# Suttavibhaṅga (bhikkhu) — root Pali (Mahāsaṅgīti) · suttacentral/bilara-data@da23a8afdd1b · seat EA-CORPORA-29/08

pli-tv-bu-vb-as1:0.1	Theravāda Vinaya
pli-tv-bu-vb-as1:0.2	Mahāvibhaṅga
pli-tv-bu-vb-as1:0.3	Adhikaraṇasamatha
pli-tv-bu-vb-as1:1.1	Ime kho panāyasmanto satta adhikaraṇasamathā dhammā uddesaṁ āgacchanti.
pli-tv-bu-vb-as1:2.1	Uppannuppannānaṁ adhikaraṇānaṁ samathāya vūpasamāya
pli-tv-bu-vb-as1:2.2	sammukhāvinayo dātabbo,
pli-tv-bu-vb-as2:1.1	sativinayo dātabbo,
pli-tv-bu-vb-as3:1.1	amūḷhavinayo dātabbo,
pli-tv-bu-vb-as4:1.1	paṭiññāya kāretabbaṁ,
pli-tv-bu-vb-as5:1.1	yebhuyyasikā,
pli-tv-bu-vb-as6:1.1	tassapāpiyasikā,
pli-tv-bu-vb-as7:1.1	tiṇavatthārakoti.
pli-tv-bu-vb-as7:2.1	Uddiṭṭhā kho, āyasmanto, satta adhikaraṇasamathā dhammā.
pli-tv-bu-vb-as7:2.2	Tatthāyasmante pucchāmi—
pli-tv-bu-vb-as7:2.3	“kaccittha parisuddhā”?
pli-tv-bu-vb-as7:2.4	Dutiyampi pucchāmi—
pli-tv-bu-vb-as7:2.5	“kaccittha parisuddhā”?
pli-tv-bu-vb-as7:2.6	Tatiyampi pucchāmi—
pli-tv-bu-vb-as7:2.7	“kaccittha parisuddhā”?
pli-tv-bu-vb-as7:2.8	Parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-vb-as7:3.1	Adhikaraṇasamathā niṭṭhitā.
pli-tv-bu-vb-as7:4.1	Uddiṭṭhaṁ kho, āyasmanto, nidānaṁ;
pli-tv-bu-vb-as7:4.2	uddiṭṭhā cattāro pārājikā dhammā;
pli-tv-bu-vb-as7:4.3	uddiṭṭhā terasa saṅghādisesā dhammā;
pli-tv-bu-vb-as7:4.4	uddiṭṭhā dve aniyatā dhammā;
pli-tv-bu-vb-as7:4.5	uddiṭṭhā tiṁsa nissaggiyā pācittiyā dhammā;
pli-tv-bu-vb-as7:4.6	uddiṭṭhā dvenavuti pācittiyā dhammā;
pli-tv-bu-vb-as7:4.7	uddiṭṭhā cattāro pāṭidesanīyā dhammā;
pli-tv-bu-vb-as7:4.8	uddiṭṭhā sekhiyā dhammā;
pli-tv-bu-vb-as7:4.9	uddiṭṭhā satta adhikaraṇasamathā dhammā.
pli-tv-bu-vb-as7:4.10	Ettakaṁ tassa bhagavato suttāgataṁ suttapariyāpannaṁ anvaddhamāsaṁ uddesaṁ āgacchati.
pli-tv-bu-vb-as7:4.11	Tattha sabbeheva samaggehi sammodamānehi avivadamānehi sikkhitabbanti.
pli-tv-bu-vb-as7:5.1	Mahāvibhaṅgo niṭṭhito.
pli-tv-bu-vb-ay1:0.1	Theravāda Vinaya
pli-tv-bu-vb-ay1:0.2	Mahāvibhaṅga
pli-tv-bu-vb-ay1:0.3	Aniyatakaṇḍa
pli-tv-bu-vb-ay1:0.4	1. Paṭhamaaniyatasikkhāpada
pli-tv-bu-vb-ay1:0.5	Ime kho panāyasmanto dve aniyatā dhammā uddesaṁ āgacchanti.
pli-tv-bu-vb-ay1:1.0	
pli-tv-bu-vb-ay1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ay1:1.2	Tena kho pana samayena āyasmā udāyī sāvatthiyaṁ kulūpako hoti, bahukāni kulāni upasaṅkamati.
pli-tv-bu-vb-ay1:1.3	Tena kho pana samayena āyasmato udāyissa upaṭṭhākakulassa kumārikā aññatarassa kulassa kumārakassa dinnā hoti.
pli-tv-bu-vb-ay1:1.4	Atha kho āyasmā udāyī pubbaṇhasamayaṁ nivāsetvā pattacīvaramādāya yena taṁ kulaṁ tenupasaṅkami; upasaṅkamitvā manusse pucchi—
pli-tv-bu-vb-ay1:1.5	“kahaṁ itthannāmā”ti?
pli-tv-bu-vb-ay1:1.6	Te evamāhaṁsu—
pli-tv-bu-vb-ay1:1.7	“dinnā, bhante, amukassa kulassa kumārakassā”ti.
pli-tv-bu-vb-ay1:1.8	Tampi kho kulaṁ āyasmato udāyissa upaṭṭhākaṁ hoti.
pli-tv-bu-vb-ay1:1.9	Atha kho āyasmā udāyī yena taṁ kulaṁ tenupasaṅkami; upasaṅkamitvā manusse pucchi—
pli-tv-bu-vb-ay1:1.10	“kahaṁ itthannāmā”ti?
pli-tv-bu-vb-ay1:1.11	Te evamāhaṁsu—
pli-tv-bu-vb-ay1:1.12	“esāyya, ovarake nisinnā”ti.
pli-tv-bu-vb-ay1:1.13	Atha kho āyasmā udāyī yena sā kumārikā tenupasaṅkami; upasaṅkamitvā tassā kumārikāya saddhiṁ eko ekāya raho paṭicchanne āsane alaṅkammaniye nisajjaṁ kappesi kālayuttaṁ samullapanto kālayuttaṁ dhammaṁ bhaṇanto.
pli-tv-bu-vb-ay1:1.14	Tena kho pana samayena visākhā migāramātā bahuputtā hoti bahunattā arogaputtā aroganattā abhimaṅgalasammatā.
pli-tv-bu-vb-ay1:1.15	Manussā yaññesu chaṇesu ussavesu visākhaṁ migāramātaraṁ paṭhamaṁ bhojenti.
pli-tv-bu-vb-ay1:1.16	Atha kho visākhā migāramātā nimantitā taṁ kulaṁ agamāsi.
pli-tv-bu-vb-ay1:1.17	Addasā kho visākhā migāramātā āyasmantaṁ udāyiṁ tassā kumārikāya saddhiṁ ekaṁ ekāya raho paṭicchanne āsane alaṅkammaniye nisinnaṁ.
pli-tv-bu-vb-ay1:1.18	Disvāna āyasmantaṁ udāyiṁ etadavoca—
pli-tv-bu-vb-ay1:1.19	“idaṁ, bhante, nacchannaṁ nappatirūpaṁ yaṁ ayyo mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappeti.
pli-tv-bu-vb-ay1:1.20	Kiñcāpi, bhante, ayyo anatthiko tena dhammena, api ca dussaddhāpayā appasannā manussā”ti.
pli-tv-bu-vb-ay1:1.21	Evampi kho āyasmā udāyī visākhāya migāramātuyā vuccamāno nādiyi.
pli-tv-bu-vb-ay1:1.22	Atha kho visākhā migāramātā nikkhamitvā bhikkhūnaṁ etamatthaṁ ārocesi.
pli-tv-bu-vb-ay1:1.23	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ay1:1.24	“kathañhi nāma āyasmā udāyī mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappessatī”ti.
pli-tv-bu-vb-ay1:1.25	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ay1:1.26	“saccaṁ kira tvaṁ, udāyi, mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappesī”ti?
pli-tv-bu-vb-ay1:1.27	“Saccaṁ, bhagavā”ti.
pli-tv-bu-vb-ay1:1.28	Vigarahi buddho bhagavā …pe…
pli-tv-bu-vb-ay1:1.29	kathañhi nāma tvaṁ, moghapurisa, mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappessasi.
pli-tv-bu-vb-ay1:1.30	Netaṁ, moghapurisa, appasannānaṁ vā pasādāya …pe…
pli-tv-bu-vb-ay1:1.31	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ay1:1.32.0	
pli-tv-bu-vb-ay1:1.32.1	“Yo pana bhikkhu mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappeyya, tamenaṁ saddheyyavacasā upāsikā disvā
pli-tv-bu-vb-ay1:1.33	tiṇṇaṁ dhammānaṁ aññatarena vadeyya—pārājikena vā saṅghādisesena vā pācittiyena vā.
pli-tv-bu-vb-ay1:1.34	Nisajjaṁ bhikkhu paṭijānamāno tiṇṇaṁ dhammānaṁ aññatarena kāretabbo—pārājikena vā saṅghādisesena vā pācittiyena vā.
pli-tv-bu-vb-ay1:1.35	Yena vā sā saddheyyavacasā upāsikā vadeyya, tena so bhikkhu kāretabbo.
pli-tv-bu-vb-ay1:1.36	Ayaṁ dhammo aniyato”ti.
pli-tv-bu-vb-ay1:2.1.0	
pli-tv-bu-vb-ay1:2.1.1	Yo panāti
pli-tv-bu-vb-ay1:2.1.2	yo yādiso …pe…
pli-tv-bu-vb-ay1:2.1.3	bhikkhūti
pli-tv-bu-vb-ay1:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ay1:2.1.5	Mātugāmo nāma
pli-tv-bu-vb-ay1:2.1.6	manussitthī, na yakkhī na petī na tiracchānagatā. Antamaso tadahujātāpi dārikā, pageva mahattarī.
pli-tv-bu-vb-ay1:2.1.7	Saddhinti
pli-tv-bu-vb-ay1:2.1.8	ekato.
pli-tv-bu-vb-ay1:2.1.9	Eko ekāyāti
pli-tv-bu-vb-ay1:2.1.10	bhikkhu ceva hoti mātugāmo ca.
pli-tv-bu-vb-ay1:2.1.11	Raho nāma
pli-tv-bu-vb-ay1:2.1.12	cakkhussa raho, sotassa raho.
pli-tv-bu-vb-ay1:2.1.13	Cakkhussa raho nāma
pli-tv-bu-vb-ay1:2.1.14	na sakkā hoti akkhiṁ vā nikhaṇīyamāne bhamukaṁ vā ukkhipīyamāne sīsaṁ vā ukkhipīyamāne passituṁ.
pli-tv-bu-vb-ay1:2.1.15	Sotassa raho nāma
pli-tv-bu-vb-ay1:2.1.16	na sakkā hoti pakatikathā sotuṁ.
pli-tv-bu-vb-ay1:2.1.17	Paṭicchannaṁ nāma
pli-tv-bu-vb-ay1:2.1.18	āsanaṁ kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā yena kenaci paṭicchannaṁ hoti.
pli-tv-bu-vb-ay1:2.1.19	Alaṅkammaniyeti
pli-tv-bu-vb-ay1:2.1.20	sakkā hoti methunaṁ dhammaṁ paṭisevituṁ.
pli-tv-bu-vb-ay1:2.1.21	Nisajjaṁ kappeyyāti
pli-tv-bu-vb-ay1:2.1.22	mātugāme nisinne bhikkhu upanisinno vā hoti upanipanno vā.
pli-tv-bu-vb-ay1:2.1.23	Bhikkhu nisinne mātugāmo upanisinno vā hoti upanipanno vā.
pli-tv-bu-vb-ay1:2.1.24	Ubho vā nisinnā honti ubho vā nipannā.
pli-tv-bu-vb-ay1:2.1.25	Saddheyyavacasā nāma
pli-tv-bu-vb-ay1:2.1.26	āgataphalā abhisametāvinī viññātasāsanā.
pli-tv-bu-vb-ay1:2.1.27	Upāsikā nāma
pli-tv-bu-vb-ay1:2.1.28	buddhaṁ saraṇaṁ gatā, dhammaṁ saraṇaṁ gatā, saṅghaṁ saraṇaṁ gatā.
pli-tv-bu-vb-ay1:2.1.29	Disvāti
pli-tv-bu-vb-ay1:2.1.30	passitvā.
pli-tv-bu-vb-ay1:2.2.1	Tiṇṇaṁ dhammānaṁ aññatarena vadeyya— pārājikena vā saṅghādisesena vā pācittiyena vā.
pli-tv-bu-vb-ay1:2.2.2	Nisajjaṁ bhikkhu paṭijānamāno tiṇṇaṁ dhammānaṁ aññatarena kāretabbo— pārājikena vā saṅghādisesena vā pācittiyena vā.
pli-tv-bu-vb-ay1:2.2.3	Yena vā sā saddheyyavacasā upāsikā vadeyya tena so bhikkhu kāretabbo.
pli-tv-bu-vb-ay1:2.2.4	Sā ce evaṁ vadeyya—
pli-tv-bu-vb-ay1:2.2.5	“ayyo mayā diṭṭho nisinno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.6	so ca taṁ paṭijānāti, āpattiyā kāretabbo.
pli-tv-bu-vb-ay1:2.2.7	Sā ce evaṁ vadeyya—
pli-tv-bu-vb-ay1:2.2.8	“ayyo mayā diṭṭho nisinno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.9	so ce evaṁ vadeyya—
pli-tv-bu-vb-ay1:2.2.10	“saccāhaṁ nisinno, no ca kho methunaṁ dhammaṁ paṭisevin”ti,
pli-tv-bu-vb-ay1:2.2.11	nisajjāya kāretabbo.
pli-tv-bu-vb-ay1:2.2.12	Sā ce evaṁ vadeyya—
pli-tv-bu-vb-ay1:2.2.13	“ayyo mayā diṭṭho nisinno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.14	so ce evaṁ vadeyya—
pli-tv-bu-vb-ay1:2.2.15	“nāhaṁ nisinno, api ca kho nipanno”ti,
pli-tv-bu-vb-ay1:2.2.16	nipajjāya kāretabbo.
pli-tv-bu-vb-ay1:2.2.17	Sā ce evaṁ vadeyya—
pli-tv-bu-vb-ay1:2.2.18	“ayyo mayā diṭṭho nisinno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.19	so ce evaṁ vadeyya—
pli-tv-bu-vb-ay1:2.2.20	“nāhaṁ nisinno, api ca kho ṭhito”ti,
pli-tv-bu-vb-ay1:2.2.21	na kāretabbo.
pli-tv-bu-vb-ay1:2.2.22	Sā ce evaṁ vadeyya—
pli-tv-bu-vb-ay1:2.2.23	“ayyo mayā diṭṭho nipanno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.24	so ca taṁ paṭijānāti, āpattiyā kāretabbo.
pli-tv-bu-vb-ay1:2.2.25	Sā ce evaṁ vadeyya—
pli-tv-bu-vb-ay1:2.2.26	“ayyo mayā diṭṭho nipanno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.27	so ce evaṁ vadeyya—
pli-tv-bu-vb-ay1:2.2.28	“saccāhaṁ nipanno, no ca kho methunaṁ dhammaṁ paṭisevin”ti,
pli-tv-bu-vb-ay1:2.2.29	nipajjāya kāretabbo.
pli-tv-bu-vb-ay1:2.2.30	Sā ce evaṁ vadeyya—
pli-tv-bu-vb-ay1:2.2.31	“ayyo mayā diṭṭho nipanno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.32	so ce evaṁ vadeyya—
pli-tv-bu-vb-ay1:2.2.33	“nāhaṁ nipanno, api ca kho nisinno”ti,
pli-tv-bu-vb-ay1:2.2.34	nisajjāya kāretabbo.
pli-tv-bu-vb-ay1:2.2.35	Sā ce evaṁ vadeyya—
pli-tv-bu-vb-ay1:2.2.36	“ayyo mayā diṭṭho nipanno mātugāmassa methunaṁ dhammaṁ paṭisevanto”ti,
pli-tv-bu-vb-ay1:2.2.37	so ce evaṁ vadeyya—
pli-tv-bu-vb-ay1:2.2.38	“nāhaṁ nipanno, api ca kho ṭhito”ti,
pli-tv-bu-vb-ay1:2.2.39	na kāretabbo.
pli-tv-bu-vb-ay1:2.2.40	Sā ce evaṁ vadeyya—
pli-tv-bu-vb-ay1:2.2.41	“ayyo mayā diṭṭho nisinno mātugāmena saddhiṁ kāyasaṁsaggaṁ samāpajjanto”ti,
pli-tv-bu-vb-ay1:2.2.42	so ca taṁ paṭijānāti, āpattiyā kāretabbo …pe…
pli-tv-bu-vb-ay1:2.2.43	“saccāhaṁ nisinno no ca kho kāyasaṁsaggaṁ samāpajjin”ti,
pli-tv-bu-vb-ay1:2.2.44	nisajjāya kāretabbo …pe…
pli-tv-bu-vb-ay1:2.2.45	“nāhaṁ nisinno, api ca kho nipanno”ti,
pli-tv-bu-vb-ay1:2.2.46	nipajjāya kāretabbo …pe…
pli-tv-bu-vb-ay1:2.2.47	“nāhaṁ nisinno, api ca kho ṭhito”ti,
pli-tv-bu-vb-ay1:2.2.48	na kāretabbo.
pli-tv-bu-vb-ay1:2.2.49	Sā ce evaṁ vadeyya—
pli-tv-bu-vb-ay1:2.2.50	“ayyo mayā diṭṭho nipanno mātugāmena saddhiṁ kāyasaṁsaggaṁ samāpajjanto”ti,
pli-tv-bu-vb-ay1:2.2.51	so ca taṁ paṭijānāti, āpattiyā kāretabbo …pe…
pli-tv-bu-vb-ay1:2.2.52	“saccāhaṁ nipanno, no ca kho kāyasaṁsaggaṁ samāpajjin”ti,
pli-tv-bu-vb-ay1:2.2.53	nipajjāya kāretabbo …pe…
pli-tv-bu-vb-ay1:2.2.54	“nāhaṁ nipanno, api ca kho nisinno”ti,
pli-tv-bu-vb-ay1:2.2.55	nisajjāya kāretabbo …pe…
pli-tv-bu-vb-ay1:2.2.56	“nāhaṁ nipanno, api ca kho ṭhito”ti,
pli-tv-bu-vb-ay1:2.2.57	na kāretabbo.
pli-tv-bu-vb-ay1:2.2.58	Sā ce evaṁ vadeyya—
pli-tv-bu-vb-ay1:2.2.59	“ayyo mayā diṭṭho mātugāmena saddhiṁ eko ekāya raho paṭicchanne āsane alaṅkammaniye nisinno”ti,
pli-tv-bu-vb-ay1:2.2.60	so ca taṁ paṭijānāti, nisajjāya kāretabbo …pe…
pli-tv-bu-vb-ay1:2.2.61	“nāhaṁ nisinno, api ca kho nipanno”ti,
pli-tv-bu-vb-ay1:2.2.62	nipajjāya kāretabbo …pe…
pli-tv-bu-vb-ay1:2.2.63	“nāhaṁ nisinno, api ca kho ṭhito”ti,
pli-tv-bu-vb-ay1:2.2.64	na kāretabbo.
pli-tv-bu-vb-ay1:2.2.65	Sā ce evaṁ vadeyya—
pli-tv-bu-vb-ay1:2.2.66	“ayyo mayā diṭṭho mātugāmena saddhiṁ eko ekāya raho paṭicchanne āsane alaṅkammaniye nipanno”ti,
pli-tv-bu-vb-ay1:2.2.67	so ca taṁ paṭijānāti, nipajjāya kāretabbo …pe…
pli-tv-bu-vb-ay1:2.2.68	“nāhaṁ nipanno, api ca kho nisinno”ti,
pli-tv-bu-vb-ay1:2.2.69	nisajjāya kāretabbo …pe…
pli-tv-bu-vb-ay1:2.2.70	“nāhaṁ nipanno, api ca kho ṭhito”ti,
pli-tv-bu-vb-ay1:2.2.71	na kāretabbo.
pli-tv-bu-vb-ay1:2.2.72	Aniyatoti
pli-tv-bu-vb-ay1:2.2.73	na niyato, pārājikaṁ vā saṅghādiseso vā pācittiyaṁ vā.
pli-tv-bu-vb-ay1:3.0	
pli-tv-bu-vb-ay1:3.1	Gamanaṁ paṭijānāti, nisajjaṁ paṭijānāti, āpattiṁ paṭijānāti, āpattiyā kāretabbo.
pli-tv-bu-vb-ay1:3.2	Gamanaṁ paṭijānāti, nisajjaṁ na paṭijānāti, āpattiṁ paṭijānāti, āpattiyā kāretabbo.
pli-tv-bu-vb-ay1:3.3	Gamanaṁ paṭijānāti, nisajjaṁ paṭijānāti, āpattiṁ na paṭijānāti, nisajjāya kāretabbo.
pli-tv-bu-vb-ay1:3.4	Gamanaṁ paṭijānāti, nisajjaṁ na paṭijānāti, āpattiṁ na paṭijānāti, na kāretabbo.
pli-tv-bu-vb-ay1:3.5	Gamanaṁ na paṭijānāti, nisajjaṁ paṭijānāti, āpattiṁ paṭijānāti, āpattiyā kāretabbo.
pli-tv-bu-vb-ay1:3.6	Gamanaṁ na paṭijānāti, nisajjaṁ na paṭijānāti, āpattiṁ paṭijānāti, āpattiyā kāretabbo.
pli-tv-bu-vb-ay1:3.7	Gamanaṁ na paṭijānāti, nisajjaṁ paṭijānāti, āpattiṁ na paṭijānāti, nisajjāya kāretabbo.
pli-tv-bu-vb-ay1:3.8	Gamanaṁ na paṭijānāti, nisajjaṁ na paṭijānāti, āpattiṁ na paṭijānāti, na kāretabboti.
pli-tv-bu-vb-ay1:3.9	Paṭhamo aniyato niṭṭhito.
pli-tv-bu-vb-ay2:0.1	Theravāda Vinaya
pli-tv-bu-vb-ay2:0.2	Mahāvibhaṅga
pli-tv-bu-vb-ay2:0.3	Aniyatakaṇḍa
pli-tv-bu-vb-ay2:0.4	2. Dutiyaaniyatasikkhāpada
pli-tv-bu-vb-ay2:1.0	
pli-tv-bu-vb-ay2:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ay2:1.2	Tena kho pana samayena āyasmā udāyī—“bhagavatā paṭikkhittaṁ mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappetun”ti tassāyeva kumārikāya saddhiṁ eko ekāya raho nisajjaṁ kappesi kālayuttaṁ samullapanto kālayuttaṁ dhammaṁ bhaṇanto.
pli-tv-bu-vb-ay2:1.3	Dutiyampi kho visākhā migāramātā nimantitā taṁ kulaṁ agamāsi.
pli-tv-bu-vb-ay2:1.4	Addasā kho visākhā migāramātā āyasmantaṁ udāyiṁ tassāyeva kumārikāya saddhiṁ ekaṁ ekāya raho nisinnaṁ.
pli-tv-bu-vb-ay2:1.5	Disvāna āyasmantaṁ udāyiṁ etadavoca—
pli-tv-bu-vb-ay2:1.6	“idaṁ, bhante, nacchannaṁ nappatirūpaṁ yaṁ ayyo mātugāmena saddhiṁ eko ekāya raho nisajjaṁ kappeti.
pli-tv-bu-vb-ay2:1.7	Kiñcāpi, bhante, ayyo anatthiko tena dhammena, api ca dussaddhāpayā appasannā manussā”ti.
pli-tv-bu-vb-ay2:1.8	Evampi kho āyasmā udāyī visākhāya migāramātuyā vuccamāno nādiyi.
pli-tv-bu-vb-ay2:1.9	Atha kho visākhā migāramātā nikkhamitvā bhikkhūnaṁ etamatthaṁ ārocesi.
pli-tv-bu-vb-ay2:1.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ay2:1.11	“kathañhi nāma āyasmā udāyī mātugāmena saddhiṁ eko ekāya raho nisajjaṁ kappessatī”ti.
pli-tv-bu-vb-ay2:1.12	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ay2:1.13	“saccaṁ kira tvaṁ, udāyi, mātugāmena saddhiṁ eko ekāya raho nisajjaṁ kappesī”ti?
pli-tv-bu-vb-ay2:1.14	“Saccaṁ, bhagavā”ti.
pli-tv-bu-vb-ay2:1.15	Vigarahi buddho bhagavā …pe…
pli-tv-bu-vb-ay2:1.16	kathañhi nāma tvaṁ, moghapurisa, mātugāmena saddhiṁ eko ekāya raho nisajjaṁ kappessasi.
pli-tv-bu-vb-ay2:1.17	Netaṁ, moghapurisa, appasannānaṁ vā pasādāya …pe…
pli-tv-bu-vb-ay2:1.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ay2:1.19.0	
pli-tv-bu-vb-ay2:1.19.1	“Na heva kho pana paṭicchannaṁ āsanaṁ hoti nālaṅkammaniyaṁ, alañca kho hoti mātugāmaṁ duṭṭhullāhi vācāhi obhāsituṁ.
pli-tv-bu-vb-ay2:1.20	Yo pana bhikkhu tathārūpe āsane mātugāmena saddhiṁ eko ekāya raho nisajjaṁ kappeyya, tamenaṁ saddheyyavacasā upāsikā disvā
pli-tv-bu-vb-ay2:1.21	dvinnaṁ dhammānaṁ aññatarena vadeyya—saṅghādisesena vā pācittiyena vā.
pli-tv-bu-vb-ay2:1.22	Nisajjaṁ bhikkhu paṭijānamāno dvinnaṁ dhammānaṁ aññatarena kāretabbo— saṅghādisesena vā pācittiyena vā.
pli-tv-bu-vb-ay2:1.23	Yena vā sā saddheyyavacasā upāsikā vadeyya tena so bhikkhu kāretabbo.
pli-tv-bu-vb-ay2:1.24	Ayampi dhammo aniyato”ti.
pli-tv-bu-vb-ay2:2.1.0	
pli-tv-bu-vb-ay2:2.1.1	Na heva kho pana paṭicchannaṁ āsanaṁ hotīti
pli-tv-bu-vb-ay2:2.1.2	appaṭicchannaṁ hoti kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā yena kenaci appaṭicchannaṁ hoti.
pli-tv-bu-vb-ay2:2.1.3	Nālaṅkammaniyanti
pli-tv-bu-vb-ay2:2.1.4	na sakkā hoti methunaṁ dhammaṁ paṭisevituṁ.
pli-tv-bu-vb-ay2:2.1.5	Alañca kho hoti mātugāmaṁ duṭṭhullāhi vācāhi obhāsitunti
pli-tv-bu-vb-ay2:2.1.6	sakkā hoti mātugāmaṁ duṭṭhullāhi vācāhi obhāsituṁ.
pli-tv-bu-vb-ay2:2.1.7	Yo panāti
pli-tv-bu-vb-ay2:2.1.8	yo yādiso …pe…
pli-tv-bu-vb-ay2:2.1.9	bhikkhūti
pli-tv-bu-vb-ay2:2.1.10	…pe… ayaṁ imasmiṁ atthe adhippeto bhikkhūti.
pli-tv-bu-vb-ay2:2.1.11	Tathārūpe āsaneti
pli-tv-bu-vb-ay2:2.1.12	evarūpe āsane.
pli-tv-bu-vb-ay2:2.1.13	Mātugāmo nāma
pli-tv-bu-vb-ay2:2.1.14	manussitthī, na yakkhī na petī na tiracchānagatā, viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.
pli-tv-bu-vb-ay2:2.1.15	Saddhinti
pli-tv-bu-vb-ay2:2.1.16	ekato.
pli-tv-bu-vb-ay2:2.1.17	Eko ekāyāti
pli-tv-bu-vb-ay2:2.1.18	bhikkhu ceva hoti mātugāmo ca.
pli-tv-bu-vb-ay2:2.1.19	Raho nāma
pli-tv-bu-vb-ay2:2.1.20	cakkhussa raho, sotassa raho.
pli-tv-bu-vb-ay2:2.1.21	Cakkhussa raho nāma
pli-tv-bu-vb-ay2:2.1.22	na sakkā hoti akkhiṁ vā nikhaṇīyamāne bhamukaṁ vā ukkhipīyamāne sīsaṁ vā ukkhipīyamāne passituṁ.
pli-tv-bu-vb-ay2:2.1.23	Sotassa raho nāma
pli-tv-bu-vb-ay2:2.1.24	na sakkā hoti pakatikathā sotuṁ.
pli-tv-bu-vb-ay2:2.1.25	Nisajjaṁ kappeyyāti
pli-tv-bu-vb-ay2:2.1.26	mātugāme nisinne bhikkhu upanisinno vā hoti upanipanno vā.
pli-tv-bu-vb-ay2:2.1.27	Bhikkhu nisinne mātugāmo upanisinno vā hoti upanipanno vā.
pli-tv-bu-vb-ay2:2.1.28	Ubho vā nisinnā honti ubho vā nipannā.
pli-tv-bu-vb-ay2:2.1.29	Saddheyyavacasā nāma
pli-tv-bu-vb-ay2:2.1.30	āgataphalā abhisametāvinī viññātasāsanā.
pli-tv-bu-vb-ay2:2.1.31	Upāsikā nāma
pli-tv-bu-vb-ay2:2.1.32	buddhaṁ saraṇaṁ gatā, dhammaṁ saraṇaṁ gatā, saṅghaṁ saraṇaṁ gatā.
pli-tv-bu-vb-ay2:2.1.33	Disvāti
pli-tv-bu-vb-ay2:2.1.34	passitvā.
pli-tv-bu-vb-ay2:2.2.1	Dvinnaṁ dhammānaṁ aññatarena vadeyya saṅghādisesena vā pācittiyena vā.
pli-tv-bu-vb-ay2:2.2.2	Nisajjaṁ bhikkhu paṭijānamāno dvinnaṁ dhammānaṁ aññatarena kāretabbo— saṅghādisesena vā pācittiyena vā.
pli-tv-bu-vb-ay2:2.2.3	Yena vā sā saddheyyavacasā upāsikā vadeyya, tena so bhikkhu kāretabbo.
pli-tv-bu-vb-ay2:2.2.4	Sā ce evaṁ vadeyya—
pli-tv-bu-vb-ay2:2.2.5	“ayyo mayā diṭṭho nisinno mātugāmena saddhiṁ kāyasaṁsaggaṁ samāpajjanto”ti,
pli-tv-bu-vb-ay2:2.2.6	so ca taṁ paṭijānāti, āpattiyā kāretabbo.
pli-tv-bu-vb-ay2:2.2.7	Sā ce evaṁ vadeyya—
pli-tv-bu-vb-ay2:2.2.8	“ayyo mayā diṭṭho nisinno mātugāmena saddhiṁ kāyasaṁsaggaṁ samāpajjanto”ti,
pli-tv-bu-vb-ay2:2.2.9	so ce evaṁ vadeyya—
pli-tv-bu-vb-ay2:2.2.10	“saccāhaṁ nisinno, no ca kho kāyasaṁsaggaṁ samāpajjin”ti,
pli-tv-bu-vb-ay2:2.2.11	nisajjāya kāretabbo …pe…
pli-tv-bu-vb-ay2:2.2.12	“nāhaṁ nisinno, api ca kho nipanno”ti,
pli-tv-bu-vb-ay2:2.2.13	nipajjāya kāretabbo …pe…
pli-tv-bu-vb-ay2:2.2.14	“nāhaṁ nisinno, api ca kho ṭhito”ti,
pli-tv-bu-vb-ay2:2.2.15	na kāretabbo.
pli-tv-bu-vb-ay2:2.2.16	Sā ce evaṁ vadeyya—
pli-tv-bu-vb-ay2:2.2.17	“ayyo mayā diṭṭho nipanno mātugāmena saddhiṁ kāyasaṁsaggaṁ samāpajjanto”ti,
pli-tv-bu-vb-ay2:2.2.18	so ca taṁ paṭijānāti, āpattiyā kāretabbo …pe…
pli-tv-bu-vb-ay2:2.2.19	“saccāhaṁ nipanno, no ca kho kāyasaṁsaggaṁ samāpajjin”ti,
pli-tv-bu-vb-ay2:2.2.20	nipajjāya kāretabbo …pe…
pli-tv-bu-vb-ay2:2.2.21	“nāhaṁ nipanno, api ca kho nisinno”ti,
pli-tv-bu-vb-ay2:2.2.22	nisajjāya kāretabbo …pe…
pli-tv-bu-vb-ay2:2.2.23	“nāhaṁ nipanno, api ca kho ṭhito”ti,
pli-tv-bu-vb-ay2:2.2.24	na kāretabbo.
pli-tv-bu-vb-ay2:2.2.25	Sā ce evaṁ vadeyya—
pli-tv-bu-vb-ay2:2.2.26	“ayyassa mayā sutaṁ nisinnassa mātugāmaṁ duṭṭhullāhi vācāhi obhāsantassā”ti,
pli-tv-bu-vb-ay2:2.2.27	so ca taṁ paṭijānāti, āpattiyā kāretabbo.
pli-tv-bu-vb-ay2:2.2.28	Sā ce evaṁ vadeyya—
pli-tv-bu-vb-ay2:2.2.29	“ayyassa mayā sutaṁ nisinnassa mātugāmaṁ duṭṭhullāhi vācāhi obhāsantassā”ti,
pli-tv-bu-vb-ay2:2.2.30	so ce evaṁ vadeyya—
pli-tv-bu-vb-ay2:2.2.31	“saccāhaṁ nisinno, no ca kho duṭṭhullāhi vācāhi obhāsin”ti,
pli-tv-bu-vb-ay2:2.2.32	nisajjāya kāretabbo …pe…
pli-tv-bu-vb-ay2:2.2.33	“nāhaṁ nisinno, api ca kho nipanno”ti,
pli-tv-bu-vb-ay2:2.2.34	nipajjāya kāretabbo …pe…
pli-tv-bu-vb-ay2:2.2.35	“nāhaṁ nisinno, api ca kho ṭhito”ti,
pli-tv-bu-vb-ay2:2.2.36	na kāretabbo.
pli-tv-bu-vb-ay2:2.2.37	Sā ce evaṁ vadeyya—
pli-tv-bu-vb-ay2:2.2.38	“ayyassa mayā sutaṁ nipannassa mātugāmaṁ duṭṭhullāhi vācāhi obhāsantassā”ti,
pli-tv-bu-vb-ay2:2.2.39	so ca taṁ paṭijānāti, āpattiyā kāretabbo …pe…
pli-tv-bu-vb-ay2:2.2.40	saccāhaṁ nipanno, no ca kho duṭṭhullāhi vācāhi obhāsinti,
pli-tv-bu-vb-ay2:2.2.41	nipajjāya kāretabbo …pe…
pli-tv-bu-vb-ay2:2.2.42	“nāhaṁ nipanno, api ca kho nisinno”ti,
pli-tv-bu-vb-ay2:2.2.43	nisajjāya kāretabbo …pe…
pli-tv-bu-vb-ay2:2.2.44	“nāhaṁ nipanno, api ca kho ṭhito”ti,
pli-tv-bu-vb-ay2:2.2.45	na kāretabbo.
pli-tv-bu-vb-ay2:2.2.46	Sā ce evaṁ vadeyya—
pli-tv-bu-vb-ay2:2.2.47	“ayyo mayā diṭṭho mātugāmena saddhiṁ eko ekāya raho nisinno”ti,
pli-tv-bu-vb-ay2:2.2.48	so ca taṁ paṭijānāti, nisajjāya kāretabbo …pe…
pli-tv-bu-vb-ay2:2.2.49	“nāhaṁ nisinno, api ca kho nipanno”ti,
pli-tv-bu-vb-ay2:2.2.50	nipajjāya kāretabbo …pe…
pli-tv-bu-vb-ay2:2.2.51	“nāhaṁ nisinno, api ca kho ṭhito”ti,
pli-tv-bu-vb-ay2:2.2.52	na kāretabbo.
pli-tv-bu-vb-ay2:2.2.53	Sā ce evaṁ vadeyya—
pli-tv-bu-vb-ay2:2.2.54	“ayyo mayā diṭṭho mātugāmena saddhiṁ eko ekāya raho nipanno”ti,
pli-tv-bu-vb-ay2:2.2.55	so ca taṁ paṭijānāti, nipajjāya kāretabbo …pe…
pli-tv-bu-vb-ay2:2.2.56	nāhaṁ nipanno, api ca kho nisinnoti,
pli-tv-bu-vb-ay2:2.2.57	nisajjāya kāretabbo …pe…
pli-tv-bu-vb-ay2:2.2.58	nāhaṁ nipanno, api ca kho ṭhitoti,
pli-tv-bu-vb-ay2:2.2.59	na kāretabbo.
pli-tv-bu-vb-ay2:2.2.60	Ayampīti
pli-tv-bu-vb-ay2:2.2.61	purimaṁ upādāya vuccati.
pli-tv-bu-vb-ay2:2.2.62	Aniyatoti
pli-tv-bu-vb-ay2:2.2.63	na niyato, saṅghādiseso vā pācittiyaṁ vā.
pli-tv-bu-vb-ay2:3.0	
pli-tv-bu-vb-ay2:3.1	Gamanaṁ paṭijānāti nisajjaṁ paṭijānāti āpattiṁ paṭijānāti, āpattiyā kāretabbo.
pli-tv-bu-vb-ay2:3.2	Gamanaṁ paṭijānāti nisajjaṁ na paṭijānāti āpattiṁ paṭijānāti, āpattiyā kāretabbo.
pli-tv-bu-vb-ay2:3.3	Gamanaṁ paṭijānāti nisajjaṁ paṭijānāti āpattiṁ na paṭijānāti, nisajjāya kāretabbo.
pli-tv-bu-vb-ay2:3.4	Gamanaṁ paṭijānāti nisajjaṁ na paṭijānāti āpattiṁ na paṭijānāti, na kāretabbo.
pli-tv-bu-vb-ay2:3.5	Gamanaṁ na paṭijānāti nisajjaṁ paṭijānāti āpattiṁ paṭijānāti, āpattiyā kāretabbo.
pli-tv-bu-vb-ay2:3.6	Gamanaṁ na paṭijānāti nisajjaṁ na paṭijānāti āpattiṁ paṭijānāti, āpattiyā kāretabbo.
pli-tv-bu-vb-ay2:3.7	Gamanaṁ na paṭijānāti nisajjaṁ paṭijānāti āpattiṁ na paṭijānāti, nisajjāya kāretabbo.
pli-tv-bu-vb-ay2:3.8	Gamanaṁ na paṭijānāti nisajjaṁ na paṭijānāti āpattiṁ na paṭijānāti, na kāretabboti.
pli-tv-bu-vb-ay2:3.9	Dutiyo aniyato niṭṭhito.
pli-tv-bu-vb-ay2:3.10	Uddiṭṭhā kho āyasmanto dve aniyatā dhammā.
pli-tv-bu-vb-ay2:3.11	Tatthāyasmante pucchāmi—
pli-tv-bu-vb-ay2:3.12	“kaccittha parisuddhā”?
pli-tv-bu-vb-ay2:3.13	Dutiyampi pucchāmi—
pli-tv-bu-vb-ay2:3.14	“kaccittha parisuddhā”?
pli-tv-bu-vb-ay2:3.15	Tatiyampi pucchāmi—
pli-tv-bu-vb-ay2:3.16	“kaccittha parisuddhā”?
pli-tv-bu-vb-ay2:3.17	Parisuddhetthāyasmanto;
pli-tv-bu-vb-ay2:3.18	tasmā tuṇhī,
pli-tv-bu-vb-ay2:3.19	evametaṁ dhārayāmīti.
pli-tv-bu-vb-ay2:3.20	Tassuddānaṁ
pli-tv-bu-vb-ay2:3.21	Alaṁ kammaniyañceva,
pli-tv-bu-vb-ay2:3.22	tatheva ca naheva kho;
pli-tv-bu-vb-ay2:3.23	Aniyatā supaññattā,
pli-tv-bu-vb-ay2:3.24	buddhaseṭṭhena tādināti.
pli-tv-bu-vb-ay2:3.25	Aniyatakaṇḍaṁ niṭṭhitaṁ.
pli-tv-bu-vb-np1:0.1	Theravāda Vinaya
pli-tv-bu-vb-np1:0.2	Mahāvibhaṅga
pli-tv-bu-vb-np1:0.3	Nissaggiyakaṇḍa
pli-tv-bu-vb-np1:0.4	Cīvaravagga
pli-tv-bu-vb-np1:0.5	1. Kathinasikkhāpada
pli-tv-bu-vb-np1:0.6	Ime kho panāyasmanto tiṁsa nissaggiyā pācittiyā dhammā uddesaṁ āgacchanti.
pli-tv-bu-vb-np1:1.0.1	
pli-tv-bu-vb-np1:1.0.2	
pli-tv-bu-vb-np1:1.1	Tena samayena buddho bhagavā vesāliyaṁ viharati gotamake cetiye.
pli-tv-bu-vb-np1:1.2	Tena kho pana samayena bhagavatā bhikkhūnaṁ ticīvaraṁ anuññātaṁ hoti.
pli-tv-bu-vb-np1:1.3	Chabbaggiyā bhikkhū—“bhagavatā ticīvaraṁ anuññātan”ti aññeneva ticīvarena gāmaṁ pavisanti, aññena ticīvarena ārāme acchanti, aññena ticīvarena nahānaṁ otaranti.
pli-tv-bu-vb-np1:1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np1:1.5	“kathañhi nāma chabbaggiyā bhikkhū atirekacīvaraṁ dhāressantī”ti.
pli-tv-bu-vb-np1:1.6	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np1:1.7	“saccaṁ kira tumhe, bhikkhave, atirekacīvaraṁ dhārethā”ti?
pli-tv-bu-vb-np1:1.8	“Saccaṁ, bhagavā”ti.
pli-tv-bu-vb-np1:1.9	Vigarahi buddho bhagavā …pe…
pli-tv-bu-vb-np1:1.10	kathañhi nāma tumhe, moghapurisā, atirekacīvaraṁ dhāressatha.
pli-tv-bu-vb-np1:1.11	Netaṁ, moghapurisā, appasannānaṁ vā pasādāya …pe…
pli-tv-bu-vb-np1:1.12	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np1:1.13.0	
pli-tv-bu-vb-np1:1.13.1	“Yo pana bhikkhu atirekacīvaraṁ dhāreyya, nissaggiyaṁ pācittiyan”ti.
pli-tv-bu-vb-np1:1.14	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-np1:2.1.0	
pli-tv-bu-vb-np1:2.1.1	Tena kho pana samayena āyasmato ānandassa atirekacīvaraṁ uppannaṁ hoti.
pli-tv-bu-vb-np1:2.2	Āyasmā ca ānando taṁ cīvaraṁ āyasmato sāriputtassa dātukāmo hoti.
pli-tv-bu-vb-np1:2.3	Āyasmā ca sāriputto sākete viharati.
pli-tv-bu-vb-np1:2.4	Atha kho āyasmato ānandassa etadahosi—
pli-tv-bu-vb-np1:2.5	“bhagavatā sikkhāpadaṁ paññattaṁ—
pli-tv-bu-vb-np1:2.6	‘na atirekacīvaraṁ dhāretabban’ti.
pli-tv-bu-vb-np1:2.7	Idañca me atirekacīvaraṁ uppannaṁ.
pli-tv-bu-vb-np1:2.8	Ahañcimaṁ cīvaraṁ āyasmato sāriputtassa dātukāmo.
pli-tv-bu-vb-np1:2.9	Āyasmā ca sāriputto sākete viharati.
pli-tv-bu-vb-np1:2.10	Kathaṁ nu kho mayā paṭipajjitabban”ti?
pli-tv-bu-vb-np1:2.11	Atha kho āyasmā ānando bhagavato etamatthaṁ ārocesi.
pli-tv-bu-vb-np1:2.12	“Kīvaciraṁ panānanda, sāriputto āgacchissatī”ti?
pli-tv-bu-vb-np1:2.13	“Navamaṁ vā, bhagavā, divasaṁ dasamaṁ vā”ti.
pli-tv-bu-vb-np1:2.14	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np1:2.15	“anujānāmi, bhikkhave, dasāhaparamaṁ atirekacīvaraṁ dhāretuṁ.
pli-tv-bu-vb-np1:2.16	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np1:2.17.0	
pli-tv-bu-vb-np1:2.17.1	“Niṭṭhitacīvarasmiṁ bhikkhunā ubbhatasmiṁ kathine dasāhaparamaṁ atirekacīvaraṁ dhāretabbaṁ. Taṁ atikkāmayato nissaggiyaṁ pācittiyan”ti.
pli-tv-bu-vb-np1:3.1.0	
pli-tv-bu-vb-np1:3.1.1	Niṭṭhitacīvarasminti
pli-tv-bu-vb-np1:3.1.2	bhikkhuno cīvaraṁ kataṁ vā hoti naṭṭhaṁ vā vinaṭṭhaṁ vā daḍḍhaṁ vā cīvarāsā vā upacchinnā.
pli-tv-bu-vb-np1:3.1.3	Ubbhatasmiṁ kathineti
pli-tv-bu-vb-np1:3.1.4	aṭṭhannaṁ mātikānaṁ aññatarāya mātikāya ubbhataṁ hoti, saṅghena vā antarā ubbhataṁ hoti.
pli-tv-bu-vb-np1:3.1.5	Dasāhaparamanti
pli-tv-bu-vb-np1:3.1.6	dasāhaparamatā dhāretabbaṁ.
pli-tv-bu-vb-np1:3.1.7	Atirekacīvaraṁ nāma
pli-tv-bu-vb-np1:3.1.8	anadhiṭṭhitaṁ avikappitaṁ.
pli-tv-bu-vb-np1:3.1.9	Cīvaraṁ nāma
pli-tv-bu-vb-np1:3.1.10	channaṁ cīvarānaṁ aññataraṁ cīvaraṁ, vikappanupagaṁ pacchimaṁ.
pli-tv-bu-vb-np1:3.2.1	Taṁ atikkāmayato nissaggiyaṁ hotīti
pli-tv-bu-vb-np1:3.2.2	ekādase aruṇuggamane nissaggiyaṁ hoti.
pli-tv-bu-vb-np1:3.2.3	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np1:3.2.4	Evañca pana, bhikkhave, nissajjitabbaṁ.
pli-tv-bu-vb-np1:3.2.5	Tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np1:3.2.6	“idaṁ me, bhante, cīvaraṁ dasāhātikkantaṁ nissaggiyaṁ,
pli-tv-bu-vb-np1:3.2.7	imāhaṁ saṅghassa nissajjāmī”ti.
pli-tv-bu-vb-np1:3.2.8	Nissajjitvā āpatti desetabbā.
pli-tv-bu-vb-np1:3.2.9	Byattena bhikkhunā paṭibalena āpatti paṭiggahetabbā.
pli-tv-bu-vb-np1:3.2.10	Nissaṭṭhacīvaraṁ dātabbaṁ—
pli-tv-bu-vb-np1:3.2.11	“Suṇātu me, bhante, saṅgho.
pli-tv-bu-vb-np1:3.2.12	Idaṁ cīvaraṁ itthannāmassa bhikkhuno nissaggiyaṁ saṅghassa nissaṭṭhaṁ.
pli-tv-bu-vb-np1:3.2.13	Yadi saṅghassa pattakallaṁ, saṅgho imaṁ cīvaraṁ itthannāmassa bhikkhuno dadeyyā”ti.
pli-tv-bu-vb-np1:3.2.14	Tena bhikkhunā sambahule bhikkhū upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassu vacanīyā—
pli-tv-bu-vb-np1:3.2.15	“idaṁ me, bhante, cīvaraṁ dasāhātikkantaṁ nissaggiyaṁ.
pli-tv-bu-vb-np1:3.2.16	Imāhaṁ āyasmantānaṁ nissajjāmī”ti.
pli-tv-bu-vb-np1:3.2.17	Nissajjitvā āpatti desetabbā.
pli-tv-bu-vb-np1:3.2.18	Byattena bhikkhunā paṭibalena āpatti paṭiggahetabbā.
pli-tv-bu-vb-np1:3.2.19	Nissaṭṭhacīvaraṁ dātabbaṁ—
pli-tv-bu-vb-np1:3.2.20	“Suṇantu me āyasmantā.
pli-tv-bu-vb-np1:3.2.21	Idaṁ cīvaraṁ itthannāmassa bhikkhuno nissaggiyaṁ āyasmantānaṁ nissaṭṭhaṁ.
pli-tv-bu-vb-np1:3.2.22	Yadāyasmantānaṁ pattakallaṁ, āyasmantā imaṁ cīvaraṁ itthannāmassa bhikkhuno dadeyyun”ti.
pli-tv-bu-vb-np1:3.2.23	Tena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np1:3.2.24	“idaṁ me, āvuso, cīvaraṁ dasāhātikkantaṁ nissaggiyaṁ.
pli-tv-bu-vb-np1:3.2.25	Imāhaṁ āyasmato nissajjāmī”ti.
pli-tv-bu-vb-np1:3.2.26	Nissajjitvā āpatti desetabbā.
pli-tv-bu-vb-np1:3.2.27	Tena bhikkhunā āpatti paṭiggahetabbā.
pli-tv-bu-vb-np1:3.2.28	Nissaṭṭhacīvaraṁ dātabbaṁ—
pli-tv-bu-vb-np1:3.2.29	“imaṁ cīvaraṁ āyasmato dammī”ti.
pli-tv-bu-vb-np1:4.0	
pli-tv-bu-vb-np1:4.1	Dasāhātikkante atikkantasaññī, nissaggiyaṁ pācittiyaṁ.
pli-tv-bu-vb-np1:4.2	Dasāhātikkante vematiko, nissaggiyaṁ pācittiyaṁ.
pli-tv-bu-vb-np1:4.3	Dasāhātikkante anatikkantasaññī, nissaggiyaṁ pācittiyaṁ.
pli-tv-bu-vb-np1:4.4	Anadhiṭṭhite adhiṭṭhitasaññī, nissaggiyaṁ pācittiyaṁ.
pli-tv-bu-vb-np1:4.5	Avikappite vikappitasaññī, nissaggiyaṁ pācittiyaṁ.
pli-tv-bu-vb-np1:4.6	Avissajjite vissajjitasaññī, nissaggiyaṁ pācittiyaṁ.
pli-tv-bu-vb-np1:4.7	Anaṭṭhe naṭṭhasaññī, nissaggiyaṁ pācittiyaṁ.
pli-tv-bu-vb-np1:4.8	Avinaṭṭhe vinaṭṭhasaññī, nissaggiyaṁ pācittiyaṁ.
pli-tv-bu-vb-np1:4.9	Adaḍḍhe daḍḍhasaññī, nissaggiyaṁ pācittiyaṁ.
pli-tv-bu-vb-np1:4.10	Avilutte viluttasaññī, nissaggiyaṁ pācittiyaṁ.
pli-tv-bu-vb-np1:4.11	Nissaggiyaṁ cīvaraṁ anissajjitvā paribhuñjati, āpatti dukkaṭassa.
pli-tv-bu-vb-np1:4.12	Dasāhānatikkante atikkantasaññī, āpatti dukkaṭassa.
pli-tv-bu-vb-np1:4.13	Dasāhānatikkante vematiko, āpatti dukkaṭassa.
pli-tv-bu-vb-np1:4.14	Dasāhānatikkante anatikkantasaññī, anāpatti.
pli-tv-bu-vb-np1:4.15.0	
pli-tv-bu-vb-np1:4.15.1	Anāpatti—
pli-tv-bu-vb-np1:4.16	antodasāhaṁ adhiṭṭheti, vikappeti, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,
pli-tv-bu-vb-np1:4.17	ummattakassa,
pli-tv-bu-vb-np1:4.18	ādikammikassāti.
pli-tv-bu-vb-np1:5.1	Tena kho pana samayena chabbaggiyā bhikkhū nissaṭṭhacīvaraṁ na denti.
pli-tv-bu-vb-np1:5.2	Bhagavato etamatthaṁ ārocesuṁ.
pli-tv-bu-vb-np1:5.3	(…) “Na, bhikkhave, nissaṭṭhacīvaraṁ na dātabbaṁ.
pli-tv-bu-vb-np1:5.4	Yo na dadeyya, āpatti dukkaṭassā”ti.
pli-tv-bu-vb-np1:5.5	Kathinasikkhāpadaṁ niṭṭhitaṁ paṭhamaṁ.
pli-tv-bu-vb-np2:0.1	Theravāda Vinaya
pli-tv-bu-vb-np2:0.2	Mahāvibhaṅga
pli-tv-bu-vb-np2:0.3	Nissaggiyakaṇḍa
pli-tv-bu-vb-np2:0.4	Cīvaravagga
pli-tv-bu-vb-np2:0.5	2. Udosita(dutiyakathina)sikkhāpada
pli-tv-bu-vb-np2:1.0.1	
pli-tv-bu-vb-np2:1.0.2	
pli-tv-bu-vb-np2:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np2:1.2	Tena kho pana samayena bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamanti.
pli-tv-bu-vb-np2:1.3	Tāni cīvarāni ciraṁ nikkhittāni kaṇṇakitāni honti.
pli-tv-bu-vb-np2:1.4	Tāni bhikkhū otāpenti.
pli-tv-bu-vb-np2:1.5	Addasā kho āyasmā ānando senāsanacārikaṁ āhiṇḍanto te bhikkhū tāni cīvarāni otāpente.
pli-tv-bu-vb-np2:1.6	Disvāna yena te bhikkhū tenupasaṅkami; upasaṅkamitvā te bhikkhū etadavoca—
pli-tv-bu-vb-np2:1.7	“kassimāni, āvuso, cīvarāni kaṇṇakitānī”ti?
pli-tv-bu-vb-np2:1.8	Atha kho te bhikkhū āyasmato ānandassa etamatthaṁ ārocesuṁ.
pli-tv-bu-vb-np2:1.9	Āyasmā ānando ujjhāyati khiyyati vipāceti—
pli-tv-bu-vb-np2:1.10	“kathañhi nāma bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamissantī”ti.
pli-tv-bu-vb-np2:1.11	Atha kho āyasmā ānando te bhikkhū anekapariyāyena vigarahitvā bhagavato etamatthaṁ ārocesi …pe…
pli-tv-bu-vb-np2:1.12	“saccaṁ kira, bhikkhave, bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamantī”ti?
pli-tv-bu-vb-np2:1.13	“Saccaṁ, bhagavā”ti.
pli-tv-bu-vb-np2:1.14	Vigarahi buddho bhagavā …pe…
pli-tv-bu-vb-np2:1.15	kathañhi nāma te, bhikkhave, moghapurisā bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamissanti.
pli-tv-bu-vb-np2:1.16	Netaṁ, bhikkhave, appasannānaṁ vā pasādāya …pe…
pli-tv-bu-vb-np2:1.17	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np2:1.18.0	
pli-tv-bu-vb-np2:1.18.1	“Niṭṭhitacīvarasmiṁ bhikkhunā ubbhatasmiṁ kathine ekarattampi ce bhikkhu ticīvarena vippavaseyya, nissaggiyaṁ pācittiyan”ti.
pli-tv-bu-vb-np2:1.19	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-np2:2.0	
pli-tv-bu-vb-np2:2.1	Tena kho pana samayena aññataro bhikkhu kosambiyaṁ gilāno hoti.
pli-tv-bu-vb-np2:2.2	Ñātakā tassa bhikkhuno santike dūtaṁ pāhesuṁ—
pli-tv-bu-vb-np2:2.3	“āgacchatu bhadanto, mayaṁ, upaṭṭhahissāmā”ti.
pli-tv-bu-vb-np2:2.4	Bhikkhūpi evamāhaṁsu—“gacchāvuso, ñātakā taṁ upaṭṭhahissantī”ti.
pli-tv-bu-vb-np2:2.5	So evamāha—
pli-tv-bu-vb-np2:2.6	“bhagavatāvuso, sikkhāpadaṁ paññattaṁ—
pli-tv-bu-vb-np2:2.7	‘na ticīvarena vippavasitabban’ti.
pli-tv-bu-vb-np2:2.8	Ahañcamhi gilāno.
pli-tv-bu-vb-np2:2.9	Na sakkomi ticīvaraṁ ādāya pakkamituṁ.
pli-tv-bu-vb-np2:2.10	Nāhaṁ gamissāmī”ti.
pli-tv-bu-vb-np2:2.11	Bhagavato etamatthaṁ ārocesuṁ.
pli-tv-bu-vb-np2:2.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np2:2.13	“anujānāmi, bhikkhave, gilānassa bhikkhuno ticīvarena avippavāsasammutiṁ dātuṁ.
pli-tv-bu-vb-np2:2.14	Evañca pana, bhikkhave, dātabbā.
pli-tv-bu-vb-np2:2.15	Tena gilānena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np2:2.16	‘ahaṁ, bhante, gilāno.
pli-tv-bu-vb-np2:2.17	Na sakkomi ticīvaraṁ ādāya pakkamituṁ.
pli-tv-bu-vb-np2:2.18	Sohaṁ, bhante, saṅghaṁ ticīvarena avippavāsasammutiṁ yācāmī’ti.
pli-tv-bu-vb-np2:2.19	Dutiyampi yācitabbā.
pli-tv-bu-vb-np2:2.20	Tatiyampi yācitabbā.
pli-tv-bu-vb-np2:2.21	Byattena bhikkhunā paṭibalena saṅgho ñāpetabbo—
pli-tv-bu-vb-np2:2.22	‘Suṇātu me, bhante, saṅgho.
pli-tv-bu-vb-np2:2.23	Ayaṁ itthannāmo bhikkhu gilāno.
pli-tv-bu-vb-np2:2.24	Na sakkoti ticīvaraṁ ādāya pakkamituṁ.
pli-tv-bu-vb-np2:2.25	So saṅghaṁ ticīvarena avippavāsasammutiṁ yācati.
pli-tv-bu-vb-np2:2.26	Yadi saṅghassa pattakallaṁ, saṅgho itthannāmassa bhikkhuno ticīvarena avippavāsasammutiṁ dadeyya.
pli-tv-bu-vb-np2:2.27	Esā ñatti.
pli-tv-bu-vb-np2:2.28	Suṇātu me, bhante, saṅgho.
pli-tv-bu-vb-np2:2.29	Ayaṁ itthannāmo bhikkhu gilāno.
pli-tv-bu-vb-np2:2.30	Na sakkoti ticīvaraṁ ādāya pakkamituṁ.
pli-tv-bu-vb-np2:2.31	So saṅghaṁ ticīvarena avippavāsasammutiṁ yācati.
pli-tv-bu-vb-np2:2.32	Saṅgho itthannāmassa bhikkhuno ticīvarena avippavāsasammutiṁ deti.
pli-tv-bu-vb-np2:2.33	Yassāyasmato khamati itthannāmassa bhikkhuno ticīvarena avippavāsasammutiyā dānaṁ, so tuṇhassa;
pli-tv-bu-vb-np2:2.34	yassa nakkhamati, so bhāseyya.
pli-tv-bu-vb-np2:2.35	Dinnā saṅghena itthannāmassa bhikkhuno ticīvarena avippavāsasammuti.
pli-tv-bu-vb-np2:2.36	Khamati saṅghassa, tasmā tuṇhī,
pli-tv-bu-vb-np2:2.37	evametaṁ dhārayāmī’ti.
pli-tv-bu-vb-np2:2.38	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np2:2.39.0	
pli-tv-bu-vb-np2:2.39.1	“Niṭṭhitacīvarasmiṁ bhikkhunā ubbhatasmiṁ kathine ekarattampi ce bhikkhu ticīvarena vippavaseyya, aññatra bhikkhusammutiyā, nissaggiyaṁ pācittiyan”ti.
pli-tv-bu-vb-np2:3.1.0	
pli-tv-bu-vb-np2:3.1.1	Niṭṭhitacīvarasminti
pli-tv-bu-vb-np2:3.1.2	bhikkhuno cīvaraṁ kataṁ vā hoti naṭṭhaṁ vā vinaṭṭhaṁ vā daḍḍhaṁ vā cīvarāsā vā upacchinnā.
pli-tv-bu-vb-np2:3.1.3	Ubbhatasmiṁ kathineti
pli-tv-bu-vb-np2:3.1.4	aṭṭhannaṁ mātikānaṁ aññatarāya mātikāya ubbhataṁ hoti, saṅghena vā antarā ubbhataṁ hoti.
pli-tv-bu-vb-np2:3.1.5	Ekarattampi ce bhikkhu ticīvarena vippavaseyyāti
pli-tv-bu-vb-np2:3.1.6	saṅghāṭiyā vā uttarāsaṅgena vā antaravāsakena vā.
pli-tv-bu-vb-np2:3.1.7	Aññatra bhikkhusammutiyāti
pli-tv-bu-vb-np2:3.1.8	ṭhapetvā bhikkhusammutiṁ.
pli-tv-bu-vb-np2:3.1.9	Nissaggiyaṁ hotīti
pli-tv-bu-vb-np2:3.1.10	saha aruṇuggamanā nissaggiyaṁ hoti.
pli-tv-bu-vb-np2:3.1.11	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np2:3.1.12	Evañca pana, bhikkhave, nissajjitabbaṁ
pli-tv-bu-vb-np2:3.1.13	…pe…
pli-tv-bu-vb-np2:3.1.14	“idaṁ me, bhante, cīvaraṁ rattivippavutthaṁ aññatra bhikkhusammutiyā nissaggiyaṁ,
pli-tv-bu-vb-np2:3.1.15	imāhaṁ saṅghassa nissajjāmī”ti …pe…
pli-tv-bu-vb-np2:3.1.16	dadeyyāti …pe…
pli-tv-bu-vb-np2:3.1.17	dadeyyunti …pe…
pli-tv-bu-vb-np2:3.1.18	āyasmato dammīti.
pli-tv-bu-vb-np2:3.2.0.1	
pli-tv-bu-vb-np2:3.2.0.2	
pli-tv-bu-vb-np2:3.2.1	Gāmo ekūpacāro nānūpacāro.
pli-tv-bu-vb-np2:3.2.2	Nivesanaṁ ekūpacāraṁ nānūpacāraṁ.
pli-tv-bu-vb-np2:3.2.3	Udosito ekūpacāro nānūpacāro.
pli-tv-bu-vb-np2:3.2.4	Aṭṭo ekūpacāro nānūpacāro.
pli-tv-bu-vb-np2:3.2.5	Māḷo ekūpacāro nānūpacāro.
pli-tv-bu-vb-np2:3.2.6	Pāsādo ekūpacāro nānūpacāro.
pli-tv-bu-vb-np2:3.2.7	Hammiyaṁ ekūpacāraṁ nānūpacāraṁ.
pli-tv-bu-vb-np2:3.2.8	Nāvā ekūpacārā nānūpacārā.
pli-tv-bu-vb-np2:3.2.9	Sattho ekūpacāro nānūpacāro.
pli-tv-bu-vb-np2:3.2.10	Khettaṁ ekūpacāraṁ nānūpacāraṁ.
pli-tv-bu-vb-np2:3.2.11	Dhaññakaraṇaṁ ekūpacāraṁ nānūpacāraṁ.
pli-tv-bu-vb-np2:3.2.12	Ārāmo ekūpacāro nānūpacāro.
pli-tv-bu-vb-np2:3.2.13	Vihāro ekūpacāro nānūpacāro.
pli-tv-bu-vb-np2:3.2.14	Rukkhamūlaṁ ekūpacāraṁ nānūpacāraṁ.
pli-tv-bu-vb-np2:3.2.15	Ajjhokāso ekūpacāro nānūpacāro.
pli-tv-bu-vb-np2:3.3.0.1	
pli-tv-bu-vb-np2:3.3.0.2	
pli-tv-bu-vb-np2:3.3.1	Gāmo ekūpacāro nāma
pli-tv-bu-vb-np2:3.3.2	ekakulassa gāmo hoti parikkhitto ca. Antogāme cīvaraṁ nikkhipitvā antogāme vatthabbaṁ.
pli-tv-bu-vb-np2:3.3.3	Aparikkhitto hoti, yasmiṁ ghare cīvaraṁ nikkhittaṁ hoti tasmiṁ ghare vatthabbaṁ, hatthapāsā vā na vijahitabbaṁ.
pli-tv-bu-vb-np2:3.3.4	Nānākulassa gāmo hoti parikkhitto ca. Yasmiṁ ghare cīvaraṁ nikkhittaṁ hoti tasmiṁ ghare vatthabbaṁ sabhāye vā dvāramūle vā, hatthapāsā vā na vijahitabbaṁ.
pli-tv-bu-vb-np2:3.3.5	Sabhāyaṁ gacchantena hatthapāse cīvaraṁ nikkhipitvā sabhāye vā vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.3.6	Sabhāye cīvaraṁ nikkhipitvā sabhāye vā vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.3.7	Aparikkhitto hoti, yasmiṁ ghare cīvaraṁ nikkhittaṁ hoti tasmiṁ ghare vatthabbaṁ, hatthapāsā vā na vijahitabbaṁ.
pli-tv-bu-vb-np2:3.4.0	
pli-tv-bu-vb-np2:3.4.1	Ekakulassa nivesanaṁ hoti parikkhittañca, nānāgabbhā nānāovarakā. Antonivesane cīvaraṁ nikkhipitvā antonivesane vatthabbaṁ.
pli-tv-bu-vb-np2:3.4.2	Aparikkhittaṁ hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ.
pli-tv-bu-vb-np2:3.4.3	Nānākulassa nivesanaṁ hoti parikkhittañca, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.4.4	Aparikkhittaṁ hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ.
pli-tv-bu-vb-np2:3.5.0	
pli-tv-bu-vb-np2:3.5.1	Ekakulassa udosito hoti parikkhitto ca, nānāgabbhā nānāovarakā. Antoudosite cīvaraṁ nikkhipitvā antoudosite vatthabbaṁ.
pli-tv-bu-vb-np2:3.5.2	Aparikkhitto hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ.
pli-tv-bu-vb-np2:3.5.3	Nānākulassa udosito hoti parikkhitto ca, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.5.4	Aparikkhitto hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ.
pli-tv-bu-vb-np2:3.6.0	
pli-tv-bu-vb-np2:3.6.1	Ekakulassa aṭṭo hoti, antoaṭṭe cīvaraṁ nikkhipitvā antoaṭṭe vatthabbaṁ.
pli-tv-bu-vb-np2:3.6.2	Nānākulassa aṭṭo hoti, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.7.0	
pli-tv-bu-vb-np2:3.7.1	Ekakulassa māḷo hoti, antomāḷe cīvaraṁ nikkhipitvā antomāḷe vatthabbaṁ.
pli-tv-bu-vb-np2:3.7.2	Nānākulassa māḷo hoti nānāgabbhā nānāovarakā, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.8.1	Ekakulassa pāsādo hoti, antopāsāde cīvaraṁ nikkhipitvā antopāsāde vatthabbaṁ.
pli-tv-bu-vb-np2:3.8.2	Nānākulassa pāsādo hoti, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.9.1	Ekakulassa hammiyaṁ hoti, antohammiye cīvaraṁ nikkhipitvā antohammiye vatthabbaṁ.
pli-tv-bu-vb-np2:3.9.2	Nānākulassa hammiyaṁ hoti, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.10.0	
pli-tv-bu-vb-np2:3.10.1	Ekakulassa nāvā hoti. Antonāvāya cīvaraṁ nikkhipitvā antonāvāya vatthabbaṁ.
pli-tv-bu-vb-np2:3.10.2	Nānākulassa nāvā hoti nānāgabbhā nānāovarakā. Yasmiṁ ovarake cīvaraṁ nikkhittaṁ hoti tasmiṁ ovarake vatthabbaṁ, hatthapāsā vā na vijahitabbaṁ.
pli-tv-bu-vb-np2:3.11.0	
pli-tv-bu-vb-np2:3.11.1	Ekakulassa sattho hoti. Satthe cīvaraṁ nikkhipitvā purato vā pacchato vā sattabbhantarā na vijahitabbā, passato abbhantaraṁ na vijahitabbaṁ.
pli-tv-bu-vb-np2:3.11.2	Nānākulassa sattho hoti, satthe cīvaraṁ nikkhipitvā hatthapāsā na vijahitabbaṁ.
pli-tv-bu-vb-np2:3.12.0	
pli-tv-bu-vb-np2:3.12.1	Ekakulassa khettaṁ hoti parikkhittañca. Antokhette cīvaraṁ nikkhipitvā antokhette vatthabbaṁ.
pli-tv-bu-vb-np2:3.12.2	Aparikkhittaṁ hoti, hatthapāsā na vijahitabbaṁ.
pli-tv-bu-vb-np2:3.12.3	Nānākulassa khettaṁ hoti parikkhittañca. Antokhette cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ.
pli-tv-bu-vb-np2:3.12.4	Aparikkhittaṁ hoti, hatthapāsā na vijahitabbaṁ.
pli-tv-bu-vb-np2:3.13.0	
pli-tv-bu-vb-np2:3.13.1	Ekakulassa dhaññakaraṇaṁ hoti parikkhittañca. Antodhaññakaraṇe cīvaraṁ nikkhipitvā antodhaññakaraṇe vatthabbaṁ.
pli-tv-bu-vb-np2:3.13.2	Aparikkhittaṁ hoti, hatthapāsā na vijahitabbaṁ.
pli-tv-bu-vb-np2:3.13.3	Nānākulassa dhaññakaraṇaṁ hoti parikkhittañca. Antodhaññakaraṇe cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ.
pli-tv-bu-vb-np2:3.13.4	Aparikkhittaṁ hoti, hatthapāsā na vijahitabbaṁ.
pli-tv-bu-vb-np2:3.14.0	
pli-tv-bu-vb-np2:3.14.1	Ekakulassa ārāmo hoti parikkhitto ca. Antoārāme cīvaraṁ nikkhipitvā antoārāme vatthabbaṁ.
pli-tv-bu-vb-np2:3.14.2	Aparikkhitto hoti, hatthapāsā na vijahitabbaṁ.
pli-tv-bu-vb-np2:3.14.3	Nānākulassa ārāmo hoti parikkhitto ca. Antoārāme cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ.
pli-tv-bu-vb-np2:3.14.4	Aparikkhitto hoti, hatthapāsā na vijahitabbaṁ.
pli-tv-bu-vb-np2:3.15.0	
pli-tv-bu-vb-np2:3.15.1	Ekakulassa vihāro hoti parikkhitto ca. Antovihāre cīvaraṁ nikkhipitvā antovihāre vatthabbaṁ.
pli-tv-bu-vb-np2:3.15.2	Aparikkhitto hoti, yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ, hatthapāsā vā na vijahitabbaṁ.
pli-tv-bu-vb-np2:3.15.3	Nānākulassa vihāro hoti parikkhitto ca. Yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ dvāramūle vā, hatthapāsā vā na vijahitabbaṁ.
pli-tv-bu-vb-np2:3.15.4	Aparikkhitto hoti, yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ, hatthapāsā vā na vijahitabbaṁ.
pli-tv-bu-vb-np2:3.16.0	
pli-tv-bu-vb-np2:3.16.1	Ekakulassa rukkhamūlaṁ hoti, yaṁ majjhanhike kāle samantā chāyā pharati, antochāyāya cīvaraṁ nikkhipitvā antochāyāya vatthabbaṁ.
pli-tv-bu-vb-np2:3.16.2	Nānākulassa rukkhamūlaṁ hoti, hatthapāsā na vijahitabbaṁ.
pli-tv-bu-vb-np2:3.17.0	
pli-tv-bu-vb-np2:3.17.1	Ajjhokāso ekūpacāro nāma agāmake araññe samantā sattabbhantarā ekūpacāro,
pli-tv-bu-vb-np2:3.17.2	tato paraṁ nānūpacāro.
pli-tv-bu-vb-np2:3.18.1	Vippavutthe vippavutthasaññī aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np2:3.18.2	Vippavutthe vematiko, aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np2:3.18.3	Vippavutthe avippavutthasaññī, aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np2:3.18.4	Appaccuddhaṭe paccuddhaṭasaññī …pe…
pli-tv-bu-vb-np2:3.18.5	avissajjite vissajjitasaññī …
pli-tv-bu-vb-np2:3.18.6	anaṭṭhe naṭṭhasaññī …
pli-tv-bu-vb-np2:3.18.7	avinaṭṭhe vinaṭṭhasaññī …
pli-tv-bu-vb-np2:3.18.8	adaḍḍhe daḍḍhasaññī …
pli-tv-bu-vb-np2:3.18.9	avilutte viluttasaññī, aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np2:3.18.10	Nissaggiyaṁ cīvaraṁ anissajjitvā paribhuñjati, āpatti dukkaṭassa.
pli-tv-bu-vb-np2:3.18.11	Avippavutthe vippavutthasaññī, āpatti dukkaṭassa.
pli-tv-bu-vb-np2:3.18.12	Avippavutthe vematiko, āpatti dukkaṭassa.
pli-tv-bu-vb-np2:3.18.13	Avippavutthe avippavutthasaññī, anāpatti.
pli-tv-bu-vb-np2:3.19.0	
pli-tv-bu-vb-np2:3.19.1	Anāpatti—
pli-tv-bu-vb-np2:3.19.2	antoaruṇe paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,
pli-tv-bu-vb-np2:3.19.3	bhikkhusammutiyā,
pli-tv-bu-vb-np2:3.19.4	ummattakassa,
pli-tv-bu-vb-np2:3.19.5	ādikammikassāti.
pli-tv-bu-vb-np2:3.19.6	Udosita(dutiyakathina)sikkhāpadaṁ niṭṭhitaṁ dutiyaṁ.
pli-tv-bu-vb-np3:0.1	Theravāda Vinaya
pli-tv-bu-vb-np3:0.2	Mahāvibhaṅga
pli-tv-bu-vb-np3:0.3	Nissaggiyakaṇḍa
pli-tv-bu-vb-np3:0.4	Cīvaravagga
pli-tv-bu-vb-np3:0.5	3. Tatiyakathinasikkhāpada
pli-tv-bu-vb-np3:1.1.0	
pli-tv-bu-vb-np3:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np3:1.1.2	Tena kho pana samayena aññatarassa bhikkhuno akālacīvaraṁ uppannaṁ hoti.
pli-tv-bu-vb-np3:1.1.3	Tassa taṁ cīvaraṁ kayiramānaṁ nappahoti.
pli-tv-bu-vb-np3:1.1.4	Atha kho so bhikkhu taṁ cīvaraṁ ussāpetvā punappunaṁ vimajjati.
pli-tv-bu-vb-np3:1.1.5	Addasā kho bhagavā senāsanacārikaṁ āhiṇḍanto taṁ bhikkhuṁ taṁ cīvaraṁ ussāpetvā punappunaṁ vimajjantaṁ.
pli-tv-bu-vb-np3:1.1.6	Disvāna yena so bhikkhu tenupasaṅkami; upasaṅkamitvā taṁ bhikkhuṁ etadavoca—
pli-tv-bu-vb-np3:1.1.7	“kissa tvaṁ, bhikkhu, imaṁ cīvaraṁ ussāpetvā punappunaṁ vimajjasī”ti?
pli-tv-bu-vb-np3:1.1.8	“Idaṁ me, bhante, akālacīvaraṁ uppannaṁ.
pli-tv-bu-vb-np3:1.1.9	Kayiramānaṁ nappahoti.
pli-tv-bu-vb-np3:1.1.10	Tenāhaṁ imaṁ cīvaraṁ ussāpetvā punappunaṁ vimajjāmī”ti.
pli-tv-bu-vb-np3:1.1.11	“Atthi pana te, bhikkhu, cīvarapaccāsā”ti?
pli-tv-bu-vb-np3:1.1.12	“Atthi, bhagavā”ti.
pli-tv-bu-vb-np3:1.1.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā, bhikkhū āmantesi—
pli-tv-bu-vb-np3:1.1.14	“anujānāmi, bhikkhave, akālacīvaraṁ paṭiggahetvā cīvarapaccāsā nikkhipitun”ti.
pli-tv-bu-vb-np3:1.2.1	Tena kho pana samayena bhikkhū—“bhagavatā anuññātaṁ akālacīvaraṁ paṭiggahetvā cīvarapaccāsā nikkhipitun”ti akālacīvarāni paṭiggahetvā atirekamāsaṁ nikkhipanti.
pli-tv-bu-vb-np3:1.2.2	Tāni cīvarāni cīvaravaṁse bhaṇḍikābaddhāni tiṭṭhanti.
pli-tv-bu-vb-np3:1.2.3	Addasā kho āyasmā ānando senāsanacārikaṁ āhiṇḍanto tāni cīvarāni cīvaravaṁse bhaṇḍikābaddhāni tiṭṭhante.
pli-tv-bu-vb-np3:1.2.4	Disvāna bhikkhū āmantesi—
pli-tv-bu-vb-np3:1.2.5	“kassimāni, āvuso, cīvarāni cīvaravaṁse bhaṇḍikābaddhāni tiṭṭhantī”ti?
pli-tv-bu-vb-np3:1.3.1	“Amhākaṁ, āvuso, akālacīvarāni cīvarapaccāsā nikkhittānī”ti.
pli-tv-bu-vb-np3:1.3.2	“Kīvaciraṁ panāvuso, imāni cīvarāni nikkhittānī”ti?
pli-tv-bu-vb-np3:1.3.3	“Atirekamāsaṁ, āvuso”ti.
pli-tv-bu-vb-np3:1.3.4	Āyasmā ānando ujjhāyati khiyyati vipāceti—
pli-tv-bu-vb-np3:1.3.5	“kathañhi nāma bhikkhū akālacīvaraṁ paṭiggahetvā atirekamāsaṁ nikkhipissantī”ti.
pli-tv-bu-vb-np3:1.3.6	Atha kho āyasmā ānando te bhikkhū anekapariyāyena vigarahitvā bhagavato etamatthaṁ ārocesi …pe…
pli-tv-bu-vb-np3:1.3.7	“saccaṁ kira, bhikkhave, bhikkhū akālacīvaraṁ paṭiggahetvā atirekamāsaṁ nikkhipantī”ti?
pli-tv-bu-vb-np3:1.3.8	“Saccaṁ, bhagavā”ti.
pli-tv-bu-vb-np3:1.3.9	Vigarahi buddho bhagavā …pe…
pli-tv-bu-vb-np3:1.3.10	kathañhi nāma te, bhikkhave, moghapurisā akālacīvaraṁ paṭiggahetvā atirekamāsaṁ nikkhipissanti.
pli-tv-bu-vb-np3:1.3.11	Netaṁ, bhikkhave, appasannānaṁ vā pasādāya …pe…
pli-tv-bu-vb-np3:1.3.12	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np3:1.3.13.0	
pli-tv-bu-vb-np3:1.3.13.1	“Niṭṭhitacīvarasmiṁ bhikkhunā ubbhatasmiṁ kathine bhikkhuno paneva akālacīvaraṁ uppajjeyya, ākaṅkhamānena bhikkhunā paṭiggahetabbaṁ.
pli-tv-bu-vb-np3:1.3.14	Paṭiggahetvā khippameva kāretabbaṁ.
pli-tv-bu-vb-np3:1.3.15	No cassa pāripūri, māsaparamaṁ tena bhikkhunā taṁ cīvaraṁ nikkhipitabbaṁ ūnassa pāripūriyā satiyā paccāsāya.
pli-tv-bu-vb-np3:1.3.16	Tato ce uttari nikkhipeyya, satiyāpi paccāsāya, nissaggiyaṁ pācittiyan”ti.
pli-tv-bu-vb-np3:2.1.0	
pli-tv-bu-vb-np3:2.1.1	Niṭṭhitacīvarasminti
pli-tv-bu-vb-np3:2.1.2	bhikkhuno cīvaraṁ kataṁ vā hoti naṭṭhaṁ vā vinaṭṭhaṁ vā daḍḍhaṁ vā cīvarāsā vā upacchinnā.
pli-tv-bu-vb-np3:2.1.3	Ubbhatasmiṁ kathineti
pli-tv-bu-vb-np3:2.1.4	aṭṭhannaṁ mātikānaṁ aññatarāya mātikāya ubbhataṁ hoti, saṅghena vā antarā ubbhataṁ hoti.
pli-tv-bu-vb-np3:2.1.5	Akālacīvaraṁ nāma
pli-tv-bu-vb-np3:2.1.6	anatthate kathine ekādasamāse uppannaṁ,
pli-tv-bu-vb-np3:2.1.7	atthate kathine sattamāse uppannaṁ,
pli-tv-bu-vb-np3:2.1.8	kālepi ādissa dinnaṁ, etaṁ akālacīvaraṁ nāma.
pli-tv-bu-vb-np3:2.1.9	Uppajjeyyāti
pli-tv-bu-vb-np3:2.1.10	uppajjeyya saṅghato vā gaṇato vā ñātito vā mittato vā paṁsukūlaṁ vā attano vā dhanena.
pli-tv-bu-vb-np3:2.1.11	Ākaṅkhamānenāti
pli-tv-bu-vb-np3:2.1.12	icchamānena paṭiggahetabbaṁ.
pli-tv-bu-vb-np3:2.1.13	Paṭiggahetvā khippameva kāretabbanti
pli-tv-bu-vb-np3:2.1.14	dasāhā kāretabbaṁ.
pli-tv-bu-vb-np3:2.1.15	No cassa pāripūrīti
pli-tv-bu-vb-np3:2.1.16	kayiramānaṁ nappahoti.
pli-tv-bu-vb-np3:2.1.17	Māsaparamaṁ tena bhikkhunā taṁ cīvaraṁ nikkhipitabbanti
pli-tv-bu-vb-np3:2.1.18	māsaparamatā nikkhipitabbaṁ.
pli-tv-bu-vb-np3:2.1.19	Ūnassa pāripūriyāti
pli-tv-bu-vb-np3:2.1.20	ūnassa pāripūratthāya.
pli-tv-bu-vb-np3:2.1.21	Satiyā paccāsāyāti
pli-tv-bu-vb-np3:2.1.22	paccāsā hoti saṅghato vā gaṇato vā ñātito vā mittato vā paṁsukūlaṁ vā attano vā dhanena.
pli-tv-bu-vb-np3:2.2.1	Tato ce uttari nikkhipeyya satiyāpi paccāsāyāti
pli-tv-bu-vb-np3:2.2.2	tadahuppanne mūlacīvare paccāsācīvaraṁ uppajjati, dasāhā kāretabbaṁ.
pli-tv-bu-vb-np3:2.2.3	Dvīhuppanne mūlacīvare paccāsācīvaraṁ uppajjati, dasāhā kāretabbaṁ.
pli-tv-bu-vb-np3:2.2.4	Tīhuppanne mūlacīvare …pe…
pli-tv-bu-vb-np3:2.2.5	catūhuppanne …
pli-tv-bu-vb-np3:2.2.6	pañcāhuppanne …
pli-tv-bu-vb-np3:2.2.7	chāhuppanne …
pli-tv-bu-vb-np3:2.2.8	sattāhuppanne …
pli-tv-bu-vb-np3:2.2.9	aṭṭhāhuppanne …
pli-tv-bu-vb-np3:2.2.10	navāhuppanne …
pli-tv-bu-vb-np3:2.2.11	dasāhuppanne mūlacīvare paccāsācīvaraṁ uppajjati, dasāhā kāretabbaṁ.
pli-tv-bu-vb-np3:2.2.12	Ekādase uppanne …pe…
pli-tv-bu-vb-np3:2.2.13	dvādase uppanne …
pli-tv-bu-vb-np3:2.2.14	terase uppanne …
pli-tv-bu-vb-np3:2.2.15	cuddase uppanne …
pli-tv-bu-vb-np3:2.2.16	pannarase uppanne …
pli-tv-bu-vb-np3:2.2.17	soḷase uppanne …
pli-tv-bu-vb-np3:2.2.18	sattarase uppanne …
pli-tv-bu-vb-np3:2.2.19	aṭṭhārase uppanne …
pli-tv-bu-vb-np3:2.2.20	ekūnavīse uppanne …
pli-tv-bu-vb-np3:2.2.21	vīse uppanne mūlacīvare paccāsācīvaraṁ uppajjati, dasāhā kāretabbaṁ.
pli-tv-bu-vb-np3:2.2.22	Ekavīse uppanne mūlacīvare paccāsācīvaraṁ uppajjati, navāhā kāretabbaṁ.
pli-tv-bu-vb-np3:2.2.23	Dvāvīse uppanne …pe…
pli-tv-bu-vb-np3:2.2.24	tevīse uppanne …
pli-tv-bu-vb-np3:2.2.25	catuvīse uppanne …
pli-tv-bu-vb-np3:2.2.26	pañcavīse uppanne …
pli-tv-bu-vb-np3:2.2.27	chabbīse uppanne …
pli-tv-bu-vb-np3:2.2.28	sattavīse uppanne …
pli-tv-bu-vb-np3:2.2.29	aṭṭhavīse uppanne …
pli-tv-bu-vb-np3:2.2.30	ekūnatiṁse uppanne mūlacīvare paccāsācīvaraṁ uppajjati, ekāhaṁ kāretabbaṁ …
pli-tv-bu-vb-np3:2.2.31	tiṁse uppanne mūlacīvare paccāsācīvaraṁ uppajjati, tadaheva adhiṭṭhātabbaṁ vikappetabbaṁ vissajjetabbaṁ.
pli-tv-bu-vb-np3:2.2.32	No ce adhiṭṭheyya vā vikappeyya vā vissajjeyya vā, ekatiṁse aruṇuggamane nissaggiyaṁ hoti.
pli-tv-bu-vb-np3:2.2.33	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np3:2.2.34	Evañca pana, bhikkhave, nissajjitabbaṁ.
pli-tv-bu-vb-np3:2.2.35	…pe…
pli-tv-bu-vb-np3:2.2.36	idaṁ me, bhante, akālacīvaraṁ māsātikkantaṁ nissaggiyaṁ,
pli-tv-bu-vb-np3:2.2.37	imāhaṁ saṅghassa nissajjāmīti …pe…
pli-tv-bu-vb-np3:2.2.38	dadeyyāti …pe…
pli-tv-bu-vb-np3:2.2.39	dadeyyunti …pe…
pli-tv-bu-vb-np3:2.2.40	āyasmato dammīti.
pli-tv-bu-vb-np3:2.2.41	Visabhāge uppanne mūlacīvare paccāsācīvaraṁ uppajjati, rattiyo ca sesā honti, na akāmā kāretabbaṁ.
pli-tv-bu-vb-np3:2.3.0	
pli-tv-bu-vb-np3:2.3.1	Māsātikkante atikkantasaññī, nissaggiyaṁ pācittiyaṁ.
pli-tv-bu-vb-np3:2.3.2	Māsātikkante vematiko nissaggiyaṁ pācittiyaṁ.
pli-tv-bu-vb-np3:2.3.3	Māsātikkante anatikkantasaññī nissaggiyaṁ pācittiyaṁ.
pli-tv-bu-vb-np3:2.3.4	Anadhiṭṭhite adhiṭṭhitasaññī …pe…
pli-tv-bu-vb-np3:2.3.5	avikappite vikappitasaññī …
pli-tv-bu-vb-np3:2.3.6	avissajjite vissajjitasaññī …
pli-tv-bu-vb-np3:2.3.7	anaṭṭhe naṭṭhasaññī …
pli-tv-bu-vb-np3:2.3.8	avinaṭṭhe vinaṭṭhasaññī …
pli-tv-bu-vb-np3:2.3.9	adaḍḍhe daḍḍhasaññī …
pli-tv-bu-vb-np3:2.3.10	avilutte viluttasaññī, nissaggiyaṁ pācittiyaṁ.
pli-tv-bu-vb-np3:2.3.11	Nissaggiyaṁ cīvaraṁ anissajjitvā paribhuñjati, āpatti dukkaṭassa.
pli-tv-bu-vb-np3:2.3.12	Māsānatikkante atikkantasaññī, āpatti dukkaṭassa.
pli-tv-bu-vb-np3:2.3.13	Māsānatikkante vematiko, āpatti dukkaṭassa.
pli-tv-bu-vb-np3:2.3.14	Māsānatikkante anatikkantasaññī, anāpatti.
pli-tv-bu-vb-np3:2.4.0	
pli-tv-bu-vb-np3:2.4.1	Anāpatti—
pli-tv-bu-vb-np3:2.4.2	antomāse adhiṭṭheti, vikappeti, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,
pli-tv-bu-vb-np3:2.4.3	ummattakassa,
pli-tv-bu-vb-np3:2.4.4	ādikammikassāti.
pli-tv-bu-vb-np3:2.4.5	Tatiyakathinasikkhāpadaṁ niṭṭhitaṁ tatiyaṁ.
pli-tv-bu-vb-np4:0.1	Theravāda Vinaya
pli-tv-bu-vb-np4:0.2	Mahāvibhaṅga
pli-tv-bu-vb-np4:0.3	Nissaggiyakaṇḍa
pli-tv-bu-vb-np4:0.4	Cīvaravagga
pli-tv-bu-vb-np4:0.5	4. Purāṇacīvarasikkhāpada
pli-tv-bu-vb-np4:1.0	
pli-tv-bu-vb-np4:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np4:1.2	Tena kho pana samayena āyasmato udāyissa purāṇadutiyikā bhikkhunīsu pabbajitā hoti.
pli-tv-bu-vb-np4:1.3	Sā āyasmato udāyissa santike abhikkhaṇaṁ āgacchati.
pli-tv-bu-vb-np4:1.4	Āyasmāpi udāyī tassā bhikkhuniyā santike abhikkhaṇaṁ gacchati.
pli-tv-bu-vb-np4:1.5	Tena kho pana samayena āyasmā udāyī tassā bhikkhuniyā santike bhattavissaggaṁ karoti.
pli-tv-bu-vb-np4:1.6	Atha kho āyasmā udāyī pubbaṇhasamayaṁ nivāsetvā pattacīvaramādāya yena sā bhikkhunī tenupasaṅkami; upasaṅkamitvā tassā bhikkhuniyā purato aṅgajātaṁ vivaritvā āsane nisīdi.
pli-tv-bu-vb-np4:1.7	Sāpi kho bhikkhunī āyasmato udāyissa purato aṅgajātaṁ vivaritvā āsane nisīdi.
pli-tv-bu-vb-np4:1.8	Atha kho āyasmā udāyī sāratto tassā bhikkhuniyā aṅgajātaṁ upanijjhāyi. Tassa asuci mucci.
pli-tv-bu-vb-np4:1.9	Atha kho āyasmā udāyī taṁ bhikkhuniṁ etadavoca—
pli-tv-bu-vb-np4:1.10	“gaccha, bhagini, udakaṁ āhara, antaravāsakaṁ dhovissāmī”ti.
pli-tv-bu-vb-np4:1.11	“Āharayya, ahameva dhovissāmī”ti
pli-tv-bu-vb-np4:1.12	taṁ asuciṁ ekadesaṁ mukhena aggahesi ekadesaṁ aṅgajāte pakkhipi.
pli-tv-bu-vb-np4:1.13	Sā tena gabbhaṁ gaṇhi.
pli-tv-bu-vb-np4:1.14	Bhikkhuniyo evamāhaṁsu—
pli-tv-bu-vb-np4:1.15	“abrahmacārinī ayaṁ bhikkhunī, gabbhinī”ti.
pli-tv-bu-vb-np4:1.16	“Nāhaṁ, ayye, abrahmacārinī”ti bhikkhunīnaṁ etamatthaṁ ārocesi.
pli-tv-bu-vb-np4:1.17	Bhikkhuniyo ujjhāyanti khiyyanti vipācenti—
pli-tv-bu-vb-np4:1.18	“kathañhi nāma ayyo udāyī bhikkhuniyā purāṇacīvaraṁ dhovāpessatī”ti.
pli-tv-bu-vb-np4:1.19	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-np4:1.20	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np4:1.21	“kathañhi nāma āyasmā udāyī bhikkhuniyā purāṇacīvaraṁ dhovāpessatī”ti.
pli-tv-bu-vb-np4:1.22	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np4:1.23	“saccaṁ kira tvaṁ, udāyi, bhikkhuniyā purāṇacīvaraṁ dhovāpesī”ti?
pli-tv-bu-vb-np4:1.24	“Saccaṁ, bhagavā”ti.
pli-tv-bu-vb-np4:1.25	“Ñātikā te, udāyi, aññātikā”ti?
pli-tv-bu-vb-np4:1.26	“Aññātikā, bhagavā”ti.
pli-tv-bu-vb-np4:1.27	“Aññātako, moghapurisa, aññātikāya na jānāti patirūpaṁ vā appatirūpaṁ vā pāsādikaṁ vā apāsādikaṁ vā.
pli-tv-bu-vb-np4:1.28	Tattha nāma tvaṁ, moghapurisa, aññātikāya bhikkhuniyā purāṇacīvaraṁ dhovāpessasi.
pli-tv-bu-vb-np4:1.29	Netaṁ, moghapurisa, appasannānaṁ vā pasādāya …pe…
pli-tv-bu-vb-np4:1.30	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np4:1.31.0	
pli-tv-bu-vb-np4:1.31.1	“Yo pana bhikkhu aññātikāya bhikkhuniyā purāṇacīvaraṁ dhovāpeyya vā rajāpeyya vā ākoṭāpeyya vā, nissaggiyaṁ pācittiyan”ti.
pli-tv-bu-vb-np4:2.1.0	
pli-tv-bu-vb-np4:2.1.1	Yo panāti
pli-tv-bu-vb-np4:2.1.2	yo yādiso …pe…
pli-tv-bu-vb-np4:2.1.3	bhikkhūti
pli-tv-bu-vb-np4:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np4:2.1.5	Aññātikā nāma
pli-tv-bu-vb-np4:2.1.6	mātito vā pitito vā yāva sattamā pitāmahayugā asambaddhā.
pli-tv-bu-vb-np4:2.1.7	Bhikkhunī nāma
pli-tv-bu-vb-np4:2.1.8	ubhatosaṅghe upasampannā.
pli-tv-bu-vb-np4:2.1.9	Purāṇacīvaraṁ nāma
pli-tv-bu-vb-np4:2.1.10	sakiṁ nivatthampi sakiṁ pārutampi.
pli-tv-bu-vb-np4:2.1.11	Dhovāti āṇāpeti, āpatti dukkaṭassa.
pli-tv-bu-vb-np4:2.1.12	Dhotaṁ nissaggiyaṁ hoti.
pli-tv-bu-vb-np4:2.1.13	Rajāti āṇāpeti, āpatti dukkaṭassa.
pli-tv-bu-vb-np4:2.1.14	Rattaṁ nissaggiyaṁ hoti.
pli-tv-bu-vb-np4:2.1.15	Ākoṭehīti āṇāpeti, āpatti dukkaṭassa.
pli-tv-bu-vb-np4:2.1.16	Sakiṁ pāṇippahāraṁ vā muggarappahāraṁ vā dinne nissaggiyaṁ hoti.
pli-tv-bu-vb-np4:2.1.17	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np4:2.1.18	Evañca pana, bhikkhave, nissajjitabbaṁ.
pli-tv-bu-vb-np4:2.1.19	…pe…
pli-tv-bu-vb-np4:2.1.20	idaṁ me, bhante, purāṇacīvaraṁ aññātikāya bhikkhuniyā dhovāpitaṁ nissaggiyaṁ.
pli-tv-bu-vb-np4:2.1.21	Imāhaṁ saṅghassa nissajjāmīti …pe…
pli-tv-bu-vb-np4:2.1.22	dadeyyāti …pe…
pli-tv-bu-vb-np4:2.1.23	dadeyyunti …pe…
pli-tv-bu-vb-np4:2.1.24	āyasmato dammīti.
pli-tv-bu-vb-np4:2.2.0	
pli-tv-bu-vb-np4:2.2.1	Aññātikāya aññātikasaññī purāṇacīvaraṁ dhovāpeti, nissaggiyaṁ pācittiyaṁ.
pli-tv-bu-vb-np4:2.2.2	Aññātikāya aññātikasaññī purāṇacīvaraṁ dhovāpeti rajāpeti, nissaggiyena āpatti dukkaṭassa.
pli-tv-bu-vb-np4:2.2.3	Aññātikāya aññātikasaññī purāṇacīvaraṁ dhovāpeti ākoṭāpeti, nissaggiyena āpatti dukkaṭassa.
pli-tv-bu-vb-np4:2.2.4	Aññātikāya aññātikasaññī purāṇacīvaraṁ dhovāpeti rajāpeti ākoṭāpeti, nissaggiyena āpatti dvinnaṁ dukkaṭānaṁ.
pli-tv-bu-vb-np4:2.2.5	Aññātikāya aññātikasaññī purāṇacīvaraṁ rajāpeti, nissaggiyaṁ pācittiyaṁ.
pli-tv-bu-vb-np4:2.2.6	Aññātikāya aññātikasaññī purāṇacīvaraṁ rajāpeti ākoṭāpeti, nissaggiyena āpatti dukkaṭassa.
pli-tv-bu-vb-np4:2.2.7	Aññātikāya aññātikasaññī purāṇacīvaraṁ rajāpeti dhovāpeti, nissaggiyena āpatti dukkaṭassa.
pli-tv-bu-vb-np4:2.2.8	Aññātikāya aññātikasaññī purāṇacīvaraṁ rajāpeti ākoṭāpeti dhovāpeti, nissaggiyena āpatti dvinnaṁ dukkaṭānaṁ.
pli-tv-bu-vb-np4:2.2.9	Aññātikāya aññātikasaññī purāṇacīvaraṁ ākoṭāpeti, nissaggiyaṁ pācittiyaṁ.
pli-tv-bu-vb-np4:2.2.10	Aññātikāya aññātikasaññī purāṇacīvaraṁ ākoṭāpeti dhovāpeti, nissaggiyena āpatti dukkaṭassa.
pli-tv-bu-vb-np4:2.2.11	Aññātikāya aññātikasaññī purāṇacīvaraṁ ākoṭāpeti rajāpeti, nissaggiyena āpatti dukkaṭassa.
pli-tv-bu-vb-np4:2.2.12	Aññātikāya aññātikasaññī purāṇacīvaraṁ ākoṭāpeti dhovāpeti rajāpeti, nissaggiyena āpatti dvinnaṁ dukkaṭānaṁ.
pli-tv-bu-vb-np4:2.2.13	Aññātikāya vematiko …pe…
pli-tv-bu-vb-np4:2.2.14	aññātikāya ñātikasaññī …pe…
pli-tv-bu-vb-np4:2.2.15	aññassa purāṇacīvaraṁ dhovāpeti, āpatti dukkaṭassa.
pli-tv-bu-vb-np4:2.2.16	Nisīdanapaccattharaṇaṁ dhovāpeti, āpatti dukkaṭassa.
pli-tv-bu-vb-np4:2.2.17	Ekatoupasampannāya dhovāpeti, āpatti dukkaṭassa.
pli-tv-bu-vb-np4:2.2.18	Ñātikāya aññātikasaññī, āpatti dukkaṭassa.
pli-tv-bu-vb-np4:2.2.19	Ñātikāya vematiko, āpatti dukkaṭassa.
pli-tv-bu-vb-np4:2.2.20	Ñātikāya ñātikasaññī, anāpatti.
pli-tv-bu-vb-np4:2.2.21.0	
pli-tv-bu-vb-np4:2.2.21.1	Anāpatti—
pli-tv-bu-vb-np4:2.2.22	ñātikāya dhovantiyā aññātikā dutiyā hoti,
pli-tv-bu-vb-np4:2.2.23	avuttā dhovati,
pli-tv-bu-vb-np4:2.2.24	aparibhuttaṁ dhovāpeti,
pli-tv-bu-vb-np4:2.2.25	cīvaraṁ ṭhapetvā aññaṁ parikkhāraṁ dhovāpeti,
pli-tv-bu-vb-np4:2.2.26	sikkhamānāya,
pli-tv-bu-vb-np4:2.2.27	sāmaṇeriyā,
pli-tv-bu-vb-np4:2.2.28	ummattakassa,
pli-tv-bu-vb-np4:2.2.29	ādikammikassāti.
pli-tv-bu-vb-np4:2.2.30	Purāṇacīvarasikkhāpadaṁ niṭṭhitaṁ catutthaṁ.
pli-tv-bu-vb-np5:0.1	Theravāda Vinaya
pli-tv-bu-vb-np5:0.2	Mahāvibhaṅga
pli-tv-bu-vb-np5:0.3	Nissaggiyakaṇḍa
pli-tv-bu-vb-np5:0.4	Cīvaravagga
pli-tv-bu-vb-np5:0.5	5. Cīvarapaṭiggahaṇasikkhāpada
pli-tv-bu-vb-np5:1.1.0.1	
pli-tv-bu-vb-np5:1.1.0.2	
pli-tv-bu-vb-np5:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-np5:1.1.2	Tena kho pana samayena uppalavaṇṇā bhikkhunī sāvatthiyaṁ viharati.
pli-tv-bu-vb-np5:1.1.3	Atha kho uppalavaṇṇā bhikkhunī pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.
pli-tv-bu-vb-np5:1.1.4	Sāvatthiyaṁ piṇḍāya caritvā pacchābhattaṁ piṇḍapātapaṭikkantā yena andhavanaṁ tenupasaṅkami divāvihārāya.
pli-tv-bu-vb-np5:1.1.5	Andhavanaṁ ajjhogāhetvā aññatarasmiṁ rukkhamūle divāvihāraṁ nisīdi.
pli-tv-bu-vb-np5:1.1.6	Tena kho pana samayena corā katakammā gāviṁ vadhitvā maṁsaṁ gahetvā andhavanaṁ pavisiṁsu.
pli-tv-bu-vb-np5:1.1.7	Addasā kho coragāmaṇiko uppalavaṇṇaṁ bhikkhuniṁ aññatarasmiṁ rukkhamūle divāvihāraṁ nisinnaṁ.
pli-tv-bu-vb-np5:1.1.8	Disvānassa etadahosi—
pli-tv-bu-vb-np5:1.1.9	“sace me puttabhātukā passissanti viheṭhissanti imaṁ bhikkhunin”ti
pli-tv-bu-vb-np5:1.1.10	aññena maggena agamāsi.
pli-tv-bu-vb-np5:1.1.11	Atha kho so coragāmaṇiko maṁse pakke varamaṁsāni gahetvā paṇṇapuṭaṁ bandhitvā uppalavaṇṇāya bhikkhuniyā avidūre rukkhe ālaggetvā—
pli-tv-bu-vb-np5:1.1.12	“yo passati samaṇo vā brāhmaṇo vā dinnaṁyeva haratū”ti, vatvā pakkāmi.
pli-tv-bu-vb-np5:1.1.13	Assosi kho uppalavaṇṇā bhikkhunī samādhimhā vuṭṭhahitvā tassa coragāmaṇikassa imaṁ vācaṁ bhāsamānassa.
pli-tv-bu-vb-np5:1.1.14	Atha kho uppalavaṇṇā bhikkhunī taṁ maṁsaṁ gahetvā upassayaṁ agamāsi.
pli-tv-bu-vb-np5:1.1.15	Atha kho uppalavaṇṇā bhikkhunī tassā rattiyā accayena taṁ maṁsaṁ sampādetvā uttarāsaṅgena bhaṇḍikaṁ bandhitvā vehāsaṁ abbhuggantvā veḷuvane paccuṭṭhāsi.
pli-tv-bu-vb-np5:1.2.1	Tena kho pana samayena bhagavā gāmaṁ piṇḍāya paviṭṭho hoti.
pli-tv-bu-vb-np5:1.2.2	Āyasmā udāyī ohiyyako hoti vihārapālo.
pli-tv-bu-vb-np5:1.2.3	Atha kho uppalavaṇṇā bhikkhunī yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—
pli-tv-bu-vb-np5:1.2.4	“kahaṁ, bhante, bhagavā”ti?
pli-tv-bu-vb-np5:1.2.5	“Paviṭṭho, bhagini, bhagavā gāmaṁ piṇḍāyā”ti.
pli-tv-bu-vb-np5:1.2.6	“Imaṁ, bhante, maṁsaṁ bhagavato dehī”ti.
pli-tv-bu-vb-np5:1.2.7	“Santappito tayā, bhagini, bhagavā maṁsena.
pli-tv-bu-vb-np5:1.2.8	Sace me tvaṁ antaravāsakaṁ dadeyyāsi, evaṁ ahampi santappito bhaveyyaṁ antaravāsakenā”ti.
pli-tv-bu-vb-np5:1.2.9	“Mayaṁ kho, bhante, mātugāmā nāma kicchalābhā. Idañca me antimaṁ pañcamaṁ cīvaraṁ.
pli-tv-bu-vb-np5:1.2.10	Nāhaṁ dassāmī”ti.
pli-tv-bu-vb-np5:1.2.11	“Seyyathāpi, bhagini, puriso hatthiṁ datvā kacche sajjeyya;
pli-tv-bu-vb-np5:1.2.12	evameva kho tvaṁ, bhagini, bhagavato maṁsaṁ datvā mayi antaravāsake sajjasī”ti.
pli-tv-bu-vb-np5:1.2.13	Atha kho uppalavaṇṇā bhikkhunī āyasmatā udāyinā nippīḷiyamānā antaravāsakaṁ datvā upassayaṁ agamāsi.
pli-tv-bu-vb-np5:1.2.14	Bhikkhuniyo uppalavaṇṇāya bhikkhuniyā pattacīvaraṁ paṭiggaṇhantiyo uppalavaṇṇaṁ bhikkhuniṁ etadavocuṁ—
pli-tv-bu-vb-np5:1.2.15	“kahaṁ te, ayye, antaravāsako”ti?
pli-tv-bu-vb-np5:1.2.16	Uppalavaṇṇā bhikkhunī bhikkhunīnaṁ etamatthaṁ ārocesi.
pli-tv-bu-vb-np5:1.2.17	Bhikkhuniyo ujjhāyanti khiyyanti vipācenti—
pli-tv-bu-vb-np5:1.2.18	“kathañhi nāma ayyo udāyī bhikkhuniyā cīvaraṁ paṭiggahessati kicchalābho mātugāmo”ti.
pli-tv-bu-vb-np5:1.2.19	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-np5:1.2.20	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np5:1.2.21	“kathañhi nāma āyasmā udāyī bhikkhuniyā cīvaraṁ paṭiggahessatī”ti.
pli-tv-bu-vb-np5:1.2.22	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np5:1.2.23	“saccaṁ kira tvaṁ, udāyi, bhikkhuniyā cīvaraṁ paṭiggahesī”ti?
pli-tv-bu-vb-np5:1.2.24	“Saccaṁ, bhagavā”ti.
pli-tv-bu-vb-np5:1.2.25	“Ñātikā te, udāyi, aññātikā”ti?
pli-tv-bu-vb-np5:1.2.26	“Aññātikā, bhagavā”ti.
pli-tv-bu-vb-np5:1.2.27	“Aññātako, moghapurisa, aññātikāya na jānāti patirūpaṁ vā appatirūpaṁ vā santaṁ vā asantaṁ vā.
pli-tv-bu-vb-np5:1.2.28	Tattha nāma tvaṁ, moghapurisa, aññātikāya bhikkhuniyā hatthato cīvaraṁ paṭiggahessasi.
pli-tv-bu-vb-np5:1.2.29	Netaṁ moghapurisa, appasannānaṁ vā pasādāya …pe…
pli-tv-bu-vb-np5:1.2.30	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np5:1.2.31.0	
pli-tv-bu-vb-np5:1.2.31.1	“Yo pana bhikkhu aññātikāya bhikkhuniyā hatthato cīvaraṁ paṭiggaṇheyya, nissaggiyaṁ pācittiyan”ti.
pli-tv-bu-vb-np5:1.2.32	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-np5:2.0	
pli-tv-bu-vb-np5:2.1	Tena kho pana samayena bhikkhū kukkuccāyantā bhikkhunīnaṁ pārivattakacīvaraṁ na paṭiggaṇhanti.
pli-tv-bu-vb-np5:2.2	Bhikkhuniyo ujjhāyanti khiyyanti vipācenti—
pli-tv-bu-vb-np5:2.3	“kathañhi nāma ayyā amhākaṁ pārivattakacīvaraṁ na paṭiggahessantī”ti.
pli-tv-bu-vb-np5:2.4	Assosuṁ kho bhikkhū tāsaṁ bhikkhunīnaṁ ujjhāyantīnaṁ khiyyantīnaṁ vipācentīnaṁ.
pli-tv-bu-vb-np5:2.5	Atha kho te bhikkhū bhagavato etamatthaṁ ārocesuṁ.
pli-tv-bu-vb-np5:2.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np5:2.7	“anujānāmi, bhikkhave, pañcannaṁ pārivattakaṁ paṭiggahetuṁ— bhikkhussa, bhikkhuniyā, sikkhamānāya, sāmaṇerassa, sāmaṇeriyā.
pli-tv-bu-vb-np5:2.8	Anujānāmi, bhikkhave, imesaṁ pañcannaṁ pārivattakaṁ paṭiggahetuṁ.
pli-tv-bu-vb-np5:2.9	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np5:2.10.0	
pli-tv-bu-vb-np5:2.10.1	“Yo pana bhikkhu aññātikāya bhikkhuniyā hatthato cīvaraṁ paṭiggaṇheyya, aññatra pārivattakā, nissaggiyaṁ pācittiyan”ti.
pli-tv-bu-vb-np5:3.1.0	
pli-tv-bu-vb-np5:3.1.1	Yo panāti
pli-tv-bu-vb-np5:3.1.2	yo yādiso …pe…
pli-tv-bu-vb-np5:3.1.3	bhikkhūti
pli-tv-bu-vb-np5:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np5:3.1.5	Aññātikā nāma
pli-tv-bu-vb-np5:3.1.6	mātito vā pitito vā yāva sattamā pitāmahayugā asambaddhā.
pli-tv-bu-vb-np5:3.1.7	Bhikkhunī nāma
pli-tv-bu-vb-np5:3.1.8	ubhatosaṅghe upasampannā.
pli-tv-bu-vb-np5:3.1.9	Cīvaraṁ nāma
pli-tv-bu-vb-np5:3.1.10	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bu-vb-np5:3.1.11	Aññatra pārivattakāti
pli-tv-bu-vb-np5:3.1.12	ṭhapetvā pārivattakaṁ.
pli-tv-bu-vb-np5:3.1.13	Paṭiggaṇhāti, payoge dukkaṭaṁ.
pli-tv-bu-vb-np5:3.1.14	Paṭilābhena nissaggiyaṁ hoti.
pli-tv-bu-vb-np5:3.1.15	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np5:3.1.16	Evañca pana, bhikkhave, nissajjitabbaṁ.
pli-tv-bu-vb-np5:3.1.17	…pe…
pli-tv-bu-vb-np5:3.1.18	idaṁ me, bhante, cīvaraṁ aññātikāya bhikkhuniyā hatthato paṭiggahitaṁ, aññatra pārivattakā, nissaggiyaṁ.
pli-tv-bu-vb-np5:3.1.19	Imāhaṁ saṅghassa nissajjāmīti …pe…
pli-tv-bu-vb-np5:3.1.20	dadeyyāti …pe…
pli-tv-bu-vb-np5:3.1.21	dadeyyunti …pe…
pli-tv-bu-vb-np5:3.1.22	āyasmato dammīti.
pli-tv-bu-vb-np5:3.2.0	
pli-tv-bu-vb-np5:3.2.1	Aññātikāya aññātikasaññī cīvaraṁ paṭiggaṇhāti, aññatra pārivattakā, nissaggiyaṁ pācittiyaṁ.
pli-tv-bu-vb-np5:3.2.2	Aññātikāya vematiko cīvaraṁ paṭiggaṇhāti, aññatra pārivattakā, nissaggiyaṁ pācittiyaṁ.
pli-tv-bu-vb-np5:3.2.3	Aññātikāya ñātikasaññī cīvaraṁ paṭiggaṇhāti, aññatra pārivattakā, nissaggiyaṁ pācittiyaṁ.
pli-tv-bu-vb-np5:3.2.4	Ekatoupasampannāya hatthato cīvaraṁ paṭiggaṇhāti, aññatra pārivattakā, āpatti dukkaṭassa.
pli-tv-bu-vb-np5:3.2.5	Ñātikāya aññātikasaññī, āpatti dukkaṭassa.
pli-tv-bu-vb-np5:3.2.6	Ñātikāya vematiko, āpatti dukkaṭassa.
pli-tv-bu-vb-np5:3.2.7	Ñātikāya ñātikasaññī, anāpatti.
pli-tv-bu-vb-np5:3.3.0	
pli-tv-bu-vb-np5:3.3.1	Anāpatti—
pli-tv-bu-vb-np5:3.3.2	ñātikāya,
pli-tv-bu-vb-np5:3.3.3	pārivattakaṁ parittena vā vipulaṁ, vipulena vā parittaṁ,
pli-tv-bu-vb-np5:3.3.4	bhikkhu vissāsaṁ gaṇhāti,
pli-tv-bu-vb-np5:3.3.5	tāvakālikaṁ gaṇhāti,
pli-tv-bu-vb-np5:3.3.6	cīvaraṁ ṭhapetvā aññaṁ parikkhāraṁ gaṇhāti,
pli-tv-bu-vb-np5:3.3.7	sikkhamānāya,
pli-tv-bu-vb-np5:3.3.8	sāmaṇeriyā,
pli-tv-bu-vb-np5:3.3.9	ummattakassa,
pli-tv-bu-vb-np5:3.3.10	ādikammikassāti.
pli-tv-bu-vb-np5:3.3.11	Cīvarapaṭiggahaṇasikkhāpadaṁ niṭṭhitaṁ pañcamaṁ.
pli-tv-bu-vb-np6:0.1	Theravāda Vinaya
pli-tv-bu-vb-np6:0.2	Mahāvibhaṅga
pli-tv-bu-vb-np6:0.3	Nissaggiyakaṇḍa
pli-tv-bu-vb-np6:0.4	Cīvaravagga
pli-tv-bu-vb-np6:0.5	6. Aññātakaviññattisikkhāpada
pli-tv-bu-vb-np6:1.1.0.1	
pli-tv-bu-vb-np6:1.1.0.2	
pli-tv-bu-vb-np6:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np6:1.1.2	Tena kho pana samayena āyasmā upanando sakyaputto paṭṭo hoti dhammiṁ kathaṁ kātuṁ.
pli-tv-bu-vb-np6:1.1.3	Atha kho aññataro seṭṭhiputto yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi.
pli-tv-bu-vb-np6:1.1.4	Ekamantaṁ nisinnaṁ kho taṁ seṭṭhiputtaṁ āyasmā upanando sakyaputto dhammiyā kathāya sandassesi samādapesi samuttejesi sampahaṁsesi.
pli-tv-bu-vb-np6:1.1.5	Atha kho so seṭṭhiputto āyasmatā upanandena sakyaputtena dhammiyā kathāya sandassito samādapito samuttejito sampahaṁsito āyasmantaṁ upanandaṁ sakyaputtaṁ etadavoca—
pli-tv-bu-vb-np6:1.1.6	“vadeyyātha, bhante, yena attho.
pli-tv-bu-vb-np6:1.1.7	Paṭibalā mayaṁ ayyassa dātuṁ yadidaṁ cīvarapiṇḍapātasenāsanagilānappaccayabhesajjaparikkhāran”ti.
pli-tv-bu-vb-np6:1.1.8	“Sace me tvaṁ, āvuso, dātukāmosi, ito ekaṁ sāṭakaṁ dehī”ti.
pli-tv-bu-vb-np6:1.1.9	“Amhākaṁ kho, bhante, kulaputtānaṁ kismiṁ viya ekasāṭakaṁ gantuṁ.
pli-tv-bu-vb-np6:1.1.10	Āgamehi, bhante, yāva gharaṁ gacchāmi.
pli-tv-bu-vb-np6:1.1.11	Gharaṁ gato ito vā ekaṁ sāṭakaṁ pahiṇissāmi ito vā sundarataran”ti.
pli-tv-bu-vb-np6:1.1.12	Dutiyampi kho āyasmā upanando sakyaputto taṁ seṭṭhiputtaṁ etadavoca—
pli-tv-bu-vb-np6:1.1.13	“sace me tvaṁ, āvuso, dātukāmosi ito ekaṁ sāṭakaṁ dehī”ti.
pli-tv-bu-vb-np6:1.1.14	Amhākaṁ kho bhante kulaputtānaṁ kismiṁ viya ekasāṭakaṁ gantuṁ, āgamehi, bhante yāva gharaṁ gacchāmi, gharaṁ gato ito vā ekaṁ sāṭakaṁ pahiṇissāmi ito vā sundarataranti.
pli-tv-bu-vb-np6:1.1.15	Tatiyampi kho āyasmā upanando sakyaputto taṁ seṭṭhiputtaṁ etadavoca—
pli-tv-bu-vb-np6:1.1.16	“sace me tvaṁ, āvuso, dātukāmosi, ito ekaṁ sāṭakaṁ dehī”ti.
pli-tv-bu-vb-np6:1.1.17	Amhākaṁ kho, bhante, kulaputtānaṁ kismiṁ viya ekasāṭakaṁ gantuṁ, āgamehi, bhante yāva gharaṁ gacchāmi, gharaṁ gato ito vā ekaṁ sāṭakaṁ pahiṇissāmi ito vā sundarataranti.
pli-tv-bu-vb-np6:1.1.18	“Kiṁ pana tayā, āvuso, adātukāmena pavāritena yaṁ tvaṁ pavāretvā na desī”ti.
pli-tv-bu-vb-np6:1.1.19	Atha kho so seṭṭhiputto āyasmatā upanandena sakyaputtena nippīḷiyamāno ekaṁ sāṭakaṁ datvā agamāsi.
pli-tv-bu-vb-np6:1.2.1	Manussā taṁ seṭṭhiputtaṁ etadavocuṁ—“kissa tvaṁ, ayyo, ekasāṭako āgacchasī”ti?
pli-tv-bu-vb-np6:1.2.2	Atha kho so seṭṭhiputto tesaṁ manussānaṁ etamatthaṁ ārocesi.
pli-tv-bu-vb-np6:1.2.3	Manussā ujjhāyanti khiyyanti vipācenti—
pli-tv-bu-vb-np6:1.2.4	“mahicchā ime samaṇā sakyaputtiyā asantuṭṭhā.
pli-tv-bu-vb-np6:1.2.5	Nayimesaṁ sukarā dhammanimantanāpi kātuṁ.
pli-tv-bu-vb-np6:1.2.6	Kathañhi nāma seṭṭhiputtena dhammanimantanāya kayiramānāya sāṭakaṁ gahessantī”ti.
pli-tv-bu-vb-np6:1.2.7	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np6:1.2.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np6:1.2.9	“kathañhi nāma āyasmā upanando sakyaputto seṭṭhiputtaṁ cīvaraṁ viññāpessatī”ti.
pli-tv-bu-vb-np6:1.2.10	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np6:1.2.11	“saccaṁ kira tvaṁ, upananda, seṭṭhiputtaṁ cīvaraṁ viññāpesī”ti?
pli-tv-bu-vb-np6:1.2.12	“Saccaṁ, bhagavā”ti.
pli-tv-bu-vb-np6:1.2.13	“Ñātako te, upananda, aññātako”ti?
pli-tv-bu-vb-np6:1.2.14	“Aññātako, bhagavā”ti.
pli-tv-bu-vb-np6:1.2.15	“Aññātako, moghapurisa, aññātakassa na jānāti patirūpaṁ vā appatirūpaṁ vā santaṁ vā asantaṁ vā.
pli-tv-bu-vb-np6:1.2.16	Tattha nāma tvaṁ, moghapurisa, aññātakaṁ seṭṭhiputtaṁ cīvaraṁ viññāpessasi.
pli-tv-bu-vb-np6:1.2.17	Netaṁ, moghapurisa, appasannānaṁ vā pasādāya …pe…
pli-tv-bu-vb-np6:1.2.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np6:1.2.19.0	
pli-tv-bu-vb-np6:1.2.19.1	“Yo pana bhikkhu aññātakaṁ gahapatiṁ vā gahapatāniṁ vā cīvaraṁ viññāpeyya, nissaggiyaṁ pācittiyan”ti.
pli-tv-bu-vb-np6:1.2.20	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-np6:2.0	
pli-tv-bu-vb-np6:2.1	Tena kho pana samayena sambahulā bhikkhū sāketā sāvatthiṁ addhānamaggappaṭipannā honti. Antarāmagge corā nikkhamitvā te bhikkhū acchindiṁsu.
pli-tv-bu-vb-np6:2.2	Atha kho te bhikkhū—“bhagavatā paṭikkhittaṁ aññātakaṁ gahapatiṁ vā gahapatāniṁ vā cīvaraṁ viññāpetun”ti, kukkuccāyantā na viññāpesuṁ.
pli-tv-bu-vb-np6:2.3	Yathānaggāva sāvatthiṁ gantvā bhikkhū abhivādenti.
pli-tv-bu-vb-np6:2.4	Bhikkhū evamāhaṁsu—“sundarā kho ime, āvuso, ājīvakā ye ime bhikkhūsu abhivādentī”ti.
pli-tv-bu-vb-np6:2.5	Te evamāhaṁsu—“na mayaṁ, āvuso, ājīvakā, bhikkhū mayan”ti.
pli-tv-bu-vb-np6:2.6	Bhikkhū āyasmantaṁ upāliṁ etadavocuṁ—“iṅghāvuso upāli, ime anuyuñjāhī”ti.
pli-tv-bu-vb-np6:2.7	Atha kho āyasmatā upālinā anuyuñjiyamānā te bhikkhū etamatthaṁ ārocesuṁ. Atha kho āyasmā upāli te bhikkhū anuyuñjitvā bhikkhū etadavoca—“bhikkhū ime, āvuso. Detha nesaṁ cīvarānī”ti.
pli-tv-bu-vb-np6:2.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np6:2.9	“kathañhi nāma bhikkhū naggā āgacchissanti.
pli-tv-bu-vb-np6:2.10	Nanu nāma tiṇena vā paṇṇena vā paṭicchādetvā āgantabban”ti.
pli-tv-bu-vb-np6:2.11	Atha kho te bhikkhū te anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-np6:2.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np6:2.13	“anujānāmi, bhikkhave, acchinnacīvarassa vā naṭṭhacīvarassa vā aññātakaṁ gahapatiṁ vā gahapatāniṁ vā cīvaraṁ viññāpetuṁ.
pli-tv-bu-vb-np6:2.14	Yaṁ āvāsaṁ paṭhamaṁ upagacchati, sace tattha hoti saṅghassa vihāracīvaraṁ vā uttarattharaṇaṁ vā bhūmattharaṇaṁ vā bhisicchavi vā, taṁ gahetvā pārupituṁ ‘labhitvā odahissāmī’ti.
pli-tv-bu-vb-np6:2.15	No ce hoti saṅghassa vihāracīvaraṁ vā uttarattharaṇaṁ vā bhūmattharaṇaṁ vā bhisicchavi vā tiṇena vā paṇṇena vā paṭicchādetvā āgantabbaṁ; na tveva naggena āgantabbaṁ.
pli-tv-bu-vb-np6:2.16	Yo āgaccheyya, āpatti dukkaṭassa.
pli-tv-bu-vb-np6:2.17	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np6:2.18.0	
pli-tv-bu-vb-np6:2.18.1	“Yo pana bhikkhu aññātakaṁ gahapatiṁ vā gahapatāniṁ vā cīvaraṁ viññāpeyya, aññatra samayā, nissaggiyaṁ pācittiyaṁ.
pli-tv-bu-vb-np6:2.19	Tatthāyaṁ samayo—acchinnacīvaro vā hoti bhikkhu naṭṭhacīvaro vā.
pli-tv-bu-vb-np6:2.20	Ayaṁ tattha samayo”ti.
pli-tv-bu-vb-np6:3.1.0	
pli-tv-bu-vb-np6:3.1.1	Yo panāti
pli-tv-bu-vb-np6:3.1.2	yo yādiso …pe…
pli-tv-bu-vb-np6:3.1.3	bhikkhūti
pli-tv-bu-vb-np6:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np6:3.1.5	Aññātako nāma
pli-tv-bu-vb-np6:3.1.6	mātito vā pitito vā yāva sattamā pitāmahayugā asambaddho.
pli-tv-bu-vb-np6:3.1.7	Gahapati nāma
pli-tv-bu-vb-np6:3.1.8	yo koci agāraṁ ajjhāvasati.
pli-tv-bu-vb-np6:3.1.9	Gahapatānī nāma
pli-tv-bu-vb-np6:3.1.10	yā kāci agāraṁ ajjhāvasati.
pli-tv-bu-vb-np6:3.1.11	Cīvaraṁ nāma
pli-tv-bu-vb-np6:3.1.12	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bu-vb-np6:3.1.13	Aññatra samayāti
pli-tv-bu-vb-np6:3.1.14	ṭhapetvā samayaṁ.
pli-tv-bu-vb-np6:3.1.15	Acchinnacīvaro nāma
pli-tv-bu-vb-np6:3.1.16	bhikkhussa cīvaraṁ acchinnaṁ hoti rājūhi vā corehi vā dhuttehi vā, yehi kehici vā acchinnaṁ hoti.
pli-tv-bu-vb-np6:3.1.17	Naṭṭhacīvaro nāma
pli-tv-bu-vb-np6:3.1.18	bhikkhussa cīvaraṁ agginā vā daḍḍhaṁ hoti, udakena vā vūḷhaṁ hoti, undūrehi vā upacikāhi vā khāyitaṁ hoti, paribhogajiṇṇaṁ vā hoti.
pli-tv-bu-vb-np6:3.2.1	Aññatra samayā viññāpeti, payoge dukkaṭaṁ.
pli-tv-bu-vb-np6:3.2.2	Paṭilābhena nissaggiyaṁ hoti.
pli-tv-bu-vb-np6:3.2.3	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np6:3.2.4	Evañca pana, bhikkhave, nissajjitabbaṁ.
pli-tv-bu-vb-np6:3.2.5	…pe…
pli-tv-bu-vb-np6:3.2.6	idaṁ me, bhante, cīvaraṁ aññātakaṁ gahapatikaṁ, aññatra samayā viññāpitaṁ, nissaggiyaṁ.
pli-tv-bu-vb-np6:3.2.7	Imāhaṁ saṅghassa nissajjāmīti …pe…
pli-tv-bu-vb-np6:3.2.8	dadeyyāti …pe…
pli-tv-bu-vb-np6:3.2.9	dadeyyunti …pe…
pli-tv-bu-vb-np6:3.2.10	āyasmato dammīti.
pli-tv-bu-vb-np6:3.3.0	
pli-tv-bu-vb-np6:3.3.1	Aññātake aññātakasaññī aññatra samayā cīvaraṁ viññāpeti, nissaggiyaṁ pācittiyaṁ.
pli-tv-bu-vb-np6:3.3.2	Aññātake vematiko aññatra samayā cīvaraṁ viññāpeti, nissaggiyaṁ pācittiyaṁ.
pli-tv-bu-vb-np6:3.3.3	Aññātake ñātakasaññī aññatra samayā cīvaraṁ viññāpeti, nissaggiyaṁ pācittiyaṁ.
pli-tv-bu-vb-np6:3.3.4	Ñātake aññātakasaññī, āpatti dukkaṭassa.
pli-tv-bu-vb-np6:3.3.5	Ñātake vematiko, āpatti dukkaṭassa.
pli-tv-bu-vb-np6:3.3.6	Ñātake ñātakasaññī, anāpatti.
pli-tv-bu-vb-np6:3.4.0	
pli-tv-bu-vb-np6:3.4.1	Anāpatti—
pli-tv-bu-vb-np6:3.4.2	samaye,
pli-tv-bu-vb-np6:3.4.3	ñātakānaṁ,
pli-tv-bu-vb-np6:3.4.4	pavāritānaṁ,
pli-tv-bu-vb-np6:3.4.5	aññassatthāya,
pli-tv-bu-vb-np6:3.4.6	attano dhanena,
pli-tv-bu-vb-np6:3.4.7	ummattakassa,
pli-tv-bu-vb-np6:3.4.8	ādikammikassāti.
pli-tv-bu-vb-np6:3.4.9	Aññātakaviññattisikkhāpadaṁ niṭṭhitaṁ chaṭṭhaṁ.
pli-tv-bu-vb-np7:0.1	Theravāda Vinaya
pli-tv-bu-vb-np7:0.2	Mahāvibhaṅga
pli-tv-bu-vb-np7:0.3	Nissaggiyakaṇḍa
pli-tv-bu-vb-np7:0.4	Cīvaravagga
pli-tv-bu-vb-np7:0.5	7. Tatuttarisikkhāpada
pli-tv-bu-vb-np7:1.0	
pli-tv-bu-vb-np7:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np7:1.2	Tena kho pana samayena chabbaggiyā bhikkhū acchinnacīvarake bhikkhū upasaṅkamitvā evaṁ vadanti—
pli-tv-bu-vb-np7:1.3	“bhagavatā, āvuso, anuññātaṁ—
pli-tv-bu-vb-np7:1.4	‘acchinnacīvarassa vā naṭṭhacīvarassa vā aññātakaṁ gahapatiṁ vā gahapatāniṁ vā cīvaraṁ viññāpetuṁ’;
pli-tv-bu-vb-np7:1.5	viññāpetha, āvuso, cīvaran”ti.
pli-tv-bu-vb-np7:1.6	“Alaṁ, āvuso, laddhaṁ amhehi cīvaran”ti.
pli-tv-bu-vb-np7:1.7	“Mayaṁ āyasmantānaṁ viññāpemā”ti.
pli-tv-bu-vb-np7:1.8	“Viññāpetha, āvuso”ti.
pli-tv-bu-vb-np7:1.9	Atha kho chabbaggiyā bhikkhū gahapatike upasaṅkamitvā etadavocuṁ—
pli-tv-bu-vb-np7:1.10	“acchinnacīvarakā, āvuso, bhikkhū āgatā.
pli-tv-bu-vb-np7:1.11	Detha nesaṁ cīvarānī”ti,
pli-tv-bu-vb-np7:1.12	bahuṁ cīvaraṁ viññāpesuṁ.
pli-tv-bu-vb-np7:1.13	Tena kho pana samayena aññataro puriso sabhāyaṁ nisinno aññataraṁ purisaṁ etadavoca—
pli-tv-bu-vb-np7:1.14	“acchinnacīvarakā ayyo bhikkhū āgatā.
pli-tv-bu-vb-np7:1.15	Tesaṁ mayā cīvaraṁ dinnan”ti.
pli-tv-bu-vb-np7:1.16	Sopi evamāha—“mayāpi dinnan”ti.
pli-tv-bu-vb-np7:1.17	Aparopi evamāha—“mayāpi dinnan”ti.
pli-tv-bu-vb-np7:1.18	Te ujjhāyanti khiyyanti vipācenti—
pli-tv-bu-vb-np7:1.19	“kathañhi nāma samaṇā sakyaputtiyā na mattaṁ jānitvā bahuṁ cīvaraṁ viññāpessanti,
pli-tv-bu-vb-np7:1.20	dussavāṇijjaṁ vā samaṇā sakyaputtiyā karissanti, paggāhikasālaṁ vā pasāressantī”ti.
pli-tv-bu-vb-np7:1.21	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np7:1.22	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np7:1.23	“kathañhi nāma chabbaggiyā bhikkhū na mattaṁ jānitvā bahuṁ cīvaraṁ viññāpessantī”ti.
pli-tv-bu-vb-np7:1.24	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np7:1.25	“saccaṁ kira tumhe, bhikkhave, na mattaṁ jānitvā bahuṁ cīvaraṁ viññāpethā”ti?
pli-tv-bu-vb-np7:1.26	“Saccaṁ, bhagavā”ti.
pli-tv-bu-vb-np7:1.27	Vigarahi buddho bhagavā …pe…
pli-tv-bu-vb-np7:1.28	kathañhi nāma tumhe, moghapurisā, na mattaṁ jānitvā bahuṁ cīvaraṁ viññāpessatha.
pli-tv-bu-vb-np7:1.29	Netaṁ, moghapurisā, appasannānaṁ vā pasādāya …pe…
pli-tv-bu-vb-np7:1.30	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np7:1.31.0	
pli-tv-bu-vb-np7:1.31.1	“Tañce aññātako gahapati vā gahapatānī vā bahūhi cīvarehi abhihaṭṭhuṁ pavāreyya santaruttaraparamaṁ tena bhikkhunā tato cīvaraṁ sāditabbaṁ. Tato ce uttari sādiyeyya, nissaggiyaṁ pācittiyan”ti.
pli-tv-bu-vb-np7:2.1.0	
pli-tv-bu-vb-np7:2.1.1	Tañceti
pli-tv-bu-vb-np7:2.1.2	acchinnacīvarakaṁ bhikkhuṁ.
pli-tv-bu-vb-np7:2.1.3	Aññātako nāma
pli-tv-bu-vb-np7:2.1.4	mātito vā pitito vā yāva sattamā pitāmahayugā asambaddho.
pli-tv-bu-vb-np7:2.1.5	Gahapati nāma
pli-tv-bu-vb-np7:2.1.6	yo koci agāraṁ ajjhāvasati.
pli-tv-bu-vb-np7:2.1.7	Gahapatānī nāma
pli-tv-bu-vb-np7:2.1.8	yā kāci agāraṁ ajjhāvasati.
pli-tv-bu-vb-np7:2.1.9	Bahūhi cīvarehīti
pli-tv-bu-vb-np7:2.1.10	bahukehi cīvarehi.
pli-tv-bu-vb-np7:2.1.11	Abhihaṭṭhuṁ pavāreyyāti
pli-tv-bu-vb-np7:2.1.12	yāvatakaṁ icchasi tāvatakaṁ gaṇhāhīti.
pli-tv-bu-vb-np7:2.1.13	Santaruttaraparamaṁ tena bhikkhunā tato cīvaraṁ sāditabbanti
pli-tv-bu-vb-np7:2.1.14	sace tīṇi naṭṭhāni honti dve sāditabbāni, dve naṭṭhāni ekaṁ sāditabbaṁ, ekaṁ naṭṭhaṁ na kiñci sāditabbaṁ.
pli-tv-bu-vb-np7:2.1.15	Tato ce uttari sādiyeyyāti
pli-tv-bu-vb-np7:2.1.16	tatuttari viññāpeti, payoge dukkaṭaṁ.
pli-tv-bu-vb-np7:2.1.17	Paṭilābhena nissaggiyaṁ hoti.
pli-tv-bu-vb-np7:2.1.18	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np7:2.1.19	Evañca pana, bhikkhave, nissajjitabbaṁ.
pli-tv-bu-vb-np7:2.1.20	…pe…
pli-tv-bu-vb-np7:2.1.21	“idaṁ me, bhante, cīvaraṁ aññātakaṁ gahapatikaṁ upasaṅkamitvā tatuttari viññāpitaṁ nissaggiyaṁ.
pli-tv-bu-vb-np7:2.1.22	Imāhaṁ saṅghassa nissajjāmī”ti …pe…
pli-tv-bu-vb-np7:2.1.23	dadeyyāti …pe…
pli-tv-bu-vb-np7:2.1.24	dadeyyunti …pe…
pli-tv-bu-vb-np7:2.1.25	āyasmato dammīti.
pli-tv-bu-vb-np7:2.2.1.0	
pli-tv-bu-vb-np7:2.2.1.1	Aññātake aññātakasaññī tatuttari cīvaraṁ viññāpeti, nissaggiyaṁ pācittiyaṁ.
pli-tv-bu-vb-np7:2.2.2	Aññātake vematiko tatuttari cīvaraṁ viññāpeti, nissaggiyaṁ pācittiyaṁ.
pli-tv-bu-vb-np7:2.2.3	Aññātake ñātakasaññī tatuttari cīvaraṁ viññāpeti, nissaggiyaṁ pācittiyaṁ.
pli-tv-bu-vb-np7:2.2.4	Ñātake aññātakasaññī, āpatti dukkaṭassa.
pli-tv-bu-vb-np7:2.2.5	Ñātake vematiko, āpatti dukkaṭassa.
pli-tv-bu-vb-np7:2.2.6	Ñātake ñātakasaññī, anāpatti.
pli-tv-bu-vb-np7:2.3.0	
pli-tv-bu-vb-np7:2.3.1	Anāpatti—
pli-tv-bu-vb-np7:2.3.2	“sesakaṁ āharissāmī”ti haranto gacchati,
pli-tv-bu-vb-np7:2.3.3	“sesakaṁ tuyheva hotū”ti denti,
pli-tv-bu-vb-np7:2.3.4	na acchinnakāraṇā denti,
pli-tv-bu-vb-np7:2.3.5	na naṭṭhakāraṇā denti,
pli-tv-bu-vb-np7:2.3.6	ñātakānaṁ,
pli-tv-bu-vb-np7:2.3.7	pavāritānaṁ,
pli-tv-bu-vb-np7:2.3.8	attano dhanena,
pli-tv-bu-vb-np7:2.3.9	ummattakassa,
pli-tv-bu-vb-np7:2.3.10	ādikammikassāti.
pli-tv-bu-vb-np7:2.3.11	Tatuttarisikkhāpadaṁ niṭṭhitaṁ sattamaṁ.
pli-tv-bu-vb-np8:0.1	Theravāda Vinaya
pli-tv-bu-vb-np8:0.2	Mahāvibhaṅga
pli-tv-bu-vb-np8:0.3	Nissaggiyakaṇḍa
pli-tv-bu-vb-np8:0.4	Cīvaravagga
pli-tv-bu-vb-np8:0.5	8. Upakkhaṭasikkhāpada
pli-tv-bu-vb-np8:1.1.0	
pli-tv-bu-vb-np8:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np8:1.1.2	Tena kho pana samayena aññataro puriso pajāpatiṁ etadavoca—
pli-tv-bu-vb-np8:1.1.3	“ayyaṁ upanandaṁ cīvarena acchādessāmī”ti.
pli-tv-bu-vb-np8:1.1.4	Assosi kho aññataro piṇḍacāriko bhikkhu tassa purisassa imaṁ vācaṁ bhāsamānassa.
pli-tv-bu-vb-np8:1.1.5	Atha kho so bhikkhu yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—
pli-tv-bu-vb-np8:1.1.6	“mahāpuññosi tvaṁ, āvuso upananda.
pli-tv-bu-vb-np8:1.1.7	Amukasmiṁ okāse aññataro puriso pajāpatiṁ etadavoca—
pli-tv-bu-vb-np8:1.1.8	‘ayyaṁ upanandaṁ cīvarena acchādessāmī’”ti.
pli-tv-bu-vb-np8:1.1.9	“Atthāvuso, maṁ so upaṭṭhāko”ti.
pli-tv-bu-vb-np8:1.1.10	Atha kho āyasmā upanando sakyaputto yena so puriso tenupasaṅkami; upasaṅkamitvā taṁ purisaṁ etadavoca—
pli-tv-bu-vb-np8:1.1.11	“saccaṁ kira maṁ tvaṁ, āvuso, cīvarena acchādetukāmosī”ti?
pli-tv-bu-vb-np8:1.1.12	“Api meyya, evaṁ hoti—
pli-tv-bu-vb-np8:1.1.13	‘ayyaṁ upanandaṁ cīvarena acchādessāmī’”ti.
pli-tv-bu-vb-np8:1.1.14	“Sace kho maṁ tvaṁ, āvuso, cīvarena acchādetukāmosi, evarūpena cīvarena acchādehi.
pli-tv-bu-vb-np8:1.1.15	Kyāhaṁ tena acchannopi karissāmi yāhaṁ na paribhuñjissāmī”ti.
pli-tv-bu-vb-np8:1.1.16	Atha kho so puriso ujjhāyati khiyyati vipāceti—
pli-tv-bu-vb-np8:1.1.17	“mahicchā ime samaṇā sakyaputtiyā asantuṭṭhā.
pli-tv-bu-vb-np8:1.1.18	Nayime sukarā cīvarena acchādetuṁ.
pli-tv-bu-vb-np8:1.1.19	Kathañhi nāma ayyo upanando mayā pubbe appavārito maṁ upasaṅkamitvā cīvare vikappaṁ āpajjissatī”ti.
pli-tv-bu-vb-np8:1.1.20	Assosuṁ kho bhikkhū tassa purisassa ujjhāyantassa khiyyantassa vipācentassa.
pli-tv-bu-vb-np8:1.1.21	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np8:1.1.22	“kathañhi nāma āyasmā upanando sakyaputto pubbe appavārito gahapatikaṁ upasaṅkamitvā cīvare vikappaṁ āpajjissatī”ti.
pli-tv-bu-vb-np8:1.1.23	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np8:1.1.24	“saccaṁ kira tvaṁ, upananda, pubbe appavārito gahapatikaṁ upasaṅkamitvā cīvare vikappaṁ āpajjasī”ti?
pli-tv-bu-vb-np8:1.1.25	“Saccaṁ, bhagavā”ti.
pli-tv-bu-vb-np8:1.1.26	“Ñātako te, upananda, aññātako”ti?
pli-tv-bu-vb-np8:1.1.27	“Aññātako, bhagavā”ti.
pli-tv-bu-vb-np8:1.1.28	“Aññātako, moghapurisa, aññātakassa na jānāti patirūpaṁ vā appatirūpaṁ vā santaṁ vā asantaṁ vā.
pli-tv-bu-vb-np8:1.1.29	Tattha nāma tvaṁ, moghapurisa, pubbe appavārito aññātakaṁ gahapatikaṁ upasaṅkamitvā cīvare vikappaṁ āpajjissasi.
pli-tv-bu-vb-np8:1.1.30	Netaṁ, moghapurisa, appasannānaṁ vā pasādāya …pe…
pli-tv-bu-vb-np8:1.1.31	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np8:1.1.32.0	
pli-tv-bu-vb-np8:1.1.32.1	“Bhikkhuṁ paneva uddissa aññātakassa gahapatissa vā gahapatāniyā vā cīvaracetāpannaṁ upakkhaṭaṁ hoti—
pli-tv-bu-vb-np8:1.1.33	‘iminā cīvaracetāpannena cīvaraṁ cetāpetvā itthannāmaṁ bhikkhuṁ cīvarena acchādessāmī’ti;
pli-tv-bu-vb-np8:1.1.34	tatra ce so bhikkhu pubbe appavārito upasaṅkamitvā cīvare vikappaṁ āpajjeyya—
pli-tv-bu-vb-np8:1.1.35	‘sādhu vata maṁ āyasmā iminā cīvaracetāpannena evarūpaṁ vā evarūpaṁ vā cīvaraṁ cetāpetvā acchādehī’ti,
pli-tv-bu-vb-np8:1.1.36	kalyāṇakamyataṁ upādāya, nissaggiyaṁ pācittiyan”ti.
pli-tv-bu-vb-np8:2.1.0	
pli-tv-bu-vb-np8:2.1.1	Bhikkhuṁ paneva uddissāti
pli-tv-bu-vb-np8:2.1.2	bhikkhussatthāya, bhikkhuṁ ārammaṇaṁ karitvā, bhikkhuṁ acchādetukāmo.
pli-tv-bu-vb-np8:2.1.3	Aññātako nāma
pli-tv-bu-vb-np8:2.1.4	mātito vā pitito vā yāva sattamā pitāmahayugā asambaddho.
pli-tv-bu-vb-np8:2.1.5	Gahapati nāma
pli-tv-bu-vb-np8:2.1.6	yo koci agāraṁ ajjhāvasati.
pli-tv-bu-vb-np8:2.1.7	Gahapatānī nāma
pli-tv-bu-vb-np8:2.1.8	yā kāci agāraṁ ajjhāvasati.
pli-tv-bu-vb-np8:2.1.9	Cīvaracetāpannaṁ nāma
pli-tv-bu-vb-np8:2.1.10	hiraññaṁ vā suvaṇṇaṁ vā muttā vā maṇi vā pavāḷo vā phaliko vā paṭako vā suttaṁ vā kappāso vā.
pli-tv-bu-vb-np8:2.1.11	Iminā cīvaracetāpannenāti
pli-tv-bu-vb-np8:2.1.12	paccupaṭṭhitena.
pli-tv-bu-vb-np8:2.1.13	Cetāpetvāti
pli-tv-bu-vb-np8:2.1.14	parivattetvā.
pli-tv-bu-vb-np8:2.1.15	Acchādessāmīti
pli-tv-bu-vb-np8:2.1.16	dassāmi.
pli-tv-bu-vb-np8:2.1.17	Tatra ce so bhikkhūti
pli-tv-bu-vb-np8:2.1.18	yaṁ bhikkhuṁ uddissa cīvaracetāpannaṁ upakkhaṭaṁ hoti so bhikkhu.
pli-tv-bu-vb-np8:2.1.19	Pubbe appavāritoti
pli-tv-bu-vb-np8:2.1.20	pubbe avutto hoti— “kīdisena te, bhante, cīvarena attho, kīdisaṁ te cīvaraṁ cetāpemī”ti?
pli-tv-bu-vb-np8:2.1.21	Upasaṅkamitvāti
pli-tv-bu-vb-np8:2.1.22	gharaṁ gantvā yattha katthaci upasaṅkamitvā.
pli-tv-bu-vb-np8:2.1.23	Cīvare vikappaṁ āpajjeyyāti
pli-tv-bu-vb-np8:2.1.24	āyataṁ vā hotu vitthataṁ vā appitaṁ vā saṇhaṁ vā.
pli-tv-bu-vb-np8:2.1.25	Iminā cīvaracetāpannenāti
pli-tv-bu-vb-np8:2.1.26	paccupaṭṭhitena.
pli-tv-bu-vb-np8:2.1.27	Evarūpaṁ vā evarūpaṁ vāti.
pli-tv-bu-vb-np8:2.1.28	Āyataṁ vā vitthataṁ vā appitaṁ vā saṇhaṁ vā.
pli-tv-bu-vb-np8:2.1.29	Cetāpetvāti
pli-tv-bu-vb-np8:2.1.30	parivattetvā.
pli-tv-bu-vb-np8:2.1.31	Acchādehīti
pli-tv-bu-vb-np8:2.1.32	dajjehi.
pli-tv-bu-vb-np8:2.1.33	Kalyāṇakamyataṁ upādāyāti
pli-tv-bu-vb-np8:2.1.34	sādhatthiko mahagghatthiko.
pli-tv-bu-vb-np8:2.1.35	Tassa vacanena āyataṁ vā vitthataṁ vā appitaṁ vā saṇhaṁ vā cetāpeti, payoge dukkaṭaṁ.
pli-tv-bu-vb-np8:2.1.36	Paṭilābhena nissaggiyaṁ hoti.
pli-tv-bu-vb-np8:2.1.37	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np8:2.1.38	Evañca pana, bhikkhave, nissajjitabbaṁ.
pli-tv-bu-vb-np8:2.1.39	…pe…
pli-tv-bu-vb-np8:2.1.40	“idaṁ me, bhante, cīvaraṁ pubbe appavārito aññātakaṁ gahapatikaṁ upasaṅkamitvā cīvare vikappaṁ āpannaṁ nissaggiyaṁ,
pli-tv-bu-vb-np8:2.1.41	imāhaṁ saṅghassa nissajjāmī”ti …pe…
pli-tv-bu-vb-np8:2.1.42	dadeyyāti …pe…
pli-tv-bu-vb-np8:2.1.43	dadeyyunti …pe…
pli-tv-bu-vb-np8:2.1.44	āyasmato dammīti.
pli-tv-bu-vb-np8:2.2.0	
pli-tv-bu-vb-np8:2.2.1	Aññātake aññātakasaññī pubbe appavārito gahapatikaṁ upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np8:2.2.2	Aññātake vematiko pubbe appavārito gahapatikaṁ upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np8:2.2.3	Aññātake ñātakasaññī pubbe appavārito gahapatikaṁ upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np8:2.2.4	Ñātake aññātakasaññī, āpatti dukkaṭassa.
pli-tv-bu-vb-np8:2.2.5	Ñātake vematiko, āpatti dukkaṭassa.
pli-tv-bu-vb-np8:2.2.6	Ñātake ñātakasaññī, anāpatti.
pli-tv-bu-vb-np8:2.3.0	
pli-tv-bu-vb-np8:2.3.1	Anāpatti—
pli-tv-bu-vb-np8:2.3.2	ñātakānaṁ,
pli-tv-bu-vb-np8:2.3.3	pavāritānaṁ,
pli-tv-bu-vb-np8:2.3.4	aññassatthāya,
pli-tv-bu-vb-np8:2.3.5	attano dhanena,
pli-tv-bu-vb-np8:2.3.6	mahagghaṁ cetāpetukāmassa appagghaṁ cetāpeti,
pli-tv-bu-vb-np8:2.3.7	ummattakassa,
pli-tv-bu-vb-np8:2.3.8	ādikammikassāti.
pli-tv-bu-vb-np8:2.3.9	Upakkhaṭasikkhāpadaṁ niṭṭhitaṁ aṭṭhamaṁ.
pli-tv-bu-vb-np9:0.1	Theravāda Vinaya
pli-tv-bu-vb-np9:0.2	Mahāvibhaṅga
pli-tv-bu-vb-np9:0.3	Nissaggiyakaṇḍa
pli-tv-bu-vb-np9:0.4	Cīvaravagga
pli-tv-bu-vb-np9:0.5	9. Dutiyaupakkhaṭasikkhāpada
pli-tv-bu-vb-np9:1.0	
pli-tv-bu-vb-np9:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np9:1.2	Tena kho pana samayena aññataro puriso aññataraṁ purisaṁ etadavoca—
pli-tv-bu-vb-np9:1.3	“ayyaṁ upanandaṁ cīvarena acchādessāmī”ti.
pli-tv-bu-vb-np9:1.4	Sopi evamāha—
pli-tv-bu-vb-np9:1.5	“ahampi ayyaṁ upanandaṁ cīvarena acchādessāmī”ti.
pli-tv-bu-vb-np9:1.6	Assosi kho aññataro piṇḍacāriko bhikkhu tesaṁ purisānaṁ imaṁ kathāsallāpaṁ.
pli-tv-bu-vb-np9:1.7	Atha kho so bhikkhu yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—
pli-tv-bu-vb-np9:1.8	“mahāpuññosi tvaṁ, āvuso upananda.
pli-tv-bu-vb-np9:1.9	Amukasmiṁ okāse aññataro puriso aññataraṁ purisaṁ etadavoca—
pli-tv-bu-vb-np9:1.10	‘ayyaṁ upanandaṁ cīvarena acchādessāmī’ti.
pli-tv-bu-vb-np9:1.11	Sopi evamāha—
pli-tv-bu-vb-np9:1.12	‘ahampi ayyaṁ upanandaṁ cīvarena acchādessāmī’”ti.
pli-tv-bu-vb-np9:1.13	“Atthāvuso, maṁ te upaṭṭhākā”ti.
pli-tv-bu-vb-np9:1.14	Atha kho āyasmā upanando sakyaputto yena te purisā tenupasaṅkami; upasaṅkamitvā te purise etadavoca—
pli-tv-bu-vb-np9:1.15	“saccaṁ kira maṁ tumhe, āvuso, cīvarehi acchādetukāmātthā”ti?
pli-tv-bu-vb-np9:1.16	“Api nayya, evaṁ hoti—
pli-tv-bu-vb-np9:1.17	‘ayyaṁ upanandaṁ cīvarehi acchādessāmā’”ti.
pli-tv-bu-vb-np9:1.18	“Sace kho maṁ tumhe, āvuso, cīvarehi acchādetukāmāttha, evarūpena cīvarena acchādetha,
pli-tv-bu-vb-np9:1.19	kyāhaṁ tehi acchannopi karissāmi, yānāhaṁ na paribhuñjissāmī”ti.
pli-tv-bu-vb-np9:1.20	Atha kho te purisā ujjhāyanti khiyyanti vipācenti—
pli-tv-bu-vb-np9:1.21	“mahicchā ime samaṇā sakyaputtiyā asantuṭṭhā.
pli-tv-bu-vb-np9:1.22	Nayime sukarā cīvarehi acchādetuṁ.
pli-tv-bu-vb-np9:1.23	Kathañhi nāma ayyo upanando amhehi pubbe appavārito upasaṅkamitvā cīvare vikappaṁ āpajjissatī”ti.
pli-tv-bu-vb-np9:1.24	Assosuṁ kho bhikkhū tesaṁ purisānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np9:1.25	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np9:1.26	“kathañhi nāma āyasmā upanando sakyaputto pubbe appavārito gahapatike upasaṅkamitvā cīvare vikappaṁ āpajjissatī”ti.
pli-tv-bu-vb-np9:1.27	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np9:1.28	“saccaṁ kira tvaṁ, upananda, pubbe appavārito gahapatike upasaṅkamitvā cīvare vikappaṁ āpajjasī”ti?
pli-tv-bu-vb-np9:1.29	“Saccaṁ, bhagavā”ti.
pli-tv-bu-vb-np9:1.30	“Ñātakā te, upananda, aññātakā”ti?
pli-tv-bu-vb-np9:1.31	“Aññātakā, bhagavā”ti.
pli-tv-bu-vb-np9:1.32	“Aññātako, moghapurisa, aññātakānaṁ na jānāti patirūpaṁ vā appatirūpaṁ vā santaṁ vā asantaṁ vā.
pli-tv-bu-vb-np9:1.33	Tattha nāma tvaṁ, moghapurisa, pubbe appavārito aññātake gahapatike upasaṅkamitvā cīvare vikappaṁ āpajjissasi.
pli-tv-bu-vb-np9:1.34	Netaṁ, moghapurisa, appasannānaṁ vā pasādāya …pe…
pli-tv-bu-vb-np9:1.35	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np9:1.36.0	
pli-tv-bu-vb-np9:1.36.1	“Bhikkhuṁ paneva uddissa ubhinnaṁ aññātakānaṁ gahapatīnaṁ vā gahapatānīnaṁ vā paccekacīvaracetāpannāni upakkhaṭāni honti—
pli-tv-bu-vb-np9:1.37	‘imehi mayaṁ paccekacīvaracetāpannehi paccekacīvarāni cetāpetvā itthannāmaṁ bhikkhuṁ cīvarehi acchādessāmā’ti;
pli-tv-bu-vb-np9:1.38	tatra ce so bhikkhu pubbe appavārito upasaṅkamitvā cīvare vikappaṁ āpajjeyya—
pli-tv-bu-vb-np9:1.39	‘sādhu vata maṁ āyasmanto imehi paccekacīvaracetāpannehi evarūpaṁ vā evarūpaṁ vā cīvaraṁ cetāpetvā acchādetha, ubhova santā ekenā’ti,
pli-tv-bu-vb-np9:1.40	kalyāṇakamyataṁ upādāya, nissaggiyaṁ pācittiyan”ti.
pli-tv-bu-vb-np9:2.0	
pli-tv-bu-vb-np9:2.1	Bhikkhuṁ paneva uddissāti
pli-tv-bu-vb-np9:2.2	bhikkhussatthāya, bhikkhuṁ ārammaṇaṁ karitvā, bhikkhuṁ acchādetukāmā.
pli-tv-bu-vb-np9:2.3	Ubhinnanti
pli-tv-bu-vb-np9:2.4	dvinnaṁ.
pli-tv-bu-vb-np9:2.5	Aññātakā nāma
pli-tv-bu-vb-np9:2.6	mātito vā pitito vā yāva sattamā pitāmahayugā asambaddhā.
pli-tv-bu-vb-np9:2.7	Gahapatī nāma
pli-tv-bu-vb-np9:2.8	ye keci agāraṁ ajjhāvasanti.
pli-tv-bu-vb-np9:2.9	Gahapatāniyo nāma
pli-tv-bu-vb-np9:2.10	yā kāci agāraṁ ajjhāvasanti.
pli-tv-bu-vb-np9:2.11	Cīvaracetāpannāni nāma
pli-tv-bu-vb-np9:2.12	hiraññā vā suvaṇṇā vā muttā vā maṇī vā pavāḷā vā phalikā vā paṭakā vā suttā vā kappāsā vā.
pli-tv-bu-vb-np9:2.13	Imehi paccekacīvaracetāpannehīti
pli-tv-bu-vb-np9:2.14	paccupaṭṭhitehi.
pli-tv-bu-vb-np9:2.15	Cetāpetvāti
pli-tv-bu-vb-np9:2.16	parivattetvā.
pli-tv-bu-vb-np9:2.17	Acchādessāmāti
pli-tv-bu-vb-np9:2.18	dassāma.
pli-tv-bu-vb-np9:2.19	Tatra ce so bhikkhūti
pli-tv-bu-vb-np9:2.20	yaṁ bhikkhuṁ uddissa cīvaracetāpannāni upakkhaṭāni honti so bhikkhu.
pli-tv-bu-vb-np9:2.21	Pubbe appavāritoti
pli-tv-bu-vb-np9:2.22	pubbe avutto hoti— “kīdisena te, bhante, cīvarena attho, kīdisaṁ te cīvaraṁ cetāpemā”ti.
pli-tv-bu-vb-np9:2.23	Upasaṅkamitvāti
pli-tv-bu-vb-np9:2.24	gharaṁ gantvā yattha katthaci upasaṅkamitvā.
pli-tv-bu-vb-np9:2.25	Cīvare vikappaṁ āpajjeyyāti
pli-tv-bu-vb-np9:2.26	āyataṁ vā hotu vitthataṁ vā appitaṁ vā saṇhaṁ vā.
pli-tv-bu-vb-np9:2.27	Imehi paccekacīvaracetāpannehīti
pli-tv-bu-vb-np9:2.28	paccupaṭṭhitehi.
pli-tv-bu-vb-np9:2.29	Evarūpaṁ vā evarūpaṁ vāti
pli-tv-bu-vb-np9:2.30	āyataṁ vā vitthataṁ vā appitaṁ vā saṇhaṁ vā.
pli-tv-bu-vb-np9:2.31	Cetāpetvāti
pli-tv-bu-vb-np9:2.32	parivattetvā.
pli-tv-bu-vb-np9:2.33	Acchādethāti
pli-tv-bu-vb-np9:2.34	dajjetha.
pli-tv-bu-vb-np9:2.35	Ubhova santā ekenāti
pli-tv-bu-vb-np9:2.36	dvepi janā ekena.
pli-tv-bu-vb-np9:2.37	Kalyāṇakamyataṁ upādāyāti
pli-tv-bu-vb-np9:2.38	sādhatthiko mahagghatthiko.
pli-tv-bu-vb-np9:2.39	Tassa vacanena āyataṁ vā vitthataṁ vā appitaṁ vā saṇhaṁ vā cetāpenti, payoge dukkaṭaṁ.
pli-tv-bu-vb-np9:2.40	Paṭilābhena nissaggiyaṁ hoti.
pli-tv-bu-vb-np9:2.41	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np9:2.42	Evañca pana, bhikkhave, nissajjitabbaṁ.
pli-tv-bu-vb-np9:2.43	…pe…
pli-tv-bu-vb-np9:2.44	“idaṁ me, bhante, cīvaraṁ pubbe appavārito aññātake gahapatike upasaṅkamitvā cīvare vikappaṁ āpannaṁ nissaggiyaṁ.
pli-tv-bu-vb-np9:2.45	Imāhaṁ saṅghassa nissajjāmī”ti …pe…
pli-tv-bu-vb-np9:2.46	dadeyyāti …pe…
pli-tv-bu-vb-np9:2.47	dadeyyunti …pe…
pli-tv-bu-vb-np9:2.48	āyasmato dammīti.
pli-tv-bu-vb-np9:2.49.0	
pli-tv-bu-vb-np9:2.49.1	Aññātake aññātakasaññī pubbe appavārito gahapatike upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np9:2.50	Aññātake vematiko pubbe appavārito gahapatike upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np9:2.51	Aññātake ñātakasaññī pubbe appavārito gahapatike upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np9:2.52	Ñātake aññātakasaññī, āpatti dukkaṭassa.
pli-tv-bu-vb-np9:2.53	Ñātake vematiko, āpatti dukkaṭassa.
pli-tv-bu-vb-np9:2.54	Ñātake ñātakasaññī, anāpatti.
pli-tv-bu-vb-np9:2.55.0	
pli-tv-bu-vb-np9:2.55.1	Anāpatti—
pli-tv-bu-vb-np9:2.56	ñātakānaṁ,
pli-tv-bu-vb-np9:2.57	pavāritānaṁ,
pli-tv-bu-vb-np9:2.58	aññassatthāya,
pli-tv-bu-vb-np9:2.59	attano dhanena,
pli-tv-bu-vb-np9:2.60	mahagghaṁ cetāpetukāmānaṁ appagghaṁ cetāpeti,
pli-tv-bu-vb-np9:2.61	ummattakassa,
pli-tv-bu-vb-np9:2.62	ādikammikassāti.
pli-tv-bu-vb-np9:2.63	Dutiyaupakkhaṭasikkhāpadaṁ niṭṭhitaṁ navamaṁ.
pli-tv-bu-vb-np10:0.1	Theravāda Vinaya
pli-tv-bu-vb-np10:0.2	Mahāvibhaṅga
pli-tv-bu-vb-np10:0.3	Nissaggiyakaṇḍa
pli-tv-bu-vb-np10:0.4	Cīvaravagga
pli-tv-bu-vb-np10:0.5	10. Rājasikkhāpada
pli-tv-bu-vb-np10:1.1.0	
pli-tv-bu-vb-np10:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np10:1.1.2	Tena kho pana samayena āyasmato upanandassa sakyaputtassa upaṭṭhāko mahāmatto āyasmato upanandassa sakyaputtassa dūtena cīvaracetāpannaṁ pāhesi—
pli-tv-bu-vb-np10:1.1.3	“iminā cīvaracetāpannena cīvaraṁ cetāpetvā ayyaṁ upanandaṁ cīvarena acchādehī”ti.
pli-tv-bu-vb-np10:1.1.4	Atha kho so dūto yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—
pli-tv-bu-vb-np10:1.1.5	“idaṁ kho, bhante, āyasmantaṁ uddissa cīvaracetāpannaṁ ābhataṁ.
pli-tv-bu-vb-np10:1.1.6	Paṭiggaṇhātu āyasmā cīvaracetāpannan”ti.
pli-tv-bu-vb-np10:1.1.7	Evaṁ vutte āyasmā upanando sakyaputto taṁ dūtaṁ etadavoca—
pli-tv-bu-vb-np10:1.1.8	“na kho mayaṁ, āvuso, cīvaracetāpannaṁ paṭiggaṇhāma, cīvarañca kho mayaṁ paṭiggaṇhāma kālena kappiyan”ti.
pli-tv-bu-vb-np10:1.1.9	Evaṁ vutte, so dūto āyasmantaṁ upanandaṁ sakyaputtaṁ etadavoca—
pli-tv-bu-vb-np10:1.1.10	“atthi panāyasmato koci veyyāvaccakaro”ti?
pli-tv-bu-vb-np10:1.1.11	Tena kho pana samayena aññataro upāsako ārāmaṁ agamāsi kenacideva karaṇīyena.
pli-tv-bu-vb-np10:1.1.12	Atha kho āyasmā upanando sakyaputto taṁ dūtaṁ etadavoca—
pli-tv-bu-vb-np10:1.1.13	“eso kho, āvuso, upāsako bhikkhūnaṁ veyyāvaccakaro”ti.
pli-tv-bu-vb-np10:1.1.14	Atha kho so dūto taṁ upāsakaṁ saññāpetvā yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—
pli-tv-bu-vb-np10:1.1.15	“yaṁ kho, bhante, āyasmā veyyāvaccakaraṁ niddisi saññatto so mayā.
pli-tv-bu-vb-np10:1.1.16	Upasaṅkamatu āyasmā kālena, cīvarena taṁ acchādessatī”ti.
pli-tv-bu-vb-np10:1.1.17	Tena kho pana samayena so mahāmatto āyasmato upanandassa sakyaputtassa santike dūtaṁ pāhesi—
pli-tv-bu-vb-np10:1.1.18	“paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhuttan”ti.
pli-tv-bu-vb-np10:1.1.19	Atha kho āyasmā upanando sakyaputto taṁ upāsakaṁ na kiñci avacāsi.
pli-tv-bu-vb-np10:1.1.20	Dutiyampi kho so mahāmatto āyasmato upanandassa sakyaputtassa santike dūtaṁ pāhesi—
pli-tv-bu-vb-np10:1.1.21	“paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhuttan”ti.
pli-tv-bu-vb-np10:1.1.22	Dutiyampi kho āyasmā upanando sakyaputto taṁ upāsakaṁ na kiñci avacāsi.
pli-tv-bu-vb-np10:1.1.23	Tatiyampi kho so mahāmatto āyasmato upanandassa sakyaputtassa santike dūtaṁ pāhesi—
pli-tv-bu-vb-np10:1.1.24	“paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhuttan”ti.
pli-tv-bu-vb-np10:1.2.1	Tena kho pana samayena negamassa samayo hoti.
pli-tv-bu-vb-np10:1.2.2	Negamena ca katikā katā hoti— “yo pacchā āgacchati paññāsaṁ baddho”ti.
pli-tv-bu-vb-np10:1.2.3	Atha kho āyasmā upanando sakyaputto yena so upāsako tenupasaṅkami; upasaṅkamitvā taṁ upāsakaṁ etadavoca—
pli-tv-bu-vb-np10:1.2.4	“attho me, āvuso, cīvarenā”ti.
pli-tv-bu-vb-np10:1.2.5	“Ajjaṇho, bhante, āgamehi, ajja negamassa samayo.
pli-tv-bu-vb-np10:1.2.6	Negamena ca katikā katā hoti—‘yo pacchā āgacchati paññāsaṁ baddho’”ti.
pli-tv-bu-vb-np10:1.2.7	“Ajjeva me, āvuso, cīvaraṁ dehī”ti ovaṭṭikāya parāmasi.
pli-tv-bu-vb-np10:1.2.8	Atha kho so upāsako āyasmatā upanandena sakyaputtena nippīḷiyamāno āyasmato upanandassa sakyaputtassa cīvaraṁ cetāpetvā pacchā agamāsi.
pli-tv-bu-vb-np10:1.2.9	Manussā taṁ upāsakaṁ etadavocuṁ—
pli-tv-bu-vb-np10:1.2.10	“kissa tvaṁ, ayyo, pacchā āgato, paññāsaṁ jīnosī”ti.
pli-tv-bu-vb-np10:1.2.11	Atha kho so upāsako tesaṁ manussānaṁ etamatthaṁ ārocesi.
pli-tv-bu-vb-np10:1.2.12	Manussā ujjhāyanti khiyyanti vipācenti—
pli-tv-bu-vb-np10:1.2.13	“mahicchā ime samaṇā sakyaputtiyā asantuṭṭhā.
pli-tv-bu-vb-np10:1.2.14	Nayimesaṁ sukaraṁ veyyāvaccampi kātuṁ.
pli-tv-bu-vb-np10:1.2.15	Kathañhi nāma āyasmā upanando upāsakena—
pli-tv-bu-vb-np10:1.2.16	‘ajjaṇho, bhante, āgamehī’ti vuccamāno nāgamessatī”ti.
pli-tv-bu-vb-np10:1.2.17	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np10:1.2.18	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np10:1.2.19	“kathañhi nāma āyasmā upanando sakyaputto upāsakena—
pli-tv-bu-vb-np10:1.2.20	‘ajjaṇho, bhante, āgamehī’ti vuccamāno nāgamessatī”ti.
pli-tv-bu-vb-np10:1.2.21	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np10:1.2.22	“saccaṁ kira tvaṁ, upananda, upāsakena—
pli-tv-bu-vb-np10:1.2.23	‘ajjaṇho, bhante, āgamehī’ti vuccamāno nāgamesī”ti?
pli-tv-bu-vb-np10:1.2.24	“Saccaṁ, bhagavā”ti.
pli-tv-bu-vb-np10:1.2.25	Vigarahi buddho bhagavā …pe…
pli-tv-bu-vb-np10:1.2.26	kathañhi nāma tvaṁ, moghapurisa, upāsakena—
pli-tv-bu-vb-np10:1.2.27	‘ajjaṇho, bhante, āgamehī’ti vuccamāno nāgamessasi.
pli-tv-bu-vb-np10:1.2.28	Netaṁ, moghapurisa, appasannānaṁ vā pasādāya …pe…
pli-tv-bu-vb-np10:1.2.29	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np10:1.3.0	
pli-tv-bu-vb-np10:1.3.1	“Bhikkhuṁ paneva uddissa rājā vā rājabhoggo vā brāhmaṇo vā gahapatiko vā dūtena cīvaracetāpannaṁ pahiṇeyya—
pli-tv-bu-vb-np10:1.3.2	‘iminā cīvaracetāpannena cīvaraṁ cetāpetvā itthannāmaṁ bhikkhuṁ cīvarena acchādehī’ti.
pli-tv-bu-vb-np10:1.3.3	So ce dūto taṁ bhikkhuṁ upasaṅkamitvā evaṁ vadeyya—
pli-tv-bu-vb-np10:1.3.4	‘idaṁ kho, bhante, āyasmantaṁ uddissa cīvaracetāpannaṁ ābhataṁ, paṭiggaṇhātu āyasmā cīvaracetāpannan’ti,
pli-tv-bu-vb-np10:1.3.5	tena bhikkhunā so dūto evamassa vacanīyo—
pli-tv-bu-vb-np10:1.3.6	‘na kho mayaṁ, āvuso, cīvaracetāpannaṁ paṭiggaṇhāma. Cīvarañca kho mayaṁ paṭiggaṇhāma, kālena kappiyan’ti.
pli-tv-bu-vb-np10:1.3.7	So ce dūto taṁ bhikkhuṁ evaṁ vadeyya—
pli-tv-bu-vb-np10:1.3.8	‘atthi panāyasmato koci veyyāvaccakaro’ti,
pli-tv-bu-vb-np10:1.3.9	cīvaratthikena, bhikkhave, bhikkhunā veyyāvaccakaro niddisitabbo ārāmiko vā upāsako vā—
pli-tv-bu-vb-np10:1.3.10	‘eso kho, āvuso, bhikkhūnaṁ veyyāvaccakaro’ti.
pli-tv-bu-vb-np10:1.3.11	So ce dūto taṁ veyyāvaccakaraṁ saññāpetvā taṁ bhikkhuṁ upasaṅkamitvā evaṁ vadeyya—
pli-tv-bu-vb-np10:1.3.12	‘yaṁ kho, bhante, āyasmā veyyāvaccakaraṁ niddisi saññatto so mayā, upasaṅkamatu āyasmā kālena, cīvarena taṁ acchādessatī’ti,
pli-tv-bu-vb-np10:1.3.13	cīvaratthikena, bhikkhave, bhikkhunā veyyāvaccakaro upasaṅkamitvā dvattikkhattuṁ codetabbo sāretabbo—
pli-tv-bu-vb-np10:1.3.14	‘attho me, āvuso, cīvarenā’ti.
pli-tv-bu-vb-np10:1.3.15	Dvattikkhattuṁ codayamāno sārayamāno taṁ cīvaraṁ abhinipphādeyya, iccetaṁ kusalaṁ;
pli-tv-bu-vb-np10:1.3.16	no ce abhinipphādeyya, catukkhattuṁ pañcakkhattuṁ chakkhattuparamaṁ tuṇhībhūtena uddissa ṭhātabbaṁ.
pli-tv-bu-vb-np10:1.3.17	Catukkhattuṁ pañcakkhattuṁ chakkhattuparamaṁ tuṇhībhūto uddissa tiṭṭhamāno taṁ cīvaraṁ abhinipphādeyya, iccetaṁ kusalaṁ;
pli-tv-bu-vb-np10:1.3.18	tato ce uttari vāyamamāno taṁ cīvaraṁ abhinipphādeyya, nissaggiyaṁ pācittiyaṁ.
pli-tv-bu-vb-np10:1.3.19	No ce abhinipphādeyya, yatassa cīvaracetāpannaṁ ābhataṁ, tattha sāmaṁ vā gantabbaṁ dūto vā pāhetabbo—
pli-tv-bu-vb-np10:1.3.20	‘yaṁ kho tumhe āyasmanto bhikkhuṁ uddissa cīvaracetāpannaṁ pahiṇittha, na taṁ tassa bhikkhuno kiñci atthaṁ anubhoti,
pli-tv-bu-vb-np10:1.3.21	yuñjantāyasmanto sakaṁ, mā vo sakaṁ vinassā’ti,
pli-tv-bu-vb-np10:1.3.22	ayaṁ tattha sāmīcī”ti.
pli-tv-bu-vb-np10:2.1.0	
pli-tv-bu-vb-np10:2.1.1	Bhikkhuṁ paneva uddissāti
pli-tv-bu-vb-np10:2.1.2	bhikkhussatthāya, bhikkhuṁ ārammaṇaṁ karitvā, bhikkhuṁ acchādetukāmo.
pli-tv-bu-vb-np10:2.1.3	Rājā nāma
pli-tv-bu-vb-np10:2.1.4	yo koci rajjaṁ kāreti.
pli-tv-bu-vb-np10:2.1.5	Rājabhoggo nāma
pli-tv-bu-vb-np10:2.1.6	yo koci rañño bhattavetanāhāro.
pli-tv-bu-vb-np10:2.1.7	Brāhmaṇo nāma
pli-tv-bu-vb-np10:2.1.8	jātiyā brāhmaṇo.
pli-tv-bu-vb-np10:2.1.9	Gahapatiko nāma
pli-tv-bu-vb-np10:2.1.10	ṭhapetvā rājaṁ rājabhoggaṁ brāhmaṇaṁ avaseso gahapatiko nāma.
pli-tv-bu-vb-np10:2.1.11	Cīvaracetāpannaṁ nāma
pli-tv-bu-vb-np10:2.1.12	hiraññaṁ vā suvaṇṇaṁ vā muttā vā maṇi vā.
pli-tv-bu-vb-np10:2.1.13	Iminā cīvaracetāpannenāti
pli-tv-bu-vb-np10:2.1.14	paccupaṭṭhitena.
pli-tv-bu-vb-np10:2.1.15	Cetāpetvāti
pli-tv-bu-vb-np10:2.1.16	parivattetvā.
pli-tv-bu-vb-np10:2.1.17	Acchādehīti
pli-tv-bu-vb-np10:2.1.18	dajjehi.
pli-tv-bu-vb-np10:2.1.19	So ce dūto taṁ bhikkhuṁ upasaṅkamitvā evaṁ vadeyya—
pli-tv-bu-vb-np10:2.1.20	“idaṁ kho, bhante, āyasmantaṁ uddissa cīvaracetāpannaṁ ābhataṁ. Paṭiggaṇhātu āyasmā cīvaracetāpannan”ti,
pli-tv-bu-vb-np10:2.1.21	tena bhikkhunā so dūto evamassa vacanīyo—
pli-tv-bu-vb-np10:2.1.22	“na kho mayaṁ, āvuso, cīvaracetāpannaṁ paṭiggaṇhāma. Cīvarañca kho mayaṁ paṭiggaṇhāma, kālena kappiyan”ti.
pli-tv-bu-vb-np10:2.1.23	So ce dūto taṁ bhikkhuṁ evaṁ vadeyya—
pli-tv-bu-vb-np10:2.1.24	“atthi panāyasmato koci veyyāvaccakaro”ti?
pli-tv-bu-vb-np10:2.1.25	Cīvaratthikena, bhikkhave, bhikkhunā veyyāvaccakaro niddisitabbo ārāmiko vā upāsako vā—
pli-tv-bu-vb-np10:2.1.26	“eso kho, āvuso, bhikkhūnaṁ veyyāvaccakaro”ti.
pli-tv-bu-vb-np10:2.1.27	Na vattabbo— “tassa dehīti vā, so vā nikkhipissati, so vā parivattessati, so vā cetāpessatī”ti.
pli-tv-bu-vb-np10:2.1.28	So ce dūto taṁ veyyāvaccakaraṁ saññāpetvā taṁ bhikkhuṁ upasaṅkamitvā evaṁ vadeyya—
pli-tv-bu-vb-np10:2.1.29	“yaṁ kho, bhante, āyasmā veyyāvaccakaraṁ niddisi saññatto so mayā. Upasaṅkamatu āyasmā kālena, cīvarena taṁ acchādessatī”ti.
pli-tv-bu-vb-np10:2.1.30	Cīvaratthikena, bhikkhave, bhikkhunā veyyāvaccakaro upasaṅkamitvā dvattikkhattuṁ codetabbo sāretabbo—
pli-tv-bu-vb-np10:2.1.31	“attho me, āvuso, cīvarenā”ti.
pli-tv-bu-vb-np10:2.1.32	Na vattabbo— “dehi me cīvaraṁ, āhara me cīvaraṁ, parivattehi me cīvaraṁ, cetāpehi me cīvaran”ti.
pli-tv-bu-vb-np10:2.1.33	Dutiyampi vattabbo.
pli-tv-bu-vb-np10:2.1.34	Tatiyampi vattabbo.
pli-tv-bu-vb-np10:2.1.35	Sace abhinipphādeti, iccetaṁ kusalaṁ;
pli-tv-bu-vb-np10:2.1.36	no ce abhinipphādeti, tattha gantvā tuṇhībhūtena uddissa ṭhātabbaṁ.
pli-tv-bu-vb-np10:2.1.37	Na āsane nisīditabbaṁ. Na āmisaṁ paṭiggahetabbaṁ.
pli-tv-bu-vb-np10:2.1.38	Na dhammo bhāsitabbo.
pli-tv-bu-vb-np10:2.1.39	“Kiṁ kāraṇā āgatosī”ti pucchiyamāno “jānāhi, āvuso”ti vattabbo.
pli-tv-bu-vb-np10:2.1.40	Sace āsane vā nisīdati, āmisaṁ vā paṭiggaṇhāti, dhammaṁ vā bhāsati, ṭhānaṁ bhañjati.
pli-tv-bu-vb-np10:2.1.41	Dutiyampi ṭhātabbaṁ.
pli-tv-bu-vb-np10:2.1.42	Tatiyampi ṭhātabbaṁ.
pli-tv-bu-vb-np10:2.1.43	Catukkhattuṁ codetvā catukkhattuṁ ṭhātabbaṁ.
pli-tv-bu-vb-np10:2.1.44	Pañcakkhattuṁ codetvā dvikkhattuṁ ṭhātabbaṁ.
pli-tv-bu-vb-np10:2.1.45	Chakkhattuṁ codetvā na ṭhātabbaṁ.
pli-tv-bu-vb-np10:2.2.1	Tato ce uttari vāyamamāno taṁ cīvaraṁ abhinipphādeti,
pli-tv-bu-vb-np10:2.2.2	payoge dukkaṭaṁ.
pli-tv-bu-vb-np10:2.2.3	Paṭilābhena nissaggiyaṁ hoti.
pli-tv-bu-vb-np10:2.2.4	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np10:2.2.5	Evañca pana, bhikkhave, nissajjitabbaṁ.
pli-tv-bu-vb-np10:2.2.6	…pe…
pli-tv-bu-vb-np10:2.2.7	“idaṁ me, bhante, cīvaraṁ atirekatikkhattuṁ codanāya atirekachakkhattuṁ ṭhānena abhinipphāditaṁ nissaggiyaṁ.
pli-tv-bu-vb-np10:2.2.8	Imāhaṁ saṅghassa nissajjāmī”ti …pe…
pli-tv-bu-vb-np10:2.2.9	dadeyyāti …pe…
pli-tv-bu-vb-np10:2.2.10	dadeyyunti …pe…
pli-tv-bu-vb-np10:2.2.11	āyasmato dammīti.
pli-tv-bu-vb-np10:2.2.12	No ce abhinipphādeyya, yatassa cīvaracetāpannaṁ ābhataṁ tattha sāmaṁ vā gantabbaṁ dūto vā pāhetabbo—
pli-tv-bu-vb-np10:2.2.13	“yaṁ kho tumhe, āyasmanto, bhikkhuṁ uddissa cīvaracetāpannaṁ pahiṇittha na taṁ tassa bhikkhuno kiñci atthaṁ anubhoti.
pli-tv-bu-vb-np10:2.2.14	Yuñjantāyasmanto sakaṁ, mā vo sakaṁ vinassā”ti.
pli-tv-bu-vb-np10:2.2.15	Ayaṁ tattha sāmīcīti
pli-tv-bu-vb-np10:2.2.16	ayaṁ tattha anudhammatā.
pli-tv-bu-vb-np10:2.3.0	
pli-tv-bu-vb-np10:2.3.1	Atirekatikkhattuṁ codanāya atirekachakkhattuṁ ṭhānena atirekasaññī abhinipphādeti, nissaggiyaṁ pācittiyaṁ.
pli-tv-bu-vb-np10:2.3.2	Atirekatikkhattuṁ codanāya atirekachakkhattuṁ ṭhānena vematiko abhinipphādeti, nissaggiyaṁ pācittiyaṁ.
pli-tv-bu-vb-np10:2.3.3	Atirekatikkhattuṁ codanāya atirekachakkhattuṁ ṭhānena ūnakasaññī abhinipphādeti, nissaggiyaṁ pācittiyaṁ.
pli-tv-bu-vb-np10:2.3.4	Ūnakatikkhattuṁ codanāya ūnakachakkhattuṁ ṭhānena atirekasaññī, āpatti dukkaṭassa.
pli-tv-bu-vb-np10:2.3.5	Ūnakatikkhattuṁ codanāya ūnakachakkhattuṁ ṭhānena vematiko, āpatti dukkaṭassa.
pli-tv-bu-vb-np10:2.3.6	Ūnakatikkhattuṁ codanāya ūnakachakkhattuṁ ṭhānena ūnakasaññī anāpatti.
pli-tv-bu-vb-np10:2.4.0	
pli-tv-bu-vb-np10:2.4.1	Anāpatti—
pli-tv-bu-vb-np10:2.4.2	tikkhattuṁ codanāya, chakkhattuṁ ṭhānena,
pli-tv-bu-vb-np10:2.4.3	ūnakatikkhattuṁ codanāya, ūnakachakkhattuṁ ṭhānena,
pli-tv-bu-vb-np10:2.4.4	acodiyamāno deti,
pli-tv-bu-vb-np10:2.4.5	sāmikā codetvā denti,
pli-tv-bu-vb-np10:2.4.6	ummattakassa,
pli-tv-bu-vb-np10:2.4.7	ādikammikassāti.
pli-tv-bu-vb-np10:2.4.8	Rājasikkhāpadaṁ niṭṭhitaṁ dasamaṁ.
pli-tv-bu-vb-np10:2.4.9	Kathinavaggo paṭhamo.
pli-tv-bu-vb-np10:2.4.10	Tassuddānaṁ
pli-tv-bu-vb-np10:2.4.11	Ubbhataṁ kathinaṁ tīṇi,
pli-tv-bu-vb-np10:2.4.12	dhovanañca paṭiggaho;
pli-tv-bu-vb-np10:2.4.13	Aññātakāni tīṇeva,
pli-tv-bu-vb-np10:2.4.14	ubhinnaṁ dūtakena cāti.
pli-tv-bu-vb-np11:0.1	Theravāda Vinaya
pli-tv-bu-vb-np11:0.2	Mahāvibhaṅga
pli-tv-bu-vb-np11:0.3	Nissaggiyakaṇḍa
pli-tv-bu-vb-np11:0.4	Kosiyavagga
pli-tv-bu-vb-np11:0.5	11. Kosiyasikkhāpada
pli-tv-bu-vb-np11:1.0	
pli-tv-bu-vb-np11:1.1	Tena samayena buddho bhagavā āḷaviyaṁ viharati aggāḷave cetiye.
pli-tv-bu-vb-np11:1.2	Tena kho pana samayena chabbaggiyā bhikkhū kosiyakārake upasaṅkamitvā evaṁ vadanti—
pli-tv-bu-vb-np11:1.3	“bahū, āvuso, kosakārake pacatha, amhākampi dassatha,
pli-tv-bu-vb-np11:1.4	mayampi icchāma kosiyamissakaṁ santhataṁ kātun”ti.
pli-tv-bu-vb-np11:1.5	Te ujjhāyanti khiyyanti vipācenti—
pli-tv-bu-vb-np11:1.6	“kathañhi nāma samaṇā sakyaputtiyā amhe upasaṅkamitvā evaṁ vakkhanti—
pli-tv-bu-vb-np11:1.7	‘bahū, āvuso, kosakārake pacatha, amhākampi dassatha, mayampi icchāma kosiyamissakaṁ santhataṁ kātun’ti.
pli-tv-bu-vb-np11:1.8	Amhākampi alābhā, amhākampi dulladdhaṁ, ye mayaṁ ājīvassa hetu puttadārassa kāraṇā bahū khuddake pāṇe saṅghātaṁ āpādemā”ti.
pli-tv-bu-vb-np11:1.9	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np11:1.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np11:1.11	“kathañhi nāma chabbaggiyā bhikkhū kosiyakārake upasaṅkamitvā evaṁ vakkhanti—
pli-tv-bu-vb-np11:1.12	‘bahū, āvuso, kosakārake pacatha, amhākampi dassatha, mayampi icchāma kosiyamissakaṁ santhataṁ kātun’”ti.
pli-tv-bu-vb-np11:1.13	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np11:1.14	“saccaṁ kira tumhe, bhikkhave, kosiyakārake upasaṅkamitvā evaṁ vadetha—
pli-tv-bu-vb-np11:1.15	‘bahū, āvuso, kosakārake pacatha, amhākampi dassatha,
pli-tv-bu-vb-np11:1.16	mayampi icchāma kosiyamissakaṁ santhataṁ kātun’”ti?
pli-tv-bu-vb-np11:1.17	“Saccaṁ, bhagavā”ti.
pli-tv-bu-vb-np11:1.18	Vigarahi buddho bhagavā …pe…
pli-tv-bu-vb-np11:1.19	kathañhi nāma tumhe, moghapurisā, kosiyakārake upasaṅkamitvā evaṁ vakkhatha—
pli-tv-bu-vb-np11:1.20	‘bahū, āvuso, kosakārake pacatha, amhākampi dassatha, mayampi icchāma kosiyamissakaṁ santhataṁ kātun’ti.
pli-tv-bu-vb-np11:1.21	Netaṁ, moghapurisā, appasannānaṁ vā pasādāya …pe…
pli-tv-bu-vb-np11:1.22	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np11:1.23.0	
pli-tv-bu-vb-np11:1.23.1	“Yo pana bhikkhu kosiyamissakaṁ santhataṁ kārāpeyya, nissaggiyaṁ pācittiyan”ti.
pli-tv-bu-vb-np11:2.1.0	
pli-tv-bu-vb-np11:2.1.1	Yo panāti
pli-tv-bu-vb-np11:2.1.2	yo yādiso …pe…
pli-tv-bu-vb-np11:2.1.3	bhikkhūti
pli-tv-bu-vb-np11:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np11:2.1.5	Santhataṁ nāma
pli-tv-bu-vb-np11:2.1.6	santharitvā kataṁ hoti avāyimaṁ.
pli-tv-bu-vb-np11:2.1.7	Kārāpeyyāti
pli-tv-bu-vb-np11:2.1.8	ekenapi kosiyaṁsunā missitvā karoti vā kārāpeti vā, payoge dukkaṭaṁ.
pli-tv-bu-vb-np11:2.1.9	Paṭilābhena nissaggiyaṁ hoti.
pli-tv-bu-vb-np11:2.1.10	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np11:2.1.11	Evañca pana, bhikkhave, nissajjitabbaṁ.
pli-tv-bu-vb-np11:2.1.12	…pe…
pli-tv-bu-vb-np11:2.1.13	idaṁ me, bhante, kosiyamissakaṁ santhataṁ kārāpitaṁ nissaggiyaṁ.
pli-tv-bu-vb-np11:2.1.14	Imāhaṁ saṅghassa nissajjāmīti …pe…
pli-tv-bu-vb-np11:2.1.15	dadeyyāti …pe…
pli-tv-bu-vb-np11:2.1.16	dadeyyunti …pe…
pli-tv-bu-vb-np11:2.1.17	āyasmato dammīti.
pli-tv-bu-vb-np11:2.2.0	
pli-tv-bu-vb-np11:2.2.1	Attanā vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np11:2.2.2	Attanā vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np11:2.2.3	Parehi vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np11:2.2.4	Parehi vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np11:2.2.5	Aññassatthāya karoti vā kārāpeti vā, āpatti dukkaṭassa.
pli-tv-bu-vb-np11:2.2.6	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-np11:2.2.7.0	
pli-tv-bu-vb-np11:2.2.7.1	Anāpatti—
pli-tv-bu-vb-np11:2.2.8	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-np11:2.2.9	ummattakassa,
pli-tv-bu-vb-np11:2.2.10	ādikammikassāti.
pli-tv-bu-vb-np11:2.2.11	Kosiyasikkhāpadaṁ niṭṭhitaṁ paṭhamaṁ.
pli-tv-bu-vb-np12:0.1	Theravāda Vinaya
pli-tv-bu-vb-np12:0.2	Mahāvibhaṅga
pli-tv-bu-vb-np12:0.3	Nissaggiyakaṇḍa
pli-tv-bu-vb-np12:0.4	Kosiyavagga
pli-tv-bu-vb-np12:0.5	12. Suddhakāḷakasikkhāpada
pli-tv-bu-vb-np12:1.0	
pli-tv-bu-vb-np12:1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bu-vb-np12:1.2	Tena kho pana samayena chabbaggiyā bhikkhū suddhakāḷakānaṁ eḷakalomānaṁ santhataṁ kārāpenti.
pli-tv-bu-vb-np12:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bu-vb-np12:1.4	“kathañhi nāma samaṇā sakyaputtiyā suddhakāḷakānaṁ eḷakalomānaṁ santhataṁ kārāpessanti, seyyathāpi gihī kāmabhogino”ti.
pli-tv-bu-vb-np12:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np12:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np12:1.7	“kathañhi nāma chabbaggiyā bhikkhū suddhakāḷakānaṁ eḷakalomānaṁ santhataṁ kārāpessantī”ti.
pli-tv-bu-vb-np12:1.8	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np12:1.9	“saccaṁ kira tumhe, bhikkhave, suddhakāḷakānaṁ eḷakalomānaṁ santhataṁ kārāpethā”ti?
pli-tv-bu-vb-np12:1.10	“Saccaṁ, bhagavā”ti.
pli-tv-bu-vb-np12:1.11	Vigarahi buddho bhagavā …pe…
pli-tv-bu-vb-np12:1.12	kathañhi nāma tumhe, moghapurisā, suddhakāḷakānaṁ eḷakalomānaṁ santhataṁ kārāpessatha.
pli-tv-bu-vb-np12:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-np12:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np12:1.15.0	
pli-tv-bu-vb-np12:1.15.1	“Yo pana bhikkhu suddhakāḷakānaṁ eḷakalomānaṁ santhataṁ kārāpeyya, nissaggiyaṁ pācittiyan”ti.
pli-tv-bu-vb-np12:2.0	
pli-tv-bu-vb-np12:2.1	Yo panāti
pli-tv-bu-vb-np12:2.2	yo yādiso …pe…
pli-tv-bu-vb-np12:2.3	bhikkhūti
pli-tv-bu-vb-np12:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np12:2.5	Kāḷakaṁ nāma
pli-tv-bu-vb-np12:2.6	dve kāḷakāni—
pli-tv-bu-vb-np12:2.7	jātiyā kāḷakaṁ vā rajanakāḷakaṁ vā.
pli-tv-bu-vb-np12:2.8	Santhataṁ nāma
pli-tv-bu-vb-np12:2.9	santharitvā kataṁ hoti avāyimaṁ.
pli-tv-bu-vb-np12:2.10	Kārāpeyyāti
pli-tv-bu-vb-np12:2.11	karoti vā kārāpeti vā, payoge dukkaṭaṁ.
pli-tv-bu-vb-np12:2.12	Paṭilābhena nissaggiyaṁ hoti.
pli-tv-bu-vb-np12:2.13	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np12:2.14	Evañca pana, bhikkhave, nissajjitabbaṁ.
pli-tv-bu-vb-np12:2.15	…pe…
pli-tv-bu-vb-np12:2.16	“idaṁ me, bhante, suddhakāḷakānaṁ eḷakalomānaṁ santhataṁ kārāpitaṁ nissaggiyaṁ.
pli-tv-bu-vb-np12:2.17	Imāhaṁ saṅghassa nissajjāmī”ti …pe…
pli-tv-bu-vb-np12:2.18	dadeyyāti …pe…
pli-tv-bu-vb-np12:2.19	dadeyyunti …pe…
pli-tv-bu-vb-np12:2.20	āyasmato dammīti.
pli-tv-bu-vb-np12:2.21.0	
pli-tv-bu-vb-np12:2.21.1	Attanā vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np12:2.22	Attanā vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np12:2.23	Parehi vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np12:2.24	Parehi vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np12:2.25	Aññassatthāya karoti vā kārāpeti vā, āpatti dukkaṭassa.
pli-tv-bu-vb-np12:2.26	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-np12:2.27.0	
pli-tv-bu-vb-np12:2.27.1	Anāpatti—
pli-tv-bu-vb-np12:2.28	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-np12:2.29	ummattakassa,
pli-tv-bu-vb-np12:2.30	ādikammikassāti.
pli-tv-bu-vb-np12:2.31	Suddhakāḷakasikkhāpadaṁ niṭṭhitaṁ dutiyaṁ.
pli-tv-bu-vb-np13:0.1	Theravāda Vinaya
pli-tv-bu-vb-np13:0.2	Mahāvibhaṅga
pli-tv-bu-vb-np13:0.3	Nissaggiyakaṇḍa
pli-tv-bu-vb-np13:0.4	Kosiyavagga
pli-tv-bu-vb-np13:0.5	13. Dvebhāgasikkhāpada
pli-tv-bu-vb-np13:1.0	
pli-tv-bu-vb-np13:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np13:1.2	Tena kho pana samayena chabbaggiyā bhikkhū—“bhagavatā paṭikkhittaṁ suddhakāḷakānaṁ eḷakalomānaṁ santhataṁ kārāpetun”ti, te thokaññeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpenti.
pli-tv-bu-vb-np13:1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np13:1.4	“kathañhi nāma chabbaggiyā bhikkhū thokaññeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpessantī”ti.
pli-tv-bu-vb-np13:1.5	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np13:1.6	“saccaṁ kira tumhe, bhikkhave, thokaññeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpethā”ti?
pli-tv-bu-vb-np13:1.7	“Saccaṁ, bhagavā”ti.
pli-tv-bu-vb-np13:1.8	Vigarahi buddho bhagavā …pe…
pli-tv-bu-vb-np13:1.9	kathañhi nāma tumhe, moghapurisā, thokaññeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpessatha.
pli-tv-bu-vb-np13:1.10	Netaṁ, moghapurisā, appasannānaṁ vā pasādāya …pe…
pli-tv-bu-vb-np13:1.11	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np13:1.12.0	
pli-tv-bu-vb-np13:1.12.1	“Navaṁ pana bhikkhunā santhataṁ kārayamānena dve bhāgā suddhakāḷakānaṁ eḷakalomānaṁ ādātabbā tatiyaṁ odātānaṁ catutthaṁ gocariyānaṁ.
pli-tv-bu-vb-np13:1.13	Anādā ce bhikkhu dve bhāge suddhakāḷakānaṁ eḷakalomānaṁ tatiyaṁ odātānaṁ catutthaṁ gocariyānaṁ navaṁ santhataṁ kārāpeyya, nissaggiyaṁ pācittiyan”ti.
pli-tv-bu-vb-np13:2.0	
pli-tv-bu-vb-np13:2.1	Navaṁ nāma
pli-tv-bu-vb-np13:2.2	karaṇaṁ upādāya vuccati.
pli-tv-bu-vb-np13:2.3	Santhataṁ nāma
pli-tv-bu-vb-np13:2.4	santharitvā kataṁ hoti avāyimaṁ.
pli-tv-bu-vb-np13:2.5	Kārayamānenāti
pli-tv-bu-vb-np13:2.6	karonto vā kārāpento vā.
pli-tv-bu-vb-np13:2.7	Dve bhāgā suddhakāḷakānaṁ eḷakalomānaṁ ādātabbāti
pli-tv-bu-vb-np13:2.8	dhārayitvā dve tulā ādātabbā.
pli-tv-bu-vb-np13:2.9	Tatiyaṁ odātānanti
pli-tv-bu-vb-np13:2.10	tulaṁ odātānaṁ.
pli-tv-bu-vb-np13:2.11	Catutthaṁ gocariyānanti
pli-tv-bu-vb-np13:2.12	tulaṁ gocariyānaṁ.
pli-tv-bu-vb-np13:2.13	Anādā ce bhikkhu dve bhāge suddhakāḷakānaṁ eḷakalomānaṁ tatiyaṁ odātānaṁ catutthaṁ gocariyānanti.
pli-tv-bu-vb-np13:2.14	Anādiyitvā dve tule suddhakāḷakānaṁ eḷakalomānaṁ tulaṁ odātānaṁ tulaṁ gocariyānaṁ navaṁ santhataṁ karoti vā kārāpeti vā payoge dukkaṭaṁ,
pli-tv-bu-vb-np13:2.15	paṭilābhena nissaggiyaṁ hoti.
pli-tv-bu-vb-np13:2.16	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np13:2.17	Evañca pana, bhikkhave, nissajjitabbaṁ.
pli-tv-bu-vb-np13:2.18	…pe…
pli-tv-bu-vb-np13:2.19	“idaṁ me, bhante, santhataṁ anādiyitvā dve tule suddhakāḷakānaṁ eḷakalomānaṁ tulaṁ odātānaṁ tulaṁ gocariyānaṁ kārāpitaṁ nissaggiyaṁ.
pli-tv-bu-vb-np13:2.20	Imāhaṁ saṅghassa nissajjāmī”ti …pe…
pli-tv-bu-vb-np13:2.21	dadeyyāti …pe…
pli-tv-bu-vb-np13:2.22	dadeyyunti …pe…
pli-tv-bu-vb-np13:2.23	āyasmato dammīti.
pli-tv-bu-vb-np13:2.24.0	
pli-tv-bu-vb-np13:2.24.1	Attanā vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np13:2.25	Attanā vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np13:2.26	Parehi vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np13:2.27	Parehi vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np13:2.28	Aññassatthāya karoti vā kārāpeti vā, āpatti dukkaṭassa.
pli-tv-bu-vb-np13:2.29	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-np13:2.30.0	
pli-tv-bu-vb-np13:2.30.1	Anāpatti—
pli-tv-bu-vb-np13:2.31	tulaṁ odātānaṁ tulaṁ gocariyānaṁ ādiyitvā karoti,
pli-tv-bu-vb-np13:2.32	bahutaraṁ odātānaṁ bahutaraṁ gocariyānaṁ ādiyitvā karoti,
pli-tv-bu-vb-np13:2.33	suddhaṁ odātānaṁ suddhaṁ gocariyānaṁ ādiyitvā karoti,
pli-tv-bu-vb-np13:2.34	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-np13:2.35	ummattakassa,
pli-tv-bu-vb-np13:2.36	ādikammikassāti.
pli-tv-bu-vb-np13:2.37	Dvebhāgasikkhāpadaṁ niṭṭhitaṁ tatiyaṁ.
pli-tv-bu-vb-np14:0.1	Theravāda Vinaya
pli-tv-bu-vb-np14:0.2	Mahāvibhaṅga
pli-tv-bu-vb-np14:0.3	Nissaggiyakaṇḍa
pli-tv-bu-vb-np14:0.4	Kosiyavagga
pli-tv-bu-vb-np14:0.5	14. Chabbassasikkhāpada
pli-tv-bu-vb-np14:1.0.1	
pli-tv-bu-vb-np14:1.0.2	
pli-tv-bu-vb-np14:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np14:1.2	Tena kho pana samayena bhikkhū anuvassaṁ santhataṁ kārāpenti.
pli-tv-bu-vb-np14:1.3	Te yācanabahulā viññattibahulā viharanti—
pli-tv-bu-vb-np14:1.4	“eḷakalomāni detha.
pli-tv-bu-vb-np14:1.5	Eḷakalomehi attho”ti.
pli-tv-bu-vb-np14:1.6	Manussā ujjhāyanti khiyyanti vipācenti—
pli-tv-bu-vb-np14:1.7	“kathañhi nāma samaṇā sakyaputtiyā anuvassaṁ santhataṁ kārāpessanti, yācanabahulā viññattibahulā viharissanti—
pli-tv-bu-vb-np14:1.8	‘eḷakalomāni detha, eḷakalomehi attho’ti.
pli-tv-bu-vb-np14:1.9	Amhākaṁ pana sakiṁ katāni santhatāni pañcapi chapi vassāni honti, yesaṁ no dārakā uhadantipi ummihantipi undūrehipi khajjanti.
pli-tv-bu-vb-np14:1.10	Ime pana samaṇā sakyaputtiyā anuvassaṁ santhataṁ kārāpenti, yācanabahulā viññattibahulā viharanti—
pli-tv-bu-vb-np14:1.11	‘eḷakalomāni detha, eḷakalomehi attho’”ti.
pli-tv-bu-vb-np14:1.12	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np14:1.13	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np14:1.14	“kathañhi nāma bhikkhū anuvassaṁ santhataṁ kārāpessanti, yācanabahulā viññattibahulā viharissanti—
pli-tv-bu-vb-np14:1.15	‘eḷakalomāni detha, eḷakalomehi attho’”ti.
pli-tv-bu-vb-np14:1.16	Atha kho te bhikkhū te anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np14:1.17	“saccaṁ kira, bhikkhave, bhikkhū anuvassaṁ santhataṁ kārāpenti, yācanabahulā viññattibahulā viharanti—
pli-tv-bu-vb-np14:1.18	‘eḷakalomāni detha, eḷakalomehi attho’”ti?
pli-tv-bu-vb-np14:1.19	“Saccaṁ, bhagavā”ti.
pli-tv-bu-vb-np14:1.20	Vigarahi buddho bhagavā …pe…
pli-tv-bu-vb-np14:1.21	kathañhi nāma te, bhikkhave, moghapurisā anuvassaṁ santhataṁ kārāpessanti, yācanabahulā viññattibahulā viharissanti—
pli-tv-bu-vb-np14:1.22	‘eḷakalomāni detha, eḷakalomehi attho’ti.
pli-tv-bu-vb-np14:1.23	Netaṁ, bhikkhave, appasannānaṁ vā pasādāya …pe…
pli-tv-bu-vb-np14:1.24	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np14:1.25.0	
pli-tv-bu-vb-np14:1.25.1	“Navaṁ pana bhikkhunā santhataṁ kārāpetvā chabbassāni dhāretabbaṁ.
pli-tv-bu-vb-np14:1.26	Orena ce channaṁ vassānaṁ taṁ santhataṁ vissajjetvā vā avissajjetvā vā aññaṁ navaṁ santhataṁ kārāpeyya, nissaggiyaṁ pācittiyan”ti.
pli-tv-bu-vb-np14:1.27	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-np14:2.0	
pli-tv-bu-vb-np14:2.1	Tena kho pana samayena aññataro bhikkhu kosambiyaṁ gilāno hoti.
pli-tv-bu-vb-np14:2.2	Ñātakā tassa bhikkhuno santike dūtaṁ pāhesuṁ—
pli-tv-bu-vb-np14:2.3	“āgacchatu bhadanto mayaṁ upaṭṭhahissāmā”ti.
pli-tv-bu-vb-np14:2.4	Bhikkhūpi evamāhaṁsu—
pli-tv-bu-vb-np14:2.5	“gacchāvuso, ñātakā taṁ upaṭṭhahissantī”ti.
pli-tv-bu-vb-np14:2.6	So evamāha—
pli-tv-bu-vb-np14:2.7	“bhagavatā, āvuso, sikkhāpadaṁ paññattaṁ—
pli-tv-bu-vb-np14:2.8	‘navaṁ pana bhikkhunā santhataṁ kārāpetvā chabbassāni dhāretabban’ti.
pli-tv-bu-vb-np14:2.9	Ahañcamhi gilāno, na sakkomi santhataṁ ādāya pakkamituṁ.
pli-tv-bu-vb-np14:2.10	Mayhañca vinā santhatā na phāsu hoti.
pli-tv-bu-vb-np14:2.11	Nāhaṁ gamissāmī”ti.
pli-tv-bu-vb-np14:2.12	Bhagavato etamatthaṁ ārocesuṁ.
pli-tv-bu-vb-np14:2.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np14:2.14	“anujānāmi, bhikkhave, gilānassa bhikkhuno santhatasammutiṁ dātuṁ.
pli-tv-bu-vb-np14:2.15	Evañca pana, bhikkhave, dātabbā.
pli-tv-bu-vb-np14:2.16	Tena gilānena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np14:2.17	‘ahaṁ, bhante, gilāno
pli-tv-bu-vb-np14:2.18	na sakkomi santhataṁ ādāya pakkamituṁ.
pli-tv-bu-vb-np14:2.19	Sohaṁ, bhante, saṅghaṁ santhatasammutiṁ yācāmī’ti.
pli-tv-bu-vb-np14:2.20	Dutiyampi yācitabbā.
pli-tv-bu-vb-np14:2.21	Tatiyampi yācitabbā.
pli-tv-bu-vb-np14:2.22	Byattena bhikkhunā paṭibalena saṅgho ñāpetabbo—
pli-tv-bu-vb-np14:2.23	‘Suṇātu me, bhante, saṅgho.
pli-tv-bu-vb-np14:2.24	Ayaṁ itthannāmo bhikkhu gilāno na sakkoti santhataṁ ādāya pakkamituṁ.
pli-tv-bu-vb-np14:2.25	So saṅghaṁ santhatasammutiṁ yācati.
pli-tv-bu-vb-np14:2.26	Yadi saṅghassa pattakallaṁ, saṅgho itthannāmassa bhikkhuno santhatasammutiṁ dadeyya.
pli-tv-bu-vb-np14:2.27	Esā ñatti.
pli-tv-bu-vb-np14:2.28	Suṇātu me, bhante, saṅgho.
pli-tv-bu-vb-np14:2.29	Ayaṁ itthannāmo bhikkhu gilāno na sakkoti santhataṁ ādāya pakkamituṁ.
pli-tv-bu-vb-np14:2.30	So saṅghaṁ santhatasammutiṁ yācati.
pli-tv-bu-vb-np14:2.31	Saṅgho itthannāmassa bhikkhuno santhatasammutiṁ deti.
pli-tv-bu-vb-np14:2.32	Yassāyasmato khamati itthannāmassa bhikkhuno santhatasammutiyā dānaṁ, so tuṇhassa;
pli-tv-bu-vb-np14:2.33	yassa nakkhamati, so bhāseyya.
pli-tv-bu-vb-np14:2.34	Dinnā saṅghena itthannāmassa bhikkhuno santhatasammuti.
pli-tv-bu-vb-np14:2.35	Khamati saṅghassa, tasmā tuṇhī,
pli-tv-bu-vb-np14:2.36	evametaṁ dhārayāmī’ti.
pli-tv-bu-vb-np14:2.37	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np14:2.38.0	
pli-tv-bu-vb-np14:2.38.1	“Navaṁ pana bhikkhunā santhataṁ kārāpetvā chabbassāni dhāretabbaṁ.
pli-tv-bu-vb-np14:2.39	Orena ce channaṁ vassānaṁ taṁ santhataṁ vissajjetvā vā avissajjetvā vā aññaṁ navaṁ santhataṁ kārāpeyya, aññatra bhikkhusammutiyā, nissaggiyaṁ pācittiyan”ti.
pli-tv-bu-vb-np14:3.0	
pli-tv-bu-vb-np14:3.1	Navaṁ nāma
pli-tv-bu-vb-np14:3.2	karaṇaṁ upādāya vuccati.
pli-tv-bu-vb-np14:3.3	Santhataṁ nāma
pli-tv-bu-vb-np14:3.4	santharitvā kataṁ hoti avāyimaṁ.
pli-tv-bu-vb-np14:3.5	Kārāpetvāti
pli-tv-bu-vb-np14:3.6	karitvā vā kārāpetvā vā.
pli-tv-bu-vb-np14:3.7	Chabbassāni dhāretabbanti
pli-tv-bu-vb-np14:3.8	chabbassaparamatā dhāretabbaṁ.
pli-tv-bu-vb-np14:3.9	Orena ce channaṁ vassānanti
pli-tv-bu-vb-np14:3.10	ūnakachabbassāni.
pli-tv-bu-vb-np14:3.11	Taṁ santhataṁ vissajjetvāti
pli-tv-bu-vb-np14:3.12	aññesaṁ datvā.
pli-tv-bu-vb-np14:3.13	Avissajjetvāti
pli-tv-bu-vb-np14:3.14	na kassaci datvā.
pli-tv-bu-vb-np14:3.15	Aññatra bhikkhusammutiyāti
pli-tv-bu-vb-np14:3.16	ṭhapetvā bhikkhusammutiṁ aññaṁ navaṁ santhataṁ karoti vā kārāpeti vā, payoge dukkaṭaṁ.
pli-tv-bu-vb-np14:3.17	Paṭilābhena nissaggiyaṁ hoti.
pli-tv-bu-vb-np14:3.18	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np14:3.19	Evañca pana, bhikkhave, nissajjitabbaṁ.
pli-tv-bu-vb-np14:3.20	…pe…
pli-tv-bu-vb-np14:3.21	“idaṁ me, bhante, santhataṁ ūnakachabbassāni kārāpitaṁ, aññatra bhikkhusammutiyā, nissaggiyaṁ.
pli-tv-bu-vb-np14:3.22	Imāhaṁ saṅghassa nissajjāmī”ti …pe…
pli-tv-bu-vb-np14:3.23	dadeyyāti …pe…
pli-tv-bu-vb-np14:3.24	dadeyyunti …pe…
pli-tv-bu-vb-np14:3.25	āyasmato dammīti.
pli-tv-bu-vb-np14:3.26.0	
pli-tv-bu-vb-np14:3.26.1	Attanā vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np14:3.27	Attanā vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np14:3.28	Parehi vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np14:3.29	Parehi vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np14:3.30.0	
pli-tv-bu-vb-np14:3.30.1	Anāpatti—
pli-tv-bu-vb-np14:3.31	chabbassāni karoti,
pli-tv-bu-vb-np14:3.32	atirekachabbassāni karoti,
pli-tv-bu-vb-np14:3.33	aññassatthāya karoti vā kārāpeti vā,
pli-tv-bu-vb-np14:3.34	aññena kataṁ paṭilabhitvā paribhuñjati,
pli-tv-bu-vb-np14:3.35	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-np14:3.36	bhikkhusammutiyā,
pli-tv-bu-vb-np14:3.37	ummattakassa,
pli-tv-bu-vb-np14:3.38	ādikammikassāti.
pli-tv-bu-vb-np14:3.39	Chabbassasikkhāpadaṁ niṭṭhitaṁ catutthaṁ.
pli-tv-bu-vb-np15:0.1	Theravāda Vinaya
pli-tv-bu-vb-np15:0.2	Mahāvibhaṅga
pli-tv-bu-vb-np15:0.3	Nissaggiyakaṇḍa
pli-tv-bu-vb-np15:0.4	Kosiyavagga
pli-tv-bu-vb-np15:0.5	15. Nisīdanasanthatasikkhāpada
pli-tv-bu-vb-np15:1.1.0	
pli-tv-bu-vb-np15:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np15:1.1.2	Atha kho bhagavā bhikkhū āmantesi—“icchāmahaṁ, bhikkhave, temāsaṁ paṭisallīyituṁ.
pli-tv-bu-vb-np15:1.1.3	Namhi kenaci upasaṅkamitabbo, aññatra ekena piṇḍapātanīhārakenā”ti.
pli-tv-bu-vb-np15:1.1.4	“Evaṁ, bhante”ti kho te bhikkhū bhagavato paṭissuṇitvā nāssudha koci bhagavantaṁ upasaṅkamati, aññatra ekena piṇḍapātanīhārakena.
pli-tv-bu-vb-np15:1.1.5	Tena kho pana samayena sāvatthiyā saṅghena katikā katā hoti—
pli-tv-bu-vb-np15:1.1.6	“icchatāvuso, bhagavā temāsaṁ paṭisallīyituṁ.
pli-tv-bu-vb-np15:1.1.7	Na bhagavā kenaci upasaṅkamitabbo, aññatra ekena piṇḍapātanīhārakena.
pli-tv-bu-vb-np15:1.1.8	Yo bhagavantaṁ upasaṅkamati so pācittiyaṁ desāpetabbo”ti.
pli-tv-bu-vb-np15:1.1.9	Atha kho āyasmā upaseno vaṅgantaputto, sapariso yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-np15:1.1.10	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ. Atha kho bhagavā āyasmantaṁ upasenaṁ vaṅgantaputtaṁ etadavoca—
pli-tv-bu-vb-np15:1.1.11	“kacci vo, upasena, khamanīyaṁ kacci yāpanīyaṁ,
pli-tv-bu-vb-np15:1.1.12	kaccittha appakilamathena addhānaṁ āgatā”ti?
pli-tv-bu-vb-np15:1.1.13	“Khamanīyaṁ, bhagavā, yāpanīyaṁ, bhagavā.
pli-tv-bu-vb-np15:1.1.14	Appakilamathena ca mayaṁ, bhante, addhānaṁ āgatā”ti.
pli-tv-bu-vb-np15:1.1.15	Tena kho pana samayena āyasmato upasenassa vaṅgantaputtassa saddhivihāriko bhikkhu bhagavato avidūre nisinno hoti. Atha kho bhagavā taṁ bhikkhuṁ etadavoca—
pli-tv-bu-vb-np15:1.1.16	“manāpāni te, bhikkhu, paṁsukūlānī”ti?
pli-tv-bu-vb-np15:1.1.17	“Na kho me, bhante, manāpāni paṁsukūlānī”ti.
pli-tv-bu-vb-np15:1.1.18	“Kissa pana tvaṁ, bhikkhu, paṁsukūliko”ti?
pli-tv-bu-vb-np15:1.1.19	“Upajjhāyo me, bhante, paṁsukūliko. Evaṁ ahampi paṁsukūliko”ti.
pli-tv-bu-vb-np15:1.1.20	Atha kho bhagavā āyasmantaṁ upasenaṁ vaṅgantaputtaṁ etadavoca—“pāsādikā kho tyāyaṁ, upasena, parisā.
pli-tv-bu-vb-np15:1.1.21	Kathaṁ tvaṁ, upasena, parisaṁ vinesī”ti?
pli-tv-bu-vb-np15:1.1.22	“Yo maṁ, bhante, upasampadaṁ yācati tamahaṁ evaṁ vadāmi—
pli-tv-bu-vb-np15:1.1.23	‘ahaṁ kho, āvuso, āraññiko piṇḍapātiko paṁsukūliko.
pli-tv-bu-vb-np15:1.1.24	Sace tvampi āraññiko bhavissasi piṇḍapātiko paṁsukūliko, evāhaṁ taṁ upasampādessāmī’ti.
pli-tv-bu-vb-np15:1.1.25	Sace me paṭissuṇāti upasampādemi, no ce me paṭissuṇāti na upasampādemi.
pli-tv-bu-vb-np15:1.1.26	Yo maṁ nissayaṁ yācati tamahaṁ evaṁ vadāmi—
pli-tv-bu-vb-np15:1.1.27	‘ahaṁ kho, āvuso, āraññiko piṇḍapātiko paṁsukūliko.
pli-tv-bu-vb-np15:1.1.28	Sace tvampi āraññiko bhavissasi piṇḍapātiko paṁsukūliko, evāhaṁ te nissayaṁ dassāmī’ti.
pli-tv-bu-vb-np15:1.1.29	Sace me paṭissuṇāti nissayaṁ demi, no ce me paṭissuṇāti na nissayaṁ demi.
pli-tv-bu-vb-np15:1.1.30	Evaṁ kho ahaṁ, bhante, parisaṁ vinemī”ti.
pli-tv-bu-vb-np15:1.2.1	“Sādhu sādhu, upasena. Sādhu kho tvaṁ, upasena, parisaṁ vinesi.
pli-tv-bu-vb-np15:1.2.2	Jānāsi pana tvaṁ, upasena, sāvatthiyā saṅghassa katikan”ti?
pli-tv-bu-vb-np15:1.2.3	“Na kho ahaṁ, bhante, jānāmi sāvatthiyā saṅghassa katikan”ti.
pli-tv-bu-vb-np15:1.2.4	“Sāvatthiyā kho, upasena, saṅghena katikā katā—
pli-tv-bu-vb-np15:1.2.5	‘icchatāvuso, bhagavā temāsaṁ paṭisallīyituṁ.
pli-tv-bu-vb-np15:1.2.6	Na bhagavā kenaci upasaṅkamitabbo, aññatra ekena piṇḍapātanīhārakena.
pli-tv-bu-vb-np15:1.2.7	Yo bhagavantaṁ upasaṅkamati so pācittiyaṁ desāpetabbo’”ti.
pli-tv-bu-vb-np15:1.2.8	“Paññāyissati, bhante, sāvatthiyā saṅgho sakāya katikāya,
pli-tv-bu-vb-np15:1.2.9	na mayaṁ apaññattaṁ paññapessāma paññattaṁ vā na samucchindissāma,
pli-tv-bu-vb-np15:1.2.10	yathāpaññattesu sikkhāpadesu samādāya vattissāmā”ti.
pli-tv-bu-vb-np15:1.2.11	“Sādhu sādhu, upasena,
pli-tv-bu-vb-np15:1.2.12	apaññattaṁ na paññapetabbaṁ, paññattaṁ vā na samucchinditabbaṁ,
pli-tv-bu-vb-np15:1.2.13	yathāpaññattesu sikkhāpadesu samādāya vattitabbaṁ.
pli-tv-bu-vb-np15:1.2.14	Anujānāmi, upasena, ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantū”ti.
pli-tv-bu-vb-np15:1.2.15	Tena kho pana samayena sambahulā bhikkhū bahidvārakoṭṭhake ṭhitā honti—“mayaṁ āyasmantaṁ upasenaṁ vaṅgantaputtaṁ pācittiyaṁ desāpessāmā”ti.
pli-tv-bu-vb-np15:1.2.16	Atha kho āyasmā upaseno vaṅgantaputto sapariso uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-np15:1.2.17	Atha kho te bhikkhū āyasmantaṁ upasenaṁ vaṅgantaputtaṁ etadavocuṁ—“jānāsi tvaṁ, āvuso upasena, sāvatthiyā saṅghassa katikan”ti.
pli-tv-bu-vb-np15:1.2.18	“Bhagavāpi maṁ, āvuso, evamāha—‘jānāsi pana tvaṁ, upasena, sāvatthiyā saṅghassa katikan’ti? ‘Na kho ahaṁ, bhante, jānāmi sāvatthiyā saṅghassa katikan’ti.
pli-tv-bu-vb-np15:1.2.19	‘Sāvatthiyā kho, upasena, saṅghena katikā katā—
pli-tv-bu-vb-np15:1.2.20	icchatāvuso, bhagavā temāsaṁ paṭisallīyituṁ.
pli-tv-bu-vb-np15:1.2.21	Na bhagavā kenaci upasaṅkamitabbo, aññatra ekena piṇḍapātanīhārakena.
pli-tv-bu-vb-np15:1.2.22	Yo bhagavantaṁ upasaṅkamati so pācittiyaṁ desāpetabbo’ti.
pli-tv-bu-vb-np15:1.2.23	‘Paññāyissati, bhante, sāvatthiyā saṅgho sakāya katikāya,
pli-tv-bu-vb-np15:1.2.24	na mayaṁ apaññattaṁ paññapessāma paññattaṁ vā na samucchindissāma,
pli-tv-bu-vb-np15:1.2.25	yathāpaññattesu sikkhāpadesu samādāya vattissāmā’ti.
pli-tv-bu-vb-np15:1.2.26	Anuññātāvuso, bhagavatā—‘ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantū’”ti.
pli-tv-bu-vb-np15:1.2.27	Atha kho te bhikkhū—“saccaṁ kho āyasmā upaseno āha—
pli-tv-bu-vb-np15:1.2.28	‘na apaññattaṁ paññapetabbaṁ, paññattaṁ vā na samucchinditabbaṁ, yathāpaññattesu sikkhāpadesu samādāya vattitabban’”ti.
pli-tv-bu-vb-np15:1.3.1	Assosuṁ kho bhikkhū—“anuññātā kira bhagavatā—‘ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantū’”ti.
pli-tv-bu-vb-np15:1.3.2	Te bhagavantaṁ dassanaṁ pihentā santhatāni ujjhitvā āraññikaṅgaṁ piṇḍapātikaṅgaṁ paṁsukūlikaṅgaṁ samādiyiṁsu.
pli-tv-bu-vb-np15:1.3.3	Atha kho bhagavā sambahulehi bhikkhūhi saddhiṁ senāsanacārikaṁ āhiṇḍanto addasa santhatāni tahaṁ tahaṁ ujjhitāni.
pli-tv-bu-vb-np15:1.3.4	Passitvā bhikkhū āmantesi—“kassimāni, bhikkhave, santhatāni tahaṁ tahaṁ ujjhitānī”ti?
pli-tv-bu-vb-np15:1.3.5	Atha kho te bhikkhū bhagavato etamatthaṁ ārocesuṁ.
pli-tv-bu-vb-np15:1.3.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np15:1.3.7	“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca—
pli-tv-bu-vb-np15:1.3.8	saṅghasuṭṭhutāya, saṅghaphāsutāya …pe…
pli-tv-bu-vb-np15:1.3.9	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np15:1.3.10.0	
pli-tv-bu-vb-np15:1.3.10.1	“Nisīdanasanthataṁ pana bhikkhunā kārayamānena purāṇasanthatassa sāmantā sugatavidatthi ādātabbā dubbaṇṇakaraṇāya,
pli-tv-bu-vb-np15:1.3.11	anādā ce bhikkhu purāṇasanthatassa sāmantā sugatavidatthiṁ navaṁ nisīdanasanthataṁ kārāpeyya, nissaggiyaṁ pācittiyan”ti.
pli-tv-bu-vb-np15:2.0	
pli-tv-bu-vb-np15:2.1	Nisīdanaṁ nāma
pli-tv-bu-vb-np15:2.2	sadasaṁ vuccati.
pli-tv-bu-vb-np15:2.3	Santhataṁ nāma
pli-tv-bu-vb-np15:2.4	santharitvā kataṁ hoti avāyimaṁ.
pli-tv-bu-vb-np15:2.5	Kārayamānenāti
pli-tv-bu-vb-np15:2.6	karonto vā kārāpento vā.
pli-tv-bu-vb-np15:2.7	Purāṇasanthataṁ nāma
pli-tv-bu-vb-np15:2.8	sakiṁ nivatthampi sakiṁ pārutampi.
pli-tv-bu-vb-np15:2.9	Sāmantā sugatavidatthi ādātabbā dubbaṇṇakaraṇāyāti
pli-tv-bu-vb-np15:2.10	thirabhāvāya vaṭṭaṁ vā caturassaṁ vā chinditvā ekadese vā santharitabbaṁ vijaṭetvā vā santharitabbaṁ.
pli-tv-bu-vb-np15:2.11	Anādā ce bhikkhu purāṇasanthatassa sāmantā sugatavidatthinti
pli-tv-bu-vb-np15:2.12	anādiyitvā purāṇasanthatassa sāmantā sugatavidatthiṁ navaṁ nisīdanasanthataṁ karoti vā kārāpeti vā, payoge dukkaṭaṁ,
pli-tv-bu-vb-np15:2.13	paṭilābhena nissaggiyaṁ hoti.
pli-tv-bu-vb-np15:2.14	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np15:2.15	Evañca pana, bhikkhave, nissajjitabbaṁ.
pli-tv-bu-vb-np15:2.16	…pe…
pli-tv-bu-vb-np15:2.17	“idaṁ me, bhante, nisīdanasanthataṁ anādiyitvā purāṇasanthatassa sāmantā sugatavidatthiṁ kārāpitaṁ nissaggiyaṁ.
pli-tv-bu-vb-np15:2.18	Imāhaṁ saṅghassa nissajjāmī”ti …pe…
pli-tv-bu-vb-np15:2.19	dadeyyāti …pe…
pli-tv-bu-vb-np15:2.20	dadeyyunti …pe…
pli-tv-bu-vb-np15:2.21	āyasmato dammīti.
pli-tv-bu-vb-np15:2.22.0	
pli-tv-bu-vb-np15:2.22.1	Attanā vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np15:2.23	Attanā vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np15:2.24	Parehi vippakataṁ attanā pariyosāpeti, nissaggiyaṁ pācittiyaṁ.
pli-tv-bu-vb-np15:2.25	Parehi vippakataṁ parehi pariyosāpeti, nissaggiyaṁ pācittiyaṁ.
pli-tv-bu-vb-np15:2.26	Aññassatthāya karoti vā kārāpeti vā, āpatti dukkaṭassa.
pli-tv-bu-vb-np15:2.27.0	
pli-tv-bu-vb-np15:2.27.1	Anāpatti—
pli-tv-bu-vb-np15:2.28	purāṇasanthatassa sāmantā sugatavidatthiṁ ādiyitvā karoti,
pli-tv-bu-vb-np15:2.29	alabhanto thokataraṁ ādiyitvā karoti,
pli-tv-bu-vb-np15:2.30	alabhanto anādiyitvā karoti,
pli-tv-bu-vb-np15:2.31	aññena kataṁ paṭilabhitvā paribhuñjati,
pli-tv-bu-vb-np15:2.32	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-np15:2.33	ummattakassa,
pli-tv-bu-vb-np15:2.34	ādikammikassāti.
pli-tv-bu-vb-np15:2.35	Nisīdanasanthatasikkhāpadaṁ niṭṭhitaṁ pañcamaṁ.
pli-tv-bu-vb-np16:0.1	Theravāda Vinaya
pli-tv-bu-vb-np16:0.2	Mahāvibhaṅga
pli-tv-bu-vb-np16:0.3	Nissaggiyakaṇḍa
pli-tv-bu-vb-np16:0.4	Kosiyavagga
pli-tv-bu-vb-np16:0.5	16. Eḷakalomasikkhāpada
pli-tv-bu-vb-np16:1.0	
pli-tv-bu-vb-np16:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np16:1.2	Tena kho pana samayena aññatarassa bhikkhuno kosalesu janapade sāvatthiṁ gacchantassa antarāmagge eḷakalomāni uppajjiṁsu.
pli-tv-bu-vb-np16:1.3	Atha kho so bhikkhu tāni eḷakalomāni uttarāsaṅgena bhaṇḍikaṁ bandhitvā agamāsi.
pli-tv-bu-vb-np16:1.4	Manussā taṁ bhikkhuṁ passitvā uppaṇḍesuṁ—
pli-tv-bu-vb-np16:1.5	“kittakena te, bhante, kītāni?
pli-tv-bu-vb-np16:1.6	Kittako udayo bhavissatī”ti?
pli-tv-bu-vb-np16:1.7	So bhikkhu tehi manussehi uppaṇḍiyamāno maṅku ahosi.
pli-tv-bu-vb-np16:1.8	Atha kho so bhikkhu sāvatthiṁ gantvā tāni eḷakalomāni ṭhitakova āsumbhi.
pli-tv-bu-vb-np16:1.9	Bhikkhū taṁ bhikkhuṁ etadavocuṁ—
pli-tv-bu-vb-np16:1.10	“kissa tvaṁ, āvuso, imāni eḷakalomāni ṭhitakova āsumbhasī”ti?
pli-tv-bu-vb-np16:1.11	“Tathā hi panāhaṁ, āvuso, imesaṁ eḷakalomānaṁ kāraṇā manussehi uppaṇḍito”ti.
pli-tv-bu-vb-np16:1.12	“Kīva dūrato pana tvaṁ, āvuso, imāni eḷakalomāni āharī”ti?
pli-tv-bu-vb-np16:1.13	“Atirekatiyojanaṁ, āvuso”ti.
pli-tv-bu-vb-np16:1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np16:1.15	“kathañhi nāma bhikkhu atirekatiyojanaṁ eḷakalomāni āharissatī”ti.
pli-tv-bu-vb-np16:1.16	Atha kho te bhikkhū taṁ bhikkhuṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np16:1.17	“saccaṁ kira tvaṁ, bhikkhu, atirekatiyojanaṁ eḷakalomāni āharī”ti?
pli-tv-bu-vb-np16:1.18	“Saccaṁ, bhagavā”ti.
pli-tv-bu-vb-np16:1.19	Vigarahi buddho bhagavā …pe…
pli-tv-bu-vb-np16:1.20	kathañhi nāma tvaṁ, moghapurisa, atirekatiyojanaṁ eḷakalomāni āharissasi.
pli-tv-bu-vb-np16:1.21	Netaṁ moghapurisa, appasannānaṁ vā pasādāya …pe…
pli-tv-bu-vb-np16:1.22	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np16:1.23.0	
pli-tv-bu-vb-np16:1.23.1	“Bhikkhuno paneva addhānamaggappaṭipannassa eḷakalomāni uppajjeyyuṁ. Ākaṅkhamānena bhikkhunā paṭiggahetabbāni.
pli-tv-bu-vb-np16:1.24	Paṭiggahetvā tiyojanaparamaṁ sahatthā haritabbāni, asante hārake.
pli-tv-bu-vb-np16:1.25	Tato ce uttari hareyya, asantepi hārake, nissaggiyaṁ pācittiyan”ti.
pli-tv-bu-vb-np16:2.0	
pli-tv-bu-vb-np16:2.1	Bhikkhuno paneva addhānamaggappaṭipannassāti
pli-tv-bu-vb-np16:2.2	panthaṁ gacchantassa.
pli-tv-bu-vb-np16:2.3	Eḷakalomāni uppajjeyyunti
pli-tv-bu-vb-np16:2.4	uppajjeyyuṁ saṅghato vā gaṇato vā ñātito vā mittato vā paṁsukūlaṁ vā attano vā dhanena.
pli-tv-bu-vb-np16:2.5	Ākaṅkhamānenāti
pli-tv-bu-vb-np16:2.6	icchamānena paṭiggahetabbāni.
pli-tv-bu-vb-np16:2.7	Paṭiggahetvā tiyojanaparamaṁ sahatthā haritabbānīti
pli-tv-bu-vb-np16:2.8	tiyojanaparamatā sahatthā haritabbāni.
pli-tv-bu-vb-np16:2.9	Asante hāraketi
pli-tv-bu-vb-np16:2.10	nāñño koci hārako hoti itthī vā puriso vā gahaṭṭho vā pabbajito vā.
pli-tv-bu-vb-np16:2.11	Tato ce uttari hareyya, asantepi hāraketi
pli-tv-bu-vb-np16:2.12	paṭhamaṁ pādaṁ tiyojanaṁ atikkāmeti, āpatti dukkaṭassa.
pli-tv-bu-vb-np16:2.13	Dutiyaṁ pādaṁ atikkāmeti, nissaggiyaṁ pācittiyaṁ.
pli-tv-bu-vb-np16:2.14	Antotiyojane ṭhito bahitiyojanaṁ pāteti, nissaggiyaṁ pācittiyaṁ.
pli-tv-bu-vb-np16:2.15	Aññassa yāne vā bhaṇḍe vā ajānantassa pakkhipitvā tiyojanaṁ atikkāmeti, nissaggiyāni honti.
pli-tv-bu-vb-np16:2.16	Nissajjitabbāni saṅghassa vā gaṇassa vā puggalassa vā.
pli-tv-bu-vb-np16:2.17	Evañca pana, bhikkhave, nissajjitabbāni.
pli-tv-bu-vb-np16:2.18	…pe…
pli-tv-bu-vb-np16:2.19	“imāni me, bhante, eḷakalomāni tiyojanaṁ atikkāmitāni nissaggiyāni.
pli-tv-bu-vb-np16:2.20	Imānāhaṁ saṅghassa nissajjāmī”ti …pe…
pli-tv-bu-vb-np16:2.21	dadeyyāti …pe…
pli-tv-bu-vb-np16:2.22	dadeyyunti …pe…
pli-tv-bu-vb-np16:2.23	āyasmato dammīti.
pli-tv-bu-vb-np16:2.24.0	
pli-tv-bu-vb-np16:2.24.1	Atirekatiyojane atirekasaññī atikkāmeti, nissaggiyaṁ pācittiyaṁ.
pli-tv-bu-vb-np16:2.25	Atirekatiyojane vematiko atikkāmeti, nissaggiyaṁ pācittiyaṁ.
pli-tv-bu-vb-np16:2.26	Atirekatiyojane ūnakasaññī atikkāmeti, nissaggiyaṁ pācittiyaṁ.
pli-tv-bu-vb-np16:2.27	Ūnakatiyojane atirekasaññī, āpatti dukkaṭassa.
pli-tv-bu-vb-np16:2.28	Ūnakatiyojane vematiko, āpatti dukkaṭassa.
pli-tv-bu-vb-np16:2.29	Ūnakatiyojane ūnakasaññī, anāpatti.
pli-tv-bu-vb-np16:2.30.0	
pli-tv-bu-vb-np16:2.30.1	Anāpatti—
pli-tv-bu-vb-np16:2.31	tiyojanaṁ harati,
pli-tv-bu-vb-np16:2.32	ūnakatiyojanaṁ harati,
pli-tv-bu-vb-np16:2.33	tiyojanaṁ haratipi paccāharatipi,
pli-tv-bu-vb-np16:2.34	tiyojanaṁ vāsādhippāyo gantvā tato paraṁ harati,
pli-tv-bu-vb-np16:2.35	acchinnaṁ paṭilabhitvā harati,
pli-tv-bu-vb-np16:2.36	nissaṭṭhaṁ paṭilabhitvā harati,
pli-tv-bu-vb-np16:2.37	aññaṁ harāpeti,
pli-tv-bu-vb-np16:2.38	katabhaṇḍaṁ,
pli-tv-bu-vb-np16:2.39	ummattakassa,
pli-tv-bu-vb-np16:2.40	ādikammikassāti.
pli-tv-bu-vb-np16:2.41	Eḷakalomasikkhāpadaṁ niṭṭhitaṁ chaṭṭhaṁ.
pli-tv-bu-vb-np17:0.1	Theravāda Vinaya
pli-tv-bu-vb-np17:0.2	Mahāvibhaṅga
pli-tv-bu-vb-np17:0.3	Nissaggiyakaṇḍa
pli-tv-bu-vb-np17:0.4	Kosiyavagga
pli-tv-bu-vb-np17:0.5	17. Eḷakalomadhovāpanasikkhāpada
pli-tv-bu-vb-np17:1.0	
pli-tv-bu-vb-np17:1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bu-vb-np17:1.2	Tena kho pana samayena chabbaggiyā bhikkhū bhikkhunīhi eḷakalomāni dhovāpentipi rajāpentipi vijaṭāpentipi.
pli-tv-bu-vb-np17:1.3	Bhikkhuniyo eḷakalomāni dhovantiyo rajantiyo vijaṭentiyo riñcanti uddesaṁ paripucchaṁ adhisīlaṁ adhicittaṁ adhipaññaṁ.
pli-tv-bu-vb-np17:1.4	Atha kho mahāpajāpati gotamī yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-bu-vb-np17:1.5	Ekamantaṁ ṭhitaṁ kho mahāpajāpatiṁ gotamiṁ bhagavā etadavoca—“kacci, gotami, bhikkhuniyo appamattā ātāpiniyo pahitattā viharantī”ti?
pli-tv-bu-vb-np17:1.6	“Kuto, bhante, bhikkhunīnaṁ appamādo.
pli-tv-bu-vb-np17:1.7	Ayyā chabbaggiyā bhikkhunīhi eḷakalomāni dhovāpentipi rajāpentipi vijaṭāpentipi.
pli-tv-bu-vb-np17:1.8	Bhikkhuniyo eḷakalomāni dhovantiyo rajantiyo vijaṭentiyo riñcanti uddesaṁ paripucchaṁ adhisīlaṁ adhicittaṁ adhipaññan”ti.
pli-tv-bu-vb-np17:1.9	Atha kho bhagavā mahāpajāpatiṁ gotamiṁ dhammiyā kathāya sandassesi samādapesi samuttejesi sampahaṁsesi.
pli-tv-bu-vb-np17:1.10	Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-np17:1.11	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi—
pli-tv-bu-vb-np17:1.12	“saccaṁ kira tumhe, bhikkhave, bhikkhunīhi eḷakalomāni dhovāpethapi rajāpethapi vijaṭāpethapī”ti?
pli-tv-bu-vb-np17:1.13	“Saccaṁ, bhagavā”ti.
pli-tv-bu-vb-np17:1.14	“Ñātikāyo tumhākaṁ, bhikkhave, aññātikāyo”ti?
pli-tv-bu-vb-np17:1.15	“Aññātikāyo, bhagavā”ti.
pli-tv-bu-vb-np17:1.16	“Aññātakā, moghapurisā, aññātikānaṁ na jānanti patirūpaṁ vā appatirūpaṁ vā pāsādikaṁ vā apāsādikaṁ vā.
pli-tv-bu-vb-np17:1.17	Tattha nāma tumhe, moghapurisā, aññātikāhi bhikkhunīhi eḷakalomāni dhovāpessathapi rajāpessathapi vijaṭāpessathapi.
pli-tv-bu-vb-np17:1.18	Netaṁ, moghapurisā, appasannānaṁ vā pasādāya …pe…
pli-tv-bu-vb-np17:1.19	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np17:1.20.0	
pli-tv-bu-vb-np17:1.20.1	“Yo pana bhikkhu aññātikāya bhikkhuniyā eḷakalomāni dhovāpeyya vā rajāpeyya vā vijaṭāpeyya vā, nissaggiyaṁ pācittiyan”ti.
pli-tv-bu-vb-np17:2.0	
pli-tv-bu-vb-np17:2.1	Yo panāti
pli-tv-bu-vb-np17:2.2	yo yādiso …pe…
pli-tv-bu-vb-np17:2.3	bhikkhūti
pli-tv-bu-vb-np17:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np17:2.5	Aññātikā nāma
pli-tv-bu-vb-np17:2.6	mātito vā pitito vā yāva sattamā pitāmahayugā asambaddhā.
pli-tv-bu-vb-np17:2.7	Bhikkhunī nāma
pli-tv-bu-vb-np17:2.8	ubhatosaṅghe upasampannā.
pli-tv-bu-vb-np17:2.9	Dhovāti āṇāpeti, āpatti dukkaṭassa.
pli-tv-bu-vb-np17:2.10	Dhotāni nissaggiyāni honti.
pli-tv-bu-vb-np17:2.11	Rajāti āṇāpeti, āpatti dukkaṭassa.
pli-tv-bu-vb-np17:2.12	Rattāni nissaggiyāni honti.
pli-tv-bu-vb-np17:2.13	Vijaṭehīti āṇāpeti, āpatti dukkaṭassa.
pli-tv-bu-vb-np17:2.14	Vijaṭitāni nissaggiyāni honti.
pli-tv-bu-vb-np17:2.15	Nissajjitabbāni saṅghassa vā gaṇassa vā puggalassa vā.
pli-tv-bu-vb-np17:2.16	Evañca pana, bhikkhave, nissajjitabbāni.
pli-tv-bu-vb-np17:2.17	…pe…
pli-tv-bu-vb-np17:2.18	“imāni me, bhante, eḷakalomāni aññātikāya bhikkhuniyā dhovāpitāni nissaggiyāni.
pli-tv-bu-vb-np17:2.19	Imānāhaṁ saṅghassa nissajjāmī”ti …pe…
pli-tv-bu-vb-np17:2.20	dadeyyāti …pe…
pli-tv-bu-vb-np17:2.21	dadeyyunti …pe…
pli-tv-bu-vb-np17:2.22	āyasmato dammīti.
pli-tv-bu-vb-np17:2.23.0	
pli-tv-bu-vb-np17:2.23.1	Aññātikāya aññātikasaññī eḷakalomāni dhovāpeti, nissaggiyaṁ pācittiyaṁ.
pli-tv-bu-vb-np17:2.24	Aññātikāya aññātikasaññī eḷakalomāni dhovāpeti rajāpeti, nissaggiyena āpatti dukkaṭassa.
pli-tv-bu-vb-np17:2.25	Aññātikāya aññātikasaññī eḷakalomāni dhovāpeti vijaṭāpeti, nissaggiyena āpatti dukkaṭassa.
pli-tv-bu-vb-np17:2.26	Aññātikāya aññātikasaññī eḷakalomāni dhovāpeti rajāpeti vijaṭāpeti, nissaggiyena āpatti dvinnaṁ dukkaṭānaṁ.
pli-tv-bu-vb-np17:2.27	Aññātikāya aññātikasaññī eḷakalomāni rajāpeti, nissaggiyaṁ pācittiyaṁ.
pli-tv-bu-vb-np17:2.28	Aññātikāya aññātikasaññī eḷakalomāni rajāpeti vijaṭāpeti, nissaggiyena āpatti dukkaṭassa.
pli-tv-bu-vb-np17:2.29	Aññātikāya aññātikasaññī eḷakalomāni rajāpeti dhovāpeti, nissaggiyena āpatti dukkaṭassa.
pli-tv-bu-vb-np17:2.30	Aññātikāya aññātikasaññī eḷakalomāni rajāpeti vijaṭāpeti dhovāpeti, nissaggiyena āpatti dvinnaṁ dukkaṭānaṁ.
pli-tv-bu-vb-np17:2.31	Aññātikāya aññātikasaññī eḷakalomāni vijaṭāpeti, nissaggiyaṁ pācittiyaṁ.
pli-tv-bu-vb-np17:2.32	Aññātikāya aññātikasaññī eḷakalomāni vijaṭāpeti dhovāpeti, nissaggiyena āpatti dukkaṭassa.
pli-tv-bu-vb-np17:2.33	Aññātikāya aññātikasaññī eḷakalomāni vijaṭāpeti rajāpeti, nissaggiyena āpatti dukkaṭassa.
pli-tv-bu-vb-np17:2.34	Aññātikāya aññātikasaññī eḷakalomāni vijaṭāpeti dhovāpeti rajāpeti, nissaggiyena āpatti dvinnaṁ dukkaṭānaṁ.
pli-tv-bu-vb-np17:2.35	Aññātikāya vematiko …pe…
pli-tv-bu-vb-np17:2.36	aññātikāya ñātikasaññī …pe…
pli-tv-bu-vb-np17:2.37	aññassa eḷakalomāni dhovāpeti, āpatti dukkaṭassa.
pli-tv-bu-vb-np17:2.38	Ekato upasampannāya dhovāpeti, āpatti dukkaṭassa.
pli-tv-bu-vb-np17:2.39	Ñātikāya aññātikasaññī, āpatti dukkaṭassa.
pli-tv-bu-vb-np17:2.40	Ñātikāya vematiko, āpatti dukkaṭassa.
pli-tv-bu-vb-np17:2.41	Ñātikāya ñātikasaññī, anāpatti.
pli-tv-bu-vb-np17:2.42.0	
pli-tv-bu-vb-np17:2.42.1	Anāpatti—
pli-tv-bu-vb-np17:2.43	ñātikāya dhovantiyā aññātikā dutiyā hoti,
pli-tv-bu-vb-np17:2.44	avuttā dhovati,
pli-tv-bu-vb-np17:2.45	aparibhuttaṁ katabhaṇḍaṁ dhovāpeti,
pli-tv-bu-vb-np17:2.46	sikkhamānāya
pli-tv-bu-vb-np17:2.47	sāmaṇeriyā
pli-tv-bu-vb-np17:2.48	ummattakassa,
pli-tv-bu-vb-np17:2.49	ādikammikassāti.
pli-tv-bu-vb-np17:2.50	Eḷakalomadhovāpanasikkhāpadaṁ niṭṭhitaṁ sattamaṁ.
pli-tv-bu-vb-np18:0.1	Theravāda Vinaya
pli-tv-bu-vb-np18:0.2	Mahāvibhaṅga
pli-tv-bu-vb-np18:0.3	Nissaggiyakaṇḍa
pli-tv-bu-vb-np18:0.4	Kosiyavagga
pli-tv-bu-vb-np18:0.5	18. Rūpiyasikkhāpada
pli-tv-bu-vb-np18:1.0	
pli-tv-bu-vb-np18:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-np18:1.2	Tena kho pana samayena āyasmā upanando sakyaputto aññatarassa kulassa kulūpako hoti niccabhattiko.
pli-tv-bu-vb-np18:1.3	Yaṁ tasmiṁ kule uppajjati khādanīyaṁ vā bhojanīyaṁ vā tato āyasmato upanandassa sakyaputtassa paṭiviso ṭhapiyyati.
pli-tv-bu-vb-np18:1.4	Tena kho pana samayena sāyaṁ tasmiṁ kule maṁsaṁ uppannaṁ hoti.
pli-tv-bu-vb-np18:1.5	Tato āyasmato upanandassa sakyaputtassa paṭiviso ṭhapito hoti.
pli-tv-bu-vb-np18:1.6	Tassa kulassa dārako rattiyā paccūsasamayaṁ paccuṭṭhāya rodati—“maṁsaṁ me dethā”ti.
pli-tv-bu-vb-np18:1.7	Atha kho so puriso pajāpatiṁ etadavoca—“ayyassa paṭivisaṁ dārakassa dehi.
pli-tv-bu-vb-np18:1.8	Aññaṁ cetāpetvā ayyassa dassāmā”ti.
pli-tv-bu-vb-np18:1.9	Atha kho āyasmā upanando sakyaputto pubbaṇhasamayaṁ nivāsetvā pattacīvaraṁ ādāya yena taṁ kulaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-np18:1.10	Atha kho so puriso yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ upanandaṁ sakyaputtaṁ etadavoca—
pli-tv-bu-vb-np18:1.11	“hiyyo kho, bhante, sāyaṁ maṁsaṁ uppannaṁ ahosi. Tato ayyassa paṭiviso ṭhapito.
pli-tv-bu-vb-np18:1.12	Ayaṁ, bhante, dārako rattiyā paccūsasamayaṁ paccuṭṭhāya rodati—‘maṁsaṁ me dethā’ti. Ayyassa paṭiviso dārakassa dinno.
pli-tv-bu-vb-np18:1.13	Kahāpaṇena, bhante, kiṁ āhariyyatū”ti?
pli-tv-bu-vb-np18:1.14	“Pariccatto me, āvuso, kahāpaṇo”ti?
pli-tv-bu-vb-np18:1.15	“Āma, bhante, pariccatto”ti.
pli-tv-bu-vb-np18:1.16	“Taññeva me, āvuso, kahāpaṇaṁ dehī”ti.
pli-tv-bu-vb-np18:1.17	Atha kho so puriso āyasmato upanandassa sakyaputtassa kahāpaṇaṁ datvā ujjhāyati khiyyati vipāceti—“Yatheva mayaṁ rūpiyaṁ paṭiggaṇhāma evamevime samaṇā sakyaputtiyā rūpiyaṁ paṭiggaṇhantī”ti.
pli-tv-bu-vb-np18:1.18	Assosuṁ kho bhikkhū tassa purisassa ujjhāyantassa khiyyantassa vipācentassa.
pli-tv-bu-vb-np18:1.19	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np18:1.20	“kathañhi nāma āyasmā upanando sakyaputto rūpiyaṁ paṭiggahessatī”ti.
pli-tv-bu-vb-np18:1.21	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np18:1.22	“saccaṁ kira tvaṁ, upananda, rūpiyaṁ paṭiggahesī”ti?
pli-tv-bu-vb-np18:1.23	“Saccaṁ, bhagavā”ti.
pli-tv-bu-vb-np18:1.24	Vigarahi buddho bhagavā …pe…
pli-tv-bu-vb-np18:1.25	kathañhi nāma tvaṁ, moghapurisa, rūpiyaṁ paṭiggahessasi.
pli-tv-bu-vb-np18:1.26	Netaṁ, moghapurisa, appasannānaṁ vā pasādāya …pe…
pli-tv-bu-vb-np18:1.27	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np18:1.28.0	
pli-tv-bu-vb-np18:1.28.1	“Yo pana bhikkhu jātarūparajataṁ uggaṇheyya vā uggaṇhāpeyya vā upanikkhittaṁ vā sādiyeyya, nissaggiyaṁ pācittiyan”ti.
pli-tv-bu-vb-np18:2.0	
pli-tv-bu-vb-np18:2.1	Yo panāti
pli-tv-bu-vb-np18:2.2	yo yādiso …pe…
pli-tv-bu-vb-np18:2.3	bhikkhūti
pli-tv-bu-vb-np18:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np18:2.5	Jātarūpaṁ nāma
pli-tv-bu-vb-np18:2.6	satthuvaṇṇo vuccati.
pli-tv-bu-vb-np18:2.7	Rajataṁ nāma
pli-tv-bu-vb-np18:2.8	kahāpaṇo lohamāsako dārumāsako jatumāsako ye vohāraṁ gacchanti.
pli-tv-bu-vb-np18:2.9	Uggaṇheyyāti
pli-tv-bu-vb-np18:2.10	sayaṁ gaṇhāti nissaggiyaṁ pācittiyaṁ.
pli-tv-bu-vb-np18:2.11	Uggaṇhāpeyyāti
pli-tv-bu-vb-np18:2.12	aññaṁ gāhāpeti nissaggiyaṁ pācittiyaṁ.
pli-tv-bu-vb-np18:2.13	Upanikkhittaṁ vā sādiyeyyāti
pli-tv-bu-vb-np18:2.14	idaṁ ayyassa hotūti upanikkhittaṁ sādiyati, nissaggiyaṁ hoti.
pli-tv-bu-vb-np18:2.15	Saṅghamajjhe nissajjitabbaṁ.
pli-tv-bu-vb-np18:2.16	Evañca pana, bhikkhave, nissajjitabbaṁ—
pli-tv-bu-vb-np18:2.17	tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np18:2.18	“ahaṁ, bhante, rūpiyaṁ paṭiggahesiṁ.
pli-tv-bu-vb-np18:2.19	Idaṁ me nissaggiyaṁ.
pli-tv-bu-vb-np18:2.20	Imāhaṁ saṅghassa nissajjāmī”ti.
pli-tv-bu-vb-np18:2.21	Nissajjitvā āpatti desetabbā.
pli-tv-bu-vb-np18:2.22	Byattena bhikkhunā paṭibalena āpatti paṭiggahetabbā.
pli-tv-bu-vb-np18:2.23	Sace tattha āgacchati ārāmiko vā upāsako vā so vattabbo—
pli-tv-bu-vb-np18:2.24	“āvuso, imaṁ jānāhī”ti.
pli-tv-bu-vb-np18:2.25	Sace so bhaṇati—
pli-tv-bu-vb-np18:2.26	“iminā kiṁ āhariyyatū”ti,
pli-tv-bu-vb-np18:2.27	na vattabbo—
pli-tv-bu-vb-np18:2.28	“imaṁ vā imaṁ vā āharā”ti.
pli-tv-bu-vb-np18:2.29	Kappiyaṁ ācikkhitabbaṁ—
pli-tv-bu-vb-np18:2.30	sappi vā telaṁ vā madhu vā phāṇitaṁ vā.
pli-tv-bu-vb-np18:2.31	Sace so tena parivattetvā kappiyaṁ āharati rūpiyappaṭiggāhakaṁ ṭhapetvā sabbeheva paribhuñjitabbaṁ.
pli-tv-bu-vb-np18:2.32	Evañcetaṁ labhetha, iccetaṁ kusalaṁ;
pli-tv-bu-vb-np18:2.33	no ce labhetha, so vattabbo—
pli-tv-bu-vb-np18:2.34	“āvuso, imaṁ chaḍḍehī”ti.
pli-tv-bu-vb-np18:2.35	Sace so chaḍḍeti, iccetaṁ kusalaṁ;
pli-tv-bu-vb-np18:2.36	no ce chaḍḍeti, pañcahaṅgehi samannāgato bhikkhu rūpiyachaḍḍako sammannitabbo—
pli-tv-bu-vb-np18:2.37	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, chaḍḍitāchaḍḍitañca jāneyya.
pli-tv-bu-vb-np18:2.38	“Evañca pana, bhikkhave, sammannitabbo.
pli-tv-bu-vb-np18:2.39	Paṭhamaṁ bhikkhu yācitabbo.
pli-tv-bu-vb-np18:2.40	Yācitvā byattena bhikkhunā paṭibalena saṅgho ñāpetabbo—
pli-tv-bu-vb-np18:2.41	‘Suṇātu me, bhante, saṅgho.
pli-tv-bu-vb-np18:2.42	Yadi saṅghassa pattakallaṁ, saṅgho itthannāmaṁ bhikkhuṁ rūpiyachaḍḍakaṁ sammanneyya.
pli-tv-bu-vb-np18:2.43	Esā ñatti.
pli-tv-bu-vb-np18:2.44	Suṇātu me, bhante, saṅgho.
pli-tv-bu-vb-np18:2.45	Saṅgho itthannāmaṁ bhikkhuṁ rūpiyachaḍḍakaṁ sammannati.
pli-tv-bu-vb-np18:2.46	Yassāyasmato khamati itthannāmassa bhikkhuno rūpiyachaḍḍakassa sammuti, so tuṇhassa;
pli-tv-bu-vb-np18:2.47	yassa nakkhamati, so bhāseyya.
pli-tv-bu-vb-np18:2.48	Sammato saṅghena itthannāmo bhikkhu rūpiyachaḍḍako.
pli-tv-bu-vb-np18:2.49	Khamati saṅghassa, tasmā tuṇhī,
pli-tv-bu-vb-np18:2.50	evametaṁ dhārayāmī’”ti.
pli-tv-bu-vb-np18:2.51	Tena sammatena bhikkhunā animittaṁ katvā pātetabbaṁ.
pli-tv-bu-vb-np18:2.52	Sace nimittaṁ katvā pāteti, āpatti dukkaṭassa.
pli-tv-bu-vb-np18:2.53.0	
pli-tv-bu-vb-np18:2.53.1	Rūpiye rūpiyasaññī rūpiyaṁ paṭiggaṇhāti, nissaggiyaṁ pācittiyaṁ.
pli-tv-bu-vb-np18:2.54	Rūpiye vematiko rūpiyaṁ paṭiggaṇhāti, nissaggiyaṁ pācittiyaṁ.
pli-tv-bu-vb-np18:2.55	Rūpiye arūpiyasaññī rūpiyaṁ paṭiggaṇhāti, nissaggiyaṁ pācittiyaṁ.
pli-tv-bu-vb-np18:2.56	Arūpiye rūpiyasaññī, āpatti dukkaṭassa.
pli-tv-bu-vb-np18:2.57	Arūpiye vematiko, āpatti dukkaṭassa.
pli-tv-bu-vb-np18:2.58	Arūpiye arūpiyasaññī, anāpatti.
pli-tv-bu-vb-np18:2.59.0	
pli-tv-bu-vb-np18:2.59.1	Anāpatti—
pli-tv-bu-vb-np18:2.60	ajjhārāme vā ajjhāvasathe vā uggahetvā vā uggahāpetvā vā nikkhipati—
pli-tv-bu-vb-np18:2.61	yassa bhavissati so harissatīti,
pli-tv-bu-vb-np18:2.62	ummattakassa,
pli-tv-bu-vb-np18:2.63	ādikammikassāti.
pli-tv-bu-vb-np18:2.64	Rūpiyasikkhāpadaṁ niṭṭhitaṁ aṭṭhamaṁ.
pli-tv-bu-vb-np19:0.1	Theravāda Vinaya
pli-tv-bu-vb-np19:0.2	Mahāvibhaṅga
pli-tv-bu-vb-np19:0.3	Nissaggiyakaṇḍa
pli-tv-bu-vb-np19:0.4	Kosiyavagga
pli-tv-bu-vb-np19:0.5	19. Rūpiyasaṁvohārasikkhāpada
pli-tv-bu-vb-np19:1.0	
pli-tv-bu-vb-np19:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np19:1.2	Tena kho pana samayena chabbaggiyā bhikkhū nānappakārakaṁ rūpiyasaṁvohāraṁ samāpajjanti.
pli-tv-bu-vb-np19:1.3	Manussā ujjhāyanti khiyyanti vipācenti—
pli-tv-bu-vb-np19:1.4	“kathañhi nāma samaṇā sakyaputtiyā nānappakārakaṁ rūpiyasaṁvohāraṁ samāpajjissanti, seyyathāpi gihī kāmabhogino”ti.
pli-tv-bu-vb-np19:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np19:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np19:1.7	“kathañhi nāma chabbaggiyā bhikkhū nānappakārakaṁ rūpiyasaṁvohāraṁ samāpajjissantī”ti.
pli-tv-bu-vb-np19:1.8	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np19:1.9	“saccaṁ kira tumhe, bhikkhave, nānappakārakaṁ rūpiyasaṁvohāraṁ samāpajjathā”ti?
pli-tv-bu-vb-np19:1.10	“Saccaṁ, bhagavā”ti.
pli-tv-bu-vb-np19:1.11	Vigarahi buddho bhagavā …pe…
pli-tv-bu-vb-np19:1.12	kathañhi nāma tumhe, moghapurisā, nānappakārakaṁ rūpiyasaṁvohāraṁ samāpajjissatha.
pli-tv-bu-vb-np19:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-np19:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np19:1.15.0	
pli-tv-bu-vb-np19:1.15.1	“Yo pana bhikkhu nānappakārakaṁ rūpiyasaṁvohāraṁ samāpajjeyya, nissaggiyaṁ pācittiyan”ti.
pli-tv-bu-vb-np19:2.0	
pli-tv-bu-vb-np19:2.1	Yo panāti
pli-tv-bu-vb-np19:2.2	yo yādiso …pe…
pli-tv-bu-vb-np19:2.3	bhikkhūti
pli-tv-bu-vb-np19:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np19:2.5	Nānappakārakaṁ nāma
pli-tv-bu-vb-np19:2.6	katampi akatampi katākatampi.
pli-tv-bu-vb-np19:2.7	Kataṁ nāma
pli-tv-bu-vb-np19:2.8	sīsūpagaṁ gīvūpagaṁ hatthūpagaṁ pādūpagaṁ kaṭūpagaṁ.
pli-tv-bu-vb-np19:2.9	Akataṁ nāma
pli-tv-bu-vb-np19:2.10	ghanakataṁ vuccati.
pli-tv-bu-vb-np19:2.11	Katākataṁ nāma
pli-tv-bu-vb-np19:2.12	tadubhayaṁ.
pli-tv-bu-vb-np19:2.13	Rūpiyaṁ nāma
pli-tv-bu-vb-np19:2.14	satthuvaṇṇo kahāpaṇo, lohamāsako, dārumāsako, jatumāsako ye vohāraṁ gacchanti.
pli-tv-bu-vb-np19:2.15	Samāpajjeyyāti
pli-tv-bu-vb-np19:2.16	katena kataṁ cetāpeti, nissaggiyaṁ pācittiyaṁ.
pli-tv-bu-vb-np19:2.17	Katena akataṁ cetāpeti, nissaggiyaṁ pācittiyaṁ.
pli-tv-bu-vb-np19:2.18	Katena katākataṁ cetāpeti, nissaggiyaṁ pācittiyaṁ.
pli-tv-bu-vb-np19:2.19	Akatena kataṁ cetāpeti, nissaggiyaṁ pācittiyaṁ.
pli-tv-bu-vb-np19:2.20	Akatena akataṁ cetāpeti, nissaggiyaṁ pācittiyaṁ.
pli-tv-bu-vb-np19:2.21	Akatena katākataṁ cetāpeti, nissaggiyaṁ pācittiyaṁ.
pli-tv-bu-vb-np19:2.22	Katākatena kataṁ cetāpeti, nissaggiyaṁ pācittiyaṁ.
pli-tv-bu-vb-np19:2.23	Katākatena akataṁ cetāpeti, nissaggiyaṁ pācittiyaṁ.
pli-tv-bu-vb-np19:2.24	Katākatena katākataṁ cetāpeti, nissaggiyaṁ pācittiyaṁ.
pli-tv-bu-vb-np19:2.25	Saṅghamajjhe nissajjitabbaṁ.
pli-tv-bu-vb-np19:2.26	Evañca pana, bhikkhave, nissajjitabbaṁ.
pli-tv-bu-vb-np19:2.27	Tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np19:2.28	“ahaṁ, bhante, nānappakārakaṁ rūpiyasaṁvohāraṁ samāpajjiṁ.
pli-tv-bu-vb-np19:2.29	Idaṁ me nissaggiyaṁ.
pli-tv-bu-vb-np19:2.30	Imāhaṁ saṅghassa nissajjāmī”ti.
pli-tv-bu-vb-np19:2.31	Nissajjitvā āpatti desetabbā.
pli-tv-bu-vb-np19:2.32	Byattena bhikkhunā paṭibalena āpatti paṭiggahetabbā.
pli-tv-bu-vb-np19:2.33	Sace tattha āgacchati ārāmiko vā upāsako vā so vattabbo—
pli-tv-bu-vb-np19:2.34	“āvuso, imaṁ jānāhī”ti.
pli-tv-bu-vb-np19:2.35	Sace so bhaṇati—
pli-tv-bu-vb-np19:2.36	“iminā kiṁ āhariyyatū”ti,
pli-tv-bu-vb-np19:2.37	na vattabbo—
pli-tv-bu-vb-np19:2.38	“imaṁ vā imaṁ vā āharā”ti.
pli-tv-bu-vb-np19:2.39	Kappiyaṁ ācikkhitabbaṁ—
pli-tv-bu-vb-np19:2.40	sappi vā telaṁ vā madhu vā phāṇitaṁ vā.
pli-tv-bu-vb-np19:2.41	Sace so tena parivattetvā kappiyaṁ āharati, rūpiyacetāpakaṁ ṭhapetvā, sabbeheva paribhuñjitabbaṁ.
pli-tv-bu-vb-np19:2.42	Evañcetaṁ labhetha, iccetaṁ kusalaṁ;
pli-tv-bu-vb-np19:2.43	no ce labhetha, so vattabbo—
pli-tv-bu-vb-np19:2.44	“āvuso, imaṁ chaḍḍehī”ti.
pli-tv-bu-vb-np19:2.45	Sace so chaḍḍeti, iccetaṁ kusalaṁ;
pli-tv-bu-vb-np19:2.46	no ce chaḍḍeti, pañcahaṅgehi samannāgato bhikkhu rūpiyachaḍḍako sammannitabbo—
pli-tv-bu-vb-np19:2.47	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, chaḍḍitāchaḍḍitañca jāneyya.
pli-tv-bu-vb-np19:2.48	“Evañca pana, bhikkhave, sammannitabbo.
pli-tv-bu-vb-np19:2.49	Paṭhamaṁ bhikkhu yācitabbo.
pli-tv-bu-vb-np19:2.50	Yācitvā byattena bhikkhunā paṭibalena saṅgho ñāpetabbo—
pli-tv-bu-vb-np19:2.51	‘Suṇātu me, bhante, saṅgho.
pli-tv-bu-vb-np19:2.52	Yadi saṅghassa pattakallaṁ, saṅgho itthannāmaṁ bhikkhuṁ rūpiyachaḍḍakaṁ sammanneyya.
pli-tv-bu-vb-np19:2.53	Esā ñatti.
pli-tv-bu-vb-np19:2.54	Suṇātu me, bhante, saṅgho.
pli-tv-bu-vb-np19:2.55	Saṅgho itthannāmaṁ bhikkhuṁ rūpiyachaḍḍakaṁ sammannati.
pli-tv-bu-vb-np19:2.56	Yassāyasmato khamati itthannāmassa bhikkhuno rūpiyachaḍḍakassa sammuti, so tuṇhassa;
pli-tv-bu-vb-np19:2.57	yassa nakkhamati, so bhāseyya.
pli-tv-bu-vb-np19:2.58	Sammato saṅghena itthannāmo bhikkhu rūpiyachaḍḍako.
pli-tv-bu-vb-np19:2.59	Khamati saṅghassa, tasmā tuṇhī,
pli-tv-bu-vb-np19:2.60	evametaṁ dhārayāmī’”ti.
pli-tv-bu-vb-np19:2.61	Tena sammatena bhikkhunā animittaṁ katvā pātetabbaṁ.
pli-tv-bu-vb-np19:2.62	Sace nimittaṁ katvā pāteti, āpatti dukkaṭassa.
pli-tv-bu-vb-np19:2.63.0	
pli-tv-bu-vb-np19:2.63.1	Rūpiye rūpiyasaññī rūpiyaṁ cetāpeti, nissaggiyaṁ pācittiyaṁ.
pli-tv-bu-vb-np19:2.64	Rūpiye vematiko rūpiyaṁ cetāpeti, nissaggiyaṁ pācittiyaṁ.
pli-tv-bu-vb-np19:2.65	Rūpiye arūpiyasaññī rūpiyaṁ cetāpeti, nissaggiyaṁ pācittiyaṁ.
pli-tv-bu-vb-np19:2.66	Arūpiye rūpiyasaññī rūpiyaṁ cetāpeti, nissaggiyaṁ pācittiyaṁ.
pli-tv-bu-vb-np19:2.67	Arūpiye vematiko rūpiyaṁ cetāpeti, nissaggiyaṁ pācittiyaṁ.
pli-tv-bu-vb-np19:2.68	Arūpiye arūpiyasaññī rūpiyaṁ cetāpeti, nissaggiyaṁ pācittiyaṁ.
pli-tv-bu-vb-np19:2.69	Arūpiye rūpiyasaññī, āpatti dukkaṭassa.
pli-tv-bu-vb-np19:2.70	Arūpiye vematiko, āpatti dukkaṭassa.
pli-tv-bu-vb-np19:2.71	Arūpiye arūpiyasaññī, anāpatti.
pli-tv-bu-vb-np19:2.72.0	
pli-tv-bu-vb-np19:2.72.1	Anāpatti—
pli-tv-bu-vb-np19:2.73	ummattakassa,
pli-tv-bu-vb-np19:2.74	ādikammikassāti.
pli-tv-bu-vb-np19:2.75	Rūpiyasaṁvohārasikkhāpadaṁ niṭṭhitaṁ navamaṁ.
pli-tv-bu-vb-np20:0.1	Theravāda Vinaya
pli-tv-bu-vb-np20:0.2	Mahāvibhaṅga
pli-tv-bu-vb-np20:0.3	Nissaggiyakaṇḍa
pli-tv-bu-vb-np20:0.4	Kosiyavagga
pli-tv-bu-vb-np20:0.5	20. Kayavikkayasikkhāpada
pli-tv-bu-vb-np20:1.0	
pli-tv-bu-vb-np20:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np20:1.2	Tena kho pana samayena āyasmā upanando sakyaputto paṭṭo hoti cīvarakammaṁ kātuṁ.
pli-tv-bu-vb-np20:1.3	So paṭapilotikānaṁ saṅghāṭiṁ karitvā surattaṁ suparikammakataṁ katvā pārupi.
pli-tv-bu-vb-np20:1.4	Atha kho aññataro paribbājako mahagghaṁ paṭaṁ pārupitvā yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—
pli-tv-bu-vb-np20:1.5	“sundarā kho tyāyaṁ, āvuso, saṅghāṭi;
pli-tv-bu-vb-np20:1.6	dehi me paṭenā”ti.
pli-tv-bu-vb-np20:1.7	“Jānāhi, āvuso”ti.
pli-tv-bu-vb-np20:1.8	“Āmāvuso, jānāmī”ti.
pli-tv-bu-vb-np20:1.9	“Handāvuso”ti, adāsi.
pli-tv-bu-vb-np20:1.10	Atha kho so paribbājako taṁ saṅghāṭiṁ pārupitvā paribbājakārāmaṁ agamāsi.
pli-tv-bu-vb-np20:1.11	Paribbājakā taṁ paribbājakaṁ etadavocuṁ—
pli-tv-bu-vb-np20:1.12	“sundarā kho tyāyaṁ, āvuso, saṅghāṭi;
pli-tv-bu-vb-np20:1.13	kuto tayā laddhā”ti?
pli-tv-bu-vb-np20:1.14	“Tena me, āvuso, paṭena parivattitā”ti.
pli-tv-bu-vb-np20:1.15	“Katihipi tyāyaṁ, āvuso, saṅghāṭi bhavissati,
pli-tv-bu-vb-np20:1.16	soyeva te paṭo varo”ti.
pli-tv-bu-vb-np20:1.17	Atha kho so paribbājako—“saccaṁ kho paribbājakā āhaṁsu—‘katihipi myāyaṁ saṅghāṭi bhavissati. Soyeva me paṭo varo’”ti
pli-tv-bu-vb-np20:1.18	yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—
pli-tv-bu-vb-np20:1.19	“handa te, āvuso, saṅghāṭi; dehi me paṭan”ti.
pli-tv-bu-vb-np20:1.20	“Nanu tvaṁ, āvuso, mayā vutto— ‘jānāhi, āvuso’ti.
pli-tv-bu-vb-np20:1.21	Nāhaṁ dassāmī”ti.
pli-tv-bu-vb-np20:1.22	Atha kho so paribbājako ujjhāyati khiyyati vipāceti—
pli-tv-bu-vb-np20:1.23	“gihīpi naṁ gihissa vippaṭisārissa denti,
pli-tv-bu-vb-np20:1.24	kiṁ pana pabbajito pabbajitassa na dassatī”ti.
pli-tv-bu-vb-np20:1.25	Assosuṁ kho bhikkhū tassa paribbājakassa ujjhāyantassa khiyyantassa vipācentassa.
pli-tv-bu-vb-np20:1.26	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np20:1.27	“kathañhi nāma āyasmā upanando sakyaputto paribbājakena saddhiṁ kayavikkayaṁ samāpajjissatī”ti.
pli-tv-bu-vb-np20:1.28	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np20:1.29	“saccaṁ kira tvaṁ, upananda, paribbājakena saddhiṁ kayavikkayaṁ samāpajjasī”ti?
pli-tv-bu-vb-np20:1.30	“Saccaṁ, bhagavā”ti.
pli-tv-bu-vb-np20:1.31	Vigarahi buddho bhagavā …pe…
pli-tv-bu-vb-np20:1.32	kathañhi nāma tvaṁ, moghapurisa, paribbājakena saddhiṁ kayavikkayaṁ samāpajjissasi.
pli-tv-bu-vb-np20:1.33	Netaṁ, moghapurisa, appasannānaṁ vā pasādāya …pe…
pli-tv-bu-vb-np20:1.34	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np20:1.35.0	
pli-tv-bu-vb-np20:1.35.1	“Yo pana bhikkhu nānappakārakaṁ kayavikkayaṁ samāpajjeyya, nissaggiyaṁ pācittiyan”ti.
pli-tv-bu-vb-np20:2.0	
pli-tv-bu-vb-np20:2.1	Yo panāti
pli-tv-bu-vb-np20:2.2	yo yādiso …pe…
pli-tv-bu-vb-np20:2.3	bhikkhūti
pli-tv-bu-vb-np20:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np20:2.5	Nānappakārakaṁ nāma
pli-tv-bu-vb-np20:2.6	cīvarapiṇḍapātasenāsanagilānappaccayabhesajjaparikkhārā, antamaso cuṇṇapiṇḍopi dantakaṭṭhampi dasikasuttampi.
pli-tv-bu-vb-np20:2.7	Kayavikkayaṁ samāpajjeyyāti
pli-tv-bu-vb-np20:2.8	iminā imaṁ dehi, iminā imaṁ āhara, iminā imaṁ parivattehi, iminā imaṁ cetāpehīti. Ajjhācarati, āpatti dukkaṭassa.
pli-tv-bu-vb-np20:2.9	Yato kayitañca hoti vikkayitañca attano bhaṇḍaṁ parahatthagataṁ parabhaṇḍaṁ attano hatthagataṁ, nissaggiyaṁ hoti.
pli-tv-bu-vb-np20:2.10	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np20:2.11	Evañca pana, bhikkhave, nissajjitabbaṁ.
pli-tv-bu-vb-np20:2.12	…pe…
pli-tv-bu-vb-np20:2.13	“ahaṁ, bhante, nānappakārakaṁ kayavikkayaṁ samāpajjiṁ.
pli-tv-bu-vb-np20:2.14	Idaṁ me nissaggiyaṁ.
pli-tv-bu-vb-np20:2.15	Imāhaṁ saṅghassa nissajjāmī”ti …pe…
pli-tv-bu-vb-np20:2.16	dadeyyāti …pe…
pli-tv-bu-vb-np20:2.17	dadeyyunti …pe…
pli-tv-bu-vb-np20:2.18	āyasmato dammīti.
pli-tv-bu-vb-np20:2.19.0	
pli-tv-bu-vb-np20:2.19.1	Kayavikkaye kayavikkayasaññī, nissaggiyaṁ pācittiyaṁ.
pli-tv-bu-vb-np20:2.20	Kayavikkaye vematiko, nissaggiyaṁ pācittiyaṁ.
pli-tv-bu-vb-np20:2.21	Kayavikkaye nakayavikkayasaññī, nissaggiyaṁ pācittiyaṁ.
pli-tv-bu-vb-np20:2.22	Nakayavikkaye kayavikkayasaññī, āpatti dukkaṭassa.
pli-tv-bu-vb-np20:2.23	Nakayavikkaye vematiko, āpatti dukkaṭassa.
pli-tv-bu-vb-np20:2.24	Nakayavikkaye nakayavikkayasaññī, anāpatti.
pli-tv-bu-vb-np20:2.25.0	
pli-tv-bu-vb-np20:2.25.1	Anāpatti—
pli-tv-bu-vb-np20:2.26	agghaṁ pucchati,
pli-tv-bu-vb-np20:2.27	kappiyakārakassa ācikkhati,
pli-tv-bu-vb-np20:2.28	“idaṁ amhākaṁ atthi, amhākañca iminā ca iminā ca attho”ti bhaṇati,
pli-tv-bu-vb-np20:2.29	ummattakassa,
pli-tv-bu-vb-np20:2.30	ādikammikassāti.
pli-tv-bu-vb-np20:2.31	Kayavikkayasikkhāpadaṁ niṭṭhitaṁ dasamaṁ.
pli-tv-bu-vb-np20:2.32	Kosiyavaggo dutiyo.
pli-tv-bu-vb-np20:2.33	Tassuddānaṁ
pli-tv-bu-vb-np20:2.34	Kosiyā suddhadvebhāgā,
pli-tv-bu-vb-np20:2.35	chabbassāni nisīdanaṁ;
pli-tv-bu-vb-np20:2.36	Dve ca lomāni uggaṇhe,
pli-tv-bu-vb-np20:2.37	ubho nānappakārakāti.
pli-tv-bu-vb-np21:0.1	Theravāda Vinaya
pli-tv-bu-vb-np21:0.2	Mahāvibhaṅga
pli-tv-bu-vb-np21:0.3	Nissaggiyakaṇḍa
pli-tv-bu-vb-np21:0.4	Pattavagga
pli-tv-bu-vb-np21:0.5	21. Pattasikkhāpada
pli-tv-bu-vb-np21:1.0.1	
pli-tv-bu-vb-np21:1.0.2	
pli-tv-bu-vb-np21:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np21:1.2	Tena kho pana samayena chabbaggiyā bhikkhū bahū patte sannicayaṁ karonti.
pli-tv-bu-vb-np21:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bu-vb-np21:1.4	“kathañhi nāma samaṇā sakyaputtiyā bahū patte sannicayaṁ karissanti,
pli-tv-bu-vb-np21:1.5	pattavāṇijjaṁ vā samaṇā sakyaputtiyā karissanti āmattikāpaṇaṁ vā pasāressantī”ti.
pli-tv-bu-vb-np21:1.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np21:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np21:1.8	“kathañhi nāma chabbaggiyā bhikkhū atirekapattaṁ dhāressantī”ti.
pli-tv-bu-vb-np21:1.9	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np21:1.10	“saccaṁ kira tumhe, bhikkhave, atirekapattaṁ dhārethā”ti?
pli-tv-bu-vb-np21:1.11	“Saccaṁ, bhagavā”ti.
pli-tv-bu-vb-np21:1.12	Vigarahi buddho bhagavā …pe…
pli-tv-bu-vb-np21:1.13	kathañhi nāma tumhe, moghapurisā, atirekapattaṁ dhāressatha.
pli-tv-bu-vb-np21:1.14	Netaṁ, moghapurisā, appasannānaṁ vā pasādāya …pe…
pli-tv-bu-vb-np21:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np21:1.16.0	
pli-tv-bu-vb-np21:1.16.1	“Yo pana bhikkhu atirekapattaṁ dhāreyya, nissaggiyaṁ pācittiyan”ti.
pli-tv-bu-vb-np21:1.17	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-np21:2.0	
pli-tv-bu-vb-np21:2.1	Tena kho pana samayena āyasmato ānandassa atirekapatto uppanno hoti.
pli-tv-bu-vb-np21:2.2	Āyasmā ca ānando taṁ pattaṁ āyasmato sāriputtassa dātukāmo hoti.
pli-tv-bu-vb-np21:2.3	Āyasmā ca sāriputto sākete viharati.
pli-tv-bu-vb-np21:2.4	Atha kho āyasmato ānandassa etadahosi—
pli-tv-bu-vb-np21:2.5	“bhagavatā sikkhāpadaṁ paññattaṁ—
pli-tv-bu-vb-np21:2.6	‘na atirekapatto dhāretabbo’ti.
pli-tv-bu-vb-np21:2.7	Ayañca me atirekapatto uppanno.
pli-tv-bu-vb-np21:2.8	Ahañcimaṁ pattaṁ āyasmato sāriputtassa dātukāmo.
pli-tv-bu-vb-np21:2.9	Āyasmā ca sāriputto sākete viharati.
pli-tv-bu-vb-np21:2.10	Kathaṁ nu kho mayā paṭipajjitabban”ti?
pli-tv-bu-vb-np21:2.11	Bhagavato etamatthaṁ ārocesi.
pli-tv-bu-vb-np21:2.12	“Kīvaciraṁ panānanda, sāriputto āgacchissatī”ti?
pli-tv-bu-vb-np21:2.13	“Navamaṁ vā, bhagavā, divasaṁ dasamaṁ vā”ti.
pli-tv-bu-vb-np21:2.14	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np21:2.15	“anujānāmi, bhikkhave, dasāhaparamaṁ atirekapattaṁ dhāretuṁ.
pli-tv-bu-vb-np21:2.16	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np21:2.17.0	
pli-tv-bu-vb-np21:2.17.1	“Dasāhaparamaṁ atirekapatto dhāretabbo. Taṁ atikkāmayato nissaggiyaṁ pācittiyan”ti.
pli-tv-bu-vb-np21:3.0	
pli-tv-bu-vb-np21:3.1	Dasāhaparamanti
pli-tv-bu-vb-np21:3.2	dasāhaparamatā dhāretabbo.
pli-tv-bu-vb-np21:3.3	Atirekapatto nāma
pli-tv-bu-vb-np21:3.4	anadhiṭṭhito avikappito.
pli-tv-bu-vb-np21:3.5	Patto nāma
pli-tv-bu-vb-np21:3.6	dve pattā ayopatto mattikāpattoti.
pli-tv-bu-vb-np21:3.7	Tayo pattassa vaṇṇā ukkaṭṭho patto majjhimo patto omako patto.
pli-tv-bu-vb-np21:3.8	Ukkaṭṭho nāma patto aḍḍhāḷhakodanaṁ gaṇhāti catubhāgaṁ khādanaṁ tadupiyaṁ byañjanaṁ.
pli-tv-bu-vb-np21:3.9	Majjhimo nāma patto nāḷikodanaṁ gaṇhāti catubhāgaṁ khādanaṁ tadupiyaṁ byañjanaṁ.
pli-tv-bu-vb-np21:3.10	Omako nāma patto patthodanaṁ gaṇhāti catubhāgaṁ khādanaṁ tadupiyaṁ byañjanaṁ.
pli-tv-bu-vb-np21:3.11	Tato ukkaṭṭho apatto, omako apatto.
pli-tv-bu-vb-np21:3.12	Taṁ atikkāmayato nissaggiyo hotīti
pli-tv-bu-vb-np21:3.13	ekādase aruṇuggamane nissaggiyo hoti.
pli-tv-bu-vb-np21:3.14	Nissajjitabbo saṅghassa vā gaṇassa vā puggalassa vā.
pli-tv-bu-vb-np21:3.15	Evañca pana, bhikkhave, nissajjitabbo.
pli-tv-bu-vb-np21:3.16	Tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np21:3.17	“ayaṁ me, bhante, patto dasāhātikkanto nissaggiyo.
pli-tv-bu-vb-np21:3.18	Imāhaṁ saṅghassa nissajjāmī”ti.
pli-tv-bu-vb-np21:3.19	Nissajjitvā āpatti desetabbā.
pli-tv-bu-vb-np21:3.20	Byattena bhikkhunā paṭibalena āpatti paṭiggahetabbā,
pli-tv-bu-vb-np21:3.21	nissaṭṭhapatto dātabbo—
pli-tv-bu-vb-np21:3.22	“Suṇātu me, bhante, saṅgho.
pli-tv-bu-vb-np21:3.23	Ayaṁ patto itthannāmassa bhikkhuno nissaggiyo saṅghassa nissaṭṭho.
pli-tv-bu-vb-np21:3.24	Yadi saṅghassa pattakallaṁ, saṅgho imaṁ pattaṁ itthannāmassa bhikkhuno dadeyyā”ti.
pli-tv-bu-vb-np21:3.25	Tena bhikkhunā sambahule bhikkhū upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassu vacanīyā—
pli-tv-bu-vb-np21:3.26	“ayaṁ me, bhante, patto dasāhātikkanto nissaggiyo.
pli-tv-bu-vb-np21:3.27	Imāhaṁ āyasmantānaṁ nissajjāmī”ti.
pli-tv-bu-vb-np21:3.28	Nissajjitvā āpatti desetabbā.
pli-tv-bu-vb-np21:3.29	Byattena bhikkhunā paṭibalena āpatti paṭiggahetabbā,
pli-tv-bu-vb-np21:3.30	nissaṭṭhapatto dātabbo—
pli-tv-bu-vb-np21:3.31	“Suṇantu me āyasmantā.
pli-tv-bu-vb-np21:3.32	Ayaṁ patto itthannāmassa bhikkhuno nissaggiyo āyasmantānaṁ nissaṭṭho.
pli-tv-bu-vb-np21:3.33	Yadāyasmantānaṁ pattakallaṁ, āyasmantā imaṁ pattaṁ itthannāmassa bhikkhuno dadeyyun”ti.
pli-tv-bu-vb-np21:3.34	Tena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np21:3.35	“ayaṁ me, āvuso, patto dasāhātikkanto nissaggiyo.
pli-tv-bu-vb-np21:3.36	Imāhaṁ āyasmato nissajjāmī”ti.
pli-tv-bu-vb-np21:3.37	Nissajjitvā āpatti desetabbā.
pli-tv-bu-vb-np21:3.38	Tena bhikkhunā āpatti paṭiggahetabbā,
pli-tv-bu-vb-np21:3.39	nissaṭṭhapatto dātabbo—
pli-tv-bu-vb-np21:3.40	“imaṁ pattaṁ āyasmato dammī”ti.
pli-tv-bu-vb-np21:3.41.0	
pli-tv-bu-vb-np21:3.41.1	Dasāhātikkante atikkantasaññī, nissaggiyaṁ pācittiyaṁ.
pli-tv-bu-vb-np21:3.42	Dasāhātikkante vematiko, nissaggiyaṁ pācittiyaṁ.
pli-tv-bu-vb-np21:3.43	Dasāhātikkante anatikkantasaññī, nissaggiyaṁ pācittiyaṁ.
pli-tv-bu-vb-np21:3.44	Anadhiṭṭhite adhiṭṭhitasaññī, nissaggiyaṁ pācittiyaṁ.
pli-tv-bu-vb-np21:3.45	Avikappite vikappitasaññī, nissaggiyaṁ pācittiyaṁ.
pli-tv-bu-vb-np21:3.46	Avissajjite vissajjitasaññī, nissaggiyaṁ pācittiyaṁ.
pli-tv-bu-vb-np21:3.47	Anaṭṭhe naṭṭhasaññī nissaggiyaṁ pācittiyaṁ.
pli-tv-bu-vb-np21:3.48	Avinaṭṭhe vinaṭṭhasaññī, nissaggiyaṁ pācittiyaṁ.
pli-tv-bu-vb-np21:3.49	Abhinne bhinnasaññī, nissaggiyaṁ pācittiyaṁ.
pli-tv-bu-vb-np21:3.50	Avilutte viluttasaññī, nissaggiyaṁ pācittiyaṁ.
pli-tv-bu-vb-np21:3.51	Nissaggiyaṁ pattaṁ anissajjitvā paribhuñjati, āpatti dukkaṭassa.
pli-tv-bu-vb-np21:3.52	Dasāhānatikkante atikkantasaññī, āpatti dukkaṭassa.
pli-tv-bu-vb-np21:3.53	Dasāhānatikkante vematiko, āpatti dukkaṭassa.
pli-tv-bu-vb-np21:3.54	Dasāhānatikkante anatikkantasaññī, anāpatti.
pli-tv-bu-vb-np21:3.55.0	
pli-tv-bu-vb-np21:3.55.1	Anāpatti—
pli-tv-bu-vb-np21:3.56	antodasāhaṁ adhiṭṭheti, vikappeti, vissajjeti, nassati, vinassati, bhijjati, acchinditvā gaṇhanti, vissāsaṁ gaṇhanti,
pli-tv-bu-vb-np21:3.57	ummattakassa,
pli-tv-bu-vb-np21:3.58	ādikammikassāti.
pli-tv-bu-vb-np21:4.1	Tena kho pana samayena chabbaggiyā bhikkhū nissaṭṭhapattaṁ na denti.
pli-tv-bu-vb-np21:4.2	Bhagavato etamatthaṁ ārocesuṁ.
pli-tv-bu-vb-np21:4.3	“Na, bhikkhave, nissaṭṭhapatto na dātabbo. Yo na dadeyya, āpatti dukkaṭassā”ti.
pli-tv-bu-vb-np21:4.4	Pattasikkhāpadaṁ niṭṭhitaṁ paṭhamaṁ.
pli-tv-bu-vb-np22:0.1	Theravāda Vinaya
pli-tv-bu-vb-np22:0.2	Mahāvibhaṅga
pli-tv-bu-vb-np22:0.3	Nissaggiyakaṇḍa
pli-tv-bu-vb-np22:0.4	Pattavagga
pli-tv-bu-vb-np22:0.5	22. Ūnapañcabandhanasikkhāpada
pli-tv-bu-vb-np22:1.1.0	
pli-tv-bu-vb-np22:1.1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bu-vb-np22:1.1.2	Tena kho pana samayena aññatarena kumbhakārena bhikkhū pavāritā honti—
pli-tv-bu-vb-np22:1.1.3	“yesaṁ ayyānaṁ pattena attho ahaṁ pattenā”ti.
pli-tv-bu-vb-np22:1.1.4	Tena kho pana samayena bhikkhū na mattaṁ jānitvā bahū patte viññāpenti.
pli-tv-bu-vb-np22:1.1.5	Yesaṁ khuddakā pattā te mahante patte viññāpenti.
pli-tv-bu-vb-np22:1.1.6	Yesaṁ mahantā pattā te khuddake patte viññāpenti.
pli-tv-bu-vb-np22:1.1.7	Atha kho so kumbhakāro bhikkhūnaṁ bahū patte karonto na sakkoti aññaṁ vikkāyikaṁ bhaṇḍaṁ kātuṁ,
pli-tv-bu-vb-np22:1.1.8	attanāpi na yāpeti, puttadārāpissa kilamanti.
pli-tv-bu-vb-np22:1.1.9	Manussā ujjhāyanti khiyyanti vipācenti—
pli-tv-bu-vb-np22:1.1.10	“kathañhi nāma samaṇā sakyaputtiyā na mattaṁ jānitvā bahū patte viññāpessanti.
pli-tv-bu-vb-np22:1.1.11	Ayaṁ imesaṁ bahū patte karonto na sakkoti aññaṁ vikkāyikaṁ bhaṇḍaṁ kātuṁ,
pli-tv-bu-vb-np22:1.1.12	attanāpi na yāpeti, puttadārāpissa kilamantī”ti.
pli-tv-bu-vb-np22:1.1.13	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np22:1.1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np22:1.1.15	“kathañhi nāma bhikkhū na mattaṁ jānitvā bahū patte viññāpessantī”ti.
pli-tv-bu-vb-np22:1.1.16	Atha kho te bhikkhū te anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np22:1.1.17	saccaṁ kira, bhikkhave, bhikkhū na mattaṁ jānitvā bahū patte viññāpentīti?
pli-tv-bu-vb-np22:1.1.18	“Saccaṁ, bhagavā”ti.
pli-tv-bu-vb-np22:1.1.19	Vigarahi buddho bhagavā …pe…
pli-tv-bu-vb-np22:1.1.20	kathañhi nāma te, bhikkhave, moghapurisā na mattaṁ jānitvā bahū patte viññāpessanti.
pli-tv-bu-vb-np22:1.1.21	Netaṁ, bhikkhave, appasannānaṁ vā pasādāya …pe…
pli-tv-bu-vb-np22:1.1.22	vigarahitvā dhammiṁ kathaṁ katvā bhikkhū āmantesi—
pli-tv-bu-vb-np22:1.1.23	“na, bhikkhave, patto viññāpetabbo. Yo viññāpeyya, āpatti dukkaṭassā”ti.
pli-tv-bu-vb-np22:1.2.1	Tena kho pana samayena aññatarassa bhikkhuno patto bhinno hoti.
pli-tv-bu-vb-np22:1.2.2	Atha kho so bhikkhu—“bhagavatā paṭikkhittaṁ pattaṁ viññāpetun”ti kukkuccāyanto na viññāpeti.
pli-tv-bu-vb-np22:1.2.3	Hatthesu piṇḍāya carati.
pli-tv-bu-vb-np22:1.2.4	Manussā ujjhāyanti khiyyanti vipācenti—
pli-tv-bu-vb-np22:1.2.5	“kathañhi nāma samaṇā sakyaputtiyā hatthesu piṇḍāya carissanti, seyyathāpi titthiyā”ti.
pli-tv-bu-vb-np22:1.2.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np22:1.2.7	Atha kho te bhikkhū bhagavato etamatthaṁ ārocesuṁ.
pli-tv-bu-vb-np22:1.2.8	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np22:1.2.9	“anujānāmi, bhikkhave, naṭṭhapattassa vā bhinnapattassa vā pattaṁ viññāpetun”ti.
pli-tv-bu-vb-np22:1.3.1	Tena kho pana samayena chabbaggiyā bhikkhū—“bhagavatā anuññātaṁ naṭṭhapattassa vā bhinnapattassa vā pattaṁ viññāpetun”ti appamattakenapi bhinnena appamattakenapi khaṇḍena vilikhitamattenapi bahū patte viññāpenti.
pli-tv-bu-vb-np22:1.3.2	Atha kho so kumbhakāro bhikkhūnaṁ tatheva bahū patte karonto na sakkoti aññaṁ vikkāyikaṁ bhaṇḍaṁ kātuṁ,
pli-tv-bu-vb-np22:1.3.3	attanāpi na yāpeti, puttadārāpissa kilamanti.
pli-tv-bu-vb-np22:1.3.4	Manussā tatheva ujjhāyanti khiyyanti vipācenti—
pli-tv-bu-vb-np22:1.3.5	“kathañhi nāma samaṇā sakyaputtiyā na mattaṁ jānitvā bahū patte viññāpessanti.
pli-tv-bu-vb-np22:1.3.6	Ayaṁ imesaṁ bahū patte karonto na sakkoti aññaṁ vikkāyikaṁ bhaṇḍaṁ kātuṁ, attanāpi na yāpeti, puttadārāpissa kilamantī”ti.
pli-tv-bu-vb-np22:1.3.7	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np22:1.3.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np22:1.3.9	“kathañhi nāma chabbaggiyā bhikkhū appamattakenapi bhinnena appamattakenapi khaṇḍena vilikhitamattenapi bahū patte viññāpessantī”ti.
pli-tv-bu-vb-np22:1.3.10	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np22:1.3.11	“saccaṁ kira tumhe, bhikkhave, appamattakenapi bhinnena appamattakenapi khaṇḍena vilikhitamattenapi bahū patte viññāpethā”ti?
pli-tv-bu-vb-np22:1.3.12	“Saccaṁ, bhagavā”ti.
pli-tv-bu-vb-np22:1.3.13	Vigarahi buddho bhagavā …pe…
pli-tv-bu-vb-np22:1.3.14	kathañhi nāma tumhe, moghapurisā, appamattakenapi bhinnena appamattakenapi khaṇḍena vilikhitamattenapi bahū patte viññāpessatha.
pli-tv-bu-vb-np22:1.3.15	Netaṁ, moghapurisā, appasannānaṁ vā pasādāya …pe…
pli-tv-bu-vb-np22:1.3.16	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np22:1.3.17.0	
pli-tv-bu-vb-np22:1.3.17.1	“Yo pana bhikkhu ūnapañcabandhanena pattena aññaṁ navaṁ pattaṁ cetāpeyya, nissaggiyaṁ pācittiyaṁ.
pli-tv-bu-vb-np22:1.3.18	Tena bhikkhunā so patto bhikkhuparisāya nissajjitabbo.
pli-tv-bu-vb-np22:1.3.19	Yo ca tassā bhikkhuparisāya pattapariyanto so tassa bhikkhuno padātabbo— ‘ayaṁ te, bhikkhu, patto yāva bhedanāya dhāretabbo’ti.
pli-tv-bu-vb-np22:1.3.20	Ayaṁ tattha sāmīcī”ti.
pli-tv-bu-vb-np22:2.1.0	
pli-tv-bu-vb-np22:2.1.1	Yo panāti
pli-tv-bu-vb-np22:2.1.2	yo yādiso …pe…
pli-tv-bu-vb-np22:2.1.3	bhikkhūti
pli-tv-bu-vb-np22:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np22:2.1.5	Ūnapañcabandhano nāma patto
pli-tv-bu-vb-np22:2.1.6	abandhano vā ekabandhano vā dvibandhano vā tibandhano vā catubandhano vā.
pli-tv-bu-vb-np22:2.1.7	Abandhanokāso nāma patto
pli-tv-bu-vb-np22:2.1.8	yassa dvaṅgulā rāji na hoti.
pli-tv-bu-vb-np22:2.1.9	Bandhanokāso nāma patto
pli-tv-bu-vb-np22:2.1.10	yassa dvaṅgulā rāji hoti.
pli-tv-bu-vb-np22:2.1.11	Navo nāma
pli-tv-bu-vb-np22:2.1.12	patto viññattiṁ upādāya vuccati.
pli-tv-bu-vb-np22:2.1.13	Cetāpeyyāti
pli-tv-bu-vb-np22:2.1.14	viññāpeti, payoge dukkaṭaṁ.
pli-tv-bu-vb-np22:2.1.15	Paṭilābhena nissaggiyo hoti.
pli-tv-bu-vb-np22:2.1.16	Saṅghamajjhe nissajjitabbo.
pli-tv-bu-vb-np22:2.1.17	Sabbeheva adhiṭṭhitapattaṁ gahetvā sannipatitabbaṁ.
pli-tv-bu-vb-np22:2.1.18	Na lāmako patto adhiṭṭhātabbo—
pli-tv-bu-vb-np22:2.1.19	“mahagghaṁ pattaṁ gahessāmī”ti.
pli-tv-bu-vb-np22:2.1.20	Sace lāmakaṁ pattaṁ adhiṭṭheti— “mahagghaṁ pattaṁ gahessāmī”ti, āpatti dukkaṭassa.
pli-tv-bu-vb-np22:2.1.21	Evañca pana, bhikkhave, nissajjitabbo.
pli-tv-bu-vb-np22:2.1.22	Tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-np22:2.1.23	“ayaṁ me, bhante, patto ūnapañcabandhanena pattena cetāpito nissaggiyo.
pli-tv-bu-vb-np22:2.1.24	Imāhaṁ saṅghassa nissajjāmī”ti.
pli-tv-bu-vb-np22:2.1.25	Nissajjitvā āpatti desetabbā.
pli-tv-bu-vb-np22:2.1.26	Byattena bhikkhunā paṭibalena āpatti paṭiggahetabbā.
pli-tv-bu-vb-np22:2.1.27	Pañcahaṅgehi samannāgato bhikkhu pattaggāhāpako sammannitabbo—
pli-tv-bu-vb-np22:2.1.28	yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, gāhitāgāhitañca jāneyya.
pli-tv-bu-vb-np22:2.1.29	“Evañca pana, bhikkhave, sammannitabbo.
pli-tv-bu-vb-np22:2.1.30	Paṭhamaṁ bhikkhu yācitabbo.
pli-tv-bu-vb-np22:2.1.31	Yācitvā byattena bhikkhunā paṭibalena saṅgho ñāpetabbo—
pli-tv-bu-vb-np22:2.1.32	‘Suṇātu me, bhante, saṅgho.
pli-tv-bu-vb-np22:2.1.33	Yadi saṅghassa pattakallaṁ, saṅgho itthannāmaṁ bhikkhuṁ pattaggāhāpakaṁ sammanneyya.
pli-tv-bu-vb-np22:2.1.34	Esā ñatti.
pli-tv-bu-vb-np22:2.1.35	Suṇātu me, bhante, saṅgho.
pli-tv-bu-vb-np22:2.1.36	Saṅgho itthannāmaṁ bhikkhuṁ pattaggāhāpakaṁ sammannati.
pli-tv-bu-vb-np22:2.1.37	Yassāyasmato khamati itthannāmassa bhikkhuno pattaggāhāpakassa sammuti, so tuṇhassa;
pli-tv-bu-vb-np22:2.1.38	yassa nakkhamati, so bhāseyya.
pli-tv-bu-vb-np22:2.1.39	Sammato saṅghena itthannāmo bhikkhu pattaggāhāpako.
pli-tv-bu-vb-np22:2.1.40	Khamati saṅghassa, tasmā tuṇhī,
pli-tv-bu-vb-np22:2.1.41	evametaṁ dhārayāmī’”ti.
pli-tv-bu-vb-np22:2.1.42	Tena sammatena bhikkhunā patto gāhetabbo.
pli-tv-bu-vb-np22:2.1.43	Thero vattabbo—
pli-tv-bu-vb-np22:2.1.44	“gaṇhātu, bhante, thero pattan”ti.
pli-tv-bu-vb-np22:2.1.45	Sace thero gaṇhāti, therassa patto dutiyassa gāhetabbo.
pli-tv-bu-vb-np22:2.1.46	Na ca tassa anuddayatāya na gahetabbo. Yo na gaṇheyya, āpatti dukkaṭassa.
pli-tv-bu-vb-np22:2.1.47	Apattakassa na gāhetabbo.
pli-tv-bu-vb-np22:2.1.48	Eteneva upāyena yāva saṅghanavakā gāhetabbo.
pli-tv-bu-vb-np22:2.1.49	Yo ca tassā bhikkhuparisāya pattapariyanto, so tassa bhikkhuno padātabbo— “ayaṁ te, bhikkhu, patto yāva bhedanāya dhāretabbo”ti.
pli-tv-bu-vb-np22:2.1.50	Tena bhikkhunā so patto na adese nikkhipitabbo, na abhogena bhuñjitabbo, na vissajjetabbo— “kathāyaṁ patto nasseyya vā vinasseyya vā bhijjeyya vā”ti?
pli-tv-bu-vb-np22:2.1.51	Sace adese vā nikkhipati abhogena vā bhuñjati vissajjeti vā, āpatti dukkaṭassa.
pli-tv-bu-vb-np22:2.1.52	Ayaṁ tattha sāmīcīti
pli-tv-bu-vb-np22:2.1.53	ayaṁ tattha anudhammatā.
pli-tv-bu-vb-np22:2.2.0	
pli-tv-bu-vb-np22:2.2.1	Abandhanena pattena abandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.2	Abandhanena pattena ekabandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.3	Abandhanena pattena dvibandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.4	Abandhanena pattena tibandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.5	Abandhanena pattena catubandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.6	Ekabandhanena pattena abandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.7	Ekabandhanena pattena ekabandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.8	Ekabandhanena pattena dvibandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.9	Ekabandhanena pattena tibandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.10	Ekabandhanena pattena catubandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.11	Dvibandhanena pattena abandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.12	Dvibandhanena pattena ekabandhanaṁ pattaṁ …pe…
pli-tv-bu-vb-np22:2.2.13	dvibandhanaṁ pattaṁ …
pli-tv-bu-vb-np22:2.2.14	tibandhanaṁ pattaṁ …
pli-tv-bu-vb-np22:2.2.15	catubandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.16	Tibandhanena pattena abandhanaṁ pattaṁ …pe…
pli-tv-bu-vb-np22:2.2.17	ekabandhanaṁ pattaṁ
pli-tv-bu-vb-np22:2.2.18	dvibandhanaṁ pattaṁ …
pli-tv-bu-vb-np22:2.2.19	tibandhanaṁ pattaṁ …
pli-tv-bu-vb-np22:2.2.20	catubandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.21	Catubandhanena pattena abandhanaṁ pattaṁ …pe…
pli-tv-bu-vb-np22:2.2.22	ekabandhanaṁ pattaṁ …
pli-tv-bu-vb-np22:2.2.23	dvibandhanaṁ pattaṁ …
pli-tv-bu-vb-np22:2.2.24	tibandhanaṁ pattaṁ …
pli-tv-bu-vb-np22:2.2.25	catubandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.26	Abandhanena pattena abandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.27	Abandhanena pattena ekabandhanokāsaṁ pattaṁ …pe…
pli-tv-bu-vb-np22:2.2.28	dvibandhanokāsaṁ pattaṁ …
pli-tv-bu-vb-np22:2.2.29	tibandhanokāsaṁ pattaṁ …
pli-tv-bu-vb-np22:2.2.30	catubandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.31	Ekabandhanena pattena abandhanokāsaṁ pattaṁ …pe…
pli-tv-bu-vb-np22:2.2.32	ekabandhanokāsaṁ pattaṁ …
pli-tv-bu-vb-np22:2.2.33	dvibandhanokāsaṁ pattaṁ …
pli-tv-bu-vb-np22:2.2.34	tibandhanokāsaṁ pattaṁ …
pli-tv-bu-vb-np22:2.2.35	catubandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.36	Dvibandhanena pattena abandhanokāsaṁ pattaṁ …pe…
pli-tv-bu-vb-np22:2.2.37	catubandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.38	Tibandhanena pattena abandhanokāsaṁ pattaṁ …pe…
pli-tv-bu-vb-np22:2.2.39	catubandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.40	Catubandhanena pattena abandhanokāsaṁ pattaṁ …pe…
pli-tv-bu-vb-np22:2.2.41	ekabandhanokāsaṁ pattaṁ …
pli-tv-bu-vb-np22:2.2.42	dvibandhanokāsaṁ pattaṁ …
pli-tv-bu-vb-np22:2.2.43	tibandhanokāsaṁ pattaṁ …
pli-tv-bu-vb-np22:2.2.44	catubandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.45	Abandhanokāsena pattena abandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.46	Abandhanokāsena pattena ekabandhanaṁ pattaṁ …pe…
pli-tv-bu-vb-np22:2.2.47	dvibandhanaṁ pattaṁ …
pli-tv-bu-vb-np22:2.2.48	tibandhanaṁ pattaṁ …
pli-tv-bu-vb-np22:2.2.49	catubandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.50	Catubandhanokāsena pattena abandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.51	Catubandhanokāsena pattena ekabandhanaṁ pattaṁ …pe…
pli-tv-bu-vb-np22:2.2.52	dvibandhanaṁ pattaṁ …
pli-tv-bu-vb-np22:2.2.53	tibandhanaṁ pattaṁ …
pli-tv-bu-vb-np22:2.2.54	catubandhanaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.55	Abandhanokāsena pattena abandhanokāsaṁ pattaṁ …pe…
pli-tv-bu-vb-np22:2.2.56	ekabandhanokāsaṁ pattaṁ …
pli-tv-bu-vb-np22:2.2.57	dvibandhanokāsaṁ pattaṁ …
pli-tv-bu-vb-np22:2.2.58	tibandhanokāsaṁ pattaṁ …
pli-tv-bu-vb-np22:2.2.59	catubandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.60	Catubandhanokāsena pattena abandhanokāsaṁ pattaṁ …pe…
pli-tv-bu-vb-np22:2.2.61	ekabandhanokāsaṁ pattaṁ …
pli-tv-bu-vb-np22:2.2.62	dvibandhanokāsaṁ pattaṁ …
pli-tv-bu-vb-np22:2.2.63	tibandhanokāsaṁ pattaṁ …
pli-tv-bu-vb-np22:2.2.64	catubandhanokāsaṁ pattaṁ cetāpeti, nissaggiyaṁ pācittiyaṁ.
pli-tv-bu-vb-np22:2.2.65.0	
pli-tv-bu-vb-np22:2.2.65.1	Anāpatti—
pli-tv-bu-vb-np22:2.2.66	naṭṭhapattassa,
pli-tv-bu-vb-np22:2.2.67	bhinnapattassa,
pli-tv-bu-vb-np22:2.2.68	ñātakānaṁ
pli-tv-bu-vb-np22:2.2.69	pavāritānaṁ,
pli-tv-bu-vb-np22:2.2.70	aññassatthāya,
pli-tv-bu-vb-np22:2.2.71	attano dhanena,
pli-tv-bu-vb-np22:2.2.72	ummattakassa,
pli-tv-bu-vb-np22:2.2.73	ādikammikassāti.
pli-tv-bu-vb-np22:2.2.74	Ūnapañcabandhanasikkhāpadaṁ niṭṭhitaṁ dutiyaṁ.
pli-tv-bu-vb-np23:0.1	Theravāda Vinaya
pli-tv-bu-vb-np23:0.2	Mahāvibhaṅga
pli-tv-bu-vb-np23:0.3	Nissaggiyakaṇḍa
pli-tv-bu-vb-np23:0.4	Pattavagga
pli-tv-bu-vb-np23:0.5	23. Bhesajjasikkhāpada
pli-tv-bu-vb-np23:1.1.0	
pli-tv-bu-vb-np23:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np23:1.1.2	Tena kho pana samayena āyasmā pilindavaccho rājagahe pabbhāraṁ sodhāpeti leṇaṁ kattukāmo.
pli-tv-bu-vb-np23:1.1.3	Atha kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṁ pilindavacchaṁ abhivādetvā ekamantaṁ nisīdi. Ekamantaṁ nisinno kho rājā māgadho seniyo bimbisāro āyasmantaṁ pilindavacchaṁ etadavoca—“kiṁ, bhante, thero kārāpetī”ti?
pli-tv-bu-vb-np23:1.1.4	“Pabbhāraṁ, mahārāja, sodhāpemi leṇaṁ kattukāmo”ti.
pli-tv-bu-vb-np23:1.1.5	“Attho, bhante, ayyassa ārāmikenā”ti?
pli-tv-bu-vb-np23:1.1.6	“Na kho, mahārāja, bhagavatā ārāmiko anuññāto”ti.
pli-tv-bu-vb-np23:1.1.7	“Tena hi, bhante, bhagavantaṁ paṭipucchitvā mama āroceyyāthā”ti.
pli-tv-bu-vb-np23:1.1.8	“Evaṁ, mahārājā”ti kho āyasmā pilindavaccho rañño māgadhassa seniyassa bimbisārassa paccassosi.
pli-tv-bu-vb-np23:1.1.9	Atha kho āyasmā pilindavaccho rājānaṁ māgadhaṁ seniyaṁ bimbisāraṁ dhammiyā kathāya sandassesi samādapesi samuttejesi sampahaṁsesi.
pli-tv-bu-vb-np23:1.1.10	Atha kho rājā māgadho seniyo bimbisāro āyasmatā pilindavacchena dhammiyā kathāya sandassito samādapito samuttejito sampahaṁsito uṭṭhāyāsanā āyasmantaṁ pilindavacchaṁ abhivādetvā padakkhiṇaṁ katvā pakkāmi.
pli-tv-bu-vb-np23:1.1.11	Atha kho āyasmā pilindavaccho bhagavato santike dūtaṁ pāhesi—
pli-tv-bu-vb-np23:1.1.12	“rājā, bhante, māgadho seniyo bimbisāro ārāmikaṁ dātukāmo.
pli-tv-bu-vb-np23:1.1.13	Kathaṁ nu kho, bhante, mayā paṭipajjitabban”ti?
pli-tv-bu-vb-np23:1.1.14	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np23:1.1.15	“anujānāmi, bhikkhave, ārāmikan”ti.
pli-tv-bu-vb-np23:1.1.16	Dutiyampi kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṁ pilindavacchaṁ abhivādetvā ekamantaṁ nisīdi. Ekamantaṁ nisinno kho rājā māgadho seniyo bimbisāro āyasmantaṁ pilindavacchaṁ etadavoca—
pli-tv-bu-vb-np23:1.1.17	“anuññāto, bhante, bhagavatā ārāmiko”ti?
pli-tv-bu-vb-np23:1.1.18	“Evaṁ, mahārājā”ti.
pli-tv-bu-vb-np23:1.1.19	“Tena hi, bhante, ayyassa ārāmikaṁ dammī”ti.
pli-tv-bu-vb-np23:1.1.20	Atha kho rājā māgadho seniyo bimbisāro āyasmato pilindavacchassa ārāmikaṁ paṭissuṇitvā vissaritvā cirena satiṁ paṭilabhitvā aññataraṁ sabbatthakaṁ mahāmattaṁ āmantesi—“yo mayā, bhaṇe, ayyassa ārāmiko paṭissuto, dinno so ārāmiko”ti?
pli-tv-bu-vb-np23:1.1.21	“Na kho, deva, ayyassa ārāmiko dinno”ti.
pli-tv-bu-vb-np23:1.1.22	“Kīvaciraṁ nu kho, bhaṇe, ito hi taṁ hotī”ti?
pli-tv-bu-vb-np23:1.1.23	Atha kho so mahāmatto rattiyo gaṇetvā rājānaṁ māgadhaṁ seniyaṁ bimbisāraṁ etadavoca—“pañca, deva, rattisatānī”ti.
pli-tv-bu-vb-np23:1.1.24	“Tena hi, bhaṇe, ayyassa pañca ārāmikasatāni dehī”ti.
pli-tv-bu-vb-np23:1.1.25	“Evaṁ, devā”ti
pli-tv-bu-vb-np23:1.1.26	kho so mahāmatto rañño māgadhassa seniyassa bimbisārassa paṭissuṇitvā āyasmato pilindavacchassa pañca ārāmikasatāni pādāsi, pāṭiyekko gāmo nivisi.
pli-tv-bu-vb-np23:1.1.27	Ārāmikagāmakotipi naṁ āhaṁsu, pilindagāmakotipi naṁ āhaṁsu.
pli-tv-bu-vb-np23:1.2.1	Tena kho pana samayena āyasmā pilindavaccho tasmiṁ gāmake kulūpako hoti.
pli-tv-bu-vb-np23:1.2.2	Atha kho āyasmā pilindavaccho pubbaṇhasamayaṁ nivāsetvā pattacīvaraṁ ādāya pilindagāmakaṁ piṇḍāya pāvisi.
pli-tv-bu-vb-np23:1.2.3	Tena kho pana samayena tasmiṁ gāmake ussavo hoti. Dārakā alaṅkatā mālākitā kīḷanti.
pli-tv-bu-vb-np23:1.2.4	Atha kho āyasmā pilindavaccho pilindagāmake sapadānaṁ piṇḍāya caramāno yena aññatarassa ārāmikassa nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-np23:1.2.5	Tena kho pana samayena tassā ārāmikiniyā dhītā aññe dārake alaṅkate mālākite passitvā rodati—“mālaṁ me detha, alaṅkāraṁ me dethā”ti.
pli-tv-bu-vb-np23:1.2.6	Atha kho āyasmā pilindavaccho taṁ ārāmikiniṁ etadavoca—“kissāyaṁ dārikā rodatī”ti?
pli-tv-bu-vb-np23:1.2.7	“Ayaṁ, bhante, dārikā aññe dārake alaṅkate mālākite passitvā rodati—‘mālaṁ me detha, alaṅkāraṁ me dethā’ti. Kuto amhākaṁ duggatānaṁ mālā kuto, alaṅkāro”ti?
pli-tv-bu-vb-np23:1.2.8	Atha kho āyasmā pilindavaccho aññataraṁ tiṇaṇḍupakaṁ gahetvā taṁ ārāmikiniṁ etadavoca—“handimaṁ tiṇaṇḍupakaṁ tassā dārikāya sīse paṭimuñcā”ti.
pli-tv-bu-vb-np23:1.2.9	Atha kho sā ārāmikinī taṁ tiṇaṇḍupakaṁ gahetvā tassā dārikāya sīse paṭimuñci. Sā ahosi suvaṇṇamālā abhirūpā dassanīyā pāsādikā.
pli-tv-bu-vb-np23:1.2.10	Natthi tādisā raññopi antepure suvaṇṇamālā.
pli-tv-bu-vb-np23:1.2.11	Manussā rañño māgadhassa seniyassa bimbisārassa ārocesuṁ—“amukassa, deva, ārāmikassa ghare suvaṇṇamālā abhirūpā dassanīyā pāsādikā.
pli-tv-bu-vb-np23:1.2.12	Natthi tādisā devassāpi antepure suvaṇṇamālā.
pli-tv-bu-vb-np23:1.2.13	Kuto tassa duggatassa.
pli-tv-bu-vb-np23:1.2.14	Nissaṁsayaṁ corikāya ābhatā”ti.
pli-tv-bu-vb-np23:1.2.15	Atha kho rājā māgadho seniyo bimbisāro taṁ ārāmikakulaṁ bandhāpesi.
pli-tv-bu-vb-np23:1.2.16	Dutiyampi kho āyasmā pilindavaccho pubbaṇhasamayaṁ nivāsetvā pattacīvaraṁ ādāya pilindagāmakaṁ piṇḍāya pāvisi.
pli-tv-bu-vb-np23:1.2.17	Pilindagāmake sapadānaṁ piṇḍāya caramāno yena tassa ārāmikassa nivesanaṁ tenupasaṅkami; upasaṅkamitvā paṭivissake pucchi—“kahaṁ imaṁ ārāmikakulaṁ gatan”ti?
pli-tv-bu-vb-np23:1.2.18	“Etissā, bhante, suvaṇṇamālāya kāraṇā raññā bandhāpitan”ti.
pli-tv-bu-vb-np23:1.3.1	Atha kho āyasmā pilindavaccho yena rañño māgadhassa seniyassa bimbisārassa nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-np23:1.3.2	Atha kho rājā māgadho seniyo bimbisāro yenāyasmā pilindavaccho tenupasaṅkami; upasaṅkamitvā āyasmantaṁ pilindavacchaṁ abhivādetvā ekamantaṁ nisīdi.
pli-tv-bu-vb-np23:1.3.3	Ekamantaṁ nisinnaṁ kho rājānaṁ māgadhaṁ seniyaṁ bimbisāraṁ āyasmā pilindavaccho etadavoca—“kissa, mahārāja, ārāmikakulaṁ bandhāpitan”ti?
pli-tv-bu-vb-np23:1.3.4	“Tassa, bhante, ārāmikassa ghare suvaṇṇamālā abhirūpā dassanīyā pāsādikā.
pli-tv-bu-vb-np23:1.3.5	Natthi tādisā amhākampi antepure suvaṇṇamālā.
pli-tv-bu-vb-np23:1.3.6	Kuto tassa duggatassa.
pli-tv-bu-vb-np23:1.3.7	Nissaṁsayaṁ corikāya ābhatā”ti.
pli-tv-bu-vb-np23:1.3.8	Atha kho āyasmā pilindavaccho rañño māgadhassa seniyassa bimbisārassa pāsādaṁ suvaṇṇanti adhimucci.
pli-tv-bu-vb-np23:1.3.9	So ahosi sabbasovaṇṇamayo.
pli-tv-bu-vb-np23:1.3.10	“Idaṁ pana te, mahārāja, tāva bahuṁ suvaṇṇaṁ kuto”ti?
pli-tv-bu-vb-np23:1.3.11	“Aññātaṁ, bhante, ayyasseveso iddhānubhāvo”ti.
pli-tv-bu-vb-np23:1.3.12	Taṁ ārāmikakulaṁ muñcāpesi.
pli-tv-bu-vb-np23:1.3.13	Manussā—“ayyena kira pilindavacchena sarājikāya parisāya uttarimanussadhammaṁ iddhipāṭihāriyaṁ dassitan”ti,
pli-tv-bu-vb-np23:1.3.14	attamanā abhippasannā āyasmato pilindavacchassa pañca bhesajjāni abhihariṁsu, seyyathidaṁ—sappi navanītaṁ telaṁ madhu phāṇitaṁ.
pli-tv-bu-vb-np23:1.3.15	Pakatiyāpi ca āyasmā pilindavaccho lābhī hoti pañcannaṁ bhesajjānaṁ.
pli-tv-bu-vb-np23:1.3.16	Laddhaṁ laddhaṁ parisāya vissajjeti.
pli-tv-bu-vb-np23:1.3.17	Parisā cassa hoti bāhullikā.
pli-tv-bu-vb-np23:1.3.18	Laddhaṁ laddhaṁ kolambepi ghaṭepi pūretvā paṭisāmeti, parissāvanānipi thavikāyopi pūretvā vātapānesu laggeti.
pli-tv-bu-vb-np23:1.3.19	Tāni olīnavilīnāni tiṭṭhanti. Undūrehipi vihārā okiṇṇavikiṇṇā honti.
pli-tv-bu-vb-np23:1.3.20	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bu-vb-np23:1.3.21	“antokoṭṭhāgārikā ime samaṇā sakyaputtiyā, seyyathāpi rājā māgadho seniyo bimbisāro”ti.
pli-tv-bu-vb-np23:1.3.22	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np23:1.3.23	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np23:1.3.24	“kathañhi nāma bhikkhū evarūpāya bāhullāya cetessantī”ti.
pli-tv-bu-vb-np23:1.3.25	Atha kho te bhikkhū te anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np23:1.3.26	“saccaṁ kira, bhikkhave, bhikkhū evarūpāya bāhullāya cetentī”ti?
pli-tv-bu-vb-np23:1.3.27	“Saccaṁ, bhagavā”ti.
pli-tv-bu-vb-np23:1.3.28	Vigarahi buddho bhagavā …pe…
pli-tv-bu-vb-np23:1.3.29	kathañhi nāma te, bhikkhave, moghapurisā evarūpāya bāhullāya cetessanti.
pli-tv-bu-vb-np23:1.3.30	Netaṁ, bhikkhave, appasannānaṁ vā pasādāya …pe…
pli-tv-bu-vb-np23:1.3.31	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np23:1.3.32.0	
pli-tv-bu-vb-np23:1.3.32.1	“Yāni kho pana tāni gilānānaṁ bhikkhūnaṁ paṭisāyanīyāni bhesajjāni, seyyathidaṁ— sappi navanītaṁ telaṁ madhu phāṇitaṁ, tāni paṭiggahetvā sattāhaparamaṁ sannidhikārakaṁ paribhuñjitabbāni.
pli-tv-bu-vb-np23:1.3.33	Taṁ atikkāmayato nissaggiyaṁ pācittiyan”ti.
pli-tv-bu-vb-np23:2.0	
pli-tv-bu-vb-np23:2.1	Yāni kho pana tāni gilānānaṁ bhikkhūnaṁ paṭisāyanīyāni bhesajjānīti
pli-tv-bu-vb-np23:2.2	sappi nāma
pli-tv-bu-vb-np23:2.3	gosappi vā ajikāsappi vā mahiṁsasappi vā yesaṁ maṁsaṁ kappati tesaṁ sappi.
pli-tv-bu-vb-np23:2.4	Navanītaṁ nāma
pli-tv-bu-vb-np23:2.5	tesaṁyeva navanītaṁ.
pli-tv-bu-vb-np23:2.6	Telaṁ nāma
pli-tv-bu-vb-np23:2.7	tilatelaṁ sāsapatelaṁ madhukatelaṁ eraṇḍatelaṁ vasātelaṁ.
pli-tv-bu-vb-np23:2.8	Madhu nāma
pli-tv-bu-vb-np23:2.9	makkhikāmadhu.
pli-tv-bu-vb-np23:2.10	Phāṇitaṁ nāma
pli-tv-bu-vb-np23:2.11	ucchumhā nibbattaṁ.
pli-tv-bu-vb-np23:2.12	Tāni paṭiggahetvā sattāhaparamaṁ sannidhikārakaṁ paribhuñjitabbānīti
pli-tv-bu-vb-np23:2.13	sattāhaparamatā paribhuñjitabbāni.
pli-tv-bu-vb-np23:2.14	Taṁ atikkāmayato nissaggiyaṁ hotīti
pli-tv-bu-vb-np23:2.15	aṭṭhame aruṇuggamane nissaggiyaṁ hoti.
pli-tv-bu-vb-np23:2.16	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np23:2.17	Evañca pana, bhikkhave, nissajjitabbaṁ.
pli-tv-bu-vb-np23:2.18	…pe…
pli-tv-bu-vb-np23:2.19	idaṁ me, bhante, bhesajjaṁ sattāhātikkantaṁ nissaggiyaṁ,
pli-tv-bu-vb-np23:2.20	imāhaṁ saṅghassa nissajjāmīti …pe…
pli-tv-bu-vb-np23:2.21	dadeyyāti …pe…
pli-tv-bu-vb-np23:2.22	dadeyyunti …pe…
pli-tv-bu-vb-np23:2.23	āyasmato dammīti.
pli-tv-bu-vb-np23:2.24.0	
pli-tv-bu-vb-np23:2.24.1	Sattāhātikkante atikkantasaññī, nissaggiyaṁ pācittiyaṁ.
pli-tv-bu-vb-np23:2.25	Sattāhātikkante vematiko, nissaggiyaṁ pācittiyaṁ.
pli-tv-bu-vb-np23:2.26	Sattāhātikkante anatikkantasaññī, nissaggiyaṁ pācittiyaṁ.
pli-tv-bu-vb-np23:2.27	Anadhiṭṭhite adhiṭṭhitasaññī, nissaggiyaṁ pācittiyaṁ.
pli-tv-bu-vb-np23:2.28	Avissajjite vissajjitasaññī, nissaggiyaṁ pācittiyaṁ.
pli-tv-bu-vb-np23:2.29	Anaṭṭhe naṭṭhasaññī, nissaggiyaṁ pācittiyaṁ.
pli-tv-bu-vb-np23:2.30	Avinaṭṭhe vinaṭṭhasaññī, nissaggiyaṁ pācittiyaṁ.
pli-tv-bu-vb-np23:2.31	Adaḍḍhe daḍḍhasaññī, nissaggiyaṁ pācittiyaṁ.
pli-tv-bu-vb-np23:2.32	Avilutte viluttasaññī, nissaggiyaṁ pācittiyaṁ.
pli-tv-bu-vb-np23:2.33	Nissaṭṭhaṁ paṭilabhitvā na kāyikena paribhogena paribhuñjitabbaṁ, na ajjhoharitabbaṁ,
pli-tv-bu-vb-np23:2.34	padīpe vā kāḷavaṇṇe vā upanetabbaṁ,
pli-tv-bu-vb-np23:2.35	aññena bhikkhunā kāyikena paribhogena paribhuñjitabbaṁ, na ajjhoharitabbaṁ.
pli-tv-bu-vb-np23:2.36	Sattāhānatikkante atikkantasaññī, āpatti dukkaṭassa.
pli-tv-bu-vb-np23:2.37	Sattāhānatikkante vematiko, āpatti dukkaṭassa.
pli-tv-bu-vb-np23:2.38	Sattāhānatikkante anatikkantasaññī, anāpatti.
pli-tv-bu-vb-np23:2.39.0	
pli-tv-bu-vb-np23:2.39.1	Anāpatti—
pli-tv-bu-vb-np23:2.40	antosattāhaṁ adhiṭṭheti, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,
pli-tv-bu-vb-np23:2.41	anupasampannassa cattena vantena muttena anapekkho datvā paṭilabhitvā paribhuñjati,
pli-tv-bu-vb-np23:2.42	ummattakassa,
pli-tv-bu-vb-np23:2.43	ādikammikassāti.
pli-tv-bu-vb-np23:2.44	Bhesajjasikkhāpadaṁ niṭṭhitaṁ tatiyaṁ.
pli-tv-bu-vb-np24:0.1	Theravāda Vinaya
pli-tv-bu-vb-np24:0.2	Mahāvibhaṅga
pli-tv-bu-vb-np24:0.3	Nissaggiyakaṇḍa
pli-tv-bu-vb-np24:0.4	Pattavagga
pli-tv-bu-vb-np24:0.5	24. Vassikasāṭikasikkhāpada
pli-tv-bu-vb-np24:1.0	
pli-tv-bu-vb-np24:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np24:1.2	Tena kho pana samayena bhagavatā bhikkhūnaṁ vassikasāṭikā anuññātā hoti.
pli-tv-bu-vb-np24:1.3	Chabbaggiyā bhikkhū—“bhagavatā vassikasāṭikā anuññātā”ti,
pli-tv-bu-vb-np24:1.4	paṭikacceva vassikasāṭikacīvaraṁ pariyesanti,
pli-tv-bu-vb-np24:1.5	paṭikacceva katvā nivāsenti,
pli-tv-bu-vb-np24:1.6	jiṇṇāya vassikasāṭikāya naggā kāyaṁ ovassāpenti.
pli-tv-bu-vb-np24:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np24:1.8	“kathañhi nāma chabbaggiyā bhikkhū paṭikacceva vassikasāṭikacīvaraṁ pariyesissanti, paṭikacceva katvā nivāsessanti, jiṇṇāya vassikasāṭikāya naggā kāyaṁ ovassāpessantī”ti.
pli-tv-bu-vb-np24:1.9	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np24:1.10	“saccaṁ kira tumhe, bhikkhave, paṭikacceva vassikasāṭikacīvaraṁ pariyesatha?
pli-tv-bu-vb-np24:1.11	Paṭikacceva katvā nivāsetha?
pli-tv-bu-vb-np24:1.12	Jiṇṇāya vassikasāṭikāya naggā kāyaṁ ovassāpethā”ti?
pli-tv-bu-vb-np24:1.13	“Saccaṁ, bhagavā”ti.
pli-tv-bu-vb-np24:1.14	Vigarahi buddho bhagavā …pe…
pli-tv-bu-vb-np24:1.15	kathañhi nāma tumhe moghapurisā, paṭikacceva vassikasāṭikacīvaraṁ pariyesissatha, paṭikacceva katvā nivāsessatha, jiṇṇāya vassikasāṭikāya naggā kāyaṁ ovassāpessatha.
