# Suttavibhaṅga (bhikkhunī) — root Pali (Mahāsaṅgīti) · suttacentral/bilara-data@da23a8afdd1b · seat EA-CORPORA-29/08

pli-tv-bi-vb-as1:0.1	Theravāda Vinaya
pli-tv-bi-vb-as1:0.2	Bhikkhunivibhaṅga
pli-tv-bi-vb-as1:0.3	Adhikaraṇasamatha
pli-tv-bi-vb-as1:1.1	Ime kho panāyyāyo satta adhikaraṇasamathā dhammā uddesaṁ āgacchanti.
pli-tv-bi-vb-as1:2.1	Uppannuppannānaṁ adhikaraṇānaṁ samathāya vūpasamāya
pli-tv-bi-vb-as1:2.2	sammukhāvinayo dātabbo,
pli-tv-bi-vb-as2:1.1	sativinayo dātabbo,
pli-tv-bi-vb-as3:1.1	amūḷhavinayo dātabbo,
pli-tv-bi-vb-as4:1.1	paṭiññāya kāretabbaṁ,
pli-tv-bi-vb-as5:1.1	yebhuyyasikā,
pli-tv-bi-vb-as6:1.1	tassapāpiyasikā,
pli-tv-bi-vb-as7:1.1	tiṇavatthārakoti.
pli-tv-bi-vb-as7:2.1	Uddiṭṭhā kho, ayyāyo, satta adhikaraṇasamathā dhammā.
pli-tv-bi-vb-as7:2.2	Tatthāyyāyo pucchāmi—
pli-tv-bi-vb-as7:2.3	“kaccittha parisuddhā”?
pli-tv-bi-vb-as7:2.4	Dutiyampi pucchāmi—
pli-tv-bi-vb-as7:2.5	“kaccittha parisuddhā”?
pli-tv-bi-vb-as7:2.6	Tatiyampi pucchāmi—
pli-tv-bi-vb-as7:2.7	“kaccittha parisuddhā”?
pli-tv-bi-vb-as7:2.8	Parisuddhetthāyyāyo, tasmā tuṇhī, evametaṁ dhārayāmīti.
pli-tv-bi-vb-as7:3.1	Adhikaraṇasamathā niṭṭhitā.
pli-tv-bi-vb-as7:4.1	Uddiṭṭhaṁ kho, ayyāyo, nidānaṁ.
pli-tv-bi-vb-as7:4.2	Uddiṭṭhā aṭṭha pārājikā dhammā.
pli-tv-bi-vb-as7:4.3	Uddiṭṭhā sattarasa saṅghādisesā dhammā.
pli-tv-bi-vb-as7:4.4	Uddiṭṭhā tiṁsa nissaggiyā pācittiyā dhammā.
pli-tv-bi-vb-as7:4.5	Uddiṭṭhā chasaṭṭhisatā pācittiyā dhammā.
pli-tv-bi-vb-as7:4.6	Uddiṭṭhā aṭṭha pāṭidesanīyā dhammā.
pli-tv-bi-vb-as7:4.7	Uddiṭṭhā sekhiyā dhammā.
pli-tv-bi-vb-as7:4.8	Uddiṭṭhā satta adhikaraṇasamathā dhammā.
pli-tv-bi-vb-as7:4.9	Ettakaṁ tassa bhagavato suttāgataṁ suttapariyāpannaṁ anvaddhamāsaṁ uddesaṁ āgacchati.
pli-tv-bi-vb-as7:4.10	Tattha sabbāheva samaggāhi sammodamānāhi avivadamānāhi sikkhitabbanti.
pli-tv-bi-vb-as7:4.11	Bhikkhunivibhaṅgo niṭṭhito.
pli-tv-bi-vb-as7:5.1	Pācittiyapāḷi niṭṭhitā.
pli-tv-bi-vb-np1:0.1	Theravāda Vinaya
pli-tv-bi-vb-np1:0.2	Bhikkhunivibhaṅga
pli-tv-bi-vb-np1:0.3	Nissaggiyakaṇḍa
pli-tv-bi-vb-np1:0.4	Pattavagga
pli-tv-bi-vb-np1:0.5	1. Pattasannicayasikkhāpada
pli-tv-bi-vb-np1:0.6	Ime kho panāyyāyo tiṁsa nissaggiyā pācittiyā dhammā uddesaṁ āgacchanti.
pli-tv-bi-vb-np1:1.0	
pli-tv-bi-vb-np1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np1:1.2	Tena kho pana samayena chabbaggiyā bhikkhuniyo bahū patte sannicayaṁ karonti.
pli-tv-bi-vb-np1:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bi-vb-np1:1.4	“kathañhi nāma bhikkhuniyo bahū patte sannicayaṁ karissanti, pattavāṇijjaṁ vā bhikkhuniyo karissanti, āmattikāpaṇaṁ vā pasāressantī”ti.
pli-tv-bi-vb-np1:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-np1:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-np1:1.7	“kathañhi nāma chabbaggiyā bhikkhuniyo pattasannicayaṁ karissantī”ti …pe…
pli-tv-bi-vb-np1:1.8	“saccaṁ kira, bhikkhave, chabbaggiyā bhikkhuniyo pattasannicayaṁ karontī”ti?
pli-tv-bi-vb-np1:1.9	“Saccaṁ, bhagavā”ti.
pli-tv-bi-vb-np1:1.10	Vigarahi buddho bhagavā …pe…
pli-tv-bi-vb-np1:1.11	kathañhi nāma, bhikkhave, chabbaggiyā bhikkhuniyo pattasannicayaṁ karissanti.
pli-tv-bi-vb-np1:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-np1:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np1:1.14.0	
pli-tv-bi-vb-np1:1.14.1	“Yā pana bhikkhunī pattasannicayaṁ kareyya, nissaggiyaṁ pācittiyan”ti.
pli-tv-bi-vb-np1:2.1.0	
pli-tv-bi-vb-np1:2.1.1	Yā panāti
pli-tv-bi-vb-np1:2.1.2	yā yādisā …pe…
pli-tv-bi-vb-np1:2.1.3	bhikkhunīti
pli-tv-bi-vb-np1:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np1:2.1.5	Patto nāma
pli-tv-bi-vb-np1:2.1.6	dve pattā— ayopatto, mattikāpatto.
pli-tv-bi-vb-np1:2.1.7	Tayo pattassa vaṇṇā— ukkaṭṭho patto, majjhimo patto, omako patto.
pli-tv-bi-vb-np1:2.1.8	Ukkaṭṭho nāma patto
pli-tv-bi-vb-np1:2.1.9	aḍḍhāḷhakodanaṁ gaṇhāti catubhāgaṁ khādanaṁ tadupiyaṁ byañjanaṁ.
pli-tv-bi-vb-np1:2.1.10	Majjhimo nāma patto
pli-tv-bi-vb-np1:2.1.11	nāḷikodanaṁ gaṇhāti catubhāgaṁ khādanaṁ tadupiyaṁ byañjanaṁ.
pli-tv-bi-vb-np1:2.1.12	Omako nāma patto
pli-tv-bi-vb-np1:2.1.13	patthodanaṁ gaṇhāti catubhāgaṁ khādanaṁ tadupiyaṁ byañjanaṁ.
pli-tv-bi-vb-np1:2.1.14	Tato ukkaṭṭho apatto omako apatto.
pli-tv-bi-vb-np1:2.1.15	Sannicayaṁ kareyyāti
pli-tv-bi-vb-np1:2.1.16	anadhiṭṭhito avikappito.
pli-tv-bi-vb-np1:2.1.17	Nissaggiyo hotīti
pli-tv-bi-vb-np1:2.1.18	saha aruṇuggamanā nissaggiyo hoti.
pli-tv-bi-vb-np1:2.1.19	Nissajjitabbo saṅghassa vā gaṇassa vā ekabhikkhuniyā vā.
pli-tv-bi-vb-np1:2.1.20	Evañca pana, bhikkhave, nissajjitabbo.
pli-tv-bi-vb-np1:2.1.21	Tāya bhikkhuniyā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-np1:2.1.22	“ayaṁ me, ayye, patto rattātikkanto nissaggiyo, imāhaṁ saṅghassa nissajjāmī”ti.
pli-tv-bi-vb-np1:2.1.23	Nissajjitvā āpatti desetabbā.
pli-tv-bi-vb-np1:2.1.24	Byattāya bhikkhuniyā paṭibalāya āpatti paṭiggahetabbā.
pli-tv-bi-vb-np1:2.1.25	Nissaṭṭhapatto dātabbo—
pli-tv-bi-vb-np1:2.1.26	“Suṇātu me, ayye, saṅgho.
pli-tv-bi-vb-np1:2.1.27	Ayaṁ patto itthannāmāya bhikkhuniyā nissaggiyo saṅghassa nissaṭṭho.
pli-tv-bi-vb-np1:2.1.28	Yadi saṅghassa pattakallaṁ, saṅgho imaṁ pattaṁ itthannāmāya bhikkhuniyā dadeyyā”ti.
pli-tv-bi-vb-np1:2.1.29	Tāya bhikkhuniyā sambahulā bhikkhuniyo upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassu vacanīyā—
pli-tv-bi-vb-np1:2.1.30	“ayaṁ me, ayyāyo, patto rattātikkanto nissaggiyo, imāhaṁ ayyānaṁ nissajjāmī”ti.
pli-tv-bi-vb-np1:2.1.31	Nissajjitvā āpatti desetabbā.
pli-tv-bi-vb-np1:2.1.32	Byattāya bhikkhuniyā paṭibalāya āpatti paṭiggahetabbā.
pli-tv-bi-vb-np1:2.1.33	Nissaṭṭhapatto dātabbo—
pli-tv-bi-vb-np1:2.1.34	“Suṇantu me, ayyāyo.
pli-tv-bi-vb-np1:2.1.35	Ayaṁ patto itthannāmāya bhikkhuniyā nissaggiyo ayyānaṁ nissaṭṭho.
pli-tv-bi-vb-np1:2.1.36	Yadi ayyānaṁ pattakallaṁ, ayyāyo, imaṁ pattaṁ itthannāmāya bhikkhuniyā dadeyyun”ti.
pli-tv-bi-vb-np1:2.1.37	Tāya bhikkhuniyā ekaṁ bhikkhuniṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyā—
pli-tv-bi-vb-np1:2.1.38	“ayaṁ me, ayye, patto rattātikkanto nissaggiyo.
pli-tv-bi-vb-np1:2.1.39	Imāhaṁ ayyāya nissajjāmī”ti.
pli-tv-bi-vb-np1:2.1.40	Nissajjitvā āpatti desetabbā.
pli-tv-bi-vb-np1:2.1.41	Tāya bhikkhuniyā āpatti paṭiggahetabbā.
pli-tv-bi-vb-np1:2.1.42	Nissaṭṭhapatto dātabbo—
pli-tv-bi-vb-np1:2.1.43	“imaṁ pattaṁ ayyāya dammī”ti.
pli-tv-bi-vb-np1:2.2.0	
pli-tv-bi-vb-np1:2.2.1	Rattātikkante atikkantasaññā, nissaggiyaṁ pācittiyaṁ.
pli-tv-bi-vb-np1:2.2.2	Rattātikkante vematikā, nissaggiyaṁ pācittiyaṁ.
pli-tv-bi-vb-np1:2.2.3	Rattātikkante anatikkantasaññā, nissaggiyaṁ pācittiyaṁ.
pli-tv-bi-vb-np1:2.2.4	Anadhiṭṭhite adhiṭṭhitasaññā, nissaggiyaṁ pācittiyaṁ.
pli-tv-bi-vb-np1:2.2.5	Avikappite vikappitasaññā, nissaggiyaṁ pācittiyaṁ.
pli-tv-bi-vb-np1:2.2.6	Avissajjite vissajjitasaññā, nissaggiyaṁ pācittiyaṁ.
pli-tv-bi-vb-np1:2.2.7	Anaṭṭhe naṭṭhasaññā …
pli-tv-bi-vb-np1:2.2.8	avinaṭṭhe vinaṭṭhasaññā …
pli-tv-bi-vb-np1:2.2.9	abhinne bhinnasaññā …
pli-tv-bi-vb-np1:2.2.10	avilutte viluttasaññā, nissaggiyaṁ pācittiyaṁ.
pli-tv-bi-vb-np1:2.2.11	Nissaggiyaṁ pattaṁ anissajjitvā paribhuñjati, āpatti dukkaṭassa.
pli-tv-bi-vb-np1:2.2.12	Rattānatikkante atikkantasaññā, āpatti dukkaṭassa.
pli-tv-bi-vb-np1:2.2.13	Rattānatikkante vematikā, āpatti dukkaṭassa.
pli-tv-bi-vb-np1:2.2.14	Rattānatikkante anatikkantasaññā anāpatti.
pli-tv-bi-vb-np1:2.3.0	
pli-tv-bi-vb-np1:2.3.1	Anāpatti—
pli-tv-bi-vb-np1:2.3.2	antoaruṇe adhiṭṭheti, vikappeti, vissajjeti, nassati, vinassati, bhijjati, acchinditvā gaṇhanti, vissāsaṁ gaṇhanti,
pli-tv-bi-vb-np1:2.3.3	ummattikāya,
pli-tv-bi-vb-np1:2.3.4	ādikammikāyāti.
pli-tv-bi-vb-np1:3.1	Tena kho pana samayena chabbaggiyā bhikkhuniyo nissaṭṭhapattaṁ na denti.
pli-tv-bi-vb-np1:3.2	Bhagavato etamatthaṁ ārocesuṁ.
pli-tv-bi-vb-np1:3.3	“Na, bhikkhave, nissaṭṭhapatto na dātabbo.
pli-tv-bi-vb-np1:3.4	Yā na dadeyya, āpatti dukkaṭassā”ti.
pli-tv-bi-vb-np1:3.5	Paṭhamasikkhāpadaṁ niṭṭhitaṁ.
pli-tv-bi-vb-np2:0.1	Theravāda Vinaya
pli-tv-bi-vb-np2:0.2	Bhikkhunivibhaṅga
pli-tv-bi-vb-np2:0.3	Nissaggiyakaṇḍa
pli-tv-bi-vb-np2:0.4	Pattavagga
pli-tv-bi-vb-np2:0.5	2. Akālacīvarabhājanasikkhāpada
pli-tv-bi-vb-np2:1.0	
pli-tv-bi-vb-np2:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np2:1.2	Tena kho pana samayena sambahulā bhikkhuniyo gāmakāvāse vassaṁvuṭṭhā sāvatthiṁ agamaṁsu vattasampannā iriyāpathasampannā duccoḷā lūkhacīvarā.
pli-tv-bi-vb-np2:1.3	Upāsakā tā bhikkhuniyo passitvā—
pli-tv-bi-vb-np2:1.4	“imā bhikkhuniyo vattasampannā iriyāpathasampannā duccoḷā lūkhacīvarā, imā bhikkhuniyo acchinnā bhavissantī”ti bhikkhunisaṅghassa akālacīvaraṁ adaṁsu.
pli-tv-bi-vb-np2:1.5	Thullanandā bhikkhunī—
pli-tv-bi-vb-np2:1.6	“amhākaṁ kathinaṁ atthataṁ kālacīvaran”ti adhiṭṭhahitvā bhājāpesi.
pli-tv-bi-vb-np2:1.7	Upāsakā tā bhikkhuniyo passitvā etadavocuṁ—
pli-tv-bi-vb-np2:1.8	“apayyāhi cīvaraṁ laddhan”ti?
pli-tv-bi-vb-np2:1.9	“Na mayaṁ, āvuso, cīvaraṁ labhāma.
pli-tv-bi-vb-np2:1.10	Ayyā thullanandā—
pli-tv-bi-vb-np2:1.11	‘amhākaṁ kathinaṁ atthataṁ kālacīvaran’ti adhiṭṭhahitvā bhājāpesī”ti.
pli-tv-bi-vb-np2:1.12	Upāsakā ujjhāyanti khiyyanti vipācenti—
pli-tv-bi-vb-np2:1.13	“kathañhi nāma ayyā thullanandā akālacīvaraṁ ‘kālacīvaran’ti adhiṭṭhahitvā bhājāpessatī”ti.
pli-tv-bi-vb-np2:1.14	Assosuṁ kho bhikkhuniyo tesaṁ upāsakānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-np2:1.15	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-np2:1.16	“kathañhi nāma ayyā thullanandā akālacīvaraṁ ‘kālacīvaran’ti adhiṭṭhahitvā bhājāpessatī”ti.
pli-tv-bi-vb-np2:1.17	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-np2:1.18	Bhikkhū bhagavato etamatthaṁ ārocesuṁ …pe…
pli-tv-bi-vb-np2:1.19	“saccaṁ kira, bhikkhave, thullanandā bhikkhunī akālacīvaraṁ ‘kālacīvaran’ti adhiṭṭhahitvā bhājāpetī”ti?
pli-tv-bi-vb-np2:1.20	“Saccaṁ, bhagavā”ti.
pli-tv-bi-vb-np2:1.21	Vigarahi buddho bhagavā …pe…
pli-tv-bi-vb-np2:1.22	kathañhi nāma, bhikkhave, thullanandā bhikkhunī akālacīvaraṁ “kālacīvaran”ti adhiṭṭhahitvā bhājāpessati.
pli-tv-bi-vb-np2:1.23	Netaṁ, bhikkhave, appasannānaṁ vā pasādāya …pe…
pli-tv-bi-vb-np2:1.24	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np2:1.25.0	
pli-tv-bi-vb-np2:1.25.1	“Yā pana bhikkhunī akālacīvaraṁ ‘kālacīvaran’ti adhiṭṭhahitvā bhājāpeyya, nissaggiyaṁ pācittiyan”ti.
pli-tv-bi-vb-np2:2.1.0	
pli-tv-bi-vb-np2:2.1.1	Yā panāti
pli-tv-bi-vb-np2:2.1.2	yā yādisā …pe…
pli-tv-bi-vb-np2:2.1.3	bhikkhunīti
pli-tv-bi-vb-np2:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np2:2.1.5	Akālacīvaraṁ nāma
pli-tv-bi-vb-np2:2.1.6	anatthate kathine ekādasamāse uppannaṁ, atthate kathine sattamāse uppannaṁ, kālepi ādissa dinnaṁ, etaṁ akālacīvaraṁ nāma.
pli-tv-bi-vb-np2:2.1.7	Akālacīvaraṁ “kālacīvaran”ti adhiṭṭhahitvā bhājāpeti, payoge dukkaṭaṁ.
pli-tv-bi-vb-np2:2.1.8	Paṭilābhena nissaggiyaṁ hoti.
pli-tv-bi-vb-np2:2.1.9	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np2:2.1.10	Evañca pana, bhikkhave, nissajjitabbaṁ.
pli-tv-bi-vb-np2:2.1.11	…pe…
pli-tv-bi-vb-np2:2.1.12	“idaṁ me, ayye, akālacīvaraṁ ‘kālacīvaran’ti adhiṭṭhahitvā bhājāpitaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np2:2.1.13	dadeyyā”ti …pe…
pli-tv-bi-vb-np2:2.1.14	dadeyyun”ti …pe…
pli-tv-bi-vb-np2:2.1.15	ayyāya dammī”ti.
pli-tv-bi-vb-np2:2.2.0	
pli-tv-bi-vb-np2:2.2.1	Akālacīvare akālacīvarasaññā “kālacīvaran”ti adhiṭṭhahitvā bhājāpeti, nissaggiyaṁ pācittiyaṁ.
pli-tv-bi-vb-np2:2.2.2	Akālacīvare vematikā “kālacīvaran”ti adhiṭṭhahitvā bhājāpeti, āpatti dukkaṭassa.
pli-tv-bi-vb-np2:2.2.3	Akālacīvare kālacīvarasaññā “kālacīvaran”ti adhiṭṭhahitvā bhājāpeti, anāpatti.
pli-tv-bi-vb-np2:2.2.4	Kālacīvare akālacīvarasaññā, āpatti dukkaṭassa.
pli-tv-bi-vb-np2:2.2.5	Kālacīvare vematikā, āpatti dukkaṭassa.
pli-tv-bi-vb-np2:2.2.6	Kālacīvare kālacīvarasaññā, anāpatti.
pli-tv-bi-vb-np2:2.3.0	
pli-tv-bi-vb-np2:2.3.1	Anāpatti—
pli-tv-bi-vb-np2:2.3.2	akālacīvaraṁ kālacīvarasaññā bhājāpeti,
pli-tv-bi-vb-np2:2.3.3	kālacīvaraṁ kālacīvarasaññā bhājāpeti,
pli-tv-bi-vb-np2:2.3.4	ummattikāya,
pli-tv-bi-vb-np2:2.3.5	ādikammikāyāti.
pli-tv-bi-vb-np2:2.3.6	Dutiyasikkhāpadaṁ niṭṭhitaṁ.
pli-tv-bi-vb-np3:0.1	Theravāda Vinaya
pli-tv-bi-vb-np3:0.2	Bhikkhunivibhaṅga
pli-tv-bi-vb-np3:0.3	Nissaggiyakaṇḍa
pli-tv-bi-vb-np3:0.4	Pattavagga
pli-tv-bi-vb-np3:0.5	3. Cīvaraparivattanasikkhāpada
pli-tv-bi-vb-np3:1.0	
pli-tv-bi-vb-np3:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np3:1.2	Tena kho pana samayena thullanandā bhikkhunī aññatarāya bhikkhuniyā saddhiṁ cīvaraṁ parivattetvā paribhuñji.
pli-tv-bi-vb-np3:1.3	Atha kho sā bhikkhunī taṁ cīvaraṁ saṅgharitvā nikkhipi.
pli-tv-bi-vb-np3:1.4	Thullanandā bhikkhunī taṁ bhikkhuniṁ etadavoca—
pli-tv-bi-vb-np3:1.5	“yaṁ te, ayye, mayā saddhiṁ cīvaraṁ parivattitaṁ, kahaṁ taṁ cīvaran”ti?
pli-tv-bi-vb-np3:1.6	Atha kho sā bhikkhunī taṁ cīvaraṁ nīharitvā thullanandāya bhikkhuniyā dassesi.
pli-tv-bi-vb-np3:1.7	Thullanandā bhikkhunī taṁ bhikkhuniṁ etadavoca—
pli-tv-bi-vb-np3:1.8	“handāyye, tuyhaṁ cīvaraṁ, āhara metaṁ cīvaraṁ, yaṁ tuyhaṁ tuyhamevetaṁ, yaṁ mayhaṁ mayhamevetaṁ, āhara metaṁ, sakaṁ paccāharā”ti acchindi.
pli-tv-bi-vb-np3:1.9	Atha kho sā bhikkhunī bhikkhunīnaṁ etamatthaṁ ārocesi.
pli-tv-bi-vb-np3:1.10	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-np3:1.11	“kathañhi nāma ayyā thullanandā bhikkhuniyā saddhiṁ cīvaraṁ parivattetvā acchindissatī”ti.
pli-tv-bi-vb-np3:1.12	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-np3:1.13	Bhikkhū bhagavato etamatthaṁ ārocesuṁ …pe…
pli-tv-bi-vb-np3:1.14	“saccaṁ kira, bhikkhave, thullanandā bhikkhunī bhikkhuniyā saddhiṁ cīvaraṁ parivattetvā acchindatī”ti?
pli-tv-bi-vb-np3:1.15	“Saccaṁ, bhagavā”ti.
pli-tv-bi-vb-np3:1.16	Vigarahi buddho bhagavā …pe…
pli-tv-bi-vb-np3:1.17	kathañhi nāma, bhikkhave, thullanandā bhikkhunī bhikkhuniyā saddhiṁ cīvaraṁ parivattetvā acchindissati.
pli-tv-bi-vb-np3:1.18	Netaṁ, bhikkhave, appasannānaṁ vā pasādāya …pe…
pli-tv-bi-vb-np3:1.19	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np3:1.20.0	
pli-tv-bi-vb-np3:1.20.1	“Yā pana bhikkhunī bhikkhuniyā saddhiṁ cīvaraṁ parivattetvā sā pacchā evaṁ vadeyya—‘handāyye, tuyhaṁ cīvaraṁ āhara, metaṁ cīvaraṁ, yaṁ tuyhaṁ tuyhamevetaṁ, yaṁ mayhaṁ mayhamevetaṁ, āhara metaṁ, sakaṁ paccāharā’ti acchindeyya vā acchindāpeyya vā, nissaggiyaṁ pācittiyan”ti.
pli-tv-bi-vb-np3:2.1.0	
pli-tv-bi-vb-np3:2.1.1	Yā panāti
pli-tv-bi-vb-np3:2.1.2	yā yādisā …pe…
pli-tv-bi-vb-np3:2.1.3	bhikkhunīti
pli-tv-bi-vb-np3:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np3:2.1.5	Bhikkhuniyā saddhinti
pli-tv-bi-vb-np3:2.1.6	aññāya bhikkhuniyā saddhiṁ.
pli-tv-bi-vb-np3:2.1.7	Cīvaraṁ nāma
pli-tv-bi-vb-np3:2.1.8	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bi-vb-np3:2.1.9	Parivattetvāti
pli-tv-bi-vb-np3:2.1.10	parittena vā vipulaṁ, vipulena vā parittaṁ.
pli-tv-bi-vb-np3:2.1.11	Acchindeyyāti
pli-tv-bi-vb-np3:2.1.12	sayaṁ acchindati nissaggiyaṁ pācittiyaṁ.
pli-tv-bi-vb-np3:2.1.13	Acchindāpeyyāti
pli-tv-bi-vb-np3:2.1.14	aññaṁ āṇāpeti, āpatti dukkaṭassa.
pli-tv-bi-vb-np3:2.1.15	Sakiṁ āṇattā bahukampi acchindati, nissaggiyaṁ hoti.
pli-tv-bi-vb-np3:2.1.16	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np3:2.1.17	Evañca pana, bhikkhave, nissajjitabbaṁ.
pli-tv-bi-vb-np3:2.1.18	…pe…
pli-tv-bi-vb-np3:2.1.19	“idaṁ me, ayye, cīvaraṁ bhikkhuniyā saddhiṁ parivattetvā acchinnaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np3:2.1.20	dadeyyā”ti …pe…
pli-tv-bi-vb-np3:2.1.21	dadeyyun”ti …pe…
pli-tv-bi-vb-np3:2.1.22	ayyāya dammī”ti.
pli-tv-bi-vb-np3:2.2.0	
pli-tv-bi-vb-np3:2.2.1	Upasampannāya upasampannasaññā cīvaraṁ parivattetvā acchindati vā acchindāpeti vā, nissaggiyaṁ pācittiyaṁ.
pli-tv-bi-vb-np3:2.2.2	Upasampannāya vematikā cīvaraṁ parivattetvā acchindati vā acchindāpeti vā, nissaggiyaṁ pācittiyaṁ.
pli-tv-bi-vb-np3:2.2.3	Upasampannāya anupasampannasaññā cīvaraṁ parivattetvā acchindati vā acchindāpeti vā, nissaggiyaṁ pācittiyaṁ.
pli-tv-bi-vb-np3:2.2.4	Aññaṁ parikkhāraṁ parivattetvā acchindati vā acchindāpeti vā, āpatti dukkaṭassa.
pli-tv-bi-vb-np3:2.2.5	Anupasampannāya saddhiṁ cīvaraṁ vā aññaṁ vā parikkhāraṁ parivattetvā acchindati vā acchindāpeti vā, āpatti dukkaṭassa.
pli-tv-bi-vb-np3:2.2.6	Anupasampannāya upasampannasaññā, āpatti dukkaṭassa.
pli-tv-bi-vb-np3:2.2.7	Anupasampannāya vematikā, āpatti dukkaṭassa.
pli-tv-bi-vb-np3:2.2.8	Anupasampannāya anupasampannasaññā, āpatti dukkaṭassa.
pli-tv-bi-vb-np3:2.3.0	
pli-tv-bi-vb-np3:2.3.1	Anāpatti—
pli-tv-bi-vb-np3:2.3.2	sā vā deti,
pli-tv-bi-vb-np3:2.3.3	tassā vā vissasantī gaṇhāti,
pli-tv-bi-vb-np3:2.3.4	ummattikāya,
pli-tv-bi-vb-np3:2.3.5	ādikammikāyāti.
pli-tv-bi-vb-np3:2.3.6	Tatiyasikkhāpadaṁ niṭṭhitaṁ.
pli-tv-bi-vb-np4:0.1	Theravāda Vinaya
pli-tv-bi-vb-np4:0.2	Bhikkhunivibhaṅga
pli-tv-bi-vb-np4:0.3	Nissaggiyakaṇḍa
pli-tv-bi-vb-np4:0.4	Pattavagga
pli-tv-bi-vb-np4:0.5	4. Aññaviññāpanasikkhāpada
pli-tv-bi-vb-np4:1.0	
pli-tv-bi-vb-np4:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np4:1.2	Tena kho pana samayena thullanandā bhikkhunī gilānā hoti.
pli-tv-bi-vb-np4:1.3	Atha kho aññataro upāsako yena thullanandā bhikkhunī tenupasaṅkami; upasaṅkamitvā thullanandaṁ bhikkhuniṁ etadavoca—
pli-tv-bi-vb-np4:1.4	“kiṁ te, ayye, aphāsu, kiṁ āharīyatū”ti?
pli-tv-bi-vb-np4:1.5	“Sappinā me, āvuso, attho”ti.
pli-tv-bi-vb-np4:1.6	Atha kho so upāsako aññatarassa āpaṇikassa gharā kahāpaṇassa sappiṁ āharitvā thullanandāya bhikkhuniyā adāsi.
pli-tv-bi-vb-np4:1.7	Thullanandā bhikkhunī evamāha—
pli-tv-bi-vb-np4:1.8	“na me, āvuso, sappinā attho;
pli-tv-bi-vb-np4:1.9	telena me attho”ti.
pli-tv-bi-vb-np4:1.10	Atha kho so upāsako yena so āpaṇiko tenupasaṅkami; upasaṅkamitvā taṁ āpaṇikaṁ etadavoca—
pli-tv-bi-vb-np4:1.11	“na kirāyyo, ayyāya sappinā attho, telena attho.
pli-tv-bi-vb-np4:1.12	Handa te sappiṁ, telaṁ me dehī”ti.
pli-tv-bi-vb-np4:1.13	“Sace mayaṁ, ayyo, vikkītaṁ bhaṇḍaṁ puna ādiyissāma, kadā amhākaṁ bhaṇḍaṁ vikkāyissati;
pli-tv-bi-vb-np4:1.14	sappissa kayena sappi haṭaṁ, telassa kayaṁ āhara, telaṁ harissasī”ti.
pli-tv-bi-vb-np4:1.15	Atha kho so upāsako ujjhāyati khiyyati vipāceti—
pli-tv-bi-vb-np4:1.16	“kathañhi nāma ayyā thullanandā aññaṁ viññāpetvā aññaṁ viññāpessatī”ti.
pli-tv-bi-vb-np4:1.17	Assosuṁ kho bhikkhuniyo tassa upāsakassa ujjhāyantassa khiyyantassa vipācentassa.
pli-tv-bi-vb-np4:1.18	Yā tā bhikkhuniyo appicchā …pe… tā ujjhāyanti khiyyanti vipācenti …pe…
pli-tv-bi-vb-np4:1.19	atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-np4:1.20	Bhikkhū bhagavato etamatthaṁ ārocesuṁ …pe…
pli-tv-bi-vb-np4:1.21	“saccaṁ kira, bhikkhave, thullanandā bhikkhunī aññaṁ viññāpetvā aññaṁ viññāpetī”ti?
pli-tv-bi-vb-np4:1.22	“Saccaṁ, bhagavā”ti.
pli-tv-bi-vb-np4:1.23	Vigarahi buddho bhagavā …pe…
pli-tv-bi-vb-np4:1.24	kathañhi nāma, bhikkhave, thullanandā bhikkhunī aññaṁ viññāpetvā aññaṁ viññāpessati.
pli-tv-bi-vb-np4:1.25	Netaṁ, bhikkhave, appasannānaṁ vā pasādāya …pe…
pli-tv-bi-vb-np4:1.26	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np4:1.27.0	
pli-tv-bi-vb-np4:1.27.1	“Yā pana bhikkhunī aññaṁ viññāpetvā aññaṁ viññāpeyya, nissaggiyaṁ pācittiyan”ti.
pli-tv-bi-vb-np4:2.1.0	
pli-tv-bi-vb-np4:2.1.1	Yā panāti
pli-tv-bi-vb-np4:2.1.2	yā yādisā …pe…
pli-tv-bi-vb-np4:2.1.3	bhikkhunīti
pli-tv-bi-vb-np4:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np4:2.1.5	Aññaṁ viññāpetvāti
pli-tv-bi-vb-np4:2.1.6	yaṁ kiñci viññāpetvā.
pli-tv-bi-vb-np4:2.1.7	Aññaṁ viññāpeyyāti
pli-tv-bi-vb-np4:2.1.8	taṁ ṭhapetvā aññaṁ viññāpeti, payoge dukkaṭaṁ.
pli-tv-bi-vb-np4:2.1.9	Paṭilābhena nissaggiyaṁ hoti.
pli-tv-bi-vb-np4:2.1.10	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np4:2.1.11	Evañca pana, bhikkhave, nissajjitabbaṁ.
pli-tv-bi-vb-np4:2.1.12	…pe…
pli-tv-bi-vb-np4:2.1.13	“idaṁ me, ayye, aññaṁ viññāpetvā aññaṁ viññāpitaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np4:2.1.14	dadeyyā”ti …pe…
pli-tv-bi-vb-np4:2.1.15	dadeyyun”ti …pe…
pli-tv-bi-vb-np4:2.1.16	ayyāya dammī”ti.
pli-tv-bi-vb-np4:2.2.0	
pli-tv-bi-vb-np4:2.2.1	Aññe aññasaññā aññaṁ viññāpeti, nissaggiyaṁ pācittiyaṁ.
pli-tv-bi-vb-np4:2.2.2	Aññe vematikā aññaṁ viññāpeti, nissaggiyaṁ pācittiyaṁ.
pli-tv-bi-vb-np4:2.2.3	Aññe anaññasaññā aññaṁ viññāpeti, nissaggiyaṁ pācittiyaṁ.
pli-tv-bi-vb-np4:2.2.4	Anaññe aññasaññā anaññaṁ viññāpeti, āpatti dukkaṭassa.
pli-tv-bi-vb-np4:2.2.5	Anaññe vematikā anaññaṁ viññāpeti, āpatti dukkaṭassa.
pli-tv-bi-vb-np4:2.2.6	Anaññe anaññasaññā, anāpatti.
pli-tv-bi-vb-np4:2.3.0	
pli-tv-bi-vb-np4:2.3.1	Anāpatti—
pli-tv-bi-vb-np4:2.3.2	taññeva viññāpeti, aññañca viññāpeti,
pli-tv-bi-vb-np4:2.3.3	ānisaṁsaṁ dassetvā viññāpeti,
pli-tv-bi-vb-np4:2.3.4	ummattikāya,
pli-tv-bi-vb-np4:2.3.5	ādikammikāyāti.
pli-tv-bi-vb-np4:2.3.6	Catutthasikkhāpadaṁ niṭṭhitaṁ.
pli-tv-bi-vb-np5:0.1	Theravāda Vinaya
pli-tv-bi-vb-np5:0.2	Bhikkhunivibhaṅga
pli-tv-bi-vb-np5:0.3	Nissaggiyakaṇḍa
pli-tv-bi-vb-np5:0.4	Pattavagga
pli-tv-bi-vb-np5:0.5	5. Aññacetāpanasikkhāpada
pli-tv-bi-vb-np5:1.0	
pli-tv-bi-vb-np5:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np5:1.2	Tena kho pana samayena thullanandā bhikkhunī gilānā hoti.
pli-tv-bi-vb-np5:1.3	Atha kho aññataro upāsako yena thullanandā bhikkhunī tenupasaṅkami; upasaṅkamitvā thullanandaṁ bhikkhuniṁ etadavoca—
pli-tv-bi-vb-np5:1.4	“kacci, ayye, khamanīyaṁ kacci yāpanīyan”ti?
pli-tv-bi-vb-np5:1.5	“Na me, āvuso, khamanīyaṁ, na yāpanīyan”ti.
pli-tv-bi-vb-np5:1.6	“Amukassa, ayye, āpaṇikassa ghare kahāpaṇaṁ nikkhipissāmi, tato yaṁ iccheyyāsi taṁ āharāpeyyāsī”ti.
pli-tv-bi-vb-np5:1.7	Thullanandā bhikkhunī aññataraṁ sikkhamānaṁ āṇāpesi—
pli-tv-bi-vb-np5:1.8	“gaccha, sikkhamāne, amukassa āpaṇikassa gharā kahāpaṇassa telaṁ āharā”ti.
pli-tv-bi-vb-np5:1.9	Atha kho sā sikkhamānā tassa āpaṇikassa gharā kahāpaṇassa telaṁ āharitvā thullanandāya bhikkhuniyā adāsi.
pli-tv-bi-vb-np5:1.10	Thullanandā bhikkhunī evamāha—
pli-tv-bi-vb-np5:1.11	“na me, sikkhamāne, telena attho, sappinā me attho”ti.
pli-tv-bi-vb-np5:1.12	Atha kho sā sikkhamānā yena so āpaṇiko tenupasaṅkami; upasaṅkamitvā taṁ āpaṇikaṁ etadavoca—
pli-tv-bi-vb-np5:1.13	“na kira, āvuso, ayyāya telena attho, sappinā attho, handa te telaṁ, sappiṁ me dehī”ti.
pli-tv-bi-vb-np5:1.14	“Sace mayaṁ, ayye, vikkītaṁ bhaṇḍaṁ puna ādiyissāma, kadā amhākaṁ bhaṇḍaṁ vikkāyissati.
pli-tv-bi-vb-np5:1.15	Telassa kayena telaṁ haṭaṁ, sappissa kayaṁ āhara, sappiṁ harissasī”ti.
pli-tv-bi-vb-np5:1.16	Atha kho sā sikkhamānā rodantī aṭṭhāsi.
pli-tv-bi-vb-np5:1.17	Bhikkhuniyo taṁ sikkhamānaṁ etadavocuṁ—
pli-tv-bi-vb-np5:1.18	“kissa tvaṁ, sikkhamāne, rodasī”ti?
pli-tv-bi-vb-np5:1.19	Atha kho sā sikkhamānā bhikkhunīnaṁ etamatthaṁ ārocesi.
pli-tv-bi-vb-np5:1.20	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-np5:1.21	“kathañhi nāma ayyā thullanandā aññaṁ cetāpetvā aññaṁ cetāpessatī”ti …pe…
pli-tv-bi-vb-np5:1.22	“saccaṁ kira, bhikkhave, thullanandā bhikkhunī aññaṁ cetāpetvā aññaṁ cetāpetī”ti?
pli-tv-bi-vb-np5:1.23	“Saccaṁ, bhagavā”ti.
pli-tv-bi-vb-np5:1.24	Vigarahi buddho bhagavā …pe…
pli-tv-bi-vb-np5:1.25	kathañhi nāma, bhikkhave, thullanandā bhikkhunī aññaṁ cetāpetvā aññaṁ cetāpessati.
pli-tv-bi-vb-np5:1.26	Netaṁ, bhikkhave, appasannānaṁ vā pasādāya …pe…
pli-tv-bi-vb-np5:1.27	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np5:1.28.0	
pli-tv-bi-vb-np5:1.28.1	“Yā pana bhikkhunī aññaṁ cetāpetvā aññaṁ cetāpeyya, nissaggiyaṁ pācittiyan”ti.
pli-tv-bi-vb-np5:2.0	
pli-tv-bi-vb-np5:2.1	Yā panāti
pli-tv-bi-vb-np5:2.2	yā yādisā …pe…
pli-tv-bi-vb-np5:2.3	bhikkhunīti
pli-tv-bi-vb-np5:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np5:2.5	Aññaṁ cetāpetvāti
pli-tv-bi-vb-np5:2.6	yaṁ kiñci cetāpetvā.
pli-tv-bi-vb-np5:2.7	Aññaṁ cetāpeyyāti
pli-tv-bi-vb-np5:2.8	taṁ ṭhapetvā aññaṁ cetāpeti, payoge dukkaṭaṁ.
pli-tv-bi-vb-np5:2.9	Paṭilābhena nissaggiyaṁ hoti.
pli-tv-bi-vb-np5:2.10	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np5:2.11	Evañca pana, bhikkhave, nissajjitabbaṁ.
pli-tv-bi-vb-np5:2.12	…pe…
pli-tv-bi-vb-np5:2.13	“idaṁ me, ayye, aññaṁ cetāpetvā aññaṁ cetāpitaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np5:2.14	dadeyyāti …pe…
pli-tv-bi-vb-np5:2.15	dadeyyunti …pe…
pli-tv-bi-vb-np5:2.16	ayyāya dammīti.
pli-tv-bi-vb-np5:2.17.0	
pli-tv-bi-vb-np5:2.17.1	Aññe aññasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np5:2.18	Aññe vematikā aññaṁ cetāpeti, nissaggiyaṁ pācittiyaṁ.
pli-tv-bi-vb-np5:2.19	Aññe anaññasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np5:2.20	Anaññe aññasaññā anaññaṁ cetāpeti, āpatti dukkaṭassa.
pli-tv-bi-vb-np5:2.21	Anaññe vematikā anaññaṁ cetāpeti, āpatti dukkaṭassa.
pli-tv-bi-vb-np5:2.22	Anaññe anaññasaññā anāpatti.
pli-tv-bi-vb-np5:2.23.0	
pli-tv-bi-vb-np5:2.23.1	Anāpatti—
pli-tv-bi-vb-np5:2.24	taññeva cetāpeti, aññañca cetāpeti,
pli-tv-bi-vb-np5:2.25	ānisaṁsaṁ dassetvā cetāpeti,
pli-tv-bi-vb-np5:2.26	ummattikāya,
pli-tv-bi-vb-np5:2.27	ādikammikāyāti.
pli-tv-bi-vb-np5:2.28	Pañcamasikkhāpadaṁ niṭṭhitaṁ.
pli-tv-bi-vb-np6:0.1	Theravāda Vinaya
pli-tv-bi-vb-np6:0.2	Bhikkhunivibhaṅga
pli-tv-bi-vb-np6:0.3	Nissaggiyakaṇḍa
pli-tv-bi-vb-np6:0.4	Pattavagga
pli-tv-bi-vb-np6:0.5	6. Saṅghikacetapanasikkhāpada
pli-tv-bi-vb-np6:1.0	
pli-tv-bi-vb-np6:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np6:1.2	Tena kho pana samayena upāsakā bhikkhunisaṅghassa cīvaratthāya chandakaṁ saṅgharitvā aññatarassa pāvārikassa ghare parikkhāraṁ nikkhipitvā bhikkhuniyo upasaṅkamitvā etadavocuṁ—
pli-tv-bi-vb-np6:1.3	“amukassa, ayye, pāvārikassa ghare cīvaratthāya parikkhāro nikkhitto, tato cīvaraṁ āharāpetvā bhājethā”ti.
pli-tv-bi-vb-np6:1.4	Bhikkhuniyo tena parikkhārena bhesajjaṁ cetāpetvā paribhuñjiṁsu.
pli-tv-bi-vb-np6:1.5	Upāsakā jānitvā ujjhāyanti khiyyanti vipācenti—
pli-tv-bi-vb-np6:1.6	“kathañhi nāma bhikkhuniyo aññadatthikena parikkhārena aññuddisikena saṅghikena aññaṁ cetāpessantī”ti.
pli-tv-bi-vb-np6:1.7	Assosuṁ kho bhikkhuniyo tesaṁ upāsakānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-np6:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-np6:1.9	“kathañhi nāma bhikkhuniyo aññadatthikena parikkhārena aññuddisikena saṅghikena aññaṁ cetāpessantī”ti …pe…
pli-tv-bi-vb-np6:1.10	“saccaṁ kira, bhikkhave, bhikkhuniyo aññadatthikena parikkhārena aññuddisikena saṅghikena aññaṁ cetāpentī”ti?
pli-tv-bi-vb-np6:1.11	“Saccaṁ, bhagavā”ti.
pli-tv-bi-vb-np6:1.12	Vigarahi buddho bhagavā …pe…
pli-tv-bi-vb-np6:1.13	kathañhi nāma, bhikkhave, bhikkhuniyo aññadatthikena parikkhārena aññuddisikena saṅghikena aññaṁ cetāpessanti.
pli-tv-bi-vb-np6:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-np6:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np6:1.16.0	
pli-tv-bi-vb-np6:1.16.1	“Yā pana bhikkhunī aññadatthikena parikkhārena aññuddisikena saṅghikena aññaṁ cetāpeyya, nissaggiyaṁ pācittiyan”ti.
pli-tv-bi-vb-np6:2.1.0	
pli-tv-bi-vb-np6:2.1.1	Yā panāti
pli-tv-bi-vb-np6:2.1.2	yā yādisā …pe…
pli-tv-bi-vb-np6:2.1.3	bhikkhunīti
pli-tv-bi-vb-np6:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np6:2.1.5	Aññadatthikena parikkhārena aññuddisikenāti
pli-tv-bi-vb-np6:2.1.6	aññassatthāya dinnena.
pli-tv-bi-vb-np6:2.1.7	Saṅghikenāti
pli-tv-bi-vb-np6:2.1.8	saṅghassa, na gaṇassa, na ekabhikkhuniyā.
pli-tv-bi-vb-np6:2.1.9	Aññaṁ cetāpeyyāti
pli-tv-bi-vb-np6:2.1.10	yaṁatthāya dinnaṁ, taṁ ṭhapetvā aññaṁ cetāpeti, payoge dukkaṭaṁ.
pli-tv-bi-vb-np6:2.1.11	Paṭilābhena nissaggiyaṁ hoti.
pli-tv-bi-vb-np6:2.1.12	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np6:2.1.13	Evañca pana, bhikkhave, nissajjitabbaṁ.
pli-tv-bi-vb-np6:2.1.14	…pe…
pli-tv-bi-vb-np6:2.1.15	“idaṁ me, ayye, aññadatthikena parikkhārena aññuddisikena saṅghikena aññaṁ cetāpitaṁ nissaggiyaṁ, imāhaṁ saṅghassa nissajjāmī”ti.
pli-tv-bi-vb-np6:2.1.16	…pe…
pli-tv-bi-vb-np6:2.1.17	dadeyyā”ti …pe…
pli-tv-bi-vb-np6:2.1.18	dadeyyun”ti …pe…
pli-tv-bi-vb-np6:2.1.19	ayyāya dammī”ti.
pli-tv-bi-vb-np6:2.2.0	
pli-tv-bi-vb-np6:2.2.1	Aññadatthike aññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np6:2.2.2	Aññadatthike vematikā aññaṁ cetāpeti, nissaggiyaṁ pācittiyaṁ.
pli-tv-bi-vb-np6:2.2.3	Aññadatthike anaññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np6:2.2.4	Nissaṭṭhaṁ paṭilabhitvā yathādāne upanetabbaṁ.
pli-tv-bi-vb-np6:2.2.5	Anaññadatthike aññadatthikasaññā, āpatti dukkaṭassa.
pli-tv-bi-vb-np6:2.2.6	Anaññadatthike vematikā, āpatti dukkaṭassa.
pli-tv-bi-vb-np6:2.2.7	Anaññadatthike anaññadatthikasaññā, anāpatti.
pli-tv-bi-vb-np6:2.3.0	
pli-tv-bi-vb-np6:2.3.1	Anāpatti—
pli-tv-bi-vb-np6:2.3.2	sesakaṁ upaneti,
pli-tv-bi-vb-np6:2.3.3	sāmike apaloketvā upaneti,
pli-tv-bi-vb-np6:2.3.4.1	āpadāsu,
pli-tv-bi-vb-np6:2.3.4.2	ummattikāya,
pli-tv-bi-vb-np6:2.3.5	ādikammikāyāti.
pli-tv-bi-vb-np6:2.3.6	Chaṭṭhasikkhāpadaṁ niṭṭhitaṁ.
pli-tv-bi-vb-np7:0.1	Theravāda Vinaya
pli-tv-bi-vb-np7:0.2	Bhikkhunivibhaṅga
pli-tv-bi-vb-np7:0.3	Nissaggiyakaṇḍa
pli-tv-bi-vb-np7:0.4	Pattavagga
pli-tv-bi-vb-np7:0.5	7. Dutiyasaṅghikacetāpanasikkhāpada
pli-tv-bi-vb-np7:1.0	
pli-tv-bi-vb-np7:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np7:1.2	Tena kho pana samayena upāsakā bhikkhunisaṅghassa cīvaratthāya chandakaṁ saṅgharitvā aññatarassa pāvārikassa ghare parikkhāraṁ nikkhipitvā bhikkhuniyo upasaṅkamitvā etadavocuṁ—
pli-tv-bi-vb-np7:1.3	“amukassa, ayye, pāvārikassa ghare cīvaratthāya parikkhāro nikkhitto, tato cīvaraṁ āharāpetvā bhājethā”ti.
pli-tv-bi-vb-np7:1.4	Bhikkhuniyo tena ca parikkhārena sayampi yācitvā bhesajjaṁ cetāpetvā paribhuñjiṁsu.
pli-tv-bi-vb-np7:1.5	Upāsakā jānitvā ujjhāyanti khiyyanti vipācenti—
pli-tv-bi-vb-np7:1.6	“kathañhi nāma bhikkhuniyo aññadatthikena parikkhārena aññuddisikena saṅghikena saññācikena aññaṁ cetāpessantī”ti …pe…
pli-tv-bi-vb-np7:1.7	“saccaṁ kira, bhikkhave, bhikkhuniyo aññadatthikena parikkhārena aññuddisikena saṅghikena saññācikena aññaṁ cetāpentī”ti?
pli-tv-bi-vb-np7:1.8	“Saccaṁ, bhagavā”ti.
pli-tv-bi-vb-np7:1.9	Vigarahi buddho bhagavā …pe…
pli-tv-bi-vb-np7:1.10	kathañhi nāma, bhikkhave, bhikkhuniyo aññadatthikena parikkhārena aññuddisikena saṅghikena saññācikena aññaṁ cetāpessanti.
pli-tv-bi-vb-np7:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-np7:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np7:1.13.0	
pli-tv-bi-vb-np7:1.13.1	“Yā pana bhikkhunī aññadatthikena parikkhārena aññuddisikena saṅghikena saññācikena aññaṁ cetāpeyya, nissaggiyaṁ pācittiyan”ti.
pli-tv-bi-vb-np7:2.0	
pli-tv-bi-vb-np7:2.1	Yā panāti
pli-tv-bi-vb-np7:2.2	yā yādisā …pe…
pli-tv-bi-vb-np7:2.3	bhikkhunīti
pli-tv-bi-vb-np7:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np7:2.5	Aññadatthikena parikkhārena aññuddisikenāti
pli-tv-bi-vb-np7:2.6	aññassatthāya dinnena.
pli-tv-bi-vb-np7:2.7	Saṅghikenāti
pli-tv-bi-vb-np7:2.8	saṅghassa, na gaṇassa, na ekabhikkhuniyā.
pli-tv-bi-vb-np7:2.9	Saññācikenāti
pli-tv-bi-vb-np7:2.10	sayaṁ yācitvā.
pli-tv-bi-vb-np7:2.11	Aññaṁ cetāpeyyāti
pli-tv-bi-vb-np7:2.12	yaṁatthāya dinnaṁ taṁ ṭhapetvā aññaṁ cetāpeti, payoge dukkaṭaṁ.
pli-tv-bi-vb-np7:2.13	Paṭilābhena nissaggiyaṁ hoti.
pli-tv-bi-vb-np7:2.14	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np7:2.15	Evañca pana, bhikkhave, nissajjitabbaṁ.
pli-tv-bi-vb-np7:2.16	…pe…
pli-tv-bi-vb-np7:2.17	“idaṁ me, ayye, aññadatthikena parikkhārena aññuddisikena saṅghikena saññācikena aññaṁ cetāpitaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np7:2.18	dadeyyā”ti …pe…
pli-tv-bi-vb-np7:2.19	dadeyyun”ti …pe…
pli-tv-bi-vb-np7:2.20	ayyāya dammī”ti.
pli-tv-bi-vb-np7:2.21.0	
pli-tv-bi-vb-np7:2.21.1	Aññadatthike aññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np7:2.22	Aññadatthike vematikā aññaṁ cetāpeti, nissaggiyaṁ pācittiyaṁ.
pli-tv-bi-vb-np7:2.23	Aññadatthike anaññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np7:2.24	Nissaṭṭhaṁ paṭilabhitvā yathādāne upanetabbaṁ.
pli-tv-bi-vb-np7:2.25	Anaññadatthike aññadatthikasaññā, āpatti dukkaṭassa.
pli-tv-bi-vb-np7:2.26	Anaññadatthike vematikā, āpatti dukkaṭassa.
pli-tv-bi-vb-np7:2.27	Anaññadatthike anaññadatthikasaññā, anāpatti.
pli-tv-bi-vb-np7:2.28.0	
pli-tv-bi-vb-np7:2.28.1	Anāpatti—
pli-tv-bi-vb-np7:2.29	sesakaṁ upaneti,
pli-tv-bi-vb-np7:2.30	sāmike apaloketvā upaneti,
pli-tv-bi-vb-np7:2.31	āpadāsu,
pli-tv-bi-vb-np7:2.32	ummattikāya,
pli-tv-bi-vb-np7:2.33	ādikammikāyāti.
pli-tv-bi-vb-np7:2.34	Sattamasikkhāpadaṁ niṭṭhitaṁ.
pli-tv-bi-vb-np8:0.1	Theravāda Vinaya
pli-tv-bi-vb-np8:0.2	Bhikkhunivibhaṅga
pli-tv-bi-vb-np8:0.3	Nissaggiyakaṇḍa
pli-tv-bi-vb-np8:0.4	Pattavagga
pli-tv-bi-vb-np8:0.5	8. Gaṇikacetāpanasikkhāpada
pli-tv-bi-vb-np8:1.0	
pli-tv-bi-vb-np8:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np8:1.2	Tena kho pana samayena aññatarassa pūgassa pariveṇavāsikā bhikkhuniyo yāguyā kilamanti.
pli-tv-bi-vb-np8:1.3	Atha kho so pūgo bhikkhunīnaṁ yāguatthāya chandakaṁ saṅgharitvā aññatarassa āpaṇikassa ghare parikkhāraṁ nikkhipitvā bhikkhuniyo upasaṅkamitvā etadavoca—
pli-tv-bi-vb-np8:1.4	“amukassa, ayye, āpaṇikassa ghare yāguatthāya parikkhāro nikkhitto, tato taṇḍulaṁ āharāpetvā yāguṁ pacāpetvā paribhuñjathā”ti.
pli-tv-bi-vb-np8:1.5	Bhikkhuniyo tena parikkhārena bhesajjaṁ cetāpetvā paribhuñjiṁsu.
pli-tv-bi-vb-np8:1.6	So pūgo jānitvā ujjhāyati khiyyati vipāceti—
pli-tv-bi-vb-np8:1.7	“kathañhi nāma bhikkhuniyo aññadatthikena parikkhārena aññuddisikena mahājanikena aññaṁ cetāpessantī”ti …pe…
pli-tv-bi-vb-np8:1.8	“saccaṁ kira, bhikkhave, bhikkhuniyo aññadatthikena parikkhārena aññuddisikena mahājanikena aññaṁ cetāpentī”ti?
pli-tv-bi-vb-np8:1.9	“Saccaṁ, bhagavā”ti.
pli-tv-bi-vb-np8:1.10	Vigarahi buddho bhagavā …pe…
pli-tv-bi-vb-np8:1.11	kathañhi nāma, bhikkhave, bhikkhuniyo aññadatthikena parikkhārena aññuddisikena mahājanikena aññaṁ cetāpessanti.
pli-tv-bi-vb-np8:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-np8:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np8:1.14.0	
pli-tv-bi-vb-np8:1.14.1	“Yā pana bhikkhunī aññadatthikena parikkhārena aññuddisikena mahājanikena aññaṁ cetāpeyya, nissaggiyaṁ pācittiyan”ti.
pli-tv-bi-vb-np8:2.0	
pli-tv-bi-vb-np8:2.1	Yā panāti
pli-tv-bi-vb-np8:2.2	yā yādisā …pe…
pli-tv-bi-vb-np8:2.3	bhikkhunīti
pli-tv-bi-vb-np8:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np8:2.5	Aññadatthikena parikkhārena aññuddisikenāti
pli-tv-bi-vb-np8:2.6	aññassatthāya dinnena.
pli-tv-bi-vb-np8:2.7	Mahājanikenāti
pli-tv-bi-vb-np8:2.8	gaṇassa, na saṅghassa, na ekabhikkhuniyā.
pli-tv-bi-vb-np8:2.9	Aññaṁ cetāpeyyāti
pli-tv-bi-vb-np8:2.10	yaṁatthāya dinnaṁ taṁ ṭhapetvā aññaṁ cetāpeti, payoge dukkaṭaṁ.
pli-tv-bi-vb-np8:2.11	Paṭilābhena nissaggiyaṁ hoti.
pli-tv-bi-vb-np8:2.12	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np8:2.13	Evañca pana, bhikkhave, nissajjitabbaṁ.
pli-tv-bi-vb-np8:2.14	…pe…
pli-tv-bi-vb-np8:2.15	“idaṁ me, ayye, aññadatthikena parikkhārena aññuddisikena mahājanikena aññaṁ cetāpitaṁ nissaggiyaṁ imāhaṁ saṅghassa nissajjāmī”ti …pe…
pli-tv-bi-vb-np8:2.16	dadeyyā”ti …pe…
pli-tv-bi-vb-np8:2.17	dadeyyun”ti …pe…
pli-tv-bi-vb-np8:2.18	ayyāya dammī”ti.
