# Bhikkhupātimokkha — root Pali (Mahāsaṅgīti) · suttacentral/bilara-data@da23a8afdd1b · seat EA-CORPORA-29/08

pli-tv-bu-pm:0.1	Dvemātikāpāḷi
pli-tv-bu-pm:0.2	Theravāda Bhikkhupātimokkha
pli-tv-bu-pm:1.0	Pubbakaraṇaṁ
pli-tv-bu-pm:1.1	Sammajjanī padīpo ca, udakaṁ āsanena ca;
pli-tv-bu-pm:1.2	Uposathassa etāni, “pubbakaraṇa”nti vuccati.
pli-tv-bu-pm:2.0	Pubbakiccaṁ
pli-tv-bu-pm:2.1	Chanda, pārisuddhi, utukkhānaṁ, bhikkhugaṇanā ca ovādo;
pli-tv-bu-pm:2.2	Uposathassa etāni, “pubbakicca”nti vuccati.
pli-tv-bu-pm:3.0	Pattakallaaṅgā
pli-tv-bu-pm:3.1	Uposatho, yāvatikā ca bhikkhū kammappattā;
pli-tv-bu-pm:3.2	Sabhāgāpattiyo ca na vijjanti;
pli-tv-bu-pm:3.3	Vajjanīyā ca puggalā tasmiṁ na honti, “pattakalla”nti vuccati.
pli-tv-bu-pm:4.1	Pubbakaraṇapubbakiccāni samāpetvā desitāpattikassa samaggassa bhikkhusaṅghassa anumatiyā pātimokkhaṁ uddisituṁ ārādhanaṁ karoma.
pli-tv-bu-pm:5.0	Nidānuddeso
pli-tv-bu-pm:5.1	Suṇātu me bhante saṅgho.
pli-tv-bu-pm:5.2	Ajjuposatho pannaraso,
pli-tv-bu-pm:5.3	yadi saṅghassa pattakallaṁ, saṅgho uposathaṁ kareyya, pātimokkhaṁ uddiseyya.
pli-tv-bu-pm:6.1	Kiṁ saṅghassa pubbakiccaṁ?
pli-tv-bu-pm:6.2	Pārisuddhiṁ āyasmanto ārocetha,
pli-tv-bu-pm:6.3	pātimokkhaṁ uddisissāmi,
pli-tv-bu-pm:6.4	taṁ sabbeva santā sādhukaṁ suṇoma manasi karoma.
pli-tv-bu-pm:6.5	Yassa siyā āpatti, so āvikareyya,
pli-tv-bu-pm:6.6	asantiyā āpattiyā tuṇhī bhavitabbaṁ,
pli-tv-bu-pm:6.7	tuṇhībhāvena kho panāyasmante “parisuddhā”ti vedissāmi.
pli-tv-bu-pm:6.8	Yathā kho pana paccekapuṭṭhassa veyyākaraṇaṁ hoti, evamevaṁ evarūpāya parisāya yāvatatiyaṁ anusāvitaṁ hoti.
pli-tv-bu-pm:6.9	Yo pana bhikkhu yāvatatiyaṁ anusāviyamāne saramāno santiṁ āpattiṁ nāvikareyya, sampajānamusāvādassa hoti.
pli-tv-bu-pm:6.10	Sampajānamusāvādo kho panāyasmanto antarāyiko dhammo vutto bhagavatā,
pli-tv-bu-pm:6.11	tasmā saramānena bhikkhunā āpannena visuddhāpekkhena santī āpatti āvikātabbā,
pli-tv-bu-pm:6.12	āvikatā hissa phāsu hoti.
pli-tv-bu-pm:7.1	Uddiṭṭhaṁ kho āyasmanto nidānaṁ.
pli-tv-bu-pm:7.2	Tatthāyasmante pucchāmi, kaccittha parisuddhā,
pli-tv-bu-pm:7.3	dutiyampi pucchāmi, kaccittha parisuddhā,
pli-tv-bu-pm:7.4	tatiyampi pucchāmi, kaccittha parisuddhā,
pli-tv-bu-pm:7.5	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:7.6	Nidānaṁ niṭṭhitaṁ.
pli-tv-bu-pm:8.0	Pārājikuddeso
pli-tv-bu-pm:8.1	Tatrime cattāro pārājikā dhammā uddesaṁ āgacchanti.
pli-tv-bu-pm:9.0	Pārājika 1. Methunadhamma
pli-tv-bu-pm:9.1	Yo pana bhikkhu bhikkhūnaṁ sikkhāsājīvasamāpanno sikkhaṁ appaccakkhāya dubbalyaṁ anāvikatvā methunaṁ dhammaṁ paṭiseveyya, antamaso tiracchānagatāyapi, pārājiko hoti asaṁvāso.
pli-tv-bu-pm:10.0	Pārājika 2. Adinnādāna
pli-tv-bu-pm:10.1	Yo pana bhikkhu gāmā vā araññā vā adinnaṁ theyyasaṅkhātaṁ ādiyeyya,
pli-tv-bu-pm:10.2	yathārūpe adinnādāne rājāno coraṁ gahetvā haneyyuṁ vā bandheyyuṁ vā pabbājeyyuṁ vā corosi bālosi mūḷhosi thenosīti, tathārūpaṁ bhikkhu adinnaṁ ādiyamāno
pli-tv-bu-pm:10.3	ayampi pārājiko hoti asaṁvāso.
pli-tv-bu-pm:11.0	Pārājika 3. Manussaviggaha
pli-tv-bu-pm:11.1	Yo pana bhikkhu sañcicca manussaviggahaṁ jīvitā voropeyya, satthahārakaṁ vāssa pariyeseyya, maraṇavaṇṇaṁ vā saṁvaṇṇeyya, maraṇāya vā samādapeyya
pli-tv-bu-pm:11.2	“ambho purisa kiṁ tuyhiminā pāpakena dujjīvitena, mataṁ te jīvitā seyyo”ti,
pli-tv-bu-pm:11.3	iti cittamano cittasaṅkappo anekapariyāyena maraṇavaṇṇaṁ vā saṁvaṇṇeyya, maraṇāya vā samādapeyya,
pli-tv-bu-pm:11.4	ayampi pārājiko hoti asaṁvāso.
pli-tv-bu-pm:12.0	Pārājika 4. Uttarimanussadhamma
pli-tv-bu-pm:12.1	Yo pana bhikkhu anabhijānaṁ uttarimanussadhammaṁ attupanāyikaṁ alamariyañāṇadassanaṁ samudācareyya “iti jānāmi, iti passāmī”ti,
pli-tv-bu-pm:12.2	tato aparena samayena samanuggāhīyamāno vā asamanuggāhīyamāno vā āpanno visuddhāpekkho evaṁ vadeyya “ajānamevaṁ āvuso avacaṁ jānāmi, apassaṁ passāmi, tucchaṁ musā vilapi”nti,
pli-tv-bu-pm:12.3	aññatra adhimānā,
pli-tv-bu-pm:12.4	ayampi pārājiko hoti asaṁvāso.
pli-tv-bu-pm:13.1	Uddiṭṭhā kho āyasmanto cattāro pārājikā dhammā.
pli-tv-bu-pm:13.2	Yesaṁ bhikkhu aññataraṁ vā aññataraṁ vā āpajjitvā na labhati bhikkhūhi saddhiṁ saṁvāsaṁ
pli-tv-bu-pm:13.3	yathā pure, tathā pacchā, pārājiko hoti asaṁvāso.
pli-tv-bu-pm:13.4	Tatthāyasmante pucchāmi, kaccittha parisuddhā,
pli-tv-bu-pm:13.5	dutiyampi pucchāmi, kaccittha parisuddhā,
pli-tv-bu-pm:13.6	tatiyampi pucchāmi, kaccittha parisuddhā,
pli-tv-bu-pm:13.7	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:13.8	Pārājikaṁ niṭṭhitaṁ
pli-tv-bu-pm:14.0	Saṅghādisesuddeso
pli-tv-bu-pm:14.1	Ime kho panāyasmanto terasa saṅghādisesā dhammā uddesaṁ āgacchanti.
pli-tv-bu-pm:15.0	Saṅghādisesa 1. Sukkavissaṭṭhi
pli-tv-bu-pm:15.1	Sañcetanikā sukkavissaṭṭhi aññatra supinantā saṅghādiseso.
pli-tv-bu-pm:16.0	Saṅghādisesa 2. Kāyasaṁsagga
pli-tv-bu-pm:16.1	Yo pana bhikkhu otiṇṇo vipariṇatena cittena mātugāmena saddhiṁ kāyasaṁsaggaṁ samāpajjeyya hatthaggāhaṁ vā veṇiggāhaṁ vā aññatarassa vā aññatarassa vā aṅgassa parāmasanaṁ, saṅghādiseso.
pli-tv-bu-pm:17.0	Saṅghādisesa 3. Duṭṭhullavācā
pli-tv-bu-pm:17.1	Yo pana bhikkhu otiṇṇo vipariṇatena cittena mātugāmaṁ duṭṭhullāhi vācāhi obhāseyya yathā taṁ yuvā yuvatiṁ methunupasaṁhitāhi, saṅghādiseso.
pli-tv-bu-pm:18.0	Saṅghādisesa 4. Attakāmapāricariya
pli-tv-bu-pm:18.1	Yo pana bhikkhu otiṇṇo vipariṇatena cittena mātugāmassa santike attakāmapāricariyāya vaṇṇaṁ bhāseyya “etadaggaṁ bhagini pāricariyānaṁ yā mādisaṁ sīlavantaṁ kalyāṇadhammaṁ brahmacāriṁ etena dhammena paricareyyā”ti methunupasaṁhitena, saṅghādiseso.
pli-tv-bu-pm:19.0	Saṅghādisesa 5. Sañcaritta
pli-tv-bu-pm:19.1	Yo pana bhikkhu sañcarittaṁ samāpajjeyya itthiyā vā purisamatiṁ purisassa vā itthimatiṁ, jāyattane vā jārattane vā, antamaso taṅkhaṇikāyapi, saṅghādiseso.
pli-tv-bu-pm:20.0	Saṅghādisesa 6. Kuṭikāra
pli-tv-bu-pm:20.1	Saññācikāya pana bhikkhunā kuṭiṁ kārayamānena assāmikaṁ attuddesaṁ pamāṇikā kāretabbā, tatridaṁ pamāṇaṁ, dīghaso dvādasa vidatthiyo sugatavidatthiyā, tiriyaṁ sattantarā,
pli-tv-bu-pm:20.2	bhikkhū abhinetabbā vatthudesanāya, tehi bhikkhūhi vatthu desetabbaṁ anārambhaṁ saparikkamanaṁ.
pli-tv-bu-pm:20.3	Sārambhe ce bhikkhu vatthusmiṁ aparikkamane saññācikāya kuṭiṁ kāreyya, bhikkhū vā anabhineyya vatthudesanāya, pamāṇaṁ vā atikkāmeyya, saṅghādiseso.
pli-tv-bu-pm:21.0	Saṅghādisesa 7. Vihārakāra
pli-tv-bu-pm:21.1	Mahallakaṁ pana bhikkhunā vihāraṁ kārayamānena sassāmikaṁ attuddesaṁ bhikkhū abhinetabbā vatthudesanāya,
pli-tv-bu-pm:21.2	tehi bhikkhūhi vatthu desetabbaṁ anārambhaṁ saparikkamanaṁ.
pli-tv-bu-pm:21.3	Sārambhe ce bhikkhu vatthusmiṁ aparikkamane mahallakaṁ vihāraṁ kāreyya, bhikkhū vā anabhineyya vatthudesanāya, saṅghādiseso.
pli-tv-bu-pm:22.0	Saṅghādisesa 8. Duṭṭhadosa
pli-tv-bu-pm:22.1	Yo pana bhikkhu bhikkhuṁ duṭṭho doso appatīto amūlakena pārājikena dhammena anuddhaṁseyya “appeva nāma naṁ imamhā brahmacariyā cāveyya”nti,
pli-tv-bu-pm:22.2	tato aparena samayena samanuggāhīyamāno vā asamanuggāhīyamāno vā amūlakañceva taṁ adhikaraṇaṁ hoti, bhikkhu ca dosaṁ patiṭṭhāti, saṅghādiseso.
pli-tv-bu-pm:23.0	Saṅghādisesa 9. Aññabhāgiya
pli-tv-bu-pm:23.1	Yo pana bhikkhu bhikkhuṁ duṭṭho doso appatīto aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁseyya “appeva nāma naṁ imamhā brahmacariyā cāveyya”nti,
pli-tv-bu-pm:23.2	tato aparena samayena samanuggāhīyamāno vā asamanuggāhīyamāno vā aññabhāgiyañceva taṁ adhikaraṇaṁ hoti kocideso lesamatto upādinno, bhikkhu ca dosaṁ patiṭṭhāti, saṅghādiseso.