pli-tv-bu-vb-np24:1.16	Netaṁ, moghapurisā, appasannānaṁ vā pasādāya …pe…
pli-tv-bu-vb-np24:1.17	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np24:1.18.0	
pli-tv-bu-vb-np24:1.18.1	“‘Māso seso gimhānan’ti bhikkhunā vassikasāṭikacīvaraṁ pariyesitabbaṁ; ‘addhamāso seso gimhānan’ti katvā nivāsetabbaṁ.
pli-tv-bu-vb-np24:1.19	‘Orena ce māso seso gimhānan’ti vassikasāṭikacīvaraṁ pariyeseyya, ‘orenaddhamāso seso gimhānan’ti katvā nivāseyya, nissaggiyaṁ pācittiyan”ti.
pli-tv-bu-vb-np24:2.0	
pli-tv-bu-vb-np24:2.1	“Māso seso gimhānan”ti bhikkhunā vassikasāṭikacīvaraṁ pariyesitabbanti.
pli-tv-bu-vb-np24:2.2	Ye manussā pubbepi vassikasāṭikacīvaraṁ denti te upasaṅkamitvā evamassu vacanīyā— “kālo vassikasāṭikāya, samayo vassikasāṭikāya, aññepi manussā vassikasāṭikacīvaraṁ dentī”ti.
pli-tv-bu-vb-np24:2.3	Na vattabbā— “detha me vassikasāṭikacīvaraṁ, āharatha me vassikasāṭikacīvaraṁ, parivattetha me vassikasāṭikacīvaraṁ, cetāpetha me vassikasāṭikacīvaran”ti.
pli-tv-bu-vb-np24:2.4	“Addhamāso seso gimhānan”ti katvā nivāsetabbanti.
pli-tv-bu-vb-np24:2.5	Addhamāse sese gimhāne katvā nivāsetabbaṁ.
pli-tv-bu-vb-np24:2.6	“Orena ce māso seso gimhānan”ti
pli-tv-bu-vb-np24:2.7	atirekamāse sese gimhāne vassikasāṭikacīvaraṁ pariyesati, nissaggiyaṁ pācittiyaṁ.
pli-tv-bu-vb-np24:2.8	“Orenaddhamāso seso gimhānan”ti
pli-tv-bu-vb-np24:2.9	atirekaddhamāse sese gimhāne katvā nivāseti, nissaggiyaṁ hoti.
pli-tv-bu-vb-np24:2.10	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np24:2.11	Evañca pana, bhikkhave, nissajjitabbaṁ.
pli-tv-bu-vb-np24:2.12	…pe…
pli-tv-bu-vb-np24:2.13	“idaṁ me, bhante, vassikasāṭikacīvaraṁ atirekamāse sese gimhāne pariyiṭṭhaṁ atirekaddhamāse sese gimhāne katvā paridahitaṁ nissaggiyaṁ.
pli-tv-bu-vb-np24:2.14	Imāhaṁ saṅghassa nissajjāmī”ti …pe…
pli-tv-bu-vb-np24:2.15	dadeyyāti …pe…
pli-tv-bu-vb-np24:2.16	dadeyyunti …pe…
pli-tv-bu-vb-np24:2.17	āyasmato dammīti.
pli-tv-bu-vb-np24:2.18.0	
pli-tv-bu-vb-np24:2.18.1	Atirekamāse sese gimhāne atirekasaññī vassikasāṭikacīvaraṁ pariyesati, nissaggiyaṁ pācittiyaṁ.
pli-tv-bu-vb-np24:2.19	Atirekamāse sese gimhāne vematiko vassikasāṭikacīvaraṁ pariyesati, nissaggiyaṁ pācittiyaṁ.
pli-tv-bu-vb-np24:2.20	Atirekamāse sese gimhāne ūnakasaññī vassikasāṭikacīvaraṁ pariyesati, nissaggiyaṁ pācittiyaṁ.
pli-tv-bu-vb-np24:2.21	Atirekaddhamāse sese gimhāne atirekasaññī katvā nivāseti, nissaggiyaṁ pācittiyaṁ.
pli-tv-bu-vb-np24:2.22	Atirekaddhamāse sese gimhāne vematiko katvā nivāseti, nissaggiyaṁ pācittiyaṁ.
pli-tv-bu-vb-np24:2.23	Atirekaddhamāse sese gimhāne ūnakasaññī katvā nivāseti, nissaggiyaṁ pācittiyaṁ.
pli-tv-bu-vb-np24:2.24	Satiyā vassikasāṭikāya naggo kāyaṁ ovassāpeti, āpatti dukkaṭassa.
pli-tv-bu-vb-np24:2.25	Ūnakamāse sese gimhāne atirekasaññī, āpatti dukkaṭassa.
pli-tv-bu-vb-np24:2.26	Ūnakamāse sese gimhāne vematiko, āpatti dukkaṭassa.
pli-tv-bu-vb-np24:2.27	Ūnakamāse sese gimhāne ūnakasaññī, anāpatti.
pli-tv-bu-vb-np24:2.28	Ūnakaddhamāse sese gimhāne atirekasaññī, āpatti dukkaṭassa.
pli-tv-bu-vb-np24:2.29	Ūnakaddhamāse sese gimhāne vematiko, āpatti dukkaṭassa.
pli-tv-bu-vb-np24:2.30	Ūnakaddhamāse sese gimhāne ūnakasaññī, anāpatti.
pli-tv-bu-vb-np24:2.31.0	
pli-tv-bu-vb-np24:2.31.1	Anāpatti—
pli-tv-bu-vb-np24:2.32	“māso seso gimhānan”ti vassikasāṭikacīvaraṁ pariyesati,
pli-tv-bu-vb-np24:2.33	“addhamāso seso gimhānan”ti katvā nivāseti,
pli-tv-bu-vb-np24:2.34	“ūnakamāso seso gimhānan”ti vassikasāṭikacīvaraṁ pariyesati,
pli-tv-bu-vb-np24:2.35	“ūnakaddhamāso seso gimhānan”ti katvā nivāseti,
pli-tv-bu-vb-np24:2.36	pariyiṭṭhāya vassikasāṭikāya vassaṁ ukkaḍḍhiyyati,
pli-tv-bu-vb-np24:2.37	nivatthāya vassikasāṭikāya vassaṁ ukkaḍḍhiyyati, dhovitvā nikkhipitabbaṁ; samaye nivāsetabbaṁ,
pli-tv-bu-vb-np24:2.38	acchinnacīvarassa,
pli-tv-bu-vb-np24:2.39	naṭṭhacīvarassa,
pli-tv-bu-vb-np24:2.40	āpadāsu,
pli-tv-bu-vb-np24:2.41	ummattakassa,
pli-tv-bu-vb-np24:2.42	ādikammikassāti.
pli-tv-bu-vb-np24:2.43	Vassikasāṭikasikkhāpadaṁ niṭṭhitaṁ catutthaṁ.
pli-tv-bu-vb-np25:0.1	Theravāda Vinaya
pli-tv-bu-vb-np25:0.2	Mahāvibhaṅga
pli-tv-bu-vb-np25:0.3	Nissaggiyakaṇḍa
pli-tv-bu-vb-np25:0.4	Pattavagga
pli-tv-bu-vb-np25:0.5	25. Cīvaraacchindanasikkhāpada
pli-tv-bu-vb-np25:1.0	
pli-tv-bu-vb-np25:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np25:1.2	Tena kho pana samayena āyasmā upanando sakyaputto bhātuno saddhivihārikaṁ bhikkhuṁ etadavoca—
pli-tv-bu-vb-np25:1.3	“ehāvuso, janapadacārikaṁ pakkamissāmā”ti.
pli-tv-bu-vb-np25:1.4	“Nāhaṁ, bhante, gamissāmi;
pli-tv-bu-vb-np25:1.5	dubbalacīvaromhī”ti.
pli-tv-bu-vb-np25:1.6	“Ehāvuso, ahaṁ te cīvaraṁ dassāmī”ti
pli-tv-bu-vb-np25:1.7	tassa cīvaraṁ adāsi.
pli-tv-bu-vb-np25:1.8	Assosi kho so bhikkhu—
pli-tv-bu-vb-np25:1.9	“bhagavā kira janapadacārikaṁ pakkamissatī”ti.
pli-tv-bu-vb-np25:1.10	Atha kho tassa bhikkhuno etadahosi—
pli-tv-bu-vb-np25:1.11	“na dānāhaṁ āyasmatā upanandena sakyaputtena saddhiṁ janapadacārikaṁ pakkamissāmi, bhagavatā saddhiṁ janapadacārikaṁ pakkamissāmī”ti.
pli-tv-bu-vb-np25:1.12	Atha kho āyasmā upanando sakyaputto taṁ bhikkhuṁ etadavoca—
pli-tv-bu-vb-np25:1.13	“ehi dāni, āvuso, janapadacārikaṁ pakkamissāmā”ti.
pli-tv-bu-vb-np25:1.14	“Nāhaṁ, bhante, tayā saddhiṁ janapadacārikaṁ pakkamissāmi, bhagavatā saddhiṁ janapadacārikaṁ pakkamissāmī”ti.
pli-tv-bu-vb-np25:1.15	“Yampi tyāhaṁ, āvuso, cīvaraṁ adāsiṁ, mayā saddhiṁ janapadacārikaṁ pakkamissatī”ti,
pli-tv-bu-vb-np25:1.16	kupito anattamano acchindi.
pli-tv-bu-vb-np25:1.17	Atha kho so bhikkhu bhikkhūnaṁ etamatthaṁ ārocesi.
pli-tv-bu-vb-np25:1.18	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np25:1.19	“kathañhi nāma āyasmā upanando sakyaputto bhikkhussa sāmaṁ cīvaraṁ datvā kupito anattamano acchindissatī”ti.
pli-tv-bu-vb-np25:1.20	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np25:1.21	“saccaṁ kira tvaṁ, upananda, bhikkhussa sāmaṁ cīvaraṁ datvā kupito anattamano acchindī”ti?
pli-tv-bu-vb-np25:1.22	“Saccaṁ, bhagavā”ti.
pli-tv-bu-vb-np25:1.23	Vigarahi buddho bhagavā …pe…
pli-tv-bu-vb-np25:1.24	kathañhi nāma tvaṁ, moghapurisa, bhikkhussa sāmaṁ cīvaraṁ datvā kupito anattamano acchindissasi.
pli-tv-bu-vb-np25:1.25	Netaṁ, moghapurisa, appasannānaṁ vā pasādāya …pe…
pli-tv-bu-vb-np25:1.26	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np25:1.27.0	
pli-tv-bu-vb-np25:1.27.1	“Yo pana bhikkhu bhikkhussa sāmaṁ cīvaraṁ datvā kupito anattamano acchindeyya vā acchindāpeyya vā, nissaggiyaṁ pācittiyan”ti.
pli-tv-bu-vb-np25:2.0	
pli-tv-bu-vb-np25:2.1	Yo panāti
pli-tv-bu-vb-np25:2.2	yo yādiso …pe…
pli-tv-bu-vb-np25:2.3	bhikkhūti
pli-tv-bu-vb-np25:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np25:2.5	Bhikkhussāti
pli-tv-bu-vb-np25:2.6	aññassa bhikkhussa.
pli-tv-bu-vb-np25:2.7	Sāmanti
pli-tv-bu-vb-np25:2.8	sayaṁ datvā.
pli-tv-bu-vb-np25:2.9	Cīvaraṁ nāma
pli-tv-bu-vb-np25:2.10	channaṁ cīvarānaṁ aññataraṁ cīvaraṁ, vikappanupagaṁ pacchimaṁ.
pli-tv-bu-vb-np25:2.11	Kupito anattamanoti
pli-tv-bu-vb-np25:2.12	anabhiraddho āhatacitto khilajāto.
pli-tv-bu-vb-np25:2.13	Acchindeyyāti
pli-tv-bu-vb-np25:2.14	sayaṁ acchindati, nissaggiyaṁ pācittiyaṁ.
pli-tv-bu-vb-np25:2.15	Acchindāpeyyāti
pli-tv-bu-vb-np25:2.16	aññaṁ āṇāpeti, āpatti dukkaṭassa.
pli-tv-bu-vb-np25:2.17	Sakiṁ āṇatto bahukampi acchindati, nissaggiyaṁ hoti.
pli-tv-bu-vb-np25:2.18	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np25:2.19	Evañca pana, bhikkhave, nissajjitabbaṁ.
pli-tv-bu-vb-np25:2.20	…pe…
pli-tv-bu-vb-np25:2.21	“idaṁ me, bhante, cīvaraṁ bhikkhussa sāmaṁ datvā acchinnaṁ nissaggiyaṁ imāhaṁ saṅghassa nissajjāmī”ti …pe…
pli-tv-bu-vb-np25:2.22	dadeyyāti …pe…
pli-tv-bu-vb-np25:2.23	dadeyyunti …pe…
pli-tv-bu-vb-np25:2.24	āyasmato dammīti.
pli-tv-bu-vb-np25:2.25.0	
pli-tv-bu-vb-np25:2.25.1	Upasampanne upasampannasaññī cīvaraṁ datvā kupito anattamano acchindati vā acchindāpeti vā, nissaggiyaṁ pācittiyaṁ.
pli-tv-bu-vb-np25:2.26	Upasampanne vematiko cīvaraṁ datvā kupito anattamano acchindati vā acchindāpeti vā, nissaggiyaṁ pācittiyaṁ.
pli-tv-bu-vb-np25:2.27	Upasampanne anupasampannasaññī cīvaraṁ datvā kupito anattamano acchindati vā acchindāpeti vā, nissaggiyaṁ pācittiyaṁ.
pli-tv-bu-vb-np25:2.28	Aññaṁ parikkhāraṁ datvā kupito anattamano acchindati vā acchindāpeti vā, āpatti dukkaṭassa.
pli-tv-bu-vb-np25:2.29	Anupasampannassa cīvaraṁ vā aññaṁ vā parikkhāraṁ datvā kupito anattamano acchindati vā acchindāpeti vā, āpatti dukkaṭassa.
pli-tv-bu-vb-np25:2.30	Anupasampanne upasampannasaññī, āpatti dukkaṭassa.
pli-tv-bu-vb-np25:2.31	Anupasampanne vematiko, āpatti dukkaṭassa.
pli-tv-bu-vb-np25:2.32	Anupasampanne anupasampannasaññī, āpatti dukkaṭassa.
pli-tv-bu-vb-np25:2.33.0	
pli-tv-bu-vb-np25:2.33.1	Anāpatti—
pli-tv-bu-vb-np25:2.34	so vā deti,
pli-tv-bu-vb-np25:2.35	tassa vā vissasanto gaṇhāti,
pli-tv-bu-vb-np25:2.36	ummattakassa,
pli-tv-bu-vb-np25:2.37	ādikammikassāti.
pli-tv-bu-vb-np25:2.38	Cīvaraacchindanasikkhāpadaṁ niṭṭhitaṁ pañcamaṁ.
pli-tv-bu-vb-np26:0.1	Theravāda Vinaya
pli-tv-bu-vb-np26:0.2	Mahāvibhaṅga
pli-tv-bu-vb-np26:0.3	Nissaggiyakaṇḍa
pli-tv-bu-vb-np26:0.4	Pattavagga
pli-tv-bu-vb-np26:0.5	26. Suttaviññattisikkhāpada
pli-tv-bu-vb-np26:1.0	
pli-tv-bu-vb-np26:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-np26:1.2	Tena kho pana samayena chabbaggiyā bhikkhū cīvarakārasamaye bahuṁ suttaṁ viññāpesuṁ.
pli-tv-bu-vb-np26:1.3	Katepi cīvare bahuṁ suttaṁ avasiṭṭhaṁ hoti.
pli-tv-bu-vb-np26:1.4	Atha kho chabbaggiyānaṁ bhikkhūnaṁ etadahosi—
pli-tv-bu-vb-np26:1.5	“handa mayaṁ, āvuso, aññampi suttaṁ viññāpetvā tantavāyehi cīvaraṁ vāyāpemā”ti.
pli-tv-bu-vb-np26:1.6	Atha kho chabbaggiyā bhikkhū aññampi suttaṁ viññāpetvā tantavāyehi cīvaraṁ vāyāpesuṁ.
pli-tv-bu-vb-np26:1.7	Vītepi cīvare bahuṁ suttaṁ avasiṭṭhaṁ hoti.
pli-tv-bu-vb-np26:1.8	Dutiyampi kho chabbaggiyā bhikkhū aññampi suttaṁ viññāpetvā tantavāyehi cīvaraṁ vāyāpesuṁ.
pli-tv-bu-vb-np26:1.9	Vītepi cīvare bahuṁ suttaṁ avasiṭṭhaṁ hoti.
pli-tv-bu-vb-np26:1.10	Tatiyampi kho chabbaggiyā bhikkhū aññampi suttaṁ viññāpetvā tantavāyehi cīvaraṁ vāyāpesuṁ.
pli-tv-bu-vb-np26:1.11	Manussā ujjhāyanti khiyyanti vipācenti—
pli-tv-bu-vb-np26:1.12	“kathañhi nāma samaṇā sakyaputtiyā sāmaṁ suttaṁ viññāpetvā tantavāyehi cīvaraṁ vāyāpessantī”ti.
pli-tv-bu-vb-np26:1.13	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-np26:1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np26:1.15	“kathañhi nāma chabbaggiyā bhikkhū sāmaṁ suttaṁ viññāpetvā tantavāyehi cīvaraṁ vāyāpessantī”ti.
pli-tv-bu-vb-np26:1.16	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np26:1.17	“saccaṁ kira tumhe, bhikkhave, sāmaṁ suttaṁ viññāpetvā tantavāyehi cīvaraṁ vāyāpethā”ti?
pli-tv-bu-vb-np26:1.18	“Saccaṁ, bhagavā”ti.
pli-tv-bu-vb-np26:1.19	Vigarahi buddho bhagavā …pe…
pli-tv-bu-vb-np26:1.20	kathañhi nāma tumhe, moghapurisā, sāmaṁ suttaṁ viññāpetvā tantavāyehi cīvaraṁ vāyāpessatha.
pli-tv-bu-vb-np26:1.21	Netaṁ, moghapurisā, appasannānaṁ vā pasādāya …pe…
pli-tv-bu-vb-np26:1.22	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np26:1.23.0	
pli-tv-bu-vb-np26:1.23.1	“Yo pana bhikkhu sāmaṁ suttaṁ viññāpetvā tantavāyehi cīvaraṁ vāyāpeyya, nissaggiyaṁ pācittiyan”ti.
pli-tv-bu-vb-np26:2.0	
pli-tv-bu-vb-np26:2.1	Yo panāti
pli-tv-bu-vb-np26:2.2	yo yādiso …pe…
pli-tv-bu-vb-np26:2.3	bhikkhūti
pli-tv-bu-vb-np26:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np26:2.5	Sāmanti
pli-tv-bu-vb-np26:2.6	sayaṁ viññāpetvā.
pli-tv-bu-vb-np26:2.7	Suttaṁ nāma
pli-tv-bu-vb-np26:2.8	cha suttāni—
pli-tv-bu-vb-np26:2.9	khomaṁ kappāsikaṁ koseyyaṁ kambalaṁ sāṇaṁ bhaṅgaṁ.
pli-tv-bu-vb-np26:2.10	Tantavāyehīti
pli-tv-bu-vb-np26:2.11	pesakārehi vāyāpeti, payoge payoge dukkaṭaṁ.
pli-tv-bu-vb-np26:2.12	Paṭilābhena nissaggiyaṁ hoti.
pli-tv-bu-vb-np26:2.13	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np26:2.14	Evañca pana, bhikkhave, nissajjitabbaṁ.
pli-tv-bu-vb-np26:2.15	…pe…
pli-tv-bu-vb-np26:2.16	“idaṁ me, bhante, cīvaraṁ sāmaṁ suttaṁ viññāpetvā tantavāyehi vāyāpitaṁ nissaggiyaṁ.
pli-tv-bu-vb-np26:2.17	Imāhaṁ saṅghassa nissajjāmī”ti …pe…
pli-tv-bu-vb-np26:2.18	dadeyyāti …pe…
pli-tv-bu-vb-np26:2.19	dadeyyunti …pe…
pli-tv-bu-vb-np26:2.20	āyasmato dammīti.
pli-tv-bu-vb-np26:2.21.0	
pli-tv-bu-vb-np26:2.21.1	Vāyāpite vāyāpitasaññī, nissaggiyaṁ pācittiyaṁ.
pli-tv-bu-vb-np26:2.22	Vāyāpite vematiko, nissaggiyaṁ pācittiyaṁ.
pli-tv-bu-vb-np26:2.23	Vāyāpite avāyāpitasaññī, nissaggiyaṁ pācittiyaṁ.
pli-tv-bu-vb-np26:2.24	Avāyāpite vāyāpitasaññī, āpatti dukkaṭassa.
pli-tv-bu-vb-np26:2.25	Avāyāpite vematiko, āpatti dukkaṭassa.
pli-tv-bu-vb-np26:2.26	Avāyāpite avāyāpitasaññī, anāpatti.
pli-tv-bu-vb-np26:2.27.0	
pli-tv-bu-vb-np26:2.27.1	Anāpatti—
pli-tv-bu-vb-np26:2.28	cīvaraṁ sibbetuṁ,
pli-tv-bu-vb-np26:2.29	āyoge,
pli-tv-bu-vb-np26:2.30	kāyabandhane,
pli-tv-bu-vb-np26:2.31	aṁsabaddhake,
pli-tv-bu-vb-np26:2.32	pattatthavikāya,
pli-tv-bu-vb-np26:2.33	parissāvane,
pli-tv-bu-vb-np26:2.34	ñātakānaṁ,
pli-tv-bu-vb-np26:2.35	pavāritānaṁ,
pli-tv-bu-vb-np26:2.36	aññassatthāya,
pli-tv-bu-vb-np26:2.37	attano dhanena,
pli-tv-bu-vb-np26:2.38	ummattakassa,
pli-tv-bu-vb-np26:2.39	ādikammikassāti.
pli-tv-bu-vb-np26:2.40	Suttaviññattisikkhāpadaṁ niṭṭhitaṁ chaṭṭhaṁ.
pli-tv-bu-vb-np27:0.1	Theravāda Vinaya
pli-tv-bu-vb-np27:0.2	Mahāvibhaṅga
pli-tv-bu-vb-np27:0.3	Nissaggiyakaṇḍa
pli-tv-bu-vb-np27:0.4	Pattavagga
pli-tv-bu-vb-np27:0.5	27. Mahāpesakārasikkhāpada
pli-tv-bu-vb-np27:1.0	
pli-tv-bu-vb-np27:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np27:1.2	Tena kho pana samayena aññataro puriso pavāsaṁ gacchanto pajāpatiṁ etadavoca—“suttaṁ dhārayitvā amukassa tantavāyassa dehi, cīvaraṁ vāyāpetvā nikkhipa,
pli-tv-bu-vb-np27:1.3	āgato ayyaṁ upanandaṁ cīvarena acchādessāmī”ti.
pli-tv-bu-vb-np27:1.4	Assosi kho aññataro piṇḍacāriko bhikkhu tassa purisassa imaṁ vācaṁ bhāsamānassa.
pli-tv-bu-vb-np27:1.5	Atha kho so bhikkhu yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—“mahāpuññosi tvaṁ, āvuso upananda,
pli-tv-bu-vb-np27:1.6	amukasmiṁ okāse aññataro puriso pavāsaṁ gacchanto pajāpatiṁ etadavoca—‘suttaṁ dhārayitvā amukassa tantavāyassa dehi, cīvaraṁ vāyāpetvā nikkhipa, āgato ayyaṁ upanandaṁ cīvarena acchādessāmī’”ti.
pli-tv-bu-vb-np27:1.7	“Atthāvuso, maṁ so upaṭṭhāko”ti.
pli-tv-bu-vb-np27:1.8	Sopi kho tantavāyo āyasmato upanandassa sakyaputtassa upaṭṭhāko hoti.
pli-tv-bu-vb-np27:1.9	Atha kho āyasmā upanando sakyaputto yena so tantavāyo tenupasaṅkami; upasaṅkamitvā taṁ tantavāyaṁ etadavoca—
pli-tv-bu-vb-np27:1.10	“idaṁ kho, āvuso, cīvaraṁ maṁ uddissa viyyati; āyatañca karohi vitthatañca. Appitañca suvītañca suppavāyitañca suvilekhitañca suvitacchitañca karohī”ti.
pli-tv-bu-vb-np27:1.11	“Ete kho me, bhante, suttaṁ dhārayitvā adaṁsu;
pli-tv-bu-vb-np27:1.12	iminā suttena cīvaraṁ vināhī”ti.
pli-tv-bu-vb-np27:1.13	“Na, bhante, sakkā āyataṁ vā vitthataṁ vā appitaṁ vā kātuṁ.
pli-tv-bu-vb-np27:1.14	Sakkā ca kho, bhante, suvītañca suppavāyitañca suvilekhitañca suvitacchitañca kātun”ti.
pli-tv-bu-vb-np27:1.15	“Iṅgha tvaṁ, āvuso, āyatañca karohi vitthatañca appitañca.
pli-tv-bu-vb-np27:1.16	Na tena suttena paṭibaddhaṁ bhavissatī”ti.
pli-tv-bu-vb-np27:1.17	Atha kho so tantavāyo yathābhataṁ suttaṁ tante upanetvā yena sā itthī tenupasaṅkami; upasaṅkamitvā taṁ itthiṁ etadavoca—“suttena, ayye, attho”ti.
pli-tv-bu-vb-np27:1.18	“Nanu tvaṁ ayyo mayā vutto—‘iminā suttena cīvaraṁ vināhī’”ti.
pli-tv-bu-vb-np27:1.19	“Saccāhaṁ, ayye, tayā vutto—‘iminā suttena cīvaraṁ vināhī’ti.
pli-tv-bu-vb-np27:1.20	Api ca maṁ ayyo upanando evamāha—‘iṅgha tvaṁ, āvuso, āyatañca karohi vitthatañca appitañca,
pli-tv-bu-vb-np27:1.21	na tena suttena paṭibaddhaṁ bhavissatī’”ti.
pli-tv-bu-vb-np27:1.22	Atha kho sā itthī yattakaṁyeva suttaṁ paṭhamaṁ adāsi tattakaṁ pacchā adāsi.
pli-tv-bu-vb-np27:1.23	Assosi kho āyasmā upanando sakyaputto—“so kira puriso pavāsato āgato”ti. Atha kho āyasmā upanando sakyaputto yena tassa purisassa nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-np27:1.24	Atha kho so puriso yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi.
pli-tv-bu-vb-np27:1.25	Ekamantaṁ nisinno kho so puriso pajāpatiṁ etadavoca—“vītaṁ taṁ cīvaran”ti?
pli-tv-bu-vb-np27:1.26	“Āmāyya, vītaṁ taṁ cīvaran”ti.
pli-tv-bu-vb-np27:1.27	“Āhara, ayyaṁ upanandaṁ cīvarena acchādessāmī”ti.
pli-tv-bu-vb-np27:1.28	Atha kho sā itthī taṁ cīvaraṁ nīharitvā sāmikassa datvā etamatthaṁ ārocesi.
pli-tv-bu-vb-np27:1.29	Atha kho so puriso āyasmato upanandassa sakyaputtassa cīvaraṁ datvā ujjhāyati khiyyati vipāceti—
pli-tv-bu-vb-np27:1.30	“mahicchā ime samaṇā sakyaputtiyā asantuṭṭhā.
pli-tv-bu-vb-np27:1.31	Nayime sukarā cīvarena acchādetuṁ.
pli-tv-bu-vb-np27:1.32	Kathañhi nāma ayyo upanando mayā pubbe appavārito tantavāye upasaṅkamitvā cīvare vikappaṁ āpajjissatī”ti.
pli-tv-bu-vb-np27:1.33	Assosuṁ kho bhikkhū tassa purisassa ujjhāyantassa khiyyantassa vipācentassa.
pli-tv-bu-vb-np27:1.34	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np27:1.35	“kathañhi nāma āyasmā upanando sakyaputto pubbe appavārito gahapatikassa tantavāye upasaṅkamitvā cīvare vikappaṁ āpajjissatī”ti.
pli-tv-bu-vb-np27:1.36	Atha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np27:1.37	“saccaṁ kira tvaṁ, upananda, pubbe appavārito gahapatikassa tantavāye upasaṅkamitvā cīvare vikappaṁ āpajjī”ti?
pli-tv-bu-vb-np27:1.38	“Saccaṁ, bhagavā”ti.
pli-tv-bu-vb-np27:1.39	“Ñātako te, upananda, aññātako”ti?
pli-tv-bu-vb-np27:1.40	“Aññātako, bhagavā”ti.
pli-tv-bu-vb-np27:1.41	“Aññātako, moghapurisa, aññātakassa na jānāti patirūpaṁ vā appatirūpaṁ vā santaṁ vā asantaṁ vā.
pli-tv-bu-vb-np27:1.42	Tattha nāma tvaṁ, moghapurisa, pubbe appavārito aññātakassa gahapatikassa tantavāye upasaṅkamitvā cīvare vikappaṁ āpajjissasi.
pli-tv-bu-vb-np27:1.43	Netaṁ, moghapurisa, appasannānaṁ vā pasādāya …pe…
pli-tv-bu-vb-np27:1.44	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np27:1.45.0	
pli-tv-bu-vb-np27:1.45.1	“Bhikkhuṁ paneva uddissa aññātako gahapati vā gahapatānī vā tantavāyehi cīvaraṁ vāyāpeyya, tatra ce so bhikkhu pubbe appavārito tantavāye upasaṅkamitvā cīvare vikappaṁ āpajjeyya—
pli-tv-bu-vb-np27:1.46	‘idaṁ kho, āvuso, cīvaraṁ maṁ uddissa viyyati. Āyatañca karotha vitthatañca. Appitañca suvītañca suppavāyitañca suvilekhitañca suvitacchitañca karotha.
pli-tv-bu-vb-np27:1.47	Appeva nāma mayampi āyasmantānaṁ kiñcimattaṁ anupadajjeyyāmā’ti.
pli-tv-bu-vb-np27:1.48	Evañca so bhikkhu vatvā kiñcimattaṁ anupadajjeyya antamaso piṇḍapātamattampi, nissaggiyaṁ pācittiyan”ti.
pli-tv-bu-vb-np27:2.0	
pli-tv-bu-vb-np27:2.1	Bhikkhuṁ paneva uddissāti
pli-tv-bu-vb-np27:2.2	bhikkhussatthāya bhikkhuṁ ārammaṇaṁ karitvā bhikkhuṁ acchādetukāmo.
pli-tv-bu-vb-np27:2.3	Aññātako nāma
pli-tv-bu-vb-np27:2.4	mātito vā pitito vā yāva sattamā pitāmahayugā asambaddho.
pli-tv-bu-vb-np27:2.5	Gahapati nāma
pli-tv-bu-vb-np27:2.6	yo koci agāraṁ ajjhāvasati.
pli-tv-bu-vb-np27:2.7	Gahapatānī nāma
pli-tv-bu-vb-np27:2.8	yā kāci agāraṁ ajjhāvasati.
pli-tv-bu-vb-np27:2.9	Tantavāyehīti
pli-tv-bu-vb-np27:2.10	pesakārehi.
pli-tv-bu-vb-np27:2.11	Cīvaraṁ nāma
pli-tv-bu-vb-np27:2.12	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bu-vb-np27:2.13	Vāyāpeyyāti
pli-tv-bu-vb-np27:2.14	vināpeti.
pli-tv-bu-vb-np27:2.15	Tatra ce so bhikkhūti
pli-tv-bu-vb-np27:2.16	yaṁ bhikkhuṁ uddissa cīvaraṁ viyyati so bhikkhu.
pli-tv-bu-vb-np27:2.17	Pubbe appavāritoti
pli-tv-bu-vb-np27:2.18	pubbe avutto hoti— “kīdisena te, bhante, cīvarena attho, kīdisaṁ te cīvaraṁ vāyāpemī”ti?
pli-tv-bu-vb-np27:2.19	Tantavāye upasaṅkamitvāti
pli-tv-bu-vb-np27:2.20	gharaṁ gantvā yattha katthaci upasaṅkamitvā.
pli-tv-bu-vb-np27:2.21	Cīvare vikappaṁ āpajjeyyāti—
pli-tv-bu-vb-np27:2.22	“idaṁ kho, āvuso, cīvaraṁ maṁ uddissa viyyati, āyatañca karotha vitthatañca.
pli-tv-bu-vb-np27:2.23	Appitañca suvītañca suppavāyitañca suvilekhitañca suvitacchitañca karotha.
pli-tv-bu-vb-np27:2.24	Appeva nāma mayampi āyasmantānaṁ kiñcimattaṁ anupadajjeyyāmā”ti.
pli-tv-bu-vb-np27:2.25	Evañca so bhikkhu vatvā kiñcimattaṁ anupadajjeyya antamaso piṇḍapātamattampīti.
pli-tv-bu-vb-np27:2.26	Piṇḍapāto nāma
pli-tv-bu-vb-np27:2.27	yāgupi bhattampi khādanīyampi cuṇṇapiṇḍopi dantakaṭṭhampi dasikasuttampi, antamaso dhammampi bhaṇati.
pli-tv-bu-vb-np27:2.28	Tassa vacanena āyataṁ vā vitthataṁ vā appitaṁ vā karoti, payoge dukkaṭaṁ.
pli-tv-bu-vb-np27:2.29	Paṭilābhena nissaggiyaṁ hoti.
pli-tv-bu-vb-np27:2.30	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np27:2.31	Evañca pana, bhikkhave, nissajjitabbaṁ.
pli-tv-bu-vb-np27:2.32	…pe…
pli-tv-bu-vb-np27:2.33	“idaṁ me, bhante, cīvaraṁ pubbe appavārito aññātakassa gahapatikassa tantavāye upasaṅkamitvā cīvare vikappaṁ āpannaṁ nissaggiyaṁ.
pli-tv-bu-vb-np27:2.34	Imāhaṁ saṅghassa nissajjāmī”ti …pe…
pli-tv-bu-vb-np27:2.35	dadeyyāti …pe…
pli-tv-bu-vb-np27:2.36	dadeyyunti …pe…
pli-tv-bu-vb-np27:2.37	āyasmato dammīti.
pli-tv-bu-vb-np27:2.38.0	
pli-tv-bu-vb-np27:2.38.1	Aññātake aññātakasaññī pubbe appavārito gahapatikassa tantavāye upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np27:2.39	Aññātake vematiko pubbe appavārito gahapatikassa tantavāye upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np27:2.40	Aññātake ñātakasaññī pubbe appavārito gahapatikassa tantavāye upasaṅkamitvā cīvare vikappaṁ āpajjati, nissaggiyaṁ pācittiyaṁ.
pli-tv-bu-vb-np27:2.41	Ñātake añātakasaññī, āpatti dukkaṭassa.
pli-tv-bu-vb-np27:2.42	Ñātake vematiko, āpatti dukkaṭassa.
pli-tv-bu-vb-np27:2.43	Ñātake ñātakasaññī, anāpatti.
pli-tv-bu-vb-np27:2.44.0	
pli-tv-bu-vb-np27:2.44.1	Anāpatti—
pli-tv-bu-vb-np27:2.45	ñātakānaṁ,
pli-tv-bu-vb-np27:2.46	pavāritānaṁ,
pli-tv-bu-vb-np27:2.47	aññassatthāya,
pli-tv-bu-vb-np27:2.48	attano dhanena,
pli-tv-bu-vb-np27:2.49	mahagghaṁ vāyāpetukāmassa appagghaṁ vāyāpeti,
pli-tv-bu-vb-np27:2.50	ummattakassa,
pli-tv-bu-vb-np27:2.51	ādikammikassāti.
pli-tv-bu-vb-np27:2.52	Mahāpesakārasikkhāpadaṁ niṭṭhitaṁ sattamaṁ.
pli-tv-bu-vb-np28:0.1	Theravāda Vinaya
pli-tv-bu-vb-np28:0.2	Mahāvibhaṅga
pli-tv-bu-vb-np28:0.3	Nissaggiyakaṇḍa
pli-tv-bu-vb-np28:0.4	Pattavagga
pli-tv-bu-vb-np28:0.5	28. Accekacīvarasikkhāpada
pli-tv-bu-vb-np28:1.1.0	
pli-tv-bu-vb-np28:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np28:1.1.2	Tena kho pana samayena aññataro mahāmatto pavāsaṁ gacchanto bhikkhūnaṁ santike dūtaṁ pāhesi—
pli-tv-bu-vb-np28:1.1.3	“āgacchantu bhadantā vassāvāsikaṁ dassāmī”ti.
pli-tv-bu-vb-np28:1.1.4	Bhikkhū—
pli-tv-bu-vb-np28:1.1.5	“vassaṁvuṭṭhānaṁ bhagavatā vassāvāsikaṁ anuññātan”ti,
pli-tv-bu-vb-np28:1.1.6	kukkuccāyantā nāgamaṁsu.
pli-tv-bu-vb-np28:1.1.7	Atha kho so mahāmatto ujjhāyati khiyyati vipāceti—
pli-tv-bu-vb-np28:1.1.8	“kathañhi nāma bhadantā mayā dūte pahite nāgacchissanti.
pli-tv-bu-vb-np28:1.1.9	Ahañhi senāya gacchāmi.
pli-tv-bu-vb-np28:1.1.10	Dujjānaṁ jīvitaṁ dujjānaṁ maraṇan”ti.
pli-tv-bu-vb-np28:1.1.11	Assosuṁ kho bhikkhū tassa mahāmattassa ujjhāyantassa khiyyantassa vipācentassa.
pli-tv-bu-vb-np28:1.1.12	Atha kho te bhikkhū bhagavato etamatthaṁ ārocesuṁ.
pli-tv-bu-vb-np28:1.1.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np28:1.1.14	“anujānāmi, bhikkhave, accekacīvaraṁ paṭiggahetvā nikkhipitun”ti.
pli-tv-bu-vb-np28:1.2.1	Tena kho pana samayena bhikkhū—
pli-tv-bu-vb-np28:1.2.2	“bhagavatā anuññātaṁ accekacīvaraṁ paṭiggahetvā nikkhipitun”ti,
pli-tv-bu-vb-np28:1.2.3	accekacīvarāni paṭiggahetvā cīvarakālasamayaṁ atikkāmenti.
pli-tv-bu-vb-np28:1.2.4	Tāni cīvarāni cīvaravaṁse bhaṇḍikābaddhāni tiṭṭhanti.
pli-tv-bu-vb-np28:1.2.5	Addasa kho āyasmā ānando senāsanacārikaṁ āhiṇḍanto tāni cīvarāni cīvaravaṁse bhaṇḍikābaddhāni tiṭṭhante disvā bhikkhū etadavoca—
pli-tv-bu-vb-np28:1.2.6	“kassimāni, āvuso, cīvarāni cīvaravaṁse bhaṇḍikābaddhāni tiṭṭhantī”ti?
pli-tv-bu-vb-np28:1.2.7	“Amhākaṁ, āvuso, accekacīvarānī”ti.
pli-tv-bu-vb-np28:1.2.8	“Kīvaciraṁ panāvuso, imāni cīvarāni nikkhittānī”ti?
pli-tv-bu-vb-np28:1.2.9	Atha kho te bhikkhū āyasmato ānandassa yathānikkhittaṁ ārocesuṁ.
pli-tv-bu-vb-np28:1.2.10	Āyasmā ānando ujjhāyati khiyyati vipāceti—
pli-tv-bu-vb-np28:1.2.11	“kathañhi nāma bhikkhū accekacīvaraṁ paṭiggahetvā cīvarakālasamayaṁ atikkāmessantī”ti.
pli-tv-bu-vb-np28:1.2.12	Atha kho āyasmā ānando te bhikkhū anekapariyāyena vigarahitvā bhagavato etamatthaṁ ārocesi …pe…—
pli-tv-bu-vb-np28:1.2.13	“saccaṁ kira, bhikkhave, bhikkhū accekacīvaraṁ paṭiggahetvā cīvarakālasamayaṁ atikkāmentī”ti?
pli-tv-bu-vb-np28:1.2.14	“Saccaṁ, bhagavā”ti.
pli-tv-bu-vb-np28:1.2.15	Vigarahi buddho bhagavā …pe…
pli-tv-bu-vb-np28:1.2.16	kathañhi nāma te, bhikkhave, moghapurisā accekacīvaraṁ paṭiggahetvā cīvarakālasamayaṁ atikkāmessanti.
pli-tv-bu-vb-np28:1.2.17	Netaṁ, bhikkhave, appasannānaṁ vā pasādāya …pe…
pli-tv-bu-vb-np28:1.2.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np28:1.2.19.0	
pli-tv-bu-vb-np28:1.2.19.1	“Dasāhānāgataṁ kattikatemāsikapuṇṇamaṁ bhikkhuno paneva accekacīvaraṁ uppajjeyya, accekaṁ maññamānena bhikkhunā paṭiggahetabbaṁ, paṭiggahetvā yāva cīvarakālasamayaṁ nikkhipitabbaṁ.
pli-tv-bu-vb-np28:1.2.20	Tato ce uttari nikkhipeyya, nissaggiyaṁ pācittiyan”ti.
pli-tv-bu-vb-np28:2.0	
pli-tv-bu-vb-np28:2.1	Dasāhānāgatanti
pli-tv-bu-vb-np28:2.2	dasāhānāgatāya pavāraṇāya.
pli-tv-bu-vb-np28:2.3	Kattikatemāsikapuṇṇamanti
pli-tv-bu-vb-np28:2.4	pavāraṇā kattikā vuccati.
pli-tv-bu-vb-np28:2.5	Accekacīvaraṁ nāma
pli-tv-bu-vb-np28:2.6	senāya vā gantukāmo hoti, pavāsaṁ vā gantukāmo hoti, gilāno vā hoti, gabbhinī vā hoti, assaddhassa vā saddhā uppannā hoti, appasannassa vā pasādo uppanno hoti, so ce bhikkhūnaṁ santike dūtaṁ pahiṇeyya— “āgacchantu bhadantā vassāvāsikaṁ dassāmī”ti, etaṁ accekacīvaraṁ nāma.
pli-tv-bu-vb-np28:2.7	Accekaṁ maññamānena bhikkhunā paṭiggahetabbaṁ paṭiggahetvā yāva cīvarakālasamayaṁ nikkhipitabbanti
pli-tv-bu-vb-np28:2.8	saññāṇaṁ katvā nikkhipitabbaṁ—“idaṁ accekacīvaran”ti.
pli-tv-bu-vb-np28:2.9	Cīvarakālasamayo nāma
pli-tv-bu-vb-np28:2.10	anatthate kathine vassānassa pacchimo māso,
pli-tv-bu-vb-np28:2.11	atthate kathine pañcamāsā.
pli-tv-bu-vb-np28:2.12	Tato ce uttari nikkhipeyyāti
pli-tv-bu-vb-np28:2.13	anatthate kathine vassānassa pacchimaṁ divasaṁ atikkāmeti, nissaggiyaṁ pācittiyaṁ.
pli-tv-bu-vb-np28:2.14	Atthate kathine kathinuddhāradivasaṁ atikkāmeti, nissaggiyaṁ hoti.
pli-tv-bu-vb-np28:2.15	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np28:2.16	Evañca pana, bhikkhave, nissajjitabbaṁ.
pli-tv-bu-vb-np28:2.17	…pe…
pli-tv-bu-vb-np28:2.18	idaṁ me, bhante, accekacīvaraṁ cīvarakālasamayaṁ atikkāmitaṁ nissaggiyaṁ.
pli-tv-bu-vb-np28:2.19	Imāhaṁ saṅghassa nissajjāmīti …pe…
pli-tv-bu-vb-np28:2.20	dadeyyāti …pe…
pli-tv-bu-vb-np28:2.21	dadeyyunti …pe…
pli-tv-bu-vb-np28:2.22	āyasmato dammīti.
pli-tv-bu-vb-np28:2.23.0	
pli-tv-bu-vb-np28:2.23.1	Accekacīvare accekacīvarasaññī cīvarakālasamayaṁ atikkāmeti, nissaggiyaṁ pācittiyaṁ.
pli-tv-bu-vb-np28:2.24	Accekacīvare vematiko cīvarakālasamayaṁ atikkāmeti, nissaggiyaṁ pācittiyaṁ.
pli-tv-bu-vb-np28:2.25	Accekacīvare anaccekacīvarasaññī cīvarakālasamayaṁ atikkāmeti, nissaggiyaṁ pācittiyaṁ.
pli-tv-bu-vb-np28:2.26	Anadhiṭṭhite adhiṭṭhitasaññī …pe…
pli-tv-bu-vb-np28:2.27	avikappite vikappitasaññī …
pli-tv-bu-vb-np28:2.28	avissajjite vissajjitasaññī …
pli-tv-bu-vb-np28:2.29	anaṭṭhe naṭṭhasaññī …
pli-tv-bu-vb-np28:2.30	avinaṭṭhe vinaṭṭhasaññī …
pli-tv-bu-vb-np28:2.31	adaḍḍhe daḍḍhasaññī …
pli-tv-bu-vb-np28:2.32	avilutte viluttasaññī cīvarakālasamayaṁ atikkāmeti, nissaggiyaṁ pācittiyaṁ.
pli-tv-bu-vb-np28:2.33	Nissaggiyaṁ cīvaraṁ anissajjitvā paribhuñjati, āpatti dukkaṭassa.
pli-tv-bu-vb-np28:2.34	Anaccekacīvare accekacīvarasaññī, āpatti dukkaṭassa.
pli-tv-bu-vb-np28:2.35	Anaccekacīvare vematiko, āpatti dukkaṭassa.
pli-tv-bu-vb-np28:2.36	Anaccekacīvare anaccekacīvarasaññī, anāpatti.
pli-tv-bu-vb-np28:2.37.0	
pli-tv-bu-vb-np28:2.37.1	Anāpatti—
pli-tv-bu-vb-np28:2.38	antosamaye adhiṭṭheti, vikappeti, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,
pli-tv-bu-vb-np28:2.39	ummattakassa,
pli-tv-bu-vb-np28:2.40	ādikammikassāti.
pli-tv-bu-vb-np28:2.41	Accekacīvarasikkhāpadaṁ niṭṭhitaṁ aṭṭhamaṁ.
pli-tv-bu-vb-np29:0.1	Theravāda Vinaya
pli-tv-bu-vb-np29:0.2	Mahāvibhaṅga
pli-tv-bu-vb-np29:0.3	Nissaggiyakaṇḍa
pli-tv-bu-vb-np29:0.4	Pattavagga
pli-tv-bu-vb-np29:0.5	29. Sāsaṅkasikkhāpada
pli-tv-bu-vb-np29:1.1.0	
pli-tv-bu-vb-np29:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np29:1.1.2	Tena kho pana samayena bhikkhū vutthavassā āraññakesu senāsanesu viharanti.
pli-tv-bu-vb-np29:1.1.3	Kattikacorakā bhikkhū—
pli-tv-bu-vb-np29:1.1.4	“laddhalābhā”ti paripātenti.
pli-tv-bu-vb-np29:1.1.5	Bhagavato etamatthaṁ ārocesuṁ.
pli-tv-bu-vb-np29:1.1.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-np29:1.1.7	“anujānāmi, bhikkhave, āraññakesu senāsanesu viharantena tiṇṇaṁ cīvarānaṁ aññataraṁ cīvaraṁ antaraghare nikkhipitun”ti.
pli-tv-bu-vb-np29:1.2.1	Tena kho pana samayena bhikkhū—“bhagavatā anuññātaṁ āraññakesu senāsanesu viharantena tiṇṇaṁ cīvarānaṁ aññataraṁ cīvaraṁ antaraghare nikkhipitun”ti tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasanti.
pli-tv-bu-vb-np29:1.2.2	Tāni cīvarāni nassantipi vinassantipi ḍayhantipi undūrehipi khajjanti.
pli-tv-bu-vb-np29:1.2.3	Bhikkhū duccoḷā honti lūkhacīvarā.
pli-tv-bu-vb-np29:1.2.4	Bhikkhū evamāhaṁsu—
pli-tv-bu-vb-np29:1.2.5	“kissa tumhe, āvuso, duccoḷā lūkhacīvarā”ti?
pli-tv-bu-vb-np29:1.2.6	Atha kho te bhikkhū bhikkhūnaṁ etamatthaṁ ārocesuṁ.
pli-tv-bu-vb-np29:1.2.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np29:1.2.8	“kathañhi nāma bhikkhū tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasissantī”ti.
pli-tv-bu-vb-np29:1.2.9	Atha kho te bhikkhū te anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np29:1.2.10	“saccaṁ kira, bhikkhave, bhikkhū tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasantī”ti?
pli-tv-bu-vb-np29:1.2.11	“Saccaṁ, bhagavā”ti.
pli-tv-bu-vb-np29:1.2.12	Vigarahi buddho bhagavā …pe…
pli-tv-bu-vb-np29:1.2.13	kathañhi nāma te, bhikkhave, moghapurisā tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasissanti.
pli-tv-bu-vb-np29:1.2.14	Netaṁ, bhikkhave, appasannānaṁ vā pasādāya …pe…
pli-tv-bu-vb-np29:1.2.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np29:1.2.16.0	
pli-tv-bu-vb-np29:1.2.16.1	“Upavassaṁ kho pana kattikapuṇṇamaṁ yāni kho pana tāni āraññakāni senāsanāni sāsaṅkasammatāni sappaṭibhayāni tathārūpesu bhikkhu senāsanesu viharanto ākaṅkhamāno tiṇṇaṁ cīvarānaṁ aññataraṁ cīvaraṁ antaraghare nikkhipeyya, siyā ca tassa bhikkhuno kocideva paccayo tena cīvarena vippavāsāya.
pli-tv-bu-vb-np29:1.2.17	Chārattaparamaṁ tena bhikkhunā tena cīvarena vippavasitabbaṁ. Tato ce uttari vippavaseyya, aññatra bhikkhusammutiyā, nissaggiyaṁ pācittiyan”ti.
pli-tv-bu-vb-np29:2.0	
pli-tv-bu-vb-np29:2.1	Upavassaṁ kho panāti
pli-tv-bu-vb-np29:2.2	vuṭṭhavassānaṁ.
pli-tv-bu-vb-np29:2.3	Kattikapuṇṇamanti
pli-tv-bu-vb-np29:2.4	kattikacātumāsinī vuccati.
pli-tv-bu-vb-np29:2.5	Yāni kho pana tāni āraññakāni senāsanānīti
pli-tv-bu-vb-np29:2.6	āraññakaṁ nāma senāsanaṁ
pli-tv-bu-vb-np29:2.7	pañcadhanusatikaṁ pacchimaṁ.
pli-tv-bu-vb-np29:2.8	Sāsaṅkaṁ nāma
pli-tv-bu-vb-np29:2.9	ārāme ārāmūpacāre corānaṁ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
pli-tv-bu-vb-np29:2.10	Sappaṭibhayaṁ nāma
pli-tv-bu-vb-np29:2.11	ārāme ārāmūpacāre corehi manussā hatā dissanti, viluttā dissanti, ākoṭitā dissanti.
pli-tv-bu-vb-np29:2.12	Tathārūpesu bhikkhu senāsanesu viharantoti
pli-tv-bu-vb-np29:2.13	evarūpesu bhikkhu senāsanesu viharanto.
pli-tv-bu-vb-np29:2.14	Ākaṅkhamānoti
pli-tv-bu-vb-np29:2.15	icchamāno.
pli-tv-bu-vb-np29:2.16	Tiṇṇaṁ cīvarānaṁ aññataraṁ cīvaranti
pli-tv-bu-vb-np29:2.17	saṅghāṭiṁ vā uttarāsaṅgaṁ vā antaravāsakaṁ vā.
pli-tv-bu-vb-np29:2.18	Antaraghare nikkhipeyyāti
pli-tv-bu-vb-np29:2.19	samantā gocaragāme nikkhipeyya.
pli-tv-bu-vb-np29:2.20	Siyā ca tassa bhikkhuno kocideva paccayo tena cīvarena vippavāsāyāti
pli-tv-bu-vb-np29:2.21	siyā paccayo siyā karaṇīyaṁ.
pli-tv-bu-vb-np29:2.22	Chārattaparamaṁ tena bhikkhunā tena cīvarena vippavasitabbanti
pli-tv-bu-vb-np29:2.23	chārattaparamatā vippavasitabbaṁ.
pli-tv-bu-vb-np29:2.24	Aññatra bhikkhusammutiyāti
pli-tv-bu-vb-np29:2.25	ṭhapetvā bhikkhusammutiṁ.
pli-tv-bu-vb-np29:2.26	Tato ce uttari vippavaseyyāti
pli-tv-bu-vb-np29:2.27	sattame aruṇuggamane nissaggiyaṁ hoti.
pli-tv-bu-vb-np29:2.28	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np29:2.29	Evañca pana, bhikkhave, nissajjitabbaṁ.
pli-tv-bu-vb-np29:2.30	…pe…
pli-tv-bu-vb-np29:2.31	idaṁ me, bhante, cīvaraṁ atirekachārattaṁ vippavutthaṁ, aññatra bhikkhusammutiyā, nissaggiyaṁ.
pli-tv-bu-vb-np29:2.32	Imāhaṁ saṅghassa nissajjāmīti …pe…
pli-tv-bu-vb-np29:2.33	dadeyyāti …pe…
pli-tv-bu-vb-np29:2.34	dadeyyunti …pe…
pli-tv-bu-vb-np29:2.35	āyasmato dammīti.
pli-tv-bu-vb-np29:2.36.0	
pli-tv-bu-vb-np29:2.36.1	Atirekachāratte atirekasaññī vippavasati, aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np29:2.37	Atirekachāratte vematiko vippavasati, aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np29:2.38	Atirekachāratte ūnakasaññī vippavasati, aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np29:2.39	Appaccuddhaṭe paccuddhaṭasaññī …pe…
pli-tv-bu-vb-np29:2.40	avissajjite vissajjitasaññī …
pli-tv-bu-vb-np29:2.41	anaṭṭhe naṭṭhasaññī …
pli-tv-bu-vb-np29:2.42	avinaṭṭhe vinaṭṭhasaññī …
pli-tv-bu-vb-np29:2.43	adaḍḍhe daḍḍhasaññī …
pli-tv-bu-vb-np29:2.44	avilutte viluttasaññī vippavasati, aññatra bhikkhusammutiyā, nissaggiyaṁ pācittiyaṁ.
pli-tv-bu-vb-np29:2.45	Nissaggiyaṁ cīvaraṁ anissajjitvā paribhuñjati, āpatti dukkaṭassa.
pli-tv-bu-vb-np29:2.46	Ūnakachāratte atirekasaññī, āpatti dukkaṭassa.
pli-tv-bu-vb-np29:2.47	Ūnakachāratte vematiko, āpatti dukkaṭassa.
pli-tv-bu-vb-np29:2.48	Ūnakachāratte ūnakasaññī, anāpatti.
pli-tv-bu-vb-np29:2.49.0	
pli-tv-bu-vb-np29:2.49.1	Anāpatti—
pli-tv-bu-vb-np29:2.50	chārattaṁ vippavasati,
pli-tv-bu-vb-np29:2.51	ūnakachārattaṁ vippavasati,
pli-tv-bu-vb-np29:2.52	chārattaṁ vippavasitvā puna gāmasīmaṁ okkamitvā vasitvā pakkamati,
pli-tv-bu-vb-np29:2.53	antochārattaṁ paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,
pli-tv-bu-vb-np29:2.54	bhikkhusammutiyā,
pli-tv-bu-vb-np29:2.55	ummattakassa,
pli-tv-bu-vb-np29:2.56	ādikammikassāti.
pli-tv-bu-vb-np29:2.57	Sāsaṅkasikkhāpadaṁ niṭṭhitaṁ navamaṁ.
pli-tv-bu-vb-np30:0.1	Theravāda Vinaya
pli-tv-bu-vb-np30:0.2	Mahāvibhaṅga
pli-tv-bu-vb-np30:0.3	Nissaggiyakaṇḍa
pli-tv-bu-vb-np30:0.4	Pattavagga
pli-tv-bu-vb-np30:0.5	30. Pariṇatasikkhāpada
pli-tv-bu-vb-np30:1.0	
pli-tv-bu-vb-np30:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-np30:1.2	Tena kho pana samayena sāvatthiyaṁ aññatarassa pūgassa saṅghassa sacīvarabhattaṁ paṭiyattaṁ hoti—
pli-tv-bu-vb-np30:1.3	“bhojetvā cīvarena acchādessāmā”ti.
pli-tv-bu-vb-np30:1.4	Atha kho chabbaggiyā bhikkhū yena so pūgo tenupasaṅkamiṁsu;
pli-tv-bu-vb-np30:1.5	upasaṅkamitvā taṁ pūgaṁ etadavocuṁ—
pli-tv-bu-vb-np30:1.6	“dethāvuso, amhākaṁ imāni cīvarānī”ti.
pli-tv-bu-vb-np30:1.7	“Na mayaṁ, bhante, dassāma.
pli-tv-bu-vb-np30:1.8	Amhākaṁ saṅghassa anuvassaṁ sacīvarabhikkhā paññattā”ti.
pli-tv-bu-vb-np30:1.9	“Bahū, āvuso, saṅghassa dāyakā, bahū saṅghassa bhattā.
pli-tv-bu-vb-np30:1.10	Mayaṁ tumhe nissāya tumhe sampassantā idha viharāma.
pli-tv-bu-vb-np30:1.11	Tumhe ce amhākaṁ na dassatha, atha ko carahi amhākaṁ dassati?
pli-tv-bu-vb-np30:1.12	Dethāvuso, amhākaṁ imāni cīvarānī”ti.
pli-tv-bu-vb-np30:1.13	Atha kho so pūgo chabbaggiyehi bhikkhūhi nippīḷiyamāno yathāpaṭiyattaṁ cīvaraṁ chabbaggiyānaṁ bhikkhūnaṁ datvā saṅghaṁ bhattena parivisi.
pli-tv-bu-vb-np30:1.14	Ye te bhikkhū jānanti saṅghassa sacīvarabhattaṁ paṭiyattaṁ, na ca jānanti chabbaggiyānaṁ bhikkhūnaṁ dinnanti, te evamāhaṁsu—
pli-tv-bu-vb-np30:1.15	“oṇojethāvuso, saṅghassa cīvaran”ti.
pli-tv-bu-vb-np30:1.16	“Natthi, bhante.
pli-tv-bu-vb-np30:1.17	Yathāpaṭiyattaṁ cīvaraṁ ayyā chabbaggiyā attano pariṇāmesun”ti.
pli-tv-bu-vb-np30:1.18	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-np30:1.19	“kathañhi nāma chabbaggiyā bhikkhū jānaṁ saṅghikaṁ lābhaṁ pariṇataṁ attano pariṇāmessantī”ti.
pli-tv-bu-vb-np30:1.20	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-np30:1.21	“saccaṁ kira tumhe, bhikkhave, jānaṁ saṅghikaṁ lābhaṁ pariṇataṁ attano pariṇāmethā”ti?
pli-tv-bu-vb-np30:1.22	“Saccaṁ, bhagavā”ti.
pli-tv-bu-vb-np30:1.23	Vigarahi buddho bhagavā …pe…
pli-tv-bu-vb-np30:1.24	kathañhi nāma tumhe, moghapurisā, jānaṁ saṅghikaṁ lābhaṁ pariṇataṁ attano pariṇāmessatha.
pli-tv-bu-vb-np30:1.25	Netaṁ, moghapurisā, appasannānaṁ vā pasādāya …pe…
pli-tv-bu-vb-np30:1.26	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-np30:1.27.0	
pli-tv-bu-vb-np30:1.27.1	“Yo pana bhikkhu jānaṁ saṅghikaṁ lābhaṁ pariṇataṁ attano pariṇāmeyya, nissaggiyaṁ pācittiyan”ti.
pli-tv-bu-vb-np30:2.0	
pli-tv-bu-vb-np30:2.1	Yo panāti
pli-tv-bu-vb-np30:2.2	yo yādiso …pe…
pli-tv-bu-vb-np30:2.3	bhikkhūti
pli-tv-bu-vb-np30:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-np30:2.5	Jānāti nāma
pli-tv-bu-vb-np30:2.6	sāmaṁ vā jānāti aññe vā tassa ārocenti so vā āroceti.
pli-tv-bu-vb-np30:2.7	Saṅghikaṁ nāma
pli-tv-bu-vb-np30:2.8	saṅghassa dinnaṁ hoti pariccattaṁ.
pli-tv-bu-vb-np30:2.9	Lābho nāma
pli-tv-bu-vb-np30:2.10	cīvarapiṇḍapātasenāsanagilānappaccayabhesajjaparikkhārā. Antamaso cuṇṇapiṇḍopi, dantakaṭṭhampi, dasikasuttampi.
pli-tv-bu-vb-np30:2.11	Pariṇataṁ nāma
pli-tv-bu-vb-np30:2.12	dassāma karissāmāti vācā bhinnā hoti.
pli-tv-bu-vb-np30:2.13	Attano pariṇāmeti, payoge dukkaṭaṁ.
pli-tv-bu-vb-np30:2.14	Paṭilābhena nissaggiyaṁ hoti.
pli-tv-bu-vb-np30:2.15	Nissajjitabbaṁ saṅghassa vā gaṇassa vā puggalassa vā.
pli-tv-bu-vb-np30:2.16	Evañca pana, bhikkhave, nissajjitabbaṁ.
pli-tv-bu-vb-np30:2.17	…pe…
pli-tv-bu-vb-np30:2.18	“idaṁ me, bhante, jānaṁ saṅghikaṁ lābhaṁ pariṇataṁ attano pariṇāmitaṁ nissaggiyaṁ.
pli-tv-bu-vb-np30:2.19	Imāhaṁ saṅghassa nissajjāmī”ti …pe…
pli-tv-bu-vb-np30:2.20	dadeyyāti …pe…
pli-tv-bu-vb-np30:2.21	dadeyyunti …pe…
pli-tv-bu-vb-np30:2.22	āyasmato dammīti.
pli-tv-bu-vb-np30:2.23.0	
pli-tv-bu-vb-np30:2.23.1	Pariṇate pariṇatasaññī attano pariṇāmeti, nissaggiyaṁ pācittiyaṁ.
pli-tv-bu-vb-np30:2.24	Pariṇate vematiko attano pariṇāmeti, āpatti dukkaṭassa.
pli-tv-bu-vb-np30:2.25	Pariṇate apariṇatasaññī attano pariṇāmeti, anāpatti.
pli-tv-bu-vb-np30:2.26	Saṅghassa pariṇataṁ aññasaṅghassa vā cetiyassa vā pariṇāmeti, āpatti dukkaṭassa.
pli-tv-bu-vb-np30:2.27	Cetiyassa pariṇataṁ aññacetiyassa vā saṅghassa vā puggalassa vā pariṇāmeti, āpatti dukkaṭassa.
pli-tv-bu-vb-np30:2.28	Puggalassa pariṇataṁ aññapuggalassa vā saṅghassa vā cetiyassa vā pariṇāmeti, āpatti dukkaṭassa.
pli-tv-bu-vb-np30:2.29	Apariṇate pariṇatasaññī, āpatti dukkaṭassa.
pli-tv-bu-vb-np30:2.30	Apariṇate vematiko, āpatti dukkaṭassa.
pli-tv-bu-vb-np30:2.31	Apariṇate apariṇatasaññī, anāpatti.
pli-tv-bu-vb-np30:2.32.0	
pli-tv-bu-vb-np30:2.32.1	Anāpatti—
pli-tv-bu-vb-np30:2.33	kattha demāti pucchiyamāno yattha tumhākaṁ deyyadhammo paribhogaṁ vā labheyya paṭisaṅkhāraṁ vā labheyya ciraṭṭhitiko vā assa yattha vā pana tumhākaṁ cittaṁ pasīdati tattha dethāti bhaṇati,
pli-tv-bu-vb-np30:2.34	ummattakassa,
pli-tv-bu-vb-np30:2.35	ādikammikassāti.
pli-tv-bu-vb-np30:2.36	Pariṇatasikkhāpadaṁ niṭṭhitaṁ dasamaṁ.
pli-tv-bu-vb-np30:2.37	Pattavaggo tatiyo.
pli-tv-bu-vb-np30:2.38	Tassuddānaṁ
pli-tv-bu-vb-np30:2.39	Dve ca pattāni bhesajjaṁ,
pli-tv-bu-vb-np30:2.40	vassikā dānapañcamaṁ;
pli-tv-bu-vb-np30:2.41	Sāmaṁ vāyāpanacceko,
pli-tv-bu-vb-np30:2.42	sāsaṅkaṁ saṅghikena cāti.
pli-tv-bu-vb-np30:2.43	“Uddiṭṭhā kho, āyasmanto, tiṁsa nissaggiyā pācittiyā dhammā.
pli-tv-bu-vb-np30:2.44	Tatthāyasmante pucchāmi—
pli-tv-bu-vb-np30:2.45	‘kaccittha parisuddhā’?
pli-tv-bu-vb-np30:2.46	Dutiyampi pucchāmi—
pli-tv-bu-vb-np30:2.47	‘kaccittha parisuddhā’?
pli-tv-bu-vb-np30:2.48	Tatiyampi pucchāmi—
pli-tv-bu-vb-np30:2.49	‘kaccittha parisuddhā’?
pli-tv-bu-vb-np30:2.50	Parisuddhetthāyasmanto, tasmā tuṇhī,
pli-tv-bu-vb-np30:2.51	evametaṁ dhārayāmī”ti.
pli-tv-bu-vb-np30:2.52	Nissaggiyakaṇḍaṁ niṭṭhitaṁ.
pli-tv-bu-vb-np30:2.53	Pārājikapāḷi niṭṭhitā.
pli-tv-bu-vb-pc1:0.1	Theravāda Vinaya
pli-tv-bu-vb-pc1:0.2	Mahāvibhaṅga
pli-tv-bu-vb-pc1:0.3	Pācittiyakaṇḍa
pli-tv-bu-vb-pc1:0.4	Musāvādavagga
pli-tv-bu-vb-pc1:0.5	1. Musāvādasikkhāpada
pli-tv-bu-vb-pc1:1.0.1	Namo tassa Bhagavato Arahato Sammāsambuddhassa.
pli-tv-bu-vb-pc1:1.0.2	Ime kho panāyasmanto dvenavuti pācittiyā dhammā uddesaṁ āgacchanti.
pli-tv-bu-vb-pc1:1.0.3	
pli-tv-bu-vb-pc1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc1:1.2	Tena kho pana samayena hatthako sakyaputto vādakkhitto hoti.
pli-tv-bu-vb-pc1:1.3	So titthiyehi saddhiṁ sallapanto avajānitvā paṭijānāti, paṭijānitvā avajānāti, aññenaññaṁ paṭicarati, sampajānamusā bhāsati, saṅketaṁ katvā visaṁvādeti.
pli-tv-bu-vb-pc1:1.4	Titthiyā ujjhāyanti khiyyanti vipācenti—“kathañhi nāma hatthako sakyaputto amhehi saddhiṁ sallapanto avajānitvā paṭijānissati, paṭijānitvā avajānissati, aññenaññaṁ paṭicarissati, sampajānamusā bhāsissati, saṅketaṁ katvā visaṁvādessatī”ti.
pli-tv-bu-vb-pc1:1.5	Assosuṁ kho bhikkhū tesaṁ titthiyānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc1:1.6	Atha kho te bhikkhū yena hatthako sakyaputto tenupasaṅkamiṁsu; upasaṅkamitvā hatthakaṁ sakyaputtaṁ etadavocuṁ—
pli-tv-bu-vb-pc1:1.7	“saccaṁ kira tvaṁ, āvuso hatthaka, titthiyehi saddhiṁ sallapanto avajānitvā paṭijānāsi, paṭijānitvā avajānāsi, aññenaññaṁ paṭicarasi, sampajānamusā bhāsasi, saṅketaṁ katvā visaṁvādesī”ti?
pli-tv-bu-vb-pc1:1.8	“Ete kho, āvuso, titthiyā nāma yena kenaci jetabbā;
pli-tv-bu-vb-pc1:1.9	neva tesaṁ jayo dātabbo”ti.
pli-tv-bu-vb-pc1:1.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc1:1.11	“kathañhi nāma hatthako sakyaputto titthiyehi saddhiṁ sallapanto avajānitvā paṭijānissati, paṭijānitvā avajānissati, aññenaññaṁ paṭicarissati, sampajānamusā bhāsissati, saṅketaṁ katvā visaṁvādessatī”ti.
pli-tv-bu-vb-pc1:1.12	Atha kho te bhikkhū hatthakaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-pc1:1.13	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā hatthakaṁ sakyaputtaṁ paṭipucchi—
pli-tv-bu-vb-pc1:1.14	“saccaṁ kira tvaṁ, hatthaka, titthiyehi saddhiṁ sallapanto avajānitvā paṭijānāsi, paṭijānitvā avajānāsi, aññenaññaṁ paṭicarasi, sampajānamusā bhāsasi, saṅketaṁ katvā visaṁvādesī”ti?
pli-tv-bu-vb-pc1:1.15	“Saccaṁ, bhagavā”ti.
pli-tv-bu-vb-pc1:1.16	Vigarahi buddho bhagavā …pe…
pli-tv-bu-vb-pc1:1.17	kathañhi nāma tvaṁ, moghapurisa, titthiyehi saddhiṁ sallapanto avajānitvā paṭijānissasi, paṭijānitvā avajānissasi, aññenaññaṁ paṭicarissasi, sampajānamusā bhāsissasi, saṅketaṁ katvā visaṁvādessasi.
pli-tv-bu-vb-pc1:1.18	Netaṁ, moghapurisa, appasannānaṁ vā pasādāya …pe…
pli-tv-bu-vb-pc1:1.19	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc1:1.20.0	
pli-tv-bu-vb-pc1:1.20.1	“Sampajānamusāvāde pācittiyan”ti.
pli-tv-bu-vb-pc1:2.1.0	
pli-tv-bu-vb-pc1:2.1.1	Sampajānamusāvādo nāma
pli-tv-bu-vb-pc1:2.1.2	visaṁvādanapurekkhārassa vācā, girā, byappatho, vacībhedo, vācasikā viññatti, aṭṭha anariyavohārā—adiṭṭhaṁ diṭṭhaṁ meti, assutaṁ sutaṁ meti, amutaṁ mutaṁ meti, aviññātaṁ viññātaṁ meti, diṭṭhaṁ adiṭṭhaṁ meti, sutaṁ assutaṁ meti, mutaṁ amutaṁ meti, viññātaṁ aviññātaṁ meti.
pli-tv-bu-vb-pc1:2.1.3.0.1	
pli-tv-bu-vb-pc1:2.1.3.0.2	
pli-tv-bu-vb-pc1:2.1.3.1	Adiṭṭhaṁ nāma
pli-tv-bu-vb-pc1:2.1.4	na cakkhunā diṭṭhaṁ.
pli-tv-bu-vb-pc1:2.1.5	Assutaṁ nāma
pli-tv-bu-vb-pc1:2.1.6	na sotena sutaṁ.
pli-tv-bu-vb-pc1:2.1.7	Amutaṁ nāma
pli-tv-bu-vb-pc1:2.1.8	na ghānena ghāyitaṁ, na jivhāya sāyitaṁ, na kāyena phuṭṭhaṁ.
pli-tv-bu-vb-pc1:2.1.9	Aviññātaṁ nāma
pli-tv-bu-vb-pc1:2.1.10	na manasā viññātaṁ.
pli-tv-bu-vb-pc1:2.1.11	Diṭṭhaṁ nāma
pli-tv-bu-vb-pc1:2.1.12	cakkhunā diṭṭhaṁ.
pli-tv-bu-vb-pc1:2.1.13	Sutaṁ nāma
pli-tv-bu-vb-pc1:2.1.14	sotena sutaṁ.
pli-tv-bu-vb-pc1:2.1.15	Mutaṁ nāma
pli-tv-bu-vb-pc1:2.1.16	ghānena ghāyitaṁ, jivhāya sāyitaṁ, kāyena phuṭṭhaṁ.
pli-tv-bu-vb-pc1:2.1.17	Viññātaṁ nāma
pli-tv-bu-vb-pc1:2.1.18	manasā viññātaṁ.
pli-tv-bu-vb-pc1:2.2.0.1	
pli-tv-bu-vb-pc1:2.2.0.2	
pli-tv-bu-vb-pc1:2.2.1	Tīhākārehi “adiṭṭhaṁ diṭṭhaṁ me”ti sampajānamusā bhaṇantassa āpatti pācittiyassa—
pli-tv-bu-vb-pc1:2.2.2	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti.
pli-tv-bu-vb-pc1:2.2.3	Catūhākārehi “adiṭṭhaṁ diṭṭhaṁ me”ti sampajānamusā bhaṇantassa āpatti pācittiyassa—
pli-tv-bu-vb-pc1:2.2.4	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti, vinidhāya diṭṭhiṁ.
pli-tv-bu-vb-pc1:2.2.5	Pañcahākārehi “adiṭṭhaṁ diṭṭhaṁ me”ti sampajānamusā bhaṇantassa āpatti pācittiyassa—
pli-tv-bu-vb-pc1:2.2.6	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti, vinidhāya diṭṭhiṁ, vinidhāya khantiṁ.
pli-tv-bu-vb-pc1:2.2.7	Chahākārehi “adiṭṭhaṁ diṭṭhaṁ me”ti sampajānamusā bhaṇantassa āpatti pācittiyassa—
pli-tv-bu-vb-pc1:2.2.8	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti, vinidhāya diṭṭhiṁ, vinidhāya khantiṁ, vinidhāya ruciṁ.
pli-tv-bu-vb-pc1:2.2.9	Sattahākārehi “adiṭṭhaṁ diṭṭhaṁ me”ti sampajānamusā bhaṇantassa āpatti pācittiyassa—
pli-tv-bu-vb-pc1:2.2.10	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.
pli-tv-bu-vb-pc1:2.2.11	Tīhākārehi “assutaṁ sutaṁ me”ti …pe…
pli-tv-bu-vb-pc1:2.2.12	amutaṁ mutaṁ meti …pe…
pli-tv-bu-vb-pc1:2.2.13	aviññātaṁ viññātaṁ meti sampajānamusā bhaṇantassa āpatti pācittiyassa—
pli-tv-bu-vb-pc1:2.2.14	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti.
pli-tv-bu-vb-pc1:2.2.15	Catūhākārehi …pe…
pli-tv-bu-vb-pc1:2.2.16	pañcahākārehi …pe…
pli-tv-bu-vb-pc1:2.2.17	chahākārehi …pe…
pli-tv-bu-vb-pc1:2.2.18	sattahākārehi “aviññātaṁ viññātaṁ me”ti sampajānamusā bhaṇantassa āpatti pācittiyassa—
pli-tv-bu-vb-pc1:2.2.19	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.
pli-tv-bu-vb-pc1:2.3.0	
pli-tv-bu-vb-pc1:2.3.1	Tīhākārehi “adiṭṭhaṁ diṭṭhañca me sutañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.2	tīhākārehi “adiṭṭhaṁ diṭṭhañca me mutañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.3	tīhākārehi “adiṭṭhaṁ diṭṭhañca me viññātañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.4	tīhākārehi adiṭṭhaṁ “diṭṭhañca me sutañca mutañcā”ti …pe…
pli-tv-bu-vb-pc1:2.3.5	tīhākārehi adiṭṭhaṁ “diṭṭhañca me sutañca viññātañcā”ti …pe…
pli-tv-bu-vb-pc1:2.3.6	tīhākārehi adiṭṭhaṁ “diṭṭhañca me sutañca mutañca viññātañcā”ti sampajānamusā bhaṇantassa āpatti pācittiyassa …pe….
pli-tv-bu-vb-pc1:2.3.7	Tīhākārehi assutaṁ “sutañca me mutañcā”ti …pe…
pli-tv-bu-vb-pc1:2.3.8	tīhākārehi assutaṁ “sutañca me viññātañcā”ti …pe…
pli-tv-bu-vb-pc1:2.3.9	tīhākārehi assutaṁ “sutañca me diṭṭhañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.10	tīhākārehi assutaṁ “sutañca me mutañca viññātañcā”ti …pe…
pli-tv-bu-vb-pc1:2.3.11	tīhākārehi assutaṁ “sutañca me mutañca diṭṭhañcā”ti …pe…
pli-tv-bu-vb-pc1:2.3.12	tīhākārehi assutaṁ “sutañca me mutañca viññātañca diṭṭhañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.13	Tīhākārehi amutaṁ “mutañca me viññātañcā”ti …pe…
pli-tv-bu-vb-pc1:2.3.14	tīhākārehi amutaṁ “mutañca me diṭṭhañcā”ti …pe…
pli-tv-bu-vb-pc1:2.3.15	tīhākārehi amutaṁ “mutañca me sutañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.16	tīhākārehi amutaṁ “mutañca me viññātañca diṭṭhañcā”ti …pe…
pli-tv-bu-vb-pc1:2.3.17	tīhākārehi amutaṁ “mutañca me viññātañca sutañcā”ti …pe…
pli-tv-bu-vb-pc1:2.3.18	tīhākārehi amutaṁ “mutañca me viññātañca diṭṭhañca sutañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.19	Tīhākārehi aviññātaṁ “viññātañca me diṭṭhañcā”ti …pe…
pli-tv-bu-vb-pc1:2.3.20	tīhākārehi aviññātaṁ “viññātañca me sutañcā”ti …pe…
pli-tv-bu-vb-pc1:2.3.21	tīhākārehi aviññātaṁ “viññātañca me mutañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.3.22	tīhākārehi aviññātaṁ “viññātañca me diṭṭhañca sutañcā”ti …pe…
pli-tv-bu-vb-pc1:2.3.23	tīhākārehi aviññātaṁ “viññātañca me diṭṭhañca mutañcā”ti …pe…
pli-tv-bu-vb-pc1:2.3.24	tīhākārehi aviññātaṁ “viññātañca me diṭṭhañca sutañca mutañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.4.0	
pli-tv-bu-vb-pc1:2.4.1	Tīhākārehi diṭṭhaṁ “adiṭṭhaṁ me”ti …pe…
pli-tv-bu-vb-pc1:2.4.2	sutaṁ “assutaṁ me”ti …pe…
pli-tv-bu-vb-pc1:2.4.3	mutaṁ “amutaṁ me”ti …pe…
pli-tv-bu-vb-pc1:2.4.4	viññātaṁ “aviññātaṁ me”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.5.0	
pli-tv-bu-vb-pc1:2.5.1	Tīhākārehi diṭṭhaṁ “sutaṁ me”ti …pe…
pli-tv-bu-vb-pc1:2.5.2	tīhākārehi diṭṭhaṁ “mutaṁ me”ti …pe…
pli-tv-bu-vb-pc1:2.5.3	tīhākārehi diṭṭhaṁ “viññātaṁ me”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.5.4	tīhākārehi diṭṭhaṁ “sutañca me mutañcā”ti …pe…
pli-tv-bu-vb-pc1:2.5.5	tīhākārehi diṭṭhaṁ “sutañca me viññātañcā”ti …pe…
pli-tv-bu-vb-pc1:2.5.6	tīhākārehi diṭṭhaṁ “sutañca me mutañca viññātañcā”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.5.7	Tīhākārehi sutaṁ “mutaṁ me”ti …pe…
pli-tv-bu-vb-pc1:2.5.8	tīhākārehi sutaṁ “viññātaṁ me”ti …pe…
pli-tv-bu-vb-pc1:2.5.9	tīhākārehi sutaṁ “diṭṭhaṁ me”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.5.10	tīhākārehi sutaṁ “mutañca me viññātañcā”ti …pe…
pli-tv-bu-vb-pc1:2.5.11	tīhākārehi sutaṁ “mutañca me diṭṭhañcā”ti …pe…
pli-tv-bu-vb-pc1:2.5.12	tīhākārehi sutaṁ “mutañca me viññātañca diṭṭhañcā”ti sampajānamusā bhaṇantassa āpatti pācittiyassa …pe….
pli-tv-bu-vb-pc1:2.5.13	Tīhākārehi mutaṁ “viññātaṁ me”ti …pe…
pli-tv-bu-vb-pc1:2.5.14	tīhākārehi mutaṁ “diṭṭhaṁ me”ti …pe…
pli-tv-bu-vb-pc1:2.5.15	tīhākārehi mutaṁ “sutaṁ me”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.5.16	tīhākārehi mutaṁ “viññātañca me diṭṭhañcā”ti …pe…
pli-tv-bu-vb-pc1:2.5.17	tīhākārehi mutaṁ “viññātañca me sutañcā”ti …pe…
pli-tv-bu-vb-pc1:2.5.18	tīhākārehi mutaṁ “viññātañca me diṭṭhañca sutañcā”ti sampajānamusā bhaṇantassa āpatti pācittiyassa …pe….
pli-tv-bu-vb-pc1:2.5.19	Tīhākārehi viññātaṁ “diṭṭhaṁ me”ti …pe…
pli-tv-bu-vb-pc1:2.5.20	tīhākārehi viññātaṁ “sutaṁ me”ti …pe…
pli-tv-bu-vb-pc1:2.5.21	tīhākārehi viññātaṁ “mutaṁ me”ti sampajānamusā bhaṇantassa āpatti pācittiyassa …pe…
pli-tv-bu-vb-pc1:2.5.22	tīhākārehi viññātaṁ “diṭṭhañca me sutañcā”ti …pe…
pli-tv-bu-vb-pc1:2.5.23	tīhākārehi viññātaṁ “diṭṭhañca me mutañcā”ti …pe…
pli-tv-bu-vb-pc1:2.5.24	tīhākārehi viññātaṁ “diṭṭhañca me sutañca mutañcā”ti sampajānamusā bhaṇantassa āpatti pācittiyassa …pe….
pli-tv-bu-vb-pc1:2.6.0	
pli-tv-bu-vb-pc1:2.6.1	Tīhākārehi diṭṭhe vematiko diṭṭhaṁ nokappeti, diṭṭhaṁ nassarati, diṭṭhaṁ pamuṭṭho hoti …pe…
pli-tv-bu-vb-pc1:2.6.2	sute vematiko sutaṁ nokappeti, sutaṁ nassarati, sutaṁ pamuṭṭho hoti …pe…
pli-tv-bu-vb-pc1:2.6.3	mute vematiko mutaṁ nokappeti, mutaṁ nassarati, mutaṁ pamuṭṭho hoti …pe…
pli-tv-bu-vb-pc1:2.6.4	viññāte vematiko viññātaṁ nokappeti, viññātaṁ nassarati, viññātaṁ pamuṭṭho hoti … viññātañca me diṭṭhañcāti …pe…
pli-tv-bu-vb-pc1:2.6.5	viññātaṁ pamuṭṭho hoti … viññātañca me sutañcāti …pe…
pli-tv-bu-vb-pc1:2.6.6	viññātaṁ pamuṭṭho hoti; viññātañca me mutañcāti …pe…
pli-tv-bu-vb-pc1:2.6.7	viññātaṁ pamuṭṭho hoti; viññātañca me diṭṭhañca sutañcāti …pe…
pli-tv-bu-vb-pc1:2.6.8	viññātaṁ pamuṭṭho hoti; viññātañca me diṭṭhañca mutañcāti …pe…
pli-tv-bu-vb-pc1:2.6.9	viññātaṁ pamuṭṭho hoti; viññātañca me diṭṭhañca sutañca mutañcāti sampajānamusā bhaṇantassa āpatti pācittiyassa.
pli-tv-bu-vb-pc1:2.6.10	Catūhākārehi …pe…
pli-tv-bu-vb-pc1:2.6.11	pañcahākārehi …pe…
pli-tv-bu-vb-pc1:2.6.12	chahākārehi …pe…
pli-tv-bu-vb-pc1:2.6.13	sattahākārehi …pe… viññātaṁ pamuṭṭho hoti, viññātañca me diṭṭhañca sutañca mutañcāti sampajānamusā bhaṇantassa āpatti pācittiyassa—
pli-tv-bu-vb-pc1:2.6.14	pubbevassa hoti “musā bhaṇissan”ti, bhaṇantassa hoti “musā bhaṇāmī”ti, bhaṇitassa hoti “musā mayā bhaṇitan”ti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.
pli-tv-bu-vb-pc1:2.7.0	
pli-tv-bu-vb-pc1:2.7.1	Anāpatti—
pli-tv-bu-vb-pc1:2.7.2	davā bhaṇati,
pli-tv-bu-vb-pc1:2.7.3	ravā bhaṇati.
pli-tv-bu-vb-pc1:2.7.4	“Davā bhaṇati nāma
pli-tv-bu-vb-pc1:2.7.5	sahasā bhaṇati.
pli-tv-bu-vb-pc1:2.7.6	Ravā bhaṇati nāma
pli-tv-bu-vb-pc1:2.7.7	‘aññaṁ bhaṇissāmī’ti aññaṁ bhaṇati”.
pli-tv-bu-vb-pc1:2.7.8	Ummattakassa,
pli-tv-bu-vb-pc1:2.7.9	ādikammikassāti.
pli-tv-bu-vb-pc1:2.7.10	Musāvādasikkhāpadaṁ niṭṭhitaṁ paṭhamaṁ.
pli-tv-bu-vb-pc2:0.1	Theravāda Vinaya
pli-tv-bu-vb-pc2:0.2	Mahāvibhaṅga
pli-tv-bu-vb-pc2:0.3	Pācittiyakaṇḍa
pli-tv-bu-vb-pc2:0.4	Musāvādavagga
pli-tv-bu-vb-pc2:0.5	2. Omasavādasikkhāpada
pli-tv-bu-vb-pc2:1.1.0	
pli-tv-bu-vb-pc2:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc2:1.1.2	Tena kho pana samayena chabbaggiyā bhikkhū pesalehi bhikkhūhi saddhiṁ bhaṇḍantā pesale bhikkhū omasanti—
pli-tv-bu-vb-pc2:1.1.3	jātiyāpi, nāmenapi, gottenapi, kammenapi, sippenapi, ābādhenapi, liṅgenapi, kilesenapi, āpattiyāpi; hīnenapi akkosena khuṁsenti vambhenti.
pli-tv-bu-vb-pc2:1.1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc2:1.1.5	“kathañhi nāma chabbaggiyā bhikkhū pesalehi bhikkhūhi saddhiṁ bhaṇḍantā pesale bhikkhū omasissanti—
pli-tv-bu-vb-pc2:1.1.6	jātiyāpi, nāmenapi, gottenapi, kammenapi, sippenapi, ābādhenapi, liṅgenapi, kilesenapi, āpattiyāpi; hīnenapi akkosena khuṁsessanti vambhessantī”ti.
pli-tv-bu-vb-pc2:1.1.7	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc2:1.1.8	“saccaṁ kira tumhe, bhikkhave, pesalehi bhikkhūhi saddhiṁ bhaṇḍantā pesale bhikkhū omasatha—jātiyāpi …pe… hīnenapi akkosena khuṁsetha vambhethā”ti?
pli-tv-bu-vb-pc2:1.1.9	“Saccaṁ, bhagavā”ti.
pli-tv-bu-vb-pc2:1.1.10	Vigarahi buddho bhagavā …pe…
pli-tv-bu-vb-pc2:1.1.11	“kathañhi nāma tumhe, moghapurisā, pesalehi bhikkhūhi saddhiṁ bhaṇḍantā pesale bhikkhū omasissatha—
pli-tv-bu-vb-pc2:1.1.12	jātiyāpi …pe… hīnenapi akkosena khuṁsessatha vambhessatha.
pli-tv-bu-vb-pc2:1.1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc2:1.1.14	vigarahitvā …pe…
pli-tv-bu-vb-pc2:1.1.15	dhammiṁ kathaṁ katvā bhikkhū āmantesi—
pli-tv-bu-vb-pc2:1.2.0	
pli-tv-bu-vb-pc2:1.2.1	“Bhūtapubbaṁ, bhikkhave, takkasilāyaṁ aññatarassa brāhmaṇassa nandivisālo nāma balībaddo ahosi.
pli-tv-bu-vb-pc2:1.2.2	Atha kho, bhikkhave, nandivisālo balībaddo taṁ brāhmaṇaṁ etadavoca—
pli-tv-bu-vb-pc2:1.2.3	‘gaccha tvaṁ, brāhmaṇa, seṭṭhinā saddhiṁ sahassena abbhutaṁ karohi—
pli-tv-bu-vb-pc2:1.2.4	mayhaṁ balībaddo sakaṭasataṁ atibaddhaṁ pavaṭṭessatī’ti.
pli-tv-bu-vb-pc2:1.2.5	Atha kho, bhikkhave, so brāhmaṇo seṭṭhinā saddhiṁ sahassena abbhutaṁ akāsi—
pli-tv-bu-vb-pc2:1.2.6	mayhaṁ balībaddo sakaṭasataṁ atibaddhaṁ pavaṭṭessatīti.
pli-tv-bu-vb-pc2:1.2.7	Atha kho, bhikkhave, so brāhmaṇo sakaṭasataṁ atibandhitvā nandivisālaṁ balībaddaṁ yuñjitvā etadavoca—
pli-tv-bu-vb-pc2:1.2.8	‘gaccha, kūṭa, vahassu, kūṭā’ti.
pli-tv-bu-vb-pc2:1.2.9	Atha kho, bhikkhave, nandivisālo balībaddo tattheva aṭṭhāsi.
pli-tv-bu-vb-pc2:1.2.10	Atha kho, bhikkhave, so brāhmaṇo sahassena parājito pajjhāyi.
pli-tv-bu-vb-pc2:1.2.11	Atha kho, bhikkhave, nandivisālo balībaddo taṁ brāhmaṇaṁ etadavoca—
pli-tv-bu-vb-pc2:1.2.12	‘kissa tvaṁ, brāhmaṇa, pajjhāyasī’ti?
pli-tv-bu-vb-pc2:1.2.13	‘Tathā hi panāhaṁ, bho, tayā sahassena parājito’ti.
pli-tv-bu-vb-pc2:1.2.14	‘Kissa pana maṁ tvaṁ, brāhmaṇa, akūṭaṁ kūṭavādena pāpesi?
pli-tv-bu-vb-pc2:1.2.15	Gaccha tvaṁ, brāhmaṇa, seṭṭhinā saddhiṁ dvīhi sahassehi abbhutaṁ karohi—
pli-tv-bu-vb-pc2:1.2.16	“mayhaṁ balībaddo sakaṭasataṁ atibaddhaṁ pavaṭṭessatī”’ti.
pli-tv-bu-vb-pc2:1.2.17	‘Mā ca maṁ akūṭaṁ kūṭavādena pāpesī’ti.
pli-tv-bu-vb-pc2:1.2.18	Atha kho, bhikkhave, so brāhmaṇo seṭṭhinā saddhiṁ dvīhi sahassehi abbhutaṁ akāsi—
pli-tv-bu-vb-pc2:1.2.19	‘mayhaṁ balībaddo sakaṭasataṁ atibaddhaṁ pavaṭṭessatī’ti.
pli-tv-bu-vb-pc2:1.2.20	Atha kho, bhikkhave, so brāhmaṇo sakaṭasataṁ atibandhitvā nandivisālaṁ balībaddaṁ yuñjitvā etadavoca—
pli-tv-bu-vb-pc2:1.2.21	‘gaccha, bhadra, vahassu, bhadrā’ti.
pli-tv-bu-vb-pc2:1.2.22	Atha kho, bhikkhave, nandivisālo balībaddo sakaṭasataṁ atibaddhaṁ pavaṭṭesi.
pli-tv-bu-vb-pc2:1.2.23	Manāpameva bhāseyya,
pli-tv-bu-vb-pc2:1.2.24	nāmanāpaṁ kudācanaṁ;
pli-tv-bu-vb-pc2:1.2.25	Manāpaṁ bhāsamānassa,
pli-tv-bu-vb-pc2:1.2.26	garuṁ bhāraṁ udabbahi;
pli-tv-bu-vb-pc2:1.2.27	Dhanañca naṁ alābhesi,
pli-tv-bu-vb-pc2:1.2.28	tena cattamano ahūti.
pli-tv-bu-vb-pc2:1.2.29	Tadāpi me, bhikkhave, amanāpā khuṁsanā vambhanā.
pli-tv-bu-vb-pc2:1.2.30	Kimaṅgaṁ pana etarahi manāpā bhavissati khuṁsanā vambhanā?
pli-tv-bu-vb-pc2:1.2.31	Netaṁ, bhikkhave, appasannānaṁ vā pasādāya …pe…
pli-tv-bu-vb-pc2:1.2.32	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc2:1.2.33.0	
pli-tv-bu-vb-pc2:1.2.33.1	“Omasavāde pācittiyan”ti.
pli-tv-bu-vb-pc2:2.1.0	
pli-tv-bu-vb-pc2:2.1.1	Omasavādo nāma
pli-tv-bu-vb-pc2:2.1.2	dasahi ākārehi omasati— jātiyāpi, nāmenapi, gottenapi, kammenapi, sippenapi, ābādhenapi, liṅgenapi, kilesenapi, āpattiyāpi, akkosenapi.
pli-tv-bu-vb-pc2:2.1.3.0.1	
pli-tv-bu-vb-pc2:2.1.3.0.2	
pli-tv-bu-vb-pc2:2.1.3.1	Jāti nāma
pli-tv-bu-vb-pc2:2.1.4	dve jātiyo— hīnā ca jāti ukkaṭṭhā ca jāti.
pli-tv-bu-vb-pc2:2.1.5	Hīnā nāma jāti—
pli-tv-bu-vb-pc2:2.1.6	caṇḍālajāti, venajāti, nesādajāti, rathakārajāti, pukkusajāti. Esā hīnā nāma jāti.
pli-tv-bu-vb-pc2:2.1.7	Ukkaṭṭhā nāma jāti—
pli-tv-bu-vb-pc2:2.1.8	khattiyajāti, brāhmaṇajāti. Esā ukkaṭṭhā nāma jāti.
pli-tv-bu-vb-pc2:2.1.9	Nāmaṁ nāma
pli-tv-bu-vb-pc2:2.1.10	dve nāmāni— hīnañca nāmaṁ ukkaṭṭhañca nāmaṁ.
pli-tv-bu-vb-pc2:2.1.11	Hīnaṁ nāma nāmaṁ—
pli-tv-bu-vb-pc2:2.1.12	avakaṇṇakaṁ, javakaṇṇakaṁ, dhaniṭṭhakaṁ, saviṭṭhakaṁ, kulavaḍḍhakaṁ, tesu tesu vā pana janapadesu oññātaṁ avaññātaṁ hīḷitaṁ paribhūtaṁ acittīkataṁ, etaṁ hīnaṁ nāma nāmaṁ.
pli-tv-bu-vb-pc2:2.1.13	Ukkaṭṭhaṁ nāma nāmaṁ—
pli-tv-bu-vb-pc2:2.1.14	buddhappaṭisaṁyuttaṁ, dhammappaṭisaṁyuttaṁ, saṅghappaṭisaṁyuttaṁ, tesu tesu vā pana janapadesu anoññātaṁ anavaññātaṁ ahīḷitaṁ aparibhūtaṁ cittīkataṁ, etaṁ ukkaṭṭhaṁ nāma nāmaṁ.
pli-tv-bu-vb-pc2:2.1.15	Gottaṁ nāma
pli-tv-bu-vb-pc2:2.1.16	dve gottāni— hīnañca gottaṁ ukkaṭṭhañca gottaṁ.
pli-tv-bu-vb-pc2:2.1.17	Hīnaṁ nāma gottaṁ—
pli-tv-bu-vb-pc2:2.1.18	kosiyagottaṁ, bhāradvājagottaṁ, tesu tesu vā pana janapadesu oññātaṁ avaññātaṁ hīḷitaṁ paribhūtaṁ acittīkataṁ, etaṁ hīnaṁ nāma gottaṁ.
pli-tv-bu-vb-pc2:2.1.19	Ukkaṭṭhaṁ nāma gottaṁ—
pli-tv-bu-vb-pc2:2.1.20	gotamagottaṁ, moggallānagottaṁ, kaccānagottaṁ, vāsiṭṭhagottaṁ, tesu tesu vā pana janapadesu anoññātaṁ anavaññātaṁ ahīḷitaṁ aparibhūtaṁ cittīkataṁ, etaṁ ukkaṭṭhaṁ nāma gottaṁ.
pli-tv-bu-vb-pc2:2.1.21	Kammaṁ nāma
pli-tv-bu-vb-pc2:2.1.22	dve kammāni— hīnañca kammaṁ ukkaṭṭhañca kammaṁ.
pli-tv-bu-vb-pc2:2.1.23	Hīnaṁ nāma kammaṁ—
pli-tv-bu-vb-pc2:2.1.24	koṭṭhakakammaṁ, pupphachaḍḍakakammaṁ, tesu tesu vā pana janapadesu oññātaṁ avaññātaṁ hīḷitaṁ paribhūtaṁ acittīkataṁ, etaṁ hīnaṁ nāma kammaṁ.
pli-tv-bu-vb-pc2:2.1.25	Ukkaṭṭhaṁ nāma kammaṁ—
pli-tv-bu-vb-pc2:2.1.26	kasi, vaṇijjā, gorakkhā, tesu tesu vā pana janapadesu anoññātaṁ anavaññātaṁ ahīḷitaṁ aparibhūtaṁ cittīkataṁ. Etaṁ ukkaṭṭhaṁ nāma kammaṁ.
pli-tv-bu-vb-pc2:2.1.27	Sippaṁ nāma
pli-tv-bu-vb-pc2:2.1.28	dve sippāni— hīnañca sippaṁ ukkaṭṭhañca sippaṁ.
pli-tv-bu-vb-pc2:2.1.29	Hīnaṁ nāma sippaṁ—
pli-tv-bu-vb-pc2:2.1.30	naḷakārasippaṁ, kumbhakārasippaṁ, pesakārasippaṁ, cammakārasippaṁ, nahāpitasippaṁ, tesu tesu vā pana janapadesu oññātaṁ avaññātaṁ hīḷitaṁ paribhūtaṁ acittīkataṁ. Etaṁ hīnaṁ nāma sippaṁ.
pli-tv-bu-vb-pc2:2.1.31	Ukkaṭṭhaṁ nāma sippaṁ—
pli-tv-bu-vb-pc2:2.1.32	muddā, gaṇanā, lekhā, tesu tesu vā pana janapadesu anoññātaṁ anavaññātaṁ ahīḷitaṁ aparibhūtaṁ cittīkataṁ, etaṁ ukkaṭṭhaṁ nāma sippaṁ.
pli-tv-bu-vb-pc2:2.1.33	Sabbepi ābādhā hīnā,
pli-tv-bu-vb-pc2:2.1.34	api ca madhumeho ābādho ukkaṭṭho.
pli-tv-bu-vb-pc2:2.1.35	Liṅgaṁ nāma
pli-tv-bu-vb-pc2:2.1.36	dve liṅgāni— hīnañca liṅgaṁ ukkaṭṭhañca liṅgaṁ.
pli-tv-bu-vb-pc2:2.1.37	Hīnaṁ nāma liṅgaṁ—
pli-tv-bu-vb-pc2:2.1.38	atidīghaṁ, atirassaṁ, atikaṇhaṁ, accodātaṁ, etaṁ hīnaṁ nāma liṅgaṁ.
pli-tv-bu-vb-pc2:2.1.39	Ukkaṭṭhaṁ nāma liṅgaṁ—
pli-tv-bu-vb-pc2:2.1.40	nātidīghaṁ, nātirassaṁ, nātikaṇhaṁ, nāccodātaṁ. Etaṁ ukkaṭṭhaṁ nāma liṅgaṁ.
pli-tv-bu-vb-pc2:2.1.41	Sabbepi kilesā
pli-tv-bu-vb-pc2:2.1.42	hīnā.
pli-tv-bu-vb-pc2:2.1.43	Sabbāpi āpattiyo
pli-tv-bu-vb-pc2:2.1.44	hīnā. Api ca sotāpattisamāpatti ukkaṭṭhā.
pli-tv-bu-vb-pc2:2.1.45	Akkoso nāma
pli-tv-bu-vb-pc2:2.1.46	dve akkosā— hīno ca akkoso ukkaṭṭho ca akkoso.
pli-tv-bu-vb-pc2:2.1.47	Hīno nāma akkoso—
pli-tv-bu-vb-pc2:2.1.48	oṭṭhosi, meṇḍosi, goṇosi, gadrabhosi, tiracchānagatosi, nerayikosi; natthi tuyhaṁ sugati, duggatiyeva tuyhaṁ pāṭikaṅkhāti, yakārena vā bhakārena vā, kāṭakoṭacikāya vā, eso hīno nāma akkoso.
pli-tv-bu-vb-pc2:2.1.49	Ukkaṭṭho nāma akkoso—
pli-tv-bu-vb-pc2:2.1.50	paṇḍitosi, byattosi, medhāvīsi, bahussutosi, dhammakathikosi, natthi tuyhaṁ duggati, sugatiyeva tuyhaṁ pāṭikaṅkhāti, eso ukkaṭṭho nāma akkoso.
pli-tv-bu-vb-pc2:2.2.0.1	
pli-tv-bu-vb-pc2:2.2.0.2	
pli-tv-bu-vb-pc2:2.2.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, caṇḍālaṁ venaṁ nesādaṁ rathakāraṁ pukkusaṁ— “caṇḍālosi, venosi, nesādosi, rathakārosi, pukkusosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.2	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, khattiyaṁ brāhmaṇaṁ— “caṇḍālosi, venosi, nesādosi, rathakārosi, pukkusosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.3	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, caṇḍālaṁ venaṁ nesādaṁ rathakāraṁ pukkusaṁ— “khattiyosi, brāhmaṇosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.4	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, khattiyaṁ brāhmaṇaṁ— “khattiyosi, brāhmaṇosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.5.0	
pli-tv-bu-vb-pc2:2.2.5.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, avakaṇṇakaṁ javakaṇṇakaṁ dhaniṭṭhakaṁ saviṭṭhakaṁ kulavaḍḍhakaṁ—
pli-tv-bu-vb-pc2:2.2.6	“avakaṇṇakosi, javakaṇṇakosi, dhaniṭṭhakosi, saviṭṭhakosi, kulavaḍḍhakosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.7	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, buddharakkhitaṁ dhammarakkhitaṁ saṅgharakkhitaṁ— “avakaṇṇakosi, javakaṇṇakosi, dhaniṭṭhakosi, saviṭṭhakosi, kulavaḍḍhakosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.8	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, avakaṇṇakaṁ javakaṇṇakaṁ dhaniṭṭhakaṁ saviṭṭhakaṁ kulavaḍḍhakaṁ— “buddharakkhitosi, dhammarakkhitosi, saṅgharakkhitosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.9	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, buddharakkhitaṁ dhammarakkhitaṁ saṅgharakkhitaṁ— “buddharakkhitosi, dhammarakkhitosi, saṅgharakkhitosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.10.0	
pli-tv-bu-vb-pc2:2.2.10.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, kosiyaṁ bhāradvājaṁ— “kosiyosi, bhāradvājosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.11	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, gotamaṁ moggallānaṁ kaccānaṁ vāsiṭṭhaṁ— “kosiyosi, bhāradvājosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.12	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, kosiyaṁ bhāradvājaṁ— “gotamosi, moggallānosi, kaccānosi, vāsiṭṭhosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.13	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, gotamaṁ moggallānaṁ kaccānaṁ vāsiṭṭhaṁ— “gotamosi, moggallānosi, kaccānosi, vāsiṭṭhosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.14.0	
pli-tv-bu-vb-pc2:2.2.14.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, koṭṭhakaṁ pupphachaḍḍakaṁ— “koṭṭhakosi, pupphachaḍḍakosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.15	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, kassakaṁ vāṇijaṁ gorakkhaṁ—
pli-tv-bu-vb-pc2:2.2.16	“koṭṭhakosi, pupphachaḍḍakosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.17	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, koṭṭhakaṁ pupphachaḍḍakaṁ— “kassakosi, vāṇijosi, gorakkhosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.18	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, kassakaṁ vāṇijaṁ gorakkhaṁ— “kassakosi, vāṇijosi, gorakkhosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.19.0	
pli-tv-bu-vb-pc2:2.2.19.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, naḷakāraṁ kumbhakāraṁ pesakāraṁ cammakāraṁ nahāpitaṁ— “naḷakārosi, kumbhakārosi, pesakārosi, cammakārosi, nahāpitosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.20	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, muddikaṁ gaṇakaṁ lekhakaṁ— “naḷakārosi, kumbhakārosi, pesakārosi, cammakārosi, nahāpitosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.21	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, naḷakāraṁ kumbhakāraṁ pesakāraṁ cammakāraṁ nahāpitaṁ— “muddikosi, gaṇakosi, lekhakosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.22	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, muddikaṁ gaṇakaṁ lekhakaṁ— “muddikosi, gaṇakosi, lekhakosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.23.0	
pli-tv-bu-vb-pc2:2.2.23.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, kuṭṭhikaṁ gaṇḍikaṁ kilāsikaṁ sosikaṁ apamārikaṁ— “kuṭṭhikosi, gaṇḍikosi, kilāsikosi, sosikosi, apamārikosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.24	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, madhumehikaṁ— “kuṭṭhikosi, gaṇḍikosi, kilāsikosi, sosikosi, apamārikosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.25	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, kuṭṭhikaṁ gaṇḍikaṁ kilāsikaṁ sosikaṁ apamārikaṁ— “madhumehikosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.26	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, madhumehikaṁ— “madhumehikosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.27.0	
pli-tv-bu-vb-pc2:2.2.27.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, atidīghaṁ atirassaṁ atikaṇhaṁ accodātaṁ— “atidīghosi, atirassosi, atikaṇhosi, accodātosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.28	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, nātidīghaṁ nātirassaṁ nātikaṇhaṁ nāccodātaṁ— “atidīghosi, atirassosi, atikaṇhosi, accodātosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.29	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, atidīghaṁ atirassaṁ atikaṇhaṁ accodātaṁ— “nātidīghosi, nātirassosi, nātikaṇhosi, nāccodātosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.30	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, nātidīghaṁ nātirassaṁ nātikaṇhaṁ nāccodātaṁ— “nātidīghosi, nātirassosi, nātikaṇhosi, nāccodātosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.31.0	
pli-tv-bu-vb-pc2:2.2.31.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, rāgapariyuṭṭhitaṁ dosapariyuṭṭhitaṁ mohapariyuṭṭhitaṁ— “rāgapariyuṭṭhitosi, dosapariyuṭṭhitosi, mohapariyuṭṭhitosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.32	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, vītarāgaṁ vītadosaṁ vītamohaṁ— “rāgapariyuṭṭhitosi, dosapariyuṭṭhitosi, mohapariyuṭṭhitosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.33	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, rāgapariyuṭṭhitaṁ dosapariyuṭṭhitaṁ mohapariyuṭṭhitaṁ— “vītarāgosi, vītadososi, vītamohosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.34	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, vītarāgaṁ vītadosaṁ vītamohaṁ— “vītarāgosi, vītadososi, vītamohosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.35.0	
pli-tv-bu-vb-pc2:2.2.35.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, pārājikaṁ ajjhāpannaṁ saṅghādisesaṁ ajjhāpannaṁ thullaccayaṁ ajjhāpannaṁ pācittiyaṁ ajjhāpannaṁ pāṭidesanīyaṁ ajjhāpannaṁ dukkaṭaṁ ajjhāpannaṁ dubbhāsitaṁ ajjhāpannaṁ— “pārājikaṁ ajjhāpannosi, saṅghādisesaṁ ajjhāpannosi, thullaccayaṁ ajjhāpannosi, pācittiyaṁ ajjhāpannosi, pāṭidesanīyaṁ ajjhāpannosi, dukkaṭaṁ ajjhāpannosi, dubbhāsitaṁ ajjhāpannosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.36	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, sotāpannaṁ— “pārājikaṁ ajjhāpannosi …pe… dubbhāsitaṁ ajjhāpannosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.37	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, pārājikaṁ ajjhāpannaṁ …pe… dubbhāsitaṁ ajjhāpannaṁ— “sotāpannosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.38	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, sotāpannaṁ— “sotāpannosī”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.39.0	
pli-tv-bu-vb-pc2:2.2.39.1	Upasampanno upasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti, oṭṭhaṁ meṇḍaṁ goṇaṁ gadrabhaṁ tiracchānagataṁ nerayikaṁ— “oṭṭhosi, meṇḍosi, goṇosi, gadrabhosi, tiracchānagatosi, nerayikosi, natthi tuyhaṁ sugati, duggati yeva tuyhaṁ pāṭikaṅkhā”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.40	Upasampanno upasampannaṁ khuṁsetukāmo vambhetukāmo maṅkukattukāmo hīnena ukkaṭṭhaṁ vadeti, paṇḍitaṁ byattaṁ medhāviṁ bahussutaṁ dhammakathikaṁ— “oṭṭhosi, meṇḍosi, goṇosi, gadrabhosi, tiracchānagatosi, nerayikosi, natthi tuyhaṁ sugati, duggatiyeva tuyhaṁ pāṭikaṅkhā”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.41	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena hīnaṁ vadeti, oṭṭhaṁ meṇḍaṁ goṇaṁ gadrabhaṁ tiracchānagataṁ nerayikaṁ— “paṇḍitosi, byattosi, medhāvīsi, bahussutosi, dhammakathikosi, natthi tuyhaṁ duggati, sugatiyeva tuyhaṁ pāṭikaṅkhā”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.2.42	Upasampanno upasampannaṁ khuṁsetukāmo vambhetukāmo maṅkukattukāmo ukkaṭṭhena ukkaṭṭhaṁ vadeti, paṇḍitaṁ byattaṁ medhāviṁ bahussutaṁ dhammakathikaṁ— “paṇḍitosi, byattosi, medhāvīsi, bahussutosi, dhammakathikosi, natthi tuyhaṁ duggati, sugati yeva tuyhaṁ pāṭikaṅkhā”ti bhaṇati, āpatti vācāya, vācāya pācittiyassa.
pli-tv-bu-vb-pc2:2.3.0	
pli-tv-bu-vb-pc2:2.3.1	Upasampanno upasampannaṁ khuṁsetukāmo vambhetukāmo maṅkukattukāmo evaṁ vadeti, “santi idhekacce caṇḍālā venā nesādā rathakārā pukkusā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.3.2	Upasampanno upasampannaṁ khuṁsetukāmo vambhetukāmo maṅkukattukāmo evaṁ vadeti, “santi idhekacce khattiyā, brāhmaṇā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.3.3	Upasampanno upasampannaṁ khuṁsetukāmo vambhetukāmo maṅkukattukāmo evaṁ vadeti, “santi idhekacce avakaṇṇakā javakaṇṇakā dhaniṭṭhakā saviṭṭhakā kulavaḍḍhakā”ti bhaṇati …pe….
pli-tv-bu-vb-pc2:2.3.4	“Santi idhekacce buddharakkhitā dhammarakkhitā saṅgharakkhitā”ti bhaṇati …pe….
pli-tv-bu-vb-pc2:2.3.5	“Santi idhekacce kosiyā bhāradvājā”ti bhaṇati …pe….
pli-tv-bu-vb-pc2:2.3.6	“Santi idhekacce gotamā moggallānā kaccānā vāsiṭṭhā”ti bhaṇati …pe….
pli-tv-bu-vb-pc2:2.3.7	“Santi idhekacce koṭṭhakā pupphachaḍḍakā”ti bhaṇati …pe….
pli-tv-bu-vb-pc2:2.3.8	“Santi idhekacce kassakā vāṇijā gorakkhā”ti bhaṇati …pe….
pli-tv-bu-vb-pc2:2.3.9	“Santi idhekacce naḷakārā kumbhakārā pesakārā cammakārā nahāpitā”ti bhaṇati …pe….
pli-tv-bu-vb-pc2:2.3.10	“Santi idhekacce muddikā gaṇakā lekhakā”ti bhaṇati …pe….
pli-tv-bu-vb-pc2:2.3.11	“Santi idhekacce kuṭṭhikā gaṇḍikā kilāsikā sosikā apamārikā”ti bhaṇati …pe….
pli-tv-bu-vb-pc2:2.3.12	“Santi idhekacce madhumehikā”ti bhaṇati …pe….
pli-tv-bu-vb-pc2:2.3.13	“Santi idhekacce atidīghā atirassā atikaṇhā accodātā”ti bhaṇati …pe….
pli-tv-bu-vb-pc2:2.3.14	“Santi idhekacce nātidīghā nātirassā nātikaṇhā nāccodātā”ti bhaṇati …pe….
pli-tv-bu-vb-pc2:2.3.15	“Santi idhekacce rāgapariyuṭṭhitā dosapariyuṭṭhitā mohapariyuṭṭhitā”ti bhaṇati …pe….
pli-tv-bu-vb-pc2:2.3.16	“Santi idhekacce vītarāgā vītadosā vītamohā”ti bhaṇati …pe….
pli-tv-bu-vb-pc2:2.3.17	“Santi idhekacce pārājikaṁ ajjhāpannā …pe….
pli-tv-bu-vb-pc2:2.3.18	dubbhāsitaṁ ajjhāpannā”ti bhaṇati …pe….
pli-tv-bu-vb-pc2:2.3.19	“Santi idhekacce sotāpannā”ti bhaṇati …pe….
pli-tv-bu-vb-pc2:2.3.20	“Santi idhekacce oṭṭhā meṇḍā goṇā gadrabhā tiracchānagatā nerayikā, natthi tesaṁ sugati, duggatiyeva tesaṁ pāṭikaṅkhā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.3.21	Upasampanno upasampannaṁ khuṁsetukāmo vambhetukāmo maṅkukattukāmo evaṁ vadeti, “santi idhekacce paṇḍitā byattā, medhāvī bahussutā dhammakathikā, natthi tesaṁ duggati, sugatiyeva tesaṁ pāṭikaṅkhā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.4.1	Upasampanno upasampannaṁ khuṁsetukāmo vambhetukāmo maṅkukattukāmo evaṁ vadeti, “ye nūna caṇḍālā venā nesādā rathakārā pukkusā”ti bhaṇati, āpatti vācāya, vācāya dukkaṭassa …pe….
pli-tv-bu-vb-pc2:2.4.2	Upasampanno upasampannaṁ khuṁsetukāmo vambhetukāmo maṅkukattukāmo evaṁ vadeti, “ye nūna paṇḍitā byattā medhāvī bahussutā dhammakathikā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.5.1	Upasampanno upasampannaṁ khuṁsetukāmo vambhetukāmo maṅkukattukāmo evaṁ vadeti, “na mayaṁ caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.5.2	“Na mayaṁ paṇḍitā byattā medhāvī bahussutā dhammakathikā, natthamhākaṁ duggati, sugatiyeva amhākaṁ pāṭikaṅkhā”ti bhaṇati. Āpatti vācāya, vācāya dukkaṭassa.
pli-tv-bu-vb-pc2:2.6.0	
pli-tv-bu-vb-pc2:2.6.1	Upasampanno anupasampannaṁ khuṁsetukāmo vambhetukāmo maṅkukattukāmo hīnena hīnaṁ vadeti …pe…
pli-tv-bu-vb-pc2:2.6.2	hīnena ukkaṭṭhaṁ vadeti …pe…
pli-tv-bu-vb-pc2:2.6.3	ukkaṭṭhena hīnaṁ vadeti …pe…
pli-tv-bu-vb-pc2:2.6.4	ukkaṭṭhena ukkaṭṭhaṁ vadeti, paṇḍitaṁ byattaṁ medhāviṁ bahussutaṁ dhammakathikaṁ— “paṇḍitosi, byattosi, medhāvīsi, bahussutosi, dhammakathikosi, natthi tuyhaṁ duggati, sugatiyeva tuyhaṁ pāṭikaṅkhā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.6.5	Upasampanno anupasampannaṁ khuṁsetukāmo vambhetukāmo maṅkukattukāmo evaṁ vadeti, “santi idhekacce caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.6.6	“Santi idhekacce paṇḍitā byattā medhāvī bahussutā dhammakathikā, natthi tesaṁ duggati, sugatiyeva tesaṁ pāṭikaṅkhā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.6.7	Upasampanno anupasampannaṁ khuṁsetukāmo vambhetukāmo maṅkukattukāmo evaṁ vadeti, “ye nūna caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.6.8	“Ye nūna paṇḍitā byattā medhāvī bahussutā dhammakathikā”ti bhaṇati, āpatti vācāya, vācāya dukkaṭassa.
pli-tv-bu-vb-pc2:2.6.9	Upasampanno anupasampannaṁ khuṁsetukāmo vambhetukāmo maṅkukattukāmo evaṁ vadeti, “na mayaṁ caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.6.10	“Na mayaṁ paṇḍitā byattā medhāvī bahussutā dhammakathikā, natthamhākaṁ duggati, sugatiyeva amhākaṁ pāṭikaṅkhā”ti bhaṇati. Āpatti vācāya, vācāya dukkaṭassa.
pli-tv-bu-vb-pc2:2.7.0	
pli-tv-bu-vb-pc2:2.7.1	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā hīnena hīnaṁ vadeti, caṇḍālaṁ venaṁ nesādaṁ rathakāraṁ pukkusaṁ— “caṇḍālosi, venosi, nesādosi, rathakārosi, pukkusosī”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.7.2	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā hīnena ukkaṭṭhaṁ vadeti, khattiyaṁ brāhmaṇaṁ— “caṇḍālosi, venosi, nesādosi, rathakārosi, pukkusosī”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.7.3	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā ukkaṭṭhena hīnaṁ vadeti, caṇḍālaṁ venaṁ nesādaṁ rathakāraṁ pukkusaṁ— “khattiyosi, brāhmaṇosī”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.7.4	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā ukkaṭṭhena ukkaṭṭhaṁ vadeti, khattiyaṁ brāhmaṇaṁ— “khattiyosi, brāhmaṇosī”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.7.5	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā hīnena hīnaṁ vadeti …pe…
pli-tv-bu-vb-pc2:2.7.6	hīnena ukkaṭṭhaṁ vadeti …pe…
pli-tv-bu-vb-pc2:2.7.7	ukkaṭṭhena hīnaṁ vadeti …pe…
pli-tv-bu-vb-pc2:2.7.8	ukkaṭṭhena ukkaṭṭhaṁ vadeti, paṇḍitaṁ byattaṁ medhāviṁ bahussutaṁ dhammakathikaṁ—
pli-tv-bu-vb-pc2:2.7.9	“paṇḍitosi, byattosi, medhāvīsi, bahussutosi, dhammakathikosi, natthi tuyhaṁ duggati, sugatiyeva tuyhaṁ pāṭikaṅkhā”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.7.10.0	
pli-tv-bu-vb-pc2:2.7.10.1	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā evaṁ vadeti, “santi idhekacce caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.7.11	“Santi idhekacce paṇḍitā byattā medhāvī bahussutā dhammakathikā, natthi tesaṁ duggati, sugatiyeva tesaṁ pāṭikaṅkhā”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.7.12	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā evaṁ vadeti, “ye nūna caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.7.13	“Ye nūna paṇḍitā byattā medhāvī bahussutā dhammakathikā”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.7.14	Upasampanno upasampannaṁ na khuṁsetukāmo na vambhetukāmo na maṅkukattukāmo, davakamyatā evaṁ vadeti, “na mayaṁ caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.7.15	“Na mayaṁ paṇḍitā byattā medhāvī bahussutā dhammakathikā, natthamhākaṁ duggati, sugatiyeva amhākaṁ pāṭikaṅkhā”ti bhaṇati. Āpatti vācāya, vācāya dubbhāsitassa.
pli-tv-bu-vb-pc2:2.8.0	
pli-tv-bu-vb-pc2:2.8.1	Upasampanno anupasampannaṁ na khuṁsetukāmo na vambhetukāmo na maṅkukattukāmo, davakamyatā hīnena hīnaṁ vadeti …pe…
pli-tv-bu-vb-pc2:2.8.2	hīnena ukkaṭṭhaṁ vadeti …pe…
pli-tv-bu-vb-pc2:2.8.3	ukkaṭṭhena hīnaṁ vadeti …pe…
pli-tv-bu-vb-pc2:2.8.4	ukkaṭṭhena ukkaṭṭhaṁ vadeti, paṇḍitaṁ byattaṁ medhāviṁ bahussutaṁ dhammakathikaṁ—
pli-tv-bu-vb-pc2:2.8.5	“paṇḍitosi, byattosi, medhāvīsi, bahussutosi dhammakathikosi, natthi tuyhaṁ duggati, sugatiyeva tuyhaṁ pāṭikaṅkhā”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.8.6	Upasampanno anupasampannaṁ na khuṁsetukāmo na vambhetukāmo na maṅkukattukāmo, davakamyatā evaṁ vadeti, “santi idhekacce caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.8.7	“Santi idhekacce paṇḍitā byattā medhāvī bahussutā dhammakathikā, natthi tesaṁ duggati, sugatiyeva tesaṁ pāṭikaṅkhā”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.8.8	Upasampanno anupasampannaṁ na khuṁsetukāmo na vambhetukāmo na maṅkukattukāmo, davakamyatā evaṁ vadeti, “ye nūna caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.8.9	“Ye nūna paṇḍitā byattā medhāvī bahussutā dhammakathikā”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.8.10	Upasampanno anupasampannaṁ na khuṁsetukāmo na vambhetukāmo na maṅkukattukāmo, davakamyatā evaṁ vadeti, “na mayaṁ caṇḍālā venā nesādā rathakārā pukkusā”ti bhaṇati …pe….
pli-tv-bu-vb-pc2:2.8.11	“Na mayaṁ paṇḍitā byattā medhāvī bahussutā dhammakathikā, natthamhākaṁ duggati, sugatiyeva amhākaṁ pāṭikaṅkhā”ti bhaṇati, āpatti vācāya, vācāya dubbhāsitassa.
pli-tv-bu-vb-pc2:2.9.0	
pli-tv-bu-vb-pc2:2.9.1	Anāpatti—
pli-tv-bu-vb-pc2:2.9.2	atthapurekkhārassa,
pli-tv-bu-vb-pc2:2.9.3	dhammapurekkhārassa,
pli-tv-bu-vb-pc2:2.9.4	anusāsanipurekkhārassa,
pli-tv-bu-vb-pc2:2.9.5	ummattakassa,
pli-tv-bu-vb-pc2:2.9.6	khittacittassa,
pli-tv-bu-vb-pc2:2.9.7	vedanāṭṭassa,
pli-tv-bu-vb-pc2:2.9.8	ādikammikassāti.
pli-tv-bu-vb-pc2:2.9.9	Omasavādasikkhāpadaṁ niṭṭhitaṁ dutiyaṁ.
pli-tv-bu-vb-pc3:0.1	Theravāda Vinaya
pli-tv-bu-vb-pc3:0.2	Mahāvibhaṅga
pli-tv-bu-vb-pc3:0.3	Pācittiyakaṇḍa
pli-tv-bu-vb-pc3:0.4	Musāvādavagga
pli-tv-bu-vb-pc3:0.5	3. Pesuññasikkhāpada
pli-tv-bu-vb-pc3:1.0	
pli-tv-bu-vb-pc3:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc3:1.2	Tena kho pana samayena chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ vivādāpannānaṁ pesuññaṁ upasaṁharanti;
pli-tv-bu-vb-pc3:1.3	imassa sutvā amussa akkhāyanti, imassa bhedāya; amussa sutvā imassa akkhāyanti, amussa bhedāya.
pli-tv-bu-vb-pc3:1.4	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattanti.
pli-tv-bu-vb-pc3:1.5	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc3:1.6	“kathañhi nāma chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ vivādāpannānaṁ pesuññaṁ upasaṁharissanti, imassa sutvā amussa akkhāyissanti, imassa bhedāya;
pli-tv-bu-vb-pc3:1.7	amussa sutvā imassa akkhāyissanti, amussa bhedāya.
pli-tv-bu-vb-pc3:1.8	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattantī”ti.
pli-tv-bu-vb-pc3:1.9	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc3:1.10	“saccaṁ kira tumhe, bhikkhave, bhikkhūnaṁ bhaṇḍanajātānaṁ kalahajātānaṁ vivādāpannānaṁ pesuññaṁ upasaṁharatha, imassa sutvā amussa akkhāyatha, imassa bhedāya, amussa sutvā imassa akkhāyatha, amussa bhedāya?
pli-tv-bu-vb-pc3:1.11	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattantī”ti?
pli-tv-bu-vb-pc3:1.12	“Saccaṁ, bhagavā”ti.
pli-tv-bu-vb-pc3:1.13	Vigarahi buddho bhagavā …pe…
pli-tv-bu-vb-pc3:1.14	kathañhi nāma tumhe, moghapurisā, bhikkhūnaṁ bhaṇḍanajātānaṁ kalahajātānaṁ vivādāpannānaṁ pesuññaṁ upasaṁharissatha.
pli-tv-bu-vb-pc3:1.15	Imassa sutvā amussa akkhāyissatha, imassa bhedāya. Amussa sutvā imassa akkhāyissatha, amussa bhedāya.
pli-tv-bu-vb-pc3:1.16	Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṁvattanti.
pli-tv-bu-vb-pc3:1.17	Netaṁ, moghapurisā, appasannānaṁ vā pasādāya.
pli-tv-bu-vb-pc3:1.18	Pasannānaṁ vā bhiyyobhāvāya …pe…
pli-tv-bu-vb-pc3:1.19	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc3:1.20.0	
pli-tv-bu-vb-pc3:1.20.1	“Bhikkhupesuññe pācittiyan”ti.
pli-tv-bu-vb-pc3:2.1.0	
pli-tv-bu-vb-pc3:2.1.1	Pesuññaṁ nāma
pli-tv-bu-vb-pc3:2.1.2	dvīhākārehi pesuññaṁ hoti— piyakamyassa vā bhedādhippāyassa vā.
pli-tv-bu-vb-pc3:2.1.3	Dasahākārehi pesuññaṁ upasaṁharati— jātitopi, nāmatopi, gottatopi, kammatopi, sippatopi, ābādhatopi, liṅgatopi, kilesatopi, āpattitopi, akkosatopi.
pli-tv-bu-vb-pc3:2.1.4.0.1	
pli-tv-bu-vb-pc3:2.1.4.0.2	
pli-tv-bu-vb-pc3:2.1.4.0.3	
pli-tv-bu-vb-pc3:2.1.4.1	Jāti nāma
pli-tv-bu-vb-pc3:2.1.5	dve jātiyo— hīnā ca jāti ukkaṭṭhā ca jāti.
pli-tv-bu-vb-pc3:2.1.6	Hīnā nāma jāti—
pli-tv-bu-vb-pc3:2.1.7	caṇḍālajāti venajāti nesādajāti rathakārajāti pukkusajāti. Esā hīnā nāma jāti.
pli-tv-bu-vb-pc3:2.1.8	Ukkaṭṭhā nāma jāti—
pli-tv-bu-vb-pc3:2.1.9	khattiyajāti brāhmaṇajāti. Esā ukkaṭṭhā nāma jāti.
pli-tv-bu-vb-pc3:2.1.10	…pe….
pli-tv-bu-vb-pc3:2.1.11	Akkoso nāma
pli-tv-bu-vb-pc3:2.1.12	dve akkosā— hīno ca akkoso ukkaṭṭho ca akkoso.
pli-tv-bu-vb-pc3:2.1.13	Hīno nāma akkoso—
pli-tv-bu-vb-pc3:2.1.14	“oṭṭhosi, meṇḍosi, goṇosi, gadrabhosi, tiracchānagatosi, nerayikosi; natthi tuyhaṁ sugati; duggatiyeva tuyhaṁ pāṭikaṅkhā”ti, yakārena vā bhakārena vā kāṭakoṭacikāya vā. Eso hīno nāma akkoso.
pli-tv-bu-vb-pc3:2.1.15	Ukkaṭṭho nāma akkoso—
pli-tv-bu-vb-pc3:2.1.16	“paṇḍitosi, byattosi, medhāvīsi, bahussutosi, dhammakathikosi; natthi tuyhaṁ duggati; sugatiyeva tuyhaṁ pāṭikaṅkhā”ti. Eso ukkaṭṭho nāma akkoso.
pli-tv-bu-vb-pc3:2.2.0.1	
pli-tv-bu-vb-pc3:2.2.0.2	
pli-tv-bu-vb-pc3:2.2.1	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘caṇḍālo veno nesādo rathakāro pukkuso’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.2	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘khattiyo brāhmaṇo’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.3	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘avakaṇṇako javakaṇṇako dhaniṭṭhako saviṭṭhako kulavaḍḍhako’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.4	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘buddharakkhito dhammarakkhito saṅgharakkhito’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.5	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘kosiyo bhāradvājo’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.6	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘gotamo moggallāno kaccāno vāsiṭṭho’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.7	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘koṭṭhako pupphachaḍḍako’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.8	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘kassako vāṇijo gorakkho’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.9	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘naḷakāro kumbhakāro pesakāro cammakāro nahāpito’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.10	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘muddiko gaṇako lekhako’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.11	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘kuṭṭhiko gaṇḍiko kilāsiko sosiko apamāriko’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.12	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘madhumehiko’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.13	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘atidīgho atirasso atikaṇho accodāto’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.14	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘nātidīgho nātirasso nātikaṇho nāccodāto’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.15	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘rāgapariyuṭṭhito dosapariyuṭṭhito mohapariyuṭṭhito’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.16	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘vītarāgo vītadoso vītamoho’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.17	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘pārājikaṁ ajjhāpanno, saṅghādisesaṁ ajjhāpanno, thullaccayaṁ ajjhāpanno, pācittiyaṁ ajjhāpanno, pāṭidesanīyaṁ ajjhāpanno, dukkaṭaṁ ajjhāpanno, dubbhāsitaṁ ajjhāpanno’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.18	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘sotāpanno’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.19	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘oṭṭho meṇḍo goṇo gadrabho tiracchānagato nerayiko, natthi tassa sugati, duggatiyeva tassa pāṭikaṅkhā’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.20	Upasampanno upasampannassa sutvā upasampannassa pesuññaṁ upasaṁharati— “itthannāmo taṁ ‘paṇḍito byatto medhāvī bahussuto dhammakathiko, natthi tassa duggati, sugatiyeva tassa pāṭikaṅkhā’ti bhaṇatī”ti. Āpatti vācāya, vācāya pācittiyassa.
pli-tv-bu-vb-pc3:2.2.21.0	
pli-tv-bu-vb-pc3:2.2.21.1	Upasampanno upasampannassa sutvā upasampannassa pesuññaṁ upasaṁharati— “itthannāmo ‘santi idhekacce caṇḍālā venā nesādā rathakārā, pukkusā’ti bhaṇati, na so aññaṁ bhaṇati, taññeva bhaṇatī”ti. Āpatti vācāya, vācāya dukkaṭassa.
pli-tv-bu-vb-pc3:2.2.22	Upasampanno upasampannassa sutvā upasampannassa pesuññaṁ upasaṁharati— “itthannāmo ‘santi idhekacce khattiyā brāhmaṇā’ti bhaṇati, na so aññaṁ bhaṇati, taññeva bhaṇatī”ti. Āpatti vācāya, vācāya dukkaṭassa …pe….
pli-tv-bu-vb-pc3:2.2.23	Upasampanno upasampannassa sutvā upasampannassa pesuññaṁ upasaṁharati— “itthannāmo ‘santi idhekacce paṇḍitā byattā medhāvī bahussutā dhammakathikā, natthi tesaṁ duggati, sugatiyeva tesaṁ pāṭikaṅkhā’ti bhaṇati, na so aññaṁ bhaṇati, taññeva bhaṇatī”ti. Āpatti vācāya, vācāya dukkaṭassa.
pli-tv-bu-vb-pc3:2.2.24	Upasampanno upasampannassa sutvā upasampannassa pesuññaṁ upasaṁharati— “itthannāmo ‘ye nūna caṇḍālā venā nesādā rathakārā pukkusā’ti bhaṇati, na so aññaṁ bhaṇati, taññeva bhaṇatī”ti. Āpatti vācāya, vācāya dukkaṭassa.
pli-tv-bu-vb-pc3:2.2.25	Upasampanno upasampannassa sutvā upasampannassa pesuññaṁ upasaṁharati— “itthannāmo ‘ye nūna paṇḍitā byattā medhāvī bahussutā dhammakathikā’ti bhaṇati, na so aññaṁ bhaṇati, taññeva bhaṇatī”ti. Āpatti vācāya, vācāya dukkaṭassa.
pli-tv-bu-vb-pc3:2.2.26	Upasampanno upasampannassa sutvā upasampannassa pesuññaṁ upasaṁharati— “itthannāmo ‘na mayaṁ caṇḍālā venā nesādā rathakārā pukkusā’ti bhaṇati, na so aññaṁ bhaṇati, taññeva bhaṇatī”ti. Āpatti vācāya, vācāya dukkaṭassa.
pli-tv-bu-vb-pc3:2.2.27	Upasampanno upasampannassa sutvā upasampannassa pesuññaṁ upasaṁharati— “itthannāmo ‘na mayaṁ paṇḍitā byattā medhāvī bahussutā dhammakathikā, natthamhākaṁ duggati, sugatiyeva amhākaṁ pāṭikaṅkhā’ti bhaṇati, na so aññaṁ bhaṇati, taññeva bhaṇatī”ti. Āpatti vācāya, vācāya dukkaṭassa.
pli-tv-bu-vb-pc3:2.3.0	
pli-tv-bu-vb-pc3:2.3.1	Upasampanno upasampannassa sutvā upasampannassa pesuññaṁ upasaṁharati; āpatti vācāya, vācāya pācittiyassa.
pli-tv-bu-vb-pc3:2.3.2	Upasampanno upasampannassa sutvā anupasampannassa pesuññaṁ upasaṁharati, āpatti dukkaṭassa.
pli-tv-bu-vb-pc3:2.3.3	Upasampanno anupasampannassa sutvā upasampannassa pesuññaṁ upasaṁharati, āpatti dukkaṭassa.
pli-tv-bu-vb-pc3:2.3.4	Upasampanno anupasampannassa sutvā anupasampannassa pesuññaṁ upasaṁharati, āpatti dukkaṭassa.
pli-tv-bu-vb-pc3:2.4.0	
pli-tv-bu-vb-pc3:2.4.1	Anāpatti—
pli-tv-bu-vb-pc3:2.4.2	napiyakamyassa,
pli-tv-bu-vb-pc3:2.4.3	nabhedādhippāyassa,
pli-tv-bu-vb-pc3:2.4.4	ummattakassa,
pli-tv-bu-vb-pc3:2.4.5	ādikammikassāti.
pli-tv-bu-vb-pc3:2.4.6	Pesuññasikkhāpadaṁ niṭṭhitaṁ tatiyaṁ.
pli-tv-bu-vb-pc4:0.1	Theravāda Vinaya
pli-tv-bu-vb-pc4:0.2	Mahāvibhaṅga
pli-tv-bu-vb-pc4:0.3	Pācittiyakaṇḍa
pli-tv-bu-vb-pc4:0.4	Musāvādavagga
pli-tv-bu-vb-pc4:0.5	4. Padasodhammasikkhāpada
pli-tv-bu-vb-pc4:1.0	
pli-tv-bu-vb-pc4:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc4:1.2	Tena kho pana samayena chabbaggiyā bhikkhū upāsake padaso dhammaṁ vācenti.
pli-tv-bu-vb-pc4:1.3	Upāsakā bhikkhūsu agāravā appatissā asabhāgavuttikā viharanti.
pli-tv-bu-vb-pc4:1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc4:1.5	“kathañhi nāma chabbaggiyā bhikkhū upāsake padaso dhammaṁ vācessanti.
pli-tv-bu-vb-pc4:1.6	Upāsakā bhikkhūsu agāravā appatissā asabhāgavuttikā viharantī”ti.
pli-tv-bu-vb-pc4:1.7	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc4:1.8	“saccaṁ kira tumhe, bhikkhave, upāsake padaso dhammaṁ vācetha;
pli-tv-bu-vb-pc4:1.9	upāsakā bhikkhūsu agāravā appatissā asabhāgavuttikā viharantī”ti?
pli-tv-bu-vb-pc4:1.10	“Saccaṁ, bhagavā”ti.
pli-tv-bu-vb-pc4:1.11	Vigarahi buddho bhagavā …pe…
pli-tv-bu-vb-pc4:1.12	kathañhi nāma tumhe, moghapurisā, upāsake padaso dhammaṁ vācessatha.
pli-tv-bu-vb-pc4:1.13	Upāsakā bhikkhūsu agāravā appatissā asabhāgavuttikā viharanti.
pli-tv-bu-vb-pc4:1.14	Netaṁ, moghapurisā, appasannānaṁ vā pasādāya pasannānaṁ vā bhiyyobhāvāya …pe…
pli-tv-bu-vb-pc4:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc4:1.16.0	
pli-tv-bu-vb-pc4:1.16.1	“Yo pana bhikkhu anupasampannaṁ padaso dhammaṁ vāceyya pācittiyan”ti.
pli-tv-bu-vb-pc4:2.1.0	
pli-tv-bu-vb-pc4:2.1.1	Yo panāti
pli-tv-bu-vb-pc4:2.1.2	yo yādiso …pe…
pli-tv-bu-vb-pc4:2.1.3	bhikkhūti
pli-tv-bu-vb-pc4:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc4:2.1.5	Anupasampanno nāma
pli-tv-bu-vb-pc4:2.1.6	bhikkhuñca bhikkhuniñca ṭhapetvā avaseso anupasampanno nāma.
pli-tv-bu-vb-pc4:2.1.7	Padaso nāma
pli-tv-bu-vb-pc4:2.1.8	padaṁ, anupadaṁ, anvakkharaṁ, anubyañjanaṁ.
pli-tv-bu-vb-pc4:2.1.9	Padaṁ nāma
pli-tv-bu-vb-pc4:2.1.10	ekato paṭṭhapetvā ekato osāpenti.
pli-tv-bu-vb-pc4:2.1.11	Anupadaṁ nāma
pli-tv-bu-vb-pc4:2.1.12	pāṭekkaṁ paṭṭhapetvā ekato osāpenti.
pli-tv-bu-vb-pc4:2.1.13	Anvakkharaṁ nāma
pli-tv-bu-vb-pc4:2.1.14	“rūpaṁ aniccan”ti vuccamāno, “run”ti opāteti.
pli-tv-bu-vb-pc4:2.1.15	Anubyañjanaṁ nāma
pli-tv-bu-vb-pc4:2.1.16	“rūpaṁ aniccan”ti vuccamāno, “vedanā aniccā”ti saddaṁ nicchāreti.
pli-tv-bu-vb-pc4:2.1.17	Yañca padaṁ, yañca anupadaṁ, yañca anvakkharaṁ, yañca anubyañjanaṁ—
pli-tv-bu-vb-pc4:2.1.18	sabbametaṁ padaso nāma.
pli-tv-bu-vb-pc4:2.1.19	Dhammo nāma
pli-tv-bu-vb-pc4:2.1.20	buddhabhāsito, sāvakabhāsito, isibhāsito, devatābhāsito, atthūpasañhito, dhammūpasañhito.
pli-tv-bu-vb-pc4:2.1.21	Vāceyyāti
pli-tv-bu-vb-pc4:2.1.22	padena vāceti, pade pade āpatti pācittiyassa.
pli-tv-bu-vb-pc4:2.1.23	Akkharāya vāceti, akkharakkharāya āpatti pācittiyassa.
pli-tv-bu-vb-pc4:2.2.0	
pli-tv-bu-vb-pc4:2.2.1	Anupasampanne anupasampannasaññī padaso dhammaṁ vāceti, āpatti pācittiyassa.
pli-tv-bu-vb-pc4:2.2.2	Anupasampanne vematiko padaso dhammaṁ vāceti, āpatti pācittiyassa.
pli-tv-bu-vb-pc4:2.2.3	Anupasampanne upasampannasaññī padaso dhammaṁ vāceti, āpatti pācittiyassa.
pli-tv-bu-vb-pc4:2.2.4	Upasampanne anupasampannasaññī, āpatti dukkaṭassa.
pli-tv-bu-vb-pc4:2.2.5	Upasampanne vematiko, āpatti dukkaṭassa.
pli-tv-bu-vb-pc4:2.2.6	Upasampanne upasampannasaññī, anāpatti.
pli-tv-bu-vb-pc4:2.3.0	
pli-tv-bu-vb-pc4:2.3.1	Anāpatti—
pli-tv-bu-vb-pc4:2.3.2	ekato uddisāpento,
pli-tv-bu-vb-pc4:2.3.3	ekato sajjhāyaṁ karonto,
pli-tv-bu-vb-pc4:2.3.4	yebhuyyena paguṇaṁ ganthaṁ bhaṇantaṁ opāteti,
pli-tv-bu-vb-pc4:2.3.5	osārentaṁ opāteti,
pli-tv-bu-vb-pc4:2.3.6	ummattakassa,
pli-tv-bu-vb-pc4:2.3.7	ādikammikassāti.
pli-tv-bu-vb-pc4:2.3.8	Padasodhammasikkhāpadaṁ niṭṭhitaṁ catutthaṁ.
pli-tv-bu-vb-pc5:0.1	Theravāda Vinaya
pli-tv-bu-vb-pc5:0.2	Mahāvibhaṅga
pli-tv-bu-vb-pc5:0.3	Pācittiyakaṇḍa
pli-tv-bu-vb-pc5:0.4	Musāvādavagga
pli-tv-bu-vb-pc5:0.5	5. Sahaseyyasikkhāpada
pli-tv-bu-vb-pc5:1.0.1	
pli-tv-bu-vb-pc5:1.0.2	
pli-tv-bu-vb-pc5:1.1	Tena samayena buddho bhagavā āḷaviyaṁ viharati aggāḷave cetiye.
pli-tv-bu-vb-pc5:1.2	Tena kho pana samayena upāsakā ārāmaṁ āgacchanti dhammassavanāya.
pli-tv-bu-vb-pc5:1.3	Dhamme bhāsite therā bhikkhū yathāvihāraṁ gacchanti.
pli-tv-bu-vb-pc5:1.4	Navakā bhikkhū tattheva upaṭṭhānasālāyaṁ upāsakehi saddhiṁ muṭṭhassatī, asampajānā, naggā, vikūjamānā, kākacchamānā seyyaṁ kappenti.
pli-tv-bu-vb-pc5:1.5	Upāsakā ujjhāyanti khiyyanti vipācenti—
pli-tv-bu-vb-pc5:1.6	“kathañhi nāma bhadantā muṭṭhassatī asampajānā naggā vikūjamānā kākacchamānā seyyaṁ kappessantī”ti.
pli-tv-bu-vb-pc5:1.7	Assosuṁ kho bhikkhū tesaṁ upāsakānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc5:1.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc5:1.9	“kathañhi nāma bhikkhū anupasampannena sahaseyyaṁ kappessantī”ti.
pli-tv-bu-vb-pc5:1.10	Atha kho te bhikkhū te navake bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc5:1.11	“saccaṁ kira, bhikkhave, bhikkhū anupasampannena sahaseyyaṁ kappentī”ti?
pli-tv-bu-vb-pc5:1.12	“Saccaṁ, bhagavā”ti.
pli-tv-bu-vb-pc5:1.13	Vigarahi buddho bhagavā …pe…
pli-tv-bu-vb-pc5:1.14	kathañhi nāma te, bhikkhave, moghapurisā anupasampannena sahaseyyaṁ kappessanti.
pli-tv-bu-vb-pc5:1.15	Netaṁ, bhikkhave, appasannānaṁ vā pasādāya …pe…
pli-tv-bu-vb-pc5:1.16	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc5:1.17.0	
pli-tv-bu-vb-pc5:1.17.1	“Yo pana bhikkhu anupasampannena sahaseyyaṁ kappeyya pācittiyan”ti.
pli-tv-bu-vb-pc5:1.18	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc5:2.0	
pli-tv-bu-vb-pc5:2.1	Atha kho bhagavā āḷaviyaṁ yathābhirantaṁ viharitvā yena kosambī tena cārikaṁ pakkāmi.
pli-tv-bu-vb-pc5:2.2	Anupubbena cārikaṁ caramāno yena kosambī tadavasari. Tatra sudaṁ bhagavā kosambiyaṁ viharati badarikārāme.
pli-tv-bu-vb-pc5:2.3	Bhikkhū āyasmantaṁ rāhulaṁ etadavocuṁ—
pli-tv-bu-vb-pc5:2.4	“bhagavatā, āvuso rāhula, sikkhāpadaṁ paññattaṁ—‘na anupasampannena sahaseyyā kappetabbā’ti.
pli-tv-bu-vb-pc5:2.5	Seyyaṁ, āvuso rāhula, jānāhī”ti.
pli-tv-bu-vb-pc5:2.6	Atha kho āyasmā rāhulo seyyaṁ alabhamāno vaccakuṭiyā seyyaṁ kappesi.
pli-tv-bu-vb-pc5:2.7	Atha kho bhagavā rattiyā paccūsasamayaṁ paccuṭṭhāya yena vaccakuṭi tenupasaṅkami; upasaṅkamitvā ukkāsi.
pli-tv-bu-vb-pc5:2.8	Āyasmāpi rāhulo ukkāsi.
pli-tv-bu-vb-pc5:2.9	“Ko etthā”ti?
pli-tv-bu-vb-pc5:2.10	“Ahaṁ, bhagavā, rāhulo”ti.
pli-tv-bu-vb-pc5:2.11	“Kissa tvaṁ, rāhula, idha nisinnosī”ti?
pli-tv-bu-vb-pc5:2.12	Atha kho āyasmā rāhulo bhagavato etamatthaṁ ārocesi.
pli-tv-bu-vb-pc5:2.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc5:2.14	“anujānāmi, bhikkhave, anupasampannena dirattatirattaṁ sahaseyyaṁ kappetuṁ.
pli-tv-bu-vb-pc5:2.15	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc5:2.16.0	
pli-tv-bu-vb-pc5:2.16.1	“Yo pana bhikkhu anupasampannena uttaridirattatirattaṁ sahaseyyaṁ kappeyya, pācittiyan”ti.
pli-tv-bu-vb-pc5:3.1.0	
pli-tv-bu-vb-pc5:3.1.1	Yo panāti
pli-tv-bu-vb-pc5:3.1.2	yo yādiso …pe…
pli-tv-bu-vb-pc5:3.1.3	bhikkhūti
pli-tv-bu-vb-pc5:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc5:3.1.5	Anupasampanno nāma
pli-tv-bu-vb-pc5:3.1.6	bhikkhuṁ ṭhapetvā avaseso anupasampanno nāma.
pli-tv-bu-vb-pc5:3.1.7	Uttaridirattatirattanti
pli-tv-bu-vb-pc5:3.1.8	atirekadirattatirattaṁ.
pli-tv-bu-vb-pc5:3.1.9	Sahāti
pli-tv-bu-vb-pc5:3.1.10	ekato.
pli-tv-bu-vb-pc5:3.1.11	Seyyā nāma
pli-tv-bu-vb-pc5:3.1.12	sabbacchannā, sabbaparicchannā, yebhuyyenacchannā, yebhuyyena paricchannā.
pli-tv-bu-vb-pc5:3.1.13	Seyyaṁ kappeyyāti
pli-tv-bu-vb-pc5:3.1.14	catutthe divase atthaṅgate sūriye, anupasampanne nipanne, bhikkhu nipajjati, āpatti pācittiyassa.
pli-tv-bu-vb-pc5:3.1.15	Bhikkhu nipanne, anupasampanno nipajjati, āpatti pācittiyassa.
pli-tv-bu-vb-pc5:3.1.16	Ubho vā nipajjanti, āpatti pācittiyassa.
pli-tv-bu-vb-pc5:3.1.17	Uṭṭhahitvā punappunaṁ nipajjanti, āpatti pācittiyassa.
pli-tv-bu-vb-pc5:3.2.0	
pli-tv-bu-vb-pc5:3.2.1	Anupasampanne anupasampannasaññī uttaridirattatirattaṁ sahaseyyaṁ kappeti, āpatti pācittiyassa.
pli-tv-bu-vb-pc5:3.2.2	Anupasampanne vematiko uttaridirattatirattaṁ sahaseyyaṁ kappeti, āpatti pācittiyassa.
pli-tv-bu-vb-pc5:3.2.3	Anupasampanne upasampannasaññī uttaridirattatirattaṁ sahaseyyaṁ kappeti, āpatti pācittiyassa.
pli-tv-bu-vb-pc5:3.2.4	Upaḍḍhacchanne upaḍḍhaparicchanne, āpatti dukkaṭassa.
pli-tv-bu-vb-pc5:3.2.5	Upasampanne anupasampannasaññī, āpatti dukkaṭassa.
pli-tv-bu-vb-pc5:3.2.6	Upasampanne vematiko, āpatti dukkaṭassa.
pli-tv-bu-vb-pc5:3.2.7	Upasampanne upasampannasaññī, anāpatti.
pli-tv-bu-vb-pc5:3.3.0	
pli-tv-bu-vb-pc5:3.3.1	Anāpatti—
pli-tv-bu-vb-pc5:3.3.2	dvetisso rattiyo vasati,
pli-tv-bu-vb-pc5:3.3.3	ūnakadvetisso rattiyo vasati,
pli-tv-bu-vb-pc5:3.3.4	dve rattiyo vasitvā tatiyāya rattiyā purāruṇā nikkhamitvā puna vasati,
pli-tv-bu-vb-pc5:3.3.5	sabbacchanne sabbaaparicchanne,
pli-tv-bu-vb-pc5:3.3.6	sabbaparicchanne sabbaacchanne,
pli-tv-bu-vb-pc5:3.3.7	yebhuyyena acchanne,
pli-tv-bu-vb-pc5:3.3.8	yebhuyyena aparicchanne,
pli-tv-bu-vb-pc5:3.3.9	anupasampanne nipanne bhikkhu nisīdati,
pli-tv-bu-vb-pc5:3.3.10	bhikkhu nipanne anupasampanno nisīdati,
pli-tv-bu-vb-pc5:3.3.11	ubho vā nisīdanti,
pli-tv-bu-vb-pc5:3.3.12	ummattakassa,
pli-tv-bu-vb-pc5:3.3.13	ādikammikassāti.
pli-tv-bu-vb-pc5:3.3.14	Sahaseyyasikkhāpadaṁ niṭṭhitaṁ pañcamaṁ.
pli-tv-bu-vb-pc6:0.1	Theravāda Vinaya
pli-tv-bu-vb-pc6:0.2	Mahāvibhaṅga
pli-tv-bu-vb-pc6:0.3	Pācittiyakaṇḍa
pli-tv-bu-vb-pc6:0.4	Musāvādavagga
pli-tv-bu-vb-pc6:0.5	6. Dutiyasahaseyyasikkhāpada
pli-tv-bu-vb-pc6:1.0	
pli-tv-bu-vb-pc6:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc6:1.2	Tena kho pana samayena āyasmā anuruddho kosalesu janapade sāvatthiṁ gacchanto sāyaṁ aññataraṁ gāmaṁ upagacchi.
pli-tv-bu-vb-pc6:1.3	Tena kho pana samayena tasmiṁ gāme aññatarissā itthiyā āvasathāgāraṁ paññattaṁ hoti.
pli-tv-bu-vb-pc6:1.4	Atha kho āyasmā anuruddho yena sā itthī tenupasaṅkami; upasaṅkamitvā taṁ itthiṁ etadavoca—“sace te, bhagini, agaru, vaseyyāma ekarattaṁ āvasathāgāre”ti.
pli-tv-bu-vb-pc6:1.5	“Vaseyyātha, bhante”ti.
pli-tv-bu-vb-pc6:1.6	Aññepi addhikā yena sā itthī tenupasaṅkamiṁsu; upasaṅkamitvā taṁ itthiṁ etadavocuṁ—“sace te, ayye, agaru vaseyyāma ekarattaṁ āvasathāgāre”ti.
pli-tv-bu-vb-pc6:1.7	“Eso kho ayyo samaṇo paṭhamaṁ upagato; sace so anujānāti, vaseyyāthā”ti.
pli-tv-bu-vb-pc6:1.8	Atha kho te addhikā yenāyasmā anuruddho tenupasaṅkamiṁsu; upasaṅkamitvā āyasmantaṁ anuruddhaṁ etadavocuṁ—“sace te, bhante, agaru, vaseyyāma ekarattaṁ āvasathāgāre”ti.
pli-tv-bu-vb-pc6:1.9	“Vaseyyātha, āvuso”ti.
pli-tv-bu-vb-pc6:1.10	Atha kho sā itthī āyasmante anuruddhe saha dassanena paṭibaddhacittā ahosi.
pli-tv-bu-vb-pc6:1.11	Atha kho sā itthī yenāyasmā anuruddho tenupasaṅkami; upasaṅkamitvā āyasmantaṁ anuruddhaṁ etadavoca—“ayyo, bhante, imehi manussehi ākiṇṇo na phāsu viharissati.
pli-tv-bu-vb-pc6:1.12	Sādhāhaṁ, bhante, ayyassa mañcakaṁ abbhantaraṁ paññapeyyan”ti.
pli-tv-bu-vb-pc6:1.13	Adhivāsesi kho āyasmā anuruddho tuṇhībhāvena.
pli-tv-bu-vb-pc6:1.14	Atha kho sā itthī āyasmato anuruddhassa mañcakaṁ abbhantaraṁ paññapetvā alaṅkatappaṭiyattā gandhagandhinī yenāyasmā anuruddho tenupasaṅkami; upasaṅkamitvā āyasmantaṁ anuruddhaṁ etadavoca—
pli-tv-bu-vb-pc6:1.15	“ayyo, bhante, abhirūpo dassanīyo pāsādiko, ahañcamhi abhirūpā dassanīyā pāsādikā.
pli-tv-bu-vb-pc6:1.16	Sādhāhaṁ, bhante, ayyassa pajāpati bhaveyyan”ti.
pli-tv-bu-vb-pc6:1.17	Evaṁ vutte, āyasmā anuruddho tuṇhī ahosi.
pli-tv-bu-vb-pc6:1.18	Dutiyampi kho …pe…
pli-tv-bu-vb-pc6:1.19	tatiyampi kho sā itthī āyasmantaṁ anuruddhaṁ etadavoca—
pli-tv-bu-vb-pc6:1.20	“ayyo, bhante, abhirūpo dassanīyo pāsādiko, ahañcamhi abhirūpā dassanīyā pāsādikā.
pli-tv-bu-vb-pc6:1.21	Sādhu, bhante, ayyo mañceva paṭicchatu sabbañca sāpateyyan”ti.
pli-tv-bu-vb-pc6:1.22	Tatiyampi kho āyasmā anuruddho tuṇhī ahosi.
pli-tv-bu-vb-pc6:1.23	Atha kho sā itthī sāṭakaṁ nikkhipitvā āyasmato anuruddhassa purato caṅkamatipi tiṭṭhatipi nisīdatipi seyyampi kappeti.
pli-tv-bu-vb-pc6:1.24	Atha kho āyasmā anuruddho indriyāni okkhipitvā taṁ itthiṁ neva olokesi napi ālapi.
pli-tv-bu-vb-pc6:1.25	Atha kho sā itthī—“acchariyaṁ vata bho, abbhutaṁ vata bho.
pli-tv-bu-vb-pc6:1.26	Bahū me manussā satenapi sahassenapi pahiṇanti.
pli-tv-bu-vb-pc6:1.27	Ayaṁ pana samaṇo—mayā sāmaṁ yāciyamāno—na icchati mañceva paṭicchituṁ sabbañca sāpateyyan”ti
pli-tv-bu-vb-pc6:1.28	sāṭakaṁ nivāsetvā āyasmato anuruddhassa pādesu sirasā nipatitvā āyasmantaṁ anuruddhaṁ etadavoca—
pli-tv-bu-vb-pc6:1.29	“accayo maṁ, bhante, accagamā yathābālaṁ yathāmūḷhaṁ yathāakusalaṁ yāhaṁ evamakāsiṁ.
pli-tv-bu-vb-pc6:1.30	Tassā me, bhante, ayyo accayaṁ accayato paṭiggaṇhātu āyatiṁ saṁvarāyā”ti.
pli-tv-bu-vb-pc6:1.31	“Taggha tvaṁ, bhagini, accayo accagamā yathābālaṁ yathāmūḷhaṁ yathāakusalaṁ yā tvaṁ evamakāsi.
pli-tv-bu-vb-pc6:1.32	Yato ca kho tvaṁ, bhagini, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.
pli-tv-bu-vb-pc6:1.33	Vuddhi hesā, bhagini, ariyassa vinaye yo accayaṁ accayato disvā yathādhammaṁ paṭikaroti āyatiñca saṁvaraṁ āpajjatī”ti.
pli-tv-bu-vb-pc6:1.34	Atha kho sā itthī tassā rattiyā accayena āyasmantaṁ anuruddhaṁ paṇītena khādanīyena bhojanīyena sahatthā santappetvā sampavāretvā, āyasmantaṁ anuruddhaṁ bhuttāviṁ onītapattapāṇiṁ abhivādetvā ekamantaṁ nisīdi.
pli-tv-bu-vb-pc6:1.35	Ekamantaṁ nisinnaṁ kho taṁ itthiṁ āyasmā anuruddho dhammiyā kathāya sandassesi samādapesi samuttejesi sampahaṁsesi.
pli-tv-bu-vb-pc6:1.36	Atha kho sā itthī—āyasmatā anuruddhena dhammiyā kathāya sandassitā samādapitā samuttejitā sampahaṁsitā—āyasmantaṁ anuruddhaṁ etadavoca—
pli-tv-bu-vb-pc6:1.37	“abhikkantaṁ, bhante, abhikkantaṁ, bhante.
pli-tv-bu-vb-pc6:1.38	Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—‘cakkhumanto rūpāni dakkhantī’ti;
pli-tv-bu-vb-pc6:1.39	evamevaṁ ayyena anuruddhena anekapariyāyena dhammo pakāsito.
pli-tv-bu-vb-pc6:1.40	Esāhaṁ, bhante, taṁ bhagavantaṁ saraṇaṁ gacchāmi dhammañca bhikkhusaṅghañca.
pli-tv-bu-vb-pc6:1.41	Upāsikaṁ maṁ ayyo dhāretu ajjatagge pāṇupetaṁ saraṇaṁ gatan”ti.
pli-tv-bu-vb-pc6:1.42	Atha kho āyasmā anuruddho sāvatthiṁ gantvā bhikkhūnaṁ etamatthaṁ ārocesi.
pli-tv-bu-vb-pc6:1.43	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc6:1.44	“kathañhi nāma āyasmā anuruddho mātugāmena sahaseyyaṁ kappessatī”ti.
pli-tv-bu-vb-pc6:1.45	Atha kho te bhikkhū āyasmantaṁ anuruddhaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc6:1.46	“saccaṁ kira tvaṁ, anuruddha, mātugāmena sahaseyyaṁ kappesī”ti?
pli-tv-bu-vb-pc6:1.47	“Saccaṁ, bhagavā”ti.
pli-tv-bu-vb-pc6:1.48	Vigarahi buddho bhagavā …pe… kathañhi nāma tvaṁ, anuruddha, mātugāmena sahaseyyaṁ kappessasi.
pli-tv-bu-vb-pc6:1.49	Netaṁ, anuruddha, appasannānaṁ vā pasādāya …pe…
pli-tv-bu-vb-pc6:1.50	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc6:1.51.0	
pli-tv-bu-vb-pc6:1.51.1	“Yo pana bhikkhu mātugāmena sahaseyyaṁ kappeyya pācittiyan”ti.
pli-tv-bu-vb-pc6:2.1.0	
pli-tv-bu-vb-pc6:2.1.1	Yo panāti
pli-tv-bu-vb-pc6:2.1.2	yo yādiso …pe…
pli-tv-bu-vb-pc6:2.1.3	bhikkhūti
pli-tv-bu-vb-pc6:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc6:2.1.5	Mātugāmo nāma
pli-tv-bu-vb-pc6:2.1.6	manussitthī, na yakkhī, na petī, na tiracchānagatā; antamaso tadahujātāpi dārikā, pageva mahattarī.
pli-tv-bu-vb-pc6:2.1.7	Sahāti
pli-tv-bu-vb-pc6:2.1.8	ekato.
pli-tv-bu-vb-pc6:2.1.9	Seyyā nāma
pli-tv-bu-vb-pc6:2.1.10	sabbacchannā, sabbaparicchannā, yebhuyyenacchannā, yebhuyyena paricchannā.
pli-tv-bu-vb-pc6:2.1.11	Seyyaṁ kappeyyāti
pli-tv-bu-vb-pc6:2.1.12	atthaṅgate sūriye—
pli-tv-bu-vb-pc6:2.1.13	Mātugāme nipanne bhikkhu nipajjati, āpatti pācittiyassa.
pli-tv-bu-vb-pc6:2.1.14	Bhikkhu nipanne mātugāmo nipajjati, āpatti pācittiyassa.
pli-tv-bu-vb-pc6:2.1.15	Ubho vā nipajjanti, āpatti pācittiyassa.
pli-tv-bu-vb-pc6:2.1.16	Uṭṭhahitvā punappunaṁ nipajjanti, āpatti pācittiyassa.
pli-tv-bu-vb-pc6:2.2.0	
pli-tv-bu-vb-pc6:2.2.1	Mātugāme mātugāmasaññī sahaseyyaṁ kappeti, āpatti pācittiyassa.
pli-tv-bu-vb-pc6:2.2.2	Mātugāme vematiko sahaseyyaṁ kappeti, āpatti pācittiyassa.
pli-tv-bu-vb-pc6:2.2.3	Mātugāme amātugāmasaññī sahaseyyaṁ kappeti, āpatti pācittiyassa.
pli-tv-bu-vb-pc6:2.2.4	Upaḍḍhacchanne upaḍḍhaparicchanne, āpatti dukkaṭassa.
pli-tv-bu-vb-pc6:2.2.5	Yakkhiyā vā petiyā vā paṇḍakena vā tiracchānagatitthiyā vā sahaseyyaṁ kappeti, āpatti dukkaṭassa.
pli-tv-bu-vb-pc6:2.2.6	Amātugāme mātugāmasaññī, āpatti dukkaṭassa.
pli-tv-bu-vb-pc6:2.2.7	Amātugāme vematiko, āpatti dukkaṭassa.
pli-tv-bu-vb-pc6:2.2.8	Amātugāme amātugāmasaññī, anāpatti.
pli-tv-bu-vb-pc6:2.3.0	
pli-tv-bu-vb-pc6:2.3.1	Anāpatti—
pli-tv-bu-vb-pc6:2.3.2	sabbacchanne sabbaaparicchanne,
pli-tv-bu-vb-pc6:2.3.3	sabbaparicchanne sabbaacchanne,
pli-tv-bu-vb-pc6:2.3.4	yebhuyyena acchanne,
pli-tv-bu-vb-pc6:2.3.5	yebhuyyena aparicchanne,
pli-tv-bu-vb-pc6:2.3.6	mātugāme nipanne bhikkhu nisīdati,
pli-tv-bu-vb-pc6:2.3.7	bhikkhu nipanne mātugāmo nisīdati,
pli-tv-bu-vb-pc6:2.3.8	ubho vā nisīdanti,
pli-tv-bu-vb-pc6:2.3.9	ummattakassa,
pli-tv-bu-vb-pc6:2.3.10	ādikammikassāti.
pli-tv-bu-vb-pc6:2.3.11	Dutiyasahaseyyasikkhāpadaṁ niṭṭhitaṁ chaṭṭhaṁ.
pli-tv-bu-vb-pc7:0.1	Theravāda Vinaya
pli-tv-bu-vb-pc7:0.2	Mahāvibhaṅga
pli-tv-bu-vb-pc7:0.3	Pācittiyakaṇḍa
pli-tv-bu-vb-pc7:0.4	Musāvādavagga
pli-tv-bu-vb-pc7:0.5	7. Dhammadesanāsikkhāpada
pli-tv-bu-vb-pc7:1.0.1	
pli-tv-bu-vb-pc7:1.0.2	
pli-tv-bu-vb-pc7:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc7:1.2	Tena kho pana samayena āyasmā udāyī sāvatthiyaṁ kulūpako hoti, bahukāni kulāni upasaṅkamati.
pli-tv-bu-vb-pc7:1.3	Atha kho āyasmā udāyī pubbaṇhasamayaṁ nivāsetvā pattacīvaramādāya yena aññataraṁ kulaṁ tenupasaṅkami.
pli-tv-bu-vb-pc7:1.4	Tena kho pana samayena gharaṇī nivesanadvāre nisinnā hoti, gharasuṇhā āvasathadvāre nisinnā hoti.
pli-tv-bu-vb-pc7:1.5	Atha kho āyasmā udāyī yena gharaṇī tenupasaṅkami; upasaṅkamitvā gharaṇiyā upakaṇṇake dhammaṁ desesi.
pli-tv-bu-vb-pc7:1.6	Atha kho gharasuṇhāya etadahosi—
pli-tv-bu-vb-pc7:1.7	“kiṁ nu kho so samaṇo sassuyā jāro udāhu obhāsatī”ti?
pli-tv-bu-vb-pc7:1.8	Atha kho āyasmā udāyī gharaṇiyā upakaṇṇake dhammaṁ desetvā yena gharasuṇhā tenupasaṅkami; upasaṅkamitvā gharasuṇhāya upakaṇṇake dhammaṁ desesi.
pli-tv-bu-vb-pc7:1.9	Atha kho gharaṇiyā etadahosi—
pli-tv-bu-vb-pc7:1.10	“kiṁ nu kho so samaṇo gharasuṇhāya jāro udāhu obhāsatī”ti?
pli-tv-bu-vb-pc7:1.11	Atha kho āyasmā udāyī gharasuṇhāya upakaṇṇake dhammaṁ desetvā pakkāmi.
pli-tv-bu-vb-pc7:1.12	Atha kho gharaṇī gharasuṇhaṁ etadavoca—
pli-tv-bu-vb-pc7:1.13	“he je, kiṁ te eso samaṇo avocā”ti?
pli-tv-bu-vb-pc7:1.14	“Dhammaṁ me, ayye, desesi”.
pli-tv-bu-vb-pc7:1.15	“Ayyāya pana kiṁ avocā”ti?
pli-tv-bu-vb-pc7:1.16	“Mayhampi dhammaṁ desesī”ti.
pli-tv-bu-vb-pc7:1.17	Tā ujjhāyanti khiyyanti vipācenti—
pli-tv-bu-vb-pc7:1.18	“kathañhi nāma ayyo udāyī upakaṇṇake dhammaṁ desessati.
pli-tv-bu-vb-pc7:1.19	Nanu nāma vissaṭṭhena vivaṭena dhammo desetabbo”ti?
pli-tv-bu-vb-pc7:1.20	Assosuṁ kho bhikkhū tāsaṁ itthīnaṁ ujjhāyantīnaṁ khiyyantīnaṁ vipācentīnaṁ.
pli-tv-bu-vb-pc7:1.21	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc7:1.22	“kathañhi nāma āyasmā udāyī mātugāmassa dhammaṁ desessatī”ti.
pli-tv-bu-vb-pc7:1.23	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc7:1.24	“saccaṁ kira tvaṁ, udāyi, mātugāmassa dhammaṁ desesī”ti?
pli-tv-bu-vb-pc7:1.25	“Saccaṁ, bhagavā”ti.
pli-tv-bu-vb-pc7:1.26	Vigarahi buddho bhagavā …pe…
pli-tv-bu-vb-pc7:1.27	kathañhi nāma tvaṁ, moghapurisa, mātugāmassa dhammaṁ desessasi.
pli-tv-bu-vb-pc7:1.28	Netaṁ moghapurisa, appasannānaṁ vā pasādāya …pe…
pli-tv-bu-vb-pc7:1.29	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc7:1.30.0	
pli-tv-bu-vb-pc7:1.30.1	“Yo pana bhikkhu mātugāmassa dhammaṁ deseyya pācittiyan”ti.
pli-tv-bu-vb-pc7:1.31	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc7:2.0	
pli-tv-bu-vb-pc7:2.1	Tena kho pana samayena upāsikā bhikkhū passitvā etadavocuṁ—
pli-tv-bu-vb-pc7:2.2	“iṅghāyyā, dhammaṁ desethā”ti.
pli-tv-bu-vb-pc7:2.3	“Na, bhaginī, kappati mātugāmassa dhammaṁ desetun”ti.
pli-tv-bu-vb-pc7:2.4	“Iṅghāyyā, chappañcavācāhi dhammaṁ desetha, sakkā ettakenapi dhammo aññātun”ti.
pli-tv-bu-vb-pc7:2.5	“Na, bhaginī, kappati mātugāmassa dhammaṁ desetun”ti.
pli-tv-bu-vb-pc7:2.6	Kukkuccāyantā na desesuṁ.
pli-tv-bu-vb-pc7:2.7	Upāsikā ujjhāyanti khiyyanti vipācenti—
pli-tv-bu-vb-pc7:2.8	“kathañhi nāma, ayyā, amhehi yācīyamānā dhammaṁ na desessantī”ti.
pli-tv-bu-vb-pc7:2.9	Assosuṁ kho bhikkhū tāsaṁ upāsikānaṁ ujjhāyantīnaṁ khiyyantīnaṁ vipācentīnaṁ.
pli-tv-bu-vb-pc7:2.10	Atha kho te bhikkhū bhagavato etamatthaṁ ārocesuṁ.
pli-tv-bu-vb-pc7:2.11	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc7:2.12	“anujānāmi, bhikkhave, mātugāmassa chappañcavācāhi dhammaṁ desetuṁ.
pli-tv-bu-vb-pc7:2.13	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc7:2.14.0	
pli-tv-bu-vb-pc7:2.14.1	“Yo pana bhikkhū mātugāmassa uttarichappañcavācāhi dhammaṁ deseyya, pācittiyan”ti.
pli-tv-bu-vb-pc7:2.15	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc7:3.0	
pli-tv-bu-vb-pc7:3.1	Tena kho pana samayena chabbaggiyā bhikkhū—“bhagavatā anuññātaṁ mātugāmassa chappañcavācāhi dhammaṁ desetun”ti te aviññuṁ purisaviggahaṁ upanisīdāpetvā mātugāmassa uttarichappañcavācāhi dhammaṁ desenti.
pli-tv-bu-vb-pc7:3.2	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc7:3.3	“kathañhi nāma chabbaggiyā bhikkhū aviññuṁ purisaviggahaṁ upanisīdāpetvā mātugāmassa uttarichappañcavācāhi dhammaṁ desessantī”ti.
pli-tv-bu-vb-pc7:3.4	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc7:3.5	“saccaṁ kira tumhe, bhikkhave, aviññuṁ purisaviggahaṁ upanisīdāpetvā mātugāmassa uttarichappañcavācāhi dhammaṁ desethā”ti?
pli-tv-bu-vb-pc7:3.6	“Saccaṁ, bhagavā”ti.
pli-tv-bu-vb-pc7:3.7	Vigarahi buddho bhagavā …pe…
pli-tv-bu-vb-pc7:3.8	kathañhi nāma tumhe, moghapurisā, aviññuṁ purisaviggahaṁ upanisīdāpetvā mātugāmassa uttarichappañcavācāhi dhammaṁ desessatha.
pli-tv-bu-vb-pc7:3.9	Netaṁ, moghapurisā, appasannānaṁ vā pasādāya …pe…
pli-tv-bu-vb-pc7:3.10	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc7:3.11.0	
pli-tv-bu-vb-pc7:3.11.1	“Yo pana bhikkhu mātugāmassa uttarichappañcavācāhi dhammaṁ deseyya, aññatra viññunā purisaviggahena, pācittiyan”ti.
pli-tv-bu-vb-pc7:4.1.0	
pli-tv-bu-vb-pc7:4.1.1	Yo panāti
pli-tv-bu-vb-pc7:4.1.2	yo yādiso …pe…
pli-tv-bu-vb-pc7:4.1.3	bhikkhūti
pli-tv-bu-vb-pc7:4.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc7:4.1.5	Mātugāmo nāma
pli-tv-bu-vb-pc7:4.1.6	manussitthī; na yakkhī na petī na tiracchānagatā; viññū, paṭibalā subhāsitadubbhāsitaṁ duṭṭhullāduṭṭhullaṁ ājānituṁ.
pli-tv-bu-vb-pc7:4.1.7	Uttarichappañcavācāhīti
pli-tv-bu-vb-pc7:4.1.8	atirekachappañcavācāhi.
pli-tv-bu-vb-pc7:4.1.9	Dhammo nāma
pli-tv-bu-vb-pc7:4.1.10	buddhabhāsito, sāvakabhāsito, isibhāsito, devatābhāsito, atthūpasañhito, dhammūpasañhito.
pli-tv-bu-vb-pc7:4.1.11	Deseyyāti
pli-tv-bu-vb-pc7:4.1.12	padena deseti, pade pade āpatti pācittiyassa.
pli-tv-bu-vb-pc7:4.1.13	Akkharāya deseti, akkharakkharāya āpatti pācittiyassa.
pli-tv-bu-vb-pc7:4.1.14	Aññatra viññunā purisaviggahenāti
pli-tv-bu-vb-pc7:4.1.15	ṭhapetvā viññuṁ purisaviggahaṁ.
pli-tv-bu-vb-pc7:4.1.16	Viññū nāma purisaviggaho,
pli-tv-bu-vb-pc7:4.1.17	paṭibalo hoti subhāsitadubbhāsitaṁ duṭṭhullāduṭṭhullaṁ ājānituṁ.
pli-tv-bu-vb-pc7:4.2.0	
pli-tv-bu-vb-pc7:4.2.1	Mātugāme mātugāmasaññī uttarichappañcavācāhi dhammaṁ deseti, aññatra viññunā purisaviggahena, āpatti pācittiyassa.
pli-tv-bu-vb-pc7:4.2.2	Mātugāme vematiko uttarichappañcavācāhi dhammaṁ deseti, aññatra viññunā purisaviggahena, āpatti pācittiyassa.
pli-tv-bu-vb-pc7:4.2.3	Mātugāme amātugāmasaññī uttarichappañcavācāhi dhammaṁ deseti, aññatra viññunā purisaviggahena, āpatti pācittiyassa.
pli-tv-bu-vb-pc7:4.2.4	Yakkhiyā vā petiyā vā paṇḍakassa vā tiracchānagatamanussaviggahitthiyā vā uttarichappañcavācāhi dhammaṁ deseti, aññatra viññunā purisaviggahena, āpatti dukkaṭassa.
pli-tv-bu-vb-pc7:4.2.5	Amātugāme mātugāmasaññī, āpatti dukkaṭassa.
pli-tv-bu-vb-pc7:4.2.6	Amātugāme vematiko, āpatti dukkaṭassa.
pli-tv-bu-vb-pc7:4.2.7	Amātugāme amātugāmasaññī, anāpatti.
pli-tv-bu-vb-pc7:4.3.0	
pli-tv-bu-vb-pc7:4.3.1	Anāpatti—
pli-tv-bu-vb-pc7:4.3.2	viññunā purisaviggahena,
pli-tv-bu-vb-pc7:4.3.3	chappañcavācāhi dhammaṁ deseti,
pli-tv-bu-vb-pc7:4.3.4	ūnakachappañcavācāhi dhammaṁ deseti,
pli-tv-bu-vb-pc7:4.3.5	uṭṭhahitvā puna nisīditvā deseti,
pli-tv-bu-vb-pc7:4.3.6	mātugāmo uṭṭhahitvā puna nisīdati tasmiṁ deseti,
pli-tv-bu-vb-pc7:4.3.7	aññassa mātugāmassa deseti,
pli-tv-bu-vb-pc7:4.3.8	pañhaṁ pucchati,
pli-tv-bu-vb-pc7:4.3.9	pañhaṁ puṭṭho katheti,
pli-tv-bu-vb-pc7:4.3.10	aññassatthāya bhaṇantaṁ mātugāmo suṇāti,
pli-tv-bu-vb-pc7:4.3.11	ummattakassa,
pli-tv-bu-vb-pc7:4.3.12	ādikammikassāti.
pli-tv-bu-vb-pc7:4.3.13	Dhammadesanāsikkhāpadaṁ niṭṭhitaṁ sattamaṁ.
pli-tv-bu-vb-pc8:0.1	Theravāda Vinaya
pli-tv-bu-vb-pc8:0.2	Mahāvibhaṅga
pli-tv-bu-vb-pc8:0.3	Pācittiyakaṇḍa
pli-tv-bu-vb-pc8:0.4	Musāvādavagga
pli-tv-bu-vb-pc8:0.5	8. Bhūtārocanasikkhāpada
pli-tv-bu-vb-pc8:1.1.0	
pli-tv-bu-vb-pc8:1.1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bu-vb-pc8:1.1.2	Tena kho pana samayena sambahulā sandiṭṭhā sambhattā bhikkhū vaggumudāya nadiyā tīre vassaṁ upagacchiṁsu.
pli-tv-bu-vb-pc8:1.1.3	Tena kho pana samayena vajjī dubbhikkhā hoti—dvīhitikā setaṭṭhikā salākāvuttā, na sukarā uñchena paggahena yāpetuṁ.
pli-tv-bu-vb-pc8:1.1.4	Atha kho tesaṁ bhikkhūnaṁ etadahosi—“etarahi kho vajjī dubbhikkhā—dvīhitikā setaṭṭhikā salākāvuttā, na sukarā uñchena paggahena yāpetuṁ. Kena nu kho mayaṁ upāyena samaggā sammodamānā avivadamānā phāsukaṁ vassaṁ vaseyyāma, na ca piṇḍakena kilameyyāmā”ti?
pli-tv-bu-vb-pc8:1.1.5	Ekacce evamāhaṁsu—“handa mayaṁ, āvuso, gihīnaṁ kammantaṁ adhiṭṭhema. Evaṁ te amhākaṁ dātuṁ maññissanti.
pli-tv-bu-vb-pc8:1.1.6	Evaṁ mayaṁ samaggā sammodamānā avivadamānā phāsukaṁ vassaṁ vasissāma, na ca piṇḍakena kilamissāmā”ti.
pli-tv-bu-vb-pc8:1.1.7	Ekacce evamāhaṁsu—“alaṁ, āvuso, kiṁ gihīnaṁ kammantaṁ adhiṭṭhitena?
pli-tv-bu-vb-pc8:1.1.8	Handa mayaṁ, āvuso, gihīnaṁ dūteyyaṁ harāma. Evaṁ te amhākaṁ dātuṁ maññissanti.
pli-tv-bu-vb-pc8:1.1.9	Evaṁ mayaṁ samaggā sammodamānā avivadamānā phāsukaṁ vassaṁ vasissāma, na ca piṇḍakena kilamissāmā”ti.
pli-tv-bu-vb-pc8:1.1.10	Ekacce evamāhaṁsu—“alaṁ, āvuso; kiṁ gihīnaṁ kammantaṁ adhiṭṭhitena. Kiṁ gihīnaṁ dūteyyaṁ haṭena.
pli-tv-bu-vb-pc8:1.1.11	Handa mayaṁ, āvuso, gihīnaṁ aññamaññassa uttarimanussadhammassa vaṇṇaṁ bhāsissāma—
pli-tv-bu-vb-pc8:1.1.12	‘asuko bhikkhu paṭhamassa jhānassa lābhī, asuko bhikkhu dutiyassa jhānassa lābhī, asuko bhikkhu tatiyassa jhānassa lābhī, asuko bhikkhu catutthassa jhānassa lābhī, asuko bhikkhu sotāpanno, asuko bhikkhu sakadāgāmī, asuko bhikkhu anāgāmī, asuko bhikkhu arahā, asuko bhikkhu tevijjo, asuko bhikkhu chaḷabhiñño’ti.
pli-tv-bu-vb-pc8:1.1.13	Evaṁ te amhākaṁ dātuṁ maññissanti.
pli-tv-bu-vb-pc8:1.1.14	Evaṁ mayaṁ samaggā sammodamānā avivadamānā phāsukaṁ vassaṁ vasissāma, na ca piṇḍakena kilamissāmā”ti.
pli-tv-bu-vb-pc8:1.1.15	“Eso yeva kho, āvuso, seyyo, yo amhākaṁ gihīnaṁ aññamaññassa uttarimanussadhammassa vaṇṇo bhāsito”ti.
pli-tv-bu-vb-pc8:1.1.16	Atha kho te bhikkhū gihīnaṁ aññamaññassa uttarimanussadhammassa vaṇṇaṁ bhāsiṁsu—
pli-tv-bu-vb-pc8:1.1.17	“asuko bhikkhu paṭhamassa jhānassa lābhī …pe… asuko bhikkhu chaḷabhiñño”ti.
pli-tv-bu-vb-pc8:1.1.18	Atha kho te manussā—“lābhā vata no, suladdhaṁ vata no, yesaṁ no evarūpā bhikkhū vassaṁ upagatā, na vata no ito pubbe evarūpā bhikkhū vassaṁ upagatā, yathayime bhikkhū sīlavanto kalyāṇadhammā”ti.
pli-tv-bu-vb-pc8:1.1.19	Te na tādisāni bhojanāni attanā bhuñjanti, mātāpitūnaṁ denti puttadārassa denti dāsakammakaraporisassa denti mittāmaccānaṁ denti ñātisālohitānaṁ denti yādisāni bhikkhūnaṁ denti.
pli-tv-bu-vb-pc8:1.1.20	Na tādisāni khādanīyāni sāyanīyāni pānāni attanā khādanti sāyanti pivanti mātāpitūnaṁ denti puttadārassa denti dāsakammakaraporisassa denti mittāmaccānaṁ denti ñātisālohitānaṁ denti, yādisāni bhikkhūnaṁ denti.
pli-tv-bu-vb-pc8:1.1.21	Atha kho te bhikkhū vaṇṇavā ahesuṁ pīṇindriyā pasannamukhavaṇṇā vippasannachavivaṇṇā.
pli-tv-bu-vb-pc8:1.2.1	Āciṇṇaṁ kho panetaṁ vassaṁvuṭṭhānaṁ bhikkhūnaṁ bhagavantaṁ dassanāya upasaṅkamituṁ.
pli-tv-bu-vb-pc8:1.2.2	Atha kho te bhikkhū vassaṁvuṭṭhā temāsaccayena senāsanaṁ saṁsāmetvā pattacīvaramādāya yena vesālī tena pakkamiṁsu.
pli-tv-bu-vb-pc8:1.2.3	Anupubbena yena vesālī mahāvanaṁ kūṭāgārasālā yena bhagavā tenupasaṅkamiṁsu;
pli-tv-bu-vb-pc8:1.2.4	upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-bu-vb-pc8:1.2.5	Tena kho pana samayena disāsu vassaṁvuṭṭhā bhikkhū kisā honti lūkhā dubbaṇṇā uppaṇḍuppaṇḍukajātā dhamanisanthatagattā.
pli-tv-bu-vb-pc8:1.2.6	Vaggumudātīriyā pana bhikkhū vaṇṇavā honti pīṇindriyā pasannamukhavaṇṇā vippasannachavivaṇṇā.
pli-tv-bu-vb-pc8:1.2.7	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-bu-vb-pc8:1.2.8	Atha kho bhagavā vaggumudātīriye bhikkhū etadavoca—
pli-tv-bu-vb-pc8:1.2.9	“kacci, bhikkhave, khamanīyaṁ, kacci yāpanīyaṁ,
pli-tv-bu-vb-pc8:1.2.10	kacci samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā”ti?
pli-tv-bu-vb-pc8:1.2.11	“Khamanīyaṁ, bhagavā, yāpanīyaṁ, bhagavā.
pli-tv-bu-vb-pc8:1.2.12	Samaggā ca mayaṁ, bhante, sammodamānā avivadamānā phāsukaṁ vassaṁ vasimhā, na ca piṇḍakena kilamimhā”ti.
pli-tv-bu-vb-pc8:1.2.13	Jānantāpi tathāgatā pucchanti, jānantāpi na pucchanti.
pli-tv-bu-vb-pc8:1.2.14	Kālaṁ viditvā pucchanti, kālaṁ viditvā na pucchanti.
pli-tv-bu-vb-pc8:1.2.15	Atthasañhitaṁ tathāgatā pucchanti, no anatthasañhitaṁ.
pli-tv-bu-vb-pc8:1.2.16	Anatthasañhite setughāto tathāgatānaṁ.
pli-tv-bu-vb-pc8:1.2.17	Dvīhākārehi buddhā bhagavanto bhikkhū paṭipucchanti—“dhammaṁ vā desessāma, sāvakānaṁ vā sikkhāpadaṁ paññapessāmā”ti.
pli-tv-bu-vb-pc8:1.2.18	Atha kho bhagavā vaggumudātīriye bhikkhū etadavoca—“yathā kathaṁ pana tumhe, bhikkhave, samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā”ti?
pli-tv-bu-vb-pc8:1.2.19	Atha kho te bhikkhū bhagavato etamatthaṁ ārocesuṁ.
pli-tv-bu-vb-pc8:1.2.20	“Kacci pana vo, bhikkhave, bhūtan”ti?
pli-tv-bu-vb-pc8:1.2.21	“Bhūtaṁ, bhagavā”ti.
pli-tv-bu-vb-pc8:1.2.22	Vigarahi buddho bhagavā …pe…
pli-tv-bu-vb-pc8:1.2.23	kathañhi nāma tumhe, bhikkhave, udarassa kāraṇā gihīnaṁ aññamaññassa uttarimanussadhammassa vaṇṇaṁ bhāsissatha.
pli-tv-bu-vb-pc8:1.2.24	Netaṁ, bhikkhave, appasannānaṁ vā pasādāya …pe…
pli-tv-bu-vb-pc8:1.2.25	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc8:1.2.26.0	
pli-tv-bu-vb-pc8:1.2.26.1	“Yo pana bhikkhu anupasampannassa uttarimanussadhammaṁ āroceyya bhūtasmiṁ, pācittiyan”ti.
pli-tv-bu-vb-pc8:2.1.0	
pli-tv-bu-vb-pc8:2.1.1	Yo panāti
pli-tv-bu-vb-pc8:2.1.2	yo yādiso …pe…
pli-tv-bu-vb-pc8:2.1.3	bhikkhūti
pli-tv-bu-vb-pc8:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc8:2.1.5	Anupasampanno nāma
pli-tv-bu-vb-pc8:2.1.6	bhikkhuñca bhikkhuniñca ṭhapetvā, avaseso anupasampanno nāma.
pli-tv-bu-vb-pc8:2.1.7	Uttarimanussadhammo nāma
pli-tv-bu-vb-pc8:2.1.8	jhānaṁ, vimokkho, samādhi, samāpatti, ñāṇadassanaṁ, maggabhāvanā, phalasacchikiriyā, kilesappahānaṁ, vinīvaraṇatā cittassa, suññāgāre abhirati.
pli-tv-bu-vb-pc8:2.1.9.0.1	
pli-tv-bu-vb-pc8:2.1.9.0.2	
pli-tv-bu-vb-pc8:2.1.9.1	Jhānanti
pli-tv-bu-vb-pc8:2.1.10	paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ.
pli-tv-bu-vb-pc8:2.1.11	Vimokkhoti
pli-tv-bu-vb-pc8:2.1.12	suññato vimokkho, animitto vimokkho, appaṇihito vimokkho.
pli-tv-bu-vb-pc8:2.1.13	Samādhīti
pli-tv-bu-vb-pc8:2.1.14	suññato samādhi, animitto samādhi, appaṇihito samādhi.
pli-tv-bu-vb-pc8:2.1.15	Samāpattīti
pli-tv-bu-vb-pc8:2.1.16	suññatā samāpatti, animittā samāpatti, appaṇihitā samāpatti.
pli-tv-bu-vb-pc8:2.1.17	Ñāṇadassananti
pli-tv-bu-vb-pc8:2.1.18	tisso vijjā.
pli-tv-bu-vb-pc8:2.1.19	Maggabhāvanāti
pli-tv-bu-vb-pc8:2.1.20	cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo.
pli-tv-bu-vb-pc8:2.1.21	Phalasacchikiriyāti
pli-tv-bu-vb-pc8:2.1.22	sotāpattiphalassa sacchikiriyā, sakadāgāmiphalassa sacchikiriyā, anāgāmiphalassa sacchikiriyā, arahattassa sacchikiriyā.
pli-tv-bu-vb-pc8:2.1.23	Kilesappahānanti
pli-tv-bu-vb-pc8:2.1.24	rāgassa pahānaṁ, dosassa pahānaṁ, mohassa pahānaṁ.
pli-tv-bu-vb-pc8:2.1.25	Vinīvaraṇatā cittassāti
pli-tv-bu-vb-pc8:2.1.26	rāgā cittaṁ vinīvaraṇatā, dosā cittaṁ vinīvaraṇatā, mohā cittaṁ vinīvaraṇatā.
pli-tv-bu-vb-pc8:2.1.27	Suññāgāre abhiratīti
pli-tv-bu-vb-pc8:2.1.28	paṭhamena jhānena suññāgāre abhirati, dutiyena jhānena suññāgāre abhirati, tatiyena jhānena suññāgāre abhirati, catutthena jhānena suññāgāre abhirati.
pli-tv-bu-vb-pc8:2.2.0.1	
pli-tv-bu-vb-pc8:2.2.0.2	
pli-tv-bu-vb-pc8:2.2.1	Āroceyyāti
pli-tv-bu-vb-pc8:2.2.2	anupasampannassa—“paṭhamaṁ jhānaṁ samāpajjin”ti bhaṇantassa āpatti pācittiyassa.
pli-tv-bu-vb-pc8:2.2.3	Āroceyyāti
pli-tv-bu-vb-pc8:2.2.4	anupasampannassa—“paṭhamaṁ jhānaṁ samāpajjāmī”ti bhaṇantassa āpatti pācittiyassa.
pli-tv-bu-vb-pc8:2.2.5	Āroceyyāti
pli-tv-bu-vb-pc8:2.2.6	anupasampannassa—“paṭhamaṁ jhānaṁ samāpanno”ti bhaṇantassa āpatti pācittiyassa.
pli-tv-bu-vb-pc8:2.2.7	Āroceyyāti
pli-tv-bu-vb-pc8:2.2.8	anupasampannassa—“paṭhamassa jhānassa lābhimhī”ti bhaṇantassa āpatti pācittiyassa.
pli-tv-bu-vb-pc8:2.2.9	Āroceyyāti
pli-tv-bu-vb-pc8:2.2.10	anupasampannassa—“paṭhamassa jhānassa vasimhī”ti bhaṇantassa āpatti pācittiyassa.
pli-tv-bu-vb-pc8:2.2.11	Āroceyyāti
pli-tv-bu-vb-pc8:2.2.12	anupasampannassa—“paṭhamaṁ jhānaṁ sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.2.13.0	
pli-tv-bu-vb-pc8:2.2.13.1	Āroceyyāti
pli-tv-bu-vb-pc8:2.2.14	anupasampannassa— “dutiyaṁ jhānaṁ …pe…
pli-tv-bu-vb-pc8:2.2.15	tatiyaṁ jhānaṁ …
pli-tv-bu-vb-pc8:2.2.16	catutthaṁ jhānaṁ samāpajjiṁ, samāpajjāmi, samāpanno; catutthassa jhānassa lābhimhi, vasimhi; catutthaṁ jhānaṁ sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.2.17	Āroceyyāti
pli-tv-bu-vb-pc8:2.2.18	anupasampannassa— “suññataṁ vimokkhaṁ …pe…
pli-tv-bu-vb-pc8:2.2.19	animittaṁ vimokkhaṁ …
pli-tv-bu-vb-pc8:2.2.20	appaṇihitaṁ vimokkhaṁ …
pli-tv-bu-vb-pc8:2.2.21	suññataṁ samādhiṁ …
pli-tv-bu-vb-pc8:2.2.22	animittaṁ samādhiṁ …
pli-tv-bu-vb-pc8:2.2.23	appaṇihitaṁ samādhiṁ samāpajjiṁ, samāpajjāmi, samāpanno; appaṇihitassa samādhissa lābhimhi, vasimhi; appaṇihito samādhi sacchikato mayā”ti bhaṇantassa āpatti pācittiyassa.
pli-tv-bu-vb-pc8:2.2.24	Āroceyyāti
pli-tv-bu-vb-pc8:2.2.25	anupasampannassa— “suññataṁ samāpattiṁ …pe…
pli-tv-bu-vb-pc8:2.2.26	animittaṁ samāpattiṁ …
pli-tv-bu-vb-pc8:2.2.27	appaṇihitaṁ samāpattiṁ samāpajjiṁ, samāpajjāmi, samāpanno; appaṇihitāya samāpattiyā lābhimhi, vasimhi; appaṇihitā samāpatti sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.2.28	Āroceyyāti
pli-tv-bu-vb-pc8:2.2.29	anupasampannassa— “tisso vijjā samāpajjiṁ, samāpajjāmi, samāpanno; tissannaṁ vijjānaṁ lābhimhi, vasimhi; tisso vijjā sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.2.30	Āroceyyāti
pli-tv-bu-vb-pc8:2.2.31	anupasampannassa— “cattāro satipaṭṭhāne …pe…
pli-tv-bu-vb-pc8:2.2.32	cattāro sammappadhāne …
pli-tv-bu-vb-pc8:2.2.33	cattāro iddhipāde samāpajjiṁ, samāpajjāmi, samāpanno; catunnaṁ iddhipādānaṁ lābhimhi, vasimhi; cattāro iddhipādā sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.2.34	Āroceyyāti
pli-tv-bu-vb-pc8:2.2.35	anupasampannassa— “pañcindriyāni …pe…
pli-tv-bu-vb-pc8:2.2.36	pañca balāni samāpajjiṁ, samāpajjāmi, samāpanno; pañcannaṁ balānaṁ lābhimhi, vasimhi; pañca balāni sacchikatāni mayā”ti bhaṇantassa āpatti pācittiyassa.
pli-tv-bu-vb-pc8:2.2.37	Āroceyyāti
pli-tv-bu-vb-pc8:2.2.38	anupasampannassa— “satta bojjhaṅge samāpajjiṁ, samāpajjāmi, samāpanno; sattannaṁ bojjhaṅgānaṁ lābhimhi, vasimhi; satta bojjhaṅgā sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.2.39	Āroceyyāti
pli-tv-bu-vb-pc8:2.2.40	anupasampannassa— “ariyaṁ aṭṭhaṅgikaṁ maggaṁ samāpajjiṁ, samāpajjāmi, samāpanno; ariyassa aṭṭhaṅgikassa maggassa lābhimhi, vasimhi; ariyo aṭṭhaṅgiko maggo sacchikato mayā”ti bhaṇantassa āpatti pācittiyassa.
pli-tv-bu-vb-pc8:2.2.41	Āroceyyāti
pli-tv-bu-vb-pc8:2.2.42	anupasampannassa— “sotāpattiphalaṁ …pe…
pli-tv-bu-vb-pc8:2.2.43	sakadāgāmiphalaṁ …
pli-tv-bu-vb-pc8:2.2.44	anāgāmiphalaṁ …
pli-tv-bu-vb-pc8:2.2.45	arahattaṁ samāpajjiṁ, samāpajjāmi, samāpanno; arahattassa lābhimhi, vasimhi; arahattaṁ sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.2.46	Āroceyyāti
pli-tv-bu-vb-pc8:2.2.47	anupasampannassa— “rāgo me catto …pe…
pli-tv-bu-vb-pc8:2.2.48	doso me catto …
pli-tv-bu-vb-pc8:2.2.49	moho me catto, vanto, mutto, pahīno, paṭinissaṭṭho, ukkheṭito, samukkheṭito”ti bhaṇantassa āpatti pācittiyassa.
pli-tv-bu-vb-pc8:2.2.50	Āroceyyāti
pli-tv-bu-vb-pc8:2.2.51	anupasampannassa— “rāgā me cittaṁ vinīvaraṇaṁ …pe…
pli-tv-bu-vb-pc8:2.2.52	dosā me cittaṁ vinīvaraṇaṁ …
pli-tv-bu-vb-pc8:2.2.53	mohā me cittaṁ vinīvaraṇan”ti bhaṇantassa āpatti pācittiyassa.
pli-tv-bu-vb-pc8:2.2.54	Āroceyyāti
pli-tv-bu-vb-pc8:2.2.55	anupasampannassa— “suññāgāre paṭhamaṁ jhānaṁ …pe…
pli-tv-bu-vb-pc8:2.2.56	dutiyaṁ jhānaṁ …
pli-tv-bu-vb-pc8:2.2.57	tatiyaṁ jhānaṁ …
pli-tv-bu-vb-pc8:2.2.58	catutthaṁ jhānaṁ samāpajjiṁ, samāpajjāmi, samāpanno; suññāgāre catutthassa jhānassa lābhimhi, vasimhi; suññāgāre catutthaṁ jhānaṁ sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.3.0	
pli-tv-bu-vb-pc8:2.3.1	Āroceyyāti
pli-tv-bu-vb-pc8:2.3.2	anupasampannassa— “paṭhamañca jhānaṁ dutiyañca jhānaṁ samāpajjiṁ, samāpajjāmi, samāpanno; paṭhamassa ca jhānassa dutiyassa ca jhānassa lābhimhi, vasimhi; paṭhamañca jhānaṁ dutiyañca jhānaṁ sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.3.3	Āroceyyāti
pli-tv-bu-vb-pc8:2.3.4	anupasampannassa— “paṭhamañca jhānaṁ tatiyañca jhānaṁ …pe…
pli-tv-bu-vb-pc8:2.3.5	paṭhamañca jhānaṁ catutthañca jhānaṁ samāpajjiṁ, samāpajjāmi, samāpanno; paṭhamassa ca jhānassa catutthassa ca jhānassa lābhimhi, vasimhi; paṭhamañca jhānaṁ catutthañca jhānaṁ sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.3.6	Āroceyyāti
pli-tv-bu-vb-pc8:2.3.7	anupasampannassa— “paṭhamañca jhānaṁ suññatañca vimokkhaṁ …pe…
pli-tv-bu-vb-pc8:2.3.8	animittañca vimokkhaṁ …
pli-tv-bu-vb-pc8:2.3.9	appaṇihitañca vimokkhaṁ …
pli-tv-bu-vb-pc8:2.3.10	suññatañca samādhiṁ …
pli-tv-bu-vb-pc8:2.3.11	animittañca samādhiṁ …
pli-tv-bu-vb-pc8:2.3.12	appaṇihitañca samādhiṁ samāpajjiṁ, samāpajjāmi, samāpanno; paṭhamassa ca jhānassa appaṇihitassa ca samādhissa lābhimhi, vasimhi; paṭhamañca jhānaṁ appaṇihito ca samādhi sacchikato mayā”ti bhaṇantassa āpatti pācittiyassa.
pli-tv-bu-vb-pc8:2.3.13	Āroceyyāti
pli-tv-bu-vb-pc8:2.3.14	anupasampannassa— “paṭhamañca jhānaṁ suññatañca samāpattiṁ …pe…
pli-tv-bu-vb-pc8:2.3.15	animittañca samāpattiṁ …
pli-tv-bu-vb-pc8:2.3.16	appaṇihitañca samāpattiṁ samāpajjiṁ, samāpajjāmi, samāpanno; paṭhamassa ca jhānassa appaṇihitāya ca samāpattiyā lābhimhi, vasimhi; paṭhamañca jhānaṁ appaṇihitā ca samāpatti sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.3.17	Āroceyyāti
pli-tv-bu-vb-pc8:2.3.18	anupasampannassa— “paṭhamañca jhānaṁ tisso ca vijjā samāpajjiṁ, samāpajjāmi, samāpanno; paṭhamassa ca jhānassa tissannañca vijjānaṁ lābhimhi, vasimhi; paṭhamañca jhānaṁ tisso ca vijjā sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.3.19	Āroceyyāti
pli-tv-bu-vb-pc8:2.3.20	anupasampannassa— “paṭhamañca jhānaṁ cattāro ca satipaṭṭhāne …pe…
pli-tv-bu-vb-pc8:2.3.21	cattāro ca sammappadhāne …
pli-tv-bu-vb-pc8:2.3.22	cattāro ca iddhipāde samāpajjiṁ, samāpajjāmi, samāpanno; paṭhamassa ca jhānassa catunnañca iddhipādānaṁ lābhimhi, vasimhi; paṭhamañca jhānaṁ cattāro ca iddhipādā sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.3.23	Āroceyyāti
pli-tv-bu-vb-pc8:2.3.24	anupasampannassa— “paṭhamañca jhānaṁ, pañca ca indriyāni …pe…
pli-tv-bu-vb-pc8:2.3.25	pañca ca balāni samāpajjiṁ, samāpajjāmi, samāpanno; paṭhamassa ca jhānassa pañcannañca balānaṁ lābhimhi, vasimhi; paṭhamañca jhānaṁ pañca ca balāni sacchikatāni mayā”ti bhaṇantassa āpatti pācittiyassa.
pli-tv-bu-vb-pc8:2.3.26	Āroceyyāti
pli-tv-bu-vb-pc8:2.3.27	anupasampannassa— “paṭhamañca jhānaṁ satta ca bojjhaṅge samāpajjiṁ, samāpajjāmi, samāpanno; paṭhamassa ca jhānassa sattannañca bojjhaṅgānaṁ lābhimhi, vasimhi; paṭhamañca jhānaṁ satta ca bojjhaṅgā sacchikatā mayā”ti bhaṇantassa āpatti pācittiyassa.
pli-tv-bu-vb-pc8:2.3.28	Āroceyyāti
pli-tv-bu-vb-pc8:2.3.29	anupasampannassa— “paṭhamañca jhānaṁ ariyañca aṭṭhaṅgikaṁ maggaṁ samāpajjiṁ, samāpajjāmi, samāpanno; paṭhamassa ca jhānassa ariyassa ca aṭṭhaṅgikassa maggassa lābhimhi, vasimhi; paṭhamañca jhānaṁ ariyo ca aṭṭhaṅgiko maggo sacchikato mayā”ti bhaṇantassa āpatti pācittiyassa.
pli-tv-bu-vb-pc8:2.3.30	Āroceyyāti
pli-tv-bu-vb-pc8:2.3.31	anupasampannassa— “paṭhamañca jhānaṁ sotāpattiphalañca …pe…
pli-tv-bu-vb-pc8:2.3.32	sakadāgāmiphalañca …
pli-tv-bu-vb-pc8:2.3.33	anāgāmiphalañca …
pli-tv-bu-vb-pc8:2.3.34	arahattañca samāpajjiṁ, samāpajjāmi, samāpanno; paṭhamassa ca jhānassa arahattassa ca lābhimhi, vasimhi; paṭhamañca jhānaṁ arahattañca sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.3.35	Āroceyyāti
pli-tv-bu-vb-pc8:2.3.36	anupasampannassa— “paṭhamañca jhānaṁ samāpajjiṁ, samāpajjāmi, samāpanno …pe… rāgo ca me catto …
pli-tv-bu-vb-pc8:2.3.37	doso ca me catto …
pli-tv-bu-vb-pc8:2.3.38	moho ca me catto, vanto, mutto, pahīno, paṭinissaṭṭho, ukkheṭito, samukkheṭito”ti bhaṇantassa āpatti pācittiyassa.
pli-tv-bu-vb-pc8:2.3.39	Āroceyyāti
pli-tv-bu-vb-pc8:2.3.40	anupasampannassa— “paṭhamañca jhānaṁ samāpajjiṁ, samāpajjāmi, samāpanno …pe… rāgā ca me cittaṁ vinīvaraṇaṁ …
pli-tv-bu-vb-pc8:2.3.41	dosā ca me cittaṁ vinīvaraṇaṁ …
pli-tv-bu-vb-pc8:2.3.42	mohā ca me cittaṁ vinīvaraṇan”ti bhaṇantassa āpatti pācittiyassa.
pli-tv-bu-vb-pc8:2.3.43	Āroceyyāti
pli-tv-bu-vb-pc8:2.3.44	anupasampannassa— “dutiyañca jhānaṁ tatiyañca jhānaṁ …pe…
pli-tv-bu-vb-pc8:2.3.45	dutiyañca jhānaṁ catutthañca jhānaṁ samāpajjiṁ, samāpajjāmi, samāpanno; dutiyassa ca jhānassa catutthassa ca jhānassa lābhimhi, vasimhi; dutiyañca jhānaṁ catutthañca jhānaṁ sacchikataṁ mayā”ti bhaṇantassa āpatti pācittiyassa.
pli-tv-bu-vb-pc8:2.3.46	Āroceyyāti
pli-tv-bu-vb-pc8:2.3.47	anupasampannassa— “dutiyañca jhānaṁ suññatañca vimokkhaṁ …pe… mohā ca me cittaṁ vinīvaraṇan”ti bhaṇantassa āpatti pācittiyassa.
pli-tv-bu-vb-pc8:2.3.48	Āroceyyāti
pli-tv-bu-vb-pc8:2.3.49	anupasampannassa— “dutiyañca jhānaṁ paṭhamañca jhānaṁ samāpajjiṁ, samāpajjāmi, samāpanno; dutiyassa ca jhānassa paṭhamassa ca jhānassa lābhimhi, vasimhi; dutiyañca jhānaṁ paṭhamañca jhānaṁ sacchikataṁ mayā”ti bhaṇantassa āpatti pācittiyassa …pe….
pli-tv-bu-vb-pc8:2.3.50	Mūlaṁ saṅkhittaṁ.
pli-tv-bu-vb-pc8:2.3.51	Āroceyyāti
pli-tv-bu-vb-pc8:2.3.52	anupasampannassa— “mohā ca me cittaṁ vinīvaraṇaṁ, paṭhamañca jhānaṁ samāpajjiṁ, samāpajjāmi, samāpanno; mohā ca me cittaṁ vinīvaraṇaṁ, paṭhamassa ca jhānassa lābhimhi, vasimhi; mohā ca me cittaṁ vinīvaraṇaṁ, paṭhamañca jhānaṁ sacchikataṁ mayā”ti bhaṇantassa āpatti pācittiyassa …pe….
pli-tv-bu-vb-pc8:2.3.53	Āroceyyāti
pli-tv-bu-vb-pc8:2.3.54	anupasampannassa— “mohā ca me cittaṁ vinīvaraṇaṁ, dosā ca me cittaṁ vinīvaraṇan”ti bhaṇantassa āpatti pācittiyassa …pe….
pli-tv-bu-vb-pc8:2.3.55.0	
pli-tv-bu-vb-pc8:2.3.55.1	Āroceyyāti
pli-tv-bu-vb-pc8:2.3.56	anupasampannassa— “paṭhamañca jhānaṁ dutiyañca jhānaṁ tatiyañca jhānaṁ catutthañca jhānaṁ suññatañca vimokkhaṁ animittañca vimokkhaṁ appaṇihitañca vimokkhaṁ suññatañca samādhiṁ animittañca samādhiṁ appaṇihitañca samādhiṁ suññatañca samāpattiṁ animittañca samāpattiṁ appaṇihitañca samāpattiṁ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṁ maggaṁ sotāpattiphalañca sakadāgāmiphalañca anāgāmiphalañca arahattañca samāpajjiṁ …pe…
pli-tv-bu-vb-pc8:2.3.57	rāgo ca me catto, doso ca me catto, moho ca me catto, vanto, mutto, pahīno, paṭinissaṭṭho, ukkheṭito samukkheṭito, rāgā ca me cittaṁ vinīvaraṇaṁ, dosā ca me cittaṁ vinīvaraṇaṁ, mohā ca me cittaṁ vinīvaraṇan”ti bhaṇantassa āpatti pācittiyassa.
pli-tv-bu-vb-pc8:2.4.0	
pli-tv-bu-vb-pc8:2.4.1	Āroceyyāti
pli-tv-bu-vb-pc8:2.4.2	anupasampannassa— “paṭhamaṁ jhānaṁ samāpajjin”ti vattukāmo—“dutiyaṁ jhānaṁ samāpajjin”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa.
pli-tv-bu-vb-pc8:2.4.3	Āroceyyāti
pli-tv-bu-vb-pc8:2.4.4	anupasampannassa— “paṭhamaṁ jhānaṁ samāpajjin”ti vattukāmo—“tatiyaṁ jhānaṁ …pe…
pli-tv-bu-vb-pc8:2.4.5	catutthaṁ jhānaṁ,
pli-tv-bu-vb-pc8:2.4.6	suññataṁ vimokkhaṁ,
pli-tv-bu-vb-pc8:2.4.7	animittaṁ vimokkhaṁ,
pli-tv-bu-vb-pc8:2.4.8	appaṇihitaṁ vimokkhaṁ,
pli-tv-bu-vb-pc8:2.4.9	suññataṁ samādhiṁ,
pli-tv-bu-vb-pc8:2.4.10	animittaṁ samādhiṁ,
pli-tv-bu-vb-pc8:2.4.11	appaṇihitaṁ samādhiṁ,
pli-tv-bu-vb-pc8:2.4.12	suññataṁ samāpattiṁ,
pli-tv-bu-vb-pc8:2.4.13	animittaṁ samāpattiṁ,
pli-tv-bu-vb-pc8:2.4.14	appaṇihitaṁ samāpattiṁ,
pli-tv-bu-vb-pc8:2.4.15	tisso vijjā,
pli-tv-bu-vb-pc8:2.4.16	cattāro satipaṭṭhāne,
pli-tv-bu-vb-pc8:2.4.17	cattāro sammappadhāne,
pli-tv-bu-vb-pc8:2.4.18	cattāro iddhipāde,
pli-tv-bu-vb-pc8:2.4.19	pañcindriyāni,
pli-tv-bu-vb-pc8:2.4.20	pañca balāni,
pli-tv-bu-vb-pc8:2.4.21	satta bojjhaṅge,
pli-tv-bu-vb-pc8:2.4.22	ariyaṁ aṭṭhaṅgikaṁ maggaṁ,
pli-tv-bu-vb-pc8:2.4.23	sotāpattiphalaṁ,
pli-tv-bu-vb-pc8:2.4.24	sakadāgāmiphalaṁ,
pli-tv-bu-vb-pc8:2.4.25	anāgāmiphalaṁ,
pli-tv-bu-vb-pc8:2.4.26	arahattaṁ samāpajjiṁ …pe…
pli-tv-bu-vb-pc8:2.4.27	rāgo me catto,
pli-tv-bu-vb-pc8:2.4.28	doso me catto,
pli-tv-bu-vb-pc8:2.4.29	moho me catto, vanto, mutto, pahīno; paṭinissaṭṭho, ukkheṭito, samukkheṭito;
pli-tv-bu-vb-pc8:2.4.30	rāgā me cittaṁ vinīvaraṇaṁ,
pli-tv-bu-vb-pc8:2.4.31	dosā me cittaṁ vinīvaraṇaṁ,
pli-tv-bu-vb-pc8:2.4.32	mohā me cittaṁ vinīvaraṇan”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa.
pli-tv-bu-vb-pc8:2.4.33	Āroceyyāti
pli-tv-bu-vb-pc8:2.4.34	anupasampannassa— “dutiyaṁ jhānaṁ samāpajjin”ti vattukāmo …pe…
pli-tv-bu-vb-pc8:2.4.35	“mohā me cittaṁ vinīvaraṇan”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa …pe….
pli-tv-bu-vb-pc8:2.4.36	Āroceyyāti
pli-tv-bu-vb-pc8:2.4.37	anupasampannassa— “dutiyaṁ jhānaṁ samāpajjin”ti vattukāmo—“paṭhamaṁ jhānaṁ samāpajjin”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa …pe….
pli-tv-bu-vb-pc8:2.4.38	Mūlaṁ saṅkhittaṁ.
pli-tv-bu-vb-pc8:2.4.39	Āroceyyāti
pli-tv-bu-vb-pc8:2.4.40	anupasampannassa— “mohā me cittaṁ vinīvaraṇan”ti vattukāmo—“paṭhamaṁ jhānaṁ samāpajjin”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa …pe….
pli-tv-bu-vb-pc8:2.4.41	Āroceyyāti
pli-tv-bu-vb-pc8:2.4.42	anupasampannassa— “mohā me cittaṁ vinīvaraṇan”ti vattukāmo—“dosā me cittaṁ vinīvaraṇan”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa …pe….
pli-tv-bu-vb-pc8:2.4.43	Āroceyyāti
pli-tv-bu-vb-pc8:2.4.44	anupasampannassa— “paṭhamañca jhānaṁ dutiyañca jhānaṁ tatiyañca jhānaṁ catutthañca jhānaṁ …pe… dosā ca me cittaṁ vinīvaraṇan”ti vattukāmo—“mohā me cittaṁ vinīvaraṇan”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa.
pli-tv-bu-vb-pc8:2.4.45	Āroceyyāti
pli-tv-bu-vb-pc8:2.4.46	anupasampannassa— “dutiyañca jhānaṁ tatiyañca jhānaṁ catutthañca jhānaṁ …pe… mohā ca me cittaṁ vinīvaraṇan”ti vattukāmo—“paṭhamaṁ jhānaṁ samāpajjin”ti bhaṇantassa paṭivijānantassa āpatti pācittiyassa, na paṭivijānantassa āpatti dukkaṭassa …pe….
pli-tv-bu-vb-pc8:2.5.0	
pli-tv-bu-vb-pc8:2.5.1	Āroceyyāti
pli-tv-bu-vb-pc8:2.5.2	anupasampannassa— “yo te vihāre vasi so bhikkhu paṭhamaṁ jhānaṁ samāpajji, samāpajjati, samāpanno; so bhikkhu paṭhamassa jhānassa lābhī, vasī; tena bhikkhunā paṭhamaṁ jhānaṁ sacchikatan”ti bhaṇantassa āpatti dukkaṭassa.
pli-tv-bu-vb-pc8:2.5.3	Āroceyyāti
pli-tv-bu-vb-pc8:2.5.4	anupasampannassa— “yo te vihāre vasi so bhikkhu dutiyaṁ jhānaṁ …pe…
pli-tv-bu-vb-pc8:2.5.5	tatiyaṁ jhānaṁ …
pli-tv-bu-vb-pc8:2.5.6	catutthaṁ jhānaṁ samāpajji, samāpajjati, samāpanno; so bhikkhu catutthassa jhānassa lābhī, vasī; tena bhikkhunā catutthaṁ jhānaṁ sacchikatan”ti bhaṇantassa āpatti dukkaṭassa.
pli-tv-bu-vb-pc8:2.5.7	Āroceyyāti
pli-tv-bu-vb-pc8:2.5.8	anupasampannassa— “yo te vihāre vasi so bhikkhu suññataṁ vimokkhaṁ …pe…
pli-tv-bu-vb-pc8:2.5.9	animittaṁ vimokkhaṁ
pli-tv-bu-vb-pc8:2.5.10	appaṇihitaṁ vimokkhaṁ
pli-tv-bu-vb-pc8:2.5.11	suññataṁ samādhiṁ
pli-tv-bu-vb-pc8:2.5.12	animittaṁ samādhiṁ
pli-tv-bu-vb-pc8:2.5.13	appaṇihitaṁ samādhiṁ samāpajji, samāpajjati, samāpanno; so bhikkhu appaṇihitassa samādhissa lābhī, vasī; tena bhikkhunā appaṇihito samādhi sacchikato”ti bhaṇantassa āpatti dukkaṭassa.
pli-tv-bu-vb-pc8:2.5.14	Āroceyyāti
pli-tv-bu-vb-pc8:2.5.15	anupasampannassa— “yo te vihāre vasi so bhikkhu suññataṁ samāpattiṁ …pe…
pli-tv-bu-vb-pc8:2.5.16	animittaṁ samāpattiṁ
pli-tv-bu-vb-pc8:2.5.17	appaṇihitaṁ samāpattiṁ samāpajji, samāpajjati, samāpanno; appaṇihitāya samāpattiyā lābhī, vasī; tena bhikkhunā appaṇihitā samāpatti sacchikatā”ti bhaṇantassa āpatti dukkaṭassa.
pli-tv-bu-vb-pc8:2.5.18	Āroceyyāti
pli-tv-bu-vb-pc8:2.5.19	anupasampannassa— “yo te vihāre vasi so bhikkhu tisso vijjā …pe…
pli-tv-bu-vb-pc8:2.5.20	cattāro satipaṭṭhāne,
pli-tv-bu-vb-pc8:2.5.21	cattāro sammappadhāne,
pli-tv-bu-vb-pc8:2.5.22	cattāro iddhipāde,
pli-tv-bu-vb-pc8:2.5.23	pañcindriyāni,
pli-tv-bu-vb-pc8:2.5.24	pañca balāni,
pli-tv-bu-vb-pc8:2.5.25	satta bojjhaṅge,
pli-tv-bu-vb-pc8:2.5.26	ariyaṁ aṭṭhaṅgikaṁ maggaṁ,
pli-tv-bu-vb-pc8:2.5.27	sotāpattiphalaṁ,
pli-tv-bu-vb-pc8:2.5.28	sakadāgāmiphalaṁ,
pli-tv-bu-vb-pc8:2.5.29	anāgāmiphalaṁ,
pli-tv-bu-vb-pc8:2.5.30	arahattaṁ samāpajji … samāpajjati, samāpanno …pe…
pli-tv-bu-vb-pc8:2.5.31	tassa bhikkhuno rāgo catto,
pli-tv-bu-vb-pc8:2.5.32	doso catto,
pli-tv-bu-vb-pc8:2.5.33	moho catto, vanto, mutto, pahīno, paṭinissaṭṭho, ukkheṭito, samukkheṭito;
pli-tv-bu-vb-pc8:2.5.34	tassa bhikkhuno rāgā cittaṁ vinīvaraṇaṁ,
pli-tv-bu-vb-pc8:2.5.35	dosā cittaṁ vinīvaraṇaṁ,
pli-tv-bu-vb-pc8:2.5.36	mohā cittaṁ vinīvaraṇan”ti bhaṇantassa āpatti dukkaṭassa.
pli-tv-bu-vb-pc8:2.5.37	Āroceyyāti
pli-tv-bu-vb-pc8:2.5.38	anupasampannassa— “yo te vihāre vasi so bhikkhu suññāgāre paṭhamaṁ jhānaṁ …pe…
pli-tv-bu-vb-pc8:2.5.39	dutiyaṁ jhānaṁ tatiyaṁ jhānaṁ catutthaṁ jhānaṁ samāpajji,
pli-tv-bu-vb-pc8:2.5.40	samāpajjati,
pli-tv-bu-vb-pc8:2.5.41	samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṁ jhānaṁ sacchikatan”ti bhaṇantassa āpatti dukkaṭassa.
pli-tv-bu-vb-pc8:2.5.42	Āroceyyāti
pli-tv-bu-vb-pc8:2.5.43	anupasampannassa— “yo te cīvaraṁ paribhuñji,
pli-tv-bu-vb-pc8:2.5.44	yo te piṇḍapātaṁ paribhuñji,
pli-tv-bu-vb-pc8:2.5.45	yo te senāsanaṁ paribhuñji,
pli-tv-bu-vb-pc8:2.5.46	yo te gilānappaccayabhesajjaparikkhāraṁ paribhuñji so bhikkhu suññāgāre catutthaṁ jhānaṁ samāpajji, samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṁ jhānaṁ sacchikatan”ti bhaṇantassa āpatti dukkaṭassa.
pli-tv-bu-vb-pc8:2.5.47	Āroceyyāti
pli-tv-bu-vb-pc8:2.5.48	anupasampannassa— “yena te vihāro paribhutto …pe…
pli-tv-bu-vb-pc8:2.5.49	yena te cīvaraṁ paribhuttaṁ,
pli-tv-bu-vb-pc8:2.5.50	yena te piṇḍapāto paribhutto,
pli-tv-bu-vb-pc8:2.5.51	yena te senāsanaṁ paribhuttaṁ,
pli-tv-bu-vb-pc8:2.5.52	yena te gilānappaccayabhesajjaparikkhāro paribhutto so bhikkhu suññāgāre catutthaṁ jhānaṁ samāpajji, samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṁ jhānaṁ sacchikatan”ti bhaṇantassa āpatti dukkaṭassa.
pli-tv-bu-vb-pc8:2.5.53	Āroceyyāti
pli-tv-bu-vb-pc8:2.5.54	anupasampannassa— “yaṁ tvaṁ āgamma vihāraṁ adāsi …pe…
pli-tv-bu-vb-pc8:2.5.55	cīvaraṁ adāsi,
pli-tv-bu-vb-pc8:2.5.56	piṇḍapātaṁ adāsi,
pli-tv-bu-vb-pc8:2.5.57	senāsanaṁ adāsi,
pli-tv-bu-vb-pc8:2.5.58	gilānappaccayabhesajjaparikkhāraṁ adāsi so bhikkhu suññāgāre catutthaṁ jhānaṁ samāpajji,
pli-tv-bu-vb-pc8:2.5.59	samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṁ jhānaṁ sacchikatan”ti bhaṇantassa āpatti dukkaṭassa.
pli-tv-bu-vb-pc8:2.6.0	
pli-tv-bu-vb-pc8:2.6.1	Anāpatti—
pli-tv-bu-vb-pc8:2.6.2	upasampannassa, bhūtaṁ āroceti,
pli-tv-bu-vb-pc8:2.6.3	ādikammikassāti.
pli-tv-bu-vb-pc8:2.6.4	Bhūtārocanasikkhāpadaṁ niṭṭhitaṁ aṭṭhamaṁ.
pli-tv-bu-vb-pc9:0.1	Theravāda Vinaya
pli-tv-bu-vb-pc9:0.2	Mahāvibhaṅga
pli-tv-bu-vb-pc9:0.3	Pācittiyakaṇḍa
pli-tv-bu-vb-pc9:0.4	Musāvādavagga
pli-tv-bu-vb-pc9:0.5	9. Duṭṭhullārocanasikkhāpada
pli-tv-bu-vb-pc9:1.0	
pli-tv-bu-vb-pc9:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc9:1.2	Tena kho pana samayena āyasmā upanando sakyaputto chabbaggiyehi bhikkhūhi saddhiṁ bhaṇḍanakato hoti.
pli-tv-bu-vb-pc9:1.3	So sañcetanikaṁ sukkavissaṭṭhiṁ āpattiṁ āpajjitvā saṅghaṁ tassā āpattiyā parivāsaṁ yāci.
pli-tv-bu-vb-pc9:1.4	Tassa saṅgho tassā āpattiyā parivāsaṁ adāsi.
pli-tv-bu-vb-pc9:1.5	Tena kho pana samayena sāvatthiyaṁ aññatarassa pūgassa saṅghabhattaṁ hoti.
pli-tv-bu-vb-pc9:1.6	So parivasanto bhattagge āsanapariyante nisīdi.
pli-tv-bu-vb-pc9:1.7	Chabbaggiyā bhikkhū te upāsake etadavocuṁ—
pli-tv-bu-vb-pc9:1.8	“eso, āvuso, āyasmā upanando sakyaputto tumhākaṁ sambhāvito kulūpako; yeneva hatthena saddhādeyyaṁ bhuñjati teneva hatthena upakkamitvā asuciṁ mocesi.
pli-tv-bu-vb-pc9:1.9	So sañcetanikaṁ sukkavissaṭṭhiṁ āpattiṁ āpajjitvā saṅghaṁ tassā āpattiyā parivāsaṁ yāci.
pli-tv-bu-vb-pc9:1.10	Tassa saṅgho tassā āpattiyā parivāsaṁ adāsi.
pli-tv-bu-vb-pc9:1.11	So parivasanto āsanapariyante nisinno”ti.
pli-tv-bu-vb-pc9:1.12	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc9:1.13	“kathañhi nāma chabbaggiyā bhikkhū bhikkhussa duṭṭhullaṁ āpattiṁ anupasampannassa ārocessantī”ti …pe…
pli-tv-bu-vb-pc9:1.14	“saccaṁ kira tumhe, bhikkhave, bhikkhussa duṭṭhullaṁ āpattiṁ anupasampannassa ārocethā”ti?
pli-tv-bu-vb-pc9:1.15	“Saccaṁ, bhagavā”ti.
pli-tv-bu-vb-pc9:1.16	Vigarahi buddho bhagavā …pe…
pli-tv-bu-vb-pc9:1.17	kathañhi nāma tumhe, moghapurisā, bhikkhussa duṭṭhullaṁ āpattiṁ anupasampannassa ārocessatha.
pli-tv-bu-vb-pc9:1.18	Netaṁ, moghapurisā, appasannānaṁ vā pasādāya …pe…
pli-tv-bu-vb-pc9:1.19	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc9:1.20.0	
pli-tv-bu-vb-pc9:1.20.1	“Yo pana bhikkhu bhikkhussa duṭṭhullaṁ āpattiṁ anupasampannassa āroceyya, aññatra bhikkhusammutiyā, pācittiyan”ti.
pli-tv-bu-vb-pc9:2.1.0	
pli-tv-bu-vb-pc9:2.1.1	Yo panāti
pli-tv-bu-vb-pc9:2.1.2	yo yādiso …pe…
pli-tv-bu-vb-pc9:2.1.3	bhikkhūti
pli-tv-bu-vb-pc9:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc9:2.1.5	Bhikkhussāti
pli-tv-bu-vb-pc9:2.1.6	aññassa bhikkhussa.
pli-tv-bu-vb-pc9:2.1.7	Duṭṭhullā nāma āpatti—
pli-tv-bu-vb-pc9:2.1.8	cattāri ca pārājikāni, terasa ca saṅghādisesā.
pli-tv-bu-vb-pc9:2.1.9	Anupasampanno nāma
pli-tv-bu-vb-pc9:2.1.10	bhikkhuñca bhikkhuniñca ṭhapetvā avaseso anupasampanno nāma.
pli-tv-bu-vb-pc9:2.1.11	Āroceyyāti
pli-tv-bu-vb-pc9:2.1.12	āroceyya itthiyā vā purisassa vā gahaṭṭhassa vā pabbajitassa vā.
pli-tv-bu-vb-pc9:2.1.13	Aññatra bhikkhusammutiyāti
pli-tv-bu-vb-pc9:2.1.14	ṭhapetvā bhikkhusammutiṁ.
pli-tv-bu-vb-pc9:2.1.15.0.1	
pli-tv-bu-vb-pc9:2.1.15.0.2	
pli-tv-bu-vb-pc9:2.1.15.0.3	
pli-tv-bu-vb-pc9:2.1.15.1	Atthi bhikkhusammuti āpattipariyantā, na kulapariyantā.
pli-tv-bu-vb-pc9:2.1.16	Atthi bhikkhusammuti kulapariyantā, na āpattipariyantā, atthi bhikkhusammuti āpattipariyantā ca kulapariyantā ca, atthi bhikkhusammuti neva āpattipariyantā na kulapariyantā.
pli-tv-bu-vb-pc9:2.1.17.0	
pli-tv-bu-vb-pc9:2.1.17.1	Āpattipariyantā nāma
pli-tv-bu-vb-pc9:2.1.18	āpattiyo pariggahitāyo honti— “ettakāhi āpattīhi ārocetabbo”ti.
pli-tv-bu-vb-pc9:2.1.19	Kulapariyantā nāma
pli-tv-bu-vb-pc9:2.1.20	kulāni pariggahitāni honti— “ettakesu kulesu ārocetabbo”ti.
pli-tv-bu-vb-pc9:2.1.21	Āpattipariyantā ca kulapariyantā ca nāma
pli-tv-bu-vb-pc9:2.1.22	āpattiyo ca pariggahitāyo honti, kulāni ca pariggahitāni honti— “ettakāhi āpattīhi ettakesu kulesu ārocetabbo”ti.
pli-tv-bu-vb-pc9:2.1.23	Neva āpattipariyantā na kulapariyantā nāma
pli-tv-bu-vb-pc9:2.1.24	āpattiyo ca apariggahitāyo honti, kulāni ca apariggahitāni honti— “ettakāhi āpattīhi ettakesu kulesu ārocetabbo”ti.
pli-tv-bu-vb-pc9:2.1.25.0	
pli-tv-bu-vb-pc9:2.1.25.1	Āpattipariyante yā āpattiyo pariggahitāyo honti, tā āpattiyo ṭhapetvā aññāhi āpattīhi āroceti, āpatti pācittiyassa.
pli-tv-bu-vb-pc9:2.1.26	Kulapariyante yāni kulāni pariggahitāni honti, tāni kulāni ṭhapetvā aññesu kulesu āroceti, āpatti pācittiyassa.
pli-tv-bu-vb-pc9:2.1.27	Āpattipariyante ca kulapariyante ca yā āpattiyo pariggahitāyo honti, tā āpattiyo ṭhapetvā yāni kulāni pariggahitāni honti, tāni kulāni ṭhapetvā aññāhi āpattīhi aññesu kulesu āroceti, āpatti pācittiyassa.
pli-tv-bu-vb-pc9:2.1.28	Neva āpattipariyante na kulapariyante, anāpatti.
pli-tv-bu-vb-pc9:2.2.0	
pli-tv-bu-vb-pc9:2.2.1	Duṭṭhullāya āpattiyā duṭṭhullāpattisaññī anupasampannassa āroceti, aññatra bhikkhusammutiyā, āpatti pācittiyassa.
pli-tv-bu-vb-pc9:2.2.2	Duṭṭhullāya āpattiyā vematiko anupasampannassa āroceti, aññatra bhikkhusammutiyā, āpatti pācittiyassa.
pli-tv-bu-vb-pc9:2.2.3	Duṭṭhullāya āpattiyā aduṭṭhullāpattisaññī anupasampannassa āroceti, aññatra bhikkhusammutiyā, āpatti pācittiyassa.
pli-tv-bu-vb-pc9:2.2.4	Aduṭṭhullaṁ āpattiṁ āroceti, āpatti dukkaṭassa.
pli-tv-bu-vb-pc9:2.2.5	Anupasampannassa duṭṭhullaṁ vā aduṭṭhullaṁ vā ajjhācāraṁ āroceti, āpatti dukkaṭassa.
pli-tv-bu-vb-pc9:2.2.6	Aduṭṭhullāya āpattiyā duṭṭhullāpattisaññī, āpatti dukkaṭassa.
pli-tv-bu-vb-pc9:2.2.7	Aduṭṭhullāya āpattiyā vematiko, āpatti dukkaṭassa.
pli-tv-bu-vb-pc9:2.2.8	Aduṭṭhullāya āpattiyā aduṭṭhullāpattisaññī, āpatti dukkaṭassa.
pli-tv-bu-vb-pc9:2.3.0	
pli-tv-bu-vb-pc9:2.3.1	Anāpatti—
pli-tv-bu-vb-pc9:2.3.2	vatthuṁ āroceti no āpattiṁ,
pli-tv-bu-vb-pc9:2.3.3	āpattiṁ āroceti no vatthuṁ,
pli-tv-bu-vb-pc9:2.3.4	bhikkhusammutiyā,
pli-tv-bu-vb-pc9:2.3.5	ummattakassa,
pli-tv-bu-vb-pc9:2.3.6	ādikammikassāti.
pli-tv-bu-vb-pc9:2.3.7	Duṭṭhullārocanasikkhāpadaṁ niṭṭhitaṁ navamaṁ.
pli-tv-bu-vb-pc10:0.1	Theravāda Vinaya
pli-tv-bu-vb-pc10:0.2	Mahāvibhaṅga
pli-tv-bu-vb-pc10:0.3	Pācittiyakaṇḍa
pli-tv-bu-vb-pc10:0.4	Musāvādavagga
pli-tv-bu-vb-pc10:0.5	10. Pathavīkhaṇanasikkhāpada
pli-tv-bu-vb-pc10:1.0	
pli-tv-bu-vb-pc10:1.1	Tena samayena buddho bhagavā āḷaviyaṁ viharati aggāḷave cetiye.
pli-tv-bu-vb-pc10:1.2	Tena kho pana samayena āḷavakā bhikkhū navakammaṁ karontā pathaviṁ khaṇantipi khaṇāpentipi.
pli-tv-bu-vb-pc10:1.3	Manussā ujjhāyanti khiyyanti vipācenti—
pli-tv-bu-vb-pc10:1.4	“kathañhi nāma samaṇā sakyaputtiyā pathaviṁ khaṇissantipi khaṇāpessantipi.
pli-tv-bu-vb-pc10:1.5	Ekindriyaṁ samaṇā sakyaputtiyā jīvaṁ viheṭhentī”ti.
pli-tv-bu-vb-pc10:1.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc10:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc10:1.8	“kathañhi nāma āḷavakā bhikkhū pathaviṁ khaṇissantipi khaṇāpessantipī”ti …pe…
pli-tv-bu-vb-pc10:1.9	“saccaṁ kira tumhe, bhikkhave, pathaviṁ khaṇathapi khaṇāpethapī”ti?
pli-tv-bu-vb-pc10:1.10	“Saccaṁ, bhagavā”ti.
pli-tv-bu-vb-pc10:1.11	Vigarahi buddho bhagavā …pe…
pli-tv-bu-vb-pc10:1.12	kathañhi nāma tumhe, moghapurisā, pathaviṁ khaṇissathapi khaṇāpessathapi.
pli-tv-bu-vb-pc10:1.13	Jīvasaññino hi, moghapurisā, manussā pathaviyā.
pli-tv-bu-vb-pc10:1.14	Netaṁ, moghapurisā, appasannānaṁ vā pasādāya …pe…
pli-tv-bu-vb-pc10:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc10:1.16.0	
pli-tv-bu-vb-pc10:1.16.1	“Yo pana bhikkhu pathaviṁ khaṇeyya vā khaṇāpeyya vā, pācittiyan”ti.
pli-tv-bu-vb-pc10:2.1.0	
pli-tv-bu-vb-pc10:2.1.1	Yo panāti
pli-tv-bu-vb-pc10:2.1.2	yo yādiso …pe…
pli-tv-bu-vb-pc10:2.1.3	bhikkhūti
pli-tv-bu-vb-pc10:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc10:2.1.5	Pathavī nāma
pli-tv-bu-vb-pc10:2.1.6	dve pathaviyo— jātā ca pathavī ajātā ca pathavī.
pli-tv-bu-vb-pc10:2.1.7	Jātā nāma pathavī—
pli-tv-bu-vb-pc10:2.1.8	suddhapaṁsu suddhamattikā appapāsāṇā appasakkharā appakaṭhalā appamarumbā appavālikā, yebhuyyenapaṁsukā, yebhuyyenamattikā.
pli-tv-bu-vb-pc10:2.1.9	Adaḍḍhāpi vuccati jātā pathavī.
pli-tv-bu-vb-pc10:2.1.10	Yopi paṁsupuñjo vā mattikāpuñjo vā atirekacātumāsaṁ ovaṭṭho, ayampi vuccati jātā pathavī.
pli-tv-bu-vb-pc10:2.1.11	Ajātā nāma pathavī—
pli-tv-bu-vb-pc10:2.1.12	suddhapāsāṇā suddhasakkharā suddhakaṭhalā suddhamarumbā suddhavālikā appapaṁsukā appamattikā, yebhuyyenapāsāṇā, yebhuyyenasakkharā, yebhuyyenakaṭhalā, yebhuyyenamarumbā, yebhuyyenavālikā.
pli-tv-bu-vb-pc10:2.1.13	Daḍḍhāpi vuccati ajātā pathavī.
pli-tv-bu-vb-pc10:2.1.14	Yopi paṁsupuñjo vā mattikāpuñjo vā omakacātumāsaṁ ovaṭṭho, ayampi vuccati ajātā pathavī.
pli-tv-bu-vb-pc10:2.1.15	Khaṇeyyāti
pli-tv-bu-vb-pc10:2.1.16	sayaṁ khaṇati, āpatti pācittiyassa.
pli-tv-bu-vb-pc10:2.1.17	Khaṇāpeyyāti
pli-tv-bu-vb-pc10:2.1.18	aññaṁ āṇāpeti, āpatti pācittiyassa.
pli-tv-bu-vb-pc10:2.1.19	Sakiṁ āṇatto bahukampi khaṇati, āpatti pācittiyassa.
pli-tv-bu-vb-pc10:2.2.0	
pli-tv-bu-vb-pc10:2.2.1	Pathaviyā pathavisaññī khaṇati vā khaṇāpeti vā, bhindati vā bhedāpeti vā, dahati vā dahāpeti vā, āpatti pācittiyassa.
pli-tv-bu-vb-pc10:2.2.2	Pathaviyā vematiko khaṇati vā khaṇāpeti vā, bhindati vā bhedāpeti vā, dahati vā dahāpeti vā, āpatti dukkaṭassa.
pli-tv-bu-vb-pc10:2.2.3	Pathaviyā apathavisaññī khaṇati vā khaṇāpeti vā, bhindati vā bhedāpeti vā, dahati vā dahāpeti vā, anāpatti.
pli-tv-bu-vb-pc10:2.2.4	Apathaviyā pathavisaññī, āpatti dukkaṭassa.
pli-tv-bu-vb-pc10:2.2.5	Apathaviyā vematiko, āpatti dukkaṭassa.
pli-tv-bu-vb-pc10:2.2.6	Apathaviyā apathavisaññī, anāpatti.
pli-tv-bu-vb-pc10:2.3.0	
pli-tv-bu-vb-pc10:2.3.1	Anāpatti—
pli-tv-bu-vb-pc10:2.3.2	“imaṁ jāna, imaṁ dehi, imaṁ āhara, iminā attho, imaṁ kappiyaṁ karohī”ti bhaṇati,
pli-tv-bu-vb-pc10:2.3.3	asañcicca,
pli-tv-bu-vb-pc10:2.3.4	asatiyā,
pli-tv-bu-vb-pc10:2.3.5	ajānantassa,
pli-tv-bu-vb-pc10:2.3.6	ummattakassa,
pli-tv-bu-vb-pc10:2.3.7	ādikammikassāti.
pli-tv-bu-vb-pc10:2.3.8	Pathavīkhaṇanasikkhāpadaṁ niṭṭhitaṁ dasamaṁ.
pli-tv-bu-vb-pc10:2.3.9	Musāvādavaggo paṭhamo.
pli-tv-bu-vb-pc10:2.3.10	Tassuddānaṁ
pli-tv-bu-vb-pc10:2.3.11	Musā omasapesuññaṁ,
pli-tv-bu-vb-pc10:2.3.12	padaseyyāya ve duve;
pli-tv-bu-vb-pc10:2.3.13	Aññatra viññunā bhūtā,
pli-tv-bu-vb-pc10:2.3.14	duṭṭhullāpatti khaṇanāti.
pli-tv-bu-vb-pc11:0.1	Theravāda Vinaya
pli-tv-bu-vb-pc11:0.2	Mahāvibhaṅga
pli-tv-bu-vb-pc11:0.3	Pācittiyakaṇḍa
pli-tv-bu-vb-pc11:0.4	Bhūtagāmavagga
pli-tv-bu-vb-pc11:0.5	11. Bhūtagāmasikkhāpada
pli-tv-bu-vb-pc11:1.0	
pli-tv-bu-vb-pc11:1.1	Tena samayena buddho bhagavā āḷaviyaṁ viharati aggāḷave cetiye.
pli-tv-bu-vb-pc11:1.2	Tena kho pana samayena āḷavakā bhikkhū navakammaṁ karontā rukkhaṁ chindantipi chedāpentipi.
pli-tv-bu-vb-pc11:1.3	Aññataropi āḷavako bhikkhu rukkhaṁ chindati.
pli-tv-bu-vb-pc11:1.4	Tasmiṁ rukkhe adhivatthā devatā taṁ bhikkhuṁ etadavoca—
pli-tv-bu-vb-pc11:1.5	“mā, bhante, attano bhavanaṁ kattukāmo mayhaṁ bhavanaṁ chindī”ti.
pli-tv-bu-vb-pc11:1.6	So bhikkhu anādiyanto chindiyeva, tassā ca devatāya dārakassa bāhuṁ ākoṭesi.
pli-tv-bu-vb-pc11:1.7	Atha kho tassā devatāya etadahosi—
pli-tv-bu-vb-pc11:1.8	“yannūnāhaṁ imaṁ bhikkhuṁ idheva jīvitā voropeyyan”ti.
pli-tv-bu-vb-pc11:1.9	Atha kho tassā devatāya etadahosi—
pli-tv-bu-vb-pc11:1.10	“na kho metaṁ patirūpaṁ yāhaṁ imaṁ bhikkhuṁ idheva jīvitā voropeyyaṁ.
pli-tv-bu-vb-pc11:1.11	Yannūnāhaṁ bhagavato etamatthaṁ āroceyyan”ti.
pli-tv-bu-vb-pc11:1.12	Atha kho sā devatā yena bhagavā tenupasaṅkami; upasaṅkamitvā bhagavato etamatthaṁ ārocesi.
pli-tv-bu-vb-pc11:1.13	“Sādhu sādhu, devate.
pli-tv-bu-vb-pc11:1.14	Sādhu kho tvaṁ, devate, taṁ bhikkhuṁ jīvitā na voropesi.
pli-tv-bu-vb-pc11:1.15	Sacajja tvaṁ, devate, taṁ bhikkhuṁ jīvitā voropeyyāsi, bahuñca tvaṁ, devate, apuññaṁ pasaveyyāsi.
pli-tv-bu-vb-pc11:1.16	Gaccha tvaṁ, devate, amukasmiṁ okāse rukkho vivitto tasmiṁ upagacchā”ti.
pli-tv-bu-vb-pc11:1.17	Manussā ujjhāyanti khiyyanti vipācenti—
pli-tv-bu-vb-pc11:1.18	“kathañhi nāma samaṇā sakyaputtiyā rukkhaṁ chindissantipi chedāpessantipi ekindriyaṁ samaṇā sakyaputtiyā jīvaṁ viheṭhentī”ti.
pli-tv-bu-vb-pc11:1.19	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc11:1.20	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc11:1.21	“kathañhi nāma āḷavakā bhikkhū rukkhaṁ chindissantipi chedāpessantipī”ti …pe…
pli-tv-bu-vb-pc11:1.22	“saccaṁ kira tumhe, bhikkhave, rukkhaṁ chindathāpi chedāpethāpī”ti?
pli-tv-bu-vb-pc11:1.23	“Saccaṁ, bhagavā”ti.
pli-tv-bu-vb-pc11:1.24	Vigarahi buddho bhagavā …pe…
pli-tv-bu-vb-pc11:1.25	kathañhi nāma tumhe, moghapurisā, rukkhaṁ chindissathāpi, chedāpessathāpi.
pli-tv-bu-vb-pc11:1.26	Jīvasaññino hi, moghapurisā, manussā rukkhasmiṁ.
pli-tv-bu-vb-pc11:1.27	Netaṁ, moghapurisā, appasannānaṁ vā pasādāya …pe…
pli-tv-bu-vb-pc11:1.28	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc11:1.29.0	
pli-tv-bu-vb-pc11:1.29.1	“Bhūtagāmapātabyatāya pācittiyan”ti.
pli-tv-bu-vb-pc11:2.1.0	
pli-tv-bu-vb-pc11:2.1.1	Bhūtagāmo nāma
pli-tv-bu-vb-pc11:2.1.2	pañca bījajātāni— mūlabījaṁ, khandhabījaṁ, phaḷubījaṁ, aggabījaṁ, bījabījameva pañcamaṁ.
pli-tv-bu-vb-pc11:2.1.3	Mūlabījaṁ nāma—
pli-tv-bu-vb-pc11:2.1.4	haliddi, siṅgiveraṁ, vacā, vacattaṁ, ativisā, kaṭukarohiṇī, usīraṁ, bhaddamuttakaṁ, yāni vā panaññānipi atthi mūle jāyanti, mūle sañjāyanti, etaṁ mūlabījaṁ nāma.
pli-tv-bu-vb-pc11:2.1.5	Khandhabījaṁ nāma—
pli-tv-bu-vb-pc11:2.1.6	assattho, nigrodho, pilakkho, udumbaro, kacchako, kapitthano, yāni vā panaññānipi atthi khandhe jāyanti, khandhe sañjāyanti, etaṁ khandhabījaṁ nāma.
pli-tv-bu-vb-pc11:2.1.7	Phaḷubījaṁ nāma—
pli-tv-bu-vb-pc11:2.1.8	ucchu, veḷu, naḷo, yāni vā panaññānipi atthi pabbe jāyanti, pabbe sañjāyanti, etaṁ phaḷubījaṁ nāma.
pli-tv-bu-vb-pc11:2.1.9	Aggabījaṁ nāma—
pli-tv-bu-vb-pc11:2.1.10	ajjukaṁ, phaṇijjakaṁ, hiriveraṁ, yāni vā panaññānipi atthi agge jāyanti, agge sañjāyanti, etaṁ aggabījaṁ nāma.
pli-tv-bu-vb-pc11:2.1.11	Bījabījaṁ nāma—
pli-tv-bu-vb-pc11:2.1.12	pubbaṇṇaṁ, aparaṇṇaṁ, yāni vā panaññānipi atthi bīje jāyanti, bīje sañjāyanti, etaṁ bījabījaṁ nāma.
pli-tv-bu-vb-pc11:2.2.0	
pli-tv-bu-vb-pc11:2.2.1	Bīje bījasaññī chindati vā chedāpeti vā, bhindati vā bhedāpeti vā, pacati vā pacāpeti vā, āpatti pācittiyassa.
pli-tv-bu-vb-pc11:2.2.2	Bīje vematiko chindati vā chedāpeti vā, bhindati vā bhedāpeti vā, pacati vā pacāpeti vā, āpatti dukkaṭassa.
pli-tv-bu-vb-pc11:2.2.3	Bīje abījasaññī chindati vā chedāpeti vā, bhindati vā bhedāpeti vā, pacati vā pacāpeti vā, anāpatti.
pli-tv-bu-vb-pc11:2.2.4	Abīje bījasaññī āpatti dukkaṭassa.
pli-tv-bu-vb-pc11:2.2.5	Abīje vematiko, āpatti dukkaṭassa.
pli-tv-bu-vb-pc11:2.2.6	Abīje abījasaññī, anāpatti.
pli-tv-bu-vb-pc11:2.3.0	
pli-tv-bu-vb-pc11:2.3.1	Anāpatti—
pli-tv-bu-vb-pc11:2.3.2	“imaṁ jāna, imaṁ dehi, imaṁ āhara, iminā attho, imaṁ kappiyaṁ karohī”ti bhaṇati,
pli-tv-bu-vb-pc11:2.3.3	asañcicca,
pli-tv-bu-vb-pc11:2.3.4	assatiyā,
pli-tv-bu-vb-pc11:2.3.5	ajānantassa,
pli-tv-bu-vb-pc11:2.3.6	ummattakassa,
pli-tv-bu-vb-pc11:2.3.7	ādikammikassāti.
pli-tv-bu-vb-pc11:2.3.8	Bhūtagāmasikkhāpadaṁ niṭṭhitaṁ paṭhamaṁ.
pli-tv-bu-vb-pc12:0.1	Theravāda Vinaya
pli-tv-bu-vb-pc12:0.2	Mahāvibhaṅga
pli-tv-bu-vb-pc12:0.3	Pācittiyakaṇḍa
pli-tv-bu-vb-pc12:0.4	Bhūtagāmavagga
pli-tv-bu-vb-pc12:0.5	12. Aññavādakasikkhāpada
pli-tv-bu-vb-pc12:1.0.1	
pli-tv-bu-vb-pc12:1.0.2	
pli-tv-bu-vb-pc12:1.1	Tena samayena buddho bhagavā kosambiyaṁ viharati ghositārāme.
pli-tv-bu-vb-pc12:1.2	Tena kho pana samayena āyasmā channo anācāraṁ ācaritvā saṅghamajjhe āpattiyā anuyuñjīyamāno aññenaññaṁ paṭicarati—
pli-tv-bu-vb-pc12:1.3	“ko āpanno, kiṁ āpanno, kismiṁ āpanno, kathaṁ āpanno, kaṁ bhaṇatha, kiṁ bhaṇathā”ti?
pli-tv-bu-vb-pc12:1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc12:1.5	“kathañhi nāma āyasmā channo saṅghamajjhe āpattiyā anuyuñjīyamāno aññenaññaṁ paṭicarissati—
pli-tv-bu-vb-pc12:1.6	‘ko āpanno, kiṁ āpanno, kismiṁ āpanno, kathaṁ āpanno, kaṁ bhaṇatha, kiṁ bhaṇathā’”ti …pe…
pli-tv-bu-vb-pc12:1.7	saccaṁ kira tvaṁ, channa, saṅghamajjhe āpattiyā anuyuñjīyamāno aññenaññaṁ paṭicarasi—
pli-tv-bu-vb-pc12:1.8	‘ko āpanno, kiṁ āpanno, kismiṁ āpanno, kathaṁ āpanno, kaṁ bhaṇatha, kiṁ bhaṇathā’”ti?
pli-tv-bu-vb-pc12:1.9	“Saccaṁ, bhagavā”ti.
pli-tv-bu-vb-pc12:1.10	Vigarahi buddho bhagavā …pe…
pli-tv-bu-vb-pc12:1.11	kathañhi nāma tvaṁ, moghapurisa, saṅghamajjhe āpattiyā anuyuñjīyamāno aññenaññaṁ paṭicarissasi—
pli-tv-bu-vb-pc12:1.12	“ko āpanno, kiṁ āpanno, kismiṁ āpanno, kathaṁ āpanno, kaṁ bhaṇatha, kiṁ bhaṇathā”ti.
pli-tv-bu-vb-pc12:1.13	Netaṁ, moghapurisa, appasannānaṁ vā pasādāya …pe…
pli-tv-bu-vb-pc12:1.14	vigarahitvā …pe…
pli-tv-bu-vb-pc12:1.15	dhammiṁ kathaṁ katvā bhikkhū āmantesi—
pli-tv-bu-vb-pc12:1.16	“tena hi, bhikkhave, saṅgho channassa bhikkhuno aññavādakaṁ ropetu.
pli-tv-bu-vb-pc12:1.17	Evañca pana, bhikkhave, ropetabbaṁ.
pli-tv-bu-vb-pc12:1.18	Byattena bhikkhunā paṭibalena saṅgho ñāpetabbo—
pli-tv-bu-vb-pc12:1.19	‘Suṇātu me, bhante, saṅgho.
pli-tv-bu-vb-pc12:1.20	Ayaṁ channo bhikkhu saṅghamajjhe āpattiyā anuyuñjīyamāno aññenaññaṁ paṭicarati.
pli-tv-bu-vb-pc12:1.21	Yadi saṅghassa pattakallaṁ, saṅgho channassa bhikkhuno aññavādakaṁ ropeyya.
pli-tv-bu-vb-pc12:1.22	Esā ñatti.
pli-tv-bu-vb-pc12:1.23	Suṇātu me, bhante, saṅgho.
pli-tv-bu-vb-pc12:1.24	Ayaṁ channo bhikkhu saṅghamajjhe āpattiyā anuyuñjīyamāno aññenaññaṁ paṭicarati.
pli-tv-bu-vb-pc12:1.25	Saṅgho channassa bhikkhuno aññavādakaṁ ropeti.
pli-tv-bu-vb-pc12:1.26	Yassāyasmato khamati channassa bhikkhuno aññavādakassa ropanā, so tuṇhassa;
pli-tv-bu-vb-pc12:1.27	yassa nakkhamati, so bhāseyya.
pli-tv-bu-vb-pc12:1.28	Ropitaṁ saṅghena channassa bhikkhuno aññavādakaṁ.
pli-tv-bu-vb-pc12:1.29	Khamati saṅghassa, tasmā tuṇhī, evametaṁ dhārayāmī’”ti.
pli-tv-bu-vb-pc12:1.30	Atha kho bhagavā āyasmantaṁ channaṁ anekapariyāyena vigarahitvā dubbharatāya …pe…
pli-tv-bu-vb-pc12:1.31	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc12:1.32.0	
pli-tv-bu-vb-pc12:1.32.1	“Aññavādake pācittiyan”ti.
pli-tv-bu-vb-pc12:1.33	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc12:2.0	
pli-tv-bu-vb-pc12:2.1	Tena kho pana samayena āyasmā channo saṅghamajjhe āpattiyā anuyuñjīyamāno aññenaññaṁ paṭicaranto—
pli-tv-bu-vb-pc12:2.2	“āpattiṁ āpajjissāmī”ti tuṇhībhūto saṅghaṁ viheseti.
pli-tv-bu-vb-pc12:2.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc12:2.4	“kathañhi nāma āyasmā channo saṅghamajjhe āpattiyā anuyuñjīyamāno tuṇhībhūto saṅghaṁ vihesessatī”ti …pe…
pli-tv-bu-vb-pc12:2.5	“saccaṁ kira tvaṁ, channa, saṅghamajjhe āpattiyā anuyuñjīyamāno tuṇhībhūto saṅghaṁ vihesesī”ti?
pli-tv-bu-vb-pc12:2.6	“Saccaṁ, bhagavā”ti.
pli-tv-bu-vb-pc12:2.7	Vigarahi buddho bhagavā …pe…
pli-tv-bu-vb-pc12:2.8	kathañhi nāma tvaṁ, moghapurisa, saṅghamajjhe āpattiyā anuyuñjīyamāno tuṇhībhūto saṅghaṁ vihesessasi.
pli-tv-bu-vb-pc12:2.9	Netaṁ, moghapurisa, appasannānaṁ vā pasādāya …pe…
pli-tv-bu-vb-pc12:2.10	vigarahitvā …pe…
pli-tv-bu-vb-pc12:2.11	dhammiṁ kathaṁ katvā bhikkhū āmantesi—
pli-tv-bu-vb-pc12:2.12	“tena hi, bhikkhave, saṅgho channassa bhikkhuno vihesakaṁ ropetu.
pli-tv-bu-vb-pc12:2.13	Evañca pana, bhikkhave, ropetabbaṁ.
pli-tv-bu-vb-pc12:2.14	Byattena bhikkhunā paṭibalena saṅgho ñāpetabbo—
pli-tv-bu-vb-pc12:2.15	‘Suṇātu me, bhante, saṅgho.
pli-tv-bu-vb-pc12:2.16	Ayaṁ channo bhikkhu saṅghamajjhe āpattiyā anuyuñjīyamāno tuṇhībhūto saṅghaṁ viheseti.
pli-tv-bu-vb-pc12:2.17	Yadi saṅghassa pattakallaṁ, saṅgho channassa bhikkhuno vihesakaṁ ropeyya.
pli-tv-bu-vb-pc12:2.18	Esā ñatti.
pli-tv-bu-vb-pc12:2.19	Suṇātu me, bhante, saṅgho.
pli-tv-bu-vb-pc12:2.20	Ayaṁ channo bhikkhu saṅghamajjhe āpattiyā anuyuñjīyamāno tuṇhībhūto saṅghaṁ viheseti.
pli-tv-bu-vb-pc12:2.21	Saṅgho channassa bhikkhuno vihesakaṁ ropeti.
pli-tv-bu-vb-pc12:2.22	Yassāyasmato khamati channassa bhikkhuno vihesakassa ropanā, so tuṇhassa;
pli-tv-bu-vb-pc12:2.23	yassa nakkhamati, so bhāseyya.
pli-tv-bu-vb-pc12:2.24	Ropitaṁ saṅghena channassa bhikkhuno vihesakaṁ.
pli-tv-bu-vb-pc12:2.25	Khamati saṅghassa, tasmā tuṇhī, evametaṁ dhārayāmī’”ti.
pli-tv-bu-vb-pc12:2.26	Atha kho bhagavā āyasmantaṁ channaṁ anekapariyāyena vigarahitvā dubbharatāya …pe…
pli-tv-bu-vb-pc12:2.27	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc12:2.28.0	
pli-tv-bu-vb-pc12:2.28.1	“Aññavādake vihesake pācittiyan”ti.
pli-tv-bu-vb-pc12:3.1.0	
pli-tv-bu-vb-pc12:3.1.1	Aññavādako nāma
pli-tv-bu-vb-pc12:3.1.2	saṅghamajjhe vatthusmiṁ vā āpattiyā vā anuyuñjīyamāno taṁ na kathetukāmo taṁ na ugghāṭetukāmo aññenaññaṁ paṭicarati— “ko āpanno, kiṁ āpanno, kismiṁ āpanno, kathaṁ āpanno, kaṁ bhaṇatha, kiṁ bhaṇathā”ti. Eso aññavādako nāma.
pli-tv-bu-vb-pc12:3.1.3	Vihesako nāma
pli-tv-bu-vb-pc12:3.1.4	saṅghamajjhe vatthusmiṁ vā āpattiyā vā anuyuñjīyamāno taṁ na kathetukāmo taṁ na ugghāṭetukāmo tuṇhībhūto saṅghaṁ viheseti. Eso vihesako nāma.
pli-tv-bu-vb-pc12:3.1.5.0	
pli-tv-bu-vb-pc12:3.1.5.1	Aropite aññavādake saṅghamajjhe vatthusmiṁ vā āpattiyā vā anuyuñjīyamāno taṁ na kathetukāmo taṁ na ugghāṭetukāmo aññenaññaṁ paṭicarati—
pli-tv-bu-vb-pc12:3.1.6	“ko āpanno, kiṁ āpanno, kismiṁ āpanno, kathaṁ āpanno, kaṁ bhaṇatha, kiṁ bhaṇathā”ti, āpatti dukkaṭassa.
pli-tv-bu-vb-pc12:3.1.7	Aropite vihesake saṅghamajjhe vatthusmiṁ vā āpattiyā vā anuyuñjīyamāno taṁ na kathetukāmo taṁ na ugghāṭetukāmo tuṇhībhūto saṅghaṁ viheseti, āpatti dukkaṭassa.
pli-tv-bu-vb-pc12:3.1.8	Ropite aññavādake saṅghamajjhe vatthusmiṁ vā āpattiyā vā anuyuñjīyamāno taṁ na kathetukāmo taṁ na ugghāṭetukāmo aññenaññaṁ paṭicarati—
pli-tv-bu-vb-pc12:3.1.9	“ko āpanno, kiṁ āpanno, kismiṁ āpanno, kathaṁ āpanno, kaṁ bhaṇatha, kiṁ bhaṇathā”ti, āpatti pācittiyassa.
pli-tv-bu-vb-pc12:3.1.10	Ropite vihesake saṅghamajjhe vatthusmiṁ vā āpattiyā vā anuyuñjīyamāno taṁ na kathetukāmo taṁ na ugghāṭetukāmo tuṇhībhūto saṅghaṁ viheseti, āpatti pācittiyassa.
pli-tv-bu-vb-pc12:3.2.1	Dhammakamme dhammakammasaññī aññavādake vihesake, āpatti pācittiyassa.
pli-tv-bu-vb-pc12:3.2.2	Dhammakamme vematiko aññavādake vihesake, āpatti pācittiyassa.
pli-tv-bu-vb-pc12:3.2.3	Dhammakamme adhammakammasaññī aññavādake vihesake, āpatti pācittiyassa.
pli-tv-bu-vb-pc12:3.2.4	Adhammakamme dhammakammasaññī, āpatti dukkaṭassa.
pli-tv-bu-vb-pc12:3.2.5	Adhammakamme vematiko, āpatti dukkaṭassa.
pli-tv-bu-vb-pc12:3.2.6	Adhammakamme adhammakammasaññī, āpatti dukkaṭassa.
pli-tv-bu-vb-pc12:3.3.0	
pli-tv-bu-vb-pc12:3.3.1	Anāpatti—
pli-tv-bu-vb-pc12:3.3.2	ajānanto pucchati,
pli-tv-bu-vb-pc12:3.3.3	gilāno vā na katheti;
pli-tv-bu-vb-pc12:3.3.4	“saṅghassa bhaṇḍanaṁ vā kalaho vā viggaho vā vivādo vā bhavissatī”ti na katheti;
pli-tv-bu-vb-pc12:3.3.5	“saṅghabhedo vā saṅgharāji vā bhavissatī”ti na katheti;
pli-tv-bu-vb-pc12:3.3.6	“adhammena vā vaggena vā nakammārahassa vā kammaṁ karissatī”ti na katheti;
pli-tv-bu-vb-pc12:3.3.7	ummattakassa,
pli-tv-bu-vb-pc12:3.3.8	ādikammikassāti.
pli-tv-bu-vb-pc12:3.3.9	Aññavādakasikkhāpadaṁ niṭṭhitaṁ dutiyaṁ.
pli-tv-bu-vb-pc13:0.1	Theravāda Vinaya
pli-tv-bu-vb-pc13:0.2	Mahāvibhaṅga
pli-tv-bu-vb-pc13:0.3	Pācittiyakaṇḍa
pli-tv-bu-vb-pc13:0.4	Bhūtagāmavagga
pli-tv-bu-vb-pc13:0.5	13. Ujjhāpanakasikkhāpada
pli-tv-bu-vb-pc13:1.0.1	
pli-tv-bu-vb-pc13:1.0.2	
pli-tv-bu-vb-pc13:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc13:1.2	Tena kho pana samayena āyasmā dabbo mallaputto saṅghassa senāsanañca paññapeti bhattāni ca uddisati.
pli-tv-bu-vb-pc13:1.3	Tena kho pana samayena mettiyabhūmajakā bhikkhū navakā ceva honti appapuññā ca.
pli-tv-bu-vb-pc13:1.4	Yāni saṅghassa lāmakāni senāsanāni tāni tesaṁ pāpuṇanti lāmakāni ca bhattāni.
pli-tv-bu-vb-pc13:1.5	Te āyasmantaṁ dabbaṁ mallaputtaṁ bhikkhū ujjhāpenti—
pli-tv-bu-vb-pc13:1.6	“chandāya dabbo mallaputto senāsanaṁ paññapeti, chandāya ca bhattāni uddisatī”ti.
pli-tv-bu-vb-pc13:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc13:1.8	“kathañhi nāma mettiyabhūmajakā bhikkhū āyasmantaṁ dabbaṁ mallaputtaṁ bhikkhū ujjhāpessantī”ti …pe…
pli-tv-bu-vb-pc13:1.9	“saccaṁ kira tumhe, bhikkhave, dabbaṁ mallaputtaṁ bhikkhū ujjhāpethā”ti?
pli-tv-bu-vb-pc13:1.10	“Saccaṁ, bhagavā”ti.
pli-tv-bu-vb-pc13:1.11	Vigarahi buddho bhagavā …pe…
pli-tv-bu-vb-pc13:1.12	kathañhi nāma tumhe, moghapurisā, dabbaṁ mallaputtaṁ bhikkhū ujjhāpessatha.
pli-tv-bu-vb-pc13:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc13:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc13:1.15.0	
pli-tv-bu-vb-pc13:1.15.1	“Ujjhāpanake pācittiyan”ti.
pli-tv-bu-vb-pc13:1.16	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc13:2.0	
pli-tv-bu-vb-pc13:2.1	Tena kho pana samayena mettiyabhūmajakā bhikkhū—
pli-tv-bu-vb-pc13:2.2	“‘bhagavatā ujjhāpanakaṁ paṭikkhittan’ti ‘ettāvatā bhikkhū sossantī’”ti bhikkhūnaṁ sāmantā āyasmantaṁ dabbaṁ mallaputtaṁ khiyyanti—
pli-tv-bu-vb-pc13:2.3	“chandāya dabbo mallaputto senāsanaṁ paññapeti, chandāya ca bhattāni uddisatī”ti.
pli-tv-bu-vb-pc13:2.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc13:2.5	“kathañhi nāma mettiyabhūmajakā bhikkhū āyasmantaṁ dabbaṁ mallaputtaṁ khiyyissantī”ti …pe…
pli-tv-bu-vb-pc13:2.6	“saccaṁ kira tumhe, bhikkhave, dabbaṁ mallaputtaṁ khiyyathā”ti?
pli-tv-bu-vb-pc13:2.7	“Saccaṁ, bhagavā”ti.
pli-tv-bu-vb-pc13:2.8	Vigarahi buddho bhagavā …pe…
pli-tv-bu-vb-pc13:2.9	kathañhi nāma tumhe, moghapurisā, dabbaṁ mallaputtaṁ khiyyissatha.
pli-tv-bu-vb-pc13:2.10	Netaṁ, moghapurisā, appasannānaṁ vā pasādāya …pe…
pli-tv-bu-vb-pc13:2.11	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc13:2.12.0	
pli-tv-bu-vb-pc13:2.12.1	“Ujjhāpanake khiyyanake pācittiyan”ti.
pli-tv-bu-vb-pc13:3.1.0	
pli-tv-bu-vb-pc13:3.1.1	Ujjhāpanakaṁ nāma
pli-tv-bu-vb-pc13:3.1.2	upasampannaṁ saṅghena sammataṁ senāsanapaññāpakaṁ vā bhattuddesakaṁ vā yāgubhājakaṁ vā phalabhājakaṁ vā khajjabhājakaṁ vā appamattakavissajjakaṁ vā avaṇṇaṁ kattukāmo, ayasaṁ kattukāmo, maṅkukattukāmo, upasampannaṁ ujjhāpeti vā khiyyati vā, āpatti pācittiyassa.
pli-tv-bu-vb-pc13:3.1.3.0	
pli-tv-bu-vb-pc13:3.1.3.1	Dhammakamme dhammakammasaññī ujjhāpanake khiyyanake āpatti pācittiyassa.
pli-tv-bu-vb-pc13:3.1.4	Dhammakamme vematiko ujjhāpanake khiyyanake āpatti pācittiyassa.
pli-tv-bu-vb-pc13:3.1.5	Dhammakamme adhammakammasaññī ujjhāpanake khiyyanake āpatti pācittiyassa.
pli-tv-bu-vb-pc13:3.2.1	Anupasampannaṁ ujjhāpeti vā khiyyati vā, āpatti dukkaṭassa.
pli-tv-bu-vb-pc13:3.2.2	Upasampannaṁ saṅghena asammataṁ senāsanapaññāpakaṁ vā bhattuddesakaṁ vā yāgubhājakaṁ vā phalabhājakaṁ vā khajjabhājakaṁ vā appamattakavissajjakaṁ vā avaṇṇaṁ kattukāmo, ayasaṁ kattukāmo, maṅkukattukāmo, upasampannaṁ vā anupasampannaṁ vā ujjhāpeti vā khiyyati vā, āpatti dukkaṭassa.
pli-tv-bu-vb-pc13:3.2.3	Anupasampannaṁ saṅghena sammataṁ vā asammataṁ vā senāsanapaññāpakaṁ vā bhattuddesakaṁ vā yāgubhājakaṁ vā phalabhājakaṁ vā khajjabhājakaṁ vā appamattakavissajjakaṁ vā avaṇṇaṁ kattukāmo, ayasaṁ kattukāmo, maṅkukattukāmo, upasampannaṁ vā anupasampannaṁ vā ujjhāpeti vā khiyyati vā, āpatti dukkaṭassa.
pli-tv-bu-vb-pc13:3.2.4	Adhammakamme dhammakammasaññī, āpatti dukkaṭassa.
pli-tv-bu-vb-pc13:3.2.5	Adhammakamme vematiko, āpatti dukkaṭassa.
pli-tv-bu-vb-pc13:3.2.6	Adhammakamme adhammakammasaññī āpatti dukkaṭassa.
pli-tv-bu-vb-pc13:3.3.0	
pli-tv-bu-vb-pc13:3.3.1	Anāpatti—
pli-tv-bu-vb-pc13:3.3.2	pakatiyā chandā dosā mohā bhayā karontaṁ ujjhāpeti vā khiyyati vā,
pli-tv-bu-vb-pc13:3.3.3	ummattakassa,
pli-tv-bu-vb-pc13:3.3.4	ādikammikassāti.
pli-tv-bu-vb-pc13:3.3.5	Ujjhāpanakasikkhāpadaṁ niṭṭhitaṁ tatiyaṁ.
pli-tv-bu-vb-pc14:0.1	Theravāda Vinaya
pli-tv-bu-vb-pc14:0.2	Mahāvibhaṅga
pli-tv-bu-vb-pc14:0.3	Pācittiyakaṇḍa
pli-tv-bu-vb-pc14:0.4	Bhūtagāmavagga
pli-tv-bu-vb-pc14:0.5	14. Senāsanasikkhāpada
pli-tv-bu-vb-pc14:1.1.0.1	
pli-tv-bu-vb-pc14:1.1.0.2	
pli-tv-bu-vb-pc14:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc14:1.1.2	Tena kho pana samayena bhikkhū hemantike kāle ajjhokāse senāsanaṁ paññapetvā kāyaṁ otāpentā kāle ārocite taṁ pakkamantā neva uddhariṁsu na uddharāpesuṁ, anāpucchā pakkamiṁsu.
pli-tv-bu-vb-pc14:1.1.3	Senāsanaṁ ovaṭṭhaṁ hoti.
pli-tv-bu-vb-pc14:1.1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc14:1.1.5	“kathaṁ hi nāma bhikkhū ajjhokāse senāsanaṁ paññapetvā taṁ pakkamantā neva uddharissanti na uddharāpessanti, anāpucchā pakkamissanti, senāsanaṁ ovaṭṭhan”ti.
pli-tv-bu-vb-pc14:1.1.6	Atha kho te bhikkhū te anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc14:1.1.7	“saccaṁ kira, bhikkhave, bhikkhū ajjhokāse …pe…
pli-tv-bu-vb-pc14:1.1.8	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc14:1.1.9.0	
pli-tv-bu-vb-pc14:1.1.9.1	“Yo pana bhikkhu saṅghikaṁ mañcaṁ vā pīṭhaṁ vā bhisiṁ vā kocchaṁ vā ajjhokāse santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, pācittiyan”ti.
pli-tv-bu-vb-pc14:1.1.10	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc14:1.2.0	
pli-tv-bu-vb-pc14:1.2.1	Tena kho pana samayena bhikkhū ajjhokāse vasitvā kālasseva senāsanaṁ abhiharanti.
pli-tv-bu-vb-pc14:1.2.2	Addasā kho bhagavā te bhikkhū kālasseva senāsanaṁ abhiharante.
pli-tv-bu-vb-pc14:1.2.3	Disvāna etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc14:1.2.4	“anujānāmi, bhikkhave, aṭṭha māse avassikasaṅkete maṇḍape vā rukkhamūle vā yattha kākā vā kulalā vā na ūhadanti tattha senāsanaṁ nikkhipitun”ti.
pli-tv-bu-vb-pc14:2.1.0	
pli-tv-bu-vb-pc14:2.1.1	Yo panāti
pli-tv-bu-vb-pc14:2.1.2	yo yādiso …pe…
pli-tv-bu-vb-pc14:2.1.3	bhikkhūti
pli-tv-bu-vb-pc14:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc14:2.1.5	Saṅghikaṁ nāma
pli-tv-bu-vb-pc14:2.1.6	saṅghassa dinnaṁ hoti pariccattaṁ.
pli-tv-bu-vb-pc14:2.1.7	Mañco nāma
pli-tv-bu-vb-pc14:2.1.8	cattāro mañcā—
pli-tv-bu-vb-pc14:2.1.9	masārako, bundikābaddho, kuḷīrapādako, āhaccapādako.
pli-tv-bu-vb-pc14:2.1.10	Pīṭhaṁ nāma
pli-tv-bu-vb-pc14:2.1.11	cattāri pīṭhāni— masārakaṁ, bundikābaddhaṁ, kuḷīrapādakaṁ, āhaccapādakaṁ.
pli-tv-bu-vb-pc14:2.1.12	Bhisi nāma
pli-tv-bu-vb-pc14:2.1.13	pañca bhisiyo— uṇṇabhisi, coḷabhisi, vākabhisi, tiṇabhisi, paṇṇabhisi.
pli-tv-bu-vb-pc14:2.1.14	Kocchaṁ nāma—
pli-tv-bu-vb-pc14:2.1.15	vākamayaṁ vā usīramayaṁ vā muñjamayaṁ vā pabbajamayaṁ vā anto saṁveṭhetvā baddhaṁ hoti.
pli-tv-bu-vb-pc14:2.1.16	Santharitvāti
pli-tv-bu-vb-pc14:2.1.17	sayaṁ santharitvā.
pli-tv-bu-vb-pc14:2.1.18	Santharāpetvāti
pli-tv-bu-vb-pc14:2.1.19	aññaṁ santharāpetvā.
pli-tv-bu-vb-pc14:2.1.20	Anupasampannaṁ santharāpeti, tassa palibodho.
pli-tv-bu-vb-pc14:2.1.21	Upasampannaṁ santharāpeti, santhārakassa palibodho.
pli-tv-bu-vb-pc14:2.1.22	Taṁ pakkamanto neva uddhareyyāti
pli-tv-bu-vb-pc14:2.1.23	na sayaṁ uddhareyya.
pli-tv-bu-vb-pc14:2.1.24	Na uddharāpeyyāti
pli-tv-bu-vb-pc14:2.1.25	na aññaṁ uddharāpeyya.
pli-tv-bu-vb-pc14:2.1.26	Anāpucchaṁ vā gaccheyyāti
pli-tv-bu-vb-pc14:2.1.27	bhikkhuṁ vā sāmaṇeraṁ vā ārāmikaṁ vā anāpucchā majjhimassa purisassa leḍḍupātaṁ atikkamantassa āpatti pācittiyassa.
pli-tv-bu-vb-pc14:2.2.0	
pli-tv-bu-vb-pc14:2.2.1	Saṅghike saṅghikasaññī ajjhokāse santharitvā vā santharāpetvā vā taṁ pakkamanto neva uddhareyya na uddharāpeyya anāpucchaṁ vā gaccheyya, āpatti pācittiyassa.
pli-tv-bu-vb-pc14:2.2.2	Saṅghike vematiko …pe…
pli-tv-bu-vb-pc14:2.2.3	saṅghike puggalikasaññī ajjhokāse santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, āpatti pācittiyassa.
pli-tv-bu-vb-pc14:2.2.4	Cimilikaṁ vā uttarattharaṇaṁ vā bhūmattharaṇaṁ vā taṭṭikaṁ vā cammakhaṇḍaṁ vā pādapuñchaniṁ vā phalakapīṭhaṁ vā ajjhokāse santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, āpatti dukkaṭassa.
pli-tv-bu-vb-pc14:2.2.5	Puggalike saṅghikasaññī, āpatti dukkaṭassa.
pli-tv-bu-vb-pc14:2.2.6	Puggalike vematiko, āpatti dukkaṭassa.
pli-tv-bu-vb-pc14:2.2.7	Puggalike puggalikasaññī aññassa puggalike, āpatti dukkaṭassa.
pli-tv-bu-vb-pc14:2.2.8	Attano puggalike anāpatti.
pli-tv-bu-vb-pc14:2.3.0	
pli-tv-bu-vb-pc14:2.3.1	Anāpatti—
pli-tv-bu-vb-pc14:2.3.2	uddharitvā gacchati,
pli-tv-bu-vb-pc14:2.3.3	uddharāpetvā gacchati,
pli-tv-bu-vb-pc14:2.3.4	āpucchaṁ gacchati,
pli-tv-bu-vb-pc14:2.3.5	otāpento gacchati,
pli-tv-bu-vb-pc14:2.3.6	kenaci palibuddhaṁ hoti,
pli-tv-bu-vb-pc14:2.3.7	āpadāsu,
pli-tv-bu-vb-pc14:2.3.8	ummattakassa,
pli-tv-bu-vb-pc14:2.3.9	ādikammikassāti.
pli-tv-bu-vb-pc14:2.3.10	Senāsanasikkhāpadaṁ niṭṭhitaṁ catutthaṁ.
pli-tv-bu-vb-pc15:0.1	Theravāda Vinaya
pli-tv-bu-vb-pc15:0.2	Mahāvibhaṅga
pli-tv-bu-vb-pc15:0.3	Pācittiyakaṇḍa
pli-tv-bu-vb-pc15:0.4	Bhūtagāmavagga
pli-tv-bu-vb-pc15:0.5	15. Dutiyasenāsanasikkhāpada
pli-tv-bu-vb-pc15:1.0	
pli-tv-bu-vb-pc15:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc15:1.2	Tena kho pana samayena sattarasavaggiyā bhikkhū sahāyakā honti.
pli-tv-bu-vb-pc15:1.3	Te vasantāpi ekatova vasanti, pakkamantāpi ekatova pakkamanti.
pli-tv-bu-vb-pc15:1.4	Te aññatarasmiṁ saṅghike vihāre seyyaṁ santharitvā taṁ pakkamantā neva uddhariṁsu na uddharāpesuṁ, anāpucchā pakkamiṁsu.
pli-tv-bu-vb-pc15:1.5	Senāsanaṁ upacikāhi khāyitaṁ hoti.
pli-tv-bu-vb-pc15:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc15:1.7	“kathañhi nāma sattarasavaggiyā bhikkhū saṅghike vihāre seyyaṁ santharitvā taṁ pakkamantā neva uddharissanti na uddharāpessanti, anāpucchā pakkamissanti, senāsanaṁ upacikāhi khāyitan”ti.
pli-tv-bu-vb-pc15:1.8	Atha kho te bhikkhū sattarasavaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc15:1.9	“saccaṁ kira, bhikkhave, sattarasavaggiyā bhikkhū saṅghike vihāre seyyaṁ santharitvā taṁ pakkamantā neva uddhariṁsu na uddharāpesuṁ, anāpucchā pakkamiṁsu, senāsanaṁ upacikāhi khāyitan”ti?
pli-tv-bu-vb-pc15:1.10	“Saccaṁ, bhagavā”ti.
pli-tv-bu-vb-pc15:1.11	Vigarahi buddho bhagavā …pe…
pli-tv-bu-vb-pc15:1.12	kathañhi nāma te, bhikkhave, moghapurisā saṅghike vihāre seyyaṁ santharitvā taṁ pakkamantā neva uddharissanti na uddharāpessanti, anāpucchā pakkamissanti, senāsanaṁ upacikāhi khāyitaṁ.
pli-tv-bu-vb-pc15:1.13	Netaṁ, bhikkhave, appasannānaṁ vā pasādāya …pe…
pli-tv-bu-vb-pc15:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc15:1.15.0	
pli-tv-bu-vb-pc15:1.15.1	“Yo pana bhikkhu saṅghike vihāre seyyaṁ santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, pācittiyan”ti.
pli-tv-bu-vb-pc15:2.1.0	
pli-tv-bu-vb-pc15:2.1.1	Yo panāti
pli-tv-bu-vb-pc15:2.1.2	yo yādiso …pe…
pli-tv-bu-vb-pc15:2.1.3	bhikkhūti
pli-tv-bu-vb-pc15:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc15:2.1.5	Saṅghiko nāma vihāro
pli-tv-bu-vb-pc15:2.1.6	saṅghassa dinno hoti pariccatto.
pli-tv-bu-vb-pc15:2.1.7	Seyyaṁ nāma
pli-tv-bu-vb-pc15:2.1.8	bhisi, cimilikā uttarattharaṇaṁ, bhūmattharaṇaṁ, taṭṭikā, cammakhaṇḍo, nisīdanaṁ, paccattharaṇaṁ, tiṇasanthāro, paṇṇasanthāro.
pli-tv-bu-vb-pc15:2.1.9	Santharitvāti
pli-tv-bu-vb-pc15:2.1.10	sayaṁ santharitvā.
pli-tv-bu-vb-pc15:2.1.11	Santharāpetvāti
pli-tv-bu-vb-pc15:2.1.12	aññaṁ santharāpetvā.
pli-tv-bu-vb-pc15:2.1.13	Taṁ pakkamanto neva uddhareyyāti
pli-tv-bu-vb-pc15:2.1.14	na sayaṁ uddhareyya.
pli-tv-bu-vb-pc15:2.1.15	Na uddharāpeyyāti
pli-tv-bu-vb-pc15:2.1.16	na aññaṁ uddharāpeyya.
pli-tv-bu-vb-pc15:2.1.17	Anāpucchaṁ vā gaccheyyāti
pli-tv-bu-vb-pc15:2.1.18	bhikkhuṁ vā sāmaṇeraṁ vā ārāmikaṁ vā anāpucchā parikkhittassa ārāmassa parikkhepaṁ atikkamantassa āpatti pācittiyassa.
pli-tv-bu-vb-pc15:2.1.19	Aparikkhittassa ārāmassa upacāraṁ atikkamantassa āpatti pācittiyassa.
pli-tv-bu-vb-pc15:2.2.0	
pli-tv-bu-vb-pc15:2.2.1	Saṅghike saṅghikasaññī seyyaṁ santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, āpatti pācittiyassa.
pli-tv-bu-vb-pc15:2.2.2	Saṅghike vematiko seyyaṁ santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, āpatti pācittiyassa.
pli-tv-bu-vb-pc15:2.2.3	Saṅghike puggalikasaññī seyyaṁ santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, āpatti pācittiyassa.
pli-tv-bu-vb-pc15:2.2.4	Vihārassa upacāre vā upaṭṭhānasālāyaṁ vā maṇḍape vā rukkhamūle vā seyyaṁ santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, āpatti dukkaṭassa.
pli-tv-bu-vb-pc15:2.2.5	Mañcaṁ vā pīṭhaṁ vā vihāre vā vihārassūpacāre vā upaṭṭhānasālāyaṁ vā maṇḍape vā rukkhamūle vā santharitvā vā santharāpetvā vā taṁ pakkamanto neva uddhareyya na uddharāpeyya, anāpucchaṁ vā gaccheyya, āpatti dukkaṭassa.
pli-tv-bu-vb-pc15:2.2.6	Puggalike saṅghikasaññī, āpatti dukkaṭassa.
pli-tv-bu-vb-pc15:2.2.7	Puggalike vematiko, āpatti dukkaṭassa.
pli-tv-bu-vb-pc15:2.2.8	Puggalike puggalikasaññī aññassa puggalike āpatti dukkaṭassa.
pli-tv-bu-vb-pc15:2.2.9	Attano puggalike anāpatti.
pli-tv-bu-vb-pc15:2.3.0	
pli-tv-bu-vb-pc15:2.3.1	Anāpatti—
pli-tv-bu-vb-pc15:2.3.2	uddharitvā gacchati,
pli-tv-bu-vb-pc15:2.3.3	uddharāpetvā gacchati,
pli-tv-bu-vb-pc15:2.3.4	āpucchaṁ gacchati,
pli-tv-bu-vb-pc15:2.3.5	kenaci palibuddhaṁ hoti,
pli-tv-bu-vb-pc15:2.3.6	sāpekkho gantvā tattha ṭhito āpucchati,
pli-tv-bu-vb-pc15:2.3.7	kenaci palibuddho hoti,
pli-tv-bu-vb-pc15:2.3.8	āpadāsu,
pli-tv-bu-vb-pc15:2.3.9	ummattakassa,
pli-tv-bu-vb-pc15:2.3.10	ādikammikassāti.
pli-tv-bu-vb-pc15:2.3.11	Dutiyasenāsanasikkhāpadaṁ niṭṭhitaṁ pañcamaṁ.
pli-tv-bu-vb-pc16:0.1	Theravāda Vinaya
pli-tv-bu-vb-pc16:0.2	Mahāvibhaṅga
pli-tv-bu-vb-pc16:0.3	Pācittiyakaṇḍa
pli-tv-bu-vb-pc16:0.4	Bhūtagāmavagga
pli-tv-bu-vb-pc16:0.5	16. Anupakhajjasikkhāpada
pli-tv-bu-vb-pc16:1.0	
pli-tv-bu-vb-pc16:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc16:1.2	Tena kho pana samayena chabbaggiyā bhikkhū varaseyyāyo palibundhenti, therā bhikkhū vuṭṭhāpenti.
pli-tv-bu-vb-pc16:1.3	Atha kho chabbaggiyānaṁ bhikkhūnaṁ etadahosi—
pli-tv-bu-vb-pc16:1.4	“kena nu kho mayaṁ upāyena idheva vassaṁ vaseyyāmā”ti?
pli-tv-bu-vb-pc16:1.5	Atha kho chabbaggiyā bhikkhū there bhikkhū anupakhajja seyyaṁ kappenti—
pli-tv-bu-vb-pc16:1.6	“yassa sambādho bhavissati so pakkamissatī”ti.
pli-tv-bu-vb-pc16:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc16:1.8	“kathañhi nāma chabbaggiyā bhikkhū there bhikkhū anupakhajja seyyaṁ kappessantī”ti.
pli-tv-bu-vb-pc16:1.9	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc16:1.10	“saccaṁ kira tumhe, bhikkhave, there bhikkhū anupakhajja seyyaṁ kappethā”ti?
pli-tv-bu-vb-pc16:1.11	“Saccaṁ, bhagavā”ti.
pli-tv-bu-vb-pc16:1.12	Vigarahi buddho bhagavā …pe…
pli-tv-bu-vb-pc16:1.13	kathañhi nāma tumhe, moghapurisā, there bhikkhū anupakhajja seyyaṁ kappessatha.
pli-tv-bu-vb-pc16:1.14	Netaṁ, moghapurisā, appasannānaṁ vā pasādāya …pe…
pli-tv-bu-vb-pc16:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc16:1.16.0	
pli-tv-bu-vb-pc16:1.16.1	“Yo pana bhikkhu saṅghike vihāre jānaṁ pubbupagataṁ bhikkhuṁ anupakhajja seyyaṁ kappeyya— yassa sambādho bhavissati so pakkamissatī’ti, etadeva paccayaṁ karitvā anaññaṁ, pācittiyan”ti.
pli-tv-bu-vb-pc16:2.1.0	
pli-tv-bu-vb-pc16:2.1.1	Yo panāti
pli-tv-bu-vb-pc16:2.1.2	yo yādiso …pe…
pli-tv-bu-vb-pc16:2.1.3	bhikkhūti
pli-tv-bu-vb-pc16:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc16:2.1.5	Saṅghiko nāma vihāro
pli-tv-bu-vb-pc16:2.1.6	saṅghassa dinno hoti pariccatto.
pli-tv-bu-vb-pc16:2.1.7	Jānāti nāma
pli-tv-bu-vb-pc16:2.1.8	vuḍḍhoti jānāti, gilānoti jānāti, saṅghena dinnoti jānāti.
pli-tv-bu-vb-pc16:2.1.9	Anupakhajjāti
pli-tv-bu-vb-pc16:2.1.10	anupavisitvā.
pli-tv-bu-vb-pc16:2.1.11	Seyyaṁ kappeyyāti
pli-tv-bu-vb-pc16:2.1.12	mañcassa vā pīṭhassa vā pavisantassa vā nikkhamantassa vā upacāre seyyaṁ santharati vā santharāpeti vā, āpatti dukkaṭassa.
pli-tv-bu-vb-pc16:2.1.13	Abhinisīdati vā abhinipajjati vā, āpatti pācittiyassa.
pli-tv-bu-vb-pc16:2.1.14	Etadeva paccayaṁ karitvā anaññanti
pli-tv-bu-vb-pc16:2.1.15	na añño koci paccayo hoti anupakhajja seyyaṁ kappetuṁ.
pli-tv-bu-vb-pc16:2.2.0	
pli-tv-bu-vb-pc16:2.2.1	Saṅghike saṅghikasaññī anupakhajja seyyaṁ kappeti, āpatti pācittiyassa.
pli-tv-bu-vb-pc16:2.2.2	Saṅghike vematiko anupakhajja seyyaṁ kappeti, āpatti pācittiyassa.
pli-tv-bu-vb-pc16:2.2.3	Saṅghike puggalikasaññī anupakhajja seyyaṁ kappeti, āpatti pācittiyassa.
pli-tv-bu-vb-pc16:2.2.4	Mañcassa vā pīṭhassa vā pavisantassa vā nikkhamantassa vā upacāraṁ ṭhapetvā seyyaṁ santharati vā santharāpeti vā, āpatti dukkaṭassa.
pli-tv-bu-vb-pc16:2.2.5	Abhinisīdati vā abhinipajjati vā, āpatti dukkaṭassa.
pli-tv-bu-vb-pc16:2.2.6	Vihārassa upacāre vā upaṭṭhānasālāyaṁ vā maṇḍape vā rukkhamūle vā ajjhokāse vā seyyaṁ santharati vā santharāpeti vā, āpatti dukkaṭassa.
pli-tv-bu-vb-pc16:2.2.7	Abhinisīdati vā abhinipajjati vā, āpatti dukkaṭassa.
pli-tv-bu-vb-pc16:2.2.8	Puggalike saṅghikasaññī, āpatti dukkaṭassa.
pli-tv-bu-vb-pc16:2.2.9	Puggalike vematiko, āpatti dukkaṭassa.
pli-tv-bu-vb-pc16:2.2.10	Puggalike puggalikasaññī aññassa puggalike āpatti dukkaṭassa.
pli-tv-bu-vb-pc16:2.2.11	Attano puggalike anāpatti.
pli-tv-bu-vb-pc16:2.3.0	
pli-tv-bu-vb-pc16:2.3.1	Anāpatti—
pli-tv-bu-vb-pc16:2.3.2	gilāno pavisati,
pli-tv-bu-vb-pc16:2.3.3	sītena vā uṇhena vā pīḷito pavisati,
pli-tv-bu-vb-pc16:2.3.4	āpadāsu,
pli-tv-bu-vb-pc16:2.3.5	ummattakassa,
pli-tv-bu-vb-pc16:2.3.6	ādikammikassāti.
pli-tv-bu-vb-pc16:2.3.7	Anupakhajjasikkhāpadaṁ niṭṭhitaṁ chaṭṭhaṁ.
pli-tv-bu-vb-pc17:0.1	Theravāda Vinaya
pli-tv-bu-vb-pc17:0.2	Mahāvibhaṅga
pli-tv-bu-vb-pc17:0.3	Pācittiyakaṇḍa
pli-tv-bu-vb-pc17:0.4	Bhūtagāmavagga
pli-tv-bu-vb-pc17:0.5	17. Nikkaḍḍhanasikkhāpada
pli-tv-bu-vb-pc17:1.0	
pli-tv-bu-vb-pc17:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc17:1.2	Tena kho pana samayena sattarasavaggiyā bhikkhū aññataraṁ paccantimaṁ mahāvihāraṁ paṭisaṅkharonti—
pli-tv-bu-vb-pc17:1.3	“idha mayaṁ vassaṁ vasissāmā”ti.
pli-tv-bu-vb-pc17:1.4	Addasaṁsu kho chabbaggiyā bhikkhū sattarasavaggiye bhikkhū vihāraṁ paṭisaṅkharonte.
pli-tv-bu-vb-pc17:1.5	Disvāna evamāhaṁsu—
pli-tv-bu-vb-pc17:1.6	“ime, āvuso, sattarasavaggiyā bhikkhū vihāraṁ paṭisaṅkharonti.
pli-tv-bu-vb-pc17:1.7	Handa ne vuṭṭhāpessāmā”ti.
pli-tv-bu-vb-pc17:1.8	Ekacce evamāhaṁsu—
pli-tv-bu-vb-pc17:1.9	“āgamethāvuso, yāva paṭisaṅkharonti; paṭisaṅkhate vuṭṭhāpessāmā”ti.
pli-tv-bu-vb-pc17:1.10	Atha kho chabbaggiyā bhikkhū sattarasavaggiye bhikkhū etadavocuṁ—
pli-tv-bu-vb-pc17:1.11	“uṭṭhethāvuso, amhākaṁ vihāro pāpuṇātī”ti.
pli-tv-bu-vb-pc17:1.12	“Nanu, āvuso, paṭikacceva ācikkhitabbaṁ, mayañcaññaṁ paṭisaṅkhareyyāmā”ti.
pli-tv-bu-vb-pc17:1.13	“Nanu, āvuso, saṅghiko vihāro”ti?
pli-tv-bu-vb-pc17:1.14	“Āmāvuso, saṅghiko vihāro”ti.
pli-tv-bu-vb-pc17:1.15	“Uṭṭhethāvuso, amhākaṁ vihāro pāpuṇātī”ti.
pli-tv-bu-vb-pc17:1.16	“Mahallako, āvuso, vihāro.
pli-tv-bu-vb-pc17:1.17	Tumhepi vasatha, mayampi vasissāmā”ti.
pli-tv-bu-vb-pc17:1.18	“Uṭṭhethāvuso, amhākaṁ vihāro pāpuṇātī”ti kupitā anattamanā gīvāyaṁ gahetvā nikkaḍḍhanti.
pli-tv-bu-vb-pc17:1.19	Te nikkaḍḍhīyamānā rodanti.
pli-tv-bu-vb-pc17:1.20	Bhikkhū evamāhaṁsu—“kissa tumhe, āvuso, rodathā”ti?
pli-tv-bu-vb-pc17:1.21	“Ime, āvuso, chabbaggiyā bhikkhū kupitā anattamanā amhe saṅghikā vihārā nikkaḍḍhantī”ti.
pli-tv-bu-vb-pc17:1.22	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc17:1.23	“kathañhi nāma chabbaggiyā bhikkhū kupitā anattamanā bhikkhū saṅghikā vihārā nikkaḍḍhissantī”ti.
pli-tv-bu-vb-pc17:1.24	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc17:1.25	“saccaṁ kira tumhe, bhikkhave, kupitā anattamanā bhikkhū saṅghikā vihārā nikkaḍḍhathā”ti?
pli-tv-bu-vb-pc17:1.26	“Saccaṁ, bhagavā”ti.
pli-tv-bu-vb-pc17:1.27	Vigarahi buddho bhagavā …pe…
pli-tv-bu-vb-pc17:1.28	kathañhi nāma tumhe, moghapurisā, kupitā anattamanā bhikkhū saṅghikā vihārā nikkaḍḍhissatha?
pli-tv-bu-vb-pc17:1.29	Netaṁ, moghapurisā, appasannānaṁ vā pasādāya …pe…
pli-tv-bu-vb-pc17:1.30	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc17:1.31.0	
pli-tv-bu-vb-pc17:1.31.1	“Yo pana bhikkhu bhikkhuṁ kupito anattamano saṅghikā vihārā nikkaḍḍheyya vā nikkaḍḍhāpeyya vā, pācittiyan”ti.
pli-tv-bu-vb-pc17:2.1.0	
pli-tv-bu-vb-pc17:2.1.1	Yo panāti
pli-tv-bu-vb-pc17:2.1.2	yo yādiso …pe…
pli-tv-bu-vb-pc17:2.1.3	bhikkhūti
pli-tv-bu-vb-pc17:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc17:2.1.5	Bhikkhunti
pli-tv-bu-vb-pc17:2.1.6	aññaṁ bhikkhuṁ.
pli-tv-bu-vb-pc17:2.1.7	Kupito anattamanoti
pli-tv-bu-vb-pc17:2.1.8	anabhiraddho āhatacitto khilajāto.
pli-tv-bu-vb-pc17:2.1.9	Saṅghiko nāma vihāro
pli-tv-bu-vb-pc17:2.1.10	saṅghassa dinno hoti pariccatto.
pli-tv-bu-vb-pc17:2.1.11	Nikkaḍḍheyyāti
pli-tv-bu-vb-pc17:2.1.12	gabbhe gahetvā pamukhaṁ nikkaḍḍhati, āpatti pācittiyassa.
pli-tv-bu-vb-pc17:2.1.13	Pamukhe gahetvā bahi nikkaḍḍhati, āpatti pācittiyassa.
pli-tv-bu-vb-pc17:2.1.14	Ekena payogena bahukepi dvāre atikkāmeti, āpatti pācittiyassa.
pli-tv-bu-vb-pc17:2.1.15	Nikkaḍḍhāpeyyāti
pli-tv-bu-vb-pc17:2.1.16	aññaṁ āṇāpeti, āpatti pācittiyassa.
pli-tv-bu-vb-pc17:2.1.17	Sakiṁ āṇatto bahukepi dvāre atikkāmeti, āpatti pācittiyassa.
pli-tv-bu-vb-pc17:2.2.0	
pli-tv-bu-vb-pc17:2.2.1	Saṅghike saṅghikasaññī kupito anattamano nikkaḍḍhati vā nikkaḍḍhāpeti vā, āpatti pācittiyassa.
pli-tv-bu-vb-pc17:2.2.2	Saṅghike vematiko kupito anattamano nikkaḍḍhati vā nikkaḍḍhāpeti vā, āpatti pācittiyassa.
pli-tv-bu-vb-pc17:2.2.3	Saṅghike puggalikasaññī kupito anattamano nikkaḍḍhati vā nikkaḍḍhāpeti vā, āpatti pācittiyassa.
pli-tv-bu-vb-pc17:2.2.4	Tassa parikkhāraṁ nikkaḍḍhati vā nikkaḍḍhāpeti vā, āpatti dukkaṭassa.
pli-tv-bu-vb-pc17:2.2.5	Vihārassa upacārā vā upaṭṭhānasālāya vā maṇḍapā vā rukkhamūlā vā ajjhokāsā vā nikkaḍḍhati vā nikkaḍḍhāpeti vā, āpatti dukkaṭassa.
pli-tv-bu-vb-pc17:2.2.6	Tassa parikkhāraṁ nikkaḍḍhati vā nikkaḍḍhāpeti vā, āpatti dukkaṭassa.
pli-tv-bu-vb-pc17:2.2.7	Anupasampannaṁ vihārā vā vihārassa upacārā vā upaṭṭhānasālāya vā maṇḍapā vā rukkhamūlā vā ajjhokāsā vā nikkaḍḍhati vā nikkaḍḍhāpeti vā, āpatti dukkaṭassa.
pli-tv-bu-vb-pc17:2.2.8	Tassa parikkhāraṁ nikkaḍḍhati vā nikkaḍḍhāpeti vā, āpatti dukkaṭassa.
pli-tv-bu-vb-pc17:2.2.9	Puggalike saṅghikasaññī, āpatti dukkaṭassa.
pli-tv-bu-vb-pc17:2.2.10	Puggalike vematiko, āpatti dukkaṭassa.
pli-tv-bu-vb-pc17:2.2.11	Puggalike puggalikasaññī aññassa puggalike āpatti dukkaṭassa.
pli-tv-bu-vb-pc17:2.2.12	Attano puggalike anāpatti.
pli-tv-bu-vb-pc17:2.3.0	
pli-tv-bu-vb-pc17:2.3.1	Anāpatti—
pli-tv-bu-vb-pc17:2.3.2	alajjiṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.3	tassa parikkhāraṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.4	ummattakaṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.5	tassa parikkhāraṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.6	bhaṇḍanakārakaṁ kalahakārakaṁ vivādakārakaṁ bhassakārakaṁ saṅghe adhikaraṇakārakaṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.7	tassa parikkhāraṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.8	antevāsikaṁ vā saddhivihārikaṁ vā na sammā vattantaṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.9	tassa parikkhāraṁ nikkaḍḍhati vā nikkaḍḍhāpeti vā,
pli-tv-bu-vb-pc17:2.3.10	ummattakassa,
pli-tv-bu-vb-pc17:2.3.11	ādikammikassāti.
pli-tv-bu-vb-pc17:2.3.12	Nikkaḍḍhanasikkhāpadaṁ niṭṭhitaṁ sattamaṁ.
pli-tv-bu-vb-pc18:0.1	Theravāda Vinaya
pli-tv-bu-vb-pc18:0.2	Mahāvibhaṅga
pli-tv-bu-vb-pc18:0.3	Pācittiyakaṇḍa
pli-tv-bu-vb-pc18:0.4	Bhūtagāmavagga
pli-tv-bu-vb-pc18:0.5	18. Vehāsakuṭisikkhāpada
pli-tv-bu-vb-pc18:1.0	
pli-tv-bu-vb-pc18:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc18:1.2	Tena kho pana samayena dve bhikkhū saṅghike vihāre uparivehāsakuṭiyā eko heṭṭhā viharati, eko upari.
pli-tv-bu-vb-pc18:1.3	Uparimo bhikkhu āhaccapādakaṁ mañcaṁ sahasā abhinisīdi.
pli-tv-bu-vb-pc18:1.4	Mañcapādo nippatitvā heṭṭhimassa bhikkhuno matthake avatthāsi.
pli-tv-bu-vb-pc18:1.5	So bhikkhu vissaramakāsi.
pli-tv-bu-vb-pc18:1.6	Bhikkhū upadhāvitvā taṁ bhikkhuṁ etadavocuṁ—
pli-tv-bu-vb-pc18:1.7	“kissa tvaṁ, āvuso, vissaramakāsī”ti?
pli-tv-bu-vb-pc18:1.8	Atha kho so bhikkhu bhikkhūnaṁ etamatthaṁ ārocesi.
pli-tv-bu-vb-pc18:1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc18:1.10	“kathañhi nāma bhikkhu saṅghike vihāre uparivehāsakuṭiyā āhaccapādakaṁ mañcaṁ sahasā abhinisīdissatī”ti.
pli-tv-bu-vb-pc18:1.11	Atha kho te bhikkhū taṁ bhikkhuṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc18:1.12	“saccaṁ kira tvaṁ, bhikkhu, saṅghike vihāre uparivehāsakuṭiyā āhaccapādakaṁ mañcaṁ sahasā abhinisīdasī”ti?
pli-tv-bu-vb-pc18:1.13	“Saccaṁ, bhagavā”ti.
pli-tv-bu-vb-pc18:1.14	Vigarahi buddho bhagavā …pe…
pli-tv-bu-vb-pc18:1.15	kathañhi nāma tvaṁ, moghapurisa, saṅghike vihāre uparivehāsakuṭiyā āhaccapādakaṁ mañcaṁ sahasā abhinisīdissasi.
pli-tv-bu-vb-pc18:1.16	Netaṁ, moghapurisa, appasannānaṁ vā pasādāya …pe…
pli-tv-bu-vb-pc18:1.17	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc18:1.18.0	
pli-tv-bu-vb-pc18:1.18.1	“Yo pana bhikkhu saṅghike vihāre uparivehāsakuṭiyā āhaccapādakaṁ mañcaṁ vā pīṭhaṁ vā abhinisīdeyya vā abhinipajjeyya vā, pācittiyan”ti.
pli-tv-bu-vb-pc18:2.1.0	
pli-tv-bu-vb-pc18:2.1.1	Yo panāti
pli-tv-bu-vb-pc18:2.1.2	yo yādiso …pe…
pli-tv-bu-vb-pc18:2.1.3	bhikkhūti
pli-tv-bu-vb-pc18:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc18:2.1.5	Saṅghiko nāma vihāro
pli-tv-bu-vb-pc18:2.1.6	saṅghassa dinno hoti pariccatto.
pli-tv-bu-vb-pc18:2.1.7	Vehāsakuṭi nāma
pli-tv-bu-vb-pc18:2.1.8	majjhimassa purisassa asīsaghaṭṭā.
pli-tv-bu-vb-pc18:2.1.9	Āhaccapādako nāma mañco
pli-tv-bu-vb-pc18:2.1.10	aṅge vijjhitvā ṭhito hoti.
pli-tv-bu-vb-pc18:2.1.11	Āhaccapādakaṁ nāma pīṭhaṁ
pli-tv-bu-vb-pc18:2.1.12	aṅge vijjhitvā ṭhitaṁ hoti.
pli-tv-bu-vb-pc18:2.1.13	Abhinisīdeyyāti
pli-tv-bu-vb-pc18:2.1.14	tasmiṁ abhinisīdati, āpatti pācittiyassa.
pli-tv-bu-vb-pc18:2.1.15	Abhinipajjeyyāti
pli-tv-bu-vb-pc18:2.1.16	tasmiṁ abhinipajjati, āpatti pācittiyassa.
pli-tv-bu-vb-pc18:2.2.0	
pli-tv-bu-vb-pc18:2.2.1	Saṅghike saṅghikasaññī uparivehāsakuṭiyā āhaccapādakaṁ mañcaṁ vā pīṭhaṁ vā abhinisīdati vā abhinipajjati vā, āpatti pācittiyassa.
pli-tv-bu-vb-pc18:2.2.2	Saṅghike vematiko …pe…
pli-tv-bu-vb-pc18:2.2.3	saṅghike puggalikasaññī uparivehāsakuṭiyā āhaccapādakaṁ mañcaṁ vā pīṭhaṁ vā abhinisīdati vā abhinipajjati vā, āpatti pācittiyassa.
pli-tv-bu-vb-pc18:2.2.4	Puggalike saṅghikasaññī, āpatti dukkaṭassa.
pli-tv-bu-vb-pc18:2.2.5	Puggalike vematiko, āpatti dukkaṭassa.
pli-tv-bu-vb-pc18:2.2.6	Puggalike puggalikasaññī aññassa puggalike, āpatti dukkaṭassa.
pli-tv-bu-vb-pc18:2.2.7	Attano puggalike, anāpatti.
pli-tv-bu-vb-pc18:2.3.0	
pli-tv-bu-vb-pc18:2.3.1	Anāpatti—
pli-tv-bu-vb-pc18:2.3.2	avehāsakuṭiyā
pli-tv-bu-vb-pc18:2.3.3	sīsaghaṭṭāya
pli-tv-bu-vb-pc18:2.3.4	heṭṭhā aparibhogaṁ hoti,
pli-tv-bu-vb-pc18:2.3.5	padarasañcitaṁ hoti,
pli-tv-bu-vb-pc18:2.3.6	paṭāṇi dinnā hoti,
pli-tv-bu-vb-pc18:2.3.7	tasmiṁ ṭhito gaṇhati vā laggeti vā,
pli-tv-bu-vb-pc18:2.3.8	ummattakassa,
pli-tv-bu-vb-pc18:2.3.9	ādikammikassāti.
pli-tv-bu-vb-pc18:2.3.10	Vehāsakuṭisikkhāpadaṁ niṭṭhitaṁ aṭṭhamaṁ.
pli-tv-bu-vb-pc19:0.1	Theravāda Vinaya
pli-tv-bu-vb-pc19:0.2	Mahāvibhaṅga
pli-tv-bu-vb-pc19:0.3	Pācittiyakaṇḍa
pli-tv-bu-vb-pc19:0.4	Bhūtagāmavagga
pli-tv-bu-vb-pc19:0.5	19. Mahallakavihārasikkhāpada
pli-tv-bu-vb-pc19:1.0	
pli-tv-bu-vb-pc19:1.1	Tena samayena buddho bhagavā kosambiyaṁ viharati ghositārāme.
pli-tv-bu-vb-pc19:1.2	Tena kho pana samayena āyasmato channassa upaṭṭhāko mahāmatto āyasmato channassa vihāraṁ kārāpeti.
pli-tv-bu-vb-pc19:1.3	Atha kho āyasmā channo katapariyositaṁ vihāraṁ punappunaṁ chādāpeti, punappunaṁ lepāpeti.
pli-tv-bu-vb-pc19:1.4	Atibhārito vihāro paripati.
pli-tv-bu-vb-pc19:1.5	Atha kho āyasmā channo tiṇañca kaṭṭhañca saṅkaḍḍhanto aññatarassa brāhmaṇassa yavakhettaṁ dūsesi.
pli-tv-bu-vb-pc19:1.6	Atha kho so brāhmaṇo ujjhāyati khiyyati vipāceti—
pli-tv-bu-vb-pc19:1.7	“kathañhi nāma bhadantā amhākaṁ yavakhettaṁ dūsessantī”ti.
pli-tv-bu-vb-pc19:1.8	Assosuṁ kho bhikkhū tassa brāhmaṇassa ujjhāyantassa khiyyantassa vipācentassa.
pli-tv-bu-vb-pc19:1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc19:1.10	“kathañhi nāma āyasmā channo katapariyositaṁ vihāraṁ punappunaṁ chādāpessati, punappunaṁ lepāpessati, atibhārito vihāro paripatī”ti.
pli-tv-bu-vb-pc19:1.11	Atha kho te bhikkhū āyasmantaṁ channaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc19:1.12	“saccaṁ kira tvaṁ, channa, katapariyositaṁ vihāraṁ punappunaṁ chādāpesi, punappunaṁ lepāpesi, atibhārito vihāro paripatī”ti?
pli-tv-bu-vb-pc19:1.13	“Saccaṁ, bhagavā”ti.
pli-tv-bu-vb-pc19:1.14	Vigarahi buddho bhagavā …pe…
pli-tv-bu-vb-pc19:1.15	kathañhi nāma tvaṁ, moghapurisa, katapariyositaṁ vihāraṁ punappunaṁ chādāpessasi, punappunaṁ lepāpessasi, atibhārito vihāro paripati.
pli-tv-bu-vb-pc19:1.16	Netaṁ, moghapurisa, appasannānaṁ vā pasādāya …pe…
pli-tv-bu-vb-pc19:1.17	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc19:1.18.0	
pli-tv-bu-vb-pc19:1.18.1	“Mahallakaṁ pana bhikkhunā vihāraṁ kārayamānena yāva dvārakosā aggaḷaṭṭhapanāya ālokasandhiparikammāya dvatticchadanassa pariyāyaṁ appaharite ṭhitena adhiṭṭhātabbaṁ. Tato ce uttari appaharitepi ṭhito adhiṭṭhaheyya pācittiyan”ti.
pli-tv-bu-vb-pc19:2.1.0	
pli-tv-bu-vb-pc19:2.1.1	Mahallako nāma vihāro
pli-tv-bu-vb-pc19:2.1.2	sassāmiko vuccati.
pli-tv-bu-vb-pc19:2.1.3	Vihāro nāma
pli-tv-bu-vb-pc19:2.1.4	ullitto vā hoti avalitto vā ullittāvalitto vā.
pli-tv-bu-vb-pc19:2.1.5	Kārayamānenāti
pli-tv-bu-vb-pc19:2.1.6	karonto vā kārāpento vā.
pli-tv-bu-vb-pc19:2.1.7	Yāva dvārakosāti
pli-tv-bu-vb-pc19:2.1.8	piṭṭhasaṅghāṭassa samantā hatthapāsā.
pli-tv-bu-vb-pc19:2.1.9	Aggaḷaṭṭhapanāyāti
pli-tv-bu-vb-pc19:2.1.10	dvāraṭṭhapanāya.
pli-tv-bu-vb-pc19:2.1.11	Ālokasandhiparikammāyāti
pli-tv-bu-vb-pc19:2.1.12	vātapānaparikammāya setavaṇṇaṁ kāḷavaṇṇaṁ gerukaparikammaṁ mālākammaṁ latākammaṁ makaradantakaṁ pañcapaṭikaṁ.
pli-tv-bu-vb-pc19:2.1.13	Dvatticchadanassa pariyāyaṁ appaharite ṭhitena adhiṭṭhātabbanti—
pli-tv-bu-vb-pc19:2.1.14	haritaṁ nāma pubbaṇṇaṁ aparaṇṇaṁ.
pli-tv-bu-vb-pc19:2.1.15	Sace harite ṭhito adhiṭṭhāti, āpatti dukkaṭassa.
pli-tv-bu-vb-pc19:2.1.16	Maggena chādentassa dve magge adhiṭṭhahitvā tatiyaṁ maggaṁ āṇāpetvā pakkamitabbaṁ.
pli-tv-bu-vb-pc19:2.1.17	Pariyāyena chādentassa dve pariyāye adhiṭṭhahitvā tatiyaṁ pariyāyaṁ āṇāpetvā pakkamitabbaṁ.
pli-tv-bu-vb-pc19:2.1.18	Tato ce uttari appaharitepi ṭhito adhiṭṭhaheyyāti
pli-tv-bu-vb-pc19:2.1.19	iṭṭhakāya chādentassa iṭṭhakiṭṭhakāya āpatti pācittiyassa.
pli-tv-bu-vb-pc19:2.1.20	Silāya chādentassa silāya silāya āpatti pācittiyassa.
pli-tv-bu-vb-pc19:2.1.21	Sudhāya chādentassa piṇḍe piṇḍe āpatti pācittiyassa.
pli-tv-bu-vb-pc19:2.1.22	Tiṇena chādentassa karaḷe karaḷe āpatti pācittiyassa.
pli-tv-bu-vb-pc19:2.1.23	Paṇṇena chādentassa paṇṇe paṇṇe āpatti pācittiyassa.
pli-tv-bu-vb-pc19:2.2.0	
pli-tv-bu-vb-pc19:2.2.1	Atirekadvattipariyāye atirekasaññī adhiṭṭhāti, āpatti pācittiyassa.
pli-tv-bu-vb-pc19:2.2.2	Atirekadvattipariyāye vematiko adhiṭṭhāti, āpatti pācittiyassa.
pli-tv-bu-vb-pc19:2.2.3	Atirekadvattipariyāye ūnakasaññī adhiṭṭhāti, āpatti pācittiyassa.
pli-tv-bu-vb-pc19:2.2.4	Ūnakadvattipariyāye atirekasaññī, āpatti dukkaṭassa.
pli-tv-bu-vb-pc19:2.2.5	Ūnakadvattipariyāye vematiko, āpatti dukkaṭassa.
pli-tv-bu-vb-pc19:2.2.6	Ūnakadvattipariyāye ūnakasaññī, anāpatti.
pli-tv-bu-vb-pc19:2.3.0	
pli-tv-bu-vb-pc19:2.3.1	Anāpatti—
pli-tv-bu-vb-pc19:2.3.2	dvattipariyāye,
pli-tv-bu-vb-pc19:2.3.3	ūnakadvattipariyāye,
pli-tv-bu-vb-pc19:2.3.4	leṇe,
pli-tv-bu-vb-pc19:2.3.5	guhāya,
pli-tv-bu-vb-pc19:2.3.6	tiṇakuṭikāya,
pli-tv-bu-vb-pc19:2.3.7	aññassatthāya,
pli-tv-bu-vb-pc19:2.3.8	attano dhanena,
pli-tv-bu-vb-pc19:2.3.9	vāsāgāraṁ ṭhapetvā sabbattha anāpatti,
pli-tv-bu-vb-pc19:2.3.10	ummattakassa,
pli-tv-bu-vb-pc19:2.3.11	ādikammikassāti.
pli-tv-bu-vb-pc19:2.3.12	Mahallakavihārasikkhāpadaṁ niṭṭhitaṁ navamaṁ.
pli-tv-bu-vb-pc20:0.1	Theravāda Vinaya
pli-tv-bu-vb-pc20:0.2	Mahāvibhaṅga
pli-tv-bu-vb-pc20:0.3	Pācittiyakaṇḍa
pli-tv-bu-vb-pc20:0.4	Bhūtagāmavagga
pli-tv-bu-vb-pc20:0.5	20. Sappāṇakasikkhāpada
pli-tv-bu-vb-pc20:1.0	
pli-tv-bu-vb-pc20:1.1	Tena samayena buddho bhagavā āḷaviyaṁ viharati aggāḷave cetiye.
pli-tv-bu-vb-pc20:1.2	Tena kho pana samayena āḷavakā bhikkhū navakammaṁ karontā jānaṁ sappāṇakaṁ udakaṁ tiṇampi mattikampi siñcantipi siñcāpentipi.
pli-tv-bu-vb-pc20:1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc20:1.4	“kathañhi nāma āḷavakā bhikkhū jānaṁ sappāṇakaṁ udakaṁ tiṇampi mattikampi siñcissantipi siñcāpessantipī”ti.
pli-tv-bu-vb-pc20:1.5	Atha kho te bhikkhū āḷavake bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pc20:1.6	“saccaṁ kira tumhe, bhikkhave, jānaṁ sappāṇakaṁ udakaṁ tiṇampi mattikampi siñcathapi siñcāpethapī”ti?
pli-tv-bu-vb-pc20:1.7	“Saccaṁ, bhagavā”ti.
pli-tv-bu-vb-pc20:1.8	Vigarahi buddho bhagavā …pe…
pli-tv-bu-vb-pc20:1.9	kathañhi nāma tumhe, moghapurisā, jānaṁ sappāṇakaṁ udakaṁ tiṇampi mattikampi siñcissathapi siñcāpessathapi.
pli-tv-bu-vb-pc20:1.10	Netaṁ, moghapurisā, appasannānaṁ vā pasādāya …pe…
pli-tv-bu-vb-pc20:1.11	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc20:1.12.0	
pli-tv-bu-vb-pc20:1.12.1	“Yo pana bhikkhu jānaṁ sappāṇakaṁ udakaṁ tiṇaṁ vā mattikaṁ vā siñceyya vā siñcāpeyya vā, pācittiyan”ti.
pli-tv-bu-vb-pc20:2.1.0	
pli-tv-bu-vb-pc20:2.1.1	Yo panāti
pli-tv-bu-vb-pc20:2.1.2	yo yādiso …pe…
pli-tv-bu-vb-pc20:2.1.3	bhikkhūti
pli-tv-bu-vb-pc20:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc20:2.1.5	Jānāti nāma
pli-tv-bu-vb-pc20:2.1.6	sāmaṁ vā jānāti. Aññe vā tassa ārocenti.
pli-tv-bu-vb-pc20:2.1.7	Siñceyyāti
pli-tv-bu-vb-pc20:2.1.8	sayaṁ siñcati, āpatti pācittiyassa.
pli-tv-bu-vb-pc20:2.1.9	Siñcāpeyyāti
pli-tv-bu-vb-pc20:2.1.10	aññaṁ āṇāpeti, āpatti pācittiyassa.
pli-tv-bu-vb-pc20:2.1.11	Sakiṁ āṇatto bahukampi siñcati, āpatti pācittiyassa.
pli-tv-bu-vb-pc20:2.2.0	
pli-tv-bu-vb-pc20:2.2.1	Sappāṇake sappāṇakasaññī tiṇaṁ vā mattikaṁ vā siñcati vā siñcāpeti vā, āpatti pācittiyassa.
pli-tv-bu-vb-pc20:2.2.2	Sappāṇake vematiko tiṇaṁ vā mattikaṁ vā siñcati vā siñcāpeti vā, āpatti dukkaṭassa.
pli-tv-bu-vb-pc20:2.2.3	Sappāṇake appāṇakasaññī tiṇaṁ vā mattikaṁ vā siñcati vā siñcāpeti vā, anāpatti.
pli-tv-bu-vb-pc20:2.2.4	Appāṇake sappāṇakasaññī, āpatti dukkaṭassa.
pli-tv-bu-vb-pc20:2.2.5	Appāṇake vematiko, āpatti dukkaṭassa.
pli-tv-bu-vb-pc20:2.2.6	Appāṇake appāṇakasaññī, anāpatti.
pli-tv-bu-vb-pc20:2.3.0	
pli-tv-bu-vb-pc20:2.3.1	Anāpatti—
pli-tv-bu-vb-pc20:2.3.2	asañcicca,
pli-tv-bu-vb-pc20:2.3.3	assatiyā,
pli-tv-bu-vb-pc20:2.3.4	ajānantassa,
pli-tv-bu-vb-pc20:2.3.5	ummattakassa,
pli-tv-bu-vb-pc20:2.3.6	ādikammikassāti.
pli-tv-bu-vb-pc20:2.3.7	Sappāṇakasikkhāpadaṁ niṭṭhitaṁ dasamaṁ.
pli-tv-bu-vb-pc20:2.3.8	Bhūtagāmavaggo dutiyo.
pli-tv-bu-vb-pc20:2.3.9	Tassuddānaṁ
pli-tv-bu-vb-pc20:2.3.10	Bhūtaṁ aññāya ujjhāyaṁ,
pli-tv-bu-vb-pc20:2.3.11	pakkamantena te duve;
pli-tv-bu-vb-pc20:2.3.12	Pubbe nikkaḍḍhanāhacca,
pli-tv-bu-vb-pc20:2.3.13	dvāraṁ sappāṇakena cāti.
pli-tv-bu-vb-pc21:0.1	Theravāda Vinaya
pli-tv-bu-vb-pc21:0.2	Mahāvibhaṅga
pli-tv-bu-vb-pc21:0.3	Pācittiyakaṇḍa
pli-tv-bu-vb-pc21:0.4	Ovādavagga
pli-tv-bu-vb-pc21:0.5	21. Ovādasikkhāpada
pli-tv-bu-vb-pc21:1.0.1	
pli-tv-bu-vb-pc21:1.0.2	
pli-tv-bu-vb-pc21:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc21:1.2	Tena kho pana samayena therā bhikkhū bhikkhuniyo ovadantā lābhino honti cīvarapiṇḍapātasenāsanagilānappaccayabhesajjaparikkhārānaṁ.
pli-tv-bu-vb-pc21:1.3	Atha kho chabbaggiyānaṁ bhikkhūnaṁ etadahosi—
pli-tv-bu-vb-pc21:1.4	“etarahi kho, āvuso, therā bhikkhū bhikkhuniyo ovadantā lābhino honti cīvarapiṇḍapātasenāsanagilānappaccayabhesajjaparikkhārānaṁ.
pli-tv-bu-vb-pc21:1.5	Handāvuso, mayampi bhikkhuniyo ovadāmā”ti.
pli-tv-bu-vb-pc21:1.6	Atha kho chabbaggiyā bhikkhū bhikkhuniyo upasaṅkamitvā etadavocuṁ—“amhepi, bhaginiyo, upasaṅkamatha; mayampi ovadissāmā”ti.
pli-tv-bu-vb-pc21:1.7	Atha kho tā bhikkhuniyo yena chabbaggiyā bhikkhū tenupasaṅkamiṁsu;
pli-tv-bu-vb-pc21:1.8	upasaṅkamitvā chabbaggiye bhikkhū abhivādetvā ekamantaṁ nisīdiṁsu.
pli-tv-bu-vb-pc21:1.9	Atha kho chabbaggiyā bhikkhū bhikkhunīnaṁ parittaññeva dhammiṁ kathaṁ katvā divasaṁ tiracchānakathāya vītināmetvā uyyojesuṁ—“gacchatha, bhaginiyo”ti.
pli-tv-bu-vb-pc21:1.10	Atha kho tā bhikkhuniyo yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ aṭṭhaṁsu. Ekamantaṁ ṭhitā kho tā bhikkhuniyo bhagavā etadavoca—“kacci, bhikkhuniyo, ovādo iddho ahosī”ti?
pli-tv-bu-vb-pc21:1.11	“Kuto, bhante, ovādo iddho bhavissati.
pli-tv-bu-vb-pc21:1.12	Ayyā chabbaggiyā parittaññeva dhammiṁ kathaṁ katvā divasaṁ tiracchānakathāya vītināmetvā uyyojesun”ti.
pli-tv-bu-vb-pc21:1.13	Atha kho bhagavā tā bhikkhuniyo dhammiyā kathāya sandassesi samādapesi samuttejesi sampahaṁsesi.
pli-tv-bu-vb-pc21:1.14	Atha kho tā bhikkhuniyo bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ abhivādetvā padakkhiṇaṁ katvā pakkamiṁsu.
pli-tv-bu-vb-pc21:1.15	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi—
pli-tv-bu-vb-pc21:1.16	“saccaṁ kira tumhe, bhikkhave, bhikkhunīnaṁ parittaññeva dhammiṁ kathaṁ katvā divasaṁ tiracchānakathāya vītināmetvā uyyojethā”ti?
pli-tv-bu-vb-pc21:1.17	“Saccaṁ, bhagavā”ti.
pli-tv-bu-vb-pc21:1.18	Vigarahi buddho bhagavā …pe…
pli-tv-bu-vb-pc21:1.19	kathañhi nāma tumhe, moghapurisā, bhikkhunīnaṁ parittaññeva dhammiṁ kathaṁ katvā divasaṁ tiracchānakathāya vītināmetvā uyyojessatha.
pli-tv-bu-vb-pc21:1.20	Netaṁ, moghapurisā, appasannānaṁ vā pasādāya …pe…
pli-tv-bu-vb-pc21:1.21	vigarahitvā …pe…
pli-tv-bu-vb-pc21:1.22	dhammiṁ kathaṁ katvā bhikkhū āmantesi—
pli-tv-bu-vb-pc21:1.23	“anujānāmi, bhikkhave, bhikkhunovādakaṁ sammannituṁ.
pli-tv-bu-vb-pc21:1.24	Evañca pana, bhikkhave, sammannitabbo.
pli-tv-bu-vb-pc21:1.25	Paṭhamaṁ bhikkhu yācitabbo.
pli-tv-bu-vb-pc21:1.26	Yācitvā byattena bhikkhunā paṭibalena saṅgho ñāpetabbo—
pli-tv-bu-vb-pc21:1.27	‘Suṇātu me, bhante, saṅgho.
pli-tv-bu-vb-pc21:1.28	Yadi saṅghassa pattakallaṁ, saṅgho itthannāmaṁ bhikkhuṁ bhikkhunovādakaṁ sammanneyya.
pli-tv-bu-vb-pc21:1.29	Esā ñatti.
pli-tv-bu-vb-pc21:1.30	Suṇātu me, bhante, saṅgho.
pli-tv-bu-vb-pc21:1.31	Saṅgho itthannāmaṁ bhikkhuṁ bhikkhunovādakaṁ sammannati.
pli-tv-bu-vb-pc21:1.32	Yassāyasmato khamati itthannāmassa bhikkhuno bhikkhunovādakassa sammuti, so tuṇhassa;
pli-tv-bu-vb-pc21:1.33	yassa nakkhamati, so bhāseyya.
pli-tv-bu-vb-pc21:1.34	Dutiyampi etamatthaṁ vadāmi …pe…
pli-tv-bu-vb-pc21:1.35	tatiyampi etamatthaṁ vadāmi—
pli-tv-bu-vb-pc21:1.36	suṇātu me, bhante, saṅgho.
pli-tv-bu-vb-pc21:1.37	Saṅgho itthannāmaṁ bhikkhuṁ bhikkhunovādakaṁ sammannati.
pli-tv-bu-vb-pc21:1.38	Yassāyasmato khamati itthannāmassa bhikkhuno bhikkhunovādakassa sammuti, so tuṇhassa;
pli-tv-bu-vb-pc21:1.39	yassa nakkhamati, so bhāseyya.
pli-tv-bu-vb-pc21:1.40	Sammato saṅghena itthannāmo bhikkhu bhikkhunovādako.
pli-tv-bu-vb-pc21:1.41	Khamati saṅghassa, tasmā tuṇhī, evametaṁ dhārayāmī’”ti.
pli-tv-bu-vb-pc21:1.42	Atha kho bhagavā chabbaggiye bhikkhū anekapariyāyena vigarahitvā dubbharatāya …pe…
pli-tv-bu-vb-pc21:1.43	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc21:1.44.0	
pli-tv-bu-vb-pc21:1.44.1	“Yo pana bhikkhu asammato bhikkhuniyo ovadeyya pācittiyan”ti.
pli-tv-bu-vb-pc21:1.45	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc21:2.0	
pli-tv-bu-vb-pc21:2.1	Tena kho pana samayena therā bhikkhū sammatā bhikkhuniyo ovadantā tatheva lābhino honti cīvarapiṇḍapātasenāsanagilānappaccayabhesajjaparikkhārānaṁ.
pli-tv-bu-vb-pc21:2.2	Atha kho chabbaggiyānaṁ bhikkhūnaṁ etadahosi—
pli-tv-bu-vb-pc21:2.3	“etarahi kho, āvuso, therā bhikkhū sammatā bhikkhuniyo ovadantā tatheva lābhino honti cīvarapiṇḍapātasenāsanagilānappaccayabhesajjaparikkhārānaṁ.
pli-tv-bu-vb-pc21:2.4	Handāvuso, mayampi nissīmaṁ gantvā aññamaññaṁ bhikkhunovādakaṁ sammannitvā bhikkhuniyo ovadāmā”ti.