pli-tv-bi-vb-np8:2.19.0	
pli-tv-bi-vb-np8:2.19.1	Aññadatthike aññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np8:2.20	Aññadatthike vematikā aññaṁ cetāpeti, nissaggiyaṁ pācittiyaṁ.
pli-tv-bi-vb-np8:2.21	Aññadatthike anaññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np8:2.22	Nissaṭṭhaṁ paṭilabhitvā yathādāne upanetabbaṁ.
pli-tv-bi-vb-np8:2.23	Anaññadatthike aññadatthikasaññā, āpatti dukkaṭassa.
pli-tv-bi-vb-np8:2.24	Anaññadatthike vematikā, āpatti dukkaṭassa.
pli-tv-bi-vb-np8:2.25	Anaññadatthike anaññadatthikasaññā, anāpatti.
pli-tv-bi-vb-np8:2.26.0	
pli-tv-bi-vb-np8:2.26.1	Anāpatti—
pli-tv-bi-vb-np8:2.27	sesakaṁ upaneti,
pli-tv-bi-vb-np8:2.28	sāmike apaloketvā upaneti,
pli-tv-bi-vb-np8:2.29	āpadāsu,
pli-tv-bi-vb-np8:2.30	ummattikāya,
pli-tv-bi-vb-np8:2.31	ādikammikāyāti.
pli-tv-bi-vb-np8:2.32	Aṭṭhamasikkhāpadaṁ niṭṭhitaṁ.
pli-tv-bi-vb-np9:0.1	Theravāda Vinaya
pli-tv-bi-vb-np9:0.2	Bhikkhunivibhaṅga
pli-tv-bi-vb-np9:0.3	Nissaggiyakaṇḍa
pli-tv-bi-vb-np9:0.4	Pattavagga
pli-tv-bi-vb-np9:0.5	9. Dutiyagaṇikacetāpanasikkhāpada
pli-tv-bi-vb-np9:1.0	
pli-tv-bi-vb-np9:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np9:1.2	Tena kho pana samayena aññatarassa pūgassa pariveṇavāsikā bhikkhuniyo yāguyā kilamanti.
pli-tv-bi-vb-np9:1.3	Atha kho so pūgo bhikkhunīnaṁ yāguatthāya chandakaṁ saṅgharitvā aññatarassa āpaṇikassa ghare parikkhāraṁ nikkhipitvā bhikkhuniyo upasaṅkamitvā etadavoca—
pli-tv-bi-vb-np9:1.4	“amukassa, ayye, āpaṇikassa ghare yāguatthāya parikkhāro nikkhitto.
pli-tv-bi-vb-np9:1.5	Tato taṇḍule āharāpetvā yāguṁ pacāpetvā paribhuñjathā”ti.
pli-tv-bi-vb-np9:1.6	Bhikkhuniyo tena ca parikkhārena sayampi yācitvā bhesajjaṁ cetāpetvā paribhuñjiṁsu.
pli-tv-bi-vb-np9:1.7	So pūgo jānitvā ujjhāyati khiyyati vipāceti—
pli-tv-bi-vb-np9:1.8	“kathañhi nāma bhikkhuniyo aññadatthikena parikkhārena aññuddisikena mahājanikena saññācikena aññaṁ cetāpessantī”ti …pe…
pli-tv-bi-vb-np9:1.9	“saccaṁ kira, bhikkhave, bhikkhuniyo aññadatthikena parikkhārena aññuddisikena mahājanikena saññācikena aññaṁ cetāpentī”ti?
pli-tv-bi-vb-np9:1.10	“Saccaṁ, bhagavā”ti.
pli-tv-bi-vb-np9:1.11	Vigarahi buddho bhagavā …pe…
pli-tv-bi-vb-np9:1.12	kathañhi nāma, bhikkhave, bhikkhuniyo aññadatthikena parikkhārena aññuddisikena mahājanikena saññācikena aññaṁ cetāpessanti.
pli-tv-bi-vb-np9:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-np9:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np9:1.15.0	
pli-tv-bi-vb-np9:1.15.1	“Yā pana bhikkhunī aññadatthikena parikkhārena aññuddisikena mahājanikena saññācikena aññaṁ cetāpeyya, nissaggiyaṁ pācittiyan”ti.
pli-tv-bi-vb-np9:2.0	
pli-tv-bi-vb-np9:2.1	Yā panāti
pli-tv-bi-vb-np9:2.2	yā yādisā …pe…
pli-tv-bi-vb-np9:2.3	bhikkhunīti
pli-tv-bi-vb-np9:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-np9:2.5	Aññadatthikena parikkhārena aññuddisikenāti
pli-tv-bi-vb-np9:2.6	aññassatthāya dinnena.
pli-tv-bi-vb-np9:2.7	Mahājanikenāti
pli-tv-bi-vb-np9:2.8	gaṇassa, na saṅghassa, na ekabhikkhuniyā.
pli-tv-bi-vb-np9:2.9	Saññācikenāti
pli-tv-bi-vb-np9:2.10	sayaṁ yācitvā.
pli-tv-bi-vb-np9:2.11	Aññaṁ cetāpeyyāti
pli-tv-bi-vb-np9:2.12	yaṁatthāya dinnaṁ taṁ ṭhapetvā aññaṁ cetāpeti, payoge dukkaṭaṁ.
pli-tv-bi-vb-np9:2.13	Paṭilābhena nissaggiyaṁ hoti.
pli-tv-bi-vb-np9:2.14	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np9:2.15	Evañca pana, bhikkhave, nissajjitabbaṁ.
pli-tv-bi-vb-np9:2.16	…pe…
pli-tv-bi-vb-np9:2.17	“idaṁ me, ayye, aññadatthikena parikkhārena aññuddisikena mahājanikena saññācikena aññaṁ cetāpitaṁ nissaggiyaṁ.
pli-tv-bi-vb-np9:2.18	Imāhaṁ saṅghassa nissajjāmī”ti …pe…
pli-tv-bi-vb-np9:2.19	dadeyyā”ti …pe…
pli-tv-bi-vb-np9:2.20	dadeyyun”ti …pe…
pli-tv-bi-vb-np9:2.21	ayyāya dammī”ti.
pli-tv-bi-vb-np9:2.22.0	
pli-tv-bi-vb-np9:2.22.1	Aññadatthike aññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np9:2.23	Aññadatthike vematikā aññaṁ cetāpeti, nissaggiyaṁ pācittiyaṁ.
pli-tv-bi-vb-np9:2.24	Aññadatthike anaññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np9:2.25	Nissaṭṭhaṁ paṭilabhitvā yathādāne upanetabbaṁ.
pli-tv-bi-vb-np9:2.26	Anaññadatthike aññadatthikasaññā, āpatti dukkaṭassa.
pli-tv-bi-vb-np9:2.27	Anaññadatthike vematikā, āpatti dukkaṭassa.
pli-tv-bi-vb-np9:2.28	Anaññadatthike anaññadatthikasaññā anāpatti.
pli-tv-bi-vb-np9:2.29.0	
pli-tv-bi-vb-np9:2.29.1	Anāpatti—
pli-tv-bi-vb-np9:2.30	sesakaṁ upaneti,
pli-tv-bi-vb-np9:2.31	sāmike apaloketvā upaneti,
pli-tv-bi-vb-np9:2.32	āpadāsu,
pli-tv-bi-vb-np9:2.33	ummattikāya,
pli-tv-bi-vb-np9:2.34	ādikammikāyāti.
pli-tv-bi-vb-np9:2.35	Navamasikkhāpadaṁ niṭṭhitaṁ.
pli-tv-bi-vb-np10:0.1	Theravāda Vinaya
pli-tv-bi-vb-np10:0.2	Bhikkhunivibhaṅga
pli-tv-bi-vb-np10:0.3	Nissaggiyakaṇḍa
pli-tv-bi-vb-np10:0.4	Pattavagga
pli-tv-bi-vb-np10:0.5	10. Puggalikacetāpanasikkhāpada
pli-tv-bi-vb-np10:1.0	
pli-tv-bi-vb-np10:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np10:1.2	Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṁ kathaṁ kātuṁ.
pli-tv-bi-vb-np10:1.3	Bahū manussā thullanandaṁ bhikkhuniṁ payirupāsanti.
pli-tv-bi-vb-np10:1.4	Tena kho pana samayena thullanandāya bhikkhuniyā pariveṇaṁ undriyati.
pli-tv-bi-vb-np10:1.5	Manussā thullanandaṁ bhikkhuniṁ etadavocuṁ—
pli-tv-bi-vb-np10:1.6	“kissidaṁ te, ayye, pariveṇaṁ undriyatī”ti?
pli-tv-bi-vb-np10:1.7	“Natthāvuso, dāyakā, natthi kārakā”ti.
pli-tv-bi-vb-np10:1.8	Atha kho te manussā thullanandāya bhikkhuniyā pariveṇatthāya chandakaṁ saṅgharitvā thullanandāya bhikkhuniyā parikkhāraṁ adaṁsu.
pli-tv-bi-vb-np10:1.9	Thullanandā bhikkhunī tena ca parikkhārena sayampi yācitvā bhesajjaṁ cetāpetvā paribhuñji.
pli-tv-bi-vb-np10:1.10	Manussā jānitvā ujjhāyanti khiyyanti vipācenti—
pli-tv-bi-vb-np10:1.11	“kathañhi nāma ayyā thullanandā aññadatthikena parikkhārena aññuddisikena puggalikena saññācikena aññaṁ cetāpessatī”ti …pe…
pli-tv-bi-vb-np10:1.12	“saccaṁ kira, bhikkhave, thullanandā bhikkhunī aññadatthikena parikkhārena aññuddisikena puggalikena saññācikena aññaṁ cetāpetī”ti?
pli-tv-bi-vb-np10:1.13	“Saccaṁ, bhagavā”ti.
pli-tv-bi-vb-np10:1.14	Vigarahi buddho bhagavā …pe…
pli-tv-bi-vb-np10:1.15	kathañhi nāma, bhikkhave, thullanandā bhikkhunī aññadatthikena parikkhārena aññuddisikena puggalikena saññācikena aññaṁ cetāpessati.
pli-tv-bi-vb-np10:1.16	Netaṁ, bhikkhave, appasannānaṁ vā pasādāya …pe…
pli-tv-bi-vb-np10:1.17	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np10:1.18.0	
pli-tv-bi-vb-np10:1.18.1	“Yā pana bhikkhunī aññadatthikena parikkhārena aññuddisikena puggalikena saññācikena aññaṁ cetāpeyya, nissaggiyaṁ pācittiyan”ti.
pli-tv-bi-vb-np10:2.0	
pli-tv-bi-vb-np10:2.1	Yā panāti
pli-tv-bi-vb-np10:2.2	yā yādisā …pe…
pli-tv-bi-vb-np10:2.3	bhikkhunīti …pe…
pli-tv-bi-vb-np10:2.4	ayaṁ imasmiṁ atthe adhippetā bhikkhunīti.
pli-tv-bi-vb-np10:2.5	Aññadatthikena parikkhārena aññuddisikenāti
pli-tv-bi-vb-np10:2.6	aññassatthāya dinnena.
pli-tv-bi-vb-np10:2.7	Puggalikenāti
pli-tv-bi-vb-np10:2.8	ekāya bhikkhuniyā, na saṅghassa, na gaṇassa.
pli-tv-bi-vb-np10:2.9	Saññācikenāti
pli-tv-bi-vb-np10:2.10	sayaṁ yācitvā.
pli-tv-bi-vb-np10:2.11	Aññaṁ cetāpeyyāti
pli-tv-bi-vb-np10:2.12	yaṁatthāya dinnaṁ taṁ ṭhapetvā aññaṁ cetāpeti, payoge dukkaṭaṁ.
pli-tv-bi-vb-np10:2.13	Paṭilābhena nissaggiyaṁ hoti.
pli-tv-bi-vb-np10:2.14	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np10:2.15	Evañca pana, bhikkhave, nissajjitabbaṁ.
pli-tv-bi-vb-np10:2.16	…pe…
pli-tv-bi-vb-np10:2.17	“idaṁ me, ayye, aññadatthikena parikkhārena aññuddisikena puggalikena saññācikena aññaṁ cetāpitaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np10:2.18	dadeyyā”ti …pe…
pli-tv-bi-vb-np10:2.19	dadeyyun”ti …pe…
pli-tv-bi-vb-np10:2.20	ayyāya dammī”ti.
pli-tv-bi-vb-np10:2.21.0	
pli-tv-bi-vb-np10:2.21.1	Aññadatthike aññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np10:2.22	Aññadatthike vematikā aññaṁ cetāpeti, nissaggiyaṁ pācittiyaṁ.
pli-tv-bi-vb-np10:2.23	Aññadatthike anaññadatthikasaññā aññaṁ cetāpeti, nissaggiyaṁ pācittiyaṁ.
pli-tv-bi-vb-np10:2.24	Nissaṭṭhaṁ paṭilabhitvā yathādāne upanetabbaṁ.
pli-tv-bi-vb-np10:2.25	Anaññadatthike aññadatthikasaññā, āpatti dukkaṭassa.
pli-tv-bi-vb-np10:2.26	Anaññadatthike vematikā, āpatti dukkaṭassa.
pli-tv-bi-vb-np10:2.27	Anaññadatthike anaññadatthikasaññā, anāpatti.
pli-tv-bi-vb-np10:2.28.0	
pli-tv-bi-vb-np10:2.28.1	Anāpatti—
pli-tv-bi-vb-np10:2.29	sesakaṁ upaneti,
pli-tv-bi-vb-np10:2.30	sāmike apaloketvā upaneti,
pli-tv-bi-vb-np10:2.31	āpadāsu,
pli-tv-bi-vb-np10:2.32	ummattikāya,
pli-tv-bi-vb-np10:2.33	ādikammikāyāti.
pli-tv-bi-vb-np10:2.34	Dasamasikkhāpadaṁ niṭṭhitaṁ.
pli-tv-bi-vb-np11:0.1	Theravāda Vinaya
pli-tv-bi-vb-np11:0.2	Bhikkhunivibhaṅga
pli-tv-bi-vb-np11:0.3	Nissaggiyakaṇḍa
pli-tv-bi-vb-np11:0.4	Cīvaravagga
pli-tv-bi-vb-np11:0.5	11. Garupāvuraṇasikkhāpada
pli-tv-bi-vb-np11:1.0	
pli-tv-bi-vb-np11:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np11:1.2	Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṁ kathaṁ kātuṁ.
pli-tv-bi-vb-np11:1.3	Atha kho rājā pasenadi kosalo sītakāle mahagghaṁ kambalaṁ pārupitvā yena thullanandā bhikkhunī tenupasaṅkami; upasaṅkamitvā thullanandaṁ bhikkhuniṁ abhivādetvā ekamantaṁ nisīdi.
pli-tv-bi-vb-np11:1.4	Ekamantaṁ nisinnaṁ kho rājānaṁ pasenadiṁ kosalaṁ thullanandā bhikkhunī dhammiyā kathāya sandassesi samādapesi samuttejesi sampahaṁsesi.
pli-tv-bi-vb-np11:1.5	Atha kho rājā pasenadi kosalo thullanandāya bhikkhuniyā dhammiyā kathāya sandassito samādapito samuttejito sampahaṁsito thullanandaṁ bhikkhuniṁ etadavoca—
pli-tv-bi-vb-np11:1.6	“vadeyyāsi, ayye, yena attho”ti?
pli-tv-bi-vb-np11:1.7	“Sace me tvaṁ, mahārāja, dātukāmosi, imaṁ kambalaṁ dehī”ti.
pli-tv-bi-vb-np11:1.8	Atha kho rājā pasenadi kosalo thullanandāya bhikkhuniyā kambalaṁ datvā uṭṭhāyāsanā thullanandaṁ bhikkhuniṁ abhivādetvā padakkhiṇaṁ katvā pakkāmi.
pli-tv-bi-vb-np11:1.9	Manussā ujjhāyanti khiyyanti vipācenti—
pli-tv-bi-vb-np11:1.10	“mahicchā imā bhikkhuniyo asantuṭṭhā.
pli-tv-bi-vb-np11:1.11	Kathañhi nāma rājānaṁ kambalaṁ viññāpessantī”ti.
pli-tv-bi-vb-np11:1.12	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-np11:1.13	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-np11:1.14	“kathañhi nāma ayyā thullanandā rājānaṁ kambalaṁ viññāpessatī”ti …pe…
pli-tv-bi-vb-np11:1.15	“saccaṁ kira, bhikkhave, thullanandā bhikkhunī rājānaṁ kambalaṁ viññāpetī”ti?
pli-tv-bi-vb-np11:1.16	“Saccaṁ, bhagavā”ti.
pli-tv-bi-vb-np11:1.17	Vigarahi buddho bhagavā …pe…
pli-tv-bi-vb-np11:1.18	kathañhi nāma, bhikkhave, thullanandā bhikkhunī rājānaṁ kambalaṁ viññāpessati.
pli-tv-bi-vb-np11:1.19	Netaṁ, bhikkhave, appasannānaṁ vā pasādāya …pe…
pli-tv-bi-vb-np11:1.20	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np11:1.21.0	
pli-tv-bi-vb-np11:1.21.1	“Garupāvuraṇaṁ pana bhikkhuniyā cetāpentiyā catukkaṁsaparamaṁ cetāpetabbaṁ. Tato ce uttari cetāpeyya, nissaggiyaṁ pācittiyan”ti.
pli-tv-bi-vb-np11:2.1.0	
pli-tv-bi-vb-np11:2.1.1	Garupāvuraṇaṁ nāma
pli-tv-bi-vb-np11:2.1.2	yaṁ kiñci sītakāle pāvuraṇaṁ.
pli-tv-bi-vb-np11:2.1.3	Cetāpentiyāti
pli-tv-bi-vb-np11:2.1.4	viññāpentiyā.
pli-tv-bi-vb-np11:2.1.5	Catukkaṁsaparamaṁ cetāpetabbanti
pli-tv-bi-vb-np11:2.1.6	soḷasakahāpaṇagghanakaṁ cetāpetabbaṁ.
pli-tv-bi-vb-np11:2.1.7	Tato ce uttari cetāpeyyāti
pli-tv-bi-vb-np11:2.1.8	tatuttari viññāpeti, payoge dukkaṭaṁ.
pli-tv-bi-vb-np11:2.1.9	Paṭilābhena nissaggiyaṁ hoti.
pli-tv-bi-vb-np11:2.1.10	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np11:2.1.11	Evañca pana, bhikkhave, nissajjitabbaṁ.
pli-tv-bi-vb-np11:2.1.12	…pe…
pli-tv-bi-vb-np11:2.1.13	“idaṁ me, ayye, garupāvuraṇaṁ atirekacatukkaṁsaparamaṁ cetāpitaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np11:2.1.14	dadeyyāti …pe…
pli-tv-bi-vb-np11:2.1.15	dadeyyunti …pe…
pli-tv-bi-vb-np11:2.1.16	ayyāya dammīti.
pli-tv-bi-vb-np11:2.2.0	
pli-tv-bi-vb-np11:2.2.1	Atirekacatukkaṁse atirekasaññā cetāpeti, nissaggiyaṁ pācittiyaṁ.
pli-tv-bi-vb-np11:2.2.2	Atirekacatukkaṁse vematikā cetāpeti, nissaggiyaṁ pācittiyaṁ.
pli-tv-bi-vb-np11:2.2.3	Atirekacatukkaṁse ūnakasaññā cetāpeti, nissaggiyaṁ pācittiyaṁ.
pli-tv-bi-vb-np11:2.2.4	Ūnakacatukkaṁse atirekasaññā, āpatti dukkaṭassa.
pli-tv-bi-vb-np11:2.2.5	Ūnakacatukkaṁse vematikā, āpatti dukkaṭassa.
pli-tv-bi-vb-np11:2.2.6	Ūnakacatukkaṁse ūnakasaññā, anāpatti.
pli-tv-bi-vb-np11:2.3.0	
pli-tv-bi-vb-np11:2.3.1	Anāpatti—
pli-tv-bi-vb-np11:2.3.2	catukkaṁsaparamaṁ cetāpeti,
pli-tv-bi-vb-np11:2.3.3	ūnakacatukkaṁsaparamaṁ cetāpeti,
pli-tv-bi-vb-np11:2.3.4	ñātakānaṁ,
pli-tv-bi-vb-np11:2.3.5	pavāritānaṁ,
pli-tv-bi-vb-np11:2.3.6	aññassatthāya,
pli-tv-bi-vb-np11:2.3.7	attano dhanena,
pli-tv-bi-vb-np11:2.3.8	mahagghaṁ cetāpetukāmassa appagghaṁ cetāpeti,
pli-tv-bi-vb-np11:2.3.9	ummattikāya,
pli-tv-bi-vb-np11:2.3.10	ādikammikāyāti.
pli-tv-bi-vb-np11:2.3.11	Ekādasamasikkhāpadaṁ niṭṭhitaṁ.
pli-tv-bi-vb-np12:0.1	Theravāda Vinaya
pli-tv-bi-vb-np12:0.2	Bhikkhunivibhaṅga
pli-tv-bi-vb-np12:0.3	Nissaggiyakaṇḍa
pli-tv-bi-vb-np12:0.4	Cīvaravagga
pli-tv-bi-vb-np12:0.5	12. Lahupāvuraṇasikkhāpada
pli-tv-bi-vb-np12:1.0	
pli-tv-bi-vb-np12:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-np12:1.2	Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṁ kathaṁ kātuṁ.
pli-tv-bi-vb-np12:1.3	Atha kho rājā pasenadi kosalo uṇhakāle mahagghaṁ khomaṁ pārupitvā yena thullanandā bhikkhunī tenupasaṅkami; upasaṅkamitvā thullanandaṁ bhikkhuniṁ abhivādetvā ekamantaṁ nisīdi.
pli-tv-bi-vb-np12:1.4	Ekamantaṁ nisinnaṁ kho rājānaṁ pasenadiṁ kosalaṁ thullanandā bhikkhunī dhammiyā kathāya sandassesi samādapesi samuttejesi sampahaṁsesi.
pli-tv-bi-vb-np12:1.5	Atha kho rājā pasenadi kosalo thullanandāya bhikkhuniyā dhammiyā kathāya sandassito samādapito samuttejito sampahaṁsito thullanandaṁ bhikkhuniṁ etadavoca—
pli-tv-bi-vb-np12:1.6	“vadeyyāsi, ayye, yena attho”ti.
pli-tv-bi-vb-np12:1.7	“Sace me tvaṁ, mahārāja, dātukāmosi, imaṁ khomaṁ dehī”ti.
pli-tv-bi-vb-np12:1.8	Atha kho rājā pasenadi kosalo thullanandāya bhikkhuniyā khomaṁ datvā uṭṭhāyāsanā thullanandaṁ bhikkhuniṁ abhivādetvā padakkhiṇaṁ katvā pakkāmi.
pli-tv-bi-vb-np12:1.9	Manussā ujjhāyanti khiyyanti vipācenti—
pli-tv-bi-vb-np12:1.10	“mahicchā imā bhikkhuniyo asantuṭṭhā.
pli-tv-bi-vb-np12:1.11	Kathañhi nāma rājānaṁ khomaṁ viññāpessantī”ti.
pli-tv-bi-vb-np12:1.12	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-np12:1.13	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-np12:1.14	“kathañhi nāma ayyā thullanandā rājānaṁ khomaṁ viññāpessatī”ti …pe…
pli-tv-bi-vb-np12:1.15	“saccaṁ kira, bhikkhave, thullanandā bhikkhunī rājānaṁ khomaṁ viññāpetī”ti?
pli-tv-bi-vb-np12:1.16	“Saccaṁ, bhagavā”ti.
pli-tv-bi-vb-np12:1.17	Vigarahi buddho bhagavā …pe…
pli-tv-bi-vb-np12:1.18	kathañhi nāma, bhikkhave, thullanandā bhikkhunī rājānaṁ khomaṁ viññāpessati.
pli-tv-bi-vb-np12:1.19	Netaṁ, bhikkhave, appasannānaṁ vā pasādāya …pe…
pli-tv-bi-vb-np12:1.20	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-np12:1.21.0	
pli-tv-bi-vb-np12:1.21.1	“Lahupāvuraṇaṁ pana bhikkhuniyā cetāpentiyā aḍḍhateyyakaṁsaparamaṁ cetāpetabbaṁ. Tato ce uttari cetāpeyya, nissaggiyaṁ pācittiyan”ti.
pli-tv-bi-vb-np12:2.1.0	
pli-tv-bi-vb-np12:2.1.1	Lahupāvuraṇaṁ nāma
pli-tv-bi-vb-np12:2.1.2	yaṁ kiñci uṇhakāle pāvuraṇaṁ.
pli-tv-bi-vb-np12:2.1.3	Cetāpentiyāti
pli-tv-bi-vb-np12:2.1.4	viññāpentiyā.
pli-tv-bi-vb-np12:2.1.5	Aḍḍhateyyakaṁsaparamaṁ cetāpetabbanti
pli-tv-bi-vb-np12:2.1.6	dasakahāpaṇagghanakaṁ cetāpetabbaṁ.
pli-tv-bi-vb-np12:2.1.7	Tato ce uttari cetāpeyyāti
pli-tv-bi-vb-np12:2.1.8	tatuttari viññāpeti, payoge dukkaṭaṁ.
pli-tv-bi-vb-np12:2.1.9	Paṭilābhena nissaggiyaṁ hoti.
pli-tv-bi-vb-np12:2.1.10	Nissajjitabbaṁ saṅghassa vā gaṇassa vā ekabhikkhuniyā vā.
pli-tv-bi-vb-np12:2.1.11	Evañca pana, bhikkhave, nissajjitabbaṁ.
pli-tv-bi-vb-np12:2.1.12	…pe…
pli-tv-bi-vb-np12:2.1.13	“idaṁ me, ayye, lahupāvuraṇaṁ atirekaaḍḍhateyyakaṁsaparamaṁ cetāpitaṁ nissaggiyaṁ, imāhaṁ saṅghassa nissajjāmī”ti …pe…
pli-tv-bi-vb-np12:2.1.14	dadeyyā”ti …pe…
pli-tv-bi-vb-np12:2.1.15	dadeyyun”ti …pe…
pli-tv-bi-vb-np12:2.1.16	ayyāya dammī”ti.
pli-tv-bi-vb-np12:2.1.17.0	
pli-tv-bi-vb-np12:2.1.17.1	Atirekaaḍḍhateyyakaṁse atirekasaññā cetāpeti, nissaggiyaṁ pācittiyaṁ.
pli-tv-bi-vb-np12:2.1.18	Atirekaaḍḍhateyyakaṁse vematikā cetāpeti, nissaggiyaṁ pācittiyaṁ.
pli-tv-bi-vb-np12:2.1.19	Atirekaaḍḍhateyyakaṁse ūnakasaññā cetāpeti, nissaggiyaṁ pācittiyaṁ.
pli-tv-bi-vb-np12:2.1.20	Ūnakaaḍḍhateyyakaṁse atirekasaññā, āpatti dukkaṭassa.
pli-tv-bi-vb-np12:2.1.21	Ūnakaaḍḍhateyyakaṁse vematikā, āpatti dukkaṭassa.
pli-tv-bi-vb-np12:2.1.22	Ūnakaaḍḍhateyyakaṁse ūnakasaññā, anāpatti.
pli-tv-bi-vb-np12:2.2.0	
pli-tv-bi-vb-np12:2.2.1	Anāpatti—
pli-tv-bi-vb-np12:2.2.2	aḍḍhateyyakaṁsaparamaṁ cetāpeti,
pli-tv-bi-vb-np12:2.2.3	ūnakaaḍḍhateyyakaṁsaparamaṁ cetāpeti,
pli-tv-bi-vb-np12:2.2.4	ñātakānaṁ,
pli-tv-bi-vb-np12:2.2.5	pavāritānaṁ,
pli-tv-bi-vb-np12:2.2.6	aññassatthāya,
pli-tv-bi-vb-np12:2.2.7	attano dhanena,
pli-tv-bi-vb-np12:2.2.8	mahagghaṁ cetāpetukāmassa appagghaṁ cetāpeti,
pli-tv-bi-vb-np12:2.2.9	ummattikāya,
pli-tv-bi-vb-np12:2.2.10	ādikammikāyāti.
pli-tv-bi-vb-np12:2.2.11	Dvādasamasikkhāpadaṁ niṭṭhitaṁ.
pli-tv-bi-vb-np12:2.2.12.0	(Dutiya) Pattavagga
pli-tv-bi-vb-np12:2.2.13.0	10 Pariṇatasikkhāpada
pli-tv-bi-vb-np12:2.2.14	Uddiṭṭhā kho, ayyāyo, tiṁsa nissaggiyā pācittiyā dhammā.
pli-tv-bi-vb-np12:2.2.15	Tatthāyyāyo pucchāmi—
pli-tv-bi-vb-np12:2.2.16	“kaccittha parisuddhā”?
pli-tv-bi-vb-np12:2.2.17	Dutiyampi pucchāmi—
pli-tv-bi-vb-np12:2.2.18	“kaccittha parisuddhā”?
pli-tv-bi-vb-np12:2.2.19	Tatiyampi pucchāmi—
pli-tv-bi-vb-np12:2.2.20	“kaccittha parisuddhā”?
pli-tv-bi-vb-np12:2.2.21	Parisuddhetthāyyāyo, tasmā tuṇhī, evametaṁ dhārayāmīti.
pli-tv-bi-vb-np12:2.2.22	Bhikkhunivibhaṅge nissaggiyakaṇḍaṁ niṭṭhitaṁ.
pli-tv-bi-vb-pc1:0.1	Theravāda Vinaya
pli-tv-bi-vb-pc1:0.2	Bhikkhunivibhaṅga
pli-tv-bi-vb-pc1:0.3	Pācittiyakaṇḍa
pli-tv-bi-vb-pc1:0.4	Lasuṇavagga
pli-tv-bi-vb-pc1:0.5	1. Lasuṇasikkhāpada
pli-tv-bi-vb-pc1:0.6	Ime kho panāyyāyo chasaṭṭhisatā pācittiyā dhammā uddesaṁ āgacchanti.
pli-tv-bi-vb-pc1:1.0	
pli-tv-bi-vb-pc1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc1:1.2	Tena kho pana samayena aññatarena upāsakena bhikkhunisaṅgho lasuṇena pavārito hoti—
pli-tv-bi-vb-pc1:1.3	“yāsaṁ ayyānaṁ lasuṇena attho, ahaṁ lasuṇenā”ti.
pli-tv-bi-vb-pc1:1.4	Khettapālo ca āṇatto hoti—
pli-tv-bi-vb-pc1:1.5	“sace bhikkhuniyo āgacchanti, ekamekāya bhikkhuniyā dvetayo bhaṇḍike dehī”ti.
pli-tv-bi-vb-pc1:1.6	Tena kho pana samayena sāvatthiyaṁ ussavo hoti.
pli-tv-bi-vb-pc1:1.7	Yathābhataṁ lasuṇaṁ parikkhayaṁ agamāsi.
pli-tv-bi-vb-pc1:1.8	Bhikkhuniyo taṁ upāsakaṁ upasaṅkamitvā etadavocuṁ—
pli-tv-bi-vb-pc1:1.9	“lasuṇena, āvuso, attho”ti.
pli-tv-bi-vb-pc1:1.10	“Natthāyye.
pli-tv-bi-vb-pc1:1.11	Yathābhataṁ lasuṇaṁ parikkhīṇaṁ.
pli-tv-bi-vb-pc1:1.12	Khettaṁ gacchathā”ti.
pli-tv-bi-vb-pc1:1.13	Thullanandā bhikkhunī khettaṁ gantvā na mattaṁ jānitvā bahuṁ lasuṇaṁ harāpesi.
pli-tv-bi-vb-pc1:1.14	Khettapālo ujjhāyati khiyyati vipāceti—
pli-tv-bi-vb-pc1:1.15	“kathañhi nāma bhikkhuniyo na mattaṁ jānitvā bahuṁ lasuṇaṁ harāpessantī”ti.
pli-tv-bi-vb-pc1:1.16	Assosuṁ kho bhikkhuniyo tassa khettapālassa ujjhāyantassa khiyyantassa vipācentassa.
pli-tv-bi-vb-pc1:1.17	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc1:1.18	“kathañhi nāma ayyā thullanandā na mattaṁ jānitvā bahuṁ lasuṇaṁ harāpessatī”ti …pe…
pli-tv-bi-vb-pc1:1.19	“saccaṁ kira, bhikkhave, thullanandā bhikkhunī na mattaṁ jānitvā bahuṁ lasuṇaṁ harāpetī”ti?
pli-tv-bi-vb-pc1:1.20	“Saccaṁ, bhagavā”ti.
pli-tv-bi-vb-pc1:1.21	Vigarahi buddho bhagavā …pe…
pli-tv-bi-vb-pc1:1.22	kathañhi nāma, bhikkhave, thullanandā bhikkhunī na mattaṁ jānitvā bahuṁ lasuṇaṁ harāpessati.
pli-tv-bi-vb-pc1:1.23	Netaṁ, bhikkhave, appasannānaṁ vā pasādāya …pe…
pli-tv-bi-vb-pc1:1.24	dhammiṁ kathaṁ katvā bhikkhū āmantesi—
pli-tv-bi-vb-pc1:1.25.0	
pli-tv-bi-vb-pc1:1.25.1	“Bhūtapubbaṁ, bhikkhave, thullanandā bhikkhunī aññatarassa brāhmaṇassa pajāpati ahosi.
pli-tv-bi-vb-pc1:1.26	Tisso ca dhītaro—
pli-tv-bi-vb-pc1:1.27	nandā, nandavatī, sundarīnandā.
pli-tv-bi-vb-pc1:1.28	Atha kho, bhikkhave, so brāhmaṇo kālaṁ katvā aññataraṁ haṁsayoniṁ upapajji.
pli-tv-bi-vb-pc1:1.29	Tassa sabbasovaṇṇamayā pattā ahesuṁ.
pli-tv-bi-vb-pc1:1.30	So tāsaṁ ekekaṁ pattaṁ deti.
pli-tv-bi-vb-pc1:1.31	Atha kho, bhikkhave, thullanandā bhikkhunī ‘ayaṁ haṁso amhākaṁ ekekaṁ pattaṁ detī’ti taṁ haṁsarājaṁ gahetvā nippattaṁ akāsi.
pli-tv-bi-vb-pc1:1.32	Tassa puna jāyamānā pattā setā sampajjiṁsu.
pli-tv-bi-vb-pc1:1.33	Tadāpi, bhikkhave, thullanandā bhikkhunī atilobhena suvaṇṇā parihīnā.
pli-tv-bi-vb-pc1:1.34	Idāni lasuṇā parihāyissatīti.
pli-tv-bi-vb-pc1:1.35	Yaṁ laddhaṁ tena tuṭṭhabbaṁ,
pli-tv-bi-vb-pc1:1.36	Atilobho hi pāpako;
pli-tv-bi-vb-pc1:1.37	Haṁsarājaṁ gahetvāna,
pli-tv-bi-vb-pc1:1.38	Suvaṇṇā parihāyathā”ti.
pli-tv-bi-vb-pc1:1.39	Atha kho bhagavā thullanandaṁ bhikkhuniṁ anekapariyāyena vigarahitvā dubbharatāya …pe…
pli-tv-bi-vb-pc1:1.40	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc1:1.41.0	
pli-tv-bi-vb-pc1:1.41.1	“Yā pana bhikkhunī lasuṇaṁ khādeyya pācittiyan”ti.
pli-tv-bi-vb-pc1:2.1.0	
pli-tv-bi-vb-pc1:2.1.1	Yā panāti
pli-tv-bi-vb-pc1:2.1.2	yā yādisā …pe…
pli-tv-bi-vb-pc1:2.1.3	bhikkhunīti
pli-tv-bi-vb-pc1:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc1:2.1.5	Lasuṇaṁ nāma
pli-tv-bi-vb-pc1:2.1.6	māgadhakaṁ vuccati.
pli-tv-bi-vb-pc1:2.1.7	“Khādissāmīti paṭiggaṇhā”ti, āpatti dukkaṭassa.
pli-tv-bi-vb-pc1:2.1.8	Ajjhohāre ajjhohāre āpatti pācittiyassa.
pli-tv-bi-vb-pc1:2.2.0	
pli-tv-bi-vb-pc1:2.2.1	Lasuṇe lasuṇasaññā khādati, āpatti pācittiyassa.
pli-tv-bi-vb-pc1:2.2.2	Lasuṇe vematikā khādati, āpatti pācittiyassa.
pli-tv-bi-vb-pc1:2.2.3	Lasuṇe alasuṇasaññā khādati, āpatti pācittiyassa.
pli-tv-bi-vb-pc1:2.2.4	Alasuṇe lasuṇasaññā khādati, āpatti dukkaṭassa.
pli-tv-bi-vb-pc1:2.2.5	Alasuṇe vematikā khādati, āpatti dukkaṭassa.
pli-tv-bi-vb-pc1:2.2.6	Alasuṇe alasuṇasaññā khādati, anāpatti.
pli-tv-bi-vb-pc1:2.3.0	
pli-tv-bi-vb-pc1:2.3.1	Anāpatti—
pli-tv-bi-vb-pc1:2.3.2	palaṇḍuke,
pli-tv-bi-vb-pc1:2.3.3	bhañjanake,
pli-tv-bi-vb-pc1:2.3.4	harītake,
pli-tv-bi-vb-pc1:2.3.5	cāpalasuṇe,
pli-tv-bi-vb-pc1:2.3.6	sūpasampāke,
pli-tv-bi-vb-pc1:2.3.7	maṁsasampāke,
pli-tv-bi-vb-pc1:2.3.8	telasampāke,
pli-tv-bi-vb-pc1:2.3.9	sāḷave,
pli-tv-bi-vb-pc1:2.3.10	uttaribhaṅge,
pli-tv-bi-vb-pc1:2.3.11	ummattikāya,
pli-tv-bi-vb-pc1:2.3.12	ādikammikāyāti.
pli-tv-bi-vb-pc1:2.3.13	Lasuṇasikkhāpadaṁ paṭhamaṁ niṭṭhitaṁ.
pli-tv-bi-vb-pc2:0.1	Theravāda Vinaya
pli-tv-bi-vb-pc2:0.2	Bhikkhunivibhaṅga
pli-tv-bi-vb-pc2:0.3	Pācittiyakaṇḍa
pli-tv-bi-vb-pc2:0.4	Lasuṇavagga
pli-tv-bi-vb-pc2:0.5	2. Sambādhalomasikkhāpada
pli-tv-bi-vb-pc2:1.0	
pli-tv-bi-vb-pc2:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc2:1.2	Tena kho pana samayena chabbaggiyā bhikkhuniyo sambādhe lomaṁ saṁharāpetvā aciravatiyā nadiyā vesiyāhi saddhiṁ naggā ekatitthe nahāyanti.
pli-tv-bi-vb-pc2:1.3	Vesiyā ujjhāyanti khiyyanti vipācenti—
pli-tv-bi-vb-pc2:1.4	“kathañhi nāma bhikkhuniyo sambādhe lomaṁ saṁharāpessanti, seyyathāpi gihiniyo kāmabhoginiyo”ti.
pli-tv-bi-vb-pc2:1.5	Assosuṁ kho bhikkhuniyo tāsaṁ vesiyānaṁ ujjhāyantīnaṁ khiyyantīnaṁ vipācentīnaṁ.
pli-tv-bi-vb-pc2:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc2:1.7	“kathañhi nāma chabbaggiyā bhikkhuniyo sambādhe lomaṁ saṁharāpessantī”ti …pe…
pli-tv-bi-vb-pc2:1.8	“saccaṁ kira, bhikkhave, chabbaggiyā bhikkhuniyo sambādhe lomaṁ saṁharāpentī”ti?
pli-tv-bi-vb-pc2:1.9	“Saccaṁ, bhagavā”ti.
pli-tv-bi-vb-pc2:1.10	Vigarahi buddho bhagavā …pe…
pli-tv-bi-vb-pc2:1.11	kathañhi nāma, bhikkhave, chabbaggiyā bhikkhuniyo sambādhe lomaṁ saṁharāpessanti.
pli-tv-bi-vb-pc2:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc2:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc2:1.14.0	
pli-tv-bi-vb-pc2:1.14.1	“Yā pana bhikkhunī sambādhe lomaṁ saṁharāpeyya, pācittiyan”ti.
pli-tv-bi-vb-pc2:2.0	
pli-tv-bi-vb-pc2:2.1	Yā panāti
pli-tv-bi-vb-pc2:2.2	yā yādisā …pe…
pli-tv-bi-vb-pc2:2.3	bhikkhunīti
pli-tv-bi-vb-pc2:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc2:2.5	Sambādho nāma
pli-tv-bi-vb-pc2:2.6	ubho upakacchakā, muttakaraṇaṁ.
pli-tv-bi-vb-pc2:2.7	Saṁharāpeyyāti
pli-tv-bi-vb-pc2:2.8	ekampi lomaṁ saṁharāpeti, āpatti pācittiyassa.
pli-tv-bi-vb-pc2:2.9	Bahukepi lome saṁharāpeti, āpatti pācittiyassa.
pli-tv-bi-vb-pc2:2.10.0	
pli-tv-bi-vb-pc2:2.10.1	Anāpatti—
pli-tv-bi-vb-pc2:2.11	ābādhapaccayā,
pli-tv-bi-vb-pc2:2.12	ummattikāya,
pli-tv-bi-vb-pc2:2.13	ādikammikāyāti.
pli-tv-bi-vb-pc2:2.14	Dutiyasikkhāpadaṁ niṭṭhitaṁ.
pli-tv-bi-vb-pc3:0.1	Theravāda Vinaya
pli-tv-bi-vb-pc3:0.2	Bhikkhunivibhaṅga
pli-tv-bi-vb-pc3:0.3	Pācittiyakaṇḍa
pli-tv-bi-vb-pc3:0.4	Lasuṇavagga
pli-tv-bi-vb-pc3:0.5	3. Talaghātakasikkhāpada
pli-tv-bi-vb-pc3:1.0	
pli-tv-bi-vb-pc3:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc3:1.2	Tena kho pana samayena dve bhikkhuniyo anabhiratiyā pīḷitā ovarakaṁ pavisitvā talaghātakaṁ karonti.
pli-tv-bi-vb-pc3:1.3	Bhikkhuniyo tena saddena upadhāvitvā tā bhikkhuniyo etadavocuṁ—
pli-tv-bi-vb-pc3:1.4	“kissa tumhe, ayye, purisena saddhiṁ sampadussathā”ti?
pli-tv-bi-vb-pc3:1.5	“Na mayaṁ, ayye, purisena saddhiṁ sampadussāmā”ti bhikkhunīnaṁ etamatthaṁ ārocesuṁ.
pli-tv-bi-vb-pc3:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc3:1.7	“kathañhi nāma bhikkhuniyo talaghātakaṁ karissantī”ti …pe…
pli-tv-bi-vb-pc3:1.8	“saccaṁ kira, bhikkhave, bhikkhuniyo talaghātakaṁ karontī”ti?
pli-tv-bi-vb-pc3:1.9	“Saccaṁ, bhagavā”ti.
pli-tv-bi-vb-pc3:1.10	Vigarahi buddho bhagavā …pe…
pli-tv-bi-vb-pc3:1.11	kathañhi nāma, bhikkhave, bhikkhuniyo talaghātakaṁ karissanti.
pli-tv-bi-vb-pc3:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc3:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc3:1.14.0	
pli-tv-bi-vb-pc3:1.14.1	“Talaghātake pācittiyan”ti.
pli-tv-bi-vb-pc3:2.0	
pli-tv-bi-vb-pc3:2.1	Talaghātakaṁ nāma
pli-tv-bi-vb-pc3:2.2	samphassaṁ sādiyantī antamaso uppalapattenapi muttakaraṇe pahāraṁ deti, āpatti pācittiyassa.
pli-tv-bi-vb-pc3:2.3.0	
pli-tv-bi-vb-pc3:2.3.1	Anāpatti—
pli-tv-bi-vb-pc3:2.4	ābādhapaccayā,
pli-tv-bi-vb-pc3:2.5	ummattikāya,
pli-tv-bi-vb-pc3:2.6	ādikammikāyāti.
pli-tv-bi-vb-pc3:2.7	Tatiyasikkhāpadaṁ niṭṭhitaṁ.
pli-tv-bi-vb-pc4:0.1	Theravāda Vinaya
pli-tv-bi-vb-pc4:0.2	Bhikkhunivibhaṅga
pli-tv-bi-vb-pc4:0.3	Pācittiyakaṇḍa
pli-tv-bi-vb-pc4:0.4	Lasuṇavagga
pli-tv-bi-vb-pc4:0.5	4. Jatumaṭṭhakasikkhāpada
pli-tv-bi-vb-pc4:1.0	
pli-tv-bi-vb-pc4:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc4:1.2	Tena kho pana samayena aññatarā purāṇarājorodhā bhikkhunīsu pabbajitā hoti.
pli-tv-bi-vb-pc4:1.3	Aññatarā bhikkhunī anabhiratiyā pīḷitā yena sā bhikkhunī tenupasaṅkami; upasaṅkamitvā taṁ bhikkhuniṁ etadavoca—
pli-tv-bi-vb-pc4:1.4	“rājā kho, ayye, tumhe cirāciraṁ gacchati.
pli-tv-bi-vb-pc4:1.5	Kathaṁ tumhe dhārethā”ti?
pli-tv-bi-vb-pc4:1.6	“Jatumaṭṭhakena, ayye”ti.
pli-tv-bi-vb-pc4:1.7	“Kiṁ etaṁ, ayye, jatumaṭṭhakan”ti?
pli-tv-bi-vb-pc4:1.8	Atha kho sā bhikkhunī tassā bhikkhuniyā jatumaṭṭhakaṁ ācikkhi.
pli-tv-bi-vb-pc4:1.9	Atha kho sā bhikkhunī jatumaṭṭhakaṁ ādiyitvā dhovituṁ vissaritvā ekamantaṁ chaḍḍesi.
pli-tv-bi-vb-pc4:1.10	Bhikkhuniyo makkhikāhi samparikiṇṇaṁ passitvā evamāhaṁsu—
pli-tv-bi-vb-pc4:1.11	“kassidaṁ kamman”ti?
pli-tv-bi-vb-pc4:1.12	Sā evamāha— “mayhidaṁ kamman”ti.
pli-tv-bi-vb-pc4:1.13	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc4:1.14	“kathañhi nāma bhikkhunī jatumaṭṭhakaṁ ādiyissatī”ti …pe…
pli-tv-bi-vb-pc4:1.15	“saccaṁ kira, bhikkhave, bhikkhunī jatumaṭṭhakaṁ ādiyatī”ti?
pli-tv-bi-vb-pc4:1.16	“Saccaṁ, bhagavā”ti.
pli-tv-bi-vb-pc4:1.17	Vigarahi buddho bhagavā …pe…
pli-tv-bi-vb-pc4:1.18	kathañhi nāma, bhikkhave, bhikkhunī jatumaṭṭhakaṁ ādiyissati.
pli-tv-bi-vb-pc4:1.19	Netaṁ, bhikkhave, appasannānaṁ vā pasādāya …pe…
pli-tv-bi-vb-pc4:1.20	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc4:1.21.0	
pli-tv-bi-vb-pc4:1.21.1	“Jatumaṭṭhake pācittiyan”ti.
pli-tv-bi-vb-pc4:2.0	
pli-tv-bi-vb-pc4:2.1	Jatumaṭṭhakaṁ nāma
pli-tv-bi-vb-pc4:2.2	jatumayaṁ kaṭṭhamayaṁ piṭṭhamayaṁ mattikāmayaṁ.
pli-tv-bi-vb-pc4:2.3	Ādiyeyyāti
pli-tv-bi-vb-pc4:2.4	samphassaṁ sādiyantī antamaso uppalapattampi muttakaraṇaṁ paveseti, āpatti pācittiyassa.
pli-tv-bi-vb-pc4:2.5.0	
pli-tv-bi-vb-pc4:2.5.1	Anāpatti—
pli-tv-bi-vb-pc4:2.6	ābādhapaccayā,
pli-tv-bi-vb-pc4:2.7	ummattikāya,
pli-tv-bi-vb-pc4:2.8	ādikammikāyāti.
pli-tv-bi-vb-pc4:2.9	Catutthasikkhāpadaṁ niṭṭhitaṁ.
pli-tv-bi-vb-pc5:0.1	Theravāda Vinaya
pli-tv-bi-vb-pc5:0.2	Bhikkhunivibhaṅga
pli-tv-bi-vb-pc5:0.3	Pācittiyakaṇḍa
pli-tv-bi-vb-pc5:0.4	Lasuṇavagga
pli-tv-bi-vb-pc5:0.5	5. Udakasuddhikasikkhāpada
pli-tv-bi-vb-pc5:1.1.0	
pli-tv-bi-vb-pc5:1.1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bi-vb-pc5:1.1.2	Atha kho mahāpajāpati gotamī yena bhagavā tenupasaṅkami; upasaṅkamitvā bhagavantaṁ abhivādetvā adhovāte aṭṭhāsi—
pli-tv-bi-vb-pc5:1.1.3	“duggandho, bhagavā, mātugāmo”ti.
pli-tv-bi-vb-pc5:1.1.4	Atha kho bhagavā—
pli-tv-bi-vb-pc5:1.1.5	“ādiyantu kho bhikkhuniyo udakasuddhikan”ti, mahāpajāpatiṁ gotamiṁ dhammiyā kathāya sandassesi samādapesi samuttejesi sampahaṁsesi.
pli-tv-bi-vb-pc5:1.1.6	Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ abhivādetvā padakkhiṇaṁ katvā pakkāmi.
pli-tv-bi-vb-pc5:1.1.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bi-vb-pc5:1.1.8	“anujānāmi, bhikkhave, bhikkhunīnaṁ udakasuddhikan”ti.
pli-tv-bi-vb-pc5:1.2.1	Tena kho pana samayena aññatarā bhikkhunī—
pli-tv-bi-vb-pc5:1.2.2	“bhagavatā udakasuddhikā anuññātā”ti atigambhīraṁ udakasuddhikaṁ ādiyantī muttakaraṇe vaṇaṁ akāsi.
pli-tv-bi-vb-pc5:1.2.3	Atha kho sā bhikkhunī bhikkhunīnaṁ etamatthaṁ āroceti.
pli-tv-bi-vb-pc5:1.2.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc5:1.2.5	“kathañhi nāma bhikkhunī atigambhīraṁ udakasuddhikaṁ ādiyissatī”ti …pe…
pli-tv-bi-vb-pc5:1.2.6	“saccaṁ kira, bhikkhave, bhikkhunī atigambhīraṁ udakasuddhikaṁ ādiyatī”ti?
pli-tv-bi-vb-pc5:1.2.7	“Saccaṁ, bhagavā”ti.
pli-tv-bi-vb-pc5:1.2.8	Vigarahi buddho bhagavā …pe…
pli-tv-bi-vb-pc5:1.2.9	kathañhi nāma, bhikkhave, bhikkhunī atigambhīraṁ udakasuddhikaṁ ādiyissati.
pli-tv-bi-vb-pc5:1.2.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc5:1.2.11	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc5:1.2.12.0	
pli-tv-bi-vb-pc5:1.2.12.1	“Udakasuddhikaṁ pana bhikkhuniyā ādiyamānāya dvaṅgulapabbaparamaṁ ādātabbaṁ. Taṁ atikkāmentiyā pācittiyan”ti.
pli-tv-bi-vb-pc5:2.1.0	
pli-tv-bi-vb-pc5:2.1.1	Udakasuddhikaṁ nāma
pli-tv-bi-vb-pc5:2.1.2	muttakaraṇassa dhovanā vuccati.
pli-tv-bi-vb-pc5:2.1.3	Ādiyamānāyāti
pli-tv-bi-vb-pc5:2.1.4	dhovantiyā.
pli-tv-bi-vb-pc5:2.1.5	Dvaṅgulapabbaparamaṁ ādātabbanti
pli-tv-bi-vb-pc5:2.1.6	dvīsu aṅgulesu dve pabbaparamā ādātabbā.
pli-tv-bi-vb-pc5:2.1.7	Taṁ atikkāmentiyāti
pli-tv-bi-vb-pc5:2.1.8	samphassaṁ sādiyantī antamaso kesaggamattampi atikkāmeti, āpatti pācittiyassa.
pli-tv-bi-vb-pc5:2.2.0	
pli-tv-bi-vb-pc5:2.2.1	Atirekadvaṅgulapabbe atirekasaññā ādiyati, āpatti pācittiyassa.
pli-tv-bi-vb-pc5:2.2.2	Atirekadvaṅgulapabbe vematikā ādiyati, āpatti pācittiyassa.
pli-tv-bi-vb-pc5:2.2.3	Atirekadvaṅgulapabbe ūnakasaññā ādiyati, āpatti pācittiyassa.
pli-tv-bi-vb-pc5:2.2.4	Ūnakadvaṅgulapabbe atirekasaññā, āpatti dukkaṭassa.
pli-tv-bi-vb-pc5:2.2.5	Ūnakadvaṅgulapabbe vematikā, āpatti dukkaṭassa.
pli-tv-bi-vb-pc5:2.2.6	Ūnakadvaṅgulapabbe ūnakasaññā, anāpatti.
pli-tv-bi-vb-pc5:2.3.0	
pli-tv-bi-vb-pc5:2.3.1	Anāpatti—
pli-tv-bi-vb-pc5:2.3.2	dvaṅgulapabbaparamaṁ ādiyati,
pli-tv-bi-vb-pc5:2.3.3	ūnakadvaṅgulapabbaparamaṁ ādiyati,
pli-tv-bi-vb-pc5:2.3.4	ābādhapaccayā,
pli-tv-bi-vb-pc5:2.3.5	ummattikāya,
pli-tv-bi-vb-pc5:2.3.6	ādikammikāyāti.
pli-tv-bi-vb-pc5:2.3.7	Pañcamasikkhāpadaṁ niṭṭhitaṁ.
pli-tv-bi-vb-pc6:0.1	Theravāda Vinaya
pli-tv-bi-vb-pc6:0.2	Bhikkhunivibhaṅga
pli-tv-bi-vb-pc6:0.3	Pācittiyakaṇḍa
pli-tv-bi-vb-pc6:0.4	Lasuṇavagga
pli-tv-bi-vb-pc6:0.5	6. Upatiṭṭhanasikkhāpada
pli-tv-bi-vb-pc6:1.0	
pli-tv-bi-vb-pc6:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc6:1.2	Tena kho pana samayena ārohanto nāma mahāmatto bhikkhūsu pabbajito hoti.
pli-tv-bi-vb-pc6:1.3	Tassa purāṇadutiyikā bhikkhunīsu pabbajitā hoti.
pli-tv-bi-vb-pc6:1.4	Tena kho pana samayena so bhikkhu tassā bhikkhuniyā santike bhattavissaggaṁ karoti.
pli-tv-bi-vb-pc6:1.5	Atha kho sā bhikkhunī tassa bhikkhuno bhuñjantassa pānīyena ca vidhūpanena ca upatiṭṭhitvā accāvadati.
pli-tv-bi-vb-pc6:1.6	Atha kho so bhikkhu taṁ bhikkhuniṁ apasādeti—
pli-tv-bi-vb-pc6:1.7	“mā, bhagini, evarūpaṁ akāsi.
pli-tv-bi-vb-pc6:1.8	Netaṁ kappatī”ti.
pli-tv-bi-vb-pc6:1.9	“Pubbe maṁ tvaṁ evañca evañca karosi, idāni ettakaṁ na sahasī”ti—
pli-tv-bi-vb-pc6:1.10	pānīyathālakaṁ matthake āsumbhitvā vidhūpanena pahāraṁ adāsi.
pli-tv-bi-vb-pc6:1.11	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc6:1.12	“kathañhi nāma bhikkhunī bhikkhussa pahāraṁ dassatī”ti …pe…
pli-tv-bi-vb-pc6:1.13	“saccaṁ kira, bhikkhave, bhikkhunī bhikkhussa pahāraṁ adāsī”ti?
pli-tv-bi-vb-pc6:1.14	“Saccaṁ, bhagavā”ti.
pli-tv-bi-vb-pc6:1.15	Vigarahi buddho bhagavā …pe…
pli-tv-bi-vb-pc6:1.16	kathañhi nāma, bhikkhave, bhikkhunī bhikkhussa pahāraṁ dassati.
pli-tv-bi-vb-pc6:1.17	Netaṁ, bhikkhave, appasannānaṁ vā pasādāya …pe…
pli-tv-bi-vb-pc6:1.18	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc6:1.19.0	
pli-tv-bi-vb-pc6:1.19.1	“Yā pana bhikkhunī bhikkhussa bhuñjantassa pānīyena vā vidhūpanena vā upatiṭṭheyya, pācittiyan”ti.
pli-tv-bi-vb-pc6:2.1.0	
pli-tv-bi-vb-pc6:2.1.1	Yā panāti
pli-tv-bi-vb-pc6:2.1.2	yā yādisā …pe…
pli-tv-bi-vb-pc6:2.1.3	bhikkhunīti
pli-tv-bi-vb-pc6:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc6:2.1.5	Bhikkhussāti
pli-tv-bi-vb-pc6:2.1.6	upasampannassa.