pli-tv-bu-pm:24.0	Saṅghādisesa 10. Saṅghabheda
pli-tv-bu-pm:24.1	Yo pana bhikkhu samaggassa saṅghassa bhedāya parakkameyya, bhedanasaṁvattanikaṁ vā adhikaraṇaṁ samādāya paggayha tiṭṭheyya, so bhikkhu bhikkhūhi evamassa vacanīyo
pli-tv-bu-pm:24.2	“māyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi,
pli-tv-bu-pm:24.3	sametāyasmā saṅghena, samaggo hi saṅgho sammodamāno avivadamāno ekuddeso phāsu viharatī”ti,
pli-tv-bu-pm:24.4	evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya,
pli-tv-bu-pm:24.5	yāvatatiyañce samanubhāsiyamāno taṁ paṭinissajjeyya, iccetaṁ kusalaṁ,
pli-tv-bu-pm:24.6	no ce paṭinissajjeyya, saṅghādiseso.
pli-tv-bu-pm:25.0	Saṅghādisesa 11. Bhedānuvattaka
pli-tv-bu-pm:25.1	Tasseva kho pana bhikkhussa bhikkhū honti anuvattakā vaggavādakā eko vā dve vā tayo vā, te evaṁ vadeyyuṁ
pli-tv-bu-pm:25.2	“māyasmanto etaṁ bhikkhuṁ kiñci avacuttha,
pli-tv-bu-pm:25.3	dhammavādī ceso bhikkhu, vinayavādī ceso bhikkhu,
pli-tv-bu-pm:25.4	amhākañceso bhikkhu chandañca ruciñca ādāya voharati, jānāti, no bhāsati, amhākampetaṁ khamatī”ti,
pli-tv-bu-pm:25.5	te bhikkhū bhikkhūhi evamassu vacanīyā
pli-tv-bu-pm:25.6	“māyasmanto evaṁ avacuttha,
pli-tv-bu-pm:25.7	na ceso bhikkhu dhammavādī, na ceso bhikkhu vinayavādī,
pli-tv-bu-pm:25.8	māyasmantānampi saṅghabhedo ruccittha,
pli-tv-bu-pm:25.9	sametāyasmantānaṁ saṅghena, samaggo hi saṅgho sammodamāno avivadamāno ekuddeso phāsu viharatī”ti,
pli-tv-bu-pm:25.10	evañca te bhikkhū bhikkhūhi vuccamānā tatheva paggaṇheyyuṁ, te bhikkhū bhikkhūhi yāvatatiyaṁ samanubhāsitabbā tassa paṭinissaggāya,
pli-tv-bu-pm:25.11	yāvatatiyañce samanubhāsiyamānā taṁ paṭinissajjeyyuṁ, iccetaṁ kusalaṁ,
pli-tv-bu-pm:25.12	no ce paṭinissajjeyyuṁ, saṅghādiseso.
pli-tv-bu-pm:26.0	Saṅghādisesa 12. Dubbaca
pli-tv-bu-pm:26.1	Bhikkhu paneva dubbacajātiko hoti uddesapariyāpannesu sikkhāpadesu bhikkhūhi sahadhammikaṁ vuccamāno attānaṁ avacanīyaṁ karoti
pli-tv-bu-pm:26.2	“mā maṁ āyasmanto kiñci avacuttha kalyāṇaṁ vā pāpakaṁ vā, ahampāyasmante na kiñci vakkhāmi kalyāṇaṁ vā pāpakaṁ vā,
pli-tv-bu-pm:26.3	viramathāyasmanto mama vacanāyā”ti,
pli-tv-bu-pm:26.4	so bhikkhu bhikkhūhi evamassa vacanīyo
pli-tv-bu-pm:26.5	“māyasmā attānaṁ avacanīyaṁ akāsi, vacanīyamevāyasmā attānaṁ karotu,
pli-tv-bu-pm:26.6	āyasmāpi bhikkhū vadatu sahadhammena, bhikkhūpi āyasmantaṁ vakkhanti sahadhammena,
pli-tv-bu-pm:26.7	evaṁ saṁvaddhā hi tassa bhagavato parisā yadidaṁ aññamaññavacanena aññamaññavuṭṭhāpanenā”ti,
pli-tv-bu-pm:26.8	evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya,
pli-tv-bu-pm:26.9	yāvatatiyañce samanubhāsiyamāno taṁ paṭinissajjeyya, iccetaṁ kusalaṁ,
pli-tv-bu-pm:26.10	no ce paṭinissajjeyya, saṅghādiseso.
pli-tv-bu-pm:27.0	Saṅghādisesa 13. Kuladūsaka
pli-tv-bu-pm:27.1	Bhikkhu paneva aññataraṁ gāmaṁ vā nigamaṁ vā upanissāya viharati kuladūsako pāpasamācāro, tassa kho pāpakā samācārā dissanti ceva suyyanti ca, kulāni ca tena duṭṭhāni dissanti ceva suyyanti ca,
pli-tv-bu-pm:27.2	so bhikkhu bhikkhūhi evamassa vacanīyo
pli-tv-bu-pm:27.3	“āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca, pakkamatāyasmā imamhā āvāsā, alaṁ te idha vāsenā”ti,
pli-tv-bu-pm:27.4	evañca so bhikkhu bhikkhūhi vuccamāno te bhikkhū evaṁ vadeyya
pli-tv-bu-pm:27.5	“chandagāmino ca bhikkhū, dosagāmino ca bhikkhū, mohagāmino ca bhikkhū, bhayagāmino ca bhikkhū tādisikāya āpattiyā ekaccaṁ pabbājenti, ekaccaṁ na pabbājentī”ti,
pli-tv-bu-pm:27.6	so bhikkhu bhikkhūhi evamassa vacanīyo
pli-tv-bu-pm:27.7	“māyasmā evaṁ avaca, na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino,
pli-tv-bu-pm:27.8	āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca, pakkamatāyasmā imamhā āvāsā, alaṁ te idha vāsenā”ti,
pli-tv-bu-pm:27.9	evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya,
pli-tv-bu-pm:27.10	yāvatatiyañce samanubhāsiyamāno taṁ paṭinissajjeyya, iccetaṁ kusalaṁ,
pli-tv-bu-pm:27.11	no ce paṭinissajjeyya, saṅghādiseso.
pli-tv-bu-pm:28.1	Uddiṭṭhā kho āyasmanto terasa saṅghādisesā dhammā nava paṭhamāpattikā, cattāro yāvatatiyakā.
pli-tv-bu-pm:28.2	Yesaṁ bhikkhu aññataraṁ vā aññataraṁ vā āpajjitvā yāvatīhaṁ jānaṁ paṭicchādeti, tāvatīhaṁ tena bhikkhunā akāmā parivatthabbaṁ.
pli-tv-bu-pm:28.3	Parivutthaparivāsena bhikkhunā uttari chārattaṁ bhikkhumānattāya paṭipajjitabbaṁ,
pli-tv-bu-pm:28.4	ciṇṇamānatto bhikkhu yattha siyā vīsatigaṇo bhikkhusaṅgho, tattha so bhikkhu abbhetabbo.
pli-tv-bu-pm:28.5	Ekenapi ce ūno vīsatigaṇo bhikkhusaṅgho taṁ bhikkhuṁ abbheyya, so ca bhikkhu anabbhito, te ca bhikkhū gārayhā, ayaṁ tattha sāmīci.
pli-tv-bu-pm:28.6	Tatthāyasmante pucchāmi, kaccittha parisuddhā,
pli-tv-bu-pm:28.7	dutiyampi pucchāmi, kaccittha parisuddhā,
pli-tv-bu-pm:28.8	tatiyampi pucchāmi, kaccittha parisuddhā,
pli-tv-bu-pm:28.9	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:28.10	Saṅghādiseso niṭṭhito
pli-tv-bu-pm:29.0	Aniyatuddeso
pli-tv-bu-pm:29.1	Ime kho panāyasmanto dve aniyatā dhammā uddesaṁ āgacchanti.
pli-tv-bu-pm:30.0	Aniyata 1. Paṭhamaaniyata
pli-tv-bu-pm:30.1	Yo pana bhikkhu mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappeyya, tamenaṁ saddheyyavacasā upāsikā disvā
pli-tv-bu-pm:30.2	tiṇṇaṁ dhammānaṁ aññatarena vadeyya pārājikena vā saṅghādisesena vā pācittiyena vā,
pli-tv-bu-pm:30.3	nisajjaṁ bhikkhu paṭijānamāno tiṇṇaṁ dhammānaṁ aññatarena kāretabbo pārājikena vā saṅghādisesena vā pācittiyena vā,
pli-tv-bu-pm:30.4	yena vā sā saddheyyavacasā upāsikā vadeyya, tena so bhikkhu kāretabbo,
pli-tv-bu-pm:30.5	ayaṁ dhammo aniyato.
pli-tv-bu-pm:31.0	Aniyata 2. Dutiyaaniyata
pli-tv-bu-pm:31.1	Na heva kho pana paṭicchannaṁ āsanaṁ hoti nālaṅkammaniyaṁ, alañca kho hoti mātugāmaṁ duṭṭhullāhi vācāhi obhāsituṁ,
pli-tv-bu-pm:31.2	yo pana bhikkhu tathārūpe āsane mātugāmena saddhiṁ eko ekāya raho nisajjaṁ kappeyya, tamenaṁ saddheyyavacasā upāsikā disvā
pli-tv-bu-pm:31.3	dvinnaṁ dhammānaṁ aññatarena vadeyya saṅghādisesena vā pācittiyena vā,
pli-tv-bu-pm:31.4	nisajjaṁ bhikkhu paṭijānamāno dvinnaṁ dhammānaṁ aññatarena kāretabbo saṅghādisesena vā pācittiyena vā,
pli-tv-bu-pm:31.5	yena vā sā saddheyyavacasā upāsikā vadeyya, tena so bhikkhu kāretabbo,
pli-tv-bu-pm:31.6	ayampi dhammo aniyato.
pli-tv-bu-pm:32.1	Uddiṭṭhā kho āyasmanto dve aniyatā dhammā.
pli-tv-bu-pm:32.2	Tatthāyasmante pucchāmi, kaccittha parisuddhā,
pli-tv-bu-pm:32.3	dutiyampi pucchāmi, kaccittha parisuddhā,
pli-tv-bu-pm:32.4	tatiyampi pucchāmi, kaccittha parisuddhā,
pli-tv-bu-pm:32.5	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:32.6	Aniyato niṭṭhito
pli-tv-bu-pm:33.0	Nissaggiyapācittiyā
pli-tv-bu-pm:33.1	Ime kho panāyasmanto tiṁsa nissaggiyā pācittiyā dhammā uddesaṁ āgacchanti.
pli-tv-bu-pm:34.0.1	Chapter 1. Kaṭhina
pli-tv-bu-pm:34.0.2	Nissaggiya Pācittiya 1. Kathina
pli-tv-bu-pm:34.1	Niṭṭhitacīvarasmiṁ bhikkhunā ubbhatasmiṁ kathine dasāhaparamaṁ atirekacīvaraṁ dhāretabbaṁ, taṁ atikkāmayato nissaggiyaṁ pācittiyaṁ.
pli-tv-bu-pm:35.0	Nissaggiya Pācittiya 2. Udosita
pli-tv-bu-pm:35.1	Niṭṭhitacīvarasmiṁ bhikkhunā ubbhatasmiṁ kathine ekarattampi ce bhikkhu ticīvarena vippavaseyya, aññatra bhikkhusammutiyā nissaggiyaṁ pācittiyaṁ.
pli-tv-bu-pm:36.0	Nissaggiya Pācittiya 3. Akālacīvara
pli-tv-bu-pm:36.1	Niṭṭhitacīvarasmiṁ bhikkhunā ubbhatasmiṁ kathine bhikkhuno paneva akālacīvaraṁ uppajjeyya, ākaṅkhamānena bhikkhunā paṭiggahetabbaṁ,
pli-tv-bu-pm:36.2	paṭiggahetvā khippameva kāretabbaṁ,
pli-tv-bu-pm:36.3	no cassa pāripūri, māsaparamaṁ tena bhikkhunā taṁ cīvaraṁ nikkhipitabbaṁ ūnassa pāripūriyā satiyā paccāsāya.
pli-tv-bu-pm:36.4	Tato ce uttari nikkhipeyya satiyāpi paccāsāya, nissaggiyaṁ pācittiyaṁ.
pli-tv-bu-pm:37.0	Nissaggiya Pācittiya 4. Purāṇacīvara
pli-tv-bu-pm:37.1	Yo pana bhikkhu aññātikāya bhikkhuniyā purāṇacīvaraṁ dhovāpeyya vā rajāpeyya vā ākoṭāpeyya vā, nissaggiyaṁ pācittiyaṁ.
pli-tv-bu-pm:38.0	Nissaggiya Pācittiya 5. Cīvarapaṭiggahaṇa
pli-tv-bu-pm:38.1	Yo pana bhikkhu aññātikāya bhikkhuniyā hatthato cīvaraṁ paṭiggaṇheyya aññatra pārivattakā, nissaggiyaṁ pācittiyaṁ.
pli-tv-bu-pm:39.0	Nissaggiya Pācittiya 6. Aññātakaviññatti
pli-tv-bu-pm:39.1	Yo pana bhikkhu aññātakaṁ gahapatiṁ vā gahapatāniṁ vā cīvaraṁ viññāpeyya aññatra samayā, nissaggiyaṁ pācittiyaṁ.
