’”ti?
pli-tv-kd17:4.3.14	Atha kho devadattassa tattheva uṇhaṁ lohitaṁ mukhato uggañchi.
pli-tv-kd17:4.4.1	Atha kho sāriputtamoggallānā yena bhagavā tenupasaṅkamiṁsu, upasaṅkamitvā bhagavantaṁ abhivādetvā ekamantaṁ nisīdisuṁ.
pli-tv-kd17:4.4.2	Ekamantaṁ nisinno kho āyasmā sāriputto bhagavantaṁ etadavoca—
pli-tv-kd17:4.4.3	“sādhu, bhante, bhedakānuvattakā bhikkhū puna upasampajjeyyun”ti.
pli-tv-kd17:4.4.4	“Alaṁ, sāriputta.
pli-tv-kd17:4.4.5	Mā te rucci bhedakānuvattakānaṁ bhikkhūnaṁ puna upasampadā.
pli-tv-kd17:4.4.6	Tena hi tvaṁ, sāriputta, bhedakānuvattake bhikkhū thullaccayaṁ desāpehi.
pli-tv-kd17:4.4.7	Kathaṁ pana te, sāriputta, devadatto paṭipajjī”ti?
pli-tv-kd17:4.4.8	“Yatheva, bhante, bhagavā bahudeva rattiṁ bhikkhū dhammiyā kathāya sandassetvā samādapetvā samuttejetvā sampahaṁsetvā maṁ ajjhesati—
pli-tv-kd17:4.4.9	‘vigatathinamiddho kho, sāriputta, bhikkhusaṅgho;
pli-tv-kd17:4.4.10	paṭibhātu taṁ, sāriputta, bhikkhūnaṁ dhammī kathā, piṭṭhi me āgilāyati, tamahaṁ āyamissāmī’ti.
pli-tv-kd17:4.4.11	Evameva kho, bhante, devadatto paṭipajjī”ti.
pli-tv-kd17:4.5.1	Atha kho bhagavā bhikkhū āmantesi—
pli-tv-kd17:4.5.2	“bhūtapubbaṁ, bhikkhave, araññāyatane mahāsarasī.
pli-tv-kd17:4.5.3	Taṁ nāgā upanissāya vihariṁsu.
pli-tv-kd17:4.5.4	Te taṁ sarasiṁ ogāhetvā, soṇḍāya bhisamuḷālaṁ abbuhitvā, suvikkhālitaṁ vikkhāletvā, akaddamaṁ saṅkhāditvā ajjhoharanti.
pli-tv-kd17:4.5.5	Tesaṁ taṁ vaṇṇāya ceva hoti, balāya ca.
pli-tv-kd17:4.5.6	Na ca tatonidānaṁ maraṇaṁ vā nigacchanti, maraṇamattaṁ vā dukkhaṁ.
pli-tv-kd17:4.5.7	Tesaṁyeva kho pana, bhikkhave, mahānāgānaṁ anusikkhamānā taruṇā bhiṅkacchāpā.
pli-tv-kd17:4.5.8	Te taṁ sarasiṁ ogāhetvā, soṇḍāya bhisamuḷālaṁ abbuhitvā, na suvikkhālitaṁ vikkhāletvā, sakaddamaṁ saṅkhāditvā, ajjhoharanti.
pli-tv-kd17:4.5.9	Tesaṁ taṁ neva vaṇṇāya hoti, na balāya.
pli-tv-kd17:4.5.10	Tatonidānañca maraṇaṁ vā nigacchanti, maraṇamattaṁ vā dukkhaṁ.
pli-tv-kd17:4.5.11	Evameva kho, bhikkhave, devadatto mamānukrubbaṁ kapaṇo marissatīti.
pli-tv-kd17:4.5.12	Mahāvarāhassa mahiṁ vikrubbato,
pli-tv-kd17:4.5.13	Bhisaṁ ghasānassa nadīsu jaggato;
pli-tv-kd17:4.5.14	Bhiṅkova paṅkaṁ abhibhakkhayitvā,
pli-tv-kd17:4.5.15	Mamānukrubbaṁ kapaṇo marissatīti.
pli-tv-kd17:4.6.1	Aṭṭhahi, bhikkhave, aṅgehi samannāgato bhikkhu dūteyyaṁ gantumarahati.
pli-tv-kd17:4.6.2	Katamehi aṭṭhahi?
pli-tv-kd17:4.6.3	Idha, bhikkhave, bhikkhu sotā ca hoti, sāvetā ca, uggahetā ca, dhāretā ca, viññātā ca, viññāpetā ca, kusalo ca sahitāsahitassa, no ca kalahakārako—
pli-tv-kd17:4.6.4	imehi kho, bhikkhave, aṭṭhahaṅgehi samannāgato bhikkhu dūteyyaṁ gantumarahati.
pli-tv-kd17:4.6.5	Aṭṭhahi, bhikkhave, aṅgehi samannāgato sāriputto dūteyyaṁ gantumarahati.
pli-tv-kd17:4.6.6	Katamehi aṭṭhahi?
pli-tv-kd17:4.6.7	Idha, bhikkhave, sāriputto sotā ca hoti, sāvetā ca, uggahetā ca, dhāretā ca, viññātā ca, viññāpetā ca, kusalo ca sahitāsahitassa, no ca kalahakārako—
pli-tv-kd17:4.6.8	imehi kho, bhikkhave, aṭṭhahaṅgehi samannāgato sāriputto dūteyyaṁ gantumarahatīti.
pli-tv-kd17:4.6.9	Yo ve na byathati patvā,
pli-tv-kd17:4.6.10	parisaṁ uggavādiniṁ;
pli-tv-kd17:4.6.11	Na ca hāpeti vacanaṁ,
pli-tv-kd17:4.6.12	na ca chādeti sāsanaṁ.
pli-tv-kd17:4.6.13	Asandiddho ca akkhāti,
pli-tv-kd17:4.6.14	Pucchito ca na kuppati;
pli-tv-kd17:4.6.15	Sa ve tādisako bhikkhu,
pli-tv-kd17:4.6.16	Dūteyyaṁ gantumarahatīti.
pli-tv-kd17:4.7.1	Aṭṭhahi, bhikkhave, asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho.
pli-tv-kd17:4.7.2	Katamehi aṭṭhahi?
pli-tv-kd17:4.7.3	Lābhena, bhikkhave, abhibhūto pariyādinnacitto devadatto āpāyiko nerayiko kappaṭṭho atekiccho;
pli-tv-kd17:4.7.4	alābhena, bhikkhave …pe…
pli-tv-kd17:4.7.5	yasena, bhikkhave …pe…
pli-tv-kd17:4.7.6	ayasena, bhikkhave …pe…
pli-tv-kd17:4.7.7	sakkārena, bhikkhave …pe…
pli-tv-kd17:4.7.8	asakkārena, bhikkhave …pe…
pli-tv-kd17:4.7.9	pāpicchatāya, bhikkhave …pe…
pli-tv-kd17:4.7.10	pāpamittatāya bhikkhave, abhibhūto pariyādinnacitto devadatto āpāyiko nerayiko kappaṭṭho atekiccho—
pli-tv-kd17:4.7.11	imehi kho, bhikkhave, aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho.
pli-tv-kd17:4.7.12	Sādhu, bhikkhave, bhikkhu uppannaṁ lābhaṁ abhibhuyya abhibhuyya vihareyya, uppannaṁ alābhaṁ …pe…
pli-tv-kd17:4.7.13	uppannaṁ yasaṁ …
pli-tv-kd17:4.7.14	uppannaṁ ayasaṁ …
pli-tv-kd17:4.7.15	uppannaṁ sakkāraṁ …
pli-tv-kd17:4.7.16	uppannaṁ asakkāraṁ …
pli-tv-kd17:4.7.17	uppannaṁ pāpicchataṁ …
pli-tv-kd17:4.7.18	uppannaṁ pāpamittataṁ abhibhuyya abhibhuyya vihareyya.
pli-tv-kd17:4.7.19	Kathañca, bhikkhave, bhikkhu atthavasaṁ paṭicca uppannaṁ lābhaṁ abhibhuyya abhibhuyya vihareyya, uppannaṁ alābhaṁ …pe…
pli-tv-kd17:4.7.20	uppannaṁ yasaṁ …
pli-tv-kd17:4.7.21	uppannaṁ ayasaṁ …
pli-tv-kd17:4.7.22	uppannaṁ sakkāraṁ …
pli-tv-kd17:4.7.23	uppannaṁ asakkāraṁ …
pli-tv-kd17:4.7.24	uppannaṁ pāpicchataṁ …
pli-tv-kd17:4.7.25	uppannaṁ pāpamittataṁ abhibhuyya abhibhuyya vihareyya?
pli-tv-kd17:4.7.26	Yaṁ hissa, bhikkhave, uppannaṁ lābhaṁ anabhibhuyya viharato uppajjeyyuṁ āsavā vighātapariḷāhā, uppannaṁ lābhaṁ abhibhuyya abhibhuyya viharato evaṁsate āsavā vighātapariḷāhā na honti.
pli-tv-kd17:4.7.27	Yaṁ hissa, bhikkhave, uppannaṁ alābhaṁ …pe…
pli-tv-kd17:4.7.28	uppannaṁ yasaṁ …
pli-tv-kd17:4.7.29	uppannaṁ ayasaṁ …
pli-tv-kd17:4.7.30	uppannaṁ sakkāraṁ …
pli-tv-kd17:4.7.31	uppannaṁ asakkāraṁ …
pli-tv-kd17:4.7.32	uppannaṁ pāpicchataṁ …
pli-tv-kd17:4.7.33	uppannaṁ pāpamittataṁ anabhibhuyya viharato uppajjeyyuṁ āsavā vighātapariḷāhā, uppannaṁ pāpamittataṁ abhibhuyya abhibhuyya viharato evaṁsate āsavā vighātapariḷāhā na honti.
pli-tv-kd17:4.7.34	Idaṁ kho, bhikkhave, atthavasaṁ paṭicca uppannaṁ lābhaṁ abhibhuyya abhibhuyya vihareyya, uppannaṁ alābhaṁ …pe…
pli-tv-kd17:4.7.35	uppannaṁ yasaṁ …
pli-tv-kd17:4.7.36	uppannaṁ ayasaṁ …
pli-tv-kd17:4.7.37	uppannaṁ sakkāraṁ …
pli-tv-kd17:4.7.38	uppannaṁ asakkāraṁ …
pli-tv-kd17:4.7.39	uppannaṁ pāpicchataṁ …
pli-tv-kd17:4.7.40	uppannaṁ pāpamittataṁ abhibhuyya abhibhuyya vihareyya.
pli-tv-kd17:4.7.41	Tasmātiha, bhikkhave, uppannaṁ lābhaṁ abhibhuyya abhibhuyya viharissāma, uppannaṁ alābhaṁ …pe…
pli-tv-kd17:4.7.42	uppannaṁ yasaṁ …
pli-tv-kd17:4.7.43	uppannaṁ ayasaṁ …
pli-tv-kd17:4.7.44	uppannaṁ sakkāraṁ …
pli-tv-kd17:4.7.45	uppannaṁ asakkāraṁ …
pli-tv-kd17:4.7.46	uppannaṁ pāpicchataṁ …
pli-tv-kd17:4.7.47	uppannaṁ pāpamittataṁ abhibhuyya abhibhuyya viharissāmāti;
pli-tv-kd17:4.7.48	evañhi vo, bhikkhave, sikkhitabbanti.
pli-tv-kd17:4.7.49	Tīhi, bhikkhave, asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho.
pli-tv-kd17:4.7.50	Katamehi tīhi?
pli-tv-kd17:4.7.51	Pāpicchatā, pāpamittatā, oramattakena visesādhigamena antarā vosānaṁ āpādi—
pli-tv-kd17:4.7.52	imehi kho, bhikkhave, tīhi asaddhammehi abhibhūto pariyādinnacitto devadatto āpāyiko nerayiko kappaṭṭho atekicchoti.
pli-tv-kd17:4.8.1	Mā jātu koci lokasmiṁ,
pli-tv-kd17:4.8.2	pāpiccho udapajjatha;
pli-tv-kd17:4.8.3	Tadamināpi jānātha,
pli-tv-kd17:4.8.4	pāpicchānaṁ yathāgati.
pli-tv-kd17:4.8.5	Paṇḍitoti samaññāto,
pli-tv-kd17:4.8.6	bhāvitattoti sammato;
pli-tv-kd17:4.8.7	Jalaṁva yasasā aṭṭhā,
pli-tv-kd17:4.8.8	devadattoti me sutaṁ.
pli-tv-kd17:4.8.9	So pamādaṁ anuciṇṇo,
pli-tv-kd17:4.8.10	āsajja naṁ tathāgataṁ;
pli-tv-kd17:4.8.11	Avīcinirayaṁ patto,
pli-tv-kd17:4.8.12	catudvāraṁ bhayānakaṁ.
pli-tv-kd17:4.8.13	Aduṭṭhassa hi yo dubbhe,
pli-tv-kd17:4.8.14	pāpakammaṁ akrubbato;
pli-tv-kd17:4.8.15	Tameva pāpaṁ phusati,
pli-tv-kd17:4.8.16	duṭṭhacittaṁ anādaraṁ.
pli-tv-kd17:4.8.17	Samuddaṁ visakumbhena,
pli-tv-kd17:4.8.18	yo maññeyya padūsituṁ;
pli-tv-kd17:4.8.19	Na so tena padūseyya,
pli-tv-kd17:4.8.20	bhesmā hi udadhī mahā.
pli-tv-kd17:4.8.21	Evameva tathāgataṁ,
pli-tv-kd17:4.8.22	yo vādenupahiṁsati;
pli-tv-kd17:4.8.23	Samaggataṁ santacittaṁ,
pli-tv-kd17:4.8.24	vādo tamhi na rūhati.
pli-tv-kd17:4.8.25	Tādisaṁ mittaṁ krubbetha,
pli-tv-kd17:4.8.26	tañca sevetha paṇḍito;
pli-tv-kd17:4.8.27	Yassa maggānugo bhikkhu,
pli-tv-kd17:4.8.28	khayaṁ dukkhassa pāpuṇe”ti.
pli-tv-kd17:5.1.0	3.2. Upālipañhā
pli-tv-kd17:5.1.1	Atha kho āyasmā upāli yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd17:5.1.2	Ekamantaṁ nisinno kho āyasmā upāli bhagavantaṁ etadavoca—
pli-tv-kd17:5.1.3	“saṅgharāji saṅgharājīti, bhante, vuccati.
pli-tv-kd17:5.1.4	Kittāvatā nu kho, bhante, saṅgharāji hoti, no ca saṅghabhedo?
pli-tv-kd17:5.1.5	Kittāvatā ca pana saṅgharāji ceva hoti saṅghabhedo cā”ti?
pli-tv-kd17:5.1.6	“Ekato, upāli, eko hoti, ekato dve, catuttho anussāveti, salākaṁ gāheti—
pli-tv-kd17:5.1.7	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.1.8	Evampi kho, upāli, saṅgharāji hoti, no ca saṅghabhedo.
pli-tv-kd17:5.1.9	Ekato, upāli, dve honti, ekato dve, pañcamo anussāveti, salākaṁ gāheti—
pli-tv-kd17:5.1.10	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.1.11	Evampi kho, upāli, saṅgharāji hoti, no ca saṅghabhedo.
pli-tv-kd17:5.1.12	Ekato, upāli, dve honti, ekato tayo, chaṭṭho anussāveti, salākaṁ gāheti—
pli-tv-kd17:5.1.13	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.1.14	Evampi kho, upāli, saṅgharāji hoti, no ca saṅghabhedo.
pli-tv-kd17:5.1.15	Ekato, upāli, tayo honti, ekato tayo, sattamo anussāveti, salākaṁ gāheti—
pli-tv-kd17:5.1.16	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.1.17	Evampi kho, upāli, saṅgharāji hoti, no ca saṅghabhedo.
pli-tv-kd17:5.1.18	Ekato, upāli, tayo honti, ekato cattāro, aṭṭhamo anussāveti, salākaṁ gāheti—
pli-tv-kd17:5.1.19	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.1.20	Evampi kho, upāli, saṅgharāji hoti, no ca saṅghabhedo.
pli-tv-kd17:5.1.21	Ekato, upāli, cattāro honti, ekato cattāro, navamo anussāveti, salākaṁ gāheti—
pli-tv-kd17:5.1.22	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.1.23	Evaṁ kho, upāli, saṅgharāji ceva hoti saṅghabhedo ca.
pli-tv-kd17:5.1.24	Navannaṁ vā, upāli, atirekanavannaṁ vā saṅgharāji ceva hoti saṅghabhedo ca.
pli-tv-kd17:5.1.25	Na kho, upāli, bhikkhunī saṅghaṁ bhindati, api ca bhedāya parakkamati, na sikkhamānā saṅghaṁ bhindati …pe…
pli-tv-kd17:5.1.26	na sāmaṇero saṅghaṁ bhindati, na sāmaṇerī saṅghaṁ bhindati, na upāsako saṅghaṁ bhindati, na upāsikā saṅghaṁ bhindati, api ca bhedāya parakkamati.
pli-tv-kd17:5.1.27	Bhikkhu kho, upāli, pakatatto, samānasaṁvāsako, samānasīmāyaṁ ṭhito, saṅghaṁ bhindatī”ti.
pli-tv-kd17:5.2.1	“Saṅghabhedo saṅghabhedoti, bhante, vuccati.
pli-tv-kd17:5.2.2	Kittāvatā nu kho, bhante, saṅgho bhinno hotī”ti?
pli-tv-kd17:5.2.3	“Idhupāli, bhikkhū adhammaṁ dhammoti dīpenti.
pli-tv-kd17:5.2.4	Dhammaṁ adhammoti dīpenti.
pli-tv-kd17:5.2.5	Avinayaṁ vinayoti dīpenti.
pli-tv-kd17:5.2.6	Vinayaṁ avinayoti dīpenti.
pli-tv-kd17:5.2.7	Abhāsitaṁ alapitaṁ tathāgatena bhāsitaṁ lapitaṁ tathāgatenāti dīpenti.
pli-tv-kd17:5.2.8	Bhāsitaṁ lapitaṁ tathāgatena abhāsitaṁ alapitaṁ tathāgatenāti dīpenti.
pli-tv-kd17:5.2.9	Anāciṇṇaṁ tathāgatena āciṇṇaṁ tathāgatenāti dīpenti.
pli-tv-kd17:5.2.10	Āciṇṇaṁ tathāgatena anāciṇṇaṁ tathāgatenāti dīpenti.
pli-tv-kd17:5.2.11	Apaññattaṁ tathāgatena paññattaṁ tathāgatenāti dīpenti.
pli-tv-kd17:5.2.12	Paññattaṁ tathāgatena apaññattaṁ tathāgatenāti dīpenti.
pli-tv-kd17:5.2.13	Anāpattiṁ āpattīti dīpenti.
pli-tv-kd17:5.2.14	Āpattiṁ anāpattīti dīpenti.
pli-tv-kd17:5.2.15	Lahukaṁ āpattiṁ garukā āpattīti dīpenti.
pli-tv-kd17:5.2.16	Garukaṁ āpattiṁ lahukā āpattīti dīpenti.
pli-tv-kd17:5.2.17	Sāvasesaṁ āpattiṁ anavasesā āpattīti dīpenti.
pli-tv-kd17:5.2.18	Anavasesaṁ āpattiṁ sāvasesā āpattīti dīpenti.
pli-tv-kd17:5.2.19	Duṭṭhullaṁ āpattiṁ aduṭṭhullā āpattīti dīpenti.
pli-tv-kd17:5.2.20	Aduṭṭhullaṁ āpattiṁ duṭṭhullā āpattīti dīpenti.
pli-tv-kd17:5.2.21	Te imehi aṭṭhārasahi vatthūhi apakassanti, avapakassanti, āveniṁ uposathaṁ karonti, āveniṁ pavāraṇaṁ karonti, āveniṁ saṅghakammaṁ karonti.
pli-tv-kd17:5.2.22	Ettāvatā kho, upāli, saṅgho bhinno hotī”ti.
pli-tv-kd17:5.3.1	“Saṅghasāmaggī saṅghasāmaggīti, bhante, vuccati.
pli-tv-kd17:5.3.2	Kittāvatā nu kho, bhante, saṅgho samaggo hotī”ti?
pli-tv-kd17:5.3.3	“Idhupāli, bhikkhū adhammaṁ adhammoti dīpenti.
pli-tv-kd17:5.3.4	Dhammaṁ dhammoti dīpenti.
pli-tv-kd17:5.3.5	Avinayaṁ avinayoti dīpenti.
pli-tv-kd17:5.3.6	Vinayaṁ vinayoti dīpenti.
pli-tv-kd17:5.3.7	Abhāsitaṁ alapitaṁ tathāgatena abhāsitaṁ alapitaṁ tathāgatenāti dīpenti.
pli-tv-kd17:5.3.8	Bhāsitaṁ lapitaṁ tathāgatena bhāsitaṁ lapitaṁ tathāgatenāti dīpenti.
pli-tv-kd17:5.3.9	Anāciṇṇaṁ tathāgatena anāciṇṇaṁ tathāgatenāti dīpenti.
pli-tv-kd17:5.3.10	Āciṇṇaṁ tathāgatena āciṇṇaṁ tathāgatenāti dīpenti.
pli-tv-kd17:5.3.11	Apaññattaṁ tathāgatena apaññattaṁ tathāgatenāti dīpenti.
pli-tv-kd17:5.3.12	Paññattaṁ tathāgatena paññattaṁ tathāgatenāti dīpenti.
pli-tv-kd17:5.3.13	Anāpattiṁ anāpattīti dīpenti.
pli-tv-kd17:5.3.14	Āpattiṁ āpattīti dīpenti.
pli-tv-kd17:5.3.15	Lahukaṁ āpattiṁ lahukā āpattīti dīpenti.
pli-tv-kd17:5.3.16	Garukaṁ āpattiṁ garukā āpattīti dīpenti.
pli-tv-kd17:5.3.17	Sāvasesaṁ āpattiṁ sāvasesā āpattīti dīpenti.
pli-tv-kd17:5.3.18	Anavasesaṁ āpattiṁ anavasesā āpattīti dīpenti.
pli-tv-kd17:5.3.19	Duṭṭhullaṁ āpattiṁ duṭṭhullā āpattīti dīpenti.
pli-tv-kd17:5.3.20	Aduṭṭhullaṁ āpattiṁ aduṭṭhullā āpattīti dīpenti.
pli-tv-kd17:5.3.21	Te imehi aṭṭhārasahi vatthūhi na apakassanti, na avapakassanti, na āveniṁ uposathaṁ karonti, na āveniṁ pavāraṇaṁ karonti, na āveniṁ saṅghakammaṁ karonti.
pli-tv-kd17:5.3.22	Ettāvatā kho, upāli, saṅgho samaggo hotī”ti.
pli-tv-kd17:5.4.1	“Samaggaṁ pana, bhante, saṅghaṁ bhinditvā kiṁ so pasavatī”ti?
pli-tv-kd17:5.4.2	“Samaggaṁ kho, upāli, saṅghaṁ bhinditvā kappaṭṭhikaṁ kibbisaṁ pasavati, kappaṁ nirayamhi paccatīti.
pli-tv-kd17:5.4.3	Āpāyiko nerayiko,
pli-tv-kd17:5.4.4	Kappaṭṭho saṅghabhedako;
pli-tv-kd17:5.4.5	Vaggarato adhammaṭṭho,
pli-tv-kd17:5.4.6	Yogakkhemā padhaṁsati;
pli-tv-kd17:5.4.7	Saṅghaṁ samaggaṁ bhinditvā,
pli-tv-kd17:5.4.8	Kappaṁ nirayamhi paccatī”ti.
pli-tv-kd17:5.4.9	“Bhinnaṁ pana, bhante, saṅghaṁ samaggaṁ katvā kiṁ so pasavatī”ti?
pli-tv-kd17:5.4.10	“Bhinnaṁ kho, upāli, saṅghaṁ samaggaṁ katvā brahmaṁ puññaṁ pasavati, kappaṁ saggamhi modatīti.
pli-tv-kd17:5.4.11	Sukhā saṅghassa sāmaggī,
pli-tv-kd17:5.4.12	samaggānañca anuggaho;
pli-tv-kd17:5.4.13	Samaggarato dhammaṭṭho,
pli-tv-kd17:5.4.14	yogakkhemā na dhaṁsati;
pli-tv-kd17:5.4.15	Saṅghaṁ samaggaṁ katvāna,
pli-tv-kd17:5.4.16	kappaṁ saggamhi modatī”ti.
pli-tv-kd17:5.5.1	“Siyā nu kho, bhante, saṅghabhedako āpāyiko, nerayiko, kappaṭṭho, atekiccho”ti?
pli-tv-kd17:5.5.2	“Siyā, upāli, saṅghabhedako āpāyiko, nerayiko, kappaṭṭho, atekiccho”ti.
pli-tv-kd17:5.5.3	“Siyā pana, bhante, saṅghabhedako na āpāyiko, na nerayiko, na kappaṭṭho, na atekiccho”ti?
pli-tv-kd17:5.5.4	“Siyā, upāli, saṅghabhedako na āpāyiko, na nerayiko, na kappaṭṭho, na atekiccho”ti.
pli-tv-kd17:5.5.5.0	
pli-tv-kd17:5.5.5.1	“Katamo pana, bhante, saṅghabhedako āpāyiko, nerayiko, kappaṭṭho, atekiccho”ti?
pli-tv-kd17:5.5.6	“Idhupāli, bhikkhu adhammaṁ dhammoti dīpeti.
pli-tv-kd17:5.5.7	Tasmiṁ adhammadiṭṭhi, bhede adhammadiṭṭhi, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ, anussāveti, salākaṁ gāheti—
pli-tv-kd17:5.5.8	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.5.9	Ayampi kho, upāli, saṅghabhedako āpāyiko, nerayiko, kappaṭṭho, atekiccho.
pli-tv-kd17:5.5.10	Puna caparaṁ, upāli, bhikkhu adhammaṁ dhammoti dīpeti.
pli-tv-kd17:5.5.11	Tasmiṁ adhammadiṭṭhi, bhede dhammadiṭṭhi, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ, anussāveti, salākaṁ gāheti—
pli-tv-kd17:5.5.12	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.5.13	Ayampi kho, upāli, saṅghabhedako āpāyiko, nerayiko, kappaṭṭho, atekiccho.
pli-tv-kd17:5.5.14	Puna caparaṁ, upāli, bhikkhu adhammaṁ dhammoti dīpeti.
pli-tv-kd17:5.5.15	Tasmiṁ adhammadiṭṭhi, bhede vematiko, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ, anussāveti, salākaṁ gāheti—
pli-tv-kd17:5.5.16	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.5.17	Ayampi kho, upāli, saṅghabhedako āpāyiko, nerayiko, kappaṭṭho, atekiccho.
pli-tv-kd17:5.5.18	Puna caparaṁ, upāli, bhikkhu adhammaṁ dhammoti dīpeti.
pli-tv-kd17:5.5.19	Tasmiṁ dhammadiṭṭhi, bhede adhammadiṭṭhi …pe…
pli-tv-kd17:5.5.20	tasmiṁ dhammadiṭṭhi bhede dhammadiṭṭhi.
pli-tv-kd17:5.5.21	Tasmiṁ dhammadiṭṭhi bhede vematiko.
pli-tv-kd17:5.5.22	Tasmiṁ vematiko bhede adhammadiṭṭhi.
pli-tv-kd17:5.5.23	Tasmiṁ vematiko bhede dhammadiṭṭhi.
pli-tv-kd17:5.5.24	Tasmiṁ vematiko bhede vematiko vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ, anussāveti, salākaṁ gāheti—
pli-tv-kd17:5.5.25	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.5.26	Ayampi kho, upāli, saṅghabhedako āpāyiko, nerayiko, kappaṭṭho, atekiccho.
pli-tv-kd17:5.5.27	Puna caparaṁ, upāli, bhikkhu dhammaṁ adhammoti dīpeti …pe…
pli-tv-kd17:5.5.28	avinayaṁ vinayoti dīpeti …
pli-tv-kd17:5.5.29	vinayaṁ avinayoti dīpeti …
pli-tv-kd17:5.5.30	abhāsitaṁ alapitaṁ tathāgatena bhāsitaṁ lapitaṁ tathāgatenāti dīpeti …
pli-tv-kd17:5.5.31	bhāsitaṁ lapitaṁ tathāgatena abhāsitaṁ alapitaṁ tathāgatenāti dīpeti …
pli-tv-kd17:5.5.32	anāciṇṇaṁ tathāgatena āciṇṇaṁ tathāgatenāti dīpeti …
pli-tv-kd17:5.5.33	āciṇṇaṁ tathāgatena anāciṇṇaṁ tathāgatenāti dīpeti …
pli-tv-kd17:5.5.34	apaññattaṁ tathāgatena paññattaṁ tathāgatenāti dīpeti …
pli-tv-kd17:5.5.35	paññattaṁ tathāgatena apaññattaṁ tathāgatenāti dīpeti …
pli-tv-kd17:5.5.36	anāpattiṁ āpattīti dīpeti …
pli-tv-kd17:5.5.37	āpattiṁ anāpattīti dīpeti …
pli-tv-kd17:5.5.38	lahukaṁ āpattiṁ garukā āpattīti dīpeti …
pli-tv-kd17:5.5.39	garukaṁ āpattiṁ lahukā āpattīti dīpeti …
pli-tv-kd17:5.5.40	sāvasesaṁ āpattiṁ anavasesā āpattīti dīpeti …
pli-tv-kd17:5.5.41	anavasesaṁ āpattiṁ sāvasesā āpattīti dīpeti …
pli-tv-kd17:5.5.42	duṭṭhullaṁ āpattiṁ aduṭṭhullā āpattīti dīpeti …
pli-tv-kd17:5.5.43	aduṭṭhullaṁ āpattiṁ duṭṭhullā āpattīti dīpeti …
pli-tv-kd17:5.5.44	tasmiṁ adhammadiṭṭhi, bhede adhammadiṭṭhi …pe…
pli-tv-kd17:5.5.45	tasmiṁ adhammadiṭṭhi, bhede dhammadiṭṭhi …
pli-tv-kd17:5.5.46	tasmiṁ adhammadiṭṭhi, bhede vematiko …
pli-tv-kd17:5.5.47	tasmiṁ dhammadiṭṭhi, bhede adhammadiṭṭhi …
pli-tv-kd17:5.5.48	tasmiṁ dhammadiṭṭhi, bhede dhammadiṭṭhi …
pli-tv-kd17:5.5.49	tasmiṁ dhammadiṭṭhi, bhede vematiko …
pli-tv-kd17:5.5.50	tasmiṁ vematiko, bhede adhammadiṭṭhi …
pli-tv-kd17:5.5.51	tasmiṁ vematiko, bhede dhammadiṭṭhi …
pli-tv-kd17:5.5.52	tasmiṁ vematiko, bhede vematiko, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ, anussāveti, salākaṁ gāheti—
pli-tv-kd17:5.5.53	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.5.54	Ayampi kho, upāli, saṅghabhedako āpāyiko, nerayiko, kappaṭṭho, atekiccho”ti.
pli-tv-kd17:5.6.0	
pli-tv-kd17:5.6.1	“Katamo pana, bhante, saṅghabhedako na āpāyiko, na nerayiko, na kappaṭṭho, na atekiccho”ti?
pli-tv-kd17:5.6.2	“Idhupāli, bhikkhu adhammaṁ dhammoti dīpeti.
pli-tv-kd17:5.6.3	Tasmiṁ dhammadiṭṭhi, bhede dhammadiṭṭhi, avinidhāya diṭṭhiṁ, avinidhāya khantiṁ, avinidhāya ruciṁ, avinidhāya bhāvaṁ, anussāveti, salākaṁ gāheti—
pli-tv-kd17:5.6.4	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.6.5	Ayampi kho, upāli, saṅghabhedako na āpāyiko, na nerayiko, na kappaṭṭho, na atekiccho.
pli-tv-kd17:5.6.6	Puna caparaṁ, upāli, bhikkhu dhammaṁ adhammoti dīpeti …pe…
pli-tv-kd17:5.6.7	duṭṭhullaṁ āpattiṁ aduṭṭhullā āpattīti dīpeti.
pli-tv-kd17:5.6.8	Tasmiṁ dhammadiṭṭhi, bhede dhammadiṭṭhi, avinidhāya diṭṭhiṁ, avinidhāya khantiṁ, avinidhāya ruciṁ, avinidhāya bhāvaṁ, anussāveti, salākaṁ gāheti—
pli-tv-kd17:5.6.9	‘ayaṁ dhammo, ayaṁ vinayo, idaṁ satthusāsanaṁ, imaṁ gaṇhatha, imaṁ rocethā’ti.
pli-tv-kd17:5.6.10	Ayampi kho, upāli, saṅghabhedako na āpāyiko, na nerayiko, na kappaṭṭho, na atekiccho”ti.
pli-tv-kd17:5.6.11	Tatiyabhāṇavāro niṭṭhito.
pli-tv-kd17:5.6.12	Saṅghabhedakakkhandhako sattamo.
pli-tv-kd17:5.6.13	Tassuddānaṁ
pli-tv-kd17:5.6.14	Anupiye abhiññātā,
pli-tv-kd17:5.6.15	sukhumālo na icchati;
pli-tv-kd17:5.6.16	Kasā vapā abhi ninne,
pli-tv-kd17:5.6.17	niddhā lāve ca ubbahe.
pli-tv-kd17:5.6.18	Puñjamaddapalālañca,
pli-tv-kd17:5.6.19	bhusaophuṇanīhare;
pli-tv-kd17:5.6.20	Āyatimpi na khīyanti,
pli-tv-kd17:5.6.21	pitaro ca pitāmahā.
pli-tv-kd17:5.6.22	Bhaddiyo anuruddho ca,
pli-tv-kd17:5.6.23	ānando bhagu kimilo;
pli-tv-kd17:5.6.24	Sakyamāno ca kosambiṁ,
pli-tv-kd17:5.6.25	parihāyi kakudhena ca.
pli-tv-kd17:5.6.26	Pakāsesi pituno ca,
pli-tv-kd17:5.6.27	purise silaṁ nāḷāgiriṁ;
pli-tv-kd17:5.6.28	Tikapañcagaruko kho,
pli-tv-kd17:5.6.29	bhindi thullaccayena ca;
pli-tv-kd17:5.6.30	Tayo aṭṭha puna tīṇi,
pli-tv-kd17:5.6.31	rāji bhedā siyā nu khoti.
pli-tv-kd17:5.6.32	Saṅghabhedakakkhandhako niṭṭhito.
pli-tv-kd18:0.1	Theravāda Vinayapiṭaka
pli-tv-kd18:0.2	Cūḷavagga
pli-tv-kd18:0.3	18. Vattakkhandhaka
pli-tv-kd18:0.4	1. Āgantukavattakathā
pli-tv-kd18:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-kd18:1.1.2	Tena kho pana samayena āgantukā bhikkhū saupāhanāpi ārāmaṁ pavisanti, chattappaggahitāpi ārāmaṁ pavisanti, oguṇṭhitāpi ārāmaṁ pavisanti, sīsepi cīvaraṁ karitvā ārāmaṁ pavisanti, pānīyenapi pāde dhovanti, vuḍḍhatarepi āvāsike bhikkhū na abhivādenti, napi senāsanaṁ pucchanti.
pli-tv-kd18:1.1.3	Aññataropi āgantuko bhikkhu anajjhāvuṭṭhaṁ vihāraṁ ghaṭikaṁ ugghāṭetvā kavāṭaṁ paṇāmetvā sahasā pāvisi.
pli-tv-kd18:1.1.4	Tassa uparipiṭṭhito ahi khandhe papati.
pli-tv-kd18:1.1.5	So bhīto vissaramakāsi.
pli-tv-kd18:1.1.6	Bhikkhū upadhāvitvā taṁ bhikkhuṁ etadavocuṁ—
pli-tv-kd18:1.1.7	“kissa tvaṁ, āvuso, vissaramakāsī”ti?
pli-tv-kd18:1.1.8	Atha kho so bhikkhu bhikkhūnaṁ etamatthaṁ ārocesi.
pli-tv-kd18:1.1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:1.1.10	“kathañhi nāma āgantukā bhikkhū saupāhanāpi ārāmaṁ pavisissanti, chattappaggahitāpi ārāmaṁ pavisissanti, oguṇṭhitāpi ārāmaṁ pavisissanti, sīsepi cīvaraṁ karitvā ārāmaṁ pavisissanti, pānīyenapi pāde dhovissanti, vuḍḍhatarepi āvāsike bhikkhū na abhivādessanti, napi senāsanaṁ pucchissantī”ti.
pli-tv-kd18:1.1.11	Atha kho te bhikkhū bhagavato etamatthaṁ ārocesuṁ …pe…
pli-tv-kd18:1.1.12	“saccaṁ kira, bhikkhave, āgantukā bhikkhū saupāhanāpi ārāmaṁ pavisanti, chattappaggahitāpi ārāmaṁ pavisanti, oguṇṭhitāpi ārāmaṁ pavisanti, sīsepi cīvaraṁ karitvā ārāmaṁ pavisanti, pānīyenapi pāde dhovanti, vuḍḍhatarepi āvāsike bhikkhū na abhivādenti, napi senāsanaṁ pucchantī”ti.
pli-tv-kd18:1.1.13	“Saccaṁ, bhagavā”ti.
pli-tv-kd18:1.1.14	Vigarahi buddho bhagavā …pe…
pli-tv-kd18:1.1.15	kathañhi nāma bhikkhave āgantukā bhikkhū saupāhanāpi ārāmaṁ pavisissanti, chattappaggahitāpi ārāmaṁ pavisissanti, oguṇṭhitāpi ārāmaṁ pavisissanti, sīsepi cīvaraṁ karitvā ārāmaṁ pavisissanti, pānīyenapi pāde dhovissanti, vuḍḍhatarepi āvāsike bhikkhū na abhivādessanti, napi senāsanaṁ pucchissanti, netaṁ bhikkhave appasannānaṁ vā pasādāya …pe…
pli-tv-kd18:1.1.16	vigarahitvā …pe…
pli-tv-kd18:1.1.17	dhammiṁ kathaṁ katvā bhikkhū āmantesi—
pli-tv-kd18:1.1.18	“Tena hi, bhikkhave, āgantukānaṁ bhikkhūnaṁ vattaṁ paññapessāmi yathā āgantukehi bhikkhūhi sammā vattitabbaṁ.
pli-tv-kd18:1.2.1	Āgantukena, bhikkhave, bhikkhunā ‘idāni ārāmaṁ pavisissāmī’ti upāhanā omuñcitvā nīcaṁ katvā papphoṭetvā gahetvā chattaṁ apanāmetvā sīsaṁ vivaritvā sīse cīvaraṁ khandhe katvā sādhukaṁ ataramānena ārāmo pavisitabbo.
pli-tv-kd18:1.2.2	Ārāmaṁ pavisantena sallakkhetabbaṁ—
pli-tv-kd18:1.2.3	‘kattha āvāsikā bhikkhū paṭikkamantī’ti?
pli-tv-kd18:1.2.4	Yattha āvāsikā bhikkhū paṭikkamanti—
pli-tv-kd18:1.2.5	upaṭṭhānasālāya vā maṇḍape vā rukkhamūle vā—
pli-tv-kd18:1.2.6	tattha gantvā ekamantaṁ patto nikkhipitabbo;
pli-tv-kd18:1.2.7	ekamantaṁ cīvaraṁ nikkhipitabbaṁ;
pli-tv-kd18:1.2.8	patirūpaṁ āsanaṁ gahetvā nisīditabbaṁ;
pli-tv-kd18:1.2.9	pānīyaṁ pucchitabbaṁ, paribhojanīyaṁ pucchitabbaṁ—
pli-tv-kd18:1.2.10	‘katamaṁ pānīyaṁ, katamaṁ paribhojanīyan’ti?
pli-tv-kd18:1.2.11	Sace pānīyena attho hoti, pānīyaṁ gahetvā pātabbaṁ.
pli-tv-kd18:1.2.12	Sace paribhojanīyena attho hoti, paribhojanīyaṁ gahetvā pādā dhovitabbā.
pli-tv-kd18:1.2.13	Pāde dhovantena ekena hatthena udakaṁ āsiñcitabbaṁ, ekena hatthena pādā dhovitabbā.
pli-tv-kd18:1.2.14	Na teneva udakaṁ āsiñcitabbaṁ na teneva hatthena pādā dhovitabbā.
pli-tv-kd18:1.2.15	Upāhanāpuñchanacoḷakaṁ pucchitvā upāhanā puñchitabbā.
pli-tv-kd18:1.2.16	Upāhanā puñchantena paṭhamaṁ sukkhena coḷakena puñchitabbā, pacchā allena.
pli-tv-kd18:1.2.17	Upāhanāpuñchanacoḷakaṁ dhovitvā ekamantaṁ vissajjetabbaṁ.
pli-tv-kd18:1.2.18	Sace āvāsiko bhikkhu vuḍḍho hoti, abhivādetabbo.
pli-tv-kd18:1.2.19	Sace navako hoti, abhivādāpetabbo.
pli-tv-kd18:1.2.20	Senāsanaṁ pucchitabbaṁ—‘katamaṁ me senāsanaṁ pāpuṇātī’ti?
pli-tv-kd18:1.2.21	Ajjhāvuṭṭhaṁ vā anajjhāvuṭṭhaṁ vā pucchitabbaṁ, gocaro pucchitabbo, agocaro pucchitabbo, sekkhasammatāni kulāni pucchitabbāni, vaccaṭṭhānaṁ pucchitabbaṁ, passāvaṭṭhānaṁ pucchitabbaṁ, pānīyaṁ pucchitabbaṁ, paribhojanīyaṁ pucchitabbaṁ, kattaradaṇḍo pucchitabbo, saṅghassa katikasaṇṭhānaṁ pucchitabbaṁ—
pli-tv-kd18:1.2.22	‘kaṁ kālaṁ pavisitabbaṁ, kaṁ kālaṁ nikkhamitabban’ti?
pli-tv-kd18:1.3.1	Sace vihāro anajjhāvuttho hoti, kavāṭaṁ ākoṭetvā muhuttaṁ āgametvā ghaṭikaṁ ugghāṭetvā kavāṭaṁ paṇāmetvā bahi ṭhitena nilloketabbo.
pli-tv-kd18:1.3.2	Sace vihāro uklāpo hoti, mañce vā mañco āropito hoti, pīṭhe vā pīṭhaṁ āropitaṁ hoti, senāsanaṁ upari puñjīkataṁ hoti, sace ussahati, sodhetabbo.
pli-tv-kd18:1.3.3	Vihāraṁ sodhentena paṭhamaṁ bhūmattharaṇaṁ nīharitvā ekamantaṁ nikkhipitabbaṁ;
pli-tv-kd18:1.3.4	mañcapaṭipādakā nīharitvā ekamantaṁ nikkhipitabbā;
pli-tv-kd18:1.3.5	bhisibibbohanaṁ nīharitvā ekamantaṁ nikkhipitabbaṁ;
pli-tv-kd18:1.3.6	nisīdanapaccattharaṇaṁ nīharitvā ekamantaṁ nikkhipitabbaṁ;
pli-tv-kd18:1.3.7	mañco nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo;
pli-tv-kd18:1.3.8	pīṭhaṁ nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbaṁ;
pli-tv-kd18:1.3.9	kheḷamallako nīharitvā ekamantaṁ nikkhipitabbo;
pli-tv-kd18:1.3.10	apassenaphalakaṁ nīharitvā ekamantaṁ nikkhipitabbaṁ.
pli-tv-kd18:1.3.11	Sace vihāre santānakaṁ hoti, ullokā paṭhamaṁ ohāretabbaṁ, ālokasandhikaṇṇabhāgā pamajjitabbā.
pli-tv-kd18:1.3.12	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:1.3.13	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:1.3.14	Sace akatā hoti bhūmi, udakena paripphositvā sammajjitabbā—
pli-tv-kd18:1.3.15	mā vihāro rajena uhaññīti.
pli-tv-kd18:1.3.16	Saṅkāraṁ vicinitvā ekamantaṁ chaḍḍetabbaṁ.
pli-tv-kd18:1.4.1	Bhūmattharaṇaṁ otāpetvā sodhetvā papphoṭetvā atiharitvā yathāṭhāne paññapetabbaṁ.
pli-tv-kd18:1.4.2	Mañcapaṭipādakā otāpetvā pamajjitvā atiharitvā yathāṭhāne ṭhapetabbā.
pli-tv-kd18:1.4.3	Mañco otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāṭhāne paññapetabbo.
pli-tv-kd18:1.4.4	Pīṭhaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāṭhāne paññapetabbaṁ.
pli-tv-kd18:1.4.5	Bhisibibbohanaṁ otāpetvā sodhetvā papphoṭetvā atiharitvā yathābhāgaṁ paññapetabbaṁ.
pli-tv-kd18:1.4.6	Nisīdanapaccattharaṇaṁ otāpetvā sodhetvā papphoṭetvā atiharitvā yathābhāgaṁ paññapetabbaṁ.
pli-tv-kd18:1.4.7	Kheḷamallako otāpetvā pamajjitvā atiharitvā yathābhāgaṁ ṭhapetabbo.
pli-tv-kd18:1.4.8	Apassenaphalakaṁ otāpetvā pamajjitvā atiharitvā yathābhāgaṁ ṭhapetabbaṁ.
pli-tv-kd18:1.5.1	Pattacīvaraṁ nikkhipitabbaṁ.
pli-tv-kd18:1.5.2	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd18:1.5.3	Na ca anantarahitāya bhūmiyā patto nikkhipitabbo.
pli-tv-kd18:1.5.4	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:1.5.5	Sace puratthimā sarajā vātā vāyanti, puratthimā vātapānā thaketabbā.
pli-tv-kd18:1.5.6	Sace pacchimā sarajā vātā vāyanti, pacchimā vātapānā thaketabbā.
pli-tv-kd18:1.5.7	Sace uttarā sarajā vātā vāyanti, uttarā vātapānā thaketabbā.
pli-tv-kd18:1.5.8	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd18:1.5.9	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd18:1.5.10	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd18:1.5.11	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd18:1.5.12	Sace koṭṭhako uklāpo hoti, koṭṭhako sammajjitabbo.
pli-tv-kd18:1.5.13	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd18:1.5.14	Sace aggisālā uklāpā hoti, aggisālā sammajjitabbā.
pli-tv-kd18:1.5.15	Sace vaccakuṭi uklāpā hoti, vaccakuṭi sammajjitabbā.
pli-tv-kd18:1.5.16	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd18:1.5.17	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd18:1.5.18	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd18:1.5.19	Idaṁ kho, bhikkhave, āgantukānaṁ bhikkhūnaṁ vattaṁ yathā āgantukehi bhikkhūhi sammā vattitabban”ti.
pli-tv-kd18:2.1.0	2. Āvāsikavattakathā
pli-tv-kd18:2.1.1	Tena kho pana samayena āvāsikā bhikkhū āgantuke bhikkhū disvā neva āsanaṁ paññapenti, na pādodakaṁ pādapīṭhaṁ pādakathalikaṁ upanikkhipanti, na paccuggantvā pattacīvaraṁ paṭiggaṇhanti, na pānīyena pucchanti, na vuḍḍhatarepi āgantuke bhikkhū abhivādenti, na senāsanaṁ paññapenti.
pli-tv-kd18:2.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:2.1.3	“kathañhi nāma āvāsikā bhikkhū āgantuke bhikkhū disvā neva āsanaṁ paññapessanti, na pādodakaṁ pādapīṭhaṁ pādakathalikaṁ upanikkhipissanti, na paccuggantvā pattacīvaraṁ paṭiggahissanti, na pānīyena pucchissanti, vuḍḍhatarepi āgantuke bhikkhū na abhivādessanti, na senāsanaṁ paññapessantī”ti.
pli-tv-kd18:2.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd18:2.1.5	“saccaṁ kira, bhikkhave …pe…
pli-tv-kd18:2.1.6	“saccaṁ, bhagavā”ti …pe…
pli-tv-kd18:2.1.7	vigarahitvā …pe…
pli-tv-kd18:2.1.8	dhammiṁ kathaṁ katvā bhikkhū āmantesi—
pli-tv-kd18:2.1.9	“Tena hi, bhikkhave, āvāsikānaṁ bhikkhūnaṁ vattaṁ paññapessāmi yathā āvāsikehi bhikkhūhi sammā vattitabbaṁ.
pli-tv-kd18:2.2.1	Āvāsikena, bhikkhave, bhikkhunā āgantukaṁ bhikkhuṁ vuḍḍhataraṁ disvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, pānīyena pucchitabbo.
pli-tv-kd18:2.2.2	Sace ussahati, upāhanā puñchitabbā.
pli-tv-kd18:2.2.3	Upāhanā puñchantena paṭhamaṁ sukkhena coḷakena puñchitabbā, pacchā allena.
pli-tv-kd18:2.2.4	Upāhanāpuñchanacoḷakaṁ dhovitvā ekamantaṁ vissajjetabbaṁ.
pli-tv-kd18:2.2.5	Āgantuko bhikkhu vuḍḍhataro abhivādetabbo.
pli-tv-kd18:2.2.6	Senāsanaṁ paññapetabbaṁ—
pli-tv-kd18:2.2.7	‘etaṁ te senāsanaṁ pāpuṇātī’ti.
pli-tv-kd18:2.2.8	Ajjhāvuṭṭhaṁ vā anajjhāvuṭṭhaṁ vā ācikkhitabbaṁ.
pli-tv-kd18:2.2.9	Gocaro ācikkhitabbo.
pli-tv-kd18:2.2.10	Agocaro ācikkhitabbo.
pli-tv-kd18:2.2.11	Sekkhasammatāni kulāni ācikkhitabbāni.
pli-tv-kd18:2.2.12	Vaccaṭṭhānaṁ ācikkhitabbaṁ.
pli-tv-kd18:2.2.13	Passāvaṭṭhānaṁ ācikkhitabbaṁ.
pli-tv-kd18:2.2.14	Pānīyaṁ ācikkhitabbaṁ.
pli-tv-kd18:2.2.15	Paribhojanīyaṁ ācikkhitabbaṁ.
pli-tv-kd18:2.2.16	Kattaradaṇḍo ācikkhitabbo.
pli-tv-kd18:2.2.17	Saṅghassa katikasaṇṭhānaṁ ācikkhitabbaṁ—
pli-tv-kd18:2.2.18	‘imaṁ kālaṁ pavisitabbaṁ, imaṁ kālaṁ nikkhamitabban’ti.
pli-tv-kd18:2.3.1	Sace navako hoti, nisinnakeneva ācikkhitabbaṁ—
pli-tv-kd18:2.3.2	‘atra pattaṁ nikkhipāhi, atra cīvaraṁ nikkhipāhi, idaṁ āsanaṁ nisīdāhī’ti.
pli-tv-kd18:2.3.3	Pānīyaṁ ācikkhitabbaṁ.
pli-tv-kd18:2.3.4	Paribhojanīyaṁ ācikkhitabbaṁ.
pli-tv-kd18:2.3.5	Upāhanāpuñchanacoḷakaṁ ācikkhitabbaṁ.
pli-tv-kd18:2.3.6	Āgantuko bhikkhu navako abhivādāpetabbo.
pli-tv-kd18:2.3.7	Senāsanaṁ ācikkhitabbaṁ—
pli-tv-kd18:2.3.8	‘etaṁ te senāsanaṁ pāpuṇātī’ti.
pli-tv-kd18:2.3.9	Ajjhāvuṭṭhaṁ vā anajjhāvuṭṭhaṁ vā ācikkhitabbaṁ.
pli-tv-kd18:2.3.10	Gocaro ācikkhitabbo.
pli-tv-kd18:2.3.11	Agocaro ācikkhitabbo.
pli-tv-kd18:2.3.12	Sekkhasammatāni kulāni ācikkhitabbāni.
pli-tv-kd18:2.3.13	Vaccaṭṭhānaṁ ācikkhitabbaṁ.
pli-tv-kd18:2.3.14	Passāvaṭṭhānaṁ ācikkhitabbaṁ.
pli-tv-kd18:2.3.15	Pānīyaṁ ācikkhitabbaṁ.
pli-tv-kd18:2.3.16	Paribhojanīyaṁ ācikkhitabbaṁ.
pli-tv-kd18:2.3.17	Kattaradaṇḍo ācikkhitabbo.
pli-tv-kd18:2.3.18	Saṅghassa katikasaṇṭhānaṁ ācikkhitabbaṁ—
pli-tv-kd18:2.3.19	‘imaṁ kālaṁ pavisitabbaṁ, imaṁ kālaṁ nikkhamitabban’ti.
pli-tv-kd18:2.3.20	Idaṁ kho, bhikkhave, āvāsikānaṁ bhikkhūnaṁ vattaṁ yathā āvāsikehi bhikkhūhi sammā vattitabban”ti.
pli-tv-kd18:3.1.0	3. Gamikavattakathā
pli-tv-kd18:3.1.1	Tena kho pana samayena gamikā bhikkhū dārubhaṇḍaṁ mattikābhaṇḍaṁ appaṭisāmetvā dvāravātapānaṁ vivaritvā senāsanaṁ anāpucchā pakkamanti.
pli-tv-kd18:3.1.2	Dārubhaṇḍaṁ mattikābhaṇḍaṁ nassati.
pli-tv-kd18:3.1.3	Senāsanaṁ aguttaṁ hoti.
pli-tv-kd18:3.1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:3.1.5	“kathañhi nāma gamikā bhikkhū dārubhaṇḍaṁ mattikābhaṇḍaṁ appaṭisāmetvā dvāravātapānaṁ vivaritvā senāsanaṁ anāpucchā pakkamissanti.
pli-tv-kd18:3.1.6	Dārubhaṇḍaṁ mattikābhaṇḍaṁ nassati.
pli-tv-kd18:3.1.7	Senāsanaṁ aguttaṁ hotī”ti.
pli-tv-kd18:3.1.8	Atha kho te bhikkhū bhagavato etamatthaṁ ārocesuṁ …pe…
pli-tv-kd18:3.1.9	“saccaṁ kira, bhikkhave …pe…
pli-tv-kd18:3.1.10	“saccaṁ, bhagavā”ti …pe…
pli-tv-kd18:3.1.11	vigarahitvā …pe…
pli-tv-kd18:3.1.12	dhammiṁ kathaṁ katvā bhikkhū āmantesi—
pli-tv-kd18:3.1.13	“Tena hi, bhikkhave, gamikānaṁ bhikkhūnaṁ vattaṁ paññapessāmi yathā gamikehi bhikkhūhi sammā vattitabbaṁ.
pli-tv-kd18:3.2.1	Gamikena, bhikkhave, bhikkhunā dārubhaṇḍaṁ mattikābhaṇḍaṁ paṭisāmetvā dvāravātapānaṁ thaketvā senāsanaṁ āpucchā pakkamitabbaṁ.
pli-tv-kd18:3.2.2	Sace bhikkhu na hoti, sāmaṇero āpucchitabbo.
pli-tv-kd18:3.2.3	Sace sāmaṇero na hoti, ārāmiko āpucchitabbo.
pli-tv-kd18:3.2.4	Sace ārāmiko na hoti, upāsako āpucchitabbo.
pli-tv-kd18:3.2.5	Sace na hoti bhikkhu vā sāmaṇero vā ārāmiko vā upāsako vā, catūsu pāsāṇesu mañcaṁ paññapetvā mañce mañcaṁ āropetvā pīṭhe pīṭhaṁ āropetvā senāsanaṁ upari puñjaṁ karitvā dārubhaṇḍaṁ mattikābhaṇḍaṁ paṭisāmetvā dvāravātapānaṁ thaketvā pakkamitabbaṁ.
pli-tv-kd18:3.3.1	Sace vihāro ovassati, sace ussahati, chādetabbo, ussukkaṁ vā kātabbaṁ—
pli-tv-kd18:3.3.2	‘kinti nu kho vihāro chādiyethā’ti.
pli-tv-kd18:3.3.3	Evañcetaṁ labhetha, iccetaṁ kusalaṁ.
pli-tv-kd18:3.3.4	No ce labhetha, yo deso anovassako hoti, tattha catūsu pāsāṇesu mañcaṁ paññapetvā mañce mañcaṁ āropetvā pīṭhe pīṭhaṁ āropetvā senāsanaṁ upari puñjaṁ karitvā dārubhaṇḍaṁ mattikābhaṇḍaṁ paṭisāmetvā dvāravātapānaṁ thaketvā pakkamitabbaṁ.
pli-tv-kd18:3.3.5	Sace sabbo vihāro ovassati, sace ussahati, senāsanaṁ gāmaṁ atiharitabbaṁ, ussukkaṁ vā kātabbaṁ—
pli-tv-kd18:3.3.6	‘kinti nu kho senāsanaṁ gāmaṁ atihariyethā’ti.
pli-tv-kd18:3.3.7	Evañcetaṁ labhetha, iccetaṁ kusalaṁ.
pli-tv-kd18:3.3.8	No ce labhetha, ajjhokāse catūsu pāsāṇesu mañcaṁ paññapetvā mañce mañcaṁ āropetvā pīṭhe pīṭhaṁ āropetvā senāsanaṁ upari puñjaṁ karitvā dārubhaṇḍaṁ mattikābhaṇḍaṁ paṭisāmetvā tiṇena vā paṇṇena vā paṭicchādetvā pakkamitabbaṁ—
pli-tv-kd18:3.3.9	appeva nāma aṅgānipi seseyyunti.
pli-tv-kd18:3.3.10	Idaṁ kho, bhikkhave, gamikānaṁ bhikkhūnaṁ vattaṁ yathā gamikehi bhikkhūhi sammā vattitabban”ti.
pli-tv-kd18:4.1.0	4. Anumodanavattakathā
pli-tv-kd18:4.1.1	Tena kho pana samayena bhikkhū bhattagge na anumodanti.
pli-tv-kd18:4.1.2	Manussā ujjhāyanti khiyyanti vipācenti—
pli-tv-kd18:4.1.3	“kathañhi nāma samaṇā sakyaputtiyā bhattagge na anumodissantī”ti.
pli-tv-kd18:4.1.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-kd18:4.1.5	Atha kho te bhikkhū bhagavato etamatthaṁ ārocesuṁ.
pli-tv-kd18:4.1.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd18:4.1.7	“anujānāmi, bhikkhave, bhattagge anumoditun”ti.
pli-tv-kd18:4.1.8	Atha kho tesaṁ bhikkhūnaṁ etadahosi—
pli-tv-kd18:4.1.9	“kena nu kho bhattagge anumoditabban”ti?
pli-tv-kd18:4.1.10	Bhagavato etamatthaṁ ārocesuṁ.
pli-tv-kd18:4.1.11	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd18:4.1.12	“anujānāmi, bhikkhave, therena bhikkhunā bhattagge anumoditun”ti.
pli-tv-kd18:4.1.13	Tena kho pana samayena aññatarassa pūgassa saṅghabhattaṁ hoti.
pli-tv-kd18:4.1.14	Āyasmā sāriputto saṅghatthero hoti.
pli-tv-kd18:4.1.15	Bhikkhū—
pli-tv-kd18:4.1.16	“bhagavatā anuññātaṁ therena bhikkhunā bhattagge anumoditun”ti—
pli-tv-kd18:4.1.17	āyasmantaṁ sāriputtaṁ ekakaṁ ohāya pakkamiṁsu.
pli-tv-kd18:4.1.18	Atha kho āyasmā sāriputto te manusse paṭisammoditvā pacchā ekako agamāsi.
pli-tv-kd18:4.1.19	Addasā kho bhagavā āyasmantaṁ sāriputtaṁ dūratova ekakaṁ āgacchantaṁ.
pli-tv-kd18:4.1.20	Disvāna āyasmantaṁ sāriputtaṁ etadavoca—
pli-tv-kd18:4.1.21	“kacci, sāriputta, bhattaṁ iddhaṁ ahosī”ti?
pli-tv-kd18:4.1.22	“Iddhaṁ kho, bhante, bhattaṁ ahosi;
pli-tv-kd18:4.1.23	api ca maṁ bhikkhū ekakaṁ ohāya pakkantā”ti.
pli-tv-kd18:4.1.24	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd18:4.1.25	“anujānāmi, bhikkhave, bhattagge catūhi pañcahi therānutherehi bhikkhūhi āgametun”ti.
pli-tv-kd18:4.1.26	Tena kho pana samayena aññataro thero bhattagge vaccito āgamesi.
pli-tv-kd18:4.1.27	So vaccaṁ sandhāretuṁ asakkonto mucchito papati.
pli-tv-kd18:4.1.28	Bhagavato etamatthaṁ ārocesuṁ.
pli-tv-kd18:4.1.29	“Anujānāmi, bhikkhave, sati karaṇīye ānantarikaṁ bhikkhuṁ āpucchitvā gantun”ti.
pli-tv-kd18:4.2.0	5. Bhattaggavattakathā
pli-tv-kd18:4.2.1	Tena kho pana samayena chabbaggiyā bhikkhū dunnivatthā duppārutā anākappasampannā bhattaggaṁ gacchanti, vokkammapi therānaṁ bhikkhūnaṁ purato purato gacchanti, therepi bhikkhū anupakhajja nisīdanti, navepi bhikkhū āsanena paṭibāhanti, saṅghāṭimpi ottharitvā antaraghare nisīdanti.
pli-tv-kd18:4.2.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:4.2.3	“kathañhi nāma chabbaggiyā bhikkhū dunnivatthā duppārutā anākappasampannā bhattaggaṁ gacchissanti, vokkammapi therānaṁ bhikkhūnaṁ purato purato gacchissanti, therepi bhikkhū anupakhajja nisīdissanti, navepi bhikkhū āsanenapi paṭibāhissanti, saṅghāṭimpi ottharitvā antaraghare nisīdissantī”ti.
pli-tv-kd18:4.2.4	Atha kho te bhikkhū bhagavato etamatthaṁ ārocesuṁ …pe…
pli-tv-kd18:4.2.5	“saccaṁ kira, bhikkhave, chabbaggiyā bhikkhū dunnivatthā duppārutā anākappasampannā bhattaggaṁ gacchanti, vokkammapi therānaṁ bhikkhūnaṁ purato purato gacchanti, therepi bhikkhū anupakhajja nisīdanti, navepi bhikkhū āsanena paṭibāhanti, saṅghāṭimpi ottharitvā antaraghare nisīdantī”ti?
pli-tv-kd18:4.2.6	“Saccaṁ, bhagavā”ti …pe…
pli-tv-kd18:4.2.7	vigarahitvā …pe…
pli-tv-kd18:4.2.8	dhammiṁ kathaṁ katvā bhikkhū āmantesi—
pli-tv-kd18:4.2.9	“Tena hi, bhikkhave, bhikkhūnaṁ bhattaggavattaṁ paññapessāmi yathā bhikkhūhi bhattagge sammā vattitabbaṁ.
pli-tv-kd18:4.3.1	Sace ārāme kālo ārocito hoti, timaṇḍalaṁ paṭicchādentena parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā pattaṁ gahetvā sādhukaṁ ataramānena gāmo pavisitabbo.
pli-tv-kd18:4.3.2	Na vokkamma therānaṁ bhikkhūnaṁ purato purato gantabbaṁ.
pli-tv-kd18:4.3.3	Suppaṭicchannena antaraghare gantabbaṁ.
pli-tv-kd18:4.3.4	Susaṁvutena antaraghare gantabbaṁ.
pli-tv-kd18:4.3.5	Okkhittacakkhunā antaraghare gantabbaṁ.
pli-tv-kd18:4.3.6	Na ukkhittakāya antaraghare gantabbaṁ.
pli-tv-kd18:4.3.7	Na ujjagghikāya antaraghare gantabbaṁ.
pli-tv-kd18:4.3.8	Appasaddena antaraghare gantabbaṁ.
pli-tv-kd18:4.3.9	Na kāyappacālakaṁ antaraghare gantabbaṁ.
pli-tv-kd18:4.3.10	Na bāhuppacālakaṁ antaraghare gantabbaṁ.
pli-tv-kd18:4.3.11	Na sīsappacālakaṁ antaraghare gantabbaṁ.
pli-tv-kd18:4.3.12	Na khambhakatena antaraghare gantabbaṁ.
pli-tv-kd18:4.3.13	Na oguṇṭhitena antaraghare gantabbaṁ.
pli-tv-kd18:4.3.14	Na ukkuṭikāya antaraghare gantabbaṁ.
pli-tv-kd18:4.3.15	Suppaṭicchannena antaraghare nisīditabbaṁ.
pli-tv-kd18:4.3.16	Susaṁvutena antaraghare nisīditabbaṁ.
pli-tv-kd18:4.3.17	Okkhittacakkhunā antaraghare nisīditabbaṁ.
pli-tv-kd18:4.3.18	Na ukkhittakāya antaraghare nisīditabbaṁ
pli-tv-kd18:4.3.19	na ujjagghikāya antaraghare nisīditabbaṁ,
pli-tv-kd18:4.3.20	appasaddena antaraghare nisīditabbaṁ.
pli-tv-kd18:4.3.21	Na kāyappacālakaṁ antaraghare nisīditabbaṁ.
pli-tv-kd18:4.3.22	Na bāhuppacālakaṁ antaraghare nisīditabbaṁ.
pli-tv-kd18:4.3.23	Na sīsappacālakaṁ antaraghare nisīditabbaṁ.
pli-tv-kd18:4.3.24	Na khambhakatena antaraghare nisīditabbaṁ.
pli-tv-kd18:4.3.25	Na oguṇṭhitena antaraghare nisīditabbaṁ.
pli-tv-kd18:4.3.26	Na pallatthikāya antaraghare nisīditabbaṁ.
pli-tv-kd18:4.3.27	Na there bhikkhū anupakhajja nisīditabbaṁ.
pli-tv-kd18:4.3.28	Na navā bhikkhū āsanena paṭibāhitabbā.
pli-tv-kd18:4.3.29	Na saṅghāṭiṁ ottharitvā antaraghare nisīditabbaṁ.
pli-tv-kd18:4.4.1	Udake diyyamāne ubhohi hatthehi pattaṁ paṭiggahetvā udakaṁ paṭiggahetabbaṁ.
pli-tv-kd18:4.4.2	Nīcaṁ katvā sādhukaṁ appaṭighaṁsantena patto dhovitabbo.
pli-tv-kd18:4.4.3	Sace udakappaṭiggāhako hoti, nīcaṁ katvā udakappaṭiggahe udakaṁ āsiñcitabbaṁ—
pli-tv-kd18:4.4.4	mā udakappaṭiggāhako udakena osiñci, mā sāmantā bhikkhū udakena osiñciṁsu, mā saṅghāṭi udakena osiñcīti.
pli-tv-kd18:4.4.5	Sace udakappaṭiggāhako na hoti, nīcaṁ katvā chamāya udakaṁ āsiñcitabbaṁ—
pli-tv-kd18:4.4.6	mā sāmantā bhikkhū udakena osiñciṁsu, mā saṅghāṭi udakena osiñcīti.
pli-tv-kd18:4.4.7	Odane diyyamāne ubhohi hatthehi pattaṁ paṭiggahetvā odano paṭiggahetabbo, sūpassa okāso kātabbo.
pli-tv-kd18:4.4.8	Sace hoti sappi vā telaṁ vā uttaribhaṅgaṁ vā, therena vattabbo—
pli-tv-kd18:4.4.9	‘sabbesaṁ samakaṁ sampādehī’ti.
pli-tv-kd18:4.4.10	Sakkaccaṁ piṇḍapāto paṭiggahetabbo.