pli-tv-bi-vb-pc6:2.1.7	Bhuñjantassāti
pli-tv-bi-vb-pc6:2.1.8	pañcannaṁ bhojanānaṁ aññataraṁ bhojanaṁ bhuñjantassa.
pli-tv-bi-vb-pc6:2.1.9	Pānīyaṁ nāma
pli-tv-bi-vb-pc6:2.1.10	yaṁ kiñci pānīyaṁ.
pli-tv-bi-vb-pc6:2.1.11	Vidhūpanaṁ nāma
pli-tv-bi-vb-pc6:2.1.12	yā kāci bījanī.
pli-tv-bi-vb-pc6:2.1.13	Upatiṭṭheyyāti
pli-tv-bi-vb-pc6:2.1.14	hatthapāse tiṭṭhati, āpatti pācittiyassa.
pli-tv-bi-vb-pc6:2.2.0	
pli-tv-bi-vb-pc6:2.2.1	Upasampanne upasampannasaññā pānīyena vā vidhūpanena vā upatiṭṭhati, āpatti pācittiyassa.
pli-tv-bi-vb-pc6:2.2.2	Upasampanne vematikā pānīyena vā vidhūpanena vā upatiṭṭhati, āpatti pācittiyassa.
pli-tv-bi-vb-pc6:2.2.3	Upasampanne anupasampannasaññā pānīyena vā vidhūpanena vā upatiṭṭhati, āpatti pācittiyassa.
pli-tv-bi-vb-pc6:2.2.4	Hatthapāsaṁ vijahitvā upatiṭṭhati, āpatti dukkaṭassa.
pli-tv-bi-vb-pc6:2.2.5	Khādanīyaṁ khādantassa upatiṭṭhati, āpatti dukkaṭassa.
pli-tv-bi-vb-pc6:2.2.6	Anupasampannassa upatiṭṭhati, āpatti dukkaṭassa.
pli-tv-bi-vb-pc6:2.2.7	Anupasampanne upasampannasaññā, āpatti dukkaṭassa.
pli-tv-bi-vb-pc6:2.2.8	Anupasampanne vematikā, āpatti dukkaṭassa.
pli-tv-bi-vb-pc6:2.2.9	Anupasampanne anupasampannasaññā, āpatti dukkaṭassa.
pli-tv-bi-vb-pc6:2.3.0	
pli-tv-bi-vb-pc6:2.3.1	Anāpatti—
pli-tv-bi-vb-pc6:2.3.2	deti,
pli-tv-bi-vb-pc6:2.3.3	dāpeti,
pli-tv-bi-vb-pc6:2.3.4	anupasampannaṁ āṇāpeti,
pli-tv-bi-vb-pc6:2.3.5	ummattikāya,
pli-tv-bi-vb-pc6:2.3.6	ādikammikāyāti.
pli-tv-bi-vb-pc6:2.3.7	Chaṭṭhasikkhāpadaṁ niṭṭhitaṁ.
pli-tv-bi-vb-pc7:0.1	Theravāda Vinaya
pli-tv-bi-vb-pc7:0.2	Bhikkhunivibhaṅga
pli-tv-bi-vb-pc7:0.3	Pācittiyakaṇḍa
pli-tv-bi-vb-pc7:0.4	Lasuṇavagga
pli-tv-bi-vb-pc7:0.5	7. Āmakadhaññasikkhāpada
pli-tv-bi-vb-pc7:1.0	
pli-tv-bi-vb-pc7:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc7:1.2	Tena kho pana samayena bhikkhuniyo sassakāle āmakadhaññaṁ viññāpetvā nagaraṁ atiharanti dvāraṭṭhāne—
pli-tv-bi-vb-pc7:1.3	“dethāyye, bhāgan”ti.
pli-tv-bi-vb-pc7:1.4	Palibundhetvā muñciṁsu.
pli-tv-bi-vb-pc7:1.5	Atha kho tā bhikkhuniyo upassayaṁ gantvā bhikkhunīnaṁ etamatthaṁ ārocesuṁ.
pli-tv-bi-vb-pc7:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc7:1.7	“kathañhi nāma bhikkhuniyo āmakadhaññaṁ viññāpessantī”ti …pe…
pli-tv-bi-vb-pc7:1.8	“saccaṁ kira, bhikkhave, bhikkhuniyo āmakadhaññaṁ viññāpentī”ti?
pli-tv-bi-vb-pc7:1.9	“Saccaṁ, bhagavā”ti.
pli-tv-bi-vb-pc7:1.10	Vigarahi buddho bhagavā …pe…
pli-tv-bi-vb-pc7:1.11	kathañhi nāma, bhikkhave, bhikkhuniyo āmakadhaññaṁ viññāpessanti.
pli-tv-bi-vb-pc7:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc7:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc7:1.14.0	
pli-tv-bi-vb-pc7:1.14.1	“Yā pana bhikkhunī āmakadhaññaṁ viññatvā vā viññāpetvā vā bhajjitvā vā bhajjāpetvā vā koṭṭetvā vā koṭṭāpetvā vā pacitvā vā pacāpetvā vā bhuñjeyya, pācittiyan”ti.
pli-tv-bi-vb-pc7:2.1.0	
pli-tv-bi-vb-pc7:2.1.1	Yā panāti
pli-tv-bi-vb-pc7:2.1.2	yā yādisā …pe…
pli-tv-bi-vb-pc7:2.1.3	bhikkhunīti
pli-tv-bi-vb-pc7:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc7:2.1.5	Āmakadhaññaṁ nāma
pli-tv-bi-vb-pc7:2.1.6	sāli vīhi yavo godhumo kaṅgu varako kudrusako.
pli-tv-bi-vb-pc7:2.1.7	Viññatvāti
pli-tv-bi-vb-pc7:2.1.8	sayaṁ viññatvā.
pli-tv-bi-vb-pc7:2.1.9	Viññāpetvāti
pli-tv-bi-vb-pc7:2.1.10	aññaṁ viññāpetvā.
pli-tv-bi-vb-pc7:2.1.11	Bhajjitvāti
pli-tv-bi-vb-pc7:2.1.12	sayaṁ bhajjitvā.
pli-tv-bi-vb-pc7:2.1.13	Bhajjāpetvāti
pli-tv-bi-vb-pc7:2.1.14	aññaṁ bhajjāpetvā.
pli-tv-bi-vb-pc7:2.1.15	Koṭṭetvāti
pli-tv-bi-vb-pc7:2.1.16	sayaṁ koṭṭetvā.
pli-tv-bi-vb-pc7:2.1.17	Koṭṭāpetvāti
pli-tv-bi-vb-pc7:2.1.18	aññaṁ koṭṭāpetvā.
pli-tv-bi-vb-pc7:2.1.19	Pacitvāti
pli-tv-bi-vb-pc7:2.1.20	sayaṁ pacitvā.
pli-tv-bi-vb-pc7:2.1.21	Pacāpetvāti
pli-tv-bi-vb-pc7:2.1.22	aññaṁ pacāpetvā.
pli-tv-bi-vb-pc7:2.1.23	“Bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-pc7:2.1.24	Ajjhohāre ajjhohāre āpatti pācittiyassa.
pli-tv-bi-vb-pc7:2.2.0	
pli-tv-bi-vb-pc7:2.2.1	Anāpatti—
pli-tv-bi-vb-pc7:2.2.2	ābādhapaccayā,
pli-tv-bi-vb-pc7:2.2.3	aparaṇṇaṁ viññāpeti,
pli-tv-bi-vb-pc7:2.2.4	ummattikāya,
pli-tv-bi-vb-pc7:2.2.5	ādikammikāyāti.
pli-tv-bi-vb-pc7:2.2.6	Sattamasikkhāpadaṁ niṭṭhitaṁ.
pli-tv-bi-vb-pc8:0.1	Theravāda Vinaya
pli-tv-bi-vb-pc8:0.2	Bhikkhunivibhaṅga
pli-tv-bi-vb-pc8:0.3	Pācittiyakaṇḍa
pli-tv-bi-vb-pc8:0.4	Lasuṇavagga
pli-tv-bi-vb-pc8:0.5	8. Uccārachaḍḍanasikkhāpada
pli-tv-bi-vb-pc8:1.0	
pli-tv-bi-vb-pc8:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc8:1.2	Tena kho pana samayena aññataro brāhmaṇo nibbiṭṭharājabhaṭo “taññeva bhaṭapathaṁ yācissāmī”ti sīsaṁ nahāyitvā bhikkhunupassayaṁ nissāya rājakulaṁ gacchati.
pli-tv-bi-vb-pc8:1.3	Aññatarā bhikkhunī kaṭāhe vaccaṁ katvā tirokuṭṭe chaḍḍentī tassa brāhmaṇassa matthake āsumbhi.
pli-tv-bi-vb-pc8:1.4	Atha kho so brāhmaṇo ujjhāyati khiyyati vipāceti—
pli-tv-bi-vb-pc8:1.5	“assamaṇiyo imā muṇḍā bandhakiniyo.
pli-tv-bi-vb-pc8:1.6	Kathañhi nāma gūthakaṭāhaṁ matthake āsumbhissanti.
pli-tv-bi-vb-pc8:1.7	Imāsaṁ upassayaṁ jhāpessāmī”ti.
pli-tv-bi-vb-pc8:1.8	Ummukaṁ gahetvā upassayaṁ pavisati.
pli-tv-bi-vb-pc8:1.9	Aññataro upāsako upassayā nikkhamanto addasa taṁ brāhmaṇaṁ ummukaṁ gahetvā upassayaṁ pavisantaṁ.
pli-tv-bi-vb-pc8:1.10	Disvāna taṁ brāhmaṇaṁ etadavoca—
pli-tv-bi-vb-pc8:1.11	“kissa tvaṁ, bho, ummukaṁ gahetvā upassayaṁ pavisasī”ti?
pli-tv-bi-vb-pc8:1.12	“Imā maṁ, bho, muṇḍā bandhakiniyo gūthakaṭāhaṁ matthake āsumbhiṁsu.
pli-tv-bi-vb-pc8:1.13	Imāsaṁ upassayaṁ jhāpessāmī”ti.
pli-tv-bi-vb-pc8:1.14	“Gaccha, bho brāhmaṇa, maṅgalaṁ etaṁ.
pli-tv-bi-vb-pc8:1.15	Sahassaṁ lacchasi tañca bhaṭapathan”ti.
pli-tv-bi-vb-pc8:1.16	Atha kho so brāhmaṇo sīsaṁ nahāyitvā rājakulaṁ gantvā sahassaṁ alattha tañca bhaṭapathaṁ.
pli-tv-bi-vb-pc8:1.17	Atha kho so upāsako upassayaṁ pavisitvā bhikkhunīnaṁ etamatthaṁ ārocetvā paribhāsi.
pli-tv-bi-vb-pc8:1.18	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc8:1.19	“kathañhi nāma bhikkhuniyo uccāraṁ tirokuṭṭe chaḍḍessantī”ti …pe…
pli-tv-bi-vb-pc8:1.20	“saccaṁ kira, bhikkhave, bhikkhuniyo uccāraṁ tirokuṭṭe chaḍḍentī”ti?
pli-tv-bi-vb-pc8:1.21	“Saccaṁ, bhagavā”ti.
pli-tv-bi-vb-pc8:1.22	Vigarahi buddho bhagavā …pe…
pli-tv-bi-vb-pc8:1.23	kathañhi nāma, bhikkhave, bhikkhuniyo uccāraṁ tirokuṭṭe chaḍḍessanti.
pli-tv-bi-vb-pc8:1.24	Netaṁ, bhikkhave, appasannānaṁ vā pasādāya …pe…
pli-tv-bi-vb-pc8:1.25	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc8:1.26.0	
pli-tv-bi-vb-pc8:1.26.1	“Yā pana bhikkhunī uccāraṁ vā passāvaṁ vā saṅkāraṁ vā vighāsaṁ vā tirokuṭṭe vā tiropākāre vā chaḍḍeyya vā chaḍḍāpeyya vā, pācittiyan”ti.
pli-tv-bi-vb-pc8:2.1.0	
pli-tv-bi-vb-pc8:2.1.1	Yā panāti
pli-tv-bi-vb-pc8:2.1.2	yā yādisā …pe…
pli-tv-bi-vb-pc8:2.1.3	bhikkhunīti
pli-tv-bi-vb-pc8:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc8:2.1.5	Uccāro nāma
pli-tv-bi-vb-pc8:2.1.6	gūtho vuccati.
pli-tv-bi-vb-pc8:2.1.7	Passāvo nāma
pli-tv-bi-vb-pc8:2.1.8	muttaṁ vuccati.
pli-tv-bi-vb-pc8:2.1.9	Saṅkāraṁ nāma
pli-tv-bi-vb-pc8:2.1.10	kacavaraṁ vuccati.
pli-tv-bi-vb-pc8:2.1.11	Vighāsaṁ nāma
pli-tv-bi-vb-pc8:2.1.12	calakāni vā aṭṭhikāni vā ucchiṭṭhodakaṁ vā.
pli-tv-bi-vb-pc8:2.1.13	Kuṭṭo nāma
pli-tv-bi-vb-pc8:2.1.14	tayo kuṭṭā— iṭṭhakākuṭṭo, silākuṭṭo, dārukuṭṭo.
pli-tv-bi-vb-pc8:2.1.15	Pākāro nāma
pli-tv-bi-vb-pc8:2.1.16	tayo pākārā— iṭṭhakāpākāro, silāpākāro, dārupākāro.
pli-tv-bi-vb-pc8:2.1.17	Tirokuṭṭeti
pli-tv-bi-vb-pc8:2.1.18	kuṭṭassa parato.
pli-tv-bi-vb-pc8:2.1.19	Tiropākāreti
pli-tv-bi-vb-pc8:2.1.20	pākārassa parato.
pli-tv-bi-vb-pc8:2.1.21	Chaḍḍeyyāti
pli-tv-bi-vb-pc8:2.1.22	sayaṁ chaḍḍeti, āpatti pācittiyassa.
pli-tv-bi-vb-pc8:2.1.23	Chaḍḍāpeyyāti
pli-tv-bi-vb-pc8:2.1.24	aññaṁ āṇāpeti, āpatti dukkaṭassa.
pli-tv-bi-vb-pc8:2.1.25	Sakiṁ āṇattā bahukampi chaḍḍeti, āpatti pācittiyassa.
pli-tv-bi-vb-pc8:2.2.0	
pli-tv-bi-vb-pc8:2.2.1	Anāpatti—
pli-tv-bi-vb-pc8:2.2.2	oloketvā chaḍḍeti,
pli-tv-bi-vb-pc8:2.2.3	avaḷañje chaḍḍeti,
pli-tv-bi-vb-pc8:2.2.4	ummattikāya,
pli-tv-bi-vb-pc8:2.2.5	ādikammikāyāti.
pli-tv-bi-vb-pc8:2.2.6	Aṭṭhamasikkhāpadaṁ niṭṭhitaṁ.
pli-tv-bi-vb-pc9:0.1	Theravāda Vinaya
pli-tv-bi-vb-pc9:0.2	Bhikkhunivibhaṅga
pli-tv-bi-vb-pc9:0.3	Pācittiyakaṇḍa
pli-tv-bi-vb-pc9:0.4	Lasuṇavagga
pli-tv-bi-vb-pc9:0.5	9. Dutiyauccārachaḍḍanasikkhāpada
pli-tv-bi-vb-pc9:1.0	
pli-tv-bi-vb-pc9:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc9:1.2	Tena kho pana samayena aññatarassa brāhmaṇassa bhikkhunupassayaṁ nissāya yavakhettaṁ hoti.
pli-tv-bi-vb-pc9:1.3	Bhikkhuniyo uccārampi passāvampi saṅkārampi vighāsampi khette chaḍḍenti.
pli-tv-bi-vb-pc9:1.4	Atha kho so brāhmaṇo ujjhāyati khiyyati vipāceti—
pli-tv-bi-vb-pc9:1.5	“kathañhi nāma bhikkhuniyo amhākaṁ yavakhettaṁ dūsessantī”ti.
pli-tv-bi-vb-pc9:1.6	Assosuṁ kho bhikkhuniyo tassa brāhmaṇassa ujjhāyantassa khiyyantassa vipācentassa.
pli-tv-bi-vb-pc9:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc9:1.8	“kathañhi nāma bhikkhuniyo uccārampi passāvampi saṅkārampi vighāsampi harite chaḍḍessantī”ti …pe…
pli-tv-bi-vb-pc9:1.9	“saccaṁ kira, bhikkhave, bhikkhuniyo uccārampi passāvampi saṅkārampi vighāsampi harite chaḍḍentī”ti?
pli-tv-bi-vb-pc9:1.10	“Saccaṁ, bhagavā”ti.
pli-tv-bi-vb-pc9:1.11	Vigarahi buddho bhagavā …pe…
pli-tv-bi-vb-pc9:1.12	kathañhi nāma, bhikkhave, bhikkhuniyo uccārampi passāvampi saṅkārampi vighāsampi harite chaḍḍessanti.
pli-tv-bi-vb-pc9:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc9:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc9:1.15.0	
pli-tv-bi-vb-pc9:1.15.1	“Yā pana bhikkhunī uccāraṁ vā passāvaṁ vā saṅkāraṁ vā vighāsaṁ vā harite chaḍḍeyya vā chaḍḍāpeyya vā, pācittiyan”ti.
pli-tv-bi-vb-pc9:2.1.0	
pli-tv-bi-vb-pc9:2.1.1	Yā panāti
pli-tv-bi-vb-pc9:2.1.2	yā yādisā …pe…
pli-tv-bi-vb-pc9:2.1.3	bhikkhunīti
pli-tv-bi-vb-pc9:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc9:2.1.5	Uccāro nāma
pli-tv-bi-vb-pc9:2.1.6	gūtho vuccati.
pli-tv-bi-vb-pc9:2.1.7	Passāvo nāma
pli-tv-bi-vb-pc9:2.1.8	muttaṁ vuccati.
pli-tv-bi-vb-pc9:2.1.9	Saṅkāraṁ nāma
pli-tv-bi-vb-pc9:2.1.10	kacavaraṁ vuccati.
pli-tv-bi-vb-pc9:2.1.11	Vighāsaṁ nāma
pli-tv-bi-vb-pc9:2.1.12	calakāni vā aṭṭhikāni vā ucchiṭṭhodakaṁ vā.
pli-tv-bi-vb-pc9:2.1.13	Haritaṁ nāma
pli-tv-bi-vb-pc9:2.1.14	pubbaṇṇaṁ aparaṇṇaṁ yaṁ manussānaṁ upabhogaparibhogaṁ ropimaṁ.
pli-tv-bi-vb-pc9:2.1.15	Chaḍḍeyyāti
pli-tv-bi-vb-pc9:2.1.16	sayaṁ chaḍḍeti, āpatti pācittiyassa.
pli-tv-bi-vb-pc9:2.1.17	Chaḍḍāpeyyāti
pli-tv-bi-vb-pc9:2.1.18	aññaṁ āṇāpeti, āpatti dukkaṭassa.
pli-tv-bi-vb-pc9:2.1.19	Sakiṁ āṇattā bahukampi chaḍḍeti, āpatti pācittiyassa.
pli-tv-bi-vb-pc9:2.2.0	
pli-tv-bi-vb-pc9:2.2.1	Harite haritasaññā chaḍḍeti vā chaḍḍāpeti vā, āpatti pācittiyassa.
pli-tv-bi-vb-pc9:2.2.2	Harite vematikā chaḍḍeti vā chaḍḍāpeti vā, āpatti pācittiyassa.
pli-tv-bi-vb-pc9:2.2.3	Harite aharitasaññā chaḍḍeti vā chaḍḍāpeti vā, āpatti pācittiyassa.
pli-tv-bi-vb-pc9:2.2.4	Aharite haritasaññā, āpatti dukkaṭassa.
pli-tv-bi-vb-pc9:2.2.5	Aharite vematikā, āpatti dukkaṭassa.
pli-tv-bi-vb-pc9:2.2.6	Aharite aharitasaññā, anāpatti.
pli-tv-bi-vb-pc9:2.3.0	
pli-tv-bi-vb-pc9:2.3.1	Anāpatti—
pli-tv-bi-vb-pc9:2.3.2	oloketvā chaḍḍeti,
pli-tv-bi-vb-pc9:2.3.3	khettamariyāde chaḍḍeti,
pli-tv-bi-vb-pc9:2.3.4	sāmike āpucchitvā apaloketvā chaḍḍeti,
pli-tv-bi-vb-pc9:2.3.5	ummattikāya,
pli-tv-bi-vb-pc9:2.3.6	ādikammikāyāti.
pli-tv-bi-vb-pc9:2.3.7	Navamasikkhāpadaṁ niṭṭhitaṁ.
pli-tv-bi-vb-pc10:0.1	Theravāda Vinaya
pli-tv-bi-vb-pc10:0.2	Bhikkhunivibhaṅga
pli-tv-bi-vb-pc10:0.3	Pācittiyakaṇḍa
pli-tv-bi-vb-pc10:0.4	Lasuṇavagga
pli-tv-bi-vb-pc10:0.5	10. Naccagītasikkhāpada
pli-tv-bi-vb-pc10:1.0	
pli-tv-bi-vb-pc10:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bi-vb-pc10:1.2	Tena kho pana samayena rājagahe giraggasamajjo hoti.
pli-tv-bi-vb-pc10:1.3	Chabbaggiyā bhikkhuniyo giraggasamajjaṁ dassanāya agamaṁsu.
pli-tv-bi-vb-pc10:1.4	Manussā ujjhāyanti khiyyanti vipācenti—
pli-tv-bi-vb-pc10:1.5	“kathañhi nāma bhikkhuniyo naccampi gītampi vāditampi dassanāya gacchissanti, seyyathāpi gihiniyo kāmabhoginiyo”ti.
pli-tv-bi-vb-pc10:1.6	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc10:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc10:1.8	“kathañhi nāma chabbaggiyā bhikkhuniyo naccampi gītampi vāditampi dassanāya gacchissantī”ti …pe…
pli-tv-bi-vb-pc10:1.9	“saccaṁ kira, bhikkhave, chabbaggiyā bhikkhuniyo naccampi gītampi vāditampi dassanāya gacchantī”ti?
pli-tv-bi-vb-pc10:1.10	“Saccaṁ, bhagavā”ti.
pli-tv-bi-vb-pc10:1.11	Vigarahi buddho bhagavā …pe…
pli-tv-bi-vb-pc10:1.12	kathañhi nāma, bhikkhave, chabbaggiyā bhikkhuniyo naccampi gītampi vāditampi dassanāya gacchissanti.
pli-tv-bi-vb-pc10:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc10:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc10:1.15.0	
pli-tv-bi-vb-pc10:1.15.1	“Yā pana bhikkhunī naccaṁ vā gītaṁ vā vāditaṁ vā dassanāya gaccheyya, pācittiyan”ti.
pli-tv-bi-vb-pc10:2.1.0	
pli-tv-bi-vb-pc10:2.1.1	Yā panāti
pli-tv-bi-vb-pc10:2.1.2	yā yādisā …pe…
pli-tv-bi-vb-pc10:2.1.3	bhikkhunīti
pli-tv-bi-vb-pc10:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc10:2.1.5	Naccaṁ nāma
pli-tv-bi-vb-pc10:2.1.6	yaṁ kiñci naccaṁ.
pli-tv-bi-vb-pc10:2.1.7	Gītaṁ nāma
pli-tv-bi-vb-pc10:2.1.8	yaṁ kiñci gītaṁ.
pli-tv-bi-vb-pc10:2.1.9	Vāditaṁ nāma
pli-tv-bi-vb-pc10:2.1.10	yaṁ kiñci vāditaṁ.
pli-tv-bi-vb-pc10:2.1.11	Dassanāya gacchati, āpatti dukkaṭassa.
pli-tv-bi-vb-pc10:2.1.12	Yattha ṭhitā passati vā suṇāti vā, āpatti pācittiyassa.
pli-tv-bi-vb-pc10:2.1.13	Dassanūpacāraṁ vijahitvā punappunaṁ passati vā suṇāti vā, āpatti pācittiyassa.
pli-tv-bi-vb-pc10:2.1.14	Ekamekaṁ dassanāya gacchati, āpatti dukkaṭassa.
pli-tv-bi-vb-pc10:2.1.15	Yattha ṭhitā passati vā suṇāti vā, āpatti pācittiyassa.
pli-tv-bi-vb-pc10:2.1.16	Dassanūpacāraṁ vijahitvā punappunaṁ passati vā suṇāti vā, āpatti pācittiyassa.
pli-tv-bi-vb-pc10:2.2.0	
pli-tv-bi-vb-pc10:2.2.1	Anāpatti—
pli-tv-bi-vb-pc10:2.2.2	ārāme ṭhitā passati vā suṇāti vā,
pli-tv-bi-vb-pc10:2.2.3	bhikkhuniyā ṭhitokāsaṁ vā nisinnokāsaṁ vā nipannokāsaṁ vā āgantvā naccanti vā gāyanti vā vādenti vā,
pli-tv-bi-vb-pc10:2.2.4	paṭipathaṁ gacchantī passati vā suṇāti vā,
pli-tv-bi-vb-pc10:2.2.5	sati karaṇīye gantvā passati vā suṇāti vā,
pli-tv-bi-vb-pc10:2.2.6	āpadāsu,
pli-tv-bi-vb-pc10:2.2.7	ummattikāya,
pli-tv-bi-vb-pc10:2.2.8	ādikammikāyāti.
pli-tv-bi-vb-pc10:2.2.9	Dasamasikkhāpadaṁ niṭṭhitaṁ.
pli-tv-bi-vb-pc10:2.2.10	Lasuṇavaggo paṭhamo.
pli-tv-bi-vb-pc11:0.1	Theravāda Vinaya
pli-tv-bi-vb-pc11:0.2	Bhikkhunivibhaṅga
pli-tv-bi-vb-pc11:0.3	Pācittiyakaṇḍa
pli-tv-bi-vb-pc11:0.4	Rattandhakāravagga
pli-tv-bi-vb-pc11:0.5	11. Rattandhakārasikkhāpada
pli-tv-bi-vb-pc11:1.0	
pli-tv-bi-vb-pc11:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc11:1.2	Tena kho pana samayena bhaddāya kāpilāniyā antevāsiniyā bhikkhuniyā ñātako puriso gāmakā sāvatthiṁ agamāsi kenacideva karaṇīyena.
pli-tv-bi-vb-pc11:1.3	Atha kho sā bhikkhunī tena purisena saddhiṁ rattandhakāre appadīpe ekenekā santiṭṭhatipi sallapatipi.
pli-tv-bi-vb-pc11:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc11:1.5	“kathañhi nāma bhikkhunī rattandhakāre appadīpe purisena saddhiṁ ekenekā santiṭṭhissatipi sallapissatipī”ti …pe…
pli-tv-bi-vb-pc11:1.6	“saccaṁ kira, bhikkhave, bhikkhunī rattandhakāre appadīpe purisena saddhiṁ ekenekā santiṭṭhatipi sallapatipī”ti?
pli-tv-bi-vb-pc11:1.7	“Saccaṁ, bhagavā”ti.
pli-tv-bi-vb-pc11:1.8	Vigarahi buddho bhagavā …pe…
pli-tv-bi-vb-pc11:1.9	kathañhi nāma, bhikkhave, bhikkhunī rattandhakāre appadīpe purisena saddhiṁ ekenekā santiṭṭhissatipi sallapissatipi.
pli-tv-bi-vb-pc11:1.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc11:1.11	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc11:1.12.0	
pli-tv-bi-vb-pc11:1.12.1	“Yā pana bhikkhunī rattandhakāre appadīpe purisena saddhiṁ ekenekā santiṭṭheyya vā sallapeyya vā, pācittiyan”ti.
pli-tv-bi-vb-pc11:2.1.0	
pli-tv-bi-vb-pc11:2.1.1	Yā panāti
pli-tv-bi-vb-pc11:2.1.2	yā yādisā …pe…
pli-tv-bi-vb-pc11:2.1.3	bhikkhunīti
pli-tv-bi-vb-pc11:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc11:2.1.5	Rattandhakāreti
pli-tv-bi-vb-pc11:2.1.6	oggate sūriye.
pli-tv-bi-vb-pc11:2.1.7	Appadīpeti
pli-tv-bi-vb-pc11:2.1.8	anāloke.
pli-tv-bi-vb-pc11:2.1.9	Puriso nāma
pli-tv-bi-vb-pc11:2.1.10	manussapuriso na yakkho na peto na tiracchānagato viññū paṭibalo santiṭṭhituṁ sallapituṁ.
pli-tv-bi-vb-pc11:2.1.11	Saddhinti
pli-tv-bi-vb-pc11:2.1.12	ekato.
pli-tv-bi-vb-pc11:2.1.13	Ekenekāti
pli-tv-bi-vb-pc11:2.1.14	puriso ceva hoti bhikkhunī ca.
pli-tv-bi-vb-pc11:2.1.15	Santiṭṭheyya vāti
pli-tv-bi-vb-pc11:2.1.16	purisassa hatthapāse tiṭṭhati, āpatti pācittiyassa.
pli-tv-bi-vb-pc11:2.1.17	Sallapeyya vāti
pli-tv-bi-vb-pc11:2.1.18	purisassa hatthapāse ṭhitā sallapati, āpatti pācittiyassa.
pli-tv-bi-vb-pc11:2.1.19	Hatthapāsaṁ vijahitvā santiṭṭhati vā sallapati vā, āpatti dukkaṭassa.
pli-tv-bi-vb-pc11:2.1.20	Yakkhena vā petena vā paṇḍakena vā tiracchānagatamanussaviggahena vā saddhiṁ santiṭṭhati vā sallapati vā, āpatti dukkaṭassa.
pli-tv-bi-vb-pc11:2.2.0	
pli-tv-bi-vb-pc11:2.2.1	Anāpatti—
pli-tv-bi-vb-pc11:2.2.2	yo koci viññū dutiyo hoti,
pli-tv-bi-vb-pc11:2.2.3	arahopekkhā,
pli-tv-bi-vb-pc11:2.2.4	aññavihitā santiṭṭhati vā sallapati vā,
pli-tv-bi-vb-pc11:2.2.5	ummattikāya,
pli-tv-bi-vb-pc11:2.2.6	ādikammikāyāti.
pli-tv-bi-vb-pc11:2.2.7	Paṭhamasikkhāpadaṁ niṭṭhitaṁ.
pli-tv-bi-vb-pc12:0.1	Theravāda Vinaya
pli-tv-bi-vb-pc12:0.2	Bhikkhunivibhaṅga
pli-tv-bi-vb-pc12:0.3	Pācittiyakaṇḍa
pli-tv-bi-vb-pc12:0.4	Rattandhakāravagga
pli-tv-bi-vb-pc12:0.5	12. Paṭicchannokāsasikkhāpada
pli-tv-bi-vb-pc12:1.0	
pli-tv-bi-vb-pc12:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc12:1.2	Tena kho pana samayena bhaddāya kāpilāniyā antevāsiniyā bhikkhuniyā ñātako puriso gāmakā sāvatthiṁ agamāsi kenacideva karaṇīyena.
pli-tv-bi-vb-pc12:1.3	Atha kho sā bhikkhunī—
pli-tv-bi-vb-pc12:1.4	“bhagavatā paṭikkhittaṁ rattandhakāre appadīpe purisena saddhiṁ ekenekā santiṭṭhituṁ sallapitun”ti teneva purisena saddhiṁ paṭicchanne okāse ekenekā santiṭṭhatipi sallapatipi.
pli-tv-bi-vb-pc12:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc12:1.6	“kathañhi nāma bhikkhunī paṭicchanne okāse purisena saddhiṁ ekenekā santiṭṭhissatipi sallapissatipī”ti …pe…
pli-tv-bi-vb-pc12:1.7	“saccaṁ kira, bhikkhave, bhikkhunī paṭicchanne okāse purisena saddhiṁ ekenekā santiṭṭhatipi sallapatipī”ti?
pli-tv-bi-vb-pc12:1.8	“Saccaṁ, bhagavā”ti.
pli-tv-bi-vb-pc12:1.9	Vigarahi buddho bhagavā …pe…
pli-tv-bi-vb-pc12:1.10	kathañhi nāma, bhikkhave, bhikkhunī paṭicchanne okāse purisena saddhiṁ ekenekā santiṭṭhissatipi sallapissatipi.
pli-tv-bi-vb-pc12:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc12:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc12:1.13.0	
pli-tv-bi-vb-pc12:1.13.1	“Yā pana bhikkhunī paṭicchanne okāse purisena saddhiṁ ekenekā santiṭṭheyya vā sallapeyya vā, pācittiyan”ti.
pli-tv-bi-vb-pc12:2.0	
pli-tv-bi-vb-pc12:2.1	Yā panāti
pli-tv-bi-vb-pc12:2.2	yā yādisā …pe…
pli-tv-bi-vb-pc12:2.3	bhikkhunīti
pli-tv-bi-vb-pc12:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc12:2.5	Paṭicchanno nāma
pli-tv-bi-vb-pc12:2.6	okāso kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā yena kenaci paṭicchanno hoti.
pli-tv-bi-vb-pc12:2.7	Puriso nāma
pli-tv-bi-vb-pc12:2.8	manussapuriso na yakkho na peto na tiracchānagato viññū paṭibalo santiṭṭhituṁ sallapituṁ.
pli-tv-bi-vb-pc12:2.9	Saddhinti
pli-tv-bi-vb-pc12:2.10	ekato.
pli-tv-bi-vb-pc12:2.11	Ekenekāti
pli-tv-bi-vb-pc12:2.12	puriso ceva hoti bhikkhunī ca.
pli-tv-bi-vb-pc12:2.13	Santiṭṭheyya vāti
pli-tv-bi-vb-pc12:2.14	purisassa hatthapāse tiṭṭhati, āpatti pācittiyassa.
pli-tv-bi-vb-pc12:2.15	Sallapeyya vāti
pli-tv-bi-vb-pc12:2.16	purisassa hatthapāse ṭhitā sallapati, āpatti pācittiyassa.
pli-tv-bi-vb-pc12:2.17	Hatthapāsaṁ vijahitvā santiṭṭhati vā sallapati vā, āpatti dukkaṭassa.
pli-tv-bi-vb-pc12:2.18	Yakkhena vā petena vā paṇḍakena vā tiracchānagatamanussaviggahena vā saddhiṁ santiṭṭhati vā sallapati vā, āpatti dukkaṭassa.
pli-tv-bi-vb-pc12:2.19.0	
pli-tv-bi-vb-pc12:2.19.1	Anāpatti—
pli-tv-bi-vb-pc12:2.20	yo koci viññū dutiyo hoti,
pli-tv-bi-vb-pc12:2.21	arahopekkhā,
pli-tv-bi-vb-pc12:2.22	aññavihitā santiṭṭhati vā sallapati vā,
pli-tv-bi-vb-pc12:2.23	ummattikāya,
pli-tv-bi-vb-pc12:2.24	ādikammikāyāti.
pli-tv-bi-vb-pc12:2.25	Dutiyasikkhāpadaṁ niṭṭhitaṁ.
pli-tv-bi-vb-pc13:0.1	Theravāda Vinaya
pli-tv-bi-vb-pc13:0.2	Bhikkhunivibhaṅga
pli-tv-bi-vb-pc13:0.3	Pācittiyakaṇḍa
pli-tv-bi-vb-pc13:0.4	Rattandhakāravagga
pli-tv-bi-vb-pc13:0.5	13. Ajjhokāsasallapanasikkhāpada
pli-tv-bi-vb-pc13:1.0	
pli-tv-bi-vb-pc13:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc13:1.2	Tena kho pana samayena bhaddāya kāpilāniyā antevāsiniyā bhikkhuniyā ñātako puriso gāmakā sāvatthiṁ agamāsi kenacideva karaṇīyena.
pli-tv-bi-vb-pc13:1.3	Atha kho sā bhikkhunī—
pli-tv-bi-vb-pc13:1.4	“bhagavatā paṭikkhittaṁ paṭicchanne okāse purisena saddhiṁ ekenekā santiṭṭhituṁ sallapitun”ti teneva purisena saddhiṁ ajjhokāse ekenekā santiṭṭhatipi sallapatipi.
pli-tv-bi-vb-pc13:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc13:1.6	“kathañhi nāma bhikkhunī ajjhokāse purisena saddhiṁ ekenekā santiṭṭhissatipi sallapissatipī”ti …pe…
pli-tv-bi-vb-pc13:1.7	“saccaṁ kira, bhikkhave, bhikkhunī ajjhokāse purisena saddhiṁ ekenekā santiṭṭhatipi sallapatipī”ti?
pli-tv-bi-vb-pc13:1.8	“Saccaṁ, bhagavā”ti.
pli-tv-bi-vb-pc13:1.9	Vigarahi buddho bhagavā …pe…
pli-tv-bi-vb-pc13:1.10	kathañhi nāma, bhikkhave, bhikkhunī ajjhokāse purisena saddhiṁ ekenekā santiṭṭhissatipi sallapissatipi.
pli-tv-bi-vb-pc13:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc13:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc13:1.13.0	
pli-tv-bi-vb-pc13:1.13.1	“Yā pana bhikkhunī ajjhokāse purisena saddhiṁ ekenekā santiṭṭheyya vā sallapeyya vā, pācittiyan”ti.
pli-tv-bi-vb-pc13:2.0	
pli-tv-bi-vb-pc13:2.1	Yā panāti
pli-tv-bi-vb-pc13:2.2	yā yādisā …pe…
pli-tv-bi-vb-pc13:2.3	bhikkhunīti
pli-tv-bi-vb-pc13:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc13:2.5	Ajjhokāso nāma
pli-tv-bi-vb-pc13:2.6	appaṭicchanno hoti kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā, yena kenaci appaṭicchanno hoti.
pli-tv-bi-vb-pc13:2.7	Puriso nāma
pli-tv-bi-vb-pc13:2.8	manussapuriso, na yakkho na peto na tiracchānagato, viññū paṭibalo santiṭṭhituṁ sallapituṁ.
pli-tv-bi-vb-pc13:2.9	Saddhinti
pli-tv-bi-vb-pc13:2.10	ekato.
pli-tv-bi-vb-pc13:2.11	Ekenekāti
pli-tv-bi-vb-pc13:2.12	puriso ceva hoti bhikkhunī ca.
pli-tv-bi-vb-pc13:2.13	Santiṭṭheyya vāti
pli-tv-bi-vb-pc13:2.14	purisassa hatthapāse tiṭṭhati, āpatti pācittiyassa.
pli-tv-bi-vb-pc13:2.15	Sallapeyya vāti
pli-tv-bi-vb-pc13:2.16	purisassa hatthapāse ṭhitā sallapati, āpatti pācittiyassa.
pli-tv-bi-vb-pc13:2.17	Hatthapāsaṁ vijahitvā santiṭṭhati vā sallapati vā, āpatti dukkaṭassa.
pli-tv-bi-vb-pc13:2.18	Yakkhena vā petena vā paṇḍakena vā tiracchānagatamanussaviggahena vā saddhiṁ santiṭṭhati vā sallapati vā, āpatti dukkaṭassa.
pli-tv-bi-vb-pc13:2.19.0	
pli-tv-bi-vb-pc13:2.19.1	Anāpatti—
pli-tv-bi-vb-pc13:2.20	yo koci viññū dutiyo hoti,
pli-tv-bi-vb-pc13:2.21	arahopekkhā,
pli-tv-bi-vb-pc13:2.22	aññavihitā santiṭṭhati vā sallapati vā,
pli-tv-bi-vb-pc13:2.23	ummattikāya,
pli-tv-bi-vb-pc13:2.24	ādikammikāyāti.
pli-tv-bi-vb-pc13:2.25	Tatiyasikkhāpadaṁ niṭṭhitaṁ.
pli-tv-bi-vb-pc14:0.1	Theravāda Vinaya
pli-tv-bi-vb-pc14:0.2	Bhikkhunivibhaṅga
pli-tv-bi-vb-pc14:0.3	Pācittiyakaṇḍa
pli-tv-bi-vb-pc14:0.4	Rattandhakāravagga
pli-tv-bi-vb-pc14:0.5	14. Dutiyikauyyojanasikkhāpada
pli-tv-bi-vb-pc14:1.0	
pli-tv-bi-vb-pc14:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc14:1.2	Tena kho pana samayena thullanandā bhikkhunī rathikāyapi byūhepi siṅghāṭakepi purisena saddhiṁ ekenekā santiṭṭhatipi sallapatipi nikaṇṇikampi jappeti dutiyikampi bhikkhuniṁ uyyojeti.
pli-tv-bi-vb-pc14:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc14:1.4	“kathañhi nāma ayyā thullanandā rathikāyapi byūhepi siṅghāṭakepi purisena saddhiṁ ekenekā santiṭṭhissatipi sallapissatipi nikaṇṇikampi jappissati dutiyikampi bhikkhuniṁ uyyojessatī”ti …pe…
pli-tv-bi-vb-pc14:1.5	“saccaṁ kira, bhikkhave, thullanandā bhikkhunī rathikāyapi byūhepi siṅghāṭakepi purisena saddhiṁ ekenekā santiṭṭhatipi sallapatipi nikaṇṇikampi jappeti dutiyikampi bhikkhuniṁ uyyojetī”ti?
pli-tv-bi-vb-pc14:1.6	“Saccaṁ, bhagavā”ti.
pli-tv-bi-vb-pc14:1.7	Vigarahi buddho bhagavā …pe…
pli-tv-bi-vb-pc14:1.8	kathañhi nāma, bhikkhave, thullanandā bhikkhunī rathikāyapi byūhepi siṅghāṭakepi purisena saddhiṁ ekenekā santiṭṭhissatipi sallapissatipi nikaṇṇikampi jappissati dutiyikampi bhikkhuniṁ uyyojessati.
pli-tv-bi-vb-pc14:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc14:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc14:1.11.0	
pli-tv-bi-vb-pc14:1.11.1	“Yā pana bhikkhunī rathikāya vā byūhe vā siṅghāṭake vā purisena saddhiṁ ekenekā santiṭṭheyya vā sallapeyya vā nikaṇṇikaṁ vā jappeyya dutiyikaṁ vā bhikkhuniṁ uyyojeyya, pācittiyan”ti.
pli-tv-bi-vb-pc14:2.1.0	
pli-tv-bi-vb-pc14:2.1.1	Yā panāti
pli-tv-bi-vb-pc14:2.1.2	yā yādisā …pe…
pli-tv-bi-vb-pc14:2.1.3	bhikkhunīti
pli-tv-bi-vb-pc14:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc14:2.1.5	Rathikā nāma
pli-tv-bi-vb-pc14:2.1.6	racchā vuccati.
pli-tv-bi-vb-pc14:2.1.7	Byūhaṁ nāma
pli-tv-bi-vb-pc14:2.1.8	yeneva pavisanti teneva nikkhamanti.
pli-tv-bi-vb-pc14:2.1.9	Siṅghāṭako nāma
pli-tv-bi-vb-pc14:2.1.10	caccaraṁ vuccati.
pli-tv-bi-vb-pc14:2.1.11	Puriso nāma
pli-tv-bi-vb-pc14:2.1.12	manussapuriso na yakkho na peto na tiracchānagato viññū paṭibalo santiṭṭhituṁ sallapituṁ.
pli-tv-bi-vb-pc14:2.1.13	Saddhinti
pli-tv-bi-vb-pc14:2.1.14	ekato.
pli-tv-bi-vb-pc14:2.1.15	Ekenekāti
pli-tv-bi-vb-pc14:2.1.16	puriso ceva hoti bhikkhunī ca.
pli-tv-bi-vb-pc14:2.1.17	Santiṭṭheyya vāti
pli-tv-bi-vb-pc14:2.1.18	purisassa hatthapāse tiṭṭhati, āpatti pācittiyassa.
pli-tv-bi-vb-pc14:2.1.19	Sallapeyya vāti
pli-tv-bi-vb-pc14:2.1.20	purisassa hatthapāse ṭhitā sallapati, āpatti pācittiyassa.
pli-tv-bi-vb-pc14:2.1.21	Nikaṇṇikaṁ vā jappeyyāti
pli-tv-bi-vb-pc14:2.1.22	purisassa upakaṇṇake āroceti, āpatti pācittiyassa.
pli-tv-bi-vb-pc14:2.1.23	Dutiyikaṁ vā bhikkhuniṁ uyyojeyyāti
pli-tv-bi-vb-pc14:2.1.24	anācāraṁ ācaritukāmā dutiyikampi bhikkhuniṁ uyyojeti, āpatti dukkaṭassa.
pli-tv-bi-vb-pc14:2.1.25	Dassanūpacāraṁ vā savanūpacāraṁ vā vijahantiyā āpatti dukkaṭassa.
pli-tv-bi-vb-pc14:2.1.26	Vijahite āpatti pācittiyassa.
pli-tv-bi-vb-pc14:2.2.1	Hatthapāsaṁ vijahitvā santiṭṭhati vā sallapati vā āpatti dukkaṭassa.
pli-tv-bi-vb-pc14:2.2.2	Yakkhena vā petena vā paṇḍakena vā tiracchānagatamanussaviggahena vā saddhiṁ santiṭṭhati vā sallapati vā, āpatti dukkaṭassa.
pli-tv-bi-vb-pc14:2.2.3.0	
pli-tv-bi-vb-pc14:2.2.3.1	Anāpatti—
pli-tv-bi-vb-pc14:2.2.4	yo koci viññū dutiyo hoti,
pli-tv-bi-vb-pc14:2.2.5	arahopekkhā,
pli-tv-bi-vb-pc14:2.2.6	aññavihitā santiṭṭhati vā sallapati vā,
pli-tv-bi-vb-pc14:2.2.7	na anācāraṁ ācaritukāmā,
pli-tv-bi-vb-pc14:2.2.8	sati karaṇīye dutiyikaṁ bhikkhuniṁ uyyojeti,
pli-tv-bi-vb-pc14:2.2.9	ummattikāya,
pli-tv-bi-vb-pc14:2.2.10	ādikammikāyāti.
pli-tv-bi-vb-pc14:2.2.11	Catutthasikkhāpadaṁ niṭṭhitaṁ.
pli-tv-bi-vb-pc15:0.1	Theravāda Vinaya
pli-tv-bi-vb-pc15:0.2	Bhikkhunivibhaṅga
pli-tv-bi-vb-pc15:0.3	Pācittiyakaṇḍa
pli-tv-bi-vb-pc15:0.4	Rattandhakāravagga
pli-tv-bi-vb-pc15:0.5	15. Anāpucchāpakkamanasikkhāpada
pli-tv-bi-vb-pc15:1.0	
pli-tv-bi-vb-pc15:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc15:1.2	Tena kho pana samayena aññatarā bhikkhunī aññatarassa kulassa kulūpikā hoti niccabhattikā.
pli-tv-bi-vb-pc15:1.3	Atha kho sā bhikkhunī pubbaṇhasamayaṁ nivāsetvā pattacīvaramādāya yena taṁ kulaṁ tenupasaṅkami; upasaṅkamitvā āsane nisīditvā sāmike anāpucchā pakkāmi.
pli-tv-bi-vb-pc15:1.4	Tassa kulassa dāsī gharaṁ sammajjantī taṁ āsanaṁ bhājanantarikāya pakkhipi.
pli-tv-bi-vb-pc15:1.5	Manussā taṁ āsanaṁ apassantā taṁ bhikkhuniṁ etadavocuṁ—
pli-tv-bi-vb-pc15:1.6	“kahaṁ taṁ, ayye, āsanan”ti?
pli-tv-bi-vb-pc15:1.7	“Nāhaṁ taṁ, āvuso, āsanaṁ passāmī”ti.
pli-tv-bi-vb-pc15:1.8	“Dethāyye, taṁ āsanan”ti paribhāsitvā niccabhattaṁ pacchindiṁsu.
pli-tv-bi-vb-pc15:1.9	Atha kho te manussā gharaṁ sodhentā taṁ āsanaṁ bhājanantarikāya passitvā taṁ bhikkhuniṁ khamāpetvā niccabhattaṁ paṭṭhapesuṁ.
pli-tv-bi-vb-pc15:1.10	Atha kho sā bhikkhunī bhikkhunīnaṁ etamatthaṁ ārocesi.
pli-tv-bi-vb-pc15:1.11	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc15:1.12	“kathañhi nāma bhikkhunī purebhattaṁ kulāni upasaṅkamitvā āsane nisīditvā sāmike anāpucchā pakkamissatī”ti …pe…
pli-tv-bi-vb-pc15:1.13	“saccaṁ kira, bhikkhave, bhikkhunī purebhattaṁ kulāni upasaṅkamitvā āsane nisīditvā sāmike anāpucchā pakkamatī”ti?
pli-tv-bi-vb-pc15:1.14	“Saccaṁ, bhagavā”ti.
pli-tv-bi-vb-pc15:1.15	Vigarahi buddho bhagavā …pe…
pli-tv-bi-vb-pc15:1.16	kathañhi nāma, bhikkhave bhikkhunī purebhattaṁ kulāni upasaṅkamitvā āsane nisīditvā sāmike anāpucchā pakkamissati.
pli-tv-bi-vb-pc15:1.17	Netaṁ, bhikkhave, appasannānaṁ vā pasādāya …pe…
pli-tv-bi-vb-pc15:1.18	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc15:1.19.0	
pli-tv-bi-vb-pc15:1.19.1	“Yā pana bhikkhunī purebhattaṁ kulāni upasaṅkamitvā āsane nisīditvā sāmike anāpucchā pakkameyya, pācittiyan”ti.
pli-tv-bi-vb-pc15:2.1.0	
pli-tv-bi-vb-pc15:2.1.1	Yā panāti
pli-tv-bi-vb-pc15:2.1.2	yā yādisā …pe…
pli-tv-bi-vb-pc15:2.1.3	bhikkhunīti
pli-tv-bi-vb-pc15:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc15:2.1.5	Purebhattaṁ nāma
pli-tv-bi-vb-pc15:2.1.6	aruṇuggamanaṁ upādāya yāva majjhanhikā.
pli-tv-bi-vb-pc15:2.1.7	Kulaṁ nāma
pli-tv-bi-vb-pc15:2.1.8	cattāri kulāni— khattiyakulaṁ, brāhmaṇakulaṁ, vessakulaṁ, suddakulaṁ.
pli-tv-bi-vb-pc15:2.1.9	Upasaṅkamitvāti
pli-tv-bi-vb-pc15:2.1.10	tattha gantvā.
pli-tv-bi-vb-pc15:2.1.11	Āsanaṁ nāma
pli-tv-bi-vb-pc15:2.1.12	pallaṅkassa okāso vuccati.
pli-tv-bi-vb-pc15:2.1.13	Nisīditvāti
pli-tv-bi-vb-pc15:2.1.14	tasmiṁ nisīditvā.
pli-tv-bi-vb-pc15:2.1.15	Sāmike anāpucchā pakkameyyāti
pli-tv-bi-vb-pc15:2.1.16	yo tasmiṁ kule manusso viññū taṁ anāpucchā anovassakaṁ atikkāmentiyā āpatti pācittiyassa.
pli-tv-bi-vb-pc15:2.1.17	Ajjhokāse upacāraṁ atikkāmentiyā āpatti pācittiyassa.
pli-tv-bi-vb-pc15:2.2.0	
pli-tv-bi-vb-pc15:2.2.1	Anāpucchite anāpucchitasaññā pakkamati, āpatti pācittiyassa.
pli-tv-bi-vb-pc15:2.2.2	Anāpucchite vematikā pakkamati, āpatti pācittiyassa.
pli-tv-bi-vb-pc15:2.2.3	Anāpucchite āpucchitasaññā pakkamati, āpatti pācittiyassa.
pli-tv-bi-vb-pc15:2.2.4	Pallaṅkassa anokāse āpatti dukkaṭassa.
pli-tv-bi-vb-pc15:2.2.5	Āpucchite anāpucchitasaññā, āpatti dukkaṭassa.
pli-tv-bi-vb-pc15:2.2.6	Āpucchite vematikā, āpatti dukkaṭassa.
pli-tv-bi-vb-pc15:2.2.7	Āpucchite āpucchitasaññā, anāpatti.
pli-tv-bi-vb-pc15:2.3.0	
pli-tv-bi-vb-pc15:2.3.1	Anāpatti—
pli-tv-bi-vb-pc15:2.3.2	āpucchā gacchati,
pli-tv-bi-vb-pc15:2.3.3	asaṁhārime,
pli-tv-bi-vb-pc15:2.3.4	gilānāya,
pli-tv-bi-vb-pc15:2.3.5	āpadāsu,
pli-tv-bi-vb-pc15:2.3.6	ummattikāya,
pli-tv-bi-vb-pc15:2.3.7	ādikammikāyāti.
pli-tv-bi-vb-pc15:2.3.8	Pañcamasikkhāpadaṁ niṭṭhitaṁ.
pli-tv-bi-vb-pc16:0.1	Theravāda Vinaya
pli-tv-bi-vb-pc16:0.2	Bhikkhunivibhaṅga
pli-tv-bi-vb-pc16:0.3	Pācittiyakaṇḍa
pli-tv-bi-vb-pc16:0.4	Rattandhakāravagga
pli-tv-bi-vb-pc16:0.5	16. Anāpucchāabhinisīdanasikkhāpada
pli-tv-bi-vb-pc16:1.0	
pli-tv-bi-vb-pc16:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc16:1.2	Tena kho pana samayena thullanandā bhikkhunī pacchābhattaṁ kulāni upasaṅkamitvā sāmike anāpucchā āsane abhinisīdatipi abhinipajjatipi.
pli-tv-bi-vb-pc16:1.3	Manussā thullanandaṁ bhikkhuniṁ hirīyamānā āsane neva abhinisīdanti na abhinipajjanti.
pli-tv-bi-vb-pc16:1.4	Manussā ujjhāyanti khiyyanti vipācenti—
pli-tv-bi-vb-pc16:1.5	“kathañhi nāma ayyā thullanandā pacchābhattaṁ kulāni upasaṅkamitvā sāmike anāpucchā āsane abhinisīdissatipi abhinipajjissatipī”ti.
pli-tv-bi-vb-pc16:1.6	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc16:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc16:1.8	“kathañhi nāma ayyā thullanandā pacchābhattaṁ kulāni upasaṅkamitvā sāmike anāpucchā āsane abhinisīdissatipi abhinipajjissatipī”ti …pe…
pli-tv-bi-vb-pc16:1.9	“saccaṁ kira, bhikkhave, thullanandā bhikkhunī pacchābhattaṁ kulāni upasaṅkamitvā sāmike anāpucchā āsane abhinisīdatipi abhinipajjatipī”ti?
pli-tv-bi-vb-pc16:1.10	“Saccaṁ, bhagavā”ti.
pli-tv-bi-vb-pc16:1.11	Vigarahi buddho bhagavā …pe…
pli-tv-bi-vb-pc16:1.12	kathañhi nāma, bhikkhave, thullanandā bhikkhunī pacchābhattaṁ kulāni upasaṅkamitvā sāmike anāpucchā āsane abhinisīdissatipi abhinipajjissatipi.
pli-tv-bi-vb-pc16:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc16:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc16:1.15.0	
pli-tv-bi-vb-pc16:1.15.1	“Yā pana bhikkhunī pacchābhattaṁ kulāni upasaṅkamitvā sāmike anāpucchā āsane abhinisīdeyya vā abhinipajjeyya vā, pācittiyan”ti.
pli-tv-bi-vb-pc16:2.1.0	
pli-tv-bi-vb-pc16:2.1.1	Yā panāti
pli-tv-bi-vb-pc16:2.1.2	yā yādisā …pe…
pli-tv-bi-vb-pc16:2.1.3	bhikkhunīti
pli-tv-bi-vb-pc16:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc16:2.1.5	Pacchābhattaṁ nāma
pli-tv-bi-vb-pc16:2.1.6	majjhanhike vītivatte yāva atthaṅgate sūriye.
pli-tv-bi-vb-pc16:2.1.7	Kulaṁ nāma
pli-tv-bi-vb-pc16:2.1.8	cattāri kulāni— khattiyakulaṁ, brāhmaṇakulaṁ, vessakulaṁ, suddakulaṁ.
pli-tv-bi-vb-pc16:2.1.9	Upasaṅkamitvāti
pli-tv-bi-vb-pc16:2.1.10	tattha gantvā.
pli-tv-bi-vb-pc16:2.1.11	Sāmike anāpucchāti
pli-tv-bi-vb-pc16:2.1.12	yo tasmiṁ kule manusso sāmiko dātuṁ, taṁ anāpucchā.
pli-tv-bi-vb-pc16:2.1.13	Āsanaṁ nāma
pli-tv-bi-vb-pc16:2.1.14	pallaṅkassa okāso vuccati.
pli-tv-bi-vb-pc16:2.1.15	Abhinisīdeyyāti
pli-tv-bi-vb-pc16:2.1.16	tasmiṁ abhinisīdati, āpatti pācittiyassa.
pli-tv-bi-vb-pc16:2.1.17	Abhinipajjeyyāti
pli-tv-bi-vb-pc16:2.1.18	tasmiṁ abhinipajjati, āpatti pācittiyassa.
pli-tv-bi-vb-pc16:2.2.0	
pli-tv-bi-vb-pc16:2.2.1	Anāpucchite anāpucchitasaññā āsane abhinisīdati vā abhinipajjati vā, āpatti pācittiyassa.
pli-tv-bi-vb-pc16:2.2.2	Anāpucchite vematikā āsane abhinisīdati vā abhinipajjati vā, āpatti pācittiyassa.
pli-tv-bi-vb-pc16:2.2.3	Anāpucchite āpucchitasaññā āsane abhinisīdati vā abhinipajjati vā, āpatti pācittiyassa.