pli-tv-bu-pm:39.2	Tatthāyaṁ samayo, acchinnacīvaro vā hoti bhikkhu, naṭṭhacīvaro vā, ayaṁ tattha samayo.
pli-tv-bu-pm:40.0	Nissaggiya Pācittiya 7. Tatuttari
pli-tv-bu-pm:40.1	Tañce aññātako gahapati vā gahapatānī vā bahūhi cīvarehi abhihaṭṭhuṁ pavāreyya, santaruttaraparamaṁ tena bhikkhunā tato cīvaraṁ sāditabbaṁ. Tato ce uttari sādiyeyya, nissaggiyaṁ pācittiyaṁ.
pli-tv-bu-pm:41.0	Nissaggiya Pācittiya 8. Paṭhamaupakkhaṭa
pli-tv-bu-pm:41.1	Bhikkhuṁ paneva uddissa aññātakassa gahapatissa vā gahapatāniyā vā cīvaracetāpannaṁ upakkhaṭaṁ hoti
pli-tv-bu-pm:41.2	“iminā cīvaracetāpannena cīvaraṁ cetāpetvā itthannāmaṁ bhikkhuṁ cīvarena acchādessāmī”ti,
pli-tv-bu-pm:41.3	tatra ce so bhikkhu pubbe appavārito upasaṅkamitvā cīvare vikappaṁ āpajjeyya
pli-tv-bu-pm:41.4	“sādhu vata maṁ āyasmā iminā cīvaracetāpannena evarūpaṁ vā evarūpaṁ vā cīvaraṁ cetāpetvā acchādehī”ti
pli-tv-bu-pm:41.5	kalyāṇakamyataṁ upādāya, nissaggiyaṁ pācittiyaṁ.
pli-tv-bu-pm:42.0	Nissaggiya Pācittiya 9. Dutiyaupakkhaṭa
pli-tv-bu-pm:42.1	Bhikkhuṁ paneva uddissa ubhinnaṁ aññātakānaṁ gahapatīnaṁ vā gahapatānīnaṁ vā paccekacīvaracetāpannāni upakkhaṭāni honti
pli-tv-bu-pm:42.2	“imehi mayaṁ paccekacīvaracetāpannehi paccekacīvarāni cetāpetvā itthannāmaṁ bhikkhuṁ cīvarehi acchādessāmā”ti,
pli-tv-bu-pm:42.3	tatra ce so bhikkhu pubbe appavārito upasaṅkamitvā cīvare vikappaṁ āpajjeyya
pli-tv-bu-pm:42.4	“sādhu vata maṁ āyasmanto imehi paccekacīvaracetāpannehi evarūpaṁ vā evarūpaṁ vā cīvaraṁ cetāpetvā acchādetha ubhova santā ekenā”ti
pli-tv-bu-pm:42.5	kalyāṇakamyataṁ upādāya, nissaggiyaṁ pācittiyaṁ.
pli-tv-bu-pm:43.0	Nissaggiya Pācittiya 10. Rāja
pli-tv-bu-pm:43.1	Bhikkhuṁ paneva uddissa rājā vā rājabhoggo vā brāhmaṇo vā gahapatiko vā dūtena cīvaracetāpannaṁ pahiṇeyya
pli-tv-bu-pm:43.2	“iminā cīvaracetāpannena cīvaraṁ cetāpetvā itthannāmaṁ bhikkhuṁ cīvarena acchādehī”ti.
pli-tv-bu-pm:43.3	So ce dūto taṁ bhikkhuṁ upasaṅkamitvā evaṁ vadeyya
pli-tv-bu-pm:43.4	“idaṁ kho, bhante, āyasmantaṁ uddissa cīvaracetāpannaṁ ābhataṁ, paṭiggaṇhātu āyasmā cīvaracetāpanna”nti.
pli-tv-bu-pm:43.5	Tena bhikkhunā so dūto evamassa vacanīyo
pli-tv-bu-pm:43.6	“na kho mayaṁ, āvuso, cīvaracetāpannaṁ paṭiggaṇhāma, cīvarañca kho mayaṁ paṭiggaṇhāma kālena kappiya”nti.
pli-tv-bu-pm:43.7	So ce dūto taṁ bhikkhuṁ evaṁ vadeyya
pli-tv-bu-pm:43.8	“atthi panāyasmato koci veyyāvaccakaro”ti.
pli-tv-bu-pm:43.9	Cīvaratthikena, bhikkhave, bhikkhunā veyyāvaccakaro niddisitabbo ārāmiko vā upāsako vā
pli-tv-bu-pm:43.10	“eso kho, āvuso, bhikkhūnaṁ veyyāvaccakaro”ti.
pli-tv-bu-pm:43.11	So ce dūto taṁ veyyāvaccakaraṁ saññāpetvā taṁ bhikkhuṁ upasaṅkamitvā evaṁ vadeyya
pli-tv-bu-pm:43.12	“yaṁ kho, bhante, āyasmā veyyāvaccakaraṁ niddisi, saññatto so mayā, upasaṅkamatāyasmā kālena, cīvarena taṁ acchādessatī”ti.
pli-tv-bu-pm:43.13	Cīvaratthikena, bhikkhave, bhikkhunā veyyāvaccakaro upasaṅkamitvā dvattikkhattuṁ codetabbo sāretabbo
pli-tv-bu-pm:43.14	“attho me, āvuso, cīvarenā”ti,
pli-tv-bu-pm:43.15	dvattikkhattuṁ codayamāno sārayamāno taṁ cīvaraṁ abhinipphādeyya, iccetaṁ kusalaṁ,
pli-tv-bu-pm:43.16	no ce abhinipphādeyya, catukkhattuṁ pañcakkhattuṁ chakkhattuparamaṁ tuṇhībhūtena uddissa ṭhātabbaṁ,
pli-tv-bu-pm:43.17	catukkhattuṁ pañcakkhattuṁ chakkhattuparamaṁ tuṇhībhūto uddissa tiṭṭhamāno taṁ cīvaraṁ abhinipphādeyya, iccetaṁ kusalaṁ,
pli-tv-bu-pm:43.18	tato ce uttari vāyamamāno taṁ cīvaraṁ abhinipphādeyya, nissaggiyaṁ pācittiyaṁ.
pli-tv-bu-pm:43.19	No ce abhinipphādeyya, yatassa cīvaracetāpannaṁ ābhataṁ, tattha sāmaṁ vā gantabbaṁ, dūto vā pāhetabbo
pli-tv-bu-pm:43.20	“yaṁ kho tumhe āyasmanto bhikkhuṁ uddissa cīvaracetāpannaṁ pahiṇittha, na taṁ tassa bhikkhuno kiñci atthaṁ anubhoti,
pli-tv-bu-pm:43.21	yuñjantāyasmanto sakaṁ, mā vo sakaṁ vinassā”ti,
pli-tv-bu-pm:43.22	ayaṁ tattha sāmīci.
pli-tv-bu-pm:43.23	Kathinavaggo paṭhamo.
pli-tv-bu-pm:44.0.1	Chapter 2. Kosiya
pli-tv-bu-pm:44.0.2	Nissaggiya Pācittiya 11. Kosiya
pli-tv-bu-pm:44.1	Yo pana bhikkhu kosiyamissakaṁ santhataṁ kārāpeyya, nissaggiyaṁ pācittiyaṁ.
pli-tv-bu-pm:45.0	Nissaggiya Pācittiya 12. Suddhakāḷaka
pli-tv-bu-pm:45.1	Yo pana bhikkhu suddhakāḷakānaṁ eḷakalomānaṁ santhataṁ kārāpeyya, nissaggiyaṁ pācittiyaṁ.
pli-tv-bu-pm:46.0	Nissaggiya Pācittiya 13. Dvebhāga
pli-tv-bu-pm:46.1	Navaṁ pana bhikkhunā santhataṁ kārayamānena dve bhāgā suddhakāḷakānaṁ eḷakalomānaṁ ādātabbā, tatiyaṁ odātānaṁ, catutthaṁ gocariyānaṁ.
pli-tv-bu-pm:46.2	Anādā ce bhikkhu dve bhāge suddhakāḷakānaṁ eḷakalomānaṁ, tatiyaṁ odātānaṁ, catutthaṁ gocariyānaṁ, navaṁ santhataṁ kārāpeyya, nissaggiyaṁ pācittiyaṁ.
pli-tv-bu-pm:47.0	Nissaggiya Pācittiya 14. Chabbassa
pli-tv-bu-pm:47.1	Navaṁ pana bhikkhunā santhataṁ kārāpetvā chabbassāni dhāretabbaṁ,
pli-tv-bu-pm:47.2	orena ce channaṁ vassānaṁ taṁ santhataṁ vissajjetvā vā avissajjetvā vā aññaṁ navaṁ santhataṁ kārāpeyya aññatra bhikkhusammutiyā, nissaggiyaṁ pācittiyaṁ.
pli-tv-bu-pm:48.0	Nissaggiya Pācittiya 15. Nisīdanasanthata
pli-tv-bu-pm:48.1	Nisīdanasanthataṁ pana bhikkhunā kārayamānena purāṇasanthatassa sāmantā sugatavidatthi ādātabbā dubbaṇṇakaraṇāya.
pli-tv-bu-pm:48.2	Anādā ce bhikkhu purāṇasantha tassa sāmantā sugatavidatthiṁ, navaṁ nisīdanasanthataṁ kārāpeyya, nissaggiyaṁ pācittiyaṁ.
pli-tv-bu-pm:49.0	Nissaggiya Pācittiya 16. Eḷakaloma
pli-tv-bu-pm:49.1	Bhikkhuno paneva addhānamaggappaṭipannassa eḷakalomāni uppajjeyyuṁ,
pli-tv-bu-pm:49.2	ākaṅkhamānena bhikkhunā paṭiggahetabbāni, paṭiggahetvā tiyojanaparamaṁ sahatthā haritabbāni asante hārake.
pli-tv-bu-pm:49.3	Tato ce uttari hareyya, asantepi hārake, nissaggiyaṁ pācittiyaṁ.
pli-tv-bu-pm:50.0	Nissaggiya Pācittiya 17. Eḷakalomadhovāpana
pli-tv-bu-pm:50.1	Yo pana bhikkhu aññātikāya bhikkhuniyā eḷakalomāni dhovāpeyya vā rajāpeyya vā vijaṭāpeyya vā, nissaggiyaṁ pācittiyaṁ.
pli-tv-bu-pm:51.0	Nissaggiya Pācittiya 18. Rūpiya
pli-tv-bu-pm:51.1	Yo pana bhikkhu jātarūparajataṁ uggaṇheyya vā uggaṇhāpeyya vā upanikkhittaṁ vā sādiyeyya, nissaggiyaṁ pācittiyaṁ.
pli-tv-bu-pm:52.0	Nissaggiya Pācittiya 19. Rūpiyasaṁvohāra
pli-tv-bu-pm:52.1	Yo pana bhikkhu nānappakārakaṁ rūpiyasaṁvohāraṁ samāpajjeyya, nissaggiyaṁ pācittiyaṁ.
pli-tv-bu-pm:53.0	Nissaggiya Pācittiya 20. Kayavikkaya
pli-tv-bu-pm:53.1	Yo pana bhikkhu nānappakārakaṁ kayavikkayaṁ samāpajjeyya, nissaggiyaṁ pācittiyaṁ.
pli-tv-bu-pm:53.2	Kosiyavaggo dutiyo.
pli-tv-bu-pm:54.0.1	Chapter 3. Patta
pli-tv-bu-pm:54.0.2	Nissaggiya Pācittiya 21. Patta
pli-tv-bu-pm:54.1	Dasāhaparamaṁ atirekapatto dhāretabbo, taṁ atikkāmayato nissaggiyaṁ pācittiyaṁ.
pli-tv-bu-pm:55.0	Nissaggiya Pācittiya 22. Ūnapañcabandhana
pli-tv-bu-pm:55.1	Yo pana bhikkhu ūnapañcabandhanena pattena aññaṁ navaṁ pattaṁ cetāpeyya, nissaggiyaṁ pācittiyaṁ.
pli-tv-bu-pm:55.2	Tena bhikkhunā so patto bhikkhuparisāya nissajjitabbo,
pli-tv-bu-pm:55.3	yo ca tassā bhikkhuparisāya pattapariyanto, so tassa bhikkhuno padātabbo “ayaṁ te bhikkhu patto yāva bhedanāya dhāretabbo”ti,
pli-tv-bu-pm:55.4	ayaṁ tattha sāmīci.
pli-tv-bu-pm:56.0	Nissaggiya Pācittiya 23. Bhesajja
pli-tv-bu-pm:56.1	Yāni kho pana tāni gilānānaṁ bhikkhūnaṁ paṭisāyanīyāni bhesajjāni, seyyathidaṁ—sappi navanītaṁ telaṁ madhu phāṇitaṁ, tāni paṭiggahetvā sattāhaparamaṁ sannidhikārakaṁ paribhuñjitabbāni,
pli-tv-bu-pm:56.2	taṁ atikkāmayato nissaggiyaṁ pācittiyaṁ.
pli-tv-bu-pm:57.0	Nissaggiya Pācittiya 24. Vassikasāṭika
pli-tv-bu-pm:57.1	“Māso seso gimhāna”nti bhikkhunā vassikasāṭikacīvaraṁ pariyesitabbaṁ, “addhamāso seso gimhāna”nti katvā nivāsetabbaṁ.