pli-tv-bu-vb-pc21:2.5	Atha kho chabbaggiyā bhikkhū nissīmaṁ gantvā aññamaññaṁ bhikkhunovādakaṁ sammannitvā bhikkhuniyo upasaṅkamitvā etadavocuṁ—“mayampi, bhaginiyo, sammatā.
pli-tv-bu-vb-pc21:2.6	Amhepi upasaṅkamatha. Mayampi ovadissāmā”ti.
pli-tv-bu-vb-pc21:2.7	Atha kho tā bhikkhuniyo yena chabbaggiyā bhikkhū tenupasaṅkamiṁsu; upasaṅkamitvā chabbaggiye bhikkhū abhivādetvā ekamantaṁ nisīdiṁsu.
pli-tv-bu-vb-pc21:2.8	Atha kho chabbaggiyā bhikkhū bhikkhunīnaṁ parittaññeva dhammiṁ kathaṁ katvā divasaṁ tiracchānakathāya vītināmetvā uyyojesuṁ—
pli-tv-bu-vb-pc21:2.9	“gacchatha, bhaginiyo”ti.
pli-tv-bu-vb-pc21:2.10	Atha kho tā bhikkhuniyo yena bhagavā tenupasaṅkamiṁsu;
pli-tv-bu-vb-pc21:2.11	upasaṅkamitvā bhagavantaṁ abhivādetvā ekamantaṁ aṭṭhaṁsu.
pli-tv-bu-vb-pc21:2.12	Ekamantaṁ ṭhitā kho tā bhikkhuniyo bhagavā etadavoca—
pli-tv-bu-vb-pc21:2.13	“kacci, bhikkhuniyo, ovādo iddho ahosī”ti?
pli-tv-bu-vb-pc21:2.14	“Kuto, bhante, ovādo iddho bhavissati.
pli-tv-bu-vb-pc21:2.15	Ayyā chabbaggiyā parittaññeva dhammiṁ kathaṁ katvā divasaṁ tiracchānakathāya vītināmetvā uyyojesun”ti.
pli-tv-bu-vb-pc21:2.16	Atha kho bhagavā tā bhikkhuniyo dhammiyā kathāya sandassesi …pe…
pli-tv-bu-vb-pc21:2.17	atha kho tā bhikkhuniyo bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ abhivādetvā padakkhiṇaṁ katvā pakkamiṁsu.
pli-tv-bu-vb-pc21:2.18	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi—
pli-tv-bu-vb-pc21:2.19	“saccaṁ kira tumhe, bhikkhave, bhikkhunīnaṁ parittaññeva dhammiṁ kathaṁ katvā divasaṁ tiracchānakathāya vītināmetvā uyyojethā”ti?
pli-tv-bu-vb-pc21:2.20	“Saccaṁ, bhagavā”ti.
pli-tv-bu-vb-pc21:2.21	Vigarahi buddho bhagavā …pe…
pli-tv-bu-vb-pc21:2.22	kathañhi nāma tumhe, moghapurisā, bhikkhunīnaṁ parittaññeva dhammiṁ kathaṁ katvā divasaṁ tiracchānakathāya vītināmetvā uyyojessatha.
pli-tv-bu-vb-pc21:2.23	Netaṁ, moghapurisā, appasannānaṁ vā pasādāya …pe…
pli-tv-bu-vb-pc21:2.24	vigarahitvā …pe…
pli-tv-bu-vb-pc21:2.25	dhammiṁ kathaṁ katvā bhikkhū āmantesi—
pli-tv-bu-vb-pc21:2.26	“anujānāmi, bhikkhave, aṭṭhahaṅgehi samannāgataṁ bhikkhuṁ bhikkhunovādakaṁ sammannituṁ.
pli-tv-bu-vb-pc21:2.27	Sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu;
pli-tv-bu-vb-pc21:2.28	bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti tathārūpāssa dhammā bahussutā honti dhātā vacasā paricitā manasā anupekkhitā diṭṭhiyā suppaṭividdhā;
pli-tv-bu-vb-pc21:2.29	ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso;
pli-tv-bu-vb-pc21:2.30	kalyāṇavāco hoti kalyāṇavākkaraṇo;
pli-tv-bu-vb-pc21:2.31	yebhuyyena bhikkhunīnaṁ piyo hoti manāpo;
pli-tv-bu-vb-pc21:2.32	paṭibalo hoti bhikkhuniyo ovadituṁ;
pli-tv-bu-vb-pc21:2.33	na kho panetaṁ bhagavantaṁ uddissa pabbajitāya kāsāyavatthavasanāya garudhammaṁ ajjhāpannapubbo hoti;
pli-tv-bu-vb-pc21:2.34	vīsativasso vā hoti atirekavīsativasso vā—
pli-tv-bu-vb-pc21:2.35	anujānāmi, bhikkhave, imehi aṭṭhahaṅgehi samannāgataṁ bhikkhuṁ bhikkhunovādakaṁ sammannitun”ti.
pli-tv-bu-vb-pc21:3.1.0	
pli-tv-bu-vb-pc21:3.1.1	Yo panāti
pli-tv-bu-vb-pc21:3.1.2	yo yādiso …pe…
pli-tv-bu-vb-pc21:3.1.3	bhikkhūti
pli-tv-bu-vb-pc21:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc21:3.1.5	Asammato nāma
pli-tv-bu-vb-pc21:3.1.6	ñatticatutthena kammena asammato.
pli-tv-bu-vb-pc21:3.1.7	Bhikkhuniyo nāma
pli-tv-bu-vb-pc21:3.1.8	ubhatosaṅghe upasampannā.
pli-tv-bu-vb-pc21:3.1.9	Ovadeyyāti
pli-tv-bu-vb-pc21:3.1.10	aṭṭhahi garudhammehi ovadati, āpatti pācittiyassa.
pli-tv-bu-vb-pc21:3.1.11	Aññena dhammena ovadati, āpatti dukkaṭassa.
pli-tv-bu-vb-pc21:3.1.12	Ekatoupasampannaṁ ovadati, āpatti dukkaṭassa.
pli-tv-bu-vb-pc21:3.1.13	Tena sammatena bhikkhunā pariveṇaṁ sammajjitvā pānīyaṁ paribhojanīyaṁ upaṭṭhāpetvā āsanaṁ paññapetvā dutiyaṁ gahetvā nisīditabbaṁ.
pli-tv-bu-vb-pc21:3.1.14	Bhikkhunīhi tattha gantvā taṁ bhikkhuṁ abhivādetvā ekamantaṁ nisīditabbaṁ.
pli-tv-bu-vb-pc21:3.1.15	Tena bhikkhunā pucchitabbā—
pli-tv-bu-vb-pc21:3.1.16	“samaggāttha, bhaginiyo”ti?
pli-tv-bu-vb-pc21:3.1.17	Sace “samaggāmhāyyā”ti bhaṇanti, “vattanti, bhaginiyo, aṭṭha garudhammā”ti?
pli-tv-bu-vb-pc21:3.1.18	Sace “vattantāyyā”ti bhaṇanti, “eso, bhaginiyo, ovādo”ti niyyādetabbo.
pli-tv-bu-vb-pc21:3.1.19	Sace “na vattantāyyā”ti bhaṇanti, osāretabbā.
pli-tv-bu-vb-pc21:3.1.20	“Vassasatūpasampannāya bhikkhuniyā tadahupasampannassa bhikkhuno abhivādanaṁ paccuṭṭhānaṁ añjalikammaṁ sāmīcikammaṁ kātabbaṁ;
pli-tv-bu-vb-pc21:3.1.21	ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-bu-vb-pc21:3.1.22	Na bhikkhuniyā abhikkhuke āvāse vassaṁ vasitabbaṁ;
pli-tv-bu-vb-pc21:3.1.23	ayampi dhammo sakkatvā garukatvā mānetvā pūjetvā yāvajīvaṁ anatikkamanīyo.
pli-tv-bu-vb-pc21:3.1.24	Anvaddhamāsaṁ bhikkhuniyā bhikkhusaṅghato dve dhammā paccāsīsitabbā
pli-tv-bu-vb-pc21:3.1.25	uposathapucchakañca ovādūpasaṅkamanañca,
pli-tv-bu-vb-pc21:3.1.26	ayampi dhammo …pe…
pli-tv-bu-vb-pc21:3.1.27	vassaṁ vuṭṭhāya bhikkhuniyā ubhatosaṅghe tīhi ṭhānehi pavāretabbaṁ
pli-tv-bu-vb-pc21:3.1.28	diṭṭhena vā sutena vā parisaṅkāya vā;
pli-tv-bu-vb-pc21:3.1.29	ayampi dhammo …pe…
pli-tv-bu-vb-pc21:3.1.30	garudhammaṁ ajjhāpannāya bhikkhuniyā ubhatosaṅghe pakkhamānattaṁ caritabbaṁ;
pli-tv-bu-vb-pc21:3.1.31	ayampi dhammo …pe…
pli-tv-bu-vb-pc21:3.1.32	dve vassāni chasu dhammesu sikkhitasikkhāya sikkhamānāya ubhatosaṅghe upasampadā pariyesitabbā;
pli-tv-bu-vb-pc21:3.1.33	ayampi dhammo …pe…
pli-tv-bu-vb-pc21:3.1.34	na bhikkhuniyā kenaci pariyāyena bhikkhu akkositabbo paribhāsitabbo;
pli-tv-bu-vb-pc21:3.1.35	ayampi dhammo …pe…
pli-tv-bu-vb-pc21:3.1.36	ajjatagge ovaṭo bhikkhunīnaṁ bhikkhūsu vacanapatho, anovaṭo bhikkhūnaṁ bhikkhunīsu vacanapatho;
pli-tv-bu-vb-pc21:3.1.37	ayampi dhammo sakkatvā garukatvā mānetvā pūjetvā yāvajīvaṁ anatikkamanīyo”ti.
pli-tv-bu-vb-pc21:3.1.38	Sace “samaggāmhāyyā”ti bhaṇantaṁ aññaṁ dhammaṁ bhaṇati, āpatti dukkaṭassa.
pli-tv-bu-vb-pc21:3.1.39	Sace “vaggāmhāyyā”ti bhaṇantaṁ aṭṭha garudhamme bhaṇati, āpatti dukkaṭassa.
pli-tv-bu-vb-pc21:3.1.40	Ovādaṁ aniyyādetvā aññaṁ dhammaṁ bhaṇati, āpatti dukkaṭassa.
pli-tv-bu-vb-pc21:3.2.0	
pli-tv-bu-vb-pc21:3.2.1	Adhammakamme adhammakammasaññī vaggaṁ bhikkhunisaṅghaṁ vaggasaññī ovadati, āpatti pācittiyassa.
pli-tv-bu-vb-pc21:3.2.2	Adhammakamme adhammakammasaññī vaggaṁ bhikkhunisaṅghaṁ vematiko ovadati, āpatti pācittiyassa.
pli-tv-bu-vb-pc21:3.2.3	Adhammakamme adhammakammasaññī vaggaṁ bhikkhunisaṅghaṁ samaggasaññī ovadati, āpatti pācittiyassa.
pli-tv-bu-vb-pc21:3.2.4	Adhammakamme vematiko vaggaṁ bhikkhunisaṅghaṁ vaggasaññī ovadati, āpatti pācittiyassa.
pli-tv-bu-vb-pc21:3.2.5	Adhammakamme vematiko vaggaṁ bhikkhunisaṅghaṁ vematiko ovadati, āpatti pācittiyassa.
pli-tv-bu-vb-pc21:3.2.6	Adhammakamme vematiko vaggaṁ bhikkhunisaṅghaṁ samaggasaññī ovadati, āpatti pācittiyassa.
pli-tv-bu-vb-pc21:3.2.7	Adhammakamme dhammakammasaññī vaggaṁ bhikkhunisaṅghaṁ vaggasaññī ovadati, āpatti pācittiyassa.
pli-tv-bu-vb-pc21:3.2.8	Adhammakamme dhammakammasaññī vaggaṁ bhikkhunisaṅghaṁ vematiko ovadati, āpatti pācittiyassa.
pli-tv-bu-vb-pc21:3.2.9	Adhammakamme dhammakammasaññī vaggaṁ bhikkhunisaṅghaṁ samaggasaññī ovadati, āpatti pācittiyassa.
pli-tv-bu-vb-pc21:3.2.10	Adhammakamme adhammakammasaññī samaggaṁ bhikkhunisaṅghaṁ vaggasaññī ovadati, āpatti pācittiyassa.
pli-tv-bu-vb-pc21:3.2.11	Adhammakamme adhammakammasaññī samaggaṁ bhikkhunisaṅghaṁ vematiko ovadati, āpatti pācittiyassa.
pli-tv-bu-vb-pc21:3.2.12	Adhammakamme adhammakammasaññī samaggaṁ bhikkhunisaṅghaṁ samaggasaññī ovadati, āpatti pācittiyassa.
pli-tv-bu-vb-pc21:3.2.13	Adhammakamme vematiko samaggaṁ bhikkhunisaṅghaṁ vaggasaññī ovadati …pe…
pli-tv-bu-vb-pc21:3.2.14	vematiko ovadati …pe…
pli-tv-bu-vb-pc21:3.2.15	samaggasaññī ovadati, āpatti pācittiyassa.
pli-tv-bu-vb-pc21:3.2.16	Adhammakamme dhammakammasaññī samaggaṁ bhikkhunisaṅghaṁ vaggasaññī ovadati …pe…
pli-tv-bu-vb-pc21:3.2.17	vematiko ovadati …pe…
pli-tv-bu-vb-pc21:3.2.18	samaggasaññī ovadati, āpatti pācittiyassa.
pli-tv-bu-vb-pc21:3.2.19	Dhammakamme adhammakammasaññī vaggaṁ bhikkhunisaṅghaṁ vaggasaññī ovadati, āpatti dukkaṭassa.
pli-tv-bu-vb-pc21:3.2.20	Dhammakamme adhammakammasaññī vaggaṁ bhikkhunisaṅghaṁ vematiko ovadati …pe…
pli-tv-bu-vb-pc21:3.2.21	samaggasaññī ovadati, āpatti dukkaṭassa.
pli-tv-bu-vb-pc21:3.2.22	Dhammakamme vematiko vaggaṁ bhikkhunisaṅghaṁ vaggasaññī ovadati …pe…
pli-tv-bu-vb-pc21:3.2.23	vematiko ovadati …pe…
pli-tv-bu-vb-pc21:3.2.24	samaggasaññī ovadati, āpatti dukkaṭassa.
pli-tv-bu-vb-pc21:3.2.25	Dhammakamme dhammakammasaññī vaggaṁ bhikkhunisaṅghaṁ vaggasaññī ovadati …pe…
pli-tv-bu-vb-pc21:3.2.26	vematiko ovadati …pe…
pli-tv-bu-vb-pc21:3.2.27	samaggasaññī ovadati, āpatti dukkaṭassa.
pli-tv-bu-vb-pc21:3.2.28	Dhammakamme adhammakammasaññī samaggaṁ bhikkhunisaṅghaṁ vaggasaññī ovadati …pe…
pli-tv-bu-vb-pc21:3.2.29	vematiko ovadati …pe…
pli-tv-bu-vb-pc21:3.2.30	samaggasaññī ovadati, āpatti dukkaṭassa.
pli-tv-bu-vb-pc21:3.2.31	Dhammakamme vematiko samaggaṁ bhikkhunisaṅghaṁ vaggasaññī ovadati …pe…
pli-tv-bu-vb-pc21:3.2.32	vematiko ovadati …pe…
pli-tv-bu-vb-pc21:3.2.33	samaggasaññī ovadati, āpatti dukkaṭassa.
pli-tv-bu-vb-pc21:3.2.34	Dhammakamme dhammakammasaññī samaggaṁ bhikkhunisaṅghaṁ vaggasaññī ovadati, āpatti dukkaṭassa.
pli-tv-bu-vb-pc21:3.2.35	Dhammakamme dhammakammasaññī samaggaṁ bhikkhunisaṅghaṁ vematiko ovadati, āpatti dukkaṭassa.
pli-tv-bu-vb-pc21:3.2.36	Dhammakamme dhammakammasaññī samaggaṁ bhikkhunisaṅghaṁ samaggasaññī ovadati, anāpatti.
pli-tv-bu-vb-pc21:3.3.0	
pli-tv-bu-vb-pc21:3.3.1	Anāpatti—
pli-tv-bu-vb-pc21:3.3.2	uddesaṁ dento,
pli-tv-bu-vb-pc21:3.3.3	paripucchaṁ dento,
pli-tv-bu-vb-pc21:3.3.4	“osārehi ayyā”ti vuccamāno, osāreti,
pli-tv-bu-vb-pc21:3.3.5	pañhaṁ pucchati,
pli-tv-bu-vb-pc21:3.3.6	pañhaṁ puṭṭho katheti,
pli-tv-bu-vb-pc21:3.3.7	aññassatthāya bhaṇantaṁ bhikkhuniyo suṇanti,
pli-tv-bu-vb-pc21:3.3.8	sikkhamānāya,
pli-tv-bu-vb-pc21:3.3.9	sāmaṇeriyā,
pli-tv-bu-vb-pc21:3.3.10	ummattakassa,
pli-tv-bu-vb-pc21:3.3.11	ādikammikassāti.
pli-tv-bu-vb-pc21:3.3.12	Ovādasikkhāpadaṁ niṭṭhitaṁ paṭhamaṁ.
pli-tv-bu-vb-pc22:0.1	Theravāda Vinaya
pli-tv-bu-vb-pc22:0.2	Mahāvibhaṅga
pli-tv-bu-vb-pc22:0.3	Pācittiyakaṇḍa
pli-tv-bu-vb-pc22:0.4	Ovādavagga
pli-tv-bu-vb-pc22:0.5	22. Atthaṅgatasikkhāpada
pli-tv-bu-vb-pc22:1.0	
pli-tv-bu-vb-pc22:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc22:1.2	Tena kho pana samayena therā bhikkhū bhikkhuniyo ovadanti pariyāyena. Tena kho pana samayena āyasmato cūḷapanthakassa pariyāyo hoti bhikkhuniyo ovadituṁ.
pli-tv-bu-vb-pc22:1.3	Bhikkhuniyo evamāhaṁsu—“na dāni ajja ovādo iddho bhavissati, taññeva dāni udānaṁ ayyo cūḷapanthako punappunaṁ bhaṇissatī”ti.
pli-tv-bu-vb-pc22:1.4	Atha kho tā bhikkhuniyo yenāyasmā cūḷapanthako tenupasaṅkamiṁsu; upasaṅkamitvā āyasmantaṁ cūḷapanthakaṁ abhivādetvā ekamantaṁ nisīdiṁsu.
pli-tv-bu-vb-pc22:1.5	Ekamantaṁ nisinnā kho tā bhikkhuniyo āyasmā cūḷapanthako etadavoca—“samaggāttha, bhaginiyo”ti?
pli-tv-bu-vb-pc22:1.6	“Samaggāmhāyyā”ti.
pli-tv-bu-vb-pc22:1.7	“Vattanti, bhaginiyo, aṭṭha garudhammā”ti?
pli-tv-bu-vb-pc22:1.8	“Vattantāyyā”ti.
pli-tv-bu-vb-pc22:1.9	“Eso, bhaginiyo, ovādo”ti niyyādetvā imaṁ udānaṁ punappunaṁ abhāsi—
pli-tv-bu-vb-pc22:1.10	“Adhicetaso appamajjato,
pli-tv-bu-vb-pc22:1.11	Munino monapathesu sikkhato;
pli-tv-bu-vb-pc22:1.12	Sokā na bhavanti tādino,
pli-tv-bu-vb-pc22:1.13	Upasantassa sadā satīmato”ti.
pli-tv-bu-vb-pc22:1.14	Bhikkhuniyo evamāhaṁsu—“nanu avocumhā—na dāni ajja ovādo iddho bhavissati, taññeva dāni udānaṁ ayyo cūḷapanthako punappunaṁ bhaṇissatī”ti.
pli-tv-bu-vb-pc22:1.15	Assosi kho āyasmā cūḷapanthako tāsaṁ bhikkhunīnaṁ imaṁ kathāsallāpaṁ.
pli-tv-bu-vb-pc22:1.16	Atha kho āyasmā cūḷapanthako vehāsaṁ abbhuggantvā ākāse antalikkhe caṅkamatipi tiṭṭhatipi nisīdatipi seyyampi kappeti dhūmāyatipi pajjalatipi antaradhāyatipi, tañceva udānaṁ bhaṇati aññañca bahuṁ buddhavacanaṁ.
pli-tv-bu-vb-pc22:1.17	Bhikkhuniyo evamāhaṁsu—
pli-tv-bu-vb-pc22:1.18	“acchariyaṁ vata bho, abbhutaṁ vata bho.
pli-tv-bu-vb-pc22:1.19	Na vata no ito pubbe ovādo evaṁ iddho bhūtapubbo yathā ayyassa cūḷapanthakassā”ti.
pli-tv-bu-vb-pc22:1.20	Atha kho āyasmā cūḷapanthako tā bhikkhuniyo yāva samandhakārā ovaditvā uyyojesi—“gacchatha, bhaginiyo”ti.
pli-tv-bu-vb-pc22:1.21	Atha kho tā bhikkhuniyo nagaradvāre thakite bahinagare vasitvā kālasseva nagaraṁ pavisanti.
pli-tv-bu-vb-pc22:1.22	Manussā ujjhāyanti khiyyanti vipācenti—“abrahmacāriniyo imā bhikkhuniyo;
pli-tv-bu-vb-pc22:1.23	ārāme bhikkhūhi saddhiṁ vasitvā idāni nagaraṁ pavisantī”ti.
pli-tv-bu-vb-pc22:1.24	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc22:1.25	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc22:1.26	“kathañhi nāma āyasmā cūḷapanthako atthaṅgate sūriye bhikkhuniyo ovadissatī”ti …pe…
pli-tv-bu-vb-pc22:1.27	“saccaṁ kira tvaṁ, cūḷapanthaka, atthaṅgate sūriye bhikkhuniyo ovadasī”ti?
pli-tv-bu-vb-pc22:1.28	“Saccaṁ, bhagavā”ti.
pli-tv-bu-vb-pc22:1.29	Vigarahi buddho bhagavā …pe…
pli-tv-bu-vb-pc22:1.30	kathañhi nāma tvaṁ, cūḷapanthaka, atthaṅgate sūriye bhikkhuniyo ovadissasi.
pli-tv-bu-vb-pc22:1.31	Netaṁ, cūḷapanthaka, appasannānaṁ vā pasādāya …pe…
pli-tv-bu-vb-pc22:1.32	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc22:1.33.0	
pli-tv-bu-vb-pc22:1.33.1	“Sammatopi ce bhikkhu atthaṅgate sūriye bhikkhuniyo ovadeyya, pācittiyan”ti.
pli-tv-bu-vb-pc22:2.1.0	
pli-tv-bu-vb-pc22:2.1.1	Sammato nāma
pli-tv-bu-vb-pc22:2.1.2	ñatticatutthena kammena sammato.
pli-tv-bu-vb-pc22:2.1.3	Atthaṅgate sūriyeti
pli-tv-bu-vb-pc22:2.1.4	oggate sūriye.
pli-tv-bu-vb-pc22:2.1.5	Bhikkhunī nāma
pli-tv-bu-vb-pc22:2.1.6	ubhatosaṅghe upasampannā.
pli-tv-bu-vb-pc22:2.1.7	Ovadeyyāti
pli-tv-bu-vb-pc22:2.1.8	aṭṭhahi vā garudhammehi aññena vā dhammena ovadati, āpatti pācittiyassa.
pli-tv-bu-vb-pc22:2.2.0	
pli-tv-bu-vb-pc22:2.2.1	Atthaṅgate atthaṅgatasaññī ovadati, āpatti pācittiyassa.
pli-tv-bu-vb-pc22:2.2.2	Atthaṅgate vematiko ovadati, āpatti pācittiyassa.
pli-tv-bu-vb-pc22:2.2.3	Atthaṅgate anatthaṅgatasaññī ovadati, āpatti pācittiyassa.
pli-tv-bu-vb-pc22:2.2.4	Ekatoupasampannāya ovadati, āpatti dukkaṭassa.
pli-tv-bu-vb-pc22:2.2.5	Anatthaṅgate atthaṅgatasaññī, āpatti dukkaṭassa.
pli-tv-bu-vb-pc22:2.2.6	Anatthaṅgate vematiko, āpatti dukkaṭassa.
pli-tv-bu-vb-pc22:2.2.7	Anatthaṅgate anatthaṅgatasaññī, anāpatti.
pli-tv-bu-vb-pc22:2.3.0	
pli-tv-bu-vb-pc22:2.3.1	Anāpatti—
pli-tv-bu-vb-pc22:2.3.2	uddesaṁ dento,
pli-tv-bu-vb-pc22:2.3.3	paripucchaṁ dento,
pli-tv-bu-vb-pc22:2.3.4	“osārehi ayyā”ti vuccamāno, osāreti,
pli-tv-bu-vb-pc22:2.3.5	pañhaṁ pucchati,
pli-tv-bu-vb-pc22:2.3.6	pañhaṁ puṭṭho katheti,
pli-tv-bu-vb-pc22:2.3.7	aññassatthāya bhaṇantaṁ bhikkhuniyo suṇanti,
pli-tv-bu-vb-pc22:2.3.8	sikkhamānāya,
pli-tv-bu-vb-pc22:2.3.9	sāmaṇeriyā,
pli-tv-bu-vb-pc22:2.3.10	ummattakassa,
pli-tv-bu-vb-pc22:2.3.11	ādikammikassāti.
pli-tv-bu-vb-pc22:2.3.12	Atthaṅgatasikkhāpadaṁ niṭṭhitaṁ dutiyaṁ.
pli-tv-bu-vb-pc23:0.1	Theravāda Vinaya
pli-tv-bu-vb-pc23:0.2	Mahāvibhaṅga
pli-tv-bu-vb-pc23:0.3	Pācittiyakaṇḍa
pli-tv-bu-vb-pc23:0.4	Ovādavagga
pli-tv-bu-vb-pc23:0.5	23. Bhikkhunupassayasikkhāpada
pli-tv-bu-vb-pc23:1.0.1	
pli-tv-bu-vb-pc23:1.0.2	
pli-tv-bu-vb-pc23:1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bu-vb-pc23:1.2	Tena kho pana samayena chabbaggiyā bhikkhū bhikkhunupassayaṁ upasaṅkamitvā chabbaggiyā bhikkhuniyo ovadanti.
pli-tv-bu-vb-pc23:1.3	Bhikkhuniyo chabbaggiyā bhikkhuniyo etadavocuṁ—
pli-tv-bu-vb-pc23:1.4	“ethāyye, ovādaṁ gamissāmā”ti.
pli-tv-bu-vb-pc23:1.5	“Yampi mayaṁ, ayye, gaccheyyāma ovādassa kāraṇā, ayyā chabbaggiyā idheva āgantvā amhe ovadantī”ti.
pli-tv-bu-vb-pc23:1.6	Bhikkhuniyo ujjhāyanti khiyyanti vipācenti—
pli-tv-bu-vb-pc23:1.7	“kathañhi nāma chabbaggiyā bhikkhū bhikkhunupassayaṁ upasaṅkamitvā bhikkhuniyo ovadissantī”ti.
pli-tv-bu-vb-pc23:1.8	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pc23:1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc23:1.10	“kathañhi nāma chabbaggiyā bhikkhū bhikkhunupassayaṁ upasaṅkamitvā bhikkhuniyo ovadissantī”ti …pe…
pli-tv-bu-vb-pc23:1.11	“saccaṁ kira tumhe, bhikkhave, bhikkhunupassayaṁ upasaṅkamitvā bhikkhuniyo ovadathā”ti?
pli-tv-bu-vb-pc23:1.12	“Saccaṁ, bhagavā”ti.
pli-tv-bu-vb-pc23:1.13	Vigarahi buddho bhagavā …pe…
pli-tv-bu-vb-pc23:1.14	kathañhi nāma tumhe, moghapurisā, bhikkhunupassayaṁ upasaṅkamitvā bhikkhuniyo ovadissatha.
pli-tv-bu-vb-pc23:1.15	Netaṁ, moghapurisā, appasannānaṁ vā pasādāya …pe…
pli-tv-bu-vb-pc23:1.16	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc23:1.17.0	
pli-tv-bu-vb-pc23:1.17.1	“Yo pana bhikkhu bhikkhunupassayaṁ upasaṅkamitvā bhikkhuniyo ovadeyya, pācittiyan”ti.
pli-tv-bu-vb-pc23:1.18	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc23:2.0	
pli-tv-bu-vb-pc23:2.1	Tena kho pana samayena mahāpajāpati gotamī gilānā hoti.
pli-tv-bu-vb-pc23:2.2	Therā bhikkhū yena mahāpajāpati gotamī tenupasaṅkamiṁsu;
pli-tv-bu-vb-pc23:2.3	upasaṅkamitvā mahāpajāpatiṁ gotamiṁ etadavocuṁ—“
pli-tv-bu-vb-pc23:2.4	kacci, gotami, khamanīyaṁ, kacci yāpanīyan”ti?
pli-tv-bu-vb-pc23:2.5	“Na me, ayyā, khamanīyaṁ na yāpanīyaṁ”.
pli-tv-bu-vb-pc23:2.6	“Iṅghayyā, dhammaṁ desethā”ti.
pli-tv-bu-vb-pc23:2.7	“Na, bhagini, kappati bhikkhunupassayaṁ upasaṅkamitvā bhikkhuniyo dhammaṁ desetun”ti kukkuccāyantā na desesuṁ.
pli-tv-bu-vb-pc23:2.8	Atha kho bhagavā pubbaṇhasamayaṁ nivāsetvā pattacīvaramādāya yena mahāpajāpati gotamī tenupasaṅkami; upasaṅkamitvā paññatte āsane nisīdi.
pli-tv-bu-vb-pc23:2.9	Nisajja kho bhagavā mahāpajāpatiṁ gotamiṁ etadavoca—
pli-tv-bu-vb-pc23:2.10	“kacci, gotami, khamanīyaṁ, kacci yāpanīyan”ti?
pli-tv-bu-vb-pc23:2.11	“Pubbe me, bhante, therā bhikkhū āgantvā dhammaṁ desenti.
pli-tv-bu-vb-pc23:2.12	Tena me phāsu hoti.
pli-tv-bu-vb-pc23:2.13	Idāni pana—‘bhagavatā paṭikkhittan’ti, kukkuccāyantā na desenti.
pli-tv-bu-vb-pc23:2.14	Tena me na phāsu hotī”ti.
pli-tv-bu-vb-pc23:2.15	Atha kho bhagavā mahāpajāpatiṁ gotamiṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-bu-vb-pc23:2.16	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc23:2.17	“anujānāmi, bhikkhave, bhikkhunupassayaṁ upasaṅkamitvā gilānaṁ bhikkhuniṁ ovadituṁ.
pli-tv-bu-vb-pc23:2.18	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc23:2.19.0	
pli-tv-bu-vb-pc23:2.19.1	“Yo pana bhikkhu bhikkhunupassayaṁ upasaṅkamitvā bhikkhuniyo ovadeyya, aññatra samayā, pācittiyaṁ.
pli-tv-bu-vb-pc23:2.20	Tatthāyaṁ samayo. Gilānā hoti bhikkhunī—ayaṁ tattha samayo”ti.
pli-tv-bu-vb-pc23:3.1.0	
pli-tv-bu-vb-pc23:3.1.1	Yo panāti
pli-tv-bu-vb-pc23:3.1.2	yo yādiso …pe…
pli-tv-bu-vb-pc23:3.1.3	bhikkhūti
pli-tv-bu-vb-pc23:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc23:3.1.5	Bhikkhunupassayo nāma
pli-tv-bu-vb-pc23:3.1.6	yattha bhikkhuniyo ekarattampi vasanti.
pli-tv-bu-vb-pc23:3.1.7	Upasaṅkamitvāti
pli-tv-bu-vb-pc23:3.1.8	tattha gantvā.
pli-tv-bu-vb-pc23:3.1.9	Bhikkhunī nāma
pli-tv-bu-vb-pc23:3.1.10	ubhatosaṅghe upasampannā.
pli-tv-bu-vb-pc23:3.1.11	Ovadeyyāti
pli-tv-bu-vb-pc23:3.1.12	aṭṭhahi garudhammehi ovadati, āpatti pācittiyassa.
pli-tv-bu-vb-pc23:3.1.13	Aññatra samayāti
pli-tv-bu-vb-pc23:3.1.14	ṭhapetvā samayaṁ.
pli-tv-bu-vb-pc23:3.1.15	Gilānā nāma bhikkhunī
pli-tv-bu-vb-pc23:3.1.16	na sakkoti ovādāya vā saṁvāsāya vā gantuṁ.
pli-tv-bu-vb-pc23:3.2.0	
pli-tv-bu-vb-pc23:3.2.1	Upasampannāya upasampannasaññī bhikkhunupassayaṁ upasaṅkamitvā aññatra samayā ovadati, āpatti pācittiyassa.
pli-tv-bu-vb-pc23:3.2.2	Upasampannāya vematiko bhikkhunupassayaṁ upasaṅkamitvā aññatra samayā ovadati, āpatti pācittiyassa.
pli-tv-bu-vb-pc23:3.2.3	Upasampannāya anupasampannasaññī bhikkhunupassayaṁ upasaṅkamitvā aññatra samayā ovadati, āpatti pācittiyassa.
pli-tv-bu-vb-pc23:3.2.4	Aññena dhammena ovadati, āpatti dukkaṭassa.
pli-tv-bu-vb-pc23:3.2.5	Ekatoupasampannāya ovadati, āpatti dukkaṭassa.
pli-tv-bu-vb-pc23:3.2.6	Anupasampannāya upasampannasaññī, āpatti dukkaṭassa.
pli-tv-bu-vb-pc23:3.2.7	Anupasampannāya vematiko, āpatti dukkaṭassa.
pli-tv-bu-vb-pc23:3.2.8	Anupasampannāya anupasampannasaññī, anāpatti.
pli-tv-bu-vb-pc23:3.3.0	
pli-tv-bu-vb-pc23:3.3.1	Anāpatti—
pli-tv-bu-vb-pc23:3.3.2	samaye,
pli-tv-bu-vb-pc23:3.3.3	uddesaṁ dento,
pli-tv-bu-vb-pc23:3.3.4	paripucchaṁ dento,
pli-tv-bu-vb-pc23:3.3.5	“osārehi ayyā”ti vuccamāno osāreti,
pli-tv-bu-vb-pc23:3.3.6	pañhaṁ pucchati,
pli-tv-bu-vb-pc23:3.3.7	pañhaṁ puṭṭho katheti,
pli-tv-bu-vb-pc23:3.3.8	aññassatthāya bhaṇantaṁ bhikkhuniyo suṇanti,
pli-tv-bu-vb-pc23:3.3.9	sikkhamānāya,
pli-tv-bu-vb-pc23:3.3.10	sāmaṇeriyā,
pli-tv-bu-vb-pc23:3.3.11	ummattakassa,
pli-tv-bu-vb-pc23:3.3.12	ādikammikassāti.
pli-tv-bu-vb-pc23:3.3.13	Bhikkhunupassayasikkhāpadaṁ niṭṭhitaṁ tatiyaṁ.
pli-tv-bu-vb-pc24:0.1	Theravāda Vinaya
pli-tv-bu-vb-pc24:0.2	Mahāvibhaṅga
pli-tv-bu-vb-pc24:0.3	Pācittiyakaṇḍa
pli-tv-bu-vb-pc24:0.4	Ovādavagga
pli-tv-bu-vb-pc24:0.5	24. Āmisasikkhāpada
pli-tv-bu-vb-pc24:1.0	
pli-tv-bu-vb-pc24:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc24:1.2	Tena kho pana samayena therā bhikkhū bhikkhuniyo ovadantā lābhino honti cīvarapiṇḍapātasenāsanagilānappaccayabhesajjaparikkhārānaṁ.
pli-tv-bu-vb-pc24:1.3	Chabbaggiyā bhikkhū evaṁ vadanti—
pli-tv-bu-vb-pc24:1.4	“na bahukatā therā bhikkhū bhikkhuniyo ovadituṁ; āmisahetu therā bhikkhū bhikkhuniyo ovadantī”ti.
pli-tv-bu-vb-pc24:1.5	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc24:1.6	“kathañhi nāma chabbaggiyā bhikkhū evaṁ vakkhanti—
pli-tv-bu-vb-pc24:1.7	‘na bahukatā therā bhikkhū bhikkhuniyo ovadituṁ; āmisahetu therā bhikkhū bhikkhuniyo ovadantī’”ti …pe…
pli-tv-bu-vb-pc24:1.8	“saccaṁ kira tumhe, bhikkhave, evaṁ vadetha—
pli-tv-bu-vb-pc24:1.9	‘na bahukatā therā bhikkhū bhikkhuniyo ovadituṁ; āmisahetu therā bhikkhū bhikkhuniyo ovadantī’”ti?
pli-tv-bu-vb-pc24:1.10	“Saccaṁ, bhagavā”ti.
pli-tv-bu-vb-pc24:1.11	Vigarahi buddho bhagavā …pe…
pli-tv-bu-vb-pc24:1.12	kathañhi nāma tumhe, moghapurisā, evaṁ vakkhatha—
pli-tv-bu-vb-pc24:1.13	‘na bahukatā therā bhikkhū bhikkhuniyo ovadituṁ; āmisahetu therā bhikkhū bhikkhuniyo ovadantī’ti.
pli-tv-bu-vb-pc24:1.14	Netaṁ, moghapurisā, appasannānaṁ vā pasādāya …pe…
pli-tv-bu-vb-pc24:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc24:1.16.0	
pli-tv-bu-vb-pc24:1.16.1	“Yo pana bhikkhu evaṁ vadeyya—‘āmisahetu therā bhikkhū bhikkhuniyo ovandantī’ti, pācittiyan”ti.
pli-tv-bu-vb-pc24:2.1.0	
pli-tv-bu-vb-pc24:2.1.1	Yo panāti
pli-tv-bu-vb-pc24:2.1.2	yo yādiso …pe…
pli-tv-bu-vb-pc24:2.1.3	bhikkhūti
pli-tv-bu-vb-pc24:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc24:2.1.5	Āmisahetūti
pli-tv-bu-vb-pc24:2.1.6	cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu.
pli-tv-bu-vb-pc24:2.1.7	Evaṁ vadeyyāti
pli-tv-bu-vb-pc24:2.1.8	upasampannaṁ saṅghena sammataṁ bhikkhunovādakaṁ avaṇṇaṁ kattukāmo ayasaṁ kattukāmo maṅkukattukāmo evaṁ vadeti— “cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu ovadatī”ti bhaṇati, āpatti pācittiyassa.
pli-tv-bu-vb-pc24:2.2.0	
pli-tv-bu-vb-pc24:2.2.1	Dhammakamme dhammakammasaññī evaṁ vadeti, āpatti pācittiyassa.
pli-tv-bu-vb-pc24:2.2.2	Dhammakamme vematiko evaṁ vadeti, āpatti pācittiyassa.
pli-tv-bu-vb-pc24:2.2.3	Dhammakamme adhammakammasaññī evaṁ vadeti, āpatti pācittiyassa.
pli-tv-bu-vb-pc24:2.2.4	Upasampannaṁ saṅghena asammataṁ bhikkhunovādakaṁ avaṇṇaṁ kattukāmo ayasaṁ kattukāmo maṅkukattukāmo evaṁ vadeti—
pli-tv-bu-vb-pc24:2.2.5	“cīvarahetu …pe… pūjanahetu ovadatī”ti bhaṇati, āpatti dukkaṭassa.
pli-tv-bu-vb-pc24:2.2.6	Anupasampannaṁ saṅghena sammataṁ vā asammataṁ vā bhikkhunovādakaṁ avaṇṇaṁ kattukāmo ayasaṁ kattukāmo maṅkukattukāmo evaṁ vadeti—
pli-tv-bu-vb-pc24:2.2.7	“cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu ovadatī”ti bhaṇati, āpatti dukkaṭassa.
pli-tv-bu-vb-pc24:2.2.8	Adhammakamme dhammakammasaññī, āpatti dukkaṭassa.
pli-tv-bu-vb-pc24:2.2.9	Adhammakamme vematiko, āpatti dukkaṭassa.
pli-tv-bu-vb-pc24:2.2.10	Adhammakamme adhammakammasaññī, āpatti dukkaṭassa.
pli-tv-bu-vb-pc24:2.3.0	
pli-tv-bu-vb-pc24:2.3.1	Anāpatti—
pli-tv-bu-vb-pc24:2.3.2	pakatiyā cīvarahetu piṇḍapātahetu senāsanahetu gilānappaccayabhesajjaparikkhārahetu sakkārahetu garukārahetu mānanahetu vandanahetu pūjanahetu ovadantaṁ bhaṇati,
pli-tv-bu-vb-pc24:2.3.3	ummattakassa,
pli-tv-bu-vb-pc24:2.3.4	ādikammikassāti.
pli-tv-bu-vb-pc24:2.3.5	Āmisasikkhāpadaṁ niṭṭhitaṁ catutthaṁ.
pli-tv-bu-vb-pc25:0.1	Theravāda Vinaya
pli-tv-bu-vb-pc25:0.2	Mahāvibhaṅga
pli-tv-bu-vb-pc25:0.3	Pācittiyakaṇḍa
pli-tv-bu-vb-pc25:0.4	Ovādavagga
pli-tv-bu-vb-pc25:0.5	25. Cīvaradānasikkhāpada
pli-tv-bu-vb-pc25:1.0.1	
pli-tv-bu-vb-pc25:1.0.2	
pli-tv-bu-vb-pc25:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc25:1.2	Tena kho pana samayena aññataro bhikkhu sāvatthiyaṁ aññatarissā visikhāya piṇḍāya carati. Aññatarāpi bhikkhunī tassā visikhāya piṇḍāya carati.
pli-tv-bu-vb-pc25:1.3	Atha kho so bhikkhu taṁ bhikkhuniṁ etadavoca—“gaccha, bhagini, amukasmiṁ okāse bhikkhā diyyatī”ti.
pli-tv-bu-vb-pc25:1.4	Sāpi kho evamāha—“gacchāyya, amukasmiṁ okāse bhikkhā diyyatī”ti.
pli-tv-bu-vb-pc25:1.5	Te abhiṇhadassanena sandiṭṭhā ahesuṁ.
pli-tv-bu-vb-pc25:1.6	Tena kho pana samayena saṅghassa cīvaraṁ bhājīyati.
pli-tv-bu-vb-pc25:1.7	Atha kho sā bhikkhunī ovādaṁ gantvā yena so bhikkhu tenupasaṅkami; upasaṅkamitvā taṁ bhikkhuṁ abhivādetvā ekamantaṁ aṭṭhāsi.
pli-tv-bu-vb-pc25:1.8	Ekamantaṁ ṭhitaṁ kho taṁ bhikkhuniṁ so bhikkhu etadavoca—“ ayaṁ me, bhagini, cīvarapaṭivīso; sādiyissasī”ti?
pli-tv-bu-vb-pc25:1.9	“Āmāyya, dubbalacīvarāmhī”ti.
pli-tv-bu-vb-pc25:1.10	Atha kho so bhikkhu tassā bhikkhuniyā cīvaraṁ adāsi.
pli-tv-bu-vb-pc25:1.11	Sopi kho bhikkhu dubbalacīvaro hoti.
pli-tv-bu-vb-pc25:1.12	Bhikkhū taṁ bhikkhuṁ etadavocuṁ—“karohi dāni te, āvuso, cīvaran”ti.
pli-tv-bu-vb-pc25:1.13	Atha kho so bhikkhu bhikkhūnaṁ etamatthaṁ ārocesi.
pli-tv-bu-vb-pc25:1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc25:1.15	“kathañhi nāma bhikkhu bhikkhuniyā cīvaraṁ dassatī”ti …pe…
pli-tv-bu-vb-pc25:1.16	“saccaṁ kira tvaṁ, bhikkhu, bhikkhuniyā cīvaraṁ adāsī”ti?
pli-tv-bu-vb-pc25:1.17	“Saccaṁ, bhagavā”ti.
pli-tv-bu-vb-pc25:1.18	“Ñātikā te, bhikkhu, aññātikā”ti?
pli-tv-bu-vb-pc25:1.19	“Aññātikā, bhagavā”ti.
pli-tv-bu-vb-pc25:1.20	“Aññātako, moghapurisa, aññātikāya na jānāti patirūpaṁ vā appatirūpaṁ vā santaṁ vā asantaṁ vā.
pli-tv-bu-vb-pc25:1.21	Kathañhi nāma tvaṁ, moghapurisa, aññātikāya bhikkhuniyā cīvaraṁ dassasi.
pli-tv-bu-vb-pc25:1.22	Netaṁ, moghapurisa, appasannānaṁ vā pasādāya …pe…
pli-tv-bu-vb-pc25:1.23	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc25:1.24.0	
pli-tv-bu-vb-pc25:1.24.1	“Yo pana bhikkhu aññātikāya bhikkhuniyā cīvaraṁ dadeyya, pācittiyan”ti.
pli-tv-bu-vb-pc25:1.25	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc25:2.0	
pli-tv-bu-vb-pc25:2.1	Tena kho pana samayena bhikkhū kukkuccāyantā bhikkhunīnaṁ pārivattakaṁ cīvaraṁ na denti.
pli-tv-bu-vb-pc25:2.2	Bhikkhuniyo ujjhāyanti khiyyanti vipācenti—
pli-tv-bu-vb-pc25:2.3	“kathañhi nāma ayyā amhākaṁ pārivattakaṁ cīvaraṁ na dassantī”ti.
pli-tv-bu-vb-pc25:2.4	Assosuṁ kho bhikkhū tāsaṁ bhikkhunīnaṁ ujjhāyantīnaṁ khiyyantīnaṁ vipācentīnaṁ.
pli-tv-bu-vb-pc25:2.5	Atha kho te bhikkhū bhagavato etamatthaṁ ārocesuṁ.
pli-tv-bu-vb-pc25:2.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc25:2.7	“anujānāmi, bhikkhave, pañcannaṁ pārivattakaṁ dātuṁ.
pli-tv-bu-vb-pc25:2.8	Bhikkhussa, bhikkhuniyā, sikkhamānāya, sāmaṇerassa, sāmaṇeriyā—
pli-tv-bu-vb-pc25:2.9	anujānāmi, bhikkhave, imesaṁ pañcannaṁ pārivattakaṁ dātuṁ.
pli-tv-bu-vb-pc25:2.10	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc25:2.11.0	
pli-tv-bu-vb-pc25:2.11.1	“Yo pana bhikkhu aññātikāya bhikkhuniyā cīvaraṁ dadeyya, aññatra pārivattakā, pācittiyan”ti.
pli-tv-bu-vb-pc25:3.1.0	
pli-tv-bu-vb-pc25:3.1.1	Yo panāti
pli-tv-bu-vb-pc25:3.1.2	yo yādiso …pe…
pli-tv-bu-vb-pc25:3.1.3	bhikkhūti
pli-tv-bu-vb-pc25:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc25:3.1.5	Aññātikā nāma
pli-tv-bu-vb-pc25:3.1.6	mātito vā pitito vā yāva sattamā pitāmahayugā asambaddhā.
pli-tv-bu-vb-pc25:3.1.7	Bhikkhunī nāma
pli-tv-bu-vb-pc25:3.1.8	ubhatosaṅghe upasampannā.
pli-tv-bu-vb-pc25:3.1.9	Cīvaraṁ nāma
pli-tv-bu-vb-pc25:3.1.10	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bu-vb-pc25:3.1.11	Aññatra pārivattakāti
pli-tv-bu-vb-pc25:3.1.12	ṭhapetvā pārivattakaṁ deti, āpatti pācittiyassa.
pli-tv-bu-vb-pc25:3.2.0	
pli-tv-bu-vb-pc25:3.2.1	Aññātikāya aññātikasaññī cīvaraṁ deti, aññatra pārivattakā, āpatti pācittiyassa.
pli-tv-bu-vb-pc25:3.2.2	Aññātikāya vematiko cīvaraṁ deti, aññatra pārivattakā, āpatti pācittiyassa.
pli-tv-bu-vb-pc25:3.2.3	Aññātikāya ñātikasaññī cīvaraṁ deti, aññatra pārivattakā, āpatti pācittiyassa.
pli-tv-bu-vb-pc25:3.2.4	Ekato upasampannāya cīvaraṁ deti, aññatra pārivattakā, āpatti dukkaṭassa.
pli-tv-bu-vb-pc25:3.2.5	Ñātikāya aññātikasaññī, āpatti dukkaṭassa.
pli-tv-bu-vb-pc25:3.2.6	Ñātikāya vematiko, āpatti dukkaṭassa.
pli-tv-bu-vb-pc25:3.2.7	Ñātikāya ñātikasaññī, anāpatti.
pli-tv-bu-vb-pc25:3.3.0	
pli-tv-bu-vb-pc25:3.3.1	Anāpatti—
pli-tv-bu-vb-pc25:3.3.2	ñātikāya,
pli-tv-bu-vb-pc25:3.3.3	pārivattakaṁ parittena vā vipulaṁ, vipulena vā parittaṁ,
pli-tv-bu-vb-pc25:3.3.4	bhikkhunī vissāsaṁ gaṇhāti,
pli-tv-bu-vb-pc25:3.3.5	tāvakālikaṁ gaṇhāti,
pli-tv-bu-vb-pc25:3.3.6	cīvaraṁ ṭhapetvā aññaṁ parikkhāraṁ deti,
pli-tv-bu-vb-pc25:3.3.7	sikkhamānāya,
pli-tv-bu-vb-pc25:3.3.8	sāmaṇeriyā,
pli-tv-bu-vb-pc25:3.3.9	ummattakassa,
pli-tv-bu-vb-pc25:3.3.10	ādikammikassāti.
pli-tv-bu-vb-pc25:3.3.11	Cīvaradānasikkhāpadaṁ niṭṭhitaṁ pañcamaṁ.
pli-tv-bu-vb-pc26:0.1	Theravāda Vinaya
pli-tv-bu-vb-pc26:0.2	Mahāvibhaṅga
pli-tv-bu-vb-pc26:0.3	Pācittiyakaṇḍa
pli-tv-bu-vb-pc26:0.4	Ovādavagga
pli-tv-bu-vb-pc26:0.5	26. Cīvarasibbanasikkhāpada
pli-tv-bu-vb-pc26:1.0	
pli-tv-bu-vb-pc26:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc26:1.2	Tena kho pana samayena āyasmā udāyī paṭṭo hoti cīvarakammaṁ kātuṁ.
pli-tv-bu-vb-pc26:1.3	Aññatarā bhikkhunī yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—
pli-tv-bu-vb-pc26:1.4	“sādhu me, bhante, ayyo cīvaraṁ sibbatū”ti.
pli-tv-bu-vb-pc26:1.5	Atha kho āyasmā udāyī tassā bhikkhuniyā cīvaraṁ sibbitvā surattaṁ suparikammakataṁ katvā majjhe paṭibhānacittaṁ vuṭṭhāpetvā saṁharitvā nikkhipi.
pli-tv-bu-vb-pc26:1.6	Atha kho sā bhikkhunī yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—
pli-tv-bu-vb-pc26:1.7	“kahaṁ taṁ, bhante, cīvaran”ti?
pli-tv-bu-vb-pc26:1.8	“Handa, bhagini, imaṁ cīvaraṁ yathāsaṁhaṭaṁ haritvā nikkhipitvā yadā bhikkhunisaṅgho ovādaṁ āgacchati tadā imaṁ cīvaraṁ pārupitvā bhikkhunisaṅghassa piṭṭhito piṭṭhito āgacchā”ti.
pli-tv-bu-vb-pc26:1.9	Atha kho sā bhikkhunī taṁ cīvaraṁ yathāsaṁhaṭaṁ haritvā nikkhipitvā yadā bhikkhunisaṅgho ovādaṁ āgacchati tadā taṁ cīvaraṁ pārupitvā bhikkhunisaṅghassa piṭṭhito piṭṭhito āgacchati.
pli-tv-bu-vb-pc26:1.10	Manussā ujjhāyanti khiyyanti vipācenti—
pli-tv-bu-vb-pc26:1.11	“yāva chinnikā imā bhikkhuniyo dhuttikā ahirikāyo, yatra hi nāma cīvare paṭibhānacittaṁ vuṭṭhāpessantī”ti.
pli-tv-bu-vb-pc26:1.12	Bhikkhuniyo evamāhaṁsu—
pli-tv-bu-vb-pc26:1.13	“kassidaṁ kamman”ti?
pli-tv-bu-vb-pc26:1.14	“Ayyassa udāyissā”ti.
pli-tv-bu-vb-pc26:1.15	“Yepi te chinnakā dhuttakā ahirikā tesampi evarūpaṁ na sobheyya, kiṁ pana ayyassa udāyissā”ti.
pli-tv-bu-vb-pc26:1.16	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pc26:1.17	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc26:1.18	“kathañhi nāma āyasmā udāyī bhikkhuniyā cīvaraṁ sibbissatī”ti …pe…
pli-tv-bu-vb-pc26:1.19	“saccaṁ kira tvaṁ, udāyi, bhikkhuniyā cīvaraṁ sibbasī”ti?
pli-tv-bu-vb-pc26:1.20	“Saccaṁ, bhagavā”ti.
pli-tv-bu-vb-pc26:1.21	“Ñātikā te, udāyi, aññātikā”ti?
pli-tv-bu-vb-pc26:1.22	“Aññātikā, bhagavā”ti.
pli-tv-bu-vb-pc26:1.23	“Aññātako, moghapurisa, aññātikāya na jānāti patirūpaṁ vā appatirūpaṁ vā pāsādikaṁ vā apāsādikaṁ vā.
pli-tv-bu-vb-pc26:1.24	Kathañhi nāma tvaṁ, moghapurisa, aññātikāya bhikkhuniyā cīvaraṁ sibbissasi.
pli-tv-bu-vb-pc26:1.25	Netaṁ, moghapurisa, appasannānaṁ vā pasādāya …pe…
pli-tv-bu-vb-pc26:1.26	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc26:1.27.0	
pli-tv-bu-vb-pc26:1.27.1	“Yo pana bhikkhu aññātikāya bhikkhuniyā cīvaraṁ sibbeyya vā sibbāpeyya vā, pācittiyan”ti.
pli-tv-bu-vb-pc26:2.1.0	
pli-tv-bu-vb-pc26:2.1.1	Yo panāti
pli-tv-bu-vb-pc26:2.1.2	yo yādiso …pe…
pli-tv-bu-vb-pc26:2.1.3	bhikkhūti
pli-tv-bu-vb-pc26:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc26:2.1.5	Aññātikā nāma
pli-tv-bu-vb-pc26:2.1.6	mātito vā pitito vā yāva sattamā pitāmahayugā asambaddhā.
pli-tv-bu-vb-pc26:2.1.7	Bhikkhunī nāma
pli-tv-bu-vb-pc26:2.1.8	ubhatosaṅghe upasampannā.
pli-tv-bu-vb-pc26:2.1.9	Cīvaraṁ nāma
pli-tv-bu-vb-pc26:2.1.10	channaṁ cīvarānaṁ aññataraṁ cīvaraṁ.
pli-tv-bu-vb-pc26:2.1.11	Sibbeyyāti
pli-tv-bu-vb-pc26:2.1.12	sayaṁ sibbati ārāpathe ārāpathe āpatti pācittiyassa.
pli-tv-bu-vb-pc26:2.1.13	Sibbāpeyyāti
pli-tv-bu-vb-pc26:2.1.14	aññaṁ āṇāpeti, āpatti pācittiyassa.
pli-tv-bu-vb-pc26:2.1.15	Sakiṁ āṇatto bahukampi sibbati, āpatti pācittiyassa.
pli-tv-bu-vb-pc26:2.2.0	
pli-tv-bu-vb-pc26:2.2.1	Aññātikāya aññātikasaññī cīvaraṁ sibbati vā sibbāpeti vā, āpatti pācittiyassa.
pli-tv-bu-vb-pc26:2.2.2	Aññātikāya vematiko cīvaraṁ sibbati vā sibbāpeti vā, āpatti pācittiyassa.
pli-tv-bu-vb-pc26:2.2.3	Aññātikāya ñātikasaññī cīvaraṁ sibbati vā sibbāpeti vā, āpatti pācittiyassa.
pli-tv-bu-vb-pc26:2.2.4	Ekatoupasampannāya cīvaraṁ sibbati vā sibbāpeti vā, āpatti dukkaṭassa.
pli-tv-bu-vb-pc26:2.2.5	Ñātikāya aññātikasaññī, āpatti dukkaṭassa.
pli-tv-bu-vb-pc26:2.2.6	Ñātikāya vematiko, āpatti dukkaṭassa.
pli-tv-bu-vb-pc26:2.2.7	Ñātikāya ñātikasaññī, anāpatti.
pli-tv-bu-vb-pc26:2.3.0	
pli-tv-bu-vb-pc26:2.3.1	Anāpatti—
pli-tv-bu-vb-pc26:2.3.2	ñātikāya,
pli-tv-bu-vb-pc26:2.3.3	cīvaraṁ ṭhapetvā aññaṁ parikkhāraṁ sibbati vā sibbāpeti vā,
pli-tv-bu-vb-pc26:2.3.4	sikkhamānāya,
pli-tv-bu-vb-pc26:2.3.5	sāmaṇeriyā,
pli-tv-bu-vb-pc26:2.3.6	ummattakassa,
pli-tv-bu-vb-pc26:2.3.7	ādikammikassāti.
pli-tv-bu-vb-pc26:2.3.8	Cīvarasibbanasikkhāpadaṁ niṭṭhitaṁ chaṭṭhaṁ.
pli-tv-bu-vb-pc27:0.1	Theravāda Vinaya
pli-tv-bu-vb-pc27:0.2	Mahāvibhaṅga
pli-tv-bu-vb-pc27:0.3	Pācittiyakaṇḍa
pli-tv-bu-vb-pc27:0.4	Ovādavagga
pli-tv-bu-vb-pc27:0.5	27. Saṁvidhānasikkhāpada
pli-tv-bu-vb-pc27:1.0.1	
pli-tv-bu-vb-pc27:1.0.2	
pli-tv-bu-vb-pc27:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc27:1.2	Tena kho pana samayena chabbaggiyā bhikkhū bhikkhunīhi saddhiṁ saṁvidhāya ekaddhānamaggaṁ paṭipajjanti.
pli-tv-bu-vb-pc27:1.3	Manussā ujjhāyanti khiyyanti vipācenti—
pli-tv-bu-vb-pc27:1.4	“yatheva mayaṁ sapajāpatikā āhiṇḍāma, evamevime samaṇā sakyaputtiyā bhikkhunīhi saddhiṁ saṁvidhāya āhiṇḍantī”ti.
pli-tv-bu-vb-pc27:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc27:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc27:1.7	“kathañhi nāma chabbaggiyā bhikkhū bhikkhunīhi saddhiṁ saṁvidhāya ekaddhānamaggaṁ paṭipajjissantī”ti …pe…
pli-tv-bu-vb-pc27:1.8	“saccaṁ kira tumhe, bhikkhave, bhikkhunīhi saddhiṁ saṁvidhāya ekaddhānamaggaṁ paṭipajjathā”ti?
pli-tv-bu-vb-pc27:1.9	“Saccaṁ, bhagavā”ti.
pli-tv-bu-vb-pc27:1.10	Vigarahi buddho bhagavā …pe…
pli-tv-bu-vb-pc27:1.11	kathañhi nāma tumhe, moghapurisā, bhikkhunīhi saddhiṁ saṁvidhāya ekaddhānamaggaṁ paṭipajjissatha.
pli-tv-bu-vb-pc27:1.12	Netaṁ, moghapurisā, appasannānaṁ vā pasādāya …pe…
pli-tv-bu-vb-pc27:1.13	evañca pana, bhikkhave, imaṁ sikkhāpadaṁ uddiseyyātha.
pli-tv-bu-vb-pc27:1.14.0	
pli-tv-bu-vb-pc27:1.14.1	“Yo pana bhikkhu bhikkhuniyā saddhiṁ saṁvidhāya ekaddhānamaggaṁ paṭipajjeyya, antamaso gāmantarampi, pācittiyan”ti.
pli-tv-bu-vb-pc27:1.15	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc27:2.0	
pli-tv-bu-vb-pc27:2.1	Tena kho pana samayena sambahulā bhikkhū ca bhikkhuniyo ca sāketā sāvatthiṁ addhānamaggappaṭipannā honti.
pli-tv-bu-vb-pc27:2.2	Atha kho tā bhikkhuniyo te bhikkhū etadavocuṁ—
pli-tv-bu-vb-pc27:2.3	“mayampi ayyehi saddhiṁ gamissāmā”ti.
pli-tv-bu-vb-pc27:2.4	“Na, bhaginī, kappati bhikkhuniyā saddhiṁ saṁvidhāya ekaddhānamaggaṁ paṭipajjituṁ.
pli-tv-bu-vb-pc27:2.5	Tumhe vā paṭhamaṁ gacchatha mayaṁ vā gamissāmā”ti.
pli-tv-bu-vb-pc27:2.6	“Ayyā, bhante, aggapurisā.
pli-tv-bu-vb-pc27:2.7	Ayyāva paṭhamaṁ gacchantū”ti.
pli-tv-bu-vb-pc27:2.8	Atha kho tāsaṁ bhikkhunīnaṁ pacchā gacchantīnaṁ antarāmagge corā acchindiṁsu ca dūsesuñca.
pli-tv-bu-vb-pc27:2.9	Atha kho tā bhikkhuniyo sāvatthiṁ gantvā bhikkhunīnaṁ etamatthaṁ ārocesuṁ.
pli-tv-bu-vb-pc27:2.10	Bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pc27:2.11	Bhikkhū bhagavato etamatthaṁ ārocesuṁ.
pli-tv-bu-vb-pc27:2.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc27:2.13	“anujānāmi, bhikkhave, satthagamanīye magge sāsaṅkasammate sappaṭibhaye bhikkhuniyā saddhiṁ saṁvidhāya ekaddhānamaggaṁ paṭipajjituṁ.
pli-tv-bu-vb-pc27:2.14	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc27:2.15.0	
pli-tv-bu-vb-pc27:2.15.1	“Yo pana bhikkhu bhikkhuniyā saddhiṁ saṁvidhāya ekaddhānamaggaṁ paṭipajjeyya, antamaso gāmantarampi, aññatra samayā, pācittiyaṁ.
pli-tv-bu-vb-pc27:2.16	Tatthāyaṁ samayo. Satthagamanīyo hoti maggo sāsaṅkasammato sappaṭibhayo—ayaṁ tattha samayo”ti.
pli-tv-bu-vb-pc27:3.1.0	
pli-tv-bu-vb-pc27:3.1.1	Yo panāti
pli-tv-bu-vb-pc27:3.1.2	yo yādiso …pe…
pli-tv-bu-vb-pc27:3.1.3	bhikkhūti
pli-tv-bu-vb-pc27:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc27:3.1.5	Bhikkhunī nāma
pli-tv-bu-vb-pc27:3.1.6	ubhatosaṅghe upasampannā.
pli-tv-bu-vb-pc27:3.1.7	Saddhinti
pli-tv-bu-vb-pc27:3.1.8	ekato.
pli-tv-bu-vb-pc27:3.1.9	Saṁvidhāyāti—
pli-tv-bu-vb-pc27:3.1.10	“gacchāma, bhagini, gacchāmāyya; gacchāmāyya, gacchāma, bhagini; ajja vā hiyyo vā pare vā gacchāmā”ti saṁvidahati, āpatti dukkaṭassa.
pli-tv-bu-vb-pc27:3.1.11	Antamaso gāmantarampīti
pli-tv-bu-vb-pc27:3.1.12	kukkuṭasampāte gāme, gāmantare gāmantare āpatti pācittiyassa.
pli-tv-bu-vb-pc27:3.1.13	Agāmake araññe, addhayojane addhayojane āpatti pācittiyassa.
pli-tv-bu-vb-pc27:3.1.14	Aññatra samayāti
pli-tv-bu-vb-pc27:3.1.15	ṭhapetvā samayaṁ.
pli-tv-bu-vb-pc27:3.1.16	Satthagamanīyo nāma maggo
pli-tv-bu-vb-pc27:3.1.17	na sakkā hoti vinā satthena gantuṁ.
pli-tv-bu-vb-pc27:3.1.18	Sāsaṅkaṁ nāma
pli-tv-bu-vb-pc27:3.1.19	tasmiṁ magge corānaṁ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
pli-tv-bu-vb-pc27:3.1.20	Sappaṭibhayaṁ nāma
pli-tv-bu-vb-pc27:3.1.21	tasmiṁ magge corehi manussā hatā dissanti, viluttā dissanti, ākoṭitā dissanti, sappaṭibhayaṁ gantvā appaṭibhayaṁ dassetvā uyyojetabbā— “gacchatha, bhaginiyo”ti.
pli-tv-bu-vb-pc27:3.2.0	
pli-tv-bu-vb-pc27:3.2.1	Saṁvidahite saṁvidahitasaññī ekaddhānamaggaṁ paṭipajjati, antamaso gāmantarampi, aññatra samayā, āpatti pācittiyassa.
pli-tv-bu-vb-pc27:3.2.2	Saṁvidahite vematiko ekaddhānamaggaṁ paṭipajjati, antamaso gāmantarampi, aññatra samayā, āpatti pācittiyassa.
pli-tv-bu-vb-pc27:3.2.3	Saṁvidahite, asaṁvidahitasaññī ekaddhānamaggaṁ paṭipajjati, antamaso gāmantarampi, aññatra samayā, āpatti pācittiyassa.
pli-tv-bu-vb-pc27:3.2.4	Bhikkhu saṁvidahati bhikkhunī na saṁvidahati, āpatti dukkaṭassa.
pli-tv-bu-vb-pc27:3.2.5	Asaṁvidahite saṁvidahitasaññī, āpatti dukkaṭassa.
pli-tv-bu-vb-pc27:3.2.6	Asaṁvidahite vematiko, āpatti dukkaṭassa.
pli-tv-bu-vb-pc27:3.2.7	Asaṁvidahite asaṁvidahitasaññī, anāpatti.
pli-tv-bu-vb-pc27:3.3.0	
pli-tv-bu-vb-pc27:3.3.1	Anāpatti—
pli-tv-bu-vb-pc27:3.3.2	samaye,
pli-tv-bu-vb-pc27:3.3.3	asaṁvidahitvā gacchati,
pli-tv-bu-vb-pc27:3.3.4	bhikkhunī saṁvidahati, bhikkhu na saṁvidahati,
pli-tv-bu-vb-pc27:3.3.5	visaṅketena gacchanti,
pli-tv-bu-vb-pc27:3.3.6	āpadāsu,
pli-tv-bu-vb-pc27:3.3.7	ummattakassa,
pli-tv-bu-vb-pc27:3.3.8	ādikammikassāti.
pli-tv-bu-vb-pc27:3.3.9	Saṁvidhānasikkhāpadaṁ niṭṭhitaṁ sattamaṁ.
pli-tv-bu-vb-pc28:0.1	Theravāda Vinaya
pli-tv-bu-vb-pc28:0.2	Mahāvibhaṅga
pli-tv-bu-vb-pc28:0.3	Pācittiyakaṇḍa
pli-tv-bu-vb-pc28:0.4	Ovādavagga
pli-tv-bu-vb-pc28:0.5	28. Nāvābhiruhanasikkhāpada
pli-tv-bu-vb-pc28:1.0.1	
pli-tv-bu-vb-pc28:1.0.2	
pli-tv-bu-vb-pc28:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc28:1.2	Tena kho pana samayena chabbaggiyā bhikkhū bhikkhunīhi saddhiṁ saṁvidhāya ekaṁ nāvaṁ abhiruhanti.
pli-tv-bu-vb-pc28:1.3	Manussā ujjhāyanti khiyyanti vipācenti—
pli-tv-bu-vb-pc28:1.4	“yatheva mayaṁ sapajāpatikā nāvāya kīḷāma, evamevime samaṇā sakyaputtiyā bhikkhunīhi saddhiṁ saṁvidhāya nāvāya kīḷantī”ti.
pli-tv-bu-vb-pc28:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc28:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc28:1.7	“kathañhi nāma chabbaggiyā bhikkhū bhikkhunīhi saddhiṁ saṁvidhāya ekaṁ nāvaṁ abhiruhissantī”ti …pe…
pli-tv-bu-vb-pc28:1.8	“saccaṁ kira tumhe, bhikkhave, bhikkhunīhi saddhiṁ saṁvidhāya ekaṁ nāvaṁ abhiruhathā”ti?
pli-tv-bu-vb-pc28:1.9	“Saccaṁ, bhagavā”ti.
pli-tv-bu-vb-pc28:1.10	Vigarahi buddho bhagavā …pe…
pli-tv-bu-vb-pc28:1.11	kathañhi nāma tumhe, moghapurisā, bhikkhunīhi saddhiṁ saṁvidhāya ekaṁ nāvaṁ abhiruhissatha.
pli-tv-bu-vb-pc28:1.12	Netaṁ, moghapurisā, appasannānaṁ vā pasādāya …pe…
pli-tv-bu-vb-pc28:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc28:1.14.0	
pli-tv-bu-vb-pc28:1.14.1	“Yo pana bhikkhu bhikkhuniyā saddhiṁ saṁvidhāya ekaṁ nāvaṁ abhiruheyya, uddhaṅgāminiṁ vā adhogāminiṁ vā, pācittiyan”ti.
pli-tv-bu-vb-pc28:1.15	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc28:2.0	
pli-tv-bu-vb-pc28:2.1	Tena kho pana samayena sambahulā bhikkhū ca bhikkhuniyo ca sāketā sāvatthiṁ addhānamaggappaṭipannā honti.
pli-tv-bu-vb-pc28:2.2	Antarāmagge nadī taritabbā hoti.
pli-tv-bu-vb-pc28:2.3	Atha kho tā bhikkhuniyo te bhikkhū etadavocuṁ—
pli-tv-bu-vb-pc28:2.4	“mayampi ayyehi saddhiṁ uttarissāmā”ti.
pli-tv-bu-vb-pc28:2.5	“Na, bhaginī, kappati bhikkhuniyā saddhiṁ saṁvidhāya ekaṁ nāvaṁ abhiruhituṁ;
pli-tv-bu-vb-pc28:2.6	tumhe vā paṭhamaṁ uttaratha mayaṁ vā uttarissāmā”ti.
pli-tv-bu-vb-pc28:2.7	“Ayyā, bhante, aggapurisā.
pli-tv-bu-vb-pc28:2.8	Ayyāva paṭhamaṁ uttarantū”ti.
pli-tv-bu-vb-pc28:2.9	Atha kho tāsaṁ bhikkhunīnaṁ pacchā uttarantīnaṁ corā acchindiṁsu ca dūsesuñca.
pli-tv-bu-vb-pc28:2.10	Atha kho tā bhikkhuniyo sāvatthiṁ gantvā bhikkhunīnaṁ etamatthaṁ ārocesuṁ.
pli-tv-bu-vb-pc28:2.11	Bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pc28:2.12	Bhikkhū bhagavato etamatthaṁ ārocesuṁ.
pli-tv-bu-vb-pc28:2.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc28:2.14	“anujānāmi, bhikkhave, tiriyaṁ taraṇāya bhikkhuniyā saddhiṁ saṁvidhāya ekaṁ nāvaṁ abhiruhituṁ.
pli-tv-bu-vb-pc28:2.15	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc28:2.16.0	
pli-tv-bu-vb-pc28:2.16.1	“Yo pana bhikkhu bhikkhuniyā saddhiṁ saṁvidhāya ekaṁ nāvaṁ abhiruheyya uddhaṅgāminiṁ vā adhogāminiṁ vā, aññatra tiriyaṁ taraṇāya, pācittiyan”ti.
pli-tv-bu-vb-pc28:3.1.0	
pli-tv-bu-vb-pc28:3.1.1	Yo panāti
pli-tv-bu-vb-pc28:3.1.2	yo yādiso …pe…
pli-tv-bu-vb-pc28:3.1.3	bhikkhūti
pli-tv-bu-vb-pc28:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc28:3.1.5	Bhikkhunī nāma
pli-tv-bu-vb-pc28:3.1.6	ubhatosaṅghe upasampannā.
pli-tv-bu-vb-pc28:3.1.7	Saddhinti
pli-tv-bu-vb-pc28:3.1.8	ekato.
pli-tv-bu-vb-pc28:3.1.9	Saṁvidhāyāti
pli-tv-bu-vb-pc28:3.1.10	“abhiruhāma, bhagini, abhiruhāmāyya; abhiruhāmāyya, abhiruhāma, bhagini; ajja vā hiyyo vā pare vā abhiruhāmā”ti saṁvidahati āpatti dukkaṭassa.
pli-tv-bu-vb-pc28:3.1.11	Bhikkhuniyā abhiruḷhe bhikkhu abhiruhati, āpatti pācittiyassa.
pli-tv-bu-vb-pc28:3.1.12	Bhikkhumhi abhiruḷhe bhikkhunī abhiruhati, āpatti pācittiyassa.
pli-tv-bu-vb-pc28:3.1.13	Ubho vā abhiruhanti, āpatti pācittiyassa.
pli-tv-bu-vb-pc28:3.1.14	Uddhaṅgāmininti
pli-tv-bu-vb-pc28:3.1.15	ujjavanikāya.
pli-tv-bu-vb-pc28:3.1.16	Adhogāmininti
pli-tv-bu-vb-pc28:3.1.17	ojavanikāya.
pli-tv-bu-vb-pc28:3.1.18	Aññatra tiriyaṁ taraṇāyāti
pli-tv-bu-vb-pc28:3.1.19	ṭhapetvā tiriyaṁ taraṇaṁ.
pli-tv-bu-vb-pc28:3.1.20	Kukkuṭasampāte gāme, gāmantare gāmantare āpatti pācittiyassa.
pli-tv-bu-vb-pc28:3.1.21	Agāmake araññe, aḍḍhayojane aḍḍhayojane āpatti pācittiyassa.
pli-tv-bu-vb-pc28:3.2.0	
pli-tv-bu-vb-pc28:3.2.1	Saṁvidahite saṁvidahitasaññī ekaṁ nāvaṁ abhiruhati uddhaṅgāminiṁ vā adhogāminiṁ vā, aññatra tiriyaṁ taraṇāya, āpatti pācittiyassa.
pli-tv-bu-vb-pc28:3.2.2	Saṁvidahite vematiko ekaṁ nāvaṁ abhiruhati uddhaṅgāminiṁ vā adhogāminiṁ vā, aññatra tiriyaṁ taraṇāya, āpatti pācittiyassa.
pli-tv-bu-vb-pc28:3.2.3	Saṁvidahite asaṁvidahitasaññī ekaṁ nāvaṁ abhiruhati uddhaṅgāminiṁ vā adhogāminiṁ vā, aññatra tiriyaṁ taraṇāya, āpatti pācittiyassa.
pli-tv-bu-vb-pc28:3.2.4	Bhikkhu saṁvidahati, bhikkhunī na saṁvidahati, āpatti dukkaṭassa.
pli-tv-bu-vb-pc28:3.2.5	Asaṁvidahite saṁvidahitasaññī, āpatti dukkaṭassa.
pli-tv-bu-vb-pc28:3.2.6	Asaṁvidahite vematiko, āpatti dukkaṭassa.
pli-tv-bu-vb-pc28:3.2.7	Asaṁvidahite, asaṁvidahitasaññī, anāpatti.
pli-tv-bu-vb-pc28:3.3.0	
pli-tv-bu-vb-pc28:3.3.1	Anāpatti—
pli-tv-bu-vb-pc28:3.3.2	tiriyaṁ taraṇāya,
pli-tv-bu-vb-pc28:3.3.3	asaṁvidahitvā abhiruhanti,
pli-tv-bu-vb-pc28:3.3.4	bhikkhunī saṁvidahati, bhikkhu na saṁvidahati,
pli-tv-bu-vb-pc28:3.3.5	visaṅketena abhiruhanti,
pli-tv-bu-vb-pc28:3.3.6	āpadāsu,
pli-tv-bu-vb-pc28:3.3.7	ummattakassa,
pli-tv-bu-vb-pc28:3.3.8	ādikammissāti.
pli-tv-bu-vb-pc28:3.3.9	Nāvābhiruhanasikkhāpadaṁ niṭṭhitaṁ aṭṭhamaṁ.
pli-tv-bu-vb-pc29:0.1	Theravāda Vinaya
pli-tv-bu-vb-pc29:0.2	Mahāvibhaṅga
pli-tv-bu-vb-pc29:0.3	Pācittiyakaṇḍa
pli-tv-bu-vb-pc29:0.4	Ovādavagga
pli-tv-bu-vb-pc29:0.5	29. Paripācitasikkhāpada
pli-tv-bu-vb-pc29:1.0.1	
pli-tv-bu-vb-pc29:1.0.2	
pli-tv-bu-vb-pc29:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc29:1.2	Tena kho pana samayena thullanandā bhikkhunī aññatarassa kulassa kulūpikā hoti niccabhattikā.
pli-tv-bu-vb-pc29:1.3	Tena ca gahapatinā therā bhikkhū nimantitā honti.
pli-tv-bu-vb-pc29:1.4	Atha kho thullanandā bhikkhunī pubbaṇhasamayaṁ nivāsetvā pattacīvaramādāya yena taṁ kulaṁ tenupasaṅkami; upasaṅkamitvā taṁ gahapatiṁ etadavoca—
pli-tv-bu-vb-pc29:1.5	“kimidaṁ, gahapati, pahūtaṁ khādanīyaṁ bhojanīyaṁ paṭiyattan”ti?
pli-tv-bu-vb-pc29:1.6	“Therā mayā, ayye, nimantitā”ti.
pli-tv-bu-vb-pc29:1.7	“Ke pana te, gahapati, therā”ti?
pli-tv-bu-vb-pc29:1.8	“Ayyo sāriputto ayyo mahāmoggallāno ayyo mahākaccāno ayyo mahākoṭṭhiko ayyo mahākappino ayyo mahācundo ayyo anuruddho ayyo revato ayyo upāli ayyo ānando ayyo rāhulo”ti.
pli-tv-bu-vb-pc29:1.9	“Kiṁ pana tvaṁ, gahapati, mahānāge tiṭṭhamāne ceṭake nimantesī”ti?
pli-tv-bu-vb-pc29:1.10	“Ke pana te, ayye, mahānāgā”ti?
pli-tv-bu-vb-pc29:1.11	“Ayyo devadatto ayyo kokāliko ayyo kaṭamodakatissako ayyo khaṇḍadeviyā putto ayyo samuddadatto”ti.
pli-tv-bu-vb-pc29:1.12	Ayaṁ carahi thullanandāya bhikkhuniyā antarā kathā vippakatā, atha te therā bhikkhū pavisiṁsu.
pli-tv-bu-vb-pc29:1.13	“Saccaṁ mahānāgā kho tayā, gahapati, nimantitā”ti.
pli-tv-bu-vb-pc29:1.14	“Idāneva kho tvaṁ, ayye, ceṭake akāsi; idāni mahānāge”ti.
pli-tv-bu-vb-pc29:1.15	Gharato ca nikkaḍḍhi, niccabhattañca pacchindi.
pli-tv-bu-vb-pc29:1.16	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc29:1.17	“kathañhi nāma devadatto jānaṁ bhikkhuniparipācitaṁ piṇḍapātaṁ bhuñjissatī”ti …pe…
pli-tv-bu-vb-pc29:1.18	“saccaṁ kira tvaṁ, devadatta, jānaṁ bhikkhuniparipācitaṁ piṇḍapātaṁ bhuñjasī”ti?
pli-tv-bu-vb-pc29:1.19	“Saccaṁ, bhagavā”ti.
pli-tv-bu-vb-pc29:1.20	Vigarahi buddho bhagavā …pe…
pli-tv-bu-vb-pc29:1.21	kathañhi nāma tvaṁ, moghapurisa, jānaṁ bhikkhuniparipācitaṁ piṇḍapātaṁ bhuñjissasi.
pli-tv-bu-vb-pc29:1.22	Netaṁ, moghapurisa, appasannānaṁ vā pasādāya …pe…
pli-tv-bu-vb-pc29:1.23	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc29:1.24.0	
pli-tv-bu-vb-pc29:1.24.1	“Yo pana bhikkhu jānaṁ bhikkhuniparipācitaṁ piṇḍapātaṁ bhuñjeyya, pācittiyan”ti.
pli-tv-bu-vb-pc29:1.25	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc29:2.0	
pli-tv-bu-vb-pc29:2.1	Tena kho pana samayena aññataro bhikkhu rājagahā pabbajito ñātikulaṁ agamāsi.
pli-tv-bu-vb-pc29:2.2	Manussā—“cirassampi bhadanto āgato”ti sakkaccaṁ bhattaṁ akaṁsu.
pli-tv-bu-vb-pc29:2.3	Tassa kulassa kulūpikā bhikkhunī te manusse etadavoca—
pli-tv-bu-vb-pc29:2.4	“dethayyassa, āvuso, bhattan”ti.
pli-tv-bu-vb-pc29:2.5	Atha kho so bhikkhu—
pli-tv-bu-vb-pc29:2.6	“bhagavatā paṭikkhittaṁ jānaṁ bhikkhuniparipācitaṁ piṇḍapātaṁ bhuñjitun”ti kukkuccāyanto na paṭiggahesi.
pli-tv-bu-vb-pc29:2.7	Nāsakkhi piṇḍāya carituṁ, chinnabhatto ahosi.
pli-tv-bu-vb-pc29:2.8	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-bu-vb-pc29:2.9	Bhikkhū bhagavato etamatthaṁ ārocesuṁ.
pli-tv-bu-vb-pc29:2.10	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc29:2.11	“anujānāmi, bhikkhave, pubbe gihisamārambhe jānaṁ bhikkhuniparipācitaṁ piṇḍapātaṁ bhuñjituṁ.
pli-tv-bu-vb-pc29:2.12	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc29:2.13.0	
pli-tv-bu-vb-pc29:2.13.1	“Yo pana bhikkhu jānaṁ bhikkhuniparipācitaṁ piṇḍapātaṁ bhuñjeyya, aññatra pubbe gihisamārambhā, pācittiyan”ti.
pli-tv-bu-vb-pc29:3.1.0	
pli-tv-bu-vb-pc29:3.1.1	Yo panāti
pli-tv-bu-vb-pc29:3.1.2	yo yādiso …pe…
pli-tv-bu-vb-pc29:3.1.3	bhikkhūti
pli-tv-bu-vb-pc29:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc29:3.1.5	Jānāti nāma
pli-tv-bu-vb-pc29:3.1.6	sāmaṁ vā jānāti aññe vā tassa ārocenti sā vā āroceti.
pli-tv-bu-vb-pc29:3.1.7	Bhikkhunī nāma
pli-tv-bu-vb-pc29:3.1.8	ubhatosaṅghe upasampannā.
pli-tv-bu-vb-pc29:3.1.9	Paripāceti nāma
pli-tv-bu-vb-pc29:3.1.10	pubbe adātukāmānaṁ akattukāmānaṁ— “ayyo bhāṇako, ayyo bahussuto, ayyo suttantiko, ayyo vinayadharo, ayyo dhammakathiko, detha ayyassa, karotha ayyassā”ti esā paripāceti nāma.
pli-tv-bu-vb-pc29:3.1.11	Piṇḍapāto nāma
pli-tv-bu-vb-pc29:3.1.12	pañcannaṁ bhojanānaṁ aññataraṁ bhojanaṁ.
pli-tv-bu-vb-pc29:3.1.13	Aññatra pubbe gihisamārambhāti
pli-tv-bu-vb-pc29:3.1.14	ṭhapetvā gihisamārambhaṁ.
pli-tv-bu-vb-pc29:3.1.15	Gihisamārambho nāma
pli-tv-bu-vb-pc29:3.1.16	ñātakā vā honti pavāritā vā pakatipaṭiyattaṁ vā.
pli-tv-bu-vb-pc29:3.1.17	Aññatra pubbe gihisamārambhā bhuñjissāmīti paṭiggaṇhāti, āpatti dukkaṭassa.
pli-tv-bu-vb-pc29:3.1.18	Ajjhohāre ajjhohāre, āpatti pācittiyassa.
pli-tv-bu-vb-pc29:3.2.0	
pli-tv-bu-vb-pc29:3.2.1	Paripācite paripācitasaññī bhuñjati, aññatra pubbe gihisamārambhā, āpatti pācittiyassa.
pli-tv-bu-vb-pc29:3.2.2	Paripācite vematiko bhuñjati, aññatra pubbe gihisamārambhā, āpatti dukkaṭassa.
pli-tv-bu-vb-pc29:3.2.3	Paripācite aparipācitasaññī bhuñjati, aññatra pubbe gihisamārambhā, anāpatti.
pli-tv-bu-vb-pc29:3.2.4	Ekatoupasampannāya paripācitaṁ bhuñjati, aññatra pubbe gihisamārambhā, āpatti dukkaṭassa.
pli-tv-bu-vb-pc29:3.2.5	Aparipācite paripācitasaññī, āpatti dukkaṭassa.
pli-tv-bu-vb-pc29:3.2.6	Aparipācite vematiko, āpatti dukkaṭassa.
pli-tv-bu-vb-pc29:3.2.7	Aparipācite aparipācitasaññī, anāpatti.
pli-tv-bu-vb-pc29:3.3.0	
pli-tv-bu-vb-pc29:3.3.1	Anāpatti—
pli-tv-bu-vb-pc29:3.3.2	pubbe gihisamārambhe,
pli-tv-bu-vb-pc29:3.3.3	sikkhamānā paripāceti,
pli-tv-bu-vb-pc29:3.3.4	sāmaṇerī paripāceti,
pli-tv-bu-vb-pc29:3.3.5	pañca bhojanāni ṭhapetvā sabbattha anāpatti,
pli-tv-bu-vb-pc29:3.3.6	ummattakassa,
pli-tv-bu-vb-pc29:3.3.7	ādikammikassāti.
pli-tv-bu-vb-pc29:3.3.8	Paripācitasikkhāpadaṁ niṭṭhitaṁ navamaṁ.
pli-tv-bu-vb-pc30:0.1	Theravāda Vinaya
pli-tv-bu-vb-pc30:0.2	Mahāvibhaṅga
pli-tv-bu-vb-pc30:0.3	Pācittiyakaṇḍa
pli-tv-bu-vb-pc30:0.4	Ovādavagga
pli-tv-bu-vb-pc30:0.5	30. Rahonisajjasikkhāpada
pli-tv-bu-vb-pc30:1.0	
pli-tv-bu-vb-pc30:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc30:1.2	Tena kho pana samayena āyasmato udāyissa purāṇadutiyikā bhikkhunīsu pabbajitā hoti.
pli-tv-bu-vb-pc30:1.3	Sā āyasmato udāyissa santike abhikkhaṇaṁ āgacchati, āyasmāpi udāyī tassā bhikkhuniyā santike abhikkhaṇaṁ gacchati.
pli-tv-bu-vb-pc30:1.4	Tena kho pana samayena āyasmā udāyī tassā bhikkhuniyā saddhiṁ eko ekāya raho nisajjaṁ kappesi.
pli-tv-bu-vb-pc30:1.5	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc30:1.6	“kathañhi nāma āyasmā udāyī bhikkhuniyā saddhiṁ eko ekāya raho nisajjaṁ kappessatī”ti …pe…
pli-tv-bu-vb-pc30:1.7	“saccaṁ kira tvaṁ, udāyi, bhikkhuniyā saddhiṁ eko ekāya raho nisajjaṁ kappesī”ti?
pli-tv-bu-vb-pc30:1.8	“Saccaṁ, bhagavā”ti.
pli-tv-bu-vb-pc30:1.9	Vigarahi buddho bhagavā …pe…
pli-tv-bu-vb-pc30:1.10	kathañhi nāma tvaṁ, moghapurisa, bhikkhuniyā saddhiṁ eko ekāya raho nisajjaṁ kappessasi.
pli-tv-bu-vb-pc30:1.11	Netaṁ, moghapurisa, appasannānaṁ vā pasādāya …pe…
pli-tv-bu-vb-pc30:1.12	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc30:1.13.0	
pli-tv-bu-vb-pc30:1.13.1	“Yo pana bhikkhu bhikkhuniyā saddhiṁ eko ekāya raho nisajjaṁ kappeyya, pācittiyan”ti.
pli-tv-bu-vb-pc30:2.1.0	
pli-tv-bu-vb-pc30:2.1.1	Yo panāti
pli-tv-bu-vb-pc30:2.1.2	yo yādiso …pe…
pli-tv-bu-vb-pc30:2.1.3	bhikkhūti
pli-tv-bu-vb-pc30:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc30:2.1.5	Bhikkhunī nāma
pli-tv-bu-vb-pc30:2.1.6	ubhatosaṅghe upasampannā.
pli-tv-bu-vb-pc30:2.1.7	Saddhinti
pli-tv-bu-vb-pc30:2.1.8	ekato.
pli-tv-bu-vb-pc30:2.1.9	Eko ekāyāti
pli-tv-bu-vb-pc30:2.1.10	bhikkhu ceva hoti bhikkhunī ca.
pli-tv-bu-vb-pc30:2.1.11	Raho nāma
pli-tv-bu-vb-pc30:2.1.12	cakkhussa raho sotassa raho.
pli-tv-bu-vb-pc30:2.1.13	Cakkhussa raho nāma
pli-tv-bu-vb-pc30:2.1.14	na sakkā hoti akkhiṁ vā nikhaṇīyamāne bhamukaṁ vā ukkhipīyamāne sīsaṁ vā ukkhipīyamāne passituṁ.
pli-tv-bu-vb-pc30:2.1.15	Sotassa raho nāma
pli-tv-bu-vb-pc30:2.1.16	na sakkā hoti pakatikathā sotuṁ.
pli-tv-bu-vb-pc30:2.1.17	Nisajjaṁ kappeyyāti
pli-tv-bu-vb-pc30:2.1.18	bhikkhuniyā nisinnāya bhikkhu upanisinno vā hoti upanipanno vā, āpatti pācittiyassa.
pli-tv-bu-vb-pc30:2.1.19	Bhikkhu nisinne bhikkhunī upanisinnā vā hoti upanipannā vā, āpatti pācittiyassa.
pli-tv-bu-vb-pc30:2.1.20	Ubho vā nisinnā honti ubho vā nipannā, āpatti pācittiyassa.
pli-tv-bu-vb-pc30:2.2.0	
pli-tv-bu-vb-pc30:2.2.1	Raho rahosaññī eko ekāya nisajjaṁ kappeti, āpatti pācittiyassa.
pli-tv-bu-vb-pc30:2.2.2	Raho vematiko eko ekāya nisajjaṁ kappeti, āpatti pācittiyassa.
pli-tv-bu-vb-pc30:2.2.3	Raho arahosaññī eko ekāya nisajjaṁ kappeti, āpatti pācittiyassa.
pli-tv-bu-vb-pc30:2.2.4	Araho rahosaññī, āpatti dukkaṭassa.
pli-tv-bu-vb-pc30:2.2.5	Araho vematiko, āpatti dukkaṭassa.
pli-tv-bu-vb-pc30:2.2.6	Araho arahosaññī, anāpatti.
pli-tv-bu-vb-pc30:2.3.0	
pli-tv-bu-vb-pc30:2.3.1	Anāpatti—
pli-tv-bu-vb-pc30:2.3.2	yo koci viññū dutiyo hoti,
pli-tv-bu-vb-pc30:2.3.3	tiṭṭhati na nisīdati,
pli-tv-bu-vb-pc30:2.3.4	arahopekkho,
pli-tv-bu-vb-pc30:2.3.5	aññavihito nisīdati,
pli-tv-bu-vb-pc30:2.3.6	ummattakassa,
pli-tv-bu-vb-pc30:2.3.7	ādikammikassāti.
pli-tv-bu-vb-pc30:2.3.8	Rahonisajjasikkhāpadaṁ niṭṭhitaṁ dasamaṁ.
pli-tv-bu-vb-pc30:2.3.9	Ovādavaggo tatiyo.
pli-tv-bu-vb-pc30:2.3.10	Tassuddānaṁ
pli-tv-bu-vb-pc30:2.3.11	Asammataatthaṅgatū,
pli-tv-bu-vb-pc30:2.3.12	Passayāmisadānena;
pli-tv-bu-vb-pc30:2.3.13	Sibbati addhānaṁ nāvaṁ bhuñjeyya,
pli-tv-bu-vb-pc30:2.3.14	Eko ekāya te dasāti.
pli-tv-bu-vb-pc31:0.1	Theravāda Vinaya
pli-tv-bu-vb-pc31:0.2	Mahāvibhaṅga
pli-tv-bu-vb-pc31:0.3	Pācittiyakaṇḍa
pli-tv-bu-vb-pc31:0.4	Bhojanavagga
pli-tv-bu-vb-pc31:0.5	31. Āvasathapiṇḍasikkhāpada
pli-tv-bu-vb-pc31:1.0.1	
pli-tv-bu-vb-pc31:1.0.2	
pli-tv-bu-vb-pc31:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc31:1.2	Tena kho pana samayena sāvatthiyā avidūre aññatarassa pūgassa āvasathapiṇḍo paññatto hoti.
pli-tv-bu-vb-pc31:1.3	Chabbaggiyā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisitvā piṇḍaṁ alabhamānā āvasathaṁ agamaṁsu.
pli-tv-bu-vb-pc31:1.4	Manussā—“cirassampi bhadantā āgatā”ti sakkaccaṁ parivisiṁsu.
pli-tv-bu-vb-pc31:1.5	Atha kho chabbaggiyā bhikkhū dutiyampi divasaṁ …pe… tatiyampi divasaṁ pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisitvā piṇḍaṁ alabhamānā āvasathaṁ gantvā bhuñjiṁsu.
pli-tv-bu-vb-pc31:1.6	Atha kho chabbaggiyānaṁ bhikkhūnaṁ etadahosi—
pli-tv-bu-vb-pc31:1.7	“kiṁ mayaṁ karissāma ārāmaṁ gantvā.
pli-tv-bu-vb-pc31:1.8	Hiyyopi idheva āgantabbaṁ bhavissatī”ti,
pli-tv-bu-vb-pc31:1.9	tattheva anuvasitvā anuvasitvā āvasathapiṇḍaṁ bhuñjanti.
pli-tv-bu-vb-pc31:1.10	Titthiyā apasakkanti.
pli-tv-bu-vb-pc31:1.11	Manussā ujjhāyanti khiyyanti vipācenti—
pli-tv-bu-vb-pc31:1.12	“kathañhi nāma samaṇā sakyaputtiyā anuvasitvā anuvasitvā āvasathapiṇḍaṁ bhuñjissanti.
pli-tv-bu-vb-pc31:1.13	Nayimesaññeva āvasathapiṇḍo paññatto;
pli-tv-bu-vb-pc31:1.14	sabbesaññeva āvasathapiṇḍo paññatto”ti.
pli-tv-bu-vb-pc31:1.15	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc31:1.16	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc31:1.17	“kathañhi nāma chabbaggiyā bhikkhū anuvasitvā anuvasitvā āvasathapiṇḍaṁ bhuñjissantī”ti …pe…
pli-tv-bu-vb-pc31:1.18	“saccaṁ kira tumhe, bhikkhave, anuvasitvā anuvasitvā āvasathapiṇḍaṁ bhuñjathā”ti?
pli-tv-bu-vb-pc31:1.19	“Saccaṁ, bhagavā”ti.
pli-tv-bu-vb-pc31:1.20	Vigarahi buddho bhagavā …pe…
pli-tv-bu-vb-pc31:1.21	kathañhi nāma tumhe, moghapurisā, anuvasitvā anuvasitvā āvasathapiṇḍaṁ bhuñjissatha.
pli-tv-bu-vb-pc31:1.22	Netaṁ, moghapurisā, appasannānaṁ vā pasādāya …pe…
pli-tv-bu-vb-pc31:1.23	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc31:1.24.0	
pli-tv-bu-vb-pc31:1.24.1	“Eko āvasathapiṇḍo bhuñjitabbo. Tato ce uttari bhuñjeyya, pācittiyan”ti.
pli-tv-bu-vb-pc31:1.25	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc31:2.0	
pli-tv-bu-vb-pc31:2.1	Tena kho pana samayena āyasmā sāriputto kosalesu janapade sāvatthiṁ gacchanto yena aññataro āvasatho tenupasaṅkami.
pli-tv-bu-vb-pc31:2.2	Manussā—“cirassampi thero āgato”ti sakkaccaṁ parivisiṁsu.
pli-tv-bu-vb-pc31:2.3	Atha kho āyasmato sāriputtassa bhuttāvissa kharo ābādho uppajji, nāsakkhi tamhā āvasathā pakkamituṁ.
pli-tv-bu-vb-pc31:2.4	Atha kho te manussā dutiyampi divasaṁ āyasmantaṁ sāriputtaṁ etadavocuṁ—
pli-tv-bu-vb-pc31:2.5	“bhuñjatha, bhante”ti.
pli-tv-bu-vb-pc31:2.6	Atha kho āyasmā sāriputto—
pli-tv-bu-vb-pc31:2.7	“bhagavatā paṭikkhittaṁ anuvasitvā anuvasitvā āvasathapiṇḍaṁ bhuñjitun”ti kukkuccāyanto na paṭiggahesi;
pli-tv-bu-vb-pc31:2.8	chinnabhatto ahosi.
pli-tv-bu-vb-pc31:2.9	Atha kho āyasmā sāriputto sāvatthiṁ gantvā bhikkhūnaṁ etamatthaṁ ārocesi.
pli-tv-bu-vb-pc31:2.10	Bhikkhū bhagavato etamatthaṁ ārocesuṁ.
pli-tv-bu-vb-pc31:2.11	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc31:2.12	“anujānāmi, bhikkhave, gilānena bhikkhunā anuvasitvā anuvasitvā āvasathapiṇḍaṁ bhuñjituṁ.
pli-tv-bu-vb-pc31:2.13	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc31:2.14.0	
pli-tv-bu-vb-pc31:2.14.1	“Agilānena bhikkhunā eko āvasathapiṇḍo bhuñjitabbo. Tato ce uttari bhuñjeyya, pācittiyan”ti.
pli-tv-bu-vb-pc31:3.1.0	
pli-tv-bu-vb-pc31:3.1.1	Agilāno nāma
pli-tv-bu-vb-pc31:3.1.2	sakkoti tamhā āvasathā pakkamituṁ.
pli-tv-bu-vb-pc31:3.1.3	Gilāno nāma
pli-tv-bu-vb-pc31:3.1.4	na sakkoti tamhā āvasathā pakkamituṁ.
pli-tv-bu-vb-pc31:3.1.5	Āvasathapiṇḍo nāma
pli-tv-bu-vb-pc31:3.1.6	pañcannaṁ bhojanānaṁ aññataraṁ bhojanaṁ— sālāya vā maṇḍape vā rukkhamūle vā ajjhokāse vā anodissa yāvadattho paññatto hoti.
pli-tv-bu-vb-pc31:3.1.7	Agilānena bhikkhunā sakiṁ bhuñjitabbo. Tato ce uttari “bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc31:3.1.8	Ajjhohāre ajjhohāre āpatti pācittiyassa.
pli-tv-bu-vb-pc31:3.2.0	
pli-tv-bu-vb-pc31:3.2.1	Agilāno agilānasaññī tatuttari āvasathapiṇḍaṁ bhuñjati, āpatti pācittiyassa.
pli-tv-bu-vb-pc31:3.2.2	Agilāno vematiko tatuttari āvasathapiṇḍaṁ bhuñjati, āpatti pācittiyassa.
pli-tv-bu-vb-pc31:3.2.3	Agilāno gilānasaññī tatuttari āvasathapiṇḍaṁ bhuñjati, āpatti pācittiyassa.
pli-tv-bu-vb-pc31:3.2.4	Gilāno agilānasaññī, āpatti dukkaṭassa.
pli-tv-bu-vb-pc31:3.2.5	Gilāno vematiko āpatti dukkaṭassa.
pli-tv-bu-vb-pc31:3.2.6	Gilāno gilānasaññī, anāpatti.
pli-tv-bu-vb-pc31:3.3.0	
pli-tv-bu-vb-pc31:3.3.1	Anāpatti—
pli-tv-bu-vb-pc31:3.3.2	gilānassa,
pli-tv-bu-vb-pc31:3.3.3	agilāno sakiṁ bhuñjati,
pli-tv-bu-vb-pc31:3.3.4	gacchanto, vā āgacchanto vā bhuñjati,
pli-tv-bu-vb-pc31:3.3.5	sāmikā nimantetvā bhojenti,
pli-tv-bu-vb-pc31:3.3.6	odissa paññatto hoti,
pli-tv-bu-vb-pc31:3.3.7	na yāvadattho paññatto hoti,
pli-tv-bu-vb-pc31:3.3.8	pañca bhojanāni ṭhapetvā sabbattha anāpatti,
pli-tv-bu-vb-pc31:3.3.9	ummattakassa,
pli-tv-bu-vb-pc31:3.3.10	ādikammikassāti.
pli-tv-bu-vb-pc31:3.3.11	Āvasathapiṇḍasikkhāpadaṁ niṭṭhitaṁ paṭhamaṁ.
pli-tv-bu-vb-pc32:0.1	Theravāda Vinaya
pli-tv-bu-vb-pc32:0.2	Mahāvibhaṅga
pli-tv-bu-vb-pc32:0.3	Pācittiyakaṇḍa
pli-tv-bu-vb-pc32:0.4	Bhojanavagga
pli-tv-bu-vb-pc32:0.5	32. Gaṇabhojanasikkhāpada
pli-tv-bu-vb-pc32:1.0.1	
pli-tv-bu-vb-pc32:1.0.2	
pli-tv-bu-vb-pc32:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc32:1.2	Tena kho pana samayena devadatto parihīnalābhasakkāro sapariso kulesu viññāpetvā viññāpetvā bhuñjati.
pli-tv-bu-vb-pc32:1.3	Manussā ujjhāyanti khiyyanti vipācenti—
pli-tv-bu-vb-pc32:1.4	“kathañhi nāma samaṇā sakyaputtiyā kulesu viññāpetvā viññāpetvā bhuñjissanti.
pli-tv-bu-vb-pc32:1.5	Kassa sampannaṁ na manāpaṁ, kassa sāduṁ na ruccatī”ti.
pli-tv-bu-vb-pc32:1.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc32:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc32:1.8	“kathañhi nāma devadatto sapariso kulesu viññāpetvā viññāpetvā bhuñjissatī”ti …pe…
pli-tv-bu-vb-pc32:1.9	“saccaṁ kira tvaṁ, devadatta, sapariso kulesu viññāpetvā viññāpetvā bhuñjasī”ti?
pli-tv-bu-vb-pc32:1.10	“Saccaṁ, bhagavā”ti.
pli-tv-bu-vb-pc32:1.11	Vigarahi buddho bhagavā …pe…
pli-tv-bu-vb-pc32:1.12	kathañhi nāma tvaṁ, moghapurisa, sapariso kulesu viññāpetvā viññāpetvā bhuñjissasi.
pli-tv-bu-vb-pc32:1.13	Netaṁ, moghapurisa, appasannānaṁ vā pasādāya …pe…
pli-tv-bu-vb-pc32:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:1.15.0	
pli-tv-bu-vb-pc32:1.15.1	“Gaṇabhojane pācittiyan”ti.
pli-tv-bu-vb-pc32:1.16	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc32:2.0	
pli-tv-bu-vb-pc32:2.1	Tena kho pana samayena manussā gilāne bhikkhū bhattena nimantenti.
pli-tv-bu-vb-pc32:2.2	Bhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.
pli-tv-bu-vb-pc32:2.3	Bhagavato etamatthaṁ ārocesuṁ.
pli-tv-bu-vb-pc32:2.4	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc32:2.5	“anujānāmi, bhikkhave, gilānena bhikkhunā gaṇabhojanaṁ bhuñjituṁ.
pli-tv-bu-vb-pc32:2.6	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:2.7.0	
pli-tv-bu-vb-pc32:2.7.1	“Gaṇabhojane, aññatra samayā, pācittiyaṁ.
pli-tv-bu-vb-pc32:2.8	Tatthāyaṁ samayo. Gilānasamayo—ayaṁ tattha samayo”ti.
pli-tv-bu-vb-pc32:2.9	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc32:3.0	
pli-tv-bu-vb-pc32:3.1	Tena kho pana samayena manussā cīvaradānasamaye sacīvarabhattaṁ paṭiyādetvā bhikkhū nimantenti—
pli-tv-bu-vb-pc32:3.2	“bhojetvā cīvarena acchādessāmā”ti.
pli-tv-bu-vb-pc32:3.3	Bhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.
pli-tv-bu-vb-pc32:3.4	Cīvaraṁ parittaṁ uppajjati.
pli-tv-bu-vb-pc32:3.5	Bhagavato etamatthaṁ ārocesuṁ …pe…
pli-tv-bu-vb-pc32:3.6	anujānāmi, bhikkhave, cīvaradānasamaye gaṇabhojanaṁ bhuñjituṁ.
pli-tv-bu-vb-pc32:3.7	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:3.8.0	
pli-tv-bu-vb-pc32:3.8.1	“Gaṇabhojane, aññatra samayā, pācittiyaṁ.
pli-tv-bu-vb-pc32:3.9	Tatthāyaṁ samayo. Gilānasamayo, cīvaradānasamayo—ayaṁ tattha samayo”ti.
pli-tv-bu-vb-pc32:3.10	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc32:4.0	
pli-tv-bu-vb-pc32:4.1	Tena kho pana samayena manussā cīvarakārake bhikkhū bhattena nimantenti.
pli-tv-bu-vb-pc32:4.2	Bhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.
pli-tv-bu-vb-pc32:4.3	Bhagavato etamatthaṁ ārocesuṁ …pe…
pli-tv-bu-vb-pc32:4.4	anujānāmi, bhikkhave, cīvarakārasamaye gaṇabhojanaṁ bhuñjituṁ.
pli-tv-bu-vb-pc32:4.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:4.6.0	
pli-tv-bu-vb-pc32:4.6.1	“Gaṇabhojane, aññatra samayā, pācittiyaṁ.
pli-tv-bu-vb-pc32:4.7	Tatthāyaṁ samayo. Gilānasamayo, cīvaradānasamayo, cīvarakārasamayo—ayaṁ tattha samayo”ti.
pli-tv-bu-vb-pc32:4.8	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc32:5.0	
pli-tv-bu-vb-pc32:5.1	Tena kho pana samayena bhikkhū manussehi saddhiṁ addhānaṁ gacchanti.
pli-tv-bu-vb-pc32:5.2	Atha kho te bhikkhū te manusse etadavocuṁ—
pli-tv-bu-vb-pc32:5.3	“muhuttaṁ, āvuso, āgametha; piṇḍāya carissāmā”ti.
pli-tv-bu-vb-pc32:5.4	Te evamāhaṁsu—
pli-tv-bu-vb-pc32:5.5	“idheva, bhante, bhuñjathā”ti.
pli-tv-bu-vb-pc32:5.6	Bhikkhū kukkuccāyantā na paṭiggaṇhanti—“paṭikkhittaṁ bhagavatā gaṇabhojanan”ti.
pli-tv-bu-vb-pc32:5.7	Bhagavato etamatthaṁ ārocesuṁ …pe…
pli-tv-bu-vb-pc32:5.8	anujānāmi, bhikkhave, addhānagamanasamaye gaṇabhojanaṁ bhuñjituṁ.
pli-tv-bu-vb-pc32:5.9	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:5.10.0	
pli-tv-bu-vb-pc32:5.10.1	“Gaṇabhojane, aññatra samayā, pācittiyaṁ.
pli-tv-bu-vb-pc32:5.11	Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo—ayaṁ tattha samayo”ti.
pli-tv-bu-vb-pc32:5.12	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc32:6.0	
pli-tv-bu-vb-pc32:6.1	Tena kho pana samayena bhikkhū manussehi saddhiṁ nāvāya gacchanti.
pli-tv-bu-vb-pc32:6.2	Atha kho te bhikkhū te manusse etadavocuṁ—“muhuttaṁ, āvuso, tīraṁ upanetha; piṇḍāya carissāmā”ti.
pli-tv-bu-vb-pc32:6.3	Te evamāhaṁsu—“idheva, bhante, bhuñjathā”ti.
pli-tv-bu-vb-pc32:6.4	Bhikkhū kukkuccāyantā na paṭiggaṇhanti—“paṭikkhittaṁ bhagavatā gaṇabhojanan”ti.
pli-tv-bu-vb-pc32:6.5	Bhagavato etamatthaṁ ārocesuṁ …pe…
pli-tv-bu-vb-pc32:6.6	anujānāmi, bhikkhave, nāvābhiruhanasamaye gaṇabhojanaṁ bhuñjituṁ.
pli-tv-bu-vb-pc32:6.7	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:6.8.0	
pli-tv-bu-vb-pc32:6.8.1	“Gaṇabhojane, aññatra samayā, pācittiyaṁ.
pli-tv-bu-vb-pc32:6.9	Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo—ayaṁ tattha samayo”ti.
pli-tv-bu-vb-pc32:6.10	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc32:7.0	
pli-tv-bu-vb-pc32:7.1	Tena kho pana samayena disāsu vassaṁvuṭṭhā bhikkhū rājagahaṁ āgacchanti bhagavantaṁ dassanāya.
pli-tv-bu-vb-pc32:7.2	Manussā nānāverajjake bhikkhū passitvā bhattena nimantenti.
pli-tv-bu-vb-pc32:7.3	Bhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.
pli-tv-bu-vb-pc32:7.4	Bhagavato etamatthaṁ ārocesuṁ …pe…
pli-tv-bu-vb-pc32:7.5	anujānāmi, bhikkhave, mahāsamaye gaṇabhojanaṁ bhuñjituṁ.
pli-tv-bu-vb-pc32:7.6	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:7.7.0	
pli-tv-bu-vb-pc32:7.7.1	“Gaṇabhojane, aññatra samayā, pācittiyaṁ.
pli-tv-bu-vb-pc32:7.8	Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo, mahāsamayo—ayaṁ tattha samayo”ti.
pli-tv-bu-vb-pc32:7.9	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc32:8.0	
pli-tv-bu-vb-pc32:8.1	Tena kho pana samayena rañño māgadhassa seniyassa bimbisārassa ñātisālohito ājīvakesu pabbajito hoti. Atha kho so ājīvako yena rājā māgadho seniyo bimbisāro tenupasaṅkami; upasaṅkamitvā rājānaṁ māgadhaṁ seniyaṁ bimbisāraṁ etadavoca—“icchāmahaṁ, mahārāja, sabbapāsaṇḍikabhattaṁ kātun”ti.
pli-tv-bu-vb-pc32:8.2	“Sace tvaṁ, bhante, buddhappamukhaṁ bhikkhusaṅghaṁ paṭhamaṁ bhojeyyāsi”.
pli-tv-bu-vb-pc32:8.3	“Evaṁ kareyyāmī”ti.
pli-tv-bu-vb-pc32:8.4	Atha kho so ājīvako bhikkhūnaṁ santike dūtaṁ pāhesi—“adhivāsentu me bhikkhū svātanāya bhattan”ti.
pli-tv-bu-vb-pc32:8.5	Bhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.
pli-tv-bu-vb-pc32:8.6	Atha kho so ājīvako yena bhagavā tenupasaṅkami; upasaṅkamitvā bhagavatā saddhiṁ sammodi, sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi. Ekamantaṁ ṭhito kho so ājīvako bhagavantaṁ etadavoca—
pli-tv-bu-vb-pc32:8.7	“bhavampi gotamo pabbajito, ahampi pabbajito;
pli-tv-bu-vb-pc32:8.8	arahati pabbajito pabbajitassa piṇḍaṁ paṭiggahetuṁ.
pli-tv-bu-vb-pc32:8.9	Adhivāsetu me bhavaṁ gotamo svātanāya bhattaṁ saddhiṁ bhikkhusaṅghenā”ti.
pli-tv-bu-vb-pc32:8.10	Adhivāsesi bhagavā tuṇhībhāvena.
pli-tv-bu-vb-pc32:8.11	Atha kho so ājīvako bhagavato adhivāsanaṁ viditvā pakkāmi.
pli-tv-bu-vb-pc32:8.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc32:8.13	“anujānāmi, bhikkhave, samaṇabhattasamaye gaṇabhojanaṁ bhuñjituṁ.
pli-tv-bu-vb-pc32:8.14	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc32:8.15.0	
pli-tv-bu-vb-pc32:8.15.1	Gaṇabhojane, aññatra samayā, pācittiyaṁ.
pli-tv-bu-vb-pc32:8.16	Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo, mahāsamayo, samaṇabhattasamayo—ayaṁ tattha samayo”ti.
pli-tv-bu-vb-pc32:9.1.0	
pli-tv-bu-vb-pc32:9.1.1	Gaṇabhojanaṁ nāma
pli-tv-bu-vb-pc32:9.1.2	yattha cattāro bhikkhū pañcannaṁ bhojanānaṁ aññatarena bhojanena nimantitā bhuñjanti. Etaṁ gaṇabhojanaṁ nāma.
pli-tv-bu-vb-pc32:9.1.3	Aññatra samayāti
pli-tv-bu-vb-pc32:9.1.4	ṭhapetvā samayaṁ.
pli-tv-bu-vb-pc32:9.1.5	Gilānasamayo nāma
pli-tv-bu-vb-pc32:9.1.6	antamaso pādāpi phalitā honti. “Gilānasamayo”ti bhuñjitabbaṁ.
pli-tv-bu-vb-pc32:9.1.7	Cīvaradānasamayo nāma
pli-tv-bu-vb-pc32:9.1.8	anatthate kathine vassānassa pacchimo māso, atthate kathine pañcamāsā. “Cīvaradānasamayo”ti bhuñjitabbaṁ.
pli-tv-bu-vb-pc32:9.1.9	Cīvarakārasamayo nāma
pli-tv-bu-vb-pc32:9.1.10	cīvare kayiramāne. “Cīvarakārasamayo”ti bhuñjitabbaṁ.
pli-tv-bu-vb-pc32:9.1.11	Addhānagamanasamayo nāma
pli-tv-bu-vb-pc32:9.1.12	“addhayojanaṁ gacchissāmī”ti bhuñjitabbaṁ, gacchantena bhuñjitabbaṁ, gatena bhuñjitabbaṁ.
pli-tv-bu-vb-pc32:9.1.13	Nāvābhiruhanasamayo nāma
pli-tv-bu-vb-pc32:9.1.14	“nāvaṁ abhiruhissāmī”ti bhuñjitabbaṁ, āruḷhena bhuñjitabbaṁ, oruḷhena bhuñjitabbaṁ.
pli-tv-bu-vb-pc32:9.1.15	Mahāsamayo nāma
pli-tv-bu-vb-pc32:9.1.16	yattha dve tayo bhikkhū piṇḍāya caritvā yāpenti, catutthe āgate na yāpenti. “Mahāsamayo”ti bhuñjitabbaṁ.
pli-tv-bu-vb-pc32:9.1.17	Samaṇabhattasamayo nāma
pli-tv-bu-vb-pc32:9.1.18	yo koci paribbājakasamāpanno bhattaṁ karoti. “Samaṇabhattasamayo”ti bhuñjitabbaṁ.
pli-tv-bu-vb-pc32:9.1.19	“Aññatra samayā bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc32:9.1.20	Ajjhohāre ajjhohāre āpatti pācittiyassa.
pli-tv-bu-vb-pc32:9.2.0	
pli-tv-bu-vb-pc32:9.2.1	Gaṇabhojane gaṇabhojanasaññī, aññatra samayā, bhuñjati, āpatti pācittiyassa.
pli-tv-bu-vb-pc32:9.2.2	Gaṇabhojane vematiko, aññatra samayā, bhuñjati, āpatti pācittiyassa.
pli-tv-bu-vb-pc32:9.2.3	Gaṇabhojane nagaṇabhojanasaññī, aññatra samayā, bhuñjati, āpatti pācittiyassa.
pli-tv-bu-vb-pc32:9.2.4	Nagaṇabhojane gaṇabhojanasaññī, āpatti dukkaṭassa.
pli-tv-bu-vb-pc32:9.2.5	Nagaṇabhojane vematiko, āpatti dukkaṭassa.
pli-tv-bu-vb-pc32:9.2.6	Nagaṇabhojane nagaṇabhojanasaññī, anāpatti.
pli-tv-bu-vb-pc32:9.3.0	
pli-tv-bu-vb-pc32:9.3.1	Anāpatti—
pli-tv-bu-vb-pc32:9.3.2	samaye,
pli-tv-bu-vb-pc32:9.3.3	dve tayo ekato bhuñjanti,
pli-tv-bu-vb-pc32:9.3.4	piṇḍāya caritvā ekato sannipatitvā bhuñjanti,
pli-tv-bu-vb-pc32:9.3.5	niccabhattaṁ,
pli-tv-bu-vb-pc32:9.3.6	salākabhattaṁ,
pli-tv-bu-vb-pc32:9.3.7	pakkhikaṁ,
pli-tv-bu-vb-pc32:9.3.8	uposathikaṁ,
pli-tv-bu-vb-pc32:9.3.9	pāṭipadikaṁ,
pli-tv-bu-vb-pc32:9.3.10	pañca bhojanāni ṭhapetvā sabbattha anāpatti,
pli-tv-bu-vb-pc32:9.3.11	ummattakassa,
pli-tv-bu-vb-pc32:9.3.12	ādikammikassāti.
pli-tv-bu-vb-pc32:9.3.13	Gaṇabhojanasikkhāpadaṁ niṭṭhitaṁ dutiyaṁ.
pli-tv-bu-vb-pc33:0.1	Theravāda Vinaya
pli-tv-bu-vb-pc33:0.2	Mahāvibhaṅga
pli-tv-bu-vb-pc33:0.3	Pācittiyakaṇḍa
pli-tv-bu-vb-pc33:0.4	Bhojanavagga
pli-tv-bu-vb-pc33:0.5	33. Paramparabhojanasikkhāpada
pli-tv-bu-vb-pc33:1.0.1	
pli-tv-bu-vb-pc33:1.0.2	
pli-tv-bu-vb-pc33:1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bu-vb-pc33:1.2	Tena kho pana samayena vesāliyaṁ paṇītānaṁ bhattānaṁ bhattapaṭipāṭi adhiṭṭhitā hoti.
pli-tv-bu-vb-pc33:1.3	Atha kho aññatarassa daliddassa kammakārassa etadahosi—“na kho idaṁ orakaṁ bhavissati yathayime manussā sakkaccaṁ bhattaṁ karonti; yannūnāhampi bhattaṁ kareyyan”ti.
pli-tv-bu-vb-pc33:1.4	Atha kho so daliddo kammakāro yena kirapatiko tenupasaṅkami; upasaṅkamitvā taṁ kirapatikaṁ etadavoca—“icchāmahaṁ, ayyaputta, buddhappamukhassa bhikkhusaṅghassa bhattaṁ kātuṁ.
pli-tv-bu-vb-pc33:1.5	Dehi me vetanan”ti.
pli-tv-bu-vb-pc33:1.6	Sopi kho kirapatiko saddho hoti pasanno.
pli-tv-bu-vb-pc33:1.7	Atha kho so kirapatiko tassa daliddassa kammakārassa abbhātirekaṁ vetanaṁ adāsi.
pli-tv-bu-vb-pc33:1.8	Atha kho so daliddo kammakāro yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so daliddo kammakāro bhagavantaṁ etadavoca—
pli-tv-bu-vb-pc33:1.9	“adhivāsetu me, bhante, bhagavā svātanāya bhattaṁ saddhiṁ bhikkhusaṅghenā”ti.
pli-tv-bu-vb-pc33:1.10	“Mahā kho, āvuso, bhikkhusaṅgho, jānāhī”ti.
pli-tv-bu-vb-pc33:1.11	“Hotu, bhante, mahā bhikkhusaṅgho.
pli-tv-bu-vb-pc33:1.12	Bahū me badarā paṭiyattā badaramissena peyyā paripūrissantī”ti.
pli-tv-bu-vb-pc33:1.13	Adhivāsesi bhagavā tuṇhībhāvena.
pli-tv-bu-vb-pc33:1.14	Atha kho so daliddo kammakāro bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-pc33:1.15	Assosuṁ kho bhikkhū—“daliddena kira kammakārena svātanāya buddhappamukho bhikkhusaṅgho nimantito, badaramissena peyyā paripūrissantī”ti.
pli-tv-bu-vb-pc33:1.16	Te kālasseva piṇḍāya caritvā bhuñjiṁsu.
pli-tv-bu-vb-pc33:1.17	Assosuṁ kho manussā—“daliddena kira kammakārena buddhappamukho bhikkhusaṅgho nimantito”ti. Te daliddassa kammakārassa pahūtaṁ khādanīyaṁ bhojanīyaṁ abhihariṁsu.
pli-tv-bu-vb-pc33:1.18	Atha kho so daliddo kammakāro tassā rattiyā accayena paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bhante, niṭṭhitaṁ bhattan”ti.
pli-tv-bu-vb-pc33:1.19	Atha kho bhagavā pubbaṇhasamayaṁ nivāsetvā pattacīvaramādāya yena tassa daliddassa kammakārassa nivesanaṁ tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-bu-vb-pc33:1.20	Atha kho so daliddo kammakāro bhattagge bhikkhū parivisati. Bhikkhū evamāhaṁsu—
pli-tv-bu-vb-pc33:1.21	“thokaṁ, āvuso, dehi. Thokaṁ, āvuso, dehī”ti.
pli-tv-bu-vb-pc33:1.22	“Mā kho tumhe, bhante, ‘ayaṁ daliddo kammakāro’ti thokaṁ thokaṁ paṭiggaṇhittha.
pli-tv-bu-vb-pc33:1.23	Pahūtaṁ me khādanīyaṁ bhojanīyaṁ paṭiyattaṁ.
pli-tv-bu-vb-pc33:1.24	Paṭiggaṇhatha, bhante, yāvadatthan”ti.
pli-tv-bu-vb-pc33:1.25	“Na kho mayaṁ, āvuso, etaṅkāraṇā thokaṁ thokaṁ paṭiggaṇhāma.
pli-tv-bu-vb-pc33:1.26	Api ca, mayaṁ kālasseva piṇḍāya caritvā bhuñjimhā; tena mayaṁ thokaṁ thokaṁ paṭiggaṇhāmā”ti.
pli-tv-bu-vb-pc33:1.27	Atha kho so daliddo kammakāro ujjhāyati khiyyati vipāceti—
pli-tv-bu-vb-pc33:1.28	“kathañhi nāma bhadantā mayā nimantitā aññatra bhuñjissanti.
pli-tv-bu-vb-pc33:1.29	Na cāhaṁ paṭibalo yāvadatthaṁ dātun”ti?
pli-tv-bu-vb-pc33:1.30	Assosuṁ kho bhikkhū tassa daliddassa kammakārassa ujjhāyantassa khiyyantassa vipācentassa.
pli-tv-bu-vb-pc33:1.31	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc33:1.32	“kathañhi nāma bhikkhū aññatra nimantitā aññatra bhuñjissantī”ti …pe…
pli-tv-bu-vb-pc33:1.33	“saccaṁ kira, bhikkhave, bhikkhū aññatra nimantitā aññatra bhuñjantī”ti?
pli-tv-bu-vb-pc33:1.34	“Saccaṁ, bhagavā”ti.
pli-tv-bu-vb-pc33:1.35	Vigarahi buddho bhagavā …pe…
pli-tv-bu-vb-pc33:1.36	kathañhi nāma te, bhikkhave, moghapurisā aññatra nimantitā aññatra bhuñjissanti.
pli-tv-bu-vb-pc33:1.37	Netaṁ, bhikkhave, appasannānaṁ vā pasādāya …pe…
pli-tv-bu-vb-pc33:1.38	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc33:1.39.0	
pli-tv-bu-vb-pc33:1.39.1	“Paramparabhojane pācittiyan”ti.
pli-tv-bu-vb-pc33:1.40	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc33:2.0	
pli-tv-bu-vb-pc33:2.1	Tena kho pana samayena aññataro bhikkhu gilāno hoti.
pli-tv-bu-vb-pc33:2.2	Aññataro bhikkhu piṇḍapātaṁ ādāya yena so bhikkhu tenupasaṅkami; upasaṅkamitvā taṁ bhikkhuṁ etadavoca—“bhuñjāhi, āvuso”ti.
pli-tv-bu-vb-pc33:2.3	“Alaṁ, āvuso, atthi me bhattapaccāsā”ti.
pli-tv-bu-vb-pc33:2.4	Tassa bhikkhuno piṇḍapāto ussūre āharīyittha. So bhikkhu na cittarūpaṁ bhuñji.
pli-tv-bu-vb-pc33:2.5	Bhagavato etamatthaṁ ārocesuṁ.
pli-tv-bu-vb-pc33:2.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc33:2.7	“anujānāmi, bhikkhave, gilānena bhikkhunā paramparabhojanaṁ bhuñjituṁ.
pli-tv-bu-vb-pc33:2.8	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc33:2.9.0	
pli-tv-bu-vb-pc33:2.9.1	“Paramparabhojane, aññatra samayā, pācittiyaṁ.
pli-tv-bu-vb-pc33:2.10	Tatthāyaṁ samayo. Gilānasamayo—ayaṁ tattha samayo”ti.
pli-tv-bu-vb-pc33:2.11	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc33:3.0	
pli-tv-bu-vb-pc33:3.1	Tena kho pana samayena manussā cīvaradānasamaye sacīvarabhattaṁ paṭiyādetvā bhikkhū nimantenti—“bhojetvā cīvarena acchādessāmā”ti.
pli-tv-bu-vb-pc33:3.2	Bhikkhū kukkuccāyantā nādhivāsenti—“paṭikkhittaṁ bhagavatā paramparabhojanan”ti.
pli-tv-bu-vb-pc33:3.3	Cīvaraṁ parittaṁ uppajjati.
pli-tv-bu-vb-pc33:3.4	Bhagavato etamatthaṁ ārocesuṁ …pe…
pli-tv-bu-vb-pc33:3.5	anujānāmi, bhikkhave, cīvaradānasamaye paramparabhojanaṁ bhuñjituṁ.
pli-tv-bu-vb-pc33:3.6	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc33:3.7.0	
pli-tv-bu-vb-pc33:3.7.1	“Paramparabhojane, aññatra samayā, pācittiyaṁ.
pli-tv-bu-vb-pc33:3.8	Tatthāyaṁ samayo. Gilānasamayo, cīvaradānasamayo—ayaṁ tattha samayo”ti.
pli-tv-bu-vb-pc33:3.9	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc33:3.10.0	
pli-tv-bu-vb-pc33:3.10.1	Tena kho pana samayena manussā cīvarakārake bhikkhū bhattena nimantenti.
pli-tv-bu-vb-pc33:3.11	Bhikkhū kukkuccāyantā nādhivāsenti—“paṭikkhittaṁ bhagavatā paramparabhojanan”ti.
pli-tv-bu-vb-pc33:3.12	Bhagavato etamatthaṁ ārocesuṁ …pe…
pli-tv-bu-vb-pc33:3.13	anujānāmi, bhikkhave, cīvarakārasamaye paramparabhojanaṁ bhuñjituṁ.
pli-tv-bu-vb-pc33:3.14	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc33:3.15.0	
pli-tv-bu-vb-pc33:3.15.1	“Paramparabhojane, aññatra samayā, pācittiyaṁ.
pli-tv-bu-vb-pc33:3.16	Tatthāyaṁ samayo. Gilānasamayo, cīvaradānasamayo, cīvarakārasamayo—ayaṁ tattha samayo”ti.
pli-tv-bu-vb-pc33:3.17	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc33:4.0	
pli-tv-bu-vb-pc33:4.1	Atha kho bhagavā pubbaṇhasamayaṁ nivāsetvā pattacīvaramādāya āyasmatā ānandena pacchāsamaṇena yena aññataraṁ kulaṁ tenupasaṅkami;
pli-tv-bu-vb-pc33:4.2	upasaṅkamitvā paññatte āsane nisīdi. Atha kho te manussā bhagavato ca āyasmato ca ānandassa bhojanaṁ adaṁsu.
pli-tv-bu-vb-pc33:4.3	Āyasmā ānando kukkuccāyanto na paṭiggaṇhāti.
pli-tv-bu-vb-pc33:4.4	“Gaṇhāhi, ānandā”ti.
pli-tv-bu-vb-pc33:4.5	“Alaṁ, bhagavā, atthi me bhattapaccāsā”ti.
pli-tv-bu-vb-pc33:4.6	“Tenahānanda, vikappetvā gaṇhāhī”ti.
pli-tv-bu-vb-pc33:4.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—“
pli-tv-bu-vb-pc33:4.8	anujānāmi, bhikkhave, vikappetvā paramparabhojanaṁ bhuñjituṁ.
pli-tv-bu-vb-pc33:4.9	Evañca pana, bhikkhave, vikappetabbaṁ—‘mayhaṁ bhattapaccāsaṁ itthannāmassa dammī’”ti.
pli-tv-bu-vb-pc33:5.1.0	
pli-tv-bu-vb-pc33:5.1.1	Paramparabhojanaṁ nāma
pli-tv-bu-vb-pc33:5.1.2	pañcannaṁ bhojanānaṁ aññatarena bhojanena nimantito, taṁ ṭhapetvā aññaṁ pañcannaṁ bhojanānaṁ aññataraṁ bhojanaṁ bhuñjati, etaṁ paramparabhojanaṁ nāma.
pli-tv-bu-vb-pc33:5.1.3	Aññatra samayāti
pli-tv-bu-vb-pc33:5.1.4	ṭhapetvā samayaṁ.
pli-tv-bu-vb-pc33:5.1.5	Gilānasamayo nāma
pli-tv-bu-vb-pc33:5.1.6	na sakkoti ekāsane nisinno yāvadatthaṁ bhuñjituṁ. “Gilānasamayo”ti bhuñjitabbaṁ.
pli-tv-bu-vb-pc33:5.1.7	Cīvaradānasamayo nāma
pli-tv-bu-vb-pc33:5.1.8	anatthate kathine vassānassa pacchimo māso, atthate kathine pañca māsā. “Cīvaradānasamayo”ti bhuñjitabbaṁ.
pli-tv-bu-vb-pc33:5.1.9	Cīvarakārasamayo nāma
pli-tv-bu-vb-pc33:5.1.10	cīvare kayiramāne. “Cīvarakārasamayo”ti bhuñjitabbaṁ.
pli-tv-bu-vb-pc33:5.1.11	“Aññatra samayā bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc33:5.1.12	Ajjhohāre ajjhohāre āpatti pācittiyassa.
pli-tv-bu-vb-pc33:5.2.0	
pli-tv-bu-vb-pc33:5.2.1	Paramparabhojane paramparabhojanasaññī, aññatra samayā, bhuñjati, āpatti pācittiyassa.
pli-tv-bu-vb-pc33:5.2.2	Paramparabhojane vematiko, aññatra samayā, bhuñjati, āpatti pācittiyassa.
pli-tv-bu-vb-pc33:5.2.3	Paramparabhojane naparamparabhojanasaññī, aññatra samayā, bhuñjati, āpatti pācittiyassa.
pli-tv-bu-vb-pc33:5.2.4	Naparamparabhojane paramparabhojanasaññī, āpatti dukkaṭassa.
pli-tv-bu-vb-pc33:5.2.5	Naparamparabhojane vematiko, āpatti dukkaṭassa.
pli-tv-bu-vb-pc33:5.2.6	Naparamparabhojane naparamparabhojanasaññī, anāpatti.
pli-tv-bu-vb-pc33:5.3.0	
pli-tv-bu-vb-pc33:5.3.1	Anāpatti—
pli-tv-bu-vb-pc33:5.3.2	samaye,
pli-tv-bu-vb-pc33:5.3.3	vikappetvā bhuñjati,
pli-tv-bu-vb-pc33:5.3.4	dve tayo nimantane ekato bhuñjati,
pli-tv-bu-vb-pc33:5.3.5	nimantanapaṭipāṭiyā bhuñjati,
pli-tv-bu-vb-pc33:5.3.6	sakalena gāmena nimantito tasmiṁ gāme yattha katthaci bhuñjati,
pli-tv-bu-vb-pc33:5.3.7	sakalena pūgena nimantito tasmiṁ pūge yattha katthaci bhuñjati,
pli-tv-bu-vb-pc33:5.3.8	nimantiyamāno bhikkhaṁ gahessāmīti bhaṇati,
pli-tv-bu-vb-pc33:5.3.9	niccabhatte,
pli-tv-bu-vb-pc33:5.3.10	salākabhatte,
pli-tv-bu-vb-pc33:5.3.11	pakkhike,
pli-tv-bu-vb-pc33:5.3.12	uposathike,
pli-tv-bu-vb-pc33:5.3.13	pāṭipadike,
pli-tv-bu-vb-pc33:5.3.14	pañca bhojanāni ṭhapetvā sabbattha anāpatti,
pli-tv-bu-vb-pc33:5.3.15	ummattakassa,
pli-tv-bu-vb-pc33:5.3.16	ādikammikassāti.
pli-tv-bu-vb-pc33:5.3.17	Paramparabhojanasikkhāpadaṁ niṭṭhitaṁ tatiyaṁ.
pli-tv-bu-vb-pc34:0.1	Theravāda Vinaya
pli-tv-bu-vb-pc34:0.2	Mahāvibhaṅga
pli-tv-bu-vb-pc34:0.3	Pācittiyakaṇḍa
pli-tv-bu-vb-pc34:0.4	Bhojanavagga
pli-tv-bu-vb-pc34:0.5	34. Kāṇamātusikkhāpada
pli-tv-bu-vb-pc34:1.1.0	
pli-tv-bu-vb-pc34:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc34:1.1.2	Tena kho pana samayena kāṇamātā upāsikā saddhā hoti pasannā.
pli-tv-bu-vb-pc34:1.1.3	Kāṇā gāmake aññatarassa purisassa dinnā hoti.
pli-tv-bu-vb-pc34:1.1.4	Atha kho kāṇā mātugharaṁ agamāsi kenacideva karaṇīyena.
pli-tv-bu-vb-pc34:1.1.5	Atha kho kāṇāya sāmiko kāṇāya santike dūtaṁ pāhesi—“āgacchatu kāṇā, icchāmi kāṇāya āgatan”ti.
pli-tv-bu-vb-pc34:1.1.6	Atha kho kāṇamātā upāsikā “kismiṁ viya rittahatthaṁ gantun”ti pūvaṁ paci.
pli-tv-bu-vb-pc34:1.1.7	Pakke pūve aññataro piṇḍacāriko bhikkhu kāṇamātāya upāsikāya nivesanaṁ pāvisi. Atha kho kāṇamātā upāsikā tassa bhikkhuno pūvaṁ dāpesi.
pli-tv-bu-vb-pc34:1.1.8	So nikkhamitvā aññassa ācikkhi. Tassapi pūvaṁ dāpesi.
pli-tv-bu-vb-pc34:1.1.9	So nikkhamitvā aññassa ācikkhi. Tassapi pūvaṁ dāpesi.
pli-tv-bu-vb-pc34:1.1.10	Yathāpaṭiyattaṁ pūvaṁ parikkhayaṁ agamāsi.
pli-tv-bu-vb-pc34:1.1.11	Dutiyampi kho kāṇāya sāmiko kāṇāya santike dūtaṁ pāhesi—“āgacchatu kāṇā, icchāmi kāṇāya āgatan”ti.
pli-tv-bu-vb-pc34:1.1.12	Dutiyampi kho kāṇamātā upāsikā “kismiṁ viya rittahatthaṁ gantun”ti pūvaṁ paci.
pli-tv-bu-vb-pc34:1.1.13	Pakke pūve aññataro piṇḍacāriko bhikkhu kāṇamātāya upāsikāya nivesanaṁ pāvisi.
pli-tv-bu-vb-pc34:1.1.14	Atha kho kāṇamātā upāsikā tassa bhikkhuno pūvaṁ dāpesi.
pli-tv-bu-vb-pc34:1.1.15	So nikkhamitvā aññassa ācikkhi. Tassapi pūvaṁ dāpesi.
pli-tv-bu-vb-pc34:1.1.16	So nikkhamitvā aññassa ācikkhi. Tassapi pūvaṁ dāpesi.
pli-tv-bu-vb-pc34:1.1.17	Yathāpaṭiyattaṁ pūvaṁ parikkhayaṁ agamāsi.
pli-tv-bu-vb-pc34:1.1.18	Tatiyampi kho kāṇāya sāmiko kāṇāya santike dūtaṁ pāhesi—“āgacchatu kāṇā, icchāmi kāṇāya āgataṁ.
pli-tv-bu-vb-pc34:1.1.19	Sace kāṇā nāgacchissati, ahaṁ aññaṁ pajāpatiṁ ānessāmī”ti.
pli-tv-bu-vb-pc34:1.1.20	Tatiyampi kho kāṇamātā upāsikā kismiṁ viya rittahatthaṁ gantunti pūvaṁ paci.
pli-tv-bu-vb-pc34:1.1.21	Pakke pūve aññataro piṇḍacāriko bhikkhu kāṇamātāya upāsikāya nivesanaṁ pāvisi.
pli-tv-bu-vb-pc34:1.1.22	Atha kho kāṇamātā upāsikā tassa bhikkhuno pūvaṁ dāpesi.
pli-tv-bu-vb-pc34:1.1.23	So nikkhamitvā aññassa ācikkhi. Tassapi pūvaṁ dāpesi.
pli-tv-bu-vb-pc34:1.1.24	So nikkhamitvā aññassa ācikkhi. Tassapi pūvaṁ dāpesi.
pli-tv-bu-vb-pc34:1.1.25	Yathāpaṭiyattaṁ pūvaṁ parikkhayaṁ agamāsi.
pli-tv-bu-vb-pc34:1.1.26	Atha kho kāṇāya sāmiko aññaṁ pajāpatiṁ ānesi.
pli-tv-bu-vb-pc34:1.1.27	Assosi kho kāṇā—“tena kira purisena aññā pajāpati ānītā”ti. Sā rodantī aṭṭhāsi.
pli-tv-bu-vb-pc34:1.1.28	Atha kho bhagavā pubbaṇhasamayaṁ nivāsetvā pattacīvaramādāya yena kāṇamātāya upāsikāya nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-pc34:1.1.29	Atha kho kāṇamātā upāsikā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-pc34:1.1.30	Ekamantaṁ nisinnaṁ kho kāṇamātaraṁ upāsikaṁ bhagavā etadavoca—“kissāyaṁ kāṇā rodatī”ti? Atha kho kāṇamātā upāsikā bhagavato etamatthaṁ ārocesi.
pli-tv-bu-vb-pc34:1.1.31	Atha kho bhagavā kāṇamātaraṁ upāsikaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-bu-vb-pc34:1.2.1	Tena kho pana samayena aññataro sattho rājagahā paṭiyālokaṁ gantukāmo hoti.
pli-tv-bu-vb-pc34:1.2.2	Aññataro piṇḍacāriko bhikkhu taṁ satthaṁ piṇḍāya pāvisi.
pli-tv-bu-vb-pc34:1.2.3	Aññataro upāsako tassa bhikkhuno sattuṁ dāpesi.
pli-tv-bu-vb-pc34:1.2.4	So nikkhamitvā aññassa ācikkhi. Tassapi sattuṁ dāpesi.
pli-tv-bu-vb-pc34:1.2.5	So nikkhamitvā aññassa ācikkhi. Tassapi sattuṁ dāpesi.
pli-tv-bu-vb-pc34:1.2.6	Yathāpaṭiyattaṁ pātheyyaṁ parikkhayaṁ agamāsi.
pli-tv-bu-vb-pc34:1.2.7	Atha kho so upāsako te manusse etadavoca—
pli-tv-bu-vb-pc34:1.2.8	“ajjaṇho, ayyā, āgametha, yathāpaṭiyattaṁ pātheyyaṁ ayyānaṁ dinnaṁ.
pli-tv-bu-vb-pc34:1.2.9	Pātheyyaṁ paṭiyādessāmī”ti.
pli-tv-bu-vb-pc34:1.2.10	“Nāyyo sakkā āgametuṁ, payāto sattho”ti agamaṁsu.
pli-tv-bu-vb-pc34:1.2.11	Atha kho tassa upāsakassa pātheyyaṁ paṭiyādetvā pacchā gacchantassa corā acchindiṁsu.
pli-tv-bu-vb-pc34:1.2.12	Manussā ujjhāyanti khiyyanti vipācenti—
pli-tv-bu-vb-pc34:1.2.13	“kathañhi nāma samaṇā sakyaputtiyā na mattaṁ jānitvā paṭiggahessanti.
pli-tv-bu-vb-pc34:1.2.14	Ayaṁ imesaṁ datvā pacchā gacchanto corehi acchinno”ti.
pli-tv-bu-vb-pc34:1.2.15	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc34:1.2.16	Atha kho te bhikkhū bhagavato etamatthaṁ ārocesuṁ.
pli-tv-bu-vb-pc34:1.2.17	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc34:1.2.18	“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca—
pli-tv-bu-vb-pc34:1.2.19	saṅghasuṭṭhutāya, saṅghaphāsutāya …pe… vinayānuggahāya.
pli-tv-bu-vb-pc34:1.2.20	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc34:1.2.21.0	
pli-tv-bu-vb-pc34:1.2.21.1	“Bhikkhuṁ paneva kulaṁ upagataṁ pūvehi vā manthehi vā abhihaṭṭhuṁ pavāreyya, ākaṅkhamānena bhikkhunā dvattipattapūrā paṭiggahetabbā tato ce uttari paṭiggaṇheyya pācittiyaṁ.
pli-tv-bu-vb-pc34:1.2.22	Dvattipattapūre paṭiggahetvā tato nīharitvā bhikkhūhi saddhiṁ saṁvibhajitabbaṁ. Ayaṁ tattha sāmīcī”ti.
pli-tv-bu-vb-pc34:2.1.0	
pli-tv-bu-vb-pc34:2.1.1	Bhikkhuṁ paneva kulaṁ upagatanti
pli-tv-bu-vb-pc34:2.1.2	kulaṁ nāma cattāri kulāni—khattiyakulaṁ, brāhmaṇakulaṁ, vessakulaṁ, suddakulaṁ.
pli-tv-bu-vb-pc34:2.1.3	Upagatanti
pli-tv-bu-vb-pc34:2.1.4	tattha gataṁ.
pli-tv-bu-vb-pc34:2.1.5	Pūvaṁ nāma
pli-tv-bu-vb-pc34:2.1.6	yaṁ kiñci paheṇakatthāya paṭiyattaṁ.
pli-tv-bu-vb-pc34:2.1.7	Manthaṁ nāma
pli-tv-bu-vb-pc34:2.1.8	yaṁ kiñci pātheyyatthāya paṭiyattaṁ.
pli-tv-bu-vb-pc34:2.1.9	Abhihaṭṭhuṁ pavāreyyāti
pli-tv-bu-vb-pc34:2.1.10	yāvatakaṁ icchasi tāvatakaṁ gaṇhāhīti.
pli-tv-bu-vb-pc34:2.1.11	Ākaṅkhamānenāti
pli-tv-bu-vb-pc34:2.1.12	icchamānena.
pli-tv-bu-vb-pc34:2.1.13	Dvattipattapūrā paṭiggahetabbāti
pli-tv-bu-vb-pc34:2.1.14	dvetayo pattapūrā paṭiggahetabbā.
pli-tv-bu-vb-pc34:2.1.15	Tato ce uttari paṭigaṇheyyāti
pli-tv-bu-vb-pc34:2.1.16	tatuttari paṭiggaṇhāti, āpatti pācittiyassa.
pli-tv-bu-vb-pc34:2.1.17	Dvattipattapūre paṭiggahetvā
pli-tv-bu-vb-pc34:2.1.18	tato nikkhamantena bhikkhuṁ passitvā ācikkhitabbaṁ—“amutra mayā dvattipattapūrā paṭiggahitā, mā kho tattha paṭiggaṇhī”ti.
pli-tv-bu-vb-pc34:2.1.19	Sace passitvā na ācikkhati, āpatti dukkaṭassa.
pli-tv-bu-vb-pc34:2.1.20	Sace ācikkhite paṭiggaṇhāti, āpatti dukkaṭassa.
pli-tv-bu-vb-pc34:2.1.21	Tato nīharitvā bhikkhūhi saddhiṁ saṁvibhajitabbanti
pli-tv-bu-vb-pc34:2.1.22	paṭikkamanaṁ nīharitvā saṁvibhajitabbaṁ.
pli-tv-bu-vb-pc34:2.1.23	Ayaṁ tattha sāmīcīti
pli-tv-bu-vb-pc34:2.1.24	ayaṁ tattha anudhammatā.
pli-tv-bu-vb-pc34:2.2.0	
pli-tv-bu-vb-pc34:2.2.1	Atirekadvattipattapūre atirekasaññī paṭiggaṇhāti, āpatti pācittiyassa.
pli-tv-bu-vb-pc34:2.2.2	Atirekadvattipattapūre vematiko paṭiggaṇhāti, āpatti pācittiyassa.
pli-tv-bu-vb-pc34:2.2.3	Atirekadvattipattapūre ūnakasaññī paṭiggaṇhāti, āpatti pācittiyassa.
pli-tv-bu-vb-pc34:2.2.4	Ūnakadvattipattapūre atirekasaññī, āpatti dukkaṭassa.
pli-tv-bu-vb-pc34:2.2.5	Ūnakadvattipattapūre vematiko, āpatti dukkaṭassa.
pli-tv-bu-vb-pc34:2.2.6	Ūnakadvattipattapūre ūnakasaññī, anāpatti.
pli-tv-bu-vb-pc34:2.3.0	
pli-tv-bu-vb-pc34:2.3.1	Anāpatti—
pli-tv-bu-vb-pc34:2.3.2	dvattipattapūre paṭiggaṇhāti,
pli-tv-bu-vb-pc34:2.3.3	ūnakadvattipattapūre paṭiggaṇhāti,
pli-tv-bu-vb-pc34:2.3.4	na paheṇakatthāya na pātheyyatthāya paṭiyattaṁ denti,
pli-tv-bu-vb-pc34:2.3.5	paheṇakatthāya vā pātheyyatthāya vā paṭiyattasesakaṁ denti,
pli-tv-bu-vb-pc34:2.3.6	gamane paṭippassaddhe denti,
pli-tv-bu-vb-pc34:2.3.7	ñātakānaṁ,
pli-tv-bu-vb-pc34:2.3.8	pavāritānaṁ,
pli-tv-bu-vb-pc34:2.3.9	aññassatthāya,
pli-tv-bu-vb-pc34:2.3.10	attano dhanena,
pli-tv-bu-vb-pc34:2.3.11	ummattakassa,
pli-tv-bu-vb-pc34:2.3.12	ādikammikassāti.
pli-tv-bu-vb-pc34:2.3.13	Kāṇamātusikkhāpadaṁ niṭṭhitaṁ catutthaṁ.
pli-tv-bu-vb-pc35:0.1	Theravāda Vinaya
pli-tv-bu-vb-pc35:0.2	Mahāvibhaṅga
pli-tv-bu-vb-pc35:0.3	Pācittiyakaṇḍa
pli-tv-bu-vb-pc35:0.4	Bhojanavagga
pli-tv-bu-vb-pc35:0.5	35. Pavāraṇāsikkhāpada
pli-tv-bu-vb-pc35:1.0.1	
pli-tv-bu-vb-pc35:1.0.2	
pli-tv-bu-vb-pc35:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc35:1.2	Tena kho pana samayena aññataro brāhmaṇo bhikkhū nimantetvā bhojesi.
pli-tv-bu-vb-pc35:1.3	Bhikkhū bhuttāvī pavāritā ñātikulāni gantvā ekacce bhuñjiṁsu ekacce piṇḍapātaṁ ādāya agamaṁsu.
pli-tv-bu-vb-pc35:1.4	Atha kho so brāhmaṇo paṭivissake etadavoca—
pli-tv-bu-vb-pc35:1.5	“bhikkhū mayā, ayyā, santappitā.
pli-tv-bu-vb-pc35:1.6	Etha, tumhepi santappessāmī”ti.
pli-tv-bu-vb-pc35:1.7	Te evamāhaṁsu—“kiṁ tvaṁ, ayyo, amhe santappessasi?
pli-tv-bu-vb-pc35:1.8	Yepi tayā nimantitā tepi amhākaṁ gharāni āgantvā ekacce bhuñjiṁsu ekacce piṇḍapātaṁ ādāya agamaṁsū”ti.
pli-tv-bu-vb-pc35:1.9	Atha kho so brāhmaṇo ujjhāyati khiyyati vipāceti—
pli-tv-bu-vb-pc35:1.10	“kathañhi nāma bhadantā amhākaṁ ghare bhuñjitvā aññatra bhuñjissanti.
pli-tv-bu-vb-pc35:1.11	Na cāhaṁ paṭibalo yāvadatthaṁ dātun”ti.
pli-tv-bu-vb-pc35:1.12	Assosuṁ kho bhikkhū tassa brāhmaṇassa ujjhāyantassa khiyyantassa vipācentassa.
pli-tv-bu-vb-pc35:1.13	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc35:1.14	“kathañhi nāma bhikkhū bhuttāvī pavāritā aññatra bhuñjissantī”ti …pe…
pli-tv-bu-vb-pc35:1.15	“saccaṁ kira, bhikkhave, bhikkhū bhuttāvī pavāritā aññatra bhuñjantī”ti?
pli-tv-bu-vb-pc35:1.16	“Saccaṁ, bhagavā”ti.
pli-tv-bu-vb-pc35:1.17	Vigarahi buddho bhagavā …pe…
pli-tv-bu-vb-pc35:1.18	kathañhi nāma te, bhikkhave, moghapurisā bhuttāvī pavāritā aññatra bhuñjissanti.
pli-tv-bu-vb-pc35:1.19	Netaṁ, bhikkhave, appasannānaṁ vā pasādāya …pe…
pli-tv-bu-vb-pc35:1.20	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc35:1.21.0	
pli-tv-bu-vb-pc35:1.21.1	“Yo pana bhikkhu bhuttāvī pavārito khādanīyaṁ vā bhojanīyaṁ vā khādeyya vā bhuñjeyya vā, pācittiyan”ti.
pli-tv-bu-vb-pc35:1.22	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc35:2.0	
pli-tv-bu-vb-pc35:2.1	Tena kho pana samayena bhikkhū gilānānaṁ bhikkhūnaṁ paṇīte piṇḍapāte nīharanti.
pli-tv-bu-vb-pc35:2.2	Gilānā na cittarūpaṁ bhuñjanti.
pli-tv-bu-vb-pc35:2.3	Tāni bhikkhū chaṭṭenti.
pli-tv-bu-vb-pc35:2.4	Assosi kho bhagavā uccāsaddaṁ mahāsaddaṁ kākoravasaddaṁ.
pli-tv-bu-vb-pc35:2.5	Sutvāna āyasmantaṁ ānandaṁ āmantesi—
pli-tv-bu-vb-pc35:2.6	“kiṁ nu kho so, ānanda, uccāsaddo mahāsaddo kākoravasaddo”ti?
pli-tv-bu-vb-pc35:2.7	Atha kho āyasmā ānando bhagavato etamatthaṁ ārocesi.
pli-tv-bu-vb-pc35:2.8	“Bhuñjeyyuṁ panānanda, bhikkhū gilānātirittan”ti.
pli-tv-bu-vb-pc35:2.9	“Na bhuñjeyyuṁ, bhagavā”ti.
pli-tv-bu-vb-pc35:2.10	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc35:2.11	“anujānāmi, bhikkhave, gilānassa ca agilānassa ca atirittaṁ bhuñjituṁ.
pli-tv-bu-vb-pc35:2.12	Evañca pana, bhikkhave, atirittaṁ kātabbaṁ—
pli-tv-bu-vb-pc35:2.13	‘alametaṁ sabban’ti.
pli-tv-bu-vb-pc35:2.14	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc35:2.15.0	
pli-tv-bu-vb-pc35:2.15.1	“Yo pana bhikkhu bhuttāvī pavārito anatirittaṁ khādanīyaṁ vā bhojanīyaṁ vā khādeyya vā bhuñjeyya vā, pācittiyan”ti.
pli-tv-bu-vb-pc35:3.1.0	
pli-tv-bu-vb-pc35:3.1.1	Yo panāti
pli-tv-bu-vb-pc35:3.1.2	yo yādiso …pe…
pli-tv-bu-vb-pc35:3.1.3	bhikkhūti
pli-tv-bu-vb-pc35:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc35:3.1.5	Bhuttāvī nāma
pli-tv-bu-vb-pc35:3.1.6	pañcannaṁ bhojanānaṁ aññataraṁ bhojanaṁ antamaso kusaggenapi bhuttaṁ hoti.
pli-tv-bu-vb-pc35:3.1.7	Pavārito nāma
pli-tv-bu-vb-pc35:3.1.8	asanaṁ paññāyati, bhojanaṁ paññāyati, hatthapāse ṭhito abhiharati, paṭikkhepo paññāyati.
pli-tv-bu-vb-pc35:3.1.9	Anatirittaṁ nāma
pli-tv-bu-vb-pc35:3.1.10	akappiyakataṁ hoti,
pli-tv-bu-vb-pc35:3.1.11	appaṭiggahitakataṁ hoti,
pli-tv-bu-vb-pc35:3.1.12	anuccāritakataṁ hoti,
pli-tv-bu-vb-pc35:3.1.13	ahatthapāse kataṁ hoti,
pli-tv-bu-vb-pc35:3.1.14	abhuttāvinā kataṁ hoti,
pli-tv-bu-vb-pc35:3.1.15	bhuttāvinā pavāritena āsanā vuṭṭhitena kataṁ hoti,
pli-tv-bu-vb-pc35:3.1.16	“alametaṁ sabban”ti avuttaṁ hoti,
pli-tv-bu-vb-pc35:3.1.17	na gilānātirittaṁ hoti—
pli-tv-bu-vb-pc35:3.1.18	etaṁ anatirittaṁ nāma.
pli-tv-bu-vb-pc35:3.1.19	Atirittaṁ nāma
pli-tv-bu-vb-pc35:3.1.20	kappiyakataṁ hoti,
pli-tv-bu-vb-pc35:3.1.21	paṭiggahitakataṁ hoti,
pli-tv-bu-vb-pc35:3.1.22	uccāritakataṁ hoti,
pli-tv-bu-vb-pc35:3.1.23	hatthapāse kataṁ hoti,
pli-tv-bu-vb-pc35:3.1.24	bhuttāvinā kataṁ hoti,
pli-tv-bu-vb-pc35:3.1.25	bhuttāvinā pavāritena āsanā avuṭṭhitena kataṁ hoti,
pli-tv-bu-vb-pc35:3.1.26	“alametaṁ sabban”ti vuttaṁ hoti,
pli-tv-bu-vb-pc35:3.1.27	gilānātirittaṁ hoti—
pli-tv-bu-vb-pc35:3.1.28	etaṁ atirittaṁ nāma.
pli-tv-bu-vb-pc35:3.1.29	Khādanīyaṁ nāma
pli-tv-bu-vb-pc35:3.1.30	pañca bhojanāni—yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ nāma.
pli-tv-bu-vb-pc35:3.1.31	Bhojanīyaṁ nāma
pli-tv-bu-vb-pc35:3.1.32	pañca bhojanāni— odano, kummāso, sattu, maccho, maṁsaṁ.
pli-tv-bu-vb-pc35:3.1.33	“Khādissāmi bhuñjissāmī”ti paṭiggaṇhāti, āpatti dukkaṭassa ajjhohāre ajjhohāre āpatti pācittiyassa.
pli-tv-bu-vb-pc35:3.2.0	
pli-tv-bu-vb-pc35:3.2.1	Anatiritte anatirittasaññī khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc35:3.2.2	Anatiritte vematiko khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc35:3.2.3	Anatiritte atirittasaññī khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc35:3.2.4	Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti, āpatti dukkaṭassa.
pli-tv-bu-vb-pc35:3.2.5	Ajjhohāre ajjhohāre āpatti dukkaṭassa.
pli-tv-bu-vb-pc35:3.2.6	Atiritte anatirittasaññī, āpatti dukkaṭassa.
pli-tv-bu-vb-pc35:3.2.7	Atiritte vematiko, āpatti dukkaṭassa.
pli-tv-bu-vb-pc35:3.2.8	Atiritte atirittasaññī, anāpatti.
pli-tv-bu-vb-pc35:3.3.0	
pli-tv-bu-vb-pc35:3.3.1	Anāpatti—
pli-tv-bu-vb-pc35:3.3.2	atirittaṁ kārāpetvā bhuñjati,
pli-tv-bu-vb-pc35:3.3.3	“atirittaṁ kārāpetvā bhuñjissāmī”ti paṭiggaṇhāti,
pli-tv-bu-vb-pc35:3.3.4	aññassatthāya haranto gacchati,
pli-tv-bu-vb-pc35:3.3.5	gilānassa sesakaṁ bhuñjati,
pli-tv-bu-vb-pc35:3.3.6	yāmakālikaṁ sattāhakālikaṁ yāvajīvikaṁ sati paccaye paribhuñjati,
pli-tv-bu-vb-pc35:3.3.7	ummattakassa,
pli-tv-bu-vb-pc35:3.3.8	ādikammikassāti.
pli-tv-bu-vb-pc35:3.3.9	Pavāraṇāsikkhāpadaṁ niṭṭhitaṁ pañcamaṁ.
pli-tv-bu-vb-pc36:0.1	Theravāda Vinaya
pli-tv-bu-vb-pc36:0.2	Mahāvibhaṅga
pli-tv-bu-vb-pc36:0.3	Pācittiyakaṇḍa
pli-tv-bu-vb-pc36:0.4	Bhojanavagga
pli-tv-bu-vb-pc36:0.5	36. Dutiyapavāraṇāsikkhāpada
pli-tv-bu-vb-pc36:1.0	
pli-tv-bu-vb-pc36:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc36:1.2	Tena kho pana samayena dve bhikkhū kosalesu janapade sāvatthiṁ addhānamaggappaṭipannā honti.
pli-tv-bu-vb-pc36:1.3	Eko bhikkhu anācāraṁ ācarati.
pli-tv-bu-vb-pc36:1.4	Dutiyo bhikkhu taṁ bhikkhuṁ etadavoca—
pli-tv-bu-vb-pc36:1.5	“māvuso, evarūpamakāsi, netaṁ kappatī”ti.
pli-tv-bu-vb-pc36:1.6	So tasmiṁ upanandhi.
pli-tv-bu-vb-pc36:1.7	Atha kho te bhikkhū sāvatthiṁ agamaṁsu.
pli-tv-bu-vb-pc36:1.8	Tena kho pana samayena sāvatthiyaṁ aññatarassa pūgassa saṅghabhattaṁ hoti.
pli-tv-bu-vb-pc36:1.9	Dutiyo bhikkhu bhuttāvī pavārito hoti.
pli-tv-bu-vb-pc36:1.10	Upanaddho bhikkhu ñātikulaṁ gantvā piṇḍapātaṁ ādāya yena so bhikkhu tenupasaṅkami; upasaṅkamitvā taṁ bhikkhuṁ etadavoca—
pli-tv-bu-vb-pc36:1.11	“bhuñjāhi, āvuso”ti.
pli-tv-bu-vb-pc36:1.12	“Alaṁ, āvuso, paripuṇṇomhī”ti.
pli-tv-bu-vb-pc36:1.13	“Sundaro, āvuso, piṇḍapāto, bhuñjāhī”ti.
pli-tv-bu-vb-pc36:1.14	Atha kho so bhikkhu tena bhikkhunā nippīḷiyamāno taṁ piṇḍapātaṁ bhuñji.
pli-tv-bu-vb-pc36:1.15	Upanaddho bhikkhu taṁ bhikkhuṁ etadavoca—
pli-tv-bu-vb-pc36:1.16	“tvampi nāma, āvuso, maṁ vattabbaṁ maññasi yaṁ tvaṁ bhuttāvī pavārito anatirittaṁ bhojanaṁ bhuñjasī”ti.
pli-tv-bu-vb-pc36:1.17	“Nanu, āvuso, ācikkhitabban”ti.
pli-tv-bu-vb-pc36:1.18	“Nanu, āvuso, pucchitabban”ti.
pli-tv-bu-vb-pc36:1.19	Atha kho so bhikkhu bhikkhūnaṁ etamatthaṁ ārocesi.
pli-tv-bu-vb-pc36:1.20	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc36:1.21	“kathañhi nāma bhikkhu bhikkhuṁ bhuttāviṁ pavāritaṁ anatirittena bhojanena abhihaṭṭhuṁ pavāressatī”ti …pe…
pli-tv-bu-vb-pc36:1.22	“saccaṁ kira tvaṁ, bhikkhu, bhikkhuṁ bhuttāviṁ pavāritaṁ anatirittena bhojanena abhihaṭṭhuṁ pavāresī”ti?
pli-tv-bu-vb-pc36:1.23	“Saccaṁ, bhagavā”ti.
pli-tv-bu-vb-pc36:1.24	Vigarahi buddho bhagavā …pe…
pli-tv-bu-vb-pc36:1.25	kathañhi nāma tvaṁ, moghapurisa, bhikkhuṁ bhuttāviṁ pavāritaṁ anatirittena bhojanena abhihaṭṭhuṁ pavāressasi.
pli-tv-bu-vb-pc36:1.26	Netaṁ, moghapurisa, appasannānaṁ vā pasādāya …pe…
pli-tv-bu-vb-pc36:1.27	evañca pana bhikkhave imaṁ sikkhāpadaṁ uddiseyyātha—
pli-tv-bu-vb-pc36:1.28.0	
pli-tv-bu-vb-pc36:1.28.1	“Yo pana bhikkhu bhikkhuṁ bhuttāviṁ pavāritaṁ anatirittena khādanīyena vā bhojanīyena vā abhihaṭṭhuṁ pavāreyya—‘handa, bhikkhu, khāda vā bhuñja vā’ti, jānaṁ āsādanāpekkho, bhuttasmiṁ, pācittiyan”ti.
pli-tv-bu-vb-pc36:2.1.0	
pli-tv-bu-vb-pc36:2.1.1	Yo panāti
pli-tv-bu-vb-pc36:2.1.2	yo yādiso …pe…
pli-tv-bu-vb-pc36:2.1.3	bhikkhūti
pli-tv-bu-vb-pc36:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc36:2.1.5	Bhikkhunti
pli-tv-bu-vb-pc36:2.1.6	aññaṁ bhikkhuṁ.
pli-tv-bu-vb-pc36:2.1.7	Bhuttāvī nāma
pli-tv-bu-vb-pc36:2.1.8	pañcannaṁ bhojanānaṁ aññataraṁ bhojanaṁ, antamaso kusaggenapi bhuttaṁ hoti.
pli-tv-bu-vb-pc36:2.1.9	Pavārito nāma
pli-tv-bu-vb-pc36:2.1.10	asanaṁ paññāyati, bhojanaṁ paññāyati, hatthapāse ṭhito abhiharati, paṭikkhepo paññāyati.
pli-tv-bu-vb-pc36:2.1.11	Anatirittaṁ nāma
pli-tv-bu-vb-pc36:2.1.12	akappiyakataṁ hoti,
pli-tv-bu-vb-pc36:2.1.13	appaṭiggahitakataṁ hoti,
pli-tv-bu-vb-pc36:2.1.14	anuccāritakataṁ hoti,
pli-tv-bu-vb-pc36:2.1.15	ahatthapāse kataṁ hoti,
pli-tv-bu-vb-pc36:2.1.16	abhuttāvinā kataṁ hoti,
pli-tv-bu-vb-pc36:2.1.17	bhuttāvinā pavāritena āsanā vuṭṭhitena kataṁ hoti,
pli-tv-bu-vb-pc36:2.1.18	“alametaṁ sabban”ti avuttaṁ hoti,
pli-tv-bu-vb-pc36:2.1.19	na gilānātirittaṁ hoti—
pli-tv-bu-vb-pc36:2.1.20	etaṁ anatirittaṁ nāma.
pli-tv-bu-vb-pc36:2.1.21	Khādanīyaṁ nāma
pli-tv-bu-vb-pc36:2.1.22	pañca bhojanāni—yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ nāma.
pli-tv-bu-vb-pc36:2.1.23	Bhojanīyaṁ nāma
pli-tv-bu-vb-pc36:2.1.24	pañca bhojanāni—odano, kummāso, sattu, maccho, maṁsaṁ.
pli-tv-bu-vb-pc36:2.1.25	Abhihaṭṭhuṁ pavāreyyāti
pli-tv-bu-vb-pc36:2.1.26	yāvatakaṁ icchasi tāvatakaṁ gaṇhāhīti.
pli-tv-bu-vb-pc36:2.1.27	Jānāti nāma
pli-tv-bu-vb-pc36:2.1.28	sāmaṁ vā jānāti, aññe vā tassa ārocenti, so vā āroceti.
pli-tv-bu-vb-pc36:2.1.29	Āsādanāpekkhoti
pli-tv-bu-vb-pc36:2.1.30	“iminā imaṁ codessāmi sāressāmi paṭicodessāmi paṭisāressāmi maṅkuṁ karissāmī”ti abhiharati, āpatti dukkaṭassa.
pli-tv-bu-vb-pc36:2.1.31	Tassa vacanena “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc36:2.1.32	Ajjhohāre ajjhohāre āpatti dukkaṭassa.
pli-tv-bu-vb-pc36:2.1.33	Bhojanapariyosāne āpatti pācittiyassa.
pli-tv-bu-vb-pc36:2.2.0	
pli-tv-bu-vb-pc36:2.2.1	Pavārite pavāritasaññī anatirittena khādanīyena vā bhojanīyena vā abhihaṭṭhuṁ pavāreti, āpatti pācittiyassa.
pli-tv-bu-vb-pc36:2.2.2	Pavārite vematiko anatirittena khādanīyena vā bhojanīyena vā abhihaṭṭhuṁ pavāreti, āpatti dukkaṭassa.
pli-tv-bu-vb-pc36:2.2.3	Pavārite appavāritasaññī anatirittena khādanīyena vā bhojanīyena vā abhihaṭṭhuṁ pavāreti, anāpatti.
pli-tv-bu-vb-pc36:2.2.4	Yāmakālikaṁ sattāhakālikaṁ yāvajīvikaṁ āhāratthāya abhiharati, āpatti dukkaṭassa.
pli-tv-bu-vb-pc36:2.2.5	Tassa vacanena “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc36:2.2.6	Ajjhohāre ajjhohāre āpatti dukkaṭassa.
pli-tv-bu-vb-pc36:2.2.7	Appavārite pavāritasaññī, āpatti dukkaṭassa.
pli-tv-bu-vb-pc36:2.2.8	Appavārite vematiko, āpatti dukkaṭassa.
pli-tv-bu-vb-pc36:2.2.9	Appavārite appavāritasaññī, anāpatti.
pli-tv-bu-vb-pc36:2.3.0	
pli-tv-bu-vb-pc36:2.3.1	Anāpatti—
pli-tv-bu-vb-pc36:2.3.2	atirittaṁ kārāpetvā deti,
pli-tv-bu-vb-pc36:2.3.3	“atirittaṁ kārāpetvā bhuñjāhī”ti deti,
pli-tv-bu-vb-pc36:2.3.4	aññassatthāya haranto gacchāhīti deti,
pli-tv-bu-vb-pc36:2.3.5	gilānassa sesakaṁ deti,
pli-tv-bu-vb-pc36:2.3.6	“yāmakālikaṁ sattāhakālikaṁ yāvajīvikaṁ sati paccaye paribhuñjā”ti deti,
pli-tv-bu-vb-pc36:2.3.7	ummattakassa,
pli-tv-bu-vb-pc36:2.3.8	ādikammikassāti.
pli-tv-bu-vb-pc36:2.3.9	Dutiyapavāraṇāsikkhāpadaṁ niṭṭhitaṁ chaṭṭhaṁ.
pli-tv-bu-vb-pc37:0.1	Theravāda Vinaya
pli-tv-bu-vb-pc37:0.2	Mahāvibhaṅga
pli-tv-bu-vb-pc37:0.3	Pācittiyakaṇḍa
pli-tv-bu-vb-pc37:0.4	Bhojanavagga
pli-tv-bu-vb-pc37:0.5	37. Vikālabhojanasikkhāpada
pli-tv-bu-vb-pc37:1.0	
pli-tv-bu-vb-pc37:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc37:1.2	Tena kho pana samayena rājagahe giraggasamajjo hoti.
pli-tv-bu-vb-pc37:1.3	Sattarasavaggiyā bhikkhū giraggasamajjaṁ dassanāya agamaṁsu.
pli-tv-bu-vb-pc37:1.4	Manussā sattarasavaggiye bhikkhū passitvā nahāpetvā vilimpetvā bhojetvā khādanīyaṁ adaṁsu.
pli-tv-bu-vb-pc37:1.5	Sattarasavaggiyā bhikkhū khādanīyaṁ ādāya ārāmaṁ gantvā chabbaggiye bhikkhū etadavocuṁ—
pli-tv-bu-vb-pc37:1.6	“gaṇhāthāvuso, khādanīyaṁ khādathā”ti.
pli-tv-bu-vb-pc37:1.7	“Kuto tumhehi, āvuso, khādanīyaṁ laddhan”ti?
pli-tv-bu-vb-pc37:1.8	Sattarasavaggiyā bhikkhū chabbaggiyānaṁ bhikkhūnaṁ etamatthaṁ ārocesuṁ.
pli-tv-bu-vb-pc37:1.9	“Kiṁ pana tumhe, āvuso, vikāle bhojanaṁ bhuñjathā”ti?
pli-tv-bu-vb-pc37:1.10	“Evamāvuso”ti.
pli-tv-bu-vb-pc37:1.11	Chabbaggiyā bhikkhū ujjhāyanti khiyyanti vipācenti—
pli-tv-bu-vb-pc37:1.12	“kathañhi nāma sattarasavaggiyā bhikkhū vikāle bhojanaṁ bhuñjissantī”ti.
pli-tv-bu-vb-pc37:1.13	Atha kho chabbaggiyā bhikkhū bhikkhūnaṁ etamatthaṁ ārocesuṁ.
pli-tv-bu-vb-pc37:1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc37:1.15	“kathañhi nāma sattarasavaggiyā bhikkhū vikāle bhojanaṁ bhuñjissantī”ti …pe…
pli-tv-bu-vb-pc37:1.16	“saccaṁ kira tumhe, bhikkhave, vikāle bhojanaṁ bhuñjathā”ti?
pli-tv-bu-vb-pc37:1.17	“Saccaṁ, bhagavā”ti.
pli-tv-bu-vb-pc37:1.18	Vigarahi buddho bhagavā …pe…
pli-tv-bu-vb-pc37:1.19	kathañhi nāma tumhe, moghapurisā, vikāle bhojanaṁ bhuñjissatha.
pli-tv-bu-vb-pc37:1.20	Netaṁ, moghapurisā, appasannānaṁ vā pasādāya …pe…
pli-tv-bu-vb-pc37:1.21	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc37:1.22.0	
pli-tv-bu-vb-pc37:1.22.1	“Yo pana bhikkhu vikāle khādanīyaṁ vā bhojanīyaṁ vā khādeyya vā bhuñjeyya vā, pācittiyan”ti.
pli-tv-bu-vb-pc37:2.1.0	
pli-tv-bu-vb-pc37:2.1.1	Yo panāti
pli-tv-bu-vb-pc37:2.1.2	yo yādiso …pe…
pli-tv-bu-vb-pc37:2.1.3	bhikkhūti
pli-tv-bu-vb-pc37:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc37:2.1.5	Vikālo nāma
pli-tv-bu-vb-pc37:2.1.6	majjhanhike vītivatte yāva aruṇuggamanā.
pli-tv-bu-vb-pc37:2.1.7	Khādanīyaṁ nāma
pli-tv-bu-vb-pc37:2.1.8	pañca bhojanāni—yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ nāma.
pli-tv-bu-vb-pc37:2.1.9	Bhojanīyaṁ nāma
pli-tv-bu-vb-pc37:2.1.10	pañca bhojanāni—odano, kummāso, sattu, maccho, maṁsaṁ.
pli-tv-bu-vb-pc37:2.1.11	“Khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc37:2.1.12	Ajjhohāre ajjhohāre āpatti pācittiyassa.
pli-tv-bu-vb-pc37:2.2.0	
pli-tv-bu-vb-pc37:2.2.1	Vikāle vikālasaññī khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc37:2.2.2	Vikāle vematiko khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc37:2.2.3	Vikāle kālasaññī khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc37:2.2.4	Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti, āpatti dukkaṭassa.
pli-tv-bu-vb-pc37:2.2.5	Ajjhohāre ajjhohāre āpatti dukkaṭassa.
pli-tv-bu-vb-pc37:2.2.6	Kāle vikālasaññī, āpatti dukkaṭassa.
pli-tv-bu-vb-pc37:2.2.7	Kāle vematiko, āpatti dukkaṭassa.
pli-tv-bu-vb-pc37:2.2.8	Kāle kālasaññī, anāpatti.
pli-tv-bu-vb-pc37:2.3.0	
pli-tv-bu-vb-pc37:2.3.1	Anāpatti—
pli-tv-bu-vb-pc37:2.3.2	yāmakālikaṁ sattāhakālikaṁ yāvajīvikaṁ sati paccaye paribhuñjati,
pli-tv-bu-vb-pc37:2.3.3	ummattakassa,
pli-tv-bu-vb-pc37:2.3.4	ādikammikassāti.
pli-tv-bu-vb-pc37:2.3.5	Vikālabhojanasikkhāpadaṁ niṭṭhitaṁ sattamaṁ.
pli-tv-bu-vb-pc38:0.1	Theravāda Vinaya
pli-tv-bu-vb-pc38:0.2	Mahāvibhaṅga
pli-tv-bu-vb-pc38:0.3	Pācittiyakaṇḍa
pli-tv-bu-vb-pc38:0.4	Bhojanavagga
pli-tv-bu-vb-pc38:0.5	38. Sannidhikārakasikkhāpada
pli-tv-bu-vb-pc38:1.0	
pli-tv-bu-vb-pc38:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc38:1.2	Tena kho pana samayena āyasmato ānandassa upajjhāyo āyasmā belaṭṭhasīso araññe viharati.
pli-tv-bu-vb-pc38:1.3	So piṇḍāya caritvā sukkhakuraṁ ārāmaṁ haritvā sukkhāpetvā nikkhipati.
pli-tv-bu-vb-pc38:1.4	Yadā āhārena attho hoti, tadā udakena temetvā temetvā bhuñjati, cirena gāmaṁ piṇḍāya pavisati.
pli-tv-bu-vb-pc38:1.5	Bhikkhū āyasmantaṁ belaṭṭhasīsaṁ etadavocuṁ—
pli-tv-bu-vb-pc38:1.6	“kissa tvaṁ, āvuso, cirena gāmaṁ piṇḍāya pavisasī”ti?
pli-tv-bu-vb-pc38:1.7	Atha kho āyasmā belaṭṭhasīso bhikkhūnaṁ etamatthaṁ ārocesi.
pli-tv-bu-vb-pc38:1.8	“Kiṁ pana tvaṁ, āvuso, sannidhikārakaṁ bhojanaṁ bhuñjasī”ti?
pli-tv-bu-vb-pc38:1.9	“Evamāvuso”ti.
pli-tv-bu-vb-pc38:1.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc38:1.11	“kathañhi nāma āyasmā belaṭṭhasīso sannidhikārakaṁ bhojanaṁ bhuñjissatī”ti …pe…
pli-tv-bu-vb-pc38:1.12	“saccaṁ kira tvaṁ, belaṭṭhasīsa, sannidhikārakaṁ bhojanaṁ bhuñjasī”ti?
pli-tv-bu-vb-pc38:1.13	“Saccaṁ, bhagavā”ti.
pli-tv-bu-vb-pc38:1.14	Vigarahi buddho bhagavā …pe…
pli-tv-bu-vb-pc38:1.15	kathañhi nāma tvaṁ, belaṭṭhasīsa, sannidhikārakaṁ bhojanaṁ bhuñjissasi.
pli-tv-bu-vb-pc38:1.16	Netaṁ, belaṭṭhasīsa, appasannānaṁ vā pasādāya …pe…
pli-tv-bu-vb-pc38:1.17	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc38:1.18.0	
pli-tv-bu-vb-pc38:1.18.1	“Yo pana bhikkhu sannidhikārakaṁ khādanīyaṁ vā bhojanīyaṁ vā khādeyya vā bhuñjeyya vā, pācittiyan”ti.
pli-tv-bu-vb-pc38:2.1.0	
pli-tv-bu-vb-pc38:2.1.1	Yo panāti
pli-tv-bu-vb-pc38:2.1.2	yo yādiso …pe…
pli-tv-bu-vb-pc38:2.1.3	bhikkhūti
pli-tv-bu-vb-pc38:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc38:2.1.5	Sannidhikārakaṁ nāma
pli-tv-bu-vb-pc38:2.1.6	ajja paṭiggahitaṁ aparajju khāditaṁ hoti.
pli-tv-bu-vb-pc38:2.1.7	Khādanīyaṁ nāma
pli-tv-bu-vb-pc38:2.1.8	pañca bhojanāni—yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ nāma.
pli-tv-bu-vb-pc38:2.1.9	Bhojanīyaṁ nāma
pli-tv-bu-vb-pc38:2.1.10	pañca bhojanāni—odano, kummāso, sattu, maccho, maṁsaṁ.
pli-tv-bu-vb-pc38:2.1.11	“Khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc38:2.1.12	Ajjhohāre ajjhohāre āpatti pācittiyassa.
pli-tv-bu-vb-pc38:2.2.0	
pli-tv-bu-vb-pc38:2.2.1	Sannidhikārake sannidhikārakasaññī khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc38:2.2.2	Sannidhikārake vematiko khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc38:2.2.3	Sannidhikārake asannidhikārakasaññī khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bu-vb-pc38:2.2.4	Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti, āpatti dukkaṭassa.
pli-tv-bu-vb-pc38:2.2.5	Ajjhohāre ajjhohāre āpatti dukkaṭassa.
pli-tv-bu-vb-pc38:2.2.6	Asannidhikārake sannidhikārakasaññī, āpatti dukkaṭassa.
pli-tv-bu-vb-pc38:2.2.7	Asannidhikārake vematiko, āpatti dukkaṭassa.
pli-tv-bu-vb-pc38:2.2.8	Asannidhikārake asannidhikārakasaññī, anāpatti.
pli-tv-bu-vb-pc38:2.3.0	
pli-tv-bu-vb-pc38:2.3.1	Anāpatti—
pli-tv-bu-vb-pc38:2.3.2	yāvakālikaṁ yāvakāle nidahitvā bhuñjati,
pli-tv-bu-vb-pc38:2.3.3	yāmakālikaṁ yāme nidahitvā bhuñjati,
pli-tv-bu-vb-pc38:2.3.4	sattāhakālikaṁ sattāhaṁ nidahitvā bhuñjati,
pli-tv-bu-vb-pc38:2.3.5	yāvajīvikaṁ sati paccaye paribhuñjati,
pli-tv-bu-vb-pc38:2.3.6	ummattakassa,
pli-tv-bu-vb-pc38:2.3.7	ādikammikassāti.
pli-tv-bu-vb-pc38:2.3.8	Sannidhikārakasikkhāpadaṁ niṭṭhitaṁ aṭṭhamaṁ.
pli-tv-bu-vb-pc39:0.1	Theravāda Vinaya
pli-tv-bu-vb-pc39:0.2	Mahāvibhaṅga
pli-tv-bu-vb-pc39:0.3	Pācittiyakaṇḍa
pli-tv-bu-vb-pc39:0.4	Bhojanavagga
pli-tv-bu-vb-pc39:0.5	39. Paṇītabhojanasikkhāpada
pli-tv-bu-vb-pc39:1.0.1	
pli-tv-bu-vb-pc39:1.0.2	
pli-tv-bu-vb-pc39:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc39:1.2	Tena kho pana samayena chabbaggiyā bhikkhū paṇītabhojanāni attano atthāya viññāpetvā bhuñjanti.
pli-tv-bu-vb-pc39:1.3	Manussā ujjhāyanti khiyyanti vipācenti—
pli-tv-bu-vb-pc39:1.4	“kathañhi nāma samaṇā sakyaputtiyā paṇītabhojanāni attano atthāya viññāpetvā bhuñjissanti.
pli-tv-bu-vb-pc39:1.5	Kassa sampannaṁ na manāpaṁ, kassa sāduṁ na ruccatī”ti.
pli-tv-bu-vb-pc39:1.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc39:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc39:1.8	“kathañhi nāma chabbaggiyā bhikkhū paṇītabhojanāni attano atthāya viññāpetvā bhuñjissantī”ti …pe…
pli-tv-bu-vb-pc39:1.9	“saccaṁ kira tumhe, bhikkhave, paṇītabhojanāni attano atthāya viññāpetvā bhuñjathā”ti?
pli-tv-bu-vb-pc39:1.10	“Saccaṁ, bhagavā”ti.
pli-tv-bu-vb-pc39:1.11	Vigarahi buddho bhagavā …pe…
pli-tv-bu-vb-pc39:1.12	kathañhi nāma tumhe, moghapurisā, paṇītabhojanāni attano atthāya viññāpetvā bhuñjissatha.
pli-tv-bu-vb-pc39:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc39:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc39:1.15.0	
pli-tv-bu-vb-pc39:1.15.1	“Yāni kho pana tāni paṇītabhojanāni, seyyathidaṁ— sappi navanītaṁ telaṁ madhu phāṇitaṁ maccho maṁsaṁ khīraṁ dadhi. Yo pana bhikkhu evarūpāni paṇītabhojanāni attano atthāya viññāpetvā bhuñjeyya, pācittiyan”ti.
pli-tv-bu-vb-pc39:1.16	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc39:2.0	
pli-tv-bu-vb-pc39:2.1	Tena kho pana samayena bhikkhū gilānā honti.
pli-tv-bu-vb-pc39:2.2	Gilānapucchakā bhikkhū gilāne bhikkhū etadavocuṁ—
pli-tv-bu-vb-pc39:2.3	“kaccāvuso, khamanīyaṁ, kacci yāpanīyan”ti?
pli-tv-bu-vb-pc39:2.4	“Pubbe mayaṁ, āvuso, paṇītabhojanāni attano atthāya viññāpetvā bhuñjāma, tena no phāsu hoti;
pli-tv-bu-vb-pc39:2.5	idāni pana ‘bhagavatā paṭikkhittan’ti kukkuccāyantā na viññāpema, tena no na phāsu hotī”ti.
pli-tv-bu-vb-pc39:2.6	Bhagavato etamatthaṁ ārocesuṁ.
pli-tv-bu-vb-pc39:2.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc39:2.8	“anujānāmi, bhikkhave, gilānena bhikkhunā paṇītabhojanāni attano atthāya viññāpetvā bhuñjituṁ.
pli-tv-bu-vb-pc39:2.9	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc39:2.10.0	
pli-tv-bu-vb-pc39:2.10.1	“Yāni kho pana tāni paṇītabhojanāni, seyyathidaṁ— sappi navanītaṁ telaṁ madhu phāṇitaṁ maccho maṁsaṁ khīraṁ dadhi. Yo pana bhikkhu evarūpāni paṇītabhojanāni agilāno attano atthāya viññāpetvā bhuñjeyya, pācittiyan”ti.
pli-tv-bu-vb-pc39:3.1.0	
pli-tv-bu-vb-pc39:3.1.1	Yāni kho pana tāni paṇītabhojanānīti
pli-tv-bu-vb-pc39:3.1.2	sappi nāma
pli-tv-bu-vb-pc39:3.1.3	gosappi vā ajikāsappi vā mahiṁsasappi vā, yesaṁ maṁsaṁ kappati tesaṁ sappi.
pli-tv-bu-vb-pc39:3.1.4	Navanītaṁ nāma
pli-tv-bu-vb-pc39:3.1.5	tesaññeva navanītaṁ.
pli-tv-bu-vb-pc39:3.1.6	Telaṁ nāma
pli-tv-bu-vb-pc39:3.1.7	tilatelaṁ sāsapatelaṁ madhukatelaṁ eraṇḍatelaṁ vasātelaṁ.
pli-tv-bu-vb-pc39:3.1.8	Madhu nāma
pli-tv-bu-vb-pc39:3.1.9	makkhikāmadhu.
pli-tv-bu-vb-pc39:3.1.10	Phāṇitaṁ nāma
pli-tv-bu-vb-pc39:3.1.11	ucchumhā nibbattaṁ.
pli-tv-bu-vb-pc39:3.1.12	Maccho nāma
pli-tv-bu-vb-pc39:3.1.13	udako vuccati.
pli-tv-bu-vb-pc39:3.1.14	Maṁsaṁ nāma
pli-tv-bu-vb-pc39:3.1.15	yesaṁ maṁsaṁ kappati, tesaṁ maṁsaṁ.
pli-tv-bu-vb-pc39:3.1.16	Khīraṁ nāma
pli-tv-bu-vb-pc39:3.1.17	gokhīraṁ vā ajikākhīraṁ vā mahiṁsakhīraṁ vā, yesaṁ maṁsaṁ kappati, tesaṁ khīraṁ.
pli-tv-bu-vb-pc39:3.1.18	Dadhi nāma
pli-tv-bu-vb-pc39:3.1.19	tesaññeva dadhi.
pli-tv-bu-vb-pc39:3.1.20	Yo panāti
pli-tv-bu-vb-pc39:3.1.21	yo yādiso …pe…
pli-tv-bu-vb-pc39:3.1.22	bhikkhūti
pli-tv-bu-vb-pc39:3.1.23	…pe… ayaṁ imasmiṁ atthe adhippeto bhikkhūti.
pli-tv-bu-vb-pc39:3.1.24	Evarūpāni paṇītabhojanānīti
pli-tv-bu-vb-pc39:3.1.25	tathārūpāni paṇītabhojanāni.
pli-tv-bu-vb-pc39:3.1.26	Agilāno nāma
pli-tv-bu-vb-pc39:3.1.27	yassa vinā paṇītabhojanāni phāsu hoti.
pli-tv-bu-vb-pc39:3.1.28	Gilāno nāma
pli-tv-bu-vb-pc39:3.1.29	yassa vinā paṇītabhojanāni na phāsu hoti.
pli-tv-bu-vb-pc39:3.1.30	Agilāno attano atthāya viññāpeti, payoge dukkaṭaṁ.
pli-tv-bu-vb-pc39:3.1.31	Paṭilābhena “bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pc39:3.1.32	Ajjhohāre ajjhohāre āpatti pācittiyassa.
pli-tv-bu-vb-pc39:3.2.0	
pli-tv-bu-vb-pc39:3.2.1	Agilāno agilānasaññī paṇītabhojanāni attano atthāya viññāpetvā bhuñjati, āpatti pācittiyassa.
pli-tv-bu-vb-pc39:3.2.2	Agilāno vematiko paṇītabhojanāni attano atthāya viññāpetvā bhuñjati, āpatti pācittiyassa.
pli-tv-bu-vb-pc39:3.2.3	Agilāno gilānasaññī paṇītabhojanāni attano atthāya viññāpetvā bhuñjati, āpatti pācittiyassa.
pli-tv-bu-vb-pc39:3.2.4	Gilāno agilānasaññī, āpatti dukkaṭassa.
pli-tv-bu-vb-pc39:3.2.5	Gilāno vematiko, āpatti dukkaṭassa.
pli-tv-bu-vb-pc39:3.2.6	Gilāno gilānasaññī anāpatti.
pli-tv-bu-vb-pc39:3.3.0	
pli-tv-bu-vb-pc39:3.3.1	Anāpatti—
pli-tv-bu-vb-pc39:3.3.2	gilānassa,
pli-tv-bu-vb-pc39:3.3.3	gilāno hutvā viññāpetvā agilāno bhuñjati,
pli-tv-bu-vb-pc39:3.3.4	gilānassa sesakaṁ bhuñjati,
pli-tv-bu-vb-pc39:3.3.5	ñātakānaṁ,
pli-tv-bu-vb-pc39:3.3.6	pavāritānaṁ,
pli-tv-bu-vb-pc39:3.3.7	aññassatthāya,
pli-tv-bu-vb-pc39:3.3.8	attano dhanena,
pli-tv-bu-vb-pc39:3.3.9	ummattakassa,
pli-tv-bu-vb-pc39:3.3.10	ādikammikassāti.
pli-tv-bu-vb-pc39:3.3.11	Paṇītabhojanasikkhāpadaṁ niṭṭhitaṁ navamaṁ.
pli-tv-bu-vb-pc40:0.1	Theravāda Vinaya
pli-tv-bu-vb-pc40:0.2	Mahāvibhaṅga
pli-tv-bu-vb-pc40:0.3	Pācittiyakaṇḍa
pli-tv-bu-vb-pc40:0.4	Bhojanavagga
pli-tv-bu-vb-pc40:0.5	40. Dantaponasikkhāpada
pli-tv-bu-vb-pc40:1.0.1	
pli-tv-bu-vb-pc40:1.0.2	
pli-tv-bu-vb-pc40:1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bu-vb-pc40:1.2	Tena kho pana samayena aññataro bhikkhu sabbapaṁsukūliko susāne viharati.
pli-tv-bu-vb-pc40:1.3	So manussehi diyyamānaṁ na icchati paṭiggahetuṁ, susānepi rukkhamūlepi ummārepi ayyavosāṭitakāni sāmaṁ gahetvā paribhuñjati.
pli-tv-bu-vb-pc40:1.4	Manussā ujjhāyanti khiyyanti vipācenti—
pli-tv-bu-vb-pc40:1.5	“kathañhi nāma ayaṁ bhikkhu amhākaṁ ayyavosāṭitakāni sāmaṁ gahetvā paribhuñjissati.
pli-tv-bu-vb-pc40:1.6	Theroyaṁ bhikkhu vaṭharo manussamaṁsaṁ maññe khādatī”ti.
pli-tv-bu-vb-pc40:1.7	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc40:1.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc40:1.9	“kathañhi nāma bhikkhu adinnaṁ mukhadvāraṁ āhāraṁ āharissatī”ti …pe…
pli-tv-bu-vb-pc40:1.10	“saccaṁ kira tvaṁ, bhikkhu, adinnaṁ mukhadvāraṁ āhāraṁ āharasī”ti?
pli-tv-bu-vb-pc40:1.11	“Saccaṁ, bhagavā”ti.
pli-tv-bu-vb-pc40:1.12	Vigarahi buddho bhagavā …pe…
pli-tv-bu-vb-pc40:1.13	kathañhi nāma tvaṁ, moghapurisa, adinnaṁ mukhadvāraṁ āhāraṁ āharissasi.
pli-tv-bu-vb-pc40:1.14	Netaṁ, moghapurisa, appasannānaṁ vā pasādāya …pe…
pli-tv-bu-vb-pc40:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc40:1.16.0	
pli-tv-bu-vb-pc40:1.16.1	“Yo pana bhikkhu adinnaṁ mukhadvāraṁ āhāraṁ āhareyya, pācittiyan”ti.
pli-tv-bu-vb-pc40:1.17	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc40:2.0	
pli-tv-bu-vb-pc40:2.1	Tena kho pana samayena bhikkhū udakadantapone kukkuccāyanti.
pli-tv-bu-vb-pc40:2.2	Bhagavato etamatthaṁ ārocesuṁ …pe…
pli-tv-bu-vb-pc40:2.3	“anujānāmi, bhikkhave, udakadantaponaṁ sāmaṁ gahetvā paribhuñjituṁ.
pli-tv-bu-vb-pc40:2.4	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc40:2.5.0	
pli-tv-bu-vb-pc40:2.5.1	“Yo pana bhikkhu adinnaṁ mukhadvāraṁ āhāraṁ āhareyya, aññatra udakadantaponā, pācittiyan”ti.
pli-tv-bu-vb-pc40:3.1.0	
pli-tv-bu-vb-pc40:3.1.1	Yo panāti
pli-tv-bu-vb-pc40:3.1.2	yo yādiso …pe…
pli-tv-bu-vb-pc40:3.1.3	bhikkhūti
pli-tv-bu-vb-pc40:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc40:3.1.5	Adinnaṁ nāma
pli-tv-bu-vb-pc40:3.1.6	appaṭiggahitakaṁ vuccati.
pli-tv-bu-vb-pc40:3.1.7	Dinnaṁ nāma
pli-tv-bu-vb-pc40:3.1.8	kāyena vā kāyapaṭibaddhena vā nissaggiyena vā dente hatthapāse ṭhito kāyena vā kāyapaṭibaddhena vā paṭiggaṇhāti, etaṁ dinnaṁ nāma.
pli-tv-bu-vb-pc40:3.1.9	Āhāro nāma
pli-tv-bu-vb-pc40:3.1.10	udakadantaponaṁ ṭhapetvā yaṁ kiñci ajjhoharaṇīyaṁ, eso āhāro nāma.
pli-tv-bu-vb-pc40:3.1.11	Aññatra udakadantaponāti
pli-tv-bu-vb-pc40:3.1.12	ṭhapetvā udakadantaponaṁ.
pli-tv-bu-vb-pc40:3.1.13	“Khādissāmi bhuñjissāmī”ti gaṇhāti, āpatti dukkaṭassa.
pli-tv-bu-vb-pc40:3.1.14	Ajjhohāre ajjhohāre āpatti pācittiyassa.
pli-tv-bu-vb-pc40:3.2.0	
pli-tv-bu-vb-pc40:3.2.1	Appaṭiggahitake appaṭiggahitakasaññī adinnaṁ mukhadvāraṁ āhāraṁ āhāreti, aññatra udakadantaponā, āpatti pācittiyassa.
pli-tv-bu-vb-pc40:3.2.2	Appaṭiggahitake vematiko adinnaṁ mukhadvāraṁ āhāraṁ āhāreti, aññatra udakadantaponā, āpatti pācittiyassa.
pli-tv-bu-vb-pc40:3.2.3	Appaṭiggahitake paṭiggahitakasaññī adinnaṁ mukhadvāraṁ āhāraṁ āhāreti, aññatra udakadantaponā, āpatti pācittiyassa.
pli-tv-bu-vb-pc40:3.2.4	Paṭiggahitake appaṭiggahitakasaññī, āpatti dukkaṭassa.
pli-tv-bu-vb-pc40:3.2.5	Paṭiggahitake vematiko, āpatti dukkaṭassa.
pli-tv-bu-vb-pc40:3.2.6	Paṭiggahitake paṭiggahitakasaññī, anāpatti.
pli-tv-bu-vb-pc40:3.3.0	
pli-tv-bu-vb-pc40:3.3.1	Anāpatti—
pli-tv-bu-vb-pc40:3.3.2	udakadantapone,
pli-tv-bu-vb-pc40:3.3.3	cattāri mahāvikaṭāni sati paccaye asati kappiyakārake sāmaṁ gahetvā paribhuñjati,
pli-tv-bu-vb-pc40:3.3.4	ummattakassa,
pli-tv-bu-vb-pc40:3.3.5	ādikammikassāti.
pli-tv-bu-vb-pc40:3.3.6	Dantaponasikkhāpadaṁ niṭṭhitaṁ dasamaṁ.
pli-tv-bu-vb-pc40:3.3.7	Bhojanavaggo catuttho.
pli-tv-bu-vb-pc40:3.3.8	Tassuddānaṁ
pli-tv-bu-vb-pc40:3.3.9	Piṇḍo gaṇaṁ paraṁ pūvaṁ,
pli-tv-bu-vb-pc40:3.3.10	dve ca vuttā pavāraṇā;
pli-tv-bu-vb-pc40:3.3.11	Vikāle sannidhī khīraṁ,
pli-tv-bu-vb-pc40:3.3.12	dantaponena te dasāti.
pli-tv-bu-vb-pc41:0.1	Theravāda Vinaya
pli-tv-bu-vb-pc41:0.2	Mahāvibhaṅga
pli-tv-bu-vb-pc41:0.3	Pācittiyakaṇḍa
pli-tv-bu-vb-pc41:0.4	Acelakavagga
pli-tv-bu-vb-pc41:0.5	41. Acelakasikkhāpada
pli-tv-bu-vb-pc41:1.1.0	
pli-tv-bu-vb-pc41:1.1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bu-vb-pc41:1.1.2	Tena kho pana samayena saṅghassa khādanīyaṁ ussannaṁ hoti.
pli-tv-bu-vb-pc41:1.1.3	Atha kho āyasmā ānando bhagavato etamatthaṁ ārocesi. “Tenahānanda, vighāsādānaṁ pūvaṁ dehī”ti.
pli-tv-bu-vb-pc41:1.1.4	“Evaṁ, bhante”ti kho āyasmā ānando bhagavato paṭissuṇitvā vighāsāde paṭipāṭiyā nisīdāpetvā ekekaṁ pūvaṁ dento aññatarissā paribbājikāya ekaṁ maññamāno dve pūve adāsi.
pli-tv-bu-vb-pc41:1.1.5	Sāmantā paribbājikāyo taṁ paribbājikaṁ etadavocuṁ—“jāro te eso samaṇo”ti.
pli-tv-bu-vb-pc41:1.1.6	“Na me so samaṇo jāro, ekaṁ maññamāno dve pūve adāsī”ti.
pli-tv-bu-vb-pc41:1.1.7	Dutiyampi kho …pe…
pli-tv-bu-vb-pc41:1.1.8	tatiyampi kho āyasmā ānando ekekaṁ pūvaṁ dento tassāyeva paribbājikāya ekaṁ maññamāno dve pūve adāsi.
pli-tv-bu-vb-pc41:1.1.9	Sāmantā paribbājikāyo taṁ paribbājikaṁ etadavocuṁ—“jāro te eso samaṇo”ti.
pli-tv-bu-vb-pc41:1.1.10	“Na me so samaṇo jāro, ekaṁ maññamāno dve pūve adāsī”ti.
pli-tv-bu-vb-pc41:1.1.11	“Jāro na jāro”ti bhaṇḍiṁsu.
pli-tv-bu-vb-pc41:1.2.1	Aññataropi ājīvako parivesanaṁ agamāsi.
pli-tv-bu-vb-pc41:1.2.2	Aññataro bhikkhu pahūtena sappinā odanaṁ madditvā tassa ājīvakassa mahantaṁ piṇḍaṁ adāsi.
pli-tv-bu-vb-pc41:1.2.3	Atha kho so ājīvako taṁ piṇḍaṁ ādāya agamāsi.
pli-tv-bu-vb-pc41:1.2.4	Aññataro ājīvako taṁ ājīvakaṁ etadavoca—“kuto tayā, āvuso, piṇḍo laddho”ti?
pli-tv-bu-vb-pc41:1.2.5	“Tassāvuso, samaṇassa gotamassa muṇḍagahapatikassa parivesanāya laddho”ti.
pli-tv-bu-vb-pc41:1.2.6	Assosuṁ kho upāsakā tesaṁ ājīvakānaṁ imaṁ kathāsallāpaṁ.
pli-tv-bu-vb-pc41:1.2.7	Atha kho te upāsakā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te upāsakā bhagavantaṁ etadavocuṁ—
pli-tv-bu-vb-pc41:1.2.8	“ime, bhante, titthiyā avaṇṇakāmā buddhassa avaṇṇakāmā dhammassa avaṇṇakāmā saṅghassa.
pli-tv-bu-vb-pc41:1.2.9	Sādhu, bhante, ayyā titthiyānaṁ sahatthā na dadeyyun”ti.
pli-tv-bu-vb-pc41:1.2.10	Atha kho bhagavā te upāsake dhammiyā kathāya sandassesi samādapesi samuttejesi sampahaṁsesi. Atha kho te upāsakā bhagavatā dhammiyā kathāya sandassitā samādapitā samuttejitā sampahaṁsitā uṭṭhāyāsanā bhagavantaṁ abhivādetvā padakkhiṇaṁ katvā pakkamiṁsu.
pli-tv-bu-vb-pc41:1.2.11	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc41:1.2.12	“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca—
pli-tv-bu-vb-pc41:1.2.13	saṅghasuṭṭhutāya, saṅghaphāsutāya …pe… saddhammaṭṭhitiyā, vinayānuggahāya.
pli-tv-bu-vb-pc41:1.2.14	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc41:1.2.15.0	
pli-tv-bu-vb-pc41:1.2.15.1	“Yo pana bhikkhu acelakassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dadeyya, pācittiyan”ti.
pli-tv-bu-vb-pc41:2.1.0	
pli-tv-bu-vb-pc41:2.1.1	Yo panāti
pli-tv-bu-vb-pc41:2.1.2	yo yādiso …pe…
pli-tv-bu-vb-pc41:2.1.3	bhikkhūti
pli-tv-bu-vb-pc41:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc41:2.1.5	Acelako nāma
pli-tv-bu-vb-pc41:2.1.6	yo koci paribbājakasamāpanno naggo.
pli-tv-bu-vb-pc41:2.1.7	Paribbājako nāma
pli-tv-bu-vb-pc41:2.1.8	bhikkhuñca sāmaṇerañca ṭhapetvā yo koci paribbājakasamāpanno.
pli-tv-bu-vb-pc41:2.1.9	Paribbājikā nāma
pli-tv-bu-vb-pc41:2.1.10	bhikkhuniñca sikkhamānañca sāmaṇeriñca ṭhapetvā yā kāci paribbājikasamāpannā.
pli-tv-bu-vb-pc41:2.1.11	Khādanīyaṁ nāma
pli-tv-bu-vb-pc41:2.1.12	pañca bhojanāni—udakadantaponaṁ ṭhapetvā avasesaṁ khādanīyaṁ nāma.
pli-tv-bu-vb-pc41:2.1.13	Bhojanīyaṁ nāma
pli-tv-bu-vb-pc41:2.1.14	pañca bhojanāni—odano, kummāso, sattu, maccho, maṁsaṁ.
pli-tv-bu-vb-pc41:2.1.15	Dadeyyāti
pli-tv-bu-vb-pc41:2.1.16	kāyena vā kāyapaṭibaddhena vā nissaggiyena vā deti, āpatti pācittiyassa.
pli-tv-bu-vb-pc41:2.2.0	
pli-tv-bu-vb-pc41:2.2.1	Titthiye titthiyasaññī sahatthā khādanīyaṁ vā bhojanīyaṁ vā deti, āpatti pācittiyassa.
pli-tv-bu-vb-pc41:2.2.2	Titthiye vematiko sahatthā khādanīyaṁ vā bhojanīyaṁ vā deti, āpatti pācittiyassa.
pli-tv-bu-vb-pc41:2.2.3	Titthiye atitthiyasaññī sahatthā khādanīyaṁ vā bhojanīyaṁ vā deti, āpatti pācittiyassa.
pli-tv-bu-vb-pc41:2.2.4	Udakadantaponaṁ deti, āpatti dukkaṭassa.
pli-tv-bu-vb-pc41:2.2.5	Atitthiye titthiyasaññī, āpatti dukkaṭassa.
pli-tv-bu-vb-pc41:2.2.6	Atitthiye vematiko, āpatti dukkaṭassa.
pli-tv-bu-vb-pc41:2.2.7	Atitthiye atitthiyasaññī, anāpatti.
pli-tv-bu-vb-pc41:2.3.0	
pli-tv-bu-vb-pc41:2.3.1	Anāpatti—
pli-tv-bu-vb-pc41:2.3.2	dāpeti na deti,
pli-tv-bu-vb-pc41:2.3.3	upanikkhipitvā deti,
pli-tv-bu-vb-pc41:2.3.4	bāhirālepaṁ deti,
pli-tv-bu-vb-pc41:2.3.5	ummattakassa,
pli-tv-bu-vb-pc41:2.3.6	ādikammikassāti.
pli-tv-bu-vb-pc41:2.3.7	Acelakasikkhāpadaṁ niṭṭhitaṁ paṭhamaṁ.
pli-tv-bu-vb-pc42:0.1	Theravāda Vinaya
pli-tv-bu-vb-pc42:0.2	Mahāvibhaṅga
pli-tv-bu-vb-pc42:0.3	Pācittiyakaṇḍa
pli-tv-bu-vb-pc42:0.4	Acelakavagga
pli-tv-bu-vb-pc42:0.5	42. Uyyojanasikkhāpada
pli-tv-bu-vb-pc42:1.0	
pli-tv-bu-vb-pc42:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc42:1.2	Tena kho pana samayena āyasmā upanando sakyaputto bhātuno saddhivihārikaṁ bhikkhuṁ etadavoca—
pli-tv-bu-vb-pc42:1.3	“ehāvuso, gāmaṁ piṇḍāya pavisissāmā”ti.
pli-tv-bu-vb-pc42:1.4	Tassa adāpetvā uyyojesi—
pli-tv-bu-vb-pc42:1.5	“gacchāvuso, na me tayā saddhiṁ kathā vā nisajjā vā phāsu hoti, ekakassa me kathā vā nisajjā vā phāsu hotī”ti.
pli-tv-bu-vb-pc42:1.6	Atha kho so bhikkhu upakaṭṭhe kāle nāsakkhi piṇḍāya carituṁ, paṭikkamanepi bhattavissaggaṁ na sambhāvesi, chinnabhatto ahosi.
pli-tv-bu-vb-pc42:1.7	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-bu-vb-pc42:1.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc42:1.9	“kathañhi nāma āyasmā upanando sakyaputto bhikkhuṁ—‘ehāvuso, gāmaṁ piṇḍāya pavisissāmā’ti tassa adāpetvā uyyojessatī”ti …pe…
pli-tv-bu-vb-pc42:1.10	“saccaṁ kira tvaṁ, upananda, bhikkhuṁ—‘ehāvuso, gāmaṁ piṇḍāya pavisissāmā’ti tassa adāpetvā uyyojesī”ti?
pli-tv-bu-vb-pc42:1.11	“Saccaṁ, bhagavā”ti.
pli-tv-bu-vb-pc42:1.12	Vigarahi buddho bhagavā …pe…
pli-tv-bu-vb-pc42:1.13	kathañhi nāma tvaṁ, moghapurisa, bhikkhuṁ—“ehāvuso, gāmaṁ piṇḍāya pavisissāmā”ti tassa adāpetvā uyyojessasi.
pli-tv-bu-vb-pc42:1.14	Netaṁ, moghapurisa, appasannānaṁ vā pasādāya …pe…
pli-tv-bu-vb-pc42:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc42:1.16.0	
pli-tv-bu-vb-pc42:1.16.1	“Yo pana bhikkhu bhikkhuṁ—‘ehāvuso, gāmaṁ vā nigamaṁ vā piṇḍāya pavisissāmā’ti tassa dāpetvā vā adāpetvā vā uyyojeyya— ‘gacchāvuso, na me tayā saddhiṁ kathā vā nisajjā vā phāsu hoti, ekakassa me kathā vā nisajjā vā phāsu hotī’ti, etadeva paccayaṁ karitvā anaññaṁ, pācittiyan”ti.
pli-tv-bu-vb-pc42:2.1.0	
pli-tv-bu-vb-pc42:2.1.1	Yo panāti
pli-tv-bu-vb-pc42:2.1.2	yo, yādiso …pe…
pli-tv-bu-vb-pc42:2.1.3	bhikkhūti
pli-tv-bu-vb-pc42:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc42:2.1.5	Bhikkhunti
pli-tv-bu-vb-pc42:2.1.6	aññaṁ bhikkhuṁ.
pli-tv-bu-vb-pc42:2.1.7	Ehāvuso, gāmaṁ vā nigamaṁ vāti
pli-tv-bu-vb-pc42:2.1.8	gāmopi nigamopi nagarampi, gāmo ceva nigamo ca.
pli-tv-bu-vb-pc42:2.1.9	Tassa dāpetvāti
pli-tv-bu-vb-pc42:2.1.10	yāguṁ vā bhattaṁ vā khādanīyaṁ vā bhojanīyaṁ vā dāpetvā.
pli-tv-bu-vb-pc42:2.1.11	Adāpetvāti
pli-tv-bu-vb-pc42:2.1.12	na kiñci dāpetvā.
pli-tv-bu-vb-pc42:2.1.13	Uyyojeyyāti
pli-tv-bu-vb-pc42:2.1.14	mātugāmena saddhiṁ hasitukāmo kīḷitukāmo raho nisīditukāmo anācāraṁ ācaritukāmo evaṁ vadeti— “gacchāvuso, na me tayā saddhiṁ kathā vā nisajjā vā phāsu hoti, ekakassa me kathā vā nisajjā vā phāsu hotī”ti uyyojeti, āpatti dukkaṭassa.
pli-tv-bu-vb-pc42:2.1.15	Dassanūpacāraṁ vā savanūpacāraṁ vā vijahantassa āpatti dukkaṭassa.
pli-tv-bu-vb-pc42:2.1.16	Vijahite, āpatti pācittiyassa.
pli-tv-bu-vb-pc42:2.1.17	Etadeva paccayaṁ karitvā anaññanti
pli-tv-bu-vb-pc42:2.1.18	na añño koci paccayo hoti uyyojetuṁ.
pli-tv-bu-vb-pc42:2.2.0	
pli-tv-bu-vb-pc42:2.2.1	Upasampanne upasampannasaññī uyyojeti, āpatti pācittiyassa.
pli-tv-bu-vb-pc42:2.2.2	Upasampanne vematiko uyyojeti, āpatti pācittiyassa.
pli-tv-bu-vb-pc42:2.2.3	Upasampanne anupasampannasaññī uyyojeti, āpatti pācittiyassa.
pli-tv-bu-vb-pc42:2.2.4	Kalisāsanaṁ āropeti, āpatti dukkaṭassa.
pli-tv-bu-vb-pc42:2.2.5	Anupasampannaṁ uyyojeti, āpatti dukkaṭassa.
pli-tv-bu-vb-pc42:2.2.6	Kalisāsanaṁ āropeti, āpatti dukkaṭassa.
pli-tv-bu-vb-pc42:2.2.7	Anupasampanne upasampannasaññī, āpatti dukkaṭassa.
pli-tv-bu-vb-pc42:2.2.8	Anupasampanne vematiko, āpatti dukkaṭassa.
pli-tv-bu-vb-pc42:2.2.9	Anupasampanne anupasampannasaññī, āpatti dukkaṭassa.
pli-tv-bu-vb-pc42:2.3.0	
pli-tv-bu-vb-pc42:2.3.1	Anāpatti—
pli-tv-bu-vb-pc42:2.3.2	“ubho ekato na yāpessāmā”ti uyyojeti,
pli-tv-bu-vb-pc42:2.3.3	“mahagghaṁ bhaṇḍaṁ passitvā lobhadhammaṁ uppādessatī”ti uyyojeti,
pli-tv-bu-vb-pc42:2.3.4	“mātugāmaṁ passitvā anabhiratiṁ uppādessatī”ti uyyojeti,
pli-tv-bu-vb-pc42:2.3.5	“gilānassa vā ohiyyakassa vā vihārapālassa vā yāguṁ vā bhattaṁ vā khādanīyaṁ vā bhojanīyaṁ vā nīharā”ti uyyojeti,
pli-tv-bu-vb-pc42:2.3.6	na anācāraṁ ācaritukāmo,
pli-tv-bu-vb-pc42:2.3.7	sati karaṇīye uyyojeti,
pli-tv-bu-vb-pc42:2.3.8	ummattakassa,
pli-tv-bu-vb-pc42:2.3.9	ādikammikassāti.
pli-tv-bu-vb-pc42:2.3.10	Uyyojanasikkhāpadaṁ niṭṭhitaṁ dutiyaṁ.
pli-tv-bu-vb-pc43:0.1	Theravāda Vinaya
pli-tv-bu-vb-pc43:0.2	Mahāvibhaṅga
pli-tv-bu-vb-pc43:0.3	Pācittiyakaṇḍa
pli-tv-bu-vb-pc43:0.4	Acelakavagga
pli-tv-bu-vb-pc43:0.5	43. Sabhojanasikkhāpada
pli-tv-bu-vb-pc43:1.0	
pli-tv-bu-vb-pc43:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc43:1.2	Tena kho pana samayena āyasmā upanando sakyaputto sahāyakassa gharaṁ gantvā tassa pajāpatiyā saddhiṁ sayanighare nisajjaṁ kappesi.
pli-tv-bu-vb-pc43:1.3	Atha kho so puriso yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi.
pli-tv-bu-vb-pc43:1.4	Ekamantaṁ nisinno kho so puriso pajāpatiṁ etadavoca—“dadehāyyassa bhikkhan”ti.
pli-tv-bu-vb-pc43:1.5	Atha kho sā itthī āyasmato upanandassa sakyaputtassa bhikkhaṁ adāsi.
pli-tv-bu-vb-pc43:1.6	Atha kho so puriso āyasmantaṁ upanandaṁ sakyaputtaṁ etadavoca—“gacchatha, bhante, yato ayyassa bhikkhā dinnā”ti.
pli-tv-bu-vb-pc43:1.7	Atha kho sā itthī sallakkhetvā—“pariyuṭṭhito ayaṁ puriso”ti, āyasmantaṁ upanandaṁ sakyaputtaṁ etadavoca—“nisīdatha, bhante, mā agamitthā”ti.
pli-tv-bu-vb-pc43:1.8	Dutiyampi kho so puriso …pe…
pli-tv-bu-vb-pc43:1.9	tatiyampi kho so puriso āyasmantaṁ upanandaṁ sakyaputtaṁ etadavoca—“gacchatha, bhante, yato ayyassa bhikkhā dinnā”ti.
pli-tv-bu-vb-pc43:1.10	Tatiyampi kho sā itthī āyasmantaṁ upanandaṁ sakyaputtaṁ etadavoca—“nisīdatha, bhante, mā agamitthā”ti.
pli-tv-bu-vb-pc43:1.11	Atha kho so puriso nikkhamitvā bhikkhū ujjhāpesi—
pli-tv-bu-vb-pc43:1.12	“ayaṁ, bhante, ayyo upanando mayhaṁ pajāpatiyā saddhiṁ sayanighare nisinno.
pli-tv-bu-vb-pc43:1.13	So mayā uyyojīyamāno na icchati gantuṁ.
pli-tv-bu-vb-pc43:1.14	Bahukiccā mayaṁ bahukaraṇīyā”ti.
pli-tv-bu-vb-pc43:1.15	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc43:1.16	“kathañhi nāma āyasmā upanando sakyaputto sabhojane kule anupakhajja nisajjaṁ kappessatī”ti …pe…
pli-tv-bu-vb-pc43:1.17	“saccaṁ kira tvaṁ, upananda, sabhojane kule anupakhajja nisajjaṁ kappesī”ti?
pli-tv-bu-vb-pc43:1.18	“Saccaṁ, bhagavā”ti.
pli-tv-bu-vb-pc43:1.19	Vigarahi buddho bhagavā …pe…
pli-tv-bu-vb-pc43:1.20	kathañhi nāma tvaṁ, moghapurisa, sabhojane kule anupakhajja nisajjaṁ kappessasi.
pli-tv-bu-vb-pc43:1.21	Netaṁ, moghapurisa, appasannānaṁ vā pasādāya …pe…
pli-tv-bu-vb-pc43:1.22	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc43:1.23.0	
pli-tv-bu-vb-pc43:1.23.1	“Yo pana bhikkhu sabhojane kule anupakhajja nisajjaṁ kappeyya, pācittiyan”ti.
pli-tv-bu-vb-pc43:2.1.0	
pli-tv-bu-vb-pc43:2.1.1	Yo panāti
pli-tv-bu-vb-pc43:2.1.2	yo yādiso …pe…
pli-tv-bu-vb-pc43:2.1.3	bhikkhūti
pli-tv-bu-vb-pc43:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc43:2.1.5	Sabhojanaṁ nāma kulaṁ
pli-tv-bu-vb-pc43:2.1.6	itthī ceva hoti puriso ca, itthī ca puriso ca ubho anikkhantā honti, ubho avītarāgā.
pli-tv-bu-vb-pc43:2.1.7	Anupakhajjāti
pli-tv-bu-vb-pc43:2.1.8	anupavisitvā.
pli-tv-bu-vb-pc43:2.1.9	Nisajjaṁ kappeyyāti
pli-tv-bu-vb-pc43:2.1.10	mahallake ghare piṭṭhasaṅghāṭassa hatthapāsaṁ vijahitvā nisīdati, āpatti pācittiyassa.
pli-tv-bu-vb-pc43:2.1.11	Khuddake ghare piṭṭhivaṁsaṁ atikkamitvā nisīdati, āpatti pācittiyassa.
pli-tv-bu-vb-pc43:2.2.0	
pli-tv-bu-vb-pc43:2.2.1	Sayanighare sayanigharasaññī sabhojane kule anupakhajja nisajjaṁ kappeti, āpatti pācittiyassa.
pli-tv-bu-vb-pc43:2.2.2	Sayanighare vematiko sabhojane kule anupakhajja nisajjaṁ kappeti, āpatti pācittiyassa.
pli-tv-bu-vb-pc43:2.2.3	Sayanighare nasayanigharasaññī sabhojane kule anupakhajja nisajjaṁ kappeti, āpatti pācittiyassa.
pli-tv-bu-vb-pc43:2.2.4	Nasayanighare sayanigharasaññī, āpatti dukkaṭassa.
pli-tv-bu-vb-pc43:2.2.5	Nasayanighare vematiko, āpatti dukkaṭassa.
pli-tv-bu-vb-pc43:2.2.6	Nasayanighare nasayanigharasaññī, anāpatti.
pli-tv-bu-vb-pc43:2.3.0	
pli-tv-bu-vb-pc43:2.3.1	Anāpatti—
pli-tv-bu-vb-pc43:2.3.2	mahallake ghare piṭṭhasaṅghāṭassa hatthapāsaṁ avijahitvā nisīdati,
pli-tv-bu-vb-pc43:2.3.3	khuddake ghare piṭṭhivaṁsaṁ anatikkamitvā nisīdati,
pli-tv-bu-vb-pc43:2.3.4	bhikkhu dutiyo hoti,
pli-tv-bu-vb-pc43:2.3.5	ubho nikkhantā honti,
pli-tv-bu-vb-pc43:2.3.6	ubho vītarāgā,
pli-tv-bu-vb-pc43:2.3.7	nasayanighare,
pli-tv-bu-vb-pc43:2.3.8	ummattakassa,
pli-tv-bu-vb-pc43:2.3.9	ādikammikassāti.
pli-tv-bu-vb-pc43:2.3.10	Sabhojanasikkhāpadaṁ niṭṭhitaṁ tatiyaṁ.
pli-tv-bu-vb-pc44:0.1	Theravāda Vinaya
pli-tv-bu-vb-pc44:0.2	Mahāvibhaṅga
pli-tv-bu-vb-pc44:0.3	Pācittiyakaṇḍa
pli-tv-bu-vb-pc44:0.4	Acelakavagga
pli-tv-bu-vb-pc44:0.5	44. Rahopaṭicchannasikkhāpada
pli-tv-bu-vb-pc44:1.0	
pli-tv-bu-vb-pc44:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc44:1.2	Tena kho pana samayena āyasmā upanando sakyaputto sahāyakassa gharaṁ gantvā tassa pajāpatiyā saddhiṁ raho paṭicchanne āsane nisajjaṁ kappesi.
pli-tv-bu-vb-pc44:1.3	Atha kho so puriso ujjhāyati khiyyati vipāceti—
pli-tv-bu-vb-pc44:1.4	“kathañhi nāma ayyo upanando mayhaṁ pajāpatiyā saddhiṁ raho paṭicchanne āsane nisajjaṁ kappessatī”ti.
pli-tv-bu-vb-pc44:1.5	Assosuṁ kho bhikkhū tassa purisassa ujjhāyantassa khiyyantassa vipācentassa.
pli-tv-bu-vb-pc44:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc44:1.7	“kathañhi nāma āyasmā upanando sakyaputto mātugāmena saddhiṁ raho paṭicchanne āsane nisajjaṁ kappessatī”ti …pe…
pli-tv-bu-vb-pc44:1.8	“saccaṁ kira tvaṁ, upananda, mātugāmena saddhiṁ raho paṭicchanne āsane nisajjaṁ kappesī”ti?
pli-tv-bu-vb-pc44:1.9	“Saccaṁ, bhagavā”ti.
pli-tv-bu-vb-pc44:1.10	Vigarahi buddho bhagavā …pe…
pli-tv-bu-vb-pc44:1.11	kathañhi nāma tvaṁ, moghapurisa, mātugāmena saddhiṁ raho paṭicchanne āsane nisajjaṁ kappessasi.
pli-tv-bu-vb-pc44:1.12	Netaṁ, moghapurisa, appasannānaṁ vā pasādāya …pe…
pli-tv-bu-vb-pc44:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc44:1.14.0	
pli-tv-bu-vb-pc44:1.14.1	“Yo pana bhikkhu mātugāmena saddhiṁ raho paṭicchanne āsane nisajjaṁ kappeyya, pācittiyan”ti.
pli-tv-bu-vb-pc44:2.1.0	
pli-tv-bu-vb-pc44:2.1.1	Yo panāti
pli-tv-bu-vb-pc44:2.1.2	yo yādiso …pe…
pli-tv-bu-vb-pc44:2.1.3	bhikkhūti
pli-tv-bu-vb-pc44:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc44:2.1.5	Mātugāmo nāma
pli-tv-bu-vb-pc44:2.1.6	manussitthī, na yakkhī na petī na tiracchānagatā, antamaso tadahujātāpi dārikā, pageva mahattarī.
pli-tv-bu-vb-pc44:2.1.7	Saddhinti
pli-tv-bu-vb-pc44:2.1.8	ekato.
pli-tv-bu-vb-pc44:2.1.9	Raho nāma
pli-tv-bu-vb-pc44:2.1.10	cakkhussa raho sotassa raho.
pli-tv-bu-vb-pc44:2.1.11	Cakkhussa raho nāma
pli-tv-bu-vb-pc44:2.1.12	na sakkā hoti akkhiṁ vā nikhaṇīyamāne bhamukaṁ vā ukkhipīyamāne sīsaṁ vā ukkhipīyamāne passituṁ.
pli-tv-bu-vb-pc44:2.1.13	Sotassa raho nāma
pli-tv-bu-vb-pc44:2.1.14	na sakkā hoti pakatikathā sotuṁ.
pli-tv-bu-vb-pc44:2.1.15	Paṭicchannaṁ nāma āsanaṁ
pli-tv-bu-vb-pc44:2.1.16	kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā, yena kenaci paṭicchannaṁ hoti.
pli-tv-bu-vb-pc44:2.1.17	Nisajjaṁ kappeyyāti
pli-tv-bu-vb-pc44:2.1.18	mātugāme nisinne bhikkhu upanisinno vā hoti upanipanno vā, āpatti pācittiyassa.
pli-tv-bu-vb-pc44:2.1.19	Bhikkhu nisinne mātugāmo upanisinno vā hoti upanipanno vā, āpatti pācittiyassa.
pli-tv-bu-vb-pc44:2.1.20	Ubho vā nisinnā honti ubho vā nipannā, āpatti pācittiyassa.
pli-tv-bu-vb-pc44:2.2.0	
pli-tv-bu-vb-pc44:2.2.1	Mātugāme mātugāmasaññī raho paṭicchanne āsane nisajjaṁ kappeti, āpatti pācittiyassa.
pli-tv-bu-vb-pc44:2.2.2	Mātugāme vematiko raho paṭicchanne āsane nisajjaṁ kappeti, āpatti pācittiyassa.
pli-tv-bu-vb-pc44:2.2.3	Mātugāme amātugāmasaññī raho paṭicchanne āsane nisajjaṁ kappeti, āpatti pācittiyassa.
pli-tv-bu-vb-pc44:2.2.4	Yakkhiyā vā petiyā vā paṇḍakena vā tiracchānagatāya vā manussaviggahitthiyā vā saddhiṁ raho paṭicchanne āsane nisajjaṁ kappeti, āpatti dukkaṭassa.
pli-tv-bu-vb-pc44:2.2.5	Amātugāme mātugāmasaññī, āpatti dukkaṭassa.
pli-tv-bu-vb-pc44:2.2.6	Amātugāme vematiko, āpatti dukkaṭassa.
pli-tv-bu-vb-pc44:2.2.7	Amātugāme amātugāmasaññī, anāpatti.
pli-tv-bu-vb-pc44:2.3.0	
pli-tv-bu-vb-pc44:2.3.1	Anāpatti—
pli-tv-bu-vb-pc44:2.3.2	yo koci viññū puriso dutiyo hoti,
pli-tv-bu-vb-pc44:2.3.3	tiṭṭhati na nisīdati,
pli-tv-bu-vb-pc44:2.3.4	arahopekkho,
pli-tv-bu-vb-pc44:2.3.5	aññavihito nisīdati,
pli-tv-bu-vb-pc44:2.3.6	ummattakassa,
pli-tv-bu-vb-pc44:2.3.7	ādikammikassāti.
pli-tv-bu-vb-pc44:2.3.8	Rahopaṭicchannasikkhāpadaṁ niṭṭhitaṁ catutthaṁ.
pli-tv-bu-vb-pc45:0.1	Theravāda Vinaya
pli-tv-bu-vb-pc45:0.2	Mahāvibhaṅga
pli-tv-bu-vb-pc45:0.3	Pācittiyakaṇḍa
pli-tv-bu-vb-pc45:0.4	Acelakavagga
pli-tv-bu-vb-pc45:0.5	45. Rahonisajjasikkhāpada
pli-tv-bu-vb-pc45:1.0	
pli-tv-bu-vb-pc45:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc45:1.2	Tena kho pana samayena āyasmā upanando sakyaputto sahāyakassa gharaṁ gantvā tassa pajāpatiyā saddhiṁ eko ekāya raho nisajjaṁ kappesi.
pli-tv-bu-vb-pc45:1.3	Atha kho so puriso ujjhāyati khiyyati vipāceti—
pli-tv-bu-vb-pc45:1.4	“kathañhi nāma ayyo upanando mayhaṁ pajāpatiyā saddhiṁ eko ekāya raho nisajjaṁ kappessatī”ti.
pli-tv-bu-vb-pc45:1.5	Assosuṁ kho bhikkhū tassa purisassa ujjhāyantassa khiyyantassa vipācentassa.
pli-tv-bu-vb-pc45:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc45:1.7	“kathañhi nāma āyasmā upanando sakyaputto mātugāmena saddhiṁ eko ekāya raho nisajjaṁ kappessatī”ti …pe…
pli-tv-bu-vb-pc45:1.8	“saccaṁ kira tvaṁ, upananda, mātugāmena saddhiṁ eko ekāya raho nisajjaṁ kappesī”ti?
pli-tv-bu-vb-pc45:1.9	“Saccaṁ, bhagavā”ti.
pli-tv-bu-vb-pc45:1.10	Vigarahi buddho bhagavā …pe…
pli-tv-bu-vb-pc45:1.11	kathañhi nāma tvaṁ, moghapurisa, mātugāmena saddhiṁ eko ekāya raho nisajjaṁ kappessasi.
pli-tv-bu-vb-pc45:1.12	Netaṁ, moghapurisa, appasannānaṁ vā pāsādāya …pe…
pli-tv-bu-vb-pc45:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc45:1.14.0	
pli-tv-bu-vb-pc45:1.14.1	“Yo pana bhikkhu mātugāmena saddhiṁ eko ekāya raho nisajjaṁ kappeyya, pācittiyan”ti.
pli-tv-bu-vb-pc45:2.1.0	
pli-tv-bu-vb-pc45:2.1.1	Yo panāti
pli-tv-bu-vb-pc45:2.1.2	yo yādiso …pe…
pli-tv-bu-vb-pc45:2.1.3	bhikkhūti
pli-tv-bu-vb-pc45:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc45:2.1.5	Mātugāmo nāma
pli-tv-bu-vb-pc45:2.1.6	manussitthī, na yakkhī na petī na tiracchānagatā, viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.
pli-tv-bu-vb-pc45:2.1.7	Saddhinti
pli-tv-bu-vb-pc45:2.1.8	ekato.
pli-tv-bu-vb-pc45:2.1.9	Eko ekāyāti
pli-tv-bu-vb-pc45:2.1.10	bhikkhu ceva hoti mātugāmo ca.
pli-tv-bu-vb-pc45:2.1.11	Raho nāma
pli-tv-bu-vb-pc45:2.1.12	cakkhussa raho, sotassa raho.
pli-tv-bu-vb-pc45:2.1.13	Cakkhussa raho nāma
pli-tv-bu-vb-pc45:2.1.14	na sakkā hoti akkhiṁ vā nikhaṇīyamāne bhamukaṁ vā ukkhipīyamāne sīsaṁ vā ukkhipīyamāne passituṁ.
pli-tv-bu-vb-pc45:2.1.15	Sotassa raho nāma
pli-tv-bu-vb-pc45:2.1.16	na sakkā hoti pakatikathā sotuṁ.
pli-tv-bu-vb-pc45:2.1.17	Nisajjaṁ kappeyyāti
pli-tv-bu-vb-pc45:2.1.18	mātugāme nisinne bhikkhu upanisinno vā hoti upanipanno vā, āpatti pācittiyassa.
pli-tv-bu-vb-pc45:2.1.19	Bhikkhu nisinne mātugāmo upanisinno vā hoti upanipanno vā, āpatti pācittiyassa.
pli-tv-bu-vb-pc45:2.1.20	Ubho vā nisinnā honti ubho vā nipannā, āpatti pācittiyassa.
pli-tv-bu-vb-pc45:2.2.0	
pli-tv-bu-vb-pc45:2.2.1	Mātugāme mātugāmasaññī eko ekāya raho nisajjaṁ kappeti, āpatti pācittiyassa.
pli-tv-bu-vb-pc45:2.2.2	Mātugāme vematiko eko ekāya raho nisajjaṁ kappeti, āpatti pācittiyassa.
pli-tv-bu-vb-pc45:2.2.3	Mātugāme amātugāmasaññī eko ekāya raho nisajjaṁ kappeti, āpatti pācittiyassa.
pli-tv-bu-vb-pc45:2.2.4	Yakkhiyā vā petiyā vā paṇḍakena vā tiracchānagatamanussaviggahitthiyā vā saddhiṁ eko ekāya raho nisajjaṁ kappeti, āpatti dukkaṭassa.
pli-tv-bu-vb-pc45:2.2.5	Amātugāme mātugāmasaññī, āpatti dukkaṭassa.
pli-tv-bu-vb-pc45:2.2.6	Amātugāme vematiko, āpatti dukkaṭassa.
pli-tv-bu-vb-pc45:2.2.7	Amātugāme amātugāmasaññī, anāpatti.
pli-tv-bu-vb-pc45:2.3.0	
pli-tv-bu-vb-pc45:2.3.1	Anāpatti—
pli-tv-bu-vb-pc45:2.3.2	yo koci viññū puriso dutiyo hoti,
pli-tv-bu-vb-pc45:2.3.3	tiṭṭhati na nisīdati,
pli-tv-bu-vb-pc45:2.3.4	arahopekkho
pli-tv-bu-vb-pc45:2.3.5	aññavihito nisīdati,
pli-tv-bu-vb-pc45:2.3.6	ummattakassa,
pli-tv-bu-vb-pc45:2.3.7	ādikammikassāti.
pli-tv-bu-vb-pc45:2.3.8	Rahonisajjasikkhāpadaṁ niṭṭhitaṁ pañcamaṁ.
pli-tv-bu-vb-pc46:0.1	Theravāda Vinaya
pli-tv-bu-vb-pc46:0.2	Mahāvibhaṅga
pli-tv-bu-vb-pc46:0.3	Pācittiyakaṇḍa
pli-tv-bu-vb-pc46:0.4	Acelakavagga
pli-tv-bu-vb-pc46:0.5	46. Cārittasikkhāpada
pli-tv-bu-vb-pc46:1.0.1	
pli-tv-bu-vb-pc46:1.0.2	
pli-tv-bu-vb-pc46:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc46:1.2	Tena kho pana samayena āyasmato upanandassa sakyaputtassa upaṭṭhākakulaṁ āyasmantaṁ upanandaṁ sakyaputtaṁ bhattena nimantesi.
pli-tv-bu-vb-pc46:1.3	Aññepi bhikkhū bhattena nimantesi.
pli-tv-bu-vb-pc46:1.4	Tena kho pana samayena āyasmā upanando sakyaputto purebhattaṁ, kulāni payirupāsati.
pli-tv-bu-vb-pc46:1.5	Atha kho te bhikkhū te manusse etadavocuṁ—
pli-tv-bu-vb-pc46:1.6	“dethāvuso, bhattan”ti.
pli-tv-bu-vb-pc46:1.7	“Āgametha, bhante, yāvāyyo upanando āgacchatī”ti.
pli-tv-bu-vb-pc46:1.8	Dutiyampi kho te bhikkhū …pe…
pli-tv-bu-vb-pc46:1.9	tatiyampi kho te bhikkhū te manusse etadavocuṁ—
pli-tv-bu-vb-pc46:1.10	“dethāvuso, bhattaṁ; pure kālo atikkamatī”ti.
pli-tv-bu-vb-pc46:1.11	“Yampi mayaṁ, bhante, bhattaṁ karimhā ayyassa upanandassa kāraṇā.
pli-tv-bu-vb-pc46:1.12	Āgametha, bhante, yāvāyyo upanando āgacchatī”ti.
pli-tv-bu-vb-pc46:1.13	Atha kho āyasmā upanando sakyaputto purebhattaṁ kulāni payirupāsitvā divā āgacchati.
pli-tv-bu-vb-pc46:1.14	Bhikkhū na cittarūpaṁ bhuñjiṁsu.
pli-tv-bu-vb-pc46:1.15	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc46:1.16	“kathañhi nāma āyasmā upanando sakyaputto nimantito sabhatto samāno purebhattaṁ kulesu cārittaṁ āpajjissatī”ti …pe…
pli-tv-bu-vb-pc46:1.17	“saccaṁ kira tvaṁ, upananda, nimantito sabhatto samāno purebhattaṁ kulesu cārittaṁ āpajjasī”ti?
pli-tv-bu-vb-pc46:1.18	“Saccaṁ, bhagavā”ti.
pli-tv-bu-vb-pc46:1.19	Vigarahi buddho bhagavā …pe…
pli-tv-bu-vb-pc46:1.20	kathañhi nāma tvaṁ, moghapurisa, nimantito sabhatto samāno purebhattaṁ kulesu cārittaṁ āpajjissasi.
pli-tv-bu-vb-pc46:1.21	Netaṁ, moghapurisa, appasannānaṁ vā pasādāya …pe…
pli-tv-bu-vb-pc46:1.22	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc46:1.23.0	
pli-tv-bu-vb-pc46:1.23.1	“Yo pana bhikkhu nimantito sabhatto samāno purebhattaṁ kulesu cārittaṁ āpajjeyya, pācittiyan”ti.
pli-tv-bu-vb-pc46:1.24	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc46:2.0	
pli-tv-bu-vb-pc46:2.1	Tena kho pana samayena āyasmato upanandassa sakyaputtassa upaṭṭhākakulaṁ saṅghassatthāya khādanīyaṁ pāhesi—
pli-tv-bu-vb-pc46:2.2	“ayyassa upanandassa dassetvā saṅghassa dātabban”ti.
pli-tv-bu-vb-pc46:2.3	Tena kho pana samayena āyasmā upanando sakyaputto gāmaṁ piṇḍāya paviṭṭho hoti.
pli-tv-bu-vb-pc46:2.4	Atha kho te manussā ārāmaṁ gantvā bhikkhū pucchiṁsu—
pli-tv-bu-vb-pc46:2.5	“kahaṁ, bhante, ayyo upanando”ti?
pli-tv-bu-vb-pc46:2.6	“Esāvuso, āyasmā upanando sakyaputto gāmaṁ piṇḍāya paviṭṭho”ti.
pli-tv-bu-vb-pc46:2.7	“Idaṁ, bhante, khādanīyaṁ ayyassa upanandassa dassetvā saṅghassa dātabban”ti.
pli-tv-bu-vb-pc46:2.8	Bhagavato etamatthaṁ ārocesuṁ.
pli-tv-bu-vb-pc46:2.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc46:2.10	“tena hi, bhikkhave, paṭiggahetvā nikkhipatha yāva upanando āgacchatī”ti.
pli-tv-bu-vb-pc46:2.11	Atha kho āyasmā upanando sakyaputto—“bhagavatā paṭikkhittaṁ purebhattaṁ kulesu cārittaṁ āpajjitun”ti pacchābhattaṁ kulāni payirupāsitvā divā paṭikkami, khādanīyaṁ ussāriyittha.
pli-tv-bu-vb-pc46:2.12	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc46:2.13	“kathañhi nāma āyasmā upanando sakyaputto pacchābhattaṁ kulesu cārittaṁ āpajjissatī”ti …pe…
pli-tv-bu-vb-pc46:2.14	“saccaṁ kira tvaṁ, upananda, pacchābhattaṁ kulesu cārittaṁ āpajjasī”ti?
pli-tv-bu-vb-pc46:2.15	“Saccaṁ, bhagavā”ti.
pli-tv-bu-vb-pc46:2.16	Vigarahi buddho bhagavā …pe…
pli-tv-bu-vb-pc46:2.17	kathañhi nāma tvaṁ, moghapurisa, pacchābhattaṁ kulesu cārittaṁ āpajjissasi.
pli-tv-bu-vb-pc46:2.18	Netaṁ, moghapurisa, appasannānaṁ vā pasādāya …pe…
pli-tv-bu-vb-pc46:2.19	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc46:2.20.0	
pli-tv-bu-vb-pc46:2.20.1	“Yo pana bhikkhu nimantito sabhatto samāno purebhattaṁ vā pacchābhattaṁ vā kulesu cārittaṁ āpajjeyya, pācittiyan”ti.
pli-tv-bu-vb-pc46:2.21	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc46:3.0	
pli-tv-bu-vb-pc46:3.1	Tena kho pana samayena bhikkhū cīvaradānasamaye kukkuccāyantā kulāni na payirupāsanti.
pli-tv-bu-vb-pc46:3.2	Cīvaraṁ parittaṁ uppajjati.
pli-tv-bu-vb-pc46:3.3	Bhagavato etamatthaṁ ārocesuṁ …pe…
pli-tv-bu-vb-pc46:3.4	anujānāmi, bhikkhave, cīvaradānasamaye kulāni payirupāsituṁ.
pli-tv-bu-vb-pc46:3.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc46:3.6.0	
pli-tv-bu-vb-pc46:3.6.1	“Yo pana bhikkhu nimantito sabhatto samāno purebhattaṁ vā pacchābhattaṁ vā kulesu cārittaṁ āpajjeyya, aññatra samayā, pācittiyaṁ.
pli-tv-bu-vb-pc46:3.7	Tatthāyaṁ samayo. Cīvaradānasamayo—ayaṁ tattha samayo”ti.
pli-tv-bu-vb-pc46:3.8	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc46:4.0	
pli-tv-bu-vb-pc46:4.1	Tena kho pana samayena bhikkhū cīvarakammaṁ karonti, attho ca hoti sūciyāpi suttenapi satthakenapi.
pli-tv-bu-vb-pc46:4.2	Bhikkhū kukkuccāyantā kulāni na payirupāsanti.
pli-tv-bu-vb-pc46:4.3	Bhagavato etamatthaṁ ārocesuṁ …pe…
pli-tv-bu-vb-pc46:4.4	anujānāmi, bhikkhave, cīvarakārasamaye kulāni payirupāsituṁ.
pli-tv-bu-vb-pc46:4.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc46:4.6.0	
pli-tv-bu-vb-pc46:4.6.1	“Yo pana bhikkhu nimantito sabhatto samāno purebhattaṁ vā pacchābhattaṁ vā kulesu cārittaṁ āpajjeyya, aññatra samayā, pācittiyaṁ.
pli-tv-bu-vb-pc46:4.7	Tatthāyaṁ samayo. Cīvaradānasamayo, cīvarakārasamayo—ayaṁ tattha samayo”ti.
pli-tv-bu-vb-pc46:4.8	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc46:5.0	
pli-tv-bu-vb-pc46:5.1	Tena kho pana samayena bhikkhū gilānā honti, attho ca hoti bhesajjehi.
pli-tv-bu-vb-pc46:5.2	Bhikkhū kukkuccāyantā kulāni na payirupāsanti.
pli-tv-bu-vb-pc46:5.3	Bhagavato etamatthaṁ ārocesuṁ …pe…
pli-tv-bu-vb-pc46:5.4	anujānāmi, bhikkhave, santaṁ bhikkhuṁ āpucchā kulāni payirupāsituṁ.
pli-tv-bu-vb-pc46:5.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc46:5.6.0	
pli-tv-bu-vb-pc46:5.6.1	“Yo pana bhikkhu nimantito sabhatto samāno santaṁ bhikkhuṁ anāpucchā purebhattaṁ vā pacchābhattaṁ vā kulesu cārittaṁ āpajjeyya, aññatra samayā, pācittiyaṁ.
pli-tv-bu-vb-pc46:5.7	Tatthāyaṁ samayo. Cīvaradānasamayo, cīvarakārasamayo—ayaṁ tattha samayo”ti.
pli-tv-bu-vb-pc46:6.1.0	
pli-tv-bu-vb-pc46:6.1.1	Yo panāti
pli-tv-bu-vb-pc46:6.1.2	yo yādiso …pe…
pli-tv-bu-vb-pc46:6.1.3	bhikkhūti
pli-tv-bu-vb-pc46:6.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc46:6.1.5	Nimantito nāma
pli-tv-bu-vb-pc46:6.1.6	pañcannaṁ bhojanānaṁ aññatarena bhojanena nimantito.
pli-tv-bu-vb-pc46:6.1.7	Sabhatto nāma
pli-tv-bu-vb-pc46:6.1.8	yena nimantito tena sabhatto.
pli-tv-bu-vb-pc46:6.1.9	Santaṁ nāma bhikkhuṁ
pli-tv-bu-vb-pc46:6.1.10	sakkā hoti āpucchā pavisituṁ.
pli-tv-bu-vb-pc46:6.1.11	Asantaṁ nāma bhikkhuṁ
pli-tv-bu-vb-pc46:6.1.12	na sakkā hoti āpucchā pavisituṁ.
pli-tv-bu-vb-pc46:6.1.13	Purebhattaṁ nāma
pli-tv-bu-vb-pc46:6.1.14	yena nimantito taṁ abhuttāvī.
pli-tv-bu-vb-pc46:6.1.15	Pacchābhattaṁ nāma
pli-tv-bu-vb-pc46:6.1.16	yena nimantito taṁ antamaso kusaggenapi bhuttaṁ hoti.
pli-tv-bu-vb-pc46:6.1.17	Kulaṁ nāma
pli-tv-bu-vb-pc46:6.1.18	cattāri kulāni— khattiyakulaṁ, brāhmaṇakulaṁ, vessakulaṁ, suddakulaṁ.
pli-tv-bu-vb-pc46:6.1.19	Kulesu cārittaṁ āpajjeyyāti
pli-tv-bu-vb-pc46:6.1.20	aññassa gharūpacāraṁ okkamantassa āpatti dukkaṭassa.
pli-tv-bu-vb-pc46:6.1.21	Paṭhamaṁ pādaṁ ummāraṁ atikkāmeti, āpatti dukkaṭassa.
pli-tv-bu-vb-pc46:6.1.22	Dutiyaṁ pādaṁ atikkāmeti, āpatti pācittiyassa.
pli-tv-bu-vb-pc46:6.1.23	Aññatra samayāti
pli-tv-bu-vb-pc46:6.1.24	ṭhapetvā samayaṁ.
pli-tv-bu-vb-pc46:6.1.25	Cīvaradānasamayo nāma
pli-tv-bu-vb-pc46:6.1.26	anatthate kathine vassānassa pacchimo māso, atthate kathine pañca māsā.
pli-tv-bu-vb-pc46:6.1.27	Cīvarakārasamayo nāma
pli-tv-bu-vb-pc46:6.1.28	cīvare kayiramāne.
pli-tv-bu-vb-pc46:6.2.0	
pli-tv-bu-vb-pc46:6.2.1	Nimantite nimantitasaññī santaṁ bhikkhuṁ anāpucchā purebhattaṁ vā pacchābhattaṁ vā kulesu cārittaṁ āpajjati, aññatra samayā, āpatti pācittiyassa.
pli-tv-bu-vb-pc46:6.2.2	Nimantite vematiko santaṁ bhikkhuṁ anāpucchā purebhattaṁ vā pacchābhattaṁ vā kulesu cārittaṁ āpajjati, aññatra samayā, āpatti pācittiyassa.
pli-tv-bu-vb-pc46:6.2.3	Nimantite animantitasaññī santaṁ bhikkhuṁ anāpucchā purebhattaṁ vā pacchābhattaṁ vā kulesu cārittaṁ āpajjati, aññatra samayā, āpatti pācittiyassa.
pli-tv-bu-vb-pc46:6.2.4	Animantite nimantitasaññī, āpatti dukkaṭassa.
pli-tv-bu-vb-pc46:6.2.5	Animantite vematiko, āpatti dukkaṭassa.
pli-tv-bu-vb-pc46:6.2.6	Animantite animantitasaññī, anāpatti.
pli-tv-bu-vb-pc46:6.3.0	
pli-tv-bu-vb-pc46:6.3.1	Anāpatti—
pli-tv-bu-vb-pc46:6.3.2	samaye,
pli-tv-bu-vb-pc46:6.3.3	santaṁ bhikkhuṁ āpucchā pavisati,
pli-tv-bu-vb-pc46:6.3.4	asantaṁ bhikkhuṁ anāpucchā pavisati,
pli-tv-bu-vb-pc46:6.3.5	aññassa gharena maggo hoti,
pli-tv-bu-vb-pc46:6.3.6	gharūpacārena maggo hoti,
pli-tv-bu-vb-pc46:6.3.7	antarārāmaṁ gacchati,
pli-tv-bu-vb-pc46:6.3.8	bhikkhunupassayaṁ gacchati,
pli-tv-bu-vb-pc46:6.3.9	titthiyaseyyaṁ gacchati,
pli-tv-bu-vb-pc46:6.3.10	paṭikkamanaṁ gacchati,
pli-tv-bu-vb-pc46:6.3.11	bhattiyagharaṁ gacchati,
pli-tv-bu-vb-pc46:6.3.12	āpadāsu,
pli-tv-bu-vb-pc46:6.3.13	ummattakassa,
pli-tv-bu-vb-pc46:6.3.14	ādikammikassāti.
pli-tv-bu-vb-pc46:6.3.15	Cārittasikkhāpadaṁ niṭṭhitaṁ chaṭṭhaṁ.
pli-tv-bu-vb-pc47:0.1	Theravāda Vinaya
pli-tv-bu-vb-pc47:0.2	Mahāvibhaṅga
pli-tv-bu-vb-pc47:0.3	Pācittiyakaṇḍa
pli-tv-bu-vb-pc47:0.4	Acelakavagga
pli-tv-bu-vb-pc47:0.5	47. Mahānāmasikkhāpada
pli-tv-bu-vb-pc47:1.1.0	
pli-tv-bu-vb-pc47:1.1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bu-vb-pc47:1.1.2	Tena kho pana samayena mahānāmassa sakkassa bhesajjaṁ ussannaṁ hoti.
pli-tv-bu-vb-pc47:1.1.3	Atha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca—
pli-tv-bu-vb-pc47:1.1.4	“icchāmahaṁ, bhante, saṅghaṁ catumāsaṁ bhesajjena pavāretun”ti.
pli-tv-bu-vb-pc47:1.1.5	“Sādhu sādhu, mahānāma.
pli-tv-bu-vb-pc47:1.1.6	Tena hi tvaṁ, mahānāma, saṅghaṁ catumāsaṁ bhesajjena pavārehī”ti.
pli-tv-bu-vb-pc47:1.1.7	Bhikkhū kukkuccāyantā nādhivāsenti.
pli-tv-bu-vb-pc47:1.1.8	Bhagavato etamatthaṁ ārocesuṁ …pe…
pli-tv-bu-vb-pc47:1.1.9	anujānāmi, bhikkhave, catumāsaṁ bhesajjappaccayapavāraṇaṁ sāditun”ti.
pli-tv-bu-vb-pc47:1.2.1	Tena kho pana samayena bhikkhū mahānāmaṁ sakkaṁ parittaṁ bhesajjaṁ viññāpenti. Tatheva mahānāmassa sakkassa bhesajjaṁ ussannaṁ hoti.
pli-tv-bu-vb-pc47:1.2.2	Dutiyampi kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca—
pli-tv-bu-vb-pc47:1.2.3	“icchāmahaṁ, bhante, saṅghaṁ aparampi catumāsaṁ bhesajjena pavāretun”ti.
pli-tv-bu-vb-pc47:1.2.4	“Sādhu sādhu, mahānāma.
pli-tv-bu-vb-pc47:1.2.5	Tena hi tvaṁ, mahānāma, saṅghaṁ aparampi catumāsaṁ bhesajjena pavārehī”ti.
pli-tv-bu-vb-pc47:1.2.6	Bhikkhū kukkuccāyantā nādhivāsenti.
pli-tv-bu-vb-pc47:1.2.7	Bhagavato etamatthaṁ ārocesuṁ …pe…
pli-tv-bu-vb-pc47:1.2.8	anujānāmi, bhikkhave, puna pavāraṇampi sāditun”ti.
pli-tv-bu-vb-pc47:1.3.1	Tena kho pana samayena bhikkhū mahānāmaṁ sakkaṁ parittaṁyeva bhesajjaṁ viññāpenti. Tatheva mahānāmassa sakkassa bhesajjaṁ ussannaṁ hoti.
pli-tv-bu-vb-pc47:1.3.2	Tatiyampi kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca—
pli-tv-bu-vb-pc47:1.3.3	“icchāmahaṁ, bhante, saṅghaṁ yāvajīvaṁ bhesajjena pavāretun”ti.
pli-tv-bu-vb-pc47:1.3.4	“Sādhu sādhu, mahānāma.
pli-tv-bu-vb-pc47:1.3.5	Tena hi tvaṁ, mahānāma, saṅghaṁ yāvajīvaṁ bhesajjena pavārehī”ti.
pli-tv-bu-vb-pc47:1.3.6	Bhikkhū kukkuccāyantā nādhivāsenti.
pli-tv-bu-vb-pc47:1.3.7	Bhagavato etamatthaṁ ārocesuṁ …pe…
pli-tv-bu-vb-pc47:1.3.8	anujānāmi, bhikkhave, niccapavāraṇampi sāditun”ti.
pli-tv-bu-vb-pc47:1.4.1	Tena kho pana samayena chabbaggiyā bhikkhū dunnivatthā honti duppārutā anākappasampannā.
pli-tv-bu-vb-pc47:1.4.2	Mahānāmo sakko vattā hoti—“kissa tumhe, bhante, dunnivatthā duppārutā anākappasampannā?
pli-tv-bu-vb-pc47:1.4.3	Nanu nāma pabbajitena sunivatthena bhavitabbaṁ supārutena ākappasampannenā”ti?
pli-tv-bu-vb-pc47:1.4.4	Chabbaggiyā bhikkhū mahānāme sakke upanandhiṁsu.
pli-tv-bu-vb-pc47:1.4.5	Atha kho chabbaggiyānaṁ bhikkhūnaṁ etadahosi—“kena nu kho mayaṁ upāyena mahānāmaṁ sakkaṁ maṅkuṁ kareyyāmā”ti? Atha kho chabbaggiyānaṁ bhikkhūnaṁ etadahosi—
pli-tv-bu-vb-pc47:1.4.6	“mahānāmena kho, āvuso, sakkena saṅgho bhesajjena pavārito. Handa mayaṁ, āvuso, mahānāmaṁ sakkaṁ sappiṁ viññāpemā”ti.
pli-tv-bu-vb-pc47:1.4.7	Atha kho chabbaggiyā bhikkhū yena mahānāmo sakko tenupasaṅkamiṁsu; upasaṅkamitvā mahānāmaṁ sakkaṁ etadavocuṁ—“doṇena, āvuso, sappinā attho”ti.
pli-tv-bu-vb-pc47:1.4.8	“Ajjaṇho, bhante, āgametha.
pli-tv-bu-vb-pc47:1.4.9	Manussā vajaṁ gatā sappiṁ āharituṁ.
pli-tv-bu-vb-pc47:1.4.10	Kālaṁ āharissathā”ti.
pli-tv-bu-vb-pc47:1.4.11	Dutiyampi kho …pe…
pli-tv-bu-vb-pc47:1.4.12	tatiyampi kho chabbaggiyā bhikkhū mahānāmaṁ sakkaṁ etadavocuṁ—“doṇena, āvuso, sappinā attho”ti.
pli-tv-bu-vb-pc47:1.4.13	“Ajjaṇho, bhante, āgametha.
pli-tv-bu-vb-pc47:1.4.14	Manussā vajaṁ gatā sappiṁ āharituṁ.
pli-tv-bu-vb-pc47:1.4.15	Kālaṁ āharissathā”ti.
pli-tv-bu-vb-pc47:1.4.16	“Kiṁ pana tayā, āvuso, adātukāmena pavāritena, yaṁ tvaṁ pavāretvā na desī”ti.
pli-tv-bu-vb-pc47:1.4.17	Atha kho mahānāmo sakko ujjhāyati khiyyati vipāceti—“kathañhi nāma bhadantā—‘ajjaṇho, bhante, āgamethā’ti vuccamānā nāgamessantī”ti.
pli-tv-bu-vb-pc47:1.4.18	Assosuṁ kho bhikkhū mahānāmassa sakkassa ujjhāyantassa khiyyantassa vipācentassa.
pli-tv-bu-vb-pc47:1.4.19	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc47:1.4.20	“kathañhi nāma chabbaggiyā bhikkhū mahānāmena sakkena—‘ajjaṇho, bhante, āgamethā’ti vuccamānā nāgamessantī”ti …pe…
pli-tv-bu-vb-pc47:1.4.21	“saccaṁ kira tumhe, bhikkhave, mahānāmena sakkena—‘ajjaṇho, bhante, āgamethā’ti vuccamānā nāgamethā”ti?
pli-tv-bu-vb-pc47:1.4.22	“Saccaṁ, bhagavā”ti.
pli-tv-bu-vb-pc47:1.4.23	Vigarahi buddho bhagavā …pe…
pli-tv-bu-vb-pc47:1.4.24	kathañhi nāma tumhe, moghapurisā, mahānāmena sakkena—“ajjaṇho, bhante, āgamethā”ti vuccamānā nāgamessatha.
pli-tv-bu-vb-pc47:1.4.25	Netaṁ, moghapurisā, appasannānaṁ vā pasādāya …pe…
pli-tv-bu-vb-pc47:1.4.26	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc47:1.4.27.0	
pli-tv-bu-vb-pc47:1.4.27.1	“Agilānena bhikkhunā catumāsappaccayapavāraṇā sāditabbā, aññatra punapavāraṇāya, aññatra niccapavāraṇāya; tato ce uttari sādiyeyya, pācittiyan”ti.
pli-tv-bu-vb-pc47:2.1.0	
pli-tv-bu-vb-pc47:2.1.1	Agilānena bhikkhunā catumāsappaccayapavāraṇā sāditabbāti
pli-tv-bu-vb-pc47:2.1.2	gilānappaccayapavāraṇā sāditabbā.
pli-tv-bu-vb-pc47:2.1.3	Punapavāraṇāpi sāditabbāti
pli-tv-bu-vb-pc47:2.1.4	yadā gilāno bhavissāmi tadā viññāpessāmīti.
pli-tv-bu-vb-pc47:2.1.5	Niccapavāraṇāpi sāditabbāti
pli-tv-bu-vb-pc47:2.1.6	yadā gilāno bhavissāmi tadā viññāpessāmīti.
pli-tv-bu-vb-pc47:2.1.7	Tato ce uttari sādiyeyyāti
pli-tv-bu-vb-pc47:2.1.8	atthi pavāraṇā bhesajjapariyantā na rattipariyantā,
pli-tv-bu-vb-pc47:2.1.9	atthi pavāraṇā rattipariyantā na bhesajjapariyantā,
pli-tv-bu-vb-pc47:2.1.10	atthi pavāraṇā bhesajjapariyantā ca rattipariyantā ca,
pli-tv-bu-vb-pc47:2.1.11	atthi pavāraṇā neva bhesajjapariyantā na rattipariyantā.
pli-tv-bu-vb-pc47:2.1.12	Bhesajjapariyantā nāma
pli-tv-bu-vb-pc47:2.1.13	bhesajjāni pariggahitāni honti—“ettakehi bhesajjehi pavāremī”ti.
pli-tv-bu-vb-pc47:2.1.14	Rattipariyantā nāma
pli-tv-bu-vb-pc47:2.1.15	rattiyo pariggahitāyo honti—“ettakāsu rattīsu pavāremī”ti.
pli-tv-bu-vb-pc47:2.1.16	Bhesajjapariyantā ca rattipariyantā ca nāma
pli-tv-bu-vb-pc47:2.1.17	bhesajjāni ca pariggahitāni honti rattiyo ca pariggahitāyo honti—“ettakehi bhesajjehi ettakāsu rattīsu pavāremī”ti.
pli-tv-bu-vb-pc47:2.1.18	Neva bhesajjapariyantā na rattipariyantā nāma
pli-tv-bu-vb-pc47:2.1.19	bhesajjāni ca apariggahitāni honti rattiyo ca apariggahitāyo honti.
pli-tv-bu-vb-pc47:2.1.20	Bhesajjapariyante—yehi bhesajjehi pavārito hoti tāni bhesajjāni ṭhapetvā aññāni bhesajjāni viññāpeti, āpatti pācittiyassa.
pli-tv-bu-vb-pc47:2.1.21	Rattipariyante—yāsu rattīsu pavārito hoti, tā rattiyo ṭhapetvā aññāsu rattīsu viññāpeti, āpatti pācittiyassa.
pli-tv-bu-vb-pc47:2.1.22	Bhesajjapariyante ca rattipariyante ca—yehi bhesajjehi pavārito hoti, tāni bhesajjāni ṭhapetvā yāsu rattīsu pavārito hoti, tā rattiyo ṭhapetvā aññāni bhesajjāni aññāsu rattīsu viññāpeti, āpatti pācittiyassa.
pli-tv-bu-vb-pc47:2.1.23	Neva bhesajjapariyante na rattipariyante, anāpatti.
pli-tv-bu-vb-pc47:2.2.1	Na bhesajjena karaṇīyena bhesajjaṁ viññāpeti, āpatti pācittiyassa.
pli-tv-bu-vb-pc47:2.2.2	Aññena bhesajjena karaṇīyena aññaṁ bhesajjaṁ viññāpeti, āpatti pācittiyassa.
pli-tv-bu-vb-pc47:2.2.3.0	
pli-tv-bu-vb-pc47:2.2.3.1	Tatuttari tatuttarisaññī bhesajjaṁ viññāpeti, āpatti pācittiyassa.
pli-tv-bu-vb-pc47:2.2.4	Tatuttari vematiko bhesajjaṁ viññāpeti, āpatti pācittiyassa.
pli-tv-bu-vb-pc47:2.2.5	Tatuttari natatuttarisaññī bhesajjaṁ viññāpeti, āpatti pācittiyassa.
pli-tv-bu-vb-pc47:2.2.6	Natatuttari tatuttarisaññī, āpatti dukkaṭassa.
pli-tv-bu-vb-pc47:2.2.7	Natatuttari vematiko, āpatti dukkaṭassa.
pli-tv-bu-vb-pc47:2.2.8	Natatuttari natatuttarisaññī, anāpatti.
pli-tv-bu-vb-pc47:2.3.0	
pli-tv-bu-vb-pc47:2.3.1	Anāpatti—
pli-tv-bu-vb-pc47:2.3.2	yehi bhesajjehi pavārito hoti tāni bhesajjāni viññāpeti,
pli-tv-bu-vb-pc47:2.3.3	yāsu rattīsu pavārito hoti tāsu rattīsu viññāpeti,
pli-tv-bu-vb-pc47:2.3.4	“imehi tayā bhesajjehi pavāritāmha, amhākañca iminā ca iminā ca bhesajjena attho”ti ācikkhitvā viññāpeti,
pli-tv-bu-vb-pc47:2.3.5	“yāsu tayā rattīsu pavāritāmha tāyo ca rattiyo vītivattā amhākañca bhesajjena attho”ti ācikkhitvā viññāpeti,
pli-tv-bu-vb-pc47:2.3.6	ñātakānaṁ
pli-tv-bu-vb-pc47:2.3.7	pavāritānaṁ,
pli-tv-bu-vb-pc47:2.3.8	aññassatthāya,
pli-tv-bu-vb-pc47:2.3.9	attano dhanena,
pli-tv-bu-vb-pc47:2.3.10	ummattakassa,
pli-tv-bu-vb-pc47:2.3.11	ādikammikassāti.
pli-tv-bu-vb-pc47:2.3.12	Mahānāmasikkhāpadaṁ niṭṭhitaṁ sattamaṁ.
pli-tv-bu-vb-pc48:0.1	Theravāda Vinaya
pli-tv-bu-vb-pc48:0.2	Mahāvibhaṅga
pli-tv-bu-vb-pc48:0.3	Pācittiyakaṇḍa
pli-tv-bu-vb-pc48:0.4	Acelakavagga
pli-tv-bu-vb-pc48:0.5	48. Uyyuttasenāsikkhāpada
pli-tv-bu-vb-pc48:1.0.1	
pli-tv-bu-vb-pc48:1.0.2	
pli-tv-bu-vb-pc48:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc48:1.2	Tena kho pana samayena rājā pasenadi kosalo senāya abbhuyyāto hoti.
pli-tv-bu-vb-pc48:1.3	Chabbaggiyā bhikkhū uyyuttaṁ senaṁ dassanāya agamaṁsu.
pli-tv-bu-vb-pc48:1.4	Addasā kho rājā pasenadi kosalo chabbaggiye bhikkhū dūratova āgacchante.
pli-tv-bu-vb-pc48:1.5	Disvāna pakkosāpetvā etadavoca—
pli-tv-bu-vb-pc48:1.6	“kissa tumhe, bhante, āgatatthā”ti?
pli-tv-bu-vb-pc48:1.7	“Mahārājānaṁ mayaṁ daṭṭhukāmā”ti.
pli-tv-bu-vb-pc48:1.8	“Kiṁ, bhante, maṁ diṭṭhena yuddhābhinandinaṁ;
pli-tv-bu-vb-pc48:1.9	nanu bhagavā passitabbo”ti?
pli-tv-bu-vb-pc48:1.10	Manussā ujjhāyanti khiyyanti vipācenti—
pli-tv-bu-vb-pc48:1.11	“kathañhi nāma samaṇā sakyaputtiyā uyyuttaṁ senaṁ dassanāya āgacchissanti.
pli-tv-bu-vb-pc48:1.12	Amhākampi alābhā, amhākampi dulladdhaṁ, ye mayaṁ ājīvassa hetu puttadārassa kāraṇā senāya āgacchāmā”ti.
pli-tv-bu-vb-pc48:1.13	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc48:1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc48:1.15	“kathañhi nāma chabbaggiyā bhikkhū uyyuttaṁ senaṁ dassanāya gacchissantī”ti …pe…
pli-tv-bu-vb-pc48:1.16	“saccaṁ kira tumhe, bhikkhave, uyyuttaṁ senaṁ dassanāya gacchathā”ti?
pli-tv-bu-vb-pc48:1.17	“Saccaṁ, bhagavā”ti.
pli-tv-bu-vb-pc48:1.18	Vigarahi buddho bhagavā …pe…
pli-tv-bu-vb-pc48:1.19	kathañhi nāma tumhe, moghapurisā, uyyuttaṁ senaṁ dassanāya gacchissatha.
pli-tv-bu-vb-pc48:1.20	Netaṁ, moghapurisā, appasannānaṁ vā pasādāya …pe…
pli-tv-bu-vb-pc48:1.21	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc48:1.22.0	
pli-tv-bu-vb-pc48:1.22.1	“Yo pana bhikkhu uyyuttaṁ senaṁ dassanāya gaccheyya, pācittiyan”ti.
pli-tv-bu-vb-pc48:1.23	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc48:2.0	
pli-tv-bu-vb-pc48:2.1	Tena kho pana samayena aññatarassa bhikkhuno mātulo senāya gilāno hoti.
pli-tv-bu-vb-pc48:2.2	So tassa bhikkhuno santike dūtaṁ pāhesi—
pli-tv-bu-vb-pc48:2.3	“ahañhi senāya gilāno.
pli-tv-bu-vb-pc48:2.4	Āgacchatu bhadanto.
pli-tv-bu-vb-pc48:2.5	Icchāmi bhadantassa āgatan”ti.
pli-tv-bu-vb-pc48:2.6	Atha kho tassa bhikkhuno etadahosi—“bhagavatā sikkhāpadaṁ paññattaṁ—‘na uyyuttaṁ senaṁ dassanāya gantabban’ti.
pli-tv-bu-vb-pc48:2.7	Ayañca me mātulo senāya gilāno.
pli-tv-bu-vb-pc48:2.8	Kathaṁ nu kho mayā paṭipajjitabban”ti?
pli-tv-bu-vb-pc48:2.9	Bhagavato etamatthaṁ ārocesi.
pli-tv-bu-vb-pc48:2.10	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc48:2.11	“anujānāmi, bhikkhave, tathārūpappaccayā senāya gantuṁ.
pli-tv-bu-vb-pc48:2.12	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc48:2.13.0	
pli-tv-bu-vb-pc48:2.13.1	“Yo pana bhikkhu uyyuttaṁ senaṁ dassanāya gaccheyya, aññatra tathārūpappaccayā, pācittiyan”ti.
pli-tv-bu-vb-pc48:3.1.0	
pli-tv-bu-vb-pc48:3.1.1	Yo panāti
pli-tv-bu-vb-pc48:3.1.2	yo yādiso …pe…
pli-tv-bu-vb-pc48:3.1.3	bhikkhūti
pli-tv-bu-vb-pc48:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc48:3.1.5	Uyyuttā nāma senā
pli-tv-bu-vb-pc48:3.1.6	gāmato nikkhamitvā niviṭṭhā vā hoti payātā vā.
pli-tv-bu-vb-pc48:3.1.7	Senā nāma
pli-tv-bu-vb-pc48:3.1.8	hatthī assā rathā pattī.
pli-tv-bu-vb-pc48:3.1.9	Dvādasapuriso hatthī, tipuriso asso, catupuriso ratho, cattāro purisā sarahatthā patti.
pli-tv-bu-vb-pc48:3.1.10	Dassanāya gacchati, āpatti dukkaṭassa.
pli-tv-bu-vb-pc48:3.1.11	Yattha ṭhito passati, āpatti pācittiyassa.
pli-tv-bu-vb-pc48:3.1.12	Dassanūpacāraṁ vijahitvā punappunaṁ passati, āpatti pācittiyassa.
pli-tv-bu-vb-pc48:3.1.13	Aññatra tathārūpappaccayāti
pli-tv-bu-vb-pc48:3.1.14	ṭhapetvā tathārūpappaccayaṁ.
pli-tv-bu-vb-pc48:3.2.0	
pli-tv-bu-vb-pc48:3.2.1	Uyyutte uyyuttasaññī dassanāya gacchati, aññatra tathārūpappaccayā, āpatti pācittiyassa.
pli-tv-bu-vb-pc48:3.2.2	Uyyutte vematiko dassanāya gacchati, aññatra tathārūpappaccayā, āpatti pācittiyassa.
pli-tv-bu-vb-pc48:3.2.3	Uyyutte anuyyuttasaññī dassanāya gacchati, aññatra tathārūpappaccayā, āpatti pācittiyassa.
pli-tv-bu-vb-pc48:3.2.4	Ekamekaṁ dassanāya gacchati, āpatti dukkaṭassa.
pli-tv-bu-vb-pc48:3.2.5	Yattha ṭhito passati, āpatti dukkaṭassa.
pli-tv-bu-vb-pc48:3.2.6	Dassanūpacāraṁ vijahitvā punappunaṁ passati, āpatti dukkaṭassa.
pli-tv-bu-vb-pc48:3.2.7	Anuyyutte uyyuttasaññī, āpatti dukkaṭassa.
pli-tv-bu-vb-pc48:3.2.8	Anuyyutte vematiko, āpatti dukkaṭassa.
pli-tv-bu-vb-pc48:3.2.9	Anuyyutte anuyyuttasaññī, anāpatti.
pli-tv-bu-vb-pc48:3.3.0	
pli-tv-bu-vb-pc48:3.3.1	Anāpatti—
pli-tv-bu-vb-pc48:3.3.2	ārāme ṭhito passati,
pli-tv-bu-vb-pc48:3.3.3	bhikkhussa ṭhitokāsaṁ vā nisinnokāsaṁ vā nipannokāsaṁ vā āgacchati,
pli-tv-bu-vb-pc48:3.3.4	paṭipathaṁ gacchanto passati,
pli-tv-bu-vb-pc48:3.3.5	tathārūpappaccayā,
pli-tv-bu-vb-pc48:3.3.6	āpadāsu,
pli-tv-bu-vb-pc48:3.3.7	ummattakassa,
pli-tv-bu-vb-pc48:3.3.8	ādikammikassāti.
pli-tv-bu-vb-pc48:3.3.9	Uyyuttasenāsikkhāpadaṁ niṭṭhitaṁ aṭṭhamaṁ.
pli-tv-bu-vb-pc49:0.1	Theravāda Vinaya
pli-tv-bu-vb-pc49:0.2	Mahāvibhaṅga
pli-tv-bu-vb-pc49:0.3	Pācittiyakaṇḍa
pli-tv-bu-vb-pc49:0.4	Acelakavagga
pli-tv-bu-vb-pc49:0.5	49. Senāvāsasikkhāpada
pli-tv-bu-vb-pc49:1.0	
pli-tv-bu-vb-pc49:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc49:1.2	Tena kho pana samayena chabbaggiyā bhikkhū sati karaṇīye senaṁ gantvā atirekatirattaṁ senāya vasanti.
pli-tv-bu-vb-pc49:1.3	Manussā ujjhāyanti khiyyanti vipācenti—
pli-tv-bu-vb-pc49:1.4	“kathañhi nāma samaṇā sakyaputtiyā senāya vasissanti.
pli-tv-bu-vb-pc49:1.5	Amhākampi alābhā, amhākampi dulladdhaṁ, ye mayaṁ ājīvassa hetu puttadārassa kāraṇā senāya paṭivasāmā”ti.
pli-tv-bu-vb-pc49:1.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc49:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc49:1.8	“kathañhi nāma chabbaggiyā bhikkhū atirekatirattaṁ senāya vasissantī”ti …pe…
pli-tv-bu-vb-pc49:1.9	“saccaṁ kira tumhe, bhikkhave, atirekatirattaṁ senāya vasathā”ti?
pli-tv-bu-vb-pc49:1.10	“Saccaṁ, bhagavā”ti.
pli-tv-bu-vb-pc49:1.11	Vigarahi buddho bhagavā …pe…
pli-tv-bu-vb-pc49:1.12	kathañhi nāma tumhe, moghapurisā, atirekatirattaṁ senāya vasissatha.
pli-tv-bu-vb-pc49:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc49:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc49:1.15.0	
pli-tv-bu-vb-pc49:1.15.1	“Siyā ca tassa bhikkhuno kocideva paccayo senaṁ gamanāya, dirattatirattaṁ tena bhikkhunā senāya vasitabbaṁ. Tato ce uttari vaseyya, pācittiyan”ti.
pli-tv-bu-vb-pc49:2.1.0	
pli-tv-bu-vb-pc49:2.1.1	Siyā ca tassa bhikkhuno kocideva paccayo senaṁ gamanāyāti
pli-tv-bu-vb-pc49:2.1.2	siyā paccayo siyā karaṇīyaṁ.
pli-tv-bu-vb-pc49:2.1.3	Dirattatirattaṁ tena bhikkhunā senāya vasitabbanti
pli-tv-bu-vb-pc49:2.1.4	dvetisso rattiyo vasitabbaṁ.
pli-tv-bu-vb-pc49:2.1.5	Tato ce uttari vaseyyāti
pli-tv-bu-vb-pc49:2.1.6	catutthe divase atthaṅgate sūriye senāya vasati, āpatti pācittiyassa.
pli-tv-bu-vb-pc49:2.2.0	
pli-tv-bu-vb-pc49:2.2.1	Atirekatiratte atirekasaññī senāya vasati, āpatti pācittiyassa.
pli-tv-bu-vb-pc49:2.2.2	Atirekatiratte vematiko senāya vasati, āpatti pācittiyassa.
pli-tv-bu-vb-pc49:2.2.3	Atirekatiratte ūnakasaññī senāya vasati, āpatti pācittiyassa.
pli-tv-bu-vb-pc49:2.2.4	Ūnakatiratte atirekasaññī, āpatti dukkaṭassa.
pli-tv-bu-vb-pc49:2.2.5	Ūnakatiratte vematiko, āpatti dukkaṭassa.
pli-tv-bu-vb-pc49:2.2.6	Ūnakatiratte ūnakasaññī, anāpatti.
pli-tv-bu-vb-pc49:2.3.0	
pli-tv-bu-vb-pc49:2.3.1	Anāpatti—
pli-tv-bu-vb-pc49:2.3.2	dvetisso rattiyo vasati,
pli-tv-bu-vb-pc49:2.3.3	ūnakadvetisso rattiyo vasati,
pli-tv-bu-vb-pc49:2.3.4	dve rattiyo vasitvā tatiyāya rattiyā purāruṇā nikkhamitvā puna vasati,
pli-tv-bu-vb-pc49:2.3.5	gilāno vasati,
pli-tv-bu-vb-pc49:2.3.6	gilānassa karaṇīyena vasati,
pli-tv-bu-vb-pc49:2.3.7	senā vā paṭisenāya ruddhā hoti,
pli-tv-bu-vb-pc49:2.3.8	kenaci palibuddho hoti,
pli-tv-bu-vb-pc49:2.3.9	āpadāsu,
pli-tv-bu-vb-pc49:2.3.10	ummattakassa,
pli-tv-bu-vb-pc49:2.3.11	ādikammikassāti.
pli-tv-bu-vb-pc49:2.3.12	Senāvāsasikkhāpadaṁ niṭṭhitaṁ navamaṁ.
pli-tv-bu-vb-pc50:0.1	Theravāda Vinaya
pli-tv-bu-vb-pc50:0.2	Mahāvibhaṅga
pli-tv-bu-vb-pc50:0.3	Pācittiyakaṇḍa
pli-tv-bu-vb-pc50:0.4	Acelakavagga
pli-tv-bu-vb-pc50:0.5	50. Uyyodhikasikkhāpada
pli-tv-bu-vb-pc50:1.0	
pli-tv-bu-vb-pc50:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc50:1.2	Tena kho pana samayena chabbaggiyā bhikkhū dirattatirattaṁ senāya vasamānā uyyodhikampi balaggampi senābyūhampi anīkadassanampi gacchanti.
pli-tv-bu-vb-pc50:1.3	Aññataropi chabbaggiyo bhikkhu uyyodhikaṁ gantvā kaṇḍena paṭividdho hoti.
pli-tv-bu-vb-pc50:1.4	Manussā taṁ bhikkhuṁ uppaṇḍesuṁ—
pli-tv-bu-vb-pc50:1.5	“kacci, bhante, suyuddhaṁ ahosi, kati te lakkhāni laddhānī”ti?
pli-tv-bu-vb-pc50:1.6	So bhikkhu tehi manussehi uppaṇḍiyamāno maṅku ahosi.
pli-tv-bu-vb-pc50:1.7	Manussā ujjhāyanti khiyyanti vipācenti—
pli-tv-bu-vb-pc50:1.8	“kathañhi nāma samaṇā sakyaputtiyā uyyodhikaṁ dassanāya āgacchissanti.
pli-tv-bu-vb-pc50:1.9	Amhākampi alābhā, amhākampi dulladdhaṁ, ye mayaṁ ājīvassa hetu puttadārassa kāraṇā uyyodhikaṁ āgacchāmā”ti.
pli-tv-bu-vb-pc50:1.10	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc50:1.11	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc50:1.12	“kathañhi nāma chabbaggiyā bhikkhū uyyodhikaṁ dassanāya gacchissantī”ti …pe…
pli-tv-bu-vb-pc50:1.13	“saccaṁ kira tumhe, bhikkhave, uyyodhikaṁ dassanāya gacchathā”ti?
pli-tv-bu-vb-pc50:1.14	“Saccaṁ, bhagavā”ti.
pli-tv-bu-vb-pc50:1.15	Vigarahi buddho bhagavā …pe…
pli-tv-bu-vb-pc50:1.16	kathañhi nāma tumhe, moghapurisā, uyyodhikaṁ dassanāya gacchissatha.
pli-tv-bu-vb-pc50:1.17	Netaṁ, moghapurisā, appasannānaṁ vā pasādāya …pe…
pli-tv-bu-vb-pc50:1.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc50:1.19.0	
pli-tv-bu-vb-pc50:1.19.1	“Dirattatirattañce bhikkhu senāya vasamāno uyyodhikaṁ vā balaggaṁ vā senābyūhaṁ vā anīkadassanaṁ vā gaccheyya, pācittiyan”ti.
pli-tv-bu-vb-pc50:2.1.0	
pli-tv-bu-vb-pc50:2.1.1	Dirattatirattañce bhikkhu senāya vasamānoti
pli-tv-bu-vb-pc50:2.1.2	dvetisso rattiyo vasamāno.
pli-tv-bu-vb-pc50:2.1.3	Uyyodhikaṁ nāma
pli-tv-bu-vb-pc50:2.1.4	yattha sampahāro dissati.
pli-tv-bu-vb-pc50:2.1.5	Balaggaṁ nāma
pli-tv-bu-vb-pc50:2.1.6	ettakā hatthī, ettakā assā, ettakā rathā, ettakā pattī.
pli-tv-bu-vb-pc50:2.1.7	Senābyūhaṁ nāma
pli-tv-bu-vb-pc50:2.1.8	ito hatthī hontu, ito assā hontu, ito rathā hontu, ito pattikā hontu.
pli-tv-bu-vb-pc50:2.1.9	Anīkaṁ nāma
pli-tv-bu-vb-pc50:2.1.10	hatthānīkaṁ, assānīkaṁ, rathānīkaṁ, pattānīkaṁ.
pli-tv-bu-vb-pc50:2.1.11	Tayo hatthī pacchimaṁ hatthānīkaṁ, tayo assā pacchimaṁ assānīkaṁ, tayo rathā pacchimaṁ rathānīkaṁ, cattāro purisā sarahatthā pattī pacchimaṁ pattānīkaṁ.
pli-tv-bu-vb-pc50:2.1.12	Dassanāya gacchati, āpatti dukkaṭassa.
pli-tv-bu-vb-pc50:2.1.13	Yattha ṭhito passati, āpatti pācittiyassa.
pli-tv-bu-vb-pc50:2.1.14	Dassanūpacāraṁ vijahitvā punappunaṁ passati, āpatti pācittiyassa.
pli-tv-bu-vb-pc50:2.2.0	
pli-tv-bu-vb-pc50:2.2.1	Ekamekaṁ dassanāya gacchati, āpatti dukkaṭassa.
pli-tv-bu-vb-pc50:2.2.2	Yattha ṭhito passati, āpatti dukkaṭassa.
pli-tv-bu-vb-pc50:2.2.3	Dassanūpacāraṁ vijahitvā punappunaṁ passati, āpatti dukkaṭassa.
pli-tv-bu-vb-pc50:2.3.0	
pli-tv-bu-vb-pc50:2.3.1	Anāpatti—
pli-tv-bu-vb-pc50:2.3.2	ārāme ṭhito passati,
pli-tv-bu-vb-pc50:2.3.3	bhikkhussa ṭhitokāsaṁ vā nisinnokāsaṁ vā nipannokāsaṁ vā āgantvā sampahāro dissati,
pli-tv-bu-vb-pc50:2.3.4	paṭipathaṁ gacchanto passati,
pli-tv-bu-vb-pc50:2.3.5	sati karaṇīye gantvā passati,
pli-tv-bu-vb-pc50:2.3.6	āpadāsu,
pli-tv-bu-vb-pc50:2.3.7	ummattakassa,
pli-tv-bu-vb-pc50:2.3.8	ādikammikassāti.
pli-tv-bu-vb-pc50:2.3.9	Uyyodhikasikkhāpadaṁ niṭṭhitaṁ dasamaṁ.
pli-tv-bu-vb-pc50:2.3.10	Acelakavaggo pañcamo.
pli-tv-bu-vb-pc50:2.3.11	Tassuddānaṁ
pli-tv-bu-vb-pc50:2.3.12	Pūvaṁ kathopanandassa,
pli-tv-bu-vb-pc50:2.3.13	tayaṁpaṭṭhākameva ca;
pli-tv-bu-vb-pc50:2.3.14	Mahānāmo pasenadi,
pli-tv-bu-vb-pc50:2.3.15	senāviddho ime dasāti.
pli-tv-bu-vb-pc51:0.1	Theravāda Vinaya
pli-tv-bu-vb-pc51:0.2	Mahāvibhaṅga
pli-tv-bu-vb-pc51:0.3	Pācittiyakaṇḍa
pli-tv-bu-vb-pc51:0.4	Surāpānavagga
pli-tv-bu-vb-pc51:0.5	51. Surāpānasikkhāpada
pli-tv-bu-vb-pc51:1.0	
pli-tv-bu-vb-pc51:1.1	Tena samayena buddho bhagavā cetiyesu cārikaṁ caramāno yena bhaddavatikā tena pāyāsi.
pli-tv-bu-vb-pc51:1.2	Addasaṁsu kho gopālakā pasupālakā kassakā pathāvino bhagavantaṁ dūratova āgacchantaṁ.
pli-tv-bu-vb-pc51:1.3	Disvāna bhagavantaṁ etadavocuṁ—“mā kho, bhante, bhagavā ambatitthaṁ agamāsi.
pli-tv-bu-vb-pc51:1.4	Ambatitthe, bhante, jaṭilassa assame nāgo paṭivasati iddhimā āsiviso ghoraviso.
pli-tv-bu-vb-pc51:1.5	So bhagavantaṁ mā viheṭhesī”ti.
pli-tv-bu-vb-pc51:1.6	Evaṁ vutte, bhagavā tuṇhī ahosi.
pli-tv-bu-vb-pc51:1.7	Dutiyampi kho …pe…
pli-tv-bu-vb-pc51:1.8	tatiyampi kho gopālakā pasupālakā kassakā pathāvino bhagavantaṁ etadavocuṁ—
pli-tv-bu-vb-pc51:1.9	“mā kho, bhante, bhagavā ambatitthaṁ agamāsi.
pli-tv-bu-vb-pc51:1.10	Ambatitthe, bhante, jaṭilassa assame nāgo paṭivasati iddhimā āsiviso ghoraviso.
pli-tv-bu-vb-pc51:1.11	So bhagavantaṁ mā viheṭhesī”ti.
pli-tv-bu-vb-pc51:1.12	Tatiyampi kho bhagavā tuṇhī ahosi.
pli-tv-bu-vb-pc51:1.13	Atha kho bhagavā anupubbena cārikaṁ caramāno yena bhaddavatikā tadavasari. Tatra sudaṁ bhagavā bhaddavatikāyaṁ viharati.
pli-tv-bu-vb-pc51:1.14	Atha kho āyasmā sāgato yena ambatitthassa jaṭilassa assamo tenupasaṅkami; upasaṅkamitvā agyāgāraṁ pavisitvā tiṇasanthārakaṁ paññapetvā nisīdi pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
pli-tv-bu-vb-pc51:1.15	Addasā kho so nāgo āyasmantaṁ sāgataṁ paviṭṭhaṁ. Disvāna dummano padhūpāyi.
pli-tv-bu-vb-pc51:1.16	Āyasmāpi sāgato padhūpāyi.
pli-tv-bu-vb-pc51:1.17	Atha kho so nāgo makkhaṁ asahamāno pajjali.
pli-tv-bu-vb-pc51:1.18	Āyasmāpi sāgato tejodhātuṁ samāpajjitvā pajjali.
pli-tv-bu-vb-pc51:1.19	Atha kho āyasmā sāgato tassa nāgassa tejasā tejaṁ pariyādiyitvā yena bhaddavatikā tenupasaṅkami.
pli-tv-bu-vb-pc51:1.20	Atha kho bhagavā bhaddavatikāyaṁ yathābhirantaṁ viharitvā yena kosambī tena cārikaṁ pakkāmi.
pli-tv-bu-vb-pc51:1.21	Assosuṁ kho kosambikā upāsakā—“ayyo kira sāgato ambatitthikena nāgena saddhiṁ saṅgāmesī”ti.
pli-tv-bu-vb-pc51:1.22	Atha kho bhagavā anupubbena cārikaṁ caramāno yena kosambī tadavasari. Atha kho kosambikā upāsakā bhagavato paccuggamanaṁ karitvā yenāyasmā sāgato tenupasaṅkamiṁsu;
pli-tv-bu-vb-pc51:1.23	upasaṅkamitvā āyasmantaṁ sāgataṁ abhivādetvā ekamantaṁ aṭṭhaṁsu. Ekamantaṁ ṭhitā kho kosambikā upāsakā āyasmantaṁ sāgataṁ etadavocuṁ—
pli-tv-bu-vb-pc51:1.24	“kiṁ, bhante, ayyānaṁ dullabhañca manāpañca, kiṁ paṭiyādemā”ti?
pli-tv-bu-vb-pc51:1.25	Evaṁ vutte, chabbaggiyā bhikkhū kosambike upāsake etadavocuṁ—“atthāvuso, kāpotikā nāma pasannā bhikkhūnaṁ dullabhā ca manāpā ca, taṁ paṭiyādethā”ti.
pli-tv-bu-vb-pc51:1.26	Atha kho kosambikā upāsakā ghare ghare kāpotikaṁ pasannaṁ paṭiyādetvā āyasmantaṁ sāgataṁ piṇḍāya paviṭṭhaṁ disvāna āyasmantaṁ sāgataṁ etadavocuṁ—“pivatu, bhante, ayyo sāgato kāpotikaṁ pasannaṁ, pivatu, bhante, ayyo sāgato kāpotikaṁ pasannan”ti.
pli-tv-bu-vb-pc51:1.27	Atha kho āyasmā sāgato ghare ghare kāpotikaṁ pasannaṁ pivitvā nagaramhā nikkhamanto nagaradvāre paripati.
pli-tv-bu-vb-pc51:1.28	Atha kho bhagavā sambahulehi bhikkhūhi saddhiṁ nagaramhā nikkhamanto addasa āyasmantaṁ sāgataṁ nagaradvāre paripatantaṁ.
pli-tv-bu-vb-pc51:1.29	Disvāna bhikkhū āmantesi—“gaṇhatha, bhikkhave, sāgatan”ti.
pli-tv-bu-vb-pc51:1.30	“Evaṁ, bhante”ti kho te bhikkhū bhagavato paṭissuṇitvā āyasmantaṁ sāgataṁ ārāmaṁ netvā yena bhagavā tena sīsaṁ katvā nipātesuṁ.
pli-tv-bu-vb-pc51:1.31	Atha kho āyasmā sāgato parivattitvā yena bhagavā tena pāde karitvā seyyaṁ kappesi.
pli-tv-bu-vb-pc51:1.32	Atha kho bhagavā bhikkhū āmantesi—“nanu, bhikkhave, pubbe sāgato tathāgate sagāravo ahosi sappatisso”ti?
pli-tv-bu-vb-pc51:1.33	“Evaṁ, bhante”.
pli-tv-bu-vb-pc51:1.34	“Api nu kho, bhikkhave, sāgato etarahi tathāgate sagāravo sappatisso”ti?
pli-tv-bu-vb-pc51:1.35	“No hetaṁ, bhante”.
pli-tv-bu-vb-pc51:1.36	“Nanu, bhikkhave, sāgato ambatitthikena nāgena saddhiṁ saṅgāmesī”ti?
pli-tv-bu-vb-pc51:1.37	“Evaṁ, bhante”.
pli-tv-bu-vb-pc51:1.38	“Api nu kho, bhikkhave, sāgato etarahi pahoti nāgena saddhiṁ saṅgāmetun”ti?
pli-tv-bu-vb-pc51:1.39	“No hetaṁ, bhante”.
pli-tv-bu-vb-pc51:1.40	“Api nu kho, bhikkhave, taṁ pātabbaṁ yaṁ pivitvā visaññī assā”ti?
pli-tv-bu-vb-pc51:1.41	“No hetaṁ, bhante”.
pli-tv-bu-vb-pc51:1.42	“Ananucchavikaṁ, bhikkhave, sāgatassa ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pc51:1.43	Kathañhi nāma, bhikkhave, sāgato majjaṁ pivissati.
pli-tv-bu-vb-pc51:1.44	Netaṁ, bhikkhave, appasannānaṁ vā pasādāya …pe…
pli-tv-bu-vb-pc51:1.45	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc51:1.46.0	
pli-tv-bu-vb-pc51:1.46.1	“Surāmerayapāne pācittiyan”ti.
pli-tv-bu-vb-pc51:2.1.0	
pli-tv-bu-vb-pc51:2.1.1	Surā nāma
pli-tv-bu-vb-pc51:2.1.2	piṭṭhasurā pūvasurā odanasurā kiṇṇapakkhittā sambhārasaṁyuttā.
pli-tv-bu-vb-pc51:2.1.3	Merayo nāma
pli-tv-bu-vb-pc51:2.1.4	pupphāsavo phalāsavo madhvāsavo guḷāsavo sambhārasaṁyutto.
pli-tv-bu-vb-pc51:2.1.5	Piveyyāti
pli-tv-bu-vb-pc51:2.1.6	antamaso kusaggenapi pivati, āpatti pācittiyassa.
pli-tv-bu-vb-pc51:2.2.0	
pli-tv-bu-vb-pc51:2.2.1	Majje majjasaññī pivati, āpatti pācittiyassa.
pli-tv-bu-vb-pc51:2.2.2	Majje vematiko pivati, āpatti pācittiyassa.
pli-tv-bu-vb-pc51:2.2.3	Majje amajjasaññī pivati, āpatti pācittiyassa.
pli-tv-bu-vb-pc51:2.2.4	Amajje majjasaññī, āpatti dukkaṭassa.
pli-tv-bu-vb-pc51:2.2.5	Amajje vematiko, āpatti dukkaṭassa.
pli-tv-bu-vb-pc51:2.2.6	Amajje amajjasaññī, anāpatti.
pli-tv-bu-vb-pc51:2.3.0	
pli-tv-bu-vb-pc51:2.3.1	Anāpatti—
pli-tv-bu-vb-pc51:2.3.2	amajjañca hoti majjavaṇṇaṁ majjagandhaṁ majjarasaṁ taṁ pivati,
pli-tv-bu-vb-pc51:2.3.3	sūpasampāke,
pli-tv-bu-vb-pc51:2.3.4	maṁsasampāke,
pli-tv-bu-vb-pc51:2.3.5	telasampāke,
pli-tv-bu-vb-pc51:2.3.6	āmalakaphāṇite,
pli-tv-bu-vb-pc51:2.3.7	amajjaṁ ariṭṭhaṁ pivati,
pli-tv-bu-vb-pc51:2.3.8	ummattakassa,
pli-tv-bu-vb-pc51:2.3.9	ādikammikassāti.
pli-tv-bu-vb-pc51:2.3.10	Surāpānasikkhāpadaṁ niṭṭhitaṁ paṭhamaṁ.
pli-tv-bu-vb-pc52:0.1	Theravāda Vinaya
pli-tv-bu-vb-pc52:0.2	Mahāvibhaṅga
pli-tv-bu-vb-pc52:0.3	Pācittiyakaṇḍa
pli-tv-bu-vb-pc52:0.4	Surāpānavagga
pli-tv-bu-vb-pc52:0.5	52. Aṅgulipatodakasikkhāpada
pli-tv-bu-vb-pc52:1.0	
pli-tv-bu-vb-pc52:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc52:1.2	Tena kho pana samayena chabbaggiyā bhikkhū sattarasavaggiyaṁ bhikkhuṁ aṅgulipatodakena hāsesuṁ.
pli-tv-bu-vb-pc52:1.3	So bhikkhu uttanto anassāsako kālamakāsi.
pli-tv-bu-vb-pc52:1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc52:1.5	“kathañhi nāma chabbaggiyā bhikkhū bhikkhuṁ aṅgulipatodakena hāsessantī”ti …pe…
pli-tv-bu-vb-pc52:1.6	“saccaṁ kira tumhe, bhikkhave, bhikkhuṁ aṅgulipatodakena hāsethā”ti?
pli-tv-bu-vb-pc52:1.7	“Saccaṁ, bhagavā”ti.
pli-tv-bu-vb-pc52:1.8	Vigarahi buddho bhagavā …pe…
pli-tv-bu-vb-pc52:1.9	kathañhi nāma tumhe, moghapurisā, bhikkhuṁ aṅgulipatodakena hāsessatha.
pli-tv-bu-vb-pc52:1.10	Netaṁ, moghapurisā, appasannānaṁ vā pasādāya …pe…
pli-tv-bu-vb-pc52:1.11	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc52:1.12.0	
pli-tv-bu-vb-pc52:1.12.1	“Aṅgulipatodake pācittiyan”ti.
pli-tv-bu-vb-pc52:2.1.0	
pli-tv-bu-vb-pc52:2.1.1	Aṅgulipatodako nāma
pli-tv-bu-vb-pc52:2.1.2	upasampanno upasampannaṁ hasādhippāyo kāyena kāyaṁ āmasati, āpatti pācittiyassa.
pli-tv-bu-vb-pc52:2.2.0	
pli-tv-bu-vb-pc52:2.2.1	Upasampanne upasampannasaññī aṅgulipatodakena hāseti, āpatti pācittiyassa.
pli-tv-bu-vb-pc52:2.2.2	Upasampanne vematiko aṅgulipatodakena hāseti, āpatti pācittiyassa.
pli-tv-bu-vb-pc52:2.2.3	Upasampanne anupasampannasaññī aṅgulipatodakena hāseti, āpatti pācittiyassa.
pli-tv-bu-vb-pc52:2.2.4	Kāyena kāyapaṭibaddhaṁ āmasati, āpatti dukkaṭassa.
pli-tv-bu-vb-pc52:2.2.5	Kāyapaṭibaddhena kāyaṁ āmasati, āpatti dukkaṭassa.
pli-tv-bu-vb-pc52:2.2.6	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bu-vb-pc52:2.2.7	Nissaggiyena kāyaṁ āmasati, āpatti dukkaṭassa.
pli-tv-bu-vb-pc52:2.2.8	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bu-vb-pc52:2.2.9	Nissaggiyena nissaggiyaṁ āmasati, āpatti dukkaṭassa.
pli-tv-bu-vb-pc52:2.2.10	Anupasampannaṁ kāyena kāyaṁ āmasati, āpatti dukkaṭassa.
pli-tv-bu-vb-pc52:2.2.11	Kāyena kāyapaṭibaddhaṁ āmasati, āpatti dukkaṭassa.
pli-tv-bu-vb-pc52:2.2.12	Kāyapaṭibaddhena kāyaṁ āmasati, āpatti dukkaṭassa.
pli-tv-bu-vb-pc52:2.2.13	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bu-vb-pc52:2.2.14	Nissaggiyena kāyaṁ āmasati, āpatti dukkaṭassa.
pli-tv-bu-vb-pc52:2.2.15	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bu-vb-pc52:2.2.16	Nissaggiyena nissaggiyaṁ āmasati, āpatti dukkaṭassa.
pli-tv-bu-vb-pc52:2.2.17	Anupasampanne upasampannasaññī, āpatti dukkaṭassa.
pli-tv-bu-vb-pc52:2.2.18	Anupasampanne vematiko, āpatti dukkaṭassa.
pli-tv-bu-vb-pc52:2.2.19	Anupasampanne anupasampannasaññī, āpatti dukkaṭassa.
pli-tv-bu-vb-pc52:2.3.0	
pli-tv-bu-vb-pc52:2.3.1	Anāpatti—
pli-tv-bu-vb-pc52:2.3.2	na hasādhippāyo,
pli-tv-bu-vb-pc52:2.3.3	sati karaṇīye āmasati,
pli-tv-bu-vb-pc52:2.3.4	ummattakassa,
pli-tv-bu-vb-pc52:2.3.5	ādikammikassāti.
pli-tv-bu-vb-pc52:2.3.6	Aṅgulipatodakasikkhāpadaṁ niṭṭhitaṁ dutiyaṁ.
pli-tv-bu-vb-pc53:0.1	Theravāda Vinaya
pli-tv-bu-vb-pc53:0.2	Mahāvibhaṅga
pli-tv-bu-vb-pc53:0.3	Pācittiyakaṇḍa
pli-tv-bu-vb-pc53:0.4	Surāpānavagga
pli-tv-bu-vb-pc53:0.5	53. Hasadhammasikkhāpada
pli-tv-bu-vb-pc53:1.0	
pli-tv-bu-vb-pc53:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc53:1.2	Tena kho pana samayena sattarasavaggiyā bhikkhū aciravatiyā nadiyā udake kīḷanti.
pli-tv-bu-vb-pc53:1.3	Tena kho pana samayena rājā pasenadi kosalo mallikāya deviyā saddhiṁ uparipāsādavaragato hoti.
pli-tv-bu-vb-pc53:1.4	Addasā kho rājā pasenadi kosalo sattarasavaggiye bhikkhū aciravatiyā nadiyā udake kīḷante.
pli-tv-bu-vb-pc53:1.5	Disvāna mallikaṁ deviṁ etadavoca—
pli-tv-bu-vb-pc53:1.6	“ete te, mallike, arahanto udake kīḷantī”ti.
pli-tv-bu-vb-pc53:1.7	“Nissaṁsayaṁ kho, mahārāja, bhagavatā sikkhāpadaṁ apaññattaṁ.
pli-tv-bu-vb-pc53:1.8	Te vā bhikkhū appakataññuno”ti.
pli-tv-bu-vb-pc53:1.9	Atha kho rañño pasenadissa kosalassa etadahosi—
pli-tv-bu-vb-pc53:1.10	“kena nu kho ahaṁ upāyena bhagavato ca na āroceyyaṁ, bhagavā ca jāneyya ime bhikkhū udake kīḷitā”ti?
pli-tv-bu-vb-pc53:1.11	Atha kho rājā pasenadi kosalo sattarasavaggiye bhikkhū pakkosāpetvā mahantaṁ guḷapiṇḍaṁ adāsi—
pli-tv-bu-vb-pc53:1.12	“imaṁ, bhante, guḷapiṇḍaṁ bhagavato dethā”ti.
pli-tv-bu-vb-pc53:1.13	Sattarasavaggiyā bhikkhū taṁ guḷapiṇḍaṁ ādāya yena bhagavā tenupasaṅkamiṁsu;
pli-tv-bu-vb-pc53:1.14	upasaṅkamitvā bhagavantaṁ etadavocuṁ—
pli-tv-bu-vb-pc53:1.15	“imaṁ, bhante, guḷapiṇḍaṁ rājā pasenadi kosalo bhagavato detī”ti.
pli-tv-bu-vb-pc53:1.16	“Kahaṁ pana tumhe, bhikkhave, rājā addasā”ti.
pli-tv-bu-vb-pc53:1.17	“Aciravatiyā nadiyā, bhagavā, udake kīḷante”ti.
pli-tv-bu-vb-pc53:1.18	Vigarahi buddho bhagavā …pe…
pli-tv-bu-vb-pc53:1.19	kathañhi nāma tumhe, moghapurisā, udake kīḷissatha.
pli-tv-bu-vb-pc53:1.20	Netaṁ, moghapurisā, appasannānaṁ vā pasādāya …pe…
pli-tv-bu-vb-pc53:1.21	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc53:1.22.0	
pli-tv-bu-vb-pc53:1.22.1	“Udake hasadhamme pācittiyan”ti.
pli-tv-bu-vb-pc53:2.1.0	
pli-tv-bu-vb-pc53:2.1.1	Udake hasadhammo nāma
pli-tv-bu-vb-pc53:2.1.2	uparigopphake udake hasādhippāyo nimujjati vā ummujjati vā palavati vā, āpatti pācittiyassa.
pli-tv-bu-vb-pc53:2.2.0	
pli-tv-bu-vb-pc53:2.2.1	Udake hasadhamme hasadhammasaññī, āpatti pācittiyassa.
pli-tv-bu-vb-pc53:2.2.2	Udake hasadhamme vematiko, āpatti pācittiyassa.
pli-tv-bu-vb-pc53:2.2.3	Udake hasadhamme ahasadhammasaññī, āpatti pācittiyassa.
pli-tv-bu-vb-pc53:2.2.4	Heṭṭhāgopphake udake kīḷati, āpatti dukkaṭassa.
pli-tv-bu-vb-pc53:2.2.5	Udake nāvāya kīḷati, āpatti dukkaṭassa.
pli-tv-bu-vb-pc53:2.2.6	Hatthena vā pādena vā kaṭṭhena vā kaṭhalāya vā udakaṁ paharati, āpatti dukkaṭassa.
pli-tv-bu-vb-pc53:2.2.7	Bhājanagataṁ udakaṁ vā kañjikaṁ vā khīraṁ vā takkaṁ vā rajanaṁ vā passāvaṁ vā cikkhallaṁ vā kīḷati, āpatti dukkaṭassa.
pli-tv-bu-vb-pc53:2.2.8	Udake ahasadhamme hasadhammasaññī, āpatti dukkaṭassa.
pli-tv-bu-vb-pc53:2.2.9	Udake ahasadhamme vematiko, āpatti dukkaṭassa.
pli-tv-bu-vb-pc53:2.2.10	Udake ahasadhamme ahasadhammasaññī, anāpatti.
pli-tv-bu-vb-pc53:2.3.0	
pli-tv-bu-vb-pc53:2.3.1	Anāpatti—
pli-tv-bu-vb-pc53:2.3.2	na hasādhippāyo,
pli-tv-bu-vb-pc53:2.3.3	sati karaṇīye udakaṁ otaritvā nimujjati vā ummujjati vā palavati vā,
pli-tv-bu-vb-pc53:2.3.4	pāraṁ gacchanto nimujjati vā ummujjati vā palavati vā,
pli-tv-bu-vb-pc53:2.3.5	āpadāsu,
pli-tv-bu-vb-pc53:2.3.6	ummattakassa,
pli-tv-bu-vb-pc53:2.3.7	ādikammikassāti.
pli-tv-bu-vb-pc53:2.3.8	Hasadhammasikkhāpadaṁ niṭṭhitaṁ tatiyaṁ.
pli-tv-bu-vb-pc54:0.1	Theravāda Vinaya
pli-tv-bu-vb-pc54:0.2	Mahāvibhaṅga
pli-tv-bu-vb-pc54:0.3	Pācittiyakaṇḍa
pli-tv-bu-vb-pc54:0.4	Surāpānavagga
pli-tv-bu-vb-pc54:0.5	54. Anādariyasikkhāpada
pli-tv-bu-vb-pc54:1.0	
pli-tv-bu-vb-pc54:1.1	Tena samayena buddho bhagavā kosambiyaṁ viharati ghositārāme.
pli-tv-bu-vb-pc54:1.2	Tena kho pana samayena āyasmā channo anācāraṁ ācarati.
pli-tv-bu-vb-pc54:1.3	Bhikkhū evamāhaṁsu—
pli-tv-bu-vb-pc54:1.4	“māvuso channa, evarūpaṁ akāsi.
pli-tv-bu-vb-pc54:1.5	Netaṁ kappatī”ti.
pli-tv-bu-vb-pc54:1.6	So anādariyaṁ paṭicca karotiyeva.
pli-tv-bu-vb-pc54:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc54:1.8	“kathañhi nāma āyasmā channo anādariyaṁ karissatī”ti …pe…
pli-tv-bu-vb-pc54:1.9	“saccaṁ kira tvaṁ, channa, anādariyaṁ karosī”ti?
pli-tv-bu-vb-pc54:1.10	“Saccaṁ, bhagavā”ti.
pli-tv-bu-vb-pc54:1.11	Vigarahi buddho bhagavā …pe…
pli-tv-bu-vb-pc54:1.12	kathañhi nāma tvaṁ, moghapurisa, anādariyaṁ karissasi.
pli-tv-bu-vb-pc54:1.13	Netaṁ, moghapurisa, appasannānaṁ vā pasādāya …pe…
pli-tv-bu-vb-pc54:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc54:1.15.0	
pli-tv-bu-vb-pc54:1.15.1	“Anādariye pācittiyan”ti.
pli-tv-bu-vb-pc54:2.1.0	
pli-tv-bu-vb-pc54:2.1.1	Anādariyaṁ nāma
pli-tv-bu-vb-pc54:2.1.2	dve anādariyāni— puggalānādariyañca dhammānādariyañca.
pli-tv-bu-vb-pc54:2.1.3	Puggalānādariyaṁ nāma
pli-tv-bu-vb-pc54:2.1.4	upasampannena paññattena vuccamāno— “ayaṁ ukkhittako vā vambhito vā garahito vā, imassa vacanaṁ akataṁ bhavissatī”ti anādariyaṁ karoti, āpatti pācittiyassa.
pli-tv-bu-vb-pc54:2.1.5	Dhammānādariyaṁ nāma
pli-tv-bu-vb-pc54:2.1.6	upasampannena paññattena vuccamāno— “kathāyaṁ nasseyya vā vinasseyya vā antaradhāyeyya vā”, taṁ vā na sikkhitukāmo anādariyaṁ karoti, āpatti pācittiyassa.
pli-tv-bu-vb-pc54:2.2.0	
pli-tv-bu-vb-pc54:2.2.1	Upasampanne upasampannasaññī anādariyaṁ karoti, āpatti pācittiyassa.
pli-tv-bu-vb-pc54:2.2.2	Upasampanne vematiko anādariyaṁ karoti, āpatti pācittiyassa.
pli-tv-bu-vb-pc54:2.2.3	Upasampanne anupasampannasaññī anādariyaṁ karoti, āpatti pācittiyassa.
pli-tv-bu-vb-pc54:2.2.4	Apaññattena vuccamāno—
pli-tv-bu-vb-pc54:2.2.5	“idaṁ na sallekhāya na dhutatthāya na pāsādikatāya na apacayāya na vīriyārambhāya saṁvattatī”ti anādariyaṁ karoti, āpatti dukkaṭassa.
pli-tv-bu-vb-pc54:2.2.6	Anupasampannena paññattena vā apaññattena vā vuccamāno—
pli-tv-bu-vb-pc54:2.2.7	“idaṁ na sallekhāya na dhutatthāya na pāsādikatāya na apacayāya na vīriyārambhāya saṁvattatī”ti anādariyaṁ karoti, āpatti dukkaṭassa.
pli-tv-bu-vb-pc54:2.2.8	Anupasampanne upasampannasaññī āpatti dukkaṭassa.
pli-tv-bu-vb-pc54:2.2.9	Anupasampanne vematiko, āpatti dukkaṭassa.
pli-tv-bu-vb-pc54:2.2.10	Anupasampanne anupasampannasaññī, āpatti dukkaṭassa.
pli-tv-bu-vb-pc54:2.3.0	
pli-tv-bu-vb-pc54:2.3.1	Anāpatti—
pli-tv-bu-vb-pc54:2.3.2	“evaṁ amhākaṁ ācariyānaṁ uggaho paripucchā”ti bhaṇati,
pli-tv-bu-vb-pc54:2.3.3	ummattakassa,
pli-tv-bu-vb-pc54:2.3.4	ādikammikassāti.
pli-tv-bu-vb-pc54:2.3.5	Anādariyasikkhāpadaṁ niṭṭhitaṁ catutthaṁ.
pli-tv-bu-vb-pc55:0.1	Theravāda Vinaya
pli-tv-bu-vb-pc55:0.2	Mahāvibhaṅga
pli-tv-bu-vb-pc55:0.3	Pācittiyakaṇḍa
pli-tv-bu-vb-pc55:0.4	Surāpānavagga
pli-tv-bu-vb-pc55:0.5	55. Bhiṁsāpanasikkhāpada
pli-tv-bu-vb-pc55:1.0	
pli-tv-bu-vb-pc55:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc55:1.2	Tena kho pana samayena chabbaggiyā bhikkhū sattarasavaggiye bhikkhū bhiṁsāpenti.
pli-tv-bu-vb-pc55:1.3	Te bhiṁsāpīyamānā rodanti.
pli-tv-bu-vb-pc55:1.4	Bhikkhū evamāhaṁsu—
pli-tv-bu-vb-pc55:1.5	“kissa tumhe, āvuso, rodathā”ti?
pli-tv-bu-vb-pc55:1.6	“Ime, āvuso, chabbaggiyā bhikkhū amhe bhiṁsāpentī”ti.
pli-tv-bu-vb-pc55:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc55:1.8	“kathañhi nāma chabbaggiyā bhikkhū bhikkhuṁ bhiṁsāpessantī”ti …pe…
pli-tv-bu-vb-pc55:1.9	“saccaṁ kira tumhe, bhikkhave, bhikkhuṁ bhiṁsāpethā”ti?
pli-tv-bu-vb-pc55:1.10	“Saccaṁ, bhagavā”ti.
pli-tv-bu-vb-pc55:1.11	Vigarahi buddho bhagavā …pe…
pli-tv-bu-vb-pc55:1.12	kathañhi nāma tumhe, moghapurisā, bhikkhuṁ bhiṁsāpessatha.
pli-tv-bu-vb-pc55:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc55:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc55:1.15.0	
pli-tv-bu-vb-pc55:1.15.1	“Yo pana bhikkhu bhikkhuṁ bhiṁsāpeyya, pācittiyan”ti.
pli-tv-bu-vb-pc55:2.1.0	
pli-tv-bu-vb-pc55:2.1.1	Yo panāti
pli-tv-bu-vb-pc55:2.1.2	yo yādiso …pe…
pli-tv-bu-vb-pc55:2.1.3	bhikkhūti
pli-tv-bu-vb-pc55:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc55:2.1.5	Bhikkhunti
pli-tv-bu-vb-pc55:2.1.6	aññaṁ bhikkhuṁ.
pli-tv-bu-vb-pc55:2.1.7	Bhiṁsāpeyyāti
pli-tv-bu-vb-pc55:2.1.8	upasampanno upasampannaṁ bhiṁsāpetukāmo rūpaṁ vā saddaṁ vā gandhaṁ vā rasaṁ vā phoṭṭhabbaṁ vā upasaṁharati. Bhāyeyya vā so na vā bhāyeyya, āpatti pācittiyassa.
pli-tv-bu-vb-pc55:2.1.9	Corakantāraṁ vā vāḷakantāraṁ vā pisācakantāraṁ vā ācikkhati. Bhāyeyya vā so na vā bhāyeyya, āpatti pācittiyassa.
pli-tv-bu-vb-pc55:2.2.0	
pli-tv-bu-vb-pc55:2.2.1	Upasampanne upasampannasaññī bhiṁsāpeti, āpatti pācittiyassa.
pli-tv-bu-vb-pc55:2.2.2	Upasampanne vematiko bhiṁsāpeti, āpatti pācittiyassa.
pli-tv-bu-vb-pc55:2.2.3	Upasampanne anupasampannasaññī bhiṁsāpeti, āpatti pācittiyassa.
pli-tv-bu-vb-pc55:2.2.4	Anupasampannaṁ bhiṁsāpetukāmo rūpaṁ vā saddaṁ vā gandhaṁ vā rasaṁ vā phoṭṭhabbaṁ vā upasaṁharati.
pli-tv-bu-vb-pc55:2.2.5	Bhāyeyya vā so na vā bhāyeyya, āpatti dukkaṭassa.
pli-tv-bu-vb-pc55:2.2.6	Corakantāraṁ vā vāḷakantāraṁ vā pisācakantāraṁ vā ācikkhati.
pli-tv-bu-vb-pc55:2.2.7	Bhāyeyya vā so na vā bhāyeyya, āpatti dukkaṭassa.
pli-tv-bu-vb-pc55:2.2.8	Anupasampanne upasampannasaññī, āpatti dukkaṭassa.
pli-tv-bu-vb-pc55:2.2.9	Anupasampanne vematiko, āpatti dukkaṭassa.
pli-tv-bu-vb-pc55:2.2.10	Anupasampanne anupasampannasaññī, āpatti dukkaṭassa.
pli-tv-bu-vb-pc55:2.3.0	
pli-tv-bu-vb-pc55:2.3.1	Anāpatti—
pli-tv-bu-vb-pc55:2.3.2	na bhiṁsāpetukāmo rūpaṁ vā saddaṁ vā gandhaṁ vā rasaṁ vā phoṭṭhabbaṁ vā upasaṁharati, corakantāraṁ vā vāḷakantāraṁ vā pisācakantāraṁ vā ācikkhati,
pli-tv-bu-vb-pc55:2.3.3	ummattakassa,
pli-tv-bu-vb-pc55:2.3.4	ādikammikassāti.
pli-tv-bu-vb-pc55:2.3.5	Bhiṁsāpanasikkhāpadaṁ niṭṭhitaṁ pañcamaṁ.
pli-tv-bu-vb-pc56:0.1	Theravāda Vinaya
pli-tv-bu-vb-pc56:0.2	Mahāvibhaṅga
pli-tv-bu-vb-pc56:0.3	Pācittiyakaṇḍa
pli-tv-bu-vb-pc56:0.4	Surāpānavagga
pli-tv-bu-vb-pc56:0.5	56. Jotikasikkhāpada
pli-tv-bu-vb-pc56:1.1.0.1	
pli-tv-bu-vb-pc56:1.1.0.2	
pli-tv-bu-vb-pc56:1.1.1	Tena samayena buddho bhagavā bhaggesu viharati susumāragire bhesakaḷāvane migadāye.
pli-tv-bu-vb-pc56:1.1.2	Tena kho pana samayena bhikkhū hemantike kāle aññataraṁ mahantaṁ susirakaṭṭhaṁ jotiṁ samādahitvā visibbesuṁ.
pli-tv-bu-vb-pc56:1.1.3	Tasmiñca susire kaṇhasappo agginā santatto nikkhamitvā bhikkhū paripātesi.
pli-tv-bu-vb-pc56:1.1.4	Bhikkhū tahaṁ tahaṁ upadhāviṁsu.
pli-tv-bu-vb-pc56:1.1.5	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc56:1.1.6	“kathañhi nāma bhikkhū jotiṁ samādahitvā visibbessantī”ti …pe…
pli-tv-bu-vb-pc56:1.1.7	“saccaṁ kira, bhikkhave, bhikkhū jotiṁ samādahitvā visibbentī”ti?
pli-tv-bu-vb-pc56:1.1.8	“Saccaṁ, bhagavā”ti.
pli-tv-bu-vb-pc56:1.1.9	Vigarahi buddho bhagavā …pe…
pli-tv-bu-vb-pc56:1.1.10	kathañhi nāma te, bhikkhave, moghapurisā jotiṁ samādahitvā visibbessanti.
pli-tv-bu-vb-pc56:1.1.11	Netaṁ, bhikkhave, appasannānaṁ vā pasādāya …pe…
pli-tv-bu-vb-pc56:1.1.12	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc56:1.1.13.0	
pli-tv-bu-vb-pc56:1.1.13.1	“Yo pana bhikkhu visibbanāpekkho jotiṁ samādaheyya vā samādahāpeyya vā, pācittiyan”ti.
pli-tv-bu-vb-pc56:1.1.14	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc56:1.2.0	
pli-tv-bu-vb-pc56:1.2.1	Tena kho pana samayena bhikkhū gilānā honti.
pli-tv-bu-vb-pc56:1.2.2	Gilānapucchakā bhikkhū gilāne bhikkhū etadavocuṁ—
pli-tv-bu-vb-pc56:1.2.3	“kaccāvuso, khamanīyaṁ, kacci yāpanīyan”ti?
pli-tv-bu-vb-pc56:1.2.4	“Pubbe mayaṁ, āvuso, jotiṁ samādahitvā visibbema;
pli-tv-bu-vb-pc56:1.2.5	tena no phāsu hoti.
pli-tv-bu-vb-pc56:1.2.6	Idāni pana ‘bhagavatā paṭikkhittan’ti kukkuccāyantā na visibbema, tena no na phāsu hotī”ti.
pli-tv-bu-vb-pc56:1.2.7	Bhagavato etamatthaṁ ārocesuṁ …pe…
pli-tv-bu-vb-pc56:1.2.8	anujānāmi, bhikkhave, gilānena bhikkhunā jotiṁ samādahitvā vā samādahāpetvā vā visibbetuṁ.
pli-tv-bu-vb-pc56:1.2.9	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc56:1.2.10.0	
pli-tv-bu-vb-pc56:1.2.10.1	“Yo pana bhikkhu agilāno visibbanāpekkho jotiṁ samādaheyya vā samādahāpeyya vā, pācittiyan”ti.
pli-tv-bu-vb-pc56:1.2.11	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc56:2.0	
pli-tv-bu-vb-pc56:2.1	Tena kho pana samayena bhikkhū padīpepi jotikepi jantāgharepi kukkuccāyanti.
pli-tv-bu-vb-pc56:2.2	Bhagavato etamatthaṁ ārocesuṁ …pe…
pli-tv-bu-vb-pc56:2.3	anujānāmi, bhikkhave, tathārūpappaccayā jotiṁ samādahituṁ samādahāpetuṁ.
pli-tv-bu-vb-pc56:2.4	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc56:2.5.0	
pli-tv-bu-vb-pc56:2.5.1	“Yo pana bhikkhu agilāno visibbanāpekkho jotiṁ samādaheyya vā samādahāpeyya vā, aññatra tathārūpappaccayā, pācittiyan”ti.
pli-tv-bu-vb-pc56:3.1.0	
pli-tv-bu-vb-pc56:3.1.1	Yo panāti
pli-tv-bu-vb-pc56:3.1.2	yo yādiso …pe…
pli-tv-bu-vb-pc56:3.1.3	bhikkhūti
pli-tv-bu-vb-pc56:3.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc56:3.1.5	Agilāno nāma
pli-tv-bu-vb-pc56:3.1.6	yassa vinā agginā phāsu hoti.
pli-tv-bu-vb-pc56:3.1.7	Gilāno nāma
pli-tv-bu-vb-pc56:3.1.8	yassa vinā agginā na phāsu hoti.
pli-tv-bu-vb-pc56:3.1.9	Visibbanāpekkhoti
pli-tv-bu-vb-pc56:3.1.10	tappitukāmo.
pli-tv-bu-vb-pc56:3.1.11	Joti nāma
pli-tv-bu-vb-pc56:3.1.12	aggi vuccati.
pli-tv-bu-vb-pc56:3.1.13	Samādaheyyāti
pli-tv-bu-vb-pc56:3.1.14	sayaṁ samādahati, āpatti pācittiyassa.
pli-tv-bu-vb-pc56:3.1.15	Samādahāpeyyāti
pli-tv-bu-vb-pc56:3.1.16	aññaṁ āṇāpeti, āpatti pācittiyassa.
pli-tv-bu-vb-pc56:3.1.17	Sakiṁ āṇatto bahukampi samādahati, āpatti pācittiyassa.
pli-tv-bu-vb-pc56:3.1.18	Aññatra tathā rūpappaccayāti
pli-tv-bu-vb-pc56:3.1.19	ṭhapetvā tathārūpappaccayaṁ.
pli-tv-bu-vb-pc56:3.2.0	
pli-tv-bu-vb-pc56:3.2.1	Agilāno agilānasaññī visibbanāpekkho jotiṁ samādahati vā samādahāpeti vā, aññatra tathārūpappaccayā, āpatti pācittiyassa.
pli-tv-bu-vb-pc56:3.2.2	Agilāno vematiko visibbanāpekkho jotiṁ samādahati vā samādahāpeti vā, aññatra tathārūpappaccayā, āpatti pācittiyassa.
pli-tv-bu-vb-pc56:3.2.3	Agilāno gilānasaññī visibbanāpekkho jotiṁ samādahati vā samādahāpeti vā, aññatra tathārūpappaccayā, āpatti pācittiyassa.
pli-tv-bu-vb-pc56:3.2.4	Paṭilātaṁ ukkhipati, āpatti dukkaṭassa.
pli-tv-bu-vb-pc56:3.2.5	Gilāno agilānasaññī, āpatti dukkaṭassa.
pli-tv-bu-vb-pc56:3.2.6	Gilāno vematiko, āpatti dukkaṭassa.
pli-tv-bu-vb-pc56:3.2.7	Gilāno gilānasaññī, anāpatti.
pli-tv-bu-vb-pc56:3.3.0	
pli-tv-bu-vb-pc56:3.3.1	Anāpatti—
pli-tv-bu-vb-pc56:3.3.2	gilānassa,
pli-tv-bu-vb-pc56:3.3.3	aññena kataṁ visibbeti,
pli-tv-bu-vb-pc56:3.3.4	vītaccitaṅgāraṁ visibbeti,
pli-tv-bu-vb-pc56:3.3.5	padīpe jotike jantāghare tathārūpappaccayā,
pli-tv-bu-vb-pc56:3.3.6	āpadāsu,
pli-tv-bu-vb-pc56:3.3.7	ummattakassa,
pli-tv-bu-vb-pc56:3.3.8	ādikammikassāti.
pli-tv-bu-vb-pc56:3.3.9	Jotikasikkhāpadaṁ niṭṭhitaṁ chaṭṭhaṁ.
pli-tv-bu-vb-pc57:0.1	Theravāda Vinaya
pli-tv-bu-vb-pc57:0.2	Mahāvibhaṅga
pli-tv-bu-vb-pc57:0.3	Pācittiyakaṇḍa
pli-tv-bu-vb-pc57:0.4	Surāpānavagga
pli-tv-bu-vb-pc57:0.5	57. Nahānasikkhāpada
pli-tv-bu-vb-pc57:1.0.1	
pli-tv-bu-vb-pc57:1.0.2	
pli-tv-bu-vb-pc57:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc57:1.2	Tena kho pana samayena bhikkhū tapode nahāyanti.
pli-tv-bu-vb-pc57:1.3	Tena kho pana samayena rājā māgadho seniyo bimbisāro “sīsaṁ nahāyissāmī”ti tapodaṁ gantvā—
pli-tv-bu-vb-pc57:1.4	“yāvāyyā nahāyantī”ti ekamantaṁ paṭimānesi. Bhikkhū yāva samandhakārā nahāyiṁsu.
pli-tv-bu-vb-pc57:1.5	Atha kho rājā māgadho seniyo bimbisāro vikāle sīsaṁ nahāyitvā, nagaradvāre thakite bahinagare vasitvā, kālasseva asambhinnena vilepanena yena bhagavā tenupasaṅkami;
pli-tv-bu-vb-pc57:1.6	upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-pc57:1.7	Ekamantaṁ nisinnaṁ kho rājānaṁ māgadhaṁ seniyaṁ bimbisāraṁ bhagavā etadavoca—“kissa tvaṁ, mahārāja, kālasseva āgato asambhinnena vilepanenā”ti?
pli-tv-bu-vb-pc57:1.8	Atha kho rājā māgadho seniyo bimbisāro bhagavato etamatthaṁ ārocesi.
pli-tv-bu-vb-pc57:1.9	Atha kho bhagavā rājānaṁ māgadhaṁ seniyaṁ bimbisāraṁ dhammiyā kathāya sandassesi samādapesi samuttejesi sampahaṁsesi. Atha kho rājā māgadho seniyo bimbisāro bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-pc57:1.10	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-bu-vb-pc57:1.11	“saccaṁ kira, bhikkhave, bhikkhū rājānampi passitvā na mattaṁ jānitvā nahāyantī”ti?
pli-tv-bu-vb-pc57:1.12	“Saccaṁ, bhagavā”ti.
pli-tv-bu-vb-pc57:1.13	Vigarahi buddho bhagavā …pe…
pli-tv-bu-vb-pc57:1.14	kathañhi nāma te, bhikkhave, moghapurisā rājānampi passitvā na mattaṁ jānitvā nahāyissanti.
pli-tv-bu-vb-pc57:1.15	Netaṁ, bhikkhave, appasannānaṁ vā pasādāya …pe…
pli-tv-bu-vb-pc57:1.16	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc57:1.17.0	
pli-tv-bu-vb-pc57:1.17.1	“Yo pana bhikkhu orenaddhamāsaṁ nahāyeyya, pācittiyan”ti.
pli-tv-bu-vb-pc57:1.18	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc57:2.0	
pli-tv-bu-vb-pc57:2.1	Tena kho pana samayena bhikkhū uṇhasamaye pariḷāhasamaye kukkuccāyantā na nahāyanti, sedagatena gattena sayanti.
pli-tv-bu-vb-pc57:2.2	Cīvarampi senāsanampi dussati.
pli-tv-bu-vb-pc57:2.3	Bhagavato etamatthaṁ ārocesuṁ …pe…
pli-tv-bu-vb-pc57:2.4	anujānāmi, bhikkhave, uṇhasamaye pariḷāhasamaye orenaddhamāsaṁ nahāyituṁ.
pli-tv-bu-vb-pc57:2.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc57:2.6.0	
pli-tv-bu-vb-pc57:2.6.1	“Yo pana bhikkhu orenaddhamāsaṁ nahāyeyya, aññatra samayā, pācittiyaṁ.
pli-tv-bu-vb-pc57:2.7	Tatthāyaṁ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo pariḷāhasamayo—ayaṁ tattha samayo”ti.
pli-tv-bu-vb-pc57:2.8	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc57:3.0	
pli-tv-bu-vb-pc57:3.1	Tena kho pana samayena bhikkhū gilānā honti.
pli-tv-bu-vb-pc57:3.2	Gilānapucchakā bhikkhū gilāne bhikkhū etadavocuṁ—
pli-tv-bu-vb-pc57:3.3	“kaccāvuso, khamanīyaṁ, kacci yāpanīyan”ti?
pli-tv-bu-vb-pc57:3.4	“Pubbe mayaṁ, āvuso, orenaddhamāsaṁ nahāyāma, tena no phāsu hoti;
pli-tv-bu-vb-pc57:3.5	idāni pana ‘bhagavatā paṭikkhittan’ti kukkuccāyantā na nahāyāma, tena no na phāsu hotī”ti.
pli-tv-bu-vb-pc57:3.6	Bhagavato etamatthaṁ ārocesuṁ …pe…
pli-tv-bu-vb-pc57:3.7	anujānāmi, bhikkhave, gilānena bhikkhunā orenaddhamāsaṁ nahāyituṁ.