pli-tv-bi-vb-pc16:2.2.4	Pallaṅkassa anokāse āpatti dukkaṭassa.
pli-tv-bi-vb-pc16:2.2.5	Āpucchite anāpucchitasaññā, āpatti dukkaṭassa.
pli-tv-bi-vb-pc16:2.2.6	Āpucchite vematikā, āpatti dukkaṭassa.
pli-tv-bi-vb-pc16:2.2.7	Āpucchite āpucchitasaññā, anāpatti.
pli-tv-bi-vb-pc16:2.3.0	
pli-tv-bi-vb-pc16:2.3.1	Anāpatti—
pli-tv-bi-vb-pc16:2.3.2	āpucchā āsane abhinisīdati vā abhinipajjati vā,
pli-tv-bi-vb-pc16:2.3.3	dhuvapaññatte,
pli-tv-bi-vb-pc16:2.3.4	gilānāya,
pli-tv-bi-vb-pc16:2.3.5	āpadāsu,
pli-tv-bi-vb-pc16:2.3.6	ummattikāya,
pli-tv-bi-vb-pc16:2.3.7	ādikammikāyāti.
pli-tv-bi-vb-pc16:2.3.8	Chaṭṭhasikkhāpadaṁ niṭṭhitaṁ.
pli-tv-bi-vb-pc17:0.1	Theravāda Vinaya
pli-tv-bi-vb-pc17:0.2	Bhikkhunivibhaṅga
pli-tv-bi-vb-pc17:0.3	Pācittiyakaṇḍa
pli-tv-bi-vb-pc17:0.4	Rattandhakāravagga
pli-tv-bi-vb-pc17:0.5	17. Anāpucchāsantharaṇasikkhāpada
pli-tv-bi-vb-pc17:1.0	
pli-tv-bi-vb-pc17:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc17:1.2	Tena kho pana samayena sambahulā bhikkhuniyo kosalesu janapade sāvatthiṁ gacchantiyo sāyaṁ aññataraṁ gāmaṁ upagantvā aññataraṁ brāhmaṇakulaṁ upasaṅkamitvā okāsaṁ yāciṁsu.
pli-tv-bi-vb-pc17:1.3	Atha kho sā brāhmaṇī tā bhikkhuniyo etadavoca—
pli-tv-bi-vb-pc17:1.4	“āgametha, ayye, yāva brāhmaṇo āgacchatī”ti.
pli-tv-bi-vb-pc17:1.5	Bhikkhuniyo—
pli-tv-bi-vb-pc17:1.6	“yāva brāhmaṇo āgacchatī”ti seyyaṁ santharitvā ekaccā nisīdiṁsu ekaccā nipajjiṁsu.
pli-tv-bi-vb-pc17:1.7	Atha kho so brāhmaṇo rattiṁ āgantvā taṁ brāhmaṇiṁ etadavoca—
pli-tv-bi-vb-pc17:1.8	“kā imā”ti?
pli-tv-bi-vb-pc17:1.9	“Bhikkhuniyo, ayyā”ti.
pli-tv-bi-vb-pc17:1.10	“Nikkaḍḍhatha imā muṇḍā bandhakiniyo”ti, gharato nikkaḍḍhāpesi.
pli-tv-bi-vb-pc17:1.11	Atha kho tā bhikkhuniyo sāvatthiṁ gantvā bhikkhunīnaṁ etamatthaṁ ārocesuṁ.
pli-tv-bi-vb-pc17:1.12	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc17:1.13	“kathañhi nāma bhikkhuniyo vikāle kulāni upasaṅkamitvā sāmike anāpucchā seyyaṁ santharitvā abhinisīdissantipi abhinipajjissantipī”ti …pe…
pli-tv-bi-vb-pc17:1.14	“saccaṁ kira, bhikkhave, bhikkhuniyo vikāle kulāni upasaṅkamitvā sāmike anāpucchā seyyaṁ santharitvā abhinisīdantipi abhinipajjantipī”ti?
pli-tv-bi-vb-pc17:1.15	“Saccaṁ, bhagavā”ti.
pli-tv-bi-vb-pc17:1.16	Vigarahi buddho bhagavā …pe…
pli-tv-bi-vb-pc17:1.17	kathañhi nāma, bhikkhave, bhikkhuniyo vikāle kulāni upasaṅkamitvā sāmike anāpucchā seyyaṁ santharitvā abhinisīdissantipi abhinipajjissantipi.
pli-tv-bi-vb-pc17:1.18	Netaṁ, bhikkhave, appasannānaṁ vā pasādāya …pe…
pli-tv-bi-vb-pc17:1.19	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc17:1.20.0	
pli-tv-bi-vb-pc17:1.20.1	“Yā pana bhikkhunī vikāle kulāni upasaṅkamitvā sāmike anāpucchā seyyaṁ santharitvā vā santharāpetvā vā abhinisīdeyya vā abhinipajjeyya vā, pācittiyan”ti.
pli-tv-bi-vb-pc17:2.1.0	
pli-tv-bi-vb-pc17:2.1.1	Yā panāti
pli-tv-bi-vb-pc17:2.1.2	yā yādisā …pe…
pli-tv-bi-vb-pc17:2.1.3	bhikkhunīti
pli-tv-bi-vb-pc17:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc17:2.1.5	Vikālo nāma
pli-tv-bi-vb-pc17:2.1.6	atthaṅgate sūriye yāva aruṇuggamanā.
pli-tv-bi-vb-pc17:2.1.7	Kulaṁ nāma
pli-tv-bi-vb-pc17:2.1.8	cattāri kulāni— khattiyakulaṁ, brāhmaṇakulaṁ, vessakulaṁ suddakulaṁ.
pli-tv-bi-vb-pc17:2.1.9	Upasaṅkamitvāti
pli-tv-bi-vb-pc17:2.1.10	tattha gantvā.
pli-tv-bi-vb-pc17:2.1.11	Sāmike anāpucchāti
pli-tv-bi-vb-pc17:2.1.12	yo tasmiṁ kule manusso sāmiko dātuṁ, taṁ anāpucchā.
pli-tv-bi-vb-pc17:2.1.13	Seyyaṁ nāma
pli-tv-bi-vb-pc17:2.1.14	antamaso paṇṇasanthāropi.
pli-tv-bi-vb-pc17:2.1.15	Santharitvāti
pli-tv-bi-vb-pc17:2.1.16	sayaṁ santharitvā.
pli-tv-bi-vb-pc17:2.1.17	Santharāpetvāti
pli-tv-bi-vb-pc17:2.1.18	aññaṁ santharāpetvā.
pli-tv-bi-vb-pc17:2.1.19	Abhinisīdeyyāti
pli-tv-bi-vb-pc17:2.1.20	tasmiṁ abhinisīdati, āpatti pācittiyassa.
pli-tv-bi-vb-pc17:2.1.21	Abhinipajjeyyāti
pli-tv-bi-vb-pc17:2.1.22	tasmiṁ abhinipajjati, āpatti pācittiyassa.
pli-tv-bi-vb-pc17:2.2.0	
pli-tv-bi-vb-pc17:2.2.1	Anāpucchite anāpucchitasaññā seyyaṁ santharitvā vā santharāpetvā vā abhinisīdati vā abhinipajjati vā, āpatti pācittiyassa.
pli-tv-bi-vb-pc17:2.2.2	Anāpucchite vematikā seyyaṁ santharitvā vā santharāpetvā vā abhinisīdati vā abhinipajjati vā, āpatti pācittiyassa.
pli-tv-bi-vb-pc17:2.2.3	Anāpucchite āpucchitasaññā seyyaṁ santharitvā vā santharāpetvā vā abhinisīdati vā abhinipajjati vā, āpatti pācittiyassa.
pli-tv-bi-vb-pc17:2.2.4	Āpucchite anāpucchitasaññā, āpatti dukkaṭassa.
pli-tv-bi-vb-pc17:2.2.5	Āpucchite vematikā, āpatti dukkaṭassa.
pli-tv-bi-vb-pc17:2.2.6	Āpucchite āpucchitasaññā, anāpatti.
pli-tv-bi-vb-pc17:2.3.0	
pli-tv-bi-vb-pc17:2.3.1	Anāpatti—
pli-tv-bi-vb-pc17:2.3.2	āpucchā seyyaṁ santharitvā vā santharāpetvā vā abhinisīdati vā abhinipajjati vā,
pli-tv-bi-vb-pc17:2.3.3	gilānāya,
pli-tv-bi-vb-pc17:2.3.4	āpadāsu,
pli-tv-bi-vb-pc17:2.3.5	ummattikāya,
pli-tv-bi-vb-pc17:2.3.6	ādikammikāyāti.
pli-tv-bi-vb-pc17:2.3.7	Sattamasikkhāpadaṁ niṭṭhitaṁ.
pli-tv-bi-vb-pc18:0.1	Theravāda Vinaya
pli-tv-bi-vb-pc18:0.2	Bhikkhunivibhaṅga
pli-tv-bi-vb-pc18:0.3	Pācittiyakaṇḍa
pli-tv-bi-vb-pc18:0.4	Rattandhakāravagga
pli-tv-bi-vb-pc18:0.5	18. Paraujjhāpanakasikkhāpada
pli-tv-bi-vb-pc18:1.0	
pli-tv-bi-vb-pc18:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc18:1.2	Tena kho pana samayena bhaddāya kāpilāniyā antevāsinī bhikkhunī bhaddaṁ kāpilāniṁ sakkaccaṁ upaṭṭheti.
pli-tv-bi-vb-pc18:1.3	Bhaddā kāpilānī bhikkhuniyo etadavoca—
pli-tv-bi-vb-pc18:1.4	“ayaṁ maṁ, ayye, bhikkhunī sakkaccaṁ upaṭṭheti, imissāhaṁ cīvaraṁ dassāmī”ti.
pli-tv-bi-vb-pc18:1.5	Atha kho sā bhikkhunī duggahitena dūpadhāritena paraṁ ujjhāpesi—
pli-tv-bi-vb-pc18:1.6	“ahaṁ kirāyye, ayyaṁ na sakkaccaṁ upaṭṭhemi, na kira me ayyā cīvaraṁ dassatī”ti.
pli-tv-bi-vb-pc18:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc18:1.8	“kathañhi nāma bhikkhunī duggahitena dūpadhāritena paraṁ ujjhāpessatī”ti …pe…
pli-tv-bi-vb-pc18:1.9	“saccaṁ kira, bhikkhave, bhikkhunī duggahitena dūpadhāritena paraṁ ujjhāpetī”ti?
pli-tv-bi-vb-pc18:1.10	“Saccaṁ, bhagavā”ti.
pli-tv-bi-vb-pc18:1.11	Vigarahi buddho bhagavā …pe…
pli-tv-bi-vb-pc18:1.12	kathañhi nāma, bhikkhave, bhikkhunī duggahitena dūpadhāritena paraṁ ujjhāpessati.
pli-tv-bi-vb-pc18:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc18:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc18:1.15.0	
pli-tv-bi-vb-pc18:1.15.1	“Yā pana bhikkhunī duggahitena dūpadhāritena paraṁ ujjhāpeyya, pācittiyan”ti.
pli-tv-bi-vb-pc18:2.1.0	
pli-tv-bi-vb-pc18:2.1.1	Yā panāti
pli-tv-bi-vb-pc18:2.1.2	yā yādisā …pe…
pli-tv-bi-vb-pc18:2.1.3	bhikkhunīti
pli-tv-bi-vb-pc18:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc18:2.1.5	Duggahitenāti
pli-tv-bi-vb-pc18:2.1.6	aññathā gahitena.
pli-tv-bi-vb-pc18:2.1.7	Dūpadhāritenāti
pli-tv-bi-vb-pc18:2.1.8	aññathā upadhāritena.
pli-tv-bi-vb-pc18:2.1.9	Paranti
pli-tv-bi-vb-pc18:2.1.10	upasampannaṁ ujjhāpeti, āpatti pācittiyassa.
pli-tv-bi-vb-pc18:2.2.0	
pli-tv-bi-vb-pc18:2.2.1	Upasampannāya upasampannasaññā ujjhāpeti, āpatti pācittiyassa.
pli-tv-bi-vb-pc18:2.2.2	Upasampannāya vematikā ujjhāpeti, āpatti pācittiyassa.
pli-tv-bi-vb-pc18:2.2.3	Upasampannāya anupasampannasaññā ujjhāpeti, āpatti pācittiyassa.
pli-tv-bi-vb-pc18:2.2.4	Anupasampannaṁ ujjhāpeti, āpatti dukkaṭassa.
pli-tv-bi-vb-pc18:2.2.5	Anupasampannāya upasampannasaññā, āpatti dukkaṭassa.
pli-tv-bi-vb-pc18:2.2.6	Anupasampannāya vematikā, āpatti dukkaṭassa.
pli-tv-bi-vb-pc18:2.2.7	Anupasampannāya anupasampannasaññā, āpatti dukkaṭassa.
pli-tv-bi-vb-pc18:2.3.0	
pli-tv-bi-vb-pc18:2.3.1	Anāpatti—
pli-tv-bi-vb-pc18:2.3.2	ummattikāya,
pli-tv-bi-vb-pc18:2.3.3	ādikammikāyāti.
pli-tv-bi-vb-pc18:2.3.4	Aṭṭhamasikkhāpadaṁ niṭṭhitaṁ.
pli-tv-bi-vb-pc19:0.1	Theravāda Vinaya
pli-tv-bi-vb-pc19:0.2	Bhikkhunivibhaṅga
pli-tv-bi-vb-pc19:0.3	Pācittiyakaṇḍa
pli-tv-bi-vb-pc19:0.4	Rattandhakāravagga
pli-tv-bi-vb-pc19:0.5	19. Paraabhisapanasikkhāpada
pli-tv-bi-vb-pc19:1.0	
pli-tv-bi-vb-pc19:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc19:1.2	Tena kho pana samayena bhikkhuniyo attano bhaṇḍakaṁ apassantiyo caṇḍakāḷiṁ bhikkhuniṁ etadavocuṁ—
pli-tv-bi-vb-pc19:1.3	“apāyye, amhākaṁ bhaṇḍakaṁ passeyyāsī”ti?
pli-tv-bi-vb-pc19:1.4	Caṇḍakāḷī bhikkhunī ujjhāyati khiyyati vipāceti—
pli-tv-bi-vb-pc19:1.5	“ahameva nūna corī, ahameva nūna alajjinī, yā ayyāyo attano bhaṇḍakaṁ apassantiyo tā maṁ evamāhaṁsu—
pli-tv-bi-vb-pc19:1.6	‘apāyye, amhākaṁ bhaṇḍakaṁ passeyyāsī’ti?
pli-tv-bi-vb-pc19:1.7	Sacāhaṁ, ayye, tumhākaṁ bhaṇḍakaṁ gaṇhāmi, assamaṇī homi, brahmacariyā cavāmi, nirayaṁ upapajjāmi;
pli-tv-bi-vb-pc19:1.8	yā pana maṁ abhūtena evamāha sāpi assamaṇī hotu, brahmacariyā cavatu, nirayaṁ upapajjatū”ti.
pli-tv-bi-vb-pc19:1.9	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc19:1.10	“kathañhi nāma ayyā caṇḍakāḷī attānampi parampi nirayenapi brahmacariyenapi abhisapissatī”ti …pe…
pli-tv-bi-vb-pc19:1.11	“saccaṁ kira, bhikkhave, caṇḍakāḷī bhikkhunī attānampi parampi nirayenapi brahmacariyenapi abhisapatī”ti?
pli-tv-bi-vb-pc19:1.12	“Saccaṁ, bhagavā”ti.
pli-tv-bi-vb-pc19:1.13	Vigarahi buddho bhagavā …pe…
pli-tv-bi-vb-pc19:1.14	kathañhi nāma, bhikkhave, caṇḍakāḷī bhikkhunī attānampi parampi nirayenapi brahmacariyenapi abhisapissati.
pli-tv-bi-vb-pc19:1.15	Netaṁ, bhikkhave, appasannānaṁ vā pasādāya …pe…
pli-tv-bi-vb-pc19:1.16	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc19:1.17.0	
pli-tv-bi-vb-pc19:1.17.1	“Yā pana bhikkhunī attānaṁ vā paraṁ vā nirayena vā brahmacariyena vā abhisapeyya, pācittiyan”ti.
pli-tv-bi-vb-pc19:2.1.0	
pli-tv-bi-vb-pc19:2.1.1	Yā panāti
pli-tv-bi-vb-pc19:2.1.2	yā yādisā …pe…
pli-tv-bi-vb-pc19:2.1.3	bhikkhunīti
pli-tv-bi-vb-pc19:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc19:2.1.5	Attānanti
pli-tv-bi-vb-pc19:2.1.6	paccattaṁ.
pli-tv-bi-vb-pc19:2.1.7	Paranti
pli-tv-bi-vb-pc19:2.1.8	upasampannaṁ.
pli-tv-bi-vb-pc19:2.1.9	Nirayena vā brahmacariyena vā abhisapati, āpatti pācittiyassa.
pli-tv-bi-vb-pc19:2.2.0	
pli-tv-bi-vb-pc19:2.2.1	Upasampannāya upasampannasaññā nirayena vā brahmacariyena vā abhisapati, āpatti pācittiyassa.
pli-tv-bi-vb-pc19:2.2.2	Upasampannāya vematikā nirayena vā brahmacariyena vā abhisapati, āpatti pācittiyassa.
pli-tv-bi-vb-pc19:2.2.3	Upasampannāya anupasampannasaññā nirayena vā brahmacariyena vā abhisapati, āpatti pācittiyassa.
pli-tv-bi-vb-pc19:2.2.4	Tiracchānayoniyā vā pettivisayena vā manussadobhaggena vā abhisapati, āpatti dukkaṭassa.
pli-tv-bi-vb-pc19:2.2.5	Anupasampannaṁ abhisapati, āpatti dukkaṭassa.
pli-tv-bi-vb-pc19:2.2.6	Anupasampannāya upasampannasaññā, āpatti dukkaṭassa.
pli-tv-bi-vb-pc19:2.2.7	Anupasampannāya vematikā, āpatti dukkaṭassa.
pli-tv-bi-vb-pc19:2.2.8	Anupasampannāya anupasampannasaññā, āpatti dukkaṭassa.
pli-tv-bi-vb-pc19:2.3.0	
pli-tv-bi-vb-pc19:2.3.1	Anāpatti—
pli-tv-bi-vb-pc19:2.3.2	atthapurekkhārāya,
pli-tv-bi-vb-pc19:2.3.3	dhammapurekkhārāya,
pli-tv-bi-vb-pc19:2.3.4	anusāsanipurekkhārāya,
pli-tv-bi-vb-pc19:2.3.5	ummattikāya,
pli-tv-bi-vb-pc19:2.3.6	ādikammikāyāti.
pli-tv-bi-vb-pc19:2.3.7	Navamasikkhāpadaṁ niṭṭhitaṁ.
pli-tv-bi-vb-pc20:0.1	Theravāda Vinaya
pli-tv-bi-vb-pc20:0.2	Bhikkhunivibhaṅga
pli-tv-bi-vb-pc20:0.3	Pācittiyakaṇḍa
pli-tv-bi-vb-pc20:0.4	Rattandhakāravagga
pli-tv-bi-vb-pc20:0.5	20. Rodanasikkhāpada
pli-tv-bi-vb-pc20:1.0	
pli-tv-bi-vb-pc20:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc20:1.2	Tena kho pana samayena caṇḍakāḷī bhikkhunī bhikkhunīhi saddhiṁ bhaṇḍitvā attānaṁ vadhitvā vadhitvā rodati.
pli-tv-bi-vb-pc20:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc20:1.4	“kathañhi nāma ayyā caṇḍakāḷī attānaṁ vadhitvā vadhitvā rodissatī”ti …pe…
pli-tv-bi-vb-pc20:1.5	“saccaṁ kira, bhikkhave, caṇḍakāḷī bhikkhunī attānaṁ vadhitvā vadhitvā rodatī”ti?
pli-tv-bi-vb-pc20:1.6	“Saccaṁ, bhagavā”ti.
pli-tv-bi-vb-pc20:1.7	Vigarahi buddho bhagavā …pe…
pli-tv-bi-vb-pc20:1.8	kathañhi nāma, bhikkhave, caṇḍakāḷī bhikkhunī attānaṁ vadhitvā vadhitvā rodissati.
pli-tv-bi-vb-pc20:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc20:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc20:1.11.0	
pli-tv-bi-vb-pc20:1.11.1	“Yā pana bhikkhunī attānaṁ vadhitvā vadhitvā rodeyya, pācittiyan”ti.
pli-tv-bi-vb-pc20:2.1.0	
pli-tv-bi-vb-pc20:2.1.1	Yā panāti
pli-tv-bi-vb-pc20:2.1.2	yā yādisā …pe…
pli-tv-bi-vb-pc20:2.1.3	bhikkhunīti
pli-tv-bi-vb-pc20:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc20:2.1.5	Attānanti
pli-tv-bi-vb-pc20:2.1.6	paccattaṁ.
pli-tv-bi-vb-pc20:2.1.7	Vadhitvā vadhitvā rodati, āpatti pācittiyassa.
pli-tv-bi-vb-pc20:2.1.8	Vadhati na rodati, āpatti dukkaṭassa.
pli-tv-bi-vb-pc20:2.1.9	Rodati na vadhati, āpatti dukkaṭassa.
pli-tv-bi-vb-pc20:2.2.0	
pli-tv-bi-vb-pc20:2.2.1	Anāpatti—
pli-tv-bi-vb-pc20:2.2.2	ñātibyasanena vā bhogabyasanena vā rogabyasanena vā phuṭṭhā rodati na vadhati,
pli-tv-bi-vb-pc20:2.2.3	ummattikāya,
pli-tv-bi-vb-pc20:2.2.4	ādikammikāyāti.
pli-tv-bi-vb-pc20:2.2.5	Dasamasikkhāpadaṁ niṭṭhitaṁ.
pli-tv-bi-vb-pc20:2.2.6	Andhakāravaggo dutiyo.
pli-tv-bi-vb-pc21:0.1	Theravāda Vinaya
pli-tv-bi-vb-pc21:0.2	Bhikkhunivibhaṅga
pli-tv-bi-vb-pc21:0.3	Pācittiyakaṇḍa
pli-tv-bi-vb-pc21:0.4	Naggavagga
pli-tv-bi-vb-pc21:0.5	21. Naggasikkhāpada
pli-tv-bi-vb-pc21:1.0	
pli-tv-bi-vb-pc21:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc21:1.2	Tena kho pana samayena sambahulā bhikkhuniyo aciravatiyā nadiyā vesiyāhi saddhiṁ naggā ekatitthe nahāyanti.
pli-tv-bi-vb-pc21:1.3	Vesiyā tā bhikkhuniyo uppaṇḍesuṁ—
pli-tv-bi-vb-pc21:1.4	“kiṁ nu kho nāma tumhākaṁ, ayye, daharānaṁ brahmacariyaṁ ciṇṇena, nanu nāma kāmā paribhuñjitabbā.
pli-tv-bi-vb-pc21:1.5	Yadā jiṇṇā bhavissatha tadā brahmacariyaṁ carissatha.
pli-tv-bi-vb-pc21:1.6	Evaṁ tumhākaṁ ubho atthā pariggahitā bhavissantī”ti.
pli-tv-bi-vb-pc21:1.7	Bhikkhuniyo vesiyāhi uppaṇḍiyamānā maṅkū ahesuṁ.
pli-tv-bi-vb-pc21:1.8	Atha kho tā bhikkhuniyo upassayaṁ gantvā bhikkhunīnaṁ etamatthaṁ ārocesuṁ.
pli-tv-bi-vb-pc21:1.9	Bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-pc21:1.10	Bhikkhū bhagavato etamatthaṁ ārocesuṁ.
pli-tv-bi-vb-pc21:1.11	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bi-vb-pc21:1.12	“tena hi, bhikkhave, bhikkhunīnaṁ sikkhāpadaṁ paññapessāmi dasa atthavase paṭicca—
pli-tv-bi-vb-pc21:1.13	saṅghasuṭṭhutāya …pe…
pli-tv-bi-vb-pc21:1.14	vinayānuggahāya.
pli-tv-bi-vb-pc21:1.15	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc21:1.16.0	
pli-tv-bi-vb-pc21:1.16.1	“Yā pana bhikkhunī naggā nahāyeyya, pācittiyan”ti.
pli-tv-bi-vb-pc21:2.1.0	
pli-tv-bi-vb-pc21:2.1.1	Yā panāti
pli-tv-bi-vb-pc21:2.1.2	yā yādisā …pe…
pli-tv-bi-vb-pc21:2.1.3	bhikkhunīti
pli-tv-bi-vb-pc21:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc21:2.1.5	Naggā nahāyeyyāti
pli-tv-bi-vb-pc21:2.1.6	anivatthā vā apārutā vā nahāyati, payoge dukkaṭaṁ.
pli-tv-bi-vb-pc21:2.1.7	Nahānapariyosāne āpatti pācittiyassa.
pli-tv-bi-vb-pc21:2.2.0	
pli-tv-bi-vb-pc21:2.2.1	Anāpatti—
pli-tv-bi-vb-pc21:2.2.2	acchinnacīvarikāya vā naṭṭhacīvarikāya vā,
pli-tv-bi-vb-pc21:2.2.3	āpadāsu,
pli-tv-bi-vb-pc21:2.2.4	ummattikāya,
pli-tv-bi-vb-pc21:2.2.5	ādikammikāyāti.
pli-tv-bi-vb-pc21:2.2.6	Paṭhamasikkhāpadaṁ niṭṭhitaṁ.
pli-tv-bi-vb-pc22:0.1	Theravāda Vinaya
pli-tv-bi-vb-pc22:0.2	Bhikkhunivibhaṅga
pli-tv-bi-vb-pc22:0.3	Pācittiyakaṇḍa
pli-tv-bi-vb-pc22:0.4	Naggavagga
pli-tv-bi-vb-pc22:0.5	22. Udakasāṭikasikkhāpada
pli-tv-bi-vb-pc22:1.0	
pli-tv-bi-vb-pc22:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc22:1.2	Tena kho pana samayena bhagavatā bhikkhunīnaṁ udakasāṭikā anuññātā hoti.
pli-tv-bi-vb-pc22:1.3	Chabbaggiyā bhikkhuniyo—
pli-tv-bi-vb-pc22:1.4	“bhagavatā udakasāṭikā anuññātā”ti appamāṇikāyo udakasāṭikāyo dhāresuṁ.
pli-tv-bi-vb-pc22:1.5	Puratopi pacchatopi ākaḍḍhantā āhiṇḍanti.
pli-tv-bi-vb-pc22:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc22:1.7	“kathañhi nāma chabbaggiyā bhikkhuniyo appamāṇikāyo udakasāṭikāyo dhāressantī”ti …pe…
pli-tv-bi-vb-pc22:1.8	“saccaṁ kira, bhikkhave, chabbaggiyā bhikkhuniyo appamāṇikāyo udakasāṭikāyo dhārentī”ti?
pli-tv-bi-vb-pc22:1.9	“Saccaṁ, bhagavā”ti.
pli-tv-bi-vb-pc22:1.10	Vigarahi buddho bhagavā …pe…
pli-tv-bi-vb-pc22:1.11	kathañhi nāma, bhikkhave, chabbaggiyā bhikkhuniyo appamāṇikāyo udakasāṭikāyo dhāressanti.
pli-tv-bi-vb-pc22:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc22:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc22:1.14.0	
pli-tv-bi-vb-pc22:1.14.1	“Udakasāṭikaṁ pana bhikkhuniyā kārayamānāya pamāṇikā kāretabbā. Tatridaṁ pamāṇaṁ—dīghaso catasso vidatthiyo, sugatavidatthiyā; tiriyaṁ dve vidatthiyo. Taṁ atikkāmentiyā chedanakaṁ pācittiyan”ti.
pli-tv-bi-vb-pc22:2.1.0	
pli-tv-bi-vb-pc22:2.1.1	Udakasāṭikā nāma
pli-tv-bi-vb-pc22:2.1.2	yāya nivatthā nahāyati.
pli-tv-bi-vb-pc22:2.1.3	Kārayamānāyāti
pli-tv-bi-vb-pc22:2.1.4	karontiyā vā kārāpentiyā vā. Pamāṇikā kāretabbā.
pli-tv-bi-vb-pc22:2.1.5	Tatridaṁ pamāṇaṁ— dīghaso catasso vidatthiyo, sugatavidatthiyā; tiriyaṁ dve vidatthiyo.
pli-tv-bi-vb-pc22:2.1.6	Taṁ atikkāmetvā karoti vā kārāpeti vā, payoge dukkaṭaṁ.
pli-tv-bi-vb-pc22:2.1.7	Paṭilābhena chinditvā pācittiyaṁ desetabbaṁ.
pli-tv-bi-vb-pc22:2.1.8.0	
pli-tv-bi-vb-pc22:2.1.8.1	Attanā vippakataṁ attanā pariyosāpeti, āpatti pācittiyassa.
pli-tv-bi-vb-pc22:2.1.9	Attanā vippakataṁ parehi pariyosāpeti, āpatti pācittiyassa.
pli-tv-bi-vb-pc22:2.1.10	Parehi vippakataṁ attanā pariyosāpeti, āpatti pācittiyassa.
pli-tv-bi-vb-pc22:2.1.11	Parehi vippakataṁ parehi pariyosāpeti, āpatti pācittiyassa.
pli-tv-bi-vb-pc22:2.1.12	Aññassatthāya karoti vā kārāpeti vā, āpatti dukkaṭassa.
pli-tv-bi-vb-pc22:2.1.13	Aññena kataṁ paṭilabhitvā paribhuñjati, āpatti dukkaṭassa.
pli-tv-bi-vb-pc22:2.2.0	
pli-tv-bi-vb-pc22:2.2.1	Anāpatti—
pli-tv-bi-vb-pc22:2.2.2	pamāṇikaṁ karoti,
pli-tv-bi-vb-pc22:2.2.3	ūnakaṁ karoti,
pli-tv-bi-vb-pc22:2.2.4	aññena kataṁ pamāṇātikkantaṁ paṭilabhitvā chinditvā paribhuñjati,
pli-tv-bi-vb-pc22:2.2.5	vitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,
pli-tv-bi-vb-pc22:2.2.6	ummattikāya,
pli-tv-bi-vb-pc22:2.2.7	ādikammikāyāti.
pli-tv-bi-vb-pc22:2.2.8	Dutiyasikkhāpadaṁ niṭṭhitaṁ.
pli-tv-bi-vb-pc23:0.1	Theravāda Vinaya
pli-tv-bi-vb-pc23:0.2	Bhikkhunivibhaṅga
pli-tv-bi-vb-pc23:0.3	Pācittiyakaṇḍa
pli-tv-bi-vb-pc23:0.4	Naggavagga
pli-tv-bi-vb-pc23:0.5	23. Cīvarasibbanasikkhāpada
pli-tv-bi-vb-pc23:1.0	
pli-tv-bi-vb-pc23:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc23:1.2	Tena kho pana samayena aññatarissā bhikkhuniyā mahagghe cīvaradusse cīvaraṁ dukkaṭaṁ hoti dussibbitaṁ.
pli-tv-bi-vb-pc23:1.3	Thullanandā bhikkhunī taṁ bhikkhuniṁ etadavoca—
pli-tv-bi-vb-pc23:1.4	“sundaraṁ kho idaṁ te, ayye, cīvaradussaṁ;
pli-tv-bi-vb-pc23:1.5	cīvarañca kho dukkaṭaṁ dussibbitan”ti.
pli-tv-bi-vb-pc23:1.6	“Visibbemi, ayye, sibbissasī”ti?
pli-tv-bi-vb-pc23:1.7	“Āmāyye, sibbissāmī”ti.
pli-tv-bi-vb-pc23:1.8	Atha kho sā bhikkhunī taṁ cīvaraṁ visibbetvā thullanandāya bhikkhuniyā adāsi.
pli-tv-bi-vb-pc23:1.9	Thullanandā bhikkhunī—
pli-tv-bi-vb-pc23:1.10	“sibbissāmi sibbissāmī”ti neva sibbati na sibbāpanāya ussukkaṁ karoti.
pli-tv-bi-vb-pc23:1.11	Atha kho sā bhikkhunī bhikkhunīnaṁ etamatthaṁ ārocesi.
pli-tv-bi-vb-pc23:1.12	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc23:1.13	“kathañhi nāma ayyā thullanandā bhikkhuniyā cīvaraṁ visibbāpetvā neva sibbissati na sibbāpanāya ussukkaṁ karissatī”ti …pe…
pli-tv-bi-vb-pc23:1.14	“saccaṁ kira, bhikkhave, thullanandā bhikkhunī bhikkhuniyā cīvaraṁ visibbāpetvā neva sibbati na sibbāpanāya ussukkaṁ karotī”ti?
pli-tv-bi-vb-pc23:1.15	“Saccaṁ, bhagavā”ti.
pli-tv-bi-vb-pc23:1.16	Vigarahi buddho bhagavā …pe…
pli-tv-bi-vb-pc23:1.17	kathañhi nāma, bhikkhave, thullanandā bhikkhunī bhikkhuniyā cīvaraṁ visibbāpetvā neva sibbissati na sibbāpanāya ussukkaṁ karissati.
pli-tv-bi-vb-pc23:1.18	Netaṁ, bhikkhave, appasannānaṁ vā pasādāya …pe…
pli-tv-bi-vb-pc23:1.19	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc23:1.20.0	
pli-tv-bi-vb-pc23:1.20.1	“Yā pana bhikkhunī bhikkhuniyā cīvaraṁ visibbetvā vā visibbāpetvā vā sā pacchā anantarāyikinī neva sibbeyya na sibbāpanāya ussukkaṁ kareyya, aññatra catūhapañcāhā, pācittiyan”ti.
pli-tv-bi-vb-pc23:2.1.0	
pli-tv-bi-vb-pc23:2.1.1	Yā panāti
pli-tv-bi-vb-pc23:2.1.2	yā yādisā …pe…
pli-tv-bi-vb-pc23:2.1.3	bhikkhunīti
pli-tv-bi-vb-pc23:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc23:2.1.5	Bhikkhuniyāti
pli-tv-bi-vb-pc23:2.1.6	aññāya bhikkhuniyā.
pli-tv-bi-vb-pc23:2.1.7	Cīvaraṁ nāma
pli-tv-bi-vb-pc23:2.1.8	channaṁ cīvarānaṁ aññataraṁ cīvaraṁ.
pli-tv-bi-vb-pc23:2.1.9	Visibbetvāti
pli-tv-bi-vb-pc23:2.1.10	sayaṁ visibbetvā.
pli-tv-bi-vb-pc23:2.1.11	Visibbāpetvāti
pli-tv-bi-vb-pc23:2.1.12	aññaṁ visibbāpetvā.
pli-tv-bi-vb-pc23:2.1.13	Sā pacchā anantarāyikinīti
pli-tv-bi-vb-pc23:2.1.14	asati antarāye.
pli-tv-bi-vb-pc23:2.1.15	Neva sibbeyyāti
pli-tv-bi-vb-pc23:2.1.16	na sayaṁ sibbeyya.
pli-tv-bi-vb-pc23:2.1.17	Na sibbāpanāya ussukkaṁ kareyyāti
pli-tv-bi-vb-pc23:2.1.18	na aññaṁ āṇāpeyya.
pli-tv-bi-vb-pc23:2.1.19	Aññatra catūhapañcāhāti
pli-tv-bi-vb-pc23:2.1.20	ṭhapetvā catūhapañcāhaṁ.
pli-tv-bi-vb-pc23:2.1.21	“Neva sibbissāmi na sibbāpanāya ussukkaṁ karissāmī”ti dhuraṁ nikkhittamatte āpatti pācittiyassa.
pli-tv-bi-vb-pc23:2.2.0	
pli-tv-bi-vb-pc23:2.2.1	Upasampannāya upasampannasaññā cīvaraṁ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṁ karoti, aññatra catūhapañcāhā, āpatti pācittiyassa.
pli-tv-bi-vb-pc23:2.2.2	Upasampannāya vematikā cīvaraṁ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṁ karoti, aññatra catūhapañcāhā, āpatti pācittiyassa.
pli-tv-bi-vb-pc23:2.2.3	Upasampannāya anupasampannasaññā cīvaraṁ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṁ karoti, aññatra catūhapañcāhā, āpatti pācittiyassa.
pli-tv-bi-vb-pc23:2.2.4	Aññaṁ parikkhāraṁ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṁ karoti, aññatra catūhapañcāhā, āpatti dukkaṭassa.
pli-tv-bi-vb-pc23:2.2.5	Anupasampannāya cīvaraṁ vā aññaṁ vā parikkhāraṁ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṁ karoti, aññatra catūhapañcāhā, āpatti dukkaṭassa.
pli-tv-bi-vb-pc23:2.2.6	Anupasampannāya upasampannasaññā, āpatti dukkaṭassa.
pli-tv-bi-vb-pc23:2.2.7	Anupasampannāya vematikā, āpatti dukkaṭassa.
pli-tv-bi-vb-pc23:2.2.8	Anupasampannāya anupasampannasaññā, āpatti dukkaṭassa.
pli-tv-bi-vb-pc23:2.3.0	
pli-tv-bi-vb-pc23:2.3.1	Anāpatti—
pli-tv-bi-vb-pc23:2.3.2	sati antarāye,
pli-tv-bi-vb-pc23:2.3.3	pariyesitvā na labhati,
pli-tv-bi-vb-pc23:2.3.4	karontī catūhapañcāhaṁ atikkāmeti,
pli-tv-bi-vb-pc23:2.3.5	gilānāya,
pli-tv-bi-vb-pc23:2.3.6	āpadāsu,
pli-tv-bi-vb-pc23:2.3.7	ummattikāya,
pli-tv-bi-vb-pc23:2.3.8	ādikammikāyāti.
pli-tv-bi-vb-pc23:2.3.9	Tatiyasikkhāpadaṁ niṭṭhitaṁ.
pli-tv-bi-vb-pc24:0.1	Theravāda Vinaya
pli-tv-bi-vb-pc24:0.2	Bhikkhunivibhaṅga
pli-tv-bi-vb-pc24:0.3	Pācittiyakaṇḍa
pli-tv-bi-vb-pc24:0.4	Naggavagga
pli-tv-bi-vb-pc24:0.5	24. Saṅghāṭicārasikkhāpada
pli-tv-bi-vb-pc24:1.0	
pli-tv-bi-vb-pc24:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc24:1.2	Tena kho pana samayena bhikkhuniyo bhikkhunīnaṁ hatthe cīvaraṁ nikkhipitvā santaruttarena janapadacārikaṁ pakkamanti.
pli-tv-bi-vb-pc24:1.3	Tāni cīvarāni ciraṁ nikkhittāni kaṇṇakitāni honti.
pli-tv-bi-vb-pc24:1.4	Tāni bhikkhuniyo otāpenti.
pli-tv-bi-vb-pc24:1.5	Bhikkhuniyo tā bhikkhuniyo etadavocuṁ—
pli-tv-bi-vb-pc24:1.6	“kassimāni, ayye, cīvarāni kaṇṇakitānī”ti?
pli-tv-bi-vb-pc24:1.7	Atha kho tā bhikkhuniyo bhikkhunīnaṁ etamatthaṁ ārocesuṁ.
pli-tv-bi-vb-pc24:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc24:1.9	“kathañhi nāma bhikkhuniyo bhikkhunīnaṁ hatthe cīvaraṁ nikkhipitvā santaruttarena janapadacārikaṁ pakkamissantī”ti …pe…
pli-tv-bi-vb-pc24:1.10	“saccaṁ kira, bhikkhave, bhikkhuniyo bhikkhunīnaṁ hatthe cīvaraṁ nikkhipitvā santaruttarena janapadacārikaṁ pakkamantī”ti?
pli-tv-bi-vb-pc24:1.11	“Saccaṁ, bhagavā”ti.
pli-tv-bi-vb-pc24:1.12	Vigarahi buddho bhagavā …pe…
pli-tv-bi-vb-pc24:1.13	kathañhi nāma, bhikkhave, bhikkhuniyo bhikkhunīnaṁ hatthe cīvaraṁ nikkhipitvā santaruttarena janapadacārikaṁ pakkamissanti.
pli-tv-bi-vb-pc24:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc24:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc24:1.16.0	
pli-tv-bi-vb-pc24:1.16.1	“Yā pana bhikkhunī pañcāhikaṁ saṅghāṭicāraṁ atikkāmeyya, pācittiyan”ti.
pli-tv-bi-vb-pc24:2.1.0	
pli-tv-bi-vb-pc24:2.1.1	Yā panāti
pli-tv-bi-vb-pc24:2.1.2	yā yādisā …pe…
pli-tv-bi-vb-pc24:2.1.3	bhikkhunīti
pli-tv-bi-vb-pc24:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc24:2.1.5	Pañcāhikaṁ saṅghāṭicāraṁ atikkāmeyyāti
pli-tv-bi-vb-pc24:2.1.6	pañcamaṁ divasaṁ pañca cīvarāni neva nivāseti na pārupati na otāpeti, pañcamaṁ divasaṁ atikkāmeti, āpatti pācittiyassa.
pli-tv-bi-vb-pc24:2.2.0	
pli-tv-bi-vb-pc24:2.2.1	Pañcāhātikkante atikkantasaññā, āpatti pācittiyassa.
pli-tv-bi-vb-pc24:2.2.2	Pañcāhātikkante vematikā, āpatti pācittiyassa.
pli-tv-bi-vb-pc24:2.2.3	Pañcāhātikkante anatikkantasaññā, āpatti pācittiyassa.
pli-tv-bi-vb-pc24:2.2.4	Pañcāhānatikkante atikkantasaññā, āpatti dukkaṭassa.
pli-tv-bi-vb-pc24:2.2.5	Pañcāhānatikkante vematikā, āpatti dukkaṭassa.
pli-tv-bi-vb-pc24:2.2.6	Pañcāhānatikkante anatikkantasaññā, anāpatti.
pli-tv-bi-vb-pc24:2.3.0	
pli-tv-bi-vb-pc24:2.3.1	Anāpatti—
pli-tv-bi-vb-pc24:2.3.2	pañcamaṁ divasaṁ pañca cīvarāni nivāseti vā pārupati vā otāpeti vā,
pli-tv-bi-vb-pc24:2.3.3	gilānāya,
pli-tv-bi-vb-pc24:2.3.4	āpadāsu,
pli-tv-bi-vb-pc24:2.3.5	ummattikāya,
pli-tv-bi-vb-pc24:2.3.6	ādikammikāyāti.
pli-tv-bi-vb-pc24:2.3.7	Catutthasikkhāpadaṁ niṭṭhitaṁ.
pli-tv-bi-vb-pc25:0.1	Theravāda Vinaya
pli-tv-bi-vb-pc25:0.2	Bhikkhunivibhaṅga
pli-tv-bi-vb-pc25:0.3	Pācittiyakaṇḍa
pli-tv-bi-vb-pc25:0.4	Naggavagga
pli-tv-bi-vb-pc25:0.5	25. Cīvarasaṅkamanīyasikkhāpada
pli-tv-bi-vb-pc25:1.0	
pli-tv-bi-vb-pc25:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc25:1.2	Tena kho pana samayena aññatarā bhikkhunī piṇḍāya caritvā allacīvaraṁ pattharitvā vihāraṁ pāvisi.
pli-tv-bi-vb-pc25:1.3	Aññatarā bhikkhunī taṁ cīvaraṁ pārupitvā gāmaṁ piṇḍāya pāvisi.
pli-tv-bi-vb-pc25:1.4	Sā nikkhamitvā bhikkhuniyo pucchi—
pli-tv-bi-vb-pc25:1.5	“apāyye, mayhaṁ cīvaraṁ passeyyāthā”ti?
pli-tv-bi-vb-pc25:1.6	Bhikkhuniyo tassā bhikkhuniyā etamatthaṁ ārocesuṁ.
pli-tv-bi-vb-pc25:1.7	Atha kho sā bhikkhunī ujjhāyati khiyyati vipāceti—
pli-tv-bi-vb-pc25:1.8	“kathañhi nāma bhikkhunī mayhaṁ cīvaraṁ anāpucchā pārupissatī”ti.
pli-tv-bi-vb-pc25:1.9	Atha kho sā bhikkhunī bhikkhunīnaṁ etamatthaṁ ārocesi.
pli-tv-bi-vb-pc25:1.10	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc25:1.11	“kathañhi nāma bhikkhunī bhikkhuniyā cīvaraṁ anāpucchā pārupissatī”ti …pe…
pli-tv-bi-vb-pc25:1.12	“saccaṁ kira, bhikkhave, bhikkhunī bhikkhuniyā cīvaraṁ anāpucchā pārupatī”ti?
pli-tv-bi-vb-pc25:1.13	“Saccaṁ, bhagavā”ti.
pli-tv-bi-vb-pc25:1.14	Vigarahi buddho bhagavā …pe…
pli-tv-bi-vb-pc25:1.15	kathañhi nāma, bhikkhave, bhikkhunī bhikkhuniyā cīvaraṁ anāpucchā pārupissati.
pli-tv-bi-vb-pc25:1.16	Netaṁ, bhikkhave, appasannānaṁ vā pasādāya …pe…
pli-tv-bi-vb-pc25:1.17	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc25:1.18.0	
pli-tv-bi-vb-pc25:1.18.1	“Yā pana bhikkhunī cīvarasaṅkamanīyaṁ dhāreyya, pācittiyan”ti.
pli-tv-bi-vb-pc25:2.1.0	
pli-tv-bi-vb-pc25:2.1.1	Yā panāti
pli-tv-bi-vb-pc25:2.1.2	yā yādisā …pe…
pli-tv-bi-vb-pc25:2.1.3	bhikkhunīti
pli-tv-bi-vb-pc25:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc25:2.1.5	Cīvarasaṅkamanīyaṁ nāma
pli-tv-bi-vb-pc25:2.1.6	upasampannāya pañcannaṁ cīvarānaṁ aññataraṁ cīvaraṁ tassā vā adinnaṁ taṁ vā anāpucchā nivāseti vā pārupati vā, āpatti pācittiyassa.
pli-tv-bi-vb-pc25:2.2.0	
pli-tv-bi-vb-pc25:2.2.1	Upasampannāya upasampannasaññā cīvarasaṅkamanīyaṁ dhāreti, āpatti pācittiyassa.
pli-tv-bi-vb-pc25:2.2.2	Upasampannāya vematikā cīvarasaṅkamanīyaṁ dhāreti, āpatti pācittiyassa.
pli-tv-bi-vb-pc25:2.2.3	Upasampannāya anupasampannasaññā cīvarasaṅkamanīyaṁ dhāreti, āpatti pācittiyassa.
pli-tv-bi-vb-pc25:2.2.4	Anupasampannāya cīvarasaṅkamanīyaṁ dhāreti, āpatti dukkaṭassa.
pli-tv-bi-vb-pc25:2.2.5	Anupasampannāya upasampannasaññā, āpatti dukkaṭassa.
pli-tv-bi-vb-pc25:2.2.6	Anupasampannāya vematikā, āpatti dukkaṭassa.
pli-tv-bi-vb-pc25:2.2.7	Anupasampannāya anupasampannasaññā, āpatti dukkaṭassa.
pli-tv-bi-vb-pc25:2.3.0	
pli-tv-bi-vb-pc25:2.3.1	Anāpatti—
pli-tv-bi-vb-pc25:2.3.2	sā vā deti,
pli-tv-bi-vb-pc25:2.3.3	taṁ vā āpucchā nivāseti vā pārupati vā,
pli-tv-bi-vb-pc25:2.3.4	acchinnacīvarikāya,
pli-tv-bi-vb-pc25:2.3.5	naṭṭhacīvarikāya,
pli-tv-bi-vb-pc25:2.3.6	āpadāsu,
pli-tv-bi-vb-pc25:2.3.7	ummattikāya,
pli-tv-bi-vb-pc25:2.3.8	ādikammikāyāti.
pli-tv-bi-vb-pc25:2.3.9	Pañcamasikkhāpadaṁ niṭṭhitaṁ.
pli-tv-bi-vb-pc26:0.1	Theravāda Vinaya
pli-tv-bi-vb-pc26:0.2	Bhikkhunivibhaṅga
pli-tv-bi-vb-pc26:0.3	Pācittiyakaṇḍa
pli-tv-bi-vb-pc26:0.4	Naggavagga
pli-tv-bi-vb-pc26:0.5	26. Gaṇacīvarasikkhāpada
pli-tv-bi-vb-pc26:1.0	
pli-tv-bi-vb-pc26:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc26:1.2	Tena kho pana samayena thullanandāya bhikkhuniyā upaṭṭhākakulaṁ thullanandaṁ bhikkhuniṁ etadavoca—
pli-tv-bi-vb-pc26:1.3	“bhikkhunisaṅghassa, ayye, cīvaraṁ dassāmā”ti.
pli-tv-bi-vb-pc26:1.4	Thullanandā bhikkhunī—
pli-tv-bi-vb-pc26:1.5	“tumhe bahukiccā bahukaraṇīyā”ti antarāyaṁ akāsi.
pli-tv-bi-vb-pc26:1.6	Tena kho pana samayena tassa kulassa gharaṁ ḍayhati.
pli-tv-bi-vb-pc26:1.7	Te ujjhāyanti khiyyanti vipācenti—
pli-tv-bi-vb-pc26:1.8	“kathañhi nāma ayyā thullanandā amhākaṁ deyyadhammaṁ antarāyaṁ karissati.
pli-tv-bi-vb-pc26:1.9	Ubhayenāmha paribāhirā bhogehi ca puññena cā”ti.
pli-tv-bi-vb-pc26:1.10	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc26:1.11	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc26:1.12	“kathañhi nāma ayyā thullanandā gaṇassa cīvaralābhaṁ antarāyaṁ karissatī”ti …pe…
pli-tv-bi-vb-pc26:1.13	“saccaṁ kira, bhikkhave, thullanandā bhikkhunī gaṇassa cīvaralābhaṁ antarāyaṁ akāsī”ti?
pli-tv-bi-vb-pc26:1.14	“Saccaṁ, bhagavā”ti.
pli-tv-bi-vb-pc26:1.15	Vigarahi buddho bhagavā …pe…
pli-tv-bi-vb-pc26:1.16	kathañhi nāma, bhikkhave, thullanandā bhikkhunī gaṇassa cīvaralābhaṁ antarāyaṁ karissati.
pli-tv-bi-vb-pc26:1.17	Netaṁ, bhikkhave, appasannānaṁ vā pasādāya …pe…
pli-tv-bi-vb-pc26:1.18	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc26:1.19.0	
pli-tv-bi-vb-pc26:1.19.1	“Yā pana bhikkhunī gaṇassa cīvaralābhaṁ antarāyaṁ kareyya, pācittiyan”ti.
pli-tv-bi-vb-pc26:2.1.0	
pli-tv-bi-vb-pc26:2.1.1	Yā panāti
pli-tv-bi-vb-pc26:2.1.2	yā yādisā …pe…
pli-tv-bi-vb-pc26:2.1.3	bhikkhunīti
pli-tv-bi-vb-pc26:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc26:2.1.5	Gaṇo nāma
pli-tv-bi-vb-pc26:2.1.6	bhikkhunisaṅgho vuccati.
pli-tv-bi-vb-pc26:2.1.7	Cīvaraṁ nāma
pli-tv-bi-vb-pc26:2.1.8	channaṁ cīvarānaṁ aññataraṁ cīvaraṁ vikappanupagaṁ pacchimaṁ.
pli-tv-bi-vb-pc26:2.1.9	Antarāyaṁ kareyyāti
pli-tv-bi-vb-pc26:2.1.10	“kathaṁ ime cīvaraṁ na dadeyyun”ti antarāyaṁ karoti, āpatti pācittiyassa.
pli-tv-bi-vb-pc26:2.1.11	Aññaṁ parikkhāraṁ antarāyaṁ karoti, āpatti dukkaṭassa.
pli-tv-bi-vb-pc26:2.1.12	Sambahulānaṁ bhikkhunīnaṁ vā ekabhikkhuniyā vā anupasampannāya vā cīvaraṁ vā aññaṁ vā parikkhāraṁ antarāyaṁ karoti, āpatti dukkaṭassa.
pli-tv-bi-vb-pc26:2.2.0	
pli-tv-bi-vb-pc26:2.2.1	Anāpatti—
pli-tv-bi-vb-pc26:2.2.2	ānisaṁsaṁ dassetvā nivāreti,
pli-tv-bi-vb-pc26:2.2.3	ummattikāya,
pli-tv-bi-vb-pc26:2.2.4	ādikammikāyāti.
pli-tv-bi-vb-pc26:2.2.5	Chaṭṭhasikkhāpadaṁ niṭṭhitaṁ.
pli-tv-bi-vb-pc27:0.1	Theravāda Vinaya
pli-tv-bi-vb-pc27:0.2	Bhikkhunivibhaṅga
pli-tv-bi-vb-pc27:0.3	Pācittiyakaṇḍa
pli-tv-bi-vb-pc27:0.4	Naggavagga
pli-tv-bi-vb-pc27:0.5	27. Paṭibāhanasikkhāpada
pli-tv-bi-vb-pc27:1.0	
pli-tv-bi-vb-pc27:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc27:1.2	Tena kho pana samayena bhikkhunisaṅghassa akālacīvaraṁ uppannaṁ hoti.
pli-tv-bi-vb-pc27:1.3	Atha kho bhikkhunisaṅgho taṁ cīvaraṁ bhājetukāmo sannipati.
pli-tv-bi-vb-pc27:1.4	Tena kho pana samayena thullanandāya bhikkhuniyā antevāsiniyo bhikkhuniyo pakkantā honti.
pli-tv-bi-vb-pc27:1.5	Thullanandā bhikkhunī tā bhikkhuniyo etadavoca—
pli-tv-bi-vb-pc27:1.6	“ayye, bhikkhuniyo pakkantā, na tāva cīvaraṁ bhājīyissatī”ti.
pli-tv-bi-vb-pc27:1.7	Cīvaravibhaṅgaṁ paṭibāhi.
pli-tv-bi-vb-pc27:1.8	Bhikkhuniyo na tāva cīvaraṁ bhājīyissatīti pakkamiṁsu.
pli-tv-bi-vb-pc27:1.9	Thullanandā bhikkhunī antevāsinīsu bhikkhunīsu āgatāsu taṁ cīvaraṁ bhājāpesi.
pli-tv-bi-vb-pc27:1.10	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc27:1.11	“kathañhi nāma ayyā thullanandā dhammikaṁ cīvaravibhaṅgaṁ paṭibāhissatī”ti …pe…
pli-tv-bi-vb-pc27:1.12	“saccaṁ kira, bhikkhave, thullanandā bhikkhunī dhammikaṁ cīvaravibhaṅgaṁ paṭibāhatī”ti?
pli-tv-bi-vb-pc27:1.13	“Saccaṁ, bhagavā”ti.
pli-tv-bi-vb-pc27:1.14	Vigarahi buddho bhagavā …pe…
pli-tv-bi-vb-pc27:1.15	kathañhi nāma, bhikkhave, thullanandā bhikkhunī dhammikaṁ cīvaravibhaṅgaṁ paṭibāhissati.
pli-tv-bi-vb-pc27:1.16	Netaṁ, bhikkhave, appasannānaṁ vā pasādāya …pe…
pli-tv-bi-vb-pc27:1.17	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc27:1.18.0	
pli-tv-bi-vb-pc27:1.18.1	“Yā pana bhikkhunī dhammikaṁ cīvaravibhaṅgaṁ paṭibāheyya, pācittiyan”ti.
pli-tv-bi-vb-pc27:2.1.0	
pli-tv-bi-vb-pc27:2.1.1	Yā panāti
pli-tv-bi-vb-pc27:2.1.2	yā yādisā …pe…
pli-tv-bi-vb-pc27:2.1.3	bhikkhunīti
pli-tv-bi-vb-pc27:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc27:2.1.5	Dhammiko nāma cīvaravibhaṅgo
pli-tv-bi-vb-pc27:2.1.6	samaggo bhikkhunisaṅgho sannipatitvā bhājeti.
pli-tv-bi-vb-pc27:2.1.7	Paṭibāheyyāti
pli-tv-bi-vb-pc27:2.1.8	kathaṁ imaṁ cīvaraṁ na bhājeyyāti paṭibāhati, āpatti pācittiyassa.
pli-tv-bi-vb-pc27:2.2.0	
pli-tv-bi-vb-pc27:2.2.1	Dhammike dhammikasaññā paṭibāhati, āpatti pācittiyassa.
pli-tv-bi-vb-pc27:2.2.2	Dhammike vematikā paṭibāhati, āpatti dukkaṭassa.
pli-tv-bi-vb-pc27:2.2.3	Dhammike adhammikasaññā paṭibāhati, anāpatti.
pli-tv-bi-vb-pc27:2.2.4	Adhammike dhammikasaññā, āpatti dukkaṭassa.
pli-tv-bi-vb-pc27:2.2.5	Adhammike vematikā, āpatti dukkaṭassa.
pli-tv-bi-vb-pc27:2.2.6	Adhammike adhammikasaññā, anāpatti.
pli-tv-bi-vb-pc27:2.3.0	
pli-tv-bi-vb-pc27:2.3.1	Anāpatti—
pli-tv-bi-vb-pc27:2.3.2	ānisaṁsaṁ dassetvā paṭibāhati,
pli-tv-bi-vb-pc27:2.3.3	ummattikāya,
pli-tv-bi-vb-pc27:2.3.4	ādikammikāyāti.