pli-tv-bu-pm:57.2	Orena ce “māso seso gimhāna”nti vassikasāṭikacīvaraṁ pariyeseyya, orena“ddhamāso seso gimhāna”nti katvā nivāseyya, nissaggiyaṁ pācittiyaṁ.
pli-tv-bu-pm:58.0	Nissaggiya Pācittiya 25. Cīvaraacchindana
pli-tv-bu-pm:58.1	Yo pana bhikkhu bhikkhussa sāmaṁ cīvaraṁ datvā kupito anattamano acchindeyya vā acchindāpeyya vā, nissaggiyaṁ pācittiyaṁ.
pli-tv-bu-pm:59.0	Nissaggiya Pācittiya 26. Suttaviññatti
pli-tv-bu-pm:59.1	Yo pana bhikkhu sāmaṁ suttaṁ viññāpetvā tantavāyehi cīvaraṁ vāyāpeyya, nissaggiyaṁ pācittiyaṁ.
pli-tv-bu-pm:60.0	Nissaggiya Pācittiya 27. Mahāpesakāra
pli-tv-bu-pm:60.1	Bhikkhuṁ paneva uddissa aññātako gahapati vā gahapatānī vā tantavāyehi cīvaraṁ vāyāpeyya, tatra ce so bhikkhu pubbe appavārito tantavāye upasaṅkamitvā cīvare vikappaṁ āpajjeyya
pli-tv-bu-pm:60.2	“idaṁ kho, āvuso, cīvaraṁ maṁ uddissa viyyati, āyatañca karotha, vitthatañca, appitañca, suvītañca, suppavāyitañca, suvilekhitañca, suvitacchitañca karotha,
pli-tv-bu-pm:60.3	appeva nāma mayampi āyasmantānaṁ kiñcimattaṁ anupadajjeyyāmā”ti.
pli-tv-bu-pm:60.4	Evañca so bhikkhu vatvā kiñcimattaṁ anupadajjeyya antamaso piṇḍapātamattampi, nissaggiyaṁ pācittiyaṁ.
pli-tv-bu-pm:61.0	Nissaggiya Pācittiya 28. Accekacīvara
pli-tv-bu-pm:61.1	Dasāhānāgataṁ kattikatemāsikapuṇṇamaṁ bhikkhuno paneva accekacīvaraṁ uppajjeyya, accekaṁ maññamānena bhikkhunā paṭiggahetabbaṁ, paṭiggahetvā yāva cīvarakālasamayaṁ nikkhipitabbaṁ.
pli-tv-bu-pm:61.2	Tato ce uttari nikkhipeyya, nissaggiyaṁ pācittiyaṁ.
pli-tv-bu-pm:62.0	Nissaggiya Pācittiya 29. Sāsaṅka
pli-tv-bu-pm:62.1	Upavassaṁ kho pana kattikapuṇṇamaṁ yāni kho pana tāni āraññakāni senāsanāni sāsaṅkasammatāni sappaṭibhayāni, tathārūpesu bhikkhu senāsanesu viharanto ākaṅkhamāno tiṇṇaṁ cīvarānaṁ aññataraṁ cīvaraṁ antaraghare nikkhipeyya, siyā ca tassa bhikkhuno kocideva paccayo tena cīvarena vippavāsāya,
pli-tv-bu-pm:62.2	chārattaparamaṁ tena bhikkhunā tena cīvarena vippavasitabbaṁ. Tato ce uttari vippavaseyya aññatra bhikkhusammutiyā, nissaggiyaṁ pācittiyaṁ.
pli-tv-bu-pm:63.0	Nissaggiya Pācittiya 30. Pariṇata
pli-tv-bu-pm:63.1	Yo pana bhikkhu jānaṁ saṅghikaṁ lābhaṁ pariṇataṁ attano pariṇāmeyya, nissaggiyaṁ pācittiyaṁ.
pli-tv-bu-pm:63.2	Pattavaggo tatiyo.
pli-tv-bu-pm:64.1	Uddiṭṭhā kho āyasmanto tiṁsa nissaggiyā pācittiyā dhammā.
pli-tv-bu-pm:64.2	Tatthāyasmante pucchāmi, kaccittha parisuddhā,
pli-tv-bu-pm:64.3	dutiyampi pucchāmi, kaccittha parisuddhā,
pli-tv-bu-pm:64.4	tatiyampi pucchāmi, kaccittha parisuddhā,
pli-tv-bu-pm:64.5	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:64.6	Nissaggiyapācittiyā niṭṭhitā
pli-tv-bu-pm:65.0	Suddhapācittiyā
pli-tv-bu-pm:65.1	Ime kho panāyasmanto dvenavuti pācittiyā dhammā uddesaṁ āgacchanti.
pli-tv-bu-pm:66.0.1	Chapter 1. Musāvāda
pli-tv-bu-pm:66.0.2	Pācittiya 1. Musāvāda
pli-tv-bu-pm:66.1	Sampajānamusāvāde pācittiyaṁ.
pli-tv-bu-pm:67.0	Pācittiya 2. Omasavāda
pli-tv-bu-pm:67.1	Omasavāde pācittiyaṁ.
pli-tv-bu-pm:68.0	Pācittiya 3. Pesuñña
pli-tv-bu-pm:68.1	Bhikkhupesuññe pācittiyaṁ.
pli-tv-bu-pm:69.0	Pācittiya 4. Padasodhamma
pli-tv-bu-pm:69.1	Yo pana bhikkhu anupasampannaṁ padaso dhammaṁ vāceyya, pācittiyaṁ.
pli-tv-bu-pm:70.0	Pācittiya 5. Paṭhamasahaseyya
pli-tv-bu-pm:70.1	Yo pana bhikkhu anupasampannena uttaridirattatirattaṁ sahaseyyaṁ kappeyya, pācittiyaṁ.
pli-tv-bu-pm:71.0	Pācittiya 6. Dutiyasahaseyya
pli-tv-bu-pm:71.1	Yo pana bhikkhu mātugāmena sahaseyyaṁ kappeyya, pācittiyaṁ.
pli-tv-bu-pm:72.0	Pācittiya 7. Dhammadesanā
pli-tv-bu-pm:72.1	Yo pana bhikkhu mātugāmassa uttarichappañcavācāhi dhammaṁ deseyya aññatra viññunā purisaviggahena, pācittiyaṁ.
pli-tv-bu-pm:73.0	Pācittiya 8. Bhūtārocana
pli-tv-bu-pm:73.1	Yo pana bhikkhu anupasampannassa uttarimanussadhammaṁ āroceyya, bhūtasmiṁ pācittiyaṁ.
pli-tv-bu-pm:74.0	Pācittiya 9. Duṭṭhullārocana
pli-tv-bu-pm:74.1	Yo pana bhikkhu bhikkhussa duṭṭhullaṁ āpattiṁ anupasampannassa āroceyya aññatra bhikkhusammutiyā, pācittiyaṁ.
pli-tv-bu-pm:75.0	Pācittiya 10. Pathavīkhaṇana
pli-tv-bu-pm:75.1	Yo pana bhikkhu pathaviṁ khaṇeyya vā khaṇāpeyya vā pācittiyaṁ.
pli-tv-bu-pm:75.2	Musāvādavaggo paṭhamo
pli-tv-bu-pm:76.0.1	Chapter 2. Bhūtagāma
pli-tv-bu-pm:76.0.2	Pācittiya 11. Bhūtagāma
pli-tv-bu-pm:76.1	Bhūtagāmapātabyatāya pācittiyaṁ.
pli-tv-bu-pm:77.0	Pācittiya 12. Aññavādaka
pli-tv-bu-pm:77.1	Aññavādake, vihesake pācittiyaṁ.
pli-tv-bu-pm:78.0	Pācittiya 13. Ujjhāpanaka
pli-tv-bu-pm:78.1	Ujjhāpanake, khiyyanake pācittiyaṁ.
pli-tv-bu-pm:79.0	Pācittiya 14. Paṭhamasenāsana
pli-tv-bu-pm:79.1	Yo pana bhikkhu saṅghikaṁ mañcaṁ vā pīṭhaṁ vā bhisiṁ vā kocchaṁ vā ajjhokāse santharitvā vā santharāpetvā vā taṁ pakkamanto neva uddhareyya, na uddharāpeyya, anāpucchaṁ vā gaccheyya, pācittiyaṁ.
pli-tv-bu-pm:80.0	Pācittiya 15. Dutiyasenāsana
pli-tv-bu-pm:80.1	Yo pana bhikkhu saṅghike vihāre seyyaṁ santharitvā vā santharāpetvā vā taṁ pakkamanto neva uddhareyya, na uddharāpeyya, anāpucchaṁ vā gaccheyya, pācittiyaṁ.
pli-tv-bu-pm:81.0	Pācittiya 16. Anupakhajja
pli-tv-bu-pm:81.1	Yo pana bhikkhu saṅghike vihāre jānaṁ pubbupagataṁ bhikkhuṁ anupakhajja seyyaṁ kappeyya “yassa sambādho bhavissati, so pakkamissatī”ti etadeva paccayaṁ karitvā anaññaṁ, pācittiyaṁ.
pli-tv-bu-pm:82.0	Pācittiya 17. Nikkaḍḍhana
pli-tv-bu-pm:82.1	Yo pana bhikkhu bhikkhuṁ kupito anattamano saṅghikā vihārā nikkaḍḍheyya vā nikkaḍḍhāpeyya vā, pācittiyaṁ.
pli-tv-bu-pm:83.0	Pācittiya 18. Vehāsakuṭi
pli-tv-bu-pm:83.1	Yo pana bhikkhu saṅghike vihāre uparivehāsakuṭiyā āhaccapādakaṁ mañcaṁ vā pīṭhaṁ vā abhinisīdeyya vā abhinipajjeyya vā, pācittiyaṁ.
pli-tv-bu-pm:84.0	Pācittiya 19. Mahallakavihāra
pli-tv-bu-pm:84.1	Mahallakaṁ pana bhikkhunā vihāraṁ kārayamānena yāva dvārakosā aggaḷaṭṭhapanāya ālokasandhiparikammāya dvatticchadanassa pariyāyaṁ appaharite ṭhitena adhiṭṭhātabbaṁ, tato ce uttari appaharitepi ṭhito adhiṭṭhaheyya, pācittiyaṁ.
pli-tv-bu-pm:85.0	Pācittiya 20. Sappāṇaka
pli-tv-bu-pm:85.1	Yo pana bhikkhu jānaṁ sappāṇakaṁ udakaṁ tiṇaṁ vā mattikaṁ vā siñceyya vā siñcāpeyya vā, pācittiyaṁ.
pli-tv-bu-pm:85.2	Bhūtagāmavaggo dutiyo
pli-tv-bu-pm:86.0.1	Chapter 3. Ovāda
pli-tv-bu-pm:86.0.2	Pācittiya 21. Ovāda
pli-tv-bu-pm:86.1	Yo pana bhikkhu asammato bhikkhuniyo ovadeyya, pācittiyaṁ.
pli-tv-bu-pm:87.0	Pācittiya 22. Atthaṅgata
pli-tv-bu-pm:87.1	Sammatopi ce bhikkhu atthaṅgate sūriye bhikkhuniyo ovadeyya, pācittiyaṁ.
pli-tv-bu-pm:88.0	Pācittiya 23. Bhikkhunupassaya
pli-tv-bu-pm:88.1	Yo pana bhikkhu bhikkhunupassayaṁ upasaṅkamitvā bhikkhuniyo ovadeyya aññatra samayā, pācittiyaṁ.
pli-tv-bu-pm:88.2	Tatthāyaṁ samayo, gilānā hoti bhikkhunī, ayaṁ tattha samayo.
pli-tv-bu-pm:89.0	Pācittiya 24. Āmisa
pli-tv-bu-pm:89.1	Yo pana bhikkhu evaṁ vadeyya “āmisahetu therā bhikkhū bhikkhuniyo ovadantī”ti, pācittiyaṁ.
pli-tv-bu-pm:90.0	Pācittiya 25. Cīvaradāna
pli-tv-bu-pm:90.1	Yo pana bhikkhu aññātikāya bhikkhuniyā cīvaraṁ dadeyya aññatra pārivattakā, pācittiyaṁ.
pli-tv-bu-pm:91.0	Pācittiya 26. Cīvarasibbana
pli-tv-bu-pm:91.1	Yo pana bhikkhu aññātikāya bhikkhuniyā cīvaraṁ sibbeyya vā sibbāpeyya vā, pācittiyaṁ.
pli-tv-bu-pm:92.0	Pācittiya 27. Saṁvidhāna
pli-tv-bu-pm:92.1	Yo pana bhikkhu bhikkhuniyā saddhiṁ saṁvidhāya ekaddhānamaggaṁ paṭipajjeyya antamaso gāmantarampi aññatra samayā, pācittiyaṁ.
pli-tv-bu-pm:92.2	Tatthāyaṁ samayo, satthagamanīyo hoti maggo, sāsaṅkasammato, sappaṭibhayo, ayaṁ tattha samayo.