pli-tv-bu-vb-pc57:3.8	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc57:3.9.0	
pli-tv-bu-vb-pc57:3.9.1	“Yo pana bhikkhu orenaddhamāsaṁ nahāyeyya, aññatra samayā, pācittiyaṁ.
pli-tv-bu-vb-pc57:3.10	Tatthāyaṁ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo—ayaṁ tattha samayo”ti.
pli-tv-bu-vb-pc57:3.11	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc57:4.0	
pli-tv-bu-vb-pc57:4.1	Tena kho pana samayena bhikkhū navakammaṁ katvā kukkuccāyantā na nahāyanti.
pli-tv-bu-vb-pc57:4.2	Te sedagatena gattena sayanti. Cīvarampi senāsanampi dussati.
pli-tv-bu-vb-pc57:4.3	Bhagavato etamatthaṁ ārocesuṁ …pe…
pli-tv-bu-vb-pc57:4.4	anujānāmi, bhikkhave, kammasamaye orenaddhamāsaṁ nahāyituṁ.
pli-tv-bu-vb-pc57:4.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc57:4.6.0	
pli-tv-bu-vb-pc57:4.6.1	“Yo pana bhikkhu orenaddhamāsaṁ nahāyeyya, aññatra samayā, pācittiyaṁ.
pli-tv-bu-vb-pc57:4.7	Tatthāyaṁ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo—ayaṁ tattha samayo”ti.
pli-tv-bu-vb-pc57:4.8	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc57:5.0	
pli-tv-bu-vb-pc57:5.1	Tena kho pana samayena bhikkhū addhānaṁ gantvā kukkuccāyantā na nahāyanti.
pli-tv-bu-vb-pc57:5.2	Te sedagatena gattena sayanti. Cīvarampi senāsanampi dussati.
pli-tv-bu-vb-pc57:5.3	Bhagavato etamatthaṁ ārocesuṁ …pe…
pli-tv-bu-vb-pc57:5.4	anujānāmi, bhikkhave, addhānagamanasamaye orenaddhamāsaṁ nahāyituṁ.
pli-tv-bu-vb-pc57:5.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc57:5.6.0	
pli-tv-bu-vb-pc57:5.6.1	“Yo pana bhikkhu orenaddhamāsaṁ nahāyeyya, aññatra samayā, pācittiyaṁ.
pli-tv-bu-vb-pc57:5.7	Tatthāyaṁ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo—ayaṁ tattha samayo”ti.
pli-tv-bu-vb-pc57:5.8	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc57:6.0	
pli-tv-bu-vb-pc57:6.1	Tena kho pana samayena sambahulā bhikkhū ajjhokāse cīvarakammaṁ karontā sarajena vātena okiṇṇā honti. Devo ca thokaṁ thokaṁ phusāyati.
pli-tv-bu-vb-pc57:6.2	Bhikkhū kukkuccāyantā na nahāyanti, kilinnena gattena sayanti.
pli-tv-bu-vb-pc57:6.3	Cīvarampi senāsanampi dussati.
pli-tv-bu-vb-pc57:6.4	Bhagavato etamatthaṁ ārocesuṁ …pe…
pli-tv-bu-vb-pc57:6.5	anujānāmi, bhikkhave, vātavuṭṭhisamaye orenaddhamāsaṁ nahāyituṁ.
pli-tv-bu-vb-pc57:6.6	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc57:6.7.0	
pli-tv-bu-vb-pc57:6.7.1	“Yo pana bhikkhu orenaddhamāsaṁ nahāyeyya, aññatra samayā, pācittiyaṁ.
pli-tv-bu-vb-pc57:6.8	Tatthāyaṁ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo, vātavuṭṭhisamayo—ayaṁ tattha samayo”ti.
pli-tv-bu-vb-pc57:7.1.0	
pli-tv-bu-vb-pc57:7.1.1	Yo panāti
pli-tv-bu-vb-pc57:7.1.2	yo yādiso …pe…
pli-tv-bu-vb-pc57:7.1.3	bhikkhūti
pli-tv-bu-vb-pc57:7.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc57:7.1.5	Orenaddhamāsanti
pli-tv-bu-vb-pc57:7.1.6	ūnakaddhamāsaṁ.
pli-tv-bu-vb-pc57:7.1.7	Nahāyeyyāti
pli-tv-bu-vb-pc57:7.1.8	cuṇṇena vā mattikāya vā nahāyati, payoge payoge dukkaṭaṁ.
pli-tv-bu-vb-pc57:7.1.9	Nahānapariyosāne, āpatti pācittiyassa.
pli-tv-bu-vb-pc57:7.1.10	Aññatra samayāti
pli-tv-bu-vb-pc57:7.1.11	ṭhapetvā samayaṁ.
pli-tv-bu-vb-pc57:7.1.12	Uṇhasamayo nāma
pli-tv-bu-vb-pc57:7.1.13	diyaḍḍho māso seso gimhānaṁ.
pli-tv-bu-vb-pc57:7.1.14	Pariḷāhasamayo nāma
pli-tv-bu-vb-pc57:7.1.15	vassānassa paṭhamo māso “iccete aḍḍhateyyamāsā uṇhasamayo pariḷāhasamayo”ti nahāyitabbaṁ.
pli-tv-bu-vb-pc57:7.1.16	Gilānasamayo nāma
pli-tv-bu-vb-pc57:7.1.17	yassa vinā nahānena na phāsu hoti. Gilānasamayoti nahāyitabbaṁ.
pli-tv-bu-vb-pc57:7.1.18	Kammasamayo nāma
pli-tv-bu-vb-pc57:7.1.19	antamaso pariveṇampi sammaṭṭhaṁ hoti. “Kammasamayo”ti nahāyitabbaṁ.
pli-tv-bu-vb-pc57:7.1.20	Addhānagamanasamayo nāma
pli-tv-bu-vb-pc57:7.1.21	“addhayojanaṁ gacchissāmī”ti nahāyitabbaṁ, gacchantena nahāyitabbaṁ, gatena nahāyitabbaṁ.
pli-tv-bu-vb-pc57:7.1.22	Vātavuṭṭhisamayo nāma
pli-tv-bu-vb-pc57:7.1.23	bhikkhū sarajena vātena okiṇṇā honti, dve vā tīṇi vā udakaphusitāni kāye patitāni honti. “Vātavuṭṭhisamayo”ti nahāyitabbaṁ.
pli-tv-bu-vb-pc57:7.2.0	
pli-tv-bu-vb-pc57:7.2.1	Ūnakaddhamāse ūnakasaññī, aññatra samayā, nahāyati, āpatti pācittiyassa.
pli-tv-bu-vb-pc57:7.2.2	Ūnakaddhamāse vematiko, aññatra samayā, nahāyati, āpatti pācittiyassa.
pli-tv-bu-vb-pc57:7.2.3	Ūnakaddhamāse atirekasaññī, aññatra samayā, nahāyati, āpatti pācittiyassa.
pli-tv-bu-vb-pc57:7.2.4	Atirekaddhamāse ūnakasaññī, āpatti dukkaṭassa.
pli-tv-bu-vb-pc57:7.2.5	Atirekaddhamāse vematiko, āpatti dukkaṭassa.
pli-tv-bu-vb-pc57:7.2.6	Atirekaddhamāse atirekasaññī, anāpatti.
pli-tv-bu-vb-pc57:7.3.0	
pli-tv-bu-vb-pc57:7.3.1	Anāpatti—
pli-tv-bu-vb-pc57:7.3.2	samaye,
pli-tv-bu-vb-pc57:7.3.3	addhamāsaṁ nahāyati,
pli-tv-bu-vb-pc57:7.3.4	atirekaddhamāsaṁ nahāyati,
pli-tv-bu-vb-pc57:7.3.5	pāraṁ gacchanto nahāyati,
pli-tv-bu-vb-pc57:7.3.6	sabbapaccantimesu janapadesu,
pli-tv-bu-vb-pc57:7.3.7	āpadāsu,
pli-tv-bu-vb-pc57:7.3.8	ummattakassa,
pli-tv-bu-vb-pc57:7.3.9	ādikammikassāti.
pli-tv-bu-vb-pc57:7.3.10	Nahānasikkhāpadaṁ niṭṭhitaṁ sattamaṁ.
pli-tv-bu-vb-pc58:0.1	Theravāda Vinaya
pli-tv-bu-vb-pc58:0.2	Mahāvibhaṅga
pli-tv-bu-vb-pc58:0.3	Pācittiyakaṇḍa
pli-tv-bu-vb-pc58:0.4	Surāpānavagga
pli-tv-bu-vb-pc58:0.5	58. Dubbaṇṇakaraṇasikkhāpada
pli-tv-bu-vb-pc58:1.0	
pli-tv-bu-vb-pc58:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc58:1.2	Tena kho pana samayena sambahulā bhikkhū ca paribbājakā ca sāketā sāvatthiṁ addhānamaggappaṭipannā honti. Antarāmagge corā nikkhamitvā te acchindiṁsu.
pli-tv-bu-vb-pc58:1.3	Sāvatthiyā rājabhaṭā nikkhamitvā te core sabhaṇḍe gahetvā bhikkhūnaṁ santike dūtaṁ pāhesuṁ—
pli-tv-bu-vb-pc58:1.4	“āgacchantu, bhadantā, sakaṁ sakaṁ cīvaraṁ sañjānitvā gaṇhantū”ti.
pli-tv-bu-vb-pc58:1.5	Bhikkhū na sañjānanti.
pli-tv-bu-vb-pc58:1.6	Te ujjhāyanti khiyyanti vipācenti—
pli-tv-bu-vb-pc58:1.7	“kathañhi nāma bhadantā attano attano cīvaraṁ na sañjānissantī”ti.
pli-tv-bu-vb-pc58:1.8	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc58:1.9	Atha kho te bhikkhū bhagavato etamatthaṁ ārocesuṁ.
pli-tv-bu-vb-pc58:1.10	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi—
pli-tv-bu-vb-pc58:1.11	“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca—
pli-tv-bu-vb-pc58:1.12	saṅghasuṭṭhutāya, saṅghaphāsutāya …pe…
pli-tv-bu-vb-pc58:1.13	saddhammaṭṭhitiyā, vinayānuggahāya.
pli-tv-bu-vb-pc58:1.14	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc58:1.15.0	
pli-tv-bu-vb-pc58:1.15.1	“Navaṁ pana bhikkhunā cīvaralābhena tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ ādātabbaṁ—nīlaṁ vā kaddamaṁ vā kāḷasāmaṁ vā. Anādā ce bhikkhu tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhuñjeyya, pācittiyan”ti.
pli-tv-bu-vb-pc58:2.1.0	
pli-tv-bu-vb-pc58:2.1.1	Navaṁ nāma
pli-tv-bu-vb-pc58:2.1.2	akatakappaṁ vuccati.
pli-tv-bu-vb-pc58:2.1.3	Cīvaraṁ nāma
pli-tv-bu-vb-pc58:2.1.4	channaṁ cīvarānaṁ aññataraṁ cīvaraṁ.
pli-tv-bu-vb-pc58:2.1.5	Tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ ādātabbanti
pli-tv-bu-vb-pc58:2.1.6	antamaso kusaggenapi ādātabbaṁ.
pli-tv-bu-vb-pc58:2.1.7	Nīlaṁ nāma
pli-tv-bu-vb-pc58:2.1.8	dve nīlāni— kaṁsanīlaṁ, palāsanīlaṁ.
pli-tv-bu-vb-pc58:2.1.9	Kaddamo nāma
pli-tv-bu-vb-pc58:2.1.10	odako vuccati.
pli-tv-bu-vb-pc58:2.1.11	Kāḷasāmaṁ nāma
pli-tv-bu-vb-pc58:2.1.12	yaṁ kiñci kāḷasāmakaṁ.
pli-tv-bu-vb-pc58:2.1.13	Anādā ce bhikkhu tiṇṇaṁ dubbaṇṇakaraṇānaṁ aññataraṁ dubbaṇṇakaraṇanti
pli-tv-bu-vb-pc58:2.1.14	antamaso kusaggenapi anādiyitvā tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhuñjati, āpatti pācittiyassa.
pli-tv-bu-vb-pc58:2.2.0	
pli-tv-bu-vb-pc58:2.2.1	Anādinne anādinnasaññī paribhuñjati, āpatti pācittiyassa.
pli-tv-bu-vb-pc58:2.2.2	Anādinne vematiko paribhuñjati, āpatti pācittiyassa.
pli-tv-bu-vb-pc58:2.2.3	Anādinne ādinnasaññī paribhuñjati, āpatti pācittiyassa.
pli-tv-bu-vb-pc58:2.2.4	Ādinne anādinnasaññī, āpatti dukkaṭassa.
pli-tv-bu-vb-pc58:2.2.5	Ādinne vematiko, āpatti dukkaṭassa.
pli-tv-bu-vb-pc58:2.2.6	Ādinne ādinnasaññī, anāpatti.
pli-tv-bu-vb-pc58:2.3.0	
pli-tv-bu-vb-pc58:2.3.1	Anāpatti—
pli-tv-bu-vb-pc58:2.3.2	ādiyitvā paribhuñjati,
pli-tv-bu-vb-pc58:2.3.3	kappo naṭṭho hoti,
pli-tv-bu-vb-pc58:2.3.4	kappakatokāso jiṇṇo hoti,
pli-tv-bu-vb-pc58:2.3.5	kappakatena akappakataṁ saṁsibbitaṁ hoti,
pli-tv-bu-vb-pc58:2.3.6	aggaḷe,
pli-tv-bu-vb-pc58:2.3.7	anuvāte,
pli-tv-bu-vb-pc58:2.3.8	paribhaṇḍe,
pli-tv-bu-vb-pc58:2.3.9	ummattakassa,
pli-tv-bu-vb-pc58:2.3.10	ādikammikassāti.
pli-tv-bu-vb-pc58:2.3.11	Dubbaṇṇakaraṇasikkhāpadaṁ niṭṭhitaṁ aṭṭhamaṁ.
pli-tv-bu-vb-pc59:0.1	Theravāda Vinaya
pli-tv-bu-vb-pc59:0.2	Mahāvibhaṅga
pli-tv-bu-vb-pc59:0.3	Pācittiyakaṇḍa
pli-tv-bu-vb-pc59:0.4	Surāpānavagga
pli-tv-bu-vb-pc59:0.5	59. Vikappanasikkhāpada
pli-tv-bu-vb-pc59:1.0	
pli-tv-bu-vb-pc59:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc59:1.2	Tena kho pana samayena āyasmā upanando sakyaputto bhātuno saddhivihārikassa bhikkhuno sāmaṁ cīvaraṁ vikappetvā appaccuddhāraṇaṁ paribhuñjati.
pli-tv-bu-vb-pc59:1.3	Atha kho so bhikkhu bhikkhūnaṁ etamatthaṁ ārocesi—
pli-tv-bu-vb-pc59:1.4	“ayaṁ, āvuso, āyasmā upanando sakyaputto mayhaṁ cīvaraṁ sāmaṁ vikappetvā appaccuddhāraṇaṁ paribhuñjatī”ti.
pli-tv-bu-vb-pc59:1.5	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc59:1.6	“kathañhi nāma āyasmā upanando sakyaputto bhikkhussa sāmaṁ cīvaraṁ vikappetvā appaccuddhāraṇaṁ paribhuñjissatī”ti …pe…
pli-tv-bu-vb-pc59:1.7	“saccaṁ kira tvaṁ, upananda, bhikkhussa sāmaṁ cīvaraṁ vikappetvā appaccuddhāraṇaṁ paribhuñjasī”ti?
pli-tv-bu-vb-pc59:1.8	“Saccaṁ, bhagavā”ti.
pli-tv-bu-vb-pc59:1.9	Vigarahi buddho bhagavā …pe…
pli-tv-bu-vb-pc59:1.10	kathañhi nāma tvaṁ, moghapurisa, bhikkhussa sāmaṁ cīvaraṁ vikappetvā appaccuddhāraṇaṁ paribhuñjissasi.
pli-tv-bu-vb-pc59:1.11	Netaṁ, moghapurisa, appasannānaṁ vā pasādāya …pe…
pli-tv-bu-vb-pc59:1.12	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc59:1.13.0	
pli-tv-bu-vb-pc59:1.13.1	“Yo pana bhikkhu bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā appaccuddhāraṇaṁ paribhuñjeyya, pācittiyan”ti.
pli-tv-bu-vb-pc59:2.1.0	
pli-tv-bu-vb-pc59:2.1.1	Yo panāti
pli-tv-bu-vb-pc59:2.1.2	yo yādiso …pe…
pli-tv-bu-vb-pc59:2.1.3	bhikkhūti
pli-tv-bu-vb-pc59:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc59:2.1.5	Bhikkhussāti
pli-tv-bu-vb-pc59:2.1.6	aññassa bhikkhussa.
pli-tv-bu-vb-pc59:2.1.7	Bhikkhunī nāma
pli-tv-bu-vb-pc59:2.1.8	ubhatosaṅghe upasampannā.
pli-tv-bu-vb-pc59:2.1.9	Sikkhamānā nāma
pli-tv-bu-vb-pc59:2.1.10	dve vassāni chasu dhammesu sikkhitasikkhā.
pli-tv-bu-vb-pc59:2.1.11	Sāmaṇero nāma
pli-tv-bu-vb-pc59:2.1.12	dasasikkhāpadiko.
pli-tv-bu-vb-pc59:2.1.13	Sāmaṇerī nāma
pli-tv-bu-vb-pc59:2.1.14	dasasikkhāpadikā.
pli-tv-bu-vb-pc59:2.1.15	Sāmanti
pli-tv-bu-vb-pc59:2.1.16	sayaṁ vikappetvā.
pli-tv-bu-vb-pc59:2.1.17	Cīvaraṁ nāma
pli-tv-bu-vb-pc59:2.1.18	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bu-vb-pc59:2.1.19	Vikappanā nāma
pli-tv-bu-vb-pc59:2.1.20	dve vikappanā— sammukhāvikappanā ca parammukhāvikappanā ca.
pli-tv-bu-vb-pc59:2.1.21	Sammukhāvikappanā nāma
pli-tv-bu-vb-pc59:2.1.22	“imaṁ cīvaraṁ tuyhaṁ vikappemi itthannāmassa vā”ti.
pli-tv-bu-vb-pc59:2.1.23	Parammukhāvikappanā nāma
pli-tv-bu-vb-pc59:2.1.24	“imaṁ cīvaraṁ vikappanatthāya tuyhaṁ dammī”ti.
pli-tv-bu-vb-pc59:2.1.25	Tena vattabbo— “ko te mitto vā sandiṭṭho vā”ti?
pli-tv-bu-vb-pc59:2.1.26	“Itthannāmo ca itthannāmo cā”ti.
pli-tv-bu-vb-pc59:2.1.27	Tena vattabbo— “ahaṁ tesaṁ dammi, tesaṁ santakaṁ paribhuñja vā vissajjehi vā yathāpaccayaṁ vā karohī”ti.
pli-tv-bu-vb-pc59:2.1.28	Appaccuddhāraṇaṁ nāma
pli-tv-bu-vb-pc59:2.1.29	tassa vā adinnaṁ, tassa vā avissasanto paribhuñjati, āpatti pācittiyassa.
pli-tv-bu-vb-pc59:2.2.0	
pli-tv-bu-vb-pc59:2.2.1	Appaccuddhāraṇe appaccuddhāraṇasaññī paribhuñjati, āpatti pācittiyassa.
pli-tv-bu-vb-pc59:2.2.2	Appaccuddhāraṇe vematiko paribhuñjati, āpatti pācittiyassa.
pli-tv-bu-vb-pc59:2.2.3	Appaccuddhāraṇe appaccuddhāraṇasaññī paribhuñjati, āpatti pācittiyassa.
pli-tv-bu-vb-pc59:2.2.4	Adhiṭṭheti vā vissajjeti vā, āpatti dukkaṭassa.
pli-tv-bu-vb-pc59:2.2.5	Paccuddhāraṇe appaccuddhāraṇasaññī, āpatti dukkaṭassa.
pli-tv-bu-vb-pc59:2.2.6	Paccuddhāraṇe vematiko, āpatti dukkaṭassa.
pli-tv-bu-vb-pc59:2.2.7	Paccuddhāraṇe paccuddhāraṇasaññī, anāpatti.
pli-tv-bu-vb-pc59:2.3.0	
pli-tv-bu-vb-pc59:2.3.1	Anāpatti—
pli-tv-bu-vb-pc59:2.3.2	so vā deti,
pli-tv-bu-vb-pc59:2.3.3	tassa vā vissasanto paribhuñjati,
pli-tv-bu-vb-pc59:2.3.4	ummattakassa,
pli-tv-bu-vb-pc59:2.3.5	ādikammikassāti.
pli-tv-bu-vb-pc59:2.3.6	Vikappanasikkhāpadaṁ niṭṭhitaṁ navamaṁ.
pli-tv-bu-vb-pc60:0.1	Theravāda Vinaya
pli-tv-bu-vb-pc60:0.2	Mahāvibhaṅga
pli-tv-bu-vb-pc60:0.3	Pācittiyakaṇḍa
pli-tv-bu-vb-pc60:0.4	Surāpānavagga
pli-tv-bu-vb-pc60:0.5	60. Cīvaraapanidhānasikkhāpada
pli-tv-bu-vb-pc60:1.0	
pli-tv-bu-vb-pc60:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc60:1.2	Tena kho pana samayena sattarasavaggiyā bhikkhū asannihitaparikkhārā honti.
pli-tv-bu-vb-pc60:1.3	Chabbaggiyā bhikkhū sattarasavaggiyānaṁ bhikkhūnaṁ pattampi cīvarampi apanidhenti.
pli-tv-bu-vb-pc60:1.4	Sattarasavaggiyā bhikkhū chabbaggiye bhikkhū etadavocuṁ—
pli-tv-bu-vb-pc60:1.5	“dethāvuso, amhākaṁ pattampi cīvarampī”ti.
pli-tv-bu-vb-pc60:1.6	Chabbaggiyā bhikkhū hasanti, te rodanti.
pli-tv-bu-vb-pc60:1.7	Bhikkhū evamāhaṁsu—
pli-tv-bu-vb-pc60:1.8	“kissa tumhe, āvuso, rodathā”ti?
pli-tv-bu-vb-pc60:1.9	“Ime, āvuso, chabbaggiyā bhikkhū amhākaṁ pattampi cīvarampi apanidhentī”ti.
pli-tv-bu-vb-pc60:1.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc60:1.11	“kathañhi nāma chabbaggiyā bhikkhū bhikkhūnaṁ pattampi cīvarampi apanidhessantī”ti …pe…
pli-tv-bu-vb-pc60:1.12	“saccaṁ kira tumhe, bhikkhave, bhikkhūnaṁ pattampi cīvarampi apanidhethā”ti?
pli-tv-bu-vb-pc60:1.13	“Saccaṁ, bhagavā”ti.
pli-tv-bu-vb-pc60:1.14	Vigarahi buddho bhagavā …pe…
pli-tv-bu-vb-pc60:1.15	kathañhi nāma tumhe, moghapurisā, bhikkhūnaṁ pattampi cīvarampi apanidhessatha.
pli-tv-bu-vb-pc60:1.16	Netaṁ, moghapurisā, appasannānaṁ vā pasādāya …pe…
pli-tv-bu-vb-pc60:1.17	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc60:1.18.0	
pli-tv-bu-vb-pc60:1.18.1	“Yo pana bhikkhu bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidheyya vā apanidhāpeyya vā, antamaso hasāpekkhopi, pācittiyan”ti.
pli-tv-bu-vb-pc60:2.1.0	
pli-tv-bu-vb-pc60:2.1.1	Yo panāti
pli-tv-bu-vb-pc60:2.1.2	yo yādiso …pe…
pli-tv-bu-vb-pc60:2.1.3	bhikkhūti
pli-tv-bu-vb-pc60:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc60:2.1.5	Bhikkhussāti
pli-tv-bu-vb-pc60:2.1.6	aññassa bhikkhussa.
pli-tv-bu-vb-pc60:2.1.7	Patto nāma
pli-tv-bu-vb-pc60:2.1.8	dve pattā—ayopatto, mattikāpatto.
pli-tv-bu-vb-pc60:2.1.9	Cīvaraṁ nāma
pli-tv-bu-vb-pc60:2.1.10	channaṁ cīvarānaṁ aññataraṁ cīvaraṁ, vikappanupagaṁ pacchimaṁ.
pli-tv-bu-vb-pc60:2.1.11	Nisīdanaṁ nāma
pli-tv-bu-vb-pc60:2.1.12	sadasaṁ vuccati.
pli-tv-bu-vb-pc60:2.1.13	Sūcigharaṁ nāma
pli-tv-bu-vb-pc60:2.1.14	sasūcikaṁ vā asūcikaṁ vā.
pli-tv-bu-vb-pc60:2.1.15	Kāyabandhanaṁ nāma
pli-tv-bu-vb-pc60:2.1.16	dve kāyabandhanāni— paṭṭikā, sūkarantakaṁ.
pli-tv-bu-vb-pc60:2.1.17	Apanidheyya vāti
pli-tv-bu-vb-pc60:2.1.18	sayaṁ apanidheti, āpatti pācittiyassa.
pli-tv-bu-vb-pc60:2.1.19	Apanidhāpeyya vāti
pli-tv-bu-vb-pc60:2.1.20	aññaṁ āṇāpesi, āpatti pācittiyassa.
pli-tv-bu-vb-pc60:2.1.21	Sakiṁ āṇatto bahukampi apanidheti, āpatti pācittiyassa.
pli-tv-bu-vb-pc60:2.1.22	Antamaso hasāpekkhopīti
pli-tv-bu-vb-pc60:2.1.23	kīḷādhippāyo.
pli-tv-bu-vb-pc60:2.2.0	
pli-tv-bu-vb-pc60:2.2.1	Upasampanne upasampannasaññī pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidheti vā apanidhāpeti vā, antamaso hasāpekkhopi, āpatti pācittiyassa.
pli-tv-bu-vb-pc60:2.2.2	Upasampanne vematiko …pe…
pli-tv-bu-vb-pc60:2.2.3	upasampanne anupasampannasaññī pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidheti vā apanidhāpeti vā, antamaso hasāpekkhopi, āpatti pācittiyassa.
pli-tv-bu-vb-pc60:2.2.4	Aññaṁ parikkhāraṁ apanidheti vā apanidhāpeti vā, antamaso hasāpekkhopi, āpatti dukkaṭassa.
pli-tv-bu-vb-pc60:2.2.5	Anupasampannassa pattaṁ vā cīvaraṁ vā aññaṁ vā parikkhāraṁ apanidheti vā apanidhāpeti vā, antamaso hasāpekkhopi, āpatti dukkaṭassa.
pli-tv-bu-vb-pc60:2.2.6	Anupasampanne upasampannasaññī, āpatti dukkaṭassa.
pli-tv-bu-vb-pc60:2.2.7	Anupasampanne vematiko, āpatti dukkaṭassa.
pli-tv-bu-vb-pc60:2.2.8	Anupasampanne anupasampannasaññī, āpatti dukkaṭassa.
pli-tv-bu-vb-pc60:2.3.0	
pli-tv-bu-vb-pc60:2.3.1	Anāpatti—
pli-tv-bu-vb-pc60:2.3.2	nahasādhippāyo,
pli-tv-bu-vb-pc60:2.3.3	dunnikkhittaṁ paṭisāmeti,
pli-tv-bu-vb-pc60:2.3.4	“dhammiṁ kathaṁ katvā dassāmī”ti paṭisāmeti,
pli-tv-bu-vb-pc60:2.3.5	ummattakassa,
pli-tv-bu-vb-pc60:2.3.6	ādikammikassāti.
pli-tv-bu-vb-pc60:2.3.7	Cīvaraapanidhānasikkhāpadaṁ niṭṭhitaṁ dasamaṁ.
pli-tv-bu-vb-pc60:2.3.8	Surāpānavaggo chaṭṭho.
pli-tv-bu-vb-pc60:2.3.9	Tassuddānaṁ
pli-tv-bu-vb-pc60:2.3.10	Surā aṅguli hāso ca,
pli-tv-bu-vb-pc60:2.3.11	anādariyañca bhiṁsanaṁ;
pli-tv-bu-vb-pc60:2.3.12	Jotinahānadubbaṇṇaṁ,
pli-tv-bu-vb-pc60:2.3.13	sāmaṁ apanidhena cāti.
pli-tv-bu-vb-pc61:0.1	Theravāda Vinaya
pli-tv-bu-vb-pc61:0.2	Mahāvibhaṅga
pli-tv-bu-vb-pc61:0.3	Pācittiyakaṇḍa
pli-tv-bu-vb-pc61:0.4	Sappāṇakavagga
pli-tv-bu-vb-pc61:0.5	61. Sañciccasikkhāpada
pli-tv-bu-vb-pc61:1.0	
pli-tv-bu-vb-pc61:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc61:1.2	Tena kho pana samayena āyasmā udāyī issāso hoti, kākā cassa amanāpā honti.
pli-tv-bu-vb-pc61:1.3	So kāke vijjhitvā vijjhitvā sīsaṁ chinditvā sūle paṭipāṭiyā ṭhapesi.
pli-tv-bu-vb-pc61:1.4	Bhikkhū evamāhaṁsu—
pli-tv-bu-vb-pc61:1.5	“kenime, āvuso, kākā jīvitā voropitā”ti?
pli-tv-bu-vb-pc61:1.6	“Mayā, āvuso.
pli-tv-bu-vb-pc61:1.7	Amanāpā me kākā”ti.
pli-tv-bu-vb-pc61:1.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc61:1.9	“kathañhi nāma āyasmā udāyī sañcicca pāṇaṁ jīvitā voropessatī”ti …pe…
pli-tv-bu-vb-pc61:1.10	“saccaṁ kira tvaṁ, udāyi, sañcicca pāṇaṁ jīvitā voropesī”ti?
pli-tv-bu-vb-pc61:1.11	“Saccaṁ, bhagavā”ti.
pli-tv-bu-vb-pc61:1.12	Vigarahi buddho bhagavā …pe…
pli-tv-bu-vb-pc61:1.13	kathañhi nāma tvaṁ, moghapurisa, sañcicca pāṇaṁ jīvitā voropessasi.
pli-tv-bu-vb-pc61:1.14	Netaṁ, moghapurisa, appasannānaṁ vā pasādāya …pe…
pli-tv-bu-vb-pc61:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc61:1.16.0	
pli-tv-bu-vb-pc61:1.16.1	“Yo pana bhikkhu sañcicca pāṇaṁ jīvitā voropeyya, pācittiyan”ti.
pli-tv-bu-vb-pc61:2.1.0	
pli-tv-bu-vb-pc61:2.1.1	Yo panāti
pli-tv-bu-vb-pc61:2.1.2	yo yādiso …pe…
pli-tv-bu-vb-pc61:2.1.3	bhikkhūti
pli-tv-bu-vb-pc61:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc61:2.1.5	Sañciccāti
pli-tv-bu-vb-pc61:2.1.6	jānanto sañjānanto cecca abhivitaritvā vītikkamo.
pli-tv-bu-vb-pc61:2.1.7	Pāṇo nāma
pli-tv-bu-vb-pc61:2.1.8	tiracchānagatapāṇo vuccati.
pli-tv-bu-vb-pc61:2.1.9	Jīvitā voropeyyāti
pli-tv-bu-vb-pc61:2.1.10	jīvitindriyaṁ upacchindati uparodheti santatiṁ vikopeti, āpatti pācittiyassa.
pli-tv-bu-vb-pc61:2.2.0	
pli-tv-bu-vb-pc61:2.2.1	Pāṇe pāṇasaññī jīvitā voropeti, āpatti pācittiyassa.
pli-tv-bu-vb-pc61:2.2.2	Pāṇe vematiko jīvitā voropeti, āpatti dukkaṭassa.
pli-tv-bu-vb-pc61:2.2.3	Pāṇe appāṇasaññī jīvitā voropeti, anāpatti.
pli-tv-bu-vb-pc61:2.2.4	Appāṇe pāṇasaññī, āpatti dukkaṭassa.
pli-tv-bu-vb-pc61:2.2.5	Appāṇe vematiko, āpatti dukkaṭassa.
pli-tv-bu-vb-pc61:2.2.6	Appāṇe appāṇasaññī, anāpatti.
pli-tv-bu-vb-pc61:2.3.0	
pli-tv-bu-vb-pc61:2.3.1	Anāpatti—
pli-tv-bu-vb-pc61:2.3.2	asañcicca,
pli-tv-bu-vb-pc61:2.3.3	assatiyā,
pli-tv-bu-vb-pc61:2.3.4	ajānantassa,
pli-tv-bu-vb-pc61:2.3.5	namaraṇādhippāyassa,
pli-tv-bu-vb-pc61:2.3.6	ummattakassa,
pli-tv-bu-vb-pc61:2.3.7	ādikammikassāti.
pli-tv-bu-vb-pc61:2.3.8	Sañciccasikkhāpadaṁ niṭṭhitaṁ paṭhamaṁ.
pli-tv-bu-vb-pc62:0.1	Theravāda Vinaya
pli-tv-bu-vb-pc62:0.2	Mahāvibhaṅga
pli-tv-bu-vb-pc62:0.3	Pācittiyakaṇḍa
pli-tv-bu-vb-pc62:0.4	Sappāṇakavagga
pli-tv-bu-vb-pc62:0.5	62. Sappāṇakasikkhāpada
pli-tv-bu-vb-pc62:1.0	
pli-tv-bu-vb-pc62:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc62:1.2	Tena kho pana samayena chabbaggiyā bhikkhū jānaṁ sappāṇakaṁ udakaṁ paribhuñjanti.
pli-tv-bu-vb-pc62:1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc62:1.4	“kathañhi nāma chabbaggiyā bhikkhū jānaṁ sappāṇakaṁ udakaṁ paribhuñjissantī”ti …pe…
pli-tv-bu-vb-pc62:1.5	“saccaṁ kira tumhe, bhikkhave, jānaṁ sappāṇakaṁ udakaṁ paribhuñjathā”ti?
pli-tv-bu-vb-pc62:1.6	“Saccaṁ, bhagavā”ti.
pli-tv-bu-vb-pc62:1.7	Vigarahi buddho bhagavā …pe…
pli-tv-bu-vb-pc62:1.8	kathañhi nāma tumhe, moghapurisā, jānaṁ sappāṇakaṁ udakaṁ paribhuñjissatha.
pli-tv-bu-vb-pc62:1.9	Netaṁ, moghapurisā, appasannānaṁ vā pasādāya …pe…
pli-tv-bu-vb-pc62:1.10	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc62:1.11.0	
pli-tv-bu-vb-pc62:1.11.1	“Yo pana bhikkhu jānaṁ sappāṇakaṁ udakaṁ paribhuñjeyya, pācittiyan”ti.
pli-tv-bu-vb-pc62:2.1.0	
pli-tv-bu-vb-pc62:2.1.1	Yo panāti
pli-tv-bu-vb-pc62:2.1.2	yo yādiso …pe…
pli-tv-bu-vb-pc62:2.1.3	bhikkhūti
pli-tv-bu-vb-pc62:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc62:2.1.5	Jānāti nāma
pli-tv-bu-vb-pc62:2.1.6	sāmaṁ vā jānāti, aññe vā tassa ārocenti.
pli-tv-bu-vb-pc62:2.1.7	“Sappāṇakan”ti jānanto, “paribhogena marissantī”ti jānanto paribhuñjati, āpatti pācittiyassa.
pli-tv-bu-vb-pc62:2.2.0	
pli-tv-bu-vb-pc62:2.2.1	Sappāṇake sappāṇakasaññī paribhuñjati, āpatti pācittiyassa.
pli-tv-bu-vb-pc62:2.2.2	Sappāṇake vematiko paribhuñjati, āpatti dukkaṭassa.
pli-tv-bu-vb-pc62:2.2.3	Sappāṇake appāṇakasaññī paribhuñjati, anāpatti.
pli-tv-bu-vb-pc62:2.2.4	Appāṇake sappāṇakasaññī, āpatti dukkaṭassa.
pli-tv-bu-vb-pc62:2.2.5	Appāṇake vematiko, āpatti dukkaṭassa.
pli-tv-bu-vb-pc62:2.2.6	Appāṇake appāṇakasaññī, anāpatti.
pli-tv-bu-vb-pc62:2.3.0	
pli-tv-bu-vb-pc62:2.3.1	Anāpatti—
pli-tv-bu-vb-pc62:2.3.2	“sappāṇakan”ti ajānanto,
pli-tv-bu-vb-pc62:2.3.3	“appāṇakan”ti jānanto,
pli-tv-bu-vb-pc62:2.3.4	“paribhogena na marissantī”ti jānanto paribhuñjati,
pli-tv-bu-vb-pc62:2.3.5	ummattakassa,
pli-tv-bu-vb-pc62:2.3.6	ādikammikassāti.
pli-tv-bu-vb-pc62:2.3.7	Sappāṇakasikkhāpadaṁ niṭṭhitaṁ dutiyaṁ.
pli-tv-bu-vb-pc63:0.1	Theravāda Vinaya
pli-tv-bu-vb-pc63:0.2	Mahāvibhaṅga
pli-tv-bu-vb-pc63:0.3	Pācittiyakaṇḍa
pli-tv-bu-vb-pc63:0.4	Sappāṇakavagga
pli-tv-bu-vb-pc63:0.5	63. Ukkoṭanasikkhāpada
pli-tv-bu-vb-pc63:1.0	
pli-tv-bu-vb-pc63:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc63:1.2	Tena kho pana samayena chabbaggiyā bhikkhū jānaṁ yathādhammaṁ nihatādhikaraṇaṁ punakammāya ukkoṭenti—
pli-tv-bu-vb-pc63:1.3	“akataṁ kammaṁ dukkaṭaṁ kammaṁ puna kātabbaṁ kammaṁ anihataṁ dunnihataṁ puna nihanitabban”ti.
pli-tv-bu-vb-pc63:1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc63:1.5	“kathañhi nāma chabbaggiyā bhikkhū jānaṁ yathādhammaṁ nihatādhikaraṇaṁ punakammāya ukkoṭessantī”ti …pe…
pli-tv-bu-vb-pc63:1.6	“saccaṁ kira tumhe, bhikkhave, jānaṁ yathādhammaṁ nihatādhikaraṇaṁ punakammāya ukkoṭethā”ti?
pli-tv-bu-vb-pc63:1.7	“Saccaṁ, bhagavā”ti.
pli-tv-bu-vb-pc63:1.8	Vigarahi buddho bhagavā …pe…
pli-tv-bu-vb-pc63:1.9	kathañhi nāma tumhe, moghapurisā, jānaṁ yathādhammaṁ nihatādhikaraṇaṁ punakammāya ukkoṭessatha.
pli-tv-bu-vb-pc63:1.10	Netaṁ, moghapurisā, appasannānaṁ vā pasādāya …pe…
pli-tv-bu-vb-pc63:1.11	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc63:1.12.0	
pli-tv-bu-vb-pc63:1.12.1	“Yo pana bhikkhu jānaṁ yathādhammaṁ nihatādhikaraṇaṁ punakammāya ukkoṭeyya, pācittiyan”ti.
pli-tv-bu-vb-pc63:2.1.0	
pli-tv-bu-vb-pc63:2.1.1	Yo panāti
pli-tv-bu-vb-pc63:2.1.2	yo yādiso …pe…
pli-tv-bu-vb-pc63:2.1.3	bhikkhūti
pli-tv-bu-vb-pc63:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc63:2.1.5	Jānāti nāma
pli-tv-bu-vb-pc63:2.1.6	sāmaṁ vā jānāti, aññe vā tassa ārocenti, so vā āroceti.
pli-tv-bu-vb-pc63:2.1.7	Yathādhammaṁ nāma
pli-tv-bu-vb-pc63:2.1.8	dhammena vinayena satthusāsanena kataṁ, etaṁ yathādhammaṁ nāma.
pli-tv-bu-vb-pc63:2.1.9	Adhikaraṇaṁ nāma
pli-tv-bu-vb-pc63:2.1.10	cattāri adhikaraṇāni— vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.
pli-tv-bu-vb-pc63:2.1.11	Punakammāya ukkoṭeyyāti
pli-tv-bu-vb-pc63:2.1.12	“akataṁ kammaṁ dukkaṭaṁ kammaṁ punakātabbaṁ kammaṁ anihataṁ dunnihataṁ puna nihanitabban”ti ukkoṭeti, āpatti pācittiyassa.
pli-tv-bu-vb-pc63:2.2.0	
pli-tv-bu-vb-pc63:2.2.1	Dhammakamme dhammakammasaññī ukkoṭeti, āpatti pācittiyassa.
pli-tv-bu-vb-pc63:2.2.2	Dhammakamme vematiko ukkoṭeti, āpatti dukkaṭassa.
pli-tv-bu-vb-pc63:2.2.3	Dhammakamme adhammakammasaññī ukkoṭeti, anāpatti.
pli-tv-bu-vb-pc63:2.2.4	Adhammakamme dhammakammasaññī, āpatti dukkaṭassa.
pli-tv-bu-vb-pc63:2.2.5	Adhammakamme vematiko, āpatti dukkaṭassa.
pli-tv-bu-vb-pc63:2.2.6	Adhammakamme adhammakammasaññī, anāpatti.
pli-tv-bu-vb-pc63:2.3.0	
pli-tv-bu-vb-pc63:2.3.1	Anāpatti—
pli-tv-bu-vb-pc63:2.3.2	“adhammena vā vaggena vā na kammārahassa vā kammaṁ katan”ti jānanto ukkoṭeti,
pli-tv-bu-vb-pc63:2.3.3	ummattakassa,
pli-tv-bu-vb-pc63:2.3.4	ādikammikassāti.
pli-tv-bu-vb-pc63:2.3.5	Ukkoṭanasikkhāpadaṁ niṭṭhitaṁ tatiyaṁ.
pli-tv-bu-vb-pc64:0.1	Theravāda Vinaya
pli-tv-bu-vb-pc64:0.2	Mahāvibhaṅga
pli-tv-bu-vb-pc64:0.3	Pācittiyakaṇḍa
pli-tv-bu-vb-pc64:0.4	Sappāṇakavagga
pli-tv-bu-vb-pc64:0.5	64. Duṭṭhullasikkhāpada
pli-tv-bu-vb-pc64:1.0	
pli-tv-bu-vb-pc64:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc64:1.2	Tena kho pana samayena āyasmā upanando sakyaputto sañcetanikaṁ sukkavissaṭṭhiṁ āpattiṁ āpajjitvā bhātuno saddhivihārikassa bhikkhuno ārocesi—
pli-tv-bu-vb-pc64:1.3	“ahaṁ, āvuso, sañcetanikaṁ sukkavissaṭṭhiṁ āpattiṁ āpanno.
pli-tv-bu-vb-pc64:1.4	Mā kassaci ārocehī”ti.
pli-tv-bu-vb-pc64:1.5	Tena kho pana samayena aññataro bhikkhu sañcetanikaṁ sukkavissaṭṭhiṁ āpattiṁ āpajjitvā saṅghaṁ tassā āpattiyā parivāsaṁ yāci.
pli-tv-bu-vb-pc64:1.6	Tassa saṅgho tassā āpattiyā parivāsaṁ adāsi.
pli-tv-bu-vb-pc64:1.7	So parivasanto taṁ bhikkhuṁ passitvā etadavoca—
pli-tv-bu-vb-pc64:1.8	“ahaṁ, āvuso, sañcetanikaṁ sukkavissaṭṭhiṁ āpattiṁ āpajjitvā saṅghaṁ tassā āpattiyā parivāsaṁ yāciṁ, tassa me saṅgho tassā āpattiyā parivāsaṁ adāsi, sohaṁ parivasāmi, vediyāmahaṁ, āvuso, vediyatīti maṁ āyasmā dhāretū”ti.
pli-tv-bu-vb-pc64:1.9	“Kiṁ nu kho, āvuso, yo aññopi imaṁ āpattiṁ āpajjati sopi evaṁ karotī”ti?
pli-tv-bu-vb-pc64:1.10	“Evamāvuso”ti.
pli-tv-bu-vb-pc64:1.11	“Ayaṁ, āvuso, āyasmā upanando sakyaputto sañcetanikaṁ sukkavissaṭṭhiṁ āpattiṁ āpajjitvā so me āroceti mā kassaci ārocehī”ti.
pli-tv-bu-vb-pc64:1.12	“Kiṁ pana tvaṁ, āvuso, paṭicchādesī”ti?
pli-tv-bu-vb-pc64:1.13	“Evamāvuso”ti.
pli-tv-bu-vb-pc64:1.14	Atha kho so bhikkhu bhikkhūnaṁ etamatthaṁ ārocesi.
pli-tv-bu-vb-pc64:1.15	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc64:1.16	“kathañhi nāma bhikkhu bhikkhussa jānaṁ duṭṭhullaṁ āpattiṁ paṭicchādessatī”ti …pe…
pli-tv-bu-vb-pc64:1.17	“saccaṁ kira tvaṁ, bhikkhu, bhikkhussa jānaṁ duṭṭhullaṁ āpattiṁ paṭicchādesī”ti.
pli-tv-bu-vb-pc64:1.18	“Saccaṁ, bhagavā”ti.
pli-tv-bu-vb-pc64:1.19	Vigarahi buddho bhagavā …pe…
pli-tv-bu-vb-pc64:1.20	kathañhi nāma tvaṁ, moghapurisa, bhikkhussa jānaṁ duṭṭhullaṁ āpattiṁ paṭicchādessasi.
pli-tv-bu-vb-pc64:1.21	Netaṁ, moghapurisa, appasannānaṁ vā pasādāya …pe…
pli-tv-bu-vb-pc64:1.22	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc64:1.23.0	
pli-tv-bu-vb-pc64:1.23.1	“Yo pana bhikkhu bhikkhussa jānaṁ duṭṭhullaṁ āpattiṁ paṭicchādeyya, pācittiyan”ti.
pli-tv-bu-vb-pc64:2.1.0	
pli-tv-bu-vb-pc64:2.1.1	Yo panāti
pli-tv-bu-vb-pc64:2.1.2	yo yādiso …pe…
pli-tv-bu-vb-pc64:2.1.3	bhikkhūti
pli-tv-bu-vb-pc64:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc64:2.1.5	Bhikkhussāti
pli-tv-bu-vb-pc64:2.1.6	aññassa bhikkhussa.
pli-tv-bu-vb-pc64:2.1.7	Jānāti nāma
pli-tv-bu-vb-pc64:2.1.8	sāmaṁ vā jānāti aññe vā tassa ārocenti, so vā āroceti.
pli-tv-bu-vb-pc64:2.1.9	Duṭṭhullā nāma āpatti
pli-tv-bu-vb-pc64:2.1.10	cattāri ca pārājikāni terasa ca saṅghādisesā.
pli-tv-bu-vb-pc64:2.1.11	Paṭicchādeyyāti
pli-tv-bu-vb-pc64:2.1.12	“imaṁ jānitvā codessanti, sāressanti khuṁsessanti, vambhessanti, maṅkuṁ karissanti nārocessāmī”ti dhuraṁ nikkhittamatte, āpatti pācittiyassa.
pli-tv-bu-vb-pc64:2.2.0	
pli-tv-bu-vb-pc64:2.2.1	Duṭṭhullāya āpattiyā duṭṭhullāpattisaññī paṭicchādeti, āpatti pācittiyassa.
pli-tv-bu-vb-pc64:2.2.2	Duṭṭhullāya āpattiyā vematiko paṭicchādeti, āpatti dukkaṭassa.
pli-tv-bu-vb-pc64:2.2.3	Duṭṭhullāya āpattiyā aduṭṭhullāpattisaññī paṭicchādeti, āpatti dukkaṭassa.
pli-tv-bu-vb-pc64:2.2.4	Aduṭṭhullaṁ āpattiṁ paṭicchādeti, āpatti dukkaṭassa.
pli-tv-bu-vb-pc64:2.2.5	Anupasampannassa duṭṭhullaṁ vā aduṭṭhullaṁ vā ajjhācāraṁ paṭicchādeti, āpatti dukkaṭassa.
pli-tv-bu-vb-pc64:2.2.6	Aduṭṭhullāya āpattiyā duṭṭhullāpattisaññī, āpatti dukkaṭassa.
pli-tv-bu-vb-pc64:2.2.7	Aduṭṭhullāya āpattiyā vematiko, āpatti dukkaṭassa.
pli-tv-bu-vb-pc64:2.2.8	Aduṭṭhullāya āpattiyā aduṭṭhullāpattisaññī, āpatti dukkaṭassa.
pli-tv-bu-vb-pc64:2.3.0	
pli-tv-bu-vb-pc64:2.3.1	Anāpatti—
pli-tv-bu-vb-pc64:2.3.2	“saṅghassa bhaṇḍanaṁ vā kalaho vā viggaho vā vivādo vā bhavissatī”ti nāroceti,
pli-tv-bu-vb-pc64:2.3.3	“saṅghabhedo vā saṅgharāji vā bhavissatī”ti nāroceti,
pli-tv-bu-vb-pc64:2.3.4	“ayaṁ kakkhaḷo pharuso jīvitantarāyaṁ vā brahmacariyantarāyaṁ vā karissatī”ti nāroceti,
pli-tv-bu-vb-pc64:2.3.5	aññe patirūpe bhikkhū apassanto nāroceti,
pli-tv-bu-vb-pc64:2.3.6	nachādetukāmo nāroceti,
pli-tv-bu-vb-pc64:2.3.7	“paññāyissati sakena kammenā”ti nāroceti,
pli-tv-bu-vb-pc64:2.3.8	ummattakassa,
pli-tv-bu-vb-pc64:2.3.9	ādikammikassāti.
pli-tv-bu-vb-pc64:2.3.10	Duṭṭhullasikkhāpadaṁ niṭṭhitaṁ catutthaṁ.
pli-tv-bu-vb-pc65:0.1	Theravāda Vinaya
pli-tv-bu-vb-pc65:0.2	Mahāvibhaṅga
pli-tv-bu-vb-pc65:0.3	Pācittiyakaṇḍa
pli-tv-bu-vb-pc65:0.4	Sappāṇakavagga
pli-tv-bu-vb-pc65:0.5	65. Ūnavīsativassasikkhāpada
pli-tv-bu-vb-pc65:1.0	
pli-tv-bu-vb-pc65:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc65:1.2	Tena kho pana samayena rājagahe sattarasavaggiyā dārakā sahāyakā honti.
pli-tv-bu-vb-pc65:1.3	Upālidārako tesaṁ pāmokkho hoti.
pli-tv-bu-vb-pc65:1.4	Atha kho upālissa mātāpitūnaṁ etadahosi—
pli-tv-bu-vb-pc65:1.5	“kena nu kho upāyena upāli amhākaṁ accayena sukhañca jīveyya na ca kilameyyā”ti?
pli-tv-bu-vb-pc65:1.6	Atha kho upālissa mātāpitūnaṁ etadahosi—
pli-tv-bu-vb-pc65:1.7	“sace kho upāli lekhaṁ sikkheyya, evaṁ kho upāli amhākaṁ accayena sukhañca jīveyya, na ca kilameyyā”ti.
pli-tv-bu-vb-pc65:1.8	Atha kho upālissa mātāpitūnaṁ etadahosi—
pli-tv-bu-vb-pc65:1.9	“sace kho upāli lekhaṁ sikkhissati, aṅguliyo dukkhā bhavissanti.
pli-tv-bu-vb-pc65:1.10	Sace kho upāli gaṇanaṁ sikkheyya, evaṁ kho upāli amhākaṁ accayena sukhañca jīveyya na ca kilameyyā”ti.
pli-tv-bu-vb-pc65:1.11	Atha kho upālissa mātāpitūnaṁ etadahosi—
pli-tv-bu-vb-pc65:1.12	“sace kho upāli gaṇanaṁ sikkhissati, urassa dukkho bhavissati.
pli-tv-bu-vb-pc65:1.13	Sace kho upāli rūpaṁ sikkheyya, evaṁ kho upāli amhākaṁ accayena sukhañca jīveyya na ca kilameyyā”ti.
pli-tv-bu-vb-pc65:1.14	Atha kho upālissa mātāpitūnaṁ etadahosi—
pli-tv-bu-vb-pc65:1.15	“sace kho upāli rūpaṁ sikkhissati, akkhīni dukkhā bhavissanti.
pli-tv-bu-vb-pc65:1.16	Ime kho samaṇā sakyaputtiyā sukhasīlā sukhasamācārā subhojanāni bhuñjitvā nivātesu sayanesu sayanti.
pli-tv-bu-vb-pc65:1.17	Sace kho upāli samaṇesu sakyaputtiyesu pabbajeyya, evaṁ kho upāli amhākaṁ accayena sukhañca jīveyya, na ca kilameyyā”ti.
pli-tv-bu-vb-pc65:1.18	Assosi kho upālidārako mātāpitūnaṁ imaṁ kathāsallāpaṁ.
pli-tv-bu-vb-pc65:1.19	Atha kho upālidārako yena te dārakā tenupasaṅkami; upasaṅkamitvā te dārake etadavoca—
pli-tv-bu-vb-pc65:1.20	“etha mayaṁ, ayyā, samaṇesu sakyaputtiyesu pabbajissāmā”ti.
pli-tv-bu-vb-pc65:1.21	“Sace kho tvaṁ, ayya, pabbajissasi, evaṁ mayampi pabbajissāmā”ti.
pli-tv-bu-vb-pc65:1.22	Atha kho te dārakā ekamekassa mātāpitaro upasaṅkamitvā etadavocuṁ—
pli-tv-bu-vb-pc65:1.23	“anujānātha maṁ agārasmā anagāriyaṁ pabbajjāyā”ti.
pli-tv-bu-vb-pc65:1.24	Atha kho tesaṁ dārakānaṁ mātāpitaro—
pli-tv-bu-vb-pc65:1.25	“sabbepime dārakā samānacchandā kalyāṇādhippāyā”ti anujāniṁsu.
pli-tv-bu-vb-pc65:1.26	Te bhikkhū upasaṅkamitvā pabbajjaṁ yāciṁsu.
pli-tv-bu-vb-pc65:1.27	Te bhikkhū pabbājesuṁ upasampādesuṁ.
pli-tv-bu-vb-pc65:1.28	Te rattiyā paccūsasamayaṁ paccuṭṭhāya rodanti—
pli-tv-bu-vb-pc65:1.29	“yāguṁ detha, bhattaṁ detha, khādanīyaṁ dethā”ti.
pli-tv-bu-vb-pc65:1.30	Bhikkhū evamāhaṁsu—
pli-tv-bu-vb-pc65:1.31	“āgametha, āvuso, yāva ratti vibhāyati.
pli-tv-bu-vb-pc65:1.32	Sace yāgu bhavissati, pivissatha.
pli-tv-bu-vb-pc65:1.33	Sace bhattaṁ bhavissati, bhuñjissatha.
pli-tv-bu-vb-pc65:1.34	Sace khādanīyaṁ bhavissati, khādissatha.
pli-tv-bu-vb-pc65:1.35	No ce bhavissati yāgu vā bhattaṁ vā khādanīyaṁ vā, piṇḍāya caritvā bhuñjissathā”ti.
pli-tv-bu-vb-pc65:1.36	Evampi kho te bhikkhū bhikkhūhi vuccamānā rodantiyeva—
pli-tv-bu-vb-pc65:1.37	“yāguṁ detha, bhattaṁ detha, khādanīyaṁ dethā”ti.
pli-tv-bu-vb-pc65:1.38	Senāsanaṁ ūhadantipi ummihantipi.
pli-tv-bu-vb-pc65:1.39	Assosi kho bhagavā rattiyā paccūsasamayaṁ paccuṭṭhāya dārakasaddaṁ.
pli-tv-bu-vb-pc65:1.40	Sutvāna āyasmantaṁ ānandaṁ āmantesi—
pli-tv-bu-vb-pc65:1.41	“kiṁ nu kho so, ānanda, dārakasaddo”ti?
pli-tv-bu-vb-pc65:1.42	Atha kho āyasmā ānando bhagavato etamatthaṁ ārocesi.
pli-tv-bu-vb-pc65:1.43	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-bu-vb-pc65:1.44	“saccaṁ kira, bhikkhave, bhikkhū jānaṁ ūnavīsativassaṁ puggalaṁ upasampādentī”ti?
pli-tv-bu-vb-pc65:1.45	“Saccaṁ, bhagavā”ti.
pli-tv-bu-vb-pc65:1.46	Vigarahi buddho bhagavā …pe…
pli-tv-bu-vb-pc65:1.47	kathañhi nāma te, bhikkhave, moghapurisā jānaṁ ūnavīsativassaṁ puggalaṁ upasampādessanti.
pli-tv-bu-vb-pc65:1.48	Ūnakavīsativasso, bhikkhave, puggalo akkhamo hoti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātiko hoti.
pli-tv-bu-vb-pc65:1.49	Vīsativassova kho, bhikkhave, puggalo khamo hoti sītassa uṇhassa …pe…
pli-tv-bu-vb-pc65:1.50	pāṇaharānaṁ adhivāsakajātiko hoti.
pli-tv-bu-vb-pc65:1.51	Netaṁ, bhikkhave, appasannānaṁ vā pasādāya …pe…
pli-tv-bu-vb-pc65:1.52	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc65:1.53.0	
pli-tv-bu-vb-pc65:1.53.1	“Yo pana bhikkhu jānaṁ ūnavīsativassaṁ puggalaṁ upasampādeyya, so ca puggalo anupasampanno, te ca bhikkhū gārayhā, idaṁ tasmiṁ pācittiyan”ti.
pli-tv-bu-vb-pc65:2.1.0	
pli-tv-bu-vb-pc65:2.1.1	Yo panāti
pli-tv-bu-vb-pc65:2.1.2	yo yādiso …pe…
pli-tv-bu-vb-pc65:2.1.3	bhikkhūti
pli-tv-bu-vb-pc65:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc65:2.1.5	Jānāti nāma
pli-tv-bu-vb-pc65:2.1.6	sāmaṁ vā jānāti, aññe vā tassa ārocenti, so vā āroceti.
pli-tv-bu-vb-pc65:2.1.7	Ūnavīsativasso nāma
pli-tv-bu-vb-pc65:2.1.8	appattavīsativasso.
pli-tv-bu-vb-pc65:2.1.9	“Upasampādessāmī”ti gaṇaṁ vā ācariyaṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bu-vb-pc65:2.1.10	Ñattiyā dukkaṭaṁ.
pli-tv-bu-vb-pc65:2.1.11	Dvīhi kammavācāhi dukkaṭā.
pli-tv-bu-vb-pc65:2.1.12	Kammavācāpariyosāne upajjhāyassa āpatti pācittiyassa.
pli-tv-bu-vb-pc65:2.1.13	Gaṇassa ca ācariyassa ca āpatti dukkaṭassa.
pli-tv-bu-vb-pc65:2.2.0	
pli-tv-bu-vb-pc65:2.2.1	Ūnavīsativasse ūnavīsativassasaññī upasampādeti, āpatti pācittiyassa.
pli-tv-bu-vb-pc65:2.2.2	Ūnavīsativasse vematiko upasampādeti, āpatti dukkaṭassa.
pli-tv-bu-vb-pc65:2.2.3	Ūnavīsativasse paripuṇṇavīsativassasaññī upasampādeti, anāpatti.
pli-tv-bu-vb-pc65:2.2.4	Paripuṇṇavīsativasse ūnavīsativassasaññī, āpatti dukkaṭassa.
pli-tv-bu-vb-pc65:2.2.5	Paripuṇṇavīsativasse vematiko, āpatti dukkaṭassa.
pli-tv-bu-vb-pc65:2.2.6	Paripuṇṇavīsativasse paripuṇṇavīsativassasaññī, anāpatti.
pli-tv-bu-vb-pc65:2.3.0	
pli-tv-bu-vb-pc65:2.3.1	Anāpatti—
pli-tv-bu-vb-pc65:2.3.2	ūnavīsativassaṁ paripuṇṇavīsativassasaññī upasampādeti,
pli-tv-bu-vb-pc65:2.3.3	paripuṇṇavīsativassaṁ paripuṇṇavīsativassasaññī upasampādeti,
pli-tv-bu-vb-pc65:2.3.4	ummattakassa,
pli-tv-bu-vb-pc65:2.3.5	ādikammikassāti.
pli-tv-bu-vb-pc65:2.3.6	Ūnavīsativassasikkhāpadaṁ niṭṭhitaṁ pañcamaṁ.
pli-tv-bu-vb-pc66:0.1	Theravāda Vinaya
pli-tv-bu-vb-pc66:0.2	Mahāvibhaṅga
pli-tv-bu-vb-pc66:0.3	Pācittiyakaṇḍa
pli-tv-bu-vb-pc66:0.4	Sappāṇakavagga
pli-tv-bu-vb-pc66:0.5	66. Theyyasatthasikkhāpada
pli-tv-bu-vb-pc66:1.0	
pli-tv-bu-vb-pc66:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc66:1.2	Tena kho pana samayena aññataro sattho rājagahā paṭiyālokaṁ gantukāmo hoti.
pli-tv-bu-vb-pc66:1.3	Aññataro bhikkhu te manusse etadavoca—
pli-tv-bu-vb-pc66:1.4	“ahampāyasmantehi saddhiṁ gamissāmī”ti.
pli-tv-bu-vb-pc66:1.5	“Mayaṁ kho, bhante, suṅkaṁ pariharissāmā”ti.
pli-tv-bu-vb-pc66:1.6	“Pajānāthāvuso”ti.
pli-tv-bu-vb-pc66:1.7	Assosuṁ kho kammiyā—
pli-tv-bu-vb-pc66:1.8	“sattho kira suṅkaṁ pariharissatī”ti.
pli-tv-bu-vb-pc66:1.9	Te magge pariyuṭṭhiṁsu.
pli-tv-bu-vb-pc66:1.10	Atha kho te kammiyā taṁ satthaṁ gahetvā acchinditvā taṁ bhikkhuṁ etadavocuṁ—
pli-tv-bu-vb-pc66:1.11	“kissa tvaṁ, bhante, jānaṁ theyyasatthena saddhiṁ gacchasī”ti?
pli-tv-bu-vb-pc66:1.12	Palibundhetvā muñciṁsu.
pli-tv-bu-vb-pc66:1.13	Atha kho so bhikkhu sāvatthiṁ gantvā bhikkhūnaṁ etamatthaṁ ārocesi.
pli-tv-bu-vb-pc66:1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc66:1.15	“kathañhi nāma bhikkhu jānaṁ theyyasatthena saddhiṁ saṁvidhāya ekaddhānamaggaṁ paṭipajjissatī”ti …pe…
pli-tv-bu-vb-pc66:1.16	“saccaṁ kira tvaṁ, bhikkhu, jānaṁ theyyasatthena saddhiṁ saṁvidhāya ekaddhānamaggaṁ paṭipajjasī”ti?
pli-tv-bu-vb-pc66:1.17	“Saccaṁ, bhagavā”ti.
pli-tv-bu-vb-pc66:1.18	Vigarahi buddho bhagavā …pe…
pli-tv-bu-vb-pc66:1.19	kathañhi nāma tvaṁ, moghapurisa, jānaṁ theyyasatthena saddhiṁ saṁvidhāya ekaddhānamaggaṁ paṭipajjissasi.
pli-tv-bu-vb-pc66:1.20	Netaṁ, moghapurisa, appasannānaṁ vā pasādāya …pe…
pli-tv-bu-vb-pc66:1.21	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc66:1.22.0	
pli-tv-bu-vb-pc66:1.22.1	“Yo pana bhikkhu jānaṁ theyyasatthena saddhiṁ saṁvidhāya ekaddhānamaggaṁ paṭipajjeyya, antamaso gāmantarampi, pācittiyan”ti.
pli-tv-bu-vb-pc66:2.1.0	
pli-tv-bu-vb-pc66:2.1.1	Yo panāti
pli-tv-bu-vb-pc66:2.1.2	yo yādiso …pe…
pli-tv-bu-vb-pc66:2.1.3	bhikkhūti
pli-tv-bu-vb-pc66:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc66:2.1.5	Jānāti nāma
pli-tv-bu-vb-pc66:2.1.6	sāmaṁ vā jānāti, aññe vā tassa ārocenti, so vā āroceti.
pli-tv-bu-vb-pc66:2.1.7	Theyyasattho nāma
pli-tv-bu-vb-pc66:2.1.8	corā katakammā vā honti akatakammā vā, rājānaṁ vā theyyaṁ gacchanti suṅkaṁ vā pariharanti.
pli-tv-bu-vb-pc66:2.1.9	Saddhinti
pli-tv-bu-vb-pc66:2.1.10	ekato.
pli-tv-bu-vb-pc66:2.1.11	Saṁvidhāyāti—
pli-tv-bu-vb-pc66:2.1.12	“gacchāmāvuso, gacchāma, bhante; gacchāma, bhante, gacchāmāvuso, ajja vā hiyyo vā pare vā gacchāmā”ti saṁvidahati, āpatti dukkaṭassa.
pli-tv-bu-vb-pc66:2.1.13	Antamaso gāmantarampīti
pli-tv-bu-vb-pc66:2.1.14	kukkuṭasampāte gāme gāmantare gāmantare āpatti pācittiyassa.
pli-tv-bu-vb-pc66:2.1.15	Agāmake araññe addhayojane addhayojane āpatti pācittiyassa.
pli-tv-bu-vb-pc66:2.2.0	
pli-tv-bu-vb-pc66:2.2.1	Theyyasatthe theyyasatthasaññī saṁvidhāya ekaddhānamaggaṁ paṭipajjati, antamaso gāmantarampi, āpatti pācittiyassa.
pli-tv-bu-vb-pc66:2.2.2	Theyyasatthe vematiko saṁvidhāya ekaddhānamaggaṁ paṭipajjati, antamaso gāmantarampi, āpatti dukkaṭassa.
pli-tv-bu-vb-pc66:2.2.3	Theyyasatthe atheyyasatthasaññī saṁvidhāya ekaddhānamaggaṁ paṭipajjati, antamaso gāmantarampi, anāpatti.
pli-tv-bu-vb-pc66:2.2.4	Bhikkhu saṁvidahati, manussā na saṁvidahanti, āpatti dukkaṭassa.
pli-tv-bu-vb-pc66:2.2.5	Atheyyasatthe theyyasatthasaññī, āpatti dukkaṭassa.
pli-tv-bu-vb-pc66:2.2.6	Atheyyasatthe vematiko, āpatti dukkaṭassa.
pli-tv-bu-vb-pc66:2.2.7	Atheyyasatthe atheyyasatthasaññī anāpatti.
pli-tv-bu-vb-pc66:2.3.0	
pli-tv-bu-vb-pc66:2.3.1	Anāpatti—
pli-tv-bu-vb-pc66:2.3.2	asaṁvidahitvā gacchati,
pli-tv-bu-vb-pc66:2.3.3	manussā saṁvidahanti bhikkhu na saṁvidahati,
pli-tv-bu-vb-pc66:2.3.4	visaṅketena gacchati,
pli-tv-bu-vb-pc66:2.3.5	āpadāsu,
pli-tv-bu-vb-pc66:2.3.6	ummattakassa,
pli-tv-bu-vb-pc66:2.3.7	ādikammikassāti.
pli-tv-bu-vb-pc66:2.3.8	Theyyasatthasikkhāpadaṁ niṭṭhitaṁ chaṭṭhaṁ.
pli-tv-bu-vb-pc67:0.1	Theravāda Vinaya
pli-tv-bu-vb-pc67:0.2	Mahāvibhaṅga
pli-tv-bu-vb-pc67:0.3	Pācittiyakaṇḍa
pli-tv-bu-vb-pc67:0.4	Sappāṇakavagga
pli-tv-bu-vb-pc67:0.5	67. Saṁvidhānasikkhāpada
pli-tv-bu-vb-pc67:1.0	
pli-tv-bu-vb-pc67:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc67:1.2	Tena kho pana samayena aññataro bhikkhu kosalesu janapade sāvatthiṁ gacchanto aññatarena gāmadvārena atikkamati.
pli-tv-bu-vb-pc67:1.3	Aññatarā itthī sāmikena saha bhaṇḍitvā gāmato nikkhamitvā taṁ bhikkhuṁ passitvā etadavoca—
pli-tv-bu-vb-pc67:1.4	“kahaṁ, bhante, ayyo gamissatī”ti?
pli-tv-bu-vb-pc67:1.5	“Sāvatthiṁ kho ahaṁ, bhagini, gamissāmī”ti.
pli-tv-bu-vb-pc67:1.6	“Ahaṁ ayyena saddhiṁ gamissāmī”ti.
pli-tv-bu-vb-pc67:1.7	“Eyyāsi, bhaginī”ti.
pli-tv-bu-vb-pc67:1.8	Atha kho tassā itthiyā sāmiko gāmato nikkhamitvā manusse pucchi—
pli-tv-bu-vb-pc67:1.9	“apāyyo, evarūpiṁ itthiṁ passeyyāthā”ti?
pli-tv-bu-vb-pc67:1.10	“Esāyyo, pabbajitena saha gacchatī”ti.
pli-tv-bu-vb-pc67:1.11	Atha kho so puriso anubandhitvā taṁ bhikkhuṁ gahetvā ākoṭetvā muñci.
pli-tv-bu-vb-pc67:1.12	Atha kho so bhikkhu aññatarasmiṁ rukkhamūle padhūpento nisīdi.
pli-tv-bu-vb-pc67:1.13	Atha kho sā itthī taṁ purisaṁ etadavoca—
pli-tv-bu-vb-pc67:1.14	“nāyyo, so bhikkhu maṁ nippātesi;
pli-tv-bu-vb-pc67:1.15	api ca ahameva tena bhikkhunā saddhiṁ gacchāmi;
pli-tv-bu-vb-pc67:1.16	akārako so bhikkhu;
pli-tv-bu-vb-pc67:1.17	gaccha, naṁ khamāpehī”ti.
pli-tv-bu-vb-pc67:1.18	Atha kho so puriso taṁ bhikkhuṁ khamāpesi.
pli-tv-bu-vb-pc67:1.19	Atha kho so bhikkhu sāvatthiṁ gantvā bhikkhūnaṁ etamatthaṁ ārocesi.
pli-tv-bu-vb-pc67:1.20	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc67:1.21	“kathañhi nāma bhikkhu mātugāmena saddhiṁ saṁvidhāya ekaddhānamaggaṁ paṭipajjissatī”ti …pe…
pli-tv-bu-vb-pc67:1.22	“saccaṁ kira tvaṁ, bhikkhu, mātugāmena saddhiṁ saṁvidhāya ekaddhānamaggaṁ paṭipajjasī”ti?
pli-tv-bu-vb-pc67:1.23	“Saccaṁ, bhagavā”ti.
pli-tv-bu-vb-pc67:1.24	Vigarahi buddho bhagavā …pe…
pli-tv-bu-vb-pc67:1.25	kathañhi nāma tvaṁ, moghapurisa, mātugāmena saddhiṁ saṁvidhāya ekaddhānamaggaṁ paṭipajjissasi.
pli-tv-bu-vb-pc67:1.26	Netaṁ, moghapurisa, appasannānaṁ vā pasādāya …pe…
pli-tv-bu-vb-pc67:1.27	evañca pana, bhikkhave, imaṁ sikkhāpadaṁ, uddiseyyātha—
pli-tv-bu-vb-pc67:1.28.0	
pli-tv-bu-vb-pc67:1.28.1	“Yo pana bhikkhu mātugāmena saddhiṁ saṁvidhāya ekaddhānamaggaṁ paṭipajjeyya, antamaso gāmantarampi, pācittiyan”ti.
pli-tv-bu-vb-pc67:2.1.0	
pli-tv-bu-vb-pc67:2.1.1	Yo panāti
pli-tv-bu-vb-pc67:2.1.2	yo yādiso …pe…
pli-tv-bu-vb-pc67:2.1.3	bhikkhūti
pli-tv-bu-vb-pc67:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc67:2.1.5	Mātugāmo nāma
pli-tv-bu-vb-pc67:2.1.6	manussitthī, na yakkhī na petī na tiracchānagatā viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.
pli-tv-bu-vb-pc67:2.1.7	Saddhinti
pli-tv-bu-vb-pc67:2.1.8	ekato.
pli-tv-bu-vb-pc67:2.1.9	Saṁvidhāyāti—
pli-tv-bu-vb-pc67:2.1.10	“gacchāma bhagini, gacchāmāyya, gacchāmāyya, gacchāma bhagini, ajja vā hiyyo vā pare vā gacchāmā”ti saṁvidahati, āpatti dukkaṭassa.
pli-tv-bu-vb-pc67:2.1.11	Antamaso gāmantarampīti
pli-tv-bu-vb-pc67:2.1.12	kukkuṭasampāte gāme gāmantare gāmantare āpatti pācittiyassa.
pli-tv-bu-vb-pc67:2.1.13	Agāmake araññe addhayojane addhayojane āpatti pācittiyassa.
pli-tv-bu-vb-pc67:2.2.0	
pli-tv-bu-vb-pc67:2.2.1	Mātugāme mātugāmasaññī saṁvidhāya ekaddhānamaggaṁ paṭipajjati, antamaso gāmantarampi, āpatti pācittiyassa.
pli-tv-bu-vb-pc67:2.2.2	Mātugāme vematiko saṁvidhāya ekaddhānamaggaṁ paṭipajjati, antamaso gāmantarampi, āpatti pācittiyassa.
pli-tv-bu-vb-pc67:2.2.3	Mātugāme amātugāmasaññī saṁvidhāya ekaddhānamaggaṁ paṭipajjati, antamaso gāmantarampi, āpatti pācittiyassa.
pli-tv-bu-vb-pc67:2.2.4	Bhikkhu saṁvidahati mātugāmo na saṁvidahati, āpatti dukkaṭassa.
pli-tv-bu-vb-pc67:2.2.5	Yakkhiyā vā petiyā paṇḍakena vā tiracchānagatamanussaviggahitthiyā vā saddhiṁ saṁvidhāya ekaddhānamaggaṁ paṭipajjati, antamaso gāmantarampi, āpatti dukkaṭassa.
pli-tv-bu-vb-pc67:2.2.6	Amātugāme mātugāmasaññī, āpatti dukkaṭassa.
pli-tv-bu-vb-pc67:2.2.7	Amātugāme vematiko, āpatti dukkaṭassa.
pli-tv-bu-vb-pc67:2.2.8	Amātugāme amātugāmasaññī, anāpatti.
pli-tv-bu-vb-pc67:2.3.0	
pli-tv-bu-vb-pc67:2.3.1	Anāpatti—
pli-tv-bu-vb-pc67:2.3.2	asaṁvidahitvā gacchati,
pli-tv-bu-vb-pc67:2.3.3	mātugāmo saṁvidahati bhikkhu na saṁvidahati,
pli-tv-bu-vb-pc67:2.3.4	visaṅketena gacchati,
pli-tv-bu-vb-pc67:2.3.5	āpadāsu,
pli-tv-bu-vb-pc67:2.3.6	ummattakassa,
pli-tv-bu-vb-pc67:2.3.7	ādikammikassāti.
pli-tv-bu-vb-pc67:2.3.8	Saṁvidhānasikkhāpadaṁ niṭṭhitaṁ sattamaṁ.
pli-tv-bu-vb-pc68:0.1	Theravāda Vinaya
pli-tv-bu-vb-pc68:0.2	Mahāvibhaṅga
pli-tv-bu-vb-pc68:0.3	Pācittiyakaṇḍa
pli-tv-bu-vb-pc68:0.4	Sappāṇakavagga
pli-tv-bu-vb-pc68:0.5	68. Ariṭṭhasikkhāpada
pli-tv-bu-vb-pc68:1.0	
pli-tv-bu-vb-pc68:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc68:1.2	Tena kho pana samayena ariṭṭhassa nāma bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ hoti—
pli-tv-bu-vb-pc68:1.3	“tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-bu-vb-pc68:1.4	Assosuṁ kho sambahulā bhikkhū—
pli-tv-bu-vb-pc68:1.5	“ariṭṭhassa kira nāma bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc68:1.6	‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā’”ti.
pli-tv-bu-vb-pc68:1.7	Atha kho te bhikkhū yena ariṭṭho bhikkhu gaddhabādhipubbo tenupasaṅkamiṁsu;
pli-tv-bu-vb-pc68:1.8	upasaṅkamitvā ariṭṭhaṁ bhikkhuṁ gaddhabādhipubbaṁ etadavocuṁ—
pli-tv-bu-vb-pc68:1.9	“saccaṁ kira te, āvuso ariṭṭha, evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc68:1.10	‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā’”ti?
pli-tv-bu-vb-pc68:1.11	“Evaṁ byā kho ahaṁ, āvuso, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti.
pli-tv-bu-vb-pc68:1.12	“Mā, āvuso ariṭṭha, evaṁ avaca. Mā bhagavantaṁ abbhācikkhi. Na hi sādhu bhagavato abbhakkhānaṁ. Na hi bhagavā evaṁ vadeyya.
pli-tv-bu-vb-pc68:1.13	Anekapariyāyenāvuso ariṭṭha, antarāyikā dhammā antarāyikā vuttā bhagavatā. Alañca pana te paṭisevato antarāyāya.
pli-tv-bu-vb-pc68:1.14	Appassādā kāmā vuttā bhagavatā bahudukkhā bahupāyāsā, ādīnavo ettha bhiyyo.
pli-tv-bu-vb-pc68:1.15	Aṭṭhikaṅkalūpamā kāmā vuttā bhagavatā bahudukkhā bahupāyāsā, ādīnavo ettha bhiyyo.
pli-tv-bu-vb-pc68:1.16	Maṁsapesūpamā kāmā vuttā bhagavatā …pe…
pli-tv-bu-vb-pc68:1.17	tiṇukkūpamā kāmā vuttā bhagavatā …
pli-tv-bu-vb-pc68:1.18	aṅgārakāsūpamā kāmā vuttā bhagavatā …
pli-tv-bu-vb-pc68:1.19	supinakūpamā kāmā vuttā bhagavatā …
pli-tv-bu-vb-pc68:1.20	yācitakūpamā kāmā vuttā bhagavatā …
pli-tv-bu-vb-pc68:1.21	rukkhaphalūpamā kāmā vuttā bhagavatā …
pli-tv-bu-vb-pc68:1.22	asisūnūpamā kāmā vuttā bhagavatā …
pli-tv-bu-vb-pc68:1.23	sattisūlūpamā kāmā vuttā bhagavatā …
pli-tv-bu-vb-pc68:1.24	sappasirūpamā kāmā vuttā bhagavatā bahudukkhā bahupāyāsā, ādīnavo ettha bhiyyo”ti.
pli-tv-bu-vb-pc68:1.25	Evampi kho ariṭṭho bhikkhu gaddhabādhipubbo tehi bhikkhūhi vuccamāno tatheva taṁ pāpakaṁ diṭṭhigataṁ thāmasā parāmāsā abhinivissa voharati—
pli-tv-bu-vb-pc68:1.26	“evaṁ byā kho ahaṁ, āvuso, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā, te paṭisevato nālaṁ antarāyāyā’”ti.
pli-tv-bu-vb-pc68:1.27	Yato ca kho te bhikkhū nāsakkhiṁsu ariṭṭhaṁ bhikkhuṁ gaddhabādhipubbaṁ etasmā pāpakā diṭṭhigatā vivecetuṁ, atha kho te bhikkhū yena bhagavā tenupasaṅkamiṁsu; upasaṅkamitvā bhagavato etamatthaṁ ārocesuṁ.
pli-tv-bu-vb-pc68:1.28	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā ariṭṭhaṁ bhikkhuṁ gaddhabādhipubbaṁ paṭipucchi—
pli-tv-bu-vb-pc68:1.29	“saccaṁ kira te, ariṭṭha, evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc68:1.30	‘tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti?
pli-tv-bu-vb-pc68:1.31	“Evaṁ byā kho ahaṁ, bhante, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti.
pli-tv-bu-vb-pc68:1.32	Kassa nu kho nāma tvaṁ, moghapurisa, mayā evaṁ dhammaṁ desitaṁ ājānāsi?
pli-tv-bu-vb-pc68:1.33	Nanu mayā, moghapurisa, anekapariyāyena antarāyikā dhammā antarāyikā vuttā. Alañca pana te paṭisevato antarāyāya.
pli-tv-bu-vb-pc68:1.34	Appassādā kāmā vuttā mayā bahudukkhā bahupāyāsā, ādīnavo ettha bhiyyo.
pli-tv-bu-vb-pc68:1.35	Aṭṭhikaṅkalūpamā kāmā vuttā mayā …pe…
pli-tv-bu-vb-pc68:1.36	maṁsapesūpamā kāmā vuttā mayā …
pli-tv-bu-vb-pc68:1.37	tiṇukkūpamā kāmā vuttā mayā …
pli-tv-bu-vb-pc68:1.38	aṅgārakāsūpamā kāmā vuttā mayā …
pli-tv-bu-vb-pc68:1.39	supinakūpamā kāmā vuttā mayā …
pli-tv-bu-vb-pc68:1.40	yācitakūpamā kāmā vuttā mayā …
pli-tv-bu-vb-pc68:1.41	rukkhaphalūpamā kāmā vuttā mayā …
pli-tv-bu-vb-pc68:1.42	asisūnūpamā kāmā vuttā mayā …
pli-tv-bu-vb-pc68:1.43	sattisūlūpamā kāmā vuttā mayā …
pli-tv-bu-vb-pc68:1.44	sappasirūpamā kāmā vuttā mayā bahudukkhā bahupāyāsā, ādīnavo ettha bhiyyo.
pli-tv-bu-vb-pc68:1.45	Atha ca pana tvaṁ, moghapurisa, attanā duggahitena amhe ceva abbhācikkhasi, attānañca khaṇasi, bahuñca apuññaṁ pasavasi.
pli-tv-bu-vb-pc68:1.46	Tañhi te, moghapurisa, bhavissati dīgharattaṁ ahitāya dukkhāya.
pli-tv-bu-vb-pc68:1.47	Netaṁ, moghapurisa, appasannānaṁ vā pasādāya …pe…
pli-tv-bu-vb-pc68:1.48	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc68:1.49.0	
pli-tv-bu-vb-pc68:1.49.1	“Yo pana bhikkhu evaṁ vadeyya—
pli-tv-bu-vb-pc68:1.50	‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā’ti
pli-tv-bu-vb-pc68:1.51	so bhikkhu bhikkhūhi evamassa vacanīyo—
pli-tv-bu-vb-pc68:1.52	‘māyasmā evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,
pli-tv-bu-vb-pc68:1.53	anekapariyāyenāvuso, antarāyikā dhammā antarāyikā vuttā bhagavatā, alañca pana te paṭisevato antarāyāyā’ti.
pli-tv-bu-vb-pc68:1.54	Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.
pli-tv-bu-vb-pc68:1.55	Yāvatatiyañce samanubhāsiyamāno taṁ paṭinissajjeyya, iccetaṁ kusalaṁ,
pli-tv-bu-vb-pc68:1.56	no ce paṭinissajjeyya, pācittiyan”ti.
pli-tv-bu-vb-pc68:2.1.0	
pli-tv-bu-vb-pc68:2.1.1	Yo panāti
pli-tv-bu-vb-pc68:2.1.2	yo yādiso …pe…
pli-tv-bu-vb-pc68:2.1.3	bhikkhūti
pli-tv-bu-vb-pc68:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc68:2.1.5	Evaṁ vadeyyāti—
pli-tv-bu-vb-pc68:2.1.6	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-bu-vb-pc68:2.1.7	So bhikkhūti
pli-tv-bu-vb-pc68:2.1.8	yo so evaṁvādī bhikkhu.
pli-tv-bu-vb-pc68:2.1.9	Bhikkhūhīti
pli-tv-bu-vb-pc68:2.1.10	aññehi bhikkhūhi. Ye passanti ye suṇanti tehi vattabbo—
pli-tv-bu-vb-pc68:2.1.11	“māyasmā evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,
pli-tv-bu-vb-pc68:2.1.12	anekapariyāyenāvuso antarāyikā dhammā antarāyikā vuttā bhagavatā. Alañca pana te paṭisevato antarāyāyā”ti.
pli-tv-bu-vb-pc68:2.1.13	Dutiyampi vattabbo.
pli-tv-bu-vb-pc68:2.1.14	Tatiyampi vattabbo.
pli-tv-bu-vb-pc68:2.1.15	Sace paṭinissajjati, iccetaṁ kusalaṁ;
pli-tv-bu-vb-pc68:2.1.16	no ce paṭinissajjati, āpatti dukkaṭassa.
pli-tv-bu-vb-pc68:2.1.17	Sutvā na vadanti, āpatti dukkaṭassa.
pli-tv-bu-vb-pc68:2.1.18	So bhikkhu saṅghamajjhampi ākaḍḍhitvā vattabbo—
pli-tv-bu-vb-pc68:2.1.19	“māyasmā evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,
pli-tv-bu-vb-pc68:2.1.20	anekapariyāyenāvuso antarāyikā dhammā antarāyikā vuttā bhagavatā. Alañca pana te paṭisevato antarāyāyā”ti.
pli-tv-bu-vb-pc68:2.1.21	Dutiyampi vattabbo.
pli-tv-bu-vb-pc68:2.1.22	Tatiyampi vattabbo.
pli-tv-bu-vb-pc68:2.1.23	Sace paṭinissajjati, iccetaṁ kusalaṁ.
pli-tv-bu-vb-pc68:2.1.24	No ce paṭinissajjati, āpatti dukkaṭassa.
pli-tv-bu-vb-pc68:2.1.25	So bhikkhu samanubhāsitabbo.
pli-tv-bu-vb-pc68:2.1.26	“Evañca pana, bhikkhave, samanubhāsitabbo.
pli-tv-bu-vb-pc68:2.1.27	Byattena bhikkhunā paṭibalena saṅgho ñāpetabbo—
pli-tv-bu-vb-pc68:2.1.28	‘Suṇātu me, bhante, saṅgho.
pli-tv-bu-vb-pc68:2.1.29	Itthannāmassa bhikkhuno evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc68:2.1.30	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti.
pli-tv-bu-vb-pc68:2.1.31	So taṁ diṭṭhiṁ na paṭinissajjati.
pli-tv-bu-vb-pc68:2.1.32	Yadi saṅghassa pattakallaṁ, saṅgho itthannāmaṁ bhikkhuṁ samanubhāseyya—
pli-tv-bu-vb-pc68:2.1.33	tassā diṭṭhiyā paṭinissaggāya.
pli-tv-bu-vb-pc68:2.1.34	Esā ñatti.
pli-tv-bu-vb-pc68:2.1.35	Suṇātu me, bhante, saṅgho.
pli-tv-bu-vb-pc68:2.1.36	Itthannāmassa bhikkhuno evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc68:2.1.37	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti.
pli-tv-bu-vb-pc68:2.1.38	So taṁ diṭṭhiṁ na paṭinissajjati.
pli-tv-bu-vb-pc68:2.1.39	Saṅgho itthannāmaṁ bhikkhuṁ samanubhāsati tassā diṭṭhiyā paṭinissaggāya.
pli-tv-bu-vb-pc68:2.1.40	Yassāyasmato khamati itthannāmassa bhikkhuno samanubhāsanā, tassā diṭṭhiyā paṭinissaggāya, so tuṇhassa;
pli-tv-bu-vb-pc68:2.1.41	yassa nakkhamati, so bhāseyya.
pli-tv-bu-vb-pc68:2.1.42	Dutiyampi etamatthaṁ vadāmi …pe…
pli-tv-bu-vb-pc68:2.1.43	tatiyampi etamatthaṁ vadāmi—
pli-tv-bu-vb-pc68:2.1.44	suṇātu me, bhante, saṅgho.
pli-tv-bu-vb-pc68:2.1.45	Itthannāmassa bhikkhuno evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc68:2.1.46	“tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-bu-vb-pc68:2.1.47	So taṁ diṭṭhiṁ na paṭinissajjati.
pli-tv-bu-vb-pc68:2.1.48	Saṅgho itthannāmaṁ bhikkhuṁ samanubhāsati tassā diṭṭhiyā paṭinissaggāya.
pli-tv-bu-vb-pc68:2.1.49	Yassāyasmato khamati itthannāmassa bhikkhuno samanubhāsanā, tassā diṭṭhiyā paṭinissaggāya, so tuṇhassa;
pli-tv-bu-vb-pc68:2.1.50	yassa nakkhamati, so bhāseyya.
pli-tv-bu-vb-pc68:2.1.51	Samanubhaṭṭho saṅghena itthannāmo bhikkhu, tassā diṭṭhiyā paṭinissaggāya.
pli-tv-bu-vb-pc68:2.1.52	Khamati saṅghassa, tasmā tuṇhī, evametaṁ dhārayāmī’”ti.
pli-tv-bu-vb-pc68:2.1.53	Ñattiyā dukkaṭaṁ.
pli-tv-bu-vb-pc68:2.1.54	Dvīhi kammavācāhi dukkaṭā.
pli-tv-bu-vb-pc68:2.1.55	Kammavācāpariyosāne āpatti pācittiyassa.
pli-tv-bu-vb-pc68:2.2.0	
pli-tv-bu-vb-pc68:2.2.1	Dhammakamme dhammakammasaññī na paṭinissajjati, āpatti pācittiyassa.
pli-tv-bu-vb-pc68:2.2.2	Dhammakamme vematiko na paṭinissajjati, āpatti pācittiyassa.
pli-tv-bu-vb-pc68:2.2.3	Dhammakamme adhammakammasaññī na paṭinissajjati, āpatti pācittiyassa.
pli-tv-bu-vb-pc68:2.2.4	Adhammakamme dhammakammasaññī, āpatti dukkaṭassa.
pli-tv-bu-vb-pc68:2.2.5	Adhammakamme vematiko, āpatti dukkaṭassa.
pli-tv-bu-vb-pc68:2.2.6	Adhammakamme adhammakammasaññī, āpatti dukkaṭassa.
pli-tv-bu-vb-pc68:2.3.0	
pli-tv-bu-vb-pc68:2.3.1	Anāpatti—
pli-tv-bu-vb-pc68:2.3.2	asamanubhāsantassa,
pli-tv-bu-vb-pc68:2.3.3	paṭinissajjantassa,
pli-tv-bu-vb-pc68:2.3.4	ummattakassāti.
pli-tv-bu-vb-pc68:2.3.5	
pli-tv-bu-vb-pc68:2.3.6	Ariṭṭhasikkhāpadaṁ niṭṭhitaṁ aṭṭhamaṁ.
pli-tv-bu-vb-pc69:0.1	Theravāda Vinaya
pli-tv-bu-vb-pc69:0.2	Mahāvibhaṅga
pli-tv-bu-vb-pc69:0.3	Pācittiyakaṇḍa
pli-tv-bu-vb-pc69:0.4	Sappāṇakavagga
pli-tv-bu-vb-pc69:0.5	69. Ukkhittasambhogasikkhāpada
pli-tv-bu-vb-pc69:1.0	
pli-tv-bu-vb-pc69:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc69:1.2	Tena kho pana samayena chabbaggiyā bhikkhū jānaṁ tathāvādinā ariṭṭhena bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjantipi saṁvasantipi sahāpi seyyaṁ kappenti.
pli-tv-bu-vb-pc69:1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc69:1.4	“kathañhi nāma chabbaggiyā bhikkhū jānaṁ tathāvādinā ariṭṭhena bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjissantipi saṁvasissantipi sahāpi seyyaṁ kappessantī”ti …pe…
pli-tv-bu-vb-pc69:1.5	“saccaṁ kira tumhe, bhikkhave, jānaṁ tathāvādinā ariṭṭhena bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjathāpi saṁvasathāpi sahāpi seyyaṁ kappethā”ti?
pli-tv-bu-vb-pc69:1.6	“Saccaṁ, bhagavā”ti.
pli-tv-bu-vb-pc69:1.7	Vigarahi buddho bhagavā …pe…
pli-tv-bu-vb-pc69:1.8	kathañhi nāma tumhe, moghapurisā, jānaṁ tathāvādinā ariṭṭhena bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjissathāpi saṁvasissathāpi sahāpi seyyaṁ kappessatha.
pli-tv-bu-vb-pc69:1.9	Netaṁ, moghapurisā, appasannānaṁ vā pasādāya …pe…
pli-tv-bu-vb-pc69:1.10	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc69:1.11.0	
pli-tv-bu-vb-pc69:1.11.1	“Yo pana bhikkhu jānaṁ tathāvādinā bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjeyya vā saṁvaseyya vā saha vā seyyaṁ kappeyya, pācittiyan”ti.
pli-tv-bu-vb-pc69:2.1.0	
pli-tv-bu-vb-pc69:2.1.1	Yo panāti
pli-tv-bu-vb-pc69:2.1.2	yo yādiso …pe…
pli-tv-bu-vb-pc69:2.1.3	bhikkhūti
pli-tv-bu-vb-pc69:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc69:2.1.5	Jānāti nāma
pli-tv-bu-vb-pc69:2.1.6	sāmaṁ vā jānāti, aññe vā tassa ārocenti, so vā āroceti.
pli-tv-bu-vb-pc69:2.1.7	Tathāvādināti—
pli-tv-bu-vb-pc69:2.1.8	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti evaṁ vādinā.
pli-tv-bu-vb-pc69:2.1.9	Akaṭānudhammo nāma
pli-tv-bu-vb-pc69:2.1.10	ukkhitto anosārito.
pli-tv-bu-vb-pc69:2.1.11	Taṁ diṭṭhiṁ appaṭinissaṭṭhena saddhinti
pli-tv-bu-vb-pc69:2.1.12	etaṁ diṭṭhiṁ appaṭinissaṭṭhena saddhiṁ.
pli-tv-bu-vb-pc69:2.1.13	Sambhuñjeyya vāti
pli-tv-bu-vb-pc69:2.1.14	sambhogo nāma dve sambhogā— āmisasambhogo ca dhammasambhogo ca.
pli-tv-bu-vb-pc69:2.1.15	Āmisasambhogo nāma
pli-tv-bu-vb-pc69:2.1.16	āmisaṁ deti vā paṭiggaṇhāti vā, āpatti pācittiyassa.
pli-tv-bu-vb-pc69:2.1.17	Dhammasambhogo nāma
pli-tv-bu-vb-pc69:2.1.18	uddisati vā uddisāpeti vā, padena uddisati vā uddisāpeti vā, pade pade āpatti pācittiyassa.
pli-tv-bu-vb-pc69:2.1.19	Akkharāya uddisati vā uddisāpeti vā, akkharakkharāya āpatti pācittiyassa.
pli-tv-bu-vb-pc69:2.1.20	Saṁvaseyya vāti
pli-tv-bu-vb-pc69:2.1.21	ukkhittakena saddhiṁ uposathaṁ vā pavāraṇaṁ vā saṅghakammaṁ vā karoti, āpatti pācittiyassa.
pli-tv-bu-vb-pc69:2.1.22	Saha vā seyyaṁ kappeyyāti
pli-tv-bu-vb-pc69:2.1.23	ekacchanne ukkhittake nipanne bhikkhu nipajjati, āpatti pācittiyassa.
pli-tv-bu-vb-pc69:2.1.24	Bhikkhu nipanne ukkhittako nipajjati, āpatti pācittiyassa.
pli-tv-bu-vb-pc69:2.1.25	Ubho vā nipajjanti, āpatti pācittiyassa.
pli-tv-bu-vb-pc69:2.1.26	Uṭṭhahitvā punappunaṁ nipajjanti, āpatti pācittiyassa.
pli-tv-bu-vb-pc69:2.2.0	
pli-tv-bu-vb-pc69:2.2.1	Ukkhittake ukkhittakasaññī sambhuñjati vā saṁvasati vā saha vā seyyaṁ kappeti, āpatti pācittiyassa.
pli-tv-bu-vb-pc69:2.2.2	Ukkhittake vematiko sambhuñjati vā saṁvasati vā saha vā seyyaṁ kappeti, āpatti dukkaṭassa.
pli-tv-bu-vb-pc69:2.2.3	Ukkhittake anukkhittakasaññī sambhuñjati vā saṁvasati vā saha vā seyyaṁ kappeti, anāpatti.
pli-tv-bu-vb-pc69:2.2.4	Anukkhittake ukkhittakasaññī, āpatti dukkaṭassa.
pli-tv-bu-vb-pc69:2.2.5	Anukkhittake vematiko, āpatti dukkaṭassa.
pli-tv-bu-vb-pc69:2.2.6	Anukkhittake anukkhittakasaññī, anāpatti.
pli-tv-bu-vb-pc69:2.3.0	
pli-tv-bu-vb-pc69:2.3.1	Anāpatti—
pli-tv-bu-vb-pc69:2.3.2	anukkhittoti jānāti,
pli-tv-bu-vb-pc69:2.3.3	ukkhitto osāritoti jānāti,
pli-tv-bu-vb-pc69:2.3.4	taṁ diṭṭhiṁ paṭinissaṭṭhoti jānāti,
pli-tv-bu-vb-pc69:2.3.5	ummattakassa,
pli-tv-bu-vb-pc69:2.3.6	ādikammikassāti.
pli-tv-bu-vb-pc69:2.3.7	Ukkhittasambhogasikkhāpadaṁ niṭṭhitaṁ navamaṁ.
pli-tv-bu-vb-pc70:0.1	Theravāda Vinaya
pli-tv-bu-vb-pc70:0.2	Mahāvibhaṅga
pli-tv-bu-vb-pc70:0.3	Pācittiyakaṇḍa
pli-tv-bu-vb-pc70:0.4	Sappāṇakavagga
pli-tv-bu-vb-pc70:0.5	70. Kaṇṭakasikkhāpada
pli-tv-bu-vb-pc70:1.0	
pli-tv-bu-vb-pc70:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc70:1.2	Tena kho pana samayena kaṇṭakassa nāma samaṇuddesassa evarūpaṁ pāpakaṁ diṭṭhigataṁ uppannaṁ hoti—
pli-tv-bu-vb-pc70:1.3	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.
pli-tv-bu-vb-pc70:1.4	Assosuṁ kho sambahulā bhikkhū kaṇṭakassa nāma kira samaṇuddesassa evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc70:1.5	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti.
pli-tv-bu-vb-pc70:1.6	Atha kho te bhikkhū yena kaṇṭako samaṇuddeso tenupasaṅkamiṁsu; upasaṅkamitvā kaṇṭakaṁ samaṇuddesaṁ etadavocuṁ—
pli-tv-bu-vb-pc70:1.7	“saccaṁ kira te, āvuso kaṇṭaka, evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc70:1.8	‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti?
pli-tv-bu-vb-pc70:1.9	“Evaṁ byā kho ahaṁ, bhante, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti.
pli-tv-bu-vb-pc70:1.10	“Mā, āvuso kaṇṭaka, evaṁ avaca. Mā bhagavantaṁ abbhācikkhi. Na hi sādhu bhagavato abbhakkhānaṁ. Na hi bhagavā evaṁ vadeyya.
pli-tv-bu-vb-pc70:1.11	Anekapariyāyenāvuso kaṇṭaka, antarāyikā dhammā antarāyikā vuttā bhagavatā. Alañca pana te paṭisevato antarāyāya.
pli-tv-bu-vb-pc70:1.12	Appassādā kāmā vuttā bhagavatā bahudukkhā bahupāyāsā, ādīnavo ettha bhiyyo …pe…
pli-tv-bu-vb-pc70:1.13	evampi kho kaṇṭako samaṇuddeso tehi bhikkhūhi vuccamāno tatheva taṁ pāpakaṁ diṭṭhigataṁ thāmasā parāmāsā abhinivissa voharati—
pli-tv-bu-vb-pc70:1.14	“evaṁ byā kho ahaṁ, bhante, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti.
pli-tv-bu-vb-pc70:1.15	Yato ca kho te bhikkhū nāsakkhiṁsu kaṇṭakaṁ samaṇuddesaṁ etasmā pāpakā diṭṭhigatā vivecetuṁ, atha kho te bhikkhū yena bhagavā tenupasaṅkamiṁsu; upasaṅkamitvā bhagavato etamatthaṁ ārocesuṁ.
pli-tv-bu-vb-pc70:1.16	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā kaṇṭakaṁ samaṇuddesaṁ paṭipucchi—
pli-tv-bu-vb-pc70:1.17	“saccaṁ kira te, kaṇṭaka, evarūpaṁ pāpakaṁ diṭṭhigataṁ uppannaṁ—
pli-tv-bu-vb-pc70:1.18	‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti?
pli-tv-bu-vb-pc70:1.19	“Evaṁ byā kho ahaṁ, bhante, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti.
pli-tv-bu-vb-pc70:1.20	“Kassa nu kho nāma tvaṁ, moghapurisa, mayā evaṁ dhammaṁ desitaṁ ājānāsi?
pli-tv-bu-vb-pc70:1.21	Nanu mayā, moghapurisa, anekapariyāyena antarāyikā dhammā antarāyikā vuttā, alañca pana te paṭisevato antarāyāya?
pli-tv-bu-vb-pc70:1.22	Appassādā kāmā vuttā mayā bahudukkhā bahupāyāsā, ādīnavo ettha bhiyyo.
pli-tv-bu-vb-pc70:1.23	Aṭṭhikaṅkalūpamā kāmā vuttā mayā …pe…
pli-tv-bu-vb-pc70:1.24	sappasirūpamā kāmā vuttā mayā bahudukkhā bahupāyāsā, ādīnavo ettha bhiyyo.
pli-tv-bu-vb-pc70:1.25	Atha ca pana tvaṁ, moghapurisa, attanā duggahitena amhe ceva abbhācikkhasi attānañca khaṇasi bahuñca apuññaṁ pasavasi.
pli-tv-bu-vb-pc70:1.26	Tañhi te, moghapurisa, bhavissati dīgharattaṁ ahitāya dukkhāya.
pli-tv-bu-vb-pc70:1.27	Netaṁ, moghapurisa, appasannānaṁ vā pasādāya …pe…
pli-tv-bu-vb-pc70:1.28	pasannānañca ekaccānaṁ aññathattāyā”ti.
pli-tv-bu-vb-pc70:1.29	Vigarahitvā …pe…
pli-tv-bu-vb-pc70:1.30	dhammiṁ kathaṁ katvā bhikkhū āmantesi—
pli-tv-bu-vb-pc70:1.31	“tena hi, bhikkhave, saṅgho kaṇṭakaṁ samaṇuddesaṁ nāsetu.
pli-tv-bu-vb-pc70:1.32	Evañca pana, bhikkhave, nāsetabbo—
pli-tv-bu-vb-pc70:1.33	‘ajjatagge te, āvuso kaṇṭaka, na ceva so bhagavā satthā apadisitabbo.
pli-tv-bu-vb-pc70:1.34	Yampi caññe samaṇuddesā labhanti bhikkhūhi saddhiṁ dirattatirattaṁ sahaseyyaṁ sāpi te natthi.
pli-tv-bu-vb-pc70:1.35	Cara pire vinassā’”ti.
pli-tv-bu-vb-pc70:1.36	Atha kho saṅgho kaṇṭakaṁ samaṇuddesaṁ nāsesi.
pli-tv-bu-vb-pc70:1.37	Tena kho pana samayena chabbaggiyā bhikkhū jānaṁ tathānāsitaṁ kaṇṭakaṁ samaṇuddesaṁ upalāpentipi upaṭṭhāpentipi sambhuñjantipi sahāpi seyyaṁ kappenti.
pli-tv-bu-vb-pc70:1.38	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc70:1.39	“kathañhi nāma chabbaggiyā bhikkhū jānaṁ tathānāsitaṁ kaṇṭakaṁ samaṇuddesaṁ upalāpessantipi upaṭṭhāpessantipi sambhuñjissantipi sahāpi seyyaṁ kappessantī”ti …pe…
pli-tv-bu-vb-pc70:1.40	“saccaṁ kira tumhe, bhikkhave, jānaṁ tathānāsitaṁ kaṇṭakaṁ samaṇuddesaṁ upalāpethāpi upaṭṭhāpethāpi sambhuñjathāpi sahāpi seyyaṁ kappethā”ti?
pli-tv-bu-vb-pc70:1.41	“Saccaṁ, bhagavā”ti.
pli-tv-bu-vb-pc70:1.42	Vigarahi buddho bhagavā …pe…
pli-tv-bu-vb-pc70:1.43	kathañhi nāma tumhe, moghapurisā, jānaṁ tathānāsitaṁ kaṇṭakaṁ samaṇuddesaṁ upalāpessathāpi upaṭṭhāpessathāpi sambhuñjissathāpi sahāpi seyyaṁ kappessatha.
pli-tv-bu-vb-pc70:1.44	Netaṁ, moghapurisā, appasannānaṁ vā pasādāya …pe…
pli-tv-bu-vb-pc70:1.45	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc70:1.46.0	
pli-tv-bu-vb-pc70:1.46.1	“Samaṇuddesopi ce evaṁ vadeyya—
pli-tv-bu-vb-pc70:1.47	‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā’ti,
pli-tv-bu-vb-pc70:1.48	so samaṇuddeso bhikkhūhi evamassa vacanīyo—
pli-tv-bu-vb-pc70:1.49	‘māvuso samaṇuddesa, evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya.
pli-tv-bu-vb-pc70:1.50	Anekapariyāyenāvuso samaṇuddesa, antarāyikā dhammā antarāyikā vuttā bhagavatā. Alañca pana te paṭisevato antarāyāyā’ti.
pli-tv-bu-vb-pc70:1.51	Evañca so samaṇuddeso bhikkhūhi vuccamāno tatheva paggaṇheyya, so samaṇuddeso bhikkhūhi evamassa vacanīyo—
pli-tv-bu-vb-pc70:1.52	‘ajjatagge te, āvuso samaṇuddesa, na ceva so bhagavā satthā apadisitabbo.
pli-tv-bu-vb-pc70:1.53	Yampi caññe samaṇuddesā labhanti bhikkhūhi saddhiṁ dirattatirattaṁ sahaseyyaṁ sāpi te natthi.
pli-tv-bu-vb-pc70:1.54	Cara pire vinassā’ti.
pli-tv-bu-vb-pc70:1.55	Yo pana bhikkhu jānaṁ tathānāsitaṁ samaṇuddesaṁ upalāpeyya vā upaṭṭhāpeyya vā sambhuñjeyya vā saha vā seyyaṁ kappeyya, pācittiyan”ti.
pli-tv-bu-vb-pc70:2.1.0	
pli-tv-bu-vb-pc70:2.1.1	Samaṇuddeso nāma
pli-tv-bu-vb-pc70:2.1.2	sāmaṇero vuccati.
pli-tv-bu-vb-pc70:2.1.3	Evaṁ vadeyyāti—
pli-tv-bu-vb-pc70:2.1.4	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti.
pli-tv-bu-vb-pc70:2.1.5	So samaṇuddesoti
pli-tv-bu-vb-pc70:2.1.6	yo so evaṁvādī samaṇuddeso.
pli-tv-bu-vb-pc70:2.1.7	Bhikkhūhīti
pli-tv-bu-vb-pc70:2.1.8	aññehi bhikkhūhi, ye passanti ye suṇanti tehi vattabbo— “mā, āvuso samaṇuddesa, evaṁ avaca. Mā bhagavantaṁ abbhācikkhi. Na hi sādhu bhagavato abbhakkhānaṁ. Na hi bhagavā evaṁ vadeyya.
pli-tv-bu-vb-pc70:2.1.9	Anekapariyāyenāvuso samaṇuddesa, antarāyikā dhammā antarāyikā vuttā bhagavatā. Alañca pana te paṭisevato antarāyāyā”ti.
pli-tv-bu-vb-pc70:2.1.10	Dutiyampi vattabbo …
pli-tv-bu-vb-pc70:2.1.11	tatiyampi vattabbo …
pli-tv-bu-vb-pc70:2.1.12	sace paṭinissajjati iccetaṁ kusalaṁ, no ce paṭinissajjati so samaṇuddeso bhikkhūhi evamassa vacanīyo—
pli-tv-bu-vb-pc70:2.1.13	“ajjatagge te, āvuso samaṇuddesa, na ceva so bhagavā satthā apadisitabbo.
pli-tv-bu-vb-pc70:2.1.14	Yampi caññe samaṇuddesā labhanti bhikkhūhi saddhiṁ dirattatirattaṁ sahaseyyaṁ sāpi te natthi.
pli-tv-bu-vb-pc70:2.1.15	Cara pire vinassā”ti.
pli-tv-bu-vb-pc70:2.1.16	Yo panāti
pli-tv-bu-vb-pc70:2.1.17	yo yādiso …pe…
pli-tv-bu-vb-pc70:2.1.18	bhikkhūti
pli-tv-bu-vb-pc70:2.1.19	…pe… ayaṁ imasmiṁ atthe adhippeto bhikkhūti.
pli-tv-bu-vb-pc70:2.1.20	Jānāti nāma
pli-tv-bu-vb-pc70:2.1.21	sāmaṁ vā jānāti, aññe vā tassa ārocenti, so vā āroceti.
pli-tv-bu-vb-pc70:2.1.22	Tathānāsitanti
pli-tv-bu-vb-pc70:2.1.23	evaṁ nāsitaṁ.
pli-tv-bu-vb-pc70:2.1.24	Samaṇuddeso nāma
pli-tv-bu-vb-pc70:2.1.25	sāmaṇero vuccati.
pli-tv-bu-vb-pc70:2.1.26	Upalāpeyya vāti
pli-tv-bu-vb-pc70:2.1.27	tassa pattaṁ vā cīvaraṁ vā uddesaṁ vā paripucchaṁ vā dassāmīti upalāpeti, āpatti pācittiyassa.
pli-tv-bu-vb-pc70:2.1.28	Upaṭṭhāpeyya vāti
pli-tv-bu-vb-pc70:2.1.29	tassa cuṇṇaṁ vā mattikaṁ vā dantakaṭṭhaṁ vā mukhodakaṁ vā sādiyati, āpatti pācittiyassa.
pli-tv-bu-vb-pc70:2.1.30	Sambhuñjeyya vāti
pli-tv-bu-vb-pc70:2.1.31	sambhogo nāma dve sambhogā—
pli-tv-bu-vb-pc70:2.1.32	āmisasambhogo ca dhammasambhogo ca.
pli-tv-bu-vb-pc70:2.1.33	Āmisasambhogo nāma
pli-tv-bu-vb-pc70:2.1.34	āmisaṁ deti vā paṭiggaṇhāti vā, āpatti pācittiyassa.
pli-tv-bu-vb-pc70:2.1.35	Dhammasambhogo nāma
pli-tv-bu-vb-pc70:2.1.36	uddisati vā uddisāpeti vā, padena uddisati vā uddisāpeti vā, pade pade āpatti pācittiyassa.
pli-tv-bu-vb-pc70:2.1.37	Akkharāya uddisati vā uddisāpeti vā, akkharakkharāya āpatti pācittiyassa.
pli-tv-bu-vb-pc70:2.1.38	Saha vā seyyaṁ kappeyyāti
pli-tv-bu-vb-pc70:2.1.39	ekacchanne nāsitake samaṇuddese nipanne bhikkhu nipajjati, āpatti pācittiyassa.
pli-tv-bu-vb-pc70:2.1.40	Bhikkhu nipanne nāsitako samaṇuddeso nipajjati, āpatti pācittiyassa.
pli-tv-bu-vb-pc70:2.1.41	Ubho vā nipajjanti, āpatti pācittiyassa.
pli-tv-bu-vb-pc70:2.1.42	Uṭṭhahitvā punappunaṁ nipajjanti, āpatti pācittiyassa.
pli-tv-bu-vb-pc70:2.2.0	
pli-tv-bu-vb-pc70:2.2.1	Nāsitake nāsitakasaññī upalāpeti vā upaṭṭhāpeti vā sambhuñjati vā saha vā seyyaṁ kappeti, āpatti pācittiyassa.
pli-tv-bu-vb-pc70:2.2.2	Nāsitake vematiko upalāpeti vā upaṭṭhāpeti vā sambhuñjati vā saha vā seyyaṁ kappeti, āpatti dukkaṭassa.
pli-tv-bu-vb-pc70:2.2.3	Nāsitake anāsitakasaññī upalāpeti vā upaṭṭhāpeti vā sambhuñjati vā saha vā seyyaṁ kappeti, anāpatti.
pli-tv-bu-vb-pc70:2.2.4	Anāsitake nāsitakasaññī, āpatti dukkaṭassa.
pli-tv-bu-vb-pc70:2.2.5	Anāsitake vematiko, āpatti dukkaṭassa.
pli-tv-bu-vb-pc70:2.2.6	Anāsitake anāsitakasaññī, anāpatti.
pli-tv-bu-vb-pc70:2.3.0	
pli-tv-bu-vb-pc70:2.3.1	Anāpatti—
pli-tv-bu-vb-pc70:2.3.2	anāsitakoti jānāti;
pli-tv-bu-vb-pc70:2.3.3	taṁ diṭṭhiṁ paṭinissaṭṭhoti jānāti;
pli-tv-bu-vb-pc70:2.3.4	ummattakassa,
pli-tv-bu-vb-pc70:2.3.5	ādikammikassāti.
pli-tv-bu-vb-pc70:2.3.6	Kaṇṭakasikkhāpadaṁ niṭṭhitaṁ dasamaṁ.
pli-tv-bu-vb-pc70:2.3.7	Sappāṇakavaggo sattamo.
pli-tv-bu-vb-pc70:2.3.8	Tassuddānaṁ
pli-tv-bu-vb-pc70:2.3.9	Sañciccavadhasappāṇaṁ,
pli-tv-bu-vb-pc70:2.3.10	ukkoṭaṁ duṭṭhullachādanaṁ;
pli-tv-bu-vb-pc70:2.3.11	Ūnavīsati satthañca,
pli-tv-bu-vb-pc70:2.3.12	saṁvidhānaṁ ariṭṭhakaṁ;
pli-tv-bu-vb-pc70:2.3.13	Ukkhittaṁ kaṇṭakañceva,
pli-tv-bu-vb-pc70:2.3.14	dasa sikkhāpadā imeti.
pli-tv-bu-vb-pc71:0.1	Theravāda Vinaya
pli-tv-bu-vb-pc71:0.2	Mahāvibhaṅga
pli-tv-bu-vb-pc71:0.3	Pācittiyakaṇḍa
pli-tv-bu-vb-pc71:0.4	Sahadhammikavagga
pli-tv-bu-vb-pc71:0.5	71. Sahadhammikasikkhāpada
pli-tv-bu-vb-pc71:1.0	
pli-tv-bu-vb-pc71:1.1	Tena samayena buddho bhagavā kosambiyaṁ viharati ghositārāme.
pli-tv-bu-vb-pc71:1.2	Tena kho pana samayena āyasmā channo anācāraṁ ācarati.
pli-tv-bu-vb-pc71:1.3	Bhikkhū evamāhaṁsu—
pli-tv-bu-vb-pc71:1.4	“māvuso channa, evarūpaṁ akāsi.
pli-tv-bu-vb-pc71:1.5	Netaṁ kappatī”ti.
pli-tv-bu-vb-pc71:1.6	So evaṁ vadeti—
pli-tv-bu-vb-pc71:1.7	“na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchāmī”ti.
pli-tv-bu-vb-pc71:1.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc71:1.9	“kathañhi nāma āyasmā channo bhikkhūhi sahadhammikaṁ vuccamāno evaṁ vakkhati—
pli-tv-bu-vb-pc71:1.10	‘na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchāmī’”ti …pe…
pli-tv-bu-vb-pc71:1.11	“saccaṁ kira tvaṁ, channa, bhikkhūhi sahadhammikaṁ vuccamāno evaṁ vadesi—
pli-tv-bu-vb-pc71:1.12	‘na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchāmī’”ti?
pli-tv-bu-vb-pc71:1.13	“Saccaṁ, bhagavā”ti.
pli-tv-bu-vb-pc71:1.14	Vigarahi buddho bhagavā …pe…
pli-tv-bu-vb-pc71:1.15	kathañhi nāma tvaṁ, moghapurisa, bhikkhūhi sahadhammikaṁ vuccamāno evaṁ vakkhasi—
pli-tv-bu-vb-pc71:1.16	‘na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchāmī’ti.
pli-tv-bu-vb-pc71:1.17	Netaṁ, moghapurisa, appasannānaṁ vā pasādāya …pe…
pli-tv-bu-vb-pc71:1.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc71:1.19.0	
pli-tv-bu-vb-pc71:1.19.1	“Yo pana bhikkhu bhikkhūhi sahadhammikaṁ vuccamāno evaṁ vadeyya—‘na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchāmī’ti, pācittiyaṁ.
pli-tv-bu-vb-pc71:1.20	Sikkhamānena, bhikkhave, bhikkhunā aññātabbaṁ paripucchitabbaṁ paripañhitabbaṁ. Ayaṁ tattha sāmīcī”ti.
pli-tv-bu-vb-pc71:2.1.0	
pli-tv-bu-vb-pc71:2.1.1	Yo panāti
pli-tv-bu-vb-pc71:2.1.2	yo yādiso …pe…
pli-tv-bu-vb-pc71:2.1.3	bhikkhūti
pli-tv-bu-vb-pc71:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc71:2.1.5	Bhikkhūhīti
pli-tv-bu-vb-pc71:2.1.6	aññehi bhikkhūhi.
pli-tv-bu-vb-pc71:2.1.7	Sahadhammikaṁ nāma
pli-tv-bu-vb-pc71:2.1.8	yaṁ bhagavatā paññattaṁ sikkhāpadaṁ etaṁ sahadhammikaṁ nāma.
pli-tv-bu-vb-pc71:2.1.9	Tena vuccamāno evaṁ vadeti— “na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paripucchāmī”ti. Paṇḍitaṁ byattaṁ medhāviṁ bahussutaṁ dhammakathikaṁ paripucchāmīti bhaṇati, āpatti pācittiyassa.
pli-tv-bu-vb-pc71:2.2.0	
pli-tv-bu-vb-pc71:2.2.1	Upasampanne upasampannasaññī evaṁ vadeti, āpatti pācittiyassa.
pli-tv-bu-vb-pc71:2.2.2	Upasampanne vematiko evaṁ vadeti, āpatti pācittiyassa.
pli-tv-bu-vb-pc71:2.2.3	Upasampanne anupasampannasaññī evaṁ vadeti, āpatti pācittiyassa.
pli-tv-bu-vb-pc71:2.2.4	Apaññattena vuccamāno—
pli-tv-bu-vb-pc71:2.2.5	“idaṁ na sallekhāya na dhutatthāya na pāsādikatāya na apacayāya na vīriyārambhāya saṁvattatī”ti evaṁ vadeti, “na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paṇḍitaṁ medhāviṁ bahussutaṁ dhammakathikaṁ paripucchāmī”ti bhaṇati, āpatti dukkaṭassa.
pli-tv-bu-vb-pc71:2.2.6	Anupasampannena paññattena vā apaññattena vā vuccamāno—
pli-tv-bu-vb-pc71:2.2.7	“idaṁ na sallekhāya na dhutatthāya na pāsādikatāya na apacayāya na vīriyārambhāya saṁvattatī”ti evaṁ vadeti, “na tāvāhaṁ, āvuso, etasmiṁ sikkhāpade sikkhissāmi yāva na aññaṁ bhikkhuṁ byattaṁ vinayadharaṁ paṇḍitaṁ medhāviṁ bahussutaṁ dhammakathikaṁ paripucchāmī”ti bhaṇati, āpatti dukkaṭassa.
pli-tv-bu-vb-pc71:2.2.8	Anupasampanne upasampannasaññī, āpatti dukkaṭassa.
pli-tv-bu-vb-pc71:2.2.9	Anupasampanne vematiko, āpatti dukkaṭassa.
pli-tv-bu-vb-pc71:2.2.10	Anupasampanne anupasampannasaññī, āpatti dukkaṭassa.
pli-tv-bu-vb-pc71:2.2.11.0	
pli-tv-bu-vb-pc71:2.2.11.1	Sikkhamānenāti
pli-tv-bu-vb-pc71:2.2.12	sikkhitukāmena.
pli-tv-bu-vb-pc71:2.2.13	Aññātabbanti
pli-tv-bu-vb-pc71:2.2.14	jānitabbaṁ.
pli-tv-bu-vb-pc71:2.2.15	Paripucchitabbanti
pli-tv-bu-vb-pc71:2.2.16	“idaṁ, bhante, kathaṁ; imassa vā kvattho”ti?
pli-tv-bu-vb-pc71:2.2.17	Paripañhitabbanti
pli-tv-bu-vb-pc71:2.2.18	cintetabbaṁ tulayitabbaṁ.
pli-tv-bu-vb-pc71:2.2.19	Ayaṁ tattha sāmīcīti
pli-tv-bu-vb-pc71:2.2.20	ayaṁ tattha anudhammatā.
pli-tv-bu-vb-pc71:2.3.0	
pli-tv-bu-vb-pc71:2.3.1	Anāpatti—
pli-tv-bu-vb-pc71:2.3.2	“jānissāmi sikkhissāmī”ti bhaṇati,
pli-tv-bu-vb-pc71:2.3.3	ummattakassa,
pli-tv-bu-vb-pc71:2.3.4	ādikammikassāti.
pli-tv-bu-vb-pc71:2.3.5	Sahadhammikasikkhāpadaṁ niṭṭhitaṁ paṭhamaṁ.
pli-tv-bu-vb-pc72:0.1	Theravāda Vinaya
pli-tv-bu-vb-pc72:0.2	Mahāvibhaṅga
pli-tv-bu-vb-pc72:0.3	Pācittiyakaṇḍa
pli-tv-bu-vb-pc72:0.4	Sahadhammikavagga
pli-tv-bu-vb-pc72:0.5	72. Vilekhanasikkhāpada
pli-tv-bu-vb-pc72:1.0	
pli-tv-bu-vb-pc72:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc72:1.2	Tena kho pana samayena bhagavā bhikkhūnaṁ anekapariyāyena vinayakathaṁ katheti, vinayassa vaṇṇaṁ bhāsati, vinayapariyattiyā vaṇṇaṁ bhāsati, ādissa ādissa āyasmato upālissa vaṇṇaṁ bhāsati.
pli-tv-bu-vb-pc72:1.3	Bhikkhūnaṁ etadahosi—
pli-tv-bu-vb-pc72:1.4	“bhagavā kho anekapariyāyena vinayakathaṁ katheti, vinayassa vaṇṇaṁ bhāsati, vinayapariyattiyā vaṇṇaṁ bhāsati, ādissa ādissa āyasmato upālissa vaṇṇaṁ bhāsati.
pli-tv-bu-vb-pc72:1.5	Handa mayaṁ, āvuso, āyasmato upālissa santike vinayaṁ pariyāpuṇāmā”ti, te ca bahū bhikkhū therā ca navā ca majjhimā ca āyasmato upālissa santike vinayaṁ pariyāpuṇanti.
pli-tv-bu-vb-pc72:1.6	Atha kho chabbaggiyānaṁ bhikkhūnaṁ etadahosi—
pli-tv-bu-vb-pc72:1.7	“etarahi kho, āvuso, bahū bhikkhū therā ca navā ca majjhimā ca āyasmato upālissa santike vinayaṁ pariyāpuṇanti.
pli-tv-bu-vb-pc72:1.8	Sace ime vinaye pakataññuno bhavissanti amhe yenicchakaṁ yadicchakaṁ yāvadicchakaṁ ākaḍḍhissanti parikaḍḍhissanti.
pli-tv-bu-vb-pc72:1.9	Handa mayaṁ, āvuso, vinayaṁ vivaṇṇemā”ti.
pli-tv-bu-vb-pc72:1.10	Atha kho chabbaggiyā bhikkhū bhikkhū upasaṅkamitvā evaṁ vadanti—
pli-tv-bu-vb-pc72:1.11	“kiṁ panimehi khuddānukhuddakehi sikkhāpadehi uddiṭṭhehi, yāvadeva kukkuccāya vihesāya vilekhāya saṁvattantī”ti.
pli-tv-bu-vb-pc72:1.12	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc72:1.13	“kathañhi nāma chabbaggiyā bhikkhū vinayaṁ vivaṇṇessantī”ti …pe…
pli-tv-bu-vb-pc72:1.14	“saccaṁ kira tumhe, bhikkhave, vinayaṁ vivaṇṇethā”ti?
pli-tv-bu-vb-pc72:1.15	“Saccaṁ, bhagavā”ti.
pli-tv-bu-vb-pc72:1.16	Vigarahi buddho bhagavā …pe…
pli-tv-bu-vb-pc72:1.17	kathañhi nāma tumhe, moghapurisā, vinayaṁ vivaṇṇessatha.
pli-tv-bu-vb-pc72:1.18	Netaṁ, moghapurisā, appasannānaṁ vā pasādāya …pe…
pli-tv-bu-vb-pc72:1.19	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc72:1.20.0	
pli-tv-bu-vb-pc72:1.20.1	“Yo pana bhikkhu pātimokkhe uddissamāne evaṁ vadeyya—‘kiṁ panimehi khuddānukhuddakehi sikkhāpadehi uddiṭṭhehi, yāvadeva kukkuccāya vihesāya vilekhāya saṁvattantī’ti, sikkhāpadavivaṇṇake pācittiyan”ti.
pli-tv-bu-vb-pc72:2.1.0	
pli-tv-bu-vb-pc72:2.1.1	Yo panāti
pli-tv-bu-vb-pc72:2.1.2	yo yādiso …pe…
pli-tv-bu-vb-pc72:2.1.3	bhikkhūti
pli-tv-bu-vb-pc72:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc72:2.1.5	Pātimokkhe uddissamāneti
pli-tv-bu-vb-pc72:2.1.6	uddisante vā uddisāpente vā sajjhāyaṁ vā karonte.
pli-tv-bu-vb-pc72:2.1.7	Evaṁ vadeyyāti—
pli-tv-bu-vb-pc72:2.1.8	“kiṁ panimehi khuddānukhuddakehi sikkhāpadehi uddiṭṭhehi, yāvadeva kukkuccāya vihesāya vilekhāya saṁvattantī”ti.
pli-tv-bu-vb-pc72:2.1.9	“Ye imaṁ pariyāpuṇanti tesaṁ kukkuccaṁ hoti, vihesā hoti, vilekhā hoti, ye imaṁ na pariyāpuṇanti tesaṁ kukkuccaṁ na hoti vihesā na hoti vilekhā na hoti. Anuddiṭṭhaṁ idaṁ varaṁ, anuggahitaṁ idaṁ varaṁ, apariyāpuṭaṁ idaṁ varaṁ, adhāritaṁ idaṁ varaṁ, vinayo vā antaradhāyatu, ime vā bhikkhū appakataññuno hontū”ti upasampannassa vinayaṁ vivaṇṇeti, āpatti pācittiyassa.
pli-tv-bu-vb-pc72:2.2.0	
pli-tv-bu-vb-pc72:2.2.1	Upasampanne upasampannasaññī vinayaṁ vivaṇṇeti, āpatti pācittiyassa.
pli-tv-bu-vb-pc72:2.2.2	Upasampanne vematiko vinayaṁ vivaṇṇeti, āpatti pācittiyassa.
pli-tv-bu-vb-pc72:2.2.3	Upasampanne anupasampannasaññī vinayaṁ vivaṇṇeti, āpatti pācittiyassa.
pli-tv-bu-vb-pc72:2.2.4	Aññaṁ dhammaṁ vivaṇṇeti, āpatti dukkaṭassa.
pli-tv-bu-vb-pc72:2.2.5	Anupasampannassa vinayaṁ vā aññaṁ vā dhammaṁ vivaṇṇeti, āpatti dukkaṭassa.
pli-tv-bu-vb-pc72:2.2.6	Anupasampanne upasampannasaññī, āpatti dukkaṭassa.
pli-tv-bu-vb-pc72:2.2.7	Anupasampanne vematiko, āpatti dukkaṭassa.
pli-tv-bu-vb-pc72:2.2.8	Anupasampanne anupasampannasaññī, āpatti dukkaṭassa.
pli-tv-bu-vb-pc72:2.3.0	
pli-tv-bu-vb-pc72:2.3.1	Anāpatti—
pli-tv-bu-vb-pc72:2.3.2	na vivaṇṇetukāmo, “iṅgha tvaṁ suttante vā gāthāyo vā abhidhammaṁ vā pariyāpuṇassu, pacchā vinayaṁ pariyāpuṇissasī”ti bhaṇati,
pli-tv-bu-vb-pc72:2.3.3	ummattakassa,
pli-tv-bu-vb-pc72:2.3.4	ādikammikassāti.
pli-tv-bu-vb-pc72:2.3.5	Vilekhanasikkhāpadaṁ niṭṭhitaṁ dutiyaṁ.
pli-tv-bu-vb-pc73:0.1	Theravāda Vinaya
pli-tv-bu-vb-pc73:0.2	Mahāvibhaṅga
pli-tv-bu-vb-pc73:0.3	Pācittiyakaṇḍa
pli-tv-bu-vb-pc73:0.4	Sahadhammikavagga
pli-tv-bu-vb-pc73:0.5	73. Mohanasikkhāpada
pli-tv-bu-vb-pc73:1.0	
pli-tv-bu-vb-pc73:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc73:1.2	Tena kho pana samayena chabbaggiyā bhikkhū anācāraṁ ācaritvā “aññāṇakena āpannāti jānantū”ti pātimokkhe uddissamāne evaṁ vadanti—
pli-tv-bu-vb-pc73:1.3	“idāneva kho mayaṁ jānāma, ayampi kira dhammo suttāgato suttapariyāpanno anvaddhamāsaṁ uddesaṁ āgacchatī”ti.
pli-tv-bu-vb-pc73:1.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc73:1.5	“kathañhi nāma chabbaggiyā bhikkhū pātimokkhe uddissamāne evaṁ vakkhanti—
pli-tv-bu-vb-pc73:1.6	‘idāneva kho mayaṁ jānāma, ayampi kira dhammo suttāgato suttapariyāpanno anvaddhamāsaṁ uddesaṁ āgacchatī’”ti …pe…
pli-tv-bu-vb-pc73:1.7	“saccaṁ kira tumhe, bhikkhave, pātimokkhe uddissamāne evaṁ vadetha—
pli-tv-bu-vb-pc73:1.8	‘idāneva kho mayaṁ jānāma, ayampi kira dhammo suttāgato suttapariyāpanno anvaddhamāsaṁ uddesaṁ āgacchatī’”ti?
pli-tv-bu-vb-pc73:1.9	“Saccaṁ, bhagavā”ti.
pli-tv-bu-vb-pc73:1.10	Vigarahi buddho bhagavā …pe…
pli-tv-bu-vb-pc73:1.11	kathañhi nāma tumhe, moghapurisā, pātimokkhe uddissamāne evaṁ vakkhatha—
pli-tv-bu-vb-pc73:1.12	‘idāneva kho mayaṁ jānāma, ayampi kira dhammo suttāgato suttapariyāpanno anvaddhamāsaṁ uddesaṁ āgacchatī’ti.
pli-tv-bu-vb-pc73:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc73:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc73:1.15.0	
pli-tv-bu-vb-pc73:1.15.1	“Yo pana bhikkhu anvaddhamāsaṁ pātimokkhe uddissamāne evaṁ vadeyya—
pli-tv-bu-vb-pc73:1.16	‘idāneva kho ahaṁ jānāmi, ayampi kira dhammo suttāgato suttapariyāpanno anvaddhamāsaṁ uddesaṁ āgacchatī’ti.
pli-tv-bu-vb-pc73:1.17	Tañce bhikkhuṁ aññe bhikkhū jāneyyuṁ nisinnapubbaṁ iminā bhikkhunā dvattikkhattuṁ pātimokkhe uddissamāne, ko pana vādo bhiyyo, na ca tassa bhikkhuno aññāṇakena mutti atthi, yañca tattha āpattiṁ āpanno tañca yathādhammo kāretabbo, uttari cassa moho āropetabbo—
pli-tv-bu-vb-pc73:1.18	‘tassa te, āvuso, alābhā, tassa te dulladdhaṁ, yaṁ tvaṁ pātimokkhe uddissamāne na sādhukaṁ aṭṭhiṁ katvā manasi karosī’ti.
pli-tv-bu-vb-pc73:1.19	Idaṁ tasmiṁ mohanake pācittiyan”ti.
pli-tv-bu-vb-pc73:2.1.0	
pli-tv-bu-vb-pc73:2.1.1	Yo panāti
pli-tv-bu-vb-pc73:2.1.2	yo yādiso …pe…
pli-tv-bu-vb-pc73:2.1.3	bhikkhūti
pli-tv-bu-vb-pc73:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc73:2.1.5	Anvaddhamāsanti
pli-tv-bu-vb-pc73:2.1.6	anuposathikaṁ.
pli-tv-bu-vb-pc73:2.1.7	Pātimokkhe uddissamāneti
pli-tv-bu-vb-pc73:2.1.8	uddisante.
pli-tv-bu-vb-pc73:2.1.9	Evaṁ vadeyyāti
pli-tv-bu-vb-pc73:2.1.10	anācāraṁ ācaritvā—
pli-tv-bu-vb-pc73:2.1.11	“aññāṇakena āpannoti jānantū”ti pātimokkhe uddissamāne evaṁ vadeti—
pli-tv-bu-vb-pc73:2.1.12	“idāneva kho ahaṁ jānāmi, ayampi kira dhammo suttāgato suttapariyāpanno anvaddhamāsaṁ uddesaṁ āgacchatī”ti, āpatti dukkaṭassa.
pli-tv-bu-vb-pc73:2.1.13	Tañce mohetukāmaṁ bhikkhuṁ aññe bhikkhū jāneyyuṁ nisinnapubbaṁ iminā bhikkhunā dvattikkhattuṁ pātimokkhe uddissamāne, ko pana vādo bhiyyo, na ca tassa bhikkhuno aññāṇakena mutti atthi, yañca tattha āpattiṁ āpanno, tañca yathādhammo kāretabbo, uttari cassa moho āropetabbo.
pli-tv-bu-vb-pc73:2.1.14	“Evañca pana, bhikkhave, āropetabbo.
pli-tv-bu-vb-pc73:2.1.15	Byattena bhikkhunā paṭibalena saṅgho ñāpetabbo—
pli-tv-bu-vb-pc73:2.1.16	‘Suṇātu me, bhante, saṅgho.
pli-tv-bu-vb-pc73:2.1.17	Ayaṁ itthannāmo bhikkhu pātimokkhe uddissamāne na sādhukaṁ aṭṭhiṁ katvā manasi karoti.
pli-tv-bu-vb-pc73:2.1.18	Yadi saṅghassa pattakallaṁ, saṅgho itthannāmassa bhikkhuno mohaṁ āropeyya.
pli-tv-bu-vb-pc73:2.1.19	Esā ñatti.
pli-tv-bu-vb-pc73:2.1.20	Suṇātu me, bhante, saṅgho.
pli-tv-bu-vb-pc73:2.1.21	Ayaṁ itthannāmo bhikkhu pātimokkhe uddissamāne na sādhukaṁ aṭṭhiṁ katvā manasi karoti.
pli-tv-bu-vb-pc73:2.1.22	Saṅgho itthannāmassa bhikkhuno mohaṁ āropeti.
pli-tv-bu-vb-pc73:2.1.23	Yassāyasmato khamati itthannāmassa bhikkhuno mohassa āropanā, so tuṇhassa;
pli-tv-bu-vb-pc73:2.1.24	yassa nakkhamati, so bhāseyya.
pli-tv-bu-vb-pc73:2.1.25	Āropito saṅghena itthannāmassa bhikkhuno moho.
pli-tv-bu-vb-pc73:2.1.26	Khamati saṅghassa, tasmā tuṇhī, evametaṁ dhārayāmī’”ti.
pli-tv-bu-vb-pc73:2.1.27	Anāropite mohe moheti, āpatti dukkaṭassa.
pli-tv-bu-vb-pc73:2.1.28	Āropite mohe moheti, āpatti pācittiyassa.
pli-tv-bu-vb-pc73:2.2.0	
pli-tv-bu-vb-pc73:2.2.1	Dhammakamme dhammakammasaññī moheti, āpatti pācittiyassa.
pli-tv-bu-vb-pc73:2.2.2	Dhammakamme vematiko moheti, āpatti pācittiyassa.
pli-tv-bu-vb-pc73:2.2.3	Dhammakamme adhammakammasaññī moheti, āpatti pācittiyassa.
pli-tv-bu-vb-pc73:2.2.4	Adhammakamme dhammakammasaññī, āpatti dukkaṭassa.
pli-tv-bu-vb-pc73:2.2.5	Adhammakamme vematiko, āpatti dukkaṭassa.
pli-tv-bu-vb-pc73:2.2.6	Adhammakamme adhammakammasaññī, āpatti dukkaṭassa.
pli-tv-bu-vb-pc73:2.3.0	
pli-tv-bu-vb-pc73:2.3.1	Anāpatti—
pli-tv-bu-vb-pc73:2.3.2	na vitthārena sutaṁ hoti,
pli-tv-bu-vb-pc73:2.3.3	ūnakadvattikkhattuṁ vitthārena sutaṁ hoti,
pli-tv-bu-vb-pc73:2.3.4	na mohetukāmassa,
pli-tv-bu-vb-pc73:2.3.5	ummattakassa,
pli-tv-bu-vb-pc73:2.3.6	ādikammikassāti.
pli-tv-bu-vb-pc73:2.3.7	Mohanasikkhāpadaṁ niṭṭhitaṁ tatiyaṁ.
pli-tv-bu-vb-pc74:0.1	Theravāda Vinaya
pli-tv-bu-vb-pc74:0.2	Mahāvibhaṅga
pli-tv-bu-vb-pc74:0.3	Pācittiyakaṇḍa
pli-tv-bu-vb-pc74:0.4	Sahadhammikavagga
pli-tv-bu-vb-pc74:0.5	74. Pahārasikkhāpada
pli-tv-bu-vb-pc74:1.0	
pli-tv-bu-vb-pc74:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc74:1.2	Tena kho pana samayena chabbaggiyā bhikkhū kupitā anattamanā sattarasavaggiyānaṁ bhikkhūnaṁ pahāraṁ denti.
pli-tv-bu-vb-pc74:1.3	Te rodanti.
pli-tv-bu-vb-pc74:1.4	Bhikkhū evamāhaṁsu—
pli-tv-bu-vb-pc74:1.5	“kissa tumhe, āvuso, rodathā”ti?
pli-tv-bu-vb-pc74:1.6	“Ime, āvuso, chabbaggiyā bhikkhū kupitā anattamanā amhākaṁ pahāraṁ dentī”ti.
pli-tv-bu-vb-pc74:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc74:1.8	“kathañhi nāma chabbaggiyā bhikkhū kupitā anattamanā bhikkhūnaṁ pahāraṁ dassantī”ti …pe…
pli-tv-bu-vb-pc74:1.9	“saccaṁ kira tumhe, bhikkhave, kupitā anattamanā bhikkhūnaṁ pahāraṁ dethā”ti?
pli-tv-bu-vb-pc74:1.10	“Saccaṁ, bhagavā”ti.
pli-tv-bu-vb-pc74:1.11	Vigarahi buddho bhagavā …pe…
pli-tv-bu-vb-pc74:1.12	kathañhi nāma tumhe, moghapurisā, kupitā anattamanā bhikkhūnaṁ pahāraṁ dassatha.
pli-tv-bu-vb-pc74:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc74:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc74:1.15.0	
pli-tv-bu-vb-pc74:1.15.1	“Yo pana bhikkhu bhikkhussa kupito anattamano pahāraṁ dadeyya, pācittiyan”ti.
pli-tv-bu-vb-pc74:2.1.0	
pli-tv-bu-vb-pc74:2.1.1	Yo panāti
pli-tv-bu-vb-pc74:2.1.2	yo yādiso …pe…
pli-tv-bu-vb-pc74:2.1.3	bhikkhūti
pli-tv-bu-vb-pc74:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc74:2.1.5	Bhikkhussāti
pli-tv-bu-vb-pc74:2.1.6	aññassa bhikkhussa.
pli-tv-bu-vb-pc74:2.1.7	Kupito anattamanoti
pli-tv-bu-vb-pc74:2.1.8	anabhiraddho āhatacitto khilajāto.
pli-tv-bu-vb-pc74:2.1.9	Pahāraṁ dadeyyāti
pli-tv-bu-vb-pc74:2.1.10	kāyena vā kāyapaṭibaddhena vā nissaggiyena vā antamaso uppalapattenapi pahāraṁ deti, āpatti pācittiyassa.
pli-tv-bu-vb-pc74:2.2.0	
pli-tv-bu-vb-pc74:2.2.1	Upasampanne upasampannasaññī kupito anattamano pahāraṁ deti, āpatti pācittiyassa.
pli-tv-bu-vb-pc74:2.2.2	Upasampanne vematiko kupito anattamano pahāraṁ deti, āpatti pācittiyassa.
pli-tv-bu-vb-pc74:2.2.3	Upasampanne anupasampannasaññī kupito anattamano pahāraṁ deti, āpatti pācittiyassa.
pli-tv-bu-vb-pc74:2.2.4	Anupasampannassa kupito anattamano pahāraṁ deti, āpatti dukkaṭassa.
pli-tv-bu-vb-pc74:2.2.5	Anupasampanne upasampannasaññī, āpatti dukkaṭassa.
pli-tv-bu-vb-pc74:2.2.6	Anupasampanne vematiko, āpatti dukkaṭassa.
pli-tv-bu-vb-pc74:2.2.7	Anupasampanne anupasampannasaññī, āpatti dukkaṭassa.
pli-tv-bu-vb-pc74:2.3.0	
pli-tv-bu-vb-pc74:2.3.1	Anāpatti—
pli-tv-bu-vb-pc74:2.3.2	kenaci viheṭhīyamāno mokkhādhippāyo pahāraṁ deti,
pli-tv-bu-vb-pc74:2.3.3	ummattakassa,
pli-tv-bu-vb-pc74:2.3.4	ādikammikassāti.
pli-tv-bu-vb-pc74:2.3.5	Pahārasikkhāpadaṁ niṭṭhitaṁ catutthaṁ.
pli-tv-bu-vb-pc75:0.1	Theravāda Vinaya
pli-tv-bu-vb-pc75:0.2	Mahāvibhaṅga
pli-tv-bu-vb-pc75:0.3	Pācittiyakaṇḍa
pli-tv-bu-vb-pc75:0.4	Sahadhammikavagga
pli-tv-bu-vb-pc75:0.5	75. Talasattikasikkhāpada
pli-tv-bu-vb-pc75:1.0	
pli-tv-bu-vb-pc75:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc75:1.2	Tena kho pana samayena chabbaggiyā bhikkhū kupitā anattamanā sattarasavaggiyānaṁ bhikkhūnaṁ talasattikaṁ uggiranti.
pli-tv-bu-vb-pc75:1.3	Te pahārasamuccitā rodanti.
pli-tv-bu-vb-pc75:1.4	Bhikkhū evamāhaṁsu—
pli-tv-bu-vb-pc75:1.5	“kissa tumhe, āvuso, rodathā”ti?
pli-tv-bu-vb-pc75:1.6	“Ime, āvuso, chabbaggiyā bhikkhū kupitā anattamanā amhākaṁ talasattikaṁ uggirantī”ti.
pli-tv-bu-vb-pc75:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc75:1.8	“kathañhi nāma chabbaggiyā bhikkhū kupitā anattamanā sattarasavaggiyānaṁ bhikkhūnaṁ talasattikaṁ uggirissantī”ti …pe…
pli-tv-bu-vb-pc75:1.9	“saccaṁ kira tumhe, bhikkhave, kupitā anattamanā sattarasavaggiyānaṁ bhikkhūnaṁ talasattikaṁ uggirathā”ti?
pli-tv-bu-vb-pc75:1.10	“Saccaṁ, bhagavā”ti.
pli-tv-bu-vb-pc75:1.11	Vigarahi buddho bhagavā …pe…
pli-tv-bu-vb-pc75:1.12	kathañhi nāma tumhe, moghapurisā, kupitā anattamanā sattarasavaggiyānaṁ bhikkhūnaṁ talasattikaṁ uggirissatha.
pli-tv-bu-vb-pc75:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pc75:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc75:1.15.0	
pli-tv-bu-vb-pc75:1.15.1	“Yo pana bhikkhu bhikkhussa kupito anattamano talasattikaṁ uggireyya, pācittiyan”ti.
pli-tv-bu-vb-pc75:2.1.0	
pli-tv-bu-vb-pc75:2.1.1	Yo panāti
pli-tv-bu-vb-pc75:2.1.2	yo yādiso …pe…
pli-tv-bu-vb-pc75:2.1.3	bhikkhūti
pli-tv-bu-vb-pc75:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc75:2.1.5	Bhikkhussāti
pli-tv-bu-vb-pc75:2.1.6	aññassa bhikkhussa.
pli-tv-bu-vb-pc75:2.1.7	Kupito anattamanoti
pli-tv-bu-vb-pc75:2.1.8	anabhiraddho āhatacitto khilajāto.
pli-tv-bu-vb-pc75:2.1.9	Talasattikaṁ uggireyyāti
pli-tv-bu-vb-pc75:2.1.10	kāyaṁ vā kāyapaṭibaddhaṁ vā antamaso uppalapattampi uccāreti, āpatti pācittiyassa.
pli-tv-bu-vb-pc75:2.2.0	
pli-tv-bu-vb-pc75:2.2.1	Upasampanne upasampannasaññī kupito anattamano talasattikaṁ uggirati, āpatti pācittiyassa.
pli-tv-bu-vb-pc75:2.2.2	Upasampanne vematiko kupito anattamano talasattikaṁ uggirati, āpatti pācittiyassa.
pli-tv-bu-vb-pc75:2.2.3	Upasampanne anupasampannasaññī kupito anattamano talasattikaṁ uggirati, āpatti pācittiyassa.
pli-tv-bu-vb-pc75:2.2.4	Anupasampannassa kupito anattamano talasattikaṁ uggirati, āpatti dukkaṭassa.
pli-tv-bu-vb-pc75:2.2.5	Anupasampanne upasampannasaññī, āpatti dukkaṭassa.
pli-tv-bu-vb-pc75:2.2.6	Anupasampanne vematiko, āpatti dukkaṭassa.
pli-tv-bu-vb-pc75:2.2.7	Anupasampanne anupasampannasaññī, āpatti dukkaṭassa.
pli-tv-bu-vb-pc75:2.2.8.0	
pli-tv-bu-vb-pc75:2.2.8.1	Anāpatti—
pli-tv-bu-vb-pc75:2.2.9	kenaci viheṭhīyamāno mokkhādhippāyo talasattikaṁ uggirati,
pli-tv-bu-vb-pc75:2.2.10	ummattakassa,
pli-tv-bu-vb-pc75:2.2.11	ādikammikassāti.
pli-tv-bu-vb-pc75:2.2.12	Talasattikasikkhāpadaṁ niṭṭhitaṁ pañcamaṁ.
pli-tv-bu-vb-pc76:0.1	Theravāda Vinaya
pli-tv-bu-vb-pc76:0.2	Mahāvibhaṅga
pli-tv-bu-vb-pc76:0.3	Pācittiyakaṇḍa
pli-tv-bu-vb-pc76:0.4	Sahadhammikavagga
pli-tv-bu-vb-pc76:0.5	76. Amūlakasikkhāpada
pli-tv-bu-vb-pc76:1.0	
pli-tv-bu-vb-pc76:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc76:1.2	Tena kho pana samayena chabbaggiyā bhikkhū bhikkhuṁ amūlakena saṅghādisesena anuddhaṁsenti.
pli-tv-bu-vb-pc76:1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc76:1.4	“kathañhi nāma chabbaggiyā bhikkhū bhikkhuṁ amūlakena saṅghādisesena anuddhaṁsessantī”ti …pe…
pli-tv-bu-vb-pc76:1.5	“saccaṁ kira tumhe, bhikkhave, bhikkhuṁ amūlakena saṅghādisesena anuddhaṁsethā”ti?
pli-tv-bu-vb-pc76:1.6	“Saccaṁ, bhagavā”ti.
pli-tv-bu-vb-pc76:1.7	Vigarahi buddho bhagavā …pe…
pli-tv-bu-vb-pc76:1.8	kathañhi nāma tumhe, moghapurisā, bhikkhuṁ amūlakena saṅghādisesena anuddhaṁsessatha.
pli-tv-bu-vb-pc76:1.9	Netaṁ, moghapurisā, appasannānaṁ vā pasādāya …pe…
pli-tv-bu-vb-pc76:1.10	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc76:1.11.0	
pli-tv-bu-vb-pc76:1.11.1	“Yo pana bhikkhu bhikkhuṁ amūlakena saṅghādisesena anuddhaṁseyya, pācittiyan”ti.
pli-tv-bu-vb-pc76:2.1.0	
pli-tv-bu-vb-pc76:2.1.1	Yo panāti
pli-tv-bu-vb-pc76:2.1.2	yo yādiso …pe…
pli-tv-bu-vb-pc76:2.1.3	bhikkhūti
pli-tv-bu-vb-pc76:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc76:2.1.5	Bhikkhunti
pli-tv-bu-vb-pc76:2.1.6	aññaṁ bhikkhuṁ.
pli-tv-bu-vb-pc76:2.1.7	Amūlakaṁ nāma
pli-tv-bu-vb-pc76:2.1.8	adiṭṭhaṁ assutaṁ aparisaṅkitaṁ.
pli-tv-bu-vb-pc76:2.1.9	Saṅghādisesenāti
pli-tv-bu-vb-pc76:2.1.10	terasannaṁ aññatarena.
pli-tv-bu-vb-pc76:2.1.11	Anuddhaṁseyyāti
pli-tv-bu-vb-pc76:2.1.12	codeti vā codāpeti vā, āpatti pācittiyassa.
pli-tv-bu-vb-pc76:2.2.0	
pli-tv-bu-vb-pc76:2.2.1	Upasampanne upasampannasaññī amūlakena saṅghādisesena anuddhaṁseti, āpatti pācittiyassa.
pli-tv-bu-vb-pc76:2.2.2	Upasampanne vematiko amūlakena saṅghādisesena anuddhaṁseti, āpatti pācittiyassa.
pli-tv-bu-vb-pc76:2.2.3	Upasampanne anupasampannasaññī amūlakena saṅghādisesena anuddhaṁseti, āpatti pācittiyassa.
pli-tv-bu-vb-pc76:2.2.4	Ācāravipattiyā vā diṭṭhivipattiyā vā anuddhaṁseti, āpatti dukkaṭassa.
pli-tv-bu-vb-pc76:2.2.5	Anupasampannaṁ anuddhaṁseti, āpatti dukkaṭassa.
pli-tv-bu-vb-pc76:2.2.6	Anupasampanne upasampannasaññī, āpatti dukkaṭassa.
pli-tv-bu-vb-pc76:2.2.7	Anupasampanne vematiko, āpatti dukkaṭassa.
pli-tv-bu-vb-pc76:2.2.8	Anupasampanne anupasampannasaññī, āpatti dukkaṭassa.
pli-tv-bu-vb-pc76:2.3.0	
pli-tv-bu-vb-pc76:2.3.1	Anāpatti—
pli-tv-bu-vb-pc76:2.3.2	tathāsaññī codeti vā codāpeti vā,
pli-tv-bu-vb-pc76:2.3.3	ummattakassa,
pli-tv-bu-vb-pc76:2.3.4	ādikammikassāti.
pli-tv-bu-vb-pc76:2.3.5	Amūlakasikkhāpadaṁ niṭṭhitaṁ chaṭṭhaṁ.
pli-tv-bu-vb-pc77:0.1	Theravāda Vinaya
pli-tv-bu-vb-pc77:0.2	Mahāvibhaṅga
pli-tv-bu-vb-pc77:0.3	Pācittiyakaṇḍa
pli-tv-bu-vb-pc77:0.4	Sahadhammikavagga
pli-tv-bu-vb-pc77:0.5	77. Sañciccasikkhāpada
pli-tv-bu-vb-pc77:1.0	
pli-tv-bu-vb-pc77:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc77:1.2	Tena kho pana samayena chabbaggiyā bhikkhū sattarasavaggiyānaṁ bhikkhūnaṁ sañcicca kukkuccaṁ upadahanti—
pli-tv-bu-vb-pc77:1.3	“bhagavatā, āvuso, sikkhāpadaṁ paññattaṁ—
pli-tv-bu-vb-pc77:1.4	‘na ūnavīsativasso puggalo upasampādetabbo’ti.
pli-tv-bu-vb-pc77:1.5	Tumhe ca ūnavīsativassā upasampannā.
pli-tv-bu-vb-pc77:1.6	Kacci no tumhe anupasampannā”ti?
pli-tv-bu-vb-pc77:1.7	Te rodanti.
pli-tv-bu-vb-pc77:1.8	Bhikkhū evamāhaṁsu—
pli-tv-bu-vb-pc77:1.9	“kissa tumhe, āvuso, rodathā”ti?
pli-tv-bu-vb-pc77:1.10	“Ime, āvuso, chabbaggiyā bhikkhū amhākaṁ sañcicca kukkuccaṁ upadahantī”ti.
pli-tv-bu-vb-pc77:1.11	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc77:1.12	“kathañhi nāma chabbaggiyā bhikkhū bhikkhūnaṁ sañcicca kukkuccaṁ upadahissantī”ti …pe…
pli-tv-bu-vb-pc77:1.13	“saccaṁ kira tumhe, bhikkhave, bhikkhūnaṁ sañcicca kukkuccaṁ upadahathā”ti?
pli-tv-bu-vb-pc77:1.14	“Saccaṁ, bhagavā”ti.
pli-tv-bu-vb-pc77:1.15	Vigarahi buddho bhagavā …pe…
pli-tv-bu-vb-pc77:1.16	kathañhi nāma tumhe, moghapurisā, bhikkhūnaṁ sañcicca kukkuccaṁ upadahissatha.
pli-tv-bu-vb-pc77:1.17	Netaṁ, moghapurisā, appasannānaṁ vā pasādāya …pe…
pli-tv-bu-vb-pc77:1.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc77:1.19.0	
pli-tv-bu-vb-pc77:1.19.1	“Yo pana bhikkhu bhikkhussa sañcicca kukkuccaṁ upadaheyya—‘itissa muhuttampi aphāsu bhavissatī’ti etadeva paccayaṁ karitvā anaññaṁ, pācittiyan”ti.
pli-tv-bu-vb-pc77:2.1.0	
pli-tv-bu-vb-pc77:2.1.1	Yo panāti
pli-tv-bu-vb-pc77:2.1.2	yo yādiso …pe…
pli-tv-bu-vb-pc77:2.1.3	bhikkhūti
pli-tv-bu-vb-pc77:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc77:2.1.5	Bhikkhussāti
pli-tv-bu-vb-pc77:2.1.6	aññassa bhikkhussa.
pli-tv-bu-vb-pc77:2.1.7	Sañciccāti
pli-tv-bu-vb-pc77:2.1.8	jānanto sañjānanto cecca abhivitaritvā vītikkamo.
pli-tv-bu-vb-pc77:2.1.9	Kukkuccaṁ upadaheyyāti
pli-tv-bu-vb-pc77:2.1.10	“ūnavīsativasso maññe tvaṁ upasampanno, vikāle maññe tayā bhuttaṁ, majjaṁ maññe tayā pītaṁ, mātugāmena saddhiṁ raho maññe tayā nisinnan”ti kukkuccaṁ upadahati, āpatti pācittiyassa.
pli-tv-bu-vb-pc77:2.1.11	Etadeva paccayaṁ karitvā, anaññanti
pli-tv-bu-vb-pc77:2.1.12	na añño koci paccayo hoti kukkuccaṁ upadahituṁ.
pli-tv-bu-vb-pc77:2.2.0	
pli-tv-bu-vb-pc77:2.2.1	Upasampanne upasampannasaññī sañcicca kukkuccaṁ upadahati, āpatti pācittiyassa.
pli-tv-bu-vb-pc77:2.2.2	Upasampanne vematiko sañcicca kukkuccaṁ upadahati, āpatti pācittiyassa.
pli-tv-bu-vb-pc77:2.2.3	Upasampanne anupasampannasaññī sañcicca kukkuccaṁ upadahati, āpatti pācittiyassa.
pli-tv-bu-vb-pc77:2.2.4	Anupasampannassa sañcicca kukkuccaṁ upadahati, āpatti dukkaṭassa.
pli-tv-bu-vb-pc77:2.2.5	Anupasampanne upasampannasaññī, āpatti dukkaṭassa.
pli-tv-bu-vb-pc77:2.2.6	Anupasampanne vematiko, āpatti dukkaṭassa.
pli-tv-bu-vb-pc77:2.2.7	Anupasampanne anupasampannasaññī, āpatti dukkaṭassa.
pli-tv-bu-vb-pc77:2.3.0	
pli-tv-bu-vb-pc77:2.3.1	Anāpatti—
pli-tv-bu-vb-pc77:2.3.2	na kukkuccaṁ upadahitukāmo “ūnavīsativasso maññe tvaṁ upasampanno, vikāle maññe tayā bhuttaṁ, majjaṁ maññe tayā pītaṁ, mātugāmena saddhiṁ raho maññe tayā nisinnaṁ, iṅgha jānāhi, mā te pacchā kukkuccaṁ ahosī”ti bhaṇati,
pli-tv-bu-vb-pc77:2.3.3	ummattakassa,
pli-tv-bu-vb-pc77:2.3.4	ādikammikassāti.
pli-tv-bu-vb-pc77:2.3.5	Sañciccasikkhāpadaṁ niṭṭhitaṁ sattamaṁ.
pli-tv-bu-vb-pc78:0.1	Theravāda Vinaya
pli-tv-bu-vb-pc78:0.2	Mahāvibhaṅga
pli-tv-bu-vb-pc78:0.3	Pācittiyakaṇḍa
pli-tv-bu-vb-pc78:0.4	Sahadhammikavagga
pli-tv-bu-vb-pc78:0.5	78. Upassutisikkhāpada
pli-tv-bu-vb-pc78:1.0	
pli-tv-bu-vb-pc78:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc78:1.2	Tena kho pana samayena chabbaggiyā bhikkhū pesalehi bhikkhūhi saddhiṁ bhaṇḍanti.
pli-tv-bu-vb-pc78:1.3	Pesalā bhikkhū evaṁ vadanti—
pli-tv-bu-vb-pc78:1.4	“alajjino ime, āvuso, chabbaggiyā bhikkhū.
pli-tv-bu-vb-pc78:1.5	Na sakkā imehi saha bhaṇḍitun”ti.
pli-tv-bu-vb-pc78:1.6	Chabbaggiyā bhikkhū evaṁ vadanti—
pli-tv-bu-vb-pc78:1.7	“kissa tumhe, āvuso, amhe alajjivādena pāpethā”ti?
pli-tv-bu-vb-pc78:1.8	“Kahaṁ pana tumhe, āvuso, assutthā”ti?
pli-tv-bu-vb-pc78:1.9	“Mayaṁ āyasmantānaṁ upassutiṁ tiṭṭhamhā”ti.
pli-tv-bu-vb-pc78:1.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc78:1.11	“kathañhi nāma chabbaggiyā bhikkhū bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhissantī”ti …pe…
pli-tv-bu-vb-pc78:1.12	“saccaṁ kira tumhe, bhikkhave, bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhathā”ti?
pli-tv-bu-vb-pc78:1.13	“Saccaṁ, bhagavā”ti.
pli-tv-bu-vb-pc78:1.14	Vigarahi buddho bhagavā …pe…
pli-tv-bu-vb-pc78:1.15	kathañhi nāma tumhe, moghapurisā, bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭhissatha.
pli-tv-bu-vb-pc78:1.16	Netaṁ, moghapurisā, appasannānaṁ vā pasādāya …pe…
pli-tv-bu-vb-pc78:1.17	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc78:1.18.0	
pli-tv-bu-vb-pc78:1.18.1	“Yo pana bhikkhu bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭheyya—‘yaṁ ime bhaṇissanti taṁ sossāmī’ti etadeva paccayaṁ karitvā anaññaṁ, pācittiyan”ti.
pli-tv-bu-vb-pc78:2.1.0	
pli-tv-bu-vb-pc78:2.1.1	Yo panāti
pli-tv-bu-vb-pc78:2.1.2	yo yādiso …pe…
pli-tv-bu-vb-pc78:2.1.3	bhikkhūti
pli-tv-bu-vb-pc78:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc78:2.1.5	Bhikkhūnanti
pli-tv-bu-vb-pc78:2.1.6	aññesaṁ bhikkhūnaṁ.
pli-tv-bu-vb-pc78:2.1.7	Bhaṇḍanajātānaṁ kalahajātānaṁ vivādāpannānanti
pli-tv-bu-vb-pc78:2.1.8	adhikaraṇajātānaṁ.
pli-tv-bu-vb-pc78:2.1.9	Upassutiṁ tiṭṭheyyāti
pli-tv-bu-vb-pc78:2.1.10	“imesaṁ sutvā codessāmi sāressāmi paṭicodessāmi paṭisāressāmi maṅkū karissāmī”ti gacchati, āpatti dukkaṭassa.
pli-tv-bu-vb-pc78:2.1.11	Yattha ṭhito suṇāti, āpatti pācittiyassa.
pli-tv-bu-vb-pc78:2.1.12	Pacchato gacchanto turito gacchati sossāmīti, āpatti dukkaṭassa.
pli-tv-bu-vb-pc78:2.1.13	Yattha ṭhito suṇāti, āpatti pācittiyassa.
pli-tv-bu-vb-pc78:2.1.14	Purato gacchanto ohiyyati sossāmīti, āpatti dukkaṭassa.
pli-tv-bu-vb-pc78:2.1.15	Yattha ṭhito suṇāti, āpatti pācittiyassa.
pli-tv-bu-vb-pc78:2.1.16	Bhikkhussa ṭhitokāsaṁ vā nisinnokāsaṁ vā nipannokāsaṁ vā āgantvā mantentaṁ ukkāsitabbaṁ, vijānāpetabbaṁ, no ce ukkāseyya vā vijānāpeyya vā, āpatti pācittiyassa.
pli-tv-bu-vb-pc78:2.1.17	Etadeva paccayaṁ karitvā anaññanti
pli-tv-bu-vb-pc78:2.1.18	na añño koci paccayo hoti upassutiṁ tiṭṭhituṁ.
pli-tv-bu-vb-pc78:2.2.0	
pli-tv-bu-vb-pc78:2.2.1	Upasampanne upasampannasaññī upassutiṁ tiṭṭhati, āpatti pācittiyassa.
pli-tv-bu-vb-pc78:2.2.2	Upasampanne vematiko upassutiṁ tiṭṭhati, āpatti pācittiyassa.
pli-tv-bu-vb-pc78:2.2.3	Upasampanne anupasampannasaññī upassutiṁ tiṭṭhati, āpatti pācittiyassa.
pli-tv-bu-vb-pc78:2.2.4	Anupasampannassa upassutiṁ tiṭṭhati, āpatti dukkaṭassa.
pli-tv-bu-vb-pc78:2.2.5	Anupasampanne upasampannasaññī, āpatti dukkaṭassa.
pli-tv-bu-vb-pc78:2.2.6	Anupasampanne vematiko, āpatti dukkaṭassa.
pli-tv-bu-vb-pc78:2.2.7	Anupasampanne anupasampannasaññī, āpatti dukkaṭassa.
pli-tv-bu-vb-pc78:2.3.0	
pli-tv-bu-vb-pc78:2.3.1	Anāpatti—
pli-tv-bu-vb-pc78:2.3.2	“imesaṁ sutvā oramissāmi viramissāmi vūpasamissāmi attānaṁ parimocessāmī”ti gacchati,
pli-tv-bu-vb-pc78:2.3.3	ummattakassa,
pli-tv-bu-vb-pc78:2.3.4	ādikammikassāti.
pli-tv-bu-vb-pc78:2.3.5	Upassutisikkhāpadaṁ niṭṭhitaṁ aṭṭhamaṁ.
pli-tv-bu-vb-pc79:0.1	Theravāda Vinaya
pli-tv-bu-vb-pc79:0.2	Mahāvibhaṅga
pli-tv-bu-vb-pc79:0.3	Pācittiyakaṇḍa
pli-tv-bu-vb-pc79:0.4	Sahadhammikavagga
pli-tv-bu-vb-pc79:0.5	79. Kammapaṭibāhanasikkhāpada
pli-tv-bu-vb-pc79:1.0	
pli-tv-bu-vb-pc79:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc79:1.2	Tena kho pana samayena chabbaggiyā bhikkhū anācāraṁ ācaritvā ekamekassa kamme kayiramāne paṭikkosanti.
pli-tv-bu-vb-pc79:1.3	Tena kho pana samayena saṅgho sannipatito hoti kenacideva karaṇīyena.
pli-tv-bu-vb-pc79:1.4	Chabbaggiyā bhikkhū cīvarakammaṁ karontā ekassa chandaṁ adaṁsu.
pli-tv-bu-vb-pc79:1.5	Atha kho saṅgho—
pli-tv-bu-vb-pc79:1.6	“ayaṁ, āvuso, chabbaggiyo bhikkhu ekako āgato, handassa mayaṁ kammaṁ karomā”ti tassa kammaṁ akāsi.
pli-tv-bu-vb-pc79:1.7	Atha kho so bhikkhu yena chabbaggiyā bhikkhū tenupasaṅkami.
pli-tv-bu-vb-pc79:1.8	Chabbaggiyā bhikkhū taṁ bhikkhuṁ etadavocuṁ—
pli-tv-bu-vb-pc79:1.9	“kiṁ, āvuso, saṅgho akāsī”ti?
pli-tv-bu-vb-pc79:1.10	“Saṅgho me, āvuso, kammaṁ akāsī”ti.
pli-tv-bu-vb-pc79:1.11	“Na mayaṁ, āvuso, etadatthāya chandaṁ adamhā—
pli-tv-bu-vb-pc79:1.12	‘tuyhaṁ kammaṁ karissatī’ti.
pli-tv-bu-vb-pc79:1.13	Sace ca mayaṁ jāneyyāma ‘tuyhaṁ kammaṁ karissatī’ti, na mayaṁ chandaṁ dadeyyāmā”ti.
pli-tv-bu-vb-pc79:1.14	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc79:1.15	“kathañhi nāma chabbaggiyā bhikkhū dhammikānaṁ kammānaṁ chandaṁ datvā pacchā khīyanadhammaṁ āpajjissantī”ti …pe…
pli-tv-bu-vb-pc79:1.16	“saccaṁ kira tumhe, bhikkhave, dhammikānaṁ kammānaṁ chandaṁ datvā pacchā khīyanadhammaṁ āpajjathā”ti?
pli-tv-bu-vb-pc79:1.17	“Saccaṁ, bhagavā”ti.
pli-tv-bu-vb-pc79:1.18	Vigarahi buddho bhagavā …pe…
pli-tv-bu-vb-pc79:1.19	kathañhi nāma tumhe, moghapurisā, dhammikānaṁ kammānaṁ chandaṁ datvā pacchā khīyanadhammaṁ āpajjissatha.
pli-tv-bu-vb-pc79:1.20	Netaṁ, moghapurisā, appasannānaṁ vā pasādāya …pe…
pli-tv-bu-vb-pc79:1.21	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc79:1.22.0	
pli-tv-bu-vb-pc79:1.22.1	“Yo pana bhikkhu dhammikānaṁ kammānaṁ chandaṁ datvā pacchā khīyanadhammaṁ āpajjeyya, pācittiyan”ti.
pli-tv-bu-vb-pc79:2.1.0	
pli-tv-bu-vb-pc79:2.1.1	Yo panāti
pli-tv-bu-vb-pc79:2.1.2	yo yādiso …pe…
pli-tv-bu-vb-pc79:2.1.3	bhikkhūti
pli-tv-bu-vb-pc79:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc79:2.1.5	Dhammikaṁ nāma kammaṁ
pli-tv-bu-vb-pc79:2.1.6	apalokanakammaṁ ñattikammaṁ ñattidutiyakammaṁ ñatticatutthakammaṁ dhammena vinayena satthusāsanena kataṁ, etaṁ dhammikaṁ nāma kammaṁ.
pli-tv-bu-vb-pc79:2.1.7	Chandaṁ datvā khiyyati āpatti pācittiyassa.
pli-tv-bu-vb-pc79:2.2.0	
pli-tv-bu-vb-pc79:2.2.1	Dhammakamme dhammakammasaññī chandaṁ datvā khiyyati, āpatti pācittiyassa.
pli-tv-bu-vb-pc79:2.2.2	Dhammakamme vematiko chandaṁ datvā khiyyati, āpatti dukkaṭassa.
pli-tv-bu-vb-pc79:2.2.3	Dhammakamme adhammakammasaññī chandaṁ datvā khiyyati, anāpatti.
pli-tv-bu-vb-pc79:2.2.4	Adhammakamme dhammakammasaññī, āpatti dukkaṭassa.
pli-tv-bu-vb-pc79:2.2.5	Adhammakamme vematiko, āpatti dukkaṭassa.
pli-tv-bu-vb-pc79:2.2.6	Adhammakamme adhammakammasaññī, anāpatti.
pli-tv-bu-vb-pc79:2.3.0	
pli-tv-bu-vb-pc79:2.3.1	Anāpatti—
pli-tv-bu-vb-pc79:2.3.2	“adhammena vā vaggena vā na kammārahassa vā kammaṁ katan”ti jānanto khiyyati,
pli-tv-bu-vb-pc79:2.3.3	ummattakassa,
pli-tv-bu-vb-pc79:2.3.4	ādikammikassāti.
pli-tv-bu-vb-pc79:2.3.5	Kammapaṭibāhanasikkhāpadaṁ niṭṭhitaṁ navamaṁ.
pli-tv-bu-vb-pc80:0.1	Theravāda Vinaya
pli-tv-bu-vb-pc80:0.2	Mahāvibhaṅga
pli-tv-bu-vb-pc80:0.3	Pācittiyakaṇḍa
pli-tv-bu-vb-pc80:0.4	Sahadhammikavagga
pli-tv-bu-vb-pc80:0.5	80. Chandaṁadatvāgamanasikkhāpada
pli-tv-bu-vb-pc80:1.0	
pli-tv-bu-vb-pc80:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc80:1.2	Tena kho pana samayena saṅgho sannipatito hoti kenacideva karaṇīyena.
pli-tv-bu-vb-pc80:1.3	Chabbaggiyā bhikkhū cīvarakammaṁ karontā ekassa chandaṁ adaṁsu.
pli-tv-bu-vb-pc80:1.4	Atha kho saṅgho “yassatthāya sannipatito taṁ kammaṁ karissāmī”ti ñattiṁ ṭhapesi.
pli-tv-bu-vb-pc80:1.5	Atha kho so bhikkhu—
pli-tv-bu-vb-pc80:1.6	“evamevime ekamekassa kammaṁ karonti, kassa tumhe kammaṁ karissathā”ti chandaṁ adatvā uṭṭhāyāsanā pakkāmi.
pli-tv-bu-vb-pc80:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc80:1.8	“kathañhi nāma bhikkhu saṅghe vinicchayakathāya vattamānāya chandaṁ adatvā uṭṭhāyāsanā pakkamissatī”ti …pe…
pli-tv-bu-vb-pc80:1.9	“saccaṁ kira tvaṁ, bhikkhu, saṅghe vinicchayakathāya vattamānāya chandaṁ adatvā uṭṭhāyāsanā pakkamasī”ti?
pli-tv-bu-vb-pc80:1.10	“Saccaṁ, bhagavā”ti.
pli-tv-bu-vb-pc80:1.11	Vigarahi buddho bhagavā …pe…
pli-tv-bu-vb-pc80:1.12	kathañhi nāma tvaṁ, moghapurisa, saṅghe vinicchayakathāya vattamānāya chandaṁ adatvā uṭṭhāyāsanā pakkamissasi.
pli-tv-bu-vb-pc80:1.13	Netaṁ, moghapurisa, appasannānaṁ vā pasādāya …pe…
pli-tv-bu-vb-pc80:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc80:1.15.0	
pli-tv-bu-vb-pc80:1.15.1	“Yo pana bhikkhu saṅghe vinicchayakathāya vattamānāya chandaṁ adatvā uṭṭhāyāsanā pakkameyya, pācittiyan”ti.
pli-tv-bu-vb-pc80:2.1.0	
pli-tv-bu-vb-pc80:2.1.1	Yo panāti
pli-tv-bu-vb-pc80:2.1.2	yo yādiso …pe…
pli-tv-bu-vb-pc80:2.1.3	bhikkhūti
pli-tv-bu-vb-pc80:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc80:2.1.5	Saṅghe vinicchayakathā nāma
pli-tv-bu-vb-pc80:2.1.6	vatthu vā ārocitaṁ hoti avinicchitaṁ, ñatti vā ṭhapitā hoti, kammavācā vā vippakatā hoti.
pli-tv-bu-vb-pc80:2.1.7	Chandaṁ adatvā uṭṭhāyāsanā pakkameyyāti—
pli-tv-bu-vb-pc80:2.1.8	“kathaṁ idaṁ kammaṁ kuppaṁ assa vaggaṁ assa na kareyyā”ti gacchati, āpatti dukkaṭassa.
pli-tv-bu-vb-pc80:2.1.9	Parisāya hatthapāsaṁ vijahantassa āpatti dukkaṭassa.
pli-tv-bu-vb-pc80:2.1.10	Vijahite āpatti pācittiyassa.
pli-tv-bu-vb-pc80:2.2.0	
pli-tv-bu-vb-pc80:2.2.1	Dhammakamme dhammakammasaññī chandaṁ adatvā uṭṭhāyāsanā pakkamati, āpatti pācittiyassa.
pli-tv-bu-vb-pc80:2.2.2	Dhammakamme vematiko chandaṁ adatvā uṭṭhāyāsanā pakkamati, āpatti dukkaṭassa.
pli-tv-bu-vb-pc80:2.2.3	Dhammakamme adhammakammasaññī chandaṁ adatvā uṭṭhāyāsanā pakkamati, anāpatti.
pli-tv-bu-vb-pc80:2.2.4	Adhammakamme dhammakammasaññī, āpatti dukkaṭassa.
pli-tv-bu-vb-pc80:2.2.5	Adhammakamme vematiko, āpatti dukkaṭassa.
pli-tv-bu-vb-pc80:2.2.6	Adhammakamme adhammakammasaññī, anāpatti.
pli-tv-bu-vb-pc80:2.3.0	
pli-tv-bu-vb-pc80:2.3.1	Anāpatti—
pli-tv-bu-vb-pc80:2.3.2	“saṅghassa bhaṇḍanaṁ vā kalaho vā viggaho vā vivādo vā bhavissatī”ti gacchati,
pli-tv-bu-vb-pc80:2.3.3	“saṅghabhedo vā saṅgharāji vā bhavissatī”ti gacchati,
pli-tv-bu-vb-pc80:2.3.4	“adhammena vā vaggena vā na kammārahassa vā kammaṁ karissatī”ti gacchati,
pli-tv-bu-vb-pc80:2.3.5	gilāno gacchati,
pli-tv-bu-vb-pc80:2.3.6	gilānassa karaṇīyena gacchati,
pli-tv-bu-vb-pc80:2.3.7	uccārena vā passāvena vā pīḷito gacchati,
pli-tv-bu-vb-pc80:2.3.8	“na kammaṁ kopetukāmo puna paccāgamissāmī”ti gacchati,
pli-tv-bu-vb-pc80:2.3.9	ummattakassa,
pli-tv-bu-vb-pc80:2.3.10	ādikammikassāti.
pli-tv-bu-vb-pc80:2.3.11	Chandaṁ adatvā gamanasikkhāpadaṁ niṭṭhitaṁ dasamaṁ.
pli-tv-bu-vb-pc81:0.1	Theravāda Vinaya
pli-tv-bu-vb-pc81:0.2	Mahāvibhaṅga
pli-tv-bu-vb-pc81:0.3	Pācittiyakaṇḍa
pli-tv-bu-vb-pc81:0.4	Sahadhammikavagga
pli-tv-bu-vb-pc81:0.5	81. Dubbalasikkhāpada
pli-tv-bu-vb-pc81:1.0	
pli-tv-bu-vb-pc81:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pc81:1.2	Tena kho pana samayena āyasmā dabbo mallaputto saṅghassa senāsanañca paññapeti bhattāni ca uddisati.
pli-tv-bu-vb-pc81:1.3	So cāyasmā dubbalacīvaro hoti.
pli-tv-bu-vb-pc81:1.4	Tena kho pana samayena saṅghassa ekaṁ cīvaraṁ uppannaṁ hoti.
pli-tv-bu-vb-pc81:1.5	Atha kho saṅgho taṁ cīvaraṁ āyasmato dabbassa mallaputtassa adāsi.
pli-tv-bu-vb-pc81:1.6	Chabbaggiyā bhikkhū ujjhāyanti khiyyanti vipācenti—
pli-tv-bu-vb-pc81:1.7	“yathāsanthutaṁ bhikkhū saṅghikaṁ lābhaṁ pariṇāmentī”ti.
pli-tv-bu-vb-pc81:1.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc81:1.9	“kathañhi nāma chabbaggiyā bhikkhū samaggena saṅghena cīvaraṁ datvā pacchā khīyanadhammaṁ āpajjissantī”ti …pe…
pli-tv-bu-vb-pc81:1.10	“saccaṁ kira tumhe, bhikkhave, samaggena saṅghena cīvaraṁ datvā pacchā khīyanadhammaṁ āpajjathā”ti?
pli-tv-bu-vb-pc81:1.11	“Saccaṁ, bhagavā”ti.
pli-tv-bu-vb-pc81:1.12	Vigarahi buddho bhagavā …pe…
pli-tv-bu-vb-pc81:1.13	kathañhi nāma tumhe, moghapurisā, samaggena saṅghena cīvaraṁ datvā pacchā khīyanadhammaṁ āpajjissatha.
pli-tv-bu-vb-pc81:1.14	Netaṁ, moghapurisā, appasannānaṁ, vā pasādāya …pe…
pli-tv-bu-vb-pc81:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc81:1.16.0	
pli-tv-bu-vb-pc81:1.16.1	“Yo pana bhikkhu samaggena saṅghena cīvaraṁ datvā pacchā khīyanadhammaṁ āpajjeyya ‘yathāsanthutaṁ bhikkhū saṅghikaṁ lābhaṁ pariṇāmentī’ti, pācittiyan”ti.
pli-tv-bu-vb-pc81:2.1.0	
pli-tv-bu-vb-pc81:2.1.1	Yo panāti
pli-tv-bu-vb-pc81:2.1.2	yo yādiso …pe…
pli-tv-bu-vb-pc81:2.1.3	bhikkhūti
pli-tv-bu-vb-pc81:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc81:2.1.5	Samaggo nāma saṅgho
pli-tv-bu-vb-pc81:2.1.6	samānasaṁvāsako samānasīmāyaṁ ṭhito.
pli-tv-bu-vb-pc81:2.1.7	Cīvaraṁ nāma
pli-tv-bu-vb-pc81:2.1.8	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bu-vb-pc81:2.1.9	Datvāti
pli-tv-bu-vb-pc81:2.1.10	sayaṁ datvā.
pli-tv-bu-vb-pc81:2.1.11	Yathāsanthutaṁ nāma
pli-tv-bu-vb-pc81:2.1.12	yathāmittatā yathāsandiṭṭhatā yathāsambhattatā yathāsamānupajjhāyakatā yathāsamānācariyakatā.
pli-tv-bu-vb-pc81:2.1.13	Saṅghikaṁ nāma
pli-tv-bu-vb-pc81:2.1.14	saṅghassa dinnaṁ hoti pariccattaṁ.
pli-tv-bu-vb-pc81:2.1.15	Lābho nāma
pli-tv-bu-vb-pc81:2.1.16	cīvarapiṇḍapātasenāsanagilānappaccayabhesajjaparikkhārā, antamaso cuṇṇapiṇḍopi, dantakaṭṭhampi, dasikasuttampi.
pli-tv-bu-vb-pc81:2.1.17	Pacchā khīyanadhammaṁ āpajjeyyāti
pli-tv-bu-vb-pc81:2.1.18	upasampannassa saṅghena sammatassa senāsanapaññāpakassa vā bhattuddesakassa vā yāgubhājakassa vā phalabhājakassa vā khajjabhājakassa vā appamattakavissajjakassa vā cīvaraṁ dinne khiyyati, āpatti pācittiyassa.
pli-tv-bu-vb-pc81:2.2.0	
pli-tv-bu-vb-pc81:2.2.1	Dhammakamme dhammakammasaññī cīvaraṁ dinne khiyyati, āpatti pācittiyassa.
pli-tv-bu-vb-pc81:2.2.2	Dhammakamme vematiko cīvaraṁ dinne khiyyati, āpatti pācittiyassa.
pli-tv-bu-vb-pc81:2.2.3	Dhammakamme adhammakammasaññī cīvaraṁ dinne khiyyati, āpatti pācittiyassa.
pli-tv-bu-vb-pc81:2.2.4	Aññaṁ parikkhāraṁ dinne khiyyati, āpatti dukkaṭassa.
pli-tv-bu-vb-pc81:2.2.5	Upasampannassa saṅghena asammatassa senāsanapaññāpakassa vā bhattuddesakassa vā yāgubhājakassa vā phalabhājakassa vā khajjabhājakassa vā appamattakavissajjakassa vā cīvaraṁ vā aññaṁ vā parikkhāraṁ dinne khiyyati, āpatti dukkaṭassa.
pli-tv-bu-vb-pc81:2.2.6	Anupasampannassa saṅghena sammatassa vā asammatassa vā senāsanapaññāpakassa vā bhattuddesakassa vā yāgubhājakassa vā phalabhājakassa vā khajjabhājakassa vā appamattakavissajjakassa vā cīvaraṁ vā aññaṁ vā parikkhāraṁ dinne khiyyati, āpatti dukkaṭassa.
pli-tv-bu-vb-pc81:2.2.7	Adhammakamme dhammakammasaññī, āpatti dukkaṭassa.
pli-tv-bu-vb-pc81:2.2.8	Adhammakamme vematiko, āpatti dukkaṭassa.
pli-tv-bu-vb-pc81:2.2.9	Adhammakamme adhammakammasaññī, anāpatti.
pli-tv-bu-vb-pc81:2.3.0	
pli-tv-bu-vb-pc81:2.3.1	Anāpatti—
pli-tv-bu-vb-pc81:2.3.2	pakatiyā chandā dosā mohā bhayā karontaṁ “kvattho tassa dinnena laddhāpi vinipātessati na sammā upanessatī”ti khiyyati,
pli-tv-bu-vb-pc81:2.3.3	ummattakassa,
pli-tv-bu-vb-pc81:2.3.4	ādikammikassāti.
pli-tv-bu-vb-pc81:2.3.5	Dubbalasikkhāpadaṁ niṭṭhitaṁ ekādasamaṁ.
pli-tv-bu-vb-pc82:0.1	Theravāda Vinaya
pli-tv-bu-vb-pc82:0.2	Mahāvibhaṅga
pli-tv-bu-vb-pc82:0.3	Pācittiyakaṇḍa
pli-tv-bu-vb-pc82:0.4	Sahadhammikavagga
pli-tv-bu-vb-pc82:0.5	82. Pariṇāmanasikkhāpada
pli-tv-bu-vb-pc82:1.0	
pli-tv-bu-vb-pc82:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc82:1.2	Tena kho pana samayena sāvatthiyaṁ aññatarassa pūgassa saṅghassa sacīvarabhattaṁ paṭiyattaṁ hoti—
pli-tv-bu-vb-pc82:1.3	“bhojetvā cīvarena acchādessāmā”ti.
pli-tv-bu-vb-pc82:1.4	Atha kho chabbaggiyā bhikkhū yena so pūgo tenupasaṅkamiṁsu;
pli-tv-bu-vb-pc82:1.5	upasaṅkamitvā taṁ pūgaṁ etadavocuṁ—
pli-tv-bu-vb-pc82:1.6	“dethāvuso, imāni cīvarāni imesaṁ bhikkhūnan”ti.
pli-tv-bu-vb-pc82:1.7	“Na mayaṁ, bhante, dassāma.
pli-tv-bu-vb-pc82:1.8	Amhākaṁ saṅghassa anuvassaṁ sacīvarabhikkhā paññattā”ti.
pli-tv-bu-vb-pc82:1.9	“Bahū, āvuso, saṅghassa dāyakā, bahū saṅghassa bhattā.
pli-tv-bu-vb-pc82:1.10	Ime tumhe nissāya tumhe sampassantā idha viharanti.
pli-tv-bu-vb-pc82:1.11	Tumhe ce imesaṁ na dassatha, atha ko carahi imesaṁ dassati?
pli-tv-bu-vb-pc82:1.12	Dethāvuso, imāni cīvarāni imesaṁ bhikkhūnan”ti.
pli-tv-bu-vb-pc82:1.13	Atha kho so pūgo chabbaggiyehi bhikkhūhi nippīḷiyamāno yathāpaṭiyattaṁ cīvaraṁ chabbaggiyānaṁ bhikkhūnaṁ datvā saṅghaṁ bhattena parivisi.
pli-tv-bu-vb-pc82:1.14	Ye te bhikkhū jānanti saṅghassa sacīvarabhattaṁ paṭiyattaṁ “na ca jānanti chabbaggiyānaṁ bhikkhūnaṁ dinnan”ti te evamāhaṁsu—
pli-tv-bu-vb-pc82:1.15	“oṇojethāvuso, saṅghassa cīvaran”ti.
pli-tv-bu-vb-pc82:1.16	“Natthi, bhante.
pli-tv-bu-vb-pc82:1.17	Yathāpaṭiyattaṁ cīvaraṁ ayyā chabbaggiyā ayyānaṁ chabbaggiyānaṁ pariṇāmesun”ti.
pli-tv-bu-vb-pc82:1.18	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc82:1.19	“kathañhi nāma chabbaggiyā bhikkhū jānaṁ saṅghikaṁ lābhaṁ pariṇataṁ puggalassa pariṇāmessantī”ti …pe…
pli-tv-bu-vb-pc82:1.20	“saccaṁ kira tumhe, bhikkhave, jānaṁ saṅghikaṁ lābhaṁ pariṇataṁ puggalassa pariṇāmethā”ti?
pli-tv-bu-vb-pc82:1.21	“Saccaṁ, bhagavā”ti.
pli-tv-bu-vb-pc82:1.22	Vigarahi buddho bhagavā …pe…
pli-tv-bu-vb-pc82:1.23	kathañhi nāma tumhe, moghapurisā, jānaṁ saṅghikaṁ lābhaṁ pariṇataṁ puggalassa pariṇāmessatha.
pli-tv-bu-vb-pc82:1.24	Netaṁ, moghapurisā, appasannānaṁ vā pasādāya …pe…
pli-tv-bu-vb-pc82:1.25	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc82:1.26.0	
pli-tv-bu-vb-pc82:1.26.1	“Yo pana bhikkhu jānaṁ saṅghikaṁ lābhaṁ pariṇataṁ puggalassa pariṇāmeyya, pācittiyan”ti.
pli-tv-bu-vb-pc82:2.1.0	
pli-tv-bu-vb-pc82:2.1.1	Yo panāti
pli-tv-bu-vb-pc82:2.1.2	yo yādiso …pe…
pli-tv-bu-vb-pc82:2.1.3	bhikkhūti
pli-tv-bu-vb-pc82:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc82:2.1.5	Jānāti nāma
pli-tv-bu-vb-pc82:2.1.6	sāmaṁ vā jānāti, aññe vā tassa ārocenti, so vā āroceti.
pli-tv-bu-vb-pc82:2.1.7	Saṅghikaṁ nāma
pli-tv-bu-vb-pc82:2.1.8	saṅghassa dinnaṁ hoti pariccattaṁ.
pli-tv-bu-vb-pc82:2.1.9	Lābho nāma
pli-tv-bu-vb-pc82:2.1.10	cīvarapiṇḍapātasenāsanagilānappaccayabhesajjaparikkhārā, antamaso cuṇṇapiṇḍopi, dantakaṭṭhampi, dasikasuttampi.
pli-tv-bu-vb-pc82:2.1.11	Pariṇataṁ nāma
pli-tv-bu-vb-pc82:2.1.12	“dassāma karissāmā”ti vācā bhinnā hoti, taṁ puggalassa pariṇāmeti, āpatti pācittiyassa.
pli-tv-bu-vb-pc82:2.2.0	
pli-tv-bu-vb-pc82:2.2.1	Pariṇate pariṇatasaññī puggalassa pariṇāmeti, āpatti pācittiyassa.
pli-tv-bu-vb-pc82:2.2.2	Pariṇate vematiko puggalassa pariṇāmeti, āpatti dukkaṭassa.
pli-tv-bu-vb-pc82:2.2.3	Pariṇate apariṇatasaññī puggalassa pariṇāmeti, anāpatti.
pli-tv-bu-vb-pc82:2.2.4	Saṅghassa pariṇataṁ aññasaṅghassa vā cetiyassa vā pariṇāmeti, āpatti dukkaṭassa.
pli-tv-bu-vb-pc82:2.2.5	Cetiyassa pariṇataṁ aññacetiyassa vā saṅghassa vā puggalassa vā pariṇāmeti, āpatti dukkaṭassa.
pli-tv-bu-vb-pc82:2.2.6	Puggalassa pariṇataṁ aññapuggalassa vā saṅghassa vā cetiyassa vā pariṇāmeti, āpatti dukkaṭassa.
pli-tv-bu-vb-pc82:2.2.7	Apariṇate pariṇatasaññī, āpatti dukkaṭassa.
pli-tv-bu-vb-pc82:2.2.8	Apariṇate vematiko, āpatti dukkaṭassa.
pli-tv-bu-vb-pc82:2.2.9	Apariṇate apariṇatasaññī, anāpatti.
pli-tv-bu-vb-pc82:2.3.0	
pli-tv-bu-vb-pc82:2.3.1	Anāpatti—
pli-tv-bu-vb-pc82:2.3.2	“kattha demā”ti pucchīyamāno—
pli-tv-bu-vb-pc82:2.3.3	“yattha tumhākaṁ deyyadhammo paribhogaṁ vā labheyya paṭisaṅkhāraṁ vā labheyya ciraṭṭhitiko vā assa yattha vā pana tumhākaṁ cittaṁ pasīdati tattha dethā”ti bhaṇati,
pli-tv-bu-vb-pc82:2.3.4	ummattakassa,
pli-tv-bu-vb-pc82:2.3.5	ādikammikassāti.
pli-tv-bu-vb-pc82:2.3.6	Pariṇāmanasikkhāpadaṁ niṭṭhitaṁ dvādasamaṁ.
pli-tv-bu-vb-pc82:2.3.7	Sahadhammikavaggo aṭṭhamo.
pli-tv-bu-vb-pc82:2.3.8	Tassuddānaṁ
pli-tv-bu-vb-pc82:2.3.9	Sahadhamma vivaṇṇañca,
pli-tv-bu-vb-pc82:2.3.10	mohāpanaṁ pahārakaṁ;
pli-tv-bu-vb-pc82:2.3.11	Talasatti amūlañca,
pli-tv-bu-vb-pc82:2.3.12	sañcicca ca upassuti;
pli-tv-bu-vb-pc82:2.3.13	Paṭibāhana chandañca,
pli-tv-bu-vb-pc82:2.3.14	dabbañca pariṇāmananti.
pli-tv-bu-vb-pc83:0.1	Theravāda Vinaya
pli-tv-bu-vb-pc83:0.2	Mahāvibhaṅga
pli-tv-bu-vb-pc83:0.3	Pācittiyakaṇḍa
pli-tv-bu-vb-pc83:0.4	Ratanavagga
pli-tv-bu-vb-pc83:0.5	83. Antepurasikkhāpada
pli-tv-bu-vb-pc83:1.1.0	
pli-tv-bu-vb-pc83:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc83:1.1.2	Tena kho pana samayena rājā pasenadi kosalo uyyānapālaṁ āṇāpesi—“gaccha, bhaṇe, uyyānaṁ sodhehi. Uyyānaṁ gamissāmā”ti.
pli-tv-bu-vb-pc83:1.1.3	“Evaṁ, devā”ti kho so uyyānapālo rañño pasenadissa kosalassa paṭissutvā uyyānaṁ sodhento addasa bhagavantaṁ aññatarasmiṁ rukkhamūle nisinnaṁ.
pli-tv-bu-vb-pc83:1.1.4	Disvāna yena rājā pasenadi kosalo tenupasaṅkami; upasaṅkamitvā rājānaṁ pasenadiṁ kosalaṁ etadavoca—“suddhaṁ, deva, uyyānaṁ. Api ca bhagavā tattha nisinno”ti.
pli-tv-bu-vb-pc83:1.1.5	“Hotu, bhaṇe. Mayaṁ bhagavantaṁ payirupāsissāmā”ti.
pli-tv-bu-vb-pc83:1.1.6	Atha kho rājā pasenadi kosalo uyyānaṁ gantvā yena bhagavā tenupasaṅkami. Tena kho pana samayena aññataro upāsako bhagavantaṁ payirupāsanto nisinno hoti.
pli-tv-bu-vb-pc83:1.1.7	Addasā kho rājā pasenadi kosalo taṁ upāsakaṁ bhagavantaṁ payirupāsantaṁ nisinnaṁ. Disvāna bhīto aṭṭhāsi.
pli-tv-bu-vb-pc83:1.1.8	Atha kho rañño pasenadissa kosalassa etadahosi—“nārahatāyaṁ puriso pāpo hotuṁ, yathā bhagavantaṁ payirupāsatī”ti. Yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-pc83:1.1.9	Atha kho so upāsako bhagavato gāravena rājānaṁ pasenadiṁ kosalaṁ neva abhivādesi na paccuṭṭhāsi. Atha kho rājā pasenadi kosalo anattamano ahosi—“kathañhi nāmāyaṁ puriso mayi āgate neva abhivādessati na paccuṭṭhessatī”ti.
pli-tv-bu-vb-pc83:1.1.10	Atha kho bhagavā rājānaṁ pasenadiṁ kosalaṁ anattamanaṁ viditvā rājānaṁ pasenadiṁ kosalaṁ etadavoca—“eso kho, mahārāja, upāsako bahussuto āgatāgamo kāmesu vītarāgo”ti.
pli-tv-bu-vb-pc83:1.1.11	Atha kho rañño pasenadissa kosalassa etadahosi—“nārahatāyaṁ upāsako orako hotuṁ, bhagavāpi imassa vaṇṇaṁ bhāsatī”ti.
pli-tv-bu-vb-pc83:1.1.12	Taṁ upāsakaṁ etadavoca—“vadeyyāsi, upāsaka, yena attho”ti.
pli-tv-bu-vb-pc83:1.1.13	“Suṭṭhu, devā”ti.
pli-tv-bu-vb-pc83:1.1.14	Atha kho bhagavā rājānaṁ pasenadiṁ kosalaṁ dhammiyā kathāya sandassesi samādapesi samuttejesi sampahaṁsesi. Atha kho rājā pasenadi kosalo bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-pc83:1.1.15	Tena kho pana samayena rājā pasenadi kosalo uparipāsādavaragato hoti. Addasā kho rājā pasenadi kosalo taṁ upāsakaṁ rathikāya chattapāṇiṁ gacchantaṁ.
pli-tv-bu-vb-pc83:1.1.16	Disvāna pakkosāpetvā etadavoca—“tvaṁ kira, upāsaka, bahussuto āgatāgamo.
pli-tv-bu-vb-pc83:1.1.17	Sādhu, upāsaka, amhākaṁ itthāgāraṁ dhammaṁ vācehī”ti.
pli-tv-bu-vb-pc83:1.1.18	“Yamahaṁ, deva, jānāmi ayyānaṁ vāhasā, ayyāva devassa itthāgāraṁ dhammaṁ vācessantī”ti.
pli-tv-bu-vb-pc83:1.2.1	Atha kho rājā pasenadi kosalo—“saccaṁ kho upāsako āhā”ti yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho rājā pasenadi kosalo bhagavantaṁ etadavoca—
pli-tv-bu-vb-pc83:1.2.2	“sādhu, bhante, bhagavā ekaṁ bhikkhuṁ āṇāpetu yo amhākaṁ itthāgāraṁ dhammaṁ vācessatī”ti.
pli-tv-bu-vb-pc83:1.2.3	Atha kho bhagavā rājānaṁ pasenadiṁ kosalaṁ dhammiyā kathāya sandassesi …pe… padakkhiṇaṁ katvā pakkāmi.
pli-tv-bu-vb-pc83:1.2.4	Atha kho bhagavā āyasmantaṁ ānandaṁ āmantesi—“tenahānanda, rañño itthāgāraṁ dhammaṁ vācehī”ti.
pli-tv-bu-vb-pc83:1.2.5	“Evaṁ, bhante”ti kho āyasmā ānando bhagavato paṭissutvā kālena kālaṁ pavisitvā rañño itthāgāraṁ dhammaṁ vāceti.
pli-tv-bu-vb-pc83:1.2.6	Atha kho āyasmā ānando pubbaṇhasamayaṁ nivāsetvā pattacīvaramādāya yena rañño pasenadissa kosalassa nivesanaṁ tenupasaṅkami.
pli-tv-bu-vb-pc83:1.2.7	Tena kho pana samayena rājā pasenadi kosalo mallikāya deviyā saddhiṁ sayanagato hoti.
pli-tv-bu-vb-pc83:1.2.8	Addasā kho mallikā devī āyasmantaṁ ānandaṁ dūratova āgacchantaṁ. Disvāna sahasā vuṭṭhāsi; pītakamaṭṭhaṁ dussaṁ pabhassittha.
pli-tv-bu-vb-pc83:1.2.9	Atha kho āyasmā ānando tatova paṭinivattitvā ārāmaṁ gantvā bhikkhūnaṁ etamatthaṁ ārocesi.
pli-tv-bu-vb-pc83:1.2.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc83:1.2.11	“kathañhi nāma āyasmā ānando pubbe appaṭisaṁvidito rañño antepuraṁ pavisissatī”ti …pe…
pli-tv-bu-vb-pc83:1.2.12	“saccaṁ kira tvaṁ, ānanda, pubbe appaṭisaṁvidito rañño antepuraṁ pavisasī”ti?
pli-tv-bu-vb-pc83:1.2.13	“Saccaṁ, bhagavā”ti.
pli-tv-bu-vb-pc83:1.2.14	Vigarahi buddho bhagavā …pe…
pli-tv-bu-vb-pc83:1.2.15	kathañhi nāma tvaṁ, ānanda, pubbe appaṭisaṁvidito rañño antepuraṁ pavisissasi.
pli-tv-bu-vb-pc83:1.2.16	Netaṁ, ānanda, appasannānaṁ vā pasādāya …pe…
pli-tv-bu-vb-pc83:1.2.17	vigarahitvā …pe…
pli-tv-bu-vb-pc83:1.2.18	dhammiṁ kathaṁ katvā bhikkhū āmantesi—
pli-tv-bu-vb-pc83:1.3.1	“Dasayime, bhikkhave, ādīnavā rājantepurappavesane.
pli-tv-bu-vb-pc83:1.3.2	Katame dasa?
pli-tv-bu-vb-pc83:1.3.3	Idha, bhikkhave, rājā mahesiyā saddhiṁ nisinno hoti, tattha bhikkhu pavisati.
pli-tv-bu-vb-pc83:1.3.4	Mahesī vā bhikkhuṁ disvā sitaṁ pātukaroti.
pli-tv-bu-vb-pc83:1.3.5	Bhikkhu vā mahesiṁ disvā sitaṁ pātukaroti.
pli-tv-bu-vb-pc83:1.3.6	Tattha rañño evaṁ hoti—
pli-tv-bu-vb-pc83:1.3.7	‘addhā imesaṁ kataṁ vā karissanti vā’ti.
pli-tv-bu-vb-pc83:1.3.8	Ayaṁ, bhikkhave, paṭhamo ādīnavo rājantepurappavesane.
pli-tv-bu-vb-pc83:1.3.9	Puna caparaṁ, bhikkhave, rājā bahukicco bahukaraṇīyo.
pli-tv-bu-vb-pc83:1.3.10	Aññataraṁ itthiṁ gantvā nassarati.
pli-tv-bu-vb-pc83:1.3.11	Sā tena gabbhaṁ gaṇhi.
pli-tv-bu-vb-pc83:1.3.12	Tattha rañño evaṁ hoti—
pli-tv-bu-vb-pc83:1.3.13	‘na kho idha añño koci pavisati aññatra pabbajitena.
pli-tv-bu-vb-pc83:1.3.14	Siyā nu kho pabbajitassa kamman’ti.
pli-tv-bu-vb-pc83:1.3.15	Ayaṁ, bhikkhave, dutiyo ādīnavo rājantepurappavesane.
pli-tv-bu-vb-pc83:1.3.16	Puna caparaṁ, bhikkhave, rañño antepure aññataraṁ ratanaṁ nassati.
pli-tv-bu-vb-pc83:1.3.17	Tattha rañño evaṁ hoti—
pli-tv-bu-vb-pc83:1.3.18	‘na kho idha añño koci pavisati aññatra pabbajitena.
pli-tv-bu-vb-pc83:1.3.19	Siyā nu kho pabbajitassa kamman’ti.
pli-tv-bu-vb-pc83:1.3.20	Ayaṁ, bhikkhave, tatiyo ādīnavo rājantepurappavesane.
pli-tv-bu-vb-pc83:1.3.21	Puna caparaṁ, bhikkhave, rañño antepure abbhantarā guyhamantā bahiddhā sambhedaṁ gacchanti.
pli-tv-bu-vb-pc83:1.3.22	Tattha rañño evaṁ hoti—
pli-tv-bu-vb-pc83:1.3.23	‘na kho idha añño koci pavisati aññatra pabbajitena.
pli-tv-bu-vb-pc83:1.3.24	Siyā nu kho pabbajitassa kamman’ti.
pli-tv-bu-vb-pc83:1.3.25	Ayaṁ, bhikkhave, catuttho ādīnavo rājantepurappavesane.
pli-tv-bu-vb-pc83:1.3.26	Puna caparaṁ, bhikkhave, rañño antepure putto vā pitaraṁ pattheti pitā vā puttaṁ pattheti.
pli-tv-bu-vb-pc83:1.3.27	Tesaṁ evaṁ hoti—
pli-tv-bu-vb-pc83:1.3.28	‘na kho idha añño koci pavisati aññatra pabbajitena.
pli-tv-bu-vb-pc83:1.3.29	Siyā nu kho pabbajitassa kamman’ti.
pli-tv-bu-vb-pc83:1.3.30	Ayaṁ, bhikkhave, pañcamo ādīnavo rājantepurappavesane.
pli-tv-bu-vb-pc83:1.3.31	Puna caparaṁ, bhikkhave, rājā nīcaṭṭhāniyaṁ ucce ṭhāne ṭhapeti.
pli-tv-bu-vb-pc83:1.3.32	Yesaṁ taṁ amanāpaṁ tesaṁ evaṁ hoti—
pli-tv-bu-vb-pc83:1.3.33	‘rājā kho pabbajitena saṁsaṭṭho.
pli-tv-bu-vb-pc83:1.3.34	Siyā nu kho pabbajitassa kamman’ti.
pli-tv-bu-vb-pc83:1.3.35	Ayaṁ, bhikkhave, chaṭṭho ādīnavo, rājantepurappavesane.
pli-tv-bu-vb-pc83:1.3.36	Puna caparaṁ, bhikkhave, rājā uccaṭṭhāniyaṁ nīce ṭhāne ṭhapeti.
pli-tv-bu-vb-pc83:1.3.37	Yesaṁ taṁ amanāpaṁ tesaṁ evaṁ hoti—
pli-tv-bu-vb-pc83:1.3.38	‘rājā kho pabbajitena saṁsaṭṭho.
pli-tv-bu-vb-pc83:1.3.39	Siyā nu kho pabbajitassa kamman’ti.
pli-tv-bu-vb-pc83:1.3.40	Ayaṁ, bhikkhave, sattamo ādīnavo rājantepurappavesane.
pli-tv-bu-vb-pc83:1.3.41	Puna caparaṁ, bhikkhave, rājā akāle senaṁ uyyojeti.
pli-tv-bu-vb-pc83:1.3.42	Yesaṁ taṁ amanāpaṁ tesaṁ evaṁ hoti—
pli-tv-bu-vb-pc83:1.3.43	‘rājā kho pabbajitena saṁsaṭṭho.
pli-tv-bu-vb-pc83:1.3.44	Siyā nu kho pabbajitassa kamman’ti.
pli-tv-bu-vb-pc83:1.3.45	Ayaṁ, bhikkhave, aṭṭhamo ādīnavo rājantepurappavesane.
pli-tv-bu-vb-pc83:1.3.46	Puna caparaṁ, bhikkhave, rājā kāle senaṁ uyyojetvā antarāmaggato nivattāpeti.
pli-tv-bu-vb-pc83:1.3.47	Yesaṁ taṁ amanāpaṁ tesaṁ evaṁ hoti—
pli-tv-bu-vb-pc83:1.3.48	‘rājā kho pabbajitena saṁsaṭṭho.
pli-tv-bu-vb-pc83:1.3.49	Siyā nu kho pabbajitassa kamman’ti.
pli-tv-bu-vb-pc83:1.3.50	Ayaṁ, bhikkhave, navamo ādīnavo rājantepurappavesane.
pli-tv-bu-vb-pc83:1.3.51	Puna caparaṁ, bhikkhave, rañño rājantepuraṁ hatthisammaddaṁ assasammaddaṁ rathasammaddaṁ rajanīyāni rūpasaddagandharasaphoṭṭhabbāni, yāni na pabbajitassa sāruppāni.
pli-tv-bu-vb-pc83:1.3.52	Ayaṁ, bhikkhave, dasamo ādīnavo rājantepurappavesane.
pli-tv-bu-vb-pc83:1.3.53	Ime kho, bhikkhave, dasa ādīnavā rājantepurappavesane”ti.
pli-tv-bu-vb-pc83:1.3.54	Atha kho bhagavā āyasmantaṁ ānandaṁ anekapariyāyena vigarahitvā dubbharatāya …pe…
pli-tv-bu-vb-pc83:1.3.55	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc83:1.3.56.0	
pli-tv-bu-vb-pc83:1.3.56.1	“Yo pana bhikkhu rañño khattiyassa muddhāvasittassa anikkhantarājake aniggataratanake pubbe appaṭisaṁvidito indakhīlaṁ atikkāmeyya, pācittiyan”ti.
pli-tv-bu-vb-pc83:2.1.0	
pli-tv-bu-vb-pc83:2.1.1	Yo panāti
pli-tv-bu-vb-pc83:2.1.2	yo yādiso …pe…
pli-tv-bu-vb-pc83:2.1.3	bhikkhūti
pli-tv-bu-vb-pc83:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc83:2.1.5	Khattiyo nāma
pli-tv-bu-vb-pc83:2.1.6	ubhato sujāto hoti, mātito ca pitito ca saṁsuddhagahaṇiko, yāva sattamā pitāmahayugā akkhitto anupakuṭṭho jātivādena.
pli-tv-bu-vb-pc83:2.1.7	Muddhāvasitto nāma
pli-tv-bu-vb-pc83:2.1.8	khattiyābhisekena abhisitto hoti.
pli-tv-bu-vb-pc83:2.1.9	Anikkhantarājaketi
pli-tv-bu-vb-pc83:2.1.10	rājā sayanigharā anikkhanto hoti.
pli-tv-bu-vb-pc83:2.1.11	Aniggataratanaketi
pli-tv-bu-vb-pc83:2.1.12	mahesī sayanigharā anikkhantā hoti, ubho vā anikkhantā honti.
pli-tv-bu-vb-pc83:2.1.13	Pubbe appaṭisaṁviditoti
pli-tv-bu-vb-pc83:2.1.14	pubbe anāmantetvā.
pli-tv-bu-vb-pc83:2.1.15	Indakhīlo nāma
pli-tv-bu-vb-pc83:2.1.16	sayanigharassa ummāro vuccati.
pli-tv-bu-vb-pc83:2.1.17	Sayanigharaṁ nāma
pli-tv-bu-vb-pc83:2.1.18	yattha katthaci rañño sayanaṁ paññattaṁ hoti, antamaso sāṇipākāraparikkhittampi.
pli-tv-bu-vb-pc83:2.1.19	Indakhīlaṁ atikkāmeyyāti
pli-tv-bu-vb-pc83:2.1.20	paṭhamaṁ pādaṁ ummāraṁ atikkāmeti, āpatti dukkaṭassa.
pli-tv-bu-vb-pc83:2.1.21	Dutiyaṁ pādaṁ atikkāmeti, āpatti pācittiyassa.
pli-tv-bu-vb-pc83:2.2.0	
pli-tv-bu-vb-pc83:2.2.1	Appaṭisaṁvidite appaṭisaṁviditasaññī indakhīlaṁ atikkāmeti, āpatti pācittiyassa.
pli-tv-bu-vb-pc83:2.2.2	Appaṭisaṁvidite vematiko indakhīlaṁ atikkāmeti, āpatti pācittiyassa.
pli-tv-bu-vb-pc83:2.2.3	Appaṭisaṁvidite paṭisaṁviditasaññī indakhīlaṁ atikkāmeti, āpatti pācittiyassa.
pli-tv-bu-vb-pc83:2.2.4	Paṭisaṁvidite appaṭisaṁviditasaññī, āpatti dukkaṭassa.
pli-tv-bu-vb-pc83:2.2.5	Paṭisaṁvidite vematiko, āpatti dukkaṭassa.
pli-tv-bu-vb-pc83:2.2.6	Paṭisaṁvidite paṭisaṁviditasaññī, anāpatti.
pli-tv-bu-vb-pc83:2.3.0	
pli-tv-bu-vb-pc83:2.3.1	Anāpatti—
pli-tv-bu-vb-pc83:2.3.2	paṭisaṁvidite,
pli-tv-bu-vb-pc83:2.3.3	na khattiyo hoti,
pli-tv-bu-vb-pc83:2.3.4	na khattiyābhisekena abhisitto hoti,
pli-tv-bu-vb-pc83:2.3.5	rājā sayanigharā nikkhanto hoti,
pli-tv-bu-vb-pc83:2.3.6	mahesī sayanigharā nikkhantā hoti,
pli-tv-bu-vb-pc83:2.3.7	ubho vā nikkhantā honti,
pli-tv-bu-vb-pc83:2.3.8	na sayanighare,
pli-tv-bu-vb-pc83:2.3.9	ummattakassa,
pli-tv-bu-vb-pc83:2.3.10	ādikammikassāti.
pli-tv-bu-vb-pc83:2.3.11	Antepurasikkhāpadaṁ niṭṭhitaṁ paṭhamaṁ.
pli-tv-bu-vb-pc84:0.1	Theravāda Vinaya
pli-tv-bu-vb-pc84:0.2	Mahāvibhaṅga
pli-tv-bu-vb-pc84:0.3	Pācittiyakaṇḍa
pli-tv-bu-vb-pc84:0.4	Ratanavagga
pli-tv-bu-vb-pc84:0.5	84. Ratanasikkhāpada
pli-tv-bu-vb-pc84:1.0.1	
pli-tv-bu-vb-pc84:1.0.2	
pli-tv-bu-vb-pc84:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc84:1.2	Tena kho pana samayena aññataro bhikkhu aciravatiyā nadiyā nahāyati. Aññataropi brāhmaṇo pañcasatānaṁ thavikaṁ thale nikkhipitvā aciravatiyā nadiyā nahāyanto vissaritvā agamāsi.
pli-tv-bu-vb-pc84:1.3	Atha kho so bhikkhu—“tassāyaṁ brāhmaṇassa thavikā, mā idha nassī”ti aggahesi.
pli-tv-bu-vb-pc84:1.4	Atha kho so brāhmaṇo saritvā turito ādhāvitvā taṁ bhikkhuṁ etadavoca—“api me, bho, thavikaṁ passeyyāsī”ti?
pli-tv-bu-vb-pc84:1.5	“Handa, brāhmaṇā”ti adāsi.
pli-tv-bu-vb-pc84:1.6	Atha kho tassa brāhmaṇassa etadahosi—“kena nu kho ahaṁ upāyena imassa bhikkhuno puṇṇapattaṁ na dadeyyan”ti.
pli-tv-bu-vb-pc84:1.7	“Na me, bho, pañcasatāni, sahassaṁ me”ti palibundhetvā muñci.
pli-tv-bu-vb-pc84:1.8	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-bu-vb-pc84:1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc84:1.10	“kathañhi nāma bhikkhu ratanaṁ uggahessatī”ti …pe…
pli-tv-bu-vb-pc84:1.11	“saccaṁ kira tvaṁ, bhikkhu, ratanaṁ uggahesī”ti?
pli-tv-bu-vb-pc84:1.12	“Saccaṁ, bhagavā”ti.
pli-tv-bu-vb-pc84:1.13	Vigarahi buddho bhagavā …pe…
pli-tv-bu-vb-pc84:1.14	kathañhi nāma tvaṁ, moghapurisa, ratanaṁ uggahessasi.
pli-tv-bu-vb-pc84:1.15	Netaṁ, moghapurisa, appasannānaṁ vā pasādāya …pe…
pli-tv-bu-vb-pc84:1.16	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc84:1.17.0	
pli-tv-bu-vb-pc84:1.17.1	“Yo pana bhikkhu ratanaṁ vā ratanasammataṁ vā uggaṇheyya vā uggaṇhāpeyya vā, pācittiyan”ti.
pli-tv-bu-vb-pc84:1.18	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc84:2.0	
pli-tv-bu-vb-pc84:2.1	Tena kho pana samayena sāvatthiyā ussavo hoti. Manussā alaṅkatappaṭiyattā uyyānaṁ gacchanti.
pli-tv-bu-vb-pc84:2.2	Visākhāpi migāramātā alaṅkatappaṭiyattā “uyyānaṁ gamissāmī”ti
pli-tv-bu-vb-pc84:2.3	gāmato nikkhamitvā—“kyāhaṁ karissāmi uyyānaṁ gantvā, yannūnāhaṁ bhagavantaṁ payirupāseyyan”ti
pli-tv-bu-vb-pc84:2.4	ābharaṇaṁ omuñcitvā uttarāsaṅgena bhaṇḍikaṁ bandhitvā dāsiyā adāsi—“handa, je, imaṁ bhaṇḍikaṁ gaṇhāhī”ti.
pli-tv-bu-vb-pc84:2.5	Atha kho visākhā migāramātā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-pc84:2.6	Ekamantaṁ nisinnaṁ kho visākhaṁ migāramātaraṁ bhagavā dhammiyā kathāya sandassesi samādapesi samuttejesi sampahaṁsesi. Atha kho visākhā migāramātā bhagavatā dhammiyā kathāya sandassitā samādapitā samuttejitā sampahaṁsitā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-pc84:2.7	Atha kho sā dāsī taṁ bhaṇḍikaṁ vissaritvā agamāsi.
pli-tv-bu-vb-pc84:2.8	Bhikkhū passitvā bhagavato etamatthaṁ ārocesuṁ. “Tena hi, bhikkhave, uggahetvā nikkhipathā”ti.
pli-tv-bu-vb-pc84:2.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc84:2.10	“anujānāmi, bhikkhave, ratanaṁ vā ratanasammataṁ vā ajjhārāme uggahetvā vā uggahāpetvā vā nikkhipituṁ—‘yassa bhavissati so harissatī’ti.
pli-tv-bu-vb-pc84:2.11	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc84:2.12.0	
pli-tv-bu-vb-pc84:2.12.1	“Yo pana bhikkhu ratanaṁ vā ratanasammataṁ vā, aññatra ajjhārāmā, uggaṇheyya vā uggaṇhāpeyya vā, pācittiyan”ti.
pli-tv-bu-vb-pc84:2.13	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc84:3.0	
pli-tv-bu-vb-pc84:3.1	Tena kho pana samayena kāsīsu janapade anāthapiṇḍikassa gahapatissa kammantagāmo hoti.
pli-tv-bu-vb-pc84:3.2	Tena ca gahapatinā antevāsī āṇatto hoti—“sace bhadantā āgacchanti, bhattaṁ kareyyāsī”ti.
pli-tv-bu-vb-pc84:3.3	Tena kho pana samayena sambahulā bhikkhū kāsīsu janapade cārikaṁ caramānā yena anāthapiṇḍikassa gahapatissa kammantagāmo tenupasaṅkamiṁsu.
pli-tv-bu-vb-pc84:3.4	Addasā kho so puriso te bhikkhū dūratova āgacchante. Disvāna yena te bhikkhū tenupasaṅkami; upasaṅkamitvā te bhikkhū abhivādetvā etadavoca—“adhivāsentu, bhante, ayyā svātanāya gahapatino bhattan”ti.
pli-tv-bu-vb-pc84:3.5	Adhivāsesuṁ kho te bhikkhū tuṇhībhāvena.
pli-tv-bu-vb-pc84:3.6	Atha kho so puriso tassā rattiyā accayena paṇītaṁ khādanīyaṁ bhojanīyaṁ paṭiyādāpetvā kālaṁ ārocāpetvā aṅgulimuddikaṁ omuñcitvā te bhikkhū bhattena parivisitvā—
pli-tv-bu-vb-pc84:3.7	“ayyā bhuñjitvā gacchantu, ahampi kammantaṁ gamissāmī”ti aṅgulimuddikaṁ vissaritvā agamāsi.
pli-tv-bu-vb-pc84:3.8	Bhikkhū passitvā—“sace mayaṁ gamissāma nassissatāyaṁ aṅgulimuddikā”ti tattheva acchiṁsu.
pli-tv-bu-vb-pc84:3.9	Atha kho so puriso kammantā āgacchanto te bhikkhū passitvā etadavoca—“kissa, bhante, ayyā idheva acchantī”ti?
pli-tv-bu-vb-pc84:3.10	Atha kho te bhikkhū tassa purisassa etamatthaṁ ārocetvā
pli-tv-bu-vb-pc84:3.11	sāvatthiṁ gantvā bhikkhūnaṁ etamatthaṁ ārocesuṁ.
pli-tv-bu-vb-pc84:3.12	Bhikkhū bhagavato etamatthaṁ ārocesuṁ.
pli-tv-bu-vb-pc84:3.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc84:3.14	“anujānāmi, bhikkhave, ratanaṁ vā ratanasammataṁ vā ajjhārāme vā ajjhāvasathe vā uggahetvā vā uggahāpetvā vā nikkhipituṁ—
pli-tv-bu-vb-pc84:3.15	‘yassa bhavissati so harissatī’ti.
pli-tv-bu-vb-pc84:3.16	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc84:3.17.0	
pli-tv-bu-vb-pc84:3.17.1	“Yo pana bhikkhu ratanaṁ vā ratanasammataṁ vā, aññatra ajjhārāmā vā ajjhāvasathā vā, uggaṇheyya vā uggaṇhāpeyya vā, pācittiyaṁ.
pli-tv-bu-vb-pc84:3.18	Ratanaṁ vā pana bhikkhunā ratanasammataṁ vā ajjhārāme vā ajjhāvasathe vā uggahetvā vā uggahāpetvā vā nikkhipitabbaṁ—‘yassa bhavissati so harissatī’ti. Ayaṁ tattha sāmīcī”ti.
pli-tv-bu-vb-pc84:4.1.0	
pli-tv-bu-vb-pc84:4.1.1	Yo panāti
pli-tv-bu-vb-pc84:4.1.2	yo yādiso …pe…
pli-tv-bu-vb-pc84:4.1.3	bhikkhūti
pli-tv-bu-vb-pc84:4.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc84:4.1.5	Ratanaṁ nāma
pli-tv-bu-vb-pc84:4.1.6	muttā maṇi veḷuriyo saṅkho silā pavālaṁ rajataṁ jātarūpaṁ lohitaṅko masāragallaṁ.
pli-tv-bu-vb-pc84:4.1.7	Ratanasammataṁ nāma
pli-tv-bu-vb-pc84:4.1.8	yaṁ manussānaṁ upabhogaparibhogaṁ, etaṁ ratanasammataṁ nāma.
pli-tv-bu-vb-pc84:4.1.9	Aññatra ajjhārāmā vā ajjhāvasathā vāti
pli-tv-bu-vb-pc84:4.1.10	ṭhapetvā ajjhārāmaṁ ajjhāvasathaṁ.
pli-tv-bu-vb-pc84:4.1.11	Ajjhārāmo nāma
pli-tv-bu-vb-pc84:4.1.12	parikkhittassa ārāmassa anto ārāmo, aparikkhittassa upacāro.
pli-tv-bu-vb-pc84:4.1.13	Ajjhāvasatho nāma
pli-tv-bu-vb-pc84:4.1.14	parikkhittassa āvasathassa anto āvasatho, aparikkhittassa upacāro.
pli-tv-bu-vb-pc84:4.1.15	Uggaṇheyyāti
pli-tv-bu-vb-pc84:4.1.16	sayaṁ gaṇhāti, āpatti pācittiyassa.
pli-tv-bu-vb-pc84:4.1.17	Uggaṇhāpeyyāti
pli-tv-bu-vb-pc84:4.1.18	aññaṁ gāhāpeti, āpatti pācittiyassa.
pli-tv-bu-vb-pc84:4.1.19	Ratanaṁ vā pana bhikkhunā ratanasammataṁ vā ajjhārāme vā ajjhāvasathe vā uggahetvā vā uggahāpetvā vā nikkhipitabbanti
pli-tv-bu-vb-pc84:4.1.20	rūpena vā nimittena vā saññāṇaṁ katvā nikkhipitvā ācikkhitabbaṁ—“yassa bhaṇḍaṁ naṭṭhaṁ so āgacchatū”ti.
pli-tv-bu-vb-pc84:4.1.21	Sace tattha āgacchati so vattabbo—“āvuso, kīdisaṁ te bhaṇḍan”ti?
pli-tv-bu-vb-pc84:4.1.22	Sace rūpena vā nimittena vā sampādeti dātabbaṁ, no ce sampādeti “vicināhi, āvuso”ti vattabbo.
pli-tv-bu-vb-pc84:4.1.23	Tamhā āvāsā pakkamantena ye tattha honti bhikkhū patirūpā, tesaṁ hatthe nikkhipitvā pakkamitabbaṁ.
pli-tv-bu-vb-pc84:4.1.24	No ce honti bhikkhū patirūpā, ye tattha honti gahapatikā patirūpā, tesaṁ hatthe nikkhipitvā pakkamitabbaṁ.
pli-tv-bu-vb-pc84:4.1.25	Ayaṁ tattha sāmīcīti
pli-tv-bu-vb-pc84:4.1.26	ayaṁ tattha anudhammatā.
pli-tv-bu-vb-pc84:4.2.0	
pli-tv-bu-vb-pc84:4.2.1	Anāpatti—
pli-tv-bu-vb-pc84:4.2.2	ratanaṁ vā ratanasammataṁ vā ajjhārāme vā ajjhāvasathe vā uggahetvā vā uggahāpetvā vā nikkhipati—“yassa bhavissati so harissatī”ti,
pli-tv-bu-vb-pc84:4.2.3	ratanasammataṁ vissāsaṁ gaṇhāti, tāvakālikaṁ gaṇhāti, paṁsukūlasaññissa,
pli-tv-bu-vb-pc84:4.2.4	ummattakassa,
pli-tv-bu-vb-pc84:4.2.5	ādikammikassāti.
pli-tv-bu-vb-pc84:4.2.6	Ratanasikkhāpadaṁ niṭṭhitaṁ dutiyaṁ.
pli-tv-bu-vb-pc85:0.1	Theravāda Vinaya
pli-tv-bu-vb-pc85:0.2	Mahāvibhaṅga
pli-tv-bu-vb-pc85:0.3	Pācittiyakaṇḍa
pli-tv-bu-vb-pc85:0.4	Ratanavagga
pli-tv-bu-vb-pc85:0.5	85. Vikālagāmappavisanasikkhāpada
pli-tv-bu-vb-pc85:1.0.1	
pli-tv-bu-vb-pc85:1.0.2	
pli-tv-bu-vb-pc85:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc85:1.2	Tena kho pana samayena chabbaggiyā bhikkhū vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathenti, seyyathidaṁ—
pli-tv-bu-vb-pc85:1.3	rājakathaṁ corakathaṁ mahāmattakathaṁ senākathaṁ bhayakathaṁ yuddhakathaṁ annakathaṁ pānakathaṁ vatthakathaṁ sayanakathaṁ mālākathaṁ gandhakathaṁ ñātikathaṁ yānakathaṁ gāmakathaṁ nigamakathaṁ nagarakathaṁ janapadakathaṁ itthikathaṁ sūrakathaṁ visikhākathaṁ kumbhaṭṭhānakathaṁ pubbapetakathaṁ nānattakathaṁ lokakkhāyikaṁ samuddakkhāyikaṁ itibhavābhavakathaṁ iti vā.
pli-tv-bu-vb-pc85:1.4	Manussā ujjhāyanti khiyyanti vipācenti—
pli-tv-bu-vb-pc85:1.5	“kathañhi nāma samaṇā sakyaputtiyā vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathessanti, seyyathidaṁ—
pli-tv-bu-vb-pc85:1.6	rājakathaṁ corakathaṁ …pe…
pli-tv-bu-vb-pc85:1.7	itibhavābhavakathaṁ iti vā, seyyathāpi gihī kāmabhogino”ti.
pli-tv-bu-vb-pc85:1.8	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc85:1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc85:1.10	“kathañhi nāma chabbaggiyā bhikkhū vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathessanti, seyyathidaṁ—
pli-tv-bu-vb-pc85:1.11	rājakathaṁ corakathaṁ …pe…
pli-tv-bu-vb-pc85:1.12	itibhavābhavakathaṁ iti vā”ti …pe…
pli-tv-bu-vb-pc85:1.13	“saccaṁ kira tumhe, bhikkhave, vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathetha, seyyathidaṁ—
pli-tv-bu-vb-pc85:1.14	rājakathaṁ corakathaṁ …pe…
pli-tv-bu-vb-pc85:1.15	itibhavābhavakathaṁ iti vā”ti?
pli-tv-bu-vb-pc85:1.16	“Saccaṁ, bhagavā”ti.
pli-tv-bu-vb-pc85:1.17	Vigarahi buddho bhagavā …pe…
pli-tv-bu-vb-pc85:1.18	kathañhi nāma tumhe, moghapurisā, vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathessatha, seyyathidaṁ—
pli-tv-bu-vb-pc85:1.19	rājakathaṁ corakathaṁ …pe…
pli-tv-bu-vb-pc85:1.20	itibhavābhavakathaṁ iti vā.
pli-tv-bu-vb-pc85:1.21	Netaṁ, moghapurisā, appasannānaṁ vā pasādāya …pe…
pli-tv-bu-vb-pc85:1.22	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc85:1.23.0	
pli-tv-bu-vb-pc85:1.23.1	“Yo pana bhikkhu vikāle gāmaṁ paviseyya, pācittiyan”ti.
pli-tv-bu-vb-pc85:1.24	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc85:2.0	
pli-tv-bu-vb-pc85:2.1	Tena kho pana samayena sambahulā bhikkhū kosalesu janapade sāvatthiṁ gacchantā sāyaṁ aññataraṁ gāmaṁ upagacchiṁsu.
pli-tv-bu-vb-pc85:2.2	Manussā te bhikkhū passitvā etadavocuṁ—
pli-tv-bu-vb-pc85:2.3	“pavisatha, bhante”ti.
pli-tv-bu-vb-pc85:2.4	Atha kho te bhikkhū—
pli-tv-bu-vb-pc85:2.5	“bhagavatā paṭikkhittaṁ vikāle gāmaṁ pavisitun”ti kukkuccāyantā na pavisiṁsu.
pli-tv-bu-vb-pc85:2.6	Corā te bhikkhū acchindiṁsu.
pli-tv-bu-vb-pc85:2.7	Atha kho te bhikkhū sāvatthiṁ gantvā bhikkhūnaṁ etamatthaṁ ārocesuṁ.
pli-tv-bu-vb-pc85:2.8	Bhikkhū bhagavato etamatthaṁ ārocesuṁ.
pli-tv-bu-vb-pc85:2.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc85:2.10	“anujānāmi, bhikkhave, āpucchā vikāle gāmaṁ pavisituṁ.
pli-tv-bu-vb-pc85:2.11	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc85:2.12.0	
pli-tv-bu-vb-pc85:2.12.1	“Yo pana bhikkhu anāpucchā vikāle gāmaṁ paviseyya, pācittiyan”ti.
pli-tv-bu-vb-pc85:2.13	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc85:3.0	
pli-tv-bu-vb-pc85:3.1	Tena kho pana samayena aññataro bhikkhu kosalesu janapade sāvatthiṁ gacchanto sāyaṁ aññataraṁ gāmaṁ upagacchi.
pli-tv-bu-vb-pc85:3.2	Manussā taṁ bhikkhuṁ passitvā etadavocuṁ—
pli-tv-bu-vb-pc85:3.3	“pavisatha, bhante”ti.
pli-tv-bu-vb-pc85:3.4	Atha kho so bhikkhu—
pli-tv-bu-vb-pc85:3.5	“bhagavatā paṭikkhittaṁ anāpucchā vikāle gāmaṁ pavisitun”ti kukkuccāyanto na pāvisi.
pli-tv-bu-vb-pc85:3.6	Corā taṁ bhikkhuṁ acchindiṁsu.
pli-tv-bu-vb-pc85:3.7	Atha kho so bhikkhu sāvatthiṁ gantvā bhikkhūnaṁ etamatthaṁ ārocesi.
pli-tv-bu-vb-pc85:3.8	Bhikkhū bhagavato etamatthaṁ ārocesuṁ.
pli-tv-bu-vb-pc85:3.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc85:3.10	“anujānāmi, bhikkhave, santaṁ bhikkhuṁ āpucchā vikāle gāmaṁ pavisituṁ.
pli-tv-bu-vb-pc85:3.11	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc85:3.12.0	
pli-tv-bu-vb-pc85:3.12.1	“Yo pana bhikkhu santaṁ bhikkhuṁ anāpucchā vikāle gāmaṁ paviseyya, pācittiyan”ti.
pli-tv-bu-vb-pc85:3.13	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc85:4.0	
pli-tv-bu-vb-pc85:4.1	Tena kho pana samayena aññataro bhikkhu ahinā daṭṭho hoti.
pli-tv-bu-vb-pc85:4.2	Aññataro bhikkhu “aggiṁ āharissāmī”ti gāmaṁ gacchati.
pli-tv-bu-vb-pc85:4.3	Atha kho so bhikkhu—
pli-tv-bu-vb-pc85:4.4	“bhagavatā paṭikkhittaṁ santaṁ bhikkhuṁ anāpucchā vikāle gāmaṁ pavisitun”ti kukkuccāyanto na pāvisi …pe…
pli-tv-bu-vb-pc85:4.5	bhagavato etamatthaṁ ārocesuṁ.
pli-tv-bu-vb-pc85:4.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc85:4.7	“anujānāmi, bhikkhave, tathārūpe accāyike karaṇīye santaṁ bhikkhuṁ anāpucchā vikāle gāmaṁ pavisituṁ.
pli-tv-bu-vb-pc85:4.8	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc85:4.9.0	
pli-tv-bu-vb-pc85:4.9.1	“Yo pana bhikkhu santaṁ bhikkhuṁ anāpucchā vikāle gāmaṁ paviseyya, aññatra tathārūpā accāyikā karaṇīyā, pācittiyan”ti.
pli-tv-bu-vb-pc85:5.1.0	
pli-tv-bu-vb-pc85:5.1.1	Yo panāti
pli-tv-bu-vb-pc85:5.1.2	yo yādiso …pe…
pli-tv-bu-vb-pc85:5.1.3	bhikkhūti
pli-tv-bu-vb-pc85:5.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc85:5.1.5	Santo nāma bhikkhu
pli-tv-bu-vb-pc85:5.1.6	sakkā hoti āpucchā pavisituṁ.
pli-tv-bu-vb-pc85:5.1.7	Asanto nāma bhikkhu
pli-tv-bu-vb-pc85:5.1.8	na sakkā hoti āpucchā pavisituṁ.
pli-tv-bu-vb-pc85:5.1.9	Vikālo nāma
pli-tv-bu-vb-pc85:5.1.10	majjhanhike vītivatte yāva aruṇuggamanā.
pli-tv-bu-vb-pc85:5.1.11	Gāmaṁ paviseyyāti
pli-tv-bu-vb-pc85:5.1.12	parikkhittassa gāmassa parikkhepaṁ atikkamantassa āpatti pācittiyassa.
pli-tv-bu-vb-pc85:5.1.13	Aparikkhittassa gāmassa upacāraṁ okkamantassa āpatti pācittiyassa.
pli-tv-bu-vb-pc85:5.1.14	Aññatra tathārūpā accāyikā karaṇīyāti
pli-tv-bu-vb-pc85:5.1.15	ṭhapetvā tathārūpaṁ accāyikaṁ karaṇīyaṁ.
pli-tv-bu-vb-pc85:5.2.0	
pli-tv-bu-vb-pc85:5.2.1	Vikāle vikālasaññī santaṁ bhikkhuṁ anāpucchā gāmaṁ pavisati, aññatra tathārūpā accāyikā karaṇīyā, āpatti pācittiyassa.
pli-tv-bu-vb-pc85:5.2.2	Vikāle vematiko santaṁ bhikkhuṁ anāpucchā gāmaṁ pavisati, aññatra tathārūpā accāyikā karaṇīyā, āpatti pācittiyassa.
pli-tv-bu-vb-pc85:5.2.3	Vikāle kālasaññī santaṁ bhikkhuṁ anāpucchā gāmaṁ pavisati, aññatra tathārūpā accāyikā karaṇīyā, āpatti pācittiyassa.
pli-tv-bu-vb-pc85:5.2.4	Kāle vikālasaññī, āpatti dukkaṭassa.
pli-tv-bu-vb-pc85:5.2.5	Kāle vematiko, āpatti dukkaṭassa.
pli-tv-bu-vb-pc85:5.2.6	Kāle kālasaññī, anāpatti.
pli-tv-bu-vb-pc85:5.3.0	
pli-tv-bu-vb-pc85:5.3.1	Anāpatti—
pli-tv-bu-vb-pc85:5.3.2	tathārūpe accāyike karaṇīye,
pli-tv-bu-vb-pc85:5.3.3	santaṁ bhikkhuṁ āpucchā pavisati,
pli-tv-bu-vb-pc85:5.3.4	asantaṁ bhikkhuṁ anāpucchā pavisati,
pli-tv-bu-vb-pc85:5.3.5	antarārāmaṁ gacchati,
pli-tv-bu-vb-pc85:5.3.6	bhikkhunupassayaṁ gacchati,
pli-tv-bu-vb-pc85:5.3.7	titthiyaseyyaṁ gacchati,
pli-tv-bu-vb-pc85:5.3.8	paṭikkamanaṁ gacchati,
pli-tv-bu-vb-pc85:5.3.9	gāmena maggo hoti,
pli-tv-bu-vb-pc85:5.3.10	āpadāsu,
pli-tv-bu-vb-pc85:5.3.11	ummattakassa,
pli-tv-bu-vb-pc85:5.3.12	ādikammikassāti.
pli-tv-bu-vb-pc85:5.3.13	Vikālagāmappavisanasikkhāpadaṁ niṭṭhitaṁ tatiyaṁ.
pli-tv-bu-vb-pc86:0.1	Theravāda Vinaya
pli-tv-bu-vb-pc86:0.2	Mahāvibhaṅga
pli-tv-bu-vb-pc86:0.3	Pācittiyakaṇḍa
pli-tv-bu-vb-pc86:0.4	Ratanavagga
pli-tv-bu-vb-pc86:0.5	86. Sūcigharasikkhāpada
pli-tv-bu-vb-pc86:1.0	
pli-tv-bu-vb-pc86:1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bu-vb-pc86:1.2	Tena kho pana samayena aññatarena dantakārena bhikkhū pavāritā honti—
pli-tv-bu-vb-pc86:1.3	“yesaṁ ayyānaṁ sūcigharena attho ahaṁ sūcigharenā”ti.
pli-tv-bu-vb-pc86:1.4	Tena kho pana samayena bhikkhū bahū sūcighare viññāpenti.
pli-tv-bu-vb-pc86:1.5	Yesaṁ khuddakā sūcigharā te mahante sūcighare viññāpenti.
pli-tv-bu-vb-pc86:1.6	Yesaṁ mahantā sūcigharā te khuddake sūcighare viññāpenti.
pli-tv-bu-vb-pc86:1.7	Atha kho so dantakāro bhikkhūnaṁ bahū sūcighare karonto na sakkoti aññaṁ vikkāyikaṁ bhaṇḍaṁ kātuṁ, attanāpi na yāpeti, puttadāropissa kilamati.
pli-tv-bu-vb-pc86:1.8	Manussā ujjhāyanti khiyyanti vipācenti—
pli-tv-bu-vb-pc86:1.9	“kathañhi nāma samaṇā sakyaputtiyā na mattaṁ jānitvā bahū sūcighare viññāpessanti.
pli-tv-bu-vb-pc86:1.10	Ayaṁ imesaṁ bahū sūcighare karonto na sakkoti aññaṁ vikkāyikaṁ bhaṇḍaṁ kātuṁ, attanāpi na yāpeti, puttadāropissa kilamatī”ti.
pli-tv-bu-vb-pc86:1.11	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc86:1.12	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc86:1.13	“kathañhi nāma bhikkhū na mattaṁ jānitvā bahū sūcighare viññāpessantī”ti …pe…
pli-tv-bu-vb-pc86:1.14	“saccaṁ kira, bhikkhave, bhikkhū na mattaṁ jānitvā bahū sūcighare viññāpentī”ti?
pli-tv-bu-vb-pc86:1.15	“Saccaṁ, bhagavā”ti.
pli-tv-bu-vb-pc86:1.16	Vigarahi buddho bhagavā …pe…
pli-tv-bu-vb-pc86:1.17	kathañhi nāma te, bhikkhave, moghapurisā na mattaṁ jānitvā bahū sūcighare viññāpessanti.
pli-tv-bu-vb-pc86:1.18	Netaṁ, bhikkhave, appasannānaṁ vā pasādāya …pe…
pli-tv-bu-vb-pc86:1.19	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc86:1.20.0	
pli-tv-bu-vb-pc86:1.20.1	“Yo pana bhikkhu aṭṭhimayaṁ vā dantamayaṁ vā visāṇamayaṁ vā sūcigharaṁ kārāpeyya bhedanakaṁ, pācittiyan”ti.
pli-tv-bu-vb-pc86:2.1.0	
pli-tv-bu-vb-pc86:2.1.1	Yo panāti
pli-tv-bu-vb-pc86:2.1.2	yo yādiso …pe…
pli-tv-bu-vb-pc86:2.1.3	bhikkhūti
pli-tv-bu-vb-pc86:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc86:2.1.5	Aṭṭhi nāma
pli-tv-bu-vb-pc86:2.1.6	yaṁ kiñci aṭṭhi.
pli-tv-bu-vb-pc86:2.1.7	Danto nāma
pli-tv-bu-vb-pc86:2.1.8	hatthidanto vuccati.
pli-tv-bu-vb-pc86:2.1.9	Visāṇaṁ nāma
pli-tv-bu-vb-pc86:2.1.10	yaṁ kiñci visāṇaṁ.
pli-tv-bu-vb-pc86:2.1.11	Kārāpeyyāti
pli-tv-bu-vb-pc86:2.1.12	karoti vā kārāpeti vā, payoge dukkaṭaṁ.
pli-tv-bu-vb-pc86:2.1.13	Paṭilābhena bhinditvā pācittiyaṁ desetabbaṁ.
pli-tv-bu-vb-pc86:2.2.0	
pli-tv-bu-vb-pc86:2.2.1	Attanā vippakataṁ attanā pariyosāpeti, āpatti pācittiyassa.
pli-tv-bu-vb-pc86:2.2.2	Attanā vippakataṁ parehi pariyosāpeti, āpatti pācittiyassa.
pli-tv-bu-vb-pc86:2.2.3	Parehi vippakataṁ attanā pariyosāpeti, āpatti pācittiyassa.
pli-tv-bu-vb-pc86:2.2.4	Parehi vippakataṁ parehi pariyosāpeti, āpatti pācittiyassa.
pli-tv-bu-vb-pc86:2.2.5	Aññassatthāya karoti vā kārāpeti vā, āpatti dukkaṭassa.
pli-tv-bu-vb-pc86:2.2.6	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-pc86:2.3.0	
pli-tv-bu-vb-pc86:2.3.1	Anāpatti—
pli-tv-bu-vb-pc86:2.3.2	gaṇṭhikāya,
pli-tv-bu-vb-pc86:2.3.3	araṇike,
pli-tv-bu-vb-pc86:2.3.4	vidhe,
pli-tv-bu-vb-pc86:2.3.5	añjaniyā,
pli-tv-bu-vb-pc86:2.3.6	añjanisalākāya,
pli-tv-bu-vb-pc86:2.3.7	vāsijaṭe,
pli-tv-bu-vb-pc86:2.3.8	udakapuñchaniyā,
pli-tv-bu-vb-pc86:2.3.9	ummattakassa,
pli-tv-bu-vb-pc86:2.3.10	ādikammikassāti.
pli-tv-bu-vb-pc86:2.3.11	Sūcigharasikkhāpadaṁ niṭṭhitaṁ catutthaṁ.
pli-tv-bu-vb-pc87:0.1	Theravāda Vinaya
pli-tv-bu-vb-pc87:0.2	Mahāvibhaṅga
pli-tv-bu-vb-pc87:0.3	Pācittiyakaṇḍa
pli-tv-bu-vb-pc87:0.4	Ratanavagga
pli-tv-bu-vb-pc87:0.5	87. Mañcapīṭhasikkhāpada
pli-tv-bu-vb-pc87:1.0	
pli-tv-bu-vb-pc87:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc87:1.2	Tena kho pana samayena āyasmā upanando sakyaputto ucce mañce sayati.
pli-tv-bu-vb-pc87:1.3	Atha kho bhagavā sambahulehi bhikkhūhi saddhiṁ senāsanacārikaṁ āhiṇḍanto yenāyasmato upanandassa sakyaputtassa vihāro tenupasaṅkami.
pli-tv-bu-vb-pc87:1.4	Addasā kho āyasmā upanando sakyaputto bhagavantaṁ dūratova āgacchantaṁ.
pli-tv-bu-vb-pc87:1.5	Disvāna bhagavantaṁ etadavoca—
pli-tv-bu-vb-pc87:1.6	“āgacchatu me, bhante, bhagavā sayanaṁ passatū”ti.
pli-tv-bu-vb-pc87:1.7	Atha kho bhagavā tatova paṭinivattitvā bhikkhū āmantesi—
pli-tv-bu-vb-pc87:1.8	“āsayato, bhikkhave, moghapuriso veditabbo”ti.
pli-tv-bu-vb-pc87:1.9	Atha kho bhagavā āyasmantaṁ upanandaṁ sakyaputtaṁ anekapariyāyena vigarahitvā dubbharatāya …pe…
pli-tv-bu-vb-pc87:1.10	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc87:1.11.0	
pli-tv-bu-vb-pc87:1.11.1	“Navaṁ pana bhikkhunā mañcaṁ vā pīṭhaṁ vā kārayamānena aṭṭhaṅgulapādakaṁ kāretabbaṁ sugataṅgulena, aññatra heṭṭhimāya aṭaniyā; taṁ atikkāmayato chedanakaṁ pācittiyan”ti.
pli-tv-bu-vb-pc87:2.1.0	
pli-tv-bu-vb-pc87:2.1.1	Navaṁ nāma
pli-tv-bu-vb-pc87:2.1.2	karaṇaṁ upādāya vuccati.
pli-tv-bu-vb-pc87:2.1.3	Mañco nāma
pli-tv-bu-vb-pc87:2.1.4	cattāro mañcā— masārako, bundikābaddho, kuḷīrapādako, āhaccapādako.
pli-tv-bu-vb-pc87:2.1.5	Pīṭhaṁ nāma
pli-tv-bu-vb-pc87:2.1.6	cattāri pīṭhāni— masārakaṁ, bundikābaddhaṁ, kuḷīrapādakaṁ, āhaccapādakaṁ.
pli-tv-bu-vb-pc87:2.1.7	Kārayamānenāti
pli-tv-bu-vb-pc87:2.1.8	karonto vā kārāpento vā.
pli-tv-bu-vb-pc87:2.1.9	Aṭṭhaṅgulapādakaṁ kāretabbaṁ sugataṅgulena, aññatra heṭṭhimāya aṭaniyāti
pli-tv-bu-vb-pc87:2.1.10	ṭhapetvā heṭṭhimaṁ aṭaniṁ;
pli-tv-bu-vb-pc87:2.1.11	taṁ atikkāmetvā karoti vā kārāpeti vā, payoge dukkaṭaṁ, paṭilābhena chinditvā pācittiyaṁ desetabbaṁ.
pli-tv-bu-vb-pc87:2.1.12.0	
pli-tv-bu-vb-pc87:2.1.12.1	Attanā vippakataṁ attanā pariyosāpeti, āpatti pācittiyassa.
pli-tv-bu-vb-pc87:2.1.13	Attanā vippakataṁ parehi pariyosāpeti, āpatti pācittiyassa.
pli-tv-bu-vb-pc87:2.1.14	Parehi vippakataṁ attanā pariyosāpeti, āpatti pācittiyassa.
pli-tv-bu-vb-pc87:2.1.15	Parehi vippakataṁ parehi pariyosāpeti, āpatti pācittiyassa.
pli-tv-bu-vb-pc87:2.1.16	Aññassatthāya karoti vā kārāpeti vā, āpatti dukkaṭassa.
pli-tv-bu-vb-pc87:2.1.17	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-pc87:2.2.0	
pli-tv-bu-vb-pc87:2.2.1	Anāpatti—
pli-tv-bu-vb-pc87:2.2.2	pamāṇikaṁ karoti,
pli-tv-bu-vb-pc87:2.2.3	ūnakaṁ karoti,
pli-tv-bu-vb-pc87:2.2.4	aññena kataṁ pamāṇātikkantaṁ paṭilabhitvā chinditvā paribhuñjati,
pli-tv-bu-vb-pc87:2.2.5	ummattakassa,
pli-tv-bu-vb-pc87:2.2.6	ādikammikassāti.
pli-tv-bu-vb-pc87:2.2.7	Mañcapīṭhasikkhāpadaṁ niṭṭhitaṁ pañcamaṁ.
pli-tv-bu-vb-pc88:0.1	Theravāda Vinaya
pli-tv-bu-vb-pc88:0.2	Mahāvibhaṅga
pli-tv-bu-vb-pc88:0.3	Pācittiyakaṇḍa
pli-tv-bu-vb-pc88:0.4	Ratanavagga
pli-tv-bu-vb-pc88:0.5	88. Tūlonaddhasikkhāpada
pli-tv-bu-vb-pc88:1.0	
pli-tv-bu-vb-pc88:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc88:1.2	Tena kho pana samayena chabbaggiyā bhikkhū mañcampi pīṭhampi tūlonaddhaṁ kārāpenti.
pli-tv-bu-vb-pc88:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bu-vb-pc88:1.4	“kathañhi nāma samaṇā sakyaputtiyā mañcampi pīṭhampi tūlonaddhaṁ kārāpessanti, seyyathāpi gihī kāmabhogino”ti.
pli-tv-bu-vb-pc88:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pc88:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc88:1.7	“kathañhi nāma chabbaggiyā bhikkhū mañcampi pīṭhampi tūlonaddhaṁ kārāpessantī”ti …pe…
pli-tv-bu-vb-pc88:1.8	“saccaṁ kira tumhe, bhikkhave, mañcampi pīṭhampi tūlonaddhaṁ kārāpethā”ti?
pli-tv-bu-vb-pc88:1.9	“Saccaṁ, bhagavā”ti.
pli-tv-bu-vb-pc88:1.10	Vigarahi buddho bhagavā …pe…
pli-tv-bu-vb-pc88:1.11	kathañhi nāma tumhe, moghapurisā, mañcampi pīṭhampi tūlonaddhaṁ kārāpessatha.
pli-tv-bu-vb-pc88:1.12	Netaṁ, moghapurisā, appasannānaṁ vā pasādāya …pe…
pli-tv-bu-vb-pc88:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc88:1.14.0	
pli-tv-bu-vb-pc88:1.14.1	“Yo pana bhikkhu mañcaṁ vā pīṭhaṁ vā tūlonaddhaṁ kārāpeyya, uddālanakaṁ pācittiyan”ti.
pli-tv-bu-vb-pc88:2.1.0	
pli-tv-bu-vb-pc88:2.1.1	Yo panāti
pli-tv-bu-vb-pc88:2.1.2	yo yādiso …pe…
pli-tv-bu-vb-pc88:2.1.3	bhikkhūti
pli-tv-bu-vb-pc88:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc88:2.1.5	Mañco nāma
pli-tv-bu-vb-pc88:2.1.6	cattāro mañcā— masārako, bundikābaddho, kuḷīrapādako, āhaccapādako.
pli-tv-bu-vb-pc88:2.1.7	Pīṭhaṁ nāma
pli-tv-bu-vb-pc88:2.1.8	cattāri pīṭhāni— masārakaṁ, bundikābaddhaṁ, kuḷīrapādakaṁ, āhaccapādakaṁ.
pli-tv-bu-vb-pc88:2.1.9	Tūlaṁ nāma
pli-tv-bu-vb-pc88:2.1.10	tīṇi tūlāni— rukkhatūlaṁ, latātūlaṁ, poṭakitūlaṁ.
pli-tv-bu-vb-pc88:2.1.11	Kārāpeyyāti
pli-tv-bu-vb-pc88:2.1.12	karoti vā kārāpeti vā, payoge dukkaṭaṁ.
pli-tv-bu-vb-pc88:2.1.13	Paṭilābhena uddāletvā pācittiyaṁ desetabbaṁ.
pli-tv-bu-vb-pc88:2.1.14.0	
pli-tv-bu-vb-pc88:2.1.14.1	Attanā vippakataṁ attanā pariyosāpeti, āpatti pācittiyassa.
pli-tv-bu-vb-pc88:2.1.15	Attanā vippakataṁ parehi pariyosāpeti, āpatti pācittiyassa.
pli-tv-bu-vb-pc88:2.1.16	Parehi vippakataṁ attanā pariyosāpeti, āpatti pācittiyassa.
pli-tv-bu-vb-pc88:2.1.17	Parehi vippakataṁ parehi pariyosāpeti, āpatti pācittiyassa.
pli-tv-bu-vb-pc88:2.1.18	Aññassatthāya karoti vā kārāpeti vā, āpatti dukkaṭassa.
pli-tv-bu-vb-pc88:2.1.19	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-pc88:2.2.0	
pli-tv-bu-vb-pc88:2.2.1	Anāpatti—
pli-tv-bu-vb-pc88:2.2.2	āyoge,
pli-tv-bu-vb-pc88:2.2.3	kāyabandhane,
pli-tv-bu-vb-pc88:2.2.4	aṁsabaddhake,
pli-tv-bu-vb-pc88:2.2.5	pattatthavikāya,
pli-tv-bu-vb-pc88:2.2.6	parissāvane,
pli-tv-bu-vb-pc88:2.2.7	bibbohanaṁ karoti,
pli-tv-bu-vb-pc88:2.2.8	aññena kataṁ paṭilabhitvā uddāletvā paribhuñjati,
pli-tv-bu-vb-pc88:2.2.9	ummattakassa,
pli-tv-bu-vb-pc88:2.2.10	ādikammikassāti.
pli-tv-bu-vb-pc88:2.2.11	Tūlonaddhasikkhāpadaṁ niṭṭhitaṁ chaṭṭhaṁ.
pli-tv-bu-vb-pc89:0.1	Theravāda Vinaya
pli-tv-bu-vb-pc89:0.2	Mahāvibhaṅga
pli-tv-bu-vb-pc89:0.3	Pācittiyakaṇḍa
pli-tv-bu-vb-pc89:0.4	Ratanavagga
pli-tv-bu-vb-pc89:0.5	89. Nisīdanasikkhāpada
pli-tv-bu-vb-pc89:1.0.1	
pli-tv-bu-vb-pc89:1.0.2	
pli-tv-bu-vb-pc89:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc89:1.2	Tena kho pana samayena bhagavatā bhikkhūnaṁ nisīdanaṁ anuññātaṁ hoti.
pli-tv-bu-vb-pc89:1.3	Chabbaggiyā bhikkhū—
pli-tv-bu-vb-pc89:1.4	“bhagavatā nisīdanaṁ anuññātan”ti appamāṇikāni nisīdanāni dhārenti.
pli-tv-bu-vb-pc89:1.5	Mañcassapi pīṭhassapi puratopi pacchatopi olambenti.
pli-tv-bu-vb-pc89:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc89:1.7	“kathañhi nāma chabbaggiyā bhikkhū appamāṇikāni nisīdanāni dhāressantī”ti …pe…
pli-tv-bu-vb-pc89:1.8	“saccaṁ kira tumhe, bhikkhave, appamāṇikāni nisīdanāni dhārethā”ti?
pli-tv-bu-vb-pc89:1.9	“Saccaṁ, bhagavā”ti.
pli-tv-bu-vb-pc89:1.10	Vigarahi buddho bhagavā …pe…
pli-tv-bu-vb-pc89:1.11	kathañhi nāma tumhe, moghapurisā, appamāṇikāni nisīdanāni dhāressatha.
pli-tv-bu-vb-pc89:1.12	Netaṁ, moghapurisā, appasannānaṁ vā pasādāya …pe…
pli-tv-bu-vb-pc89:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc89:1.14.0	
pli-tv-bu-vb-pc89:1.14.1	“Nisīdanaṁ pana bhikkhunā kārayamānena pamāṇikaṁ kāretabbaṁ.
pli-tv-bu-vb-pc89:1.15	Tatridaṁ pamāṇaṁ—dīghaso dve vidatthiyo, sugatavidatthiyā; tiriyaṁ diyaḍḍhaṁ.
pli-tv-bu-vb-pc89:1.16	Taṁ atikkāmayato chedanakaṁ pācittiyan”ti.
pli-tv-bu-vb-pc89:1.17	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pc89:2.0	
pli-tv-bu-vb-pc89:2.1	Tena kho pana samayena āyasmā udāyī mahākāyo hoti.
pli-tv-bu-vb-pc89:2.2	So bhagavato purato nisīdanaṁ paññapetvā samantato samañchamāno nisīdati.
pli-tv-bu-vb-pc89:2.3	Atha kho bhagavā āyasmantaṁ udāyiṁ etadavoca—
pli-tv-bu-vb-pc89:2.4	“kissa tvaṁ, udāyi, nisīdanaṁ samantato samañchasi;
pli-tv-bu-vb-pc89:2.5	seyyathāpi purāṇāsikoṭṭho”ti?
pli-tv-bu-vb-pc89:2.6	“Tathā hi pana, bhante, bhagavatā bhikkhūnaṁ atikhuddakaṁ nisīdanaṁ anuññātan”ti.
pli-tv-bu-vb-pc89:2.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pc89:2.8	“anujānāmi, bhikkhave, nisīdanassa dasaṁ vidatthiṁ.
pli-tv-bu-vb-pc89:2.9	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc89:2.10.0	
pli-tv-bu-vb-pc89:2.10.1	“Nisīdanaṁ pana bhikkhunā kārayamānena pamāṇikaṁ kāretabbaṁ.
pli-tv-bu-vb-pc89:2.11	Tatridaṁ pamāṇaṁ—dīghaso dve vidatthiyo, sugatavidatthiyā; tiriyaṁ diyaḍḍhaṁ. Dasā vidatthi.
pli-tv-bu-vb-pc89:2.12	Taṁ atikkāmayato chedanakaṁ pācittiyan”ti.
pli-tv-bu-vb-pc89:3.1.0	
pli-tv-bu-vb-pc89:3.1.1	Nisīdanaṁ nāma
pli-tv-bu-vb-pc89:3.1.2	sadasaṁ vuccati.
pli-tv-bu-vb-pc89:3.1.3	Kārayamānenāti
pli-tv-bu-vb-pc89:3.1.4	karonto vā kārāpento vā pamāṇikaṁ kāretabbaṁ.
pli-tv-bu-vb-pc89:3.1.5	Tatridaṁ pamāṇaṁ— dīghaso dve vidatthiyo, sugatavidatthiyā; tiriyaṁ diyaḍḍhaṁ. Dasā vidatthi.
pli-tv-bu-vb-pc89:3.1.6	Taṁ atikkāmetvā karoti vā kārāpeti vā, payoge dukkaṭaṁ.
pli-tv-bu-vb-pc89:3.1.7	Paṭilābhena chinditvā pācittiyaṁ desetabbaṁ.
pli-tv-bu-vb-pc89:3.1.8.0	
pli-tv-bu-vb-pc89:3.1.8.1	Attanā vippakataṁ attanā pariyosāpeti, āpatti pācittiyassa.
pli-tv-bu-vb-pc89:3.1.9	Attanā vippakataṁ parehi pariyosāpeti, āpatti pācittiyassa.
pli-tv-bu-vb-pc89:3.1.10	Parehi vippakataṁ attanā pariyosāpeti, āpatti pācittiyassa.
pli-tv-bu-vb-pc89:3.1.11	Parehi vippakataṁ parehi pariyosāpeti, āpatti pācittiyassa.
pli-tv-bu-vb-pc89:3.1.12	Aññassatthāya karoti vā kārāpeti vā, āpatti dukkaṭassa.
pli-tv-bu-vb-pc89:3.1.13	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-pc89:3.2.0	
pli-tv-bu-vb-pc89:3.2.1	Anāpatti—
pli-tv-bu-vb-pc89:3.2.2	pamāṇikaṁ karoti,
pli-tv-bu-vb-pc89:3.2.3	ūnakaṁ karoti,
pli-tv-bu-vb-pc89:3.2.4	aññena kataṁ pamāṇātikkantaṁ paṭilabhitvā chinditvā paribhuñjati,
pli-tv-bu-vb-pc89:3.2.5	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-pc89:3.2.6	ummattakassa,
pli-tv-bu-vb-pc89:3.2.7	ādikammikassāti.
pli-tv-bu-vb-pc89:3.2.8	Nisīdanasikkhāpadaṁ niṭṭhitaṁ sattamaṁ.
pli-tv-bu-vb-pc90:0.1	Theravāda Vinaya
pli-tv-bu-vb-pc90:0.2	Mahāvibhaṅga
pli-tv-bu-vb-pc90:0.3	Pācittiyakaṇḍa
pli-tv-bu-vb-pc90:0.4	Ratanavagga
pli-tv-bu-vb-pc90:0.5	90. Kaṇḍuppaṭicchādisikkhāpada
pli-tv-bu-vb-pc90:1.0	
pli-tv-bu-vb-pc90:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc90:1.2	Tena kho pana samayena bhagavatā bhikkhūnaṁ kaṇḍuppaṭicchādi anuññātā hoti.
pli-tv-bu-vb-pc90:1.3	Chabbaggiyā bhikkhū—
pli-tv-bu-vb-pc90:1.4	“bhagavatā kaṇḍuppaṭicchādi anuññātā”ti appamāṇikāyo kaṇḍuppaṭicchādiyo dhārenti;
pli-tv-bu-vb-pc90:1.5	puratopi pacchatopi ākaḍḍhantā āhiṇḍanti.
pli-tv-bu-vb-pc90:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc90:1.7	“kathañhi nāma chabbaggiyā bhikkhū appamāṇikāyo kaṇḍuppaṭicchādiyo dhāressantī”ti …pe…
pli-tv-bu-vb-pc90:1.8	“saccaṁ kira tumhe, bhikkhave, appamāṇikāyo kaṇḍuppaṭicchādiyo dhārethā”ti?
pli-tv-bu-vb-pc90:1.9	“Saccaṁ, bhagavā”ti.
pli-tv-bu-vb-pc90:1.10	Vigarahi buddho bhagavā …pe…
pli-tv-bu-vb-pc90:1.11	kathañhi nāma tumhe, moghapurisā, appamāṇikāyo kaṇḍuppaṭicchādiyo dhāressatha.
pli-tv-bu-vb-pc90:1.12	Netaṁ, moghapurisā, appasannānaṁ vā pasādāya …pe…
pli-tv-bu-vb-pc90:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc90:1.14.0	
pli-tv-bu-vb-pc90:1.14.1	“Kaṇḍuppaṭicchādiṁ pana bhikkhunā kārayamānena pamāṇikā kāretabbā.
pli-tv-bu-vb-pc90:1.15	Tatridaṁ pamāṇaṁ—dīghaso catasso vidatthiyo, sugatavidatthiyā; tiriyaṁ dve vidatthiyo.
pli-tv-bu-vb-pc90:1.16	Taṁ atikkāmayato chedanakaṁ pācittiyan”ti.
pli-tv-bu-vb-pc90:2.0	
pli-tv-bu-vb-pc90:2.1	Kaṇḍuppaṭicchādi nāma
pli-tv-bu-vb-pc90:2.2	yassa adhonābhi ubbhajāṇumaṇḍalaṁ kaṇḍu vā pīḷakā vā assāvo vā thullakacchu vā ābādho, tassa paṭicchādanatthāya.
pli-tv-bu-vb-pc90:2.3	Kārayamānenāti
pli-tv-bu-vb-pc90:2.4	karonto vā kārāpento vā. Pamāṇikā kāretabbā.
pli-tv-bu-vb-pc90:2.5	Tatridaṁ pamāṇaṁ— dīghaso catasso vidatthiyo, sugatavidatthiyā; tiriyaṁ dve vidatthiyo.
pli-tv-bu-vb-pc90:2.6	Taṁ atikkāmetvā karoti vā kārāpeti vā, payoge dukkaṭaṁ.
pli-tv-bu-vb-pc90:2.7	Paṭilābhena chinditvā pācittiyaṁ desetabbaṁ.
pli-tv-bu-vb-pc90:2.8.0	
pli-tv-bu-vb-pc90:2.8.1	Attanā vippakataṁ attanā pariyosāpeti, āpatti pācittiyassa.
pli-tv-bu-vb-pc90:2.9	Attanā vippakataṁ parehi pariyosāpeti, āpatti pācittiyassa.
pli-tv-bu-vb-pc90:2.10	Parehi vippakataṁ attanā pariyosāpeti, āpatti pācittiyassa.
pli-tv-bu-vb-pc90:2.11	Parehi vippakataṁ parehi pariyosāpeti, āpatti pācittiyassa.
pli-tv-bu-vb-pc90:2.12	Aññassatthāya karoti vā kārāpeti vā, āpatti dukkaṭassa.
pli-tv-bu-vb-pc90:2.13	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-pc90:2.14.0	
pli-tv-bu-vb-pc90:2.14.1	Anāpatti—
pli-tv-bu-vb-pc90:2.15	pamāṇikaṁ karoti,
pli-tv-bu-vb-pc90:2.16	ūnakaṁ karoti,
pli-tv-bu-vb-pc90:2.17	aññena kataṁ pamāṇātikkantaṁ paṭilabhitvā chinditvā paribhuñjati,
pli-tv-bu-vb-pc90:2.18	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-pc90:2.19	ummattakassa,
pli-tv-bu-vb-pc90:2.20	ādikammikassāti.
pli-tv-bu-vb-pc90:2.21	Kaṇḍuppaṭicchādisikkhāpadaṁ niṭṭhitaṁ aṭṭhamaṁ.
pli-tv-bu-vb-pc91:0.1	Theravāda Vinaya
pli-tv-bu-vb-pc91:0.2	Mahāvibhaṅga
pli-tv-bu-vb-pc91:0.3	Pācittiyakaṇḍa
pli-tv-bu-vb-pc91:0.4	Ratanavagga
pli-tv-bu-vb-pc91:0.5	91. Vassikasāṭikāsikkhāpada
pli-tv-bu-vb-pc91:1.0	
pli-tv-bu-vb-pc91:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc91:1.2	Tena kho pana samayena bhagavatā bhikkhūnaṁ vassikasāṭikā anuññātā hoti.
pli-tv-bu-vb-pc91:1.3	Chabbaggiyā bhikkhū—
pli-tv-bu-vb-pc91:1.4	“bhagavatā vassikasāṭikā anuññātā”ti appamāṇikāyo vassikasāṭikāyo dhārenti.
pli-tv-bu-vb-pc91:1.5	Puratopi pacchatopi ākaḍḍhantā āhiṇḍanti.
pli-tv-bu-vb-pc91:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pc91:1.7	“kathañhi nāma chabbaggiyā bhikkhū appamāṇikāyo vassikasāṭikāyo dhāressantī”ti …pe…
pli-tv-bu-vb-pc91:1.8	“saccaṁ kira tumhe, bhikkhave, appamāṇikāyo vassikasāṭikāyo dhārethā”ti?
pli-tv-bu-vb-pc91:1.9	“Saccaṁ, bhagavā”ti.
pli-tv-bu-vb-pc91:1.10	Vigarahi buddho bhagavā …pe…
pli-tv-bu-vb-pc91:1.11	kathañhi nāma tumhe, moghapurisā, appamāṇikāyo vassikasāṭikāyo dhāressatha.
pli-tv-bu-vb-pc91:1.12	Netaṁ, moghapurisā, appasannānaṁ vā pasādāya …pe…
pli-tv-bu-vb-pc91:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc91:1.14.0	
pli-tv-bu-vb-pc91:1.14.1	“Vassikasāṭikaṁ pana bhikkhunā kārayamānena pamāṇikā kāretabbā.
pli-tv-bu-vb-pc91:1.15	Tatridaṁ pamāṇaṁ—dīghaso cha vidatthiyo, sugatavidatthiyā; tiriyaṁ aḍḍhateyyā.
pli-tv-bu-vb-pc91:1.16	Taṁ atikkāmayato chedanakaṁ pācittiyan”ti.
pli-tv-bu-vb-pc91:2.0	
pli-tv-bu-vb-pc91:2.1	Vassikasāṭikā nāma
pli-tv-bu-vb-pc91:2.2	vassānassa catumāsatthāya.
pli-tv-bu-vb-pc91:2.3	Kārayamānenāti
pli-tv-bu-vb-pc91:2.4	karonto vā kārāpento vā. Pamāṇikā kāretabbā.
pli-tv-bu-vb-pc91:2.5	Tatridaṁ pamāṇaṁ— dīghaso cha vidatthiyo, sugatavidatthiyā; tiriyaṁ aḍḍhateyyā.
pli-tv-bu-vb-pc91:2.6	Taṁ atikkāmetvā karoti vā kārāpeti vā, payoge dukkaṭaṁ.
pli-tv-bu-vb-pc91:2.7	Paṭilābhena chinditvā pācittiyaṁ desetabbaṁ.
pli-tv-bu-vb-pc91:2.8.0	
pli-tv-bu-vb-pc91:2.8.1	Attanā vippakataṁ attanā pariyosāpeti, āpatti pācittiyassa.
pli-tv-bu-vb-pc91:2.9	Attanā vippakataṁ parehi pariyosāpeti, āpatti pācittiyassa.
pli-tv-bu-vb-pc91:2.10	Parehi vippakataṁ attanā pariyosāpeti, āpatti pācittiyassa.
pli-tv-bu-vb-pc91:2.11	Parehi vippakataṁ parehi pariyosāpeti, āpatti pācittiyassa.
pli-tv-bu-vb-pc91:2.12	Aññassatthāya karoti vā kārāpeti vā, āpatti dukkaṭassa.
pli-tv-bu-vb-pc91:2.13	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-pc91:2.14.0	
pli-tv-bu-vb-pc91:2.14.1	Anāpatti—
pli-tv-bu-vb-pc91:2.15	pamāṇikaṁ karoti,
pli-tv-bu-vb-pc91:2.16	ūnakaṁ karoti,
pli-tv-bu-vb-pc91:2.17	aññena kataṁ pamāṇātikkantaṁ paṭilabhitvā chinditvā paribhuñjati,
pli-tv-bu-vb-pc91:2.18	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-pc91:2.19	ummattakassa,
pli-tv-bu-vb-pc91:2.20	ādikammikassāti.
pli-tv-bu-vb-pc91:2.21	Vassikasāṭikāsikkhāpadaṁ niṭṭhitaṁ navamaṁ.
pli-tv-bu-vb-pc92:0.1	Theravāda Vinaya
pli-tv-bu-vb-pc92:0.2	Mahāvibhaṅga
pli-tv-bu-vb-pc92:0.3	Pācittiyakaṇḍa
pli-tv-bu-vb-pc92:0.4	Ratanavagga
pli-tv-bu-vb-pc92:0.5	92. Nandasikkhāpada
pli-tv-bu-vb-pc92:1.0	
pli-tv-bu-vb-pc92:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pc92:1.2	Tena kho pana samayena āyasmā nando bhagavato mātucchāputto abhirūpo hoti dassanīyo pāsādiko caturaṅgulomako bhagavatā.
pli-tv-bu-vb-pc92:1.3	So sugatacīvarappamāṇaṁ cīvaraṁ dhāreti.
pli-tv-bu-vb-pc92:1.4	Addasaṁsu kho therā bhikkhū āyasmantaṁ nandaṁ dūratova āgacchantaṁ.
pli-tv-bu-vb-pc92:1.5	Disvāna—
pli-tv-bu-vb-pc92:1.6	“bhagavā āgacchatī”ti āsanā vuṭṭhahanti.
pli-tv-bu-vb-pc92:1.7	Te upagate jānitvā ujjhāyanti khiyyanti vipācenti—
pli-tv-bu-vb-pc92:1.8	“kathañhi nāma āyasmā nando sugatacīvarappamāṇaṁ cīvaraṁ dhāressatī”ti …pe…
pli-tv-bu-vb-pc92:1.9	“saccaṁ kira tvaṁ, nanda, sugatacīvarappamāṇaṁ cīvaraṁ dhāresī”ti?
pli-tv-bu-vb-pc92:1.10	“Saccaṁ, bhagavā”ti.
pli-tv-bu-vb-pc92:1.11	Vigarahi buddho bhagavā …pe…
pli-tv-bu-vb-pc92:1.12	kathañhi nāma tvaṁ, nanda, sugatacīvarappamāṇaṁ cīvaraṁ dhāressasi.
pli-tv-bu-vb-pc92:1.13	Netaṁ, nanda, appasannānaṁ vā pasādāya …pe…
pli-tv-bu-vb-pc92:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pc92:1.15.0	
pli-tv-bu-vb-pc92:1.15.1	“Yo pana bhikkhu sugatacīvarappamāṇaṁ cīvaraṁ kārāpeyya atirekaṁ vā, chedanakaṁ pācittiyaṁ.
pli-tv-bu-vb-pc92:1.16	Tatridaṁ sugatassa sugatacīvarappamāṇaṁ—dīghaso nava vidatthiyo, sugatavidatthiyā; tiriyaṁ cha vidatthiyo.
pli-tv-bu-vb-pc92:1.17	Idaṁ sugatassa sugatacīvarappamāṇan”ti.
pli-tv-bu-vb-pc92:2.1.0	
pli-tv-bu-vb-pc92:2.1.1	Yo panāti
pli-tv-bu-vb-pc92:2.1.2	yo yādiso …pe…
pli-tv-bu-vb-pc92:2.1.3	bhikkhūti
pli-tv-bu-vb-pc92:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pc92:2.1.5	Sugatacīvarappamāṇaṁ nāma
pli-tv-bu-vb-pc92:2.1.6	dīghaso nava vidatthiyo, sugatavidatthiyā; tiriyaṁ cha vidatthiyo.
pli-tv-bu-vb-pc92:2.1.7	Kārāpeyyāti
pli-tv-bu-vb-pc92:2.1.8	karoti vā kārāpeti vā, payoge dukkaṭaṁ.
pli-tv-bu-vb-pc92:2.1.9	Paṭilābhena chinditvā pācittiyaṁ desetabbaṁ.
pli-tv-bu-vb-pc92:2.1.10.0	
pli-tv-bu-vb-pc92:2.1.10.1	Attanā vippakataṁ attanā pariyosāpeti, āpatti pācittiyassa.
pli-tv-bu-vb-pc92:2.1.11	Attanā vippakataṁ parehi pariyosāpeti, āpatti pācittiyassa.
pli-tv-bu-vb-pc92:2.1.12	Parehi vippakataṁ attanā pariyosāpeti, āpatti pācittiyassa.
pli-tv-bu-vb-pc92:2.1.13	Parehi vippakataṁ parehi pariyosāpeti, āpatti pācittiyassa.
pli-tv-bu-vb-pc92:2.1.14	Aññassatthāya karoti vā kārāpeti vā, āpatti dukkaṭassa.
pli-tv-bu-vb-pc92:2.1.15	Aññena kataṁ paṭilabhitvā paribhuñjati, āpatti dukkaṭassa.
pli-tv-bu-vb-pc92:2.2.0	
pli-tv-bu-vb-pc92:2.2.1	Anāpatti—
pli-tv-bu-vb-pc92:2.2.2	ūnakaṁ karoti,
pli-tv-bu-vb-pc92:2.2.3	aññena kataṁ paṭilabhitvā chinditvā paribhuñjati,
pli-tv-bu-vb-pc92:2.2.4	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bu-vb-pc92:2.2.5	ummattakassa,
pli-tv-bu-vb-pc92:2.2.6	ādikammikassāti.
pli-tv-bu-vb-pc92:2.2.7	Nandasikkhāpadaṁ niṭṭhitaṁ dasamaṁ.
pli-tv-bu-vb-pc92:2.2.8	Ratanavaggo navamo.
pli-tv-bu-vb-pc92:2.2.9	Tassuddānaṁ
pli-tv-bu-vb-pc92:2.2.10	Rañño ca ratanaṁ santaṁ,
pli-tv-bu-vb-pc92:2.2.11	sūci mañcañca tūlikaṁ;
pli-tv-bu-vb-pc92:2.2.12	Nisīdanañca kaṇḍuñca,
pli-tv-bu-vb-pc92:2.2.13	vassikā sugatena cāti.
pli-tv-bu-vb-pc92:2.2.14	Uddiṭṭhā kho, āyasmanto, dvenavuti pācittiyā dhammā.
pli-tv-bu-vb-pc92:2.2.15	Tatthāyasmante pucchāmi—
pli-tv-bu-vb-pc92:2.2.16	“kaccittha parisuddhā”?
pli-tv-bu-vb-pc92:2.2.17	Dutiyampi pucchāmi—
pli-tv-bu-vb-pc92:2.2.18	“kaccittha parisuddhā”?
pli-tv-bu-vb-pc92:2.2.19	Tatiyampi pucchāmi—
pli-tv-bu-vb-pc92:2.2.20	“kaccittha parisuddhā”?
pli-tv-bu-vb-pc92:2.2.21	Parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-vb-pc92:2.2.22	Khuddakaṁ samattaṁ.
pli-tv-bu-vb-pc92:2.2.23	Pācittiyakaṇḍaṁ niṭṭhitaṁ.
pli-tv-bu-vb-pd1:0.1	Theravāda Vinaya
pli-tv-bu-vb-pd1:0.2	Mahāvibhaṅga
pli-tv-bu-vb-pd1:0.3	Pāṭidesanīyakaṇḍa
pli-tv-bu-vb-pd1:0.4	1. Paṭhamapāṭidesanīyasikkhāpada
pli-tv-bu-vb-pd1:0.5	Ime kho panāyasmanto cattāro pāṭidesanīyā dhammā uddesaṁ āgacchanti.
pli-tv-bu-vb-pd1:1.0	
pli-tv-bu-vb-pd1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pd1:1.2	Tena kho pana samayena aññatarā bhikkhunī sāvatthiyaṁ piṇḍāya caritvā paṭikkamanakāle aññataraṁ bhikkhuṁ passitvā etadavoca—
pli-tv-bu-vb-pd1:1.3	“handāyya, bhikkhaṁ paṭiggaṇhā”ti.
pli-tv-bu-vb-pd1:1.4	“Suṭṭhu, bhaginī”ti sabbeva aggahesi.
pli-tv-bu-vb-pd1:1.5	Sā upakaṭṭhe kāle nāsakkhi piṇḍāya carituṁ, chinnabhattā ahosi.
pli-tv-bu-vb-pd1:1.6	Atha kho sā bhikkhunī dutiyampi divasaṁ …pe…
pli-tv-bu-vb-pd1:1.7	tatiyampi divasaṁ sāvatthiyaṁ piṇḍāya caritvā paṭikkamanakāle taṁ bhikkhuṁ passitvā etadavoca—
pli-tv-bu-vb-pd1:1.8	“handāyya, bhikkhaṁ paṭiggaṇhā”ti.
pli-tv-bu-vb-pd1:1.9	“Suṭṭhu, bhaginī”ti sabbeva aggahesi.
pli-tv-bu-vb-pd1:1.10	Sā upakaṭṭhe kāle nāsakkhi piṇḍāya carituṁ, chinnabhattā ahosi.
pli-tv-bu-vb-pd1:1.11	Atha kho sā bhikkhunī catutthe divase rathikāya pavedhentī gacchati.
pli-tv-bu-vb-pd1:1.12	Seṭṭhi gahapati rathena paṭipathaṁ āgacchanto taṁ bhikkhuniṁ etadavoca—
pli-tv-bu-vb-pd1:1.13	“apehāyye”ti.
pli-tv-bu-vb-pd1:1.14	Sā vokkamantī tattheva paripati.
pli-tv-bu-vb-pd1:1.15	Seṭṭhi gahapati taṁ bhikkhuniṁ khamāpesi—
pli-tv-bu-vb-pd1:1.16	“khamāhāyye, mayāsi pātitā”ti.
pli-tv-bu-vb-pd1:1.17	“Nāhaṁ, gahapati, tayā pātitā.
pli-tv-bu-vb-pd1:1.18	Api ca ahameva dubbalā”ti.
pli-tv-bu-vb-pd1:1.19	“Kissa pana tvaṁ, ayye, dubbalā”ti?
pli-tv-bu-vb-pd1:1.20	Atha kho sā bhikkhunī seṭṭhissa gahapatissa etamatthaṁ ārocesi.
pli-tv-bu-vb-pd1:1.21	Seṭṭhi gahapati taṁ bhikkhuniṁ gharaṁ netvā bhojetvā ujjhāyati khiyyati vipāceti—
pli-tv-bu-vb-pd1:1.22	“kathañhi nāma bhadantā bhikkhuniyā hatthato āmisaṁ paṭiggahessanti.
pli-tv-bu-vb-pd1:1.23	Kicchalābho mātugāmo”ti.
pli-tv-bu-vb-pd1:1.24	Assosuṁ kho bhikkhū tassa seṭṭhissa gahapatissa ujjhāyantassa khiyyantassa vipācentassa.
pli-tv-bu-vb-pd1:1.25	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pd1:1.26	“kathañhi nāma bhikkhu bhikkhuniyā hatthato āmisaṁ paṭiggahessatī”ti …pe…
pli-tv-bu-vb-pd1:1.27	“saccaṁ kira tvaṁ, bhikkhu, bhikkhuniyā hatthato āmisaṁ paṭiggahesī”ti?
pli-tv-bu-vb-pd1:1.28	“Saccaṁ, bhagavā”ti.
pli-tv-bu-vb-pd1:1.29	“Ñātikā te, bhikkhu, aññātikā”ti?
pli-tv-bu-vb-pd1:1.30	“Aññātikā, bhagavā”ti.
pli-tv-bu-vb-pd1:1.31	“Aññātako, moghapurisa, aññātikāya na jānāti patirūpaṁ vā appatirūpaṁ vā santaṁ vā asantaṁ vā.
pli-tv-bu-vb-pd1:1.32	Kathañhi nāma tvaṁ, moghapurisa, aññātikāya bhikkhuniyā hatthato āmisaṁ paṭiggahessasi.
pli-tv-bu-vb-pd1:1.33	Netaṁ, moghapurisa, appasannānaṁ vā pasādāya …pe…
pli-tv-bu-vb-pd1:1.34	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pd1:1.35.0	
pli-tv-bu-vb-pd1:1.35.1	“Yo pana bhikkhu aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā khādeyya vā bhuñjeyya vā, paṭidesetabbaṁ tena bhikkhunā—
pli-tv-bu-vb-pd1:1.36	‘gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
pli-tv-bu-vb-pd1:2.1.0	
pli-tv-bu-vb-pd1:2.1.1	Yo panāti
pli-tv-bu-vb-pd1:2.1.2	yo yādiso …pe…
pli-tv-bu-vb-pd1:2.1.3	bhikkhūti
pli-tv-bu-vb-pd1:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pd1:2.1.5	Aññātikā nāma
pli-tv-bu-vb-pd1:2.1.6	mātito vā pitito vā yāva sattamā pitāmahayugā asambaddhā.
pli-tv-bu-vb-pd1:2.1.7	Bhikkhunī nāma
pli-tv-bu-vb-pd1:2.1.8	ubhatosaṅghe upasampannā.
pli-tv-bu-vb-pd1:2.1.9	Antaragharaṁ nāma
pli-tv-bu-vb-pd1:2.1.10	rathikā byūhaṁ siṅghāṭakaṁ gharaṁ.
pli-tv-bu-vb-pd1:2.1.11	Khādanīyaṁ nāma
pli-tv-bu-vb-pd1:2.1.12	pañca bhojanāni yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ nāma.
pli-tv-bu-vb-pd1:2.1.13	Bhojanīyaṁ nāma
pli-tv-bu-vb-pd1:2.1.14	pañca bhojanāni—odano, kummāso, sattu, maccho, maṁsaṁ.
pli-tv-bu-vb-pd1:2.1.15	“Khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pd1:2.1.16	Ajjhohāre ajjhohāre āpatti pāṭidesanīyassa.
pli-tv-bu-vb-pd1:2.2.0	
pli-tv-bu-vb-pd1:2.2.1	Aññātikāya aññātikasaññī antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā khādati vā bhuñjati vā, āpatti pāṭidesanīyassa.
pli-tv-bu-vb-pd1:2.2.2	Aññātikāya vematiko antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā khādati vā bhuñjati vā, āpatti pāṭidesanīyassa.
pli-tv-bu-vb-pd1:2.2.3	Aññātikāya ñātikasaññī antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā khādati vā bhuñjati vā, āpatti pāṭidesanīyassa.
pli-tv-bu-vb-pd1:2.2.4	Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti, āpatti dukkaṭassa.
pli-tv-bu-vb-pd1:2.2.5	Ajjhohāre ajjhohāre āpatti dukkaṭassa.
pli-tv-bu-vb-pd1:2.2.6	Ekatoupasampannāya hatthato khādanīyaṁ vā bhojanīyaṁ vā—
pli-tv-bu-vb-pd1:2.2.7	“khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pd1:2.2.8	Ajjhohāre ajjhohāre āpatti dukkaṭassa.
pli-tv-bu-vb-pd1:2.2.9	Ñātikāya aññātikasaññī, āpatti dukkaṭassa.
pli-tv-bu-vb-pd1:2.2.10	Ñātikāya vematiko, āpatti dukkaṭassa.
pli-tv-bu-vb-pd1:2.2.11	Ñātikāya ñātikasaññī, anāpatti.
pli-tv-bu-vb-pd1:2.3.0	
pli-tv-bu-vb-pd1:2.3.1	Anāpatti—
pli-tv-bu-vb-pd1:2.3.2	ñātikāya,
pli-tv-bu-vb-pd1:2.3.3	dāpeti na deti,
pli-tv-bu-vb-pd1:2.3.4	upanikkhipitvā deti,
pli-tv-bu-vb-pd1:2.3.5	antarārāme,
pli-tv-bu-vb-pd1:2.3.6	bhikkhunupassaye,
pli-tv-bu-vb-pd1:2.3.7	titthiyaseyyāya,
pli-tv-bu-vb-pd1:2.3.8	paṭikkamane,
pli-tv-bu-vb-pd1:2.3.9	gāmato nīharitvā deti,
pli-tv-bu-vb-pd1:2.3.10	yāmakālikaṁ sattāhakālikaṁ yāvajīvikaṁ “sati paccaye paribhuñjā”ti deti,
pli-tv-bu-vb-pd1:2.3.11	sikkhamānāya,
pli-tv-bu-vb-pd1:2.3.12	sāmaṇeriyā,
pli-tv-bu-vb-pd1:2.3.13	ummattakassa,
pli-tv-bu-vb-pd1:2.3.14	ādikammikassāti.
pli-tv-bu-vb-pd1:2.3.15	Paṭhamapāṭidesanīyasikkhāpadaṁ niṭṭhitaṁ.
pli-tv-bu-vb-pd2:0.1	Theravāda Vinaya
pli-tv-bu-vb-pd2:0.2	Mahāvibhaṅga
pli-tv-bu-vb-pd2:0.3	Pāṭidesanīyakaṇḍa
pli-tv-bu-vb-pd2:0.4	2. Dutiyapāṭidesanīyasikkhāpada
pli-tv-bu-vb-pd2:1.0	
pli-tv-bu-vb-pd2:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pd2:1.2	Tena kho pana samayena bhikkhū kulesu nimantitā bhuñjanti.
pli-tv-bu-vb-pd2:1.3	Chabbaggiyā bhikkhuniyo chabbaggiyānaṁ bhikkhūnaṁ vosāsantiyo ṭhitā honti—
pli-tv-bu-vb-pd2:1.4	“idha sūpaṁ detha, idha odanaṁ dethā”ti.
pli-tv-bu-vb-pd2:1.5	Chabbaggiyā bhikkhū yāvadatthaṁ bhuñjanti.
pli-tv-bu-vb-pd2:1.6	Aññe bhikkhū na cittarūpaṁ bhuñjanti.
pli-tv-bu-vb-pd2:1.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pd2:1.8	“kathañhi nāma chabbaggiyā bhikkhū bhikkhuniyo vosāsantiyo na nivāressantī”ti …pe…
pli-tv-bu-vb-pd2:1.9	“saccaṁ kira tumhe, bhikkhave, bhikkhuniyo vosāsantiyo na nivārethā”ti?
pli-tv-bu-vb-pd2:1.10	“Saccaṁ, bhagavā”ti.
pli-tv-bu-vb-pd2:1.11	Vigarahi buddho bhagavā …pe…
pli-tv-bu-vb-pd2:1.12	kathañhi nāma tumhe, moghapurisā, bhikkhuniyo vosāsantiyo na nivāressatha.
pli-tv-bu-vb-pd2:1.13	Netaṁ, moghapurisā, appasannānaṁ vā pasādāya …pe…
pli-tv-bu-vb-pd2:1.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pd2:1.15.0	
pli-tv-bu-vb-pd2:1.15.1	“Bhikkhū paneva kulesu nimantitā bhuñjanti, tatra ce sā bhikkhunī vosāsamānarūpā ṭhitā hoti—‘idha sūpaṁ detha, idha odanaṁ dethā’ti, tehi bhikkhūhi sā bhikkhunī apasādetabbā— ‘apasakka tāva, bhagini, yāva bhikkhū bhuñjantī’ti. Ekassa cepi bhikkhuno na paṭibhāseyya taṁ bhikkhuniṁ apasādetuṁ— ‘apasakka tāva, bhagini, yāva bhikkhū bhuñjantī’ti paṭidesetabbaṁ tehi bhikkhūhi—
pli-tv-bu-vb-pd2:1.16	‘gārayhaṁ, āvuso, dhammaṁ āpajjimhā asappāyaṁ pāṭidesanīyaṁ, taṁ paṭidesemā’”ti.
pli-tv-bu-vb-pd2:2.1.0	
pli-tv-bu-vb-pd2:2.1.1	Bhikkhū paneva kulesu nimantitā bhuñjantīti
pli-tv-bu-vb-pd2:2.1.2	kulaṁ nāma cattāri kulāni— khattiyakulaṁ, brāhmaṇakulaṁ, vessakulaṁ, suddakulaṁ.
pli-tv-bu-vb-pd2:2.1.3	Nimantitā bhuñjantīti
pli-tv-bu-vb-pd2:2.1.4	pañcannaṁ bhojanānaṁ aññatarena bhojanena nimantitā bhuñjanti.
pli-tv-bu-vb-pd2:2.1.5	Bhikkhunī nāma
pli-tv-bu-vb-pd2:2.1.6	ubhatosaṅghe upasampannā.
pli-tv-bu-vb-pd2:2.1.7	Vosāsantī nāma
pli-tv-bu-vb-pd2:2.1.8	yathāmittatā yathāsandiṭṭhatā yathāsambhattatā yathāsamānupajjhāyakatā yathāsamānācariyakatā— “idha sūpaṁ detha, idha odanaṁ dethā”ti. Esā vosāsantī nāma.
pli-tv-bu-vb-pd2:2.1.9	Tehi bhikkhūhīti
pli-tv-bu-vb-pd2:2.1.10	bhuñjamānehi bhikkhūhi.
pli-tv-bu-vb-pd2:2.1.11	Sā bhikkhunīti
pli-tv-bu-vb-pd2:2.1.12	yā sā vosāsantī bhikkhunī.
pli-tv-bu-vb-pd2:2.1.13	Tehi bhikkhūhi sā bhikkhunī apasādetabbā— “apasakka tāva, bhagini, yāva bhikkhū bhuñjantī”ti.
pli-tv-bu-vb-pd2:2.1.14	Ekassa cepi bhikkhuno anapasādito— “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pd2:2.1.15	Ajjhohāre ajjhohāre āpatti pāṭidesanīyassa.
pli-tv-bu-vb-pd2:2.2.0	
pli-tv-bu-vb-pd2:2.2.1	Upasampannāya upasampannasaññī vosāsantiyā na nivāreti, āpatti pāṭidesanīyassa.
pli-tv-bu-vb-pd2:2.2.2	Upasampannāya vematiko vosāsantiyā na nivāreti, āpatti pāṭidesanīyassa.
pli-tv-bu-vb-pd2:2.2.3	Upasampannāya anupasampannasaññī vosāsantiyā na nivāreti, āpatti pāṭidesanīyassa.
pli-tv-bu-vb-pd2:2.2.4	Ekatoupasampannāya vosāsantiyā na nivāreti, āpatti dukkaṭassa.
pli-tv-bu-vb-pd2:2.2.5	Anupasampannāya upasampannasaññī, āpatti dukkaṭassa.
pli-tv-bu-vb-pd2:2.2.6	Anupasampannāya vematiko, āpatti dukkaṭassa.
pli-tv-bu-vb-pd2:2.2.7	Anupasampannāya anupasampannasaññī, anāpatti.
pli-tv-bu-vb-pd2:2.3.0	
pli-tv-bu-vb-pd2:2.3.1	Anāpatti—
pli-tv-bu-vb-pd2:2.3.2	attano bhattaṁ dāpeti na deti,
pli-tv-bu-vb-pd2:2.3.3	aññesaṁ bhattaṁ deti na dāpeti,
pli-tv-bu-vb-pd2:2.3.4	yaṁ na dinnaṁ taṁ dāpeti,
pli-tv-bu-vb-pd2:2.3.5	yattha na dinnaṁ tattha dāpeti,
pli-tv-bu-vb-pd2:2.3.6	sabbesaṁ samakaṁ dāpeti,
pli-tv-bu-vb-pd2:2.3.7	sikkhamānā vosāsati,
pli-tv-bu-vb-pd2:2.3.8	sāmaṇerī vosāsati,
pli-tv-bu-vb-pd2:2.3.9	pañca bhojanāni ṭhapetvā sabbattha, anāpatti,
pli-tv-bu-vb-pd2:2.3.10	ummattakassa,
pli-tv-bu-vb-pd2:2.3.11	ādikammikassāti.
pli-tv-bu-vb-pd2:2.3.12	Dutiyapāṭidesanīyasikkhāpadaṁ niṭṭhitaṁ.
pli-tv-bu-vb-pd3:0.1	Theravāda Vinaya
pli-tv-bu-vb-pd3:0.2	Mahāvibhaṅga
pli-tv-bu-vb-pd3:0.3	Pāṭidesanīyakaṇḍa
pli-tv-bu-vb-pd3:0.4	3. Tatiyapāṭidesanīyasikkhāpada
pli-tv-bu-vb-pd3:1.0.1	
pli-tv-bu-vb-pd3:1.0.2	
pli-tv-bu-vb-pd3:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-pd3:1.2	Tena kho pana samayena sāvatthiyaṁ aññataraṁ kulaṁ ubhatopasannaṁ hoti.
pli-tv-bu-vb-pd3:1.3	Saddhāya vaḍḍhati, bhogena hāyati, yaṁ tasmiṁ kule uppajjati purebhattaṁ khādanīyaṁ vā bhojanīyaṁ vā taṁ sabbaṁ bhikkhūnaṁ vissajjetvā appekadā anasitā acchanti.
pli-tv-bu-vb-pd3:1.4	Manussā ujjhāyanti khiyyanti vipācenti—
pli-tv-bu-vb-pd3:1.5	“kathañhi nāma samaṇā sakyaputtiyā na mattaṁ jānitvā paṭiggahessanti.
pli-tv-bu-vb-pd3:1.6	Ime imesaṁ datvā appekadā anasitā acchantī”ti.
pli-tv-bu-vb-pd3:1.7	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pd3:1.8	Atha kho te bhikkhū bhagavato etamatthaṁ ārocesuṁ.
pli-tv-bu-vb-pd3:1.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pd3:1.10	“anujānāmi, bhikkhave, yaṁ kulaṁ saddhāya vaḍḍhati, bhogena hāyati evarūpassa kulassa ñattidutiyena kammena sekkhasammutiṁ dātuṁ.
pli-tv-bu-vb-pd3:1.11	Evañca pana, bhikkhave, dātabbā.
pli-tv-bu-vb-pd3:1.12	Byattena bhikkhunā paṭibalena saṅgho ñāpetabbo—
pli-tv-bu-vb-pd3:1.13	‘Suṇātu me, bhante, saṅgho.
pli-tv-bu-vb-pd3:1.14	Itthannāmaṁ kulaṁ saddhāya vaḍḍhati, bhogena hāyati.
pli-tv-bu-vb-pd3:1.15	Yadi saṅghassa pattakallaṁ, saṅgho itthannāmassa kulassa sekkhasammutiṁ dadeyya.
pli-tv-bu-vb-pd3:1.16	Esā ñatti.
pli-tv-bu-vb-pd3:1.17	Suṇātu me, bhante, saṅgho.
pli-tv-bu-vb-pd3:1.18	Itthannāmaṁ kulaṁ saddhāya vaḍḍhati, bhogena hāyati.
pli-tv-bu-vb-pd3:1.19	Saṅgho itthannāmassa kulassa sekkhasammutiṁ deti.
pli-tv-bu-vb-pd3:1.20	Yassāyasmato khamati itthannāmassa kulassa sekkhasammutiyā dānaṁ, so tuṇhassa;
pli-tv-bu-vb-pd3:1.21	yassa nakkhamati, so bhāseyya.
pli-tv-bu-vb-pd3:1.22	Dinnā saṅghena itthannāmassa kulassa sekkhasammuti.
pli-tv-bu-vb-pd3:1.23	Khamati saṅghassa, tasmā tuṇhī, evametaṁ dhārayāmī’ti.
pli-tv-bu-vb-pd3:1.24	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pd3:1.25.0	
pli-tv-bu-vb-pd3:1.25.1	“Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu khādanīyaṁ vā bhojanīyaṁ vā sahatthā paṭiggahetvā khādeyya vā bhuñjeyya vā, paṭidesetabbaṁ tena bhikkhunā—
pli-tv-bu-vb-pd3:1.26	‘gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ taṁ paṭidesemī’”ti.
pli-tv-bu-vb-pd3:1.27	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pd3:2.0	
pli-tv-bu-vb-pd3:2.1	Tena kho pana samayena sāvatthiyaṁ ussavo hoti.
pli-tv-bu-vb-pd3:2.2	Manussā bhikkhū nimantetvā bhojenti.
pli-tv-bu-vb-pd3:2.3	Tampi kho kulaṁ bhikkhū nimantesi.
pli-tv-bu-vb-pd3:2.4	Bhikkhū kukkuccāyantā nādhivāsenti—
pli-tv-bu-vb-pd3:2.5	“paṭikkhittaṁ bhagavatā sekkhasammatesu kulesu khādanīyaṁ vā bhojanīyaṁ vā sahatthā paṭiggahetvā khādituṁ bhuñjitun”ti.
pli-tv-bu-vb-pd3:2.6	Te ujjhāyanti khiyyanti vipācenti—
pli-tv-bu-vb-pd3:2.7	“kiṁ nu kho nāma amhākaṁ jīvitena yaṁ ayyā amhākaṁ na paṭiggaṇhantī”ti.
pli-tv-bu-vb-pd3:2.8	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pd3:2.9	Atha kho te bhikkhū bhagavato etamatthaṁ ārocesuṁ.
pli-tv-bu-vb-pd3:2.10	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pd3:2.11	“anujānāmi, bhikkhave, nimantitena sekkhasammatesu kulesu khādanīyaṁ vā bhojanīyaṁ vā sahatthā paṭiggahetvā khādituṁ bhuñjituṁ.
pli-tv-bu-vb-pd3:2.12	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pd3:2.13.0	
pli-tv-bu-vb-pd3:2.13.1	“Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu pubbe animantito khādanīyaṁ vā bhojanīyaṁ vā sahatthā paṭiggahetvā khādeyya vā bhuñjeyya vā, paṭidesetabbaṁ tena bhikkhunā—
pli-tv-bu-vb-pd3:2.14	‘gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
pli-tv-bu-vb-pd3:2.15	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pd3:3.0	
pli-tv-bu-vb-pd3:3.1	Tena kho pana samayena aññataro bhikkhu tassa kulassa kulūpako hoti.
pli-tv-bu-vb-pd3:3.2	Atha kho so bhikkhu pubbaṇhasamayaṁ nivāsetvā pattacīvaramādāya yena taṁ kulaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-pd3:3.3	Tena kho pana samayena so bhikkhu gilāno hoti.
pli-tv-bu-vb-pd3:3.4	Atha kho te manussā taṁ bhikkhuṁ etadavocuṁ—
pli-tv-bu-vb-pd3:3.5	“bhuñjatha, bhante”ti.
pli-tv-bu-vb-pd3:3.6	Atha kho so bhikkhu—
pli-tv-bu-vb-pd3:3.7	“bhagavatā paṭikkhittaṁ animantitena sekkhasammatesu kulesu khādanīyaṁ vā bhojanīyaṁ vā sahatthā paṭiggahetvā khādituṁ bhuñjitun”ti kukkuccāyanto na paṭiggahesi;
pli-tv-bu-vb-pd3:3.8	nāsakkhi piṇḍāya carituṁ;
pli-tv-bu-vb-pd3:3.9	chinnabhatto ahosi.
pli-tv-bu-vb-pd3:3.10	Atha kho so bhikkhu ārāmaṁ gantvā bhikkhūnaṁ etamatthaṁ ārocesi.
pli-tv-bu-vb-pd3:3.11	Bhikkhū bhagavato etamatthaṁ ārocesuṁ.
pli-tv-bu-vb-pd3:3.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pd3:3.13	“anujānāmi, bhikkhave, gilānena bhikkhunā sekkhasammatesu kulesu khādanīyaṁ vā bhojanīyaṁ vā sahatthā paṭiggahetvā khādituṁ bhuñjituṁ.
pli-tv-bu-vb-pd3:3.14	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pd3:3.15.0	
pli-tv-bu-vb-pd3:3.15.1	“Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu pubbe animantito agilāno khādanīyaṁ vā bhojanīyaṁ vā sahatthā paṭiggahetvā khādeyya vā bhuñjeyya vā, paṭidesetabbaṁ tena bhikkhunā—
pli-tv-bu-vb-pd3:3.16	‘gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
pli-tv-bu-vb-pd3:4.1.0	
pli-tv-bu-vb-pd3:4.1.1	Yāni kho pana tāni sekkhasammatāni kulānīti
pli-tv-bu-vb-pd3:4.1.2	sekkhasammataṁ nāma kulaṁ yaṁ kulaṁ saddhāya vaḍḍhati, bhogena hāyati. Evarūpassa kulassa ñattidutiyena kammena sekkhasammuti dinnā hoti.
pli-tv-bu-vb-pd3:4.1.3	Yo panāti
pli-tv-bu-vb-pd3:4.1.4	yo yādiso …pe…
pli-tv-bu-vb-pd3:4.1.5	bhikkhūti
pli-tv-bu-vb-pd3:4.1.6	…pe… ayaṁ imasmiṁ atthe adhippeto bhikkhūti.
pli-tv-bu-vb-pd3:4.1.7	Tathārūpesu sekkhasammatesu kulesūti
pli-tv-bu-vb-pd3:4.1.8	evarūpesu sekkhasammatesu kulesu.
pli-tv-bu-vb-pd3:4.1.9	Animantito nāma
pli-tv-bu-vb-pd3:4.1.10	ajjatanāya vā svātanāya vā animantito, gharūpacāraṁ okkamante nimanteti, eso animantito nāma.
pli-tv-bu-vb-pd3:4.1.11	Nimantito nāma
pli-tv-bu-vb-pd3:4.1.12	ajjatanāya vā svātanāya vā nimantito, gharūpacāraṁ anokkamante nimanteti, eso nimantito nāma.
pli-tv-bu-vb-pd3:4.1.13	Agilāno nāma
pli-tv-bu-vb-pd3:4.1.14	sakkoti piṇḍāya carituṁ.
pli-tv-bu-vb-pd3:4.1.15	Gilāno nāma
pli-tv-bu-vb-pd3:4.1.16	na sakkoti piṇḍāya carituṁ.
pli-tv-bu-vb-pd3:4.1.17	Khādanīyaṁ nāma
pli-tv-bu-vb-pd3:4.1.18	pañca bhojanāni yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ nāma.
pli-tv-bu-vb-pd3:4.1.19	Bhojanīyaṁ nāma
pli-tv-bu-vb-pd3:4.1.20	pañca bhojanāni—odano, kummāso, sattu, maccho, maṁsaṁ.
pli-tv-bu-vb-pd3:4.1.21	Animantito agilāno “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pd3:4.1.22	Ajjhohāre ajjhohāre āpatti pāṭidesanīyassa.
pli-tv-bu-vb-pd3:4.2.0	
pli-tv-bu-vb-pd3:4.2.1	Sekkhasammate sekkhasammatasaññī animantito agilāno khādanīyaṁ vā bhojanīyaṁ vā sahatthā paṭiggahetvā khādati vā bhuñjati vā, āpatti pāṭidesanīyassa.
pli-tv-bu-vb-pd3:4.2.2	Sekkhasammate vematiko …pe…
pli-tv-bu-vb-pd3:4.2.3	sekkhasammate asekkhasammatasaññī animantito agilāno khādanīyaṁ vā bhojanīyaṁ vā sahatthā paṭiggahetvā khādati vā bhuñjati vā, āpatti pāṭidesanīyassa.
pli-tv-bu-vb-pd3:4.2.4	Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti, āpatti dukkaṭassa.
pli-tv-bu-vb-pd3:4.2.5	Ajjhohāre ajjhohāre āpatti dukkaṭassa.
pli-tv-bu-vb-pd3:4.2.6	Asekkhasammate sekkhasammatasaññī, āpatti dukkaṭassa.
pli-tv-bu-vb-pd3:4.2.7	Asekkhasammate vematiko, āpatti dukkaṭassa.
pli-tv-bu-vb-pd3:4.2.8	Asekkhasammate asekkhasammatasaññī, anāpatti.
pli-tv-bu-vb-pd3:4.3.0	
pli-tv-bu-vb-pd3:4.3.1	Anāpatti—
pli-tv-bu-vb-pd3:4.3.2	nimantitassa,
pli-tv-bu-vb-pd3:4.3.3	gilānassa,
pli-tv-bu-vb-pd3:4.3.4	nimantitassa vā gilānassa vā sesakaṁ bhuñjati,
pli-tv-bu-vb-pd3:4.3.5	aññesaṁ bhikkhā tattha paññattā hoti,
pli-tv-bu-vb-pd3:4.3.6	gharato nīharitvā denti,
pli-tv-bu-vb-pd3:4.3.7	niccabhatte,
pli-tv-bu-vb-pd3:4.3.8	salākabhatte,
pli-tv-bu-vb-pd3:4.3.9	pakkhike,
pli-tv-bu-vb-pd3:4.3.10	uposathike,
pli-tv-bu-vb-pd3:4.3.11	pāṭipadike,
pli-tv-bu-vb-pd3:4.3.12	yāmakālikaṁ sattāhakālikaṁ yāvajīvikaṁ— “sati paccaye paribhuñjā”ti deti,
pli-tv-bu-vb-pd3:4.3.13	ummattakassa,
pli-tv-bu-vb-pd3:4.3.14	ādikammikassāti.
pli-tv-bu-vb-pd3:4.3.15	Tatiyapāṭidesanīyasikkhāpadaṁ niṭṭhitaṁ.
pli-tv-bu-vb-pd4:0.1	Theravāda Vinaya
pli-tv-bu-vb-pd4:0.2	Mahāvibhaṅga
pli-tv-bu-vb-pd4:0.3	Pāṭidesanīyakaṇḍa
pli-tv-bu-vb-pd4:0.4	4. Catutthapāṭidesanīyasikkhāpada
pli-tv-bu-vb-pd4:1.0.1	
pli-tv-bu-vb-pd4:1.0.2	
pli-tv-bu-vb-pd4:1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bu-vb-pd4:1.2	Tena kho pana samayena sākiyadāsakā avaruddhā honti.
pli-tv-bu-vb-pd4:1.3	Sākiyāniyo icchanti āraññakesu senāsanesu bhattaṁ kātuṁ.
pli-tv-bu-vb-pd4:1.4	Assosuṁ kho sākiyadāsakā—
pli-tv-bu-vb-pd4:1.5	“sākiyāniyo kira āraññakesu senāsanesu bhattaṁ kattukāmā”ti.
pli-tv-bu-vb-pd4:1.6	Te magge pariyuṭṭhiṁsu.
pli-tv-bu-vb-pd4:1.7	Sākiyāniyo paṇītaṁ khādanīyaṁ bhojanīyaṁ ādāya āraññakaṁ senāsanaṁ agamaṁsu.
pli-tv-bu-vb-pd4:1.8	Sākiyadāsakā nikkhamitvā sākiyāniyo acchindiṁsu ca dūsesuñca.
pli-tv-bu-vb-pd4:1.9	Sākiyā nikkhamitvā te core sabhaṇḍe gahetvā ujjhāyanti khiyyanti vipācenti—
pli-tv-bu-vb-pd4:1.10	“kathañhi nāma bhadantā ārāme core paṭivasante nārocessantī”ti.
pli-tv-bu-vb-pd4:1.11	Assosuṁ kho bhikkhū sākiyānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pd4:1.12	Atha kho te bhikkhū bhagavato etamatthaṁ ārocesuṁ.
pli-tv-bu-vb-pd4:1.13	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pd4:1.14	“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca saṅghasuṭṭhutāya …pe…
pli-tv-bu-vb-pd4:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pd4:1.16.0	
pli-tv-bu-vb-pd4:1.16.1	“Yāni kho pana tāni āraññakāni senāsanāni sāsaṅkasammatāni sappaṭibhayāni, yo pana bhikkhu tathārūpesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā khādeyya vā bhuñjeyya vā, paṭidesetabbaṁ tena bhikkhunā—
pli-tv-bu-vb-pd4:1.17	‘gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ taṁ paṭidesemī’”ti.
pli-tv-bu-vb-pd4:1.18	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pd4:2.0	
pli-tv-bu-vb-pd4:2.1	Tena kho pana samayena aññataro bhikkhu āraññakesu senāsanesu gilāno hoti.
pli-tv-bu-vb-pd4:2.2	Manussā khādanīyaṁ vā bhojanīyaṁ vā ādāya āraññakaṁ senāsanaṁ agamaṁsu.
pli-tv-bu-vb-pd4:2.3	Atha kho te manussā taṁ bhikkhuṁ etadavocuṁ—
pli-tv-bu-vb-pd4:2.4	“bhuñjatha, bhante”ti.
pli-tv-bu-vb-pd4:2.5	Atha kho so bhikkhu—
pli-tv-bu-vb-pd4:2.6	“bhagavatā paṭikkhittaṁ āraññakesu senāsanesu khādanīyaṁ vā bhojanīyaṁ vā sahatthā paṭiggahetvā khādituṁ bhuñjitun”ti kukkuccāyanto na paṭiggahesi, nāsakkhi piṇḍāya carituṁ, chinnabhatto ahosi.
pli-tv-bu-vb-pd4:2.7	Atha kho so bhikkhu bhikkhūnaṁ etamatthaṁ ārocesi.
pli-tv-bu-vb-pd4:2.8	Bhikkhū bhagavato etamatthaṁ ārocesuṁ.
pli-tv-bu-vb-pd4:2.9	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pd4:2.10	“anujānāmi, bhikkhave, gilānena bhikkhunā āraññakesu senāsanesu pubbe appaṭisaṁviditaṁ khādanīyaṁ vā bhojanīyaṁ vā sahatthā paṭiggahetvā khādituṁ bhuñjituṁ.
pli-tv-bu-vb-pd4:2.11	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pd4:2.12.0	
pli-tv-bu-vb-pd4:2.12.1	“Yāni kho pana tāni āraññakāni senāsanāni sāsaṅkasammatāni sappaṭibhayāni, yo pana bhikkhu tathārūpesu senāsanesu pubbe appaṭisaṁviditaṁ khādanīyaṁ vā bhojanīyaṁ vā ajjhārāme sahatthā paṭiggahetvā agilāno khādeyya vā bhuñjeyya vā, paṭidesetabbaṁ tena bhikkhunā—
pli-tv-bu-vb-pd4:2.13	‘gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
pli-tv-bu-vb-pd4:3.1.0	
pli-tv-bu-vb-pd4:3.1.1	Yāni kho pana tāni āraññakāni senāsanānīti
pli-tv-bu-vb-pd4:3.1.2	āraññakaṁ nāma senāsanaṁ pañcadhanusatikaṁ pacchimaṁ.
pli-tv-bu-vb-pd4:3.1.3	Sāsaṅkaṁ nāma
pli-tv-bu-vb-pd4:3.1.4	ārāme ārāmūpacāre corānaṁ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
pli-tv-bu-vb-pd4:3.1.5	Sappaṭibhayaṁ nāma
pli-tv-bu-vb-pd4:3.1.6	ārāme ārāmūpacāre corehi manussā hatā dissanti, viluttā dissanti, ākoṭitā dissanti.
pli-tv-bu-vb-pd4:3.1.7	Yo panāti
pli-tv-bu-vb-pd4:3.1.8	yo yādiso …pe…
pli-tv-bu-vb-pd4:3.1.9	bhikkhūti
pli-tv-bu-vb-pd4:3.1.10	…pe… ayaṁ imasmiṁ atthe adhippeto bhikkhūti.
pli-tv-bu-vb-pd4:3.1.11	Tathārūpesu senāsanesūti
pli-tv-bu-vb-pd4:3.1.12	evarūpesu senāsanesu.
pli-tv-bu-vb-pd4:3.1.13	Appaṭisaṁviditaṁ nāma
pli-tv-bu-vb-pd4:3.1.14	pañcannaṁ paṭisaṁviditaṁ, etaṁ appaṭisaṁviditaṁ nāma.
pli-tv-bu-vb-pd4:3.1.15	Ārāmaṁ ārāmūpacāraṁ ṭhapetvā paṭisaṁviditaṁ, etaṁ appaṭisaṁviditaṁ nāma.
pli-tv-bu-vb-pd4:3.1.16	Paṭisaṁviditaṁ nāma
pli-tv-bu-vb-pd4:3.1.17	yo koci itthī vā puriso vā ārāmaṁ ārāmūpacāraṁ āgantvā āroceti— “itthannāmassa, bhante, khādanīyaṁ vā bhojanīyaṁ vā āharissantī”ti. Sace sāsaṅkaṁ hoti, sāsaṅkanti ācikkhitabbaṁ; sace sappaṭibhayaṁ hoti, sappaṭibhayanti ācikkhitabbaṁ;
pli-tv-bu-vb-pd4:3.1.18	sace— “hotu, bhante, āhariyissatī”ti bhaṇati, corā vattabbā— “manussā idhūpacaranti apasakkathā”ti.
pli-tv-bu-vb-pd4:3.1.19	Yāguyā paṭisaṁvidite tassā parivāro āhariyyati, etaṁ paṭisaṁviditaṁ nāma.
pli-tv-bu-vb-pd4:3.1.20	Bhattena paṭisaṁvidite tassa parivāro āhariyyati, etaṁ paṭisaṁviditaṁ nāma.
pli-tv-bu-vb-pd4:3.1.21	Khādanīyena paṭisaṁvidite tassa parivāro āhariyyati, etaṁ paṭisaṁviditaṁ nāma.
pli-tv-bu-vb-pd4:3.1.22	Kulena paṭisaṁvidite yo tasmiṁ kule manusso khādanīyaṁ vā bhojanīyaṁ vā āharati, etaṁ paṭisaṁviditaṁ nāma.
pli-tv-bu-vb-pd4:3.1.23	Gāmena paṭisaṁvidite yo tasmiṁ gāme manusso khādanīyaṁ vā bhojanīyaṁ vā āharati, etaṁ paṭisaṁviditaṁ nāma.
pli-tv-bu-vb-pd4:3.1.24	Pūgena paṭisaṁvidite yo tasmiṁ pūge manusso khādanīyaṁ vā bhojanīyaṁ vā āharati, etaṁ paṭisaṁviditaṁ nāma.
pli-tv-bu-vb-pd4:3.1.25	Khādanīyaṁ nāma
pli-tv-bu-vb-pd4:3.1.26	pañca bhojanāni yāmakālikaṁ sattāhakālikaṁ yāvajīvikaṁ ṭhapetvā avasesaṁ khādanīyaṁ nāma.
pli-tv-bu-vb-pd4:3.1.27	Bhojanīyaṁ nāma
pli-tv-bu-vb-pd4:3.1.28	pañca bhojanāni—odano, kummāso, sattu, maccho, maṁsaṁ.
pli-tv-bu-vb-pd4:3.1.29	Ajjhārāmo nāma
pli-tv-bu-vb-pd4:3.1.30	parikkhittassa ārāmassa antoārāmo.
pli-tv-bu-vb-pd4:3.1.31	Aparikkhittassa upacāro.
pli-tv-bu-vb-pd4:3.1.32	Agilāno nāma
pli-tv-bu-vb-pd4:3.1.33	sakkoti piṇḍāya carituṁ.
pli-tv-bu-vb-pd4:3.1.34	Gilāno nāma
pli-tv-bu-vb-pd4:3.1.35	na sakkoti piṇḍāya carituṁ.
pli-tv-bu-vb-pd4:3.1.36	Appaṭisaṁviditaṁ agilāno “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bu-vb-pd4:3.1.37	Ajjhohāre ajjhohāre āpatti pāṭidesanīyassa.
pli-tv-bu-vb-pd4:3.1.38.0	
pli-tv-bu-vb-pd4:3.1.38.1	Appaṭisaṁvidite appaṭisaṁviditasaññī khādanīyaṁ vā bhojanīyaṁ vā ajjhārāme sahatthā paṭiggahetvā agilāno khādati vā bhuñjati vā, āpatti pāṭidesanīyassa.
pli-tv-bu-vb-pd4:3.1.39	Appaṭisaṁvidite vematiko khādanīyaṁ vā bhojanīyaṁ vā ajjhārāme sahatthā paṭiggahetvā agilāno khādati vā bhuñjati vā, āpatti pāṭidesanīyassa.
pli-tv-bu-vb-pd4:3.1.40	Appaṭisaṁvidite paṭisaṁviditasaññī khādanīyaṁ vā bhojanīyaṁ vā ajjhārāme sahatthā paṭiggahetvā agilāno khādati vā bhuñjati vā, āpatti pāṭidesanīyassa.
pli-tv-bu-vb-pd4:3.1.41	Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti, āpatti dukkaṭassa.
pli-tv-bu-vb-pd4:3.1.42	Ajjhohāre ajjhohāre āpatti dukkaṭassa.
pli-tv-bu-vb-pd4:3.1.43	Paṭisaṁvidite appaṭisaṁviditasaññī, āpatti dukkaṭassa.
pli-tv-bu-vb-pd4:3.1.44	Paṭisaṁvidite vematiko, āpatti dukkaṭassa.
pli-tv-bu-vb-pd4:3.1.45	Paṭisaṁvidite paṭisaṁviditasaññī, anāpatti.
pli-tv-bu-vb-pd4:3.2.0	
pli-tv-bu-vb-pd4:3.2.1	Anāpatti—
pli-tv-bu-vb-pd4:3.2.2	paṭisaṁvidite,
pli-tv-bu-vb-pd4:3.2.3	gilānassa,
pli-tv-bu-vb-pd4:3.2.4	paṭisaṁvidite vā gilānassa vā sesakaṁ bhuñjati,
pli-tv-bu-vb-pd4:3.2.5	bahārāme paṭiggahetvā antoārāme bhuñjati,
pli-tv-bu-vb-pd4:3.2.6	tattha jātakaṁ mūlaṁ vā tacaṁ vā pattaṁ vā pupphaṁ vā phalaṁ vā bhuñjati,
pli-tv-bu-vb-pd4:3.2.7	yāmakālikaṁ sattāhakālikaṁ yāvajīvikaṁ sati paccaye paribhuñjati,
pli-tv-bu-vb-pd4:3.2.8	ummattakassa,
pli-tv-bu-vb-pd4:3.2.9	ādikammikassāti.
pli-tv-bu-vb-pd4:3.2.10	Catutthapāṭidesanīyasikkhāpadaṁ niṭṭhitaṁ.
pli-tv-bu-vb-pd4:3.2.11	Uddiṭṭhā kho, āyasmanto, cattāro pāṭidesanīyā dhammā.
pli-tv-bu-vb-pd4:3.2.12	Tatthāyasmante pucchāmi—
pli-tv-bu-vb-pd4:3.2.13	“kaccittha parisuddhā”?
pli-tv-bu-vb-pd4:3.2.14	Dutiyampi pucchāmi—
pli-tv-bu-vb-pd4:3.2.15	“kaccittha parisuddhā”?
pli-tv-bu-vb-pd4:3.2.16	Tatiyampi pucchāmi—
pli-tv-bu-vb-pd4:3.2.17	“kaccittha parisuddhā”?
pli-tv-bu-vb-pd4:3.2.18	Parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-vb-pd4:3.2.19	Pāṭidesanīyakaṇḍaṁ niṭṭhitaṁ.
pli-tv-bu-vb-pj1:0.1	Theravāda Vinaya
pli-tv-bu-vb-pj1:0.2	Mahāvibhaṅga
pli-tv-bu-vb-pj1:0.3	Pārājikakaṇḍa
pli-tv-bu-vb-pj1:0.4	1. Paṭhamapārājikasikkhāpada
pli-tv-bu-vb-pj1:1.0.1	Namo tassa Bhagavato Arahato Sammāsambuddhassa.
pli-tv-bu-vb-pj1:1.0.2	Verañjakaṇḍa
pli-tv-bu-vb-pj1:1.1.1	Tena samayena buddho bhagavā verañjāyaṁ viharati naḷerupucimandamūle mahatā bhikkhusaṅghena saddhiṁ pañcamattehi bhikkhusatehi.
pli-tv-bu-vb-pj1:1.1.2	Assosi kho verañjo brāhmaṇo—
pli-tv-bu-vb-pj1:1.1.3	“samaṇo khalu bho gotamo sakyaputto sakyakulā pabbajito verañjāyaṁ viharati naḷerupucimandamūle mahatā bhikkhusaṅghena saddhiṁ pañcamattehi bhikkhusatehi.
pli-tv-bu-vb-pj1:1.1.4	Taṁ kho pana bhavantaṁ gotamaṁ evaṁ kalyāṇo kittisaddo abbhuggato—
pli-tv-bu-vb-pj1:1.1.5	‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’,
pli-tv-bu-vb-pj1:1.1.6	so imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti,
pli-tv-bu-vb-pj1:1.1.7	so dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ; kevalaparipuṇṇaṁ parisuddhaṁ brahmacariyaṁ pakāseti;
pli-tv-bu-vb-pj1:1.1.8	sādhu kho pana tathārūpānaṁ arahataṁ dassanaṁ hotī”ti.
pli-tv-bu-vb-pj1:1.2.1	Atha kho verañjo brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi. Sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho verañjo brāhmaṇo bhagavantaṁ etadavoca—
pli-tv-bu-vb-pj1:1.2.2	“sutaṁ metaṁ, bho gotama—
pli-tv-bu-vb-pj1:1.2.3	‘na samaṇo gotamo brāhmaṇe jiṇṇe vuḍḍhe mahallake addhagate vayoanuppatte abhivādeti vā paccuṭṭheti vā āsanena vā nimantetī’ti.
pli-tv-bu-vb-pj1:1.2.4	Tayidaṁ, bho gotama, tatheva? Na hi bhavaṁ gotamo brāhmaṇe jiṇṇe vuḍḍhe mahallake addhagate vayoanuppatte abhivādeti vā paccuṭṭheti vā āsanena vā nimanteti?
pli-tv-bu-vb-pj1:1.2.5	Tayidaṁ, bho gotama, na sampannamevā”ti.
pli-tv-bu-vb-pj1:1.2.6	“Nāhaṁ taṁ, brāhmaṇa, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yamahaṁ abhivādeyyaṁ vā paccuṭṭheyyaṁ vā āsanena vā nimanteyyaṁ.
pli-tv-bu-vb-pj1:1.2.7	Yañhi, brāhmaṇa, tathāgato abhivādeyya vā paccuṭṭheyya vā āsanena vā nimanteyya, muddhāpi tassa vipateyyā”ti.
pli-tv-bu-vb-pj1:1.3.1	“Arasarūpo bhavaṁ gotamo”ti?
pli-tv-bu-vb-pj1:1.3.2	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘arasarūpo samaṇo gotamo’ti.
pli-tv-bu-vb-pj1:1.3.3	Ye te, brāhmaṇa, rūparasā saddarasā gandharasā rasarasā phoṭṭhabbarasā, te tathāgatassa pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.
pli-tv-bu-vb-pj1:1.3.4	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘arasarūpo samaṇo gotamo’ti, no ca kho yaṁ tvaṁ sandhāya vadesī”ti.
pli-tv-bu-vb-pj1:1.3.5	“Nibbhogo bhavaṁ gotamo”ti?
pli-tv-bu-vb-pj1:1.3.6	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘nibbhogo samaṇo gotamo’ti.
pli-tv-bu-vb-pj1:1.3.7	Ye te, brāhmaṇa, rūpabhogā saddabhogā gandhabhogā rasabhogā phoṭṭhabbabhogā, te tathāgatassa pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.
pli-tv-bu-vb-pj1:1.3.8	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘nibbhogo samaṇo gotamo’ti, no ca kho yaṁ tvaṁ sandhāya vadesī”ti.
pli-tv-bu-vb-pj1:1.3.9	“Akiriyavādo bhavaṁ gotamo”ti?
pli-tv-bu-vb-pj1:1.3.10	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘akiriyavādo samaṇo gotamo’ti.
pli-tv-bu-vb-pj1:1.3.11	Ahañhi, brāhmaṇa, akiriyaṁ vadāmi kāyaduccaritassa vacīduccaritassa manoduccaritassa.
pli-tv-bu-vb-pj1:1.3.12	Anekavihitānaṁ pāpakānaṁ akusalānaṁ dhammānaṁ akiriyaṁ vadāmi.
pli-tv-bu-vb-pj1:1.3.13	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘akiriyavādo samaṇo gotamo’ti, no ca kho yaṁ tvaṁ sandhāya vadesī”ti.
pli-tv-bu-vb-pj1:1.3.14	“Ucchedavādo bhavaṁ gotamo”ti?
pli-tv-bu-vb-pj1:1.3.15	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘ucchedavādo samaṇo gotamo’ti.
pli-tv-bu-vb-pj1:1.3.16	Ahañhi, brāhmaṇa, ucchedaṁ vadāmi rāgassa dosassa mohassa.
pli-tv-bu-vb-pj1:1.3.17	Anekavihitānaṁ pāpakānaṁ akusalānaṁ dhammānaṁ ucchedaṁ vadāmi.
pli-tv-bu-vb-pj1:1.3.18	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘ucchedavādo samaṇo gotamo’ti, no ca kho yaṁ tvaṁ sandhāya vadesī”ti.
pli-tv-bu-vb-pj1:1.3.19	“Jegucchī bhavaṁ gotamo”ti?
pli-tv-bu-vb-pj1:1.3.20	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘jegucchī samaṇo gotamo’ti.
pli-tv-bu-vb-pj1:1.3.21	Ahañhi, brāhmaṇa, jigucchāmi kāyaduccaritena vacīduccaritena manoduccaritena.
pli-tv-bu-vb-pj1:1.3.22	Anekavihitānaṁ pāpakānaṁ akusalānaṁ dhammānaṁ samāpattiyā jigucchāmi.
pli-tv-bu-vb-pj1:1.3.23	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘jegucchī samaṇo gotamo’ti, no ca kho yaṁ tvaṁ sandhāya vadesī”ti.
pli-tv-bu-vb-pj1:1.3.24	“Venayiko bhavaṁ gotamo”ti?
pli-tv-bu-vb-pj1:1.3.25	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘venayiko samaṇo gotamo’ti.
pli-tv-bu-vb-pj1:1.3.26	Ahañhi, brāhmaṇa, vinayāya dhammaṁ desemi rāgassa dosassa mohassa.
pli-tv-bu-vb-pj1:1.3.27	Anekavihitānaṁ pāpakānaṁ akusalānaṁ dhammānaṁ vinayāya dhammaṁ desemi.
pli-tv-bu-vb-pj1:1.3.28	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘venayiko samaṇo gotamo’ti, no ca kho yaṁ tvaṁ sandhāya vadesī”ti.
pli-tv-bu-vb-pj1:1.3.29	“Tapassī bhavaṁ gotamo”ti?
pli-tv-bu-vb-pj1:1.3.30	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘tapassī samaṇo gotamo’ti.
pli-tv-bu-vb-pj1:1.3.31	Tapanīyāhaṁ, brāhmaṇa, pāpake akusale dhamme vadāmi, kāyaduccaritaṁ vacīduccaritaṁ manoduccaritaṁ.
pli-tv-bu-vb-pj1:1.3.32	Yassa kho, brāhmaṇa, tapanīyā pāpakā akusalā dhammā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā tamahaṁ tapassīti vadāmi.