pli-tv-bi-vb-pc27:2.3.5	Sattamasikkhāpadaṁ niṭṭhitaṁ.
pli-tv-bi-vb-pc28:0.1	Theravāda Vinaya
pli-tv-bi-vb-pc28:0.2	Bhikkhunivibhaṅga
pli-tv-bi-vb-pc28:0.3	Pācittiyakaṇḍa
pli-tv-bi-vb-pc28:0.4	Naggavagga
pli-tv-bi-vb-pc28:0.5	28. Cīvaradānasikkhāpada
pli-tv-bi-vb-pc28:1.0	
pli-tv-bi-vb-pc28:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc28:1.2	Tena kho pana samayena thullanandā bhikkhunī naṭānampi naṭakānampi laṅghakānampi sokajjhāyikānampi kumbhathūṇikānampi samaṇacīvaraṁ deti—
pli-tv-bi-vb-pc28:1.3	“mayhaṁ parisati vaṇṇaṁ bhāsathā”ti.
pli-tv-bi-vb-pc28:1.4	Naṭāpi naṭakāpi laṅghakāpi sokajjhāyikāpi kumbhathūṇikāpi thullanandāya bhikkhuniyā parisati vaṇṇaṁ bhāsanti—
pli-tv-bi-vb-pc28:1.5	“ayyā thullanandā bahussutā bhāṇikā visāradā paṭṭā dhammiṁ kathaṁ kātuṁ;
pli-tv-bi-vb-pc28:1.6	detha ayyāya, karotha ayyāyā”ti.
pli-tv-bi-vb-pc28:1.7	Yā tā bhikkhuniyo appicchā … tā ujjhāyanti khiyyanti vipācenti—
pli-tv-bi-vb-pc28:1.8	“kathañhi nāma ayyā thullanandā agārikassa samaṇacīvaraṁ dassatī”ti …pe…
pli-tv-bi-vb-pc28:1.9	“saccaṁ kira, bhikkhave, thullanandā bhikkhunī agārikassa samaṇacīvaraṁ detī”ti?
pli-tv-bi-vb-pc28:1.10	“Saccaṁ, bhagavā”ti.
pli-tv-bi-vb-pc28:1.11	Vigarahi buddho bhagavā …pe…
pli-tv-bi-vb-pc28:1.12	kathañhi nāma, bhikkhave, thullanandā bhikkhunī agārikassa samaṇacīvaraṁ dassati.
pli-tv-bi-vb-pc28:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc28:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc28:1.15.0	
pli-tv-bi-vb-pc28:1.15.1	“Yā pana bhikkhunī agārikassa vā paribbājakassa vā paribbājikāya vā samaṇacīvaraṁ dadeyya, pācittiyan”ti.
pli-tv-bi-vb-pc28:2.1.0	
pli-tv-bi-vb-pc28:2.1.1	Yā panāti
pli-tv-bi-vb-pc28:2.1.2	yā yādisā …pe…
pli-tv-bi-vb-pc28:2.1.3	bhikkhunīti
pli-tv-bi-vb-pc28:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc28:2.1.5	Agāriko nāma
pli-tv-bi-vb-pc28:2.1.6	yo koci agāraṁ ajjhāvasati.
pli-tv-bi-vb-pc28:2.1.7	Paribbājako nāma
pli-tv-bi-vb-pc28:2.1.8	bhikkhuñca sāmaṇerañca ṭhapetvā yo koci paribbājakasamāpanno.
pli-tv-bi-vb-pc28:2.1.9	Paribbājikā nāma
pli-tv-bi-vb-pc28:2.1.10	bhikkhuniñca sikkhamānañca sāmaṇeriñca ṭhapetvā yā kāci paribbājikasamāpannā.
pli-tv-bi-vb-pc28:2.1.11	Samaṇacīvaraṁ nāma
pli-tv-bi-vb-pc28:2.1.12	kappakataṁ vuccati.
pli-tv-bi-vb-pc28:2.1.13	Deti, āpatti pācittiyassa.
pli-tv-bi-vb-pc28:2.2.0	
pli-tv-bi-vb-pc28:2.2.1	Anāpatti—
pli-tv-bi-vb-pc28:2.2.2	mātāpitūnaṁ deti,
pli-tv-bi-vb-pc28:2.2.3	tāvakālikaṁ deti,
pli-tv-bi-vb-pc28:2.2.4	ummattikāya,
pli-tv-bi-vb-pc28:2.2.5	ādikammikāyāti.
pli-tv-bi-vb-pc28:2.2.6	Aṭṭhamasikkhāpadaṁ niṭṭhitaṁ.
pli-tv-bi-vb-pc29:0.1	Theravāda Vinaya
pli-tv-bi-vb-pc29:0.2	Bhikkhunivibhaṅga
pli-tv-bi-vb-pc29:0.3	Pācittiyakaṇḍa
pli-tv-bi-vb-pc29:0.4	Naggavagga
pli-tv-bi-vb-pc29:0.5	29. Kālaatikkamanasikkhāpada
pli-tv-bi-vb-pc29:1.0	
pli-tv-bi-vb-pc29:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc29:1.2	Tena kho pana samayena thullanandāya bhikkhuniyā upaṭṭhākakulaṁ thullanandaṁ bhikkhuniṁ etadavoca—
pli-tv-bi-vb-pc29:1.3	“sace mayaṁ, ayye, sakkoma, bhikkhunisaṅghassa cīvaraṁ dassāmā”ti.
pli-tv-bi-vb-pc29:1.4	Tena kho pana samayena vassaṁvuṭṭhā bhikkhuniyo cīvaraṁ bhājetukāmā sannipatiṁsu.
pli-tv-bi-vb-pc29:1.5	Thullanandā bhikkhunī tā bhikkhuniyo etadavoca—
pli-tv-bi-vb-pc29:1.6	“āgametha, ayye, atthi bhikkhunisaṅghassa cīvarapaccāsā”ti.
pli-tv-bi-vb-pc29:1.7	Bhikkhuniyo thullanandaṁ bhikkhuniṁ etadavocuṁ—
pli-tv-bi-vb-pc29:1.8	“gacchāyye, taṁ cīvaraṁ jānāhī”ti.
pli-tv-bi-vb-pc29:1.9	Thullanandā bhikkhunī yena taṁ kulaṁ tenupasaṅkami; upasaṅkamitvā te manusse etadavoca—
pli-tv-bi-vb-pc29:1.10	“dethāvuso, bhikkhunisaṅghassa cīvaran”ti.
pli-tv-bi-vb-pc29:1.11	“Na mayaṁ, ayye, sakkoma bhikkhunisaṅghassa cīvaraṁ dātun”ti.
pli-tv-bi-vb-pc29:1.12	Thullanandā bhikkhunī bhikkhunīnaṁ etamatthaṁ ārocesi.
pli-tv-bi-vb-pc29:1.13	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc29:1.14	“kathañhi nāma ayyā thullanandā dubbalacīvarapaccāsāya cīvarakālasamayaṁ atikkāmessatī”ti …pe…
pli-tv-bi-vb-pc29:1.15	“saccaṁ kira, bhikkhave, thullanandā bhikkhunī dubbalacīvarapaccāsāya cīvarakālasamayaṁ atikkāmetī”ti?
pli-tv-bi-vb-pc29:1.16	“Saccaṁ, bhagavā”ti.
pli-tv-bi-vb-pc29:1.17	Vigarahi buddho bhagavā …pe…
pli-tv-bi-vb-pc29:1.18	kathañhi nāma, bhikkhave, thullanandā bhikkhunī dubbalacīvarapaccāsāya cīvarakālasamayaṁ atikkāmessati.
pli-tv-bi-vb-pc29:1.19	Netaṁ, bhikkhave, appasannānaṁ vā pasādāya …pe…
pli-tv-bi-vb-pc29:1.20	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc29:1.21.0	
pli-tv-bi-vb-pc29:1.21.1	“Yā pana bhikkhunī dubbalacīvarapaccāsāya cīvarakālasamayaṁ atikkāmeyya, pācittiyan”ti.
pli-tv-bi-vb-pc29:2.1.0	
pli-tv-bi-vb-pc29:2.1.1	Yā panāti
pli-tv-bi-vb-pc29:2.1.2	yā yādisā …pe…
pli-tv-bi-vb-pc29:2.1.3	bhikkhunīti
pli-tv-bi-vb-pc29:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc29:2.1.5	Dubbalacīvarapaccāsā nāma
pli-tv-bi-vb-pc29:2.1.6	“sace mayaṁ sakkoma, dassāma karissāmā”ti vācā bhinnā hoti.
pli-tv-bi-vb-pc29:2.1.7	Cīvarakālasamayo nāma
pli-tv-bi-vb-pc29:2.1.8	anatthate kathine vassānassa pacchimo māso, atthate kathine pañca māsā.
pli-tv-bi-vb-pc29:2.1.9	Cīvarakālasamayaṁ atikkāmeyyāti
pli-tv-bi-vb-pc29:2.1.10	anatthate kathine vassānassa pacchimaṁ divasaṁ atikkāmeti, āpatti pācittiyassa.
pli-tv-bi-vb-pc29:2.1.11	Atthate kathine kathinuddhāradivasaṁ atikkāmeti, āpatti pācittiyassa.
pli-tv-bi-vb-pc29:2.2.0	
pli-tv-bi-vb-pc29:2.2.1	Dubbalacīvare dubbalacīvarasaññā cīvarakālasamayaṁ atikkāmeti, āpatti pācittiyassa.
pli-tv-bi-vb-pc29:2.2.2	Dubbalacīvare vematikā cīvarakālasamayaṁ atikkāmeti, āpatti dukkaṭassa.
pli-tv-bi-vb-pc29:2.2.3	Dubbalacīvare adubbalacīvarasaññā cīvarakālasamayaṁ atikkāmeti, anāpatti.
pli-tv-bi-vb-pc29:2.2.4	Adubbalacīvare dubbalacīvarasaññā, āpatti dukkaṭassa.
pli-tv-bi-vb-pc29:2.2.5	Adubbalacīvare vematikā, āpatti dukkaṭassa.
pli-tv-bi-vb-pc29:2.2.6	Adubbalacīvare adubbalacīvarasaññā, anāpatti.
pli-tv-bi-vb-pc29:2.3.0	
pli-tv-bi-vb-pc29:2.3.1	Anāpatti—
pli-tv-bi-vb-pc29:2.3.2	ānisaṁsaṁ dassetvā nivāreti,
pli-tv-bi-vb-pc29:2.3.3	ummattikāya,
pli-tv-bi-vb-pc29:2.3.4	ādikammikāyāti.
pli-tv-bi-vb-pc29:2.3.5	Navamasikkhāpadaṁ niṭṭhitaṁ.
pli-tv-bi-vb-pc30:0.1	Theravāda Vinaya
pli-tv-bi-vb-pc30:0.2	Bhikkhunivibhaṅga
pli-tv-bi-vb-pc30:0.3	Pācittiyakaṇḍa
pli-tv-bi-vb-pc30:0.4	Naggavagga
pli-tv-bi-vb-pc30:0.5	30. Kathinuddhārasikkhāpada
pli-tv-bi-vb-pc30:1.1.0	
pli-tv-bi-vb-pc30:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc30:1.1.2	Tena kho pana samayena aññatarena upāsakena saṅghaṁ uddissa vihāro kārāpito hoti.
pli-tv-bi-vb-pc30:1.1.3	So tassa vihārassa mahe ubhatosaṅghassa akālacīvaraṁ dātukāmo hoti.
pli-tv-bi-vb-pc30:1.1.4	Tena kho pana samayena ubhatosaṅghassa kathinaṁ atthataṁ hoti.
pli-tv-bi-vb-pc30:1.1.5	Atha kho so upāsako saṅghaṁ upasaṅkamitvā kathinuddhāraṁ yāci.
pli-tv-bi-vb-pc30:1.1.6	Bhagavato etamatthaṁ ārocesuṁ.
pli-tv-bi-vb-pc30:1.1.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bi-vb-pc30:1.1.8	“anujānāmi, bhikkhave, kathinaṁ uddharituṁ.
pli-tv-bi-vb-pc30:1.1.9	Evañca pana bhikkhave kathinaṁ uddharitabbaṁ.
pli-tv-bi-vb-pc30:1.1.10	Byattena bhikkhunā paṭibalena saṅgho ñāpetabbo—
pli-tv-bi-vb-pc30:1.1.11	‘Suṇātu me, bhante, saṅgho.
pli-tv-bi-vb-pc30:1.1.12	Yadi saṅghassa pattakallaṁ, saṅgho kathinaṁ uddhareyya.
pli-tv-bi-vb-pc30:1.1.13	Esā ñatti.
pli-tv-bi-vb-pc30:1.1.14	Suṇātu me, bhante, saṅgho.
pli-tv-bi-vb-pc30:1.1.15	Saṅgho kathinaṁ uddharati.
pli-tv-bi-vb-pc30:1.1.16	Yassāyasmato khamati kathinassa uddhāro, so tuṇhassa;
pli-tv-bi-vb-pc30:1.1.17	yassa nakkhamati, so bhāseyya.
pli-tv-bi-vb-pc30:1.1.18	Ubbhataṁ saṅghena kathinaṁ, khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc30:1.2.1	Atha kho so upāsako bhikkhunisaṅghaṁ upasaṅkamitvā kathinuddhāraṁ yāci.
pli-tv-bi-vb-pc30:1.2.2	Thullanandā bhikkhunī—
pli-tv-bi-vb-pc30:1.2.3	“cīvaraṁ amhākaṁ bhavissatī”ti kathinuddhāraṁ paṭibāhi.
pli-tv-bi-vb-pc30:1.2.4	Atha kho so upāsako ujjhāyati khiyyati vipāceti—
pli-tv-bi-vb-pc30:1.2.5	“kathañhi nāma bhikkhuniyo amhākaṁ kathinuddhāraṁ na dassantī”ti.
pli-tv-bi-vb-pc30:1.2.6	Assosuṁ kho bhikkhuniyo tassa upāsakassa ujjhāyantassa khiyyantassa vipācentassa.
pli-tv-bi-vb-pc30:1.2.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc30:1.2.8	“kathañhi nāma ayyā thullanandā dhammikaṁ kathinuddhāraṁ paṭibāhissatī”ti …pe…
pli-tv-bi-vb-pc30:1.2.9	“saccaṁ kira, bhikkhave, thullanandā bhikkhunī dhammikaṁ kathinuddhāraṁ paṭibāhatī”ti?
pli-tv-bi-vb-pc30:1.2.10	“Saccaṁ, bhagavā”ti.
pli-tv-bi-vb-pc30:1.2.11	Vigarahi buddho bhagavā …pe…
pli-tv-bi-vb-pc30:1.2.12	kathañhi nāma, bhikkhave, thullanandā bhikkhunī dhammikaṁ kathinuddhāraṁ paṭibāhissati.
pli-tv-bi-vb-pc30:1.2.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc30:1.2.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc30:1.2.15.0	
pli-tv-bi-vb-pc30:1.2.15.1	“Yā pana bhikkhunī dhammikaṁ kathinuddhāraṁ paṭibāheyya, pācittiyan”ti.
pli-tv-bi-vb-pc30:2.1.0	
pli-tv-bi-vb-pc30:2.1.1	Yā panāti
pli-tv-bi-vb-pc30:2.1.2	yā yādisā …pe…
pli-tv-bi-vb-pc30:2.1.3	bhikkhunīti
pli-tv-bi-vb-pc30:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc30:2.1.5	Dhammiko nāma kathinuddhāro
pli-tv-bi-vb-pc30:2.1.6	samaggo bhikkhunisaṅgho sannipatitvā uddharati.
pli-tv-bi-vb-pc30:2.1.7	Paṭibāheyyāti
pli-tv-bi-vb-pc30:2.1.8	“kathaṁ idaṁ kathinaṁ na uddhareyyā”ti paṭibāhati, āpatti pācittiyassa.
pli-tv-bi-vb-pc30:2.1.9.0	
pli-tv-bi-vb-pc30:2.1.9.1	Dhammike dhammikasaññā paṭibāhati, āpatti pācittiyassa.
pli-tv-bi-vb-pc30:2.1.10	Dhammike vematikā paṭibāhati, āpatti dukkaṭassa.
pli-tv-bi-vb-pc30:2.1.11	Dhammike adhammikasaññā paṭibāhati, anāpatti.
pli-tv-bi-vb-pc30:2.1.12	Adhammike dhammikasaññā, āpatti dukkaṭassa.
pli-tv-bi-vb-pc30:2.1.13	Adhammike vematikā, āpatti dukkaṭassa.
pli-tv-bi-vb-pc30:2.1.14	Adhammike adhammikasaññā, anāpatti.
pli-tv-bi-vb-pc30:2.2.0	
pli-tv-bi-vb-pc30:2.2.1	Anāpatti—
pli-tv-bi-vb-pc30:2.2.2	ānisaṁsaṁ dassetvā paṭibāhati,
pli-tv-bi-vb-pc30:2.2.3	ummattikāya,
pli-tv-bi-vb-pc30:2.2.4	ādikammikāyāti.
pli-tv-bi-vb-pc30:2.2.5	Dasamasikkhāpadaṁ niṭṭhitaṁ.
pli-tv-bi-vb-pc30:2.2.6	Naggavaggo tatiyo.
pli-tv-bi-vb-pc31:0.1	Theravāda Vinaya
pli-tv-bi-vb-pc31:0.2	Bhikkhunivibhaṅga
pli-tv-bi-vb-pc31:0.3	Pācittiyakaṇḍa
pli-tv-bi-vb-pc31:0.4	Tuvaṭṭavagga
pli-tv-bi-vb-pc31:0.5	31. Ekamañcatuvaṭṭanasikkhāpada
pli-tv-bi-vb-pc31:1.0	
pli-tv-bi-vb-pc31:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc31:1.2	Tena kho pana samayena bhikkhuniyo dve ekamañce tuvaṭṭenti.
pli-tv-bi-vb-pc31:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bi-vb-pc31:1.4	“kathañhi nāma bhikkhuniyo dve ekamañce tuvaṭṭessanti, seyyathāpi gihiniyo kāmabhoginiyo”ti.
pli-tv-bi-vb-pc31:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc31:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc31:1.7	“kathañhi nāma bhikkhuniyo dve ekamañce tuvaṭṭessantī”ti …pe…
pli-tv-bi-vb-pc31:1.8	“saccaṁ kira, bhikkhave, bhikkhuniyo dve ekamañce tuvaṭṭentī”ti?
pli-tv-bi-vb-pc31:1.9	“Saccaṁ, bhagavā”ti.
pli-tv-bi-vb-pc31:1.10	Vigarahi buddho bhagavā …pe…
pli-tv-bi-vb-pc31:1.11	kathañhi nāma, bhikkhave, bhikkhuniyo dve ekamañce tuvaṭṭessanti.
pli-tv-bi-vb-pc31:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc31:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc31:1.14.0	
pli-tv-bi-vb-pc31:1.14.1	“Yā pana bhikkhuniyo dve ekamañce tuvaṭṭeyyuṁ, pācittiyan”ti.
pli-tv-bi-vb-pc31:2.1.0	
pli-tv-bi-vb-pc31:2.1.1	Yā panāti
pli-tv-bi-vb-pc31:2.1.2	yā yādisā …pe…
pli-tv-bi-vb-pc31:2.1.3	bhikkhuniyoti
pli-tv-bi-vb-pc31:2.1.4	upasampannāyo vuccanti.
pli-tv-bi-vb-pc31:2.1.5	Dve ekamañce tuvaṭṭeyyunti
pli-tv-bi-vb-pc31:2.1.6	ekāya nipannāya aparā nipajjati, āpatti pācittiyassa.
pli-tv-bi-vb-pc31:2.1.7	Ubho vā nipajjanti, āpatti pācittiyassa.
pli-tv-bi-vb-pc31:2.1.8	Uṭṭhahitvā punappunaṁ nipajjanti, āpatti pācittiyassa.
pli-tv-bi-vb-pc31:2.2.0	
pli-tv-bi-vb-pc31:2.2.1	Anāpatti—
pli-tv-bi-vb-pc31:2.2.2	ekāya nipannāya aparā nisīdati,
pli-tv-bi-vb-pc31:2.2.3	ubho vā nisīdanti,
pli-tv-bi-vb-pc31:2.2.4	ummattikānaṁ,
pli-tv-bi-vb-pc31:2.2.5	ādikammikānanti.
pli-tv-bi-vb-pc31:2.2.6	Paṭhamasikkhāpadaṁ niṭṭhitaṁ.
pli-tv-bi-vb-pc32:0.1	Theravāda Vinaya
pli-tv-bi-vb-pc32:0.2	Bhikkhunivibhaṅga
pli-tv-bi-vb-pc32:0.3	Pācittiyakaṇḍa
pli-tv-bi-vb-pc32:0.4	Tuvaṭṭavagga
pli-tv-bi-vb-pc32:0.5	32. Ekattharaṇatuvaṭṭanasikkhāpada
pli-tv-bi-vb-pc32:1.0	
pli-tv-bi-vb-pc32:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc32:1.2	Tena kho pana samayena bhikkhuniyo dve ekattharaṇapāvuraṇā tuvaṭṭenti.
pli-tv-bi-vb-pc32:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bi-vb-pc32:1.4	“kathañhi nāma bhikkhuniyo dve ekattharaṇapāvuraṇā tuvaṭṭessanti, seyyathāpi gihiniyo kāmabhoginiyo”ti.
pli-tv-bi-vb-pc32:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc32:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc32:1.7	“kathañhi nāma bhikkhuniyo dve ekattharaṇapāvuraṇā tuvaṭṭessantī”ti …pe…
pli-tv-bi-vb-pc32:1.8	“saccaṁ kira, bhikkhave, bhikkhuniyo dve ekattharaṇapāvuraṇā tuvaṭṭentī”ti?
pli-tv-bi-vb-pc32:1.9	“Saccaṁ, bhagavā”ti.
pli-tv-bi-vb-pc32:1.10	Vigarahi buddho bhagavā …pe…
pli-tv-bi-vb-pc32:1.11	kathañhi nāma, bhikkhave, bhikkhuniyo dve ekattharaṇapāvuraṇā tuvaṭṭessanti.
pli-tv-bi-vb-pc32:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc32:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc32:1.14.0	
pli-tv-bi-vb-pc32:1.14.1	“Yā pana bhikkhuniyo dve ekattharaṇapāvuraṇā tuvaṭṭeyyuṁ, pācittiyan”ti.
pli-tv-bi-vb-pc32:2.1.0	
pli-tv-bi-vb-pc32:2.1.1	Yā panāti
pli-tv-bi-vb-pc32:2.1.2	yā yādisā …pe…
pli-tv-bi-vb-pc32:2.1.3	bhikkhuniyoti
pli-tv-bi-vb-pc32:2.1.4	upasampannāyo vuccanti.
pli-tv-bi-vb-pc32:2.1.5	Dve ekattharaṇapāvuraṇā tuvaṭṭeyyunti
pli-tv-bi-vb-pc32:2.1.6	taññeva attharitvā taññeva pārupanti, āpatti pācittiyassa.
pli-tv-bi-vb-pc32:2.2.0	
pli-tv-bi-vb-pc32:2.2.1	Ekattharaṇapāvuraṇe ekattharaṇapāvuraṇasaññā tuvaṭṭenti, āpatti pācittiyassa.
pli-tv-bi-vb-pc32:2.2.2	Ekattharaṇapāvuraṇe vematikā tuvaṭṭenti, āpatti pācittiyassa.
pli-tv-bi-vb-pc32:2.2.3	Ekattharaṇapāvuraṇe nānattharaṇapāvuraṇasaññā tuvaṭṭenti, āpatti pācittiyassa.
pli-tv-bi-vb-pc32:2.2.4	Ekattharaṇe nānāpāvuraṇe, āpatti dukkaṭassa.
pli-tv-bi-vb-pc32:2.2.5	Nānattharaṇe ekapāvuraṇe, āpatti dukkaṭassa.
pli-tv-bi-vb-pc32:2.2.6	Nānattharaṇapāvuraṇe ekattharaṇapāvuraṇasaññā, āpatti dukkaṭassa.
pli-tv-bi-vb-pc32:2.2.7	Nānattharaṇapāvuraṇe vematikā, āpatti dukkaṭassa.
pli-tv-bi-vb-pc32:2.2.8	Nānattharaṇapāvuraṇe nānattharaṇapāvuraṇasaññā, anāpatti.
pli-tv-bi-vb-pc32:2.3.0	
pli-tv-bi-vb-pc32:2.3.1	Anāpatti—
pli-tv-bi-vb-pc32:2.3.2	vavatthānaṁ dassetvā nipajjanti,
pli-tv-bi-vb-pc32:2.3.3	ummattikānaṁ,
pli-tv-bi-vb-pc32:2.3.4	ādikammikānanti.
pli-tv-bi-vb-pc32:2.3.5	Dutiyasikkhāpadaṁ niṭṭhitaṁ.
pli-tv-bi-vb-pc33:0.1	Theravāda Vinaya
pli-tv-bi-vb-pc33:0.2	Bhikkhunivibhaṅga
pli-tv-bi-vb-pc33:0.3	Pācittiyakaṇḍa
pli-tv-bi-vb-pc33:0.4	Tuvaṭṭavagga
pli-tv-bi-vb-pc33:0.5	33. Aphāsukaraṇasikkhāpada
pli-tv-bi-vb-pc33:1.0	
pli-tv-bi-vb-pc33:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc33:1.2	Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṁ kathaṁ kātuṁ.
pli-tv-bi-vb-pc33:1.3	Bhaddāpi kāpilānī bahussutā hoti bhāṇikā visāradā paṭṭā dhammiṁ kathaṁ kātuṁ uḷārasambhāvitā.
pli-tv-bi-vb-pc33:1.4	Manussā—
pli-tv-bi-vb-pc33:1.5	“ayyā bhaddā kāpilānī bahussutā bhāṇikā visāradā paṭṭā dhammiṁ kathaṁ kātuṁ uḷārasambhāvitā”ti bhaddaṁ kāpilāniṁ paṭhamaṁ payirupāsitvā, pacchā thullanandaṁ bhikkhuniṁ payirupāsanti.
pli-tv-bi-vb-pc33:1.6	Thullanandā bhikkhunī issāpakatā—
pli-tv-bi-vb-pc33:1.7	“imā kira appicchā santuṭṭhā pavivittā asaṁsaṭṭhā yā imā saññattibahulā viññattibahulā viharantī”ti bhaddāya kāpilāniyā purato caṅkamatipi tiṭṭhatipi nisīdatipi seyyampi kappeti uddisatipi uddisāpetipi sajjhāyampi karoti.
pli-tv-bi-vb-pc33:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc33:1.9	“kathañhi nāma ayyā thullanandā ayyāya bhaddāya kāpilāniyā sañcicca aphāsuṁ karissatī”ti …pe…
pli-tv-bi-vb-pc33:1.10	“saccaṁ kira, bhikkhave, thullanandā bhikkhunī bhaddāya kāpilāniyā sañcicca aphāsuṁ karotī”ti?
pli-tv-bi-vb-pc33:1.11	“Saccaṁ, bhagavā”ti.
pli-tv-bi-vb-pc33:1.12	Vigarahi buddho bhagavā …pe…
pli-tv-bi-vb-pc33:1.13	kathañhi nāma, bhikkhave, thullanandā bhikkhunī bhaddāya kāpilāniyā sañcicca aphāsuṁ karissati.
pli-tv-bi-vb-pc33:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc33:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc33:1.16.0	
pli-tv-bi-vb-pc33:1.16.1	“Yā pana bhikkhunī bhikkhuniyā sañcicca aphāsuṁ kareyya, pācittiyan”ti.
pli-tv-bi-vb-pc33:2.1.0	
pli-tv-bi-vb-pc33:2.1.1	Yā panāti
pli-tv-bi-vb-pc33:2.1.2	yā yādisā …pe…
pli-tv-bi-vb-pc33:2.1.3	bhikkhunīti
pli-tv-bi-vb-pc33:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc33:2.1.5	Bhikkhuniyāti
pli-tv-bi-vb-pc33:2.1.6	aññāya bhikkhuniyā.
pli-tv-bi-vb-pc33:2.1.7	Sañciccāti
pli-tv-bi-vb-pc33:2.1.8	jānantī sañjānantī cecca abhivitaritvā vītikkamo.
pli-tv-bi-vb-pc33:2.1.9	Aphāsuṁ kareyyāti—
pli-tv-bi-vb-pc33:2.1.10	“iminā imissā aphāsu bhavissatī”ti anāpucchā purato caṅkamati vā tiṭṭhati vā nisīdati vā seyyaṁ vā kappeti uddisati vā uddisāpeti vā sajjhāyaṁ vā karoti, āpatti pācittiyassa.
pli-tv-bi-vb-pc33:2.2.0	
pli-tv-bi-vb-pc33:2.2.1	Upasampannāya upasampannasaññā sañcicca aphāsuṁ karoti, āpatti pācittiyassa.
pli-tv-bi-vb-pc33:2.2.2	Upasampannāya vematikā sañcicca aphāsuṁ karoti, āpatti pācittiyassa.
pli-tv-bi-vb-pc33:2.2.3	Upasampannāya anupasampannasaññā sañcicca aphāsuṁ karoti, āpatti pācittiyassa.
pli-tv-bi-vb-pc33:2.2.4	Anupasampannāya sañcicca aphāsuṁ karoti, āpatti dukkaṭassa.
pli-tv-bi-vb-pc33:2.2.5	Anupasampannāya upasampannasaññā, āpatti dukkaṭassa.
pli-tv-bi-vb-pc33:2.2.6	Anupasampannāya vematikā, āpatti dukkaṭassa.
pli-tv-bi-vb-pc33:2.2.7	Anupasampannāya anupasampannasaññā, āpatti dukkaṭassa.
pli-tv-bi-vb-pc33:2.3.0	
pli-tv-bi-vb-pc33:2.3.1	Anāpatti—
pli-tv-bi-vb-pc33:2.3.2	na aphāsuṁ kattukāmā āpucchā purato caṅkamati vā tiṭṭhati vā nisīdati vā seyyaṁ vā kappeti uddisati vā uddisāpeti vā sajjhāyaṁ vā karoti,
pli-tv-bi-vb-pc33:2.3.3	ummattikāya,
pli-tv-bi-vb-pc33:2.3.4	ādikammikāyāti.
pli-tv-bi-vb-pc33:2.3.5	Tatiyasikkhāpadaṁ niṭṭhitaṁ.
pli-tv-bi-vb-pc34:0.1	Theravāda Vinaya
pli-tv-bi-vb-pc34:0.2	Bhikkhunivibhaṅga
pli-tv-bi-vb-pc34:0.3	Pācittiyakaṇḍa
pli-tv-bi-vb-pc34:0.4	Tuvaṭṭavagga
pli-tv-bi-vb-pc34:0.5	34. Naupaṭṭhāpanasikkhāpada
pli-tv-bi-vb-pc34:1.0	
pli-tv-bi-vb-pc34:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc34:1.2	Tena kho pana samayena thullanandā bhikkhunī dukkhitaṁ sahajīviniṁ neva upaṭṭheti na upaṭṭhāpanāya ussukkaṁ karoti.
pli-tv-bi-vb-pc34:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc34:1.4	“kathañhi nāma ayyā thullanandā dukkhitaṁ sahajīviniṁ neva upaṭṭhessati na upaṭṭhāpanāya ussukkaṁ karissatī”ti …pe…
pli-tv-bi-vb-pc34:1.5	“saccaṁ kira, bhikkhave, thullanandā bhikkhunī dukkhitaṁ sahajīviniṁ neva upaṭṭheti na upaṭṭhāpanāya ussukkaṁ karotī”ti?
pli-tv-bi-vb-pc34:1.6	“Saccaṁ, bhagavā”ti.
pli-tv-bi-vb-pc34:1.7	Vigarahi buddho bhagavā …pe…
pli-tv-bi-vb-pc34:1.8	kathañhi nāma, bhikkhave, thullanandā bhikkhunī dukkhitaṁ sahajīviniṁ neva upaṭṭhessati na upaṭṭhāpanāya ussukkaṁ karissati.
pli-tv-bi-vb-pc34:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc34:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc34:1.11.0	
pli-tv-bi-vb-pc34:1.11.1	“Yā pana bhikkhunī dukkhitaṁ sahajīviniṁ neva upaṭṭheyya na upaṭṭhāpanāya ussukkaṁ kareyya, pācittiyan”ti.
pli-tv-bi-vb-pc34:2.1.0	
pli-tv-bi-vb-pc34:2.1.1	Yā panāti
pli-tv-bi-vb-pc34:2.1.2	yā yādisā …pe…
pli-tv-bi-vb-pc34:2.1.3	bhikkhunīti
pli-tv-bi-vb-pc34:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc34:2.1.5	Dukkhitā nāma
pli-tv-bi-vb-pc34:2.1.6	gilānā vuccati.
pli-tv-bi-vb-pc34:2.1.7	Sahajīvinī nāma
pli-tv-bi-vb-pc34:2.1.8	saddhivihārinī vuccati.
pli-tv-bi-vb-pc34:2.1.9	Neva upaṭṭheyyāti
pli-tv-bi-vb-pc34:2.1.10	na sayaṁ upaṭṭheyya.
pli-tv-bi-vb-pc34:2.1.11	Na upaṭṭhāpanāya ussukkaṁ kareyyāti
pli-tv-bi-vb-pc34:2.1.12	na aññaṁ āṇāpeyya.
pli-tv-bi-vb-pc34:2.1.13	“Neva upaṭṭhessāmi, na upaṭṭhāpanāya ussukkaṁ karissāmī”ti dhuraṁ nikkhittamatte āpatti pācittiyassa.
pli-tv-bi-vb-pc34:2.1.14	Antevāsiniṁ vā anupasampannaṁ vā neva upaṭṭheti, na upaṭṭhāpanāya ussukkaṁ karoti, āpatti dukkaṭassa.
pli-tv-bi-vb-pc34:2.2.0	
pli-tv-bi-vb-pc34:2.2.1	Anāpatti—
pli-tv-bi-vb-pc34:2.2.2	sati antarāye,
pli-tv-bi-vb-pc34:2.2.3	pariyesitvā na labhati,
pli-tv-bi-vb-pc34:2.2.4	gilānāya,
pli-tv-bi-vb-pc34:2.2.5	āpadāsu,
pli-tv-bi-vb-pc34:2.2.6	ummattikāya,
pli-tv-bi-vb-pc34:2.2.7	ādikammikāyāti.
pli-tv-bi-vb-pc34:2.2.8	Catutthasikkhāpadaṁ niṭṭhitaṁ.
pli-tv-bi-vb-pc35:0.1	Theravāda Vinaya
pli-tv-bi-vb-pc35:0.2	Bhikkhunivibhaṅga
pli-tv-bi-vb-pc35:0.3	Pācittiyakaṇḍa
pli-tv-bi-vb-pc35:0.4	Tuvaṭṭavagga
pli-tv-bi-vb-pc35:0.5	35. Nikkaḍḍhanasikkhāpada
pli-tv-bi-vb-pc35:1.0	
pli-tv-bi-vb-pc35:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc35:1.2	Tena kho pana samayena bhaddā kāpilānī sākete vassaṁ upagatā hoti.
pli-tv-bi-vb-pc35:1.3	Sā kenacideva karaṇīyena ubbāḷhā thullanandāya bhikkhuniyā santike dūtaṁ pāhesi—
pli-tv-bi-vb-pc35:1.4	“sace me ayyā thullanandā upassayaṁ dadeyya āgaccheyyāmahaṁ sāvatthin”ti.
pli-tv-bi-vb-pc35:1.5	Thullanandā bhikkhunī evamāha—
pli-tv-bi-vb-pc35:1.6	“āgacchatu, dassāmī”ti.
pli-tv-bi-vb-pc35:1.7	Atha kho bhaddā kāpilānī sāketā sāvatthiṁ agamāsi.
pli-tv-bi-vb-pc35:1.8	Thullanandā bhikkhunī bhaddāya kāpilāniyā upassayaṁ adāsi.
pli-tv-bi-vb-pc35:1.9	Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṁ kathaṁ kātuṁ.
pli-tv-bi-vb-pc35:1.10	Bhaddāpi kāpilānī bahussutā hoti bhāṇikā visāradā paṭṭā dhammiṁ kathaṁ kātuṁ uḷārasambhāvitā.
pli-tv-bi-vb-pc35:1.11	Manussā—
pli-tv-bi-vb-pc35:1.12	“ayyā bhaddā kāpilānī bahussutā bhāṇikā visāradā paṭṭā dhammiṁ kathaṁ kātuṁ uḷārasambhāvitā”ti bhaddaṁ kāpilāniṁ paṭhamaṁ payirupāsitvā pacchā thullanandaṁ bhikkhuniṁ payirupāsanti.
pli-tv-bi-vb-pc35:1.13	Thullanandā bhikkhunī issāpakatā—
pli-tv-bi-vb-pc35:1.14	“imā kira appicchā santuṭṭhā pavivittā asaṁsaṭṭhā yā imā saññattibahulā viññattibahulā viharantī”ti kupitā anattamanā bhaddaṁ kāpilāniṁ upassayā nikkaḍḍhi.
pli-tv-bi-vb-pc35:1.15	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc35:1.16	“kathañhi nāma ayyā thullanandā ayyāya bhaddāya kāpilāniyā upassayaṁ datvā kupitā anattamanā nikkaḍḍhissatī”ti …pe…
pli-tv-bi-vb-pc35:1.17	“saccaṁ kira, bhikkhave, thullanandā bhikkhunī bhaddāya kāpilāniyā upassayaṁ datvā kupitā anattamanā nikkaḍḍhatī”ti?
pli-tv-bi-vb-pc35:1.18	“Saccaṁ, bhagavā”ti.
pli-tv-bi-vb-pc35:1.19	Vigarahi buddho bhagavā …pe…
pli-tv-bi-vb-pc35:1.20	kathañhi nāma, bhikkhave, thullanandā bhikkhunī bhaddāya kāpilāniyā upassayaṁ datvā kupitā anattamanā nikkaḍḍhissati.
pli-tv-bi-vb-pc35:1.21	Netaṁ, bhikkhave, appasannānaṁ vā pasādāya …pe…
pli-tv-bi-vb-pc35:1.22	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc35:1.23.0	
pli-tv-bi-vb-pc35:1.23.1	“Yā pana bhikkhunī bhikkhuniyā upassayaṁ datvā kupitā anattamanā nikkaḍḍheyya vā nikkaḍḍhāpeyya vā, pācittiyan”ti.
pli-tv-bi-vb-pc35:2.1.0	
pli-tv-bi-vb-pc35:2.1.1	Yā panāti
pli-tv-bi-vb-pc35:2.1.2	yā yādisā …pe…
pli-tv-bi-vb-pc35:2.1.3	bhikkhunīti
pli-tv-bi-vb-pc35:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc35:2.1.5	Bhikkhuniyāti
pli-tv-bi-vb-pc35:2.1.6	aññāya bhikkhuniyā.
pli-tv-bi-vb-pc35:2.1.7	Upassayo nāma
pli-tv-bi-vb-pc35:2.1.8	kavāṭabaddho vuccati.
pli-tv-bi-vb-pc35:2.1.9	Datvāti
pli-tv-bi-vb-pc35:2.1.10	sayaṁ datvā.
pli-tv-bi-vb-pc35:2.1.11	Kupitā anattamanāti
pli-tv-bi-vb-pc35:2.1.12	anabhiraddhā āhatacittā khilajātā.
pli-tv-bi-vb-pc35:2.1.13	Nikkaḍḍheyyāti
pli-tv-bi-vb-pc35:2.1.14	gabbhe gahetvā pamukhaṁ nikkaḍḍhati, āpatti pācittiyassa.
pli-tv-bi-vb-pc35:2.1.15	Pamukhe gahetvā bahi nikkaḍḍhati, āpatti pācittiyassa.
pli-tv-bi-vb-pc35:2.1.16	Ekena payogena bahukepi dvāre atikkāmeti, āpatti pācittiyassa.
pli-tv-bi-vb-pc35:2.1.17	Nikkaḍḍhāpeyyāti
pli-tv-bi-vb-pc35:2.1.18	aññaṁ āṇāpeti, āpatti pācittiyassa.
pli-tv-bi-vb-pc35:2.1.19	Sakiṁ āṇattā bahukepi dvāre atikkāmeti, āpatti pācittiyassa.
pli-tv-bi-vb-pc35:2.2.0	
pli-tv-bi-vb-pc35:2.2.1	Upasampannāya upasampannasaññā upassayaṁ datvā kupitā anattamanā nikkaḍḍhati vā nikkaḍḍhāpeti vā, āpatti pācittiyassa.
pli-tv-bi-vb-pc35:2.2.2	Upasampannāya vematikā upassayaṁ datvā kupitā anattamanā nikkaḍḍhati vā nikkaḍḍhāpeti vā, āpatti pācittiyassa.
pli-tv-bi-vb-pc35:2.2.3	Upasampannāya anupasampannasaññā upassayaṁ datvā kupitā anattamanā nikkaḍḍhati vā nikkaḍḍhāpeti vā, āpatti pācittiyassa.
pli-tv-bi-vb-pc35:2.2.4	Tassā parikkhāraṁ nikkaḍḍhati vā nikkaḍḍhāpeti vā, āpatti dukkaṭassa.
pli-tv-bi-vb-pc35:2.2.5	Akavāṭabaddhā nikkaḍḍhati vā nikkaḍḍhāpeti vā, āpatti dukkaṭassa.
pli-tv-bi-vb-pc35:2.2.6	Tassā parikkhāraṁ nikkaḍḍhati vā nikkaḍḍhāpeti vā, āpatti dukkaṭassa.
pli-tv-bi-vb-pc35:2.2.7	Anupasampannaṁ kavāṭabaddhā vā akavāṭabaddhā vā nikkaḍḍhati vā nikkaḍḍhāpeti vā, āpatti dukkaṭassa.
pli-tv-bi-vb-pc35:2.2.8	Tassā parikkhāraṁ nikkaḍḍhati vā nikkaḍḍhāpeti vā, āpatti dukkaṭassa.
pli-tv-bi-vb-pc35:2.2.9	Anupasampannāya upasampannasaññā, āpatti dukkaṭassa.
pli-tv-bi-vb-pc35:2.2.10	Anupasampannāya vematikā, āpatti dukkaṭassa.
pli-tv-bi-vb-pc35:2.2.11	Anupasampannāya anupasampannasaññā, āpatti dukkaṭassa.
pli-tv-bi-vb-pc35:2.3.0	
pli-tv-bi-vb-pc35:2.3.1	Anāpatti—
pli-tv-bi-vb-pc35:2.3.2	alajjiniṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.3	tassā parikkhāraṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.4	ummattikaṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.5	tassā parikkhāraṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.6	bhaṇḍanakārikaṁ kalahakārikaṁ vivādakārikaṁ bhassakārikaṁ saṅghe adhikaraṇakārikaṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.7	tassā parikkhāraṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.8	antevāsiniṁ vā saddhivihāriniṁ vā na sammā vattantiṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.9	tassā parikkhāraṁ nikkaḍḍhati vā nikkaḍḍhāpeti vā,
pli-tv-bi-vb-pc35:2.3.10	ummattikāya,
pli-tv-bi-vb-pc35:2.3.11	ādikammikāyāti.
pli-tv-bi-vb-pc35:2.3.12	Pañcamasikkhāpadaṁ niṭṭhitaṁ.
pli-tv-bi-vb-pc36:0.1	Theravāda Vinaya
pli-tv-bi-vb-pc36:0.2	Bhikkhunivibhaṅga
pli-tv-bi-vb-pc36:0.3	Pācittiyakaṇḍa
pli-tv-bi-vb-pc36:0.4	Tuvaṭṭavagga
pli-tv-bi-vb-pc36:0.5	36. Saṁsaṭṭhasikkhāpada
pli-tv-bi-vb-pc36:1.0	
pli-tv-bi-vb-pc36:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc36:1.2	Tena kho pana samayena caṇḍakāḷī bhikkhunī saṁsaṭṭhā viharati gahapatināpi gahapatiputtenapi.
pli-tv-bi-vb-pc36:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc36:1.4	“kathañhi nāma ayyā caṇḍakāḷī saṁsaṭṭhā viharissati gahapatināpi gahapatiputtenapī”ti …pe…
pli-tv-bi-vb-pc36:1.5	“saccaṁ kira, bhikkhave, caṇḍakāḷī bhikkhunī saṁsaṭṭhā viharati gahapatināpi gahapatiputtenapī”ti?
pli-tv-bi-vb-pc36:1.6	“Saccaṁ, bhagavā”ti.
pli-tv-bi-vb-pc36:1.7	Vigarahi buddho bhagavā …pe…
pli-tv-bi-vb-pc36:1.8	kathañhi nāma, bhikkhave, caṇḍakāḷī bhikkhunī saṁsaṭṭhā viharissati gahapatināpi gahapatiputtenapi.
pli-tv-bi-vb-pc36:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc36:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc36:1.11.0	
pli-tv-bi-vb-pc36:1.11.1	“Yā pana bhikkhunī saṁsaṭṭhā vihareyya gahapatinā vā gahapatiputtena vā sā bhikkhunī bhikkhunīhi evamassa vacanīyā—
pli-tv-bi-vb-pc36:1.12	‘māyye, saṁsaṭṭhā vihari gahapatināpi gahapatiputtenapi. Viviccāyye; vivekaññeva bhaginiyā saṅgho vaṇṇetī’ti.
pli-tv-bi-vb-pc36:1.13	Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṁ samanubhāsitabbā tassa paṭinissaggāya.
pli-tv-bi-vb-pc36:1.14	Yāvatatiyañce samanubhāsīyamānā taṁ paṭinissajjeyya, iccetaṁ kusalaṁ; no ce paṭinissajjeyya, pācittiyan”ti.
pli-tv-bi-vb-pc36:2.1.0	
pli-tv-bi-vb-pc36:2.1.1	Yā panāti
pli-tv-bi-vb-pc36:2.1.2	yā yādisā …pe…
pli-tv-bi-vb-pc36:2.1.3	bhikkhunīti
pli-tv-bi-vb-pc36:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc36:2.1.5	Saṁsaṭṭhā nāma
pli-tv-bi-vb-pc36:2.1.6	ananulomikena kāyikavācasikena saṁsaṭṭhā.
pli-tv-bi-vb-pc36:2.1.7	Gahapati nāma
pli-tv-bi-vb-pc36:2.1.8	yo koci agāraṁ ajjhāvasati.
pli-tv-bi-vb-pc36:2.1.9	Gahapatiputto nāma
pli-tv-bi-vb-pc36:2.1.10	ye keci puttabhātaro.
pli-tv-bi-vb-pc36:2.1.11	Sā bhikkhunīti
pli-tv-bi-vb-pc36:2.1.12	yā sā saṁsaṭṭhā bhikkhunī.
pli-tv-bi-vb-pc36:2.1.13	Bhikkhunīhīti
pli-tv-bi-vb-pc36:2.1.14	aññāhi bhikkhunīhi. Yā passanti yā suṇanti tāhi vattabbā—
pli-tv-bi-vb-pc36:2.1.15	“māyye, saṁsaṭṭhā vihari gahapatināpi gahapatiputtenapi.
pli-tv-bi-vb-pc36:2.1.16	Viviccāyye;
pli-tv-bi-vb-pc36:2.1.17	vivekaññeva bhaginiyā saṅgho vaṇṇetī”ti.
pli-tv-bi-vb-pc36:2.1.18	Dutiyampi vattabbā.
pli-tv-bi-vb-pc36:2.1.19	Tatiyampi vattabbā.
pli-tv-bi-vb-pc36:2.1.20	Sace paṭinissajjati, iccetaṁ kusalaṁ;
pli-tv-bi-vb-pc36:2.1.21	no ce paṭinissajjati, āpatti dukkaṭassa.
pli-tv-bi-vb-pc36:2.1.22	Sutvā na vadanti, āpatti dukkaṭassa.
pli-tv-bi-vb-pc36:2.1.23	Sā bhikkhunī saṅghamajjhampi ākaḍḍhitvā vattabbā—
pli-tv-bi-vb-pc36:2.1.24	“māyye, saṁsaṭṭhā vihari gahapatināpi gahapatiputtenapi.
pli-tv-bi-vb-pc36:2.1.25	Viviccāyye;
pli-tv-bi-vb-pc36:2.1.26	vivekaññeva bhaginiyā saṅgho vaṇṇetī”ti.
pli-tv-bi-vb-pc36:2.1.27	Dutiyampi vattabbā.
pli-tv-bi-vb-pc36:2.1.28	Tatiyampi vattabbā.
pli-tv-bi-vb-pc36:2.1.29	Sace paṭinissajjati, iccetaṁ kusalaṁ;
pli-tv-bi-vb-pc36:2.1.30	no ce paṭinissajjati, āpatti dukkaṭassa.
pli-tv-bi-vb-pc36:2.1.31	Sā bhikkhunī samanubhāsitabbā.
pli-tv-bi-vb-pc36:2.1.32	“Evañca pana, bhikkhave, samanubhāsitabbā.
pli-tv-bi-vb-pc36:2.1.33	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pc36:2.1.34	‘Suṇātu me, ayye, saṅgho.
pli-tv-bi-vb-pc36:2.1.35	Ayaṁ itthannāmā bhikkhunī saṁsaṭṭhā viharati gahapatināpi gahapatiputtenapi.
pli-tv-bi-vb-pc36:2.1.36	Sā taṁ vatthuṁ na paṭinissajjati.
pli-tv-bi-vb-pc36:2.1.37	Yadi saṅghassa pattakallaṁ, saṅgho itthannāmaṁ bhikkhuniṁ samanubhāseyya tassa vatthussa paṭinissaggāya.
pli-tv-bi-vb-pc36:2.1.38	Esā ñatti.
pli-tv-bi-vb-pc36:2.1.39	Suṇātu me, ayye, saṅgho.
pli-tv-bi-vb-pc36:2.1.40	Ayaṁ itthannāmā bhikkhunī saṁsaṭṭhā viharati gahapatināpi gahapatiputtenapi.
pli-tv-bi-vb-pc36:2.1.41	Sā taṁ vatthuṁ na paṭinissajjati.
pli-tv-bi-vb-pc36:2.1.42	Saṅgho itthannāmaṁ bhikkhuniṁ samanubhāsati tassa vatthussa paṭinissaggāya.
pli-tv-bi-vb-pc36:2.1.43	Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa;
pli-tv-bi-vb-pc36:2.1.44	yassā nakkhamati, sā bhāseyya.
pli-tv-bi-vb-pc36:2.1.45	Dutiyampi etamatthaṁ vadāmi …pe…
pli-tv-bi-vb-pc36:2.1.46	tatiyampi etamatthaṁ vadāmi …pe….
pli-tv-bi-vb-pc36:2.1.47	Samanubhaṭṭhā saṅghena itthannāmā bhikkhunī tassa vatthussa paṭinissaggāya;
pli-tv-bi-vb-pc36:2.1.48	khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc36:2.1.49	Ñattiyā dukkaṭaṁ.
pli-tv-bi-vb-pc36:2.1.50	Dvīhi kammavācāhi dukkaṭā.
pli-tv-bi-vb-pc36:2.1.51	Kammavācāpariyosāne āpatti pācittiyassa.
pli-tv-bi-vb-pc36:2.2.0	
pli-tv-bi-vb-pc36:2.2.1	Dhammakamme dhammakammasaññā na paṭinissajjati, āpatti pācittiyassa.
pli-tv-bi-vb-pc36:2.2.2	Dhammakamme vematikā na paṭinissajjati, āpatti pācittiyassa.
pli-tv-bi-vb-pc36:2.2.3	Dhammakamme adhammakammasaññā na paṭinissajjati, āpatti pācittiyassa.
pli-tv-bi-vb-pc36:2.2.4	Adhammakamme dhammakammasaññā, āpatti dukkaṭassa.
pli-tv-bi-vb-pc36:2.2.5	Adhammakamme vematikā, āpatti dukkaṭassa.
pli-tv-bi-vb-pc36:2.2.6	Adhammakamme adhammakammasaññā, āpatti dukkaṭassa.
pli-tv-bi-vb-pc36:2.3.0	
pli-tv-bi-vb-pc36:2.3.1	Anāpatti—
pli-tv-bi-vb-pc36:2.3.2	asamanubhāsantiyā,
pli-tv-bi-vb-pc36:2.3.3	paṭinissajjantiyā,
pli-tv-bi-vb-pc36:2.3.4	ummattikāya,
pli-tv-bi-vb-pc36:2.3.5	ādikammikāyāti.
pli-tv-bi-vb-pc36:2.3.6	Chaṭṭhasikkhāpadaṁ niṭṭhitaṁ.
pli-tv-bi-vb-pc37:0.1	Theravāda Vinaya
pli-tv-bi-vb-pc37:0.2	Bhikkhunivibhaṅga
pli-tv-bi-vb-pc37:0.3	Pācittiyakaṇḍa
pli-tv-bi-vb-pc37:0.4	Tuvaṭṭavagga
pli-tv-bi-vb-pc37:0.5	37. Antoraṭṭhasikkhāpada
pli-tv-bi-vb-pc37:1.0	
pli-tv-bi-vb-pc37:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc37:1.2	Tena kho pana samayena bhikkhuniyo antoraṭṭhe sāsaṅkasammate sappaṭibhaye asatthikā cārikaṁ caranti.
pli-tv-bi-vb-pc37:1.3	Dhuttā dūsenti.
pli-tv-bi-vb-pc37:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc37:1.5	“kathañhi nāma bhikkhuniyo antoraṭṭhe sāsaṅkasammate sappaṭibhaye asatthikā cārikaṁ carissantī”ti …pe…
pli-tv-bi-vb-pc37:1.6	“saccaṁ kira, bhikkhave, bhikkhuniyo antoraṭṭhe sāsaṅkasammate sappaṭibhaye asatthikā cārikaṁ carantī”ti?
pli-tv-bi-vb-pc37:1.7	“Saccaṁ, bhagavā”ti.
pli-tv-bi-vb-pc37:1.8	Vigarahi buddho bhagavā …pe…
pli-tv-bi-vb-pc37:1.9	kathañhi nāma, bhikkhave, bhikkhuniyo antoraṭṭhe sāsaṅkasammate sappaṭibhaye asatthikā cārikaṁ carissanti.
pli-tv-bi-vb-pc37:1.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc37:1.11	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc37:1.12.0	
pli-tv-bi-vb-pc37:1.12.1	“Yā pana bhikkhunī antoraṭṭhe sāsaṅkasammate sappaṭibhaye asatthikā cārikaṁ careyya, pācittiyan”ti.
pli-tv-bi-vb-pc37:2.1.0	
pli-tv-bi-vb-pc37:2.1.1	Yā panāti
pli-tv-bi-vb-pc37:2.1.2	yā yādisā …pe…
pli-tv-bi-vb-pc37:2.1.3	bhikkhunīti
pli-tv-bi-vb-pc37:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc37:2.1.5	Antoraṭṭheti
pli-tv-bi-vb-pc37:2.1.6	yassa vijite viharati, tassa raṭṭhe.
pli-tv-bi-vb-pc37:2.1.7	Sāsaṅkaṁ nāma
pli-tv-bi-vb-pc37:2.1.8	tasmiṁ magge corānaṁ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
pli-tv-bi-vb-pc37:2.1.9	Sappaṭibhayaṁ nāma
pli-tv-bi-vb-pc37:2.1.10	tasmiṁ magge corehi manussā hatā dissanti, viluttā dissanti, ākoṭitā dissanti.
pli-tv-bi-vb-pc37:2.1.11	Asatthikā nāma
pli-tv-bi-vb-pc37:2.1.12	vinā satthena.
pli-tv-bi-vb-pc37:2.1.13	Cārikaṁ careyyāti
pli-tv-bi-vb-pc37:2.1.14	kukkuṭasampāte gāme gāmantare gāmantare āpatti pācittiyassa.
pli-tv-bi-vb-pc37:2.1.15	Agāmake araññe addhayojane addhayojane āpatti pācittiyassa.
pli-tv-bi-vb-pc37:2.2.0	
pli-tv-bi-vb-pc37:2.2.1	Anāpatti—
pli-tv-bi-vb-pc37:2.2.2	satthena saha gacchati,
pli-tv-bi-vb-pc37:2.2.3	kheme appaṭibhaye gacchati,
pli-tv-bi-vb-pc37:2.2.4	āpadāsu,
pli-tv-bi-vb-pc37:2.2.5	ummattikāya,
pli-tv-bi-vb-pc37:2.2.6	ādikammikāyāti.
pli-tv-bi-vb-pc37:2.2.7	Sattamasikkhāpadaṁ niṭṭhitaṁ.
pli-tv-bi-vb-pc38:0.1	Theravāda Vinaya
pli-tv-bi-vb-pc38:0.2	Bhikkhunivibhaṅga
pli-tv-bi-vb-pc38:0.3	Pācittiyakaṇḍa
pli-tv-bi-vb-pc38:0.4	Tuvaṭṭavagga
pli-tv-bi-vb-pc38:0.5	38. Tiroraṭṭhasikkhāpada
pli-tv-bi-vb-pc38:1.0	
pli-tv-bi-vb-pc38:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc38:1.2	Tena kho pana samayena bhikkhuniyo tiroraṭṭhe sāsaṅkasammate sappaṭibhaye asatthikā cārikaṁ caranti.
pli-tv-bi-vb-pc38:1.3	Dhuttā dūsenti.