pli-tv-bu-pm:93.0	Pācittiya 28. Nāvābhiruhana
pli-tv-bu-pm:93.1	Yo pana bhikkhu bhikkhuniyā saddhiṁ saṁvidhāya ekaṁ nāvaṁ abhiruheyya uddhaṅgāminiṁ vā adhogāminiṁ vā aññatra tiriyaṁ taraṇāya, pācittiyaṁ.
pli-tv-bu-pm:94.0	Pācittiya 29. Paripācita
pli-tv-bu-pm:94.1	Yo pana bhikkhu jānaṁ bhikkhuniparipācitaṁ piṇḍapātaṁ bhuñjeyya aññatra pubbe gihisamārambhā, pācittiyaṁ.
pli-tv-bu-pm:95.0	Pācittiya 30. Rahonisajja
pli-tv-bu-pm:95.1	Yo pana bhikkhu bhikkhuniyā saddhiṁ eko ekāya raho nisajjaṁ kappeyya, pācittiyaṁ.
pli-tv-bu-pm:95.2	Ovādavaggo tatiyo
pli-tv-bu-pm:96.0.1	Chapter 4. Bhojanavaggo
pli-tv-bu-pm:96.0.2	Pācittiya 31. Āvasathapiṇḍa
pli-tv-bu-pm:96.1	Agilānena bhikkhunā eko āvasathapiṇḍo bhuñjitabbo.
pli-tv-bu-pm:96.2	Tato ce uttari bhuñjeyya, pācittiyaṁ.
pli-tv-bu-pm:97.0	Pācittiya 32. Gaṇabhojana
pli-tv-bu-pm:97.1	Gaṇabhojane aññatra samayā pācittiyaṁ.
pli-tv-bu-pm:97.2	Tatthāyaṁ samayo, gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo, mahāsamayo, samaṇabhattasamayo, ayaṁ tattha samayo.
pli-tv-bu-pm:98.0	Pācittiya 33. Paramparabhojana
pli-tv-bu-pm:98.1	Paramparabhojane aññatra samayā pācittiyaṁ.
pli-tv-bu-pm:98.2	Tatthāyaṁ samayo, gilānasamayo, cīvaradānasamayo, cīvarakārasamayo, ayaṁ tattha samayo.
pli-tv-bu-pm:99.0	Pācittiya 34. Kāṇamātu
pli-tv-bu-pm:99.1	Bhikkhuṁ paneva kulaṁ upagataṁ pūvehi vā manthehi vā abhihaṭṭhuṁ pavāreyya, ākaṅkhamānena bhikkhunā dvattipattapūrā paṭiggahetabbā. Tato ce uttari paṭiggaṇheyya, pācittiyaṁ.
pli-tv-bu-pm:99.2	Dvattipattapūre paṭiggahetvā tato nīharitvā bhikkhūhi saddhiṁ saṁvibhajitabbaṁ, ayaṁ tattha sāmīci.
pli-tv-bu-pm:100.0	Pācittiya 35. Paṭhamapavāraṇā
pli-tv-bu-pm:100.1	Yo pana bhikkhu bhuttāvī pavārito anatirittaṁ khādanīyaṁ vā bhojanīyaṁ vā khādeyya vā bhuñjeyya vā, pācittiyaṁ.
pli-tv-bu-pm:101.0	Pācittiya 36. Dutiyapavāraṇā
pli-tv-bu-pm:101.1	Yo pana bhikkhu bhikkhuṁ bhuttāviṁ pavāritaṁ anatirittena khādanīyena vā bhojanīyena vā abhihaṭṭhuṁ pavāreyya “handa bhikkhu khāda vā bhuñja vā”ti jānaṁ āsādanāpekkho, bhuttasmiṁ pācittiyaṁ.
pli-tv-bu-pm:102.0	Pācittiya 37. Vikālabhojana
pli-tv-bu-pm:102.1	Yo pana bhikkhu vikāle khādanīyaṁ vā bhojanīyaṁ vā khādeyya vā bhuñjeyya vā, pācittiyaṁ.
pli-tv-bu-pm:103.0	Pācittiya 38. Sannidhikāraka
pli-tv-bu-pm:103.1	Yo pana bhikkhu sannidhikārakaṁ khādanīyaṁ vā bhojanīyaṁ vā khādeyya vā bhuñjeyya vā, pācittiyaṁ.
pli-tv-bu-pm:104.0	Pācittiya 39. Paṇītabhojana
pli-tv-bu-pm:104.1	Yāni kho pana tāni paṇītabhojanāni, seyyathidaṁ—sappi, navanītaṁ, telaṁ, madhu, phāṇitaṁ, maccho, maṁsaṁ, khīraṁ, dadhi. Yo pana bhikkhu evarūpāni paṇītabhojanāni agilāno attano atthāya viññāpetvā bhuñjeyya, pācittiyaṁ.
pli-tv-bu-pm:105.0	Pācittiya 40. Dantapona
pli-tv-bu-pm:105.1	Yo pana bhikkhu adinnaṁ mukhadvāraṁ āhāraṁ āhareyya aññatra udakadantaponā, pācittiyaṁ.
pli-tv-bu-pm:105.2	Bhojanavaggo catuttho
pli-tv-bu-pm:106.0.1	Chapter 5. Acelaka
pli-tv-bu-pm:106.0.2	Pācittiya 41. Acelaka
pli-tv-bu-pm:106.1	Yo pana bhikkhu acelakassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dadeyya, pācittiyaṁ.
pli-tv-bu-pm:107.0	Pācittiya 42. Uyyojana
pli-tv-bu-pm:107.1	Yo pana bhikkhu bhikkhuṁ “ehāvuso, gāmaṁ vā nigamaṁ vā piṇḍāya pavisissāmā”ti tassa dāpetvā vā adāpetvā vā uyyojeyya “gacchāvuso, na me tayā saddhiṁ kathā vā nisajjā vā phāsu hoti, ekakassa me kathā vā nisajjā vā phāsu hotī”ti etadeva paccayaṁ karitvā anaññaṁ, pācittiyaṁ.
pli-tv-bu-pm:108.0	Pācittiya 43. Sabhojana
pli-tv-bu-pm:108.1	Yo pana bhikkhu sabhojane kule anupakhajja nisajjaṁ kappeyya, pācittiyaṁ.
pli-tv-bu-pm:109.0	Pācittiya 44. Rahopaṭicchanna
pli-tv-bu-pm:109.1	Yo pana bhikkhu mātugāmena saddhiṁ raho paṭicchanne āsane nisajjaṁ kappeyya, pācittiyaṁ.
pli-tv-bu-pm:110.0	Pācittiya 45. Rahonisajja
pli-tv-bu-pm:110.1	Yo pana bhikkhu mātugāmena saddhiṁ eko ekāya raho nisajjaṁ kappeyya, pācittiyaṁ.
pli-tv-bu-pm:111.0	Pācittiya 46. Cāritta
pli-tv-bu-pm:111.1	Yo pana bhikkhu nimantito sabhatto samāno santaṁ bhikkhuṁ anāpucchā purebhattaṁ vā pacchābhattaṁ vā kulesu cārittaṁ āpajjeyya aññatra samayā, pācittiyaṁ.
pli-tv-bu-pm:111.2	Tatthāyaṁ samayo, cīvaradānasamayo, cīvarakārasamayo, ayaṁ tattha samayo.
pli-tv-bu-pm:112.0	Pācittiya 47. Mahānāma
pli-tv-bu-pm:112.1	Agilānena bhikkhunā catumāsappaccayapavāraṇā sāditabbā aññatra punapavāraṇāya, aññatra niccapavāraṇāya. Tato ce uttari sādiyeyya, pācittiyaṁ.
pli-tv-bu-pm:113.0	Pācittiya 48. Uyyuttasenā
pli-tv-bu-pm:113.1	Yo pana bhikkhu uyyuttaṁ senaṁ dassanāya gaccheyya aññatra tathārūpappaccayā, pācittiyaṁ.
pli-tv-bu-pm:114.0	Pācittiya 49. Senāvāsa
pli-tv-bu-pm:114.1	Siyā ca tassa bhikkhuno kocideva paccayo senaṁ gamanāya, dirattatirattaṁ tena bhikkhunā senāya vasitabbaṁ.
pli-tv-bu-pm:114.2	Tato ce uttari vaseyya, pācittiyaṁ.
pli-tv-bu-pm:115.0	Pācittiya 50. Uyyodhika
pli-tv-bu-pm:115.1	Dirattatirattaṁ ce bhikkhu senāya vasamāno uyyodhikaṁ vā balaggaṁ vā senābyūhaṁ vā anīkadassanaṁ vā gaccheyya, pācittiyaṁ.
pli-tv-bu-pm:115.2	Acelakavaggo pañcamo
pli-tv-bu-pm:116.0.1	Chapter 6. Surāpāna
pli-tv-bu-pm:116.0.2	Pācittiya 51. Surāpāna
pli-tv-bu-pm:116.1	Surāmerayapāne pācittiyaṁ.
pli-tv-bu-pm:117.0	Pācittiya 52. Aṅgulipatodaka
pli-tv-bu-pm:117.1	Aṅgulipatodake pācittiyaṁ.
pli-tv-bu-pm:118.0	Pācittiya 53. Hasadhamma
pli-tv-bu-pm:118.1	Udake hasadhamme pācittiyaṁ.
pli-tv-bu-pm:119.0	Pācittiya 54. Anādariya
pli-tv-bu-pm:119.1	Anādariye pācittiyaṁ.
pli-tv-bu-pm:120.0	Pācittiya 55. Bhiṁsāpana
pli-tv-bu-pm:120.1	Yo pana bhikkhu bhikkhuṁ bhiṁsāpeyya, pācittiyaṁ.
pli-tv-bu-pm:121.0	Pācittiya 56. Joti
pli-tv-bu-pm:121.1	Yo pana bhikkhu agilāno visibbanāpekkho jotiṁ samādaheyya vā samādahāpeyya vā aññatra tathārūpappaccayā, pācittiyaṁ.
pli-tv-bu-pm:122.0	Pācittiya 57. Nahāna
pli-tv-bu-pm:122.1	Yo pana bhikkhu orenaddhamāsaṁ nahāyeyya aññatra samayā, pācittiyaṁ.
pli-tv-bu-pm:122.2	Tatthāyaṁ samayo “diyaḍḍho māso seso gimhāna”nti “vassānassa paṭhamo māso” iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo, vātavuṭṭhisamayo, ayaṁ tattha samayo.
pli-tv-bu-pm:123.0	Pācittiya 58. Dubbaṇṇakaraṇa
pli-tv-bu-pm:123.1	Navaṁ pana bhikkhunā cīvaralābhena tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ ādātabbaṁ nīlaṁ vā kaddamaṁ vā kāḷasāmaṁ vā. Anādā ce bhikkhu tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhuñjeyya, pācittiyaṁ.
pli-tv-bu-pm:124.0	Pācittiya 59. Vikappana
pli-tv-bu-pm:124.1	Yo pana bhikkhu bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā appaccuddhāraṇaṁ paribhuñjeyya, pācittiyaṁ.
pli-tv-bu-pm:125.0	Pācittiya 60. Apanidhāna
pli-tv-bu-pm:125.1	Yo pana bhikkhu bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidheyya vā apanidhāpeyya vā antamaso hasāpekkhopi, pācittiyaṁ.
pli-tv-bu-pm:125.2	Surāpānavaggo chaṭṭho
pli-tv-bu-pm:126.0.1	Chapter 7. Sappāṇa
pli-tv-bu-pm:126.0.2	Pācittiya 61. Sañcicca
pli-tv-bu-pm:126.1	Yo pana bhikkhu sañcicca pāṇaṁ jīvitā voropeyya, pācittiyaṁ.
pli-tv-bu-pm:127.0	Pācittiya 62. Sappāṇaka
pli-tv-bu-pm:127.1	Yo pana bhikkhu jānaṁ sappāṇakaṁ udakaṁ paribhuñjeyya, pācittiyaṁ.
pli-tv-bu-pm:128.0	Pācittiya 63. Ukkoṭana
pli-tv-bu-pm:128.1	Yo pana bhikkhu jānaṁ yathādhammaṁ nihatādhikaraṇaṁ punakammāya ukkoṭeyya, pācittiyaṁ.
pli-tv-bu-pm:129.0	Pācittiya 64. Duṭṭhulla
pli-tv-bu-pm:129.1	Yo pana bhikkhu bhikkhussa jānaṁ duṭṭhullaṁ āpattiṁ paṭicchādeyya, pācittiyaṁ.
pli-tv-bu-pm:130.0	Pācittiya 65. Ūnavīsativassa
pli-tv-bu-pm:130.1	Yo pana bhikkhu jānaṁ ūnavīsativassaṁ puggalaṁ upasampādeyya, so ca puggalo anupasampanno, te ca bhikkhū gārayhā, idaṁ tasmiṁ pācittiyaṁ.
pli-tv-bu-pm:131.0	Pācittiya 66. Theyyasattha
pli-tv-bu-pm:131.1	Yo pana bhikkhu jānaṁ theyyasatthena saddhiṁ saṁvidhāya ekaddhānamaggaṁ paṭipajjeyya antamaso gāmantarampi, pācittiyaṁ.