pli-tv-kd18:4.4.11	Pattasaññinā piṇḍapāto paṭiggahetabbo.
pli-tv-kd18:4.4.12	Samasūpako piṇḍapāto paṭiggahetabbo.
pli-tv-kd18:4.4.13	Samatittiko piṇḍapāto paṭiggahetabbo.
pli-tv-kd18:4.4.14	Na tāva therena bhuñjitabbaṁ yāva na sabbesaṁ odano sampatto hoti.
pli-tv-kd18:4.5.1	Sakkaccaṁ piṇḍapāto bhuñjitabbo.
pli-tv-kd18:4.5.2	Pattasaññinā piṇḍapāto bhuñjitabbo.
pli-tv-kd18:4.5.3	Sapadānaṁ piṇḍapāto bhuñjitabbo.
pli-tv-kd18:4.5.4	Samasūpako piṇḍapāto bhuñjitabbo.
pli-tv-kd18:4.5.5	Na thūpakato omadditvā piṇḍapāto bhuñjitabbo.
pli-tv-kd18:4.5.6	Na sūpaṁ vā byañjanaṁ vā odanena paṭicchādetabbaṁ bhiyyokamyataṁ upādāya.
pli-tv-kd18:4.5.7	Na sūpaṁ vā odanaṁ vā agilānena attano atthāya viññāpetvā bhuñjitabbaṁ.
pli-tv-kd18:4.5.8	Na ujjhānasaññinā paresaṁ patto oloketabbo.
pli-tv-kd18:4.5.9	Nātimahanto kabaḷo kātabbo.
pli-tv-kd18:4.5.10	Parimaṇḍalo ālopo kātabbo.
pli-tv-kd18:4.5.11	Na anāhaṭe kabaḷe mukhadvāraṁ vivaritabbaṁ.
pli-tv-kd18:4.5.12	Na bhuñjamānena sabbo hattho mukhe pakkhipitabbo.
pli-tv-kd18:4.5.13	Na sakabaḷena mukhena byāharitabbaṁ.
pli-tv-kd18:4.5.14	Na piṇḍukkhepakaṁ bhuñjitabbaṁ.
pli-tv-kd18:4.5.15	Na kabaḷāvacchedakaṁ bhuñjitabbaṁ.
pli-tv-kd18:4.5.16	Na avagaṇḍakārakaṁ bhuñjitabbaṁ.
pli-tv-kd18:4.5.17	Na hatthaniddhunakaṁ bhuñjitabbaṁ.
pli-tv-kd18:4.5.18	Na sitthāvakārakaṁ bhuñjitabbaṁ.
pli-tv-kd18:4.5.19	Na jivhānicchārakaṁ bhuñjitabbaṁ.
pli-tv-kd18:4.5.20	Na capucapukārakaṁ bhuñjitabbaṁ.
pli-tv-kd18:4.5.21	Na surusurukārakaṁ bhuñjitabbaṁ.
pli-tv-kd18:4.5.22	Na hatthanillehakaṁ bhuñjitabbaṁ.
pli-tv-kd18:4.5.23	Na pattanillehakaṁ bhuñjitabbaṁ.
pli-tv-kd18:4.5.24	Na oṭṭhanillehakaṁ bhuñjitabbaṁ.
pli-tv-kd18:4.5.25	Na sāmisena hatthena pānīyathālako paṭiggahetabbo.
pli-tv-kd18:4.6.1	Na tāva therena udakaṁ paṭiggahetabbaṁ yāva na sabbeva bhuttāvino honti.
pli-tv-kd18:4.6.2	Udake diyyamāne ubhohi hatthehi pattaṁ paṭiggahetvā udakaṁ paṭiggahetabbaṁ.
pli-tv-kd18:4.6.3	Nīcaṁ katvā sādhukaṁ appaṭighaṁsantena patto dhovitabbo.
pli-tv-kd18:4.6.4	Sace udakappaṭiggāhako hoti, nīcaṁ katvā udakappaṭiggahe udakaṁ āsiñcitabbaṁ—
pli-tv-kd18:4.6.5	mā udakappaṭiggāhako udakena osiñci, mā sāmantā bhikkhū udakena osiñciṁsu, mā saṅghāṭi udakena osiñcīti.
pli-tv-kd18:4.6.6	Sace udakappaṭiggāhako na hoti, nīcaṁ katvā chamāya udakaṁ āsiñcitabbaṁ—
pli-tv-kd18:4.6.7	mā sāmantā bhikkhū udakena osiñciṁsu, mā saṅghāṭi udakena osiñcīti.
pli-tv-kd18:4.6.8	Na sasitthakaṁ pattadhovanaṁ antaraghare chaḍḍetabbaṁ.
pli-tv-kd18:4.6.9	Nivattantena navakehi bhikkhūhi paṭhamataraṁ nivattitabbaṁ, pacchā therehi.
pli-tv-kd18:4.6.10	Suppaṭicchannena antaraghare gantabbaṁ.
pli-tv-kd18:4.6.11	Susaṁvutena antaraghare gantabbaṁ.
pli-tv-kd18:4.6.12	Okkhittacakkhunā antaraghare gantabbaṁ.
pli-tv-kd18:4.6.13	Na ukkhittakāya antaraghare gantabbaṁ.
pli-tv-kd18:4.6.14	Na ujjagghikāya antaraghare gantabbaṁ.
pli-tv-kd18:4.6.15	Appasaddena antaraghare gantabbaṁ.
pli-tv-kd18:4.6.16	Na kāyappacālakaṁ antaraghare gantabbaṁ.
pli-tv-kd18:4.6.17	Na bāhuppacālakaṁ antaraghare gantabbaṁ.
pli-tv-kd18:4.6.18	Na sīsappacālakaṁ antaraghare gantabbaṁ.
pli-tv-kd18:4.6.19	Na khambhakatena antaraghare gantabbaṁ.
pli-tv-kd18:4.6.20	Na oguṇṭhitena antaraghare gantabbaṁ.
pli-tv-kd18:4.6.21	Na ukkuṭikāya antaraghare gantabbaṁ.
pli-tv-kd18:4.6.22	Idaṁ kho, bhikkhave, bhikkhūnaṁ bhattaggavattaṁ yathā bhikkhūhi bhattagge sammā vattitabban”ti.
pli-tv-kd18:4.6.23	Paṭhamabhāṇavāro niṭṭhito.
pli-tv-kd18:5.1.0	6. Piṇḍacārikavattakathā
pli-tv-kd18:5.1.1	Tena kho pana samayena piṇḍacārikā bhikkhū dunnivatthā duppārutā anākappasampannā piṇḍāya caranti, asallakkhetvāpi nivesanaṁ pavisanti, asallakkhetvāpi nikkhamanti, atisahasāpi pavisanti, atisahasāpi nikkhamanti, atidūrepi tiṭṭhanti, accāsannepi tiṭṭhanti, aticirampi tiṭṭhanti, atilahumpi nivattanti.
pli-tv-kd18:5.1.2	Aññataropi piṇḍacāriko bhikkhu asallakkhetvā nivesanaṁ pāvisi.
pli-tv-kd18:5.1.3	So ca dvāraṁ maññamāno aññataraṁ ovarakaṁ pāvisi.
pli-tv-kd18:5.1.4	Tasmimpi ovarake itthī naggā uttānā nipannā hoti.
pli-tv-kd18:5.1.5	Addasā kho so bhikkhu taṁ itthiṁ naggaṁ uttānaṁ nipannaṁ.
pli-tv-kd18:5.1.6	Disvāna—
pli-tv-kd18:5.1.7	“nayidaṁ dvāraṁ, ovarakaṁ idan”ti tamhā ovarakā nikkhami.
pli-tv-kd18:5.1.8	Addasā kho tassā itthiyā sāmiko taṁ itthiṁ naggaṁ uttānaṁ nipannaṁ.
pli-tv-kd18:5.1.9	Disvāna—
pli-tv-kd18:5.1.10	“iminā me bhikkhunā pajāpatī dūsitā”ti taṁ bhikkhuṁ gahetvā ākoṭesi.
pli-tv-kd18:5.1.11	Atha kho sā itthī tena saddena paṭibujjhitvā taṁ purisaṁ etadavoca—
pli-tv-kd18:5.1.12	“kissa tvaṁ, ayya, imaṁ bhikkhuṁ ākoṭesī”ti?
pli-tv-kd18:5.1.13	“Imināsi tvaṁ bhikkhunā dūsitā”ti?
pli-tv-kd18:5.1.14	“Nāhaṁ, ayya, iminā bhikkhunā dūsitā;
pli-tv-kd18:5.1.15	akārako so bhikkhū”ti taṁ bhikkhuṁ muñcāpesi.
pli-tv-kd18:5.1.16	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-kd18:5.1.17	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:5.1.18	“kathañhi nāma piṇḍacārikā bhikkhū dunnivatthā duppārutā anākappasampannā piṇḍāya carissanti, asallakkhetvāpi nivesanaṁ pavisissanti, asallakkhetvāpi nikkhamissanti, atisahasāpi pavisissanti, atisahasāpi nikkhamissanti, atidūrepi tiṭṭhissanti, accāsannepi tiṭṭhissanti, aticirampi tiṭṭhissanti, atilahumpi nivattissantī”ti.
pli-tv-kd18:5.1.19	Atha kho te bhikkhū bhagavato etamatthaṁ ārocesuṁ …pe…
pli-tv-kd18:5.1.20	“saccaṁ kira, bhikkhave …pe…
pli-tv-kd18:5.1.21	“saccaṁ, bhagavā”ti …pe…
pli-tv-kd18:5.1.22	vigarahitvā …pe…
pli-tv-kd18:5.1.23	dhammiṁ kathaṁ katvā bhikkhū āmantesi—
pli-tv-kd18:5.1.24	“Tena hi, bhikkhave, piṇḍacārikānaṁ bhikkhūnaṁ vattaṁ paññapessāmi yathā piṇḍacārikehi bhikkhūhi sammā vattitabbaṁ.
pli-tv-kd18:5.2.1	Piṇḍacārikena, bhikkhave, bhikkhunā—
pli-tv-kd18:5.2.2	‘idāni gāmaṁ pavisissāmī’ti timaṇḍalaṁ paṭicchādentena parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā pattaṁ gahetvā sādhukaṁ ataramānena gāmo pavisitabbo.
pli-tv-kd18:5.2.3	Suppaṭicchannena antaraghare gantabbaṁ.
pli-tv-kd18:5.2.4	Susaṁvutena antaraghare gantabbaṁ.
pli-tv-kd18:5.2.5	Okkhittacakkhunā antaraghare gantabbaṁ.
pli-tv-kd18:5.2.6	Na ukkhittakāya antaraghare gantabbaṁ.
pli-tv-kd18:5.2.7	Na ujjagghikāya antaraghare gantabbaṁ.
pli-tv-kd18:5.2.8	Appasaddena antaraghare gantabbaṁ.
pli-tv-kd18:5.2.9	Na kāyappacālakaṁ antaraghare gantabbaṁ.
pli-tv-kd18:5.2.10	Na bāhuppacālakaṁ antaraghare gantabbaṁ.
pli-tv-kd18:5.2.11	Na sīsappacālakaṁ antaraghare gantabbaṁ.
pli-tv-kd18:5.2.12	Na khambhakatena antaraghare gantabbaṁ.
pli-tv-kd18:5.2.13	Na oguṇṭhitena antaraghare gantabbaṁ.
pli-tv-kd18:5.2.14	Na ukkuṭikāya antaraghare gantabbaṁ.
pli-tv-kd18:5.2.15	Nivesanaṁ pavisantena sallakkhetabbaṁ—
pli-tv-kd18:5.2.16	‘iminā pavisissāmi, iminā nikkhamissāmī’ti.
pli-tv-kd18:5.2.17	Nātisahasā pavisitabbaṁ.
pli-tv-kd18:5.2.18	Nātisahasā nikkhamitabbaṁ.
pli-tv-kd18:5.2.19	Nātidūre ṭhātabbaṁ.
pli-tv-kd18:5.2.20	Nāccāsanne ṭhātabbaṁ.
pli-tv-kd18:5.2.21	Nāticiraṁ ṭhātabbaṁ.
pli-tv-kd18:5.2.22	Nātilahuṁ nivattitabbaṁ.
pli-tv-kd18:5.2.23	Ṭhitakena sallakkhetabbaṁ—
pli-tv-kd18:5.2.24	‘bhikkhaṁ dātukāmā vā adātukāmā vā’ti.
pli-tv-kd18:5.2.25	Sace kammaṁ vā nikkhipati, āsanā vā vuṭṭhāti, kaṭacchuṁ vā parāmasati, bhājanaṁ vā parāmasati, ṭhapeti vā—dātukāmassāti ṭhātabbaṁ.
pli-tv-kd18:5.2.26	Bhikkhāya diyyamānāya vāmena hatthena saṅghāṭiṁ uccāretvā dakkhiṇena hatthena pattaṁ paṇāmetvā ubhohi hatthehi pattaṁ paṭiggahetvā bhikkhā paṭiggahetabbā.
pli-tv-kd18:5.2.27	Na ca bhikkhādāyikāya mukhaṁ ulloketabbaṁ.
pli-tv-kd18:5.2.28	Sallakkhetabbaṁ—
pli-tv-kd18:5.2.29	‘sūpaṁ dātukāmā vā adātukāmā vā’ti.
pli-tv-kd18:5.2.30	Sace kaṭacchuṁ vā parāmasati, bhājanaṁ vā parāmasati, ṭhapeti vā—
pli-tv-kd18:5.2.31	dātukāmassāti ṭhātabbaṁ.
pli-tv-kd18:5.2.32	Bhikkhāya dinnāya saṅghāṭiyā pattaṁ paṭicchādetvā sādhukaṁ ataramānena nivattitabbaṁ.
pli-tv-kd18:5.2.33	Suppaṭicchannena antaraghare gantabbaṁ.
pli-tv-kd18:5.2.34	Susaṁvutena antaraghare gantabbaṁ.
pli-tv-kd18:5.2.35	Okkhittacakkhunā antaraghare gantabbaṁ.
pli-tv-kd18:5.2.36	Na ukkhittakāya antaraghare gantabbaṁ.
pli-tv-kd18:5.2.37	Na ujjagghikāya antaraghare gantabbaṁ.
pli-tv-kd18:5.2.38	Appasaddena antaraghare gantabbaṁ.
pli-tv-kd18:5.2.39	Na kāyappacālakaṁ antaraghare gantabbaṁ.
pli-tv-kd18:5.2.40	Na bāhuppacālakaṁ antaraghare gantabbaṁ.
pli-tv-kd18:5.2.41	Na sīsappacālakaṁ antaraghare gantabbaṁ.
pli-tv-kd18:5.2.42	Na khambhakatena antaraghare gantabbaṁ.
pli-tv-kd18:5.2.43	Na oguṇṭhitena antaraghare gantabbaṁ.
pli-tv-kd18:5.2.44	Na ukkuṭikāya antaraghare gantabbaṁ.
pli-tv-kd18:5.3.1	Yo paṭhamaṁ gāmato piṇḍāya paṭikkamati, tena āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, avakkārapāti dhovitvā upaṭṭhāpetabbā, pānīyaṁ paribhojanīyaṁ upaṭṭhāpetabbaṁ.
pli-tv-kd18:5.3.2	Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati, bhuñjitabbaṁ.
pli-tv-kd18:5.3.3	No ce ākaṅkhati, appaharite vā chaḍḍetabbaṁ, appāṇake vā udake opilāpetabbaṁ.
pli-tv-kd18:5.3.4	Tena āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ, avakkārapāti dhovitvā paṭisāmetabbā, pānīyaṁ paribhojanīyaṁ paṭisāmetabbaṁ, bhattaggaṁ sammajjitabbaṁ.
pli-tv-kd18:5.3.5	Yo passati pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ tena upaṭṭhāpetabbaṁ.
pli-tv-kd18:5.3.6	Sacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpetabbaṁ, na ca tappaccayā vācā bhinditabbā.
pli-tv-kd18:5.3.7	Idaṁ kho, bhikkhave, piṇḍacārikānaṁ bhikkhūnaṁ vattaṁ yathā piṇḍacārikehi bhikkhūhi sammā vattitabban”ti.
pli-tv-kd18:6.1.0	7. Āraññikavattakathā
pli-tv-kd18:6.1.1	Tena kho pana samayena sambahulā bhikkhū araññe viharanti.
pli-tv-kd18:6.1.2	Te neva pānīyaṁ upaṭṭhāpenti, na paribhojanīyaṁ upaṭṭhāpenti, na aggiṁ upaṭṭhāpenti, na araṇisahitaṁ upaṭṭhāpenti, na nakkhattapadāni jānanti, na disābhāgaṁ jānanti.
pli-tv-kd18:6.1.3	Corā tattha gantvā te bhikkhū etadavocuṁ—
pli-tv-kd18:6.1.4	“atthi, bhante, pānīyan”ti?
pli-tv-kd18:6.1.5	“Natthāvuso”ti.
pli-tv-kd18:6.1.6	“Atthi, bhante, paribhojanīyan”ti?
pli-tv-kd18:6.1.7	“Natthāvuso”ti.
pli-tv-kd18:6.1.8	“Atthi, bhante, aggī”ti?
pli-tv-kd18:6.1.9	“Natthāvuso”ti.
pli-tv-kd18:6.1.10	“Atthi, bhante, araṇisahitan”ti?
pli-tv-kd18:6.1.11	“Natthāvuso”ti.
pli-tv-kd18:6.1.12	(…) “Kenajja, bhante, yuttan”ti?
pli-tv-kd18:6.1.13	“Na kho mayaṁ, āvuso, jānāmā”ti.
pli-tv-kd18:6.1.14	“Katamāyaṁ, bhante, disā”ti?
pli-tv-kd18:6.1.15	“Na kho mayaṁ, āvuso, jānāmā”ti.
pli-tv-kd18:6.1.16	Atha kho te corā—
pli-tv-kd18:6.1.17	“nevimesaṁ pānīyaṁ atthi, na paribhojanīyaṁ atthi, na aggi atthi, na araṇisahitaṁ atthi, na nakkhattapadāni jānanti, na disābhāgaṁ jānanti;
pli-tv-kd18:6.1.18	corā ime, nayime bhikkhū”ti—
pli-tv-kd18:6.1.19	ākoṭetvā pakkamiṁsu.
pli-tv-kd18:6.1.20	Atha kho te bhikkhū bhikkhūnaṁ etamatthaṁ ārocesuṁ.
pli-tv-kd18:6.1.21	Bhikkhū bhagavato etamatthaṁ ārocesuṁ.
pli-tv-kd18:6.1.22	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd18:6.1.23	“Tena hi, bhikkhave, āraññikānaṁ bhikkhūnaṁ vattaṁ paññapessāmi yathā āraññikehi bhikkhūhi sammā vattitabbaṁ.
pli-tv-kd18:6.2.1	Āraññikena, bhikkhave, bhikkhunā kālasseva uṭṭhāya pattaṁ thavikāya pakkhipitvā aṁse ālaggetvā cīvaraṁ khandhe karitvā upāhanā ārohitvā dārubhaṇḍaṁ mattikābhaṇḍaṁ paṭisāmetvā dvāravātapānaṁ thaketvā senāsanā otaritabbaṁ—
pli-tv-kd18:6.2.2	idāni gāmaṁ pavisissāmīti.
pli-tv-kd18:6.2.3	Upāhanā omuñcitvā nīcaṁ katvā papphoṭetvā thavikāya pakkhipitvā aṁse ālaggetvā timaṇḍalaṁ paṭicchādentena parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā pattaṁ gahetvā sādhukaṁ ataramānena gāmo pavisitabbo.
pli-tv-kd18:6.2.4	Suppaṭicchannena antaraghare gantabbaṁ …pe…
pli-tv-kd18:6.2.5	na khambhakatena antaraghare gantabbaṁ.
pli-tv-kd18:6.2.6	Na oguṇṭhitena antaraghare gantabbaṁ.
pli-tv-kd18:6.2.7	Na ukkuṭikāya antaraghare gantabbaṁ.
pli-tv-kd18:6.2.8	Nivesanaṁ pavisantena sallakkhetabbaṁ—
pli-tv-kd18:6.2.9	‘iminā pavisissāmi, iminā nikkhamissāmī’ti.
pli-tv-kd18:6.2.10	Nātisahasā pavisitabbaṁ.
pli-tv-kd18:6.2.11	Nātisahasā nikkhamitabbaṁ.
pli-tv-kd18:6.2.12	Nātidūre ṭhātabbaṁ.
pli-tv-kd18:6.2.13	Nāccāsanne ṭhātabbaṁ.
pli-tv-kd18:6.2.14	Nāticiraṁ ṭhātabbaṁ.
pli-tv-kd18:6.2.15	Nātilahuṁ nivattitabbaṁ.
pli-tv-kd18:6.2.16	Ṭhitakena sallakkhetabbaṁ—
pli-tv-kd18:6.2.17	‘bhikkhaṁ dātukāmā vā adātukāmā vā’ti.
pli-tv-kd18:6.2.18	Sace kammaṁ vā nikkhipati, āsanā vā vuṭṭhāti, kaṭacchuṁ vā parāmasati, bhājanaṁ vā parāmasati, ṭhapeti vā—
pli-tv-kd18:6.2.19	dātukāmassāti ṭhātabbaṁ.
pli-tv-kd18:6.2.20	Bhikkhāya diyyamānāya vāmena hatthena saṅghāṭiṁ uccāretvā dakkhiṇena hatthena pattaṁ paṇāmetvā ubhohi hatthehi pattaṁ paṭiggahetvā bhikkhā paṭiggahetabbā.
pli-tv-kd18:6.2.21	Na ca bhikkhādāyikāya mukhaṁ ulloketabbaṁ.
pli-tv-kd18:6.2.22	Sallakkhetabbaṁ—
pli-tv-kd18:6.2.23	‘sūpaṁ dātukāmā vā adātukāmā vā’ti.
pli-tv-kd18:6.2.24	Sace kaṭacchuṁ vā parāmasati, bhājanaṁ vā parāmasati, ṭhapeti vā—
pli-tv-kd18:6.2.25	dātukāmassāti ṭhātabbaṁ.
pli-tv-kd18:6.2.26	Bhikkhāya dinnāya saṅghāṭiyā pattaṁ paṭicchādetvā sādhukaṁ ataramānena nivattitabbaṁ.
pli-tv-kd18:6.2.27	Suppaṭicchannena antaraghare gantabbaṁ …pe…
pli-tv-kd18:6.2.28	na ukkuṭikāya antaraghare gantabbaṁ.
pli-tv-kd18:6.3.1	Gāmato nikkhamitvā pattaṁ thavikāya pakkhipitvā aṁse ālaggetvā cīvaraṁ saṅgharitvā sīse karitvā upāhanā ārohitvā gantabbaṁ.
pli-tv-kd18:6.3.2	Āraññikena, bhikkhave, bhikkhunā pānīyaṁ upaṭṭhāpetabbaṁ, paribhojanīyaṁ upaṭṭhāpetabbaṁ, aggi upaṭṭhāpetabbo, araṇisahitaṁ upaṭṭhāpetabbaṁ, kattaradaṇḍo upaṭṭhāpetabbo, nakkhattapadāni uggahetabbāni—
pli-tv-kd18:6.3.3	sakalāni vā ekadesāni vā, disākusalena bhavitabbaṁ.
pli-tv-kd18:6.3.4	Idaṁ kho, bhikkhave, āraññikānaṁ bhikkhūnaṁ vattaṁ yathā āraññikehi bhikkhūhi sammā vattitabban”ti.
pli-tv-kd18:7.1.0	8. Senāsanavattakathā
pli-tv-kd18:7.1.1	Tena kho pana samayena sambahulā bhikkhū ajjhokāse cīvarakammaṁ karonti.
pli-tv-kd18:7.1.2	Chabbaggiyā bhikkhū paṭivāte aṅgaṇe senāsanaṁ papphoṭesuṁ.
pli-tv-kd18:7.1.3	Bhikkhū rajena okiriṁsu.
pli-tv-kd18:7.1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:7.1.5	“kathañhi nāma chabbaggiyā bhikkhū paṭivāte aṅgaṇe senāsanaṁ papphoṭessanti.
pli-tv-kd18:7.1.6	Bhikkhū rajena okiriṁsū”ti.
pli-tv-kd18:7.1.7	Atha kho te bhikkhū bhagavato etamatthaṁ ārocesuṁ …pe…
pli-tv-kd18:7.1.8	“saccaṁ kira, bhikkhave, chabbaggiyā bhikkhū paṭivāte aṅgaṇe senāsanaṁ papphoṭenti, bhikkhū rajena okiriṁsū”ti?
pli-tv-kd18:7.1.9	“Saccaṁ, bhagavā”ti …pe…
pli-tv-kd18:7.1.10	vigarahitvā …pe…
pli-tv-kd18:7.1.11	dhammiṁ kathaṁ katvā bhikkhū āmantesi—
pli-tv-kd18:7.1.12	“Tena hi, bhikkhave, bhikkhūnaṁ senāsanavattaṁ paññapessāmi yathā bhikkhūhi senāsane sammā vattitabbaṁ.
pli-tv-kd18:7.2.1	Yasmiṁ vihāre viharati, sace so vihāro uklāpo hoti, sace ussahati, sodhetabbo.
pli-tv-kd18:7.2.2	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ;
pli-tv-kd18:7.2.3	nisīdanapaccattharaṇaṁ nīharitvā ekamantaṁ nikkhipitabbaṁ;
pli-tv-kd18:7.2.4	bhisibibbohanaṁ nīharitvā ekamantaṁ nikkhipitabbaṁ;
pli-tv-kd18:7.2.5	mañco nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo;
pli-tv-kd18:7.2.6	pīṭhaṁ nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbaṁ;
pli-tv-kd18:7.2.7	mañcapaṭipādakā nīharitvā ekamantaṁ nikkhipitabbā;
pli-tv-kd18:7.2.8	kheḷamallako nīharitvā ekamantaṁ nikkhipitabbo;
pli-tv-kd18:7.2.9	apassenaphalakaṁ nīharitvā ekamantaṁ nikkhipitabbaṁ;
pli-tv-kd18:7.2.10	bhummattharaṇaṁ yathāpaññattaṁ sallakkhetvā nīharitvā ekamantaṁ nikkhipitabbaṁ.
pli-tv-kd18:7.2.11	Sace vihāre santānakaṁ hoti, ullokā paṭhamaṁ ohāretabbaṁ, ālokasandhikaṇṇabhāgā pamajjitabbā.
pli-tv-kd18:7.2.12	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:7.2.13	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:7.2.14	Sace akatā hoti bhūmi, udakena paripphositvā paripphositvā sammajjitabbā—
pli-tv-kd18:7.2.15	mā vihāro rajena uhaññīti.
pli-tv-kd18:7.2.16	Saṅkāraṁ vicinitvā ekamantaṁ chaḍḍetabbaṁ.
pli-tv-kd18:7.2.17	Na bhikkhusāmantā senāsanaṁ papphoṭetabbaṁ.
pli-tv-kd18:7.2.18	Na vihārasāmantā senāsanaṁ papphoṭetabbaṁ.
pli-tv-kd18:7.2.19	Na pānīyasāmantā senāsanaṁ papphoṭetabbaṁ.
pli-tv-kd18:7.2.20	Na paribhojanīyasāmantā senāsanaṁ papphoṭetabbaṁ.
pli-tv-kd18:7.2.21	Na paṭivāte aṅgaṇe senāsanaṁ papphoṭetabbaṁ.
pli-tv-kd18:7.2.22	Adhovāte senāsanaṁ papphoṭetabbaṁ.
pli-tv-kd18:7.3.1	Bhummattharaṇaṁ ekamantaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:7.3.2	Mañcapaṭipādakā ekamantaṁ otāpetvā pamajjitvā atiharitvā yathāṭhāne ṭhapetabbā.
pli-tv-kd18:7.3.3	Mañco ekamantaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbo.
pli-tv-kd18:7.3.4	Pīṭhaṁ ekamantaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbaṁ.
pli-tv-kd18:7.3.5	Bhisibibbohanaṁ ekamantaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:7.3.6	Nisīdanapaccattharaṇaṁ ekamantaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:7.3.7	Kheḷamallako ekamantaṁ otāpetvā pamajjitvā atiharitvā yathāṭhāne ṭhapetabbo.
pli-tv-kd18:7.3.8	Apassenaphalakaṁ ekamantaṁ otāpetvā pamajjitvā atiharitvā yathāṭhāne ṭhapetabbaṁ.
pli-tv-kd18:7.3.9	Pattacīvaraṁ nikkhipitabbaṁ.
pli-tv-kd18:7.3.10	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd18:7.3.11	Na ca anantarahitāya bhūmiyā patto nikkhipitabbo.
pli-tv-kd18:7.3.12	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:7.4.1	Sace puratthimā sarajā vātā vāyanti, puratthimā vātapānā thaketabbā.
pli-tv-kd18:7.4.2	Sace pacchimā sarajā vātā vāyanti, pacchimā vātapānā thaketabbā.
pli-tv-kd18:7.4.3	Sace uttarā sarajā vātā vāyanti uttarā vātapānā thaketabbā.
pli-tv-kd18:7.4.4	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd18:7.4.5	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd18:7.4.6	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd18:7.4.7	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd18:7.4.8	Sace koṭṭhako uklāpo hoti, koṭṭhako sammajjitabbo.
pli-tv-kd18:7.4.9	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd18:7.4.10	Sace aggisālā uklāpā hoti, aggisālā sammajjitabbā.
pli-tv-kd18:7.4.11	Sace vaccakuṭi uklāpā hoti, vaccakuṭi sammajjitabbā.
pli-tv-kd18:7.4.12	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd18:7.4.13	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd18:7.4.14	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd18:7.4.15	Sace vuḍḍhena saddhiṁ ekavihāre viharati, na vuḍḍhaṁ anāpucchā uddeso dātabbo, na paripucchā dātabbā, na sajjhāyo kātabbo, na dhammo bhāsitabbo, na padīpo kātabbo, na padīpo vijjhāpetabbo, na vātapānā vivaritabbā, na vātapānā thaketabbā.
pli-tv-kd18:7.4.16	Sace vuḍḍhena saddhiṁ ekacaṅkame caṅkamati, yena vuḍḍho tena parivattitabbaṁ, na ca vuḍḍho saṅghāṭikaṇṇena ghaṭṭetabbo.
pli-tv-kd18:7.4.17	Idaṁ kho, bhikkhave, bhikkhūnaṁ senāsanavattaṁ yathā bhikkhūhi senāsane sammā vattitabban”ti.
pli-tv-kd18:8.1.0	9. Jantāgharavattakathā
pli-tv-kd18:8.1.1	Tena kho pana samayena chabbaggiyā bhikkhū jantāghare therehi bhikkhūhi nivāriyamānā anādariyaṁ paṭicca pahūtaṁ kaṭṭhaṁ āropetvā aggiṁ datvā dvāraṁ thaketvā dvāre nisīdanti.
pli-tv-kd18:8.1.2	Bhikkhū uṇhābhitattā dvāraṁ alabhamānā mucchitā papatanti.
pli-tv-kd18:8.1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:8.1.4	“kathañhi nāma chabbaggiyā bhikkhū jantāghare therehi bhikkhūhi nivāriyamānā anādariyaṁ paṭicca pahūtaṁ kaṭṭhaṁ āropetvā aggiṁ datvā dvāraṁ thaketvā dvāre nisīdissanti.
pli-tv-kd18:8.1.5	Bhikkhū uṇhābhitattā dvāraṁ alabhamānā mucchitā papatantī”ti.
pli-tv-kd18:8.1.6	Atha kho te bhikkhū bhagavato etamatthaṁ ārocesuṁ …pe…
pli-tv-kd18:8.1.7	“saccaṁ kira, bhikkhave, chabbaggiyā bhikkhū jantāghare therehi bhikkhūhi nivāriyamānā anādariyaṁ paṭicca pahūtaṁ kaṭṭhaṁ āropetvā aggiṁ datvā dvāraṁ thaketvā dvāre nisīdanti;
pli-tv-kd18:8.1.8	bhikkhū uṇhābhitattā dvāraṁ alabhamānā mucchitā papatantī”ti?
pli-tv-kd18:8.1.9	“Saccaṁ, bhagavā”ti …pe…
pli-tv-kd18:8.1.10	vigarahitvā …pe…
pli-tv-kd18:8.1.11	dhammiṁ kathaṁ katvā bhikkhū āmantesi—
pli-tv-kd18:8.1.12	“na, bhikkhave, jantāghare therena bhikkhunā nivāriyamānena anādariyaṁ paṭicca pahūtaṁ kaṭṭhaṁ āropetvā aggi dātabbo.
pli-tv-kd18:8.1.13	Yo dadeyya, āpatti dukkaṭassa.
pli-tv-kd18:8.1.14	Na, bhikkhave, dvāraṁ thaketvā dvāre nisīditabbaṁ.
pli-tv-kd18:8.1.15	Yo nisīdeyya, āpatti dukkaṭassa.
pli-tv-kd18:8.2.1	Tena hi, bhikkhave, bhikkhūnaṁ jantāgharavattaṁ paññapessāmi yathā bhikkhūhi jantāghare sammā vattitabbaṁ.
pli-tv-kd18:8.2.2	Yo paṭhamaṁ jantāgharaṁ gacchati, sace chārikā ussannā hoti, chārikā chaḍḍetabbā.
pli-tv-kd18:8.2.3	Sace jantāgharaṁ uklāpaṁ hoti, jantāgharaṁ sammajjitabbaṁ.
pli-tv-kd18:8.2.4	Sace paribhaṇḍaṁ uklāpaṁ hoti, paribhaṇḍaṁ sammajjitabbaṁ.
pli-tv-kd18:8.2.5	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd18:8.2.6	Sace koṭṭhako uklāpo hoti, koṭṭhako sammajjitabbo.
pli-tv-kd18:8.2.7	Sace jantāgharasālā uklāpā hoti, jantāgharasālā sammajjitabbā.
pli-tv-kd18:8.2.8	Cuṇṇaṁ sannetabbaṁ, mattikā temetabbā, udakadoṇikāya udakaṁ āsiñcitabbaṁ.
pli-tv-kd18:8.2.9	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd18:8.2.10	Na there bhikkhū anupakhajja nisīditabbaṁ.
pli-tv-kd18:8.2.11	Na navā bhikkhū āsanena paṭibāhitabbā.
pli-tv-kd18:8.2.12	Sace ussahati, jantāghare therānaṁ bhikkhūnaṁ parikammaṁ kātabbaṁ.
pli-tv-kd18:8.2.13	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd18:8.2.14	Sace ussahati, udakepi therānaṁ bhikkhūnaṁ parikammaṁ kātabbaṁ.
pli-tv-kd18:8.2.15	Na therānaṁ bhikkhūnaṁ puratopi nahāyitabbaṁ, na uparitopi nahāyitabbaṁ.
pli-tv-kd18:8.2.16	Nahātena uttarantena otarantānaṁ maggo dātabbo.
pli-tv-kd18:8.2.17	Yo pacchā jantāgharā nikkhamati, sace jantāgharaṁ cikkhallaṁ hoti, dhovitabbaṁ.
pli-tv-kd18:8.2.18	Mattikādoṇikaṁ dhovitvā jantāgharapīṭhaṁ paṭisāmetvā aggiṁ vijjhāpetvā dvāraṁ thaketvā pakkamitabbaṁ.
pli-tv-kd18:8.2.19	Idaṁ kho, bhikkhave, bhikkhūnaṁ jantāgharavattaṁ yathā bhikkhūhi jantāghare sammā vattitabban”ti.
pli-tv-kd18:9.1.0	10. Vaccakuṭivattakathā
pli-tv-kd18:9.1.1	Tena kho pana samayena aññataro bhikkhu brāhmaṇajātiko vaccaṁ katvā na icchati ācametuṁ—
pli-tv-kd18:9.1.2	“ko imaṁ vasalaṁ duggandhaṁ āmasissatī”ti.
pli-tv-kd18:9.1.3	Tassa vaccamagge kimi saṇṭhāti.
pli-tv-kd18:9.1.4	Atha kho so bhikkhu bhikkhūnaṁ etamatthaṁ ārocesi.
pli-tv-kd18:9.1.5	“Kiṁ pana tvaṁ, āvuso, vaccaṁ katvā na ācamesī”ti?
pli-tv-kd18:9.1.6	“Evamāvuso”ti.
pli-tv-kd18:9.1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:9.1.8	“kathañhi nāma bhikkhu vaccaṁ katvā na ācamessatī”ti.
pli-tv-kd18:9.1.9	Atha kho te bhikkhū bhagavato etamatthaṁ ārocesuṁ …pe…
pli-tv-kd18:9.1.10	“saccaṁ kira tvaṁ, bhikkhu, vaccaṁ katvā na ācamesī”ti?
pli-tv-kd18:9.1.11	“Saccaṁ, bhagavā”ti …pe…
pli-tv-kd18:9.1.12	vigarahitvā …pe…
pli-tv-kd18:9.1.13	dhammiṁ kathaṁ katvā bhikkhū āmantesi—
pli-tv-kd18:9.1.14	“na, bhikkhave, vaccaṁ katvā sati udake nācametabbaṁ.
pli-tv-kd18:9.1.15	Yo nācameyya, āpatti dukkaṭassā”ti.
pli-tv-kd18:10.1.1	Tena kho pana samayena bhikkhū vaccakuṭiyā yathāvuḍḍhaṁ vaccaṁ karonti.
pli-tv-kd18:10.1.2	Navakā bhikkhū paṭhamataraṁ āgantvā vaccitā āgamenti.
pli-tv-kd18:10.1.3	Te vaccaṁ sandhārentā mucchitā papatanti.
pli-tv-kd18:10.1.4	Bhagavato etamatthaṁ ārocesuṁ …pe…
pli-tv-kd18:10.1.5	“saccaṁ kira, bhikkhave …pe…
pli-tv-kd18:10.1.6	“saccaṁ, bhagavā”ti …pe…
pli-tv-kd18:10.1.7	“na, bhikkhave, vaccakuṭiyā yathāvuḍḍhaṁ vacco kātabbo.
pli-tv-kd18:10.1.8	Yo kareyya, āpatti dukkaṭassa.
pli-tv-kd18:10.1.9	Anujānāmi, bhikkhave, āgatapaṭipāṭiyā vaccaṁ kātun”ti.
pli-tv-kd18:10.2.1	Tena kho pana samayena chabbaggiyā bhikkhū atisahasāpi vaccakuṭiṁ pavisanti, ubbhajitvāpi pavisanti, nitthunantāpi vaccaṁ karonti, dantakaṭṭhaṁ khādantāpi vaccaṁ karonti, bahiddhāpi vaccadoṇikāya vaccaṁ karonti, bahiddhāpi passāvadoṇikāya passāvaṁ karonti, passāvadoṇikāyapi kheḷaṁ karonti, pharusenapi kaṭṭhena avalekhanti, avalekhanakaṭṭhampi vaccakūpamhi pātenti, atisahasāpi nikkhamanti, ubbhajitvāpi nikkhamanti, capucapukārakampi ācamenti, ācamanasarāvakepi udakaṁ sesenti.
pli-tv-kd18:10.2.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:10.2.3	“kathañhi nāma chabbaggiyā bhikkhū atisahasāpi vaccakuṭiṁ pavisissanti, ubbhajitvāpi pavisissanti, nitthunantāpi vaccaṁ karissanti, dantakaṭṭhaṁ khādantāpi vaccaṁ karissanti, bahiddhāpi vaccadoṇikāya vaccaṁ karissanti, bahiddhāpi passāvadoṇikāya passāvaṁ karissanti, passāvadoṇikāyapi kheḷaṁ karissanti, pharusenapi kaṭṭhena avalekhissanti, avalekhanakaṭṭhampi vaccakūpamhi pātessanti, atisahasāpi nikkhamissanti, ubbhajitvāpi nikkhamissanti, capucapukārakampi ācamessanti, ācamanasarāvakepi udakaṁ sesessantī”ti.
pli-tv-kd18:10.2.4	Atha kho te bhikkhū bhagavato etamatthaṁ ārocesuṁ …pe…
pli-tv-kd18:10.2.5	“saccaṁ kira, bhikkhave …pe…
pli-tv-kd18:10.2.6	“saccaṁ, bhagavā”ti …pe…
pli-tv-kd18:10.2.7	vigarahitvā …pe…
pli-tv-kd18:10.2.8	dhammiṁ kathaṁ katvā bhikkhū āmantesi—
pli-tv-kd18:10.2.9	“Tena hi, bhikkhave, bhikkhūnaṁ vaccakuṭivattaṁ paññapessāmi yathā bhikkhūhi vaccakuṭiyā sammā vattitabbaṁ.
pli-tv-kd18:10.3.1	Yo vaccakuṭiṁ gacchati tena bahi ṭhitena ukkāsitabbaṁ.
pli-tv-kd18:10.3.2	Anto nisinnenapi ukkāsitabbaṁ.
pli-tv-kd18:10.3.3	Cīvaravaṁse vā cīvararajjuyā vā cīvaraṁ nikkhipitvā sādhukaṁ ataramānena vaccakuṭi pavisitabbā.
pli-tv-kd18:10.3.4	Nātisahasā pavisitabbā.
pli-tv-kd18:10.3.5	Na ubbhajitvā pavisitabbā.
pli-tv-kd18:10.3.6	Vaccapādukāya ṭhitena ubbhajitabbaṁ.
pli-tv-kd18:10.3.7	Na nitthunantena vacco kātabbo.
pli-tv-kd18:10.3.8	Na dantakaṭṭhaṁ khādantena vacco kātabbo.
pli-tv-kd18:10.3.9	Na bahiddhā vaccadoṇikāya vacco kātabbo.
pli-tv-kd18:10.3.10	Na bahiddhā passāvadoṇikāya passāvo kātabbo.
pli-tv-kd18:10.3.11	Na passāvadoṇikāya kheḷo kātabbo.
pli-tv-kd18:10.3.12	Na pharusena kaṭṭhena avalekhitabbaṁ.
pli-tv-kd18:10.3.13	Na avalekhanakaṭṭhaṁ vaccakūpamhi pātetabbaṁ.
pli-tv-kd18:10.3.14	Vaccapādukāya ṭhitena paṭicchādetabbaṁ.
pli-tv-kd18:10.3.15	Nātisahasā nikkhamitabbaṁ.
pli-tv-kd18:10.3.16	Na ubbhajitvā nikkhamitabbaṁ.
pli-tv-kd18:10.3.17	Ācamanapādukāya ṭhitena ubbhajitabbaṁ.
pli-tv-kd18:10.3.18	Na capucapukārakaṁ ācametabbaṁ.
pli-tv-kd18:10.3.19	Na ācamanasarāvake udakaṁ sesetabbaṁ.
pli-tv-kd18:10.3.20	Ācamanapādukāya ṭhitena paṭicchādetabbaṁ.
pli-tv-kd18:10.3.21	Sace vaccakuṭi uhatā hoti, dhovitabbā.
pli-tv-kd18:10.3.22	Sace avalekhanapidharo pūro hoti, avalekhanakaṭṭhaṁ chaḍḍetabbaṁ.
pli-tv-kd18:10.3.23	Sace vaccakuṭi uklāpā hoti, vaccakuṭi sammajjitabbā.
pli-tv-kd18:10.3.24	Sace paribhaṇḍaṁ uklāpaṁ hoti, paribhaṇḍaṁ sammajjitabbaṁ.
pli-tv-kd18:10.3.25	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd18:10.3.26	Sace koṭṭhako uklāpo hoti, koṭṭhako sammajjitabbo.
pli-tv-kd18:10.3.27	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd18:10.3.28	Idaṁ kho, bhikkhave, bhikkhūnaṁ vaccakuṭivattaṁ yathā bhikkhūhi vaccakuṭiyā sammā vattitabban”ti.
pli-tv-kd18:11.1.0	11. Upajjhāyavattakathā
pli-tv-kd18:11.1.1	Tena kho pana samayena saddhivihārikā upajjhāyesu na sammā vattanti.
pli-tv-kd18:11.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:11.1.3	“kathañhi nāma saddhivihārikā upajjhāyesu na sammā vattissantī”ti.
pli-tv-kd18:11.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd18:11.1.5	“saccaṁ kira, bhikkhave, saddhivihārikā upajjhāyesu na sammā vattantī”ti?
pli-tv-kd18:11.1.6	“Saccaṁ, bhagavā”ti
pli-tv-kd18:11.1.7	vigarahi buddho bhagavā …pe…
pli-tv-kd18:11.1.8	kathañhi nāma, bhikkhave, saddhivihārikā upajjhāyesu na sammā vattissanti.
pli-tv-kd18:11.1.9	Netaṁ, bhikkhave, appasannānaṁ vā pasādāya …pe…
pli-tv-kd18:11.1.10	vigarahitvā …pe…
pli-tv-kd18:11.1.11	dhammiṁ kathaṁ katvā bhikkhū āmantesi—
pli-tv-kd18:11.1.12	“Tena hi, bhikkhave, saddhivihārikānaṁ upajjhāyesu vattaṁ paññapessāmi yathā saddhivihārikehi upajjhāyesu sammā vattitabbaṁ.
pli-tv-kd18:11.2.1	Saddhivihārikena, bhikkhave, upajjhāyamhi sammā vattitabbaṁ.
pli-tv-kd18:11.2.2	Tatrāyaṁ sammāvattanā—
pli-tv-kd18:11.2.3.0	
pli-tv-kd18:11.2.3.1	Kālasseva uṭṭhāya upāhanā omuñcitvā ekaṁsaṁ uttarāsaṅgaṁ karitvā dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd18:11.2.4	Sace yāgu hoti, bhājanaṁ dhovitvā yāgu upanāmetabbā.
pli-tv-kd18:11.2.5	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd18:11.2.6	Upajjhāyamhi vuṭṭhite āsanaṁ uddharitabbaṁ.
pli-tv-kd18:11.2.7	Sace so deso uklāpo hoti, so deso sammajjitabbo.
pli-tv-kd18:11.3.1	Sace upajjhāyo gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd18:11.3.2	Sace upajjhāyo pacchāsamaṇaṁ ākaṅkhati, timaṇḍalaṁ paṭicchādentena parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā pattaṁ gahetvā upajjhāyassa pacchāsamaṇena hotabbaṁ.
pli-tv-kd18:11.3.3	Nātidūre gantabbaṁ, nāccāsanne gantabbaṁ, pattapariyāpannaṁ paṭiggahetabbaṁ.
pli-tv-kd18:11.4.1	Na upajjhāyassa bhaṇamānassa antarantarā kathā opātetabbā.
pli-tv-kd18:11.4.2	Upajjhāyo āpattisāmantā bhaṇamāno nivāretabbo.
pli-tv-kd18:11.4.3	Nivattantena paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd18:11.4.4	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ.
pli-tv-kd18:11.4.5	Cīvaraṁ saṅgharitabbaṁ.
pli-tv-kd18:11.4.6	Cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd18:11.4.7	mā majjhe bhaṅgo ahosīti.
pli-tv-kd18:11.4.8	Obhoge kāyabandhanaṁ kātabbaṁ.
pli-tv-kd18:11.4.9	Sace piṇḍapāto hoti, upajjhāyo ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd18:11.5.1	Upajjhāyo pānīyena pucchitabbo.
pli-tv-kd18:11.5.2	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo.
pli-tv-kd18:11.5.3	Na ca uṇhe patto nidahitabbo.
pli-tv-kd18:11.5.4	Pattacīvaraṁ nikkhipitabbaṁ.
pli-tv-kd18:11.5.5	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd18:11.5.6	Na ca anantarahitāya bhūmiyā patto nikkhipitabbo.
pli-tv-kd18:11.5.7	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:11.5.8	Upajjhāyamhi vuṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd18:11.5.9	Sace so deso uklāpo hoti, so deso sammajjitabbo.
pli-tv-kd18:11.6.0	
pli-tv-kd18:11.6.1	Sace upajjhāyo nahāyitukāmo hoti, nahānaṁ paṭiyādetabbaṁ.
pli-tv-kd18:11.6.2	Sace sītena attho hoti, sītaṁ paṭiyādetabbaṁ.
pli-tv-kd18:11.6.3	Sace uṇhena attho hoti, uṇhaṁ paṭiyādetabbaṁ.
pli-tv-kd18:11.6.4	Sace upajjhāyo jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya upajjhāyassa piṭṭhito piṭṭhito gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd18:11.6.5	Sace ussahati, jantāgharaṁ pavisitabbaṁ.
pli-tv-kd18:11.6.6	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd18:11.7.1	Na there bhikkhū anupakhajja nisīditabbaṁ.
pli-tv-kd18:11.7.2	Na navā bhikkhū āsanena paṭibāhitabbā.
pli-tv-kd18:11.7.3	Jantāghare upajjhāyassa parikammaṁ kātabbaṁ.
pli-tv-kd18:11.7.4	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd18:11.7.5	Udakepi upajjhāyassa parikammaṁ kātabbaṁ.
pli-tv-kd18:11.7.6	Nahātena paṭhamataraṁ uttaritvā attano gattaṁ vodakaṁ katvā nivāsetvā upajjhāyassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā, jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ.
pli-tv-kd18:11.7.7	Upajjhāyo pānīyena pucchitabbo.
pli-tv-kd18:11.8.1	Sace uddisāpetukāmo hoti, uddisitabbo.
pli-tv-kd18:11.8.2	Sace paripucchitukāmo hoti, paripucchitabbo.
pli-tv-kd18:11.8.3.0	
pli-tv-kd18:11.8.3.1	Yasmiṁ vihāre upajjhāyo viharati, sace so vihāro uklāpo hoti, sace ussahati, sodhetabbo.
pli-tv-kd18:11.8.4	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ;
pli-tv-kd18:11.8.5	nisīdanapaccattharaṇaṁ nīharitvā ekamantaṁ nikkhipitabbaṁ;
pli-tv-kd18:11.8.6	bhisibibbohanaṁ nīharitvā ekamantaṁ nikkhipitabbaṁ;
pli-tv-kd18:11.9.1	mañco nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo;
pli-tv-kd18:11.9.2	pīṭhaṁ nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbaṁ;
pli-tv-kd18:11.9.3	mañcapaṭipādakā nīharitvā ekamantaṁ nikkhipitabbā;
pli-tv-kd18:11.9.4	kheḷamallako nīharitvā ekamantaṁ nikkhipitabbo;
pli-tv-kd18:11.9.5	apassenaphalakaṁ nīharitvā ekamantaṁ nikkhipitabbaṁ;
pli-tv-kd18:11.9.6	bhūmattharaṇaṁ yathāpaññattaṁ sallakkhetvā nīharitvā ekamantaṁ nikkhipitabbaṁ.
pli-tv-kd18:11.9.7	Sace vihāre santānakaṁ hoti, ullokā paṭhamaṁ ohāretabbaṁ, ālokasandhikaṇṇabhāgā pamajjitabbā.
pli-tv-kd18:11.9.8	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:11.9.9	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:11.9.10	Sace akatā hoti bhūmi, udakena paripphositvā paripphositvā sammajjitabbā—
pli-tv-kd18:11.9.11	mā vihāro rajena uhaññīti.
pli-tv-kd18:11.9.12	Saṅkāraṁ vicinitvā ekamantaṁ chaḍḍetabbaṁ.
pli-tv-kd18:11.10.1	Bhūmattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:11.10.2	Mañcapaṭipādakā otāpetvā pamajjitvā atiharitvā yathāṭhāne ṭhapetabbā.
pli-tv-kd18:11.10.3	Mañco otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbo.
pli-tv-kd18:11.10.4	Pīṭhaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbaṁ.
pli-tv-kd18:11.10.5	Bhisibibbohanaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:11.10.6	Nisīdanapaccattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:11.10.7	Kheḷamallako otāpetvā pamajjitvā atiharitvā yathāṭhāne ṭhapetabbo.
pli-tv-kd18:11.10.8	Apassenaphalakaṁ otāpetvā pamajjitvā atiharitvā yathāṭhāne ṭhapetabbaṁ.
pli-tv-kd18:11.11.1	Pattacīvaraṁ nikkhipitabbaṁ.
pli-tv-kd18:11.11.2	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd18:11.11.3	Na ca anantarahitāya bhūmiyā patto nikkhipitabbo.
pli-tv-kd18:11.11.4	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:11.12.1	Sace puratthimā sarajā vātā vāyanti, puratthimā vātapānā thaketabbā.
pli-tv-kd18:11.12.2	Sace pacchimā sarajā vātā vāyanti, pacchimā vātapānā thaketabbā.
pli-tv-kd18:11.12.3	Sace uttarā sarajā vātā vāyanti, uttarā vātapānā thaketabbā.
pli-tv-kd18:11.12.4	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd18:11.12.5	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd18:11.12.6	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd18:11.13.1	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd18:11.13.2	Sace koṭṭhako uklāpo hoti, koṭṭhako sammajjitabbo.
pli-tv-kd18:11.13.3	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd18:11.13.4	Sace aggisālā uklāpā hoti, aggisālā sammajjitabbā.
pli-tv-kd18:11.13.5	Sace vaccakuṭi uklāpā hoti, vaccakuṭi sammajjitabbā.
pli-tv-kd18:11.13.6	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd18:11.13.7	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd18:11.13.8	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd18:11.14.0	
pli-tv-kd18:11.14.1	Sace upajjhāyassa anabhirati uppannā hoti, saddhivihārikena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd18:11.14.2	Sace upajjhāyassa kukkuccaṁ uppannaṁ hoti, saddhivihārikena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd18:11.14.3	Sace upajjhāyassa diṭṭhigataṁ uppannaṁ hoti, saddhivihārikena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd18:11.15.1	Sace upajjhāyo garudhammaṁ ajjhāpanno hoti parivāsāraho, saddhivihārikena ussukkaṁ kātabbaṁ—
pli-tv-kd18:11.15.2	kinti nu kho saṅgho upajjhāyassa parivāsaṁ dadeyyāti.
pli-tv-kd18:11.15.3	Sace upajjhāyo mūlāyapaṭikassanāraho hoti, saddhivihārikena ussukkaṁ kātabbaṁ—
pli-tv-kd18:11.15.4	kinti nu kho saṅgho upajjhāyaṁ mūlāya paṭikasseyyāti.
pli-tv-kd18:11.15.5	Sace upajjhāyo mānattāraho hoti, saddhivihārikena ussukkaṁ kātabbaṁ—
pli-tv-kd18:11.15.6	kinti nu kho saṅgho upajjhāyassa mānattaṁ dadeyyāti.
pli-tv-kd18:11.15.7	Sace upajjhāyo abbhānāraho hoti, saddhivihārikena ussukkaṁ kātabbaṁ—
pli-tv-kd18:11.15.8	kinti nu kho saṅgho upajjhāyaṁ abbheyyāti.
pli-tv-kd18:11.16.1	Sace saṅgho upajjhāyassa kammaṁ kattukāmo hoti, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, saddhivihārikena ussukkaṁ kātabbaṁ—
pli-tv-kd18:11.16.2	kinti nu kho saṅgho upajjhāyassa kammaṁ na kareyya, lahukāya vā pariṇāmeyyāti.
pli-tv-kd18:11.16.3	Kataṁ vā panassa hoti saṅghena kammaṁ, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, saddhivihārikena ussukkaṁ kātabbaṁ—
pli-tv-kd18:11.16.4	kinti nu kho upajjhāyo sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd18:11.17.1	Sace upajjhāyassa cīvaraṁ dhovitabbaṁ hoti, saddhivihārikena dhovitabbaṁ, ussukkaṁ vā kātabbaṁ—
pli-tv-kd18:11.17.2	kinti nu kho upajjhāyassa cīvaraṁ dhoviyethāti.
pli-tv-kd18:11.17.3	Sace upajjhāyassa cīvaraṁ kātabbaṁ hoti, saddhivihārikena kātabbaṁ, ussukkaṁ vā kātabbaṁ—
pli-tv-kd18:11.17.4	kinti nu kho upajjhāyassa cīvaraṁ kariyethāti.
pli-tv-kd18:11.17.5	Sace upajjhāyassa rajanā pacitabbā hoti, saddhivihārikena pacitabbā, ussukkaṁ vā kātabbaṁ—
pli-tv-kd18:11.17.6	kinti nu kho upajjhāyassa rajanaṁ paciyethāti.
pli-tv-kd18:11.17.7	Sace upajjhāyassa cīvaraṁ rajitabbaṁ hoti, saddhivihārikena rajitabbaṁ, ussukkaṁ vā kātabbaṁ—
pli-tv-kd18:11.17.8	kinti nu kho upajjhāyassa cīvaraṁ rajiyethāti.
pli-tv-kd18:11.17.9	Cīvaraṁ rajantena sādhukaṁ samparivattakaṁ samparivattakaṁ rajitabbaṁ, na ca acchinne theve pakkamitabbaṁ.
pli-tv-kd18:11.18.1	Na upajjhāyaṁ anāpucchā ekaccassa patto dātabbo, na ekaccassa patto paṭiggahetabbo;
pli-tv-kd18:11.18.2	na ekaccassa cīvaraṁ dātabbaṁ, na ekaccassa cīvaraṁ paṭiggahetabbaṁ;
pli-tv-kd18:11.18.3	na ekaccassa parikkhāro dātabbo, na ekaccassa parikkhāro paṭiggahetabbo;
pli-tv-kd18:11.18.4	na ekaccassa kesā chedetabbā, na ekaccena kesā chedāpetabbā;
pli-tv-kd18:11.18.5	na ekaccassa parikammaṁ kātabbaṁ, na ekaccena parikammaṁ kārāpetabbaṁ;
pli-tv-kd18:11.18.6	na ekaccassa veyyāvacco kātabbo, na ekaccena veyyāvacco kārāpetabbo;
pli-tv-kd18:11.18.7	na ekaccassa pacchāsamaṇena hotabbaṁ, na ekacco pacchāsamaṇo ādātabbo;
pli-tv-kd18:11.18.8	na ekaccassa piṇḍapāto nīharitabbo, na ekaccena piṇḍapāto nīharāpetabbo;
pli-tv-kd18:11.18.9	na upajjhāyaṁ anāpucchā gāmo pavisitabbo;
pli-tv-kd18:11.18.10	na susānaṁ gantabbaṁ;
pli-tv-kd18:11.18.11	na disā pakkamitabbā.
pli-tv-kd18:11.18.12	Sace upajjhāyo gilāno hoti, yāvajīvaṁ upaṭṭhātabbo, vuṭṭhānamassa āgametabbaṁ.
pli-tv-kd18:11.18.13	Idaṁ kho, bhikkhave, saddhivihārikānaṁ upajjhāyesu vattaṁ yathā saddhivihārikehi upajjhāyesu sammā vattitabban”ti.
pli-tv-kd18:12.1.0	12. Saddhivihārikavattakathā
pli-tv-kd18:12.1.1	Tena kho pana samayena upajjhāyā saddhivihārikesu na sammā vattanti.
pli-tv-kd18:12.1.2	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:12.1.3	“kathañhi nāma upajjhāyā saddhivihārikesu na sammā vattissantī”ti.
pli-tv-kd18:12.1.4	Atha kho te bhikkhū bhagavato etamatthaṁ ārocesuṁ …pe…
pli-tv-kd18:12.1.5	“saccaṁ kira, bhikkhave, upajjhāyā saddhivihārikesu na sammā vattantī”ti?
pli-tv-kd18:12.1.6	“Saccaṁ, bhagavā”ti …pe…
pli-tv-kd18:12.1.7	vigarahitvā …pe…
pli-tv-kd18:12.1.8	dhammiṁ kathaṁ katvā bhikkhū āmantesi—
pli-tv-kd18:12.1.9	“Tena hi, bhikkhave, upajjhāyānaṁ saddhivihārikesu vattaṁ paññapessāmi yathā upajjhāyehi saddhivihārikesu sammā vattitabbaṁ.
pli-tv-kd18:12.2.1	Upajjhāyena, bhikkhave, saddhivihārikamhi sammā vattitabbaṁ.
pli-tv-kd18:12.2.2	Tatrāyaṁ sammāvattanā—
pli-tv-kd18:12.2.3	Upajjhāyena, bhikkhave, saddhivihāriko saṅgahetabbo anuggahetabbo uddesena paripucchāya ovādena anusāsaniyā.
pli-tv-kd18:12.2.4	Sace upajjhāyassa patto hoti, saddhivihārikassa patto na hoti, upajjhāyena saddhivihārikassa patto dātabbo, ussukkaṁ vā kātabbaṁ—
pli-tv-kd18:12.2.5	kinti nu kho saddhivihārikassa patto uppajjiyethāti.
pli-tv-kd18:12.2.6	Sace upajjhāyassa cīvaraṁ hoti, saddhivihārikassa cīvaraṁ na hoti, upajjhāyena saddhivihārikassa cīvaraṁ dātabbaṁ, ussukkaṁ vā kātabbaṁ—
pli-tv-kd18:12.2.7	kinti nu kho saddhivihārikassa cīvaraṁ uppajjiyethāti.
pli-tv-kd18:12.2.8	Sace upajjhāyassa parikkhāro hoti, saddhivihārikassa parikkhāro na hoti, upajjhāyena saddhivihārikassa parikkhāro dātabbo, ussukkaṁ vā kātabbaṁ—
pli-tv-kd18:12.2.9	kinti nu kho saddhivihārikassa parikkhāro uppajjiyethāti.
pli-tv-kd18:12.3.0	
pli-tv-kd18:12.3.1	Sace saddhivihāriko gilāno hoti, kālasseva uṭṭhāya dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd18:12.3.2	Sace yāgu hoti, bhājanaṁ dhovitvā yāgu upanāmetabbā.
pli-tv-kd18:12.3.3	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd18:12.3.4	Saddhivihārikamhi vuṭṭhite āsanaṁ uddharitabbaṁ.
pli-tv-kd18:12.3.5	Sace so deso uklāpo hoti, so deso sammajjitabbo.
pli-tv-kd18:12.4.1	Sace saddhivihāriko gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd18:12.4.2	Ettāvatā nivattissatīti āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd18:12.4.3	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ.
pli-tv-kd18:12.4.4	Cīvaraṁ saṅgharitabbaṁ.
pli-tv-kd18:12.4.5	Cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd18:12.4.6	mā majjhe bhaṅgo ahosīti.
pli-tv-kd18:12.4.7	Obhoge kāyabandhanaṁ kātabbaṁ.
pli-tv-kd18:12.4.8	Sace piṇḍapāto hoti, saddhivihāriko ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd18:12.5.1	Saddhivihāriko pānīyena pucchitabbo.
pli-tv-kd18:12.5.2	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo, na ca uṇhe patto nidahitabbo.
pli-tv-kd18:12.5.3	Pattacīvaraṁ nikkhipitabbaṁ.
pli-tv-kd18:12.5.4	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd18:12.5.5	Na ca anantarahitāya bhūmiyā patto nikkhipitabbo.
pli-tv-kd18:12.5.6	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:12.5.7	Saddhivihārikamhi vuṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd18:12.5.8	Sace so deso uklāpo hoti, so deso sammajjitabbo.
pli-tv-kd18:12.6.0	
pli-tv-kd18:12.6.1	Sace saddhivihāriko nahāyitukāmo hoti, nahānaṁ paṭiyādetabbaṁ.
pli-tv-kd18:12.6.2	Sace sītena attho hoti, sītaṁ paṭiyādetabbaṁ.
pli-tv-kd18:12.6.3	Sace uṇhena attho hoti, uṇhaṁ paṭiyādetabbaṁ.
pli-tv-kd18:12.6.4	Sace saddhivihāriko jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd18:12.6.5	Sace ussahati jantāgharaṁ pavisitabbaṁ.
pli-tv-kd18:12.6.6	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd18:12.7.1	Na there bhikkhū anupakhajja nisīditabbaṁ, na navā bhikkhū āsanena paṭibāhitabbā.
pli-tv-kd18:12.7.2	Jantāghare saddhivihārikassa parikammaṁ kātabbaṁ.
pli-tv-kd18:12.7.3	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd18:12.7.4	Udakepi saddhivihārikassa parikammaṁ kātabbaṁ.
pli-tv-kd18:12.7.5	Nahātena paṭhamataraṁ uttaritvā attano gattaṁ vodakaṁ katvā nivāsetvā saddhivihārikassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā, jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ.
pli-tv-kd18:12.7.6	Saddhivihāriko pānīyena pucchitabbo.
pli-tv-kd18:12.8.0	
pli-tv-kd18:12.8.1	Yasmiṁ vihāre saddhivihāriko viharati, sace so vihāro uklāpo hoti, sace ussahati, sodhetabbo.
pli-tv-kd18:12.8.2.1	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ …pe…
pli-tv-kd18:12.8.2.2	
pli-tv-kd18:12.8.2.3	
pli-tv-kd18:12.8.2.4	
pli-tv-kd18:12.8.3	sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd18:12.8.4.0	
pli-tv-kd18:12.8.4.1	Sace saddhivihārikassa anabhirati uppannā hoti, upajjhāyena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd18:12.8.5	Sace saddhivihārikassa kukkuccaṁ uppannaṁ hoti, upajjhāyena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd18:12.8.6	Sace saddhivihārikassa diṭṭhigataṁ uppannaṁ hoti, upajjhāyena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd18:12.9.1	Sace saddhivihāriko garudhammaṁ ajjhāpanno hoti parivāsāraho, upajjhāyena ussukkaṁ kātabbaṁ—
pli-tv-kd18:12.9.2	kinti nu kho saṅgho saddhivihārikassa parivāsaṁ dadeyyāti.
pli-tv-kd18:12.9.3	Sace saddhivihāriko mūlāyapaṭikassanāraho hoti, upajjhāyena ussukkaṁ kātabbaṁ—
pli-tv-kd18:12.9.4	kinti nu kho saṅgho saddhivihārikaṁ mūlāya paṭikasseyyāti.
pli-tv-kd18:12.9.5	Sace saddhivihāriko mānattāraho hoti, upajjhāyena ussukkaṁ kātabbaṁ—
pli-tv-kd18:12.9.6	kinti nu kho saṅgho saddhivihārikassa mānattaṁ dadeyyāti.
pli-tv-kd18:12.9.7	Sace saddhivihāriko abbhānāraho hoti, upajjhāyena ussukkaṁ kātabbaṁ—
pli-tv-kd18:12.9.8	kinti nu kho saṅgho saddhivihārikaṁ abbheyyāti.
pli-tv-kd18:12.10.1	Sace saṅgho saddhivihārikassa kammaṁ kattukāmo hoti, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, upajjhāyena ussukkaṁ kātabbaṁ—
pli-tv-kd18:12.10.2	kinti nu kho saṅgho saddhivihārikassa kammaṁ na kareyya, lahukāya vā pariṇāmeyyāti.
pli-tv-kd18:12.10.3	Kataṁ vā panassa hoti saṅghena kammaṁ, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā, ukkhepanīyaṁ vā, upajjhāyena ussukkaṁ kātabbaṁ—
pli-tv-kd18:12.10.4	kinti nu kho saddhivihāriko sammā vatteyya lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd18:12.11.1	Sace saddhivihārikassa cīvaraṁ dhovitabbaṁ hoti, upajjhāyena ācikkhitabbaṁ—evaṁ dhoveyyāsīti,
pli-tv-kd18:12.11.2	ussukkaṁ vā kātabbaṁ—kinti nu kho saddhivihārikassa cīvaraṁ dhoviyethāti.
pli-tv-kd18:12.11.3	Sace saddhivihārikassa cīvaraṁ kātabbaṁ hoti, upajjhāyena ācikkhitabbaṁ—evaṁ kareyyāsīti,
pli-tv-kd18:12.11.4	ussukkaṁ vā kātabbaṁ—kinti nu kho saddhivihārikassa cīvaraṁ kariyethāti.