pli-tv-bi-vb-pc38:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc38:1.5	“kathañhi nāma bhikkhuniyo tiroraṭṭhe sāsaṅkasammate sappaṭibhaye asatthikā cārikaṁ carissantī”ti …pe…
pli-tv-bi-vb-pc38:1.6	“saccaṁ kira, bhikkhave, bhikkhuniyo tiroraṭṭhe sāsaṅkasammate sappaṭibhaye asatthikā cārikaṁ carantī”ti?
pli-tv-bi-vb-pc38:1.7	“Saccaṁ, bhagavā”ti.
pli-tv-bi-vb-pc38:1.8	Vigarahi buddho bhagavā …pe…
pli-tv-bi-vb-pc38:1.9	kathañhi nāma, bhikkhave, bhikkhuniyo tiroraṭṭhe sāsaṅkasammate sappaṭibhaye asatthikā cārikaṁ carissanti.
pli-tv-bi-vb-pc38:1.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc38:1.11	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc38:1.12.0	
pli-tv-bi-vb-pc38:1.12.1	“Yā pana bhikkhunī tiroraṭṭhe sāsaṅkasammate sappaṭibhaye asatthikā cārikaṁ careyya, pācittiyan”ti.
pli-tv-bi-vb-pc38:2.0	
pli-tv-bi-vb-pc38:2.1	Yā panāti
pli-tv-bi-vb-pc38:2.2	yā yādisā …pe…
pli-tv-bi-vb-pc38:2.3	bhikkhunīti
pli-tv-bi-vb-pc38:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc38:2.5	Tiroraṭṭheti
pli-tv-bi-vb-pc38:2.6	yassa vijite viharati, taṁ ṭhapetvā aññassa raṭṭhe.
pli-tv-bi-vb-pc38:2.7	Sāsaṅkaṁ nāma
pli-tv-bi-vb-pc38:2.8	tasmiṁ magge corānaṁ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
pli-tv-bi-vb-pc38:2.9	Sappaṭibhayaṁ nāma
pli-tv-bi-vb-pc38:2.10	tasmiṁ magge corehi manussā hatā dissanti, viluttā dissanti, ākoṭitā dissanti.
pli-tv-bi-vb-pc38:2.11	Asatthikā nāma
pli-tv-bi-vb-pc38:2.12	vinā satthena.
pli-tv-bi-vb-pc38:2.13	Cārikaṁ careyyāti
pli-tv-bi-vb-pc38:2.14	kukkuṭasampāte gāme gāmantare gāmantare, āpatti pācittiyassa.
pli-tv-bi-vb-pc38:2.15	Agāmake araññe addhayojane addhayojane āpatti pācittiyassa.
pli-tv-bi-vb-pc38:2.16.0	
pli-tv-bi-vb-pc38:2.16.1	Anāpatti—
pli-tv-bi-vb-pc38:2.17	satthena saha gacchati,
pli-tv-bi-vb-pc38:2.18	kheme appaṭibhaye gacchati,
pli-tv-bi-vb-pc38:2.19	āpadāsu,
pli-tv-bi-vb-pc38:2.20	ummattikāya,
pli-tv-bi-vb-pc38:2.21	ādikammikāyāti.
pli-tv-bi-vb-pc38:2.22	Aṭṭhamasikkhāpadaṁ niṭṭhitaṁ.
pli-tv-bi-vb-pc39:0.1	Theravāda Vinaya
pli-tv-bi-vb-pc39:0.2	Bhikkhunivibhaṅga
pli-tv-bi-vb-pc39:0.3	Pācittiyakaṇḍa
pli-tv-bi-vb-pc39:0.4	Tuvaṭṭavagga
pli-tv-bi-vb-pc39:0.5	39. Antovassasikkhāpada
pli-tv-bi-vb-pc39:1.0	
pli-tv-bi-vb-pc39:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bi-vb-pc39:1.2	Tena kho pana samayena bhikkhuniyo antovassaṁ cārikaṁ caranti.
pli-tv-bi-vb-pc39:1.3	Manussā ujjhāyanti khiyyanti vipācenti—
pli-tv-bi-vb-pc39:1.4	“kathañhi nāma bhikkhuniyo antovassaṁ cārikaṁ carissanti haritāni tiṇāni ca sammaddantā, ekindriyaṁ jīvaṁ viheṭhentā, bahū khuddake pāṇe saṅghātaṁ āpādentā”ti.
pli-tv-bi-vb-pc39:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc39:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc39:1.7	“kathañhi nāma bhikkhuniyo antovassaṁ cārikaṁ carissantī”ti …pe…
pli-tv-bi-vb-pc39:1.8	“saccaṁ kira, bhikkhave, bhikkhuniyo antovassaṁ cārikaṁ carantī”ti?
pli-tv-bi-vb-pc39:1.9	“Saccaṁ, bhagavā”ti.
pli-tv-bi-vb-pc39:1.10	Vigarahi buddho bhagavā …pe…
pli-tv-bi-vb-pc39:1.11	kathañhi nāma, bhikkhave, bhikkhuniyo antovassaṁ cārikaṁ carissanti.
pli-tv-bi-vb-pc39:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc39:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc39:1.14.0	
pli-tv-bi-vb-pc39:1.14.1	“Yā pana bhikkhunī antovassaṁ cārikaṁ careyya, pācittiyan”ti.
pli-tv-bi-vb-pc39:2.1.0	
pli-tv-bi-vb-pc39:2.1.1	Yā panāti
pli-tv-bi-vb-pc39:2.1.2	yā yādisā …pe…
pli-tv-bi-vb-pc39:2.1.3	bhikkhunīti
pli-tv-bi-vb-pc39:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc39:2.1.5	Antovassanti
pli-tv-bi-vb-pc39:2.1.6	purimaṁ vā temāsaṁ pacchimaṁ vā temāsaṁ avasitvā.
pli-tv-bi-vb-pc39:2.1.7	Cārikaṁ careyyāti
pli-tv-bi-vb-pc39:2.1.8	kukkuṭasampāte gāme gāmantare gāmantare āpatti pācittiyassa.
pli-tv-bi-vb-pc39:2.1.9	Agāmake araññe addhayojane addhayojane āpatti pācittiyassa.
pli-tv-bi-vb-pc39:2.2.0	
pli-tv-bi-vb-pc39:2.2.1	Anāpatti—
pli-tv-bi-vb-pc39:2.2.2	sattāhakaraṇīyena gacchati,
pli-tv-bi-vb-pc39:2.2.3	kenaci ubbāḷhā gacchati,
pli-tv-bi-vb-pc39:2.2.4	āpadāsu,
pli-tv-bi-vb-pc39:2.2.5	ummattikāya,
pli-tv-bi-vb-pc39:2.2.6	ādikammikāyāti.
pli-tv-bi-vb-pc39:2.2.7	Navamasikkhāpadaṁ niṭṭhitaṁ.
pli-tv-bi-vb-pc40:0.1	Theravāda Vinaya
pli-tv-bi-vb-pc40:0.2	Bhikkhunivibhaṅga
pli-tv-bi-vb-pc40:0.3	Pācittiyakaṇḍa
pli-tv-bi-vb-pc40:0.4	Tuvaṭṭavagga
pli-tv-bi-vb-pc40:0.5	40. Cārikanapakkamanasikkhāpada
pli-tv-bi-vb-pc40:1.0	
pli-tv-bi-vb-pc40:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bi-vb-pc40:1.2	Tena kho pana samayena bhikkhuniyo tattheva rājagahe vassaṁ vasanti, tattha hemantaṁ, tattha gimhaṁ.
pli-tv-bi-vb-pc40:1.3	Manussā ujjhāyanti khiyyanti vipācenti—
pli-tv-bi-vb-pc40:1.4	“āhundarikā bhikkhunīnaṁ disā andhakārā, na imāsaṁ disā pakkhāyantī”ti.
pli-tv-bi-vb-pc40:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc40:1.6	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-pc40:1.7	Bhikkhū bhagavato etamatthaṁ ārocesuṁ.
pli-tv-bi-vb-pc40:1.8	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—
pli-tv-bi-vb-pc40:1.9	“tena hi, bhikkhave, bhikkhunīnaṁ sikkhāpadaṁ paññapessāmi dasa atthavase paṭicca—
pli-tv-bi-vb-pc40:1.10	saṅghasuṭṭhutāya …pe…
pli-tv-bi-vb-pc40:1.11	saddhammaṭṭhitiyā vinayānuggahāya.
pli-tv-bi-vb-pc40:1.12	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc40:1.13.0	
pli-tv-bi-vb-pc40:1.13.1	“Yā pana bhikkhunī vassaṁvuṭṭhā cārikaṁ na pakkameyya antamaso chappañcayojanānipi, pācittiyan”ti.
pli-tv-bi-vb-pc40:2.1.0	
pli-tv-bi-vb-pc40:2.1.1	Yā panāti
pli-tv-bi-vb-pc40:2.1.2	yā yādisā …pe…
pli-tv-bi-vb-pc40:2.1.3	bhikkhunīti
pli-tv-bi-vb-pc40:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc40:2.1.5	Vassaṁvuṭṭhā nāma
pli-tv-bi-vb-pc40:2.1.6	purimaṁ vā temāsaṁ pacchimaṁ vā temāsaṁ vuṭṭhā.
pli-tv-bi-vb-pc40:2.1.7	“Cārikaṁ na pakkamissāmi antamaso chappañcayojanānipī”ti dhuraṁ nikkhittamatte āpatti pācittiyassa.
pli-tv-bi-vb-pc40:2.2.0	
pli-tv-bi-vb-pc40:2.2.1	Anāpatti—
pli-tv-bi-vb-pc40:2.2.2	sati antarāye,
pli-tv-bi-vb-pc40:2.2.3	pariyesitvā dutiyikaṁ bhikkhuniṁ na labhati,
pli-tv-bi-vb-pc40:2.2.4	gilānāya,
pli-tv-bi-vb-pc40:2.2.5	āpadāsu,
pli-tv-bi-vb-pc40:2.2.6	ummattikāya,
pli-tv-bi-vb-pc40:2.2.7	ādikammikāyāti.
pli-tv-bi-vb-pc40:2.2.8	Dasamasikkhāpadaṁ niṭṭhitaṁ.
pli-tv-bi-vb-pc40:2.2.9	Tuvaṭṭavaggo catuttho.
pli-tv-bi-vb-pc41:0.1	Theravāda Vinaya
pli-tv-bi-vb-pc41:0.2	Bhikkhunivibhaṅga
pli-tv-bi-vb-pc41:0.3	Pācittiyakaṇḍa
pli-tv-bi-vb-pc41:0.4	Cittāgāravagga
pli-tv-bi-vb-pc41:0.5	41. Rājāgārasikkhāpada
pli-tv-bi-vb-pc41:1.0	
pli-tv-bi-vb-pc41:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc41:1.2	Tena kho pana samayena rañño pasenadissa kosalassa uyyāne cittāgāre paṭibhānacittaṁ kataṁ hoti.
pli-tv-bi-vb-pc41:1.3	Bahū manussā cittāgāraṁ dassanāya gacchanti.
pli-tv-bi-vb-pc41:1.4	Chabbaggiyāpi bhikkhuniyo cittāgāraṁ dassanāya agamaṁsu.
pli-tv-bi-vb-pc41:1.5	Manussā ujjhāyanti khiyyanti vipācenti—
pli-tv-bi-vb-pc41:1.6	“kathañhi nāma bhikkhuniyo cittāgāraṁ dassanāya gacchissanti, seyyathāpi gihiniyo kāmabhoginiyo”ti.
pli-tv-bi-vb-pc41:1.7	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc41:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc41:1.9	“kathañhi nāma chabbaggiyā bhikkhuniyo cittāgāraṁ dassanāya gacchissantī”ti …pe…
pli-tv-bi-vb-pc41:1.10	“saccaṁ kira, bhikkhave, chabbaggiyā bhikkhuniyo cittāgāraṁ dassanāya gacchantī”ti?
pli-tv-bi-vb-pc41:1.11	“Saccaṁ, bhagavā”ti.
pli-tv-bi-vb-pc41:1.12	Vigarahi buddho bhagavā …pe…
pli-tv-bi-vb-pc41:1.13	kathañhi nāma, bhikkhave, chabbaggiyā bhikkhuniyo cittāgāraṁ dassanāya gacchissanti.
pli-tv-bi-vb-pc41:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc41:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc41:1.16.0	
pli-tv-bi-vb-pc41:1.16.1	“Yā pana bhikkhunī rājāgāraṁ vā cittāgāraṁ vā ārāmaṁ vā uyyānaṁ vā pokkharaṇiṁ vā dassanāya gaccheyya, pācittiyan”ti.
pli-tv-bi-vb-pc41:2.1.0	
pli-tv-bi-vb-pc41:2.1.1	Yā panāti
pli-tv-bi-vb-pc41:2.1.2	yā yādisā …pe…
pli-tv-bi-vb-pc41:2.1.3	bhikkhunīti
pli-tv-bi-vb-pc41:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc41:2.1.5	Rājāgāraṁ nāma
pli-tv-bi-vb-pc41:2.1.6	yattha katthaci rañño kīḷituṁ ramituṁ kataṁ hoti.
pli-tv-bi-vb-pc41:2.1.7	Cittāgāraṁ nāma
pli-tv-bi-vb-pc41:2.1.8	yattha katthaci manussānaṁ kīḷituṁ ramituṁ kataṁ hoti.
pli-tv-bi-vb-pc41:2.1.9	Ārāmo nāma
pli-tv-bi-vb-pc41:2.1.10	yattha katthaci manussānaṁ kīḷituṁ ramituṁ kato hoti.
pli-tv-bi-vb-pc41:2.1.11	Uyyānaṁ nāma
pli-tv-bi-vb-pc41:2.1.12	yattha katthaci manussānaṁ kīḷituṁ ramituṁ kataṁ hoti.
pli-tv-bi-vb-pc41:2.1.13	Pokkharaṇī nāma
pli-tv-bi-vb-pc41:2.1.14	yattha katthaci manussānaṁ kīḷituṁ ramituṁ katā hoti.
pli-tv-bi-vb-pc41:2.1.15	Dassanāya gacchati, āpatti dukkaṭassa.
pli-tv-bi-vb-pc41:2.1.16	Yattha ṭhitā passati, āpatti pācittiyassa.
pli-tv-bi-vb-pc41:2.1.17	Dassanūpacāraṁ vijahitvā punappunaṁ passati, āpatti pācittiyassa.
pli-tv-bi-vb-pc41:2.1.18	Ekamekaṁ dassanāya gacchati, āpatti dukkaṭassa.
pli-tv-bi-vb-pc41:2.1.19	Yattha ṭhitā passati, āpatti pācittiyassa.
pli-tv-bi-vb-pc41:2.1.20	Dassanūpacāraṁ vijahitvā punappunaṁ passati, āpatti pācittiyassa.
pli-tv-bi-vb-pc41:2.2.0	
pli-tv-bi-vb-pc41:2.2.1	Anāpatti—
pli-tv-bi-vb-pc41:2.2.2	ārāme ṭhitā passati,
pli-tv-bi-vb-pc41:2.2.3	gacchantī vā āgacchantī vā passati,
pli-tv-bi-vb-pc41:2.2.4	sati karaṇīye gantvā passati,
pli-tv-bi-vb-pc41:2.2.5	āpadāsu,
pli-tv-bi-vb-pc41:2.2.6	ummattikāya,
pli-tv-bi-vb-pc41:2.2.7	ādikammikāyāti.
pli-tv-bi-vb-pc41:2.2.8	Paṭhamasikkhāpadaṁ niṭṭhitaṁ.
pli-tv-bi-vb-pc42:0.1	Theravāda Vinaya
pli-tv-bi-vb-pc42:0.2	Bhikkhunivibhaṅga
pli-tv-bi-vb-pc42:0.3	Pācittiyakaṇḍa
pli-tv-bi-vb-pc42:0.4	Cittāgāravagga
pli-tv-bi-vb-pc42:0.5	42. Āsandiparibhuñjanasikkhāpada
pli-tv-bi-vb-pc42:1.0	
pli-tv-bi-vb-pc42:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc42:1.2	Tena kho pana samayena bhikkhuniyo āsandimpi pallaṅkampi paribhuñjanti.
pli-tv-bi-vb-pc42:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bi-vb-pc42:1.4	“kathañhi nāma bhikkhuniyo āsandimpi pallaṅkampi paribhuñjissanti, seyyathāpi gihiniyo kāmabhoginiyo”ti.
pli-tv-bi-vb-pc42:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc42:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc42:1.7	“kathañhi nāma bhikkhuniyo āsandimpi pallaṅkampi paribhuñjissantī”ti …pe…
pli-tv-bi-vb-pc42:1.8	“saccaṁ kira, bhikkhave, bhikkhuniyo āsandimpi pallaṅkampi paribhuñjantī”ti?
pli-tv-bi-vb-pc42:1.9	“Saccaṁ, bhagavā”ti.
pli-tv-bi-vb-pc42:1.10	Vigarahi buddho bhagavā …pe…
pli-tv-bi-vb-pc42:1.11	kathañhi nāma, bhikkhave, bhikkhuniyo āsandimpi pallaṅkampi paribhuñjissanti.
pli-tv-bi-vb-pc42:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc42:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc42:1.14.0	
pli-tv-bi-vb-pc42:1.14.1	“Yā pana bhikkhunī āsandiṁ vā pallaṅkaṁ vā paribhuñjeyya, pācittiyan”ti.
pli-tv-bi-vb-pc42:2.1.0	
pli-tv-bi-vb-pc42:2.1.1	Yā panāti
pli-tv-bi-vb-pc42:2.1.2	yā yādisā …pe…
pli-tv-bi-vb-pc42:2.1.3	bhikkhunīti
pli-tv-bi-vb-pc42:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc42:2.1.5	Āsandī nāma
pli-tv-bi-vb-pc42:2.1.6	atikkantappamāṇā vuccati.
pli-tv-bi-vb-pc42:2.1.7	Pallaṅko nāma
pli-tv-bi-vb-pc42:2.1.8	āharimehi vāḷehi kato hoti.
pli-tv-bi-vb-pc42:2.1.9	Paribhuñjeyyāti
pli-tv-bi-vb-pc42:2.1.10	tasmiṁ abhinisīdati vā abhinipajjati vā, āpatti pācittiyassa.
pli-tv-bi-vb-pc42:2.2.0	
pli-tv-bi-vb-pc42:2.2.1	Anāpatti—
pli-tv-bi-vb-pc42:2.2.2	āsandiyā pāde chinditvā paribhuñjati,
pli-tv-bi-vb-pc42:2.2.3	pallaṅkassa vāḷe bhinditvā paribhuñjati,
pli-tv-bi-vb-pc42:2.2.4	ummattikāya,
pli-tv-bi-vb-pc42:2.2.5	ādikammikāyāti.
pli-tv-bi-vb-pc42:2.2.6	Dutiyasikkhāpadaṁ niṭṭhitaṁ.
pli-tv-bi-vb-pc43:0.1	Theravāda Vinaya
pli-tv-bi-vb-pc43:0.2	Bhikkhunivibhaṅga
pli-tv-bi-vb-pc43:0.3	Pācittiyakaṇḍa
pli-tv-bi-vb-pc43:0.4	Cittāgāravagga
pli-tv-bi-vb-pc43:0.5	43. Suttakantanasikkhāpada
pli-tv-bi-vb-pc43:1.0	
pli-tv-bi-vb-pc43:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc43:1.2	Tena kho pana samayena chabbaggiyā bhikkhuniyo suttaṁ kantanti.
pli-tv-bi-vb-pc43:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bi-vb-pc43:1.4	“kathañhi nāma bhikkhuniyo suttaṁ kantissanti, seyyathāpi gihiniyo kāmabhoginiyo”ti.
pli-tv-bi-vb-pc43:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc43:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc43:1.7	“kathañhi nāma chabbaggiyā bhikkhuniyo suttaṁ kantissantī”ti …pe…
pli-tv-bi-vb-pc43:1.8	“saccaṁ kira, bhikkhave, chabbaggiyā bhikkhuniyo suttaṁ kantantī”ti?
pli-tv-bi-vb-pc43:1.9	“Saccaṁ, bhagavā”ti.
pli-tv-bi-vb-pc43:1.10	Vigarahi buddho bhagavā …pe…
pli-tv-bi-vb-pc43:1.11	kathañhi nāma, bhikkhave, chabbaggiyā bhikkhuniyo suttaṁ kantissanti.
pli-tv-bi-vb-pc43:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc43:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc43:1.14.0	
pli-tv-bi-vb-pc43:1.14.1	“Yā pana bhikkhunī suttaṁ kanteyya, pācittiyan”ti.
pli-tv-bi-vb-pc43:2.1.0	
pli-tv-bi-vb-pc43:2.1.1	Yā panāti
pli-tv-bi-vb-pc43:2.1.2	yā yādisā …pe…
pli-tv-bi-vb-pc43:2.1.3	bhikkhunīti
pli-tv-bi-vb-pc43:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc43:2.1.5	Suttaṁ nāma
pli-tv-bi-vb-pc43:2.1.6	cha suttāni—
pli-tv-bi-vb-pc43:2.1.7	khomaṁ, kappāsikaṁ, koseyyaṁ, kambalaṁ, sāṇaṁ, bhaṅgaṁ.
pli-tv-bi-vb-pc43:2.1.8	Kanteyyāti
pli-tv-bi-vb-pc43:2.1.9	sayaṁ kantati, payoge dukkaṭaṁ.
pli-tv-bi-vb-pc43:2.1.10	Ujjavujjave āpatti pācittiyassa.
pli-tv-bi-vb-pc43:2.2.0	
pli-tv-bi-vb-pc43:2.2.1	Anāpatti—
pli-tv-bi-vb-pc43:2.2.2	kantitasuttaṁ kantati,
pli-tv-bi-vb-pc43:2.2.3	ummattikāya,
pli-tv-bi-vb-pc43:2.2.4	ādikammikāyāti.
pli-tv-bi-vb-pc43:2.2.5	Tatiyasikkhāpadaṁ niṭṭhitaṁ.
pli-tv-bi-vb-pc44:0.1	Theravāda Vinaya
pli-tv-bi-vb-pc44:0.2	Bhikkhunivibhaṅga
pli-tv-bi-vb-pc44:0.3	Pācittiyakaṇḍa
pli-tv-bi-vb-pc44:0.4	Cittāgāravagga
pli-tv-bi-vb-pc44:0.5	44. Gihiveyyāvaccasikkhāpada
pli-tv-bi-vb-pc44:1.0	
pli-tv-bi-vb-pc44:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc44:1.2	Tena kho pana samayena bhikkhuniyo gihiveyyāvaccaṁ karonti.
pli-tv-bi-vb-pc44:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc44:1.4	“kathañhi nāma bhikkhuniyo gihiveyyāvaccaṁ karissantī”ti …pe…
pli-tv-bi-vb-pc44:1.5	“saccaṁ kira, bhikkhave, bhikkhuniyo gihiveyyāvaccaṁ karontī”ti?
pli-tv-bi-vb-pc44:1.6	“Saccaṁ, bhagavā”ti.
pli-tv-bi-vb-pc44:1.7	Vigarahi buddho bhagavā …pe…
pli-tv-bi-vb-pc44:1.8	kathañhi nāma, bhikkhave, bhikkhuniyo gihiveyyāvaccaṁ karissanti.
pli-tv-bi-vb-pc44:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc44:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc44:1.11.0	
pli-tv-bi-vb-pc44:1.11.1	“Yā pana bhikkhunī gihiveyyāvaccaṁ kareyya, pācittiyan”ti.
pli-tv-bi-vb-pc44:2.1.0	
pli-tv-bi-vb-pc44:2.1.1	Yā panāti
pli-tv-bi-vb-pc44:2.1.2	yā yādisā …pe…
pli-tv-bi-vb-pc44:2.1.3	bhikkhunīti
pli-tv-bi-vb-pc44:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc44:2.1.5	Gihiveyyāvaccaṁ nāma
pli-tv-bi-vb-pc44:2.1.6	agārikassa yāguṁ vā bhattaṁ vā khādanīyaṁ vā pacati, sāṭakaṁ vā veṭhanaṁ vā dhovati, āpatti pācittiyassa.
pli-tv-bi-vb-pc44:2.2.0	
pli-tv-bi-vb-pc44:2.2.1	Anāpatti—
pli-tv-bi-vb-pc44:2.2.2	yāgupāne,
pli-tv-bi-vb-pc44:2.2.3	saṅghabhatte,
pli-tv-bi-vb-pc44:2.2.4	cetiyapūjāya,
pli-tv-bi-vb-pc44:2.2.5	attano veyyāvaccakarassa yāguṁ vā bhattaṁ vā khādanīyaṁ vā pacati, sāṭakaṁ vā veṭhanaṁ vā dhovati,
pli-tv-bi-vb-pc44:2.2.6	ummattikāya,
pli-tv-bi-vb-pc44:2.2.7	ādikammikāyāti.
pli-tv-bi-vb-pc44:2.2.8	Catutthasikkhāpadaṁ niṭṭhitaṁ.
pli-tv-bi-vb-pc45:0.1	Theravāda Vinaya
pli-tv-bi-vb-pc45:0.2	Bhikkhunivibhaṅga
pli-tv-bi-vb-pc45:0.3	Pācittiyakaṇḍa
pli-tv-bi-vb-pc45:0.4	Cittāgāravagga
pli-tv-bi-vb-pc45:0.5	45. Adhikaraṇasikkhāpada
pli-tv-bi-vb-pc45:1.0	
pli-tv-bi-vb-pc45:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc45:1.2	Tena kho pana samayena aññatarā bhikkhunī thullanandaṁ bhikkhuniṁ upasaṅkamitvā etadavoca—
pli-tv-bi-vb-pc45:1.3	“ehāyye, imaṁ adhikaraṇaṁ vūpasamehī”ti.
pli-tv-bi-vb-pc45:1.4	Thullanandā bhikkhunī—
pli-tv-bi-vb-pc45:1.5	“sādhū”ti paṭissuṇitvā, neva vūpasameti na vūpasamāya ussukkaṁ karoti.
pli-tv-bi-vb-pc45:1.6	Atha kho sā bhikkhunī bhikkhunīnaṁ etamatthaṁ ārocesi.
pli-tv-bi-vb-pc45:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc45:1.8	“kathañhi nāma ayyā thullanandā bhikkhuniyā—
pli-tv-bi-vb-pc45:1.9	‘ehāyye, imaṁ adhikaraṇaṁ vūpasamehī’ti vuccamānā—
pli-tv-bi-vb-pc45:1.10	‘sādhū’ti paṭissuṇitvā, neva vūpasamessati na vūpasamāya ussukkaṁ karissatī”ti …pe…
pli-tv-bi-vb-pc45:1.11	“saccaṁ kira, bhikkhave, thullanandā bhikkhunī bhikkhuniyā—
pli-tv-bi-vb-pc45:1.12	‘ehāyye, imaṁ adhikaraṇaṁ vūpasamehī’ti vuccamānā—
pli-tv-bi-vb-pc45:1.13	‘sādhū’ti paṭissuṇitvā, neva vūpasameti na vūpasamāya ussukkaṁ karotī”ti?
pli-tv-bi-vb-pc45:1.14	“Saccaṁ, bhagavā”ti.
pli-tv-bi-vb-pc45:1.15	Vigarahi buddho bhagavā …pe…
pli-tv-bi-vb-pc45:1.16	kathañhi nāma, bhikkhave, thullanandā bhikkhunī bhikkhuniyā—
pli-tv-bi-vb-pc45:1.17	‘ehāyye, imaṁ adhikaraṇaṁ vūpasamehī’ti vuccamānā—
pli-tv-bi-vb-pc45:1.18	‘sādhū’ti paṭissuṇitvā, neva vūpasamessati na vūpasamāya ussukkaṁ karissati.
pli-tv-bi-vb-pc45:1.19	Netaṁ, bhikkhave, appasannānaṁ vā pasādāya …pe…
pli-tv-bi-vb-pc45:1.20	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc45:1.21.0	
pli-tv-bi-vb-pc45:1.21.1	“Yā pana bhikkhunī bhikkhuniyā—‘ehāyye, imaṁ adhikaraṇaṁ vūpasamehī’ti vuccamānā—‘sādhū’ti paṭissuṇitvā sā pacchā anantarāyikinī neva vūpasameyya na vūpasamāya ussukkaṁ kareyya, pācittiyan”ti.
pli-tv-bi-vb-pc45:2.1.0	
pli-tv-bi-vb-pc45:2.1.1	Yā panāti
pli-tv-bi-vb-pc45:2.1.2	yā yādisā …pe…
pli-tv-bi-vb-pc45:2.1.3	bhikkhunīti
pli-tv-bi-vb-pc45:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc45:2.1.5	Bhikkhuniyāti
pli-tv-bi-vb-pc45:2.1.6	aññāya bhikkhuniyā.
pli-tv-bi-vb-pc45:2.1.7	Adhikaraṇaṁ nāma
pli-tv-bi-vb-pc45:2.1.8	cattāri adhikaraṇāni— vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.
pli-tv-bi-vb-pc45:2.1.9	Ehāyye imaṁ adhikaraṇaṁ vūpasamehīti
pli-tv-bi-vb-pc45:2.1.10	ehāyye imaṁ adhikaraṇaṁ vinicchehi.
pli-tv-bi-vb-pc45:2.1.11	Sā pacchā anantarāyikinīti
pli-tv-bi-vb-pc45:2.1.12	asati antarāye.
pli-tv-bi-vb-pc45:2.1.13	Neva vūpasameyyāti
pli-tv-bi-vb-pc45:2.1.14	na sayaṁ vūpasameyya.
pli-tv-bi-vb-pc45:2.1.15	Na vūpasamāya ussukkaṁ kareyyāti
pli-tv-bi-vb-pc45:2.1.16	na aññaṁ āṇāpeyya.
pli-tv-bi-vb-pc45:2.1.17	“Neva vūpasamessāmi na vūpasamāya ussukkaṁ karissāmī”ti dhuraṁ nikkhittamatte, āpatti pācittiyassa.
pli-tv-bi-vb-pc45:2.2.0	
pli-tv-bi-vb-pc45:2.2.1	Upasampannāya upasampannasaññā adhikaraṇaṁ neva vūpasameti na vūpasamāya ussukkaṁ karoti, āpatti pācittiyassa.
pli-tv-bi-vb-pc45:2.2.2	Upasampannāya vematikā adhikaraṇaṁ neva vūpasameti, na vūpasamāya ussukkaṁ karoti, āpatti pācittiyassa.
pli-tv-bi-vb-pc45:2.2.3	Upasampannāya anupasampannasaññā adhikaraṇaṁ neva vūpasameti, na vūpasamāya ussukkaṁ karoti, āpatti pācittiyassa.
pli-tv-bi-vb-pc45:2.2.4	Anupasampannāya adhikaraṇaṁ neva vūpasameti, na vūpasamāya ussukkaṁ karoti, āpatti dukkaṭassa.
pli-tv-bi-vb-pc45:2.2.5	Anupasampannāya upasampannasaññā, āpatti dukkaṭassa.
pli-tv-bi-vb-pc45:2.2.6	Anupasampannāya vematikā, āpatti dukkaṭassa.
pli-tv-bi-vb-pc45:2.2.7	Anupasampannāya anupasampannasaññā, āpatti dukkaṭassa.
pli-tv-bi-vb-pc45:2.3.0	
pli-tv-bi-vb-pc45:2.3.1	Anāpatti—
pli-tv-bi-vb-pc45:2.3.2	sati antarāye,
pli-tv-bi-vb-pc45:2.3.3	pariyesitvā na labhati,
pli-tv-bi-vb-pc45:2.3.4	gilānāya,
pli-tv-bi-vb-pc45:2.3.5	āpadāsu,
pli-tv-bi-vb-pc45:2.3.6	ummattikāya,
pli-tv-bi-vb-pc45:2.3.7	ādikammikāyāti.
pli-tv-bi-vb-pc45:2.3.8	Pañcamasikkhāpadaṁ niṭṭhitaṁ.
pli-tv-bi-vb-pc46:0.1	Theravāda Vinaya
pli-tv-bi-vb-pc46:0.2	Bhikkhunivibhaṅga
pli-tv-bi-vb-pc46:0.3	Pācittiyakaṇḍa
pli-tv-bi-vb-pc46:0.4	Cittāgāravagga
pli-tv-bi-vb-pc46:0.5	46. Bhojanadānasikkhāpada
pli-tv-bi-vb-pc46:1.0	
pli-tv-bi-vb-pc46:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc46:1.2	Tena kho pana samayena thullanandā bhikkhunī naṭānampi naṭakānampi laṅghakānampi sokajjhāyikānampi kumbhathūṇikānampi sahatthā khādanīyaṁ bhojanīyaṁ deti—
pli-tv-bi-vb-pc46:1.3	“mayhaṁ parisati vaṇṇaṁ bhāsathā”ti.
pli-tv-bi-vb-pc46:1.4	Naṭāpi naṭakāpi laṅghakāpi sokajjhāyikāpi kumbhathūṇikāpi thullanandāya bhikkhuniyā parisati vaṇṇaṁ bhāsanti—
pli-tv-bi-vb-pc46:1.5	“ayyā thullanandā bahussutā bhāṇikā visāradā paṭṭā dhammiṁ kathaṁ kātuṁ;
pli-tv-bi-vb-pc46:1.6	detha ayyāya, karotha ayyāyā”ti.
pli-tv-bi-vb-pc46:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc46:1.8	“kathañhi nāma ayyā thullanandā agārikassa sahatthā khādanīyaṁ bhojanīyaṁ dassatī”ti …pe…
pli-tv-bi-vb-pc46:1.9	“saccaṁ kira, bhikkhave, thullanandā bhikkhunī agārikassa sahatthā khādanīyaṁ bhojanīyaṁ detī”ti?
pli-tv-bi-vb-pc46:1.10	“Saccaṁ, bhagavā”ti.
pli-tv-bi-vb-pc46:1.11	Vigarahi buddho bhagavā …pe…
pli-tv-bi-vb-pc46:1.12	kathañhi nāma, bhikkhave, thullanandā bhikkhunī agārikassa sahatthā khādanīyaṁ bhojanīyaṁ dassati.
pli-tv-bi-vb-pc46:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc46:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc46:1.15.0	
pli-tv-bi-vb-pc46:1.15.1	“Yā pana bhikkhunī agārikassa vā paribbājakassa vā paribbājikāya vā sahatthā khādanīyaṁ vā bhojanīyaṁ vā dadeyya, pācittiyan”ti.
pli-tv-bi-vb-pc46:2.1.0	
pli-tv-bi-vb-pc46:2.1.1	Yā panāti
pli-tv-bi-vb-pc46:2.1.2	yā yādisā …pe…
pli-tv-bi-vb-pc46:2.1.3	bhikkhunīti
pli-tv-bi-vb-pc46:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc46:2.1.5	Agāriko nāma
pli-tv-bi-vb-pc46:2.1.6	yo koci agāraṁ ajjhāvasati.
pli-tv-bi-vb-pc46:2.1.7	Paribbājako nāma
pli-tv-bi-vb-pc46:2.1.8	bhikkhuñca sāmaṇerañca ṭhapetvā yo koci paribbājakasamāpanno.
pli-tv-bi-vb-pc46:2.1.9	Paribbājikā nāma
pli-tv-bi-vb-pc46:2.1.10	bhikkhuniñca sikkhamānañca sāmaṇeriñca ṭhapetvā yā kāci paribbājikasamāpannā.
pli-tv-bi-vb-pc46:2.1.11	Khādanīyaṁ nāma
pli-tv-bi-vb-pc46:2.1.12	pañca bhojanāni—
pli-tv-bi-vb-pc46:2.1.13	udakadantaponaṁ ṭhapetvā avasesaṁ khādanīyaṁ nāma.
pli-tv-bi-vb-pc46:2.1.14	Bhojanīyaṁ nāma
pli-tv-bi-vb-pc46:2.1.15	pañca bhojanāni—odano, kummāso, sattu, maccho, maṁsaṁ.
pli-tv-bi-vb-pc46:2.1.16	Dadeyyāti
pli-tv-bi-vb-pc46:2.1.17	kāyena vā kāyapaṭibaddhena vā nissaggiyena vā deti, āpatti pācittiyassa.
pli-tv-bi-vb-pc46:2.1.18	Udakadantaponaṁ deti, āpatti dukkaṭassa.
pli-tv-bi-vb-pc46:2.2.0	
pli-tv-bi-vb-pc46:2.2.1	Anāpatti—
pli-tv-bi-vb-pc46:2.2.2	dāpeti na deti,
pli-tv-bi-vb-pc46:2.2.3	upanikkhipitvā deti,
pli-tv-bi-vb-pc46:2.2.4	bāhirālepaṁ deti,
pli-tv-bi-vb-pc46:2.2.5	ummattikāya,
pli-tv-bi-vb-pc46:2.2.6	ādikammikāyāti.
pli-tv-bi-vb-pc46:2.2.7	Chaṭṭhasikkhāpadaṁ niṭṭhitaṁ.
pli-tv-bi-vb-pc47:0.1	Theravāda Vinaya
pli-tv-bi-vb-pc47:0.2	Bhikkhunivibhaṅga
pli-tv-bi-vb-pc47:0.3	Pācittiyakaṇḍa
pli-tv-bi-vb-pc47:0.4	Cittāgāravagga
pli-tv-bi-vb-pc47:0.5	47. Āvasathacīvarasikkhāpada
pli-tv-bi-vb-pc47:1.0	
pli-tv-bi-vb-pc47:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc47:1.2	Tena kho pana samayena thullanandā bhikkhunī āvasathacīvaraṁ anissajjitvā paribhuñjati.
pli-tv-bi-vb-pc47:1.3	Aññā utuniyo bhikkhuniyo na labhanti.
pli-tv-bi-vb-pc47:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc47:1.5	“kathañhi nāma ayyā thullanandā āvasathacīvaraṁ anissajjitvā paribhuñjissatī”ti …pe…
pli-tv-bi-vb-pc47:1.6	“saccaṁ kira, bhikkhave, thullanandā bhikkhunī āvasathacīvaraṁ anissajjitvā paribhuñjatī”ti?
pli-tv-bi-vb-pc47:1.7	“Saccaṁ, bhagavā”ti.
pli-tv-bi-vb-pc47:1.8	Vigarahi buddho bhagavā …pe…
pli-tv-bi-vb-pc47:1.9	kathañhi nāma, bhikkhave, thullanandā bhikkhunī āvasathacīvaraṁ anissajjitvā paribhuñjissati.
pli-tv-bi-vb-pc47:1.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc47:1.11	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc47:1.12.0	
pli-tv-bi-vb-pc47:1.12.1	“Yā pana bhikkhunī āvasathacīvaraṁ anissajjitvā paribhuñjeyya, pācittiyan”ti.
pli-tv-bi-vb-pc47:2.1.0	
pli-tv-bi-vb-pc47:2.1.1	Yā panāti
pli-tv-bi-vb-pc47:2.1.2	yā yādisā …pe…
pli-tv-bi-vb-pc47:2.1.3	bhikkhunīti
pli-tv-bi-vb-pc47:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc47:2.1.5	Āvasathacīvaraṁ nāma
pli-tv-bi-vb-pc47:2.1.6	“utuniyo bhikkhuniyo paribhuñjantū”ti dinnaṁ hoti.
pli-tv-bi-vb-pc47:2.1.7	Anissajjitvā paribhuñjeyyāti
pli-tv-bi-vb-pc47:2.1.8	dvetisso rattiyo paribhuñjitvā catutthadivase dhovitvā bhikkhuniyā vā sikkhamānāya vā sāmaṇeriyā vā anissajjitvā paribhuñjati, āpatti pācittiyassa.
pli-tv-bi-vb-pc47:2.2.0	
pli-tv-bi-vb-pc47:2.2.1	Anissajjite anissajjitasaññā paribhuñjati, āpatti pācittiyassa.
pli-tv-bi-vb-pc47:2.2.2	Anissajjite vematikā paribhuñjati, āpatti pācittiyassa.
pli-tv-bi-vb-pc47:2.2.3	Anissajjite nissajjitasaññā paribhuñjati, āpatti pācittiyassa.
pli-tv-bi-vb-pc47:2.2.4	Nissajjite anissajjitasaññā, āpatti dukkaṭassa.
pli-tv-bi-vb-pc47:2.2.5	Nissajjite vematikā, āpatti dukkaṭassa.
pli-tv-bi-vb-pc47:2.2.6	Nissajjite nissajjitasaññā anāpatti.
pli-tv-bi-vb-pc47:2.3.0	
pli-tv-bi-vb-pc47:2.3.1	Anāpatti—
pli-tv-bi-vb-pc47:2.3.2	nissajjitvā paribhuñjati,
pli-tv-bi-vb-pc47:2.3.3	puna pariyāyena paribhuñjati,
pli-tv-bi-vb-pc47:2.3.4	aññā utuniyo bhikkhuniyo na honti,
pli-tv-bi-vb-pc47:2.3.5	acchinnacīvarikāya,
pli-tv-bi-vb-pc47:2.3.6	naṭṭhacīvarikāya,
pli-tv-bi-vb-pc47:2.3.7	āpadāsu,
pli-tv-bi-vb-pc47:2.3.8	ummattikāya,
pli-tv-bi-vb-pc47:2.3.9	ādikammikāyāti.
pli-tv-bi-vb-pc47:2.3.10	Sattamasikkhāpadaṁ niṭṭhitaṁ.
pli-tv-bi-vb-pc48:0.1	Theravāda Vinaya
pli-tv-bi-vb-pc48:0.2	Bhikkhunivibhaṅga
pli-tv-bi-vb-pc48:0.3	Pācittiyakaṇḍa
pli-tv-bi-vb-pc48:0.4	Cittāgāravagga
pli-tv-bi-vb-pc48:0.5	48. Āvasathavihārasikkhāpada
pli-tv-bi-vb-pc48:1.0	
pli-tv-bi-vb-pc48:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc48:1.2	Tena kho pana samayena thullanandā bhikkhunī āvasathaṁ anissajjitvā cārikaṁ pakkāmi.
pli-tv-bi-vb-pc48:1.3	Tena kho pana samayena thullanandāya bhikkhuniyā āvasatho ḍayhati.
pli-tv-bi-vb-pc48:1.4	Bhikkhuniyo evamāhaṁsu—
pli-tv-bi-vb-pc48:1.5	“handāyye, bhaṇḍakaṁ nīharāmā”ti.
pli-tv-bi-vb-pc48:1.6	Ekaccā evamāhaṁsu—
pli-tv-bi-vb-pc48:1.7	“na mayaṁ, ayye, nīharissāma.
pli-tv-bi-vb-pc48:1.8	Yaṁ kiñci naṭṭhaṁ sabbaṁ amhe abhiyuñjissatī”ti.
pli-tv-bi-vb-pc48:1.9	Thullanandā bhikkhunī punadeva taṁ āvasathaṁ paccāgantvā bhikkhuniyo pucchi—
pli-tv-bi-vb-pc48:1.10	“apāyye, bhaṇḍakaṁ nīharitthā”ti?
pli-tv-bi-vb-pc48:1.11	“Na mayaṁ, ayye, nīharimhā”ti.
pli-tv-bi-vb-pc48:1.12	Thullanandā bhikkhunī ujjhāyati khiyyati vipāceti—
pli-tv-bi-vb-pc48:1.13	“kathañhi nāma bhikkhuniyo āvasathe ḍayhamāne bhaṇḍakaṁ na nīharissantī”ti.
pli-tv-bi-vb-pc48:1.14	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc48:1.15	“kathañhi nāma ayyā thullanandā āvasathaṁ anissajjitvā cārikaṁ pakkamissatī”ti …pe…
pli-tv-bi-vb-pc48:1.16	“saccaṁ kira, bhikkhave, thullanandā bhikkhunī āvasathaṁ anissajjitvā cārikaṁ pakkamatī”ti?
pli-tv-bi-vb-pc48:1.17	“Saccaṁ, bhagavā”ti.
pli-tv-bi-vb-pc48:1.18	Vigarahi buddho bhagavā …pe…
pli-tv-bi-vb-pc48:1.19	kathañhi nāma, bhikkhave, thullanandā bhikkhunī āvasathaṁ anissajjitvā cārikaṁ pakkamissati.
pli-tv-bi-vb-pc48:1.20	Netaṁ, bhikkhave, appasannānaṁ vā pasādāya …pe…
pli-tv-bi-vb-pc48:1.21	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc48:1.22.0	
pli-tv-bi-vb-pc48:1.22.1	“Yā pana bhikkhunī āvasathaṁ anissajjitvā cārikaṁ pakkameyya, pācittiyan”ti.
pli-tv-bi-vb-pc48:2.1.0	
pli-tv-bi-vb-pc48:2.1.1	Yā panāti
pli-tv-bi-vb-pc48:2.1.2	yā yādisā …pe…
pli-tv-bi-vb-pc48:2.1.3	bhikkhunīti
pli-tv-bi-vb-pc48:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc48:2.1.5	Āvasatho nāma
pli-tv-bi-vb-pc48:2.1.6	kavāṭabaddho vuccati.
pli-tv-bi-vb-pc48:2.1.7	Anissajjitvā cārikaṁ pakkameyyāti
pli-tv-bi-vb-pc48:2.1.8	bhikkhuniyā vā sikkhamānāya vā sāmaṇeriyā vā anissajjitvā parikkhittassa āvasathassa parikkhepaṁ atikkāmentiyā āpatti pācittiyassa.
pli-tv-bi-vb-pc48:2.1.9	Aparikkhittassa āvasathassa upacāraṁ atikkāmentiyā āpatti pācittiyassa.
pli-tv-bi-vb-pc48:2.2.0	
pli-tv-bi-vb-pc48:2.2.1	Anissajjite anissajjitasaññā pakkamati, āpatti pācittiyassa.
pli-tv-bi-vb-pc48:2.2.2	Anissajjite vematikā pakkamati, āpatti pācittiyassa.
pli-tv-bi-vb-pc48:2.2.3	Anissajjite nissajjitasaññā pakkamati, āpatti pācittiyassa.
pli-tv-bi-vb-pc48:2.2.4	Akavāṭabaddhaṁ anissajjitvā pakkamati, āpatti dukkaṭassa.
pli-tv-bi-vb-pc48:2.2.5	Nissajjite anissajjitasaññā, āpatti dukkaṭassa.
pli-tv-bi-vb-pc48:2.2.6	Nissajjite vematikā, āpatti dukkaṭassa.
pli-tv-bi-vb-pc48:2.2.7	Nissajjite nissajjitasaññā, anāpatti.
pli-tv-bi-vb-pc48:2.3.0	
pli-tv-bi-vb-pc48:2.3.1	Anāpatti—
pli-tv-bi-vb-pc48:2.3.2	nissajjitvā pakkamati,
pli-tv-bi-vb-pc48:2.3.3	sati antarāye,
pli-tv-bi-vb-pc48:2.3.4	pariyesitvā na labhati,
pli-tv-bi-vb-pc48:2.3.5	gilānāya,
pli-tv-bi-vb-pc48:2.3.6	āpadāsu,
pli-tv-bi-vb-pc48:2.3.7	ummattikāya,
pli-tv-bi-vb-pc48:2.3.8	ādikammikāyāti.
pli-tv-bi-vb-pc48:2.3.9	Aṭṭhamasikkhāpadaṁ niṭṭhitaṁ.
pli-tv-bi-vb-pc49:0.1	Theravāda Vinaya
pli-tv-bi-vb-pc49:0.2	Bhikkhunivibhaṅga
pli-tv-bi-vb-pc49:0.3	Pācittiyakaṇḍa
pli-tv-bi-vb-pc49:0.4	Cittāgāravagga
pli-tv-bi-vb-pc49:0.5	49. Tiracchānavijjāpariyāpuṇanasikkhāpada
pli-tv-bi-vb-pc49:1.0	
pli-tv-bi-vb-pc49:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc49:1.2	Tena kho pana samayena chabbaggiyā bhikkhuniyo tiracchānavijjaṁ pariyāpuṇanti.
pli-tv-bi-vb-pc49:1.3	Manussā ujjhāyanti khiyyanti vipācenti—
pli-tv-bi-vb-pc49:1.4	“kathañhi nāma bhikkhuniyo tiracchānavijjaṁ pariyāpuṇissanti, seyyathāpi gihiniyo kāmabhoginiyo”ti.
pli-tv-bi-vb-pc49:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc49:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc49:1.7	“kathañhi nāma chabbaggiyā bhikkhuniyo tiracchānavijjaṁ pariyāpuṇissantī”ti …pe…
pli-tv-bi-vb-pc49:1.8	“saccaṁ kira, bhikkhave, chabbaggiyā bhikkhuniyo tiracchānavijjaṁ pariyāpuṇantī”ti?
pli-tv-bi-vb-pc49:1.9	“Saccaṁ, bhagavā”ti.
pli-tv-bi-vb-pc49:1.10	Vigarahi buddho bhagavā …pe…
pli-tv-bi-vb-pc49:1.11	kathañhi nāma, bhikkhave, chabbaggiyā bhikkhuniyo tiracchānavijjaṁ pariyāpuṇissanti.
pli-tv-bi-vb-pc49:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc49:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc49:1.14.0	
pli-tv-bi-vb-pc49:1.14.1	“Yā pana bhikkhunī tiracchānavijjaṁ pariyāpuṇeyya, pācittiyan”ti.
pli-tv-bi-vb-pc49:2.1.0	
pli-tv-bi-vb-pc49:2.1.1	Yā panāti
pli-tv-bi-vb-pc49:2.1.2	yā yādisā …pe…
pli-tv-bi-vb-pc49:2.1.3	bhikkhunīti
pli-tv-bi-vb-pc49:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc49:2.1.5	Tiracchānavijjā nāma
pli-tv-bi-vb-pc49:2.1.6	yaṁ kiñci bāhirakaṁ anatthasaṁhitaṁ.
pli-tv-bi-vb-pc49:2.1.7	Pariyāpuṇeyyāti
pli-tv-bi-vb-pc49:2.1.8	padena pariyāpuṇāti, pade pade āpatti pācittiyassa.
pli-tv-bi-vb-pc49:2.1.9	Akkharāya pariyāpuṇāti, akkharakkharāya āpatti pācittiyassa.
pli-tv-bi-vb-pc49:2.2.0	
pli-tv-bi-vb-pc49:2.2.1	Anāpatti—
pli-tv-bi-vb-pc49:2.2.2	lekhaṁ pariyāpuṇāti,
pli-tv-bi-vb-pc49:2.2.3	dhāraṇaṁ pariyāpuṇāti,
pli-tv-bi-vb-pc49:2.2.4	guttatthāya parittaṁ pariyāpuṇāti,
pli-tv-bi-vb-pc49:2.2.5	ummattikāya,
pli-tv-bi-vb-pc49:2.2.6	ādikammikāyāti.
pli-tv-bi-vb-pc49:2.2.7	Navamasikkhāpadaṁ niṭṭhitaṁ.
pli-tv-bi-vb-pc50:0.1	Theravāda Vinaya
pli-tv-bi-vb-pc50:0.2	Bhikkhunivibhaṅga
pli-tv-bi-vb-pc50:0.3	Pācittiyakaṇḍa
pli-tv-bi-vb-pc50:0.4	Cittāgāravagga
pli-tv-bi-vb-pc50:0.5	50. Tiracchānavijjāvācanasikkhāpada
pli-tv-bi-vb-pc50:1.0	
pli-tv-bi-vb-pc50:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc50:1.2	Tena kho pana samayena chabbaggiyā bhikkhuniyo tiracchānavijjaṁ vācenti.
pli-tv-bi-vb-pc50:1.3	Manussā ujjhāyanti khiyyanti vipācenti—
pli-tv-bi-vb-pc50:1.4	“kathañhi nāma bhikkhuniyo tiracchānavijjaṁ vācessanti, seyyathāpi gihiniyo kāmabhoginiyo”ti.
pli-tv-bi-vb-pc50:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc50:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc50:1.7	“kathañhi nāma chabbaggiyā bhikkhuniyo tiracchānavijjaṁ vācessantī”ti …pe…
pli-tv-bi-vb-pc50:1.8	“saccaṁ kira, bhikkhave, chabbaggiyā bhikkhuniyo tiracchānavijjaṁ vācentī”ti?
pli-tv-bi-vb-pc50:1.9	“Saccaṁ, bhagavā”ti.
pli-tv-bi-vb-pc50:1.10	Vigarahi buddho bhagavā …pe…
pli-tv-bi-vb-pc50:1.11	kathañhi nāma, bhikkhave, chabbaggiyā bhikkhuniyo tiracchānavijjaṁ vācessanti.
pli-tv-bi-vb-pc50:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc50:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc50:1.14.0	
pli-tv-bi-vb-pc50:1.14.1	“Yā pana bhikkhunī tiracchānavijjaṁ vāceyya, pācittiyan”ti.
pli-tv-bi-vb-pc50:2.0	
pli-tv-bi-vb-pc50:2.1	Yā panāti
pli-tv-bi-vb-pc50:2.2	yā yādisā …pe…
pli-tv-bi-vb-pc50:2.3	bhikkhunīti
pli-tv-bi-vb-pc50:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc50:2.5	Tiracchānavijjā nāma
pli-tv-bi-vb-pc50:2.6	yaṁ kiñci bāhirakaṁ anatthasaṁhitaṁ.
pli-tv-bi-vb-pc50:2.7	Vāceyyāti
pli-tv-bi-vb-pc50:2.8	padena vāceti, pade pade āpatti pācittiyassa.
pli-tv-bi-vb-pc50:2.9	Akkharāya vāceti, akkharakkharāya āpatti pācittiyassa.
pli-tv-bi-vb-pc50:2.10.0	
pli-tv-bi-vb-pc50:2.10.1	Anāpatti—
pli-tv-bi-vb-pc50:2.11	lekhaṁ vāceti,
pli-tv-bi-vb-pc50:2.12	dhāraṇaṁ vāceti,
pli-tv-bi-vb-pc50:2.13	guttatthāya parittaṁ vāceti,
pli-tv-bi-vb-pc50:2.14	ummattikāya,
pli-tv-bi-vb-pc50:2.15	ādikammikāyāti.
pli-tv-bi-vb-pc50:2.16	Dasamasikkhāpadaṁ niṭṭhitaṁ.
pli-tv-bi-vb-pc50:2.17	Cittāgāravaggo pañcamo.
pli-tv-bi-vb-pc51:0.1	Theravāda Vinaya
pli-tv-bi-vb-pc51:0.2	Bhikkhunivibhaṅga
pli-tv-bi-vb-pc51:0.3	Pācittiyakaṇḍa
pli-tv-bi-vb-pc51:0.4	Ārāmavagga
pli-tv-bi-vb-pc51:0.5	51. Ārāmapavisanasikkhāpada
pli-tv-bi-vb-pc51:1.0.1	
pli-tv-bi-vb-pc51:1.0.2	
pli-tv-bi-vb-pc51:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc51:1.2	Tena kho pana samayena sambahulā bhikkhū gāmakāvāse ekacīvarā cīvarakammaṁ karonti.
pli-tv-bi-vb-pc51:1.3	Bhikkhuniyo anāpucchā ārāmaṁ pavisitvā yena te bhikkhū tenupasaṅkamiṁsu.
pli-tv-bi-vb-pc51:1.4	Bhikkhū ujjhāyanti khiyyanti vipācenti—
pli-tv-bi-vb-pc51:1.5	“kathañhi nāma bhikkhuniyo anāpucchā ārāmaṁ pavisissantī”ti …pe…
pli-tv-bi-vb-pc51:1.6	“saccaṁ kira, bhikkhave, bhikkhuniyo anāpucchā ārāmaṁ pavisantī”ti?
pli-tv-bi-vb-pc51:1.7	“Saccaṁ, bhagavā”ti.
pli-tv-bi-vb-pc51:1.8	Vigarahi buddho bhagavā …pe…
pli-tv-bi-vb-pc51:1.9	kathañhi nāma, bhikkhave, bhikkhuniyo anāpucchā ārāmaṁ pavisissanti.
pli-tv-bi-vb-pc51:1.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc51:1.11	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc51:1.12.0	
pli-tv-bi-vb-pc51:1.12.1	“Yā pana bhikkhunī anāpucchā ārāmaṁ paviseyya, pācittiyan”ti.
pli-tv-bi-vb-pc51:1.13	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-pc51:2.0	
pli-tv-bi-vb-pc51:2.1	Tena kho pana samayena te bhikkhū tamhā āvāsā pakkamiṁsu.
pli-tv-bi-vb-pc51:2.2	Bhikkhuniyo—“ayyā pakkantā”ti ārāmaṁ nāgamaṁsu.
pli-tv-bi-vb-pc51:2.3	Atha kho te bhikkhū punadeva taṁ āvāsaṁ paccāgacchiṁsu.
pli-tv-bi-vb-pc51:2.4	Bhikkhuniyo—“ayyā āgatā”ti āpucchā ārāmaṁ pavisitvā yena te bhikkhū tenupasaṅkamiṁsu;
pli-tv-bi-vb-pc51:2.5	upasaṅkamitvā te bhikkhū abhivādetvā ekamantaṁ aṭṭhaṁsu.
pli-tv-bi-vb-pc51:2.6	Ekamantaṁ ṭhitā kho tā bhikkhuniyo te bhikkhū etadavocuṁ—“kissa tumhe, bhaginiyo, ārāmaṁ neva sammajjittha na pānīyaṁ paribhojanīyaṁ upaṭṭhāpitthā”ti?
pli-tv-bi-vb-pc51:2.7	“Bhagavatā, ayyā, sikkhāpadaṁ paññattaṁ—‘na anāpucchā ārāmo pavisitabbo’ti.