pli-tv-bu-pm:132.0	Pācittiya 67. Saṁvidhāna
pli-tv-bu-pm:132.1	Yo pana bhikkhu mātugāmena saddhiṁ saṁvidhāya ekaddhānamaggaṁ paṭipajjeyya antamaso gāmantarampi, pācittiyaṁ.
pli-tv-bu-pm:133.0	Pācittiya 68. Ariṭṭha
pli-tv-bu-pm:133.1	Yo pana bhikkhu evaṁ vadeyya
pli-tv-bu-pm:133.2	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti,
pli-tv-bu-pm:133.3	so bhikkhu bhikkhūhi evamassa vacanīyo
pli-tv-bu-pm:133.4	“māyasmā evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,
pli-tv-bu-pm:133.5	anekapariyāyenāvuso antarāyikā dhammā antarāyikā vuttā bhagavatā, alañca pana te paṭisevato antarāyāyā”ti.
pli-tv-bu-pm:133.6	Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.
pli-tv-bu-pm:133.7	Yāvatatiyañce samanubhāsiyamāno taṁ paṭinissajjeyya, iccetaṁ kusalaṁ.
pli-tv-bu-pm:133.8	No ce paṭinissajjeyya, pācittiyaṁ.
pli-tv-bu-pm:134.0	Pācittiya 69. Ukkhittasambhoga
pli-tv-bu-pm:134.1	Yo pana bhikkhu jānaṁ tathāvādinā bhikkhunā akaṭānudhammena taṁ diṭṭhiṁ appaṭinissaṭṭhena saddhiṁ sambhuñjeyya vā, saṁvaseyya vā, saha vā seyyaṁ kappeyya, pācittiyaṁ.
pli-tv-bu-pm:135.0	Pācittiya 70. Kaṇṭaka
pli-tv-bu-pm:135.1	Samaṇuddesopi ce evaṁ vadeyya
pli-tv-bu-pm:135.2	“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti,
pli-tv-bu-pm:135.3	so samaṇuddeso bhikkhūhi evamassa vacanīyo
pli-tv-bu-pm:135.4	“māvuso, samaṇuddesa evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,
pli-tv-bu-pm:135.5	anekapariyāyenāvuso, samaṇuddesa antarāyikā dhammā antarāyikā vuttā bhagavatā, alañca pana te paṭisevato antarāyāyā”ti,
pli-tv-bu-pm:135.6	evañca so samaṇuddeso bhikkhūhi vuccamāno tatheva paggaṇheyya, so samaṇuddeso bhikkhūhi evamassa vacanīyo
pli-tv-bu-pm:135.7	“ajjatagge te, āvuso, samaṇuddesa na ceva so bhagavā satthā apadisitabbo,
pli-tv-bu-pm:135.8	yampi caññe samaṇuddesā labhanti bhikkhūhi saddhiṁ dirattatirattaṁ sahaseyyaṁ, sāpi te natthi,
pli-tv-bu-pm:135.9	cara pire, vinassā”ti.
pli-tv-bu-pm:135.10	Yo pana bhikkhu jānaṁ tathānāsitaṁ samaṇuddesaṁ upalāpeyya vā, upaṭṭhāpeyya vā, sambhuñjeyya vā, saha vā seyyaṁ kappeyya, pācittiyaṁ.
pli-tv-bu-pm:135.11	Sappāṇakavaggo sattamo
pli-tv-bu-pm:136.0.1	Chapter 8. Sahadhammika
pli-tv-bu-pm:136.0.2	Pācittiya 71. Sahadhammika
pli-tv-bu-pm:136.1	Yo pana bhikkhu bhikkhūhi sahadhammikaṁ vuccamāno evaṁ vadeyya “na tāvāhaṁ, āvuso, etasmiṁ sikkhāpade sikkhissāmi, yāva na aññaṁ bhikkhuṁ byattaṁ vinayadharaṁ paripucchāmī”ti, pācittiyaṁ.
pli-tv-bu-pm:136.2	Sikkhamānena, bhikkhave, bhikkhunā aññātabbaṁ paripucchitabbaṁ paripañhitabbaṁ, ayaṁ tattha sāmīci.
pli-tv-bu-pm:137.0	Pācittiya 72. Vilekhana
pli-tv-bu-pm:137.1	Yo pana bhikkhu pātimokkhe uddissamāne evaṁ vadeyya “kiṁ panimehi khuddānukhuddakehi sikkhāpadehi uddiṭṭhehi, yāvadeva kukkuccāya vihesāya vilekhāya saṁvattantī”ti, sikkhāpadavivaṇṇake pācittiyaṁ.
pli-tv-bu-pm:138.0	Pācittiya 73. Mohana
pli-tv-bu-pm:138.1	Yo pana bhikkhu anvaddhamāsaṁ pātimokkhe uddissamāne evaṁ vadeyya
pli-tv-bu-pm:138.2	“idāneva kho ahaṁ jānāmi, ayampi kira dhammo suttāgato suttapariyāpanno anvaddhamāsaṁ uddesaṁ āgacchatī”ti.
pli-tv-bu-pm:138.3	Tañce bhikkhuṁ aññe bhikkhū jāneyyuṁ nisinnapubbaṁ iminā bhikkhunā dvattikkhattuṁ pātimokkhe uddissamāne, ko pana vādo bhiyyo, na ca tassa bhikkhuno aññāṇakena mutti atthi, yañca tattha āpattiṁ āpanno, tañca yathādhammo kāretabbo, uttari cassa moho āropetabbo
pli-tv-bu-pm:138.4	“tassa te, āvuso, alābhā, tassa te dulladdhaṁ, yaṁ tvaṁ pātimokkhe uddissamānena sādhukaṁ aṭṭhiṁ katvā manasi karosī”ti,
pli-tv-bu-pm:138.5	idaṁ tasmiṁ mohanake pācittiyaṁ.
pli-tv-bu-pm:139.0	Pācittiya 74. Pahāra
pli-tv-bu-pm:139.1	Yo pana bhikkhu bhikkhussa kupito anattamano pahāraṁ dadeyya, pācittiyaṁ.
pli-tv-bu-pm:140.0	Pācittiya 75. Talasattika
pli-tv-bu-pm:140.1	Yo pana bhikkhu bhikkhussa kupito anattamano talasattikaṁ uggireyya, pācittiyaṁ.
pli-tv-bu-pm:141.0	Pācittiya 76. Amūlaka
pli-tv-bu-pm:141.1	Yo pana bhikkhu bhikkhuṁ amūlakena saṅghādisesena anuddhaṁseyya, pācittiyaṁ.
pli-tv-bu-pm:142.0	Pācittiya 77. Sañcicca
pli-tv-bu-pm:142.1	Yo pana bhikkhu bhikkhussa sañcicca kukkuccaṁ upadaheyya “itissa muhuttampi aphāsu bhavissatī”ti etadeva paccayaṁ karitvā anaññaṁ, pācittiyaṁ.
pli-tv-bu-pm:143.0	Pācittiya 78. Upassuti
pli-tv-bu-pm:143.1	Yo pana bhikkhu bhikkhūnaṁ bhaṇḍanajātānaṁ kalahajātānaṁ vivādāpannānaṁ upassutiṁ tiṭṭheyya “yaṁ ime bhaṇissanti, taṁ sossāmī”ti etadeva paccayaṁ karitvā anaññaṁ, pācittiyaṁ.
pli-tv-bu-pm:144.0	Pācittiya 79. Kammappaṭibāhana
pli-tv-bu-pm:144.1	Yo pana bhikkhu dhammikānaṁ kammānaṁ chandaṁ datvā pacchā khīyanadhammaṁ āpajjeyya, pācittiyaṁ.
pli-tv-bu-pm:145.0	Pācittiya 80. Chandaṁadatvāgamana
pli-tv-bu-pm:145.1	Yo pana bhikkhu saṅghe vinicchayakathāya vattamānāya chandaṁ adatvā uṭṭhāyāsanā pakkameyya, pācittiyaṁ.
pli-tv-bu-pm:146.0	Pācittiya 81. Dubbala
pli-tv-bu-pm:146.1	Yo pana bhikkhu samaggena saṅghena cīvaraṁ datvā pacchā khīyanadhammaṁ āpajjeyya “yathāsanthutaṁ bhikkhū saṅghikaṁ lābhaṁ pariṇāmentī”ti, pācittiyaṁ.
pli-tv-bu-pm:147.0	Pācittiya 82. Pariṇāmana
pli-tv-bu-pm:147.1	Yo pana bhikkhu jānaṁ saṅghikaṁ lābhaṁ pariṇataṁ puggalassa pariṇāmeyya, pācittiyaṁ.
pli-tv-bu-pm:147.2	Sahadhammikavaggo aṭṭhamo
pli-tv-bu-pm:148.0.1	Chapter 9. Ratana
pli-tv-bu-pm:148.0.2	Pācittiya 83. Antepura
pli-tv-bu-pm:148.1	Yo pana bhikkhu rañño khattiyassa muddhābhisittassa anikkhantarājake aniggataratanake pubbe appaṭisaṁvidito indakhīlaṁ atikkāmeyya, pācittiyaṁ.
pli-tv-bu-pm:149.0	Pācittiya 84. Ratana
pli-tv-bu-pm:149.1	Yo pana bhikkhu ratanaṁ vā ratanasammataṁ vā aññatra ajjhārāmā vā ajjhāvasathā vā uggaṇheyya vā uggaṇhāpeyya vā, pācittiyaṁ.
pli-tv-bu-pm:149.2	Ratanaṁ vā pana bhikkhunā ratanasammataṁ vā ajjhārāme vā ajjhāvasathe vā uggahetvā vā uggahāpetvā vā nikkhipitabbaṁ “yassa bhavissati, so harissatī”ti, ayaṁ tattha sāmīci.
pli-tv-bu-pm:150.0	Pācittiya 85. Vikālagāmappavesana
pli-tv-bu-pm:150.1	Yo pana bhikkhu santaṁ bhikkhuṁ anāpucchāvikāle gāmaṁ paviseyya aññatra tathārūpā accāyikā karaṇīyā, pācittiyaṁ.
pli-tv-bu-pm:151.0	Pācittiya 86. Sūcighara
pli-tv-bu-pm:151.1	Yo pana bhikkhu aṭṭhimayaṁ vā dantamayaṁ vā visāṇamayaṁ vā sūcigharaṁ kārāpeyya, bhedanakaṁ pācittiyaṁ.
pli-tv-bu-pm:152.0	Pācittiya 87. Mañcapīṭha
pli-tv-bu-pm:152.1	Navaṁ pana bhikkhunā mañcaṁ vā pīṭhaṁ vā kārayamānena aṭṭhaṅgulapādakaṁ kāretabbaṁ sugataṅgulena aññatra heṭṭhimāya aṭaniyā. Taṁ atikkāmayato chedanakaṁ pācittiyaṁ.
pli-tv-bu-pm:153.0	Pācittiya 88. Tūlonaddha
pli-tv-bu-pm:153.1	Yo pana bhikkhu mañcaṁ vā pīṭhaṁ vā tūlonaddhaṁ kārāpeyya, uddālanakaṁ pācittiyaṁ.
pli-tv-bu-pm:154.0	Pācittiya 89. Nisīdana
pli-tv-bu-pm:154.1	Nisīdanaṁ pana bhikkhunā kārayamānena pamāṇikaṁ kāretabbaṁ, tatridaṁ pamāṇaṁ, dīghaso dve vidatthiyo sugatavidatthiyā, tiriyaṁ diyaḍḍhaṁ, dasā vidatthi. Taṁ atikkāmayato chedanakaṁ pācittiyaṁ.
pli-tv-bu-pm:155.0	Pācittiya 90. Kaṇḍuppaṭicchādi
pli-tv-bu-pm:155.1	Kaṇḍuppaṭicchādiṁ pana bhikkhunā kārayamānena pamāṇikā kāretabbā, tatridaṁ pamāṇaṁ, dīghaso catasso vidatthiyo sugatavidatthiyā, tiriyaṁ dve vidatthiyo. Taṁ atikkāmayato chedanakaṁ pācittiyaṁ.
pli-tv-bu-pm:156.0	Pācittiya 91. Vassikasāṭika
pli-tv-bu-pm:156.1	Vassikasāṭikaṁ pana bhikkhunā kārayamānena pamāṇikā kāretabbā, tatridaṁ pamāṇaṁ, dīghaso cha vidatthiyo sugatavidatthiyā, tiriyaṁ aḍḍhateyyā. Taṁ atikkāmayato chedanakaṁ pācittiyaṁ.
pli-tv-bu-pm:157.0	Pācittiya 92. Nanda
pli-tv-bu-pm:157.1	Yo pana bhikkhu sugatacīvarappamāṇaṁ cīvaraṁ kārāpeyya, atirekaṁ vā, chedanakaṁ pācittiyaṁ.
pli-tv-bu-pm:157.2	Tatridaṁ sugatassa sugatacīvarappamāṇaṁ, dīghaso nava vidatthiyo sugatavidatthiyā, tiriyaṁ cha vidatthiyo, idaṁ sugatassa sugatacīvarapamāṇanti.