pli-tv-bu-vb-pj1:1.3.33	Tathāgatassa kho, brāhmaṇa, tapanīyā pāpakā akusalā dhammā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.
pli-tv-bu-vb-pj1:1.3.34	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘tapassī samaṇo gotamo’ti, no ca kho yaṁ tvaṁ sandhāya vadesī”ti.
pli-tv-bu-vb-pj1:1.3.35	“Apagabbho bhavaṁ gotamo”ti?
pli-tv-bu-vb-pj1:1.3.36	“Atthi khvesa, brāhmaṇa, pariyāyo yena maṁ pariyāyena sammā vadamāno vadeyya—‘apagabbho samaṇo gotamo’ti.
pli-tv-bu-vb-pj1:1.3.37	Yassa kho, brāhmaṇa, āyatiṁ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṅkatā āyatiṁ anuppādadhammā tamahaṁ apagabbhoti vadāmi.
pli-tv-bu-vb-pj1:1.3.38	Tathāgatassa kho, brāhmaṇa, āyatiṁ gabbhaseyyā punabbhavābhinibbatti pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.
pli-tv-bu-vb-pj1:1.3.39	Ayaṁ kho, brāhmaṇa, pariyāyo yena maṁ pariyāyena sammā vadamāno vadeyya—‘apagabbho samaṇo gotamo’ti, no ca kho yaṁ tvaṁ sandhāya vadesi.
pli-tv-bu-vb-pj1:1.4.1	Seyyathāpi, brāhmaṇa, kukkuṭiyā aṇḍāni aṭṭha vā dasa vā dvādasa vā.
pli-tv-bu-vb-pj1:1.4.2	Tānassu kukkuṭiyā sammā adhisayitāni sammā pariseditāni sammā paribhāvitāni.
pli-tv-bu-vb-pj1:1.4.3	Yo nu kho tesaṁ kukkuṭacchāpakānaṁ paṭhamataraṁ pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyya, kinti svāssa vacanīyo—‘jeṭṭho vā kaniṭṭho vā’”ti?
pli-tv-bu-vb-pj1:1.4.4	“Jeṭṭhotissa, bho gotama, vacanīyo.
pli-tv-bu-vb-pj1:1.4.5	So hi nesaṁ jeṭṭho hotī”ti.
pli-tv-bu-vb-pj1:1.4.6	“Evameva kho ahaṁ, brāhmaṇa, avijjāgatāya pajāya aṇḍabhūtāya pariyonaddhāya avijjaṇḍakosaṁ padāletvā ekova loke anuttaraṁ sammāsambodhiṁ abhisambuddho.
pli-tv-bu-vb-pj1:1.4.7	Svāhaṁ, brāhmaṇa, jeṭṭho seṭṭho lokassa.
pli-tv-bu-vb-pj1:1.5.1	Āraddhaṁ kho pana me, brāhmaṇa, vīriyaṁ ahosi asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ.
pli-tv-bu-vb-pj1:1.5.2	So kho ahaṁ, brāhmaṇa, vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihāsiṁ.
pli-tv-bu-vb-pj1:1.5.3	Vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihāsiṁ.
pli-tv-bu-vb-pj1:1.5.4	Pītiyā ca virāgā upekkhako ca vihāsiṁ sato ca sampajāno, sukhañca kāyena paṭisaṁvedesiṁ, yaṁ taṁ ariyā ācikkhanti—
pli-tv-bu-vb-pj1:1.5.5	‘upekkhako satimā sukhavihārī’ti tatiyaṁ jhānaṁ upasampajja vihāsiṁ.
pli-tv-bu-vb-pj1:1.5.6	Sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja vihāsiṁ.
pli-tv-bu-vb-pj1:1.6.1	So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṁ abhininnāmesiṁ.
pli-tv-bu-vb-pj1:1.6.2	So anekavihitaṁ pubbenivāsaṁ anussarāmi, seyyathidaṁ—
pli-tv-bu-vb-pj1:1.6.3	ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi, jātisahassampi jātisatasahassampi, anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe—
pli-tv-bu-vb-pj1:1.6.4	‘amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto;
pli-tv-bu-vb-pj1:1.6.5	so tato cuto amutra udapādiṁ;
pli-tv-bu-vb-pj1:1.6.6	tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto;
pli-tv-bu-vb-pj1:1.6.7	so tato cuto idhūpapanno’ti.
pli-tv-bu-vb-pj1:1.6.8	Iti sākāraṁ sauddesaṁ anekavihitaṁ pubbenivāsaṁ anussarāmi.
pli-tv-bu-vb-pj1:1.6.9	Ayaṁ kho me, brāhmaṇa, rattiyā paṭhame yāme paṭhamā vijjā adhigatā,
pli-tv-bu-vb-pj1:1.6.10	avijjā vihatā, vijjā uppannā, tamo vihato, āloko uppanno—
pli-tv-bu-vb-pj1:1.6.11	yathā taṁ appamattassa ātāpino pahitattassa viharato.
pli-tv-bu-vb-pj1:1.6.12	Ayaṁ kho me, brāhmaṇa, paṭhamābhinibbhidā ahosi kukkuṭacchāpakasseva aṇḍakosamhā.
pli-tv-bu-vb-pj1:1.7.1	So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṁ cutūpapātañāṇāya cittaṁ abhininnāmesiṁ.
pli-tv-bu-vb-pj1:1.7.2	So dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāmi—
pli-tv-bu-vb-pj1:1.7.3	‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā;
pli-tv-bu-vb-pj1:1.7.4	te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā.
pli-tv-bu-vb-pj1:1.7.5	Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā;
pli-tv-bu-vb-pj1:1.7.6	te kāyassa bhedā paraṁ maraṇā sugatiṁ saggaṁ lokaṁ upapannā’ti.
pli-tv-bu-vb-pj1:1.7.7	Iti dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāmi.
pli-tv-bu-vb-pj1:1.7.8	Ayaṁ kho me, brāhmaṇa, rattiyā majjhime yāme dutiyā vijjā adhigatā,
pli-tv-bu-vb-pj1:1.7.9	avijjā vihatā, vijjā uppannā, tamo vihato, āloko uppanno—
pli-tv-bu-vb-pj1:1.7.10	yathā taṁ appamattassa ātāpino pahitattassa viharato.
pli-tv-bu-vb-pj1:1.7.11	Ayaṁ kho me, brāhmaṇa, dutiyābhinibbhidā ahosi kukkuṭacchāpakasseva aṇḍakosamhā.
pli-tv-bu-vb-pj1:1.8.1	So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhininnāmesiṁ.
pli-tv-bu-vb-pj1:1.8.2	So ‘idaṁ dukkhan’ti yathābhūtaṁ abbhaññāsiṁ, ‘ayaṁ dukkhasamudayo’ti yathābhūtaṁ abbhaññāsiṁ, ‘ayaṁ dukkhanirodho’ti yathābhūtaṁ abbhaññāsiṁ, ‘ayaṁ dukkhanirodhagāminī paṭipadā’ti yathābhūtaṁ abbhaññāsiṁ;
pli-tv-bu-vb-pj1:1.8.3	‘ime āsavā’ti yathābhūtaṁ abbhaññāsiṁ, ‘ayaṁ āsavasamudayo’ti yathābhūtaṁ abbhaññāsiṁ, ‘ayaṁ āsavanirodho’ti yathābhūtaṁ abbhaññāsiṁ, ‘ayaṁ āsavanirodhagāminī paṭipadā’ti yathābhūtaṁ abbhaññāsiṁ.
pli-tv-bu-vb-pj1:1.8.4	Tassa me evaṁ jānato evaṁ passato kāmāsavāpi cittaṁ vimuccittha bhavāsavāpi cittaṁ vimuccittha avijjāsavāpi cittaṁ vimuccittha.
pli-tv-bu-vb-pj1:1.8.5	Vimuttasmiṁ vimuttamiti ñāṇaṁ ahosi.
pli-tv-bu-vb-pj1:1.8.6	‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti abbhaññāsiṁ.
pli-tv-bu-vb-pj1:1.8.7	Ayaṁ kho me, brāhmaṇa, rattiyā pacchime yāme tatiyā vijjā adhigatā,
pli-tv-bu-vb-pj1:1.8.8	avijjā vihatā, vijjā uppannā, tamo vihato, āloko uppanno—
pli-tv-bu-vb-pj1:1.8.9	yathā taṁ appamattassa ātāpino pahitattassa viharato.
pli-tv-bu-vb-pj1:1.8.10	Ayaṁ kho me, brāhmaṇa, tatiyābhinibbhidā ahosi—kukkuṭacchāpakasseva aṇḍakosamhā”ti.
pli-tv-bu-vb-pj1:1.9.1	Evaṁ vutte, verañjo brāhmaṇo bhagavantaṁ etadavoca—
pli-tv-bu-vb-pj1:1.9.2	“jeṭṭho bhavaṁ gotamo, seṭṭho bhavaṁ gotamo.
pli-tv-bu-vb-pj1:1.9.3	Abhikkantaṁ, bho gotama, abhikkantaṁ, bho gotama.
pli-tv-bu-vb-pj1:1.9.4	Seyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—‘cakkhumanto rūpāni dakkhantī’ti;
pli-tv-bu-vb-pj1:1.9.5	evamevaṁ bhotā gotamena anekapariyāyena dhammo pakāsito.
pli-tv-bu-vb-pj1:1.9.6	Esāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.
pli-tv-bu-vb-pj1:1.9.7	Upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gataṁ.
pli-tv-bu-vb-pj1:1.9.8	Adhivāsetu ca me bhavaṁ gotamo verañjāyaṁ vassāvāsaṁ saddhiṁ bhikkhusaṅghenā”ti.
pli-tv-bu-vb-pj1:1.9.9	Adhivāsesi bhagavā tuṇhībhāvena.
pli-tv-bu-vb-pj1:1.9.10	Atha kho verañjo brāhmaṇo bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-pj1:2.1.1	Tena kho pana samayena verañjā dubbhikkhā hoti dvīhitikā setaṭṭhikā salākāvuttā na sukarā uñchena paggahena yāpetuṁ.
pli-tv-bu-vb-pj1:2.1.2	Tena kho pana samayena uttarāpathakā assavāṇijā pañcamattehi assasatehi verañjaṁ vassāvāsaṁ upagatā honti.
pli-tv-bu-vb-pj1:2.1.3	Tehi assamaṇḍalikāsu bhikkhūnaṁ patthapatthapulakaṁ paññattaṁ hoti.
pli-tv-bu-vb-pj1:2.1.4	Bhikkhū pubbaṇhasamayaṁ nivāsetvā pattacīvaramādāya verañjaṁ piṇḍāya pavisitvā piṇḍaṁ alabhamānā assamaṇḍalikāsu piṇḍāya caritvā patthapatthapulakaṁ ārāmaṁ āharitvā udukkhale koṭṭetvā koṭṭetvā paribhuñjanti.
pli-tv-bu-vb-pj1:2.1.5	Āyasmā panānando patthapulakaṁ silāyaṁ pisitvā bhagavato upanāmeti. Taṁ bhagavā paribhuñjati.
pli-tv-bu-vb-pj1:2.1.6	Assosi kho bhagavā udukkhalasaddaṁ.
pli-tv-bu-vb-pj1:2.1.7	Jānantāpi tathāgatā pucchanti, jānantāpi na pucchanti;
pli-tv-bu-vb-pj1:2.1.8	kālaṁ viditvā pucchanti, kālaṁ viditvā na pucchanti;
pli-tv-bu-vb-pj1:2.1.9	atthasaṁhitaṁ tathāgatā pucchanti, no anatthasaṁhitaṁ.
pli-tv-bu-vb-pj1:2.1.10	Anatthasaṁhite setughāto tathāgatānaṁ.
pli-tv-bu-vb-pj1:2.1.11	Dvīhi ākārehi buddhā bhagavanto bhikkhū paṭipucchanti— dhammaṁ vā desessāma, sāvakānaṁ vā sikkhāpadaṁ paññapessāmāti.
pli-tv-bu-vb-pj1:2.1.12	Atha kho bhagavā āyasmantaṁ ānandaṁ āmantesi—“kiṁ nu kho so, ānanda, udukkhalasaddo”ti?
pli-tv-bu-vb-pj1:2.1.13	Atha kho āyasmā ānando bhagavato etamatthaṁ ārocesi.
pli-tv-bu-vb-pj1:2.1.14	“Sādhu sādhu, ānanda.
pli-tv-bu-vb-pj1:2.1.15	Tumhehi, ānanda, sappurisehi vijitaṁ. Pacchimā janatā sālimaṁsodanaṁ atimaññissatī”ti.
pli-tv-bu-vb-pj1:2.2.1	Atha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā mahāmoggallāno bhagavantaṁ etadavoca—
pli-tv-bu-vb-pj1:2.2.2	“etarahi, bhante, verañjā dubbhikkhā dvīhitikā setaṭṭhikā salākāvuttā.
pli-tv-bu-vb-pj1:2.2.3	Na sukarā uñchena paggahena yāpetuṁ.
pli-tv-bu-vb-pj1:2.2.4	Imissā, bhante, mahāpathaviyā heṭṭhimatalaṁ sampannaṁ—seyyathāpi khuddamadhuṁ anīlakaṁ; evamassādaṁ.
pli-tv-bu-vb-pj1:2.2.5	Sādhāhaṁ, bhante, pathaviṁ parivatteyyaṁ. Bhikkhū pappaṭakojaṁ paribhuñjissantī”ti.
pli-tv-bu-vb-pj1:2.2.6	“Ye pana te, moggallāna, pathavinissitā pāṇā te kathaṁ karissasī”ti?
pli-tv-bu-vb-pj1:2.2.7	“Ekāhaṁ, bhante, pāṇiṁ abhinimminissāmi—seyyathāpi mahāpathavī. Ye pathavinissitā pāṇā te tattha saṅkāmessāmi.
pli-tv-bu-vb-pj1:2.2.8	Ekena hatthena pathaviṁ parivattessāmī”ti.
pli-tv-bu-vb-pj1:2.2.9	“Alaṁ, moggallāna, mā te rucci pathaviṁ parivattetuṁ.
pli-tv-bu-vb-pj1:2.2.10	Vipallāsampi sattā paṭilabheyyun”ti.
pli-tv-bu-vb-pj1:2.2.11	“Sādhu, bhante, sabbo bhikkhusaṅgho uttarakuruṁ piṇḍāya gaccheyyā”ti.
pli-tv-bu-vb-pj1:2.2.12	“Alaṁ, moggallāna, mā te rucci sabbassa bhikkhusaṅghassa uttarakuruṁ piṇḍāya gamanan”ti.
pli-tv-bu-vb-pj1:3.1.1	Atha kho āyasmato sāriputtassa rahogatassa paṭisallīnassa evaṁ cetaso parivitakko udapādi—
pli-tv-bu-vb-pj1:3.1.2	“katamesānaṁ kho buddhānaṁ bhagavantānaṁ brahmacariyaṁ na ciraṭṭhitikaṁ ahosi;
pli-tv-bu-vb-pj1:3.1.3	katamesānaṁ buddhānaṁ bhagavantānaṁ brahmacariyaṁ ciraṭṭhitikaṁ ahosī”ti?
pli-tv-bu-vb-pj1:3.1.4	Atha kho āyasmā sāriputto sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā sāriputto bhagavantaṁ etadavoca—
pli-tv-bu-vb-pj1:3.1.5	“idha mayhaṁ, bhante, rahogatassa paṭisallīnassa evaṁ cetaso parivitakko udapādi—
pli-tv-bu-vb-pj1:3.1.6	‘katamesānaṁ kho buddhānaṁ bhagavantānaṁ brahmacariyaṁ na ciraṭṭhitikaṁ ahosi, katamesānaṁ buddhānaṁ bhagavantānaṁ brahmacariyaṁ ciraṭṭhitikaṁ ahosī’ti. Katamesānaṁ nu kho, bhante, buddhānaṁ bhagavantānaṁ brahmacariyaṁ na ciraṭṭhitikaṁ ahosi, katamesānaṁ buddhānaṁ bhagavantānaṁ brahmacariyaṁ ciraṭṭhitikaṁ ahosī”ti?
pli-tv-bu-vb-pj1:3.1.7	“Bhagavato ca, sāriputta, vipassissa bhagavato ca sikhissa bhagavato ca vessabhussa brahmacariyaṁ na ciraṭṭhitikaṁ ahosi.
pli-tv-bu-vb-pj1:3.1.8	Bhagavato ca, sāriputta, kakusandhassa bhagavato ca koṇāgamanassa bhagavato ca kassapassa brahmacariyaṁ ciraṭṭhitikaṁ ahosī”ti.
pli-tv-bu-vb-pj1:3.2.1	“Ko nu kho, bhante, hetu ko paccayo, yena bhagavato ca vipassissa bhagavato ca sikhissa bhagavato ca vessabhussa brahmacariyaṁ na ciraṭṭhitikaṁ ahosī”ti?
pli-tv-bu-vb-pj1:3.2.2	“Bhagavā ca, sāriputta, vipassī bhagavā ca sikhī bhagavā ca vessabhū kilāsuno ahesuṁ sāvakānaṁ vitthārena dhammaṁ desetuṁ.
pli-tv-bu-vb-pj1:3.2.3	Appakañca nesaṁ ahosi suttaṁ geyyaṁ veyyākaraṇaṁ gāthā udānaṁ itivuttakaṁ jātakaṁ abbhutadhammaṁ vedallaṁ.
pli-tv-bu-vb-pj1:3.2.4	Apaññattaṁ sāvakānaṁ sikkhāpadaṁ. Anuddiṭṭhaṁ pātimokkhaṁ.
pli-tv-bu-vb-pj1:3.2.5	Tesaṁ buddhānaṁ bhagavantānaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṁ brahmacariyaṁ khippaññeva antaradhāpesuṁ.
pli-tv-bu-vb-pj1:3.2.6	Seyyathāpi, sāriputta, nānāpupphāni phalake nikkhittāni suttena asaṅgahitāni tāni vāto vikirati vidhamati viddhaṁseti.
pli-tv-bu-vb-pj1:3.2.7	Taṁ kissa hetu?
pli-tv-bu-vb-pj1:3.2.8	Yathā taṁ suttena asaṅgahitattā.
pli-tv-bu-vb-pj1:3.2.9	Evameva kho, sāriputta, tesaṁ buddhānaṁ bhagavantānaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṁ brahmacariyaṁ khippaññeva antaradhāpesuṁ.
pli-tv-bu-vb-pj1:3.2.10	Akilāsuno ca te bhagavanto ahesuṁ sāvake cetasā ceto paricca ovadituṁ.
pli-tv-bu-vb-pj1:3.2.11	Bhūtapubbaṁ, sāriputta, vessabhū bhagavā arahaṁ sammāsambuddho aññatarasmiṁ bhiṁsanake vanasaṇḍe sahassaṁ bhikkhusaṅghaṁ cetasā ceto paricca ovadati anusāsati—
pli-tv-bu-vb-pj1:3.2.12	‘evaṁ vitakketha, mā evaṁ vitakkayittha;
pli-tv-bu-vb-pj1:3.2.13	evaṁ manasikarotha, mā evaṁ manasākattha;
pli-tv-bu-vb-pj1:3.2.14	idaṁ pajahatha, idaṁ upasampajja viharathā’ti.
pli-tv-bu-vb-pj1:3.2.15	Atha kho, sāriputta, tassa bhikkhusahassassa vessabhunā bhagavatā arahatā sammāsambuddhena evaṁ ovadiyamānānaṁ evaṁ anusāsiyamānānaṁ anupādāya āsavehi cittāni vimucciṁsu.
pli-tv-bu-vb-pj1:3.2.16	Tatra sudaṁ, sāriputta, bhiṁsanakassa vanasaṇḍassa bhiṁsanakatasmiṁ hoti—yo koci avītarāgo taṁ vanasaṇḍaṁ pavisati, yebhuyyena lomāni haṁsanti.
pli-tv-bu-vb-pj1:3.2.17	Ayaṁ kho, sāriputta, hetu ayaṁ paccayo yena bhagavato ca vipassissa bhagavato ca sikhissa bhagavato ca vessabhussa brahmacariyaṁ na ciraṭṭhitikaṁ ahosī”ti.
pli-tv-bu-vb-pj1:3.3.1	“Ko pana, bhante, hetu ko paccayo yena bhagavato ca kakusandhassa bhagavato ca koṇāgamanassa bhagavato ca kassapassa brahmacariyaṁ ciraṭṭhitikaṁ ahosī”ti?
pli-tv-bu-vb-pj1:3.3.2	“Bhagavā ca, sāriputta, kakusandho bhagavā ca koṇāgamano bhagavā ca kassapo akilāsuno ahesuṁ sāvakānaṁ vitthārena dhammaṁ desetuṁ.
pli-tv-bu-vb-pj1:3.3.3	Bahuñca nesaṁ ahosi suttaṁ geyyaṁ veyyākaraṇaṁ gāthā udānaṁ itivuttakaṁ jātakaṁ abbhutadhammaṁ vedallaṁ,
pli-tv-bu-vb-pj1:3.3.4	paññattaṁ sāvakānaṁ sikkhāpadaṁ, uddiṭṭhaṁ pātimokkhaṁ.
pli-tv-bu-vb-pj1:3.3.5	Tesaṁ buddhānaṁ bhagavantānaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṁ brahmacariyaṁ ciraṁ dīghamaddhānaṁ ṭhapesuṁ.
pli-tv-bu-vb-pj1:3.3.6	Seyyathāpi, sāriputta, nānāpupphāni phalake nikkhittāni suttena susaṅgahitāni, tāni vāto na vikirati na vidhamati na viddhaṁseti.
pli-tv-bu-vb-pj1:3.3.7	Taṁ kissa hetu?
pli-tv-bu-vb-pj1:3.3.8	Yathā taṁ suttena susaṅgahitattā.
pli-tv-bu-vb-pj1:3.3.9	Evameva kho, sāriputta, tesaṁ buddhānaṁ bhagavantānaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā te taṁ brahmacariyaṁ ciraṁ dīghamaddhānaṁ ṭhapesuṁ.
pli-tv-bu-vb-pj1:3.3.10	Ayaṁ kho, sāriputta, hetu ayaṁ paccayo yena bhagavato ca kakusandhassa bhagavato ca koṇāgamanassa bhagavato ca kassapassa brahmacariyaṁ ciraṭṭhitikaṁ ahosī”ti.
pli-tv-bu-vb-pj1:3.4.1	Atha kho āyasmā sāriputto uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca—
pli-tv-bu-vb-pj1:3.4.2	“etassa, bhagavā, kālo. Etassa, sugata, kālo.
pli-tv-bu-vb-pj1:3.4.3	Yaṁ bhagavā sāvakānaṁ sikkhāpadaṁ paññapeyya, uddiseyya pātimokkhaṁ, yathayidaṁ brahmacariyaṁ addhaniyaṁ assa ciraṭṭhitikan”ti.
pli-tv-bu-vb-pj1:3.4.4	“Āgamehi tvaṁ, sāriputta. Āgamehi tvaṁ, sāriputta.
pli-tv-bu-vb-pj1:3.4.5	Tathāgatova tattha kālaṁ jānissati.
pli-tv-bu-vb-pj1:3.4.6	Na tāva, sāriputta, satthā sāvakānaṁ sikkhāpadaṁ paññapeti uddisati pātimokkhaṁ yāva na idhekacce āsavaṭṭhānīyā dhammā saṅghe pātubhavanti. Yato ca kho, sāriputta, idhekacce āsavaṭṭhānīyā dhammā saṅghe pātubhavanti, atha satthā sāvakānaṁ sikkhāpadaṁ paññapeti uddisati pātimokkhaṁ tesaṁyeva āsavaṭṭhānīyānaṁ dhammānaṁ paṭighātāya.
pli-tv-bu-vb-pj1:3.4.7	Na tāva, sāriputta, idhekacce āsavaṭṭhānīyā dhammā saṅghe pātubhavanti yāva na saṅgho rattaññumahattaṁ patto hoti.
pli-tv-bu-vb-pj1:3.4.8	Yato ca kho, sāriputta, saṅgho rattaññumahattaṁ patto hoti atha idhekacce āsavaṭṭhānīyā dhammā saṅghe pātubhavanti, atha satthā sāvakānaṁ sikkhāpadaṁ paññapeti uddisati pātimokkhaṁ tesaṁyeva āsavaṭṭhānīyānaṁ dhammānaṁ paṭighātāya.
pli-tv-bu-vb-pj1:3.4.9	Na tāva, sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho vepullamahattaṁ patto hoti.
pli-tv-bu-vb-pj1:3.4.10	Yato ca kho, sāriputta, saṅgho vepullamahattaṁ patto hoti, atha idhekacce āsavaṭṭhānīyā dhammā saṅghe pātubhavanti, atha satthā sāvakānaṁ sikkhāpadaṁ paññapeti uddisati pātimokkhaṁ tesaṁyeva āsavaṭṭhānīyānaṁ dhammānaṁ paṭighātāya.
pli-tv-bu-vb-pj1:3.4.11	Na tāva, sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho lābhaggamahattaṁ patto hoti.
pli-tv-bu-vb-pj1:3.4.12	Yato ca kho, sāriputta, saṅgho lābhaggamahattaṁ patto hoti, atha idhekacce āsavaṭṭhānīyā dhammā saṅghe pātubhavanti, atha satthā sāvakānaṁ sikkhāpadaṁ paññapeti uddisati pātimokkhaṁ tesaṁyeva āsavaṭṭhānīyānaṁ dhammānaṁ paṭighātāya.
pli-tv-bu-vb-pj1:3.4.13	Na tāva, sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho bāhusaccamahattaṁ patto hoti.
pli-tv-bu-vb-pj1:3.4.14	Yato ca kho, sāriputta, saṅgho bāhusaccamahattaṁ patto hoti, atha idhekacce āsavaṭṭhānīyā dhammā saṅghe pātubhavanti, atha satthā sāvakānaṁ sikkhāpadaṁ paññapeti uddisati pātimokkhaṁ tesaṁyeva āsavaṭṭhānīyānaṁ dhammānaṁ paṭighātāya.
pli-tv-bu-vb-pj1:3.4.15	Nirabbudo hi, sāriputta, bhikkhusaṅgho nirādīnavo apagatakāḷako suddho sāre patiṭṭhito.
pli-tv-bu-vb-pj1:3.4.16	Imesañhi, sāriputta, pañcannaṁ bhikkhusatānaṁ yo pacchimako bhikkhu so sotāpanno avinipātadhammo niyato sambodhiparāyaṇo”ti.
pli-tv-bu-vb-pj1:4.1	Atha kho bhagavā āyasmantaṁ ānandaṁ āmantesi—“āciṇṇaṁ kho panetaṁ, ānanda, tathāgatānaṁ yehi nimantitā vassaṁ vasanti, na te anapaloketvā janapadacārikaṁ pakkamanti.
pli-tv-bu-vb-pj1:4.2	Āyāmānanda, verañjaṁ brāhmaṇaṁ apalokessāmā”ti.
pli-tv-bu-vb-pj1:4.3	“Evaṁ, bhante”ti kho āyasmā ānando bhagavato paccassosi.
pli-tv-bu-vb-pj1:4.4	Atha kho bhagavā nivāsetvā pattacīvaramādāya āyasmatā ānandena pacchāsamaṇena yena verañjassa brāhmaṇassa nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-pj1:4.5	Atha kho verañjo brāhmaṇo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-pj1:4.6	Ekamantaṁ nisinnaṁ kho verañjaṁ brāhmaṇaṁ bhagavā etadavoca—“nimantitamha tayā, brāhmaṇa, vassaṁvuṭṭhā, apalokema taṁ,
pli-tv-bu-vb-pj1:4.7	“icchāma mayaṁ janapadacārikaṁ pakkamitun”ti.
pli-tv-bu-vb-pj1:4.8	“Saccaṁ, bho gotama, nimantitattha mayā vassaṁvuṭṭhā; api ca yo deyyadhammo so na dinno.
pli-tv-bu-vb-pj1:4.9	Tañca kho no asantaṁ,
pli-tv-bu-vb-pj1:4.10	nopi adātukamyatā, taṁ kutettha labbhā bahukiccā gharāvāsā bahukaraṇīyā.
pli-tv-bu-vb-pj1:4.11	Adhivāsetu me bhavaṁ gotamo svātanāya bhattaṁ saddhiṁ bhikkhusaṅghenā”ti.
pli-tv-bu-vb-pj1:4.12	Adhivāsesi bhagavā tuṇhībhāvena.
pli-tv-bu-vb-pj1:4.13	Atha kho bhagavā verañjaṁ brāhmaṇaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-bu-vb-pj1:4.14	Atha kho verañjo brāhmaṇo tassā rattiyā accayena sake nivesane paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi—“kālo, bho gotama, niṭṭhitaṁ bhattan”ti.
pli-tv-bu-vb-pj1:4.15	Atha kho bhagavā pubbaṇhasamayaṁ nivāsetvā pattacīvaramādāya yena verañjassa brāhmaṇassa nivesanaṁ tenupasaṅkami; upasaṅkamitvā paññatte āsane nisīdi saddhiṁ bhikkhusaṅghena.
pli-tv-bu-vb-pj1:4.16	Atha kho verañjo brāhmaṇo buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ticīvarena acchādesi, ekamekañca bhikkhuṁ ekamekena dussayugena acchādesi.
pli-tv-bu-vb-pj1:4.17	Atha kho bhagavā verañjaṁ brāhmaṇaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.
pli-tv-bu-vb-pj1:4.18	Atha kho bhagavā verañjāyaṁ yathābhirantaṁ viharitvā anupagamma soreyyaṁ saṅkassaṁ kaṇṇakujjaṁ yena payāgapatiṭṭhānaṁ tenupasaṅkami; upasaṅkamitvā payāgapatiṭṭhāne gaṅgaṁ nadiṁ uttaritvā yena bārāṇasī tadavasari.
pli-tv-bu-vb-pj1:4.19	Atha kho bhagavā bārāṇasiyaṁ yathābhirantaṁ viharitvā yena vesālī tena cārikaṁ pakkāmi.
pli-tv-bu-vb-pj1:4.20	Anupubbena cārikaṁ caramāno yena vesālī tadavasari.
pli-tv-bu-vb-pj1:4.21	Tatra sudaṁ bhagavā vesāliyaṁ viharati mahāvane kūṭāgārasālāyanti.
pli-tv-bu-vb-pj1:4.22	Verañjabhāṇavāro niṭṭhito.
pli-tv-bu-vb-pj1:5.0.1	Paṭhamapārājikasikkhāpada
pli-tv-bu-vb-pj1:5.0.2	1. Sudinnabhāṇavāra
pli-tv-bu-vb-pj1:5.1.1	Tena kho pana samayena vesāliyā avidūre kalandagāmo nāma atthi. Tattha sudinno nāma kalandaputto seṭṭhiputto hoti.
pli-tv-bu-vb-pj1:5.1.2	Atha kho sudinno kalandaputto sambahulehi sahāyakehi saddhiṁ vesāliṁ agamāsi kenacideva karaṇīyena.
pli-tv-bu-vb-pj1:5.1.3	Tena kho pana samayena bhagavā mahatiyā parisāya parivuto dhammaṁ desento nisinno hoti.
pli-tv-bu-vb-pj1:5.1.4	Addasa kho sudinno kalandaputto bhagavantaṁ mahatiyā parisāya parivutaṁ dhammaṁ desentaṁ nisinnaṁ. Disvānassa etadahosi—“yannūnāhampi dhammaṁ suṇeyyan”ti.
pli-tv-bu-vb-pj1:5.1.5	Atha kho sudinno kalandaputto yena sā parisā tenupasaṅkami; upasaṅkamitvā ekamantaṁ nisīdi.
pli-tv-bu-vb-pj1:5.1.6	Ekamantaṁ nisinnassa kho sudinnassa kalandaputtassa etadahosi—
pli-tv-bu-vb-pj1:5.1.7	“yathā yathā kho ahaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
pli-tv-bu-vb-pj1:5.1.8	yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan”ti.
pli-tv-bu-vb-pj1:5.1.9	Atha kho sā parisā bhagavatā dhammiyā kathāya sandassitā samādapitā samuttejitā sampahaṁsitā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-pj1:5.1.10	Atha kho sudinno kalandaputto aciravuṭṭhitāya parisāya yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sudinno kalandaputto bhagavantaṁ etadavoca—
pli-tv-bu-vb-pj1:5.1.11	“yathā yathāhaṁ, bhante, bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
pli-tv-bu-vb-pj1:5.1.12	icchāmahaṁ, bhante, kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
pli-tv-bu-vb-pj1:5.1.13	Pabbājetu maṁ bhagavā”ti.
pli-tv-bu-vb-pj1:5.1.14	“Anuññātosi pana tvaṁ, sudinna, mātāpitūhi agārasmā anagāriyaṁ pabbajjāyā”ti?
pli-tv-bu-vb-pj1:5.1.15	“Na kho ahaṁ, bhante, anuññāto mātāpitūhi agārasmā anagāriyaṁ pabbajjāyā”ti.
pli-tv-bu-vb-pj1:5.1.16	“Na kho, sudinna, tathāgatā ananuññātaṁ mātāpitūhi puttaṁ pabbājentī”ti.
pli-tv-bu-vb-pj1:5.1.17	“Sohaṁ, bhante, tathā karissāmi yathā maṁ mātāpitaro anujānissanti agārasmā anagāriyaṁ pabbajjāyā”ti.
pli-tv-bu-vb-pj1:5.2.1	Atha kho sudinno kalandaputto vesāliyaṁ taṁ karaṇīyaṁ tīretvā yena kalandagāmo yena mātāpitaro tenupasaṅkami; upasaṅkamitvā mātāpitaro etadavoca—
pli-tv-bu-vb-pj1:5.2.2	“ammatātā, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
pli-tv-bu-vb-pj1:5.2.3	icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
pli-tv-bu-vb-pj1:5.2.4	Anujānātha maṁ agārasmā anagāriyaṁ pabbajjāyā”ti.
pli-tv-bu-vb-pj1:5.2.5	Evaṁ vutte, sudinnassa kalandaputtassa mātāpitaro sudinnaṁ kalandaputtaṁ etadavocuṁ—
pli-tv-bu-vb-pj1:5.2.6	“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato. Na tvaṁ, tāta sudinna, kiñci dukkhassa jānāsi.
pli-tv-bu-vb-pj1:5.2.7	Maraṇenapi mayaṁ te akāmakā vinā bhavissāma
pli-tv-bu-vb-pj1:5.2.8	kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā”ti.
pli-tv-bu-vb-pj1:5.2.9	Dutiyampi kho sudinno kalandaputto mātāpitaro etadavoca—
pli-tv-bu-vb-pj1:5.2.10	“ammatātā, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
pli-tv-bu-vb-pj1:5.2.11	icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
pli-tv-bu-vb-pj1:5.2.12	Anujānātha maṁ agārasmā anagāriyaṁ pabbajjāyā”ti.
pli-tv-bu-vb-pj1:5.2.13	Dutiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—
pli-tv-bu-vb-pj1:5.2.14	“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
pli-tv-bu-vb-pj1:5.2.15	Na tvaṁ, tāta sudinna, kiñci dukkhassa jānāsi.
pli-tv-bu-vb-pj1:5.2.16	Maraṇenapi mayaṁ te akāmakā vinā bhavissāma,
pli-tv-bu-vb-pj1:5.2.17	kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā”ti.
pli-tv-bu-vb-pj1:5.2.18	Tatiyampi kho sudinno kalandaputto mātāpitaro etadavoca—
pli-tv-bu-vb-pj1:5.2.19	“ammatātā, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ;
pli-tv-bu-vb-pj1:5.2.20	icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ.
pli-tv-bu-vb-pj1:5.2.21	Anujānātha maṁ agārasmā anagāriyaṁ pabbajjāyā”ti.
pli-tv-bu-vb-pj1:5.2.22	Tatiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—
pli-tv-bu-vb-pj1:5.2.23	“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
pli-tv-bu-vb-pj1:5.2.24	Na tvaṁ, tāta sudinna, kiñci dukkhassa jānāsi.
pli-tv-bu-vb-pj1:5.2.25	Maraṇenapi mayaṁ te akāmakā vinā bhavissāma,
pli-tv-bu-vb-pj1:5.2.26	kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā”ti.
pli-tv-bu-vb-pj1:5.2.27	Atha kho sudinno kalandaputto—“na maṁ mātāpitaro anujānanti agārasmā anagāriyaṁ pabbajjāyā”ti,
pli-tv-bu-vb-pj1:5.2.28	tattheva anantarahitāya bhūmiyā nipajji—
pli-tv-bu-vb-pj1:5.2.29	“idheva me maraṇaṁ bhavissati pabbajjā vā”ti.
pli-tv-bu-vb-pj1:5.2.30	Atha kho sudinno kalandaputto ekampi bhattaṁ na bhuñji, dvepi bhattāni na bhuñji, tīṇipi bhattāni na bhuñji, cattāripi bhattāni na bhuñji, pañcapi bhattāni na bhuñji, chapi bhattāni na bhuñji, sattapi bhattāni na bhuñji.
pli-tv-bu-vb-pj1:5.2.31	Atha kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
pli-tv-bu-vb-pj1:5.2.32	Na tvaṁ, tāta sudinna, kiñci dukkhassa jānāsi.
pli-tv-bu-vb-pj1:5.2.33	Maraṇenapi mayaṁ te akāmakā vinā bhavissāma,
pli-tv-bu-vb-pj1:5.2.34	kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāya?
pli-tv-bu-vb-pj1:5.2.35	Uṭṭhehi, tāta sudinna, bhuñja ca piva ca paricārehi ca,
pli-tv-bu-vb-pj1:5.2.36	bhuñjanto pivanto paricārento kāme paribhuñjanto puññāni karonto abhiramassu.
pli-tv-bu-vb-pj1:5.2.37	Na taṁ mayaṁ anujānāma agārasmā anagāriyaṁ pabbajjāyā”ti.
pli-tv-bu-vb-pj1:5.2.38	Evaṁ vutte, sudinno kalandaputto tuṇhī ahosi.
pli-tv-bu-vb-pj1:5.2.39	Dutiyampi kho …pe…
pli-tv-bu-vb-pj1:5.2.40	tatiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ—
pli-tv-bu-vb-pj1:5.2.41	“tvaṁ khosi, tāta sudinna, amhākaṁ ekaputtako piyo manāpo sukhedhito sukhaparihato.
pli-tv-bu-vb-pj1:5.2.42	Na tvaṁ, tāta sudinna, kiñci dukkhassa jānāsi.
pli-tv-bu-vb-pj1:5.2.43	Maraṇenapi mayaṁ te akāmakā vinā bhavissāma,
pli-tv-bu-vb-pj1:5.2.44	kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāya.
pli-tv-bu-vb-pj1:5.2.45	Uṭṭhehi, tāta sudinna, bhuñja ca piva ca paricārehi ca,
pli-tv-bu-vb-pj1:5.2.46	bhuñjanto pivanto paricārento kāme paribhuñjanto puññāni karonto abhiramassu.
pli-tv-bu-vb-pj1:5.2.47	Na taṁ mayaṁ anujānāma agārasmā anagāriyaṁ pabbajjāyā”ti.
pli-tv-bu-vb-pj1:5.2.48	Tatiyampi kho sudinno kalandaputto tuṇhī ahosi.
pli-tv-bu-vb-pj1:5.3.1	Atha kho sudinnassa kalandaputtassa sahāyakā yena sudinno kalandaputto tenupasaṅkamiṁsu; upasaṅkamitvā sudinnaṁ kalandaputtaṁ etadavocuṁ—
pli-tv-bu-vb-pj1:5.3.2	“tvaṁ khosi, samma sudinna, mātāpitūnaṁ ekaputtako piyo manāpo sukhedhito sukhaparihato.
pli-tv-bu-vb-pj1:5.3.3	Na tvaṁ, samma sudinna, kiñci dukkhassa jānāsi.
pli-tv-bu-vb-pj1:5.3.4	Maraṇenapi te mātāpitaro akāmakā vinā bhavissanti,
pli-tv-bu-vb-pj1:5.3.5	kiṁ pana taṁ jīvantaṁ anujānissanti agārasmā anagāriyaṁ pabbajāya.
pli-tv-bu-vb-pj1:5.3.6	Uṭṭhehi, samma sudinna, bhuñja ca piva ca paricārehi ca,
pli-tv-bu-vb-pj1:5.3.7	bhuñjanto pivanto paricārento kāme paribhuñjanto puññāni karonto abhiramassu,
pli-tv-bu-vb-pj1:5.3.8	na taṁ mātāpitaro anujānissanti agārasmā anagāriyaṁ pabbajjāyā”ti.
pli-tv-bu-vb-pj1:5.3.9	Evaṁ vutte, sudinno kalandaputto tuṇhī ahosi.
pli-tv-bu-vb-pj1:5.3.10	Dutiyampi kho …pe…
pli-tv-bu-vb-pj1:5.3.11	tatiyampi kho sudinnassa kalandaputtassa sahāyakā sudinnaṁ kalandaputtaṁ etadavocuṁ—
pli-tv-bu-vb-pj1:5.3.12	“tvaṁ khosi, samma sudinna …pe…
pli-tv-bu-vb-pj1:5.3.13	tatiyampi kho sudinno kalandaputto tuṇhī ahosi.
pli-tv-bu-vb-pj1:5.4.1	Atha kho sudinnassa kalandaputtassa sahāyakā yena sudinnassa kalandaputtassa mātāpitaro tenupasaṅkamiṁsu; upasaṅkamitvā sudinnassa kalandaputtassa mātāpitaro etadavocuṁ—
pli-tv-bu-vb-pj1:5.4.2	“ammatātā, eso sudinno anantarahitāya bhūmiyā nipanno—
pli-tv-bu-vb-pj1:5.4.3	‘idheva me maraṇaṁ bhavissati pabbajjā vā’ti.
pli-tv-bu-vb-pj1:5.4.4	Sace tumhe sudinnaṁ nānujānissatha agārasmā anagāriyaṁ pabbajjāya, tattheva maraṇaṁ āgamissati.
pli-tv-bu-vb-pj1:5.4.5	Sace pana tumhe sudinnaṁ anujānissatha agārasmā anagāriyaṁ pabbajjāya, pabbajitampi naṁ dakkhissatha.
pli-tv-bu-vb-pj1:5.4.6	Sace sudinno nābhiramissati agārasmā anagāriyaṁ pabbajjāya, kā tassa aññā gati bhavissati, idheva paccāgamissati.
pli-tv-bu-vb-pj1:5.4.7	Anujānātha sudinnaṁ agārasmā anagāriyaṁ pabbajjāyā”ti.
pli-tv-bu-vb-pj1:5.4.8	“Anujānāma, tātā, sudinnaṁ agārasmā anagāriyaṁ pabbajjāyā”ti.
pli-tv-bu-vb-pj1:5.4.9	Atha kho sudinnassa kalandaputtassa sahāyakā yena sudinno kalandaputto tenupasaṅkamiṁsu; upasaṅkamitvā sudinnaṁ kalandaputtaṁ etadavocuṁ—
pli-tv-bu-vb-pj1:5.4.10	“uṭṭhehi, samma sudinna, anuññātosi mātāpitūhi agārasmā anagāriyaṁ pabbajjāyā”ti.
pli-tv-bu-vb-pj1:5.4.11	Atha kho sudinno kalandaputto—“anuññātomhi kira mātāpitūhi agārasmā anagāriyaṁ pabbajjāyā”ti, haṭṭho udaggo pāṇinā gattāni paripuñchanto vuṭṭhāsi.
pli-tv-bu-vb-pj1:5.4.12	Atha kho sudinno kalandaputto katipāhaṁ balaṁ gāhetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sudinno kalandaputto bhagavantaṁ etadavoca—
pli-tv-bu-vb-pj1:5.4.13	“anuññāto ahaṁ, bhante, mātāpitūhi agārasmā anagāriyaṁ pabbajjāya.
pli-tv-bu-vb-pj1:5.4.14	Pabbājetu maṁ bhagavā”ti.
pli-tv-bu-vb-pj1:5.4.15	Alattha kho sudinno kalandaputto bhagavato santike pabbajjaṁ, alattha upasampadaṁ.
pli-tv-bu-vb-pj1:5.4.16	Acirūpasampanno ca panāyasmā sudinno evarūpe dhutaguṇe samādāya vattati, āraññiko hoti piṇḍapātiko paṁsukūliko sapadānacāriko,
pli-tv-bu-vb-pj1:5.4.17	aññataraṁ vajjigāmaṁ upanissāya viharati.
pli-tv-bu-vb-pj1:5.5.1	Tena kho pana samayena vajjī dubbhikkhā hoti dvīhitikā setaṭṭhikā salākāvuttā, na sukarā uñchena paggahena yāpetuṁ.
pli-tv-bu-vb-pj1:5.5.2	Atha kho āyasmato sudinnassa etadahosi—“etarahi kho vajjī dubbhikkhā dvīhitikā setaṭṭhikā salākāvuttā, na sukarā uñchena paggahena yāpetuṁ.
pli-tv-bu-vb-pj1:5.5.3	Bahū kho pana me vesāliyaṁ ñātī aḍḍhā mahaddhanā mahābhogā pahūtajātarūparajatā pahūtavittūpakaraṇā pahūtadhanadhaññā.
pli-tv-bu-vb-pj1:5.5.4	Yannūnāhaṁ ñātī upanissāya vihareyyaṁ.
pli-tv-bu-vb-pj1:5.5.5	Ñātī maṁ nissāya dānāni dassanti puññāni karissanti, bhikkhū ca lābhaṁ lacchanti, ahañca piṇḍakena na kilamissāmī”ti.
pli-tv-bu-vb-pj1:5.5.6	Atha kho āyasmā sudinno senāsanaṁ saṁsāmetvā pattacīvaramādāya yena vesālī tena pakkāmi.
pli-tv-bu-vb-pj1:5.5.7	Anupubbena yena vesālī tadavasari. Tatra sudaṁ āyasmā sudinno vesāliyaṁ viharati mahāvane kūṭāgārasālāyaṁ.
pli-tv-bu-vb-pj1:5.5.8	Assosuṁ kho āyasmato sudinnassa ñātakā—“sudinno kira kalandaputto vesāliṁ anuppatto”ti. Te āyasmato sudinnassa saṭṭhimatte thālipāke bhattābhihāraṁ abhihariṁsu.
pli-tv-bu-vb-pj1:5.5.9	Atha kho āyasmā sudinno te saṭṭhimatte thālipāke bhikkhūnaṁ vissajjetvā pubbaṇhasamayaṁ nivāsetvā pattacīvaramādāya kalandagāmaṁ piṇḍāya pāvisi.
pli-tv-bu-vb-pj1:5.5.10	Kalandagāme sapadānaṁ piṇḍāya caramāno yena sakapitu nivesanaṁ tenupasaṅkami.
pli-tv-bu-vb-pj1:5.6.1	Tena kho pana samayena āyasmato sudinnassa ñātidāsī ābhidosikaṁ kummāsaṁ chaḍḍetukāmā hoti.
pli-tv-bu-vb-pj1:5.6.2	Atha kho āyasmā sudinno taṁ ñātidāsiṁ etadavoca—
pli-tv-bu-vb-pj1:5.6.3	“sace taṁ, bhagini, chaḍḍanīyadhammaṁ, idha me patte ākirā”ti.
pli-tv-bu-vb-pj1:5.6.4	Atha kho āyasmato sudinnassa ñātidāsī taṁ ābhidosikaṁ kummāsaṁ āyasmato sudinnassa patte ākirantī hatthānañca pādānañca sarassa ca nimittaṁ aggahesi.
pli-tv-bu-vb-pj1:5.6.5	Atha kho āyasmato sudinnassa ñātidāsī yenāyasmato sudinnassa mātā tenupasaṅkami; upasaṅkamitvā āyasmato sudinnassa mātaraṁ etadavoca—
pli-tv-bu-vb-pj1:5.6.6	“yaggheyye, jāneyyāsi,
pli-tv-bu-vb-pj1:5.6.7	ayyaputto sudinno anuppatto”ti.
pli-tv-bu-vb-pj1:5.6.8	“Sace, je, tvaṁ saccaṁ bhaṇasi, adāsiṁ taṁ karomī”ti.
pli-tv-bu-vb-pj1:5.6.9	Tena kho pana samayena āyasmā sudinno taṁ ābhidosikaṁ kummāsaṁ aññataraṁ kuṭṭamūlaṁ nissāya paribhuñjati.
pli-tv-bu-vb-pj1:5.6.10	Pitāpi kho āyasmato sudinnassa kammantā āgacchanto addasa āyasmantaṁ sudinnaṁ taṁ ābhidosikaṁ kummāsaṁ aññataraṁ kuṭṭamūlaṁ nissāya paribhuñjantaṁ.
pli-tv-bu-vb-pj1:5.6.11	Disvāna yenāyasmā sudinno tenupasaṅkami; upasaṅkamitvā āyasmantaṁ sudinnaṁ etadavoca—
pli-tv-bu-vb-pj1:5.6.12	“atthi nāma, tāta sudinna, ābhidosikaṁ kummāsaṁ paribhuñjissasi.
pli-tv-bu-vb-pj1:5.6.13	Nanu nāma, tāta sudinna, sakaṁ gehaṁ gantabban”ti?
pli-tv-bu-vb-pj1:5.6.14	“Agamimha kho te, gahapati, gehaṁ.
pli-tv-bu-vb-pj1:5.6.15	Tatāyaṁ ābhidosiko kummāso”ti.
pli-tv-bu-vb-pj1:5.6.16	Atha kho āyasmato sudinnassa pitā āyasmato sudinnassa bāhāyaṁ gahetvā āyasmantaṁ sudinnaṁ etadavoca— “ehi, tāta sudinna, gharaṁ gamissāmā”ti.
pli-tv-bu-vb-pj1:5.6.17	Atha kho āyasmā sudinno yena sakapitu nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-pj1:5.6.18	Atha kho āyasmato sudinnassa pitā āyasmantaṁ sudinnaṁ etadavoca— “bhuñja, tāta sudinnā”ti.
pli-tv-bu-vb-pj1:5.6.19	“Alaṁ, gahapati, kataṁ me ajja bhattakiccan”ti.
pli-tv-bu-vb-pj1:5.6.20	“Adhivāsehi, tāta sudinna, svātanāya bhattan”ti.
pli-tv-bu-vb-pj1:5.6.21	Adhivāsesi kho āyasmā sudinno tuṇhībhāvena. Atha kho āyasmā sudinno uṭṭhāyāsanā pakkāmi.
pli-tv-bu-vb-pj1:5.6.22	Atha kho āyasmato sudinnassa mātā tassā rattiyā accayena haritena gomayena pathaviṁ opuñjāpetvā dve puñje kārāpesi—ekaṁ hiraññassa, ekaṁ suvaṇṇassa.
pli-tv-bu-vb-pj1:5.6.23	Tāva mahantā puñjā ahesuṁ, orato ṭhito puriso pārato ṭhitaṁ purisaṁ na passati; pārato ṭhito puriso orato ṭhitaṁ purisaṁ na passati.
pli-tv-bu-vb-pj1:5.6.24	Te puñje kilañjehi paṭicchādāpetvā majjhe āsanaṁ paññāpetvā tirokaraṇīyaṁ parikkhipitvā āyasmato sudinnassa purāṇadutiyikaṁ āmantesi—
pli-tv-bu-vb-pj1:5.6.25	“tena hi, vadhu, yena alaṅkārena alaṅkatā puttassa me sudinnassa piyā ahosi manāpā tena alaṅkārena alaṅkarā”ti.
pli-tv-bu-vb-pj1:5.6.26	“Evaṁ, ayye”ti, kho āyasmato sudinnassa purāṇadutiyikā āyasmato sudinnassa mātuyā paccassosi.
pli-tv-bu-vb-pj1:5.7.1	Atha kho āyasmā sudinno pubbaṇhasamayaṁ nivāsetvā pattacīvaramādāya yena sakapitu nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-pj1:5.7.2	Atha kho āyasmato sudinnassa pitā yenāyasmā sudinno tenupasaṅkami; upasaṅkamitvā te puñje vivarāpetvā āyasmantaṁ sudinnaṁ etadavoca—
pli-tv-bu-vb-pj1:5.7.3	“idaṁ te, tāta sudinna, mātu mattikaṁ itthikāya itthidhanaṁ, aññaṁ pettikaṁ aññaṁ pitāmahaṁ.
pli-tv-bu-vb-pj1:5.7.4	Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
pli-tv-bu-vb-pj1:5.7.5	Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
pli-tv-bu-vb-pj1:5.7.6	“Tāta, na ussahāmi na visahāmi, abhirato ahaṁ brahmacariyaṁ carāmī”ti.
pli-tv-bu-vb-pj1:5.7.7	Dutiyampi kho …pe…
pli-tv-bu-vb-pj1:5.7.8	tatiyampi kho āyasmato sudinnassa pitā āyasmantaṁ sudinnaṁ etadavoca—
pli-tv-bu-vb-pj1:5.7.9	“idaṁ te, tāta sudinna, mātu mattikaṁ, itthikāya itthidhanaṁ, aññaṁ pettikaṁ, aññaṁ pitāmahaṁ.
pli-tv-bu-vb-pj1:5.7.10	Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
pli-tv-bu-vb-pj1:5.7.11	Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
pli-tv-bu-vb-pj1:5.7.12	“Vadeyyāma kho taṁ, gahapati, sace tvaṁ nātikaḍḍheyyāsī”ti.
pli-tv-bu-vb-pj1:5.7.13	“Vadehi, tāta sudinnā”ti.
pli-tv-bu-vb-pj1:5.7.14	“Tena hi tvaṁ, gahapati, mahante mahante sāṇipasibbake kārāpetvā hiraññasuvaṇṇassa pūrāpetvā sakaṭehi nibbāhāpetvā majjhe gaṅgāya sote opātehi.
pli-tv-bu-vb-pj1:5.7.15	Taṁ kissa hetu?
pli-tv-bu-vb-pj1:5.7.16	Yañhi te, gahapati, bhavissati tatonidānaṁ bhayaṁ vā chambhitattaṁ vā lomahaṁso vā ārakkho vā so te na bhavissatī”ti.
pli-tv-bu-vb-pj1:5.7.17	Evaṁ vutte, āyasmato sudinnassa pitā anattamano ahosi— “kathañhi nāma putto sudinno evaṁ vakkhatī”ti.
pli-tv-bu-vb-pj1:5.7.18	Atha kho āyasmato sudinnassa pitā āyasmato sudinnassa purāṇadutiyikaṁ āmantesi—
pli-tv-bu-vb-pj1:5.7.19	“tena hi, vadhu, tvaṁ piyā ca manāpā ca. Appeva nāma putto sudinno tuyhampi vacanaṁ kareyyā”ti.
pli-tv-bu-vb-pj1:5.7.20	Atha kho āyasmato sudinnassa purāṇadutiyikā āyasmato sudinnassa pādesu gahetvā āyasmantaṁ sudinnaṁ etadavoca—
pli-tv-bu-vb-pj1:5.7.21	“kīdisā nāma tā, ayyaputta, accharāyo yāsaṁ tvaṁ hetu brahmacariyaṁ carasī”ti?
pli-tv-bu-vb-pj1:5.7.22	“Na kho ahaṁ, bhagini, accharānaṁ hetu brahmacariyaṁ carāmī”ti.
pli-tv-bu-vb-pj1:5.7.23	Atha kho āyasmato sudinnassa purāṇadutiyikā— “ajjatagge maṁ ayyaputto sudinno bhaginivādena samudācaratī”ti, tattheva mucchitā papatā.
pli-tv-bu-vb-pj1:5.8.1	Atha kho āyasmā sudinno pitaraṁ etadavoca—
pli-tv-bu-vb-pj1:5.8.2	“sace, gahapati, bhojanaṁ dātabbaṁ detha,
pli-tv-bu-vb-pj1:5.8.3	mā no viheṭhayitthā”ti.
pli-tv-bu-vb-pj1:5.8.4	“Bhuñja, tāta sudinnā”ti.
pli-tv-bu-vb-pj1:5.8.5	Atha kho āyasmato sudinnassa mātā ca pitā ca āyasmantaṁ sudinnaṁ paṇītena khādanīyena bhojanīyena sahatthā santappesuṁ sampavāresuṁ.
pli-tv-bu-vb-pj1:5.8.6	Atha kho āyasmato sudinnassa mātā āyasmantaṁ sudinnaṁ bhuttāviṁ onītapattapāṇiṁ etadavoca—
pli-tv-bu-vb-pj1:5.8.7	“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
pli-tv-bu-vb-pj1:5.8.8	Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
pli-tv-bu-vb-pj1:5.8.9	Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
pli-tv-bu-vb-pj1:5.8.10	“Amma, na ussahāmi na visahāmi, abhirato ahaṁ brahmacariyaṁ carāmī”ti.
pli-tv-bu-vb-pj1:5.8.11	Dutiyampi kho …pe…
pli-tv-bu-vb-pj1:5.8.12	tatiyampi kho āyasmato sudinnassa mātā āyasmantaṁ sudinnaṁ etadavoca—
pli-tv-bu-vb-pj1:5.8.13	“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
pli-tv-bu-vb-pj1:5.8.14	Tena hi, tāta sudinna, bījakampi dehi—
pli-tv-bu-vb-pj1:5.8.15	mā no aputtakaṁ sāpateyyaṁ licchavayo atiharāpesun”ti.
pli-tv-bu-vb-pj1:5.8.16	“Etaṁ kho me, amma, sakkā kātun”ti.
pli-tv-bu-vb-pj1:5.8.17	“Kahaṁ pana, tāta sudinna, etarahi viharasī”ti?
pli-tv-bu-vb-pj1:5.8.18	“Mahāvane, ammā”ti.
pli-tv-bu-vb-pj1:5.8.19	Atha kho āyasmā sudinno uṭṭhāyāsanā pakkāmi.
pli-tv-bu-vb-pj1:5.9.1	Atha kho āyasmato sudinnassa mātā āyasmato sudinnassa purāṇadutiyikaṁ āmantesi—
pli-tv-bu-vb-pj1:5.9.2	“tena hi, vadhu, yadā utunī ahosi, pupphaṁ te uppannaṁ hoti, atha me āroceyyāsī”ti.
pli-tv-bu-vb-pj1:5.9.3	“Evaṁ, ayye”ti kho āyasmato sudinnassa purāṇadutiyikā āyasmato sudinnassa mātuyā paccassosi.
pli-tv-bu-vb-pj1:5.9.4	Atha kho āyasmato sudinnassa purāṇadutiyikā nacirasseva utunī ahosi, pupphaṁsā uppajji.
pli-tv-bu-vb-pj1:5.9.5	Atha kho āyasmato sudinnassa purāṇadutiyikā āyasmato sudinnassa mātaraṁ etadavoca—“utunīmhi, ayye, pupphaṁ me uppannan”ti.
pli-tv-bu-vb-pj1:5.9.6	“Tena hi, vadhu, yena alaṅkārena alaṅkatā puttassa sudinnassa piyā ahosi manāpā tena alaṅkārena alaṅkarā”ti.
pli-tv-bu-vb-pj1:5.9.7	“Evaṁ, ayye”ti kho āyasmato sudinnassa purāṇadutiyikā āyasmato sudinnassa mātuyā paccassosi.
pli-tv-bu-vb-pj1:5.9.8	Atha kho āyasmato sudinnassa mātā āyasmato sudinnassa purāṇadutiyikaṁ ādāya yena mahāvanaṁ yenāyasmā sudinno tenupasaṅkami; upasaṅkamitvā āyasmantaṁ sudinnaṁ etadavoca—
pli-tv-bu-vb-pj1:5.9.9	“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
pli-tv-bu-vb-pj1:5.9.10	Labbhā, tāta sudinna, hīnāyāvattitvā bhogā ca bhuñjituṁ puññāni ca kātuṁ.
pli-tv-bu-vb-pj1:5.9.11	Ehi tvaṁ, tāta sudinna, hīnāyāvattitvā bhoge ca bhuñjassu puññāni ca karohī”ti.
pli-tv-bu-vb-pj1:5.9.12	“Amma, na ussahāmi na visahāmi,
pli-tv-bu-vb-pj1:5.9.13	abhirato ahaṁ brahmacariyaṁ carāmī”ti.
pli-tv-bu-vb-pj1:5.9.14	Dutiyampi kho …pe…
pli-tv-bu-vb-pj1:5.9.15	tatiyampi kho āyasmato sudinnassa mātā āyasmantaṁ sudinnaṁ etadavoca—
pli-tv-bu-vb-pj1:5.9.16	“idaṁ, tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
pli-tv-bu-vb-pj1:5.9.17	Tena hi, tāta sudinna, bījakampi dehi—
pli-tv-bu-vb-pj1:5.9.18	mā no aputtakaṁ sāpateyyaṁ licchavayo atiharāpesun”ti.
pli-tv-bu-vb-pj1:5.9.19	“Etaṁ kho me, amma, sakkā kātun”ti,
pli-tv-bu-vb-pj1:5.9.20	purāṇadutiyikāya bāhāyaṁ gahetvā mahāvanaṁ ajjhogāhetvā apaññatte sikkhāpade anādīnavadasso purāṇadutiyikāya tikkhattuṁ methunaṁ dhammaṁ abhiviññāpesi.
pli-tv-bu-vb-pj1:5.9.21	Sā tena gabbhaṁ gaṇhi.
pli-tv-bu-vb-pj1:5.9.22	Bhummā devā saddamanussāvesuṁ—
pli-tv-bu-vb-pj1:5.9.23	“nirabbudo vata bho bhikkhusaṅgho nirādīnavo;
pli-tv-bu-vb-pj1:5.9.24	sudinnena kalandaputtena abbudaṁ uppāditaṁ, ādīnavo uppādito”ti.
pli-tv-bu-vb-pj1:5.9.25	Bhummānaṁ devānaṁ saddaṁ sutvā cātumahārājikā devā saddamanussāvesuṁ …pe…
pli-tv-bu-vb-pj1:5.9.26	tāvatiṁsā devā …
pli-tv-bu-vb-pj1:5.9.27	yāmā devā …
pli-tv-bu-vb-pj1:5.9.28	tusitā devā …
pli-tv-bu-vb-pj1:5.9.29	nimmānaratī devā …
pli-tv-bu-vb-pj1:5.9.30	paranimmitavasavattī devā …
pli-tv-bu-vb-pj1:5.9.31	brahmakāyikā devā saddamanussāvesuṁ—
pli-tv-bu-vb-pj1:5.9.32	“nirabbudo vata bho bhikkhusaṅgho nirādīnavo;
pli-tv-bu-vb-pj1:5.9.33	sudinnena kalandaputtena abbudaṁ uppāditaṁ, ādīnavo uppādito”ti.
pli-tv-bu-vb-pj1:5.9.34	Itiha tena khaṇena tena muhuttena yāva brahmalokā saddo abbhuggacchi.
pli-tv-bu-vb-pj1:5.9.35	Atha kho āyasmato sudinnassa purāṇadutiyikā tassa gabbhassa paripākamanvāya puttaṁ vijāyi.
pli-tv-bu-vb-pj1:5.9.36	Atha kho āyasmato sudinnassa sahāyakā tassa dārakassa bījakoti nāmaṁ akaṁsu.
pli-tv-bu-vb-pj1:5.9.37	Āyasmato sudinnassa purāṇadutiyikāya bījakamātāti nāmaṁ akaṁsu.
pli-tv-bu-vb-pj1:5.9.38	Āyasmato sudinnassa bījakapitāti nāmaṁ akaṁsu.
pli-tv-bu-vb-pj1:5.9.39	Te aparena samayena ubho agārasmā anagāriyaṁ pabbajitvā arahattaṁ sacchākaṁsu.
pli-tv-bu-vb-pj1:5.10.1	Atha kho āyasmato sudinnassa ahudeva kukkuccaṁ, ahu vippaṭisāro—
pli-tv-bu-vb-pj1:5.10.2	“alābhā vata me, na vata me lābhā; dulladdhaṁ vata me, na vata me suladdhaṁ;
pli-tv-bu-vb-pj1:5.10.3	yohaṁ evaṁ svākkhāte dhammavinaye pabbajitvā nāsakkhiṁ yāvajīvaṁ paripuṇṇaṁ parisuddhaṁ brahmacariyaṁ caritun”ti.
pli-tv-bu-vb-pj1:5.10.4	So teneva kukkuccena tena vippaṭisārena kiso ahosi lūkho dubbaṇṇo uppaṇḍuppaṇḍukajāto dhamanisanthatagatto antomano līnamano dukkhī dummano vippaṭisārī pajjhāyi.
pli-tv-bu-vb-pj1:5.10.5	Atha kho āyasmato sudinnassa sahāyakā bhikkhū āyasmantaṁ sudinnaṁ etadavocuṁ—
pli-tv-bu-vb-pj1:5.10.6	“pubbe kho tvaṁ, āvuso sudinna, vaṇṇavā ahosi pīṇindriyo pasannamukhavaṇṇo vippasannachavivaṇṇo;
pli-tv-bu-vb-pj1:5.10.7	so dāni tvaṁ etarahi kiso lūkho dubbaṇṇo uppaṇḍuppaṇḍukajāto dhamanisanthatagatto antomano līnamano dukkhī dummano vippaṭisārī pajjhāyasi.
pli-tv-bu-vb-pj1:5.10.8	Kacci no tvaṁ, āvuso sudinna, anabhirato brahmacariyaṁ carasī”ti?
pli-tv-bu-vb-pj1:5.10.9	“Na kho ahaṁ, āvuso, anabhirato brahmacariyaṁ carāmi.
pli-tv-bu-vb-pj1:5.10.10	Atthi me pāpakammaṁ kataṁ;
pli-tv-bu-vb-pj1:5.10.11	purāṇadutiyikāya methuno dhammo paṭisevito;
pli-tv-bu-vb-pj1:5.10.12	tassa mayhaṁ, āvuso, ahudeva kukkuccaṁ ahu vippaṭisāro—
pli-tv-bu-vb-pj1:5.10.13	‘alābhā vata me, na vata me lābhā; dulladdhaṁ vata me, na vata me suladdhaṁ; yohaṁ evaṁ svākkhāte dhammavinaye pabbajitvā nāsakkhiṁ yāvajīvaṁ paripuṇṇaṁ parisuddhaṁ brahmacariyaṁ caritun’”ti.
pli-tv-bu-vb-pj1:5.10.14	“Alañhi te, āvuso sudinna, kukkuccāya alaṁ vippaṭisārāya yaṁ tvaṁ evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
pli-tv-bu-vb-pj1:5.10.15	Nanu, āvuso, bhagavatā anekapariyāyena virāgāya dhammo desito, no sarāgāya;
pli-tv-bu-vb-pj1:5.10.16	visaṁyogāya dhammo desito, no saṁyogāya;
pli-tv-bu-vb-pj1:5.10.17	anupādānāya dhammo desito, no saupādānāya.
pli-tv-bu-vb-pj1:5.10.18	Tattha nāma tvaṁ, āvuso, bhagavatā virāgāya dhamme desite sarāgāya cetessasi, visaṁyogāya dhamme desite saṁyogāya cetessasi, anupādānāya dhamme desite saupādānāya cetessasi.
pli-tv-bu-vb-pj1:5.10.19	Nanu, āvuso, bhagavatā anekapariyāyena rāgavirāgāya dhammo desito,
pli-tv-bu-vb-pj1:5.10.20	madanimmadanāya pipāsavinayāya ālayasamugghātāya vaṭṭupacchedāya taṇhākkhayāya virāgāya nirodhāya nibbānāya dhammo desito.
pli-tv-bu-vb-pj1:5.10.21	Nanu, āvuso, bhagavatā anekapariyāyena kāmānaṁ pahānaṁ akkhātaṁ,
pli-tv-bu-vb-pj1:5.10.22	kāmasaññānaṁ pariññā akkhātā,
pli-tv-bu-vb-pj1:5.10.23	kāmapipāsānaṁ paṭivinayo akkhāto,
pli-tv-bu-vb-pj1:5.10.24	kāmavitakkānaṁ samugghāto akkhāto,
pli-tv-bu-vb-pj1:5.10.25	kāmapariḷāhānaṁ vūpasamo akkhāto.
pli-tv-bu-vb-pj1:5.10.26	Netaṁ, āvuso, appasannānaṁ vā pasādāya, pasannānaṁ vā bhiyyobhāvāya.
pli-tv-bu-vb-pj1:5.10.27	Atha khvetaṁ, āvuso, appasannānañceva appasādāya pasannānañca ekaccānaṁ aññathattāyā”ti.
pli-tv-bu-vb-pj1:5.11.1	Atha kho te bhikkhū āyasmantaṁ sudinnaṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-pj1:5.11.2	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ sudinnaṁ paṭipucchi—
pli-tv-bu-vb-pj1:5.11.3	“saccaṁ kira tvaṁ, sudinna, purāṇadutiyikāya methunaṁ dhammaṁ paṭisevī”ti?
pli-tv-bu-vb-pj1:5.11.4	“Saccaṁ, bhagavā”ti.
pli-tv-bu-vb-pj1:5.11.5	Vigarahi buddho bhagavā—
pli-tv-bu-vb-pj1:5.11.6	“ananucchavikaṁ, moghapurisa, ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj1:5.11.7	Kathañhi nāma tvaṁ, moghapurisa, evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
pli-tv-bu-vb-pj1:5.11.8	Nanu mayā, moghapurisa, anekapariyāyena virāgāya dhammo desito, no sarāgāya;
pli-tv-bu-vb-pj1:5.11.9	visaṁyogāya dhammo desito, no saṁyogāya;
pli-tv-bu-vb-pj1:5.11.10	anupādānāya dhammo desito, no saupādānāya.
pli-tv-bu-vb-pj1:5.11.11	Tattha nāma tvaṁ, moghapurisa, mayā virāgāya dhamme desite sarāgāya cetessasi, visaṁyogāya dhamme desite saṁyogāya cetessasi, anupādānāya dhamme desite saupādānāya cetessasi.
pli-tv-bu-vb-pj1:5.11.12	Nanu mayā, moghapurisa, anekapariyāyena rāgavirāgāya dhammo desito.
pli-tv-bu-vb-pj1:5.11.13	Madanimmadanāya pipāsavinayāya ālayasamugghātāya vaṭṭupacchedāya taṇhākkhayāya virāgāya nirodhāya nibbānāya dhammo desito.
pli-tv-bu-vb-pj1:5.11.14	Nanu mayā, moghapurisa, anekapariyāyena kāmānaṁ pahānaṁ akkhātaṁ,
pli-tv-bu-vb-pj1:5.11.15	kāmasaññānaṁ pariññā akkhātā,
pli-tv-bu-vb-pj1:5.11.16	kāmapipāsānaṁ paṭivinayo akkhāto,
pli-tv-bu-vb-pj1:5.11.17	kāmavitakkānaṁ samugghāto akkhāto,
pli-tv-bu-vb-pj1:5.11.18	kāmapariḷāhānaṁ vūpasamo akkhāto.
pli-tv-bu-vb-pj1:5.11.19	Varaṁ te, moghapurisa, āsivisassa ghoravisassa mukhe aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ.
pli-tv-bu-vb-pj1:5.11.20	Varaṁ te, moghapurisa, kaṇhasappassa mukhe aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ.
pli-tv-bu-vb-pj1:5.11.21	Varaṁ te, moghapurisa, aṅgārakāsuyā ādittāya sampajjalitāya sajotibhūtāya aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ.
pli-tv-bu-vb-pj1:5.11.22	Taṁ kissa hetu?
pli-tv-bu-vb-pj1:5.11.23	Tatonidānañhi, moghapurisa, maraṇaṁ vā nigaccheyya maraṇamattaṁ vā dukkhaṁ, na tveva tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
pli-tv-bu-vb-pj1:5.11.24	Itonidānañca kho, moghapurisa, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
pli-tv-bu-vb-pj1:5.11.25	Tattha nāma tvaṁ, moghapurisa, yaṁ tvaṁ asaddhammaṁ gāmadhammaṁ vasaladhammaṁ duṭṭhullaṁ odakantikaṁ rahassaṁ dvayaṁdvayasamāpattiṁ samāpajjissasi,
pli-tv-bu-vb-pj1:5.11.26	bahūnaṁ kho tvaṁ, moghapurisa, akusalānaṁ dhammānaṁ ādikattā pubbaṅgamo.
pli-tv-bu-vb-pj1:5.11.27	Netaṁ, moghapurisa, appasannānaṁ vā pasādāya, pasannānaṁ vā bhiyyobhāvāya;
pli-tv-bu-vb-pj1:5.11.28	atha khvetaṁ, moghapurisa, appasannānañceva appasādāya, pasannānañca ekaccānaṁ aññathattāyā”ti.
pli-tv-bu-vb-pj1:5.11.29	Atha kho bhagavā āyasmantaṁ sudinnaṁ anekapariyāyena vigarahitvā dubbharatāya dupposatāya mahicchatāya asantuṭṭhitāya saṅgaṇikāya kosajjassa avaṇṇaṁ bhāsitvā anekapariyāyena subharatāya suposatāya appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇaṁ bhāsitvā
pli-tv-bu-vb-pj1:5.11.30	bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi—
pli-tv-bu-vb-pj1:5.11.31	“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca—
pli-tv-bu-vb-pj1:5.11.32	saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya.
pli-tv-bu-vb-pj1:5.11.33	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj1:5.11.34.0	
pli-tv-bu-vb-pj1:5.11.34.1	“Yo pana bhikkhu methunaṁ dhammaṁ paṭiseveyya, pārājiko hoti asaṁvāso”ti.
pli-tv-bu-vb-pj1:5.11.35	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pj1:5.11.36	Sudinnabhāṇavāro niṭṭhito.
pli-tv-bu-vb-pj1:6.0	2. Makkaṭīvatthu
pli-tv-bu-vb-pj1:6.1	Tena kho pana samayena aññataro bhikkhu vesāliyaṁ mahāvane makkaṭiṁ āmisena upalāpetvā tassā methunaṁ dhammaṁ paṭisevati.
pli-tv-bu-vb-pj1:6.2	Atha kho so bhikkhu pubbaṇhasamayaṁ nivāsetvā pattacīvaraṁ ādāya vesāliṁ piṇḍāya pāvisi.
pli-tv-bu-vb-pj1:6.3	Tena kho pana samayena sambahulā bhikkhū senāsanacārikaṁ āhiṇḍantā yena tassa bhikkhuno vihāro tenupasaṅkamiṁsu.
pli-tv-bu-vb-pj1:6.4	Addasa kho sā makkaṭī te bhikkhū dūratova āgacchante.
pli-tv-bu-vb-pj1:6.5	Disvāna yena te bhikkhū tenupasaṅkami; upasaṅkamitvā tesaṁ bhikkhūnaṁ purato kaṭimpi cālesi cheppampi cālesi, kaṭimpi oḍḍi, nimittampi akāsi.
pli-tv-bu-vb-pj1:6.6	Atha kho tesaṁ bhikkhūnaṁ etadahosi—“nissaṁsayaṁ kho so bhikkhu imissā makkaṭiyā methunaṁ dhammaṁ paṭisevatī”ti. Ekamantaṁ nilīyiṁsu.
pli-tv-bu-vb-pj1:6.7	Atha kho so bhikkhu vesāliyaṁ piṇḍāya caritvā piṇḍapātaṁ ādāya paṭikkami.
pli-tv-bu-vb-pj1:6.8	Atha kho sā makkaṭī yena so bhikkhu tenupasaṅkami.
pli-tv-bu-vb-pj1:6.9	Atha kho so bhikkhu taṁ piṇḍapātaṁ ekadesaṁ bhuñjitvā ekadesaṁ tassā makkaṭiyā adāsi.
pli-tv-bu-vb-pj1:6.10	Atha kho sā makkaṭī taṁ piṇḍapātaṁ bhuñjitvā tassa bhikkhuno kaṭiṁ oḍḍi. Atha kho so bhikkhu tassā makkaṭiyā methunaṁ dhammaṁ paṭisevati.
pli-tv-bu-vb-pj1:6.11	Atha kho te bhikkhū taṁ bhikkhuṁ etadavocuṁ—“nanu, āvuso, bhagavatā sikkhāpadaṁ paññattaṁ;
pli-tv-bu-vb-pj1:6.12	kissa tvaṁ, āvuso, makkaṭiyā methunaṁ dhammaṁ paṭisevasī”ti?
pli-tv-bu-vb-pj1:6.13	“Saccaṁ, āvuso, bhagavatā sikkhāpadaṁ paññattaṁ; tañca kho manussitthiyā, no tiracchānagatāyā”ti.
pli-tv-bu-vb-pj1:6.14	“Nanu, āvuso, tatheva taṁ hoti.
pli-tv-bu-vb-pj1:6.15	Ananucchavikaṁ, āvuso, ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj1:6.16	Kathañhi nāma tvaṁ, āvuso, evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
pli-tv-bu-vb-pj1:6.17	Nanu, āvuso, bhagavatā anekapariyāyena virāgāya dhammo desito, no sarāgāya …pe…
pli-tv-bu-vb-pj1:6.18	kāmapariḷāhānaṁ vūpasamo akkhāto.
pli-tv-bu-vb-pj1:6.19	Netaṁ, āvuso, appasannānaṁ vā pasādāya pasannānaṁ vā bhiyyobhāvāya.
pli-tv-bu-vb-pj1:6.20	Atha khvetaṁ, āvuso, appasannānañceva appasādāya, pasannānañca ekaccānaṁ aññathattāyā”ti.
pli-tv-bu-vb-pj1:6.21	Atha kho te bhikkhū taṁ bhikkhuṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-pj1:6.22	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā taṁ bhikkhuṁ paṭipucchi—
pli-tv-bu-vb-pj1:6.23	“saccaṁ kira tvaṁ, bhikkhu, makkaṭiyā methunaṁ dhammaṁ paṭisevī”ti?
pli-tv-bu-vb-pj1:6.24	“Saccaṁ, bhagavā”ti.
pli-tv-bu-vb-pj1:6.25	Vigarahi buddho bhagavā—
pli-tv-bu-vb-pj1:6.26	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj1:6.27	Kathañhi nāma tvaṁ, moghapurisa, evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.
pli-tv-bu-vb-pj1:6.28	Nanu mayā, moghapurisa, anekapariyāyena virāgāya dhammo desito, no sarāgāya …pe…
pli-tv-bu-vb-pj1:6.29	kāmapariḷāhānaṁ vūpasamo akkhāto.
pli-tv-bu-vb-pj1:6.30	Varaṁ te, moghapurisa, āsivisassa ghoravisassa mukhe aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ.
pli-tv-bu-vb-pj1:6.31	Varaṁ te, moghapurisa, kaṇhasappassa mukhe aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ.
pli-tv-bu-vb-pj1:6.32	Varaṁ te, moghapurisa, aṅgārakāsuyā ādittāya sampajjalitāya sajotibhūtāya aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ.
pli-tv-bu-vb-pj1:6.33	Taṁ kissa hetu?
pli-tv-bu-vb-pj1:6.34	Tatonidānañhi, moghapurisa, maraṇaṁ vā nigaccheyya maraṇamattaṁ vā dukkhaṁ;
pli-tv-bu-vb-pj1:6.35	na tveva tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
pli-tv-bu-vb-pj1:6.36	Itonidānañca kho, moghapurisa, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
pli-tv-bu-vb-pj1:6.37	Tattha nāma tvaṁ, moghapurisa, yaṁ tvaṁ asaddhammaṁ gāmadhammaṁ vasaladhammaṁ duṭṭhullaṁ odakantikaṁ rahassaṁ dvayaṁdvayasamāpattiṁ samāpajjissasi.
pli-tv-bu-vb-pj1:6.38	Netaṁ, moghapurisa, appasannānaṁ vā pasādāya …pe…
pli-tv-bu-vb-pj1:6.39	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj1:6.40.0	
pli-tv-bu-vb-pj1:6.40.1	“Yo pana bhikkhu methunaṁ dhammaṁ paṭiseveyya antamaso tiracchānagatāyapi, pārājiko hoti asaṁvāso”ti.
pli-tv-bu-vb-pj1:6.41	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pj1:6.42	Makkaṭīvatthu niṭṭhitaṁ.
pli-tv-bu-vb-pj1:7.1.0	3. Santhatabhāṇavāra
pli-tv-bu-vb-pj1:7.1.1	Tena kho pana samayena sambahulā vesālikā vajjiputtakā bhikkhū yāvadatthaṁ bhuñjiṁsu, yāvadatthaṁ supiṁsu, yāvadatthaṁ nhāyiṁsu.
pli-tv-bu-vb-pj1:7.1.2	Yāvadatthaṁ bhuñjitvā yāvadatthaṁ supitvā yāvadatthaṁ nhāyitvā ayoniso manasi karitvā sikkhaṁ apaccakkhāya dubbalyaṁ anāvikatvā methunaṁ dhammaṁ paṭiseviṁsu.
pli-tv-bu-vb-pj1:7.1.3	Te aparena samayena ñātibyasanenapi phuṭṭhā bhogabyasanenapi phuṭṭhā rogabyasanenapi phuṭṭhā āyasmantaṁ ānandaṁ upasaṅkamitvā evaṁ vadanti—
pli-tv-bu-vb-pj1:7.1.4	“na mayaṁ, bhante ānanda, buddhagarahino na dhammagarahino na saṅghagarahino;
pli-tv-bu-vb-pj1:7.1.5	attagarahino mayaṁ, bhante ānanda, anaññagarahino.
pli-tv-bu-vb-pj1:7.1.6	Mayamevamhā alakkhikā mayaṁ appapuññā,
pli-tv-bu-vb-pj1:7.1.7	ye mayaṁ evaṁ svākkhāte dhammavinaye pabbajitvā nāsakkhimhā yāvajīvaṁ paripuṇṇaṁ parisuddhaṁ brahmacariyaṁ carituṁ.
pli-tv-bu-vb-pj1:7.1.8	Idāni cepi mayaṁ, bhante ānanda, labheyyāma bhagavato santike pabbajjaṁ labheyyāma upasampadaṁ, idānipi mayaṁ vipassakā kusalānaṁ dhammānaṁ pubbarattāpararattaṁ bodhipakkhikānaṁ dhammānaṁ bhāvanānuyogamanuyuttā vihareyyāma.
pli-tv-bu-vb-pj1:7.1.9	Sādhu, bhante ānanda, bhagavato etamatthaṁ ārocehī”ti.
pli-tv-bu-vb-pj1:7.1.10	“Evamāvuso”ti kho āyasmā ānando vesālikānaṁ vajjiputtakānaṁ paṭissuṇitvā yena bhagavā tenupasaṅkami; upasaṅkamitvā bhagavato etamatthaṁ ārocesi.
pli-tv-bu-vb-pj1:7.1.11	“Aṭṭhānametaṁ, ānanda, anavakāso yaṁ tathāgato vajjīnaṁ vā vajjiputtakānaṁ vā kāraṇā sāvakānaṁ pārājikaṁ sikkhāpadaṁ paññattaṁ samūhaneyyā”ti.
pli-tv-bu-vb-pj1:7.1.12	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-pj1:7.1.13	“yo, bhikkhave, sikkhaṁ apaccakkhāya dubbalyaṁ anāvikatvā methunaṁ dhammaṁ paṭisevati so āgato na upasampādetabbo.
pli-tv-bu-vb-pj1:7.1.14	Yo ca kho, bhikkhave, sikkhaṁ paccakkhāya dubbalyaṁ āvikatvā methunaṁ dhammaṁ paṭisevati so āgato upasampādetabbo.
pli-tv-bu-vb-pj1:7.1.15	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj1:7.1.16.0	
pli-tv-bu-vb-pj1:7.1.16.1	“Yo pana bhikkhu bhikkhūnaṁ sikkhāsājīvasamāpanno sikkhaṁ apaccakkhāya dubbalyaṁ anāvikatvā methunaṁ dhammaṁ paṭiseveyya, antamaso tiracchānagatāyapi, pārājiko hoti asaṁvāso”ti.
pli-tv-bu-vb-pj1:8.1.0	
pli-tv-bu-vb-pj1:8.1.1	Yo panāti
pli-tv-bu-vb-pj1:8.1.2	yo yādiso yathāyutto yathājacco yathānāmo yathāgotto yathāsīlo yathāvihārī yathāgocaro thero vā navo vā majjhimo vā. Eso vuccati “yo panā”ti.
pli-tv-bu-vb-pj1:8.1.3	Bhikkhūti
pli-tv-bu-vb-pj1:8.1.4	bhikkhakoti bhikkhu,
pli-tv-bu-vb-pj1:8.1.5	bhikkhācariyaṁ ajjhupagatoti bhikkhu,
pli-tv-bu-vb-pj1:8.1.6	bhinnapaṭadharoti bhikkhu,
pli-tv-bu-vb-pj1:8.1.7	samaññāya bhikkhu,
pli-tv-bu-vb-pj1:8.1.8	paṭiññāya bhikkhu,
pli-tv-bu-vb-pj1:8.1.9	ehi bhikkhūti bhikkhu,
pli-tv-bu-vb-pj1:8.1.10	tīhi saraṇagamanehi upasampannoti bhikkhu,
pli-tv-bu-vb-pj1:8.1.11	bhadro bhikkhu,
pli-tv-bu-vb-pj1:8.1.12	sāro bhikkhu,
pli-tv-bu-vb-pj1:8.1.13	sekho bhikkhu,
pli-tv-bu-vb-pj1:8.1.14	asekho bhikkhu,
pli-tv-bu-vb-pj1:8.1.15	samaggena saṅghena ñatticatutthena kammena akuppena ṭhānārahena upasampannoti bhikkhu.
pli-tv-bu-vb-pj1:8.1.16	Tatra yvāyaṁ bhikkhu samaggena saṅghena ñatticatutthena kammena akuppena ṭhānārahena upasampanno, ayaṁ imasmiṁ atthe adhippeto bhikkhūti.
pli-tv-bu-vb-pj1:8.1.17	Sikkhāti
pli-tv-bu-vb-pj1:8.1.18	tisso sikkhā—adhisīlasikkhā, adhicittasikkhā, adhipaññāsikkhā.
pli-tv-bu-vb-pj1:8.1.19	Tatra yāyaṁ adhisīlasikkhā, ayaṁ imasmiṁ atthe adhippetā sikkhāti.
pli-tv-bu-vb-pj1:8.1.20	Sājīvaṁ nāma
pli-tv-bu-vb-pj1:8.1.21	yaṁ bhagavatā paññattaṁ sikkhāpadaṁ, etaṁ sājīvaṁ nāma.
pli-tv-bu-vb-pj1:8.1.22	Tasmiṁ sikkhati, tena vuccati sājīvasamāpannoti.
pli-tv-bu-vb-pj1:8.2.1	Sikkhaṁ apaccakkhāya dubbalyaṁ anāvikatvāti
pli-tv-bu-vb-pj1:8.2.2	atthi, bhikkhave, dubbalyāvikammañceva hoti sikkhā ca apaccakkhātā;
pli-tv-bu-vb-pj1:8.2.3	atthi, bhikkhave, dubbalyāvikammañceva hoti sikkhā ca paccakkhātā.
pli-tv-bu-vb-pj1:8.2.4	Kathañca, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.2.5	Idha, bhikkhave, bhikkhu ukkaṇṭhito anabhirato sāmaññā cavitukāmo
pli-tv-bu-vb-pj1:8.2.6	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.2.7	gihibhāvaṁ patthayamāno
pli-tv-bu-vb-pj1:8.2.8	upāsakabhāvaṁ patthayamāno
pli-tv-bu-vb-pj1:8.2.9	ārāmikabhāvaṁ patthayamāno
pli-tv-bu-vb-pj1:8.2.10	sāmaṇerabhāvaṁ patthayamāno
pli-tv-bu-vb-pj1:8.2.11	titthiyabhāvaṁ patthayamāno
pli-tv-bu-vb-pj1:8.2.12	titthiyasāvakabhāvaṁ patthayamāno
pli-tv-bu-vb-pj1:8.2.13	assamaṇabhāvaṁ patthayamāno
pli-tv-bu-vb-pj1:8.2.14	asakyaputtiyabhāvaṁ patthayamāno—
pli-tv-bu-vb-pj1:8.2.15	“yannūnāhaṁ buddhaṁ paccakkheyyan”ti vadati viññāpeti.
pli-tv-bu-vb-pj1:8.2.16	Evampi, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.2.17	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.2.18	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.2.19	gihibhāvaṁ patthayamāno …pe…
pli-tv-bu-vb-pj1:8.2.20	asakyaputtiyabhāvaṁ patthayamāno—
pli-tv-bu-vb-pj1:8.2.21	“yannūnāhaṁ dhammaṁ paccakkheyyan”ti vadati viññāpeti …pe…
pli-tv-bu-vb-pj1:8.2.22	“yannūnāhaṁ saṅghaṁ …
pli-tv-bu-vb-pj1:8.2.23	yannūnāhaṁ sikkhaṁ …
pli-tv-bu-vb-pj1:8.2.24	yannūnāhaṁ vinayaṁ …
pli-tv-bu-vb-pj1:8.2.25	yannūnāhaṁ pātimokkhaṁ …
pli-tv-bu-vb-pj1:8.2.26	yannūnāhaṁ uddesaṁ …
pli-tv-bu-vb-pj1:8.2.27	yannūnāhaṁ upajjhāyaṁ …
pli-tv-bu-vb-pj1:8.2.28	yannūnāhaṁ ācariyaṁ …
pli-tv-bu-vb-pj1:8.2.29	yannūnāhaṁ saddhivihārikaṁ …
pli-tv-bu-vb-pj1:8.2.30	yannūnāhaṁ antevāsikaṁ …
pli-tv-bu-vb-pj1:8.2.31	yannūnāhaṁ samānupajjhāyakaṁ …
pli-tv-bu-vb-pj1:8.2.32	yannūnāhaṁ samānācariyakaṁ …
pli-tv-bu-vb-pj1:8.2.33	yannūnāhaṁ sabrahmacāriṁ paccakkheyyan”ti vadati viññāpeti.
pli-tv-bu-vb-pj1:8.2.34	“Yannūnāhaṁ gihī assan”ti vadati viññāpeti.
pli-tv-bu-vb-pj1:8.2.35	“Yannūnāhaṁ upāsako assan”ti …
pli-tv-bu-vb-pj1:8.2.36	“yannūnāhaṁ ārāmiko assan”ti …
pli-tv-bu-vb-pj1:8.2.37	“yannūnāhaṁ sāmaṇero assan”ti …
pli-tv-bu-vb-pj1:8.2.38	“yannūnāhaṁ titthiyo assan”ti …
pli-tv-bu-vb-pj1:8.2.39	“yannūnāhaṁ titthiyasāvako assan”ti …
pli-tv-bu-vb-pj1:8.2.40	“yannūnāhaṁ assamaṇo assan”ti …
pli-tv-bu-vb-pj1:8.2.41	“yannūnāhaṁ asakyaputtiyo assan”ti vadati viññāpeti.
pli-tv-bu-vb-pj1:8.2.42	Evampi, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.2.43	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.2.44	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.2.45	gihibhāvaṁ patthayamāno …pe…
pli-tv-bu-vb-pj1:8.2.46	asakyaputtiyabhāvaṁ patthayamāno—
pli-tv-bu-vb-pj1:8.2.47	“yadi panāhaṁ buddhaṁ paccakkheyyan”ti vadati viññāpeti …pe…
pli-tv-bu-vb-pj1:8.2.48	“yadi panāhaṁ asakyaputtiyo assan”ti vadati viññāpeti …pe…
pli-tv-bu-vb-pj1:8.2.49	“apāhaṁ buddhaṁ paccakkheyyan”ti vadati viññāpeti …pe…
pli-tv-bu-vb-pj1:8.2.50	“apāhaṁ asakyaputtiyo assan”ti vadati viññāpeti …pe…
pli-tv-bu-vb-pj1:8.2.51	“handāhaṁ buddhaṁ paccakkheyyan”ti vadati viññāpeti …pe…
pli-tv-bu-vb-pj1:8.2.52	“handāhaṁ asakyaputtiyo assan”ti vadati viññāpeti …pe…
pli-tv-bu-vb-pj1:8.2.53	“hoti me buddhaṁ paccakkheyyan”ti vadati viññāpeti …pe…
pli-tv-bu-vb-pj1:8.2.54	“hoti me asakyaputtiyo assan”ti vadati viññāpeti.
pli-tv-bu-vb-pj1:8.2.55	Evampi, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.2.56	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.2.57	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.2.58	gihibhāvaṁ patthayamāno …pe…
pli-tv-bu-vb-pj1:8.2.59	asakyaputtiyabhāvaṁ patthayamāno
pli-tv-bu-vb-pj1:8.2.60	“mātaraṁ sarāmī”ti vadati viññāpeti …
pli-tv-bu-vb-pj1:8.2.61	“pitaraṁ sarāmī”ti vadati viññāpeti …
pli-tv-bu-vb-pj1:8.2.62	“bhātaraṁ sarāmī”ti vadati viññāpeti …
pli-tv-bu-vb-pj1:8.2.63	“bhaginiṁ sarāmī”ti vadati viññāpeti …
pli-tv-bu-vb-pj1:8.2.64	“puttaṁ sarāmī”ti vadati viññāpeti …
pli-tv-bu-vb-pj1:8.2.65	“dhītaraṁ sarāmī”ti vadati viññāpeti …
pli-tv-bu-vb-pj1:8.2.66	“pajāpatiṁ sarāmī”ti vadati viññāpeti …
pli-tv-bu-vb-pj1:8.2.67	“ñātake sarāmī”ti vadati viññāpeti …
pli-tv-bu-vb-pj1:8.2.68	“mitte sarāmī”ti vadati viññāpeti …
pli-tv-bu-vb-pj1:8.2.69	“gāmaṁ sarāmī”ti vadati viññāpeti …
pli-tv-bu-vb-pj1:8.2.70	“nigamaṁ sarāmī”ti vadati viññāpeti …
pli-tv-bu-vb-pj1:8.2.71	“khettaṁ sarāmī”ti vadati viññāpeti …
pli-tv-bu-vb-pj1:8.2.72	“vatthuṁ sarāmī”ti vadati viññāpeti …
pli-tv-bu-vb-pj1:8.2.73	“hiraññaṁ sarāmī”ti vadati viññāpeti …
pli-tv-bu-vb-pj1:8.2.74	“suvaṇṇaṁ sarāmī”ti vadati viññāpeti …
pli-tv-bu-vb-pj1:8.2.75	“sippaṁ sarāmī”ti vadati viññāpeti …
pli-tv-bu-vb-pj1:8.2.76	“pubbe hasitaṁ lapitaṁ kīḷitaṁ samanussarāmī”ti vadati viññāpeti.
pli-tv-bu-vb-pj1:8.2.77	Evampi, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.2.78	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.2.79	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.2.80	gihibhāvaṁ patthayamāno …pe…
pli-tv-bu-vb-pj1:8.2.81	asakyaputtiyabhāvaṁ patthayamāno—
pli-tv-bu-vb-pj1:8.2.82	“mātā me atthi, sā mayā posetabbā”ti vadati viññāpeti …
pli-tv-bu-vb-pj1:8.2.83	“pitā me atthi, so mayā posetabbo”ti vadati viññāpeti …
pli-tv-bu-vb-pj1:8.2.84	“bhātā me atthi, so mayā posetabbo”ti vadati viññāpeti …
pli-tv-bu-vb-pj1:8.2.85	“bhaginī me atthi, sā mayā posetabbā”ti vadati viññāpeti …
pli-tv-bu-vb-pj1:8.2.86	“putto me atthi, so mayā posetabbo”ti vadati viññāpeti …
pli-tv-bu-vb-pj1:8.2.87	“dhītā me atthi, sā mayā posetabbā”ti vadati viññāpeti …
pli-tv-bu-vb-pj1:8.2.88	“pajāpati me atthi, sā mayā posetabbā”ti vadati viññāpeti …
pli-tv-bu-vb-pj1:8.2.89	“ñātakā me atthi, te mayā posetabbā”ti vadati viññāpeti …
pli-tv-bu-vb-pj1:8.2.90	“mittā me atthi, te mayā posetabbā”ti vadati viññāpeti.
pli-tv-bu-vb-pj1:8.2.91	Evampi, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.2.92	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.2.93	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.2.94	gihibhāvaṁ patthayamāno …pe…
pli-tv-bu-vb-pj1:8.2.95	asakyaputtiyabhāvaṁ patthayamāno—
pli-tv-bu-vb-pj1:8.2.96	“mātā me atthi, sā maṁ posessatī”ti vadati viññāpeti …
pli-tv-bu-vb-pj1:8.2.97	“pitā me atthi, so maṁ posessatī”ti vadati viññāpeti …
pli-tv-bu-vb-pj1:8.2.98	“bhātā me atthi, so maṁ posessatī”ti vadati viññāpeti …
pli-tv-bu-vb-pj1:8.2.99	“bhaginī me atthi, sā maṁ posessatī”ti vadati viññāpeti …
pli-tv-bu-vb-pj1:8.2.100	“putto me atthi, so maṁ posessatī”ti vadati viññāpeti …
pli-tv-bu-vb-pj1:8.2.101	“dhītā me atthi, sā maṁ posessatī”ti vadati viññāpeti …
pli-tv-bu-vb-pj1:8.2.102	“pajāpati me atthi, sā maṁ posessatī”ti vadati viññāpeti …
pli-tv-bu-vb-pj1:8.2.103	“ñātakā me atthi, te maṁ posessantī”ti vadati viññāpeti …
pli-tv-bu-vb-pj1:8.2.104	“mittā me atthi, te maṁ posessantī”ti vadati viññāpeti …
pli-tv-bu-vb-pj1:8.2.105	“gāmo me atthi, tenāhaṁ jīvissāmī”ti vadati viññāpeti …
pli-tv-bu-vb-pj1:8.2.106	“nigamo me atthi, tenāhaṁ jīvissāmī”ti vadati viññāpeti …
pli-tv-bu-vb-pj1:8.2.107	“khettaṁ me atthi, tenāhaṁ jīvissāmī”ti vadati viññāpeti …
pli-tv-bu-vb-pj1:8.2.108	“vatthu me atthi, tenāhaṁ jīvissāmī”ti vadati viññāpeti …
pli-tv-bu-vb-pj1:8.2.109	“hiraññaṁ me atthi, tenāhaṁ jīvissāmī”ti vadati viññāpeti …
pli-tv-bu-vb-pj1:8.2.110	“suvaṇṇaṁ me atthi, tenāhaṁ jīvissāmī”ti vadati viññāpeti …
pli-tv-bu-vb-pj1:8.2.111	“sippaṁ me atthi, tenāhaṁ jīvissāmī”ti vadati viññāpeti.
pli-tv-bu-vb-pj1:8.2.112	Evampi, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.2.113	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.2.114	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.2.115	gihibhāvaṁ patthayamāno …pe…
pli-tv-bu-vb-pj1:8.2.116	asakyaputtiyabhāvaṁ patthayamāno
pli-tv-bu-vb-pj1:8.2.117	“dukkaran”ti vadati viññāpeti …
pli-tv-bu-vb-pj1:8.2.118	“na sukaran”ti vadati viññāpeti …
pli-tv-bu-vb-pj1:8.2.119	“duccaran”ti vadati viññāpeti …
pli-tv-bu-vb-pj1:8.2.120	“na sucaran”ti vadati viññāpeti …
pli-tv-bu-vb-pj1:8.2.121	“na ussahāmī”ti vadati viññāpeti …
pli-tv-bu-vb-pj1:8.2.122	“na visahāmī”ti vadati viññāpeti …
pli-tv-bu-vb-pj1:8.2.123	“na ramāmī”ti vadati viññāpeti …
pli-tv-bu-vb-pj1:8.2.124	“nābhiramāmī”ti vadati viññāpeti.
pli-tv-bu-vb-pj1:8.2.125	Evampi kho, bhikkhave, dubbalyāvikammañceva hoti sikkhā ca apaccakkhātā.
pli-tv-bu-vb-pj1:8.3.1	Kathañca, bhikkhave, dubbalyāvikammañceva hoti sikkhā ca paccakkhātā?
pli-tv-bu-vb-pj1:8.3.2	Idha, bhikkhave, bhikkhu ukkaṇṭhito anabhirato sāmaññā cavitukāmo
pli-tv-bu-vb-pj1:8.3.3	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.3.4	gihibhāvaṁ patthayamāno …pe…
pli-tv-bu-vb-pj1:8.3.5	asakyaputtiyabhāvaṁ patthayamāno—
pli-tv-bu-vb-pj1:8.3.6	“buddhaṁ paccakkhāmī”ti vadati viññāpeti.
pli-tv-bu-vb-pj1:8.3.7	Evampi, bhikkhave, dubbalyāvikammañceva hoti sikkhā ca paccakkhātā.
pli-tv-bu-vb-pj1:8.3.8	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.3.9	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.3.10	gihibhāvaṁ patthayamāno …pe…
pli-tv-bu-vb-pj1:8.3.11	asakyaputtiyabhāvaṁ patthayamāno—
pli-tv-bu-vb-pj1:8.3.12	“dhammaṁ paccakkhāmī”ti vadati viññāpeti …
pli-tv-bu-vb-pj1:8.3.13	“saṅghaṁ paccakkhāmī”ti vadati viññāpeti …
pli-tv-bu-vb-pj1:8.3.14	“sikkhaṁ paccakkhāmī”ti vadati viññāpeti …
pli-tv-bu-vb-pj1:8.3.15	“vinayaṁ paccakkhāmī”ti vadati viññāpeti …
pli-tv-bu-vb-pj1:8.3.16	“pātimokkhaṁ paccakkhāmī”ti vadati viññāpeti …
pli-tv-bu-vb-pj1:8.3.17	“uddesaṁ paccakkhāmī”ti vadati viññāpeti …
pli-tv-bu-vb-pj1:8.3.18	“upajjhāyaṁ paccakkhāmī”ti vadati viññāpeti …
pli-tv-bu-vb-pj1:8.3.19	“ācariyaṁ paccakkhāmī”ti vadati viññāpeti …
pli-tv-bu-vb-pj1:8.3.20	“saddhivihārikaṁ paccakkhāmī”ti vadati viññāpeti …
pli-tv-bu-vb-pj1:8.3.21	“antevāsikaṁ paccakkhāmī”ti vadati viññāpeti …
pli-tv-bu-vb-pj1:8.3.22	“samānupajjhāyakaṁ paccakkhāmī”ti vadati viññāpeti …
pli-tv-bu-vb-pj1:8.3.23	“samānācariyakaṁ paccakkhāmī”ti vadati viññāpeti …
pli-tv-bu-vb-pj1:8.3.24	“sabrahmacāriṁ paccakkhāmī”ti vadati viññāpeti …
pli-tv-bu-vb-pj1:8.3.25	“gihīti maṁ dhārehī”ti vadati viññāpeti …
pli-tv-bu-vb-pj1:8.3.26	“upāsakoti maṁ dhārehī”ti vadati viññāpeti …
pli-tv-bu-vb-pj1:8.3.27	“ārāmikoti maṁ dhārehī”ti vadati viññāpeti …
pli-tv-bu-vb-pj1:8.3.28	“sāmaṇeroti maṁ dhārehī”ti vadati viññāpeti …
pli-tv-bu-vb-pj1:8.3.29	“titthiyoti maṁ dhārehī”ti vadati viññāpeti …
pli-tv-bu-vb-pj1:8.3.30	“titthiyasāvakoti maṁ dhārehī”ti vadati viññāpeti …
pli-tv-bu-vb-pj1:8.3.31	“assamaṇoti maṁ dhārehī”ti vadati viññāpeti …
pli-tv-bu-vb-pj1:8.3.32	“asakyaputtiyoti maṁ dhārehī”ti vadati viññāpeti.
pli-tv-bu-vb-pj1:8.3.33	Evampi, bhikkhave, dubbalyāvikammañceva hoti sikkhā ca paccakkhātā.
pli-tv-bu-vb-pj1:8.3.34	Atha vā pana ukkaṇṭhito anabhirato sāmaññā cavitukāmo
pli-tv-bu-vb-pj1:8.3.35	bhikkhubhāvaṁ aṭṭīyamāno harāyamāno jigucchamāno
pli-tv-bu-vb-pj1:8.3.36	gihibhāvaṁ patthayamāno …pe…
pli-tv-bu-vb-pj1:8.3.37	asakyaputtiyabhāvaṁ patthayamāno—
pli-tv-bu-vb-pj1:8.3.38	“alaṁ me buddhenā”ti vadati viññāpeti …pe…
pli-tv-bu-vb-pj1:8.3.39	“alaṁ me sabrahmacārīhī”ti vadati viññāpeti.
pli-tv-bu-vb-pj1:8.3.40	Evampi …pe…
pli-tv-bu-vb-pj1:8.3.41	atha vā pana …pe…
pli-tv-bu-vb-pj1:8.3.42	“kiṁ nu me buddhenā”ti vadati viññāpeti …pe…
pli-tv-bu-vb-pj1:8.3.43	“kiṁ nu me sabrahmacārīhī”ti vadati viññāpeti …
pli-tv-bu-vb-pj1:8.3.44	“na mamattho buddhenā”ti vadati viññāpeti …pe…
pli-tv-bu-vb-pj1:8.3.45	“na mamattho sabrahmacārīhī”ti vadati viññāpeti …
pli-tv-bu-vb-pj1:8.3.46	“sumuttāhaṁ buddhenā”ti vadati viññāpeti …pe…
pli-tv-bu-vb-pj1:8.3.47	“sumuttāhaṁ sabrahmacārīhī”ti vadati viññāpeti.
pli-tv-bu-vb-pj1:8.3.48	Evampi, bhikkhave, dubbalyāvikammañceva hoti sikkhā ca paccakkhātā.
pli-tv-bu-vb-pj1:8.3.49	Yāni vā panaññānipi atthi buddhavevacanāni vā dhammavevacanāni vā saṅghavevacanāni vā sikkhāvevacanāni vā vinayavevacanāni vā pātimokkhavevacanāni vā uddesavevacanāni vā upajjhāyavevacanāni vā ācariyavevacanāni vā saddhivihārikavevacanāni vā antevāsikavevacanāni vā samānupajjhāyakavevacanāni vā samānācariyakavevacanāni vā sabrahmacārivevacanāni vā gihivevacanāni vā upāsakavevacanāni vā ārāmikavevacanāni vā sāmaṇeravevacanāni vā titthiyavevacanāni vā titthiyasāvakavevacanāni vā assamaṇavevacanāni vā asakyaputtiyavevacanāni vā,
pli-tv-bu-vb-pj1:8.3.50	tehi ākārehi tehi liṅgehi tehi nimittehi vadati viññāpeti.
pli-tv-bu-vb-pj1:8.3.51	Evaṁ kho, bhikkhave, dubbalyāvikammañceva hoti sikkhā ca paccakkhātā.
pli-tv-bu-vb-pj1:8.4.1	Kathañca, bhikkhave, apaccakkhātā hoti sikkhā?
pli-tv-bu-vb-pj1:8.4.2	Idha, bhikkhave, yehi ākārehi yehi liṅgehi yehi nimittehi sikkhā paccakkhātā hoti tehi ākārehi tehi liṅgehi tehi nimittehi ummattako sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.3	Ummattakassa santike sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.4	Khittacitto sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.5	Khittacittassa santike sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.6	Vedanāṭṭo sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.7	Vedanāṭṭassa santike sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.8	Devatāya santike sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.9	Tiracchānagatassa santike sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.10	Ariyakena milakkhassa santike sikkhaṁ paccakkhāti, so ca na paṭivijānāti, apaccakkhātā hoti sikkhā.
pli-tv-bu-vb-pj1:8.4.11	Milakkhakena ariyassa santike sikkhaṁ paccakkhāti, so ca na paṭivijānāti, apaccakkhātā hoti sikkhā.
pli-tv-bu-vb-pj1:8.4.12	Ariyakena ariyassa santike sikkhaṁ paccakkhāti, so ca na paṭivijānāti, apaccakkhātā hoti sikkhā.
pli-tv-bu-vb-pj1:8.4.13	Milakkhakena milakkhassa santike sikkhaṁ paccakkhāti, so ca na paṭivijānāti, apaccakkhātā hoti sikkhā.
pli-tv-bu-vb-pj1:8.4.14	Davāya sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.15	Ravāya sikkhaṁ paccakkhāti, apaccakkhātā hoti sikkhā.
pli-tv-bu-vb-pj1:8.4.16	Asāvetukāmo sāveti, apaccakkhātā hoti sikkhā.
pli-tv-bu-vb-pj1:8.4.17	Sāvetukāmo na sāveti, apaccakkhātā hoti sikkhā.
pli-tv-bu-vb-pj1:8.4.18	Aviññussa sāveti, apaccakkhātā hoti sikkhā.
pli-tv-bu-vb-pj1:8.4.19	Viññussa na sāveti, apaccakkhātā hoti sikkhā.
pli-tv-bu-vb-pj1:8.4.20	Sabbaso vā pana na sāveti, apaccakkhātā hoti sikkhā.
pli-tv-bu-vb-pj1:8.4.21	Evaṁ kho, bhikkhave, apaccakkhātā hoti sikkhā.
pli-tv-bu-vb-pj1:8.5.1	Methunadhammo nāma
pli-tv-bu-vb-pj1:8.5.2	yo so asaddhammo gāmadhammo vasaladhammo duṭṭhullaṁ odakantikaṁ rahassaṁ dvayaṁdvayasamāpatti, eso methunadhammo nāma.
pli-tv-bu-vb-pj1:8.5.3	Paṭisevati nāma
pli-tv-bu-vb-pj1:8.5.4	yo nimittena nimittaṁ aṅgajātena aṅgajātaṁ antamaso tilaphalamattampi paveseti, eso paṭisevati nāma.
pli-tv-bu-vb-pj1:8.5.5	Antamaso tiracchānagatāyapīti
pli-tv-bu-vb-pj1:8.5.6	tiracchānagatitthiyāpi methunaṁ dhammaṁ paṭisevitvā assamaṇo hoti asakyaputtiyo, pageva manussitthiyā. Tena vuccati— “antamaso tiracchānagatāyapī”ti.
pli-tv-bu-vb-pj1:8.5.7	Pārājiko hotīti
pli-tv-bu-vb-pj1:8.5.8	seyyathāpi nāma puriso sīsacchinno abhabbo tena sarīrabandhanena jīvituṁ; evameva bhikkhu methunaṁ dhammaṁ paṭisevitvā assamaṇo hoti asakyaputtiyo. Tena vuccati— “pārājiko hotī”ti.
pli-tv-bu-vb-pj1:8.5.9	Asaṁvāsoti
pli-tv-bu-vb-pj1:8.5.10	saṁvāso nāma ekakammaṁ ekuddeso samasikkhatā— eso saṁvāso nāma.
pli-tv-bu-vb-pj1:8.5.11	So tena saddhiṁ natthi. Tena vuccati—“asaṁvāso”ti.
pli-tv-bu-vb-pj1:9.1.0.1	
pli-tv-bu-vb-pj1:9.1.0.2	
pli-tv-bu-vb-pj1:9.1.0.3	
pli-tv-bu-vb-pj1:9.1.1	Tisso itthiyo—
pli-tv-bu-vb-pj1:9.1.2	manussitthī, amanussitthī, tiracchānagatitthī.
pli-tv-bu-vb-pj1:9.1.3	Tayo ubhatobyañjanakā—
pli-tv-bu-vb-pj1:9.1.4	manussubhatobyañjanako, amanussubhatobyañjanako, tiracchānagatubhatobyañjanako.
pli-tv-bu-vb-pj1:9.1.5	Tayo paṇḍakā—
pli-tv-bu-vb-pj1:9.1.6	manussapaṇḍako, amanussapaṇḍako, tiracchānagatapaṇḍako.
pli-tv-bu-vb-pj1:9.1.7	Tayo purisā—
pli-tv-bu-vb-pj1:9.1.8	manussapuriso, amanussapuriso, tiracchānagatapuriso.
pli-tv-bu-vb-pj1:9.1.9.0	
pli-tv-bu-vb-pj1:9.1.9.1	Manussitthiyā tayo magge methunaṁ dhammaṁ paṭisevantassa āpatti pārājikassa—
pli-tv-bu-vb-pj1:9.1.10	vaccamagge, passāvamagge, mukhe.
pli-tv-bu-vb-pj1:9.1.11	Amanussitthiyā …pe…
pli-tv-bu-vb-pj1:9.1.12	tiracchānagatitthiyā tayo magge methunaṁ dhammaṁ paṭisevantassa āpatti pārājikassa—
pli-tv-bu-vb-pj1:9.1.13	vaccamagge, passāvamagge, mukhe.
pli-tv-bu-vb-pj1:9.1.14	Manussubhatobyañjanakassa …
pli-tv-bu-vb-pj1:9.1.15	amanussubhatobyañjanakassa …
pli-tv-bu-vb-pj1:9.1.16	tiracchānagatubhatobyañjanakassa tayo magge methunaṁ dhammaṁ paṭisevantassa āpatti pārājikassa—
pli-tv-bu-vb-pj1:9.1.17	vaccamagge, passāvamagge, mukhe.
pli-tv-bu-vb-pj1:9.1.18	Manussapaṇḍakassa dve magge methunaṁ dhammaṁ paṭisevantassa āpatti pārājikassa—
pli-tv-bu-vb-pj1:9.1.19	vaccamagge, mukhe.
pli-tv-bu-vb-pj1:9.1.20	Amanussapaṇḍakassa …
pli-tv-bu-vb-pj1:9.1.21	tiracchānagatapaṇḍakassa …
pli-tv-bu-vb-pj1:9.1.22	manussapurisassa …
pli-tv-bu-vb-pj1:9.1.23	amanussapurisassa …
pli-tv-bu-vb-pj1:9.1.24	tiracchānagatapurisassa dve magge methunaṁ dhammaṁ paṭisevantassa āpatti pārājikassa—
pli-tv-bu-vb-pj1:9.1.25	vaccamagge, mukhe.
pli-tv-bu-vb-pj1:9.2.0.1	
pli-tv-bu-vb-pj1:9.2.0.2	
pli-tv-bu-vb-pj1:9.2.1	Bhikkhussa sevanacittaṁ upaṭṭhite manussitthiyā vaccamaggaṁ aṅgajātaṁ pavesentassa āpatti pārājikassa.
pli-tv-bu-vb-pj1:9.2.2	Bhikkhussa sevanacittaṁ upaṭṭhite manussitthiyā passāvamaggaṁ …
pli-tv-bu-vb-pj1:9.2.3	mukhaṁ aṅgajātaṁ pavesentassa āpatti pārājikassa.
pli-tv-bu-vb-pj1:9.2.4	Bhikkhussa sevanacittaṁ upaṭṭhite amanussitthiyā …
pli-tv-bu-vb-pj1:9.2.5	tiracchānagatitthiyā …
pli-tv-bu-vb-pj1:9.2.6	manussubhatobyañjanakassa …
pli-tv-bu-vb-pj1:9.2.7	amanussubhatobyañjanakassa …
pli-tv-bu-vb-pj1:9.2.8	tiracchānagatubhatobyañjanakassa …
pli-tv-bu-vb-pj1:9.2.9	vaccamaggaṁ passāvamaggaṁ mukhaṁ aṅgajātaṁ pavesentassa āpatti pārājikassa.
pli-tv-bu-vb-pj1:9.2.10	Bhikkhussa sevanacittaṁ upaṭṭhite manussapaṇḍakassa vaccamaggaṁ mukhaṁ aṅgajātaṁ pavesentassa āpatti pārājikassa.
pli-tv-bu-vb-pj1:9.2.11	Bhikkhussa sevanacittaṁ upaṭṭhite amanussapaṇḍakassa …
pli-tv-bu-vb-pj1:9.2.12	tiracchānagatapaṇḍakassa …
pli-tv-bu-vb-pj1:9.2.13	manussapurisassa …
pli-tv-bu-vb-pj1:9.2.14	amanussapurisassa …
pli-tv-bu-vb-pj1:9.2.15	tiracchānagatapurisassa vaccamaggaṁ mukhaṁ aṅgajātaṁ pavesentassa āpatti pārājikassa.
pli-tv-bu-vb-pj1:9.3.0	
pli-tv-bu-vb-pj1:9.3.1	Bhikkhupaccatthikā manussitthiṁ bhikkhussa santike ānetvā vaccamaggena aṅgajātaṁ abhinisīdenti.
pli-tv-bu-vb-pj1:9.3.2	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa.
pli-tv-bu-vb-pj1:9.3.3	Bhikkhupaccatthikā manussitthiṁ bhikkhussa santike ānetvā vaccamaggena aṅgajātaṁ abhinisīdenti.
pli-tv-bu-vb-pj1:9.3.4	So ce pavesanaṁ na sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa.
pli-tv-bu-vb-pj1:9.3.5	Bhikkhupaccatthikā manussitthiṁ bhikkhussa santike ānetvā vaccamaggena aṅgajātaṁ abhinisīdenti.
pli-tv-bu-vb-pj1:9.3.6	So ce pavesanaṁ na sādiyati, paviṭṭhaṁ na sādiyati, ṭhitaṁ sādiyati, uddharaṇaṁ sādiyati, āpatti pārājikassa.
pli-tv-bu-vb-pj1:9.3.7	Bhikkhupaccatthikā manussitthiṁ bhikkhussa santike ānetvā vaccamaggena aṅgajātaṁ abhinisīdenti.
pli-tv-bu-vb-pj1:9.3.8	So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharaṇaṁ sādiyati, āpatti pārājikassa.
pli-tv-bu-vb-pj1:9.3.9	Bhikkhupaccatthikā manussitthiṁ bhikkhussa santike ānetvā vaccamaggena aṅgajātaṁ abhinisīdenti.
pli-tv-bu-vb-pj1:9.3.10	So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharaṇaṁ na sādiyati, anāpatti.
pli-tv-bu-vb-pj1:9.3.11	Bhikkhupaccatthikā manussitthiṁ bhikkhussa santike ānetvā passāvamaggena …
pli-tv-bu-vb-pj1:9.3.12	mukhena aṅgajātaṁ abhinisīdenti.
pli-tv-bu-vb-pj1:9.3.13	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.3.14	na sādiyati, anāpatti.
pli-tv-bu-vb-pj1:9.3.15	Bhikkhupaccatthikā manussitthiṁ jāgarantiṁ …
pli-tv-bu-vb-pj1:9.3.16	suttaṁ …
pli-tv-bu-vb-pj1:9.3.17	mattaṁ …
pli-tv-bu-vb-pj1:9.3.18	ummattaṁ …
pli-tv-bu-vb-pj1:9.3.19	pamattaṁ …
pli-tv-bu-vb-pj1:9.3.20	mataṁ akkhāyitaṁ …
pli-tv-bu-vb-pj1:9.3.21	mataṁ yebhuyyena akkhāyitaṁ …pe…
pli-tv-bu-vb-pj1:9.3.22	āpatti pārājikassa.
pli-tv-bu-vb-pj1:9.3.23	Mataṁ yebhuyyena khāyitaṁ bhikkhussa santike ānetvā vaccamaggena …
pli-tv-bu-vb-pj1:9.3.24	passāvamaggena …
pli-tv-bu-vb-pj1:9.3.25	mukhena aṅgajātaṁ abhinisīdenti.
pli-tv-bu-vb-pj1:9.3.26	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.3.27	na sādiyati, anāpatti.
pli-tv-bu-vb-pj1:9.3.28	Bhikkhupaccatthikā amanussitthiṁ …
pli-tv-bu-vb-pj1:9.3.29	tiracchānagatitthiṁ …
pli-tv-bu-vb-pj1:9.3.30	manussubhatobyañjanakaṁ …
pli-tv-bu-vb-pj1:9.3.31	amanussubhatobyañjanakaṁ …
pli-tv-bu-vb-pj1:9.3.32	tiracchānagatubhatobyañjanakaṁ bhikkhussa santike ānetvā vaccamaggena …
pli-tv-bu-vb-pj1:9.3.33	passāvamaggena …
pli-tv-bu-vb-pj1:9.3.34	mukhena aṅgajātaṁ abhinisīdenti.
pli-tv-bu-vb-pj1:9.3.35	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.3.36	na sādiyati, anāpatti.
pli-tv-bu-vb-pj1:9.3.37	Bhikkhupaccatthikā tiracchānagatubhatobyañjanakaṁ jāgarantaṁ …
pli-tv-bu-vb-pj1:9.3.38	suttaṁ …
pli-tv-bu-vb-pj1:9.3.39	mattaṁ …
pli-tv-bu-vb-pj1:9.3.40	ummattaṁ …
pli-tv-bu-vb-pj1:9.3.41	pamattaṁ …
pli-tv-bu-vb-pj1:9.3.42	mataṁ akkhāyitaṁ …
pli-tv-bu-vb-pj1:9.3.43	mataṁ yebhuyyena akkhāyitaṁ …pe…
pli-tv-bu-vb-pj1:9.3.44	āpatti pārājikassa.
pli-tv-bu-vb-pj1:9.3.45	Mataṁ yebhuyyena khāyitaṁ bhikkhussa santike ānetvā vaccamaggena …
pli-tv-bu-vb-pj1:9.3.46	passāvamaggena …
pli-tv-bu-vb-pj1:9.3.47	mukhena aṅgajātaṁ abhinisīdenti.
pli-tv-bu-vb-pj1:9.3.48	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.3.49	na sādiyati, anāpatti.
pli-tv-bu-vb-pj1:9.3.50	Bhikkhupaccatthikā manussapaṇḍakaṁ …
pli-tv-bu-vb-pj1:9.3.51	amanussapaṇḍakaṁ …
pli-tv-bu-vb-pj1:9.3.52	tiracchānagatapaṇḍakaṁ bhikkhussa santike ānetvā vaccamaggena …
pli-tv-bu-vb-pj1:9.3.53	mukhena aṅgajātaṁ abhinisīdenti.
pli-tv-bu-vb-pj1:9.3.54	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.3.55	na sādiyati, anāpatti.
pli-tv-bu-vb-pj1:9.3.56	Bhikkhupaccatthikā tiracchānagatapaṇḍakaṁ jāgarantaṁ …
pli-tv-bu-vb-pj1:9.3.57	suttaṁ …
pli-tv-bu-vb-pj1:9.3.58	mattaṁ …
pli-tv-bu-vb-pj1:9.3.59	ummattaṁ …
pli-tv-bu-vb-pj1:9.3.60	pamattaṁ …
pli-tv-bu-vb-pj1:9.3.61	mataṁ akkhāyitaṁ …
pli-tv-bu-vb-pj1:9.3.62	mataṁ yebhuyyena akkhāyitaṁ …pe…
pli-tv-bu-vb-pj1:9.3.63	āpatti pārājikassa.
pli-tv-bu-vb-pj1:9.3.64	Mataṁ yebhuyyena khāyitaṁ bhikkhussa santike ānetvā vaccamaggena …
pli-tv-bu-vb-pj1:9.3.65	mukhena aṅgajātaṁ abhinisīdenti.
pli-tv-bu-vb-pj1:9.3.66	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.3.67	na sādiyati, anāpatti.
pli-tv-bu-vb-pj1:9.3.68	Bhikkhupaccatthikā manussapurisaṁ …
pli-tv-bu-vb-pj1:9.3.69	amanussapurisaṁ …
pli-tv-bu-vb-pj1:9.3.70	tiracchānagatapurisaṁ bhikkhussa santike ānetvā vaccamaggena …
pli-tv-bu-vb-pj1:9.3.71	mukhena aṅgajātaṁ abhinisīdenti.
pli-tv-bu-vb-pj1:9.3.72	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.3.73	na sādiyati, anāpatti.
pli-tv-bu-vb-pj1:9.3.74	Bhikkhupaccatthikā tiracchānagatapurisaṁ jāgarantaṁ …
pli-tv-bu-vb-pj1:9.3.75	suttaṁ …
pli-tv-bu-vb-pj1:9.3.76	mattaṁ …
pli-tv-bu-vb-pj1:9.3.77	ummattaṁ …
pli-tv-bu-vb-pj1:9.3.78	pamattaṁ …
pli-tv-bu-vb-pj1:9.3.79	mataṁ akkhāyitaṁ …
pli-tv-bu-vb-pj1:9.3.80	mataṁ yebhuyyena akkhāyitaṁ …pe…
pli-tv-bu-vb-pj1:9.3.81	āpatti pārājikassa.
pli-tv-bu-vb-pj1:9.3.82	Mataṁ yebhuyyena khāyitaṁ bhikkhussa santike ānetvā vaccamaggena …
pli-tv-bu-vb-pj1:9.3.83	mukhena aṅgajātaṁ abhinisīdenti.
pli-tv-bu-vb-pj1:9.3.84	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.3.85	na sādiyati, anāpatti.
pli-tv-bu-vb-pj1:9.4.0	
pli-tv-bu-vb-pj1:9.4.1	Bhikkhupaccatthikā manussitthiṁ bhikkhussa santike ānetvā vaccamaggena …
pli-tv-bu-vb-pj1:9.4.2	passāvamaggena …
pli-tv-bu-vb-pj1:9.4.3	mukhena aṅgajātaṁ abhinisīdenti
pli-tv-bu-vb-pj1:9.4.4	santhatāya asanthatassa,
pli-tv-bu-vb-pj1:9.4.5	asanthatāya santhatassa,
pli-tv-bu-vb-pj1:9.4.6	santhatāya santhatassa,
pli-tv-bu-vb-pj1:9.4.7	asanthatāya asanthatassa.
pli-tv-bu-vb-pj1:9.4.8	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.4.9	na sādiyati, anāpatti.
pli-tv-bu-vb-pj1:9.4.10	Bhikkhupaccatthikā manussitthiṁ jāgarantiṁ …
pli-tv-bu-vb-pj1:9.4.11	suttaṁ …
pli-tv-bu-vb-pj1:9.4.12	mattaṁ …
pli-tv-bu-vb-pj1:9.4.13	ummattaṁ …
pli-tv-bu-vb-pj1:9.4.14	pamattaṁ …
pli-tv-bu-vb-pj1:9.4.15	mataṁ akkhāyitaṁ …
pli-tv-bu-vb-pj1:9.4.16	mataṁ yebhuyyena akkhāyitaṁ …pe…
pli-tv-bu-vb-pj1:9.4.17	āpatti pārājikassa.
pli-tv-bu-vb-pj1:9.4.18	Mataṁ yebhuyyena khāyitaṁ bhikkhussa santike ānetvā vaccamaggena …
pli-tv-bu-vb-pj1:9.4.19	passāvamaggena …
pli-tv-bu-vb-pj1:9.4.20	mukhena aṅgajātaṁ abhinisīdenti,
pli-tv-bu-vb-pj1:9.4.21	santhatāya asanthatassa,
pli-tv-bu-vb-pj1:9.4.22	asanthatāya santhatassa,
pli-tv-bu-vb-pj1:9.4.23	santhatāya santhatassa,
pli-tv-bu-vb-pj1:9.4.24	asanthatāya asanthatassa.
pli-tv-bu-vb-pj1:9.4.25	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.4.26	na sādiyati, anāpatti.
pli-tv-bu-vb-pj1:9.4.27	Bhikkhupaccatthikā amanussitthiṁ …
pli-tv-bu-vb-pj1:9.4.28	tiracchānagatitthiṁ …
pli-tv-bu-vb-pj1:9.4.29	manussubhatobyañjanakaṁ …
pli-tv-bu-vb-pj1:9.4.30	amanussubhatobyañjanakaṁ …
pli-tv-bu-vb-pj1:9.4.31	tiracchānagatubhatobyañjanakaṁ bhikkhussa santike ānetvā vaccamaggena …
pli-tv-bu-vb-pj1:9.4.32	passāvamaggena …
pli-tv-bu-vb-pj1:9.4.33	mukhena aṅgajātaṁ abhinisīdenti
pli-tv-bu-vb-pj1:9.4.34	santhatassa asanthatassa,
pli-tv-bu-vb-pj1:9.4.35	asanthatassa santhatassa,
pli-tv-bu-vb-pj1:9.4.36	santhatassa santhatassa,
pli-tv-bu-vb-pj1:9.4.37	asanthatassa asanthatassa.
pli-tv-bu-vb-pj1:9.4.38	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.4.39	na sādiyati, anāpatti.
pli-tv-bu-vb-pj1:9.4.40	Bhikkhupaccatthikā tiracchānagatubhatobyañjanakaṁ jāgarantaṁ …
pli-tv-bu-vb-pj1:9.4.41	suttaṁ …
pli-tv-bu-vb-pj1:9.4.42	mattaṁ …
pli-tv-bu-vb-pj1:9.4.43	ummattaṁ …
pli-tv-bu-vb-pj1:9.4.44	pamattaṁ …
pli-tv-bu-vb-pj1:9.4.45	mataṁ akkhāyitaṁ …
pli-tv-bu-vb-pj1:9.4.46	mataṁ yebhuyyena akkhāyitaṁ …pe…
pli-tv-bu-vb-pj1:9.4.47	āpatti pārājikassa.
pli-tv-bu-vb-pj1:9.4.48	Mataṁ yebhuyyena khāyitaṁ bhikkhussa santike ānetvā vaccamaggena …
pli-tv-bu-vb-pj1:9.4.49	passāvamaggena …
pli-tv-bu-vb-pj1:9.4.50	mukhena aṅgajātaṁ abhinisīdenti,
pli-tv-bu-vb-pj1:9.4.51	santhatassa asanthatassa,
pli-tv-bu-vb-pj1:9.4.52	asanthatassa santhatassa,
pli-tv-bu-vb-pj1:9.4.53	santhatassa santhatassa,
pli-tv-bu-vb-pj1:9.4.54	asanthatassa asanthatassa.
pli-tv-bu-vb-pj1:9.4.55	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.4.56	na sādiyati, anāpatti.
pli-tv-bu-vb-pj1:9.4.57	Bhikkhupaccatthikā manussapaṇḍakaṁ …
pli-tv-bu-vb-pj1:9.4.58	amanussapaṇḍakaṁ …
pli-tv-bu-vb-pj1:9.4.59	tiracchānagatapaṇḍakaṁ …
pli-tv-bu-vb-pj1:9.4.60	manussapurisaṁ …
pli-tv-bu-vb-pj1:9.4.61	amanussapurisaṁ …
pli-tv-bu-vb-pj1:9.4.62	tiracchānagatapurisaṁ bhikkhussa santike ānetvā vaccamaggena …
pli-tv-bu-vb-pj1:9.4.63	mukhena aṅgajātaṁ abhinisīdenti
pli-tv-bu-vb-pj1:9.4.64	santhatassa asanthatassa,
pli-tv-bu-vb-pj1:9.4.65	asanthatassa santhatassa,
pli-tv-bu-vb-pj1:9.4.66	santhatassa santhatassa,
pli-tv-bu-vb-pj1:9.4.67	asanthatassa asanthatassa.
pli-tv-bu-vb-pj1:9.4.68	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.4.69	na sādiyati, anāpatti.
pli-tv-bu-vb-pj1:9.4.70	Bhikkhupaccatthikā tiracchānagatapurisaṁ jāgarantaṁ …
pli-tv-bu-vb-pj1:9.4.71	suttaṁ …
pli-tv-bu-vb-pj1:9.4.72	mattaṁ …
pli-tv-bu-vb-pj1:9.4.73	ummattaṁ …
pli-tv-bu-vb-pj1:9.4.74	pamattaṁ …
pli-tv-bu-vb-pj1:9.4.75	mataṁ akkhāyitaṁ …
pli-tv-bu-vb-pj1:9.4.76	mataṁ yebhuyyena akkhāyitaṁ …pe…
pli-tv-bu-vb-pj1:9.4.77	āpatti pārājikassa.
pli-tv-bu-vb-pj1:9.4.78	Mataṁ yebhuyyena khāyitaṁ bhikkhussa santike ānetvā vaccamaggena …
pli-tv-bu-vb-pj1:9.4.79	mukhena aṅgajātaṁ abhinisīdenti,
pli-tv-bu-vb-pj1:9.4.80	santhatassa asanthatassa,
pli-tv-bu-vb-pj1:9.4.81	asanthatassa santhatassa,
pli-tv-bu-vb-pj1:9.4.82	santhatassa santhatassa,
pli-tv-bu-vb-pj1:9.4.83	asanthatassa asanthatassa.
pli-tv-bu-vb-pj1:9.4.84	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.4.85	na sādiyati, anāpatti.
pli-tv-bu-vb-pj1:9.5.0	
pli-tv-bu-vb-pj1:9.5.1	Bhikkhupaccatthikā bhikkhuṁ manussitthiyā santike ānetvā aṅgajātena vaccamaggaṁ …
pli-tv-bu-vb-pj1:9.5.2	passāvamaggaṁ …
pli-tv-bu-vb-pj1:9.5.3	mukhaṁ abhinisīdenti.
pli-tv-bu-vb-pj1:9.5.4	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.5.5	na sādiyati, anāpatti.
pli-tv-bu-vb-pj1:9.5.6	Bhikkhupaccatthikā bhikkhuṁ manussitthiyā jāgarantiyā …
pli-tv-bu-vb-pj1:9.5.7	suttāya …
pli-tv-bu-vb-pj1:9.5.8	mattāya …
pli-tv-bu-vb-pj1:9.5.9	ummattāya …
pli-tv-bu-vb-pj1:9.5.10	pamattāya …
pli-tv-bu-vb-pj1:9.5.11	matāya akkhāyitāya …
pli-tv-bu-vb-pj1:9.5.12	matāya yebhuyyena akkhāyitāya …pe…
pli-tv-bu-vb-pj1:9.5.13	āpatti pārājikassa.
pli-tv-bu-vb-pj1:9.5.14	Matāya yebhuyyena khāyitāya santike ānetvā aṅgajātena vaccamaggaṁ …
pli-tv-bu-vb-pj1:9.5.15	passāvamaggaṁ …
pli-tv-bu-vb-pj1:9.5.16	mukhaṁ abhinisīdenti.
pli-tv-bu-vb-pj1:9.5.17	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.5.18	na sādiyati, anāpatti.
pli-tv-bu-vb-pj1:9.5.19	Bhikkhupaccatthikā bhikkhuṁ amanussitthiyā …
pli-tv-bu-vb-pj1:9.5.20	tiracchānagatitthiyā …
pli-tv-bu-vb-pj1:9.5.21	manussubhatobyañjanakassa …
pli-tv-bu-vb-pj1:9.5.22	amanussubhatobyañjanakassa …
pli-tv-bu-vb-pj1:9.5.23	tiracchānagatubhatobyañjanakassa …
pli-tv-bu-vb-pj1:9.5.24	manussapaṇḍakassa …
pli-tv-bu-vb-pj1:9.5.25	amanussapaṇḍakassa …
pli-tv-bu-vb-pj1:9.5.26	tiracchānagatapaṇḍakassa …
pli-tv-bu-vb-pj1:9.5.27	manussapurisassa …
pli-tv-bu-vb-pj1:9.5.28	amanussapurisassa …
pli-tv-bu-vb-pj1:9.5.29	tiracchānagatapurisassa santike ānetvā aṅgajātena vaccamaggaṁ …
pli-tv-bu-vb-pj1:9.5.30	mukhaṁ abhinisīdenti.
pli-tv-bu-vb-pj1:9.5.31	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.5.32	na sādiyati, anāpatti.
pli-tv-bu-vb-pj1:9.5.33	Bhikkhupaccatthikā bhikkhuṁ tiracchānagatapurisassa jāgarantassa …
pli-tv-bu-vb-pj1:9.5.34	suttassa …
pli-tv-bu-vb-pj1:9.5.35	mattassa …
pli-tv-bu-vb-pj1:9.5.36	ummattassa …
pli-tv-bu-vb-pj1:9.5.37	pamattassa …
pli-tv-bu-vb-pj1:9.5.38	matassa akkhāyitassa …
pli-tv-bu-vb-pj1:9.5.39	matassa yebhuyyena akkhāyitassa …pe…
pli-tv-bu-vb-pj1:9.5.40	āpatti pārājikassa.
pli-tv-bu-vb-pj1:9.5.41	Matassa yebhuyyena khāyitassa santike ānetvā aṅgajātena vaccamaggaṁ …
pli-tv-bu-vb-pj1:9.5.42	mukhaṁ abhinisīdenti.
pli-tv-bu-vb-pj1:9.5.43	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.5.44	na sādiyati, anāpatti.
pli-tv-bu-vb-pj1:9.6.0	
pli-tv-bu-vb-pj1:9.6.1	Bhikkhupaccatthikā bhikkhuṁ manussitthiyā santike ānetvā aṅgajātena vaccamaggaṁ …
pli-tv-bu-vb-pj1:9.6.2	passāvamaggaṁ …
pli-tv-bu-vb-pj1:9.6.3	mukhaṁ abhinisīdenti
pli-tv-bu-vb-pj1:9.6.4	santhatassa asanthatāya,
pli-tv-bu-vb-pj1:9.6.5	asanthatassa santhatāya,
pli-tv-bu-vb-pj1:9.6.6	santhatassa santhatāya,
pli-tv-bu-vb-pj1:9.6.7	asanthatassa asanthatāya.
pli-tv-bu-vb-pj1:9.6.8	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.6.9	na sādiyati, anāpatti.
pli-tv-bu-vb-pj1:9.6.10	Bhikkhupaccatthikā bhikkhuṁ manussitthiyā jāgarantiyā …
pli-tv-bu-vb-pj1:9.6.11	suttāya …
pli-tv-bu-vb-pj1:9.6.12	mattāya …
pli-tv-bu-vb-pj1:9.6.13	ummattāya …
pli-tv-bu-vb-pj1:9.6.14	pamattāya …
pli-tv-bu-vb-pj1:9.6.15	matāya akkhāyitāya …
pli-tv-bu-vb-pj1:9.6.16	matāya yebhuyyena akkhāyitāya …pe…
pli-tv-bu-vb-pj1:9.6.17	āpatti pārājikassa.
pli-tv-bu-vb-pj1:9.6.18	Matāya yebhuyyena khāyitāya santike ānetvā aṅgajātena vaccamaggaṁ …
pli-tv-bu-vb-pj1:9.6.19	passāvamaggaṁ …
pli-tv-bu-vb-pj1:9.6.20	mukhaṁ abhinisīdenti
pli-tv-bu-vb-pj1:9.6.21	santhatassa asanthatāya,
pli-tv-bu-vb-pj1:9.6.22	asanthatassa santhatāya,
pli-tv-bu-vb-pj1:9.6.23	santhatassa santhatāya,
pli-tv-bu-vb-pj1:9.6.24	asanthatassa asanthatāya.
pli-tv-bu-vb-pj1:9.6.25	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.6.26	na sādiyati, anāpatti.
pli-tv-bu-vb-pj1:9.6.27	Bhikkhupaccatthikā bhikkhuṁ amanussitthiyā …
pli-tv-bu-vb-pj1:9.6.28	tiracchānagatitthiyā …
pli-tv-bu-vb-pj1:9.6.29	manussubhatobyañjanakassa …
pli-tv-bu-vb-pj1:9.6.30	amanussubhatobyañjanakassa …
pli-tv-bu-vb-pj1:9.6.31	tiracchānagatubhatobyañjanakassa …
pli-tv-bu-vb-pj1:9.6.32	manussapaṇḍakassa …
pli-tv-bu-vb-pj1:9.6.33	amanussapaṇḍakassa …
pli-tv-bu-vb-pj1:9.6.34	tiracchānagatapaṇḍakassa …
pli-tv-bu-vb-pj1:9.6.35	manussapurisassa …
pli-tv-bu-vb-pj1:9.6.36	amanussapurisassa …
pli-tv-bu-vb-pj1:9.6.37	tiracchānagatapurisassa santike ānetvā aṅgajātena vaccamaggaṁ …
pli-tv-bu-vb-pj1:9.6.38	mukhaṁ abhinisīdenti
pli-tv-bu-vb-pj1:9.6.39	santhatassa asanthatassa,
pli-tv-bu-vb-pj1:9.6.40	asanthatassa santhatassa,
pli-tv-bu-vb-pj1:9.6.41	santhatassa santhatassa,
pli-tv-bu-vb-pj1:9.6.42	asanthatassa asanthatassa,
pli-tv-bu-vb-pj1:9.6.43	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa …pe…
pli-tv-bu-vb-pj1:9.6.44	na sādiyati, anāpatti.
pli-tv-bu-vb-pj1:9.6.45	Bhikkhupaccatthikā bhikkhuṁ tiracchānagatapurisassa jāgarantassa …
pli-tv-bu-vb-pj1:9.6.46	suttassa …
pli-tv-bu-vb-pj1:9.6.47	mattassa …
pli-tv-bu-vb-pj1:9.6.48	ummattassa …
pli-tv-bu-vb-pj1:9.6.49	pamattassa …
pli-tv-bu-vb-pj1:9.6.50	matassa akkhāyitassa …
pli-tv-bu-vb-pj1:9.6.51	matassa yebhuyyena akkhāyitassa …pe…
pli-tv-bu-vb-pj1:9.6.52	āpatti pārājikassa.
pli-tv-bu-vb-pj1:9.6.53	Matassa yebhuyyena khāyitassa santike ānetvā aṅgajātena vaccamaggaṁ …
pli-tv-bu-vb-pj1:9.6.54	mukhaṁ abhinisīdenti
pli-tv-bu-vb-pj1:9.6.55	santhatassa asanthatassa,
pli-tv-bu-vb-pj1:9.6.56	asanthatassa santhatassa,
pli-tv-bu-vb-pj1:9.6.57	santhatassa santhatassa,
pli-tv-bu-vb-pj1:9.6.58	asanthatassa asanthatassa,
pli-tv-bu-vb-pj1:9.6.59	So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa …pe…
pli-tv-bu-vb-pj1:9.6.60	na sādiyati, anāpatti.
pli-tv-bu-vb-pj1:9.7.1	Yathā bhikkhupaccatthikā vitthāritā, evaṁ vitthāretabbā.
pli-tv-bu-vb-pj1:9.7.2	Rājapaccatthikā …
pli-tv-bu-vb-pj1:9.7.3	corapaccatthikā …
pli-tv-bu-vb-pj1:9.7.4	dhuttapaccatthikā …
pli-tv-bu-vb-pj1:9.7.5	uppalagandhapaccatthikā.
pli-tv-bu-vb-pj1:9.7.6	Saṅkhittaṁ.
pli-tv-bu-vb-pj1:9.7.7.0	
pli-tv-bu-vb-pj1:9.7.7.1	Maggena maggaṁ paveseti, āpatti pārājikassa.
pli-tv-bu-vb-pj1:9.7.8	Maggena amaggaṁ paveseti, āpatti pārājikassa.
pli-tv-bu-vb-pj1:9.7.9	Amaggena maggaṁ paveseti, āpatti pārājikassa.
pli-tv-bu-vb-pj1:9.7.10	Amaggena amaggaṁ paveseti, āpatti thullaccayassa.
pli-tv-bu-vb-pj1:9.7.11	Bhikkhu suttabhikkhumhi vippaṭipajjati;
pli-tv-bu-vb-pj1:9.7.12	paṭibuddho sādiyati, ubho nāsetabbā.
pli-tv-bu-vb-pj1:9.7.13	Paṭibuddho na sādiyati, dūsako nāsetabbo.
pli-tv-bu-vb-pj1:9.7.14	Bhikkhu suttasāmaṇeramhi vippaṭipajjati;
pli-tv-bu-vb-pj1:9.7.15	paṭibuddho sādiyati, ubho nāsetabbā.
pli-tv-bu-vb-pj1:9.7.16	Paṭibuddho na sādiyati, dūsako nāsetabbo.
pli-tv-bu-vb-pj1:9.7.17	Sāmaṇero suttabhikkhumhi vippaṭipajjati;
pli-tv-bu-vb-pj1:9.7.18	paṭibuddho sādiyati, ubho nāsetabbā.
pli-tv-bu-vb-pj1:9.7.19	Paṭibuddho na sādiyati, dūsako nāsetabbo.
pli-tv-bu-vb-pj1:9.7.20	Sāmaṇero suttasāmaṇeramhi vippaṭipajjati;
pli-tv-bu-vb-pj1:9.7.21	paṭibuddho sādiyati, ubho nāsetabbā.
pli-tv-bu-vb-pj1:9.7.22	Paṭibuddho na sādiyati, dūsako nāsetabbo.
pli-tv-bu-vb-pj1:9.7.23.0	
pli-tv-bu-vb-pj1:9.7.23.1	Anāpatti—
pli-tv-bu-vb-pj1:9.7.24	ajānantassa,
pli-tv-bu-vb-pj1:9.7.25	asādiyantassa,
pli-tv-bu-vb-pj1:9.7.26	ummattakassa,
pli-tv-bu-vb-pj1:9.7.27	khittacittassa,
pli-tv-bu-vb-pj1:9.7.28	vedanāṭṭassa,
pli-tv-bu-vb-pj1:9.7.29	ādikammikassāti.
pli-tv-bu-vb-pj1:9.7.30	Santhatabhāṇavāro niṭṭhito.
pli-tv-bu-vb-pj1:9.7.31	4. Vinītavatthuuddānagāthā
pli-tv-bu-vb-pj1:9.7.32	Makkaṭī vajjiputtā ca,
pli-tv-bu-vb-pj1:9.7.33	gihī naggo ca titthiyā;
pli-tv-bu-vb-pj1:9.7.34	Dārikuppalavaṇṇā ca,
pli-tv-bu-vb-pj1:9.7.35	byañjanehipare duve.
pli-tv-bu-vb-pj1:9.7.36	Mātā dhītā bhaginī ca,
pli-tv-bu-vb-pj1:9.7.37	jāyā ca mudu lambinā;
pli-tv-bu-vb-pj1:9.7.38	Dve vaṇā lepacittañca,
pli-tv-bu-vb-pj1:9.7.39	dārudhītalikāya ca.
pli-tv-bu-vb-pj1:9.7.40	Sundarena saha pañca,
pli-tv-bu-vb-pj1:9.7.41	pañca sivathikaṭṭhikā;
pli-tv-bu-vb-pj1:9.7.42	Nāgī yakkhī ca petī ca,
pli-tv-bu-vb-pj1:9.7.43	paṇḍakopahato chupe.
pli-tv-bu-vb-pj1:9.7.44	Bhaddiye arahaṁ sutto,
pli-tv-bu-vb-pj1:9.7.45	sāvatthiyā caturo pare;
pli-tv-bu-vb-pj1:9.7.46	Vesāliyā tayo mālā,
pli-tv-bu-vb-pj1:9.7.47	supine bhārukacchako.
pli-tv-bu-vb-pj1:9.7.48	Supabbā saddhā bhikkhunī,
pli-tv-bu-vb-pj1:9.7.49	Sikkhamānā sāmaṇerī ca;
pli-tv-bu-vb-pj1:9.7.50	Vesiyā paṇḍako gihī,
pli-tv-bu-vb-pj1:9.7.51	Aññamaññaṁ vuḍḍhapabbajito migoti.
pli-tv-bu-vb-pj1:10.1.0	5. Vinītavatthu
pli-tv-bu-vb-pj1:10.1.1	Tena kho pana samayena aññataro bhikkhu makkaṭiyā methunaṁ dhammaṁ paṭisevi.
pli-tv-bu-vb-pj1:10.1.2	Tassa kukkuccaṁ ahosi—
pli-tv-bu-vb-pj1:10.1.3	“bhagavatā sikkhāpadaṁ paññattaṁ,
pli-tv-bu-vb-pj1:10.1.4	kacci nu kho ahaṁ pārājikaṁ āpattiṁ āpanno”ti?
pli-tv-bu-vb-pj1:10.1.5	Bhagavato etamatthaṁ ārocesi.
pli-tv-bu-vb-pj1:10.1.6	“Āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.2.1	Tena kho pana samayena sambahulā vesālikā vajjiputtakā bhikkhū sikkhaṁ apaccakkhāya dubbalyaṁ anāvikatvā methunaṁ dhammaṁ paṭiseviṁsu.
pli-tv-bu-vb-pj1:10.2.2	Tesaṁ kukkuccaṁ ahosi—
pli-tv-bu-vb-pj1:10.2.3	“bhagavatā sikkhāpadaṁ paññattaṁ,
pli-tv-bu-vb-pj1:10.2.4	kacci nu kho mayaṁ pārājikaṁ āpattiṁ āpannā”ti?
pli-tv-bu-vb-pj1:10.2.5	Bhagavato etamatthaṁ ārocesuṁ.
pli-tv-bu-vb-pj1:10.2.6	“Āpattiṁ tumhe, bhikkhave, āpannā pārājikan”ti.
pli-tv-bu-vb-pj1:10.3.1	Tena kho pana samayena aññataro bhikkhu—
pli-tv-bu-vb-pj1:10.3.2	“evaṁ me anāpatti bhavissatī”ti—
pli-tv-bu-vb-pj1:10.3.3	gihiliṅgena methunaṁ dhammaṁ paṭisevi.
pli-tv-bu-vb-pj1:10.3.4	Tassa kukkuccaṁ ahosi—
pli-tv-bu-vb-pj1:10.3.5	“bhagavatā sikkhāpadaṁ paññattaṁ,
pli-tv-bu-vb-pj1:10.3.6	kacci nu kho ahaṁ pārājikaṁ āpattiṁ āpanno”ti?
pli-tv-bu-vb-pj1:10.3.7	Bhagavato etamatthaṁ ārocesi.
pli-tv-bu-vb-pj1:10.3.8	“Āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.3.9	Tena kho pana samayena aññataro bhikkhu—
pli-tv-bu-vb-pj1:10.3.10	“evaṁ me anāpatti bhavissatī”ti—
pli-tv-bu-vb-pj1:10.3.11	naggo hutvā methunaṁ dhammaṁ paṭisevi.
pli-tv-bu-vb-pj1:10.3.12	Tassa kukkuccaṁ ahosi …pe…
pli-tv-bu-vb-pj1:10.3.13	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.3.14	Tena kho pana samayena aññataro bhikkhu—
pli-tv-bu-vb-pj1:10.3.15	“evaṁ me anāpatti bhavissatī”ti—
pli-tv-bu-vb-pj1:10.3.16	kusacīraṁ nivāsetvā …
pli-tv-bu-vb-pj1:10.3.17	vākacīraṁ nivāsetvā …
pli-tv-bu-vb-pj1:10.3.18	phalakacīraṁ nivāsetvā …
pli-tv-bu-vb-pj1:10.3.19	kesakambalaṁ nivāsetvā …
pli-tv-bu-vb-pj1:10.3.20	vālakambalaṁ nivāsetvā …
pli-tv-bu-vb-pj1:10.3.21	ulūkapakkhikaṁ nivāsetvā …
pli-tv-bu-vb-pj1:10.3.22	ajinakkhipaṁ nivāsetvā methunaṁ dhammaṁ paṭisevi.
pli-tv-bu-vb-pj1:10.3.23	Tassa kukkuccaṁ ahosi …pe…
pli-tv-bu-vb-pj1:10.3.24	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.4.1	Tena kho pana samayena aññataro piṇḍacāriko bhikkhu pīṭhake nipannaṁ dārikaṁ passitvā sāratto aṅguṭṭhaṁ aṅgajātaṁ pavesesi.
pli-tv-bu-vb-pj1:10.4.2	Sā kālamakāsi.
pli-tv-bu-vb-pj1:10.4.3	Tassa kukkuccaṁ ahosi …pe…
pli-tv-bu-vb-pj1:10.4.4	“anāpatti, bhikkhu, pārājikassa.
pli-tv-bu-vb-pj1:10.4.5	Āpatti saṅghādisesassā”ti.
pli-tv-bu-vb-pj1:10.5.1	Tena kho pana samayena aññataro māṇavako uppalavaṇṇāya bhikkhuniyā paṭibaddhacitto hoti.
pli-tv-bu-vb-pj1:10.5.2	Atha kho so māṇavako uppalavaṇṇāya bhikkhuniyā gāmaṁ piṇḍāya paviṭṭhāya kuṭikaṁ pavisitvā nilīno acchi.
pli-tv-bu-vb-pj1:10.5.3	Uppalavaṇṇā bhikkhunī pacchābhattaṁ piṇḍapātapaṭikkantā pāde pakkhāletvā kuṭikaṁ pavisitvā mañcake nisīdi.
pli-tv-bu-vb-pj1:10.5.4	Atha kho so māṇavako uppalavaṇṇaṁ bhikkhuniṁ uggahetvā dūsesi.
pli-tv-bu-vb-pj1:10.5.5	Uppalavaṇṇā bhikkhunī bhikkhunīnaṁ etamatthaṁ ārocesi.
pli-tv-bu-vb-pj1:10.5.6	Bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pj1:10.5.7	Bhikkhū bhagavato etamatthaṁ ārocesuṁ.
pli-tv-bu-vb-pj1:10.5.8	“Anāpatti, bhikkhave, asādiyantiyā”ti.
pli-tv-bu-vb-pj1:10.6.1	Tena kho pana samayena aññatarassa bhikkhuno itthiliṅgaṁ pātubhūtaṁ hoti.
pli-tv-bu-vb-pj1:10.6.2	Bhagavato etamatthaṁ ārocesuṁ.
pli-tv-bu-vb-pj1:10.6.3	“Anujānāmi, bhikkhave, taññeva upajjhaṁ tameva upasampadaṁ tāniyeva vassāni bhikkhunīhi saṅgamituṁ.
pli-tv-bu-vb-pj1:10.6.4	Yā āpattiyo bhikkhūnaṁ bhikkhunīhi sādhāraṇā tā āpattiyo bhikkhunīnaṁ santike vuṭṭhātuṁ.
pli-tv-bu-vb-pj1:10.6.5	Yā āpattiyo bhikkhūnaṁ bhikkhunīhi asādhāraṇā tāhi āpattīhi anāpattī”ti.
pli-tv-bu-vb-pj1:10.6.6	Tena kho pana samayena aññatarissā bhikkhuniyā purisaliṅgaṁ pātubhūtaṁ hoti.
pli-tv-bu-vb-pj1:10.6.7	Bhagavato etamatthaṁ ārocesuṁ.
pli-tv-bu-vb-pj1:10.6.8	“Anujānāmi, bhikkhave, taññeva upajjhaṁ tameva upasampadaṁ tāniyeva vassāni bhikkhūhi saṅgamituṁ.
pli-tv-bu-vb-pj1:10.6.9	Yā āpattiyo bhikkhunīnaṁ bhikkhūhi sādhāraṇā tā āpattiyo bhikkhūnaṁ santike vuṭṭhātuṁ.
pli-tv-bu-vb-pj1:10.6.10	Yā āpattiyo bhikkhunīnaṁ bhikkhūhi asādhāraṇā tāhi āpattīhi anāpattī”ti.
pli-tv-bu-vb-pj1:10.7.1	Tena kho pana samayena aññataro bhikkhu—
pli-tv-bu-vb-pj1:10.7.2	“evaṁ me anāpatti bhavissatī”ti—
pli-tv-bu-vb-pj1:10.7.3	mātuyā methunaṁ dhammaṁ paṭisevi …
pli-tv-bu-vb-pj1:10.7.4	dhītuyā methunaṁ dhammaṁ paṭisevi …
pli-tv-bu-vb-pj1:10.7.5	bhaginiyā methunaṁ dhammaṁ paṭisevi …
pli-tv-bu-vb-pj1:10.7.6	tassa kukkuccaṁ ahosi …pe…
pli-tv-bu-vb-pj1:10.7.7	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.7.8	Tena kho pana samayena aññataro bhikkhu purāṇadutiyikāya methunaṁ dhammaṁ paṭisevi.
pli-tv-bu-vb-pj1:10.7.9	Tassa kukkuccaṁ ahosi …pe…
pli-tv-bu-vb-pj1:10.7.10	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.8.1	Tena kho pana samayena aññataro bhikkhu mudupiṭṭhiko hoti.
pli-tv-bu-vb-pj1:10.8.2	So anabhiratiyā pīḷito attano aṅgajātaṁ mukhena aggahesi.
pli-tv-bu-vb-pj1:10.8.3	Tassa kukkuccaṁ ahosi …pe…
pli-tv-bu-vb-pj1:10.8.4	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.8.5	Tena kho pana samayena aññataro bhikkhu lambī hoti.
pli-tv-bu-vb-pj1:10.8.6	So anabhiratiyā pīḷito attano aṅgajātaṁ attano vaccamaggaṁ pavesesi.
pli-tv-bu-vb-pj1:10.8.7	Tassa kukkuccaṁ ahosi …pe…
pli-tv-bu-vb-pj1:10.8.8	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.9.1	Tena kho pana samayena aññataro bhikkhu matasarīraṁ passi.
pli-tv-bu-vb-pj1:10.9.2	Tasmiñca sarīre aṅgajātasāmantā vaṇo hoti.
pli-tv-bu-vb-pj1:10.9.3	So—“evaṁ me anāpatti bhavissatī”ti—
pli-tv-bu-vb-pj1:10.9.4	aṅgajāte aṅgajātaṁ pavesetvā vaṇena nīhari.
pli-tv-bu-vb-pj1:10.9.5	Tassa kukkuccaṁ ahosi …pe…
pli-tv-bu-vb-pj1:10.9.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.9.7	Tena kho pana samayena aññataro bhikkhu matasarīraṁ passi.
pli-tv-bu-vb-pj1:10.9.8	Tasmiñca sarīre aṅgajātasāmantā vaṇo hoti.
pli-tv-bu-vb-pj1:10.9.9	So—“evaṁ me anāpatti bhavissatī”ti—
pli-tv-bu-vb-pj1:10.9.10	vaṇe aṅgajātaṁ pavesetvā aṅgajātena nīhari.
pli-tv-bu-vb-pj1:10.9.11	Tassa kukkuccaṁ ahosi …pe…
pli-tv-bu-vb-pj1:10.9.12	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.10.1	Tena kho pana samayena aññataro bhikkhu sāratto lepacittassa nimittaṁ aṅgajātena chupi.
pli-tv-bu-vb-pj1:10.10.2	Tassa kukkuccaṁ ahosi …pe…
pli-tv-bu-vb-pj1:10.10.3	“anāpatti, bhikkhu, pārājikassa.
pli-tv-bu-vb-pj1:10.10.4	Āpatti dukkaṭassā”ti.
pli-tv-bu-vb-pj1:10.10.5	Tena kho pana samayena aññataro bhikkhu sāratto dārudhītalikāya nimittaṁ aṅgajātena chupi.
pli-tv-bu-vb-pj1:10.10.6	Tassa kukkuccaṁ ahosi …pe…
pli-tv-bu-vb-pj1:10.10.7	“anāpatti, bhikkhu, pārājikassa.
pli-tv-bu-vb-pj1:10.10.8	Āpatti dukkaṭassā”ti.
pli-tv-bu-vb-pj1:10.11.1	Tena kho pana samayena sundaro nāma bhikkhu rājagahā pabbajito rathikāya gacchati.
pli-tv-bu-vb-pj1:10.11.2	Aññatarā itthī—
pli-tv-bu-vb-pj1:10.11.3	“muhuttaṁ, bhante, āgamehi, vandissāmī”ti
pli-tv-bu-vb-pj1:10.11.4	sā vandantī antaravāsakaṁ ukkhipitvā mukhena aṅgajātaṁ aggahesi.
pli-tv-bu-vb-pj1:10.11.5	Tassa kukkuccaṁ ahosi …pe…
pli-tv-bu-vb-pj1:10.11.6	“sādiyi tvaṁ, bhikkhū”ti?
pli-tv-bu-vb-pj1:10.11.7	“Nāhaṁ, bhagavā, sādiyin”ti.
pli-tv-bu-vb-pj1:10.11.8	“Anāpatti, bhikkhu, asādiyantassā”ti.
pli-tv-bu-vb-pj1:10.12.1	Tena kho pana samayena aññatarā itthī bhikkhuṁ passitvā etadavoca—
pli-tv-bu-vb-pj1:10.12.2	“ehi, bhante, methunaṁ dhammaṁ paṭisevā”ti.
pli-tv-bu-vb-pj1:10.12.3	“Alaṁ, bhagini, netaṁ kappatī”ti.
pli-tv-bu-vb-pj1:10.12.4	“Ehi, bhante, ahaṁ vāyamissāmi, tvaṁ mā vāyami,
pli-tv-bu-vb-pj1:10.12.5	evaṁ te anāpatti bhavissatī”ti.
pli-tv-bu-vb-pj1:10.12.6	So bhikkhu tathā akāsi.
pli-tv-bu-vb-pj1:10.12.7	Tassa kukkuccaṁ ahosi …pe…
pli-tv-bu-vb-pj1:10.12.8	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.12.9	Tena kho pana samayena aññatarā itthī bhikkhuṁ passitvā etadavoca—
pli-tv-bu-vb-pj1:10.12.10	“ehi, bhante, methunaṁ dhammaṁ paṭisevā”ti.
pli-tv-bu-vb-pj1:10.12.11	“Alaṁ, bhagini, netaṁ kappatī”ti.
pli-tv-bu-vb-pj1:10.12.12	“Ehi, bhante, tvaṁ vāyama, ahaṁ na vāyamissāmi,
pli-tv-bu-vb-pj1:10.12.13	evaṁ te anāpatti bhavissatī”ti.
pli-tv-bu-vb-pj1:10.12.14	So bhikkhu tathā akāsi.
pli-tv-bu-vb-pj1:10.12.15	Tassa kukkuccaṁ ahosi …pe…
pli-tv-bu-vb-pj1:10.12.16	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.12.17	Tena kho pana samayena aññatarā itthī bhikkhuṁ passitvā etadavoca—
pli-tv-bu-vb-pj1:10.12.18	“ehi, bhante, methunaṁ dhammaṁ paṭisevā”ti.
pli-tv-bu-vb-pj1:10.12.19	“Alaṁ, bhagini, netaṁ kappatī”ti.
pli-tv-bu-vb-pj1:10.12.20	“Ehi, bhante, abbhantaraṁ ghaṭṭetvā bahi mocehi …pe…
pli-tv-bu-vb-pj1:10.12.21	bahi ghaṭṭetvā abbhantaraṁ mocehi,
pli-tv-bu-vb-pj1:10.12.22	evaṁ te anāpatti bhavissatī”ti.
pli-tv-bu-vb-pj1:10.12.23	So bhikkhu tathā akāsi.
pli-tv-bu-vb-pj1:10.12.24	Tassa kukkuccaṁ ahosi …pe…
pli-tv-bu-vb-pj1:10.12.25	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.13.1	Tena kho pana samayena aññataro bhikkhu sivathikaṁ gantvā akkhāyitaṁ sarīraṁ passitvā tasmiṁ methunaṁ dhammaṁ paṭisevi.
pli-tv-bu-vb-pj1:10.13.2	Tassa kukkuccaṁ ahosi …pe…
pli-tv-bu-vb-pj1:10.13.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.13.4	Tena kho pana samayena aññataro bhikkhu sivathikaṁ gantvā yebhuyyena akkhāyitaṁ sarīraṁ passitvā tasmiṁ methunaṁ dhammaṁ paṭisevi.
pli-tv-bu-vb-pj1:10.13.5	Tassa kukkuccaṁ ahosi …pe…
pli-tv-bu-vb-pj1:10.13.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.13.7	Tena kho pana samayena aññataro bhikkhu sivathikaṁ gantvā yebhuyyena khāyitaṁ sarīraṁ passitvā
pli-tv-bu-vb-pj1:10.13.8	tasmiṁ methunaṁ dhammaṁ paṭisevi.
pli-tv-bu-vb-pj1:10.13.9	Tassa kukkuccaṁ ahosi …pe…
pli-tv-bu-vb-pj1:10.13.10	“anāpatti, bhikkhu, pārājikassa.
pli-tv-bu-vb-pj1:10.13.11	Āpatti thullaccayassā”ti.
pli-tv-bu-vb-pj1:10.13.12	Tena kho pana samayena aññataro bhikkhu sivathikaṁ gantvā chinnasīsaṁ passitvā vaṭṭakate mukhe chupantaṁ aṅgajātaṁ pavesesi.
pli-tv-bu-vb-pj1:10.13.13	Tassa kukkuccaṁ ahosi …pe…
pli-tv-bu-vb-pj1:10.13.14	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.13.15	Tena kho pana samayena aññataro bhikkhu sivathikaṁ gantvā chinnasīsaṁ passitvā vaṭṭakate mukhe acchupantaṁ aṅgajātaṁ pavesesi.
pli-tv-bu-vb-pj1:10.13.16	Tassa kukkuccaṁ ahosi …pe…
pli-tv-bu-vb-pj1:10.13.17	“anāpatti, bhikkhu, pārājikassa.
pli-tv-bu-vb-pj1:10.13.18	Āpatti dukkaṭassā”ti.
pli-tv-bu-vb-pj1:10.13.19	Tena kho pana samayena aññataro bhikkhu aññatarissā itthiyā paṭibaddhacitto hoti.
pli-tv-bu-vb-pj1:10.13.20	Sā kālaṅkatā susāne chaḍḍitā.
pli-tv-bu-vb-pj1:10.13.21	Aṭṭhikāni vippakiṇṇāni honti.
pli-tv-bu-vb-pj1:10.13.22	Atha kho so bhikkhu sivathikaṁ gantvā aṭṭhikāni saṅkaḍḍhitvā nimitte aṅgajātaṁ paṭipādesi.
pli-tv-bu-vb-pj1:10.13.23	Tassa kukkuccaṁ ahosi …pe…
pli-tv-bu-vb-pj1:10.13.24	“anāpatti, bhikkhu, pārājikassa.
pli-tv-bu-vb-pj1:10.13.25	Āpatti dukkaṭassā”ti.
pli-tv-bu-vb-pj1:10.14.1	Tena kho pana samayena aññataro bhikkhu nāgiyā methunaṁ dhammaṁ paṭisevi …
pli-tv-bu-vb-pj1:10.14.2	yakkhiniyā methunaṁ dhammaṁ paṭisevi …
pli-tv-bu-vb-pj1:10.14.3	petiyā methunaṁ dhammaṁ paṭisevi …
pli-tv-bu-vb-pj1:10.14.4	paṇḍakassa methunaṁ dhammaṁ paṭisevi.
pli-tv-bu-vb-pj1:10.14.5	Tassa kukkuccaṁ ahosi …pe…
pli-tv-bu-vb-pj1:10.14.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.15.1	Tena kho pana samayena aññataro bhikkhu upahatindriyo hoti.
pli-tv-bu-vb-pj1:10.15.2	So—“nāhaṁ vediyāmi sukhaṁ vā dukkhaṁ vā, anāpatti me bhavissatī”ti—
pli-tv-bu-vb-pj1:10.15.3	methunaṁ dhammaṁ paṭisevi. …pe…
pli-tv-bu-vb-pj1:10.15.4	Bhagavato etamatthaṁ ārocesuṁ.
pli-tv-bu-vb-pj1:10.15.5	“Vediyi vā so, bhikkhave, moghapuriso na vā vediyi, āpatti pārājikassā”ti.
pli-tv-bu-vb-pj1:10.16.1	Tena kho pana samayena aññataro bhikkhu—
pli-tv-bu-vb-pj1:10.16.2	“itthiyā methunaṁ dhammaṁ paṭisevissāmī”ti—
pli-tv-bu-vb-pj1:10.16.3	chupitamatte vippaṭisārī ahosi.
pli-tv-bu-vb-pj1:10.16.4	Tassa kukkuccaṁ ahosi …pe…
pli-tv-bu-vb-pj1:10.16.5	“anāpatti, bhikkhu, pārājikassa.
pli-tv-bu-vb-pj1:10.16.6	Āpatti saṅghādisesassā”ti.
pli-tv-bu-vb-pj1:10.17.1	Tena kho pana samayena aññataro bhikkhu bhaddiye jātiyāvane divāvihāragato nipanno hoti.
pli-tv-bu-vb-pj1:10.17.2	Tassa aṅgamaṅgāni vātūpatthaddhāni honti.
pli-tv-bu-vb-pj1:10.17.3	Aññatarā itthī passitvā aṅgajāte abhinisīditvā yāvadatthaṁ katvā pakkāmi.
pli-tv-bu-vb-pj1:10.17.4	Bhikkhū kilinnaṁ passitvā bhagavato etamatthaṁ ārocesuṁ.
pli-tv-bu-vb-pj1:10.17.5	“Pañcahi, bhikkhave, ākārehi aṅgajātaṁ kammaniyaṁ hoti—
pli-tv-bu-vb-pj1:10.17.6	rāgena, vaccena, passāvena, vātena, uccāliṅgapāṇakadaṭṭhena.
pli-tv-bu-vb-pj1:10.17.7	Imehi kho, bhikkhave, pañcahākārehi aṅgajātaṁ kammaniyaṁ hoti.
pli-tv-bu-vb-pj1:10.17.8	Aṭṭhānametaṁ, bhikkhave, anavakāso yaṁ tassa bhikkhuno rāgena aṅgajātaṁ kammaniyaṁ assa.
pli-tv-bu-vb-pj1:10.17.9	Arahaṁ so, bhikkhave, bhikkhu.
pli-tv-bu-vb-pj1:10.17.10	Anāpatti, bhikkhave, tassa bhikkhuno”ti.
pli-tv-bu-vb-pj1:10.18.1	Tena kho pana samayena aññataro bhikkhu sāvatthiyā andhavane divāvihāragato nipanno hoti.
pli-tv-bu-vb-pj1:10.18.2	Aññatarā gopālikā passitvā aṅgajāte abhinisīdi.
pli-tv-bu-vb-pj1:10.18.3	So bhikkhu pavesanaṁ sādiyi, paviṭṭhaṁ sādiyi, ṭhitaṁ sādiyi, uddharaṇaṁ sādiyi.
pli-tv-bu-vb-pj1:10.18.4	Tassa kukkuccaṁ ahosi …pe…
pli-tv-bu-vb-pj1:10.18.5	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.18.6	Tena kho pana samayena aññataro bhikkhu sāvatthiyā andhavane divāvihāragato nipanno hoti.
pli-tv-bu-vb-pj1:10.18.7	Aññatarā ajapālikā passitvā …
pli-tv-bu-vb-pj1:10.18.8	aññatarā kaṭṭhahārikā passitvā …
pli-tv-bu-vb-pj1:10.18.9	aññatarā gomayahārikā passitvā aṅgajāte abhinisīdi.
pli-tv-bu-vb-pj1:10.18.10	So bhikkhu pavesanaṁ sādiyi, paviṭṭhaṁ sādiyi, ṭhitaṁ sādiyi, uddharaṇaṁ sādiyi.
pli-tv-bu-vb-pj1:10.18.11	Tassa kukkuccaṁ ahosi …pe…
pli-tv-bu-vb-pj1:10.18.12	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.19.1	Tena kho pana samayena aññataro bhikkhu vesāliyaṁ mahāvane divāvihāragato nipanno hoti.
pli-tv-bu-vb-pj1:10.19.2	Aññatarā itthī passitvā aṅgajāte abhinisīditvā yāvadatthaṁ katvā sāmantā hasamānā ṭhitā hoti.
pli-tv-bu-vb-pj1:10.19.3	So bhikkhu paṭibujjhitvā taṁ itthiṁ etadavoca—
pli-tv-bu-vb-pj1:10.19.4	“tuyhidaṁ kamman”ti?
pli-tv-bu-vb-pj1:10.19.5	“Āma, mayhaṁ kamman”ti.
pli-tv-bu-vb-pj1:10.19.6	Tassa kukkuccaṁ ahosi …pe…
pli-tv-bu-vb-pj1:10.19.7	“sādiyi tvaṁ, bhikkhū”ti?
pli-tv-bu-vb-pj1:10.19.8	“Nāhaṁ, bhagavā, jānāmī”ti.
pli-tv-bu-vb-pj1:10.19.9	“ Anāpatti, bhikkhu, ajānantassā”ti.
pli-tv-bu-vb-pj1:10.20.1	Tena kho pana samayena aññataro bhikkhu vesāliyaṁ mahāvane divāvihāragato rukkhaṁ apassāya nipanno hoti.
pli-tv-bu-vb-pj1:10.20.2	Aññatarā itthī passitvā aṅgajāte abhinisīdi.
pli-tv-bu-vb-pj1:10.20.3	So bhikkhu sahasā vuṭṭhāsi.
pli-tv-bu-vb-pj1:10.20.4	Tassa kukkuccaṁ ahosi …pe…
pli-tv-bu-vb-pj1:10.20.5	“sādiyi tvaṁ, bhikkhū”ti?
pli-tv-bu-vb-pj1:10.20.6	“Nāhaṁ, bhagavā, sādiyin”ti.
pli-tv-bu-vb-pj1:10.20.7	“Anāpatti, bhikkhu, asādiyantassā”ti.
pli-tv-bu-vb-pj1:10.20.8	Tena kho pana samayena aññataro bhikkhu vesāliyaṁ mahāvane divāvihāragato rukkhaṁ apassāya nipanno hoti.
pli-tv-bu-vb-pj1:10.20.9	Aññatarā itthī passitvā aṅgajāte abhinisīdi.
pli-tv-bu-vb-pj1:10.20.10	So bhikkhu akkamitvā pavattesi.
pli-tv-bu-vb-pj1:10.20.11	Tassa kukkuccaṁ ahosi …pe…
pli-tv-bu-vb-pj1:10.20.12	“sādiyi tvaṁ, bhikkhū”ti?
pli-tv-bu-vb-pj1:10.20.13	“Nāhaṁ, bhagavā, sādiyin”ti.
pli-tv-bu-vb-pj1:10.20.14	“Anāpatti, bhikkhu, asādiyantassā”ti.
pli-tv-bu-vb-pj1:10.21.1	Tena kho pana samayena aññataro bhikkhu vesāliyaṁ mahāvane kūṭāgārasālāyaṁ divāvihāragato dvāraṁ vivaritvā nipanno hoti.
pli-tv-bu-vb-pj1:10.21.2	Tassa aṅgamaṅgāni vātūpatthaddhāni honti.
pli-tv-bu-vb-pj1:10.21.3	Tena kho pana samayena sambahulā itthiyo gandhañca mālañca ādāya ārāmaṁ āgamaṁsu vihārapekkhikāyo.
pli-tv-bu-vb-pj1:10.21.4	Atha kho tā itthiyo taṁ bhikkhuṁ passitvā aṅgajāte abhinisīditvā yāvadatthaṁ katvā, purisūsabho vatāyanti vatvā gandhañca mālañca āropetvā pakkamiṁsu.
pli-tv-bu-vb-pj1:10.21.5	Bhikkhū kilinnaṁ passitvā bhagavato etamatthaṁ ārocesuṁ.
pli-tv-bu-vb-pj1:10.21.6	“Pañcahi, bhikkhave, ākārehi aṅgajātaṁ kammaniyaṁ hoti—
pli-tv-bu-vb-pj1:10.21.7	rāgena, vaccena, passāvena, vātena, uccāliṅgapāṇakadaṭṭhena.
pli-tv-bu-vb-pj1:10.21.8	Imehi kho, bhikkhave, pañcahākārehi aṅgajātaṁ kammaniyaṁ hoti.
pli-tv-bu-vb-pj1:10.21.9	Aṭṭhānametaṁ, bhikkhave, anavakāso, yaṁ tassa bhikkhuno rāgena aṅgajātaṁ kammaniyaṁ assa.
pli-tv-bu-vb-pj1:10.21.10	Arahaṁ so, bhikkhave, bhikkhu.
pli-tv-bu-vb-pj1:10.21.11	Anāpatti, bhikkhave, tassa bhikkhuno.
pli-tv-bu-vb-pj1:10.21.12	Anujānāmi, bhikkhave, divā paṭisallīyantena dvāraṁ saṁvaritvā paṭisallīyitun”ti.
pli-tv-bu-vb-pj1:10.22.1	Tena kho pana samayena aññataro bhārukacchako bhikkhu supinante purāṇadutiyikāya methunaṁ dhammaṁ paṭisevitvā—
pli-tv-bu-vb-pj1:10.22.2	“assamaṇo ahaṁ, vibbhamissāmī”ti,
pli-tv-bu-vb-pj1:10.22.3	bhārukacchaṁ gacchanto antarāmagge āyasmantaṁ upāliṁ passitvā etamatthaṁ ārocesi.
pli-tv-bu-vb-pj1:10.22.4	Āyasmā upāli evamāha—
pli-tv-bu-vb-pj1:10.22.5	“anāpatti, āvuso, supinantenā”ti.
pli-tv-bu-vb-pj1:10.23.1	Tena kho pana samayena rājagahe supabbā nāma upāsikā mudhappasannā hoti.
pli-tv-bu-vb-pj1:10.23.2	Sā evaṁdiṭṭhikā hoti—
pli-tv-bu-vb-pj1:10.23.3	“yā methunaṁ dhammaṁ deti sā aggadānaṁ detī”ti.
pli-tv-bu-vb-pj1:10.23.4	Sā bhikkhuṁ passitvā etadavoca—
pli-tv-bu-vb-pj1:10.23.5	“ehi, bhante, methunaṁ dhammaṁ paṭisevā”ti.
pli-tv-bu-vb-pj1:10.23.6	“Alaṁ, bhagini, netaṁ kappatī”ti.
pli-tv-bu-vb-pj1:10.23.7	“Ehi, bhante, ūruntarikāya ghaṭṭehi,
pli-tv-bu-vb-pj1:10.23.8	evaṁ te anāpatti bhavissatī”ti …pe…
pli-tv-bu-vb-pj1:10.23.9	ehi, bhante, nābhiyaṁ ghaṭṭehi …
pli-tv-bu-vb-pj1:10.23.10	ehi, bhante, udaravaṭṭiyaṁ ghaṭṭehi …
pli-tv-bu-vb-pj1:10.23.11	ehi, bhante, upakacchake ghaṭṭehi …
pli-tv-bu-vb-pj1:10.23.12	ehi, bhante, gīvāyaṁ ghaṭṭehi …
pli-tv-bu-vb-pj1:10.23.13	ehi, bhante, kaṇṇacchidde ghaṭṭehi …
pli-tv-bu-vb-pj1:10.23.14	ehi, bhante, kesavaṭṭiyaṁ ghaṭṭehi …
pli-tv-bu-vb-pj1:10.23.15	ehi, bhante, aṅgulantarikāya ghaṭṭehi …
pli-tv-bu-vb-pj1:10.23.16	“ehi, bhante, hatthena upakkamitvā mocessāmi,
pli-tv-bu-vb-pj1:10.23.17	evaṁ te anāpatti bhavissatī”ti.
pli-tv-bu-vb-pj1:10.23.18	So bhikkhu tathā akāsi.
pli-tv-bu-vb-pj1:10.23.19	Tassa kukkuccaṁ ahosi …pe…
pli-tv-bu-vb-pj1:10.23.20	“anāpatti, bhikkhu, pārājikassa.
pli-tv-bu-vb-pj1:10.23.21	Āpatti saṅghādisesassā”ti.
pli-tv-bu-vb-pj1:10.24.1	Tena kho pana samayena sāvatthiyaṁ saddhā nāma upāsikā mudhappasannā hoti.
pli-tv-bu-vb-pj1:10.24.2	Sā evaṁdiṭṭhikā hoti—
pli-tv-bu-vb-pj1:10.24.3	“yā methunaṁ dhammaṁ deti sā aggadānaṁ detī”ti.
pli-tv-bu-vb-pj1:10.24.4	Sā bhikkhuṁ passitvā etadavoca—
pli-tv-bu-vb-pj1:10.24.5	“ehi, bhante, methunaṁ dhammaṁ paṭisevā”ti.
pli-tv-bu-vb-pj1:10.24.6	“Alaṁ, bhagini, netaṁ kappatī”ti.
pli-tv-bu-vb-pj1:10.24.7	“Ehi, bhante, ūruntarikāya ghaṭṭehi …pe…
pli-tv-bu-vb-pj1:10.24.8	ehi, bhante, hatthena upakkamitvā mocessāmi,
pli-tv-bu-vb-pj1:10.24.9	evaṁ te anāpatti bhavissatī”ti.
pli-tv-bu-vb-pj1:10.24.10	So bhikkhu tathā akāsi.
pli-tv-bu-vb-pj1:10.24.11	Tassa kukkuccaṁ ahosi …pe…
pli-tv-bu-vb-pj1:10.24.12	“anāpatti, bhikkhu, pārājikassa.
pli-tv-bu-vb-pj1:10.24.13	Āpatti saṅghādisesassā”ti.
pli-tv-bu-vb-pj1:10.25.1	Tena kho pana samayena vesāliyaṁ licchavikumārakā bhikkhuṁ gahetvā bhikkhuniyā vippaṭipādesuṁ …
pli-tv-bu-vb-pj1:10.25.2	sikkhamānāya vippaṭipādesuṁ …
pli-tv-bu-vb-pj1:10.25.3	sāmaṇeriyā vippaṭipādesuṁ.
pli-tv-bu-vb-pj1:10.25.4	Ubho sādiyiṁsu.
pli-tv-bu-vb-pj1:10.25.5	Ubho nāsetabbā.
pli-tv-bu-vb-pj1:10.25.6	Ubho na sādiyiṁsu.
pli-tv-bu-vb-pj1:10.25.7	Ubhinnaṁ anāpatti.
pli-tv-bu-vb-pj1:10.25.8	Tena kho pana samayena vesāliyaṁ licchavikumārakā bhikkhuṁ gahetvā vesiyā vippaṭipādesuṁ …
pli-tv-bu-vb-pj1:10.25.9	paṇḍake vippaṭipādesuṁ …
pli-tv-bu-vb-pj1:10.25.10	gihiniyā vippaṭipādesuṁ.
pli-tv-bu-vb-pj1:10.25.11	Bhikkhu sādiyi.
pli-tv-bu-vb-pj1:10.25.12	Bhikkhu nāsetabbo.
pli-tv-bu-vb-pj1:10.25.13	Bhikkhu na sādiyi.
pli-tv-bu-vb-pj1:10.25.14	Bhikkhussa anāpatti.
pli-tv-bu-vb-pj1:10.25.15	Tena kho pana samayena vesāliyaṁ licchavikumārakā bhikkhū gahetvā aññamaññaṁ vippaṭipādesuṁ.
pli-tv-bu-vb-pj1:10.25.16	Ubho sādiyiṁsu.
pli-tv-bu-vb-pj1:10.25.17	Ubho nāsetabbā.
pli-tv-bu-vb-pj1:10.25.18	Ubho na sādiyiṁsu.
pli-tv-bu-vb-pj1:10.25.19	Ubhinnaṁ anāpatti.
pli-tv-bu-vb-pj1:10.26.1	Tena kho pana samayena aññataro vuḍḍhapabbajito bhikkhu purāṇadutiyikāya dassanaṁ agamāsi.
pli-tv-bu-vb-pj1:10.26.2	Sā—“ehi, bhante, vibbhamā”ti aggahesi.
pli-tv-bu-vb-pj1:10.26.3	So bhikkhu paṭikkamanto uttāno paripati.
pli-tv-bu-vb-pj1:10.26.4	Sā ubbhajitvā aṅgajāte abhinisīdi.
pli-tv-bu-vb-pj1:10.26.5	Tassa kukkuccaṁ ahosi …pe…
pli-tv-bu-vb-pj1:10.26.6	“sādiyi tvaṁ, bhikkhū”ti?
pli-tv-bu-vb-pj1:10.26.7	“Nāhaṁ, bhagavā, sādiyin”ti.
pli-tv-bu-vb-pj1:10.26.8	“Anāpatti, bhikkhu, asādiyantassā”ti.
pli-tv-bu-vb-pj1:10.27.1	Tena kho pana samayena aññataro bhikkhu araññe viharati.
pli-tv-bu-vb-pj1:10.27.2	Migapotako tassa passāvaṭṭhānaṁ āgantvā passāvaṁ pivanto mukhena aṅgajātaṁ aggahesi.
pli-tv-bu-vb-pj1:10.27.3	So bhikkhu sādiyi.
pli-tv-bu-vb-pj1:10.27.4	Tassa kukkuccaṁ ahosi …pe…
pli-tv-bu-vb-pj1:10.27.5	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj1:10.27.6	Paṭhamapārājikaṁ samattaṁ.
pli-tv-bu-vb-pj2:0.1	Theravāda Vinaya
pli-tv-bu-vb-pj2:0.2	Mahāvibhaṅga
pli-tv-bu-vb-pj2:0.3	Pārājikakaṇḍa
pli-tv-bu-vb-pj2:0.4	2. Dutiyapārājikasikkhāpada
pli-tv-bu-vb-pj2:1.1.0.1	
pli-tv-bu-vb-pj2:1.1.0.2	
pli-tv-bu-vb-pj2:1.1.1	Tena samayena buddho bhagavā rājagahe viharati gijjhakūṭe pabbate.
pli-tv-bu-vb-pj2:1.1.2	Tena kho pana samayena sambahulā sandiṭṭhā sambhattā bhikkhū isigilipasse tiṇakuṭiyo karitvā vassaṁ upagacchiṁsu.
pli-tv-bu-vb-pj2:1.1.3	Āyasmāpi dhaniyo kumbhakāraputto tiṇakuṭikaṁ karitvā vassaṁ upagacchi.
pli-tv-bu-vb-pj2:1.1.4	Atha kho te bhikkhū vassaṁvuṭṭhā temāsaccayena tiṇakuṭiyo bhinditvā tiṇañca kaṭṭhañca paṭisāmetvā janapadacārikaṁ pakkamiṁsu.
pli-tv-bu-vb-pj2:1.1.5	Āyasmā pana dhaniyo kumbhakāraputto tattheva vassaṁ vasi, tattha hemantaṁ, tattha gimhaṁ.
pli-tv-bu-vb-pj2:1.1.6	Atha kho āyasmato dhaniyassa kumbhakāraputtassa gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.
pli-tv-bu-vb-pj2:1.1.7	Dutiyampi kho āyasmā dhaniyo kumbhakāraputto tiṇañca kaṭṭhañca saṅkaḍḍhitvā tiṇakuṭikaṁ akāsi.
pli-tv-bu-vb-pj2:1.1.8	Dutiyampi kho āyasmato dhaniyassa kumbhakāraputtassa gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.
pli-tv-bu-vb-pj2:1.1.9	Tatiyampi kho āyasmā dhaniyo kumbhakāraputto tiṇañca kaṭṭhañca saṅkaḍḍhitvā tiṇakuṭikaṁ akāsi.
pli-tv-bu-vb-pj2:1.1.10	Tatiyampi kho āyasmato dhaniyassa kumbhakāraputtassa gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.
pli-tv-bu-vb-pj2:1.1.11	Atha kho āyasmato dhaniyassa kumbhakāraputtassa etadahosi—
pli-tv-bu-vb-pj2:1.1.12	“yāvatatiyakaṁ kho me gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.
pli-tv-bu-vb-pj2:1.1.13	Ahaṁ kho pana susikkhito anavayo sake ācariyake kumbhakārakamme pariyodātasippo.
pli-tv-bu-vb-pj2:1.1.14	Yannūnāhaṁ sāmaṁ cikkhallaṁ madditvā sabbamattikāmayaṁ kuṭikaṁ kareyyan”ti.
pli-tv-bu-vb-pj2:1.1.15	Atha kho āyasmā dhaniyo kumbhakāraputto sāmaṁ cikkhallaṁ madditvā sabbamattikāmayaṁ kuṭikaṁ karitvā tiṇañca kaṭṭhañca gomayañca saṅkaḍḍhitvā taṁ kuṭikaṁ paci.
pli-tv-bu-vb-pj2:1.1.16	Sā ahosi kuṭikā abhirūpā dassanīyā pāsādikā lohitikā, seyyathāpi indagopako.
pli-tv-bu-vb-pj2:1.1.17	Seyyathāpi nāma kiṅkaṇikasaddo; evamevaṁ tassā kuṭikāya saddo ahosi.
pli-tv-bu-vb-pj2:1.2.1	Atha kho bhagavā sambahulehi bhikkhūhi saddhiṁ gijjhakūṭā pabbatā orohanto addasa taṁ kuṭikaṁ abhirūpaṁ dassanīyaṁ pāsādikaṁ lohitikaṁ.
pli-tv-bu-vb-pj2:1.2.2	Disvāna bhikkhū āmantesi—
pli-tv-bu-vb-pj2:1.2.3	“kiṁ etaṁ, bhikkhave, abhirūpaṁ dassanīyaṁ pāsādikaṁ lohitikaṁ, seyyathāpi indagopako”ti?
pli-tv-bu-vb-pj2:1.2.4	Atha kho te bhikkhū bhagavato etamatthaṁ ārocesuṁ.
pli-tv-bu-vb-pj2:1.2.5	Vigarahi buddho bhagavā—
pli-tv-bu-vb-pj2:1.2.6	“ananucchavikaṁ, bhikkhave, tassa moghapurisassa ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj2:1.2.7	Kathañhi nāma so, bhikkhave, moghapuriso sabbamattikāmayaṁ kuṭikaṁ karissati.
pli-tv-bu-vb-pj2:1.2.8	Na hi nāma, bhikkhave, tassa moghapurisassa pāṇesu anuddayā anukampā avihesā bhavissati.
pli-tv-bu-vb-pj2:1.2.9	Gacchathetaṁ, bhikkhave, kuṭikaṁ bhindatha.
pli-tv-bu-vb-pj2:1.2.10	Mā pacchimā janatā pāṇesu pātabyataṁ āpajji.
pli-tv-bu-vb-pj2:1.2.11	Na ca, bhikkhave, sabbamattikāmayā kuṭikā kātabbā.
pli-tv-bu-vb-pj2:1.2.12	Yo kareyya, āpatti dukkaṭassā”ti.
pli-tv-bu-vb-pj2:1.2.13	“Evaṁ, bhante”ti, kho te bhikkhū bhagavato paṭissuṇitvā yena sā kuṭikā tenupasaṅkamiṁsu; upasaṅkamitvā taṁ kuṭikaṁ bhindiṁsu.
pli-tv-bu-vb-pj2:1.2.14	Atha kho āyasmā dhaniyo kumbhakāraputto te bhikkhū etadavoca—
pli-tv-bu-vb-pj2:1.2.15	“kissa me tumhe, āvuso, kuṭikaṁ bhindathā”ti?
pli-tv-bu-vb-pj2:1.2.16	“Bhagavā, āvuso, bhedāpetī”ti.
pli-tv-bu-vb-pj2:1.2.17	“Bhindathāvuso, sace dhammassāmī bhedāpetī”ti.
pli-tv-bu-vb-pj2:1.3.1	Atha kho āyasmato dhaniyassa kumbhakāraputtassa etadahosi—
pli-tv-bu-vb-pj2:1.3.2	“yāvatatiyakaṁ kho me gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.
pli-tv-bu-vb-pj2:1.3.3	Yāpi mayā sabbamattikāmayā kuṭikā katā sāpi bhagavatā bhedāpitā.
pli-tv-bu-vb-pj2:1.3.4	Atthi ca me dārugahe gaṇako sandiṭṭho.
pli-tv-bu-vb-pj2:1.3.5	Yannūnāhaṁ dārugahe gaṇakaṁ dārūni yācitvā dārukuṭikaṁ kareyyan”ti.
pli-tv-bu-vb-pj2:1.3.6	Atha kho āyasmā dhaniyo kumbhakāraputto yena dārugahe gaṇako tenupasaṅkami; upasaṅkamitvā dārugahe gaṇakaṁ etadavoca—
pli-tv-bu-vb-pj2:1.3.7	“yāvatatiyakaṁ kho me, āvuso, gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.
pli-tv-bu-vb-pj2:1.3.8	Yāpi mayā sabbamattikāmayā kuṭikā katā sāpi bhagavatā bhedāpitā.
pli-tv-bu-vb-pj2:1.3.9	Dehi me, āvuso, dārūni.
pli-tv-bu-vb-pj2:1.3.10	Icchāmi dārukuṭikaṁ kātun”ti.
pli-tv-bu-vb-pj2:1.3.11	“Natthi, bhante, tādisāni dārūni yānāhaṁ ayyassa dadeyyaṁ.
pli-tv-bu-vb-pj2:1.3.12	Atthi, bhante, devagahadārūni nagarapaṭisaṅkhārikāni āpadatthāya nikkhittāni.
pli-tv-bu-vb-pj2:1.3.13	Sace tāni dārūni rājā dāpeti harāpetha, bhante”ti.
pli-tv-bu-vb-pj2:1.3.14	“Dinnāni, āvuso, raññā”ti.
pli-tv-bu-vb-pj2:1.3.15	Atha kho dārugahe gaṇakassa etadahosi—
pli-tv-bu-vb-pj2:1.3.16	“ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā.
pli-tv-bu-vb-pj2:1.3.17	Rājāpimesaṁ abhippasanno.
pli-tv-bu-vb-pj2:1.3.18	Nārahati adinnaṁ dinnanti vattun”ti.
pli-tv-bu-vb-pj2:1.3.19	Atha kho dārugahe gaṇako āyasmantaṁ dhaniyaṁ kumbhakāraputtaṁ etadavoca—
pli-tv-bu-vb-pj2:1.3.20	“harāpetha, bhante”ti.
pli-tv-bu-vb-pj2:1.3.21	Atha kho āyasmā dhaniyo kumbhakāraputto tāni dārūni khaṇḍākhaṇḍikaṁ chedāpetvā sakaṭehi nibbāhāpetvā dārukuṭikaṁ akāsi.
pli-tv-bu-vb-pj2:1.4.1	Atha kho vassakāro brāhmaṇo magadhamahāmatto rājagahe kammante anusaññāyamāno yena dārugahe gaṇako tenupasaṅkami; upasaṅkamitvā dārugahe gaṇakaṁ etadavoca—
pli-tv-bu-vb-pj2:1.4.2	“yāni tāni, bhaṇe,
pli-tv-bu-vb-pj2:1.4.3	devagahadārūni nagarapaṭisaṅkhārikāni āpadatthāya nikkhittāni kahaṁ tāni dārūnī”ti?
pli-tv-bu-vb-pj2:1.4.4	“Tāni, sāmi, dārūni devena ayyassa dhaniyassa kumbhakāraputtassa dinnānī”ti.
pli-tv-bu-vb-pj2:1.4.5	Atha kho vassakāro brāhmaṇo magadhamahāmatto anattamano ahosi—
pli-tv-bu-vb-pj2:1.4.6	“kathañhi nāma devo devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dassatī”ti.
pli-tv-bu-vb-pj2:1.4.7	Atha kho vassakāro brāhmaṇo magadhamahāmatto yena rājā māgadho seniyo bimbisāro tenupasaṅkami; upasaṅkamitvā rājānaṁ māgadhaṁ seniyaṁ bimbisāraṁ etadavoca—
pli-tv-bu-vb-pj2:1.4.8	“saccaṁ kira devena devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dinnānī”ti?
pli-tv-bu-vb-pj2:1.4.9	“Ko evamāhā”ti?
pli-tv-bu-vb-pj2:1.4.10	“Dārugahe gaṇako, devā”ti.
pli-tv-bu-vb-pj2:1.4.11	“Tena hi, brāhmaṇa, dārugahe gaṇakaṁ āṇāpehī”ti.
pli-tv-bu-vb-pj2:1.4.12	Atha kho vassakāro brāhmaṇo magadhamahāmatto dārugahe gaṇakaṁ bandhaṁ āṇāpesi.
pli-tv-bu-vb-pj2:1.4.13	Addasa kho āyasmā dhaniyo kumbhakāraputto dārugahe gaṇakaṁ bandhaṁ niyyamānaṁ.
pli-tv-bu-vb-pj2:1.4.14	Disvāna dārugahe gaṇakaṁ etadavoca—
pli-tv-bu-vb-pj2:1.4.15	“kissa tvaṁ, āvuso, bandho niyyāsī”ti?
pli-tv-bu-vb-pj2:1.4.16	“Tesaṁ, bhante, dārūnaṁ kiccā”ti.
pli-tv-bu-vb-pj2:1.4.17	“Gacchāvuso, ahampi āgacchāmī”ti.
pli-tv-bu-vb-pj2:1.4.18	“Eyyāsi, bhante, purāhaṁ haññāmī”ti.
pli-tv-bu-vb-pj2:1.5.1	Atha kho āyasmā dhaniyo kumbhakāraputto yena rañño māgadhassa seniyassa bimbisārassa nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-pj2:1.5.2	Atha kho rājā māgadho seniyo bimbisāro yenāyasmā dhaniyo kumbhakāraputto tenupasaṅkami; upasaṅkamitvā āyasmantaṁ dhaniyaṁ kumbhakāraputtaṁ abhivādetvā ekamantaṁ nisīdi.
pli-tv-bu-vb-pj2:1.5.3	Ekamantaṁ nisinno kho rājā māgadho seniyo bimbisāro āyasmantaṁ dhaniyaṁ kumbhakāraputtaṁ etadavoca—
pli-tv-bu-vb-pj2:1.5.4	“saccaṁ kira mayā, bhante, devagahadārūni nagarapaṭisaṅkhārikāni āpadatthāya nikkhittāni ayyassa dinnānī”ti?
pli-tv-bu-vb-pj2:1.5.5	“Evaṁ, mahārājā”ti.
pli-tv-bu-vb-pj2:1.5.6	“Mayaṁ kho, bhante, rājāno nāma bahukiccā bahukaraṇīyā,
pli-tv-bu-vb-pj2:1.5.7	datvāpi na sareyyāma;
pli-tv-bu-vb-pj2:1.5.8	iṅgha, bhante, sarāpehī”ti.
pli-tv-bu-vb-pj2:1.5.9	“Sarasi tvaṁ, mahārāja, paṭhamābhisitto evarūpiṁ vācaṁ bhāsitā—
pli-tv-bu-vb-pj2:1.5.10	‘dinnaññeva samaṇabrāhmaṇānaṁ tiṇakaṭṭhodakaṁ paribhuñjantū’”ti.
pli-tv-bu-vb-pj2:1.5.11	“Sarāmahaṁ, bhante.
pli-tv-bu-vb-pj2:1.5.12	Santi, bhante, samaṇabrāhmaṇā lajjino kukkuccakā sikkhākāmā.
pli-tv-bu-vb-pj2:1.5.13	Tesaṁ appamattakepi kukkuccaṁ uppajjati.
pli-tv-bu-vb-pj2:1.5.14	Tesaṁ mayā sandhāya bhāsitaṁ, tañca kho araññe apariggahitaṁ.
pli-tv-bu-vb-pj2:1.5.15	So tvaṁ, bhante, tena lesena dārūni adinnaṁ harituṁ maññasi.
pli-tv-bu-vb-pj2:1.5.16	Kathañhi nāma mādiso samaṇaṁ vā brāhmaṇaṁ vā vijite vasantaṁ haneyya vā bandheyya vā pabbājeyya vā.
pli-tv-bu-vb-pj2:1.5.17	Gaccha, bhante, lomena tvaṁ muttosi.
pli-tv-bu-vb-pj2:1.5.18	Māssu punapi evarūpaṁ akāsī”ti.
pli-tv-bu-vb-pj2:1.6.1	Manussā ujjhāyanti khiyyanti vipācenti—
pli-tv-bu-vb-pj2:1.6.2	“alajjino ime samaṇā sakyaputtiyā dussīlā musāvādino.
pli-tv-bu-vb-pj2:1.6.3	Ime hi nāma dhammacārino samacārino brāhmacārino saccavādino sīlavanto kalyāṇadhammā paṭijānissanti.
pli-tv-bu-vb-pj2:1.6.4	Natthi imesaṁ sāmaññaṁ, natthi imesaṁ brahmaññaṁ.
pli-tv-bu-vb-pj2:1.6.5	Naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ.
pli-tv-bu-vb-pj2:1.6.6	Kuto imesaṁ sāmaññaṁ, kuto imesaṁ brahmaññaṁ.
pli-tv-bu-vb-pj2:1.6.7	Apagatā ime sāmaññā, apagatā ime brahmaññā.
pli-tv-bu-vb-pj2:1.6.8	Rājānampi ime vañcenti, kiṁ panaññe manusse”ti.
pli-tv-bu-vb-pj2:1.6.9	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pj2:1.6.10	Ye te bhikkhū appicchā santuṭṭhā lajjino kukkuccakā sikkhākāmā te ujjhāyanti khiyyanti vipācenti—
pli-tv-bu-vb-pj2:1.6.11	“kathañhi nāma āyasmā dhaniyo kumbhakāraputto rañño dārūni adinnaṁ ādiyissatī”ti.
pli-tv-bu-vb-pj2:1.6.12	Atha kho te bhikkhū āyasmantaṁ dhaniyaṁ kumbhakāraputtaṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-pj2:1.6.13	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dhaniyaṁ kumbhakāraputtaṁ paṭipucchi—
pli-tv-bu-vb-pj2:1.6.14	“saccaṁ kira tvaṁ, dhaniya, rañño dārūni adinnaṁ ādiyī”ti?
pli-tv-bu-vb-pj2:1.6.15	“Saccaṁ, bhagavā”ti.
pli-tv-bu-vb-pj2:1.6.16	Vigarahi buddho bhagavā—
pli-tv-bu-vb-pj2:1.6.17	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj2:1.6.18	Kathañhi nāma tvaṁ, moghapurisa, rañño dārūni adinnaṁ ādiyissasi.
pli-tv-bu-vb-pj2:1.6.19	Netaṁ, moghapurisa, appasannānaṁ vā pasādāya pasannānaṁ vā bhiyyobhāvāya;
pli-tv-bu-vb-pj2:1.6.20	atha khvetaṁ, moghapurisa, appasannānañceva appasādāya pasannānañca ekaccānaṁ aññathattāyā”ti.
pli-tv-bu-vb-pj2:1.6.21	Tena kho pana samayena aññataro purāṇavohāriko mahāmatto bhikkhūsu pabbajito bhagavato avidūre nisinno hoti.
pli-tv-bu-vb-pj2:1.6.22	Atha kho bhagavā taṁ bhikkhuṁ etadavoca—
pli-tv-bu-vb-pj2:1.6.23	“kittakena kho, bhikkhu, rājā māgadho seniyo bimbisāro coraṁ gahetvā hanati vā bandhati vā pabbājeti vā”ti?
pli-tv-bu-vb-pj2:1.6.24	“Pādena vā, bhagavā, pādārahena vā”ti.
pli-tv-bu-vb-pj2:1.6.25	Tena kho pana samayena rājagahe pañcamāsako pādo hoti.
pli-tv-bu-vb-pj2:1.6.26	Atha kho bhagavā āyasmantaṁ dhaniyaṁ kumbhakāraputtaṁ anekapariyāyena vigarahitvā dubbharatāya …pe…
pli-tv-bu-vb-pj2:1.6.27	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj2:1.6.28.0	
pli-tv-bu-vb-pj2:1.6.28.1	“Yo pana bhikkhu adinnaṁ theyyasaṅkhātaṁ ādiyeyya,
pli-tv-bu-vb-pj2:1.6.29	yathārūpe adinnādāne rājāno coraṁ gahetvā haneyyuṁ vā bandheyyuṁ vā pabbājeyyuṁ vā—‘corosi bālosi mūḷhosi thenosī’ti, tathārūpaṁ bhikkhu adinnaṁ ādiyamāno
pli-tv-bu-vb-pj2:1.6.30	ayampi pārājiko hoti asaṁvāso”ti.
pli-tv-bu-vb-pj2:1.6.31	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pj2:2.0	
pli-tv-bu-vb-pj2:2.1	Tena kho pana samayena chabbaggiyā bhikkhū rajakattharaṇaṁ gantvā rajakabhaṇḍikaṁ avaharitvā ārāmaṁ haritvā bhājesuṁ.
pli-tv-bu-vb-pj2:2.2	Bhikkhū evamāhaṁsu—
pli-tv-bu-vb-pj2:2.3	“mahāpuññattha tumhe, āvuso.
pli-tv-bu-vb-pj2:2.4	Bahuṁ tumhākaṁ cīvaraṁ uppannan”ti.
pli-tv-bu-vb-pj2:2.5	“Kuto, āvuso, amhākaṁ puññaṁ,
pli-tv-bu-vb-pj2:2.6	idāni mayaṁ rajakattharaṇaṁ gantvā rajakabhaṇḍikaṁ avaharimhā”ti.
pli-tv-bu-vb-pj2:2.7	“Nanu, āvuso, bhagavatā sikkhāpadaṁ paññattaṁ.
pli-tv-bu-vb-pj2:2.8	Kissa tumhe, āvuso, rajakabhaṇḍikaṁ avaharitthā”ti?
pli-tv-bu-vb-pj2:2.9	“Saccaṁ, āvuso, bhagavatā sikkhāpadaṁ paññattaṁ.
pli-tv-bu-vb-pj2:2.10	Tañca kho gāme, no araññe”ti.
pli-tv-bu-vb-pj2:2.11	“Nanu, āvuso, tathevetaṁ hoti.
pli-tv-bu-vb-pj2:2.12	Ananucchavikaṁ, āvuso, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj2:2.13	Kathañhi nāma tumhe, āvuso, rajakabhaṇḍikaṁ avaharissatha.
pli-tv-bu-vb-pj2:2.14	Netaṁ, āvuso, appasannānaṁ vā pasādāya pasannānaṁ vā bhiyyobhāvāya;
pli-tv-bu-vb-pj2:2.15	atha khvetaṁ, āvuso, appasannānañceva appasādāya pasannānañca ekaccānaṁ aññathattāyā”ti.
pli-tv-bu-vb-pj2:2.16	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-pj2:2.17	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi—
pli-tv-bu-vb-pj2:2.18	“saccaṁ kira tumhe, bhikkhave, rajakattharaṇaṁ gantvā rajakabhaṇḍikaṁ avaharitthā”ti?
pli-tv-bu-vb-pj2:2.19	“Saccaṁ, bhagavā”ti.
pli-tv-bu-vb-pj2:2.20	Vigarahi buddho bhagavā—
pli-tv-bu-vb-pj2:2.21	“ananucchavikaṁ, moghapurisā, ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj2:2.22	Kathañhi nāma tumhe, moghapurisā, rajakabhaṇḍikaṁ avaharissatha.
pli-tv-bu-vb-pj2:2.23	Netaṁ, moghapurisā, appasannānaṁ vā pasādāya pasannānaṁ vā bhiyyobhāvāya;
pli-tv-bu-vb-pj2:2.24	atha khvetaṁ, moghapurisā, appasannānañceva appasādāya pasannānañca ekaccānaṁ aññathattāyā”ti.
pli-tv-bu-vb-pj2:2.25	Atha kho bhagavā chabbaggiye bhikkhū anekapariyāyena vigarahitvā dubbharatāya …pe…
pli-tv-bu-vb-pj2:2.26	vīriyārambhassa vaṇṇaṁ bhāsitvā bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi … pe
pli-tv-bu-vb-pj2:2.27	… evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj2:2.28.0	
pli-tv-bu-vb-pj2:2.28.1	“Yo pana bhikkhu gāmā vā araññā vā adinnaṁ theyyasaṅkhātaṁ ādiyeyya,
pli-tv-bu-vb-pj2:2.29	yathārūpe adinnādāne rājāno coraṁ gahetvā haneyyuṁ vā bandheyyuṁ vā pabbājeyyuṁ vā—‘corosi bālosi mūḷhosi thenosī’ti, tathārūpaṁ bhikkhu adinnaṁ ādiyamāno
pli-tv-bu-vb-pj2:2.30	ayampi pārājiko hoti asaṁvāso”ti.
pli-tv-bu-vb-pj2:3.0	
pli-tv-bu-vb-pj2:3.1	Yo panāti
pli-tv-bu-vb-pj2:3.2	yo yādiso …pe…
pli-tv-bu-vb-pj2:3.3	bhikkhūti
pli-tv-bu-vb-pj2:3.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pj2:3.5	Gāmo nāma
pli-tv-bu-vb-pj2:3.6	ekakuṭikopi gāmo, dvikuṭikopi gāmo, tikuṭikopi gāmo, catukuṭikopi gāmo, samanussopi gāmo, amanussopi gāmo, parikkhittopi gāmo, aparikkhittopi gāmo, gonisādiniviṭṭhopi gāmo, yopi sattho atirekacatumāsaniviṭṭho sopi vuccati gāmo.
pli-tv-bu-vb-pj2:3.7	Gāmūpacāro nāma
pli-tv-bu-vb-pj2:3.8	parikkhittassa gāmassa indakhīle ṭhitassa majjhimassa purisassa leḍḍupāto,
pli-tv-bu-vb-pj2:3.9	aparikkhittassa gāmassa gharūpacāre ṭhitassa majjhimassa purisassa leḍḍupāto.
pli-tv-bu-vb-pj2:3.10	Araññaṁ nāma
pli-tv-bu-vb-pj2:3.11	ṭhapetvā gāmañca gāmūpacārañca avasesaṁ araññaṁ nāma.
pli-tv-bu-vb-pj2:3.12	Adinnaṁ nāma
pli-tv-bu-vb-pj2:3.13	yaṁ adinnaṁ anissaṭṭhaṁ apariccattaṁ rakkhitaṁ gopitaṁ mamāyitaṁ parapariggahitaṁ. Etaṁ adinnaṁ nāma.
pli-tv-bu-vb-pj2:3.14	Theyyasaṅkhātanti
pli-tv-bu-vb-pj2:3.15	theyyacitto avaharaṇacitto.
pli-tv-bu-vb-pj2:3.16	Ādiyeyyāti
pli-tv-bu-vb-pj2:3.17	ādiyeyya hareyya avahareyya iriyāpathaṁ vikopeyya ṭhānā cāveyya saṅketaṁ vītināmeyya.
pli-tv-bu-vb-pj2:3.18	Yathārūpaṁ nāma
pli-tv-bu-vb-pj2:3.19	pādaṁ vā pādārahaṁ vā atirekapādaṁ vā.
pli-tv-bu-vb-pj2:3.20	Rājāno nāma
pli-tv-bu-vb-pj2:3.21	pathabyārājā padesarājā maṇḍalikā antarabhogikā akkhadassā mahāmattā, ye vā pana chejjabhejjaṁ karontā anusāsanti. Ete rājāno nāma.
pli-tv-bu-vb-pj2:3.22	Coro nāma
pli-tv-bu-vb-pj2:3.23	yo pañcamāsakaṁ vā atirekapañcamāsakaṁ vā agghanakaṁ adinnaṁ theyyasaṅkhātaṁ ādiyati. Eso coro nāma.
pli-tv-bu-vb-pj2:3.24	Haneyyuṁ vāti
pli-tv-bu-vb-pj2:3.25	hatthena vā pādena vā kasāya vā vettena vā aḍḍhadaṇḍakena vā chejjāya vā haneyyuṁ.
pli-tv-bu-vb-pj2:3.26	Bandheyyuṁ vāti
pli-tv-bu-vb-pj2:3.27	rajjubandhanena vā andubandhanena vā saṅkhalikabandhanena vā gharabandhanena vā nagarabandhanena vā gāmabandhanena vā nigamabandhanena vā bandheyyuṁ, purisaguttiṁ vā kareyyuṁ.
pli-tv-bu-vb-pj2:3.28	Pabbājeyyuṁ vāti
pli-tv-bu-vb-pj2:3.29	gāmā vā nigamā vā nagarā vā janapadā vā janapadapadesā vā pabbājeyyuṁ.
pli-tv-bu-vb-pj2:3.30	Corosi bālosi mūḷhosi thenosīti
pli-tv-bu-vb-pj2:3.31	paribhāso eso.
pli-tv-bu-vb-pj2:3.32	Tathārūpaṁ nāma
pli-tv-bu-vb-pj2:3.33	pādaṁ vā pādārahaṁ vā atirekapādaṁ vā.
pli-tv-bu-vb-pj2:3.34	Ādiyamānoti
pli-tv-bu-vb-pj2:3.35	ādiyamāno haramāno avaharamāno iriyāpathaṁ vikopayamāno ṭhānā cāvayamāno saṅketaṁ vītināmayamāno.
pli-tv-bu-vb-pj2:3.36	Ayampīti
pli-tv-bu-vb-pj2:3.37	purimaṁ upādāya vuccati.
pli-tv-bu-vb-pj2:3.38	Pārājiko hotīti
pli-tv-bu-vb-pj2:3.39	seyyathāpi nāma paṇḍupalāso bandhanā pavutto abhabbo haritatthāya;
pli-tv-bu-vb-pj2:3.40	evameva bhikkhu pādaṁ vā pādārahaṁ vā atirekapādaṁ vā adinnaṁ theyyasaṅkhātaṁ ādiyitvā assamaṇo hoti asakyaputtiyo. Tena vuccati— “pārājiko hotī”ti.
pli-tv-bu-vb-pj2:3.41	Asaṁvāsoti
pli-tv-bu-vb-pj2:3.42	saṁvāso nāma ekakammaṁ ekuddeso samasikkhatā. Eso saṁvāso nāma.
pli-tv-bu-vb-pj2:3.43	So tena saddhiṁ natthi. Tena vuccati—“asaṁvāso”ti.
pli-tv-bu-vb-pj2:4.1.0.1	
pli-tv-bu-vb-pj2:4.1.0.2	
pli-tv-bu-vb-pj2:4.1.0.3	
pli-tv-bu-vb-pj2:4.1.1	Bhūmaṭṭhaṁ thalaṭṭhaṁ ākāsaṭṭhaṁ vehāsaṭṭhaṁ udakaṭṭhaṁ nāvaṭṭhaṁ yānaṭṭhaṁ bhāraṭṭhaṁ ārāmaṭṭhaṁ vihāraṭṭhaṁ khettaṭṭhaṁ vatthuṭṭhaṁ gāmaṭṭhaṁ araññaṭṭhaṁ udakaṁ dantapoṇaṁ vanappati haraṇakaṁ upanidhi suṅkaghātaṁ pāṇo apadaṁ dvipadaṁ catuppadaṁ bahuppadaṁ ocarako oṇirakkho saṁvidāvahāro saṅketakammaṁ nimittakammanti.
pli-tv-bu-vb-pj2:4.2.0	
pli-tv-bu-vb-pj2:4.2.1	Bhūmaṭṭhaṁ nāma
pli-tv-bu-vb-pj2:4.2.2	bhaṇḍaṁ bhūmiyaṁ nikkhittaṁ hoti nikhātaṁ paṭicchannaṁ.
pli-tv-bu-vb-pj2:4.2.3	Bhūmaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati kudālaṁ vā piṭakaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.2.4	Tattha jātakaṁ kaṭṭhaṁ vā lataṁ vā chindati, āpatti dukkaṭassa.
pli-tv-bu-vb-pj2:4.2.5	Tattha paṁsuṁ khaṇati vā byūhati vā uddharati vā, āpatti dukkaṭassa.
pli-tv-bu-vb-pj2:4.2.6	Kumbhiṁ āmasati, āpatti dukkaṭassa.
pli-tv-bu-vb-pj2:4.2.7	Phandāpeti, āpatti thullaccayassa.
pli-tv-bu-vb-pj2:4.2.8	Ṭhānā cāveti, āpatti pārājikassa.
pli-tv-bu-vb-pj2:4.2.9	Attano bhājanaṁ pavesetvā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.2.10	Phandāpeti, āpatti thullaccayassa.
pli-tv-bu-vb-pj2:4.2.11	Attano bhājanagataṁ vā karoti muṭṭhiṁ vā chindati, āpatti pārājikassa.
pli-tv-bu-vb-pj2:4.2.12	Suttāruḷhaṁ bhaṇḍaṁ pāmaṅgaṁ vā kaṇṭhasuttakaṁ vā kaṭisuttakaṁ vā sāṭakaṁ vā veṭhanaṁ vā theyyacitto āmasati, āpatti dukkaṭassa.
pli-tv-bu-vb-pj2:4.2.13	Phandāpeti, āpatti thullaccayassa.
pli-tv-bu-vb-pj2:4.2.14	Koṭiyaṁ gahetvā uccāreti, āpatti thullaccayassa.
pli-tv-bu-vb-pj2:4.2.15	Ghaṁsanto nīharati, āpatti thullaccayassa.
pli-tv-bu-vb-pj2:4.2.16	Antamaso kesaggamattampi kumbhimukhā moceti, āpatti pārājikassa.
pli-tv-bu-vb-pj2:4.2.17	Sappiṁ vā telaṁ vā madhuṁ vā phāṇitaṁ vā pañcamāsakaṁ vā atirekapañcamāsakaṁ vā agghanakaṁ theyyacitto ekena payogena pivati, āpatti pārājikassa.
pli-tv-bu-vb-pj2:4.2.18	Tattheva bhindati vā chaḍḍeti vā jhāpeti vā aparibhogaṁ vā karoti āpatti dukkaṭassa.
pli-tv-bu-vb-pj2:4.3.1	Thalaṭṭhaṁ nāma
pli-tv-bu-vb-pj2:4.3.2	bhaṇḍaṁ thale nikkhittaṁ hoti.
pli-tv-bu-vb-pj2:4.3.3	Thalaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.3.4	Āmasati, āpatti dukkaṭassa.
pli-tv-bu-vb-pj2:4.3.5	Phandāpeti, āpatti thullaccayassa.
pli-tv-bu-vb-pj2:4.3.6	Ṭhānā cāveti, āpatti pārājikassa.
pli-tv-bu-vb-pj2:4.4.1	Ākāsaṭṭhaṁ nāma
pli-tv-bu-vb-pj2:4.4.2	bhaṇḍaṁ ākāsagataṁ hoti.
pli-tv-bu-vb-pj2:4.4.3	Moro vā kapiñjaro vā tittiro vā vaṭṭako vā, sāṭakaṁ vā veṭhanaṁ vā hiraññaṁ vā suvaṇṇaṁ vā chijjamānaṁ patati.
pli-tv-bu-vb-pj2:4.4.4	Ākāsaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.4.5	Gamanaṁ upacchindati, āpatti dukkaṭassa.
pli-tv-bu-vb-pj2:4.4.6	Āmasati, āpatti dukkaṭassa.
pli-tv-bu-vb-pj2:4.4.7	Phandāpeti, āpatti thullaccayassa.
pli-tv-bu-vb-pj2:4.4.8	Ṭhānā cāveti, āpatti pārājikassa.
pli-tv-bu-vb-pj2:4.5.1	Vehāsaṭṭhaṁ nāma
pli-tv-bu-vb-pj2:4.5.2	bhaṇḍaṁ vehāsagataṁ hoti.
pli-tv-bu-vb-pj2:4.5.3	Mañce vā pīṭhe vā cīvaravaṁse vā cīvararajjuyā vā bhittikhile vā nāgadante vā rukkhe vā laggitaṁ hoti, antamaso pattādhārakepi.
pli-tv-bu-vb-pj2:4.5.4	Vehāsaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.5.5	Āmasati, āpatti dukkaṭassa.
pli-tv-bu-vb-pj2:4.5.6	Phandāpeti, āpatti thullaccayassa.
pli-tv-bu-vb-pj2:4.5.7	Ṭhānā cāveti, āpatti pārājikassa.
pli-tv-bu-vb-pj2:4.6.1	Udakaṭṭhaṁ nāma
pli-tv-bu-vb-pj2:4.6.2	bhaṇḍaṁ udake nikkhittaṁ hoti.
pli-tv-bu-vb-pj2:4.6.3	Udakaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.6.4	Nimujjati vā ummujjati vā, āpatti dukkaṭassa.
pli-tv-bu-vb-pj2:4.6.5	Āmasati, āpatti dukkaṭassa.
pli-tv-bu-vb-pj2:4.6.6	Phandāpeti, āpatti thullaccayassa.
pli-tv-bu-vb-pj2:4.6.7	Ṭhānā cāveti, āpatti pārājikassa.
pli-tv-bu-vb-pj2:4.6.8	Tattha jātakaṁ uppalaṁ vā padumaṁ vā puṇḍarīkaṁ vā bhisaṁ vā macchaṁ vā kacchapaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.6.9	Phandāpeti, āpatti thullaccayassa.
pli-tv-bu-vb-pj2:4.6.10	Ṭhānā cāveti, āpatti pārājikassa.
pli-tv-bu-vb-pj2:4.7.1	Nāvā nāma
pli-tv-bu-vb-pj2:4.7.2	yāya tarati.
pli-tv-bu-vb-pj2:4.7.3	Nāvaṭṭhaṁ nāma
pli-tv-bu-vb-pj2:4.7.4	bhaṇḍaṁ nāvāya nikkhittaṁ hoti.
pli-tv-bu-vb-pj2:4.7.5	“Nāvaṭṭhaṁ bhaṇḍaṁ avaharissāmī”ti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.7.6	Āmasati, āpatti dukkaṭassa.
pli-tv-bu-vb-pj2:4.7.7	Phandāpeti, āpatti thullaccayassa.
pli-tv-bu-vb-pj2:4.7.8	Ṭhānā cāveti, āpatti pārājikassa.
pli-tv-bu-vb-pj2:4.7.9	Nāvaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.7.10	Āmasati, āpatti dukkaṭassa.
pli-tv-bu-vb-pj2:4.7.11	Phandāpeti, āpatti thullaccayassa.
pli-tv-bu-vb-pj2:4.7.12	Bandhanaṁ moceti, āpatti dukkaṭassa.
pli-tv-bu-vb-pj2:4.7.13	Bandhanaṁ mocetvā āmasati, āpatti dukkaṭassa.
pli-tv-bu-vb-pj2:4.7.14	Phandāpeti, āpatti thullaccayassa.
pli-tv-bu-vb-pj2:4.7.15	Uddhaṁ vā adho vā tiriyaṁ vā antamaso kesaggamattampi saṅkāmeti, āpatti pārājikassa.
pli-tv-bu-vb-pj2:4.8.1	Yānaṁ nāma
pli-tv-bu-vb-pj2:4.8.2	vayhaṁ ratho sakaṭaṁ sandamānikā.
pli-tv-bu-vb-pj2:4.8.3	Yānaṭṭhaṁ nāma
pli-tv-bu-vb-pj2:4.8.4	bhaṇḍaṁ yāne nikkhittaṁ hoti.
pli-tv-bu-vb-pj2:4.8.5	Yānaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.8.6	Āmasati, āpatti dukkaṭassa.
pli-tv-bu-vb-pj2:4.8.7	Phandāpeti, āpatti thullaccayassa.
pli-tv-bu-vb-pj2:4.8.8	Ṭhānā cāveti, āpatti pārājikassa.
pli-tv-bu-vb-pj2:4.8.9	Yānaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.8.10	Āmasati, āpatti dukkaṭassa.
pli-tv-bu-vb-pj2:4.8.11	Phandāpeti, āpatti thullaccayassa.
pli-tv-bu-vb-pj2:4.8.12	Ṭhānā cāveti, āpatti pārājikassa.
pli-tv-bu-vb-pj2:4.9.1	Bhāro nāma
pli-tv-bu-vb-pj2:4.9.2	sīsabhāro khandhabhāro kaṭibhāro olambako.
pli-tv-bu-vb-pj2:4.9.3	Sīse bhāraṁ theyyacitto āmasati, āpatti dukkaṭassa.
pli-tv-bu-vb-pj2:4.9.4	Phandāpeti, āpatti thullaccayassa.
pli-tv-bu-vb-pj2:4.9.5	Khandhaṁ oropeti, āpatti pārājikassa.
pli-tv-bu-vb-pj2:4.9.6	Khandhe bhāraṁ theyyacitto āmasati, āpatti dukkaṭassa.
pli-tv-bu-vb-pj2:4.9.7	Phandāpeti, āpatti thullaccayassa.
pli-tv-bu-vb-pj2:4.9.8	Kaṭiṁ oropeti, āpatti pārājikassa.
pli-tv-bu-vb-pj2:4.9.9	Kaṭiyā bhāraṁ theyyacitto āmasati, āpatti dukkaṭassa.
pli-tv-bu-vb-pj2:4.9.10	Phandāpeti, āpatti thullaccayassa.
pli-tv-bu-vb-pj2:4.9.11	Hatthena gaṇhāti, āpatti pārājikassa.
pli-tv-bu-vb-pj2:4.9.12	Hatthe bhāraṁ theyyacitto bhūmiyaṁ nikkhipati, āpatti pārājikassa.
pli-tv-bu-vb-pj2:4.9.13	Theyyacitto bhūmito gaṇhāti, āpatti pārājikassa.
pli-tv-bu-vb-pj2:4.10.1	Ārāmo nāma
pli-tv-bu-vb-pj2:4.10.2	pupphārāmo phalārāmo.
pli-tv-bu-vb-pj2:4.10.3	Ārāmaṭṭhaṁ nāma
pli-tv-bu-vb-pj2:4.10.4	bhaṇḍaṁ ārāme catūhi ṭhānehi nikkhittaṁ hoti— bhūmaṭṭhaṁ thalaṭṭhaṁ, ākāsaṭṭhaṁ, vehāsaṭṭhaṁ.
pli-tv-bu-vb-pj2:4.10.5	Ārāmaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.10.6	Āmasati, āpatti dukkaṭassa.
pli-tv-bu-vb-pj2:4.10.7	Phandāpeti, āpatti thullaccayassa.
pli-tv-bu-vb-pj2:4.10.8	Ṭhānā cāveti, āpatti pārājikassa.
pli-tv-bu-vb-pj2:4.10.9	Tattha jātakaṁ mūlaṁ vā tacaṁ vā pattaṁ vā pupphaṁ vā phalaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.10.10	Phandāpeti, āpatti thullaccayassa.
pli-tv-bu-vb-pj2:4.10.11	Ṭhānā cāveti, āpatti pārājikassa.
pli-tv-bu-vb-pj2:4.10.12	Ārāmaṁ abhiyuñjati, āpatti dukkaṭassa.
pli-tv-bu-vb-pj2:4.10.13	Sāmikassa vimatiṁ uppādeti, āpatti thullaccayassa.
pli-tv-bu-vb-pj2:4.10.14	Sāmiko na mayhaṁ bhavissatīti dhuraṁ nikkhipati, āpatti pārājikassa.
pli-tv-bu-vb-pj2:4.10.15	Dhammaṁ caranto sāmikaṁ parājeti, āpatti pārājikassa.
pli-tv-bu-vb-pj2:4.10.16	Dhammaṁ caranto parajjati, āpatti thullaccayassa.
pli-tv-bu-vb-pj2:4.11.1	Vihāraṭṭhaṁ nāma
pli-tv-bu-vb-pj2:4.11.2	bhaṇḍaṁ vihāre catūhi ṭhānehi nikkhittaṁ hoti— bhūmaṭṭhaṁ, thalaṭṭhaṁ, ākāsaṭṭhaṁ, vehāsaṭṭhaṁ.
pli-tv-bu-vb-pj2:4.11.3	Vihāraṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.11.4	Āmasati, āpatti dukkaṭassa.
pli-tv-bu-vb-pj2:4.11.5	Phandāpeti, āpatti thullaccayassa.
pli-tv-bu-vb-pj2:4.11.6	Ṭhānā cāveti, āpatti pārājikassa.
pli-tv-bu-vb-pj2:4.11.7	Vihāraṁ abhiyuñjati, āpatti dukkaṭassa.
pli-tv-bu-vb-pj2:4.11.8	Sāmikassa vimatiṁ uppādeti, āpatti thullaccayassa.
pli-tv-bu-vb-pj2:4.11.9	Sāmiko na mayhaṁ bhavissatīti dhuraṁ nikkhipati, āpatti pārājikassa.
pli-tv-bu-vb-pj2:4.11.10	Dhammaṁ caranto sāmikaṁ parājeti, āpatti pārājikassa.
pli-tv-bu-vb-pj2:4.11.11	Dhammaṁ caranto parajjati, āpatti thullaccayassa.
pli-tv-bu-vb-pj2:4.12.1	Khettaṁ nāma
pli-tv-bu-vb-pj2:4.12.2	yattha pubbaṇṇaṁ vā aparaṇṇaṁ vā jāyati.
pli-tv-bu-vb-pj2:4.12.3	Khettaṭṭhaṁ nāma
pli-tv-bu-vb-pj2:4.12.4	bhaṇḍaṁ khette catūhi ṭhānehi nikkhittaṁ hoti— bhūmaṭṭhaṁ, thalaṭṭhaṁ, ākāsaṭṭhaṁ, vehāsaṭṭhaṁ.
pli-tv-bu-vb-pj2:4.12.5	Khettaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti, dukkaṭassa.
pli-tv-bu-vb-pj2:4.12.6	Āmasati, āpatti dukkaṭassa.
pli-tv-bu-vb-pj2:4.12.7	Phandāpeti, āpatti thullaccayassa.
pli-tv-bu-vb-pj2:4.12.8	Ṭhānā cāveti, āpatti pārājikassa.
pli-tv-bu-vb-pj2:4.12.9	Tattha jātakaṁ pubbaṇṇaṁ vā aparaṇṇaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.12.10	Phandāpeti, āpatti thullaccayassa.
pli-tv-bu-vb-pj2:4.12.11	Ṭhānā cāveti, āpatti pārājikassa.
pli-tv-bu-vb-pj2:4.12.12	Khettaṁ abhiyuñjati, āpatti dukkaṭassa.
pli-tv-bu-vb-pj2:4.12.13	Sāmikassa vimatiṁ uppādeti, āpatti thullaccayassa.
pli-tv-bu-vb-pj2:4.12.14	Sāmiko na mayhaṁ bhavissatīti dhuraṁ nikkhipati, āpatti pārājikassa.
pli-tv-bu-vb-pj2:4.12.15	Dhammaṁ caranto sāmikaṁ parājeti, āpatti pārājikassa.
pli-tv-bu-vb-pj2:4.12.16	Dhammaṁ caranto parajjati, āpatti thullaccayassa.
pli-tv-bu-vb-pj2:4.12.17	Khīlaṁ vā rajjuṁ vā vatiṁ vā mariyādaṁ vā saṅkāmeti, āpatti dukkaṭassa.
pli-tv-bu-vb-pj2:4.12.18	Ekaṁ payogaṁ anāgate, āpatti thullaccayassa.
pli-tv-bu-vb-pj2:4.12.19	Tasmiṁ payoge āgate, āpatti pārājikassa.
pli-tv-bu-vb-pj2:4.13.1	Vatthu nāma
pli-tv-bu-vb-pj2:4.13.2	ārāmavatthu vihāravatthu.
pli-tv-bu-vb-pj2:4.13.3	Vatthuṭṭhaṁ nāma
pli-tv-bu-vb-pj2:4.13.4	bhaṇḍaṁ vatthusmiṁ catūhi ṭhānehi nikkhittaṁ hoti— bhūmaṭṭhaṁ, thalaṭṭhaṁ, ākāsaṭṭhaṁ, vehāsaṭṭhaṁ.
pli-tv-bu-vb-pj2:4.13.5	Vatthuṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.13.6	Āmasati, āpatti dukkaṭassa.
pli-tv-bu-vb-pj2:4.13.7	Phandāpeti, āpatti thullaccayassa.
pli-tv-bu-vb-pj2:4.13.8	Ṭhānā cāveti, āpatti pārājikassa.
pli-tv-bu-vb-pj2:4.13.9	Vatthuṁ abhiyuñjati, āpatti dukkaṭassa.
pli-tv-bu-vb-pj2:4.13.10	Sāmikassa vimatiṁ uppādeti, āpatti thullaccayassa.
pli-tv-bu-vb-pj2:4.13.11	Sāmiko na mayhaṁ bhavissatīti dhuraṁ nikkhipati, āpatti pārājikassa.
pli-tv-bu-vb-pj2:4.13.12	Dhammaṁ caranto sāmikaṁ parājeti, āpatti pārājikassa.
pli-tv-bu-vb-pj2:4.13.13	Dhammaṁ caranto parajjati, āpatti thullaccayassa.
pli-tv-bu-vb-pj2:4.13.14	Khīlaṁ vā rajjuṁ vā vatiṁ vā pākāraṁ vā saṅkāmeti, āpatti dukkaṭassa.
pli-tv-bu-vb-pj2:4.13.15	Ekaṁ payogaṁ anāgate āpatti thullaccayassa.
pli-tv-bu-vb-pj2:4.13.16	Tasmiṁ payoge āgate āpatti pārājikassa.
pli-tv-bu-vb-pj2:4.14.1	Gāmaṭṭhaṁ nāma
pli-tv-bu-vb-pj2:4.14.2	bhaṇḍaṁ gāme catūhi ṭhānehi nikkhittaṁ hoti— bhūmaṭṭhaṁ, thalaṭṭhaṁ, ākāsaṭṭhaṁ, vehāsaṭṭhaṁ.
pli-tv-bu-vb-pj2:4.14.3	Gāmaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.14.4	Āmasati, āpatti dukkaṭassa.
pli-tv-bu-vb-pj2:4.14.5	Phandāpeti, āpatti thullaccayassa.
pli-tv-bu-vb-pj2:4.14.6	Ṭhānā cāveti, āpatti pārājikassa.
pli-tv-bu-vb-pj2:4.15.1	Araññaṁ nāma
pli-tv-bu-vb-pj2:4.15.2	yaṁ manussānaṁ pariggahitaṁ hoti, taṁ araññaṁ.
pli-tv-bu-vb-pj2:4.15.3	Araññaṭṭhaṁ nāma
pli-tv-bu-vb-pj2:4.15.4	bhaṇḍaṁ araññe catūhi ṭhānehi nikkhittaṁ hoti— bhūmaṭṭhaṁ, thalaṭṭhaṁ, ākāsaṭṭhaṁ, vehāsaṭṭhaṁ.
pli-tv-bu-vb-pj2:4.15.5	Araññaṭṭhaṁ bhaṇḍaṁ avaharissāmīti theyyacitto dutiyaṁ vā pariyesati gacchati vā, āpatti dukkaṭassa.
pli-tv-bu-vb-pj2:4.15.6	Āmasati, āpatti dukkaṭassa.
pli-tv-bu-vb-pj2:4.15.7	Phandāpeti, āpatti thullaccayassa.
pli-tv-bu-vb-pj2:4.15.8	Ṭhānā cāveti, āpatti pārājikassa.
pli-tv-bu-vb-pj2:4.15.9	Tattha jātakaṁ kaṭṭhaṁ vā lataṁ vā tiṇaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.15.10	Phandāpeti, āpatti thullaccayassa.
pli-tv-bu-vb-pj2:4.15.11	Ṭhānā cāveti, āpatti pārājikassa.
pli-tv-bu-vb-pj2:4.16.1	Udakaṁ nāma
pli-tv-bu-vb-pj2:4.16.2	bhājanagataṁ vā hoti pokkharaṇiyā vā taḷāke vā.
pli-tv-bu-vb-pj2:4.16.3	Theyyacitto āmasati, āpatti dukkaṭassa.
pli-tv-bu-vb-pj2:4.16.4	Phandāpeti, āpatti thullaccayassa.
pli-tv-bu-vb-pj2:4.16.5	Ṭhānā cāveti, āpatti pārājikassa.
pli-tv-bu-vb-pj2:4.16.6	Attano bhājanaṁ pavesetvā pañcamāsakaṁ vā atirekapañcamāsakaṁ vā agghanakaṁ udakaṁ theyyacitto āmasati, āpatti dukkaṭassa.
pli-tv-bu-vb-pj2:4.16.7	Phandāpeti, āpatti thullaccayassa.
pli-tv-bu-vb-pj2:4.16.8	Attano bhājanagataṁ karoti, āpatti pārājikassa.
pli-tv-bu-vb-pj2:4.16.9	Mariyādaṁ bhindati, āpatti dukkaṭassa.
pli-tv-bu-vb-pj2:4.16.10	Mariyādaṁ bhinditvā pañcamāsakaṁ vā atirekapañcamāsakaṁ vā agghanakaṁ udakaṁ nikkhāmeti, āpatti pārājikassa.
pli-tv-bu-vb-pj2:4.16.11	Atirekamāsakaṁ vā ūnapañcamāsakaṁ vā agghanakaṁ udakaṁ nikkhāmeti, āpatti thullaccayassa.
pli-tv-bu-vb-pj2:4.16.12	Māsakaṁ vā ūnamāsakaṁ vā agghanakaṁ udakaṁ nikkhāmeti, āpatti dukkaṭassa.
pli-tv-bu-vb-pj2:4.17.1	Dantapoṇaṁ nāma
pli-tv-bu-vb-pj2:4.17.2	chinnaṁ vā acchinnaṁ vā.
pli-tv-bu-vb-pj2:4.17.3	Pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.17.4	Phandāpeti, āpatti thullaccayassa.
pli-tv-bu-vb-pj2:4.17.5	Ṭhānā cāveti, āpatti pārājikassa.
pli-tv-bu-vb-pj2:4.18.1	Vanappati nāma
pli-tv-bu-vb-pj2:4.18.2	yo manussānaṁ pariggahito hoti rukkho paribhogo.
pli-tv-bu-vb-pj2:4.18.3	Theyyacitto chindati, pahāre pahāre āpatti dukkaṭassa.
pli-tv-bu-vb-pj2:4.18.4	Ekaṁ pahāraṁ anāgate, āpatti thullaccayassa.
pli-tv-bu-vb-pj2:4.18.5	Tasmiṁ pahāre āgate, āpatti pārājikassa.
pli-tv-bu-vb-pj2:4.19.1	Haraṇakaṁ nāma
pli-tv-bu-vb-pj2:4.19.2	aññassa haraṇakaṁ bhaṇḍaṁ.
pli-tv-bu-vb-pj2:4.19.3	Theyyacitto āmasati, āpatti dukkaṭassa.
pli-tv-bu-vb-pj2:4.19.4	Phandāpeti, āpatti thullaccayassa.
pli-tv-bu-vb-pj2:4.19.5	Ṭhānā cāveti, āpatti pārājikassa.
pli-tv-bu-vb-pj2:4.19.6	Sahabhaṇḍahārakaṁ padasā nessāmīti paṭhamaṁ pādaṁ saṅkāmeti, āpatti thullaccayassa.
pli-tv-bu-vb-pj2:4.19.7	Dutiyaṁ pādaṁ saṅkāmeti, āpatti pārājikassa.
pli-tv-bu-vb-pj2:4.19.8	Patitaṁ bhaṇḍaṁ gahessāmīti pātāpeti, āpatti dukkaṭassa.
pli-tv-bu-vb-pj2:4.19.9	Patitaṁ bhaṇḍaṁ pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.19.10	Phandāpeti, āpatti thullaccayassa.
pli-tv-bu-vb-pj2:4.19.11	Ṭhānā cāveti, āpatti pārājikassa.
pli-tv-bu-vb-pj2:4.20.1	Upanidhi nāma
pli-tv-bu-vb-pj2:4.20.2	upanikkhittaṁ bhaṇḍaṁ.
pli-tv-bu-vb-pj2:4.20.3	Dehi me bhaṇḍanti vuccamāno nāhaṁ gaṇhāmīti bhaṇati, āpatti dukkaṭassa.
pli-tv-bu-vb-pj2:4.20.4	Sāmikassa vimatiṁ uppādeti, āpatti thullaccayassa.
pli-tv-bu-vb-pj2:4.20.5	Sāmiko na mayhaṁ dassatīti dhuraṁ nikkhipati, āpatti pārājikassa.
pli-tv-bu-vb-pj2:4.20.6	Dhammaṁ caranto sāmikaṁ parājeti, āpatti pārājikassa.
pli-tv-bu-vb-pj2:4.20.7	Dhammaṁ caranto parajjati, āpatti thullaccayassa.
pli-tv-bu-vb-pj2:4.21.1	Suṅkaghātaṁ nāma
pli-tv-bu-vb-pj2:4.21.2	raññā ṭhapitaṁ hoti pabbatakhaṇḍe vā nadītitthe vā gāmadvāre vā—
pli-tv-bu-vb-pj2:4.21.3	“atra paviṭṭhassa suṅkaṁ gaṇhantū”ti.
pli-tv-bu-vb-pj2:4.21.4	Tatra pavisitvā rājaggaṁ bhaṇḍaṁ pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.21.5	Phandāpeti, āpatti thullaccayassa.
pli-tv-bu-vb-pj2:4.21.6	Paṭhamaṁ pādaṁ suṅkaghātaṁ atikkāmeti, āpatti thullaccayassa.
pli-tv-bu-vb-pj2:4.21.7	Dutiyaṁ pādaṁ atikkāmeti, āpatti pārājikassa.
pli-tv-bu-vb-pj2:4.21.8	Antosuṅkaghāte ṭhito bahisuṅkaghātaṁ pāteti, āpatti pārājikassa.
pli-tv-bu-vb-pj2:4.21.9	Suṅkaṁ pariharati, āpatti dukkaṭassa.
pli-tv-bu-vb-pj2:4.22.1	Pāṇo nāma
pli-tv-bu-vb-pj2:4.22.2	manussapāṇo vuccati.
pli-tv-bu-vb-pj2:4.22.3	Theyyacitto āmasati, āpatti dukkaṭassa.
pli-tv-bu-vb-pj2:4.22.4	Phandāpeti, āpatti thullaccayassa.
pli-tv-bu-vb-pj2:4.22.5	Ṭhānā cāveti, āpatti pārājikassa.
pli-tv-bu-vb-pj2:4.22.6	Padasā nessāmīti paṭhamaṁ pādaṁ saṅkāmeti, āpatti thullaccayassa.
pli-tv-bu-vb-pj2:4.22.7	Dutiyaṁ pādaṁ saṅkāmeti, āpatti pārājikassa.
pli-tv-bu-vb-pj2:4.23.1	Apadaṁ nāma
pli-tv-bu-vb-pj2:4.23.2	ahi macchā.
pli-tv-bu-vb-pj2:4.23.3	Pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.23.4	Phandāpeti, āpatti thullaccayassa.
pli-tv-bu-vb-pj2:4.23.5	Ṭhānā cāveti, āpatti pārājikassa.
pli-tv-bu-vb-pj2:4.24.1	Dvipadaṁ nāma
pli-tv-bu-vb-pj2:4.24.2	manussā, pakkhajātā.
pli-tv-bu-vb-pj2:4.24.3	Theyyacitto āmasati, āpatti dukkaṭassa.
pli-tv-bu-vb-pj2:4.24.4	Phandāpeti, āpatti thullaccayassa.
pli-tv-bu-vb-pj2:4.24.5	Ṭhānā cāveti, āpatti pārājikassa.
pli-tv-bu-vb-pj2:4.24.6	Padasā nessāmīti paṭhamaṁ pādaṁ saṅkāmeti, āpatti thullaccayassa.
pli-tv-bu-vb-pj2:4.24.7	Dutiyaṁ pādaṁ saṅkāmeti, āpatti pārājikassa.
pli-tv-bu-vb-pj2:4.25.1	Catuppadaṁ nāma—
pli-tv-bu-vb-pj2:4.25.2	hatthī assā oṭṭhā goṇā gadrabhā pasukā.
pli-tv-bu-vb-pj2:4.25.3	Theyyacitto āmasati, āpatti dukkaṭassa.
pli-tv-bu-vb-pj2:4.25.4	Phandāpeti, āpatti thullaccayassa.
pli-tv-bu-vb-pj2:4.25.5	Ṭhānā cāveti, āpatti pārājikassa.
pli-tv-bu-vb-pj2:4.25.6	Padasā nessāmīti paṭhamaṁ pādaṁ saṅkāmeti, āpatti thullaccayassa.
pli-tv-bu-vb-pj2:4.25.7	Dutiyaṁ pādaṁ saṅkāmeti, āpatti thullaccayassa.
pli-tv-bu-vb-pj2:4.25.8	Tatiyaṁ pādaṁ saṅkāmeti, āpatti thullaccayassa.
pli-tv-bu-vb-pj2:4.25.9	Catutthaṁ pādaṁ saṅkāmeti, āpatti pārājikassa.
pli-tv-bu-vb-pj2:4.26.1	Bahuppadaṁ nāma—
pli-tv-bu-vb-pj2:4.26.2	vicchikā satapadī uccāliṅgapāṇakā.
pli-tv-bu-vb-pj2:4.26.3	Pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.26.4	Phandāpeti, āpatti thullaccayassa.
pli-tv-bu-vb-pj2:4.26.5	Ṭhānā cāveti, āpatti pārājikassa.
pli-tv-bu-vb-pj2:4.26.6	Padasā nessāmīti saṅkāmeti, pade pade āpatti thullaccayassa.
pli-tv-bu-vb-pj2:4.26.7	Pacchimaṁ pādaṁ saṅkāmeti, āpatti pārājikassa.
pli-tv-bu-vb-pj2:4.27.1	Ocarako nāma
pli-tv-bu-vb-pj2:4.27.2	bhaṇḍaṁ ocaritvā
pli-tv-bu-vb-pj2:4.27.3	ācikkhati—“itthannāmaṁ bhaṇḍaṁ avaharā”ti, āpatti dukkaṭassa.
pli-tv-bu-vb-pj2:4.27.4	So taṁ bhaṇḍaṁ avaharati, āpatti ubhinnaṁ pārājikassa.
pli-tv-bu-vb-pj2:4.28.1	Oṇirakkho nāma
pli-tv-bu-vb-pj2:4.28.2	āhaṭaṁ bhaṇḍaṁ gopento
pli-tv-bu-vb-pj2:4.28.3	pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa.
pli-tv-bu-vb-pj2:4.28.4	Phandāpeti, āpatti thullaccayassa.
pli-tv-bu-vb-pj2:4.28.5	Ṭhānā cāveti, āpatti pārājikassa.
pli-tv-bu-vb-pj2:4.29.1	Saṁvidāvahāro nāma
pli-tv-bu-vb-pj2:4.29.2	sambahulā saṁvidahitvā
pli-tv-bu-vb-pj2:4.29.3	eko bhaṇḍaṁ avaharati, āpatti sabbesaṁ pārājikassa.
pli-tv-bu-vb-pj2:4.30.1	Saṅketakammaṁ nāma
pli-tv-bu-vb-pj2:4.30.2	saṅketaṁ karoti— “purebhattaṁ vā pacchābhattaṁ vā rattiṁ vā divā vā
pli-tv-bu-vb-pj2:4.30.3	tena saṅketena taṁ bhaṇḍaṁ avaharā”ti, āpatti dukkaṭassa.
pli-tv-bu-vb-pj2:4.30.4	Tena saṅketena taṁ bhaṇḍaṁ avaharati, āpatti ubhinnaṁ pārājikassa.
pli-tv-bu-vb-pj2:4.30.5	Taṁ saṅketaṁ pure vā pacchā vā taṁ bhaṇḍaṁ avaharati, mūlaṭṭhassa anāpatti.
pli-tv-bu-vb-pj2:4.30.6	Avahārakassa āpatti pārājikassa.
pli-tv-bu-vb-pj2:4.31.1	Nimittakammaṁ nāma
pli-tv-bu-vb-pj2:4.31.2	nimittaṁ karoti.
pli-tv-bu-vb-pj2:4.31.3	Akkhiṁ vā nikhaṇissāmi bhamukaṁ vā ukkhipissāmi sīsaṁ vā ukkhipissāmi, tena nimittena taṁ bhaṇḍaṁ avaharāti, āpatti dukkaṭassa.
pli-tv-bu-vb-pj2:4.31.4	Tena nimittena taṁ bhaṇḍaṁ avaharati, āpatti ubhinnaṁ pārājikassa.
pli-tv-bu-vb-pj2:4.31.5	Taṁ nimittaṁ pure vā pacchā vā taṁ bhaṇḍaṁ avaharati, mūlaṭṭhassa anāpatti.
pli-tv-bu-vb-pj2:4.31.6	Avahārakassa āpatti pārājikassa.
pli-tv-bu-vb-pj2:5.1.0	
pli-tv-bu-vb-pj2:5.1.1	Bhikkhu bhikkhuṁ āṇāpeti—
pli-tv-bu-vb-pj2:5.1.2	“itthannāmaṁ bhaṇḍaṁ avaharā”ti, āpatti dukkaṭassa.
pli-tv-bu-vb-pj2:5.1.3	So taṁ maññamāno taṁ avaharati, āpatti ubhinnaṁ pārājikassa.
pli-tv-bu-vb-pj2:5.1.4	Bhikkhu bhikkhuṁ āṇāpeti—
pli-tv-bu-vb-pj2:5.1.5	“itthannāmaṁ bhaṇḍaṁ avaharā”ti, āpatti dukkaṭassa.
pli-tv-bu-vb-pj2:5.1.6	So taṁ maññamāno aññaṁ avaharati,
pli-tv-bu-vb-pj2:5.1.7	mūlaṭṭhassa anāpatti.
pli-tv-bu-vb-pj2:5.1.8	Avahārakassa āpatti pārājikassa.
pli-tv-bu-vb-pj2:5.1.9	Bhikkhu bhikkhuṁ āṇāpeti—
pli-tv-bu-vb-pj2:5.1.10	“itthannāmaṁ bhaṇḍaṁ avaharā”ti, āpatti dukkaṭassa.
pli-tv-bu-vb-pj2:5.1.11	So aññaṁ maññamāno taṁ avaharati,
pli-tv-bu-vb-pj2:5.1.12	āpatti ubhinnaṁ pārājikassa.
pli-tv-bu-vb-pj2:5.1.13	Bhikkhu bhikkhuṁ āṇāpeti—
pli-tv-bu-vb-pj2:5.1.14	“itthannāmaṁ bhaṇḍaṁ avaharā”ti, āpatti dukkaṭassa.
pli-tv-bu-vb-pj2:5.1.15	So aññaṁ maññamāno aññaṁ avaharati,
pli-tv-bu-vb-pj2:5.1.16	mūlaṭṭhassa anāpatti.
pli-tv-bu-vb-pj2:5.1.17	Avahārakassa āpatti pārājikassa.
pli-tv-bu-vb-pj2:5.2.1	Bhikkhu bhikkhuṁ āṇāpeti—
pli-tv-bu-vb-pj2:5.2.2	“itthannāmassa pāvada—‘itthannāmo itthannāmassa pāvadatu—itthannāmo itthannāmaṁ bhaṇḍaṁ avaharatū’”ti,
pli-tv-bu-vb-pj2:5.2.3	āpatti dukkaṭassa.
pli-tv-bu-vb-pj2:5.2.4	So itarassa āroceti, āpatti dukkaṭassa.
pli-tv-bu-vb-pj2:5.2.5	Avahārako paṭiggaṇhāti, mūlaṭṭhassa āpatti thullaccayassa.
pli-tv-bu-vb-pj2:5.2.6	So taṁ bhaṇḍaṁ avaharati, āpatti sabbesaṁ pārājikassa.
pli-tv-bu-vb-pj2:5.2.7	Bhikkhu bhikkhuṁ āṇāpeti—
pli-tv-bu-vb-pj2:5.2.8	“itthannāmassa pāvada—‘itthannāmo itthannāmassa pāvadatu—itthannāmo itthannāmaṁ bhaṇḍaṁ avaharatū’”ti,
pli-tv-bu-vb-pj2:5.2.9	āpatti dukkaṭassa.
pli-tv-bu-vb-pj2:5.2.10	So aññaṁ āṇāpeti, āpatti dukkaṭassa.
pli-tv-bu-vb-pj2:5.2.11	Avahārako paṭiggaṇhāti, āpatti dukkaṭassa.
pli-tv-bu-vb-pj2:5.2.12	So taṁ bhaṇḍaṁ avaharati, mūlaṭṭhassa anāpatti.
pli-tv-bu-vb-pj2:5.2.13	Āṇāpakassa ca avahārakassa ca āpatti pārājikassa.
pli-tv-bu-vb-pj2:5.3.1	Bhikkhu bhikkhuṁ āṇāpeti—
pli-tv-bu-vb-pj2:5.3.2	“itthannāmaṁ bhaṇḍaṁ avaharā”ti,
pli-tv-bu-vb-pj2:5.3.3	āpatti dukkaṭassa.
pli-tv-bu-vb-pj2:5.3.4	So gantvā puna paccāgacchati—
pli-tv-bu-vb-pj2:5.3.5	“nāhaṁ sakkomi taṁ bhaṇḍaṁ avaharitun”ti.
pli-tv-bu-vb-pj2:5.3.6	So puna āṇāpeti—
pli-tv-bu-vb-pj2:5.3.7	“yadā sakkosi tadā taṁ bhaṇḍaṁ avaharā”ti,
pli-tv-bu-vb-pj2:5.3.8	āpatti dukkaṭassa.
pli-tv-bu-vb-pj2:5.3.9	So taṁ bhaṇḍaṁ avaharati,
pli-tv-bu-vb-pj2:5.3.10	āpatti ubhinnaṁ pārājikassa.
pli-tv-bu-vb-pj2:5.4.1	Bhikkhu bhikkhuṁ āṇāpeti—
pli-tv-bu-vb-pj2:5.4.2	“itthannāmaṁ bhaṇḍaṁ avaharā”ti,
pli-tv-bu-vb-pj2:5.4.3	āpatti dukkaṭassa.
pli-tv-bu-vb-pj2:5.4.4	So āṇāpetvā vippaṭisārī na sāveti—
pli-tv-bu-vb-pj2:5.4.5	“mā avaharī”ti.
pli-tv-bu-vb-pj2:5.4.6	So taṁ bhaṇḍaṁ avaharati,
pli-tv-bu-vb-pj2:5.4.7	āpatti ubhinnaṁ pārājikassa.
pli-tv-bu-vb-pj2:5.4.8	Bhikkhu bhikkhuṁ āṇāpeti—
pli-tv-bu-vb-pj2:5.4.9	“itthannāmaṁ bhaṇḍaṁ avaharā”ti,
pli-tv-bu-vb-pj2:5.4.10	āpatti dukkaṭassa.
pli-tv-bu-vb-pj2:5.4.11	So āṇāpetvā vippaṭisārī sāveti—
pli-tv-bu-vb-pj2:5.4.12	“mā avaharī”ti.
pli-tv-bu-vb-pj2:5.4.13	So “āṇatto ahaṁ tayā”ti, taṁ bhaṇḍaṁ avaharati,
pli-tv-bu-vb-pj2:5.4.14	mūlaṭṭhassa anāpatti.
pli-tv-bu-vb-pj2:5.4.15	Avahārakassa āpatti pārājikassa.
pli-tv-bu-vb-pj2:5.4.16	Bhikkhu bhikkhuṁ āṇāpeti—
pli-tv-bu-vb-pj2:5.4.17	“itthannāmaṁ bhaṇḍaṁ avaharā”ti,
pli-tv-bu-vb-pj2:5.4.18	āpatti dukkaṭassa.
pli-tv-bu-vb-pj2:5.4.19	So āṇāpetvā vippaṭisārī sāveti—
pli-tv-bu-vb-pj2:5.4.20	“mā avaharī”ti.
pli-tv-bu-vb-pj2:5.4.21	So “sādhū”ti?
pli-tv-bu-vb-pj2:5.4.22	Oramati, ubhinnaṁ anāpatti.
pli-tv-bu-vb-pj2:6.1.0	
pli-tv-bu-vb-pj2:6.1.1	Pañcahi ākārehi adinnaṁ ādiyantassa āpatti pārājikassa—
pli-tv-bu-vb-pj2:6.1.2	parapariggahitañca hoti,
pli-tv-bu-vb-pj2:6.1.3	parapariggahitasaññī ca,
pli-tv-bu-vb-pj2:6.1.4	garuko ca hoti parikkhāro, pañcamāsako vā atirekapañcamāsako vā,.
pli-tv-bu-vb-pj2:6.1.5	theyyacittañca paccupaṭṭhitaṁ hoti.
pli-tv-bu-vb-pj2:6.1.6	Āmasati, āpatti dukkaṭassa.
pli-tv-bu-vb-pj2:6.1.7	Phandāpeti, āpatti thullaccayassa.
pli-tv-bu-vb-pj2:6.1.8	Ṭhānā cāveti, āpatti pārājikassa.
pli-tv-bu-vb-pj2:6.1.9	Pañcahi ākārehi adinnaṁ ādiyantassa āpatti thullaccayassa—
pli-tv-bu-vb-pj2:6.1.10	parapariggahitañca hoti,
pli-tv-bu-vb-pj2:6.1.11	parapariggahitasaññī ca,
pli-tv-bu-vb-pj2:6.1.12	lahuko ca hoti parikkhāro, atirekamāsako vā ūnapañcamāsako vā,
pli-tv-bu-vb-pj2:6.1.13	theyyacittañca paccupaṭṭhitaṁ hoti.
pli-tv-bu-vb-pj2:6.1.14	Āmasati, āpatti dukkaṭassa.
pli-tv-bu-vb-pj2:6.1.15	Phandāpeti, āpatti dukkaṭassa.
pli-tv-bu-vb-pj2:6.1.16	Ṭhānā cāveti, āpatti thullaccayassa.
pli-tv-bu-vb-pj2:6.1.17	Pañcahi ākārehi adinnaṁ ādiyantassa āpatti dukkaṭassa.
pli-tv-bu-vb-pj2:6.1.18	Parapariggahitañca hoti,
pli-tv-bu-vb-pj2:6.1.19	parapariggahitasaññī ca,
pli-tv-bu-vb-pj2:6.1.20	lahuko ca hoti parikkhāro, māsako vā ūnamāsako vā,
pli-tv-bu-vb-pj2:6.1.21	theyyacittañca paccupaṭṭhitaṁ hoti.
pli-tv-bu-vb-pj2:6.1.22	Āmasati, āpatti dukkaṭassa.
pli-tv-bu-vb-pj2:6.1.23	Phandāpeti, āpatti dukkaṭassa.
pli-tv-bu-vb-pj2:6.1.24	Ṭhānā cāveti, āpatti dukkaṭassa.
pli-tv-bu-vb-pj2:6.2.1	Chahi ākārehi adinnaṁ ādiyantassa āpatti pārājikassa.
pli-tv-bu-vb-pj2:6.2.2	Na ca sakasaññī,
pli-tv-bu-vb-pj2:6.2.3	na ca vissāsaggāhī,
pli-tv-bu-vb-pj2:6.2.4	na ca tāvakālikaṁ,
pli-tv-bu-vb-pj2:6.2.5	garuko ca hoti parikkhāro, pañcamāsako vā atirekapañcamāsako vā,
pli-tv-bu-vb-pj2:6.2.6	theyyacittañca paccupaṭṭhitaṁ hoti.
pli-tv-bu-vb-pj2:6.2.7	Āmasati, āpatti dukkaṭassa.
pli-tv-bu-vb-pj2:6.2.8	Phandāpeti, āpatti thullaccayassa.
pli-tv-bu-vb-pj2:6.2.9	Ṭhānā cāveti, āpatti pārājikassa.
pli-tv-bu-vb-pj2:6.2.10	Chahi ākārehi adinnaṁ ādiyantassa āpatti thullaccayassa.
pli-tv-bu-vb-pj2:6.2.11	Na ca sakasaññī,
pli-tv-bu-vb-pj2:6.2.12	na ca vissāsaggāhī,
pli-tv-bu-vb-pj2:6.2.13	na ca tāvakālikaṁ,
pli-tv-bu-vb-pj2:6.2.14	lahuko ca hoti parikkhāro atirekamāsako vā ūnapañcamāsako vā,
pli-tv-bu-vb-pj2:6.2.15	theyyacittañca paccupaṭṭhitaṁ hoti.
pli-tv-bu-vb-pj2:6.2.16	Āmasati, āpatti dukkaṭassa.
pli-tv-bu-vb-pj2:6.2.17	Phandāpeti, āpatti dukkaṭassa.
pli-tv-bu-vb-pj2:6.2.18	Ṭhānā cāveti, āpatti thullaccayassa.
pli-tv-bu-vb-pj2:6.2.19	Chahi ākārehi adinnaṁ ādiyantassa āpatti dukkaṭassa.
pli-tv-bu-vb-pj2:6.2.20	Na ca sakasaññī,
pli-tv-bu-vb-pj2:6.2.21	na ca vissāsaggāhī,
pli-tv-bu-vb-pj2:6.2.22	na ca tāvakālikaṁ,
pli-tv-bu-vb-pj2:6.2.23	lahuko ca hoti parikkhāro, māsako vā ūnamāsako vā,
pli-tv-bu-vb-pj2:6.2.24	theyyacittañca paccupaṭṭhitaṁ hoti.
pli-tv-bu-vb-pj2:6.2.25	Āmasati, āpatti dukkaṭassa.
pli-tv-bu-vb-pj2:6.2.26	Phandāpeti, āpatti dukkaṭassa.
pli-tv-bu-vb-pj2:6.2.27	Ṭhānā cāveti, āpatti dukkaṭassa.
pli-tv-bu-vb-pj2:6.3.1	Pañcahi ākārehi adinnaṁ ādiyantassa āpatti dukkaṭassa.
pli-tv-bu-vb-pj2:6.3.2	Na ca parapariggahitaṁ hoti,
pli-tv-bu-vb-pj2:6.3.3	parapariggahitasaññī ca,
pli-tv-bu-vb-pj2:6.3.4	garuko ca hoti parikkhāro, pañcamāsako vā atirekapañcamāsako vā,
pli-tv-bu-vb-pj2:6.3.5	theyyacittañca paccupaṭṭhitaṁ hoti.
pli-tv-bu-vb-pj2:6.3.6	Āmasati, āpatti dukkaṭassa.
pli-tv-bu-vb-pj2:6.3.7	Phandāpeti, āpatti dukkaṭassa.
pli-tv-bu-vb-pj2:6.3.8	Ṭhānā cāveti, āpatti dukkaṭassa.
pli-tv-bu-vb-pj2:6.3.9	Pañcahi ākārehi adinnaṁ ādiyantassa āpatti dukkaṭassa.
pli-tv-bu-vb-pj2:6.3.10	Na ca parapariggahitaṁ hoti,
pli-tv-bu-vb-pj2:6.3.11	parapariggahitasaññī ca,
pli-tv-bu-vb-pj2:6.3.12	lahuko ca hoti parikkhāro, atirekamāsako vā ūnapañcamāsako vā,
pli-tv-bu-vb-pj2:6.3.13	theyyacittañca paccupaṭṭhitaṁ hoti.
pli-tv-bu-vb-pj2:6.3.14	Āmasati, āpatti dukkaṭassa.
pli-tv-bu-vb-pj2:6.3.15	Phandāpeti, āpatti dukkaṭassa.
pli-tv-bu-vb-pj2:6.3.16	Ṭhānā cāveti, āpatti dukkaṭassa.
pli-tv-bu-vb-pj2:6.3.17	Pañcahi ākārehi adinnaṁ ādiyantassa āpatti dukkaṭassa.
pli-tv-bu-vb-pj2:6.3.18	Na ca parapariggahitaṁ hoti,
pli-tv-bu-vb-pj2:6.3.19	parapariggahitasaññī ca,
pli-tv-bu-vb-pj2:6.3.20	lahuko ca hoti parikkhāro, māsako vā ūnamāsako vā,
pli-tv-bu-vb-pj2:6.3.21	theyyacittañca paccupaṭṭhitaṁ hoti.
pli-tv-bu-vb-pj2:6.3.22	Āmasati, āpatti dukkaṭassa.
pli-tv-bu-vb-pj2:6.3.23	Phandāpeti, āpatti dukkaṭassa.
pli-tv-bu-vb-pj2:6.3.24	Ṭhānā cāveti, āpatti dukkaṭassa.
pli-tv-bu-vb-pj2:6.4.0	
pli-tv-bu-vb-pj2:6.4.1	Anāpatti—
pli-tv-bu-vb-pj2:6.4.2	sasaññissa,
pli-tv-bu-vb-pj2:6.4.3	vissāsaggāhe,
pli-tv-bu-vb-pj2:6.4.4	tāvakālike,
pli-tv-bu-vb-pj2:6.4.5	petapariggahe,
pli-tv-bu-vb-pj2:6.4.6	tiracchānagatapariggahe,
pli-tv-bu-vb-pj2:6.4.7	paṁsukūlasaññissa,
pli-tv-bu-vb-pj2:6.4.8	ummattakassa,
pli-tv-bu-vb-pj2:6.4.9	khittacittassa
pli-tv-bu-vb-pj2:6.4.10	vedanāṭṭassa
pli-tv-bu-vb-pj2:6.4.11	ādikammikassāti.
pli-tv-bu-vb-pj2:6.4.12	Adinnādānamhi paṭhamabhāṇavāro niṭṭhito.
pli-tv-bu-vb-pj2:6.4.13	2.1. Vinītavatthuuddānagāthā
pli-tv-bu-vb-pj2:6.4.14	Rajakehi pañca akkhātā,
pli-tv-bu-vb-pj2:6.4.15	caturo attharaṇehi ca;
pli-tv-bu-vb-pj2:6.4.16	Andhakārena ve pañca,
pli-tv-bu-vb-pj2:6.4.17	pañca hāraṇakena ca.
pli-tv-bu-vb-pj2:6.4.18	Niruttiyā pañca akkhātā,
pli-tv-bu-vb-pj2:6.4.19	vātehi apare duve;
pli-tv-bu-vb-pj2:6.4.20	Asambhinne kusāpāto,
pli-tv-bu-vb-pj2:6.4.21	jantaggena sahā dasa.
pli-tv-bu-vb-pj2:6.4.22	Vighāsehi pañca akkhātā,
pli-tv-bu-vb-pj2:6.4.23	pañca ceva amūlakā;
pli-tv-bu-vb-pj2:6.4.24	Dubbhikkhe kuramaṁsañca,
pli-tv-bu-vb-pj2:6.4.25	pūvasakkhalimodakā.
pli-tv-bu-vb-pj2:6.4.26	Chaparikkhārathavikā,
pli-tv-bu-vb-pj2:6.4.27	bhisivaṁsā na nikkhame;
pli-tv-bu-vb-pj2:6.4.28	Khādanīyañca vissāsaṁ,
pli-tv-bu-vb-pj2:6.4.29	sasaññāyapare duve.
pli-tv-bu-vb-pj2:6.4.30	Satta nāvaharāmāti,
pli-tv-bu-vb-pj2:6.4.31	satta ceva avāharuṁ;
pli-tv-bu-vb-pj2:6.4.32	Saṅghassa avaharuṁ satta,
pli-tv-bu-vb-pj2:6.4.33	pupphehi apare duve.
pli-tv-bu-vb-pj2:6.4.34	Tayo ca vuttavādino,
pli-tv-bu-vb-pj2:6.4.35	maṇi tīṇi atikkame;
pli-tv-bu-vb-pj2:6.4.36	Sūkarā ca migā macchā,
pli-tv-bu-vb-pj2:6.4.37	yānañcāpi pavattayi.
pli-tv-bu-vb-pj2:6.4.38	Duve pesī duve dārū,
pli-tv-bu-vb-pj2:6.4.39	paṁsukūlaṁ duve dakā;
pli-tv-bu-vb-pj2:6.4.40	Anupubbavidhānena,
pli-tv-bu-vb-pj2:6.4.41	tadañño na paripūrayi.
pli-tv-bu-vb-pj2:6.4.42	Sāvatthiyā caturo muṭṭhī,
pli-tv-bu-vb-pj2:6.4.43	dve vighāsā duve tiṇā;
pli-tv-bu-vb-pj2:6.4.44	Saṅghassa bhājayuṁ satta,
pli-tv-bu-vb-pj2:6.4.45	satta ceva assāmikā.
pli-tv-bu-vb-pj2:6.4.46	Dārudakā mattikā dve tiṇāni,
pli-tv-bu-vb-pj2:6.4.47	Saṅghassa satta avahāsi seyyaṁ;
pli-tv-bu-vb-pj2:6.4.48	Sassāmikaṁ na cāpi nīhareyya,
pli-tv-bu-vb-pj2:6.4.49	Hareyya sassāmikaṁ tāvakālikaṁ.
pli-tv-bu-vb-pj2:6.4.50	Campā rājagahe ceva,
pli-tv-bu-vb-pj2:6.4.51	vesāliyā ca ajjuko;
pli-tv-bu-vb-pj2:6.4.52	Bārāṇasī ca kosambī,
pli-tv-bu-vb-pj2:6.4.53	sāgalā daḷhikena cāti.
pli-tv-bu-vb-pj2:7.1.0	2.2. Vinītavatthu
pli-tv-bu-vb-pj2:7.1.1	Tena kho pana samayena chabbaggiyā bhikkhū rajakattharaṇaṁ gantvā rajakabhaṇḍikaṁ avahariṁsu.
pli-tv-bu-vb-pj2:7.1.2	Tesaṁ kukkuccaṁ ahosi—
pli-tv-bu-vb-pj2:7.1.3	“bhagavatā sikkhāpadaṁ paññattaṁ.
pli-tv-bu-vb-pj2:7.1.4	Kacci nu kho mayaṁ pārājikaṁ āpattiṁ āpannā”ti.
pli-tv-bu-vb-pj2:7.1.5	Bhagavato etamatthaṁ ārocesuṁ.
pli-tv-bu-vb-pj2:7.1.6	“Āpattiṁ tumhe, bhikkhave, āpannā pārājikan”ti.
pli-tv-bu-vb-pj2:7.2.1	Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacittaṁ uppādesi.
pli-tv-bu-vb-pj2:7.2.2	Tassa kukkuccaṁ ahosi—
pli-tv-bu-vb-pj2:7.2.3	“bhagavatā sikkhāpadaṁ paññattaṁ,
pli-tv-bu-vb-pj2:7.2.4	kacci nu kho ahaṁ pārājikaṁ āpattiṁ āpanno”ti?
pli-tv-bu-vb-pj2:7.2.5	Bhagavato etamatthaṁ ārocesi.
pli-tv-bu-vb-pj2:7.2.6	“Anāpatti, bhikkhu, cittuppāde”ti.
pli-tv-bu-vb-pj2:7.2.7	Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacitto āmasi.
pli-tv-bu-vb-pj2:7.2.8	Tassa kukkuccaṁ ahosi …pe…
pli-tv-bu-vb-pj2:7.2.9	“anāpatti, bhikkhu, pārājikassa.
pli-tv-bu-vb-pj2:7.2.10	Āpatti dukkaṭassā”ti.
pli-tv-bu-vb-pj2:7.2.11	Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacitto phandāpesi.
pli-tv-bu-vb-pj2:7.2.12	Tassa kukkuccaṁ ahosi …pe…
pli-tv-bu-vb-pj2:7.2.13	“anāpatti, bhikkhu, pārājikassa.
pli-tv-bu-vb-pj2:7.2.14	Āpatti thullaccayassā”ti.
pli-tv-bu-vb-pj2:7.2.15	Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacitto ṭhānā cāvesi.
pli-tv-bu-vb-pj2:7.2.16	Tassa kukkuccaṁ ahosi …pe…
pli-tv-bu-vb-pj2:7.2.17	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.3.1	Tena kho pana samayena aññataro piṇḍacāriko bhikkhu mahagghaṁ uttarattharaṇaṁ passitvā theyyacittaṁ uppādesi …pe…
pli-tv-bu-vb-pj2:7.3.2	theyyacitto āmasi …pe…
pli-tv-bu-vb-pj2:7.3.3	theyyacitto phandāpesi …pe…
pli-tv-bu-vb-pj2:7.3.4	theyyacitto ṭhānā cāvesi.
pli-tv-bu-vb-pj2:7.3.5	Tassa kukkuccaṁ ahosi …pe…
pli-tv-bu-vb-pj2:7.3.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.4.1	Tena kho pana samayena aññataro bhikkhu divā bhaṇḍaṁ passitvā nimittaṁ akāsi—
pli-tv-bu-vb-pj2:7.4.2	“rattiṁ avaharissāmī”ti.
pli-tv-bu-vb-pj2:7.4.3	So taṁ maññamāno taṁ avahari …pe…
pli-tv-bu-vb-pj2:7.4.4	taṁ maññamāno aññaṁ avahari …pe…
pli-tv-bu-vb-pj2:7.4.5	aññaṁ maññamāno taṁ avahari …pe…
pli-tv-bu-vb-pj2:7.4.6	aññaṁ maññamāno aññaṁ avahari.
pli-tv-bu-vb-pj2:7.4.7	Tassa kukkuccaṁ ahosi …pe…
pli-tv-bu-vb-pj2:7.4.8	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.4.9	Tena kho pana samayena aññataro bhikkhu divā bhaṇḍaṁ passitvā nimittaṁ akāsi—
pli-tv-bu-vb-pj2:7.4.10	“rattiṁ avaharissāmī”ti.
pli-tv-bu-vb-pj2:7.4.11	So taṁ maññamāno attano bhaṇḍaṁ avahari.
pli-tv-bu-vb-pj2:7.4.12	Tassa kukkuccaṁ ahosi …pe…
pli-tv-bu-vb-pj2:7.4.13	“anāpatti, bhikkhu, pārājikassa.
pli-tv-bu-vb-pj2:7.4.14	Āpatti dukkaṭassā”ti.
pli-tv-bu-vb-pj2:7.5.1	Tena kho pana samayena aññataro bhikkhu aññassa bhaṇḍaṁ haranto sīse bhāraṁ theyyacitto āmasi …pe…
pli-tv-bu-vb-pj2:7.5.2	theyyacitto phandāpesi …pe…
pli-tv-bu-vb-pj2:7.5.3	theyyacitto khandhaṁ oropesi …pe…
pli-tv-bu-vb-pj2:7.5.4	khandhe bhāraṁ theyyacitto āmasi …pe…
pli-tv-bu-vb-pj2:7.5.5	theyyacitto phandāpesi …pe…
pli-tv-bu-vb-pj2:7.5.6	theyyacitto kaṭiṁ oropesi …pe…
pli-tv-bu-vb-pj2:7.5.7	kaṭiyā bhāraṁ theyyacitto āmasi …pe…
pli-tv-bu-vb-pj2:7.5.8	theyyacitto phandāpesi …pe…
pli-tv-bu-vb-pj2:7.5.9	theyyacitto hatthena aggahesi …pe…
pli-tv-bu-vb-pj2:7.5.10	hatthe bhāraṁ theyyacitto bhūmiyaṁ nikkhipi …pe…
pli-tv-bu-vb-pj2:7.5.11	theyyacitto bhūmito aggahesi.
pli-tv-bu-vb-pj2:7.5.12	Tassa kukkuccaṁ ahosi …pe…
pli-tv-bu-vb-pj2:7.5.13	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.6.1	Tena kho pana samayena aññataro bhikkhu ajjhokāse cīvaraṁ pattharitvā vihāraṁ pāvisi.
pli-tv-bu-vb-pj2:7.6.2	Aññataro bhikkhu— “māyidaṁ cīvaraṁ nassī”ti, paṭisāmesi.
pli-tv-bu-vb-pj2:7.6.3	So nikkhamitvā taṁ bhikkhuṁ pucchi— “āvuso, mayhaṁ cīvaraṁ kena avahaṭan”ti?
pli-tv-bu-vb-pj2:7.6.4	So evamāha— “mayā avahaṭan”ti.
pli-tv-bu-vb-pj2:7.6.5	“So taṁ ādiyi, assamaṇosi tvan”ti.
pli-tv-bu-vb-pj2:7.6.6	Tassa kukkuccaṁ ahosi …pe….
pli-tv-bu-vb-pj2:7.6.7	Bhagavato etamatthaṁ ārocesi.
pli-tv-bu-vb-pj2:7.6.8	“Kiṁcitto tvaṁ, bhikkhū”ti?
pli-tv-bu-vb-pj2:7.6.9	“Niruttipatho ahaṁ, bhagavā”ti.
pli-tv-bu-vb-pj2:7.6.10	“Anāpatti, bhikkhu, niruttipathe”ti.
pli-tv-bu-vb-pj2:7.6.11	Tena kho pana samayena aññataro bhikkhu pīṭhe cīvaraṁ nikkhipitvā.
pli-tv-bu-vb-pj2:7.6.12	Pīṭhe nisīdanaṁ nikkhipitvā …
pli-tv-bu-vb-pj2:7.6.13	heṭṭhāpīṭhe pattaṁ nikkhipitvā vihāraṁ pāvisi.
pli-tv-bu-vb-pj2:7.6.14	Aññataro bhikkhu— “māyaṁ patto nassī”ti paṭisāmesi.
pli-tv-bu-vb-pj2:7.6.15	So nikkhamitvā taṁ bhikkhuṁ pucchi— “āvuso, mayhaṁ patto kena avahaṭo”ti?
pli-tv-bu-vb-pj2:7.6.16	So evamāha— “mayā avahaṭo”ti.
pli-tv-bu-vb-pj2:7.6.17	So taṁ ādiyi, “assamaṇosi tvan”ti.
pli-tv-bu-vb-pj2:7.6.18	Tassa kukkuccaṁ ahosi …pe…
pli-tv-bu-vb-pj2:7.6.19	“anāpatti, bhikkhu, niruttipathe”ti.
pli-tv-bu-vb-pj2:7.6.20	Tena kho pana samayena aññatarā bhikkhunī vatiyā cīvaraṁ pattharitvā vihāraṁ pāvisi.
pli-tv-bu-vb-pj2:7.6.21	Aññatarā bhikkhunī— “māyidaṁ cīvaraṁ nassī”ti paṭisāmesi.
pli-tv-bu-vb-pj2:7.6.22	Sā nikkhamitvā taṁ bhikkhuniṁ pucchi—
pli-tv-bu-vb-pj2:7.6.23	“ayye, mayhaṁ cīvaraṁ kena avahaṭan”ti?
pli-tv-bu-vb-pj2:7.6.24	Sā evamāha— “mayā avahaṭan”ti.
pli-tv-bu-vb-pj2:7.6.25	“Sā taṁ ādiyi, assamaṇīsi tvan”ti.
pli-tv-bu-vb-pj2:7.6.26	Tassā kukkuccaṁ ahosi …pe….
pli-tv-bu-vb-pj2:7.6.27	Atha kho sā bhikkhunī bhikkhunīnaṁ etamatthaṁ ārocesi.
pli-tv-bu-vb-pj2:7.6.28	Bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pj2:7.6.29	Bhikkhū bhagavato etamatthaṁ ārocesuṁ …pe…
pli-tv-bu-vb-pj2:7.6.30	“anāpatti, bhikkhave, niruttipathe”ti.
pli-tv-bu-vb-pj2:7.7.1	Tena kho pana samayena aññataro bhikkhu vātamaṇḍalikāya ukkhittaṁ sāṭakaṁ passitvā sāmikānaṁ dassāmīti, aggahesi.
pli-tv-bu-vb-pj2:7.7.2	Sāmikā taṁ bhikkhuṁ codesuṁ—
pli-tv-bu-vb-pj2:7.7.3	“assamaṇosi tvan”ti.
pli-tv-bu-vb-pj2:7.7.4	Tassa kukkuccaṁ ahosi …pe…
pli-tv-bu-vb-pj2:7.7.5	“kiṁcitto tvaṁ, bhikkhū”ti?
pli-tv-bu-vb-pj2:7.7.6	“Atheyyacitto ahaṁ, bhagavā”ti.
pli-tv-bu-vb-pj2:7.7.7	“Anāpatti, bhikkhu, atheyyacittassā”ti.
pli-tv-bu-vb-pj2:7.7.8	Tena kho pana samayena aññataro bhikkhu vātamaṇḍalikāya ukkhittaṁ veṭhanaṁ passitvā—
pli-tv-bu-vb-pj2:7.7.9	“pure sāmikā passantī”ti theyyacitto aggahesi.
pli-tv-bu-vb-pj2:7.7.10	Sāmikā taṁ bhikkhuṁ codesuṁ—
pli-tv-bu-vb-pj2:7.7.11	“assamaṇosi tvan”ti.
pli-tv-bu-vb-pj2:7.7.12	Tassa kukkuccaṁ ahosi …pe…
pli-tv-bu-vb-pj2:7.7.13	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.8.1	Tena kho pana samayena aññataro bhikkhu susānaṁ gantvā abhinne sarīre paṁsukūlaṁ aggahesi.
pli-tv-bu-vb-pj2:7.8.2	Tasmiñca sarīre peto adhivattho hoti.
pli-tv-bu-vb-pj2:7.8.3	Atha kho so peto taṁ bhikkhuṁ etadavoca—
pli-tv-bu-vb-pj2:7.8.4	“mā, bhante, mayhaṁ sāṭakaṁ aggahesī”ti.
pli-tv-bu-vb-pj2:7.8.5	So bhikkhu anādiyanto agamāsi.
pli-tv-bu-vb-pj2:7.8.6	Atha kho taṁ sarīraṁ uṭṭhahitvā tassa bhikkhuno piṭṭhito piṭṭhito anubandhi.
pli-tv-bu-vb-pj2:7.8.7	Atha kho so bhikkhu vihāraṁ pavisitvā dvāraṁ thakesi.
pli-tv-bu-vb-pj2:7.8.8	Atha kho taṁ sarīraṁ tattheva paripati.
pli-tv-bu-vb-pj2:7.8.9	Tassa kukkuccaṁ ahosi …pe…
pli-tv-bu-vb-pj2:7.8.10	“anāpatti, bhikkhu, pārājikassa.
pli-tv-bu-vb-pj2:7.8.11	Na ca, bhikkhave, abhinne sarīre paṁsukūlaṁ gahetabbaṁ.
pli-tv-bu-vb-pj2:7.8.12	Yo gaṇheyya, āpatti dukkaṭassā”ti.
pli-tv-bu-vb-pj2:7.9.1	Tena kho pana samayena aññataro bhikkhu saṅghassa cīvare bhājīyamāne theyyacitto kusaṁ saṅkāmetvā cīvaraṁ aggahesi.
pli-tv-bu-vb-pj2:7.9.2	Tassa kukkuccaṁ ahosi …pe…
pli-tv-bu-vb-pj2:7.9.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.10.1	Tena kho pana samayena āyasmā ānando jantāghare aññatarassa bhikkhuno antaravāsakaṁ attano maññamāno nivāsesi.
pli-tv-bu-vb-pj2:7.10.2	Atha kho so bhikkhu āyasmantaṁ ānandaṁ etadavoca—
pli-tv-bu-vb-pj2:7.10.3	“kissa me tvaṁ, āvuso ānanda, antaravāsakaṁ nivāsesī”ti?
pli-tv-bu-vb-pj2:7.10.4	“Sakasaññī ahaṁ, āvuso”ti.
pli-tv-bu-vb-pj2:7.10.5	Bhagavato etamatthaṁ ārocesuṁ.
pli-tv-bu-vb-pj2:7.10.6	“Anāpatti, bhikkhave, sakasaññissā”ti.
pli-tv-bu-vb-pj2:7.11.1	Tena kho pana samayena sambahulā bhikkhū gijjhakūṭā pabbatā orohantā sīhavighāsaṁ passitvā pacāpetvā paribhuñjiṁsu.
pli-tv-bu-vb-pj2:7.11.2	Tesaṁ kukkuccaṁ ahosi …pe…
pli-tv-bu-vb-pj2:7.11.3	“anāpatti, bhikkhave, sīhavighāse”ti.
pli-tv-bu-vb-pj2:7.11.4	Tena kho pana samayena sambahulā bhikkhū gijjhakūṭā pabbatā orohantā byagghavighāsaṁ passitvā …
pli-tv-bu-vb-pj2:7.11.5	dīpivighāsaṁ passitvā …
pli-tv-bu-vb-pj2:7.11.6	taracchavighāsaṁ passitvā …
pli-tv-bu-vb-pj2:7.11.7	kokavighāsaṁ passitvā pacāpetvā paribhuñjiṁsu.
pli-tv-bu-vb-pj2:7.11.8	Tesaṁ kukkuccaṁ ahosi …pe…
pli-tv-bu-vb-pj2:7.11.9	“anāpatti, bhikkhave, tiracchānagatapariggahe”ti.
pli-tv-bu-vb-pj2:7.12.1	Tena kho pana samayena aññataro bhikkhu saṅghassa odane bhājīyamāne—
pli-tv-bu-vb-pj2:7.12.2	“aparassa bhāgaṁ dehī”ti amūlakaṁ aggahesi.
pli-tv-bu-vb-pj2:7.12.3	Tassa kukkuccaṁ ahosi …pe…
pli-tv-bu-vb-pj2:7.12.4	“anāpatti, bhikkhu, pārājikassa.
pli-tv-bu-vb-pj2:7.12.5	Āpatti sampajānamusāvāde pācittiyassā”ti.
pli-tv-bu-vb-pj2:7.12.6	Tena kho pana samayena aññataro bhikkhu saṅghassa khādanīye bhājīyamāne …
pli-tv-bu-vb-pj2:7.12.7	saṅghassa pūve bhājīyamāne …
pli-tv-bu-vb-pj2:7.12.8	saṅghassa ucchumhi bhājīyamāne …
pli-tv-bu-vb-pj2:7.12.9	saṅghassa timbarūsake bhājīyamāne—
pli-tv-bu-vb-pj2:7.12.10	“aparassa bhāgaṁ dehī”ti amūlakaṁ aggahesi.
pli-tv-bu-vb-pj2:7.12.11	Tassa kukkuccaṁ ahosi …pe….
pli-tv-bu-vb-pj2:7.12.12	“Anāpatti, bhikkhu, pārājikassa.
pli-tv-bu-vb-pj2:7.12.13	Āpatti sampajānamusāvāde pācittiyassā”ti.
pli-tv-bu-vb-pj2:7.13.1	Tena kho pana samayena aññataro bhikkhu dubbhikkhe odanīyagharaṁ pavisitvā pattapūraṁ odanaṁ theyyacitto avahari.
pli-tv-bu-vb-pj2:7.13.2	Tassa kukkuccaṁ ahosi …pe…
pli-tv-bu-vb-pj2:7.13.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.13.4	Tena kho pana samayena aññataro bhikkhu dubbhikkhe sūnagharaṁ pavisitvā pattapūraṁ maṁsaṁ theyyacitto avahari.
pli-tv-bu-vb-pj2:7.13.5	Tassa kukkuccaṁ ahosi …pe…
pli-tv-bu-vb-pj2:7.13.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.13.7	Tena kho pana samayena aññataro bhikkhu dubbhikkhe pūvagharaṁ pavisitvā pattapūraṁ pūvaṁ theyyacitto avahari …pe…
pli-tv-bu-vb-pj2:7.13.8	pattapūrā sakkhaliyo theyyacitto avahari …pe…
pli-tv-bu-vb-pj2:7.13.9	pattapūre modake theyyacitto avahari.
pli-tv-bu-vb-pj2:7.13.10	Tassa kukkuccaṁ ahosi …pe…
pli-tv-bu-vb-pj2:7.13.11	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.14.1	Tena kho pana samayena aññataro bhikkhu divā parikkhāraṁ passitvā nimittaṁ akāsi—
pli-tv-bu-vb-pj2:7.14.2	“rattiṁ avaharissāmī”ti.
pli-tv-bu-vb-pj2:7.14.3	So taṁ maññamāno taṁ avahari …pe…
pli-tv-bu-vb-pj2:7.14.4	taṁ maññamāno aññaṁ avahari …pe…
pli-tv-bu-vb-pj2:7.14.5	aññaṁ maññamāno taṁ avahari …pe…
pli-tv-bu-vb-pj2:7.14.6	aññaṁ maññamāno aññaṁ avahari.
pli-tv-bu-vb-pj2:7.14.7	Tassa kukkuccaṁ ahosi …pe…
pli-tv-bu-vb-pj2:7.14.8	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.14.9	Tena kho pana samayena aññataro bhikkhu divā parikkhāraṁ passitvā nimittaṁ akāsi—
pli-tv-bu-vb-pj2:7.14.10	“rattiṁ avaharissāmī”ti.
pli-tv-bu-vb-pj2:7.14.11	So taṁ maññamāno attano parikkhāraṁ avahari.
pli-tv-bu-vb-pj2:7.14.12	Tassa kukkuccaṁ ahosi …pe…
pli-tv-bu-vb-pj2:7.14.13	“anāpatti, bhikkhu, pārājikassa.
pli-tv-bu-vb-pj2:7.14.14	Āpatti dukkaṭassā”ti.
pli-tv-bu-vb-pj2:7.15.1	Tena kho pana samayena aññataro bhikkhu pīṭhe thavikaṁ passitvā—
pli-tv-bu-vb-pj2:7.15.2	“ito gaṇhanto pārājiko bhavissāmī”ti saha pīṭhakena saṅkāmetvā aggahesi.
pli-tv-bu-vb-pj2:7.15.3	Tassa kukkuccaṁ ahosi …pe…
pli-tv-bu-vb-pj2:7.15.4	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.16.1	Tena kho pana samayena aññataro bhikkhu saṅghassa bhisiṁ theyyacitto avahari.
pli-tv-bu-vb-pj2:7.16.2	Tassa kukkuccaṁ ahosi …pe…
pli-tv-bu-vb-pj2:7.16.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.17.1	Tena kho pana samayena aññataro bhikkhu cīvaravaṁse cīvaraṁ theyyacitto avahari.
pli-tv-bu-vb-pj2:7.17.2	Tassa kukkuccaṁ ahosi …pe…
pli-tv-bu-vb-pj2:7.17.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.18.1	Tena kho pana samayena aññataro bhikkhu vihāre cīvaraṁ avaharitvā—
pli-tv-bu-vb-pj2:7.18.2	“ito nikkhamanto pārājiko bhavissāmī”ti vihārā na nikkhami …pe…
pli-tv-bu-vb-pj2:7.18.3	bhagavato etamatthaṁ ārocesuṁ.
pli-tv-bu-vb-pj2:7.18.4	“Nikkhami vā so, bhikkhave, moghapuriso na vā nikkhami, āpatti pārājikassā”ti.
pli-tv-bu-vb-pj2:7.19.1	Tena kho pana samayena dve bhikkhū sahāyakā honti.
pli-tv-bu-vb-pj2:7.19.2	Eko bhikkhu gāmaṁ piṇḍāya pāvisi.
pli-tv-bu-vb-pj2:7.19.3	Dutiyo bhikkhu saṅghassa khādanīye bhājīyamāne sahāyakassa bhāgaṁ gahetvā.
pli-tv-bu-vb-pj2:7.19.4	tassa vissasanto paribhuñji.
pli-tv-bu-vb-pj2:7.19.5	So jānitvā taṁ codesi—
pli-tv-bu-vb-pj2:7.19.6	“assamaṇosi tvan”ti.
pli-tv-bu-vb-pj2:7.19.7	Tassa kukkuccaṁ ahosi …pe…
pli-tv-bu-vb-pj2:7.19.8	“kiṁcitto tvaṁ, bhikkhū”ti?
pli-tv-bu-vb-pj2:7.19.9	“Vissāsaggāho ahaṁ, bhagavā”ti.
pli-tv-bu-vb-pj2:7.19.10	“Anāpatti, bhikkhu, vissāsaggāhe”ti.
pli-tv-bu-vb-pj2:7.20.1	Tena kho pana samayena sambahulā bhikkhū cīvarakammaṁ karonti.
pli-tv-bu-vb-pj2:7.20.2	Saṅghassa khādanīye bhājīyamāne sabbesaṁ paṭivisā āharitvā upanikkhittā honti.
pli-tv-bu-vb-pj2:7.20.3	Aññataro bhikkhu aññatarassa bhikkhuno paṭivisaṁ attano maññamāno paribhuñji.
pli-tv-bu-vb-pj2:7.20.4	So jānitvā taṁ codesi—
pli-tv-bu-vb-pj2:7.20.5	“assamaṇosi tvan”ti.
pli-tv-bu-vb-pj2:7.20.6	Tassa kukkuccaṁ ahosi …pe…
pli-tv-bu-vb-pj2:7.20.7	“kiṁcitto tvaṁ, bhikkhū”ti?
pli-tv-bu-vb-pj2:7.20.8	“Sakasaññī ahaṁ, bhagavā”ti.
pli-tv-bu-vb-pj2:7.20.9	“Anāpatti, bhikkhu, sakasaññissā”ti.
pli-tv-bu-vb-pj2:7.20.10	Tena kho pana samayena sambahulā bhikkhū cīvarakammaṁ karonti.
pli-tv-bu-vb-pj2:7.20.11	Saṅghassa khādanīye bhājīyamāne aññatarassa bhikkhuno pattena aññatarassa bhikkhuno paṭiviso āharitvā upanikkhitto hoti.
pli-tv-bu-vb-pj2:7.20.12	Pattasāmiko bhikkhu attano maññamāno paribhuñji.
pli-tv-bu-vb-pj2:7.20.13	So jānitvā taṁ codesi—
pli-tv-bu-vb-pj2:7.20.14	“assamaṇosi tvan”ti.
pli-tv-bu-vb-pj2:7.20.15	Tassa kukkuccaṁ ahosi …pe…
pli-tv-bu-vb-pj2:7.20.16	“anāpatti, bhikkhu, sakasaññissā”ti.
pli-tv-bu-vb-pj2:7.21.1	Tena kho pana samayena ambacorakā ambaṁ pātetvā bhaṇḍikaṁ ādāya agamaṁsu.
pli-tv-bu-vb-pj2:7.21.2	Sāmikā te corake anubandhiṁsu.
pli-tv-bu-vb-pj2:7.21.3	Corakā sāmike passitvā bhaṇḍikaṁ pātetvā palāyiṁsu.
pli-tv-bu-vb-pj2:7.21.4	Bhikkhū paṁsukūlasaññino paṭiggahāpetvā paribhuñjiṁsu.
pli-tv-bu-vb-pj2:7.21.5	Sāmikā te bhikkhū codesuṁ—
pli-tv-bu-vb-pj2:7.21.6	“assamaṇāttha tumhe”ti.
pli-tv-bu-vb-pj2:7.21.7	Tesaṁ kukkuccaṁ ahosi …pe…
pli-tv-bu-vb-pj2:7.21.8	bhagavato etamatthaṁ ārocesuṁ.
pli-tv-bu-vb-pj2:7.21.9	“Kiṁcittā tumhe, bhikkhave”ti?
pli-tv-bu-vb-pj2:7.21.10	“Paṁsukūlasaññino mayaṁ, bhagavā”ti.
pli-tv-bu-vb-pj2:7.21.11	“Anāpatti, bhikkhave, paṁsukūlasaññissā”ti.
pli-tv-bu-vb-pj2:7.21.12	Tena kho pana samayena jambucorakā …
pli-tv-bu-vb-pj2:7.21.13	labujacorakā …
pli-tv-bu-vb-pj2:7.21.14	panasacorakā …
pli-tv-bu-vb-pj2:7.21.15	tālapakkacorakā …
pli-tv-bu-vb-pj2:7.21.16	ucchucorakā …
pli-tv-bu-vb-pj2:7.21.17	timbarūsakacorakā timbarūsake uccinitvā bhaṇḍikaṁ ādāya agamaṁsu.
pli-tv-bu-vb-pj2:7.21.18	Sāmikā te corake anubandhiṁsu.
pli-tv-bu-vb-pj2:7.21.19	Corakā sāmike passitvā bhaṇḍikaṁ pātetvā palāyiṁsu.
pli-tv-bu-vb-pj2:7.21.20	Bhikkhū paṁsukūlasaññino paṭiggahāpetvā paribhuñjiṁsu.
pli-tv-bu-vb-pj2:7.21.21	Sāmikā te bhikkhū codesuṁ—
pli-tv-bu-vb-pj2:7.21.22	“assamaṇāttha tumhe”ti.
pli-tv-bu-vb-pj2:7.21.23	Tesaṁ kukkuccaṁ ahosi …pe…
pli-tv-bu-vb-pj2:7.21.24	“anāpatti, bhikkhave, paṁsukūlasaññissā”ti.
pli-tv-bu-vb-pj2:7.22.1	Tena kho pana samayena ambacorakā ambaṁ pātetvā bhaṇḍikaṁ ādāya agamaṁsu.
pli-tv-bu-vb-pj2:7.22.2	Sāmikā te corake anubandhiṁsu.
pli-tv-bu-vb-pj2:7.22.3	Corakā sāmike passitvā bhaṇḍikaṁ pātetvā palāyiṁsu.
pli-tv-bu-vb-pj2:7.22.4	Bhikkhū—“pure sāmikā passantī”ti, theyyacittā paribhuñjiṁsu.
pli-tv-bu-vb-pj2:7.22.5	Sāmikā te bhikkhū codesuṁ—
pli-tv-bu-vb-pj2:7.22.6	“assamaṇāttha tumhe”ti.
pli-tv-bu-vb-pj2:7.22.7	Tesaṁ kukkuccaṁ ahosi …pe…
pli-tv-bu-vb-pj2:7.22.8	“āpattiṁ tumhe, bhikkhave, āpannā pārājikan”ti.
pli-tv-bu-vb-pj2:7.22.9	Tena kho pana samayena jambucorakā …
pli-tv-bu-vb-pj2:7.22.10	labujacorakā …
pli-tv-bu-vb-pj2:7.22.11	panasacorakā …
pli-tv-bu-vb-pj2:7.22.12	tālapakkacorakā …
pli-tv-bu-vb-pj2:7.22.13	ucchucorakā …
pli-tv-bu-vb-pj2:7.22.14	timbarūsakacorakā timbarūsake uccinitvā bhaṇḍikaṁ ādāya agamaṁsu.
pli-tv-bu-vb-pj2:7.22.15	Sāmikā te corake anubandhiṁsu.
pli-tv-bu-vb-pj2:7.22.16	Corakā sāmike passitvā bhaṇḍikaṁ pātetvā palāyiṁsu.
pli-tv-bu-vb-pj2:7.22.17	Bhikkhū—“pure sāmikā passantī”ti, theyyacittā paribhuñjiṁsu.
pli-tv-bu-vb-pj2:7.22.18	Sāmikā te bhikkhū codesuṁ—
pli-tv-bu-vb-pj2:7.22.19	“assamaṇāttha tumhe”ti.
pli-tv-bu-vb-pj2:7.22.20	Tesaṁ kukkuccaṁ ahosi …pe…
pli-tv-bu-vb-pj2:7.22.21	“āpattiṁ tumhe, bhikkhave, āpannā pārājikan”ti.
pli-tv-bu-vb-pj2:7.23.1	Tena kho pana samayena aññataro bhikkhu saṅghassa ambaṁ theyyacitto avahari …
pli-tv-bu-vb-pj2:7.23.2	saṅghassa jambuṁ …
pli-tv-bu-vb-pj2:7.23.3	saṅghassa labujaṁ …
pli-tv-bu-vb-pj2:7.23.4	saṅghassa panasaṁ …
pli-tv-bu-vb-pj2:7.23.5	saṅghassa tālapakkaṁ …
pli-tv-bu-vb-pj2:7.23.6	saṅghassa ucchuṁ …
pli-tv-bu-vb-pj2:7.23.7	saṅghassa timbarūsakaṁ theyyacitto avahari.
pli-tv-bu-vb-pj2:7.23.8	Tassa kukkuccaṁ ahosi …pe…
pli-tv-bu-vb-pj2:7.23.9	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.24.1	Tena kho pana samayena aññataro bhikkhu pupphārāmaṁ gantvā ocitaṁ pupphaṁ pañcamāsagghanakaṁ theyyacitto avahari.
pli-tv-bu-vb-pj2:7.24.2	Tassa kukkuccaṁ ahosi …pe…
pli-tv-bu-vb-pj2:7.24.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.24.4	Tena kho pana samayena aññataro bhikkhu pupphārāmaṁ gantvā pupphaṁ ocinitvā pañcamāsagghanakaṁ theyyacitto avahari.
pli-tv-bu-vb-pj2:7.24.5	Tassa kukkuccaṁ ahosi …pe…
pli-tv-bu-vb-pj2:7.24.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.25.1	Tena kho pana samayena aññataro bhikkhu gāmakaṁ gacchanto aññataraṁ bhikkhuṁ etadavoca—
pli-tv-bu-vb-pj2:7.25.2	“āvuso, tuyhaṁ upaṭṭhākakulaṁ vutto vajjemī”ti.
pli-tv-bu-vb-pj2:7.25.3	So gantvā ekaṁ sāṭakaṁ āharāpetvā attanā paribhuñji.
pli-tv-bu-vb-pj2:7.25.4	So jānitvā taṁ codesi—
pli-tv-bu-vb-pj2:7.25.5	“assamaṇosi tvan”ti.
pli-tv-bu-vb-pj2:7.25.6	Tassa kukkuccaṁ ahosi …pe…
pli-tv-bu-vb-pj2:7.25.7	“anāpatti, bhikkhu, pārājikassa.
pli-tv-bu-vb-pj2:7.25.8	Na ca, bhikkhave, vutto vajjemīti vattabbo.
pli-tv-bu-vb-pj2:7.25.9	Yo vadeyya, āpatti dukkaṭassā”ti.
pli-tv-bu-vb-pj2:7.25.10	Tena kho pana samayena aññataro bhikkhu gāmakaṁ gacchati.
pli-tv-bu-vb-pj2:7.25.11	Aññataro bhikkhu taṁ bhikkhuṁ etadavoca—
pli-tv-bu-vb-pj2:7.25.12	“āvuso, mayhaṁ upaṭṭhākakulaṁ vutto vajjehī”ti.
pli-tv-bu-vb-pj2:7.25.13	So gantvā yugasāṭakaṁ āharāpetvā ekaṁ attanā paribhuñji, ekaṁ tassa bhikkhuno adāsi.
pli-tv-bu-vb-pj2:7.25.14	So jānitvā taṁ codesi—
pli-tv-bu-vb-pj2:7.25.15	“assamaṇosi tvan”ti.
pli-tv-bu-vb-pj2:7.25.16	Tassa kukkuccaṁ ahosi …pe…
pli-tv-bu-vb-pj2:7.25.17	“anāpatti, bhikkhu, pārājikassa.
pli-tv-bu-vb-pj2:7.25.18	Na ca, bhikkhave, vutto vajjehīti vattabbo.
pli-tv-bu-vb-pj2:7.25.19	Yo vadeyya, āpatti dukkaṭassā”ti.
pli-tv-bu-vb-pj2:7.25.20	Tena kho pana samayena aññataro bhikkhu gāmakaṁ gacchanto aññataraṁ bhikkhuṁ etadavoca—
pli-tv-bu-vb-pj2:7.25.21	“āvuso, tuyhaṁ upaṭṭhākakulaṁ vutto vajjemī”ti.
pli-tv-bu-vb-pj2:7.25.22	Sopi evamāha—
pli-tv-bu-vb-pj2:7.25.23	“vutto vajjehī”ti.
pli-tv-bu-vb-pj2:7.25.24	So gantvā āḷhakaṁ sappiṁ tulaṁ guḷaṁ doṇaṁ taṇḍulaṁ āharāpetvā attanā paribhuñji.
pli-tv-bu-vb-pj2:7.25.25	So jānitvā taṁ codesi—
pli-tv-bu-vb-pj2:7.25.26	“assamaṇosi tvan”ti.
pli-tv-bu-vb-pj2:7.25.27	Tassa kukkuccaṁ ahosi …pe…
pli-tv-bu-vb-pj2:7.25.28	“anāpatti, bhikkhu, pārājikassa.
pli-tv-bu-vb-pj2:7.25.29	Na ca, bhikkhave, vutto vajjemīti vattabbo, na ca vutto vajjehīti vattabbo.
pli-tv-bu-vb-pj2:7.25.30	Yo vadeyya, āpatti dukkaṭassā”ti.
pli-tv-bu-vb-pj2:7.26.1	Tena kho pana samayena aññataro puriso mahagghaṁ maṇiṁ ādāya aññatarena bhikkhunā saddhiṁ addhānamaggappaṭipanno hoti.
pli-tv-bu-vb-pj2:7.26.2	Atha kho so puriso suṅkaṭṭhānaṁ passitvā tassa bhikkhuno ajānantassa thavikāya maṇiṁ pakkhipitvā suṅkaṭṭhānaṁ atikkamitvā aggahesi.
pli-tv-bu-vb-pj2:7.26.3	Tassa kukkuccaṁ ahosi …pe…
pli-tv-bu-vb-pj2:7.26.4	“kiṁcitto tvaṁ, bhikkhū”ti?
pli-tv-bu-vb-pj2:7.26.5	“Nāhaṁ, bhagavā, jānāmī”ti.
pli-tv-bu-vb-pj2:7.26.6	“Anāpatti, bhikkhu, ajānantassā”ti.
pli-tv-bu-vb-pj2:7.26.7	Tena kho pana samayena aññataro puriso mahagghaṁ maṇiṁ ādāya aññatarena bhikkhunā saddhiṁ addhānamaggappaṭipanno hoti.
pli-tv-bu-vb-pj2:7.26.8	Atha kho so puriso suṅkaṭṭhānaṁ passitvā gilānālayaṁ karitvā attano bhaṇḍikaṁ tassa bhikkhuno adāsi.
pli-tv-bu-vb-pj2:7.26.9	Atha kho so puriso suṅkaṭṭhānaṁ atikkamitvā taṁ bhikkhuṁ etadavoca—
pli-tv-bu-vb-pj2:7.26.10	“āhara me, bhante, bhaṇḍikaṁ; nāhaṁ akallako”ti.
pli-tv-bu-vb-pj2:7.26.11	“Kissa pana tvaṁ, āvuso, evarūpaṁ akāsī”ti?
pli-tv-bu-vb-pj2:7.26.12	Atha kho so puriso tassa bhikkhuno etamatthaṁ ārocesi.
pli-tv-bu-vb-pj2:7.26.13	Tassa kukkuccaṁ ahosi …pe…
pli-tv-bu-vb-pj2:7.26.14	“kiṁcitto tvaṁ, bhikkhū”ti?
pli-tv-bu-vb-pj2:7.26.15	“Nāhaṁ, bhagavā, jānāmī”ti.
pli-tv-bu-vb-pj2:7.26.16	“Anāpatti, bhikkhu, ajānantassā”ti.
pli-tv-bu-vb-pj2:7.26.17	Tena kho pana samayena aññataro bhikkhu satthena saddhiṁ addhānamaggappaṭipanno hoti.
pli-tv-bu-vb-pj2:7.26.18	Aññataro puriso taṁ bhikkhuṁ āmisena upalāpetvā suṅkaṭṭhānaṁ passitvā mahagghaṁ maṇiṁ tassa bhikkhuno adāsi—
pli-tv-bu-vb-pj2:7.26.19	“imaṁ, bhante, maṇiṁ suṅkaṭṭhānaṁ atikkāmehī”ti.
pli-tv-bu-vb-pj2:7.26.20	Atha kho so bhikkhu taṁ maṇiṁ suṅkaṭṭhānaṁ atikkāmesi.
pli-tv-bu-vb-pj2:7.26.21	Tassa kukkuccaṁ ahosi …pe…
pli-tv-bu-vb-pj2:7.26.22	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.27.1	Tena kho pana samayena aññataro bhikkhu pāse bandhaṁ sūkaraṁ kāruññena muñci.
pli-tv-bu-vb-pj2:7.27.2	Tassa kukkuccaṁ ahosi …pe…
pli-tv-bu-vb-pj2:7.27.3	“kiṁcitto tvaṁ, bhikkhū”ti?
pli-tv-bu-vb-pj2:7.27.4	“Kāruññādhippāyo ahaṁ, bhagavā”ti.
pli-tv-bu-vb-pj2:7.27.5	“Anāpatti, bhikkhu, kāruññādhippāyassā”ti.
pli-tv-bu-vb-pj2:7.27.6	Tena kho pana samayena aññataro bhikkhu pāse bandhaṁ sūkaraṁ—
pli-tv-bu-vb-pj2:7.27.7	“pure sāmikā passantī”ti, theyyacitto muñci.
pli-tv-bu-vb-pj2:7.27.8	Tassa kukkuccaṁ ahosi …pe…
pli-tv-bu-vb-pj2:7.27.9	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.27.10	Tena kho pana samayena aññataro bhikkhu pāse bandhaṁ migaṁ kāruññena muñci …
pli-tv-bu-vb-pj2:7.27.11	pāse bandhaṁ migaṁ—
pli-tv-bu-vb-pj2:7.27.12	“pure sāmikā passantī”ti, theyyacitto muñci …
pli-tv-bu-vb-pj2:7.27.13	kumine bandhe macche kāruññena muñci …
pli-tv-bu-vb-pj2:7.27.14	kumine bandhe macche—
pli-tv-bu-vb-pj2:7.27.15	“pure sāmikā passantī”ti theyyacitto muñci.
pli-tv-bu-vb-pj2:7.27.16	Tassa kukkuccaṁ ahosi …pe…
pli-tv-bu-vb-pj2:7.27.17	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.28.1	Tena kho pana samayena aññataro bhikkhu yāne bhaṇḍaṁ passitvā—
pli-tv-bu-vb-pj2:7.28.2	“ito gaṇhanto pārājiko bhavissāmī”ti,
pli-tv-bu-vb-pj2:7.28.3	atikkamitvā pavaṭṭetvā aggahesi.
pli-tv-bu-vb-pj2:7.28.4	Tassa kukkuccaṁ ahosi …pe…
pli-tv-bu-vb-pj2:7.28.5	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.29.1	Tena kho pana samayena aññataro bhikkhu kulalena ukkhittaṁ maṁsapesiṁ—
pli-tv-bu-vb-pj2:7.29.2	“sāmikānaṁ dassāmī”ti aggahesi.
pli-tv-bu-vb-pj2:7.29.3	Sāmikā taṁ bhikkhuṁ codesuṁ—
pli-tv-bu-vb-pj2:7.29.4	“assamaṇosi tvan”ti.
pli-tv-bu-vb-pj2:7.29.5	Tassa kukkuccaṁ ahosi …pe…
pli-tv-bu-vb-pj2:7.29.6	“anāpatti, bhikkhu, atheyyacittassā”ti.
pli-tv-bu-vb-pj2:7.29.7	Tena kho pana samayena aññataro bhikkhu kulalena ukkhittaṁ maṁsapesiṁ—
pli-tv-bu-vb-pj2:7.29.8	“pure sāmikā passantī”ti, theyyacitto aggahesi.
pli-tv-bu-vb-pj2:7.29.9	Sāmikā taṁ bhikkhuṁ codesuṁ—
pli-tv-bu-vb-pj2:7.29.10	“assamaṇosi tvan”ti.
pli-tv-bu-vb-pj2:7.29.11	Tassa kukkuccaṁ ahosi …pe…
pli-tv-bu-vb-pj2:7.29.12	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.30.1	Tena kho pana samayena manussā uḷumpaṁ bandhitvā aciravatiyā nadiyā osārenti.
pli-tv-bu-vb-pj2:7.30.2	Bandhane chinne kaṭṭhāni vippakiṇṇāni agamaṁsu.
pli-tv-bu-vb-pj2:7.30.3	Bhikkhū paṁsukūlasaññino uttāresuṁ.
pli-tv-bu-vb-pj2:7.30.4	Sāmikā te bhikkhū codesuṁ—
pli-tv-bu-vb-pj2:7.30.5	“assamaṇāttha tumhe”ti.
pli-tv-bu-vb-pj2:7.30.6	Tesaṁ kukkuccaṁ ahosi …pe…
pli-tv-bu-vb-pj2:7.30.7	“anāpatti, bhikkhave, paṁsukūlasaññissā”ti.
pli-tv-bu-vb-pj2:7.30.8	Tena kho pana samayena manussā uḷumpaṁ bandhitvā aciravatiyā nadiyā osārenti.
pli-tv-bu-vb-pj2:7.30.9	Bandhane chinne kaṭṭhāni vippakiṇṇāni agamaṁsu.
pli-tv-bu-vb-pj2:7.30.10	Bhikkhū—“pure sāmikā passantī”ti, theyyacittā uttāresuṁ.
pli-tv-bu-vb-pj2:7.30.11	Sāmikā te bhikkhū codesuṁ—
pli-tv-bu-vb-pj2:7.30.12	“assamaṇāttha tumhe”ti.
pli-tv-bu-vb-pj2:7.30.13	Tesaṁ kukkuccaṁ ahosi …pe…
pli-tv-bu-vb-pj2:7.30.14	“āpattiṁ tumhe, bhikkhave, āpannā pārājikan”ti.
pli-tv-bu-vb-pj2:7.31.1	Tena kho pana samayena aññataro gopālako rukkhe sāṭakaṁ ālaggetvā uccāraṁ agamāsi.
pli-tv-bu-vb-pj2:7.31.2	Aññataro bhikkhu paṁsukūlasaññī aggahesi.
pli-tv-bu-vb-pj2:7.31.3	Atha kho so gopālako taṁ bhikkhuṁ codesi—
pli-tv-bu-vb-pj2:7.31.4	“assamaṇosi tvan”ti.
pli-tv-bu-vb-pj2:7.31.5	Tassa kukkuccaṁ ahosi …pe…
pli-tv-bu-vb-pj2:7.31.6	“anāpatti, bhikkhu, paṁsukūlasaññissā”ti.
pli-tv-bu-vb-pj2:7.32.1	Tena kho pana samayena aññatarassa bhikkhuno nadiṁ tarantassa rajakānaṁ hatthato muttaṁ sāṭakaṁ pāde laggaṁ hoti.
pli-tv-bu-vb-pj2:7.32.2	So bhikkhu—“sāmikānaṁ dassāmī”ti aggahesi.
pli-tv-bu-vb-pj2:7.32.3	Sāmikā taṁ bhikkhuṁ codesuṁ—
pli-tv-bu-vb-pj2:7.32.4	“assamaṇosi tvan”ti.
pli-tv-bu-vb-pj2:7.32.5	Tassa kukkuccaṁ ahosi …pe…
pli-tv-bu-vb-pj2:7.32.6	“anāpatti, bhikkhu, atheyyacittassā”ti.
pli-tv-bu-vb-pj2:7.32.7	Tena kho pana samayena aññatarassa bhikkhuno nadiṁ tarantassa rajakānaṁ hatthato muttaṁ sāṭakaṁ pāde laggaṁ hoti.
pli-tv-bu-vb-pj2:7.32.8	So bhikkhu—“pure sāmikā passantī”ti, theyyacitto aggahesi.
pli-tv-bu-vb-pj2:7.32.9	Sāmikā taṁ bhikkhuṁ codesuṁ—
pli-tv-bu-vb-pj2:7.32.10	“assamaṇosi tvan”ti.
pli-tv-bu-vb-pj2:7.32.11	Tassa kukkuccaṁ ahosi …pe…
pli-tv-bu-vb-pj2:7.32.12	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.33.1	Tena kho pana samayena aññataro bhikkhu sappikumbhiṁ passitvā thokaṁ thokaṁ paribhuñji.
pli-tv-bu-vb-pj2:7.33.2	Tassa kukkuccaṁ ahosi …pe…
pli-tv-bu-vb-pj2:7.33.3	“anāpatti, bhikkhu, pārājikassa;
pli-tv-bu-vb-pj2:7.33.4	āpatti dukkaṭassā”ti.
pli-tv-bu-vb-pj2:7.34.1	Tena kho pana samayena sambahulā bhikkhū saṁvidahitvā agamaṁsu—
pli-tv-bu-vb-pj2:7.34.2	“bhaṇḍaṁ avaharissāmā”ti.
pli-tv-bu-vb-pj2:7.34.3	Eko bhaṇḍaṁ avahari.
pli-tv-bu-vb-pj2:7.34.4	Te evamāhaṁsu—
pli-tv-bu-vb-pj2:7.34.5	“na mayaṁ pārājikā.
pli-tv-bu-vb-pj2:7.34.6	Yo avahaṭo so pārājiko”ti.
pli-tv-bu-vb-pj2:7.34.7	Bhagavato etamatthaṁ ārocesuṁ …
pli-tv-bu-vb-pj2:7.34.8	“āpattiṁ tumhe, bhikkhave, āpannā pārājikan”ti.
pli-tv-bu-vb-pj2:7.34.9	Tena kho pana samayena sambahulā bhikkhū saṁvidahitvā bhaṇḍaṁ avaharitvā bhājesuṁ.
pli-tv-bu-vb-pj2:7.34.10	Tehi bhājīyamāne ekamekassa paṭiviso na pañcamāsako pūri.
pli-tv-bu-vb-pj2:7.34.11	Te evamāhaṁsu—
pli-tv-bu-vb-pj2:7.34.12	“na mayaṁ pārājikā”ti.
pli-tv-bu-vb-pj2:7.34.13	Bhagavato etamatthaṁ ārocesuṁ.
pli-tv-bu-vb-pj2:7.34.14	“Āpattiṁ tumhe, bhikkhave, āpannā pārājikan”ti.
pli-tv-bu-vb-pj2:7.35.1	Tena kho pana samayena aññataro bhikkhu sāvatthiyaṁ dubbhikkhe āpaṇikassa taṇḍulamuṭṭhiṁ theyyacitto avahari.
pli-tv-bu-vb-pj2:7.35.2	Tassa kukkuccaṁ ahosi …pe…
pli-tv-bu-vb-pj2:7.35.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.35.4	Tena kho pana samayena aññataro bhikkhu sāvatthiyaṁ dubbhikkhe āpaṇikassa muggamuṭṭhiṁ …
pli-tv-bu-vb-pj2:7.35.5	māsamuṭṭhiṁ …
pli-tv-bu-vb-pj2:7.35.6	tilamuṭṭhiṁ theyyacitto avahari.
pli-tv-bu-vb-pj2:7.35.7	Tassa kukkuccaṁ ahosi …pe…
pli-tv-bu-vb-pj2:7.35.8	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.36.1	Tena kho pana samayena sāvatthiyaṁ andhavane corakā gāviṁ hantvā maṁsaṁ khāditvā sesakaṁ paṭisāmetvā agamaṁsu.
pli-tv-bu-vb-pj2:7.36.2	Bhikkhū paṁsukūlasaññino paṭiggahāpetvā paribhuñjiṁsu.
pli-tv-bu-vb-pj2:7.36.3	Corakā te bhikkhū codesuṁ—
pli-tv-bu-vb-pj2:7.36.4	“assamaṇāttha tumhe”ti.
pli-tv-bu-vb-pj2:7.36.5	Tesaṁ kukkuccaṁ ahosi …pe…
pli-tv-bu-vb-pj2:7.36.6	“anāpatti, bhikkhave, paṁsukūlasaññissā”ti.
pli-tv-bu-vb-pj2:7.36.7	Tena kho pana samayena sāvatthiyaṁ andhavane corakā sūkaraṁ hantvā maṁsaṁ khāditvā sesakaṁ paṭisāmetvā agamaṁsu.
pli-tv-bu-vb-pj2:7.36.8	Bhikkhū paṁsukūlasaññino paṭiggahāpetvā paribhuñjiṁsu.
pli-tv-bu-vb-pj2:7.36.9	Corakā te bhikkhū codesuṁ—
pli-tv-bu-vb-pj2:7.36.10	“assamaṇāttha tumhe”ti.
pli-tv-bu-vb-pj2:7.36.11	Tesaṁ kukkuccaṁ ahosi …pe…
pli-tv-bu-vb-pj2:7.36.12	“anāpatti, bhikkhave, paṁsukūlasaññissā”ti.
pli-tv-bu-vb-pj2:7.37.1	Tena kho pana samayena aññataro bhikkhu tiṇakkhettaṁ gantvā lūtaṁ tiṇaṁ pañcamāsagghanakaṁ theyyacitto avahari.
pli-tv-bu-vb-pj2:7.37.2	Tassa kukkuccaṁ ahosi …pe…
pli-tv-bu-vb-pj2:7.37.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.37.4	Tena kho pana samayena aññataro bhikkhu tiṇakkhettaṁ gantvā tiṇaṁ lāyitvā pañcamāsagghanakaṁ theyyacitto avahari.
pli-tv-bu-vb-pj2:7.37.5	Tassa kukkuccaṁ ahosi …pe…
pli-tv-bu-vb-pj2:7.37.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.38.1	Tena kho pana samayena āgantukā bhikkhū saṅghassa ambaṁ bhājāpetvā paribhuñjiṁsu.
pli-tv-bu-vb-pj2:7.38.2	Āvāsikā bhikkhū te bhikkhū codesuṁ—
pli-tv-bu-vb-pj2:7.38.3	“assamaṇāttha tumhe”ti.
pli-tv-bu-vb-pj2:7.38.4	Tesaṁ kukkuccaṁ ahosi …pe…
pli-tv-bu-vb-pj2:7.38.5	bhagavato etamatthaṁ ārocesuṁ.
pli-tv-bu-vb-pj2:7.38.6	“Kiṁcittā tumhe, bhikkhave”ti?
pli-tv-bu-vb-pj2:7.38.7	“Paribhogatthāya mayaṁ, bhagavā”ti.
pli-tv-bu-vb-pj2:7.38.8	“Anāpatti, bhikkhave, paribhogatthāyā”ti.
pli-tv-bu-vb-pj2:7.38.9	Tena kho pana samayena āgantukā bhikkhū saṅghassa jambuṁ …
pli-tv-bu-vb-pj2:7.38.10	saṅghassa labujaṁ …
pli-tv-bu-vb-pj2:7.38.11	saṅghassa panasaṁ …
pli-tv-bu-vb-pj2:7.38.12	saṅghassa tālapakkaṁ …
pli-tv-bu-vb-pj2:7.38.13	saṅghassa ucchuṁ …
pli-tv-bu-vb-pj2:7.38.14	saṅghassa timbarūsakaṁ bhājāpetvā paribhuñjiṁsu.
pli-tv-bu-vb-pj2:7.38.15	Āvāsikā bhikkhū te bhikkhū codesuṁ—
pli-tv-bu-vb-pj2:7.38.16	“assamaṇāttha tumhe”ti.
pli-tv-bu-vb-pj2:7.38.17	Tesaṁ kukkuccaṁ ahosi …pe…
pli-tv-bu-vb-pj2:7.38.18	“anāpatti, bhikkhave, paribhogatthāyā”ti.
pli-tv-bu-vb-pj2:7.39.1	Tena kho pana samayena ambapālakā bhikkhūnaṁ ambaphalaṁ denti.
pli-tv-bu-vb-pj2:7.39.2	Bhikkhū—“gopetuṁ ime issarā, nayime dātun”ti,
pli-tv-bu-vb-pj2:7.39.3	kukkuccāyantā na paṭiggaṇhanti.
pli-tv-bu-vb-pj2:7.39.4	Bhagavato etamatthaṁ ārocesuṁ.
pli-tv-bu-vb-pj2:7.39.5	“Anāpatti, bhikkhave, gopakassa dāne”ti.
pli-tv-bu-vb-pj2:7.39.6	Tena kho pana samayena jambupālakā …
pli-tv-bu-vb-pj2:7.39.7	labujapālakā …
pli-tv-bu-vb-pj2:7.39.8	panasapālakā …
pli-tv-bu-vb-pj2:7.39.9	tālapakkapālakā …
pli-tv-bu-vb-pj2:7.39.10	ucchupālakā …
pli-tv-bu-vb-pj2:7.39.11	timbarūsakapālakā bhikkhūnaṁ timbarūsakaṁ denti.
pli-tv-bu-vb-pj2:7.39.12	Bhikkhū—“gopetuṁ ime issarā, nayime dātun”ti,
pli-tv-bu-vb-pj2:7.39.13	kukkuccāyantā na paṭiggaṇhanti.
pli-tv-bu-vb-pj2:7.39.14	Bhagavato etamatthaṁ ārocesuṁ.
pli-tv-bu-vb-pj2:7.39.15	“Anāpatti, bhikkhave, gopakassa dāne”ti.
pli-tv-bu-vb-pj2:7.40.1	Tena kho pana samayena aññataro bhikkhu saṅghassa dāruṁ tāvakālikaṁ haritvā attano vihārassa kuṭṭaṁ upatthambhesi.
pli-tv-bu-vb-pj2:7.40.2	Bhikkhū taṁ bhikkhuṁ codesuṁ—
pli-tv-bu-vb-pj2:7.40.3	“assamaṇosi tvan”ti.
pli-tv-bu-vb-pj2:7.40.4	Tassa kukkuccaṁ ahosi.
pli-tv-bu-vb-pj2:7.40.5	Bhagavato etamatthaṁ ārocesi.
pli-tv-bu-vb-pj2:7.40.6	“Kiṁcitto tvaṁ, bhikkhū”ti?
pli-tv-bu-vb-pj2:7.40.7	“Tāvakāliko ahaṁ, bhagavā”ti.
pli-tv-bu-vb-pj2:7.40.8	“Anāpatti, bhikkhu, tāvakālike”ti.
pli-tv-bu-vb-pj2:7.41.1	Tena kho pana samayena aññataro bhikkhu saṅghassa udakaṁ theyyacitto avahari …
pli-tv-bu-vb-pj2:7.41.2	saṅghassa mattikaṁ theyyacitto avahari …
pli-tv-bu-vb-pj2:7.41.3	saṅghassa puñjakitaṁ tiṇaṁ theyyacitto avahari …
pli-tv-bu-vb-pj2:7.41.4	tassa kukkuccaṁ ahosi …pe…
pli-tv-bu-vb-pj2:7.41.5	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.41.6	Tena kho pana samayena aññataro bhikkhu saṅghassa puñjakitaṁ tiṇaṁ theyyacitto jhāpesi.
pli-tv-bu-vb-pj2:7.41.7	Tassa kukkuccaṁ ahosi …pe…
pli-tv-bu-vb-pj2:7.41.8	“anāpatti, bhikkhu, pārājikassa.
pli-tv-bu-vb-pj2:7.41.9	Āpatti dukkaṭassā”ti.
pli-tv-bu-vb-pj2:7.42.1	Tena kho pana samayena aññataro bhikkhu saṅghassa mañcaṁ theyyacitto avahari …
pli-tv-bu-vb-pj2:7.42.2	tassa kukkuccaṁ ahosi …pe…
pli-tv-bu-vb-pj2:7.42.3	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.42.4	Tena kho pana samayena aññataro bhikkhu saṅghassa pīṭhaṁ …
pli-tv-bu-vb-pj2:7.42.5	saṅghassa bhisiṁ …
pli-tv-bu-vb-pj2:7.42.6	saṅghassa bibbohanaṁ …
pli-tv-bu-vb-pj2:7.42.7	saṅghassa kavāṭaṁ …
pli-tv-bu-vb-pj2:7.42.8	saṅghassa ālokasandhiṁ …
pli-tv-bu-vb-pj2:7.42.9	saṅghassa gopānasiṁ theyyacitto avahari …
pli-tv-bu-vb-pj2:7.42.10	tassa kukkuccaṁ ahosi …pe…
pli-tv-bu-vb-pj2:7.42.11	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj2:7.43.1	Tena kho pana samayena bhikkhū aññatarassa upāsakassa vihāraparibhogaṁ senāsanaṁ aññatra paribhuñjanti.
pli-tv-bu-vb-pj2:7.43.2	Atha kho so upāsako ujjhāyati khiyyati vipāceti—
pli-tv-bu-vb-pj2:7.43.3	“kathañhi nāma bhadantā aññatra paribhogaṁ aññatra paribhuñjissantī”ti.
pli-tv-bu-vb-pj2:7.43.4	Bhagavato etamatthaṁ ārocesuṁ.
pli-tv-bu-vb-pj2:7.43.5	“Na, bhikkhave, aññatra paribhogo aññatra paribhuñjitabbo.