pli-tv-bi-vb-pc51:2.8	Tena mayaṁ na āgamimhā”ti.
pli-tv-bi-vb-pc51:2.9	Bhagavato etamatthaṁ ārocesuṁ …pe…
pli-tv-bi-vb-pc51:2.10	anujānāmi, bhikkhave, santaṁ bhikkhuṁ āpucchā ārāmaṁ pavisituṁ.
pli-tv-bi-vb-pc51:2.11	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc51:2.12.0	
pli-tv-bi-vb-pc51:2.12.1	“Yā pana bhikkhunī santaṁ bhikkhuṁ anāpucchā ārāmaṁ paviseyya, pācittiyan”ti.
pli-tv-bi-vb-pc51:2.13	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-pc51:3.0	
pli-tv-bi-vb-pc51:3.1	Tena kho pana samayena te bhikkhū tamhā āvāsā pakkamitvā punadeva taṁ āvāsaṁ paccāgacchiṁsu.
pli-tv-bi-vb-pc51:3.2	Bhikkhuniyo—“ayyā pakkantā”ti anāpucchā ārāmaṁ pavisiṁsu.
pli-tv-bi-vb-pc51:3.3	Tāsaṁ kukkuccaṁ ahosi—“bhagavatā sikkhāpadaṁ paññattaṁ—‘na santaṁ bhikkhuṁ anāpucchā ārāmo pavisitabbo’ti.
pli-tv-bi-vb-pc51:3.4	Mayañcamhā santaṁ bhikkhuṁ anāpucchā ārāmaṁ pavisimhā.
pli-tv-bi-vb-pc51:3.5	Kacci nu kho mayaṁ pācittiyaṁ āpattiṁ āpannā”ti …pe…
pli-tv-bi-vb-pc51:3.6	bhagavato etamatthaṁ ārocesuṁ.
pli-tv-bi-vb-pc51:3.7	Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi …pe…
pli-tv-bi-vb-pc51:3.8	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc51:3.9.0	
pli-tv-bi-vb-pc51:3.9.1	“Yā pana bhikkhunī jānaṁ sabhikkhukaṁ ārāmaṁ anāpucchā paviseyya, pācittiyan”ti.
pli-tv-bi-vb-pc51:4.1.0	
pli-tv-bi-vb-pc51:4.1.1	Yā panāti
pli-tv-bi-vb-pc51:4.1.2	yā yādisā …pe…
pli-tv-bi-vb-pc51:4.1.3	bhikkhunīti
pli-tv-bi-vb-pc51:4.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc51:4.1.5	Jānāti nāma
pli-tv-bi-vb-pc51:4.1.6	sāmaṁ vā jānāti, aññe vā tassā ārocenti, te vā ārocenti.
pli-tv-bi-vb-pc51:4.1.7	Sabhikkhuko nāma ārāmo
pli-tv-bi-vb-pc51:4.1.8	yattha bhikkhū rukkhamūlepi vasanti.
pli-tv-bi-vb-pc51:4.1.9	Anāpucchā ārāmaṁ paviseyyāti
pli-tv-bi-vb-pc51:4.1.10	bhikkhuṁ vā sāmaṇeraṁ vā ārāmikaṁ vā anāpucchā parikkhittassa ārāmassa parikkhepaṁ atikkāmentiyā āpatti pācittiyassa.
pli-tv-bi-vb-pc51:4.1.11	Aparikkhittassa ārāmassa upacāraṁ okkamantiyā āpatti pācittiyassa.
pli-tv-bi-vb-pc51:4.2.0	
pli-tv-bi-vb-pc51:4.2.1	Sabhikkhuke sabhikkhukasaññā santaṁ bhikkhuṁ anāpucchā ārāmaṁ pavisati, āpatti pācittiyassa.
pli-tv-bi-vb-pc51:4.2.2	Sabhikkhuke vematikā santaṁ bhikkhuṁ anāpucchā ārāmaṁ pavisati, āpatti dukkaṭassa.
pli-tv-bi-vb-pc51:4.2.3	Sabhikkhuke abhikkhukasaññā santaṁ bhikkhuṁ anāpucchā ārāmaṁ pavisati, anāpatti.
pli-tv-bi-vb-pc51:4.2.4	Abhikkhuke sabhikkhukasaññā, āpatti dukkaṭassa.
pli-tv-bi-vb-pc51:4.2.5	Abhikkhuke vematikā, āpatti dukkaṭassa.
pli-tv-bi-vb-pc51:4.2.6	Abhikkhuke abhikkhukasaññā, anāpatti.
pli-tv-bi-vb-pc51:4.3.0	
pli-tv-bi-vb-pc51:4.3.1	Anāpatti—
pli-tv-bi-vb-pc51:4.3.2	santaṁ bhikkhuṁ āpucchā pavisati,
pli-tv-bi-vb-pc51:4.3.3	asantaṁ bhikkhuṁ anāpucchā pavisati,
pli-tv-bi-vb-pc51:4.3.4	sīsānulokikā gacchati,
pli-tv-bi-vb-pc51:4.3.5	yattha bhikkhuniyo sannipatitā honti tattha gacchati,
pli-tv-bi-vb-pc51:4.3.6	ārāmena maggo hoti,
pli-tv-bi-vb-pc51:4.3.7	gilānāya,
pli-tv-bi-vb-pc51:4.3.8	āpadāsu,
pli-tv-bi-vb-pc51:4.3.9	ummattikāya,
pli-tv-bi-vb-pc51:4.3.10	ādikammikāyāti.
pli-tv-bi-vb-pc51:4.3.11	Paṭhamasikkhāpadaṁ niṭṭhitaṁ.
pli-tv-bi-vb-pc52:0.1	Theravāda Vinaya
pli-tv-bi-vb-pc52:0.2	Bhikkhunivibhaṅga
pli-tv-bi-vb-pc52:0.3	Pācittiyakaṇḍa
pli-tv-bi-vb-pc52:0.4	Ārāmavagga
pli-tv-bi-vb-pc52:0.5	52. Bhikkhuakkosanasikkhāpada
pli-tv-bi-vb-pc52:1.0	
pli-tv-bi-vb-pc52:1.1	Tena samayena buddho bhagavā vesāliyaṁ viharati mahāvane kūṭāgārasālāyaṁ.
pli-tv-bi-vb-pc52:1.2	Tena kho pana samayena āyasmato upālissa upajjhāyo āyasmā kappitako susāne viharati.
pli-tv-bi-vb-pc52:1.3	Tena kho pana samayena chabbaggiyānaṁ bhikkhunīnaṁ mahattarā bhikkhunī kālaṅkatā hoti.
pli-tv-bi-vb-pc52:1.4	Chabbaggiyā bhikkhuniyo taṁ bhikkhuniṁ nīharitvā āyasmato kappitakassa vihārassa avidūre jhāpetvā thūpaṁ katvā gantvā tasmiṁ thūpe rodanti.
pli-tv-bi-vb-pc52:1.5	Atha kho āyasmā kappitako tena saddena ubbāḷho taṁ thūpaṁ bhinditvā pakiresi.
pli-tv-bi-vb-pc52:1.6	Chabbaggiyā bhikkhuniyo—
pli-tv-bi-vb-pc52:1.7	“iminā kappitakena amhākaṁ ayyāya thūpo bhinno, handa naṁ ghātemā”ti mantesuṁ.
pli-tv-bi-vb-pc52:1.8	Aññatarā bhikkhunī āyasmato upālissa etamatthaṁ ārocesi.
pli-tv-bi-vb-pc52:1.9	Āyasmā upāli āyasmato kappitakassa etamatthaṁ ārocesi.
pli-tv-bi-vb-pc52:1.10	Atha kho āyasmā kappitako vihārā nikkhamitvā nilīno acchi.
pli-tv-bi-vb-pc52:1.11	Atha kho chabbaggiyā bhikkhuniyo yenāyasmato kappitakassa vihāro tenupasaṅkamiṁsu;
pli-tv-bi-vb-pc52:1.12	upasaṅkamitvā āyasmato kappitakassa vihāraṁ pāsāṇehi ca leḍḍūhi ca ottharāpetvā, “mato kappitako”ti pakkamiṁsu.
pli-tv-bi-vb-pc52:1.13	Atha kho āyasmā kappitako tassā rattiyā accayena pubbaṇhasamayaṁ nivāsetvā pattacīvaramādāya vesāliṁ piṇḍāya pāvisi.
pli-tv-bi-vb-pc52:1.14	Addasaṁsu kho chabbaggiyā bhikkhuniyo āyasmantaṁ kappitakaṁ piṇḍāya carantaṁ.
pli-tv-bi-vb-pc52:1.15	Disvāna evamāhaṁsu—
pli-tv-bi-vb-pc52:1.16	“ayaṁ kappitako jīvati, ko nu kho amhākaṁ mantaṁ saṁharī”ti?
pli-tv-bi-vb-pc52:1.17	Assosuṁ kho chabbaggiyā bhikkhuniyo—
pli-tv-bi-vb-pc52:1.18	“ayyena kira upālinā amhākaṁ manto saṁhaṭo”ti.
pli-tv-bi-vb-pc52:1.19	Tā āyasmantaṁ upāliṁ akkosiṁsu—
pli-tv-bi-vb-pc52:1.20	“kathañhi nāma ayaṁ kāsāvaṭo malamajjano nihīnajacco amhākaṁ mantaṁ saṁharissatī”ti.
pli-tv-bi-vb-pc52:1.21	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc52:1.22	“kathañhi nāma chabbaggiyā bhikkhuniyo ayyaṁ upāliṁ akkosissantī”ti …pe…
pli-tv-bi-vb-pc52:1.23	“saccaṁ kira, bhikkhave, chabbaggiyā bhikkhuniyo upāliṁ akkosantī”ti?
pli-tv-bi-vb-pc52:1.24	“Saccaṁ, bhagavā”ti.
pli-tv-bi-vb-pc52:1.25	Vigarahi buddho bhagavā …pe…
pli-tv-bi-vb-pc52:1.26	kathañhi nāma, bhikkhave, chabbaggiyā bhikkhuniyo upāliṁ akkosissanti.
pli-tv-bi-vb-pc52:1.27	Netaṁ, bhikkhave, appasannānaṁ vā pasādāya …pe…
pli-tv-bi-vb-pc52:1.28	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc52:1.29.0	
pli-tv-bi-vb-pc52:1.29.1	“Yā pana bhikkhunī bhikkhuṁ akkoseyya vā paribhāseyya vā, pācittiyan”ti.
pli-tv-bi-vb-pc52:2.1.0	
pli-tv-bi-vb-pc52:2.1.1	Yā panāti
pli-tv-bi-vb-pc52:2.1.2	yā yādisā …pe…
pli-tv-bi-vb-pc52:2.1.3	bhikkhunīti
pli-tv-bi-vb-pc52:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc52:2.1.5	Bhikkhunti
pli-tv-bi-vb-pc52:2.1.6	upasampannaṁ.
pli-tv-bi-vb-pc52:2.1.7	Akkoseyya vāti
pli-tv-bi-vb-pc52:2.1.8	dasahi vā akkosavatthūhi akkosati etesaṁ vā aññatarena, āpatti pācittiyassa.
pli-tv-bi-vb-pc52:2.1.9	Paribhāseyya vāti
pli-tv-bi-vb-pc52:2.1.10	bhayaṁ upadaṁseti, āpatti pācittiyassa.
pli-tv-bi-vb-pc52:2.2.0	
pli-tv-bi-vb-pc52:2.2.1	Upasampanne upasampannasaññā akkosati vā paribhāsati vā, āpatti pācittiyassa.
pli-tv-bi-vb-pc52:2.2.2	Upasampanne vematikā akkosati vā paribhāsati vā, āpatti pācittiyassa.
pli-tv-bi-vb-pc52:2.2.3	Upasampanne anupasampannasaññā akkosati vā paribhāsati vā, āpatti pācittiyassa.
pli-tv-bi-vb-pc52:2.2.4	Anupasampannaṁ akkosati vā paribhāsati vā, āpatti dukkaṭassa.
pli-tv-bi-vb-pc52:2.2.5	Anupasampanne upasampannasaññā, āpatti dukkaṭassa.
pli-tv-bi-vb-pc52:2.2.6	Anupasampanne vematikā, āpatti dukkaṭassa.
pli-tv-bi-vb-pc52:2.2.7	Anupasampanne anupasampannasaññā, āpatti dukkaṭassa.
pli-tv-bi-vb-pc52:2.3.0	
pli-tv-bi-vb-pc52:2.3.1	Anāpatti—
pli-tv-bi-vb-pc52:2.3.2	atthapurekkhārāya,
pli-tv-bi-vb-pc52:2.3.3	dhammapurekkhārāya,
pli-tv-bi-vb-pc52:2.3.4	anusāsanipurekkhārāya,
pli-tv-bi-vb-pc52:2.3.5	ummattikāya,
pli-tv-bi-vb-pc52:2.3.6	ādikammikāyāti.
pli-tv-bi-vb-pc52:2.3.7	Dutiyasikkhāpadaṁ niṭṭhitaṁ.
pli-tv-bi-vb-pc53:0.1	Theravāda Vinaya
pli-tv-bi-vb-pc53:0.2	Bhikkhunivibhaṅga
pli-tv-bi-vb-pc53:0.3	Pācittiyakaṇḍa
pli-tv-bi-vb-pc53:0.4	Ārāmavagga
pli-tv-bi-vb-pc53:0.5	53. Gaṇaparibhāsanasikkhāpada
pli-tv-bi-vb-pc53:1.0	
pli-tv-bi-vb-pc53:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc53:1.2	Tena kho pana samayena caṇḍakāḷī bhikkhunī bhaṇḍanakārikā hoti kalahakārikā vivādakārikā bhassakārikā saṅghe adhikaraṇakārikā.
pli-tv-bi-vb-pc53:1.3	Thullanandā bhikkhunī tassā kamme karīyamāne paṭikkosati.
pli-tv-bi-vb-pc53:1.4	Tena kho pana samayena thullanandā bhikkhunī gāmakaṁ agamāsi kenacideva karaṇīyena.
pli-tv-bi-vb-pc53:1.5	Atha kho bhikkhunisaṅgho—
pli-tv-bi-vb-pc53:1.6	“thullanandā bhikkhunī pakkantā”ti caṇḍakāḷiṁ bhikkhuniṁ āpattiyā adassane ukkhipi.
pli-tv-bi-vb-pc53:1.7	Thullanandā bhikkhunī gāmake taṁ karaṇīyaṁ tīretvā punadeva sāvatthiṁ paccāgacchi.
pli-tv-bi-vb-pc53:1.8	Caṇḍakāḷī bhikkhunī thullanandāya bhikkhuniyā āgacchantiyā neva āsanaṁ paññapesi na pādodakaṁ pādapīṭhaṁ pādakaṭhalikaṁ upanikkhipi;
pli-tv-bi-vb-pc53:1.9	na paccuggantvā pattacīvaraṁ paṭiggahesi na pānīyena āpucchi.
pli-tv-bi-vb-pc53:1.10	Thullanandā bhikkhunī caṇḍakāḷiṁ bhikkhuniṁ etadavoca—
pli-tv-bi-vb-pc53:1.11	“kissa tvaṁ, ayye, mayi āgacchantiyā neva āsanaṁ paññapesi na pādodakaṁ pādapīṭhaṁ pādakaṭhalikaṁ upanikkhipi;
pli-tv-bi-vb-pc53:1.12	na paccuggantvā pattacīvaraṁ paṭiggahesi na pānīyena āpucchī”ti?
pli-tv-bi-vb-pc53:1.13	“Evañhetaṁ, ayye, hoti yathā taṁ anāthāyā”ti.
pli-tv-bi-vb-pc53:1.14	“Kissa pana tvaṁ, ayye, anāthā”ti?
pli-tv-bi-vb-pc53:1.15	“Imā maṁ, ayye, bhikkhuniyo—
pli-tv-bi-vb-pc53:1.16	‘ayaṁ anāthā appaññātā, natthi imissā kāci pativattā’ti, āpattiyā adassane ukkhipiṁsū”ti.
pli-tv-bi-vb-pc53:1.17	Thullanandā bhikkhunī—
pli-tv-bi-vb-pc53:1.18	“bālā etā abyattā etā netā jānanti kammaṁ vā kammadosaṁ vā kammavipattiṁ vā kammasampattiṁ vā”ti, caṇḍīkatā gaṇaṁ paribhāsi.
pli-tv-bi-vb-pc53:1.19	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc53:1.20	“kathañhi nāma ayyā thullanandā caṇḍīkatā gaṇaṁ paribhāsissatī”ti …pe…
pli-tv-bi-vb-pc53:1.21	“saccaṁ kira, bhikkhave, thullanandā bhikkhunī caṇḍīkatā gaṇaṁ paribhāsatī”ti?
pli-tv-bi-vb-pc53:1.22	“Saccaṁ, bhagavā”ti.
pli-tv-bi-vb-pc53:1.23	Vigarahi buddho bhagavā …pe…
pli-tv-bi-vb-pc53:1.24	kathañhi nāma, bhikkhave, thullanandā bhikkhunī caṇḍīkatā gaṇaṁ paribhāsissati.
pli-tv-bi-vb-pc53:1.25	Netaṁ, bhikkhave, appasannānaṁ vā pasādāya …pe…
pli-tv-bi-vb-pc53:1.26	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc53:1.27.0	
pli-tv-bi-vb-pc53:1.27.1	“Yā pana bhikkhunī caṇḍīkatā gaṇaṁ paribhāseyya, pācittiyan”ti.
pli-tv-bi-vb-pc53:2.0	
pli-tv-bi-vb-pc53:2.1	Yā panāti
pli-tv-bi-vb-pc53:2.2	yā yādisā …pe…
pli-tv-bi-vb-pc53:2.3	bhikkhunīti
pli-tv-bi-vb-pc53:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc53:2.5	Caṇḍīkatā nāma
pli-tv-bi-vb-pc53:2.6	kodhanā vuccati.
pli-tv-bi-vb-pc53:2.7	Gaṇo nāma
pli-tv-bi-vb-pc53:2.8	bhikkhunisaṅgho vuccati.
pli-tv-bi-vb-pc53:2.9	Paribhāseyyāti
pli-tv-bi-vb-pc53:2.10	“bālā etā abyattā etā netā jānanti kammaṁ vā kammadosaṁ vā kammavipattiṁ vā kammasampattiṁ vā”ti paribhāsati, āpatti pācittiyassa.
pli-tv-bi-vb-pc53:2.11	Sambahulā bhikkhuniyo vā ekaṁ bhikkhuniṁ vā anupasampannaṁ vā paribhāsati, āpatti dukkaṭassa.
pli-tv-bi-vb-pc53:2.12.0	
pli-tv-bi-vb-pc53:2.12.1	Anāpatti—
pli-tv-bi-vb-pc53:2.13	atthapurekkhārāya,
pli-tv-bi-vb-pc53:2.14	dhammapurekkhārāya,
pli-tv-bi-vb-pc53:2.15	anusāsanipurekkhārāya,
pli-tv-bi-vb-pc53:2.16	ummattikāya,
pli-tv-bi-vb-pc53:2.17	ādikammikāyāti.
pli-tv-bi-vb-pc53:2.18	Tatiyasikkhāpadaṁ niṭṭhitaṁ.
pli-tv-bi-vb-pc54:0.1	Theravāda Vinaya
pli-tv-bi-vb-pc54:0.2	Bhikkhunivibhaṅga
pli-tv-bi-vb-pc54:0.3	Pācittiyakaṇḍa
pli-tv-bi-vb-pc54:0.4	Ārāmavagga
pli-tv-bi-vb-pc54:0.5	54. Pavāritasikkhāpada
pli-tv-bi-vb-pc54:1.0	
pli-tv-bi-vb-pc54:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc54:1.2	Tena kho pana samayena aññataro brāhmaṇo bhikkhuniyo nimantetvā bhojesi.
pli-tv-bi-vb-pc54:1.3	Bhikkhuniyo bhuttāvī pavāritā ñātikulāni gantvā ekaccā bhuñjiṁsu ekaccā piṇḍapātaṁ ādāya agamaṁsu.
pli-tv-bi-vb-pc54:1.4	Atha kho so brāhmaṇo paṭivissake etadavoca—
pli-tv-bi-vb-pc54:1.5	“bhikkhuniyo mayā, ayyā, santappitā, etha tumhepi santappessāmī”ti.
pli-tv-bi-vb-pc54:1.6	Te evamāhaṁsu—
pli-tv-bi-vb-pc54:1.7	“kiṁ tvaṁ, ayyo, amhe santappessasi.
pli-tv-bi-vb-pc54:1.8	Yāpi tayā nimantitā tāpi amhākaṁ gharāni āgantvā ekaccā bhuñjiṁsu ekaccā piṇḍapātaṁ ādāya agamaṁsū”ti.
pli-tv-bi-vb-pc54:1.9	Atha kho so brāhmaṇo ujjhāyati khiyyati vipāceti—
pli-tv-bi-vb-pc54:1.10	“kathañhi nāma bhikkhuniyo amhākaṁ ghare bhuñjitvā aññatra bhuñjissanti, na cāhaṁ paṭibalo yāvadatthaṁ dātun”ti.
pli-tv-bi-vb-pc54:1.11	Assosuṁ kho bhikkhuniyo tassa brāhmaṇassa ujjhāyantassa khiyyantassa vipācentassa.
pli-tv-bi-vb-pc54:1.12	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc54:1.13	“kathañhi nāma bhikkhuniyo bhuttāvī pavāritā aññatra bhuñjissantī”ti …pe…
pli-tv-bi-vb-pc54:1.14	“saccaṁ kira, bhikkhave, bhikkhuniyo bhuttāvī pavāritā aññatra bhuñjantī”ti?
pli-tv-bi-vb-pc54:1.15	“Saccaṁ, bhagavā”ti.
pli-tv-bi-vb-pc54:1.16	Vigarahi buddho bhagavā …pe…
pli-tv-bi-vb-pc54:1.17	kathañhi nāma, bhikkhave, bhikkhuniyo bhuttāvī pavāritā aññatra bhuñjissanti.
pli-tv-bi-vb-pc54:1.18	Netaṁ, bhikkhave, appasannānaṁ vā pasādāya …pe…
pli-tv-bi-vb-pc54:1.19	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc54:1.20.0	
pli-tv-bi-vb-pc54:1.20.1	“Yā pana bhikkhunī nimantitā vā pavāritā vā khādanīyaṁ vā bhojanīyaṁ vā khādeyya vā bhuñjeyya vā, pācittiyan”ti.
pli-tv-bi-vb-pc54:2.1.0	
pli-tv-bi-vb-pc54:2.1.1	Yā panāti
pli-tv-bi-vb-pc54:2.1.2	yā yādisā …pe…
pli-tv-bi-vb-pc54:2.1.3	bhikkhunīti
pli-tv-bi-vb-pc54:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc54:2.1.5	Nimantitā nāma
pli-tv-bi-vb-pc54:2.1.6	pañcannaṁ bhojanānaṁ aññatarena bhojanena nimantitā.
pli-tv-bi-vb-pc54:2.1.7	Pavāritā nāma
pli-tv-bi-vb-pc54:2.1.8	asanaṁ paññāyati, bhojanaṁ paññāyati, hatthapāse ṭhitā abhiharati, paṭikkhepo paññāyati.
pli-tv-bi-vb-pc54:2.1.9	Khādanīyaṁ nāma
pli-tv-bi-vb-pc54:2.1.10	pañca bhojanāni yāguṁ yāmakālikaṁ sattāhakālikaṁ yāvajīvikaṁ ṭhapetvā
pli-tv-bi-vb-pc54:2.1.11	avasesaṁ khādanīyaṁ nāma.
pli-tv-bi-vb-pc54:2.1.12	Bhojanīyaṁ nāma
pli-tv-bi-vb-pc54:2.1.13	pañca bhojanāni—odano, kummāso, sattu, maccho, maṁsaṁ.
pli-tv-bi-vb-pc54:2.1.14	“Khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-pc54:2.1.15	Ajjhohāre ajjhohāre āpatti pācittiyassa.
pli-tv-bi-vb-pc54:2.2.0	
pli-tv-bi-vb-pc54:2.2.1	Nimantite nimantitasaññā khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bi-vb-pc54:2.2.2	Nimantite vematikā khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bi-vb-pc54:2.2.3	Nimantite animantitasaññā khādanīyaṁ vā bhojanīyaṁ vā khādati vā bhuñjati vā, āpatti pācittiyassa.
pli-tv-bi-vb-pc54:2.2.4	Yāmakālikaṁ sattāhakālikaṁ yāvajīvikaṁ āhāratthāya paṭiggaṇhāti, āpatti dukkaṭassa.
pli-tv-bi-vb-pc54:2.2.5	Ajjhohāre ajjhohāre āpatti dukkaṭassa …pe….
pli-tv-bi-vb-pc54:2.2.6.0	
pli-tv-bi-vb-pc54:2.2.6.1	Anāpatti—
pli-tv-bi-vb-pc54:2.2.7	nimantitā appavāritā,
pli-tv-bi-vb-pc54:2.2.8	yāguṁ pivati,
pli-tv-bi-vb-pc54:2.2.9	sāmike apaloketvā bhuñjati,
pli-tv-bi-vb-pc54:2.2.10	yāmakālikaṁ sattāhakālikaṁ yāvajīvikaṁ sati paccaye paribhuñjati,
pli-tv-bi-vb-pc54:2.2.11	ummattikāya,
pli-tv-bi-vb-pc54:2.2.12	ādikammikāyāti.
pli-tv-bi-vb-pc54:2.2.13	Catutthasikkhāpadaṁ niṭṭhitaṁ.
pli-tv-bi-vb-pc55:0.1	Theravāda Vinaya
pli-tv-bi-vb-pc55:0.2	Bhikkhunivibhaṅga
pli-tv-bi-vb-pc55:0.3	Pācittiyakaṇḍa
pli-tv-bi-vb-pc55:0.4	Ārāmavagga
pli-tv-bi-vb-pc55:0.5	55. Kulamaccharinīsikkhāpada
pli-tv-bi-vb-pc55:1.0	
pli-tv-bi-vb-pc55:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc55:1.2	Tena kho pana samayena aññatarā bhikkhunī sāvatthiyaṁ aññatarissā visikhāya piṇḍāya caramānā yena aññataraṁ kulaṁ tenupasaṅkami; upasaṅkamitvā paññatte āsane nisīdi.
pli-tv-bi-vb-pc55:1.3	Atha kho te manussā taṁ bhikkhuniṁ bhojetvā etadavocuṁ—
pli-tv-bi-vb-pc55:1.4	“aññāpi, ayye, bhikkhuniyo āgacchantū”ti.
pli-tv-bi-vb-pc55:1.5	Atha kho sā bhikkhunī—
pli-tv-bi-vb-pc55:1.6	“kathañhi nāma bhikkhuniyo nāgaccheyyun”ti, bhikkhuniyo upasaṅkamitvā etadavoca—
pli-tv-bi-vb-pc55:1.7	“amukasmiṁ, ayye, okāse vāḷā sunakhā caṇḍo balibaddo cikkhallo okāso.
pli-tv-bi-vb-pc55:1.8	Mā kho tattha agamitthā”ti.
pli-tv-bi-vb-pc55:1.9	Aññatarāpi bhikkhunī tassā visikhāya piṇḍāya caramānā yena taṁ kulaṁ tenupasaṅkami; upasaṅkamitvā paññatte āsane nisīdi.
pli-tv-bi-vb-pc55:1.10	Atha kho te manussā taṁ bhikkhuniṁ bhojetvā etadavocuṁ—
pli-tv-bi-vb-pc55:1.11	“kissa, ayye, bhikkhuniyo na āgacchantī”ti?
pli-tv-bi-vb-pc55:1.12	Atha kho sā bhikkhunī tesaṁ manussānaṁ etamatthaṁ ārocesi.
pli-tv-bi-vb-pc55:1.13	Manussā ujjhāyanti khiyyanti vipācenti—
pli-tv-bi-vb-pc55:1.14	“kathañhi nāma bhikkhunī kulaṁ maccharāyissatī”ti …pe…
pli-tv-bi-vb-pc55:1.15	“saccaṁ kira, bhikkhave, bhikkhunī kulaṁ maccharāyatī”ti?
pli-tv-bi-vb-pc55:1.16	“Saccaṁ, bhagavā”ti.
pli-tv-bi-vb-pc55:1.17	Vigarahi buddho bhagavā …pe…
pli-tv-bi-vb-pc55:1.18	kathañhi nāma, bhikkhave, bhikkhunī kulaṁ maccharāyissati.
pli-tv-bi-vb-pc55:1.19	Netaṁ, bhikkhave, appasannānaṁ vā pasādāya …pe…
pli-tv-bi-vb-pc55:1.20	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc55:1.21.0	
pli-tv-bi-vb-pc55:1.21.1	“Yā pana bhikkhunī kulamaccharinī assa, pācittiyan”ti.
pli-tv-bi-vb-pc55:2.1.0	
pli-tv-bi-vb-pc55:2.1.1	Yā panāti
pli-tv-bi-vb-pc55:2.1.2	yā yādisā …pe…
pli-tv-bi-vb-pc55:2.1.3	bhikkhunīti
pli-tv-bi-vb-pc55:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc55:2.1.5	Kulaṁ nāma
pli-tv-bi-vb-pc55:2.1.6	cattāri kulāni— khattiyakulaṁ, brāhmaṇakulaṁ, vessakulaṁ, suddakulaṁ.
pli-tv-bi-vb-pc55:2.1.7	Maccharinī assāti
pli-tv-bi-vb-pc55:2.1.8	“kathaṁ bhikkhuniyo nāgaccheyyun”ti bhikkhunīnaṁ santike kulassa avaṇṇaṁ bhāsati, āpatti pācittiyassa.
pli-tv-bi-vb-pc55:2.1.9	Kulassa vā santike bhikkhunīnaṁ avaṇṇaṁ bhāsati, āpatti pācittiyassa.
pli-tv-bi-vb-pc55:2.2.0	
pli-tv-bi-vb-pc55:2.2.1	Anāpatti—
pli-tv-bi-vb-pc55:2.2.2	kulaṁ na maccharāyantī santaṁyeva ādīnavaṁ ācikkhati,
pli-tv-bi-vb-pc55:2.2.3	ummattikāya,
pli-tv-bi-vb-pc55:2.2.4	ādikammikāyāti.
pli-tv-bi-vb-pc55:2.2.5	Pañcamasikkhāpadaṁ niṭṭhitaṁ.
pli-tv-bi-vb-pc56:0.1	Theravāda Vinaya
pli-tv-bi-vb-pc56:0.2	Bhikkhunivibhaṅga
pli-tv-bi-vb-pc56:0.3	Pācittiyakaṇḍa
pli-tv-bi-vb-pc56:0.4	Ārāmavagga
pli-tv-bi-vb-pc56:0.5	56. Abhikkhukāvāsasikkhāpada
pli-tv-bi-vb-pc56:1.0	
pli-tv-bi-vb-pc56:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc56:1.2	Tena kho pana samayena sambahulā bhikkhuniyo gāmakāvāse vassaṁvuṭṭhā sāvatthiṁ agamaṁsu.
pli-tv-bi-vb-pc56:1.3	Bhikkhuniyo tā bhikkhuniyo etadavocuṁ—
pli-tv-bi-vb-pc56:1.4	“katthāyyāyo vassaṁvuṭṭhā?
pli-tv-bi-vb-pc56:1.5	Kacci ovādo iddho ahosī”ti?
pli-tv-bi-vb-pc56:1.6	“Natthayye, tattha bhikkhū;
pli-tv-bi-vb-pc56:1.7	kuto ovādo iddho bhavissatī”ti.
pli-tv-bi-vb-pc56:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc56:1.9	“kathañhi nāma bhikkhuniyo abhikkhuke āvāse vassaṁ vasissantī”ti …pe…
pli-tv-bi-vb-pc56:1.10	“saccaṁ kira, bhikkhave, bhikkhuniyo abhikkhuke āvāse vassaṁ vasantī”ti?
pli-tv-bi-vb-pc56:1.11	“Saccaṁ, bhagavā”ti.
pli-tv-bi-vb-pc56:1.12	Vigarahi buddho bhagavā …pe…
pli-tv-bi-vb-pc56:1.13	kathañhi nāma, bhikkhave, bhikkhuniyo abhikkhuke āvāse vassaṁ vasissanti.
pli-tv-bi-vb-pc56:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc56:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc56:1.16.0	
pli-tv-bi-vb-pc56:1.16.1	“Yā pana bhikkhunī abhikkhuke āvāse vassaṁ vaseyya, pācittiyan”ti.
pli-tv-bi-vb-pc56:2.1.0	
pli-tv-bi-vb-pc56:2.1.1	Yā panāti
pli-tv-bi-vb-pc56:2.1.2	yā yādisā …pe…
pli-tv-bi-vb-pc56:2.1.3	bhikkhunīti
pli-tv-bi-vb-pc56:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc56:2.1.5	Abhikkhuko nāma āvāso
pli-tv-bi-vb-pc56:2.1.6	na sakkā hoti ovādāya vā saṁvāsāya vā gantuṁ.
pli-tv-bi-vb-pc56:2.1.7	“Vassaṁ vasissāmī”ti senāsanaṁ paññapeti pānīyaṁ paribhojanīyaṁ upaṭṭhapeti pariveṇaṁ sammajjati, āpatti dukkaṭassa.
pli-tv-bi-vb-pc56:2.1.8	Saha aruṇuggamanā āpatti pācittiyassa.
pli-tv-bi-vb-pc56:2.2.0	
pli-tv-bi-vb-pc56:2.2.1	Anāpatti—
pli-tv-bi-vb-pc56:2.2.2	vassupagatā bhikkhū pakkantā vā honti vibbhantā vā kālaṅkatā vā pakkhasaṅkantā vā,
pli-tv-bi-vb-pc56:2.2.3	āpadāsu,
pli-tv-bi-vb-pc56:2.2.4	ummattikāya,
pli-tv-bi-vb-pc56:2.2.5	ādikammikāyāti.
pli-tv-bi-vb-pc56:2.2.6	Chaṭṭhasikkhāpadaṁ niṭṭhitaṁ.
pli-tv-bi-vb-pc57:0.1	Theravāda Vinaya
pli-tv-bi-vb-pc57:0.2	Bhikkhunivibhaṅga
pli-tv-bi-vb-pc57:0.3	Pācittiyakaṇḍa
pli-tv-bi-vb-pc57:0.4	Ārāmavagga
pli-tv-bi-vb-pc57:0.5	57. Apavāraṇāsikkhāpada
pli-tv-bi-vb-pc57:1.0	
pli-tv-bi-vb-pc57:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc57:1.2	Tena kho pana samayena sambahulā bhikkhuniyo gāmakāvāse vassaṁvuṭṭhā sāvatthiṁ agamaṁsu.
pli-tv-bi-vb-pc57:1.3	Bhikkhuniyo tā bhikkhuniyo etadavocuṁ—
pli-tv-bi-vb-pc57:1.4	“katthāyyāyo vassaṁvuṭṭhā;
pli-tv-bi-vb-pc57:1.5	kattha bhikkhusaṅgho pavārito”ti?
pli-tv-bi-vb-pc57:1.6	“Na mayaṁ, ayye, bhikkhusaṅghaṁ pavāremā”ti.
pli-tv-bi-vb-pc57:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc57:1.8	“kathañhi nāma bhikkhuniyo vassaṁvuṭṭhā bhikkhusaṅghaṁ na pavāressantī”ti …pe…
pli-tv-bi-vb-pc57:1.9	“saccaṁ kira, bhikkhave, bhikkhuniyo vassaṁvuṭṭhā bhikkhusaṅghaṁ na pavārentī”ti?
pli-tv-bi-vb-pc57:1.10	“Saccaṁ, bhagavā”ti.
pli-tv-bi-vb-pc57:1.11	Vigarahi buddho bhagavā …pe…
pli-tv-bi-vb-pc57:1.12	kathañhi nāma, bhikkhave, bhikkhuniyo vassaṁvuṭṭhā bhikkhusaṅghaṁ na pavāressanti.
pli-tv-bi-vb-pc57:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc57:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc57:1.15.0	
pli-tv-bi-vb-pc57:1.15.1	“Yā pana bhikkhunī vassaṁvuṭṭhā ubhatosaṅghe tīhi ṭhānehi na pavāreyya diṭṭhena vā sutena vā parisaṅkāya vā, pācittiyan”ti.
pli-tv-bi-vb-pc57:2.1.0	
pli-tv-bi-vb-pc57:2.1.1	Yā panāti
pli-tv-bi-vb-pc57:2.1.2	yā yādisā …pe…
pli-tv-bi-vb-pc57:2.1.3	bhikkhunīti
pli-tv-bi-vb-pc57:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc57:2.1.5	Vassaṁvuṭṭhā nāma
pli-tv-bi-vb-pc57:2.1.6	purimaṁ vā temāsaṁ pacchimaṁ vā temāsaṁ vuṭṭhā.
pli-tv-bi-vb-pc57:2.1.7	Ubhatosaṅghe tīhi ṭhānehi na pavāressāmi diṭṭhena vā sutena vā parisaṅkāya vā”ti dhuraṁ nikkhittamatte āpatti pācittiyassa.
pli-tv-bi-vb-pc57:2.2.0	
pli-tv-bi-vb-pc57:2.2.1	Anāpatti—
pli-tv-bi-vb-pc57:2.2.2	sati antarāye,
pli-tv-bi-vb-pc57:2.2.3	pariyesitvā na labhati,
pli-tv-bi-vb-pc57:2.2.4	gilānāya,
pli-tv-bi-vb-pc57:2.2.5	āpadāsu,
pli-tv-bi-vb-pc57:2.2.6	ummattikāya,
pli-tv-bi-vb-pc57:2.2.7	ādikammikāyāti.
pli-tv-bi-vb-pc57:2.2.8	Sattamasikkhāpadaṁ niṭṭhitaṁ.
pli-tv-bi-vb-pc58:0.1	Theravāda Vinaya
pli-tv-bi-vb-pc58:0.2	Bhikkhunivibhaṅga
pli-tv-bi-vb-pc58:0.3	Pācittiyakaṇḍa
pli-tv-bi-vb-pc58:0.4	Ārāmavagga
pli-tv-bi-vb-pc58:0.5	58. Ovādasikkhāpada
pli-tv-bi-vb-pc58:1.0	
pli-tv-bi-vb-pc58:1.1	Tena samayena buddho bhagavā sakkesu viharati kapilavatthusmiṁ nigrodhārāme.
pli-tv-bi-vb-pc58:1.2	Tena kho pana samayena chabbaggiyā bhikkhū bhikkhunupassayaṁ upasaṅkamitvā chabbaggiyā bhikkhuniyo ovadanti.
pli-tv-bi-vb-pc58:1.3	Bhikkhuniyo chabbaggiyā bhikkhuniyo etadavocuṁ—
pli-tv-bi-vb-pc58:1.4	“ethāyye, ovādaṁ gamissāmā”ti.
pli-tv-bi-vb-pc58:1.5	“Yampi mayaṁ, ayye, gaccheyyāma ovādassa kāraṇā, ayyā chabbaggiyā idheva āgantvā amhe ovadantī”ti.
pli-tv-bi-vb-pc58:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc58:1.7	“kathañhi nāma chabbaggiyā bhikkhuniyo ovādaṁ na gacchissantī”ti …pe…
pli-tv-bi-vb-pc58:1.8	“saccaṁ kira, bhikkhave, chabbaggiyā bhikkhuniyo ovādaṁ na gacchantī”ti?
pli-tv-bi-vb-pc58:1.9	“Saccaṁ, bhagavā”ti.
pli-tv-bi-vb-pc58:1.10	Vigarahi buddho bhagavā …pe…
pli-tv-bi-vb-pc58:1.11	kathañhi nāma, bhikkhave, chabbaggiyā bhikkhuniyo ovādaṁ na gacchissanti.
pli-tv-bi-vb-pc58:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc58:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc58:1.14.0	
pli-tv-bi-vb-pc58:1.14.1	“Yā pana bhikkhunī ovādāya vā saṁvāsāya vā na gaccheyya, pācittiyan”ti.
pli-tv-bi-vb-pc58:2.1.0	
pli-tv-bi-vb-pc58:2.1.1	Yā panāti
pli-tv-bi-vb-pc58:2.1.2	yā yādisā …pe…
pli-tv-bi-vb-pc58:2.1.3	bhikkhunīti
pli-tv-bi-vb-pc58:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc58:2.1.5	Ovādo nāma
pli-tv-bi-vb-pc58:2.1.6	aṭṭha garudhammā.
pli-tv-bi-vb-pc58:2.1.7	Saṁvāso nāma
pli-tv-bi-vb-pc58:2.1.8	ekakammaṁ ekuddeso samasikkhatā.
pli-tv-bi-vb-pc58:2.1.9	Ovādāya vā saṁvāsāya vā na gacchissāmīti dhuraṁ nikkhittamatte āpatti pācittiyassa.
pli-tv-bi-vb-pc58:2.2.0	
pli-tv-bi-vb-pc58:2.2.1	Anāpatti—
pli-tv-bi-vb-pc58:2.2.2	sati antarāye,
pli-tv-bi-vb-pc58:2.2.3	pariyesitvā dutiyikaṁ bhikkhuniṁ na labhati,
pli-tv-bi-vb-pc58:2.2.4	gilānāya,
pli-tv-bi-vb-pc58:2.2.5	āpadāsu,
pli-tv-bi-vb-pc58:2.2.6	ummattikāya,
pli-tv-bi-vb-pc58:2.2.7	ādikammikāyāti.
pli-tv-bi-vb-pc58:2.2.8	Aṭṭhamasikkhāpadaṁ niṭṭhitaṁ.
pli-tv-bi-vb-pc59:0.1	Theravāda Vinaya
pli-tv-bi-vb-pc59:0.2	Bhikkhunivibhaṅga
pli-tv-bi-vb-pc59:0.3	Pācittiyakaṇḍa
pli-tv-bi-vb-pc59:0.4	Ārāmavagga
pli-tv-bi-vb-pc59:0.5	59. Ovādūpasaṅkamanasikkhāpada
pli-tv-bi-vb-pc59:1.0	
pli-tv-bi-vb-pc59:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc59:1.2	Tena kho pana samayena bhikkhuniyo uposathampi na pucchanti ovādampi na yācanti.
pli-tv-bi-vb-pc59:1.3	Bhikkhū ujjhāyanti khiyyanti vipācenti—
pli-tv-bi-vb-pc59:1.4	“kathañhi nāma bhikkhuniyo uposathampi na pucchissanti ovādampi na yācissantī”ti …pe…
pli-tv-bi-vb-pc59:1.5	“saccaṁ kira, bhikkhave, bhikkhuniyo uposathampi na pucchanti ovādampi na yācantī”ti?
pli-tv-bi-vb-pc59:1.6	“Saccaṁ, bhagavā”ti.
pli-tv-bi-vb-pc59:1.7	Vigarahi buddho bhagavā …pe…
pli-tv-bi-vb-pc59:1.8	kathañhi nāma, bhikkhave, bhikkhuniyo uposathampi na pucchissanti ovādampi na yācissanti.
pli-tv-bi-vb-pc59:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc59:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc59:1.11.0	
pli-tv-bi-vb-pc59:1.11.1	“Anvaddhamāsaṁ bhikkhuniyā bhikkhusaṅghato dve dhammā paccāsīsitabbā—uposathapucchakañca ovādūpasaṅkamanañca. Taṁ atikkāmentiyā pācittiyan”ti.
pli-tv-bi-vb-pc59:2.0	
pli-tv-bi-vb-pc59:2.1	Anvaddhamāsanti
pli-tv-bi-vb-pc59:2.2	anuposathikaṁ.
pli-tv-bi-vb-pc59:2.3	Uposatho nāma
pli-tv-bi-vb-pc59:2.4	dve uposathā— cātuddasiko ca pannarasiko ca.
pli-tv-bi-vb-pc59:2.5	Ovādo nāma
pli-tv-bi-vb-pc59:2.6	aṭṭha garudhammā.
pli-tv-bi-vb-pc59:2.7	“Uposathampi na pucchissāmi ovādampi na yācissāmī”ti dhuraṁ nikkhittamatte āpatti pācittiyassa.
pli-tv-bi-vb-pc59:2.8.0	
pli-tv-bi-vb-pc59:2.8.1	Anāpatti—
pli-tv-bi-vb-pc59:2.9	sati antarāye,
pli-tv-bi-vb-pc59:2.10	pariyesitvā dutiyikaṁ bhikkhuniṁ na labhati,
pli-tv-bi-vb-pc59:2.11	gilānāya,
pli-tv-bi-vb-pc59:2.12	āpadāsu,
pli-tv-bi-vb-pc59:2.13	ummattikāya,
pli-tv-bi-vb-pc59:2.14	ādikammikāyāti.
pli-tv-bi-vb-pc59:2.15	Navamasikkhāpadaṁ niṭṭhitaṁ.
pli-tv-bi-vb-pc60:0.1	Theravāda Vinaya
pli-tv-bi-vb-pc60:0.2	Bhikkhunivibhaṅga
pli-tv-bi-vb-pc60:0.3	Pācittiyakaṇḍa
pli-tv-bi-vb-pc60:0.4	Ārāmavagga
pli-tv-bi-vb-pc60:0.5	60. Pasākhejātasikkhāpada
pli-tv-bi-vb-pc60:1.0	
pli-tv-bi-vb-pc60:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc60:1.2	Tena kho pana samayena aññatarā bhikkhunī pasākhe jātaṁ gaṇḍaṁ purisena saddhiṁ ekenekā bhedāpesi.
pli-tv-bi-vb-pc60:1.3	Atha kho so puriso taṁ bhikkhuniṁ dūsetuṁ upakkami.
pli-tv-bi-vb-pc60:1.4	Sā vissaramakāsi.
pli-tv-bi-vb-pc60:1.5	Bhikkhuniyo upadhāvitvā taṁ bhikkhuniṁ etadavocuṁ—
pli-tv-bi-vb-pc60:1.6	“kissa tvaṁ, ayye, vissaramakāsī”ti?
pli-tv-bi-vb-pc60:1.7	Atha kho sā bhikkhunī bhikkhunīnaṁ etamatthaṁ ārocesi.
pli-tv-bi-vb-pc60:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc60:1.9	“kathañhi nāma bhikkhunī pasākhe jātaṁ gaṇḍaṁ purisena saddhiṁ ekenekā bhedāpessatī”ti …pe…
pli-tv-bi-vb-pc60:1.10	“saccaṁ kira, bhikkhave, bhikkhunī pasākhe jātaṁ gaṇḍaṁ purisena saddhiṁ ekenekā bhedāpetī”ti?
pli-tv-bi-vb-pc60:1.11	“Saccaṁ, bhagavā”ti.
pli-tv-bi-vb-pc60:1.12	Vigarahi buddho bhagavā …pe…
pli-tv-bi-vb-pc60:1.13	kathañhi nāma, bhikkhave, bhikkhunī pasākhe jātaṁ gaṇḍaṁ purisena saddhiṁ ekenekā bhedāpessati.
pli-tv-bi-vb-pc60:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc60:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc60:1.16.0	
pli-tv-bi-vb-pc60:1.16.1	“Yā pana bhikkhunī pasākhe jātaṁ gaṇḍaṁ vā rudhitaṁ vā anapaloketvā saṅghaṁ vā gaṇaṁ vā purisena saddhiṁ ekenekā bhedāpeyya vā phālāpeyya vā dhovāpeyya vā ālimpāpeyya vā bandhāpeyya vā mocāpeyya vā, pācittiyan”ti.
pli-tv-bi-vb-pc60:2.1.0	
pli-tv-bi-vb-pc60:2.1.1	Yā panāti
pli-tv-bi-vb-pc60:2.1.2	yā yādisā …pe…
pli-tv-bi-vb-pc60:2.1.3	bhikkhunīti
pli-tv-bi-vb-pc60:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc60:2.1.5	Pasākhaṁ nāma
pli-tv-bi-vb-pc60:2.1.6	adhonābhi ubbhajāṇumaṇḍalaṁ.
pli-tv-bi-vb-pc60:2.1.7	Jātanti
pli-tv-bi-vb-pc60:2.1.8	tattha jātaṁ.
pli-tv-bi-vb-pc60:2.1.9	Gaṇḍo nāma
pli-tv-bi-vb-pc60:2.1.10	yo koci gaṇḍo.
pli-tv-bi-vb-pc60:2.1.11	Rudhitaṁ nāma
pli-tv-bi-vb-pc60:2.1.12	yaṁ kiñci vaṇaṁ.
pli-tv-bi-vb-pc60:2.1.13	Anapaloketvāti
pli-tv-bi-vb-pc60:2.1.14	anāpucchā.
pli-tv-bi-vb-pc60:2.1.15	Saṅgho nāma
pli-tv-bi-vb-pc60:2.1.16	bhikkhunisaṅgho vuccati.
pli-tv-bi-vb-pc60:2.1.17	Gaṇo nāma
pli-tv-bi-vb-pc60:2.1.18	sambahulā bhikkhuniyo vuccanti.
pli-tv-bi-vb-pc60:2.1.19	Puriso nāma
pli-tv-bi-vb-pc60:2.1.20	manussapuriso, na yakkho, na peto, na tiracchānagato, viññū paṭibalo dūsetuṁ.
pli-tv-bi-vb-pc60:2.1.21	Saddhinti
pli-tv-bi-vb-pc60:2.1.22	ekato.
pli-tv-bi-vb-pc60:2.1.23	Ekenekāti
pli-tv-bi-vb-pc60:2.1.24	puriso ceva hoti bhikkhunī ca.
pli-tv-bi-vb-pc60:2.1.25	“Bhindā”ti āṇāpeti, āpatti dukkaṭassa.
pli-tv-bi-vb-pc60:2.1.26	Bhinne āpatti pācittiyassa.
pli-tv-bi-vb-pc60:2.1.27	“Phālehī”ti āṇāpeti, āpatti dukkaṭassa.
pli-tv-bi-vb-pc60:2.1.28	Phālite āpatti pācittiyassa.
pli-tv-bi-vb-pc60:2.1.29	“Dhovā”ti āṇāpeti, āpatti dukkaṭassa.
pli-tv-bi-vb-pc60:2.1.30	Dhovite āpatti pācittiyassa.
pli-tv-bi-vb-pc60:2.1.31	“Ālimpā”ti āṇāpeti, āpatti dukkaṭassa.
pli-tv-bi-vb-pc60:2.1.32	Litte āpatti pācittiyassa.
pli-tv-bi-vb-pc60:2.1.33	“Bandhāhī”ti āṇāpeti, āpatti dukkaṭassa.
pli-tv-bi-vb-pc60:2.1.34	Baddhe āpatti pācittiyassa.
pli-tv-bi-vb-pc60:2.1.35	“Mocehī”ti āṇāpeti, āpatti dukkaṭassa.
pli-tv-bi-vb-pc60:2.1.36	Mutte āpatti pācittiyassa.
pli-tv-bi-vb-pc60:2.2.0	
pli-tv-bi-vb-pc60:2.2.1	Anāpatti—
pli-tv-bi-vb-pc60:2.2.2	apaloketvā bhedāpeti vā phālāpeti vā dhovāpeti vā ālimpāpeti vā bandhāpeti vā mocāpeti vā,
pli-tv-bi-vb-pc60:2.2.3	yā kāci viññū dutiyikā hoti,
pli-tv-bi-vb-pc60:2.2.4	ummattikāya,
pli-tv-bi-vb-pc60:2.2.5	ādikammikāyāti.
pli-tv-bi-vb-pc60:2.2.6	Dasamasikkhāpadaṁ niṭṭhitaṁ.
pli-tv-bi-vb-pc60:2.2.7	Ārāmavaggo chaṭṭho.
pli-tv-bi-vb-pc61:0.1	Theravāda Vinaya
pli-tv-bi-vb-pc61:0.2	Bhikkhunivibhaṅga
pli-tv-bi-vb-pc61:0.3	Pācittiyakaṇḍa
pli-tv-bi-vb-pc61:0.4	Gabbhinivagga
pli-tv-bi-vb-pc61:0.5	61. Gabbhinisikkhāpada
pli-tv-bi-vb-pc61:1.0	
pli-tv-bi-vb-pc61:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc61:1.2	Tena kho pana samayena bhikkhuniyo gabbhiniṁ vuṭṭhāpenti.
pli-tv-bi-vb-pc61:1.3	Sā piṇḍāya carati.
pli-tv-bi-vb-pc61:1.4	Manussā evamāhaṁsu—
pli-tv-bi-vb-pc61:1.5	“dethāyyāya bhikkhaṁ, garubhārā ayyā”ti.
pli-tv-bi-vb-pc61:1.6	Manussā ujjhāyanti khiyyanti vipācenti—
pli-tv-bi-vb-pc61:1.7	“kathañhi nāma bhikkhuniyo gabbhiniṁ vuṭṭhāpessantī”ti.
pli-tv-bi-vb-pc61:1.8	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc61:1.9	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc61:1.10	“kathañhi nāma bhikkhuniyo gabbhiniṁ vuṭṭhāpessantī”ti …pe…
pli-tv-bi-vb-pc61:1.11	“saccaṁ kira, bhikkhave, bhikkhuniyo gabbhiniṁ vuṭṭhāpentī”ti?
pli-tv-bi-vb-pc61:1.12	“Saccaṁ, bhagavā”ti.
pli-tv-bi-vb-pc61:1.13	Vigarahi buddho bhagavā …pe…
pli-tv-bi-vb-pc61:1.14	kathañhi nāma, bhikkhave, bhikkhuniyo gabbhiniṁ vuṭṭhāpessanti.
pli-tv-bi-vb-pc61:1.15	Netaṁ, bhikkhave, appasannānaṁ vā pasādāya …pe…
pli-tv-bi-vb-pc61:1.16	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc61:1.17.0	
pli-tv-bi-vb-pc61:1.17.1	“Yā pana bhikkhunī gabbhiniṁ vuṭṭhāpeyya, pācittiyan”ti.
pli-tv-bi-vb-pc61:2.1.0	
pli-tv-bi-vb-pc61:2.1.1	Yā panāti
pli-tv-bi-vb-pc61:2.1.2	yā yādisā …pe…
pli-tv-bi-vb-pc61:2.1.3	bhikkhunīti
pli-tv-bi-vb-pc61:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc61:2.1.5	Gabbhinī nāma
pli-tv-bi-vb-pc61:2.1.6	āpannasattā vuccati.
pli-tv-bi-vb-pc61:2.1.7	Vuṭṭhāpeyyāti
pli-tv-bi-vb-pc61:2.1.8	upasampādeyya.
pli-tv-bi-vb-pc61:2.1.9	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc61:2.1.10	Ñattiyā dukkaṭaṁ.
pli-tv-bi-vb-pc61:2.1.11	Dvīhi kammavācāhi dukkaṭā.
pli-tv-bi-vb-pc61:2.1.12	Kammavācāpariyosāne upajjhāyāya āpatti pācittiyassa.
pli-tv-bi-vb-pc61:2.1.13	Gaṇassa ca ācariniyā ca āpatti dukkaṭassa.
pli-tv-bi-vb-pc61:2.2.0	
pli-tv-bi-vb-pc61:2.2.1	Gabbhiniyā gabbhinisaññā vuṭṭhāpeti, āpatti pācittiyassa.
pli-tv-bi-vb-pc61:2.2.2	Gabbhiniyā vematikā vuṭṭhāpeti, āpatti dukkaṭassa.
pli-tv-bi-vb-pc61:2.2.3	Gabbhiniyā agabbhinisaññā vuṭṭhāpeti, anāpatti.
pli-tv-bi-vb-pc61:2.2.4	Agabbhiniyā gabbhinisaññā, āpatti dukkaṭassa.
pli-tv-bi-vb-pc61:2.2.5	Agabbhiniyā vematikā, āpatti dukkaṭassa.
pli-tv-bi-vb-pc61:2.2.6	Agabbhiniyā agabbhinisaññā, anāpatti.
pli-tv-bi-vb-pc61:2.3.0	
pli-tv-bi-vb-pc61:2.3.1	Anāpatti—
pli-tv-bi-vb-pc61:2.3.2	gabbhiniṁ agabbhinisaññā vuṭṭhāpeti,
pli-tv-bi-vb-pc61:2.3.3	agabbhiniṁ agabbhinisaññā vuṭṭhāpeti,
pli-tv-bi-vb-pc61:2.3.4	ummattikāya,
pli-tv-bi-vb-pc61:2.3.5	ādikammikāyāti.
pli-tv-bi-vb-pc61:2.3.6	Paṭhamasikkhāpadaṁ niṭṭhitaṁ.
pli-tv-bi-vb-pc62:0.1	Theravāda Vinaya
pli-tv-bi-vb-pc62:0.2	Bhikkhunivibhaṅga
pli-tv-bi-vb-pc62:0.3	Pācittiyakaṇḍa
pli-tv-bi-vb-pc62:0.4	Gabbhinivagga
pli-tv-bi-vb-pc62:0.5	62. Pāyantisikkhāpada
pli-tv-bi-vb-pc62:1.0	
pli-tv-bi-vb-pc62:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc62:1.2	Tena kho pana samayena bhikkhuniyo pāyantiṁ vuṭṭhāpenti.
pli-tv-bi-vb-pc62:1.3	Sā piṇḍāya carati.
pli-tv-bi-vb-pc62:1.4	Manussā evamāhaṁsu—
pli-tv-bi-vb-pc62:1.5	“dethāyyāya bhikkhaṁ, sadutiyikā ayyā”ti.