pli-tv-bu-pm:157.3	Ratanavaggo navamo
pli-tv-bu-pm:158.1	Uddiṭṭhā kho āyasmanto dvenavuti pācittiyā dhammā.
pli-tv-bu-pm:158.2	Tatthāyasmante pucchāmi, kaccittha parisuddhā,
pli-tv-bu-pm:158.3	dutiyampi pucchāmi, kaccittha parisuddhā,
pli-tv-bu-pm:158.4	tatiyampi pucchāmi, kaccittha parisuddhā,
pli-tv-bu-pm:158.5	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:158.6	Pācittiyā niṭṭhitā
pli-tv-bu-pm:159.0	Pāṭidesanīya
pli-tv-bu-pm:159.1	Ime kho panāyasmanto cattāro pāṭidesanīyā dhammā uddesaṁ āgacchanti.
pli-tv-bu-pm:160.0	Pāṭidesanīya 1. Paṭhamapāṭidesanīya
pli-tv-bu-pm:160.1	Yo pana bhikkhu aññātikāya bhikkhuniyā antaragharaṁ paviṭṭhāya hatthato khādanīyaṁ vā bhojanīyaṁ vā sahatthā paṭiggahetvā khādeyya vā bhuñjeyya vā, paṭidesetabbaṁ tena bhikkhunā
pli-tv-bu-pm:160.2	“gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ, taṁ paṭidesemī”ti.
pli-tv-bu-pm:161.0	Pāṭidesanīya 2. Dutiyapāṭidesanīya
pli-tv-bu-pm:161.1	Bhikkhū paneva kulesu nimantitā bhuñjanti, tatra ce sā bhikkhunī vosāsamānarūpā ṭhitā hoti “idha sūpaṁ detha, idha odanaṁ dethā”ti. Tehi bhikkhūhi sā bhikkhunī apasādetabbā “apasakka tāva bhagini, yāva bhikkhū bhuñjantī”ti. Ekassapi ce bhikkhuno na paṭibhāseyya taṁ bhikkhuniṁ apasādetuṁ “apasakka tāva bhagini, yāva bhikkhū bhuñjantī”ti, paṭidesetabbaṁ tehi bhikkhūhi
pli-tv-bu-pm:161.2	“gārayhaṁ, āvuso, dhammaṁ āpajjimhā asappāyaṁ pāṭidesanīyaṁ, taṁ paṭidesemā”ti.
pli-tv-bu-pm:162.0	Pāṭidesanīya 3. Tatiyapāṭidesanīya
pli-tv-bu-pm:162.1	Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu pubbe animantito agilāno khādanīyaṁ vā, bhojanīyaṁ vā sahatthā paṭiggahetvā khādeyya vā, bhuñjeyya vā, paṭidesetabbaṁ tena bhikkhunā
pli-tv-bu-pm:162.2	“gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ, taṁ paṭidesemī”ti.
pli-tv-bu-pm:163.0	Pāṭidesanīya 4. Catutthapāṭidesanīya
pli-tv-bu-pm:163.1	Yāni kho pana tāni āraññakāni senāsanāni sāsaṅkasammatāni sappaṭibhayāni, yo pana bhikkhu tathārūpesu senāsanesu pubbe appaṭisaṁviditaṁ khādanīyaṁ vā, bhojanīyaṁ vā ajjhārāme sahatthā paṭiggahetvā agilāno khādeyya vā, bhuñjeyya vā, paṭidesetabbaṁ tena bhikkhunā
pli-tv-bu-pm:163.2	“gārayhaṁ, āvuso, dhammaṁ āpajjiṁ asappāyaṁ pāṭidesanīyaṁ, taṁ paṭidesemī”ti.
pli-tv-bu-pm:164.1	Uddiṭṭhā kho āyasmanto cattāro pāṭidesanīyā dhammā.
pli-tv-bu-pm:164.2	Tatthāyasmante pucchāmi, kaccittha parisuddhā,
pli-tv-bu-pm:164.3	dutiyampi pucchāmi, kaccittha parisuddhā,
pli-tv-bu-pm:164.4	tatiyampi pucchāmi, kaccittha parisuddhā,
pli-tv-bu-pm:164.5	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:164.6	Pāṭidesanīyā niṭṭhitā
pli-tv-bu-pm:165.0	Sekhiya
pli-tv-bu-pm:165.1	Ime kho panāyasmanto sekhiyā dhammā uddesaṁ āgacchanti.
pli-tv-bu-pm:166.0.1	Chapter 1. Parimaṇḍala
pli-tv-bu-pm:166.0.2	Sekhiya 1. Parimaṇḍala
pli-tv-bu-pm:166.1	Parimaṇḍalaṁ nivāsessāmīti sikkhā karaṇīyā.
pli-tv-bu-pm:167.0	Sekhiya 2.
pli-tv-bu-pm:167.1	Parimaṇḍalaṁ pārupissāmīti sikkhā karaṇīyā.
pli-tv-bu-pm:168.0	Sekhiya 3. Suppaṭicchanna
pli-tv-bu-pm:168.1	Suppaṭicchanno antaraghare gamissāmīti sikkhā karaṇīyā.
pli-tv-bu-pm:169.0	Sekhiya 4.
pli-tv-bu-pm:169.1	Suppaṭicchanno antaraghare nisīdissāmīti sikkhā karaṇīyā.
pli-tv-bu-pm:170.0	Sekhiya 5. Susaṁvuta
pli-tv-bu-pm:170.1	Susaṁvuto antaraghare gamissāmīti sikkhā karaṇīyā.
pli-tv-bu-pm:171.0	Sekhiya 6.
pli-tv-bu-pm:171.1	Susaṁvuto antaraghare nisīdissāmīti sikkhā karaṇīyā.
pli-tv-bu-pm:172.0	Sekhiya 7. Okkhittacakkhu
pli-tv-bu-pm:172.1	Okkhittacakkhu antaraghare gamissāmīti sikkhā karaṇīyā.
pli-tv-bu-pm:173.0	Sekhiya 8.
pli-tv-bu-pm:173.1	Okkhittacakkhu antaraghare nisīdissāmīti sikkhā karaṇīyā.
pli-tv-bu-pm:174.0	Sekhiya 9. Ukkhittaka
pli-tv-bu-pm:174.1	Na ukkhittakāya antaraghare gamissāmīti sikkhā karaṇīyā.
pli-tv-bu-pm:175.0	Sekhiya 10.
pli-tv-bu-pm:175.1	Na ukkhittakāya antaraghare nisīdissāmīti sikkhā karaṇīyā.
pli-tv-bu-pm:175.2	Parimaṇḍalavaggo paṭhamo
pli-tv-bu-pm:176.0.1	Chapter 2. Ujjagghika
pli-tv-bu-pm:176.0.2	Sekhiya 11. Ujjagghika
pli-tv-bu-pm:177.1	Na ujjagghikāya antaraghare gamissāmīti sikkhā karaṇīyā.
pli-tv-bu-pm:178.0	Sekhiya 12.
pli-tv-bu-pm:178.1	Na ujjagghikāya antaraghare nisīdissāmīti sikkhā karaṇīyā.
pli-tv-bu-pm:179.0	Sekhiya 13. Uccasadda
pli-tv-bu-pm:179.1	Appasaddo antaraghare gamissāmīti sikkhā karaṇīyā.
pli-tv-bu-pm:180.0	Sekhiya 14.
pli-tv-bu-pm:180.1	Appasaddo antaraghare nisīdissāmīti sikkhā karaṇīyā.
pli-tv-bu-pm:181.0	Sekhiya 15. Kāyappacālaka
pli-tv-bu-pm:181.1	Na kāyappacālakaṁ antaraghare gamissāmīti sikkhā karaṇīyā.
pli-tv-bu-pm:182.0	Sekhiya 16.
pli-tv-bu-pm:182.1	Na kāyappacālakaṁ antaraghare nisīdissāmīti sikkhā karaṇīyā.
pli-tv-bu-pm:183.0	Sekhiya 17. Bāhuppacālaka
pli-tv-bu-pm:183.1	Na bāhuppacālakaṁ antaraghare gamissāmīti sikkhā karaṇīyā.
pli-tv-bu-pm:184.0	Sekhiya 18.
pli-tv-bu-pm:184.1	Na bāhuppacālakaṁ antaraghare nisīdissāmīti sikkhā karaṇīyā.
pli-tv-bu-pm:185.0	Sekhiya 19. Sīsappacālaka
pli-tv-bu-pm:185.1	Na sīsappacālakaṁ antaraghare gamissāmīti sikkhā karaṇīyā.
pli-tv-bu-pm:186.0	Sekhiya 20.
pli-tv-bu-pm:186.1	Na sīsappacālakaṁ antaraghare nisīdissāmīti sikkhā karaṇīyā.
pli-tv-bu-pm:186.2	Ujjagghikavaggo dutiyo
pli-tv-bu-pm:187.0.1	Chapter 3. Khambhakata
pli-tv-bu-pm:187.0.2	Sekhiya 21. Khambhakata
pli-tv-bu-pm:187.1	Na khambhakato antaraghare gamissāmīti sikkhā karaṇīyā.
pli-tv-bu-pm:188.0	Sekhiya 22.
pli-tv-bu-pm:188.1	Na khambhakato antaraghare nisīdissāmīti sikkhā karaṇīyā.
pli-tv-bu-pm:189.0	Sekhiya 23. Oguṇṭhita
pli-tv-bu-pm:189.1	Na oguṇṭhito antaraghare gamissāmīti sikkhā karaṇīyā.
pli-tv-bu-pm:190.0	Sekhiya 24.
pli-tv-bu-pm:191.1	Na oguṇṭhito antaraghare nisīdissāmīti sikkhā karaṇīyā.
pli-tv-bu-pm:192.0	Sekhiya 25. Ukkuṭika
pli-tv-bu-pm:192.1	Na ukkuṭikāya antaraghare gamissāmīti sikkhā karaṇīyā.
pli-tv-bu-pm:193.0	Sekhiya 26. Pallatthika
pli-tv-bu-pm:193.1	Na pallatthikāya antaraghare nisīdissāmīti sikkhā karaṇīyā.
pli-tv-bu-pm:194.0	Sekhiya 27. Sakkaccapaṭiggahaṇa
pli-tv-bu-pm:194.1	Sakkaccaṁ piṇḍapātaṁ paṭiggahessāmīti sikkhā karaṇīyā.
pli-tv-bu-pm:195.0	Sekhiya 28. Pattasaññīpaṭiggahaṇa
pli-tv-bu-pm:195.1	Pattasaññī piṇḍapātaṁ paṭiggahessāmīti sikkhā karaṇīyā.
pli-tv-bu-pm:196.0	Sekhiya 29. Samasūpakapaṭiggahaṇa
pli-tv-bu-pm:196.1	Samasūpakaṁ piṇḍapātaṁ paṭiggahessāmīti sikkhā karaṇīyā.
pli-tv-bu-pm:197.0	Sekhiya 30. Samatittika
pli-tv-bu-pm:197.1	Samatittikaṁ piṇḍapātaṁ paṭiggahessāmīti sikkhā karaṇīyā.
pli-tv-bu-pm:198.2	Khambhakatavaggo tatiyo
pli-tv-bu-pm:199.0.1	Chapter 4. Sakkacca
pli-tv-bu-pm:199.0.2	Sekhiya 31. Sakkaccabhuñjana
pli-tv-bu-pm:199.1	Sakkaccaṁ piṇḍapātaṁ bhuñjissāmīti sikkhā karaṇīyā.
pli-tv-bu-pm:200.0	Sekhiya 32. Pattasaññībhuñjana
pli-tv-bu-pm:200.1	Pattasaññī piṇḍapātaṁ bhuñjissāmīti sikkhā karaṇīyā.
pli-tv-bu-pm:201.0	Sekhiya 33. Sapadāna
pli-tv-bu-pm:201.1	Sapadānaṁ piṇḍapātaṁ bhuñjissāmīti sikkhā karaṇīyā.
pli-tv-bu-pm:202.0	Sekhiya 34. Samasūpaka
pli-tv-bu-pm:202.1	Samasūpakaṁ piṇḍapātaṁ bhuñjissāmīti sikkhā karaṇīyā.
pli-tv-bu-pm:203.0	Sekhiya 35. Nathūpakata
pli-tv-bu-pm:203.1	Na thūpakato omadditvā piṇḍapātaṁ bhuñjissāmīti sikkhā karaṇīyā.
pli-tv-bu-pm:204.0	Sekhiya 36. Odanappaṭicchādana
pli-tv-bu-pm:204.1	Na sūpaṁ vā byañjanaṁ vā odanena paṭicchādessāmi bhiyyokamyataṁ upādāyāti sikkhā karaṇīyā.
pli-tv-bu-pm:205.0	Sekhiya 37. Sūpodanaviññatti
pli-tv-bu-pm:205.1	Na sūpaṁ vā odanaṁ vā agilāno attano atthāya viññāpetvā bhuñjissāmīti sikkhā karaṇīyā.
pli-tv-bu-pm:206.0	Sekhiya 38. Ujjhānasaññī
pli-tv-bu-pm:206.1	Na ujjhānasaññī paresaṁ pattaṁ olokessāmīti sikkhā karaṇīyā.