pli-tv-kd18:12.11.5	Sace saddhivihārikassa rajanaṁ pacitabbaṁ hoti, upajjhāyena ācikkhitabbaṁ—evaṁ paceyyāsīti,
pli-tv-kd18:12.11.6	ussukkaṁ vā kātabbaṁ—kinti nu kho saddhivihārikassa rajanaṁ paciyethāti.
pli-tv-kd18:12.11.7	Sace saddhivihārikassa cīvaraṁ rajitabbaṁ hoti, upajjhāyena ācikkhitabbaṁ—evaṁ rajeyyāsīti,
pli-tv-kd18:12.11.8	ussukkaṁ vā kātabbaṁ—kinti nu kho saddhivihārikassa cīvaraṁ rajiyethāti.
pli-tv-kd18:12.11.9	Cīvaraṁ rajantena sādhukaṁ samparivattakaṁ samparivattakaṁ rajitabbaṁ, na ca acchinne theve pakkamitabbaṁ.
pli-tv-kd18:12.11.10	Sace saddhivihāriko gilāno hoti, yāvajīvaṁ upaṭṭhātabbo, vuṭṭhānamassa āgametabbaṁ.
pli-tv-kd18:12.11.11	Idaṁ kho, bhikkhave, upajjhāyānaṁ saddhivihārikesu vattaṁ yathā upajjhāyehi saddhivihārikesu sammā vattitabban”ti.
pli-tv-kd18:12.11.12	Dutiyabhāṇavāro niṭṭhito.
pli-tv-kd18:12.11.13.0	13. Ācariyavattakathā
pli-tv-kd18:12.11.13.1	Tena kho pana samayena antevāsikā ācariyesu na sammā vattanti.
pli-tv-kd18:12.11.14	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:12.11.15	“kathañhi nāma antevāsikā ācariyesu na sammā vattissantī”ti.
pli-tv-kd18:12.11.16	Atha kho te bhikkhū bhagavato etamatthaṁ ārocesuṁ …pe…
pli-tv-kd18:12.11.17	“saccaṁ kira, bhikkhave, antevāsikā ācariyesu na sammā vattantī”ti?
pli-tv-kd18:12.11.18	“Saccaṁ, bhagavā”ti …pe…
pli-tv-kd18:12.11.19	vigarahitvā …pe…
pli-tv-kd18:12.11.20	dhammiṁ kathaṁ katvā bhikkhū āmantesi—
pli-tv-kd18:12.11.21	“Tena hi, bhikkhave, antevāsikānaṁ ācariyesu vattaṁ paññapessāmi yathā antevāsikehi ācariyesu sammā vattitabbaṁ.
pli-tv-kd18:12.11.22	Antevāsikena, bhikkhave, ācariyamhi sammā vattitabbaṁ.
pli-tv-kd18:12.11.23	Tatrāyaṁ sammāvattanā—
pli-tv-kd18:12.11.24.0	
pli-tv-kd18:12.11.24.1	Kālasseva uṭṭhāya upāhanā omuñcitvā ekaṁsaṁ uttarāsaṅgaṁ karitvā dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd18:12.11.25	Sace yāgu hoti, bhājanaṁ dhovitvā yāgu upanāmetabbā.
pli-tv-kd18:12.11.26	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd18:12.11.27	Ācariyamhi vuṭṭhite āsanaṁ uddharitabbaṁ.
pli-tv-kd18:12.11.28	Sace so deso uklāpo hoti, so deso sammajjitabbo.
pli-tv-kd18:12.11.29	Sace ācariyo gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd18:12.11.30	Sace ācariyo pacchāsamaṇaṁ ākaṅkhati, timaṇḍalaṁ paṭicchādentena parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā pattaṁ gahetvā ācariyassa pacchāsamaṇena hotabbaṁ.
pli-tv-kd18:12.11.31	Nātidūre gantabbaṁ, nāccāsanne gantabbaṁ, pattapariyāpannaṁ paṭiggahetabbaṁ.
pli-tv-kd18:12.11.32	Na ācariyassa bhaṇamānassa antarantarā kathā opātetabbā.
pli-tv-kd18:12.11.33	Ācariyo āpattisāmantā bhaṇamāno nivāretabbo.
pli-tv-kd18:12.11.34	Nivattantena paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd18:12.11.35	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ.
pli-tv-kd18:12.11.36	Cīvaraṁ saṅgharitabbaṁ.
pli-tv-kd18:12.11.37	Cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd18:12.11.38	mā majjhe bhaṅgo ahosīti.
pli-tv-kd18:12.11.39	Obhoge kāyabandhanaṁ kātabbaṁ.
pli-tv-kd18:12.11.40	Sace piṇḍapāto hoti, ācariyo ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd18:12.11.41	Ācariyo pānīyena pucchitabbo.
pli-tv-kd18:12.11.42	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo, na ca uṇhe patto nidahitabbo.
pli-tv-kd18:12.11.43	Pattacīvaraṁ nikkhipitabbaṁ.
pli-tv-kd18:12.11.44	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd18:12.11.45	Na ca anantarahitāya bhūmiyā patto nikkhipitabbo.
pli-tv-kd18:12.11.46	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:12.11.47	Ācariyamhi vuṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd18:12.11.48	Sace so deso uklāpo hoti, so deso sammajjitabbo.
pli-tv-kd18:12.11.49.0	
pli-tv-kd18:12.11.49.1	Sace ācariyo nahāyitukāmo hoti, nahānaṁ paṭiyādetabbaṁ.
pli-tv-kd18:12.11.50	Sace sītena attho hoti, sītaṁ paṭiyādetabbaṁ.
pli-tv-kd18:12.11.51	Sace uṇhena attho hoti, uṇhaṁ paṭiyādetabbaṁ.
pli-tv-kd18:12.11.52	Sace ācariyo jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya ācariyassa piṭṭhito piṭṭhito gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd18:12.11.53	Sace ussahati, jantāgharaṁ pavisitabbaṁ.
pli-tv-kd18:12.11.54	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd18:12.11.55	Na there bhikkhū anupakhajja nisīditabbaṁ.
pli-tv-kd18:12.11.56	Na navā bhikkhū āsanena paṭibāhitabbā.
pli-tv-kd18:12.11.57	Jantāghare ācariyassa parikammaṁ kātabbaṁ.
pli-tv-kd18:12.11.58	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd18:12.11.59	Udakepi ācariyassa parikammaṁ kātabbaṁ.
pli-tv-kd18:12.11.60	Nahātena paṭhamataraṁ uttaritvā attano gattaṁ vodakaṁ katvā nivāsetvā ācariyassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā, jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ.
pli-tv-kd18:12.11.61	Ācariyo pānīyena pucchitabbo.
pli-tv-kd18:12.11.62	Sace uddisāpetukāmo hoti, uddisitabbo.
pli-tv-kd18:12.11.63	Sace paripucchitukāmo hoti, paripucchitabbo.
pli-tv-kd18:12.11.64.0	
pli-tv-kd18:12.11.64.1	Yasmiṁ vihāre ācariyo viharati, sace so vihāro uklāpo hoti, sace ussahati, sodhetabbo.
pli-tv-kd18:12.11.65	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ;
pli-tv-kd18:12.11.66	nisīdanapaccattharaṇaṁ nīharitvā ekamantaṁ nikkhipitabbaṁ;
pli-tv-kd18:12.11.67	bhisibibbohanaṁ nīharitvā ekamantaṁ nikkhipitabbaṁ;
pli-tv-kd18:12.11.68	mañco nīcaṁ katvā sādhukaṁ appaṭighaṁsantena asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbo;
pli-tv-kd18:12.11.69	pīṭhaṁ nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, nīharitvā ekamantaṁ nikkhipitabbaṁ;
pli-tv-kd18:12.11.70	mañcapaṭipādakā nīharitvā ekamantaṁ nikkhipitabbā;
pli-tv-kd18:12.11.71	kheḷamallako nīharitvā ekamantaṁ nikkhipitabbo;
pli-tv-kd18:12.11.72	apassenaphalakaṁ nīharitvā ekamantaṁ nikkhipitabbaṁ;
pli-tv-kd18:12.11.73	bhūmattharaṇaṁ yathāpaññattaṁ sallakkhetvā nīharitvā ekamantaṁ nikkhipitabbaṁ.
pli-tv-kd18:12.11.74	Sace vihāre santānakaṁ hoti, ullokā paṭhamaṁ ohāretabbaṁ, ālokasandhikaṇṇabhāgā pamajjitabbā.
pli-tv-kd18:12.11.75	Sace gerukaparikammakatā bhitti kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:12.11.76	Sace kāḷavaṇṇakatā bhūmi kaṇṇakitā hoti, coḷakaṁ temetvā pīḷetvā pamajjitabbā.
pli-tv-kd18:12.11.77	Sace akatā hoti bhūmi, udakena paripphositvā paripphositvā sammajjitabbā—
pli-tv-kd18:12.11.78	mā vihāro rajena uhaññīti.
pli-tv-kd18:12.11.79	Saṅkāraṁ vicinitvā ekamantaṁ chaḍḍetabbaṁ.
pli-tv-kd18:12.11.80	Bhūmattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:12.11.81	Mañcapaṭipādakā otāpetvā pamajjitvā atiharitvā yathāṭhāne ṭhapetabbā.
pli-tv-kd18:12.11.82	Mañco otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbo.
pli-tv-kd18:12.11.83	Pīṭhaṁ otāpetvā sodhetvā papphoṭetvā nīcaṁ katvā sādhukaṁ appaṭighaṁsantena, asaṅghaṭṭentena kavāṭapiṭṭhaṁ, atiharitvā yathāpaññattaṁ paññapetabbaṁ.
pli-tv-kd18:12.11.84	Bhisibibbohanaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:12.11.85	Nisīdanapaccattharaṇaṁ otāpetvā sodhetvā papphoṭetvā atiharitvā yathāpaññattaṁ paññapetabbaṁ.
pli-tv-kd18:12.11.86	Kheḷamallako otāpetvā pamajjitvā atiharitvā yathāṭhāne ṭhapetabbo.
pli-tv-kd18:12.11.87	Apassenaphalakaṁ otāpetvā pamajjitvā atiharitvā yathāṭhāne ṭhapetabbaṁ.
pli-tv-kd18:12.11.88	Pattacīvaraṁ nikkhipitabbaṁ.
pli-tv-kd18:12.11.89	Pattaṁ nikkhipantena ekena hatthena pattaṁ gahetvā ekena hatthena heṭṭhāmañcaṁ vā heṭṭhāpīṭhaṁ vā parāmasitvā patto nikkhipitabbo.
pli-tv-kd18:12.11.90	Na ca anantarahitāya bhūmiyā patto nikkhipitabbo.
pli-tv-kd18:12.11.91	Cīvaraṁ nikkhipantena ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ vā pamajjitvā pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:12.11.92	Sace puratthimā sarajā vātā vāyanti, puratthimā vātapānā thaketabbā.
pli-tv-kd18:12.11.93	Sace pacchimā sarajā vātā vāyanti, pacchimā vātapānā thaketabbā.
pli-tv-kd18:12.11.94	Sace uttarā sarajā vātā vāyanti, uttarā vātapānā thaketabbā.
pli-tv-kd18:12.11.95	Sace dakkhiṇā sarajā vātā vāyanti, dakkhiṇā vātapānā thaketabbā.
pli-tv-kd18:12.11.96	Sace sītakālo hoti, divā vātapānā vivaritabbā, rattiṁ thaketabbā.
pli-tv-kd18:12.11.97	Sace uṇhakālo hoti, divā vātapānā thaketabbā, rattiṁ vivaritabbā.
pli-tv-kd18:12.11.98	Sace pariveṇaṁ uklāpaṁ hoti, pariveṇaṁ sammajjitabbaṁ.
pli-tv-kd18:12.11.99	Sace koṭṭhako uklāpo hoti, koṭṭhako sammajjitabbo.
pli-tv-kd18:12.11.100	Sace upaṭṭhānasālā uklāpā hoti, upaṭṭhānasālā sammajjitabbā.
pli-tv-kd18:12.11.101	Sace aggisālā uklāpā hoti, aggisālā sammajjitabbā.
pli-tv-kd18:12.11.102	Sace vaccakuṭi uklāpā hoti, vaccakuṭi sammajjitabbā.
pli-tv-kd18:12.11.103	Sace pānīyaṁ na hoti, pānīyaṁ upaṭṭhāpetabbaṁ.
pli-tv-kd18:12.11.104	Sace paribhojanīyaṁ na hoti, paribhojanīyaṁ upaṭṭhāpetabbaṁ.
pli-tv-kd18:12.11.105	Sace ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd18:12.11.106.0	
pli-tv-kd18:12.11.106.1	Sace ācariyassa anabhirati uppannā hoti, antevāsikena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd18:12.11.107	Sace ācariyassa kukkuccaṁ uppannaṁ hoti, antevāsikena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd18:12.11.108	Sace ācariyassa diṭṭhigataṁ uppannaṁ hoti, antevāsikena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd18:12.11.109	Sace ācariyo garudhammaṁ ajjhāpanno hoti, parivāsāraho, antevāsikena ussukkaṁ kātabbaṁ—
pli-tv-kd18:12.11.110	kinti nu kho saṅgho ācariyassa parivāsaṁ dadeyyāti.
pli-tv-kd18:12.11.111	Sace ācariyo mūlāyapaṭikassanāraho hoti, antevāsikena ussukkaṁ kātabbaṁ—
pli-tv-kd18:12.11.112	kinti nu kho saṅgho ācariyaṁ mūlāya paṭikasseyyāti.
pli-tv-kd18:12.11.113	Sace ācariyo mānattāraho hoti, antevāsikena ussukkaṁ kātabbaṁ—
pli-tv-kd18:12.11.114	kinti nu kho saṅgho ācariyassa mānattaṁ dadeyyāti.
pli-tv-kd18:12.11.115	Sace ācariyo abbhānāraho hoti, antevāsikena ussukkaṁ kātabbaṁ—
pli-tv-kd18:12.11.116	kinti nu kho saṅgho ācariyaṁ abbheyyāti.
pli-tv-kd18:12.11.117	Sace saṅgho ācariyassa kammaṁ kattukāmo hoti, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, antevāsikena ussukkaṁ kātabbaṁ—
pli-tv-kd18:12.11.118	kinti nu kho saṅgho ācariyassa kammaṁ na kareyya, lahukāya vā pariṇāmeyyāti.
pli-tv-kd18:12.11.119	Kataṁ vā panassa hoti saṅghena kammaṁ, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, antevāsikena ussukkaṁ kātabbaṁ—
pli-tv-kd18:12.11.120	kinti nu kho ācariyo sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd18:12.11.121	Sace ācariyassa cīvaraṁ dhovitabbaṁ hoti, antevāsikena dhovitabbaṁ, ussukkaṁ vā kātabbaṁ—
pli-tv-kd18:12.11.122	kinti nu kho ācariyassa cīvaraṁ dhoviyethāti.
pli-tv-kd18:12.11.123	Sace ācariyassa cīvaraṁ kātabbaṁ hoti, antevāsikena kātabbaṁ, ussukkaṁ vā kātabbaṁ—
pli-tv-kd18:12.11.124	kinti nu kho ācariyassa cīvaraṁ kariyethāti.
pli-tv-kd18:12.11.125	Sace ācariyassa rajanaṁ pacitabbaṁ hoti, antevāsikena pacitabbaṁ, ussukkaṁ vā kātabbaṁ—
pli-tv-kd18:12.11.126	kinti nu kho ācariyassa rajanaṁ paciyethāti.
pli-tv-kd18:12.11.127	Sace ācariyassa cīvaraṁ rajitabbaṁ hoti, antevāsikena rajitabbaṁ, ussukkaṁ vā kātabbaṁ—
pli-tv-kd18:12.11.128	kinti nu kho ācariyassa cīvaraṁ rajiyethāti.
pli-tv-kd18:12.11.129	Cīvaraṁ rajantena sādhukaṁ samparivattakaṁ samparivattakaṁ rajitabbaṁ, na ca acchinne theve pakkamitabbaṁ.
pli-tv-kd18:12.11.130	Na ācariyaṁ anāpucchā ekaccassa patto dātabbo, na ekaccassa patto paṭiggahetabbo;
pli-tv-kd18:12.11.131	na ekaccassa cīvaraṁ dātabbaṁ, na ekaccassa cīvaraṁ paṭiggahetabbaṁ;
pli-tv-kd18:12.11.132	na ekaccassa parikkhāro dātabbo, na ekaccassa parikkhāro paṭiggahetabbo;
pli-tv-kd18:12.11.133	na ekaccassa kesā cheditabbā, na ekaccena kesā chedāpetabbā;
pli-tv-kd18:12.11.134	na ekaccassa parikammaṁ kātabbaṁ, na ekaccena parikammaṁ kārāpetabbaṁ;
pli-tv-kd18:12.11.135	na ekaccassa veyyāvacco kātabbo, na ekaccena veyyāvacco kārāpetabbo;
pli-tv-kd18:12.11.136	na ekaccassa pacchāsamaṇena hotabbaṁ, na ekacco pacchāsamaṇo ādātabbo;
pli-tv-kd18:12.11.137	na ekaccassa piṇḍapāto nīharitabbo, na ekaccena piṇḍapāto nīharāpetabbo;
pli-tv-kd18:12.11.138	na ācariyaṁ anāpucchā gāmo pavisitabbo;
pli-tv-kd18:12.11.139	na susānaṁ gantabbaṁ;
pli-tv-kd18:12.11.140	na disā pakkamitabbā.
pli-tv-kd18:12.11.141	Sace ācariyo gilāno hoti, yāvajīvaṁ upaṭṭhātabbo, vuṭṭhānamassa āgametabbaṁ.
pli-tv-kd18:12.11.142	Idaṁ kho, bhikkhave, antevāsikānaṁ ācariyesu vattaṁ yathā antevāsikehi ācariyesu sammā vattitabban”ti.
pli-tv-kd18:12.11.143.0	14. Antevāsikavattakathā
pli-tv-kd18:12.11.143.1	Tena kho pana samayena ācariyā antevāsikesu na sammā vattanti.
pli-tv-kd18:12.11.144	Ye te bhikkhū appicchā …pe… te ujjhāyanti khiyyanti vipācenti—
pli-tv-kd18:12.11.145	“kathañhi nāma ācariyā antevāsikesu na sammā vattissantī”ti.
pli-tv-kd18:12.11.146	Atha kho te bhikkhū bhagavato etamatthaṁ ārocesuṁ.
pli-tv-kd18:12.11.147	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-kd18:12.11.148	“saccaṁ kira, bhikkhave, ācariyā antevāsikesu na sammā vattantī”ti?
pli-tv-kd18:12.11.149	“Saccaṁ, bhagavā”ti …pe…
pli-tv-kd18:12.11.150	vigarahitvā …pe…
pli-tv-kd18:12.11.151	dhammiṁ kathaṁ katvā bhikkhū āmantesi—
pli-tv-kd18:12.11.152	“Tena hi, bhikkhave, ācariyānaṁ antevāsikesu vattaṁ paññapessāmi yathā ācariyehi antevāsikesu sammā vattitabbaṁ.
pli-tv-kd18:12.11.153	Ācariyena, bhikkhave, antevāsikamhi sammā vattitabbaṁ.
pli-tv-kd18:12.11.154	Tatrāyaṁ sammāvattanā—
pli-tv-kd18:12.11.155	Ācariyena, bhikkhave, antevāsiko saṅgahetabbo anuggahetabbo uddesena paripucchāya ovādena anusāsaniyā.
pli-tv-kd18:12.11.156	Sace ācariyassa patto hoti, antevāsikassa patto na hoti, ācariyena antevāsikassa patto dātabbo, ussukkaṁ vā kātabbaṁ—
pli-tv-kd18:12.11.157	kinti nu kho antevāsikassa patto uppajjiyethāti.
pli-tv-kd18:12.11.158	Sace ācariyassa cīvaraṁ hoti, antevāsikassa cīvaraṁ na hoti, ācariyena antevāsikassa cīvaraṁ dātabbaṁ, ussukkaṁ vā kātabbaṁ—
pli-tv-kd18:12.11.159	kinti nu kho antevāsikassa cīvaraṁ uppajjiyethāti.
pli-tv-kd18:12.11.160	Sace ācariyassa parikkhāro hoti, antevāsikassa parikkhāro na hoti, ācariyena antevāsikassa parikkhāro dātabbo, ussukkaṁ vā kātabbaṁ—
pli-tv-kd18:12.11.161	kinti nu kho antevāsikassa parikkhāro uppajjiyethāti.
pli-tv-kd18:12.11.162.0	
pli-tv-kd18:12.11.162.1	Sace antevāsiko gilāno hoti, kālasseva uṭṭhāya dantakaṭṭhaṁ dātabbaṁ, mukhodakaṁ dātabbaṁ, āsanaṁ paññapetabbaṁ.
pli-tv-kd18:12.11.163	Sace yāgu hoti, bhājanaṁ dhovitvā yāgu upanāmetabbā.
pli-tv-kd18:12.11.164	Yāguṁ pītassa udakaṁ datvā bhājanaṁ paṭiggahetvā nīcaṁ katvā sādhukaṁ appaṭighaṁsantena dhovitvā paṭisāmetabbaṁ.
pli-tv-kd18:12.11.165	Antevāsikamhi vuṭṭhite āsanaṁ uddharitabbaṁ.
pli-tv-kd18:12.11.166	Sace so deso uklāpo hoti, so deso sammajjitabbo.
pli-tv-kd18:12.11.167	Sace antevāsiko gāmaṁ pavisitukāmo hoti, nivāsanaṁ dātabbaṁ, paṭinivāsanaṁ paṭiggahetabbaṁ, kāyabandhanaṁ dātabbaṁ, saguṇaṁ katvā saṅghāṭiyo dātabbā, dhovitvā patto sodako dātabbo.
pli-tv-kd18:12.11.168	Ettāvatā nivattissatīti āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, paccuggantvā pattacīvaraṁ paṭiggahetabbaṁ, paṭinivāsanaṁ dātabbaṁ, nivāsanaṁ paṭiggahetabbaṁ.
pli-tv-kd18:12.11.169	Sace cīvaraṁ sinnaṁ hoti, muhuttaṁ uṇhe otāpetabbaṁ, na ca uṇhe cīvaraṁ nidahitabbaṁ.
pli-tv-kd18:12.11.170	Cīvaraṁ saṅgharitabbaṁ.
pli-tv-kd18:12.11.171	Cīvaraṁ saṅgharantena caturaṅgulaṁ kaṇṇaṁ ussāretvā cīvaraṁ saṅgharitabbaṁ—
pli-tv-kd18:12.11.172	mā majjhe bhaṅgo ahosīti.
pli-tv-kd18:12.11.173	Obhoge kāyabandhanaṁ kātabbaṁ.
pli-tv-kd18:12.11.174	Sace piṇḍapāto hoti, antevāsiko ca bhuñjitukāmo hoti, udakaṁ datvā piṇḍapāto upanāmetabbo.
pli-tv-kd18:12.11.175	Antevāsiko pānīyena pucchitabbo.
pli-tv-kd18:12.11.176	Bhuttāvissa udakaṁ datvā pattaṁ paṭiggahetvā nīcaṁ katvā sādhukaṁ appaṭighaṁsantena dhovitvā vodakaṁ katvā muhuttaṁ uṇhe otāpetabbo, na ca uṇhe patto nidahitabbo.
pli-tv-kd18:12.11.177	Pattacīvaraṁ nikkhipitabbaṁ.
pli-tv-kd18:12.11.178	Pattaṁ nikkhipantena …pe…
pli-tv-kd18:12.11.179	cīvaraṁ nikkhipantena …pe…
pli-tv-kd18:12.11.180	pārato antaṁ orato bhogaṁ katvā cīvaraṁ nikkhipitabbaṁ.
pli-tv-kd18:12.11.181	Antevāsikamhi uṭṭhite āsanaṁ uddharitabbaṁ, pādodakaṁ pādapīṭhaṁ pādakathalikaṁ paṭisāmetabbaṁ.
pli-tv-kd18:12.11.182	Sace so deso uklāpo hoti, so deso sammajjitabbo.
pli-tv-kd18:12.11.183.0	
pli-tv-kd18:12.11.183.1	Sace antevāsiko nahāyitukāmo hoti, nahānaṁ paṭiyādetabbaṁ.
pli-tv-kd18:12.11.184	Sace sītena attho hoti, sītaṁ paṭiyādetabbaṁ.
pli-tv-kd18:12.11.185	Sace uṇhena attho hoti, uṇhaṁ paṭiyādetabbaṁ.
pli-tv-kd18:12.11.186	Sace antevāsiko jantāgharaṁ pavisitukāmo hoti, cuṇṇaṁ sannetabbaṁ, mattikā temetabbā, jantāgharapīṭhaṁ ādāya gantvā jantāgharapīṭhaṁ datvā cīvaraṁ paṭiggahetvā ekamantaṁ nikkhipitabbaṁ, cuṇṇaṁ dātabbaṁ, mattikā dātabbā.
pli-tv-kd18:12.11.187	Sace ussahati jantāgharaṁ pavisitabbaṁ.
pli-tv-kd18:12.11.188	Jantāgharaṁ pavisantena mattikāya mukhaṁ makkhetvā purato ca pacchato ca paṭicchādetvā jantāgharaṁ pavisitabbaṁ.
pli-tv-kd18:12.11.189	Na there bhikkhū anupakhajja nisīditabbaṁ.
pli-tv-kd18:12.11.190	Na navā bhikkhū āsanena paṭibāhitabbā.
pli-tv-kd18:12.11.191	Jantāghare antevāsikassa parikammaṁ kātabbaṁ.
pli-tv-kd18:12.11.192	Jantāgharā nikkhamantena jantāgharapīṭhaṁ ādāya purato ca pacchato ca paṭicchādetvā jantāgharā nikkhamitabbaṁ.
pli-tv-kd18:12.11.193	Udakepi antevāsikassa parikammaṁ kātabbaṁ.
pli-tv-kd18:12.11.194	Nahātena paṭhamataraṁ uttaritvā attano gattaṁ vodakaṁ katvā nivāsetvā antevāsikassa gattato udakaṁ pamajjitabbaṁ, nivāsanaṁ dātabbaṁ, saṅghāṭi dātabbā, jantāgharapīṭhaṁ ādāya paṭhamataraṁ āgantvā āsanaṁ paññapetabbaṁ, pādodakaṁ pādapīṭhaṁ pādakathalikaṁ upanikkhipitabbaṁ, antevāsiko pānīyena pucchitabbo.
pli-tv-kd18:12.11.195.0	
pli-tv-kd18:12.11.195.1	Yasmiṁ vihāre antevāsiko viharati, sace so vihāro uklāpo hoti, sace ussahati, sodhetabbo.
pli-tv-kd18:12.11.196	Vihāraṁ sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ
pli-tv-kd18:12.11.197	…pe…
pli-tv-kd18:12.11.198	
pli-tv-kd18:12.11.199	
pli-tv-kd18:12.11.200	ācamanakumbhiyā udakaṁ na hoti, ācamanakumbhiyā udakaṁ āsiñcitabbaṁ.
pli-tv-kd18:12.11.201.0	
pli-tv-kd18:12.11.201.1	Sace antevāsikassa anabhirati uppannā hoti, ācariyena vūpakāsetabbo, vūpakāsāpetabbo, dhammakathā vāssa kātabbā.
pli-tv-kd18:12.11.202	Sace antevāsikassa kukkuccaṁ uppannaṁ hoti, ācariyena vinodetabbaṁ, vinodāpetabbaṁ, dhammakathā vāssa kātabbā.
pli-tv-kd18:12.11.203	Sace antevāsikassa diṭṭhigataṁ uppannaṁ hoti, ācariyena vivecetabbaṁ, vivecāpetabbaṁ, dhammakathā vāssa kātabbā.
pli-tv-kd18:12.11.204	Sace antevāsiko garudhammaṁ ajjhāpanno hoti, parivāsāraho, ācariyena ussukkaṁ kātabbaṁ—
pli-tv-kd18:12.11.205	kinti nu kho saṅgho antevāsikassa parivāsaṁ dadeyyāti.
pli-tv-kd18:12.11.206	Sace antevāsiko mūlāyapaṭikassanāraho hoti, ācariyena ussukkaṁ kātabbaṁ—
pli-tv-kd18:12.11.207	kinti nu kho saṅgho antevāsikaṁ mūlāya paṭikasseyyāti.
pli-tv-kd18:12.11.208	Sace antevāsiko mānattāraho hoti, ācariyena ussukkaṁ kātabbaṁ—
pli-tv-kd18:12.11.209	kinti nu kho saṅgho antevāsikassa mānattaṁ dadeyyāti.
pli-tv-kd18:12.11.210	Sace antevāsiko abbhānāraho hoti, ācariyena ussukkaṁ kātabbaṁ—
pli-tv-kd18:12.11.211	kinti nu kho saṅgho antevāsikaṁ abbheyyāti.
pli-tv-kd18:12.11.212	Sace saṅgho antevāsikassa kammaṁ kattukāmo hoti, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, ācariyena ussukkaṁ kātabbaṁ—
pli-tv-kd18:12.11.213	kinti nu kho saṅgho antevāsikassa kammaṁ na kareyya, lahukāya vā pariṇāmeyyāti.
pli-tv-kd18:12.11.214	Kataṁ vā panassa hoti, saṅghena kammaṁ, tajjanīyaṁ vā niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā, ācariyena ussukkaṁ kātabbaṁ—
pli-tv-kd18:12.11.215	kinti nu kho antevāsiko sammā vatteyya, lomaṁ pāteyya, netthāraṁ vatteyya, saṅgho taṁ kammaṁ paṭippassambheyyāti.
pli-tv-kd18:12.11.216	Sace antevāsikassa cīvaraṁ dhovitabbaṁ hoti, ācariyena ācikkhitabbaṁ—evaṁ dhoveyyāsīti,
pli-tv-kd18:12.11.217	ussukkaṁ vā kātabbaṁ—kinti nu kho antevāsikassa cīvaraṁ dhoviyethāti.
pli-tv-kd18:12.11.218	Sace antevāsikassa cīvaraṁ kātabbaṁ hoti, ācariyena ācikkhitabbaṁ—evaṁ kareyyāsīti,
pli-tv-kd18:12.11.219	ussukkaṁ vā kātabbaṁ—kinti nu kho antevāsikassa cīvaraṁ kariyethāti.
pli-tv-kd18:12.11.220	Sace antevāsikassa rajanaṁ pacitabbaṁ hoti, ācariyena ācikkhitabbaṁ—evaṁ paceyyāsīti,
pli-tv-kd18:12.11.221	ussukkaṁ vā kātabbaṁ—kinti nu kho antevāsikassa rajanaṁ paciyethāti.
pli-tv-kd18:12.11.222	Sace antevāsikassa cīvaraṁ rajitabbaṁ hoti, ācariyena ācikkhitabbaṁ—evaṁ rajeyyāsīti,
pli-tv-kd18:12.11.223	ussukkaṁ vā kātabbaṁ—kinti nu kho antevāsikassa cīvaraṁ rajiyethāti.
pli-tv-kd18:12.11.224	Cīvaraṁ rajantena sādhukaṁ samparivattakaṁ samparivattakaṁ rajitabbaṁ.
pli-tv-kd18:12.11.225	Na ca acchinne theve pakkamitabbaṁ.
pli-tv-kd18:12.11.226	Sace antevāsiko gilāno hoti, yāvajīvaṁ upaṭṭhātabbo, vuṭṭhānamassa āgametabbaṁ.
pli-tv-kd18:12.11.227	Idaṁ kho, bhikkhave, ācariyānaṁ antevāsikesu vattaṁ yathā ācariyehi antevāsikesu sammā vattitabban”ti.
pli-tv-kd18:12.11.228	Vattakkhandhako aṭṭhamo. Imamhi khandhake vatthū ekūnavīsati, vattā cuddasa.
pli-tv-kd18:12.11.229	Tassuddānaṁ
pli-tv-kd18:12.11.230	Saupāhanā chattā ca,
pli-tv-kd18:12.11.231	oguṇṭhi sīsaṁ pānīyaṁ;
pli-tv-kd18:12.11.232	Nābhivāde na pucchanti,
pli-tv-kd18:12.11.233	ahi ujjhanti pesalā.
pli-tv-kd18:12.11.234	Omuñci chattaṁ khandhe ca,
pli-tv-kd18:12.11.235	atarañca paṭikkamaṁ;
pli-tv-kd18:12.11.236	Pattacīvaraṁ nikkhipā,
pli-tv-kd18:12.11.237	patirūpañca pucchitā.
pli-tv-kd18:12.11.238	Āsiñceyya dhovitena,
pli-tv-kd18:12.11.239	sukkhenallenupāhanā;
pli-tv-kd18:12.11.240	Vuḍḍho navako puccheyya,
pli-tv-kd18:12.11.241	ajjhāvuṭṭhañca gocarā.
pli-tv-kd18:12.11.242	Sekkhā vaccā pānī pari,
pli-tv-kd18:12.11.243	kattaraṁ katikaṁ tato;
pli-tv-kd18:12.11.244	Kālaṁ muhuttaṁ uklāpo,
pli-tv-kd18:12.11.245	bhūmattharaṇaṁ nīhare.
pli-tv-kd18:12.11.246	Paṭipādo bhisibibbo,
pli-tv-kd18:12.11.247	mañcapīṭhañca mallakaṁ;
pli-tv-kd18:12.11.248	Apassenullokakaṇṇā,
pli-tv-kd18:12.11.249	gerukā kāḷa akatā.
pli-tv-kd18:12.11.250	Saṅkārañca bhūmattharaṇaṁ,
pli-tv-kd18:12.11.251	paṭipādakaṁ mañcapīṭhaṁ;
pli-tv-kd18:12.11.252	Bhisi nisīdanampi,
pli-tv-kd18:12.11.253	mallakaṁ apassena ca.
pli-tv-kd18:12.11.254	Pattacīvaraṁ bhūmi ca,
pli-tv-kd18:12.11.255	pārantaṁ orato bhogaṁ;
pli-tv-kd18:12.11.256	Puratthimā pacchimā ca,
pli-tv-kd18:12.11.257	uttarā atha dakkhiṇā.
pli-tv-kd18:12.11.258	Sītuṇhe ca divārattiṁ,
pli-tv-kd18:12.11.259	pariveṇañca koṭṭhako;
pli-tv-kd18:12.11.260	Upaṭṭhānaggi sālā ca,
pli-tv-kd18:12.11.261	vattaṁ vaccakuṭīsu ca.
pli-tv-kd18:12.11.262	Pānī paribhojaniyā,
pli-tv-kd18:12.11.263	kumbhi ācamanesu ca;
pli-tv-kd18:12.11.264	Anopamena paññattaṁ,
pli-tv-kd18:12.11.265	vattaṁ āgantukehime.
pli-tv-kd18:12.11.266	Nevāsanaṁ na udakaṁ,
pli-tv-kd18:12.11.267	na paccu na ca pāniyaṁ;
pli-tv-kd18:12.11.268	Nābhivāde na paññape,
pli-tv-kd18:12.11.269	ujjhāyanti ca pesalā.
pli-tv-kd18:12.11.270	Vuḍḍhāsanañca udakaṁ,
pli-tv-kd18:12.11.271	paccuggantvā ca pāniyaṁ;
pli-tv-kd18:12.11.272	Upāhane ekamantaṁ,
pli-tv-kd18:12.11.273	abhivāde ca paññape.
pli-tv-kd18:12.11.274	Vutthaṁ gocarasekkho ca,
pli-tv-kd18:12.11.275	ṭhānaṁ pāniyabhojanaṁ;
pli-tv-kd18:12.11.276	Kattaraṁ katikaṁ kālaṁ,
pli-tv-kd18:12.11.277	navakassa nisinnake.
pli-tv-kd18:12.11.278	Abhivādaye ācikkhe,
pli-tv-kd18:12.11.279	yathā heṭṭhā tathā naye;
pli-tv-kd18:12.11.280	Niddiṭṭhaṁ satthavāhena,
pli-tv-kd18:12.11.281	vattaṁ āvāsikehime.
pli-tv-kd18:12.11.282	Gamikā dārumatti ca,
pli-tv-kd18:12.11.283	vivaritvā na pucchiya;
pli-tv-kd18:12.11.284	Nassanti ca aguttañca,
pli-tv-kd18:12.11.285	ujjhāyanti ca pesalā.
pli-tv-kd18:12.11.286	Paṭisāmetvā thaketvā,
pli-tv-kd18:12.11.287	āpucchitvāva pakkame;
pli-tv-kd18:12.11.288	Bhikkhu vā sāmaṇero vā,
pli-tv-kd18:12.11.289	ārāmiko upāsako.
pli-tv-kd18:12.11.290	Pāsāṇakesu ca puñjaṁ,
pli-tv-kd18:12.11.291	paṭisāme thakeyya ca;
pli-tv-kd18:12.11.292	Sace ussahati ussukkaṁ,
pli-tv-kd18:12.11.293	anovasse tatheva ca.
pli-tv-kd18:12.11.294	Sabbo ovassati gāmaṁ,
pli-tv-kd18:12.11.295	ajjhokāse tatheva ca;
pli-tv-kd18:12.11.296	Appevaṅgāni seseyyuṁ,
pli-tv-kd18:12.11.297	vattaṁ gamikabhikkhunā.
pli-tv-kd18:12.11.298	Nānumodanti therena,
pli-tv-kd18:12.11.299	ohāya catupañcahi;
pli-tv-kd18:12.11.300	Vaccito mucchito āsi,
pli-tv-kd18:12.11.301	vattānumodanesume.
pli-tv-kd18:12.11.302	Chabbaggiyā dunnivatthā,
pli-tv-kd18:12.11.303	athopi ca duppārutā;
pli-tv-kd18:12.11.304	Anākappā ca vokkamma,
pli-tv-kd18:12.11.305	there anupakhajjane.
pli-tv-kd18:12.11.306	Nave bhikkhū ca saṅghāṭi,
pli-tv-kd18:12.11.307	ujjhāyanti ca pesalā;
pli-tv-kd18:12.11.308	Timaṇḍalaṁ nivāsetvā,
pli-tv-kd18:12.11.309	kāyasaguṇagaṇṭhikā.
pli-tv-kd18:12.11.310	Na vokkamma paṭicchannaṁ,
pli-tv-kd18:12.11.311	susaṁvutokkhittacakkhu;
pli-tv-kd18:12.11.312	Ukkhittojjagghikāsaddo,
pli-tv-kd18:12.11.313	tayo ceva pacālanā.
pli-tv-kd18:12.11.314	Khambhoguṇṭhiukkuṭikā,
pli-tv-kd18:12.11.315	paṭicchannaṁ susaṁvuto;
pli-tv-kd18:12.11.316	Okkhittukkhittaujjagghi,
pli-tv-kd18:12.11.317	appasaddo tayo calā.
pli-tv-kd18:12.11.318	Khambhoguṇṭhipallatthi ca,
pli-tv-kd18:12.11.319	anupakhajja nāsane;
pli-tv-kd18:12.11.320	Ottharitvāna udake,
pli-tv-kd18:12.11.321	nīcaṁ katvāna siñciyā.
pli-tv-kd18:12.11.322	Paṭi sāmantā saṅghāṭi,
pli-tv-kd18:12.11.323	odane ca paṭiggahe;
pli-tv-kd18:12.11.324	Sūpaṁ uttaribhaṅgena,
pli-tv-kd18:12.11.325	sabbesaṁ samatitthi ca.
pli-tv-kd18:12.11.326	Sakkaccaṁ pattasaññī ca,
pli-tv-kd18:12.11.327	sapadānañca sūpakaṁ;
pli-tv-kd18:12.11.328	Na thūpato paṭicchāde,
pli-tv-kd18:12.11.329	viññattujjhānasaññinā.
pli-tv-kd18:12.11.330	Mahantamaṇḍaladvāraṁ,
pli-tv-kd18:12.11.331	sabbahattho na byāhare;
pli-tv-kd18:12.11.332	Ukkhepo chedanāgaṇḍa,
pli-tv-kd18:12.11.333	dhunaṁ sitthāvakārakaṁ.
pli-tv-kd18:12.11.334	Jivhānicchārakañceva,
pli-tv-kd18:12.11.335	capucapu surusuru;
pli-tv-kd18:12.11.336	Hatthapattoṭṭhanillehaṁ,
pli-tv-kd18:12.11.337	sāmisena paṭiggahe.
pli-tv-kd18:12.11.338	Yāva na sabbe udake,
pli-tv-kd18:12.11.339	nīcaṁ katvāna siñciyaṁ;
pli-tv-kd18:12.11.340	Paṭi sāmantā saṅghāṭi,
pli-tv-kd18:12.11.341	nīcaṁ katvā chamāya ca.
pli-tv-kd18:12.11.342	Sasitthakaṁ nivattante,
pli-tv-kd18:12.11.343	suppaṭicchannamukkuṭi;
pli-tv-kd18:12.11.344	Dhammarājena paññattaṁ,
pli-tv-kd18:12.11.345	idaṁ bhattaggavattanaṁ.
pli-tv-kd18:12.11.346	Dunnivatthā anākappā,
pli-tv-kd18:12.11.347	asallakkhetvā ca sahasā;
pli-tv-kd18:12.11.348	Dūre acca ciraṁ lahuṁ,
pli-tv-kd18:12.11.349	tatheva piṇḍacāriko.
pli-tv-kd18:12.11.350	Paṭicchannova gaccheyya,
pli-tv-kd18:12.11.351	susaṁvutokkhittacakkhu;
pli-tv-kd18:12.11.352	Ukkhittojjagghikāsaddo,
pli-tv-kd18:12.11.353	tayo ceva pacālanā.
pli-tv-kd18:12.11.354	Khambhoguṇṭhiukkuṭikā,
pli-tv-kd18:12.11.355	sallakkhetvā ca sahasā;
pli-tv-kd18:12.11.356	Dūre acca ciraṁ lahuṁ,
pli-tv-kd18:12.11.357	āsanakaṁ kaṭacchukā.
pli-tv-kd18:12.11.358	Bhājanaṁ vā ṭhapeti ca,
pli-tv-kd18:12.11.359	uccāretvā paṇāmetvā;
pli-tv-kd18:12.11.360	Paṭiggahe na ulloke,
pli-tv-kd18:12.11.361	sūpesupi tatheva taṁ.
pli-tv-kd18:12.11.362	Bhikkhu saṅghāṭiyā chāde,
pli-tv-kd18:12.11.363	paṭicchanneva gacchiyaṁ;
pli-tv-kd18:12.11.364	Saṁvutokkhittacakkhu ca,
pli-tv-kd18:12.11.365	ukkhittojjagghikāya ca;
pli-tv-kd18:12.11.366	Appasaddo tayo cālā,
pli-tv-kd18:12.11.367	khambhoguṇṭhikaukkuṭi.
pli-tv-kd18:12.11.368	Paṭhamāsanavakkāra,
pli-tv-kd18:12.11.369	pāniyaṁ paribhojanī;
pli-tv-kd18:12.11.370	Pacchākaṅkhati bhuñjeyya,
pli-tv-kd18:12.11.371	opilāpeyya uddhare.
pli-tv-kd18:12.11.372	Paṭisāmeyya sammajje,
pli-tv-kd18:12.11.373	rittaṁ tucchaṁ upaṭṭhape;
pli-tv-kd18:12.11.374	Hatthavikāre bhindeyya,
pli-tv-kd18:12.11.375	vattidaṁ piṇḍacārike.
pli-tv-kd18:12.11.376	Pānī pari aggiraṇi,
pli-tv-kd18:12.11.377	nakkhattadisacorā ca;
pli-tv-kd18:12.11.378	Sabbaṁ natthīti koṭṭetvā,
pli-tv-kd18:12.11.379	pattaṁse cīvaraṁ tato.
pli-tv-kd18:12.11.380	Idāni aṁse laggetvā,
pli-tv-kd18:12.11.381	timaṇḍalaṁ parimaṇḍalaṁ;
pli-tv-kd18:12.11.382	Yathā piṇḍacārivattaṁ,
pli-tv-kd18:12.11.383	naye āraññakesupi.
pli-tv-kd18:12.11.384	Pattaṁse cīvaraṁ sīse,
pli-tv-kd18:12.11.385	ārohitvā ca pāniyaṁ;
pli-tv-kd18:12.11.386	Paribhojaniyaṁ aggi,
pli-tv-kd18:12.11.387	araṇī cāpi kattaraṁ.
pli-tv-kd18:12.11.388	Nakkhattaṁ sappadesaṁ vā,
pli-tv-kd18:12.11.389	disāpi kusalo bhave;
pli-tv-kd18:12.11.390	Sattuttamena paññattaṁ,
pli-tv-kd18:12.11.391	vattaṁ āraññakesume.
pli-tv-kd18:12.11.392	Ajjhokāse okiriṁsu,
pli-tv-kd18:12.11.393	ujjhāyanti ca pesalā;
pli-tv-kd18:12.11.394	Sace vihāro uklāpo,
pli-tv-kd18:12.11.395	paṭhamaṁ pattacīvaraṁ.
pli-tv-kd18:12.11.396	Bhisibibbohanaṁ mañcaṁ,
pli-tv-kd18:12.11.397	pīṭhañca kheḷamallakaṁ;
pli-tv-kd18:12.11.398	Apassenullokakaṇṇā,
pli-tv-kd18:12.11.399	gerukā kāḷa akatā.
pli-tv-kd18:12.11.400	Saṅkāraṁ bhikkhusāmantā,
pli-tv-kd18:12.11.401	senāvihārapāniyaṁ;
pli-tv-kd18:12.11.402	Paribhojanasāmantā,
pli-tv-kd18:12.11.403	paṭivāte ca aṅgaṇe.
pli-tv-kd18:12.11.404	Adhovāte attharaṇaṁ,
pli-tv-kd18:12.11.405	paṭipādakamañco ca;
pli-tv-kd18:12.11.406	Pīṭhaṁ bhisi nisīdanaṁ,
pli-tv-kd18:12.11.407	mallakaṁ apassena ca.
pli-tv-kd18:12.11.408	Pattacīvaraṁ bhūmi ca,
pli-tv-kd18:12.11.409	pārantaṁ orato bhogaṁ;
pli-tv-kd18:12.11.410	Puratthimā ca pacchimā,
pli-tv-kd18:12.11.411	uttarā atha dakkhiṇā.
pli-tv-kd18:12.11.412	Sītuṇhe ca divā rattiṁ,
pli-tv-kd18:12.11.413	pariveṇañca koṭṭhako;
pli-tv-kd18:12.11.414	Upaṭṭhānaggisālā ca,
pli-tv-kd18:12.11.415	vaccakuṭī ca pāniyaṁ.
pli-tv-kd18:12.11.416	Ācamanakumbhi vuḍḍhe ca,
pli-tv-kd18:12.11.417	uddesapucchanā sajjhā;
pli-tv-kd18:12.11.418	Dhammo padīpaṁ vijjhāpe,
pli-tv-kd18:12.11.419	na vivare napi thake.
pli-tv-kd18:12.11.420	Yena vuḍḍho parivatti,
pli-tv-kd18:12.11.421	kaṇṇenapi na ghaṭṭaye;
pli-tv-kd18:12.11.422	Paññapesi mahāvīro,
pli-tv-kd18:12.11.423	vattaṁ senāsanesu taṁ.
pli-tv-kd18:12.11.424	Nivāriyamānā dvāraṁ,
pli-tv-kd18:12.11.425	mucchitujjhanti pesalā;
pli-tv-kd18:12.11.426	Chārikaṁ chaḍḍaye jantā,
pli-tv-kd18:12.11.427	paribhaṇḍaṁ tatheva ca.
pli-tv-kd18:12.11.428	Pariveṇaṁ koṭṭhako sālā,
pli-tv-kd18:12.11.429	cuṇṇamattikadoṇikā;
pli-tv-kd18:12.11.430	Mukhaṁ purato na there,
pli-tv-kd18:12.11.431	na nave ussahati sace.
pli-tv-kd18:12.11.432	Purato uparimaggo,
pli-tv-kd18:12.11.433	cikkhallaṁ matti pīṭhakaṁ;
pli-tv-kd18:12.11.434	Vijjhāpetvā thaketvā ca,
pli-tv-kd18:12.11.435	vattaṁ jantāgharesume.
pli-tv-kd18:12.11.436	Nācameti yathāvuḍḍhaṁ,
pli-tv-kd18:12.11.437	paṭipāṭi ca sahasā;
pli-tv-kd18:12.11.438	Ubbhaji nitthuno kaṭṭhaṁ,
pli-tv-kd18:12.11.439	vaccaṁ passāva kheḷakaṁ.
pli-tv-kd18:12.11.440	Pharusā kūpa sahasā,
pli-tv-kd18:12.11.441	ubbhaji capu sesena;
pli-tv-kd18:12.11.442	Bahi anto ca ukkāse,
pli-tv-kd18:12.11.443	rajju ataramānañca.
pli-tv-kd18:12.11.444	Sahasā ubbhaji ṭhite,
pli-tv-kd18:12.11.445	nitthune kaṭṭha vaccañca;
pli-tv-kd18:12.11.446	Passāva kheḷa pharusā,
pli-tv-kd18:12.11.447	kūpañca vaccapāduke.
pli-tv-kd18:12.11.448	Nātisahasā ubbhaji,
pli-tv-kd18:12.11.449	pādukāya capucapu;
pli-tv-kd18:12.11.450	Na sesaye paṭicchāde,
pli-tv-kd18:12.11.451	uhatapidharena ca.
pli-tv-kd18:12.11.452	Vaccakuṭī paribhaṇḍaṁ,
pli-tv-kd18:12.11.453	pariveṇañca koṭṭhako;
pli-tv-kd18:12.11.454	Ācamane ca udakaṁ,
pli-tv-kd18:12.11.455	vattaṁ vaccakuṭīsume.
pli-tv-kd18:12.11.456	Upāhanā dantakaṭṭhaṁ,
pli-tv-kd18:12.11.457	mukhodakañca āsanaṁ;
pli-tv-kd18:12.11.458	Yāgu udakaṁ dhovitvā,
pli-tv-kd18:12.11.459	uddhāruklāpa gāma ca.
pli-tv-kd18:12.11.460	Nivāsanā kāyabandhā,
pli-tv-kd18:12.11.461	saguṇaṁ pattasodakaṁ;
pli-tv-kd18:12.11.462	Pacchā timaṇḍalo ceva,
pli-tv-kd18:12.11.463	parimaṇḍala bandhanaṁ.
pli-tv-kd18:12.11.464	Saguṇaṁ dhovitvā pacchā,
pli-tv-kd18:12.11.465	nātidūre paṭiggahe;
pli-tv-kd18:12.11.466	Bhaṇamānassa āpatti,
pli-tv-kd18:12.11.467	paṭhamāgantvāna āsanaṁ.
pli-tv-kd18:12.11.468	Udakaṁ pīṭhakathali,
pli-tv-kd18:12.11.469	paccuggantvā nivāsanaṁ;
pli-tv-kd18:12.11.470	Otāpe nidahi bhaṅgo,
pli-tv-kd18:12.11.471	obhoge bhuñjitu name.
pli-tv-kd18:12.11.472	Pānīyaṁ udakaṁ nīcaṁ,
pli-tv-kd18:12.11.473	muhuttaṁ na ca nidahe;
pli-tv-kd18:12.11.474	Pattacīvaraṁ bhūmi ca,
pli-tv-kd18:12.11.475	pārantaṁ orato bhogaṁ.
pli-tv-kd18:12.11.476	Uddhare paṭisāme ca,
pli-tv-kd18:12.11.477	uklāpo ca nahāyituṁ;
pli-tv-kd18:12.11.478	Sītaṁ uṇhaṁ jantāgharaṁ,
pli-tv-kd18:12.11.479	cuṇṇaṁ mattika piṭṭhito.
pli-tv-kd18:12.11.480	Pīṭhañca cīvaraṁ cuṇṇaṁ,
pli-tv-kd18:12.11.481	mattikussahati mukhaṁ;
pli-tv-kd18:12.11.482	Purato there nave ca,
pli-tv-kd18:12.11.483	parikammañca nikkhame.
pli-tv-kd18:12.11.484	Purato udake nhāte,
pli-tv-kd18:12.11.485	nivāsetvā upajjhāyaṁ;
pli-tv-kd18:12.11.486	Nivāsanañca saṅghāṭi,
pli-tv-kd18:12.11.487	pīṭhakaṁ āsanena ca.
pli-tv-kd18:12.11.488	Pādo pīṭhaṁ kathaliñca,
pli-tv-kd18:12.11.489	pānīyuddesapucchanā;
pli-tv-kd18:12.11.490	Uklāpaṁ susodheyya,
pli-tv-kd18:12.11.491	paṭhamaṁ pattacīvaraṁ.
pli-tv-kd18:12.11.492	Nisīdanapaccattharaṇaṁ,
pli-tv-kd18:12.11.493	bhisi bibbohanāni ca;
pli-tv-kd18:12.11.494	Mañco pīṭhaṁ paṭipādaṁ,
pli-tv-kd18:12.11.495	mallakaṁ apassena ca.
pli-tv-kd18:12.11.496	Bhūma santāna āloka,
pli-tv-kd18:12.11.497	gerukā kāḷa akatā;
pli-tv-kd18:12.11.498	Bhūmattharapaṭipādā,
pli-tv-kd18:12.11.499	mañco pīṭhaṁ bibbohanaṁ.
pli-tv-kd18:12.11.500	Nisīdattharaṇaṁ kheḷa,
pli-tv-kd18:12.11.501	apasse pattacīvaraṁ;
pli-tv-kd18:12.11.502	Puratthimā pacchimā ca,
pli-tv-kd18:12.11.503	uttarā atha dakkhiṇā.
pli-tv-kd18:12.11.504	Sītuṇhañca divā rattiṁ,
pli-tv-kd18:12.11.505	pariveṇañca koṭṭhako;
pli-tv-kd18:12.11.506	Upaṭṭhānaggisālā ca,
pli-tv-kd18:12.11.507	vaccapāniyabhojanī.
pli-tv-kd18:12.11.508	Ācamaṁ anabhirati,
pli-tv-kd18:12.11.509	kukkuccaṁ diṭṭhi ca garu;
pli-tv-kd18:12.11.510	Mūlamānattaabbhānaṁ,
pli-tv-kd18:12.11.511	tajjanīyaṁ niyassakaṁ.
pli-tv-kd18:12.11.512	Pabbāja paṭisāraṇī,
pli-tv-kd18:12.11.513	ukkhepañca kataṁ yadi;
pli-tv-kd18:12.11.514	Dhove kātabbaṁ rajañca,
pli-tv-kd18:12.11.515	raje samparivattakaṁ.
pli-tv-kd18:12.11.516	Pattañca cīvarañcāpi,
pli-tv-kd18:12.11.517	parikkhārañca chedanaṁ;
pli-tv-kd18:12.11.518	Parikammaṁ veyyāvaccaṁ,
pli-tv-kd18:12.11.519	pacchā piṇḍaṁ pavisanaṁ.
pli-tv-kd18:12.11.520	Na susānaṁ disā ceva,
pli-tv-kd18:12.11.521	yāvajīvaṁ upaṭṭhahe;
pli-tv-kd18:12.11.522	Saddhivihārikenetaṁ,
pli-tv-kd18:12.11.523	vattupajjhāyakesume.
pli-tv-kd18:12.11.524	Ovādasāsanuddesā,
pli-tv-kd18:12.11.525	pucchā pattañca cīvaraṁ;
pli-tv-kd18:12.11.526	Parikkhāro gilāno ca,
pli-tv-kd18:12.11.527	na pacchāsamaṇo bhave.
pli-tv-kd18:12.11.528	Upajjhāyesu ye vattā,
pli-tv-kd18:12.11.529	evaṁ ācariyesupi;
pli-tv-kd18:12.11.530	Saddhivihārike vattā,
pli-tv-kd18:12.11.531	tatheva antevāsike.
pli-tv-kd18:12.11.532	Āgantukesu ye vattā,
pli-tv-kd18:12.11.533	puna āvāsikesu ca;
pli-tv-kd18:12.11.534	Gamikānumodanikā,
pli-tv-kd18:12.11.535	bhattagge piṇḍacārike.
pli-tv-kd18:12.11.536	Āraññakesu yaṁ vattaṁ,
pli-tv-kd18:12.11.537	yañca senāsanesupi;
pli-tv-kd18:12.11.538	Jantāghare vaccakuṭī,
pli-tv-kd18:12.11.539	upajjhā saddhivihārike.
pli-tv-kd18:12.11.540	Ācariyesu yaṁ vattaṁ,
pli-tv-kd18:12.11.541	tatheva antevāsike;
pli-tv-kd18:12.11.542	Ekūnavīsati vatthū,
pli-tv-kd18:12.11.543	vattā cuddasa khandhake.
pli-tv-kd18:12.11.544	Vattaṁ aparipūrento,
pli-tv-kd18:12.11.545	na sīlaṁ paripūrati;
pli-tv-kd18:12.11.546	Asuddhasīlo duppañño,
pli-tv-kd18:12.11.547	cittekaggaṁ na vindati.
pli-tv-kd18:12.11.548	Vikkhittacittonekaggo,
pli-tv-kd18:12.11.549	sammā dhammaṁ na passati;
pli-tv-kd18:12.11.550	Apassamāno saddhammaṁ,
pli-tv-kd18:12.11.551	dukkhā na parimuccati.
pli-tv-kd18:12.11.552	Yaṁ vattaṁ paripūrento,
pli-tv-kd18:12.11.553	sīlampi paripūrati;
pli-tv-kd18:12.11.554	Visuddhasīlo sappañño,
pli-tv-kd18:12.11.555	cittekaggampi vindati.
pli-tv-kd18:12.11.556	Avikkhittacitto ekaggo,
pli-tv-kd18:12.11.557	sammā dhammaṁ vipassati;
pli-tv-kd18:12.11.558	Sampassamāno saddhammaṁ,
pli-tv-kd18:12.11.559	dukkhā so parimuccati.
pli-tv-kd18:12.11.560	Tasmā hi vattaṁ pūreyya,
pli-tv-kd18:12.11.561	jinaputto vicakkhaṇo;
pli-tv-kd18:12.11.562	Ovādaṁ buddhaseṭṭhassa,
pli-tv-kd18:12.11.563	tato nibbānamehitīti.
pli-tv-kd18:12.11.564	Vattakkhandhako niṭṭhito.
pli-tv-kd19:0.1	Theravāda Vinayapiṭaka
pli-tv-kd19:0.2	Cūḷavagga
pli-tv-kd19:0.3	19. Pātimokkhaṭṭhapanakkhandhaka
pli-tv-kd19:0.4	1. Pātimokkhuddesayācana
pli-tv-kd19:1.1.1	Tena samayena buddho bhagavā sāvatthiyaṁ viharati pubbārāme migāramātu pāsāde.
pli-tv-kd19:1.1.2	Tena kho pana samayena bhagavā tadahuposathe bhikkhusaṅghaparivuto nisinno hoti.
pli-tv-kd19:1.1.3	Atha kho āyasmā ānando abhikkantāya rattiyā nikkhante paṭhame yāme uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca—
pli-tv-kd19:1.1.4	“abhikkantā, bhante, ratti, nikkhanto paṭhamo yāmo, ciranisinno bhikkhusaṅgho.
pli-tv-kd19:1.1.5	Uddisatu, bhante, bhagavā bhikkhūnaṁ pātimokkhan”ti.
pli-tv-kd19:1.1.6	Evaṁ vutte, bhagavā tuṇhī ahosi.
pli-tv-kd19:1.1.7	Dutiyampi kho āyasmā ānando abhikkantāya rattiyā nikkhante majjhime yāme uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca—
pli-tv-kd19:1.1.8	“abhikkantā, bhante, ratti, nikkhanto majjhimo yāmo, ciranisinno bhikkhusaṅgho.
pli-tv-kd19:1.1.9	Uddisatu, bhante, bhagavā bhikkhūnaṁ pātimokkhan”ti.
pli-tv-kd19:1.1.10	Dutiyampi kho bhagavā tuṇhī ahosi.
pli-tv-kd19:1.1.11	Tatiyampi kho āyasmā ānando abhikkantāya rattiyā nikkhante pacchime yāme uddhaste aruṇe nandimukhiyā rattiyā uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca—
pli-tv-kd19:1.1.12	“abhikkantā, bhante, ratti, nikkhanto pacchimo yāmo, uddhastaṁ aruṇaṁ nandimukhi ratti, ciranisinno bhikkhusaṅgho.
pli-tv-kd19:1.1.13	Uddisatu, bhante, bhagavā bhikkhūnaṁ pātimokkhan”ti.
pli-tv-kd19:1.1.14	“Aparisuddhā, ānanda, parisā”ti.
pli-tv-kd19:1.2.1	Atha kho āyasmato mahāmoggallānassa etadahosi—
pli-tv-kd19:1.2.2	“kaṁ nu kho bhagavā puggalaṁ sandhāya evamāha—
pli-tv-kd19:1.2.3	‘aparisuddhā, ānanda, parisā’”ti?
pli-tv-kd19:1.2.4	Atha kho āyasmā mahāmoggallāno sabbāvantaṁ bhikkhusaṅghaṁ cetasā ceto paricca manasākāsi.
pli-tv-kd19:1.2.5	Addasā kho āyasmā mahāmoggallāno taṁ puggalaṁ dussīlaṁ pāpadhammaṁ asucisaṅkassarasamācāraṁ paṭicchannakammantaṁ assamaṇaṁ samaṇapaṭiññaṁ abrahmacāriṁ brahmacāripaṭiññaṁ antopūtiṁ avassutaṁ kasambujātaṁ majjhe bhikkhusaṅghassa nisinnaṁ.
pli-tv-kd19:1.2.6	Disvāna yena so puggalo tenupasaṅkami, upasaṅkamitvā taṁ puggalaṁ etadavoca—
pli-tv-kd19:1.2.7	“uṭṭhehi, āvuso, diṭṭhosi bhagavatā;
pli-tv-kd19:1.2.8	natthi te bhikkhūhi saddhiṁ saṁvāso”ti.
pli-tv-kd19:1.2.9	Evaṁ vutte, so puggalo tuṇhī ahosi.
pli-tv-kd19:1.2.10	Dutiyampi kho āyasmā mahāmoggallāno taṁ puggalaṁ etadavoca—
pli-tv-kd19:1.2.11	“uṭṭhehi, āvuso, diṭṭhosi bhagavatā;
pli-tv-kd19:1.2.12	natthi te bhikkhūhi saddhiṁ saṁvāso”ti.
pli-tv-kd19:1.2.13	Dutiyampi kho so puggalo tuṇhī ahosi.
pli-tv-kd19:1.2.14	Tatiyampi kho āyasmā mahāmoggallāno taṁ puggalaṁ etadavoca—
pli-tv-kd19:1.2.15	“uṭṭhehi, āvuso, diṭṭhosi bhagavatā;
pli-tv-kd19:1.2.16	natthi te bhikkhūhi saddhiṁ saṁvāso”ti.
pli-tv-kd19:1.2.17	Tatiyampi kho so puggalo tuṇhī ahosi.
pli-tv-kd19:1.2.18	Atha kho āyasmā mahāmoggallāno taṁ puggalaṁ bāhāyaṁ gahetvā bahidvārakoṭṭhakā nikkhāmetvā sūcighaṭikaṁ datvā yena bhagavā tenupasaṅkami, upasaṅkamitvā bhagavantaṁ etadavoca—
pli-tv-kd19:1.2.19	“nikkhāmito so, bhante, puggalo mayā;
pli-tv-kd19:1.2.20	suddhā parisā;
pli-tv-kd19:1.2.21	uddisatu, bhante, bhagavā bhikkhūnaṁ pātimokkhan”ti.
pli-tv-kd19:1.2.22	“Acchariyaṁ, moggallāna, abbhutaṁ, moggallāna, yāva bāhāgahaṇāpi nāma so moghapuriso āgamessatī”ti.
pli-tv-kd19:1.2.23	Atha kho bhagavā bhikkhū āmantesi—
pli-tv-kd19:1.3.0	2. Mahāsamuddeaṭṭhacchariya
pli-tv-kd19:1.3.1	“Aṭṭhime, bhikkhave, mahāsamudde acchariyā abbhutā dhammā, ye disvā disvā asurā mahāsamudde abhiramanti.
pli-tv-kd19:1.3.2	Katame aṭṭha?
pli-tv-kd19:1.3.3	Mahāsamuddo, bhikkhave, anupubbaninno anupubbapoṇo anupubbapabbhāro na āyatakeneva papāto.
pli-tv-kd19:1.3.4	Yampi, bhikkhave, mahāsamuddo anupubbaninno anupubbapoṇo anupubbapabbhāro na āyatakeneva papāto—
pli-tv-kd19:1.3.5	ayaṁ, bhikkhave, mahāsamudde paṭhamo acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.6	Puna caparaṁ, bhikkhave, mahāsamuddo ṭhitadhammo velaṁ nātivattati.
pli-tv-kd19:1.3.7	Yampi, bhikkhave, mahāsamuddo ṭhitadhammo velaṁ nātivattati—
pli-tv-kd19:1.3.8	ayaṁ, bhikkhave, mahāsamudde dutiyo acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.9	Puna caparaṁ, bhikkhave, mahāsamuddo na matena kuṇapena saṁvasati. Yaṁ hoti mahāsamudde mataṁ kuṇapaṁ, taṁ khippaññeva tīraṁ vāheti, thalaṁ ussāreti.
pli-tv-kd19:1.3.10	Yampi, bhikkhave, mahāsamuddo na matena kuṇapena saṁvasati, yaṁ hoti mahāsamudde mataṁ kuṇapaṁ, taṁ khippaññeva tīraṁ vāheti, thalaṁ ussāreti—
pli-tv-kd19:1.3.11	ayaṁ, bhikkhave, mahāsamudde tatiyo acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.12	Puna caparaṁ, bhikkhave, yā kāci mahānadiyo, seyyathidaṁ—gaṅgā, yamunā, aciravatī, sarabhū, mahī, tā mahāsamuddaṁ pattā jahanti purimāni nāmagottāni, mahāsamuddotveva saṅkhaṁ gacchanti.
pli-tv-kd19:1.3.13	Yampi, bhikkhave, yā kāci mahānadiyo, seyyathidaṁ—gaṅgā, yamunā, aciravatī, sarabhū, mahī, tā mahāsamuddaṁ pattā jahanti purimāni nāmagottāni, mahāsamuddotveva saṅkhaṁ gacchanti—
pli-tv-kd19:1.3.14	ayaṁ, bhikkhave, mahāsamudde catuttho acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.15	Puna caparaṁ, bhikkhave, yā ca loke savantiyo mahāsamuddaṁ appenti, yā ca antalikkhā dhārā papatanti, na tena mahāsamuddassa ūnattaṁ vā pūrattaṁ vā paññāyati.
pli-tv-kd19:1.3.16	Yampi, bhikkhave, yā ca loke savantiyo mahāsamuddaṁ appenti, yā ca antalikkhā dhārā papatanti, na tena mahāsamuddassa ūnattaṁ vā pūrattaṁ vā paññāyati—
pli-tv-kd19:1.3.17	ayaṁ, bhikkhave, mahāsamudde pañcamo acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.18	Puna caparaṁ, bhikkhave, mahāsamuddo ekaraso loṇaraso.