pli-tv-bu-vb-pj2:7.43.6	Yo paribhuñjeyya, āpatti dukkaṭassā”ti.
pli-tv-bu-vb-pj2:7.44.1	Tena kho pana samayena bhikkhū uposathaggampi sannisajjampi harituṁ kukkuccāyantā chamāyaṁ nisīdanti.
pli-tv-bu-vb-pj2:7.44.2	Gattānipi cīvarānipi paṁsukitāni honti.
pli-tv-bu-vb-pj2:7.44.3	Bhagavato etamatthaṁ ārocesuṁ.
pli-tv-bu-vb-pj2:7.44.4	“Anujānāmi, bhikkhave, tāvakālikaṁ haritun”ti.
pli-tv-bu-vb-pj2:7.45.1	Tena kho pana samayena campāyaṁ thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṁ gantvā—
pli-tv-bu-vb-pj2:7.45.2	“ayyā icchati tekaṭulayāguṁ pātun”ti,
pli-tv-bu-vb-pj2:7.45.3	pacāpetvā haritvā attanā paribhuñji.
pli-tv-bu-vb-pj2:7.45.4	Sā jānitvā taṁ codesi—
pli-tv-bu-vb-pj2:7.45.5	“assamaṇīsi tvan”ti.
pli-tv-bu-vb-pj2:7.45.6	Tassā kukkuccaṁ ahosi …pe….
pli-tv-bu-vb-pj2:7.45.7	Atha kho sā bhikkhunī bhikkhunīnaṁ etamatthaṁ ārocesi.
pli-tv-bu-vb-pj2:7.45.8	Bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pj2:7.45.9	Bhikkhū bhagavato etamatthaṁ ārocesuṁ.
pli-tv-bu-vb-pj2:7.45.10	“Anāpatti, bhikkhave, pārājikassa;
pli-tv-bu-vb-pj2:7.45.11	āpatti sampajānamusāvāde pācittiyassā”ti.
pli-tv-bu-vb-pj2:7.45.12	Tena kho pana samayena rājagahe thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṁ gantvā—
pli-tv-bu-vb-pj2:7.45.13	“ayyā icchati madhugoḷakaṁ khāditun”ti,
pli-tv-bu-vb-pj2:7.45.14	pacāpetvā haritvā attanā paribhuñji.
pli-tv-bu-vb-pj2:7.45.15	Sā jānitvā taṁ codesi—
pli-tv-bu-vb-pj2:7.45.16	“assamaṇīsi tvan”ti.
pli-tv-bu-vb-pj2:7.45.17	Tassā kukkuccaṁ ahosi …pe…
pli-tv-bu-vb-pj2:7.45.18	“anāpatti, bhikkhave, pārājikassa;
pli-tv-bu-vb-pj2:7.45.19	āpatti sampajānamusāvāde pācittiyassā”ti.
pli-tv-bu-vb-pj2:7.46.1	Tena kho pana samayena vesāliyaṁ āyasmato ajjukassa upaṭṭhākassa gahapatino dve dārakā honti— putto ca bhāgineyyo ca.
pli-tv-bu-vb-pj2:7.46.2	Atha kho so gahapati āyasmantaṁ ajjukaṁ etadavoca—
pli-tv-bu-vb-pj2:7.46.3	“imaṁ, bhante, okāsaṁ yo imesaṁ dvinnaṁ dārakānaṁ saddho hoti pasanno tassa ācikkheyyāsī”ti.
pli-tv-bu-vb-pj2:7.46.4	Tena kho pana samayena tassa gahapatino bhāgineyyo saddho hoti pasanno. Atha kho āyasmā ajjuko taṁ okāsaṁ tassa dārakassa ācikkhi.
pli-tv-bu-vb-pj2:7.46.5	So tena sāpateyyena kuṭumbañca saṇṭhapesi dānañca paṭṭhapesi.
pli-tv-bu-vb-pj2:7.46.6	Atha kho tassa gahapatino putto āyasmantaṁ ānandaṁ etadavoca—
pli-tv-bu-vb-pj2:7.46.7	“ko nu kho, bhante ānanda, pituno dāyajjo— putto vā bhāgineyyo vā”ti?
pli-tv-bu-vb-pj2:7.46.8	“Putto kho, āvuso, pituno dāyajjo”ti.
pli-tv-bu-vb-pj2:7.46.9	“Ayaṁ, bhante, ayyo ajjuko amhākaṁ sāpateyyaṁ amhākaṁ methunakassa ācikkhī”ti.
pli-tv-bu-vb-pj2:7.46.10	“Assamaṇo, āvuso, āyasmā ajjuko”ti.
pli-tv-bu-vb-pj2:7.46.11	Atha kho āyasmā ajjuko āyasmantaṁ ānandaṁ etadavoca—
pli-tv-bu-vb-pj2:7.46.12	“dehi me, āvuso ānanda, vinicchayan”ti.
pli-tv-bu-vb-pj2:7.46.13	Tena kho pana samayena āyasmā upāli āyasmato ajjukassa pakkho hoti.
pli-tv-bu-vb-pj2:7.46.14	Atha kho āyasmā upāli āyasmantaṁ ānandaṁ etadavoca—
pli-tv-bu-vb-pj2:7.46.15	“yo nu kho, āvuso ānanda, sāmikena ‘imaṁ okāsaṁ itthannāmassa ācikkheyyāsī’ti vutto tassa ācikkhati, kiṁ so āpajjatī”ti?
pli-tv-bu-vb-pj2:7.46.16	“Na, bhante, kiñci āpajjati, antamaso dukkaṭamattampī”ti.
pli-tv-bu-vb-pj2:7.46.17	“Ayaṁ, āvuso, āyasmā ajjuko sāmikena—‘imaṁ okāsaṁ itthannāmassa ācikkhā’ti vutto tassa ācikkhati;
pli-tv-bu-vb-pj2:7.46.18	anāpatti, āvuso, āyasmato ajjukassā”ti.
pli-tv-bu-vb-pj2:7.47.1	Tena kho pana samayena bārāṇasiyaṁ āyasmato pilindavacchassa upaṭṭhākakulaṁ corehi upaddutaṁ hoti.
pli-tv-bu-vb-pj2:7.47.2	Dve ca dārakā nītā honti.
pli-tv-bu-vb-pj2:7.47.3	Atha kho āyasmā pilindavaccho te dārake iddhiyā ānetvā pāsāde ṭhapesi.
pli-tv-bu-vb-pj2:7.47.4	Manussā te dārake passitvā—
pli-tv-bu-vb-pj2:7.47.5	“ayyassāyaṁ pilindavacchassa iddhānubhāvo”ti,
pli-tv-bu-vb-pj2:7.47.6	āyasmante pilindavacche abhippasīdiṁsu.
pli-tv-bu-vb-pj2:7.47.7	Bhikkhū ujjhāyanti khiyyanti vipācenti—
pli-tv-bu-vb-pj2:7.47.8	“kathañhi nāma āyasmā pilindavaccho corehi nīte dārake ānessatī”ti.
pli-tv-bu-vb-pj2:7.47.9	Bhagavato etamatthaṁ ārocesuṁ.
pli-tv-bu-vb-pj2:7.47.10	“Anāpatti, bhikkhave, iddhimassa iddhivisaye”ti.
pli-tv-bu-vb-pj2:7.48.1	Tena kho pana samayena dve bhikkhū sahāyakā honti—paṇḍuko ca kapilo ca.
pli-tv-bu-vb-pj2:7.48.2	Eko gāmake viharati, eko kosambiyaṁ.
pli-tv-bu-vb-pj2:7.48.3	Atha kho tassa bhikkhuno gāmakā kosambiṁ gacchantassa antarāmagge nadiṁ tarantassa sūkarikānaṁ hatthato muttā medavaṭṭi pāde laggā hoti.
pli-tv-bu-vb-pj2:7.48.4	So bhikkhu—“sāmikānaṁ dassāmī”ti aggahesi.
pli-tv-bu-vb-pj2:7.48.5	Sāmikā taṁ bhikkhuṁ codesuṁ—
pli-tv-bu-vb-pj2:7.48.6	“assamaṇosi tvan”ti.
pli-tv-bu-vb-pj2:7.48.7	Taṁ uttiṇṇaṁ gopālikā passitvā etadavoca—
pli-tv-bu-vb-pj2:7.48.8	“ehi, bhante, methunaṁ dhammaṁ paṭisevā”ti.
pli-tv-bu-vb-pj2:7.48.9	So—“pakatiyāpāhaṁ assamaṇo”ti tassā methunaṁ dhammaṁ paṭisevitvā
pli-tv-bu-vb-pj2:7.48.10	kosambiṁ gantvā bhikkhūnaṁ etamatthaṁ ārocesi.
pli-tv-bu-vb-pj2:7.48.11	Bhikkhū bhagavato etamatthaṁ ārocesuṁ.
pli-tv-bu-vb-pj2:7.48.12	“Anāpatti, bhikkhave, adinnādāne pārājikassa;
pli-tv-bu-vb-pj2:7.48.13	āpatti methunadhammasamāyoge pārājikassā”ti.
pli-tv-bu-vb-pj2:7.49.1	Tena kho pana samayena sāgalāyaṁ āyasmato daḷhikassa saddhivihāriko bhikkhu anabhiratiyā pīḷito āpaṇikassa veṭhanaṁ avaharitvā āyasmantaṁ daḷhikaṁ etadavoca—
pli-tv-bu-vb-pj2:7.49.2	“assamaṇo ahaṁ, bhante, vibbhamissāmī”ti.
pli-tv-bu-vb-pj2:7.49.3	“Kiṁ tayā, āvuso, katan”ti?
pli-tv-bu-vb-pj2:7.49.4	So tamatthaṁ ārocesi.
pli-tv-bu-vb-pj2:7.49.5	Āharāpetvā agghāpesi.
pli-tv-bu-vb-pj2:7.49.6	Taṁ agghāpentaṁ na pañcamāsake agghati.
pli-tv-bu-vb-pj2:7.49.7	“Anāpatti, āvuso, pārājikassā”ti.
pli-tv-bu-vb-pj2:7.49.8	Dhammakathaṁ akāsi.
pli-tv-bu-vb-pj2:7.49.9	So bhikkhu abhiramatīti.
pli-tv-bu-vb-pj2:7.49.10	Dutiyapārājikaṁ samattaṁ.
pli-tv-bu-vb-pj3:0.1	Theravāda Vinaya
pli-tv-bu-vb-pj3:0.2	Mahāvibhaṅga
pli-tv-bu-vb-pj3:0.3	Pārājikakaṇḍa
pli-tv-bu-vb-pj3:0.4	3. Tatiyapārājikasikkhāpada
pli-tv-bu-vb-pj3:1.1.0.1	
pli-tv-bu-vb-pj3:1.1.0.2	
pli-tv-bu-vb-pj3:1.1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bu-vb-pj3:1.1.2	Tena kho pana samayena bhagavā bhikkhūnaṁ anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁ bhāsati.
pli-tv-bu-vb-pj3:1.1.3	Atha kho bhagavā bhikkhū āmantesi—
pli-tv-bu-vb-pj3:1.1.4	“icchāmahaṁ, bhikkhave, addhamāsaṁ paṭisallīyituṁ.
pli-tv-bu-vb-pj3:1.1.5	Namhi kenaci upasaṅkamitabbo, aññatra ekena piṇḍapātanīhārakenā”ti.
pli-tv-bu-vb-pj3:1.1.6	“Evaṁ, bhante”ti, kho te bhikkhū bhagavato paṭissuṇitvā nāssudha koci bhagavantaṁ upasaṅkamati, aññatra ekena piṇḍapātanīhārakena.
pli-tv-bu-vb-pj3:1.1.7	Bhikkhū—“bhagavā kho anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁ bhāsatī”ti,
pli-tv-bu-vb-pj3:1.1.8	te anekākāravokāraṁ asubhabhāvanānuyogamanuyuttā viharanti.
pli-tv-bu-vb-pj3:1.1.9	Te sakena kāyena aṭṭīyanti harāyanti jigucchanti.
pli-tv-bu-vb-pj3:1.1.10	Seyyathāpi nāma itthī vā puriso vā daharo yuvā maṇḍanakajātiko sīsaṁnhāto ahikuṇapena vā kukkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya;
pli-tv-bu-vb-pj3:1.1.11	evameva te bhikkhū sakena kāyena aṭṭīyantā harāyantā jigucchantā
pli-tv-bu-vb-pj3:1.1.12	attanāpi attānaṁ jīvitā voropenti, aññamaññampi jīvitā voropenti,
pli-tv-bu-vb-pj3:1.1.13	migalaṇḍikampi samaṇakuttakaṁ upasaṅkamitvā evaṁ vadanti—
pli-tv-bu-vb-pj3:1.1.14	“sādhu no, āvuso, jīvitā voropehi.
pli-tv-bu-vb-pj3:1.1.15	Idaṁ te pattacīvaraṁ bhavissatī”ti.
pli-tv-bu-vb-pj3:1.1.16	Atha kho migalaṇḍiko samaṇakuttako pattacīvarehi bhaṭo sambahule bhikkhū jīvitā voropetvā lohitakaṁ asiṁ ādāya yena vaggumudā nadī tenupasaṅkami.
pli-tv-bu-vb-pj3:1.1.17	Atha kho migalaṇḍikassa samaṇakuttakassa lohitakaṁ taṁ asiṁ dhovantassa ahudeva kukkuccaṁ ahu vippaṭisāro—
pli-tv-bu-vb-pj3:1.1.18	“alābhā vata me, na vata me lābhā; dulladdhaṁ vata me, na vata me suladdhaṁ.
pli-tv-bu-vb-pj3:1.1.19	Bahuṁ vata mayā apuññaṁ pasutaṁ, yohaṁ bhikkhū sīlavante kalyāṇadhamme jīvitā voropesin”ti.
pli-tv-bu-vb-pj3:1.1.20	Atha kho aññatarā mārakāyikā devatā abhijjamāne udake āgantvā migalaṇḍikaṁ samaṇakuttakaṁ etadavoca—
pli-tv-bu-vb-pj3:1.1.21	“sādhu sādhu, sappurisa, lābhā te, sappurisa, suladdhaṁ te, sappurisa.
pli-tv-bu-vb-pj3:1.1.22	Bahuṁ tayā, sappurisa, puññaṁ pasutaṁ, yaṁ tvaṁ atiṇṇe tāresī”ti.
pli-tv-bu-vb-pj3:1.1.23	Atha kho migalaṇḍiko samaṇakuttako—
pli-tv-bu-vb-pj3:1.1.24	“lābhā kira me, suladdhaṁ kira me, bahuṁ kira mayā puññaṁ pasutaṁ, atiṇṇe kirāhaṁ tāremī”ti,
pli-tv-bu-vb-pj3:1.1.25	tiṇhaṁ asiṁ ādāya vihārena vihāraṁ pariveṇena pariveṇaṁ upasaṅkamitvā evaṁ vadeti—
pli-tv-bu-vb-pj3:1.1.26	“ko atiṇṇo, kaṁ tāremī”ti?
pli-tv-bu-vb-pj3:1.1.27	Tattha ye te bhikkhū avītarāgā tesaṁ tasmiṁ samaye hotiyeva bhayaṁ hoti chambhitattaṁ hoti lomahaṁso.
pli-tv-bu-vb-pj3:1.1.28	Ye pana te bhikkhū vītarāgā tesaṁ tasmiṁ samaye na hoti bhayaṁ na hoti chambhitattaṁ na hoti lomahaṁso.
pli-tv-bu-vb-pj3:1.1.29	Atha kho migalaṇḍiko samaṇakuttako ekampi bhikkhuṁ ekāhena jīvitā voropesi, dvepi bhikkhū ekāhena jīvitā voropesi, tayopi bhikkhū ekāhena jīvitā voropesi, cattāropi bhikkhū ekāhena jīvitā voropesi, pañcapi bhikkhū ekāhena jīvitā voropesi, dasapi bhikkhū ekāhena jīvitā voropesi, vīsampi bhikkhū ekāhena jīvitā voropesi, tiṁsampi bhikkhū ekāhena jīvitā voropesi, cattālīsampi bhikkhū ekāhena jīvitā voropesi, paññāsampi bhikkhū ekāhena jīvitā voropesi, saṭṭhimpi bhikkhū ekāhena jīvitā voropesi.
pli-tv-bu-vb-pj3:1.2.1	Atha kho bhagavā tassa addhamāsassa accayena paṭisallānā vuṭṭhito āyasmantaṁ ānandaṁ āmantesi—
pli-tv-bu-vb-pj3:1.2.2	“kiṁ nu kho, ānanda, tanubhūto viya bhikkhusaṅgho”ti?
pli-tv-bu-vb-pj3:1.2.3	“Tathā hi pana, bhante, bhagavā bhikkhūnaṁ anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁ bhāsati.
pli-tv-bu-vb-pj3:1.2.4	Te ca, bhante, bhikkhū— ‘bhagavā kho anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁ bhāsatī’ti, te anekākāravokāraṁ asubhabhāvanānuyogamanuyuttā viharanti.
pli-tv-bu-vb-pj3:1.2.5	Te sakena kāyena aṭṭīyanti harāyanti jigucchanti.
pli-tv-bu-vb-pj3:1.2.6	Seyyathāpi nāma itthī vā puriso vā daharo yuvā maṇḍanakajātiko sīsaṁnhāto ahikuṇapena vā kukkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya;
pli-tv-bu-vb-pj3:1.2.7	evameva te bhikkhū sakena kāyena aṭṭīyantā harāyantā jigucchantā
pli-tv-bu-vb-pj3:1.2.8	attanāpi attānaṁ jīvitā voropenti, aññamaññampi jīvitā voropenti,
pli-tv-bu-vb-pj3:1.2.9	migalaṇḍikampi samaṇakuttakaṁ upasaṅkamitvā evaṁ vadanti—
pli-tv-bu-vb-pj3:1.2.10	‘sādhu no, āvuso, jīvitā voropehi.
pli-tv-bu-vb-pj3:1.2.11	Idaṁ te pattacīvaraṁ bhavissatī’ti.
pli-tv-bu-vb-pj3:1.2.12	Atha kho, bhante, migalaṇḍiko samaṇakuttako pattacīvarehi bhaṭo ekampi bhikkhuṁ ekāhena jīvitā voropesi …pe… saṭṭhimpi bhikkhū ekāhena jīvitā voropesi.
pli-tv-bu-vb-pj3:1.2.13	Sādhu, bhante, bhagavā aññaṁ pariyāyaṁ ācikkhatu yathāyaṁ bhikkhusaṅgho aññāya saṇṭhaheyyā”ti.
pli-tv-bu-vb-pj3:1.2.14	“Tenahānanda, yāvatikā bhikkhū vesāliṁ upanissāya viharanti te sabbe upaṭṭhānasālāyaṁ sannipātehī”ti.
pli-tv-bu-vb-pj3:1.2.15	“Evaṁ, bhante”ti,
pli-tv-bu-vb-pj3:1.2.16	kho āyasmā ānando bhagavato paṭissuṇitvā yāvatikā bhikkhū vesāliṁ upanissāya viharanti te sabbe upaṭṭhānasālāyaṁ sannipātetvā yena bhagavā tenupasaṅkami; upasaṅkamitvā bhagavantaṁ etadavoca—
pli-tv-bu-vb-pj3:1.2.17	“sannipatito, bhante, bhikkhusaṅgho;
pli-tv-bu-vb-pj3:1.2.18	yassadāni, bhante, bhagavā kālaṁ maññatī”ti.
pli-tv-bu-vb-pj3:1.2.19	Atha kho bhagavā yena upaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi—
pli-tv-bu-vb-pj3:1.3.1	“Ayampi kho, bhikkhave, ānāpānassatisamādhi bhāvito bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti.
pli-tv-bu-vb-pj3:1.3.2	Seyyathāpi, bhikkhave, gimhānaṁ pacchime māse uhataṁ rajojallaṁ tamenaṁ mahāakālamegho ṭhānaso antaradhāpeti vūpasameti;
pli-tv-bu-vb-pj3:1.3.3	evameva kho, bhikkhave, ānāpānassatisamādhi bhāvito bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti.
pli-tv-bu-vb-pj3:1.3.4	Kathaṁ bhāvito ca, bhikkhave, ānāpānassatisamādhi kathaṁ bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasameti?
pli-tv-bu-vb-pj3:1.3.5	Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
pli-tv-bu-vb-pj3:1.3.6	So satova assasati, sato passasati.
pli-tv-bu-vb-pj3:1.3.7	Dīghaṁ vā assasanto dīghaṁ assasāmīti pajānāti, dīghaṁ vā passasanto dīghaṁ passasāmīti pajānāti.
pli-tv-bu-vb-pj3:1.3.8	Rassaṁ vā assasanto rassaṁ assasāmīti pajānāti, rassaṁ vā passasanto rassaṁ passasāmīti pajānāti.
pli-tv-bu-vb-pj3:1.3.9	Sabbakāyappaṭisaṁvedī assasissāmīti sikkhati. Sabbakāyappaṭisaṁvedī passasissāmīti sikkhati.
pli-tv-bu-vb-pj3:1.3.10	Passambhayaṁ kāyasaṅkhāraṁ assasissāmīti sikkhati. Passambhayaṁ kāyasaṅkhāraṁ passasissāmīti sikkhati.
pli-tv-bu-vb-pj3:1.3.11	Pītippaṭisaṁvedī assasissāmīti sikkhati. Pītippaṭisaṁvedī passasissāmīti sikkhati.
pli-tv-bu-vb-pj3:1.3.12	Sukhappaṭisaṁvedī assasissāmīti sikkhati. Sukhappaṭisaṁvedī passasissāmīti sikkhati.
pli-tv-bu-vb-pj3:1.3.13	Cittasaṅkhārappaṭisaṁvedī assasissāmīti sikkhati. Cittasaṅkhārappaṭisaṁvedī passasissāmīti sikkhati.
pli-tv-bu-vb-pj3:1.3.14	Passambhayaṁ cittasaṅkhāraṁ assasissāmīti sikkhati. Passambhayaṁ cittasaṅkhāraṁ passasissāmīti sikkhati.
pli-tv-bu-vb-pj3:1.3.15	Cittappaṭisaṁvedī assasissāmīti sikkhati. Cittappaṭisaṁvedī passasissāmīti sikkhati.
pli-tv-bu-vb-pj3:1.3.16	Abhippamodayaṁ cittaṁ …pe…
pli-tv-bu-vb-pj3:1.3.17	samādahaṁ cittaṁ …pe…
pli-tv-bu-vb-pj3:1.3.18	vimocayaṁ cittaṁ …pe…
pli-tv-bu-vb-pj3:1.3.19	Aniccānupassī …pe…
pli-tv-bu-vb-pj3:1.3.20	virāgānupassī …pe…
pli-tv-bu-vb-pj3:1.3.21	nirodhānupassī …pe…
pli-tv-bu-vb-pj3:1.3.22	paṭinissaggānupassī assasissāmīti sikkhati. Paṭinissaggānupassī passasissāmīti sikkhati.
pli-tv-bu-vb-pj3:1.3.23	Evaṁ bhāvito kho, bhikkhave, ānāpānassatisamādhi evaṁ bahulīkato santo ceva paṇīto ca asecanako ca sukho ca vihāro uppannuppanne ca pāpake akusale dhamme ṭhānaso antaradhāpeti vūpasametī”ti.
pli-tv-bu-vb-pj3:1.4.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-bu-vb-pj3:1.4.2	“saccaṁ kira, bhikkhave, bhikkhū attanāpi attānaṁ jīvitā voropenti, aññamaññampi jīvitā voropenti migalaṇḍikampi samaṇakuttakaṁ upasaṅkamitvā evaṁ vadanti—
pli-tv-bu-vb-pj3:1.4.3	‘sādhu no, āvuso, jīvitā voropehi, idaṁ te pattacīvaraṁ bhavissatī’”ti?
pli-tv-bu-vb-pj3:1.4.4	“Saccaṁ, bhagavā”ti.
pli-tv-bu-vb-pj3:1.4.5	Vigarahi buddho bhagavā—
pli-tv-bu-vb-pj3:1.4.6	“ananucchavikaṁ, bhikkhave, tesaṁ bhikkhūnaṁ ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj3:1.4.7	Kathañhi nāma te, bhikkhave, bhikkhū attanāpi attānaṁ jīvitā voropessanti, aññamaññampi jīvitā voropessanti, migalaṇḍikampi samaṇakuttakaṁ upasaṅkamitvā evaṁ vakkhanti—
pli-tv-bu-vb-pj3:1.4.8	‘sādhu no, āvuso, jīvitā voropehi, idaṁ te pattacīvaraṁ bhavissatī’ti.
pli-tv-bu-vb-pj3:1.4.9	Netaṁ, bhikkhave, appasannānaṁ vā pasādāya …pe…
pli-tv-bu-vb-pj3:1.4.10	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj3:1.4.11.0	
pli-tv-bu-vb-pj3:1.4.11.1	“Yo pana bhikkhu sañcicca manussaviggahaṁ jīvitā voropeyya satthahārakaṁ vāssa pariyeseyya,
pli-tv-bu-vb-pj3:1.4.12	ayampi pārājiko hoti asaṁvāso”ti.
pli-tv-bu-vb-pj3:1.4.13	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pj3:2.0	
pli-tv-bu-vb-pj3:2.1	Tena kho pana samayena aññataro upāsako gilāno hoti.
pli-tv-bu-vb-pj3:2.2	Tassa pajāpati abhirūpā hoti dassanīyā pāsādikā.
pli-tv-bu-vb-pj3:2.3	Chabbaggiyā bhikkhū tassā itthiyā paṭibaddhacittā honti.
pli-tv-bu-vb-pj3:2.4	Atha kho chabbaggiyānaṁ bhikkhūnaṁ etadahosi—
pli-tv-bu-vb-pj3:2.5	“sace kho so, āvuso, upāsako jīvissati na mayaṁ taṁ itthiṁ labhissāma.
pli-tv-bu-vb-pj3:2.6	Handa mayaṁ, āvuso, tassa upāsakassa maraṇavaṇṇaṁ saṁvaṇṇemā”ti.
pli-tv-bu-vb-pj3:2.7	Atha kho chabbaggiyā bhikkhū yena so upāsako tenupasaṅkamiṁsu; upasaṅkamitvā taṁ upāsakaṁ etadavocuṁ—
pli-tv-bu-vb-pj3:2.8	“tvaṁ khosi, upāsaka, katakalyāṇo katakusalo katabhīruttāṇo akatapāpo akataluddo akatakibbiso.
pli-tv-bu-vb-pj3:2.9	Kataṁ tayā kalyāṇaṁ, akataṁ tayā pāpaṁ.
pli-tv-bu-vb-pj3:2.10	Kiṁ tuyhiminā pāpakena dujjīvitena.
pli-tv-bu-vb-pj3:2.11	Mataṁ te jīvitā seyyo.
pli-tv-bu-vb-pj3:2.12	Ito tvaṁ kālaṅkato kāyassa bhedā paraṁ maraṇā sugatiṁ saggaṁ lokaṁ upapajjissasi.
pli-tv-bu-vb-pj3:2.13	Tattha dibbehi pañcahi kāmaguṇehi samappito samaṅgībhūto paricāressasī”ti.
pli-tv-bu-vb-pj3:2.14	Atha kho so upāsako—
pli-tv-bu-vb-pj3:2.15	“saccaṁ kho ayyā āhaṁsu.
pli-tv-bu-vb-pj3:2.16	Ahañhi katakalyāṇo katakusalo katabhīruttāṇo akatapāpo akataluddo akatakibbiso.
pli-tv-bu-vb-pj3:2.17	Kataṁ mayā kalyāṇaṁ, akataṁ mayā pāpaṁ.
pli-tv-bu-vb-pj3:2.18	Kiṁ mayhiminā pāpakena dujjīvitena.
pli-tv-bu-vb-pj3:2.19	Mataṁ me jīvitā seyyo.
pli-tv-bu-vb-pj3:2.20	Ito ahaṁ kālaṅkato kāyassa bhedā paraṁ maraṇā sugatiṁ saggaṁ lokaṁ upapajjissāmi.
pli-tv-bu-vb-pj3:2.21	Tattha dibbehi pañcahi kāmaguṇehi samappito samaṅgībhūto paricāressāmī”ti,
pli-tv-bu-vb-pj3:2.22	so asappāyāni ceva bhojanāni bhuñji asappāyāni ca khādanīyāni khādi asappāyāni ca sāyanīyāni sāyi asappāyāni ca pānāni pivi.
pli-tv-bu-vb-pj3:2.23	Tassa asappāyāni ceva bhojanāni bhuñjato asappāyāni ca khādanīyāni khādato asappāyāni ca sāyanīyāni sāyato asappāyāni ca pānāni pivato kharo ābādho uppajji.
pli-tv-bu-vb-pj3:2.24	So teneva ābādhena kālamakāsi.
pli-tv-bu-vb-pj3:2.25	Tassa pajāpati ujjhāyati khiyyati vipāceti—
pli-tv-bu-vb-pj3:2.26	“alajjino ime samaṇā sakyaputtiyā dussīlā musāvādino.
pli-tv-bu-vb-pj3:2.27	Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.
pli-tv-bu-vb-pj3:2.28	Natthi imesaṁ sāmaññaṁ natthi imesaṁ brahmaññaṁ,
pli-tv-bu-vb-pj3:2.29	naṭṭhaṁ imesaṁ sāmaññaṁ naṭṭhaṁ imesaṁ brahmaññaṁ, kuto imesaṁ sāmaññaṁ kuto imesaṁ brahmaññaṁ, apagatā ime sāmaññā apagatā ime brahmaññā.
pli-tv-bu-vb-pj3:2.30	Ime me sāmikassa maraṇavaṇṇaṁ saṁvaṇṇesuṁ.
pli-tv-bu-vb-pj3:2.31	Imehi me sāmiko mārito”ti.
pli-tv-bu-vb-pj3:2.32	Aññepi manussā ujjhāyanti khiyyanti vipācenti—
pli-tv-bu-vb-pj3:2.33	“alajjino ime samaṇā sakyaputtiyā dussīlā musāvādino.
pli-tv-bu-vb-pj3:2.34	Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.
pli-tv-bu-vb-pj3:2.35	Natthi imesaṁ sāmaññaṁ natthi imesaṁ brahmaññaṁ, naṭṭhaṁ imesaṁ sāmaññaṁ naṭṭhaṁ imesaṁ brahmaññaṁ, kuto imesaṁ sāmaññaṁ kuto imesaṁ brahmaññaṁ, apagatā ime sāmaññā apagatā ime brahmaññā.
pli-tv-bu-vb-pj3:2.36	Ime upāsakassa maraṇavaṇṇaṁ saṁvaṇṇesuṁ.
pli-tv-bu-vb-pj3:2.37	Imehi upāsako mārito”ti.
pli-tv-bu-vb-pj3:2.38	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-pj3:2.39	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-pj3:2.40	“kathañhi nāma chabbaggiyā bhikkhū upāsakassa maraṇavaṇṇaṁ saṁvaṇṇissantī”ti.
pli-tv-bu-vb-pj3:2.41	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-pj3:2.42	“saccaṁ kira tumhe, bhikkhave, upāsakassa maraṇavaṇṇaṁ saṁvaṇṇethā”ti?
pli-tv-bu-vb-pj3:2.43	“Saccaṁ, bhagavā”ti.
pli-tv-bu-vb-pj3:2.44	Vigarahi buddho bhagavā—
pli-tv-bu-vb-pj3:2.45	“ananucchavikaṁ, moghapurisā, ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj3:2.46	Kathañhi nāma tumhe, moghapurisā, upāsakassa maraṇavaṇṇaṁ saṁvaṇṇissatha.
pli-tv-bu-vb-pj3:2.47	Netaṁ, moghapurisā, appasannānaṁ vā pasādāya …pe…
pli-tv-bu-vb-pj3:2.48	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj3:2.49.0	
pli-tv-bu-vb-pj3:2.49.1	“Yo pana bhikkhu sañcicca manussaviggahaṁ jīvitā voropeyya satthahārakaṁ vāssa pariyeseyya maraṇavaṇṇaṁ vā saṁvaṇṇeyya maraṇāya vā samādapeyya—
pli-tv-bu-vb-pj3:2.50	‘ambho purisa, kiṁ tuyhiminā pāpakena dujjīvitena, mataṁ te jīvitā seyyo’ti,
pli-tv-bu-vb-pj3:2.51	iti cittamano cittasaṅkappo anekapariyāyena maraṇavaṇṇaṁ vā saṁvaṇṇeyya, maraṇāya vā samādapeyya,
pli-tv-bu-vb-pj3:2.52	ayampi pārājiko hoti asaṁvāso”ti.
pli-tv-bu-vb-pj3:3.0	
pli-tv-bu-vb-pj3:3.1	Yo panāti
pli-tv-bu-vb-pj3:3.2	yo yādiso …pe…
pli-tv-bu-vb-pj3:3.3	bhikkhūti
pli-tv-bu-vb-pj3:3.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pj3:3.5	Sañciccāti
pli-tv-bu-vb-pj3:3.6	jānanto sañjānanto cecca abhivitaritvā vītikkamo.
pli-tv-bu-vb-pj3:3.7	Manussaviggaho nāma
pli-tv-bu-vb-pj3:3.8	yaṁ mātukucchismiṁ paṭhamaṁ cittaṁ uppannaṁ paṭhamaṁ viññāṇaṁ pātubhūtaṁ, yāva maraṇakālā etthantare eso manussaviggaho nāma.
pli-tv-bu-vb-pj3:3.9	Jīvitā voropeyyāti
pli-tv-bu-vb-pj3:3.10	jīvitindriyaṁ upacchindati uparodheti santatiṁ vikopeti.
pli-tv-bu-vb-pj3:3.11	Satthahārakaṁ vāssa pariyeseyyāti
pli-tv-bu-vb-pj3:3.12	asiṁ vā sattiṁ vā bheṇḍiṁ vā laguḷaṁ vā pāsāṇaṁ vā satthaṁ vā visaṁ vā rajjuṁ vā.
pli-tv-bu-vb-pj3:3.13	Maraṇavaṇṇaṁ vā saṁvaṇṇeyyāti
pli-tv-bu-vb-pj3:3.14	jīvite ādīnavaṁ dasseti, maraṇe vaṇṇaṁ bhaṇati.
pli-tv-bu-vb-pj3:3.15	Maraṇāya vā samādapeyyāti
pli-tv-bu-vb-pj3:3.16	satthaṁ vā āhara, visaṁ vā khāda, rajjuyā vā ubbandhitvā kālaṁ karohīti.
pli-tv-bu-vb-pj3:3.17	Ambho purisāti
pli-tv-bu-vb-pj3:3.18	ālapanādhivacanametaṁ.
pli-tv-bu-vb-pj3:3.19	Kiṁ tuyhiminā pāpakena dujjīvitenāti
pli-tv-bu-vb-pj3:3.20	pāpakaṁ nāma jīvitaṁ
pli-tv-bu-vb-pj3:3.21	aḍḍhānaṁ jīvitaṁ upādāya daliddānaṁ jīvitaṁ pāpakaṁ lāmakaṁ,
pli-tv-bu-vb-pj3:3.22	sadhanānaṁ jīvitaṁ upādāya adhanānaṁ jīvitaṁ pāpakaṁ,
pli-tv-bu-vb-pj3:3.23	devānaṁ jīvitaṁ upādāya manussānaṁ jīvitaṁ pāpakaṁ.
pli-tv-bu-vb-pj3:3.24	Dujjīvitaṁ nāma
pli-tv-bu-vb-pj3:3.25	hatthacchinnassa pādacchinnassa hatthapādacchinnassa kaṇṇacchinnassa nāsacchinnassa kaṇṇanāsacchinnassa,
pli-tv-bu-vb-pj3:3.26	iminā ca pāpakena iminā ca dujjīvitena mataṁ te jīvitā seyyoti.
pli-tv-bu-vb-pj3:3.27	Iti cittamanoti
pli-tv-bu-vb-pj3:3.28	yaṁ cittaṁ taṁ mano, yaṁ mano taṁ cittaṁ.
pli-tv-bu-vb-pj3:3.29	Cittasaṅkappoti
pli-tv-bu-vb-pj3:3.30	maraṇasaññī maraṇacetano maraṇādhippāyo.
pli-tv-bu-vb-pj3:3.31	Anekapariyāyenāti
pli-tv-bu-vb-pj3:3.32	uccāvacehi ākārehi.
pli-tv-bu-vb-pj3:3.33	Maraṇavaṇṇaṁ vā saṁvaṇṇeyyāti
pli-tv-bu-vb-pj3:3.34	jīvite ādīnavaṁ dasseti, maraṇe vaṇṇaṁ bhaṇati—
pli-tv-bu-vb-pj3:3.35	“ito tvaṁ kālaṅkato kāyassa bhedā paraṁ maraṇā sugatiṁ saggaṁ lokaṁ upapajjissasi,
pli-tv-bu-vb-pj3:3.36	tattha dibbehi pañcahi kāmaguṇehi samappito samaṅgībhūto paricāressasī”ti.
pli-tv-bu-vb-pj3:3.37	Maraṇāya vā samādapeyyāti
pli-tv-bu-vb-pj3:3.38	satthaṁ vā āhara, visaṁ vā khāda, rajjuyā vā ubbandhitvā kālaṁ karohi, sobbhe vā narake vā papāte vā papatāti.
pli-tv-bu-vb-pj3:3.39	Ayampīti
pli-tv-bu-vb-pj3:3.40	purime upādāya vuccati.
pli-tv-bu-vb-pj3:3.41	Pārājiko hotīti
pli-tv-bu-vb-pj3:3.42	seyyathāpi nāma puthusilā dvidhā bhinnā appaṭisandhikā hoti,
pli-tv-bu-vb-pj3:3.43	evameva bhikkhu sañcicca manussaviggahaṁ jīvitā voropetvā assamaṇo hoti asakyaputtiyo.
pli-tv-bu-vb-pj3:3.44	Tena vuccati— “pārājiko hotī”ti.
pli-tv-bu-vb-pj3:3.45	Asaṁvāsoti
pli-tv-bu-vb-pj3:3.46	saṁvāso nāma ekakammaṁ ekuddeso samasikkhatā— eso saṁvāso nāma.
pli-tv-bu-vb-pj3:3.47	So tena saddhiṁ natthi, tena vuccati asaṁvāsoti.
pli-tv-bu-vb-pj3:4.1.0.1	
pli-tv-bu-vb-pj3:4.1.0.2	
pli-tv-bu-vb-pj3:4.1.1	Sāmaṁ, adhiṭṭhāya, dūtena, dūtaparamparāya, visakkiyena dūtena, gatapaccāgatena dūtena,
pli-tv-bu-vb-pj3:4.1.2	araho rahosaññī,
pli-tv-bu-vb-pj3:4.1.3	raho arahosaññī,
pli-tv-bu-vb-pj3:4.1.4	araho arahosaññī,
pli-tv-bu-vb-pj3:4.1.5	raho rahosaññī
pli-tv-bu-vb-pj3:4.1.6	kāyena saṁvaṇṇeti,
pli-tv-bu-vb-pj3:4.1.7	vācāya saṁvaṇṇeti,
pli-tv-bu-vb-pj3:4.1.8	kāyena vācāya saṁvaṇṇeti,
pli-tv-bu-vb-pj3:4.1.9	dūtena saṁvaṇṇeti,
pli-tv-bu-vb-pj3:4.1.10	lekhāya saṁvaṇṇeti,
pli-tv-bu-vb-pj3:4.1.11	opātaṁ apassenaṁ, upanikkhipanaṁ, bhesajjaṁ, rūpūpahāro, saddūpahāro, gandhūpahāro, rasūpahāro, phoṭṭhabbūpahāro, dhammūpahāro, ācikkhanā, anusāsanī, saṅketakammaṁ, nimittakammanti.
pli-tv-bu-vb-pj3:4.2.0	
pli-tv-bu-vb-pj3:4.2.1	Sāmanti
pli-tv-bu-vb-pj3:4.2.2	sayaṁ hanati kāyena vā kāyapaṭibaddhena vā nissaggiyena vā.
pli-tv-bu-vb-pj3:4.2.3	Adhiṭṭhāyāti
pli-tv-bu-vb-pj3:4.2.4.1	adhiṭṭhahitvā āṇāpeti— “evaṁ vijjha, evaṁ pahara, evaṁ ghātehī”ti.
pli-tv-bu-vb-pj3:4.2.4.2	
pli-tv-bu-vb-pj3:4.2.5	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.6	So taṁ maññamāno taṁ jīvitā voropeti, āpatti ubhinnaṁ pārājikassa.
pli-tv-bu-vb-pj3:4.2.7	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.8	So taṁ maññamāno aññaṁ jīvitā voropeti, mūlaṭṭhassa anāpatti. Vadhakassa āpatti pārājikassa.
pli-tv-bu-vb-pj3:4.2.9	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.10	So aññaṁ maññamāno taṁ jīvitā voropeti, āpatti ubhinnaṁ pārājikassa.
pli-tv-bu-vb-pj3:4.2.11	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.12.1	So aññaṁ maññamāno aññaṁ jīvitā voropeti; mūlaṭṭhassa anāpatti, vadhakassa āpatti pārājikassa.
pli-tv-bu-vb-pj3:4.2.12.2	
pli-tv-bu-vb-pj3:4.2.13	Bhikkhu bhikkhuṁ āṇāpeti— “itthannāmassa pāvada—‘itthannāmo itthannāmassa pāvadatu—itthannāmo itthannāmaṁ jīvitā voropetū’”ti, āpatti dukkaṭassa.
pli-tv-bu-vb-pj3:4.2.14	So itarassa āroceti, āpatti dukkaṭassa.
pli-tv-bu-vb-pj3:4.2.15	Vadhako paṭiggaṇhāti, mūlaṭṭhassa āpatti thullaccayassa.
pli-tv-bu-vb-pj3:4.2.16.1	So taṁ jīvitā voropeti, āpatti sabbesaṁ pārājikassa.
pli-tv-bu-vb-pj3:4.2.16.2	
pli-tv-bu-vb-pj3:4.2.17	Bhikkhu bhikkhuṁ āṇāpeti— “itthannāmassa pāvada—‘itthannāmo itthannāmassa pāvadatu—itthannāmo itthannāmaṁ jīvitā voropetū’”ti, āpatti dukkaṭassa.
pli-tv-bu-vb-pj3:4.2.18	So aññaṁ āṇāpeti, āpatti dukkaṭassa.
pli-tv-bu-vb-pj3:4.2.19	Vadhako paṭiggaṇhāti, āpatti dukkaṭassa.
pli-tv-bu-vb-pj3:4.2.20	So taṁ jīvitā voropeti, mūlaṭṭhassa anāpatti;
pli-tv-bu-vb-pj3:4.2.21.1	āṇāpakassa ca vadhakassa ca āpatti pārājikassa.
pli-tv-bu-vb-pj3:4.2.21.2	
pli-tv-bu-vb-pj3:4.2.22	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.23	So gantvā puna paccāgacchati— “nāhaṁ sakkomi taṁ jīvitā voropetun”ti.
pli-tv-bu-vb-pj3:4.2.24	So puna āṇāpeti— “yadā sakkosi tadā taṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.25	So taṁ jīvitā voropeti, āpatti ubhinnaṁ pārājikassa.
pli-tv-bu-vb-pj3:4.2.26	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.27	So āṇāpetvā vippaṭisārī na sāveti— “mā ghātehī”ti.
pli-tv-bu-vb-pj3:4.2.28	So taṁ jīvitā voropeti, āpatti ubhinnaṁ pārājikassa.
pli-tv-bu-vb-pj3:4.2.29	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.30	So āṇāpetvā vippaṭisārī sāveti— “mā ghātehī”ti.
pli-tv-bu-vb-pj3:4.2.31	So—“āṇatto ahaṁ tayā”ti taṁ jīvitā voropeti, mūlaṭṭhassa anāpatti. Vadhakassa āpatti pārājikassa.
pli-tv-bu-vb-pj3:4.2.32	Bhikkhu bhikkhuṁ āṇāpeti— “itthannāmaṁ jīvitā voropehī”ti, āpatti dukkaṭassa.
pli-tv-bu-vb-pj3:4.2.33	So āṇāpetvā vippaṭisārī sāveti— “mā ghātehī”ti.
pli-tv-bu-vb-pj3:4.2.34	So sādhūti oramati, ubhinnaṁ anāpatti.
pli-tv-bu-vb-pj3:4.3.1	Araho rahosaññī
pli-tv-bu-vb-pj3:4.3.2	ullapati— “aho itthannāmo hato assā”ti, āpatti dukkaṭassa.
pli-tv-bu-vb-pj3:4.3.3	Raho arahosaññī
pli-tv-bu-vb-pj3:4.3.4	ullapati— “aho itthannāmo hato assā”ti, āpatti dukkaṭassa.
pli-tv-bu-vb-pj3:4.3.5	Araho arahosaññī
pli-tv-bu-vb-pj3:4.3.6	ullapati— “aho itthannāmo hato assā”ti, āpatti dukkaṭassa.
pli-tv-bu-vb-pj3:4.3.7	Raho rahosaññī
pli-tv-bu-vb-pj3:4.3.8	ullapati— “aho itthannāmo hato assā”ti, āpatti dukkaṭassa.
pli-tv-bu-vb-pj3:4.4.1	Kāyena saṁvaṇṇeti nāma
pli-tv-bu-vb-pj3:4.4.2	kāyena vikāraṁ karoti— “yo evaṁ marati so dhanaṁ vā labhati yasaṁ vā labhati saggaṁ vā gacchatī”ti, āpatti dukkaṭassa.
pli-tv-bu-vb-pj3:4.4.3	Tāya saṁvaṇṇanāya marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.4.4	Marati, āpatti pārājikassa.
pli-tv-bu-vb-pj3:4.4.5	Vācāya saṁvaṇṇeti nāma
pli-tv-bu-vb-pj3:4.4.6	vācāya bhaṇati— “yo evaṁ marati so dhanaṁ vā labhati yasaṁ vā labhati saggaṁ vā gacchatī”ti, āpatti dukkaṭassa.
pli-tv-bu-vb-pj3:4.4.7	Tāya saṁvaṇṇanāya marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.4.8	Marati, āpatti pārājikassa.
pli-tv-bu-vb-pj3:4.4.9	Kāyena vācāya saṁvaṇṇeti nāma
pli-tv-bu-vb-pj3:4.4.10	kāyena ca vikāraṁ karoti, vācāya ca bhaṇati— “yo evaṁ marati so dhanaṁ vā labhati yasaṁ vā labhati saggaṁ vā gacchatī”ti, āpatti dukkaṭassa.
pli-tv-bu-vb-pj3:4.4.11	Tāya saṁvaṇṇanāya marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.4.12	Marati, āpatti pārājikassa.
pli-tv-bu-vb-pj3:4.4.13	Dūtena saṁvaṇṇeti nāma
pli-tv-bu-vb-pj3:4.4.14	dūtassa sāsanaṁ āroceti— “yo evaṁ marati so dhanaṁ vā labhati yasaṁ vā labhati saggaṁ vā gacchatī”ti, āpatti dukkaṭassa.
pli-tv-bu-vb-pj3:4.4.15	Dūtassa sāsanaṁ sutvā marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.4.16	Marati, āpatti pārājikassa.
pli-tv-bu-vb-pj3:4.4.17	Lekhāya saṁvaṇṇeti nāma
pli-tv-bu-vb-pj3:4.4.18	lekhaṁ chindati— “yo evaṁ marati so dhanaṁ vā labhati yasaṁ vā labhati saggaṁ vā gacchatī”ti, akkharakkharāya āpatti dukkaṭassa.
pli-tv-bu-vb-pj3:4.4.19	Lekhaṁ passitvā marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.4.20	Marati, āpatti pārājikassa.
pli-tv-bu-vb-pj3:4.5.1	Opātaṁ nāma
pli-tv-bu-vb-pj3:4.5.2	manussaṁ uddissa opātaṁ khanati— “papatitvā marissatī”ti, āpatti dukkaṭassa.
pli-tv-bu-vb-pj3:4.5.3	Papatite dukkhā vedanā uppajjati, āpatti thullaccayassa.
pli-tv-bu-vb-pj3:4.5.4	Marati, āpatti pārājikassa.
pli-tv-bu-vb-pj3:4.5.5	Anodissa opātaṁ khanati— “yo koci papatitvā marissatī”ti, āpatti dukkaṭassa.
pli-tv-bu-vb-pj3:4.5.6	Manusso tasmiṁ papatati, āpatti dukkaṭassa.
pli-tv-bu-vb-pj3:4.5.7	Papatite dukkhā vedanā uppajjati, āpatti thullaccayassa.
pli-tv-bu-vb-pj3:4.5.8	Marati, āpatti pārājikassa.
pli-tv-bu-vb-pj3:4.5.9	Yakkho vā peto vā tiracchānagatamanussaviggaho vā tasmiṁ papatati, āpatti dukkaṭassa.
pli-tv-bu-vb-pj3:4.5.10	Papatite dukkhā vedanā uppajjati, āpatti dukkaṭassa.
pli-tv-bu-vb-pj3:4.5.11	Marati, āpatti thullaccayassa.
pli-tv-bu-vb-pj3:4.5.12	Tiracchānagato tasmiṁ papatati, āpatti dukkaṭassa.
pli-tv-bu-vb-pj3:4.5.13	Papatite dukkhā vedanā uppajjati, āpatti dukkaṭassa.
pli-tv-bu-vb-pj3:4.5.14	Marati, āpatti pācittiyassa.
pli-tv-bu-vb-pj3:4.6.1	Apassenaṁ nāma
pli-tv-bu-vb-pj3:4.6.2	apassene satthaṁ vā ṭhapeti visena vā makkheti dubbalaṁ vā karoti sobbhe vā narake vā papāte vā ṭhapeti— “papatitvā marissatī”ti, āpatti dukkaṭassa.
pli-tv-bu-vb-pj3:4.6.3	Satthena vā visena vā papatitena vā dukkhā vedanā uppajjati, āpatti thullaccayassa.
pli-tv-bu-vb-pj3:4.6.4	Marati, āpatti pārājikassa.
pli-tv-bu-vb-pj3:4.7.1	Upanikkhipanaṁ nāma
pli-tv-bu-vb-pj3:4.7.2	asiṁ vā sattiṁ vā bheṇḍiṁ vā laguḷaṁ vā pāsāṇaṁ vā satthaṁ vā visaṁ vā rajjuṁ vā upanikkhipati— “iminā marissatī”ti, āpatti dukkaṭassa.
pli-tv-bu-vb-pj3:4.7.3	“Tena marissāmī”ti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.7.4	Marati, āpatti pārājikassa.
pli-tv-bu-vb-pj3:4.8.1	Bhesajjaṁ nāma
pli-tv-bu-vb-pj3:4.8.2	sappiṁ vā navanītaṁ vā telaṁ vā madhuṁ vā phāṇitaṁ vā deti— “imaṁ sāyitvā marissatī”ti, āpatti dukkaṭassa.
pli-tv-bu-vb-pj3:4.8.3	Taṁ sāyite dukkhā vedanā uppajjati, āpatti thullaccayassa.
pli-tv-bu-vb-pj3:4.8.4	Marati, āpatti pārājikassa.
pli-tv-bu-vb-pj3:4.9.1	Rūpūpahāro nāma
pli-tv-bu-vb-pj3:4.9.2	amanāpikaṁ rūpaṁ upasaṁharati bhayānakaṁ bheravaṁ— “imaṁ passitvā uttasitvā marissatī”ti, āpatti dukkaṭassa.
pli-tv-bu-vb-pj3:4.9.3	Taṁ passitvā uttasati, āpatti thullaccayassa.
pli-tv-bu-vb-pj3:4.9.4	Marati, āpatti pārājikassa.
pli-tv-bu-vb-pj3:4.9.5	Manāpikaṁ rūpaṁ upasaṁharati— “imaṁ passitvā alābhakena sussitvā marissatī”ti, āpatti dukkaṭassa.
pli-tv-bu-vb-pj3:4.9.6	Taṁ passitvā alābhakena sussati, āpatti thullaccayassa.
pli-tv-bu-vb-pj3:4.9.7	Marati, āpatti pārājikassa.
pli-tv-bu-vb-pj3:4.9.8	Saddūpahāro nāma
pli-tv-bu-vb-pj3:4.9.9	amanāpikaṁ saddaṁ upasaṁharati bhayānakaṁ bheravaṁ— “imaṁ sutvā uttasitvā marissatī”ti, āpatti dukkaṭassa.
pli-tv-bu-vb-pj3:4.9.10	Taṁ sutvā uttasati, āpatti thullaccayassa.
pli-tv-bu-vb-pj3:4.9.11	Marati, āpatti pārājikassa.
pli-tv-bu-vb-pj3:4.9.12	Manāpikaṁ saddaṁ upasaṁharati pemanīyaṁ hadayaṅgamaṁ— “imaṁ sutvā alābhakena sussitvā marissatī”ti, āpatti dukkaṭassa.
pli-tv-bu-vb-pj3:4.9.13	Taṁ sutvā alābhakena sussati, āpatti thullaccayassa.
pli-tv-bu-vb-pj3:4.9.14	Marati, āpatti pārājikassa.
pli-tv-bu-vb-pj3:4.9.15	Gandhūpahāro nāma
pli-tv-bu-vb-pj3:4.9.16	amanāpikaṁ gandhaṁ upasaṁharati jegucchaṁ pāṭikulyaṁ— “imaṁ ghāyitvā jegucchatā pāṭikulyatā marissatī”ti, āpatti dukkaṭassa.
pli-tv-bu-vb-pj3:4.9.17	Taṁ ghāyite jegucchatā pāṭikulyatā dukkhā vedanā uppajjati, āpatti thullaccayassa.
pli-tv-bu-vb-pj3:4.9.18	Marati, āpatti pārājikassa.
pli-tv-bu-vb-pj3:4.9.19	Manāpikaṁ gandhaṁ upasaṁharati— “imaṁ ghāyitvā alābhakena sussitvā marissatī”ti, āpatti dukkaṭassa.
pli-tv-bu-vb-pj3:4.9.20	Taṁ ghāyitvā alābhakena sussati, āpatti thullaccayassa.
pli-tv-bu-vb-pj3:4.9.21	Marati, āpatti pārājikassa.
pli-tv-bu-vb-pj3:4.9.22	Rasūpahāro nāma
pli-tv-bu-vb-pj3:4.9.23	amanāpikaṁ rasaṁ upasaṁharati jegucchaṁ pāṭikulyaṁ— “imaṁ sāyitvā jegucchatā pāṭikulyatā marissatī”ti, āpatti dukkaṭassa.
pli-tv-bu-vb-pj3:4.9.24	Taṁ sāyite jegucchatā pāṭikulyatā dukkhā vedanā uppajjati, āpatti thullaccayassa.
pli-tv-bu-vb-pj3:4.9.25	Marati, āpatti pārājikassa.
pli-tv-bu-vb-pj3:4.9.26	Manāpikaṁ rasaṁ upasaṁharati— “imaṁ sāyitvā alābhakena sussitvā marissatī”ti, āpatti dukkaṭassa.
pli-tv-bu-vb-pj3:4.9.27	Taṁ sāyitvā alābhakena sussati, āpatti thullaccayassa.
pli-tv-bu-vb-pj3:4.9.28	Marati, āpatti pārājikassa.
pli-tv-bu-vb-pj3:4.9.29	Phoṭṭhabbūpahāro nāma
pli-tv-bu-vb-pj3:4.9.30	amanāpikaṁ phoṭṭhabbaṁ upasaṁharati dukkhasamphassaṁ kharasamphassaṁ— “iminā phuṭṭho marissatī”ti, āpatti dukkaṭassa.
pli-tv-bu-vb-pj3:4.9.31	Tena phuṭṭhassa dukkhā vedanā uppajjati, āpatti thullaccayassa.
pli-tv-bu-vb-pj3:4.9.32	Marati, āpatti pārājikassa.
pli-tv-bu-vb-pj3:4.9.33	Manāpikaṁ phoṭṭhabbaṁ upasaṁharati sukhasamphassaṁ mudusamphassaṁ— “iminā phuṭṭho alābhakena sussitvā marissatī”ti, āpatti dukkaṭassa.
pli-tv-bu-vb-pj3:4.9.34	Tena phuṭṭho alābhakena sussati, āpatti thullaccayassa.
pli-tv-bu-vb-pj3:4.9.35	Marati, āpatti pārājikassa.
pli-tv-bu-vb-pj3:4.9.36	Dhammūpahāro nāma
pli-tv-bu-vb-pj3:4.9.37	nerayikassa nirayakathaṁ katheti— “imaṁ sutvā uttasitvā marissatī”ti, āpatti dukkaṭassa.
pli-tv-bu-vb-pj3:4.9.38	Taṁ sutvā uttasati, āpatti thullaccayassa.
pli-tv-bu-vb-pj3:4.9.39	Marati, āpatti pārājikassa.
pli-tv-bu-vb-pj3:4.9.40	Kalyāṇakammassa saggakathaṁ katheti— “imaṁ sutvā adhimutto marissatī”ti, āpatti dukkaṭassa.
pli-tv-bu-vb-pj3:4.9.41	Taṁ sutvā adhimutto marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.9.42	Marati, āpatti pārājikassa.
pli-tv-bu-vb-pj3:4.10.1	Ācikkhanā nāma
pli-tv-bu-vb-pj3:4.10.2	puṭṭho bhaṇati— “evaṁ marassu. Yo evaṁ marati so dhanaṁ vā labhati yasaṁ vā labhati saggaṁ vā gacchatī”ti, āpatti dukkaṭassa.
pli-tv-bu-vb-pj3:4.10.3	Tāya ācikkhanāya marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.10.4	Marati, āpatti pārājikassa.
pli-tv-bu-vb-pj3:4.10.5	Anusāsanī nāma
pli-tv-bu-vb-pj3:4.10.6	apuṭṭho bhaṇati— “evaṁ marassu. Yo evaṁ marati so dhanaṁ vā labhati yasaṁ vā labhati saggaṁ vā gacchatī”ti, āpatti dukkaṭassa.
pli-tv-bu-vb-pj3:4.10.7	Tāya anusāsaniyā marissāmīti dukkhaṁ vedanaṁ uppādeti, āpatti thullaccayassa.
pli-tv-bu-vb-pj3:4.10.8	Marati, āpatti pārājikassa.
pli-tv-bu-vb-pj3:4.10.9	Saṅketakammaṁ nāma
pli-tv-bu-vb-pj3:4.10.10	saṅketaṁ karoti purebhattaṁ vā pacchābhattaṁ vā rattiṁ vā divā vā— “tena saṅketena taṁ jīvitā voropehī”ti, āpatti dukkaṭassa.
pli-tv-bu-vb-pj3:4.10.11	Tena saṅketena taṁ jīvitā voropeti, āpatti ubhinnaṁ pārājikassa.
pli-tv-bu-vb-pj3:4.10.12	Taṁ saṅketaṁ pure vā pacchā vā taṁ jīvitā voropeti, mūlaṭṭhassa anāpatti, vadhakassa āpatti pārājikassa.
pli-tv-bu-vb-pj3:4.10.13	Nimittakammaṁ nāma
pli-tv-bu-vb-pj3:4.10.14	nimittaṁ karoti— “akkhiṁ vā nikhaṇissāmi bhamukaṁ vā ukkhipissāmi sīsaṁ vā ukkhipissāmi, tena nimittena taṁ jīvitā voropehī”ti, āpatti dukkaṭassa.
pli-tv-bu-vb-pj3:4.10.15	Tena nimittena taṁ jīvitā voropeti, āpatti ubhinnaṁ pārājikassa.
pli-tv-bu-vb-pj3:4.10.16	Taṁ nimittaṁ pure vā pacchā vā taṁ jīvitā voropeti, mūlaṭṭhassa anāpatti, vadhakassa āpatti pārājikassa.
pli-tv-bu-vb-pj3:4.11.0	
pli-tv-bu-vb-pj3:4.11.1	Anāpatti—
pli-tv-bu-vb-pj3:4.11.2	asañcicca
pli-tv-bu-vb-pj3:4.11.3	ajānantassa
pli-tv-bu-vb-pj3:4.11.4	namaraṇādhippāyassa
pli-tv-bu-vb-pj3:4.11.5	ummattakassa
pli-tv-bu-vb-pj3:4.11.6	ādikammikassāti.
pli-tv-bu-vb-pj3:4.11.7	Manussaviggahapārājikamhi paṭhamabhāṇavāro niṭṭhito.
pli-tv-bu-vb-pj3:4.11.8	3.1. Vinītavatthuuddānagāthā
pli-tv-bu-vb-pj3:4.11.9	Saṁvaṇṇanā nisīdanto,
pli-tv-bu-vb-pj3:4.11.10	musalodukkhalena ca;
pli-tv-bu-vb-pj3:4.11.11	Vuḍḍhapabbajitābhisanno,
pli-tv-bu-vb-pj3:4.11.12	aggavīmaṁsanāvisaṁ.
pli-tv-bu-vb-pj3:4.11.13	Tayo ca vatthukammehi,
pli-tv-bu-vb-pj3:4.11.14	iṭṭhakāhipare tayo;
pli-tv-bu-vb-pj3:4.11.15	Vāsī gopānasī ceva,
pli-tv-bu-vb-pj3:4.11.16	aṭṭakotaraṇaṁ pati.
pli-tv-bu-vb-pj3:4.11.17	Sedaṁ natthuñca sambāho,
pli-tv-bu-vb-pj3:4.11.18	nhāpanabbhañjanena ca;
pli-tv-bu-vb-pj3:4.11.19	Uṭṭhāpento nipātento,
pli-tv-bu-vb-pj3:4.11.20	annapānena māraṇaṁ.
pli-tv-bu-vb-pj3:4.11.21	Jāragabbho sapattī ca,
pli-tv-bu-vb-pj3:4.11.22	mātā puttaṁ ubho vadhi;
pli-tv-bu-vb-pj3:4.11.23	Ubho na miyyare maddā,
pli-tv-bu-vb-pj3:4.11.24	tāpaṁ vañjhā vijāyinī.
pli-tv-bu-vb-pj3:4.11.25	Patodaṁ niggahe yakkho,
pli-tv-bu-vb-pj3:4.11.26	vāḷayakkhañca pāhiṇi;
pli-tv-bu-vb-pj3:4.11.27	Taṁ maññamāno pahari,
pli-tv-bu-vb-pj3:4.11.28	saggañca nirayaṁ bhaṇe.
pli-tv-bu-vb-pj3:4.11.29	Āḷaviyā tayo rukkhā,
pli-tv-bu-vb-pj3:4.11.30	dāyehi apare tayo;
pli-tv-bu-vb-pj3:4.11.31	Mā kilamesi na tuyhaṁ,
pli-tv-bu-vb-pj3:4.11.32	takkaṁ sovīrakena cāti.
pli-tv-bu-vb-pj3:5.1.0	3.2. Vinītavatthu
pli-tv-bu-vb-pj3:5.1.1	Tena kho pana samayena aññataro bhikkhu gilāno hoti.
pli-tv-bu-vb-pj3:5.1.2	Tassa bhikkhū kāruññena maraṇavaṇṇaṁ saṁvaṇṇesuṁ.
pli-tv-bu-vb-pj3:5.1.3	So bhikkhu kālamakāsi.
pli-tv-bu-vb-pj3:5.1.4	Tesaṁ kukkuccaṁ ahosi “bhagavatā sikkhāpadaṁ paññattaṁ, kacci nu kho mayaṁ pārājikaṁ āpattiṁ āpannā”ti?
pli-tv-bu-vb-pj3:5.1.5	Bhagavato etamatthaṁ ārocesuṁ.
pli-tv-bu-vb-pj3:5.1.6	“Āpattiṁ tumhe, bhikkhave, āpannā pārājikan”ti.
pli-tv-bu-vb-pj3:5.2.1	Tena kho pana samayena aññataro piṇḍacāriko bhikkhu pīṭhake pilotikāya paṭicchannaṁ dārakaṁ nisīdanto ottharitvā māresi.
pli-tv-bu-vb-pj3:5.2.2	Tassa kukkuccaṁ ahosi “bhagavatā sikkhāpadaṁ paññattaṁ, kacci nu kho ahaṁ pārājikaṁ āpattiṁ āpanno”ti?
pli-tv-bu-vb-pj3:5.2.3	Bhagavato etamatthaṁ ārocesi.
pli-tv-bu-vb-pj3:5.2.4	“Anāpatti, bhikkhu, pārājikassa.
pli-tv-bu-vb-pj3:5.2.5	Na ca, bhikkhave, appaṭivekkhitvā āsane nisīditabbaṁ; yo nisīdeyya, āpatti dukkaṭassā”ti.
pli-tv-bu-vb-pj3:5.3.1	Tena kho pana samayena aññataro bhikkhu bhattagge antaraghare āsanaṁ paññapento musale ussite ekaṁ musalaṁ aggahesi.
pli-tv-bu-vb-pj3:5.3.2	Dutiyo musalo paripatitvā aññatarassa dārakassa matthake avatthāsi.
pli-tv-bu-vb-pj3:5.3.3	So kālamakāsi.
pli-tv-bu-vb-pj3:5.3.4	Tassa kukkuccaṁ ahosi …pe…
pli-tv-bu-vb-pj3:5.3.5	“kiṁcitto tvaṁ, bhikkhū”ti?
pli-tv-bu-vb-pj3:5.3.6	“Asañcicca ahaṁ, bhagavā”ti.
pli-tv-bu-vb-pj3:5.3.7	“Anāpatti, bhikkhu, asañciccā”ti.
pli-tv-bu-vb-pj3:5.3.8	Tena kho pana samayena aññataro bhikkhu bhattagge antaraghare āsanaṁ paññapento udukkhalabhaṇḍikaṁ akkamitvā pavaṭṭesi.
pli-tv-bu-vb-pj3:5.3.9	Aññataraṁ dārakaṁ ottharitvā māresi.
pli-tv-bu-vb-pj3:5.3.10	Tassa kukkuccaṁ ahosi …pe…
pli-tv-bu-vb-pj3:5.3.11	“anāpatti, bhikkhu, asañciccā”ti.
pli-tv-bu-vb-pj3:5.4.1	Tena kho pana samayena pitāputtā bhikkhūsu pabbajitā honti.
pli-tv-bu-vb-pj3:5.4.2	Kāle ārocite putto pitaraṁ etadavoca—
pli-tv-bu-vb-pj3:5.4.3	“gaccha, bhante, saṅgho taṁ patimānetī”ti
pli-tv-bu-vb-pj3:5.4.4	piṭṭhiyaṁ gahetvā paṇāmesi.
pli-tv-bu-vb-pj3:5.4.5	So papatitvā kālamakāsi.
pli-tv-bu-vb-pj3:5.4.6	Tassa kukkuccaṁ ahosi …pe…
pli-tv-bu-vb-pj3:5.4.7	“kiṁcitto tvaṁ, bhikkhū”ti?
pli-tv-bu-vb-pj3:5.4.8	“Nāhaṁ, bhagavā, maraṇādhippāyo”ti.
pli-tv-bu-vb-pj3:5.4.9	“Anāpatti, bhikkhu, namaraṇādhippāyassā”ti.
pli-tv-bu-vb-pj3:5.4.10	Tena kho pana samayena pitāputtā bhikkhūsu pabbajitā honti.
pli-tv-bu-vb-pj3:5.4.11	Kāle ārocite putto pitaraṁ etadavoca—
pli-tv-bu-vb-pj3:5.4.12	“gaccha, bhante, saṅgho taṁ patimānetī”ti
pli-tv-bu-vb-pj3:5.4.13	maraṇādhippāyo piṭṭhiyaṁ gahetvā paṇāmesi.
pli-tv-bu-vb-pj3:5.4.14	So papatitvā kālamakāsi.
pli-tv-bu-vb-pj3:5.4.15	Tassa kukkuccaṁ ahosi …pe…
pli-tv-bu-vb-pj3:5.4.16	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.4.17	Tena kho pana samayena pitāputtā bhikkhūsu pabbajitā honti.
pli-tv-bu-vb-pj3:5.4.18	Kāle ārocite putto pitaraṁ etadavoca—
pli-tv-bu-vb-pj3:5.4.19	“gaccha, bhante, saṅgho taṁ patimānetī”ti
pli-tv-bu-vb-pj3:5.4.20	maraṇādhippāyo piṭṭhiyaṁ gahetvā paṇāmesi.
pli-tv-bu-vb-pj3:5.4.21	So papatitvā na kālamakāsi.
pli-tv-bu-vb-pj3:5.4.22	Tassa kukkuccaṁ ahosi …pe…
pli-tv-bu-vb-pj3:5.4.23	“anāpatti, bhikkhu, pārājikassa;
pli-tv-bu-vb-pj3:5.4.24	āpatti thullaccayassā”ti.
pli-tv-bu-vb-pj3:5.5.1	Tena kho pana samayena aññatarassa bhikkhuno bhuñjantassa maṁsaṁ kaṇṭhe vilaggaṁ hoti.
pli-tv-bu-vb-pj3:5.5.2	Aññataro bhikkhu tassa bhikkhuno gīvāyaṁ pahāraṁ adāsi.
pli-tv-bu-vb-pj3:5.5.3	Salohitaṁ maṁsaṁ pati.
pli-tv-bu-vb-pj3:5.5.4	So bhikkhu kālamakāsi.
pli-tv-bu-vb-pj3:5.5.5	Tassa kukkuccaṁ ahosi …pe…
pli-tv-bu-vb-pj3:5.5.6	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.5.7	Tena kho pana samayena aññatarassa bhikkhuno bhuñjantassa maṁsaṁ kaṇṭhe vilaggaṁ hoti.
pli-tv-bu-vb-pj3:5.5.8	Aññataro bhikkhu maraṇādhippāyo tassa bhikkhuno gīvāyaṁ pahāraṁ adāsi.
pli-tv-bu-vb-pj3:5.5.9	Salohitaṁ maṁsaṁ pati.
pli-tv-bu-vb-pj3:5.5.10	So bhikkhu kālamakāsi.
pli-tv-bu-vb-pj3:5.5.11	Tassa kukkuccaṁ ahosi …pe…
pli-tv-bu-vb-pj3:5.5.12	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.5.13	Tena kho pana samayena aññatarassa bhikkhuno bhuñjantassa maṁsaṁ kaṇṭhe vilaggaṁ hoti.
pli-tv-bu-vb-pj3:5.5.14	Aññataro bhikkhu maraṇādhippāyo tassa bhikkhuno gīvāyaṁ pahāraṁ adāsi.
pli-tv-bu-vb-pj3:5.5.15	Salohitaṁ maṁsaṁ pati.
pli-tv-bu-vb-pj3:5.5.16	So bhikkhu na kālamakāsi.
pli-tv-bu-vb-pj3:5.5.17	Tassa kukkuccaṁ ahosi …pe…
pli-tv-bu-vb-pj3:5.5.18	“anāpatti, bhikkhu, pārājikassa;
pli-tv-bu-vb-pj3:5.5.19	āpatti thullaccayassā”ti.
pli-tv-bu-vb-pj3:5.6.1	Tena kho pana samayena aññataro piṇḍacāriko bhikkhu visagataṁ piṇḍapātaṁ labhitvā paṭikkamanaṁ haritvā bhikkhūnaṁ aggakārikaṁ adāsi.
pli-tv-bu-vb-pj3:5.6.2	Te bhikkhū kālamakaṁsu.
pli-tv-bu-vb-pj3:5.6.3	Tassa kukkuccaṁ ahosi …pe…
pli-tv-bu-vb-pj3:5.6.4	“kiṁcitto tvaṁ, bhikkhū”ti?
pli-tv-bu-vb-pj3:5.6.5	“Nāhaṁ, bhagavā, jānāmī”ti.
pli-tv-bu-vb-pj3:5.6.6	“Anāpatti, bhikkhu, ajānantassā”ti.
pli-tv-bu-vb-pj3:5.6.7	Tena kho pana samayena aññataro bhikkhu vīmaṁsādhippāyo aññatarassa bhikkhuno visaṁ adāsi.
pli-tv-bu-vb-pj3:5.6.8	So bhikkhu kālamakāsi.
pli-tv-bu-vb-pj3:5.6.9	Tassa kukkuccaṁ ahosi …pe…
pli-tv-bu-vb-pj3:5.6.10	“kiṁcitto tvaṁ, bhikkhū”ti?
pli-tv-bu-vb-pj3:5.6.11	“Vīmaṁsādhippāyo ahaṁ, bhagavā”ti.
pli-tv-bu-vb-pj3:5.6.12	“Anāpatti, bhikkhu, pārājikassa;
pli-tv-bu-vb-pj3:5.6.13	āpatti thullaccayassā”ti.
pli-tv-bu-vb-pj3:5.7.1	Tena kho pana samayena āḷavakā bhikkhū vihāravatthuṁ karonti.
pli-tv-bu-vb-pj3:5.7.2	Aññataro bhikkhu heṭṭhā hutvā silaṁ uccāresi.
pli-tv-bu-vb-pj3:5.7.3	Uparimena bhikkhunā duggahitā silā heṭṭhimassa bhikkhuno matthake avatthāsi.
pli-tv-bu-vb-pj3:5.7.4	So bhikkhu kālamakāsi.
pli-tv-bu-vb-pj3:5.7.5	Tassa kukkuccaṁ ahosi …pe…
pli-tv-bu-vb-pj3:5.7.6	“anāpatti, bhikkhu, asañciccā”ti.
pli-tv-bu-vb-pj3:5.7.7	Tena kho pana samayena āḷavakā bhikkhū vihāravatthuṁ karonti.
pli-tv-bu-vb-pj3:5.7.8	Aññataro bhikkhu heṭṭhā hutvā silaṁ uccāresi.
pli-tv-bu-vb-pj3:5.7.9	Uparimo bhikkhu maraṇādhippāyo heṭṭhimassa bhikkhuno matthake silaṁ muñci.
pli-tv-bu-vb-pj3:5.7.10	So bhikkhu kālamakāsi …pe…
pli-tv-bu-vb-pj3:5.7.11	so bhikkhu na kālamakāsi.
pli-tv-bu-vb-pj3:5.7.12	Tassa kukkuccaṁ ahosi …pe…
pli-tv-bu-vb-pj3:5.7.13	“anāpatti, bhikkhu, pārājikassa;
pli-tv-bu-vb-pj3:5.7.14	āpatti thullaccayassā”ti.
pli-tv-bu-vb-pj3:5.8.1	Tena kho pana samayena āḷavakā bhikkhū vihārassa kuṭṭaṁ uṭṭhāpenti.
pli-tv-bu-vb-pj3:5.8.2	Aññataro bhikkhu heṭṭhā hutvā iṭṭhakaṁ uccāresi.
pli-tv-bu-vb-pj3:5.8.3	Uparimena bhikkhunā duggahitā iṭṭhakā heṭṭhimassa bhikkhuno matthake avatthāsi.
pli-tv-bu-vb-pj3:5.8.4	So bhikkhu kālamakāsi.
pli-tv-bu-vb-pj3:5.8.5	Tassa kukkuccaṁ ahosi …pe…
pli-tv-bu-vb-pj3:5.8.6	“anāpatti, bhikkhu, asañciccā”ti.
pli-tv-bu-vb-pj3:5.8.7	Tena kho pana samayena āḷavakā bhikkhū vihārassa kuṭṭaṁ uṭṭhāpenti.
pli-tv-bu-vb-pj3:5.8.8	Aññataro bhikkhu heṭṭhā hutvā iṭṭhakaṁ uccāresi.
pli-tv-bu-vb-pj3:5.8.9	Uparimo bhikkhu maraṇādhippāyo heṭṭhimassa bhikkhuno matthake iṭṭhakaṁ muñci.
pli-tv-bu-vb-pj3:5.8.10	So bhikkhu kālamakāsi …pe…
pli-tv-bu-vb-pj3:5.8.11	so bhikkhu na kālamakāsi.
pli-tv-bu-vb-pj3:5.8.12	Tassa kukkuccaṁ ahosi …pe…
pli-tv-bu-vb-pj3:5.8.13	“anāpatti, bhikkhu, pārājikassa;
pli-tv-bu-vb-pj3:5.8.14	āpatti thullaccayassā”ti.
pli-tv-bu-vb-pj3:5.9.1	Tena kho pana samayena āḷavakā bhikkhū navakammaṁ karonti.
pli-tv-bu-vb-pj3:5.9.2	Aññataro bhikkhu heṭṭhā hutvā vāsiṁ uccāresi.
pli-tv-bu-vb-pj3:5.9.3	Uparimena bhikkhunā duggahitā vāsī heṭṭhimassa bhikkhuno matthake avatthāsi.
pli-tv-bu-vb-pj3:5.9.4	So bhikkhu kālamakāsi.
pli-tv-bu-vb-pj3:5.9.5	Tassa kukkuccaṁ ahosi …pe…
pli-tv-bu-vb-pj3:5.9.6	“anāpatti, bhikkhu, asañciccā”ti.
pli-tv-bu-vb-pj3:5.9.7	Tena kho pana samayena āḷavakā bhikkhū navakammaṁ karonti.
pli-tv-bu-vb-pj3:5.9.8	Aññataro bhikkhu heṭṭhā hutvā vāsiṁ uccāresi.
pli-tv-bu-vb-pj3:5.9.9	Uparimo bhikkhu maraṇādhippāyo heṭṭhimassa bhikkhuno matthake vāsiṁ muñci.
pli-tv-bu-vb-pj3:5.9.10	So bhikkhu kālamakāsi …pe…
pli-tv-bu-vb-pj3:5.9.11	so bhikkhu na kālamakāsi.
pli-tv-bu-vb-pj3:5.9.12	Tassa kukkuccaṁ ahosi …pe…
pli-tv-bu-vb-pj3:5.9.13	“anāpatti, bhikkhu, pārājikassa;
pli-tv-bu-vb-pj3:5.9.14	āpatti thullaccayassā”ti.
pli-tv-bu-vb-pj3:5.10.1	Tena kho pana samayena āḷavakā bhikkhū navakammaṁ karonti.
pli-tv-bu-vb-pj3:5.10.2	Aññataro bhikkhu heṭṭhā hutvā gopānasiṁ uccāresi.
pli-tv-bu-vb-pj3:5.10.3	Uparimena bhikkhunā duggahitā gopānasī heṭṭhimassa bhikkhuno matthake avatthāsi.
pli-tv-bu-vb-pj3:5.10.4	So bhikkhu kālamakāsi.
pli-tv-bu-vb-pj3:5.10.5	Tassa kukkuccaṁ ahosi …pe…
pli-tv-bu-vb-pj3:5.10.6	“anāpatti, bhikkhu, asañciccā”ti.
pli-tv-bu-vb-pj3:5.10.7	Tena kho pana samayena āḷavakā bhikkhū navakammaṁ karonti.
pli-tv-bu-vb-pj3:5.10.8	Aññataro bhikkhu heṭṭhā hutvā gopānasiṁ uccāresi.
pli-tv-bu-vb-pj3:5.10.9	Uparimo bhikkhu maraṇādhippāyo heṭṭhimassa bhikkhuno matthake gopānasiṁ muñci.
pli-tv-bu-vb-pj3:5.10.10	So bhikkhu kālamakāsi …pe…
pli-tv-bu-vb-pj3:5.10.11	so bhikkhu na kālamakāsi.
pli-tv-bu-vb-pj3:5.10.12	Tassa kukkuccaṁ ahosi …pe…
pli-tv-bu-vb-pj3:5.10.13	“anāpatti, bhikkhu, pārājikassa;
pli-tv-bu-vb-pj3:5.10.14	āpatti thullaccayassā”ti.
pli-tv-bu-vb-pj3:5.11.1	Tena kho pana samayena āḷavakā bhikkhū navakammaṁ karontā aṭṭakaṁ bandhanti.
pli-tv-bu-vb-pj3:5.11.2	Aññataro bhikkhu aññataraṁ bhikkhuṁ etadavoca—
pli-tv-bu-vb-pj3:5.11.3	“āvuso, atraṭṭhito bandhāhī”ti.
pli-tv-bu-vb-pj3:5.11.4	So tatraṭṭhito bandhanto paripatitvā kālamakāsi.
pli-tv-bu-vb-pj3:5.11.5	Tassa kukkuccaṁ ahosi …pe…
pli-tv-bu-vb-pj3:5.11.6	“kiṁcitto tvaṁ, bhikkhū”ti?
pli-tv-bu-vb-pj3:5.11.7	“Nāhaṁ, bhagavā, maraṇādhippāyo”ti.
pli-tv-bu-vb-pj3:5.11.8	“Anāpatti, bhikkhu, namaraṇādhippāyassā”ti.
pli-tv-bu-vb-pj3:5.11.9	Tena kho pana samayena āḷavakā bhikkhū navakammaṁ karontā aṭṭakaṁ bandhanti.
pli-tv-bu-vb-pj3:5.11.10	Aññataro bhikkhu maraṇādhippāyo aññataraṁ bhikkhuṁ etadavoca—
pli-tv-bu-vb-pj3:5.11.11	“āvuso, atraṭṭhito bandhāhī”ti.
pli-tv-bu-vb-pj3:5.11.12	So tatraṭṭhito bandhanto paripatitvā kālamakāsi …pe…
pli-tv-bu-vb-pj3:5.11.13	paripatitvā na kālamakāsi.
pli-tv-bu-vb-pj3:5.11.14	Tassa kukkuccaṁ ahosi …pe…
pli-tv-bu-vb-pj3:5.11.15	“anāpatti, bhikkhu, pārājikassa;
pli-tv-bu-vb-pj3:5.11.16	āpatti thullaccayassā”ti.
pli-tv-bu-vb-pj3:5.12.1	Tena kho pana samayena aññataro bhikkhu vihāraṁ chādetvā otarati.
pli-tv-bu-vb-pj3:5.12.2	Aññataro bhikkhu taṁ bhikkhuṁ etadavoca—
pli-tv-bu-vb-pj3:5.12.3	“āvuso, ito otarāhī”ti.
pli-tv-bu-vb-pj3:5.12.4	So tena otaranto paripatitvā kālamakāsi.
pli-tv-bu-vb-pj3:5.12.5	Tassa kukkuccaṁ ahosi …pe…
pli-tv-bu-vb-pj3:5.12.6	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.12.7	Tena kho pana samayena aññataro bhikkhu vihāraṁ chādetvā otarati.
pli-tv-bu-vb-pj3:5.12.8	Aññataro bhikkhu maraṇādhippāyo taṁ bhikkhuṁ etadavoca—
pli-tv-bu-vb-pj3:5.12.9	“āvuso, ito otarāhī”ti.
pli-tv-bu-vb-pj3:5.12.10	So tena otaranto paripatitvā kālamakāsi …pe…
pli-tv-bu-vb-pj3:5.12.11	paripatitvā na kālamakāsi.
pli-tv-bu-vb-pj3:5.12.12	Tassa kukkuccaṁ ahosi …pe…
pli-tv-bu-vb-pj3:5.12.13	“anāpatti, bhikkhu, pārājikassa;
pli-tv-bu-vb-pj3:5.12.14	āpatti thullaccayassā”ti.
pli-tv-bu-vb-pj3:5.13.1	Tena kho pana samayena aññataro bhikkhu anabhiratiyā pīḷito gijjhakūṭaṁ pabbataṁ abhiruhitvā papāte papatanto aññataraṁ vilīvakāraṁ ottharitvā māresi.
pli-tv-bu-vb-pj3:5.13.2	Tassa kukkuccaṁ ahosi …pe…
pli-tv-bu-vb-pj3:5.13.3	“anāpatti, bhikkhu, pārājikassa.
pli-tv-bu-vb-pj3:5.13.4	Na ca, bhikkhave, attānaṁ pātetabbaṁ. Yo pāteyya, āpatti dukkaṭassā”ti.
pli-tv-bu-vb-pj3:5.13.5	Tena kho pana samayena chabbaggiyā bhikkhū gijjhakūṭaṁ pabbataṁ abhiruhitvā davāya silaṁ pavijjhiṁsu.
pli-tv-bu-vb-pj3:5.13.6	Sā aññataraṁ gopālakaṁ ottharitvā māresi.
pli-tv-bu-vb-pj3:5.13.7	Tesaṁ kukkuccaṁ ahosi …pe…
pli-tv-bu-vb-pj3:5.13.8	“anāpatti, bhikkhave, pārājikassa.
pli-tv-bu-vb-pj3:5.13.9	Na ca, bhikkhave, davāya silā pavijjhitabbā. Yo pavijjheyya, āpatti dukkaṭassā”ti.
pli-tv-bu-vb-pj3:5.14.1	Tena kho pana samayena aññataro bhikkhu gilāno hoti.
pli-tv-bu-vb-pj3:5.14.2	Taṁ bhikkhū sedesuṁ.
pli-tv-bu-vb-pj3:5.14.3	So bhikkhu kālamakāsi.
pli-tv-bu-vb-pj3:5.14.4	Tesaṁ kukkuccaṁ ahosi …pe…
pli-tv-bu-vb-pj3:5.14.5	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.14.6	Tena kho pana samayena aññataro bhikkhu gilāno hoti.
pli-tv-bu-vb-pj3:5.14.7	Taṁ bhikkhū maraṇādhippāyā sedesuṁ.
pli-tv-bu-vb-pj3:5.14.8	So bhikkhu kālamakāsi. …pe…
pli-tv-bu-vb-pj3:5.14.9	So bhikkhu na kālamakāsi.
pli-tv-bu-vb-pj3:5.14.10	Tesaṁ kukkuccaṁ ahosi …pe…
pli-tv-bu-vb-pj3:5.14.11	“anāpatti, bhikkhave, pārājikassa;
pli-tv-bu-vb-pj3:5.14.12	āpatti thullaccayassā”ti.
pli-tv-bu-vb-pj3:5.15.1	Tena kho pana samayena aññatarassa bhikkhuno sīsābhitāpo hoti.
pli-tv-bu-vb-pj3:5.15.2	Tassa bhikkhū natthuṁ adaṁsu.
pli-tv-bu-vb-pj3:5.15.3	So bhikkhu kālamakāsi.
pli-tv-bu-vb-pj3:5.15.4	Tesaṁ kukkuccaṁ ahosi …pe…
pli-tv-bu-vb-pj3:5.15.5	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.15.6	Tena kho pana samayena aññatarassa bhikkhuno sīsābhitāpo hoti.
pli-tv-bu-vb-pj3:5.15.7	Tassa bhikkhū maraṇādhippāyā natthuṁ adaṁsu.
pli-tv-bu-vb-pj3:5.15.8	So bhikkhu kālamakāsi …pe…
pli-tv-bu-vb-pj3:5.15.9	so bhikkhu na kālamakāsi.
pli-tv-bu-vb-pj3:5.15.10	Tesaṁ kukkuccaṁ ahosi …pe…
pli-tv-bu-vb-pj3:5.15.11	“anāpatti, bhikkhave, pārājikassa;
pli-tv-bu-vb-pj3:5.15.12	āpatti thullaccayassā”ti.
pli-tv-bu-vb-pj3:5.16.1	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.2	Taṁ bhikkhū sambāhesuṁ.
pli-tv-bu-vb-pj3:5.16.3	So bhikkhu kālamakāsi.
pli-tv-bu-vb-pj3:5.16.4	Tesaṁ kukkuccaṁ ahosi …pe…
pli-tv-bu-vb-pj3:5.16.5	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.16.6	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.7	Taṁ bhikkhū maraṇādhippāyā sambāhesuṁ.
pli-tv-bu-vb-pj3:5.16.8	So bhikkhu kālamakāsi …pe…
pli-tv-bu-vb-pj3:5.16.9	so bhikkhu na kālamakāsi.
pli-tv-bu-vb-pj3:5.16.10	Tesaṁ kukkuccaṁ ahosi …pe…
pli-tv-bu-vb-pj3:5.16.11	“anāpatti, bhikkhave, pārājikassa;
pli-tv-bu-vb-pj3:5.16.12	āpatti thullaccayassā”ti.
pli-tv-bu-vb-pj3:5.16.13	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.14	Taṁ bhikkhū nhāpesuṁ.
pli-tv-bu-vb-pj3:5.16.15	So bhikkhu kālamakāsi.
pli-tv-bu-vb-pj3:5.16.16	Tesaṁ kukkuccaṁ ahosi …pe…
pli-tv-bu-vb-pj3:5.16.17	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.16.18	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.19	Taṁ bhikkhū maraṇādhippāyā nhāpesuṁ.
pli-tv-bu-vb-pj3:5.16.20	So bhikkhu kālamakāsi …pe…
pli-tv-bu-vb-pj3:5.16.21	so bhikkhu na kālamakāsi.
pli-tv-bu-vb-pj3:5.16.22	Tesaṁ kukkuccaṁ ahosi …pe…
pli-tv-bu-vb-pj3:5.16.23	“anāpatti, bhikkhave, pārājikassa;
pli-tv-bu-vb-pj3:5.16.24	āpatti thullaccayassā”ti.
pli-tv-bu-vb-pj3:5.16.25	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.26	Taṁ bhikkhū telena abbhañjiṁsu.
pli-tv-bu-vb-pj3:5.16.27	So bhikkhu kālamakāsi.
pli-tv-bu-vb-pj3:5.16.28	Tesaṁ kukkuccaṁ ahosi …pe…
pli-tv-bu-vb-pj3:5.16.29	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.16.30	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.31	Taṁ bhikkhū maraṇādhippāyā telena abbhañjiṁsu.
pli-tv-bu-vb-pj3:5.16.32	So bhikkhu kālamakāsi …pe…
pli-tv-bu-vb-pj3:5.16.33	so bhikkhu na kālamakāsi.
pli-tv-bu-vb-pj3:5.16.34	Tesaṁ kukkuccaṁ ahosi …pe…
pli-tv-bu-vb-pj3:5.16.35	“anāpatti, bhikkhave, pārājikassa;
pli-tv-bu-vb-pj3:5.16.36	āpatti thullaccayassā”ti.
pli-tv-bu-vb-pj3:5.16.37	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.38	Taṁ bhikkhū uṭṭhāpesuṁ.
pli-tv-bu-vb-pj3:5.16.39	So bhikkhu kālamakāsi.
pli-tv-bu-vb-pj3:5.16.40	Tesaṁ kukkuccaṁ ahosi …pe…
pli-tv-bu-vb-pj3:5.16.41	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.16.42	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.43	Taṁ bhikkhū maraṇādhippāyā uṭṭhāpesuṁ.
pli-tv-bu-vb-pj3:5.16.44	So bhikkhu kālamakāsi …pe…
pli-tv-bu-vb-pj3:5.16.45	so bhikkhu na kālamakāsi.
pli-tv-bu-vb-pj3:5.16.46	Tesaṁ kukkuccaṁ ahosi …pe…
pli-tv-bu-vb-pj3:5.16.47	“anāpatti, bhikkhave, pārājikassa;
pli-tv-bu-vb-pj3:5.16.48	āpatti thullaccayassā”ti.
pli-tv-bu-vb-pj3:5.16.49	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.50	Taṁ bhikkhū nipātesuṁ.
pli-tv-bu-vb-pj3:5.16.51	So bhikkhu kālamakāsi.
pli-tv-bu-vb-pj3:5.16.52	Tesaṁ kukkuccaṁ ahosi …pe…
pli-tv-bu-vb-pj3:5.16.53	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.16.54	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.55	Taṁ bhikkhū maraṇādhippāyā nipātesuṁ.
pli-tv-bu-vb-pj3:5.16.56	So bhikkhu kālamakāsi …pe…
pli-tv-bu-vb-pj3:5.16.57	so bhikkhu na kālamakāsi.
pli-tv-bu-vb-pj3:5.16.58	Tesaṁ kukkuccaṁ ahosi …pe…
pli-tv-bu-vb-pj3:5.16.59	“anāpatti, bhikkhave, pārājikassa;
pli-tv-bu-vb-pj3:5.16.60	āpatti thullaccayassā”ti.
pli-tv-bu-vb-pj3:5.16.61	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.62	Tassa bhikkhū annaṁ adaṁsu.
pli-tv-bu-vb-pj3:5.16.63	So bhikkhu kālamakāsi.
pli-tv-bu-vb-pj3:5.16.64	Tesaṁ kukkuccaṁ ahosi …pe…
pli-tv-bu-vb-pj3:5.16.65	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.16.66	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.67	Tassa bhikkhū maraṇādhippāyā annaṁ adaṁsu.
pli-tv-bu-vb-pj3:5.16.68	So bhikkhu kālamakāsi …pe…
pli-tv-bu-vb-pj3:5.16.69	so bhikkhu na kālamakāsi.
pli-tv-bu-vb-pj3:5.16.70	Tesaṁ kukkuccaṁ ahosi …pe…
pli-tv-bu-vb-pj3:5.16.71	“anāpatti, bhikkhave, pārājikassa;
pli-tv-bu-vb-pj3:5.16.72	āpatti thullaccayassā”ti.
pli-tv-bu-vb-pj3:5.16.73	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.74	Tassa bhikkhu pānaṁ adaṁsu.
pli-tv-bu-vb-pj3:5.16.75	So bhikkhu kālamakāsi.
pli-tv-bu-vb-pj3:5.16.76	Tesaṁ kukkuccaṁ ahosi …pe…
pli-tv-bu-vb-pj3:5.16.77	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.16.78	Tena kho pana samayena aññataro bhikkhu gilāno hoti.
pli-tv-bu-vb-pj3:5.16.79	Tassa bhikkhū maraṇādhippāyā pānaṁ adaṁsu.
pli-tv-bu-vb-pj3:5.16.80	So bhikkhu kālamakāsi …pe…
pli-tv-bu-vb-pj3:5.16.81	so bhikkhu na kālamakāsi.
pli-tv-bu-vb-pj3:5.16.82	Tesaṁ kukkuccaṁ ahosi …pe…
pli-tv-bu-vb-pj3:5.16.83	“anāpatti, bhikkhave, pārājikassa;
pli-tv-bu-vb-pj3:5.16.84	āpatti thullaccayassā”ti.
pli-tv-bu-vb-pj3:5.17.1	Tena kho pana samayena aññatarā itthī pavutthapatikā jārena gabbhinī hoti.
pli-tv-bu-vb-pj3:5.17.2	Sā kulūpakaṁ bhikkhuṁ etadavoca—
pli-tv-bu-vb-pj3:5.17.3	“iṅghāyya, gabbhapātanaṁ jānāhī”ti.
pli-tv-bu-vb-pj3:5.17.4	“Suṭṭhu, bhaginī”ti
pli-tv-bu-vb-pj3:5.17.5	tassā gabbhapātanaṁ adāsi.
pli-tv-bu-vb-pj3:5.17.6	Dārako kālamakāsi.
pli-tv-bu-vb-pj3:5.17.7	Tassa kukkuccaṁ ahosi …pe…
pli-tv-bu-vb-pj3:5.17.8	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.18.1	Tena kho pana samayena aññatarassa purisassa dve pajāpatiyo honti—
pli-tv-bu-vb-pj3:5.18.2	ekā vañjhā, ekā vijāyinī.
pli-tv-bu-vb-pj3:5.18.3	Vañjhā itthī kulūpakaṁ bhikkhuṁ etadavoca—
pli-tv-bu-vb-pj3:5.18.4	“sace sā, bhante, vijāyissati sabbassa kuṭumbassa issarā bhavissati.
pli-tv-bu-vb-pj3:5.18.5	Iṅghāyya, tassā gabbhapātanaṁ jānāhī”ti.
pli-tv-bu-vb-pj3:5.18.6	“Suṭṭhu, bhaginī”ti
pli-tv-bu-vb-pj3:5.18.7	tassā gabbhapātanaṁ adāsi.
pli-tv-bu-vb-pj3:5.18.8	Dārako kālamakāsi,
pli-tv-bu-vb-pj3:5.18.9	mātā na kālamakāsi.
pli-tv-bu-vb-pj3:5.18.10	Tassa kukkuccaṁ ahosi …pe…
pli-tv-bu-vb-pj3:5.18.11	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.18.12	Tena kho pana samayena aññatarassa purisassa dve pajāpatiyo honti—
pli-tv-bu-vb-pj3:5.18.13	ekā vañjhā, ekā vijāyinī.
pli-tv-bu-vb-pj3:5.18.14	Vañjhā itthī kulūpakaṁ bhikkhuṁ etadavoca—
pli-tv-bu-vb-pj3:5.18.15	“sace sā, bhante, vijāyissati sabbassa kuṭumbassa issarā bhavissati.
pli-tv-bu-vb-pj3:5.18.16	Iṅghāyya, tassā gabbhapātanaṁ jānāhī”ti.
pli-tv-bu-vb-pj3:5.18.17	“Suṭṭhu, bhaginī”ti
pli-tv-bu-vb-pj3:5.18.18	tassā gabbhapātanaṁ adāsi.
pli-tv-bu-vb-pj3:5.18.19	Mātā kālamakāsi,
pli-tv-bu-vb-pj3:5.18.20	dārako na kālamakāsi.
pli-tv-bu-vb-pj3:5.18.21	Tassa kukkuccaṁ ahosi …pe…
pli-tv-bu-vb-pj3:5.18.22	“anāpatti, bhikkhu, pārājikassa;
pli-tv-bu-vb-pj3:5.18.23	āpatti thullaccayassā”ti.
pli-tv-bu-vb-pj3:5.18.24	Tena kho pana samayena aññatarassa purisassa dve pajāpatiyo honti—
pli-tv-bu-vb-pj3:5.18.25	ekā vañjhā, ekā vijāyinī.
pli-tv-bu-vb-pj3:5.18.26	Vañjhā itthī kulūpakaṁ bhikkhuṁ etadavoca—
pli-tv-bu-vb-pj3:5.18.27	“sace sā, bhante, vijāyissati sabbassa kuṭumbassa issarā bhavissati.
pli-tv-bu-vb-pj3:5.18.28	Iṅghāyya, tassā gabbhapātanaṁ jānāhī”ti.
pli-tv-bu-vb-pj3:5.18.29	“Suṭṭhu, bhaginī”ti
pli-tv-bu-vb-pj3:5.18.30	tassā gabbhapātanaṁ adāsi.
pli-tv-bu-vb-pj3:5.18.31	Ubho kālamakaṁsu …pe…
pli-tv-bu-vb-pj3:5.18.32	ubho na kālamakaṁsu.
pli-tv-bu-vb-pj3:5.18.33	Tassa kukkuccaṁ ahosi …pe…
pli-tv-bu-vb-pj3:5.18.34	“anāpatti, bhikkhu, pārājikassa;
pli-tv-bu-vb-pj3:5.18.35	āpatti thullaccayassā”ti.
pli-tv-bu-vb-pj3:5.19.1	Tena kho pana samayena aññatarā gabbhinī itthī kulūpakaṁ bhikkhuṁ etadavoca—
pli-tv-bu-vb-pj3:5.19.2	“iṅghāyya, gabbhapātanaṁ jānāhī”ti.
pli-tv-bu-vb-pj3:5.19.3	“Tena hi, bhagini, maddassū”ti.
pli-tv-bu-vb-pj3:5.19.4	Sā maddāpetvā gabbhaṁ pātesi.
pli-tv-bu-vb-pj3:5.19.5	Tassa kukkuccaṁ ahosi …pe…
pli-tv-bu-vb-pj3:5.19.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.19.7	Tena kho pana samayena aññatarā gabbhinī itthī kulūpakaṁ bhikkhuṁ etadavoca—
pli-tv-bu-vb-pj3:5.19.8	“iṅghāyya, gabbhapātanaṁ jānāhī”ti.
pli-tv-bu-vb-pj3:5.19.9	“Tena hi, bhagini, tāpehī”ti.
pli-tv-bu-vb-pj3:5.19.10	Sā tāpetvā gabbhaṁ pātesi.
pli-tv-bu-vb-pj3:5.19.11	Tassa kukkuccaṁ ahosi …pe…
pli-tv-bu-vb-pj3:5.19.12	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.20.1	Tena kho pana samayena aññatarā vañjhā itthī kulūpakaṁ bhikkhuṁ etadavoca—
pli-tv-bu-vb-pj3:5.20.2	“iṅghāyya, bhesajjaṁ jānāhi yenāhaṁ vijāyeyyan”ti.
pli-tv-bu-vb-pj3:5.20.3	“Suṭṭhu, bhaginī”ti
pli-tv-bu-vb-pj3:5.20.4	tassā bhesajjaṁ adāsi.
pli-tv-bu-vb-pj3:5.20.5	Sā kālamakāsi.
pli-tv-bu-vb-pj3:5.20.6	Tassa kukkuccaṁ ahosi …pe…
pli-tv-bu-vb-pj3:5.20.7	“anāpatti, bhikkhu, pārājikassa;
pli-tv-bu-vb-pj3:5.20.8	āpatti dukkaṭassā”ti.
pli-tv-bu-vb-pj3:5.21.1	Tena kho pana samayena aññatarā vijāyinī itthī kulūpakaṁ bhikkhuṁ etadavoca—
pli-tv-bu-vb-pj3:5.21.2	“iṅghāyya, bhesajjaṁ jānāhi yenāhaṁ na vijāyeyyan”ti.
pli-tv-bu-vb-pj3:5.21.3	“Suṭṭhu, bhaginī”ti tassā bhesajjaṁ adāsi.
pli-tv-bu-vb-pj3:5.21.4	Sā kālamakāsi.
pli-tv-bu-vb-pj3:5.21.5	Tassa kukkuccaṁ ahosi …pe…
pli-tv-bu-vb-pj3:5.21.6	“anāpatti, bhikkhu, pārājikassa;
pli-tv-bu-vb-pj3:5.21.7	āpatti dukkaṭassā”ti.
pli-tv-bu-vb-pj3:5.22.1	Tena kho pana samayena chabbaggiyā bhikkhū sattarasavaggiyaṁ bhikkhuṁ aṅgulipatodakena hāsesuṁ.
pli-tv-bu-vb-pj3:5.22.2	So bhikkhu uttanto anassāsako kālamakāsi.
pli-tv-bu-vb-pj3:5.22.3	Tesaṁ kukkuccaṁ ahosi …pe…
pli-tv-bu-vb-pj3:5.22.4	“anāpatti, bhikkhave, pārājikassā”ti.
pli-tv-bu-vb-pj3:5.23.1	Tena kho pana samayena sattarasavaggiyā bhikkhū chabbaggiyaṁ bhikkhuṁ kammaṁ karissāmāti ottharitvā māresuṁ.
pli-tv-bu-vb-pj3:5.23.2	Tesaṁ kukkuccaṁ ahosi …pe…
pli-tv-bu-vb-pj3:5.23.3	“anāpatti, bhikkhave, pārājikassā”ti.
pli-tv-bu-vb-pj3:5.24.1	Tena kho pana samayena aññataro bhūtavejjako bhikkhu yakkhaṁ jīvitā voropesi.
pli-tv-bu-vb-pj3:5.24.2	Tassa kukkuccaṁ ahosi …pe…
pli-tv-bu-vb-pj3:5.24.3	“anāpatti, bhikkhu, pārājikassa;
pli-tv-bu-vb-pj3:5.24.4	āpatti thullaccayassā”ti.
pli-tv-bu-vb-pj3:5.25.1	Tena kho pana samayena aññataro bhikkhu aññataraṁ bhikkhuṁ vāḷayakkhavihāraṁ pāhesi.
pli-tv-bu-vb-pj3:5.25.2	Taṁ yakkhā jīvitā voropesuṁ.
pli-tv-bu-vb-pj3:5.25.3	Tassa kukkuccaṁ ahosi …pe…
pli-tv-bu-vb-pj3:5.25.4	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.25.5	Tena kho pana samayena aññataro bhikkhu maraṇādhippāyo aññataraṁ bhikkhuṁ vāḷayakkhavihāraṁ pāhesi.
pli-tv-bu-vb-pj3:5.25.6	Taṁ yakkhā jīvitā voropesuṁ …pe…
pli-tv-bu-vb-pj3:5.25.7	taṁ yakkhā jīvitā na voropesuṁ.
pli-tv-bu-vb-pj3:5.25.8	Tassa kukkuccaṁ ahosi …pe…
pli-tv-bu-vb-pj3:5.25.9	“anāpatti, bhikkhu, pārājikassa;
pli-tv-bu-vb-pj3:5.25.10	āpatti thullaccayassā”ti.
pli-tv-bu-vb-pj3:5.26.1	Tena kho pana samayena aññataro bhikkhu aññataraṁ bhikkhuṁ vāḷakantāraṁ pāhesi.
pli-tv-bu-vb-pj3:5.26.2	Taṁ vāḷā jīvitā voropesuṁ.
pli-tv-bu-vb-pj3:5.26.3	Tassa kukkuccaṁ ahosi …pe…
pli-tv-bu-vb-pj3:5.26.4	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.26.5	Tena kho pana samayena aññataro bhikkhu maraṇādhippāyo aññataraṁ bhikkhuṁ vāḷakantāraṁ pāhesi.
pli-tv-bu-vb-pj3:5.26.6	Taṁ vāḷā jīvitā voropesuṁ …pe…
pli-tv-bu-vb-pj3:5.26.7	taṁ vāḷā jīvitā na voropesuṁ.
pli-tv-bu-vb-pj3:5.26.8	Tassa kukkuccaṁ ahosi …pe…
pli-tv-bu-vb-pj3:5.26.9	“anāpatti, bhikkhu, pārājikassa;
pli-tv-bu-vb-pj3:5.26.10	āpatti thullaccayassā”ti.
pli-tv-bu-vb-pj3:5.26.11	Tena kho pana samayena aññataro bhikkhu aññataraṁ bhikkhuṁ corakantāraṁ pāhesi.
pli-tv-bu-vb-pj3:5.26.12	Taṁ corā jīvitā voropesuṁ.
pli-tv-bu-vb-pj3:5.26.13	Tassa kukkuccaṁ ahosi …pe…
pli-tv-bu-vb-pj3:5.26.14	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.26.15	Tena kho pana samayena aññataro bhikkhu maraṇādhippāyo aññataraṁ bhikkhuṁ corakantāraṁ pāhesi.
pli-tv-bu-vb-pj3:5.26.16	Taṁ corā jīvitā voropesuṁ …pe…
pli-tv-bu-vb-pj3:5.26.17	taṁ corā jīvitā na voropesuṁ.
pli-tv-bu-vb-pj3:5.26.18	Tassa kukkuccaṁ ahosi …pe…
pli-tv-bu-vb-pj3:5.26.19	“anāpatti, bhikkhu, pārājikassa;
pli-tv-bu-vb-pj3:5.26.20	āpatti thullaccayassā”ti.
pli-tv-bu-vb-pj3:5.27.1	Tena kho pana samayena aññataro bhikkhu taṁ maññamāno taṁ jīvitā voropesi …pe…
pli-tv-bu-vb-pj3:5.27.2	taṁ maññamāno aññaṁ jīvitā voropesi …pe…
pli-tv-bu-vb-pj3:5.27.3	aññaṁ maññamāno taṁ jīvitā voropesi …pe…
pli-tv-bu-vb-pj3:5.27.4	aññaṁ maññamāno aññaṁ jīvitā voropesi.
pli-tv-bu-vb-pj3:5.27.5	Tassa kukkuccaṁ ahosi …pe…
pli-tv-bu-vb-pj3:5.27.6	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.28.1	Tena kho pana samayena aññataro bhikkhu amanussena gahito hoti.
pli-tv-bu-vb-pj3:5.28.2	Aññataro bhikkhu tassa bhikkhuno pahāraṁ adāsi.
pli-tv-bu-vb-pj3:5.28.3	So bhikkhu kālamakāsi.
pli-tv-bu-vb-pj3:5.28.4	Tassa kukkuccaṁ ahosi …pe…
pli-tv-bu-vb-pj3:5.28.5	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.28.6	Tena kho pana samayena aññataro bhikkhu amanussena gahito hoti.
pli-tv-bu-vb-pj3:5.28.7	Aññataro bhikkhu maraṇādhippāyo tassa bhikkhuno pahāraṁ adāsi.
pli-tv-bu-vb-pj3:5.28.8	So bhikkhu kālamakāsi …pe…
pli-tv-bu-vb-pj3:5.28.9	so bhikkhu na kālamakāsi.
pli-tv-bu-vb-pj3:5.28.10	Tassa kukkuccaṁ ahosi …pe…
pli-tv-bu-vb-pj3:5.28.11	“anāpatti, bhikkhu, pārājikassa;
pli-tv-bu-vb-pj3:5.28.12	āpatti thullaccayassā”ti.
pli-tv-bu-vb-pj3:5.29.1	Tena kho pana samayena aññataro bhikkhu kalyāṇakammassa saggakathaṁ kathesi.
pli-tv-bu-vb-pj3:5.29.2	So adhimutto kālamakāsi.
pli-tv-bu-vb-pj3:5.29.3	Tassa kukkuccaṁ ahosi …pe…
pli-tv-bu-vb-pj3:5.29.4	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.29.5	Tena kho pana samayena aññataro bhikkhu maraṇādhippāyo kalyāṇakammassa saggakathaṁ kathesi.
pli-tv-bu-vb-pj3:5.29.6	So adhimutto kālamakāsi …pe…
pli-tv-bu-vb-pj3:5.29.7	so adhimutto na kālamakāsi.
pli-tv-bu-vb-pj3:5.29.8	Tassa kukkuccaṁ ahosi …pe…
pli-tv-bu-vb-pj3:5.29.9	“anāpatti, bhikkhu, pārājikassa;
pli-tv-bu-vb-pj3:5.29.10	āpatti thullaccayassā”ti.
pli-tv-bu-vb-pj3:5.29.11	Tena kho pana samayena aññataro bhikkhu nerayikassa nirayakathaṁ kathesi.
pli-tv-bu-vb-pj3:5.29.12	So uttasitvā kālamakāsi.
pli-tv-bu-vb-pj3:5.29.13	Tassa kukkuccaṁ ahosi …pe…
pli-tv-bu-vb-pj3:5.29.14	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.29.15	Tena kho pana samayena aññataro bhikkhu maraṇādhippāyo nerayikassa nirayakathaṁ kathesi.
pli-tv-bu-vb-pj3:5.29.16	So uttasitvā kālamakāsi …pe…
pli-tv-bu-vb-pj3:5.29.17	so uttasitvā na kālamakāsi.
pli-tv-bu-vb-pj3:5.29.18	Tassa kukkuccaṁ ahosi …pe…
pli-tv-bu-vb-pj3:5.29.19	“anāpatti, bhikkhu, pārājikassa;
pli-tv-bu-vb-pj3:5.29.20	āpatti thullaccayassā”ti.
pli-tv-bu-vb-pj3:5.30.1	Tena kho pana samayena āḷavakā bhikkhū navakammaṁ karontā rukkhaṁ chindanti.
pli-tv-bu-vb-pj3:5.30.2	Aññataro bhikkhu aññataraṁ bhikkhuṁ etadavoca—
pli-tv-bu-vb-pj3:5.30.3	“āvuso, atraṭṭhito chindāhī”ti.
pli-tv-bu-vb-pj3:5.30.4	Taṁ tatraṭṭhitaṁ chindantaṁ rukkho ottharitvā māresi.
pli-tv-bu-vb-pj3:5.30.5	Tassa kukkuccaṁ ahosi …pe…
pli-tv-bu-vb-pj3:5.30.6	“anāpatti, bhikkhu, namaraṇādhippāyassā”ti.
pli-tv-bu-vb-pj3:5.30.7	Tena kho pana samayena āḷavakā bhikkhū navakammaṁ karontā rukkhaṁ chindanti.
pli-tv-bu-vb-pj3:5.30.8	Aññataro bhikkhu maraṇādhippāyo aññataraṁ bhikkhuṁ etadavoca—
pli-tv-bu-vb-pj3:5.30.9	“āvuso, atraṭṭhito chindāhī”ti.
pli-tv-bu-vb-pj3:5.30.10	Taṁ tatraṭṭhitaṁ chindantaṁ rukkho ottharitvā māresi …pe…
pli-tv-bu-vb-pj3:5.30.11	rukkho ottharitvā na māresi.
pli-tv-bu-vb-pj3:5.30.12	Tassa kukkuccaṁ ahosi …pe…
pli-tv-bu-vb-pj3:5.30.13	“anāpatti, bhikkhu, pārājikassa;
pli-tv-bu-vb-pj3:5.30.14	āpatti thullaccayassā”ti.
pli-tv-bu-vb-pj3:5.31.1	Tena kho pana samayena chabbaggiyā bhikkhū dāyaṁ ālimpesuṁ;
pli-tv-bu-vb-pj3:5.31.2	manussā daḍḍhā kālamakaṁsu.
pli-tv-bu-vb-pj3:5.31.3	Tesaṁ kukkuccaṁ ahosi …pe…
pli-tv-bu-vb-pj3:5.31.4	“anāpatti, bhikkhave, namaraṇādhippāyassā”ti.
pli-tv-bu-vb-pj3:5.31.5	Tena kho pana samayena chabbaggiyā bhikkhū maraṇādhippāyā dāyaṁ ālimpesuṁ.
pli-tv-bu-vb-pj3:5.31.6	Manussā daḍḍhā kālamakaṁsu …pe…
pli-tv-bu-vb-pj3:5.31.7	manussā daḍḍhā na kālamakaṁsu.
pli-tv-bu-vb-pj3:5.31.8	Tesaṁ kukkuccaṁ ahosi …pe…
pli-tv-bu-vb-pj3:5.31.9	“anāpatti, bhikkhave, pārājikassa;
pli-tv-bu-vb-pj3:5.31.10	āpatti thullaccayassā”ti.
pli-tv-bu-vb-pj3:5.32.1	Tena kho pana samayena aññataro bhikkhu āghātanaṁ gantvā coraghātaṁ etadavoca—
pli-tv-bu-vb-pj3:5.32.2	“āvuso, māyimaṁ kilamesi.
pli-tv-bu-vb-pj3:5.32.3	Ekena pahārena jīvitā voropehī”ti.
pli-tv-bu-vb-pj3:5.32.4	“Suṭṭhu, bhante”ti
pli-tv-bu-vb-pj3:5.32.5	ekena pahārena jīvitā voropesi.
pli-tv-bu-vb-pj3:5.32.6	Tassa kukkuccaṁ ahosi …pe…
pli-tv-bu-vb-pj3:5.32.7	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.32.8	Tena kho pana samayena aññataro bhikkhu āghātanaṁ gantvā coraghātaṁ etadavoca—
pli-tv-bu-vb-pj3:5.32.9	“āvuso, māyimaṁ kilamesi.
pli-tv-bu-vb-pj3:5.32.10	Ekena pahārena jīvitā voropehī”ti.
pli-tv-bu-vb-pj3:5.32.11	So—“nāhaṁ tuyhaṁ vacanaṁ karissāmī”ti
pli-tv-bu-vb-pj3:5.32.12	taṁ jīvitā voropesi.
pli-tv-bu-vb-pj3:5.32.13	Tassa kukkuccaṁ ahosi …pe…
pli-tv-bu-vb-pj3:5.32.14	“anāpatti, bhikkhu, pārājikassa;
pli-tv-bu-vb-pj3:5.32.15	āpatti dukkaṭassā”ti.
pli-tv-bu-vb-pj3:5.33.1	Tena kho pana samayena aññataro puriso ñātighare hatthapādacchinno ñātakehi samparikiṇṇo hoti.
pli-tv-bu-vb-pj3:5.33.2	Aññataro bhikkhu te manusse etadavoca—
pli-tv-bu-vb-pj3:5.33.3	“āvuso, icchatha imassa maraṇan”ti?
pli-tv-bu-vb-pj3:5.33.4	“Āma, bhante, icchāmā”ti.
pli-tv-bu-vb-pj3:5.33.5	“Tena hi takkaṁ pāyethā”ti.
pli-tv-bu-vb-pj3:5.33.6	Te taṁ takkaṁ pāyesuṁ.
pli-tv-bu-vb-pj3:5.33.7	So kālamakāsi.
pli-tv-bu-vb-pj3:5.33.8	Tassa kukkuccaṁ ahosi …pe…
pli-tv-bu-vb-pj3:5.33.9	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj3:5.33.10	Tena kho pana samayena aññataro puriso kulaghare hatthapādacchinno ñātakehi samparikiṇṇo hoti.
pli-tv-bu-vb-pj3:5.33.11	Aññatarā bhikkhunī te manusse etadavoca—
pli-tv-bu-vb-pj3:5.33.12	“āvuso, icchatha imassa maraṇan”ti?
pli-tv-bu-vb-pj3:5.33.13	“Āmāyye, icchāmā”ti.
pli-tv-bu-vb-pj3:5.33.14	“Tena hi loṇasovīrakaṁ pāyethā”ti.
pli-tv-bu-vb-pj3:5.33.15	Te taṁ loṇasovīrakaṁ pāyesuṁ.
pli-tv-bu-vb-pj3:5.33.16	So kālamakāsi.
pli-tv-bu-vb-pj3:5.33.17	Tassā kukkuccaṁ ahosi …pe….
pli-tv-bu-vb-pj3:5.33.18	Atha kho sā bhikkhunī bhikkhunīnaṁ etamatthaṁ ārocesi.
pli-tv-bu-vb-pj3:5.33.19	Bhikkhuniyo bhikkhūnaṁ etamatthaṁ ārocesuṁ.
pli-tv-bu-vb-pj3:5.33.20	Bhikkhū bhagavato etamatthaṁ ārocesuṁ.
pli-tv-bu-vb-pj3:5.33.21	“Āpattiṁ sā, bhikkhave, bhikkhunī āpannā pārājikan”ti.
pli-tv-bu-vb-pj3:5.33.22	Tatiyapārājikaṁ samattaṁ.
pli-tv-bu-vb-pj4:0.1	Theravāda Vinaya
pli-tv-bu-vb-pj4:0.2	Mahāvibhaṅga
pli-tv-bu-vb-pj4:0.3	Pārājikakaṇḍa
pli-tv-bu-vb-pj4:0.4	4. Catutthapārājikasikkhāpada
pli-tv-bu-vb-pj4:1.1.0.1	
pli-tv-bu-vb-pj4:1.1.0.2	
pli-tv-bu-vb-pj4:1.1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bu-vb-pj4:1.1.2	Tena kho pana samayena sambahulā sandiṭṭhā sambhattā bhikkhū vaggumudāya nadiyā tīre vassaṁ upagacchiṁsu.
pli-tv-bu-vb-pj4:1.1.3	Tena kho pana samayena vajjī dubbhikkhā hoti dvīhitikā setaṭṭhikā salākāvuttā,
pli-tv-bu-vb-pj4:1.1.4	na sukarā uñchena paggahena yāpetuṁ.
pli-tv-bu-vb-pj4:1.1.5	Atha kho tesaṁ bhikkhūnaṁ etadahosi—“etarahi kho vajjī dubbhikkhā dvīhitikā setaṭṭhikā salākāvuttā, na sukarā uñchena paggahena yāpetuṁ.
pli-tv-bu-vb-pj4:1.1.6	Kena nu kho mayaṁ upāyena samaggā sammodamānā avivadamānā phāsukaṁ vassaṁ vaseyyāma,
pli-tv-bu-vb-pj4:1.1.7	na ca piṇḍakena kilameyyāmā”ti?
pli-tv-bu-vb-pj4:1.1.8	Ekacce evamāhaṁsu—
pli-tv-bu-vb-pj4:1.1.9	“handa mayaṁ, āvuso, gihīnaṁ kammantaṁ adhiṭṭhema,
pli-tv-bu-vb-pj4:1.1.10	evaṁ te amhākaṁ dātuṁ maññissanti.
pli-tv-bu-vb-pj4:1.1.11	Evaṁ mayaṁ samaggā sammodamānā avivadamānā phāsukaṁ vassaṁ vasissāma,
pli-tv-bu-vb-pj4:1.1.12	na ca piṇḍakena kilamissāmā”ti.
pli-tv-bu-vb-pj4:1.1.13	Ekacce evamāhaṁsu—
pli-tv-bu-vb-pj4:1.1.14	“alaṁ, āvuso, kiṁ gihīnaṁ kammantaṁ adhiṭṭhitena.
pli-tv-bu-vb-pj4:1.1.15	Handa mayaṁ, āvuso, gihīnaṁ dūteyyaṁ harāma,
pli-tv-bu-vb-pj4:1.1.16	evaṁ te amhākaṁ dātuṁ maññissanti.
pli-tv-bu-vb-pj4:1.1.17	Evaṁ mayaṁ samaggā sammodamānā avivadamānā phāsukaṁ vassaṁ vasissāma,
pli-tv-bu-vb-pj4:1.1.18	na ca piṇḍakena kilamissāmā”ti.
pli-tv-bu-vb-pj4:1.1.19	Ekacce evamāhaṁsu—
pli-tv-bu-vb-pj4:1.1.20	“alaṁ, āvuso, kiṁ gihīnaṁ kammantaṁ adhiṭṭhitena.
pli-tv-bu-vb-pj4:1.1.21	Kiṁ gihīnaṁ dūteyyaṁ haṭena.
pli-tv-bu-vb-pj4:1.1.22	Handa mayaṁ, āvuso, gihīnaṁ aññamaññassa uttarimanussadhammassa vaṇṇaṁ bhāsissāma—
pli-tv-bu-vb-pj4:1.1.23	‘asuko bhikkhu paṭhamassa jhānassa lābhī,
pli-tv-bu-vb-pj4:1.1.24	asuko bhikkhu dutiyassa jhānassa lābhī,
pli-tv-bu-vb-pj4:1.1.25	asuko bhikkhu tatiyassa jhānassa lābhī,
pli-tv-bu-vb-pj4:1.1.26	asuko bhikkhu catutthassa jhānassa lābhī,
pli-tv-bu-vb-pj4:1.1.27	asuko bhikkhu sotāpanno,
pli-tv-bu-vb-pj4:1.1.28	asuko bhikkhu sakadāgāmī,
pli-tv-bu-vb-pj4:1.1.29	asuko bhikkhu anāgāmī,
pli-tv-bu-vb-pj4:1.1.30	asuko bhikkhu arahā,
pli-tv-bu-vb-pj4:1.1.31	asuko bhikkhu tevijjo,
pli-tv-bu-vb-pj4:1.1.32	asuko bhikkhu chaḷabhiñño’ti.
pli-tv-bu-vb-pj4:1.1.33	Evaṁ te amhākaṁ dātuṁ maññissanti.
pli-tv-bu-vb-pj4:1.1.34	Evaṁ mayaṁ samaggā sammodamānā avivadamānā phāsukaṁ vassaṁ vasissāma,
pli-tv-bu-vb-pj4:1.1.35	na ca piṇḍakena kilamissāmā”ti.
pli-tv-bu-vb-pj4:1.1.36	“Esoyeva kho, āvuso, seyyo yo amhākaṁ gihīnaṁ aññamaññassa uttarimanussadhammassa vaṇṇo bhāsito”ti.
pli-tv-bu-vb-pj4:1.1.37	Atha kho te bhikkhū gihīnaṁ aññamaññassa uttarimanussadhammassa vaṇṇaṁ bhāsiṁsu—
pli-tv-bu-vb-pj4:1.1.38	“asuko bhikkhu paṭhamassa jhānassa lābhī …pe…
pli-tv-bu-vb-pj4:1.1.39	asuko bhikkhu chaḷabhiñño”ti.
pli-tv-bu-vb-pj4:1.1.40	Atha kho te manussā—
pli-tv-bu-vb-pj4:1.1.41	“lābhā vata no, suladdhaṁ vata no, yesaṁ no evarūpā bhikkhū vassaṁ upagatā;
pli-tv-bu-vb-pj4:1.1.42	na vata no ito pubbe evarūpā bhikkhū vassaṁ upagatā yathayime bhikkhū sīlavanto kalyāṇadhammā”ti,
pli-tv-bu-vb-pj4:1.1.43	te na tādisāni bhojanāni attanā paribhuñjanti mātāpitūnaṁ denti puttadārassa denti dāsakammakaraporisassa denti mittāmaccānaṁ denti ñātisālohitānaṁ denti, yādisāni bhikkhūnaṁ denti.
pli-tv-bu-vb-pj4:1.1.44	Te na tādisāni khādanīyāni sāyanīyāni pānāni attanā khādanti sāyanti pivanti mātāpitūnaṁ denti puttadārassa denti dāsakammakaraporisassa denti mittāmaccānaṁ denti ñātisālohitānaṁ denti, yādisāni bhikkhūnaṁ denti.
pli-tv-bu-vb-pj4:1.1.45	Atha kho te bhikkhū vaṇṇavā ahesuṁ pīṇindriyā pasannamukhavaṇṇā vippasannachavivaṇṇā.
pli-tv-bu-vb-pj4:1.2.1	Āciṇṇaṁ kho panetaṁ vassaṁvuṭṭhānaṁ bhikkhūnaṁ bhagavantaṁ dassanāya upasaṅkamituṁ.
pli-tv-bu-vb-pj4:1.2.2	Atha kho te bhikkhū vassaṁvuṭṭhā temāsaccayena senāsanaṁ saṁsāmetvā pattacīvaraṁ ādāya yena vesālī tena pakkamiṁsu.
pli-tv-bu-vb-pj4:1.2.3	Anupubbena yena vesālī mahāvanaṁ kūṭāgārasālā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-bu-vb-pj4:1.2.4	Tena kho pana samayena disāsu vassaṁvuṭṭhā bhikkhū kisā honti lūkhā dubbaṇṇā uppaṇḍuppaṇḍukajātā dhamanisanthatagattā;
pli-tv-bu-vb-pj4:1.2.5	vaggumudātīriyā pana bhikkhū vaṇṇavā honti pīṇindriyā pasannamukhavaṇṇā vippasannachavivaṇṇā.
pli-tv-bu-vb-pj4:1.2.6	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-bu-vb-pj4:1.2.7	Atha kho bhagavā vaggumudātīriye bhikkhū etadavoca—
pli-tv-bu-vb-pj4:1.2.8	“kacci, bhikkhave, khamanīyaṁ kacci yāpanīyaṁ
pli-tv-bu-vb-pj4:1.2.9	kacci samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā”ti?
pli-tv-bu-vb-pj4:1.2.10	“Khamanīyaṁ, bhagavā, yāpanīyaṁ, bhagavā.
pli-tv-bu-vb-pj4:1.2.11	Samaggā ca mayaṁ, bhante, sammodamānā avivadamānā phāsukaṁ vassaṁ vasimhā, na ca piṇḍakena kilamimhā”ti.
pli-tv-bu-vb-pj4:1.2.12	Jānantāpi tathāgatā pucchanti, jānantāpi na pucchanti …pe…
pli-tv-bu-vb-pj4:1.2.13	dvīhākārehi buddhā bhagavanto bhikkhū paṭipucchanti— “dhammaṁ vā desessāma, sāvakānaṁ vā sikkhāpadaṁ paññapessāmā”ti.
pli-tv-bu-vb-pj4:1.2.14	Atha kho bhagavā vaggumudātīriye bhikkhū etadavoca—
pli-tv-bu-vb-pj4:1.2.15	“yathā kathaṁ pana tumhe, bhikkhave, samaggā sammodamānā avivadamānā phāsukaṁ vassaṁ vasittha na ca piṇḍakena kilamitthā”ti?
pli-tv-bu-vb-pj4:1.2.16	Atha kho te bhikkhū bhagavato etamatthaṁ ārocesuṁ.
pli-tv-bu-vb-pj4:1.2.17	“Kacci pana vo, bhikkhave, bhūtan”ti?
pli-tv-bu-vb-pj4:1.2.18	“Abhūtaṁ, bhagavā”ti.
pli-tv-bu-vb-pj4:1.2.19	Vigarahi buddho bhagavā—
pli-tv-bu-vb-pj4:1.2.20	“ananucchavikaṁ, moghapurisā, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-pj4:1.2.21	Kathañhi nāma tumhe, moghapurisā, udarassa kāraṇā gihīnaṁ aññamaññassa uttarimanussadhammassa vaṇṇaṁ bhāsissatha.
pli-tv-bu-vb-pj4:1.2.22	Varaṁ tumhehi, moghapurisā, tiṇhena govikantanena kucchi parikanto, na tveva udarassa kāraṇā gihīnaṁ aññamaññassa uttarimanussadhammassa vaṇṇo bhāsito.
pli-tv-bu-vb-pj4:1.2.23	Taṁ kissa hetu?
pli-tv-bu-vb-pj4:1.2.24	Tatonidānañhi, moghapurisā, maraṇaṁ vā nigaccheyya maraṇamattaṁ vā dukkhaṁ,
pli-tv-bu-vb-pj4:1.2.25	na tveva tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
pli-tv-bu-vb-pj4:1.2.26	Itonidānañca kho, moghapurisā, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya.
pli-tv-bu-vb-pj4:1.2.27	Netaṁ, moghapurisā, appasannānaṁ vā pasādāya …pe…
pli-tv-bu-vb-pj4:1.2.28	vigarahitvā dhammiṁ kathaṁ katvā bhikkhū āmantesi—
pli-tv-bu-vb-pj4:1.3.1	“Pañcime, bhikkhave, mahācorā santo saṁvijjamānā lokasmiṁ.
pli-tv-bu-vb-pj4:1.3.2	Katame pañca?
pli-tv-bu-vb-pj4:1.3.3	Idha, bhikkhave, ekaccassa mahācorassa evaṁ hoti—
pli-tv-bu-vb-pj4:1.3.4	‘kudāssu nāmāhaṁ satena vā sahassena vā parivuto gāmanigamarājadhānīsu āhiṇḍissāmi
pli-tv-bu-vb-pj4:1.3.5	hananto ghātento chindanto chedāpento pacanto pācento’ti.
pli-tv-bu-vb-pj4:1.3.6	So aparena samayena satena vā sahassena vā parivuto gāmanigamarājadhānīsu āhiṇḍati hananto ghātento chindanto chedāpento pacanto pācento.
pli-tv-bu-vb-pj4:1.3.7	Evameva kho, bhikkhave, idhekaccassa pāpabhikkhuno evaṁ hoti—
pli-tv-bu-vb-pj4:1.3.8	‘kudāssu nāmāhaṁ satena vā sahassena vā parivuto gāmanigamarājadhānīsu cārikaṁ carissāmi
pli-tv-bu-vb-pj4:1.3.9	sakkato garukato mānito pūjito apacito gahaṭṭhānañceva pabbajitānañca, lābhī cīvarapiṇḍapātasenāsanagilānappaccayabhesajjaparikkhārānan’ti.
pli-tv-bu-vb-pj4:1.3.10	So aparena samayena satena vā sahassena vā parivuto gāmanigamarājadhānīsu cārikaṁ carati sakkato garukato mānito pūjito apacito gahaṭṭhānañceva pabbajitānañca, lābhī cīvarapiṇḍapātasenāsanagilānappaccayabhesajjaparikkhārānaṁ.
pli-tv-bu-vb-pj4:1.3.11	Ayaṁ, bhikkhave, paṭhamo mahācoro santo saṁvijjamāno lokasmiṁ.
pli-tv-bu-vb-pj4:1.3.12	Puna caparaṁ, bhikkhave, idhekacco pāpabhikkhu tathāgatappaveditaṁ dhammavinayaṁ pariyāpuṇitvā attano dahati.
pli-tv-bu-vb-pj4:1.3.13	Ayaṁ, bhikkhave, dutiyo mahācoro santo saṁvijjamāno lokasmiṁ.
pli-tv-bu-vb-pj4:1.3.14	Puna caparaṁ, bhikkhave, idhekacco pāpabhikkhu suddhaṁ brahmacāriṁ parisuddhaṁ brahmacariyaṁ carantaṁ amūlakena abrahmacariyena anuddhaṁseti.
pli-tv-bu-vb-pj4:1.3.15	Ayaṁ, bhikkhave, tatiyo mahācoro santo saṁvijjamāno lokasmiṁ.
pli-tv-bu-vb-pj4:1.3.16	Puna caparaṁ, bhikkhave, idhekacco pāpabhikkhu yāni tāni saṅghassa garubhaṇḍāni garuparikkhārāni, seyyathidaṁ—
pli-tv-bu-vb-pj4:1.3.17	ārāmo ārāmavatthu vihāro vihāravatthu mañco pīṭhaṁ bhisi bibbohanaṁ lohakumbhī lohabhāṇakaṁ lohavārako lohakaṭāhaṁ vāsi parasu kuṭhārī kudālo nikhādanaṁ valli veḷu muñjaṁ pabbajaṁ tiṇaṁ mattikā dārubhaṇḍaṁ mattikābhaṇḍaṁ,
pli-tv-bu-vb-pj4:1.3.18	tehi gihiṁ saṅgaṇhāti upalāpeti.
pli-tv-bu-vb-pj4:1.3.19	Ayaṁ, bhikkhave, catuttho mahācoro santo saṁvijjamāno lokasmiṁ.
pli-tv-bu-vb-pj4:1.3.20	Sadevake, bhikkhave, loke samārake sabrahmake sassamaṇabrāhmaṇiyā pajāya sadevamanussāya ayaṁ aggo mahācoro yo asantaṁ abhūtaṁ uttarimanussadhammaṁ ullapati.
pli-tv-bu-vb-pj4:1.3.21	Taṁ kissa hetu?
pli-tv-bu-vb-pj4:1.3.22	Theyyāya vo, bhikkhave, raṭṭhapiṇḍo bhutto”ti.
pli-tv-bu-vb-pj4:1.3.23	Aññathā santamattānaṁ,
pli-tv-bu-vb-pj4:1.3.24	aññathā yo pavedaye;
pli-tv-bu-vb-pj4:1.3.25	Nikacca kitavasseva,
pli-tv-bu-vb-pj4:1.3.26	bhuttaṁ theyyena tassa taṁ.
pli-tv-bu-vb-pj4:1.3.27	Kāsāvakaṇṭhā bahavo,
pli-tv-bu-vb-pj4:1.3.28	pāpadhammā asaññatā;
pli-tv-bu-vb-pj4:1.3.29	Pāpā pāpehi kammehi,
pli-tv-bu-vb-pj4:1.3.30	nirayaṁ te upapajjare.
pli-tv-bu-vb-pj4:1.3.31	Seyyo ayoguḷo bhutto,
pli-tv-bu-vb-pj4:1.3.32	tatto aggisikhūpamo;
pli-tv-bu-vb-pj4:1.3.33	Yañce bhuñjeyya dussīlo,
pli-tv-bu-vb-pj4:1.3.34	raṭṭhapiṇḍaṁ asaññatoti.
pli-tv-bu-vb-pj4:1.3.35	Atha kho bhagavā vaggumudātīriye bhikkhū anekapariyāyena vigarahitvā dubbharatāya dupposatāya …pe…
pli-tv-bu-vb-pj4:1.3.36	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj4:1.3.37.0	
pli-tv-bu-vb-pj4:1.3.37.1	“Yo pana bhikkhu anabhijānaṁ uttarimanussadhammaṁ attupanāyikaṁ alamariyañāṇadassanaṁ samudācareyya—‘iti jānāmi iti passāmī’ti,
pli-tv-bu-vb-pj4:1.3.38	tato aparena samayena samanuggāhīyamāno vā asamanuggāhīyamāno vā āpanno visuddhāpekkho evaṁ vadeyya—‘ajānamevaṁ, āvuso, avacaṁ jānāmi, apassaṁ passāmi. Tucchaṁ musā vilapin’ti,
pli-tv-bu-vb-pj4:1.3.39	ayampi pārājiko hoti asaṁvāso”ti.
pli-tv-bu-vb-pj4:1.3.40	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-pj4:2.0	
pli-tv-bu-vb-pj4:2.1	Tena kho pana samayena sambahulā bhikkhū adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino adhimānena aññaṁ byākariṁsu.
pli-tv-bu-vb-pj4:2.2	Tesaṁ aparena samayena rāgāyapi cittaṁ namati dosāyapi cittaṁ namati mohāyapi cittaṁ namati.
pli-tv-bu-vb-pj4:2.3	Tesaṁ kukkuccaṁ ahosi—
pli-tv-bu-vb-pj4:2.4	“bhagavatā sikkhāpadaṁ paññattaṁ.
pli-tv-bu-vb-pj4:2.5	Mayañcamha adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino, adhimānena aññaṁ byākarimhā.
pli-tv-bu-vb-pj4:2.6	Kacci nu kho mayaṁ pārājikaṁ āpattiṁ āpannā”ti?
pli-tv-bu-vb-pj4:2.7	Te āyasmato ānandassa etamatthaṁ ārocesuṁ.
pli-tv-bu-vb-pj4:2.8	Āyasmā ānando bhagavato etamatthaṁ ārocesi.
pli-tv-bu-vb-pj4:2.9	“Honti ye te, ānanda, bhikkhū adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino adhimānena aññaṁ byākaronti.
pli-tv-bu-vb-pj4:2.10	Tañca kho etaṁ abbohārikan”ti.
pli-tv-bu-vb-pj4:2.11	“Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-pj4:2.12.0	
pli-tv-bu-vb-pj4:2.12.1	“Yo pana bhikkhu anabhijānaṁ uttarimanussadhammaṁ attupanāyikaṁ alamariyañāṇadassanaṁ samudācareyya—‘iti jānāmi iti passāmī’ti,
pli-tv-bu-vb-pj4:2.13	tato aparena samayena samanuggāhīyamāno vā asamanuggāhīyamāno vā āpanno visuddhāpekkho evaṁ vadeyya—‘ajānamevaṁ, āvuso, avacaṁ jānāmi, apassaṁ passāmi. Tucchaṁ musā vilapin’ti,
pli-tv-bu-vb-pj4:2.14	aññatra adhimānā,
pli-tv-bu-vb-pj4:2.15	ayampi pārājiko hoti asaṁvāso”ti.
pli-tv-bu-vb-pj4:3.0	
pli-tv-bu-vb-pj4:3.1	Yo panāti
pli-tv-bu-vb-pj4:3.2	yo yādiso …pe…
pli-tv-bu-vb-pj4:3.3	bhikkhūti
pli-tv-bu-vb-pj4:3.4	…pe… ayaṁ imasmiṁ atthe adhippeto bhikkhūti.
pli-tv-bu-vb-pj4:3.5	Anabhijānanti
pli-tv-bu-vb-pj4:3.6	asantaṁ abhūtaṁ asaṁvijjamānaṁ ajānanto apassanto attani kusalaṁ dhammaṁ— atthi me kusalo dhammoti.
pli-tv-bu-vb-pj4:3.7	Uttarimanussadhammo nāma
pli-tv-bu-vb-pj4:3.8	jhānaṁ vimokkho samādhi samāpatti ñāṇadassanaṁ maggabhāvanā phalasacchikiriyā kilesappahānaṁ vinīvaraṇatā cittassa suññāgāre abhirati.
pli-tv-bu-vb-pj4:3.9	Attupanāyikanti
pli-tv-bu-vb-pj4:3.10	te vā kusale dhamme attani upaneti attānaṁ vā tesu kusalesu dhammesu upaneti.
pli-tv-bu-vb-pj4:3.11	Ñāṇanti
pli-tv-bu-vb-pj4:3.12	tisso vijjā.
pli-tv-bu-vb-pj4:3.13	Dassananti
pli-tv-bu-vb-pj4:3.14	yaṁ ñāṇaṁ taṁ dassanaṁ, yaṁ dassanaṁ taṁ ñāṇaṁ.
pli-tv-bu-vb-pj4:3.15	Samudācareyyāti
pli-tv-bu-vb-pj4:3.16	āroceyya itthiyā vā purisassa vā gahaṭṭhassa vā pabbajitassa vā.
pli-tv-bu-vb-pj4:3.17	Iti jānāmi iti passāmīti
pli-tv-bu-vb-pj4:3.18	jānāmahaṁ ete dhamme, passāmahaṁ ete dhamme atthi ca ete dhammā mayi, ahañca etesu dhammesu sandissāmīti.
pli-tv-bu-vb-pj4:3.19	Tato aparena samayenāti
pli-tv-bu-vb-pj4:3.20	yasmiṁ khaṇe samudāciṇṇaṁ hoti taṁ khaṇaṁ taṁ layaṁ taṁ muhuttaṁ vītivatte.
pli-tv-bu-vb-pj4:3.21	Samanuggāhīyamānoti
pli-tv-bu-vb-pj4:3.22	yaṁ vatthu paṭiññātaṁ hoti tasmiṁ vatthusmiṁ samanuggāhīyamāno—
pli-tv-bu-vb-pj4:3.23	“kinte adhigataṁ,
pli-tv-bu-vb-pj4:3.24	kinti te adhigataṁ,
pli-tv-bu-vb-pj4:3.25	kadā te adhigataṁ,
pli-tv-bu-vb-pj4:3.26	kattha te adhigataṁ,
pli-tv-bu-vb-pj4:3.27	katame te kilesā pahīnā,
pli-tv-bu-vb-pj4:3.28	katamesaṁ tvaṁ dhammānaṁ lābhī”ti.
pli-tv-bu-vb-pj4:3.29	Asamanuggāhīyamānoti
pli-tv-bu-vb-pj4:3.30	na kenaci vuccamāno.
pli-tv-bu-vb-pj4:3.31	Āpannoti
pli-tv-bu-vb-pj4:3.32	pāpiccho icchāpakato asantaṁ abhūtaṁ uttarimanussadhammaṁ ullapitvā pārājikaṁ āpattiṁ āpanno hoti.
pli-tv-bu-vb-pj4:3.33	Visuddhāpekkhoti
pli-tv-bu-vb-pj4:3.34	gihī vā hotukāmo upāsako vā hotukāmo ārāmiko vā hotukāmo sāmaṇero vā hotukāmo.
pli-tv-bu-vb-pj4:3.35	Ajānamevaṁ, āvuso, avacaṁ—jānāmi, apassaṁ passāmīti
pli-tv-bu-vb-pj4:3.36	nāhaṁ ete dhamme jānāmi, nāhaṁ ete dhamme passāmi, natthi ca ete dhammā mayi, na cāhaṁ etesu dhammesu sandissāmīti.
pli-tv-bu-vb-pj4:3.37	Tucchaṁ musā vilapinti
pli-tv-bu-vb-pj4:3.38	tucchakaṁ mayā bhaṇitaṁ, musā mayā bhaṇitaṁ, abhūtaṁ mayā bhaṇitaṁ, ajānantena mayā bhaṇitaṁ.
pli-tv-bu-vb-pj4:3.39	Aññatra adhimānāti
pli-tv-bu-vb-pj4:3.40	ṭhapetvā adhimānaṁ.
pli-tv-bu-vb-pj4:3.41	Ayampīti
pli-tv-bu-vb-pj4:3.42	purime upādāya vuccati.
pli-tv-bu-vb-pj4:3.43	Pārājiko hotīti
pli-tv-bu-vb-pj4:3.44	seyyathāpi nāma tālo matthakacchinno abhabbo puna virūḷhiyā;
pli-tv-bu-vb-pj4:3.45	evameva bhikkhu pāpiccho icchāpakato asantaṁ abhūtaṁ uttarimanussadhammaṁ ullapitvā assamaṇo hoti asakyaputtiyo.
pli-tv-bu-vb-pj4:3.46	Tena vuccati— “pārājiko hotī”ti.
pli-tv-bu-vb-pj4:3.47	Asaṁvāsoti
pli-tv-bu-vb-pj4:3.48	saṁvāso nāma ekakammaṁ ekuddeso samasikkhatā— eso saṁvāso nāma.
pli-tv-bu-vb-pj4:3.49	So tena saddhiṁ natthi. Tena vuccati— “asaṁvāso”ti.
pli-tv-bu-vb-pj4:4.1.0.1	
pli-tv-bu-vb-pj4:4.1.0.2	
pli-tv-bu-vb-pj4:4.1.1	Uttarimanussadhammo nāma
pli-tv-bu-vb-pj4:4.1.2	jhānaṁ vimokkho samādhi samāpatti ñāṇadassanaṁ maggabhāvanā phalasacchikiriyā kilesappahānaṁ vinīvaraṇatā cittassa suññāgāre abhirati.
pli-tv-bu-vb-pj4:4.1.3.0	
pli-tv-bu-vb-pj4:4.1.3.1	Jhānanti
pli-tv-bu-vb-pj4:4.1.4	paṭhamaṁ jhānaṁ dutiyaṁ jhānaṁ tatiyaṁ jhānaṁ catutthaṁ jhānaṁ.
pli-tv-bu-vb-pj4:4.1.5	Vimokkhoti
pli-tv-bu-vb-pj4:4.1.6	suññato vimokkho animitto vimokkho appaṇihito vimokkho.
pli-tv-bu-vb-pj4:4.1.7	Samādhīti
pli-tv-bu-vb-pj4:4.1.8	suññato samādhi animitto samādhi appaṇihito samādhi.
pli-tv-bu-vb-pj4:4.1.9	Samāpattīti
pli-tv-bu-vb-pj4:4.1.10	suññatā samāpatti animittā samāpatti appaṇihitā samāpatti.
pli-tv-bu-vb-pj4:4.1.11	Ñāṇadassananti
pli-tv-bu-vb-pj4:4.1.12	tisso vijjā.
pli-tv-bu-vb-pj4:4.1.13	Maggabhāvanāti
pli-tv-bu-vb-pj4:4.1.14	cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo.
pli-tv-bu-vb-pj4:4.1.15	Phalasacchikiriyāti
pli-tv-bu-vb-pj4:4.1.16	sotāpattiphalassa sacchikiriyā, sakadāgāmiphalassa sacchikiriyā, anāgāmiphalassa sacchikiriyā, arahattassa sacchikiriyā.
pli-tv-bu-vb-pj4:4.1.17	Kilesappahānanti
pli-tv-bu-vb-pj4:4.1.18	rāgassa pahānaṁ dosassa pahānaṁ mohassa pahānaṁ.
pli-tv-bu-vb-pj4:4.1.19	Vinīvaraṇatā cittassāti
pli-tv-bu-vb-pj4:4.1.20	rāgā cittaṁ vinīvaraṇatā, dosā cittaṁ vinīvaraṇatā, mohā cittaṁ vinīvaraṇatā.
pli-tv-bu-vb-pj4:4.1.21	Suññāgāre abhiratīti
pli-tv-bu-vb-pj4:4.1.22	paṭhamena jhānena suññāgāre abhirati,
pli-tv-bu-vb-pj4:4.1.23	dutiyena jhānena suññāgāre abhirati,
pli-tv-bu-vb-pj4:4.1.24	tatiyena jhānena suññāgāre abhirati,
pli-tv-bu-vb-pj4:4.1.25	catutthena jhānena suññāgāre abhirati.
pli-tv-bu-vb-pj4:4.2.0.1	
pli-tv-bu-vb-pj4:4.2.0.2	
pli-tv-bu-vb-pj4:4.2.1	Tīhākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa—
pli-tv-bu-vb-pj4:4.2.2	pubbevassa hoti musā bhaṇissanti,
pli-tv-bu-vb-pj4:4.2.3	bhaṇantassa hoti musā bhaṇāmīti,
pli-tv-bu-vb-pj4:4.2.4	bhaṇitassa hoti musā mayā bhaṇitanti.
pli-tv-bu-vb-pj4:4.2.5	Catūhākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa—
pli-tv-bu-vb-pj4:4.2.6	pubbevassa hoti musā bhaṇissanti,
pli-tv-bu-vb-pj4:4.2.7	bhaṇantassa hoti musā bhaṇāmīti,
pli-tv-bu-vb-pj4:4.2.8	bhaṇitassa hoti musā mayā bhaṇitanti,
pli-tv-bu-vb-pj4:4.2.9	vinidhāya diṭṭhiṁ.
pli-tv-bu-vb-pj4:4.2.10	Pañcahākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa—
pli-tv-bu-vb-pj4:4.2.11	pubbevassa hoti musā bhaṇissanti,
pli-tv-bu-vb-pj4:4.2.12	bhaṇantassa hoti musā bhaṇāmīti,
pli-tv-bu-vb-pj4:4.2.13	bhaṇitassa hoti musā mayā bhaṇitanti,
pli-tv-bu-vb-pj4:4.2.14	vinidhāya diṭṭhiṁ vinidhāya khantiṁ.
pli-tv-bu-vb-pj4:4.2.15	Chahākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa—
pli-tv-bu-vb-pj4:4.2.16	pubbevassa hoti musā bhaṇissanti,
pli-tv-bu-vb-pj4:4.2.17	bhaṇantassa hoti musā bhaṇāmīti,
pli-tv-bu-vb-pj4:4.2.18	bhaṇitassa hoti musā mayā bhaṇitanti,
pli-tv-bu-vb-pj4:4.2.19	vinidhāya diṭṭhiṁ,
pli-tv-bu-vb-pj4:4.2.20	vinidhāya khantiṁ,
pli-tv-bu-vb-pj4:4.2.21	vinidhāya ruciṁ.
pli-tv-bu-vb-pj4:4.2.22	Sattahākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa—
pli-tv-bu-vb-pj4:4.2.23	pubbevassa hoti musā bhaṇissanti,
pli-tv-bu-vb-pj4:4.2.24	bhaṇantassa hoti musā bhaṇāmīti,
pli-tv-bu-vb-pj4:4.2.25	bhaṇitassa hoti musā mayā bhaṇitanti,
pli-tv-bu-vb-pj4:4.2.26	vinidhāya diṭṭhiṁ,
pli-tv-bu-vb-pj4:4.2.27	vinidhāya khantiṁ,
pli-tv-bu-vb-pj4:4.2.28	vinidhāya ruciṁ,
pli-tv-bu-vb-pj4:4.2.29	vinidhāya bhāvaṁ.
pli-tv-bu-vb-pj4:4.3.1	Tīhākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa—
pli-tv-bu-vb-pj4:4.3.2	pubbevassa hoti musā bhaṇissanti,
pli-tv-bu-vb-pj4:4.3.3	bhaṇantassa hoti musā bhaṇāmīti,
pli-tv-bu-vb-pj4:4.3.4	bhaṇitassa hoti musā mayā bhaṇitanti.
pli-tv-bu-vb-pj4:4.3.5	Catūhākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa—
pli-tv-bu-vb-pj4:4.3.6	pubbevassa hoti musā bhaṇissanti,
pli-tv-bu-vb-pj4:4.3.7	bhaṇantassa hoti musā bhaṇāmīti,
pli-tv-bu-vb-pj4:4.3.8	bhaṇitassa hoti musā mayā bhaṇitanti,
pli-tv-bu-vb-pj4:4.3.9	vinidhāya diṭṭhiṁ.
pli-tv-bu-vb-pj4:4.3.10	Pañcahākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa—
pli-tv-bu-vb-pj4:4.3.11	pubbevassa hoti musā bhaṇissanti,
pli-tv-bu-vb-pj4:4.3.12	bhaṇantassa hoti musā bhaṇāmīti,
pli-tv-bu-vb-pj4:4.3.13	bhaṇitassa hoti musā mayā bhaṇitanti,
pli-tv-bu-vb-pj4:4.3.14	vinidhāya diṭṭhiṁ,
pli-tv-bu-vb-pj4:4.3.15	vinidhāya khantiṁ.
pli-tv-bu-vb-pj4:4.3.16	Chahākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa—
pli-tv-bu-vb-pj4:4.3.17	pubbevassa hoti musā bhaṇissanti,
pli-tv-bu-vb-pj4:4.3.18	bhaṇantassa hoti musā bhaṇāmīti,
pli-tv-bu-vb-pj4:4.3.19	bhaṇitassa hoti musā mayā bhaṇitanti,
pli-tv-bu-vb-pj4:4.3.20	vinidhāya diṭṭhiṁ,
pli-tv-bu-vb-pj4:4.3.21	vinidhāya khantiṁ,
pli-tv-bu-vb-pj4:4.3.22	vinidhāya ruciṁ.
pli-tv-bu-vb-pj4:4.3.23	Sattahākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa—
pli-tv-bu-vb-pj4:4.3.24	pubbevassa hoti musā bhaṇissanti,
pli-tv-bu-vb-pj4:4.3.25	bhaṇantassa hoti musā bhaṇāmīti,
pli-tv-bu-vb-pj4:4.3.26	bhaṇitassa hoti musā mayā bhaṇitanti,
pli-tv-bu-vb-pj4:4.3.27	vinidhāya diṭṭhiṁ,
pli-tv-bu-vb-pj4:4.3.28	vinidhāya khantiṁ,
pli-tv-bu-vb-pj4:4.3.29	vinidhāya ruciṁ,
pli-tv-bu-vb-pj4:4.3.30	vinidhāya bhāvaṁ.
pli-tv-bu-vb-pj4:4.3.31	Tīhākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa—
pli-tv-bu-vb-pj4:4.3.32	pubbevassa hoti musā bhaṇissanti,
pli-tv-bu-vb-pj4:4.3.33	bhaṇantassa hoti musā bhaṇāmīti,
pli-tv-bu-vb-pj4:4.3.34	bhaṇitassa hoti musā mayā bhaṇitanti.
pli-tv-bu-vb-pj4:4.3.35	Catūhākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa—
pli-tv-bu-vb-pj4:4.3.36	pubbevassa hoti musā bhaṇissanti,
pli-tv-bu-vb-pj4:4.3.37	bhaṇantassa hoti musā bhaṇāmīti,
pli-tv-bu-vb-pj4:4.3.38	bhaṇitassa hoti musā mayā bhaṇitanti,
pli-tv-bu-vb-pj4:4.3.39	vinidhāya diṭṭhiṁ.
pli-tv-bu-vb-pj4:4.3.40	Pañcahākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa—
pli-tv-bu-vb-pj4:4.3.41	pubbevassa hoti musā bhaṇissanti,
pli-tv-bu-vb-pj4:4.3.42	bhaṇantassa hoti musā bhaṇāmīti,
pli-tv-bu-vb-pj4:4.3.43	bhaṇitassa hoti musā mayā bhaṇitanti,
pli-tv-bu-vb-pj4:4.3.44	vinidhāya diṭṭhiṁ,
pli-tv-bu-vb-pj4:4.3.45	vinidhāya khantiṁ.
pli-tv-bu-vb-pj4:4.3.46	Chahākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa—
pli-tv-bu-vb-pj4:4.3.47	pubbevassa hoti musā bhaṇissanti,
pli-tv-bu-vb-pj4:4.3.48	bhaṇantassa hoti musā bhaṇāmīti,
pli-tv-bu-vb-pj4:4.3.49	bhaṇitassa hoti musā mayā bhaṇitanti,
pli-tv-bu-vb-pj4:4.3.50	vinidhāya diṭṭhiṁ,
pli-tv-bu-vb-pj4:4.3.51	vinidhāya khantiṁ,
pli-tv-bu-vb-pj4:4.3.52	vinidhāya ruciṁ.
pli-tv-bu-vb-pj4:4.3.53	Sattahākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa—
pli-tv-bu-vb-pj4:4.3.54	pubbevassa hoti musā bhaṇissanti,
pli-tv-bu-vb-pj4:4.3.55	bhaṇantassa hoti musā bhaṇāmīti,
pli-tv-bu-vb-pj4:4.3.56	bhaṇitassa hoti musā mayā bhaṇitanti,
pli-tv-bu-vb-pj4:4.3.57	vinidhāya diṭṭhiṁ,
pli-tv-bu-vb-pj4:4.3.58	vinidhāya khantiṁ,
pli-tv-bu-vb-pj4:4.3.59	vinidhāya ruciṁ,
pli-tv-bu-vb-pj4:4.3.60	vinidhāya bhāvaṁ.
pli-tv-bu-vb-pj4:4.3.61	Tīhākārehi paṭhamassa jhānassa lābhimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.62	pubbevassa hoti musā bhaṇissanti,
pli-tv-bu-vb-pj4:4.3.63	bhaṇantassa hoti musā bhaṇāmīti,
pli-tv-bu-vb-pj4:4.3.64	bhaṇitassa hoti musā mayā bhaṇitanti.
pli-tv-bu-vb-pj4:4.3.65	Catūhākārehi paṭhamassa jhānassa lābhimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.66	pubbevassa hoti musā bhaṇissanti,
pli-tv-bu-vb-pj4:4.3.67	bhaṇantassa hoti musā bhaṇāmīti,
pli-tv-bu-vb-pj4:4.3.68	bhaṇitassa hoti musā mayā bhaṇitanti,
pli-tv-bu-vb-pj4:4.3.69	vinidhāya diṭṭhiṁ.
pli-tv-bu-vb-pj4:4.3.70	Pañcahākārehi paṭhamassa jhānassa lābhimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.71	pubbevassa hoti musā bhaṇissanti,
pli-tv-bu-vb-pj4:4.3.72	bhaṇantassa hoti musā bhaṇāmīti,
pli-tv-bu-vb-pj4:4.3.73	bhaṇitassa hoti musā mayā bhaṇitanti,
pli-tv-bu-vb-pj4:4.3.74	vinidhāya diṭṭhiṁ,
pli-tv-bu-vb-pj4:4.3.75	vinidhāya khantiṁ.
pli-tv-bu-vb-pj4:4.3.76	Chahākārehi paṭhamassa jhānassa lābhimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.77	pubbevassa hoti musā bhaṇissanti,
pli-tv-bu-vb-pj4:4.3.78	bhaṇantassa hoti musā bhaṇāmīti,
pli-tv-bu-vb-pj4:4.3.79	bhaṇitassa hoti musā mayā bhaṇitanti,
pli-tv-bu-vb-pj4:4.3.80	vinidhāya diṭṭhiṁ,
pli-tv-bu-vb-pj4:4.3.81	vinidhāya khantiṁ,
pli-tv-bu-vb-pj4:4.3.82	vinidhāya ruciṁ.
pli-tv-bu-vb-pj4:4.3.83	Sattahākārehi paṭhamassa jhānassa lābhimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.84	pubbevassa hoti musā bhaṇissanti,
pli-tv-bu-vb-pj4:4.3.85	bhaṇantassa hoti musā bhaṇāmīti,
pli-tv-bu-vb-pj4:4.3.86	bhaṇitassa hoti musā mayā bhaṇitanti,
pli-tv-bu-vb-pj4:4.3.87	vinidhāya diṭṭhiṁ,
pli-tv-bu-vb-pj4:4.3.88	vinidhāya khantiṁ,
pli-tv-bu-vb-pj4:4.3.89	vinidhāya ruciṁ,
pli-tv-bu-vb-pj4:4.3.90	vinidhāya bhāvaṁ.
pli-tv-bu-vb-pj4:4.3.91	Tīhākārehi paṭhamassa jhānassa vasimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.92	pubbevassa hoti musā bhaṇissanti,
pli-tv-bu-vb-pj4:4.3.93	bhaṇantassa hoti musā bhaṇāmīti,
pli-tv-bu-vb-pj4:4.3.94	bhaṇitassa hoti musā mayā bhaṇitanti.
pli-tv-bu-vb-pj4:4.3.95	Catūhākārehi paṭhamassa jhānassa vasimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.96	pubbevassa hoti musā bhaṇissanti,
pli-tv-bu-vb-pj4:4.3.97	bhaṇantassa hoti musā bhaṇāmīti,
pli-tv-bu-vb-pj4:4.3.98	bhaṇitassa hoti musā mayā bhaṇitanti,
pli-tv-bu-vb-pj4:4.3.99	vinidhāya diṭṭhiṁ.
pli-tv-bu-vb-pj4:4.3.100	Pañcahākārehi paṭhamassa jhānassa vasimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.101	pubbevassa hoti musā bhaṇissanti,
pli-tv-bu-vb-pj4:4.3.102	bhaṇantassa hoti musā bhaṇāmīti,
pli-tv-bu-vb-pj4:4.3.103	bhaṇitassa hoti musā mayā bhaṇitanti,
pli-tv-bu-vb-pj4:4.3.104	vinidhāya diṭṭhiṁ,
pli-tv-bu-vb-pj4:4.3.105	vinidhāya khantiṁ.
pli-tv-bu-vb-pj4:4.3.106	Chahākārehi paṭhamassa jhānassa vasimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.107	pubbevassa hoti musā bhaṇissanti,
pli-tv-bu-vb-pj4:4.3.108	bhaṇantassa hoti musā bhaṇāmīti,
pli-tv-bu-vb-pj4:4.3.109	bhaṇitassa hoti musā mayā bhaṇitanti,
pli-tv-bu-vb-pj4:4.3.110	vinidhāya diṭṭhiṁ,
pli-tv-bu-vb-pj4:4.3.111	vinidhāya khantiṁ,
pli-tv-bu-vb-pj4:4.3.112	vinidhāya ruciṁ.
pli-tv-bu-vb-pj4:4.3.113	Sattahākārehi paṭhamassa jhānassa vasimhīti sampajānamusā bhaṇantassa āpatti pārājikassa—
pli-tv-bu-vb-pj4:4.3.114	pubbevassa hoti musā bhaṇissanti,
pli-tv-bu-vb-pj4:4.3.115	bhaṇantassa hoti musā bhaṇāmīti,
pli-tv-bu-vb-pj4:4.3.116	bhaṇitassa hoti musā mayā bhaṇitanti,
pli-tv-bu-vb-pj4:4.3.117	vinidhāya diṭṭhiṁ,
pli-tv-bu-vb-pj4:4.3.118	vinidhāya khantiṁ,
pli-tv-bu-vb-pj4:4.3.119	vinidhāya ruciṁ,
pli-tv-bu-vb-pj4:4.3.120	vinidhāya bhāvaṁ.
pli-tv-bu-vb-pj4:4.3.121	Tīhākārehi paṭhamaṁ jhānaṁ sacchikataṁ mayāti sampajānamusā bhaṇantassa āpatti pārājikassa—
pli-tv-bu-vb-pj4:4.3.122	pubbevassa hoti musā bhaṇissanti,
pli-tv-bu-vb-pj4:4.3.123	bhaṇantassa hoti musā bhaṇāmīti,
pli-tv-bu-vb-pj4:4.3.124	bhaṇitassa hoti musā mayā bhaṇitanti.
pli-tv-bu-vb-pj4:4.3.125	Catūhākārehi paṭhamaṁ jhānaṁ sacchikataṁ mayāti sampajānamusā bhaṇantassa āpatti pārājikassa—
pli-tv-bu-vb-pj4:4.3.126	pubbevassa hoti musā bhaṇissanti,
pli-tv-bu-vb-pj4:4.3.127	bhaṇantassa hoti musā bhaṇāmīti,
pli-tv-bu-vb-pj4:4.3.128	bhaṇitassa hoti musā mayā bhaṇitanti,
pli-tv-bu-vb-pj4:4.3.129	vinidhāya diṭṭhiṁ.
pli-tv-bu-vb-pj4:4.3.130	Pañcahākārehi paṭhamaṁ jhānaṁ sacchikataṁ mayāti sampajānamusā bhaṇantassa āpatti pārājikassa—
pli-tv-bu-vb-pj4:4.3.131	pubbevassa hoti musā bhaṇissanti,
pli-tv-bu-vb-pj4:4.3.132	bhaṇantassa hoti musā bhaṇāmīti,
pli-tv-bu-vb-pj4:4.3.133	bhaṇitassa hoti musā mayā bhaṇitanti,
pli-tv-bu-vb-pj4:4.3.134	vinidhāya diṭṭhiṁ,
pli-tv-bu-vb-pj4:4.3.135	vinidhāya khantiṁ.
pli-tv-bu-vb-pj4:4.3.136	Chahākārehi paṭhamaṁ jhānaṁ sacchikataṁ mayāti sampajānamusā bhaṇantassa āpatti pārājikassa—
pli-tv-bu-vb-pj4:4.3.137	pubbevassa hoti musā bhaṇissanti,
pli-tv-bu-vb-pj4:4.3.138	bhaṇantassa hoti musā bhaṇāmīti,
pli-tv-bu-vb-pj4:4.3.139	bhaṇitassa hoti musā mayā bhaṇitanti,
pli-tv-bu-vb-pj4:4.3.140	vinidhāya diṭṭhiṁ,
pli-tv-bu-vb-pj4:4.3.141	vinidhāya khantiṁ,
pli-tv-bu-vb-pj4:4.3.142	vinidhāya ruciṁ.
pli-tv-bu-vb-pj4:4.3.143	Sattahākārehi paṭhamaṁ jhānaṁ sacchikataṁ mayāti sampajānamusā bhaṇantassa āpatti pārājikassa—
pli-tv-bu-vb-pj4:4.3.144	pubbevassa hoti musā bhaṇissanti,
pli-tv-bu-vb-pj4:4.3.145	bhaṇantassa hoti musā bhaṇāmīti,
pli-tv-bu-vb-pj4:4.3.146	bhaṇitassa hoti musā mayā bhaṇitanti,
pli-tv-bu-vb-pj4:4.3.147	vinidhāya diṭṭhiṁ,
pli-tv-bu-vb-pj4:4.3.148	vinidhāya khantiṁ,
pli-tv-bu-vb-pj4:4.3.149	vinidhāya ruciṁ,
pli-tv-bu-vb-pj4:4.3.150	vinidhāya bhāvaṁ.
pli-tv-bu-vb-pj4:4.3.151.0	
pli-tv-bu-vb-pj4:4.3.151.1	Yathā idaṁ paṭhamaṁ jhānaṁ vitthāritaṁ evaṁ sabbampi vitthāretabbaṁ.
pli-tv-bu-vb-pj4:4.4.1	Tīhākārehi …pe… sattahākārehi dutiyaṁ jhānaṁ …pe…
pli-tv-bu-vb-pj4:4.4.2	tatiyaṁ jhānaṁ …pe…
pli-tv-bu-vb-pj4:4.4.3	catutthaṁ jhānaṁ samāpajjiṁ …
pli-tv-bu-vb-pj4:4.4.4	samāpajjāmi …
pli-tv-bu-vb-pj4:4.4.5	samāpanno …
pli-tv-bu-vb-pj4:4.4.6	catutthassa jhānassa lābhimhi …
pli-tv-bu-vb-pj4:4.4.7	vasimhi …
pli-tv-bu-vb-pj4:4.4.8	catutthaṁ jhānaṁ sacchikataṁ mayāti sampajānamusā bhaṇantassa āpatti pārājikassa—
pli-tv-bu-vb-pj4:4.4.9	pubbevassa hoti musā bhaṇissanti,
pli-tv-bu-vb-pj4:4.4.10	bhaṇantassa hoti musā bhaṇāmīti,
pli-tv-bu-vb-pj4:4.4.11	bhaṇitassa hoti musā mayā bhaṇitanti,
pli-tv-bu-vb-pj4:4.4.12	vinidhāya diṭṭhiṁ,
pli-tv-bu-vb-pj4:4.4.13	vinidhāya khantiṁ,
pli-tv-bu-vb-pj4:4.4.14	vinidhāya ruciṁ,
pli-tv-bu-vb-pj4:4.4.15	vinidhāya bhāvaṁ.
pli-tv-bu-vb-pj4:4.5.1	Tīhākārehi suññataṁ vimokkhaṁ …
pli-tv-bu-vb-pj4:4.5.2	animittaṁ vimokkhaṁ …
pli-tv-bu-vb-pj4:4.5.3	appaṇihitaṁ vimokkhaṁ samāpajjiṁ …
pli-tv-bu-vb-pj4:4.5.4	samāpajjāmi …
pli-tv-bu-vb-pj4:4.5.5	samāpanno …
pli-tv-bu-vb-pj4:4.5.6	appaṇihitassa vimokkhassa lābhimhi …
pli-tv-bu-vb-pj4:4.5.7	vasimhi …
pli-tv-bu-vb-pj4:4.5.8	appaṇihito vimokkho sacchikato mayāti sampajānamusā bhaṇantassa āpatti pārājikassa …pe….
pli-tv-bu-vb-pj4:4.5.9	Tīhākārehi suññataṁ samādhiṁ …
pli-tv-bu-vb-pj4:4.5.10	animittaṁ samādhiṁ …
pli-tv-bu-vb-pj4:4.5.11	appaṇihitaṁ samādhiṁ samāpajjiṁ …
pli-tv-bu-vb-pj4:4.5.12	samāpajjāmi …
pli-tv-bu-vb-pj4:4.5.13	samāpanno …
pli-tv-bu-vb-pj4:4.5.14	appaṇihitassa samādhissa lābhimhi …
pli-tv-bu-vb-pj4:4.5.15	vasimhi …
pli-tv-bu-vb-pj4:4.5.16	appaṇihito samādhi sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.17	Tīhākārehi suññataṁ samāpattiṁ …
pli-tv-bu-vb-pj4:4.5.18	animittaṁ samāpattiṁ …
pli-tv-bu-vb-pj4:4.5.19	appaṇihitaṁ samāpattiṁ samāpajjiṁ …
pli-tv-bu-vb-pj4:4.5.20	samāpajjāmi …
pli-tv-bu-vb-pj4:4.5.21	samāpanno …
pli-tv-bu-vb-pj4:4.5.22	appaṇihitāya samāpattiyā lābhimhi …
pli-tv-bu-vb-pj4:4.5.23	vasimhi …
pli-tv-bu-vb-pj4:4.5.24	appaṇihitā samāpatti sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.25	Tīhākārehi tisso vijjā samāpajjiṁ …
pli-tv-bu-vb-pj4:4.5.26	samāpajjāmi …
pli-tv-bu-vb-pj4:4.5.27	samāpanno …
pli-tv-bu-vb-pj4:4.5.28	tissannaṁ vijjānaṁ lābhimhi …
pli-tv-bu-vb-pj4:4.5.29	vasimhi …
pli-tv-bu-vb-pj4:4.5.30	tisso vijjā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.31	Tīhākārehi cattāro satipaṭṭhāne …
pli-tv-bu-vb-pj4:4.5.32	cattāro sammappadhāne …
pli-tv-bu-vb-pj4:4.5.33	cattāro iddhipāde samāpajjiṁ …
pli-tv-bu-vb-pj4:4.5.34	samāpajjāmi …
pli-tv-bu-vb-pj4:4.5.35	samāpanno …
pli-tv-bu-vb-pj4:4.5.36	catunnaṁ iddhipādānaṁ lābhimhi …
pli-tv-bu-vb-pj4:4.5.37	vasimhi …
pli-tv-bu-vb-pj4:4.5.38	cattāro iddhipādā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.39	Tīhākārehi pañcindriyāni …
pli-tv-bu-vb-pj4:4.5.40	pañca balāni samāpajjiṁ …
pli-tv-bu-vb-pj4:4.5.41	samāpajjāmi …
pli-tv-bu-vb-pj4:4.5.42	samāpanno …
pli-tv-bu-vb-pj4:4.5.43	pañcannaṁ balānaṁ lābhimhi …
pli-tv-bu-vb-pj4:4.5.44	vasimhi …
pli-tv-bu-vb-pj4:4.5.45	pañcabalāni sacchikatāni mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.46	Tīhākārehi satta bojjhaṅge samāpajjiṁ …
pli-tv-bu-vb-pj4:4.5.47	samāpajjāmi …
pli-tv-bu-vb-pj4:4.5.48	samāpanno …
pli-tv-bu-vb-pj4:4.5.49	sattannaṁ bojjhaṅgānaṁ lābhimhi …
pli-tv-bu-vb-pj4:4.5.50	vasimhi …
pli-tv-bu-vb-pj4:4.5.51	satta bojjhaṅgā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.52	Tīhākārehi ariyaṁ aṭṭhaṅgikaṁ maggaṁ samāpajjiṁ …
pli-tv-bu-vb-pj4:4.5.53	samāpajjāmi …
pli-tv-bu-vb-pj4:4.5.54	samāpanno …
pli-tv-bu-vb-pj4:4.5.55	ariyassa aṭṭhaṅgikassa maggassa lābhimhi …
pli-tv-bu-vb-pj4:4.5.56	vasimhi …
pli-tv-bu-vb-pj4:4.5.57	ariyo aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.58	Tīhākārehi sotāpattiphalaṁ …
pli-tv-bu-vb-pj4:4.5.59	sakadāgāmiphalaṁ …
pli-tv-bu-vb-pj4:4.5.60	anāgāmiphalaṁ …
pli-tv-bu-vb-pj4:4.5.61	arahattaṁ samāpajjiṁ …
pli-tv-bu-vb-pj4:4.5.62	samāpajjāmi …
pli-tv-bu-vb-pj4:4.5.63.1	samāpanno …
pli-tv-bu-vb-pj4:4.5.63.2	
pli-tv-bu-vb-pj4:4.5.63.3	
pli-tv-bu-vb-pj4:4.5.64	arahattassa lābhimhi vasimhi arahattaṁ sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.5.65	Tīhākārehi rāgo me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
pli-tv-bu-vb-pj4:4.5.66	Tīhākārehi doso me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
pli-tv-bu-vb-pj4:4.5.67	Tīhākārehi moho me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
pli-tv-bu-vb-pj4:4.5.68	Tīhākārehi rāgā me cittaṁ vinīvaraṇanti sampajānamusā bhaṇantassa āpatti pārājikassa.
pli-tv-bu-vb-pj4:4.5.69	Tīhākārehi dosā me cittaṁ vinīvaraṇanti sampajānamusā bhaṇantassa āpatti pārājikassa.
pli-tv-bu-vb-pj4:4.5.70	Tīhākārehi …pe… sattahākārehi mohā me cittaṁ vinīvaraṇanti sampajānamusā bhaṇantassa āpatti pārājikassa—
pli-tv-bu-vb-pj4:4.5.71	pubbevassa hoti musā bhaṇissanti,
pli-tv-bu-vb-pj4:4.5.72	bhaṇantassa hoti musā bhaṇāmīti,
pli-tv-bu-vb-pj4:4.5.73	bhaṇitassa hoti musā mayā bhaṇitanti,
pli-tv-bu-vb-pj4:4.5.74	vinidhāya diṭṭhiṁ,
pli-tv-bu-vb-pj4:4.5.75	vinidhāya khantiṁ,
pli-tv-bu-vb-pj4:4.5.76	vinidhāya ruciṁ,
pli-tv-bu-vb-pj4:4.5.77	vinidhāya bhāvaṁ.
pli-tv-bu-vb-pj4:4.5.78	Suddhikaṁ niṭṭhitaṁ.
pli-tv-bu-vb-pj4:4.6.0	
pli-tv-bu-vb-pj4:4.6.1	Tīhākārehi paṭhamañca jhānaṁ dutiyañca jhānaṁ samāpajjiṁ …
pli-tv-bu-vb-pj4:4.6.2	samāpajjāmi …
pli-tv-bu-vb-pj4:4.6.3	samāpanno …
pli-tv-bu-vb-pj4:4.6.4	paṭhamassa ca jhānassa dutiyassa ca jhānassa lābhimhi …
pli-tv-bu-vb-pj4:4.6.5	vasimhi …
pli-tv-bu-vb-pj4:4.6.6.1	paṭhamañca jhānaṁ dutiyañca jhānaṁ sacchikataṁ mayāti sampajānamusā bhaṇantassa āpatti pārājikassa …pe….
pli-tv-bu-vb-pj4:4.6.6.2	
pli-tv-bu-vb-pj4:4.6.6.3	
pli-tv-bu-vb-pj4:4.6.6.4	
pli-tv-bu-vb-pj4:4.6.7	Tīhākārehi paṭhamañca jhānaṁ tatiyañca jhānaṁ samāpajjiṁ …
pli-tv-bu-vb-pj4:4.6.8	samāpajjāmi …
pli-tv-bu-vb-pj4:4.6.9	samāpanno …
pli-tv-bu-vb-pj4:4.6.10	paṭhamassa ca jhānassa tatiyassa ca jhānassa lābhimhi …
pli-tv-bu-vb-pj4:4.6.11	vasimhi …
pli-tv-bu-vb-pj4:4.6.12	paṭhamañca jhānaṁ tatiyañca jhānaṁ sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.13	Tīhākārehi paṭhamañca jhānaṁ catutthañca jhānaṁ samāpajjiṁ …
pli-tv-bu-vb-pj4:4.6.14	samāpajjāmi …
pli-tv-bu-vb-pj4:4.6.15	samāpanno …
pli-tv-bu-vb-pj4:4.6.16	paṭhamassa ca jhānassa catutthassa ca jhānassa lābhimhi …
pli-tv-bu-vb-pj4:4.6.17	vasimhi …
pli-tv-bu-vb-pj4:4.6.18	paṭhamañca jhānaṁ catutthañca jhānaṁ sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.19	Tīhākārehi paṭhamañca jhānaṁ suññatañca vimokkhaṁ …
pli-tv-bu-vb-pj4:4.6.20	paṭhamañca jhānaṁ animittañca vimokkhaṁ …
pli-tv-bu-vb-pj4:4.6.21	paṭhamañca jhānaṁ appaṇihitañca vimokkhaṁ samāpajjiṁ …
pli-tv-bu-vb-pj4:4.6.22	samāpajjāmi …
pli-tv-bu-vb-pj4:4.6.23	samāpanno …
pli-tv-bu-vb-pj4:4.6.24	paṭhamassa ca jhānassa appaṇihitassa ca vimokkhassa lābhimhi …
pli-tv-bu-vb-pj4:4.6.25	vasimhi …
pli-tv-bu-vb-pj4:4.6.26	paṭhamañca jhānaṁ appaṇihito ca vimokkho sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.27	Tīhākārehi paṭhamañca jhānaṁ suññatañca samādhiṁ …
pli-tv-bu-vb-pj4:4.6.28	paṭhamañca jhānaṁ animittañca samādhiṁ …
pli-tv-bu-vb-pj4:4.6.29	paṭhamañca jhānaṁ appaṇihitañca samādhiṁ samāpajjiṁ …
pli-tv-bu-vb-pj4:4.6.30	samāpajjāmi …
pli-tv-bu-vb-pj4:4.6.31	samāpanno
pli-tv-bu-vb-pj4:4.6.32	paṭhamassa ca jhānassa appaṇihitassa ca samādhissa lābhimhi …
pli-tv-bu-vb-pj4:4.6.33	vasimhi …
pli-tv-bu-vb-pj4:4.6.34	paṭhamañca jhānaṁ appaṇihito ca samādhi sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.35	Tīhākārehi paṭhamañca jhānaṁ suññatañca samāpattiṁ …
pli-tv-bu-vb-pj4:4.6.36	paṭhamañca jhānaṁ animittañca samāpattiṁ …
pli-tv-bu-vb-pj4:4.6.37	paṭhamañca jhānaṁ appaṇihitañca samāpattiṁ samāpajjiṁ …
pli-tv-bu-vb-pj4:4.6.38	samāpajjāmi …
pli-tv-bu-vb-pj4:4.6.39	samāpanno
pli-tv-bu-vb-pj4:4.6.40	paṭhamassa ca jhānassa appaṇihitāya ca samāpattiyā lābhimhi …
pli-tv-bu-vb-pj4:4.6.41	vasimhi …
pli-tv-bu-vb-pj4:4.6.42	paṭhamañca jhānaṁ appaṇihitā ca samāpatti sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.43	Tīhākārehi paṭhamañca jhānaṁ tisso ca vijjā samāpajjiṁ …
pli-tv-bu-vb-pj4:4.6.44	samāpajjāmi …
pli-tv-bu-vb-pj4:4.6.45	samāpanno …
pli-tv-bu-vb-pj4:4.6.46	paṭhamassa ca jhānassa tissannañca vijjānaṁ lābhimhi …
pli-tv-bu-vb-pj4:4.6.47	vasimhi …
pli-tv-bu-vb-pj4:4.6.48	paṭhamañca jhānaṁ tisso ca vijjā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.49	Tīhākārehi paṭhamañca jhānaṁ cattāro ca satipaṭṭhāne …
pli-tv-bu-vb-pj4:4.6.50	paṭhamañca jhānaṁ cattāro ca sammappadhāne …
pli-tv-bu-vb-pj4:4.6.51	paṭhamañca jhānaṁ cattāro ca iddhipāde samāpajjiṁ …
pli-tv-bu-vb-pj4:4.6.52	samāpajjāmi …
pli-tv-bu-vb-pj4:4.6.53	samāpanno …
pli-tv-bu-vb-pj4:4.6.54	paṭhamassa ca jhānassa catunnañca iddhipādānaṁ lābhimhi …
pli-tv-bu-vb-pj4:4.6.55	vasimhi …
pli-tv-bu-vb-pj4:4.6.56	paṭhamañca jhānaṁ cattāro ca iddhipādā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.57	Tīhākārehi paṭhamañca jhānaṁ pañca ca indriyāni …
pli-tv-bu-vb-pj4:4.6.58	paṭhamañca jhānaṁ pañca ca balāni samāpajjiṁ …
pli-tv-bu-vb-pj4:4.6.59	samāpajjāmi …
pli-tv-bu-vb-pj4:4.6.60	samāpanno …
pli-tv-bu-vb-pj4:4.6.61	paṭhamassa ca jhānassa pañcannañca balānaṁ lābhimhi …
pli-tv-bu-vb-pj4:4.6.62	vasimhi …
pli-tv-bu-vb-pj4:4.6.63	paṭhamañca jhānaṁ pañca ca balāni sacchikatāni mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.64	Tīhākārehi paṭhamañca jhānaṁ satta ca bojjhaṅge samāpajjiṁ …
pli-tv-bu-vb-pj4:4.6.65	samāpajjāmi …
pli-tv-bu-vb-pj4:4.6.66	samāpanno …
pli-tv-bu-vb-pj4:4.6.67	paṭhamassa ca jhānassa sattannañca bojjhaṅgānaṁ lābhimhi …
pli-tv-bu-vb-pj4:4.6.68	vasimhi …
pli-tv-bu-vb-pj4:4.6.69	paṭhamañca jhānaṁ satta ca bojjhaṅgā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.70	Tīhākārehi paṭhamañca jhānaṁ ariyañca aṭṭhaṅgikaṁ maggaṁ samāpajjiṁ …
pli-tv-bu-vb-pj4:4.6.71	samāpajjāmi …
pli-tv-bu-vb-pj4:4.6.72	samāpanno …
pli-tv-bu-vb-pj4:4.6.73	paṭhamassa ca jhānassa ariyassa ca aṭṭhaṅgikassa maggassa lābhimhi …
pli-tv-bu-vb-pj4:4.6.74	vasimhi …
pli-tv-bu-vb-pj4:4.6.75	paṭhamañca jhānaṁ ariyo ca aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.76	Tīhākārehi paṭhamañca jhānaṁ sotāpattiphalañca …
pli-tv-bu-vb-pj4:4.6.77	paṭhamañca jhānaṁ sakadāgāmiphalañca …
pli-tv-bu-vb-pj4:4.6.78	paṭhamañca jhānaṁ anāgāmiphalañca …
pli-tv-bu-vb-pj4:4.6.79	paṭhamañca jhānaṁ arahattañca samāpajjiṁ …
pli-tv-bu-vb-pj4:4.6.80	samāpajjāmi …
pli-tv-bu-vb-pj4:4.6.81	samāpanno …
pli-tv-bu-vb-pj4:4.6.82	paṭhamassa ca jhānassa arahattassa ca lābhimhi …
pli-tv-bu-vb-pj4:4.6.83	vasimhi …
pli-tv-bu-vb-pj4:4.6.84	paṭhamañca jhānaṁ arahattañca sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.6.85	Tīhākārehi paṭhamañca jhānaṁ samāpajjiṁ …
pli-tv-bu-vb-pj4:4.6.86	samāpajjāmi …
pli-tv-bu-vb-pj4:4.6.87	samāpanno …
pli-tv-bu-vb-pj4:4.6.88	paṭhamassa ca jhānassa lābhimhi …
pli-tv-bu-vb-pj4:4.6.89	vasimhi …
pli-tv-bu-vb-pj4:4.6.90	paṭhamañca jhānaṁ sacchikataṁ mayā, rāgo ca me catto …
pli-tv-bu-vb-pj4:4.6.91	doso ca me catto …
pli-tv-bu-vb-pj4:4.6.92	moho ca me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
pli-tv-bu-vb-pj4:4.6.93	Tīhākārehi …pe… sattahākārehi paṭhamañca jhānaṁ samāpajjiṁ …
pli-tv-bu-vb-pj4:4.6.94	samāpajjāmi …
pli-tv-bu-vb-pj4:4.6.95	samāpanno …
pli-tv-bu-vb-pj4:4.6.96	paṭhamassa ca jhānassa lābhimhi …
pli-tv-bu-vb-pj4:4.6.97	vasimhi …
pli-tv-bu-vb-pj4:4.6.98	paṭhamañca jhānaṁ sacchikataṁ mayā, rāgā ca me cittaṁ vinīvaraṇaṁ …
pli-tv-bu-vb-pj4:4.6.99	dosā ca me cittaṁ vinīvaraṇaṁ …
pli-tv-bu-vb-pj4:4.6.100	mohā ca me cittaṁ vinīvaraṇanti sampajānamusā bhaṇantassa āpatti pārājikassa—
pli-tv-bu-vb-pj4:4.6.101	pubbevassa hoti musā bhaṇissanti,
pli-tv-bu-vb-pj4:4.6.102	bhaṇantassa hoti musā bhaṇāmīti,
pli-tv-bu-vb-pj4:4.6.103	bhaṇitassa hoti musā mayā bhaṇitanti,
pli-tv-bu-vb-pj4:4.6.104	vinidhāya diṭṭhiṁ,
pli-tv-bu-vb-pj4:4.6.105	vinidhāya khantiṁ,
pli-tv-bu-vb-pj4:4.6.106	vinidhāya ruciṁ,
pli-tv-bu-vb-pj4:4.6.107	vinidhāya bhāvaṁ.
pli-tv-bu-vb-pj4:4.6.108	Khaṇḍacakkaṁ niṭṭhitaṁ.
pli-tv-bu-vb-pj4:4.7.1	Tīhākārehi dutiyañca jhānaṁ tatiyañca jhānaṁ samāpajjiṁ …
pli-tv-bu-vb-pj4:4.7.2	samāpajjāmi …
pli-tv-bu-vb-pj4:4.7.3	samāpanno …
pli-tv-bu-vb-pj4:4.7.4	dutiyassa ca jhānassa tatiyassa ca jhānassa lābhimhi …
pli-tv-bu-vb-pj4:4.7.5	vasimhi …
pli-tv-bu-vb-pj4:4.7.6	dutiyañca jhānaṁ tatiyañca jhānaṁ sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.7.7	Tīhākārehi dutiyañca jhānaṁ catutthañca jhānaṁ samāpajjiṁ …
pli-tv-bu-vb-pj4:4.7.8	samāpajjāmi …
pli-tv-bu-vb-pj4:4.7.9	samāpanno …
pli-tv-bu-vb-pj4:4.7.10	dutiyassa ca jhānassa catutthassa ca jhānassa lābhimhi …
pli-tv-bu-vb-pj4:4.7.11	vasimhi …
pli-tv-bu-vb-pj4:4.7.12	dutiyañca jhānaṁ catutthañca jhānaṁ sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.7.13	Tīhākārehi dutiyañca jhānaṁ suññatañca vimokkhaṁ …
pli-tv-bu-vb-pj4:4.7.14	animittañca vimokkhaṁ …
pli-tv-bu-vb-pj4:4.7.15	appaṇihitañca vimokkhaṁ …
pli-tv-bu-vb-pj4:4.7.16	suññatañca samādhiṁ …
pli-tv-bu-vb-pj4:4.7.17	animittañca samādhiṁ …
pli-tv-bu-vb-pj4:4.7.18	appaṇihitañca samādhiṁ …
pli-tv-bu-vb-pj4:4.7.19	suññatañca samāpattiṁ …
pli-tv-bu-vb-pj4:4.7.20	animittañca samāpattiṁ …
pli-tv-bu-vb-pj4:4.7.21	appaṇihitañca samāpattiṁ …
pli-tv-bu-vb-pj4:4.7.22	tisso ca vijjā …
pli-tv-bu-vb-pj4:4.7.23	cattāro ca satipaṭṭhāne …
pli-tv-bu-vb-pj4:4.7.24	cattāro ca sammappadhāne …
pli-tv-bu-vb-pj4:4.7.25	cattāro ca iddhipāde …
pli-tv-bu-vb-pj4:4.7.26	pañca ca indriyāni …
pli-tv-bu-vb-pj4:4.7.27	pañca ca balāni …
pli-tv-bu-vb-pj4:4.7.28	satta ca bojjhaṅge …
pli-tv-bu-vb-pj4:4.7.29	ariyañca aṭṭhaṅgikaṁ maggaṁ …
pli-tv-bu-vb-pj4:4.7.30	sotāpattiphalañca …
pli-tv-bu-vb-pj4:4.7.31	sakadāgāmiphalañca …
pli-tv-bu-vb-pj4:4.7.32	anāgāmiphalañca …
pli-tv-bu-vb-pj4:4.7.33	arahattañca samāpajjiṁ …
pli-tv-bu-vb-pj4:4.7.34	samāpajjāmi …
pli-tv-bu-vb-pj4:4.7.35	samāpanno …
pli-tv-bu-vb-pj4:4.7.36	dutiyassa ca jhānassa arahattassa ca lābhimhi …
pli-tv-bu-vb-pj4:4.7.37	vasimhi …
pli-tv-bu-vb-pj4:4.7.38	dutiyañca jhānaṁ arahattañca sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.7.39	Tīhākārehi dutiyañca jhānaṁ samāpajjiṁ …
pli-tv-bu-vb-pj4:4.7.40	samāpajjāmi …
pli-tv-bu-vb-pj4:4.7.41	samāpanno …
pli-tv-bu-vb-pj4:4.7.42	dutiyassa ca jhānassa lābhimhi …
pli-tv-bu-vb-pj4:4.7.43	vasimhi …
pli-tv-bu-vb-pj4:4.7.44	dutiyañca jhānaṁ sacchikataṁ mayā, rāgo ca me catto …
pli-tv-bu-vb-pj4:4.7.45	doso ca me catto …
pli-tv-bu-vb-pj4:4.7.46	moho ca me catto vanto mutto pahīno paṭinissaṭṭho ukkheṭito samukkheṭito.
pli-tv-bu-vb-pj4:4.7.47	Rāgā ca me cittaṁ vinīvaraṇaṁ …
pli-tv-bu-vb-pj4:4.7.48	dosā ca me cittaṁ vinīvaraṇaṁ …
pli-tv-bu-vb-pj4:4.7.49	mohā ca me cittaṁ vinīvaraṇanti sampajānamusā bhaṇantassa āpatti pārājikassa.
pli-tv-bu-vb-pj4:4.7.50	Tīhākārehi …pe… sattahākārehi dutiyañca jhānaṁ paṭhamañca jhānaṁ samāpajjiṁ …
pli-tv-bu-vb-pj4:4.7.51	samāpajjāmi …
pli-tv-bu-vb-pj4:4.7.52	samāpanno …
pli-tv-bu-vb-pj4:4.7.53	dutiyassa ca jhānassa paṭhamassa ca jhānassa lābhimhi …
pli-tv-bu-vb-pj4:4.7.54	vasimhi …
pli-tv-bu-vb-pj4:4.7.55	dutiyañca jhānaṁ paṭhamañca jhānaṁ sacchikataṁ mayāti sampajānamusā bhaṇantassa āpatti pārājikassa …pe…
pli-tv-bu-vb-pj4:4.7.56	vinidhāya bhāvaṁ.
pli-tv-bu-vb-pj4:4.7.57	Baddhacakkaṁ.
pli-tv-bu-vb-pj4:4.8.1	Evaṁ ekekaṁ mūlaṁ kātuna baddhacakkaṁ parivattakaṁ kattabbaṁ.
pli-tv-bu-vb-pj4:4.8.2	Idaṁ saṅkhittaṁ.
pli-tv-bu-vb-pj4:4.8.3	Tīhākārehi tatiyañca jhānaṁ catutthañca jhānaṁ …pe…
pli-tv-bu-vb-pj4:4.8.4	tatiyañca jhānaṁ arahattañca samāpajjiṁ …
pli-tv-bu-vb-pj4:4.8.5	samāpajjāmi …
pli-tv-bu-vb-pj4:4.8.6	samāpanno …
pli-tv-bu-vb-pj4:4.8.7	tatiyassa ca jhānassa arahattassa ca lābhimhi …
pli-tv-bu-vb-pj4:4.8.8	vasimhi …
pli-tv-bu-vb-pj4:4.8.9	tatiyañca jhānaṁ arahattañca sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.10	Tīhākārehi tatiyañca jhānaṁ samāpajjiṁ …
pli-tv-bu-vb-pj4:4.8.11	samāpajjāmi …
pli-tv-bu-vb-pj4:4.8.12	samāpanno …
pli-tv-bu-vb-pj4:4.8.13	tatiyassa ca jhānassa lābhimhi …
pli-tv-bu-vb-pj4:4.8.14	vasimhi …
pli-tv-bu-vb-pj4:4.8.15	tatiyañca jhānaṁ sacchikataṁ mayā, rāgo ca me catto …
pli-tv-bu-vb-pj4:4.8.16	doso ca me catto …
pli-tv-bu-vb-pj4:4.8.17	moho ca me catto vanto mutto pahīno paṭinissaṭṭho ukkheṭito samukkheṭito.
pli-tv-bu-vb-pj4:4.8.18	Rāgā ca me cittaṁ vinīvaraṇaṁ …
pli-tv-bu-vb-pj4:4.8.19	dosā ca me cittaṁ vinīvaraṇaṁ …
pli-tv-bu-vb-pj4:4.8.20	mohā ca me cittaṁ vinīvaraṇanti sampajānamusā bhaṇantassa āpatti pārājikassa.
pli-tv-bu-vb-pj4:4.8.21	Tīhākārehi tatiyañca jhānaṁ paṭhamañca jhānaṁ …
pli-tv-bu-vb-pj4:4.8.22	tatiyañca jhānaṁ dutiyañca jhānaṁ samāpajjiṁ …
pli-tv-bu-vb-pj4:4.8.23	samāpajjāmi …
pli-tv-bu-vb-pj4:4.8.24	samāpanno …
pli-tv-bu-vb-pj4:4.8.25	tatiyassa ca jhānassa dutiyassa ca jhānassa lābhimhi …
pli-tv-bu-vb-pj4:4.8.26	vasimhi …
pli-tv-bu-vb-pj4:4.8.27	tatiyañca jhānaṁ dutiyañca jhānaṁ sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.28	Tīhākārehi mohā ca me cittaṁ vinīvaraṇaṁ paṭhamañca jhānaṁ …pe…
pli-tv-bu-vb-pj4:4.8.29	dutiyañca jhānaṁ …
pli-tv-bu-vb-pj4:4.8.30	tatiyañca jhānaṁ …
pli-tv-bu-vb-pj4:4.8.31	catutthañca jhānaṁ samāpajjiṁ
pli-tv-bu-vb-pj4:4.8.32	samāpajjāmi …
pli-tv-bu-vb-pj4:4.8.33	samāpanno …
pli-tv-bu-vb-pj4:4.8.34	mohā ca me cittaṁ vinīvaraṇaṁ catutthassa ca jhānassa lābhimhi …
pli-tv-bu-vb-pj4:4.8.35	vasimhi …
pli-tv-bu-vb-pj4:4.8.36	mohā ca me cittaṁ vinīvaraṇaṁ catutthañca jhānaṁ sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.37	Tīhākārehi mohā ca me cittaṁ vinīvaraṇaṁ suññatañca vimokkhaṁ …
pli-tv-bu-vb-pj4:4.8.38	animittañca vimokkhaṁ …
pli-tv-bu-vb-pj4:4.8.39	appaṇihitañca vimokkhaṁ samāpajjiṁ …
pli-tv-bu-vb-pj4:4.8.40	samāpajjāmi …
pli-tv-bu-vb-pj4:4.8.41	samāpanno …
pli-tv-bu-vb-pj4:4.8.42	mohā ca me cittaṁ vinīvaraṇaṁ appaṇihitassa ca vimokkhassa lābhimhi …
pli-tv-bu-vb-pj4:4.8.43	vasimhi …
pli-tv-bu-vb-pj4:4.8.44	mohā ca me cittaṁ vinīvaraṇaṁ appaṇihito ca vimokkho sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.45	Tīhākārehi mohā ca me cittaṁ vinīvaraṇaṁ suññatañca samādhiṁ …
pli-tv-bu-vb-pj4:4.8.46	animittañca samādhiṁ …
pli-tv-bu-vb-pj4:4.8.47	appaṇihitañca samādhiṁ samāpajjiṁ …
pli-tv-bu-vb-pj4:4.8.48	samāpajjāmi …
pli-tv-bu-vb-pj4:4.8.49	samāpanno …
pli-tv-bu-vb-pj4:4.8.50	mohā ca me cittaṁ vinīvaraṇaṁ appaṇihitassa ca samādhissa lābhimhi …
pli-tv-bu-vb-pj4:4.8.51	vasimhi …
pli-tv-bu-vb-pj4:4.8.52	mohā ca me cittaṁ vinīvaraṇaṁ appaṇihito ca samādhi sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.53	Tīhākārehi mohā ca me cittaṁ vinīvaraṇaṁ suññatañca samāpattiṁ …
pli-tv-bu-vb-pj4:4.8.54	animittañca samāpattiṁ …
pli-tv-bu-vb-pj4:4.8.55	appaṇihitañca samāpattiṁ samāpajjiṁ …
pli-tv-bu-vb-pj4:4.8.56	samāpajjāmi …
pli-tv-bu-vb-pj4:4.8.57	samāpanno …
pli-tv-bu-vb-pj4:4.8.58	mohā ca me cittaṁ vinīvaraṇaṁ appaṇihitāya ca samāpattiyā lābhimhi …
pli-tv-bu-vb-pj4:4.8.59	vasimhi …
pli-tv-bu-vb-pj4:4.8.60	mohā ca me cittaṁ vinīvaraṇaṁ appaṇihitā ca samāpatti sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.61	Tīhākārehi mohā ca me cittaṁ vinīvaraṇaṁ tisso ca vijjā samāpajjiṁ …
pli-tv-bu-vb-pj4:4.8.62	samāpajjāmi …
pli-tv-bu-vb-pj4:4.8.63	samāpanno …
pli-tv-bu-vb-pj4:4.8.64	mohā ca me cittaṁ vinīvaraṇaṁ tissannañca vijjānaṁ lābhimhi …
pli-tv-bu-vb-pj4:4.8.65	vasimhi …
pli-tv-bu-vb-pj4:4.8.66	mohā ca me cittaṁ vinīvaraṇaṁ tisso ca vijjā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.67	Tīhākārehi mohā ca me cittaṁ vinīvaraṇaṁ cattāro ca satipaṭṭhāne …
pli-tv-bu-vb-pj4:4.8.68	cattāro ca sammappadhāne …
pli-tv-bu-vb-pj4:4.8.69	cattāro ca iddhipāde samāpajjiṁ …
pli-tv-bu-vb-pj4:4.8.70	samāpajjāmi …
pli-tv-bu-vb-pj4:4.8.71	samāpanno …
pli-tv-bu-vb-pj4:4.8.72	mohā ca me cittaṁ vinīvaraṇaṁ catunnañca iddhipādānaṁ lābhimhi …
pli-tv-bu-vb-pj4:4.8.73	vasimhi …
pli-tv-bu-vb-pj4:4.8.74	mohā ca me cittaṁ vinīvaraṇaṁ cattāro ca iddhipādā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.75	Tīhākārehi mohā ca me cittaṁ vinīvaraṇaṁ pañca ca indriyāni …
pli-tv-bu-vb-pj4:4.8.76	pañca ca balāni samāpajjiṁ …
pli-tv-bu-vb-pj4:4.8.77	samāpajjāmi …
pli-tv-bu-vb-pj4:4.8.78	samāpanno …
pli-tv-bu-vb-pj4:4.8.79	mohā ca me cittaṁ vinīvaraṇaṁ pañcannañca balānaṁ lābhimhi …
pli-tv-bu-vb-pj4:4.8.80	vasimhi …
pli-tv-bu-vb-pj4:4.8.81	mohā ca me cittaṁ vinīvaraṇaṁ pañca ca balāni sacchikatāni mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.82	Tīhākārehi mohā ca me cittaṁ vinīvaraṇaṁ satta ca bojjhaṅge samāpajjiṁ …
pli-tv-bu-vb-pj4:4.8.83	samāpajjāmi …
pli-tv-bu-vb-pj4:4.8.84	samāpanno …
pli-tv-bu-vb-pj4:4.8.85	mohā ca me cittaṁ vinīvaraṇaṁ sattannañca bojjhaṅgānaṁ lābhimhi …
pli-tv-bu-vb-pj4:4.8.86	vasimhi …
pli-tv-bu-vb-pj4:4.8.87	mohā ca me cittaṁ vinīvaraṇaṁ satta ca bojjhaṅgā sacchikatā mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.88	Tīhākārehi mohā ca me cittaṁ vinīvaraṇaṁ ariyañca aṭṭhaṅgikaṁ maggaṁ samāpajjiṁ …
pli-tv-bu-vb-pj4:4.8.89	samāpajjāmi …
pli-tv-bu-vb-pj4:4.8.90	samāpanno …
pli-tv-bu-vb-pj4:4.8.91	mohā ca me cittaṁ vinīvaraṇaṁ ariyassa ca aṭṭhaṅgikassa maggassa lābhimhi …
pli-tv-bu-vb-pj4:4.8.92	vasimhi …
pli-tv-bu-vb-pj4:4.8.93	mohā ca me cittaṁ vinīvaraṇaṁ ariyo ca aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.94	Tīhākārehi mohā ca me cittaṁ vinīvaraṇaṁ sotāpattiphalañca …
pli-tv-bu-vb-pj4:4.8.95	sakadāgāmiphalañca …
pli-tv-bu-vb-pj4:4.8.96	anāgāmiphalañca …
pli-tv-bu-vb-pj4:4.8.97	arahattañca samāpajjiṁ …
pli-tv-bu-vb-pj4:4.8.98	samāpajjāmi …
pli-tv-bu-vb-pj4:4.8.99	samāpanno …
pli-tv-bu-vb-pj4:4.8.100	mohā ca me cittaṁ vinīvaraṇaṁ arahattassa ca lābhimhi …
pli-tv-bu-vb-pj4:4.8.101	vasimhi …
pli-tv-bu-vb-pj4:4.8.102	mohā ca me cittaṁ vinīvaraṇaṁ arahattañca sacchikataṁ mayāti sampajānamusā bhaṇantassa āpatti pārājikassa.
pli-tv-bu-vb-pj4:4.8.103	Tīhākārehi mohā ca me cittaṁ vinīvaraṇaṁ, rāgo ca me catto …
pli-tv-bu-vb-pj4:4.8.104	doso ca me catto …
pli-tv-bu-vb-pj4:4.8.105	moho ca me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
pli-tv-bu-vb-pj4:4.8.106	Tīhākārehi …pe… sattahākārehi mohā ca me cittaṁ vinīvaraṇaṁ rāgā ca me cittaṁ vinīvaraṇaṁ …
pli-tv-bu-vb-pj4:4.8.107	dosā ca me cittaṁ vinīvaraṇanti sampajānamusā bhaṇantassa āpatti pārājikassa—
pli-tv-bu-vb-pj4:4.8.108	pubbevassa hoti musā bhaṇissanti,
pli-tv-bu-vb-pj4:4.8.109	bhaṇantassa hoti musā bhaṇāmīti,
pli-tv-bu-vb-pj4:4.8.110	bhaṇitassa hoti musā mayā bhaṇitanti,
pli-tv-bu-vb-pj4:4.8.111	vinidhāya diṭṭhiṁ,
pli-tv-bu-vb-pj4:4.8.112	vinidhāya khantiṁ,
pli-tv-bu-vb-pj4:4.8.113	vinidhāya ruciṁ,
pli-tv-bu-vb-pj4:4.8.114	vinidhāya bhāvaṁ.
pli-tv-bu-vb-pj4:4.8.115	Ekamūlakaṁ niṭṭhitaṁ.
pli-tv-bu-vb-pj4:4.9.0	
pli-tv-bu-vb-pj4:4.9.1	Yathā ekamūlakaṁ vitthāritaṁ evameva dumūlakādipi vitthāretabbaṁ.
pli-tv-bu-vb-pj4:4.9.2.0	
pli-tv-bu-vb-pj4:4.9.2.1	Idaṁ sabbamūlakaṁ
pli-tv-bu-vb-pj4:4.9.3	Tīhākārehi …pe… sattahākārehi paṭhamañca jhānaṁ dutiyañca jhānaṁ tatiyañca jhānaṁ catutthañca jhānaṁ suññatañca vimokkhaṁ animittañca vimokkhaṁ appaṇihitañca vimokkhaṁ suññatañca samādhiṁ animittañca samādhiṁ appaṇihitañca samādhiṁ suññatañca samāpattiṁ animittañca samāpattiṁ appaṇihitañca samāpattiṁ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṁ maggaṁ sotāpattiphalañca sakadāgāmiphalañca anāgāmiphalañca arahattañca samāpajjiṁ …
pli-tv-bu-vb-pj4:4.9.4	samāpajjāmi …
pli-tv-bu-vb-pj4:4.9.5	samāpanno …pe…
pli-tv-bu-vb-pj4:4.9.6	rāgo ca me catto, doso ca me catto, moho ca me catto vanto mutto pahīno paṭinissaṭṭho ukkheṭito samukkheṭito.
pli-tv-bu-vb-pj4:4.9.7	Rāgā ca me cittaṁ vinīvaraṇaṁ, dosā ca me cittaṁ vinīvaraṇaṁ, mohā ca me cittaṁ vinīvaraṇanti sampajānamusā bhaṇantassa āpatti pārājikassa—
pli-tv-bu-vb-pj4:4.9.8	pubbevassa hoti musā bhaṇissanti,
pli-tv-bu-vb-pj4:4.9.9	bhaṇantassa hoti musā bhaṇāmīti,
pli-tv-bu-vb-pj4:4.9.10	bhaṇitassa hoti musā mayā bhaṇitanti,
pli-tv-bu-vb-pj4:4.9.11	vinidhāya diṭṭhiṁ,
pli-tv-bu-vb-pj4:4.9.12	vinidhāya khantiṁ,
pli-tv-bu-vb-pj4:4.9.13	vinidhāya ruciṁ,
pli-tv-bu-vb-pj4:4.9.14	vinidhāya bhāvaṁ.
pli-tv-bu-vb-pj4:4.9.15	Sabbamūlakaṁ niṭṭhitaṁ.
pli-tv-bu-vb-pj4:4.9.16	Suddhikavārakathā niṭṭhitā.
pli-tv-bu-vb-pj4:5.1.0	
pli-tv-bu-vb-pj4:5.1.1	Tīhākārehi paṭhamaṁ jhānaṁ samāpajjinti vattukāmo dutiyaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.1.2	na paṭivijānantassa āpatti thullaccayassa.
pli-tv-bu-vb-pj4:5.1.3	Tīhākārehi paṭhamaṁ jhānaṁ samāpajjinti vattukāmo tatiyaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.1.4	na paṭivijānantassa āpatti thullaccayassa.
pli-tv-bu-vb-pj4:5.1.5	Tīhākārehi paṭhamaṁ jhānaṁ samāpajjinti vattukāmo catutthaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.1.6	na paṭivijānantassa āpatti thullaccayassa.
pli-tv-bu-vb-pj4:5.1.7	Tīhākārehi …pe… sattahākārehi paṭhamaṁ jhānaṁ samāpajjinti vattukāmo suññataṁ vimokkhaṁ …
pli-tv-bu-vb-pj4:5.1.8	animittaṁ vimokkhaṁ …
pli-tv-bu-vb-pj4:5.1.9	appaṇihitaṁ vimokkhaṁ …
pli-tv-bu-vb-pj4:5.1.10	suññataṁ samādhiṁ …
pli-tv-bu-vb-pj4:5.1.11	animittaṁ samādhiṁ …
pli-tv-bu-vb-pj4:5.1.12	appaṇihitaṁ samādhiṁ …
pli-tv-bu-vb-pj4:5.1.13	suññataṁ samāpattiṁ …
pli-tv-bu-vb-pj4:5.1.14	animittaṁ samāpattiṁ …
pli-tv-bu-vb-pj4:5.1.15	appaṇihitaṁ samāpattiṁ …
pli-tv-bu-vb-pj4:5.1.16	tisso vijjā …
pli-tv-bu-vb-pj4:5.1.17	cattāro satipaṭṭhāne …
pli-tv-bu-vb-pj4:5.1.18	cattāro sammappadhāne …
pli-tv-bu-vb-pj4:5.1.19	cattāro iddhipāde …
pli-tv-bu-vb-pj4:5.1.20	pañcindriyāni …
pli-tv-bu-vb-pj4:5.1.21	pañca balāni …
pli-tv-bu-vb-pj4:5.1.22	satta bojjhaṅge …
pli-tv-bu-vb-pj4:5.1.23	ariyaṁ aṭṭhaṅgikaṁ maggaṁ …
pli-tv-bu-vb-pj4:5.1.24	sotāpattiphalaṁ …
pli-tv-bu-vb-pj4:5.1.25	sakadāgāmiphalaṁ …
pli-tv-bu-vb-pj4:5.1.26	anāgāmiphalaṁ …
pli-tv-bu-vb-pj4:5.1.27	arahattaṁ samāpajjiṁ …pe…
pli-tv-bu-vb-pj4:5.1.28	rāgo me catto …
pli-tv-bu-vb-pj4:5.1.29	doso me catto …
pli-tv-bu-vb-pj4:5.1.30	moho me catto vanto mutto pahīno paṭinissaṭṭho ukkheṭito samukkheṭito.
pli-tv-bu-vb-pj4:5.1.31	Rāgā me cittaṁ vinīvaraṇaṁ …
pli-tv-bu-vb-pj4:5.1.32	dosā me cittaṁ vinīvaraṇaṁ …
pli-tv-bu-vb-pj4:5.1.33	mohā me cittaṁ vinīvaraṇanti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.1.34	na paṭivijānantassa āpatti thullaccayassa—
pli-tv-bu-vb-pj4:5.1.35	pubbevassa hoti musā bhaṇissanti,
pli-tv-bu-vb-pj4:5.1.36	bhaṇantassa hoti musā bhaṇāmīti,
pli-tv-bu-vb-pj4:5.1.37	bhaṇitassa hoti musā mayā bhaṇitanti,
pli-tv-bu-vb-pj4:5.1.38	vinidhāya diṭṭhiṁ,
pli-tv-bu-vb-pj4:5.1.39	vinidhāya khantiṁ,
pli-tv-bu-vb-pj4:5.1.40	vinidhāya ruciṁ,
pli-tv-bu-vb-pj4:5.1.41	vinidhāya bhāvaṁ.
pli-tv-bu-vb-pj4:5.1.42	Vatthuvisārakassa ekamūlakassa khaṇḍacakkaṁ niṭṭhitaṁ.
pli-tv-bu-vb-pj4:5.2.0	
pli-tv-bu-vb-pj4:5.2.1	Tīhākārehi dutiyaṁ jhānaṁ samāpajjinti vattukāmo tatiyaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.2.2	na paṭivijānantassa āpatti thullaccayassa.
pli-tv-bu-vb-pj4:5.2.3	Tīhākārehi dutiyaṁ jhānaṁ samāpajjinti vattukāmo catutthaṁ jhānaṁ samāpajjinti …pe…
pli-tv-bu-vb-pj4:5.2.4	mohā me cittaṁ vinīvaraṇanti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.2.5	na paṭivijānantassa āpatti thullaccayassa.
pli-tv-bu-vb-pj4:5.2.6	Tīhākārehi …pe… sattahākārehi dutiyaṁ jhānaṁ samāpajjinti vattukāmo paṭhamaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.2.7	na paṭivijānantassa āpatti thullaccayassa …pe…
pli-tv-bu-vb-pj4:5.2.8	vinidhāya bhāvaṁ.
pli-tv-bu-vb-pj4:5.2.9	Vatthuvisārakassa ekamūlakassa baddhacakkaṁ.
pli-tv-bu-vb-pj4:5.2.10	Mūlaṁ saṅkhittaṁ.
pli-tv-bu-vb-pj4:5.3.0	
pli-tv-bu-vb-pj4:5.3.1	Tīhākārehi mohā me cittaṁ vinīvaraṇanti vattukāmo paṭhamaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.3.2	na paṭivijānantassa āpatti thullaccayassa.
pli-tv-bu-vb-pj4:5.3.3	Tīhākārehi …pe… sattahākārehi mohā me cittaṁ vinīvaraṇanti vattukāmo dosā me cittaṁ vinīvaraṇanti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.3.4	na paṭivijānantassa āpatti thullaccayassa …pe…
pli-tv-bu-vb-pj4:5.3.5	vinidhāya bhāvaṁ.
pli-tv-bu-vb-pj4:5.3.6	Vatthuvisārakassa ekamūlakaṁ niṭṭhitaṁ.
pli-tv-bu-vb-pj4:5.4.0	
pli-tv-bu-vb-pj4:5.4.1	Yathā ekamūlakaṁ vitthāritaṁ evameva dumūlakādipi vitthāretabbaṁ.
pli-tv-bu-vb-pj4:5.4.2.0	
pli-tv-bu-vb-pj4:5.4.2.1	Idaṁ sabbamūlakaṁ
pli-tv-bu-vb-pj4:5.4.3	Tīhākārehi …pe… sattahākārehi paṭhamañca jhānaṁ dutiyañca jhānaṁ tatiyañca jhānaṁ catutthañca jhānaṁ suññatañca vimokkhaṁ animittañca vimokkhaṁ appaṇihitañca vimokkhaṁ suññatañca samādhiṁ animittañca samādhiṁ appaṇihitañca samādhiṁ suññatañca samāpattiṁ animittañca samāpattiṁ appaṇihitañca samāpattiṁ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṁ maggaṁ sotāpattiphalañca sakadāgāmiphalañca anāgāmiphalañca arahattañca samāpajjiṁ …pe…
pli-tv-bu-vb-pj4:5.4.4	rāgo ca me catto …
pli-tv-bu-vb-pj4:5.4.5	doso ca me catto …
pli-tv-bu-vb-pj4:5.4.6	moho ca me catto vanto mutto pahīno paṭinissaṭṭho ukkheṭito samukkheṭito, rāgā ca me cittaṁ vinīvaraṇaṁ dosā ca me cittaṁ vinīvaraṇanti vattukāmo mohā me cittaṁ vinīvaraṇanti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.4.7	na paṭivijānantassa āpatti thullaccayassa.
pli-tv-bu-vb-pj4:5.4.8	Tīhākārehi dutiyañca jhānaṁ tatiyañca jhānaṁ catutthañca jhānaṁ suññatañca vimokkhaṁ animittañca vimokkhaṁ appaṇihitañca vimokkhaṁ suññatañca samādhiṁ animittañca samādhiṁ appaṇihitañca samādhiṁ suññatañca samāpattiṁ animittañca samāpattiṁ appaṇihitañca samāpattiṁ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṁ maggaṁ sotāpattiphalañca sakadāgāmiphalañca anāgāmiphalañca arahattañca samāpajjiṁ …pe…
pli-tv-bu-vb-pj4:5.4.9	rāgo ca me catto …
pli-tv-bu-vb-pj4:5.4.10	doso ca me catto …
pli-tv-bu-vb-pj4:5.4.11	moho ca me catto vanto mutto pahīno paṭinissaṭṭho ukkheṭito samukkheṭito, rāgā ca me cittaṁ vinīvaraṇaṁ dosā ca me cittaṁ vinīvaraṇaṁ mohā ca me cittaṁ vinīvaraṇanti vattukāmo paṭhamaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.4.12	na paṭivijānantassa āpatti thullaccayassa.
pli-tv-bu-vb-pj4:5.4.13	Tīhākārehi tatiyañca jhānaṁ catutthañca jhānaṁ …pe…
pli-tv-bu-vb-pj4:5.4.14	mohā ca me cittaṁ vinīvaraṇaṁ paṭhamañca jhānaṁ samāpajjinti vattukāmo dutiyaṁ jhānaṁ samāpajjinti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.4.15	na paṭivijānantassa āpatti thullaccayassa.
pli-tv-bu-vb-pj4:5.4.16	Tīhākārehi …pe… sattahākārehi mohā ca me cittaṁ vinīvaraṇaṁ paṭhamañca jhānaṁ dutiyañca jhānaṁ tatiyañca jhānaṁ catutthañca jhānaṁ …pe…
pli-tv-bu-vb-pj4:5.4.17	rāgā ca me cittaṁ vinīvaraṇanti vattukāmo dosā me cittaṁ vinīvaraṇanti sampajānamusā bhaṇantassa paṭivijānantassa āpatti pārājikassa;
pli-tv-bu-vb-pj4:5.4.18	na paṭivijānantassa āpatti thullaccayassa—
pli-tv-bu-vb-pj4:5.4.19	pubbevassa hoti musā bhaṇissanti,
pli-tv-bu-vb-pj4:5.4.20	bhaṇantassa hoti musā bhaṇāmīti,
pli-tv-bu-vb-pj4:5.4.21	bhaṇitassa hoti musā mayā bhaṇitanti,
pli-tv-bu-vb-pj4:5.4.22	vinidhāya diṭṭhiṁ,
pli-tv-bu-vb-pj4:5.4.23	vinidhāya khantiṁ,
pli-tv-bu-vb-pj4:5.4.24	vinidhāya ruciṁ,
pli-tv-bu-vb-pj4:5.4.25	vinidhāya bhāvaṁ.
pli-tv-bu-vb-pj4:5.4.26	Vatthuvisārakassa sabbamūlakaṁ niṭṭhitaṁ.
pli-tv-bu-vb-pj4:5.4.27	Vatthuvisārakassa cakkapeyyālaṁ niṭṭhitaṁ.
pli-tv-bu-vb-pj4:5.4.28	Vatthukāmavārakathā niṭṭhitā.
pli-tv-bu-vb-pj4:6.1.0	
pli-tv-bu-vb-pj4:6.1.1	Tīhākārehi yo te vihāre vasi so bhikkhu paṭhamaṁ jhānaṁ samāpajji …
pli-tv-bu-vb-pj4:6.1.2	samāpajjati …
pli-tv-bu-vb-pj4:6.1.3	samāpanno …
pli-tv-bu-vb-pj4:6.1.4	so bhikkhu paṭhamassa jhānassa lābhī …
pli-tv-bu-vb-pj4:6.1.5	vasī …
pli-tv-bu-vb-pj4:6.1.6	tena bhikkhunā paṭhamaṁ jhānaṁ sacchikatanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.1.7	na paṭivijānantassa āpatti dukkaṭassa—
pli-tv-bu-vb-pj4:6.1.8	pubbevassa hoti musā bhaṇissanti,
pli-tv-bu-vb-pj4:6.1.9	bhaṇantassa hoti musā bhaṇāmīti,
pli-tv-bu-vb-pj4:6.1.10	bhaṇitassa hoti musā mayā bhaṇitanti.
pli-tv-bu-vb-pj4:6.1.11	Catūhākārehi … pañcahākārehi … chahākārehi … sattahākārehi yo te vihāre vasi so bhikkhu paṭhamaṁ jhānaṁ samāpajji …
pli-tv-bu-vb-pj4:6.1.12	samāpajjati …
pli-tv-bu-vb-pj4:6.1.13	samāpanno …
pli-tv-bu-vb-pj4:6.1.14	so bhikkhu paṭhamassa jhānassa lābhī …
pli-tv-bu-vb-pj4:6.1.15	vasī …
pli-tv-bu-vb-pj4:6.1.16	tena bhikkhunā paṭhamaṁ jhānaṁ sacchikatanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.1.17	na paṭivijānantassa āpatti dukkaṭassa—
pli-tv-bu-vb-pj4:6.1.18	pubbevassa hoti musā bhaṇissanti,
pli-tv-bu-vb-pj4:6.1.19	bhaṇantassa hoti musā bhaṇāmīti,
pli-tv-bu-vb-pj4:6.1.20	bhaṇitassa hoti musā mayā bhaṇitanti,
pli-tv-bu-vb-pj4:6.1.21	vinidhāya diṭṭhiṁ,
pli-tv-bu-vb-pj4:6.1.22	vinidhāya khantiṁ,
pli-tv-bu-vb-pj4:6.1.23	vinidhāya ruciṁ,
pli-tv-bu-vb-pj4:6.1.24	vinidhāya bhāvaṁ.
pli-tv-bu-vb-pj4:6.1.25	Tīhākārehi yo te vihāre vasi so bhikkhu dutiyaṁ jhānaṁ …
pli-tv-bu-vb-pj4:6.1.26	tatiyaṁ jhānaṁ …
pli-tv-bu-vb-pj4:6.1.27	catutthaṁ jhānaṁ …
pli-tv-bu-vb-pj4:6.1.28	suññataṁ vimokkhaṁ …
pli-tv-bu-vb-pj4:6.1.29	animittaṁ vimokkhaṁ …
pli-tv-bu-vb-pj4:6.1.30	appaṇihitaṁ vimokkhaṁ …
pli-tv-bu-vb-pj4:6.1.31	suññataṁ samādhiṁ …
pli-tv-bu-vb-pj4:6.1.32	animittaṁ samādhiṁ …
pli-tv-bu-vb-pj4:6.1.33	appaṇihitaṁ samādhiṁ …
pli-tv-bu-vb-pj4:6.1.34	suññataṁ samāpattiṁ …
pli-tv-bu-vb-pj4:6.1.35	animittaṁ samāpattiṁ …
pli-tv-bu-vb-pj4:6.1.36	appaṇihitaṁ samāpattiṁ …
pli-tv-bu-vb-pj4:6.1.37	tisso vijjā …
pli-tv-bu-vb-pj4:6.1.38	cattāro satipaṭṭhāne …
pli-tv-bu-vb-pj4:6.1.39	cattāro sammappadhāne …
pli-tv-bu-vb-pj4:6.1.40	cattāro iddhipāde …
pli-tv-bu-vb-pj4:6.1.41	pañca indriyāni …
pli-tv-bu-vb-pj4:6.1.42	pañca balāni …
pli-tv-bu-vb-pj4:6.1.43	satta bojjhaṅge …
pli-tv-bu-vb-pj4:6.1.44	ariyaṁ aṭṭhaṅgikaṁ maggaṁ …
pli-tv-bu-vb-pj4:6.1.45	sotāpattiphalaṁ …
pli-tv-bu-vb-pj4:6.1.46	sakadāgāmiphalaṁ …
pli-tv-bu-vb-pj4:6.1.47	anāgāmiphalaṁ …
pli-tv-bu-vb-pj4:6.1.48	arahattaṁ samāpajji …
pli-tv-bu-vb-pj4:6.1.49	samāpajjati …
pli-tv-bu-vb-pj4:6.1.50	samāpanno …
pli-tv-bu-vb-pj4:6.1.51	so bhikkhu arahattassa lābhī …
pli-tv-bu-vb-pj4:6.1.52	vasī …
pli-tv-bu-vb-pj4:6.1.53	tena bhikkhunā arahattaṁ sacchikatanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.1.54	na paṭivijānantassa āpatti dukkaṭassa.
pli-tv-bu-vb-pj4:6.1.55	Tīhākārehi yo te vihāre vasi, tassa bhikkhuno rāgo catto …
pli-tv-bu-vb-pj4:6.1.56	doso catto …
pli-tv-bu-vb-pj4:6.1.57	moho catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.1.58	na paṭivijānantassa āpatti dukkaṭassa.
pli-tv-bu-vb-pj4:6.1.59	Tīhākārehi …pe… sattahākārehi yo te vihāre vasi, tassa bhikkhuno rāgā cittaṁ vinīvaraṇaṁ …
pli-tv-bu-vb-pj4:6.1.60	dosā cittaṁ vinīvaraṇaṁ …
pli-tv-bu-vb-pj4:6.1.61	mohā cittaṁ vinīvaraṇanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.1.62	na paṭivijānantassa āpatti dukkaṭassa—
pli-tv-bu-vb-pj4:6.1.63	pubbevassa hoti musā bhaṇissanti,
pli-tv-bu-vb-pj4:6.1.64	bhaṇantassa hoti musā bhaṇāmīti,
pli-tv-bu-vb-pj4:6.1.65	bhaṇitassa hoti musā mayā bhaṇitanti,
pli-tv-bu-vb-pj4:6.1.66	vinidhāya diṭṭhiṁ,
pli-tv-bu-vb-pj4:6.1.67	vinidhāya khantiṁ,
pli-tv-bu-vb-pj4:6.1.68	vinidhāya ruciṁ,
pli-tv-bu-vb-pj4:6.1.69	vinidhāya bhāvaṁ.
pli-tv-bu-vb-pj4:6.1.70	Tīhākārehi …pe… sattahākārehi yo te vihāre vasi so bhikkhu suññāgāre paṭhamaṁ jhānaṁ …
pli-tv-bu-vb-pj4:6.1.71	dutiyaṁ jhānaṁ …
pli-tv-bu-vb-pj4:6.1.72	tatiyaṁ jhānaṁ …
pli-tv-bu-vb-pj4:6.1.73	catutthaṁ jhānaṁ samāpajji …
pli-tv-bu-vb-pj4:6.1.74	samāpajjati …
pli-tv-bu-vb-pj4:6.1.75	samāpanno …
pli-tv-bu-vb-pj4:6.1.76	so bhikkhu suññāgāre catutthassa jhānassa lābhī …
pli-tv-bu-vb-pj4:6.1.77	vasī …
pli-tv-bu-vb-pj4:6.1.78	tena bhikkhunā suññāgāre catutthaṁ jhānaṁ sacchikatanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.1.79	na paṭivijānantassa āpatti dukkaṭassa—
pli-tv-bu-vb-pj4:6.1.80	pubbevassa hoti musā bhaṇissanti,
pli-tv-bu-vb-pj4:6.1.81	bhaṇantassa hoti musā bhaṇāmīti,
pli-tv-bu-vb-pj4:6.1.82	bhaṇitassa hoti musā mayā bhaṇitanti,
pli-tv-bu-vb-pj4:6.1.83	vinidhāya diṭṭhiṁ,
pli-tv-bu-vb-pj4:6.1.84	vinidhāya khantiṁ,
pli-tv-bu-vb-pj4:6.1.85	vinidhāya ruciṁ,
pli-tv-bu-vb-pj4:6.1.86	vinidhāya bhāvaṁ.
pli-tv-bu-vb-pj4:6.1.87.0	
pli-tv-bu-vb-pj4:6.1.87.1	Yathā idaṁ vitthāritaṁ evameva sesānipi vitthāretabbāni.
pli-tv-bu-vb-pj4:6.2.1	Tīhākārehi …pe… sattahākārehi yo te cīvaraṁ paribhuñji …
pli-tv-bu-vb-pj4:6.2.2	yo te piṇḍapātaṁ paribhuñji …
pli-tv-bu-vb-pj4:6.2.3	yo te senāsanaṁ paribhuñji …
pli-tv-bu-vb-pj4:6.2.4	yo te gilānappaccayabhesajjaparikkhāraṁ paribhuñji so bhikkhu suññāgāre catutthaṁ jhānaṁ samāpajji …
pli-tv-bu-vb-pj4:6.2.5	samāpajjati …
pli-tv-bu-vb-pj4:6.2.6	samāpanno …
pli-tv-bu-vb-pj4:6.2.7	so bhikkhu suññāgāre catutthassa jhānassa lābhī …
pli-tv-bu-vb-pj4:6.2.8	vasī …
pli-tv-bu-vb-pj4:6.2.9	tena bhikkhunā suññāgāre catutthaṁ jhānaṁ sacchikatanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.2.10	na paṭivijānantassa āpatti dukkaṭassa …pe…
pli-tv-bu-vb-pj4:6.2.11	vinidhāya bhāvaṁ.
pli-tv-bu-vb-pj4:6.2.12	Tīhākārehi …pe… sattahākārehi yena te vihāro paribhutto …
pli-tv-bu-vb-pj4:6.2.13	yena te cīvaraṁ paribhuttaṁ …
pli-tv-bu-vb-pj4:6.2.14	yena te piṇḍapāto paribhutto …
pli-tv-bu-vb-pj4:6.2.15	yena te senāsanaṁ paribhuttaṁ …
pli-tv-bu-vb-pj4:6.2.16	yena te gilānappaccayabhesajjaparikkhāro paribhutto …
pli-tv-bu-vb-pj4:6.2.17	so bhikkhu suññāgāre catutthaṁ jhānaṁ samāpajji …
pli-tv-bu-vb-pj4:6.2.18	samāpajjati …
pli-tv-bu-vb-pj4:6.2.19	samāpanno …
pli-tv-bu-vb-pj4:6.2.20	so bhikkhu suññāgāre catutthassa jhānassa lābhī …
pli-tv-bu-vb-pj4:6.2.21	vasī …
pli-tv-bu-vb-pj4:6.2.22	tena bhikkhunā suññāgāre catutthaṁ jhānaṁ sacchikatanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.2.23	na paṭivijānantassa āpatti dukkaṭassa …pe…
pli-tv-bu-vb-pj4:6.2.24	vinidhāya bhāvaṁ.
pli-tv-bu-vb-pj4:6.2.25	Tīhākārehi …pe… sattahākārehi yaṁ tvaṁ āgamma vihāraṁ adāsi …
pli-tv-bu-vb-pj4:6.2.26	cīvaraṁ adāsi …
pli-tv-bu-vb-pj4:6.2.27	piṇḍapātaṁ adāsi …
pli-tv-bu-vb-pj4:6.2.28	senāsanaṁ adāsi …
pli-tv-bu-vb-pj4:6.2.29	gilānappaccayabhesajjaparikkhāraṁ adāsi so bhikkhu suññāgāre catutthaṁ jhānaṁ samāpajji …
pli-tv-bu-vb-pj4:6.2.30	samāpajjati …
pli-tv-bu-vb-pj4:6.2.31	samāpanno …
pli-tv-bu-vb-pj4:6.2.32	so bhikkhu suññāgāre catutthassa jhānassa lābhī …
pli-tv-bu-vb-pj4:6.2.33	vasī …
pli-tv-bu-vb-pj4:6.2.34	tena bhikkhunā suññāgāre catutthaṁ jhānaṁ sacchikatanti sampajānamusā bhaṇantassa paṭivijānantassa āpatti thullaccayassa;
pli-tv-bu-vb-pj4:6.2.35	na paṭivijānantassa āpatti dukkaṭassa—
pli-tv-bu-vb-pj4:6.2.36	pubbevassa hoti musā bhaṇissanti,
pli-tv-bu-vb-pj4:6.2.37	bhaṇantassa hoti musā bhaṇāmīti,
pli-tv-bu-vb-pj4:6.2.38	bhaṇitassa hoti musā mayā bhaṇitanti,
pli-tv-bu-vb-pj4:6.2.39	vinidhāya diṭṭhiṁ,
pli-tv-bu-vb-pj4:6.2.40	vinidhāya khantiṁ,
pli-tv-bu-vb-pj4:6.2.41	vinidhāya ruciṁ,
pli-tv-bu-vb-pj4:6.2.42	vinidhāya bhāvaṁ.
pli-tv-bu-vb-pj4:6.2.43	Peyyālapannarasakaṁ niṭṭhitaṁ.
pli-tv-bu-vb-pj4:6.2.44	Paccayappaṭisaṁyuttavārakathā niṭṭhitā.
pli-tv-bu-vb-pj4:6.2.45	Uttarimanussadhammacakkapeyyālaṁ niṭṭhitaṁ.
pli-tv-bu-vb-pj4:7.0	
pli-tv-bu-vb-pj4:7.1	Anāpatti—
pli-tv-bu-vb-pj4:7.2	adhimānena,
pli-tv-bu-vb-pj4:7.3	anullapanādhippāyassa,
pli-tv-bu-vb-pj4:7.4	ummattakassa,
pli-tv-bu-vb-pj4:7.5	khittacittassa,
pli-tv-bu-vb-pj4:7.6	vedanāṭṭassa,
pli-tv-bu-vb-pj4:7.7	ādikammikassāti.
pli-tv-bu-vb-pj4:7.8	4.1. Vinītavatthuuddānagāthā
pli-tv-bu-vb-pj4:7.9	Adhimāne araññamhi,
pli-tv-bu-vb-pj4:7.10	piṇḍopajjhāriyāpatho;
pli-tv-bu-vb-pj4:7.11	Saṁyojanā rahodhammā,
pli-tv-bu-vb-pj4:7.12	vihāro paccupaṭṭhito.
pli-tv-bu-vb-pj4:7.13	Na dukkaraṁ viriyamathopi maccuno,
pli-tv-bu-vb-pj4:7.14	Bhāyāvuso vippaṭisāri sammā;
pli-tv-bu-vb-pj4:7.15	Viriyena yogena ārādhanāya,
pli-tv-bu-vb-pj4:7.16	Atha vedanāya adhivāsanā duve.
pli-tv-bu-vb-pj4:7.17	Brāhmaṇe pañca vatthūni,
pli-tv-bu-vb-pj4:7.18	aññaṁ byākaraṇā tayo;
pli-tv-bu-vb-pj4:7.19	Agārāvaraṇā kāmā,
pli-tv-bu-vb-pj4:7.20	rati cāpi apakkami.
pli-tv-bu-vb-pj4:7.21	Aṭṭhi pesi ubho gāvaghātakā,
pli-tv-bu-vb-pj4:7.22	Piṇḍo sākuṇiko nicchavi orabbhi;
pli-tv-bu-vb-pj4:7.23	Asi ca sūkariko satti māgavi,
pli-tv-bu-vb-pj4:7.24	Usu ca kāraṇiko sūci sārathi.
pli-tv-bu-vb-pj4:7.25	Yo ca sibbīyati sūcako hi so,
pli-tv-bu-vb-pj4:7.26	Aṇḍabhāri ahu gāmakūṭako;
pli-tv-bu-vb-pj4:7.27	Kūpe nimuggo hi so pāradāriko,
pli-tv-bu-vb-pj4:7.28	Gūthakhādī ahu duṭṭhabrāhmaṇo.
pli-tv-bu-vb-pj4:7.29	Nicchavitthī aticārinī ahu,
pli-tv-bu-vb-pj4:7.30	Maṅgulitthī ahu ikkhaṇitthikā;
pli-tv-bu-vb-pj4:7.31	Okilinī hi sapattaṅgārokiri,
pli-tv-bu-vb-pj4:7.32	Sīsacchinno ahu coraghātako.
pli-tv-bu-vb-pj4:7.33	Bhikkhu bhikkhunī sikkhamānā,
pli-tv-bu-vb-pj4:7.34	Sāmaṇero atha sāmaṇerikā;
pli-tv-bu-vb-pj4:7.35	Kassapassa vinayasmiṁ pabbajaṁ,
pli-tv-bu-vb-pj4:7.36	Pāpakammamakariṁsu tāvade.
pli-tv-bu-vb-pj4:7.37	Tapodā rājagahe yuddhaṁ,
pli-tv-bu-vb-pj4:7.38	nāgānogāhanena ca;
pli-tv-bu-vb-pj4:7.39	Sobhito arahaṁ bhikkhu,
pli-tv-bu-vb-pj4:7.40	pañcakappasataṁ sareti.
pli-tv-bu-vb-pj4:8.1.0	4.2. Vinītavatthu
pli-tv-bu-vb-pj4:8.1.1	Tena kho pana samayena aññataro bhikkhu adhimānena aññaṁ byākāsi.
pli-tv-bu-vb-pj4:8.1.2	Tassa kukkuccaṁ ahosi—
pli-tv-bu-vb-pj4:8.1.3	“bhagavatā sikkhāpadaṁ paññattaṁ.
pli-tv-bu-vb-pj4:8.1.4	Kacci nu kho ahaṁ pārājikaṁ āpattiṁ āpanno”ti?
pli-tv-bu-vb-pj4:8.1.5	Bhagavato etamatthaṁ ārocesi.
pli-tv-bu-vb-pj4:8.1.6	“Anāpatti, bhikkhu, adhimānenā”ti.
pli-tv-bu-vb-pj4:8.2.1	Tena kho pana samayena aññataro bhikkhu paṇidhāya araññe viharati—
pli-tv-bu-vb-pj4:8.2.2	“evaṁ maṁ jano sambhāvessatī”ti.
pli-tv-bu-vb-pj4:8.2.3	Taṁ jano sambhāvesi.
pli-tv-bu-vb-pj4:8.2.4	Tassa kukkuccaṁ ahosi …pe…
pli-tv-bu-vb-pj4:8.2.5	“anāpatti, bhikkhu, pārājikassa.
pli-tv-bu-vb-pj4:8.2.6	Na ca, bhikkhave, paṇidhāya araññe vatthabbaṁ. Yo vaseyya, āpatti dukkaṭassā”ti.
pli-tv-bu-vb-pj4:8.2.7	Tena kho pana samayena aññataro bhikkhu paṇidhāya piṇḍāya carati—
pli-tv-bu-vb-pj4:8.2.8	“evaṁ maṁ jano sambhāvessatī”ti.
pli-tv-bu-vb-pj4:8.2.9	Taṁ jano sambhāvesi.
pli-tv-bu-vb-pj4:8.2.10	Tassa kukkuccaṁ ahosi …pe…
pli-tv-bu-vb-pj4:8.2.11	“anāpatti, bhikkhu, pārājikassa.
pli-tv-bu-vb-pj4:8.2.12	Na ca, bhikkhave, paṇidhāya piṇḍāya caritabbaṁ. Yo careyya, āpatti dukkaṭassā”ti.
pli-tv-bu-vb-pj4:8.3.1	Tena kho pana samayena aññataro bhikkhu aññataraṁ bhikkhuṁ etadavoca—
pli-tv-bu-vb-pj4:8.3.2	“ye, āvuso, amhākaṁ upajjhāyassa saddhivihārikā sabbeva arahanto”ti.
pli-tv-bu-vb-pj4:8.3.3	Tassa kukkuccaṁ ahosi …pe…
pli-tv-bu-vb-pj4:8.3.4	“kiṁcitto tvaṁ, bhikkhū”ti?
pli-tv-bu-vb-pj4:8.3.5	“Ullapanādhippāyo ahaṁ, bhagavā”ti.
pli-tv-bu-vb-pj4:8.3.6	“Anāpatti, bhikkhu, pārājikassa;
pli-tv-bu-vb-pj4:8.3.7	āpatti thullaccayassā”ti.
pli-tv-bu-vb-pj4:8.3.8	Tena kho pana samayena aññataro bhikkhu aññataraṁ bhikkhuṁ etadavoca—
pli-tv-bu-vb-pj4:8.3.9	“ye, āvuso, amhākaṁ upajjhāyassa antevāsikā sabbeva mahiddhikā mahānubhāvā”ti.
pli-tv-bu-vb-pj4:8.3.10	Tassa kukkuccaṁ ahosi …pe…
pli-tv-bu-vb-pj4:8.3.11	“kiṁcitto tvaṁ, bhikkhū”ti?
pli-tv-bu-vb-pj4:8.3.12	“Ullapanādhippāyo ahaṁ, bhagavā”ti.
pli-tv-bu-vb-pj4:8.3.13	“Anāpatti, bhikkhu, pārājikassa;
pli-tv-bu-vb-pj4:8.3.14	āpatti thullaccayassā”ti.
pli-tv-bu-vb-pj4:8.4.1	Tena kho pana samayena aññataro bhikkhu paṇidhāya caṅkamati …
pli-tv-bu-vb-pj4:8.4.2	paṇidhāya tiṭṭhati …
pli-tv-bu-vb-pj4:8.4.3	paṇidhāya nisīdati …
pli-tv-bu-vb-pj4:8.4.4	paṇidhāya seyyaṁ kappeti—
pli-tv-bu-vb-pj4:8.4.5	“evaṁ maṁ jano sambhāvessatī”ti.
pli-tv-bu-vb-pj4:8.4.6	Taṁ jano sambhāvesi.
pli-tv-bu-vb-pj4:8.4.7	Tassa kukkuccaṁ ahosi …pe…
pli-tv-bu-vb-pj4:8.4.8	“anāpatti, bhikkhu, pārājikassa.
pli-tv-bu-vb-pj4:8.4.9	Na ca, bhikkhave, paṇidhāya seyyā kappetabbā.
pli-tv-bu-vb-pj4:8.4.10	Yo kappeyya, āpatti dukkaṭassā”ti.
pli-tv-bu-vb-pj4:8.5.1	Tena kho pana samayena aññataro bhikkhu aññatarassa bhikkhuno uttarimanussadhammaṁ ullapati.
pli-tv-bu-vb-pj4:8.5.2	Sopi evamāha—“mayhampi, āvuso, saṁyojanā pahīnā”ti.
pli-tv-bu-vb-pj4:8.5.3	Tassa kukkuccaṁ ahosi …pe…
pli-tv-bu-vb-pj4:8.5.4	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj4:8.6.1	Tena kho pana samayena aññataro bhikkhu rahogato uttarimanussadhammaṁ ullapati.
pli-tv-bu-vb-pj4:8.6.2	Paracittavidū bhikkhu taṁ bhikkhuṁ apasādesi—
pli-tv-bu-vb-pj4:8.6.3	“mā, āvuso, evarūpaṁ abhaṇi.
pli-tv-bu-vb-pj4:8.6.4	Nattheso tuyhan”ti.
pli-tv-bu-vb-pj4:8.6.5	Tassa kukkuccaṁ ahosi …pe…
pli-tv-bu-vb-pj4:8.6.6	“anāpatti, bhikkhu, pārājikassa;
pli-tv-bu-vb-pj4:8.6.7	āpatti dukkaṭassā”ti.
pli-tv-bu-vb-pj4:8.6.8	Tena kho pana samayena aññataro bhikkhu rahogato uttarimanussadhammaṁ ullapati.
pli-tv-bu-vb-pj4:8.6.9	Devatā taṁ bhikkhuṁ apasādesi—
pli-tv-bu-vb-pj4:8.6.10	“mā, bhante, evarūpaṁ abhaṇi.
pli-tv-bu-vb-pj4:8.6.11	Nattheso tuyhan”ti.
pli-tv-bu-vb-pj4:8.6.12	Tassa kukkuccaṁ ahosi …pe…
pli-tv-bu-vb-pj4:8.6.13	“anāpatti, bhikkhu, pārājikassa;
pli-tv-bu-vb-pj4:8.6.14	āpatti dukkaṭassā”ti.
pli-tv-bu-vb-pj4:8.7.1	Tena kho pana samayena aññataro bhikkhu aññataraṁ upāsakaṁ etadavoca—
pli-tv-bu-vb-pj4:8.7.2	“yo, āvuso, tuyhaṁ vihāre vasati so bhikkhu arahā”ti.
pli-tv-bu-vb-pj4:8.7.3	So ca tassa vihāre vasati.
pli-tv-bu-vb-pj4:8.7.4	Tassa kukkuccaṁ ahosi …pe…
pli-tv-bu-vb-pj4:8.7.5	“kiṁcitto tvaṁ, bhikkhū”ti?
pli-tv-bu-vb-pj4:8.7.6	“Ullapanādhippāyo ahaṁ, bhagavā”ti.
pli-tv-bu-vb-pj4:8.7.7	“Anāpatti, bhikkhu, pārājikassa;
pli-tv-bu-vb-pj4:8.7.8	āpatti thullaccayassā”ti.
pli-tv-bu-vb-pj4:8.7.9	Tena kho pana samayena aññataro bhikkhu aññataraṁ upāsakaṁ etadavoca—
pli-tv-bu-vb-pj4:8.7.10	“yaṁ tvaṁ, āvuso, upaṭṭhesi cīvarapiṇḍapātasenāsanagilānappaccayabhesajjaparikkhārena so bhikkhu arahā”ti.
pli-tv-bu-vb-pj4:8.7.11	So ca taṁ upaṭṭheti cīvarapiṇḍapātasenāsanagilānappaccayabhesajjaparikkhārena.
pli-tv-bu-vb-pj4:8.7.12	Tassa kukkuccaṁ ahosi …pe…
pli-tv-bu-vb-pj4:8.7.13	“kiṁcitto tvaṁ, bhikkhū”ti?
pli-tv-bu-vb-pj4:8.7.14	“Ullapanādhippāyo ahaṁ, bhagavā”ti.
pli-tv-bu-vb-pj4:8.7.15	“Anāpatti, bhikkhu, pārājikassa;
pli-tv-bu-vb-pj4:8.7.16	āpatti thullaccayassā”ti.
pli-tv-bu-vb-pj4:8.8.1	Tena kho pana samayena aññataro bhikkhu gilāno hoti.
pli-tv-bu-vb-pj4:8.8.2	Taṁ bhikkhū etadavocuṁ—
pli-tv-bu-vb-pj4:8.8.3	“atthāyasmato uttarimanussadhammo”ti?
pli-tv-bu-vb-pj4:8.8.4	“Nāvuso, dukkaraṁ aññaṁ byākātun”ti.
pli-tv-bu-vb-pj4:8.8.5	Tassa kukkuccaṁ ahosi—
pli-tv-bu-vb-pj4:8.8.6	“ye kho te bhagavato sāvakā te evaṁ vadeyyuṁ.
pli-tv-bu-vb-pj4:8.8.7	Ahañcamhi na bhagavato sāvako.
pli-tv-bu-vb-pj4:8.8.8	Kacci nu kho ahaṁ pārājikaṁ āpattiṁ āpanno”ti?
pli-tv-bu-vb-pj4:8.8.9	Bhagavato etamatthaṁ ārocesi.
pli-tv-bu-vb-pj4:8.8.10	“Kiṁcitto tvaṁ, bhikkhū”ti?
pli-tv-bu-vb-pj4:8.8.11	“Anullapanādhippāyo ahaṁ, bhagavā”ti.
pli-tv-bu-vb-pj4:8.8.12	“Anāpatti, bhikkhu, anullapanādhippāyassā”ti.
pli-tv-bu-vb-pj4:8.9.1	Tena kho pana samayena aññataro bhikkhu gilāno hoti.
pli-tv-bu-vb-pj4:8.9.2	Taṁ bhikkhū etadavocuṁ—
pli-tv-bu-vb-pj4:8.9.3	“atthāyasmato uttarimanussadhammo”ti?
pli-tv-bu-vb-pj4:8.9.4	“Ārādhanīyo kho, āvuso, dhammo āraddhavīriyenā”ti.
pli-tv-bu-vb-pj4:8.9.5	Tassa kukkuccaṁ ahosi …pe…
pli-tv-bu-vb-pj4:8.9.6	“anāpatti, bhikkhu, anullapanādhippāyassā”ti.
pli-tv-bu-vb-pj4:8.9.7	Tena kho pana samayena aññataro bhikkhu gilāno hoti.
pli-tv-bu-vb-pj4:8.9.8	Taṁ bhikkhū etadavocuṁ—
pli-tv-bu-vb-pj4:8.9.9	“mā kho, āvuso, bhāyī”ti.
pli-tv-bu-vb-pj4:8.9.10	“Nāhaṁ, āvuso, maccuno bhāyāmī”ti.
pli-tv-bu-vb-pj4:8.9.11	Tassa kukkuccaṁ ahosi …pe…
pli-tv-bu-vb-pj4:8.9.12	“anāpatti, bhikkhu, anullapanādhippāyassā”ti.
pli-tv-bu-vb-pj4:8.9.13	Tena kho pana samayena aññataro bhikkhu gilāno hoti.
pli-tv-bu-vb-pj4:8.9.14	Taṁ bhikkhū etadavocuṁ—
pli-tv-bu-vb-pj4:8.9.15	“mā kho, āvuso, bhāyī”ti.
pli-tv-bu-vb-pj4:8.9.16	“Yo nūnāvuso, vippaṭisārī assa so bhāyeyyā”ti.
pli-tv-bu-vb-pj4:8.9.17	Tassa kukkuccaṁ ahosi …pe…
pli-tv-bu-vb-pj4:8.9.18	“anāpatti, bhikkhu, anullapanādhippāyassā”ti.
pli-tv-bu-vb-pj4:8.9.19	Tena kho pana samayena aññataro bhikkhu gilāno hoti.
pli-tv-bu-vb-pj4:8.9.20	Taṁ bhikkhū etadavocuṁ—
pli-tv-bu-vb-pj4:8.9.21	“atthāyasmato uttarimanussadhammo”ti?
pli-tv-bu-vb-pj4:8.9.22	“Ārādhanīyo kho, āvuso, dhammo sammāpayuttenā”ti.
pli-tv-bu-vb-pj4:8.9.23	Tassa kukkuccaṁ ahosi …pe…
pli-tv-bu-vb-pj4:8.9.24	“anāpatti, bhikkhu, anullapanādhippāyassā”ti.
pli-tv-bu-vb-pj4:8.9.25	Tena kho pana samayena aññataro bhikkhu gilāno hoti.
pli-tv-bu-vb-pj4:8.9.26	Taṁ bhikkhū etadavocuṁ—
pli-tv-bu-vb-pj4:8.9.27	“atthāyasmato uttarimanussadhammo”ti?
pli-tv-bu-vb-pj4:8.9.28	“Ārādhanīyo kho, āvuso, dhammo āraddhavīriyenā”ti.
pli-tv-bu-vb-pj4:8.9.29	Tassa kukkuccaṁ ahosi …pe…
pli-tv-bu-vb-pj4:8.9.30	“anāpatti, bhikkhu, anullapanādhippāyassā”ti.
pli-tv-bu-vb-pj4:8.9.31	Tena kho pana samayena aññataro bhikkhu gilāno hoti.
pli-tv-bu-vb-pj4:8.9.32	Taṁ bhikkhū etadavocuṁ—
pli-tv-bu-vb-pj4:8.9.33	“atthāyasmato uttarimanussadhammo”ti?
pli-tv-bu-vb-pj4:8.9.34	“Ārādhanīyo kho, āvuso, dhammo yuttayogenā”ti.
pli-tv-bu-vb-pj4:8.9.35	Tassa kukkuccaṁ ahosi …pe…
pli-tv-bu-vb-pj4:8.9.36	“anāpatti, bhikkhu, anullapanādhippāyassā”ti.
pli-tv-bu-vb-pj4:8.10.1	Tena kho pana samayena aññataro bhikkhu gilāno hoti.
pli-tv-bu-vb-pj4:8.10.2	Taṁ bhikkhū etadavocuṁ—
pli-tv-bu-vb-pj4:8.10.3	“kaccāvuso, khamanīyaṁ, kacci yāpanīyan”ti?
pli-tv-bu-vb-pj4:8.10.4	“Nāvuso, sakkā yena vā tena vā adhivāsetun”ti.
pli-tv-bu-vb-pj4:8.10.5	Tassa kukkuccaṁ ahosi …pe…
pli-tv-bu-vb-pj4:8.10.6	“anāpatti, bhikkhu, anullapanādhippāyassā”ti.
pli-tv-bu-vb-pj4:8.10.7	Tena kho pana samayena aññataro bhikkhu gilāno hoti.
pli-tv-bu-vb-pj4:8.10.8	Taṁ bhikkhū etadavocuṁ—
pli-tv-bu-vb-pj4:8.10.9	“kaccāvuso, khamanīyaṁ, kacci yāpanīyan”ti?
pli-tv-bu-vb-pj4:8.10.10	“Nāvuso, sakkā puthujjanena adhivāsetun”ti.
pli-tv-bu-vb-pj4:8.10.11	Tassa kukkuccaṁ ahosi …pe…
pli-tv-bu-vb-pj4:8.10.12	“kiṁcitto tvaṁ, bhikkhū”ti?
pli-tv-bu-vb-pj4:8.10.13	“Ullapanādhippāyo ahaṁ, bhagavā”ti.
pli-tv-bu-vb-pj4:8.10.14	“Anāpatti, bhikkhu, pārājikassa;
pli-tv-bu-vb-pj4:8.10.15	āpatti thullaccayassā”ti.
pli-tv-bu-vb-pj4:8.11.1	Tena kho pana samayena aññataro brāhmaṇo bhikkhū nimantetvā etadavoca—
pli-tv-bu-vb-pj4:8.11.2	“āyantu bhonto arahanto”ti.
pli-tv-bu-vb-pj4:8.11.3	Tesaṁ kukkuccaṁ ahosi—
pli-tv-bu-vb-pj4:8.11.4	“mayañcamha na arahanto.
pli-tv-bu-vb-pj4:8.11.5	Ayañca brāhmaṇo amhe arahantavādena samudācarati.
pli-tv-bu-vb-pj4:8.11.6	Kathaṁ nu kho amhehi paṭipajjitabban”ti?
pli-tv-bu-vb-pj4:8.11.7	Bhagavato etamatthaṁ ārocesuṁ.
pli-tv-bu-vb-pj4:8.11.8	“Anāpatti, bhikkhave, pasādabhaññe”ti.
pli-tv-bu-vb-pj4:8.11.9	Tena kho pana samayena aññataro brāhmaṇo bhikkhū nimantetvā etadavoca—
pli-tv-bu-vb-pj4:8.11.10	“nisīdantu bhonto arahanto”ti …
pli-tv-bu-vb-pj4:8.11.11	“bhuñjantu bhonto arahanto”ti …
pli-tv-bu-vb-pj4:8.11.12	“tappentu bhonto arahanto”ti …
pli-tv-bu-vb-pj4:8.11.13	“gacchantu, bhonto arahanto”ti.
pli-tv-bu-vb-pj4:8.11.14	Tesaṁ kukkuccaṁ ahosi—
pli-tv-bu-vb-pj4:8.11.15	“mayañcamha na arahanto.
pli-tv-bu-vb-pj4:8.11.16	Ayañca brāhmaṇo amhe arahantavādena samudācarati.
pli-tv-bu-vb-pj4:8.11.17	Kathaṁ nu kho amhehi paṭipajjitabban”ti?
pli-tv-bu-vb-pj4:8.11.18	Bhagavato etamatthaṁ ārocesuṁ.
pli-tv-bu-vb-pj4:8.11.19	“Anāpatti, bhikkhave, pasādabhaññe”ti.
pli-tv-bu-vb-pj4:8.12.1	Tena kho pana samayena aññataro bhikkhu aññatarassa bhikkhuno uttarimanussadhammaṁ ullapati.
pli-tv-bu-vb-pj4:8.12.2	Sopi evamāha—“mayhampi, āvuso, āsavā pahīnā”ti.
pli-tv-bu-vb-pj4:8.12.3	Tassa kukkuccaṁ ahosi …pe…
pli-tv-bu-vb-pj4:8.12.4	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj4:8.12.5	Tena kho pana samayena aññataro bhikkhu aññatarassa bhikkhuno uttarimanussadhammaṁ ullapati.
pli-tv-bu-vb-pj4:8.12.6	Sopi evamāha—“mayhampi, āvuso, ete dhammā saṁvijjantī”ti.
pli-tv-bu-vb-pj4:8.12.7	Tassa kukkuccaṁ ahosi …pe…
pli-tv-bu-vb-pj4:8.12.8	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj4:8.12.9	Tena kho pana samayena aññataro bhikkhu aññatarassa bhikkhuno uttarimanussadhammaṁ ullapati.
pli-tv-bu-vb-pj4:8.12.10	Sopi evamāha—“ahampāvuso, tesu dhammesu sandissāmī”ti.
pli-tv-bu-vb-pj4:8.12.11	Tassa kukkuccaṁ ahosi …pe…
pli-tv-bu-vb-pj4:8.12.12	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj4:8.13.1	Tena kho pana samayena aññataraṁ bhikkhuṁ ñātakā etadavocuṁ—
pli-tv-bu-vb-pj4:8.13.2	“ehi, bhante, agāraṁ ajjhāvasā”ti.
pli-tv-bu-vb-pj4:8.13.3	“Abhabbo kho, āvuso, mādiso agāraṁ ajjhāvasitun”ti.
pli-tv-bu-vb-pj4:8.13.4	Tassa kukkuccaṁ ahosi …pe…
pli-tv-bu-vb-pj4:8.13.5	“anāpatti, bhikkhu, anullapanādhippāyassā”ti.
pli-tv-bu-vb-pj4:8.13.6	Tena kho pana samayena aññataraṁ bhikkhuṁ ñātakā etadavocuṁ—
pli-tv-bu-vb-pj4:8.13.7	“ehi, bhante, kāme paribhuñjā”ti.
pli-tv-bu-vb-pj4:8.13.8	“Āvaṭā me, āvuso, kāmā”ti.
pli-tv-bu-vb-pj4:8.13.9	Tassa kukkuccaṁ ahosi …pe…
pli-tv-bu-vb-pj4:8.13.10	“anāpatti, bhikkhu, anullapanādhippāyassā”ti.
pli-tv-bu-vb-pj4:8.13.11	Tena kho pana samayena aññataraṁ bhikkhuṁ ñātakā etadavocuṁ—
pli-tv-bu-vb-pj4:8.13.12	“abhiramasi, bhante”ti?
pli-tv-bu-vb-pj4:8.13.13	“Abhirato ahaṁ, āvuso, paramāya abhiratiyā”ti.
pli-tv-bu-vb-pj4:8.13.14	Tassa kukkuccaṁ ahosi.
pli-tv-bu-vb-pj4:8.13.15	“Ye kho te bhagavato sāvakā te evaṁ vadeyyuṁ.
pli-tv-bu-vb-pj4:8.13.16	Ahañcamhi na bhagavato sāvako.
pli-tv-bu-vb-pj4:8.13.17	Kacci nu kho ahaṁ pārājikaṁ āpattiṁ āpanno”ti?
pli-tv-bu-vb-pj4:8.13.18	Bhagavato etamatthaṁ ārocesi.
pli-tv-bu-vb-pj4:8.13.19	“Kiṁcitto tvaṁ, bhikkhū”ti?
pli-tv-bu-vb-pj4:8.13.20	“Anullapanādhippāyo ahaṁ, bhagavā”ti.
pli-tv-bu-vb-pj4:8.13.21	“Anāpatti, bhikkhu, anullapanādhippāyassā”ti.
pli-tv-bu-vb-pj4:8.14.1	Tena kho pana samayena sambahulā bhikkhū katikaṁ katvā aññatarasmiṁ āvāse vassaṁ upagacchiṁsu—
pli-tv-bu-vb-pj4:8.14.2	“yo imamhā āvāsā paṭhamaṁ pakkamissati taṁ mayaṁ arahāti jānissāmā”ti.
pli-tv-bu-vb-pj4:8.14.3	Aññataro bhikkhu—
pli-tv-bu-vb-pj4:8.14.4	“maṁ arahāti jānantū”ti,
pli-tv-bu-vb-pj4:8.14.5	tamhā āvāsā paṭhamaṁ pakkāmi.
pli-tv-bu-vb-pj4:8.14.6	Tassa kukkuccaṁ ahosi …pe…
pli-tv-bu-vb-pj4:8.14.7	“āpattiṁ tvaṁ, bhikkhu, āpanno pārājikan”ti.
pli-tv-bu-vb-pj4:9.1.0	
pli-tv-bu-vb-pj4:9.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-pj4:9.1.2	Tena kho pana samayena āyasmā ca lakkhaṇo āyasmā ca mahāmoggallāno gijjhakūṭe pabbate viharanti.
pli-tv-bu-vb-pj4:9.1.3	Atha kho āyasmā mahāmoggallāno pubbaṇhasamayaṁ nivāsetvā pattacīvaraṁ ādāya yenāyasmā lakkhaṇo tenupasaṅkami; upasaṅkamitvā āyasmantaṁ lakkhaṇaṁ etadavoca—
pli-tv-bu-vb-pj4:9.1.4	“āyāmāvuso lakkhaṇa, rājagahaṁ piṇḍāya pavisissāmā”ti.
pli-tv-bu-vb-pj4:9.1.5	“Evamāvuso”ti kho āyasmā lakkhaṇo āyasmato mahāmoggallānassa paccassosi.
pli-tv-bu-vb-pj4:9.1.6	Atha kho āyasmā mahāmoggallāno gijjhakūṭā pabbatā orohanto aññatarasmiṁ padese sitaṁ pātvākāsi.
pli-tv-bu-vb-pj4:9.1.7	Atha kho āyasmā lakkhaṇo āyasmantaṁ mahāmoggallānaṁ etadavoca—
pli-tv-bu-vb-pj4:9.1.8	“ko nu kho, āvuso moggallāna, hetu ko paccayo sitassa pātukammāyā”ti?
pli-tv-bu-vb-pj4:9.1.9	“Akālo kho, āvuso lakkhaṇa, etassa pañhassa.
pli-tv-bu-vb-pj4:9.1.10	Bhagavato maṁ santike etaṁ pañhaṁ pucchā”ti.
pli-tv-bu-vb-pj4:9.2.1	Atha kho āyasmā ca lakkhaṇo āyasmā ca mahāmoggallāno rājagahe piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu;
pli-tv-bu-vb-pj4:9.2.2	upasaṅkamitvā bhagavantaṁ abhivādetvā ekamantaṁ nisīdiṁsu.
pli-tv-bu-vb-pj4:9.2.3	Ekamantaṁ nisinno kho āyasmā lakkhaṇo āyasmantaṁ mahāmoggallānaṁ etadavoca—
pli-tv-bu-vb-pj4:9.2.4	“idhāyasmā mahāmoggallāno gijjhakūṭā pabbatā orohanto aññatarasmiṁ padese sitaṁ pātvākāsi.
pli-tv-bu-vb-pj4:9.2.5	Ko nu kho, āvuso moggallāna, hetu ko paccayo sitassa pātukammāyā”ti?
pli-tv-bu-vb-pj4:9.2.6	“Idhāhaṁ, āvuso, gijjhakūṭā pabbatā orohanto addasaṁ aṭṭhikasaṅkhalikaṁ vehāsaṁ gacchantiṁ.
pli-tv-bu-vb-pj4:9.2.7	Tamenaṁ gijjhāpi kākāpi kulalāpi anupatitvā anupatitvā phāsuḷantarikāhi vituḍenti.
pli-tv-bu-vb-pj4:9.2.8	Sā sudaṁ aṭṭassaraṁ karoti.
pli-tv-bu-vb-pj4:9.2.9	Tassa mayhaṁ, āvuso, etadahosi—
pli-tv-bu-vb-pj4:9.2.10	‘acchariyaṁ vata bho, abbhutaṁ vata bho, evarūpopi nāma satto bhavissati.
pli-tv-bu-vb-pj4:9.2.11	Evarūpopi nāma yakkho bhavissati.
pli-tv-bu-vb-pj4:9.2.12	Evarūpopi nāma attabhāvappaṭilābho bhavissatī’”ti.
pli-tv-bu-vb-pj4:9.2.13	Bhikkhū ujjhāyanti khiyyanti vipācenti—
pli-tv-bu-vb-pj4:9.2.14	“uttarimanussadhammaṁ āyasmā mahāmoggallāno ullapatī”ti.
pli-tv-bu-vb-pj4:9.2.15	Atha kho bhagavā bhikkhū āmantesi—
pli-tv-bu-vb-pj4:9.2.16	“cakkhubhūtā vata, bhikkhave, sāvakā viharanti.
pli-tv-bu-vb-pj4:9.2.17	Ñāṇabhūtā vata, bhikkhave, sāvakā viharanti.
pli-tv-bu-vb-pj4:9.2.18	Yatra hi nāma sāvako evarūpaṁ ñassati vā dakkhati vā sakkhiṁ vā karissati.
pli-tv-bu-vb-pj4:9.2.19	Pubbeva me so, bhikkhave, satto diṭṭho ahosi.
pli-tv-bu-vb-pj4:9.2.20	Api cāhaṁ na byākāsiṁ.
pli-tv-bu-vb-pj4:9.2.21	Ahañcetaṁ byākareyyaṁ pare ca me na saddaheyyuṁ.
pli-tv-bu-vb-pj4:9.2.22	Ye me na saddaheyyuṁ tesaṁ taṁ assa dīgharattaṁ ahitāya dukkhāya.
pli-tv-bu-vb-pj4:9.2.23	Eso, bhikkhave, satto imasmiṁyeva rājagahe goghātako ahosi.
pli-tv-bu-vb-pj4:9.2.24	So tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṁ attabhāvappaṭilābhaṁ paṭisaṁvedeti.
pli-tv-bu-vb-pj4:9.2.25	Saccaṁ, bhikkhave, moggallāno āha.
pli-tv-bu-vb-pj4:9.2.26	Anāpatti, bhikkhave, moggallānassā”ti.
pli-tv-bu-vb-pj4:9.3.1	“Idhāhaṁ, āvuso, gijjhakūṭā pabbatā orohanto addasaṁ maṁsapesiṁ vehāsaṁ gacchantiṁ.
pli-tv-bu-vb-pj4:9.3.2	Tamenaṁ gijjhāpi kākāpi kulalāpi anupatitvā anupatitvā vitacchenti vibhajjenti.
pli-tv-bu-vb-pj4:9.3.3	Sā sudaṁ aṭṭassaraṁ karoti …pe…
pli-tv-bu-vb-pj4:9.3.4	eso, bhikkhave, satto imasmiṁyeva rājagahe goghātako ahosi …pe….
pli-tv-bu-vb-pj4:9.3.5	“Idhāhaṁ, āvuso, gijjhakūṭā pabbatā orohanto addasaṁ maṁsapiṇḍaṁ vehāsaṁ gacchantaṁ.
pli-tv-bu-vb-pj4:9.3.6	Tamenaṁ gijjhāpi kākāpi kulalāpi anupatitvā anupatitvā vitacchenti vibhajjenti.
pli-tv-bu-vb-pj4:9.3.7	So sudaṁ aṭṭassaraṁ karoti …pe…
pli-tv-bu-vb-pj4:9.3.8	eso, bhikkhave, satto imasmiṁyeva rājagahe sākuṇiko ahosi …pe….
pli-tv-bu-vb-pj4:9.3.9	“Idhāhaṁ, āvuso, gijjhakūṭā pabbatā orohanto addasaṁ nicchaviṁ purisaṁ vehāsaṁ gacchantaṁ.
pli-tv-bu-vb-pj4:9.3.10	Tamenaṁ gijjhāpi kākāpi kulalāpi anupatitvā anupatitvā vitacchenti vibhajjenti.
pli-tv-bu-vb-pj4:9.3.11	So sudaṁ aṭṭassaraṁ karoti …pe…
pli-tv-bu-vb-pj4:9.3.12	eso, bhikkhave, satto imasmiṁyeva rājagahe orabbhiko ahosi …pe….
pli-tv-bu-vb-pj4:9.3.13	“Idhāhaṁ, āvuso, gijjhakūṭā pabbatā orohanto addasaṁ asilomaṁ purisaṁ vehāsaṁ gacchantaṁ.
pli-tv-bu-vb-pj4:9.3.14	Tassa te asī uppatitvā uppatitvā tasseva kāye nipatanti.
pli-tv-bu-vb-pj4:9.3.15	So sudaṁ aṭṭassaraṁ karoti …pe…
pli-tv-bu-vb-pj4:9.3.16	eso, bhikkhave, satto imasmiṁyeva rājagahe sūkariko ahosi …pe….
pli-tv-bu-vb-pj4:9.3.17	“Idhāhaṁ, āvuso, gijjhakūṭā pabbatā orohanto addasaṁ sattilomaṁ purisaṁ vehāsaṁ gacchantaṁ.
pli-tv-bu-vb-pj4:9.3.18	Tassa tā sattiyo uppatitvā uppatitvā tasseva kāye nipatanti.
pli-tv-bu-vb-pj4:9.3.19	So sudaṁ aṭṭassaraṁ karoti …pe…
pli-tv-bu-vb-pj4:9.3.20	eso, bhikkhave, satto imasmiṁyeva rājagahe māgaviko ahosi …pe….
pli-tv-bu-vb-pj4:9.3.21	“Idhāhaṁ, āvuso, gijjhakūṭā pabbatā orohanto addasaṁ usulomaṁ purisaṁ vehāsaṁ gacchantaṁ.
pli-tv-bu-vb-pj4:9.3.22	Tassa te usū uppatitvā uppatitvā tasseva kāye nipatanti.
pli-tv-bu-vb-pj4:9.3.23	So sudaṁ aṭṭassaraṁ karoti …pe…
pli-tv-bu-vb-pj4:9.3.24	eso, bhikkhave, satto imasmiṁyeva rājagahe kāraṇiko ahosi …pe….
pli-tv-bu-vb-pj4:9.3.25	“Idhāhaṁ, āvuso, gijjhakūṭā pabbatā orohanto addasaṁ sūcilomaṁ purisaṁ vehāsaṁ gacchantaṁ.
pli-tv-bu-vb-pj4:9.3.26	Tassa tā sūciyo uppatitvā uppatitvā tasseva kāye nipatanti.
pli-tv-bu-vb-pj4:9.3.27	So sudaṁ aṭṭassaraṁ karoti …pe…
pli-tv-bu-vb-pj4:9.3.28	eso, bhikkhave, satto imasmiṁyeva rājagahe sārathiko ahosi …pe….
pli-tv-bu-vb-pj4:9.3.29	“Idhāhaṁ, āvuso, gijjhakūṭā pabbatā orohanto addasaṁ sūcilomaṁ purisaṁ vehāsaṁ gacchantaṁ.
pli-tv-bu-vb-pj4:9.3.30	Tassa tā sūciyo sīse pavisitvā mukhato nikkhamanti;
pli-tv-bu-vb-pj4:9.3.31	mukhe pavisitvā urato nikkhamanti;
pli-tv-bu-vb-pj4:9.3.32	ure pavisitvā udarato nikkhamanti;
pli-tv-bu-vb-pj4:9.3.33	udare pavisitvā ūrūhi nikkhamanti;
pli-tv-bu-vb-pj4:9.3.34	ūrūsu pavisitvā jaṅghāhi nikkhamanti;
pli-tv-bu-vb-pj4:9.3.35	jaṅghāsu pavisitvā pādehi nikkhamanti.
pli-tv-bu-vb-pj4:9.3.36	So sudaṁ aṭṭassaraṁ karoti …pe…
pli-tv-bu-vb-pj4:9.3.37	eso, bhikkhave, satto imasmiṁyeva rājagahe sūcako ahosi …pe….
pli-tv-bu-vb-pj4:9.3.38	“Idhāhaṁ, āvuso, gijjhakūṭā pabbatā orohanto addasaṁ kumbhaṇḍaṁ purisaṁ vehāsaṁ gacchantaṁ.
pli-tv-bu-vb-pj4:9.3.39	So gacchantopi teva aṇḍe khandhe āropetvā gacchati,
pli-tv-bu-vb-pj4:9.3.40	nisīdantopi tesveva aṇḍesu nisīdati.
pli-tv-bu-vb-pj4:9.3.41	Tamenaṁ gijjhāpi kākāpi kulalāpi anupatitvā anupatitvā vitacchenti vibhajjenti.
pli-tv-bu-vb-pj4:9.3.42	So sudaṁ aṭṭassaraṁ karoti …pe…
pli-tv-bu-vb-pj4:9.3.43	eso, bhikkhave, satto imasmiṁyeva rājagahe gāmakūṭo ahosi …pe….
pli-tv-bu-vb-pj4:9.3.44	“Idhāhaṁ, āvuso, gijjhakūṭā pabbatā orohanto addasaṁ purisaṁ gūthakūpe sasīsakaṁ nimuggaṁ …pe…
pli-tv-bu-vb-pj4:9.3.45	eso, bhikkhave, satto imasmiṁyeva rājagahe pāradāriko ahosi …pe….
pli-tv-bu-vb-pj4:9.3.46	“Idhāhaṁ, āvuso, gijjhakūṭā pabbatā orohanto addasaṁ purisaṁ gūthakūpe sasīsakaṁ nimuggaṁ ubhohi hatthehi gūthaṁ khādantaṁ …pe…
pli-tv-bu-vb-pj4:9.3.47	eso, bhikkhave, satto imasmiṁyeva rājagahe duṭṭhabrāhmaṇo ahosi.
pli-tv-bu-vb-pj4:9.3.48	So kassapassa sammāsambuddhassa pāvacane bhikkhusaṅghaṁ bhattena nimantetvā doṇiyo gūthassa pūrāpetvā kālaṁ ārocāpetvā etadavoca—
pli-tv-bu-vb-pj4:9.3.49	‘ato, bhonto, yāvadatthaṁ bhuñjantu ceva harantu cā’”ti …pe….
pli-tv-bu-vb-pj4:9.3.50	“Idhāhaṁ, āvuso, gijjhakūṭā pabbatā orohanto addasaṁ nicchaviṁ itthiṁ vehāsaṁ gacchantiṁ.
pli-tv-bu-vb-pj4:9.3.51	Tamenaṁ gijjhāpi kākāpi kulalāpi anupatitvā anupatitvā vitacchenti vibhajjenti.
pli-tv-bu-vb-pj4:9.3.52	Sā sudaṁ aṭṭassaraṁ karoti …pe…
pli-tv-bu-vb-pj4:9.3.53	esā, bhikkhave, itthī imasmiṁyeva rājagahe aticārinī ahosi …pe….
pli-tv-bu-vb-pj4:9.3.54	“Idhāhaṁ, āvuso, gijjhakūṭā pabbatā orohanto addasaṁ itthiṁ duggandhaṁ maṅguliṁ vehāsaṁ gacchantiṁ.
pli-tv-bu-vb-pj4:9.3.55	Tamenaṁ gijjhāpi kākāpi kulalāpi anupatitvā anupatitvā vitacchenti vibhajjenti.
pli-tv-bu-vb-pj4:9.3.56	Sā sudaṁ aṭṭassaraṁ karoti …pe…
pli-tv-bu-vb-pj4:9.3.57	esā, bhikkhave, itthī imasmiṁyeva rājagahe ikkhaṇikā ahosi …pe….
pli-tv-bu-vb-pj4:9.3.58	“Idhāhaṁ, āvuso, gijjhakūṭā pabbatā orohanto addasaṁ itthiṁ uppakkaṁ okiliniṁ okiriniṁ vehāsaṁ gacchantiṁ.
pli-tv-bu-vb-pj4:9.3.59	Sā sudaṁ aṭṭassaraṁ karoti …pe…
pli-tv-bu-vb-pj4:9.3.60	esā, bhikkhave, itthī kāliṅgassa rañño aggamahesī ahosi.
pli-tv-bu-vb-pj4:9.3.61	Sā issāpakatā sapattiṁ aṅgārakaṭāhena okiri …pe….
pli-tv-bu-vb-pj4:9.3.62	“Idhāhaṁ, āvuso, gijjhakūṭā pabbatā orohanto addasaṁ asīsakaṁ kabandhaṁ vehāsaṁ gacchantaṁ.
pli-tv-bu-vb-pj4:9.3.63	Tassa ure akkhīni ceva honti mukhañca.
pli-tv-bu-vb-pj4:9.3.64	Tamenaṁ gijjhāpi kākāpi kulalāpi anupatitvā anupatitvā vitacchenti vibhajjenti.
pli-tv-bu-vb-pj4:9.3.65	So sudaṁ aṭṭassaraṁ karoti …pe…
pli-tv-bu-vb-pj4:9.3.66	eso, bhikkhave, satto imasmiṁyeva rājagahe hāriko nāma coraghātako ahosi …pe….
pli-tv-bu-vb-pj4:9.3.67	“Idhāhaṁ, āvuso, gijjhakūṭā pabbatā orohanto addasaṁ bhikkhuṁ vehāsaṁ gacchantaṁ.
pli-tv-bu-vb-pj4:9.3.68	Tassa saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṁ sampajjalitaṁ sajotibhūtaṁ, kāyopi āditto sampajjalito sajotibhūto.
pli-tv-bu-vb-pj4:9.3.69	So sudaṁ aṭṭassaraṁ karoti …pe…
pli-tv-bu-vb-pj4:9.3.70	eso, bhikkhave, bhikkhu kassapassa sammāsambuddhassa pāvacane pāpabhikkhu ahosi …pe….
pli-tv-bu-vb-pj4:9.3.71	“Idhāhaṁ, āvuso, gijjhakūṭā pabbatā orohanto addasaṁ bhikkhuniṁ …
pli-tv-bu-vb-pj4:9.3.72	addasaṁ sikkhamānaṁ …
pli-tv-bu-vb-pj4:9.3.73	addasaṁ sāmaṇeraṁ …
pli-tv-bu-vb-pj4:9.3.74	addasaṁ sāmaṇeriṁ vehāsaṁ gacchantiṁ.
pli-tv-bu-vb-pj4:9.3.75	Tassā saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṁ sampajjalitaṁ sajotibhūtaṁ, kāyopi āditto sampajjalito sajotibhūto.
pli-tv-bu-vb-pj4:9.3.76	Sā sudaṁ aṭṭassaraṁ karoti.
pli-tv-bu-vb-pj4:9.3.77	Tassa mayhaṁ, āvuso, etadahosi—
pli-tv-bu-vb-pj4:9.3.78	‘acchariyaṁ vata bho, abbhutaṁ vata bho, evarūpopi nāma satto bhavissati.
pli-tv-bu-vb-pj4:9.3.79	Evarūpopi nāma yakkho bhavissati.
pli-tv-bu-vb-pj4:9.3.80	Evarūpopi nāma attabhāvappaṭilābho bhavissatī’”ti.
pli-tv-bu-vb-pj4:9.3.81	Bhikkhū ujjhāyanti khiyyanti vipācenti—
pli-tv-bu-vb-pj4:9.3.82	“uttarimanussadhammaṁ āyasmā mahāmoggallāno ullapatī”ti.
pli-tv-bu-vb-pj4:9.3.83	Atha kho bhagavā bhikkhū āmantesi—
pli-tv-bu-vb-pj4:9.3.84	“cakkhubhūtā vata, bhikkhave, sāvakā viharanti.
pli-tv-bu-vb-pj4:9.3.85	Ñāṇabhūtā vata, bhikkhave, sāvakā viharanti.
pli-tv-bu-vb-pj4:9.3.86	Yatra hi nāma sāvako evarūpaṁ ñassati vā dakkhati vā sakkhiṁ vā karissati.
pli-tv-bu-vb-pj4:9.3.87	Pubbeva me sā, bhikkhave, sāmaṇerī diṭṭhā ahosi.
pli-tv-bu-vb-pj4:9.3.88	Api cāhaṁ na byākāsiṁ.
pli-tv-bu-vb-pj4:9.3.89	Ahañcetaṁ byākareyyaṁ pare ca me na saddaheyyuṁ.
pli-tv-bu-vb-pj4:9.3.90	Ye me na saddaheyyuṁ tesaṁ taṁ assa dīgharattaṁ ahitāya dukkhāya.
pli-tv-bu-vb-pj4:9.3.91	Esā, bhikkhave, sāmaṇerī kassapassa sammāsambuddhassa pāvacane pāpasāmaṇerī ahosi.
pli-tv-bu-vb-pj4:9.3.92	Sā tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṁ attabhāvappaṭilābhaṁ paṭisaṁvedeti.
pli-tv-bu-vb-pj4:9.3.93	Saccaṁ, bhikkhave, moggallāno āha.
pli-tv-bu-vb-pj4:9.3.94	Anāpatti, bhikkhave, moggallānassā”ti.
pli-tv-bu-vb-pj4:9.4.1	Atha kho āyasmā mahāmoggallāno bhikkhū āmantesi—
pli-tv-bu-vb-pj4:9.4.2	“yatāyaṁ, āvuso, tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphantī”ti.
pli-tv-bu-vb-pj4:9.4.3	Bhikkhū ujjhāyanti khiyyanti vipācenti—
pli-tv-bu-vb-pj4:9.4.4	“kathañhi nāma āyasmā mahāmoggallāno evaṁ vakkhati—
pli-tv-bu-vb-pj4:9.4.5	‘yatāyaṁ, āvuso, tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphantī’ti.
pli-tv-bu-vb-pj4:9.4.6	Atha ca panāyaṁ tapodā kuthitā sandati.
pli-tv-bu-vb-pj4:9.4.7	Uttarimanussadhammaṁ āyasmā mahāmoggallāno ullapatī”ti.
pli-tv-bu-vb-pj4:9.4.8	Bhagavato etamatthaṁ ārocesuṁ.
pli-tv-bu-vb-pj4:9.4.9	“Yatāyaṁ, bhikkhave, tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphanti.
pli-tv-bu-vb-pj4:9.4.10	Api cāyaṁ, bhikkhave, tapodā dvinnaṁ mahānirayānaṁ antarikāya āgacchati.
pli-tv-bu-vb-pj4:9.4.11	Tenāyaṁ tapodā kuthitā sandati.
pli-tv-bu-vb-pj4:9.4.12	Saccaṁ, bhikkhave, moggallāno āha.
pli-tv-bu-vb-pj4:9.4.13	Anāpatti, bhikkhave, moggallānassā”ti.
pli-tv-bu-vb-pj4:9.5.1	Tena kho pana samayena rājā māgadho seniyo bimbisāro licchavīhi saddhiṁ saṅgāmento pabhaggo ahosi.
pli-tv-bu-vb-pj4:9.5.2	Atha rājā pacchā senaṁ saṅkaḍḍhitvā licchavayo parājesi.
pli-tv-bu-vb-pj4:9.5.3	Saṅgāme ca nandī carati—
pli-tv-bu-vb-pj4:9.5.4	“raññā licchavī pabhaggā”ti.
pli-tv-bu-vb-pj4:9.5.5	Atha kho āyasmā mahāmoggallāno bhikkhū āmantesi—
pli-tv-bu-vb-pj4:9.5.6	“rājā, āvuso, licchavīhi pabhaggo”ti.
pli-tv-bu-vb-pj4:9.5.7	Bhikkhū ujjhāyanti khiyyanti vipācenti—
pli-tv-bu-vb-pj4:9.5.8	“kathañhi nāma āyasmā mahāmoggallāno evaṁ vakkhati—
pli-tv-bu-vb-pj4:9.5.9	‘rājā, āvuso, licchavīhi pabhaggo’ti.
pli-tv-bu-vb-pj4:9.5.10	Saṅgāme ca nandī carati—
pli-tv-bu-vb-pj4:9.5.11	‘raññā licchavī pabhaggā’ti.
pli-tv-bu-vb-pj4:9.5.12	Uttarimanussadhammaṁ āyasmā mahāmoggallāno ullapatī”ti.
pli-tv-bu-vb-pj4:9.5.13	Bhagavato etamatthaṁ ārocesuṁ.
pli-tv-bu-vb-pj4:9.5.14	“Paṭhamaṁ, bhikkhave, rājā licchavīhi pabhaggo.
pli-tv-bu-vb-pj4:9.5.15	Atha rājā pacchā senaṁ saṅkaḍḍhitvā licchavayo parājesi.
pli-tv-bu-vb-pj4:9.5.16	Saccaṁ, bhikkhave, moggallāno āha.
pli-tv-bu-vb-pj4:9.5.17	Anāpatti, bhikkhave, moggallānassā”ti.
pli-tv-bu-vb-pj4:9.6.1	Atha kho āyasmā mahāmoggallāno bhikkhū āmantesi—
pli-tv-bu-vb-pj4:9.6.2	“idhāhaṁ, āvuso, sappinikāya nadiyā tīre āneñjaṁ samādhiṁ samāpanno nāgānaṁ ogayha uttarantānaṁ koñcaṁ karontānaṁ saddaṁ assosin”ti.
pli-tv-bu-vb-pj4:9.6.3	Bhikkhū ujjhāyanti khiyyanti vipācenti—
pli-tv-bu-vb-pj4:9.6.4	“kathañhi nāma āyasmā mahāmoggallāno āneñjaṁ samādhiṁ samāpanno saddaṁ sossati.
pli-tv-bu-vb-pj4:9.6.5	Uttarimanussadhammaṁ āyasmā mahāmoggallāno ullapatī”ti.
pli-tv-bu-vb-pj4:9.6.6	Bhagavato etamatthaṁ ārocesuṁ.
pli-tv-bu-vb-pj4:9.6.7	“Attheso, bhikkhave, samādhi so ca kho aparisuddho.
pli-tv-bu-vb-pj4:9.6.8	Saccaṁ, bhikkhave, moggallāno āha.
pli-tv-bu-vb-pj4:9.6.9	Anāpatti, bhikkhave, moggallānassā”ti.
pli-tv-bu-vb-pj4:9.7.1	Atha kho āyasmā sobhito bhikkhū āmantesi—
pli-tv-bu-vb-pj4:9.7.2	“ahaṁ, āvuso, pañca kappasatāni anussarāmī”ti.
pli-tv-bu-vb-pj4:9.7.3	Bhikkhū ujjhāyanti khiyyanti vipācenti—
pli-tv-bu-vb-pj4:9.7.4	“kathañhi nāma āyasmā sobhito evaṁ vakkhati—
pli-tv-bu-vb-pj4:9.7.5	‘ahaṁ, āvuso, pañca kappasatāni anussarāmī’ti.
pli-tv-bu-vb-pj4:9.7.6	Uttarimanussadhammaṁ āyasmā sobhito ullapatī”ti.
pli-tv-bu-vb-pj4:9.7.7	Bhagavato etamatthaṁ ārocesuṁ.
pli-tv-bu-vb-pj4:9.7.8	“Atthesā, bhikkhave, sobhitassa.
pli-tv-bu-vb-pj4:9.7.9	Sā ca kho ekāyeva jāti.
pli-tv-bu-vb-pj4:9.7.10	Saccaṁ, bhikkhave, sobhito āha.
pli-tv-bu-vb-pj4:9.7.11	Anāpatti, bhikkhave, sobhitassā”ti.
pli-tv-bu-vb-pj4:9.7.12	Catutthapārājikaṁ samattaṁ.
pli-tv-bu-vb-pj4:9.7.13	Uddiṭṭhā kho āyasmanto cattāro pārājikā dhammā,
pli-tv-bu-vb-pj4:9.7.14	yesaṁ bhikkhu aññataraṁ vā aññataraṁ vā āpajjitvā na labhati bhikkhūhi saddhiṁ saṁvāsaṁ,
pli-tv-bu-vb-pj4:9.7.15	yathā pure tathā pacchā, pārājiko hoti asaṁvāso.
pli-tv-bu-vb-pj4:9.7.16	Tatthāyasmante pucchāmi—
pli-tv-bu-vb-pj4:9.7.17	“kaccittha parisuddhā”?
pli-tv-bu-vb-pj4:9.7.18	Dutiyampi pucchāmi—
pli-tv-bu-vb-pj4:9.7.19	“kaccittha parisuddhā”?
pli-tv-bu-vb-pj4:9.7.20	Tatiyampi pucchāmi—
pli-tv-bu-vb-pj4:9.7.21	“kaccittha parisuddhā”?
pli-tv-bu-vb-pj4:9.7.22	Parisuddhetthāyasmanto, tasmā tuṇhī,
pli-tv-bu-vb-pj4:9.7.23	evametaṁ dhārayāmīti.
pli-tv-bu-vb-pj4:9.7.24	Pārājikaṁ niṭṭhitaṁ.
pli-tv-bu-vb-pj4:9.7.25	Tassuddānaṁ
pli-tv-bu-vb-pj4:9.7.26	Methunādinnādānañca,
pli-tv-bu-vb-pj4:9.7.27	manussaviggahuttari;
pli-tv-bu-vb-pj4:9.7.28	Pārājikāni cattāri,
pli-tv-bu-vb-pj4:9.7.29	chejjavatthū asaṁsayāti.
pli-tv-bu-vb-pj4:9.7.30	Pārājikakaṇḍaṁ niṭṭhitaṁ.
pli-tv-bu-vb-sk1:0.1	Theravāda Vinaya
pli-tv-bu-vb-sk1:0.2	Mahāvibhaṅga
pli-tv-bu-vb-sk1:0.3	Sekhiyakaṇḍa
pli-tv-bu-vb-sk1:0.4	Parimaṇḍalavagga
pli-tv-bu-vb-sk1:0.5	1. Parimaṇḍalasikkhāpada
pli-tv-bu-vb-sk1:0.6	Ime kho panāyasmanto sekhiyā dhammā uddesaṁ āgacchanti.
pli-tv-bu-vb-sk1:1.0	
pli-tv-bu-vb-sk1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk1:1.2	Tena kho pana samayena chabbaggiyā bhikkhū puratopi pacchatopi olambentā nivāsenti.
pli-tv-bu-vb-sk1:1.3	Manussā ujjhāyanti khiyyanti vipācenti—
pli-tv-bu-vb-sk1:1.4	“kathañhi nāma samaṇā sakyaputtiyā puratopi pacchatopi olambentā nivāsessanti, seyyathāpi gihī kāmabhogino”ti.
pli-tv-bu-vb-sk1:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-sk1:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk1:1.7	“kathañhi nāma chabbaggiyā bhikkhū puratopi pacchatopi olambentā nivāsessantī”ti.
pli-tv-bu-vb-sk1:1.8	Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-sk1:1.9	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi—
pli-tv-bu-vb-sk1:1.10	“saccaṁ kira tumhe, bhikkhave, puratopi pacchatopi olambentā nivāsethā”ti?
pli-tv-bu-vb-sk1:1.11	“Saccaṁ, bhagavā”ti.
pli-tv-bu-vb-sk1:1.12	Vigarahi buddho bhagavā …pe…
pli-tv-bu-vb-sk1:1.13	kathañhi nāma tumhe, moghapurisā, puratopi pacchatopi olambentā nivāsessatha.
pli-tv-bu-vb-sk1:1.14	Netaṁ, moghapurisā, appasannānaṁ vā pasādāya …pe…
pli-tv-bu-vb-sk1:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk1:1.16.0	
pli-tv-bu-vb-sk1:1.16.1	“Parimaṇḍalaṁ nivāsessāmīti sikkhā karaṇīyā”ti.
pli-tv-bu-vb-sk1:1.17	Parimaṇḍalaṁ nivāsetabbaṁ nābhimaṇḍalaṁ jāṇumaṇḍalaṁ paṭicchādentena.
pli-tv-bu-vb-sk1:1.18	Yo anādariyaṁ paṭicca purato vā pacchato vā olambento nivāseti, āpatti dukkaṭassa.
pli-tv-bu-vb-sk1:1.19.0	
pli-tv-bu-vb-sk1:1.19.1	Anāpatti—
pli-tv-bu-vb-sk1:1.20	asañcicca,
pli-tv-bu-vb-sk1:1.21	assatiyā,
pli-tv-bu-vb-sk1:1.22	ajānantassa,
pli-tv-bu-vb-sk1:1.23	gilānassa,
pli-tv-bu-vb-sk1:1.24	āpadāsu,
pli-tv-bu-vb-sk1:1.25	ummattakassa,
pli-tv-bu-vb-sk1:1.26	ādikammikassāti.
pli-tv-bu-vb-sk1:1.27	Paṭhamasikkhāpadaṁ niṭṭhitaṁ.
pli-tv-bu-vb-sk2:0.1	Theravāda Vinaya
pli-tv-bu-vb-sk2:0.2	Mahāvibhaṅga
pli-tv-bu-vb-sk2:0.3	Sekhiyakaṇḍa
pli-tv-bu-vb-sk2:0.4	Parimaṇḍalavagga
pli-tv-bu-vb-sk2:0.5	2. Dutiyaparimaṇḍalasikkhāpada
pli-tv-bu-vb-sk2:1.0	
pli-tv-bu-vb-sk2:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk2:1.2	Tena kho pana samayena chabbaggiyā bhikkhū puratopi pacchatopi olambentā pārupanti …pe….
pli-tv-bu-vb-sk2:1.3.0	
pli-tv-bu-vb-sk2:1.3.1	“Parimaṇḍalaṁ pārupissāmīti sikkhā karaṇīyā”ti.
pli-tv-bu-vb-sk2:1.4	Parimaṇḍalaṁ pārupitabbaṁ ubho kaṇṇe samaṁ katvā.
pli-tv-bu-vb-sk2:1.5	Yo anādariyaṁ paṭicca purato vā pacchato vā olambento pārupati, āpatti dukkaṭassa.
pli-tv-bu-vb-sk2:1.6.0	
pli-tv-bu-vb-sk2:1.6.1	Anāpatti—
pli-tv-bu-vb-sk2:1.7	asañcicca,
pli-tv-bu-vb-sk2:1.8	assatiyā,
pli-tv-bu-vb-sk2:1.9	ajānantassa,
pli-tv-bu-vb-sk2:1.10	gilānassa,
pli-tv-bu-vb-sk2:1.11	āpadāsu,
pli-tv-bu-vb-sk2:1.12	ummattakassa,
pli-tv-bu-vb-sk2:1.13	ādikammikassāti.
pli-tv-bu-vb-sk2:1.14	Dutiyasikkhāpadaṁ niṭṭhitaṁ.
pli-tv-bu-vb-sk3:0.1	Theravāda Vinaya
pli-tv-bu-vb-sk3:0.2	Mahāvibhaṅga
pli-tv-bu-vb-sk3:0.3	Sekhiyakaṇḍa
pli-tv-bu-vb-sk3:0.4	Parimaṇḍalavagga
pli-tv-bu-vb-sk3:0.5	3. Suppaṭicchannasikkhāpada
pli-tv-bu-vb-sk3:1.0	
pli-tv-bu-vb-sk3:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk3:1.2	Tena kho pana samayena chabbaggiyā bhikkhū kāyaṁ vivaritvā antaraghare gacchanti …pe….
pli-tv-bu-vb-sk3:1.3.0	
pli-tv-bu-vb-sk3:1.3.1	“Suppaṭicchanno antaraghare gamissāmīti sikkhā karaṇīyā”ti.
pli-tv-bu-vb-sk3:1.4	Suppaṭicchannena antaraghare gantabbaṁ.
pli-tv-bu-vb-sk3:1.5	Yo anādariyaṁ paṭicca kāyaṁ vivaritvā antaraghare gacchati, āpatti dukkaṭassa.
pli-tv-bu-vb-sk3:1.6.0	
pli-tv-bu-vb-sk3:1.6.1	Anāpatti—
pli-tv-bu-vb-sk3:1.7	asañcicca,
pli-tv-bu-vb-sk3:1.8	assatiyā,
pli-tv-bu-vb-sk3:1.9	ajānantassa,
pli-tv-bu-vb-sk3:1.10	gilānassa,
pli-tv-bu-vb-sk3:1.11	āpadāsu,
pli-tv-bu-vb-sk3:1.12	ummattakassa,
pli-tv-bu-vb-sk3:1.13	ādikammikassāti.
pli-tv-bu-vb-sk3:1.14	Tatiyasikkhāpadaṁ niṭṭhitaṁ.
pli-tv-bu-vb-sk4:0.1	Theravāda Vinaya
pli-tv-bu-vb-sk4:0.2	Mahāvibhaṅga
pli-tv-bu-vb-sk4:0.3	Sekhiyakaṇḍa
pli-tv-bu-vb-sk4:0.4	Parimaṇḍalavagga
pli-tv-bu-vb-sk4:0.5	4. Dutiyasuppaṭicchannasikkhāpada
pli-tv-bu-vb-sk4:1.0	
pli-tv-bu-vb-sk4:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk4:1.2	Tena kho pana samayena chabbaggiyā bhikkhū kāyaṁ vivaritvā antaraghare nisīdanti …pe….
pli-tv-bu-vb-sk4:1.3.0	
pli-tv-bu-vb-sk4:1.3.1	“Suppaṭicchanno antaraghare nisīdissāmīti sikkhā karaṇīyā”ti.
pli-tv-bu-vb-sk4:1.4	Suppaṭicchannena antaraghare nisīditabbaṁ.
pli-tv-bu-vb-sk4:1.5	Yo anādariyaṁ paṭicca kāyaṁ vivaritvā antaraghare nisīdati, āpatti dukkaṭassa.
pli-tv-bu-vb-sk4:1.6.0	
pli-tv-bu-vb-sk4:1.6.1	Anāpatti—
pli-tv-bu-vb-sk4:1.7	asañcicca,
pli-tv-bu-vb-sk4:1.8	assatiyā,
pli-tv-bu-vb-sk4:1.9	ajānantassa,
pli-tv-bu-vb-sk4:1.10	gilānassa,
pli-tv-bu-vb-sk4:1.11	vāsūpagatassa,
pli-tv-bu-vb-sk4:1.12	āpadāsu,
pli-tv-bu-vb-sk4:1.13	ummattakassa,
pli-tv-bu-vb-sk4:1.14	ādikammikassāti.
pli-tv-bu-vb-sk4:1.15	Catutthasikkhāpadaṁ niṭṭhitaṁ.
pli-tv-bu-vb-sk5:0.1	Theravāda Vinaya
pli-tv-bu-vb-sk5:0.2	Mahāvibhaṅga
pli-tv-bu-vb-sk5:0.3	Sekhiyakaṇḍa
pli-tv-bu-vb-sk5:0.4	Parimaṇḍalavagga
pli-tv-bu-vb-sk5:0.5	5. Susaṁvutasikkhāpada
pli-tv-bu-vb-sk5:1.0	
pli-tv-bu-vb-sk5:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk5:1.2	Tena kho pana samayena chabbaggiyā bhikkhū hatthampi pādampi kīḷāpentā antaraghare gacchanti …pe….
pli-tv-bu-vb-sk5:1.3.0	
pli-tv-bu-vb-sk5:1.3.1	“Susaṁvuto antaraghare gamissāmīti sikkhā karaṇīyā”ti.
pli-tv-bu-vb-sk5:1.4	Susaṁvutena antaraghare gantabbaṁ.
pli-tv-bu-vb-sk5:1.5	Yo anādariyaṁ paṭicca hatthaṁ vā pādaṁ vā kīḷāpento antaraghare gacchati, āpatti dukkaṭassa.
pli-tv-bu-vb-sk5:1.6.0	
pli-tv-bu-vb-sk5:1.6.1	Anāpatti—
pli-tv-bu-vb-sk5:1.7	asañcicca,
pli-tv-bu-vb-sk5:1.8	assatiyā,
pli-tv-bu-vb-sk5:1.9	ajānantassa,
pli-tv-bu-vb-sk5:1.10	gilānassa,
pli-tv-bu-vb-sk5:1.11	ummattakassa,
pli-tv-bu-vb-sk5:1.12	ādikammikassāti.
pli-tv-bu-vb-sk5:1.13	Pañcamasikkhāpadaṁ niṭṭhitaṁ.
pli-tv-bu-vb-sk6:0.1	Theravāda Vinaya
pli-tv-bu-vb-sk6:0.2	Mahāvibhaṅga
pli-tv-bu-vb-sk6:0.3	Sekhiyakaṇḍa
pli-tv-bu-vb-sk6:0.4	Parimaṇḍalavagga
pli-tv-bu-vb-sk6:0.5	6. Dutiyasusaṁvutasikkhāpada
pli-tv-bu-vb-sk6:1.0	
pli-tv-bu-vb-sk6:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk6:1.2	Tena kho pana samayena chabbaggiyā bhikkhū hatthampi pādampi kīḷāpentā antaraghare nisīdanti …pe….
pli-tv-bu-vb-sk6:1.3.0	
pli-tv-bu-vb-sk6:1.3.1	“Susaṁvuto antaraghare nisīdissāmīti sikkhā karaṇīyā”ti.
pli-tv-bu-vb-sk6:1.4	Susaṁvutena antaraghare nisīditabbaṁ.
pli-tv-bu-vb-sk6:1.5	Yo anādariyaṁ paṭicca hatthaṁ vā pādaṁ vā kīḷāpento antaraghare nisīdati, āpatti dukkaṭassa.
pli-tv-bu-vb-sk6:1.6.0	
pli-tv-bu-vb-sk6:1.6.1	Anāpatti—
pli-tv-bu-vb-sk6:1.7	asañcicca,
pli-tv-bu-vb-sk6:1.8	assatiyā,
pli-tv-bu-vb-sk6:1.9	ajānantassa,
pli-tv-bu-vb-sk6:1.10	gilānassa,
pli-tv-bu-vb-sk6:1.11	ummattakassa,
pli-tv-bu-vb-sk6:1.12	ādikammikassāti.
pli-tv-bu-vb-sk6:1.13	Chaṭṭhasikkhāpadaṁ niṭṭhitaṁ.
pli-tv-bu-vb-sk7:0.1	Theravāda Vinaya
pli-tv-bu-vb-sk7:0.2	Mahāvibhaṅga
pli-tv-bu-vb-sk7:0.3	Sekhiyakaṇḍa
pli-tv-bu-vb-sk7:0.4	Parimaṇḍalavagga
pli-tv-bu-vb-sk7:0.5	7. Okkhittacakkhusikkhāpada
pli-tv-bu-vb-sk7:1.0	
pli-tv-bu-vb-sk7:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk7:1.2	Tena kho pana samayena chabbaggiyā bhikkhū tahaṁ tahaṁ olokentā antaraghare gacchanti …pe….
pli-tv-bu-vb-sk7:1.3.0	
pli-tv-bu-vb-sk7:1.3.1	“Okkhittacakkhu antaraghare gamissāmīti sikkhā karaṇīyā”ti.
pli-tv-bu-vb-sk7:1.4	Okkhittacakkhunā antaraghare gantabbaṁ yugamattaṁ pekkhantena.
pli-tv-bu-vb-sk7:1.5	Yo anādariyaṁ paṭicca tahaṁ tahaṁ olokento antaraghare gacchati, āpatti dukkaṭassa.
pli-tv-bu-vb-sk7:1.6.0	
pli-tv-bu-vb-sk7:1.6.1	Anāpatti—
pli-tv-bu-vb-sk7:1.7	asañcicca,
pli-tv-bu-vb-sk7:1.8	assatiyā,
pli-tv-bu-vb-sk7:1.9	ajānantassa,
pli-tv-bu-vb-sk7:1.10	gilānassa,
pli-tv-bu-vb-sk7:1.11	āpadāsu,
pli-tv-bu-vb-sk7:1.12	ummattakassa,
pli-tv-bu-vb-sk7:1.13	ādikammikassāti.
pli-tv-bu-vb-sk7:1.14	Sattamasikkhāpadaṁ niṭṭhitaṁ.
pli-tv-bu-vb-sk8:0.1	Theravāda Vinaya
pli-tv-bu-vb-sk8:0.2	Mahāvibhaṅga
pli-tv-bu-vb-sk8:0.3	Sekhiyakaṇḍa
pli-tv-bu-vb-sk8:0.4	Parimaṇḍalavagga
pli-tv-bu-vb-sk8:0.5	8. Dutiyaokkhittacakkhusikkhāpada
pli-tv-bu-vb-sk8:1.0	
pli-tv-bu-vb-sk8:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk8:1.2	Tena kho pana samayena chabbaggiyā bhikkhū tahaṁ tahaṁ olokentā antaraghare nisīdanti …pe….
pli-tv-bu-vb-sk8:1.3.0	
pli-tv-bu-vb-sk8:1.3.1	“Okkhittacakkhu antaraghare nisīdissāmīti sikkhā karaṇīyā”ti.
pli-tv-bu-vb-sk8:1.4	Okkhittacakkhunā antaraghare nisīditabbaṁ yugamattaṁ pekkhantena.
pli-tv-bu-vb-sk8:1.5	Yo anādariyaṁ paṭicca tahaṁ tahaṁ olokento antaraghare nisīdati, āpatti dukkaṭassa.
pli-tv-bu-vb-sk8:1.6.0	
pli-tv-bu-vb-sk8:1.6.1	Anāpatti—
pli-tv-bu-vb-sk8:1.7	asañcicca,
pli-tv-bu-vb-sk8:1.8	assatiyā,
pli-tv-bu-vb-sk8:1.9	ajānantassa,
pli-tv-bu-vb-sk8:1.10	gilānassa,
pli-tv-bu-vb-sk8:1.11	āpadāsu,
pli-tv-bu-vb-sk8:1.12	ummattakassa,
pli-tv-bu-vb-sk8:1.13	ādikammikassāti.
pli-tv-bu-vb-sk8:1.14	Aṭṭhamasikkhāpadaṁ niṭṭhitaṁ.
pli-tv-bu-vb-sk9:0.1	Theravāda Vinaya
pli-tv-bu-vb-sk9:0.2	Mahāvibhaṅga
pli-tv-bu-vb-sk9:0.3	Sekhiyakaṇḍa
pli-tv-bu-vb-sk9:0.4	Parimaṇḍalavagga
pli-tv-bu-vb-sk9:0.5	9. Ukkhittakasikkhāpada
pli-tv-bu-vb-sk9:1.0	
pli-tv-bu-vb-sk9:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk9:1.2	Tena kho pana samayena chabbaggiyā bhikkhū ukkhittakāya antaraghare gacchanti …pe….
pli-tv-bu-vb-sk9:1.3.0	
pli-tv-bu-vb-sk9:1.3.1	“Na ukkhittakāya antaraghare gamissāmīti sikkhā karaṇīyā”ti.
pli-tv-bu-vb-sk9:1.4	Na ukkhittakāya antaraghare gantabbaṁ.
pli-tv-bu-vb-sk9:1.5	Yo anādariyaṁ paṭicca ekato vā ubhato vā ukkhipitvā antaraghare gacchati, āpatti dukkaṭassa.
pli-tv-bu-vb-sk9:1.6.0	
pli-tv-bu-vb-sk9:1.6.1	Anāpatti—
pli-tv-bu-vb-sk9:1.7	asañcicca,
pli-tv-bu-vb-sk9:1.8	assatiyā,
pli-tv-bu-vb-sk9:1.9	ajānantassa,
pli-tv-bu-vb-sk9:1.10	gilānassa,
pli-tv-bu-vb-sk9:1.11	āpadāsu
pli-tv-bu-vb-sk9:1.12	ummattakassa,
pli-tv-bu-vb-sk9:1.13	ādikammikassāti.
pli-tv-bu-vb-sk9:1.14	Navamasikkhāpadaṁ niṭṭhitaṁ.
pli-tv-bu-vb-sk10:0.1	Theravāda Vinaya
pli-tv-bu-vb-sk10:0.2	Mahāvibhaṅga
pli-tv-bu-vb-sk10:0.3	Sekhiyakaṇḍa
pli-tv-bu-vb-sk10:0.4	Parimaṇḍalavagga
pli-tv-bu-vb-sk10:0.5	10. Dutiyaukkhittakasikkhāpada
pli-tv-bu-vb-sk10:1.0	
pli-tv-bu-vb-sk10:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk10:1.2	Tena kho pana samayena chabbaggiyā bhikkhū ukkhittakāya antaraghare nisīdanti …pe… .
pli-tv-bu-vb-sk10:1.3.0	
pli-tv-bu-vb-sk10:1.3.1	“Na ukkhittakāya antaraghare nisīdissāmīti sikkhā karaṇīyā”ti.
pli-tv-bu-vb-sk10:1.4	Na ukkhittakāya antaraghare nisīditabbaṁ.
pli-tv-bu-vb-sk10:1.5	Yo anādariyaṁ paṭicca ekato vā ubhato vā ukkhipitvā antaraghare nisīdati, āpatti dukkaṭassa.
pli-tv-bu-vb-sk10:1.6.0	
pli-tv-bu-vb-sk10:1.6.1	Anāpatti—
pli-tv-bu-vb-sk10:1.7	asañcicca,
pli-tv-bu-vb-sk10:1.8	assatiyā,
pli-tv-bu-vb-sk10:1.9	ajānantassa,
pli-tv-bu-vb-sk10:1.10	gilānassa,
pli-tv-bu-vb-sk10:1.11	vāsūpagatassa,
pli-tv-bu-vb-sk10:1.12	āpadāsu,
pli-tv-bu-vb-sk10:1.13	ummattakassa,
pli-tv-bu-vb-sk10:1.14	ādikammikassāti.
pli-tv-bu-vb-sk10:1.15	Dasamasikkhāpadaṁ niṭṭhitaṁ.
pli-tv-bu-vb-sk10:1.16	Parimaṇḍalavaggo paṭhamo.
pli-tv-bu-vb-sk11:0.1	Theravāda Vinaya
pli-tv-bu-vb-sk11:0.2	Mahāvibhaṅga
pli-tv-bu-vb-sk11:0.3	Sekhiyakaṇḍa
pli-tv-bu-vb-sk11:0.4	Ujjagghikavagga
pli-tv-bu-vb-sk11:0.5	11. Ujjagghikasikkhāpada
pli-tv-bu-vb-sk11:1.0	
pli-tv-bu-vb-sk11:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk11:1.2	Tena kho pana samayena chabbaggiyā bhikkhū mahāhasitaṁ hasantā antaraghare gacchanti …pe….
pli-tv-bu-vb-sk11:1.3.0	
pli-tv-bu-vb-sk11:1.3.1	“Na ujjagghikāya antaraghare gamissāmīti sikkhā karaṇīyā”ti.
pli-tv-bu-vb-sk11:1.4	Na ujjagghikāya antaraghare gantabbaṁ.
pli-tv-bu-vb-sk11:1.5	Yo anādariyaṁ paṭicca mahāhasitaṁ hasanto antaraghare gacchati, āpatti dukkaṭassa.
pli-tv-bu-vb-sk11:1.6.0	
pli-tv-bu-vb-sk11:1.6.1	Anāpatti—
pli-tv-bu-vb-sk11:1.7	asañcicca,
pli-tv-bu-vb-sk11:1.8	assatiyā,
pli-tv-bu-vb-sk11:1.9	ajānantassa,
pli-tv-bu-vb-sk11:1.10	gilānassa,
pli-tv-bu-vb-sk11:1.11	hasanīyasmiṁ vatthusmiṁ mihitamattaṁ karoti,
pli-tv-bu-vb-sk11:1.12	āpadāsu,
pli-tv-bu-vb-sk11:1.13	ummattakassa,
pli-tv-bu-vb-sk11:1.14	ādikammikassāti.
pli-tv-bu-vb-sk11:1.15	Paṭhamasikkhāpadaṁ niṭṭhitaṁ.
pli-tv-bu-vb-sk12:0.1	Theravāda Vinaya
pli-tv-bu-vb-sk12:0.2	Mahāvibhaṅga
pli-tv-bu-vb-sk12:0.3	Sekhiyakaṇḍa
pli-tv-bu-vb-sk12:0.4	Ujjagghikavagga
pli-tv-bu-vb-sk12:0.5	12. Dutiyaujjagghikasikkhāpada
pli-tv-bu-vb-sk12:1.0	
pli-tv-bu-vb-sk12:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk12:1.2	Tena kho pana samayena chabbaggiyā bhikkhū mahāhasitaṁ hasantā antaraghare nisīdanti …pe….
pli-tv-bu-vb-sk12:1.3.0	
pli-tv-bu-vb-sk12:1.3.1	“Na ujjagghikāya antaraghare nisīdissāmīti sikkhā karaṇīyā”ti.
pli-tv-bu-vb-sk12:1.4	Na ujjagghikāya antaraghare nisīditabbaṁ.
pli-tv-bu-vb-sk12:1.5	Yo anādariyaṁ paṭicca mahāhasitaṁ hasanto antaraghare nisīdati, āpatti dukkaṭassa.
pli-tv-bu-vb-sk12:1.6.0	
pli-tv-bu-vb-sk12:1.6.1	Anāpatti—
pli-tv-bu-vb-sk12:1.7	asañcicca,
pli-tv-bu-vb-sk12:1.8	assatiyā,
pli-tv-bu-vb-sk12:1.9	ajānantassa,
pli-tv-bu-vb-sk12:1.10	gilānassa,
pli-tv-bu-vb-sk12:1.11	hasanīyasmiṁ vatthusmiṁ mihitamattaṁ karoti,
pli-tv-bu-vb-sk12:1.12	āpadāsu,
pli-tv-bu-vb-sk12:1.13	ummattakassa,
pli-tv-bu-vb-sk12:1.14	ādikammikassāti.
pli-tv-bu-vb-sk12:1.15	Dutiyasikkhāpadaṁ niṭṭhitaṁ.
pli-tv-bu-vb-sk13:0.1	Theravāda Vinaya
pli-tv-bu-vb-sk13:0.2	Mahāvibhaṅga
pli-tv-bu-vb-sk13:0.3	Sekhiyakaṇḍa
pli-tv-bu-vb-sk13:0.4	Ujjagghikavagga
pli-tv-bu-vb-sk13:0.5	13. Uccasaddasikkhāpada
pli-tv-bu-vb-sk13:1.0	
pli-tv-bu-vb-sk13:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk13:1.2	Tena kho pana samayena chabbaggiyā bhikkhū uccāsaddaṁ mahāsaddaṁ karontā antaraghare gacchanti …pe….
pli-tv-bu-vb-sk13:1.3.0	
pli-tv-bu-vb-sk13:1.3.1	“Appasaddo antaraghare gamissāmīti sikkhā karaṇīyā”ti.
pli-tv-bu-vb-sk13:1.4	Appasaddena antaraghare gantabbaṁ.
pli-tv-bu-vb-sk13:1.5	Yo anādariyaṁ paṭicca uccāsaddaṁ mahāsaddaṁ karonto antaraghare gacchati, āpatti dukkaṭassa.
pli-tv-bu-vb-sk13:1.6.0	
pli-tv-bu-vb-sk13:1.6.1	Anāpatti—
pli-tv-bu-vb-sk13:1.7	asañcicca,
pli-tv-bu-vb-sk13:1.8	assatiyā,
pli-tv-bu-vb-sk13:1.9	ajānantassa,
pli-tv-bu-vb-sk13:1.10	gilānassa,
pli-tv-bu-vb-sk13:1.11	āpadāsu,
pli-tv-bu-vb-sk13:1.12	ummattakassa,
pli-tv-bu-vb-sk13:1.13	ādikammikassāti.
pli-tv-bu-vb-sk13:1.14	Tatiyasikkhāpadaṁ niṭṭhitaṁ.
pli-tv-bu-vb-sk14:0.1	Theravāda Vinaya
pli-tv-bu-vb-sk14:0.2	Mahāvibhaṅga
pli-tv-bu-vb-sk14:0.3	Sekhiyakaṇḍa
pli-tv-bu-vb-sk14:0.4	Ujjagghikavagga
pli-tv-bu-vb-sk14:0.5	14. Dutiyauccasaddasikkhāpada
pli-tv-bu-vb-sk14:1.0	
pli-tv-bu-vb-sk14:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk14:1.2	Tena kho pana samayena chabbaggiyā bhikkhū uccāsaddaṁ mahāsaddaṁ karontā antaraghare nisīdanti …pe….
pli-tv-bu-vb-sk14:1.3.0	
pli-tv-bu-vb-sk14:1.3.1	“Appasaddo antaraghare nisīdissāmīti sikkhā karaṇīyā”ti.
pli-tv-bu-vb-sk14:1.4	Appasaddena antaraghare nisīditabbaṁ.
pli-tv-bu-vb-sk14:1.5	Yo anādariyaṁ paṭicca uccāsaddaṁ mahāsaddaṁ karonto antaraghare nisīdati, āpatti dukkaṭassa.
pli-tv-bu-vb-sk14:1.6.0	
pli-tv-bu-vb-sk14:1.6.1	Anāpatti—
pli-tv-bu-vb-sk14:1.7.1	asañcicca …pe…
pli-tv-bu-vb-sk14:1.7.2	
pli-tv-bu-vb-sk14:1.7.3	
pli-tv-bu-vb-sk14:1.7.4	
pli-tv-bu-vb-sk14:1.7.5	
pli-tv-bu-vb-sk14:1.7.6	
pli-tv-bu-vb-sk14:1.8	ādikammikassāti.
pli-tv-bu-vb-sk14:1.9	Catutthasikkhāpadaṁ niṭṭhitaṁ.
pli-tv-bu-vb-sk15:0.1	Theravāda Vinaya
pli-tv-bu-vb-sk15:0.2	Mahāvibhaṅga
pli-tv-bu-vb-sk15:0.3	Sekhiyakaṇḍa
pli-tv-bu-vb-sk15:0.4	Ujjagghikavagga
pli-tv-bu-vb-sk15:0.5	15. Kāyappacālakasikkhāpada
pli-tv-bu-vb-sk15:1.0	
pli-tv-bu-vb-sk15:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk15:1.2	Tena kho pana samayena chabbaggiyā bhikkhū kāyappacālakaṁ antaraghare gacchanti kāyaṁ olambentā …pe….
pli-tv-bu-vb-sk15:1.3.0	
pli-tv-bu-vb-sk15:1.3.1	“Na kāyappacālakaṁ antaraghare gamissāmīti sikkhā karaṇīyā”ti.
pli-tv-bu-vb-sk15:1.4	Na kāyappacālakaṁ antaraghare gantabbaṁ.
pli-tv-bu-vb-sk15:1.5	Kāyaṁ paggahetvā gantabbaṁ.
pli-tv-bu-vb-sk15:1.6	Yo anādariyaṁ paṭicca kāyappacālakaṁ antaraghare gacchati kāyaṁ olambento, āpatti dukkaṭassa.
pli-tv-bu-vb-sk15:1.7.0	
pli-tv-bu-vb-sk15:1.7.1	Anāpatti—
pli-tv-bu-vb-sk15:1.8.1	asañcicca …pe…
pli-tv-bu-vb-sk15:1.8.2	
pli-tv-bu-vb-sk15:1.8.3	
pli-tv-bu-vb-sk15:1.8.4	
pli-tv-bu-vb-sk15:1.8.5	
pli-tv-bu-vb-sk15:1.8.6	
pli-tv-bu-vb-sk15:1.9	ādikammikassāti.
pli-tv-bu-vb-sk15:1.10	Pañcamasikkhāpadaṁ niṭṭhitaṁ.
pli-tv-bu-vb-sk16:0.1	Theravāda Vinaya
pli-tv-bu-vb-sk16:0.2	Mahāvibhaṅga
pli-tv-bu-vb-sk16:0.3	Sekhiyakaṇḍa
pli-tv-bu-vb-sk16:0.4	Ujjagghikavagga
pli-tv-bu-vb-sk16:0.5	16. Dutiyakāyappacālakasikkhāpada
pli-tv-bu-vb-sk16:1.0	
pli-tv-bu-vb-sk16:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk16:1.2	Tena kho pana samayena chabbaggiyā bhikkhū kāyappacālakaṁ antaraghare nisīdanti, kāyaṁ olambentā …pe….
pli-tv-bu-vb-sk16:1.3.0	
pli-tv-bu-vb-sk16:1.3.1	“Na kāyappacālakaṁ antaraghare nisīdissāmīti sikkhā karaṇīyā”ti.
pli-tv-bu-vb-sk16:1.4	Na kāyappacālakaṁ antaraghare nisīditabbaṁ.
pli-tv-bu-vb-sk16:1.5	Kāyaṁ paggahetvā nisīditabbaṁ.
pli-tv-bu-vb-sk16:1.6	Yo anādariyaṁ paṭicca kāyappacālakaṁ antaraghare nisīdati kāyaṁ olambento, āpatti dukkaṭassa.
pli-tv-bu-vb-sk16:1.7.0	
pli-tv-bu-vb-sk16:1.7.1	Anāpatti—
pli-tv-bu-vb-sk16:1.8	asañcicca,
pli-tv-bu-vb-sk16:1.9	assatiyā,
pli-tv-bu-vb-sk16:1.10	ajānantassa,
pli-tv-bu-vb-sk16:1.11	gilānassa,
pli-tv-bu-vb-sk16:1.12	vāsūpagatassa,
pli-tv-bu-vb-sk16:1.13	āpadāsu,
pli-tv-bu-vb-sk16:1.14	ummattakassa,
pli-tv-bu-vb-sk16:1.15	ādikammikassāti.
pli-tv-bu-vb-sk16:1.16	Chaṭṭhasikkhāpadaṁ niṭṭhitaṁ.
pli-tv-bu-vb-sk17:0.1	Theravāda Vinaya
pli-tv-bu-vb-sk17:0.2	Mahāvibhaṅga
pli-tv-bu-vb-sk17:0.3	Sekhiyakaṇḍa
pli-tv-bu-vb-sk17:0.4	Ujjagghikavagga
pli-tv-bu-vb-sk17:0.5	17. Bāhuppacālakasikkhāpada
pli-tv-bu-vb-sk17:1.0	
pli-tv-bu-vb-sk17:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk17:1.2	Tena kho pana samayena chabbaggiyā bhikkhū bāhuppacālakaṁ antaraghare gacchanti bāhuṁ olambentā …pe….
pli-tv-bu-vb-sk17:1.3.0	
pli-tv-bu-vb-sk17:1.3.1	“Na bāhuppacālakaṁ antaraghare gamissāmīti sikkhā karaṇīyā”ti.
pli-tv-bu-vb-sk17:1.4	Na bāhuppacālakaṁ antaraghare gantabbaṁ.
pli-tv-bu-vb-sk17:1.5	Bāhuṁ paggahetvā gantabbaṁ.
pli-tv-bu-vb-sk17:1.6	Yo anādariyaṁ paṭicca bāhuppacālakaṁ antaraghare gacchati bāhuṁ olambento, āpatti dukkaṭassa.
pli-tv-bu-vb-sk17:1.7.0	
pli-tv-bu-vb-sk17:1.7.1	Anāpatti—
pli-tv-bu-vb-sk17:1.8.1	asañcicca …pe…
pli-tv-bu-vb-sk17:1.8.2	
pli-tv-bu-vb-sk17:1.8.3	
pli-tv-bu-vb-sk17:1.8.4	
pli-tv-bu-vb-sk17:1.8.5	
pli-tv-bu-vb-sk17:1.8.6	
pli-tv-bu-vb-sk17:1.9	ādikammikassāti.
pli-tv-bu-vb-sk17:1.10	Sattamasikkhāpadaṁ niṭṭhitaṁ.
pli-tv-bu-vb-sk18:0.1	Theravāda Vinaya
pli-tv-bu-vb-sk18:0.2	Mahāvibhaṅga
pli-tv-bu-vb-sk18:0.3	Sekhiyakaṇḍa
pli-tv-bu-vb-sk18:0.4	Ujjagghikavagga
pli-tv-bu-vb-sk18:0.5	18. Dutiyabāhuppacālakasikkhāpada
pli-tv-bu-vb-sk18:1.0	
pli-tv-bu-vb-sk18:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk18:1.2	Tena kho pana samayena chabbaggiyā bhikkhū bāhuppacālakaṁ antaraghare nisīdanti bāhuṁ olambentā …pe….
pli-tv-bu-vb-sk18:1.3.0	
pli-tv-bu-vb-sk18:1.3.1	“Na bāhuppacālakaṁ antaraghare nisīdissāmīti sikkhā karaṇīyā”ti.
pli-tv-bu-vb-sk18:1.4	Na bāhuppacālakaṁ antaraghare nisīditabbaṁ.
pli-tv-bu-vb-sk18:1.5	Bāhuṁ paggahetvā nisīditabbaṁ.
pli-tv-bu-vb-sk18:1.6	Yo anādariyaṁ paṭicca bāhuppacālakaṁ antaraghare nisīdati bāhuṁ olambento, āpatti dukkaṭassa.
pli-tv-bu-vb-sk18:1.7.0	
pli-tv-bu-vb-sk18:1.7.1	Anāpatti—
pli-tv-bu-vb-sk18:1.8	asañcicca,
pli-tv-bu-vb-sk18:1.9	assatiyā,
pli-tv-bu-vb-sk18:1.10	ajānantassa,
pli-tv-bu-vb-sk18:1.11	gilānassa,
pli-tv-bu-vb-sk18:1.12	vāsūpagatassa,
pli-tv-bu-vb-sk18:1.13	āpadāsu,
pli-tv-bu-vb-sk18:1.14	ummattakassa,
pli-tv-bu-vb-sk18:1.15	ādikammikassāti.
pli-tv-bu-vb-sk18:1.16	Aṭṭhamasikkhāpadaṁ niṭṭhitaṁ.
pli-tv-bu-vb-sk19:0.1	Theravāda Vinaya
pli-tv-bu-vb-sk19:0.2	Mahāvibhaṅga
pli-tv-bu-vb-sk19:0.3	Sekhiyakaṇḍa
pli-tv-bu-vb-sk19:0.4	Ujjagghikavagga
pli-tv-bu-vb-sk19:0.5	19. Sīsappacālakasikkhāpada
pli-tv-bu-vb-sk19:1.0	
pli-tv-bu-vb-sk19:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk19:1.2	Tena kho pana samayena chabbaggiyā bhikkhū sīsappacālakaṁ antaraghare gacchanti sīsaṁ olambentā …pe….
pli-tv-bu-vb-sk19:1.3.0	
pli-tv-bu-vb-sk19:1.3.1	“Na sīsappacālakaṁ antaraghare gamissāmīti sikkhā karaṇīyā”ti.
pli-tv-bu-vb-sk19:1.4	Na sīsappacālakaṁ antaraghare gantabbaṁ.
pli-tv-bu-vb-sk19:1.5	Sīsaṁ paggahetvā gantabbaṁ.
pli-tv-bu-vb-sk19:1.6	Yo anādariyaṁ paṭicca sīsappacālakaṁ antaraghare gacchati sīsaṁ olambento, āpatti dukkaṭassa.
pli-tv-bu-vb-sk19:1.7.0	
pli-tv-bu-vb-sk19:1.7.1	Anāpatti—
pli-tv-bu-vb-sk19:1.8.1	asañcicca …pe…
pli-tv-bu-vb-sk19:1.8.2	
pli-tv-bu-vb-sk19:1.8.3	
pli-tv-bu-vb-sk19:1.8.4	
pli-tv-bu-vb-sk19:1.8.5	
pli-tv-bu-vb-sk19:1.8.6	
pli-tv-bu-vb-sk19:1.9	ādikammikassāti.
pli-tv-bu-vb-sk19:1.10	Navamasikkhāpadaṁ niṭṭhitaṁ.
pli-tv-bu-vb-sk20:0.1	Theravāda Vinaya
pli-tv-bu-vb-sk20:0.2	Mahāvibhaṅga
pli-tv-bu-vb-sk20:0.3	Sekhiyakaṇḍa
pli-tv-bu-vb-sk20:0.4	Ujjagghikavagga
pli-tv-bu-vb-sk20:0.5	20. Dutiyasīsappacālakasikkhāpada
pli-tv-bu-vb-sk20:1.0	
pli-tv-bu-vb-sk20:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk20:1.2	Tena kho pana samayena chabbaggiyā bhikkhū sīsappacālakaṁ antaraghare nisīdanti sīsaṁ olambentā …pe….
pli-tv-bu-vb-sk20:1.3.0	
pli-tv-bu-vb-sk20:1.3.1	“Na sīsappacālakaṁ antaraghare nisīdissāmīti sikkhā karaṇīyā”ti.
pli-tv-bu-vb-sk20:1.4	Na sīsappacālakaṁ antaraghare nisīditabbaṁ.
pli-tv-bu-vb-sk20:1.5	Sīsaṁ paggahetvā nisīditabbaṁ.
pli-tv-bu-vb-sk20:1.6	Yo anādariyaṁ paṭicca sīsappacālakaṁ antaraghare nisīdati sīsaṁ olambento, āpatti dukkaṭassa.