pli-tv-bu-pm:207.0	Sekhiya 39. Kabaḷa
pli-tv-bu-pm:207.1	Nātimahantaṁ kabaḷaṁ karissāmīti sikkhā karaṇīyā.
pli-tv-bu-pm:208.0	Sekhiya 40. Ālopa
pli-tv-bu-pm:208.1	Parimaṇḍalaṁ ālopaṁ karissāmīti sikkhā karaṇīyā.
pli-tv-bu-pm:208.2	Sakkaccavaggo catuttho
pli-tv-bu-pm:209.0.1	Chapter 5. Kabaḷa
pli-tv-bu-pm:209.0.2	Sekhiya 41. Anāhaṭa
pli-tv-bu-pm:209.1	Na anāhaṭe kabaḷe mukhadvāraṁ vivarissāmīti sikkhā karaṇīyā.
pli-tv-bu-pm:210.0	Sekhiya 42. Bhuñjamāna
pli-tv-bu-pm:210.1	Na bhuñjamāno sabbahatthaṁ mukhe pakkhipissāmīti sikkhā karaṇīyā.
pli-tv-bu-pm:211.0	Sekhiya 43. Sakabaḷa
pli-tv-bu-pm:211.1	Na sakabaḷena mukhena byāharissāmīti sikkhā karaṇīyā.
pli-tv-bu-pm:212.0	Sekhiya 44. Piṇḍukkhepaka
pli-tv-bu-pm:212.1	Na piṇḍukkhepakaṁ bhuñjissāmīti sikkhā karaṇīyā.
pli-tv-bu-pm:213.0	Sekhiya 45. Kabaḷāvacchedaka
pli-tv-bu-pm:213.1	Na kabaḷāvacchedakaṁ bhuñjissāmīti sikkhā karaṇīyā.
pli-tv-bu-pm:214.0	Sekhiya 46. Avagaṇḍakāraka
pli-tv-bu-pm:214.1	Na avagaṇḍakārakaṁ bhuñjissāmīti sikkhā karaṇīyā.
pli-tv-bu-pm:215.0	Sekhiya 47. Hatthaniddhunaka
pli-tv-bu-pm:215.1	Na hatthaniddhunakaṁ bhuñjissāmīti sikkhā karaṇīyā.
pli-tv-bu-pm:216.0	Sekhiya 48. Sitthāvakāraka
pli-tv-bu-pm:216.1	Na sitthāvakārakaṁ bhuñjissāmīti sikkhā karaṇīyā.
pli-tv-bu-pm:217.0	Sekhiya 49. Jivhānicchāraka
pli-tv-bu-pm:217.1	Na jivhānicchārakaṁ bhuñjissāmīti sikkhā karaṇīyā.
pli-tv-bu-pm:218.0	Sekhiya 50. Capucapukāraka
pli-tv-bu-pm:218.1	Na capucapukārakaṁ bhuñjissāmīti sikkhā karaṇīyā.
pli-tv-bu-pm:218.2	Kabaḷavaggo pañcamo
pli-tv-bu-pm:219.0.1	Chapter 6. Surusuru
pli-tv-bu-pm:219.0.2	Sekhiya 51. Surusurukāraka
pli-tv-bu-pm:219.1	Na surusurukārakaṁ bhuñjissāmīti sikkhā karaṇīyā.
pli-tv-bu-pm:220.0	Sekhiya 52. Hatthanillehaka
pli-tv-bu-pm:220.1	Na hatthanillehakaṁ bhuñjissāmīti sikkhā karaṇīyā.
pli-tv-bu-pm:221.0	Sekhiya 53. Pattanillehaka
pli-tv-bu-pm:221.1	Na pattanillehakaṁ bhuñjissāmīti sikkhā karaṇīyā.
pli-tv-bu-pm:222.0	Sekhiya 54. Oṭṭhanillehaka
pli-tv-bu-pm:222.1	Na oṭṭhanillehakaṁ bhuñjissāmīti sikkhā karaṇīyā.
pli-tv-bu-pm:223.0	Sekhiya 55. Sāmisa
pli-tv-bu-pm:223.1	Na sāmisena hatthena pānīyathālakaṁ paṭiggahessāmīti sikkhā karaṇīyā.
pli-tv-bu-pm:224.0	Sekhiya 56. Sasitthaka
pli-tv-bu-pm:224.1	Na sasitthakaṁ pattadhovanaṁ antaraghare chaḍḍessāmīti sikkhā karaṇīyā.
pli-tv-bu-pm:225.0	Sekhiya 57. Chattapāṇi
pli-tv-bu-pm:225.1	Na chattapāṇissa agilānassa dhammaṁ desessāmīti sikkhā karaṇīyā.
pli-tv-bu-pm:226.0	Sekhiya 58. Daṇḍapāṇi
pli-tv-bu-pm:226.1	Na daṇḍapāṇissa agilānassa dhammaṁ desessāmīti sikkhā karaṇīyā.
pli-tv-bu-pm:227.0	Sekhiya 59. Satthapāṇi
pli-tv-bu-pm:227.1	Na satthapāṇissa agilānassa dhammaṁ desessāmīti sikkhā karaṇīyā.
pli-tv-bu-pm:228.0	Sekhiya 60. Āvudhapāṇi
pli-tv-bu-pm:228.1	Na āvudhapāṇissa agilānassa dhammaṁ desessāmīti sikkhā karaṇīyā.
pli-tv-bu-pm:228.2	Surusuruvaggo chaṭṭho
pli-tv-bu-pm:229.0.1	Chapter 7. Pāduka
pli-tv-bu-pm:229.0.2	Sekhiya 61. Pāduka
pli-tv-bu-pm:229.1	Na pādukāruḷhassa agilānassa dhammaṁ desessāmīti sikkhā karaṇīyā.
pli-tv-bu-pm:230.0	Sekhiya 62. Upāhana
pli-tv-bu-pm:230.1	Na upāhanāruḷhassa agilānassa dhammaṁ desessāmīti sikkhā karaṇīyā.
pli-tv-bu-pm:231.0	Sekhiya 63. Yāna
pli-tv-bu-pm:231.1	Na yānagatassa agilānassa dhammaṁ desessāmīti sikkhā karaṇīyā.
pli-tv-bu-pm:232.0	Sekhiya 64. Sayana
pli-tv-bu-pm:232.1	Na sayanagatassa agilānassa dhammaṁ desessāmīti sikkhā karaṇīyā.
pli-tv-bu-pm:233.0	Sekhiya 65. Pallatthika
pli-tv-bu-pm:233.1	Na pallatthikāya nisinnassa agilānassa dhammaṁ desessāmīti sikkhā karaṇīyā.
pli-tv-bu-pm:234.0	Sekhiya 66. Veṭhita
pli-tv-bu-pm:234.1	Na veṭhitasīsassa agilānassa dhammaṁ desessāmīti sikkhā karaṇīyā.
pli-tv-bu-pm:235.0	Sekhiya 67. Oguṇṭhita
pli-tv-bu-pm:235.1	Na oguṇṭhitasīsassa agilānassa dhammaṁ desessāmīti sikkhā karaṇīyā.
pli-tv-bu-pm:236.0	Sekhiya 68. Chamā
pli-tv-bu-pm:236.1	Na chamāyaṁ nisīditvā āsane nisinnassa agilānassa dhammaṁ desessāmīti sikkhā karaṇīyā.
pli-tv-bu-pm:237.0	Sekhiya 69. Nīcāsana
pli-tv-bu-pm:237.1	Na nīce āsane nisīditvā ucce āsane nisinnassa agilānassa dhammaṁ desessāmīti sikkhā karaṇīyā.
pli-tv-bu-pm:238.0	Sekhiya 70. Ṭhita
pli-tv-bu-pm:238.1	Na ṭhito nisinnassa agilānassa dhammaṁ desessāmīti sikkhā karaṇīyā.
pli-tv-bu-pm:239.0	Sekhiya 71. Pacchatogamana
pli-tv-bu-pm:239.1	Na pacchato gacchanto purato gacchantassa agilānassa dhammaṁ desessāmīti sikkhā karaṇīyā.
pli-tv-bu-pm:240.0	Sekhiya 72. Uppathenagamana
pli-tv-bu-pm:240.1	Na uppathena gacchanto pathena gacchantassa agilānassa dhammaṁ desessāmīti sikkhā karaṇīyā.
pli-tv-bu-pm:241.0	Sekhiya 73. Ṭhitouccāra
pli-tv-bu-pm:241.1	Na ṭhito agilāno uccāraṁ vā passāvaṁ vā karissāmīti sikkhā karaṇīyā.
pli-tv-bu-pm:242.0	Sekhiya 74. Hariteuccāra
pli-tv-bu-pm:242.1	Na harite agilāno uccāraṁ vā passāvaṁ vā kheḷaṁ vā karissāmīti sikkhā karaṇīyā.
pli-tv-bu-pm:243.0	Sekhiya 75. Udakeuccāra
pli-tv-bu-pm:243.1	Na udake agilāno uccāraṁ vā passāvaṁ vā kheḷaṁ vā karissāmīti sikkhā karaṇīyā.
pli-tv-bu-pm:243.2	Pādukavaggo sattamo
pli-tv-bu-pm:244.1	Uddiṭṭhā kho āyasmanto sekhiyā dhammā.
pli-tv-bu-pm:244.2	Tatthāyasmante pucchāmi, kaccittha parisuddhā,
pli-tv-bu-pm:244.3	dutiyampi pucchāmi, kaccittha parisuddhā,
pli-tv-bu-pm:244.4	tatiyampi pucchāmi, kaccittha parisuddhā,
pli-tv-bu-pm:244.5	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:244.6	Sekhiyā niṭṭhitā
pli-tv-bu-pm:245.0	Adhikaraṇasamathā
pli-tv-bu-pm:245.1	Ime kho panāyasmanto satta adhikaraṇasamathā dhammā uddesaṁ āgacchanti.
pli-tv-bu-pm:246.1	Uppannuppannānaṁ adhikaraṇānaṁ samathāya vūpasamāya:
pli-tv-bu-pm:247.0	Adhikaraṇasamatha 1
pli-tv-bu-pm:247.1	Sammukhāvinayo dātabbo.
pli-tv-bu-pm:248.0	Adhikaraṇasamatha 2
pli-tv-bu-pm:248.1	Sativinayo dātabbo.
pli-tv-bu-pm:249.0	Adhikaraṇasamatha 3
pli-tv-bu-pm:249.1	Amūḷhavinayo dātabbo.
pli-tv-bu-pm:250.0	Adhikaraṇasamatha 4
pli-tv-bu-pm:250.1	Paṭiññāya kāretabbaṁ.
pli-tv-bu-pm:251.0	Adhikaraṇasamatha 5
pli-tv-bu-pm:251.1	Yebhuyyasikā.
pli-tv-bu-pm:252.0	Adhikaraṇasamatha 6
pli-tv-bu-pm:252.1	Tassapāpiyasikā.
pli-tv-bu-pm:253.0	Adhikaraṇasamatha 7
pli-tv-bu-pm:253.1	Tiṇavatthārakoti.
pli-tv-bu-pm:254.1	Uddiṭṭhā kho āyasmanto satta adhikaraṇasamathā dhammā.
pli-tv-bu-pm:254.2	Tatthāyasmante pucchāmi, kaccittha parisuddhā,
pli-tv-bu-pm:254.3	dutiyampi pucchāmi, kaccittha parisuddhā,
pli-tv-bu-pm:254.4	tatiyampi pucchāmi, kaccittha parisuddhā,
pli-tv-bu-pm:254.5	parisuddhetthāyasmanto, tasmā tuṇhī, evametaṁ dhārayāmīti.
pli-tv-bu-pm:254.6	Adhikaraṇasamathā niṭṭhitā
pli-tv-bu-pm:255.1	Uddiṭṭhaṁ kho āyasmanto nidānaṁ,
pli-tv-bu-pm:255.2	uddiṭṭhā cattāro pārājikā dhammā,
pli-tv-bu-pm:255.3	uddiṭṭhā terasa saṅghādisesā dhammā,
pli-tv-bu-pm:255.4	uddiṭṭhā dve aniyatā dhammā,
pli-tv-bu-pm:255.5	uddiṭṭhā tiṁsa nissaggiyā pācittiyā dhammā,
pli-tv-bu-pm:255.6	uddiṭṭhā dvenavuti pācittiyā dhammā,
pli-tv-bu-pm:255.7	uddiṭṭhā cattāro pāṭidesanīyā dhammā,
pli-tv-bu-pm:255.8	uddiṭṭhā sekhiyā dhammā,
pli-tv-bu-pm:255.9	uddiṭṭhā satta adhikaraṇasamathā dhammā.
pli-tv-bu-pm:255.10	Ettakaṁ tassa bhagavato suttāgataṁ suttapariyāpannaṁ anvaddhamāsaṁ uddesaṁ āgacchati.
pli-tv-bu-pm:255.11	Tattha sabbeheva samaggehi sammodamānehi avivadamānehi sikkhitabbanti.
pli-tv-bu-pm:255.12	Vitthāruddeso pañcamo.
pli-tv-bu-pm:255.13	Bhikkhupātimokkhaṁ niṭṭhitaṁ
pli-tv-bu-pm:255.14	Namo tassa bhagavato arahato sammāsambuddhassa