pli-tv-kd19:1.3.19	Yampi, bhikkhave, mahāsamuddo ekaraso loṇaraso—
pli-tv-kd19:1.3.20	ayaṁ, bhikkhave, mahāsamudde chaṭṭho acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.21	Puna caparaṁ, bhikkhave, mahāsamuddo bahuratano anekaratano. Tatrimāni ratanāni, seyyathidaṁ—muttā, maṇi, veḷuriyo, saṅkho, silā, pavāḷaṁ, rajataṁ, jātarūpaṁ, lohitako, masāragallaṁ.
pli-tv-kd19:1.3.22	Yampi, bhikkhave, mahāsamuddo bahuratano anekaratano, tatrimāni ratanāni, seyyathidaṁ—muttā, maṇi, veḷuriyo, saṅkho, silā, pavāḷaṁ, rajataṁ, jātarūpaṁ, lohitako, masāragallaṁ—
pli-tv-kd19:1.3.23	ayaṁ, bhikkhave, mahāsamudde sattamo acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.24	Puna caparaṁ, bhikkhave, mahāsamuddo mahataṁ bhūtānaṁ āvāso. Tatrime bhūtā—timi, timiṅgalo, timitimiṅgalo, asurā, nāgā, gandhabbā. Santi mahāsamudde yojanasatikāpi attabhāvā, dviyojanasatikāpi attabhāvā, tiyojanasatikāpi attabhāvā, catuyojanasatikāpi attabhāvā, pañcayojanasatikāpi attabhāvā.
pli-tv-kd19:1.3.25	Yampi, bhikkhave, mahāsamuddo mahataṁ bhūtānaṁ āvāso, tatrime bhūtā—timi, timiṅgalo, timitimiṅgalo, asurā, nāgā, gandhabbā; santi mahāsamudde, yojanasatikāpi attabhāvā …pe… pañcayojanasatikāpi attabhāvā—
pli-tv-kd19:1.3.26	ayaṁ, bhikkhave, mahāsamudde aṭṭhamo acchariyo abbhuto dhammo, yaṁ disvā disvā asurā mahāsamudde abhiramanti.
pli-tv-kd19:1.3.27	Ime kho, bhikkhave, mahāsamudde aṭṭha acchariyā abbhutā dhammā, ye disvā disvā asurā mahāsamudde abhiraman”ti.
pli-tv-kd19:1.4.0	3. Imasmiṁdhammavinayeaṭṭhacchariya
pli-tv-kd19:1.4.1	Evameva kho, bhikkhave, imasmiṁ dhammavinaye aṭṭha acchariyā abbhutā dhammā, ye disvā disvā bhikkhū imasmiṁ dhammavinaye abhiramanti.
pli-tv-kd19:1.4.2	Katame aṭṭha?
pli-tv-kd19:1.4.3	Seyyathāpi, bhikkhave, mahāsamuddo anupubbaninno anupubbapoṇo anupubbapabbhāro na āyatakeneva papāto;
pli-tv-kd19:1.4.4	evameva kho, bhikkhave, imasmiṁ dhammavinaye anupubbasikkhā anupubbakiriyā anupubbapaṭipadā na āyatakeneva aññāpaṭivedho.
pli-tv-kd19:1.4.5	Yampi, bhikkhave, imasmiṁ dhammavinaye anupubbasikkhā anupubbakiriyā anupubbapaṭipadā na āyatakeneva aññāpaṭivedho—
pli-tv-kd19:1.4.6	ayaṁ, bhikkhave, imasmiṁ dhammavinaye paṭhamo acchariyo abbhuto dhammo, yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.7	Seyyathāpi, bhikkhave, mahāsamuddo ṭhitadhammo velaṁ nātivattati;
pli-tv-kd19:1.4.8	evameva kho, bhikkhave, yaṁ mayā mama sāvakānaṁ sikkhāpadaṁ paññattaṁ, taṁ mama sāvakā jīvitahetupi nātikkamanti.
pli-tv-kd19:1.4.9	Yampi, bhikkhave, mayā mama sāvakānaṁ sikkhāpadaṁ paññattaṁ, taṁ mama sāvakā jīvitahetupi nātikkamanti—
pli-tv-kd19:1.4.10	ayaṁ, bhikkhave, imasmiṁ dhammavinaye dutiyo acchariyo abbhuto dhammo, yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.11	Seyyathāpi, bhikkhave, mahāsamuddo na matena kuṇapena saṁvasati, yaṁ hoti mahāsamudde mataṁ kuṇapaṁ taṁ khippameva tīraṁ vāheti, thalaṁ ussāreti;
pli-tv-kd19:1.4.12	evameva kho, bhikkhave, yo so puggalo dussīlo pāpadhammo asucisaṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto, na tena saṅgho saṁvasati, khippameva naṁ sannipatitvā ukkhipati, kiñcāpi kho so hoti majjhe bhikkhusaṅghassa nisinno. Atha kho so ārakāva saṅghamhā, saṅgho ca tena.
pli-tv-kd19:1.4.13	Yampi, bhikkhave, yo so puggalo dussīlo pāpadhammo asucisaṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto, na tena saṅgho saṁvasati, khippameva naṁ sannipatitvā ukkhipati, kiñcāpi kho so hoti majjhe bhikkhusaṅghassa nisinno, atha kho so ārakāva saṅghamhā, saṅgho ca tena—
pli-tv-kd19:1.4.14	ayaṁ, bhikkhave, imasmiṁ dhammavinaye tatiyo acchariyo abbhuto dhammo, yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.15	Seyyathāpi, bhikkhave, yā kāci mahānadiyo, seyyathidaṁ—gaṅgā, yamunā, aciravatī, sarabhū, mahī, tā mahāsamuddaṁ pattā jahanti purimāni nāmagottāni, mahāsamuddotveva saṅkhaṁ gacchanti;
pli-tv-kd19:1.4.16	evameva kho, bhikkhave, cattārome vaṇṇā—khattiyā, brāhmaṇā, vessā, suddā. Te tathāgatappavedite dhammavinaye agārasmā anagāriyaṁ pabbajitvā jahanti purimāni nāmagottāni, samaṇā sakyaputtiyātveva saṅkhaṁ gacchanti.
pli-tv-kd19:1.4.17	Yampi, bhikkhave, cattārome vaṇṇā khattiyā brāhmaṇā vessā suddā, te tathāgatappavedite dhammavinaye agārasmā anagāriyaṁ pabbajitvā jahanti purimāni nāmagottāni, samaṇā sakyaputtiyātveva saṅkhaṁ gacchanti—
pli-tv-kd19:1.4.18	ayaṁ, bhikkhave, imasmiṁ dhammavinaye catuttho acchariyo abbhuto dhammo, yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.19	Seyyathāpi, bhikkhave, yā ca loke savantiyo mahāsamuddaṁ appenti, yā ca antalikkhā dhārā papatanti, na tena mahāsamuddassa ūnattaṁ vā pūrattaṁ vā paññāyati;
pli-tv-kd19:1.4.20	evameva kho, bhikkhave, bahū cepi bhikkhū anupādisesāya nibbānadhātuyā parinibbāyanti, na tena nibbānadhātuyā ūnattaṁ vā pūrattaṁ vā paññāyati.
pli-tv-kd19:1.4.21	Yampi, bhikkhave, bahū cepi bhikkhū anupādisesāya nibbānadhātuyā parinibbāyanti, na tena nibbānadhātuyā ūnattaṁ vā pūrattaṁ vā paññāyati—
pli-tv-kd19:1.4.22	ayaṁ, bhikkhave, imasmiṁ dhammavinaye pañcamo acchariyo abbhuto dhammo yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.23	Seyyathāpi, bhikkhave, mahāsamuddo ekaraso loṇaraso;
pli-tv-kd19:1.4.24	evameva kho, bhikkhave, ayaṁ dhammavinayo ekaraso vimuttiraso.
pli-tv-kd19:1.4.25	Yampi, bhikkhave, ayaṁ dhammavinayo ekaraso vimuttiraso—
pli-tv-kd19:1.4.26	ayaṁ, bhikkhave, imasmiṁ dhammavinaye chaṭṭho acchariyo abbhuto dhammo, yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.27	Seyyathāpi, bhikkhave, mahāsamuddo bahuratano anekaratano, tatrimāni ratanāni, seyyathidaṁ—muttā, maṇi, veḷuriyo, saṅkho, silā, pavāḷaṁ, rajataṁ, jātarūpaṁ, lohitako, masāragallaṁ;
pli-tv-kd19:1.4.28	evameva kho, bhikkhave, ayaṁ dhammavinayo bahuratano anekaratano. Tatrimāni ratanāni, seyyathidaṁ—cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo.
pli-tv-kd19:1.4.29	Yampi, bhikkhave, ayaṁ dhammavinayo bahuratano anekaratano, tatrimāni ratanāni, seyyathidaṁ—cattāro satipaṭṭhānā …pe… ariyo aṭṭhaṅgiko maggo—
pli-tv-kd19:1.4.30	ayaṁ, bhikkhave, imasmiṁ dhammavinaye sattamo acchariyo abbhuto dhammo, yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.31	Seyyathāpi, bhikkhave, mahāsamuddo mahataṁ bhūtānaṁ āvāso, tatrime bhūtā—timi, timiṅgalo, timitimiṅgalo, asurā, nāgā, gandhabbā, santi mahāsamudde yojanasatikāpi attabhāvā, dviyojanasatikāpi attabhāvā, tiyojanasatikāpi attabhāvā, catuyojanasatikāpi attabhāvā, pañcayojanasatikāpi attabhāvā;
pli-tv-kd19:1.4.32	evameva kho, bhikkhave, ayaṁ dhammavinayo mahataṁ bhūtānaṁ āvāso. Tatrime bhūtā—sotāpanno, sotāpattiphalasacchikiriyāya paṭipanno; sakadāgāmī, sakadāgāmiphalasacchikiriyāya paṭipanno; anāgāmī, anāgāmiphalasacchikiriyāya paṭipanno; arahā, arahattaphalasacchikiriyāya paṭipanno.
pli-tv-kd19:1.4.33	Yampi, bhikkhave, ayaṁ dhammavinayo mahataṁ bhūtānaṁ āvāso, tatrime bhūtā—sotāpanno, sotāpattiphalasacchikiriyāya paṭipanno …pe… arahā, arahattaphalasacchikiriyāya paṭipanno—
pli-tv-kd19:1.4.34	ayaṁ, bhikkhave, imasmiṁ dhammavinaye aṭṭhamo acchariyo abbhuto dhammo, yaṁ disvā disvā bhikkhū imasmiṁ dhammavinaye abhiramanti.
pli-tv-kd19:1.4.35	Ime kho, bhikkhave, imasmiṁ dhammavinaye aṭṭha acchariyā abbhutā dhammā, ye disvā disvā bhikkhū imasmiṁ dhammavinaye abhiramantī”ti.
pli-tv-kd19:1.4.36	Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi—
pli-tv-kd19:1.4.37	“Channamativassati,
pli-tv-kd19:1.4.38	vivaṭaṁ nātivassati;
pli-tv-kd19:1.4.39	Tasmā channaṁ vivaretha,
pli-tv-kd19:1.4.40	evaṁ taṁ nātivassatī”ti.
pli-tv-kd19:2.1.0	4. Pātimokkhasavanāraha
pli-tv-kd19:2.1.1	Atha kho bhagavā bhikkhū āmantesi—
pli-tv-kd19:2.1.2	“nadānāhaṁ, bhikkhave, ito paraṁ uposathaṁ karissāmi, pātimokkhaṁ uddisissāmi.
pli-tv-kd19:2.1.3	Tumhevadāni, bhikkhave, ito paraṁ uposathaṁ kareyyātha, pātimokkhaṁ uddiseyyātha.
pli-tv-kd19:2.1.4	Aṭṭhānametaṁ, bhikkhave, anavakāso yaṁ tathāgato aparisuddhāya parisāya uposathaṁ kareyya, pātimokkhaṁ uddiseyya.
pli-tv-kd19:2.1.5	Na ca, bhikkhave, sāpattikena pātimokkhaṁ sotabbaṁ.
pli-tv-kd19:2.1.6	Yo suṇeyya, āpatti dukkaṭassa.
pli-tv-kd19:2.1.7	Anujānāmi, bhikkhave, yo sāpattiko pātimokkhaṁ suṇāti, tassa pātimokkhaṁ ṭhapetuṁ.
pli-tv-kd19:2.1.8	Evañca pana, bhikkhave, ṭhapetabbaṁ.
pli-tv-kd19:2.1.9	Tadahuposathe cātuddase vā pannarase vā tasmiṁ puggale sammukhībhūte saṅghamajjhe udāharitabbaṁ—
pli-tv-kd19:2.1.10	‘Suṇātu me, bhante, saṅgho.
pli-tv-kd19:2.1.11	Itthannāmo puggalo sāpattiko, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabban’ti
pli-tv-kd19:2.1.12	ṭhapitaṁ hoti pātimokkhan”ti.
pli-tv-kd19:3.1.1	Tena kho pana samayena chabbaggiyā bhikkhū—
pli-tv-kd19:3.1.2	“nāmhe koci jānātī”ti sāpattikāva pātimokkhaṁ suṇanti.
pli-tv-kd19:3.1.3	Therā bhikkhū paracittaviduno bhikkhūnaṁ ārocenti—
pli-tv-kd19:3.1.4	“itthannāmo ca itthannāmo ca, āvuso, chabbaggiyā bhikkhū—
pli-tv-kd19:3.1.5	‘nāmhe koci jānātī’ti sāpattikāva pātimokkhaṁ suṇantī”ti.
pli-tv-kd19:3.1.6	Assosuṁ kho chabbaggiyā bhikkhū—
pli-tv-kd19:3.1.7	“therā kira bhikkhū paracittaviduno amhe bhikkhūnaṁ ārocenti—
pli-tv-kd19:3.1.8	‘itthannāmo ca itthannāmo ca, āvuso, chabbaggiyā bhikkhū—
pli-tv-kd19:3.1.9	“nāmhe koci jānātī”ti sāpattikāva pātimokkhaṁ suṇantī’”ti.
pli-tv-kd19:3.1.10	Te—
pli-tv-kd19:3.1.11	“puramhākaṁ pesalā bhikkhū pātimokkhaṁ ṭhapentī”ti—
pli-tv-kd19:3.1.12	paṭikacceva suddhānaṁ bhikkhūnaṁ anāpattikānaṁ avatthusmiṁ akāraṇe pātimokkhaṁ ṭhapenti.
pli-tv-kd19:3.1.13	Ye te bhikkhū appicchā …pe… te ujjhāyanti khiyyanti vipācenti—
pli-tv-kd19:3.1.14	“kathañhi nāma chabbaggiyā bhikkhū suddhānaṁ bhikkhūnaṁ anāpattikānaṁ avatthusmiṁ akāraṇe pātimokkhaṁ ṭhapessantī”ti.
pli-tv-kd19:3.1.15	Atha kho te bhikkhū bhagavato etamatthaṁ ārocesuṁ …pe…
pli-tv-kd19:3.1.16	“saccaṁ kira, bhikkhave, chabbaggiyā bhikkhū suddhānaṁ bhikkhūnaṁ anāpattikānaṁ avatthusmiṁ akāraṇe pātimokkhaṁ ṭhapentī”ti?
pli-tv-kd19:3.1.17	“Saccaṁ, bhagavā”ti …pe…
pli-tv-kd19:3.1.18	vigarahitvā …pe…
pli-tv-kd19:3.1.19	dhammiṁ kathaṁ katvā bhikkhū āmantesi—
pli-tv-kd19:3.1.20	“na, bhikkhave, suddhānaṁ bhikkhūnaṁ anāpattikānaṁ avatthusmiṁ akāraṇe pātimokkhaṁ ṭhapetabbaṁ.
pli-tv-kd19:3.1.21	Yo ṭhapeyya, āpatti dukkaṭassa.
pli-tv-kd19:3.2.0	5. Dhammikādhammikapātimokkhaṭṭhapana
pli-tv-kd19:3.2.1	Ekaṁ, bhikkhave, adhammikaṁ pātimokkhaṭṭhapanaṁ, ekaṁ dhammikaṁ pātimokkhaṭṭhapanaṁ;
pli-tv-kd19:3.2.2	dve adhammikāni pātimokkhaṭṭhapanāni, dve dhammikāni;
pli-tv-kd19:3.2.3	tīṇi adhammikāni pātimokkhaṭṭhapanāni, tīṇi dhammikāni;
pli-tv-kd19:3.2.4	cattāri adhammikāni pātimokkhaṭṭhapanāni, cattāri dhammikāni;
pli-tv-kd19:3.2.5	pañca adhammikāni pātimokkhaṭṭhapanāni, pañca dhammikāni;
pli-tv-kd19:3.2.6	cha adhammikāni pātimokkhaṭṭhapanāni, cha dhammikāni;
pli-tv-kd19:3.2.7	satta adhammikāni pātimokkhaṭṭhapanāni, satta dhammikāni;
pli-tv-kd19:3.2.8	aṭṭha adhammikāni pātimokkhaṭṭhapanāni, aṭṭha dhammikāni;
pli-tv-kd19:3.2.9	nava adhammikāni pātimokkhaṭṭhapanāni, nava dhammikāni;
pli-tv-kd19:3.2.10	dasa adhammikāni pātimokkhaṭṭhapanāni, dasa dhammikāni.
pli-tv-kd19:3.3.1	Katamaṁ ekaṁ adhammikaṁ pātimokkhaṭṭhapanaṁ?
pli-tv-kd19:3.3.2	Amūlikāya sīlavipattiyā pātimokkhaṁ ṭhapeti—
pli-tv-kd19:3.3.3	idaṁ ekaṁ adhammikaṁ pātimokkhaṭṭhapanaṁ.
pli-tv-kd19:3.3.4	Katamaṁ ekaṁ dhammikaṁ pātimokkhaṭṭhapanaṁ?
pli-tv-kd19:3.3.5	Samūlikāya sīlavipattiyā pātimokkhaṁ ṭhapeti—
pli-tv-kd19:3.3.6	idaṁ ekaṁ dhammikaṁ pātimokkhaṭṭhapanaṁ.
pli-tv-kd19:3.3.7	Katamāni dve adhammikāni pātimokkhaṭṭhapanāni?
pli-tv-kd19:3.3.8	Amūlikāya sīlavipattiyā pātimokkhaṁ ṭhapeti, amūlikāya ācāravipattiyā pātimokkhaṁ ṭhapeti—
pli-tv-kd19:3.3.9	imāni dve adhammikāni pātimokkhaṭṭhapanāni.
pli-tv-kd19:3.3.10	Katamāni dve dhammikāni pātimokkhaṭṭhapanāni?
pli-tv-kd19:3.3.11	Samūlikāya sīlavipattiyā pātimokkhaṁ ṭhapeti, samūlikāya ācāravipattiyā pātimokkhaṁ ṭhapeti—
pli-tv-kd19:3.3.12	imāni dve dhammikāni pātimokkhaṭṭhapanāni.
pli-tv-kd19:3.3.13	Katamāni tīṇi adhammikāni pātimokkhaṭṭhapanāni?
pli-tv-kd19:3.3.14	Amūlikāya sīlavipattiyā pātimokkhaṁ ṭhapeti, amūlikāya ācāravipattiyā pātimokkhaṁ ṭhapeti, amūlikāya diṭṭhivipattiyā pātimokkhaṁ ṭhapeti—
pli-tv-kd19:3.3.15	imāni tīṇi adhammikāni pātimokkhaṭṭhapanāni.
pli-tv-kd19:3.3.16	Katamāni tīṇi dhammikāni pātimokkhaṭṭhapanāni?
pli-tv-kd19:3.3.17	Samūlikāya sīlavipattiyā pātimokkhaṁ ṭhapeti, samūlikāya ācāravipattiyā pātimokkhaṁ ṭhapeti, samūlikāya diṭṭhivipattiyā pātimokkhaṁ ṭhapeti—
pli-tv-kd19:3.3.18	imāni tīṇi dhammikāni pātimokkhaṭṭhapanāni.
pli-tv-kd19:3.3.19	Katamāni cattāri adhammikāni pātimokkhaṭṭhapanāni?
pli-tv-kd19:3.3.20	Amūlikāya sīlavipattiyā pātimokkhaṁ ṭhapeti, amūlikāya ācāravipattiyā pātimokkhaṁ ṭhapeti, amūlikāya diṭṭhivipattiyā pātimokkhaṁ ṭhapeti, amūlikāya ājīvavipattiyā pātimokkhaṁ ṭhapeti—
pli-tv-kd19:3.3.21	imāni cattāri adhammikāni pātimokkhaṭṭhapanāni.
pli-tv-kd19:3.3.22	Katamāni cattāri dhammikāni pātimokkhaṭṭhapanāni?
pli-tv-kd19:3.3.23	Samūlikāya sīlavipattiyā pātimokkhaṁ ṭhapeti, samūlikāya ācāravipattiyā pātimokkhaṁ ṭhapeti, samūlikāya diṭṭhivipattiyā pātimokkhaṁ ṭhapeti, samūlikāya ājīvavipattiyā pātimokkhaṁ ṭhapeti—
pli-tv-kd19:3.3.24	imāni cattāri dhammikāni pātimokkhaṭṭhapanāni.
pli-tv-kd19:3.3.25	Katamāni pañca adhammikāni pātimokkhaṭṭhapanāni?
pli-tv-kd19:3.3.26	Amūlakena pārājikena pātimokkhaṁ ṭhapeti, amūlakena saṅghādisesena …pe…
pli-tv-kd19:3.3.27	amūlakena pācittiyena …
pli-tv-kd19:3.3.28	amūlakena pāṭidesanīyena …
pli-tv-kd19:3.3.29	amūlakena dukkaṭena pātimokkhaṁ ṭhapeti—
pli-tv-kd19:3.3.30	imāni pañca adhammikāni pātimokkhaṭṭhapanāni.
pli-tv-kd19:3.3.31	Katamāni pañca dhammikāni pātimokkhaṭṭhapanāni?
pli-tv-kd19:3.3.32	Samūlakena pārājikena pātimokkhaṁ ṭhapeti, samūlakena saṅghādisesena …pe…
pli-tv-kd19:3.3.33	pācittiyena …
pli-tv-kd19:3.3.34	pāṭidesanīyena …
pli-tv-kd19:3.3.35	dukkaṭena pātimokkhaṁ ṭhapeti—
pli-tv-kd19:3.3.36	imāni pañca dhammikāni pātimokkhaṭṭhapanāni.
pli-tv-kd19:3.3.37	Katamāni cha adhammikāni pātimokkhaṭṭhapanāni?
pli-tv-kd19:3.3.38	Amūlikāya sīlavipattiyā pātimokkhaṁ ṭhapeti akatāya, amūlikāya sīlavipattiyā pātimokkhaṁ ṭhapeti katāya;
pli-tv-kd19:3.3.39	amūlikāya ācāravipattiyā pātimokkhaṁ ṭhapeti akatāya, amūlikāya ācāravipattiyā pātimokkhaṁ ṭhapeti katāya;
pli-tv-kd19:3.3.40	amūlikāya diṭṭhivipattiyā pātimokkhaṁ ṭhapeti akatāya, amūlikāya diṭṭhivipattiyā pātimokkhaṁ ṭhapeti katāya—
pli-tv-kd19:3.3.41	imāni cha adhammikāni pātimokkhaṭṭhapanāni.
pli-tv-kd19:3.3.42	Katamāni cha dhammikāni pātimokkhaṭṭhapanāni?
pli-tv-kd19:3.3.43	Samūlikāya sīlavipattiyā pātimokkhaṁ ṭhapeti akatāya, samūlikāya sīlavipattiyā pātimokkhaṁ ṭhapeti katāya;
pli-tv-kd19:3.3.44	samūlikāya ācāravipattiyā …pe…
pli-tv-kd19:3.3.45	diṭṭhivipattiyā pātimokkhaṁ ṭhapeti akatāya …pe…
pli-tv-kd19:3.3.46	katāya—
pli-tv-kd19:3.3.47	imāni cha dhammikāni pātimokkhaṭṭhapanāni.
pli-tv-kd19:3.3.48	Katamāni satta adhammikāni pātimokkhaṭṭhapanāni?
pli-tv-kd19:3.3.49	Amūlakena pārājikena pātimokkhaṁ ṭhapeti, amūlakena saṅghādisesena …pe…
pli-tv-kd19:3.3.50	thullaccayena pācittiyena pāṭidesanīyena dukkaṭena dubbhāsitena pātimokkhaṁ ṭhapeti—
pli-tv-kd19:3.3.51	imāni satta adhammikāni pātimokkhaṭṭhapanāni.
pli-tv-kd19:3.3.52	Katamāni satta dhammikāni pātimokkhaṭṭhapanāni?
pli-tv-kd19:3.3.53	Samūlakena pārājikena pātimokkhaṁ ṭhapeti, samūlakena saṅghādisesena …pe…
pli-tv-kd19:3.3.54	thullaccayena pācittiyena pāṭidesanīyena dukkaṭena dubbhāsitena pātimokkhaṁ ṭhapeti—
pli-tv-kd19:3.3.55	imāni satta dhammikāni pātimokkhaṭṭhapanāni.
pli-tv-kd19:3.3.56	Katamāni aṭṭha adhammikāni pātimokkhaṭṭhapanāni?
pli-tv-kd19:3.3.57	Amūlikāya sīlavipattiyā pātimokkhaṁ ṭhapeti akatāya, amūlikāya sīlavipattiyā pātimokkhaṁ ṭhapeti katāya;
pli-tv-kd19:3.3.58	amūlikāya ācāravipattiyā …pe…
pli-tv-kd19:3.3.59	diṭṭhivipattiyā …pe…
pli-tv-kd19:3.3.60	ājīvavipattiyā pātimokkhaṁ ṭhapeti akatāya …pe… katāya—
pli-tv-kd19:3.3.61	imāni aṭṭha adhammikāni pātimokkhaṭṭhapanāni.
pli-tv-kd19:3.3.62	Katamāni aṭṭha dhammikāni pātimokkhaṭṭhapanāni?
pli-tv-kd19:3.3.63	Samūlikāya sīlavipattiyā pātimokkhaṁ ṭhapeti akatāya, samūlikāya sīlavipattiyā pātimokkhaṁ ṭhapeti katāya;
pli-tv-kd19:3.3.64	samūlikāya ācāravipattiyā …pe…
pli-tv-kd19:3.3.65	diṭṭhivipattiyā …pe…
pli-tv-kd19:3.3.66	ājīvavipattiyā pātimokkhaṁ ṭhapeti akatāya …pe… katāya—
pli-tv-kd19:3.3.67	imāni aṭṭha dhammikāni pātimokkhaṭṭhapanāni.
pli-tv-kd19:3.3.68	Katamāni nava adhammikāni pātimokkhaṭṭhapanāni?
pli-tv-kd19:3.3.69	Amūlikāya sīlavipattiyā pātimokkhaṁ ṭhapeti akatāya, amūlikāya sīlavipattiyā pātimokkhaṁ ṭhapeti katāya, amūlikāya sīlavipattiyā pātimokkhaṁ ṭhapeti katākatāya;
pli-tv-kd19:3.3.70	amūlikāya ācāravipattiyā …pe…
pli-tv-kd19:3.3.71	diṭṭhivipattiyā pātimokkhaṁ ṭhapeti akatāya …pe… katāya …pe…
pli-tv-kd19:3.3.72	katākatāya—
pli-tv-kd19:3.3.73	imāni nava adhammikāni pātimokkhaṭṭhapanāni.
pli-tv-kd19:3.3.74	Katamāni nava dhammikāni pātimokkhaṭṭhapanāni?
pli-tv-kd19:3.3.75	Samūlikāya sīlavipattiyā pātimokkhaṁ ṭhapeti akatāya, samūlikāya sīlavipattiyā pātimokkhaṁ ṭhapeti katāya, samūlikāya sīlavipattiyā pātimokkhaṁ ṭhapeti katākatāya;
pli-tv-kd19:3.3.76	samūlikāya ācāravipattiyā …pe…
pli-tv-kd19:3.3.77	diṭṭhivipattiyā pātimokkhaṁ ṭhapeti akatāya …pe… katāya …pe…
pli-tv-kd19:3.3.78	katākatāya—
pli-tv-kd19:3.3.79	imāni nava dhammikāni pātimokkhaṭṭhapanāni.
pli-tv-kd19:3.3.80	Katamāni dasa adhammikāni pātimokkhaṭṭhapanāni?
pli-tv-kd19:3.3.81	Na pārājiko tassaṁ parisāyaṁ nisinno hoti, na pārājikakathā vippakatā hoti;
pli-tv-kd19:3.3.82	na sikkhaṁ paccakkhātako tassaṁ parisāyaṁ nisinno hoti, na sikkhaṁ paccakkhātakathā vippakatā hoti;
pli-tv-kd19:3.3.83	dhammikaṁ sāmaggiṁ upeti, na dhammikaṁ sāmaggiṁ paccādiyati, na dhammikāya sāmaggiyā paccādānakathā vippakatā hoti;
pli-tv-kd19:3.3.84	na sīlavipattiyā diṭṭhasutaparisaṅkito hoti, na ācāravipattiyā diṭṭhasutaparisaṅkito hoti, na diṭṭhivipattiyā diṭṭhasutaparisaṅkito hoti—
pli-tv-kd19:3.3.85	imāni dasa adhammikāni pātimokkhaṭṭhapanāni.
pli-tv-kd19:3.3.86	Katamāni dasa dhammikāni pātimokkhaṭṭhapanāni?
pli-tv-kd19:3.3.87	Pārājiko tassaṁ parisāyaṁ nisinno hoti, pārājikakathā vippakatā hoti;
pli-tv-kd19:3.3.88	sikkhaṁ paccakkhātako tassaṁ parisāyaṁ nisinno hoti, sikkhaṁ paccakkhātakathā vippakatā hoti;
pli-tv-kd19:3.3.89	dhammikaṁ sāmaggiṁ na upeti, dhammikaṁ sāmaggiṁ paccādiyati, dhammikāya sāmaggiyā paccādānakathā vippakatā hoti;
pli-tv-kd19:3.3.90	sīlavipattiyā diṭṭhasutaparisaṅkito hoti, ācāravipattiyā diṭṭhasutaparisaṅkito hoti, diṭṭhivipattiyā diṭṭhasutaparisaṅkito hoti—
pli-tv-kd19:3.3.91	imāni dasa dhammikāni pātimokkhaṭṭhapanāni.
pli-tv-kd19:3.4.0	6. Dhammikapātimokkhaṭṭhapana
pli-tv-kd19:3.4.1.0	
pli-tv-kd19:3.4.1.1	Kathaṁ pārājiko tassaṁ parisāyaṁ nisinno hoti?
pli-tv-kd19:3.4.2	Idha, bhikkhave, yehi ākārehi yehi liṅgehi yehi nimittehi pārājikassa dhammassa ajjhāpatti hoti, tehi ākārehi tehi liṅgehi tehi nimittehi bhikkhu bhikkhuṁ passati pārājikaṁ dhammaṁ ajjhāpajjantaṁ.
pli-tv-kd19:3.4.3	Na heva kho bhikkhu bhikkhuṁ passati pārājikaṁ dhammaṁ ajjhāpajjantaṁ, api ca añño bhikkhu bhikkhussa āroceti—
pli-tv-kd19:3.4.4	‘itthannāmo, āvuso, bhikkhu pārājikaṁ dhammaṁ ajjhāpanno’ti.
pli-tv-kd19:3.4.5	Na heva kho bhikkhu bhikkhuṁ passati pārājikaṁ dhammaṁ ajjhāpajjantaṁ, nāpi añño bhikkhu bhikkhussa āroceti—
pli-tv-kd19:3.4.6	‘itthannāmo, āvuso, bhikkhu pārājikaṁ dhammaṁ ajjhāpanno’ti, api ca sova bhikkhu bhikkhussa āroceti—
pli-tv-kd19:3.4.7	‘ahaṁ, āvuso, pārājikaṁ dhammaṁ ajjhāpanno’ti.
pli-tv-kd19:3.4.8	Ākaṅkhamāno, bhikkhave, bhikkhu tena diṭṭhena tena sutena tāya parisaṅkāya tadahuposathe cātuddase vā pannarase vā tasmiṁ puggale sammukhībhūte saṅghamajjhe udāhareyya—
pli-tv-kd19:3.4.9	‘Suṇātu me, bhante, saṅgho.
pli-tv-kd19:3.4.10	Itthannāmo puggalo pārājikaṁ dhammaṁ ajjhāpanno, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.4.11	dhammikaṁ pātimokkhaṭṭhapanaṁ’.
pli-tv-kd19:3.4.12	Bhikkhussa pātimokkhe ṭhapite parisā vuṭṭhāti, dasannaṁ antarāyānaṁ aññatarena—
pli-tv-kd19:3.4.13	rājantarāyena vā, corantarāyena vā, agyantarāyena vā, udakantarāyena vā, manussantarāyena vā, amanussantarāyena vā, vāḷantarāyena vā, sarīsapantarāyena vā, jīvitantarāyena vā, brahmacariyantarāyena vā.
pli-tv-kd19:3.4.14	Ākaṅkhamāno, bhikkhave, bhikkhu tasmiṁ vā āvāse, aññasmiṁ vā āvāse, tasmiṁ puggale sammukhībhūte saṅghamajjhe udāhareyya—
pli-tv-kd19:3.4.15	‘Suṇātu me, bhante, saṅgho.
pli-tv-kd19:3.4.16	Itthannāmassa puggalassa pārājikakathā vippakatā, taṁ vatthu avinicchitaṁ.
pli-tv-kd19:3.4.17	Yadi saṅghassa pattakallaṁ, saṅgho taṁ vatthuṁ vinicchineyyā’ti.
pli-tv-kd19:3.4.18	Evañcetaṁ labhetha, iccetaṁ kusalaṁ.
pli-tv-kd19:3.4.19	No ce labhetha, tadahuposathe cātuddase vā pannarase vā tasmiṁ puggale sammukhībhūte saṅghamajjhe udāharitabbaṁ—
pli-tv-kd19:3.4.20	‘Suṇātu me, bhante, saṅgho.
pli-tv-kd19:3.4.21	Itthannāmassa puggalassa pārājikakathā vippakatā, taṁ vatthu avinicchitaṁ.
pli-tv-kd19:3.4.22	Tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.4.23	dhammikaṁ pātimokkhaṭṭhapanaṁ’.
pli-tv-kd19:3.5.0	
pli-tv-kd19:3.5.1	Kathaṁ sikkhaṁ paccakkhātako tassaṁ parisāyaṁ nisinno hoti?
pli-tv-kd19:3.5.2	Idha pana, bhikkhave, bhikkhu yehi ākārehi yehi liṅgehi yehi nimittehi sikkhā paccakkhātā hoti, tehi ākārehi tehi liṅgehi tehi nimittehi bhikkhu bhikkhuṁ passati sikkhaṁ paccakkhantaṁ.
pli-tv-kd19:3.5.3	Na heva kho bhikkhu bhikkhuṁ passati sikkhaṁ paccakkhantaṁ, api ca añño bhikkhu bhikkhussa āroceti—
pli-tv-kd19:3.5.4	‘itthannāmena, āvuso, bhikkhunā sikkhā paccakkhātā’ti.
pli-tv-kd19:3.5.5	Na heva kho bhikkhu bhikkhuṁ passati sikkhaṁ paccakkhantaṁ, nāpi añño bhikkhu bhikkhussa āroceti—
pli-tv-kd19:3.5.6	‘itthannāmena, āvuso, bhikkhunā sikkhā paccakkhātā’ti, api ca sova bhikkhu bhikkhussa āroceti—
pli-tv-kd19:3.5.7	‘mayā, āvuso, sikkhā paccakkhātā’ti.
pli-tv-kd19:3.5.8	Ākaṅkhamāno, bhikkhave, bhikkhu tena diṭṭhena tena sutena tāya parisaṅkāya tadahuposathe cātuddase vā pannarase vā tasmiṁ puggale sammukhībhūte saṅghamajjhe udāhareyya—
pli-tv-kd19:3.5.9	‘Suṇātu me, bhante, saṅgho.
pli-tv-kd19:3.5.10	Itthannāmena puggalena sikkhā paccakkhātā, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.5.11	dhammikaṁ pātimokkhaṭṭhapanaṁ’.
pli-tv-kd19:3.5.12	Bhikkhussa pātimokkhe ṭhapite parisā vuṭṭhāti, dasannaṁ antarāyānaṁ aññatarena—
pli-tv-kd19:3.5.13	rājantarāyena vā …pe…
pli-tv-kd19:3.5.14	brahmacariyantarāyena vā, ākaṅkhamāno, bhikkhave, bhikkhu tasmiṁ vā āvāse, aññasmiṁ vā āvāse, tasmiṁ puggale sammukhībhūte saṅghamajjhe udāhareyya—
pli-tv-kd19:3.5.15	‘Suṇātu me, bhante, saṅgho.
pli-tv-kd19:3.5.16	Itthannāmassa puggalassa sikkhaṁ paccakkhātakathā vippakatā, taṁ vatthu avinicchitaṁ.
pli-tv-kd19:3.5.17	Yadi saṅghassa pattakallaṁ, saṅgho taṁ vatthuṁ vinicchineyyā’ti.
pli-tv-kd19:3.5.18	Evañcetaṁ labhetha, iccetaṁ kusalaṁ.
pli-tv-kd19:3.5.19	No ce labhetha, tadahuposathe cātuddase vā pannarase vā tasmiṁ puggale sammukhībhūte saṅghamajjhe udāharitabbaṁ—
pli-tv-kd19:3.5.20	‘Suṇātu me, bhante, saṅgho.
pli-tv-kd19:3.5.21	Itthannāmassa puggalassa sikkhaṁ paccakkhātakathā vippakatā, taṁ vatthu avinicchitaṁ.
pli-tv-kd19:3.5.22	Tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.5.23	dhammikaṁ pātimokkhaṭṭhapanaṁ’.
pli-tv-kd19:3.6.0	
pli-tv-kd19:3.6.1	Kathaṁ dhammikaṁ sāmaggiṁ na upeti?
pli-tv-kd19:3.6.2	Idha pana, bhikkhave, bhikkhu yehi ākārehi yehi liṅgehi yehi nimittehi dhammikāya sāmaggiyānupagamanaṁ hoti, tehi ākārehi tehi liṅgehi tehi nimittehi bhikkhu bhikkhuṁ passati dhammikaṁ sāmaggiṁ na upentaṁ.
pli-tv-kd19:3.6.3	Na heva kho bhikkhu bhikkhuṁ passati dhammikaṁ sāmaggiṁ na upentaṁ, api ca añño bhikkhu bhikkhussa āroceti—
pli-tv-kd19:3.6.4	‘itthannāmo, āvuso, bhikkhu dhammikaṁ sāmaggiṁ na upetī’ti.
pli-tv-kd19:3.6.5	Na heva kho bhikkhu bhikkhuṁ passati dhammikaṁ sāmaggiṁ na upentaṁ, nāpi añño bhikkhu bhikkhussa āroceti—
pli-tv-kd19:3.6.6	‘itthannāmo, āvuso, bhikkhu dhammikaṁ sāmaggiṁ na upetī’ti, api ca sova bhikkhu bhikkhussa āroceti—
pli-tv-kd19:3.6.7	‘ahaṁ, āvuso, dhammikaṁ sāmaggiṁ na upemī’ti.
pli-tv-kd19:3.6.8	Ākaṅkhamāno, bhikkhave, bhikkhu tena diṭṭhena tena sutena tāya parisaṅkāya tadahuposathe cātuddase vā pannarase vā tasmiṁ puggale sammukhībhūte saṅghamajjhe udāhareyya—
pli-tv-kd19:3.6.9	‘Suṇātu me, bhante, saṅgho.
pli-tv-kd19:3.6.10	Itthannāmo puggalo dhammikaṁ sāmaggiṁ na upeti, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.6.11	dhammikaṁ pātimokkhaṭṭhapanaṁ’.
pli-tv-kd19:3.7.1	Kathaṁ dhammikaṁ sāmaggiṁ paccādiyati?
pli-tv-kd19:3.7.2	Idha, bhikkhave, bhikkhu yehi ākārehi yehi liṅgehi yehi nimittehi dhammikāya sāmaggiyā paccādānaṁ hoti, tehi ākārehi tehi liṅgehi tehi nimittehi bhikkhu bhikkhuṁ passati dhammikaṁ sāmaggiṁ paccādiyantaṁ.
pli-tv-kd19:3.7.3	Na heva kho bhikkhu bhikkhuṁ passati dhammikaṁ sāmaggiṁ paccādiyantaṁ, api ca añño bhikkhu bhikkhussa āroceti—‘itthannāmo, āvuso, bhikkhu dhammikaṁ sāmaggiṁ paccādiyatī’ti.
pli-tv-kd19:3.7.4	Na heva kho bhikkhu bhikkhuṁ passati dhammikaṁ sāmaggiṁ paccādiyantaṁ, nāpi añño bhikkhu bhikkhussa āroceti—‘itthannāmo, āvuso, bhikkhu dhammikaṁ sāmaggiṁ paccādiyatī’ti, api ca sova bhikkhu bhikkhussa āroceti—‘ahaṁ, āvuso, dhammikaṁ sāmaggiṁ paccādiyāmī’ti.
pli-tv-kd19:3.7.5	Ākaṅkhamāno, bhikkhave, bhikkhu tena diṭṭhena tena sutena tāya parisaṅkāya tadahuposathe cātuddase vā pannarase vā tasmiṁ puggale sammukhībhūte saṅghamajjhe udāhareyya—
pli-tv-kd19:3.7.6	‘Suṇātu me, bhante, saṅgho.
pli-tv-kd19:3.7.7	Itthannāmo puggalo dhammikaṁ sāmaggiṁ paccādiyati, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.7.8	dhammikaṁ pātimokkhaṭṭhapanaṁ’.
pli-tv-kd19:3.7.9	Bhikkhussa pātimokkhe ṭhapite parisā vuṭṭhāti, dasannaṁ antarāyānaṁ aññatarena—
pli-tv-kd19:3.7.10	rājantarāyena vā …pe…
pli-tv-kd19:3.7.11	brahmacariyantarāyena vā.
pli-tv-kd19:3.7.12	Ākaṅkhamāno, bhikkhave, bhikkhu tasmiṁ vā āvāse, aññasmiṁ vā āvāse, tasmiṁ puggale sammukhībhūte saṅghamajjhe udāhareyya—
pli-tv-kd19:3.7.13	‘Suṇātu me, bhante, saṅgho.
pli-tv-kd19:3.7.14	Itthannāmassa puggalassa dhammikāya sāmaggiyā paccādānakathā vippakatā, taṁ vatthu avinicchitaṁ.
pli-tv-kd19:3.7.15	Yadi saṅghassa pattakallaṁ, saṅgho taṁ vatthuṁ vinicchineyyā’ti.
pli-tv-kd19:3.7.16	Evañcetaṁ labhetha, iccetaṁ kusalaṁ.
pli-tv-kd19:3.7.17	No ce labhetha, tadahuposathe cātuddase vā pannarase vā tasmiṁ puggale sammukhībhūte saṅghamajjhe udāharitabbaṁ—
pli-tv-kd19:3.7.18	‘Suṇātu me, bhante, saṅgho.
pli-tv-kd19:3.7.19	Itthannāmassa puggalassa dhammikāya sāmaggiyā paccādānakathā vippakatā, taṁ vatthu avinicchitaṁ.
pli-tv-kd19:3.7.20	Tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.7.21	dhammikaṁ pātimokkhaṭṭhapanaṁ’.
pli-tv-kd19:3.8.0	
pli-tv-kd19:3.8.1	Kathaṁ sīlavipattiyā diṭṭhasutaparisaṅkito hoti?
pli-tv-kd19:3.8.2	Idha pana, bhikkhave, bhikkhu yehi ākārehi yehi liṅgehi yehi nimittehi sīlavipattiyā diṭṭhasutaparisaṅkito hoti, tehi ākārehi tehi liṅgehi tehi nimittehi bhikkhu bhikkhuṁ passati sīlavipattiyā diṭṭhasutaparisaṅkitaṁ.
pli-tv-kd19:3.8.3	Na heva kho bhikkhu bhikkhuṁ passati sīlavipattiyā diṭṭhasutaparisaṅkitaṁ, api ca añño bhikkhu bhikkhussa āroceti—
pli-tv-kd19:3.8.4	‘itthannāmo, āvuso, bhikkhu sīlavipattiyā diṭṭhasutaparisaṅkito’ti.
pli-tv-kd19:3.8.5	Na heva kho bhikkhu bhikkhuṁ passati sīlavipattiyā diṭṭhasutaparisaṅkitaṁ, nāpi añño bhikkhu bhikkhussa āroceti—
pli-tv-kd19:3.8.6	‘itthannāmo, āvuso, bhikkhu sīlavipattiyā diṭṭhasutaparisaṅkito’ti, api ca sova bhikkhu bhikkhussa āroceti—
pli-tv-kd19:3.8.7	‘ahaṁ, āvuso, sīlavipattiyā diṭṭhasutaparisaṅkitomhī’ti.
pli-tv-kd19:3.8.8	Ākaṅkhamāno, bhikkhave, bhikkhu tena diṭṭhena tena sutena tāya parisaṅkāya tadahuposathe cātuddase vā pannarase vā tasmiṁ puggale sammukhībhūte saṅghamajjhe udāhareyya—
pli-tv-kd19:3.8.9	‘Suṇātu me, bhante, saṅgho.
pli-tv-kd19:3.8.10	Itthannāmo puggalo sīlavipattiyā diṭṭhasutaparisaṅkito, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.8.11	dhammikaṁ pātimokkhaṭṭhapanaṁ’.
pli-tv-kd19:3.9.1	Kathaṁ ācāravipattiyā diṭṭhasutaparisaṅkito hoti?
pli-tv-kd19:3.9.2	Idha pana, bhikkhave, bhikkhu yehi ākārehi yehi liṅgehi yehi nimittehi ācāravipattiyā diṭṭhasutaparisaṅkito hoti tehi ākārehi tehi liṅgehi tehi nimittehi bhikkhu bhikkhuṁ passati ācāravipattiyā diṭṭhasutaparisaṅkitaṁ.
pli-tv-kd19:3.9.3	Na heva kho bhikkhu bhikkhuṁ passati ācāravipattiyā diṭṭhasutaparisaṅkitaṁ, api ca añño bhikkhu bhikkhussa āroceti—
pli-tv-kd19:3.9.4	‘itthannāmo, āvuso, bhikkhu ācāravipattiyā diṭṭhasutaparisaṅkito’ti.
pli-tv-kd19:3.9.5	Na heva kho bhikkhu bhikkhuṁ passati ācāravipattiyā diṭṭhasutaparisaṅkitaṁ, nāpi añño bhikkhu bhikkhussa āroceti—
pli-tv-kd19:3.9.6	‘itthannāmo, āvuso, bhikkhu ācāravipattiyā diṭṭhasutaparisaṅkito’ti, api ca sova bhikkhu bhikkhussa āroceti—
pli-tv-kd19:3.9.7	‘ahaṁ, āvuso, ācāravipattiyā diṭṭhasutaparisaṅkitomhī’ti.
pli-tv-kd19:3.9.8	Ākaṅkhamāno, bhikkhave, bhikkhu tena diṭṭhena tena sutena tāya parisaṅkāya tadahuposathe cātuddase vā pannarase vā tasmiṁ puggale sammukhībhūte saṅghamajjhe udāhareyya—
pli-tv-kd19:3.9.9	‘Suṇātu me, bhante, saṅgho.
pli-tv-kd19:3.9.10	Itthannāmo puggalo ācāravipattiyā diṭṭhasutaparisaṅkito, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.9.11	dhammikaṁ pātimokkhaṭṭhapanaṁ’.
pli-tv-kd19:3.9.12	Kathaṁ diṭṭhivipattiyā diṭṭhasutaparisaṅkito hoti?
pli-tv-kd19:3.9.13	Idha pana, bhikkhave, bhikkhu yehi ākārehi yehi liṅgehi yehi nimittehi diṭṭhivipattiyā diṭṭhasutaparisaṅkito hoti, tehi ākārehi tehi liṅgehi tehi nimittehi bhikkhu bhikkhuṁ passati diṭṭhivipattiyā diṭṭhasutaparisaṅkitaṁ.
pli-tv-kd19:3.9.14	Na heva kho bhikkhu bhikkhuṁ passati diṭṭhivipattiyā diṭṭhasutaparisaṅkitaṁ, api ca añño bhikkhu bhikkhussa āroceti—
pli-tv-kd19:3.9.15	‘itthannāmo, āvuso, bhikkhu diṭṭhivipattiyā diṭṭhasutaparisaṅkito’ti.
pli-tv-kd19:3.9.16	Na heva kho bhikkhu bhikkhuṁ passati diṭṭhivipattiyā diṭṭhasutaparisaṅkitaṁ, nāpi añño bhikkhu bhikkhussa āroceti—
pli-tv-kd19:3.9.17	‘itthannāmo, āvuso, bhikkhu diṭṭhivipattiyā diṭṭhasutaparisaṅkito’ti, api ca sova bhikkhu bhikkhussa āroceti—
pli-tv-kd19:3.9.18	‘ahaṁ, āvuso, diṭṭhivipattiyā diṭṭhasutaparisaṅkitomhī’ti.
pli-tv-kd19:3.9.19	Ākaṅkhamāno, bhikkhave, bhikkhu tena diṭṭhena tena sutena tāya parisaṅkāya tadahuposathe cātuddase vā pannarase vā tasmiṁ puggale sammukhībhūte saṅghamajjhe udāhareyya—
pli-tv-kd19:3.9.20	‘Suṇātu me, bhante, saṅgho.
pli-tv-kd19:3.9.21	Itthannāmo puggalo diṭṭhivipattiyā diṭṭhasutaparisaṅkito, tassa pātimokkhaṁ ṭhapemi, na tasmiṁ sammukhībhūte pātimokkhaṁ uddisitabbanti—
pli-tv-kd19:3.9.22	dhammikaṁ pātimokkhaṭṭhapanaṁ’.
pli-tv-kd19:3.9.23	Imāni dasa dhammikāni pātimokkhaṭṭhapanānī”ti.
pli-tv-kd19:3.9.24	Paṭhamabhāṇavāro niṭṭhito.
pli-tv-kd19:4.1.0	7. Attādānaaṅga
pli-tv-kd19:4.1.1	Atha kho āyasmā upāli yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd19:4.1.2	Ekamantaṁ nisinno kho āyasmā upāli bhagavantaṁ etadavoca—
pli-tv-kd19:4.1.3	“attādānaṁ ādātukāmena, bhante, bhikkhunā katamaṅgasamannāgataṁ attādānaṁ ādātabban”ti?
pli-tv-kd19:4.1.4	“Attādānaṁ ādātukāmena, upāli, bhikkhunā pañcaṅgasamannāgataṁ attādānaṁ ādātabbaṁ.
pli-tv-kd19:4.1.5	Attādānaṁ ādātukāmena, upāli, bhikkhunā evaṁ paccavekkhitabbaṁ—
pli-tv-kd19:4.1.6	‘yaṁ kho ahaṁ imaṁ attādānaṁ ādātukāmo, kālo nu kho imaṁ attādānaṁ ādātuṁ udāhu no’ti?
pli-tv-kd19:4.1.7	Sace, upāli, bhikkhu paccavekkhamāno evaṁ jānāti—
pli-tv-kd19:4.1.8	‘akālo imaṁ attādānaṁ ādātuṁ, no kālo’ti, na taṁ, upāli, attādānaṁ ādātabbaṁ.
pli-tv-kd19:4.1.9	Sace panupāli, bhikkhu paccavekkhamāno evaṁ jānāti—
pli-tv-kd19:4.1.10	‘kālo imaṁ attādānaṁ ādātuṁ, no akālo’ti, tenupāli, bhikkhunā uttari paccavekkhitabbaṁ—
pli-tv-kd19:4.1.11	‘yaṁ kho ahaṁ imaṁ attādānaṁ ādātukāmo, bhūtaṁ nu kho idaṁ attādānaṁ udāhu no’ti?
pli-tv-kd19:4.1.12	Sace, upāli, bhikkhu paccavekkhamāno evaṁ jānāti—
pli-tv-kd19:4.1.13	‘abhūtaṁ idaṁ attādānaṁ, no bhūtan’ti, na taṁ, upāli, attādānaṁ ādātabbaṁ.
pli-tv-kd19:4.1.14	Sace panupāli, bhikkhu paccavekkhamāno evaṁ jānāti—
pli-tv-kd19:4.1.15	‘bhūtaṁ idaṁ attādānaṁ, no abhūtan’ti, tenupāli, bhikkhunā uttari paccavekkhitabbaṁ—
pli-tv-kd19:4.1.16	‘yaṁ kho ahaṁ imaṁ attādānaṁ ādātukāmo, atthasañhitaṁ nu kho idaṁ attādānaṁ udāhu no’ti?
pli-tv-kd19:4.1.17	Sace, upāli, bhikkhu paccavekkhamāno evaṁ jānāti—
pli-tv-kd19:4.1.18	‘anatthasañhitaṁ idaṁ attādānaṁ, no atthasañhitan’ti, na taṁ, upāli, attādānaṁ ādātabbaṁ.
pli-tv-kd19:4.1.19	Sace panupāli, bhikkhu paccavekkhamāno evaṁ jānāti—
pli-tv-kd19:4.1.20	‘atthasañhitaṁ idaṁ attādānaṁ, no anatthasañhitan’ti, tenupāli, bhikkhunā uttari paccavekkhitabbaṁ—
pli-tv-kd19:4.1.21	‘imaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhū dhammato vinayato pakkhe udāhu no’ti?
pli-tv-kd19:4.1.22	Sace, upāli, bhikkhu paccavekkhamāno evaṁ jānāti—
pli-tv-kd19:4.1.23	‘imaṁ kho ahaṁ attādānaṁ ādiyamāno na labhissāmi sandiṭṭhe sambhatte bhikkhū dhammato vinayato pakkhe’ti, na taṁ, upāli, attādānaṁ ādātabbaṁ.
pli-tv-kd19:4.1.24	Sace panupāli, bhikkhu paccavekkhamāno evaṁ jānāti—
pli-tv-kd19:4.1.25	‘imaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhū dhammato vinayato pakkhe’ti, tenupāli, bhikkhunā uttari paccavekkhitabbaṁ—
pli-tv-kd19:4.1.26	‘imaṁ kho me attādānaṁ ādiyato bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ udāhu no’ti?
pli-tv-kd19:4.1.27	Sace upāli, bhikkhu paccavekkhamāno evaṁ jānāti—
pli-tv-kd19:4.1.28	‘imaṁ kho me attādānaṁ ādiyato bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, na taṁ, upāli, attādānaṁ ādātabbaṁ.
pli-tv-kd19:4.1.29	Sace panupāli, bhikkhu paccavekkhamāno evaṁ jānāti—
pli-tv-kd19:4.1.30	‘imaṁ kho me attādānaṁ ādiyato na bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, ādātabbaṁ taṁ, upāli, attādānaṁ.
pli-tv-kd19:4.1.31	Evaṁ pañcaṅgasamannāgataṁ kho, upāli, attādānaṁ ādinnaṁ, pacchāpi avippaṭisārakaraṁ bhavissatī”ti.
pli-tv-kd19:5.1.0	8. Codakenapaccavekkhitabbadhamma
pli-tv-kd19:5.1.1	“Codakena, bhante, bhikkhunā paraṁ codetukāmena kati dhamme ajjhattaṁ paccavekkhitvā paro codetabbo”ti?
pli-tv-kd19:5.1.2	“Codakena, upāli, bhikkhunā paraṁ codetukāmena pañca dhamme ajjhattaṁ paccavekkhitvā paro codetabbo.
pli-tv-kd19:5.1.3	Codakena, upāli, bhikkhunā paraṁ codetukāmena evaṁ paccavekkhitabbaṁ—
pli-tv-kd19:5.1.4	‘parisuddhakāyasamācāro nu khomhi, parisuddhenamhi kāyasamācārena samannāgato—acchiddena appaṭimaṁsena? Saṁvijjati nu kho me eso dhammo udāhu no’ti?
pli-tv-kd19:5.1.5	No ce, upāli, bhikkhu parisuddhakāyasamācāro hoti, parisuddhena kāyasamācārena samannāgato—acchiddena appaṭimaṁsena, tassa bhavanti vattāro—
pli-tv-kd19:5.1.6	‘iṅgha tāva āyasmā kāyikaṁ sikkhassū’ti. Itissa bhavanti vattāro.
pli-tv-kd19:5.1.7	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-kd19:5.1.8	‘parisuddhavacīsamācāro nu khomhi, parisuddhenamhi vacīsamācārena samannāgato—acchiddena appaṭimaṁsena? Saṁvijjati nu kho me eso dhammo udāhu no’ti?
pli-tv-kd19:5.1.9	No ce, upāli, bhikkhu parisuddhavacīsamācāro hoti, parisuddhena vacīsamācārena samannāgato—
pli-tv-kd19:5.1.10	acchiddena appaṭimaṁsena, tassa bhavanti vattāro—
pli-tv-kd19:5.1.11	‘iṅgha tāva āyasmā vācasikaṁ sikkhassū’ti. Itissa bhavanti vattāro.
pli-tv-kd19:5.1.12	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-kd19:5.1.13	‘mettaṁ nu kho me cittaṁ paccupaṭṭhitaṁ sabrahmacārīsu anāghātaṁ, saṁvijjati nu kho me eso dhammo udāhu no’ti?
pli-tv-kd19:5.1.14	No ce, upāli, bhikkhuno mettacittaṁ paccupaṭṭhitaṁ hoti sabrahmacārīsu anāghātaṁ, tassa bhavanti vattāro—
pli-tv-kd19:5.1.15	‘iṅgha tāva āyasmā sabrahmacārīsu mettacittaṁ upaṭṭhāpehī’ti. Itissa bhavanti vattāro.
pli-tv-kd19:5.1.16	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-kd19:5.1.17	‘bahussuto nu khomhi, sutadharo, sutasannicayo? Ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpā me dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā? Saṁvijjati nu kho me eso dhammo udāhu no’ti?
pli-tv-kd19:5.1.18	No ce, upāli, bhikkhu bahussuto hoti, sutadharo, sutasannicayo; ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpassa dhammā na bahussutā honti dhātā vacasā paricitā manasānupekkhitā diṭṭhiyā suppaṭividdhā, tassa bhavanti vattāro—
pli-tv-kd19:5.1.19	‘iṅgha tāva āyasmā āgamaṁ pariyāpuṇassū’ti. Itissa bhavanti vattāro.
pli-tv-kd19:5.1.20	Puna caparaṁ, upāli, codakena bhikkhunā paraṁ codetukāmena evaṁ paccavekkhitabbaṁ—
pli-tv-kd19:5.1.21	‘ubhayāni kho me pātimokkhāni vitthārena svāgatāni honti, suvibhattāni, suppavattīni, suvinicchitāni, suttaso, anubyañjanaso? Saṁvijjati nu kho me eso dhammo udāhu no’ti?
pli-tv-kd19:5.1.22	No ce, upāli, bhikkhuno ubhayāni pātimokkhāni vitthārena svāgatāni honti, suvibhattāni, suppavattīni, suvinicchitāni, suttaso, anubyañjanaso, ‘idaṁ panāvuso, kattha vuttaṁ bhagavatā’ti, iti puṭṭho na sampāyati, tassa bhavanti vattāro—
pli-tv-kd19:5.1.23	‘iṅgha tāva āyasmā vinayaṁ pariyāpuṇassū’ti. Itissa bhavanti vattāro.
pli-tv-kd19:5.1.24	Codakenupāli, bhikkhunā paraṁ codetukāmena ime pañca dhamme ajjhattaṁ paccavekkhitvā paro codetabbo”ti.
pli-tv-kd19:5.2.0	9. Codakenaupaṭṭhāpetabbadhamma
pli-tv-kd19:5.2.1	“Codakena, bhante, bhikkhunā paraṁ codetukāmena kati dhamme ajjhattaṁ upaṭṭhāpetvā paro codetabbo”ti?
pli-tv-kd19:5.2.2	“Codakenupāli, bhikkhunā paraṁ codetukāmena pañca dhamme ajjhattaṁ upaṭṭhāpetvā paro codetabbo—
pli-tv-kd19:5.2.3	kālena vakkhāmi, no akālena;
pli-tv-kd19:5.2.4	bhūtena vakkhāmi, no abhūtena;
pli-tv-kd19:5.2.5	saṇhena vakkhāmi, no pharusena;
pli-tv-kd19:5.2.6	atthasaṁhitena vakkhāmi, no anatthasaṁhitena;
pli-tv-kd19:5.2.7	mettacitto vakkhāmi, no dosantaroti.
pli-tv-kd19:5.2.8	Codakenupāli, bhikkhunā paraṁ codetukāmena ime pañca dhamme ajjhattaṁ upaṭṭhāpetvā paro codetabbo”ti.
pli-tv-kd19:5.3.0	10. Codakacuditakapaṭisaṁyuttakathā
pli-tv-kd19:5.3.1	“Adhammacodakassa, bhante, bhikkhuno katihākārehi vippaṭisāro upadahātabbo”ti?
pli-tv-kd19:5.3.2	“Adhammacodakassa, upāli, bhikkhuno pañcahākārehi vippaṭisāro upadahātabbo—
pli-tv-kd19:5.3.3	akālenāyasmā codesi, no kālena, alaṁ te vippaṭisārāya;
pli-tv-kd19:5.3.4	abhūtenāyasmā codesi, no bhūtena, alaṁ te vippaṭisārāya;
pli-tv-kd19:5.3.5	pharusenāyasmā codesi, no saṇhena, alaṁ te vippaṭisārāya;
pli-tv-kd19:5.3.6	anatthasaṁhitenāyasmā codesi, no atthasaṁhitena, alaṁ te vippaṭisārāya;
pli-tv-kd19:5.3.7	dosantaro āyasmā codesi, no mettacitto, alaṁ te vippaṭisārāyāti.
pli-tv-kd19:5.3.8	Adhammacodakassa, upāli, bhikkhuno imehi pañcahākārehi vippaṭisāro upadahātabbo.
pli-tv-kd19:5.3.9	Taṁ kissa hetu?
pli-tv-kd19:5.3.10	Yathā na aññopi bhikkhu abhūtena codetabbaṁ maññeyyā”ti.
pli-tv-kd19:5.4.1	“Adhammacuditassa pana, bhante, bhikkhuno katihākārehi avippaṭisāro upadahātabbo”ti?
pli-tv-kd19:5.4.2	“Adhammacuditassa, upāli, bhikkhuno pañcahākārehi avippaṭisāro upadahātabbo—
pli-tv-kd19:5.4.3	akālenāyasmā cudito, no kālena, alaṁ te avippaṭisārāya;
pli-tv-kd19:5.4.4	abhūtenāyasmā cudito, no bhūtena, alaṁ te avippaṭisārāya;
pli-tv-kd19:5.4.5	pharusenāyasmā cudito, no saṇhena, alaṁ te avippaṭisārāya;
pli-tv-kd19:5.4.6	anatthasaṁhitenāyasmā cudito, no atthasaṁhitena, alaṁ te avippaṭisārāya;
pli-tv-kd19:5.4.7	dosantarenāyasmā cudito, no mettacittena, alaṁ te avippaṭisārāyāti.
pli-tv-kd19:5.4.8	Adhammacuditassa, upāli, bhikkhuno imehi pañcahākārehi avippaṭisāro upadahātabbo”ti.
pli-tv-kd19:5.5.1	“Dhammacodakassa, bhante, bhikkhuno katihākārehi avippaṭisāro upadahātabbo”ti?
pli-tv-kd19:5.5.2	“Dhammacodakassa, upāli, bhikkhuno pañcahākārehi avippaṭisāro upadahātabbo—
pli-tv-kd19:5.5.3	kālenāyasmā codesi, no akālena, alaṁ te avippaṭisārāya;
pli-tv-kd19:5.5.4	bhūtenāyasmā codesi, no abhūtena, alaṁ te avippaṭisārāya;
pli-tv-kd19:5.5.5	saṇhenāyasmā codesi, no pharusena, alaṁ te avippaṭisārāya;
pli-tv-kd19:5.5.6	atthasaṁhitenāyasmā codesi, no anatthasaṁhitena, alaṁ te avippaṭisārāya;
pli-tv-kd19:5.5.7	mettacitto āyasmā codesi, no dosantaro, alaṁ te avippaṭisārāyāti.
pli-tv-kd19:5.5.8	Dhammacodakassa, upāli, bhikkhuno imehi pañcahākārehi avippaṭisāro upadahātabbo.
pli-tv-kd19:5.5.9	Taṁ kissa hetu?
pli-tv-kd19:5.5.10	Yathā aññopi bhikkhu bhūtena codetabbaṁ maññeyyā”ti.
pli-tv-kd19:5.6.1	“Dhammacuditassa pana, bhante, bhikkhuno katihākārehi vippaṭisāro upadahātabbo”ti?
pli-tv-kd19:5.6.2	“Dhammacuditassa, upāli, bhikkhuno pañcahākārehi vippaṭisāro upadahātabbo—
pli-tv-kd19:5.6.3	kālenāyasmā cudito, no akālena, alaṁ te vippaṭisārāya;
pli-tv-kd19:5.6.4	bhūtenāyasmā cudito, no abhūtena, alaṁ te vippaṭisārāya;
pli-tv-kd19:5.6.5	saṇhenāyasmā cudito, no pharusena, alaṁ te vippaṭisārāya;
pli-tv-kd19:5.6.6	atthasaṁhitenāyasmā cudito, no anatthasaṁhitena, alaṁ te vippaṭisārāya;
pli-tv-kd19:5.6.7	mettacittenāyasmā cudito, no dosantarena, alaṁ te vippaṭisārāyāti.
pli-tv-kd19:5.6.8	Dhammacuditassa, upāli, bhikkhuno imehi pañcahākārehi vippaṭisāro upadahātabbo”ti.
pli-tv-kd19:5.7.1	“Codakena, bhante, bhikkhunā paraṁ codetukāmena kati dhamme ajjhattaṁ manasi karitvā paro codetabbo”ti?
pli-tv-kd19:5.7.2	“Codakenupāli, bhikkhunā paraṁ codetukāmena pañca dhamme ajjhattaṁ manasi karitvā paro codetabbo—
pli-tv-kd19:5.7.3	kāruññatā, hitesitā, anukampitā, āpattivuṭṭhānatā, vinayapurekkhāratāti.
pli-tv-kd19:5.7.4	Codakenupāli, bhikkhunā paraṁ codetukāmena ime pañca dhamme ajjhattaṁ manasi karitvā paro codetabbo”ti.
pli-tv-kd19:5.7.5	“Cuditena pana, bhante, bhikkhunā katisu dhammesu patiṭṭhātabban”ti?
pli-tv-kd19:5.7.6	“Cuditenupāli, bhikkhunā dvīsu dhammesu patiṭṭhātabbaṁ—
pli-tv-kd19:5.7.7	sacce ca akuppe cā”ti.
pli-tv-kd19:5.7.8	Dutiyabhāṇavāro niṭṭhito.
pli-tv-kd19:5.7.9	Pātimokkhaṭṭhapanakkhandhako navamo.
pli-tv-kd19:5.7.10	Imamhi khandhake vatthū tiṁsa.
pli-tv-kd19:5.7.11	Tassuddānaṁ
pli-tv-kd19:5.7.12	Uposathe yāvatikaṁ,
pli-tv-kd19:5.7.13	pāpabhikkhu na nikkhami;
pli-tv-kd19:5.7.14	Moggallānena nicchuddho,
pli-tv-kd19:5.7.15	accherā jinasāsane.