pli-tv-bu-vb-sk20:1.7.0	
pli-tv-bu-vb-sk20:1.7.1	Anāpatti—
pli-tv-bu-vb-sk20:1.8	asañcicca,
pli-tv-bu-vb-sk20:1.9	assatiyā,
pli-tv-bu-vb-sk20:1.10	ajānantassa,
pli-tv-bu-vb-sk20:1.11	gilānassa,
pli-tv-bu-vb-sk20:1.12	vāsūpagatassa,
pli-tv-bu-vb-sk20:1.13	āpadāsu,
pli-tv-bu-vb-sk20:1.14	ummattakassa,
pli-tv-bu-vb-sk20:1.15	ādikammikassāti.
pli-tv-bu-vb-sk20:1.16	Dasamasikkhāpadaṁ niṭṭhitaṁ.
pli-tv-bu-vb-sk20:1.17	Ujjagghikavaggo dutiyo.
pli-tv-bu-vb-sk21:0.1	Theravāda Vinaya
pli-tv-bu-vb-sk21:0.2	Mahāvibhaṅga
pli-tv-bu-vb-sk21:0.3	Sekhiyakaṇḍa
pli-tv-bu-vb-sk21:0.4	Khambhakatavagga
pli-tv-bu-vb-sk21:0.5	21. Khambhakatasikkhāpada
pli-tv-bu-vb-sk21:1.0	
pli-tv-bu-vb-sk21:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk21:1.2	Tena kho pana samayena chabbaggiyā bhikkhū khambhakatā antaraghare gacchanti …pe….
pli-tv-bu-vb-sk21:1.3.0	
pli-tv-bu-vb-sk21:1.3.1	“Na khambhakato antaraghare gamissāmīti sikkhā karaṇīyā”ti.
pli-tv-bu-vb-sk21:1.4	Na khambhakatena antaraghare gantabbaṁ.
pli-tv-bu-vb-sk21:1.5	Yo anādariyaṁ paṭicca ekato vā ubhato vā khambhaṁ katvā antaraghare gacchati, āpatti dukkaṭassa.
pli-tv-bu-vb-sk21:1.6.0	
pli-tv-bu-vb-sk21:1.6.1	Anāpatti—
pli-tv-bu-vb-sk21:1.7.1	asañcicca …pe…
pli-tv-bu-vb-sk21:1.7.2	
pli-tv-bu-vb-sk21:1.7.3	
pli-tv-bu-vb-sk21:1.7.4	
pli-tv-bu-vb-sk21:1.7.5	
pli-tv-bu-vb-sk21:1.7.6	
pli-tv-bu-vb-sk21:1.8	ādikammikassāti.
pli-tv-bu-vb-sk21:1.9	Paṭhamasikkhāpadaṁ niṭṭhitaṁ.
pli-tv-bu-vb-sk22:0.1	Theravāda Vinaya
pli-tv-bu-vb-sk22:0.2	Mahāvibhaṅga
pli-tv-bu-vb-sk22:0.3	Sekhiyakaṇḍa
pli-tv-bu-vb-sk22:0.4	Khambhakatavagga
pli-tv-bu-vb-sk22:0.5	22. Dutiyakhambhakatasikkhāpada
pli-tv-bu-vb-sk22:1.0	
pli-tv-bu-vb-sk22:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk22:1.2	Tena kho pana samayena chabbaggiyā bhikkhū khambhakatā antaraghare nisīdanti …pe….
pli-tv-bu-vb-sk22:1.3.0	
pli-tv-bu-vb-sk22:1.3.1	“Na khambhakato antaraghare nisīdissāmīti sikkhā karaṇīyā”ti.
pli-tv-bu-vb-sk22:1.4	Na khambhakatena antaraghare nisīditabbaṁ.
pli-tv-bu-vb-sk22:1.5	Yo anādariyaṁ paṭicca ekato vā ubhato vā khambhaṁ katvā antaraghare nisīdati, āpatti dukkaṭassa.
pli-tv-bu-vb-sk22:1.6.0	
pli-tv-bu-vb-sk22:1.6.1	Anāpatti—
pli-tv-bu-vb-sk22:1.7	asañcicca,
pli-tv-bu-vb-sk22:1.8	assatiyā,
pli-tv-bu-vb-sk22:1.9	ajānantassa,
pli-tv-bu-vb-sk22:1.10	gilānassa,
pli-tv-bu-vb-sk22:1.11	vāsūpagatassa,
pli-tv-bu-vb-sk22:1.12	āpadāsu,
pli-tv-bu-vb-sk22:1.13	ummattakassa,
pli-tv-bu-vb-sk22:1.14	ādikammikassāti.
pli-tv-bu-vb-sk22:1.15	Dutiyasikkhāpadaṁ niṭṭhitaṁ.
pli-tv-bu-vb-sk23:0.1	Theravāda Vinaya
pli-tv-bu-vb-sk23:0.2	Mahāvibhaṅga
pli-tv-bu-vb-sk23:0.3	Sekhiyakaṇḍa
pli-tv-bu-vb-sk23:0.4	Khambhakatavagga
pli-tv-bu-vb-sk23:0.5	23. Oguṇṭhitasikkhāpada
pli-tv-bu-vb-sk23:1.0	
pli-tv-bu-vb-sk23:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk23:1.2	Tena kho pana samayena chabbaggiyā bhikkhū sasīsaṁ pārupitvā antaraghare gacchanti …pe….
pli-tv-bu-vb-sk23:1.3.0	
pli-tv-bu-vb-sk23:1.3.1	“Na oguṇṭhito antaraghare gamissāmīti sikkhā karaṇīyā”ti.
pli-tv-bu-vb-sk23:1.4	Na oguṇṭhitena antaraghare gantabbaṁ.
pli-tv-bu-vb-sk23:1.5	Yo anādariyaṁ paṭicca sasīsaṁ pārupitvā antaraghare gacchati, āpatti dukkaṭassa.
pli-tv-bu-vb-sk23:1.6.0	
pli-tv-bu-vb-sk23:1.6.1	Anāpatti—
pli-tv-bu-vb-sk23:1.7.1	asañcicca …pe…
pli-tv-bu-vb-sk23:1.7.2	
pli-tv-bu-vb-sk23:1.7.3	
pli-tv-bu-vb-sk23:1.7.4	
pli-tv-bu-vb-sk23:1.7.5	
pli-tv-bu-vb-sk23:1.7.6	
pli-tv-bu-vb-sk23:1.8	ādikammikassāti.
pli-tv-bu-vb-sk23:1.9	Tatiyasikkhāpadaṁ niṭṭhitaṁ.
pli-tv-bu-vb-sk24:0.1	Theravāda Vinaya
pli-tv-bu-vb-sk24:0.2	Mahāvibhaṅga
pli-tv-bu-vb-sk24:0.3	Sekhiyakaṇḍa
pli-tv-bu-vb-sk24:0.4	Khambhakatavagga
pli-tv-bu-vb-sk24:0.5	24. Dutiyaoguṇṭhitasikkhāpada
pli-tv-bu-vb-sk24:1.0	
pli-tv-bu-vb-sk24:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk24:1.2	Tena kho pana samayena chabbaggiyā bhikkhū sasīsaṁ pārupitvā antaraghare nisīdanti …pe….
pli-tv-bu-vb-sk24:1.3.0	
pli-tv-bu-vb-sk24:1.3.1	“Na oguṇṭhito antaraghare nisīdissāmīti sikkhā karaṇīyā”ti.
pli-tv-bu-vb-sk24:1.4	Na oguṇṭhitena antaraghare nisīditabbaṁ.
pli-tv-bu-vb-sk24:1.5	Yo anādariyaṁ paṭicca sasīsaṁ pārupitvā antaraghare nisīdati, āpatti dukkaṭassa.
pli-tv-bu-vb-sk24:1.6.0	
pli-tv-bu-vb-sk24:1.6.1	Anāpatti—
pli-tv-bu-vb-sk24:1.7	asañcicca,
pli-tv-bu-vb-sk24:1.8	assatiyā,
pli-tv-bu-vb-sk24:1.9	ajānantassa,
pli-tv-bu-vb-sk24:1.10	gilānassa,
pli-tv-bu-vb-sk24:1.11	vāsūpagatassa,
pli-tv-bu-vb-sk24:1.12	āpadāsu,
pli-tv-bu-vb-sk24:1.13	ummattakassa,
pli-tv-bu-vb-sk24:1.14	ādikammikassāti.
pli-tv-bu-vb-sk24:1.15	Catutthasikkhāpadaṁ niṭṭhitaṁ.
pli-tv-bu-vb-sk25:0.1	Theravāda Vinaya
pli-tv-bu-vb-sk25:0.2	Mahāvibhaṅga
pli-tv-bu-vb-sk25:0.3	Sekhiyakaṇḍa
pli-tv-bu-vb-sk25:0.4	Khambhakatavagga
pli-tv-bu-vb-sk25:0.5	25. Ukkuṭikasikkhāpada
pli-tv-bu-vb-sk25:1.0	
pli-tv-bu-vb-sk25:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk25:1.2	Tena kho pana samayena chabbaggiyā bhikkhū ukkuṭikāya antaraghare gacchanti …pe….
pli-tv-bu-vb-sk25:1.3.0	
pli-tv-bu-vb-sk25:1.3.1	“Na ukkuṭikāya antaraghare gamissāmīti sikkhā karaṇīyā”ti.
pli-tv-bu-vb-sk25:1.4	Na ukkuṭikāya antaraghare gantabbaṁ.
pli-tv-bu-vb-sk25:1.5	Yo anādariyaṁ paṭicca ukkuṭikāya antaraghare gacchati, āpatti dukkaṭassa.
pli-tv-bu-vb-sk25:1.6.0	
pli-tv-bu-vb-sk25:1.6.1	Anāpatti—
pli-tv-bu-vb-sk25:1.7.1	asañcicca …pe…
pli-tv-bu-vb-sk25:1.7.2	
pli-tv-bu-vb-sk25:1.7.3	
pli-tv-bu-vb-sk25:1.7.4	
pli-tv-bu-vb-sk25:1.7.5	
pli-tv-bu-vb-sk25:1.7.6	
pli-tv-bu-vb-sk25:1.8	ādikammikassāti.
pli-tv-bu-vb-sk25:1.9	Pañcamasikkhāpadaṁ niṭṭhitaṁ.
pli-tv-bu-vb-sk26:0.1	Theravāda Vinaya
pli-tv-bu-vb-sk26:0.2	Mahāvibhaṅga
pli-tv-bu-vb-sk26:0.3	Sekhiyakaṇḍa
pli-tv-bu-vb-sk26:0.4	Khambhakatavagga
pli-tv-bu-vb-sk26:0.5	26. Pallatthikasikkhāpada
pli-tv-bu-vb-sk26:1.0	
pli-tv-bu-vb-sk26:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk26:1.2	Tena kho pana samayena chabbaggiyā bhikkhū pallatthikāya antaraghare nisīdanti …pe….
pli-tv-bu-vb-sk26:1.3.0	
pli-tv-bu-vb-sk26:1.3.1	“Na pallatthikāya antaraghare nisīdissāmīti sikkhā karaṇīyā”ti.
pli-tv-bu-vb-sk26:1.4	Na pallatthikāya antaraghare nisīditabbaṁ.
pli-tv-bu-vb-sk26:1.5	Yo anādariyaṁ paṭicca hatthapallatthikāya vā dussapallatthikāya vā antaraghare nisīdati, āpatti dukkaṭassa.
pli-tv-bu-vb-sk26:1.6.0	
pli-tv-bu-vb-sk26:1.6.1	Anāpatti—
pli-tv-bu-vb-sk26:1.7	asañcicca,
pli-tv-bu-vb-sk26:1.8	assatiyā,
pli-tv-bu-vb-sk26:1.9	ajānantassa,
pli-tv-bu-vb-sk26:1.10	gilānassa,
pli-tv-bu-vb-sk26:1.11	vāsūpagatassa,
pli-tv-bu-vb-sk26:1.12	āpadāsu,
pli-tv-bu-vb-sk26:1.13	ummattakassa,
pli-tv-bu-vb-sk26:1.14	ādikammikassāti.
pli-tv-bu-vb-sk26:1.15	Chaṭṭhasikkhāpadaṁ niṭṭhitaṁ.
pli-tv-bu-vb-sk27:0.1	Theravāda Vinaya
pli-tv-bu-vb-sk27:0.2	Mahāvibhaṅga
pli-tv-bu-vb-sk27:0.3	Sekhiyakaṇḍa
pli-tv-bu-vb-sk27:0.4	Khambhakatavagga
pli-tv-bu-vb-sk27:0.5	27. Sakkaccapaṭiggahaṇasikkhāpada
pli-tv-bu-vb-sk27:1.0	
pli-tv-bu-vb-sk27:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk27:1.2	Tena kho pana samayena chabbaggiyā bhikkhū asakkaccaṁ piṇḍapātaṁ paṭiggaṇhanti chaḍḍetukāmā viya …pe….
pli-tv-bu-vb-sk27:1.3.0	
pli-tv-bu-vb-sk27:1.3.1	“Sakkaccaṁ piṇḍapātaṁ paṭiggahessāmīti sikkhā karaṇīyā”ti.
pli-tv-bu-vb-sk27:1.4	Sakkaccaṁ piṇḍapāto paṭiggahetabbo.
pli-tv-bu-vb-sk27:1.5	Yo anādariyaṁ paṭicca asakkaccaṁ piṇḍapātaṁ paṭiggaṇhāti chaḍḍetukāmo viya, āpatti dukkaṭassa.
pli-tv-bu-vb-sk27:1.6.0	
pli-tv-bu-vb-sk27:1.6.1	Anāpatti—
pli-tv-bu-vb-sk27:1.7.1	asañcicca …pe…
pli-tv-bu-vb-sk27:1.7.2	
pli-tv-bu-vb-sk27:1.7.3	
pli-tv-bu-vb-sk27:1.7.4	
pli-tv-bu-vb-sk27:1.7.5	
pli-tv-bu-vb-sk27:1.7.6	
pli-tv-bu-vb-sk27:1.8	ādikammikassāti.
pli-tv-bu-vb-sk27:1.9	Sattamasikkhāpadaṁ niṭṭhitaṁ.
pli-tv-bu-vb-sk28:0.1	Theravāda Vinaya
pli-tv-bu-vb-sk28:0.2	Mahāvibhaṅga
pli-tv-bu-vb-sk28:0.3	Sekhiyakaṇḍa
pli-tv-bu-vb-sk28:0.4	Khambhakatavagga
pli-tv-bu-vb-sk28:0.5	28. Pattasaññīpaṭiggahaṇasikkhāpada
pli-tv-bu-vb-sk28:1.0	
pli-tv-bu-vb-sk28:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk28:1.2	Tena kho pana samayena chabbaggiyā bhikkhū tahaṁ tahaṁ olokentā piṇḍapātaṁ paṭiggaṇhanti, ākirantepi atikkantepi na jānanti …pe….
pli-tv-bu-vb-sk28:1.3.0	
pli-tv-bu-vb-sk28:1.3.1	“Pattasaññī piṇḍapātaṁ paṭiggahessāmīti sikkhā karaṇīyā”ti.
pli-tv-bu-vb-sk28:1.4	Pattasaññinā piṇḍapāto paṭiggahetabbo.
pli-tv-bu-vb-sk28:1.5	Yo anādariyaṁ paṭicca tahaṁ tahaṁ olokento piṇḍapātaṁ paṭiggaṇhāti, āpatti dukkaṭassa.
pli-tv-bu-vb-sk28:1.6.0	
pli-tv-bu-vb-sk28:1.6.1	Anāpatti—
pli-tv-bu-vb-sk28:1.7.1	asañcicca …pe…
pli-tv-bu-vb-sk28:1.7.2	
pli-tv-bu-vb-sk28:1.7.3	
pli-tv-bu-vb-sk28:1.7.4	
pli-tv-bu-vb-sk28:1.7.5	
pli-tv-bu-vb-sk28:1.7.6	
pli-tv-bu-vb-sk28:1.8	ādikammikassāti.
pli-tv-bu-vb-sk28:1.9	Aṭṭhamasikkhāpadaṁ niṭṭhitaṁ.
pli-tv-bu-vb-sk29:0.1	Theravāda Vinaya
pli-tv-bu-vb-sk29:0.2	Mahāvibhaṅga
pli-tv-bu-vb-sk29:0.3	Sekhiyakaṇḍa
pli-tv-bu-vb-sk29:0.4	Khambhakatavagga
pli-tv-bu-vb-sk29:0.5	29. Samasūpakapaṭiggahaṇasikkhāpada
pli-tv-bu-vb-sk29:1.0	
pli-tv-bu-vb-sk29:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk29:1.2	Tena kho pana samayena chabbaggiyā bhikkhū piṇḍapātaṁ paṭiggaṇhantā sūpaññeva bahuṁ paṭiggaṇhanti …pe….
pli-tv-bu-vb-sk29:1.3.0	
pli-tv-bu-vb-sk29:1.3.1	“Samasūpakaṁ piṇḍapātaṁ paṭiggahessāmīti sikkhā karaṇīyā”ti.
pli-tv-bu-vb-sk29:1.4.0	
pli-tv-bu-vb-sk29:1.4.1	Sūpo nāma
pli-tv-bu-vb-sk29:1.5	dve sūpā— muggasūpo, māsasūpo hatthahāriyo.
pli-tv-bu-vb-sk29:1.6	Samasūpako piṇḍapāto paṭiggahetabbo.
pli-tv-bu-vb-sk29:1.7	Yo anādariyaṁ paṭicca sūpaññeva bahuṁ paṭiggaṇhāti, āpatti dukkaṭassa.
pli-tv-bu-vb-sk29:1.8.0	
pli-tv-bu-vb-sk29:1.8.1	Anāpatti—
pli-tv-bu-vb-sk29:1.9	asañcicca,
pli-tv-bu-vb-sk29:1.10	assatiyā,
pli-tv-bu-vb-sk29:1.11	ajānantassa,
pli-tv-bu-vb-sk29:1.12	gilānassa,
pli-tv-bu-vb-sk29:1.13	rasarase,
pli-tv-bu-vb-sk29:1.14	ñātakānaṁ,
pli-tv-bu-vb-sk29:1.15	pavāritānaṁ,
pli-tv-bu-vb-sk29:1.16	aññassatthāya,
pli-tv-bu-vb-sk29:1.17	attano dhanena,
pli-tv-bu-vb-sk29:1.18	āpadāsu,
pli-tv-bu-vb-sk29:1.19	ummattakassa,
pli-tv-bu-vb-sk29:1.20	ādikammikassāti.
pli-tv-bu-vb-sk29:1.21	Navamasikkhāpadaṁ niṭṭhitaṁ.
pli-tv-bu-vb-sk30:0.1	Theravāda Vinaya
pli-tv-bu-vb-sk30:0.2	Mahāvibhaṅga
pli-tv-bu-vb-sk30:0.3	Sekhiyakaṇḍa
pli-tv-bu-vb-sk30:0.4	Khambhakatavagga
pli-tv-bu-vb-sk30:0.5	30. Samatittikasikkhāpada
pli-tv-bu-vb-sk30:1.0	
pli-tv-bu-vb-sk30:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk30:1.2	Tena kho pana samayena chabbaggiyā bhikkhū thūpīkataṁ piṇḍapātaṁ paṭiggaṇhanti …pe….
pli-tv-bu-vb-sk30:1.3.0	
pli-tv-bu-vb-sk30:1.3.1	“Samatittikaṁ piṇḍapātaṁ paṭiggahessāmīti sikkhā karaṇīyā”ti.
pli-tv-bu-vb-sk30:1.4	Samatittiko piṇḍapāto paṭiggahetabbo.
pli-tv-bu-vb-sk30:1.5	Yo anādariyaṁ paṭicca thūpīkataṁ piṇḍapātaṁ paṭiggaṇhāti, āpatti dukkaṭassa.
pli-tv-bu-vb-sk30:1.6.0	
pli-tv-bu-vb-sk30:1.6.1	Anāpatti—
pli-tv-bu-vb-sk30:1.7.1	asañcicca,
pli-tv-bu-vb-sk30:1.7.2	assatiyā,
pli-tv-bu-vb-sk30:1.7.3	ajānantassa,
pli-tv-bu-vb-sk30:1.7.4	āpadāsu,
pli-tv-bu-vb-sk30:1.8	ummattakassa,
pli-tv-bu-vb-sk30:1.9	ādikammikassāti.
pli-tv-bu-vb-sk30:1.10	Dasamasikkhāpadaṁ niṭṭhitaṁ.
pli-tv-bu-vb-sk30:1.11	Khambhakatavaggo tatiyo.
pli-tv-bu-vb-sk31:0.1	Theravāda Vinaya
pli-tv-bu-vb-sk31:0.2	Mahāvibhaṅga
pli-tv-bu-vb-sk31:0.3	Sekhiyakaṇḍa
pli-tv-bu-vb-sk31:0.4	Sakkaccavagga
pli-tv-bu-vb-sk31:0.5	31. Sakkaccasikkhāpada
pli-tv-bu-vb-sk31:1.0	
pli-tv-bu-vb-sk31:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk31:1.2	Tena kho pana samayena chabbaggiyā bhikkhū asakkaccaṁ piṇḍapātaṁ bhuñjanti abhuñjitukāmā viya …pe….
pli-tv-bu-vb-sk31:1.3.0	
pli-tv-bu-vb-sk31:1.3.1	“Sakkaccaṁ piṇḍapātaṁ bhuñjissāmīti sikkhā karaṇīyā”ti.
pli-tv-bu-vb-sk31:1.4	Sakkaccaṁ piṇḍapāto bhuñjitabbo.
pli-tv-bu-vb-sk31:1.5	Yo anādariyaṁ paṭicca asakkaccaṁ piṇḍapātaṁ bhuñjati, āpatti dukkaṭassa.
pli-tv-bu-vb-sk31:1.6.0	
pli-tv-bu-vb-sk31:1.6.1	Anāpatti—
pli-tv-bu-vb-sk31:1.7	asañcicca,
pli-tv-bu-vb-sk31:1.8	assatiyā,
pli-tv-bu-vb-sk31:1.9	ajānantassa,
pli-tv-bu-vb-sk31:1.10	gilānassa,
pli-tv-bu-vb-sk31:1.11	āpadāsu,
pli-tv-bu-vb-sk31:1.12	ummattakassa,
pli-tv-bu-vb-sk31:1.13	ādikammikassāti.
pli-tv-bu-vb-sk31:1.14	Paṭhamasikkhāpadaṁ niṭṭhitaṁ.
pli-tv-bu-vb-sk32:0.1	Theravāda Vinaya
pli-tv-bu-vb-sk32:0.2	Mahāvibhaṅga
pli-tv-bu-vb-sk32:0.3	Sekhiyakaṇḍa
pli-tv-bu-vb-sk32:0.4	Sakkaccavagga
pli-tv-bu-vb-sk32:0.5	32. Pattasaññīsikkhāpada
pli-tv-bu-vb-sk32:1.0	
pli-tv-bu-vb-sk32:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk32:1.2	Tena kho pana samayena chabbaggiyā bhikkhū tahaṁ tahaṁ olokentā piṇḍapātaṁ bhuñjanti, ākirantepi atikkantepi na jānanti …pe….
pli-tv-bu-vb-sk32:1.3.0	
pli-tv-bu-vb-sk32:1.3.1	“Pattasaññī piṇḍapātaṁ bhuñjissāmīti sikkhā karaṇīyā”ti.
pli-tv-bu-vb-sk32:1.4	Pattasaññinā piṇḍapāto bhuñjitabbo.
pli-tv-bu-vb-sk32:1.5	Yo anādariyaṁ paṭicca tahaṁ tahaṁ olokento piṇḍapātaṁ bhuñjati, āpatti dukkaṭassa.
pli-tv-bu-vb-sk32:1.6.0	
pli-tv-bu-vb-sk32:1.6.1	Anāpatti—
pli-tv-bu-vb-sk32:1.7.1	asañcicca …pe…
pli-tv-bu-vb-sk32:1.7.2	
pli-tv-bu-vb-sk32:1.7.3	
pli-tv-bu-vb-sk32:1.7.4	
pli-tv-bu-vb-sk32:1.7.5	
pli-tv-bu-vb-sk32:1.7.6	
pli-tv-bu-vb-sk32:1.8	ādikammikassāti.
pli-tv-bu-vb-sk32:1.9	Dutiyasikkhāpadaṁ niṭṭhitaṁ.
pli-tv-bu-vb-sk33:0.1	Theravāda Vinaya
pli-tv-bu-vb-sk33:0.2	Mahāvibhaṅga
pli-tv-bu-vb-sk33:0.3	Sekhiyakaṇḍa
pli-tv-bu-vb-sk33:0.4	Sakkaccavagga
pli-tv-bu-vb-sk33:0.5	33. Sapadānasikkhāpada
pli-tv-bu-vb-sk33:1.0	
pli-tv-bu-vb-sk33:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk33:1.2	Tena kho pana samayena chabbaggiyā bhikkhū tahaṁ tahaṁ omasitvā piṇḍapātaṁ bhuñjanti …pe….
pli-tv-bu-vb-sk33:1.3.0	
pli-tv-bu-vb-sk33:1.3.1	“Sapadānaṁ piṇḍapātaṁ bhuñjissāmīti sikkhā karaṇīyā”ti.
pli-tv-bu-vb-sk33:1.4	Sapadānaṁ piṇḍapāto bhuñjitabbo.
pli-tv-bu-vb-sk33:1.5	Yo anādariyaṁ paṭicca tahaṁ tahaṁ omasitvā piṇḍapātaṁ bhuñjati, āpatti dukkaṭassa.
pli-tv-bu-vb-sk33:1.6.0	
pli-tv-bu-vb-sk33:1.6.1	Anāpatti—
pli-tv-bu-vb-sk33:1.7	asañcicca,
pli-tv-bu-vb-sk33:1.8	assatiyā,
pli-tv-bu-vb-sk33:1.9	ajānantassa,
pli-tv-bu-vb-sk33:1.10	gilānassa,
pli-tv-bu-vb-sk33:1.11	aññesaṁ dento omasati,
pli-tv-bu-vb-sk33:1.12	aññassa bhājane ākiranto omasati,
pli-tv-bu-vb-sk33:1.13	uttaribhaṅge,
pli-tv-bu-vb-sk33:1.14	āpadāsu,
pli-tv-bu-vb-sk33:1.15	ummattakassa,
pli-tv-bu-vb-sk33:1.16	ādikammikassāti.
pli-tv-bu-vb-sk33:1.17	Tatiyasikkhāpadaṁ niṭṭhitaṁ.
pli-tv-bu-vb-sk34:0.1	Theravāda Vinaya
pli-tv-bu-vb-sk34:0.2	Mahāvibhaṅga
pli-tv-bu-vb-sk34:0.3	Sekhiyakaṇḍa
pli-tv-bu-vb-sk34:0.4	Sakkaccavagga
pli-tv-bu-vb-sk34:0.5	34. Samasūpakasikkhāpada
pli-tv-bu-vb-sk34:1.0	
pli-tv-bu-vb-sk34:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk34:1.2	Tena kho pana samayena chabbaggiyā bhikkhū piṇḍapātaṁ bhuñjantā sūpaññeva bahuṁ bhuñjanti …pe….
pli-tv-bu-vb-sk34:1.3.0	
pli-tv-bu-vb-sk34:1.3.1	“Samasūpakaṁ piṇḍapātaṁ bhuñjissāmīti sikkhā karaṇīyā”ti.
pli-tv-bu-vb-sk34:1.4.0	
pli-tv-bu-vb-sk34:1.4.1	Sūpo nāma
pli-tv-bu-vb-sk34:1.5	dve sūpā—
pli-tv-bu-vb-sk34:1.6	muggasūpo, māsasūpo hatthahāriyo.
pli-tv-bu-vb-sk34:1.7	Samasūpako piṇḍapāto bhuñjitabbo.
pli-tv-bu-vb-sk34:1.8	Yo anādariyaṁ paṭicca sūpaññeva bahuṁ bhuñjati, āpatti dukkaṭassa.
pli-tv-bu-vb-sk34:1.9.0	
pli-tv-bu-vb-sk34:1.9.1	Anāpatti—
pli-tv-bu-vb-sk34:1.10	asañcicca,
pli-tv-bu-vb-sk34:1.11	assatiyā,
pli-tv-bu-vb-sk34:1.12	ajānantassa,
pli-tv-bu-vb-sk34:1.13	gilānassa,
pli-tv-bu-vb-sk34:1.14	rasarase,
pli-tv-bu-vb-sk34:1.15	ñātakānaṁ,
pli-tv-bu-vb-sk34:1.16	pavāritānaṁ,
pli-tv-bu-vb-sk34:1.17	attano dhanena,
pli-tv-bu-vb-sk34:1.18	āpadāsu,
pli-tv-bu-vb-sk34:1.19	ummattakassa,
pli-tv-bu-vb-sk34:1.20	ādikammikassāti.
pli-tv-bu-vb-sk34:1.21	Catutthasikkhāpadaṁ niṭṭhitaṁ.
pli-tv-bu-vb-sk35:0.1	Theravāda Vinaya
pli-tv-bu-vb-sk35:0.2	Mahāvibhaṅga
pli-tv-bu-vb-sk35:0.3	Sekhiyakaṇḍa
pli-tv-bu-vb-sk35:0.4	Sakkaccavagga
pli-tv-bu-vb-sk35:0.5	35. Thūpakatasikkhāpada
pli-tv-bu-vb-sk35:1.0	
pli-tv-bu-vb-sk35:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk35:1.2	Tena kho pana samayena chabbaggiyā bhikkhū thūpakato omadditvā piṇḍapātaṁ bhuñjanti …pe….
pli-tv-bu-vb-sk35:1.3.0	
pli-tv-bu-vb-sk35:1.3.1	“Na thūpakato omadditvā piṇḍapātaṁ bhuñjissāmīti sikkhā karaṇīyā”ti.
pli-tv-bu-vb-sk35:1.4	Na thūpakato omadditvā piṇḍapāto bhuñjitabbo.
pli-tv-bu-vb-sk35:1.5	Yo anādariyaṁ paṭicca thūpakato omadditvā piṇḍapātaṁ bhuñjati āpatti dukkaṭassa.
pli-tv-bu-vb-sk35:1.6.0	
pli-tv-bu-vb-sk35:1.6.1	Anāpatti—
pli-tv-bu-vb-sk35:1.7	asañcicca,
pli-tv-bu-vb-sk35:1.8	assatiyā,
pli-tv-bu-vb-sk35:1.9	ajānantassa,
pli-tv-bu-vb-sk35:1.10	gilānassa,
pli-tv-bu-vb-sk35:1.11	parittake sese ekato saṅkaḍḍhitvā omadditvā bhuñjati,
pli-tv-bu-vb-sk35:1.12	āpadāsu,
pli-tv-bu-vb-sk35:1.13	ummattakassa,
pli-tv-bu-vb-sk35:1.14	ādikammikassāti.
pli-tv-bu-vb-sk35:1.15	Pañcamasikkhāpadaṁ niṭṭhitaṁ.
pli-tv-bu-vb-sk36:0.1	Theravāda Vinaya
pli-tv-bu-vb-sk36:0.2	Mahāvibhaṅga
pli-tv-bu-vb-sk36:0.3	Sekhiyakaṇḍa
pli-tv-bu-vb-sk36:0.4	Sakkaccavagga
pli-tv-bu-vb-sk36:0.5	36. Odanappaṭicchādanasikkhāpada
pli-tv-bu-vb-sk36:1.0	
pli-tv-bu-vb-sk36:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk36:1.2	Tena kho pana samayena chabbaggiyā bhikkhū sūpampi byañjanampi odanena paṭicchādenti bhiyyokamyataṁ upādāya …pe….
pli-tv-bu-vb-sk36:1.3.0	
pli-tv-bu-vb-sk36:1.3.1	“Na sūpaṁ vā byañjanaṁ vā odanena paṭicchādessāmi bhiyyokamyataṁ upādāyāti sikkhā karaṇīyā”ti.
pli-tv-bu-vb-sk36:1.4	Na sūpaṁ vā byañjanaṁ vā odanena paṭicchādetabbaṁ bhiyyokamyataṁ upādāya.
pli-tv-bu-vb-sk36:1.5	Yo anādariyaṁ paṭicca sūpaṁ vā byañjanaṁ vā odanena paṭicchādeti bhiyyokamyataṁ upādāya, āpatti dukkaṭassa.
pli-tv-bu-vb-sk36:1.6.0	
pli-tv-bu-vb-sk36:1.6.1	Anāpatti—
pli-tv-bu-vb-sk36:1.7	asañcicca,
pli-tv-bu-vb-sk36:1.8	assatiyā,
pli-tv-bu-vb-sk36:1.9	ajānantassa,
pli-tv-bu-vb-sk36:1.10	sāmikā paṭicchādetvā denti,
pli-tv-bu-vb-sk36:1.11	na bhiyyokamyataṁ upādāya,
pli-tv-bu-vb-sk36:1.12	āpadāsu,
pli-tv-bu-vb-sk36:1.13	ummattakassa,
pli-tv-bu-vb-sk36:1.14	ādikammikassāti.
pli-tv-bu-vb-sk36:1.15	Chaṭṭhasikkhāpadaṁ niṭṭhitaṁ.
pli-tv-bu-vb-sk37:0.1	Theravāda Vinaya
pli-tv-bu-vb-sk37:0.2	Mahāvibhaṅga
pli-tv-bu-vb-sk37:0.3	Sekhiyakaṇḍa
pli-tv-bu-vb-sk37:0.4	Sakkaccavagga
pli-tv-bu-vb-sk37:0.5	37. Sūpodanaviññattisikkhāpada
pli-tv-bu-vb-sk37:1.0.1	
pli-tv-bu-vb-sk37:1.0.2	
pli-tv-bu-vb-sk37:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk37:1.2	Tena kho pana samayena chabbaggiyā bhikkhū sūpampi odanampi attano atthāya viññāpetvā bhuñjanti.
pli-tv-bu-vb-sk37:1.3	Manussā ujjhāyanti khiyyanti vipācenti—
pli-tv-bu-vb-sk37:1.4	“kathañhi nāma samaṇā sakyaputtiyā sūpampi odanampi attano atthāya viññāpetvā bhuñjissanti.
pli-tv-bu-vb-sk37:1.5	Kassa sampannaṁ na manāpaṁ.
pli-tv-bu-vb-sk37:1.6	Kassa sāduṁ na ruccatī”ti.
pli-tv-bu-vb-sk37:1.7	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-sk37:1.8	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk37:1.9	“kathañhi nāma chabbaggiyā bhikkhū sūpampi odanampi attano atthāya viññāpetvā bhuñjissantī”ti …pe…
pli-tv-bu-vb-sk37:1.10	“saccaṁ kira tumhe, bhikkhave, sūpampi odanampi attano atthāya viññāpetvā bhuñjathā”ti?
pli-tv-bu-vb-sk37:1.11	“Saccaṁ, bhagavā”ti.
pli-tv-bu-vb-sk37:1.12	Vigarahi buddho bhagavā …pe…
pli-tv-bu-vb-sk37:1.13	kathañhi nāma tumhe, moghapurisā, sūpampi odanampi attano atthāya viññāpetvā bhuñjissatha.
pli-tv-bu-vb-sk37:1.14	Netaṁ, moghapurisā, appasannānaṁ vā pasādāya …pe…
pli-tv-bu-vb-sk37:1.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk37:1.16.0	
pli-tv-bu-vb-sk37:1.16.1	“Na sūpaṁ vā odanaṁ vā attano atthāya viññāpetvā bhuñjissāmīti sikkhā karaṇīyā”ti.
pli-tv-bu-vb-sk37:1.17	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-sk37:2.0	
pli-tv-bu-vb-sk37:2.1	Tena kho pana samayena bhikkhū gilānā honti.
pli-tv-bu-vb-sk37:2.2	Gilānapucchakā bhikkhū gilāne bhikkhū etadavocuṁ—
pli-tv-bu-vb-sk37:2.3	“kaccāvuso, khamanīyaṁ, kacci yāpanīyan”ti?
pli-tv-bu-vb-sk37:2.4	“Pubbe mayaṁ, āvuso, sūpampi odanampi attano atthāya viññāpetvā bhuñjāma, tena no phāsu hoti.
pli-tv-bu-vb-sk37:2.5	Idāni pana—
pli-tv-bu-vb-sk37:2.6	‘bhagavatā paṭikkhittan’ti kukkuccāyantā na viññāpema, tena no na phāsu hotī”ti.
pli-tv-bu-vb-sk37:2.7	Bhagavato etamatthaṁ ārocesuṁ …pe…
pli-tv-bu-vb-sk37:2.8	anujānāmi, bhikkhave, gilānena bhikkhunā sūpampi odanampi attano atthāya viññāpetvā bhuñjituṁ.
pli-tv-bu-vb-sk37:2.9	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk37:2.10.0	
pli-tv-bu-vb-sk37:2.10.1	“Na sūpaṁ vā odanaṁ vā agilāno attano atthāya viññāpetvā bhuñjissāmīti sikkhā karaṇīyā”ti.
pli-tv-bu-vb-sk37:2.11	Na sūpaṁ vā odanaṁ vā agilānena attano atthāya viññāpetvā bhuñjitabbaṁ.
pli-tv-bu-vb-sk37:2.12	Yo anādariyaṁ paṭicca sūpaṁ vā odanaṁ vā agilāno attano atthāya viññāpetvā bhuñjati, āpatti dukkaṭassa.
pli-tv-bu-vb-sk37:2.13.0	
pli-tv-bu-vb-sk37:2.13.1	Anāpatti—
pli-tv-bu-vb-sk37:2.14	asañcicca,
pli-tv-bu-vb-sk37:2.15	assatiyā,
pli-tv-bu-vb-sk37:2.16	ajānantassa,
pli-tv-bu-vb-sk37:2.17	gilānassa,
pli-tv-bu-vb-sk37:2.18	ñātakānaṁ,
pli-tv-bu-vb-sk37:2.19	pavāritānaṁ,
pli-tv-bu-vb-sk37:2.20	aññassatthāya,
pli-tv-bu-vb-sk37:2.21	attano dhanena,
pli-tv-bu-vb-sk37:2.22	āpadāsu,
pli-tv-bu-vb-sk37:2.23	ummattakassa,
pli-tv-bu-vb-sk37:2.24	ādikammikassāti.
pli-tv-bu-vb-sk37:2.25	Sattamasikkhāpadaṁ niṭṭhitaṁ.
pli-tv-bu-vb-sk38:0.1	Theravāda Vinaya
pli-tv-bu-vb-sk38:0.2	Mahāvibhaṅga
pli-tv-bu-vb-sk38:0.3	Sekhiyakaṇḍa
pli-tv-bu-vb-sk38:0.4	Sakkaccavagga
pli-tv-bu-vb-sk38:0.5	38. Ujjhānasaññīsikkhāpada
pli-tv-bu-vb-sk38:1.0	
pli-tv-bu-vb-sk38:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk38:1.2	Tena kho pana samayena chabbaggiyā bhikkhū ujjhānasaññī paresaṁ pattaṁ olokenti …pe….
pli-tv-bu-vb-sk38:1.3.0	
pli-tv-bu-vb-sk38:1.3.1	“Na ujjhānasaññī paresaṁ pattaṁ olokessāmīti sikkhā karaṇīyā”ti.
pli-tv-bu-vb-sk38:1.4	Na ujjhānasaññinā paresaṁ patto oloketabbo.
pli-tv-bu-vb-sk38:1.5	Yo anādariyaṁ paṭicca ujjhānasaññī paresaṁ pattaṁ oloketi, āpatti dukkaṭassa.
pli-tv-bu-vb-sk38:1.6.0	
pli-tv-bu-vb-sk38:1.6.1	Anāpatti—
pli-tv-bu-vb-sk38:1.7.1	asañcicca,
pli-tv-bu-vb-sk38:1.7.2	assatiyā,
pli-tv-bu-vb-sk38:1.7.3	ajānantassa,
pli-tv-bu-vb-sk38:1.7.4	“dassāmī”ti vā “dāpessāmī”ti vā oloketi,
pli-tv-bu-vb-sk38:1.7.5	na ujjhānasaññissa,
pli-tv-bu-vb-sk38:1.7.6	āpadāsu,
pli-tv-bu-vb-sk38:1.8	ummattakassa,
pli-tv-bu-vb-sk38:1.9	ādikammikassāti.
pli-tv-bu-vb-sk38:1.10	Aṭṭhamasikkhāpadaṁ niṭṭhitaṁ.
pli-tv-bu-vb-sk39:0.1	Theravāda Vinaya
pli-tv-bu-vb-sk39:0.2	Mahāvibhaṅga
pli-tv-bu-vb-sk39:0.3	Sekhiyakaṇḍa
pli-tv-bu-vb-sk39:0.4	Sakkaccavagga
pli-tv-bu-vb-sk39:0.5	39. Kabaḷasikkhāpada
pli-tv-bu-vb-sk39:1.0	
pli-tv-bu-vb-sk39:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk39:1.2	Tena kho pana samayena chabbaggiyā bhikkhū mahantaṁ kabaḷaṁ karonti …pe…
pli-tv-bu-vb-sk39:1.3.0	
pli-tv-bu-vb-sk39:1.3.1	“Nātimahantaṁ kabaḷaṁ karissāmīti sikkhā karaṇīyā”ti.
pli-tv-bu-vb-sk39:1.4	Nātimahanto kabaḷo kātabbo.
pli-tv-bu-vb-sk39:1.5	Yo anādariyaṁ paṭicca mahantaṁ kabaḷaṁ karoti, āpatti dukkaṭassa.
pli-tv-bu-vb-sk39:1.6.0	
pli-tv-bu-vb-sk39:1.6.1	Anāpatti—
pli-tv-bu-vb-sk39:1.7	asañcicca,
pli-tv-bu-vb-sk39:1.8	assatiyā,
pli-tv-bu-vb-sk39:1.9	ajānantassa,
pli-tv-bu-vb-sk39:1.10	gilānassa,
pli-tv-bu-vb-sk39:1.11	khajjake,
pli-tv-bu-vb-sk39:1.12	phalāphale,
pli-tv-bu-vb-sk39:1.13	uttaribhaṅge,
pli-tv-bu-vb-sk39:1.14	āpadāsu,
pli-tv-bu-vb-sk39:1.15	ummattakassa,
pli-tv-bu-vb-sk39:1.16	ādikammikassāti.
pli-tv-bu-vb-sk39:1.17	Navamasikkhāpadaṁ niṭṭhitaṁ.
pli-tv-bu-vb-sk40:0.1	Theravāda Vinaya
pli-tv-bu-vb-sk40:0.2	Mahāvibhaṅga
pli-tv-bu-vb-sk40:0.3	Sekhiyakaṇḍa
pli-tv-bu-vb-sk40:0.4	Sakkaccavagga
pli-tv-bu-vb-sk40:0.5	40. Ālopasikkhāpada
pli-tv-bu-vb-sk40:1.0	
pli-tv-bu-vb-sk40:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk40:1.2	Tena kho pana samayena chabbaggiyā bhikkhū dīghaṁ ālopaṁ karonti …pe….
pli-tv-bu-vb-sk40:1.3.0	
pli-tv-bu-vb-sk40:1.3.1	“Parimaṇḍalaṁ ālopaṁ karissāmīti sikkhā karaṇīyā”ti.
pli-tv-bu-vb-sk40:1.4	Parimaṇḍalo ālopo kātabbo.
pli-tv-bu-vb-sk40:1.5	Yo anādariyaṁ paṭicca dīghaṁ ālopaṁ karoti, āpatti dukkaṭassa.
pli-tv-bu-vb-sk40:1.6.0	
pli-tv-bu-vb-sk40:1.6.1	Anāpatti—
pli-tv-bu-vb-sk40:1.7	asañcicca,
pli-tv-bu-vb-sk40:1.8	assatiyā,
pli-tv-bu-vb-sk40:1.9	ajānantassa,
pli-tv-bu-vb-sk40:1.10	gilānassa,
pli-tv-bu-vb-sk40:1.11	khajjake,
pli-tv-bu-vb-sk40:1.12	phalāphale,
pli-tv-bu-vb-sk40:1.13	uttaribhaṅge,
pli-tv-bu-vb-sk40:1.14	āpadāsu,
pli-tv-bu-vb-sk40:1.15	ummattakassa,
pli-tv-bu-vb-sk40:1.16	ādikammikassāti.
pli-tv-bu-vb-sk40:1.17	Dasamasikkhāpadaṁ niṭṭhitaṁ.
pli-tv-bu-vb-sk40:1.18	Sakkaccavaggo catuttho.
pli-tv-bu-vb-sk41:0.1	Theravāda Vinaya
pli-tv-bu-vb-sk41:0.2	Mahāvibhaṅga
pli-tv-bu-vb-sk41:0.3	Sekhiyakaṇḍa
pli-tv-bu-vb-sk41:0.4	Kabaḷavagga
pli-tv-bu-vb-sk41:0.5	41. Anāhaṭasikkhāpada
pli-tv-bu-vb-sk41:1.0	
pli-tv-bu-vb-sk41:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk41:1.2	Tena kho pana samayena chabbaggiyā bhikkhū anāhaṭe kabaḷe mukhadvāraṁ vivaranti …pe….
pli-tv-bu-vb-sk41:1.3.0	
pli-tv-bu-vb-sk41:1.3.1	“Na anāhaṭe kabaḷe mukhadvāraṁ vivarissāmīti sikkhā karaṇīyā”ti.
pli-tv-bu-vb-sk41:1.4	Na anāhaṭe kabaḷe mukhadvāraṁ vivaritabbaṁ.
pli-tv-bu-vb-sk41:1.5	Yo anādariyaṁ paṭicca anāhaṭe kabaḷe mukhadvāraṁ vivarati, āpatti dukkaṭassa.
pli-tv-bu-vb-sk41:1.6.0	
pli-tv-bu-vb-sk41:1.6.1	Anāpatti—
pli-tv-bu-vb-sk41:1.7.1	asañcicca …pe…
pli-tv-bu-vb-sk41:1.7.2	
pli-tv-bu-vb-sk41:1.7.3	
pli-tv-bu-vb-sk41:1.7.4	
pli-tv-bu-vb-sk41:1.7.5	
pli-tv-bu-vb-sk41:1.7.6	
pli-tv-bu-vb-sk41:1.8	ādikammikassāti.
pli-tv-bu-vb-sk41:1.9	Paṭhamasikkhāpadaṁ niṭṭhitaṁ.
pli-tv-bu-vb-sk42:0.1	Theravāda Vinaya
pli-tv-bu-vb-sk42:0.2	Mahāvibhaṅga
pli-tv-bu-vb-sk42:0.3	Sekhiyakaṇḍa
pli-tv-bu-vb-sk42:0.4	Kabaḷavagga
pli-tv-bu-vb-sk42:0.5	42. Dutiyaanāhaṭasikkhāpada
pli-tv-bu-vb-sk42:1.0	
pli-tv-bu-vb-sk42:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk42:1.2	Tena kho pana samayena chabbaggiyā bhikkhū bhuñjamānā sabbaṁ hatthaṁ mukhe pakkhipanti …pe….
pli-tv-bu-vb-sk42:1.3.0	
pli-tv-bu-vb-sk42:1.3.1	“Na bhuñjamāno sabbaṁ hatthaṁ mukhe pakkhipissāmīti sikkhā karaṇīyā”ti.
pli-tv-bu-vb-sk42:1.4	Na bhuñjamānena sabbo hattho mukhe pakkhipitabbo.
pli-tv-bu-vb-sk42:1.5	Yo anādariyaṁ paṭicca bhuñjamāno sabbaṁ hatthaṁ mukhe pakkhipati, āpatti dukkaṭassa.
pli-tv-bu-vb-sk42:1.6.0	
pli-tv-bu-vb-sk42:1.6.1	Anāpatti—
pli-tv-bu-vb-sk42:1.7.1	asañcicca …pe…
pli-tv-bu-vb-sk42:1.7.2	
pli-tv-bu-vb-sk42:1.7.3	
pli-tv-bu-vb-sk42:1.7.4	
pli-tv-bu-vb-sk42:1.7.5	
pli-tv-bu-vb-sk42:1.7.6	
pli-tv-bu-vb-sk42:1.8	ādikammikassāti.
pli-tv-bu-vb-sk42:1.9	Dutiyasikkhāpadaṁ niṭṭhitaṁ.
pli-tv-bu-vb-sk43:0.1	Theravāda Vinaya
pli-tv-bu-vb-sk43:0.2	Mahāvibhaṅga
pli-tv-bu-vb-sk43:0.3	Sekhiyakaṇḍa
pli-tv-bu-vb-sk43:0.4	Kabaḷavagga
pli-tv-bu-vb-sk43:0.5	43. Sakabaḷasikkhāpada
pli-tv-bu-vb-sk43:1.0	
pli-tv-bu-vb-sk43:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk43:1.2	Tena kho pana samayena chabbaggiyā bhikkhū sakabaḷena mukhena byāharanti …pe….
pli-tv-bu-vb-sk43:1.3.0	
pli-tv-bu-vb-sk43:1.3.1	“Na sakabaḷena mukhena byāharissāmīti sikkhā karaṇīyā”ti.
pli-tv-bu-vb-sk43:1.4	Na sakabaḷena mukhena byāharitabbaṁ.
pli-tv-bu-vb-sk43:1.5	Yo anādariyaṁ paṭicca sakabaḷena mukhena byāharati, āpatti dukkaṭassa.
pli-tv-bu-vb-sk43:1.6.0	
pli-tv-bu-vb-sk43:1.6.1	Anāpatti—
pli-tv-bu-vb-sk43:1.7.1	asañcicca …pe…
pli-tv-bu-vb-sk43:1.7.2	
pli-tv-bu-vb-sk43:1.7.3	
pli-tv-bu-vb-sk43:1.7.4	
pli-tv-bu-vb-sk43:1.7.5	
pli-tv-bu-vb-sk43:1.7.6	
pli-tv-bu-vb-sk43:1.8	ādikammikassāti.
pli-tv-bu-vb-sk43:1.9	Tatiyasikkhāpadaṁ niṭṭhitaṁ.
pli-tv-bu-vb-sk44:0.1	Theravāda Vinaya
pli-tv-bu-vb-sk44:0.2	Mahāvibhaṅga
pli-tv-bu-vb-sk44:0.3	Sekhiyakaṇḍa
pli-tv-bu-vb-sk44:0.4	Kabaḷavagga
pli-tv-bu-vb-sk44:0.5	44. Piṇḍukkhepakasikkhāpada
pli-tv-bu-vb-sk44:1.0	
pli-tv-bu-vb-sk44:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk44:1.2	Tena kho pana samayena chabbaggiyā bhikkhū piṇḍukkhepakaṁ bhuñjanti …pe…
pli-tv-bu-vb-sk44:1.3.0	
pli-tv-bu-vb-sk44:1.3.1	“Na piṇḍukkhepakaṁ bhuñjissāmīti sikkhā karaṇīyā”ti.
pli-tv-bu-vb-sk44:1.4	Na piṇḍukkhepakaṁ bhuñjitabbaṁ.
pli-tv-bu-vb-sk44:1.5	Yo anādariyaṁ paṭicca piṇḍukkhepakaṁ bhuñjati, āpatti dukkaṭassa.
pli-tv-bu-vb-sk44:1.6.0	
pli-tv-bu-vb-sk44:1.6.1	Anāpatti—
pli-tv-bu-vb-sk44:1.7	asañcicca,
pli-tv-bu-vb-sk44:1.8	assatiyā,
pli-tv-bu-vb-sk44:1.9	ajānantassa,
pli-tv-bu-vb-sk44:1.10	gilānassa,
pli-tv-bu-vb-sk44:1.11	khajjake,
pli-tv-bu-vb-sk44:1.12	phalāphale,
pli-tv-bu-vb-sk44:1.13	āpadāsu,
pli-tv-bu-vb-sk44:1.14	ummattakassa,
pli-tv-bu-vb-sk44:1.15	ādikammikassāti.
pli-tv-bu-vb-sk44:1.16	Catutthasikkhāpadaṁ niṭṭhitaṁ.
pli-tv-bu-vb-sk45:0.1	Theravāda Vinaya
pli-tv-bu-vb-sk45:0.2	Mahāvibhaṅga
pli-tv-bu-vb-sk45:0.3	Sekhiyakaṇḍa
pli-tv-bu-vb-sk45:0.4	Kabaḷavagga
pli-tv-bu-vb-sk45:0.5	45. Kabaḷāvacchedakasikkhāpada
pli-tv-bu-vb-sk45:1.0	
pli-tv-bu-vb-sk45:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk45:1.2	Tena kho pana samayena chabbaggiyā bhikkhū kabaḷāvacchedakaṁ bhuñjanti …pe….
pli-tv-bu-vb-sk45:1.3.0	
pli-tv-bu-vb-sk45:1.3.1	“Na kabaḷāvacchedakaṁ bhuñjissāmīti sikkhā karaṇīyā”ti.
pli-tv-bu-vb-sk45:1.4	Na kabaḷāvacchedakaṁ bhuñjitabbaṁ.
pli-tv-bu-vb-sk45:1.5	Yo anādariyaṁ paṭicca kabaḷāvacchedakaṁ bhuñjati, āpatti dukkaṭassa.
pli-tv-bu-vb-sk45:1.6.0	
pli-tv-bu-vb-sk45:1.6.1	Anāpatti—
pli-tv-bu-vb-sk45:1.7	asañcicca,
pli-tv-bu-vb-sk45:1.8	assatiyā,
pli-tv-bu-vb-sk45:1.9	ajānantassa,
pli-tv-bu-vb-sk45:1.10	gilānassa,
pli-tv-bu-vb-sk45:1.11	khajjake,
pli-tv-bu-vb-sk45:1.12	phalāphale,
pli-tv-bu-vb-sk45:1.13	uttaribhaṅge,
pli-tv-bu-vb-sk45:1.14	āpadāsu,
pli-tv-bu-vb-sk45:1.15	ummattakassa,
pli-tv-bu-vb-sk45:1.16	ādikammikassāti.
pli-tv-bu-vb-sk45:1.17	Pañcamasikkhāpadaṁ niṭṭhitaṁ.
pli-tv-bu-vb-sk46:0.1	Theravāda Vinaya
pli-tv-bu-vb-sk46:0.2	Mahāvibhaṅga
pli-tv-bu-vb-sk46:0.3	Sekhiyakaṇḍa
pli-tv-bu-vb-sk46:0.4	Kabaḷavagga
pli-tv-bu-vb-sk46:0.5	46. Avagaṇḍakārakasikkhāpada
pli-tv-bu-vb-sk46:1.0	
pli-tv-bu-vb-sk46:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk46:1.2	Tena kho pana samayena chabbaggiyā bhikkhū avagaṇḍakārakaṁ bhuñjanti …pe…
pli-tv-bu-vb-sk46:1.3.0	
pli-tv-bu-vb-sk46:1.3.1	“Na avagaṇḍakārakaṁ bhuñjissāmīti sikkhā karaṇīyā”ti.
pli-tv-bu-vb-sk46:1.4	Na avagaṇḍakārakaṁ bhuñjitabbaṁ.
pli-tv-bu-vb-sk46:1.5	Yo anādariyaṁ paṭicca ekato vā ubhato vā gaṇḍaṁ katvā bhuñjati, āpatti dukkaṭassa.
pli-tv-bu-vb-sk46:1.6.0	
pli-tv-bu-vb-sk46:1.6.1	Anāpatti—
pli-tv-bu-vb-sk46:1.7	asañcicca,
pli-tv-bu-vb-sk46:1.8	assatiyā,
pli-tv-bu-vb-sk46:1.9	ajānantassa,
pli-tv-bu-vb-sk46:1.10	gilānassa,
pli-tv-bu-vb-sk46:1.11	phalāphale,
pli-tv-bu-vb-sk46:1.12	āpadāsu,
pli-tv-bu-vb-sk46:1.13	ummattakassa,
pli-tv-bu-vb-sk46:1.14	ādikammikassāti.
pli-tv-bu-vb-sk46:1.15	Chaṭṭhasikkhāpadaṁ niṭṭhitaṁ.
pli-tv-bu-vb-sk47:0.1	Theravāda Vinaya
pli-tv-bu-vb-sk47:0.2	Mahāvibhaṅga
pli-tv-bu-vb-sk47:0.3	Sekhiyakaṇḍa
pli-tv-bu-vb-sk47:0.4	Kabaḷavagga
pli-tv-bu-vb-sk47:0.5	47. Hatthaniddhunakasikkhāpada
pli-tv-bu-vb-sk47:1.0	
pli-tv-bu-vb-sk47:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk47:1.2	Tena kho pana samayena chabbaggiyā bhikkhū hatthaniddhunakaṁ bhuñjanti …pe….
pli-tv-bu-vb-sk47:1.3.0	
pli-tv-bu-vb-sk47:1.3.1	“Na hatthaniddhunakaṁ bhuñjissāmīti sikkhā karaṇīyā”ti.
pli-tv-bu-vb-sk47:1.4	Na hatthaniddhunakaṁ bhuñjitabbaṁ.
pli-tv-bu-vb-sk47:1.5	Yo anādariyaṁ paṭicca hatthaniddhunakaṁ bhuñjati, āpatti dukkaṭassa.
pli-tv-bu-vb-sk47:1.6.0	
pli-tv-bu-vb-sk47:1.6.1	Anāpatti—
pli-tv-bu-vb-sk47:1.7	asañcicca,
pli-tv-bu-vb-sk47:1.8	assatiyā,
pli-tv-bu-vb-sk47:1.9	ajānantassa,
pli-tv-bu-vb-sk47:1.10	gilānassa,
pli-tv-bu-vb-sk47:1.11	kacavaraṁ chaḍḍento hatthaṁ niddhunāti,
pli-tv-bu-vb-sk47:1.12	āpadāsu,
pli-tv-bu-vb-sk47:1.13	ummattakassa,
pli-tv-bu-vb-sk47:1.14	ādikammikassāti.
pli-tv-bu-vb-sk47:1.15	Sattamasikkhāpadaṁ niṭṭhitaṁ.
pli-tv-bu-vb-sk48:0.1	Theravāda Vinaya
pli-tv-bu-vb-sk48:0.2	Mahāvibhaṅga
pli-tv-bu-vb-sk48:0.3	Sekhiyakaṇḍa
pli-tv-bu-vb-sk48:0.4	Kabaḷavagga
pli-tv-bu-vb-sk48:0.5	48. Sitthāvakārakasikkhāpada
pli-tv-bu-vb-sk48:1.0	
pli-tv-bu-vb-sk48:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk48:1.2	Tena kho pana samayena chabbaggiyā bhikkhū sitthāvakārakaṁ bhuñjanti …pe…
pli-tv-bu-vb-sk48:1.3.0	
pli-tv-bu-vb-sk48:1.3.1	“Na sitthāvakārakaṁ bhuñjissāmīti sikkhā karaṇīyā”ti.
pli-tv-bu-vb-sk48:1.4	Na sitthāvakārakaṁ bhuñjitabbaṁ.
pli-tv-bu-vb-sk48:1.5	Yo anādariyaṁ paṭicca sitthāvakārakaṁ bhuñjati, āpatti dukkaṭassa.
pli-tv-bu-vb-sk48:1.6.0	
pli-tv-bu-vb-sk48:1.6.1	Anāpatti—
pli-tv-bu-vb-sk48:1.7	asañcicca,
pli-tv-bu-vb-sk48:1.8	assatiyā,
pli-tv-bu-vb-sk48:1.9	ajānantassa,
pli-tv-bu-vb-sk48:1.10	gilānassa,
pli-tv-bu-vb-sk48:1.11	kacavaraṁ chaḍḍento sitthaṁ chaḍḍayati,
pli-tv-bu-vb-sk48:1.12	āpadāsu,
pli-tv-bu-vb-sk48:1.13	ummattakassa,
pli-tv-bu-vb-sk48:1.14	ādikammikassāti.
pli-tv-bu-vb-sk48:1.15	Aṭṭhamasikkhāpadaṁ niṭṭhitaṁ.
pli-tv-bu-vb-sk49:0.1	Theravāda Vinaya
pli-tv-bu-vb-sk49:0.2	Mahāvibhaṅga
pli-tv-bu-vb-sk49:0.3	Sekhiyakaṇḍa
pli-tv-bu-vb-sk49:0.4	Kabaḷavagga
pli-tv-bu-vb-sk49:0.5	49. Jivhānicchārakasikkhāpada
pli-tv-bu-vb-sk49:1.0	
pli-tv-bu-vb-sk49:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk49:1.2	Tena kho pana samayena chabbaggiyā bhikkhū jivhānicchārakaṁ bhuñjanti …pe….
pli-tv-bu-vb-sk49:1.3.0	
pli-tv-bu-vb-sk49:1.3.1	“Na jivhānicchārakaṁ bhuñjissāmīti sikkhā karaṇīyā”ti.
pli-tv-bu-vb-sk49:1.4	Na jivhānicchārakaṁ bhuñjitabbaṁ.
pli-tv-bu-vb-sk49:1.5	Yo anādariyaṁ paṭicca jivhānicchārakaṁ bhuñjati, āpatti dukkaṭassa.
pli-tv-bu-vb-sk49:1.6.0	
pli-tv-bu-vb-sk49:1.6.1	Anāpatti—
pli-tv-bu-vb-sk49:1.7.1	asañcicca …pe…
pli-tv-bu-vb-sk49:1.7.2	
pli-tv-bu-vb-sk49:1.7.3	
pli-tv-bu-vb-sk49:1.7.4	
pli-tv-bu-vb-sk49:1.7.5	
pli-tv-bu-vb-sk49:1.7.6	
pli-tv-bu-vb-sk49:1.8	ādikammikassāti.
pli-tv-bu-vb-sk49:1.9	Navamasikkhāpadaṁ niṭṭhitaṁ.
pli-tv-bu-vb-sk50:0.1	Theravāda Vinaya
pli-tv-bu-vb-sk50:0.2	Mahāvibhaṅga
pli-tv-bu-vb-sk50:0.3	Sekhiyakaṇḍa
pli-tv-bu-vb-sk50:0.4	Kabaḷavagga
pli-tv-bu-vb-sk50:0.5	50. Capucapukārakasikkhāpada
pli-tv-bu-vb-sk50:1.0	
pli-tv-bu-vb-sk50:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk50:1.2	Tena kho pana samayena chabbaggiyā bhikkhū capucapukārakaṁ bhuñjanti …pe…
pli-tv-bu-vb-sk50:1.3.0	
pli-tv-bu-vb-sk50:1.3.1	“Na capucapukārakaṁ bhuñjissāmīti sikkhā karaṇīyā”ti.
pli-tv-bu-vb-sk50:1.4	Na capucapukārakaṁ bhuñjitabbaṁ.
pli-tv-bu-vb-sk50:1.5	Yo anādariyaṁ paṭicca capucapukārakaṁ bhuñjati, āpatti dukkaṭassa.
pli-tv-bu-vb-sk50:1.6.0	
pli-tv-bu-vb-sk50:1.6.1	Anāpatti—
pli-tv-bu-vb-sk50:1.7.1	asañcicca …pe…
pli-tv-bu-vb-sk50:1.7.2	
pli-tv-bu-vb-sk50:1.7.3	
pli-tv-bu-vb-sk50:1.7.4	
pli-tv-bu-vb-sk50:1.7.5	
pli-tv-bu-vb-sk50:1.7.6	
pli-tv-bu-vb-sk50:1.8	ādikammikassāti.
pli-tv-bu-vb-sk50:1.9	Dasamasikkhāpadaṁ niṭṭhitaṁ.
pli-tv-bu-vb-sk50:1.10	Kabaḷavaggo pañcamo.
pli-tv-bu-vb-sk51:0.1	Theravāda Vinaya
pli-tv-bu-vb-sk51:0.2	Mahāvibhaṅga
pli-tv-bu-vb-sk51:0.3	Sekhiyakaṇḍa
pli-tv-bu-vb-sk51:0.4	Surusuruvagga
pli-tv-bu-vb-sk51:0.5	51. Surusurukārakasikkhāpada
pli-tv-bu-vb-sk51:1.0	
pli-tv-bu-vb-sk51:1.1	Tena samayena buddho bhagavā kosambiyaṁ viharati ghositārāme.
pli-tv-bu-vb-sk51:1.2	Tena kho pana samayena aññatarena brāhmaṇena saṅghassa payopānaṁ paṭiyattaṁ hoti.
pli-tv-bu-vb-sk51:1.3	Bhikkhū surusurukārakaṁ khīraṁ pivanti.
pli-tv-bu-vb-sk51:1.4	Aññataro naṭapubbako bhikkhu evamāha—
pli-tv-bu-vb-sk51:1.5	“sabboyaṁ maññe saṅgho sītīkato”ti.
pli-tv-bu-vb-sk51:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk51:1.7	“kathañhi nāma bhikkhu saṅghaṁ ārabbha davaṁ karissatī”ti …pe…
pli-tv-bu-vb-sk51:1.8	“saccaṁ kira tvaṁ, bhikkhu, saṅghaṁ ārabbha davaṁ akāsī”ti?
pli-tv-bu-vb-sk51:1.9	“Saccaṁ, bhagavā”ti.
pli-tv-bu-vb-sk51:1.10	Vigarahi buddho bhagavā …pe…
pli-tv-bu-vb-sk51:1.11	kathañhi nāma tvaṁ, moghapurisa, saṅghaṁ ārabbha davaṁ karissasi.
pli-tv-bu-vb-sk51:1.12	Netaṁ, moghapurisa, appasannānaṁ vā pasādāya …pe…
pli-tv-bu-vb-sk51:1.13	vigarahitvā …pe…
pli-tv-bu-vb-sk51:1.14	dhammiṁ kathaṁ katvā bhikkhū āmantesi—
pli-tv-bu-vb-sk51:1.15	“na, bhikkhave, buddhaṁ vā dhammaṁ vā saṅghaṁ vā ārabbha davo kātabbo.
pli-tv-bu-vb-sk51:1.16	Yo kareyya, āpatti dukkaṭassā”ti.
pli-tv-bu-vb-sk51:1.17	Atha kho bhagavā taṁ bhikkhuṁ anekapariyāyena vigarahitvā dubbharatāya …pe…
pli-tv-bu-vb-sk51:1.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk51:1.19.0	
pli-tv-bu-vb-sk51:1.19.1	“Na surusurukārakaṁ bhuñjissāmīti sikkhā karaṇīyā”ti.
pli-tv-bu-vb-sk51:1.20	Na surusurukārakaṁ bhuñjitabbaṁ.
pli-tv-bu-vb-sk51:1.21	Yo anādariyaṁ paṭicca surusurukārakaṁ bhuñjati, āpatti dukkaṭassa.
pli-tv-bu-vb-sk51:1.22.0	
pli-tv-bu-vb-sk51:1.22.1	Anāpatti—
pli-tv-bu-vb-sk51:1.23.1	asañcicca …pe…
pli-tv-bu-vb-sk51:1.23.2	
pli-tv-bu-vb-sk51:1.23.3	
pli-tv-bu-vb-sk51:1.23.4	
pli-tv-bu-vb-sk51:1.23.5	
pli-tv-bu-vb-sk51:1.23.6	
pli-tv-bu-vb-sk51:1.24	ādikammikassāti.
pli-tv-bu-vb-sk51:1.25	Paṭhamasikkhāpadaṁ niṭṭhitaṁ.
pli-tv-bu-vb-sk52:0.1	Theravāda Vinaya
pli-tv-bu-vb-sk52:0.2	Mahāvibhaṅga
pli-tv-bu-vb-sk52:0.3	Sekhiyakaṇḍa
pli-tv-bu-vb-sk52:0.4	Surusuruvagga
pli-tv-bu-vb-sk52:0.5	52. Hatthanillehakasikkhāpada
pli-tv-bu-vb-sk52:1.0	
pli-tv-bu-vb-sk52:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk52:1.2	Tena kho pana samayena chabbaggiyā bhikkhū hatthanillehakaṁ bhuñjanti …pe….
pli-tv-bu-vb-sk52:1.3.0	
pli-tv-bu-vb-sk52:1.3.1	“Na hatthanillehakaṁ bhuñjissāmīti sikkhā karaṇīyā”ti.
pli-tv-bu-vb-sk52:1.4	Na hatthanillehakaṁ bhuñjitabbaṁ.
pli-tv-bu-vb-sk52:1.5	Yo anādariyaṁ paṭicca hatthanillehakaṁ bhuñjati, āpatti dukkaṭassa.
pli-tv-bu-vb-sk52:1.6.0	
pli-tv-bu-vb-sk52:1.6.1	Anāpatti—
pli-tv-bu-vb-sk52:1.7.1	asañcicca …pe…
pli-tv-bu-vb-sk52:1.7.2	
pli-tv-bu-vb-sk52:1.7.3	
pli-tv-bu-vb-sk52:1.7.4	
pli-tv-bu-vb-sk52:1.7.5	
pli-tv-bu-vb-sk52:1.7.6	
pli-tv-bu-vb-sk52:1.8	ādikammikassāti.
pli-tv-bu-vb-sk52:1.9	Dutiyasikkhāpadaṁ niṭṭhitaṁ.
pli-tv-bu-vb-sk53:0.1	Theravāda Vinaya
pli-tv-bu-vb-sk53:0.2	Mahāvibhaṅga
pli-tv-bu-vb-sk53:0.3	Sekhiyakaṇḍa
pli-tv-bu-vb-sk53:0.4	Surusuruvagga
pli-tv-bu-vb-sk53:0.5	53. Pattanillehakasikkhāpada
pli-tv-bu-vb-sk53:1.0	
pli-tv-bu-vb-sk53:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk53:1.2	Tena kho pana samayena chabbaggiyā bhikkhū pattanillehakaṁ bhuñjanti …pe…
pli-tv-bu-vb-sk53:1.3.0	
pli-tv-bu-vb-sk53:1.3.1	“Na pattanillehakaṁ bhuñjissāmīti sikkhā karaṇīyā”ti.
pli-tv-bu-vb-sk53:1.4	Na pattanillehakaṁ bhuñjitabbaṁ.
pli-tv-bu-vb-sk53:1.5	Yo anādariyaṁ paṭicca pattanillehakaṁ bhuñjati, āpatti dukkaṭassa.
pli-tv-bu-vb-sk53:1.6.0	
pli-tv-bu-vb-sk53:1.6.1	Anāpatti—
pli-tv-bu-vb-sk53:1.7	asañcicca,
pli-tv-bu-vb-sk53:1.8	assatiyā,
pli-tv-bu-vb-sk53:1.9	ajānantassa,
pli-tv-bu-vb-sk53:1.10	gilānassa,
pli-tv-bu-vb-sk53:1.11	parittake sese ekato saṅkaḍḍhitvā nillehitvā bhuñjati,
pli-tv-bu-vb-sk53:1.12	āpadāsu,
pli-tv-bu-vb-sk53:1.13	ummattakassa,
pli-tv-bu-vb-sk53:1.14	ādikammikassāti.
pli-tv-bu-vb-sk53:1.15	Tatiyasikkhāpadaṁ niṭṭhitaṁ.
pli-tv-bu-vb-sk54:0.1	Theravāda Vinaya
pli-tv-bu-vb-sk54:0.2	Mahāvibhaṅga
pli-tv-bu-vb-sk54:0.3	Sekhiyakaṇḍa
pli-tv-bu-vb-sk54:0.4	Surusuruvagga
pli-tv-bu-vb-sk54:0.5	54. Oṭṭhanillehakasikkhāpada
pli-tv-bu-vb-sk54:1.0	
pli-tv-bu-vb-sk54:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk54:1.2	Tena kho pana samayena chabbaggiyā bhikkhū oṭṭhanillehakaṁ bhuñjanti …pe…
pli-tv-bu-vb-sk54:1.3.0	
pli-tv-bu-vb-sk54:1.3.1	“Na oṭṭhanillehakaṁ bhuñjissāmīti sikkhā karaṇīyā”ti.
pli-tv-bu-vb-sk54:1.4	Na oṭṭhanillehakaṁ bhuñjitabbaṁ.
pli-tv-bu-vb-sk54:1.5	Yo anādariyaṁ paṭicca oṭṭhanillehakaṁ bhuñjati, āpatti dukkaṭassa.
pli-tv-bu-vb-sk54:1.6.0	
pli-tv-bu-vb-sk54:1.6.1	Anāpatti—
pli-tv-bu-vb-sk54:1.7.1	asañcicca …pe…
pli-tv-bu-vb-sk54:1.7.2	
pli-tv-bu-vb-sk54:1.7.3	
pli-tv-bu-vb-sk54:1.7.4	
pli-tv-bu-vb-sk54:1.7.5	
pli-tv-bu-vb-sk54:1.7.6	
pli-tv-bu-vb-sk54:1.8	ādikammikassāti.
pli-tv-bu-vb-sk54:1.9	Catutthasikkhāpadaṁ niṭṭhitaṁ.
pli-tv-bu-vb-sk55:0.1	Theravāda Vinaya
pli-tv-bu-vb-sk55:0.2	Mahāvibhaṅga
pli-tv-bu-vb-sk55:0.3	Sekhiyakaṇḍa
pli-tv-bu-vb-sk55:0.4	Surusuruvagga
pli-tv-bu-vb-sk55:0.5	55. Sāmisasikkhāpada
pli-tv-bu-vb-sk55:1.0	
pli-tv-bu-vb-sk55:1.1	Tena samayena buddho bhagavā bhaggesu viharati susumāragire bhesakaḷāvane migadāye.
pli-tv-bu-vb-sk55:1.2	Tena kho pana samayena bhikkhū kokanade pāsāde sāmisena hatthena pānīyathālakaṁ paṭiggaṇhanti.
pli-tv-bu-vb-sk55:1.3	Manussā ujjhāyanti khiyyanti vipācenti—
pli-tv-bu-vb-sk55:1.4	“kathañhi nāma samaṇā sakyaputtiyā sāmisena hatthena pānīyathālakaṁ paṭiggahessanti, seyyathāpi gihī kāmabhogino”ti.
pli-tv-bu-vb-sk55:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-sk55:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk55:1.7	“kathañhi nāma bhikkhū sāmisena hatthena pānīyathālakaṁ paṭiggahessantī”ti …pe…
pli-tv-bu-vb-sk55:1.8	“saccaṁ kira, bhikkhave, bhikkhū sāmisena hatthena pānīyathālakaṁ paṭiggaṇhantī”ti?
pli-tv-bu-vb-sk55:1.9	“Saccaṁ, bhagavā”ti.
pli-tv-bu-vb-sk55:1.10	Vigarahi buddho bhagavā …pe…
pli-tv-bu-vb-sk55:1.11	kathañhi nāma te, bhikkhave, moghapurisā sāmisena hatthena pānīyathālakaṁ paṭiggahessanti.
pli-tv-bu-vb-sk55:1.12	Netaṁ, bhikkhave, appasannānaṁ vā pasādāya …pe…
pli-tv-bu-vb-sk55:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk55:1.14.0	
pli-tv-bu-vb-sk55:1.14.1	“Na sāmisena hatthena pānīyathālakaṁ paṭiggahessāmīti sikkhā karaṇīyā”ti.
pli-tv-bu-vb-sk55:1.15	Na sāmisena hatthena pānīyathālako paṭiggahetabbo.
pli-tv-bu-vb-sk55:1.16	Yo anādariyaṁ paṭicca sāmisena hatthena pānīyathālakaṁ paṭiggaṇhāti, āpatti dukkaṭassa.
pli-tv-bu-vb-sk55:1.17.0	
pli-tv-bu-vb-sk55:1.17.1	Anāpatti—
pli-tv-bu-vb-sk55:1.18	asañcicca,
pli-tv-bu-vb-sk55:1.19	assatiyā,
pli-tv-bu-vb-sk55:1.20	ajānantassa,
pli-tv-bu-vb-sk55:1.21	gilānassa,
pli-tv-bu-vb-sk55:1.22	“dhovissāmī”ti vā “dhovāpessāmī”ti vā paṭiggaṇhāti,
pli-tv-bu-vb-sk55:1.23	āpadāsu,
pli-tv-bu-vb-sk55:1.24	ummattakassa,
pli-tv-bu-vb-sk55:1.25	ādikammikassāti.
pli-tv-bu-vb-sk55:1.26	Pañcamasikkhāpadaṁ niṭṭhitaṁ.
pli-tv-bu-vb-sk56:0.1	Theravāda Vinaya
pli-tv-bu-vb-sk56:0.2	Mahāvibhaṅga
pli-tv-bu-vb-sk56:0.3	Sekhiyakaṇḍa
pli-tv-bu-vb-sk56:0.4	Surusuruvagga
pli-tv-bu-vb-sk56:0.5	56. Sasitthakasikkhāpada
pli-tv-bu-vb-sk56:1.0	
pli-tv-bu-vb-sk56:1.1	Tena samayena buddho bhagavā bhaggesu viharati susumāragire bhesakaḷāvane migadāye.
pli-tv-bu-vb-sk56:1.2	Tena kho pana samayena bhikkhū kokanade pāsāde sasitthakaṁ pattadhovanaṁ antaraghare chaḍḍenti.
pli-tv-bu-vb-sk56:1.3	Manussā ujjhāyanti khiyyanti vipācenti—
pli-tv-bu-vb-sk56:1.4	“kathañhi nāma samaṇā sakyaputtiyā sasitthakaṁ pattadhovanaṁ antaraghare chaḍḍessanti, seyyathāpi gihī kāmabhogino”ti.
pli-tv-bu-vb-sk56:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-sk56:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk56:1.7	“kathañhi nāma bhikkhū sasitthakaṁ pattadhovanaṁ antaraghare chaḍḍessantī”ti …pe…
pli-tv-bu-vb-sk56:1.8	“saccaṁ kira, bhikkhave, bhikkhū sasitthakaṁ pattadhovanaṁ antaraghare chaḍḍentī”ti?
pli-tv-bu-vb-sk56:1.9	“Saccaṁ, bhagavā”ti.
pli-tv-bu-vb-sk56:1.10	Vigarahi buddho bhagavā …pe…
pli-tv-bu-vb-sk56:1.11	kathañhi nāma te, bhikkhave, moghapurisā sasitthakaṁ pattadhovanaṁ antaraghare chaḍḍessanti.
pli-tv-bu-vb-sk56:1.12	Netaṁ, bhikkhave, appasannānaṁ vā pasādāya …pe…
pli-tv-bu-vb-sk56:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk56:1.14.0	
pli-tv-bu-vb-sk56:1.14.1	“Na sasitthakaṁ pattadhovanaṁ antaraghare chaḍḍessāmīti sikkhā karaṇīyā”ti.
pli-tv-bu-vb-sk56:1.15	Na sasitthakaṁ pattadhovanaṁ antaraghare chaḍḍetabbaṁ.
pli-tv-bu-vb-sk56:1.16	Yo anādariyaṁ paṭicca sasitthakaṁ pattadhovanaṁ antaraghare chaḍḍeti, āpatti dukkaṭassa.
pli-tv-bu-vb-sk56:1.17.0	
pli-tv-bu-vb-sk56:1.17.1	Anāpatti—
pli-tv-bu-vb-sk56:1.18	asañcicca,
pli-tv-bu-vb-sk56:1.19	assatiyā,
pli-tv-bu-vb-sk56:1.20	ajānantassa,
pli-tv-bu-vb-sk56:1.21	gilānassa,
pli-tv-bu-vb-sk56:1.22	uddharitvā vā bhinditvā vā paṭiggahe vā nīharitvā vā chaḍḍeti,
pli-tv-bu-vb-sk56:1.23	āpadāsu,
pli-tv-bu-vb-sk56:1.24	ummattakassa,
pli-tv-bu-vb-sk56:1.25	ādikammikassāti.
pli-tv-bu-vb-sk56:1.26	Chaṭṭhasikkhāpadaṁ niṭṭhitaṁ.
pli-tv-bu-vb-sk57:0.1	Theravāda Vinaya
pli-tv-bu-vb-sk57:0.2	Mahāvibhaṅga
pli-tv-bu-vb-sk57:0.3	Sekhiyakaṇḍa
pli-tv-bu-vb-sk57:0.4	Surusuruvagga
pli-tv-bu-vb-sk57:0.5	57. Chattapāṇisikkhāpada
pli-tv-bu-vb-sk57:1.0.1	
pli-tv-bu-vb-sk57:1.0.2	
pli-tv-bu-vb-sk57:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk57:1.2	Tena kho pana samayena chabbaggiyā bhikkhū chattapāṇissa dhammaṁ desenti.
pli-tv-bu-vb-sk57:1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk57:1.4	“kathañhi nāma chabbaggiyā bhikkhū chattapāṇissa dhammaṁ desessantī”ti …pe…
pli-tv-bu-vb-sk57:1.5	“saccaṁ kira tumhe, bhikkhave, chattapāṇissa dhammaṁ desethā”ti?
pli-tv-bu-vb-sk57:1.6	“Saccaṁ, bhagavā”ti.
pli-tv-bu-vb-sk57:1.7	Vigarahi buddho bhagavā …pe…
pli-tv-bu-vb-sk57:1.8	kathañhi nāma tumhe, moghapurisā, chattapāṇissa dhammaṁ desessatha.
pli-tv-bu-vb-sk57:1.9	Netaṁ, moghapurisā, appasannānaṁ vā pasādāya …pe…
pli-tv-bu-vb-sk57:1.10	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk57:1.11.0	
pli-tv-bu-vb-sk57:1.11.1	“Na chattapāṇissa dhammaṁ desessāmīti sikkhā karaṇīyā”ti.
pli-tv-bu-vb-sk57:1.12	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-sk57:2.0	
pli-tv-bu-vb-sk57:2.1	Tena kho pana samayena bhikkhū chattapāṇissa gilānassa dhammaṁ desetuṁ kukkuccāyanti.
pli-tv-bu-vb-sk57:2.2.1	Manussā ujjhāyanti khiyyanti vipācenti—
pli-tv-bu-vb-sk57:2.3	“kathañhi nāma samaṇā sakyaputtiyā chattapāṇissa gilānassa dhammaṁ na desessantī”ti.
pli-tv-bu-vb-sk57:2.4	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-sk57:2.5	Atha kho te bhikkhū bhagavato etamatthaṁ ārocesuṁ.
pli-tv-bu-vb-sk57:2.6	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-sk57:2.7	“anujānāmi, bhikkhave, chattapāṇissa gilānassa dhammaṁ desetuṁ.
pli-tv-bu-vb-sk57:2.8	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk57:2.9.0	
pli-tv-bu-vb-sk57:2.9.1	“Na chattapāṇissa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk57:2.10.0	
pli-tv-bu-vb-sk57:2.10.1	Chattaṁ nāma
pli-tv-bu-vb-sk57:2.11	tīṇi chattāni— setacchattaṁ, kilañjacchattaṁ, paṇṇacchattaṁ maṇḍalabaddhaṁ salākabaddhaṁ.
pli-tv-bu-vb-sk57:2.12	Dhammo nāma
pli-tv-bu-vb-sk57:2.13	buddhabhāsito sāvakabhāsito isibhāsito devatābhāsito atthūpasañhito dhammūpasañhito.
pli-tv-bu-vb-sk57:2.14	Deseyyāti
pli-tv-bu-vb-sk57:2.15	padena deseti, pade pade āpatti dukkaṭassa.
pli-tv-bu-vb-sk57:2.16	Akkharāya deseti, akkharakkharāya āpatti dukkaṭassa.
pli-tv-bu-vb-sk57:2.17	Na chattapāṇissa agilānassa dhammo desetabbo.
pli-tv-bu-vb-sk57:2.18	Yo anādariyaṁ paṭicca chattapāṇissa agilānassa dhammaṁ deseti, āpatti dukkaṭassa.
pli-tv-bu-vb-sk57:2.19.0	
pli-tv-bu-vb-sk57:2.19.1	Anāpatti—
pli-tv-bu-vb-sk57:2.20.1	asañcicca …pe…
pli-tv-bu-vb-sk57:2.20.2	
pli-tv-bu-vb-sk57:2.20.3	
pli-tv-bu-vb-sk57:2.20.4	
pli-tv-bu-vb-sk57:2.20.5	
pli-tv-bu-vb-sk57:2.20.6	
pli-tv-bu-vb-sk57:2.21	ādikammikassāti.
pli-tv-bu-vb-sk57:2.22	Sattamasikkhāpadaṁ niṭṭhitaṁ.
pli-tv-bu-vb-sk58:0.1	Theravāda Vinaya
pli-tv-bu-vb-sk58:0.2	Mahāvibhaṅga
pli-tv-bu-vb-sk58:0.3	Sekhiyakaṇḍa
pli-tv-bu-vb-sk58:0.4	Surusuruvagga
pli-tv-bu-vb-sk58:0.5	58. Daṇḍapāṇisikkhāpada
pli-tv-bu-vb-sk58:1.0	
pli-tv-bu-vb-sk58:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk58:1.2	Tena kho pana samayena chabbaggiyā bhikkhū daṇḍapāṇissa dhammaṁ desenti …pe….
pli-tv-bu-vb-sk58:1.3.0	
pli-tv-bu-vb-sk58:1.3.1	“Na daṇḍapāṇissa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk58:1.4.0	
pli-tv-bu-vb-sk58:1.4.1	Daṇḍo nāma
pli-tv-bu-vb-sk58:1.5	majjhimassa purisassa catuhattho daṇḍo.
pli-tv-bu-vb-sk58:1.6	Tato ukkaṭṭho adaṇḍo, omako adaṇḍo.
pli-tv-bu-vb-sk58:1.7	Na daṇḍapāṇissa agilānassa dhammo desetabbo.
pli-tv-bu-vb-sk58:1.8	Yo anādariyaṁ paṭicca daṇḍapāṇissa agilānassa dhammaṁ deseti, āpatti dukkaṭassa.
pli-tv-bu-vb-sk58:1.9.0	
pli-tv-bu-vb-sk58:1.9.1	Anāpatti—
pli-tv-bu-vb-sk58:1.10.1	asañcicca …pe…
pli-tv-bu-vb-sk58:1.10.2	
pli-tv-bu-vb-sk58:1.10.3	
pli-tv-bu-vb-sk58:1.10.4	
pli-tv-bu-vb-sk58:1.10.5	
pli-tv-bu-vb-sk58:1.10.6	
pli-tv-bu-vb-sk58:1.11	ādikammikassāti.
pli-tv-bu-vb-sk58:1.12	Aṭṭhamasikkhāpadaṁ niṭṭhitaṁ.
pli-tv-bu-vb-sk59:0.1	Theravāda Vinaya
pli-tv-bu-vb-sk59:0.2	Mahāvibhaṅga
pli-tv-bu-vb-sk59:0.3	Sekhiyakaṇḍa
pli-tv-bu-vb-sk59:0.4	Surusuruvagga
pli-tv-bu-vb-sk59:0.5	59. Satthapāṇisikkhāpada
pli-tv-bu-vb-sk59:1.0	
pli-tv-bu-vb-sk59:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk59:1.2	Tena kho pana samayena chabbaggiyā bhikkhū satthapāṇissa dhammaṁ desenti …pe….
pli-tv-bu-vb-sk59:1.3.0	
pli-tv-bu-vb-sk59:1.3.1	“Na satthapāṇissa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk59:1.4.0	
pli-tv-bu-vb-sk59:1.4.1	Satthaṁ nāma
pli-tv-bu-vb-sk59:1.5	ekatodhāraṁ ubhatodhāraṁ paharaṇaṁ.
pli-tv-bu-vb-sk59:1.6	Na satthapāṇissa agilānassa dhammo desetabbo.
pli-tv-bu-vb-sk59:1.7	Yo anādariyaṁ paṭicca satthapāṇissa agilānassa dhammaṁ deseti, āpatti dukkaṭassa.
pli-tv-bu-vb-sk59:1.8.0	
pli-tv-bu-vb-sk59:1.8.1	Anāpatti—
pli-tv-bu-vb-sk59:1.9.1	asañcicca …pe…
pli-tv-bu-vb-sk59:1.9.2	
pli-tv-bu-vb-sk59:1.9.3	
pli-tv-bu-vb-sk59:1.9.4	
pli-tv-bu-vb-sk59:1.9.5	
pli-tv-bu-vb-sk59:1.9.6	
pli-tv-bu-vb-sk59:1.10	ādikammikassāti.
pli-tv-bu-vb-sk59:1.11	Navamasikkhāpadaṁ niṭṭhitaṁ.
pli-tv-bu-vb-sk60:0.1	Theravāda Vinaya
pli-tv-bu-vb-sk60:0.2	Mahāvibhaṅga
pli-tv-bu-vb-sk60:0.3	Sekhiyakaṇḍa
pli-tv-bu-vb-sk60:0.4	Surusuruvagga
pli-tv-bu-vb-sk60:0.5	60. Āvudhapāṇisikkhāpada
pli-tv-bu-vb-sk60:1.0	
pli-tv-bu-vb-sk60:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk60:1.2	Tena kho pana samayena chabbaggiyā bhikkhū āvudhapāṇissa dhammaṁ desenti …pe….
pli-tv-bu-vb-sk60:1.3.0	
pli-tv-bu-vb-sk60:1.3.1	“Na āvudhapāṇissa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk60:1.4.0	
pli-tv-bu-vb-sk60:1.4.1	Āvudhaṁ nāma
pli-tv-bu-vb-sk60:1.5	cāpo kodaṇḍo.
pli-tv-bu-vb-sk60:1.6	Na āvudhapāṇissa agilānassa dhammo desetabbo.
pli-tv-bu-vb-sk60:1.7	Yo anādariyaṁ paṭicca āvudhapāṇissa agilānassa dhammaṁ deseti, āpatti dukkaṭassa.
pli-tv-bu-vb-sk60:1.8.0	
pli-tv-bu-vb-sk60:1.8.1	Anāpatti—
pli-tv-bu-vb-sk60:1.9.1	asañcicca …pe…
pli-tv-bu-vb-sk60:1.9.2	
pli-tv-bu-vb-sk60:1.9.3	
pli-tv-bu-vb-sk60:1.9.4	
pli-tv-bu-vb-sk60:1.9.5	
pli-tv-bu-vb-sk60:1.9.6	
pli-tv-bu-vb-sk60:1.10	ādikammikassāti.
pli-tv-bu-vb-sk60:1.11	Dasamasikkhāpadaṁ niṭṭhitaṁ.
pli-tv-bu-vb-sk60:1.12	Surusuruvaggo chaṭṭho.
pli-tv-bu-vb-sk61:0.1	Theravāda Vinaya
pli-tv-bu-vb-sk61:0.2	Mahāvibhaṅga
pli-tv-bu-vb-sk61:0.3	Sekhiyakaṇḍa
pli-tv-bu-vb-sk61:0.4	Pādukavagga
pli-tv-bu-vb-sk61:0.5	61. Pādukasikkhāpada
pli-tv-bu-vb-sk61:1.0	
pli-tv-bu-vb-sk61:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk61:1.2	Tena kho pana samayena chabbaggiyā bhikkhū pādukāruḷhassa dhammaṁ desenti …pe….
pli-tv-bu-vb-sk61:1.3.0	
pli-tv-bu-vb-sk61:1.3.1	“Na pādukāruḷhassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk61:1.4	Na pādukāruḷhassa agilānassa dhammo desetabbo.
pli-tv-bu-vb-sk61:1.5	Yo anādariyaṁ paṭicca akkantassa vā paṭimukkassa vā omukkassa vā agilānassa dhammaṁ deseti, āpatti dukkaṭassa.
pli-tv-bu-vb-sk61:1.6.0	
pli-tv-bu-vb-sk61:1.6.1	Anāpatti—
pli-tv-bu-vb-sk61:1.7.1	asañcicca …pe…
pli-tv-bu-vb-sk61:1.7.2	
pli-tv-bu-vb-sk61:1.7.3	
pli-tv-bu-vb-sk61:1.7.4	
pli-tv-bu-vb-sk61:1.7.5	
pli-tv-bu-vb-sk61:1.7.6	
pli-tv-bu-vb-sk61:1.8	ādikammikassāti.
pli-tv-bu-vb-sk61:1.9	Paṭhamasikkhāpadaṁ niṭṭhitaṁ.
pli-tv-bu-vb-sk62:0.1	Theravāda Vinaya
pli-tv-bu-vb-sk62:0.2	Mahāvibhaṅga
pli-tv-bu-vb-sk62:0.3	Sekhiyakaṇḍa
pli-tv-bu-vb-sk62:0.4	Pādukavagga
pli-tv-bu-vb-sk62:0.5	62. Upāhanāruḷhasikkhāpada
pli-tv-bu-vb-sk62:1.0	
pli-tv-bu-vb-sk62:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk62:1.2	Tena kho pana samayena chabbaggiyā bhikkhū upāhanāruḷhassa dhammaṁ desenti …pe….
pli-tv-bu-vb-sk62:1.3.0	
pli-tv-bu-vb-sk62:1.3.1	“Na upāhanāruḷhassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk62:1.4	Na upāhanāruḷhassa agilānassa dhammo desetabbo.
pli-tv-bu-vb-sk62:1.5	Yo anādariyaṁ paṭicca akkantassa vā paṭimukkassa vā omukkassa vā agilānassa dhammaṁ deseti, āpatti dukkaṭassa.
pli-tv-bu-vb-sk62:1.6.0	
pli-tv-bu-vb-sk62:1.6.1	Anāpatti—
pli-tv-bu-vb-sk62:1.7.1	asañcicca …pe…
pli-tv-bu-vb-sk62:1.7.2	
pli-tv-bu-vb-sk62:1.7.3	
pli-tv-bu-vb-sk62:1.7.4	
pli-tv-bu-vb-sk62:1.7.5	
pli-tv-bu-vb-sk62:1.7.6	
pli-tv-bu-vb-sk62:1.8	ādikammikassāti.
pli-tv-bu-vb-sk62:1.9	Dutiyasikkhāpadaṁ niṭṭhitaṁ.
pli-tv-bu-vb-sk63:0.1	Theravāda Vinaya
pli-tv-bu-vb-sk63:0.2	Mahāvibhaṅga
pli-tv-bu-vb-sk63:0.3	Sekhiyakaṇḍa
pli-tv-bu-vb-sk63:0.4	Pādukavagga
pli-tv-bu-vb-sk63:0.5	63. Yānasikkhāpada
pli-tv-bu-vb-sk63:1.0	
pli-tv-bu-vb-sk63:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk63:1.2	Tena kho pana samayena chabbaggiyā bhikkhū yānagatassa dhammaṁ desenti …pe….
pli-tv-bu-vb-sk63:1.3.0	
pli-tv-bu-vb-sk63:1.3.1	“Na yānagatassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk63:1.4.0	
pli-tv-bu-vb-sk63:1.4.1	Yānaṁ nāma
pli-tv-bu-vb-sk63:1.5	vayhaṁ ratho sakaṭaṁ sandamānikā sivikā pāṭaṅkī.
pli-tv-bu-vb-sk63:1.6	Na yānagatassa agilānassa dhammo desetabbo.
pli-tv-bu-vb-sk63:1.7	Yo anādariyaṁ paṭicca yānagatassa agilānassa dhammaṁ deseti, āpatti dukkaṭassa.
pli-tv-bu-vb-sk63:1.8.0	
pli-tv-bu-vb-sk63:1.8.1	Anāpatti—
pli-tv-bu-vb-sk63:1.9.1	asañcicca …pe…
pli-tv-bu-vb-sk63:1.9.2	
pli-tv-bu-vb-sk63:1.9.3	
pli-tv-bu-vb-sk63:1.9.4	
pli-tv-bu-vb-sk63:1.9.5	
pli-tv-bu-vb-sk63:1.9.6	
pli-tv-bu-vb-sk63:1.10	ādikammikassāti.
pli-tv-bu-vb-sk63:1.11	Tatiyasikkhāpadaṁ niṭṭhitaṁ.
pli-tv-bu-vb-sk64:0.1	Theravāda Vinaya
pli-tv-bu-vb-sk64:0.2	Mahāvibhaṅga
pli-tv-bu-vb-sk64:0.3	Sekhiyakaṇḍa
pli-tv-bu-vb-sk64:0.4	Pādukavagga
pli-tv-bu-vb-sk64:0.5	64. Sayanasikkhāpada
pli-tv-bu-vb-sk64:1.0	
pli-tv-bu-vb-sk64:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk64:1.2	Tena kho pana samayena chabbaggiyā bhikkhū sayanagatassa dhammaṁ desenti …pe….
pli-tv-bu-vb-sk64:1.3.0	
pli-tv-bu-vb-sk64:1.3.1	“Na sayanagatassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk64:1.4	Na sayanagatassa agilānassa dhammo desetabbo.
pli-tv-bu-vb-sk64:1.5	Yo anādariyaṁ paṭicca antamaso chamāyampi nipannassa sayanagatassa agilānassa dhammaṁ deseti, āpatti dukkaṭassa.
pli-tv-bu-vb-sk64:1.6.0	
pli-tv-bu-vb-sk64:1.6.1	Anāpatti—
pli-tv-bu-vb-sk64:1.7.1	asañcicca …pe…
pli-tv-bu-vb-sk64:1.7.2	
pli-tv-bu-vb-sk64:1.7.3	
pli-tv-bu-vb-sk64:1.7.4	
pli-tv-bu-vb-sk64:1.7.5	
pli-tv-bu-vb-sk64:1.7.6	
pli-tv-bu-vb-sk64:1.8	ādikammikassāti.
pli-tv-bu-vb-sk64:1.9	Catutthasikkhāpadaṁ niṭṭhitaṁ.
pli-tv-bu-vb-sk65:0.1	Theravāda Vinaya
pli-tv-bu-vb-sk65:0.2	Mahāvibhaṅga
pli-tv-bu-vb-sk65:0.3	Sekhiyakaṇḍa
pli-tv-bu-vb-sk65:0.4	Pādukavagga
pli-tv-bu-vb-sk65:0.5	65. Pallatthikasikkhāpada
pli-tv-bu-vb-sk65:1.0	
pli-tv-bu-vb-sk65:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk65:1.2	Tena kho pana samayena chabbaggiyā bhikkhū pallatthikāya nisinnassa dhammaṁ desenti …pe….
pli-tv-bu-vb-sk65:1.3.0	
pli-tv-bu-vb-sk65:1.3.1	“Na pallatthikāya nisinnassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk65:1.4	Na pallatthikāya nisinnassa agilānassa dhammo desetabbo.
pli-tv-bu-vb-sk65:1.5	Yo anādariyaṁ paṭicca hatthapallatthikāya vā dussapallatthikāya vā nisinnassa agilānassa dhammaṁ deseti, āpatti dukkaṭassa.
pli-tv-bu-vb-sk65:1.6.0	
pli-tv-bu-vb-sk65:1.6.1	Anāpatti—
pli-tv-bu-vb-sk65:1.7.1	asañcicca …pe…
pli-tv-bu-vb-sk65:1.7.2	
pli-tv-bu-vb-sk65:1.7.3	
pli-tv-bu-vb-sk65:1.7.4	
pli-tv-bu-vb-sk65:1.7.5	
pli-tv-bu-vb-sk65:1.7.6	
pli-tv-bu-vb-sk65:1.8	ādikammikassāti.
pli-tv-bu-vb-sk65:1.9	Pañcamasikkhāpadaṁ niṭṭhitaṁ.
pli-tv-bu-vb-sk66:0.1	Theravāda Vinaya
pli-tv-bu-vb-sk66:0.2	Mahāvibhaṅga
pli-tv-bu-vb-sk66:0.3	Sekhiyakaṇḍa
pli-tv-bu-vb-sk66:0.4	Pādukavagga
pli-tv-bu-vb-sk66:0.5	66. Veṭhitasikkhāpada
pli-tv-bu-vb-sk66:1.0	
pli-tv-bu-vb-sk66:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk66:1.2	Tena kho pana samayena chabbaggiyā bhikkhū veṭhitasīsassa dhammaṁ desenti …pe….
pli-tv-bu-vb-sk66:1.3.0	
pli-tv-bu-vb-sk66:1.3.1	“Na veṭhitasīsassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk66:1.4.0	
pli-tv-bu-vb-sk66:1.4.1	Veṭhitasīso nāma
pli-tv-bu-vb-sk66:1.5	kesantaṁ na dassāpetvā veṭhito hoti.
pli-tv-bu-vb-sk66:1.6	Na veṭhitasīsassa agilānassa dhammo desetabbo.
pli-tv-bu-vb-sk66:1.7	Yo anādariyaṁ paṭicca veṭhitasīsassa agilānassa dhammaṁ deseti, āpatti dukkaṭassa.
pli-tv-bu-vb-sk66:1.8.0	
pli-tv-bu-vb-sk66:1.8.1	Anāpatti—
pli-tv-bu-vb-sk66:1.9	asañcicca,
pli-tv-bu-vb-sk66:1.10	assatiyā,
pli-tv-bu-vb-sk66:1.11	ajānantassa,
pli-tv-bu-vb-sk66:1.12	gilānassa,
pli-tv-bu-vb-sk66:1.13	kesantaṁ vivarāpetvā deseti,
pli-tv-bu-vb-sk66:1.14	āpadāsu,
pli-tv-bu-vb-sk66:1.15	ummattakassa,
pli-tv-bu-vb-sk66:1.16	ādikammikassāti.
pli-tv-bu-vb-sk66:1.17	Chaṭṭhasikkhāpadaṁ niṭṭhitaṁ.
pli-tv-bu-vb-sk67:0.1	Theravāda Vinaya
pli-tv-bu-vb-sk67:0.2	Mahāvibhaṅga
pli-tv-bu-vb-sk67:0.3	Sekhiyakaṇḍa
pli-tv-bu-vb-sk67:0.4	Pādukavagga
pli-tv-bu-vb-sk67:0.5	67. Oguṇṭhitasikkhāpada
pli-tv-bu-vb-sk67:1.0	
pli-tv-bu-vb-sk67:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk67:1.2	Tena kho pana samayena chabbaggiyā bhikkhū oguṇṭhitasīsassa dhammaṁ desenti …pe….
pli-tv-bu-vb-sk67:1.3.0	
pli-tv-bu-vb-sk67:1.3.1	“Na oguṇṭhitasīsassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk67:1.4.0	
pli-tv-bu-vb-sk67:1.4.1	Oguṇṭhitasīso nāma
pli-tv-bu-vb-sk67:1.5	sasīsaṁ pāruto vuccati.
pli-tv-bu-vb-sk67:1.6	Na oguṇṭhitasīsassa agilānassa dhammo desetabbo.
pli-tv-bu-vb-sk67:1.7	Yo anādariyaṁ paṭicca oguṇṭhitasīsassa agilānassa dhammaṁ deseti, āpatti dukkaṭassa.
pli-tv-bu-vb-sk67:1.8.0	
pli-tv-bu-vb-sk67:1.8.1	Anāpatti—
pli-tv-bu-vb-sk67:1.9	asañcicca,
pli-tv-bu-vb-sk67:1.10	assatiyā,
pli-tv-bu-vb-sk67:1.11	ajānantassa,
pli-tv-bu-vb-sk67:1.12	gilānassa,
pli-tv-bu-vb-sk67:1.13	sīsaṁ vivarāpetvā deseti,
pli-tv-bu-vb-sk67:1.14	āpadāsu,
pli-tv-bu-vb-sk67:1.15	ummattakassa,
pli-tv-bu-vb-sk67:1.16	ādikammikassāti.
pli-tv-bu-vb-sk67:1.17	Sattamasikkhāpadaṁ niṭṭhitaṁ.
pli-tv-bu-vb-sk68:0.1	Theravāda Vinaya
pli-tv-bu-vb-sk68:0.2	Mahāvibhaṅga
pli-tv-bu-vb-sk68:0.3	Sekhiyakaṇḍa
pli-tv-bu-vb-sk68:0.4	Pādukavagga
pli-tv-bu-vb-sk68:0.5	68. Chamāsikkhāpada
pli-tv-bu-vb-sk68:1.0	
pli-tv-bu-vb-sk68:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk68:1.2	Tena kho pana samayena chabbaggiyā bhikkhū chamāyaṁ nisīditvā āsane nisinnassa dhammaṁ desenti …pe….
pli-tv-bu-vb-sk68:1.3.0	
pli-tv-bu-vb-sk68:1.3.1	“Na chamāyaṁ nisīditvā āsane nisinnassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk68:1.4	Na chamāyaṁ nisīditvā āsane nisinnassa agilānassa dhammo desetabbo.
pli-tv-bu-vb-sk68:1.5	Yo anādariyaṁ paṭicca chamāyaṁ nisīditvā āsane nisinnassa agilānassa dhammaṁ deseti, āpatti dukkaṭassa.
pli-tv-bu-vb-sk68:1.6.0	
pli-tv-bu-vb-sk68:1.6.1	Anāpatti—
pli-tv-bu-vb-sk68:1.7.1	asañcicca …pe…
pli-tv-bu-vb-sk68:1.7.2	
pli-tv-bu-vb-sk68:1.7.3	
pli-tv-bu-vb-sk68:1.7.4	
pli-tv-bu-vb-sk68:1.7.5	
pli-tv-bu-vb-sk68:1.7.6	
pli-tv-bu-vb-sk68:1.8	ādikammikassāti.
pli-tv-bu-vb-sk68:1.9	Aṭṭhamasikkhāpadaṁ niṭṭhitaṁ.
pli-tv-bu-vb-sk69:0.1	Theravāda Vinaya
pli-tv-bu-vb-sk69:0.2	Mahāvibhaṅga
pli-tv-bu-vb-sk69:0.3	Sekhiyakaṇḍa
pli-tv-bu-vb-sk69:0.4	Pādukavagga
pli-tv-bu-vb-sk69:0.5	69. Nīcāsanasikkhāpada
pli-tv-bu-vb-sk69:1.0	
pli-tv-bu-vb-sk69:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk69:1.2	Tena kho pana samayena chabbaggiyā bhikkhū nīce āsane nisīditvā ucce āsane nisinnassa dhammaṁ desenti.
pli-tv-bu-vb-sk69:1.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk69:1.4	“kathañhi nāma chabbaggiyā bhikkhū nīce āsane nisīditvā ucce āsane nisinnassa dhammaṁ desessantī”ti …pe…
pli-tv-bu-vb-sk69:1.5	“saccaṁ kira tumhe, bhikkhave, nīce āsane nisīditvā ucce āsane nisinnassa dhammaṁ desethā”ti?
pli-tv-bu-vb-sk69:1.6	“Saccaṁ, bhagavā”ti.
pli-tv-bu-vb-sk69:1.7	Vigarahi buddho bhagavā …pe…
pli-tv-bu-vb-sk69:1.8	kathañhi nāma tumhe, moghapurisā, nīce āsane nisīditvā ucce āsane nisinnassa dhammaṁ desessatha.
pli-tv-bu-vb-sk69:1.9	Netaṁ, moghapurisā, appasannānaṁ vā pasādāya …pe…
pli-tv-bu-vb-sk69:1.10	vigarahitvā …pe…
pli-tv-bu-vb-sk69:1.11	dhammiṁ kathaṁ katvā bhikkhū āmantesi—
pli-tv-bu-vb-sk69:1.12.0	
pli-tv-bu-vb-sk69:1.12.1	“Bhūtapubbaṁ, bhikkhave, bārāṇasiyaṁ aññatarassa chapakassa pajāpati gabbhinī ahosi.
pli-tv-bu-vb-sk69:1.13	Atha kho, bhikkhave, sā chapakī taṁ chapakaṁ etadavoca—
pli-tv-bu-vb-sk69:1.14	‘gabbhinīmhi, ayyaputta.
pli-tv-bu-vb-sk69:1.15	Icchāmi ambaṁ khāditun’ti.
pli-tv-bu-vb-sk69:1.16	‘Natthi ambaṁ, akālo ambassā’ti.
pli-tv-bu-vb-sk69:1.17	‘Sace na labhissāmi marissāmī’ti.
pli-tv-bu-vb-sk69:1.18	Tena kho pana samayena rañño ambo dhuvaphalo hoti.
pli-tv-bu-vb-sk69:1.19	Atha kho, bhikkhave, so chapako yena so ambo tenupasaṅkami; upasaṅkamitvā taṁ ambaṁ abhiruhitvā nilīno acchi.
pli-tv-bu-vb-sk69:1.20	Atha kho, bhikkhave, rājā purohitena brāhmaṇena saddhiṁ yena so ambo tenupasaṅkami; upasaṅkamitvā ucce āsane nisīditvā mantaṁ pariyāpuṇāti.
pli-tv-bu-vb-sk69:1.21	Atha kho, bhikkhave, tassa chapakassa etadahosi—
pli-tv-bu-vb-sk69:1.22	‘yāva adhammiko ayaṁ rājā, yatra hi nāma ucce āsane nisīditvā mantaṁ pariyāpuṇissati.
pli-tv-bu-vb-sk69:1.23	Ayañca brāhmaṇo adhammiko, yatra hi nāma nīce āsane nisīditvā ucce āsane nisinnassa mantaṁ vācessati.
pli-tv-bu-vb-sk69:1.24	Ahañcamhi adhammiko, yohaṁ itthiyā kāraṇā rañño ambaṁ avaharāmi.
pli-tv-bu-vb-sk69:1.25	Sabbamidaṁ carimaṁ katan’ti
pli-tv-bu-vb-sk69:1.26	tattheva paripati.
pli-tv-bu-vb-sk69:1.27.0	
pli-tv-bu-vb-sk69:1.27.1	‘Ubho atthaṁ na jānanti,
pli-tv-bu-vb-sk69:1.28	ubho dhammaṁ na passare;
pli-tv-bu-vb-sk69:1.29	Yo cāyaṁ mantaṁ vāceti,
pli-tv-bu-vb-sk69:1.30	yo cādhammenadhīyati’.
pli-tv-bu-vb-sk69:1.31.0	
pli-tv-bu-vb-sk69:1.31.1	‘Sālīnaṁ odano bhutto,
pli-tv-bu-vb-sk69:1.32	sucimaṁsūpasecano;
pli-tv-bu-vb-sk69:1.33	Tasmā dhamme na vattāmi,
pli-tv-bu-vb-sk69:1.34	dhammo ariyebhi vaṇṇito’.
pli-tv-bu-vb-sk69:1.35.0	
pli-tv-bu-vb-sk69:1.35.1	‘Dhiratthu taṁ dhanalābhaṁ,
pli-tv-bu-vb-sk69:1.36	yasalābhañca brāhmaṇa;
pli-tv-bu-vb-sk69:1.37	Yā vutti vinipātena,
pli-tv-bu-vb-sk69:1.38	adhammacaraṇena vā.
pli-tv-bu-vb-sk69:1.39	Paribbaja mahābrahme,
pli-tv-bu-vb-sk69:1.40	pacantaññepi pāṇino;
pli-tv-bu-vb-sk69:1.41	Mā tvaṁ adhammo ācarito,
pli-tv-bu-vb-sk69:1.42	asmā kumbhamivābhidā’ti.
pli-tv-bu-vb-sk69:1.43	Tadāpi me, bhikkhave, amanāpā nīce āsane nisīditvā ucce āsane nisinnassa mantaṁ vācetuṁ, kimaṅgaṁ pana etarahi na amanāpā bhavissati nīce āsane nisīditvā ucce āsane nisinnassa dhammaṁ desetuṁ.
pli-tv-bu-vb-sk69:1.44	Netaṁ, bhikkhave, appasannānaṁ vā pasādāya …pe…
pli-tv-bu-vb-sk69:1.45	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk69:1.46.0	
pli-tv-bu-vb-sk69:1.46.1	“Na nīce āsane nisīditvā ucce āsane nisinnassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk69:1.47	Na nīce āsane nisīditvā ucce āsane nisinnassa agilānassa dhammo desetabbo.
pli-tv-bu-vb-sk69:1.48	Yo anādariyaṁ paṭicca nīce āsane nisīditvā ucce āsane nisinnassa agilānassa dhammaṁ deseti, āpatti dukkaṭassa.
pli-tv-bu-vb-sk69:1.49.0	
pli-tv-bu-vb-sk69:1.49.1	Anāpatti—
pli-tv-bu-vb-sk69:1.50.1	asañcicca …pe…
pli-tv-bu-vb-sk69:1.50.2	
pli-tv-bu-vb-sk69:1.50.3	
pli-tv-bu-vb-sk69:1.50.4	
pli-tv-bu-vb-sk69:1.50.5	
pli-tv-bu-vb-sk69:1.50.6	
pli-tv-bu-vb-sk69:1.51	ādikammikassāti.
pli-tv-bu-vb-sk69:1.52	Navamasikkhāpadaṁ niṭṭhitaṁ.
pli-tv-bu-vb-sk70:0.1	Theravāda Vinaya
pli-tv-bu-vb-sk70:0.2	Mahāvibhaṅga
pli-tv-bu-vb-sk70:0.3	Sekhiyakaṇḍa
pli-tv-bu-vb-sk70:0.4	Pādukavagga
pli-tv-bu-vb-sk70:0.5	70. Ṭhitasikkhāpada
pli-tv-bu-vb-sk70:1.0	
pli-tv-bu-vb-sk70:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk70:1.2	Tena kho pana samayena chabbaggiyā bhikkhū ṭhitā nisinnassa dhammaṁ desenti …pe….
pli-tv-bu-vb-sk70:1.3.0	
pli-tv-bu-vb-sk70:1.3.1	“Na ṭhito nisinnassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk70:1.4	Na ṭhitena nisinnassa agilānassa dhammo desetabbo.
pli-tv-bu-vb-sk70:1.5	Yo anādariyaṁ paṭicca ṭhito nisinnassa agilānassa dhammaṁ deseti, āpatti dukkaṭassa.
pli-tv-bu-vb-sk70:1.6.0	
pli-tv-bu-vb-sk70:1.6.1	Anāpatti—
pli-tv-bu-vb-sk70:1.7.1	asañcicca …pe…
pli-tv-bu-vb-sk70:1.7.2	
pli-tv-bu-vb-sk70:1.7.3	
pli-tv-bu-vb-sk70:1.7.4	
pli-tv-bu-vb-sk70:1.7.5	
pli-tv-bu-vb-sk70:1.7.6	
pli-tv-bu-vb-sk70:1.8	ādikammikassāti.
pli-tv-bu-vb-sk70:1.9	Dasamasikkhāpadaṁ niṭṭhitaṁ.
pli-tv-bu-vb-sk71:0.1	Theravāda Vinaya
pli-tv-bu-vb-sk71:0.2	Mahāvibhaṅga
pli-tv-bu-vb-sk71:0.3	Sekhiyakaṇḍa
pli-tv-bu-vb-sk71:0.4	Pādukavagga
pli-tv-bu-vb-sk71:0.5	71. Pacchatogamanasikkhāpada
pli-tv-bu-vb-sk71:1.0	
pli-tv-bu-vb-sk71:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk71:1.2	Tena kho pana samayena chabbaggiyā bhikkhū pacchato gacchantā purato gacchantassa dhammaṁ desenti …pe….
pli-tv-bu-vb-sk71:1.3.0	
pli-tv-bu-vb-sk71:1.3.1	“Na pacchato gacchanto purato gacchantassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk71:1.4	Na pacchato gacchantena purato gacchantassa agilānassa dhammo desetabbo.
pli-tv-bu-vb-sk71:1.5	Yo anādariyaṁ paṭicca pacchato gacchanto purato gacchantassa agilānassa dhammaṁ deseti, āpatti dukkaṭassa.
pli-tv-bu-vb-sk71:1.6.0	
pli-tv-bu-vb-sk71:1.6.1	Anāpatti—
pli-tv-bu-vb-sk71:1.7.1	asañcicca …pe…
pli-tv-bu-vb-sk71:1.7.2	
pli-tv-bu-vb-sk71:1.7.3	
pli-tv-bu-vb-sk71:1.7.4	
pli-tv-bu-vb-sk71:1.7.5	
pli-tv-bu-vb-sk71:1.7.6	
pli-tv-bu-vb-sk71:1.8	ādikammikassāti.
pli-tv-bu-vb-sk71:1.9	Ekādasamasikkhāpadaṁ niṭṭhitaṁ.
pli-tv-bu-vb-sk72:0.1	Theravāda Vinaya
pli-tv-bu-vb-sk72:0.2	Mahāvibhaṅga
pli-tv-bu-vb-sk72:0.3	Sekhiyakaṇḍa
pli-tv-bu-vb-sk72:0.4	Pādukavagga
pli-tv-bu-vb-sk72:0.5	72. Uppathenagamanasikkhāpada
pli-tv-bu-vb-sk72:1.0	
pli-tv-bu-vb-sk72:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk72:1.2	Tena kho pana samayena chabbaggiyā bhikkhū uppathena gacchantā pathena gacchantassa dhammaṁ desenti …pe….
pli-tv-bu-vb-sk72:1.3.0	
pli-tv-bu-vb-sk72:1.3.1	“Na uppathena gacchanto pathena gacchantassa agilānassa dhammaṁ desessāmīti sikkhā karaṇīyā”ti.
pli-tv-bu-vb-sk72:1.4	Na uppathena gacchantena pathena gacchantassa agilānassa dhammo desetabbo.
pli-tv-bu-vb-sk72:1.5	Yo anādariyaṁ paṭicca uppathena gacchanto pathena gacchantassa agilānassa dhammaṁ deseti, āpatti dukkaṭassa.
pli-tv-bu-vb-sk72:1.6.0	
pli-tv-bu-vb-sk72:1.6.1	Anāpatti—
pli-tv-bu-vb-sk72:1.7.1	asañcicca …pe…
pli-tv-bu-vb-sk72:1.7.2	
pli-tv-bu-vb-sk72:1.7.3	
pli-tv-bu-vb-sk72:1.7.4	
pli-tv-bu-vb-sk72:1.7.5	
pli-tv-bu-vb-sk72:1.7.6	
pli-tv-bu-vb-sk72:1.8	ādikammikassāti.
pli-tv-bu-vb-sk72:1.9	Dvādasamasikkhāpadaṁ niṭṭhitaṁ.
pli-tv-bu-vb-sk73:0.1	Theravāda Vinaya
pli-tv-bu-vb-sk73:0.2	Mahāvibhaṅga
pli-tv-bu-vb-sk73:0.3	Sekhiyakaṇḍa
pli-tv-bu-vb-sk73:0.4	Pādukavagga
pli-tv-bu-vb-sk73:0.5	73. Ṭhitouccārasikkhāpada
pli-tv-bu-vb-sk73:1.0	
pli-tv-bu-vb-sk73:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk73:1.2	Tena kho pana samayena chabbaggiyā bhikkhū ṭhitā uccārampi passāvampi karonti …pe….
pli-tv-bu-vb-sk73:1.3.0	
pli-tv-bu-vb-sk73:1.3.1	“Na ṭhito agilāno uccāraṁ vā passāvaṁ vā karissāmīti sikkhā karaṇīyā”ti.
pli-tv-bu-vb-sk73:1.4	Na ṭhitena agilānena uccāro vā passāvo vā kātabbo.
pli-tv-bu-vb-sk73:1.5	Yo anādariyaṁ paṭicca ṭhito agilāno uccāraṁ vā passāvaṁ vā karoti, āpatti dukkaṭassa.
pli-tv-bu-vb-sk73:1.6.0	
pli-tv-bu-vb-sk73:1.6.1	Anāpatti—
pli-tv-bu-vb-sk73:1.7.1	asañcicca …pe…
pli-tv-bu-vb-sk73:1.7.2	
pli-tv-bu-vb-sk73:1.7.3	
pli-tv-bu-vb-sk73:1.7.4	
pli-tv-bu-vb-sk73:1.7.5	
pli-tv-bu-vb-sk73:1.7.6	
pli-tv-bu-vb-sk73:1.8	ādikammikassāti.
pli-tv-bu-vb-sk73:1.9	Terasamasikkhāpadaṁ niṭṭhitaṁ.
pli-tv-bu-vb-sk74:0.1	Theravāda Vinaya
pli-tv-bu-vb-sk74:0.2	Mahāvibhaṅga
pli-tv-bu-vb-sk74:0.3	Sekhiyakaṇḍa
pli-tv-bu-vb-sk74:0.4	Pādukavagga
pli-tv-bu-vb-sk74:0.5	74. Hariteuccārasikkhāpada
pli-tv-bu-vb-sk74:1.0	
pli-tv-bu-vb-sk74:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk74:1.2	Tena kho pana samayena chabbaggiyā bhikkhū harite uccārampi passāvampi kheḷampi karonti …pe….
pli-tv-bu-vb-sk74:1.3.0	
pli-tv-bu-vb-sk74:1.3.1	“Na harite agilāno uccāraṁ vā passāvaṁ vā kheḷaṁ vā karissāmīti sikkhā karaṇīyā”ti.
pli-tv-bu-vb-sk74:1.4	Na harite agilānena uccāro vā passāvo vā kheḷo vā kātabbo.
pli-tv-bu-vb-sk74:1.5	Yo anādariyaṁ paṭicca harite agilāno uccāraṁ vā passāvaṁ vā kheḷaṁ vā karoti, āpatti dukkaṭassa.
pli-tv-bu-vb-sk74:1.6.0	
pli-tv-bu-vb-sk74:1.6.1	Anāpatti—
pli-tv-bu-vb-sk74:1.7	asañcicca,
pli-tv-bu-vb-sk74:1.8	assatiyā,
pli-tv-bu-vb-sk74:1.9	ajānantassa,
pli-tv-bu-vb-sk74:1.10	gilānassa,
pli-tv-bu-vb-sk74:1.11	appaharite kato haritaṁ ottharati,
pli-tv-bu-vb-sk74:1.12	āpadāsu,
pli-tv-bu-vb-sk74:1.13	ummattakassa,
pli-tv-bu-vb-sk74:1.14	ādikammikassāti.
pli-tv-bu-vb-sk74:1.15	Cuddasamasikkhāpadaṁ niṭṭhitaṁ.
pli-tv-bu-vb-sk75:0.1	Theravāda Vinaya
pli-tv-bu-vb-sk75:0.2	Mahāvibhaṅga
pli-tv-bu-vb-sk75:0.3	Sekhiyakaṇḍa
pli-tv-bu-vb-sk75:0.4	Pādukavagga
pli-tv-bu-vb-sk75:0.5	75. Udakeuccārasikkhāpada
pli-tv-bu-vb-sk75:1.0.1	
pli-tv-bu-vb-sk75:1.0.2	
pli-tv-bu-vb-sk75:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-sk75:1.2	Tena kho pana samayena chabbaggiyā bhikkhū udake uccārampi passāvampi kheḷampi karonti.
pli-tv-bu-vb-sk75:1.3	Manussā ujjhāyanti khiyyanti vipācenti—
pli-tv-bu-vb-sk75:1.4	“kathañhi nāma samaṇā sakyaputtiyā udake uccārampi passāvampi kheḷampi karissanti, seyyathāpi gihī kāmabhogino”ti.
pli-tv-bu-vb-sk75:1.5	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-sk75:1.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-sk75:1.7	“kathañhi nāma chabbaggiyā bhikkhū udake uccārampi passāvampi kheḷampi karissantī”ti …pe…
pli-tv-bu-vb-sk75:1.8	“saccaṁ kira tumhe, bhikkhave, udake uccārampi passāvampi kheḷampi karothā”ti?
pli-tv-bu-vb-sk75:1.9	“Saccaṁ, bhagavā”ti.
pli-tv-bu-vb-sk75:1.10	Vigarahi buddho bhagavā …pe…
pli-tv-bu-vb-sk75:1.11	kathañhi nāma tumhe, moghapurisā, udake uccārampi passāvampi kheḷampi karissatha.
pli-tv-bu-vb-sk75:1.12	Netaṁ, moghapurisā, appasannānaṁ vā pasādāya …pe…
pli-tv-bu-vb-sk75:1.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk75:1.14.0	
pli-tv-bu-vb-sk75:1.14.1	“Na udake uccāraṁ vā passāvaṁ vā kheḷaṁ vā karissāmīti sikkhā karaṇīyā”ti.
pli-tv-bu-vb-sk75:1.15	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-sk75:2.0	
pli-tv-bu-vb-sk75:2.1	Tena kho pana samayena gilānā bhikkhū udake uccārampi passāvampi kheḷampi kātuṁ kukkuccāyanti.
pli-tv-bu-vb-sk75:2.2	Bhagavato etamatthaṁ ārocesuṁ.
pli-tv-bu-vb-sk75:2.3	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-sk75:2.4	“anujānāmi, bhikkhave, gilānena bhikkhunā udake uccārampi passāvampi kheḷampi kātuṁ.
pli-tv-bu-vb-sk75:2.5	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-sk75:2.6.0	
pli-tv-bu-vb-sk75:2.6.1	“Na udake agilāno uccāraṁ vā passāvaṁ vā kheḷaṁ vā karissāmīti sikkhā karaṇīyā”ti.
pli-tv-bu-vb-sk75:2.7	Na udake agilānena uccāro vā passāvo vā kheḷo vā kātabbo.
pli-tv-bu-vb-sk75:2.8	Yo anādariyaṁ paṭicca udake agilāno uccāraṁ vā passāvaṁ vā kheḷaṁ vā karoti, āpatti dukkaṭassa.
pli-tv-bu-vb-sk75:2.9.0	
pli-tv-bu-vb-sk75:2.9.1	Anāpatti—
pli-tv-bu-vb-sk75:2.10	asañcicca,
pli-tv-bu-vb-sk75:2.11	assatiyā,
pli-tv-bu-vb-sk75:2.12	ajānantassa,
pli-tv-bu-vb-sk75:2.13	gilānassa,
pli-tv-bu-vb-sk75:2.14	thale kato udakaṁ ottharati,
pli-tv-bu-vb-sk75:2.15	āpadāsu,
pli-tv-bu-vb-sk75:2.16	ummattakassa,
pli-tv-bu-vb-sk75:2.17	khittacittassa,
pli-tv-bu-vb-sk75:2.18	vedanāṭṭassa,
pli-tv-bu-vb-sk75:2.19	ādikammikassāti.
pli-tv-bu-vb-sk75:2.20	Pannarasamasikkhāpadaṁ niṭṭhitaṁ.
pli-tv-bu-vb-sk75:2.21	Pādukavaggo sattamo.
pli-tv-bu-vb-sk75:2.22	Uddiṭṭhā kho, āyasmanto, sekhiyā dhammā.
pli-tv-bu-vb-sk75:2.23	Tatthāyasmante pucchāmi—
pli-tv-bu-vb-sk75:2.24	“kaccittha parisuddhā”?
pli-tv-bu-vb-sk75:2.25	Dutiyampi pucchāmi—
pli-tv-bu-vb-sk75:2.26	“kaccittha parisuddhā”?
pli-tv-bu-vb-sk75:2.27	Tatiyampi pucchāmi—
pli-tv-bu-vb-sk75:2.28	“kaccittha parisuddhā”?
pli-tv-bu-vb-sk75:2.29	Parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-vb-sk75:2.30	Sekhiyā niṭṭhitā.
pli-tv-bu-vb-sk75:2.31	Sekhiyakaṇḍaṁ niṭṭhitaṁ.
pli-tv-bu-vb-ss1:0.1	Theravāda Vinaya
pli-tv-bu-vb-ss1:0.2	Mahāvibhaṅga
pli-tv-bu-vb-ss1:0.3	Saṅghādisesakaṇḍa
pli-tv-bu-vb-ss1:0.4	1. Sukkavissaṭṭhisikkhāpada
pli-tv-bu-vb-ss1:0.5	Ime kho panāyasmanto terasa saṅghādisesā dhammā uddesaṁ āgacchanti.
pli-tv-bu-vb-ss1:1.1.0.1	
pli-tv-bu-vb-ss1:1.1.0.2	
pli-tv-bu-vb-ss1:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ss1:1.1.2	Tena kho pana samayena āyasmā seyyasako anabhirato brahmacariyaṁ carati.
pli-tv-bu-vb-ss1:1.1.3	So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto.
pli-tv-bu-vb-ss1:1.1.4	Addasa kho āyasmā udāyī āyasmantaṁ seyyasakaṁ kisaṁ lūkhaṁ dubbaṇṇaṁ uppaṇḍuppaṇḍukajātaṁ dhamanisanthatagattaṁ. Disvāna āyasmantaṁ seyyasakaṁ etadavoca—
pli-tv-bu-vb-ss1:1.1.5	“kissa tvaṁ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto?
pli-tv-bu-vb-ss1:1.1.6	Kacci no tvaṁ, āvuso seyyasaka, anabhirato brahmacariyaṁ carasī”ti?
pli-tv-bu-vb-ss1:1.1.7	“Evamāvuso”ti.
pli-tv-bu-vb-ss1:1.1.8	“Tena hi tvaṁ, āvuso seyyasaka, yāvadatthaṁ bhuñja yāvadatthaṁ supa yāvadatthaṁ nhāya.
pli-tv-bu-vb-ss1:1.1.9	Yāvadatthaṁ bhuñjitvā yāvadatthaṁ supitvā yāvadatthaṁ nhāyitvā yadā te anabhirati uppajjati rāgo cittaṁ anuddhaṁseti tadā hatthena upakkamitvā asuciṁ mocehī”ti.
pli-tv-bu-vb-ss1:1.1.10	“Kiṁ nu kho, āvuso, kappati evarūpaṁ kātun”ti?
pli-tv-bu-vb-ss1:1.1.11	“Āma, āvuso. Ahampi evaṁ karomī”ti.
pli-tv-bu-vb-ss1:1.1.12	Atha kho āyasmā seyyasako yāvadatthaṁ bhuñji yāvadatthaṁ supi yāvadatthaṁ nhāyi.
pli-tv-bu-vb-ss1:1.1.13	Yāvadatthaṁ bhuñjitvā yāvadatthaṁ supitvā yāvadatthaṁ nhāyitvā yadā anabhirati uppajjati rāgo cittaṁ anuddhaṁseti tadā hatthena upakkamitvā asuciṁ mocesi.
pli-tv-bu-vb-ss1:1.1.14	Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo.
pli-tv-bu-vb-ss1:1.1.15	Atha kho āyasmato seyyasakassa sahāyakā bhikkhū āyasmantaṁ seyyasakaṁ etadavocuṁ—
pli-tv-bu-vb-ss1:1.1.16	“pubbe kho tvaṁ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto.
pli-tv-bu-vb-ss1:1.1.17	So dāni tvaṁ etarahi vaṇṇavā pīṇindriyo pasannamukhavaṇṇo vippasannachavivaṇṇo.
pli-tv-bu-vb-ss1:1.1.18	Kiṁ nu kho tvaṁ, āvuso seyyasaka, bhesajjaṁ karosī”ti?
pli-tv-bu-vb-ss1:1.1.19	“Na kho ahaṁ, āvuso, bhesajjaṁ karomi.
pli-tv-bu-vb-ss1:1.1.20	Api cāhaṁ yāvadatthaṁ bhuñjāmi yāvadatthaṁ supāmi yāvadatthaṁ nhāyāmi.
pli-tv-bu-vb-ss1:1.1.21	Yāvadatthaṁ bhuñjitvā yāvadatthaṁ supitvā yāvadatthaṁ nhāyitvā yadā me anabhirati uppajjati rāgo cittaṁ anuddhaṁseti tadā hatthena upakkamitvā asuciṁ mocemī”ti.
pli-tv-bu-vb-ss1:1.2.1	“Kiṁ pana tvaṁ, āvuso seyyasaka, yeneva hatthena saddhādeyyaṁ bhuñjasi teneva hatthena upakkamitvā asuciṁ mocesī”ti?
pli-tv-bu-vb-ss1:1.2.2	“Evamāvuso”ti.
pli-tv-bu-vb-ss1:1.2.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss1:1.2.4	“kathañhi nāma āyasmā seyyasako hatthena upakkamitvā asuciṁ mocessatī”ti.
pli-tv-bu-vb-ss1:1.2.5	Atha kho te bhikkhū āyasmantaṁ seyyasakaṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-ss1:1.2.6	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ seyyasakaṁ paṭipucchi—
pli-tv-bu-vb-ss1:1.2.7	“saccaṁ kira tvaṁ, seyyasaka, hatthena upakkamitvā asuciṁ mocesī”ti?
pli-tv-bu-vb-ss1:1.2.8	“Saccaṁ, bhagavā”ti.
pli-tv-bu-vb-ss1:1.2.9	Vigarahi buddho bhagavā—
pli-tv-bu-vb-ss1:1.2.10	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-ss1:1.2.11	Kathañhi nāma tvaṁ, moghapurisa, hatthena upakkamitvā asuciṁ mocessasi.
pli-tv-bu-vb-ss1:1.2.12	Nanu mayā, moghapurisa, anekapariyāyena virāgāya dhammo desito no sarāgāya,
pli-tv-bu-vb-ss1:1.2.13	visaññogāya dhammo desito no saññogāya,
pli-tv-bu-vb-ss1:1.2.14	anupādānāya dhammo desito no saupādānāya.
pli-tv-bu-vb-ss1:1.2.15	Tattha nāma tvaṁ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi.
pli-tv-bu-vb-ss1:1.2.16	Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhākkhayāya virāgāya nirodhāya nibbānāya dhammo desito?
pli-tv-bu-vb-ss1:1.2.17	Nanu mayā, moghapurisa, anekapariyāyena kāmānaṁ pahānaṁ akkhātaṁ, kāmasaññānaṁ pariññā akkhātā, kāmapipāsānaṁ paṭivinayo akkhāto, kāmavitakkānaṁ samugghāto akkhāto, kāmapariḷāhānaṁ vūpasamo akkhāto?
pli-tv-bu-vb-ss1:1.2.18	Netaṁ, moghapurisa, appasannānaṁ vā pasādāya, pasannānaṁ vā bhiyyobhāvāya.
pli-tv-bu-vb-ss1:1.2.19	Atha khvetaṁ, moghapurisa, appasannānañceva appasādāya, pasannānañca ekaccānaṁ aññathattāyā”ti.
pli-tv-bu-vb-ss1:1.2.20	Atha kho bhagavā āyasmantaṁ seyyasakaṁ anekapariyāyena vigarahitvā dubbharatāya …pe…
pli-tv-bu-vb-ss1:1.2.21	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss1:1.2.22.0	
pli-tv-bu-vb-ss1:1.2.22.1	“Sañcetanikā sukkavissaṭṭhi saṅghādiseso”ti.
pli-tv-bu-vb-ss1:1.2.23	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-ss1:2.1.0	
pli-tv-bu-vb-ss1:2.1.1	Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṁ okkamanti.
pli-tv-bu-vb-ss1:2.1.2	Tesaṁ muṭṭhassatīnaṁ asampajānānaṁ niddaṁ okkamantānaṁ supinantena asuci muccati.
pli-tv-bu-vb-ss1:2.1.3	Tesaṁ kukkuccaṁ ahosi—
pli-tv-bu-vb-ss1:2.1.4	“bhagavatā sikkhāpadaṁ paññattaṁ—
pli-tv-bu-vb-ss1:2.1.5	‘sañcetanikā sukkavissaṭṭhi saṅghādiseso’ti.
pli-tv-bu-vb-ss1:2.1.6	Amhākañca supinantena asuci muccati.
pli-tv-bu-vb-ss1:2.1.7	Atthi cettha cetanā labbhati.
pli-tv-bu-vb-ss1:2.1.8	Kacci nu kho mayaṁ saṅghādisesaṁ āpattiṁ āpannā”ti?
pli-tv-bu-vb-ss1:2.1.9	Bhagavato etamatthaṁ ārocesuṁ.
pli-tv-bu-vb-ss1:2.1.10	“Atthesā, bhikkhave, cetanā;
pli-tv-bu-vb-ss1:2.1.11	sā ca kho abbohārikāti.
pli-tv-bu-vb-ss1:2.1.12	Evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss1:2.1.13.0	
pli-tv-bu-vb-ss1:2.1.13.1	“Sañcetanikā sukkavissaṭṭhi aññatra supinantā saṅghādiseso”ti.
pli-tv-bu-vb-ss1:2.2.0	
pli-tv-bu-vb-ss1:2.2.1	Sañcetanikāti
pli-tv-bu-vb-ss1:2.2.2	jānanto sañjānanto cecca abhivitaritvā vītikkamo.
pli-tv-bu-vb-ss1:2.2.3	Sukkanti
pli-tv-bu-vb-ss1:2.2.4	dasa sukkāni—
pli-tv-bu-vb-ss1:2.2.5	nīlaṁ pītakaṁ lohitakaṁ odātaṁ takkavaṇṇaṁ dakavaṇṇaṁ telavaṇṇaṁ khīravaṇṇaṁ dadhivaṇṇaṁ sappivaṇṇaṁ.
pli-tv-bu-vb-ss1:2.2.6	Vissaṭṭhīti
pli-tv-bu-vb-ss1:2.2.7	ṭhānato cāvanā vuccati vissaṭṭhīti.
pli-tv-bu-vb-ss1:2.2.8	Aññatra supinantāti
pli-tv-bu-vb-ss1:2.2.9	ṭhapetvā supinantaṁ.
pli-tv-bu-vb-ss1:2.2.10	Saṅghādisesoti
pli-tv-bu-vb-ss1:2.2.11	saṅghova tassā āpattiyā parivāsaṁ deti, mūlāya paṭikassati, mānattaṁ deti, abbheti; na sambahulā, na ekapuggalo. Tena vuccati—“saṅghādiseso”ti.
pli-tv-bu-vb-ss1:2.2.12	Tasseva āpattinikāyassa nāmakammaṁ adhivacanaṁ. Tenapi vuccati—“saṅghādiseso”ti.
pli-tv-bu-vb-ss1:3.1.0.1	
pli-tv-bu-vb-ss1:3.1.0.2	
pli-tv-bu-vb-ss1:3.1.0.3	
pli-tv-bu-vb-ss1:3.1.1	Ajjhattarūpe moceti,
pli-tv-bu-vb-ss1:3.1.2	bahiddhārūpe moceti,
pli-tv-bu-vb-ss1:3.1.3	ajjhattabahiddhārūpe moceti,
pli-tv-bu-vb-ss1:3.1.4	ākāse kaṭiṁ kampento moceti;
pli-tv-bu-vb-ss1:3.1.5	rāgūpatthambhe moceti,
pli-tv-bu-vb-ss1:3.1.6	vaccūpatthambhe moceti,
pli-tv-bu-vb-ss1:3.1.7	passāvūpatthambhe moceti,
pli-tv-bu-vb-ss1:3.1.8	vātūpatthambhe moceti,
pli-tv-bu-vb-ss1:3.1.9	uccāliṅgapāṇakadaṭṭhūpatthambhe moceti;
pli-tv-bu-vb-ss1:3.1.10	ārogyatthāya moceti,
pli-tv-bu-vb-ss1:3.1.11	sukhatthāya moceti,
pli-tv-bu-vb-ss1:3.1.12	bhesajjatthāya moceti,
pli-tv-bu-vb-ss1:3.1.13	dānatthāya moceti,
pli-tv-bu-vb-ss1:3.1.14	puññatthāya moceti,
pli-tv-bu-vb-ss1:3.1.15	yaññatthāya moceti,
pli-tv-bu-vb-ss1:3.1.16	saggatthāya moceti,
pli-tv-bu-vb-ss1:3.1.17	bījatthāya moceti,
pli-tv-bu-vb-ss1:3.1.18	vīmaṁsatthāya moceti,
pli-tv-bu-vb-ss1:3.1.19	davatthāya moceti;
pli-tv-bu-vb-ss1:3.1.20	nīlaṁ moceti,
pli-tv-bu-vb-ss1:3.1.21	pītakaṁ moceti,
pli-tv-bu-vb-ss1:3.1.22	lohitakaṁ moceti,
pli-tv-bu-vb-ss1:3.1.23	odātaṁ moceti,
pli-tv-bu-vb-ss1:3.1.24	takkavaṇṇaṁ moceti,
pli-tv-bu-vb-ss1:3.1.25	dakavaṇṇaṁ moceti,
pli-tv-bu-vb-ss1:3.1.26	telavaṇṇaṁ moceti,
pli-tv-bu-vb-ss1:3.1.27	khīravaṇṇaṁ moceti,
pli-tv-bu-vb-ss1:3.1.28	dadhivaṇṇaṁ moceti,
pli-tv-bu-vb-ss1:3.1.29	sappivaṇṇaṁ moceti.
pli-tv-bu-vb-ss1:3.2.0	
pli-tv-bu-vb-ss1:3.2.1	Ajjhattarūpeti
pli-tv-bu-vb-ss1:3.2.2	ajjhattaṁ upādinne rūpe.
pli-tv-bu-vb-ss1:3.2.3	Bahiddhārūpeti
pli-tv-bu-vb-ss1:3.2.4	bahiddhā upādinne vā anupādinne vā.
pli-tv-bu-vb-ss1:3.2.5	Ajjhattabahiddhārūpeti
pli-tv-bu-vb-ss1:3.2.6	tadubhaye.
pli-tv-bu-vb-ss1:3.2.7	Ākāse kaṭiṁ kampentoti
pli-tv-bu-vb-ss1:3.2.8	ākāse vāyamantassa aṅgajātaṁ kammaniyaṁ hoti.
pli-tv-bu-vb-ss1:3.2.9	Rāgūpatthambheti
pli-tv-bu-vb-ss1:3.2.10	rāgena pīḷitassa aṅgajātaṁ kammaniyaṁ hoti.
pli-tv-bu-vb-ss1:3.2.11	Vaccūpatthambheti
pli-tv-bu-vb-ss1:3.2.12	vaccena pīḷitassa aṅgajātaṁ kammaniyaṁ hoti.
pli-tv-bu-vb-ss1:3.2.13	Passāvūpatthambheti
pli-tv-bu-vb-ss1:3.2.14	passāvena pīḷitassa aṅgajātaṁ kammaniyaṁ hoti.
pli-tv-bu-vb-ss1:3.2.15	Vātūpatthambheti
pli-tv-bu-vb-ss1:3.2.16	vātena pīḷitassa aṅgajātaṁ kammaniyaṁ hoti.
pli-tv-bu-vb-ss1:3.2.17	Uccāliṅgapāṇakadaṭṭhūpatthambheti
pli-tv-bu-vb-ss1:3.2.18	uccāliṅgapāṇakadaṭṭhena aṅgajātaṁ kammaniyaṁ hoti.
pli-tv-bu-vb-ss1:3.2.19	Ārogyatthāyāti
pli-tv-bu-vb-ss1:3.2.20	arogo bhavissāmi.
pli-tv-bu-vb-ss1:3.2.21	Sukhatthāyāti
pli-tv-bu-vb-ss1:3.2.22	sukhaṁ vedanaṁ uppādessāmi.
pli-tv-bu-vb-ss1:3.2.23	Bhesajjatthāyāti
pli-tv-bu-vb-ss1:3.2.24	bhesajjaṁ bhavissati.
pli-tv-bu-vb-ss1:3.2.25	Dānatthāyāti
pli-tv-bu-vb-ss1:3.2.26	dānaṁ dassāmi.
pli-tv-bu-vb-ss1:3.2.27	Puññatthāyāti
pli-tv-bu-vb-ss1:3.2.28	puññaṁ bhavissati.
pli-tv-bu-vb-ss1:3.2.29	Yaññatthāyāti
pli-tv-bu-vb-ss1:3.2.30	yaññaṁ yajissāmi.
pli-tv-bu-vb-ss1:3.2.31	Saggatthāyāti
pli-tv-bu-vb-ss1:3.2.32	saggaṁ gamissāmi.
pli-tv-bu-vb-ss1:3.2.33	Bījatthāyāti
pli-tv-bu-vb-ss1:3.2.34	bījaṁ bhavissati.
pli-tv-bu-vb-ss1:3.2.35	Vīmaṁsatthāyāti
pli-tv-bu-vb-ss1:3.2.36	nīlaṁ bhavissati, pītakaṁ bhavissati, lohitakaṁ bhavissati, odātaṁ bhavissati, takkavaṇṇaṁ bhavissati, dakavaṇṇaṁ bhavissati, telavaṇṇaṁ bhavissati, khīravaṇṇaṁ bhavissati, dadhivaṇṇaṁ bhavissati, sappivaṇṇaṁ bhavissatīti.
pli-tv-bu-vb-ss1:3.2.37	Davatthāyāti
pli-tv-bu-vb-ss1:3.2.38	khiḍḍādhippāyo.
pli-tv-bu-vb-ss1:3.3.0	
pli-tv-bu-vb-ss1:3.3.1	Ajjhattarūpe ceteti upakkamati muccati, āpatti saṅghādisesassa.
pli-tv-bu-vb-ss1:3.3.2	Bahiddhārūpe ceteti upakkamati muccati, āpatti saṅghādisesassa.
pli-tv-bu-vb-ss1:3.3.3	Ajjhattabahiddhārūpe ceteti upakkamati muccati, āpatti saṅghādisesassa.
pli-tv-bu-vb-ss1:3.3.4	Ākāse kaṭiṁ kampento ceteti upakkamati muccati, āpatti saṅghādisesassa.
pli-tv-bu-vb-ss1:3.3.5	Rāgūpatthambhe ceteti upakkamati muccati, āpatti saṅghādisesassa.
pli-tv-bu-vb-ss1:3.3.6	Vaccūpatthambhe ceteti upakkamati muccati, āpatti saṅghādisesassa.
pli-tv-bu-vb-ss1:3.3.7	Passāvūpatthambhe ceteti upakkamati muccati, āpatti saṅghādisesassa.
pli-tv-bu-vb-ss1:3.3.8	Vātūpatthambhe ceteti upakkamati muccati, āpatti saṅghādisesassa.
pli-tv-bu-vb-ss1:3.3.9	Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
pli-tv-bu-vb-ss1:3.3.10.0.1	
pli-tv-bu-vb-ss1:3.3.10.0.2	
pli-tv-bu-vb-ss1:3.3.10.1	Ārogyatthāya ceteti upakkamati muccati, āpatti saṅghādisesassa.
pli-tv-bu-vb-ss1:3.3.11	Sukhatthāya …pe…
pli-tv-bu-vb-ss1:3.3.12	bhesajjatthāya …
pli-tv-bu-vb-ss1:3.3.13	dānatthāya …
pli-tv-bu-vb-ss1:3.3.14	puññatthāya …
pli-tv-bu-vb-ss1:3.3.15	yaññatthāya …
pli-tv-bu-vb-ss1:3.3.16	saggatthāya …
pli-tv-bu-vb-ss1:3.3.17	bījatthāya …
pli-tv-bu-vb-ss1:3.3.18	vīmaṁsatthāya …
pli-tv-bu-vb-ss1:3.3.19	davatthāya ceteti upakkamati muccati, āpatti saṅghādisesassa.
pli-tv-bu-vb-ss1:3.3.20.0	
pli-tv-bu-vb-ss1:3.3.20.1	Nīlaṁ ceteti upakkamati muccati, āpatti saṅghādisesassa.
pli-tv-bu-vb-ss1:3.3.21	Pītakaṁ …
pli-tv-bu-vb-ss1:3.3.22	lohitakaṁ …
pli-tv-bu-vb-ss1:3.3.23	odātaṁ …
pli-tv-bu-vb-ss1:3.3.24	takkavaṇṇaṁ …
pli-tv-bu-vb-ss1:3.3.25	dakavaṇṇaṁ …
pli-tv-bu-vb-ss1:3.3.26	telavaṇṇaṁ …
pli-tv-bu-vb-ss1:3.3.27	khīravaṇṇaṁ …
pli-tv-bu-vb-ss1:3.3.28	dadhivaṇṇaṁ …
pli-tv-bu-vb-ss1:3.3.29	sappivaṇṇaṁ ceteti upakkamati muccati, āpatti saṅghādisesassa.
pli-tv-bu-vb-ss1:3.3.30	Suddhikaṁ niṭṭhitaṁ.
pli-tv-bu-vb-ss1:3.4.1.0	
pli-tv-bu-vb-ss1:3.4.1.1	Ārogyatthañca sukhatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.4.2	Ārogyatthañca bhesajjatthañca …pe…
pli-tv-bu-vb-ss1:3.4.3	ārogyatthañca dānatthañca …
pli-tv-bu-vb-ss1:3.4.4	ārogyatthañca puññatthañca …
pli-tv-bu-vb-ss1:3.4.5	ārogyatthañca yaññatthañca …
pli-tv-bu-vb-ss1:3.4.6	ārogyatthañca saggatthañca …
pli-tv-bu-vb-ss1:3.4.7	ārogyatthañca bījatthañca …
pli-tv-bu-vb-ss1:3.4.8	ārogyatthañca vīmaṁsatthañca …
pli-tv-bu-vb-ss1:3.4.9	ārogyatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.4.10	Ekamūlakassa khaṇḍacakkaṁ niṭṭhitaṁ.
pli-tv-bu-vb-ss1:3.5.1	Sukhatthañca bhesajjatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.2	Sukhatthañca dānatthañca …pe…
pli-tv-bu-vb-ss1:3.5.3	sukhatthañca puññatthañca …
pli-tv-bu-vb-ss1:3.5.4	sukhatthañca yaññatthañca …
pli-tv-bu-vb-ss1:3.5.5	sukhatthañca saggatthañca …
pli-tv-bu-vb-ss1:3.5.6	sukhatthañca bījatthañca …
pli-tv-bu-vb-ss1:3.5.7	sukhatthañca vīmaṁsatthañca …
pli-tv-bu-vb-ss1:3.5.8	sukhatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.9	Sukhatthañca ārogyatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.10	Bhesajjatthañca dānatthañca …pe…
pli-tv-bu-vb-ss1:3.5.11	bhesajjatthañca puññatthañca …
pli-tv-bu-vb-ss1:3.5.12	bhesajjatthañca yaññatthañca …
pli-tv-bu-vb-ss1:3.5.13	bhesajjatthañca saggatthañca …
pli-tv-bu-vb-ss1:3.5.14	bhesajjatthañca bījatthañca …
pli-tv-bu-vb-ss1:3.5.15	bhesajjatthañca vīmaṁsatthañca …
pli-tv-bu-vb-ss1:3.5.16	bhesajjatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.17	Bhesajjatthañca ārogyatthañca …pe…
pli-tv-bu-vb-ss1:3.5.18	bhesajjatthañca sukhatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.19	Dānatthañca puññatthañca …pe…
pli-tv-bu-vb-ss1:3.5.20	dānatthañca yaññatthañca …
pli-tv-bu-vb-ss1:3.5.21	dānatthañca saggatthañca …
pli-tv-bu-vb-ss1:3.5.22	dānatthañca bījatthañca …
pli-tv-bu-vb-ss1:3.5.23	dānatthañca vīmaṁsatthañca …
pli-tv-bu-vb-ss1:3.5.24	dānatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.25	Dānatthañca ārogyatthañca …pe…
pli-tv-bu-vb-ss1:3.5.26	dānatthañca sukhatthañca …
pli-tv-bu-vb-ss1:3.5.27	dānatthañca bhesajjatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.28	Puññatthañca yaññatthañca …pe…
pli-tv-bu-vb-ss1:3.5.29	puññatthañca saggatthañca …
pli-tv-bu-vb-ss1:3.5.30	puññatthañca bījatthañca …
pli-tv-bu-vb-ss1:3.5.31	puññatthañca vīmaṁsatthañca …
pli-tv-bu-vb-ss1:3.5.32	puññatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.33	Puññatthañca ārogyatthañca …pe…
pli-tv-bu-vb-ss1:3.5.34	puññatthañca sukhatthañca …
pli-tv-bu-vb-ss1:3.5.35	puññatthañca bhesajjatthañca …
pli-tv-bu-vb-ss1:3.5.36	puññatthañca dānatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.37	Yaññatthañca saggatthañca …pe…
pli-tv-bu-vb-ss1:3.5.38	yaññatthañca bījatthañca …
pli-tv-bu-vb-ss1:3.5.39	yaññatthañca vīmaṁsatthañca …
pli-tv-bu-vb-ss1:3.5.40	yaññatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.41	Yaññatthañca ārogyatthañca …pe…
pli-tv-bu-vb-ss1:3.5.42	yaññatthañca sukhatthañca …
pli-tv-bu-vb-ss1:3.5.43	yaññatthañca bhesajjatthañca …
pli-tv-bu-vb-ss1:3.5.44	yaññatthañca dānatthañca …
pli-tv-bu-vb-ss1:3.5.45	yaññatthañca puññatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.46	Saggatthañca bījatthañca …pe…
pli-tv-bu-vb-ss1:3.5.47	saggatthañca vīmaṁsatthañca …
pli-tv-bu-vb-ss1:3.5.48	saggatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.49	Saggatthañca ārogyatthañca …pe…
pli-tv-bu-vb-ss1:3.5.50	saggatthañca sukhatthañca …
pli-tv-bu-vb-ss1:3.5.51	saggatthañca bhesajjatthañca …
pli-tv-bu-vb-ss1:3.5.52	saggatthañca dānatthañca …
pli-tv-bu-vb-ss1:3.5.53	saggatthañca puññatthañca …
pli-tv-bu-vb-ss1:3.5.54	saggatthañca yaññatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.55	Bījatthañca vīmaṁsatthañca …pe…
pli-tv-bu-vb-ss1:3.5.56	bījatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.57	Bījatthañca ārogyatthañca …pe…
pli-tv-bu-vb-ss1:3.5.58	bījatthañca sukhatthañca …
pli-tv-bu-vb-ss1:3.5.59	bījatthañca bhesajjatthañca …
pli-tv-bu-vb-ss1:3.5.60	bījatthañca dānatthañca …
pli-tv-bu-vb-ss1:3.5.61	bījatthañca puññatthañca …
pli-tv-bu-vb-ss1:3.5.62	bījatthañca yaññatthañca …
pli-tv-bu-vb-ss1:3.5.63	bījatthañca saggatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.64	Vīmaṁsatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.65	Vīmaṁsatthañca ārogyatthañca …pe…
pli-tv-bu-vb-ss1:3.5.66	vīmaṁsatthañca sukhatthañca …
pli-tv-bu-vb-ss1:3.5.67	vīmaṁsatthañca bhesajjatthañca …
pli-tv-bu-vb-ss1:3.5.68	vīmaṁsatthañca dānatthañca …
pli-tv-bu-vb-ss1:3.5.69	vīmaṁsatthañca puññatthañca …
pli-tv-bu-vb-ss1:3.5.70	vīmaṁsatthañca yaññatthañca …
pli-tv-bu-vb-ss1:3.5.71	vīmaṁsatthañca saggatthañca …
pli-tv-bu-vb-ss1:3.5.72	vīmaṁsatthañca bījatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.73	Davatthañca ārogyatthañca …pe…
pli-tv-bu-vb-ss1:3.5.74	davatthañca sukhatthañca …
pli-tv-bu-vb-ss1:3.5.75	davatthañca bhesajjatthañca …
pli-tv-bu-vb-ss1:3.5.76	davatthañca dānatthañca …
pli-tv-bu-vb-ss1:3.5.77	davatthañca puññatthañca …
pli-tv-bu-vb-ss1:3.5.78	davatthañca yaññatthañca …
pli-tv-bu-vb-ss1:3.5.79	davatthañca saggatthañca …
pli-tv-bu-vb-ss1:3.5.80	davatthañca bījatthañca …
pli-tv-bu-vb-ss1:3.5.81	davatthañca vīmaṁsatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.82	Ekamūlakassa baddhacakkaṁ niṭṭhitaṁ.
pli-tv-bu-vb-ss1:3.5.83.0	
pli-tv-bu-vb-ss1:3.5.83.1	Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa …pe…
pli-tv-bu-vb-ss1:3.5.84	ārogyatthañca sukhatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.85	Dumūlakassa khaṇḍacakkaṁ.
pli-tv-bu-vb-ss1:3.5.86	Sukhatthañca bhesajjatthañca dānatthañca ceteti upakkamati muccati, āpatti saṅghādisesassa …pe…
pli-tv-bu-vb-ss1:3.5.87	sukhatthañca bhesajjatthañca davatthañca …pe…
pli-tv-bu-vb-ss1:3.5.88	sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.89	Dumūlakassa baddhacakkaṁ, saṅkhittaṁ.
pli-tv-bu-vb-ss1:3.5.90	Vīmaṁsatthañca davatthañca ārogyatthañca ceteti upakkamati muccati, āpatti saṅghādisesassa …pe…
pli-tv-bu-vb-ss1:3.5.91	vīmaṁsatthañca davatthañca bījatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.92	Dumūlakaṁ niṭṭhitaṁ.
pli-tv-bu-vb-ss1:3.5.93.0	
pli-tv-bu-vb-ss1:3.5.93.1	Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṁ.
pli-tv-bu-vb-ss1:3.5.94.0	
pli-tv-bu-vb-ss1:3.5.94.1	Idaṁ sabbamūlakaṁ.
pli-tv-bu-vb-ss1:3.5.95	Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṁsatthañca davatthañca ceteti upakkamati muccati, āpatti saṅghādisesassa.
pli-tv-bu-vb-ss1:3.5.96	Sabbamūlakaṁ niṭṭhitaṁ.
pli-tv-bu-vb-ss1:3.6.0	
pli-tv-bu-vb-ss1:3.6.1	Nīlañca pītakañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.2	Nīlañca lohitakañca …pe…
pli-tv-bu-vb-ss1:3.6.3	nīlañca odātañca …
pli-tv-bu-vb-ss1:3.6.4	nīlañca takkavaṇṇañca …
pli-tv-bu-vb-ss1:3.6.5	nīlañca dakavaṇṇañca …
pli-tv-bu-vb-ss1:3.6.6	nīlañca telavaṇṇañca …
pli-tv-bu-vb-ss1:3.6.7	nīlañca khīravaṇṇañca …
pli-tv-bu-vb-ss1:3.6.8	nīlañca dadhivaṇṇañca …
pli-tv-bu-vb-ss1:3.6.9	nīlañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.10	Ekamūlakassa khaṇḍacakkaṁ niṭṭhitaṁ.
pli-tv-bu-vb-ss1:3.6.11	Pītakañca lohitakañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.12	Pītakañca odātañca …pe…
pli-tv-bu-vb-ss1:3.6.13	pītakañca takkavaṇṇañca …
pli-tv-bu-vb-ss1:3.6.14	pītakañca dakavaṇṇañca …
pli-tv-bu-vb-ss1:3.6.15	pītakañca telavaṇṇañca …
pli-tv-bu-vb-ss1:3.6.16	pītakañca khīravaṇṇañca …
pli-tv-bu-vb-ss1:3.6.17	pītakañca dadhivaṇṇañca …
pli-tv-bu-vb-ss1:3.6.18	pītakañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.19	Pītakañca nīlañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.20	Ekamūlakassa baddhacakkaṁ.
pli-tv-bu-vb-ss1:3.6.21	Lohitakañca odātañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.22	Lohitakañca takkavaṇṇañca …pe…
pli-tv-bu-vb-ss1:3.6.23	lohitakañca dakavaṇṇañca …
pli-tv-bu-vb-ss1:3.6.24	lohitakañca telavaṇṇañca …
pli-tv-bu-vb-ss1:3.6.25	lohitakañca khīravaṇṇañca …
pli-tv-bu-vb-ss1:3.6.26	lohitakañca dadhivaṇṇañca …
pli-tv-bu-vb-ss1:3.6.27	lohitakañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.28	Lohitakañca nīlañca …pe…
pli-tv-bu-vb-ss1:3.6.29	lohitakañca pītakañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.30	Odātañca takkavaṇṇañca …pe…
pli-tv-bu-vb-ss1:3.6.31	odātañca dakavaṇṇañca …
pli-tv-bu-vb-ss1:3.6.32	odātañca telavaṇṇañca …
pli-tv-bu-vb-ss1:3.6.33	odātañca khīravaṇṇañca …
pli-tv-bu-vb-ss1:3.6.34	odātañca dadhivaṇṇañca …
pli-tv-bu-vb-ss1:3.6.35	odātañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.36	Odātañca nīlañca …pe…
pli-tv-bu-vb-ss1:3.6.37	odātañca pītakañca …
pli-tv-bu-vb-ss1:3.6.38	odātañca lohitakañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.39	Takkavaṇṇañca dakavaṇṇañca …pe…
pli-tv-bu-vb-ss1:3.6.40	takkavaṇṇañca telavaṇṇañca …
pli-tv-bu-vb-ss1:3.6.41	takkavaṇṇañca khīravaṇṇañca …
pli-tv-bu-vb-ss1:3.6.42	takkavaṇṇañca dadhivaṇṇañca …
pli-tv-bu-vb-ss1:3.6.43	takkavaṇṇañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.44	Takkavaṇṇañca nīlañca …pe…
pli-tv-bu-vb-ss1:3.6.45	takkavaṇṇañca pītakañca …
pli-tv-bu-vb-ss1:3.6.46	takkavaṇṇañca lohitakañca …
pli-tv-bu-vb-ss1:3.6.47	takkavaṇṇañca odātañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.48	Dakavaṇṇañca telavaṇṇañca …pe…
pli-tv-bu-vb-ss1:3.6.49	dakavaṇṇañca khīravaṇṇañca …
pli-tv-bu-vb-ss1:3.6.50	dakavaṇṇañca dadhivaṇṇañca …
pli-tv-bu-vb-ss1:3.6.51	dakavaṇṇañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.52	Dakavaṇṇañca nīlañca …pe…
pli-tv-bu-vb-ss1:3.6.53	dakavaṇṇañca pītakañca …
pli-tv-bu-vb-ss1:3.6.54	dakavaṇṇañca lohitakañca …
pli-tv-bu-vb-ss1:3.6.55	dakavaṇṇañca odātañca …
pli-tv-bu-vb-ss1:3.6.56	dakavaṇṇañca takkavaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.57	Telavaṇṇañca khīravaṇṇañca …pe…
pli-tv-bu-vb-ss1:3.6.58	telavaṇṇañca dadhivaṇṇañca …
pli-tv-bu-vb-ss1:3.6.59	telavaṇṇañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.60	Telavaṇṇañca nīlañca …pe…
pli-tv-bu-vb-ss1:3.6.61	telavaṇṇañca pītakañca …
pli-tv-bu-vb-ss1:3.6.62	telavaṇṇañca lohitakañca …
pli-tv-bu-vb-ss1:3.6.63	telavaṇṇañca odātañca …
pli-tv-bu-vb-ss1:3.6.64	telavaṇṇañca takkavaṇṇañca …
pli-tv-bu-vb-ss1:3.6.65	telavaṇṇañca dakavaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.66	Khīravaṇṇañca dadhivaṇṇañca …pe…
pli-tv-bu-vb-ss1:3.6.67	khīravaṇṇañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.68	Khīravaṇṇañca nīlañca …pe…
pli-tv-bu-vb-ss1:3.6.69	khīravaṇṇañca pītakañca …
pli-tv-bu-vb-ss1:3.6.70	khīravaṇṇañca lohitakañca …
pli-tv-bu-vb-ss1:3.6.71	khīravaṇṇañca odātañca …
pli-tv-bu-vb-ss1:3.6.72	khīravaṇṇañca takkavaṇṇañca …
pli-tv-bu-vb-ss1:3.6.73	khīravaṇṇañca dakavaṇṇañca …
pli-tv-bu-vb-ss1:3.6.74	khīravaṇṇañca telavaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.75	Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.76	Dadhivaṇṇañca nīlañca …pe…
pli-tv-bu-vb-ss1:3.6.77	dadhivaṇṇañca pītakañca …
pli-tv-bu-vb-ss1:3.6.78	dadhivaṇṇañca lohitakañca …
pli-tv-bu-vb-ss1:3.6.79	dadhivaṇṇañca odātañca …
pli-tv-bu-vb-ss1:3.6.80	dadhivaṇṇañca takkavaṇṇañca …
pli-tv-bu-vb-ss1:3.6.81	dadhivaṇṇañca dakavaṇṇañca …
pli-tv-bu-vb-ss1:3.6.82	dadhivaṇṇañca telavaṇṇañca …
pli-tv-bu-vb-ss1:3.6.83	dadhivaṇṇañca khīravaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.84	Sappivaṇṇañca nīlañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.85	Sappivaṇṇañca pītakañca …pe…
pli-tv-bu-vb-ss1:3.6.86	sappivaṇṇañca lohitakañca …
pli-tv-bu-vb-ss1:3.6.87	sappivaṇṇañca odātañca …
pli-tv-bu-vb-ss1:3.6.88	sappivaṇṇañca takkavaṇṇañca …
pli-tv-bu-vb-ss1:3.6.89	sappivaṇṇañca dakavaṇṇañca …
pli-tv-bu-vb-ss1:3.6.90	sappivaṇṇañca telavaṇṇañca …
pli-tv-bu-vb-ss1:3.6.91	sappivaṇṇañca khīravaṇṇañca …
pli-tv-bu-vb-ss1:3.6.92	sappivaṇṇañca dadhivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.93	Ekamūlakassa baddhacakkaṁ niṭṭhitaṁ.
pli-tv-bu-vb-ss1:3.6.94.0	
pli-tv-bu-vb-ss1:3.6.94.1	Nīlañca pītakañca lohitakañca ceteti upakkamati muccati, āpatti saṅghādisesassa …pe…
pli-tv-bu-vb-ss1:3.6.95	nīlañca pītakañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.96	Dumūlakassa khaṇḍacakkaṁ.
pli-tv-bu-vb-ss1:3.6.97	Pītakañca lohitakañca odātañca ceteti upakkamati muccati, āpatti saṅghādisesassa …pe…
pli-tv-bu-vb-ss1:3.6.98	pītakañca lohitakañca sappivaṇṇañca …pe…
pli-tv-bu-vb-ss1:3.6.99	pītakañca lohitakañca nīlañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.100	Dumūlakassa baddhacakkaṁ, saṅkhittaṁ.
pli-tv-bu-vb-ss1:3.6.101	Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa …pe…
pli-tv-bu-vb-ss1:3.6.102	dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.103	Dumūlakaṁ niṭṭhitaṁ.
pli-tv-bu-vb-ss1:3.6.104.0	
pli-tv-bu-vb-ss1:3.6.104.1	Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṁ.
pli-tv-bu-vb-ss1:3.6.105.0	
pli-tv-bu-vb-ss1:3.6.105.1	Idaṁ sabbamūlakaṁ.
pli-tv-bu-vb-ss1:3.6.106	Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.6.107	Sabbamūlakaṁ niṭṭhitaṁ.
pli-tv-bu-vb-ss1:3.7.0	
pli-tv-bu-vb-ss1:3.7.1	Ārogyatthañca nīlañca ceteti upakkamati muccati, āpatti saṅghādisesassa.
pli-tv-bu-vb-ss1:3.7.2	Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
pli-tv-bu-vb-ss1:3.7.3	Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
pli-tv-bu-vb-ss1:3.7.4	(Ubhatovaḍḍhakaṁ evameva vaḍḍhetabbaṁ.)
pli-tv-bu-vb-ss1:3.7.5	Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṁsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
pli-tv-bu-vb-ss1:3.7.6	Missakacakkaṁ niṭṭhitaṁ.
pli-tv-bu-vb-ss1:3.8.0	
pli-tv-bu-vb-ss1:3.8.1	Nīlaṁ mocessāmīti ceteti upakkamati pītakaṁ muccati, āpatti saṅghādisesassa.
pli-tv-bu-vb-ss1:3.8.2	Nīlaṁ mocessāmīti ceteti upakkamati lohitakaṁ …pe…
pli-tv-bu-vb-ss1:3.8.3	odātaṁ …
pli-tv-bu-vb-ss1:3.8.4	takkavaṇṇaṁ …
pli-tv-bu-vb-ss1:3.8.5	dakavaṇṇaṁ …
pli-tv-bu-vb-ss1:3.8.6	telavaṇṇaṁ …
pli-tv-bu-vb-ss1:3.8.7	khīravaṇṇaṁ …
pli-tv-bu-vb-ss1:3.8.8	dadhivaṇṇaṁ …
pli-tv-bu-vb-ss1:3.8.9	sappivaṇṇaṁ muccati, āpatti saṅghādisesassa.
pli-tv-bu-vb-ss1:3.8.10	Khaṇḍacakkaṁ niṭṭhitaṁ.
pli-tv-bu-vb-ss1:3.8.11	Pītakaṁ mocessāmīti ceteti upakkamati lohitakaṁ muccati, āpatti saṅghādisesassa.
pli-tv-bu-vb-ss1:3.8.12	Pītakaṁ mocessāmīti ceteti upakkamati odātaṁ …pe…
pli-tv-bu-vb-ss1:3.8.13	takkavaṇṇaṁ …
pli-tv-bu-vb-ss1:3.8.14	dakavaṇṇaṁ …
pli-tv-bu-vb-ss1:3.8.15	telavaṇṇaṁ …
pli-tv-bu-vb-ss1:3.8.16	khīravaṇṇaṁ …
pli-tv-bu-vb-ss1:3.8.17	dadhivaṇṇaṁ …
pli-tv-bu-vb-ss1:3.8.18	sappivaṇṇaṁ …
pli-tv-bu-vb-ss1:3.8.19	nīlaṁ muccati, āpatti saṅghādisesassa.
pli-tv-bu-vb-ss1:3.8.20	Baddhacakkamūlaṁ saṅkhittaṁ.
pli-tv-bu-vb-ss1:3.8.21	(…) Sappivaṇṇaṁ mocessāmīti ceteti upakkamati nīlaṁ muccati, āpatti saṅghādisesassa.
pli-tv-bu-vb-ss1:3.8.22	Sappivaṇṇaṁ mocessāmīti ceteti upakkamati pītakaṁ …pe…
pli-tv-bu-vb-ss1:3.8.23	lohitakaṁ …
pli-tv-bu-vb-ss1:3.8.24	odātaṁ …
pli-tv-bu-vb-ss1:3.8.25	takkavaṇṇaṁ …
pli-tv-bu-vb-ss1:3.8.26	dakavaṇṇaṁ …
pli-tv-bu-vb-ss1:3.8.27	telavaṇṇaṁ …
pli-tv-bu-vb-ss1:3.8.28	khīravaṇṇaṁ …
pli-tv-bu-vb-ss1:3.8.29	dadhivaṇṇaṁ muccati, āpatti saṅghādisesassa.
pli-tv-bu-vb-ss1:3.8.30	Kucchicakkaṁ niṭṭhitaṁ.
pli-tv-bu-vb-ss1:3.9.1	Pītakaṁ mocessāmīti ceteti upakkamati nīlaṁ muccati, āpatti saṅghādisesassa.
pli-tv-bu-vb-ss1:3.9.2	Lohitakaṁ …pe…
pli-tv-bu-vb-ss1:3.9.3	odātaṁ …
pli-tv-bu-vb-ss1:3.9.4	takkavaṇṇaṁ …
pli-tv-bu-vb-ss1:3.9.5	dakavaṇṇaṁ …
pli-tv-bu-vb-ss1:3.9.6	telavaṇṇaṁ …
pli-tv-bu-vb-ss1:3.9.7	khīravaṇṇaṁ …
pli-tv-bu-vb-ss1:3.9.8	dadhivaṇṇaṁ …
pli-tv-bu-vb-ss1:3.9.9	sappivaṇṇaṁ mocessāmīti ceteti upakkamati nīlaṁ muccati, āpatti saṅghādisesassa.
pli-tv-bu-vb-ss1:3.9.10	Piṭṭhicakkassa paṭhamaṁ gamanaṁ niṭṭhitaṁ.
pli-tv-bu-vb-ss1:3.9.11	Lohitakaṁ mocessāmīti ceteti upakkamati pītakaṁ muccati, āpatti saṅghādisesassa.
pli-tv-bu-vb-ss1:3.9.12	Odātaṁ …pe…
pli-tv-bu-vb-ss1:3.9.13	takkavaṇṇaṁ …
pli-tv-bu-vb-ss1:3.9.14	dakavaṇṇaṁ …
pli-tv-bu-vb-ss1:3.9.15	telavaṇṇaṁ …
pli-tv-bu-vb-ss1:3.9.16	khīravaṇṇaṁ …
pli-tv-bu-vb-ss1:3.9.17	dadhivaṇṇaṁ …
pli-tv-bu-vb-ss1:3.9.18	sappivaṇṇaṁ …
pli-tv-bu-vb-ss1:3.9.19	nīlaṁ mocessāmīti ceteti upakkamati pītakaṁ muccati, āpatti saṅghādisesassa.
pli-tv-bu-vb-ss1:3.9.20	Piṭṭhicakkassa dutiyaṁ gamanaṁ niṭṭhitaṁ.
pli-tv-bu-vb-ss1:3.9.21	Odātaṁ mocessāmīti ceteti upakkamati lohitakaṁ muccati, āpatti saṅghādisesassa.
pli-tv-bu-vb-ss1:3.9.22	Takkavaṇṇaṁ …pe…
pli-tv-bu-vb-ss1:3.9.23	dakavaṇṇaṁ …
pli-tv-bu-vb-ss1:3.9.24	telavaṇṇaṁ …
pli-tv-bu-vb-ss1:3.9.25	khīravaṇṇaṁ …
pli-tv-bu-vb-ss1:3.9.26	dadhivaṇṇaṁ …
pli-tv-bu-vb-ss1:3.9.27	sappivaṇṇaṁ …
pli-tv-bu-vb-ss1:3.9.28	nīlaṁ …
pli-tv-bu-vb-ss1:3.9.29	pītakaṁ mocessāmīti ceteti upakkamati lohitakaṁ muccati, āpatti saṅghādisesassa.
pli-tv-bu-vb-ss1:3.9.30	Piṭṭhicakkassa tatiyaṁ gamanaṁ niṭṭhitaṁ.
pli-tv-bu-vb-ss1:3.9.31	Takkavaṇṇaṁ mocessāmīti ceteti upakkamati odātaṁ muccati, āpatti saṅghādisesassa.
pli-tv-bu-vb-ss1:3.9.32	Dakavaṇṇaṁ …pe…
pli-tv-bu-vb-ss1:3.9.33	telavaṇṇaṁ …
pli-tv-bu-vb-ss1:3.9.34	khīravaṇṇaṁ …
pli-tv-bu-vb-ss1:3.9.35	dadhivaṇṇaṁ …
pli-tv-bu-vb-ss1:3.9.36	sappivaṇṇaṁ …
pli-tv-bu-vb-ss1:3.9.37	nīlaṁ …
pli-tv-bu-vb-ss1:3.9.38	pītakaṁ …
pli-tv-bu-vb-ss1:3.9.39	lohitakaṁ mocessāmīti ceteti upakkamati odātaṁ muccati, āpatti saṅghādisesassa.
pli-tv-bu-vb-ss1:3.9.40	Piṭṭhicakkassa catutthaṁ gamanaṁ niṭṭhitaṁ.
pli-tv-bu-vb-ss1:3.9.41	Dakavaṇṇaṁ mocessāmīti ceteti upakkamati takkavaṇṇaṁ muccati, āpatti saṅghādisesassa.
pli-tv-bu-vb-ss1:3.9.42	Telavaṇṇaṁ …pe…
pli-tv-bu-vb-ss1:3.9.43	khīravaṇṇaṁ …
pli-tv-bu-vb-ss1:3.9.44	dadhivaṇṇaṁ …
pli-tv-bu-vb-ss1:3.9.45	sappivaṇṇaṁ …
pli-tv-bu-vb-ss1:3.9.46	nīlaṁ …
pli-tv-bu-vb-ss1:3.9.47	pītakaṁ …
pli-tv-bu-vb-ss1:3.9.48	lohitakaṁ …
pli-tv-bu-vb-ss1:3.9.49	odātaṁ mocessāmīti ceteti upakkamati takkavaṇṇaṁ muccati, āpatti saṅghādisesassa.
pli-tv-bu-vb-ss1:3.9.50	Piṭṭhicakkassa pañcamaṁ gamanaṁ niṭṭhitaṁ.
pli-tv-bu-vb-ss1:3.9.51	Telavaṇṇaṁ mocessāmīti ceteti upakkamati dakavaṇṇaṁ muccati, āpatti saṅghādisesassa.
pli-tv-bu-vb-ss1:3.9.52	Khīravaṇṇaṁ …pe…
pli-tv-bu-vb-ss1:3.9.53	dadhivaṇṇaṁ …
pli-tv-bu-vb-ss1:3.9.54	sappivaṇṇaṁ …
pli-tv-bu-vb-ss1:3.9.55	nīlaṁ …
pli-tv-bu-vb-ss1:3.9.56	pītakaṁ …
pli-tv-bu-vb-ss1:3.9.57	lohitakaṁ …
pli-tv-bu-vb-ss1:3.9.58	odātaṁ …
pli-tv-bu-vb-ss1:3.9.59	takkavaṇṇaṁ mocessāmīti ceteti upakkamati dakavaṇṇaṁ muccati, āpatti saṅghādisesassa.
pli-tv-bu-vb-ss1:3.9.60	Piṭṭhicakkassa chaṭṭhaṁ gamanaṁ niṭṭhitaṁ.
pli-tv-bu-vb-ss1:3.9.61	Khīravaṇṇaṁ mocessāmīti ceteti upakkamati telavaṇṇaṁ muccati, āpatti saṅghādisesassa.
pli-tv-bu-vb-ss1:3.9.62	Dadhivaṇṇaṁ …pe…
pli-tv-bu-vb-ss1:3.9.63	sappivaṇṇaṁ …
pli-tv-bu-vb-ss1:3.9.64	nīlaṁ …
pli-tv-bu-vb-ss1:3.9.65	pītakaṁ …
pli-tv-bu-vb-ss1:3.9.66	lohitakaṁ …
pli-tv-bu-vb-ss1:3.9.67	odātaṁ …
pli-tv-bu-vb-ss1:3.9.68	takkavaṇṇaṁ …
pli-tv-bu-vb-ss1:3.9.69	dakavaṇṇaṁ mocessāmīti ceteti upakkamati telavaṇṇaṁ muccati, āpatti saṅghādisesassa.
pli-tv-bu-vb-ss1:3.9.70	Piṭṭhicakkassa sattamaṁ gamanaṁ niṭṭhitaṁ.
pli-tv-bu-vb-ss1:3.9.71	Dadhivaṇṇaṁ mocessāmīti ceteti upakkamati khīravaṇṇaṁ muccati, āpatti saṅghādisesassa.
pli-tv-bu-vb-ss1:3.9.72	Sappivaṇṇaṁ …pe…
pli-tv-bu-vb-ss1:3.9.73	nīlaṁ …
pli-tv-bu-vb-ss1:3.9.74	pītakaṁ …
pli-tv-bu-vb-ss1:3.9.75	lohitakaṁ …
pli-tv-bu-vb-ss1:3.9.76	odātaṁ …
pli-tv-bu-vb-ss1:3.9.77	takkavaṇṇaṁ …
pli-tv-bu-vb-ss1:3.9.78	dakavaṇṇaṁ …
pli-tv-bu-vb-ss1:3.9.79	telavaṇṇaṁ mocessāmīti ceteti upakkamati khīravaṇṇaṁ muccati, āpatti saṅghādisesassa.
pli-tv-bu-vb-ss1:3.9.80	Piṭṭhicakkassa aṭṭhamaṁ gamanaṁ niṭṭhitaṁ.
pli-tv-bu-vb-ss1:3.9.81	Sappivaṇṇaṁ mocessāmīti ceteti upakkamati dadhivaṇṇaṁ muccati, āpatti saṅghādisesassa.
pli-tv-bu-vb-ss1:3.9.82	Nīlaṁ …pe…
pli-tv-bu-vb-ss1:3.9.83	pītakaṁ …
pli-tv-bu-vb-ss1:3.9.84	lohitakaṁ …
pli-tv-bu-vb-ss1:3.9.85	odātaṁ …
pli-tv-bu-vb-ss1:3.9.86	takkavaṇṇaṁ …
pli-tv-bu-vb-ss1:3.9.87	dakavaṇṇaṁ …
pli-tv-bu-vb-ss1:3.9.88	telavaṇṇaṁ …
pli-tv-bu-vb-ss1:3.9.89	khīravaṇṇaṁ mocessāmīti ceteti upakkamati dadhivaṇṇaṁ muccati, āpatti saṅghādisesassa.
pli-tv-bu-vb-ss1:3.9.90	Piṭṭhicakkassa navamaṁ gamanaṁ niṭṭhitaṁ.
pli-tv-bu-vb-ss1:3.9.91	Nīlaṁ mocessāmīti ceteti upakkamati sappivaṇṇaṁ muccati, āpatti saṅghādisesassa.
pli-tv-bu-vb-ss1:3.9.92	Pītakaṁ …pe…
pli-tv-bu-vb-ss1:3.9.93	lohitakaṁ …
pli-tv-bu-vb-ss1:3.9.94	odātaṁ …
pli-tv-bu-vb-ss1:3.9.95	takkavaṇṇaṁ …
pli-tv-bu-vb-ss1:3.9.96	dakavaṇṇaṁ …
pli-tv-bu-vb-ss1:3.9.97	telavaṇṇaṁ …
pli-tv-bu-vb-ss1:3.9.98	khīravaṇṇaṁ …
pli-tv-bu-vb-ss1:3.9.99	dadhivaṇṇaṁ mocessāmīti ceteti upakkamati sappivaṇṇaṁ muccati, āpatti saṅghādisesassa.
pli-tv-bu-vb-ss1:3.9.100	Piṭṭhicakkassa dasamaṁ gamanaṁ niṭṭhitaṁ.
pli-tv-bu-vb-ss1:3.9.101	Piṭṭhicakkaṁ niṭṭhitaṁ.
pli-tv-bu-vb-ss1:4.0	
pli-tv-bu-vb-ss1:4.1	Ceteti upakkamati muccati, āpatti saṅghādisesassa.
pli-tv-bu-vb-ss1:4.2	Ceteti upakkamati na muccati, āpatti thullaccayassa.
pli-tv-bu-vb-ss1:4.3	Ceteti na upakkamati muccati, anāpatti.
pli-tv-bu-vb-ss1:4.4	Ceteti na upakkamati na muccati, anāpatti.
pli-tv-bu-vb-ss1:4.5	Na ceteti upakkamati muccati, anāpatti.
pli-tv-bu-vb-ss1:4.6	Na ceteti upakkamati na muccati, anāpatti.
pli-tv-bu-vb-ss1:4.7	Na ceteti na upakkamati muccati, anāpatti.
pli-tv-bu-vb-ss1:4.8	Na ceteti na upakkamati na muccati, anāpatti.
pli-tv-bu-vb-ss1:4.9.0	
pli-tv-bu-vb-ss1:4.9.1	Anāpatti—
pli-tv-bu-vb-ss1:4.10	supinantena,
pli-tv-bu-vb-ss1:4.11	namocanādhippāyassa,
pli-tv-bu-vb-ss1:4.12	ummattakassa,
pli-tv-bu-vb-ss1:4.13	khittacittassa,
pli-tv-bu-vb-ss1:4.14	vedanāṭṭassa,
pli-tv-bu-vb-ss1:4.15	ādikammikassāti.
pli-tv-bu-vb-ss1:4.16	1.1. Vinītavatthuuddānagāthā
pli-tv-bu-vb-ss1:4.17	Supinoccārapassāvo,
pli-tv-bu-vb-ss1:4.18	vitakkuṇhodakena ca;
pli-tv-bu-vb-ss1:4.19	Bhesajjaṁ kaṇḍuvaṁ maggo,
pli-tv-bu-vb-ss1:4.20	vatthi jantāgharupakkamo.
pli-tv-bu-vb-ss1:4.21	Sāmaṇero ca sutto ca,
pli-tv-bu-vb-ss1:4.22	ūru muṭṭhinā pīḷayi;
pli-tv-bu-vb-ss1:4.23	Ākāse thambhaṁ nijjhāyi,
pli-tv-bu-vb-ss1:4.24	chiddaṁ kaṭṭhena ghaṭṭayi.
pli-tv-bu-vb-ss1:4.25	Soto udañjalaṁ dhāvaṁ,
pli-tv-bu-vb-ss1:4.26	pupphāvaliyaṁ pokkharaṁ;
pli-tv-bu-vb-ss1:4.27	Vālikā kaddamusseko,
pli-tv-bu-vb-ss1:4.28	sayanaṅguṭṭhakena cāti.
pli-tv-bu-vb-ss1:5.1.0	1.2. Vinītavatthu
pli-tv-bu-vb-ss1:5.1.1	Tena kho pana samayena aññatarassa bhikkhuno supinantena asuci mucci.
pli-tv-bu-vb-ss1:5.1.2	Tassa kukkuccaṁ ahosi—
pli-tv-bu-vb-ss1:5.1.3	“bhagavatā sikkhāpadaṁ paññattaṁ, kacci nu kho ahaṁ saṅghādisesaṁ āpattiṁ āpanno”ti?
pli-tv-bu-vb-ss1:5.1.4	Bhagavato etamatthaṁ ārocesi.
pli-tv-bu-vb-ss1:5.1.5	“Anāpatti, bhikkhu, supinantenā”ti.
pli-tv-bu-vb-ss1:5.2.1	Tena kho pana samayena aññatarassa bhikkhuno uccāraṁ karontassa asuci mucci.
pli-tv-bu-vb-ss1:5.2.2	Tassa kukkuccaṁ ahosi …pe…
pli-tv-bu-vb-ss1:5.2.3	“kiṁcitto tvaṁ, bhikkhū”ti?
pli-tv-bu-vb-ss1:5.2.4	“Nāhaṁ, bhagavā, mocanādhippāyo”ti.
pli-tv-bu-vb-ss1:5.2.5	“Anāpatti, bhikkhu, namocanādhippāyassā”ti.
pli-tv-bu-vb-ss1:5.2.6	Tena kho pana samayena aññatarassa bhikkhuno passāvaṁ karontassa asuci mucci.
pli-tv-bu-vb-ss1:5.2.7	Tassa kukkuccaṁ ahosi …pe…
pli-tv-bu-vb-ss1:5.2.8	“anāpatti, bhikkhu, namocanādhippāyassā”ti.
pli-tv-bu-vb-ss1:5.3.1	Tena kho pana samayena aññatarassa bhikkhuno kāmavitakkaṁ vitakkentassa asuci mucci.
pli-tv-bu-vb-ss1:5.3.2	Tassa kukkuccaṁ ahosi …pe…
pli-tv-bu-vb-ss1:5.3.3	“anāpatti, bhikkhu, vitakkentassā”ti.
pli-tv-bu-vb-ss1:5.4.1	Tena kho pana samayena aññatarassa bhikkhuno uṇhodakena nhāyantassa asuci mucci.
pli-tv-bu-vb-ss1:5.4.2	Tassa kukkuccaṁ ahosi …pe…
pli-tv-bu-vb-ss1:5.4.3	“kiṁcitto tvaṁ, bhikkhū”ti?
pli-tv-bu-vb-ss1:5.4.4	“Nāhaṁ, bhagavā, mocanādhippāyo”ti.
pli-tv-bu-vb-ss1:5.4.5	“Anāpatti, bhikkhu, namocanādhippāyassā”ti.
pli-tv-bu-vb-ss1:5.4.6	Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci.
pli-tv-bu-vb-ss1:5.4.7	Tassa kukkuccaṁ ahosi …pe…
pli-tv-bu-vb-ss1:5.4.8	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss1:5.4.9	Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci.
pli-tv-bu-vb-ss1:5.4.10	Tassa kukkuccaṁ ahosi …pe…
pli-tv-bu-vb-ss1:5.4.11	“anāpatti, bhikkhu, saṅghādisesassa;
pli-tv-bu-vb-ss1:5.4.12	āpatti thullaccayassā”ti.
pli-tv-bu-vb-ss1:5.5.1	Tena kho pana samayena aññatarassa bhikkhuno aṅgajāte vaṇo hoti.
pli-tv-bu-vb-ss1:5.5.2	Bhesajjena ālimpentassa asuci mucci.
pli-tv-bu-vb-ss1:5.5.3	Tassa kukkuccaṁ ahosi …pe…
pli-tv-bu-vb-ss1:5.5.4	“anāpatti, bhikkhu, namocanādhippāyassā”ti.
pli-tv-bu-vb-ss1:5.5.5	Tena kho pana samayena aññatarassa bhikkhuno aṅgajāte vaṇo hoti.
pli-tv-bu-vb-ss1:5.5.6	Mocanādhippāyassa bhesajjena ālimpentassa asuci mucci …pe…
pli-tv-bu-vb-ss1:5.5.7	asuci na mucci.
pli-tv-bu-vb-ss1:5.5.8	Tassa kukkuccaṁ ahosi …pe…
pli-tv-bu-vb-ss1:5.5.9	“anāpatti, bhikkhu, saṅghādisesassa;
pli-tv-bu-vb-ss1:5.5.10	āpatti thullaccayassā”ti.
pli-tv-bu-vb-ss1:5.6.1	Tena kho pana samayena aññatarassa bhikkhuno aṇḍaṁ kaṇḍuvantassa asuci mucci.
pli-tv-bu-vb-ss1:5.6.2	Tassa kukkuccaṁ ahosi …pe…
pli-tv-bu-vb-ss1:5.6.3	“anāpatti, bhikkhu, namocanādhippāyassā”ti.
pli-tv-bu-vb-ss1:5.6.4	Tena kho pana samayena aññatarassa bhikkhuno mocanādhippāyassa aṇḍaṁ kaṇḍuvantassa asuci mucci …pe…
pli-tv-bu-vb-ss1:5.6.5	asuci na mucci.
pli-tv-bu-vb-ss1:5.6.6	Tassa kukkuccaṁ ahosi …pe…
pli-tv-bu-vb-ss1:5.6.7	“anāpatti, bhikkhu, saṅghādisesassa;
pli-tv-bu-vb-ss1:5.6.8	āpatti thullaccayassā”ti.
pli-tv-bu-vb-ss1:5.7.1	Tena kho pana samayena aññatarassa bhikkhuno maggaṁ gacchantassa asuci mucci.
pli-tv-bu-vb-ss1:5.7.2	Tassa kukkuccaṁ ahosi …pe…
pli-tv-bu-vb-ss1:5.7.3	“anāpatti, bhikkhu, namocanādhippāyassā”ti.
pli-tv-bu-vb-ss1:5.7.4	Tena kho pana samayena aññatarassa bhikkhuno mocanādhippāyassa maggaṁ gacchantassa asuci mucci …pe…
pli-tv-bu-vb-ss1:5.7.5	asuci na mucci.
pli-tv-bu-vb-ss1:5.7.6	Tassa kukkuccaṁ ahosi …pe…
pli-tv-bu-vb-ss1:5.7.7	“anāpatti, bhikkhu, saṅghādisesassa;
pli-tv-bu-vb-ss1:5.7.8	āpatti thullaccayassā”ti.
pli-tv-bu-vb-ss1:5.8.1	Tena kho pana samayena aññatarassa bhikkhuno vatthiṁ gahetvā passāvaṁ karontassa asuci mucci.
pli-tv-bu-vb-ss1:5.8.2	Tassa kukkuccaṁ ahosi …pe…
pli-tv-bu-vb-ss1:5.8.3	“anāpatti, bhikkhu, namocanādhippāyassā”ti.
pli-tv-bu-vb-ss1:5.8.4	Tena kho pana samayena aññatarassa bhikkhuno mocanādhippāyassa vatthiṁ gahetvā passāvaṁ karontassa asuci mucci …pe…
pli-tv-bu-vb-ss1:5.8.5	asuci na mucci.
pli-tv-bu-vb-ss1:5.8.6	Tassa kukkuccaṁ ahosi …pe…
pli-tv-bu-vb-ss1:5.8.7	“anāpatti, bhikkhu, saṅghādisesassa;
pli-tv-bu-vb-ss1:5.8.8	āpatti thullaccayassā”ti.
pli-tv-bu-vb-ss1:5.8.9	Tena kho pana samayena aññatarassa bhikkhuno jantāghare udaravaṭṭiṁ tāpentassa asuci mucci.
pli-tv-bu-vb-ss1:5.8.10	Tassa kukkuccaṁ ahosi …pe…
pli-tv-bu-vb-ss1:5.8.11	“anāpatti, bhikkhu, namocanādhippāyassā”ti.
pli-tv-bu-vb-ss1:5.8.12	Tena kho pana samayena aññatarassa bhikkhuno mocanādhippāyassa jantāghare udaravaṭṭiṁ tāpentassa asuci mucci …pe…
pli-tv-bu-vb-ss1:5.8.13	asuci na mucci.
pli-tv-bu-vb-ss1:5.8.14	Tassa kukkuccaṁ ahosi …pe…
pli-tv-bu-vb-ss1:5.8.15	“anāpatti, bhikkhu, saṅghādisesassa;
pli-tv-bu-vb-ss1:5.8.16	āpatti thullaccayassā”ti.
pli-tv-bu-vb-ss1:5.8.17	Tena kho pana samayena aññatarassa bhikkhuno jantāghare upajjhāyassa piṭṭhiparikammaṁ karontassa asuci mucci.
pli-tv-bu-vb-ss1:5.8.18	Tassa kukkuccaṁ ahosi …pe…
pli-tv-bu-vb-ss1:5.8.19	“anāpatti, bhikkhu, namocanādhippāyassā”ti.
pli-tv-bu-vb-ss1:5.8.20	Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṁ karontassa asuci mucci …pe…
pli-tv-bu-vb-ss1:5.8.21	asuci na mucci.
pli-tv-bu-vb-ss1:5.8.22	Tassa kukkuccaṁ ahosi …pe…
pli-tv-bu-vb-ss1:5.8.23	“anāpatti, bhikkhu, saṅghādisesassa;
pli-tv-bu-vb-ss1:5.8.24	āpatti thullaccayassā”ti.
pli-tv-bu-vb-ss1:5.8.25	Tena kho pana samayena aññatarassa bhikkhuno ūruṁ ghaṭṭāpentassa asuci mucci.
pli-tv-bu-vb-ss1:5.8.26	Tassa kukkuccaṁ ahosi …pe…
pli-tv-bu-vb-ss1:5.8.27	“anāpatti, bhikkhu, namocanādhippāyassā”ti.
pli-tv-bu-vb-ss1:5.8.28	Tena kho pana samayena aññatarassa bhikkhuno mocanādhippāyassa ūruṁ ghaṭṭāpentassa asuci mucci …pe…
pli-tv-bu-vb-ss1:5.8.29	asuci na mucci.
pli-tv-bu-vb-ss1:5.8.30	Tassa kukkuccaṁ ahosi …pe…
pli-tv-bu-vb-ss1:5.8.31	“anāpatti, bhikkhu, saṅghādisesassa;
pli-tv-bu-vb-ss1:5.8.32	āpatti thullaccayassā”ti.
pli-tv-bu-vb-ss1:5.9.1	Tena kho pana samayena aññataro bhikkhu mocanādhippāyo aññataraṁ sāmaṇeraṁ etadavoca—
pli-tv-bu-vb-ss1:5.9.2	“ehi me tvaṁ, āvuso sāmaṇera, aṅgajātaṁ gaṇhāhī”ti.
pli-tv-bu-vb-ss1:5.9.3	So tassa aṅgajātaṁ aggahesi.
pli-tv-bu-vb-ss1:5.9.4	Tasseva asuci mucci.
pli-tv-bu-vb-ss1:5.9.5	Tassa kukkuccaṁ ahosi …pe…
pli-tv-bu-vb-ss1:5.9.6	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss1:5.9.7	Tena kho pana samayena aññataro bhikkhu suttassa sāmaṇerassa aṅgajātaṁ aggahesi.
pli-tv-bu-vb-ss1:5.9.8	Tasseva asuci mucci.
pli-tv-bu-vb-ss1:5.9.9	Tassa kukkuccaṁ ahosi …pe…
pli-tv-bu-vb-ss1:5.9.10	“anāpatti, bhikkhu, saṅghādisesassa;
pli-tv-bu-vb-ss1:5.9.11	āpatti dukkaṭassā”ti.
pli-tv-bu-vb-ss1:5.10.1	Tena kho pana samayena aññatarassa bhikkhuno mocanādhippāyassa ūrūhi aṅgajātaṁ pīḷentassa asuci mucci …pe…
pli-tv-bu-vb-ss1:5.10.2	asuci na mucci.
pli-tv-bu-vb-ss1:5.10.3	Tassa kukkuccaṁ ahosi …pe…
pli-tv-bu-vb-ss1:5.10.4	“anāpatti, bhikkhu, saṅghādisesassa;
pli-tv-bu-vb-ss1:5.10.5	āpatti thullaccayassā”ti.
pli-tv-bu-vb-ss1:5.10.6	Tena kho pana samayena aññatarassa bhikkhuno mocanādhippāyassa muṭṭhinā aṅgajātaṁ pīḷentassa asuci mucci …pe…
pli-tv-bu-vb-ss1:5.10.7	asuci na mucci.
pli-tv-bu-vb-ss1:5.10.8	Tassa kukkuccaṁ ahosi …pe…
pli-tv-bu-vb-ss1:5.10.9	“anāpatti, bhikkhu, saṅghādisesassa;
pli-tv-bu-vb-ss1:5.10.10	āpatti thullaccayassā”ti.
pli-tv-bu-vb-ss1:5.10.11	Tena kho pana samayena aññatarassa bhikkhuno mocanādhippāyassa ākāse kaṭiṁ kampentassa asuci mucci …pe…
pli-tv-bu-vb-ss1:5.10.12	asuci na mucci.
pli-tv-bu-vb-ss1:5.10.13	Tassa kukkuccaṁ ahosi …pe…
pli-tv-bu-vb-ss1:5.10.14	“anāpatti, bhikkhu, saṅghādisesassa;
pli-tv-bu-vb-ss1:5.10.15	āpatti thullaccayassā”ti.
pli-tv-bu-vb-ss1:5.11.1	Tena kho pana samayena aññatarassa bhikkhuno kāyaṁ thambhentassa asuci mucci.
pli-tv-bu-vb-ss1:5.11.2	Tassa kukkuccaṁ ahosi …pe…
pli-tv-bu-vb-ss1:5.11.3	“anāpatti, bhikkhu, namocanādhippāyassā”ti.
pli-tv-bu-vb-ss1:5.11.4	Tena kho pana samayena aññatarassa bhikkhuno mocanādhippāyassa kāyaṁ thambhentassa asuci mucci …pe…
pli-tv-bu-vb-ss1:5.11.5	asuci na mucci.
pli-tv-bu-vb-ss1:5.11.6	Tassa kukkuccaṁ ahosi …pe…
pli-tv-bu-vb-ss1:5.11.7	“anāpatti, bhikkhu, saṅghādisesassa;
pli-tv-bu-vb-ss1:5.11.8	āpatti thullaccayassā”ti.
pli-tv-bu-vb-ss1:5.12.1	Tena kho pana samayena aññataro bhikkhu sāratto mātugāmassa aṅgajātaṁ upanijjhāyi.
pli-tv-bu-vb-ss1:5.12.2	Tassa asuci mucci.
pli-tv-bu-vb-ss1:5.12.3	Tassa kukkuccaṁ ahosi …pe…
pli-tv-bu-vb-ss1:5.12.4	“anāpatti, bhikkhu, saṅghādisesassa.
pli-tv-bu-vb-ss1:5.12.5	Na ca, bhikkhave, sārattena mātugāmassa aṅgajātaṁ upanijjhāyitabbaṁ.
pli-tv-bu-vb-ss1:5.12.6	Yo upanijjhāyeyya, āpatti dukkaṭassā”ti.
pli-tv-bu-vb-ss1:5.13.1	Tena kho pana samayena aññatarassa bhikkhuno mocanādhippāyassa tāḷacchiddaṁ aṅgajātaṁ pavesentassa asuci mucci …pe…
pli-tv-bu-vb-ss1:5.13.2	asuci na mucci.
pli-tv-bu-vb-ss1:5.13.3	Tassa kukkuccaṁ ahosi …pe…
pli-tv-bu-vb-ss1:5.13.4	“anāpatti, bhikkhu, saṅghādisesassa;
pli-tv-bu-vb-ss1:5.13.5	āpatti thullaccayassā”ti.
pli-tv-bu-vb-ss1:5.14.1	Tena kho pana samayena aññatarassa bhikkhuno mocanādhippāyassa kaṭṭhena aṅgajātaṁ ghaṭṭentassa asuci mucci …pe…
pli-tv-bu-vb-ss1:5.14.2	asuci na mucci.
pli-tv-bu-vb-ss1:5.14.3	Tassa kukkuccaṁ ahosi …pe…
pli-tv-bu-vb-ss1:5.14.4	“anāpatti, bhikkhu, saṅghādisesassa;
pli-tv-bu-vb-ss1:5.14.5	āpatti thullaccayassā”ti.
pli-tv-bu-vb-ss1:5.15.1	Tena kho pana samayena aññatarassa bhikkhuno paṭisote nhāyantassa asuci mucci.
pli-tv-bu-vb-ss1:5.15.2	Tassa kukkuccaṁ ahosi …pe…
pli-tv-bu-vb-ss1:5.15.3	“anāpatti, bhikkhu, namocanādhippāyassā”ti.
pli-tv-bu-vb-ss1:5.15.4	Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci …pe…
pli-tv-bu-vb-ss1:5.15.5	asuci na mucci.
pli-tv-bu-vb-ss1:5.15.6	Tassa kukkuccaṁ ahosi …pe…
pli-tv-bu-vb-ss1:5.15.7	“anāpatti, bhikkhu, saṅghādisesassa;
pli-tv-bu-vb-ss1:5.15.8	āpatti thullaccayassā”ti.
pli-tv-bu-vb-ss1:5.16.1	Tena kho pana samayena aññatarassa bhikkhuno udañjalaṁ kīḷantassa asuci mucci.
pli-tv-bu-vb-ss1:5.16.2	Tassa kukkuccaṁ ahosi …pe…
pli-tv-bu-vb-ss1:5.16.3	“anāpatti, bhikkhu, namocanādhippāyassā”ti.
pli-tv-bu-vb-ss1:5.16.4	Tena kho pana samayena aññatarassa bhikkhuno mocanādhippāyassa udañjalaṁ kīḷantassa asuci mucci …pe…
pli-tv-bu-vb-ss1:5.16.5	asuci na mucci.
pli-tv-bu-vb-ss1:5.16.6	Tassa kukkuccaṁ ahosi …pe…
pli-tv-bu-vb-ss1:5.16.7	“anāpatti, bhikkhu, saṅghādisesassa;
pli-tv-bu-vb-ss1:5.16.8	āpatti thullaccayassā”ti.
pli-tv-bu-vb-ss1:5.16.9	Tena kho pana samayena aññatarassa bhikkhuno udake dhāvantassa asuci mucci.
pli-tv-bu-vb-ss1:5.16.10	Tassa kukkuccaṁ ahosi …pe…
pli-tv-bu-vb-ss1:5.16.11	“anāpatti, bhikkhu, namocanādhippāyassā”ti.
pli-tv-bu-vb-ss1:5.16.12	Tena kho pana samayena aññatarassa bhikkhuno mocanādhippāyassa udake dhāvantassa asuci mucci …pe…
pli-tv-bu-vb-ss1:5.16.13	asuci na mucci.
pli-tv-bu-vb-ss1:5.16.14	Tassa kukkuccaṁ ahosi …pe…
pli-tv-bu-vb-ss1:5.16.15	“anāpatti, bhikkhu, saṅghādisesassa;
pli-tv-bu-vb-ss1:5.16.16	āpatti thullaccayassā”ti.
pli-tv-bu-vb-ss1:5.16.17	Tena kho pana samayena aññatarassa bhikkhuno pupphāvaliyaṁ kīḷantassa asuci mucci.
pli-tv-bu-vb-ss1:5.16.18	Tassa kukkuccaṁ ahosi …pe…
pli-tv-bu-vb-ss1:5.16.19	“anāpatti, bhikkhu, namocanādhippāyassā”ti.
pli-tv-bu-vb-ss1:5.16.20	Tena kho pana samayena aññatarassa bhikkhuno mocanādhippāyassa pupphāvaliyaṁ kīḷantassa asuci mucci …pe…
pli-tv-bu-vb-ss1:5.16.21	asuci na mucci.
pli-tv-bu-vb-ss1:5.16.22	Tassa kukkuccaṁ ahosi …pe…
pli-tv-bu-vb-ss1:5.16.23	“anāpatti, bhikkhu, saṅghādisesassa;
pli-tv-bu-vb-ss1:5.16.24	āpatti thullaccayassā”ti.
pli-tv-bu-vb-ss1:5.16.25	Tena kho pana samayena aññatarassa bhikkhuno pokkharavane dhāvantassa asuci mucci.
pli-tv-bu-vb-ss1:5.16.26	Tassa kukkuccaṁ ahosi …pe…
pli-tv-bu-vb-ss1:5.16.27	“anāpatti, bhikkhu, namocanādhippāyassā”ti.
pli-tv-bu-vb-ss1:5.16.28	Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci …pe…
pli-tv-bu-vb-ss1:5.16.29	asuci na mucci.
pli-tv-bu-vb-ss1:5.16.30	Tassa kukkuccaṁ ahosi …pe…
pli-tv-bu-vb-ss1:5.16.31	“anāpatti, bhikkhu, saṅghādisesassa;
pli-tv-bu-vb-ss1:5.16.32	āpatti thullaccayassā”ti.
pli-tv-bu-vb-ss1:5.17.1	Tena kho pana samayena aññatarassa bhikkhuno mocanādhippāyassa vālikaṁ aṅgajātaṁ pavesentassa asuci mucci …pe…
pli-tv-bu-vb-ss1:5.17.2	asuci na mucci.
pli-tv-bu-vb-ss1:5.17.3	Tassa kukkuccaṁ ahosi …pe…
pli-tv-bu-vb-ss1:5.17.4	“anāpatti, bhikkhu, saṅghādisesassa;
pli-tv-bu-vb-ss1:5.17.5	āpatti thullaccayassā”ti.
pli-tv-bu-vb-ss1:5.17.6	Tena kho pana samayena aññatarassa bhikkhuno mocanādhippāyassa kaddamaṁ aṅgajātaṁ pavesentassa asuci mucci …pe…
pli-tv-bu-vb-ss1:5.17.7	asuci na mucci.
pli-tv-bu-vb-ss1:5.17.8	Tassa kukkuccaṁ ahosi …pe…
pli-tv-bu-vb-ss1:5.17.9	“anāpatti, bhikkhu, saṅghādisesassa;
pli-tv-bu-vb-ss1:5.17.10	āpatti thullaccayassā”ti.
pli-tv-bu-vb-ss1:5.17.11	Tena kho pana samayena aññatarassa bhikkhuno udakena aṅgajātaṁ osiñcantassa asuci mucci.
pli-tv-bu-vb-ss1:5.17.12	Tassa kukkuccaṁ ahosi …pe…
pli-tv-bu-vb-ss1:5.17.13	“anāpatti, bhikkhu, namocanādhippāyassā”ti.
pli-tv-bu-vb-ss1:5.17.14	Tena kho pana samayena aññatarassa bhikkhuno mocanādhippāyassa udakena aṅgajātaṁ osiñcantassa asuci mucci …pe…
pli-tv-bu-vb-ss1:5.17.15	asuci na mucci.
pli-tv-bu-vb-ss1:5.17.16	Tassa kukkuccaṁ ahosi …pe…
pli-tv-bu-vb-ss1:5.17.17	“anāpatti, bhikkhu, saṅghādisesassa;
pli-tv-bu-vb-ss1:5.17.18	āpatti thullaccayassā”ti.
pli-tv-bu-vb-ss1:5.17.19	Tena kho pana samayena aññatarassa bhikkhuno mocanādhippāyassa sayane aṅgajātaṁ ghaṭṭentassa asuci mucci …pe…
pli-tv-bu-vb-ss1:5.17.20	asuci na mucci.
pli-tv-bu-vb-ss1:5.17.21	Tassa kukkuccaṁ ahosi …pe…
pli-tv-bu-vb-ss1:5.17.22	“anāpatti, bhikkhu, saṅghādisesassa;
pli-tv-bu-vb-ss1:5.17.23	āpatti thullaccayassā”ti.
pli-tv-bu-vb-ss1:5.17.24	Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṁ ghaṭṭentassa asuci mucci …pe…
pli-tv-bu-vb-ss1:5.17.25	asuci na mucci.
pli-tv-bu-vb-ss1:5.17.26	Tassa kukkuccaṁ ahosi—
pli-tv-bu-vb-ss1:5.17.27	“bhagavatā sikkhāpadaṁ paññattaṁ,
pli-tv-bu-vb-ss1:5.17.28	kacci nu kho ahaṁ saṅghādisesaṁ āpattiṁ āpanno”ti?
pli-tv-bu-vb-ss1:5.17.29	Bhagavato etamatthaṁ ārocesi.
pli-tv-bu-vb-ss1:5.17.30	“Anāpatti, bhikkhu, saṅghādisesassa;
pli-tv-bu-vb-ss1:5.17.31	āpatti thullaccayassā”ti.
pli-tv-bu-vb-ss1:5.17.32	Sukkavissaṭṭhisikkhāpadaṁ niṭṭhitaṁ paṭhamaṁ.
pli-tv-bu-vb-ss2:0.1	Theravāda Vinaya
pli-tv-bu-vb-ss2:0.2	Mahāvibhaṅga
pli-tv-bu-vb-ss2:0.3	Saṅghādisesakaṇḍa
pli-tv-bu-vb-ss2:0.4	2. Kāyasaṁsaggasikkhāpada
pli-tv-bu-vb-ss2:1.1.0	
pli-tv-bu-vb-ss2:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ss2:1.1.2	Tena kho pana samayena āyasmā udāyī araññe viharati.
pli-tv-bu-vb-ss2:1.1.3	Tassāyasmato vihāro abhirūpo hoti dassanīyo pāsādiko, majjhegabbho, samantāpariyāgāro,
pli-tv-bu-vb-ss2:1.1.4	supaññattaṁ mañcapīṭhaṁ bhisibibbohanaṁ,
pli-tv-bu-vb-ss2:1.1.5	pānīyaṁ paribhojanīyaṁ sūpaṭṭhitaṁ,
pli-tv-bu-vb-ss2:1.1.6	pariveṇaṁ susammaṭṭhaṁ.
pli-tv-bu-vb-ss2:1.1.7	Bahū manussā āyasmato udāyissa vihārapekkhakā āgacchanti.
pli-tv-bu-vb-ss2:1.1.8	Aññataropi brāhmaṇo sapajāpatiko yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—
pli-tv-bu-vb-ss2:1.1.9	“icchāma mayaṁ bhoto udāyissa vihāraṁ pekkhitun”ti.
pli-tv-bu-vb-ss2:1.1.10	“Tena hi, brāhmaṇa, pekkhassū”ti,
pli-tv-bu-vb-ss2:1.1.11	avāpuraṇaṁ ādāya ghaṭikaṁ ugghāṭetvā kavāṭaṁ paṇāmetvā vihāraṁ pāvisi.
pli-tv-bu-vb-ss2:1.1.12	Sopi kho brāhmaṇo āyasmato udāyissa piṭṭhito pāvisi.
pli-tv-bu-vb-ss2:1.1.13	Sāpi kho brāhmaṇī tassa brāhmaṇassa piṭṭhito pāvisi.
pli-tv-bu-vb-ss2:1.1.14	Atha kho āyasmā udāyī ekacce vātapāne vivaranto ekacce vātapāne thakento gabbhaṁ anuparigantvā piṭṭhito āgantvā tassā brāhmaṇiyā aṅgamaṅgāni parāmasi.
pli-tv-bu-vb-ss2:1.1.15	Atha kho so brāhmaṇo āyasmatā udāyinā saddhiṁ paṭisammoditvā agamāsi.
pli-tv-bu-vb-ss2:1.1.16	Atha kho so brāhmaṇo attamano attamanavācaṁ nicchāresi—
pli-tv-bu-vb-ss2:1.1.17	“uḷārā ime samaṇā sakyaputtiyā ye ime evarūpe araññe viharanti.
pli-tv-bu-vb-ss2:1.1.18	Bhavampi udāyī uḷāro yo evarūpe araññe viharatī”ti.
pli-tv-bu-vb-ss2:1.1.19	Evaṁ vutte, sā brāhmaṇī taṁ brāhmaṇaṁ etadavoca—
pli-tv-bu-vb-ss2:1.1.20	“kuto tassa uḷārattatā.
pli-tv-bu-vb-ss2:1.1.21	Yatheva me tvaṁ aṅgamaṅgāni parāmasi evameva me samaṇo udāyī aṅgamaṅgāni parāmasī”ti.
pli-tv-bu-vb-ss2:1.1.22	Atha kho so brāhmaṇo ujjhāyati khiyyati vipāceti—
pli-tv-bu-vb-ss2:1.1.23	“alajjino ime samaṇā sakyaputtiyā dussīlā musāvādino.
pli-tv-bu-vb-ss2:1.1.24	Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.
pli-tv-bu-vb-ss2:1.1.25	Natthi imesaṁ sāmaññaṁ natthi imesaṁ brahmaññaṁ, naṭṭhaṁ imesaṁ sāmaññaṁ naṭṭhaṁ imesaṁ brahmaññaṁ,
pli-tv-bu-vb-ss2:1.1.26	kuto imesaṁ sāmaññaṁ kuto imesaṁ brahmaññaṁ, apagatā ime sāmaññā apagatā ime brahmaññā.
pli-tv-bu-vb-ss2:1.1.27	Kathañhi nāma samaṇo udāyī mama bhariyāya aṅgamaṅgāni parāmasissati.
pli-tv-bu-vb-ss2:1.1.28	Na hi sakkā kulitthīhi kuladhītāhi kulakumārīhi kulasuṇhāhi kuladāsīhi ārāmaṁ vā vihāraṁ vā gantuṁ.
pli-tv-bu-vb-ss2:1.1.29	Sace kulitthiyo kuladhītaro kulakumāriyo kulasuṇhāyo kuladāsiyo ārāmaṁ vā vihāraṁ vā gaccheyyuṁ, tāpi samaṇā sakyaputtiyā dūseyyun”ti.
pli-tv-bu-vb-ss2:1.2.1	Assosuṁ kho bhikkhu tassa brāhmaṇassa ujjhāyantassa khiyyantassa vipācentassa.
pli-tv-bu-vb-ss2:1.2.2	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss2:1.2.3	“kathañhi nāma āyasmā udāyī mātugāmena saddhiṁ kāyasaṁsaggaṁ samāpajjissatī”ti.
pli-tv-bu-vb-ss2:1.2.4	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-ss2:1.2.5	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi—
pli-tv-bu-vb-ss2:1.2.6	“saccaṁ kira tvaṁ, udāyi, mātugāmena saddhiṁ kāyasaṁsaggaṁ samāpajjasī”ti?
pli-tv-bu-vb-ss2:1.2.7	“Saccaṁ, bhagavā”ti.
pli-tv-bu-vb-ss2:1.2.8	Vigarahi buddho bhagavā—
pli-tv-bu-vb-ss2:1.2.9	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-ss2:1.2.10	Kathañhi nāma tvaṁ, moghapurisa, mātugāmena saddhiṁ kāyasaṁsaggaṁ samāpajjissasi.
pli-tv-bu-vb-ss2:1.2.11	Nanu mayā, moghapurisa, anekapariyāyena virāgāya dhammo desito no sarāgāya …pe…
pli-tv-bu-vb-ss2:1.2.12	kāmapariḷāhānaṁ vūpasamo akkhāto.
pli-tv-bu-vb-ss2:1.2.13	Netaṁ, moghapurisa, appasannānaṁ vā pasādāya …pe…
pli-tv-bu-vb-ss2:1.2.14	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss2:1.2.15.0	
pli-tv-bu-vb-ss2:1.2.15.1	“Yo pana bhikkhu otiṇṇo vipariṇatena cittena mātugāmena saddhiṁ kāyasaṁsaggaṁ samāpajjeyya hatthaggāhaṁ vā veṇiggāhaṁ vā aññatarassa vā aññatarassa vā aṅgassa parāmasanaṁ, saṅghādiseso”ti.
pli-tv-bu-vb-ss2:2.1.0	
pli-tv-bu-vb-ss2:2.1.1	Yo panāti
pli-tv-bu-vb-ss2:2.1.2	yo yādiso …pe…
pli-tv-bu-vb-ss2:2.1.3	bhikkhūti
pli-tv-bu-vb-ss2:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ss2:2.1.5	Otiṇṇo nāma
pli-tv-bu-vb-ss2:2.1.6	sāratto apekkhavā paṭibaddhacitto.
pli-tv-bu-vb-ss2:2.1.7	Vipariṇatanti
pli-tv-bu-vb-ss2:2.1.8	rattampi cittaṁ vipariṇataṁ.
pli-tv-bu-vb-ss2:2.1.9	Duṭṭhampi cittaṁ vipariṇataṁ.
pli-tv-bu-vb-ss2:2.1.10	Mūḷhampi cittaṁ vipariṇataṁ.
pli-tv-bu-vb-ss2:2.1.11	Api ca rattaṁ cittaṁ imasmiṁ atthe adhippetaṁ vipariṇatanti.
pli-tv-bu-vb-ss2:2.1.12	Mātugāmo nāma
pli-tv-bu-vb-ss2:2.1.13	manussitthī, na yakkhī na petī, na tiracchānagatā. Antamaso tadahujātāpi dārikā, pageva mahattarī.
pli-tv-bu-vb-ss2:2.1.14	Saddhinti
pli-tv-bu-vb-ss2:2.1.15	ekato.
pli-tv-bu-vb-ss2:2.1.16	Kāyasaṁsaggaṁ samāpajjeyyāti
pli-tv-bu-vb-ss2:2.1.17	ajjhācāro vuccati.
pli-tv-bu-vb-ss2:2.1.18	Hattho nāma
pli-tv-bu-vb-ss2:2.1.19	kapparaṁ upādāya yāva agganakhā.
pli-tv-bu-vb-ss2:2.1.20	Veṇī nāma
pli-tv-bu-vb-ss2:2.1.21	suddhakesā vā, suttamissā vā, mālāmissā vā, hiraññamissā vā, suvaṇṇamissā vā, muttāmissā vā, maṇimissā vā.
pli-tv-bu-vb-ss2:2.1.22	Aṅgaṁ nāma
pli-tv-bu-vb-ss2:2.1.23	hatthañca veṇiñca ṭhapetvā avasesaṁ aṅgaṁ nāma.
pli-tv-bu-vb-ss2:2.2.0	
pli-tv-bu-vb-ss2:2.2.1	Āmasanā, parāmasanā, omasanā, ummasanā, olaṅghanā, ullaṅghanā, ākaḍḍhanā, patikaḍḍhanā, abhiniggaṇhanā, abhinippīḷanā, gahaṇaṁ, chupanaṁ.
pli-tv-bu-vb-ss2:2.2.2	Āmasanā nāma
pli-tv-bu-vb-ss2:2.2.3	āmaṭṭhamattā.
pli-tv-bu-vb-ss2:2.2.4	Parāmasanā nāma
pli-tv-bu-vb-ss2:2.2.5	itocito ca sañcopanā.
pli-tv-bu-vb-ss2:2.2.6	Omasanā nāma
pli-tv-bu-vb-ss2:2.2.7	heṭṭhā oropanā.
pli-tv-bu-vb-ss2:2.2.8	Ummasanā nāma
pli-tv-bu-vb-ss2:2.2.9	uddhaṁ uccāraṇā.
pli-tv-bu-vb-ss2:2.2.10	Olaṅghanā nāma
pli-tv-bu-vb-ss2:2.2.11	heṭṭhā onamanā.
pli-tv-bu-vb-ss2:2.2.12	Ullaṅghanā nāma
pli-tv-bu-vb-ss2:2.2.13	uddhaṁ uccāraṇā.
pli-tv-bu-vb-ss2:2.2.14	Ākaḍḍhanā nāma
pli-tv-bu-vb-ss2:2.2.15	āviñchanā.
pli-tv-bu-vb-ss2:2.2.16	Patikaḍḍhanā nāma
pli-tv-bu-vb-ss2:2.2.17	patippaṇāmanā.
pli-tv-bu-vb-ss2:2.2.18	Abhiniggaṇhanā nāma
pli-tv-bu-vb-ss2:2.2.19	aṅgaṁ gahetvā nippīḷanā.
pli-tv-bu-vb-ss2:2.2.20	Abhinippīḷanā nāma
pli-tv-bu-vb-ss2:2.2.21	kenaci saha nippīḷanā.
pli-tv-bu-vb-ss2:2.2.22	Gahaṇaṁ nāma
pli-tv-bu-vb-ss2:2.2.23	gahitamattaṁ.
pli-tv-bu-vb-ss2:2.2.24	Chupanaṁ nāma
pli-tv-bu-vb-ss2:2.2.25	phuṭṭhamattaṁ.
pli-tv-bu-vb-ss2:2.2.26	Saṅghādisesoti
pli-tv-bu-vb-ss2:2.2.27	…pe… tenapi vuccati “saṅghādiseso”ti.
pli-tv-bu-vb-ss2:3.1.0.1	
pli-tv-bu-vb-ss2:3.1.0.2	
pli-tv-bu-vb-ss2:3.1.0.3	
pli-tv-bu-vb-ss2:3.1.1	Itthī ca hoti itthisaññī sāratto ca bhikkhu ca.
pli-tv-bu-vb-ss2:3.1.2	Naṁ itthiyā kāyena kāyaṁ āmasati parāmasati omasati ummasati olaṅgheti ullaṅgheti ākaḍḍhati patikaḍḍhati abhiniggaṇhāti abhinippīḷeti gaṇhāti chupati, āpatti saṅghādisesassa.
pli-tv-bu-vb-ss2:3.1.3	Itthī ca hoti vematiko sāratto ca.
pli-tv-bu-vb-ss2:3.1.4	Bhikkhu ca naṁ itthiyā kāyena kāyaṁ āmasati parāmasati …pe…
pli-tv-bu-vb-ss2:3.1.5	gaṇhāti chupati, āpatti thullaccayassa.
pli-tv-bu-vb-ss2:3.1.6	Itthī ca hoti paṇḍakasaññī sāratto ca.
pli-tv-bu-vb-ss2:3.1.7	Bhikkhu ca naṁ itthiyā kāyena kāyaṁ āmasati parāmasati …pe…
pli-tv-bu-vb-ss2:3.1.8	gaṇhāti chupati, āpatti thullaccayassa.
pli-tv-bu-vb-ss2:3.1.9	Itthī ca hoti purisasaññī sāratto ca.
pli-tv-bu-vb-ss2:3.1.10	Bhikkhu ca naṁ itthiyā kāyena kāyaṁ āmasati parāmasati …pe…
pli-tv-bu-vb-ss2:3.1.11	gaṇhāti chupati, āpatti thullaccayassa.
pli-tv-bu-vb-ss2:3.1.12	Itthī ca hoti tiracchānagatasaññī sāratto ca.
pli-tv-bu-vb-ss2:3.1.13	Bhikkhu ca naṁ itthiyā kāyena kāyaṁ āmasati parāmasati …pe…
pli-tv-bu-vb-ss2:3.1.14	gaṇhāti chupati, āpatti thullaccayassa.
pli-tv-bu-vb-ss2:3.1.15	Paṇḍako ca hoti paṇḍakasaññī sāratto ca.
pli-tv-bu-vb-ss2:3.1.16	Bhikkhu ca naṁ paṇḍakassa kāyena kāyaṁ āmasati parāmasati …pe…
pli-tv-bu-vb-ss2:3.1.17	gaṇhāti chupati, āpatti thullaccayassa.
pli-tv-bu-vb-ss2:3.1.18	Paṇḍako ca hoti vematiko sāratto ca.
pli-tv-bu-vb-ss2:3.1.19	Bhikkhu ca naṁ paṇḍakassa kāyena kāyaṁ āmasati parāmasati …pe…
pli-tv-bu-vb-ss2:3.1.20	gaṇhāti chupati, āpatti dukkaṭassa.
pli-tv-bu-vb-ss2:3.1.21	Paṇḍako ca hoti purisasaññī sāratto ca.
pli-tv-bu-vb-ss2:3.1.22	Bhikkhu ca naṁ paṇḍakassa kāyena kāyaṁ āmasati parāmasati …pe…
pli-tv-bu-vb-ss2:3.1.23	gaṇhāti chupati, āpatti dukkaṭassa.
pli-tv-bu-vb-ss2:3.1.24	Paṇḍako ca hoti tiracchānagatasaññī sāratto ca.
pli-tv-bu-vb-ss2:3.1.25	Bhikkhu ca naṁ paṇḍakassa kāyena kāyaṁ āmasati parāmasati …pe…
pli-tv-bu-vb-ss2:3.1.26	gaṇhāti chupati, āpatti dukkaṭassa.
pli-tv-bu-vb-ss2:3.1.27	Paṇḍako ca hoti itthisaññī sāratto ca.
pli-tv-bu-vb-ss2:3.1.28	Bhikkhu ca naṁ paṇḍakassa kāyena kāyaṁ āmasati parāmasati …pe…
pli-tv-bu-vb-ss2:3.1.29	gaṇhāti chupati, āpatti dukkaṭassa.
pli-tv-bu-vb-ss2:3.1.30	Puriso ca hoti purisasaññī sāratto ca.
pli-tv-bu-vb-ss2:3.1.31	Bhikkhu ca naṁ purisassa kāyena kāyaṁ āmasati parāmasati …pe…
pli-tv-bu-vb-ss2:3.1.32	gaṇhāti chupati, āpatti dukkaṭassa.
pli-tv-bu-vb-ss2:3.1.33	Puriso ca hoti vematiko …pe…
pli-tv-bu-vb-ss2:3.1.34	puriso ca hoti tiracchānagatasaññī …
pli-tv-bu-vb-ss2:3.1.35	puriso ca hoti itthisaññī …
pli-tv-bu-vb-ss2:3.1.36	puriso ca hoti paṇḍakasaññī sāratto ca.
pli-tv-bu-vb-ss2:3.1.37	Bhikkhu ca naṁ purisassa kāyena kāyaṁ āmasati parāmasati …pe…
pli-tv-bu-vb-ss2:3.1.38	gaṇhāti chupati, āpatti dukkaṭassa.
pli-tv-bu-vb-ss2:3.1.39	Tiracchānagato ca hoti tiracchānagatasaññī sāratto ca.
pli-tv-bu-vb-ss2:3.1.40	Bhikkhu ca naṁ tiracchānagatassa kāyena kāyaṁ āmasati parāmasati …pe…
pli-tv-bu-vb-ss2:3.1.41	gaṇhāti chupati, āpatti dukkaṭassa.
pli-tv-bu-vb-ss2:3.1.42	Tiracchānagato ca hoti vematiko …pe…
pli-tv-bu-vb-ss2:3.1.43	tiracchānagato ca hoti itthisaññī …
pli-tv-bu-vb-ss2:3.1.44	tiracchānagato ca hoti paṇḍakasaññī …
pli-tv-bu-vb-ss2:3.1.45	tiracchānagato ca hoti.
pli-tv-bu-vb-ss2:3.1.46	Purisasaññī sāratto ca.
pli-tv-bu-vb-ss2:3.1.47	Bhikkhu ca naṁ tiracchānagatassa kāyena kāyaṁ āmasati parāmasati …pe…
pli-tv-bu-vb-ss2:3.1.48	gaṇhāti chupati, āpatti dukkaṭassa.
pli-tv-bu-vb-ss2:3.1.49	Ekamūlakaṁ niṭṭhitaṁ.
pli-tv-bu-vb-ss2:3.2.0	
pli-tv-bu-vb-ss2:3.2.1	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.2.2	Bhikkhu ca naṁ dvinnaṁ itthīnaṁ kāyena kāyaṁ āmasati parāmasati …pe…
pli-tv-bu-vb-ss2:3.2.3	gaṇhāti chupati, āpatti dvinnaṁ saṅghādisesānaṁ.
pli-tv-bu-vb-ss2:3.2.4	Dve itthiyo dvinnaṁ itthīnaṁ vematiko sāratto ca.
pli-tv-bu-vb-ss2:3.2.5	Bhikkhu ca naṁ dvinnaṁ itthīnaṁ kāyena kāyaṁ āmasati parāmasati …pe…
pli-tv-bu-vb-ss2:3.2.6	gaṇhāti chupati, āpatti dvinnaṁ thullaccayānaṁ.
pli-tv-bu-vb-ss2:3.2.7	Dve itthiyo dvinnaṁ itthīnaṁ paṇḍakasaññī …pe…
pli-tv-bu-vb-ss2:3.2.8	purisasaññī …
pli-tv-bu-vb-ss2:3.2.9	tiracchānagatasaññī sāratto ca.
pli-tv-bu-vb-ss2:3.2.10	Bhikkhu ca naṁ dvinnaṁ itthīnaṁ kāyena kāyaṁ āmasati parāmasati …pe…
pli-tv-bu-vb-ss2:3.2.11	gaṇhāti chupati, āpatti dvinnaṁ thullaccayānaṁ.
pli-tv-bu-vb-ss2:3.2.12	Dve paṇḍakā dvinnaṁ paṇḍakānaṁ paṇḍakasaññī sāratto ca bhikkhu ca naṁ dvinnaṁ paṇḍakānaṁ kāyena kāyaṁ āmasati parāmasati …pe…
pli-tv-bu-vb-ss2:3.2.13	gaṇhāti chupati, āpatti dvinnaṁ thullaccayānaṁ.
pli-tv-bu-vb-ss2:3.2.14	Dve paṇḍakā dvinnaṁ paṇḍakānaṁ vematiko …pe…
pli-tv-bu-vb-ss2:3.2.15	purisasaññī …
pli-tv-bu-vb-ss2:3.2.16	tiracchānagatasaññī …
pli-tv-bu-vb-ss2:3.2.17	itthisaññī sāratto ca.
pli-tv-bu-vb-ss2:3.2.18	Bhikkhu ca naṁ dvinnaṁ paṇḍakānaṁ kāyena kāyaṁ āmasati parāmasati …pe…
pli-tv-bu-vb-ss2:3.2.19	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.2.20	Dve purisā dvinnaṁ purisānaṁ purisasaññī sāratto ca bhikkhu ca naṁ dvinnaṁ purisānaṁ kāyena kāyaṁ āmasati parāmasati …pe…
pli-tv-bu-vb-ss2:3.2.21	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.2.22	Dve purisā dvinnaṁ purisānaṁ vematiko …pe…
pli-tv-bu-vb-ss2:3.2.23	tiracchānagatasaññī …
pli-tv-bu-vb-ss2:3.2.24	itthisaññī …
pli-tv-bu-vb-ss2:3.2.25	paṇḍakasaññī sāratto ca.
pli-tv-bu-vb-ss2:3.2.26	Bhikkhu ca naṁ dvinnaṁ purisānaṁ kāyena kāyaṁ āmasati parāmasati …pe…
pli-tv-bu-vb-ss2:3.2.27	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.2.28	Dve tiracchānagatā dvinnaṁ tiracchānagatānaṁ tiracchānagatasaññī sāratto ca.
pli-tv-bu-vb-ss2:3.2.29	Bhikkhu ca naṁ dvinnaṁ tiracchānagatānaṁ kāyena kāyaṁ āmasati parāmasati …pe…
pli-tv-bu-vb-ss2:3.2.30	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.2.31	Dve tiracchānagatā dvinnaṁ tiracchānagatānaṁ vematiko …pe…
pli-tv-bu-vb-ss2:3.2.32	itthisaññī …
pli-tv-bu-vb-ss2:3.2.33	paṇḍakasaññī …
pli-tv-bu-vb-ss2:3.2.34	purisasaññī sāratto ca.
pli-tv-bu-vb-ss2:3.2.35	Bhikkhu ca naṁ dvinnaṁ tiracchānagatānaṁ kāyena kāyaṁ āmasati parāmasati …pe…
pli-tv-bu-vb-ss2:3.2.36	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.3.0	
pli-tv-bu-vb-ss2:3.3.1	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.3.2	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.3	gaṇhāti chupati, āpatti saṅghādisesena dukkaṭassa.
pli-tv-bu-vb-ss2:3.3.4	Itthī ca paṇḍako ca ubhinnaṁ vematiko sāratto ca.
pli-tv-bu-vb-ss2:3.3.5	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.6	gaṇhāti chupati, āpatti thullaccayena dukkaṭassa.
pli-tv-bu-vb-ss2:3.3.7	Itthī ca paṇḍako ca ubhinnaṁ paṇḍakasaññī sāratto ca.
pli-tv-bu-vb-ss2:3.3.8	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.9	gaṇhāti chupati, āpatti dvinnaṁ thullaccayānaṁ.
pli-tv-bu-vb-ss2:3.3.10	Itthī ca paṇḍako ca ubhinnaṁ purisasaññī sāratto ca.
pli-tv-bu-vb-ss2:3.3.11	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.12	gaṇhāti chupati, āpatti thullaccayena dukkaṭassa.
pli-tv-bu-vb-ss2:3.3.13	Itthī ca paṇḍako ca ubhinnaṁ tiracchānagatasaññī sāratto ca.
pli-tv-bu-vb-ss2:3.3.14	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.15	gaṇhāti chupati, āpatti thullaccayena dukkaṭassa.
pli-tv-bu-vb-ss2:3.3.16	Itthī ca puriso ca ubhinnaṁ itthisaññī sāratto ca.
pli-tv-bu-vb-ss2:3.3.17	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.18	gaṇhāti chupati, āpatti saṅghādisesena dukkaṭassa.
pli-tv-bu-vb-ss2:3.3.19	Itthī ca puriso ca ubhinnaṁ vematiko …pe…
pli-tv-bu-vb-ss2:3.3.20	paṇḍakasaññī …
pli-tv-bu-vb-ss2:3.3.21	purisasaññī …
pli-tv-bu-vb-ss2:3.3.22	tiracchānagatasaññī sāratto ca.
pli-tv-bu-vb-ss2:3.3.23	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.24	gaṇhāti chupati, āpatti thullaccayena dukkaṭassa.
pli-tv-bu-vb-ss2:3.3.25	Itthī ca tiracchānagato ca ubhinnaṁ itthisaññī sāratto ca.
pli-tv-bu-vb-ss2:3.3.26	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.27	gaṇhāti chupati, āpatti saṅghādisesena dukkaṭassa.
pli-tv-bu-vb-ss2:3.3.28	Itthī ca tiracchānagato ca ubhinnaṁ vematiko …pe…
pli-tv-bu-vb-ss2:3.3.29	paṇḍakasaññī …
pli-tv-bu-vb-ss2:3.3.30	purisasaññī …
pli-tv-bu-vb-ss2:3.3.31	tiracchānagatasaññī sāratto ca.
pli-tv-bu-vb-ss2:3.3.32	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.33	gaṇhāti chupati, āpatti thullaccayena dukkaṭassa.
pli-tv-bu-vb-ss2:3.3.34	Paṇḍako ca puriso ca ubhinnaṁ paṇḍakasaññī sāratto ca.
pli-tv-bu-vb-ss2:3.3.35	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.36	gaṇhāti chupati, āpatti thullaccayena dukkaṭassa.
pli-tv-bu-vb-ss2:3.3.37	Paṇḍako ca puriso ca ubhinnaṁ vematiko …pe…
pli-tv-bu-vb-ss2:3.3.38	purisasaññī …
pli-tv-bu-vb-ss2:3.3.39	tiracchānagatasaññī …
pli-tv-bu-vb-ss2:3.3.40	itthisaññī sāratto ca.
pli-tv-bu-vb-ss2:3.3.41	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.42	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.3.43	Paṇḍako ca tiracchānagato ca ubhinnaṁ paṇḍakasaññī sāratto ca.
pli-tv-bu-vb-ss2:3.3.44	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.45	gaṇhāti chupati, āpatti thullaccayena dukkaṭassa.
pli-tv-bu-vb-ss2:3.3.46	Paṇḍako ca tiracchānagato ca ubhinnaṁ vematiko …pe…
pli-tv-bu-vb-ss2:3.3.47	purisasaññī …
pli-tv-bu-vb-ss2:3.3.48	tiracchānagatasaññī …
pli-tv-bu-vb-ss2:3.3.49	itthisaññī sāratto ca.
pli-tv-bu-vb-ss2:3.3.50	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.51	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.3.52	Puriso ca tiracchānagato ca ubhinnaṁ purisasaññī sāratto ca.
pli-tv-bu-vb-ss2:3.3.53	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.54	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.3.55	Puriso ca tiracchānagato ca ubhinnaṁ vematiko …pe…
pli-tv-bu-vb-ss2:3.3.56	tiracchānagatasaññī …
pli-tv-bu-vb-ss2:3.3.57	itthisaññī …
pli-tv-bu-vb-ss2:3.3.58	paṇḍakasaññī sāratto ca.
pli-tv-bu-vb-ss2:3.3.59	Bhikkhu ca naṁ ubhinnaṁ kāyena kāyaṁ āmasati parāmasati …pe…
pli-tv-bu-vb-ss2:3.3.60	gaṇhāti chupati, āpatti dvinnaṁ dukkaṭānaṁ.
pli-tv-bu-vb-ss2:3.3.61	Dumūlakaṁ niṭṭhitaṁ.
pli-tv-bu-vb-ss2:3.4.0	
pli-tv-bu-vb-ss2:3.4.1	Itthī ca hoti itthisaññī sāratto ca.
pli-tv-bu-vb-ss2:3.4.2	Bhikkhu ca naṁ itthiyā kāyena kāyapaṭibaddhaṁ āmasati parāmasati …pe…
pli-tv-bu-vb-ss2:3.4.3	gaṇhāti chupati, āpatti thullaccayassa …pe….
pli-tv-bu-vb-ss2:3.4.4	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.4.5	Bhikkhu ca naṁ dvinnaṁ itthīnaṁ kāyena kāyapaṭibaddhaṁ āmasati parāmasati …pe…
pli-tv-bu-vb-ss2:3.4.6	gaṇhāti chupati, āpatti dvinnaṁ thullaccayānaṁ …pe….
pli-tv-bu-vb-ss2:3.4.7	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.4.8	Bhikkhu ca naṁ ubhinnaṁ kāyena kāyapaṭibaddhaṁ āmasati parāmasati …pe…
pli-tv-bu-vb-ss2:3.4.9	gaṇhāti chupati, āpatti thullaccayena dukkaṭassa …pe….
pli-tv-bu-vb-ss2:3.4.10	Itthī ca hoti itthisaññī sāratto ca.
pli-tv-bu-vb-ss2:3.4.11	Bhikkhu ca naṁ itthiyā kāyapaṭibaddhena kāyaṁ āmasati parāmasati …pe…
pli-tv-bu-vb-ss2:3.4.12	gaṇhāti chupati, āpatti thullaccayassa …pe….
pli-tv-bu-vb-ss2:3.4.13	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.4.14	Bhikkhu ca naṁ dvinnaṁ itthīnaṁ kāyapaṭibaddhena kāyaṁ āmasati parāmasati …pe…
pli-tv-bu-vb-ss2:3.4.15	gaṇhāti chupati, āpatti dvinnaṁ thullaccayānaṁ …pe….
pli-tv-bu-vb-ss2:3.4.16	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.4.17	Bhikkhu ca naṁ ubhinnaṁ kāyapaṭibaddhena kāyaṁ āmasati parāmasati …pe…
pli-tv-bu-vb-ss2:3.4.18	gaṇhāti chupati, āpatti thullaccayena dukkaṭassa …pe….
pli-tv-bu-vb-ss2:3.4.19.0	
pli-tv-bu-vb-ss2:3.4.19.1	Itthī ca hoti itthisaññī sāratto ca.
pli-tv-bu-vb-ss2:3.4.20	Bhikkhu ca naṁ itthiyā kāyapaṭibaddhena kāyapaṭibaddhaṁ āmasati parāmasati …pe…
pli-tv-bu-vb-ss2:3.4.21	gaṇhāti chupati, āpatti dukkaṭassa …pe….
pli-tv-bu-vb-ss2:3.4.22	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.4.23	Bhikkhu ca naṁ dvinnaṁ itthīnaṁ kāyapaṭibaddhena kāyapaṭibaddhaṁ āmasati parāmasati …pe…
pli-tv-bu-vb-ss2:3.4.24	gaṇhāti chupati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.25	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.4.26	Bhikkhu ca naṁ ubhinnaṁ kāyapaṭibaddhena kāyapaṭibaddhaṁ āmasati parāmasati …pe…
pli-tv-bu-vb-ss2:3.4.27	gaṇhāti chupati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.28.0	
pli-tv-bu-vb-ss2:3.4.28.1	Itthī ca hoti itthisaññī sāratto ca.
pli-tv-bu-vb-ss2:3.4.29	Bhikkhu ca naṁ itthiyā nissaggiyena kāyaṁ āmasati āpatti dukkaṭassa …pe….
pli-tv-bu-vb-ss2:3.4.30	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.4.31	Bhikkhu ca naṁ dvinnaṁ itthīnaṁ nissaggiyena kāyaṁ āmasati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.32	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.4.33	Bhikkhu ca naṁ ubhinnaṁ nissaggiyena kāyaṁ āmasati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.34	Itthī ca hoti itthisaññī sāratto ca.
pli-tv-bu-vb-ss2:3.4.35	Bhikkhu ca naṁ itthiyā nissaggiyena kāyapaṭibaddhaṁ āmasati, āpatti dukkaṭassa …pe….
pli-tv-bu-vb-ss2:3.4.36	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.4.37	Bhikkhu ca naṁ dvinnaṁ itthīnaṁ nissaggiyena kāyapaṭibaddhaṁ āmasati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.38	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.4.39	Bhikkhu ca naṁ ubhinnaṁ nissaggiyena kāyapaṭibaddhaṁ āmasati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.40	Itthī ca hoti itthisaññī sāratto ca.
pli-tv-bu-vb-ss2:3.4.41	Bhikkhu ca naṁ itthiyā nissaggiyena nissaggiyaṁ āmasati, āpatti dukkaṭassa …pe….
pli-tv-bu-vb-ss2:3.4.42	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.4.43	Bhikkhu ca naṁ dvinnaṁ itthīnaṁ nissaggiyena nissaggiyaṁ āmasati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.44	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.4.45	Bhikkhu ca naṁ ubhinnaṁ nissaggiyena nissaggiyaṁ āmasati, āpatti dvinnaṁ dukkaṭānaṁ …pe….
pli-tv-bu-vb-ss2:3.4.46	Bhikkhupeyyālo niṭṭhito.
pli-tv-bu-vb-ss2:3.5.0	
pli-tv-bu-vb-ss2:3.5.1	Itthī ca hoti itthisaññī sāratto ca.
pli-tv-bu-vb-ss2:3.5.2	Itthī ca naṁ bhikkhussa kāyena kāyaṁ āmasati parāmasati omasati ummasati olaṅgheti ullaṅgheti ākaḍḍhati patikaḍḍhati abhiniggaṇhāti abhinippīḷeti gaṇhāti chupati, sevanādhippāyo kāyena vāyamati phassaṁ paṭivijānāti, āpatti saṅghādisesassa …pe….
pli-tv-bu-vb-ss2:3.5.3	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.5.4	Itthiyo ca naṁ bhikkhussa kāyena kāyaṁ āmasanti parāmasanti omasanti ummasanti olaṅghenti ullaṅghenti ākaḍḍhanti patikaḍḍhanti abhiniggaṇhanti abhinippīḷenti gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ saṅghādisesānaṁ …pe….
pli-tv-bu-vb-ss2:3.5.5	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.5.6	Ubho ca naṁ bhikkhussa kāyena kāyaṁ āmasanti parāmasanti …pe…
pli-tv-bu-vb-ss2:3.5.7	gaṇhanti chupanti, sevanādhippāyo kāyena vāyamati phassaṁ paṭivijānāti, āpatti saṅghādisesena dukkaṭassa …pe….
pli-tv-bu-vb-ss2:3.5.8.0	
pli-tv-bu-vb-ss2:3.5.8.1	Itthī ca hoti itthisaññī sāratto ca.
pli-tv-bu-vb-ss2:3.5.9	Itthī ca naṁ bhikkhussa kāyena kāyapaṭibaddhaṁ āmasati parāmasati …pe…
pli-tv-bu-vb-ss2:3.5.10	gaṇhāti chupati, sevanādhippāyo kāyena vāyamati phassaṁ paṭivijānāti, āpatti thullaccayassa …pe….
pli-tv-bu-vb-ss2:3.5.11	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.5.12	Itthiyo ca naṁ bhikkhussa kāyena kāyapaṭibaddhaṁ āmasanti parāmasanti …pe…
pli-tv-bu-vb-ss2:3.5.13	gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ thullaccayānaṁ …pe….
pli-tv-bu-vb-ss2:3.5.14	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.5.15	Ubho ca naṁ bhikkhussa kāyena kāyapaṭibaddhaṁ āmasanti parāmasanti …pe…
pli-tv-bu-vb-ss2:3.5.16	gaṇhanti chupanti, sevanādhippāyo kāyena vāyamati phassaṁ paṭivijānāti, āpatti thullaccayena dukkaṭassa …pe….
pli-tv-bu-vb-ss2:3.5.17	Itthī ca hoti itthisaññī sāratto ca.
pli-tv-bu-vb-ss2:3.5.18	Itthī ca naṁ bhikkhussa kāyapaṭibaddhena kāyaṁ āmasati parāmasati …pe…
pli-tv-bu-vb-ss2:3.5.19	gaṇhāti chupati, sevanādhippāyo kāyena vāyamati phassaṁ paṭivijānāti, āpatti thullaccayassa …pe….
pli-tv-bu-vb-ss2:3.5.20	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.5.21	Itthiyo ca naṁ bhikkhussa kāyapaṭibaddhena kāyaṁ āmasanti parāmasanti …pe…
pli-tv-bu-vb-ss2:3.5.22	gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ thullaccayānaṁ …pe….
pli-tv-bu-vb-ss2:3.5.23	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.5.24	Ubho ca naṁ bhikkhussa kāyapaṭibaddhena kāyaṁ āmasanti parāmasanti …pe…
pli-tv-bu-vb-ss2:3.5.25	gaṇhanti chupanti, sevanādhippāyo kāyena vāyamati phassaṁ paṭivijānāti, āpatti thullaccayena dukkaṭassa …pe….
pli-tv-bu-vb-ss2:3.5.26.0	
pli-tv-bu-vb-ss2:3.5.26.1	Itthī ca hoti itthisaññī sāratto ca.
pli-tv-bu-vb-ss2:3.5.27	Itthī ca naṁ bhikkhussa kāyapaṭibaddhena kāyapaṭibaddhaṁ āmasati parāmasati …pe…
pli-tv-bu-vb-ss2:3.5.28	gaṇhāti chupati, sevanādhippāyo kāyena vāyamati phassaṁ paṭivijānāti, āpatti dukkaṭassa …pe….
pli-tv-bu-vb-ss2:3.5.29	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.5.30	Itthiyo ca naṁ bhikkhussa kāyapaṭibaddhena kāyapaṭibaddhaṁ āmasanti parāmasanti …pe…
pli-tv-bu-vb-ss2:3.5.31	gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.5.32	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.5.33	Ubho ca naṁ bhikkhussa kāyapaṭibaddhena kāyapaṭibaddhaṁ āmasanti parāmasanti …pe…
pli-tv-bu-vb-ss2:3.5.34	gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.5.35.0	
pli-tv-bu-vb-ss2:3.5.35.1	Itthī ca hoti itthisaññī sāratto ca.
pli-tv-bu-vb-ss2:3.5.36	Itthī ca naṁ bhikkhussa nissaggiyena kāyaṁ āmasati.
pli-tv-bu-vb-ss2:3.5.37	Sevanādhippāyo kāyena vāyamati phassaṁ paṭivijānāti, āpatti dukkaṭassa …pe….
pli-tv-bu-vb-ss2:3.5.38	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.5.39	Itthiyo ca naṁ bhikkhussa nissaggiyena kāyaṁ āmasanti.
pli-tv-bu-vb-ss2:3.5.40	Sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.5.41	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.5.42	Ubho ca naṁ bhikkhussa nissaggiyena kāyaṁ āmasanti.
pli-tv-bu-vb-ss2:3.5.43	Sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.5.44	Itthī ca hoti itthisaññī sāratto ca.
pli-tv-bu-vb-ss2:3.5.45	Itthī ca naṁ bhikkhussa nissaggiyena kāyapaṭibaddhaṁ āmasati.
pli-tv-bu-vb-ss2:3.5.46	Sevanādhippāyo kāyena vāyamati phassaṁ paṭivijānāti, āpatti dukkaṭassa …pe….
pli-tv-bu-vb-ss2:3.5.47	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.5.48	Itthiyo ca naṁ bhikkhussa nissaggiyena kāyapaṭibaddhaṁ āmasanti.
pli-tv-bu-vb-ss2:3.5.49	Sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.5.50	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.5.51	Ubho ca naṁ bhikkhussa nissaggiyena kāyapaṭibaddhaṁ āmasanti.
pli-tv-bu-vb-ss2:3.5.52	Sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.5.53	Itthī ca hoti itthisaññī sāratto ca.
pli-tv-bu-vb-ss2:3.5.54	Itthī ca naṁ bhikkhussa nissaggiyena nissaggiyaṁ āmasati.
pli-tv-bu-vb-ss2:3.5.55	Sevanādhippāyo kāyena vāyamati, na ca phassaṁ paṭivijānāti, āpatti dukkaṭassa …pe….
pli-tv-bu-vb-ss2:3.5.56	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss2:3.5.57	Itthiyo ca naṁ bhikkhussa nissaggiyena nissaggiyaṁ āmasanti.
pli-tv-bu-vb-ss2:3.5.58	Sevanādhippāyo kāyena vāyamati, na ca phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.5.59	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss2:3.5.60	Ubho ca naṁ bhikkhussa nissaggiyena nissaggiyaṁ āmasanti.
pli-tv-bu-vb-ss2:3.5.61	Sevanādhippāyo kāyena vāyamati, na ca phassaṁ paṭivijānāti, āpatti dvinnaṁ dukkaṭānaṁ …pe….
pli-tv-bu-vb-ss2:3.6.0	
pli-tv-bu-vb-ss2:3.6.1	Sevanādhippāyo kāyena vāyamati phassaṁ paṭivijānāti, āpatti saṅghādisesassa.
pli-tv-bu-vb-ss2:3.6.2	Sevanādhippāyo kāyena vāyamati, na ca phassaṁ paṭivijānāti, āpatti dukkaṭassa.
pli-tv-bu-vb-ss2:3.6.3	Sevanādhippāyo na ca kāyena vāyamati, phassaṁ paṭivijānāti, anāpatti.
pli-tv-bu-vb-ss2:3.6.4	Sevanādhippāyo na ca kāyena vāyamati, na ca phassaṁ paṭivijānāti, anāpatti.
pli-tv-bu-vb-ss2:3.6.5	Mokkhādhippāyo kāyena vāyamati, phassaṁ paṭivijānāti, anāpatti.
pli-tv-bu-vb-ss2:3.6.6	Mokkhādhippāyo kāyena vāyamati, na ca phassaṁ paṭivijānāti, anāpatti.
pli-tv-bu-vb-ss2:3.6.7	Mokkhādhippāyo na ca kāyena vāyamati, phassaṁ paṭivijānāti, anāpatti.
pli-tv-bu-vb-ss2:3.6.8	Mokkhādhippāyo na ca kāyena vāyamati, na ca phassaṁ paṭivijānāti, anāpatti.
pli-tv-bu-vb-ss2:3.7.0	
pli-tv-bu-vb-ss2:3.7.1	Anāpatti—
pli-tv-bu-vb-ss2:3.7.2	asañcicca,
pli-tv-bu-vb-ss2:3.7.3	asatiyā,
pli-tv-bu-vb-ss2:3.7.4	ajānantassa,
pli-tv-bu-vb-ss2:3.7.5	asādiyantassa,
pli-tv-bu-vb-ss2:3.7.6	ummattakassa,
pli-tv-bu-vb-ss2:3.7.7	khittacittassa,
pli-tv-bu-vb-ss2:3.7.8	vedanāṭṭassa,
pli-tv-bu-vb-ss2:3.7.9	ādikammikassāti.
pli-tv-bu-vb-ss2:3.7.10	2.1. Vinītavatthuuddānagāthā
pli-tv-bu-vb-ss2:3.7.11	Mātā dhītā bhaginī ca,
pli-tv-bu-vb-ss2:3.7.12	jāyā yakkhī ca paṇḍako;
pli-tv-bu-vb-ss2:3.7.13	Suttā matā tiracchānā,
pli-tv-bu-vb-ss2:3.7.14	dārudhītalikāya ca.
pli-tv-bu-vb-ss2:3.7.15	Sampīḷe saṅkamo maggo,
pli-tv-bu-vb-ss2:3.7.16	rukkho nāvā ca rajju ca;
pli-tv-bu-vb-ss2:3.7.17	Daṇḍo pattaṁ paṇāmesi,
pli-tv-bu-vb-ss2:3.7.18	vande vāyami nacchupeti.
pli-tv-bu-vb-ss2:4.1.0	2.2. Vinītavatthu
pli-tv-bu-vb-ss2:4.1.1	Tena kho pana samayena aññataro bhikkhu mātuyā mātupemena āmasi.
pli-tv-bu-vb-ss2:4.1.2	Tassa kukkuccaṁ ahosi—
pli-tv-bu-vb-ss2:4.1.3	“bhagavatā sikkhāpadaṁ paññattaṁ,
pli-tv-bu-vb-ss2:4.1.4	kacci nu kho ahaṁ saṅghādisesaṁ āpattiṁ āpanno”ti?
pli-tv-bu-vb-ss2:4.1.5	Bhagavato etamatthaṁ ārocesi.
pli-tv-bu-vb-ss2:4.1.6	“Anāpatti, bhikkhu, saṅghādisesassa;
pli-tv-bu-vb-ss2:4.1.7	āpatti dukkaṭassā”ti.
pli-tv-bu-vb-ss2:4.1.8	Tena kho pana samayena aññataro bhikkhu dhītuyā dhītupemena āmasi …pe…
pli-tv-bu-vb-ss2:4.1.9	bhaginiyā bhaginipemena āmasi.
pli-tv-bu-vb-ss2:4.1.10	Tassa kukkuccaṁ ahosi …pe…
pli-tv-bu-vb-ss2:4.1.11	“anāpatti, bhikkhu, saṅghādisesassa;
pli-tv-bu-vb-ss2:4.1.12	āpatti dukkaṭassā”ti.
pli-tv-bu-vb-ss2:4.2.1	Tena kho pana samayena aññataro bhikkhu purāṇadutiyikāya kāyasaṁsaggaṁ samāpajji.
pli-tv-bu-vb-ss2:4.2.2	Tassa kukkuccaṁ ahosi …pe…
pli-tv-bu-vb-ss2:4.2.3	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss2:4.3.1	Tena kho pana samayena aññataro bhikkhu yakkhiniyā kāyasaṁsaggaṁ samāpajji.
pli-tv-bu-vb-ss2:4.3.2	Tassa kukkuccaṁ ahosi …pe…
pli-tv-bu-vb-ss2:4.3.3	“anāpatti, bhikkhu, saṅghādisesassa;
pli-tv-bu-vb-ss2:4.3.4	āpatti thullaccayassā”ti.
pli-tv-bu-vb-ss2:4.3.5	Tena kho pana samayena aññataro bhikkhu paṇḍakassa kāyasaṁsaggaṁ samāpajji.
pli-tv-bu-vb-ss2:4.3.6	Tassa kukkuccaṁ ahosi …pe…
pli-tv-bu-vb-ss2:4.3.7	“anāpatti, bhikkhu, saṅghādisesassa;
pli-tv-bu-vb-ss2:4.3.8	āpatti thullaccayassā”ti.
pli-tv-bu-vb-ss2:4.4.1	Tena kho pana samayena aññataro bhikkhu suttitthiyā kāyasaṁsaggaṁ samāpajji.
pli-tv-bu-vb-ss2:4.4.2	Tassa kukkuccaṁ ahosi …pe…
pli-tv-bu-vb-ss2:4.4.3	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss2:4.4.4	Tena kho pana samayena aññataro bhikkhu matitthiyā kāyasaṁsaggaṁ samāpajji.
pli-tv-bu-vb-ss2:4.4.5	Tassa kukkuccaṁ ahosi …pe…
pli-tv-bu-vb-ss2:4.4.6	“anāpatti, bhikkhu, saṅghādisesassa;
pli-tv-bu-vb-ss2:4.4.7	āpatti thullaccayassā”ti.
pli-tv-bu-vb-ss2:4.4.8	Tena kho pana samayena aññataro bhikkhu tiracchānagatitthiyā kāyasaṁsaggaṁ samāpajji.
pli-tv-bu-vb-ss2:4.4.9	Tassa kukkuccaṁ ahosi …pe…
pli-tv-bu-vb-ss2:4.4.10	“anāpatti, bhikkhu, saṅghādisesassa;
pli-tv-bu-vb-ss2:4.4.11	āpatti dukkaṭassā”ti.
pli-tv-bu-vb-ss2:4.4.12	Tena kho pana samayena aññataro bhikkhu dārudhītalikāya kāyasaṁsaggaṁ samāpajji.
pli-tv-bu-vb-ss2:4.4.13	Tassa kukkuccaṁ ahosi …pe…
pli-tv-bu-vb-ss2:4.4.14	“anāpatti, bhikkhu, saṅghādisesassa;
pli-tv-bu-vb-ss2:4.4.15	āpatti dukkaṭassā”ti.
pli-tv-bu-vb-ss2:4.5.1	Tena kho pana samayena sambahulā itthiyo aññataraṁ bhikkhuṁ sampīḷetvā bāhāparamparāya ānesuṁ.
pli-tv-bu-vb-ss2:4.5.2	Tassa kukkuccaṁ ahosi …pe…
pli-tv-bu-vb-ss2:4.5.3	“sādiyi tvaṁ, bhikkhū”ti?
pli-tv-bu-vb-ss2:4.5.4	“Nāhaṁ, bhagavā, sādiyin”ti.
pli-tv-bu-vb-ss2:4.5.5	“Anāpatti, bhikkhu, asādiyantassā”ti.
pli-tv-bu-vb-ss2:4.6.1	Tena kho pana samayena aññataro bhikkhu itthiyā abhirūḷhaṁ saṅkamaṁ sāratto sañcālesi.
pli-tv-bu-vb-ss2:4.6.2	Tassa kukkuccaṁ ahosi …pe…
pli-tv-bu-vb-ss2:4.6.3	“anāpatti, bhikkhu, saṅghādisesassa;
pli-tv-bu-vb-ss2:4.6.4	āpatti dukkaṭassā”ti.
pli-tv-bu-vb-ss2:4.7.1	Tena kho pana samayena aññataro bhikkhu itthiṁ paṭipathe passitvā sāratto aṁsakūṭena pahāraṁ adāsi.
pli-tv-bu-vb-ss2:4.7.2	Tassa kukkuccaṁ ahosi …pe…
pli-tv-bu-vb-ss2:4.7.3	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss2:4.8.1	Tena kho pana samayena aññataro bhikkhu itthiyā abhirūḷhaṁ rukkhaṁ sāratto sañcālesi.
pli-tv-bu-vb-ss2:4.8.2	Tassa kukkuccaṁ ahosi …pe…
pli-tv-bu-vb-ss2:4.8.3	“anāpatti, bhikkhu, saṅghādisesassa;
pli-tv-bu-vb-ss2:4.8.4	āpatti dukkaṭassā”ti.
pli-tv-bu-vb-ss2:4.8.5	Tena kho pana samayena aññataro bhikkhu itthiyā abhirūḷhaṁ nāvaṁ sāratto sañcālesi.
pli-tv-bu-vb-ss2:4.8.6	Tassa kukkuccaṁ ahosi …pe…
pli-tv-bu-vb-ss2:4.8.7	“anāpatti, bhikkhu, saṅghādisesassa;
pli-tv-bu-vb-ss2:4.8.8	āpatti dukkaṭassā”ti.
pli-tv-bu-vb-ss2:4.9.1	Tena kho pana samayena aññataro bhikkhu itthiyā gahitaṁ rajjuṁ sāratto āviñchi.
pli-tv-bu-vb-ss2:4.9.2	Tassa kukkuccaṁ ahosi …pe…
pli-tv-bu-vb-ss2:4.9.3	“anāpatti, bhikkhu, saṅghādisesassa;
pli-tv-bu-vb-ss2:4.9.4	āpatti thullaccayassā”ti.
pli-tv-bu-vb-ss2:4.9.5	Tena kho pana samayena aññataro bhikkhu itthiyā gahitaṁ daṇḍaṁ sāratto āviñchi.
pli-tv-bu-vb-ss2:4.9.6	Tassa kukkuccaṁ ahosi …pe…
pli-tv-bu-vb-ss2:4.9.7	“anāpatti, bhikkhu, saṅghādisesassa;
pli-tv-bu-vb-ss2:4.9.8	āpatti thullaccayassā”ti.
pli-tv-bu-vb-ss2:4.10.1	Tena kho pana samayena aññataro bhikkhu sāratto itthiṁ pattena paṇāmesi.
pli-tv-bu-vb-ss2:4.10.2	Tassa kukkuccaṁ ahosi …pe…
pli-tv-bu-vb-ss2:4.10.3	“anāpatti, bhikkhu, saṅghādisesassa;
pli-tv-bu-vb-ss2:4.10.4	āpatti thullaccayassā”ti.
pli-tv-bu-vb-ss2:4.11.1	Tena kho pana samayena aññataro bhikkhu itthiyā vandantiyā sāratto pādaṁ uccāresi.
pli-tv-bu-vb-ss2:4.11.2	Tassa kukkuccaṁ ahosi …pe…
pli-tv-bu-vb-ss2:4.11.3	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss2:4.11.4	Tena kho pana samayena aññataro bhikkhu itthiṁ gahessāmīti vāyamitvā na chupi.
pli-tv-bu-vb-ss2:4.11.5	Tassa kukkuccaṁ ahosi …pe…
pli-tv-bu-vb-ss2:4.11.6	“anāpatti, bhikkhu, saṅghādisesassa;
pli-tv-bu-vb-ss2:4.11.7	āpatti dukkaṭassā”ti.
pli-tv-bu-vb-ss2:4.11.8	Kāyasaṁsaggasikkhāpadaṁ niṭṭhitaṁ dutiyaṁ.
pli-tv-bu-vb-ss3:0.1	Theravāda Vinaya
pli-tv-bu-vb-ss3:0.2	Mahāvibhaṅga
pli-tv-bu-vb-ss3:0.3	Saṅghādisesakaṇḍa
pli-tv-bu-vb-ss3:0.4	3. Duṭṭhullavācāsikkhāpada
pli-tv-bu-vb-ss3:1.1.0	
pli-tv-bu-vb-ss3:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ss3:1.1.2	Tena kho pana samayena āyasmā udāyī araññe viharati.
pli-tv-bu-vb-ss3:1.1.3	Tassāyasmato vihāro abhirūpo hoti dassanīyo pāsādiko.
pli-tv-bu-vb-ss3:1.1.4	Tena kho pana samayena sambahulā itthiyo ārāmaṁ āgamaṁsu vihārapekkhikāyo.
pli-tv-bu-vb-ss3:1.1.5	Atha kho tā itthiyo yenāyasmā udāyī tenupasaṅkamiṁsu;
pli-tv-bu-vb-ss3:1.1.6	upasaṅkamitvā āyasmantaṁ udāyiṁ etadavocuṁ—
pli-tv-bu-vb-ss3:1.1.7	“icchāma mayaṁ, bhante, ayyassa vihāraṁ pekkhitun”ti.
pli-tv-bu-vb-ss3:1.1.8	Atha kho āyasmā udāyī tā itthiyo vihāraṁ pekkhāpetvā tāsaṁ itthīnaṁ vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati yācatipi āyācatipi pucchatipi paṭipucchatipi ācikkhatipi anusāsatipi akkosatipi.
pli-tv-bu-vb-ss3:1.1.9	Yā tā itthiyo chinnikā dhuttikā ahirikāyo tā āyasmatā udāyinā saddhiṁ uhasantipi ullapantipi ujjagghantipi uppaṇḍentipi.
pli-tv-bu-vb-ss3:1.1.10	Yā pana tā itthiyo hirimanā tā nikkhamitvā bhikkhū ujjhāpenti—
pli-tv-bu-vb-ss3:1.1.11	“idaṁ, bhante, nacchannaṁ nappatirūpaṁ.
pli-tv-bu-vb-ss3:1.1.12	Sāmikenapi mayaṁ evaṁ vuttā na iccheyyāma, kiṁ panāyyena udāyinā”ti.
pli-tv-bu-vb-ss3:1.2.1	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss3:1.2.2	“kathañhi nāma āyasmā udāyī mātugāmaṁ duṭṭhullāhi vācāhi obhāsissatī”ti.
pli-tv-bu-vb-ss3:1.2.3	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-ss3:1.2.4	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi—
pli-tv-bu-vb-ss3:1.2.5	“saccaṁ kira tvaṁ, udāyi, mātugāmaṁ duṭṭhullāhi vācāhi obhāsasī”ti?
pli-tv-bu-vb-ss3:1.2.6	“Saccaṁ, bhagavā”ti.
pli-tv-bu-vb-ss3:1.2.7	Vigarahi buddho bhagavā—
pli-tv-bu-vb-ss3:1.2.8	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-ss3:1.2.9	Kathañhi nāma tvaṁ, moghapurisa, mātugāmaṁ duṭṭhullāhi vācāhi obhāsissasi.
pli-tv-bu-vb-ss3:1.2.10	Nanu mayā, moghapurisa, anekapariyāyena virāgāya dhammo desito no sarāgāya …pe…
pli-tv-bu-vb-ss3:1.2.11	kāmapariḷāhānaṁ vūpasamo akkhāto.
pli-tv-bu-vb-ss3:1.2.12	Netaṁ, moghapurisa, appasannānaṁ vā pasādāya …pe…
pli-tv-bu-vb-ss3:1.2.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss3:1.2.14.0	
pli-tv-bu-vb-ss3:1.2.14.1	“Yo pana bhikkhu otiṇṇo vipariṇatena cittena mātugāmaṁ duṭṭhullāhi vācāhi obhāseyya yathā taṁ yuvā yuvatiṁ methunupasaṁhitāhi, saṅghādiseso”ti.
pli-tv-bu-vb-ss3:2.0	
pli-tv-bu-vb-ss3:2.1	Yo panāti
pli-tv-bu-vb-ss3:2.2	yo yādiso …pe…
pli-tv-bu-vb-ss3:2.3	bhikkhūti
pli-tv-bu-vb-ss3:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ss3:2.5	Otiṇṇo nāma
pli-tv-bu-vb-ss3:2.6	sāratto apekkhavā paṭibaddhacitto.
pli-tv-bu-vb-ss3:2.7	Vipariṇatanti
pli-tv-bu-vb-ss3:2.8	rattampi cittaṁ vipariṇataṁ, duṭṭhampi cittaṁ vipariṇataṁ mūḷhampi cittaṁ vipariṇataṁ.
pli-tv-bu-vb-ss3:2.9	Api ca rattaṁ cittaṁ imasmiṁ atthe adhippetaṁ vipariṇatanti.
pli-tv-bu-vb-ss3:2.10	Mātugāmo nāma
pli-tv-bu-vb-ss3:2.11	manussitthī, na yakkhī, na petī, na tiracchānagatā. Viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.
pli-tv-bu-vb-ss3:2.12	Duṭṭhullā nāma
pli-tv-bu-vb-ss3:2.13	vācā vaccamaggapassāvamaggamethunadhammappaṭisaṁyuttā vācā.
pli-tv-bu-vb-ss3:2.14	Obhāseyyāti
pli-tv-bu-vb-ss3:2.15	ajjhācāro vuccati.
pli-tv-bu-vb-ss3:2.16	Yathā taṁ yuvā yuvatinti
pli-tv-bu-vb-ss3:2.17	daharo dahariṁ, taruṇo taruṇiṁ, kāmabhogī kāmabhoginiṁ.
pli-tv-bu-vb-ss3:2.18	Methunupasaṁhitāhīti
pli-tv-bu-vb-ss3:2.19	methunadhammappaṭisaṁyuttāhi.
pli-tv-bu-vb-ss3:2.20	Saṅghādisesoti
pli-tv-bu-vb-ss3:2.21	…pe… tenapi vuccati saṅghādisesoti.
pli-tv-bu-vb-ss3:3.1.0.1	
pli-tv-bu-vb-ss3:3.1.0.2	
pli-tv-bu-vb-ss3:3.1.1	Dve magge ādissa vaṇṇampi bhaṇati, avaṇṇampi bhaṇati, yācatipi, āyācatipi, pucchatipi, paṭipucchatipi, ācikkhatipi, anusāsatipi, akkosatipi.
pli-tv-bu-vb-ss3:3.1.2.0	
pli-tv-bu-vb-ss3:3.1.2.1	Vaṇṇaṁ bhaṇati nāma
pli-tv-bu-vb-ss3:3.1.3	dve magge thometi vaṇṇeti pasaṁsati.
pli-tv-bu-vb-ss3:3.1.4	Avaṇṇaṁ bhaṇati nāma
pli-tv-bu-vb-ss3:3.1.5	dve magge khuṁseti vambheti garahati.
pli-tv-bu-vb-ss3:3.1.6	Yācati nāma
pli-tv-bu-vb-ss3:3.1.7	dehi me, arahasi me dātunti.
pli-tv-bu-vb-ss3:3.1.8	Āyācati nāma
pli-tv-bu-vb-ss3:3.1.9	kadā te mātā pasīdissati,
pli-tv-bu-vb-ss3:3.1.10	kadā te pitā pasīdissati,
pli-tv-bu-vb-ss3:3.1.11	kadā te devatāyo pasīdissanti,
pli-tv-bu-vb-ss3:3.1.12	kadā sukhaṇo sulayo sumuhutto bhavissati,
pli-tv-bu-vb-ss3:3.1.13	kadā te methunaṁ dhammaṁ labhissāmīti.
pli-tv-bu-vb-ss3:3.1.14	Pucchati nāma
pli-tv-bu-vb-ss3:3.1.15	kathaṁ tvaṁ sāmikassa desi,
pli-tv-bu-vb-ss3:3.1.16	kathaṁ jārassa desīti?
pli-tv-bu-vb-ss3:3.1.17	Paṭipucchati nāma
pli-tv-bu-vb-ss3:3.1.18	evaṁ kira tvaṁ sāmikassa desi,
pli-tv-bu-vb-ss3:3.1.19	evaṁ jārassa desīti.
pli-tv-bu-vb-ss3:3.1.20	Ācikkhati nāma
pli-tv-bu-vb-ss3:3.1.21	puṭṭho bhaṇati— “evaṁ dehi. Evaṁ dentā sāmikassa piyā bhavissati manāpā cā”ti.
pli-tv-bu-vb-ss3:3.1.22	Anusāsati nāma
pli-tv-bu-vb-ss3:3.1.23	apuṭṭho bhaṇati— “evaṁ dehi. Evaṁ dentā sāmikassa piyā bhavissati manāpā cā”ti.
pli-tv-bu-vb-ss3:3.1.24	Akkosati nāma
pli-tv-bu-vb-ss3:3.1.25	animittāsi,
pli-tv-bu-vb-ss3:3.1.26	nimittamattāsi,
pli-tv-bu-vb-ss3:3.1.27	alohitāsi,
pli-tv-bu-vb-ss3:3.1.28	dhuvalohitāsi,
pli-tv-bu-vb-ss3:3.1.29	dhuvacoḷāsi,
pli-tv-bu-vb-ss3:3.1.30	paggharantīsi,
pli-tv-bu-vb-ss3:3.1.31	sikharaṇīsi,
pli-tv-bu-vb-ss3:3.1.32	itthipaṇḍakāsi,
pli-tv-bu-vb-ss3:3.1.33	vepurisikāsi,
pli-tv-bu-vb-ss3:3.1.34	sambhinnāsi,
pli-tv-bu-vb-ss3:3.1.35	ubhatobyañjanāsīti.
pli-tv-bu-vb-ss3:3.2.0.1	
pli-tv-bu-vb-ss3:3.2.0.2	
pli-tv-bu-vb-ss3:3.2.1	Itthī ca hoti itthisaññī sāratto ca.
pli-tv-bu-vb-ss3:3.2.2	Bhikkhu ca naṁ itthiyā vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati yācatipi āyācatipi pucchatipi paṭipucchatipi ācikkhatipi anusāsatipi akkosatipi, āpatti saṅghādisesassa.
pli-tv-bu-vb-ss3:3.2.3	…pe….
pli-tv-bu-vb-ss3:3.2.4.0	
pli-tv-bu-vb-ss3:3.2.4.1	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss3:3.2.5	Bhikkhu ca naṁ dvinnaṁ itthīnaṁ vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.2.6	akkosatipi, āpatti dvinnaṁ saṅghādisesānaṁ.
pli-tv-bu-vb-ss3:3.2.7	…pe…
pli-tv-bu-vb-ss3:3.2.8.0	
pli-tv-bu-vb-ss3:3.2.8.1	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss3:3.2.9	Bhikkhu ca naṁ ubhinnaṁ vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.2.10	akkosatipi, āpatti saṅghādisesena dukkaṭassa.
pli-tv-bu-vb-ss3:3.2.11	…pe…
pli-tv-bu-vb-ss3:3.3.0	
pli-tv-bu-vb-ss3:3.3.1	Itthī ca hoti itthisaññī sāratto ca.
pli-tv-bu-vb-ss3:3.3.2	Bhikkhu ca naṁ itthiyā vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.3.3	akkosatipi, āpatti thullaccayassa …pe….
pli-tv-bu-vb-ss3:3.3.4	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss3:3.3.5	Bhikkhu ca naṁ dvinnaṁ itthīnaṁ vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.3.6	akkosatipi, āpatti dvinnaṁ thullaccayānaṁ …pe….
pli-tv-bu-vb-ss3:3.3.7	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss3:3.3.8	Bhikkhu ca naṁ ubhinnaṁ vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.3.9	akkosatipi, āpatti thullaccayena dukkaṭassa …pe….
pli-tv-bu-vb-ss3:3.4.0	
pli-tv-bu-vb-ss3:3.4.1	Itthī ca hoti itthisaññī sāratto ca.
pli-tv-bu-vb-ss3:3.4.2	Bhikkhu ca naṁ itthiyā ubbhakkhakaṁ adhojāṇumaṇḍalaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.4.3	akkosatipi, āpatti dukkaṭassa …pe….
pli-tv-bu-vb-ss3:3.4.4	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss3:3.4.5	Bhikkhu ca naṁ dvinnaṁ itthīnaṁ ubbhakkhakaṁ adhojāṇumaṇḍalaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.4.6	akkosatipi, āpatti dvinnaṁ dukkaṭānaṁ …pe….
pli-tv-bu-vb-ss3:3.4.7	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss3:3.4.8	Bhikkhu ca naṁ ubhinnaṁ ubbhakkhakaṁ adhojāṇumaṇḍalaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.4.9	akkosatipi, āpatti dvinnaṁ dukkaṭānaṁ …pe….
pli-tv-bu-vb-ss3:3.5.0	
pli-tv-bu-vb-ss3:3.5.1	Itthī ca hoti itthisaññī sāratto ca.
pli-tv-bu-vb-ss3:3.5.2	Bhikkhu ca naṁ itthiyā kāyapaṭibaddhaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.5.3	akkosatipi, āpatti dukkaṭassa …pe….
pli-tv-bu-vb-ss3:3.5.4	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss3:3.5.5	Bhikkhu ca naṁ dvinnaṁ itthīnaṁ kāyapaṭibaddhaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.5.6	akkosatipi, āpatti dvinnaṁ dukkaṭānaṁ …pe….
pli-tv-bu-vb-ss3:3.5.7	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss3:3.5.8	Bhikkhu ca naṁ ubhinnaṁ kāyapaṭibaddhaṁ ādissa vaṇṇampi bhaṇati avaṇṇampi bhaṇati …pe…
pli-tv-bu-vb-ss3:3.5.9	akkosatipi, āpatti dvinnaṁ dukkaṭānaṁ …pe….
pli-tv-bu-vb-ss3:3.6.0	
pli-tv-bu-vb-ss3:3.6.1	Anāpatti—
pli-tv-bu-vb-ss3:3.6.2	atthapurekkhārassa,
pli-tv-bu-vb-ss3:3.6.3	dhammapurekkhārassa,
pli-tv-bu-vb-ss3:3.6.4	anusāsanipurekkhārassa,
pli-tv-bu-vb-ss3:3.6.5	ummattakassa,
pli-tv-bu-vb-ss3:3.6.6	ādikammikassāti.
pli-tv-bu-vb-ss3:3.6.7	3.1. Vinītavatthuuddānagāthā
pli-tv-bu-vb-ss3:3.6.8	Lohitaṁ kakkasākiṇṇaṁ,
pli-tv-bu-vb-ss3:3.6.9	kharaṁ dīghañca vāpitaṁ;
pli-tv-bu-vb-ss3:3.6.10	Kacci saṁsīdati maggo,
pli-tv-bu-vb-ss3:3.6.11	saddhā dānena kammunāti.
pli-tv-bu-vb-ss3:4.1.0	3.2. Vinītavatthu
pli-tv-bu-vb-ss3:4.1.1	Tena kho pana samayena aññatarā itthī navarattaṁ kambalaṁ pārutā hoti.
pli-tv-bu-vb-ss3:4.1.2	Aññataro bhikkhu sāratto taṁ itthiṁ etadavoca—
pli-tv-bu-vb-ss3:4.1.3	“lohitaṁ kho te, bhaginī”ti.
pli-tv-bu-vb-ss3:4.1.4	Sā na paṭivijāni.
pli-tv-bu-vb-ss3:4.1.5	“Āmāyya, navaratto kambalo”ti.
pli-tv-bu-vb-ss3:4.1.6	Tassa kukkuccaṁ ahosi “bhagavatā sikkhāpadaṁ paññattaṁ, kacci nu kho ahaṁ saṅghādisesaṁ āpattiṁ āpanno”ti?
pli-tv-bu-vb-ss3:4.1.7	Bhagavato etamatthaṁ ārocesi.
pli-tv-bu-vb-ss3:4.1.8	“Anāpatti, bhikkhu, saṅghādisesassa;
pli-tv-bu-vb-ss3:4.1.9	āpatti dukkaṭassā”ti.
pli-tv-bu-vb-ss3:4.2.1	Tena kho pana samayena aññatarā itthī kharakambalaṁ pārutā hoti.
pli-tv-bu-vb-ss3:4.2.2	Aññataro bhikkhu sāratto taṁ itthiṁ etadavoca—
pli-tv-bu-vb-ss3:4.2.3	“kakkasalomaṁ kho te, bhaginī”ti.
pli-tv-bu-vb-ss3:4.2.4	Sā na paṭivijāni.
pli-tv-bu-vb-ss3:4.2.5	“Āmāyya, kharakambalo”ti.
pli-tv-bu-vb-ss3:4.2.6	Tassa kukkuccaṁ ahosi …pe…
pli-tv-bu-vb-ss3:4.2.7	“anāpatti, bhikkhu, saṅghādisesassa;
pli-tv-bu-vb-ss3:4.2.8	āpatti dukkaṭassā”ti.
pli-tv-bu-vb-ss3:4.3.1	Tena kho pana samayena aññatarā itthī navāvutaṁ kambalaṁ pārutā hoti.
pli-tv-bu-vb-ss3:4.3.2	Aññataro bhikkhu sāratto taṁ itthiṁ etadavoca—
pli-tv-bu-vb-ss3:4.3.3	“ākiṇṇalomaṁ kho te, bhaginī”ti.
pli-tv-bu-vb-ss3:4.3.4	Sā na paṭivijāni.
pli-tv-bu-vb-ss3:4.3.5	“Āmāyya, navāvuto kambalo”ti.
pli-tv-bu-vb-ss3:4.3.6	Tassa kukkuccaṁ ahosi …pe…
pli-tv-bu-vb-ss3:4.3.7	“anāpatti, bhikkhu, saṅghādisesassa;
pli-tv-bu-vb-ss3:4.3.8	āpatti dukkaṭassā”ti.
pli-tv-bu-vb-ss3:4.4.1	Tena kho pana samayena aññatarā itthī kharakambalakaṁ pārutā hoti.
pli-tv-bu-vb-ss3:4.4.2	Aññataro bhikkhu sāratto taṁ itthiṁ etadavoca—
pli-tv-bu-vb-ss3:4.4.3	“kharalomaṁ kho te, bhaginī”ti.
pli-tv-bu-vb-ss3:4.4.4	Sā na paṭivijāni.
pli-tv-bu-vb-ss3:4.4.5	“Āmāyya, kharakambalako”ti.
pli-tv-bu-vb-ss3:4.4.6	Tassa kukkuccaṁ ahosi …pe…
pli-tv-bu-vb-ss3:4.4.7	“anāpatti, bhikkhu, saṅghādisesassa;
pli-tv-bu-vb-ss3:4.4.8	āpatti dukkaṭassā”ti.
pli-tv-bu-vb-ss3:4.5.1	Tena kho pana samayena aññatarā itthī pāvāraṁ pārutā hoti.
pli-tv-bu-vb-ss3:4.5.2	Aññataro bhikkhu sāratto taṁ itthiṁ etadavoca—
pli-tv-bu-vb-ss3:4.5.3	“dīghalomaṁ kho te, bhaginī”ti.
pli-tv-bu-vb-ss3:4.5.4	Sā na paṭivijāni.
pli-tv-bu-vb-ss3:4.5.5	“Āmāyya, pāvāro”ti.
pli-tv-bu-vb-ss3:4.5.6	Tassa kukkuccaṁ ahosi …pe…
pli-tv-bu-vb-ss3:4.5.7	“anāpatti, bhikkhu, saṅghādisesassa;
pli-tv-bu-vb-ss3:4.5.8	āpatti dukkaṭassā”ti.
pli-tv-bu-vb-ss3:4.6.1	Tena kho pana samayena aññatarā itthī khettaṁ vapāpetvā āgacchati.
pli-tv-bu-vb-ss3:4.6.2	Aññataro bhikkhu sāratto taṁ itthiṁ etadavoca—
pli-tv-bu-vb-ss3:4.6.3	“vāpitaṁ kho te, bhaginī”ti?
pli-tv-bu-vb-ss3:4.6.4	Sā na paṭivijāni.
pli-tv-bu-vb-ss3:4.6.5	“Āmāyya, no ca kho paṭivuttan”ti.
pli-tv-bu-vb-ss3:4.6.6	Tassa kukkuccaṁ ahosi …pe…
pli-tv-bu-vb-ss3:4.6.7	“anāpatti, bhikkhu, saṅghādisesassa;
pli-tv-bu-vb-ss3:4.6.8	āpatti dukkaṭassā”ti.
pli-tv-bu-vb-ss3:4.7.1	Tena kho pana samayena aññataro bhikkhu paribbājikaṁ paṭipathe passitvā sāratto taṁ paribbājikaṁ etadavoca—
pli-tv-bu-vb-ss3:4.7.2	“kacci, bhagini, maggo saṁsīdatī”ti?
pli-tv-bu-vb-ss3:4.7.3	Sā na paṭivijāni.
pli-tv-bu-vb-ss3:4.7.4	“Āma, bhikkhu, paṭipajjissasī”ti.
pli-tv-bu-vb-ss3:4.7.5	Tassa kukkuccaṁ ahosi …pe…
pli-tv-bu-vb-ss3:4.7.6	“anāpatti, bhikkhu, saṅghādisesassa;
pli-tv-bu-vb-ss3:4.7.7	āpatti thullaccayassā”ti.
pli-tv-bu-vb-ss3:4.8.1	Tena kho pana samayena aññataro bhikkhu sāratto aññataraṁ itthiṁ etadavoca—
pli-tv-bu-vb-ss3:4.8.2	“saddhāsi tvaṁ, bhagini.
pli-tv-bu-vb-ss3:4.8.3	Api ca yaṁ sāmikassa desi taṁ nāmhākaṁ desī”ti.
pli-tv-bu-vb-ss3:4.8.4	“Kiṁ, bhante”ti?
pli-tv-bu-vb-ss3:4.8.5	“Methunadhamman”ti.
pli-tv-bu-vb-ss3:4.8.6	Tassa kukkuccaṁ ahosi …pe…
pli-tv-bu-vb-ss3:4.8.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss3:4.9.1	Tena kho pana samayena aññataro bhikkhu sāratto aññataraṁ itthiṁ etadavoca—
pli-tv-bu-vb-ss3:4.9.2	“saddhāsi tvaṁ, bhagini.
pli-tv-bu-vb-ss3:4.9.3	Api ca yaṁ aggadānaṁ taṁ nāmhākaṁ desī”ti.
pli-tv-bu-vb-ss3:4.9.4	“Kiṁ, bhante, aggadānan”ti?
pli-tv-bu-vb-ss3:4.9.5	“Methunadhamman”ti.
pli-tv-bu-vb-ss3:4.9.6	Tassa kukkuccaṁ ahosi …pe…
pli-tv-bu-vb-ss3:4.9.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss3:4.10.1	Tena kho pana samayena aññatarā itthī kammaṁ karoti.
pli-tv-bu-vb-ss3:4.10.2	Aññataro bhikkhu sāratto taṁ itthiṁ etadavoca—
pli-tv-bu-vb-ss3:4.10.3	“tiṭṭha, bhagini, ahaṁ karissāmī”ti …pe…
pli-tv-bu-vb-ss3:4.10.4	nisīda, bhagini, ahaṁ karissāmī”ti …pe…
pli-tv-bu-vb-ss3:4.10.5	nipajja, bhagini, ahaṁ karissāmī”ti.
pli-tv-bu-vb-ss3:4.10.6	Sā na paṭivijāni.
pli-tv-bu-vb-ss3:4.10.7	Tassa kukkuccaṁ ahosi …pe…
pli-tv-bu-vb-ss3:4.10.8	“anāpatti, bhikkhu, saṅghādisesassa;
pli-tv-bu-vb-ss3:4.10.9	āpatti dukkaṭassā”ti.
pli-tv-bu-vb-ss3:4.10.10	Duṭṭhullavācāsikkhāpadaṁ niṭṭhitaṁ tatiyaṁ.
pli-tv-bu-vb-ss4:0.1	Theravāda Vinaya
pli-tv-bu-vb-ss4:0.2	Mahāvibhaṅga
pli-tv-bu-vb-ss4:0.3	Saṅghādisesakaṇḍa
pli-tv-bu-vb-ss4:0.4	4. Attakāmapāricariyasikkhāpada
pli-tv-bu-vb-ss4:1.1.0	
pli-tv-bu-vb-ss4:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ss4:1.1.2	Tena kho pana samayena āyasmā udāyī sāvatthiyaṁ kulūpako hoti, bahukāni kulāni upasaṅkamati.
pli-tv-bu-vb-ss4:1.1.3	Tena kho pana samayena aññatarā itthī matapatikā abhirūpā hoti dassanīyā pāsādikā.
pli-tv-bu-vb-ss4:1.1.4	Atha kho āyasmā udāyī pubbaṇhasamayaṁ nivāsetvā pattacīvaramādāya yena tassā itthiyā nivesanaṁ tenupasaṅkami; upasaṅkamitvā paññatte āsane nisīdi.
pli-tv-bu-vb-ss4:1.1.5	Atha kho sā itthī yenāyasmā udāyī tenupasaṅkami; upasaṅkamitvā āyasmantaṁ udāyiṁ abhivādetvā ekamantaṁ nisīdi.
pli-tv-bu-vb-ss4:1.1.6	Ekamantaṁ nisinnaṁ kho taṁ itthiṁ āyasmā udāyī dhammiyā kathāya sandassesi samādapesi samuttejesi sampahaṁsesi.
pli-tv-bu-vb-ss4:1.1.7	Atha kho sā itthī āyasmatā udāyinā dhammiyā kathāya sandassitā samādapitā samuttejitā sampahaṁsitā āyasmantaṁ udāyiṁ etadavoca—
pli-tv-bu-vb-ss4:1.1.8	“vadeyyātha, bhante, yena attho.
pli-tv-bu-vb-ss4:1.1.9	Paṭibalā mayaṁ ayyassa dātuṁ yadidaṁ cīvarapiṇḍapātasenāsanagilānappaccayabhesajjaparikkhāran”ti.
pli-tv-bu-vb-ss4:1.1.10	“Na kho te, bhagini, amhākaṁ dullabhā yadidaṁ cīvarapiṇḍapātasenāsanagilānappaccayabhesajjaparikkhārā.
pli-tv-bu-vb-ss4:1.1.11	Api ca yo amhākaṁ dullabho taṁ dehī”ti.
pli-tv-bu-vb-ss4:1.1.12	“Kiṁ, bhante”ti?
pli-tv-bu-vb-ss4:1.1.13	“Methunadhamman”ti.
pli-tv-bu-vb-ss4:1.1.14	“Attho, bhante”ti?
pli-tv-bu-vb-ss4:1.1.15	“Attho, bhaginī”ti.
pli-tv-bu-vb-ss4:1.1.16	“Ehi, bhante”ti,
pli-tv-bu-vb-ss4:1.1.17	ovarakaṁ pavisitvā sāṭakaṁ nikkhipitvā mañcake uttānā nipajji.
pli-tv-bu-vb-ss4:1.1.18	Atha kho āyasmā udāyī yena sā itthī tenupasaṅkami; upasaṅkamitvā—
pli-tv-bu-vb-ss4:1.1.19	“ko imaṁ vasalaṁ duggandhaṁ āmasissatī”ti,
pli-tv-bu-vb-ss4:1.1.20	niṭṭhubhitvā pakkāmi.
pli-tv-bu-vb-ss4:1.1.21	Atha kho sā itthī ujjhāyati khiyyati vipāceti—
pli-tv-bu-vb-ss4:1.1.22	“alajjino ime samaṇā sakyaputtiyā dussīlā musāvādino.
pli-tv-bu-vb-ss4:1.1.23	Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.
pli-tv-bu-vb-ss4:1.1.24	Natthi imesaṁ sāmaññaṁ natthi imesaṁ brahmaññaṁ, naṭṭhaṁ imesaṁ sāmaññaṁ naṭṭhaṁ imesaṁ brahmaññaṁ, kuto imesaṁ sāmaññaṁ kuto imesaṁ brahmaññaṁ,
pli-tv-bu-vb-ss4:1.1.25	apagatā ime sāmaññā apagatā ime brahmaññā.
pli-tv-bu-vb-ss4:1.1.26	Kathañhi nāma samaṇo udāyī maṁ sāmaṁ methunadhammaṁ yācitvā, ‘ko imaṁ vasalaṁ duggandhaṁ āmasissatī’ti niṭṭhubhitvā pakkamissati.
pli-tv-bu-vb-ss4:1.1.27	Kiṁ me pāpakaṁ kiṁ me duggandhaṁ,
pli-tv-bu-vb-ss4:1.1.28	kassāhaṁ kena hāyāmī”ti?
pli-tv-bu-vb-ss4:1.2.1	Aññāpi itthiyo ujjhāyanti khiyyanti vipācenti—
pli-tv-bu-vb-ss4:1.2.2	“alajjino ime samaṇā sakyaputtiyā dussīlā musāvādino …pe…
pli-tv-bu-vb-ss4:1.2.3	kathañhi nāma samaṇo udāyī imissā sāmaṁ methunadhammaṁ yācitvā, ‘ko imaṁ vasalaṁ duggandhaṁ āmasissatī’ti niṭṭhubhitvā pakkamissati.
pli-tv-bu-vb-ss4:1.2.4	Kiṁ imissā pāpakaṁ kiṁ imissā duggandhaṁ, kassāyaṁ kena hāyatī”ti?
pli-tv-bu-vb-ss4:1.2.5	Assosuṁ kho bhikkhū tāsaṁ itthīnaṁ ujjhāyantīnaṁ khiyyantīnaṁ vipācentīnaṁ.
pli-tv-bu-vb-ss4:1.2.6	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss4:1.2.7	“kathañhi nāma āyasmā udāyī mātugāmassa santike attakāmapāricariyāya vaṇṇaṁ bhāsissatī”ti.
pli-tv-bu-vb-ss4:1.2.8	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-ss4:1.2.9	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi—
pli-tv-bu-vb-ss4:1.2.10	“saccaṁ kira tvaṁ, udāyi, mātugāmassa santike attakāmapāricariyāya vaṇṇaṁ bhāsasī”ti?
pli-tv-bu-vb-ss4:1.2.11	“Saccaṁ, bhagavā”ti.
pli-tv-bu-vb-ss4:1.2.12	Vigarahi buddho bhagavā—
pli-tv-bu-vb-ss4:1.2.13	“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bu-vb-ss4:1.2.14	Kathañhi nāma tvaṁ, moghapurisa, mātugāmassa santike attakāmapāricariyāya vaṇṇaṁ bhāsissasi.
pli-tv-bu-vb-ss4:1.2.15	Nanu mayā, moghapurisa, anekapariyāyena virāgāya dhammo desito no sarāgāya …pe…
pli-tv-bu-vb-ss4:1.2.16	kāmapariḷāhānaṁ vūpasamo akkhāto?
pli-tv-bu-vb-ss4:1.2.17	Netaṁ, moghapurisa, appasannānaṁ vā pasādāya …pe…
pli-tv-bu-vb-ss4:1.2.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss4:1.2.19.0	
pli-tv-bu-vb-ss4:1.2.19.1	“Yo pana bhikkhu otiṇṇo vipariṇatena cittena mātugāmassa santike attakāmapāricariyāya vaṇṇaṁ bhāseyya— ‘etadaggaṁ, bhagini, pāricariyānaṁ yā mādisaṁ sīlavantaṁ kalyāṇadhammaṁ brahmacāriṁ etena dhammena paricareyyāti methunupasaṁhitena’, saṅghādiseso”ti.
pli-tv-bu-vb-ss4:2.0	
pli-tv-bu-vb-ss4:2.1	Yo panāti
pli-tv-bu-vb-ss4:2.2	yo yādiso …pe…
pli-tv-bu-vb-ss4:2.3	bhikkhūti
pli-tv-bu-vb-ss4:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ss4:2.5	Otiṇṇo nāma
pli-tv-bu-vb-ss4:2.6	sāratto apekkhavā paṭibaddhacitto.
pli-tv-bu-vb-ss4:2.7	Vipariṇatanti
pli-tv-bu-vb-ss4:2.8	rattampi cittaṁ vipariṇataṁ, duṭṭhampi cittaṁ vipariṇataṁ, mūḷhampi cittaṁ vipariṇataṁ.
pli-tv-bu-vb-ss4:2.9	Api ca rattaṁ cittaṁ imasmiṁ atthe adhippetaṁ vipariṇatanti.
pli-tv-bu-vb-ss4:2.10	Mātugāmo nāma
pli-tv-bu-vb-ss4:2.11	manussitthī, na yakkhī, na petī, na tiracchānagatā. Viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.
pli-tv-bu-vb-ss4:2.12	Mātugāmassa santiketi
pli-tv-bu-vb-ss4:2.13	mātugāmassa sāmantā, mātugāmassa avidūre.
pli-tv-bu-vb-ss4:2.14	Attakāmanti
pli-tv-bu-vb-ss4:2.15	attano kāmaṁ attano hetuṁ attano adhippāyaṁ attano pāricariyaṁ.
pli-tv-bu-vb-ss4:2.16	Etadagganti
pli-tv-bu-vb-ss4:2.17	etaṁ aggaṁ etaṁ seṭṭhaṁ etaṁ mokkhaṁ etaṁ uttamaṁ etaṁ pavaraṁ.
pli-tv-bu-vb-ss4:2.18	Yāti
pli-tv-bu-vb-ss4:2.19	khattiyī vā brāhmaṇī vā vessī vā suddī vā.
pli-tv-bu-vb-ss4:2.20	Mādisanti
pli-tv-bu-vb-ss4:2.21	khattiyaṁ vā brāhmaṇaṁ vā vessaṁ vā suddaṁ vā.
pli-tv-bu-vb-ss4:2.22	Sīlavantanti
pli-tv-bu-vb-ss4:2.23	pāṇātipātā paṭivirataṁ, adinnādānā paṭivirataṁ, musāvādā paṭivirataṁ.
pli-tv-bu-vb-ss4:2.24	Brahmacārinti
pli-tv-bu-vb-ss4:2.25	methunadhammā paṭivirataṁ.
pli-tv-bu-vb-ss4:2.26	Kalyāṇadhammo nāma
pli-tv-bu-vb-ss4:2.27	tena ca sīlena tena ca brahmacariyena kalyāṇadhammo hoti.
pli-tv-bu-vb-ss4:2.28	Etena dhammenāti
pli-tv-bu-vb-ss4:2.29	methunadhammena.
pli-tv-bu-vb-ss4:2.30	Paricareyyāti
pli-tv-bu-vb-ss4:2.31	abhirameyya.
pli-tv-bu-vb-ss4:2.32	Methunupasaṁhitenāti
pli-tv-bu-vb-ss4:2.33	methunadhammappaṭisaṁyuttena.
pli-tv-bu-vb-ss4:2.34	Saṅghādisesoti
pli-tv-bu-vb-ss4:2.35	…pe… tenapi vuccati “saṅghādiseso”ti.
pli-tv-bu-vb-ss4:3.1.0.1	
pli-tv-bu-vb-ss4:3.1.0.2	
pli-tv-bu-vb-ss4:3.1.1	Itthī ca hoti itthisaññī sāratto ca.
pli-tv-bu-vb-ss4:3.1.2	Bhikkhu ca naṁ itthiyā santike attakāmapāricariyāya vaṇṇaṁ bhāsati, āpatti saṅghādisesassa.
pli-tv-bu-vb-ss4:3.1.3	Itthī ca hoti vematiko …pe…
pli-tv-bu-vb-ss4:3.1.4	paṇḍakasaññī …
pli-tv-bu-vb-ss4:3.1.5	purisasaññī …
pli-tv-bu-vb-ss4:3.1.6	tiracchānagatasaññī sāratto ca.
pli-tv-bu-vb-ss4:3.1.7	Bhikkhu ca naṁ itthiyā santike attakāmapāricariyāya vaṇṇaṁ bhāsati, āpatti thullaccayassa.
pli-tv-bu-vb-ss4:3.1.8	Paṇḍako ca hoti paṇḍakasaññī sāratto ca.
pli-tv-bu-vb-ss4:3.1.9	Bhikkhu ca naṁ paṇḍakassa santike attakāmapāricariyāya vaṇṇaṁ bhāsati, āpatti thullaccayassa.
pli-tv-bu-vb-ss4:3.1.10	Paṇḍako ca hoti vematiko …pe…
pli-tv-bu-vb-ss4:3.1.11	purisasaññī …
pli-tv-bu-vb-ss4:3.1.12	tiracchānagatasaññī …
pli-tv-bu-vb-ss4:3.1.13	itthisaññī sāratto ca.
pli-tv-bu-vb-ss4:3.1.14	Bhikkhu ca naṁ paṇḍakassa santike attakāmapāricariyāya vaṇṇaṁ bhāsati, āpatti dukkaṭassa.
pli-tv-bu-vb-ss4:3.1.15	Puriso ca hoti
pli-tv-bu-vb-ss4:3.1.16	…pe…
pli-tv-bu-vb-ss4:3.1.17	tiracchānagato ca hoti tiracchānagatasaññī …pe…
pli-tv-bu-vb-ss4:3.1.18	vematiko …
pli-tv-bu-vb-ss4:3.1.19	itthisaññī …
pli-tv-bu-vb-ss4:3.1.20	paṇḍakasaññī …
pli-tv-bu-vb-ss4:3.1.21	purisasaññī sāratto ca.
pli-tv-bu-vb-ss4:3.1.22	Bhikkhu ca naṁ tiracchānagatassa santike attakāmapāricariyāya vaṇṇaṁ bhāsati, āpatti dukkaṭassa.
pli-tv-bu-vb-ss4:3.1.23.0	
pli-tv-bu-vb-ss4:3.1.23.1	Dve itthiyo dvinnaṁ itthīnaṁ itthisaññī sāratto ca.
pli-tv-bu-vb-ss4:3.1.24	Bhikkhu ca naṁ dvinnaṁ itthīnaṁ santike attakāmapāricariyāya vaṇṇaṁ bhāsati, āpatti dvinnaṁ saṅghādisesānaṁ.
pli-tv-bu-vb-ss4:3.1.25	…pe…
pli-tv-bu-vb-ss4:3.1.26.0	
pli-tv-bu-vb-ss4:3.1.26.1	Itthī ca paṇḍako ca ubhinnaṁ itthisaññī sāratto ca.
pli-tv-bu-vb-ss4:3.1.27	Bhikkhu ca naṁ ubhinnaṁ santike attakāmapāricariyāya vaṇṇaṁ bhāsati, āpatti saṅghādisesena dukkaṭassa.
pli-tv-bu-vb-ss4:3.1.28	…pe…
pli-tv-bu-vb-ss4:3.2.0	
pli-tv-bu-vb-ss4:3.2.1	Anāpatti—
pli-tv-bu-vb-ss4:3.2.2	“cīvarapiṇḍapātasenāsanagilānappaccayabhesajjaparikkhārena upaṭṭhahā”ti bhaṇati,
pli-tv-bu-vb-ss4:3.2.3	ummattakassa
pli-tv-bu-vb-ss4:3.2.4	ādikammikassāti.
pli-tv-bu-vb-ss4:3.2.5	4.1. Vinītavatthuuddānagāthā
pli-tv-bu-vb-ss4:3.2.6	Kathaṁ vañjhā labhe puttaṁ,
pli-tv-bu-vb-ss4:3.2.7	Piyā ca subhagā siyaṁ;
pli-tv-bu-vb-ss4:3.2.8	Kiṁ dajjaṁ kenupaṭṭheyyaṁ,
pli-tv-bu-vb-ss4:3.2.9	Kathaṁ gaccheyyaṁ suggatinti.
pli-tv-bu-vb-ss4:4.1.0	4.2. Vinītavatthu
pli-tv-bu-vb-ss4:4.1.1	Tena kho pana samayena aññatarā vañjhā itthī kulūpakaṁ bhikkhuṁ etadavoca—
pli-tv-bu-vb-ss4:4.1.2	“kathāhaṁ, bhante, vijāyeyyan”ti?
pli-tv-bu-vb-ss4:4.1.3	“Tena hi, bhagini, aggadānaṁ dehī”ti.
pli-tv-bu-vb-ss4:4.1.4	“Kiṁ, bhante, aggadānan”ti?
pli-tv-bu-vb-ss4:4.1.5	“Methunadhamman”ti.
pli-tv-bu-vb-ss4:4.1.6	Tassa kukkuccaṁ ahosi …pe…
pli-tv-bu-vb-ss4:4.1.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss4:4.2.1	Tena kho pana samayena aññatarā vijāyinī itthī kulūpakaṁ bhikkhuṁ etadavoca—
pli-tv-bu-vb-ss4:4.2.2	“kathāhaṁ, bhante, puttaṁ labheyyan”ti?
pli-tv-bu-vb-ss4:4.2.3	“Tena hi, bhagini, aggadānaṁ dehī”ti.
pli-tv-bu-vb-ss4:4.2.4	“Kiṁ, bhante, aggadānan”ti?
pli-tv-bu-vb-ss4:4.2.5	“Methunadhamman”ti.
pli-tv-bu-vb-ss4:4.2.6	Tassa kukkuccaṁ ahosi …pe…
pli-tv-bu-vb-ss4:4.2.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss4:4.3.1	Tena kho pana samayena aññatarā itthī kulūpakaṁ bhikkhuṁ etadavoca—
pli-tv-bu-vb-ss4:4.3.2	“kathāhaṁ, bhante, sāmikassa piyā assan”ti?
pli-tv-bu-vb-ss4:4.3.3	“Tena hi, bhagini, aggadānaṁ dehī”ti.
pli-tv-bu-vb-ss4:4.3.4	“Kiṁ, bhante, aggadānan”ti?
pli-tv-bu-vb-ss4:4.3.5	“Methunadhamman”ti.
pli-tv-bu-vb-ss4:4.3.6	Tassa kukkuccaṁ ahosi …pe…
pli-tv-bu-vb-ss4:4.3.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss4:4.3.8	Tena kho pana samayena aññatarā itthī kulūpakaṁ bhikkhuṁ etadavoca—
pli-tv-bu-vb-ss4:4.3.9	“kathāhaṁ, bhante, subhagā assan”ti?
pli-tv-bu-vb-ss4:4.3.10	“Tena hi, bhagini, aggadānaṁ dehī”ti.
pli-tv-bu-vb-ss4:4.3.11	“Kiṁ, bhante, aggadānan”ti?
pli-tv-bu-vb-ss4:4.3.12	“Methunadhamman”ti.
pli-tv-bu-vb-ss4:4.3.13	Tassa kukkuccaṁ ahosi …pe…
pli-tv-bu-vb-ss4:4.3.14	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss4:4.4.1	Tena kho pana samayena aññatarā itthī kulūpakaṁ bhikkhuṁ etadavoca—
pli-tv-bu-vb-ss4:4.4.2	“kyāhaṁ, bhante, ayyassa dajjāmī”ti?
pli-tv-bu-vb-ss4:4.4.3	“Aggadānaṁ, bhaginī”ti.
pli-tv-bu-vb-ss4:4.4.4	“Kiṁ, bhante, aggadānan”ti?
pli-tv-bu-vb-ss4:4.4.5	“Methunadhamman”ti.
pli-tv-bu-vb-ss4:4.4.6	Tassa kukkuccaṁ ahosi …pe…
pli-tv-bu-vb-ss4:4.4.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss4:4.5.1	Tena kho pana samayena aññatarā itthī kulūpakaṁ bhikkhuṁ etadavoca—
pli-tv-bu-vb-ss4:4.5.2	“kenāhaṁ, bhante, ayyaṁ upaṭṭhemī”ti?
pli-tv-bu-vb-ss4:4.5.3	“Aggadānena, bhaginī”ti.
pli-tv-bu-vb-ss4:4.5.4	“Kiṁ, bhante, aggadānan”ti?
pli-tv-bu-vb-ss4:4.5.5	“Methunadhamman”ti.
pli-tv-bu-vb-ss4:4.5.6	Tassa kukkuccaṁ ahosi …pe…
pli-tv-bu-vb-ss4:4.5.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss4:4.6.1	Tena kho pana samayena aññatarā itthī kulūpakaṁ bhikkhuṁ etadavoca—
pli-tv-bu-vb-ss4:4.6.2	“kathāhaṁ, bhante, sugatiṁ gaccheyyan”ti?
pli-tv-bu-vb-ss4:4.6.3	“Tena hi, bhagini, aggadānaṁ dehī”ti.
pli-tv-bu-vb-ss4:4.6.4	“Kiṁ, bhante, aggadānan”ti?
pli-tv-bu-vb-ss4:4.6.5	“Methunadhamman”ti.
pli-tv-bu-vb-ss4:4.6.6	Tassa kukkuccaṁ ahosi …pe…
pli-tv-bu-vb-ss4:4.6.7	“āpattiṁ tvaṁ, bhikkhu, āpanno saṅghādisesan”ti.
pli-tv-bu-vb-ss4:4.6.8	Attakāmapāricariyasikkhāpadaṁ niṭṭhitaṁ catutthaṁ.
pli-tv-bu-vb-ss5:0.1	Theravāda Vinaya
pli-tv-bu-vb-ss5:0.2	Mahāvibhaṅga
pli-tv-bu-vb-ss5:0.3	Saṅghādisesakaṇḍa
pli-tv-bu-vb-ss5:0.4	5. Sañcarittasikkhāpada
pli-tv-bu-vb-ss5:1.1.0.1	
pli-tv-bu-vb-ss5:1.1.0.2	
pli-tv-bu-vb-ss5:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ss5:1.1.2	Tena kho pana samayena āyasmā udāyī sāvatthiyaṁ kulūpako hoti. Bahukāni kulāni upasaṅkamati.
pli-tv-bu-vb-ss5:1.1.3	Yattha passati kumārakaṁ vā apajāpatikaṁ, kumārikaṁ vā apatikaṁ, kumārakassa mātāpitūnaṁ santike kumārikāya vaṇṇaṁ bhaṇati—
pli-tv-bu-vb-ss5:1.1.4	“amukassa kulassa kumārikā abhirūpā dassanīyā pāsādikā paṇḍitā byattā medhāvinī dakkhā analasā.
pli-tv-bu-vb-ss5:1.1.5	Channā sā kumārikā imassa kumārakassā”ti.
pli-tv-bu-vb-ss5:1.1.6	Te evaṁ vadanti—
pli-tv-bu-vb-ss5:1.1.7	“ete kho, bhante, amhe na jānanti—‘ke vā ime kassa vā’ti.
pli-tv-bu-vb-ss5:1.1.8	Sace, bhante, ayyo dāpeyya āneyyāma mayaṁ taṁ kumārikaṁ imassa kumārakassā”ti.
pli-tv-bu-vb-ss5:1.1.9	Kumārikāya mātāpitūnaṁ santike kumārakassa vaṇṇaṁ bhaṇati—
pli-tv-bu-vb-ss5:1.1.10	“amukassa kulassa kumārako abhirūpo dassanīyo pāsādiko paṇḍito byatto medhāvī dakkho analaso.
pli-tv-bu-vb-ss5:1.1.11	Channāyaṁ kumārikā tassa kumārakassā”ti.
pli-tv-bu-vb-ss5:1.1.12	Te evaṁ vadanti—
pli-tv-bu-vb-ss5:1.1.13	“ete kho, bhante, amhe na jānanti—‘ke vā ime kassa vā’ti,
pli-tv-bu-vb-ss5:1.1.14	kismiṁ viya kumārikāya vattuṁ.
pli-tv-bu-vb-ss5:1.1.15	Sace, bhante, ayyo yācāpeyya dajjeyyāma mayaṁ imaṁ kumārikaṁ tassa kumārakassā”ti.
pli-tv-bu-vb-ss5:1.1.16	Eteneva upāyena āvāhānipi kārāpeti, vivāhānipi kārāpeti, vāreyyānipi kārāpeti.
pli-tv-bu-vb-ss5:1.2.1	Tena kho pana samayena aññatarissā purāṇagaṇakiyā dhītā abhirūpā hoti dassanīyā pāsādikā.
pli-tv-bu-vb-ss5:1.2.2	Tirogāmakā ājīvakasāvakā āgantvā taṁ gaṇakiṁ etadavocuṁ—
pli-tv-bu-vb-ss5:1.2.3	“dehāyye, imaṁ kumārikaṁ amhākaṁ kumārakassā”ti.
pli-tv-bu-vb-ss5:1.2.4	Sā evamāha—“ahaṁ khvayyo, tumhe na jānāmi—‘ke vā ime kassa vā’ti.
pli-tv-bu-vb-ss5:1.2.5	Ayañca me ekadhītikā, tirogāmo ca gantabbo, nāhaṁ dassāmī”ti.
pli-tv-bu-vb-ss5:1.2.6	Manussā te ājīvakasāvake etadavocuṁ—
pli-tv-bu-vb-ss5:1.2.7	“kissa tumhe, ayyo, āgatatthā”ti?
pli-tv-bu-vb-ss5:1.2.8	“Idha mayaṁ, ayyo, amukaṁ nāma gaṇakiṁ dhītaraṁ yācimhā amhākaṁ kumārakassa.
pli-tv-bu-vb-ss5:1.2.9	Sā evamāha—‘ahaṁ khvayyo, tumhe na jānāmi—ke vā ime kassa vā’ti.
pli-tv-bu-vb-ss5:1.2.10	Ayañca me ekadhītikā, tirogāmo ca gantabbo, nāhaṁ dassāmī”ti.
pli-tv-bu-vb-ss5:1.2.11	“Kissa tumhe, ayyo, taṁ gaṇakiṁ dhītaraṁ yācittha?
pli-tv-bu-vb-ss5:1.2.12	Nanu ayyo udāyī vattabbo.
pli-tv-bu-vb-ss5:1.2.13	Ayyo udāyī dāpessatī”ti.
pli-tv-bu-vb-ss5:1.2.14	Atha kho te ājīvakasāvakā yenāyasmā udāyī tenupasaṅkamiṁsu; upasaṅkamitvā āyasmantaṁ udāyiṁ etadavocuṁ—
pli-tv-bu-vb-ss5:1.2.15	“idha mayaṁ, bhante, amukaṁ nāma gaṇakiṁ dhītaraṁ yācimhā amhākaṁ kumārakassa.
pli-tv-bu-vb-ss5:1.2.16	Sā evamāha—‘ahaṁ khvayyo, tumhe na jānāmi—ke vā ime kassa vāti.
pli-tv-bu-vb-ss5:1.2.17	Ayañca me ekadhītikā, tirogāmo ca gantabbo, nāhaṁ dassāmī’ti.
pli-tv-bu-vb-ss5:1.2.18	Sādhu, bhante, ayyo taṁ gaṇakiṁ dhītaraṁ dāpetu amhākaṁ kumārakassā”ti.
pli-tv-bu-vb-ss5:1.2.19	Atha kho āyasmā udāyī yena sā gaṇakī tenupasaṅkami; upasaṅkamitvā taṁ gaṇakiṁ etadavoca—
pli-tv-bu-vb-ss5:1.2.20	“kissimesaṁ dhītaraṁ na desī”ti?
pli-tv-bu-vb-ss5:1.2.21	“Ahaṁ khvayya, ime na jānāmi—‘ke vā ime kassa vā’ti.
pli-tv-bu-vb-ss5:1.2.22	Ayañca me ekadhītikā, tirogāmo ca gantabbo, nāhaṁ dassāmī”ti.
pli-tv-bu-vb-ss5:1.2.23	“Dehimesaṁ.
pli-tv-bu-vb-ss5:1.2.24	Ahaṁ ime jānāmī”ti.
pli-tv-bu-vb-ss5:1.2.25	“Sace, bhante, ayyo jānāti, dassāmī”ti.
pli-tv-bu-vb-ss5:1.3.1	Atha kho sā gaṇakī tesaṁ ājīvakasāvakānaṁ dhītaraṁ adāsi.
pli-tv-bu-vb-ss5:1.3.2	Atha kho te ājīvakasāvakā taṁ kumārikaṁ netvā māsaṁyeva suṇisabhogena bhuñjiṁsu.
pli-tv-bu-vb-ss5:1.3.3	Tato aparena dāsibhogena bhuñjanti.
pli-tv-bu-vb-ss5:1.3.4	Atha kho sā kumārikā mātuyā santike dūtaṁ pāhesi—
pli-tv-bu-vb-ss5:1.3.5	“ahañhi duggatā dukkhitā, na sukhaṁ labhāmi.
pli-tv-bu-vb-ss5:1.3.6	Māsaṁyeva maṁ suṇisabhogena bhuñjiṁsu.
pli-tv-bu-vb-ss5:1.3.7	Tato aparena dāsibhogena bhuñjanti.
pli-tv-bu-vb-ss5:1.3.8	Āgacchatu me, mātā, maṁ nessatū”ti.
pli-tv-bu-vb-ss5:1.3.9	Atha kho sā gaṇakī yena te ājīvakasāvakā tenupasaṅkami; upasaṅkamitvā te ājīvakasāvake etadavoca—
pli-tv-bu-vb-ss5:1.3.10	“māyyo, imaṁ kumārikaṁ dāsibhogena bhuñjittha.
pli-tv-bu-vb-ss5:1.3.11	Suṇisabhogena imaṁ kumārikaṁ bhuñjathā”ti.
pli-tv-bu-vb-ss5:1.3.12	Te evamāhaṁsu—
pli-tv-bu-vb-ss5:1.3.13	“natthamhākaṁ tayā saddhiṁ āhārūpahāro, samaṇena saddhiṁ amhākaṁ āhārūpahāro,
pli-tv-bu-vb-ss5:1.3.14	gaccha tvaṁ,
pli-tv-bu-vb-ss5:1.3.15	na mayaṁ taṁ jānāmā”ti.
pli-tv-bu-vb-ss5:1.3.16	Atha kho sā gaṇakī tehi ājīvakasāvakehi apasāditā punadeva sāvatthiṁ paccāgañchi.
pli-tv-bu-vb-ss5:1.3.17	Dutiyampi kho sā kumārikā mātuyā santike dūtaṁ pāhesi—
pli-tv-bu-vb-ss5:1.3.18	“ahañhi duggatā dukkhitā, na sukhaṁ labhāmi.
pli-tv-bu-vb-ss5:1.3.19	Māsaṁyeva maṁ suṇisabhogena bhuñjiṁsu.
pli-tv-bu-vb-ss5:1.3.20	Tato aparena dāsibhogena bhuñjanti.
pli-tv-bu-vb-ss5:1.3.21	Āgacchatu me, mātā, maṁ nessatū”ti.
pli-tv-bu-vb-ss5:1.3.22	Atha kho sā gaṇakī yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—
pli-tv-bu-vb-ss5:1.3.23	“sā kira, bhante, kumārikā duggatā dukkhitā, na sukhaṁ labhati.
pli-tv-bu-vb-ss5:1.3.24	Māsaṁyeva naṁ suṇisabhogena bhuñjiṁsu.
pli-tv-bu-vb-ss5:1.3.25	Tato aparena dāsibhogena bhuñjanti.
pli-tv-bu-vb-ss5:1.3.26	Vadeyyātha, bhante—
pli-tv-bu-vb-ss5:1.3.27	‘māyyo, imaṁ kumārikaṁ dāsibhogena bhuñjittha.
pli-tv-bu-vb-ss5:1.3.28	Suṇisabhogena imaṁ kumārikaṁ bhuñjathā’”ti.
pli-tv-bu-vb-ss5:1.3.29	Atha kho āyasmā udāyī yena te ājīvakasāvakā tenupasaṅkami; upasaṅkamitvā te ājīvakasāvake etadavoca—
pli-tv-bu-vb-ss5:1.3.30	“māyyo, imaṁ kumārikaṁ dāsibhogena bhujjittha.
pli-tv-bu-vb-ss5:1.3.31	Suṇisabhogena imaṁ kumārikaṁ bhuñjathā”ti.
pli-tv-bu-vb-ss5:1.3.32	Te evamāhaṁsu—
pli-tv-bu-vb-ss5:1.3.33	“natthamhākaṁ tayā saddhiṁ āhārūpahāro, gaṇakiyā saddhiṁ amhākaṁ āhārūpahāro.
pli-tv-bu-vb-ss5:1.3.34	Samaṇena bhavitabbaṁ abyāvaṭena.
pli-tv-bu-vb-ss5:1.3.35	Samaṇo assa susamaṇo,
pli-tv-bu-vb-ss5:1.3.36	gaccha tvaṁ,
pli-tv-bu-vb-ss5:1.3.37	na mayaṁ taṁ jānāmā”ti.
pli-tv-bu-vb-ss5:1.3.38	Atha kho āyasmā udāyī tehi ājīvakasāvakehi apasādito punadeva sāvatthiṁ paccāgañchi.
pli-tv-bu-vb-ss5:1.3.39	Tatiyampi kho sā kumārikā mātuyā santike dūtaṁ pāhesi—
pli-tv-bu-vb-ss5:1.3.40	“ahañhi duggatā dukkhitā, na sukhaṁ labhāmi.
pli-tv-bu-vb-ss5:1.3.41	Māsaṁyeva maṁ suṇisabhogena bhuñjiṁsu.
pli-tv-bu-vb-ss5:1.3.42	Tato aparena dāsibhogena bhuñjanti.
pli-tv-bu-vb-ss5:1.3.43	Āgacchatu me, mātā, maṁ nessatū”ti.
pli-tv-bu-vb-ss5:1.3.44	Dutiyampi kho sā gaṇakī yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—
pli-tv-bu-vb-ss5:1.3.45	“sā kira, bhante, kumārikā duggatā dukkhitā, na sukhaṁ labhati.
pli-tv-bu-vb-ss5:1.3.46	Māsaṁyeva naṁ suṇisabhogena bhuñjiṁsu.
pli-tv-bu-vb-ss5:1.3.47	Tato aparena dāsibhogena bhuñjanti.
pli-tv-bu-vb-ss5:1.3.48	Vadeyyātha, bhante—
pli-tv-bu-vb-ss5:1.3.49	‘māyyo, imaṁ kumārikaṁ dāsibhogena bhuñjittha, suṇisabhogena imaṁ kumārikaṁ bhuñjathā’”ti.
pli-tv-bu-vb-ss5:1.3.50	“Paṭhamampāhaṁ tehi ājīvakasāvakehi apasādito,
pli-tv-bu-vb-ss5:1.3.51	gaccha tvaṁ,
pli-tv-bu-vb-ss5:1.3.52	nāhaṁ gamissāmī”ti.
pli-tv-bu-vb-ss5:1.4.1	Atha kho sā gaṇakī ujjhāyati khiyyati vipāceti—
pli-tv-bu-vb-ss5:1.4.2	“evaṁ duggato hotu ayyo udāyī, evaṁ dukkhito hotu ayyo udāyī, evaṁ mā sukhaṁ labhatu ayyo udāyī, yathā me kumārikā duggatā dukkhitā na sukhaṁ labhati pāpikāya sassuyā pāpakena sasurena pāpakena sāmikenā”ti.
pli-tv-bu-vb-ss5:1.4.3	Sāpi kho kumārikā ujjhāyati khiyyati vipāceti—
pli-tv-bu-vb-ss5:1.4.4	“evaṁ duggato hotu ayyo udāyī, evaṁ dukkhito hotu ayyo udāyī, evaṁ mā sukhaṁ labhatu ayyo udāyī, yathāhaṁ duggatā dukkhitā na sukhaṁ labhāmi pāpikāya sassuyā pāpakena sasurena pāpakena sāmikenā”ti.
pli-tv-bu-vb-ss5:1.4.5	Aññāpi itthiyo asantuṭṭhā sassūhi vā sasurehi vā sāmikehi vā, tā evaṁ oyācanti—
pli-tv-bu-vb-ss5:1.4.6	“evaṁ duggato hotu ayyo udāyī, evaṁ dukkhito hotu ayyo udāyī, evaṁ mā sukhaṁ labhatu ayyo udāyī, yathā mayaṁ duggatā dukkhitā na sukhaṁ labhāma pāpikāhi sassūhi pāpakehi sasurehi pāpakehi sāmikehī”ti.
pli-tv-bu-vb-ss5:1.4.7	Yā pana tā itthiyo santuṭṭhā sassūhi vā sasurehi vā sāmikehi vā tā evaṁ āyācanti—
pli-tv-bu-vb-ss5:1.4.8	“evaṁ sukhito hotu ayyo udāyī, evaṁ sajjito hotu ayyo udāyī, evaṁ sukhamedho hotu ayyo udāyī, yathā mayaṁ sukhitā sajjitā sukhamedhā bhaddikāhi sassūhi bhaddakehi sasurehi bhaddakehi sāmikehī”ti.
pli-tv-bu-vb-ss5:1.5.1	Assosuṁ kho bhikkhū ekaccānaṁ itthīnaṁ oyācantīnaṁ ekaccānaṁ itthīnaṁ āyācantīnaṁ.
pli-tv-bu-vb-ss5:1.5.2	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss5:1.5.3	“kathañhi nāma āyasmā udāyī sañcarittaṁ samāpajjissatī”ti.
pli-tv-bu-vb-ss5:1.5.4	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ.
pli-tv-bu-vb-ss5:1.5.5	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi—
pli-tv-bu-vb-ss5:1.5.6	“saccaṁ kira tvaṁ, udāyi, sañcarittaṁ samāpajjasī”ti?
pli-tv-bu-vb-ss5:1.5.7	“Saccaṁ, bhagavā”ti.
pli-tv-bu-vb-ss5:1.5.8	Vigarahi buddho bhagavā …pe…
pli-tv-bu-vb-ss5:1.5.9	kathañhi nāma tvaṁ, moghapurisa, sañcarittaṁ samāpajjissasi.
pli-tv-bu-vb-ss5:1.5.10	Netaṁ, moghapurisa, appasannānaṁ vā pasādāya …pe…
pli-tv-bu-vb-ss5:1.5.11	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss5:1.5.12.0	
pli-tv-bu-vb-ss5:1.5.12.1	“Yo pana bhikkhu sañcarittaṁ samāpajjeyya, itthiyā vā purisamatiṁ purisassa vā itthimatiṁ, jāyattane vā jārattane vā, saṅghādiseso”ti.
pli-tv-bu-vb-ss5:1.5.13	Evañcidaṁ bhagavatā bhikkhūnaṁ sikkhāpadaṁ paññattaṁ hoti.
pli-tv-bu-vb-ss5:2.1.0	
pli-tv-bu-vb-ss5:2.1.1	Tena kho pana samayena sambahulā dhuttā uyyāne paricārentā aññatarissā vesiyā santike dūtaṁ pāhesuṁ—
pli-tv-bu-vb-ss5:2.1.2	“āgacchatu uyyāne paricāressāmā”ti.
pli-tv-bu-vb-ss5:2.1.3	Sā evamāha—
pli-tv-bu-vb-ss5:2.1.4	“ahaṁ khvayyo, tumhe na jānāmi—‘ke vā ime kassa vā’ti.
pli-tv-bu-vb-ss5:2.1.5	Ahañcamhi bahubhaṇḍā bahuparikkhārā, bahinagarañca gantabbaṁ.
pli-tv-bu-vb-ss5:2.1.6	Nāhaṁ gamissāmī”ti.
pli-tv-bu-vb-ss5:2.1.7	Atha kho so dūto tesaṁ dhuttānaṁ etamatthaṁ ārocesi.
pli-tv-bu-vb-ss5:2.1.8	Evaṁ vutte, aññataro puriso te dhutte etadavoca—
pli-tv-bu-vb-ss5:2.1.9	“kissa tumhe, ayyo, etaṁ vesiṁ yācittha?
pli-tv-bu-vb-ss5:2.1.10	Nanu ayyo udāyī vattabbo.
pli-tv-bu-vb-ss5:2.1.11	Ayyo udāyī uyyojessatī”ti.
pli-tv-bu-vb-ss5:2.1.12	Evaṁ vutte, aññataro upāsako taṁ purisaṁ etadavoca—
pli-tv-bu-vb-ss5:2.1.13	“māyyo, evaṁ avaca.
pli-tv-bu-vb-ss5:2.1.14	Na kappati samaṇānaṁ sakyaputtiyānaṁ evarūpaṁ kātuṁ.
pli-tv-bu-vb-ss5:2.1.15	Nāyyo udāyī evaṁ karissatī”ti.
pli-tv-bu-vb-ss5:2.1.16	Evaṁ vutte, “karissati na karissatī”ti abbhutamakaṁsu.
pli-tv-bu-vb-ss5:2.1.17	Atha kho te dhuttā yenāyasmā udāyī tenupasaṅkamiṁsu; upasaṅkamitvā āyasmantaṁ udāyiṁ etadavocuṁ—
pli-tv-bu-vb-ss5:2.1.18	“idha mayaṁ, bhante, uyyāne paricārentā asukāya nāma vesiyā santike dūtaṁ pahiṇimhā—
pli-tv-bu-vb-ss5:2.1.19	‘āgacchatu uyyāne paricāressāmā’ti.