pli-tv-kd19:5.7.16	Ninnonupubbasikkhā ca,
pli-tv-kd19:5.7.17	ṭhitadhammo nātikkamma;
pli-tv-kd19:5.7.18	Kuṇapukkhipati saṅgho,
pli-tv-kd19:5.7.19	savantiyo jahanti ca.
pli-tv-kd19:5.7.20	Savanti parinibbanti,
pli-tv-kd19:5.7.21	ekarasa vimutti ca;
pli-tv-kd19:5.7.22	Bahu dhammavinayopi,
pli-tv-kd19:5.7.23	bhūtaṭṭhāriyapuggalā.
pli-tv-kd19:5.7.24	Samuddaṁ upamaṁ katvā,
pli-tv-kd19:5.7.25	vācesi sāsane guṇaṁ;
pli-tv-kd19:5.7.26	Uposathe pātimokkhaṁ,
pli-tv-kd19:5.7.27	na amhe koci jānāti.
pli-tv-kd19:5.7.28	Paṭikacceva ujjhanti,
pli-tv-kd19:5.7.29	eko dve tīṇi cattāri;
pli-tv-kd19:5.7.30	Pañca cha satta aṭṭhāni,
pli-tv-kd19:5.7.31	navā ca dasamāni ca.
pli-tv-kd19:5.7.32	Sīlaācāradiṭṭhi ca,
pli-tv-kd19:5.7.33	ājīvaṁ catubhāgike;
pli-tv-kd19:5.7.34	Pārājikañca saṅghādi,
pli-tv-kd19:5.7.35	pācitti pāṭidesani.
pli-tv-kd19:5.7.36	Dukkaṭaṁ pañcabhāgesu,
pli-tv-kd19:5.7.37	sīlācāravipatti ca;
pli-tv-kd19:5.7.38	Akatāya katāya ca,
pli-tv-kd19:5.7.39	chabhāgesu yathāvidhi.
pli-tv-kd19:5.7.40	Pārājikañca saṅghādi,
pli-tv-kd19:5.7.41	thullaṁ pācittiyena ca;
pli-tv-kd19:5.7.42	Pāṭidesaniyañceva,
pli-tv-kd19:5.7.43	dukkaṭañca dubbhāsitaṁ.
pli-tv-kd19:5.7.44	Sīlācāravipatti ca,
pli-tv-kd19:5.7.45	Diṭṭhiājīvavipatti;
pli-tv-kd19:5.7.46	Yā ca aṭṭhā katākate,
pli-tv-kd19:5.7.47	Tenetā sīlācāradiṭṭhiyā.
pli-tv-kd19:5.7.48	Akatāya katāyāpi,
pli-tv-kd19:5.7.49	katākatāyameva ca;
pli-tv-kd19:5.7.50	Evaṁ navavidhā vuttā,
pli-tv-kd19:5.7.51	yathābhūtena ñāyato.
pli-tv-kd19:5.7.52	Pārājiko vippakatā,
pli-tv-kd19:5.7.53	paccakkhāto tatheva ca;
pli-tv-kd19:5.7.54	Upeti paccādiyati,
pli-tv-kd19:5.7.55	paccādānakathā ca yā.
pli-tv-kd19:5.7.56	Sīlācāravipatti ca,
pli-tv-kd19:5.7.57	tathā diṭṭhivipattiyā;
pli-tv-kd19:5.7.58	Diṭṭhasutaparisaṅkitaṁ,
pli-tv-kd19:5.7.59	dasadhā taṁ vijānātha.
pli-tv-kd19:5.7.60	Bhikkhu vipassati bhikkhuṁ,
pli-tv-kd19:5.7.61	añño cārocayāti taṁ;
pli-tv-kd19:5.7.62	Soyeva tassa akkhāti,
pli-tv-kd19:5.7.63	pātimokkhaṁ ṭhapeti so.
pli-tv-kd19:5.7.64	Vuṭṭhāti antarāyena,
pli-tv-kd19:5.7.65	Rājacoraggudakā ca;
pli-tv-kd19:5.7.66	Manussaamanussā ca,
pli-tv-kd19:5.7.67	Vāḷasarīsapā jīvibrahmaṁ.
pli-tv-kd19:5.7.68	Dasannamaññatarena,
pli-tv-kd19:5.7.69	tasmiṁ aññataresu vā;
pli-tv-kd19:5.7.70	Dhammikādhammikā ceva,
pli-tv-kd19:5.7.71	yathā maggena jānātha.
pli-tv-kd19:5.7.72	Kālabhūtatthasaṁhitaṁ,
pli-tv-kd19:5.7.73	labhissāmi bhavissati;
pli-tv-kd19:5.7.74	Kāyavācasikā mettā,
pli-tv-kd19:5.7.75	bāhusaccaṁ ubhayāni.
pli-tv-kd19:5.7.76	Kālabhūtena saṇhena,
pli-tv-kd19:5.7.77	atthamettena codaye;
pli-tv-kd19:5.7.78	Vippaṭisāradhammena,
pli-tv-kd19:5.7.79	tathā vācā vinodaye.
pli-tv-kd19:5.7.80	Dhammacodacuditassa,
pli-tv-kd19:5.7.81	vinodeti vippaṭisāro;
pli-tv-kd19:5.7.82	Karuṇā hitānukampi,
pli-tv-kd19:5.7.83	vuṭṭhānapurekkhārato.
pli-tv-kd19:5.7.84	Codakassa paṭipatti,
pli-tv-kd19:5.7.85	sambuddhena pakāsitā;
pli-tv-kd19:5.7.86	Sacce ceva akuppe ca,
pli-tv-kd19:5.7.87	cuditasseva dhammatāti.
pli-tv-kd19:5.7.88	Pātimokkhaṭṭhapanakkhandhako niṭṭhito.
pli-tv-kd20:0.1	Theravāda Vinayapiṭaka
pli-tv-kd20:0.2	Cūḷavagga
pli-tv-kd20:0.3	20. Bhikkhunikkhandhaka
pli-tv-kd20:0.4	1. Mahāpajāpatigotamīvatthu
pli-tv-kd20:1.1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-kd20:1.1.2	Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd20:1.1.3	Ekamantaṁ ṭhitā kho mahāpajāpati gotamī bhagavantaṁ etadavoca—
pli-tv-kd20:1.1.4	“sādhu, bhante, labheyya mātugāmo tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.1.5	“Alaṁ, gotami, mā te rucci mātugāmassa tathāgatappavedite dhammavinaye agārasmā anagāriyaṁ pabbajjā”ti.
pli-tv-kd20:1.1.6	Dutiyampi kho …pe…
pli-tv-kd20:1.1.7	tatiyampi kho mahāpajāpati gotamī bhagavantaṁ etadavoca—
pli-tv-kd20:1.1.8	“sādhu, bhante, labheyya mātugāmo tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.1.9	“Alaṁ, gotami, mā te rucci mātugāmassa tathāgatappavedite dhammavinaye agārasmā anagāriyaṁ pabbajjā”ti.
pli-tv-kd20:1.1.10	Atha kho mahāpajāpati gotamī—
pli-tv-kd20:1.1.11	“na bhagavā anujānāti mātugāmassa tathāgatappavedite dhammavinaye agārasmā anagāriyaṁ pabbajjan”ti—
pli-tv-kd20:1.1.12	dukkhī dummanā assumukhī rudamānā bhagavantaṁ abhivādetvā padakkhiṇaṁ katvā pakkāmi.
pli-tv-kd20:1.2.1	Atha kho bhagavā kapilavatthusmiṁ yathābhirantaṁ viharitvā yena vesālī tena cārikaṁ pakkāmi.
pli-tv-kd20:1.2.2	Anupubbena cārikaṁ caramāno yena vesālī tadavasari.
pli-tv-kd20:1.2.3	Tatra sudaṁ bhagavā vesāliyaṁ viharati mahāvane kūṭāgārasālāyaṁ.
pli-tv-kd20:1.2.4	Atha kho mahāpajāpati gotamī kese chedāpetvā kāsāyāni vatthāni acchādetvā sambahulāhi sākiyānīhi saddhiṁ yena vesālī tena pakkāmi.
pli-tv-kd20:1.2.5	Anupubbena yena vesālī mahāvanaṁ kūṭāgārasālā tenupasaṅkami.
pli-tv-kd20:1.2.6	Atha kho mahāpajāpati gotamī sūnehi pādehi rajokiṇṇena gattena dukkhī dummanā assumukhī rudamānā bahidvārakoṭṭhake aṭṭhāsi.
pli-tv-kd20:1.2.7	Addasā kho āyasmā ānando mahāpajāpatiṁ gotamiṁ sūnehi pādehi rajokiṇṇena gattena dukkhiṁ dummanaṁ assumukhiṁ rudamānaṁ bahidvārakoṭṭhake ṭhitaṁ.
pli-tv-kd20:1.2.8	Disvāna mahāpajāpatiṁ gotamiṁ etadavoca—
pli-tv-kd20:1.2.9	“kissa tvaṁ, gotami, sūnehi pādehi rajokiṇṇena gattena dukkhī dummanā assumukhī rudamānā bahidvārakoṭṭhake ṭhitā”ti?
pli-tv-kd20:1.2.10	“Tathā hi pana, bhante ānanda, na bhagavā anujānāti mātugāmassa tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.2.11	“Tena hi tvaṁ, gotami, muhuttaṁ idheva tāva hohi, yāvāhaṁ bhagavantaṁ yācāmi mātugāmassa tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.3.1	Atha kho āyasmā ānando yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd20:1.3.2	Ekamantaṁ nisinno kho āyasmā ānando bhagavantaṁ etadavoca—
pli-tv-kd20:1.3.3	“esā, bhante, mahāpajāpati gotamī sūnehi pādehi rajokiṇṇena gattena dukkhī dummanā assumukhī rudamānā bahidvārakoṭṭhake ṭhitā—
pli-tv-kd20:1.3.4	‘na bhagavā anujānāti mātugāmassa tathāgatappavedite dhammavinaye agārasmā anagāriyaṁ pabbajjan’ti.
pli-tv-kd20:1.3.5	Sādhu, bhante, labheyya mātugāmo tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.3.6	“Alaṁ, ānanda, mā te rucci mātugāmassa tathāgatappavedite dhammavinaye agārasmā anagāriyaṁ pabbajjā”ti.
pli-tv-kd20:1.3.7	Dutiyampi kho …pe…
pli-tv-kd20:1.3.8	tatiyampi kho āyasmā ānando bhagavantaṁ etadavoca—
pli-tv-kd20:1.3.9	“sādhu, bhante, labheyya mātugāmo tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.3.10	“Alaṁ, ānanda, mā te rucci mātugāmassa tathāgatappavedite dhammavinaye agārasmā anagāriyaṁ pabbajjā”ti.
pli-tv-kd20:1.3.11	Atha kho āyasmā ānando—
pli-tv-kd20:1.3.12	“na bhagavā anujānāti mātugāmassa tathāgatappavedite dhammavinaye agārasmā anagāriyaṁ pabbajjaṁ;
pli-tv-kd20:1.3.13	yannūnāhaṁ aññenapi pariyāyena bhagavantaṁ yāceyyaṁ mātugāmassa tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.3.14	Atha kho āyasmā ānando bhagavantaṁ etadavoca—
pli-tv-kd20:1.3.15	“bhabbo nu kho, bhante, mātugāmo tathāgatappavedite dhammavinaye agārasmā anagāriyaṁ pabbajitvā sotāpattiphalaṁ vā sakadāgāmiphalaṁ vā anāgāmiphalaṁ vā arahattaphalaṁ vā sacchikātun”ti?
pli-tv-kd20:1.3.16	“Bhabbo, ānanda, mātugāmo tathāgatappavedite dhammavinaye agārasmā anagāriyaṁ pabbajitvā sotāpattiphalampi sakadāgāmiphalampi anāgāmiphalampi arahattaphalampi sacchikātun”ti.
pli-tv-kd20:1.3.17	“Sace, bhante, bhabbo mātugāmo tathāgatappavedite dhammavinaye agārasmā anagāriyaṁ pabbajitvā sotāpattiphalampi sakadāgāmiphalampi anāgāmiphalampi arahattaphalampi sacchikātuṁ;
pli-tv-kd20:1.3.18	bahūpakārā, bhante, mahāpajāpati gotamī bhagavato mātucchā āpādikā, posikā, khīrassa dāyikā, bhagavantaṁ janettiyā kālaṅkatāya thaññaṁ pāyesi;
pli-tv-kd20:1.3.19	sādhu, bhante, labheyya mātugāmo tathāgatappavedite dhammavinaye agārasmā anagāriyaṁ pabbajjan”ti.
pli-tv-kd20:1.4.0	2. Aṭṭhagarudhamma
pli-tv-kd20:1.4.1	“Sace, ānanda, mahāpajāpati gotamī aṭṭha garudhamme paṭiggaṇhāti, sāvassā.
pli-tv-kd20:1.4.2	Hotu upasampadā.
pli-tv-kd20:1.4.3	Vassasatūpasampannāya bhikkhuniyā tadahupasampannassa bhikkhuno abhivādanaṁ paccuṭṭhānaṁ añjalikammaṁ sāmīcikammaṁ kātabbaṁ.
pli-tv-kd20:1.4.4	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.5	Na bhikkhuniyā abhikkhuke āvāse vassaṁ vasitabbaṁ.
pli-tv-kd20:1.4.6	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.7	Anvaddhamāsaṁ bhikkhuniyā bhikkhusaṅghato dve dhammā paccāsīsitabbā—
pli-tv-kd20:1.4.8	uposathapucchakañca, ovādūpasaṅkamanañca.
pli-tv-kd20:1.4.9	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.10	Vassaṁvuṭṭhāya bhikkhuniyā ubhatosaṅghe tīhi ṭhānehi pavāretabbaṁ—
pli-tv-kd20:1.4.11	diṭṭhena vā, sutena vā, parisaṅkāya vā.
pli-tv-kd20:1.4.12	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.13	Garudhammaṁ ajjhāpannāya bhikkhuniyā ubhatosaṅghe pakkhamānattaṁ caritabbaṁ.
pli-tv-kd20:1.4.14	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.15	Dve vassāni chasu dhammesu sikkhitasikkhāya sikkhamānāya ubhatosaṅghe upasampadā pariyesitabbā.
pli-tv-kd20:1.4.16	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.17	Na bhikkhuniyā kenaci pariyāyena bhikkhu akkositabbo paribhāsitabbo.
pli-tv-kd20:1.4.18	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.19	Ajjatagge ovaṭo bhikkhunīnaṁ bhikkhūsu vacanapatho, anovaṭo bhikkhūnaṁ bhikkhunīsu vacanapatho.
pli-tv-kd20:1.4.20	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.4.21	Sace, ānanda, mahāpajāpati gotamī ime aṭṭha garudhamme paṭiggaṇhāti, sāvassā hotu upasampadā”ti.
pli-tv-kd20:1.5.1	Atha kho āyasmā ānando bhagavato santike aṭṭha garudhamme uggahetvā yena mahāpajāpati gotamī tenupasaṅkami, upasaṅkamitvā mahāpajāpatiṁ gotamiṁ etadavoca—
pli-tv-kd20:1.5.2	“sace kho tvaṁ, gotami, aṭṭha garudhamme paṭiggaṇheyyāsi, sāva te bhavissati upasampadā.
pli-tv-kd20:1.5.3	Vassasatūpasampannāya bhikkhuniyā tadahupasampannassa bhikkhuno abhivādanaṁ paccuṭṭhānaṁ añjalikammaṁ sāmīcikammaṁ kātabbaṁ.
pli-tv-kd20:1.5.4	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.5	Na bhikkhuniyā abhikkhuke āvāse vassaṁ vasitabbaṁ.
pli-tv-kd20:1.5.6	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.7	Anvaddhamāsaṁ bhikkhuniyā bhikkhusaṅghato dve dhammā paccāsīsitabbā—
pli-tv-kd20:1.5.8	uposathapucchakañca, ovādūpasaṅkamanañca.
pli-tv-kd20:1.5.9	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.10	Vassaṁvuṭṭhāya bhikkhuniyā ubhatosaṅghe tīhi ṭhānehi pavāretabbaṁ—
pli-tv-kd20:1.5.11	diṭṭhena vā, sutena vā, parisaṅkāya vā.
pli-tv-kd20:1.5.12	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.13	Garudhammaṁ ajjhāpannāya bhikkhuniyā ubhatosaṅghe pakkhamānattaṁ caritabbaṁ.
pli-tv-kd20:1.5.14	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.15	Dve vassāni chasu dhammesu sikkhitasikkhāya sikkhamānāya ubhatosaṅghe upasampadā pariyesitabbā.
pli-tv-kd20:1.5.16	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.17	Na bhikkhuniyā kenaci pariyāyena bhikkhu akkositabbo paribhāsitabbo.
pli-tv-kd20:1.5.18	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.19	Ajjatagge ovaṭo bhikkhunīnaṁ bhikkhūsu vacanapatho, anovaṭo bhikkhūnaṁ bhikkhunīsu vacanapatho.
pli-tv-kd20:1.5.20	Ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-kd20:1.5.21	Sace kho tvaṁ, gotami, ime aṭṭha garudhamme paṭiggaṇheyyāsi, sāva te bhavissati upasampadā”ti.
pli-tv-kd20:1.5.22	“Seyyathāpi, bhante ānanda, itthī vā puriso vā daharo, yuvā, maṇḍanakajātiko sīsaṁnahāto uppalamālaṁ vā vassikamālaṁ vā atimuttakamālaṁ vā labhitvā ubhohi hatthehi paṭiggahetvā uttamaṅge sirasmiṁ patiṭṭhāpeyya;
pli-tv-kd20:1.5.23	evameva kho ahaṁ, bhante, ānanda ime aṭṭha garudhamme paṭiggaṇhāmi yāvajīvaṁ anatikkamanīye”ti.
pli-tv-kd20:1.6.1	Atha kho āyasmā ānando yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd20:1.6.2	Ekamantaṁ nisinno kho āyasmā ānando bhagavantaṁ etadavoca—
pli-tv-kd20:1.6.3	“paṭiggahitā, bhante, mahāpajāpatiyā gotamiyā aṭṭha garudhammā, upasampannā bhagavato mātucchā”ti.
pli-tv-kd20:1.6.4	“Sace, ānanda, nālabhissa mātugāmo tathāgatappavedite dhammavinaye agārasmā anagāriyaṁ pabbajjaṁ, ciraṭṭhitikaṁ, ānanda, brahmacariyaṁ abhavissa, vassasahassaṁ saddhammo tiṭṭheyya.
pli-tv-kd20:1.6.5	Yato ca kho, ānanda, mātugāmo tathāgatappavedite dhammavinaye agārasmā anagāriyaṁ pabbajito, na dāni, ānanda, brahmacariyaṁ ciraṭṭhitikaṁ bhavissati.
pli-tv-kd20:1.6.6	Pañceva dāni, ānanda, vassasatāni saddhammo ṭhassati.
pli-tv-kd20:1.6.7	Seyyathāpi, ānanda, yāni kānici kulāni bahutthikāni appapurisakāni, tāni suppadhaṁsiyāni honti corehi kumbhathenakehi;
pli-tv-kd20:1.6.8	evameva kho, ānanda, yasmiṁ dhammavinaye labhati mātugāmo agārasmā anagāriyaṁ pabbajjaṁ, na taṁ brahmacariyaṁ ciraṭṭhitikaṁ hoti.
pli-tv-kd20:1.6.9	Seyyathāpi, ānanda, sampanne sālikkhette setaṭṭikā nāma rogajāti nipatati, evaṁ taṁ sālikkhettaṁ na ciraṭṭhitikaṁ hoti;
pli-tv-kd20:1.6.10	evameva kho, ānanda, yasmiṁ dhammavinaye labhati mātugāmo agārasmā anagāriyaṁ pabbajjaṁ, na taṁ brahmacariyaṁ ciraṭṭhitikaṁ hoti.
pli-tv-kd20:1.6.11	Seyyathāpi, ānanda, sampanne ucchukkhette mañjiṭṭhikā nāma rogajāti nipatati, evaṁ taṁ ucchukkhettaṁ na ciraṭṭhitikaṁ hoti;
pli-tv-kd20:1.6.12	evameva kho, ānanda, yasmiṁ dhammavinaye labhati mātugāmo agārasmā anagāriyaṁ pabbajjaṁ, na taṁ brahmacariyaṁ ciraṭṭhitikaṁ hoti.
pli-tv-kd20:1.6.13	Seyyathāpi, ānanda, puriso mahato taḷākassa paṭikacceva āḷiṁ bandheyya yāvadeva udakassa anatikkamanāya;
pli-tv-kd20:1.6.14	evameva kho, ānanda, mayā paṭikacceva bhikkhunīnaṁ aṭṭha garudhammā paññattā yāvajīvaṁ anatikkamanīyā”ti.
pli-tv-kd20:1.6.15	Bhikkhunīnaṁ aṭṭha garudhammā niṭṭhitā.
pli-tv-kd20:2.1.0	3. Bhikkhunīupasampadānujānana
pli-tv-kd20:2.1.1	Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd20:2.1.2	Ekamantaṁ ṭhitā kho mahāpajāpati gotamī bhagavantaṁ etadavoca—
pli-tv-kd20:2.1.3	“kathāhaṁ, bhante, imāsu sākiyānīsu paṭipajjāmī”ti?
pli-tv-kd20:2.1.4	Atha kho bhagavā mahāpajāpatiṁ gotamiṁ dhammiyā kathāya sandassesi samādapesi samuttejesi sampahaṁsesi.
pli-tv-kd20:2.1.5	Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ abhivādetvā padakkhiṇaṁ katvā pakkāmi.
pli-tv-kd20:2.1.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd20:2.1.7	“anujānāmi, bhikkhave, bhikkhūhi bhikkhuniyo upasampādetun”ti.
pli-tv-kd20:2.2.1	Atha kho tā bhikkhuniyo mahāpajāpatiṁ gotamiṁ etadavocuṁ—
pli-tv-kd20:2.2.2	“ayyā anupasampannā, mayañcamhā upasampannā;
pli-tv-kd20:2.2.3	evañhi bhagavatā paññattaṁ bhikkhūhi bhikkhuniyo upasampādetabbā”ti.
pli-tv-kd20:2.2.4	Atha kho mahāpajāpati gotamī yenāyasmā ānando tenupasaṅkami, upasaṅkamitvā āyasmantaṁ ānandaṁ abhivādetvā ekamantaṁ aṭṭhāsi.
pli-tv-kd20:2.2.5	Ekamantaṁ ṭhitā kho mahāpajāpati gotamī āyasmantaṁ ānandaṁ etadavoca—
pli-tv-kd20:2.2.6	“imā maṁ, bhante ānanda, bhikkhuniyo evamāhaṁsu—
pli-tv-kd20:2.2.7	‘ayyā anupasampannā, mayañcamhā upasampannā;
pli-tv-kd20:2.2.8	evañhi bhagavatā paññattaṁ bhikkhūhi bhikkhuniyo upasampādetabbā’”ti.
pli-tv-kd20:2.2.9	Atha kho āyasmā ānando yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd20:2.2.10	Ekamantaṁ nisinno kho āyasmā ānando bhagavantaṁ etadavoca—
pli-tv-kd20:2.2.11	“mahāpajāpati, bhante, gotamī evamāha—
pli-tv-kd20:2.2.12	‘imā maṁ, bhante ānanda, bhikkhuniyo evamāhaṁsu—
pli-tv-kd20:2.2.13	ayyā anupasampannā, mayañcamhā upasampannā;
pli-tv-kd20:2.2.14	evañhi bhagavatā paññattaṁ bhikkhūhi bhikkhuniyo upasampādetabbā’”ti.
pli-tv-kd20:2.2.15	“Yadaggena, ānanda, mahāpajāpatiyā gotamiyā aṭṭha garudhammā paṭiggahitā, tadeva sā upasampannā”ti.
pli-tv-kd20:3.1.1	Atha kho mahāpajāpati gotamī yenāyasmā ānando tenupasaṅkami, upasaṅkamitvā āyasmantaṁ ānandaṁ abhivādetvā ekamantaṁ aṭṭhāsi.
pli-tv-kd20:3.1.2	Ekamantaṁ ṭhitā kho mahāpajāpati gotamī āyasmantaṁ ānandaṁ etadavoca—
pli-tv-kd20:3.1.3	“ekāhaṁ, bhante ānanda, bhagavantaṁ varaṁ yācāmi.
pli-tv-kd20:3.1.4	Sādhu, bhante, bhagavā anujāneyya bhikkhūnañca bhikkhunīnañca yathāvuḍḍhaṁ abhivādanaṁ paccuṭṭhānaṁ añjalikammaṁ sāmīcikamman”ti.
pli-tv-kd20:3.1.5	Atha kho āyasmā ānando yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd20:3.1.6	Ekamantaṁ nisinno kho āyasmā ānando bhagavantaṁ etadavoca—
pli-tv-kd20:3.1.7	“mahāpajāpati, bhante, gotamī evamāha—
pli-tv-kd20:3.1.8	‘ekāhaṁ, bhante ānanda, bhagavantaṁ varaṁ yācāmi.
pli-tv-kd20:3.1.9	Sādhu, bhante, bhagavā anujāneyya bhikkhūnañca bhikkhunīnañca yathāvuḍḍhaṁ abhivādanaṁ paccuṭṭhānaṁ añjalikammaṁ sāmīcikamman’”ti.
pli-tv-kd20:3.1.10	“Aṭṭhānametaṁ, ānanda, anavakāso, yaṁ tathāgato anujāneyya mātugāmassa abhivādanaṁ paccuṭṭhānaṁ añjalikammaṁ sāmīcikammaṁ.
pli-tv-kd20:3.1.11	Imehi nāma, ānanda, aññatitthiyā durakkhātadhammā mātugāmassa abhivādanaṁ paccuṭṭhānaṁ añjalikammaṁ sāmīcikammaṁ na karissanti;
pli-tv-kd20:3.1.12	kimaṅgaṁ pana tathāgato anujānissati mātugāmassa abhivādanaṁ paccuṭṭhānaṁ añjalikammaṁ sāmīcikamman”ti?
pli-tv-kd20:3.1.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd20:3.1.14	“na, bhikkhave, mātugāmassa abhivādanaṁ paccuṭṭhānaṁ añjalikammaṁ sāmīcikammaṁ kātabbaṁ.
pli-tv-kd20:3.1.15	Yo kareyya, āpatti dukkaṭassā”ti.
pli-tv-kd20:4.1.1	Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd20:4.1.2	Ekamantaṁ ṭhitā kho mahāpajāpati gotamī bhagavantaṁ etadavoca—
pli-tv-kd20:4.1.3	“yāni tāni, bhante, bhikkhunīnaṁ sikkhāpadāni bhikkhūhi sādhāraṇāni, kathaṁ mayaṁ, bhante, tesu sikkhāpadesu paṭipajjāmā”ti?
pli-tv-kd20:4.1.4	“Yāni tāni, gotami, bhikkhunīnaṁ sikkhāpadāni bhikkhūhi sādhāraṇāni, yathā bhikkhū sikkhanti tathā tesu sikkhāpadesu sikkhathā”ti.
pli-tv-kd20:4.1.5	“Yāni pana tāni, bhante, bhikkhunīnaṁ sikkhāpadāni bhikkhūhi asādhāraṇāni, kathaṁ mayaṁ, bhante, tesu sikkhāpadesu paṭipajjāmā”ti?
pli-tv-kd20:4.1.6	“Yāni tāni, gotami, bhikkhunīnaṁ sikkhāpadāni bhikkhūhi asādhāraṇāni, yathāpaññattesu sikkhāpadesu sikkhathā”ti.
pli-tv-kd20:5.1.1	Atha kho mahāpajāpati gotamī yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-kd20:5.1.2	Ekamantaṁ ṭhitā kho mahāpajāpati gotamī bhagavantaṁ etadavoca—
pli-tv-kd20:5.1.3	“sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā ekā vūpakaṭṭhā appamattā ātāpinī pahitattā vihareyyan”ti.
pli-tv-kd20:5.1.4	“Ye kho tvaṁ, gotami, dhamme jāneyyāsi—
pli-tv-kd20:5.1.5	ime dhammā sarāgāya saṁvattanti no virāgāya, saññogāya saṁvattanti no visaññogāya, ācayāya saṁvattanti no apacayāya, mahicchatāya saṁvattanti no appicchatāya, asantuṭṭhiyā saṁvattanti no santuṭṭhiyā, saṅgaṇikāya saṁvattanti no pavivekāya, kosajjāya saṁvattanti no vīriyārambhāya, dubbharatāya saṁvattanti no subharatāya;
pli-tv-kd20:5.1.6	ekaṁsena, gotami, dhāreyyāsi—
pli-tv-kd20:5.1.7	neso dhammo, neso vinayo, netaṁ satthusāsananti.
pli-tv-kd20:5.1.8	Ye ca kho tvaṁ, gotami, dhamme jāneyyāsi—
pli-tv-kd20:5.1.9	ime dhammā virāgāya saṁvattanti no sarāgāya, visaññogāya saṁvattanti no saññogāya, apacayāya saṁvattanti no ācayāya, appicchatāya saṁvattanti no mahicchatāya, santuṭṭhiyā saṁvattanti no asantuṭṭhiyā, pavivekāya saṁvattanti no saṅgaṇikāya, vīriyārambhāya saṁvattanti no kosajjāya, subharatāya saṁvattanti no dubbharatāya;
pli-tv-kd20:5.1.10	ekaṁsena, gotami, dhāreyyāsi—
pli-tv-kd20:5.1.11	eso dhammo, eso vinayo, etaṁ satthusāsanan”ti.
pli-tv-kd20:6.1.1	Tena kho pana samayena bhikkhunīnaṁ pātimokkhaṁ na uddisīyati.
pli-tv-kd20:6.1.2	Bhagavato etamatthaṁ ārocesuṁ …pe…
pli-tv-kd20:6.1.3	“anujānāmi, bhikkhave, bhikkhunīnaṁ pātimokkhaṁ uddisitun”ti.
pli-tv-kd20:6.1.4	Atha kho bhikkhūnaṁ etadahosi—
pli-tv-kd20:6.1.5	“kena nu kho bhikkhunīnaṁ pātimokkhaṁ uddisitabban”ti?
pli-tv-kd20:6.1.6	Bhagavato etamatthaṁ ārocesuṁ.
pli-tv-kd20:6.1.7	“Anujānāmi, bhikkhave, bhikkhūhi bhikkhunīnaṁ pātimokkhaṁ uddisitun”ti.
pli-tv-kd20:6.1.8	Tena kho pana samayena bhikkhū bhikkhunupassayaṁ upasaṅkamitvā bhikkhunīnaṁ pātimokkhaṁ uddisanti.
pli-tv-kd20:6.1.9	Manussā ujjhāyanti khiyyanti vipācenti—
pli-tv-kd20:6.1.10	“jāyāyo imā imesaṁ, jāriyo imā imesaṁ, idāni ime imāhi saddhiṁ abhiramissantī”ti.
pli-tv-kd20:6.1.11	Bhagavato etamatthaṁ ārocesuṁ.
pli-tv-kd20:6.1.12	“Na, bhikkhave, bhikkhūhi bhikkhunīnaṁ pātimokkhaṁ uddisitabbaṁ.
pli-tv-kd20:6.1.13	Yo uddiseyya, āpatti dukkaṭassa.
pli-tv-kd20:6.1.14	Anujānāmi, bhikkhave, bhikkhunīhi bhikkhunīnaṁ pātimokkhaṁ uddisitun”ti.
pli-tv-kd20:6.1.15	Bhikkhuniyo na jānanti—
pli-tv-kd20:6.1.16	“evaṁ pātimokkhaṁ uddisitabban”ti.
pli-tv-kd20:6.1.17	Bhagavato etamatthaṁ ārocesuṁ.
pli-tv-kd20:6.1.18	“Anujānāmi, bhikkhave, bhikkhūhi bhikkhunīnaṁ ācikkhituṁ—
pli-tv-kd20:6.1.19	‘evaṁ pātimokkhaṁ uddiseyyāthā’”ti.
pli-tv-kd20:6.2.1	Tena kho pana samayena bhikkhuniyo āpattiṁ na paṭikaronti.
pli-tv-kd20:6.2.2	Bhagavato etamatthaṁ ārocesuṁ.
pli-tv-kd20:6.2.3	“Na, bhikkhave, bhikkhuniyā āpatti na paṭikātabbā.
pli-tv-kd20:6.2.4	Yā na paṭikareyya, āpatti dukkaṭassā”ti.
pli-tv-kd20:6.2.5	Bhikkhuniyo na jānanti—
pli-tv-kd20:6.2.6	“evaṁ āpatti paṭikātabbā”ti.
pli-tv-kd20:6.2.7	Bhagavato etamatthaṁ ārocesuṁ.
pli-tv-kd20:6.2.8	“Anujānāmi, bhikkhave, bhikkhūhi bhikkhunīnaṁ ācikkhituṁ—
pli-tv-kd20:6.2.9	‘evaṁ āpattiṁ paṭikareyyāthā’”ti.
pli-tv-kd20:6.2.10	Atha kho bhikkhūnaṁ etadahosi—
pli-tv-kd20:6.2.11	“kena nu kho bhikkhunīnaṁ āpatti paṭiggahetabbā”ti?
pli-tv-kd20:6.2.12	Bhagavato etamatthaṁ ārocesuṁ.
pli-tv-kd20:6.2.13	“Anujānāmi, bhikkhave, bhikkhūhi bhikkhunīnaṁ āpattiṁ paṭiggahetun”ti.
pli-tv-kd20:6.2.14	Tena kho pana samayena bhikkhuniyo rathikāyapi byūhepi siṅghāṭakepi bhikkhuṁ passitvā pattaṁ bhūmiyaṁ nikkhipitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā āpattiṁ paṭikaronti.
pli-tv-kd20:6.2.15	Manussā ujjhāyanti khiyyanti vipācenti—
pli-tv-kd20:6.2.16	“jāyāyo imā imesaṁ, jāriyo imā imesaṁ, rattiṁ vimānetvā idāni khamāpentī”ti.
pli-tv-kd20:6.2.17	Bhagavato etamatthaṁ ārocesuṁ.
pli-tv-kd20:6.2.18	“Na, bhikkhave, bhikkhūhi bhikkhunīnaṁ āpatti paṭiggahetabbā.
pli-tv-kd20:6.2.19	Yo paṭiggaṇheyya, āpatti dukkaṭassa.
pli-tv-kd20:6.2.20	Anujānāmi, bhikkhave, bhikkhunīhi bhikkhunīnaṁ āpattiṁ paṭiggahetun”ti.
pli-tv-kd20:6.2.21	Bhikkhuniyo na jānanti—
pli-tv-kd20:6.2.22	“evaṁ āpatti paṭiggahetabbā”ti.
pli-tv-kd20:6.2.23	Bhagavato etamatthaṁ ārocesuṁ.
pli-tv-kd20:6.2.24	“Anujānāmi, bhikkhave, bhikkhūhi bhikkhunīnaṁ ācikkhituṁ—
pli-tv-kd20:6.2.25	‘evaṁ āpattiṁ paṭiggaṇheyyāthā’”ti.
pli-tv-kd20:6.3.1	Tena kho pana samayena bhikkhunīnaṁ kammaṁ na kariyati.
pli-tv-kd20:6.3.2	Bhagavato etamatthaṁ ārocesuṁ.
pli-tv-kd20:6.3.3	“Anujānāmi, bhikkhave, bhikkhunīnaṁ kammaṁ kātun”ti.
pli-tv-kd20:6.3.4	Atha kho bhikkhūnaṁ etadahosi—
pli-tv-kd20:6.3.5	“kena nu kho bhikkhunīnaṁ kammaṁ kātabban”ti?
pli-tv-kd20:6.3.6	Bhagavato etamatthaṁ ārocesuṁ.
pli-tv-kd20:6.3.7	“Anujānāmi, bhikkhave, bhikkhūhi bhikkhunīnaṁ kammaṁ kātun”ti.
pli-tv-kd20:6.3.8	Tena kho pana samayena katakammā bhikkhuniyo rathikāyapi byūhepi siṅghāṭakepi bhikkhuṁ passitvā pattaṁ bhūmiyaṁ nikkhipitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā khamāpenti “evaṁ nūna kātabban”ti maññamānā.
pli-tv-kd20:6.3.9	Manussā tatheva ujjhāyanti khiyyanti vipācenti—
pli-tv-kd20:6.3.10	“jāyāyo imā imesaṁ, jāriyo imā imesaṁ, rattiṁ vimānetvā idāni khamāpentī”ti.
pli-tv-kd20:6.3.11	Bhagavato etamatthaṁ ārocesuṁ.
pli-tv-kd20:6.3.12	“Na, bhikkhave, bhikkhūhi bhikkhunīnaṁ kammaṁ kātabbaṁ.
pli-tv-kd20:6.3.13	Yo kareyya, āpatti dukkaṭassa.
pli-tv-kd20:6.3.14	Anujānāmi, bhikkhave, bhikkhunīhi bhikkhunīnaṁ kammaṁ kātun”ti.
pli-tv-kd20:6.3.15	Bhikkhuniyo na jānanti—
pli-tv-kd20:6.3.16	“evaṁ kammaṁ kātabban”ti.
pli-tv-kd20:6.3.17	Bhagavato etamatthaṁ ārocesuṁ.
pli-tv-kd20:6.3.18	“Anujānāmi, bhikkhave, bhikkhūhi bhikkhunīnaṁ ācikkhituṁ—
pli-tv-kd20:6.3.19	‘evaṁ kammaṁ kareyyāthā’”ti.
pli-tv-kd20:7.1.1	Tena kho pana samayena bhikkhuniyo saṅghamajjhe bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.
pli-tv-kd20:7.1.2	Na sakkonti taṁ adhikaraṇaṁ vūpasametuṁ.
pli-tv-kd20:7.1.3	Bhagavato etamatthaṁ ārocesuṁ.
pli-tv-kd20:7.1.4	“Anujānāmi, bhikkhave, bhikkhūhi bhikkhunīnaṁ adhikaraṇaṁ vūpasametun”ti.
pli-tv-kd20:7.1.5	Tena kho pana samayena bhikkhū bhikkhunīnaṁ adhikaraṇaṁ vūpasamenti.
pli-tv-kd20:7.1.6	Tasmiṁ kho pana adhikaraṇe vinicchiyamāne dissanti bhikkhuniyo kammappattāyopi āpattigāminiyopi.
pli-tv-kd20:7.1.7	Bhikkhuniyo evamāhaṁsu—
pli-tv-kd20:7.1.8	“sādhu, bhante, ayyāva bhikkhunīnaṁ kammaṁ karontu, ayyāva bhikkhunīnaṁ āpattiṁ paṭiggaṇhantu;
pli-tv-kd20:7.1.9	evañhi bhagavatā paññattaṁ bhikkhūhi bhikkhunīnaṁ adhikaraṇaṁ vūpasametabban”ti.
pli-tv-kd20:7.1.10	Bhagavato etamatthaṁ ārocesuṁ.
pli-tv-kd20:7.1.11	“Anujānāmi, bhikkhave, bhikkhūhi bhikkhunīnaṁ kammaṁ āropetvā bhikkhunīnaṁ niyyādetuṁ—
pli-tv-kd20:7.1.12	bhikkhunīhi bhikkhunīnaṁ kammaṁ kātuṁ, bhikkhūhi bhikkhunīnaṁ āpattiṁ āropetvā bhikkhunīnaṁ niyyādetuṁ, bhikkhunīhi bhikkhunīnaṁ āpattiṁ paṭiggahetun”ti.
pli-tv-kd20:8.1.1	Tena kho pana samayena uppalavaṇṇāya bhikkhuniyā antevāsinī bhikkhunī satta vassāni bhagavantaṁ anubandhā hoti vinayaṁ pariyāpuṇantī.
pli-tv-kd20:8.1.2	Tassā muṭṭhassatiniyā gahito gahito mussati.
pli-tv-kd20:8.1.3	Assosi kho sā bhikkhunī—
pli-tv-kd20:8.1.4	“bhagavā kira sāvatthiṁ gantukāmo”ti.
pli-tv-kd20:8.1.5	Atha kho tassā bhikkhuniyā etadahosi—
pli-tv-kd20:8.1.6	“ahaṁ kho satta vassāni bhagavantaṁ anubandhiṁ vinayaṁ pariyāpuṇantī.
pli-tv-kd20:8.1.7	Tassā me muṭṭhassatiniyā gahito gahito mussati.
pli-tv-kd20:8.1.8	Dukkaraṁ kho pana mātugāmena yāvajīvaṁ satthāraṁ anubandhituṁ.
pli-tv-kd20:8.1.9	Kathaṁ nu kho mayā paṭipajjitabban”ti?
pli-tv-kd20:8.1.10	Atha kho sā bhikkhunī bhikkhunīnaṁ etamatthaṁ ārocesi.
pli-tv-kd20:8.1.11	Bhikkhuniyo bhikkhūnaṁ etamatthaṁ ārocesuṁ.
pli-tv-kd20:8.1.12	Bhikkhū bhagavato etamatthaṁ ārocesuṁ.
pli-tv-kd20:8.1.13	“Anujānāmi, bhikkhave, bhikkhūhi bhikkhunīnaṁ vinayaṁ vācetun”ti.
pli-tv-kd20:8.1.14	Paṭhamabhāṇavāro niṭṭhito.
pli-tv-kd20:9.1.0	
pli-tv-kd20:9.1.1	Atha kho bhagavā vesāliyaṁ yathābhirantaṁ viharitvā yena sāvatthi tena cārikaṁ pakkāmi.
pli-tv-kd20:9.1.2	Anupubbena cārikaṁ caramāno yena sāvatthi tadavasari.
pli-tv-kd20:9.1.3	Tatra sudaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd20:9.1.4	Tena kho pana samayena chabbaggiyā bhikkhū bhikkhuniyo kaddamodakena osiñcanti—
pli-tv-kd20:9.1.5	appeva nāma amhesu sārajjeyyunti.
pli-tv-kd20:9.1.6	Bhagavato etamatthaṁ ārocesuṁ.
pli-tv-kd20:9.1.7	“Na, bhikkhave, bhikkhunā bhikkhuniyo kaddamodakena osiñcitabbā.
pli-tv-kd20:9.1.8	Yo osiñceyya, āpatti dukkaṭassa.
pli-tv-kd20:9.1.9	Anujānāmi, bhikkhave, tassa bhikkhuno daṇḍakammaṁ kātun”ti.
pli-tv-kd20:9.1.10	Atha kho bhikkhūnaṁ etadahosi—
pli-tv-kd20:9.1.11	“kiṁ nu kho daṇḍakammaṁ kātabban”ti?
pli-tv-kd20:9.1.12	Bhagavato etamatthaṁ ārocesuṁ.
pli-tv-kd20:9.1.13	“Avandiyo so, bhikkhave, bhikkhu bhikkhunisaṅghena kātabbo”ti.
pli-tv-kd20:9.1.14	Tena kho pana samayena chabbaggiyā bhikkhū kāyaṁ vivaritvā bhikkhunīnaṁ dassenti …pe…
pli-tv-kd20:9.1.15	ūruṁ vivaritvā bhikkhunīnaṁ dassenti, aṅgajātaṁ vivaritvā bhikkhunīnaṁ dassenti, bhikkhuniyo obhāsenti, bhikkhunīhi saddhiṁ sampayojenti—
pli-tv-kd20:9.1.16	appeva nāma amhesu sārajjeyyunti.
pli-tv-kd20:9.1.17	Bhagavato etamatthaṁ ārocesuṁ.
pli-tv-kd20:9.1.18	“Na, bhikkhave, bhikkhunā kāyo vivaritvā bhikkhunīnaṁ dassetabbo, na ūru vivaritvā bhikkhunīnaṁ dassetabbo, na aṅgajātaṁ vivaritvā bhikkhunīnaṁ dassetabbaṁ, na bhikkhuniyo obhāsitabbā, na bhikkhunīhi saddhiṁ sampayojetabbaṁ.
pli-tv-kd20:9.1.19	Yo sampayojeyya, āpatti dukkaṭassa.
pli-tv-kd20:9.1.20	Anujānāmi, bhikkhave, tassa bhikkhuno daṇḍakammaṁ kātun”ti.
pli-tv-kd20:9.1.21	Atha kho bhikkhūnaṁ etadahosi—
pli-tv-kd20:9.1.22	“kiṁ nu kho daṇḍakammaṁ kātabban”ti?
pli-tv-kd20:9.1.23	Bhagavato etamatthaṁ ārocesuṁ.
pli-tv-kd20:9.1.24	“Avandiyo so, bhikkhave, bhikkhu bhikkhunisaṅghena kātabbo”ti.
pli-tv-kd20:9.2.1	Tena kho pana samayena chabbaggiyā bhikkhuniyo bhikkhuṁ kaddamodakena osiñcanti—
pli-tv-kd20:9.2.2	appeva nāma amhesu sārajjeyyunti.
pli-tv-kd20:9.2.3	Bhagavato etamatthaṁ ārocesuṁ.
pli-tv-kd20:9.2.4	“Na, bhikkhave, bhikkhuniyā bhikkhu kaddamodakena osiñcitabbo.
pli-tv-kd20:9.2.5	Yā osiñceyya, āpatti dukkaṭassa.
pli-tv-kd20:9.2.6	Anujānāmi, bhikkhave, tassā bhikkhuniyā daṇḍakammaṁ kātun”ti.
pli-tv-kd20:9.2.7	Atha kho bhikkhūnaṁ etadahosi—
pli-tv-kd20:9.2.8	“kiṁ nu kho daṇḍakammaṁ kātabban”ti?
pli-tv-kd20:9.2.9	Bhagavato etamatthaṁ ārocesuṁ.
pli-tv-kd20:9.2.10	“Anujānāmi, bhikkhave, āvaraṇaṁ kātun”ti.
pli-tv-kd20:9.2.11	Āvaraṇe kate na ādiyanti.
pli-tv-kd20:9.2.12	Bhagavato etamatthaṁ ārocesuṁ.
pli-tv-kd20:9.2.13	“Anujānāmi, bhikkhave, ovādaṁ ṭhapetun”ti.
pli-tv-kd20:9.2.14	Tena kho pana samayena chabbaggiyā bhikkhuniyo kāyaṁ vivaritvā bhikkhūnaṁ dassenti, thanaṁ vivaritvā bhikkhūnaṁ dassenti, ūruṁ vivaritvā bhikkhūnaṁ dassenti, aṅgajātaṁ vivaritvā bhikkhūnaṁ dassenti, bhikkhū obhāsenti, bhikkhūhi saddhiṁ sampayojenti—
pli-tv-kd20:9.2.15	appeva nāma amhesu sārajjeyyunti.
pli-tv-kd20:9.2.16	Bhagavato etamatthaṁ ārocesuṁ.
pli-tv-kd20:9.2.17	“Na, bhikkhave, bhikkhuniyā kāyo vivaritvā bhikkhūnaṁ dassetabbo …pe…
pli-tv-kd20:9.2.18	na thano vivaritvā bhikkhūnaṁ dassetabbo, na ūru vivaritvā bhikkhūnaṁ dassetabbo, na aṅgajātaṁ vivaritvā bhikkhūnaṁ dassetabbaṁ, na bhikkhū obhāsitabbā, na bhikkhūhi saddhiṁ sampayojetabbaṁ.
pli-tv-kd20:9.2.19	Yā sampayojeyya, āpatti dukkaṭassa.
pli-tv-kd20:9.2.20	Anujānāmi, bhikkhave, tassā bhikkhuniyā daṇḍakammaṁ kātun”ti.
pli-tv-kd20:9.2.21	Atha kho bhikkhūnaṁ etadahosi—
pli-tv-kd20:9.2.22	“kiṁ nu kho daṇḍakammaṁ kātabban”ti?
pli-tv-kd20:9.2.23	Bhagavato etamatthaṁ ārocesuṁ.
pli-tv-kd20:9.2.24	“Anujānāmi, bhikkhave, āvaraṇaṁ kātun”ti.
pli-tv-kd20:9.2.25	Āvaraṇe kate na ādiyanti.
pli-tv-kd20:9.2.26	Bhagavato etamatthaṁ ārocesuṁ.
pli-tv-kd20:9.2.27	“Anujānāmi, bhikkhave, ovādaṁ ṭhapetun”ti.
pli-tv-kd20:9.3.1	Atha kho bhikkhūnaṁ etadahosi—
pli-tv-kd20:9.3.2	“kappati nu kho ovādaṭṭhapitāya bhikkhuniyā saddhiṁ uposathaṁ kātuṁ, na nu kho kappatī”ti?
pli-tv-kd20:9.3.3	Bhagavato etamatthaṁ ārocesuṁ.
pli-tv-kd20:9.3.4	“Na, bhikkhave, ovādaṭṭhapitāya bhikkhuniyā saddhiṁ uposatho kātabbo, yāva na taṁ adhikaraṇaṁ vūpasantaṁ hotī”ti.
pli-tv-kd20:9.3.5	Tena kho pana samayena āyasmā udāyī ovādaṁ ṭhapetvā cārikaṁ pakkāmi.
pli-tv-kd20:9.3.6	Bhikkhuniyo ujjhāyanti khiyyanti vipācenti—
pli-tv-kd20:9.3.7	“kathañhi nāma ayyo udāyī ovādaṁ ṭhapetvā cārikaṁ pakkamissatī”ti.
pli-tv-kd20:9.3.8	Bhagavato etamatthaṁ ārocesuṁ.
pli-tv-kd20:9.3.9	“Na, bhikkhave, ovādaṁ ṭhapetvā cārikā pakkamitabbā.
pli-tv-kd20:9.3.10	Yo pakkameyya, āpatti dukkaṭassā”ti.
pli-tv-kd20:9.3.11	Tena kho pana samayena bālā abyattā ovādaṁ ṭhapenti.
pli-tv-kd20:9.3.12	Bhagavato etamatthaṁ ārocesuṁ.
pli-tv-kd20:9.3.13	“Na, bhikkhave, bālena abyattena ovādo ṭhapetabbo.
pli-tv-kd20:9.3.14	Yo ṭhapeyya, āpatti dukkaṭassā”ti.
pli-tv-kd20:9.3.15	Tena kho pana samayena bhikkhū avatthusmiṁ akāraṇe ovādaṁ ṭhapenti.
pli-tv-kd20:9.3.16	Bhagavato etamatthaṁ ārocesuṁ.
pli-tv-kd20:9.3.17	“Na, bhikkhave, avatthusmiṁ akāraṇe ovādo ṭhapetabbo.
pli-tv-kd20:9.3.18	Yo ṭhapeyya, āpatti dukkaṭassā”ti.
pli-tv-kd20:9.3.19	Tena kho pana samayena bhikkhū ovādaṁ ṭhapetvā vinicchayaṁ na denti.
pli-tv-kd20:9.3.20	Bhagavato etamatthaṁ ārocesuṁ.
pli-tv-kd20:9.3.21	“Na, bhikkhave, ovādaṁ ṭhapetvā vinicchayo na dātabbo.
pli-tv-kd20:9.3.22	Yo na dadeyya, āpatti dukkaṭassā”ti.
pli-tv-kd20:9.4.1	Tena kho pana samayena bhikkhuniyo ovādaṁ na gacchanti.
pli-tv-kd20:9.4.2	Bhagavato etamatthaṁ ārocesuṁ.
pli-tv-kd20:9.4.3	“Na, bhikkhave, bhikkhuniyā ovādo na gantabbo.
pli-tv-kd20:9.4.4	Yā na gaccheyya, yathādhammo kāretabbo”ti.
pli-tv-kd20:9.4.5	Tena kho pana samayena sabbo bhikkhunisaṅgho ovādaṁ gacchati.
pli-tv-kd20:9.4.6	Manussā ujjhāyanti khiyyanti vipācenti—
pli-tv-kd20:9.4.7	“jāyāyo imā imesaṁ, jāriyo imā imesaṁ, idāni ime imāhi saddhiṁ abhiramissantī”ti.
pli-tv-kd20:9.4.8	Bhagavato etamatthaṁ ārocesuṁ.
pli-tv-kd20:9.4.9	“Na, bhikkhave, sabbena bhikkhunisaṅghena ovādo gantabbo.
pli-tv-kd20:9.4.10	Gaccheyya ce, āpatti dukkaṭassa.
pli-tv-kd20:9.4.11	Anujānāmi, bhikkhave, catūhi pañcahi bhikkhunīhi ovādaṁ gantun”ti.
pli-tv-kd20:9.4.12	Tena kho pana samayena catasso pañca bhikkhuniyo ovādaṁ gacchanti.
pli-tv-kd20:9.4.13	Manussā tatheva ujjhāyanti khiyyanti vipācenti—
pli-tv-kd20:9.4.14	“jāyāyo imā imesaṁ, jāriyo imā imesaṁ, idāni ime imāhi saddhiṁ abhiramissantī”ti.
pli-tv-kd20:9.4.15	Bhagavato etamatthaṁ ārocesuṁ.
pli-tv-kd20:9.4.16	“Na, bhikkhave, catūhi pañcahi bhikkhunīhi ovādo gantabbo.
pli-tv-kd20:9.4.17	Gaccheyyuñce, āpatti dukkaṭassa.
pli-tv-kd20:9.4.18	Anujānāmi, bhikkhave, dve tisso bhikkhuniyo ovādaṁ gantuṁ.
pli-tv-kd20:9.4.19	Ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd20:9.4.20	‘bhikkhunisaṅgho, ayya, bhikkhusaṅghassa pāde vandati, ovādūpasaṅkamanañca yācati;
pli-tv-kd20:9.4.21	labhatu kira, ayya, bhikkhunisaṅgho ovādūpasaṅkamanan’ti.
pli-tv-kd20:9.4.22	Tena bhikkhunā pātimokkhuddesako upasaṅkamitvā evamassa vacanīyo—
pli-tv-kd20:9.4.23	‘bhikkhunisaṅgho, bhante, bhikkhusaṅghassa pāde vandati, ovādūpasaṅkamanañca yācati;
pli-tv-kd20:9.4.24	labhatu kira, bhante, bhikkhunisaṅgho ovādūpasaṅkamanan’ti.
pli-tv-kd20:9.4.25	Pātimokkhuddesakena vattabbo—
pli-tv-kd20:9.4.26	‘atthi koci bhikkhu bhikkhunovādako sammato’ti?
pli-tv-kd20:9.4.27	Sace hoti koci bhikkhu bhikkhunovādako sammato, pātimokkhuddesakena vattabbo—
pli-tv-kd20:9.4.28	‘itthannāmo bhikkhu bhikkhunovādako sammato, taṁ bhikkhunisaṅgho upasaṅkamatū’ti.
pli-tv-kd20:9.4.29	Sace na hoti koci bhikkhu bhikkhunovādako sammato, pātimokkhuddesakena vattabbo—
pli-tv-kd20:9.4.30	‘ko āyasmā ussahati bhikkhuniyo ovaditun’ti?
pli-tv-kd20:9.4.31	Sace koci ussahati bhikkhuniyo ovadituṁ, so ca hoti aṭṭhahaṅgehi samannāgato, sammannitvā vattabbo—
pli-tv-kd20:9.4.32	‘itthannāmo bhikkhu bhikkhunovādako sammato, taṁ bhikkhunisaṅgho upasaṅkamatū’ti.
pli-tv-kd20:9.4.33	Sace na koci ussahati bhikkhuniyo ovadituṁ, pātimokkhuddesakena vattabbo—
pli-tv-kd20:9.4.34	‘natthi koci bhikkhu bhikkhunovādako sammato, pāsādikena bhikkhunisaṅgho sampādetū’”ti.
pli-tv-kd20:9.5.1	Tena kho pana samayena bhikkhū ovādaṁ na gaṇhanti.
pli-tv-kd20:9.5.2	Bhagavato etamatthaṁ ārocesuṁ.
pli-tv-kd20:9.5.3	“Na, bhikkhave, ovādo na gahetabbo.
pli-tv-kd20:9.5.4	Yo na gaṇheyya, āpatti dukkaṭassā”ti.
pli-tv-kd20:9.5.5	Tena kho pana samayena aññataro bhikkhu bālo hoti.
pli-tv-kd20:9.5.6	Taṁ bhikkhuniyo upasaṅkamitvā etadavocuṁ—
pli-tv-kd20:9.5.7	“ovādaṁ, ayya, gaṇhāhī”ti.
pli-tv-kd20:9.5.8	“Ahañhi, bhaginī, bālo;
pli-tv-kd20:9.5.9	kathāhaṁ ovādaṁ gaṇhāmī”ti?
pli-tv-kd20:9.5.10	“Gaṇhāhayya, ovādaṁ;
pli-tv-kd20:9.5.11	evañhi bhagavatā paññattaṁ—
pli-tv-kd20:9.5.12	bhikkhūhi bhikkhunīnaṁ ovādo gahetabbo”ti.
pli-tv-kd20:9.5.13	Bhagavato etamatthaṁ ārocesuṁ.
pli-tv-kd20:9.5.14	“Anujānāmi, bhikkhave, ṭhapetvā bālaṁ, avasesehi ovādaṁ gahetun”ti.
pli-tv-kd20:9.5.15	Tena kho pana samayena aññataro bhikkhu gilāno hoti.
pli-tv-kd20:9.5.16	Taṁ bhikkhuniyo upasaṅkamitvā etadavocuṁ—
pli-tv-kd20:9.5.17	“ovādaṁ, ayya, gaṇhāhī”ti.
pli-tv-kd20:9.5.18	“Ahañhi, bhaginī, gilāno;
pli-tv-kd20:9.5.19	kathāhaṁ ovādaṁ gaṇhāmī”ti?
pli-tv-kd20:9.5.20	“Gaṇhāhayya, ovādaṁ;
pli-tv-kd20:9.5.21	evañhi bhagavatā paññattaṁ—
pli-tv-kd20:9.5.22	ṭhapetvā bālaṁ, avasesehi ovādo gahetabbo”ti.
pli-tv-kd20:9.5.23	Bhagavato etamatthaṁ ārocesuṁ.
pli-tv-kd20:9.5.24	“Anujānāmi, bhikkhave, ṭhapetvā bālaṁ, ṭhapetvā gilānaṁ, avasesehi ovādaṁ gahetun”ti.
pli-tv-kd20:9.5.25	Tena kho pana samayena aññataro bhikkhu gamiko hoti.
pli-tv-kd20:9.5.26	Taṁ bhikkhuniyo upasaṅkamitvā etadavocuṁ—
pli-tv-kd20:9.5.27	“ovādaṁ, ayya, gaṇhāhī”ti.
pli-tv-kd20:9.5.28	“Ahañhi, bhaginī, gamiko;
pli-tv-kd20:9.5.29	kathāhaṁ ovādaṁ gaṇhāmī”ti?
pli-tv-kd20:9.5.30	“Gaṇhāhayya, ovādaṁ;
pli-tv-kd20:9.5.31	evañhi bhagavatā paññattaṁ—
pli-tv-kd20:9.5.32	ṭhapetvā bālaṁ, ṭhapetvā gilānaṁ, avasesehi ovādo gahetabbo”ti.
pli-tv-kd20:9.5.33	Bhagavato etamatthaṁ ārocesuṁ.
pli-tv-kd20:9.5.34	“Anujānāmi, bhikkhave, ṭhapetvā bālaṁ, ṭhapetvā gilānaṁ, ṭhapetvā gamikaṁ, avasesehi ovādaṁ gahetun”ti.
pli-tv-kd20:9.5.35	Tena kho pana samayena aññataro bhikkhu araññe viharati.
pli-tv-kd20:9.5.36	Taṁ bhikkhuniyo upasaṅkamitvā etadavocuṁ—
pli-tv-kd20:9.5.37	“ovādaṁ, ayya, gaṇhāhī”ti.
pli-tv-kd20:9.5.38	“Ahañhi, bhaginī, araññe viharāmi;
pli-tv-kd20:9.5.39	kathāhaṁ ovādaṁ gaṇhāmī”ti?
pli-tv-kd20:9.5.40	“Gaṇhāhayya, ovādaṁ;
pli-tv-kd20:9.5.41	evañhi bhagavatā paññattaṁ—
pli-tv-kd20:9.5.42	ṭhapetvā bālaṁ, ṭhapetvā gilānaṁ, ṭhapetvā gamikaṁ, avasesehi ovādo gahetabbo”ti.
pli-tv-kd20:9.5.43	Bhagavato etamatthaṁ ārocesuṁ.
pli-tv-kd20:9.5.44	“Anujānāmi, bhikkhave, āraññikena bhikkhunā ovādaṁ gahetuṁ, saṅketañca kātuṁ—
pli-tv-kd20:9.5.45	atra patiharissāmī”ti.
pli-tv-kd20:9.5.46	Tena kho pana samayena bhikkhū ovādaṁ gahetvā na ārocenti.
pli-tv-kd20:9.5.47	Bhagavato etamatthaṁ ārocesuṁ.
pli-tv-kd20:9.5.48	“Na, bhikkhave, ovādo na ārocetabbo.
pli-tv-kd20:9.5.49	Yo na āroceyya, āpatti dukkaṭassā”ti.
pli-tv-kd20:9.5.50	Tena kho pana samayena bhikkhū ovādaṁ gahetvā na paccāharanti.
pli-tv-kd20:9.5.51	Bhagavato etamatthaṁ ārocesuṁ.
pli-tv-kd20:9.5.52	“Na, bhikkhave, ovādo na paccāharitabbo.
pli-tv-kd20:9.5.53	Yo na paccāhareyya, āpatti dukkaṭassā”ti.
pli-tv-kd20:9.5.54	Tena kho pana samayena bhikkhuniyo saṅketaṁ na gacchanti.
pli-tv-kd20:9.5.55	Bhagavato etamatthaṁ ārocesuṁ.
pli-tv-kd20:9.5.56	“Na, bhikkhave, bhikkhuniyā saṅketaṁ na gantabbaṁ.
pli-tv-kd20:9.5.57	Yā na gaccheyya, āpatti dukkaṭassā”ti.
pli-tv-kd20:10.1.0	
pli-tv-kd20:10.1.1	Tena kho pana samayena bhikkhuniyo dīghāni kāyabandhanāni dhārenti, teheva phāsukā nāmenti.
pli-tv-kd20:10.1.2	Manussā ujjhāyanti khiyyanti vipācenti …pe…
pli-tv-kd20:10.1.3	seyyathāpi gihinī kāmabhoginiyo”ti.
pli-tv-kd20:10.1.4	Bhagavato etamatthaṁ ārocesuṁ.
pli-tv-kd20:10.1.5	“Na, bhikkhave, bhikkhuniyā dīghaṁ kāyabandhanaṁ dhāretabbaṁ.
pli-tv-kd20:10.1.6	Yā dhāreyya, āpatti dukkaṭassa.
pli-tv-kd20:10.1.7	Anujānāmi, bhikkhave, bhikkhuniyā ekapariyākataṁ kāyabandhanaṁ, na ca tena phāsukā nāmetabbā.
pli-tv-kd20:10.1.8	Yā nāmeyya, āpatti dukkaṭassā”ti.
pli-tv-kd20:10.1.9	Tena kho pana samayena bhikkhuniyo vilīvena paṭṭena phāsukā nāmenti …pe…
pli-tv-kd20:10.1.10	cammapaṭṭena phāsukā nāmenti.
pli-tv-kd20:10.1.11	Dussapaṭṭena phāsukā nāmenti.
pli-tv-kd20:10.1.12	Dussaveṇiyā phāsukā nāmenti.
pli-tv-kd20:10.1.13	Dussavaṭṭiyā phāsukā nāmenti.
pli-tv-kd20:10.1.14	Coḷapaṭṭena phāsukā nāmenti.
pli-tv-kd20:10.1.15	Coḷaveṇiyā phāsukā nāmenti.
pli-tv-kd20:10.1.16	Coḷavaṭṭiyā phāsukā nāmenti.
pli-tv-kd20:10.1.17	Suttaveṇiyā phāsukā nāmenti.
pli-tv-kd20:10.1.18	Suttavaṭṭiyā phāsukā nāmenti.
pli-tv-kd20:10.1.19	Manussā ujjhāyanti khiyyanti vipācenti …pe…
pli-tv-kd20:10.1.20	seyyathāpi gihinī kāmabhoginiyo”ti.
pli-tv-kd20:10.1.21	Bhagavato etamatthaṁ ārocesuṁ.
pli-tv-kd20:10.1.22	“Na, bhikkhave, bhikkhuniyā vilīvena paṭṭena phāsukā nāmetabbā …pe…
pli-tv-kd20:10.1.23	na suttavaṭṭiyā phāsukā nāmetabbā.
pli-tv-kd20:10.1.24	Yā nāmeyya, āpatti dukkaṭassā”ti.
pli-tv-kd20:10.2.1	Tena kho pana samayena bhikkhuniyo aṭṭhillena jaghanaṁ ghaṁsāpenti …pe…
pli-tv-kd20:10.2.2	gohanukena jaghanaṁ koṭṭāpenti, hatthaṁ koṭṭāpenti, hatthakocchaṁ koṭṭāpenti, pādaṁ koṭṭāpenti, pādakocchaṁ koṭṭāpenti, ūruṁ koṭṭāpenti, mukhaṁ koṭṭāpenti, dantamaṁsaṁ koṭṭāpenti.
pli-tv-kd20:10.2.3	Manussā ujjhāyanti khiyyanti vipācenti …pe…
pli-tv-kd20:10.2.4	seyyathāpi gihinī kāmabhoginiyo”ti.
pli-tv-kd20:10.2.5	Bhagavato etamatthaṁ ārocesuṁ.
pli-tv-kd20:10.2.6	“Na, bhikkhave, bhikkhuniyā aṭṭhillena jaghanaṁ ghaṁsāpetabbaṁ …pe…
pli-tv-kd20:10.2.7	na dantamaṁsaṁ koṭṭāpetabbaṁ.
pli-tv-kd20:10.2.8	Yā koṭṭāpeyya, āpatti dukkaṭassā”ti.
pli-tv-kd20:10.3.1	Tena kho pana samayena chabbaggiyā bhikkhuniyo mukhaṁ ālimpanti …pe…
pli-tv-kd20:10.3.2	mukhaṁ ummaddenti, mukhaṁ cuṇṇenti, manosilikāya mukhaṁ lañchenti, aṅgarāgaṁ karonti, mukharāgaṁ karonti, aṅgarāgamukharāgaṁ karonti.
pli-tv-kd20:10.3.3	Manussā ujjhāyanti khiyyanti vipācenti …pe…
pli-tv-kd20:10.3.4	seyyathāpi gihinī kāmabhoginiyo”ti.
pli-tv-kd20:10.3.5	Bhagavato etamatthaṁ ārocesuṁ.
pli-tv-kd20:10.3.6	“Na, bhikkhave, bhikkhuniyā mukhaṁ ālimpitabbaṁ …pe…
pli-tv-kd20:10.3.7	na mukhaṁ ummadditabbaṁ, na mukhaṁ cuṇṇetabbaṁ, na manosilikāya mukhaṁ lañchetabbaṁ, na aṅgarāgo kātabbo, na mukharāgo kātabbo, na aṅgarāgamukharāgo kātabbo.
pli-tv-kd20:10.3.8	Yā kareyya, āpatti dukkaṭassā”ti.
pli-tv-kd20:10.4.1	Tena kho pana samayena chabbaggiyā bhikkhuniyo avaṅgaṁ karonti …pe…
pli-tv-kd20:10.4.2	visesakaṁ karonti, olokanakena olokenti, sāloke tiṭṭhanti;
pli-tv-kd20:10.4.3	naccaṁ kārāpenti, vesiṁ vuṭṭhāpenti, pānāgāraṁ ṭhapenti, sūnaṁ ṭhapenti, āpaṇaṁ pasārenti, vaḍḍhiṁ payojenti, vaṇijjaṁ payojenti, dāsaṁ upaṭṭhāpenti, dāsiṁ upaṭṭhāpenti, kammakāraṁ upaṭṭhāpenti, kammakāriṁ upaṭṭhāpenti, tiracchānagataṁ upaṭṭhāpenti, harītakapakkikaṁ pakiṇanti, namatakaṁ dhārenti.
pli-tv-kd20:10.4.4	Manussā ujjhāyanti khiyyanti vipācenti …pe…
pli-tv-kd20:10.4.5	seyyathāpi gihinī kāmabhoginiyo”ti.
pli-tv-kd20:10.4.6	Bhagavato etamatthaṁ ārocesuṁ.
pli-tv-kd20:10.4.7	“Na, bhikkhave, bhikkhuniyā avaṅgaṁ kātabbaṁ …pe…
pli-tv-kd20:10.4.8	na visesakaṁ kātabbaṁ, na olokanakena oloketabbaṁ, na sāloke ṭhātabbaṁ, na naccaṁ kārāpetabbaṁ, na vesī vuṭṭhāpetabbā, na pānāgāraṁ ṭhapetabbaṁ, na sūnā ṭhapetabbā, na āpaṇo pasāretabbo, na vaḍḍhi payojetabbā, na vaṇijjā payojetabbā, na dāso upaṭṭhāpetabbo, na dāsī upaṭṭhāpetabbā, na kammakāro upaṭṭhāpetabbo, na kammakārī upaṭṭhāpetabbā, na tiracchānagato upaṭṭhāpetabbo, na harītakapakkikaṁ pakiṇitabbaṁ, na namatakaṁ dhāretabbaṁ.
pli-tv-kd20:10.4.9	Yā dhāreyya, āpatti dukkaṭassā”ti.
pli-tv-kd20:10.5.1	Tena kho pana samayena chabbaggiyā bhikkhuniyo sabbanīlakāni cīvarāni dhārenti …pe…
pli-tv-kd20:10.5.2	sabbapītakāni cīvarāni dhārenti, sabbalohitakāni cīvarāni dhārenti, sabbamañjiṭṭhikāni cīvarāni dhārenti, sabbakaṇhāni cīvarāni dhārenti, sabbamahāraṅgarattāni cīvarāni dhārenti, sabbamahānāmarattāni cīvarāni dhārenti, acchinnadasāni cīvarāni dhārenti, dīghadasāni cīvarāni dhārenti, pupphadasāni cīvarāni dhārenti, phaladasāni cīvarāni dhārenti, kañcukaṁ dhārenti, tirīṭakaṁ dhārenti.
pli-tv-kd20:10.5.3	Manussā ujjhāyanti khiyyanti vipācenti …pe…
pli-tv-kd20:10.5.4	seyyathāpi gihinī kāmabhoginiyo”ti.
pli-tv-kd20:10.5.5	Bhagavato etamatthaṁ ārocesuṁ.
pli-tv-kd20:10.5.6	“Na, bhikkhave, bhikkhuniyā sabbanīlakāni cīvarāni dhāretabbāni …pe…
pli-tv-kd20:10.5.7	na tirīṭakaṁ dhāretabbaṁ.
pli-tv-kd20:10.5.8	Yā dhāreyya, āpatti dukkaṭassā”ti.
pli-tv-kd20:11.1.0	
pli-tv-kd20:11.1.1	Tena kho pana samayena aññatarā bhikkhunī kālaṁ karontī evamāha—
pli-tv-kd20:11.1.2	“mamaccayena mayhaṁ parikkhāro saṅghassa hotū”ti.
pli-tv-kd20:11.1.3	Tattha bhikkhū ca bhikkhuniyo ca vivadanti—
pli-tv-kd20:11.1.4	“amhākaṁ hoti, amhākaṁ hotī”ti.
pli-tv-kd20:11.1.5	Bhagavato etamatthaṁ ārocesuṁ.
pli-tv-kd20:11.1.6	“Bhikkhunī ce, bhikkhave, kālaṁ karontī evaṁ vadeyya—
pli-tv-kd20:11.1.7	‘mamaccayena mayhaṁ parikkhāro saṅghassa hotū’ti, anissaro tattha bhikkhusaṅgho, bhikkhunisaṅghassevetaṁ.
pli-tv-kd20:11.1.8	Sikkhamānā ce, bhikkhave …pe…
pli-tv-kd20:11.1.9	sāmaṇerī ce, bhikkhave, kālaṁ karontī evaṁ vadeyya—
pli-tv-kd20:11.1.10	‘mamaccayena mayhaṁ parikkhāro saṅghassa hotū’ti, anissaro tattha bhikkhusaṅgho, bhikkhunisaṅghassevetaṁ.
pli-tv-kd20:11.1.11	Bhikkhu ce, bhikkhave, kālaṁ karonto evaṁ vadeyya—
pli-tv-kd20:11.1.12	‘mamaccayena mayhaṁ parikkhāro saṅghassa hotū’ti, anissaro tattha bhikkhunisaṅgho, bhikkhusaṅghassevetaṁ.
pli-tv-kd20:11.1.13	Sāmaṇero ce, bhikkhave …pe…
pli-tv-kd20:11.1.14	upāsako ce, bhikkhave …pe…
pli-tv-kd20:11.1.15	upāsikā ce, bhikkhave …pe…
pli-tv-kd20:11.1.16	añño ce, bhikkhave, koci kālaṁ karonto evaṁ vadeyya—
pli-tv-kd20:11.1.17	‘mamaccayena mayhaṁ parikkhāro saṅghassa hotū’ti, anissaro tattha bhikkhunisaṅgho, bhikkhusaṅghassevetan”ti.
pli-tv-kd20:12.1.1	Tena kho pana samayena aññatarā itthī purāṇamallī bhikkhunīsu pabbajitā hoti.
pli-tv-kd20:12.1.2	Sā rathikāya dubbalakaṁ bhikkhuṁ passitvā aṁsakūṭena pahāraṁ datvā pātesi.
pli-tv-kd20:12.1.3	Bhikkhū ujjhāyanti khiyyanti vipācenti—
pli-tv-kd20:12.1.4	“kathañhi nāma, bhikkhunī, bhikkhussa pahāraṁ dassatī”ti.
pli-tv-kd20:12.1.5	Bhagavato etamatthaṁ ārocesuṁ.
pli-tv-kd20:12.1.6	“Na, bhikkhave, bhikkhuniyā bhikkhussa pahāro dātabbo.
pli-tv-kd20:12.1.7	Yā dadeyya, āpatti dukkaṭassa.
pli-tv-kd20:12.1.8	Anujānāmi, bhikkhave, bhikkhuniyā bhikkhuṁ passitvā dūratova okkamitvā maggaṁ dātun”ti.
pli-tv-kd20:13.1.1	Tena kho pana samayena aññatarā itthī pavutthapatikā jārena gabbhinī hoti.
pli-tv-kd20:13.1.2	Sā gabbhaṁ pātetvā kulūpikaṁ bhikkhuniṁ etadavoca—
pli-tv-kd20:13.1.3	“handayye, imaṁ gabbhaṁ pattena nīharā”ti.
pli-tv-kd20:13.1.4	Atha kho sā bhikkhunī taṁ gabbhaṁ patte pakkhipitvā saṅghāṭiyā paṭicchādetvā agamāsi.
pli-tv-kd20:13.1.5	Tena kho pana samayena aññatarena piṇḍacārikena bhikkhunā samādānaṁ kataṁ hoti—
pli-tv-kd20:13.1.6	“yāhaṁ paṭhamaṁ bhikkhaṁ labhissāmi, na taṁ adatvā bhikkhussa vā bhikkhuniyā vā paribhuñjissāmī”ti.
pli-tv-kd20:13.1.7	Atha kho so bhikkhu taṁ bhikkhuniṁ passitvā etadavoca—
pli-tv-kd20:13.1.8	“handa, bhagini, bhikkhaṁ paṭiggaṇhā”ti.
pli-tv-kd20:13.1.9	“Alaṁ, ayyā”ti.
pli-tv-kd20:13.1.10	Dutiyampi kho …pe…
pli-tv-kd20:13.1.11	tatiyampi kho so bhikkhu taṁ bhikkhuniṁ etadavoca—
pli-tv-kd20:13.1.12	“handa, bhagini, bhikkhaṁ paṭiggaṇhā”ti.
pli-tv-kd20:13.1.13	“Alaṁ, ayyā”ti.
pli-tv-kd20:13.1.14	“Mayā kho, bhagini, samādānaṁ kataṁ—
pli-tv-kd20:13.1.15	‘yāhaṁ paṭhamaṁ bhikkhaṁ labhissāmi, na taṁ adatvā bhikkhussa vā bhikkhuniyā vā paribhuñjissāmī’ti.
pli-tv-kd20:13.1.16	Handa, bhagini, bhikkhaṁ paṭiggaṇhā”ti.
pli-tv-kd20:13.1.17	Atha kho sā bhikkhunī tena bhikkhunā nippīḷiyamānā nīharitvā pattaṁ dassesi—
pli-tv-kd20:13.1.18	“passa, ayya, patte gabbhaṁ;
pli-tv-kd20:13.1.19	mā ca kassaci ārocesī”ti.
pli-tv-kd20:13.1.20	Atha kho so bhikkhu ujjhāyati khiyyati vipāceti—
pli-tv-kd20:13.1.21	“kathañhi nāma bhikkhunī pattena gabbhaṁ nīharissatī”ti.
pli-tv-kd20:13.1.22	Atha kho so bhikkhu bhikkhūnaṁ etamatthaṁ ārocesi.
pli-tv-kd20:13.1.23	Ye te bhikkhū appicchā …pe… te ujjhāyanti khiyyanti vipācenti—
pli-tv-kd20:13.1.24	“kathañhi nāma bhikkhunī pattena gabbhaṁ nīharissatī”ti.
pli-tv-kd20:13.1.25	Bhagavato etamatthaṁ ārocesuṁ.
pli-tv-kd20:13.1.26	“Na, bhikkhave, bhikkhuniyā pattena gabbho nīharitabbo.
pli-tv-kd20:13.1.27	Yā nīhareyya, āpatti dukkaṭassa.
pli-tv-kd20:13.1.28	Anujānāmi, bhikkhave, bhikkhuniyā bhikkhuṁ passitvā nīharitvā pattaṁ dassetun”ti.
pli-tv-kd20:13.2.1	Tena kho pana samayena chabbaggiyā bhikkhuniyo bhikkhuṁ passitvā parivattetvā pattamūlaṁ dassenti.
pli-tv-kd20:13.2.2	Bhikkhū ujjhāyanti khiyyanti vipācenti—
pli-tv-kd20:13.2.3	“kathañhi nāma chabbaggiyā bhikkhuniyo bhikkhuṁ passitvā parivattetvā pattamūlaṁ dassessantī”ti.
pli-tv-kd20:13.2.4	Atha kho te bhikkhū bhagavato etamatthaṁ ārocesuṁ.
pli-tv-kd20:13.2.5	“Na, bhikkhave, bhikkhuniyā bhikkhuṁ passitvā parivattetvā pattamūlaṁ dassetabbaṁ.
pli-tv-kd20:13.2.6	Yā dasseyya, āpatti dukkaṭassa.
pli-tv-kd20:13.2.7	Anujānāmi, bhikkhave, bhikkhuniyā bhikkhuṁ passitvā ukkujjitvā pattaṁ dassetuṁ.
pli-tv-kd20:13.2.8	Yañca patte āmisaṁ hoti, tena ca bhikkhu nimantetabbo”ti.
pli-tv-kd20:14.1.1	Tena kho pana samayena sāvatthiyaṁ rathikāya purisabyañjanaṁ chaḍḍitaṁ hoti.
pli-tv-kd20:14.1.2	Taṁ bhikkhuniyo sakkaccaṁ upanijjhāyiṁsu.
pli-tv-kd20:14.1.3	Manussā ukkuṭṭhiṁ akaṁsu.
pli-tv-kd20:14.1.4	Tā bhikkhuniyo maṅkū ahesuṁ.
pli-tv-kd20:14.1.5	Atha kho tā bhikkhuniyo upassayaṁ gantvā bhikkhunīnaṁ etamatthaṁ ārocesuṁ.
pli-tv-kd20:14.1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-kd20:14.1.7	“kathañhi nāma bhikkhuniyo purisabyañjanaṁ upanijjhāyissantī”ti.
pli-tv-kd20:14.1.8	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-kd20:14.1.9	Bhikkhū bhagavato etamatthaṁ ārocesuṁ.
pli-tv-kd20:14.1.10	“Na, bhikkhave, bhikkhuniyā purisabyañjanaṁ upanijjhāyitabbaṁ.
pli-tv-kd20:14.1.11	Yā upanijjhāyeyya, āpatti dukkaṭassā”ti.
pli-tv-kd20:15.1.0	
pli-tv-kd20:15.1.1	Tena kho pana samayena manussā bhikkhūnaṁ āmisaṁ denti.
pli-tv-kd20:15.1.2	Bhikkhū bhikkhunīnaṁ denti.
pli-tv-kd20:15.1.3	Manussā ujjhāyanti khiyyanti vipācenti—
pli-tv-kd20:15.1.4	“kathañhi nāma bhadantā attano paribhogatthāya dinnaṁ aññesaṁ dassanti.
pli-tv-kd20:15.1.5	Mayampi na jānāma dānaṁ dātun”ti.
pli-tv-kd20:15.1.6	Bhagavato etamatthaṁ ārocesuṁ.
pli-tv-kd20:15.1.7	“Na, bhikkhave, attano paribhogatthāya dinnaṁ aññesaṁ dātabbaṁ.
pli-tv-kd20:15.1.8	Yo dadeyya, āpatti dukkaṭassā”ti.
pli-tv-kd20:15.1.9	Tena kho pana samayena bhikkhūnaṁ āmisaṁ ussannaṁ hoti.
pli-tv-kd20:15.1.10	Bhagavato etamatthaṁ ārocesuṁ.
pli-tv-kd20:15.1.11	“Anujānāmi, bhikkhave, saṅghassa dātun”ti.
pli-tv-kd20:15.1.12	Bāḷhataraṁ ussannaṁ hoti.
pli-tv-kd20:15.1.13	Bhagavato etamatthaṁ ārocesuṁ.
pli-tv-kd20:15.1.14	“Anujānāmi, bhikkhave, puggalikampi dātun”ti.
pli-tv-kd20:15.1.15	Tena kho pana samayena bhikkhūnaṁ sannidhikataṁ āmisaṁ ussannaṁ hoti.
pli-tv-kd20:15.1.16	Bhagavato etamatthaṁ ārocesuṁ.
pli-tv-kd20:15.1.17	“Anujānāmi, bhikkhave, bhikkhūnaṁ sannidhiṁ bhikkhunīhi paṭiggāhāpetvā paribhuñjitun”ti.
pli-tv-kd20:15.2.1	Tena kho pana samayena manussā bhikkhunīnaṁ āmisaṁ denti.
pli-tv-kd20:15.2.2	Bhikkhuniyo bhikkhūnaṁ denti.
pli-tv-kd20:15.2.3	Manussā ujjhāyanti khiyyanti vipācenti—
pli-tv-kd20:15.2.4	“kathañhi nāma bhikkhuniyo attano paribhogatthāya dinnaṁ aññesaṁ dassanti.
pli-tv-kd20:15.2.5	Mayampi na jānāma dānaṁ dātun”ti.
pli-tv-kd20:15.2.6	Bhagavato etamatthaṁ ārocesuṁ.
pli-tv-kd20:15.2.7	“Na, bhikkhave, bhikkhuniyā attano paribhogatthāya dinnaṁ aññesaṁ dātabbaṁ.
pli-tv-kd20:15.2.8	Yā dadeyya, āpatti dukkaṭassā”ti.
pli-tv-kd20:15.2.9	Tena kho pana samayena bhikkhunīnaṁ āmisaṁ ussannaṁ hoti.
pli-tv-kd20:15.2.10	Bhagavato etamatthaṁ ārocesuṁ.
pli-tv-kd20:15.2.11	“Anujānāmi, bhikkhave, saṅghassa dātun”ti.
pli-tv-kd20:15.2.12	Bāḷhataraṁ ussannaṁ hoti.
pli-tv-kd20:15.2.13	Bhagavato etamatthaṁ ārocesuṁ.
pli-tv-kd20:15.2.14	“Anujānāmi, bhikkhave, puggalikampi dātun”ti.
pli-tv-kd20:15.2.15	Tena kho pana samayena bhikkhunīnaṁ sannidhikataṁ āmisaṁ ussannaṁ hoti.
pli-tv-kd20:15.2.16	Bhagavato etamatthaṁ ārocesuṁ.
pli-tv-kd20:15.2.17	“Anujānāmi, bhikkhave, bhikkhunīnaṁ sannidhiṁ bhikkhūhi paṭiggāhāpetvā paribhuñjitun”ti.
pli-tv-kd20:16.1.1	Tena kho pana samayena bhikkhūnaṁ senāsanaṁ ussannaṁ hoti, bhikkhunīnaṁ na hoti.
pli-tv-kd20:16.1.2	Bhikkhuniyo bhikkhūnaṁ santike dūtaṁ pāhesuṁ—
pli-tv-kd20:16.1.3	“sādhu, bhante, ayyā amhākaṁ senāsanaṁ dentu tāvakālikan”ti.
pli-tv-kd20:16.1.4	Bhagavato etamatthaṁ ārocesuṁ.
pli-tv-kd20:16.1.5	“Anujānāmi, bhikkhave, bhikkhunīnaṁ senāsanaṁ dātuṁ tāvakālikan”ti.
pli-tv-kd20:16.2.1	Tena kho pana samayena utuniyo bhikkhuniyo onaddhamañcaṁ onaddhapīṭhaṁ abhinisīdantipi abhinipajjantipi.
pli-tv-kd20:16.2.2	Senāsanaṁ lohitena makkhiyyati.
pli-tv-kd20:16.2.3	Bhagavato etamatthaṁ ārocesuṁ.
pli-tv-kd20:16.2.4	“Na, bhikkhave, bhikkhuniyā onaddhamañcaṁ onaddhapīṭhaṁ abhinisīditabbaṁ abhinipajjitabbaṁ.
pli-tv-kd20:16.2.5	Yā abhinisīdeyya vā abhinipajjeyya vā āpatti dukkaṭassa.
pli-tv-kd20:16.2.6	Anujānāmi, bhikkhave, āvasathacīvaran”ti.
pli-tv-kd20:16.2.7	Āvasathacīvaraṁ lohitena makkhiyyati.
pli-tv-kd20:16.2.8	Bhagavato etamatthaṁ ārocesuṁ.
pli-tv-kd20:16.2.9	“Anujānāmi, bhikkhave, āṇicoḷakan”ti.
pli-tv-kd20:16.2.10	Coḷakaṁ nipatati.
pli-tv-kd20:16.2.11	Bhagavato etamatthaṁ ārocesuṁ.
pli-tv-kd20:16.2.12	“Anujānāmi, bhikkhave, suttakena bandhitvā ūruyā bandhitun”ti.
pli-tv-kd20:16.2.13	Suttaṁ chijjati.
pli-tv-kd20:16.2.14	Bhagavato etamatthaṁ ārocesuṁ.
pli-tv-kd20:16.2.15	“Anujānāmi, bhikkhave, saṁvelliyaṁ, kaṭisuttakan”ti.
pli-tv-kd20:16.2.16	Tena kho pana samayena chabbaggiyā bhikkhuniyo sabbakālaṁ kaṭisuttakaṁ dhārenti.
pli-tv-kd20:16.2.17	Manussā ujjhāyanti khiyyanti vipācenti—
pli-tv-kd20:16.2.18	“seyyathāpi gihinī kāmabhoginiyo”ti.
pli-tv-kd20:16.2.19	Bhagavato etamatthaṁ ārocesuṁ.
pli-tv-kd20:16.2.20	“Na, bhikkhave, bhikkhuniyā sabbakālaṁ kaṭisuttakaṁ dhāretabbaṁ.
pli-tv-kd20:16.2.21	Yā dhāreyya, āpatti dukkaṭassa.
pli-tv-kd20:16.2.22	Anujānāmi, bhikkhave, utuniyā kaṭisuttakan”ti.
pli-tv-kd20:16.2.23	Dutiyabhāṇavāro niṭṭhito.
pli-tv-kd20:17.1.0	
pli-tv-kd20:17.1.1	Tena kho pana samayena upasampannāyo dissanti—
pli-tv-kd20:17.1.2	animittāpi, nimittamattāpi, alohitāpi, dhuvalohitāpi, dhuvacoḷāpi, paggharantīpi, sikharaṇīpi, itthipaṇḍakāpi, vepurisikāpi, sambhinnāpi, ubhatobyañjanāpi.
pli-tv-kd20:17.1.3	Bhagavato etamatthaṁ ārocesuṁ.
pli-tv-kd20:17.1.4	“Anujānāmi, bhikkhave, upasampādentiyā catuvīsati antarāyike dhamme pucchituṁ.
pli-tv-kd20:17.1.5	Evañca pana, bhikkhave, pucchitabbā—
pli-tv-kd20:17.1.6	‘nasi animittā, nasi nimittamattā, nasi alohitā, nasi dhuvalohitā, nasi dhuvacoḷā, nasi paggharantī, nasi sikharaṇī, nasi itthipaṇḍakā, nasi vepurisikā, nasi sambhinnā, nasi ubhatobyañjanā?
pli-tv-kd20:17.1.7	Santi te evarūpā ābādhā—
pli-tv-kd20:17.1.8	kuṭṭhaṁ, gaṇḍo, kilāso, soso, apamāro?
pli-tv-kd20:17.1.9	Manussāsi, itthīsi, bhujissāsi, aṇaṇāsi, nasi rājabhaṭī?
pli-tv-kd20:17.1.10	Anuññātāsi mātāpitūhi, sāmikena?
pli-tv-kd20:17.1.11	Paripuṇṇavīsativassāsi, paripuṇṇaṁ te pattacīvaraṁ, kiṁnāmāsi, kānāmā te pavattinī’”ti?
pli-tv-kd20:17.2.1	Tena kho pana samayena bhikkhū bhikkhunīnaṁ antarāyike dhamme pucchanti.
pli-tv-kd20:17.2.2	Upasampadāpekkhāyo vitthāyanti, maṅkū honti, na sakkonti vissajjetuṁ.
pli-tv-kd20:17.2.3	Bhagavato etamatthaṁ ārocesuṁ.
pli-tv-kd20:17.2.4	“Anujānāmi, bhikkhave, ekatoupasampannāya bhikkhunisaṅghe visuddhāya bhikkhusaṅghe upasampādetun”ti.
pli-tv-kd20:17.2.5	Tena kho pana samayena bhikkhuniyo ananusiṭṭhā upasampadāpekkhāyo antarāyike dhamme pucchanti.
pli-tv-kd20:17.2.6	Upasampadāpekkhāyo vitthāyanti, maṅkū honti, na sakkonti vissajjetuṁ.
pli-tv-kd20:17.2.7	Bhagavato etamatthaṁ ārocesuṁ.
pli-tv-kd20:17.2.8	“Anujānāmi, bhikkhave, paṭhamaṁ anusāsitvā pacchā antarāyike dhamme pucchitun”ti.
pli-tv-kd20:17.2.9	Tattheva saṅghamajjhe anusāsanti.
pli-tv-kd20:17.2.10	Upasampadāpekkhāyo tatheva vitthāyanti, maṅkū honti, na sakkonti vissajjetuṁ.
pli-tv-kd20:17.2.11	Bhagavato etamatthaṁ ārocesuṁ.
pli-tv-kd20:17.2.12	“Anujānāmi, bhikkhave, ekamantaṁ anusāsitvā saṅghamajjhe antarāyike dhamme pucchituṁ.
pli-tv-kd20:17.2.13	Evañca pana, bhikkhave, anusāsitabbā.
pli-tv-kd20:17.2.14	Paṭhamaṁ upajjhaṁ gāhāpetabbā.
pli-tv-kd20:17.2.15	Upajjhaṁ gāhāpetvā pattacīvaraṁ ācikkhitabbaṁ—
pli-tv-kd20:17.2.16	‘ayaṁ te patto, ayaṁ saṅghāṭi, ayaṁ uttarāsaṅgo, ayaṁ antaravāsako, idaṁ saṅkaccikaṁ, ayaṁ udakasāṭikā;
pli-tv-kd20:17.2.17	gaccha amumhi okāse tiṭṭhāhī’”ti.
pli-tv-kd20:17.3.1	Bālā abyattā anusāsanti.
pli-tv-kd20:17.3.2	Duranusiṭṭhā upasampadāpekkhāyo vitthāyanti, maṅkū honti, na sakkonti vissajjetuṁ.
pli-tv-kd20:17.3.3	Bhagavato etamatthaṁ ārocesuṁ.
pli-tv-kd20:17.3.4	“Na, bhikkhave, bālāya abyattāya anusāsitabbā.
pli-tv-kd20:17.3.5	Yā anusāseyya, āpatti dukkaṭassa.
pli-tv-kd20:17.3.6	Anujānāmi, bhikkhave, byattāya bhikkhuniyā paṭibalāya anusāsitun”ti.
pli-tv-kd20:17.4.1	Asammatā anusāsanti.
pli-tv-kd20:17.4.2	Bhagavato etamatthaṁ ārocesuṁ.
pli-tv-kd20:17.4.3	“Na, bhikkhave, asammatāya anusāsitabbā.
pli-tv-kd20:17.4.4	Yā anusāseyya, āpatti dukkaṭassa.
pli-tv-kd20:17.4.5	Anujānāmi, bhikkhave, sammatāya anusāsituṁ.
pli-tv-kd20:17.4.6	Evañca pana, bhikkhave, sammannitabbā—
pli-tv-kd20:17.4.7	attanā vā attānaṁ sammannitabbaṁ, parāya vā parā sammannitabbā.
pli-tv-kd20:17.4.8	Kathañca attanāva attānaṁ sammannitabbaṁ?
pli-tv-kd20:17.4.9	Byattāya bhikkhuniyā paṭibalāya saṅgho ñāpetabbo—
pli-tv-kd20:17.4.10	‘suṇātu me, ayye, saṅgho.
pli-tv-kd20:17.4.11	Itthannāmā itthannāmāya ayyāya upasampadāpekkhā.
pli-tv-kd20:17.4.12	Yadi saṅghassa pattakallaṁ, ahaṁ itthannāmā itthannāmaṁ anusāseyyan’ti.
pli-tv-kd20:17.4.13	Evaṁ attanāva attānaṁ sammannitabbaṁ.
pli-tv-kd20:17.4.14	Kathañca parāya parā sammannitabbā?
pli-tv-kd20:17.4.15	Byattāya bhikkhuniyā paṭibalāya saṅgho ñāpetabbo—
pli-tv-kd20:17.4.16	‘suṇātu me, ayye, saṅgho.
pli-tv-kd20:17.4.17	Itthannāmā itthannāmāya ayyāya upasampadāpekkhā.
pli-tv-kd20:17.4.18	Yadi saṅghassa pattakallaṁ, itthannāmā itthannāmaṁ anusāseyyā’ti.
pli-tv-kd20:17.4.19	Evaṁ parāya parā sammannitabbā.
pli-tv-kd20:17.5.1	Tāya sammatāya bhikkhuniyā upasampadāpekkhaṁ upasaṅkamitvā evamassa vacanīyā—
pli-tv-kd20:17.5.2	‘suṇasi itthannāme.
pli-tv-kd20:17.5.3	Ayaṁ te saccakālo, bhūtakālo.
pli-tv-kd20:17.5.4	Yaṁ jātaṁ taṁ saṅghamajjhe pucchante santaṁ atthīti vattabbaṁ, asantaṁ natthīti vattabbaṁ.
pli-tv-kd20:17.5.5	Mā kho vitthāyi, mā kho maṅku ahosi.
pli-tv-kd20:17.5.6	Evaṁ taṁ pucchissanti—
pli-tv-kd20:17.5.7	nasi animittā, nasi nimittamattā, nasi alohitā, nasi dhuvalohitā, nasi dhuvacoḷā, nasi paggharantī, nasi sikharaṇī, nasi itthipaṇḍakā, nasi vepurisikā, nasi sambhinnā, nasi ubhatobyañjanā?
pli-tv-kd20:17.5.8	Santi te evarūpā ābādhā—
pli-tv-kd20:17.5.9	kuṭṭhaṁ, gaṇḍo, kilāso, soso, apamāro?
pli-tv-kd20:17.5.10	Manussāsi, itthīsi, bhujissāsi, aṇaṇāsi, nasi rājabhaṭī?
pli-tv-kd20:17.5.11	Anuññātāsi mātāpitūhi, sāmikena?
pli-tv-kd20:17.5.12	Paripuṇṇavīsativassāsi, paripuṇṇaṁ te pattacīvaraṁ, kiṁnāmāsi, kānāmā te pavattinī’ti?
pli-tv-kd20:17.5.13	Ekato āgacchanti.
pli-tv-kd20:17.5.14	Na ekato āgantabbaṁ.
pli-tv-kd20:17.5.15	Anusāsikāya paṭhamataraṁ āgantvā saṅgho ñāpetabbo—
pli-tv-kd20:17.5.16	‘suṇātu me, ayye, saṅgho.
pli-tv-kd20:17.5.17	Itthannāmā itthannāmāya ayyāya upasampadāpekkhā.
pli-tv-kd20:17.5.18	Anusiṭṭhā sā mayā.
pli-tv-kd20:17.5.19	Yadi saṅghassa pattakallaṁ, itthannāmā āgaccheyyā’ti.
pli-tv-kd20:17.5.20	‘Āgacchāhī’ti vattabbā.
pli-tv-kd20:17.5.21	Ekaṁsaṁ uttarāsaṅgaṁ kārāpetvā bhikkhunīnaṁ pāde vandāpetvā ukkuṭikaṁ nisīdāpetvā añjaliṁ paggaṇhāpetvā upasampadaṁ yācāpetabbā—
pli-tv-kd20:17.5.22	‘saṅghaṁ, ayye, upasampadaṁ yācāmi.
pli-tv-kd20:17.5.23	Ullumpatu maṁ, ayye, saṅgho anukampaṁ upādāya.
pli-tv-kd20:17.5.24	Dutiyampi, ayye, saṅghaṁ upasampadaṁ yācāmi.
pli-tv-kd20:17.5.25	Ullumpatu maṁ, ayye, saṅgho anukampaṁ upādāya.
pli-tv-kd20:17.5.26	Tatiyampi, ayye, saṅghaṁ upasampadaṁ yācāmi.
pli-tv-kd20:17.5.27	Ullumpatu maṁ, ayye, saṅgho anukampaṁ upādāyā’ti.
pli-tv-kd20:17.6.1	Byattāya bhikkhuniyā paṭibalāya saṅgho ñāpetabbo—
pli-tv-kd20:17.6.2	‘Suṇātu me, ayye, saṅgho.
pli-tv-kd20:17.6.3	Ayaṁ itthannāmā itthannāmāya ayyāya upasampadāpekkhā.
pli-tv-kd20:17.6.4	Yadi saṅghassa pattakallaṁ, ahaṁ itthannāmaṁ antarāyike dhamme puccheyyanti.
pli-tv-kd20:17.6.5	Suṇasi itthannāme.
pli-tv-kd20:17.6.6	Ayaṁ te saccakālo, bhūtakālo.
pli-tv-kd20:17.6.7	Yaṁ jātaṁ taṁ pucchāmi santaṁ atthīti vattabbaṁ, asantaṁ natthīti vattabbaṁ.
pli-tv-kd20:17.6.8	Nasi animittā …pe…
pli-tv-kd20:17.6.9	kiṁnāmāsi, kānāmā te pavattinī’ti.
pli-tv-kd20:17.7.1	Byattāya bhikkhuniyā paṭibalāya saṅgho ñāpetabbo—
pli-tv-kd20:17.7.2	‘Suṇātu me, ayye, saṅgho.
pli-tv-kd20:17.7.3	Ayaṁ itthannāmā itthannāmāya ayyāya upasampadāpekkhā.
pli-tv-kd20:17.7.4	Parisuddhā antarāyikehi dhammehi, paripuṇṇassā pattacīvaraṁ.
pli-tv-kd20:17.7.5	Itthannāmā saṅghaṁ upasampadaṁ yācati itthannāmāya ayyāya pavattiniyā.
pli-tv-kd20:17.7.6	Yadi saṅghassa pattakallaṁ, saṅgho itthannāmaṁ upasampādeyya itthannāmāya ayyāya pavattiniyā.
pli-tv-kd20:17.7.7	Esā ñatti.
pli-tv-kd20:17.7.8	Suṇātu me, ayye, saṅgho.
pli-tv-kd20:17.7.9	Ayaṁ itthannāmā itthannāmāya ayyāya upasampadāpekkhā.
pli-tv-kd20:17.7.10	Parisuddhā antarāyikehi dhammehi, paripuṇṇassā pattacīvaraṁ.
pli-tv-kd20:17.7.11	Itthannāmā saṅghaṁ upasampadaṁ yācati itthannāmāya ayyāya pavattiniyā.
pli-tv-kd20:17.7.12	Saṅgho itthannāmaṁ upasampādeti itthannāmāya ayyāya pavattiniyā.
pli-tv-kd20:17.7.13	Yassā ayyāya khamati itthannāmāya upasampadā itthannāmāya ayyāya pavattiniyā, sā tuṇhassa;
pli-tv-kd20:17.7.14	yassā nakkhamati, sā bhāseyya.
pli-tv-kd20:17.7.15	Dutiyampi etamatthaṁ vadāmi …pe…
pli-tv-kd20:17.7.16	tatiyampi etamatthaṁ vadāmi—
pli-tv-kd20:17.7.17	suṇātu me, ayye, saṅgho.
pli-tv-kd20:17.7.18	Ayaṁ itthannāmā itthannāmāya ayyāya upasampadāpekkhā.
pli-tv-kd20:17.7.19	Parisuddhā antarāyikehi dhammehi, paripuṇṇassā pattacīvaraṁ.
pli-tv-kd20:17.7.20	Itthannāmā saṅghaṁ upasampadaṁ yācati itthannāmāya ayyāya pavattiniyā.
pli-tv-kd20:17.7.21	Saṅgho itthannāmaṁ upasampādeti itthannāmāya ayyāya pavattiniyā.
pli-tv-kd20:17.7.22	Yassā ayyāya khamati itthannāmāya upasampadā itthannāmāya ayyāya pavattiniyā, sā tuṇhassa;
pli-tv-kd20:17.7.23	yassā nakkhamati, sā bhāseyya.
pli-tv-kd20:17.7.24	Upasampannā saṅghena itthannāmā itthannāmāya ayyāya pavattiniyā.
pli-tv-kd20:17.7.25	Khamati saṅghassa, tasmā tuṇhī, evametaṁ dhārayāmī’ti.
pli-tv-kd20:17.8.1	Tāvadeva taṁ ādāya bhikkhusaṅghaṁ upasaṅkamitvā ekaṁsaṁ uttarāsaṅgaṁ kārāpetvā bhikkhūnaṁ pāde vandāpetvā ukkuṭikaṁ nisīdāpetvā añjaliṁ paggaṇhāpetvā upasampadaṁ yācāpetabbā—
pli-tv-kd20:17.8.2	‘ahaṁ, ayyā, itthannāmā itthannāmāya ayyāya upasampadāpekkhā.
pli-tv-kd20:17.8.3	Ekatoupasampannā bhikkhunisaṅghe, visuddhā;
pli-tv-kd20:17.8.4	saṅghaṁ, ayyā, upasampadaṁ yācāmi.
pli-tv-kd20:17.8.5	Ullumpatu maṁ, ayyā, saṅgho anukampaṁ upādāya.
pli-tv-kd20:17.8.6	Ahaṁ, ayyā, itthannāmā itthannāmāya ayyāya upasampadāpekkhā.
pli-tv-kd20:17.8.7	Ekatoupasampannā bhikkhunisaṅghe, visuddhā.
pli-tv-kd20:17.8.8	Dutiyampi, ayyā, saṅghaṁ upasampadaṁ yācāmi.
pli-tv-kd20:17.8.9	Ullumpatu maṁ, ayyā, saṅgho anukampaṁ upādāya.
pli-tv-kd20:17.8.10	Ahaṁ, ayyā, itthannāmā itthannāmāya ayyāya upasampadāpekkhā.
pli-tv-kd20:17.8.11	Ekatoupasampannā bhikkhunisaṅghe, visuddhā.
pli-tv-kd20:17.8.12	Tatiyampi, ayyā, saṅghaṁ upasampadaṁ yācāmi.
pli-tv-kd20:17.8.13	Ullumpatu maṁ, ayyā, saṅgho anukampaṁ upādāyā’ti.
pli-tv-kd20:17.8.14	Byattena bhikkhunā paṭibalena saṅgho ñāpetabbo—
pli-tv-kd20:17.8.15	‘Suṇātu me, bhante, saṅgho.
pli-tv-kd20:17.8.16	Ayaṁ itthannāmā itthannāmāya upasampadāpekkhā.
pli-tv-kd20:17.8.17	Ekatoupasampannā bhikkhunisaṅghe, visuddhā.
pli-tv-kd20:17.8.18	Itthannāmā saṅghaṁ upasampadaṁ yācati itthannāmāya pavattiniyā.
pli-tv-kd20:17.8.19	Yadi saṅghassa pattakallaṁ, saṅgho itthannāmaṁ upasampādeyya, itthannāmāya pavattiniyā.
pli-tv-kd20:17.8.20	Esā ñatti.
pli-tv-kd20:17.8.21	Suṇātu me, bhante, saṅgho.
pli-tv-kd20:17.8.22	Ayaṁ itthannāmā itthannāmāya upasampadāpekkhā.
pli-tv-kd20:17.8.23	Ekatoupasampannā bhikkhunisaṅghe, visuddhā.
pli-tv-kd20:17.8.24	Itthannāmā saṅghaṁ upasampadaṁ yācati itthannāmāya pavattiniyā.
pli-tv-kd20:17.8.25	Saṅgho itthannāmaṁ upasampādeti itthannāmāya pavattiniyā.
pli-tv-kd20:17.8.26	Yassāyasmato khamati itthannāmāya upasampadā itthannāmāya pavattiniyā, so tuṇhassa;
pli-tv-kd20:17.8.27	yassa nakkhamati, so bhāseyya.
pli-tv-kd20:17.8.28	Dutiyampi etamatthaṁ vadāmi …pe…
pli-tv-kd20:17.8.29	tatiyampi etamatthaṁ vadāmi—
pli-tv-kd20:17.8.30	suṇātu me, bhante, saṅgho.
pli-tv-kd20:17.8.31	Ayaṁ itthannāmā itthannāmāya upasampadāpekkhā.
pli-tv-kd20:17.8.32	Ekatoupasampannā bhikkhunisaṅghe, visuddhā.
pli-tv-kd20:17.8.33	Itthannāmā saṅghaṁ upasampadaṁ yācati itthannāmāya pavattiniyā.
pli-tv-kd20:17.8.34	Saṅgho itthannāmaṁ upasampādeti itthannāmāya pavattiniyā.
pli-tv-kd20:17.8.35	Yassāyasmato khamati itthannāmāya upasampadā itthannāmāya pavattiniyā, so tuṇhassa;
pli-tv-kd20:17.8.36	yassa nakkhamati, so bhāseyya.
pli-tv-kd20:17.8.37	Upasampannā saṅghena itthannāmā itthannāmāya pavattiniyā.
pli-tv-kd20:17.8.38	Khamati saṅghassa, tasmā tuṇhī, evametaṁ dhārayāmī’ti.
pli-tv-kd20:17.8.39	Tāvadeva chāyā metabbā, utuppamāṇaṁ ācikkhitabbaṁ, divasabhāgo ācikkhitabbo, saṅgīti ācikkhitabbā, bhikkhuniyo vattabbā—
pli-tv-kd20:17.8.40	imissā tayo ca nissaye, aṭṭha ca akaraṇīyāni ācikkheyyāthā”ti.
pli-tv-kd20:18.1.1	Tena kho pana samayena bhikkhuniyo bhattagge āsanaṁ saṅkasāyantiyo kālaṁ vītināmesuṁ.
pli-tv-kd20:18.1.2	Bhagavato etamatthaṁ ārocesuṁ.
pli-tv-kd20:18.1.3	“Anujānāmi, bhikkhave, aṭṭhannaṁ bhikkhunīnaṁ yathāvuḍḍhaṁ, avasesānaṁ yathāgatikan”ti.
pli-tv-kd20:18.1.4	Tena kho pana samayena bhikkhuniyo—
pli-tv-kd20:18.1.5	“bhagavatā anuññātaṁ aṭṭhannaṁ bhikkhunīnaṁ yathāvuḍḍhaṁ, avasesānaṁ yathāgatikan”ti—
pli-tv-kd20:18.1.6	sabbattha aṭṭheva bhikkhuniyo yathāvuḍḍhaṁ paṭibāhanti, avasesāyo yathāgatikaṁ.
pli-tv-kd20:18.1.7	Bhagavato etamatthaṁ ārocesuṁ.
pli-tv-kd20:18.1.8	“Anujānāmi, bhikkhave, bhattagge aṭṭhannaṁ bhikkhunīnaṁ yathāvuḍḍhaṁ, avasesānaṁ yathāgatikaṁ;
pli-tv-kd20:18.1.9	aññattha sabbattha yathāvuḍḍhaṁ na paṭibāhitabbaṁ.
pli-tv-kd20:18.1.10	Yā paṭibāheyya, āpatti dukkaṭassā”ti.
pli-tv-kd20:19.1.0	
pli-tv-kd20:19.1.1	Tena kho pana samayena bhikkhuniyo na pavārenti.
pli-tv-kd20:19.1.2	Bhagavato etamatthaṁ ārocesuṁ.
pli-tv-kd20:19.1.3	“Na, bhikkhave, bhikkhuniyā na pavāretabbaṁ.
pli-tv-kd20:19.1.4	Yā na pavāreyya, yathādhammo kāretabbo”ti.
pli-tv-kd20:19.1.5	Tena kho pana samayena bhikkhuniyo attanā pavāretvā bhikkhusaṅghaṁ na pavārenti.
pli-tv-kd20:19.1.6	Bhagavato etamatthaṁ ārocesuṁ.
pli-tv-kd20:19.1.7	“Na, bhikkhave, bhikkhuniyā attanā pavāretvā bhikkhusaṅgho na pavāretabbo.
pli-tv-kd20:19.1.8	Yā na pavāreyya, yathādhammo kāretabbo”ti.
pli-tv-kd20:19.1.9	Tena kho pana samayena bhikkhuniyo bhikkhūhi saddhiṁ ekato pavārentiyo kolāhalaṁ akaṁsu.
pli-tv-kd20:19.1.10	Bhagavato etamatthaṁ ārocesuṁ.
pli-tv-kd20:19.1.11	“Na, bhikkhave, bhikkhuniyā bhikkhūhi saddhiṁ ekato pavāretabbaṁ.
pli-tv-kd20:19.1.12	Yā pavāreyya, āpatti dukkaṭassā”ti.
pli-tv-kd20:19.1.13	Tena kho pana samayena bhikkhuniyo purebhattaṁ pavārentiyo kālaṁ vītināmesuṁ.
pli-tv-kd20:19.1.14	Bhagavato etamatthaṁ ārocesuṁ.
pli-tv-kd20:19.1.15	“Anujānāmi, bhikkhave, pacchābhattaṁ pavāretun”ti.
pli-tv-kd20:19.1.16	Pacchābhattaṁ pavārentiyo vikāle ahesuṁ.
pli-tv-kd20:19.1.17	Bhagavato etamatthaṁ ārocesuṁ.
pli-tv-kd20:19.1.18	“Anujānāmi, bhikkhave, ajjatanā bhikkhunisaṅghaṁ pavāretvā aparajju bhikkhusaṅghaṁ pavāretun”ti.
pli-tv-kd20:19.2.1	Tena kho pana samayena sabbo bhikkhunisaṅgho pavārento kolāhalaṁ akāsi.
pli-tv-kd20:19.2.2	Bhagavato etamatthaṁ ārocesuṁ.
pli-tv-kd20:19.2.3	“Anujānāmi, bhikkhave, ekaṁ bhikkhuniṁ byattaṁ paṭibalaṁ sammannituṁ—
pli-tv-kd20:19.2.4	bhikkhunisaṅghassa atthāya bhikkhusaṅghaṁ pavāretuṁ.
pli-tv-kd20:19.2.5	Evañca pana, bhikkhave, sammannitabbā.
pli-tv-kd20:19.2.6	Paṭhamaṁ bhikkhunī yācitabbā, yācitvā byattāya bhikkhuniyā paṭibalāya saṅgho ñāpetabbo—
pli-tv-kd20:19.2.7	‘Suṇātu me, ayye, saṅgho.
pli-tv-kd20:19.2.8	Yadi saṅghassa pattakallaṁ, saṅgho itthannāmaṁ bhikkhuniṁ sammanneyya bhikkhunisaṅghassa atthāya bhikkhusaṅghaṁ pavāretuṁ.
pli-tv-kd20:19.2.9	Esā ñatti.
pli-tv-kd20:19.2.10	Suṇātu me, ayye, saṅgho.
pli-tv-kd20:19.2.11	Saṅgho itthannāmaṁ bhikkhuniṁ sammannati bhikkhunisaṅghassa atthāya bhikkhusaṅghaṁ pavāretuṁ.
pli-tv-kd20:19.2.12	Yassā ayyāya khamati itthannāmāya bhikkhuniyā sammuti bhikkhunisaṅghassa atthāya bhikkhusaṅghaṁ pavāretuṁ, sā tuṇhassa;
pli-tv-kd20:19.2.13	yassā nakkhamati, sā bhāseyya.
pli-tv-kd20:19.2.14	Sammatā saṅghena itthannāmā bhikkhunī bhikkhunisaṅghassa atthāya bhikkhusaṅghaṁ pavāretuṁ.
pli-tv-kd20:19.2.15	Khamati saṅghassa, tasmā tuṇhī, evametaṁ dhārayāmī’ti.
pli-tv-kd20:19.3.1	Tāya sammatāya bhikkhuniyā bhikkhunisaṅghaṁ ādāya bhikkhusaṅghaṁ upasaṅkamitvā ekaṁsaṁ uttarāsaṅgaṁ karitvā bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd20:19.3.2	‘bhikkhunisaṅgho, ayyā, bhikkhusaṅghaṁ pavāreti—
pli-tv-kd20:19.3.3	diṭṭhena vā, sutena vā parisaṅkāya vā.
pli-tv-kd20:19.3.4	Vadatu, ayyā, bhikkhusaṅgho bhikkhunisaṅghaṁ anukampaṁ upādāya, passanto paṭikarissati.
pli-tv-kd20:19.3.5	Dutiyampi, ayyā …pe…
pli-tv-kd20:19.3.6	tatiyampi, ayyā, bhikkhunisaṅgho bhikkhusaṅghaṁ pavāreti—
pli-tv-kd20:19.3.7	diṭṭhena vā, sutena vā, parisaṅkāya vā.
pli-tv-kd20:19.3.8	Vadatu, ayyā, bhikkhusaṅgho bhikkhunisaṅghaṁ anukampaṁ upādāya, passanto paṭikarissatī’”ti.
pli-tv-kd20:20.1.0	
pli-tv-kd20:20.1.1	Tena kho pana samayena bhikkhuniyo bhikkhūnaṁ uposathaṁ ṭhapenti, pavāraṇaṁ ṭhapenti, savacanīyaṁ karonti, anuvādaṁ paṭṭhapenti, okāsaṁ kārenti, codenti, sārenti.
pli-tv-kd20:20.1.2	Bhagavato etamatthaṁ ārocesuṁ.
pli-tv-kd20:20.1.3	“Na, bhikkhave, bhikkhuniyā bhikkhussa uposatho ṭhapetabbo;
pli-tv-kd20:20.1.4	ṭhapitopi aṭṭhapito;
pli-tv-kd20:20.1.5	ṭhapentiyā āpatti dukkaṭassa.
pli-tv-kd20:20.1.6	Na pavāraṇā ṭhapetabbā;
pli-tv-kd20:20.1.7	ṭhapitāpi aṭṭhapitā;
pli-tv-kd20:20.1.8	ṭhapentiyā āpatti dukkaṭassa.
pli-tv-kd20:20.1.9	Na savacanīyaṁ kātabbaṁ;
pli-tv-kd20:20.1.10	katampi akataṁ;
pli-tv-kd20:20.1.11	karontiyā āpatti dukkaṭassa.
pli-tv-kd20:20.1.12	Na anuvādo paṭṭhapetabbo;
pli-tv-kd20:20.1.13	paṭṭhapitopi appaṭṭhapito;
pli-tv-kd20:20.1.14	paṭṭhapentiyā āpatti dukkaṭassa.
pli-tv-kd20:20.1.15	Na okāso kāretabbo;
pli-tv-kd20:20.1.16	kāritopi akārito;
pli-tv-kd20:20.1.17	kārentiyā āpatti dukkaṭassa.
pli-tv-kd20:20.1.18	Na codetabbo;
pli-tv-kd20:20.1.19	coditopi acodito;
pli-tv-kd20:20.1.20	codentiyā āpatti dukkaṭassa.
pli-tv-kd20:20.1.21	Na sāretabbo;
pli-tv-kd20:20.1.22	sāritopi asārito;
pli-tv-kd20:20.1.23	sārentiyā āpatti dukkaṭassā”ti.
pli-tv-kd20:20.1.24	Tena kho pana samayena bhikkhū bhikkhunīnaṁ uposathaṁ ṭhapenti, pavāraṇaṁ ṭhapenti, savacanīyaṁ karonti, anuvādaṁ paṭṭhapenti, okāsaṁ kārenti, codenti, sārenti.
pli-tv-kd20:20.1.25	Bhagavato etamatthaṁ ārocesuṁ.
pli-tv-kd20:20.1.26	“Anujānāmi, bhikkhave, bhikkhunā bhikkhuniyā uposathaṁ ṭhapetuṁ;
pli-tv-kd20:20.1.27	ṭhapitopi suṭṭhapito;
pli-tv-kd20:20.1.28	ṭhapentassa anāpatti.
pli-tv-kd20:20.1.29	Pavāraṇaṁ ṭhapetuṁ;
pli-tv-kd20:20.1.30	ṭhapitāpi suṭṭhapitā;
pli-tv-kd20:20.1.31	ṭhapentassa anāpatti.
pli-tv-kd20:20.1.32	Savacanīyaṁ kātuṁ;
pli-tv-kd20:20.1.33	katampi sukataṁ;
pli-tv-kd20:20.1.34	karontassa anāpatti.
pli-tv-kd20:20.1.35	Anuvādaṁ paṭṭhapetuṁ;
pli-tv-kd20:20.1.36	paṭṭhapitopi suppaṭṭhapito;
pli-tv-kd20:20.1.37	paṭṭhapentassa anāpatti.
pli-tv-kd20:20.1.38	Okāsaṁ kāretuṁ;
pli-tv-kd20:20.1.39	kāritopi sukārito;
pli-tv-kd20:20.1.40	kārentassa anāpatti.
pli-tv-kd20:20.1.41	Codetuṁ;
pli-tv-kd20:20.1.42	coditāpi sucoditā;
pli-tv-kd20:20.1.43	codentassa anāpatti.
pli-tv-kd20:20.1.44	Sāretuṁ;
pli-tv-kd20:20.1.45	sāritāpi susāritā;
pli-tv-kd20:20.1.46	sārentassa anāpattī”ti.
pli-tv-kd20:21.1.0	
pli-tv-kd20:21.1.1	Tena kho pana samayena chabbaggiyā bhikkhuniyo yānena yāyanti—
pli-tv-kd20:21.1.2	itthiyuttenapi purisantarena, purisayuttenapi itthantarena.
pli-tv-kd20:21.1.3	Manussā ujjhāyanti khiyyanti vipācenti …pe…
pli-tv-kd20:21.1.4	seyyathāpi gaṅgāmahiyāyā”ti.
pli-tv-kd20:21.1.5	Bhagavato etamatthaṁ ārocesuṁ.
pli-tv-kd20:21.1.6	“Na, bhikkhave, bhikkhuniyā yānena yāyitabbaṁ.
pli-tv-kd20:21.1.7	Yā yāyeyya, yathādhammo kāretabbo”ti.
pli-tv-kd20:21.1.8	Tena kho pana samayena aññatarā bhikkhunī gilānā hoti, na sakkoti padasā gantuṁ.
pli-tv-kd20:21.1.9	Bhagavato etamatthaṁ ārocesuṁ.
pli-tv-kd20:21.1.10	“Anujānāmi, bhikkhave, gilānāya yānan”ti.
pli-tv-kd20:21.1.11	Atha kho bhikkhunīnaṁ etadahosi—
pli-tv-kd20:21.1.12	“itthiyuttaṁ nu kho, purisayuttaṁ nu kho”ti?
pli-tv-kd20:21.1.13	Bhagavato etamatthaṁ ārocesuṁ.
pli-tv-kd20:21.1.14	“Anujānāmi, bhikkhave, itthiyuttaṁ purisayuttaṁ hatthavaṭṭakan”ti.
pli-tv-kd20:21.1.15	Tena kho pana samayena aññatarissā bhikkhuniyā yānugghātena bāḷhataraṁ aphāsu ahosi.
pli-tv-kd20:21.1.16	Bhagavato etamatthaṁ ārocesuṁ.
pli-tv-kd20:21.1.17	“Anujānāmi, bhikkhave, sivikaṁ pāṭaṅkin”ti.
pli-tv-kd20:22.1.0	
pli-tv-kd20:22.1.1	Tena kho pana samayena aḍḍhakāsī gaṇikā bhikkhunīsu pabbajitā hoti.
pli-tv-kd20:22.1.2	Sā ca sāvatthiṁ gantukāmā hoti—
pli-tv-kd20:22.1.3	“bhagavato santike upasampajjissāmī”ti.
pli-tv-kd20:22.1.4	Assosuṁ kho dhuttā—
pli-tv-kd20:22.1.5	“aḍḍhakāsī kira gaṇikā sāvatthiṁ gantukāmā”ti.
pli-tv-kd20:22.1.6	Te magge pariyuṭṭhiṁsu.
pli-tv-kd20:22.1.7	Assosi kho aḍḍhakāsī gaṇikā—
pli-tv-kd20:22.1.8	“dhuttā kira magge pariyuṭṭhitā”ti.
pli-tv-kd20:22.1.9	Bhagavato santike dūtaṁ pāhesi—
pli-tv-kd20:22.1.10	“ahañhi upasampajjitukāmā;
pli-tv-kd20:22.1.11	kathaṁ nu kho mayā paṭipajjitabban”ti?
pli-tv-kd20:22.1.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-kd20:22.1.13	“anujānāmi, bhikkhave, dūtenapi upasampādetun”ti.
pli-tv-kd20:22.2.1	Bhikkhudūtena upasampādenti.
pli-tv-kd20:22.2.2	Bhagavato etamatthaṁ ārocesuṁ.
pli-tv-kd20:22.2.3	“Na, bhikkhave, bhikkhudūtena upasampādetabbā.
pli-tv-kd20:22.2.4	Yo upasampādeyya, āpatti dukkaṭassā”ti.
pli-tv-kd20:22.2.5	Sikkhamānadūtena upasampādenti …pe…
pli-tv-kd20:22.2.6	sāmaṇeradūtena upasampādenti …pe…
pli-tv-kd20:22.2.7	sāmaṇeridūtena upasampādenti …pe…
pli-tv-kd20:22.2.8	bālāya abyattāya dūtena upasampādenti.
pli-tv-kd20:22.2.9	“Na, bhikkhave, bālāya abyattāya dūtena upasampādetabbā.
pli-tv-kd20:22.2.10	Yo upasampādeyya, āpatti dukkaṭassa.
pli-tv-kd20:22.2.11	Anujānāmi, bhikkhave, byattāya bhikkhuniyā paṭibalāya dūtena upasampādetunti.
pli-tv-kd20:22.3.1	Tāya dūtāya bhikkhuniyā saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-kd20:22.3.2	‘itthannāmā, ayyā, itthannāmāya ayyāya upasampadāpekkhā.
pli-tv-kd20:22.3.3	Ekatoupasampannā bhikkhunisaṅghe, visuddhā.
pli-tv-kd20:22.3.4	Sā kenacideva antarāyena na āgacchati.
pli-tv-kd20:22.3.5	Itthannāmā, ayyā, saṅghaṁ upasampadaṁ yācati.
pli-tv-kd20:22.3.6	Ullumpatu taṁ, ayyā, saṅgho anukampaṁ upādāya.
pli-tv-kd20:22.3.7	Itthannāmā, ayyā, itthannāmāya ayyāya upasampadāpekkhā.
pli-tv-kd20:22.3.8	Ekatoupasampannā bhikkhunisaṅghe, visuddhā.
pli-tv-kd20:22.3.9	Sā kenacideva antarāyena na āgacchati.
pli-tv-kd20:22.3.10	Dutiyampi, ayyā, itthannāmā saṅghaṁ upasampadaṁ yācati.
pli-tv-kd20:22.3.11	Ullumpatu taṁ, ayyā, saṅgho anukampaṁ upādāya.
pli-tv-kd20:22.3.12	Itthannāmā, ayyā, itthannāmāya ayyāya upasampadāpekkhā.
pli-tv-kd20:22.3.13	Ekatoupasampannā bhikkhunisaṅghe, visuddhā.
pli-tv-kd20:22.3.14	Sā kenacideva antarāyena na āgacchati.
pli-tv-kd20:22.3.15	Tatiyampi, ayyā, itthannāmā saṅghaṁ upasampadaṁ yācati.
pli-tv-kd20:22.3.16	Ullumpatu taṁ, ayyā, saṅgho anukampaṁ upādāyā’ti.
pli-tv-kd20:22.3.17	Byattena bhikkhunā paṭibalena saṅgho ñāpetabbo—
pli-tv-kd20:22.3.18	‘Suṇātu me, bhante, saṅgho.
pli-tv-kd20:22.3.19	Itthannāmā itthannāmāya upasampadāpekkhā.
pli-tv-kd20:22.3.20	Ekatoupasampannā bhikkhunisaṅghe, visuddhā.
pli-tv-kd20:22.3.21	Sā kenacideva antarāyena na āgacchati.
pli-tv-kd20:22.3.22	Itthannāmā saṅghaṁ upasampadaṁ yācati itthannāmāya pavattiniyā.
pli-tv-kd20:22.3.23	Yadi saṅghassa pattakallaṁ, saṅgho itthannāmaṁ upasampādeyya itthannāmāya pavattiniyā.
pli-tv-kd20:22.3.24	Esā ñatti.
pli-tv-kd20:22.3.25	Suṇātu me, bhante, saṅgho.
pli-tv-kd20:22.3.26	Itthannāmā itthannāmāya upasampadāpekkhā.
pli-tv-kd20:22.3.27	Ekatoupasampannā bhikkhunisaṅghe, visuddhā.
pli-tv-kd20:22.3.28	Sā kenacideva antarāyena na āgacchati.
pli-tv-kd20:22.3.29	Itthannāmā saṅghaṁ upasampadaṁ yācati itthannāmāya pavattiniyā.
pli-tv-kd20:22.3.30	Saṅgho itthannāmaṁ upasampādeti itthannāmāya pavattiniyā.
pli-tv-kd20:22.3.31	Yassāyasmato khamati itthannāmāya upasampadā itthannāmāya pavattiniyā, so tuṇhassa;
pli-tv-kd20:22.3.32	yassa nakkhamati, so bhāseyya.
pli-tv-kd20:22.3.33	Dutiyampi etamatthaṁ vadāmi …pe…
pli-tv-kd20:22.3.34	tatiyampi etamatthaṁ vadāmi.
pli-tv-kd20:22.3.35	Suṇātu me, bhante, saṅgho.
pli-tv-kd20:22.3.36	Itthannāmā itthannāmāya upasampadāpekkhā.
pli-tv-kd20:22.3.37	Ekatoupasampannā bhikkhunisaṅghe, visuddhā.
pli-tv-kd20:22.3.38	Sā kenacideva antarāyena na āgacchati.
pli-tv-kd20:22.3.39	Itthannāmā saṅghaṁ upasampadaṁ yācati itthannāmāya pavattiniyā.
pli-tv-kd20:22.3.40	Saṅgho itthannāmaṁ upasampādeti itthannāmāya pavattiniyā.
pli-tv-kd20:22.3.41	Yassāyasmato khamati itthannāmāya upasampadā itthannāmāya pavattiniyā, so tuṇhassa;
pli-tv-kd20:22.3.42	yassa nakkhamati, so bhāseyya.
pli-tv-kd20:22.3.43	Upasampannā saṅghena itthannāmā itthannāmāya pavattiniyā.
pli-tv-kd20:22.3.44	Khamati saṅghassa, tasmā tuṇhī, evametaṁ dhārayāmī’ti.
pli-tv-kd20:22.3.45	Tāvadeva chāyā metabbā, utuppamāṇaṁ ācikkhitabbaṁ, divasabhāgo ācikkhitabbo, saṅgīti ācikkhitabbā, bhikkhuniyo vattabbā—
pli-tv-kd20:22.3.46	tassā tayo ca nissaye, aṭṭha ca akaraṇīyāni ācikkheyyāthā”ti.
pli-tv-kd20:23.1.0	
pli-tv-kd20:23.1.1	Tena kho pana samayena bhikkhuniyo araññe viharanti.
pli-tv-kd20:23.1.2	Dhuttā dūsenti.
pli-tv-kd20:23.1.3	Bhagavato etamatthaṁ, ārocesuṁ.
pli-tv-kd20:23.1.4	“Na, bhikkhave, bhikkhuniyā araññe vatthabbaṁ.
pli-tv-kd20:23.1.5	Yā vaseyya, āpatti dukkaṭassā”ti.
pli-tv-kd20:24.1.1	Tena kho pana samayena aññatarena upāsakena bhikkhunisaṅghassa uddosito dinno hoti.
pli-tv-kd20:24.1.2	Bhagavato etamatthaṁ ārocesuṁ.
pli-tv-kd20:24.1.3	“Anujānāmi, bhikkhave, uddositan”ti.
pli-tv-kd20:24.1.4	Uddosito na sammati.
pli-tv-kd20:24.1.5	Bhagavato etamatthaṁ ārocesuṁ.
pli-tv-kd20:24.1.6	“Anujānāmi, bhikkhave, upassayan”ti.
pli-tv-kd20:24.1.7	Upassayo na sammati.
pli-tv-kd20:24.1.8	Bhagavato etamatthaṁ ārocesuṁ.
pli-tv-kd20:24.1.9	“Anujānāmi, bhikkhave, navakamman”ti.
pli-tv-kd20:24.1.10	Navakammaṁ na sammati.
pli-tv-kd20:24.1.11	Bhagavato etamatthaṁ ārocesuṁ.
pli-tv-kd20:24.1.12	“Anujānāmi, bhikkhave, puggalikampi kātun”ti.
pli-tv-kd20:25.1.1	Tena kho pana samayena aññatarā itthī sannisinnagabbhā bhikkhunīsu pabbajitā hoti.
pli-tv-kd20:25.1.2	Tassā pabbajitāya gabbho vuṭṭhāti.
pli-tv-kd20:25.1.3	Atha kho tassā bhikkhuniyā etadahosi—
pli-tv-kd20:25.1.4	“kathaṁ nu kho mayā imasmiṁ dārake paṭipajjitabban”ti?
pli-tv-kd20:25.1.5	Bhagavato etamatthaṁ ārocesuṁ.
pli-tv-kd20:25.1.6	“Anujānāmi, bhikkhave, posetuṁ, yāva so dārako viññutaṁ pāpuṇātī”ti.
pli-tv-kd20:25.1.7	Atha kho tassā bhikkhuniyā etadahosi—
pli-tv-kd20:25.1.8	“mayā ca na labbhā ekikāya vatthuṁ, aññāya ca bhikkhuniyā na labbhā dārakena saha vatthuṁ, kathaṁ nu kho mayā paṭipajjitabban”ti?
pli-tv-kd20:25.1.9	Bhagavato etamatthaṁ ārocesuṁ.
pli-tv-kd20:25.1.10	“Anujānāmi, bhikkhave, ekaṁ bhikkhuniṁ sammannitvā tassā bhikkhuniyā dutiyaṁ dātuṁ.
pli-tv-kd20:25.1.11	Evañca pana, bhikkhave, sammannitabbā.
pli-tv-kd20:25.1.12	Paṭhamaṁ bhikkhunī yācitabbā, yācitvā byattāya bhikkhuniyā paṭibalāya saṅgho ñāpetabbo—
pli-tv-kd20:25.1.13	‘Suṇātu me, ayye, saṅgho.
pli-tv-kd20:25.1.14	Yadi saṅghassa pattakallaṁ, saṅgho itthannāmaṁ bhikkhuniṁ sammanneyya itthannāmāya bhikkhuniyā dutiyaṁ.
pli-tv-kd20:25.1.15	Esā ñatti.
pli-tv-kd20:25.1.16	Suṇātu me, ayye, saṅgho.
pli-tv-kd20:25.1.17	Saṅgho itthannāmaṁ bhikkhuniṁ sammannati itthannāmāya bhikkhuniyā dutiyaṁ.
pli-tv-kd20:25.1.18	Yassā ayyāya khamati itthannāmāya bhikkhuniyā sammuti itthannāmāya bhikkhuniyā dutiyāya, sā tuṇhassa;
pli-tv-kd20:25.1.19	yassā nakkhamati, sā bhāseyya.
pli-tv-kd20:25.1.20	Sammatā saṅghena itthannāmā bhikkhunī itthannāmāya bhikkhuniyā dutiyā.
pli-tv-kd20:25.1.21	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd20:25.2.1	Atha kho tassā dutiyikāya bhikkhuniyā etadahosi—
pli-tv-kd20:25.2.2	“kathaṁ nu kho mayā imasmiṁ dārake paṭipajjitabban”ti?
pli-tv-kd20:25.2.3	Bhagavato etamatthaṁ ārocesuṁ.
pli-tv-kd20:25.2.4	“Anujānāmi, bhikkhave, ṭhapetvā sāgāraṁ yathā aññasmiṁ purise paṭipajjanti evaṁ tasmiṁ dārake paṭipajjitun”ti.
pli-tv-kd20:25.3.1	Tena kho pana samayena aññatarā bhikkhunī garudhammaṁ ajjhāpannā hoti mānattacārinī.
pli-tv-kd20:25.3.2	Atha kho tassā bhikkhuniyā etadahosi—
pli-tv-kd20:25.3.3	“mayā ca na labbhā ekikāya vatthuṁ, aññāya ca bhikkhuniyā na labbhā saha mayā vatthuṁ, kathaṁ nu kho mayā paṭipajjitabban”ti?
pli-tv-kd20:25.3.4	Bhagavato etamatthaṁ ārocesuṁ.
pli-tv-kd20:25.3.5	“Anujānāmi, bhikkhave, ekaṁ bhikkhuniṁ sammannitvā tassā bhikkhuniyā dutiyaṁ dātuṁ.
pli-tv-kd20:25.3.6	Evañca pana, bhikkhave, sammannitabbā.
pli-tv-kd20:25.3.7	Paṭhamaṁ bhikkhunī yācitabbā, yācitvā byattāya bhikkhuniyā paṭibalāya saṅgho ñāpetabbo—
pli-tv-kd20:25.3.8	‘Suṇātu me, ayye, saṅgho.