pli-tv-bu-vb-ss5:2.1.20	Sā evamāha—‘ahaṁ khvayyo, tumhe na jānāmi—ke vā ime kassa vāti,
pli-tv-bu-vb-ss5:2.1.21	ahañcamhi bahubhaṇḍā bahuparikkhārā, bahinagarañca gantabbaṁ.
pli-tv-bu-vb-ss5:2.1.22	Nāhaṁ gamissāmī’ti.
pli-tv-bu-vb-ss5:2.1.23	Sādhu, bhante, ayyo taṁ vesiṁ uyyojetū”ti.
pli-tv-bu-vb-ss5:2.1.24	Atha kho āyasmā udāyī yena sā vesī tenupasaṅkami; upasaṅkamitvā taṁ vesiṁ etadavoca—
pli-tv-bu-vb-ss5:2.1.25	“kissimesaṁ na gacchasī”ti?
pli-tv-bu-vb-ss5:2.1.26	“Ahaṁ khvayya, ime na jānāmi—‘ke vā ime kassa vā’ti.
pli-tv-bu-vb-ss5:2.1.27	Ahañcamhi bahubhaṇḍā bahuparikkhārā, bahinagarañca gantabbaṁ.
pli-tv-bu-vb-ss5:2.1.28	Nāhaṁ gamissāmī”ti.
pli-tv-bu-vb-ss5:2.1.29	“Gacchimesaṁ. Ahaṁ ime jānāmī”ti.
pli-tv-bu-vb-ss5:2.1.30	“Sace, bhante, ayyo jānāti ahaṁ gamissāmī”ti.
pli-tv-bu-vb-ss5:2.1.31	Atha kho te dhuttā taṁ vesiṁ ādāya uyyānaṁ agamaṁsu.
pli-tv-bu-vb-ss5:2.2.1	Atha kho so upāsako ujjhāyati khiyyati vipāceti—
pli-tv-bu-vb-ss5:2.2.2	“kathañhi nāma ayyo udāyī taṅkhaṇikaṁ sañcarittaṁ samāpajjissatī”ti.
pli-tv-bu-vb-ss5:2.2.3	Assosuṁ kho bhikkhū tassa upāsakassa ujjhāyantassa khiyyantassa vipācentassa.
pli-tv-bu-vb-ss5:2.2.4	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss5:2.2.5	“kathañhi nāma āyasmā udāyī taṅkhaṇikaṁ sañcarittaṁ samāpajjissatī”ti.
pli-tv-bu-vb-ss5:2.2.6	Atha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss5:2.2.7	“saccaṁ kira tvaṁ, udāyi, taṅkhaṇikaṁ sañcarittaṁ samāpajjasī”ti?
pli-tv-bu-vb-ss5:2.2.8	“Saccaṁ, bhagavā”ti.
pli-tv-bu-vb-ss5:2.2.9	Vigarahi buddho bhagavā …pe…
pli-tv-bu-vb-ss5:2.2.10	kathañhi nāma tvaṁ, moghapurisa, taṅkhaṇikaṁ sañcarittaṁ samāpajjissasi?
pli-tv-bu-vb-ss5:2.2.11	Netaṁ, moghapurisa, appasannānaṁ vā pasādāya …pe…
pli-tv-bu-vb-ss5:2.2.12	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss5:2.2.13.0	
pli-tv-bu-vb-ss5:2.2.13.1	“Yo pana bhikkhu sañcarittaṁ samāpajjeyya, itthiyā vā purisamatiṁ purisassa vā itthimatiṁ, jāyattane vā jārattane vā, antamaso taṅkhaṇikāyapi, saṅghādiseso”ti.
pli-tv-bu-vb-ss5:3.0	
pli-tv-bu-vb-ss5:3.1	Yo panāti
pli-tv-bu-vb-ss5:3.2	yo yādiso …pe…
pli-tv-bu-vb-ss5:3.3	bhikkhūti
pli-tv-bu-vb-ss5:3.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ss5:3.5	Sañcarittaṁ samāpajjeyyāti
pli-tv-bu-vb-ss5:3.6	itthiyā vā pahito purisassa santike gacchati, purisena vā pahito itthiyā santike gacchati.
pli-tv-bu-vb-ss5:3.7	Itthiyā vā purisamatinti
pli-tv-bu-vb-ss5:3.8	purisassa matiṁ itthiyā āroceti.
pli-tv-bu-vb-ss5:3.9	Purisassa vā itthimatinti
pli-tv-bu-vb-ss5:3.10	itthiyā matiṁ purisassa āroceti.
pli-tv-bu-vb-ss5:3.11	Jāyattane vāti
pli-tv-bu-vb-ss5:3.12	jāyā bhavissasi.
pli-tv-bu-vb-ss5:3.13	Jārattane vāti
pli-tv-bu-vb-ss5:3.14	jārī bhavissasi.
pli-tv-bu-vb-ss5:3.15	Antamaso taṅkhaṇikāyapīti
pli-tv-bu-vb-ss5:3.16	muhuttikā bhavissasi.
pli-tv-bu-vb-ss5:3.17	Saṅghādisesoti
pli-tv-bu-vb-ss5:3.18	…pe… tenapi vuccati “saṅghādiseso”ti.
pli-tv-bu-vb-ss5:4.1.0.1	
pli-tv-bu-vb-ss5:4.1.0.2	
pli-tv-bu-vb-ss5:4.1.0.3	
pli-tv-bu-vb-ss5:4.1.1	Dasa itthiyo— māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sārakkhā saparidaṇḍā.
pli-tv-bu-vb-ss5:4.1.2	Dasa bhariyāyo— dhanakkītā chandavāsinī bhogavāsinī paṭavāsinī odapattakinī obhaṭacumbaṭā dāsī ca bhariyā ca kammakārī ca bhariyā ca dhajāhaṭā muhuttikā.
pli-tv-bu-vb-ss5:4.2.0	
pli-tv-bu-vb-ss5:4.2.1	Māturakkhitā nāma
pli-tv-bu-vb-ss5:4.2.2	mātā rakkhati gopeti issariyaṁ kāreti vasaṁ vatteti.
pli-tv-bu-vb-ss5:4.2.3	Piturakkhitā nāma
pli-tv-bu-vb-ss5:4.2.4	pitā rakkhati gopeti issariyaṁ kāreti vasaṁ vatteti.
pli-tv-bu-vb-ss5:4.2.5	Mātāpiturakkhitā nāma
pli-tv-bu-vb-ss5:4.2.6	mātāpitaro rakkhanti gopenti issariyaṁ kārenti vasaṁ vattenti.
pli-tv-bu-vb-ss5:4.2.7	Bhāturakkhitā nāma
pli-tv-bu-vb-ss5:4.2.8	bhātā rakkhati gopeti issariyaṁ kāreti vasaṁ vatteti.
pli-tv-bu-vb-ss5:4.2.9	Bhaginirakkhitā nāma
pli-tv-bu-vb-ss5:4.2.10	bhaginī rakkhati gopeti issariyaṁ kāreti vasaṁ vatteti.
pli-tv-bu-vb-ss5:4.2.11	Ñātirakkhitā nāma
pli-tv-bu-vb-ss5:4.2.12	ñātakā rakkhanti gopenti issariyaṁ kārenti vasaṁ vattenti.
pli-tv-bu-vb-ss5:4.2.13	Gottarakkhitā nāma
pli-tv-bu-vb-ss5:4.2.14	sagottā rakkhanti gopenti issariyaṁ kārenti vasaṁ vattenti.
pli-tv-bu-vb-ss5:4.2.15	Dhammarakkhitā nāma
pli-tv-bu-vb-ss5:4.2.16	sahadhammikā rakkhanti gopenti issariyaṁ kārenti vasaṁ vattenti.
pli-tv-bu-vb-ss5:4.2.17	Sārakkhā nāma
pli-tv-bu-vb-ss5:4.2.18	gabbhepi pariggahitā hoti— mayhaṁ esāti. Antamaso mālāguḷaparikkhittāpi.
pli-tv-bu-vb-ss5:4.2.19	Saparidaṇḍā nāma
pli-tv-bu-vb-ss5:4.2.20	kehici daṇḍo ṭhapito hoti—yo itthannāmaṁ itthiṁ gacchati ettako daṇḍoti.
pli-tv-bu-vb-ss5:4.3.1	Dhanakkītā nāma
pli-tv-bu-vb-ss5:4.3.2	dhanena kiṇitvā vāseti.
pli-tv-bu-vb-ss5:4.3.3	Chandavāsinī nāma
pli-tv-bu-vb-ss5:4.3.4	piyo piyaṁ vāseti.
pli-tv-bu-vb-ss5:4.3.5	Bhogavāsinī nāma
pli-tv-bu-vb-ss5:4.3.6	bhogaṁ datvā vāseti.
pli-tv-bu-vb-ss5:4.3.7	Paṭavāsinī nāma
pli-tv-bu-vb-ss5:4.3.8	paṭaṁ datvā vāseti.
pli-tv-bu-vb-ss5:4.3.9	Odapattakinī nāma
pli-tv-bu-vb-ss5:4.3.10	udakapattaṁ āmasitvā vāseti.
pli-tv-bu-vb-ss5:4.3.11	Obhaṭacumbaṭā nāma
pli-tv-bu-vb-ss5:4.3.12	cumbaṭaṁ oropetvā vāseti.
pli-tv-bu-vb-ss5:4.3.13	Dāsī nāma
pli-tv-bu-vb-ss5:4.3.14	dāsī ceva hoti bhariyā ca.
pli-tv-bu-vb-ss5:4.3.15	Kammakārī nāma
pli-tv-bu-vb-ss5:4.3.16	kammakārī ceva hoti bhariyā ca.
pli-tv-bu-vb-ss5:4.3.17	Dhajāhaṭā nāma
pli-tv-bu-vb-ss5:4.3.18	karamarānītā vuccati.
pli-tv-bu-vb-ss5:4.3.19	Muhuttikā nāma
pli-tv-bu-vb-ss5:4.3.20	taṅkhaṇikā vuccati.
pli-tv-bu-vb-ss5:4.4.0.1	
pli-tv-bu-vb-ss5:4.4.0.2	
pli-tv-bu-vb-ss5:4.4.1	Puriso bhikkhuṁ pahiṇati—
pli-tv-bu-vb-ss5:4.4.2	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.4.3	‘hohi kira itthannāmassa bhariyā dhanakkītā’”ti.
pli-tv-bu-vb-ss5:4.4.4	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.5	Puriso bhikkhuṁ pahiṇati—
pli-tv-bu-vb-ss5:4.4.6	“gaccha, bhante, itthannāmaṁ piturakkhitaṁ brūhi …pe…
pli-tv-bu-vb-ss5:4.4.7	mātāpiturakkhitaṁ brūhi …
pli-tv-bu-vb-ss5:4.4.8	bhāturakkhitaṁ brūhi …
pli-tv-bu-vb-ss5:4.4.9	bhaginirakkhitaṁ brūhi …
pli-tv-bu-vb-ss5:4.4.10	ñātirakkhitaṁ brūhi …
pli-tv-bu-vb-ss5:4.4.11	gottarakkhitaṁ brūhi …
pli-tv-bu-vb-ss5:4.4.12	dhammarakkhitaṁ brūhi …
pli-tv-bu-vb-ss5:4.4.13	sārakkhaṁ brūhi …
pli-tv-bu-vb-ss5:4.4.14	saparidaṇḍaṁ brūhi—
pli-tv-bu-vb-ss5:4.4.15	‘hohi kira itthannāmassa bhariyā dhanakkītā’”ti.
pli-tv-bu-vb-ss5:4.4.16	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.17	Nikkhepapadāni.
pli-tv-bu-vb-ss5:4.4.18.0	
pli-tv-bu-vb-ss5:4.4.18.1	Puriso bhikkhuṁ pahiṇati—
pli-tv-bu-vb-ss5:4.4.19	“gaccha, bhante, itthannāmaṁ māturakkhitañca piturakkhitañca brūhi—
pli-tv-bu-vb-ss5:4.4.20	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.21	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.22	Puriso bhikkhuṁ pahiṇati—
pli-tv-bu-vb-ss5:4.4.23	“gaccha, bhante, itthannāmaṁ māturakkhitañca mātāpiturakkhitañca …pe…
pli-tv-bu-vb-ss5:4.4.24	māturakkhitañca bhāturakkhitañca …
pli-tv-bu-vb-ss5:4.4.25	māturakkhitañca bhaginirakkhitañca …
pli-tv-bu-vb-ss5:4.4.26	māturakkhitañca ñātirakkhitañca …
pli-tv-bu-vb-ss5:4.4.27	māturakkhitañca gottarakkhitañca …
pli-tv-bu-vb-ss5:4.4.28	māturakkhitañca dhammarakkhitañca …
pli-tv-bu-vb-ss5:4.4.29	māturakkhitañca sārakkhañca …
pli-tv-bu-vb-ss5:4.4.30	māturakkhitañca saparidaṇḍañca brūhi—
pli-tv-bu-vb-ss5:4.4.31	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.32	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.33	Khaṇḍacakkaṁ.
pli-tv-bu-vb-ss5:4.4.34	Puriso bhikkhuṁ pahiṇati—
pli-tv-bu-vb-ss5:4.4.35	“gaccha, bhante, itthannāmaṁ piturakkhitañca mātāpiturakkhitañca brūhi—
pli-tv-bu-vb-ss5:4.4.36	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.37	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.38	Puriso bhikkhuṁ pahiṇati—
pli-tv-bu-vb-ss5:4.4.39	“gaccha, bhante, itthannāmaṁ piturakkhitañca bhāturakkhitañca …pe…
pli-tv-bu-vb-ss5:4.4.40	piturakkhitañca bhaginirakkhitañca …
pli-tv-bu-vb-ss5:4.4.41	piturakkhitañca ñātirakkhitañca …
pli-tv-bu-vb-ss5:4.4.42	piturakkhitañca gottarakkhitañca …
pli-tv-bu-vb-ss5:4.4.43	piturakkhitañca dhammarakkhitañca …
pli-tv-bu-vb-ss5:4.4.44	piturakkhitañca sārakkhañca …
pli-tv-bu-vb-ss5:4.4.45	piturakkhitañca saparidaṇḍañca brūhi—
pli-tv-bu-vb-ss5:4.4.46	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.47	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.48	Puriso bhikkhuṁ pahiṇati—
pli-tv-bu-vb-ss5:4.4.49	“gaccha, bhante, itthannāmaṁ piturakkhitañca māturakkhitañca brūhi—
pli-tv-bu-vb-ss5:4.4.50	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.51	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.52	Baddhacakkaṁ mūlaṁ saṅkhittaṁ.
pli-tv-bu-vb-ss5:4.4.53	(…) Puriso bhikkhuṁ pahiṇati—
pli-tv-bu-vb-ss5:4.4.54	“gaccha, bhante, itthannāmaṁ saparidaṇḍañca māturakkhitañca brūhi—
pli-tv-bu-vb-ss5:4.4.55	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.56	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.57	Puriso bhikkhuṁ pahiṇati—
pli-tv-bu-vb-ss5:4.4.58	“gaccha, bhante, itthannāmaṁ saparidaṇḍañca piturakkhitañca …pe…
pli-tv-bu-vb-ss5:4.4.59	saparidaṇḍañca mātāpiturakkhitañca …
pli-tv-bu-vb-ss5:4.4.60	saparidaṇḍañca bhāturakkhitañca …
pli-tv-bu-vb-ss5:4.4.61	saparidaṇḍañca bhaginirakkhitañca …
pli-tv-bu-vb-ss5:4.4.62	saparidaṇḍañca ñātirakkhitañca …
pli-tv-bu-vb-ss5:4.4.63	saparidaṇḍañca gottarakkhitañca …
pli-tv-bu-vb-ss5:4.4.64	saparidaṇḍañca dhammarakkhitañca …
pli-tv-bu-vb-ss5:4.4.65	saparidaṇḍañca sārakkhañca brūhi—
pli-tv-bu-vb-ss5:4.4.66	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.67	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.68	Ekamūlakaṁ niṭṭhitaṁ.
pli-tv-bu-vb-ss5:4.4.69.0	
pli-tv-bu-vb-ss5:4.4.69.1	Evaṁ dumūlakampi timūlakampi yāva navamūlakaṁ kātabbaṁ.
pli-tv-bu-vb-ss5:4.4.70.0	
pli-tv-bu-vb-ss5:4.4.70.1	Idaṁ dasamūlakaṁ—
pli-tv-bu-vb-ss5:4.4.71	Puriso bhikkhuṁ pahiṇati—
pli-tv-bu-vb-ss5:4.4.72	“gaccha, bhante, itthannāmaṁ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi—
pli-tv-bu-vb-ss5:4.4.73	‘hotha kira itthannāmassa bhariyāyo dhanakkītā’”ti.
pli-tv-bu-vb-ss5:4.4.74	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.4.75	Dhanakkītācakkaṁ niṭṭhitaṁ.
pli-tv-bu-vb-ss5:4.5.0	
pli-tv-bu-vb-ss5:4.5.1	Puriso bhikkhuṁ pahiṇati—
pli-tv-bu-vb-ss5:4.5.2	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.5.3	‘hohi kira itthannāmassa bhariyā chandavāsinī …pe…
pli-tv-bu-vb-ss5:4.5.4	bhogavāsinī …
pli-tv-bu-vb-ss5:4.5.5	paṭavāsinī …
pli-tv-bu-vb-ss5:4.5.6	odapattakinī …
pli-tv-bu-vb-ss5:4.5.7	obhaṭacumbaṭā …
pli-tv-bu-vb-ss5:4.5.8	dāsī ca bhariyā ca …
pli-tv-bu-vb-ss5:4.5.9	kammakārī ca bhariyā ca …
pli-tv-bu-vb-ss5:4.5.10	dhajāhaṭā …
pli-tv-bu-vb-ss5:4.5.11	muhuttikā’”ti.
pli-tv-bu-vb-ss5:4.5.12	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.13.0	
pli-tv-bu-vb-ss5:4.5.13.1	Puriso bhikkhuṁ pahiṇati—
pli-tv-bu-vb-ss5:4.5.14	“gaccha, bhante, itthannāmaṁ piturakkhitaṁ brūhi …pe…
pli-tv-bu-vb-ss5:4.5.15	mātāpiturakkhitaṁ brūhi …
pli-tv-bu-vb-ss5:4.5.16	bhāturakkhitaṁ brūhi …
pli-tv-bu-vb-ss5:4.5.17	bhaginirakkhitaṁ brūhi …
pli-tv-bu-vb-ss5:4.5.18	ñātirakkhitaṁ brūhi …
pli-tv-bu-vb-ss5:4.5.19	gottarakkhitaṁ brūhi …
pli-tv-bu-vb-ss5:4.5.20	dhammarakkhitaṁ brūhi …
pli-tv-bu-vb-ss5:4.5.21	sārakkhaṁ brūhi …
pli-tv-bu-vb-ss5:4.5.22	saparidaṇḍaṁ brūhi—
pli-tv-bu-vb-ss5:4.5.23	‘hohi kira itthannāmassa bhariyā muhuttikā’”ti.
pli-tv-bu-vb-ss5:4.5.24	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.25	Nikkhepapadāni.
pli-tv-bu-vb-ss5:4.5.26.0	
pli-tv-bu-vb-ss5:4.5.26.1	Puriso bhikkhuṁ pahiṇati—
pli-tv-bu-vb-ss5:4.5.27	“gaccha, bhante, itthannāmaṁ māturakkhitañca piturakkhitañca brūhi—
pli-tv-bu-vb-ss5:4.5.28	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.29	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.30	Puriso bhikkhuṁ pahiṇati—
pli-tv-bu-vb-ss5:4.5.31	“gaccha, bhante, itthannāmaṁ māturakkhitañca mātāpiturakkhitañca …pe…
pli-tv-bu-vb-ss5:4.5.32	māturakkhitañca saparidaṇḍañca brūhi—
pli-tv-bu-vb-ss5:4.5.33	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.34	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.35	Khaṇḍacakkaṁ.
pli-tv-bu-vb-ss5:4.5.36	Puriso bhikkhuṁ pahiṇati—
pli-tv-bu-vb-ss5:4.5.37	“gaccha, bhante, itthannāmaṁ piturakkhitañca mātāpiturakkhitañca brūhi—
pli-tv-bu-vb-ss5:4.5.38	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.39	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.40	Puriso bhikkhuṁ pahiṇati—
pli-tv-bu-vb-ss5:4.5.41	“gaccha, bhante, itthannāmaṁ piturakkhitañca bhāturakkhitañca …pe…
pli-tv-bu-vb-ss5:4.5.42	piturakkhitañca saparidaṇḍañca brūhi—
pli-tv-bu-vb-ss5:4.5.43	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.44	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.45	Puriso bhikkhuṁ pahiṇati—
pli-tv-bu-vb-ss5:4.5.46	“gaccha, bhante, itthannāmaṁ piturakkhitañca māturakkhitañca brūhi—
pli-tv-bu-vb-ss5:4.5.47	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.48	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.49	Baddhacakkaṁ mūlaṁ saṅkhittaṁ.
pli-tv-bu-vb-ss5:4.5.50	Puriso bhikkhuṁ pahiṇati—
pli-tv-bu-vb-ss5:4.5.51	“gaccha, bhante, itthannāmaṁ saparidaṇḍañca māturakkhitañca brūhi—
pli-tv-bu-vb-ss5:4.5.52	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.53	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.54	Puriso bhikkhuṁ pahiṇati—
pli-tv-bu-vb-ss5:4.5.55	“gaccha, bhante, itthannāmaṁ saparidaṇḍañca piturakkhitañca …pe…
pli-tv-bu-vb-ss5:4.5.56	saparidaṇḍañca sārakkhañca brūhi—
pli-tv-bu-vb-ss5:4.5.57	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.58	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.59	Ekamūlakaṁ niṭṭhitaṁ.
pli-tv-bu-vb-ss5:4.5.60.0	
pli-tv-bu-vb-ss5:4.5.60.1	Dumūlakādīnipi evameva kātabbāni.
pli-tv-bu-vb-ss5:4.5.61.0	
pli-tv-bu-vb-ss5:4.5.61.1	Idaṁ dasamūlakaṁ—
pli-tv-bu-vb-ss5:4.5.62	Puriso bhikkhuṁ pahiṇati—
pli-tv-bu-vb-ss5:4.5.63	“gaccha, bhante, itthannāmaṁ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi—
pli-tv-bu-vb-ss5:4.5.64	‘hotha kira itthannāmassa bhariyāyo muhuttikā’”ti.
pli-tv-bu-vb-ss5:4.5.65	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.5.66	Muhuttikācakkaṁ niṭṭhitaṁ.
pli-tv-bu-vb-ss5:4.6.0	
pli-tv-bu-vb-ss5:4.6.1	Puriso bhikkhuṁ pahiṇati—
pli-tv-bu-vb-ss5:4.6.2	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.6.3	‘hohi kira itthannāmassa bhariyā dhanakkītā’”ti.
pli-tv-bu-vb-ss5:4.6.4	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.5	Puriso bhikkhuṁ pahiṇati—
pli-tv-bu-vb-ss5:4.6.6	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.6.7	‘hohi kira itthannāmassa bhariyā chandavāsinī …pe…
pli-tv-bu-vb-ss5:4.6.8	bhogavāsinī …
pli-tv-bu-vb-ss5:4.6.9	paṭavāsinī …
pli-tv-bu-vb-ss5:4.6.10	odapattakinī …
pli-tv-bu-vb-ss5:4.6.11	obhaṭacumbaṭā …
pli-tv-bu-vb-ss5:4.6.12	dāsī ca bhariyā ca …
pli-tv-bu-vb-ss5:4.6.13	kammakārī ca bhariyā ca …
pli-tv-bu-vb-ss5:4.6.14	dhajāhaṭā …
pli-tv-bu-vb-ss5:4.6.15	muhuttikā’”ti.
pli-tv-bu-vb-ss5:4.6.16	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.17	Nikkhepapadāni.
pli-tv-bu-vb-ss5:4.6.18.0	
pli-tv-bu-vb-ss5:4.6.18.1	Puriso bhikkhuṁ pahiṇati—
pli-tv-bu-vb-ss5:4.6.19	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.6.20	‘hohi kira itthannāmassa bhariyā dhanakkītā ca chandavāsinī cā’”ti.
pli-tv-bu-vb-ss5:4.6.21	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.22	Puriso bhikkhuṁ pahiṇati—
pli-tv-bu-vb-ss5:4.6.23	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.6.24	‘hohi kira itthannāmassa bhariyā dhanakkītā ca bhogavāsinī ca …pe…
pli-tv-bu-vb-ss5:4.6.25	dhanakkītā ca paṭavāsinī ca …
pli-tv-bu-vb-ss5:4.6.26	dhanakkītā ca odapattakinī ca …
pli-tv-bu-vb-ss5:4.6.27	dhanakkītā ca obhaṭacumbaṭā ca …
pli-tv-bu-vb-ss5:4.6.28	dhanakkītā ca dāsī ca bhariyā ca …
pli-tv-bu-vb-ss5:4.6.29	dhanakkītā ca kammakārī ca bhariyā ca …
pli-tv-bu-vb-ss5:4.6.30	dhanakkītā ca dhajāhaṭā ca …
pli-tv-bu-vb-ss5:4.6.31	dhanakkītā ca muhuttikā cā’”ti.
pli-tv-bu-vb-ss5:4.6.32	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.33	Khaṇḍacakkaṁ.
pli-tv-bu-vb-ss5:4.6.34	Puriso bhikkhuṁ pahiṇati—
pli-tv-bu-vb-ss5:4.6.35	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.6.36	‘hohi kira itthannāmassa bhariyā chandavāsinī ca bhogavāsinī ca …pe…
pli-tv-bu-vb-ss5:4.6.37	chandavāsinī ca muhuttikā ca …
pli-tv-bu-vb-ss5:4.6.38	chandavāsinī ca dhanakkītā cā’”ti.
pli-tv-bu-vb-ss5:4.6.39	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.40	Baddhacakkaṁ mūlaṁ saṅkhittaṁ.
pli-tv-bu-vb-ss5:4.6.41	Puriso bhikkhuṁ pahiṇati—
pli-tv-bu-vb-ss5:4.6.42	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.6.43	‘hohi kira itthannāmassa bhariyā muhuttikā ca dhanakkītā ca …pe…
pli-tv-bu-vb-ss5:4.6.44	muhuttikā ca chandavāsinī ca …pe…
pli-tv-bu-vb-ss5:4.6.45	muhuttikā ca dhajāhaṭā cā’”ti.
pli-tv-bu-vb-ss5:4.6.46	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.47	Ekamūlakaṁ niṭṭhitaṁ.
pli-tv-bu-vb-ss5:4.6.48.0	
pli-tv-bu-vb-ss5:4.6.48.1	Dumūlakādīnipi evameva kātabbāni.
pli-tv-bu-vb-ss5:4.6.49.0	
pli-tv-bu-vb-ss5:4.6.49.1	Idaṁ dasamūlakaṁ—
pli-tv-bu-vb-ss5:4.6.50	Puriso bhikkhuṁ pahiṇati—
pli-tv-bu-vb-ss5:4.6.51	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.6.52	‘hohi kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’”ti.
pli-tv-bu-vb-ss5:4.6.53	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.54	Māturakkhitācakkaṁ niṭṭhitaṁ.
pli-tv-bu-vb-ss5:4.6.55.0	
pli-tv-bu-vb-ss5:4.6.55.1	Puriso bhikkhuṁ pahiṇati—
pli-tv-bu-vb-ss5:4.6.56	“gaccha, bhante, itthannāmaṁ piturakkhitaṁ …pe…
pli-tv-bu-vb-ss5:4.6.57	mātāpiturakkhitaṁ …
pli-tv-bu-vb-ss5:4.6.58	bhāturakkhitaṁ …
pli-tv-bu-vb-ss5:4.6.59	bhaginirakkhitaṁ …
pli-tv-bu-vb-ss5:4.6.60	ñātirakkhitaṁ …
pli-tv-bu-vb-ss5:4.6.61	gottarakkhitaṁ …
pli-tv-bu-vb-ss5:4.6.62	dhammarakkhitaṁ …
pli-tv-bu-vb-ss5:4.6.63	sārakkhaṁ …
pli-tv-bu-vb-ss5:4.6.64	saparidaṇḍaṁ brūhi—
pli-tv-bu-vb-ss5:4.6.65	‘hohi kira itthannāmassa bhariyā dhanakkītā’”ti.
pli-tv-bu-vb-ss5:4.6.66	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.67.0	
pli-tv-bu-vb-ss5:4.6.67.1	Puriso bhikkhuṁ pahiṇati—
pli-tv-bu-vb-ss5:4.6.68	“gaccha, bhante, itthannāmaṁ saparidaṇḍaṁ brūhi—
pli-tv-bu-vb-ss5:4.6.69	‘hohi kira itthannāmassa bhariyā chandavāsinī …pe…
pli-tv-bu-vb-ss5:4.6.70	bhogavāsinī …
pli-tv-bu-vb-ss5:4.6.71	paṭavāsinī …
pli-tv-bu-vb-ss5:4.6.72	odapattakinī …
pli-tv-bu-vb-ss5:4.6.73	obhaṭacumbaṭā …
pli-tv-bu-vb-ss5:4.6.74	dāsī ca bhariyā ca …
pli-tv-bu-vb-ss5:4.6.75	kammakārī ca bhariyā ca …
pli-tv-bu-vb-ss5:4.6.76	dhajāhaṭā …
pli-tv-bu-vb-ss5:4.6.77	muhuttikā’”ti.
pli-tv-bu-vb-ss5:4.6.78	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.79	Nikkhepapadāni.
pli-tv-bu-vb-ss5:4.6.80.0	
pli-tv-bu-vb-ss5:4.6.80.1	Puriso bhikkhuṁ pahiṇati—
pli-tv-bu-vb-ss5:4.6.81	“gaccha, bhante, itthannāmaṁ saparidaṇḍaṁ brūhi—
pli-tv-bu-vb-ss5:4.6.82	‘hohi kira itthannāmassa bhariyā dhanakkītā ca chandavāsinī cā’”ti.
pli-tv-bu-vb-ss5:4.6.83	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.84	Puriso bhikkhuṁ pahiṇati—
pli-tv-bu-vb-ss5:4.6.85	“gaccha, bhante, itthannāmaṁ saparidaṇḍaṁ brūhi—
pli-tv-bu-vb-ss5:4.6.86	‘hohi kira itthannāmassa bhariyā dhanakkītā ca bhogavāsinī ca …pe…
pli-tv-bu-vb-ss5:4.6.87	dhanakkītā ca muhuttikā cā’”ti.
pli-tv-bu-vb-ss5:4.6.88	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.89	Khaṇḍacakkaṁ.
pli-tv-bu-vb-ss5:4.6.90	Puriso bhikkhuṁ pahiṇati—
pli-tv-bu-vb-ss5:4.6.91	“gaccha, bhante, itthannāmaṁ saparidaṇḍaṁ brūhi—
pli-tv-bu-vb-ss5:4.6.92	‘hohi kira itthannāmassa bhariyā chandavāsinī ca bhogavāsinī ca …pe…
pli-tv-bu-vb-ss5:4.6.93	chandavāsinī ca muhuttikā ca …
pli-tv-bu-vb-ss5:4.6.94	chandavāsinī ca dhanakkītā cā’”ti.
pli-tv-bu-vb-ss5:4.6.95	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.96	Baddhacakkaṁ mūlaṁ saṅkhittaṁ.
pli-tv-bu-vb-ss5:4.6.97	Puriso bhikkhuṁ pahiṇati—
pli-tv-bu-vb-ss5:4.6.98	“gaccha, bhante, itthannāmaṁ saparidaṇḍaṁ brūhi—
pli-tv-bu-vb-ss5:4.6.99	‘hohi kira itthannāmassa bhariyā muhuttikā ca dhanakkītā ca …pe…
pli-tv-bu-vb-ss5:4.6.100	muhuttikā ca chandavāsinī ca …pe…
pli-tv-bu-vb-ss5:4.6.101	muhuttikā ca dhajāhaṭā cā’”ti.
pli-tv-bu-vb-ss5:4.6.102	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.103	Ekamūlakaṁ niṭṭhitaṁ.
pli-tv-bu-vb-ss5:4.6.104.0	
pli-tv-bu-vb-ss5:4.6.104.1	Dumūlakampi timūlakampi yāva navamūlakaṁ evameva kātabbaṁ.
pli-tv-bu-vb-ss5:4.6.105.0	
pli-tv-bu-vb-ss5:4.6.105.1	Idaṁ dasamūlakaṁ—
pli-tv-bu-vb-ss5:4.6.106	Puriso bhikkhuṁ pahiṇati—
pli-tv-bu-vb-ss5:4.6.107	“gaccha, bhante, itthannāmaṁ saparidaṇḍaṁ brūhi—
pli-tv-bu-vb-ss5:4.6.108	‘hohi kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’”ti.
pli-tv-bu-vb-ss5:4.6.109	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.6.110	Saparidaṇḍācakkaṁ niṭṭhitaṁ.
pli-tv-bu-vb-ss5:4.7.0	
pli-tv-bu-vb-ss5:4.7.1	Puriso bhikkhuṁ pahiṇati—
pli-tv-bu-vb-ss5:4.7.2	“gaccha, bhante, itthannāmaṁ māturakkhitaṁ brūhi—
pli-tv-bu-vb-ss5:4.7.3	‘hohi kira itthannāmassa bhariyā dhanakkītā’”ti.
pli-tv-bu-vb-ss5:4.7.4	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.7.5	Puriso bhikkhuṁ pahiṇati—
pli-tv-bu-vb-ss5:4.7.6	“gaccha, bhante, itthannāmaṁ māturakkhitañca piturakkhitañca brūhi—
pli-tv-bu-vb-ss5:4.7.7	‘hotha kira itthannāmassa bhariyāyo dhanakkītā ca chandavāsinī cā’”ti.
pli-tv-bu-vb-ss5:4.7.8	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.7.9	Puriso bhikkhuṁ pahiṇati—
pli-tv-bu-vb-ss5:4.7.10	“gaccha, bhante, itthannāmaṁ māturakkhitañca piturakkhitañca mātāpiturakkhitañca brūhi—
pli-tv-bu-vb-ss5:4.7.11	‘hotha kira itthannāmassa bhariyāyo dhanakkītā ca chandavāsinī ca bhogavāsinī cā’”ti.
pli-tv-bu-vb-ss5:4.7.12	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.7.13	Evaṁ ubhatovaḍḍhakaṁ kātabbaṁ.
pli-tv-bu-vb-ss5:4.7.14	Puriso bhikkhuṁ pahiṇati—
pli-tv-bu-vb-ss5:4.7.15	“gaccha, bhante, itthannāmaṁ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi—
pli-tv-bu-vb-ss5:4.7.16	‘hotha kira itthannāmassa bhariyāyo dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’”ti.
pli-tv-bu-vb-ss5:4.7.17	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.7.18	Ubhatovaḍḍhakaṁ niṭṭhitaṁ.
pli-tv-bu-vb-ss5:4.8.0	
pli-tv-bu-vb-ss5:4.8.1	Purisassa mātā bhikkhuṁ pahiṇati …pe…
pli-tv-bu-vb-ss5:4.8.2	purisassa pitā bhikkhuṁ pahiṇati …pe…
pli-tv-bu-vb-ss5:4.8.3	purisassa mātāpitaro bhikkhuṁ pahiṇanti …pe…
pli-tv-bu-vb-ss5:4.8.4	purisassa bhātā bhikkhuṁ pahiṇati …pe…
pli-tv-bu-vb-ss5:4.8.5	purisassa bhaginī bhikkhuṁ pahiṇati …pe…
pli-tv-bu-vb-ss5:4.8.6	purisassa ñātakā bhikkhuṁ pahiṇanti …pe…
pli-tv-bu-vb-ss5:4.8.7	purisassa gottā bhikkhuṁ pahiṇanti …pe…
pli-tv-bu-vb-ss5:4.8.8	purisassa sahadhammikā bhikkhuṁ pahiṇanti …pe….
pli-tv-bu-vb-ss5:4.8.9	Purisassa peyyālo vitthāretabbo.
pli-tv-bu-vb-ss5:4.8.10	Ubhatovaḍḍhakaṁ yathā purimanayo tatheva vitthāretabbaṁ.
pli-tv-bu-vb-ss5:4.9.0	
pli-tv-bu-vb-ss5:4.9.1	Māturakkhitāya mātā bhikkhuṁ pahiṇati—
pli-tv-bu-vb-ss5:4.9.2	“gaccha, bhante, itthannāmaṁ brūhi—
pli-tv-bu-vb-ss5:4.9.3	‘hotu itthannāmassa bhariyā dhanakkītā’”ti.
pli-tv-bu-vb-ss5:4.9.4	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.9.5	Māturakkhitāya mātā bhikkhuṁ pahiṇati—
pli-tv-bu-vb-ss5:4.9.6	“gaccha, bhante, itthannāmaṁ brūhi—
pli-tv-bu-vb-ss5:4.9.7	‘hotu itthannāmassa bhariyā chandavāsinī …pe…
pli-tv-bu-vb-ss5:4.9.8	bhogavāsinī …
pli-tv-bu-vb-ss5:4.9.9	paṭavāsinī …
pli-tv-bu-vb-ss5:4.9.10	odapattakinī …
pli-tv-bu-vb-ss5:4.9.11	obhaṭacumbaṭā …
pli-tv-bu-vb-ss5:4.9.12	dāsī ca bhariyā ca …
pli-tv-bu-vb-ss5:4.9.13	kammakārī ca bhariyā ca …
pli-tv-bu-vb-ss5:4.9.14	dhajāhaṭā …
pli-tv-bu-vb-ss5:4.9.15	muhuttikā’”ti.
pli-tv-bu-vb-ss5:4.9.16	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.9.17	Nikkhepapadāni.
pli-tv-bu-vb-ss5:4.9.18.0	
pli-tv-bu-vb-ss5:4.9.18.1	Māturakkhitāya mātā bhikkhuṁ pahiṇati—
pli-tv-bu-vb-ss5:4.9.19	“gaccha, bhante, itthannāmaṁ brūhi—
pli-tv-bu-vb-ss5:4.9.20	‘hotu itthannāmassa bhariyā dhanakkītā ca chandavāsinī ca …pe…
pli-tv-bu-vb-ss5:4.9.21	dhanakkītā ca bhogavāsinī ca …pe…
pli-tv-bu-vb-ss5:4.9.22	dhanakkītā ca muhuttikā cā’”ti.
pli-tv-bu-vb-ss5:4.9.23	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.9.24	Khaṇḍacakkaṁ.
pli-tv-bu-vb-ss5:4.9.25	Māturakkhitāya mātā bhikkhuṁ pahiṇati—
pli-tv-bu-vb-ss5:4.9.26	“gaccha, bhante, itthannāmaṁ brūhi—
pli-tv-bu-vb-ss5:4.9.27	‘hotu itthannāmassa bhariyā chandavāsinī ca bhogavāsinī ca …pe…
pli-tv-bu-vb-ss5:4.9.28	chandavāsinī ca muhuttikā ca …
pli-tv-bu-vb-ss5:4.9.29	chandavāsinī ca dhanakkītā cā’”ti.
pli-tv-bu-vb-ss5:4.9.30	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.9.31	Baddhacakkaṁ mūlaṁ saṅkhittaṁ.
pli-tv-bu-vb-ss5:4.9.32	Māturakkhitāya mātā bhikkhuṁ pahiṇati—
pli-tv-bu-vb-ss5:4.9.33	“gaccha, bhante, itthannāmaṁ brūhi—
pli-tv-bu-vb-ss5:4.9.34	‘hotu itthannāmassa bhariyā muhuttikā ca dhanakkītā ca …pe…
pli-tv-bu-vb-ss5:4.9.35	muhuttikā ca chandavāsinī ca …pe…
pli-tv-bu-vb-ss5:4.9.36	muhuttikā ca dhajāhaṭā cā’”ti.
pli-tv-bu-vb-ss5:4.9.37	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.9.38	Ekamūlakaṁ niṭṭhitaṁ.
pli-tv-bu-vb-ss5:4.9.39.0	
pli-tv-bu-vb-ss5:4.9.39.1	Dumūlakampi timūlakampi yāva navamūlakaṁ evameva kātabbaṁ.
pli-tv-bu-vb-ss5:4.9.40.0	
pli-tv-bu-vb-ss5:4.9.40.1	Idaṁ dasamūlakaṁ—
pli-tv-bu-vb-ss5:4.9.41	Māturakkhitāya mātā bhikkhuṁ pahiṇati—
pli-tv-bu-vb-ss5:4.9.42	“gaccha, bhante, itthannāmaṁ brūhi—
pli-tv-bu-vb-ss5:4.9.43	‘hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’”ti.
pli-tv-bu-vb-ss5:4.9.44	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.9.45	Mātucakkaṁ niṭṭhitaṁ.
pli-tv-bu-vb-ss5:4.10.0	
pli-tv-bu-vb-ss5:4.10.1	Piturakkhitāya pitā bhikkhuṁ pahiṇati …pe…
pli-tv-bu-vb-ss5:4.10.2	mātāpiturakkhitāya mātāpitaro bhikkhuṁ pahiṇanti …
pli-tv-bu-vb-ss5:4.10.3	bhāturakkhitāya bhātā bhikkhuṁ pahiṇati …
pli-tv-bu-vb-ss5:4.10.4	bhaginirakkhitāya bhaginī bhikkhuṁ pahiṇati …
pli-tv-bu-vb-ss5:4.10.5	ñātirakkhitāya ñātakā bhikkhuṁ pahiṇanti …
pli-tv-bu-vb-ss5:4.10.6	gottarakkhitāya gottā bhikkhuṁ pahiṇanti …
pli-tv-bu-vb-ss5:4.10.7	dhammarakkhitāya sahadhammikā bhikkhuṁ pahiṇanti …
pli-tv-bu-vb-ss5:4.10.8	sārakkhāya yena pariggahitā hoti so bhikkhuṁ pahiṇati …
pli-tv-bu-vb-ss5:4.10.9	saparidaṇḍāya yena daṇḍo ṭhapito hoti so bhikkhuṁ pahiṇati—
pli-tv-bu-vb-ss5:4.10.10	“gaccha, bhante, itthannāmaṁ brūhi—
pli-tv-bu-vb-ss5:4.10.11	‘hotu itthannāmassa bhariyā dhanakkītā’”ti.
pli-tv-bu-vb-ss5:4.10.12	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.10.13.0	
pli-tv-bu-vb-ss5:4.10.13.1	Saparidaṇḍāya yena daṇḍo ṭhapito hoti so bhikkhuṁ pahiṇati—
pli-tv-bu-vb-ss5:4.10.14	“gaccha, bhante, itthannāmaṁ brūhi—
pli-tv-bu-vb-ss5:4.10.15	‘hotu itthannāmassa bhariyā chandavāsinī …pe…
pli-tv-bu-vb-ss5:4.10.16	bhogavāsinī …
pli-tv-bu-vb-ss5:4.10.17	paṭavāsinī …
pli-tv-bu-vb-ss5:4.10.18	odapattakinī …
pli-tv-bu-vb-ss5:4.10.19	obhaṭacumbaṭā …
pli-tv-bu-vb-ss5:4.10.20	dāsī ca bhariyā ca …
pli-tv-bu-vb-ss5:4.10.21	kammakārī ca bhariyā ca …
pli-tv-bu-vb-ss5:4.10.22	dhajāhaṭā …
pli-tv-bu-vb-ss5:4.10.23	muhuttikā’”ti.
pli-tv-bu-vb-ss5:4.10.24	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.10.25	Nikkhepapadāni.
pli-tv-bu-vb-ss5:4.10.26.0	
pli-tv-bu-vb-ss5:4.10.26.1	Saparidaṇḍāya yena daṇḍo ṭhapito hoti so bhikkhuṁ pahiṇati—
pli-tv-bu-vb-ss5:4.10.27	“gaccha, bhante, itthannāmaṁ brūhi—
pli-tv-bu-vb-ss5:4.10.28	‘hotu itthannāmassa bhariyā dhanakkītā ca chandavāsinī ca …pe…
pli-tv-bu-vb-ss5:4.10.29	dhanakkītā ca bhogavāsinī ca …pe…
pli-tv-bu-vb-ss5:4.10.30	dhanakkītā ca muhuttikā cā’”ti.
pli-tv-bu-vb-ss5:4.10.31	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.10.32	Khaṇḍacakkaṁ.
pli-tv-bu-vb-ss5:4.10.33	Saparidaṇḍāya yena daṇḍo ṭhapito hoti so bhikkhuṁ pahiṇati—
pli-tv-bu-vb-ss5:4.10.34	“gaccha, bhante, itthannāmaṁ brūhi—
pli-tv-bu-vb-ss5:4.10.35	‘hotu itthannāmassa bhariyā chandavāsinī ca bhogavāsinī ca …pe…
pli-tv-bu-vb-ss5:4.10.36	chandavāsinī ca muhuttikā ca …
pli-tv-bu-vb-ss5:4.10.37	chandavāsinī ca dhanakkītā cā’”ti.
pli-tv-bu-vb-ss5:4.10.38	Paṭiggaṇhāti vīmaṁsati paccāharati āpatti saṅghādisesassa.
pli-tv-bu-vb-ss5:4.10.39	Baddhacakkaṁ mūlaṁ saṅkhittaṁ.
pli-tv-bu-vb-ss5:4.10.40	Saparidaṇḍāya yena daṇḍo, ṭhapito hoti so bhikkhuṁ pahiṇati—
pli-tv-bu-vb-ss5:4.10.41	“gaccha, bhante, itthannāmaṁ brūhi—
pli-tv-bu-vb-ss5:4.10.42	‘hotu itthannāmassa bhariyā muhuttikā ca dhanakkītā ca …pe…
pli-tv-bu-vb-ss5:4.10.43	muhuttikā ca chandavāsinī ca …pe…
pli-tv-bu-vb-ss5:4.10.44	muhuttikā ca dhajāhaṭā cā’”ti.
pli-tv-bu-vb-ss5:4.10.45	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.10.46	Ekamūlakaṁ niṭṭhitaṁ.
pli-tv-bu-vb-ss5:4.10.47.0	
pli-tv-bu-vb-ss5:4.10.47.1	Dumūlakampi timūlakampi yāva navamūlakaṁ evameva kātabbaṁ.
pli-tv-bu-vb-ss5:4.10.48.0	
pli-tv-bu-vb-ss5:4.10.48.1	Idaṁ dasamūlakaṁ—
pli-tv-bu-vb-ss5:4.10.49	Saparidaṇḍāya yena daṇḍo ṭhapito hoti so bhikkhuṁ pahiṇati—
pli-tv-bu-vb-ss5:4.10.50	“gaccha, bhante, itthannāmaṁ brūhi—
pli-tv-bu-vb-ss5:4.10.51	‘hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’”ti.
pli-tv-bu-vb-ss5:4.10.52	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.10.53	Daṇḍaṭhapitacakkaṁ niṭṭhitaṁ.
pli-tv-bu-vb-ss5:4.11.0	
pli-tv-bu-vb-ss5:4.11.1	Māturakkhitā bhikkhuṁ pahiṇati—
pli-tv-bu-vb-ss5:4.11.2	“gaccha, bhante, itthannāmaṁ brūhi—
pli-tv-bu-vb-ss5:4.11.3	‘homi itthannāmassa bhariyā dhanakkītā’”ti.
pli-tv-bu-vb-ss5:4.11.4	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.5	Māturakkhitā bhikkhuṁ pahiṇati—
pli-tv-bu-vb-ss5:4.11.6	“gaccha, bhante, itthannāmaṁ brūhi—
pli-tv-bu-vb-ss5:4.11.7	‘homi itthannāmassa bhariyā chandavāsinī …pe…
pli-tv-bu-vb-ss5:4.11.8	bhogavāsinī …
pli-tv-bu-vb-ss5:4.11.9	paṭavāsinī …
pli-tv-bu-vb-ss5:4.11.10	odapattakinī …
pli-tv-bu-vb-ss5:4.11.11	obhaṭacumbaṭā …
pli-tv-bu-vb-ss5:4.11.12	dāsī ca bhariyā ca …
pli-tv-bu-vb-ss5:4.11.13	kammakārī ca bhariyā ca …
pli-tv-bu-vb-ss5:4.11.14	dhajāhaṭā …
pli-tv-bu-vb-ss5:4.11.15	muhuttikā’”ti.
pli-tv-bu-vb-ss5:4.11.16	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.17	Nikkhepapadāni.
pli-tv-bu-vb-ss5:4.11.18.0	
pli-tv-bu-vb-ss5:4.11.18.1	Māturakkhitā bhikkhuṁ pahiṇati—
pli-tv-bu-vb-ss5:4.11.19	“gaccha, bhante, itthannāmaṁ brūhi—
pli-tv-bu-vb-ss5:4.11.20	‘homi itthannāmassa bhariyā dhanakkītā ca chandavāsinī cā’”ti.
pli-tv-bu-vb-ss5:4.11.21	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.22	Māturakkhitā bhikkhuṁ pahiṇati—
pli-tv-bu-vb-ss5:4.11.23	“gaccha, bhante, itthannāmaṁ brūhi—
pli-tv-bu-vb-ss5:4.11.24	‘homi itthannāmassa bhariyā dhanakkītā ca bhogavāsinī ca …pe…
pli-tv-bu-vb-ss5:4.11.25	dhanakkītā ca paṭavāsinī ca …pe…
pli-tv-bu-vb-ss5:4.11.26	dhanakkītā ca muhuttikā cā’”ti.
pli-tv-bu-vb-ss5:4.11.27	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.28	Khaṇḍacakkaṁ.
pli-tv-bu-vb-ss5:4.11.29	Māturakkhitā bhikkhuṁ pahiṇati—
pli-tv-bu-vb-ss5:4.11.30	“gaccha, bhante, itthannāmaṁ brūhi—
pli-tv-bu-vb-ss5:4.11.31	‘homi itthannāmassa bhariyā chandavāsinī ca bhogavāsinī ca …pe…
pli-tv-bu-vb-ss5:4.11.32	chandavāsinī ca muhuttikā ca …
pli-tv-bu-vb-ss5:4.11.33	chandavāsinī ca dhanakkītā cā’”ti.
pli-tv-bu-vb-ss5:4.11.34	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.35	Baddhacakkaṁ mūlaṁ saṅkhittaṁ.
pli-tv-bu-vb-ss5:4.11.36	Māturakkhitā bhikkhuṁ pahiṇati—
pli-tv-bu-vb-ss5:4.11.37	“gaccha, bhante, itthannāmaṁ brūhi—
pli-tv-bu-vb-ss5:4.11.38	‘homi itthannāmassa bhariyā muhuttikā ca dhanakkītā ca …pe…
pli-tv-bu-vb-ss5:4.11.39	muhuttikā ca chandavāsinī ca …pe…
pli-tv-bu-vb-ss5:4.11.40	muhuttikā ca dhajāhaṭā cā’”ti.
pli-tv-bu-vb-ss5:4.11.41	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.42	Ekamūlakaṁ niṭṭhitaṁ.
pli-tv-bu-vb-ss5:4.11.43.0	
pli-tv-bu-vb-ss5:4.11.43.1	Dumūlakādīnipi evameva kātabbāni.
pli-tv-bu-vb-ss5:4.11.44.0	
pli-tv-bu-vb-ss5:4.11.44.1	Idaṁ dasamūlakaṁ—
pli-tv-bu-vb-ss5:4.11.45	Māturakkhitā bhikkhuṁ pahiṇati—
pli-tv-bu-vb-ss5:4.11.46	“gaccha, bhante, itthannāmaṁ brūhi—
pli-tv-bu-vb-ss5:4.11.47	‘homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’”ti.
pli-tv-bu-vb-ss5:4.11.48	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.49	Aparaṁ māturakkhitācakkaṁ niṭṭhitaṁ.
pli-tv-bu-vb-ss5:4.11.50.0	
pli-tv-bu-vb-ss5:4.11.50.1	Piturakkhitā bhikkhuṁ pahiṇati …pe…
pli-tv-bu-vb-ss5:4.11.51	mātāpiturakkhitā bhikkhuṁ pahiṇati …
pli-tv-bu-vb-ss5:4.11.52	bhāturakkhitā bhikkhuṁ pahiṇati …
pli-tv-bu-vb-ss5:4.11.53	bhaginirakkhitā bhikkhuṁ pahiṇati …
pli-tv-bu-vb-ss5:4.11.54	ñātirakkhitā bhikkhuṁ pahiṇati …
pli-tv-bu-vb-ss5:4.11.55	gottarakkhitā bhikkhuṁ pahiṇati …
pli-tv-bu-vb-ss5:4.11.56	dhammarakkhitā bhikkhuṁ pahiṇati …
pli-tv-bu-vb-ss5:4.11.57	sārakkhā bhikkhuṁ pahiṇati …
pli-tv-bu-vb-ss5:4.11.58	saparidaṇḍā bhikkhuṁ pahiṇati—
pli-tv-bu-vb-ss5:4.11.59	“gaccha, bhante, itthannāmaṁ brūhi—
pli-tv-bu-vb-ss5:4.11.60	‘homi itthannāmassa bhariyā dhanakkītā’”ti.
pli-tv-bu-vb-ss5:4.11.61	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.62.0	
pli-tv-bu-vb-ss5:4.11.62.1	Saparidaṇḍā bhikkhuṁ pahiṇati—
pli-tv-bu-vb-ss5:4.11.63	“gaccha, bhante, itthannāmaṁ brūhi—
pli-tv-bu-vb-ss5:4.11.64	‘homi itthannāmassa bhariyā chandavāsinī …pe…
pli-tv-bu-vb-ss5:4.11.65	bhogavāsinī …
pli-tv-bu-vb-ss5:4.11.66	paṭavāsinī …
pli-tv-bu-vb-ss5:4.11.67	odapattakinī …
pli-tv-bu-vb-ss5:4.11.68	obhaṭacumbaṭā …
pli-tv-bu-vb-ss5:4.11.69	dāsī ca bhariyā ca …
pli-tv-bu-vb-ss5:4.11.70	kammakārī ca bhariyā ca …
pli-tv-bu-vb-ss5:4.11.71	dhajāhaṭā …
pli-tv-bu-vb-ss5:4.11.72	muhuttikā’”ti.
pli-tv-bu-vb-ss5:4.11.73	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.74	Nikkhepapadāni.
pli-tv-bu-vb-ss5:4.11.75.0	
pli-tv-bu-vb-ss5:4.11.75.1	Saparidaṇḍā bhikkhuṁ pahiṇati—
pli-tv-bu-vb-ss5:4.11.76	“gaccha, bhante, itthannāmaṁ brūhi—
pli-tv-bu-vb-ss5:4.11.77	‘homi itthannāmassa bhariyā dhanakkītā ca chandavāsinī ca …pe…
pli-tv-bu-vb-ss5:4.11.78	dhanakkītā ca muhuttikā cā’”ti.
pli-tv-bu-vb-ss5:4.11.79	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.80	Khaṇḍacakkaṁ.
pli-tv-bu-vb-ss5:4.11.81	Saparidaṇḍā bhikkhuṁ pahiṇati—
pli-tv-bu-vb-ss5:4.11.82	“gaccha, bhante, itthannāmaṁ brūhi—
pli-tv-bu-vb-ss5:4.11.83	‘homi itthannāmassa bhariyā chandavāsinī ca bhogavāsinī ca …pe…
pli-tv-bu-vb-ss5:4.11.84	chandavāsinī ca muhuttikā ca …
pli-tv-bu-vb-ss5:4.11.85	chandavāsinī ca dhanakkītā cā’”ti.
pli-tv-bu-vb-ss5:4.11.86	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.87	Baddhacakkaṁ, mūlaṁ saṅkhittaṁ.
pli-tv-bu-vb-ss5:4.11.88	Saparidaṇḍā bhikkhuṁ pahiṇati—
pli-tv-bu-vb-ss5:4.11.89	“gaccha, bhante, itthannāmaṁ brūhi—
pli-tv-bu-vb-ss5:4.11.90	‘homi itthannāmassa bhariyā muhuttikā ca dhanakkītā ca …pe…
pli-tv-bu-vb-ss5:4.11.91	muhuttikā ca chandavāsinī ca …pe…
pli-tv-bu-vb-ss5:4.11.92	muhuttikā ca dhajāhaṭā cā’”ti.
pli-tv-bu-vb-ss5:4.11.93	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.94	Ekamūlakaṁ niṭṭhitaṁ.
pli-tv-bu-vb-ss5:4.11.95.0	
pli-tv-bu-vb-ss5:4.11.95.1	Dumūlakādīnipi evameva kātabbāni.
pli-tv-bu-vb-ss5:4.11.96.0	
pli-tv-bu-vb-ss5:4.11.96.1	Idaṁ dasamūlakaṁ—
pli-tv-bu-vb-ss5:4.11.97	Saparidaṇḍā bhikkhuṁ pahiṇati—
pli-tv-bu-vb-ss5:4.11.98	“gaccha, bhante, itthannāmaṁ brūhi—
pli-tv-bu-vb-ss5:4.11.99	‘homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’”ti.
pli-tv-bu-vb-ss5:4.11.100	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.11.101	Aparaṁ saparidaṇḍācakkaṁ niṭṭhitaṁ.
pli-tv-bu-vb-ss5:4.11.102	Sabbaṁ cakkapeyyālaṁ niṭṭhitaṁ.
pli-tv-bu-vb-ss5:4.12.0	
pli-tv-bu-vb-ss5:4.12.1	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.12.2	Paṭiggaṇhāti vīmaṁsati na paccāharati, āpatti thullaccayassa.
pli-tv-bu-vb-ss5:4.12.3	Paṭiggaṇhāti na vīmaṁsati paccāharati, āpatti thullaccayassa.
pli-tv-bu-vb-ss5:4.12.4	Paṭiggaṇhāti na vīmaṁsati na paccāharati, āpatti dukkaṭassa.
pli-tv-bu-vb-ss5:4.12.5	Na paṭiggaṇhāti vīmaṁsati paccāharati, āpatti thullaccayassa.
pli-tv-bu-vb-ss5:4.12.6	Na paṭiggaṇhāti vīmaṁsati na paccāharati, āpatti dukkaṭassa.
pli-tv-bu-vb-ss5:4.12.7	Na paṭiggaṇhāti na vīmaṁsati paccāharati, āpatti dukkaṭassa.
pli-tv-bu-vb-ss5:4.12.8	Na paṭiggaṇhāti na vīmaṁsati na paccāharati, anāpatti.
pli-tv-bu-vb-ss5:4.13.1	Puriso sambahule bhikkhū āṇāpeti—
pli-tv-bu-vb-ss5:4.13.2	“gacchatha, bhante, itthannāmaṁ itthiṁ vīmaṁsathā”ti.
pli-tv-bu-vb-ss5:4.13.3	Sabbe paṭiggaṇhanti sabbe vīmaṁsanti sabbe paccāharanti, āpatti sabbesaṁ saṅghādisesassa.
pli-tv-bu-vb-ss5:4.13.4	Puriso sambahule bhikkhū āṇāpeti—
pli-tv-bu-vb-ss5:4.13.5	“gacchatha, bhante, itthannāmaṁ itthiṁ vīmaṁsathā”ti.
pli-tv-bu-vb-ss5:4.13.6	Sabbe paṭiggaṇhanti sabbe vīmaṁsanti ekaṁ paccāharāpenti, āpatti sabbesaṁ saṅghādisesassa.
pli-tv-bu-vb-ss5:4.13.7	Puriso sambahule bhikkhū āṇāpeti—
pli-tv-bu-vb-ss5:4.13.8	“gacchatha, bhante, itthannāmaṁ itthiṁ vīmaṁsathā”ti.
pli-tv-bu-vb-ss5:4.13.9	Sabbe paṭiggaṇhanti ekaṁ vīmaṁsāpetvā sabbe paccāharanti, āpatti sabbesaṁ saṅghādisesassa.
pli-tv-bu-vb-ss5:4.13.10	Puriso sambahule bhikkhū āṇāpeti—
pli-tv-bu-vb-ss5:4.13.11	“gacchatha, bhante, itthannāmaṁ itthiṁ vīmaṁsathā”ti.
pli-tv-bu-vb-ss5:4.13.12	Sabbe paṭiggaṇhanti ekaṁ vīmaṁsāpetvā ekaṁ paccāharāpenti, āpatti sabbesaṁ saṅghādisesassa.
pli-tv-bu-vb-ss5:4.14.1	Puriso bhikkhuṁ āṇāpeti—
pli-tv-bu-vb-ss5:4.14.2	“gaccha, bhante, itthannāmaṁ itthiṁ vīmaṁsā”ti.
pli-tv-bu-vb-ss5:4.14.3	Paṭiggaṇhāti vīmaṁsati paccāharati, āpatti saṅghādisesassa.
pli-tv-bu-vb-ss5:4.14.4	Puriso bhikkhuṁ āṇāpeti—
pli-tv-bu-vb-ss5:4.14.5	“gaccha, bhante, itthannāmaṁ itthiṁ vīmaṁsā”ti.
pli-tv-bu-vb-ss5:4.14.6	Paṭiggaṇhāti vīmaṁsati antevāsiṁ paccāharāpeti, āpatti saṅghādisesassa.
pli-tv-bu-vb-ss5:4.14.7	Puriso bhikkhuṁ āṇāpeti—
pli-tv-bu-vb-ss5:4.14.8	“gaccha, bhante, itthannāmaṁ itthiṁ vīmaṁsā”ti.
pli-tv-bu-vb-ss5:4.14.9	Paṭiggaṇhāti antevāsiṁ vīmaṁsāpetvā attanā paccāharati, āpatti saṅghādisesassa.
pli-tv-bu-vb-ss5:4.14.10	Puriso bhikkhuṁ āṇāpeti—
pli-tv-bu-vb-ss5:4.14.11	“gaccha, bhante, itthannāmaṁ itthiṁ vimaṁsā”ti.
pli-tv-bu-vb-ss5:4.14.12	Paṭiggaṇhāti antevāsiṁ vīmaṁsāpeti antevāsī vīmaṁsitvā bahiddhā paccāharati, āpatti ubhinnaṁ thullaccayassa.
pli-tv-bu-vb-ss5:4.15.0	
pli-tv-bu-vb-ss5:4.15.1	Gacchanto sampādeti, āgacchanto visaṁvādeti, āpatti thullaccayassa.
pli-tv-bu-vb-ss5:4.15.2	Gacchanto visaṁvādeti, āgacchanto sampādeti, āpatti thullaccayassa.
pli-tv-bu-vb-ss5:4.15.3	Gacchanto sampādeti, āgacchanto sampādeti, āpatti saṅghādisesassa.
pli-tv-bu-vb-ss5:4.15.4	Gacchanto visaṁvādeti, āgacchanto visaṁvādeti, anāpatti.
pli-tv-bu-vb-ss5:4.16.0	
pli-tv-bu-vb-ss5:4.16.1	Anāpatti—
pli-tv-bu-vb-ss5:4.16.2	saṅghassa vā cetiyassa vā gilānassa vā karaṇīyena gacchati,
pli-tv-bu-vb-ss5:4.16.3	ummattakassa,
pli-tv-bu-vb-ss5:4.16.4	ādikammikassāti.
pli-tv-bu-vb-ss5:4.16.5	5.1. Vinītavatthuuddānagāthā
pli-tv-bu-vb-ss5:4.16.6	Suttā matā ca nikkhantā,
pli-tv-bu-vb-ss5:4.16.7	anitthī itthipaṇḍakā;
pli-tv-bu-vb-ss5:4.16.8	Kalahaṁ katvāna sammodi,
pli-tv-bu-vb-ss5:4.16.9	sañcarittañca paṇḍaketi.
pli-tv-bu-vb-ss5:5.1.0	5.2. Vinītavatthu
pli-tv-bu-vb-ss5:5.1.1	Tena kho pana samayena aññataro puriso aññataraṁ bhikkhuṁ āṇāpesi—
pli-tv-bu-vb-ss5:5.1.2	“gaccha, bhante, itthannāmaṁ itthiṁ vīmaṁsā”ti.
pli-tv-bu-vb-ss5:5.1.3	So gantvā manusse pucchi—
pli-tv-bu-vb-ss5:5.1.4	“kahaṁ itthannāmā”ti?
pli-tv-bu-vb-ss5:5.1.5	“Suttā, bhante”ti.
pli-tv-bu-vb-ss5:5.1.6	Tassa kukkuccaṁ ahosi—
pli-tv-bu-vb-ss5:5.1.7	“bhagavatā sikkhāpadaṁ paññattaṁ,
pli-tv-bu-vb-ss5:5.1.8	kacci nu kho ahaṁ saṅghādisesaṁ āpattiṁ āpanno”ti?
pli-tv-bu-vb-ss5:5.1.9	Bhagavato etamatthaṁ ārocesi—
pli-tv-bu-vb-ss5:5.1.10	“Anāpatti, bhikkhu, saṅghādisesassa;
pli-tv-bu-vb-ss5:5.1.11	āpatti dukkaṭassā”ti.
pli-tv-bu-vb-ss5:5.2.1	Tena kho pana samayena aññataro puriso aññataraṁ bhikkhuṁ āṇāpesi—
pli-tv-bu-vb-ss5:5.2.2	“gaccha, bhante, itthannāmaṁ itthiṁ vīmaṁsā”ti.
pli-tv-bu-vb-ss5:5.2.3	So gantvā manusse pucchi—
pli-tv-bu-vb-ss5:5.2.4	“kahaṁ itthannāmā”ti?
pli-tv-bu-vb-ss5:5.2.5	“Matā, bhante”ti …pe…
pli-tv-bu-vb-ss5:5.2.6	“nikkhantā, bhante”ti …
pli-tv-bu-vb-ss5:5.2.7	“anitthī, bhante”ti …
pli-tv-bu-vb-ss5:5.2.8	“itthipaṇḍakā, bhante”ti.
pli-tv-bu-vb-ss5:5.2.9	Tassa kukkuccaṁ ahosi …pe…
pli-tv-bu-vb-ss5:5.2.10	“anāpatti, bhikkhu, saṅghādisesassa;
pli-tv-bu-vb-ss5:5.2.11	āpatti dukkaṭassā”ti.
pli-tv-bu-vb-ss5:5.3.1	Tena kho pana samayena aññatarā itthī sāmikena saha bhaṇḍitvā mātugharaṁ agamāsi.
pli-tv-bu-vb-ss5:5.3.2	Kulūpako bhikkhu sammodanīyaṁ akāsi.
pli-tv-bu-vb-ss5:5.3.3	Tassa kukkuccaṁ ahosi …pe…
pli-tv-bu-vb-ss5:5.3.4	“alaṁvacanīyā, bhikkhū”ti?
pli-tv-bu-vb-ss5:5.3.5	“Nālaṁvacanīyā, bhagavā”ti.
pli-tv-bu-vb-ss5:5.3.6	“Anāpatti, bhikkhu, nālaṁvacanīyāyā”ti.
pli-tv-bu-vb-ss5:5.4.1	Tena kho pana samayena aññataro bhikkhu paṇḍake sañcarittaṁ samāpajji.
pli-tv-bu-vb-ss5:5.4.2	Tassa kukkuccaṁ ahosi …pe…
pli-tv-bu-vb-ss5:5.4.3	“anāpatti, bhikkhu, saṅghādisesassa;
pli-tv-bu-vb-ss5:5.4.4	āpatti thullaccayassā”ti.
pli-tv-bu-vb-ss5:5.4.5	Sañcarittasikkhāpadaṁ niṭṭhitaṁ pañcamaṁ.
pli-tv-bu-vb-ss6:0.1	Theravāda Vinaya
pli-tv-bu-vb-ss6:0.2	Mahāvibhaṅga
pli-tv-bu-vb-ss6:0.3	Saṅghādisesakaṇḍa
pli-tv-bu-vb-ss6:0.4	6. Kuṭikārasikkhāpada
pli-tv-bu-vb-ss6:1.1.0	
pli-tv-bu-vb-ss6:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-ss6:1.1.2	Tena kho pana samayena āḷavakā bhikkhū saññācikāyo kuṭiyo kārāpenti assāmikāyo attuddesikāyo appamāṇikāyo.
pli-tv-bu-vb-ss6:1.1.3	Tāyo na niṭṭhānaṁ gacchanti.
pli-tv-bu-vb-ss6:1.1.4	Te yācanabahulā viññattibahulā viharanti—
pli-tv-bu-vb-ss6:1.1.5	“purisaṁ detha, purisatthakaraṁ detha, goṇaṁ detha, sakaṭaṁ detha, vāsiṁ detha, parasuṁ detha, kuṭhāriṁ detha, kudālaṁ detha, nikhādanaṁ detha, valliṁ detha, veḷuṁ detha, muñjaṁ detha, pabbajaṁ detha, tiṇaṁ detha, mattikaṁ dethā”ti.
pli-tv-bu-vb-ss6:1.1.6	Manussā upaddutā yācanāya upaddutā viññattiyā bhikkhū disvā ubbijjantipi uttasantipi palāyantipi aññenapi gacchanti aññenapi mukhaṁ karonti dvārampi thakenti,
pli-tv-bu-vb-ss6:1.1.7	gāvimpi disvā palāyanti bhikkhūti maññamānā.
pli-tv-bu-vb-ss6:1.1.8	Atha kho āyasmā mahākassapo rājagahe vassaṁvuṭṭho yena āḷavī tena pakkāmi.
pli-tv-bu-vb-ss6:1.1.9	Anupubbena yena āḷavī tadavasari.
pli-tv-bu-vb-ss6:1.1.10	Tatra sudaṁ āyasmā mahākassapo āḷaviyaṁ viharati aggāḷave cetiye.
pli-tv-bu-vb-ss6:1.1.11	Atha kho āyasmā mahākassapo pubbaṇhasamayaṁ nivāsetvā pattacīvaramādāya āḷaviṁ piṇḍāya pāvisi.
pli-tv-bu-vb-ss6:1.1.12	Manussā āyasmantaṁ mahākassapaṁ passitvā ubbijjantipi uttasantipi palāyantipi aññenapi gacchanti aññenapi mukhaṁ karonti dvārampi thakenti.
pli-tv-bu-vb-ss6:1.1.13	Atha kho āyasmā mahākassapo āḷaviyaṁ piṇḍāya caritvā pacchābhattaṁ piṇḍapātapaṭikkanto bhikkhū āmantesi—
pli-tv-bu-vb-ss6:1.1.14	“pubbāyaṁ, āvuso, āḷavī subhikkhā ahosi sulabhapiṇḍā sukarā uñchena paggahena yāpetuṁ;
pli-tv-bu-vb-ss6:1.1.15	etarahi panāyaṁ āḷavī dubbhikkhā dullabhapiṇḍā, na sukarā uñchena paggahena yāpetuṁ.
pli-tv-bu-vb-ss6:1.1.16	Ko nu kho, āvuso, hetu ko paccayo, yenāyaṁ āḷavī dubbhikkhā dullabhapiṇḍā, na sukarā uñchena paggahena yāpetun”ti?
pli-tv-bu-vb-ss6:1.1.17	Atha kho te bhikkhū āyasmato mahākassapassa etamatthaṁ ārocesuṁ.
pli-tv-bu-vb-ss6:1.2.1	Atha kho bhagavā rājagahe yathābhirantaṁ viharitvā yena āḷavī tena cārikaṁ pakkāmi.
pli-tv-bu-vb-ss6:1.2.2	Anupubbena cārikaṁ caramāno yena āḷavī tadavasari.
pli-tv-bu-vb-ss6:1.2.3	Tatra sudaṁ bhagavā āḷaviyaṁ viharati aggāḷave cetiye.
pli-tv-bu-vb-ss6:1.2.4	Atha kho āyasmā mahākassapo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-ss6:1.2.5	Ekamantaṁ nisinno kho āyasmā mahākassapo bhagavato etamatthaṁ ārocesi.
pli-tv-bu-vb-ss6:1.2.6	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āḷavake bhikkhū paṭipucchi—
pli-tv-bu-vb-ss6:1.2.7	“saccaṁ kira tumhe, bhikkhave, saññācikāyo kuṭiyo kārāpetha assāmikāyo attuddesikāyo appamāṇikāyo.
pli-tv-bu-vb-ss6:1.2.8	Tāyo na niṭṭhānaṁ gacchanti.
pli-tv-bu-vb-ss6:1.2.9	Te tumhe yācanabahulā viññattibahulā viharatha—
pli-tv-bu-vb-ss6:1.2.10	‘purisaṁ detha purisatthakaraṁ detha …pe… tiṇaṁ detha mattikaṁ dethā’ti.
pli-tv-bu-vb-ss6:1.2.11	Manussā upaddutā yācanāya upaddutā viññattiyā bhikkhū disvā ubbijjantipi uttasantipi palāyantipi aññenapi gacchanti aññenapi mukhaṁ karonti dvārampi thakenti, gāvimpi disvā palāyanti bhikkhūti maññamānā”ti?
pli-tv-bu-vb-ss6:1.2.12	“Saccaṁ, bhagavā”ti.
pli-tv-bu-vb-ss6:1.2.13	Vigarahi buddho bhagavā …pe…
pli-tv-bu-vb-ss6:1.2.14	kathañhi nāma tumhe, moghapurisā, saṁyācikāyo kuṭiyo kārāpessatha assāmikāyo attuddesikāyo appamāṇikāyo.
pli-tv-bu-vb-ss6:1.2.15	Tāyo na niṭṭhānaṁ gacchanti.
pli-tv-bu-vb-ss6:1.2.16	Te tumhe yācanabahulā viññattibahulā viharissatha—
pli-tv-bu-vb-ss6:1.2.17	“purisaṁ detha purisatthakaraṁ detha …pe… tiṇaṁ detha mattikaṁ dethā”ti.
pli-tv-bu-vb-ss6:1.2.18	Netaṁ moghapurisā, appasannānaṁ vā pasādāya …pe…
pli-tv-bu-vb-ss6:1.2.19	vigarahitvā dhammiṁ kathaṁ katvā bhikkhū āmantesi—
pli-tv-bu-vb-ss6:1.3.0	
pli-tv-bu-vb-ss6:1.3.1	“Bhūtapubbaṁ, bhikkhave, dve bhātaro isayo gaṅgaṁ nadiṁ upanissāya vihariṁsu.
pli-tv-bu-vb-ss6:1.3.2	Atha kho, bhikkhave, maṇikaṇṭho nāgarājā gaṅgaṁ nadiṁ uttaritvā yena kaniṭṭho isi tenupasaṅkami; upasaṅkamitvā kaniṭṭhaṁ isiṁ sattakkhattuṁ bhogehi parikkhipitvā uparimuddhani mahantaṁ phaṇaṁ karitvā aṭṭhāsi.
pli-tv-bu-vb-ss6:1.3.3	Atha kho, bhikkhave, kaniṭṭho isi tassa nāgassa bhayā kiso ahosi lūkho dubbaṇṇo uppaṇḍuppaṇḍukajāto dhamanisanthatagatto.
pli-tv-bu-vb-ss6:1.3.4	Addasa kho, bhikkhave, jeṭṭho isi kaniṭṭhaṁ isiṁ kisaṁ lūkhaṁ dubbaṇṇaṁ uppaṇḍuppaṇḍukajātaṁ dhamanisanthatagattaṁ.
pli-tv-bu-vb-ss6:1.3.5	Disvāna kaniṭṭhaṁ isiṁ etadavoca—
pli-tv-bu-vb-ss6:1.3.6	‘kissa tvaṁ, bho, kiso lūkho dubbaṇṇo uppaṇḍuppaṇḍukajāto dhamanisanthatagatto’ti?
pli-tv-bu-vb-ss6:1.3.7	‘Idha, bho, maṇikaṇṭho nāgarājā gaṅgaṁ nadiṁ uttaritvā yenāhaṁ tenupasaṅkami; upasaṅkamitvā maṁ sattakkhattuṁ bhogehi parikkhipitvā uparimuddhani mahantaṁ phaṇaṁ karitvā aṭṭhāsi.
pli-tv-bu-vb-ss6:1.3.8	Tassāhaṁ, bho, nāgassa bhayā kiso lūkho dubbaṇṇo uppaṇḍuppaṇḍukajāto dhamanisanthatagatto’ti.
pli-tv-bu-vb-ss6:1.3.9	‘Icchasi pana tvaṁ, bho, tassa nāgassa anāgamanan’ti?
pli-tv-bu-vb-ss6:1.3.10	‘Icchāmahaṁ, bho, tassa nāgassa anāgamanan’ti.
pli-tv-bu-vb-ss6:1.3.11	‘Api pana tvaṁ, bho, tassa nāgassa kiñci passasī’ti?
pli-tv-bu-vb-ss6:1.3.12	‘Passāmahaṁ, bho, maṇimassa kaṇṭhe pilandhanan’ti.
pli-tv-bu-vb-ss6:1.3.13	‘Tena hi tvaṁ, bho, taṁ nāgaṁ maṇiṁ yāca—
pli-tv-bu-vb-ss6:1.3.14	“maṇiṁ me, bho, dehi;
pli-tv-bu-vb-ss6:1.3.15	maṇinā me attho”’ti.
pli-tv-bu-vb-ss6:1.3.16	Atha kho, bhikkhave, maṇikaṇṭho nāgarājā gaṅgaṁ nadiṁ uttaritvā yena kaniṭṭho isi tenupasaṅkami; upasaṅkamitvā ekamantaṁ aṭṭhāsi.
pli-tv-bu-vb-ss6:1.3.17	Ekamantaṁ ṭhitaṁ kho, bhikkhave, maṇikaṇṭhaṁ nāgarājānaṁ kaniṭṭho isi etadavoca—
pli-tv-bu-vb-ss6:1.3.18	‘maṇiṁ me, bho, dehi;
pli-tv-bu-vb-ss6:1.3.19	maṇinā me attho’ti.
pli-tv-bu-vb-ss6:1.3.20	Atha kho, bhikkhave, maṇikaṇṭho nāgarājā—
pli-tv-bu-vb-ss6:1.3.21	‘bhikkhu maṇiṁ yācati, bhikkhussa maṇinā attho’ti khippaññeva agamāsi.
pli-tv-bu-vb-ss6:1.3.22	Dutiyampi kho, bhikkhave, maṇikaṇṭho nāgarājā gaṅgaṁ nadiṁ uttaritvā yena kaniṭṭho isi tenupasaṅkami.
pli-tv-bu-vb-ss6:1.3.23	Addasa kho, bhikkhave, kaniṭṭho isi maṇikaṇṭhaṁ nāgarājānaṁ dūratova āgacchantaṁ.
pli-tv-bu-vb-ss6:1.3.24	Disvāna maṇikaṇṭhaṁ nāgarājānaṁ etadavoca—
pli-tv-bu-vb-ss6:1.3.25	‘maṇiṁ me, bho, dehi;
pli-tv-bu-vb-ss6:1.3.26	maṇinā me attho’ti.
pli-tv-bu-vb-ss6:1.3.27	Atha kho, bhikkhave, maṇikaṇṭho nāgarājā—
pli-tv-bu-vb-ss6:1.3.28	‘bhikkhu maṇiṁ yācati, bhikkhussa maṇinā attho’ti tatova paṭinivatti.
pli-tv-bu-vb-ss6:1.3.29	Tatiyampi kho, bhikkhave, maṇikaṇṭho nāgarājā gaṅgaṁ nadiṁ uttarati.
pli-tv-bu-vb-ss6:1.3.30	Addasa kho, bhikkhave, kaniṭṭho isi maṇikaṇṭhaṁ nāgarājānaṁ gaṅgaṁ nadiṁ uttarantaṁ.
pli-tv-bu-vb-ss6:1.3.31	Disvāna maṇikaṇṭhaṁ nāgarājānaṁ etadavoca—
pli-tv-bu-vb-ss6:1.3.32	‘maṇiṁ me, bho, dehi;
pli-tv-bu-vb-ss6:1.3.33	maṇinā me attho’ti.
pli-tv-bu-vb-ss6:1.3.34	Atha kho, bhikkhave, maṇikaṇṭho nāgarājā kaniṭṭhaṁ isiṁ gāthāhi ajjhabhāsi—
pli-tv-bu-vb-ss6:1.3.35	‘Mamannapānaṁ vipulaṁ uḷāraṁ,
pli-tv-bu-vb-ss6:1.3.36	Uppajjatīmassa maṇissa hetu;
pli-tv-bu-vb-ss6:1.3.37	Taṁ te na dassaṁ atiyācakosi,
pli-tv-bu-vb-ss6:1.3.38	Na cāpi te assamamāgamissaṁ.
pli-tv-bu-vb-ss6:1.3.39	Susū yathā sakkharadhotapāṇī,
pli-tv-bu-vb-ss6:1.3.40	Tāsesi maṁ selamāyācamāno;
pli-tv-bu-vb-ss6:1.3.41	Taṁ te na dassaṁ atiyācakosi,
pli-tv-bu-vb-ss6:1.3.42	Na cāpi te assamamāgamissan’ti.
pli-tv-bu-vb-ss6:1.3.43	Atha kho, bhikkhave, maṇikaṇṭho nāgarājā—
pli-tv-bu-vb-ss6:1.3.44	‘bhikkhu maṇiṁ yācati, bhikkhussa maṇinā attho’ti pakkāmi.
pli-tv-bu-vb-ss6:1.3.45	Tathā pakkantova ahosi, na puna paccāgañchi.
pli-tv-bu-vb-ss6:1.3.46	Atha kho, bhikkhave, kaniṭṭho isi tassa nāgassa dassanīyassa adassanena bhiyyoso mattāya kiso ahosi lūkho dubbaṇṇo, uppaṇḍuppaṇḍukajāto dhamanisanthatagatto.
pli-tv-bu-vb-ss6:1.3.47	Addasa kho, bhikkhave, jeṭṭho isi kaniṭṭhaṁ isiṁ bhiyyoso mattāya kisaṁ lūkhaṁ dubbaṇṇaṁ uppaṇḍuppaṇḍukajātaṁ dhamanisanthatagattaṁ.
pli-tv-bu-vb-ss6:1.3.48	Disvāna kaniṭṭhaṁ isiṁ etadavoca—
pli-tv-bu-vb-ss6:1.3.49	‘kissa tvaṁ, bho, bhiyyoso mattāya kiso lūkho dubbaṇṇo uppaṇḍuppaṇḍukajāto dhamanisanthatagatto’ti?
pli-tv-bu-vb-ss6:1.3.50	‘Tassāhaṁ, bho, nāgassa dassanīyassa adassanena bhiyyoso mattāya kiso lūkho dubbaṇṇo uppaṇḍuppaṇḍukajāto dhamanisanthatagatto’ti.
pli-tv-bu-vb-ss6:1.3.51	Atha kho, bhikkhave, jeṭṭho isi kaniṭṭhaṁ isiṁ gāthāya ajjhabhāsi—
pli-tv-bu-vb-ss6:1.3.52	‘Na taṁ yāce yassapiyaṁ jigīse,
pli-tv-bu-vb-ss6:1.3.53	Videsso hoti atiyācanāya;
pli-tv-bu-vb-ss6:1.3.54	Nāgo maṇiṁ yācito brāhmaṇena,
pli-tv-bu-vb-ss6:1.3.55	Adassanaññeva tadajjhagamā’ti.
pli-tv-bu-vb-ss6:1.3.56	Tesañhi nāma, bhikkhave, tiracchānagatānaṁ pāṇānaṁ amanāpā bhavissati yācanā amanāpā viññatti.
pli-tv-bu-vb-ss6:1.3.57	Kimaṅgaṁ pana manussabhūtānaṁ.
pli-tv-bu-vb-ss6:1.4.0	
pli-tv-bu-vb-ss6:1.4.1	Bhūtapubbaṁ, bhikkhave, aññataro bhikkhu himavantapasse viharati aññatarasmiṁ vanasaṇḍe.
pli-tv-bu-vb-ss6:1.4.2	Tassa kho, bhikkhave, vanasaṇḍassa avidūre mahantaṁ ninnaṁ pallalaṁ.
pli-tv-bu-vb-ss6:1.4.3	Atha kho, bhikkhave, mahāsakuṇasaṅgho tasmiṁ pallale divasaṁ gocaraṁ caritvā sāyaṁ taṁ vanasaṇḍaṁ vāsāya upagacchati.
pli-tv-bu-vb-ss6:1.4.4	Atha kho, bhikkhave, so bhikkhu tassa sakuṇasaṅghassa saddena ubbāḷho yenāhaṁ tenupasaṅkami; upasaṅkamitvā maṁ abhivādetvā ekamantaṁ nisīdi.
pli-tv-bu-vb-ss6:1.4.5	Ekamantaṁ nisinnaṁ kho ahaṁ, bhikkhave, taṁ bhikkhuṁ etadavoca—
pli-tv-bu-vb-ss6:1.4.6	‘kacci, bhikkhu, khamanīyaṁ kacci yāpanīyaṁ
pli-tv-bu-vb-ss6:1.4.7	kaccisi appakilamathena addhānaṁ āgato?
pli-tv-bu-vb-ss6:1.4.8	Kuto ca tvaṁ, bhikkhu, āgacchasī’ti?
pli-tv-bu-vb-ss6:1.4.9	‘Khamanīyaṁ, bhagavā, yāpanīyaṁ, bhagavā.
pli-tv-bu-vb-ss6:1.4.10	Appakilamathena cāhaṁ, bhante, addhānaṁ āgato.
pli-tv-bu-vb-ss6:1.4.11	Atthi, bhante, himavantapasse mahāvanasaṇḍo.
pli-tv-bu-vb-ss6:1.4.12	Tassa kho pana, bhante, vanasaṇḍassa avidūre mahantaṁ ninnaṁ pallalaṁ.
pli-tv-bu-vb-ss6:1.4.13	Atha kho, bhante, mahāsakuṇasaṅgho tasmiṁ pallale divasaṁ gocaraṁ caritvā sāyaṁ taṁ vanasaṇḍaṁ vāsāya upagacchati.
pli-tv-bu-vb-ss6:1.4.14	Tato ahaṁ, bhagavā, āgacchāmi—
pli-tv-bu-vb-ss6:1.4.15	tassa sakuṇasaṅghassa saddena ubbāḷho’ti.
pli-tv-bu-vb-ss6:1.4.16	‘Icchasi pana tvaṁ, bhikkhu, tassa sakuṇasaṅghassa anāgamanan’ti?
pli-tv-bu-vb-ss6:1.4.17	‘Icchāmahaṁ, bhagavā, tassa sakuṇasaṅghassa anāgamanan’ti.
pli-tv-bu-vb-ss6:1.4.18	‘Tena hi tvaṁ, bhikkhu, tattha gantvā taṁ vanasaṇḍaṁ ajjhogāhetvā rattiyā paṭhamaṁ yāmaṁ tikkhattuṁ saddamanussāvehi—
pli-tv-bu-vb-ss6:1.4.19	suṇantu me, bhonto sakuṇā,
pli-tv-bu-vb-ss6:1.4.20	yāvatikā imasmiṁ vanasaṇḍe vāsaṁ upagatā, pattena me attho.
pli-tv-bu-vb-ss6:1.4.21	Ekekaṁ me, bhonto, pattaṁ dadantū’ti.
pli-tv-bu-vb-ss6:1.4.22	Rattiyā majjhimaṁ yāmaṁ …
pli-tv-bu-vb-ss6:1.4.23	rattiyā pacchimaṁ yāmaṁ tikkhattuṁ saddamanussāvehi—
pli-tv-bu-vb-ss6:1.4.24	‘suṇantu me, bhonto sakuṇā,
pli-tv-bu-vb-ss6:1.4.25	yāvatikā imasmiṁ vanasaṇḍe vāsaṁ upagatā, pattena me attho.
pli-tv-bu-vb-ss6:1.4.26	Ekekaṁ me, bhonto, pattaṁ dadantū’ti.
pli-tv-bu-vb-ss6:1.4.27	Atha kho, bhikkhave, so bhikkhu tattha gantvā taṁ vanasaṇḍaṁ ajjhogāhetvā rattiyā paṭhamaṁ yāmaṁ tikkhattuṁ saddamanussāvesi—
pli-tv-bu-vb-ss6:1.4.28	‘suṇantu me, bhonto sakuṇā,
pli-tv-bu-vb-ss6:1.4.29	yāvatikā imasmiṁ vanasaṇḍe vāsaṁ upagatā, pattena me attho.
pli-tv-bu-vb-ss6:1.4.30	Ekekaṁ me, bhonto, pattaṁ dadantū’ti.
pli-tv-bu-vb-ss6:1.4.31	Rattiyā majjhimaṁ yāmaṁ …
pli-tv-bu-vb-ss6:1.4.32	rattiyā pacchimaṁ yāmaṁ tikkhattuṁ saddamanussāvesi—
pli-tv-bu-vb-ss6:1.4.33	‘suṇantu me, bhonto sakuṇā,
pli-tv-bu-vb-ss6:1.4.34	yāvatikā imasmiṁ vanasaṇḍe vāsaṁ upagatā, pattena me attho.
pli-tv-bu-vb-ss6:1.4.35	Ekekaṁ me, bhonto, pattaṁ dadantū’ti.
pli-tv-bu-vb-ss6:1.4.36	Atha kho, bhikkhave, so sakuṇasaṅgho—
pli-tv-bu-vb-ss6:1.4.37	‘bhikkhu pattaṁ yācati bhikkhussa pattena attho’ti
pli-tv-bu-vb-ss6:1.4.38	tamhā vanasaṇḍā pakkāmi.
pli-tv-bu-vb-ss6:1.4.39	Tathā pakkantova ahosi na puna paccāgañchi.
pli-tv-bu-vb-ss6:1.4.40	Tesañhi nāma, bhikkhave, tiracchānagatānaṁ pāṇānaṁ amanāpā bhavissati yācanā amanāpā viññatti.
pli-tv-bu-vb-ss6:1.4.41	Kimaṅgaṁ pana manussabhūtānaṁ.
pli-tv-bu-vb-ss6:1.5.1	Bhūtapubbaṁ, bhikkhave, raṭṭhapālassa kulaputtassa pitā raṭṭhapālaṁ kulaputtaṁ gāthāya ajjhabhāsi—
pli-tv-bu-vb-ss6:1.5.2	‘Apāhaṁ te na jānāmi,
pli-tv-bu-vb-ss6:1.5.3	raṭṭhapāla bahū janā;
pli-tv-bu-vb-ss6:1.5.4	Te maṁ saṅgamma yācanti,
pli-tv-bu-vb-ss6:1.5.5	kasmā maṁ tvaṁ na yācasī’ti.
pli-tv-bu-vb-ss6:1.5.6	‘Yācako appiyo hoti,
pli-tv-bu-vb-ss6:1.5.7	yācaṁ adadamappiyo;
pli-tv-bu-vb-ss6:1.5.8	Tasmāhaṁ taṁ na yācāmi,
pli-tv-bu-vb-ss6:1.5.9	mā me videssanā ahū’ti.
pli-tv-bu-vb-ss6:1.5.10	So hi nāma, bhikkhave, raṭṭhapālo kulaputto sakaṁ pitaraṁ evaṁ vakkhati.
pli-tv-bu-vb-ss6:1.5.11	Kimaṅgaṁ pana jano janaṁ.
pli-tv-bu-vb-ss6:1.6.1	Gihīnaṁ, bhikkhave, dussaṁharāni bhogāni sambhatānipi durakkhiyāni.
pli-tv-bu-vb-ss6:1.6.2	Tattha nāma tumhe, moghapurisā, evaṁ dussaṁharesu bhogesu sambhatesupi durakkhiyesu yācanabahulā viññattibahulā viharissatha—
pli-tv-bu-vb-ss6:1.6.3	‘purisaṁ detha, purisatthakaraṁ detha, goṇaṁ detha, sakaṭaṁ detha, vāsiṁ detha, parasuṁ detha, kuṭhāriṁ detha, kudālaṁ detha, nikhādanaṁ detha, valliṁ detha, veḷuṁ detha, muñjaṁ detha, pabbajaṁ detha, tiṇaṁ detha, mattikaṁ dethā’ti.
pli-tv-bu-vb-ss6:1.6.4	Netaṁ, moghapurisā, appasannānaṁ vā pasādāya …pe…
pli-tv-bu-vb-ss6:1.6.5	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss6:1.6.6.0	
pli-tv-bu-vb-ss6:1.6.6.1	“Saññācikāya pana bhikkhunā kuṭiṁ kārayamānena assāmikaṁ attuddesaṁ pamāṇikā kāretabbā. Tatridaṁ pamāṇaṁ—dīghaso dvādasa vidatthiyo, sugatavidatthiyā; tiriyaṁ sattantarā.
pli-tv-bu-vb-ss6:1.6.7	Bhikkhū abhinetabbā vatthudesanāya. Tehi bhikkhūhi vatthu desetabbaṁ— anārambhaṁ saparikkamanaṁ.
pli-tv-bu-vb-ss6:1.6.8	Sārambhe ce bhikkhu vatthusmiṁ aparikkamane saññācikāya kuṭiṁ kāreyya, bhikkhū vā anabhineyya vatthudesanāya, pamāṇaṁ vā atikkāmeyya, saṅghādiseso”ti.
pli-tv-bu-vb-ss6:2.1.0	
pli-tv-bu-vb-ss6:2.1.1	Saññācikā nāma
pli-tv-bu-vb-ss6:2.1.2	sayaṁ yācitvā purisampi purisatthakarampi goṇampi sakaṭampi vāsimpi parasumpi kuṭhārimpi kudālampi nikhādanampi vallimpi veḷumpi muñjampi pabbajampi tiṇampi mattikampi.
pli-tv-bu-vb-ss6:2.1.3	Kuṭi nāma
pli-tv-bu-vb-ss6:2.1.4	ullittā vā hoti avalittā vā ullittāvalittā vā.
pli-tv-bu-vb-ss6:2.1.5	Kārayamānenāti
pli-tv-bu-vb-ss6:2.1.6	karonto vā kārāpento vā.
pli-tv-bu-vb-ss6:2.1.7	Assāmikanti
pli-tv-bu-vb-ss6:2.1.8	na añño koci sāmiko hoti, itthī vā puriso vā gahaṭṭho vā pabbajito vā.
pli-tv-bu-vb-ss6:2.1.9	Attuddesanti
pli-tv-bu-vb-ss6:2.1.10	attano atthāya.
pli-tv-bu-vb-ss6:2.1.11	Pamāṇikā kāretabbā.
pli-tv-bu-vb-ss6:2.1.12	Tatridaṁ pamāṇaṁ—dīghaso dvādasa vidatthiyo, sugatavidatthiyāti
pli-tv-bu-vb-ss6:2.1.13	bāhirimena mānena.
pli-tv-bu-vb-ss6:2.1.14	Tiriyaṁ sattantarāti
pli-tv-bu-vb-ss6:2.1.15	abbhantarimena mānena.
pli-tv-bu-vb-ss6:2.2.1	Bhikkhū abhinetabbā vatthudesanāyāti
pli-tv-bu-vb-ss6:2.2.2	tena kuṭikārakena bhikkhunā kuṭivatthuṁ sodhetvā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-ss6:2.2.3	“ahaṁ, bhante, saññācikāya kuṭiṁ kattukāmo assāmikaṁ attuddesaṁ.
pli-tv-bu-vb-ss6:2.2.4	Sohaṁ, bhante, saṅghaṁ kuṭivatthuolokanaṁ yācāmī”ti.
pli-tv-bu-vb-ss6:2.2.5	Dutiyampi yācitabbā.
pli-tv-bu-vb-ss6:2.2.6	Tatiyampi yācitabbā.
pli-tv-bu-vb-ss6:2.2.7	Sace sabbo saṅgho ussahati kuṭivatthuṁ oloketuṁ, sabbena saṅghena oloketabbaṁ.
pli-tv-bu-vb-ss6:2.2.8	No ce sabbo saṅgho ussahati kuṭivatthuṁ oloketuṁ, ye tattha honti bhikkhū byattā paṭibalā sārambhaṁ anārambhaṁ saparikkamanaṁ aparikkamanaṁ jānituṁ te yācitvā sammannitabbā.
pli-tv-bu-vb-ss6:2.2.9	“Evañca pana, bhikkhave, sammannitabbā.
pli-tv-bu-vb-ss6:2.2.10	Byattena bhikkhunā paṭibalena saṅgho ñāpetabbo—
pli-tv-bu-vb-ss6:2.2.11	‘Suṇātu me, bhante, saṅgho.
pli-tv-bu-vb-ss6:2.2.12	Ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ.
pli-tv-bu-vb-ss6:2.2.13	So saṅghaṁ kuṭivatthuolokanaṁ yācati.
pli-tv-bu-vb-ss6:2.2.14	Yadi saṅghassa pattakallaṁ, saṅgho itthannāmañca itthannāmañca bhikkhū sammanneyya itthannāmassa bhikkhuno kuṭivatthuṁ oloketuṁ.
pli-tv-bu-vb-ss6:2.2.15	Esā ñatti.
pli-tv-bu-vb-ss6:2.2.16	Suṇātu me, bhante, saṅgho.
pli-tv-bu-vb-ss6:2.2.17	Ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ.
pli-tv-bu-vb-ss6:2.2.18	So saṅghaṁ kuṭivatthuolokanaṁ yācati.
pli-tv-bu-vb-ss6:2.2.19	Saṅgho itthannāmañca itthannāmañca bhikkhū sammannati itthannāmassa bhikkhuno kuṭivatthuṁ oloketuṁ.
pli-tv-bu-vb-ss6:2.2.20	Yassāyasmato khamati itthannāmassa ca itthannāmassa ca bhikkhūnaṁ sammuti itthannāmassa bhikkhuno kuṭivatthuṁ oloketuṁ, so tuṇhassa;
pli-tv-bu-vb-ss6:2.2.21	yassa nakkhamati, so bhāseyya.
pli-tv-bu-vb-ss6:2.2.22	Sammatā saṅghena itthannāmo ca itthannāmo ca bhikkhū itthannāmassa bhikkhuno kuṭivatthuṁ oloketuṁ.
pli-tv-bu-vb-ss6:2.2.23	Khamati saṅghassa, tasmā tuṇhī,
pli-tv-bu-vb-ss6:2.2.24	evametaṁ dhārayāmī’”ti.
pli-tv-bu-vb-ss6:2.2.25	Tehi sammatehi bhikkhūhi tattha gantvā kuṭivatthu oloketabbaṁ, sārambhaṁ anārambhaṁ saparikkamanaṁ aparikkamanaṁ jānitabbaṁ.
pli-tv-bu-vb-ss6:2.2.26	Sace sārambhaṁ hoti aparikkamanaṁ, “mā idha karī”ti vattabbo.
pli-tv-bu-vb-ss6:2.2.27	Sace anārambhaṁ hoti saparikkamanaṁ, saṅghassa ārocetabbaṁ—
pli-tv-bu-vb-ss6:2.2.28	“anārambhaṁ saparikkamanan”ti.
pli-tv-bu-vb-ss6:2.2.29	Tena kuṭikārakena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-ss6:2.2.30	“ahaṁ, bhante, saññācikāya kuṭiṁ kattukāmo assāmikaṁ attuddesaṁ.
pli-tv-bu-vb-ss6:2.2.31	Sohaṁ, bhante, saṅghaṁ kuṭivatthudesanaṁ yācāmī”ti.
pli-tv-bu-vb-ss6:2.2.32	Dutiyampi yācitabbā.
pli-tv-bu-vb-ss6:2.2.33	Tatiyampi yācitabbā.
pli-tv-bu-vb-ss6:2.2.34	“Byattena bhikkhunā paṭibalena saṅgho ñāpetabbo—
pli-tv-bu-vb-ss6:2.2.35	‘Suṇātu me, bhante, saṅgho.
pli-tv-bu-vb-ss6:2.2.36	Ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ.
pli-tv-bu-vb-ss6:2.2.37	So saṅghaṁ kuṭivatthudesanaṁ yācati.
pli-tv-bu-vb-ss6:2.2.38	Yadi saṅghassa pattakallaṁ, saṅgho itthannāmassa bhikkhuno kuṭivatthuṁ deseyya.
pli-tv-bu-vb-ss6:2.2.39	Esā ñatti.
pli-tv-bu-vb-ss6:2.2.40	Suṇātu me, bhante, saṅgho.
pli-tv-bu-vb-ss6:2.2.41	Ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ.
pli-tv-bu-vb-ss6:2.2.42	So saṅghaṁ kuṭivatthudesanaṁ yācati.
pli-tv-bu-vb-ss6:2.2.43	Saṅgho itthannāmassa bhikkhuno kuṭivatthuṁ deseti.
pli-tv-bu-vb-ss6:2.2.44	Yassāyasmato khamati itthannāmassa bhikkhuno kuṭivatthussa desanā, so tuṇhassa;
pli-tv-bu-vb-ss6:2.2.45	yassa nakkhamati, so bhāseyya.
pli-tv-bu-vb-ss6:2.2.46	Desitaṁ saṅghena itthannāmassa bhikkhuno kuṭivatthu.
pli-tv-bu-vb-ss6:2.2.47	Khamati saṅghassa, tasmā tuṇhī,
pli-tv-bu-vb-ss6:2.2.48	evametaṁ dhārayāmī’”ti.
pli-tv-bu-vb-ss6:2.3.1	Sārambhaṁ nāma
pli-tv-bu-vb-ss6:2.3.2	kipillikānaṁ vā āsayo hoti, upacikānaṁ vā āsayo hoti, undūrānaṁ vā āsayo hoti, ahīnaṁ vā āsayo hoti, vicchikānaṁ vā āsayo hoti, satapadīnaṁ vā āsayo hoti, hatthīnaṁ vā āsayo hoti, assānaṁ vā āsayo hoti, sīhānaṁ vā āsayo hoti, byagghānaṁ vā āsayo hoti, dīpīnaṁ vā āsayo hoti, acchānaṁ vā āsayo hoti, taracchānaṁ vā āsayo hoti, yesaṁ kesañci tiracchānagatānaṁ pāṇānaṁ āsayo hoti,
pli-tv-bu-vb-ss6:2.3.3	pubbaṇṇanissitaṁ vā hoti, aparaṇṇanissitaṁ vā hoti, abbhāghātanissitaṁ vā hoti, āghātananissitaṁ vā hoti, susānanissitaṁ vā hoti, uyyānanissitaṁ vā hoti, rājavatthunissitaṁ vā hoti, hatthisālānissitaṁ vā hoti, assasālānissitaṁ vā hoti, bandhanāgāranissitaṁ vā hoti, pānāgāranissitaṁ vā hoti, sūnanissitaṁ vā hoti, racchānissitaṁ vā hoti, caccaranissitaṁ vā hoti, sabhānissitaṁ vā hoti, saṁsaraṇanissitaṁ vā hoti.
pli-tv-bu-vb-ss6:2.3.4	Etaṁ sārambhaṁ nāma.
pli-tv-bu-vb-ss6:2.3.5	Aparikkamanaṁ nāma
pli-tv-bu-vb-ss6:2.3.6	na sakkā hoti yathāyuttena sakaṭena anuparigantuṁ samantā nisseṇiyā anuparigantuṁ. Etaṁ aparikkamanaṁ nāma.
pli-tv-bu-vb-ss6:2.3.7	Anārambhaṁ nāma
pli-tv-bu-vb-ss6:2.3.8	na kipillikānaṁ vā āsayo hoti, na upacikānaṁ vā āsayo hoti, na undūrānaṁ vā āsayo hoti, na ahīnaṁ vā āsayo hoti, na vicchikānaṁ vā āsayo hoti, na satapadīnaṁ vā āsayo hoti …pe… na saṁsaraṇanissitaṁ vā hoti. Etaṁ anārambhaṁ nāma.
pli-tv-bu-vb-ss6:2.3.9	Saparikkamanaṁ nāma
pli-tv-bu-vb-ss6:2.3.10	sakkā hoti yathāyuttena sakaṭena anuparigantuṁ, samantā nisseṇiyā anuparigantuṁ. Etaṁ saparikkamanaṁ nāma.
pli-tv-bu-vb-ss6:2.4.1	Saññācikā nāma
pli-tv-bu-vb-ss6:2.4.2	sayaṁ yācitvā purisampi purisatthakarampi …pe… mattikampi.
pli-tv-bu-vb-ss6:2.4.3	Kuṭi nāma
pli-tv-bu-vb-ss6:2.4.4	ullittā vā hoti avalittā vā ullittāvalittā vā.
pli-tv-bu-vb-ss6:2.4.5	Kāreyyāti
pli-tv-bu-vb-ss6:2.4.6	karoti vā kārāpeti vā.
pli-tv-bu-vb-ss6:2.4.7	Bhikkhū vā anabhineyya, vatthudesanāya pamāṇaṁ vā atikkāmeyyāti
pli-tv-bu-vb-ss6:2.4.8	ñattidutiyena kammena kuṭivatthuṁ na desāpetvā, āyāmato vā vitthārato vā antamaso kesaggamattampi atikkāmetvā karoti vā kārāpeti vā, payoge dukkaṭaṁ.
pli-tv-bu-vb-ss6:2.4.9	Ekaṁ piṇḍaṁ anāgate āpatti thullaccayassa.
pli-tv-bu-vb-ss6:2.4.10	Tasmiṁ piṇḍe āgate āpatti saṅghādisesassa.
pli-tv-bu-vb-ss6:2.4.11	Saṅghādisesoti
pli-tv-bu-vb-ss6:2.4.12	…pe… tenapi vuccati “saṅghādiseso”ti.
pli-tv-bu-vb-ss6:3.1.0.1	
pli-tv-bu-vb-ss6:3.1.0.2	
pli-tv-bu-vb-ss6:3.1.0.3	
pli-tv-bu-vb-ss6:3.1.1	Bhikkhu kuṭiṁ karoti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ.
pli-tv-bu-vb-ss6:3.1.2	Bhikkhu kuṭiṁ karoti adesitavatthukaṁ sārambhaṁ saparikkamanaṁ, āpatti saṅghādisesena dukkaṭassa.
pli-tv-bu-vb-ss6:3.1.3	Bhikkhu kuṭiṁ karoti adesitavatthukaṁ anārambhaṁ aparikkamanaṁ, āpatti saṅghādisesena dukkaṭassa.
pli-tv-bu-vb-ss6:3.1.4	Bhikkhu kuṭiṁ karoti adesitavatthukaṁ anārambhaṁ saparikkamanaṁ, āpatti saṅghādisesassa.
pli-tv-bu-vb-ss6:3.1.5	Bhikkhu kuṭiṁ karoti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ.
pli-tv-bu-vb-ss6:3.1.6	Bhikkhu kuṭiṁ karoti desitavatthukaṁ sārambhaṁ saparikkamanaṁ, āpatti dukkaṭassa.
pli-tv-bu-vb-ss6:3.1.7	Bhikkhu kuṭiṁ karoti desitavatthukaṁ anārambhaṁ aparikkamanaṁ, āpatti dukkaṭassa.
pli-tv-bu-vb-ss6:3.1.8	Bhikkhu kuṭiṁ karoti desitavatthukaṁ anārambhaṁ saparikkamanaṁ, anāpatti.
pli-tv-bu-vb-ss6:3.2.1	Bhikkhu kuṭiṁ karoti pamāṇātikkantaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ.
pli-tv-bu-vb-ss6:3.2.2	Bhikkhu kuṭiṁ karoti pamāṇātikkantaṁ sārambhaṁ saparikkamanaṁ, āpatti saṅghādisesena dukkaṭassa.
pli-tv-bu-vb-ss6:3.2.3	Bhikkhu kuṭiṁ karoti pamāṇātikkantaṁ anārambhaṁ aparikkamanaṁ, āpatti saṅghādisesena dukkaṭassa.
pli-tv-bu-vb-ss6:3.2.4	Bhikkhu kuṭiṁ karoti pamāṇātikkantaṁ anārambhaṁ saparikkamanaṁ, āpatti saṅghādisesassa.
pli-tv-bu-vb-ss6:3.2.5	Bhikkhu kuṭiṁ karoti pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ.
pli-tv-bu-vb-ss6:3.2.6	Bhikkhu kuṭiṁ karoti pamāṇikaṁ sārambhaṁ saparikkamanaṁ, āpatti dukkaṭassa.
pli-tv-bu-vb-ss6:3.2.7	Bhikkhu kuṭiṁ karoti pamāṇikaṁ anārambhaṁ aparikkamanaṁ, āpatti dukkaṭassa.
pli-tv-bu-vb-ss6:3.2.8	Bhikkhu kuṭiṁ karoti pamāṇikaṁ anārambhaṁ saparikkamanaṁ, anāpatti.
pli-tv-bu-vb-ss6:3.3.1	Bhikkhu kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, āpatti dvinnaṁ saṅghādisesena dvinnaṁ dukkaṭānaṁ.
pli-tv-bu-vb-ss6:3.3.2	Bhikkhu kuṭiṁ karoti adesitavatthukaṁ pamāṇātikkantaṁ sārambhaṁ saparikkamanaṁ, āpatti dvinnaṁ saṅghādisesena dukkaṭassa.
pli-tv-bu-vb-ss6:3.3.3	Bhikkhu kuṭiṁ karoti adesitavatthukaṁ pamāṇātikkantaṁ anārambhaṁ aparikkamanaṁ, āpatti dvinnaṁ saṅghādisesena dukkaṭassa.
pli-tv-bu-vb-ss6:3.3.4	Bhikkhu kuṭiṁ karoti adesitavatthukaṁ pamāṇātikkantaṁ anārambhaṁ saparikkamanaṁ, āpatti dvinnaṁ saṅghādisesānaṁ.
pli-tv-bu-vb-ss6:3.4.1	Bhikkhu kuṭiṁ karoti desitavatthukaṁ pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ.
pli-tv-bu-vb-ss6:3.4.2	Bhikkhu kuṭiṁ karoti desitavatthukaṁ pamāṇikaṁ sārambhaṁ saparikkamanaṁ, āpatti dukkaṭassa.
pli-tv-bu-vb-ss6:3.4.3	Bhikkhu kuṭiṁ karoti desitavatthukaṁ pamāṇikaṁ anārambhaṁ aparikkamanaṁ, āpatti dukkaṭassa.
pli-tv-bu-vb-ss6:3.4.4	Bhikkhu kuṭiṁ karoti desitavatthukaṁ pamāṇikaṁ anārambhaṁ saparikkamanaṁ, anāpatti.
pli-tv-bu-vb-ss6:3.5.0	
pli-tv-bu-vb-ss6:3.5.1	Bhikkhu samādisati—
pli-tv-bu-vb-ss6:3.5.2	“kuṭiṁ me karothā”ti.
pli-tv-bu-vb-ss6:3.5.3	Tassa kuṭiṁ karonti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.5.4	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.5.5	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.5.6	anārambhaṁ saparikkamanaṁ, āpatti saṅghādisesassa.
pli-tv-bu-vb-ss6:3.5.7	Bhikkhu samādisati—
pli-tv-bu-vb-ss6:3.5.8	“kuṭiṁ me karothā”ti.
pli-tv-bu-vb-ss6:3.5.9	Tassa kuṭiṁ karonti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss6:3.5.10	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.5.11	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.5.12	anārambhaṁ saparikkamanaṁ, anāpatti.
pli-tv-bu-vb-ss6:3.5.13	Bhikkhu samādisati—
pli-tv-bu-vb-ss6:3.5.14	“kuṭiṁ me karothā”ti.
pli-tv-bu-vb-ss6:3.5.15	Tassa kuṭiṁ karonti pamāṇātikkantaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.5.16	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.5.17	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.5.18	anārambhaṁ saparikkamanaṁ, āpatti saṅghādisesassa.
pli-tv-bu-vb-ss6:3.5.19	Bhikkhu samādisati—
pli-tv-bu-vb-ss6:3.5.20	“kuṭiṁ me karothā”ti.
pli-tv-bu-vb-ss6:3.5.21	Tassa kuṭiṁ karonti pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss6:3.5.22	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.5.23	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.5.24	anārambhaṁ saparikkamanaṁ, anāpatti.
pli-tv-bu-vb-ss6:3.5.25	Bhikkhu samādisati—
pli-tv-bu-vb-ss6:3.5.26	“kuṭiṁ me karothā”ti.
pli-tv-bu-vb-ss6:3.5.27	Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ, āpatti dvinnaṁ saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.5.28	sārambhaṁ saparikkamanaṁ, āpatti dvinnaṁ saṅghādisesena dukkaṭassa …pe…
pli-tv-bu-vb-ss6:3.5.29	anārambhaṁ aparikkamanaṁ, āpatti dvinnaṁ saṅghādisesena dukkaṭassa …pe…
pli-tv-bu-vb-ss6:3.5.30	anārambhaṁ saparikkamanaṁ, āpatti dvinnaṁ saṅghādisesānaṁ.
pli-tv-bu-vb-ss6:3.5.31	Bhikkhu samādisati—
pli-tv-bu-vb-ss6:3.5.32	“kuṭiṁ me karothā”ti.
pli-tv-bu-vb-ss6:3.5.33	Tassa kuṭiṁ karonti desitavatthukaṁ pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss6:3.5.34	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.5.35	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.5.36	anārambhaṁ saparikkamanaṁ, anāpatti.
pli-tv-bu-vb-ss6:3.6.0	
pli-tv-bu-vb-ss6:3.6.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.6.2	Na ca samādisati— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.6.3	Tassa kuṭiṁ karonti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.6.4	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.6.5	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.6.6	anārambhaṁ saparikkamanaṁ, āpatti saṅghādisesassa.
pli-tv-bu-vb-ss6:3.6.7	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.6.8	Na ca samādisati— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.6.9	Tassa kuṭiṁ karonti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss6:3.6.10	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.6.11	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.6.12	anārambhaṁ saparikkamanaṁ, anāpatti.
pli-tv-bu-vb-ss6:3.7.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.7.2	Na ca samādisati— “pamāṇikā ca hotu anārambhā ca saparikkamanā cā”ti.
pli-tv-bu-vb-ss6:3.7.3	Tassa kuṭiṁ karonti pamāṇātikkantaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.7.4	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.7.5	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.7.6	anārambhaṁ saparikkamanaṁ, āpatti saṅghādisesassa.
pli-tv-bu-vb-ss6:3.7.7	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.7.8	Na ca samādisati— “pamāṇikā ca hotu anārambhā ca saparikkamanā cā”ti.
pli-tv-bu-vb-ss6:3.7.9	Tassa kuṭiṁ karonti pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss6:3.7.10	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.7.11	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.7.12	anārambhaṁ saparikkamanaṁ, anāpatti.
pli-tv-bu-vb-ss6:3.8.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.8.2	Na ca samādisati— “desitavatthukā ca hotu pamāṇikā ca anārambhā ca saparikkamanā cā”ti.
pli-tv-bu-vb-ss6:3.8.3	Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ, āpatti dvinnaṁ saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.8.4	sārambhaṁ saparikkamanaṁ, āpatti dvinnaṁ saṅghādisesena dukkaṭassa …pe…
pli-tv-bu-vb-ss6:3.8.5	anārambhaṁ aparikkamanaṁ, āpatti dvinnaṁ saṅghādisesena dukkaṭassa …pe…
pli-tv-bu-vb-ss6:3.8.6	anārambhaṁ saparikkamanaṁ, āpatti dvinnaṁ saṅghādisesānaṁ.
pli-tv-bu-vb-ss6:3.8.7	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.8.8	Na ca samādisati— “desitavatthukā ca hotu pamāṇikā ca anārambhā ca saparikkamanā cā”ti.
pli-tv-bu-vb-ss6:3.8.9	Tassa kuṭiṁ karonti desitavatthukaṁ pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss6:3.8.10	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.8.11	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.8.12	anārambhaṁ saparikkamanaṁ, anāpatti.
pli-tv-bu-vb-ss6:3.9.0	
pli-tv-bu-vb-ss6:3.9.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.2	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.3	Tassa kuṭiṁ karonti adesitavatthukaṁ sārambhaṁ aparikkamanaṁ.
pli-tv-bu-vb-ss6:3.9.4	So suṇāti—“kuṭi kira me kayirati adesitavatthukā sārambhā aparikkamanā”ti.
pli-tv-bu-vb-ss6:3.9.5	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.9.6	“desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.7	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.9.8	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.9	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.10	Tassa kuṭiṁ karonti adesitavatthukaṁ sārambhaṁ saparikkamanaṁ.
pli-tv-bu-vb-ss6:3.9.11	So suṇāti—“kuṭi kira me kayirati adesitavatthukā sārambhā saparikkamanā”ti.
pli-tv-bu-vb-ss6:3.9.12	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.9.13	“desitavatthukā ca hotu anārambhā cā”ti.
pli-tv-bu-vb-ss6:3.9.14	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.9.15	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.16	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.17	Tassa kuṭiṁ karonti adesitavatthukaṁ anārambhaṁ aparikkamanaṁ.
pli-tv-bu-vb-ss6:3.9.18	So suṇāti—“kuṭi kira me kayirati adesitavatthukā anārambhā aparikkamanā”ti.
pli-tv-bu-vb-ss6:3.9.19	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.9.20	“desitavatthukā ca hotu saparikkamanā cā”ti.
pli-tv-bu-vb-ss6:3.9.21	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.9.22	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.23	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.24	Tassa kuṭiṁ karonti adesitavatthukaṁ anārambhaṁ saparikkamanaṁ.
pli-tv-bu-vb-ss6:3.9.25	So suṇāti—“kuṭi kira me kayirati adesitavatthukā anārambhā saparikkamanā”ti.
pli-tv-bu-vb-ss6:3.9.26	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.9.27	“desitavatthukā hotū”ti.
pli-tv-bu-vb-ss6:3.9.28	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.9.29	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.30	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.31	Tassa kuṭiṁ karonti desitavatthukaṁ sārambhaṁ aparikkamanaṁ.
pli-tv-bu-vb-ss6:3.9.32	So suṇāti—“kuṭi kira me kayirati desitavatthukā sārambhā aparikkamanā”ti.
pli-tv-bu-vb-ss6:3.9.33	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.9.34	“anārambhā ca hotu saparikkamanā cā”ti.
pli-tv-bu-vb-ss6:3.9.35	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.9.36	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.37	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.38	Tassa kuṭiṁ karonti desitavatthukaṁ sārambhaṁ saparikkamanaṁ.
pli-tv-bu-vb-ss6:3.9.39	So suṇāti—“kuṭi kira me kayirati desitavatthukā sārambhā saparikkamanā”ti.
pli-tv-bu-vb-ss6:3.9.40	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.9.41	“anārambhā hotū”ti.
pli-tv-bu-vb-ss6:3.9.42	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.9.43	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.44	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.45	Tassa kuṭiṁ karonti desitavatthukaṁ anārambhaṁ aparikkamanaṁ.
pli-tv-bu-vb-ss6:3.9.46	So suṇāti—“kuṭi kira me kayirati desitavatthukā anārambhā aparikkamanā”ti.
pli-tv-bu-vb-ss6:3.9.47	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.9.48	“saparikkamanā hotū”ti.
pli-tv-bu-vb-ss6:3.9.49	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.9.50	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.9.51	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.9.52	Tassa kuṭiṁ karonti desitavatthukaṁ anārambhaṁ saparikkamanaṁ,
pli-tv-bu-vb-ss6:3.9.53	anāpatti.
pli-tv-bu-vb-ss6:3.10.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.10.2	Samādisati ca— “pamāṇikā ca hotu anārambhā ca saparikkamanā cā”ti.
pli-tv-bu-vb-ss6:3.10.3	Tassa kuṭiṁ karonti pamāṇātikkantaṁ sārambhaṁ aparikkamanaṁ.
pli-tv-bu-vb-ss6:3.10.4	So suṇāti—“kuṭi kira me kayirati pamāṇātikkantā sārambhā aparikkamanā”ti.
pli-tv-bu-vb-ss6:3.10.5	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.10.6	“pamāṇikā ca hotu anārambhā ca saparikkamanā cā”ti …pe…
pli-tv-bu-vb-ss6:3.10.7	“pamāṇikā ca hotu anārambhā cā”ti …pe…
pli-tv-bu-vb-ss6:3.10.8	“pamāṇikā ca hotu saparikkamanā cā”ti …pe…
pli-tv-bu-vb-ss6:3.10.9	“pamāṇikā hotū”ti.
pli-tv-bu-vb-ss6:3.10.10	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.10.11	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.10.12	Samādisati ca— “pamāṇikā ca hotu anārambhā ca saparikkamanā cā”ti.
pli-tv-bu-vb-ss6:3.10.13	Tassa kuṭiṁ karonti pamāṇikaṁ sārambhaṁ aparikkamanaṁ.
pli-tv-bu-vb-ss6:3.10.14	So suṇāti—“kuṭi kira me kayirati pamāṇikā sārambhā aparikkamanā”ti.
pli-tv-bu-vb-ss6:3.10.15	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.10.16	“anārambhā ca hotu saparikkamanā cā”ti …pe…
pli-tv-bu-vb-ss6:3.10.17	“anārambhā hotū”ti …pe…
pli-tv-bu-vb-ss6:3.10.18	“saparikkamanā hotū”ti …pe…
pli-tv-bu-vb-ss6:3.10.19	anāpatti.
pli-tv-bu-vb-ss6:3.11.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.11.2	Samādisati ca— “desitavatthukā ca hotu pamāṇikā ca anārambhā ca saparikkamanā cā”ti.
pli-tv-bu-vb-ss6:3.11.3	Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ.
pli-tv-bu-vb-ss6:3.11.4	So suṇāti—“kuṭi kira me kayirati adesitavatthukā pamāṇātikkantā sārambhā aparikkamanā”ti.
pli-tv-bu-vb-ss6:3.11.5	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.11.6	“desitavatthukā ca hotu pamāṇikā ca anārambhā ca saparikkamanā cā”ti …pe…
pli-tv-bu-vb-ss6:3.11.7	“desitavatthukā ca hotu pamāṇikā ca anārambhā cā”ti …pe…
pli-tv-bu-vb-ss6:3.11.8	“desitavatthukā ca hotu pamāṇikā ca saparikkamanā cā”ti …pe…
pli-tv-bu-vb-ss6:3.11.9	“desitavatthukā ca hotu pamāṇikā cā”ti.
pli-tv-bu-vb-ss6:3.11.10	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss6:3.11.11	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.11.12	Samādisati ca— “desitavatthukā ca hotu pamāṇikā ca anārambhā ca saparikkamanā cā”ti.
pli-tv-bu-vb-ss6:3.11.13	Tassa kuṭiṁ karonti desitavatthukaṁ pamāṇikaṁ sārambhaṁ aparikkamanaṁ.
pli-tv-bu-vb-ss6:3.11.14	So suṇāti—“kuṭi kira me kayirati desitavatthukā pamāṇikā sārambhā aparikkamanā”ti.
pli-tv-bu-vb-ss6:3.11.15	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss6:3.11.16	“anārambhā ca hotu saparikkamanā cā”ti …pe…
pli-tv-bu-vb-ss6:3.11.17	“anārambhā hotū”ti …pe…
pli-tv-bu-vb-ss6:3.11.18	“saparikkamanā hotū”ti …pe…
pli-tv-bu-vb-ss6:3.11.19	anāpatti.
pli-tv-bu-vb-ss6:3.12.0	
pli-tv-bu-vb-ss6:3.12.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.12.2	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.12.3	Tassa kuṭiṁ karonti adesitavatthukaṁ sārambhaṁ aparikkamanaṁ, āpatti kārukānaṁ tiṇṇaṁ dukkaṭānaṁ …pe…
pli-tv-bu-vb-ss6:3.12.4	sārambhaṁ saparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss6:3.12.5	anārambhaṁ aparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss6:3.12.6	anārambhaṁ saparikkamanaṁ, āpatti kārukānaṁ dukkaṭassa.
pli-tv-bu-vb-ss6:3.12.7	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.12.8	Samādisati ca— “desitavatthukā ca hotu anārambhā ca saparikkamanā cā”ti.
pli-tv-bu-vb-ss6:3.12.9	Tassa kuṭiṁ karonti desitavatthukaṁ sārambhaṁ aparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss6:3.12.10	sārambhaṁ saparikkamanaṁ, āpatti kārukānaṁ dukkaṭassa …pe…
pli-tv-bu-vb-ss6:3.12.11	anārambhaṁ aparikkamanaṁ, āpatti kārukānaṁ dukkaṭassa …pe…
pli-tv-bu-vb-ss6:3.12.12	anārambhaṁ saparikkamanaṁ, anāpatti.
pli-tv-bu-vb-ss6:3.13.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.13.2	Samādisati ca— “pamāṇikā ca hotu anārambhā ca saparikkamanā cā”ti.
pli-tv-bu-vb-ss6:3.13.3	Tassa kuṭiṁ karonti pamāṇātikkantaṁ sārambhaṁ aparikkamanaṁ, āpatti kārukānaṁ tiṇṇaṁ dukkaṭānaṁ …pe…
pli-tv-bu-vb-ss6:3.13.4	sārambhaṁ saparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss6:3.13.5	anārambhaṁ aparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss6:3.13.6	anārambhaṁ saparikkamanaṁ, āpatti kārukānaṁ dukkaṭassa.
pli-tv-bu-vb-ss6:3.13.7	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.13.8	Samādisati ca— “pamāṇikā ca hotu anārambhā ca saparikkamanā cā”ti.
pli-tv-bu-vb-ss6:3.13.9	Tassa kuṭiṁ karonti pamāṇikaṁ sārambhaṁ aparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss6:3.13.10	sārambhaṁ saparikkamanaṁ, āpatti kārukānaṁ dukkaṭassa …pe…
pli-tv-bu-vb-ss6:3.13.11	anārambhaṁ aparikkamanaṁ, āpatti kārukānaṁ dukkaṭassa …pe…
pli-tv-bu-vb-ss6:3.13.12	anārambhaṁ saparikkamanaṁ, anāpatti.
pli-tv-bu-vb-ss6:3.13.13	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.13.14	Samādisati ca— “desitavatthukā ca hotu pamāṇikā ca anārambhā ca saparikkamanā cā”ti.
pli-tv-bu-vb-ss6:3.13.15	Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ, āpatti kārukānaṁ catunnaṁ dukkaṭānaṁ …pe…
pli-tv-bu-vb-ss6:3.13.16	sārambhaṁ saparikkamanaṁ, āpatti kārukānaṁ tiṇṇaṁ dukkaṭānaṁ …pe…
pli-tv-bu-vb-ss6:3.13.17	anārambhaṁ aparikkamanaṁ, āpatti kārukānaṁ tiṇṇaṁ dukkaṭānaṁ …pe…
pli-tv-bu-vb-ss6:3.13.18	anārambhaṁ saparikkamanaṁ, āpatti kārukānaṁ dvinnaṁ dukkaṭānaṁ.
pli-tv-bu-vb-ss6:3.13.19	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.13.20	Samādisati ca— “desitavatthukā ca hotu pamāṇikā ca anārambhā ca saparikkamanā cā”ti.
pli-tv-bu-vb-ss6:3.13.21	Tassa kuṭiṁ karonti desitavatthukaṁ pamāṇikaṁ sārambhaṁ aparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss6:3.13.22	sārambhaṁ saparikkamanaṁ, āpatti kārukānaṁ dukkaṭassa …pe…
pli-tv-bu-vb-ss6:3.13.23	anārambhaṁ aparikkamanaṁ, āpatti kārukānaṁ dukkaṭassa …pe…
pli-tv-bu-vb-ss6:3.13.24	anārambhaṁ saparikkamanaṁ, anāpatti.
pli-tv-bu-vb-ss6:3.14.0	
pli-tv-bu-vb-ss6:3.14.1	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.2	Tassa kuṭiṁ karonti adesitavatthukaṁ sārambhaṁ aparikkamanaṁ.
pli-tv-bu-vb-ss6:3.14.3	So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā.
pli-tv-bu-vb-ss6:3.14.4	No ce aññassa vā dadeyya bhinditvā vā puna kāreyya, āpatti saṅghādisesena dvinnaṁ dukkaṭānaṁ.
pli-tv-bu-vb-ss6:3.14.5	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.6	Tassa kuṭiṁ karonti adesitavatthukaṁ sārambhaṁ saparikkamanaṁ.
pli-tv-bu-vb-ss6:3.14.7	So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā.
pli-tv-bu-vb-ss6:3.14.8	No ce aññassa vā dadeyya bhinditvā vā puna kāreyya, āpatti saṅghādisesena dukkaṭassa …pe…
pli-tv-bu-vb-ss6:3.14.9	anārambhaṁ aparikkamanaṁ …pe…
pli-tv-bu-vb-ss6:3.14.10	āpatti saṅghādisesena dukkaṭassa …pe…
pli-tv-bu-vb-ss6:3.14.11	anārambhaṁ saparikkamanaṁ …pe… āpatti saṅghādisesassa.
pli-tv-bu-vb-ss6:3.14.12	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.13	Tassa kuṭiṁ karonti desitavatthukaṁ sārambhaṁ aparikkamanaṁ.
pli-tv-bu-vb-ss6:3.14.14	So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā.
pli-tv-bu-vb-ss6:3.14.15	No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ …pe…
pli-tv-bu-vb-ss6:3.14.16	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.14.17	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.14.18	anārambhaṁ saparikkamanaṁ, anāpatti.
pli-tv-bu-vb-ss6:3.14.19	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.20	Tassa kuṭiṁ karonti pamāṇātikkantaṁ sārambhaṁ aparikkamanaṁ.
pli-tv-bu-vb-ss6:3.14.21	So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā.
pli-tv-bu-vb-ss6:3.14.22	No ce aññassa vā dadeyya bhinditvā vā puna kāreyya, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.14.23	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.14.24	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss6:3.14.25	anārambhaṁ saparikkamanaṁ, āpatti saṅghādisesassa.
pli-tv-bu-vb-ss6:3.14.26	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.27	Tassa kuṭiṁ karonti pamāṇikaṁ sārambhaṁ aparikkamanaṁ.
pli-tv-bu-vb-ss6:3.14.28	So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā.
pli-tv-bu-vb-ss6:3.14.29	No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ …pe…
pli-tv-bu-vb-ss6:3.14.30	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.14.31	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss6:3.14.32	anārambhaṁ saparikkamanaṁ, anāpatti.
pli-tv-bu-vb-ss6:3.14.33	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.34	Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ.
pli-tv-bu-vb-ss6:3.14.35	So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā.
pli-tv-bu-vb-ss6:3.14.36	No ce aññassa vā dadeyya bhinditvā vā puna kāreyya, āpatti dvinnaṁ saṅghādisesena dvinnaṁ dukkaṭānaṁ …pe…
pli-tv-bu-vb-ss6:3.14.37	sārambhaṁ saparikkamanaṁ, āpatti dvinnaṁ saṅghādisesena dukkaṭassa …pe…
pli-tv-bu-vb-ss6:3.14.38	anārambhaṁ aparikkamanaṁ, āpatti dvinnaṁ saṅghādisesena dukkaṭassa …pe…
pli-tv-bu-vb-ss6:3.14.39	anārambhaṁ saparikkamanaṁ, āpatti dvinnaṁ saṅghādisesānaṁ.
pli-tv-bu-vb-ss6:3.14.40	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.41	Tassa kuṭiṁ karonti desitavatthukaṁ pamāṇikaṁ sārambhaṁ aparikkamanaṁ.
pli-tv-bu-vb-ss6:3.14.42	So ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā.
pli-tv-bu-vb-ss6:3.14.43	No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ …pe…
pli-tv-bu-vb-ss6:3.14.44	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss6:3.14.45	anārambhaṁ aparikkamanaṁ, āpatti dukkaṭassa.
pli-tv-bu-vb-ss6:3.14.46	Bhikkhu samādisitvā pakkamati— “kuṭiṁ me karothā”ti.
pli-tv-bu-vb-ss6:3.14.47	Tassa kuṭiṁ karonti desitavatthukaṁ pamāṇikaṁ anārambhaṁ saparikkamanaṁ, anāpatti.
pli-tv-bu-vb-ss6:3.15.0	
pli-tv-bu-vb-ss6:3.15.1	Attanā vippakataṁ attanā pariyosāpeti, āpatti saṅghādisesassa.
pli-tv-bu-vb-ss6:3.15.2	Attanā vippakataṁ parehi pariyosāpeti, āpatti saṅghādisesassa.
pli-tv-bu-vb-ss6:3.15.3	Parehi vippakataṁ attanā pariyosāpeti, āpatti saṅghādisesassa.
pli-tv-bu-vb-ss6:3.15.4	Parehi vippakataṁ parehi pariyosāpeti, āpatti saṅghādisesassa.
pli-tv-bu-vb-ss6:3.16.0	
pli-tv-bu-vb-ss6:3.16.1	Anāpatti—
pli-tv-bu-vb-ss6:3.16.2	leṇe
pli-tv-bu-vb-ss6:3.16.3	guhāya
pli-tv-bu-vb-ss6:3.16.4	tiṇakuṭikāya
pli-tv-bu-vb-ss6:3.16.5	aññassatthāya
pli-tv-bu-vb-ss6:3.16.6	vāsāgāraṁ ṭhapetvā sabbattha anāpatti
pli-tv-bu-vb-ss6:3.16.7	ummattakassa
pli-tv-bu-vb-ss6:3.16.8	ādikammikassāti.
pli-tv-bu-vb-ss6:3.16.9	Kuṭikārasikkhāpadaṁ niṭṭhitaṁ chaṭṭhaṁ.
pli-tv-bu-vb-ss7:0.1	Theravāda Vinaya
pli-tv-bu-vb-ss7:0.2	Mahāvibhaṅga
pli-tv-bu-vb-ss7:0.3	Saṅghādisesakaṇḍa
pli-tv-bu-vb-ss7:0.4	7. Vihārakārasikkhāpada
pli-tv-bu-vb-ss7:1.0	
pli-tv-bu-vb-ss7:1.1	Tena samayena buddho bhagavā kosambiyaṁ viharati ghositārāme.
pli-tv-bu-vb-ss7:1.2	Tena kho pana samayena āyasmato channassa upaṭṭhāko gahapati āyasmantaṁ channaṁ etadavoca—
pli-tv-bu-vb-ss7:1.3	“vihāravatthuṁ, bhante, jānāhi ayyassa vihāraṁ kārāpessāmī”ti.
pli-tv-bu-vb-ss7:1.4	Atha kho āyasmā channo vihāravatthuṁ sodhento aññataraṁ cetiyarukkhaṁ chedāpesi gāmapūjitaṁ nigamapūjitaṁ nagarapūjitaṁ janapadapūjitaṁ raṭṭhapūjitaṁ.
pli-tv-bu-vb-ss7:1.5	Manussā ujjhāyanti khiyyanti vipācenti—
pli-tv-bu-vb-ss7:1.6	“kathañhi nāma samaṇā sakyaputtiyā cetiyarukkhaṁ chedāpessanti gāmapūjitaṁ nigamapūjitaṁ nagarapūjitaṁ janapadapūjitaṁ raṭṭhapūjitaṁ.
pli-tv-bu-vb-ss7:1.7	Ekindriyaṁ samaṇā sakyaputtiyā jīvaṁ viheṭhentī”ti.
pli-tv-bu-vb-ss7:1.8	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-ss7:1.9	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss7:1.10	“kathañhi nāma āyasmā channo cetiyarukkhaṁ chedāpessati gāmapūjitaṁ …pe… raṭṭhapūjitan”ti.
pli-tv-bu-vb-ss7:1.11	Atha kho te bhikkhū āyasmantaṁ channaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss7:1.12	“saccaṁ kira tvaṁ, channa, cetiyarukkhaṁ chedāpesi gāmapūjitaṁ …pe… raṭṭhapūjitan”ti?
pli-tv-bu-vb-ss7:1.13	“Saccaṁ, bhagavā”ti.
pli-tv-bu-vb-ss7:1.14	Vigarahi buddho bhagavā …pe…
pli-tv-bu-vb-ss7:1.15	kathañhi nāma tvaṁ, moghapurisa, cetiyarukkhaṁ chedāpessasi gāmapūjitaṁ nigamapūjitaṁ nagarapūjitaṁ janapadapūjitaṁ raṭṭhapūjitaṁ.
pli-tv-bu-vb-ss7:1.16	Jīvasaññino hi, moghapurisa, manussā rukkhasmiṁ.
pli-tv-bu-vb-ss7:1.17	Netaṁ, moghapurisa, appasannānaṁ vā pasādāya …pe…
pli-tv-bu-vb-ss7:1.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss7:1.19.0	
pli-tv-bu-vb-ss7:1.19.1	“Mahallakaṁ pana bhikkhunā vihāraṁ kārayamānena sassāmikaṁ attuddesaṁ bhikkhū abhinetabbā vatthudesanāya.
pli-tv-bu-vb-ss7:1.20	Tehi bhikkhūhi vatthu desetabbaṁ anārambhaṁ saparikkamanaṁ.
pli-tv-bu-vb-ss7:1.21	Sārambhe ce bhikkhu vatthusmiṁ aparikkamane mahallakaṁ vihāraṁ kāreyya bhikkhū vā anabhineyya vatthudesanāya, saṅghādiseso”ti.
pli-tv-bu-vb-ss7:2.0	
pli-tv-bu-vb-ss7:2.1	Mahallako nāma vihāro
pli-tv-bu-vb-ss7:2.2	sassāmiko vuccati.
pli-tv-bu-vb-ss7:2.3	Vihāro nāma
pli-tv-bu-vb-ss7:2.4	ullitto vā hoti avalitto vā ullittāvalitto vā.
pli-tv-bu-vb-ss7:2.5	Kārayamānenāti
pli-tv-bu-vb-ss7:2.6	karonto vā kārāpento vā.
pli-tv-bu-vb-ss7:2.7	Sassāmikanti
pli-tv-bu-vb-ss7:2.8	añño koci sāmiko hoti itthī vā puriso vā gahaṭṭho vā pabbajito vā.
pli-tv-bu-vb-ss7:2.9	Attuddesanti
pli-tv-bu-vb-ss7:2.10	attano atthāya.
pli-tv-bu-vb-ss7:2.11	Bhikkhū abhinetabbā vatthudesanāyāti
pli-tv-bu-vb-ss7:2.12	tena vihārakārakena bhikkhunā vihāravatthuṁ sodhetvā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-ss7:2.13	“ahaṁ, bhante, mahallakaṁ vihāraṁ kattukāmo sassāmikaṁ attuddesaṁ.
pli-tv-bu-vb-ss7:2.14	Sohaṁ, bhante, saṅghaṁ vihāravatthuolokanaṁ yācāmī”ti.
pli-tv-bu-vb-ss7:2.15	Dutiyampi yācitabbā.
pli-tv-bu-vb-ss7:2.16	Tatiyampi yācitabbā.
pli-tv-bu-vb-ss7:2.17	Sace sabbo saṅgho ussahati vihāravatthuṁ oloketuṁ sabbena saṅghena oloketabbaṁ.
pli-tv-bu-vb-ss7:2.18	No ce sabbo saṅgho ussahati vihāravatthuṁ oloketuṁ,
pli-tv-bu-vb-ss7:2.19	ye tattha honti bhikkhū byattā paṭibalā sārambhaṁ anārambhaṁ saparikkamanaṁ aparikkamanaṁ jānituṁ te yācitvā sammannitabbā.
pli-tv-bu-vb-ss7:2.20	“Evañca pana, bhikkhave, sammannitabbā.
pli-tv-bu-vb-ss7:2.21	Byattena bhikkhunā paṭibalena saṅgho ñāpetabbo—
pli-tv-bu-vb-ss7:2.22	‘Suṇātu me, bhante, saṅgho.
pli-tv-bu-vb-ss7:2.23	Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ.
pli-tv-bu-vb-ss7:2.24	So saṅghaṁ vihāravatthuolokanaṁ yācati.
pli-tv-bu-vb-ss7:2.25	Yadi saṅghassa pattakallaṁ, saṅgho itthannāmañca itthannāmañca bhikkhū sammanneyya itthannāmassa bhikkhuno vihāravatthuṁ oloketuṁ.
pli-tv-bu-vb-ss7:2.26	Esā ñatti.
pli-tv-bu-vb-ss7:2.27	Suṇātu me, bhante, saṅgho.
pli-tv-bu-vb-ss7:2.28	Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ.
pli-tv-bu-vb-ss7:2.29	So saṅghaṁ vihāravatthuolokanaṁ yācati.
pli-tv-bu-vb-ss7:2.30	Saṅgho itthannāmañca itthannāmañca bhikkhū sammannati itthannāmassa bhikkhuno vihāravatthuṁ oloketuṁ.
pli-tv-bu-vb-ss7:2.31	Yassāyasmato khamati itthannāmassa ca itthannāmassa ca bhikkhūnaṁ sammuti itthannāmassa bhikkhuno vihāravatthuṁ oloketuṁ, so tuṇhassa;
pli-tv-bu-vb-ss7:2.32	yassa nakkhamati, so bhāseyya.
pli-tv-bu-vb-ss7:2.33	Sammatā saṅghena itthannāmo ca itthannāmo ca bhikkhū itthannāmassa bhikkhuno vihāravatthuṁ oloketuṁ.
pli-tv-bu-vb-ss7:2.34	Khamati saṅghassa, tasmā tuṇhī,
pli-tv-bu-vb-ss7:2.35	evametaṁ dhārayāmī’”ti.
pli-tv-bu-vb-ss7:2.36	Tehi sammatehi bhikkhūhi tattha gantvā vihāravatthu oloketabbaṁ;
pli-tv-bu-vb-ss7:2.37	sārambhaṁ anārambhaṁ saparikkamanaṁ aparikkamanaṁ jānitabbaṁ.
pli-tv-bu-vb-ss7:2.38	Sace sārambhaṁ hoti aparikkamanaṁ,
pli-tv-bu-vb-ss7:2.39	“māyidha karī”ti vattabbo.
pli-tv-bu-vb-ss7:2.40	Sace anārambhaṁ hoti saparikkamanaṁ, saṅghassa ārocetabbaṁ—
pli-tv-bu-vb-ss7:2.41	“anārambhaṁ saparikkamanan”ti.
pli-tv-bu-vb-ss7:2.42	Tena vihārakārakena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bu-vb-ss7:2.43	“ahaṁ, bhante, mahallakaṁ vihāraṁ kattukāmo sassāmikaṁ attuddesaṁ.
pli-tv-bu-vb-ss7:2.44	Sohaṁ, bhante, saṅghaṁ vihāravatthudesanaṁ yācāmī”ti.
pli-tv-bu-vb-ss7:2.45	Dutiyampi yācitabbā.
pli-tv-bu-vb-ss7:2.46	Tatiyampi yācitabbā.
pli-tv-bu-vb-ss7:2.47	Byattena bhikkhunā paṭibalena saṅgho ñāpetabbo—
pli-tv-bu-vb-ss7:2.48	“Suṇātu me, bhante, saṅgho.
pli-tv-bu-vb-ss7:2.49	Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ.
pli-tv-bu-vb-ss7:2.50	So saṅghaṁ vihāravatthudesanaṁ yācati.
pli-tv-bu-vb-ss7:2.51	Yadi saṅghassa pattakallaṁ, saṅgho itthannāmassa bhikkhuno vihāravatthuṁ deseyya.
pli-tv-bu-vb-ss7:2.52	Esā ñatti.
pli-tv-bu-vb-ss7:2.53	Suṇātu me, bhante, saṅgho.
pli-tv-bu-vb-ss7:2.54	Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ.
pli-tv-bu-vb-ss7:2.55	So saṅghaṁ vihāravatthudesanaṁ yācati.
pli-tv-bu-vb-ss7:2.56	Saṅgho itthannāmassa bhikkhuno vihāravatthuṁ deseti.
pli-tv-bu-vb-ss7:2.57	Yassāyasmato khamati itthannāmassa bhikkhuno vihāravatthussa desanā, so tuṇhassa;
pli-tv-bu-vb-ss7:2.58	yassa nakkhamati, so bhāseyya.
pli-tv-bu-vb-ss7:2.59	Desitaṁ saṅghena itthannāmassa bhikkhuno vihāravatthu.
pli-tv-bu-vb-ss7:2.60	Khamati saṅghassa, tasmā tuṇhī,
pli-tv-bu-vb-ss7:2.61	evametaṁ dhārayāmī”ti.
pli-tv-bu-vb-ss7:2.62	Sārambhaṁ nāma
pli-tv-bu-vb-ss7:2.63	kipillikānaṁ vā āsayo hoti, upacikānaṁ vā āsayo hoti, undūrānaṁ vā …pe… ahīnaṁ vā … vicchikānaṁ vā … satapadīnaṁ vā … hatthīnaṁ vā … assānaṁ vā … sīhānaṁ vā … byagghānaṁ vā … dīpīnaṁ vā … acchānaṁ vā … taracchānaṁ vā āsayo hoti, yesaṁ kesañci tiracchānagatānaṁ pāṇānaṁ āsayo hoti,
pli-tv-bu-vb-ss7:2.64	pubbaṇṇanissitaṁ vā hoti, aparaṇṇanissitaṁ vā hoti, abbhāghātanissitaṁ vā hoti, āghātananissitaṁ vā hoti, susānanissitaṁ vā hoti, uyyānanissitaṁ vā hoti, rājavatthunissitaṁ vā hoti, hatthisālānissitaṁ vā hoti, assasālānissitaṁ vā hoti, bandhanāgāranissitaṁ vā hoti, pānāgāranissitaṁ vā hoti, sūnanissitaṁ vā hoti, racchānissitaṁ vā hoti, caccaranissitaṁ vā hoti, sabhānissitaṁ vā hoti, saṁsaraṇanissitaṁ vā hoti.
pli-tv-bu-vb-ss7:2.65	Etaṁ sārambhaṁ nāma.
pli-tv-bu-vb-ss7:2.66	Aparikkamanaṁ nāma
pli-tv-bu-vb-ss7:2.67	na sakkā hoti yathāyuttena sakaṭena anuparigantuṁ, samantā nisseṇiyā anuparigantuṁ.
pli-tv-bu-vb-ss7:2.68	Etaṁ aparikkamanaṁ nāma.
pli-tv-bu-vb-ss7:2.69	Anārambhaṁ nāma
pli-tv-bu-vb-ss7:2.70	na kipillikānaṁ vā āsayo hoti …pe…
pli-tv-bu-vb-ss7:2.71	na saṁsaraṇanissitaṁ vā hoti.
pli-tv-bu-vb-ss7:2.72	Etaṁ anārambhaṁ nāma.
pli-tv-bu-vb-ss7:2.73	Saparikkamanaṁ nāma
pli-tv-bu-vb-ss7:2.74	sakkā hoti yathāyuttena sakaṭena anuparigantuṁ, samantā nisseṇiyā anuparigantuṁ.
pli-tv-bu-vb-ss7:2.75	Etaṁ saparikkamanaṁ nāma.
pli-tv-bu-vb-ss7:2.76	Mahallako nāma vihāro
pli-tv-bu-vb-ss7:2.77	sassāmiko vuccati.
pli-tv-bu-vb-ss7:2.78	Vihāro nāma
pli-tv-bu-vb-ss7:2.79	ullitto vā hoti avalitto vā ullittāvalitto vā.
pli-tv-bu-vb-ss7:2.80	Kāreyyāti
pli-tv-bu-vb-ss7:2.81	karoti vā kārāpeti vā.
pli-tv-bu-vb-ss7:2.82	Bhikkhū vā anabhineyya vatthudesanāyāti
pli-tv-bu-vb-ss7:2.83	ñattidutiyena kammena vihāravatthuṁ na desāpetvā karoti vā kārāpeti vā, payoge dukkaṭaṁ.
pli-tv-bu-vb-ss7:2.84	Ekaṁ piṇḍaṁ anāgate, āpatti thullaccayassa.
pli-tv-bu-vb-ss7:2.85	Tasmiṁ piṇḍe āgate, āpatti saṅghādisesassa.
pli-tv-bu-vb-ss7:2.86	Saṅghādisesoti
pli-tv-bu-vb-ss7:2.87	…pe… tenapi vuccati— “saṅghādiseso”ti.
pli-tv-bu-vb-ss7:3.1.0.1	
pli-tv-bu-vb-ss7:3.1.0.2	
pli-tv-bu-vb-ss7:3.1.0.3	
pli-tv-bu-vb-ss7:3.1.1	Bhikkhu vihāraṁ karoti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ.
pli-tv-bu-vb-ss7:3.1.2	Bhikkhu vihāraṁ karoti adesitavatthukaṁ sārambhaṁ saparikkamanaṁ, āpatti saṅghādisesena dukkaṭassa.
pli-tv-bu-vb-ss7:3.1.3	Bhikkhu vihāraṁ karoti adesitavatthukaṁ anārambhaṁ aparikkamanaṁ, āpatti saṅghādisesena dukkaṭassa.
pli-tv-bu-vb-ss7:3.1.4	Bhikkhu vihāraṁ karoti adesitavatthukaṁ anārambhaṁ saparikkamanaṁ, āpatti saṅghādisesassa.
pli-tv-bu-vb-ss7:3.1.5	Bhikkhu vihāraṁ karoti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ.
pli-tv-bu-vb-ss7:3.1.6	Bhikkhu vihāraṁ karoti desitavatthukaṁ sārambhaṁ saparikkamanaṁ, āpatti dukkaṭassa.
pli-tv-bu-vb-ss7:3.1.7	Bhikkhu vihāraṁ karoti desitavatthukaṁ anārambhaṁ aparikkamanaṁ, āpatti dukkaṭassa.
pli-tv-bu-vb-ss7:3.1.8	Bhikkhu vihāraṁ karoti desitavatthukaṁ anārambhaṁ saparikkamanaṁ, anāpatti.
pli-tv-bu-vb-ss7:3.2.0	
pli-tv-bu-vb-ss7:3.2.1	Bhikkhu samādisati—
pli-tv-bu-vb-ss7:3.2.2	“vihāraṁ me karothā”ti.
pli-tv-bu-vb-ss7:3.2.3	Tassa vihāraṁ karonti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss7:3.2.4	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss7:3.2.5	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss7:3.2.6	anārambhaṁ saparikkamanaṁ, āpatti saṅghādisesassa.
pli-tv-bu-vb-ss7:3.2.7	Bhikkhu samādisati—
pli-tv-bu-vb-ss7:3.2.8	“vihāraṁ me karothā”ti.
pli-tv-bu-vb-ss7:3.2.9	Tassa vihāraṁ karonti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss7:3.2.10	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss7:3.2.11	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss7:3.2.12	anārambhaṁ saparikkamanaṁ, anāpatti.
pli-tv-bu-vb-ss7:3.3.0	
pli-tv-bu-vb-ss7:3.3.1	Bhikkhu samādisitvā pakkamati—
pli-tv-bu-vb-ss7:3.3.2	“vihāraṁ me karothā”ti.
pli-tv-bu-vb-ss7:3.3.3	Na ca samādisati—
pli-tv-bu-vb-ss7:3.3.4	“desitavatthuko ca hotu anārambho ca saparikkamano cā”ti.
pli-tv-bu-vb-ss7:3.3.5	Tassa vihāraṁ karonti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss7:3.3.6	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss7:3.3.7	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss7:3.3.8	anārambhaṁ saparikkamanaṁ, āpatti saṅghādisesassa.
pli-tv-bu-vb-ss7:3.3.9	Bhikkhu samādisitvā pakkamati—
pli-tv-bu-vb-ss7:3.3.10	“vihāraṁ me karothā”ti.
pli-tv-bu-vb-ss7:3.3.11	Na ca samādisati—
pli-tv-bu-vb-ss7:3.3.12	“desitavatthuko ca hotu anārambho ca saparikkamano cā”ti.
pli-tv-bu-vb-ss7:3.3.13	Tassa vihāraṁ karonti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ …pe…
pli-tv-bu-vb-ss7:3.3.14	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss7:3.3.15	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss7:3.3.16	anārambhaṁ saparikkamanaṁ, anāpatti.
pli-tv-bu-vb-ss7:3.4.0	
pli-tv-bu-vb-ss7:3.4.1	Bhikkhu samādisitvā pakkamati—
pli-tv-bu-vb-ss7:3.4.2	“vihāraṁ me karothā”ti.
pli-tv-bu-vb-ss7:3.4.3	Samādisati ca—
pli-tv-bu-vb-ss7:3.4.4	“desitavatthuko ca hotu anārambho ca saparikkamano cā”ti.
pli-tv-bu-vb-ss7:3.4.5	Tassa vihāraṁ karonti adesitavatthukaṁ sārambhaṁ aparikkamanaṁ.
pli-tv-bu-vb-ss7:3.4.6	So suṇāti—“vihāro kira me kayirati adesitavatthuko sārambho aparikkamano”ti.
pli-tv-bu-vb-ss7:3.4.7	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss7:3.4.8	“desitavatthuko ca hotu anārambho ca saparikkamano cā”ti …pe…
pli-tv-bu-vb-ss7:3.4.9	“desitavatthuko ca hotu anārambho cā”ti …pe…
pli-tv-bu-vb-ss7:3.4.10	“desitavatthuko ca hotu saparikkamano cā”ti …pe…
pli-tv-bu-vb-ss7:3.4.11	“desitavatthuko hotū”ti.
pli-tv-bu-vb-ss7:3.4.12	No ce sāmaṁ vā gaccheyya dūtaṁ vā pahiṇeyya, āpatti dukkaṭassa.
pli-tv-bu-vb-ss7:3.4.13	Bhikkhu samādisitvā pakkamati—
pli-tv-bu-vb-ss7:3.4.14	“vihāraṁ me karothā”ti.
pli-tv-bu-vb-ss7:3.4.15	Samādisati ca—
pli-tv-bu-vb-ss7:3.4.16	“desitavatthuko ca hotu anārambho ca saparikkamano cā”ti.
pli-tv-bu-vb-ss7:3.4.17	Tassa vihāraṁ karonti desitavatthukaṁ sārambhaṁ aparikkamanaṁ.
pli-tv-bu-vb-ss7:3.4.18	So suṇāti—“vihāro kira me kayirati desitavatthuko sārambho aparikkamano”ti.
pli-tv-bu-vb-ss7:3.4.19	Tena bhikkhunā sāmaṁ vā gantabbaṁ dūto vā pāhetabbo—
pli-tv-bu-vb-ss7:3.4.20	“anārambho ca hotu saparikkamano cā”ti
pli-tv-bu-vb-ss7:3.4.21	…pe…
pli-tv-bu-vb-ss7:3.4.22	“anārambho hotū”ti.
pli-tv-bu-vb-ss7:3.4.23	“Saparikkamano hotū”ti,
pli-tv-bu-vb-ss7:3.4.24	anāpatti.
pli-tv-bu-vb-ss7:3.5.0	
pli-tv-bu-vb-ss7:3.5.1	Bhikkhu samādisitvā pakkamati— “vihāraṁ me karothā”ti.
pli-tv-bu-vb-ss7:3.5.2	Samādisati ca— “desitavatthuko ca hotu anārambho ca saparikkamano cā”ti.
pli-tv-bu-vb-ss7:3.5.3	Tassa vihāraṁ karonti adesitavatthukaṁ sārambhaṁ aparikkamanaṁ, āpatti kārukānaṁ tiṇṇaṁ dukkaṭānaṁ …pe…
pli-tv-bu-vb-ss7:3.5.4	sārambhaṁ saparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss7:3.5.5	anārambhaṁ aparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss7:3.5.6	anārambhaṁ saparikkamanaṁ, āpatti kārukānaṁ dukkaṭassa.
pli-tv-bu-vb-ss7:3.5.7	Bhikkhu samādisitvā pakkamati— “vihāraṁ me karothā”ti.
pli-tv-bu-vb-ss7:3.5.8	Samādisati ca— “desitavatthuko ca hotu anārambho ca saparikkamano cā”ti.
pli-tv-bu-vb-ss7:3.5.9	Tassa vihāraṁ karonti desitavatthukaṁ sārambhaṁ aparikkamanaṁ, āpatti kārukānaṁ dvinnaṁ dukkaṭānaṁ …pe…
pli-tv-bu-vb-ss7:3.5.10	sārambhaṁ saparikkamanaṁ, āpatti kārukānaṁ dukkaṭassa …pe…
pli-tv-bu-vb-ss7:3.5.11	anārambhaṁ aparikkamanaṁ, āpatti kārukānaṁ dukkaṭassa …pe…
pli-tv-bu-vb-ss7:3.5.12	anārambhaṁ saparikkamanaṁ, anāpatti.
pli-tv-bu-vb-ss7:3.6.0	
pli-tv-bu-vb-ss7:3.6.1	Bhikkhu samādisitvā pakkamati— “vihāraṁ me karothā”ti.
pli-tv-bu-vb-ss7:3.6.2	Tassa vihāraṁ karonti adesitavatthukaṁ sārambhaṁ aparikkamanaṁ.
pli-tv-bu-vb-ss7:3.6.3	So ce vippakate āgacchati, tena bhikkhunā so vihāro aññassa vā dātabbo bhinditvā vā puna kātabbo.
pli-tv-bu-vb-ss7:3.6.4	No ce aññassa vā dadeyya bhinditvā vā puna kāreyya, āpatti saṅghādisesena dvinnaṁ dukkaṭānaṁ …pe…
pli-tv-bu-vb-ss7:3.6.5	sārambhaṁ saparikkamanaṁ, āpatti saṅghādisesena dukkaṭassa …pe…
pli-tv-bu-vb-ss7:3.6.6	anārambhaṁ aparikkamanaṁ, āpatti saṅghādisesena dukkaṭassa …pe…
pli-tv-bu-vb-ss7:3.6.7	anārambhaṁ saparikkamanaṁ, āpatti saṅghādisesassa.
pli-tv-bu-vb-ss7:3.6.8	Bhikkhu samādisitvā pakkamati— “vihāraṁ me karothā”ti.
pli-tv-bu-vb-ss7:3.6.9	Tassa vihāraṁ karonti desitavatthukaṁ sārambhaṁ aparikkamanaṁ.
pli-tv-bu-vb-ss7:3.6.10	So ce vippakate āgacchati, tena bhikkhunā so vihāro aññassa vā dātabbo bhinditvā vā puna kātabbo.
pli-tv-bu-vb-ss7:3.6.11	No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ …pe…
pli-tv-bu-vb-ss7:3.6.12	sārambhaṁ saparikkamanaṁ, āpatti dukkaṭassa …pe…
pli-tv-bu-vb-ss7:3.6.13	anārambhaṁ aparikkamanaṁ, āpatti dukkaṭassa …pe…
pli-tv-bu-vb-ss7:3.6.14	anārambhaṁ saparikkamanaṁ, anāpatti.
pli-tv-bu-vb-ss7:3.7.0	
pli-tv-bu-vb-ss7:3.7.1	Attanā vippakataṁ attanā pariyosāpeti, āpatti saṅghādisesassa.
pli-tv-bu-vb-ss7:3.7.2	Attanā vippakataṁ parehi pariyosāpeti, āpatti saṅghādisesassa.
pli-tv-bu-vb-ss7:3.7.3	Parehi vippakataṁ attanā pariyosāpeti, āpatti saṅghādisesassa.
pli-tv-bu-vb-ss7:3.7.4	Parehi vippakataṁ parehi pariyosāpeti, āpatti saṅghādisesassa.
pli-tv-bu-vb-ss7:3.7.5.0	
pli-tv-bu-vb-ss7:3.7.5.1	Anāpatti—
pli-tv-bu-vb-ss7:3.7.6	leṇe guhāya tiṇakuṭikāya
pli-tv-bu-vb-ss7:3.7.7	aññassatthāya
pli-tv-bu-vb-ss7:3.7.8	vāsāgāraṁ ṭhapetvā sabbattha anāpatti
pli-tv-bu-vb-ss7:3.7.9	ummattakassa
pli-tv-bu-vb-ss7:3.7.10	ādikammikassāti.
pli-tv-bu-vb-ss7:3.7.11	Vihārakārasikkhāpadaṁ niṭṭhitaṁ sattamaṁ.
pli-tv-bu-vb-ss8:0.1	Theravāda Vinaya
pli-tv-bu-vb-ss8:0.2	Mahāvibhaṅga
pli-tv-bu-vb-ss8:0.3	Saṅghādisesakaṇḍa
pli-tv-bu-vb-ss8:0.4	8. Duṭṭhadosasikkhāpada
pli-tv-bu-vb-ss8:1.1.0	
pli-tv-bu-vb-ss8:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-ss8:1.1.2	Tena kho pana samayena āyasmatā dabbena mallaputtena jātiyā sattavassena arahattaṁ sacchikataṁ hoti.
pli-tv-bu-vb-ss8:1.1.3	Yaṁ kiñci sāvakena pattabbaṁ sabbaṁ tena anuppattaṁ hoti.
pli-tv-bu-vb-ss8:1.1.4	Natthi cassa kiñci uttari karaṇīyaṁ, katassa vā paticayo.
pli-tv-bu-vb-ss8:1.1.5	Atha kho āyasmato dabbassa mallaputtassa rahogatassa paṭisallīnassa evaṁ cetaso parivitakko udapādi—
pli-tv-bu-vb-ss8:1.1.6	“mayā kho jātiyā sattavassena arahattaṁ sacchikataṁ.
pli-tv-bu-vb-ss8:1.1.7	Yaṁ kiñci sāvakena pattabbaṁ sabbaṁ mayā anuppattaṁ.
pli-tv-bu-vb-ss8:1.1.8	Natthi ca me kiñci uttari karaṇīyaṁ, katassa vā paticayo.
pli-tv-bu-vb-ss8:1.1.9	Kiṁ nu kho ahaṁ saṅghassa veyyāvaccaṁ kareyyan”ti?
pli-tv-bu-vb-ss8:1.1.10	Atha kho āyasmato dabbassa mallaputtassa etadahosi—
pli-tv-bu-vb-ss8:1.1.11	“yannūnāhaṁ saṅghassa senāsanañca paññapeyyaṁ bhattāni ca uddiseyyan”ti.
pli-tv-bu-vb-ss8:1.2.1	Atha kho āyasmā dabbo mallaputto sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-ss8:1.2.2	Ekamantaṁ nisinno kho āyasmā dabbo mallaputto bhagavantaṁ etadavoca—
pli-tv-bu-vb-ss8:1.2.3	“idha mayhaṁ, bhante, rahogatassa paṭisallīnassa evaṁ cetaso parivitakko udapādi mayā kho jātiyā sattavassena arahattaṁ sacchikataṁ, yaṁ kiñci sāvakena pattabbaṁ, sabbaṁ mayā anupattaṁ, natthi ca me kiñci uttari karaṇīyaṁ, katassa vā paticayo, kiṁ nu kho ahaṁ saṅghassa veyyāvaccaṁ kareyyanti.
pli-tv-bu-vb-ss8:1.2.4	Tassa mayhaṁ, bhante, etadahosi—
pli-tv-bu-vb-ss8:1.2.5	‘yannūnāhaṁ saṅghassa senāsanañca paññapeyyaṁ bhattāni ca uddiseyyan’ti.
pli-tv-bu-vb-ss8:1.2.6	Icchāmahaṁ, bhante, saṅghassa senāsanañca paññapetuṁ bhattāni ca uddisitun”ti.
pli-tv-bu-vb-ss8:1.2.7	“Sādhu sādhu, dabba.
pli-tv-bu-vb-ss8:1.2.8	Tena hi tvaṁ, dabba, saṅghassa senāsanañca paññapehi bhattāni ca uddisā”ti.
pli-tv-bu-vb-ss8:1.2.9	“Evaṁ, bhante”ti kho āyasmā dabbo mallaputto bhagavato paccassosi.
pli-tv-bu-vb-ss8:1.3.1	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bu-vb-ss8:1.3.2	“tena hi, bhikkhave, saṅgho dabbaṁ mallaputtaṁ senāsanapaññāpakañca bhattuddesakañca sammannatu.
pli-tv-bu-vb-ss8:1.3.3	Evañca pana, bhikkhave, sammannitabbo.
pli-tv-bu-vb-ss8:1.3.4	Paṭhamaṁ dabbo mallaputto yācitabbo.
pli-tv-bu-vb-ss8:1.3.5	Yācitvā byattena bhikkhunā paṭibalena saṅgho ñāpetabbo—
pli-tv-bu-vb-ss8:1.3.6	‘Suṇātu me, bhante, saṅgho.
pli-tv-bu-vb-ss8:1.3.7	Yadi saṅghassa pattakallaṁ saṅgho āyasmantaṁ dabbaṁ mallaputtaṁ senāsanapaññāpakañca bhattuddesakañca sammanneyya.
pli-tv-bu-vb-ss8:1.3.8	Esā ñatti.
pli-tv-bu-vb-ss8:1.3.9	Suṇātu me, bhante, saṅgho.
pli-tv-bu-vb-ss8:1.3.10	Saṅgho āyasmantaṁ dabbaṁ mallaputtaṁ senāsanapaññāpakañca bhattuddesakañca sammannati.
pli-tv-bu-vb-ss8:1.3.11	Yassāyasmato khamati āyasmato dabbassa mallaputtassa senāsanapaññāpakassa ca bhattuddesakassa ca sammuti, so tuṇhassa;
pli-tv-bu-vb-ss8:1.3.12	yassa nakkhamati, so bhāseyya.
pli-tv-bu-vb-ss8:1.3.13	Sammato saṅghena āyasmā dabbo mallaputto senāsanapaññāpako ca bhattuddesako ca.
pli-tv-bu-vb-ss8:1.3.14	Khamati saṅghassa, tasmā tuṇhī,
pli-tv-bu-vb-ss8:1.3.15	evametaṁ dhārayāmī’”ti.
pli-tv-bu-vb-ss8:1.4.1	Sammato ca panāyasmā dabbo mallaputto sabhāgānaṁ bhikkhūnaṁ ekajjhaṁ senāsanaṁ paññapeti.
pli-tv-bu-vb-ss8:1.4.2	Ye te bhikkhū suttantikā tesaṁ ekajjhaṁ senāsanaṁ paññapeti—
pli-tv-bu-vb-ss8:1.4.3	“te aññamaññaṁ suttantaṁ saṅgāyissantī”ti.
pli-tv-bu-vb-ss8:1.4.4	Ye te bhikkhū vinayadharā tesaṁ ekajjhaṁ senāsanaṁ paññapeti—
pli-tv-bu-vb-ss8:1.4.5	“te aññamaññaṁ vinayaṁ vinicchinissantī”ti.
pli-tv-bu-vb-ss8:1.4.6	Ye te bhikkhū dhammakathikā tesaṁ ekajjhaṁ senāsanaṁ paññapeti—
pli-tv-bu-vb-ss8:1.4.7	“te aññamaññaṁ dhammaṁ sākacchissantī”ti.
pli-tv-bu-vb-ss8:1.4.8	Ye te bhikkhū jhāyino tesaṁ ekajjhaṁ senāsanaṁ paññapeti—
pli-tv-bu-vb-ss8:1.4.9	“te aññamaññaṁ na byābādhissantī”ti.
pli-tv-bu-vb-ss8:1.4.10	Ye te bhikkhū tiracchānakathikā kāyadaḷhibahulā viharanti tesampi ekajjhaṁ senāsanaṁ paññapeti—
pli-tv-bu-vb-ss8:1.4.11	“imāyapime āyasmanto ratiyā acchissantī”ti.
pli-tv-bu-vb-ss8:1.4.12	Yepi te bhikkhū vikāle āgacchanti tesampi tejodhātuṁ samāpajjitvā teneva ālokena senāsanaṁ paññapeti.
pli-tv-bu-vb-ss8:1.4.13	Apisu bhikkhū sañcicca vikāle āgacchanti—
pli-tv-bu-vb-ss8:1.4.14	“mayaṁ āyasmato dabbassa mallaputtassa iddhipāṭihāriyaṁ passissāmā”ti.
pli-tv-bu-vb-ss8:1.4.15	Te āyasmantaṁ dabbaṁ mallaputtaṁ upasaṅkamitvā evaṁ vadanti—
pli-tv-bu-vb-ss8:1.4.16	“amhākaṁ, āvuso dabba, senāsanaṁ paññapehī”ti.
pli-tv-bu-vb-ss8:1.4.17	Te āyasmā dabbo mallaputto evaṁ vadeti—
pli-tv-bu-vb-ss8:1.4.18	“katthāyasmantā icchanti, kattha paññapemī”ti?
pli-tv-bu-vb-ss8:1.4.19	Te sañcicca dūre apadisanti—
pli-tv-bu-vb-ss8:1.4.20	“amhākaṁ, āvuso dabba, gijjhakūṭe pabbate senāsanaṁ paññapehi.
pli-tv-bu-vb-ss8:1.4.21	Amhākaṁ, āvuso, corapapāte senāsanaṁ paññapehi.
pli-tv-bu-vb-ss8:1.4.22	Amhākaṁ, āvuso, isigilipasse kāḷasilāyaṁ senāsanaṁ paññapehi.
pli-tv-bu-vb-ss8:1.4.23	Amhākaṁ, āvuso, vebhārapasse sattapaṇṇiguhāyaṁ senāsanaṁ paññapehi.
pli-tv-bu-vb-ss8:1.4.24	Amhākaṁ, āvuso, sītavane sappasoṇḍikapabbhāre senāsanaṁ paññapehi.
pli-tv-bu-vb-ss8:1.4.25	Amhākaṁ, āvuso, gotamakakandarāyaṁ senāsanaṁ paññapehi.
pli-tv-bu-vb-ss8:1.4.26	Amhākaṁ, āvuso, tindukakandarāyaṁ senāsanaṁ paññapehi.
pli-tv-bu-vb-ss8:1.4.27	Amhākaṁ, āvuso, tapodakandarāyaṁ senāsanaṁ paññapehi.
pli-tv-bu-vb-ss8:1.4.28	Amhākaṁ, āvuso, tapodārāme senāsanaṁ paññapehi.
pli-tv-bu-vb-ss8:1.4.29	Amhākaṁ, āvuso, jīvakambavane senāsanaṁ paññapehi.
pli-tv-bu-vb-ss8:1.4.30	Amhākaṁ, āvuso, maddakucchismiṁ migadāye senāsanaṁ paññapehī”ti.
pli-tv-bu-vb-ss8:1.4.31	Tesaṁ āyasmā dabbo mallaputto tejodhātuṁ samāpajjitvā aṅguliyā jalamānāya purato purato gacchati.
pli-tv-bu-vb-ss8:1.4.32	Tepi teneva ālokena āyasmato dabbassa mallaputtassa piṭṭhito piṭṭhito gacchanti.
pli-tv-bu-vb-ss8:1.4.33	Tesaṁ āyasmā dabbo mallaputto evaṁ senāsanaṁ paññapeti—
pli-tv-bu-vb-ss8:1.4.34	“ayaṁ mañco, idaṁ pīṭhaṁ, ayaṁ bhisi, idaṁ bibbohanaṁ, idaṁ vaccaṭṭhānaṁ, idaṁ passāvaṭṭhānaṁ, idaṁ pānīyaṁ, idaṁ paribhojanīyaṁ, ayaṁ kattaradaṇḍo,
pli-tv-bu-vb-ss8:1.4.35	idaṁ saṅghassa katikasaṇṭhānaṁ, imaṁ kālaṁ pavisitabbaṁ, imaṁ kālaṁ nikkhamitabban”ti.
pli-tv-bu-vb-ss8:1.4.36	Tesaṁ āyasmā dabbo mallaputto evaṁ senāsanaṁ paññapetvā punadeva veḷuvanaṁ paccāgacchati.
pli-tv-bu-vb-ss8:1.5.1	Tena kho pana samayena mettiyabhūmajakā bhikkhū navakā ceva honti appapuññā ca.
pli-tv-bu-vb-ss8:1.5.2	Yāni saṅghassa lāmakāni senāsanāni tāni tesaṁ pāpuṇanti lāmakāni ca bhattāni.
pli-tv-bu-vb-ss8:1.5.3	Tena kho pana samayena rājagahe manussā icchanti therānaṁ bhikkhūnaṁ abhisaṅkhārikaṁ piṇḍapātaṁ dātuṁ sappimpi telampi uttaribhaṅgampi.
pli-tv-bu-vb-ss8:1.5.4	Mettiyabhūmajakānaṁ pana bhikkhūnaṁ pākatikaṁ denti yathārandhaṁ kaṇājakaṁ bilaṅgadutiyaṁ.
pli-tv-bu-vb-ss8:1.5.5	Te pacchābhattaṁ piṇḍapātapaṭikkantā there bhikkhū pucchanti—
pli-tv-bu-vb-ss8:1.5.6	“tumhākaṁ, āvuso, bhattagge kiṁ ahosi? Tumhākaṁ, āvuso, bhattagge kiṁ ahosī”ti?
pli-tv-bu-vb-ss8:1.5.7	Ekacce therā evaṁ vadanti—
pli-tv-bu-vb-ss8:1.5.8	“amhākaṁ, āvuso, sappi ahosi telaṁ ahosi uttaribhaṅgaṁ ahosī”ti.
pli-tv-bu-vb-ss8:1.5.9	Mettiyabhūmajakā pana bhikkhū evaṁ vadanti—
pli-tv-bu-vb-ss8:1.5.10	“amhākaṁ, āvuso, na kiñci ahosi, pākatikaṁ yathārandhaṁ kaṇājakaṁ bilaṅgadutiyan”ti.
pli-tv-bu-vb-ss8:1.6.1	Tena kho pana samayena kalyāṇabhattiko gahapati saṅghassa catukkabhattaṁ deti niccabhattaṁ.
pli-tv-bu-vb-ss8:1.6.2	So bhattagge saputtadāro upatiṭṭhitvā parivisati.
pli-tv-bu-vb-ss8:1.6.3	Aññe odanena pucchanti, aññe sūpena pucchanti, aññe telena pucchanti, aññe uttaribhaṅgena pucchanti.
pli-tv-bu-vb-ss8:1.6.4	Tena kho pana samayena kalyāṇabhattikassa gahapatino bhattaṁ svātanāya mettiyabhūmajakānaṁ bhikkhūnaṁ uddiṭṭhaṁ hoti.
pli-tv-bu-vb-ss8:1.6.5	Atha kho kalyāṇabhattiko gahapati ārāmaṁ agamāsi kenacideva karaṇīyena.
pli-tv-bu-vb-ss8:1.6.6	So yenāyasmā dabbo mallaputto tenupasaṅkami; upasaṅkamitvā āyasmantaṁ dabbaṁ mallaputtaṁ abhivādetvā ekamantaṁ nisīdi.
pli-tv-bu-vb-ss8:1.6.7	Ekamantaṁ nisinnaṁ kho kalyāṇabhattikaṁ gahapatiṁ āyasmā dabbo mallaputto dhammiyā kathāya sandassesi samādapesi samuttejesi sampahaṁsesi.
pli-tv-bu-vb-ss8:1.6.8	Atha kho kalyāṇabhattiko gahapati āyasmatā dabbena mallaputtena dhammiyā kathāya sandassito samādapito samuttejito sampahaṁsito āyasmantaṁ dabbaṁ mallaputtaṁ etadavoca—
pli-tv-bu-vb-ss8:1.6.9	“kassa, bhante, amhākaṁ ghare svātanāya bhattaṁ uddiṭṭhan”ti?
pli-tv-bu-vb-ss8:1.6.10	“Mettiyabhūmajakānaṁ kho, gahapati, bhikkhūnaṁ tumhākaṁ ghare svātanāya bhattaṁ uddiṭṭhan”ti.
pli-tv-bu-vb-ss8:1.6.11	Atha kho kalyāṇabhattiko gahapati anattamano ahosi—
pli-tv-bu-vb-ss8:1.6.12	“kathañhi nāma pāpabhikkhū amhākaṁ ghare bhuñjissantī”ti.
pli-tv-bu-vb-ss8:1.6.13	Gharaṁ gantvā dāsiṁ āṇāpesi—
pli-tv-bu-vb-ss8:1.6.14	“ye, je, sve bhattikā āgacchanti te koṭṭhake āsanaṁ paññapetvā kaṇājakena bilaṅgadutiyena parivisā”ti.
pli-tv-bu-vb-ss8:1.6.15	“Evaṁ, ayyā”ti kho sā dāsī kalyāṇabhattikassa gahapatino paccassosi.
pli-tv-bu-vb-ss8:1.7.1	Atha kho mettiyabhūmajakā bhikkhū—
pli-tv-bu-vb-ss8:1.7.2	“hiyyo kho, āvuso, amhākaṁ kalyāṇabhattikassa gahapatino bhattaṁ uddiṭṭhaṁ,
pli-tv-bu-vb-ss8:1.7.3	sve amhe kalyāṇabhattiko gahapati saputtadāro upatiṭṭhitvā parivisissati;
pli-tv-bu-vb-ss8:1.7.4	aññe odanena pucchissanti, aññe sūpena pucchissanti, aññe telena pucchissanti, aññe uttaribhaṅgena pucchissantī”ti.
pli-tv-bu-vb-ss8:1.7.5	Te teneva somanassena na cittarūpaṁ rattiyā supiṁsu.
pli-tv-bu-vb-ss8:1.7.6	Atha kho mettiyabhūmajakā bhikkhū pubbaṇhasamayaṁ nivāsetvā pattacīvaraṁ ādāya yena kalyāṇabhattikassa gahapatino nivesanaṁ tenupasaṅkamiṁsu.
pli-tv-bu-vb-ss8:1.7.7	Addasā kho sā dāsī mettiyabhūmajake bhikkhū dūratova āgacchante. Disvāna koṭṭhake āsanaṁ paññapetvā mettiyabhūmajake bhikkhū etadavoca—
pli-tv-bu-vb-ss8:1.7.8	“nisīdatha, bhante”ti.
pli-tv-bu-vb-ss8:1.7.9	Atha kho mettiyabhūmajakānaṁ bhikkhūnaṁ etadahosi—
pli-tv-bu-vb-ss8:1.7.10	“nissaṁsayaṁ kho na tāva bhattaṁ siddhaṁ bhavissati. Yathā mayaṁ koṭṭhake nisīdeyyāmā”ti.
pli-tv-bu-vb-ss8:1.7.11	Atha kho sā dāsī kaṇājakena bilaṅgadutiyena upagacchi—
pli-tv-bu-vb-ss8:1.7.12	“bhuñjatha, bhante”ti.
pli-tv-bu-vb-ss8:1.7.13	“Mayaṁ kho, bhagini, niccabhattikā”ti.
pli-tv-bu-vb-ss8:1.7.14	“Jānāmi, ayyā, niccabhattikāti.
pli-tv-bu-vb-ss8:1.7.15	Api cāhaṁ hiyyova gahapatinā āṇattā— ‘ye, je, sve bhattikā āgacchanti te koṭṭhake āsanaṁ paññapetvā kaṇājakena bilaṅgadutiyena parivisā’ti.
pli-tv-bu-vb-ss8:1.7.16	Bhuñjatha, bhante”ti.
pli-tv-bu-vb-ss8:1.7.17	Atha kho mettiyabhūmajakā bhikkhū—
pli-tv-bu-vb-ss8:1.7.18	“hiyyo kho, āvuso, kalyāṇabhattiko gahapati ārāmaṁ agamāsi dabbassa mallaputtassa santike.
pli-tv-bu-vb-ss8:1.7.19	Nissaṁsayaṁ kho mayaṁ dabbena mallaputtena gahapatino antare paribhinnā”ti.
pli-tv-bu-vb-ss8:1.7.20	Te teneva domanassena na cittarūpaṁ bhuñjiṁsu.
pli-tv-bu-vb-ss8:1.7.21	Atha kho mettiyabhūmajakā bhikkhū pacchābhattaṁ piṇḍapātapaṭikkantā ārāmaṁ gantvā pattacīvaraṁ paṭisāmetvā bahārāmakoṭṭhake saṅghāṭipallatthikāya nisīdiṁsu tuṇhībhūtā maṅkubhūtā pattakkhandhā adhomukhā pajjhāyantā appaṭibhānā.
pli-tv-bu-vb-ss8:1.8.1	Atha kho mettiyā bhikkhunī yena mettiyabhūmajakā bhikkhū tenupasaṅkami; upasaṅkamitvā mettiyabhūmajake bhikkhū etadavoca—
pli-tv-bu-vb-ss8:1.8.2	“vandāmi, ayyā”ti.
pli-tv-bu-vb-ss8:1.8.3	Evaṁ vutte, mettiyabhūmajakā bhikkhū nālapiṁsu.
pli-tv-bu-vb-ss8:1.8.4	Dutiyampi kho …pe…
pli-tv-bu-vb-ss8:1.8.5	tatiyampi kho mettiyā bhikkhunī mettiyabhūmajake bhikkhū etadavoca—
pli-tv-bu-vb-ss8:1.8.6	“vandāmi, ayyā”ti.
pli-tv-bu-vb-ss8:1.8.7	Tatiyampi kho mettiyabhūmajakā bhikkhū nālapiṁsu.
pli-tv-bu-vb-ss8:1.8.8	“Kyāhaṁ ayyānaṁ aparajjhāmi?
pli-tv-bu-vb-ss8:1.8.9	Kissa maṁ ayyā nālapantī”ti?
pli-tv-bu-vb-ss8:1.8.10	“Tathā hi pana tvaṁ, bhagini, amhe dabbena mallaputtena viheṭhīyamāne ajjhupekkhasī”ti?
pli-tv-bu-vb-ss8:1.8.11	“Kyāhaṁ, ayyā, karomī”ti?
pli-tv-bu-vb-ss8:1.8.12	“Sace kho tvaṁ, bhagini, iccheyyāsi ajjeva bhagavā dabbaṁ mallaputtaṁ nāsāpeyyā”ti.
pli-tv-bu-vb-ss8:1.8.13	“Kyāhaṁ, ayyā, karomi, kiṁ mayā sakkā kātun”ti?
pli-tv-bu-vb-ss8:1.8.14	“Ehi tvaṁ, bhagini, yena bhagavā tenupasaṅkama; upasaṅkamitvā bhagavantaṁ evaṁ vadehi—
pli-tv-bu-vb-ss8:1.8.15	‘idaṁ, bhante, nacchannaṁ nappatirūpaṁ.
pli-tv-bu-vb-ss8:1.8.16	Yāyaṁ, bhante, disā abhayā anītikā anupaddavā sāyaṁ disā sabhayā saītikā saupaddavā.
pli-tv-bu-vb-ss8:1.8.17	Yato nivātaṁ tato savātaṁ.
pli-tv-bu-vb-ss8:1.8.18	Udakaṁ maññe ādittaṁ.
pli-tv-bu-vb-ss8:1.8.19	Ayyenamhi dabbena mallaputtena dūsitā’”ti.
pli-tv-bu-vb-ss8:1.8.20	“Evaṁ, ayyā”ti kho mettiyā bhikkhunī mettiyabhūmajakānaṁ bhikkhūnaṁ paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi.
pli-tv-bu-vb-ss8:1.8.21	Ekamantaṁ ṭhitā kho sā mettiyā bhikkhunī bhagavantaṁ etadavoca—
pli-tv-bu-vb-ss8:1.8.22	“idaṁ, bhante, nacchannaṁ nappatirūpaṁ.
pli-tv-bu-vb-ss8:1.8.23	Yāyaṁ, bhante, disā abhayā anītikā anupaddavā sāyaṁ disā sabhayā saītikā saupaddavā.
pli-tv-bu-vb-ss8:1.8.24	Yato nivātaṁ tato savātaṁ.
pli-tv-bu-vb-ss8:1.8.25	Udakaṁ maññe ādittaṁ.
pli-tv-bu-vb-ss8:1.8.26	Ayyenamhi dabbena mallaputtena dūsitā”ti.
pli-tv-bu-vb-ss8:1.9.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dabbaṁ mallaputtaṁ paṭipucchi—
pli-tv-bu-vb-ss8:1.9.2	“sarasi tvaṁ, dabba, evarūpaṁ kattā yathāyaṁ bhikkhunī āhā”ti?
pli-tv-bu-vb-ss8:1.9.3	“Yathā maṁ, bhante, bhagavā jānātī”ti.
pli-tv-bu-vb-ss8:1.9.4	Dutiyampi kho bhagavā …pe…
pli-tv-bu-vb-ss8:1.9.5	tatiyampi kho bhagavā āyasmantaṁ dabbaṁ mallaputtaṁ etadavoca—
pli-tv-bu-vb-ss8:1.9.6	“sarasi tvaṁ, dabba, evarūpaṁ kattā yathāyaṁ bhikkhunī āhā”ti?
pli-tv-bu-vb-ss8:1.9.7	“Yathā maṁ, bhante, bhagavā jānātī”ti.
pli-tv-bu-vb-ss8:1.9.8	“Na kho, dabba, dabbā evaṁ nibbeṭhenti.
pli-tv-bu-vb-ss8:1.9.9	Sace tayā kataṁ katanti vadehi,
pli-tv-bu-vb-ss8:1.9.10	sace tayā akataṁ akatanti vadehī”ti.
pli-tv-bu-vb-ss8:1.9.11	“Yato ahaṁ, bhante, jāto nābhijānāmi supinantenapi methunaṁ dhammaṁ paṭisevitā, pageva jāgaro”ti.
pli-tv-bu-vb-ss8:1.9.12	Atha kho bhagavā bhikkhū āmantesi—
pli-tv-bu-vb-ss8:1.9.13	“tena hi, bhikkhave, mettiyaṁ bhikkhuniṁ nāsetha.
pli-tv-bu-vb-ss8:1.9.14	Ime ca bhikkhū anuyuñjathā”ti.
pli-tv-bu-vb-ss8:1.9.15	Idaṁ vatvā bhagavā uṭṭhāyāsanā vihāraṁ pāvisi.
pli-tv-bu-vb-ss8:1.9.16	Atha kho te bhikkhū mettiyaṁ bhikkhuniṁ nāsesuṁ.
pli-tv-bu-vb-ss8:1.9.17	Atha kho mettiyabhūmajakā bhikkhū te bhikkhū etadavocuṁ—
pli-tv-bu-vb-ss8:1.9.18	“māvuso, mettiyaṁ bhikkhuniṁ nāsetha.
pli-tv-bu-vb-ss8:1.9.19	Na sā kiñci aparajjhati.
pli-tv-bu-vb-ss8:1.9.20	Amhehi sā ussāhitā kupitehi anattamanehi cāvanādhippāyehī”ti.
pli-tv-bu-vb-ss8:1.9.21	“Kiṁ pana tumhe, āvuso, āyasmantaṁ dabbaṁ mallaputtaṁ amūlakena pārājikena dhammena anuddhaṁsethā”ti?
pli-tv-bu-vb-ss8:1.9.22	“Evamāvuso”ti.
pli-tv-bu-vb-ss8:1.9.23	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss8:1.9.24	“kathañhi nāma mettiyabhūmajakā bhikkhū āyasmantaṁ dabbaṁ mallaputtaṁ amūlakena pārājikena dhammena anuddhaṁsessantī”ti.
pli-tv-bu-vb-ss8:1.9.25	Atha kho te bhikkhū mettiyabhūmajake bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss8:1.9.26	“saccaṁ kira tumhe, bhikkhave, dabbaṁ mallaputtaṁ amūlakena pārājikena dhammena anuddhaṁsethā”ti?
pli-tv-bu-vb-ss8:1.9.27	“Saccaṁ, bhagavā”ti.
pli-tv-bu-vb-ss8:1.9.28	Vigarahi buddho bhagavā …pe…
pli-tv-bu-vb-ss8:1.9.29	“kathañhi nāma tumhe, moghapurisā, dabbaṁ mallaputtaṁ amūlakena pārājikena dhammena anuddhaṁsessatha.
pli-tv-bu-vb-ss8:1.9.30	Netaṁ, moghapurisā, appasannānaṁ vā pasādāya …pe…
pli-tv-bu-vb-ss8:1.9.31	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss8:1.9.32.0	
pli-tv-bu-vb-ss8:1.9.32.1	“Yo pana bhikkhu bhikkhuṁ duṭṭho doso appatīto amūlakena pārājikena dhammena anuddhaṁseyya—‘appeva nāma naṁ imamhā brahmacariyā cāveyyan’ti,
pli-tv-bu-vb-ss8:1.9.33	tato aparena samayena samanuggāhīyamāno vā asamanuggāhīyamāno vā amūlakañceva taṁ adhikaraṇaṁ hoti bhikkhu ca dosaṁ patiṭṭhāti, saṅghādiseso”ti.
pli-tv-bu-vb-ss8:2.0	
pli-tv-bu-vb-ss8:2.1	Yo panāti
pli-tv-bu-vb-ss8:2.2	yo yādiso …pe…
pli-tv-bu-vb-ss8:2.3	bhikkhūti
pli-tv-bu-vb-ss8:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ss8:2.5	Bhikkhunti
pli-tv-bu-vb-ss8:2.6	aññaṁ bhikkhuṁ.
pli-tv-bu-vb-ss8:2.7	Duṭṭho dosoti
pli-tv-bu-vb-ss8:2.8	kupito anattamano anabhiraddho āhatacitto khilajāto.
pli-tv-bu-vb-ss8:2.9	Appatītoti
pli-tv-bu-vb-ss8:2.10	tena ca kopena tena ca dosena tāya ca anattamanatāya tāya ca anabhiraddhiyā appatīto hoti.
pli-tv-bu-vb-ss8:2.11	Amūlakaṁ nāma
pli-tv-bu-vb-ss8:2.12	adiṭṭhaṁ asutaṁ aparisaṅkitaṁ.
pli-tv-bu-vb-ss8:2.13	Pārājikena dhammenāti
pli-tv-bu-vb-ss8:2.14	catunnaṁ aññatarena.
pli-tv-bu-vb-ss8:2.15	Anuddhaṁseyyāti
pli-tv-bu-vb-ss8:2.16	codeti vā codāpeti vā.
pli-tv-bu-vb-ss8:2.17	Appeva nāma naṁ imamhā brahmacariyā cāveyyanti
pli-tv-bu-vb-ss8:2.18	bhikkhubhāvā cāveyyaṁ, samaṇadhammā cāveyyaṁ, sīlakkhandhā cāveyyaṁ, tapoguṇā cāveyyaṁ.
pli-tv-bu-vb-ss8:2.19	Tato aparena samayenāti
pli-tv-bu-vb-ss8:2.20	yasmiṁ khaṇe anuddhaṁsito hoti taṁ khaṇaṁ taṁ layaṁ taṁ muhuttaṁ vītivatte.
pli-tv-bu-vb-ss8:2.21	Samanuggāhīyamānoti
pli-tv-bu-vb-ss8:2.22	yena vatthunā anuddhaṁsito hoti tasmiṁ vatthusmiṁ samanuggāhīyamāno.
pli-tv-bu-vb-ss8:2.23	Asamanuggāhīyamānoti
pli-tv-bu-vb-ss8:2.24	na kenaci vuccamāno.
pli-tv-bu-vb-ss8:2.25	Adhikaraṇaṁ nāma
pli-tv-bu-vb-ss8:2.26	cattāri adhikaraṇāni— vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.
pli-tv-bu-vb-ss8:2.27	Bhikkhu ca dosaṁ patiṭṭhātīti
pli-tv-bu-vb-ss8:2.28	tucchakaṁ mayā bhaṇitaṁ, musā mayā bhaṇitaṁ, abhūtaṁ mayā bhaṇitaṁ, ajānantena mayā bhaṇitaṁ.
pli-tv-bu-vb-ss8:2.29	Saṅghādisesoti
pli-tv-bu-vb-ss8:2.30	…pe… tenapi vuccati saṅghādisesoti.
pli-tv-bu-vb-ss8:3.1.0.1	
pli-tv-bu-vb-ss8:3.1.0.2	
pli-tv-bu-vb-ss8:3.1.0.3	
pli-tv-bu-vb-ss8:3.1.1	Adiṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.1.2	Tañce codeti—“diṭṭho mayā, pārājikaṁ dhammaṁ ajjhāpannosi,
pli-tv-bu-vb-ss8:3.1.3	assamaṇosi, asakyaputtiyosi,
pli-tv-bu-vb-ss8:3.1.4	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss8:3.1.5	āpatti vācāya, vācāya saṅghādisesassa.
pli-tv-bu-vb-ss8:3.1.6	Asutassa hoti—
pli-tv-bu-vb-ss8:3.1.7	“pārājikaṁ dhammaṁ ajjhāpanno”ti.
pli-tv-bu-vb-ss8:3.1.8	Tañce codeti—“suto mayā, pārājikaṁ dhammaṁ ajjhāpannosi,
pli-tv-bu-vb-ss8:3.1.9	assamaṇosi, asakyaputtiyosi,
pli-tv-bu-vb-ss8:3.1.10	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss8:3.1.11	āpatti vācāya, vācāya saṅghādisesassa.
pli-tv-bu-vb-ss8:3.1.12	Aparisaṅkitassa hoti—
pli-tv-bu-vb-ss8:3.1.13	“pārājikaṁ dhammaṁ ajjhāpanno”ti.
pli-tv-bu-vb-ss8:3.1.14	Tañce codeti—“parisaṅkito mayā, pārājikaṁ dhammaṁ ajjhāpannosi,
pli-tv-bu-vb-ss8:3.1.15	assamaṇosi, asakyaputtiyosi,
pli-tv-bu-vb-ss8:3.1.16	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss8:3.1.17	āpatti vācāya, vācāya saṅghādisesassa.
pli-tv-bu-vb-ss8:3.2.1	Adiṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.2.2	Tañce codeti—“diṭṭho mayā suto ca, pārājikaṁ dhammaṁ ajjhāpannosi,
pli-tv-bu-vb-ss8:3.2.3	assamaṇosi …pe…
pli-tv-bu-vb-ss8:3.2.4	āpatti vācāya, vācāya saṅghādisesassa.
pli-tv-bu-vb-ss8:3.2.5	Adiṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.2.6	Tañce codeti—“diṭṭho mayā parisaṅkito ca, pārājikaṁ dhammaṁ ajjhāpannosi,
pli-tv-bu-vb-ss8:3.2.7	assamaṇosi …pe…
pli-tv-bu-vb-ss8:3.2.8	āpatti vācāya, vācāya saṅghādisesassa.
pli-tv-bu-vb-ss8:3.2.9	Adiṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.2.10	Tañce codeti—“diṭṭho mayā suto ca parisaṅkito ca, pārājikaṁ dhammaṁ ajjhāpannosi,
pli-tv-bu-vb-ss8:3.2.11	assamaṇosi …pe…
pli-tv-bu-vb-ss8:3.2.12	āpatti vācāya, vācāya saṅghādisesassa.
pli-tv-bu-vb-ss8:3.2.13	Asutassa hoti—
pli-tv-bu-vb-ss8:3.2.14	“pārājikaṁ dhammaṁ ajjhāpanno”ti.
pli-tv-bu-vb-ss8:3.2.15	Tañce codeti—“suto mayā parisaṅkito ca …pe…
pli-tv-bu-vb-ss8:3.2.16	suto mayā diṭṭho ca …pe…
pli-tv-bu-vb-ss8:3.2.17	suto mayā parisaṅkito ca diṭṭho ca, pārājikaṁ dhammaṁ ajjhāpannosi,
pli-tv-bu-vb-ss8:3.2.18	assamaṇosi …pe…
pli-tv-bu-vb-ss8:3.2.19	āpatti vācāya, vācāya saṅghādisesassa.
pli-tv-bu-vb-ss8:3.2.20	Aparisaṅkitassa hoti—
pli-tv-bu-vb-ss8:3.2.21	“pārājikaṁ dhammaṁ ajjhāpanno”ti.
pli-tv-bu-vb-ss8:3.2.22	Tañce codeti—“parisaṅkito mayā diṭṭho ca …pe…
pli-tv-bu-vb-ss8:3.2.23	parisaṅkito mayā suto ca …pe…
pli-tv-bu-vb-ss8:3.2.24	parisaṅkito mayā diṭṭho ca suto ca, pārājikaṁ dhammaṁ ajjhāpannosi,
pli-tv-bu-vb-ss8:3.2.25	assamaṇosi …pe…
pli-tv-bu-vb-ss8:3.2.26	āpatti vācāya, vācāya saṅghādisesassa.
pli-tv-bu-vb-ss8:3.3.1	Diṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.3.2	Tañce codeti—
pli-tv-bu-vb-ss8:3.3.3	“suto mayā pārājikaṁ dhammaṁ ajjhāpannosi,
pli-tv-bu-vb-ss8:3.3.4	assamaṇosi …pe…
pli-tv-bu-vb-ss8:3.3.5	āpatti vācāya, vācāya saṅghādisesassa.
pli-tv-bu-vb-ss8:3.3.6	Diṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.3.7	Tañce codeti—
pli-tv-bu-vb-ss8:3.3.8	“parisaṅkito mayā, pārājikaṁ dhammaṁ ajjhāpannosi …pe…
pli-tv-bu-vb-ss8:3.3.9	suto mayā parisaṅkito ca, pārājikaṁ dhammaṁ ajjhāpannosi,
pli-tv-bu-vb-ss8:3.3.10	assamaṇosi …pe…
pli-tv-bu-vb-ss8:3.3.11	āpatti vācāya, vācāya saṅghādisesassa.
pli-tv-bu-vb-ss8:3.3.12	Sutassa hoti—
pli-tv-bu-vb-ss8:3.3.13	“pārājikaṁ dhammaṁ ajjhāpanno”ti.
pli-tv-bu-vb-ss8:3.3.14	Tañce codeti—
pli-tv-bu-vb-ss8:3.3.15	“parisaṅkito mayā, pārājikaṁ dhammaṁ ajjhāpannosi …pe…
pli-tv-bu-vb-ss8:3.3.16	diṭṭho mayā, pārājikaṁ dhammaṁ ajjhāpannosi …pe…
pli-tv-bu-vb-ss8:3.3.17	parisaṅkito mayā diṭṭho ca, pārājikaṁ dhammaṁ ajjhāpannosi,
pli-tv-bu-vb-ss8:3.3.18	assamaṇosi …pe…
pli-tv-bu-vb-ss8:3.3.19	āpatti vācāya, vācāya saṅghādisesassa.
pli-tv-bu-vb-ss8:3.3.20	Parisaṅkitassa hoti—
pli-tv-bu-vb-ss8:3.3.21	“pārājikaṁ dhammaṁ ajjhāpanno”ti.
pli-tv-bu-vb-ss8:3.3.22	Tañce codeti—
pli-tv-bu-vb-ss8:3.3.23	“diṭṭho mayā, pārājikaṁ dhammaṁ ajjhāpannosi …pe…
pli-tv-bu-vb-ss8:3.3.24	suto mayā, pārājikaṁ dhammaṁ ajjhāpannosi …pe…
pli-tv-bu-vb-ss8:3.3.25	diṭṭho mayā suto ca, pārājikaṁ dhammaṁ ajjhāpannosi,
pli-tv-bu-vb-ss8:3.3.26	assamaṇosi, asakyaputtiyosi …pe…
pli-tv-bu-vb-ss8:3.3.27	āpatti vācāya, vācāya saṅghādisesassa.
pli-tv-bu-vb-ss8:3.4.1	Diṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.4.2	Diṭṭhe vematiko diṭṭhaṁ no kappeti diṭṭhaṁ nassarati diṭṭhaṁ pamuṭṭho hoti …pe…
pli-tv-bu-vb-ss8:3.4.3	sute vematiko sutaṁ no kappeti sutaṁ nassarati sutaṁ pamuṭṭho hoti …pe…
pli-tv-bu-vb-ss8:3.4.4	parisaṅkite vematiko parisaṅkitaṁ no kappeti parisaṅkitaṁ nassarati parisaṅkitaṁ pamuṭṭho hoti.
pli-tv-bu-vb-ss8:3.4.5	Tañce codeti—
pli-tv-bu-vb-ss8:3.4.6	“parisaṅkito mayā diṭṭho ca …pe…
pli-tv-bu-vb-ss8:3.4.7	parisaṅkito mayā suto ca …pe…
pli-tv-bu-vb-ss8:3.4.8	parisaṅkito mayā diṭṭho ca suto ca, pārājikaṁ dhammaṁ ajjhāpannosi,
pli-tv-bu-vb-ss8:3.4.9	assamaṇosi, asakyaputtiyosi,
pli-tv-bu-vb-ss8:3.4.10	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss8:3.4.11	āpatti vācāya, vācāya saṅghādisesassa.
pli-tv-bu-vb-ss8:3.5.0	
pli-tv-bu-vb-ss8:3.5.1	Adiṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.5.2	Tañce codāpeti—“diṭṭhosi,
pli-tv-bu-vb-ss8:3.5.3	pārājikaṁ dhammaṁ ajjhāpannosi,
pli-tv-bu-vb-ss8:3.5.4	assamaṇosi, asakyaputtiyosi,
pli-tv-bu-vb-ss8:3.5.5	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss8:3.5.6	āpatti vācāya, vācāya saṅghādisesassa.
pli-tv-bu-vb-ss8:3.5.7	Asutassa hoti—
pli-tv-bu-vb-ss8:3.5.8	“pārājikaṁ dhammaṁ ajjhāpanno”ti …pe…
pli-tv-bu-vb-ss8:3.5.9	aparisaṅkitassa hoti—
pli-tv-bu-vb-ss8:3.5.10	“pārājikaṁ dhammaṁ ajjhāpanno”ti.
pli-tv-bu-vb-ss8:3.5.11	Tañce codāpeti—“parisaṅkitosi,
pli-tv-bu-vb-ss8:3.5.12	pārājikaṁ dhammaṁ ajjhāpannosi …pe…
pli-tv-bu-vb-ss8:3.5.13	āpatti vācāya, vācāya saṅghādisesassa.
pli-tv-bu-vb-ss8:3.6.1	Adiṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.6.2	Tañce codāpeti—“diṭṭhosi sutosi …pe…
pli-tv-bu-vb-ss8:3.6.3	diṭṭhosi parisaṅkitosi …pe…
pli-tv-bu-vb-ss8:3.6.4	diṭṭhosi sutosi parisaṅkitosi,
pli-tv-bu-vb-ss8:3.6.5	pārājikaṁ dhammaṁ ajjhāpannosi …pe…
pli-tv-bu-vb-ss8:3.6.6	asutassa hoti—
pli-tv-bu-vb-ss8:3.6.7	“pārājikaṁ dhammaṁ ajjhāpanno”ti …pe…
pli-tv-bu-vb-ss8:3.6.8	aparisaṅkitassa hoti—
pli-tv-bu-vb-ss8:3.6.9	“pārājikaṁ dhammaṁ ajjhāpanno”ti.
pli-tv-bu-vb-ss8:3.6.10	Tañce codāpeti—“parisaṅkitosi, diṭṭhosi …pe…
pli-tv-bu-vb-ss8:3.6.11	parisaṅkitosi, sutosi …pe…
pli-tv-bu-vb-ss8:3.6.12	parisaṅkitosi, diṭṭhosi, sutosi,
pli-tv-bu-vb-ss8:3.6.13	pārājikaṁ dhammaṁ ajjhāpannosi,
pli-tv-bu-vb-ss8:3.6.14	assamaṇosi …pe…
pli-tv-bu-vb-ss8:3.6.15	āpatti vācāya, vācāya saṅghādisesassa.
pli-tv-bu-vb-ss8:3.7.1	Diṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.7.2	Tañce codāpeti—
pli-tv-bu-vb-ss8:3.7.3	“sutosi …pe…
pli-tv-bu-vb-ss8:3.7.4	tañce codāpeti—
pli-tv-bu-vb-ss8:3.7.5	“parisaṅkitosi …pe…
pli-tv-bu-vb-ss8:3.7.6	tañce codāpeti—
pli-tv-bu-vb-ss8:3.7.7	“sutosi, parisaṅkitosi,
pli-tv-bu-vb-ss8:3.7.8	pārājikaṁ dhammaṁ ajjhāpannosi,
pli-tv-bu-vb-ss8:3.7.9	assamaṇosi …pe…
pli-tv-bu-vb-ss8:3.7.10	āpatti vācāya, vācāya saṅghādisesassa.
pli-tv-bu-vb-ss8:3.7.11	Sutassa hoti—
pli-tv-bu-vb-ss8:3.7.12	“pārājikaṁ dhammaṁ ajjhāpanno”ti …pe…
pli-tv-bu-vb-ss8:3.7.13	parisaṅkitassa hoti—
pli-tv-bu-vb-ss8:3.7.14	“pārājikaṁ dhammaṁ ajjhāpanno”ti.
pli-tv-bu-vb-ss8:3.7.15	Tañce codāpeti—
pli-tv-bu-vb-ss8:3.7.16	“diṭṭhosi …pe…
pli-tv-bu-vb-ss8:3.7.17	tañce codāpeti—
pli-tv-bu-vb-ss8:3.7.18	“sutosi …pe…
pli-tv-bu-vb-ss8:3.7.19	tañce codāpeti—
pli-tv-bu-vb-ss8:3.7.20	“diṭṭhosi, sutosi,
pli-tv-bu-vb-ss8:3.7.21	pārājikaṁ dhammaṁ ajjhāpannosi,
pli-tv-bu-vb-ss8:3.7.22	assamaṇosi …pe…
pli-tv-bu-vb-ss8:3.7.23	āpatti vācāya, vācāya saṅghādisesassa.
pli-tv-bu-vb-ss8:3.8.1	Diṭṭhassa hoti pārājikaṁ dhammaṁ ajjhāpajjanto.
pli-tv-bu-vb-ss8:3.8.2	Diṭṭhe vematiko diṭṭhaṁ no kappeti diṭṭhaṁ nassarati diṭṭhaṁ pamuṭṭho hoti …pe…
pli-tv-bu-vb-ss8:3.8.3	sute vematiko sutaṁ no kappeti sutaṁ nassarati sutaṁ pamuṭṭho hoti …pe…
pli-tv-bu-vb-ss8:3.8.4	parisaṅkite vematiko parisaṅkitaṁ no kappeti parisaṅkitaṁ nassarati parisaṅkitaṁ pamuṭṭho hoti.
pli-tv-bu-vb-ss8:3.8.5	Tañce codāpeti—
pli-tv-bu-vb-ss8:3.8.6	“parisaṅkitosi, diṭṭhosi …pe…
pli-tv-bu-vb-ss8:3.8.7	parisaṅkitaṁ pamuṭṭho hoti,
pli-tv-bu-vb-ss8:3.8.8	tañce codāpeti—
pli-tv-bu-vb-ss8:3.8.9	“parisaṅkitosi sutosi …pe…
pli-tv-bu-vb-ss8:3.8.10	parisaṅkitaṁ pamuṭṭho hoti,
pli-tv-bu-vb-ss8:3.8.11	tañce codāpeti—
pli-tv-bu-vb-ss8:3.8.12	“parisaṅkitosi, diṭṭhosi, sutosi,
pli-tv-bu-vb-ss8:3.8.13	pārājikaṁ dhammaṁ ajjhāpannosi,
pli-tv-bu-vb-ss8:3.8.14	assamaṇosi, asakyaputtiyosi,
pli-tv-bu-vb-ss8:3.8.15	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss8:3.8.16	āpatti vācāya, vācāya saṅghādisesassa.
pli-tv-bu-vb-ss8:4.1.0.1	
pli-tv-bu-vb-ss8:4.1.0.2	
pli-tv-bu-vb-ss8:4.1.1	Asuddhe suddhadiṭṭhi,
pli-tv-bu-vb-ss8:4.1.2	suddhe asuddhadiṭṭhi,
pli-tv-bu-vb-ss8:4.1.3	asuddhe asuddhadiṭṭhi,
pli-tv-bu-vb-ss8:4.1.4	suddhe suddhadiṭṭhi.
pli-tv-bu-vb-ss8:4.2.0.1	
pli-tv-bu-vb-ss8:4.2.0.2	
pli-tv-bu-vb-ss8:4.2.1	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.2.2	Tañce suddhadiṭṭhi samāno anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa.
pli-tv-bu-vb-ss8:4.2.3	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.2.4	Tañce suddhadiṭṭhi samāno okāsaṁ kārāpetvā cāvanādhippāyo vadeti, āpatti saṅghādisesassa.
pli-tv-bu-vb-ss8:4.2.5	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.2.6	Tañce suddhadiṭṭhi samāno anokāsaṁ kārāpetvā akkosādhippāyo vadeti, āpatti omasavādena dukkaṭassa.
pli-tv-bu-vb-ss8:4.2.7	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.2.8	Tañce suddhadiṭṭhi samāno okāsaṁ kārāpetvā akkosādhippāyo vadeti, āpatti omasavādassa.
pli-tv-bu-vb-ss8:4.3.0	
pli-tv-bu-vb-ss8:4.3.1	Suddho hoti puggalo aññataraṁ pārājikaṁ dhammaṁ anajjhāpanno.
pli-tv-bu-vb-ss8:4.3.2	Tañce asuddhadiṭṭhi samāno anokāsaṁ kārāpetvā cāvanādhippāyo vadeti, āpatti dukkaṭassa.
pli-tv-bu-vb-ss8:4.3.3	Suddho hoti puggalo aññataraṁ pārājikaṁ dhammaṁ anajjhāpanno.
pli-tv-bu-vb-ss8:4.3.4	Tañce asuddhadiṭṭhi samāno okāsaṁ kārāpetvā cāvanādhippāyo vadeti, anāpatti.
pli-tv-bu-vb-ss8:4.3.5	Suddho hoti puggalo aññataraṁ pārājikaṁ dhammaṁ anajjhāpanno.
pli-tv-bu-vb-ss8:4.3.6	Tañce asuddhadiṭṭhi samāno anokāsaṁ kārāpetvā akkosādhippāyo vadeti, āpatti omasavādena dukkaṭassa.
pli-tv-bu-vb-ss8:4.3.7	Suddho hoti puggalo aññataraṁ pārājikaṁ dhammaṁ anajjhāpanno.
pli-tv-bu-vb-ss8:4.3.8	Tañce asuddhadiṭṭhi samāno okāsaṁ kārāpetvā akkosādhippāyo vadeti, āpatti omasavādassa.
pli-tv-bu-vb-ss8:4.4.1.0	
pli-tv-bu-vb-ss8:4.4.1.1	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.4.2	Tañce asuddhadiṭṭhi samāno anokāsaṁ kārāpetvā cāvanādhippāyo vadeti, āpatti dukkaṭassa.
pli-tv-bu-vb-ss8:4.4.3	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.4.4	Tañce asuddhadiṭṭhi samāno okāsaṁ kārāpetvā cāvanādhippāyo vadeti, anāpatti.
pli-tv-bu-vb-ss8:4.4.5	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.4.6	Tañce asuddhadiṭṭhi samāno anokāsaṁ kārāpetvā akkosādhippāyo vadeti, āpatti omasavādena dukkaṭassa.
pli-tv-bu-vb-ss8:4.4.7	Asuddho hoti puggalo aññataraṁ pārājikaṁ dhammaṁ ajjhāpanno.
pli-tv-bu-vb-ss8:4.4.8	Tañce asuddhadiṭṭhi samāno okāsaṁ kārāpetvā akkosādhippāyo vadeti, āpatti omasavādassa.
pli-tv-bu-vb-ss8:4.5.0	
pli-tv-bu-vb-ss8:4.5.1	Suddho hoti puggalo aññataraṁ pārājikaṁ dhammaṁ anajjhāpanno.
pli-tv-bu-vb-ss8:4.5.2	Tañce suddhadiṭṭhi samāno anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa.
pli-tv-bu-vb-ss8:4.5.3	Suddho hoti puggalo aññataraṁ pārājikaṁ dhammaṁ anajjhāpanno.
pli-tv-bu-vb-ss8:4.5.4	Tañce suddhadiṭṭhi samāno okāsaṁ kārāpetvā cāvanādhippāyo vadeti, āpatti saṅghādisesassa.
pli-tv-bu-vb-ss8:4.5.5	Suddho hoti puggalo aññataraṁ pārājikaṁ dhammaṁ anajjhāpanno.
pli-tv-bu-vb-ss8:4.5.6	Tañce suddhadiṭṭhi samāno anokāsaṁ kārāpetvā akkosādhippāyo vadeti, āpatti omasavādena dukkaṭassa.
pli-tv-bu-vb-ss8:4.5.7	Suddho hoti puggalo aññataraṁ pārājikaṁ dhammaṁ anajjhāpanno tañce suddhadiṭṭhi samāno okāsaṁ kārāpetvā akkosādhippāyo vadeti, āpatti omasavādassa.
pli-tv-bu-vb-ss8:4.5.8.0	
pli-tv-bu-vb-ss8:4.5.8.1	Anāpatti—
pli-tv-bu-vb-ss8:4.5.9	suddhe asuddhadiṭṭhissa,
pli-tv-bu-vb-ss8:4.5.10	asuddhe asuddhadiṭṭhissa,
pli-tv-bu-vb-ss8:4.5.11	ummattakassa,
pli-tv-bu-vb-ss8:4.5.12	ādikammikassāti.
pli-tv-bu-vb-ss8:4.5.13	Amūlakasikkhāpadaṁ niṭṭhitaṁ aṭṭhamaṁ.
pli-tv-bu-vb-ss9:0.1	Theravāda Vinaya
pli-tv-bu-vb-ss9:0.2	Mahāvibhaṅga
pli-tv-bu-vb-ss9:0.3	Saṅghādisesakaṇḍa
pli-tv-bu-vb-ss9:0.4	9. Dutiyaduṭṭhadosasikkhāpada
pli-tv-bu-vb-ss9:1.1.0	
pli-tv-bu-vb-ss9:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-ss9:1.1.2	Tena kho pana samayena mettiyabhūmajakā bhikkhū gijjhakūṭā pabbatā orohantā addasaṁsu chagalakaṁ ajikāya vippaṭipajjantaṁ.
pli-tv-bu-vb-ss9:1.1.3	Disvāna evamāhaṁsu—
pli-tv-bu-vb-ss9:1.1.4	“handa mayaṁ, āvuso, imaṁ chagalakaṁ dabbaṁ mallaputtaṁ nāma karoma.
pli-tv-bu-vb-ss9:1.1.5	Imaṁ ajikaṁ mettiyaṁ nāma bhikkhuniṁ karoma.
pli-tv-bu-vb-ss9:1.1.6	Evaṁ mayaṁ voharissāma.
pli-tv-bu-vb-ss9:1.1.7	Pubbe mayaṁ, āvuso, dabbaṁ mallaputtaṁ sutena avocumhā.
pli-tv-bu-vb-ss9:1.1.8	Idāni pana amhehi sāmaṁ diṭṭho mettiyāya bhikkhuniyā vippaṭipajjanto”ti.
pli-tv-bu-vb-ss9:1.1.9	Te taṁ chagalakaṁ dabbaṁ mallaputtaṁ nāma akaṁsu.
pli-tv-bu-vb-ss9:1.1.10	Taṁ ajikaṁ mettiyaṁ nāma bhikkhuniṁ akaṁsu.
pli-tv-bu-vb-ss9:1.1.11	Te bhikkhūnaṁ ārocesuṁ—
pli-tv-bu-vb-ss9:1.1.12	“pubbe mayaṁ, āvuso, dabbaṁ mallaputtaṁ sutena avocumhā.
pli-tv-bu-vb-ss9:1.1.13	Idāni pana amhehi sāmaṁ diṭṭho mettiyāya bhikkhuniyā vippaṭipajjanto”ti.
pli-tv-bu-vb-ss9:1.1.14	Bhikkhū evamāhaṁsu—
pli-tv-bu-vb-ss9:1.1.15	“māvuso, evaṁ avacuttha.
pli-tv-bu-vb-ss9:1.1.16	Nāyasmā dabbo mallaputto evaṁ karissatī”ti.
pli-tv-bu-vb-ss9:1.1.17	Atha kho te bhikkhū bhagavato etamatthaṁ ārocesuṁ.
pli-tv-bu-vb-ss9:1.1.18	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dabbaṁ mallaputtaṁ paṭipucchi—
pli-tv-bu-vb-ss9:1.1.19	“sarasi tvaṁ, dabba, evarūpaṁ kattā yathayime bhikkhū āhaṁsū”ti?
pli-tv-bu-vb-ss9:1.1.20	“Yathā maṁ, bhante, bhagavā jānātī”ti.
pli-tv-bu-vb-ss9:1.1.21	Dutiyampi kho bhagavā …pe…
pli-tv-bu-vb-ss9:1.1.22	tatiyampi kho bhagavā āyasmantaṁ dabbaṁ mallaputtaṁ etadavoca—
pli-tv-bu-vb-ss9:1.1.23	“sarasi tvaṁ, dabba, evarūpaṁ kattā yathayime bhikkhū āhaṁsū”ti?
pli-tv-bu-vb-ss9:1.1.24	“Yathā maṁ, bhante, bhagavā jānātī”ti.
pli-tv-bu-vb-ss9:1.1.25	“Na kho, dabba, dabbā evaṁ nibbeṭhenti.
pli-tv-bu-vb-ss9:1.1.26	Sace tayā kataṁ katanti vadehi,
pli-tv-bu-vb-ss9:1.1.27	sace tayā akataṁ akatanti vadehī”ti.
pli-tv-bu-vb-ss9:1.1.28	“Yato ahaṁ, bhante, jāto nābhijānāmi supinantenapi methunadhammaṁ paṭisevitā, pageva jāgaro”ti.
pli-tv-bu-vb-ss9:1.1.29	Atha kho bhagavā bhikkhū āmantesi—“tena hi, bhikkhave, ime bhikkhū anuyuñjathā”ti.
pli-tv-bu-vb-ss9:1.1.30	Idaṁ vatvā bhagavā uṭṭhāyāsanā vihāraṁ pāvisi.
pli-tv-bu-vb-ss9:1.2.1	Atha kho te bhikkhū mettiyabhūmajake bhikkhū anuyuñjiṁsu.
pli-tv-bu-vb-ss9:1.2.2	Te bhikkhūhi anuyuñjīyamānā bhikkhūnaṁ etamatthaṁ ārocesuṁ—
pli-tv-bu-vb-ss9:1.2.3	“kiṁ pana tumhe, āvuso, āyasmantaṁ dabbaṁ mallaputtaṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsethā”ti?
pli-tv-bu-vb-ss9:1.2.4	“Evamāvuso”ti.
pli-tv-bu-vb-ss9:1.2.5	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss9:1.2.6	“kathañhi nāma mettiyabhūmajakā bhikkhū āyasmantaṁ dabbaṁ mallaputtaṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsessantī”ti.
pli-tv-bu-vb-ss9:1.2.7	Atha kho te bhikkhū mettiyabhūmajake bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss9:1.2.8	“saccaṁ kira tumhe, bhikkhave, dabbaṁ mallaputtaṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsethā”ti?
pli-tv-bu-vb-ss9:1.2.9	“Saccaṁ, bhagavā”ti.
pli-tv-bu-vb-ss9:1.2.10	Vigarahi buddho bhagavā …pe…
pli-tv-bu-vb-ss9:1.2.11	“kathañhi nāma tumhe, moghapurisā, dabbaṁ mallaputtaṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsessatha.
pli-tv-bu-vb-ss9:1.2.12	Netaṁ, moghapurisā, appasannānaṁ vā pasādāya …pe…
pli-tv-bu-vb-ss9:1.2.13	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss9:1.2.14.0	
pli-tv-bu-vb-ss9:1.2.14.1	“Yo pana bhikkhu bhikkhuṁ duṭṭho doso appatīto aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁseyya— ‘appeva nāma naṁ imamhā brahmacariyā cāveyyan’ti.
pli-tv-bu-vb-ss9:1.2.15	Tato aparena samayena samanuggāhīyamāno vā asamanuggāhīyamāno vā aññabhāgiyañceva taṁ adhikaraṇaṁ hoti koci deso lesamatto upādinno, bhikkhu ca dosaṁ patiṭṭhāti, saṅghādiseso”ti.
pli-tv-bu-vb-ss9:2.1.0	
pli-tv-bu-vb-ss9:2.1.1	Yo panāti
pli-tv-bu-vb-ss9:2.1.2	yo yādiso …pe…
pli-tv-bu-vb-ss9:2.1.3	bhikkhūti
pli-tv-bu-vb-ss9:2.1.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ss9:2.1.5	Bhikkhunti
pli-tv-bu-vb-ss9:2.1.6	aññaṁ bhikkhuṁ.
pli-tv-bu-vb-ss9:2.1.7	Duṭṭho dosoti
pli-tv-bu-vb-ss9:2.1.8	kupito anattamano anabhiraddho āhatacitto khilajāto.
pli-tv-bu-vb-ss9:2.1.9	Appatītoti
pli-tv-bu-vb-ss9:2.1.10	tena ca kopena, tena ca dosena, tāya ca anattamanatāya, tāya ca anabhiraddhiyā appatīto hoti.
pli-tv-bu-vb-ss9:2.2.1	Aññabhāgiyassa adhikaraṇassāti
pli-tv-bu-vb-ss9:2.2.2	āpattaññabhāgiyaṁ vā hoti adhikaraṇaññabhāgiyaṁ vā.
pli-tv-bu-vb-ss9:2.2.3	Kathaṁ adhikaraṇaṁ adhikaraṇassa aññabhāgiyaṁ?
pli-tv-bu-vb-ss9:2.2.4	Vivādādhikaraṇaṁ anuvādādhikaraṇassa āpattādhikaraṇassa kiccādhikaraṇassa aññabhāgiyaṁ.
pli-tv-bu-vb-ss9:2.2.5	Anuvādādhikaraṇaṁ āpattādhikaraṇassa kiccādhikaraṇassa vivādādhikaraṇassa aññabhāgiyaṁ.
pli-tv-bu-vb-ss9:2.2.6	Āpattādhikaraṇaṁ kiccādhikaraṇassa vivādādhikaraṇassa anuvādādhikaraṇassa aññabhāgiyaṁ.
pli-tv-bu-vb-ss9:2.2.7	Kiccādhikaraṇaṁ vivādādhikaraṇassa anuvādādhikaraṇassa āpattādhikaraṇassa aññabhāgiyaṁ.
pli-tv-bu-vb-ss9:2.2.8	Evaṁ adhikaraṇaṁ adhikaraṇassa aññabhāgiyaṁ.
pli-tv-bu-vb-ss9:2.2.9	Kathaṁ adhikaraṇaṁ adhikaraṇassa tabbhāgiyaṁ?
pli-tv-bu-vb-ss9:2.2.10	Vivādādhikaraṇaṁ vivādādhikaraṇassa tabbhāgiyaṁ.
pli-tv-bu-vb-ss9:2.2.11	Anuvādādhikaraṇaṁ anuvādādhikaraṇassa tabbhāgiyaṁ.
pli-tv-bu-vb-ss9:2.2.12	Āpattādhikaraṇaṁ āpattādhikaraṇassa siyā tabbhāgiyaṁ siyā aññabhāgiyaṁ.
pli-tv-bu-vb-ss9:2.2.13	Kathaṁ āpattādhikaraṇaṁ āpattādhikaraṇassa aññabhāgiyaṁ?
pli-tv-bu-vb-ss9:2.2.14	Methunadhammapārājikāpatti adinnādānapārājikāpattiyā manussaviggahapārājikāpattiyā uttarimanussadhammapārājikāpattiyā aññabhāgiyā.
pli-tv-bu-vb-ss9:2.2.15	Adinnādānapārājikāpatti manussaviggahapārājikāpattiyā uttarimanussadhammapārājikāpattiyā methunadhammapārājikāpattiyā aññabhāgiyā.
pli-tv-bu-vb-ss9:2.2.16	Manussaviggahapārājikāpatti uttarimanussadhammapārājikāpattiyā methunadhammapārājikāpattiyā adinnādānapārājikāpattiyā aññabhāgiyā.
pli-tv-bu-vb-ss9:2.2.17	Uttarimanussadhammapārājikāpatti methunadhammapārājikāpattiyā adinnādānapārājikāpattiyā manussaviggahapārājikāpattiyā aññabhāgiyā.
pli-tv-bu-vb-ss9:2.2.18	Evaṁ āpattādhikaraṇaṁ āpattādhikaraṇassa aññabhāgiyaṁ.
pli-tv-bu-vb-ss9:2.2.19	Kathaṁ āpattādhikaraṇaṁ āpattādhikaraṇassa tabbhāgiyaṁ?
pli-tv-bu-vb-ss9:2.2.20	Methunadhammapārājikāpatti methunadhammapārājikāpattiyā tabbhāgiyā.
pli-tv-bu-vb-ss9:2.2.21	Adinnādānapārājikāpatti adinnādānapārājikāpattiyā tabbhāgiyā.
pli-tv-bu-vb-ss9:2.2.22	Manussaviggahapārājikāpatti manussaviggahapārājikāpattiyā tabbhāgiyā.
pli-tv-bu-vb-ss9:2.2.23	Uttarimanussadhammapārājikāpatti uttarimanussadhammapārājikāpattiyā tabbhāgiyā.
pli-tv-bu-vb-ss9:2.2.24	Evaṁ āpattādhikaraṇaṁ āpattādhikaraṇassa tabbhāgiyaṁ.
pli-tv-bu-vb-ss9:2.2.25	Kiccādhikaraṇaṁ kiccādhikaraṇassa tabbhāgiyaṁ.
pli-tv-bu-vb-ss9:2.2.26	Evaṁ adhikaraṇaṁ adhikaraṇassa tabbhāgiyaṁ.
pli-tv-bu-vb-ss9:2.3.1	Kiñci desaṁ lesamattaṁ upādāyāti
pli-tv-bu-vb-ss9:2.3.2	leso nāma dasa lesā— jātileso, nāmaleso, gottaleso, liṅgaleso, āpattileso, pattaleso, cīvaraleso, upajjhāyaleso, ācariyaleso, senāsanaleso.
pli-tv-bu-vb-ss9:2.3.3	Jātileso nāma
pli-tv-bu-vb-ss9:2.3.4	khattiyo diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.5	Aññaṁ khattiyaṁ passitvā codeti—
pli-tv-bu-vb-ss9:2.3.6	“khattiyo mayā diṭṭho.
pli-tv-bu-vb-ss9:2.3.7	Pārājikaṁ dhammaṁ ajjhāpannosi,
pli-tv-bu-vb-ss9:2.3.8	assamaṇosi, asakyaputtiyosi,
pli-tv-bu-vb-ss9:2.3.9	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss9:2.3.10	āpatti vācāya, vācāya saṅghādisesassa.
pli-tv-bu-vb-ss9:2.3.11	Brāhmaṇo diṭṭho hoti …pe…
pli-tv-bu-vb-ss9:2.3.12	vesso diṭṭho hoti …pe…
pli-tv-bu-vb-ss9:2.3.13	suddo diṭṭho hoti
pli-tv-bu-vb-ss9:2.3.14	pārājikaṁ dhammaṁ ajjhāpajjanto.
pli-tv-bu-vb-ss9:2.3.15	Aññaṁ suddaṁ passitvā codeti—
pli-tv-bu-vb-ss9:2.3.16	“suddo mayā diṭṭho.
pli-tv-bu-vb-ss9:2.3.17	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.18	āpatti vācāya, vācāya saṅghādisesassa.
pli-tv-bu-vb-ss9:2.3.19	Nāmaleso nāma
pli-tv-bu-vb-ss9:2.3.20	buddharakkhito diṭṭho hoti …pe…
pli-tv-bu-vb-ss9:2.3.21	dhammarakkhito diṭṭho hoti …pe…
pli-tv-bu-vb-ss9:2.3.22	saṅgharakkhito diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.23	Aññaṁ saṅgharakkhitaṁ passitvā codeti—
pli-tv-bu-vb-ss9:2.3.24	“saṅgharakkhito mayā diṭṭho.
pli-tv-bu-vb-ss9:2.3.25	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.26	āpatti vācāya, vācāya saṅghādisesassa.
pli-tv-bu-vb-ss9:2.3.27	Gottaleso nāma
pli-tv-bu-vb-ss9:2.3.28	gotamo diṭṭho hoti …pe…
pli-tv-bu-vb-ss9:2.3.29	moggallāno diṭṭho hoti …pe…
pli-tv-bu-vb-ss9:2.3.30	kaccāyano diṭṭho hoti …pe…
pli-tv-bu-vb-ss9:2.3.31	vāsiṭṭho diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.32	Aññaṁ vāsiṭṭhaṁ passitvā codeti—
pli-tv-bu-vb-ss9:2.3.33	“vāsiṭṭho mayā diṭṭho.
pli-tv-bu-vb-ss9:2.3.34	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.35	āpatti vācāya, vācāya saṅghādisesassa.
pli-tv-bu-vb-ss9:2.3.36	Liṅgaleso nāma
pli-tv-bu-vb-ss9:2.3.37	dīgho diṭṭho hoti …pe…
pli-tv-bu-vb-ss9:2.3.38	rasso diṭṭho hoti …pe…
pli-tv-bu-vb-ss9:2.3.39	kaṇho diṭṭho hoti …pe…
pli-tv-bu-vb-ss9:2.3.40	odāto diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.41	Aññaṁ odātaṁ passitvā codeti—
pli-tv-bu-vb-ss9:2.3.42	“odāto mayā diṭṭho.
pli-tv-bu-vb-ss9:2.3.43	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.44	āpatti vācāya, vācāya saṅghādisesassa.
pli-tv-bu-vb-ss9:2.3.45	Āpattileso nāma
pli-tv-bu-vb-ss9:2.3.46	lahukaṁ āpattiṁ āpajjanto diṭṭho hoti.
pli-tv-bu-vb-ss9:2.3.47	Tañce pārājikena codeti—
pli-tv-bu-vb-ss9:2.3.48	“assamaṇosi, asakyaputtiyosi …pe…
pli-tv-bu-vb-ss9:2.3.49	āpatti vācāya, vācāya saṅghādisesassa.
pli-tv-bu-vb-ss9:2.3.50	Pattaleso nāma
pli-tv-bu-vb-ss9:2.3.51	lohapattadharo diṭṭho hoti …pe…
pli-tv-bu-vb-ss9:2.3.52	sāṭakapattadharo diṭṭho hoti …pe…
pli-tv-bu-vb-ss9:2.3.53	sumbhakapattadharo diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.54	Aññaṁ sumbhakapattadharaṁ passitvā codeti—
pli-tv-bu-vb-ss9:2.3.55	“sumbhakapattadharo mayā diṭṭho.
pli-tv-bu-vb-ss9:2.3.56	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.57	āpatti vācāya, vācāya saṅghādisesassa.
pli-tv-bu-vb-ss9:2.3.58	Cīvaraleso nāma
pli-tv-bu-vb-ss9:2.3.59	paṁsukūliko diṭṭho hoti …pe…
pli-tv-bu-vb-ss9:2.3.60	gahapaticīvaradharo diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.61	Aññaṁ gahapaticīvaradharaṁ passitvā codeti—
pli-tv-bu-vb-ss9:2.3.62	“gahapaticīvaradharo mayā diṭṭho.
pli-tv-bu-vb-ss9:2.3.63	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.64	āpatti vācāya, vācāya saṅghādisesassa.
pli-tv-bu-vb-ss9:2.3.65	Upajjhāyaleso nāma
pli-tv-bu-vb-ss9:2.3.66	itthannāmassa saddhivihāriko diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.67	Aññaṁ itthannāmassa saddhivihārikaṁ passitvā codeti—
pli-tv-bu-vb-ss9:2.3.68	“itthannāmassa saddhivihāriko mayā diṭṭho.
pli-tv-bu-vb-ss9:2.3.69	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.70	āpatti vācāya, vācāya saṅghādisesassa.
pli-tv-bu-vb-ss9:2.3.71	Ācariyaleso nāma
pli-tv-bu-vb-ss9:2.3.72	itthannāmassa antevāsiko diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.73	Aññaṁ itthannāmassa antevāsikaṁ passitvā codeti—
pli-tv-bu-vb-ss9:2.3.74	“itthannāmassa antevāsiko mayā diṭṭho.
pli-tv-bu-vb-ss9:2.3.75	Pārājikaṁ dhammaṁ ajjhāpannosi, assamaṇosi, asakyaputtiyosi …pe…
pli-tv-bu-vb-ss9:2.3.76	āpatti vācāya, vācāya saṅghādisesassa.
pli-tv-bu-vb-ss9:2.3.77	Senāsanaleso nāma
pli-tv-bu-vb-ss9:2.3.78	itthannāmasenāsanavāsiko diṭṭho hoti pārājikaṁ dhammaṁ ajjhāpajjanto.
pli-tv-bu-vb-ss9:2.3.79	Aññaṁ itthannāmasenāsanavāsikaṁ passitvā codeti—
pli-tv-bu-vb-ss9:2.3.80	“itthannāmasenāsanavāsiko mayā diṭṭho.
pli-tv-bu-vb-ss9:2.3.81	Pārājikaṁ dhammaṁ ajjhāpannosi,
pli-tv-bu-vb-ss9:2.3.82	assamaṇosi, asakyaputtiyosi,
pli-tv-bu-vb-ss9:2.3.83	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss9:2.3.84	āpatti vācāya, vācāya saṅghādisesassa.
pli-tv-bu-vb-ss9:2.4.1	Pārājikena dhammenāti
pli-tv-bu-vb-ss9:2.4.2	catunnaṁ aññatarena.
pli-tv-bu-vb-ss9:2.4.3	Anuddhaṁseyyāti
pli-tv-bu-vb-ss9:2.4.4	codeti vā codāpeti vā.
pli-tv-bu-vb-ss9:2.4.5	Appeva nāma naṁ imamhā brahmacariyā cāveyyanti
pli-tv-bu-vb-ss9:2.4.6	bhikkhubhāvā cāveyyaṁ, samaṇadhammā cāveyyaṁ, sīlakkhandhā cāveyyaṁ, tapoguṇā cāveyyaṁ.
pli-tv-bu-vb-ss9:2.4.7	Tato aparena samayenāti
pli-tv-bu-vb-ss9:2.4.8	yasmiṁ khaṇe anuddhaṁsito hoti, taṁ khaṇaṁ taṁ layaṁ taṁ muhuttaṁ vītivatte.
pli-tv-bu-vb-ss9:2.4.9	Samanuggāhīyamānoti
pli-tv-bu-vb-ss9:2.4.10	yena vatthunā anuddhaṁsito hoti tasmiṁ vatthusmiṁ samanuggāhīyamāno.
pli-tv-bu-vb-ss9:2.4.11	Asamanuggāhīyamānoti
pli-tv-bu-vb-ss9:2.4.12	na kenaci vuccamāno.
pli-tv-bu-vb-ss9:2.4.13	Adhikaraṇaṁ nāma
pli-tv-bu-vb-ss9:2.4.14	cattāri adhikaraṇāni— vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.
pli-tv-bu-vb-ss9:2.4.15	Koci deso lesamatto upādinnoti
pli-tv-bu-vb-ss9:2.4.16	tesaṁ lesānaṁ aññataro leso upādinno hoti.
pli-tv-bu-vb-ss9:2.4.17	Bhikkhu ca dosaṁ patiṭṭhātīti
pli-tv-bu-vb-ss9:2.4.18	tucchakaṁ mayā bhaṇitaṁ, musā mayā bhaṇitaṁ, abhūtaṁ mayā bhaṇitaṁ, ajānantena mayā bhaṇitaṁ.
pli-tv-bu-vb-ss9:2.4.19	Saṅghādisesoti
pli-tv-bu-vb-ss9:2.4.20	…pe… tenapi vuccati “saṅghādiseso”ti.
pli-tv-bu-vb-ss9:3.1.0.1	
pli-tv-bu-vb-ss9:3.1.0.2	
pli-tv-bu-vb-ss9:3.1.1	Bhikkhu saṅghādisesaṁ ajjhāpajjanto diṭṭho hoti, saṅghādisese saṅghādisesadiṭṭhi hoti.
pli-tv-bu-vb-ss9:3.1.2	Tañce pārājikena codeti—
pli-tv-bu-vb-ss9:3.1.3	“assamaṇosi, asakyaputtiyosi,
pli-tv-bu-vb-ss9:3.1.4	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss9:3.1.5	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.1.6	Bhikkhu saṅghādisesaṁ ajjhāpajjanto diṭṭho hoti, saṅghādisese thullaccayadiṭṭhi hoti …pe…
pli-tv-bu-vb-ss9:3.1.7	pācittiyadiṭṭhi hoti …
pli-tv-bu-vb-ss9:3.1.8	pāṭidesanīyadiṭṭhi hoti …
pli-tv-bu-vb-ss9:3.1.9	dukkaṭadiṭṭhi hoti …
pli-tv-bu-vb-ss9:3.1.10	dubbhāsitadiṭṭhi hoti.
pli-tv-bu-vb-ss9:3.1.11	Tañce pārājikena codeti—
pli-tv-bu-vb-ss9:3.1.12	“assamaṇosi …pe…
pli-tv-bu-vb-ss9:3.1.13	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.1.14	Bhikkhu thullaccayaṁ ajjhāpajjanto diṭṭho hoti thullaccaye thullaccayadiṭṭhi hoti …pe…
pli-tv-bu-vb-ss9:3.1.15	thullaccaye pācittiyadiṭṭhi hoti …
pli-tv-bu-vb-ss9:3.1.16	pāṭidesanīyadiṭṭhi hoti …
pli-tv-bu-vb-ss9:3.1.17	dukkaṭadiṭṭhi hoti …
pli-tv-bu-vb-ss9:3.1.18	dubbhāsitadiṭṭhi hoti …
pli-tv-bu-vb-ss9:3.1.19	saṅghādisesadiṭṭhi hoti.
pli-tv-bu-vb-ss9:3.1.20	Tañce pārājikena codeti—
pli-tv-bu-vb-ss9:3.1.21	“assamaṇosi …pe…
pli-tv-bu-vb-ss9:3.1.22	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.1.23	Bhikkhu pācittiyaṁ …pe…
pli-tv-bu-vb-ss9:3.1.24	pāṭidesanīyaṁ …
pli-tv-bu-vb-ss9:3.1.25	dukkaṭaṁ …
pli-tv-bu-vb-ss9:3.1.26	dubbhāsitaṁ ajjhāpajjanto diṭṭho hoti, dubbhāsite dubbhāsitadiṭṭhi hoti …pe…
pli-tv-bu-vb-ss9:3.1.27	dubbhāsite saṅghādisesadiṭṭhi hoti …
pli-tv-bu-vb-ss9:3.1.28	thullaccayadiṭṭhi hoti …
pli-tv-bu-vb-ss9:3.1.29	pācittiyadiṭṭhi hoti …
pli-tv-bu-vb-ss9:3.1.30	pāṭidesanīyadiṭṭhi hoti …
pli-tv-bu-vb-ss9:3.1.31	dukkaṭadiṭṭhi hoti.
pli-tv-bu-vb-ss9:3.1.32	Tañce pārājikena codeti—
pli-tv-bu-vb-ss9:3.1.33	“assamaṇosi, asakyaputtiyosi,
pli-tv-bu-vb-ss9:3.1.34	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss9:3.1.35	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.1.36	Ekekaṁ mūlaṁ kātuna cakkaṁ bandhitabbaṁ.
pli-tv-bu-vb-ss9:3.2.0	
pli-tv-bu-vb-ss9:3.2.1	Bhikkhu saṅghādisesaṁ ajjhāpajjanto diṭṭho hoti saṅghādisese saṅghādisesadiṭṭhi hoti.
pli-tv-bu-vb-ss9:3.2.2	Tañce pārājikena codāpeti—
pli-tv-bu-vb-ss9:3.2.3	“assamaṇosi …pe…
pli-tv-bu-vb-ss9:3.2.4	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.2.5	Bhikkhu saṅghādisesaṁ ajjhāpajjanto diṭṭho hoti, saṅghādisese thullaccayadiṭṭhi hoti …pe…
pli-tv-bu-vb-ss9:3.2.6	pācittiyadiṭṭhi hoti …
pli-tv-bu-vb-ss9:3.2.7	pāṭidesanīyadiṭṭhi hoti …
pli-tv-bu-vb-ss9:3.2.8	dukkaṭadiṭṭhi hoti …
pli-tv-bu-vb-ss9:3.2.9	dubbhāsitadiṭṭhi hoti.
pli-tv-bu-vb-ss9:3.2.10	Tañce pārājikena codāpeti—
pli-tv-bu-vb-ss9:3.2.11	“assamaṇosi …pe…
pli-tv-bu-vb-ss9:3.2.12	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.2.13	Bhikkhu thullaccayaṁ ajjhāpajjanto diṭṭho hoti thullaccaye thullaccayadiṭṭhi hoti …pe…
pli-tv-bu-vb-ss9:3.2.14	thullaccaye pācittiyadiṭṭhi hoti …
pli-tv-bu-vb-ss9:3.2.15	pāṭidesanīyadiṭṭhi hoti …
pli-tv-bu-vb-ss9:3.2.16	dukkaṭadiṭṭhi hoti …
pli-tv-bu-vb-ss9:3.2.17	dubbhāsitadiṭṭhi hoti …
pli-tv-bu-vb-ss9:3.2.18	saṅghādisesadiṭṭhi hoti.
pli-tv-bu-vb-ss9:3.2.19	Tañce pārājikena codāpeti—
pli-tv-bu-vb-ss9:3.2.20	“assamaṇosi …pe…
pli-tv-bu-vb-ss9:3.2.21	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.2.22	Bhikkhu pācittiyaṁ …pe…
pli-tv-bu-vb-ss9:3.2.23	pāṭidesanīyaṁ …
pli-tv-bu-vb-ss9:3.2.24	dukkaṭaṁ …
pli-tv-bu-vb-ss9:3.2.25	dubbhāsitaṁ ajjhāpajjanto diṭṭho hoti dubbhāsite dubbhāsitadiṭṭhi hoti …pe…
pli-tv-bu-vb-ss9:3.2.26	dubbhāsite saṅghādisesadiṭṭhi hoti …
pli-tv-bu-vb-ss9:3.2.27	thullaccayadiṭṭhi hoti …
pli-tv-bu-vb-ss9:3.2.28	pācittiyadiṭṭhi hoti …
pli-tv-bu-vb-ss9:3.2.29	pāṭidesanīyadiṭṭhi hoti …
pli-tv-bu-vb-ss9:3.2.30	dukkaṭadiṭṭhi hoti.
pli-tv-bu-vb-ss9:3.2.31	Tañce pārājikena codāpeti—
pli-tv-bu-vb-ss9:3.2.32	“assamaṇosi, asakyaputtiyosi,
pli-tv-bu-vb-ss9:3.2.33	natthi tayā saddhiṁ uposatho vā pavāraṇā vā saṅghakammaṁ vā”ti,
pli-tv-bu-vb-ss9:3.2.34	evampi āpattaññabhāgiyaṁ hoti leso ca upādinno, āpatti vācāya, vācāya saṅghādisesassa.
pli-tv-bu-vb-ss9:3.3.0	
pli-tv-bu-vb-ss9:3.3.1	Anāpatti—
pli-tv-bu-vb-ss9:3.3.2	tathāsaññī codeti vā codāpeti vā,
pli-tv-bu-vb-ss9:3.3.3	ummattakassa,
pli-tv-bu-vb-ss9:3.3.4	ādikammikassāti.
pli-tv-bu-vb-ss9:3.3.5	(Aññabhāgiya) Kiñcilesasikkhāpadaṁ niṭṭhitaṁ navamaṁ.
pli-tv-bu-vb-ss10:0.1	Theravāda Vinaya
pli-tv-bu-vb-ss10:0.2	Mahāvibhaṅga
pli-tv-bu-vb-ss10:0.3	Saṅghādisesakaṇḍa
pli-tv-bu-vb-ss10:0.4	10. Saṅghabhedasikkhāpada
pli-tv-bu-vb-ss10:1.1.0	
pli-tv-bu-vb-ss10:1.1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-ss10:1.1.2	Atha kho devadatto yena kokāliko kaṭamodakatissako khaṇḍadeviyā putto samuddadatto tenupasaṅkami; upasaṅkamitvā kokālikaṁ kaṭamodakatissakaṁ khaṇḍadeviyā puttaṁ samuddadattaṁ etadavoca—
pli-tv-bu-vb-ss10:1.1.3	“etha mayaṁ, āvuso, samaṇassa gotamassa saṅghabhedaṁ karissāma cakkabhedan”ti.
pli-tv-bu-vb-ss10:1.1.4	Evaṁ vutte, kokāliko devadattaṁ etadavoca—
pli-tv-bu-vb-ss10:1.1.5	“samaṇo kho, āvuso, gotamo mahiddhiko mahānubhāvo.
pli-tv-bu-vb-ss10:1.1.6	Kathaṁ mayaṁ samaṇassa gotamassa saṅghabhedaṁ karissāma cakkabhedan”ti?
pli-tv-bu-vb-ss10:1.1.7	“Etha mayaṁ, āvuso, samaṇaṁ gotamaṁ upasaṅkamitvā pañca vatthūni yācissāma—
pli-tv-bu-vb-ss10:1.1.8	‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.
pli-tv-bu-vb-ss10:1.1.9	Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṁvattanti.
pli-tv-bu-vb-ss10:1.1.10	Sādhu, bhante, bhikkhū
pli-tv-bu-vb-ss10:1.1.11	yāvajīvaṁ āraññikā assu;
pli-tv-bu-vb-ss10:1.1.12	yo gāmantaṁ osareyya, vajjaṁ naṁ phuseyya.
pli-tv-bu-vb-ss10:1.1.13	Yāvajīvaṁ piṇḍapātikā assu;
pli-tv-bu-vb-ss10:1.1.14	yo nimantanaṁ sādiyeyya, vajjaṁ naṁ phuseyya.
pli-tv-bu-vb-ss10:1.1.15	Yāvajīvaṁ paṁsukūlikā assu;
pli-tv-bu-vb-ss10:1.1.16	yo gahapaticīvaraṁ sādiyeyya, vajjaṁ naṁ phuseyya.
pli-tv-bu-vb-ss10:1.1.17	Yāvajīvaṁ rukkhamūlikā assu;
pli-tv-bu-vb-ss10:1.1.18	yo channaṁ upagaccheyya, vajjaṁ naṁ phuseyya.
pli-tv-bu-vb-ss10:1.1.19	Yāvajīvaṁ macchamaṁsaṁ na khādeyyuṁ;
pli-tv-bu-vb-ss10:1.1.20	yo macchamaṁsaṁ khādeyya, vajjaṁ naṁ phuseyyā’ti.
pli-tv-bu-vb-ss10:1.1.21	Imāni samaṇo gotamo nānujānissati.
pli-tv-bu-vb-ss10:1.1.22	Te mayaṁ imehi pañcahi vatthūhi janaṁ saññāpessāmāti.
pli-tv-bu-vb-ss10:1.1.23	Sakkā kho, āvuso, imehi pañcahi vatthūhi samaṇassa gotamassa saṅghabhedo kātuṁ cakkabhedo.
pli-tv-bu-vb-ss10:1.1.24	Lūkhapasannā hi, āvuso, manussā”ti.
pli-tv-bu-vb-ss10:1.2.1	Atha kho devadatto sapariso yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-ss10:1.2.2	Ekamantaṁ nisinno kho devadatto bhagavantaṁ etadavoca—
pli-tv-bu-vb-ss10:1.2.3	“bhagavā, bhante, anekapariyāyena appicchassa …pe…
pli-tv-bu-vb-ss10:1.2.4	vīriyārambhassa vaṇṇavādī.
pli-tv-bu-vb-ss10:1.2.5	Imāni, bhante, pañca vatthūni anekapariyāyena appicchatāya …pe…
pli-tv-bu-vb-ss10:1.2.6	vīriyārambhāya saṁvattanti.
pli-tv-bu-vb-ss10:1.2.7	Sādhu, bhante, bhikkhū yāvajīvaṁ āraññikā assu;
pli-tv-bu-vb-ss10:1.2.8	yo gāmantaṁ osareyya vajjaṁ naṁ phuseyya …pe…
pli-tv-bu-vb-ss10:1.2.9	yāvajīvaṁ macchamaṁsaṁ na khādeyyuṁ, yo macchamaṁsaṁ khādeyya vajjaṁ naṁ phuseyyā”ti.
pli-tv-bu-vb-ss10:1.2.10	“Alaṁ, devadatta,
pli-tv-bu-vb-ss10:1.2.11	yo icchati āraññiko hotu, yo icchati gāmante viharatu;
pli-tv-bu-vb-ss10:1.2.12	yo icchati piṇḍapātiko hotu, yo icchati nimantanaṁ sādiyatu;
pli-tv-bu-vb-ss10:1.2.13	yo icchati paṁsukūliko hotu, yo icchati gahapaticīvaraṁ sādiyatu.
pli-tv-bu-vb-ss10:1.2.14	Aṭṭhamāse kho mayā, devadatta, rukkhamūlasenāsanaṁ anuññātaṁ, tikoṭiparisuddhaṁ macchamaṁsaṁ—
pli-tv-bu-vb-ss10:1.2.15	adiṭṭhaṁ asutaṁ aparisaṅkitan”ti.
pli-tv-bu-vb-ss10:1.2.16	Atha kho devadatto—
pli-tv-bu-vb-ss10:1.2.17	“na bhagavā imāni pañca vatthūni anujānātī”ti haṭṭho udaggo sapariso uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
pli-tv-bu-vb-ss10:1.2.18	Atha kho devadatto sapariso rājagahaṁ pavisitvā pañcahi vatthūhi janaṁ saññāpesi—
pli-tv-bu-vb-ss10:1.2.19	“mayaṁ, āvuso, samaṇaṁ gotamaṁ upasaṅkamitvā pañca vatthūni yācimhā—
pli-tv-bu-vb-ss10:1.2.20	‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.
pli-tv-bu-vb-ss10:1.2.21	Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṁvattanti.
pli-tv-bu-vb-ss10:1.2.22	Sādhu, bhante, bhikkhū yāvajīvaṁ āraññikā assu;
pli-tv-bu-vb-ss10:1.2.23	yo gāmantaṁ osareyya, vajjaṁ naṁ phuseyya.
pli-tv-bu-vb-ss10:1.2.24	Yāvajīvaṁ piṇḍapātikā assu;
pli-tv-bu-vb-ss10:1.2.25	yo nimantanaṁ sādiyeyya, vajjaṁ naṁ phuseyya.
pli-tv-bu-vb-ss10:1.2.26	Yāvajīvaṁ paṁsukūlikā assu;
pli-tv-bu-vb-ss10:1.2.27	yo gahapaticīvaraṁ sādiyeyya, vajjaṁ naṁ phuseyya.
pli-tv-bu-vb-ss10:1.2.28	Yāvajīvaṁ rukkhamūlikā assu;
pli-tv-bu-vb-ss10:1.2.29	yo channaṁ upagaccheyya, vajjaṁ naṁ phuseyya.
pli-tv-bu-vb-ss10:1.2.30	Yāvajīvaṁ macchamaṁsaṁ na khādeyyuṁ;
pli-tv-bu-vb-ss10:1.2.31	yo macchamaṁsaṁ khādeyya, vajjaṁ naṁ phuseyyā’ti.
pli-tv-bu-vb-ss10:1.2.32	Imāni samaṇo gotamo nānujānāti.
pli-tv-bu-vb-ss10:1.2.33	Te mayaṁ imehi pañcahi vatthūhi samādāya vattāmā”ti.
pli-tv-bu-vb-ss10:1.3.1	Tattha ye te manussā assaddhā appasannā dubbuddhino te evamāhaṁsu—
pli-tv-bu-vb-ss10:1.3.2	“ime kho samaṇā sakyaputtiyā dhutā sallekhavuttino,
pli-tv-bu-vb-ss10:1.3.3	samaṇo pana gotamo bāhulliko bāhullāya cetetī”ti.
pli-tv-bu-vb-ss10:1.3.4	Ye pana te manussā saddhā pasannā paṇḍitā byattā buddhimanto te ujjhāyanti khiyyanti vipācenti—
pli-tv-bu-vb-ss10:1.3.5	“kathañhi nāma devadatto bhagavato saṅghabhedāya parakkamissati cakkabhedāyā”ti.
pli-tv-bu-vb-ss10:1.3.6	Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bu-vb-ss10:1.3.7	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss10:1.3.8	“kathañhi nāma devadatto saṅghabhedāya parakkamissati cakkabhedāyā”ti.
pli-tv-bu-vb-ss10:1.3.9	Atha kho te bhikkhū devadattaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss10:1.3.10	“saccaṁ kira tvaṁ, devadatta, saṅghabhedāya parakkamasi cakkabhedāyā”ti?
pli-tv-bu-vb-ss10:1.3.11	“Saccaṁ, bhagavā”ti.
pli-tv-bu-vb-ss10:1.3.12	Vigarahi buddho bhagavā …pe…
pli-tv-bu-vb-ss10:1.3.13	kathañhi nāma tvaṁ, moghapurisa, saṅghabhedāya parakkamissasi cakkabhedāya.
pli-tv-bu-vb-ss10:1.3.14	Netaṁ, moghapurisa, appasannānaṁ vā pasādāya …pe…
pli-tv-bu-vb-ss10:1.3.15	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss10:1.3.16.0	
pli-tv-bu-vb-ss10:1.3.16.1	“Yo pana bhikkhu samaggassa saṅghassa bhedāya parakkameyya, bhedanasaṁvattanikaṁ vā adhikaraṇaṁ samādāya paggayha tiṭṭheyya, so bhikkhu bhikkhūhi evamassa vacanīyo—
pli-tv-bu-vb-ss10:1.3.17	‘māyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi.
pli-tv-bu-vb-ss10:1.3.18	Sametāyasmā saṅghena. Samaggo hi saṅgho sammodamāno avivadamāno ekuddeso phāsu viharatī’ti.
pli-tv-bu-vb-ss10:1.3.19	Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.
pli-tv-bu-vb-ss10:1.3.20	Yāvatatiyañce samanubhāsiyamāno taṁ paṭinissajjeyya, iccetaṁ kusalaṁ;
pli-tv-bu-vb-ss10:1.3.21	no ce paṭinissajjeyya, saṅghādiseso”ti.
pli-tv-bu-vb-ss10:2.0	
pli-tv-bu-vb-ss10:2.1	Yo panāti
pli-tv-bu-vb-ss10:2.2	yo yādiso …pe…
pli-tv-bu-vb-ss10:2.3	bhikkhūti
pli-tv-bu-vb-ss10:2.4	…pe… ayaṁ imasmiṁ atthe adhippeto bhikkhūti.
pli-tv-bu-vb-ss10:2.5	Samaggo nāma saṅgho
pli-tv-bu-vb-ss10:2.6	samānasaṁvāsako samānasīmāyaṁ ṭhito.
pli-tv-bu-vb-ss10:2.7	Bhedāya parakkameyyāti—
pli-tv-bu-vb-ss10:2.8	“kathaṁ ime nānā assu, vinā assu, vaggā assū”ti pakkhaṁ pariyesati, gaṇaṁ bandhati.
pli-tv-bu-vb-ss10:2.9	Bhedanasaṁvattanikaṁ vā adhikaraṇanti
pli-tv-bu-vb-ss10:2.10	aṭṭhārasabhedakaravatthūni.
pli-tv-bu-vb-ss10:2.11	Samādāyāti
pli-tv-bu-vb-ss10:2.12	ādāya.
pli-tv-bu-vb-ss10:2.13	Paggayhāti
pli-tv-bu-vb-ss10:2.14	dīpeyya.
pli-tv-bu-vb-ss10:2.15	Tiṭṭheyyāti
pli-tv-bu-vb-ss10:2.16	na paṭinissajjeyya.
pli-tv-bu-vb-ss10:2.17	So bhikkhūti
pli-tv-bu-vb-ss10:2.18	yo so saṅghabhedako bhikkhu.
pli-tv-bu-vb-ss10:2.19	Bhikkhūhīti
pli-tv-bu-vb-ss10:2.20	aññehi bhikkhūhi. Ye passanti, ye suṇanti, tehi vattabbo—
pli-tv-bu-vb-ss10:2.21	“māyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi.
pli-tv-bu-vb-ss10:2.22	Sametāyasmā saṅghena.
pli-tv-bu-vb-ss10:2.23	Samaggo hi saṅgho sammodamāno avivadamāno ekuddeso phāsu viharatī”ti.
pli-tv-bu-vb-ss10:2.24	Dutiyampi vattabbo.
pli-tv-bu-vb-ss10:2.25	Tatiyampi vattabbo.
pli-tv-bu-vb-ss10:2.26	Sace paṭinissajjati, iccetaṁ kusalaṁ;
pli-tv-bu-vb-ss10:2.27	no ce paṭinissajjati, āpatti dukkaṭassa.
pli-tv-bu-vb-ss10:2.28	Sutvā na vadanti, āpatti dukkaṭassa.
pli-tv-bu-vb-ss10:2.29	So bhikkhu saṅghamajjhampi ākaḍḍhitvā vattabbo—
pli-tv-bu-vb-ss10:2.30	“māyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi.
pli-tv-bu-vb-ss10:2.31	Sametāyasmā saṅghena.
pli-tv-bu-vb-ss10:2.32	Samaggo hi saṅgho sammodamāno avivadamāno ekuddeso phāsu viharatī”ti.
pli-tv-bu-vb-ss10:2.33	Dutiyampi vattabbo.
pli-tv-bu-vb-ss10:2.34	Tatiyampi vattabbo.
pli-tv-bu-vb-ss10:2.35	Sace paṭinissajjati, iccetaṁ kusalaṁ;
pli-tv-bu-vb-ss10:2.36	no ce paṭinissajjati, āpatti dukkaṭassa.
pli-tv-bu-vb-ss10:2.37	So bhikkhu samanubhāsitabbo—
pli-tv-bu-vb-ss10:2.38	“evañca pana, bhikkhave, samanubhāsitabbo.
pli-tv-bu-vb-ss10:2.39	Byattena bhikkhunā paṭibalena saṅgho ñāpetabbo—
pli-tv-bu-vb-ss10:2.40	‘Suṇātu me, bhante, saṅgho.
pli-tv-bu-vb-ss10:2.41	Ayaṁ itthannāmo bhikkhu samaggassa saṅghassa bhedāya parakkamati.
pli-tv-bu-vb-ss10:2.42	So taṁ vatthuṁ na paṭinissajjati.
pli-tv-bu-vb-ss10:2.43	Yadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya.
pli-tv-bu-vb-ss10:2.44	Esā ñatti.
pli-tv-bu-vb-ss10:2.45	Suṇātu me, bhante, saṅgho.
pli-tv-bu-vb-ss10:2.46	Ayaṁ itthannāmo bhikkhu samaggassa saṅghassa bhedāya parakkamati.
pli-tv-bu-vb-ss10:2.47	So taṁ vatthuṁ na paṭinissajjati.
pli-tv-bu-vb-ss10:2.48	Saṅgho itthannāmaṁ bhikkhuṁ samanubhāsati tassa vatthussa paṭinissaggāya.
pli-tv-bu-vb-ss10:2.49	Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;
pli-tv-bu-vb-ss10:2.50	yassa nakkhamati, so bhāseyya.
pli-tv-bu-vb-ss10:2.51	Dutiyampi etamatthaṁ vadāmi …pe…
pli-tv-bu-vb-ss10:2.52	tatiyampi etamatthaṁ vadāmi—
pli-tv-bu-vb-ss10:2.53	suṇātu me, bhante, saṅgho.
pli-tv-bu-vb-ss10:2.54	Ayaṁ itthannāmo bhikkhu samaggassa saṅghassa bhedāya parakkamati.
pli-tv-bu-vb-ss10:2.55	So taṁ vatthuṁ na paṭinissajjati.
pli-tv-bu-vb-ss10:2.56	Saṅgho itthannāmaṁ bhikkhuṁ samanubhāsati tassa vatthussa paṭinissaggāya.
pli-tv-bu-vb-ss10:2.57	Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;
pli-tv-bu-vb-ss10:2.58	yassa nakkhamati, so bhāseyya.
pli-tv-bu-vb-ss10:2.59	Samanubhaṭṭho saṅghena itthannāmo bhikkhu tassa vatthussa paṭinissaggāya.
pli-tv-bu-vb-ss10:2.60	Khamati saṅghassa, tasmā tuṇhī,
pli-tv-bu-vb-ss10:2.61	evametaṁ dhārayāmī’”ti.
pli-tv-bu-vb-ss10:2.62	Ñattiyā dukkaṭaṁ,
pli-tv-bu-vb-ss10:2.63	dvīhi kammavācāhi thullaccayā,
pli-tv-bu-vb-ss10:2.64	kammavācāpariyosāne āpatti saṅghādisesassa.
pli-tv-bu-vb-ss10:2.65	Saṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.
pli-tv-bu-vb-ss10:2.66	Saṅghādisesoti
pli-tv-bu-vb-ss10:2.67	…pe… tenapi vuccati saṅghādisesoti.
pli-tv-bu-vb-ss10:3.1.0	
pli-tv-bu-vb-ss10:3.1.1	Dhammakamme dhammakammasaññī na paṭinissajjati, āpatti saṅghādisesassa.
pli-tv-bu-vb-ss10:3.1.2	Dhammakamme vematiko na paṭinissajjati, āpatti saṅghādisesassa.
pli-tv-bu-vb-ss10:3.1.3	Dhammakamme adhammakammasaññī na paṭinissajjati, āpatti saṅghādisesassa.
pli-tv-bu-vb-ss10:3.1.4	Adhammakamme dhammakammasaññī, āpatti dukkaṭassa.
pli-tv-bu-vb-ss10:3.1.5	Adhammakamme vematiko, āpatti dukkaṭassa.
pli-tv-bu-vb-ss10:3.1.6	Adhammakamme adhammakammasaññī, āpatti dukkaṭassa.
pli-tv-bu-vb-ss10:3.2.0	
pli-tv-bu-vb-ss10:3.2.1	Anāpatti—
pli-tv-bu-vb-ss10:3.2.2	asamanubhāsantassa,
pli-tv-bu-vb-ss10:3.2.3	paṭinissajjantassa,
pli-tv-bu-vb-ss10:3.2.4	ummattakassa,
pli-tv-bu-vb-ss10:3.2.5	khittacittassa,
pli-tv-bu-vb-ss10:3.2.6	vedanāṭṭassa,
pli-tv-bu-vb-ss10:3.2.7	ādikammikassāti.
pli-tv-bu-vb-ss10:3.2.8	Saṅghabhedasikkhāpadaṁ niṭṭhitaṁ dasamaṁ.
pli-tv-bu-vb-ss11:0.1	Theravāda Vinaya
pli-tv-bu-vb-ss11:0.2	Mahāvibhaṅga
pli-tv-bu-vb-ss11:0.3	Saṅghādisesakaṇḍa
pli-tv-bu-vb-ss11:0.4	11. Bhedānuvattakasikkhāpada
pli-tv-bu-vb-ss11:1.0	
pli-tv-bu-vb-ss11:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bu-vb-ss11:1.2	Tena kho pana samayena devadatto saṅghabhedāya parakkamati cakkabhedāya.
pli-tv-bu-vb-ss11:1.3	Bhikkhū evamāhaṁsu—
pli-tv-bu-vb-ss11:1.4	“adhammavādī devadatto, avinayavādī devadatto.
pli-tv-bu-vb-ss11:1.5	Kathañhi nāma devadatto saṅghabhedāya parakkamissati cakkabhedāyā”ti.
pli-tv-bu-vb-ss11:1.6	Evaṁ vutte, kokāliko kaṭamodakatissako khaṇḍadeviyā putto samuddadatto te bhikkhū etadavocuṁ—
pli-tv-bu-vb-ss11:1.7	“māyasmanto evaṁ avacuttha.
pli-tv-bu-vb-ss11:1.8	Dhammavādī devadatto, vinayavādī devadatto.
pli-tv-bu-vb-ss11:1.9	Amhākañca devadatto chandañca ruciñca ādāya voharati jānāti no bhāsati amhākampetaṁ khamatī”ti.
pli-tv-bu-vb-ss11:1.10	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss11:1.11	“kathañhi nāma bhikkhū devadattassa saṅghabhedāya parakkamantassa anuvattakā bhavissanti vaggavādakā”ti.
pli-tv-bu-vb-ss11:1.12	Atha kho te bhikkhū te anuvattake bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss11:1.13	“saccaṁ kira, bhikkhave, bhikkhū devadattassa saṅghabhedāya parakkamantassa anuvattakā honti vaggavādakā”ti?
pli-tv-bu-vb-ss11:1.14	“Saccaṁ, bhagavā”ti.
pli-tv-bu-vb-ss11:1.15	Vigarahi buddho bhagavā …pe…
pli-tv-bu-vb-ss11:1.16	kathañhi nāma te, bhikkhave, moghapurisā devadattassa saṅghabhedāya parakkamantassa anuvattakā bhavissanti vaggavādakā.
pli-tv-bu-vb-ss11:1.17	Netaṁ, bhikkhave, appasannānaṁ vā pasādāya …pe…
pli-tv-bu-vb-ss11:1.18	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss11:1.19.0	
pli-tv-bu-vb-ss11:1.19.1	“Tasseva kho pana bhikkhussa bhikkhū honti anuvattakā vaggavādakā eko vā dve vā tayo vā. Te evaṁ vadeyyuṁ—
pli-tv-bu-vb-ss11:1.20	‘māyasmanto etaṁ bhikkhuṁ kiñci avacuttha.
pli-tv-bu-vb-ss11:1.21	Dhammavādī ceso bhikkhu, vinayavādī ceso bhikkhu.
pli-tv-bu-vb-ss11:1.22	Amhākañceso bhikkhu chandañca ruciñca ādāya voharati jānāti no bhāsati amhākampetaṁ khamatī’ti,
pli-tv-bu-vb-ss11:1.23	te bhikkhū bhikkhūhi evamassu vacanīyā—
pli-tv-bu-vb-ss11:1.24	‘māyasmanto evaṁ avacuttha,
pli-tv-bu-vb-ss11:1.25	na ceso bhikkhu dhammavādī, na ceso bhikkhu vinayavādī,
pli-tv-bu-vb-ss11:1.26	māyasmantānampi saṅghabhedo ruccittha,
pli-tv-bu-vb-ss11:1.27	sametāyasmantānaṁ saṅghena, samaggo hi saṅgho sammodamāno avivadamāno ekuddeso phāsu viharatī’ti.
pli-tv-bu-vb-ss11:1.28	Evañca te bhikkhū bhikkhūhi vuccamānā tatheva paggaṇheyyuṁ, te bhikkhū bhikkhūhi yāvatatiyaṁ samanubhāsitabbā tassa paṭinissaggāya.
pli-tv-bu-vb-ss11:1.29	Yāvatatiyañce samanubhāsiyamānā taṁ paṭinissajjeyyuṁ, iccetaṁ kusalaṁ,
pli-tv-bu-vb-ss11:1.30	no ce paṭinissajjeyyuṁ, saṅghādiseso”ti.
pli-tv-bu-vb-ss11:2.0	
pli-tv-bu-vb-ss11:2.1	Tasseva kho panāti
pli-tv-bu-vb-ss11:2.2	tassa saṅghabhedakassa bhikkhuno.
pli-tv-bu-vb-ss11:2.3	Bhikkhū hontīti
pli-tv-bu-vb-ss11:2.4	aññe bhikkhū honti.
pli-tv-bu-vb-ss11:2.5	Anuvattakāti
pli-tv-bu-vb-ss11:2.6	yaṁdiṭṭhiko so hoti yaṅkhantiko yaṁruciko tepi taṁdiṭṭhikā honti taṅkhantikā taṁrucikā.
pli-tv-bu-vb-ss11:2.7	Vaggavādakāti
pli-tv-bu-vb-ss11:2.8	tassa vaṇṇāya pakkhāya ṭhitā honti.
pli-tv-bu-vb-ss11:2.9	Eko vā dve vā tayo vāti
pli-tv-bu-vb-ss11:2.10	eko vā hoti dve vā tayo vā. Te evaṁ vadeyyuṁ—
pli-tv-bu-vb-ss11:2.11	“māyasmanto etaṁ bhikkhuṁ kiñci avacuttha, dhammavādī ceso bhikkhu, vinayavādī ceso bhikkhu,
pli-tv-bu-vb-ss11:2.12	amhākañceso bhikkhu chandañca ruciñca ādāya voharati jānāti no bhāsati amhākampetaṁ khamatī”ti.
pli-tv-bu-vb-ss11:2.13	Te bhikkhūti
pli-tv-bu-vb-ss11:2.14	ye te anuvattakā bhikkhū.
pli-tv-bu-vb-ss11:2.15	Bhikkhūhīti
pli-tv-bu-vb-ss11:2.16	aññehi bhikkhūhi. Ye passanti ye suṇanti tehi vattabbā—
pli-tv-bu-vb-ss11:2.17	“māyasmanto evaṁ avacuttha.
pli-tv-bu-vb-ss11:2.18	Na ceso bhikkhu dhammavādī, na ceso bhikkhu vinayavādī.
pli-tv-bu-vb-ss11:2.19	Māyasmantānampi saṅghabhedo ruccittha.
pli-tv-bu-vb-ss11:2.20	Sametāyasmantānaṁ saṅghena.
pli-tv-bu-vb-ss11:2.21	Samaggo hi saṅgho sammodamāno avivadamāno ekuddeso phāsu viharatī”ti.
pli-tv-bu-vb-ss11:2.22	Dutiyampi vattabbā.
pli-tv-bu-vb-ss11:2.23	Tatiyampi vattabbā.
pli-tv-bu-vb-ss11:2.24	Sace paṭinissajjanti, iccetaṁ kusalaṁ;
pli-tv-bu-vb-ss11:2.25	no ce paṭinissajjanti, āpatti dukkaṭassa.
pli-tv-bu-vb-ss11:2.26	Sutvā na vadanti, āpatti dukkaṭassa.
pli-tv-bu-vb-ss11:2.27	Te bhikkhū saṅghamajjhampi ākaḍḍhitvā vattabbā—
pli-tv-bu-vb-ss11:2.28	“māyasmanto evaṁ avacuttha.
pli-tv-bu-vb-ss11:2.29	Na ceso bhikkhu dhammavādī, na ceso bhikkhu vinayavādī.
pli-tv-bu-vb-ss11:2.30	Māyasmantānampi saṅghabhedo ruccittha.
pli-tv-bu-vb-ss11:2.31	Sametāyasmantānaṁ saṅghena.
pli-tv-bu-vb-ss11:2.32	Samaggo hi saṅgho sammodamāno avivadamāno ekuddeso phāsu viharatī”ti.
pli-tv-bu-vb-ss11:2.33	Dutiyampi vattabbā.
pli-tv-bu-vb-ss11:2.34	Tatiyampi vattabbā.
pli-tv-bu-vb-ss11:2.35	Sace paṭinissajjanti, iccetaṁ kusalaṁ;
pli-tv-bu-vb-ss11:2.36	no ce paṭinissajjanti, āpatti dukkaṭassa.
pli-tv-bu-vb-ss11:2.37	Te bhikkhū samanubhāsitabbā.
pli-tv-bu-vb-ss11:2.38	“Evañca pana, bhikkhave, samanubhāsitabbā.
pli-tv-bu-vb-ss11:2.39	Byattena bhikkhunā paṭibalena saṅgho ñāpetabbo—
pli-tv-bu-vb-ss11:2.40	‘Suṇātu me, bhante, saṅgho.
pli-tv-bu-vb-ss11:2.41	Itthannāmo ca itthanāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā.
pli-tv-bu-vb-ss11:2.42	Te taṁ vatthuṁ na paṭinissajjanti.
pli-tv-bu-vb-ss11:2.43	Yadi saṅghassa pattakallaṁ, saṅgho itthannāmañca itthannāmañca bhikkhū samanubhāseyya tassa vatthussa paṭinissaggāya.
pli-tv-bu-vb-ss11:2.44	Esā ñatti.
pli-tv-bu-vb-ss11:2.45	Suṇātu me, bhante, saṅgho.
pli-tv-bu-vb-ss11:2.46	Itthannāmo ca itthannāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā.
pli-tv-bu-vb-ss11:2.47	Te taṁ vatthuṁ na paṭinissajjanti.
pli-tv-bu-vb-ss11:2.48	Saṅgho itthannāmañca itthannāmañca bhikkhū samanubhāsati tassa vatthussa paṭinissaggāya.
pli-tv-bu-vb-ss11:2.49	Yassāyasmato khamati itthannāmassa ca itthannāmassa ca bhikkhūnaṁ samanubhāsanā tassa vatthussa paṭinissaggāya, so tuṇhassa;
pli-tv-bu-vb-ss11:2.50	yassa nakkhamati, so bhāseyya.
pli-tv-bu-vb-ss11:2.51	Dutiyampi etamatthaṁ vadāmi …pe…
pli-tv-bu-vb-ss11:2.52	tatiyampi etamatthaṁ vadāmi—
pli-tv-bu-vb-ss11:2.53	suṇātu me, bhante, saṅgho.
pli-tv-bu-vb-ss11:2.54	Itthannāmo ca itthannāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā.
pli-tv-bu-vb-ss11:2.55	Te taṁ vatthuṁ na paṭinissajjanti.
pli-tv-bu-vb-ss11:2.56	Saṅgho itthannāmañca itthannāmañca bhikkhū samanubhāsati tassa vatthussa paṭinissaggāya.
pli-tv-bu-vb-ss11:2.57	Yassāyasmato khamati itthannāmassa ca itthannāmassa ca bhikkhūnaṁ samanubhāsanā tassa vatthussa paṭinissaggāya, so tuṇhassa;
pli-tv-bu-vb-ss11:2.58	yassa nakkhamati, so bhāseyya.
pli-tv-bu-vb-ss11:2.59	Samanubhaṭṭhā saṅghena itthannāmo ca itthannāmo ca bhikkhū tassa vatthussa paṭinissaggāya.
pli-tv-bu-vb-ss11:2.60	Khamati saṅghassa, tasmā tuṇhī,
pli-tv-bu-vb-ss11:2.61	evametaṁ dhārayāmī’”ti.
pli-tv-bu-vb-ss11:2.62	Ñattiyā dukkaṭaṁ,
pli-tv-bu-vb-ss11:2.63	dvīhi kammavācāhi thullaccayā,
pli-tv-bu-vb-ss11:2.64	kammavācāpariyosāne āpatti saṅghādisesassa.
pli-tv-bu-vb-ss11:2.65	Saṅghādisesaṁ ajjhāpajjantānaṁ ñattiyā dukkaṭaṁ, dvīhi kammavācāhi thullaccayā paṭippassambhanti.
pli-tv-bu-vb-ss11:2.66	Dve tayo ekato samanubhāsitabbā, taduttari na samanubhāsitabbā.
pli-tv-bu-vb-ss11:2.67	Saṅghādisesoti
pli-tv-bu-vb-ss11:2.68	…pe… tenapi vuccati “saṅghādiseso”ti.
pli-tv-bu-vb-ss11:3.1.0	
pli-tv-bu-vb-ss11:3.1.1	Dhammakamme dhammakammasaññī na paṭinissajjanti, āpatti saṅghādisesassa.
pli-tv-bu-vb-ss11:3.1.2	Dhammakamme vematikā na paṭinissajjanti, āpatti saṅghādisesassa.
pli-tv-bu-vb-ss11:3.1.3	Dhammakamme adhammakammasaññī na paṭinissajjanti, āpatti saṅghādisesassa.
pli-tv-bu-vb-ss11:3.1.4	Adhammakamme dhammakammasaññī, āpatti dukkaṭassa.
pli-tv-bu-vb-ss11:3.1.5	Adhammakamme vematikā, āpatti dukkaṭassa.
pli-tv-bu-vb-ss11:3.1.6	Adhammakamme adhammakammasaññī, āpatti dukkaṭassa.
pli-tv-bu-vb-ss11:3.2.0	
pli-tv-bu-vb-ss11:3.2.1	Anāpatti—
pli-tv-bu-vb-ss11:3.2.2	asamanubhāsantānaṁ,
pli-tv-bu-vb-ss11:3.2.3	paṭinissajjantānaṁ,
pli-tv-bu-vb-ss11:3.2.4	ummattakānaṁ,
pli-tv-bu-vb-ss11:3.2.5	khittacittānaṁ,
pli-tv-bu-vb-ss11:3.2.6	vedanāṭṭānaṁ,
pli-tv-bu-vb-ss11:3.2.7	ādikammikānanti.
pli-tv-bu-vb-ss11:3.2.8	Bhedānuvattakasikkhāpadaṁ niṭṭhitaṁ ekādasamaṁ.
pli-tv-bu-vb-ss12:0.1	Theravāda Vinaya
pli-tv-bu-vb-ss12:0.2	Mahāvibhaṅga
pli-tv-bu-vb-ss12:0.3	Saṅghādisesakaṇḍa
pli-tv-bu-vb-ss12:0.4	12. Dubbacasikkhāpada
pli-tv-bu-vb-ss12:1.0	
pli-tv-bu-vb-ss12:1.1	Tena samayena buddho bhagavā kosambiyaṁ viharati ghositārāme.
pli-tv-bu-vb-ss12:1.2	Tena kho pana samayena āyasmā channo anācāraṁ ācarati.
pli-tv-bu-vb-ss12:1.3	Bhikkhū evamāhaṁsu—
pli-tv-bu-vb-ss12:1.4	“māvuso channa, evarūpaṁ akāsi.
pli-tv-bu-vb-ss12:1.5	Netaṁ kappatī”ti.
pli-tv-bu-vb-ss12:1.6	So evaṁ vadeti—
pli-tv-bu-vb-ss12:1.7	“kiṁ nu kho nāma tumhe, āvuso, maṁ vattabbaṁ maññatha?
pli-tv-bu-vb-ss12:1.8	Ahaṁ kho nāma tumhe vadeyyaṁ.
pli-tv-bu-vb-ss12:1.9	Amhākaṁ buddho amhākaṁ dhammo
pli-tv-bu-vb-ss12:1.10	amhākaṁ ayyaputtena dhammo abhisamito.
pli-tv-bu-vb-ss12:1.11	Seyyathāpi nāma mahāvāto vāyanto tiṇakaṭṭhapaṇṇasaṭaṁ ekato ussāreyya, seyyathā vā pana nadī pabbateyyā saṅkhasevālapaṇakaṁ ekato ussāreyya;
pli-tv-bu-vb-ss12:1.12	evameva tumhe nānānāmā nānāgottā nānājaccā nānākulā pabbajitā ekato ussāritā.
pli-tv-bu-vb-ss12:1.13	Kiṁ nu kho nāma tumhe, āvuso, maṁ vattabbaṁ maññatha?
pli-tv-bu-vb-ss12:1.14	Ahaṁ kho nāma tumhe vadeyyaṁ.
pli-tv-bu-vb-ss12:1.15	Amhākaṁ buddho amhākaṁ dhammo
pli-tv-bu-vb-ss12:1.16	amhākaṁ ayyaputtena dhammo abhisamito”ti.
pli-tv-bu-vb-ss12:1.17	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss12:1.18	“kathañhi nāma āyasmā channo bhikkhūhi sahadhammikaṁ vuccamāno attānaṁ avacanīyaṁ karissatī”ti.
pli-tv-bu-vb-ss12:1.19	Atha kho te bhikkhū āyasmantaṁ channaṁ anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss12:1.20	“saccaṁ kira tvaṁ, channa, bhikkhūhi sahadhammikaṁ vuccamāno attānaṁ avacanīyaṁ karosī”ti?
pli-tv-bu-vb-ss12:1.21	“Saccaṁ, bhagavā”ti.
pli-tv-bu-vb-ss12:1.22	Vigarahi buddho bhagavā …pe…
pli-tv-bu-vb-ss12:1.23	kathañhi nāma tvaṁ, moghapurisa, bhikkhūhi sahadhammikaṁ vuccamāno attānaṁ avacanīyaṁ karissasi.
pli-tv-bu-vb-ss12:1.24	Netaṁ, moghapurisa, appasannānaṁ vā pasādāya …pe…
pli-tv-bu-vb-ss12:1.25	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss12:1.26.0	
pli-tv-bu-vb-ss12:1.26.1	“Bhikkhu paneva dubbacajātiko hoti uddesapariyāpannesu sikkhāpadesu bhikkhūhi sahadhammikaṁ vuccamāno attānaṁ avacanīyaṁ karoti—
pli-tv-bu-vb-ss12:1.27	‘mā maṁ āyasmanto kiñci avacuttha kalyāṇaṁ vā pāpakaṁ vā, ahampāyasmante na kiñci vakkhāmi kalyāṇaṁ vā pāpakaṁ vā,
pli-tv-bu-vb-ss12:1.28	viramathāyasmanto mama vacanāyā’ti,
pli-tv-bu-vb-ss12:1.29	so bhikkhu bhikkhūhi evamassa vacanīyo—
pli-tv-bu-vb-ss12:1.30	‘māyasmā attānaṁ avacanīyaṁ akāsi, vacanīyamevāyasmā attānaṁ karotu,
pli-tv-bu-vb-ss12:1.31	āyasmāpi bhikkhū vadetu sahadhammena, bhikkhūpi āyasmantaṁ vakkhanti sahadhammena.
pli-tv-bu-vb-ss12:1.32	Evaṁ saṁvaddhā hi tassa bhagavato parisā yadidaṁ aññamaññavacanena aññamaññavuṭṭhāpanenā’ti.
pli-tv-bu-vb-ss12:1.33	Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.
pli-tv-bu-vb-ss12:1.34	Yāvatatiyañce samanubhāsiyamāno taṁ paṭinissajjeyya, iccetaṁ kusalaṁ;
pli-tv-bu-vb-ss12:1.35	no ce paṭinissajjeyya, saṅghādiseso”ti.
pli-tv-bu-vb-ss12:2.0	
pli-tv-bu-vb-ss12:2.1	Bhikkhū paneva dubbacajātiko hotīti
pli-tv-bu-vb-ss12:2.2	dubbaco hoti dovacassakaraṇehi dhammehi samannāgato akkhamo appadakkhiṇaggāhī anusāsaniṁ.
pli-tv-bu-vb-ss12:2.3	Uddesapariyāpannesu sikkhāpadesūti
pli-tv-bu-vb-ss12:2.4	pātimokkhapariyāpannesu sikkhāpadesu.
pli-tv-bu-vb-ss12:2.5	Bhikkhūhīti
pli-tv-bu-vb-ss12:2.6	aññehi bhikkhūhi.
pli-tv-bu-vb-ss12:2.7	Sahadhammikaṁ nāma
pli-tv-bu-vb-ss12:2.8	yaṁ bhagavatā paññattaṁ sikkhāpadaṁ, etaṁ sahadhammikaṁ nāma.
pli-tv-bu-vb-ss12:2.9	Tena vuccamāno attānaṁ avacanīyaṁ karoti—
pli-tv-bu-vb-ss12:2.10	“mā maṁ āyasmanto kiñci avacuttha kalyāṇaṁ vā pāpakaṁ vā, ahampāyasmante na kiñci vakkhāmi kalyāṇaṁ vā pāpakaṁ vā. Viramathāyasmanto mama vacanāyā”ti.
pli-tv-bu-vb-ss12:2.11	So bhikkhūti
pli-tv-bu-vb-ss12:2.12	yo so dubbacajātiko bhikkhu.
pli-tv-bu-vb-ss12:2.13	Bhikkhūhīti
pli-tv-bu-vb-ss12:2.14	aññehi bhikkhūhi. Ye passanti ye suṇanti tehi vattabbo—
pli-tv-bu-vb-ss12:2.15	“māyasmā attānaṁ avacanīyaṁ akāsi.
pli-tv-bu-vb-ss12:2.16	Vacanīyameva āyasmā attānaṁ karotu.
pli-tv-bu-vb-ss12:2.17	Āyasmāpi bhikkhū vadetu sahadhammena, bhikkhūpi āyasmantaṁ vakkhanti sahadhammena.
pli-tv-bu-vb-ss12:2.18	Evaṁ saṁvaddhā hi tassa bhagavato parisā yadidaṁ aññamaññavacanena aññamaññavuṭṭhāpanenā”ti.
pli-tv-bu-vb-ss12:2.19	Dutiyampi vattabbo.
pli-tv-bu-vb-ss12:2.20	Tatiyampi vattabbo.
pli-tv-bu-vb-ss12:2.21	Sace paṭinissajjati, iccetaṁ kusalaṁ;
pli-tv-bu-vb-ss12:2.22	no ce paṭinissajjati, āpatti dukkaṭassa.
pli-tv-bu-vb-ss12:2.23	Sutvā na vadanti, āpatti dukkaṭassa.
pli-tv-bu-vb-ss12:2.24	So bhikkhu saṅghamajjhampi ākaḍḍhitvā vattabbo—
pli-tv-bu-vb-ss12:2.25	“māyasmā attānaṁ avacanīyaṁ akāsi …pe…
pli-tv-bu-vb-ss12:2.26	aññamaññavuṭṭhāpanenā”ti.
pli-tv-bu-vb-ss12:2.27	Dutiyampi vattabbo.
pli-tv-bu-vb-ss12:2.28	Tatiyampi vattabbo.
pli-tv-bu-vb-ss12:2.29	Sace paṭinissajjati, iccetaṁ kusalaṁ;
pli-tv-bu-vb-ss12:2.30	no ce paṭinissajjati, āpatti dukkaṭassa.
pli-tv-bu-vb-ss12:2.31	So bhikkhu samanubhāsitabbo.
pli-tv-bu-vb-ss12:2.32	“Evañca pana, bhikkhave, samanubhāsitabbo.
pli-tv-bu-vb-ss12:2.33	Byattena bhikkhunā paṭibalena saṅgho ñāpetabbo—
pli-tv-bu-vb-ss12:2.34	‘Suṇātu me, bhante, saṅgho.
pli-tv-bu-vb-ss12:2.35	Ayaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti.
pli-tv-bu-vb-ss12:2.36	So taṁ vatthuṁ na paṭinissajjati.
pli-tv-bu-vb-ss12:2.37	Yadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya.
pli-tv-bu-vb-ss12:2.38	Esā ñatti.
pli-tv-bu-vb-ss12:2.39	Suṇātu me, bhante, saṅgho.
pli-tv-bu-vb-ss12:2.40	Ayaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti.
pli-tv-bu-vb-ss12:2.41	So taṁ vatthuṁ na paṭinissajjati.
pli-tv-bu-vb-ss12:2.42	Saṅgho itthannāmaṁ bhikkhuṁ samanubhāsati tassa vatthussa paṭinissaggāya.
pli-tv-bu-vb-ss12:2.43	Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;
pli-tv-bu-vb-ss12:2.44	yassa nakkhamati, so bhāseyya.
pli-tv-bu-vb-ss12:2.45	Dutiyampi etamatthaṁ vadāmi …pe…
pli-tv-bu-vb-ss12:2.46	tatiyampi etamatthaṁ vadāmi—
pli-tv-bu-vb-ss12:2.47	suṇātu me, bhante, saṅgho.
pli-tv-bu-vb-ss12:2.48	Ayaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti.
pli-tv-bu-vb-ss12:2.49	So taṁ vatthuṁ na paṭinissajjati.
pli-tv-bu-vb-ss12:2.50	Saṅgho itthannāmaṁ bhikkhuṁ samanubhāsati tassa vatthussa paṭinissaggāya.
pli-tv-bu-vb-ss12:2.51	Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;
pli-tv-bu-vb-ss12:2.52	yassa nakkhamati, so bhāseyya.
pli-tv-bu-vb-ss12:2.53	Samanubhaṭṭho saṅghena itthannāmo bhikkhu tassa vatthussa paṭinissaggāya.
pli-tv-bu-vb-ss12:2.54	Khamati saṅghassa, tasmā tuṇhī,
pli-tv-bu-vb-ss12:2.55	evametaṁ dhārayāmī’”ti.
pli-tv-bu-vb-ss12:2.56	Ñattiyā dukkaṭaṁ,
pli-tv-bu-vb-ss12:2.57	dvīhi kammavācāhi thullaccayā,
pli-tv-bu-vb-ss12:2.58	kammavācāpariyosāne āpatti saṅghādisesassa.
pli-tv-bu-vb-ss12:2.59	Saṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.
pli-tv-bu-vb-ss12:2.60	Saṅghādisesoti
pli-tv-bu-vb-ss12:2.61	…pe… tenapi vuccati “saṅghādiseso”ti.
pli-tv-bu-vb-ss12:3.1.0	
pli-tv-bu-vb-ss12:3.1.1	Dhammakamme dhammakammasaññī na paṭinissajjati, āpatti saṅghādisesassa.
pli-tv-bu-vb-ss12:3.1.2	Dhammakamme vematiko na paṭinissajjati, āpatti saṅghādisesassa.
pli-tv-bu-vb-ss12:3.1.3	Dhammakamme adhammakammasaññī na paṭinissajjati, āpatti saṅghādisesassa.
pli-tv-bu-vb-ss12:3.1.4	Adhammakamme dhammakammasaññī, āpatti dukkaṭassa.
pli-tv-bu-vb-ss12:3.1.5	Adhammakamme vematiko, āpatti dukkaṭassa.
pli-tv-bu-vb-ss12:3.1.6	Adhammakamme adhammakammasaññī, āpatti dukkaṭassa.
pli-tv-bu-vb-ss12:3.2.0	
pli-tv-bu-vb-ss12:3.2.1	Anāpatti—
pli-tv-bu-vb-ss12:3.2.2	asamanubhāsantassa,
pli-tv-bu-vb-ss12:3.2.3	paṭinissajjantassa,
pli-tv-bu-vb-ss12:3.2.4	ummattakassa,
pli-tv-bu-vb-ss12:3.2.5	ādikammikassāti.
pli-tv-bu-vb-ss12:3.2.6	Dubbacasikkhāpadaṁ niṭṭhitaṁ dvādasamaṁ.
pli-tv-bu-vb-ss13:0.1	Theravāda Vinaya
pli-tv-bu-vb-ss13:0.2	Mahāvibhaṅga
pli-tv-bu-vb-ss13:0.3	Saṅghādisesakaṇḍa
pli-tv-bu-vb-ss13:0.4	13. Kuladūsakasikkhāpada
pli-tv-bu-vb-ss13:1.1.0	
pli-tv-bu-vb-ss13:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bu-vb-ss13:1.1.2	Tena kho pana samayena assajipunabbasukā nāma kīṭāgirismiṁ āvāsikā honti alajjino pāpabhikkhū.
pli-tv-bu-vb-ss13:1.1.3	Te evarūpaṁ anācāraṁ ācaranti—
pli-tv-bu-vb-ss13:1.1.4	mālāvacchaṁ ropentipi ropāpentipi, siñcantipi siñcāpentipi, ocinantipi ocināpentipi, ganthentipi ganthāpentipi,
pli-tv-bu-vb-ss13:1.1.5	ekatovaṇṭikamālaṁ karontipi kārāpentipi, ubhatovaṇṭikamālaṁ karontipi kārāpentipi,
pli-tv-bu-vb-ss13:1.1.6	mañjarikaṁ karontipi kārāpentipi, vidhūtikaṁ karontipi kārāpentipi, vaṭaṁsakaṁ karontipi kārāpentipi, āveḷaṁ karontipi kārāpentipi, uracchadaṁ karontipi kārāpentipi.
pli-tv-bu-vb-ss13:1.1.7	Te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harantipi harāpentipi, ubhatovaṇṭikamālaṁ harantipi harāpentipi, mañjarikaṁ harantipi harāpentipi, vidhūtikaṁ harantipi harāpentipi, vaṭaṁsakaṁ harantipi harāpentipi, āveḷaṁ harantipi harāpentipi, uracchadaṁ harantipi harāpentipi.
pli-tv-bu-vb-ss13:1.1.8	Te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjanti, ekathālakepi pivanti,
pli-tv-bu-vb-ss13:1.1.9	ekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti,
pli-tv-bu-vb-ss13:1.1.10	vikālepi bhuñjanti, majjampi pivanti, mālāgandhavilepanampi dhārenti,
pli-tv-bu-vb-ss13:1.1.11	naccantipi gāyantipi vādentipi lāsentipi,
pli-tv-bu-vb-ss13:1.1.12	naccantiyāpi naccanti, naccantiyāpi gāyanti, naccantiyāpi vādenti, naccantiyāpi lāsenti, gāyantiyāpi naccanti, gāyantiyāpi gāyanti, gāyantiyāpi vādenti, gāyantiyāpi lāsenti, vādentiyāpi naccanti, vādentiyāpi gāyanti, vādentiyāpi vādenti, vādentiyāpi lāsenti, lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti;
pli-tv-bu-vb-ss13:1.2.1	aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi kīḷanti, salākahatthenapi kīḷanti, akkhenapi kīḷanti, paṅgacīrenapi kīḷanti, vaṅkakenapi kīḷanti, mokkhacikāyapi kīḷanti, ciṅgulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti.
pli-tv-bu-vb-ss13:1.2.2	Hatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti, tharusmimpi sikkhanti,
pli-tv-bu-vb-ss13:1.2.3	hatthissapi purato dhāvanti, assassapi purato dhāvanti, rathassapi purato dhāvantipi ādhāvantipi,
pli-tv-bu-vb-ss13:1.2.4	usseḷentipi, apphoṭentipi, nibbujjhantipi, muṭṭhīhipi yujjhanti,
pli-tv-bu-vb-ss13:1.2.5	raṅgamajjhepi saṅghāṭiṁ pattharitvā naccakiṁ evaṁ vadanti—“idha, bhagini, naccassū”ti, nalāṭikampi denti, vividhampi anācāraṁ ācaranti.
pli-tv-bu-vb-ss13:1.3.1	Tena kho pana samayena aññataro bhikkhu kāsīsu vassaṁvuṭṭho sāvatthiṁ gacchanto bhagavantaṁ dassanāya, yena kīṭāgiri tadavasari.
pli-tv-bu-vb-ss13:1.3.2	Atha kho so bhikkhu pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisi
pli-tv-bu-vb-ss13:1.3.3	pāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno.
pli-tv-bu-vb-ss13:1.3.4	Manussā taṁ bhikkhuṁ passitvā evamāhaṁsu—“kvāyaṁ abalabalo viya mandamando viya bhākuṭikabhākuṭiko viya? Ko imassa upagatassa piṇḍakaṁ dassati? Amhākaṁ pana ayyā assajipunabbasukā saṇhā sakhilā sukhasambhāsā mihitapubbaṅgamā ehisvāgatavādino abbhākuṭikā uttānamukhā pubbabhāsino. Tesaṁ kho nāma piṇḍo dātabbo”ti.
pli-tv-bu-vb-ss13:1.3.5	Addasā kho aññataro upāsako taṁ bhikkhuṁ kīṭāgirismiṁ piṇḍāya carantaṁ.
pli-tv-bu-vb-ss13:1.3.6	Disvāna yena so bhikkhu tenupasaṅkami; upasaṅkamitvā taṁ bhikkhuṁ abhivādetvā etadavoca—“api, bhante, piṇḍo labbhatī”ti?
pli-tv-bu-vb-ss13:1.3.7	“Na kho, āvuso, piṇḍo labbhatī”ti.
pli-tv-bu-vb-ss13:1.3.8	“Ehi, bhante, gharaṁ gamissāmā”ti.
pli-tv-bu-vb-ss13:1.4.1	Atha kho so upāsako taṁ bhikkhuṁ gharaṁ netvā bhojetvā etadavoca—
pli-tv-bu-vb-ss13:1.4.2	“kahaṁ, bhante, ayyo gamissatī”ti?
pli-tv-bu-vb-ss13:1.4.3	“Sāvatthiṁ kho ahaṁ, āvuso, gamissāmi bhagavantaṁ dassanāyā”ti.
pli-tv-bu-vb-ss13:1.4.4	“Tena hi, bhante, mama vacanena bhagavato pāde sirasā vanda, evañca vadehi—
pli-tv-bu-vb-ss13:1.4.5	‘duṭṭho, bhante, kīṭāgirismiṁ āvāso.
pli-tv-bu-vb-ss13:1.4.6	Assajipunabbasukā nāma kīṭāgirismiṁ āvāsikā alajjino pāpabhikkhū.
pli-tv-bu-vb-ss13:1.4.7	Te evarūpaṁ anācāraṁ ācaranti—
pli-tv-bu-vb-ss13:1.4.8	mālāvacchaṁ ropentipi ropāpentipi, siñcantipi siñcāpentipi …pe… vividhampi anācāraṁ ācaranti.
pli-tv-bu-vb-ss13:1.4.9	Yepi te, bhante, manussā pubbe saddhā ahesuṁ pasannā tepi etarahi assaddhā appasannā.
pli-tv-bu-vb-ss13:1.4.10	Yānipi tāni saṅghassa pubbe dānapathāni tānipi etarahi upacchinnāni.
pli-tv-bu-vb-ss13:1.4.11	Riñcanti pesalā bhikkhū, nivasanti pāpabhikkhū.
pli-tv-bu-vb-ss13:1.4.12	Sādhu, bhante, bhagavā kīṭāgiriṁ bhikkhū pahiṇeyya yathāyaṁ kīṭāgirismiṁ āvāso saṇṭhaheyyā’”ti.
pli-tv-bu-vb-ss13:1.5.1	“Evamāvuso”ti kho so bhikkhu tassa upāsakassa paṭissutvā yena sāvatthi tena pakkāmi.
pli-tv-bu-vb-ss13:1.5.2	Anupubbena yena sāvatthi jetavanaṁ anāthapiṇḍikassa ārāmo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
pli-tv-bu-vb-ss13:1.5.3	Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.
pli-tv-bu-vb-ss13:1.5.4	Atha kho bhagavā taṁ bhikkhuṁ etadavoca—
pli-tv-bu-vb-ss13:1.5.5	“kacci, bhikkhu, khamanīyaṁ kacci yāpanīyaṁ,
pli-tv-bu-vb-ss13:1.5.6	kaccisi appakilamathena addhānaṁ āgato,
pli-tv-bu-vb-ss13:1.5.7	kuto ca tvaṁ, bhikkhu, āgacchasī”ti?
pli-tv-bu-vb-ss13:1.5.8	“Khamanīyaṁ, bhagavā, yāpanīyaṁ, bhagavā.
pli-tv-bu-vb-ss13:1.5.9	Appakilamathena cāhaṁ, bhante, addhānaṁ āgato.
pli-tv-bu-vb-ss13:1.5.10	Idhāhaṁ, bhante, kāsīsu vassaṁvuṭṭho sāvatthiṁ āgacchanto bhagavantaṁ dassanāya yena kīṭāgiri tadavasariṁ.
pli-tv-bu-vb-ss13:1.5.11	Atha khvāhaṁ, bhante, pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisiṁ.
pli-tv-bu-vb-ss13:1.5.12	Addasā kho maṁ, bhante, aññataro upāsako kīṭāgirismiṁ piṇḍāya carantaṁ.
pli-tv-bu-vb-ss13:1.5.13	Disvāna yenāhaṁ tenupasaṅkami; upasaṅkamitvā maṁ abhivādetvā etadavoca—‘api, bhante, piṇḍo labbhatī’ti?
pli-tv-bu-vb-ss13:1.5.14	‘Na kho, āvuso, piṇḍo labbhatī’ti.
pli-tv-bu-vb-ss13:1.5.15	‘Ehi, bhante, gharaṁ gamissāmā’ti.
pli-tv-bu-vb-ss13:1.5.16	Atha kho, bhante, so upāsako maṁ gharaṁ netvā bhojetvā etadavoca—
pli-tv-bu-vb-ss13:1.5.17	‘kahaṁ, bhante, ayyo gamissatī’ti?
pli-tv-bu-vb-ss13:1.5.18	‘Sāvatthiṁ kho ahaṁ, āvuso, gamissāmi bhagavantaṁ dassanāyā’ti.
pli-tv-bu-vb-ss13:1.5.19	Tena hi, bhante, mama vacanena bhagavato pāde sirasā vanda, evañca vadehi—
pli-tv-bu-vb-ss13:1.5.20	‘duṭṭho, bhante, kīṭāgirismiṁ āvāso,
pli-tv-bu-vb-ss13:1.5.21	assajipunabbasukā nāma kīṭāgirismiṁ āvāsikā alajjino pāpabhikkhū.
pli-tv-bu-vb-ss13:1.5.22	Te evarūpaṁ anācāraṁ ācaranti—
pli-tv-bu-vb-ss13:1.5.23	mālāvacchaṁ ropentipi ropāpentipi, siñcantipi siñcāpentipi …pe… vividhampi anācāraṁ ācaranti.
pli-tv-bu-vb-ss13:1.5.24	Yepi te, bhante, manussā pubbe saddhā ahesuṁ pasannā tepi etarahi assaddhā appasannā,
pli-tv-bu-vb-ss13:1.5.25	yānipi tāni saṅghassa pubbe dānapathāni tānipi etarahi upacchinnāni,
pli-tv-bu-vb-ss13:1.5.26	riñcanti pesalā bhikkhū nivasanti pāpabhikkhū.
pli-tv-bu-vb-ss13:1.5.27	Sādhu, bhante, bhagavā kīṭāgiriṁ bhikkhū pahiṇeyya yathāyaṁ kīṭāgirismiṁ āvāso saṇṭhaheyyā’ti.
pli-tv-bu-vb-ss13:1.5.28	Tato ahaṁ, bhagavā, āgacchāmī”ti.
pli-tv-bu-vb-ss13:1.6.1	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-bu-vb-ss13:1.6.2	“saccaṁ kira, bhikkhave, assajipunabbasukā nāma kīṭāgirismiṁ āvāsikā alajjino pāpabhikkhū te evarūpaṁ anācāraṁ ācaranti—
pli-tv-bu-vb-ss13:1.6.3	mālāvacchaṁ ropentipi ropāpentipi, siñcantipi siñcāpentipi …pe… vividhampi anācāraṁ ācaranti,
pli-tv-bu-vb-ss13:1.6.4	yepi te, bhikkhave, manussā pubbe saddhā ahesuṁ pasannā tepi etarahi assaddhā appasannā;
pli-tv-bu-vb-ss13:1.6.5	yānipi tāni saṅghassa pubbe dānapathāni tānipi etarahi upacchinnāni;
pli-tv-bu-vb-ss13:1.6.6	riñcanti pesalā bhikkhū nivasanti pāpabhikkhū”ti?
pli-tv-bu-vb-ss13:1.6.7	“Saccaṁ, bhagavā”ti.
pli-tv-bu-vb-ss13:1.6.8	Vigarahi buddho bhagavā …pe…
pli-tv-bu-vb-ss13:1.6.9	kathañhi nāma te, bhikkhave, moghapurisā evarūpaṁ anācāraṁ ācarissanti—
pli-tv-bu-vb-ss13:1.6.10	mālāvacchaṁ ropessantipi ropāpessantipi, sañcissantipi siñcāpessantipi, ocinissantipi ocināpessantipi, ganthissantipi ganthāpessantipi,
pli-tv-bu-vb-ss13:1.6.11	ekatovaṇṭikamālaṁ karissantipi kārāpessantipi, ubhatovaṇṭikamālaṁ karissantipi kārāpessantipi,
pli-tv-bu-vb-ss13:1.6.12	mañjarikaṁ karissantipi kārāpessantipi, vidhūtikaṁ karissantipi kārāpessantipi, vaṭaṁsakaṁ karissantipi kārāpessantipi, āveḷaṁ karissantipi kārāpessantipi, uracchadaṁ karissantipi kārāpessantipi.
pli-tv-bu-vb-ss13:1.6.13	Te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harissantipi hārāpessantipi, ubhatovaṇṭikamālaṁ harissantipi hārāpessantipi, mañjarikaṁ harissantipi hārāpessantipi, vidhūtikaṁ harissantipi hārāpessantipi, vaṭaṁsakaṁ harissantipi hārāpessantipi, āveḷaṁ harissantipi hārāpessantipi, uracchadaṁ harissantipi hārāpessantipi.
pli-tv-bu-vb-ss13:1.6.14	Te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjissanti, ekathālakepi pivissanti, ekāsanepi nisīdissanti, ekamañcepi tuvaṭṭissanti, ekattharaṇāpi tuvaṭṭissanti, ekapāvuraṇāpi tuvaṭṭissanti, ekattharaṇapāvuraṇāpi tuvaṭṭissanti,
pli-tv-bu-vb-ss13:1.6.15	vikālepi bhuñjissanti, majjampi pivissanti, mālāgandhavilepanampi dhārissanti
pli-tv-bu-vb-ss13:1.6.16	naccissantipi gāyissantipi vādessantipi lāsessantipi,
pli-tv-bu-vb-ss13:1.6.17	naccantiyāpi naccissanti naccantiyāpi gāyissanti naccantiyāpi vādessanti naccantiyāpi lāsessanti, gāyantiyāpi naccissanti gāyantiyāpi gāyissanti gāyantiyāpi vādessanti gāyantiyāpi lāsessanti, vādentiyāpi naccissanti vādentiyāpi gāyissanti vādentiyāpi vādessanti vādentiyāpi lāsessanti, lāsentiyāpi naccissanti lāsentiyāpi gāyissanti lāsentiyāpi vādessanti lāsentiyāpi lāsessanti
pli-tv-bu-vb-ss13:1.6.18	aṭṭhapadepi kīḷissanti dasapadepi kīḷissanti, ākāsepi kīḷissanti, parihārapathepi kīḷissanti, santikāyapi kīḷissanti, khalikāyapi kīḷissanti, ghaṭikāyapi kīḷissanti, salākahatthenapi kīḷissanti, akkhenapi kīḷissanti, paṅgacīrenapi kīḷissanti, vaṅkakenapi kīḷissanti, mokkhacikāyapi kīḷissanti, ciṅgulakenapi kīḷissanti, pattāḷhakenapi kīḷissanti, rathakenapi kīḷissanti, dhanukenapi kīḷissanti, akkharikāyapi kīḷissanti, manesikāyapi kīḷissanti, yathāvajjenapi kīḷissanti,
pli-tv-bu-vb-ss13:1.6.19	hatthismimpi sikkhissanti, assasmimpi sikkhissanti, rathasmimpi sikkhissanti, dhanusmimpi sikkhissanti, tharusmimpi sikkhissanti,
pli-tv-bu-vb-ss13:1.6.20	hatthissapi purato dhāvissanti, assassapi purato dhāvissanti, rathassapi purato dhāvissantipi ādhāvissantipi
pli-tv-bu-vb-ss13:1.6.21	usseḷessantipi, apphoṭessantipi, nibbujjhissantipi, muṭṭhīhipi yujjhissanti,
pli-tv-bu-vb-ss13:1.6.22	raṅgamajjhepi saṅghāṭiṁ pattharitvā naccakiṁ evaṁ vakkhanti “idha, bhagini, naccassū”ti nalāṭikampi dassanti, vividhampi anācāraṁ ācarissanti.
pli-tv-bu-vb-ss13:1.6.23	Netaṁ, bhikkhave, appasannānaṁ vā pasādāya …pe…
pli-tv-bu-vb-ss13:1.6.24	vigarahitvā dhammiṁ kathaṁ katvā sāriputtamoggallāne āmantesi—
pli-tv-bu-vb-ss13:1.6.25	“gacchatha tumhe, sāriputtā, kīṭāgiriṁ gantvā assajipunabbasukānaṁ bhikkhūnaṁ kīṭāgirismā pabbājanīyakammaṁ karotha. Tumhākaṁ ete saddhivihārikā”ti.
pli-tv-bu-vb-ss13:1.6.26	“Kathaṁ mayaṁ, bhante, assajipunabbasukānaṁ bhikkhūnaṁ kīṭāgirismā pabbājanīyakammaṁ karoma? Caṇḍā te bhikkhū pharusā”ti.
pli-tv-bu-vb-ss13:1.6.27	“Tena hi tumhe, sāriputtā, bahukehi bhikkhūhi saddhiṁ gacchathā”ti.
pli-tv-bu-vb-ss13:1.6.28	“Evaṁ, bhante”ti kho sāriputtamoggallānā bhagavato paccassosuṁ.
pli-tv-bu-vb-ss13:1.7.1	“Evañca pana, bhikkhave, kātabbaṁ.
pli-tv-bu-vb-ss13:1.7.2	Paṭhamaṁ assajipunabbasukā bhikkhū codetabbā.
pli-tv-bu-vb-ss13:1.7.3	Codetvā sāretabbā. Sāretvā āpattiṁ ropetabbā.
pli-tv-bu-vb-ss13:1.7.4	Āpattiṁ ropetvā byattena bhikkhunā paṭibalena saṅgho ñāpetabbo—
pli-tv-bu-vb-ss13:1.7.5	‘Suṇātu me, bhante, saṅgho.
pli-tv-bu-vb-ss13:1.7.6	Ime assajipunabbasukā bhikkhū kuladūsakā pāpasamācārā. Imesaṁ pāpakā samācārā dissanti ceva suyyanti ca. Kulāni ca imehi duṭṭhāni dissanti ceva suyyanti ca.
pli-tv-bu-vb-ss13:1.7.7	Yadi saṅghassa pattakallaṁ, saṅgho assajipunabbasukānaṁ bhikkhūnaṁ kīṭāgirismā pabbājanīyakammaṁ kareyya—“na assajipunabbasukehi bhikkhūhi kīṭāgirismiṁ vatthabban”ti.
pli-tv-bu-vb-ss13:1.7.8	Esā ñatti.
pli-tv-bu-vb-ss13:1.7.9	Suṇātu me, bhante, saṅgho.
pli-tv-bu-vb-ss13:1.7.10	Ime assajipunabbasukā bhikkhū kuladūsakā pāpasamācārā. Imesaṁ pāpakā samācārā dissanti ceva suyyanti ca. Kulāni ca imehi duṭṭhāni dissanti ceva suyyanti ca.
pli-tv-bu-vb-ss13:1.7.11	Saṅgho assajipunabbasukānaṁ bhikkhūnaṁ kīṭāgirismā pabbājanīyakammaṁ karoti—“na assajipunabbasukehi bhikkhūhi kīṭāgirismiṁ vatthabban”ti.
pli-tv-bu-vb-ss13:1.7.12	Yassāyasmato khamati assajipunabbasukānaṁ bhikkhūnaṁ kīṭāgirismā pabbājanīyakammassa karaṇaṁ—“na assajipunabbasukehi bhikkhūhi kīṭāgirismiṁ vatthabban”ti, so tuṇhassa;
pli-tv-bu-vb-ss13:1.7.13	yassa nakkhamati, so bhāseyya.
pli-tv-bu-vb-ss13:1.7.14	Dutiyampi etamatthaṁ vadāmi …pe…
pli-tv-bu-vb-ss13:1.7.15	tatiyampi etamatthaṁ vadāmi—suṇātu me, bhante, saṅgho …pe… so bhāseyya.
pli-tv-bu-vb-ss13:1.7.16	Kataṁ saṅghena assajipunabbasukānaṁ bhikkhūnaṁ kīṭāgirismā pabbājanīyakammaṁ—“na assajipunabbasukehi bhikkhūhi kīṭāgirismiṁ vatthabban”ti.
pli-tv-bu-vb-ss13:1.7.17	Khamati saṅghassa, tasmā tuṇhī, evametaṁ dhārayāmī’”ti.
pli-tv-bu-vb-ss13:1.8.1	Atha kho sāriputtamoggallānappamukho bhikkhusaṅgho kīṭāgiriṁ gantvā assajipunabbasukānaṁ bhikkhūnaṁ kīṭāgirismā pabbājanīyakammaṁ akāsi—“na assajipunabbasukehi bhikkhūhi kīṭāgirismiṁ vatthabban”ti.
pli-tv-bu-vb-ss13:1.8.2	Te saṅghena pabbājanīyakammakatā na sammā vattanti, na lomaṁ pātenti, na netthāraṁ vattanti, na bhikkhū khamāpenti, akkosanti paribhāsanti chandagāmitā dosagāmitā mohagāmitā bhayagāmitā pāpenti, pakkamantipi, vibbhamantipi.
pli-tv-bu-vb-ss13:1.8.3	Ye te bhikkhū appicchā …pe… te ujjhāyanti khiyyanti vipācenti—
pli-tv-bu-vb-ss13:1.8.4	“kathañhi nāma assajipunabbasukā bhikkhū saṅghena pabbājanīyakammakatā na sammā vattissanti, na lomaṁ pātessanti, na netthāraṁ vattissanti, na bhikkhū khamāpessanti, akkosissanti paribhāsissanti, chandagāmitā dosagāmitā mohagāmitā bhayagāmitā pāpessanti pakkamissantipi vibbhamissantipī”ti.
pli-tv-bu-vb-ss13:1.8.5	Atha kho te bhikkhū assajipunabbasuke bhikkhū anekapariyāyena vigarahitvā bhagavato etamatthaṁ ārocesuṁ …pe…
pli-tv-bu-vb-ss13:1.8.6	“saccaṁ kira, bhikkhave, assajipunabbasukā bhikkhū saṅghena pabbājanīyakammakatā na sammā vattanti …pe… vibbhamantipī”ti?
pli-tv-bu-vb-ss13:1.8.7	“Saccaṁ, bhagavā”ti.
pli-tv-bu-vb-ss13:1.8.8	Vigarahi buddho bhagavā …pe…
pli-tv-bu-vb-ss13:1.8.9	evañca pana, bhikkhave, imaṁ sikkhāpadaṁ uddiseyyātha—
pli-tv-bu-vb-ss13:1.8.10.0	
pli-tv-bu-vb-ss13:1.8.10.1	“Bhikkhu paneva aññataraṁ gāmaṁ vā nigamaṁ vā upanissāya viharati kuladūsako pāpasamācāro. Tassa kho pāpakā samācārā dissanti ceva suyyanti ca, kulāni ca tena duṭṭhāni dissanti ceva suyyanti ca.
pli-tv-bu-vb-ss13:1.8.11	So bhikkhu bhikkhūhi evamassa vacanīyo—
pli-tv-bu-vb-ss13:1.8.12	‘āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā’ti.
pli-tv-bu-vb-ss13:1.8.13	Evañca so bhikkhu bhikkhūhi vuccamāno te bhikkhū evaṁ vadeyya—
pli-tv-bu-vb-ss13:1.8.14	‘chandagāmino ca bhikkhū dosagāmino ca bhikkhū mohagāmino ca bhikkhū bhayagāmino ca bhikkhū tādisikāya āpattiyā ekaccaṁ pabbājenti ekaccaṁ na pabbājentī’ti,
pli-tv-bu-vb-ss13:1.8.15	so bhikkhu bhikkhūhi evamassa vacanīyo—
pli-tv-bu-vb-ss13:1.8.16	‘māyasmā evaṁ avaca. Na ca bhikkhū chandagāmino. Na ca bhikkhū dosagāmino. Na ca bhikkhū mohagāmino. Na ca bhikkhū bhayagāmino.
pli-tv-bu-vb-ss13:1.8.17	Āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā’ti.
pli-tv-bu-vb-ss13:1.8.18	Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.
pli-tv-bu-vb-ss13:1.8.19	Yāvatatiyañce samanubhāsiyamāno taṁ paṭinissajjeyya, iccetaṁ kusalaṁ;
pli-tv-bu-vb-ss13:1.8.20	no ce paṭinissajjeyya, saṅghādiseso”ti.
pli-tv-bu-vb-ss13:2.0	
pli-tv-bu-vb-ss13:2.1	Bhikkhu paneva aññataraṁ gāmaṁ vā nigamaṁ vāti
pli-tv-bu-vb-ss13:2.2	gāmopi nigamopi nagarampi gāmo ceva nigamo ca.
pli-tv-bu-vb-ss13:2.3	Upanissāya viharatīti
pli-tv-bu-vb-ss13:2.4	tattha paṭibaddhā honti cīvarapiṇḍapātasenāsanagilānappaccayabhesajjaparikkhārā.
pli-tv-bu-vb-ss13:2.5	Kulaṁ nāma
pli-tv-bu-vb-ss13:2.6	cattāri kulāni—khattiyakulaṁ, brāhmaṇakulaṁ, vessakulaṁ, suddakulaṁ.
pli-tv-bu-vb-ss13:2.7	Kuladūsakoti
pli-tv-bu-vb-ss13:2.8	kulāni dūseti pupphena vā phalena vā cuṇṇena vā mattikāya vā dantakaṭṭhena vā veḷuyā vejjikāya vā jaṅghapesanikena vā.
pli-tv-bu-vb-ss13:2.9	Pāpasamācāroti
pli-tv-bu-vb-ss13:2.10	mālāvacchaṁ ropetipi ropāpetipi, siñcatipi siñcāpetipi, ocinātipi ocināpetipi, ganthetipi ganthāpetipi.
pli-tv-bu-vb-ss13:2.11	Dissanti ceva suyyanti cāti
pli-tv-bu-vb-ss13:2.12	ye saṁmukhā te passanti, ye tirokkhā te suṇanti.
pli-tv-bu-vb-ss13:2.13	Kulāni ca tena duṭṭhānīti
pli-tv-bu-vb-ss13:2.14	pubbe saddhā hutvā taṁ āgamma assaddhā honti, pasannā hutvā appasannā honti.
pli-tv-bu-vb-ss13:2.15	Dissanti ceva suyyanti cāti
pli-tv-bu-vb-ss13:2.16	ye saṁmukhā te passanti, ye tirokkhā te suṇanti.
pli-tv-bu-vb-ss13:2.17	So bhikkhūti
pli-tv-bu-vb-ss13:2.18	yo so kuladūsako bhikkhu.
pli-tv-bu-vb-ss13:2.19	Bhikkhūhīti
pli-tv-bu-vb-ss13:2.20	aññehi bhikkhūhi. Ye passanti ye suṇanti. Tehi vattabbo—
pli-tv-bu-vb-ss13:2.21	“āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā”ti.
pli-tv-bu-vb-ss13:2.22	Evañca so bhikkhu bhikkhūhi vuccamāno te bhikkhū evaṁ vadeyya—“chandagāmino ca bhikkhū, dosagāmino ca bhikkhū, mohagāmino ca bhikkhū, bhayagāmino ca bhikkhū. Tādisikāya āpattiyā ekaccaṁ pabbājenti ekaccaṁ na pabbājentī”ti.
pli-tv-bu-vb-ss13:2.23	So bhikkhūti
pli-tv-bu-vb-ss13:2.24	yo so kammakato bhikkhu.
pli-tv-bu-vb-ss13:2.25	Bhikkhūhīti
pli-tv-bu-vb-ss13:2.26	aññehi bhikkhūhi. Ye passanti ye suṇanti. Tehi vattabbo—
pli-tv-bu-vb-ss13:2.27	“māyasmā evaṁ avaca. Na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino.
pli-tv-bu-vb-ss13:2.28	Āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā”ti.
pli-tv-bu-vb-ss13:2.29	Dutiyampi vattabbo.
pli-tv-bu-vb-ss13:2.30	Tatiyampi vattabbo.
pli-tv-bu-vb-ss13:2.31	Sace paṭinissajjati, iccetaṁ kusalaṁ.
pli-tv-bu-vb-ss13:2.32	No ce paṭinissajjati, āpatti dukkaṭassa.
pli-tv-bu-vb-ss13:2.33	Sutvā na vadanti, āpatti dukkaṭassa.
pli-tv-bu-vb-ss13:2.34	So bhikkhu saṅghamajjhampi ākaḍḍhitvā vattabbo—
pli-tv-bu-vb-ss13:2.35	“māyasmā evaṁ avaca. Na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino.
pli-tv-bu-vb-ss13:2.36	Āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā”ti.
pli-tv-bu-vb-ss13:2.37	Dutiyampi vattabbo.
pli-tv-bu-vb-ss13:2.38	Tatiyampi vattabbo.
pli-tv-bu-vb-ss13:2.39	Sace paṭinissajjati, iccetaṁ kusalaṁ.
pli-tv-bu-vb-ss13:2.40	No ce paṭinissajjati, āpatti dukkaṭassa.
pli-tv-bu-vb-ss13:2.41	So bhikkhu samanubhāsitabbo.
pli-tv-bu-vb-ss13:2.42	“Evañca pana, bhikkhave, samanubhāsitabbo.
pli-tv-bu-vb-ss13:2.43	Byattena bhikkhunā paṭibalena saṅgho ñāpetabbo—
pli-tv-bu-vb-ss13:2.44	‘Suṇātu me, bhante, saṅgho.
pli-tv-bu-vb-ss13:2.45	Ayaṁ itthannāmo bhikkhu saṅghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti.
pli-tv-bu-vb-ss13:2.46	So taṁ vatthuṁ na paṭinissajjati.
pli-tv-bu-vb-ss13:2.47	Yadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya.
pli-tv-bu-vb-ss13:2.48	Esā ñatti.
pli-tv-bu-vb-ss13:2.49	Suṇātu me, bhante, saṅgho.
pli-tv-bu-vb-ss13:2.50	Ayaṁ itthannāmo bhikkhu saṅghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti.
pli-tv-bu-vb-ss13:2.51	So taṁ vatthuṁ na paṭinissajjati.
pli-tv-bu-vb-ss13:2.52	Saṅgho itthannāmaṁ bhikkhuṁ samanubhāsati tassa vatthussa paṭinissaggāya.
pli-tv-bu-vb-ss13:2.53	Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.
pli-tv-bu-vb-ss13:2.54	Dutiyampi etamatthaṁ vadāmi …pe…
pli-tv-bu-vb-ss13:2.55	tatiyampi etamatthaṁ vadāmi …pe….
pli-tv-bu-vb-ss13:2.56	Samanubhaṭṭho saṅghena itthannāmo bhikkhu tassa vatthussa paṭinissaggāya.
pli-tv-bu-vb-ss13:2.57	Khamati saṅghassa, tasmā tuṇhī, evametaṁ dhārayāmī’”ti.
pli-tv-bu-vb-ss13:2.58	Ñattiyā dukkaṭaṁ,
pli-tv-bu-vb-ss13:2.59	dvīhi kammavācāhi thullaccayā,
pli-tv-bu-vb-ss13:2.60	kammavācāpariyosāne āpatti saṅghādisesassa.
pli-tv-bu-vb-ss13:2.61	Saṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.
pli-tv-bu-vb-ss13:2.62	Saṅghādisesoti
pli-tv-bu-vb-ss13:2.63	saṅghova tassā āpattiyā parivāsaṁ deti, mūlāya paṭikassati, mānattaṁ deti, abbheti; na sambahulā, na ekapuggalo. Tena vuccati—“saṅghādiseso”ti,
pli-tv-bu-vb-ss13:2.64	tasseva āpattinikāyassa nāmakammaṁ adhivacanaṁ. Tenapi vuccati “saṅghādiseso”ti.
pli-tv-bu-vb-ss13:3.1.0	
pli-tv-bu-vb-ss13:3.1.1	Dhammakamme dhammakammasaññī na paṭinissajjati, āpatti saṅghādisesassa.
pli-tv-bu-vb-ss13:3.1.2	Dhammakamme vematiko na paṭinissajjati, āpatti saṅghādisesassa.
pli-tv-bu-vb-ss13:3.1.3	Dhammakamme adhammakammasaññī na paṭinissajjati, āpatti saṅghādisesassa.
pli-tv-bu-vb-ss13:3.1.4	Adhammakamme dhammakammasaññī, āpatti dukkaṭassa.
pli-tv-bu-vb-ss13:3.1.5	Adhammakamme vematiko, āpatti dukkaṭassa.
pli-tv-bu-vb-ss13:3.1.6	Adhammakamme adhammakammasaññī, āpatti dukkaṭassa.
pli-tv-bu-vb-ss13:3.2.0	
pli-tv-bu-vb-ss13:3.2.1	Anāpatti—
pli-tv-bu-vb-ss13:3.2.2	asamanubhāsantassa,
pli-tv-bu-vb-ss13:3.2.3	paṭinissajjantassa,
pli-tv-bu-vb-ss13:3.2.4	ummattakassa,
pli-tv-bu-vb-ss13:3.2.5	ādikammikassāti.
pli-tv-bu-vb-ss13:3.2.6	Kuladūsakasikkhāpadaṁ niṭṭhitaṁ terasamaṁ.
pli-tv-bu-vb-ss13:3.2.7	“Uddiṭṭhā kho, āyasmanto, terasa saṅghādisesā dhammā, nava paṭhamāpattikā, cattāro yāvatatiyakā.
pli-tv-bu-vb-ss13:3.2.8	Yesaṁ bhikkhu aññataraṁ vā aññataraṁ vā āpajjitvā yāvatīhaṁ jānaṁ paṭicchādeti tāvatīhaṁ tena bhikkhunā akāmā parivattabbaṁ.
pli-tv-bu-vb-ss13:3.2.9	Parivutthaparivāsena bhikkhunā uttari chārattaṁ bhikkhumānattāya paṭipajjitabbaṁ.
pli-tv-bu-vb-ss13:3.2.10	Ciṇṇamānatto bhikkhu yattha siyā vīsatigaṇo bhikkhusaṅgho tattha so bhikkhu abbhetabbo.
pli-tv-bu-vb-ss13:3.2.11	Ekenapi ce ūno vīsatigaṇo bhikkhusaṅgho taṁ bhikkhuṁ abbheyya, so ca bhikkhu anabbhito, te ca bhikkhū gārayhā, ayaṁ tattha sāmīci.
pli-tv-bu-vb-ss13:3.2.12	Tatthāyasmante pucchāmi—‘kaccittha parisuddhā’?
pli-tv-bu-vb-ss13:3.2.13	Dutiyampi pucchāmi—‘kaccittha parisuddhā’?
pli-tv-bu-vb-ss13:3.2.14	Tatiyampi pucchāmi—‘kaccittha parisuddhā’?
pli-tv-bu-vb-ss13:3.2.15	Parisuddhetthāyasmanto. Tasmā tuṇhī, evametaṁ dhārayāmī”ti.
pli-tv-bu-vb-ss13:3.2.16	Terasakaṁ niṭṭhitaṁ.
pli-tv-bu-vb-ss13:3.2.17	Tassuddānaṁ
pli-tv-bu-vb-ss13:3.2.18	Vissaṭṭhi kāyasaṁsaggaṁ,
pli-tv-bu-vb-ss13:3.2.19	duṭṭhullaṁ attakāmañca;
pli-tv-bu-vb-ss13:3.2.20	Sañcarittaṁ kuṭī ceva,
pli-tv-bu-vb-ss13:3.2.21	vihāro ca amūlakaṁ.
pli-tv-bu-vb-ss13:3.2.22	Kiñcilesañca bhedo ca,
pli-tv-bu-vb-ss13:3.2.23	tasseva anuvattakā;
pli-tv-bu-vb-ss13:3.2.24	Dubbacaṁ kuladūsañca,
pli-tv-bu-vb-ss13:3.2.25	saṅghādisesā terasāti.
pli-tv-bu-vb-ss13:3.2.26	Saṅghādisesakaṇḍaṁ niṭṭhitaṁ.