pli-tv-kd20:25.3.9	Yadi saṅghassa pattakallaṁ, saṅgho itthannāmaṁ bhikkhuniṁ sammanneyya itthannāmāya bhikkhuniyā dutiyaṁ.
pli-tv-kd20:25.3.10	Esā ñatti.
pli-tv-kd20:25.3.11	Suṇātu me, ayye, saṅgho.
pli-tv-kd20:25.3.12	Saṅgho itthannāmaṁ bhikkhuniṁ sammannati itthannāmāya bhikkhuniyā dutiyaṁ.
pli-tv-kd20:25.3.13	Yassā ayyāya khamati itthannāmāya bhikkhuniyā sammuti itthannāmāya bhikkhuniyā dutiyāya, sā tuṇhassa;
pli-tv-kd20:25.3.14	yassā nakkhamati, sā bhāseyya.
pli-tv-kd20:25.3.15	Sammatā saṅghena itthannāmā bhikkhunī itthannāmāya bhikkhuniyā dutiyā.
pli-tv-kd20:25.3.16	Khamati saṅghassa, tasmā tuṇhī, evametaṁ dhārayāmī’”ti.
pli-tv-kd20:26.1.1	Tena kho pana samayena aññatarā bhikkhunī sikkhaṁ paccakkhāya vibbhami.
pli-tv-kd20:26.1.2	Sā puna paccāgantvā bhikkhuniyo upasampadaṁ yāci.
pli-tv-kd20:26.1.3	Bhagavato etamatthaṁ ārocesuṁ.
pli-tv-kd20:26.1.4	“Na, bhikkhave, bhikkhuniyā sikkhāpaccakkhānaṁ;
pli-tv-kd20:26.1.5	yadeva sā vibbhantā tadeva sā abhikkhunī”ti.
pli-tv-kd20:26.2.1	Tena kho pana samayena aññatarā bhikkhunī sakāvāsā titthāyatanaṁ saṅkami.
pli-tv-kd20:26.2.2	Sā puna paccāgantvā bhikkhuniyo upasampadaṁ yāci.
pli-tv-kd20:26.2.3	Bhagavato etamatthaṁ ārocesuṁ.
pli-tv-kd20:26.2.4	“Yā sā, bhikkhave, bhikkhunī sakāvāsā titthāyatanaṁ saṅkantā, sā āgatā na upasampādetabbā”ti.
pli-tv-kd20:27.1.1	Tena kho pana samayena bhikkhuniyo purisehi abhivādanaṁ, kesacchedanaṁ, nakhacchedanaṁ, vaṇappaṭikammaṁ, kukkuccāyantā na sādiyanti.
pli-tv-kd20:27.1.2	Bhagavato etamatthaṁ ārocesuṁ.
pli-tv-kd20:27.1.3	“Anujānāmi, bhikkhave, sāditun”ti.
pli-tv-kd20:27.2.1	Tena kho pana samayena bhikkhuniyo pallaṅkena nisīdanti paṇhisamphassaṁ sādiyantī.
pli-tv-kd20:27.2.2	Bhagavato etamatthaṁ ārocesuṁ.
pli-tv-kd20:27.2.3	“Na, bhikkhave, bhikkhuniyā pallaṅkena nisīditabbaṁ.
pli-tv-kd20:27.2.4	Yā nisīdeyya, āpatti dukkaṭassā”ti.
pli-tv-kd20:27.2.5	Tena kho pana samayena aññatarā bhikkhunī gilānā hoti.
pli-tv-kd20:27.2.6	Tassā vinā pallaṅkena na phāsu hoti.
pli-tv-kd20:27.2.7	Bhagavato etamatthaṁ ārocesuṁ.
pli-tv-kd20:27.2.8	“Anujānāmi, bhikkhave, bhikkhuniyā aḍḍhapallaṅkan”ti.
pli-tv-kd20:27.3.1	Tena kho pana samayena bhikkhuniyo vaccakuṭiyā vaccaṁ karonti.
pli-tv-kd20:27.3.2	Chabbaggiyā bhikkhuniyo tattheva gabbhaṁ pātenti.
pli-tv-kd20:27.3.3	Bhagavato etamatthaṁ ārocesuṁ.
pli-tv-kd20:27.3.4	“Na, bhikkhave, bhikkhuniyā vaccakuṭiyā vacco kātabbo.
pli-tv-kd20:27.3.5	Yā kareyya, āpatti dukkaṭassa.
pli-tv-kd20:27.3.6	Anujānāmi, bhikkhave, heṭṭhā vivaṭe uparipaṭicchanne vaccaṁ kātun”ti.
pli-tv-kd20:27.4.1	Tena kho pana samayena bhikkhuniyo cuṇṇena nahāyanti.
pli-tv-kd20:27.4.2	Manussā ujjhāyanti khiyyanti vipācenti …pe…
pli-tv-kd20:27.4.3	seyyathāpi gihinī kāmabhoginiyo”ti.
pli-tv-kd20:27.4.4	Bhagavato etamatthaṁ ārocesuṁ.
pli-tv-kd20:27.4.5	“Na, bhikkhave, bhikkhuniyā cuṇṇena nahāyitabbaṁ.
pli-tv-kd20:27.4.6	Yā nahāyeyya, āpatti dukkaṭassa.
pli-tv-kd20:27.4.7	Anujānāmi, bhikkhave, kukkusaṁ mattikan”ti.
pli-tv-kd20:27.4.8	Tena kho pana samayena bhikkhuniyo vāsitakāya mattikāya nahāyanti.
pli-tv-kd20:27.4.9	Manussā ujjhāyanti khiyyanti vipācenti …pe…
pli-tv-kd20:27.4.10	seyyathāpi gihinī kāmabhoginiyo”ti.
pli-tv-kd20:27.4.11	Bhagavato etamatthaṁ ārocesuṁ.
pli-tv-kd20:27.4.12	“Na, bhikkhave, bhikkhuniyā vāsitakāya mattikāya nahāyitabbaṁ.
pli-tv-kd20:27.4.13	Yā nahāyeyya, āpatti dukkaṭassa.
pli-tv-kd20:27.4.14	Anujānāmi, bhikkhave, pakatimattikan”ti.
pli-tv-kd20:27.4.15	Tena kho pana samayena bhikkhuniyo jantāghare nahāyantiyo kolāhalaṁ akaṁsu.
pli-tv-kd20:27.4.16	Bhagavato etamatthaṁ ārocesuṁ.
pli-tv-kd20:27.4.17	“Na, bhikkhave, bhikkhuniyā jantāghare nahāyitabbaṁ.
pli-tv-kd20:27.4.18	Yā nahāyeyya, āpatti dukkaṭassā”ti.
pli-tv-kd20:27.4.19	Tena kho pana samayena bhikkhuniyo paṭisote nahāyanti dhārāsamphassaṁ sādiyantī.
pli-tv-kd20:27.4.20	Bhagavato etamatthaṁ ārocesuṁ.
pli-tv-kd20:27.4.21	“Na, bhikkhave, bhikkhuniyā paṭisote nahāyitabbaṁ.
pli-tv-kd20:27.4.22	Yā nahāyeyya, āpatti dukkaṭassā”ti.
pli-tv-kd20:27.4.23	Tena kho pana samayena bhikkhuniyo atitthe nahāyanti.
pli-tv-kd20:27.4.24	Dhuttā dūsenti.
pli-tv-kd20:27.4.25	Bhagavato etamatthaṁ ārocesuṁ.
pli-tv-kd20:27.4.26	“Na, bhikkhave, bhikkhuniyā atitthe nahāyitabbaṁ.
pli-tv-kd20:27.4.27	Yā nahāyeyya, āpatti dukkaṭassā”ti.
pli-tv-kd20:27.4.28	Tena kho pana samayena bhikkhuniyo purisatitthe nahāyanti.
pli-tv-kd20:27.4.29	Manussā ujjhāyanti khiyyanti vipācenti …pe…
pli-tv-kd20:27.4.30	seyyathāpi gihinī kāmabhoginiyo”ti.
pli-tv-kd20:27.4.31	Bhagavato etamatthaṁ ārocesuṁ.
pli-tv-kd20:27.4.32	“Na, bhikkhave, bhikkhuniyā purisatitthe nahāyitabbaṁ.
pli-tv-kd20:27.4.33	Yā nahāyeyya, āpatti dukkaṭassa.
pli-tv-kd20:27.4.34	Anujānāmi, bhikkhave, mahilātitthe nahāyitun”ti.
pli-tv-kd20:27.4.35	Tatiyabhāṇavāro niṭṭhito.
pli-tv-kd20:27.4.36	Bhikkhunikkhandhako dasamo.
pli-tv-kd20:27.4.37	Imasmiṁ khandhake vatthū ekasataṁ.
pli-tv-kd20:27.4.38	Tassuddānaṁ
pli-tv-kd20:27.4.39	Pabbajjaṁ gotamī yāci,
pli-tv-kd20:27.4.40	nānuññāsi tathāgato;
pli-tv-kd20:27.4.41	Kapilavatthu vesāliṁ,
pli-tv-kd20:27.4.42	agamāsi vināyako.
pli-tv-kd20:27.4.43	Rajokiṇṇena koṭṭhake,
pli-tv-kd20:27.4.44	ānandassa pavedayi;
pli-tv-kd20:27.4.45	Bhabboti nayato yāci,
pli-tv-kd20:27.4.46	mātāti posikāti ca.
pli-tv-kd20:27.4.47	Vassasataṁ tadahu ca,
pli-tv-kd20:27.4.48	abhikkhupaccāsīsanā;
pli-tv-kd20:27.4.49	Pavāraṇā garudhammā,
pli-tv-kd20:27.4.50	dve vassā anakkosanā.
pli-tv-kd20:27.4.51	Ovaṭo ca aṭṭha dhammā,
pli-tv-kd20:27.4.52	yāvajīvānuvattanā;
pli-tv-kd20:27.4.53	Garudhammapaṭiggāho,
pli-tv-kd20:27.4.54	sāvassā upasampadā.
pli-tv-kd20:27.4.55	Vassasahassaṁ pañceva,
pli-tv-kd20:27.4.56	kumbhathenakasetaṭṭi;
pli-tv-kd20:27.4.57	Mañjiṭṭhikaupamāhi,
pli-tv-kd20:27.4.58	evaṁ saddhammahiṁsanā.
pli-tv-kd20:27.4.59	Āḷiṁ bandheyya pāeva,
pli-tv-kd20:27.4.60	puna saddhammasaṇṭhiti;
pli-tv-kd20:27.4.61	Upasampādetuṁ ayyā,
pli-tv-kd20:27.4.62	yathāvuḍḍhābhivādanā.
pli-tv-kd20:27.4.63	Na karissanti kimeva,
pli-tv-kd20:27.4.64	sādhāraṇāsādhāraṇaṁ;
pli-tv-kd20:27.4.65	Ovādaṁ pātimokkhañca,
pli-tv-kd20:27.4.66	kena nu kho upassayaṁ.
pli-tv-kd20:27.4.67	Na jānanti ca ācikkhi,
pli-tv-kd20:27.4.68	na karonti ca bhikkhuhi;
pli-tv-kd20:27.4.69	Paṭiggahetuṁ bhikkhūhi,
pli-tv-kd20:27.4.70	bhikkhunīhi paṭiggaho.
pli-tv-kd20:27.4.71	Ācikkhi kammaṁ bhikkhūhi,
pli-tv-kd20:27.4.72	ujjhāyanti bhikkhunīhi vā;
pli-tv-kd20:27.4.73	Ācikkhituṁ bhaṇḍanañca,
pli-tv-kd20:27.4.74	ropetvā uppalāya ca.
pli-tv-kd20:27.4.75	Sāvatthiyā kaddamoda,
pli-tv-kd20:27.4.76	avandi kāya ūru ca;
pli-tv-kd20:27.4.77	Aṅgajātañca obhāsaṁ,
pli-tv-kd20:27.4.78	sampayojenti vaggikā.
pli-tv-kd20:27.4.79	Avandiyo daṇḍakammaṁ,
pli-tv-kd20:27.4.80	bhikkhuniyo tathā puna;
pli-tv-kd20:27.4.81	Āvaraṇañca ovādaṁ,
pli-tv-kd20:27.4.82	kappati nu kho pakkami.
pli-tv-kd20:27.4.83	Bālā vatthuvinicchayā,
pli-tv-kd20:27.4.84	ovādaṁ saṅgho pañcahi;
pli-tv-kd20:27.4.85	Duve tisso na gaṇhanti,
pli-tv-kd20:27.4.86	bālā gilānagamikaṁ.
pli-tv-kd20:27.4.87	Āraññiko nārocenti,
pli-tv-kd20:27.4.88	na paccāgacchanti ca;
pli-tv-kd20:27.4.89	Dīghaṁ vilīvacammañca,
pli-tv-kd20:27.4.90	dussā ca veṇivaṭṭi ca;
pli-tv-kd20:27.4.91	Coḷaveṇi ca vaṭṭi ca,
pli-tv-kd20:27.4.92	suttaveṇi ca vaṭṭikā.
pli-tv-kd20:27.4.93	Aṭṭhillaṁ gohanukena,
pli-tv-kd20:27.4.94	hatthakocchaṁ pādaṁ tathā;
pli-tv-kd20:27.4.95	Ūruṁ mukhaṁ dantamaṁsaṁ,
pli-tv-kd20:27.4.96	ālimpomaddacuṇṇanā.
pli-tv-kd20:27.4.97	Lañchenti aṅgarāgañca,
pli-tv-kd20:27.4.98	mukharāgaṁ tathā duve;
pli-tv-kd20:27.4.99	Avaṅgaṁ visesoloko,
pli-tv-kd20:27.4.100	sālokena naccena ca.
pli-tv-kd20:27.4.101	Vesī pānāgāraṁ sūnaṁ,
pli-tv-kd20:27.4.102	āpaṇaṁ vaḍḍhi vaṇijjā;
pli-tv-kd20:27.4.103	Dāsaṁ dāsiṁ kammakaraṁ,
pli-tv-kd20:27.4.104	kammakāriṁ upaṭṭhayyuṁ.
pli-tv-kd20:27.4.105	Tiracchānaharītaki,
pli-tv-kd20:27.4.106	sandhārayanti namatakaṁ;
pli-tv-kd20:27.4.107	Nīlaṁ pītaṁ lohitakaṁ,
pli-tv-kd20:27.4.108	mañjiṭṭhakaṇhacīvarā.
pli-tv-kd20:27.4.109	Mahāraṅgamahānāma-
pli-tv-kd20:27.4.110	acchinnā dīghameva ca;
pli-tv-kd20:27.4.111	Pupphaphalakañcukañca,
pli-tv-kd20:27.4.112	tirīṭakañca dhārayuṁ.
pli-tv-kd20:27.4.113	Bhikkhunī sikkhamānāya,
pli-tv-kd20:27.4.114	sāmaṇerāya accaye;
pli-tv-kd20:27.4.115	Niyyādite parikkhāre,
pli-tv-kd20:27.4.116	bhikkhuniyova issarā.
pli-tv-kd20:27.4.117	Bhikkhussa sāmaṇerassa,
pli-tv-kd20:27.4.118	upāsakassupāsikā;
pli-tv-kd20:27.4.119	Aññesañca parikkhāre,
pli-tv-kd20:27.4.120	niyyāte bhikkhuissarā.
pli-tv-kd20:27.4.121	Mallī gabbhaṁ pattamūlaṁ,
pli-tv-kd20:27.4.122	byañjanaṁ āmisena ca;
pli-tv-kd20:27.4.123	Ussannañca bāḷhataraṁ,
pli-tv-kd20:27.4.124	sannidhikatamāmisaṁ.
pli-tv-kd20:27.4.125	Bhikkhūnaṁ yādisaṁ bhoṭṭhaṁ,
pli-tv-kd20:27.4.126	Bhikkhunīnaṁ tathā kare;
pli-tv-kd20:27.4.127	Senāsanaṁ utuniyo,
pli-tv-kd20:27.4.128	Makkhīyati paṭāṇi ca.
pli-tv-kd20:27.4.129	Chijjanti sabbakālañca,
pli-tv-kd20:27.4.130	animittāpi dissare;
pli-tv-kd20:27.4.131	Nimittā lohitā ceva,
pli-tv-kd20:27.4.132	tatheva dhuvalohitā.
pli-tv-kd20:27.4.133	Dhuvacoḷapaggharantī,
pli-tv-kd20:27.4.134	sikharaṇitthipaṇḍakā;
pli-tv-kd20:27.4.135	Vepurisī ca sambhinnā,
pli-tv-kd20:27.4.136	ubhatobyañjanāpi ca.
pli-tv-kd20:27.4.137	Animittādito katvā,
pli-tv-kd20:27.4.138	yāva ubhatobyañjanā;
pli-tv-kd20:27.4.139	Etaṁ peyyālato heṭṭhā,
pli-tv-kd20:27.4.140	kuṭṭhaṁ gaṇḍo kilāso ca.
pli-tv-kd20:27.4.141	Sosāpamāro mānusī,
pli-tv-kd20:27.4.142	itthīsi bhujissāsi ca;
pli-tv-kd20:27.4.143	Aṇaṇā na rājabhaṭī,
pli-tv-kd20:27.4.144	anuññātā ca vīsati.
pli-tv-kd20:27.4.145	Paripuṇṇā ca kiṁnāmā,
pli-tv-kd20:27.4.146	kānāmā te pavattinī;
pli-tv-kd20:27.4.147	Catuvīsantarāyānaṁ,
pli-tv-kd20:27.4.148	pucchitvā upasampadā.
pli-tv-kd20:27.4.149	Vitthāyanti ananusiṭṭhā,
pli-tv-kd20:27.4.150	saṅghamajjhe tatheva ca;
pli-tv-kd20:27.4.151	Upajjhāgāha saṅghāṭi,
pli-tv-kd20:27.4.152	uttarantaravāsako.
pli-tv-kd20:27.4.153	Saṅkaccudakasāṭi ca,
pli-tv-kd20:27.4.154	ācikkhitvāna pesaye;
pli-tv-kd20:27.4.155	Bālā asammatekato,
pli-tv-kd20:27.4.156	yāce pucchantarāyikā.
pli-tv-kd20:27.4.157	Ekatoupasampannā,
pli-tv-kd20:27.4.158	bhikkhusaṅghe tathā puna;
pli-tv-kd20:27.4.159	Chāyā utu divasā ca,
pli-tv-kd20:27.4.160	saṅgīti tayo nissaye.
pli-tv-kd20:27.4.161	Aṭṭha akaraṇīyāni,
pli-tv-kd20:27.4.162	kālaṁ sabbattha aṭṭheva;
pli-tv-kd20:27.4.163	Na pavārenti bhikkhunī,
pli-tv-kd20:27.4.164	bhikkhusaṅghaṁ tatheva ca.
pli-tv-kd20:27.4.165	Kolāhalaṁ purebhattaṁ,
pli-tv-kd20:27.4.166	vikāle ca kolāhalaṁ;
pli-tv-kd20:27.4.167	Uposathaṁ pavāraṇaṁ,
pli-tv-kd20:27.4.168	savacanīyānuvādanaṁ.
pli-tv-kd20:27.4.169	Okāsaṁ code sārenti,
pli-tv-kd20:27.4.170	paṭikkhittaṁ mahesinā;
pli-tv-kd20:27.4.171	Tatheva bhikkhu bhikkhunī,
pli-tv-kd20:27.4.172	anuññātaṁ mahesinā.
pli-tv-kd20:27.4.173	Yānaṁ gilānayuttañca,
pli-tv-kd20:27.4.174	yānugghātaḍḍhakāsikā;
pli-tv-kd20:27.4.175	Bhikkhu sikkhā sāmaṇera,
pli-tv-kd20:27.4.176	sāmaṇerī ca bālāya.
pli-tv-kd20:27.4.177	Araññe upāsakena,
pli-tv-kd20:27.4.178	uddosito upassayaṁ;
pli-tv-kd20:27.4.179	Na sammati navakammaṁ,
pli-tv-kd20:27.4.180	nisinnagabbhaekikā.
pli-tv-kd20:27.4.181	Sāgārañca garudhammaṁ,
pli-tv-kd20:27.4.182	paccakkhāya ca saṅkami;
pli-tv-kd20:27.4.183	Abhivādanakesā ca,
pli-tv-kd20:27.4.184	nakhā ca vaṇakammanā.
pli-tv-kd20:27.4.185	Pallaṅkena gilānā ca,
pli-tv-kd20:27.4.186	vaccaṁ cuṇṇena vāsitaṁ;
pli-tv-kd20:27.4.187	Jantāghare paṭisote,
pli-tv-kd20:27.4.188	atitthe purisena ca.
pli-tv-kd20:27.4.189	Mahāgotamī āyāci,
pli-tv-kd20:27.4.190	ānando cāpi yoniso;
pli-tv-kd20:27.4.191	Parisā catasso honti,
pli-tv-kd20:27.4.192	pabbajjā jinasāsane.
pli-tv-kd20:27.4.193	Saṁvegajananatthāya,
pli-tv-kd20:27.4.194	saddhammassa ca vuddhiyā;
pli-tv-kd20:27.4.195	Āturassāva bhesajjaṁ,
pli-tv-kd20:27.4.196	evaṁ buddhena desitaṁ.
pli-tv-kd20:27.4.197	Evaṁ vinītā saddhamme,
pli-tv-kd20:27.4.198	mātugāmāpi itarā;
pli-tv-kd20:27.4.199	Yāyanti accutaṁ ṭhānaṁ,
pli-tv-kd20:27.4.200	yattha gantvā na socareti.
pli-tv-kd20:27.4.201	Bhikkhunikkhandhako niṭṭhito.
pli-tv-kd21:0.1	Theravāda Vinayapiṭaka
pli-tv-kd21:0.2	Cūḷavagga
pli-tv-kd21:0.3	21. Pañcasatikakkhandhaka
pli-tv-kd21:0.4	1. Saṅgītinidāna
pli-tv-kd21:1.1.1	Atha kho āyasmā mahākassapo bhikkhū āmantesi—
pli-tv-kd21:1.1.2	“ekamidāhaṁ, āvuso, samayaṁ pāvāya kusināraṁ addhānamaggappaṭipanno mahatā bhikkhusaṅghena saddhiṁ pañcamattehi bhikkhusatehi.
pli-tv-kd21:1.1.3	Atha khvāhaṁ, āvuso, maggā okkamma aññatarasmiṁ rukkhamūle nisīdiṁ.
pli-tv-kd21:1.1.4	Tena kho pana samayena aññataro ājīvako kusinārāya mandāravapupphaṁ gahetvā pāvaṁ addhānamaggappaṭipanno hoti.
pli-tv-kd21:1.1.5	Addasaṁ kho ahaṁ, āvuso, taṁ ājīvakaṁ dūratova āgacchantaṁ.
pli-tv-kd21:1.1.6	Disvāna taṁ ājīvakaṁ etadavocaṁ—
pli-tv-kd21:1.1.7	‘apāvuso, amhākaṁ satthāraṁ jānāsī’ti?
pli-tv-kd21:1.1.8	‘Āmāvuso, jānāmi.
pli-tv-kd21:1.1.9	Ajja sattāhaparinibbuto samaṇo gotamo.
pli-tv-kd21:1.1.10	Tato me idaṁ mandāravapupphaṁ gahitan’ti.
pli-tv-kd21:1.1.11	Tatrāvuso, ye te bhikkhū avītarāgā appekacce bāhā paggayha kandanti, chinnapātaṁ papatanti, āvaṭṭanti, vivaṭṭanti—
pli-tv-kd21:1.1.12	atikhippaṁ bhagavā parinibbuto, atikhippaṁ sugato parinibbuto, atikhippaṁ cakkhuṁ loke antarahitanti.
pli-tv-kd21:1.1.13	Ye pana te bhikkhū vītarāgā te satā sampajānā adhivāsenti—
pli-tv-kd21:1.1.14	aniccā saṅkhārā, taṁ kutettha labbhāti.
pli-tv-kd21:1.1.15	Atha khvāhaṁ, āvuso, te bhikkhū etadavocaṁ—
pli-tv-kd21:1.1.16	‘alaṁ, āvuso, mā socittha;
pli-tv-kd21:1.1.17	mā paridevittha.
pli-tv-kd21:1.1.18	Nanvetaṁ, āvuso, bhagavatā paṭikacceva akkhātaṁ—
pli-tv-kd21:1.1.19	sabbeheva piyehi manāpehi nānābhāvo vinābhāvo aññathābhāvo.
pli-tv-kd21:1.1.20	Taṁ kutettha āvuso labbhā, yaṁ taṁ jātaṁ bhūtaṁ saṅkhataṁ palokadhammaṁ, taṁ vata mā palujjīti—
pli-tv-kd21:1.1.21	netaṁ ṭhānaṁ vijjatī’ti.
pli-tv-kd21:1.1.22	Tena kho panāvuso, samayena subhaddo nāma vuḍḍhapabbajito tassaṁ parisāyaṁ nisinno hoti.
pli-tv-kd21:1.1.23	Atha kho, āvuso, subhaddo vuḍḍhapabbajito te bhikkhū etadavoca—
pli-tv-kd21:1.1.24	‘alaṁ, āvuso, mā socittha;
pli-tv-kd21:1.1.25	mā paridevittha.
pli-tv-kd21:1.1.26	Sumuttā mayaṁ tena mahāsamaṇena;
pli-tv-kd21:1.1.27	upaddutā ca mayaṁ homa—
pli-tv-kd21:1.1.28	idaṁ vo kappati, idaṁ vo na kappatīti.
pli-tv-kd21:1.1.29	Idāni pana mayaṁ yaṁ icchissāma taṁ karissāma, yaṁ na icchissāma na taṁ karissāmā’ti.
pli-tv-kd21:1.1.30	Handa mayaṁ, āvuso, dhammañca vinayañca saṅgāyāma.
pli-tv-kd21:1.1.31	Pure adhammo dippati, dhammo paṭibāhiyyati;
pli-tv-kd21:1.1.32	pure avinayo dippati vinayo paṭibāhiyyati;
pli-tv-kd21:1.1.33	pure adhammavādino balavanto honti, dhammavādino dubbalā honti;
pli-tv-kd21:1.1.34	pure avinayavādino balavanto honti, vinayavādino dubbalā hontī”ti.
pli-tv-kd21:1.2.1	“Tena hi, bhante, thero bhikkhū uccinatū”ti.
pli-tv-kd21:1.2.2	Atha kho āyasmā mahākassapo ekenūnapañcaarahantasatāni uccini.
pli-tv-kd21:1.2.3	Bhikkhū āyasmantaṁ mahākassapaṁ etadavocuṁ—
pli-tv-kd21:1.2.4	“ayaṁ, bhante, āyasmā ānando kiñcāpi sekkho, abhabbo chandā dosā mohā bhayā agatiṁ gantuṁ.
pli-tv-kd21:1.2.5	Bahu ca anena bhagavato santike dhammo ca vinayo ca pariyatto.
pli-tv-kd21:1.2.6	Tena hi, bhante, thero āyasmantampi ānandaṁ uccinatū”ti.
pli-tv-kd21:1.2.7	Atha kho āyasmā mahākassapo āyasmantampi ānandaṁ uccini.
pli-tv-kd21:1.3.1	Atha kho therānaṁ bhikkhūnaṁ etadahosi—
pli-tv-kd21:1.3.2	“kattha nu kho mayaṁ dhammañca vinayañca saṅgāyeyyāmā”ti?
pli-tv-kd21:1.3.3	Atha kho therānaṁ bhikkhūnaṁ etadahosi—
pli-tv-kd21:1.3.4	“rājagahaṁ kho mahāgocaraṁ pahūtasenāsanaṁ, yannūna mayaṁ rājagahe vassaṁ vasantā dhammañca vinayañca saṅgāyeyyāma.
pli-tv-kd21:1.3.5	Na aññe bhikkhū rājagahe vassaṁ upagaccheyyun”ti.
pli-tv-kd21:1.4.1	Atha kho āyasmā mahākassapo saṅghaṁ ñāpesi—
pli-tv-kd21:1.4.2	“Suṇātu me, āvuso, saṅgho.
pli-tv-kd21:1.4.3	Yadi saṅghassa pattakallaṁ, saṅgho imāni pañca bhikkhusatāni sammanneyya—
pli-tv-kd21:1.4.4	rājagahe vassaṁ vasantāni dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti.
pli-tv-kd21:1.4.5	Esā ñatti.
pli-tv-kd21:1.4.6	Suṇātu me, āvuso, saṅgho.
pli-tv-kd21:1.4.7	Imāni pañca bhikkhusatāni sammannati—
pli-tv-kd21:1.4.8	rājagahe vassaṁ vasantāni dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti.
pli-tv-kd21:1.4.9	Yassāyasmato khamati imesaṁ pañcannaṁ bhikkhusatānaṁ sammuti—
pli-tv-kd21:1.4.10	rājagahe vassaṁ vasantānaṁ dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti—
pli-tv-kd21:1.4.11	so tuṇhassa;
pli-tv-kd21:1.4.12	yassa nakkhamati, so bhāseyya.
pli-tv-kd21:1.4.13	Sammatāni saṅghena imāni pañca bhikkhusatāni rājagahe vassaṁ vasantāni dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti.
pli-tv-kd21:1.4.14	Khamati saṅghassa, tasmā tuṇhī, evametaṁ dhārayāmī”ti.
pli-tv-kd21:1.5.0	
pli-tv-kd21:1.5.1	Atha kho therā bhikkhū rājagahaṁ agamaṁsu dhammañca vinayañca saṅgāyituṁ.
pli-tv-kd21:1.5.2	Atha kho therānaṁ bhikkhūnaṁ etadahosi—
pli-tv-kd21:1.5.3	“bhagavatā kho, āvuso, khaṇḍaphullapaṭisaṅkharaṇaṁ vaṇṇitaṁ.
pli-tv-kd21:1.5.4	Handa mayaṁ, āvuso, paṭhamaṁ māsaṁ khaṇḍaphullaṁ paṭisaṅkharoma;
pli-tv-kd21:1.5.5	majjhimaṁ māsaṁ sannipatitvā dhammañca vinayañca saṅgāyissāmā”ti.
pli-tv-kd21:1.5.6	Atha kho therā bhikkhū paṭhamaṁ māsaṁ khaṇḍaphullaṁ paṭisaṅkhariṁsu.
pli-tv-kd21:1.6.1	Atha kho āyasmā ānando—
pli-tv-kd21:1.6.2	“sve sannipāto na kho metaṁ patirūpaṁ, yohaṁ sekkho samāno sannipātaṁ gaccheyyan”ti—
pli-tv-kd21:1.6.3	bahudeva rattiṁ kāyagatāya satiyā vītināmetvā rattiyā paccūsasamayaṁ “nipajjissāmī”ti kāyaṁ āvajjesi.
pli-tv-kd21:1.6.4	Appattañca sīsaṁ bibbohanaṁ, bhūmito ca pādā muttā.
pli-tv-kd21:1.6.5	Etasmiṁ antare anupādāya āsavehi cittaṁ vimucci.
pli-tv-kd21:1.6.6	Atha kho āyasmā ānando arahā samāno sannipātaṁ agamāsi.
pli-tv-kd21:1.7.1	Atha kho āyasmā mahākassapo saṅghaṁ ñāpesi—
pli-tv-kd21:1.7.2	“Suṇātu me, āvuso, saṅgho.
pli-tv-kd21:1.7.3	Yadi saṅghassa pattakallaṁ, ahaṁ upāliṁ vinayaṁ puccheyyan”ti.
pli-tv-kd21:1.7.4	Āyasmā upāli saṅghaṁ ñāpesi—
pli-tv-kd21:1.7.5	“Suṇātu me, bhante, saṅgho.
pli-tv-kd21:1.7.6	Yadi saṅghassa pattakallaṁ, ahaṁ āyasmatā mahākassapena vinayaṁ puṭṭho vissajjeyyan”ti.
pli-tv-kd21:1.7.7	Atha kho āyasmā mahākassapo āyasmantaṁ upāliṁ etadavoca—
pli-tv-kd21:1.7.8	“paṭhamaṁ, āvuso upāli, pārājikaṁ kattha paññattan”ti?
pli-tv-kd21:1.7.9	“Vesāliyaṁ, bhante”ti.
pli-tv-kd21:1.7.10	“Kaṁ ārabbhā”ti?
pli-tv-kd21:1.7.11	“Sudinnaṁ kalandaputtaṁ ārabbhā”ti.
pli-tv-kd21:1.7.12	“Kismiṁ vatthusmin”ti?
pli-tv-kd21:1.7.13	“Methunadhamme”ti.
pli-tv-kd21:1.7.14	Atha kho āyasmā mahākassapo āyasmantaṁ upāliṁ paṭhamassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.
pli-tv-kd21:1.7.15	“Dutiyaṁ panāvuso upāli, pārājikaṁ kattha paññattan”ti?
pli-tv-kd21:1.7.16	“Rājagahe, bhante”ti.
pli-tv-kd21:1.7.17	“Kaṁ ārabbhā”ti?
pli-tv-kd21:1.7.18	“Dhaniyaṁ kumbhakāraputtaṁ ārabbhā”ti.
pli-tv-kd21:1.7.19	“Kismiṁ vatthusmin”ti?
pli-tv-kd21:1.7.20	“Adinnādāne”ti.
pli-tv-kd21:1.7.21	Atha kho āyasmā mahākassapo āyasmantaṁ upāliṁ dutiyassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.
pli-tv-kd21:1.7.22	“Tatiyaṁ panāvuso upāli, pārājikaṁ kattha paññattan”ti?
pli-tv-kd21:1.7.23	“Vesāliyaṁ, bhante”ti.
pli-tv-kd21:1.7.24	“Kaṁ ārabbhā”ti?
pli-tv-kd21:1.7.25	“Sambahule bhikkhū ārabbhā”ti.
pli-tv-kd21:1.7.26	“Kismiṁ vatthusmin”ti?
pli-tv-kd21:1.7.27	“Manussaviggahe”ti.
pli-tv-kd21:1.7.28	Atha kho āyasmā mahākassapo āyasmantaṁ upāliṁ tatiyassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.
pli-tv-kd21:1.7.29	“Catutthaṁ panāvuso upāli, pārājikaṁ kattha paññattan”ti?
pli-tv-kd21:1.7.30	“Vesāliyaṁ, bhante”ti.
pli-tv-kd21:1.7.31	“Kaṁ ārabbhā”ti?
pli-tv-kd21:1.7.32	“Vaggumudātīriye bhikkhū ārabbhā”ti.
pli-tv-kd21:1.7.33	“Kismiṁ vatthusmin”ti?
pli-tv-kd21:1.7.34	“Uttarimanussadhamme”ti.
pli-tv-kd21:1.7.35	Atha kho āyasmā mahākassapo āyasmantaṁ upāliṁ catutthassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.
pli-tv-kd21:1.7.36	Eteneva upāyena ubhatovibhaṅge pucchi.
pli-tv-kd21:1.7.37	Puṭṭho puṭṭho āyasmā upāli vissajjesi.
pli-tv-kd21:1.8.1	Atha kho āyasmā mahākassapo saṅghaṁ ñāpesi—
pli-tv-kd21:1.8.2	“Suṇātu me, āvuso, saṅgho.
pli-tv-kd21:1.8.3	Yadi saṅghassa pattakallaṁ, ahaṁ ānandaṁ dhammaṁ puccheyyan”ti.
pli-tv-kd21:1.8.4	Āyasmā ānando saṅghaṁ ñāpesi—
pli-tv-kd21:1.8.5	“Suṇātu me, bhante, saṅgho.
pli-tv-kd21:1.8.6	Yadi saṅghassa pattakallaṁ, ahaṁ āyasmatā mahākassapena dhammaṁ puṭṭho vissajjeyyan”ti.
pli-tv-kd21:1.8.7	Atha kho āyasmā mahākassapo āyasmantaṁ ānandaṁ etadavoca—
pli-tv-kd21:1.8.8	“brahmajālaṁ, āvuso ānanda, kattha bhāsitan”ti?
pli-tv-kd21:1.8.9	“Antarā ca, bhante, rājagahaṁ antarā ca nāḷandaṁ rājāgārake ambalaṭṭhikāyā”ti.
pli-tv-kd21:1.8.10	“Kaṁ ārabbhā”ti?
pli-tv-kd21:1.8.11	“Suppiyañca paribbājakaṁ brahmadattañca māṇavan”ti.
pli-tv-kd21:1.8.12	Atha kho āyasmā mahākassapo āyasmantaṁ ānandaṁ brahmajālassa nidānampi pucchi, puggalampi pucchi.
pli-tv-kd21:1.8.13	“Sāmaññaphalaṁ panāvuso ānanda, kattha bhāsitan”ti?
pli-tv-kd21:1.8.14	“Rājagahe, bhante, jīvakambavane”ti.
pli-tv-kd21:1.8.15	“Kena saddhin”ti?
pli-tv-kd21:1.8.16	“Ajātasattunā vedehiputtena saddhin”ti.
pli-tv-kd21:1.8.17	Atha kho āyasmā mahākassapo āyasmantaṁ ānandaṁ sāmaññaphalassa nidānampi pucchi, puggalampi pucchi.
pli-tv-kd21:1.8.18	Eteneva upāyena pañcapi nikāye pucchi.
pli-tv-kd21:1.8.19	Puṭṭho puṭṭho āyasmā ānando vissajjesi.
pli-tv-kd21:1.9.0	2. Khuddānukhuddakasikkhāpadakathā
pli-tv-kd21:1.9.1	Atha kho āyasmā ānando there bhikkhū etadavoca—
pli-tv-kd21:1.9.2	“bhagavā maṁ, bhante, parinibbānakāle evamāha—
pli-tv-kd21:1.9.3	‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhaneyyā’”ti.
pli-tv-kd21:1.9.4	“Pucchi pana tvaṁ, āvuso ānanda, bhagavantaṁ—
pli-tv-kd21:1.9.5	‘katamāni pana, bhante, khuddānukhuddakāni sikkhāpadānī’”ti?
pli-tv-kd21:1.9.6	“Na khohaṁ, bhante, bhagavantaṁ pucchiṁ—
pli-tv-kd21:1.9.7	‘katamāni pana, bhante, khuddānukhuddakāni sikkhāpadānī’”ti.
pli-tv-kd21:1.9.8	Ekacce therā evamāhaṁsu—
pli-tv-kd21:1.9.9	“cattāri pārājikāni ṭhapetvā, avasesāni khuddānukhuddakāni sikkhāpadānī”ti.
pli-tv-kd21:1.9.10	Ekacce therā evamāhaṁsu—
pli-tv-kd21:1.9.11	“cattāri pārājikāni ṭhapetvā, terasa saṅghādisese ṭhapetvā, avasesāni khuddānukhuddakāni sikkhāpadānī”ti.
pli-tv-kd21:1.9.12	Ekacce therā evamāhaṁsu—
pli-tv-kd21:1.9.13	“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, avasesāni khuddānukhuddakāni sikkhāpadānī”ti.
pli-tv-kd21:1.9.14	Ekacce therā evamāhaṁsu—
pli-tv-kd21:1.9.15	“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṁsa nissaggiye pācittiye ṭhapetvā, avasesāni khuddānukhuddakāni sikkhāpadānī”ti.
pli-tv-kd21:1.9.16	Ekacce therā evamāhaṁsu—
pli-tv-kd21:1.9.17	“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṁsa nissaggiye pācittiye ṭhapetvā, dvenavuti pācittiye ṭhapetvā, avasesāni khuddānukhuddakāni sikkhāpadānī”ti.
pli-tv-kd21:1.9.18	Ekacce therā evamāhaṁsu—
pli-tv-kd21:1.9.19	“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṁsa nissaggiye pācittiye ṭhapetvā, dvenavuti pācittiye ṭhapetvā, cattāro pāṭidesanīye ṭhapetvā, avasesāni khuddānukhuddakāni sikkhāpadānī”ti.
pli-tv-kd21:1.9.20	Atha kho āyasmā mahākassapo saṅghaṁ ñāpesi—
pli-tv-kd21:1.9.21	“Suṇātu me, āvuso, saṅgho.
pli-tv-kd21:1.9.22	Santamhākaṁ sikkhāpadāni gihigatāni.
pli-tv-kd21:1.9.23	Gihinopi jānanti—
pli-tv-kd21:1.9.24	‘idaṁ vo samaṇānaṁ sakyaputtiyānaṁ kappati, idaṁ vo na kappatī’ti.
pli-tv-kd21:1.9.25	Sace mayaṁ khuddānukhuddakāni sikkhāpadāni samūhanissāma, bhavissanti vattāro—
pli-tv-kd21:1.9.26	‘dhūmakālikaṁ samaṇena gotamena sāvakānaṁ sikkhāpadaṁ paññattaṁ.
pli-tv-kd21:1.9.27	Yāvimesaṁ satthā aṭṭhāsi tāvime sikkhāpadesu sikkhiṁsu.
pli-tv-kd21:1.9.28	Yato imesaṁ satthā parinibbuto, na dānime sikkhāpadesu sikkhantī’ti.
pli-tv-kd21:1.9.29	Yadi saṅghassa pattakallaṁ, saṅgho apaññattaṁ nappaññapeyya, paññattaṁ na samucchindeyya, yathāpaññattesu sikkhāpadesu samādāya vatteyya.
pli-tv-kd21:1.9.30	Esā ñatti.
pli-tv-kd21:1.9.31	Suṇātu me, āvuso, saṅgho.
pli-tv-kd21:1.9.32	Santamhākaṁ sikkhāpadāni gihigatāni.
pli-tv-kd21:1.9.33	Gihinopi jānanti—
pli-tv-kd21:1.9.34	‘idaṁ vo samaṇānaṁ sakyaputtiyānaṁ kappati, idaṁ vo na kappatī’ti.
pli-tv-kd21:1.9.35	Sace mayaṁ khuddānukhuddakāni sikkhāpadāni samūhanissāma, bhavissanti vattāro—
pli-tv-kd21:1.9.36	‘dhūmakālikaṁ samaṇena gotamena sāvakānaṁ sikkhāpadaṁ paññattaṁ.
pli-tv-kd21:1.9.37	Yāvimesaṁ satthā aṭṭhāsi tāvime sikkhāpadesu sikkhiṁsu.
pli-tv-kd21:1.9.38	Yato imesaṁ satthā parinibbuto, na dānime sikkhāpadesu sikkhantī’ti.
pli-tv-kd21:1.9.39	Saṅgho apaññattaṁ nappaññapeti, paññattaṁ na samucchindati, yathāpaññattesu sikkhāpadesu samādāya vattati.
pli-tv-kd21:1.9.40	Yassāyasmato khamati apaññattassa appaññāpanā, paññattassa asamucchedo, yathāpaññattesu sikkhāpadesu samādāya vattanā, so tuṇhassa;
pli-tv-kd21:1.9.41	yassa nakkhamati, so bhāseyya.
pli-tv-kd21:1.9.42	Saṅgho apaññattaṁ nappaññapeti, paññattaṁ na samucchindati, yathāpaññattesu sikkhāpadesu samādāya vattati.
pli-tv-kd21:1.9.43	Khamati saṅghassa, tasmā tuṇhī, evametaṁ dhārayāmī”ti.
pli-tv-kd21:1.10.1	Atha kho therā bhikkhū āyasmantaṁ ānandaṁ etadavocuṁ—
pli-tv-kd21:1.10.2	“idaṁ te, āvuso ānanda, dukkaṭaṁ, yaṁ tvaṁ bhagavantaṁ na pucchi—‘katamāni pana, bhante, khuddānukhuddakāni sikkhāpadānī’ti.
pli-tv-kd21:1.10.3	Desehi taṁ dukkaṭan”ti.
pli-tv-kd21:1.10.4	“Ahaṁ kho, bhante, assatiyā bhagavantaṁ na pucchiṁ—‘katamāni pana, bhante, khuddānukhuddakāni sikkhāpadānī’ti.
pli-tv-kd21:1.10.5	Nāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.
pli-tv-kd21:1.10.6	“Idampi te, āvuso ānanda, dukkaṭaṁ, yaṁ tvaṁ bhagavato vassikasāṭikaṁ akkamitvā sibbesi.
pli-tv-kd21:1.10.7	Desehi taṁ dukkaṭan”ti.
pli-tv-kd21:1.10.8	“Ahaṁ kho, bhante, na agāravena bhagavato vassikasāṭikaṁ akkamitvā sibbesiṁ.
pli-tv-kd21:1.10.9	Nāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.
pli-tv-kd21:1.10.10	“Idampi te, āvuso ānanda, dukkaṭaṁ, yaṁ tvaṁ mātugāmehi bhagavato sarīraṁ paṭhamaṁ vandāpesi, tāsaṁ rodantīnaṁ bhagavato sarīraṁ assukena makkhitaṁ.
pli-tv-kd21:1.10.11	Desehi taṁ dukkaṭan”ti.
pli-tv-kd21:1.10.12	“Ahaṁ kho, bhante—māyimāsaṁ vikāle ahesunti—mātugāmehi bhagavato sarīraṁ paṭhamaṁ vandāpesiṁ.
pli-tv-kd21:1.10.13	Nāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.
pli-tv-kd21:1.10.14	“Idampi te, āvuso ānanda, dukkaṭaṁ, yaṁ tvaṁ bhagavatā oḷārike nimitte kayiramāne, oḷārike obhāse kayiramāne, na bhagavantaṁ yāci—
pli-tv-kd21:1.10.15	‘tiṭṭhatu bhagavā kappaṁ, tiṭṭhatu sugato kappaṁ, bahujanahitāya bahujanasukhāya lokānukampāya atthāya hitāya sukhāya devamanussānan’ti.
pli-tv-kd21:1.10.16	Desehi taṁ dukkaṭan”ti.
pli-tv-kd21:1.10.17	“Ahaṁ kho, bhante, mārena pariyuṭṭhitacitto na bhagavantaṁ yāciṁ—
pli-tv-kd21:1.10.18	‘tiṭṭhatu bhagavā kappaṁ, tiṭṭhatu sugato kappaṁ, bahujanahitāya bahujanasukhāya lokānukampāya atthāya hitāya sukhāya devamanussānan’ti.
pli-tv-kd21:1.10.19	Nāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.
pli-tv-kd21:1.10.20	“Idampi te, āvuso ānanda, dukkaṭaṁ yaṁ tvaṁ mātugāmassa tathāgatappavedite dhammavinaye pabbajjaṁ ussukkaṁ akāsi.
pli-tv-kd21:1.10.21	Desehi taṁ dukkaṭan”ti.
pli-tv-kd21:1.10.22	“Ahaṁ kho, bhante, ayaṁ mahāpajāpati gotamī bhagavato mātucchā āpādikā posikā khīrassa dāyikā bhagavantaṁ janettiyā kālaṅkatāya thaññaṁ pāyesīti mātugāmassa tathāgatappavedite dhammavinaye pabbajjaṁ ussukkaṁ akāsiṁ.
pli-tv-kd21:1.10.23	Nāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.
pli-tv-kd21:1.11.1	Tena kho pana samayena āyasmā purāṇo dakkhiṇāgirismiṁ cārikaṁ carati mahatā bhikkhusaṅghena saddhiṁ pañcamattehi bhikkhusatehi.
pli-tv-kd21:1.11.2	Atha kho āyasmā purāṇo therehi bhikkhūhi dhamme ca vinaye ca saṅgīte dakkhiṇāgirismiṁ yathābhirantaṁ viharitvā yena rājagahaṁ yena veḷuvanaṁ kalandakanivāpo yena therā bhikkhū tenupasaṅkami, upasaṅkamitvā therehi bhikkhūhi saddhiṁ paṭisammoditvā ekamantaṁ nisīdi.
pli-tv-kd21:1.11.3	Ekamantaṁ nisinnaṁ kho āyasmantaṁ purāṇaṁ therā bhikkhū etadavocuṁ—
pli-tv-kd21:1.11.4	“therehi, āvuso purāṇa, dhammo ca vinayo ca saṅgīto.
pli-tv-kd21:1.11.5	Upehi taṁ saṅgītin”ti.
pli-tv-kd21:1.11.6	“Susaṅgītāvuso, therehi dhammo ca vinayo ca.
pli-tv-kd21:1.11.7	Api ca yatheva mayā bhagavato sammukhā sutaṁ, sammukhā paṭiggahitaṁ, tathevāhaṁ dhāressāmī”ti.
pli-tv-kd21:1.12.0	3. Brahmadaṇḍakathā
pli-tv-kd21:1.12.1	Atha kho āyasmā ānando there bhikkhū etadavoca—
pli-tv-kd21:1.12.2	“bhagavā maṁ, bhante, parinibbānakāle evamāha—
pli-tv-kd21:1.12.3	‘tena hānanda, saṅgho mamaccayena channassa bhikkhuno brahmadaṇḍaṁ āṇāpetū’”ti.
pli-tv-kd21:1.12.4	“Pucchi pana tvaṁ, āvuso ānanda, bhagavantaṁ—
pli-tv-kd21:1.12.5	‘katamo pana, bhante, brahmadaṇḍo’”ti?
pli-tv-kd21:1.12.6	“Pucchiṁ khohaṁ, bhante, bhagavantaṁ—
pli-tv-kd21:1.12.7	‘katamo pana, bhante, brahmadaṇḍo’ti?
pli-tv-kd21:1.12.8	‘Channo, ānanda, bhikkhu yaṁ iccheyya taṁ vadeyya.
pli-tv-kd21:1.12.9	Bhikkhūhi channo bhikkhu neva vattabbo, na ovaditabbo, nānusāsitabbo’”ti.
pli-tv-kd21:1.12.10	“Tena hāvuso ānanda, tvaṁyeva channassa bhikkhuno brahmadaṇḍaṁ āṇāpehī”ti.
pli-tv-kd21:1.12.11	“Kathāhaṁ, bhante, channassa bhikkhuno brahmadaṇḍaṁ āṇāpemi, caṇḍo so bhikkhu pharuso”ti?
pli-tv-kd21:1.12.12	“Tena hāvuso ānanda, bahukehi bhikkhūhi saddhiṁ gacchāhī”ti.
pli-tv-kd21:1.12.13	“Evaṁ, bhante”ti kho āyasmā ānando therānaṁ bhikkhūnaṁ paṭissutvā mahatā bhikkhusaṅghena saddhiṁ pañcamattehi bhikkhusatehi nāvāya ujjavanikāya kosambiṁ ujjavi, nāvāya paccorohitvā rañño udenassa uyyānassa avidūre aññatarasmiṁ rukkhamūle nisīdi.
pli-tv-kd21:1.13.1	Tena kho pana samayena rājā udeno uyyāne paricāresi saddhiṁ orodhena.
pli-tv-kd21:1.13.2	Assosi kho rañño udenassa orodho—
pli-tv-kd21:1.13.3	“amhākaṁ kira ācariyo ayyo ānando uyyānassa avidūre aññatarasmiṁ rukkhamūle nisinno”ti.
pli-tv-kd21:1.13.4	Atha kho rañño udenassa orodho rājānaṁ udenaṁ etadavoca—
pli-tv-kd21:1.13.5	“amhākaṁ kira, deva, ācariyo ayyo ānando uyyānassa avidūre aññatarasmiṁ rukkhamūle nisinno.
pli-tv-kd21:1.13.6	Icchāma mayaṁ, deva, ayyaṁ ānandaṁ passitun”ti.
pli-tv-kd21:1.13.7	“Tena hi tumhe samaṇaṁ ānandaṁ passathā”ti.
pli-tv-kd21:1.13.8	Atha kho rañño udenassa orodho yenāyasmā ānando tenupasaṅkami, upasaṅkamitvā āyasmantaṁ ānandaṁ abhivādetvā ekamantaṁ nisīdi.
pli-tv-kd21:1.13.9	Ekamantaṁ nisinnaṁ kho rañño udenassa orodhaṁ āyasmā ānando dhammiyā kathāya sandassesi samādapesi samuttejesi sampahaṁsesi.
pli-tv-kd21:1.13.10	Atha kho rañño udenassa orodho āyasmatā ānandena dhammiyā kathāya sandassito samādapito samuttejito sampahaṁsito āyasmato ānandassa pañca uttarāsaṅgasatāni pādāsi.
pli-tv-kd21:1.13.11	Atha kho rañño udenassa orodho āyasmato ānandassa bhāsitaṁ abhinanditvā anumoditvā uṭṭhāyāsanā āyasmantaṁ ānandaṁ abhivādetvā padakkhiṇaṁ katvā yena rājā udeno tenupasaṅkami.
pli-tv-kd21:1.14.1	Addasā kho rājā udeno orodhaṁ dūratova āgacchantaṁ.
pli-tv-kd21:1.14.2	Disvāna orodhaṁ etadavoca—
pli-tv-kd21:1.14.3	“api nu kho tumhe samaṇaṁ ānandaṁ passitthā”ti?
pli-tv-kd21:1.14.4	“Apassimhā kho mayaṁ, deva, ayyaṁ ānandan”ti.
pli-tv-kd21:1.14.5	“Api nu tumhe samaṇassa ānandassa kiñci adatthā”ti?
pli-tv-kd21:1.14.6	“Adamhā kho mayaṁ, deva, ayyassa ānandassa pañca uttarāsaṅgasatānī”ti.
pli-tv-kd21:1.14.7	Rājā udeno ujjhāyati khiyyati vipāceti—
pli-tv-kd21:1.14.8	“kathañhi nāma samaṇo ānando tāva bahuṁ cīvaraṁ paṭiggahessati.
pli-tv-kd21:1.14.9	Dussavāṇijjaṁ vā samaṇo ānando karissati, paggāhikasālaṁ vā pasāressatī”ti.
pli-tv-kd21:1.14.10	Atha kho rājā udeno yenāyasmā ānando tenupasaṅkami, upasaṅkamitvā āyasmatā ānandena saddhiṁ sammodi.
pli-tv-kd21:1.14.11	Sammodanīyaṁ kathaṁ sāraṇīyaṁ vītisāretvā ekamantaṁ nisīdi.
pli-tv-kd21:1.14.12	Ekamantaṁ nisinno kho rājā udeno āyasmantaṁ ānandaṁ etadavoca—
pli-tv-kd21:1.14.13	“āgamā nu khvidha, bho ānanda, amhākaṁ orodho”ti?
pli-tv-kd21:1.14.14	“Āgamāsi kho te idha, mahārāja, orodho”ti.
pli-tv-kd21:1.14.15	“Api pana bhoto ānandassa kiñci adāsī”ti?
pli-tv-kd21:1.14.16	“Adāsi kho me, mahārāja, pañca uttarāsaṅgasatānī”ti.
pli-tv-kd21:1.14.17	“Kiṁ pana bhavaṁ ānando tāva bahuṁ cīvaraṁ karissatī”ti?
pli-tv-kd21:1.14.18	“Ye te, mahārāja, bhikkhū dubbalacīvarā tehi saddhiṁ saṁvibhajissāmī”ti.
pli-tv-kd21:1.14.19	“Yāni kho pana, bho ānanda, porāṇakāni dubbalacīvarāni tāni kathaṁ karissathā”ti?
pli-tv-kd21:1.14.20	“Tāni, mahārāja, uttarattharaṇaṁ karissāmā”ti.
pli-tv-kd21:1.14.21	“Yāni pana, bho ānanda, porāṇakāni uttarattharaṇāni tāni kathaṁ karissathā”ti?
pli-tv-kd21:1.14.22	“Tāni, mahārāja, bhisicchaviyo karissāmā”ti.
pli-tv-kd21:1.14.23	“Yā pana, bho ānanda, porāṇakā bhisicchaviyo tā kathaṁ karissathā”ti?
pli-tv-kd21:1.14.24	“Tā, mahārāja, bhūmattharaṇaṁ karissāmā”ti.
pli-tv-kd21:1.14.25	“Yāni pana, bho ānanda, porāṇakāni bhūmattharaṇāni tāni kathaṁ karissathā”ti?
pli-tv-kd21:1.14.26	“Tāni, mahārāja, pādapuñchaniyo karissāmā”ti.
pli-tv-kd21:1.14.27	“Yā pana, bho ānanda, porāṇakā pādapuñchaniyo tā kathaṁ karissathā”ti?
pli-tv-kd21:1.14.28	“Tā, mahārāja, rajoharaṇaṁ karissāmā”ti.
pli-tv-kd21:1.14.29	“Yāni pana, bho ānanda, porāṇakāni rajoharaṇāni tāni kathaṁ karissathā”ti?
pli-tv-kd21:1.14.30	“Tāni, mahārāja, koṭṭetvā cikkhallena madditvā paribhaṇḍaṁ limpissāmā”ti.
pli-tv-kd21:1.14.31	Atha kho rājā udeno—“sabbevime samaṇā sakyaputtiyā yoniso upanenti, na kulavaṁ gamentī”ti—
pli-tv-kd21:1.14.32	āyasmato ānandassa aññānipi pañca dussasatāni pādāsi.
pli-tv-kd21:1.14.33	Ayañcarahi āyasmato ānandassa paṭhamaṁ cīvarabhikkhā uppajji cīvarasahassaṁ.
pli-tv-kd21:1.15.1	Atha kho āyasmā ānando yena ghositārāmo tenupasaṅkami, upasaṅkamitvā paññatte āsane nisīdi.
pli-tv-kd21:1.15.2	Atha kho āyasmā channo yenāyasmā ānando tenupasaṅkami, upasaṅkamitvā āyasmantaṁ ānandaṁ abhivādetvā ekamantaṁ nisīdi.
pli-tv-kd21:1.15.3	Ekamantaṁ nisinnaṁ kho āyasmantaṁ channaṁ āyasmā ānando etadavoca—
pli-tv-kd21:1.15.4	“saṅghena te, āvuso channa, brahmadaṇḍo āṇāpito”ti.
pli-tv-kd21:1.15.5	“Katamo pana, bhante ānanda, brahmadaṇḍo āṇāpito”ti?
pli-tv-kd21:1.15.6	“Tvaṁ, āvuso channa, bhikkhū yaṁ iccheyyāsi taṁ vadeyyāsi.
pli-tv-kd21:1.15.7	Bhikkhūhi tvaṁ neva vattabbo, na ovaditabbo, nānusāsitabbo”ti.
pli-tv-kd21:1.15.8	“Nanvāhaṁ, bhante ānanda, hato ettāvatā, yatohaṁ bhikkhūhi neva vattabbo, na ovaditabbo, nānusāsitabbo”ti tattheva mucchito papato.
pli-tv-kd21:1.15.9	Atha kho āyasmā channo brahmadaṇḍena aṭṭīyamāno harāyamāno jigucchamāno eko vūpakaṭṭho appamatto ātāpī pahitatto viharanto nacirasseva—
pli-tv-kd21:1.15.10	yassatthāya kulaputtā sammadeva agārasmā anagāriyaṁ pabbajanti, tadanuttaraṁ—
pli-tv-kd21:1.15.11	brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.
pli-tv-kd21:1.15.12	“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.
pli-tv-kd21:1.15.13	Aññataro ca panāyasmā channo arahataṁ ahosi.
pli-tv-kd21:1.15.14	Atha kho āyasmā channo arahattaṁ patto yenāyasmā ānando tenupasaṅkami, upasaṅkamitvā āyasmantaṁ ānandaṁ etadavoca—
pli-tv-kd21:1.15.15	“paṭippassambhehi dāni me, bhante ānanda, brahmadaṇḍan”ti.
pli-tv-kd21:1.15.16	“Yadaggena tayā, āvuso channa, arahattaṁ sacchikataṁ tadaggena te brahmadaṇḍo paṭippassaddho”ti.
pli-tv-kd21:1.16.1	Imāya kho pana vinayasaṅgītiyā pañca bhikkhusatāni anūnāni anadhikāni ahesuṁ.
pli-tv-kd21:1.16.2	Tasmā ayaṁ vinayasaṅgīti “pañcasatikā”ti vuccatīti.
pli-tv-kd21:1.16.3	Pañcasatikakkhandhako ekādasamo. Imamhi khandhake vatthū tevīsati.
pli-tv-kd21:1.16.4	Tassuddānaṁ
pli-tv-kd21:1.16.5	Parinibbute sambuddhe,
pli-tv-kd21:1.16.6	thero kassapasavhayo;
pli-tv-kd21:1.16.7	Āmantayi bhikkhugaṇaṁ,
pli-tv-kd21:1.16.8	saddhammamanupālako.
pli-tv-kd21:1.16.9	Pāvāyaddhānamaggamhi,
pli-tv-kd21:1.16.10	subhaddena paveditaṁ;
pli-tv-kd21:1.16.11	Saṅgāyissāma saddhammaṁ,
pli-tv-kd21:1.16.12	adhammo pure dippati.
pli-tv-kd21:1.16.13	Ekenūna pañcasataṁ,
pli-tv-kd21:1.16.14	ānandampi ca uccini;
pli-tv-kd21:1.16.15	Dhammavinayasaṅgītiṁ,
pli-tv-kd21:1.16.16	vasanto guhamuttame.
pli-tv-kd21:1.16.17	Upāliṁ vinayaṁ pucchi,
pli-tv-kd21:1.16.18	suttantānandapaṇḍitaṁ;
pli-tv-kd21:1.16.19	Piṭakaṁ tīṇi saṅgītiṁ,
pli-tv-kd21:1.16.20	akaṁsu jinasāvakā.
pli-tv-kd21:1.16.21	Khuddānukhuddake nānā,
pli-tv-kd21:1.16.22	yathāpaññattivattanā;
pli-tv-kd21:1.16.23	Na pucchi akkamitvāna,
pli-tv-kd21:1.16.24	vandāpesi na yāci ca.
pli-tv-kd21:1.16.25	Pabbajjaṁ mātugāmassa,
pli-tv-kd21:1.16.26	saddhāya dukkaṭāni me;
pli-tv-kd21:1.16.27	Purāṇo brahmadaṇḍañca,
pli-tv-kd21:1.16.28	orodho udenena saha.
pli-tv-kd21:1.16.29	Tāva bahu dubbalañca,
pli-tv-kd21:1.16.30	uttarattharaṇā bhisi;
pli-tv-kd21:1.16.31	Bhūmattharaṇā puñchaniyo,
pli-tv-kd21:1.16.32	rajo cikkhallamaddanā.
pli-tv-kd21:1.16.33	Sahassacīvaraṁ uppajji,
pli-tv-kd21:1.16.34	paṭhamānandasavhayo;
pli-tv-kd21:1.16.35	Tajjito brahmadaṇḍena,
pli-tv-kd21:1.16.36	catussaccaṁ apāpuṇi;
pli-tv-kd21:1.16.37	Vasībhūtā pañcasatā,
pli-tv-kd21:1.16.38	tasmā pañcasatī iti.
pli-tv-kd21:1.16.39	Pañcasatikakkhandhako niṭṭhito.
pli-tv-kd22:0.1	Theravāda Vinayapiṭaka
pli-tv-kd22:0.2	Cūḷavagga
pli-tv-kd22:0.3	22. Sattasatikakkhandhaka
pli-tv-kd22:1.1.1	Tena kho pana samayena vassasataparinibbute bhagavati vesālikā vajjiputtakā bhikkhū vesāliyaṁ dasa vatthūni dīpenti—
pli-tv-kd22:1.1.2	kappati siṅgiloṇakappo, kappati dvaṅgulakappo, kappati gāmantarakappo, kappati āvāsakappo, kappati anumatikappo, kappati āciṇṇakappo, kappati amathitakappo, kappati jaḷogiṁ pātuṁ, kappati adasakaṁ nisīdanaṁ, kappati jātarūparajatanti.
pli-tv-kd22:1.1.3	Tena kho pana samayena āyasmā yaso kākaṇḍakaputto vajjīsu cārikaṁ caramāno yena vesālī tadavasari.
pli-tv-kd22:1.1.4	Tatra sudaṁ āyasmā yaso kākaṇḍakaputto vesāliyaṁ viharati mahāvane kūṭāgārasālāyaṁ.
pli-tv-kd22:1.1.5	Tena kho pana samayena vesālikā vajjiputtakā bhikkhū tadahuposathe kaṁsapātiṁ udakena pūretvā majjhe bhikkhusaṅghassa ṭhapetvā āgatāgate vesālike upāsake evaṁ vadanti—
pli-tv-kd22:1.1.6	“dethāvuso, saṅghassa kahāpaṇampi aḍḍhampi pādampi māsakarūpampi.
pli-tv-kd22:1.1.7	Bhavissati saṅghassa parikkhārena karaṇīyan”ti.
pli-tv-kd22:1.1.8	Evaṁ vutte, āyasmā yaso kākaṇḍakaputto vesālike upāsake etadavoca—
pli-tv-kd22:1.1.9	“māvuso, adattha saṅghassa kahāpaṇampi aḍḍhampi pādampi māsakarūpampi.
pli-tv-kd22:1.1.10	Na kappati samaṇānaṁ sakyaputtiyānaṁ jātarūparajataṁ;
pli-tv-kd22:1.1.11	na sādiyanti samaṇā sakyaputtiyā jātarūparajataṁ;
pli-tv-kd22:1.1.12	na paṭiggaṇhanti samaṇā sakyaputtiyā jātarūparajataṁ;
pli-tv-kd22:1.1.13	nikkhittamaṇisuvaṇṇā samaṇā sakyaputtiyā apetajātarūparajatā”ti.
pli-tv-kd22:1.1.14	Evampi kho vesālikā upāsakā āyasmatā yasena kākaṇḍakaputtena vuccamānā adaṁsuyeva saṅghassa kahāpaṇampi aḍḍhampi pādampi māsakarūpampi.
pli-tv-kd22:1.1.15	Atha kho vesālikā vajjiputtakā bhikkhū tassā rattiyā accayena taṁ hiraññaṁ bhikkhaggena paṭivīsaṁ ṭhapetvā bhājesuṁ.
pli-tv-kd22:1.1.16	Atha kho vesālikā vajjiputtakā bhikkhū āyasmantaṁ yasaṁ kākaṇḍakaputtaṁ etadavocuṁ—
pli-tv-kd22:1.1.17	“eso te, āvuso yasa, hiraññassa paṭivīso”ti.
pli-tv-kd22:1.1.18	“Natthi me, āvuso, hiraññassa paṭivīso, nāhaṁ hiraññaṁ sādiyāmī”ti.
pli-tv-kd22:1.2.1	Atha kho vesālikā vajjiputtakā bhikkhū—
pli-tv-kd22:1.2.2	“ayaṁ, āvuso, yaso kākaṇḍakaputto upāsake saddhe pasanne akkosati, paribhāsati, appasādaṁ karoti;
pli-tv-kd22:1.2.3	handassa mayaṁ paṭisāraṇīyakammaṁ karomā”ti te tassa paṭisāraṇīyakammaṁ akaṁsu.
pli-tv-kd22:1.2.4	Atha kho āyasmā yaso kākaṇḍakaputto vesālike vajjiputtake bhikkhū etadavoca—
pli-tv-kd22:1.2.5	“bhagavatā, āvuso, paññattaṁ—
pli-tv-kd22:1.2.6	‘paṭisāraṇīyakammakatassa bhikkhuno anudūto dātabbo’ti.
pli-tv-kd22:1.2.7	Detha me, āvuso, anudūtaṁ bhikkhun”ti.
pli-tv-kd22:1.2.8	Atha kho vesālikā vajjiputtakā bhikkhū ekaṁ bhikkhuṁ sammannitvā āyasmato yasassa kākaṇḍakaputtassa anudūtaṁ adaṁsu.
pli-tv-kd22:1.2.9	Atha kho āyasmā yaso kākaṇḍakaputto anudūtena bhikkhunā saddhiṁ vesāliṁ pavisitvā vesālike upāsake etadavoca—
pli-tv-kd22:1.2.10	“ahaṁ kirāyasmante upāsake saddhe pasanne akkosāmi, paribhāsāmi, appasādaṁ karomi;
pli-tv-kd22:1.2.11	yohaṁ adhammaṁ adhammoti vadāmi, dhammaṁ dhammoti vadāmi, avinayaṁ avinayoti vadāmi, vinayaṁ vinayoti vadāmi.
pli-tv-kd22:1.3.0	
pli-tv-kd22:1.3.1	Ekamidaṁ, āvuso, samayaṁ bhagavā sāvatthiyaṁ viharati jetavane anāthapiṇḍikassa ārāme.
pli-tv-kd22:1.3.2	Tatra kho, āvuso, bhagavā bhikkhū āmantesi—
pli-tv-kd22:1.3.3	‘cattārome, bhikkhave, candimasūriyānaṁ upakkilesā, yehi upakkilesehi upakkiliṭṭhā candimasūriyā na tapanti, na bhāsanti, na virocanti.
pli-tv-kd22:1.3.4	Katame cattāro? Abbhaṁ, bhikkhave, candimasūriyānaṁ upakkileso, yena upakkilesena upakkiliṭṭhā candimasūriyā na tapanti, na bhāsanti na virocanti.
pli-tv-kd22:1.3.5	Mahikā, bhikkhave, candimasūriyānaṁ upakkileso, yena upakkilesena upakkiliṭṭhā candimasūriyā na tapanti, na bhāsanti, na virocanti.
pli-tv-kd22:1.3.6	Dhūmarajo, bhikkhave, candimasūriyānaṁ upakkileso, yena upakkilesena upakkiliṭṭhā candimasūriyā na tapanti, na bhāsanti, na virocanti.
pli-tv-kd22:1.3.7	Rāhu, bhikkhave, asurindo candimasūriyānaṁ upakkileso, yena upakkilesena upakkiliṭṭhā candimasūriyā na tapanti, na bhāsanti, na virocanti.
pli-tv-kd22:1.3.8	Ime kho, bhikkhave, cattāro candimasūriyānaṁ upakkilesā, yehi upakkilesehi upakkiliṭṭhā candimasūriyā na tapanti, na bhāsanti, na virocanti.
pli-tv-kd22:1.3.9	Evameva kho, bhikkhave, cattārome samaṇabrāhmaṇānaṁ upakkilesā, yehi upakkilesehi upakkiliṭṭhā eke samaṇabrāhmaṇā na tapanti, na bhāsanti, na virocanti.
pli-tv-kd22:1.3.10	Katame cattāro?
pli-tv-kd22:1.3.11	Santi, bhikkhave, eke samaṇabrāhmaṇā suraṁ pivanti, merayaṁ pivanti, surāmerayapānā appaṭiviratā—
pli-tv-kd22:1.3.12	ayaṁ, bhikkhave, paṭhamo samaṇabrāhmaṇānaṁ upakkileso, yena upakkilesena upakkiliṭṭhā eke samaṇabrāhmaṇā na tapanti, na bhāsanti, na virocanti.
pli-tv-kd22:1.3.13	Puna caparaṁ, bhikkhave, eke samaṇabrāhmaṇā methunaṁ dhammaṁ paṭisevanti, methunadhammā appaṭiviratā—
pli-tv-kd22:1.3.14	ayaṁ, bhikkhave, dutiyo samaṇabrāhmaṇānaṁ upakkileso, yena upakkilesena upakkiliṭṭhā eke samaṇabrāhmaṇā na tapanti, na bhāsanti, na virocanti.
pli-tv-kd22:1.3.15	Puna caparaṁ, bhikkhave, eke samaṇabrāhmaṇā jātarūparajataṁ sādiyanti, jātarūparajatappaṭiggahaṇā appaṭiviratā—
pli-tv-kd22:1.3.16	ayaṁ, bhikkhave, tatiyo samaṇabrāhmaṇānaṁ upakkileso, yena upakkilesena upakkiliṭṭhā eke samaṇabrāhmaṇā na tapanti, na bhāsanti, na virocanti.
pli-tv-kd22:1.3.17	Puna caparaṁ, bhikkhave, eke samaṇabrāhmaṇā micchājīvena jīvitaṁ kappenti;
pli-tv-kd22:1.3.18	micchājīvā appaṭiviratā—
pli-tv-kd22:1.3.19	ayaṁ, bhikkhave, catuttho samaṇabrāhmaṇānaṁ upakkileso, yena upakkilesena upakkiliṭṭhā eke samaṇabrāhmaṇā na tapanti, na bhāsanti, na virocanti.
pli-tv-kd22:1.3.20	Ime kho, bhikkhave, cattāro samaṇabrāhmaṇānaṁ upakkilesā, yehi upakkilesehi upakkiliṭṭhā eke samaṇabrāhmaṇā na tapanti, na bhāsanti, na virocanti’.
pli-tv-kd22:1.3.21	Idamavocāvuso, bhagavā.
pli-tv-kd22:1.3.22	Idaṁ vatvāna sugato athāparaṁ etadavoca satthā—
pli-tv-kd22:1.3.23	‘Rāgadosaparikliṭṭhā,
pli-tv-kd22:1.3.24	eke samaṇabrāhmaṇā;
pli-tv-kd22:1.3.25	Avijjānivuṭā posā,
pli-tv-kd22:1.3.26	piyarūpābhinandino.
pli-tv-kd22:1.3.27	Suraṁ pivanti merayaṁ,
pli-tv-kd22:1.3.28	paṭisevanti methunaṁ;
pli-tv-kd22:1.3.29	Rajataṁ jātarūpañca,
pli-tv-kd22:1.3.30	sādiyanti aviddasū.
pli-tv-kd22:1.3.31	Micchājīvena jīvanti,
pli-tv-kd22:1.3.32	eke samaṇabrāhmaṇā;
pli-tv-kd22:1.3.33	Ete upakkilesā vuttā,
pli-tv-kd22:1.3.34	buddhenādiccabandhunā.
pli-tv-kd22:1.3.35	Yehi upakkilesehi upakkiliṭṭhā,
pli-tv-kd22:1.3.36	Eke samaṇabrāhmaṇā;
pli-tv-kd22:1.3.37	Na tapanti na bhāsanti,
pli-tv-kd22:1.3.38	Asuddhā sarajā magā.
pli-tv-kd22:1.3.39	Andhakārena onaddhā,
pli-tv-kd22:1.3.40	taṇhādāsā sanettikā;
pli-tv-kd22:1.3.41	Vaḍḍhenti kaṭasiṁ ghoraṁ,
pli-tv-kd22:1.3.42	ādiyanti punabbhavan’ti.
pli-tv-kd22:1.3.43	Evaṁvādī kirāhaṁ āyasmante upāsake saddhe pasanne akkosāmi, paribhāsāmi, appasādaṁ karomi;
pli-tv-kd22:1.3.44	yohaṁ adhammaṁ adhammoti vadāmi, dhammaṁ dhammoti vadāmi, avinayaṁ avinayoti vadāmi, vinayaṁ vinayoti vadāmi.
pli-tv-kd22:1.4.1	Ekamidaṁ, āvuso, samayaṁ bhagavā rājagahe viharati veḷuvane kalandakanivāpe.
pli-tv-kd22:1.4.2	Tena kho pana samayena rājantepure rājaparisāyaṁ sannisinnānaṁ sannipatitānaṁ ayamantarakathā udapādi—
pli-tv-kd22:1.4.3	‘kappati samaṇānaṁ sakyaputtiyānaṁ jātarūparajataṁ;
pli-tv-kd22:1.4.4	sādiyanti samaṇā sakyaputtiyā jātarūparajataṁ;
pli-tv-kd22:1.4.5	paṭiggaṇhanti samaṇā sakyaputtiyā jātarūparajatan’ti.
pli-tv-kd22:1.4.6	Tena kho panāvuso, samayena maṇicūḷako gāmaṇī tassaṁ parisāyaṁ nisinno hoti.
pli-tv-kd22:1.4.7	Atha kho, āvuso, maṇicūḷako gāmaṇī taṁ parisaṁ etadavoca—
pli-tv-kd22:1.4.8	‘mā, ayyā, evaṁ avacuttha.
pli-tv-kd22:1.4.9	Na kappati samaṇānaṁ sakyaputtiyānaṁ jātarūparajataṁ;
pli-tv-kd22:1.4.10	na sādiyanti samaṇā sakyaputtiyā jātarūparajataṁ;
pli-tv-kd22:1.4.11	na paṭiggaṇhanti samaṇā sakyaputtiyā jātarūparajataṁ;
pli-tv-kd22:1.4.12	nikkhittamaṇisuvaṇṇā samaṇā sakyaputtiyā apetajātarūparajatā’ti.
pli-tv-kd22:1.4.13	Asakkhi kho, āvuso, maṇicūḷako gāmaṇī taṁ parisaṁ saññāpetuṁ.
pli-tv-kd22:1.4.14	Atha kho, āvuso, maṇicūḷako gāmaṇī taṁ parisaṁ saññāpetvā yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi.
pli-tv-kd22:1.4.15	Ekamantaṁ nisinno kho, āvuso, maṇicūḷako gāmaṇī bhagavantaṁ etadavoca—
pli-tv-kd22:1.4.16	‘idha, bhante, rājantepure rājaparisāyaṁ sannisinnānaṁ sannipatitānaṁ ayamantarakathā udapādi—
pli-tv-kd22:1.4.17	kappati samaṇānaṁ sakyaputtiyānaṁ jātarūparajataṁ;
pli-tv-kd22:1.4.18	sādiyanti samaṇā sakyaputtiyā jātarūparajataṁ;
pli-tv-kd22:1.4.19	paṭiggaṇhanti samaṇā sakyaputtiyā jātarūparajatanti.
pli-tv-kd22:1.4.20	Evaṁ vutte, ahaṁ, bhante, taṁ parisaṁ etadavocaṁ—
pli-tv-kd22:1.4.21	mā, ayyā, evaṁ avacuttha.
pli-tv-kd22:1.4.22	Na kappati samaṇānaṁ sakyaputtiyānaṁ jātarūparajataṁ;
pli-tv-kd22:1.4.23	na sādiyanti samaṇā sakyaputtiyā jātarūparajataṁ;
pli-tv-kd22:1.4.24	na paṭiggaṇhanti samaṇā sakyaputtiyā jātarūparajataṁ;
pli-tv-kd22:1.4.25	nikkhittamaṇisuvaṇṇā samaṇā sakyaputtiyā apetajātarūparajatāti.
pli-tv-kd22:1.4.26	Asakkhiṁ kho ahaṁ, bhante, taṁ parisaṁ saññāpetuṁ.
pli-tv-kd22:1.4.27	Kaccāhaṁ, bhante, evaṁ byākaramāno vuttavādī ceva bhagavato homi, na ca bhagavantaṁ abhūtena abbhācikkhāmi, dhammassa cānudhammaṁ byākaromi, na ca koci sahadhammiko vādānuvādo gārayhaṁ ṭhānaṁ āgacchatī’ti?
pli-tv-kd22:1.4.28	‘Taggha tvaṁ, gāmaṇi, evaṁ byākaramāno vuttavādī ceva me hosi;
pli-tv-kd22:1.4.29	na ca maṁ abhūtena abbhācikkhasi, dhammassa cānudhammaṁ byākarosi, na ca koci sahadhammiko vādānuvādo gārayhaṁ ṭhānaṁ āgacchati.
pli-tv-kd22:1.4.30	Na hi, gāmaṇi, kappati samaṇānaṁ sakyaputtiyānaṁ jātarūparajataṁ;
pli-tv-kd22:1.4.31	na sādiyanti samaṇā sakyaputtiyā jātarūparajataṁ;
pli-tv-kd22:1.4.32	na paṭiggaṇhanti samaṇā sakyaputtiyā jātarūparajataṁ;
pli-tv-kd22:1.4.33	nikkhittamaṇisuvaṇṇā samaṇā sakyaputtiyā apetajātarūparajatā.
pli-tv-kd22:1.4.34	Yassa kho, gāmaṇi, jātarūparajataṁ kappati, pañcapi tassa kāmaguṇā kappanti.
pli-tv-kd22:1.4.35	Yassa pañca kāmaguṇā kappanti ekaṁsenetaṁ, gāmaṇi, dhāreyyāsi—
pli-tv-kd22:1.4.36	assamaṇadhammo asakyaputtiyadhammoti.
pli-tv-kd22:1.4.37	Api cāhaṁ, gāmaṇi, evaṁ vadāmi tiṇaṁ tiṇatthikena pariyesitabbaṁ;
pli-tv-kd22:1.4.38	dāru dārutthikena pariyesitabbaṁ;
pli-tv-kd22:1.4.39	sakaṭaṁ sakaṭatthikena pariyesitabbaṁ;
pli-tv-kd22:1.4.40	puriso purisatthikena pariyesitabbo.
pli-tv-kd22:1.4.41	Na tvevāhaṁ, gāmaṇi, kenaci pariyāyena jātarūparajataṁ sāditabbaṁ pariyesitabbanti vadāmī’ti.
pli-tv-kd22:1.4.42	Evaṁvādī kirāhaṁ āyasmante upāsake saddhe pasanne akkosāmi, paribhāsāmi, appasādaṁ karomi;
pli-tv-kd22:1.4.43	yohaṁ adhammaṁ adhammoti vadāmi, dhammaṁ dhammoti vadāmi, avinayaṁ avinayoti vadāmi, vinayaṁ vinayoti vadāmi.
pli-tv-kd22:1.5.1	Ekamidaṁ, āvuso, samayaṁ bhagavā rājagahe āyasmantaṁ upanandaṁ sakyaputtaṁ ārabbha jātarūparajataṁ paṭikkhipi, sikkhāpadañca paññapesi.
pli-tv-kd22:1.5.2	Evaṁvādī kirāhaṁ āyasmante upāsake saddhe pasanne akkosāmi, paribhāsāmi, appasādaṁ karomi;
pli-tv-kd22:1.5.3	yohaṁ adhammaṁ adhammoti vadāmi, dhammaṁ dhammoti vadāmi, avinayaṁ avinayoti vadāmi, vinayaṁ vinayoti vadāmī”ti.
pli-tv-kd22:1.6.1	Evaṁ vutte, vesālikā upāsakā āyasmantaṁ yasaṁ kākaṇḍakaputtaṁ etadavocuṁ—
pli-tv-kd22:1.6.2	“ekova, bhante, ayyo yaso kākaṇḍakaputto samaṇo sakyaputtiyo.
pli-tv-kd22:1.6.3	Sabbevime assamaṇā asakyaputtiyā.
pli-tv-kd22:1.6.4	Vasatu, bhante, ayyo yaso kākaṇḍakaputto vesāliyaṁ.
pli-tv-kd22:1.6.5	Mayaṁ ayyassa yasassa kākaṇḍakaputtassa ussukkaṁ karissāma cīvarapiṇḍapātasenāsanagilānappaccayabhesajjaparikkhārānan”ti.
pli-tv-kd22:1.6.6	Atha kho āyasmā yaso kākaṇḍakaputto vesālike upāsake saññāpetvā anudūtena bhikkhunā saddhiṁ ārāmaṁ agamāsi.
pli-tv-kd22:1.7.1	Atha kho vesālikā vajjiputtakā bhikkhū anudūtaṁ bhikkhuṁ pucchiṁsu—
pli-tv-kd22:1.7.2	“khamāpitāvuso, yasena kākaṇḍakaputtena vesālikā upāsakā”ti?
pli-tv-kd22:1.7.3	“Upāsakehi pāpikaṁ no, āvuso, kataṁ.
pli-tv-kd22:1.7.4	Ekova yaso kākaṇḍakaputto samaṇo sakyaputtiyo kato.
pli-tv-kd22:1.7.5	Sabbeva mayaṁ assamaṇā asakyaputtiyā katā”ti.
pli-tv-kd22:1.7.6	Atha kho vesālikā vajjiputtakā bhikkhū—
pli-tv-kd22:1.7.7	“ayaṁ, āvuso, yaso kākaṇḍakaputto amhehi asammato gihīnaṁ pakāsesi;
pli-tv-kd22:1.7.8	handassa mayaṁ ukkhepanīyakammaṁ karomā”ti.
pli-tv-kd22:1.7.9	Te tassa ukkhepanīyakammaṁ kattukāmā sannipatiṁsu.
pli-tv-kd22:1.7.10	Atha kho āyasmā yaso kākaṇḍakaputto vehāsaṁ abbhuggantvā kosambiyaṁ paccuṭṭhāsi.
pli-tv-kd22:1.7.11.0	
pli-tv-kd22:1.7.11.1	Atha kho āyasmā yaso kākaṇḍakaputto pāveyyakānañca avantidakkhiṇāpathakānañca bhikkhūnaṁ santike dūtaṁ pāhesi—
pli-tv-kd22:1.7.12	“āgacchantu āyasmantā;
pli-tv-kd22:1.7.13	imaṁ adhikaraṇaṁ ādiyissāma.
pli-tv-kd22:1.7.14	Pure adhammo dippati, dhammo paṭibāhiyyati;
pli-tv-kd22:1.7.15	avinayo dippati, vinayo paṭibāhiyyati;
pli-tv-kd22:1.7.16	pure adhammavādino balavanto honti, dhammavādino dubbalā honti;
pli-tv-kd22:1.7.17	avinayavādino balavanto honti, vinayavādino dubbalā hontī”ti.
pli-tv-kd22:1.8.1	Tena kho pana samayena āyasmā sambhūto sāṇavāsī ahogaṅge pabbate paṭivasati.
pli-tv-kd22:1.8.2	Atha kho āyasmā yaso kākaṇḍakaputto yena ahogaṅgo pabbato, yenāyasmā sambhūto sāṇavāsī tenupasaṅkami, upasaṅkamitvā āyasmantaṁ sambhūtaṁ sāṇavāsiṁ abhivādetvā ekamantaṁ nisīdi.
pli-tv-kd22:1.8.3	Ekamantaṁ nisinno kho āyasmā yaso kākaṇḍakaputto āyasmantaṁ sambhūtaṁ sāṇavāsiṁ etadavoca—
pli-tv-kd22:1.8.4	“ime, bhante, vesālikā vajjiputtakā bhikkhū vesāliyaṁ dasa vatthūni dīpenti—
pli-tv-kd22:1.8.5	kappati siṅgiloṇakappo, kappati dvaṅgulakappo, kappati gāmantarakappo, kappati āvāsakappo, kappati anumatikappo, kappati āciṇṇakappo, kappati amathitakappo, kappati jaḷogiṁ pātuṁ, kappati adasakaṁ nisīdanaṁ, kappati jātarūparajatanti.
pli-tv-kd22:1.8.6	Handa mayaṁ, bhante, imaṁ adhikaraṇaṁ ādiyissāma.
pli-tv-kd22:1.8.7	Pure adhammo dippati, dhammo paṭibāhiyyati;
pli-tv-kd22:1.8.8	avinayo dippati, vinayo paṭibāhiyyati;
pli-tv-kd22:1.8.9	pure adhammavādino balavanto honti, dhammavādino dubbalā honti;
pli-tv-kd22:1.8.10	avinayavādino balavanto honti, vinayavādino dubbalā hontī”ti.
pli-tv-kd22:1.8.11	“Evamāvuso”ti kho āyasmā sambhūto sāṇavāsī āyasmato yasassa kākaṇḍakaputtassa paccassosi.
pli-tv-kd22:1.8.12	Atha kho saṭṭhimattā pāveyyakā bhikkhū—
pli-tv-kd22:1.8.13	sabbe āraññikā, sabbe piṇḍapātikā, sabbe paṁsukūlikā, sabbe tecīvarikā, sabbeva arahanto—
pli-tv-kd22:1.8.14	ahogaṅge pabbate sannipatiṁsu.
pli-tv-kd22:1.8.15	Aṭṭhāsītimattā avantidakkhiṇāpathakā bhikkhū—
pli-tv-kd22:1.8.16	appekacce āraññikā, appekacce piṇḍapātikā, appekacce paṁsukūlikā, appekacce tecīvarikā, sabbeva arahanto—
pli-tv-kd22:1.8.17	ahogaṅge pabbate sannipatiṁsu.
pli-tv-kd22:1.9.1	Atha kho therānaṁ bhikkhūnaṁ mantayamānānaṁ etadahosi—
pli-tv-kd22:1.9.2	“idaṁ kho adhikaraṇaṁ kakkhaḷañca, vāḷañca;
pli-tv-kd22:1.9.3	kaṁ nu kho mayaṁ pakkhaṁ labheyyāma, yena mayaṁ imasmiṁ adhikaraṇe balavantatarā assāmā”ti.
pli-tv-kd22:1.9.4	Tena kho pana samayena āyasmā revato soreyye paṭivasati—
pli-tv-kd22:1.9.5	bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd22:1.9.6	Atha kho therānaṁ bhikkhūnaṁ etadahosi—
pli-tv-kd22:1.9.7	“ayaṁ kho āyasmā revato soreyye paṭivasati—
pli-tv-kd22:1.9.8	bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd22:1.9.9	Sace mayaṁ āyasmantaṁ revataṁ pakkhaṁ labhissāma, evaṁ mayaṁ imasmiṁ adhikaraṇe balavantatarā assāmā”ti.
pli-tv-kd22:1.9.10	Assosi kho āyasmā revato—
pli-tv-kd22:1.9.11	dibbāya sotadhātuyā visuddhāya atikkantamānusikāya—
pli-tv-kd22:1.9.12	therānaṁ bhikkhūnaṁ mantayamānānaṁ.
pli-tv-kd22:1.9.13	Sutvānassa etadahosi—
pli-tv-kd22:1.9.14	“idaṁ kho adhikaraṇaṁ kakkhaḷañca vāḷañca.
pli-tv-kd22:1.9.15	Na kho metaṁ patirūpaṁ yohaṁ evarūpe adhikaraṇe osakkeyyaṁ.
pli-tv-kd22:1.9.16	Idāni ca pana te bhikkhū āgacchissanti.
pli-tv-kd22:1.9.17	Sohaṁ tehi ākiṇṇo na phāsu gamissāmi.
pli-tv-kd22:1.9.18	Yannūnāhaṁ paṭikacceva gaccheyyan”ti.
pli-tv-kd22:1.9.19	Atha kho āyasmā revato soreyyā saṅkassaṁ agamāsi.
pli-tv-kd22:1.9.20	Atha kho therā bhikkhū soreyyaṁ gantvā pucchiṁsu—
pli-tv-kd22:1.9.21	“kahaṁ āyasmā revato”ti?
pli-tv-kd22:1.9.22	Te evamāhaṁsu—
pli-tv-kd22:1.9.23	“esāyasmā revato saṅkassaṁ gato”ti.
pli-tv-kd22:1.9.24	Atha kho āyasmā revato saṅkassā kaṇṇakujjaṁ agamāsi.
pli-tv-kd22:1.9.25	Atha kho therā bhikkhū saṅkassaṁ gantvā pucchiṁsu—
pli-tv-kd22:1.9.26	“kahaṁ āyasmā revato”ti?
pli-tv-kd22:1.9.27	Te evamāhaṁsu—
pli-tv-kd22:1.9.28	“esāyasmā revato kaṇṇakujjaṁ gato”ti.
pli-tv-kd22:1.9.29	Atha kho āyasmā revato kaṇṇakujjā udumbaraṁ agamāsi.
pli-tv-kd22:1.9.30	Atha kho therā bhikkhū kaṇṇakujjaṁ gantvā pucchiṁsu—
pli-tv-kd22:1.9.31	“kahaṁ āyasmā revato”ti?
pli-tv-kd22:1.9.32	Te evamāhaṁsu—
pli-tv-kd22:1.9.33	“esāyasmā revato udumbaraṁ gato”ti.
pli-tv-kd22:1.9.34	Atha kho āyasmā revato udumbarā aggaḷapuraṁ agamāsi.
pli-tv-kd22:1.9.35	Atha kho therā bhikkhū udumbaraṁ gantvā pucchiṁsu—
pli-tv-kd22:1.9.36	“kahaṁ āyasmā revato”ti?
pli-tv-kd22:1.9.37	Te evamāhaṁsu—
pli-tv-kd22:1.9.38	“esāyasmā revato aggaḷapuraṁ gato”ti.
pli-tv-kd22:1.9.39	Atha kho āyasmā revato aggaḷapurā sahajātiṁ agamāsi.
pli-tv-kd22:1.9.40	Atha kho therā bhikkhū aggaḷapuraṁ gantvā pucchiṁsu—
pli-tv-kd22:1.9.41	“kahaṁ āyasmā revato”ti?
pli-tv-kd22:1.9.42	Te evamāhaṁsu—
pli-tv-kd22:1.9.43	“esāyasmā revato sahajātiṁ gato”ti.
pli-tv-kd22:1.9.44	Atha kho therā bhikkhū āyasmantaṁ revataṁ sahajātiyaṁ sambhāvesuṁ.
pli-tv-kd22:1.10.0	
pli-tv-kd22:1.10.1	Atha kho āyasmā sambhūto sāṇavāsī āyasmantaṁ yasaṁ kākaṇḍakaputtaṁ etadavoca—
pli-tv-kd22:1.10.2	“ayaṁ, āvuso, āyasmā revato bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd22:1.10.3	Sace mayaṁ āyasmantaṁ revataṁ pañhaṁ pucchissāma, paṭibalo āyasmā revato ekeneva pañhena sakalampi rattiṁ vītināmetuṁ.
pli-tv-kd22:1.10.4	Idāni ca panāyasmā revato antevāsikaṁ sarabhāṇakaṁ bhikkhuṁ ajjhesissati.
pli-tv-kd22:1.10.5	So tvaṁ tassa bhikkhuno sarabhaññapariyosāne āyasmantaṁ revataṁ upasaṅkamitvā imāni dasa vatthūni puccheyyāsī”ti.
pli-tv-kd22:1.10.6	“Evaṁ, bhante”ti kho āyasmā yaso kākaṇḍakaputto āyasmato sambhūtassa sāṇavāsissa paccassosi.
pli-tv-kd22:1.10.7	Atha kho āyasmā revato antevāsikaṁ sarabhāṇakaṁ bhikkhuṁ ajjhesi.
pli-tv-kd22:1.10.8	Atha kho āyasmā yaso kākaṇḍakaputto tassa bhikkhuno sarabhaññapariyosāne yenāyasmā revato tenupasaṅkami, upasaṅkamitvā āyasmantaṁ revataṁ abhivādetvā ekamantaṁ nisīdi.
pli-tv-kd22:1.10.9	Ekamantaṁ nisinno kho āyasmā yaso kākaṇḍakaputto āyasmantaṁ revataṁ etadavoca—
pli-tv-kd22:1.10.10	“kappati, bhante, siṅgiloṇakappo”ti?
pli-tv-kd22:1.10.11	“Ko so, āvuso, siṅgiloṇakappo”ti?
pli-tv-kd22:1.10.12	“Kappati, bhante, siṅginā loṇaṁ pariharituṁ—
pli-tv-kd22:1.10.13	yattha aloṇakaṁ bhavissati tattha paribhuñjissāmī”ti?
pli-tv-kd22:1.10.14	“Nāvuso, kappatī”ti.
pli-tv-kd22:1.10.15	“Kappati, bhante, dvaṅgulakappo”ti?
pli-tv-kd22:1.10.16	“Ko so, āvuso, dvaṅgulakappo”ti?
pli-tv-kd22:1.10.17	“Kappati, bhante, dvaṅgulāya chāyāya vītivattāya, vikāle bhojanaṁ bhuñjitun”ti?
pli-tv-kd22:1.10.18	“Nāvuso, kappatī”ti.
pli-tv-kd22:1.10.19	“Kappati, bhante, gāmantarakappo”ti?
pli-tv-kd22:1.10.20	“Ko so, āvuso, gāmantarakappo”ti?
pli-tv-kd22:1.10.21	“Kappati, bhante—idāni gāmantaraṁ gamissāmīti—bhuttāvinā pavāritena anatirittaṁ bhojanaṁ bhuñjitun”ti?
pli-tv-kd22:1.10.22	“Nāvuso, kappatī”ti.
pli-tv-kd22:1.10.23	“Kappati, bhante, āvāsakappo”ti?
pli-tv-kd22:1.10.24	“Ko so, āvuso, āvāsakappo”ti?
pli-tv-kd22:1.10.25	“Kappati, bhante, sambahulā āvāsā samānasīmā nānuposathaṁ kātun”ti?
pli-tv-kd22:1.10.26	“Nāvuso, kappatī”ti.
pli-tv-kd22:1.10.27	“Kappati, bhante, anumatikappo”ti?
pli-tv-kd22:1.10.28	“Ko so, āvuso, anumatikappo”ti?
pli-tv-kd22:1.10.29	“Kappati, bhante, vaggena saṅghena kammaṁ kātuṁ—
pli-tv-kd22:1.10.30	āgate bhikkhū anumānessāmā”ti?
pli-tv-kd22:1.10.31	“Nāvuso, kappatī”ti.
pli-tv-kd22:1.10.32	“Kappati, bhante, āciṇṇakappo”ti?
pli-tv-kd22:1.10.33	“Ko so, āvuso, āciṇṇakappo”ti?
pli-tv-kd22:1.10.34	“Kappati, bhante, idaṁ me upajjhāyena ajjhāciṇṇaṁ, idaṁ me ācariyena ajjhāciṇṇaṁ, taṁ ajjhācaritun”ti?
pli-tv-kd22:1.10.35	“Āciṇṇakappo kho, āvuso, ekacco kappati, ekacco na kappatī”ti.
pli-tv-kd22:1.10.36	“Kappati, bhante, amathitakappo”ti?
pli-tv-kd22:1.10.37	“Ko so, āvuso, amathitakappo”ti?
pli-tv-kd22:1.10.38	“Kappati, bhante, yaṁ taṁ khīraṁ khīrabhāvaṁ vijahitaṁ, asampattaṁ dadhibhāvaṁ, taṁ bhuttāvinā pavāritena anatirittaṁ pātun”ti?
pli-tv-kd22:1.10.39	“Nāvuso, kappatī”ti?
pli-tv-kd22:1.10.40	“Kappati, bhante, jaḷogiṁ pātun”ti?
pli-tv-kd22:1.10.41	“Kā sā, āvuso, jaḷogī”ti?
pli-tv-kd22:1.10.42	“Kappati, bhante, yā sā surā āsutā, asampattā majjabhāvaṁ, sā pātun”ti?
pli-tv-kd22:1.10.43	“Nāvuso, kappatī”ti.
pli-tv-kd22:1.10.44	“Kappati, bhante, adasakaṁ nisīdanan”ti?
pli-tv-kd22:1.10.45	“Nāvuso, kappatī”ti.
pli-tv-kd22:1.10.46	“Kappati, bhante, jātarūparajatan”ti?
pli-tv-kd22:1.10.47	“Nāvuso, kappatī”ti.
pli-tv-kd22:1.10.48	“Ime, bhante, vesālikā vajjiputtakā bhikkhū vesāliyaṁ imāni dasa vatthūni dīpenti.
pli-tv-kd22:1.10.49	Handa mayaṁ, bhante, imaṁ adhikaraṇaṁ ādiyissāma.
pli-tv-kd22:1.10.50	Pure adhammo dippati, dhammo paṭibāhiyyati;
pli-tv-kd22:1.10.51	avinayo dippati, vinayo paṭibāhiyyati;
pli-tv-kd22:1.10.52	pure adhammavādino balavanto honti, dhammavādino dubbalā honti;
pli-tv-kd22:1.10.53	avinayavādino balavanto honti, vinayavādino dubbalā hontī”ti.
pli-tv-kd22:1.10.54	“Evamāvuso”ti kho āyasmā revato āyasmato yasassa kākaṇḍakaputtassa paccassosi.
pli-tv-kd22:1.10.55	Paṭhamabhāṇavāro niṭṭhito.
pli-tv-kd22:2.1.0	
pli-tv-kd22:2.1.1	Assosuṁ kho vesālikā vajjiputtakā bhikkhū—
pli-tv-kd22:2.1.2	“yaso kira kākaṇḍakaputto idaṁ adhikaraṇaṁ ādiyitukāmo pakkhaṁ pariyesati, labhati ca kira pakkhan”ti.
pli-tv-kd22:2.1.3	Atha kho vesālikānaṁ vajjiputtakānaṁ bhikkhūnaṁ etadahosi—
pli-tv-kd22:2.1.4	“idaṁ kho adhikaraṇaṁ kakkhaḷañca vāḷañca.
pli-tv-kd22:2.1.5	Kaṁ nu kho mayaṁ pakkhaṁ labheyyāma, yena mayaṁ imasmiṁ adhikaraṇe balavantatarā assāmā”ti.
pli-tv-kd22:2.1.6	Atha kho vesālikānaṁ vajjiputtakānaṁ bhikkhūnaṁ etadahosi—
pli-tv-kd22:2.1.7	“ayaṁ kho āyasmā revato bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo.
pli-tv-kd22:2.1.8	Sace mayaṁ āyasmantaṁ revataṁ pakkhaṁ labheyyāma, evaṁ mayaṁ imasmiṁ adhikaraṇe balavantatarā assāmā”ti.
pli-tv-kd22:2.1.9	Atha kho vesālikā vajjiputtakā bhikkhū pahūtaṁ sāmaṇakaṁ parikkhāraṁ paṭiyādesuṁ—
pli-tv-kd22:2.1.10	pattampi, cīvarampi, nisīdanampi, sūcigharampi, kāyabandhanampi, parissāvanampi, dhammakaraṇampi.
pli-tv-kd22:2.1.11	Atha kho vesālikā vajjiputtakā bhikkhū taṁ sāmaṇakaṁ parikkhāraṁ ādāya nāvāya sahajātiṁ ujjaviṁsu;
pli-tv-kd22:2.1.12	nāvāya paccorohitvā aññatarasmiṁ rukkhamūle bhattavissaggaṁ karonti.
pli-tv-kd22:2.2.1	Atha kho āyasmato sāḷhassa rahogatassa paṭisallīnassa evaṁ cetaso parivitakko udapādi—
pli-tv-kd22:2.2.2	“ke nu kho dhammavādino—
pli-tv-kd22:2.2.3	pācīnakā vā bhikkhū, pāveyyakā vā”ti?
pli-tv-kd22:2.2.4	Atha kho āyasmato sāḷhassa, dhammañca vinayañca cetasā paccavekkhantassa, etadahosi—
pli-tv-kd22:2.2.5	“adhammavādino pācīnakā bhikkhū, dhammavādino pāveyyakā bhikkhū”ti.
pli-tv-kd22:2.2.6	Atha kho aññatarā suddhāvāsakāyikā devatā āyasmato sāḷhassa cetasā cetoparivitakkamaññāya—
pli-tv-kd22:2.2.7	seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—suddhāvāsesu devesu antarahitā āyasmato sāḷhassa sammukhe pāturahosi.
pli-tv-kd22:2.2.8	Atha kho sā devatā āyasmantaṁ sāḷhaṁ etadavoca—
pli-tv-kd22:2.2.9	“sādhu, bhante sāḷha, adhammavādī pācīnakā bhikkhū, dhammavādī pāveyyakā bhikkhū.
pli-tv-kd22:2.2.10	Tena hi, bhante sāḷha, yathādhammo tathā tiṭṭhāhī”ti.
pli-tv-kd22:2.2.11	“Pubbepi cāhaṁ, devate, etarahi ca yathādhammo tathā ṭhito;
pli-tv-kd22:2.2.12	api cāhaṁ na tāva diṭṭhiṁ āvi karomi, appeva nāma maṁ imasmiṁ adhikaraṇe sammanneyyā”ti.
pli-tv-kd22:2.3.1	Atha kho vesālikā vajjiputtakā bhikkhū taṁ sāmaṇakaṁ parikkhāraṁ ādāya yenāyasmā revato tenupasaṅkamiṁsu, upasaṅkamitvā āyasmantaṁ revataṁ etadavocuṁ—
pli-tv-kd22:2.3.2	“paṭiggaṇhātu, bhante, thero sāmaṇakaṁ parikkhāraṁ—
pli-tv-kd22:2.3.3	pattampi, cīvarampi, nisīdanampi, sūcigharampi, kāyabandhanampi, parissāvanampi, dhammakaraṇampī”ti.
pli-tv-kd22:2.3.4	“Alaṁ, āvuso, paripuṇṇaṁ me pattacīvaran”ti na icchi paṭiggahetuṁ.
pli-tv-kd22:2.3.5	Tena kho pana samayena uttaro nāma bhikkhu vīsativasso āyasmato revatassa upaṭṭhāko hoti.
pli-tv-kd22:2.3.6	Atha kho vesālikā vajjiputtakā bhikkhū yenāyasmā uttaro tenupasaṅkamiṁsu, upasaṅkamitvā āyasmantaṁ uttaraṁ etadavocuṁ—
pli-tv-kd22:2.3.7	“paṭiggaṇhātu āyasmā uttaro sāmaṇakaṁ parikkhāraṁ—
pli-tv-kd22:2.3.8	pattampi, cīvarampi, nisīdanampi, sūcigharampi, kāyabandhanampi, parissāvanampi, dhammakaraṇampī”ti.
pli-tv-kd22:2.3.9	“Alaṁ, āvuso, paripuṇṇaṁ me pattacīvaran”ti na icchi paṭiggahetuṁ.
pli-tv-kd22:2.3.10	“Manussā kho, āvuso uttara, bhagavato sāmaṇakaṁ parikkhāraṁ upanāmenti.
pli-tv-kd22:2.3.11	Sace bhagavā paṭiggaṇhāti, teneva te attamanā honti.
pli-tv-kd22:2.3.12	No ce bhagavā paṭiggaṇhāti, āyasmato ānandassa upanāmenti—
pli-tv-kd22:2.3.13	paṭiggaṇhātu, bhante, thero sāmaṇakaṁ parikkhāraṁ.
pli-tv-kd22:2.3.14	Yathā bhagavatā paṭiggahito, evameva so bhavissatīti.
pli-tv-kd22:2.3.15	Paṭiggaṇhātu āyasmā uttaro sāmaṇakaṁ parikkhāraṁ.
pli-tv-kd22:2.3.16	Yathā therena paṭiggahito, evameva so bhavissatī”ti.
pli-tv-kd22:2.3.17	Atha kho āyasmā uttaro vesālikehi vajjiputtehi bhikkhūhi nippīḷiyamāno ekaṁ cīvaraṁ aggahesi.
pli-tv-kd22:2.3.18	“Vadeyyātha, āvuso, yena attho”ti.
pli-tv-kd22:2.3.19	“Ettakaṁ āyasmā uttaro theraṁ vadetu;
pli-tv-kd22:2.3.20	ettakañca, bhante, thero saṅghamajjhe vadetu—
pli-tv-kd22:2.3.21	‘puratthimesu janapadesu buddhā bhagavanto uppajjanti.
pli-tv-kd22:2.3.22	Dhammavādī pācīnakā bhikkhū, adhammavādī pāveyyakā bhikkhū’”ti.
pli-tv-kd22:2.3.23	“Evamāvuso”ti
pli-tv-kd22:2.3.24	kho āyasmā uttaro vesālikānaṁ vajjiputtakānaṁ bhikkhūnaṁ paṭissutvā yenāyasmā revato tenupasaṅkami, upasaṅkamitvā āyasmantaṁ revataṁ etadavoca—
pli-tv-kd22:2.3.25	“ettakaṁ, bhante, thero saṅghamajjhe vadetu—
pli-tv-kd22:2.3.26	‘puratthimesu janapadesu buddhā bhagavanto uppajjanti.
pli-tv-kd22:2.3.27	Dhammavādī pācīnakā bhikkhū, adhammavādī pāveyyakā bhikkhū’”ti.
pli-tv-kd22:2.3.28	“Adhamme maṁ tvaṁ, bhikkhu, niyojesī”ti thero āyasmantaṁ uttaraṁ paṇāmesi.
pli-tv-kd22:2.3.29	Atha kho vesālikā vajjiputtakā bhikkhū āyasmantaṁ uttaraṁ etadavocuṁ—
pli-tv-kd22:2.3.30	“kiṁ, āvuso uttara, thero āhā”ti?
pli-tv-kd22:2.3.31	“Pāpikaṁ no, āvuso, kataṁ.
pli-tv-kd22:2.3.32	‘Adhamme maṁ tvaṁ, bhikkhu, niyojesī’ti thero maṁ paṇāmesī”ti.
pli-tv-kd22:2.3.33	“Nanu tvaṁ, āvuso, vuḍḍho vīsativassosī”ti?
pli-tv-kd22:2.3.34	“Āmāvuso, api ca mayaṁ garunissayaṁ gaṇhāmā”ti.
pli-tv-kd22:2.4.1	Atha kho saṅgho taṁ adhikaraṇaṁ vinicchinitukāmo sannipati.
pli-tv-kd22:2.4.2	Atha kho āyasmā revato saṅghaṁ ñāpesi—
pli-tv-kd22:2.4.3	“Suṇātu me, āvuso, saṅgho.
pli-tv-kd22:2.4.4	Sace mayaṁ imaṁ adhikaraṇaṁ idha vūpasamessāma, siyāpi mūlādāyakā bhikkhū punakammāya ukkoṭeyyuṁ.
pli-tv-kd22:2.4.5	Yadi saṅghassa pattakallaṁ, yatthevimaṁ adhikaraṇaṁ samuppannaṁ, saṅgho tatthevimaṁ adhikaraṇaṁ vūpasameyyā”ti.
pli-tv-kd22:2.4.6	Atha kho therā bhikkhū vesāliṁ agamaṁsu—
pli-tv-kd22:2.4.7	taṁ adhikaraṇaṁ vinicchinitukāmā.
pli-tv-kd22:2.4.8	Tena kho pana samayena sabbakāmī nāma pathabyā saṅghatthero vīsavassasatiko upasampadāya, āyasmato ānandassa saddhivihāriko, vesāliyaṁ paṭivasati.
pli-tv-kd22:2.4.9	Atha kho āyasmā revato āyasmantaṁ sambhūtaṁ sāṇavāsiṁ etadavoca—
pli-tv-kd22:2.4.10	“ahaṁ, āvuso, yasmiṁ vihāre sabbakāmī thero viharati, taṁ vihāraṁ upagacchāmi.
pli-tv-kd22:2.4.11	So tvaṁ kālasseva āyasmantaṁ sabbakāmiṁ upasaṅkamitvā imāni dasa vatthūni puccheyyāsī”ti.
pli-tv-kd22:2.4.12	“Evaṁ, bhante”ti kho āyasmā sambhūto sāṇavāsī āyasmato revatassa paccassosi.
pli-tv-kd22:2.4.13	Atha kho āyasmā revato, yasmiṁ vihāre sabbakāmī thero viharati, taṁ vihāraṁ upagacchi.
pli-tv-kd22:2.4.14	Gabbhe āyasmato sabbakāmissa senāsanaṁ paññattaṁ hoti, gabbhappamukhe āyasmato revatassa.
pli-tv-kd22:2.4.15	Atha kho āyasmā revato—
pli-tv-kd22:2.4.16	“ayaṁ thero mahallako na nipajjatī”ti—
pli-tv-kd22:2.4.17	na seyyaṁ kappesi.
pli-tv-kd22:2.4.18	Āyasmā sabbakāmī—
pli-tv-kd22:2.4.19	“ayaṁ bhikkhu āgantuko kilanto na nipajjatī”ti—
pli-tv-kd22:2.4.20	na seyyaṁ kappesi.
pli-tv-kd22:2.5.1	Atha kho āyasmā sabbakāmī rattiyā paccūsasamayaṁ paccuṭṭhāya āyasmantaṁ revataṁ etadavoca—
pli-tv-kd22:2.5.2	“katamena tvaṁ bhūmi vihārena etarahi bahulaṁ viharasī”ti?
pli-tv-kd22:2.5.3	“Mettāvihārena kho ahaṁ, bhante, etarahi bahulaṁ viharāmī”ti.
pli-tv-kd22:2.5.4	“Kullakavihārena kira tvaṁ bhūmi etarahi bahulaṁ viharasi.
pli-tv-kd22:2.5.5	Kullakavihāro eso bhūmi yadidaṁ mettā”ti.
pli-tv-kd22:2.5.6	“Pubbepi me, bhante, gihibhūtassa āciṇṇā mettā.
pli-tv-kd22:2.5.7	Tenāhaṁ etarahipi mettāvihārena bahulaṁ viharāmi, api ca mayā cirappattaṁ arahattanti.
pli-tv-kd22:2.5.8	Thero pana, bhante, katamena vihārena etarahi bahulaṁ viharatī”ti?
pli-tv-kd22:2.5.9	“Suññatāvihārena kho ahaṁ bhūmi etarahi bahulaṁ viharāmī”ti.
pli-tv-kd22:2.5.10	“Mahāpurisavihārena kira, bhante, thero etarahi bahulaṁ viharati.
pli-tv-kd22:2.5.11	Mahāpurisavihāro eso, bhante, yadidaṁ suññatā”ti.
pli-tv-kd22:2.5.12	“Pubbepi me bhūmi gihibhūtassa āciṇṇā suññatā.
pli-tv-kd22:2.5.13	Tenāhaṁ etarahipi suññatāvihārena bahulaṁ viharāmi, api ca mayā cirappattaṁ arahattan”ti.
pli-tv-kd22:2.6.1	Ayañcarahi therānaṁ bhikkhūnaṁ antarākathā vippakatā, athāyasmā sambhūto sāṇavāsī tasmiṁ anuppatto hoti.
pli-tv-kd22:2.6.2	Atha kho āyasmā sambhūto sāṇavāsī yenāyasmā sabbakāmī tenupasaṅkami, upasaṅkamitvā āyasmantaṁ sabbakāmiṁ abhivādetvā ekamantaṁ nisīdi.
pli-tv-kd22:2.6.3	Ekamantaṁ nisinno kho āyasmā sambhūto sāṇavāsī āyasmantaṁ sabbakāmiṁ etadavoca—
pli-tv-kd22:2.6.4	“ime, bhante, vesālikā vajjiputtakā bhikkhū vesāliyaṁ dasa vatthūni dīpenti—
pli-tv-kd22:2.6.5	kappati siṅgiloṇakappo, kappati dvaṅgulakappo, kappati gāmantarakappo, kappati āvāsakappo, kappati anumatikappo, kappati āciṇṇakappo, kappati amathitakappo, kappati jaḷogiṁ, pātuṁ kappati adasakaṁ nisīdanaṁ, kappati jātarūparajatanti.
pli-tv-kd22:2.6.6	Therena, bhante, upajjhāyassa mūle bahudhammo ca vinayo ca pariyatto.
pli-tv-kd22:2.6.7	Therassa, bhante, dhammañca vinayañca paccavekkhantassa kathaṁ hoti?
pli-tv-kd22:2.6.8	Ke nu kho dhammavādino—
pli-tv-kd22:2.6.9	pācīnakā vā bhikkhū, pāveyyakā vā”ti?
pli-tv-kd22:2.6.10	“Tayāpi kho, āvuso, upajjhāyassa mūle bahu dhammo ca vinayo ca pariyatto.
pli-tv-kd22:2.6.11	Tuyhaṁ pana, āvuso, dhammañca vinayañca paccavekkhantassa kathaṁ hoti?
pli-tv-kd22:2.6.12	Ke nu kho dhammavādino—
pli-tv-kd22:2.6.13	pācīnakā vā bhikkhū, pāveyyakā vā”ti?
pli-tv-kd22:2.6.14	“Mayhaṁ kho, bhante, dhammañca vinayañca paccavekkhantassa evaṁ hoti—
pli-tv-kd22:2.6.15	adhammavādī pācīnakā bhikkhū, dhammavādī pāveyyakā bhikkhūti;
pli-tv-kd22:2.6.16	api cāhaṁ na tāva diṭṭhiṁ āvi karomi, appeva nāma maṁ imasmiṁ adhikaraṇe sammanneyyā”ti.
pli-tv-kd22:2.6.17	“Mayhampi kho, āvuso, dhammañca vinayañca paccavekkhantassa evaṁ hoti—
pli-tv-kd22:2.6.18	adhammavādī pācīnakā bhikkhū, dhammavādī pāveyyakā bhikkhūti;
pli-tv-kd22:2.6.19	api cāhaṁ na tāva diṭṭhiṁ āvi karomi, appeva nāma maṁ imasmiṁ adhikaraṇe sammanneyyā”ti.
pli-tv-kd22:2.7.0	
pli-tv-kd22:2.7.1	Atha kho saṅgho taṁ adhikaraṇaṁ vinicchinitukāmo sannipati.
pli-tv-kd22:2.7.2	Tasmiṁ kho pana adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati.
pli-tv-kd22:2.7.3	Atha kho āyasmā revato saṅghaṁ ñāpesi—
pli-tv-kd22:2.7.4	“Suṇātu me, bhante, saṅgho.
pli-tv-kd22:2.7.5	Amhākaṁ imasmiṁ adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati.
pli-tv-kd22:2.7.6	Yadi saṅghassa pattakallaṁ, saṅgho imaṁ adhikaraṇaṁ ubbāhikāya vūpasameyyā”ti.
pli-tv-kd22:2.7.7	Saṅgho cattāro pācīnake bhikkhū, cattāro pāveyyake bhikkhū uccini.
pli-tv-kd22:2.7.8	Pācīnakānaṁ bhikkhūnaṁ—
pli-tv-kd22:2.7.9	āyasmantañca sabbakāmiṁ, āyasmantañca sāḷhaṁ, āyasmantañca khujjasobhitaṁ, āyasmantañca vāsabhagāmikaṁ;
pli-tv-kd22:2.7.10	pāveyyakānaṁ bhikkhūnaṁ—
pli-tv-kd22:2.7.11	āyasmantañca revataṁ, āyasmantañca sambhūtaṁ sāṇavāsiṁ, āyasmantañca yasaṁ kākaṇḍakaputtaṁ, āyasmantañca sumananti.
pli-tv-kd22:2.7.12	Atha kho āyasmā revato saṅghaṁ ñāpesi—
pli-tv-kd22:2.7.13	“Suṇātu me, bhante, saṅgho.
pli-tv-kd22:2.7.14	Amhākaṁ imasmiṁ adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati.
pli-tv-kd22:2.7.15	Yadi saṅghassa pattakallaṁ, saṅgho cattāro pācīnake bhikkhū, cattāro pāveyyake bhikkhū sammanneyya ubbāhikāya imaṁ adhikaraṇaṁ vūpasametuṁ.
pli-tv-kd22:2.7.16	Esā ñatti.
pli-tv-kd22:2.7.17	Suṇātu me, bhante, saṅgho.
pli-tv-kd22:2.7.18	Amhākaṁ imasmiṁ adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati.
pli-tv-kd22:2.7.19	Saṅgho cattāro pācīnake bhikkhū, cattāro pāveyyake bhikkhū sammannati ubbāhikāya imaṁ adhikaraṇaṁ vūpasametuṁ.
pli-tv-kd22:2.7.20	Yassāyasmato khamati catunnaṁ pācīnakānaṁ bhikkhūnaṁ, catunnaṁ pāveyyakānaṁ bhikkhūnaṁ sammuti, ubbāhikāya imaṁ adhikaraṇaṁ vūpasametuṁ, so tuṇhassa;
pli-tv-kd22:2.7.21	yassa nakkhamati, so bhāseyya.
pli-tv-kd22:2.7.22	Sammatā saṅghena cattāro pācīnakā bhikkhū, cattāro pāveyyakā bhikkhū, ubbāhikāya imaṁ adhikaraṇaṁ vūpasametuṁ.
pli-tv-kd22:2.7.23	Khamati saṅghassa, tasmā tuṇhī, evametaṁ dhārayāmī”ti.
pli-tv-kd22:2.7.24	Tena kho pana samayena ajito nāma bhikkhu dasavasso saṅghassa pātimokkhuddesako hoti.
pli-tv-kd22:2.7.25	Atha kho saṅgho āyasmantampi ajitaṁ sammannati—
pli-tv-kd22:2.7.26	therānaṁ bhikkhūnaṁ āsanapaññāpakaṁ.
pli-tv-kd22:2.7.27	Atha kho therānaṁ bhikkhūnaṁ etadahosi—
pli-tv-kd22:2.7.28	“kattha nu kho mayaṁ imaṁ adhikaraṇaṁ vūpasameyyāmā”ti?
pli-tv-kd22:2.7.29	Atha kho therānaṁ bhikkhūnaṁ etadahosi—
pli-tv-kd22:2.7.30	“ayaṁ kho vālikārāmo ramaṇīyo appasaddo appanigghoso.
pli-tv-kd22:2.7.31	Yannūna mayaṁ vālikārāme imaṁ adhikaraṇaṁ vūpasameyyāmā”ti.
pli-tv-kd22:2.7.32	Atha kho therā bhikkhū vālikārāmaṁ agamaṁsu—
pli-tv-kd22:2.7.33	taṁ adhikaraṇaṁ vinicchinitukāmā.
pli-tv-kd22:2.8.0	
pli-tv-kd22:2.8.1	Atha kho āyasmā revato saṅghaṁ ñāpesi—
pli-tv-kd22:2.8.2	“Suṇātu me, bhante, saṅgho.
pli-tv-kd22:2.8.3	Yadi saṅghassa pattakallaṁ, ahaṁ āyasmantaṁ sabbakāmiṁ vinayaṁ puccheyyan”ti.
pli-tv-kd22:2.8.4	Āyasmā sabbakāmī saṅghaṁ ñāpesi—
pli-tv-kd22:2.8.5	“Suṇātu me, āvuso, saṅgho.
pli-tv-kd22:2.8.6	Yadi saṅghassa pattakallaṁ, ahaṁ revatena vinayaṁ puṭṭho vissajjeyyan”ti.
pli-tv-kd22:2.8.7	Atha kho āyasmā revato āyasmantaṁ sabbakāmiṁ etadavoca—
pli-tv-kd22:2.8.8	“kappati, bhante, siṅgiloṇakappo”ti?
pli-tv-kd22:2.8.9	“Ko so, āvuso, siṅgiloṇakappo”ti?
pli-tv-kd22:2.8.10	“Kappati, bhante, siṅginā loṇaṁ pariharituṁ—
pli-tv-kd22:2.8.11	yattha aloṇakaṁ bhavissati tattha paribhuñjissāmā”ti?
pli-tv-kd22:2.8.12	“Nāvuso, kappatī”ti.
pli-tv-kd22:2.8.13	“ Kattha paṭikkhittan”ti?
pli-tv-kd22:2.8.14	“Sāvatthiyaṁ, suttavibhaṅge”ti.
pli-tv-kd22:2.8.15	“Kiṁ āpajjatī”ti?
pli-tv-kd22:2.8.16	“Sannidhikārakabhojane pācittiyan”ti.
pli-tv-kd22:2.8.17	“Suṇātu me, bhante, saṅgho.
pli-tv-kd22:2.8.18	Idaṁ paṭhamaṁ vatthu saṅghena vinicchitaṁ.
pli-tv-kd22:2.8.19	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.20	Idaṁ paṭhamaṁ salākaṁ nikkhipāmi”.
pli-tv-kd22:2.8.21	“Kappati, bhante, dvaṅgulakappo”ti?
pli-tv-kd22:2.8.22	“Ko so, āvuso, dvaṅgulakappo”ti?
pli-tv-kd22:2.8.23	“Kappati, bhante, dvaṅgulāya chāyāya vītivattāya vikāle bhojanaṁ bhuñjitun”ti?
pli-tv-kd22:2.8.24	“Nāvuso, kappatī”ti.
pli-tv-kd22:2.8.25	“ Kattha paṭikkhittan”ti?
pli-tv-kd22:2.8.26	“Rājagahe, suttavibhaṅge”ti.
pli-tv-kd22:2.8.27	“Kiṁ āpajjatī”ti?
pli-tv-kd22:2.8.28	“Vikālabhojane pācittiyan”ti.
pli-tv-kd22:2.8.29	“Suṇātu me, bhante, saṅgho.
pli-tv-kd22:2.8.30	Idaṁ dutiyaṁ vatthu saṅghena vinicchitaṁ.
pli-tv-kd22:2.8.31	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.32	Idaṁ dutiyaṁ salākaṁ nikkhipāmi”.
pli-tv-kd22:2.8.33	“Kappati, bhante, gāmantarakappo”ti?
pli-tv-kd22:2.8.34	“Ko so, āvuso, gāmantarakappo”ti?
pli-tv-kd22:2.8.35	“Kappati, bhante—idāni gāmantaraṁ gamissāmīti—bhuttāvinā pavāritena anatirittaṁ bhojanaṁ bhuñjitun”ti?
pli-tv-kd22:2.8.36	“Nāvuso, kappatī”ti.
pli-tv-kd22:2.8.37	“Kattha paṭikkhittan”ti?
pli-tv-kd22:2.8.38	“Sāvatthiyaṁ, suttavibhaṅge”ti.
pli-tv-kd22:2.8.39	“Kiṁ āpajjatī”ti?
pli-tv-kd22:2.8.40	“Anatirittabhojane pācittiyan”ti.
pli-tv-kd22:2.8.41	“Suṇātu me, bhante, saṅgho.
pli-tv-kd22:2.8.42	Idaṁ tatiyaṁ vatthu saṅghena vinicchitaṁ.
pli-tv-kd22:2.8.43	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.44	Idaṁ tatiyaṁ salākaṁ nikkhipāmi”.
pli-tv-kd22:2.8.45	“Kappati, bhante, āvāsakappo”ti?
pli-tv-kd22:2.8.46	“Ko so, āvuso, āvāsakappo”ti?
pli-tv-kd22:2.8.47	“Kappati, bhante, sambahulā āvāsā samānasīmā nānuposathaṁ kātun”ti.
pli-tv-kd22:2.8.48	“Nāvuso, kappatī”ti.
pli-tv-kd22:2.8.49	“ Kattha paṭikkhittan”ti?
pli-tv-kd22:2.8.50	“Rājagahe, uposathasaṁyutte”ti.
pli-tv-kd22:2.8.51	“Kiṁ āpajjatī”ti?
pli-tv-kd22:2.8.52	“Vinayātisāre dukkaṭan”ti.
pli-tv-kd22:2.8.53	“Suṇātu me, bhante, saṅgho.
pli-tv-kd22:2.8.54	Idaṁ catutthaṁ vatthu saṅghena vinicchitaṁ.
pli-tv-kd22:2.8.55	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.56	Idaṁ catutthaṁ salākaṁ nikkhipāmi”.
pli-tv-kd22:2.8.57	“Kappati, bhante, anumatikappo”ti?
pli-tv-kd22:2.8.58	“Ko so, āvuso, anumatikappo”ti?
pli-tv-kd22:2.8.59	“Kappati, bhante, vaggena saṅghena kammaṁ kātuṁ—
pli-tv-kd22:2.8.60	āgate bhikkhū anumānessāmā”ti?
pli-tv-kd22:2.8.61	“Nāvuso, kappatī”ti.
pli-tv-kd22:2.8.62	“ Kattha paṭikkhittan”ti?
pli-tv-kd22:2.8.63	“Campeyyake, vinayavatthusmin”ti.
pli-tv-kd22:2.8.64	“Kiṁ āpajjatī”ti?
pli-tv-kd22:2.8.65	“Vinayātisāre dukkaṭan”ti.
pli-tv-kd22:2.8.66	“Suṇātu me, bhante, saṅgho.
pli-tv-kd22:2.8.67	Idaṁ pañcamaṁ vatthu saṅghena vinicchitaṁ.
pli-tv-kd22:2.8.68	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.69	Idaṁ pañcamaṁ salākaṁ nikkhipāmi”.
pli-tv-kd22:2.8.70	“Kappati, bhante, āciṇṇakappo”ti?
pli-tv-kd22:2.8.71	“Ko so, āvuso, āciṇṇakappo”ti?
pli-tv-kd22:2.8.72	“Kappati, bhante—
pli-tv-kd22:2.8.73	idaṁ me upajjhāyena ajjhāciṇṇaṁ, idaṁ me ācariyena ajjhāciṇṇaṁ—
pli-tv-kd22:2.8.74	taṁ ajjhācaritun”ti?
pli-tv-kd22:2.8.75	“Āciṇṇakappo kho, āvuso, ekacco kappati, ekacco na kappatī”ti.
pli-tv-kd22:2.8.76	“Suṇātu me, bhante, saṅgho.
pli-tv-kd22:2.8.77	Idaṁ chaṭṭhaṁ vatthu saṅghena vinicchitaṁ.
pli-tv-kd22:2.8.78	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.79	Idaṁ chaṭṭhaṁ salākaṁ nikkhipāmi”.
pli-tv-kd22:2.8.80	“Kappati, bhante, amathitakappo”ti?
pli-tv-kd22:2.8.81	“Ko so, āvuso, amathitakappo”ti?
pli-tv-kd22:2.8.82	“Kappati, bhante, yaṁ taṁ khīraṁ khīrabhāvaṁ vijahitaṁ, asampattaṁ dadhibhāvaṁ, taṁ bhuttāvinā pavāritena anatirittaṁ pātun”ti?
pli-tv-kd22:2.8.83	“Nāvuso, kappatī”ti.
pli-tv-kd22:2.8.84	“ Kattha paṭikkhittan”ti?
pli-tv-kd22:2.8.85	“Sāvatthiyaṁ, suttavibhaṅge”ti.
pli-tv-kd22:2.8.86	“Kiṁ āpajjatī”ti?
pli-tv-kd22:2.8.87	“Anatirittabhojane pācittiyan”ti.
pli-tv-kd22:2.8.88	“Suṇātu me, bhante, saṅgho.
pli-tv-kd22:2.8.89	Idaṁ sattamaṁ vatthu saṅghena vinicchitaṁ.
pli-tv-kd22:2.8.90	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.91	Idaṁ sattamaṁ salākaṁ nikkhipāmi”.
pli-tv-kd22:2.8.92	“Kappati, bhante, jaḷogiṁ pātun”ti?
pli-tv-kd22:2.8.93	“Kā sā, āvuso, jaḷogī”ti?
pli-tv-kd22:2.8.94	“Kappati, bhante, yā sā surā āsutā asampattā majjabhāvaṁ, sā pātun”ti?
pli-tv-kd22:2.8.95	“Nāvuso, kappatī”ti.
pli-tv-kd22:2.8.96	“ Kattha paṭikkhittan”ti?
pli-tv-kd22:2.8.97	“Kosambiyaṁ, suttavibhaṅge”ti.
pli-tv-kd22:2.8.98	“Kiṁ āpajjatī”ti.
pli-tv-kd22:2.8.99	“Surāmerayapāne pācittiyan”ti.
pli-tv-kd22:2.8.100	“Suṇātu me, bhante, saṅgho.
pli-tv-kd22:2.8.101	Idaṁ aṭṭhamaṁ vatthu saṅghena vinicchitaṁ.
pli-tv-kd22:2.8.102	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.103	Idaṁ aṭṭhamaṁ salākaṁ nikkhipāmi”.
pli-tv-kd22:2.8.104	“Kappati, bhante, adasakaṁ nisīdanan”ti?
pli-tv-kd22:2.8.105	“Nāvuso, kappatī”ti.
pli-tv-kd22:2.8.106	“ Kattha paṭikkhittan”ti?
pli-tv-kd22:2.8.107	“Sāvatthiyaṁ, suttavibhaṅge”ti.
pli-tv-kd22:2.8.108	“Kiṁ āpajjatī”ti?
pli-tv-kd22:2.8.109	“Chedanake pācittiyan”ti.
pli-tv-kd22:2.8.110	“Suṇātu me, bhante, saṅgho.
pli-tv-kd22:2.8.111	Idaṁ navamaṁ vatthu saṅghena vinicchitaṁ.
pli-tv-kd22:2.8.112	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.113	Idaṁ navamaṁ salākaṁ nikkhipāmi”.
pli-tv-kd22:2.8.114	“Kappati, bhante, jātarūparajatan”ti?
pli-tv-kd22:2.8.115	“Nāvuso, kappatī”ti.
pli-tv-kd22:2.8.116	“ Kattha paṭikkhittan”ti.
pli-tv-kd22:2.8.117	“Rājagahe, suttavibhaṅge”ti.
pli-tv-kd22:2.8.118	“Kiṁ āpajjatī”ti?
pli-tv-kd22:2.8.119	“Jātarūparajatapaṭiggahaṇe pācittiyan”ti.
pli-tv-kd22:2.8.120	“Suṇātu me, bhante, saṅgho.
pli-tv-kd22:2.8.121	Idaṁ dasamaṁ vatthu saṅghena vinicchitaṁ.
pli-tv-kd22:2.8.122	Itipidaṁ vatthu uddhammaṁ, ubbinayaṁ, apagatasatthusāsanaṁ.
pli-tv-kd22:2.8.123	Idaṁ dasamaṁ salākaṁ nikkhipāmi.
pli-tv-kd22:2.8.124	Suṇātu me, bhante, saṅgho.
pli-tv-kd22:2.8.125	Imāni dasa vatthūni saṅghena vinicchitāni.
pli-tv-kd22:2.8.126	Itipimāni dasavatthūni uddhammāni, ubbinayāni, apagatasatthusāsanānī”ti.
pli-tv-kd22:2.8.127	“Nihatametaṁ, āvuso, adhikaraṇaṁ, santaṁ vūpasantaṁ suvūpasantaṁ.
pli-tv-kd22:2.8.128	Api ca maṁ tvaṁ, āvuso, saṅghamajjhepi imāni dasa vatthūni puccheyyāsi—tesaṁ bhikkhūnaṁ saññattiyā”ti.
pli-tv-kd22:2.8.129	Atha kho āyasmā revato āyasmantaṁ sabbakāmiṁ saṅghamajjhepi imāni dasa vatthūni pucchi.
pli-tv-kd22:2.8.130	Puṭṭho puṭṭho āyasmā sabbakāmī vissajjesi.
pli-tv-kd22:2.9.1	Imāya kho pana vinayasaṅgītiyā satta bhikkhusatāni anūnāni anadhikāni ahesuṁ, tasmāyaṁ vinayasaṅgīti “sattasatikā”ti vuccatīti.
pli-tv-kd22:2.9.2	Sattasatikakkhandhako dvādasamo. Imamhi khandhake vatthū pañcavīsati.
pli-tv-kd22:2.9.3	Tassuddānaṁ
pli-tv-kd22:2.9.4	Dasa vatthūni pūretvā,
pli-tv-kd22:2.9.5	kammaṁ dūtena pāvisi;
pli-tv-kd22:2.9.6	Cattāro puna rūpañca,
pli-tv-kd22:2.9.7	kosambi ca pāveyyako.
pli-tv-kd22:2.9.8	Maggo soreyyaṁ saṅkassaṁ,
pli-tv-kd22:2.9.9	kaṇṇakujjaṁ udumbaraṁ;
pli-tv-kd22:2.9.10	Sahajāti ca majjhesi,
pli-tv-kd22:2.9.11	assosi kaṁ nu kho mayaṁ.
pli-tv-kd22:2.9.12	Pattanāvāya ujjavi,
pli-tv-kd22:2.9.13	rahosi upanāmayaṁ;
pli-tv-kd22:2.9.14	Garu saṅgho ca vesāliṁ,
pli-tv-kd22:2.9.15	mettā saṅgho ubbāhikāti.
pli-tv-kd22:2.9.16	Sattasatikakkhandhako niṭṭhito.
pli-tv-kd22:2.9.17	Cūḷavaggo niṭṭhito.
pli-tv-kd22:2.9.18	Cūḷavaggapāḷi niṭṭhitā.