pli-tv-bi-vb-pc62:1.6	Manussā ujjhāyanti khiyyanti vipācenti—
pli-tv-bi-vb-pc62:1.7	“kathañhi nāma bhikkhuniyo pāyantiṁ vuṭṭhāpessantī”ti.
pli-tv-bi-vb-pc62:1.8	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc62:1.9	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc62:1.10	“kathañhi nāma bhikkhuniyo pāyantiṁ vuṭṭhāpessantī”ti …pe…
pli-tv-bi-vb-pc62:1.11	“saccaṁ kira, bhikkhave, bhikkhuniyo pāyantiṁ vuṭṭhāpentī”ti?
pli-tv-bi-vb-pc62:1.12	“Saccaṁ, bhagavā”ti.
pli-tv-bi-vb-pc62:1.13	Vigarahi buddho bhagavā …pe…
pli-tv-bi-vb-pc62:1.14	kathañhi nāma, bhikkhave, bhikkhuniyo pāyantiṁ vuṭṭhāpessanti.
pli-tv-bi-vb-pc62:1.15	Netaṁ, bhikkhave, appasannānaṁ vā pasādāya …pe…
pli-tv-bi-vb-pc62:1.16	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc62:1.17.0	
pli-tv-bi-vb-pc62:1.17.1	“Yā pana bhikkhunī pāyantiṁ vuṭṭhāpeyya, pācittiyan”ti.
pli-tv-bi-vb-pc62:2.0	
pli-tv-bi-vb-pc62:2.1	Yā panāti
pli-tv-bi-vb-pc62:2.2	yā yādisā …pe…
pli-tv-bi-vb-pc62:2.3	bhikkhunīti
pli-tv-bi-vb-pc62:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc62:2.5	Pāyantī nāma
pli-tv-bi-vb-pc62:2.6	mātā vā hoti dhāti vā.
pli-tv-bi-vb-pc62:2.7	Vuṭṭhāpeyyāti
pli-tv-bi-vb-pc62:2.8	upasampādeyya.
pli-tv-bi-vb-pc62:2.9	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc62:2.10	Ñattiyā dukkaṭaṁ.
pli-tv-bi-vb-pc62:2.11	Dvīhi kammavācāhi dukkaṭā.
pli-tv-bi-vb-pc62:2.12	Kammavācāpariyosāne upajjhāyāya āpatti pācittiyassa.
pli-tv-bi-vb-pc62:2.13	Gaṇassa ca ācariniyā ca āpatti dukkaṭassa.
pli-tv-bi-vb-pc62:2.14.0	
pli-tv-bi-vb-pc62:2.14.1	Pāyantiyā pāyantisaññā vuṭṭhāpeti, āpatti pācittiyassa.
pli-tv-bi-vb-pc62:2.15	Pāyantiyā vematikā vuṭṭhāpeti, āpatti dukkaṭassa.
pli-tv-bi-vb-pc62:2.16	Pāyantiyā apāyantisaññā vuṭṭhāpeti, anāpatti.
pli-tv-bi-vb-pc62:2.17	Apāyantiyā pāyantisaññā, āpatti dukkaṭassa.
pli-tv-bi-vb-pc62:2.18	Apāyantiyā vematikā, āpatti dukkaṭassa.
pli-tv-bi-vb-pc62:2.19	Apāyantiyā apāyantisaññā, anāpatti.
pli-tv-bi-vb-pc62:2.20.0	
pli-tv-bi-vb-pc62:2.20.1	Anāpatti—
pli-tv-bi-vb-pc62:2.21	pāyantiṁ apāyantisaññā vuṭṭhāpeti,
pli-tv-bi-vb-pc62:2.22	apāyantiṁ apāyantisaññā vuṭṭhāpeti,
pli-tv-bi-vb-pc62:2.23	ummattikāya,
pli-tv-bi-vb-pc62:2.24	ādikammikāyāti.
pli-tv-bi-vb-pc62:2.25	Dutiyasikkhāpadaṁ niṭṭhitaṁ.
pli-tv-bi-vb-pc63:0.1	Theravāda Vinaya
pli-tv-bi-vb-pc63:0.2	Bhikkhunivibhaṅga
pli-tv-bi-vb-pc63:0.3	Pācittiyakaṇḍa
pli-tv-bi-vb-pc63:0.4	Gabbhinivagga
pli-tv-bi-vb-pc63:0.5	63. Sikkhamānasikkhāpada
pli-tv-bi-vb-pc63:1.0	
pli-tv-bi-vb-pc63:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc63:1.2	Tena kho pana samayena bhikkhuniyo dve vassāni chasu dhammesu asikkhitasikkhaṁ sikkhamānaṁ vuṭṭhāpenti.
pli-tv-bi-vb-pc63:1.3	Tā bālā honti abyattā na jānanti kappiyaṁ vā akappiyaṁ vā.
pli-tv-bi-vb-pc63:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc63:1.5	“kathañhi nāma bhikkhuniyo dve vassāni chasu dhammesu asikkhitasikkhaṁ sikkhamānaṁ vuṭṭhāpessantī”ti …pe…
pli-tv-bi-vb-pc63:1.6	“saccaṁ kira, bhikkhave, bhikkhuniyo dve vassāni chasu dhammesu asikkhitasikkhaṁ sikkhamānaṁ vuṭṭhāpentī”ti?
pli-tv-bi-vb-pc63:1.7	“Saccaṁ, bhagavā”ti.
pli-tv-bi-vb-pc63:1.8	Vigarahi buddho bhagavā …pe…
pli-tv-bi-vb-pc63:1.9	kathañhi nāma, bhikkhave, bhikkhuniyo dve vassāni chasu dhammesu asikkhitasikkhaṁ sikkhamānaṁ vuṭṭhāpessanti.
pli-tv-bi-vb-pc63:1.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc63:1.11	vigarahitvā …pe…
pli-tv-bi-vb-pc63:1.12	dhammiṁ kathaṁ katvā bhikkhū āmantesi—
pli-tv-bi-vb-pc63:1.13	“anujānāmi, bhikkhave, sikkhamānāya dve vassāni chasu dhammesu sikkhāsammutiṁ dātuṁ.
pli-tv-bi-vb-pc63:1.14	Evañca pana, bhikkhave, dātabbā.
pli-tv-bi-vb-pc63:1.15	Tāya sikkhamānāya saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-pc63:1.16	‘ahaṁ, ayye, itthannāmā itthannāmāya ayyāya sikkhamānā.
pli-tv-bi-vb-pc63:1.17	Saṅghaṁ dve vassāni chasu dhammesu sikkhāsammutiṁ yācāmī’ti.
pli-tv-bi-vb-pc63:1.18	Dutiyampi yācitabbā.
pli-tv-bi-vb-pc63:1.19	Tatiyampi yācitabbā.
pli-tv-bi-vb-pc63:1.20	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pc63:1.21	‘Suṇātu me, ayye, saṅgho.
pli-tv-bi-vb-pc63:1.22	Ayaṁ itthannāmā itthannāmāya ayyāya sikkhamānā saṅghaṁ dve vassāni chasu dhammesu sikkhāsammutiṁ yācati.
pli-tv-bi-vb-pc63:1.23	Yadi saṅghassa pattakallaṁ saṅgho itthannāmāya sikkhamānāya dve vassāni chasu dhammesu sikkhāsammutiṁ dadeyya.
pli-tv-bi-vb-pc63:1.24	Esā ñatti.
pli-tv-bi-vb-pc63:1.25	Suṇātu me, ayye, saṅgho.
pli-tv-bi-vb-pc63:1.26	Ayaṁ itthannāmā itthannāmāya ayyāya sikkhamānā saṅghaṁ dve vassāni chasu dhammesu sikkhāsammutiṁ yācati.
pli-tv-bi-vb-pc63:1.27	Saṅgho itthannāmāya sikkhamānāya dve vassāni chasu dhammesu sikkhāsammutiṁ deti.
pli-tv-bi-vb-pc63:1.28	Yassā ayyāya khamati itthannāmāya sikkhamānāya dve vassāni chasu dhammesu sikkhāsammutiyā dānaṁ, sā tuṇhassa;
pli-tv-bi-vb-pc63:1.29	yassā nakkhamati, sā bhāseyya.
pli-tv-bi-vb-pc63:1.30	Dinnā saṅghena itthannāmāya sikkhamānāya dve vassāni chasu dhammesu sikkhāsammuti.
pli-tv-bi-vb-pc63:1.31	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc63:1.32	Sā sikkhamānā “evaṁ vadehī”ti vattabbā—
pli-tv-bi-vb-pc63:1.33	“pāṇātipātā veramaṇiṁ dve vassāni avītikkamma samādānaṁ samādiyāmi.
pli-tv-bi-vb-pc63:1.34	Adinnādānā veramaṇiṁ dve vassāni avītikkamma samādānaṁ samādiyāmi.
pli-tv-bi-vb-pc63:1.35	Abrahmacariyā veramaṇiṁ dve vassāni avītikkamma samādānaṁ samādiyāmi.
pli-tv-bi-vb-pc63:1.36	Musāvādā veramaṇiṁ dve vassāni avītikkamma samādānaṁ samādiyāmi.
pli-tv-bi-vb-pc63:1.37	Surāmerayamajjappamādaṭṭhānā veramaṇiṁ dve vassāni avītikkamma samādānaṁ samādiyāmi.
pli-tv-bi-vb-pc63:1.38	Vikālabhojanā veramaṇiṁ dve vassāni avītikkamma samādānaṁ samādiyāmī”ti.
pli-tv-bi-vb-pc63:1.39	Atha kho bhagavā tā bhikkhuniyo anekapariyāyena vigarahitvā dubbharatāya …pe…
pli-tv-bi-vb-pc63:1.40	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc63:1.41.0	
pli-tv-bi-vb-pc63:1.41.1	“Yā pana bhikkhunī dve vassāni chasu dhammesu asikkhitasikkhaṁ sikkhamānaṁ vuṭṭhāpeyya, pācittiyan”ti.
pli-tv-bi-vb-pc63:2.1.0	
pli-tv-bi-vb-pc63:2.1.1	Yā panāti
pli-tv-bi-vb-pc63:2.1.2	yā yādisā …pe…
pli-tv-bi-vb-pc63:2.1.3	bhikkhunīti
pli-tv-bi-vb-pc63:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc63:2.1.5	Dve vassānīti
pli-tv-bi-vb-pc63:2.1.6	dve saṁvaccharāni.
pli-tv-bi-vb-pc63:2.1.7	Asikkhitasikkhā nāma
pli-tv-bi-vb-pc63:2.1.8	sikkhā vā na dinnā hoti, dinnā vā sikkhā kupitā.
pli-tv-bi-vb-pc63:2.1.9	Vuṭṭhāpeyyāti
pli-tv-bi-vb-pc63:2.1.10	upasampādeyya.
pli-tv-bi-vb-pc63:2.1.11	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc63:2.1.12	Ñattiyā dukkaṭaṁ.
pli-tv-bi-vb-pc63:2.1.13	Dvīhi kammavācāhi dukkaṭā.
pli-tv-bi-vb-pc63:2.1.14	Kammavācāpariyosāne upajjhāyāya āpatti pācittiyassa.
pli-tv-bi-vb-pc63:2.1.15	Gaṇassa ca ācariniyā ca āpatti dukkaṭassa.
pli-tv-bi-vb-pc63:2.2.0	
pli-tv-bi-vb-pc63:2.2.1	Dhammakamme dhammakammasaññā vuṭṭhāpeti, āpatti pācittiyassa.
pli-tv-bi-vb-pc63:2.2.2	Dhammakamme vematikā vuṭṭhāpeti, āpatti pācittiyassa.
pli-tv-bi-vb-pc63:2.2.3	Dhammakamme adhammakammasaññā vuṭṭhāpeti, āpatti pācittiyassa.
pli-tv-bi-vb-pc63:2.2.4	Adhammakamme dhammakammasaññā, āpatti dukkaṭassa.
pli-tv-bi-vb-pc63:2.2.5	Adhammakamme vematikā, āpatti dukkaṭassa.
pli-tv-bi-vb-pc63:2.2.6	Adhammakamme adhammakammasaññā, āpatti dukkaṭassa.
pli-tv-bi-vb-pc63:2.3.0	
pli-tv-bi-vb-pc63:2.3.1	Anāpatti—
pli-tv-bi-vb-pc63:2.3.2	dve vassāni chasu dhammesu sikkhitasikkhaṁ sikkhamānaṁ vuṭṭhāpeti,
pli-tv-bi-vb-pc63:2.3.3	ummattikāya,
pli-tv-bi-vb-pc63:2.3.4	ādikammikāyāti.
pli-tv-bi-vb-pc63:2.3.5	Tatiyasikkhāpadaṁ niṭṭhitaṁ.
pli-tv-bi-vb-pc64:0.1	Theravāda Vinaya
pli-tv-bi-vb-pc64:0.2	Bhikkhunivibhaṅga
pli-tv-bi-vb-pc64:0.3	Pācittiyakaṇḍa
pli-tv-bi-vb-pc64:0.4	Gabbhinivagga
pli-tv-bi-vb-pc64:0.5	64. Dutiyasikkhamānasikkhāpada
pli-tv-bi-vb-pc64:1.0	
pli-tv-bi-vb-pc64:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc64:1.2	Tena kho pana samayena bhikkhuniyo dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpenti.
pli-tv-bi-vb-pc64:1.3	Bhikkhuniyo evamāhaṁsu—
pli-tv-bi-vb-pc64:1.4	“etha, sikkhamānā, imaṁ jānātha, imaṁ detha, imaṁ āharatha, iminā attho, imaṁ kappiyaṁ karothā”ti.
pli-tv-bi-vb-pc64:1.5	Tā evamāhaṁsu—
pli-tv-bi-vb-pc64:1.6	“na mayaṁ, ayye, sikkhamānā, bhikkhuniyo mayan”ti.
pli-tv-bi-vb-pc64:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc64:1.8	“kathañhi nāma bhikkhuniyo dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpessantī”ti …pe…
pli-tv-bi-vb-pc64:1.9	“saccaṁ kira, bhikkhave, bhikkhuniyo dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpentī”ti?
pli-tv-bi-vb-pc64:1.10	“Saccaṁ, bhagavā”ti.
pli-tv-bi-vb-pc64:1.11	Vigarahi buddho bhagavā …pe…
pli-tv-bi-vb-pc64:1.12	kathañhi nāma, bhikkhave, bhikkhuniyo dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpessanti.
pli-tv-bi-vb-pc64:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc64:1.14	vigarahitvā …pe…
pli-tv-bi-vb-pc64:1.15	dhammiṁ kathaṁ katvā bhikkhū āmantesi—
pli-tv-bi-vb-pc64:1.16	“anujānāmi, bhikkhave, dve vassāni chasu dhammesu sikkhitasikkhāya sikkhamānāya vuṭṭhānasammutiṁ dātuṁ.
pli-tv-bi-vb-pc64:1.17	Evañca pana, bhikkhave, dātabbā.
pli-tv-bi-vb-pc64:1.18	Tāya dve vassāni chasu dhammesu sikkhitasikkhāya sikkhamānāya saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-pc64:1.19	‘ahaṁ, ayye, itthannāmā itthannāmāya ayyāya dve vassāni chasu dhammesu sikkhitasikkhā sikkhamānā saṅghaṁ vuṭṭhānasammutiṁ yācāmī’ti.
pli-tv-bi-vb-pc64:1.20	Dutiyampi yācitabbā.
pli-tv-bi-vb-pc64:1.21	Tatiyampi yācitabbā.
pli-tv-bi-vb-pc64:1.22	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pc64:1.23	‘Suṇātu me, ayye, saṅgho.
pli-tv-bi-vb-pc64:1.24	Ayaṁ itthannāmā itthannāmāya ayyāya dve vassāni chasu dhammesu sikkhitasikkhā sikkhamānā saṅghaṁ vuṭṭhānasammutiṁ yācati.
pli-tv-bi-vb-pc64:1.25	Yadi saṅghassa pattakallaṁ, saṅgho itthannāmāya dve vassāni chasu dhammesu sikkhitasikkhāya sikkhamānāya vuṭṭhānasammutiṁ dadeyya.
pli-tv-bi-vb-pc64:1.26	Esā ñatti.
pli-tv-bi-vb-pc64:1.27	Suṇātu me, ayye, saṅgho.
pli-tv-bi-vb-pc64:1.28	Ayaṁ itthannāmā itthannāmāya ayyāya dve vassāni chasu dhammesu sikkhitasikkhā sikkhamānā saṅghaṁ vuṭṭhānasammutiṁ yācati.
pli-tv-bi-vb-pc64:1.29	Saṅgho itthannāmāya dve vassāni chasu dhammesu sikkhitasikkhāya sikkhamānāya vuṭṭhānasammutiṁ deti.
pli-tv-bi-vb-pc64:1.30	Yassā ayyāya khamati itthannāmāya dve vassāni chasu dhammesu sikkhitasikkhāya sikkhamānāya vuṭṭhānasammutiyā dānaṁ, sā tuṇhassa;
pli-tv-bi-vb-pc64:1.31	yassā nakkhamati, sā bhāseyya.
pli-tv-bi-vb-pc64:1.32	Dinnā saṅghena itthannāmāya dve vassāni chasu dhammesu sikkhitasikkhāya sikkhamānāya vuṭṭhānasammuti;
pli-tv-bi-vb-pc64:1.33	khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc64:1.34	Atha kho bhagavā tā bhikkhuniyo anekapariyāyena vigarahitvā dubbharatāya …pe…
pli-tv-bi-vb-pc64:1.35	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc64:1.36.0	
pli-tv-bi-vb-pc64:1.36.1	“Yā pana bhikkhunī dve vassāni chasu dhammesu sikkhitasikkhaṁ sikkhamānaṁ saṅghena asammataṁ vuṭṭhāpeyya, pācittiyan”ti.
pli-tv-bi-vb-pc64:2.0	
pli-tv-bi-vb-pc64:2.1	Yā panāti
pli-tv-bi-vb-pc64:2.2	yā yādisā …pe…
pli-tv-bi-vb-pc64:2.3	bhikkhunīti
pli-tv-bi-vb-pc64:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc64:2.5	Dve vassānīti
pli-tv-bi-vb-pc64:2.6	dve saṁvaccharāni.
pli-tv-bi-vb-pc64:2.7	Sikkhitasikkhā nāma
pli-tv-bi-vb-pc64:2.8	chasu dhammesu sikkhitasikkhā.
pli-tv-bi-vb-pc64:2.9	Asammatā nāma
pli-tv-bi-vb-pc64:2.10	ñattidutiyena kammena vuṭṭhānasammuti na dinnā hoti.
pli-tv-bi-vb-pc64:2.11	Vuṭṭhāpeyyāti
pli-tv-bi-vb-pc64:2.12	upasampādeyya.
pli-tv-bi-vb-pc64:2.13	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc64:2.14	Ñattiyā dukkaṭaṁ.
pli-tv-bi-vb-pc64:2.15	Dvīhi kammavācāhi dukkaṭā.
pli-tv-bi-vb-pc64:2.16	Kammavācāpariyosāne upajjhāyāya āpatti pācittiyassa.
pli-tv-bi-vb-pc64:2.17	Gaṇassa ca ācariniyā ca āpatti dukkaṭassa.
pli-tv-bi-vb-pc64:2.18.0	
pli-tv-bi-vb-pc64:2.18.1	Dhammakamme dhammakammasaññā vuṭṭhāpeti, āpatti pācittiyassa.
pli-tv-bi-vb-pc64:2.19	Dhammakamme vematikā vuṭṭhāpeti, āpatti pācittiyassa.
pli-tv-bi-vb-pc64:2.20	Dhammakamme adhammakammasaññā vuṭṭhāpeti, āpatti pācittiyassa.
pli-tv-bi-vb-pc64:2.21	Adhammakamme dhammakammasaññā, āpatti dukkaṭassa.
pli-tv-bi-vb-pc64:2.22	Adhammakamme vematikā, āpatti dukkaṭassa.
pli-tv-bi-vb-pc64:2.23	Adhammakamme adhammakammasaññā, āpatti dukkaṭassa.
pli-tv-bi-vb-pc64:2.24.0	
pli-tv-bi-vb-pc64:2.24.1	Anāpatti—
pli-tv-bi-vb-pc64:2.25	dve vassāni chasu dhammesu sikkhitasikkhaṁ sikkhamānaṁ saṅghena sammataṁ vuṭṭhāpeti,
pli-tv-bi-vb-pc64:2.26	ummattikāya,
pli-tv-bi-vb-pc64:2.27	ādikammikāyāti.
pli-tv-bi-vb-pc64:2.28	Catutthasikkhāpadaṁ niṭṭhitaṁ.
pli-tv-bi-vb-pc65:0.1	Theravāda Vinaya
pli-tv-bi-vb-pc65:0.2	Bhikkhunivibhaṅga
pli-tv-bi-vb-pc65:0.3	Pācittiyakaṇḍa
pli-tv-bi-vb-pc65:0.4	Gabbhinivagga
pli-tv-bi-vb-pc65:0.5	65. Gihigatasikkhāpada
pli-tv-bi-vb-pc65:1.0	
pli-tv-bi-vb-pc65:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc65:1.2	Tena kho pana samayena bhikkhuniyo ūnadvādasavassaṁ gihigataṁ vuṭṭhāpenti.
pli-tv-bi-vb-pc65:1.3	Tā akkhamā honti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ.
pli-tv-bi-vb-pc65:1.4	Uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātikā honti.
pli-tv-bi-vb-pc65:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc65:1.6	“kathañhi nāma bhikkhuniyo ūnadvādasavassaṁ gihigataṁ vuṭṭhāpessantī”ti …pe…
pli-tv-bi-vb-pc65:1.7	“saccaṁ kira, bhikkhave, bhikkhuniyo ūnadvādasavassaṁ gihigataṁ vuṭṭhāpentī”ti?
pli-tv-bi-vb-pc65:1.8	“Saccaṁ, bhagavā”ti.
pli-tv-bi-vb-pc65:1.9	Vigarahi buddho bhagavā …pe…
pli-tv-bi-vb-pc65:1.10	kathañhi nāma, bhikkhave, bhikkhuniyo ūnadvādasavassaṁ gihigataṁ vuṭṭhāpessanti.
pli-tv-bi-vb-pc65:1.11	Ūnadvādasavassā, bhikkhave, gihigatā akkhamā hoti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ.
pli-tv-bi-vb-pc65:1.12	Uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātikā hoti.
pli-tv-bi-vb-pc65:1.13	Dvādasavassāva kho, bhikkhave, gihigatā khamā hoti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ.
pli-tv-bi-vb-pc65:1.14	Uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ adhivāsakajātikā hoti.
pli-tv-bi-vb-pc65:1.15	Netaṁ, bhikkhave, appasannānaṁ vā pasādāya …pe…
pli-tv-bi-vb-pc65:1.16	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc65:1.17.0	
pli-tv-bi-vb-pc65:1.17.1	“Yā pana bhikkhunī ūnadvādasavassaṁ gihigataṁ vuṭṭhāpeyya, pācittiyan”ti.
pli-tv-bi-vb-pc65:2.1.0	
pli-tv-bi-vb-pc65:2.1.1	Yā panāti
pli-tv-bi-vb-pc65:2.1.2	yā yādisā …pe…
pli-tv-bi-vb-pc65:2.1.3	bhikkhunīti
pli-tv-bi-vb-pc65:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc65:2.1.5	Ūnadvādasavassā nāma
pli-tv-bi-vb-pc65:2.1.6	appattadvādasavassā.
pli-tv-bi-vb-pc65:2.1.7	Gihigatā nāma
pli-tv-bi-vb-pc65:2.1.8	purisantaragatā vuccati.
pli-tv-bi-vb-pc65:2.1.9	Vuṭṭhāpeyyāti
pli-tv-bi-vb-pc65:2.1.10	upasampādeyya.
pli-tv-bi-vb-pc65:2.1.11	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc65:2.1.12	Ñattiyā dukkaṭaṁ.
pli-tv-bi-vb-pc65:2.1.13	Dvīhi kammavācāhi dukkaṭā.
pli-tv-bi-vb-pc65:2.1.14	Kammavācāpariyosāne upajjhāyāya āpatti pācittiyassa.
pli-tv-bi-vb-pc65:2.1.15	Gaṇassa ca ācariniyā ca āpatti dukkaṭassa.
pli-tv-bi-vb-pc65:2.2.0	
pli-tv-bi-vb-pc65:2.2.1	Ūnadvādasavassāya ūnadvādasavassasaññā vuṭṭhāpeti, āpatti pācittiyassa.
pli-tv-bi-vb-pc65:2.2.2	Ūnadvādasavassāya vematikā vuṭṭhāpeti, āpatti dukkaṭassa.
pli-tv-bi-vb-pc65:2.2.3	Ūnadvādasavassāya paripuṇṇasaññā vuṭṭhāpeti, anāpatti.
pli-tv-bi-vb-pc65:2.2.4	Paripuṇṇadvādasavassāya ūnadvādasavassasaññā, āpatti dukkaṭassa.
pli-tv-bi-vb-pc65:2.2.5	Paripuṇṇadvādasavassāya vematikā, āpatti dukkaṭassa.
pli-tv-bi-vb-pc65:2.2.6	Paripuṇṇadvādasavassāya paripuṇṇasaññā, anāpatti.
pli-tv-bi-vb-pc65:2.3.0	
pli-tv-bi-vb-pc65:2.3.1	Anāpatti—
pli-tv-bi-vb-pc65:2.3.2	ūnadvādasavassaṁ paripuṇṇasaññā vuṭṭhāpeti,
pli-tv-bi-vb-pc65:2.3.3	paripuṇṇadvādasavassaṁ paripuṇṇasaññā vuṭṭhāpeti,
pli-tv-bi-vb-pc65:2.3.4	ummattikāya,
pli-tv-bi-vb-pc65:2.3.5	ādikammikāyāti.
pli-tv-bi-vb-pc65:2.3.6	Pañcamasikkhāpadaṁ niṭṭhitaṁ.
pli-tv-bi-vb-pc66:0.1	Theravāda Vinaya
pli-tv-bi-vb-pc66:0.2	Bhikkhunivibhaṅga
pli-tv-bi-vb-pc66:0.3	Pācittiyakaṇḍa
pli-tv-bi-vb-pc66:0.4	Gabbhinivagga
pli-tv-bi-vb-pc66:0.5	66. Dutiyagihigatasikkhāpada
pli-tv-bi-vb-pc66:1.0	
pli-tv-bi-vb-pc66:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc66:1.2	Tena kho pana samayena bhikkhuniyo paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpenti.
pli-tv-bi-vb-pc66:1.3	Tā bālā honti abyattā na jānanti kappiyaṁ vā akappiyaṁ vā.
pli-tv-bi-vb-pc66:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc66:1.5	“kathañhi nāma bhikkhuniyo paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpessantī”ti …pe…
pli-tv-bi-vb-pc66:1.6	“saccaṁ kira, bhikkhave, bhikkhuniyo paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpentī”ti?
pli-tv-bi-vb-pc66:1.7	“Saccaṁ, bhagavā”ti.
pli-tv-bi-vb-pc66:1.8	Vigarahi buddho bhagavā …pe…
pli-tv-bi-vb-pc66:1.9	kathañhi nāma, bhikkhave, bhikkhuniyo paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpessanti.
pli-tv-bi-vb-pc66:1.10	Netaṁ, bhikkhave, appasannānaṁ vā pasādāya …pe…
pli-tv-bi-vb-pc66:1.11	vigarahitvā dhammiṁ kathaṁ katvā bhikkhū āmantesi—
pli-tv-bi-vb-pc66:1.12	“anujānāmi, bhikkhave, paripuṇṇadvādasavassāya gihigatāya dve vassāni chasu dhammesu sikkhāsammutiṁ dātuṁ.
pli-tv-bi-vb-pc66:1.13	Evañca pana, bhikkhave, dātabbā.
pli-tv-bi-vb-pc66:1.14	Tāya paripuṇṇadvādasavassāya gihigatāya saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-pc66:1.15	‘ahaṁ, ayye, itthannāmā itthannāmāya ayyāya paripuṇṇadvādasavassā gihigatā saṅghaṁ dve vassāni chasu dhammesu sikkhāsammutiṁ yācāmī’ti.
pli-tv-bi-vb-pc66:1.16	Dutiyampi yācitabbā.
pli-tv-bi-vb-pc66:1.17	Tatiyampi yācitabbā.
pli-tv-bi-vb-pc66:1.18	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pc66:1.19	‘Suṇātu me, ayye, saṅgho.
pli-tv-bi-vb-pc66:1.20	Ayaṁ itthannāmā itthannāmāya ayyāya paripuṇṇadvādasavassā gihigatā saṅghaṁ dve vassāni chasu dhammesu sikkhāsammutiṁ yācati.
pli-tv-bi-vb-pc66:1.21	Yadi saṅghassa pattakallaṁ saṅgho itthannāmāya paripuṇṇadvādasavassāya gihigatāya dve vassāni chasu dhammesu sikkhāsammutiṁ dadeyya.
pli-tv-bi-vb-pc66:1.22	Esā ñatti.
pli-tv-bi-vb-pc66:1.23	Suṇātu me, ayye, saṅgho.
pli-tv-bi-vb-pc66:1.24	Ayaṁ itthannāmā itthannāmāya ayyāya paripuṇṇadvādasavassā gihigatā saṅghaṁ dve vassāni chasu dhammesu sikkhāsammutiṁ yācati.
pli-tv-bi-vb-pc66:1.25	Saṅgho itthannāmāya paripuṇṇadvādasavassāya gihigatāya dve vassāni chasu dhammesu sikkhāsammutiṁ deti.
pli-tv-bi-vb-pc66:1.26	Yassā ayyāya khamati itthannāmāya paripuṇṇadvādasavassāya gihigatāya dve vassāni chasu dhammesu sikkhāsammutiyā dānaṁ, sā tuṇhassa;
pli-tv-bi-vb-pc66:1.27	yassā nakkhamati, sā bhāseyya.
pli-tv-bi-vb-pc66:1.28	Dinnā saṅghena itthannāmāya paripuṇṇadvādasavassāya gihigatāya dve vassāni chasu dhammesu sikkhāsammuti.
pli-tv-bi-vb-pc66:1.29	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc66:1.30	Sā paripuṇṇadvādasavassā gihigatā evaṁ vadehīti vattabbā—
pli-tv-bi-vb-pc66:1.31	“pāṇātipātā veramaṇiṁ dve vassāni avītikkamma samādānaṁ samādiyāmi …pe…
pli-tv-bi-vb-pc66:1.32	vikālabhojanā veramaṇiṁ dve vassāni avītikkamma samādānaṁ samādiyāmī”ti.
pli-tv-bi-vb-pc66:1.33	Atha kho bhagavā tā bhikkhuniyo anekapariyāyena vigarahitvā dubbharatāya …pe…
pli-tv-bi-vb-pc66:1.34	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc66:1.35.0	
pli-tv-bi-vb-pc66:1.35.1	“Yā pana bhikkhunī paripuṇṇadvādasavassaṁ gihigataṁ dve vassāni chasu dhammesu asikkhitasikkhaṁ vuṭṭhāpeyya, pācittiyan”ti.
pli-tv-bi-vb-pc66:2.0	
pli-tv-bi-vb-pc66:2.1	Yā panāti
pli-tv-bi-vb-pc66:2.2	yā yādisā …pe…
pli-tv-bi-vb-pc66:2.3	bhikkhunīti
pli-tv-bi-vb-pc66:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc66:2.5	Paripuṇṇadvādasavassā nāma
pli-tv-bi-vb-pc66:2.6	pattadvādasavassā.
pli-tv-bi-vb-pc66:2.7	Gihigatā nāma
pli-tv-bi-vb-pc66:2.8	purisantaragatā vuccati.
pli-tv-bi-vb-pc66:2.9	Dve vassānīti
pli-tv-bi-vb-pc66:2.10	dve saṁvaccharāni.
pli-tv-bi-vb-pc66:2.11	Asikkhitasikkhā nāma
pli-tv-bi-vb-pc66:2.12	sikkhā vā na dinnā hoti, dinnā vā sikkhā kupitā.
pli-tv-bi-vb-pc66:2.13	Vuṭṭhāpeyyāti
pli-tv-bi-vb-pc66:2.14	upasampādeyya.
pli-tv-bi-vb-pc66:2.15	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc66:2.16	Ñattiyā dukkaṭaṁ.
pli-tv-bi-vb-pc66:2.17	Dvīhi kammavācāhi dukkaṭā.
pli-tv-bi-vb-pc66:2.18	Kammavācāpariyosāne upajjhāyāya āpatti pācittiyassa.
pli-tv-bi-vb-pc66:2.19	Gaṇassa ca ācariniyā ca āpatti dukkaṭassa.
pli-tv-bi-vb-pc66:2.20.0	
pli-tv-bi-vb-pc66:2.20.1	Dhammakamme dhammakammasaññā vuṭṭhāpeti, āpatti pācittiyassa.
pli-tv-bi-vb-pc66:2.21	Dhammakamme vematikā vuṭṭhāpeti, āpatti pācittiyassa.
pli-tv-bi-vb-pc66:2.22	Dhammakamme adhammakammasaññā vuṭṭhāpeti, āpatti pācittiyassa.
pli-tv-bi-vb-pc66:2.23	Adhammakamme dhammakammasaññā vuṭṭhāpeti, āpatti dukkaṭassa.
pli-tv-bi-vb-pc66:2.24	Adhammakamme vematikā vuṭṭhāpeti, āpatti dukkaṭassa.
pli-tv-bi-vb-pc66:2.25	Adhammakamme adhammakammasaññā vuṭṭhāpeti, āpatti dukkaṭassa.
pli-tv-bi-vb-pc66:2.26.0	
pli-tv-bi-vb-pc66:2.26.1	Anāpatti—
pli-tv-bi-vb-pc66:2.27	paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ vuṭṭhāpeti,
pli-tv-bi-vb-pc66:2.28	ummattikāya,
pli-tv-bi-vb-pc66:2.29	ādikammikāyāti.
pli-tv-bi-vb-pc66:2.30	Chaṭṭhasikkhāpadaṁ niṭṭhitaṁ.
pli-tv-bi-vb-pc67:0.1	Theravāda Vinaya
pli-tv-bi-vb-pc67:0.2	Bhikkhunivibhaṅga
pli-tv-bi-vb-pc67:0.3	Pācittiyakaṇḍa
pli-tv-bi-vb-pc67:0.4	Gabbhinivagga
pli-tv-bi-vb-pc67:0.5	67. Tatiyagihigatasikkhāpada
pli-tv-bi-vb-pc67:1.0	
pli-tv-bi-vb-pc67:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc67:1.2	Tena kho pana samayena bhikkhuniyo paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpenti.
pli-tv-bi-vb-pc67:1.3	Bhikkhuniyo evamāhaṁsu—
pli-tv-bi-vb-pc67:1.4	“etha, sikkhamānā, imaṁ jānātha, imaṁ detha, imaṁ āharatha, iminā attho, imaṁ kappiyaṁ karothā”ti.
pli-tv-bi-vb-pc67:1.5	Tā evamāhaṁsu—
pli-tv-bi-vb-pc67:1.6	“na mayaṁ, ayye, sikkhamānā, bhikkhuniyo mayan”ti.
pli-tv-bi-vb-pc67:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc67:1.8	“kathañhi nāma bhikkhuniyo paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpessantī”ti …pe…
pli-tv-bi-vb-pc67:1.9	“saccaṁ kira, bhikkhave, bhikkhuniyo paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentī”ti?
pli-tv-bi-vb-pc67:1.10	“Saccaṁ, bhagavā”ti.
pli-tv-bi-vb-pc67:1.11	Vigarahi buddho bhagavā …pe…
pli-tv-bi-vb-pc67:1.12	kathañhi nāma, bhikkhave, bhikkhuniyo paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpessanti.
pli-tv-bi-vb-pc67:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc67:1.14	vigarahitvā …pe…
pli-tv-bi-vb-pc67:1.15	dhammiṁ kathaṁ katvā bhikkhū āmantesi—
pli-tv-bi-vb-pc67:1.16	“anujānāmi, bhikkhave, paripuṇṇadvādasavassāya gihigatāya dve vassāni chasu dhammesu sikkhitasikkhāya vuṭṭhānasammutiṁ dātuṁ.
pli-tv-bi-vb-pc67:1.17	Evañca pana, bhikkhave, dātabbā.
pli-tv-bi-vb-pc67:1.18	Tāya paripuṇṇadvādasavassāya gihigatāya dve vassāni chasu dhammesu sikkhitasikkhāya saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-pc67:1.19	‘ahaṁ, ayye, itthannāmā itthannāmāya ayyāya paripuṇṇadvādasavassā gihigatā dve vassāni chasu dhammesu sikkhitasikkhā, saṅghaṁ vuṭṭhānasammutiṁ yācāmī’ti.
pli-tv-bi-vb-pc67:1.20	Dutiyampi yācitabbā.
pli-tv-bi-vb-pc67:1.21	Tatiyampi yācitabbā.
pli-tv-bi-vb-pc67:1.22	Byattāya bhikkhuniyā paṭibalāya saṅgho ñāpetabbo.
pli-tv-bi-vb-pc67:1.23	‘Suṇātu me, ayye, saṅgho.
pli-tv-bi-vb-pc67:1.24	Ayaṁ itthannāmā itthannāmāya ayyāya paripuṇṇadvādasavassā gihigatā dve vassāni chasu dhammesu sikkhitasikkhā saṅghaṁ vuṭṭhānasammutiṁ yācati.
pli-tv-bi-vb-pc67:1.25	Yadi saṅghassa pattakallaṁ, saṅgho itthannāmāya paripuṇṇadvādasavassāya gihigatāya dve vassāni chasu dhammesu sikkhitasikkhāya vuṭṭhānasammutiṁ dadeyya.
pli-tv-bi-vb-pc67:1.26	Esā ñatti.
pli-tv-bi-vb-pc67:1.27	Suṇātu me, ayye, saṅgho.
pli-tv-bi-vb-pc67:1.28	Ayaṁ itthannāmā itthannāmāya ayyāya paripuṇṇadvādasavassā gihigatā dve vassāni chasu dhammesu sikkhitasikkhā saṅghaṁ vuṭṭhānasammutiṁ yācati.
pli-tv-bi-vb-pc67:1.29	Saṅgho itthannāmāya paripuṇṇadvādasavassāya gihigatāya dve vassāni chasu dhammesu sikkhitasikkhāya vuṭṭhānasammutiṁ deti.
pli-tv-bi-vb-pc67:1.30	Yassā ayyāya khamati itthannāmāya paripuṇṇadvādasavassāya gihigatāya dve vassāni chasu dhammesu sikkhitasikkhāya vuṭṭhānasammutiyā dānaṁ, sā tuṇhassa;
pli-tv-bi-vb-pc67:1.31	yassā nakkhamati, sā bhāseyya.
pli-tv-bi-vb-pc67:1.32	Dinnā saṅghena itthannāmāya paripuṇṇadvādasavassāya gihigatāya dve vassāni chasu dhammesu sikkhitasikkhāya vuṭṭhānasammuti.
pli-tv-bi-vb-pc67:1.33	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc67:1.34	Atha kho bhagavā tā bhikkhuniyo anekapariyāyena vigarahitvā dubbharatāya …pe…
pli-tv-bi-vb-pc67:1.35	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc67:1.36.0	
pli-tv-bi-vb-pc67:1.36.1	“Yā pana bhikkhunī paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpeyya, pācittiyan”ti.
pli-tv-bi-vb-pc67:2.0	
pli-tv-bi-vb-pc67:2.1	Yā panāti
pli-tv-bi-vb-pc67:2.2	yā yādisā …pe…
pli-tv-bi-vb-pc67:2.3	bhikkhunīti
pli-tv-bi-vb-pc67:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc67:2.5	Paripuṇṇadvādasavassā nāma
pli-tv-bi-vb-pc67:2.6	pattadvādasavassā.
pli-tv-bi-vb-pc67:2.7	Gihigatā nāma
pli-tv-bi-vb-pc67:2.8	purisantaragatā vuccati.
pli-tv-bi-vb-pc67:2.9	Dve vassānīti
pli-tv-bi-vb-pc67:2.10	dve saṁvaccharāni.
pli-tv-bi-vb-pc67:2.11	Sikkhitasikkhā nāma
pli-tv-bi-vb-pc67:2.12	chasu dhammesu sikkhitasikkhā.
pli-tv-bi-vb-pc67:2.13	Asammatā nāma
pli-tv-bi-vb-pc67:2.14	ñattidutiyena kammena vuṭṭhānasammuti na dinnā hoti.
pli-tv-bi-vb-pc67:2.15	Vuṭṭhāpeyyāti
pli-tv-bi-vb-pc67:2.16	upasampādeyya.
pli-tv-bi-vb-pc67:2.17	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc67:2.18	Ñattiyā dukkaṭaṁ.
pli-tv-bi-vb-pc67:2.19	Dvīhi kammavācāhi dukkaṭā.
pli-tv-bi-vb-pc67:2.20	Kammavācāpariyosāne upajjhāyāya āpatti pācittiyassa.
pli-tv-bi-vb-pc67:2.21	Gaṇassa ca ācariniyā ca āpatti dukkaṭassa.
pli-tv-bi-vb-pc67:2.22.0	
pli-tv-bi-vb-pc67:2.22.1	Dhammakamme dhammakammasaññā vuṭṭhāpeti, āpatti pācittiyassa.
pli-tv-bi-vb-pc67:2.23	Dhammakamme vematikā vuṭṭhāpeti, āpatti pācittiyassa.
pli-tv-bi-vb-pc67:2.24	Dhammakamme adhammakammasaññā vuṭṭhāpeti, āpatti pācittiyassa.
pli-tv-bi-vb-pc67:2.25	Adhammakamme dhammakammasaññā, āpatti dukkaṭassa.
pli-tv-bi-vb-pc67:2.26	Adhammakamme vematikā, āpatti dukkaṭassa.
pli-tv-bi-vb-pc67:2.27	Adhammakamme adhammakammasaññā, āpatti dukkaṭassa.
pli-tv-bi-vb-pc67:2.28.0	
pli-tv-bi-vb-pc67:2.28.1	Anāpatti—
pli-tv-bi-vb-pc67:2.29	paripuṇṇadvādasavassaṁ gihigataṁ dve vassāni chasu dhammesu sikkhitasikkhaṁ saṅghena sammataṁ vuṭṭhāpeti,
pli-tv-bi-vb-pc67:2.30	ummattikāya,
pli-tv-bi-vb-pc67:2.31	ādikammikāyāti.
pli-tv-bi-vb-pc67:2.32	Sattamasikkhāpadaṁ niṭṭhitaṁ.
pli-tv-bi-vb-pc68:0.1	Theravāda Vinaya
pli-tv-bi-vb-pc68:0.2	Bhikkhunivibhaṅga
pli-tv-bi-vb-pc68:0.3	Pācittiyakaṇḍa
pli-tv-bi-vb-pc68:0.4	Gabbhinivagga
pli-tv-bi-vb-pc68:0.5	68. Sahajīvinīsikkhāpada
pli-tv-bi-vb-pc68:1.0	
pli-tv-bi-vb-pc68:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc68:1.2	Tena kho pana samayena thullanandā bhikkhunī sahajīviniṁ vuṭṭhāpetvā dve vassāni neva anuggaṇhāti na anuggaṇhāpeti.
pli-tv-bi-vb-pc68:1.3	Tā bālā honti abyattā;
pli-tv-bi-vb-pc68:1.4	na jānanti kappiyaṁ vā akappiyaṁ vā.
pli-tv-bi-vb-pc68:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc68:1.6	“kathañhi nāma ayyā thullanandā sahajīviniṁ vuṭṭhāpetvā dve vassāni neva anuggaṇhissati na anuggaṇhāpessatī”ti …pe…
pli-tv-bi-vb-pc68:1.7	“saccaṁ kira, bhikkhave, thullanandā bhikkhunī sahajīviniṁ vuṭṭhāpetvā dve vassāni neva anuggaṇhāti na anuggaṇhāpetī”ti?
pli-tv-bi-vb-pc68:1.8	“Saccaṁ, bhagavā”ti.
pli-tv-bi-vb-pc68:1.9	Vigarahi buddho bhagavā …pe…
pli-tv-bi-vb-pc68:1.10	kathañhi nāma, bhikkhave, thullanandā bhikkhunī sahajīviniṁ vuṭṭhāpetvā dve vassāni neva anuggaṇhissati na anuggaṇhāpessati.
pli-tv-bi-vb-pc68:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc68:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc68:1.13.0	
pli-tv-bi-vb-pc68:1.13.1	“Yā pana bhikkhunī sahajīviniṁ vuṭṭhāpetvā dve vassāni neva anuggaṇheyya na anuggaṇhāpeyya, pācittiyan”ti.
pli-tv-bi-vb-pc68:2.1.0	
pli-tv-bi-vb-pc68:2.1.1	Yā panāti
pli-tv-bi-vb-pc68:2.1.2	yā yādisā …pe…
pli-tv-bi-vb-pc68:2.1.3	bhikkhunīti
pli-tv-bi-vb-pc68:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc68:2.1.5	Sahajīvinī nāma
pli-tv-bi-vb-pc68:2.1.6	saddhivihārinī vuccati.
pli-tv-bi-vb-pc68:2.1.7	Vuṭṭhāpetvāti
pli-tv-bi-vb-pc68:2.1.8	upasampādetvā.
pli-tv-bi-vb-pc68:2.1.9	Dve vassānīti
pli-tv-bi-vb-pc68:2.1.10	dve saṁvaccharāni.
pli-tv-bi-vb-pc68:2.1.11	Neva anuggaṇheyyāti
pli-tv-bi-vb-pc68:2.1.12	na sayaṁ anuggaṇheyya uddesena paripucchāya ovādena anusāsaniyā.
pli-tv-bi-vb-pc68:2.1.13	Na anuggaṇhāpeyyāti
pli-tv-bi-vb-pc68:2.1.14	na aññaṁ āṇāpeyya
pli-tv-bi-vb-pc68:2.1.15	“dve vassāni neva anuggaṇhissāmi na anuggaṇhāpessāmī”ti dhuraṁ nikkhittamatte āpatti pācittiyassa.
pli-tv-bi-vb-pc68:2.2.0	
pli-tv-bi-vb-pc68:2.2.1	Anāpatti—
pli-tv-bi-vb-pc68:2.2.2	sati antarāye,
pli-tv-bi-vb-pc68:2.2.3	pariyesitvā na labhati,
pli-tv-bi-vb-pc68:2.2.4	gilānāya,
pli-tv-bi-vb-pc68:2.2.5	āpadāsu,
pli-tv-bi-vb-pc68:2.2.6	ummattikāya,
pli-tv-bi-vb-pc68:2.2.7	ādikammikāyāti.
pli-tv-bi-vb-pc68:2.2.8	Aṭṭhamasikkhāpadaṁ niṭṭhitaṁ.
pli-tv-bi-vb-pc69:0.1	Theravāda Vinaya
pli-tv-bi-vb-pc69:0.2	Bhikkhunivibhaṅga
pli-tv-bi-vb-pc69:0.3	Pācittiyakaṇḍa
pli-tv-bi-vb-pc69:0.4	Gabbhinivagga
pli-tv-bi-vb-pc69:0.5	69. Pavattinīnānubandhanasikkhāpada
pli-tv-bi-vb-pc69:1.0	
pli-tv-bi-vb-pc69:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc69:1.2	Tena kho pana samayena bhikkhuniyo vuṭṭhāpitaṁ pavattiniṁ dve vassāni nānubandhanti.
pli-tv-bi-vb-pc69:1.3	Tā bālā honti abyattā;
pli-tv-bi-vb-pc69:1.4	na jānanti kappiyaṁ vā akappiyaṁ vā.
pli-tv-bi-vb-pc69:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc69:1.6	“kathañhi nāma bhikkhuniyo vuṭṭhāpitaṁ pavattiniṁ dve vassāni nānubandhissantī”ti …pe…
pli-tv-bi-vb-pc69:1.7	“saccaṁ kira, bhikkhave, bhikkhuniyo vuṭṭhāpitaṁ pavattiniṁ dve vassāni nānubandhantī”ti?
pli-tv-bi-vb-pc69:1.8	“Saccaṁ, bhagavā”ti.
pli-tv-bi-vb-pc69:1.9	Vigarahi buddho bhagavā …pe…
pli-tv-bi-vb-pc69:1.10	kathañhi nāma, bhikkhave, bhikkhuniyo vuṭṭhāpitaṁ pavattiniṁ dve vassāni nānubandhissanti.
pli-tv-bi-vb-pc69:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc69:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc69:1.13.0	
pli-tv-bi-vb-pc69:1.13.1	“Yā pana bhikkhunī vuṭṭhāpitaṁ pavattiniṁ dve vassāni nānubandheyya, pācittiyan”ti.
pli-tv-bi-vb-pc69:2.1.0	
pli-tv-bi-vb-pc69:2.1.1	Yā panāti
pli-tv-bi-vb-pc69:2.1.2	yā yādisā …pe…
pli-tv-bi-vb-pc69:2.1.3	bhikkhunīti
pli-tv-bi-vb-pc69:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc69:2.1.5	Vuṭṭhāpitanti
pli-tv-bi-vb-pc69:2.1.6	upasampāditaṁ.
pli-tv-bi-vb-pc69:2.1.7	Pavattinī nāma
pli-tv-bi-vb-pc69:2.1.8	upajjhāyā vuccati.
pli-tv-bi-vb-pc69:2.1.9	Dve vassānīti
pli-tv-bi-vb-pc69:2.1.10	dve saṁvaccharāni.
pli-tv-bi-vb-pc69:2.1.11	Nānubandheyyāti
pli-tv-bi-vb-pc69:2.1.12	na sayaṁ upaṭṭhaheyya.
pli-tv-bi-vb-pc69:2.1.13	Dve vassāni nānubandhissāmīti dhuraṁ nikkhittamatte āpatti pācittiyassa.
pli-tv-bi-vb-pc69:2.2.0	
pli-tv-bi-vb-pc69:2.2.1	Anāpatti—
pli-tv-bi-vb-pc69:2.2.2	upajjhāyā bālā vā hoti alajjinī vā,
pli-tv-bi-vb-pc69:2.2.3	gilānāya,
pli-tv-bi-vb-pc69:2.2.4	āpadāsu,
pli-tv-bi-vb-pc69:2.2.5	ummattikāya,
pli-tv-bi-vb-pc69:2.2.6	ādikammikāyāti.
pli-tv-bi-vb-pc69:2.2.7	Navamasikkhāpadaṁ niṭṭhitaṁ.
pli-tv-bi-vb-pc70:0.1	Theravāda Vinaya
pli-tv-bi-vb-pc70:0.2	Bhikkhunivibhaṅga
pli-tv-bi-vb-pc70:0.3	Pācittiyakaṇḍa
pli-tv-bi-vb-pc70:0.4	Gabbhinivagga
pli-tv-bi-vb-pc70:0.5	70. Dutiyasahajīvinīsikkhāpada
pli-tv-bi-vb-pc70:1.0	
pli-tv-bi-vb-pc70:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc70:1.2	Tena kho pana samayena thullanandā bhikkhunī sahajīviniṁ vuṭṭhāpetvā neva vūpakāseti na vūpakāsāpeti.
pli-tv-bi-vb-pc70:1.3	Sāmiko aggahesi.
pli-tv-bi-vb-pc70:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc70:1.5	“kathañhi nāma ayyā thullanandā sahajīviniṁ vuṭṭhāpetvā neva vūpakāsessati na vūpakāsāpessati, sāmiko aggahesi.
pli-tv-bi-vb-pc70:1.6	Sacāyaṁ bhikkhunī pakkantā assa, na ca sāmiko gaṇheyyā”ti …pe…
pli-tv-bi-vb-pc70:1.7	“saccaṁ kira, bhikkhave, thullanandā bhikkhunī sahajīviniṁ vuṭṭhāpetvā neva vūpakāseti na vūpakāsāpeti, sāmiko aggahesī”ti?
pli-tv-bi-vb-pc70:1.8	“Saccaṁ, bhagavā”ti.
pli-tv-bi-vb-pc70:1.9	Vigarahi buddho bhagavā …pe…
pli-tv-bi-vb-pc70:1.10	kathañhi nāma, bhikkhave, thullanandā bhikkhunī sahajīviniṁ vuṭṭhāpetvā neva vūpakāsessati na vūpakāsāpessati, sāmiko aggahesi.
pli-tv-bi-vb-pc70:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc70:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc70:1.13.0	
pli-tv-bi-vb-pc70:1.13.1	“Yā pana bhikkhunī sahajīviniṁ vuṭṭhāpetvā neva vūpakāseyya na vūpakāsāpeyya antamaso chappañcayojanānipi, pācittiyan”ti.
pli-tv-bi-vb-pc70:2.1.0	
pli-tv-bi-vb-pc70:2.1.1	Yā panāti
pli-tv-bi-vb-pc70:2.1.2	yā yādisā …pe…
pli-tv-bi-vb-pc70:2.1.3	bhikkhunīti
pli-tv-bi-vb-pc70:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc70:2.1.5	Sahajīvinī nāma
pli-tv-bi-vb-pc70:2.1.6	saddhivihārinī vuccati.
pli-tv-bi-vb-pc70:2.1.7	Vuṭṭhāpetvāti
pli-tv-bi-vb-pc70:2.1.8	upasampādetvā.
pli-tv-bi-vb-pc70:2.1.9	Neva vūpakāseyyāti
pli-tv-bi-vb-pc70:2.1.10	na sayaṁ vūpakāseyya.
pli-tv-bi-vb-pc70:2.1.11	Na vūpakāsāpeyyāti
pli-tv-bi-vb-pc70:2.1.12	na aññaṁ āṇāpeyya.
pli-tv-bi-vb-pc70:2.1.13	“Neva vūpakāsessāmi na vūpakāsāpessāmi antamaso chappañcayojanānipī”ti dhuraṁ nikkhittamatte āpatti pācittiyassa.
pli-tv-bi-vb-pc70:2.2.0	
pli-tv-bi-vb-pc70:2.2.1	Anāpatti—
pli-tv-bi-vb-pc70:2.2.2	sati antarāye,
pli-tv-bi-vb-pc70:2.2.3	pariyesitvā dutiyikaṁ bhikkhuniṁ na labhati,
pli-tv-bi-vb-pc70:2.2.4	gilānāya,
pli-tv-bi-vb-pc70:2.2.5	āpadāsu,
pli-tv-bi-vb-pc70:2.2.6	ummattikāya,
pli-tv-bi-vb-pc70:2.2.7	ādikammikāyāti.
pli-tv-bi-vb-pc70:2.2.8	Dasamasikkhāpadaṁ niṭṭhitaṁ.
pli-tv-bi-vb-pc70:2.2.9	Gabbhinivaggo sattamo.
pli-tv-bi-vb-pc71:0.1	Theravāda Vinaya
pli-tv-bi-vb-pc71:0.2	Bhikkhunivibhaṅga
pli-tv-bi-vb-pc71:0.3	Pācittiyakaṇḍa
pli-tv-bi-vb-pc71:0.4	Kumāribhūtavagga
pli-tv-bi-vb-pc71:0.5	71. Kumāribhūtasikkhāpada
pli-tv-bi-vb-pc71:1.0	
pli-tv-bi-vb-pc71:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc71:1.2	Tena kho pana samayena bhikkhuniyo ūnavīsativassaṁ kumāribhūtaṁ vuṭṭhāpenti.
pli-tv-bi-vb-pc71:1.3	Tā akkhamā honti sītassa uṇhassa jighacchāya pipāsāya ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ.
pli-tv-bi-vb-pc71:1.4	Uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātikā honti.
pli-tv-bi-vb-pc71:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc71:1.6	“kathañhi nāma bhikkhuniyo ūnavīsativassaṁ kumāribhūtaṁ vuṭṭhāpessantī”ti …pe…
pli-tv-bi-vb-pc71:1.7	“saccaṁ kira, bhikkhave, bhikkhuniyo ūnavīsativassaṁ kumāribhūtaṁ vuṭṭhāpentī”ti?
pli-tv-bi-vb-pc71:1.8	“Saccaṁ, bhagavā”ti.
pli-tv-bi-vb-pc71:1.9	Vigarahi buddho bhagavā …pe…
pli-tv-bi-vb-pc71:1.10	kathañhi nāma, bhikkhave, bhikkhuniyo ūnavīsativassaṁ kumāribhūtaṁ vuṭṭhāpessanti.
pli-tv-bi-vb-pc71:1.11	Ūnavīsativassā, bhikkhave, kumāribhūtā akkhamā hoti sītassa uṇhassa …pe…
pli-tv-bi-vb-pc71:1.12	pāṇaharānaṁ anadhivāsakajātikā hoti.
pli-tv-bi-vb-pc71:1.13	Vīsativassāva kho, bhikkhave, kumāribhūtā khamā hoti sītassa uṇhassa …pe…
pli-tv-bi-vb-pc71:1.14	pāṇaharānaṁ adhivāsakajātikā hoti.
pli-tv-bi-vb-pc71:1.15	Netaṁ, bhikkhave, appasannānaṁ vā pasādāya …pe…
pli-tv-bi-vb-pc71:1.16	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc71:1.17.0	
pli-tv-bi-vb-pc71:1.17.1	“Yā pana bhikkhunī ūnavīsativassaṁ kumāribhūtaṁ vuṭṭhāpeyya, pācittiyan”ti.
pli-tv-bi-vb-pc71:2.0	
pli-tv-bi-vb-pc71:2.1	Yā panāti
pli-tv-bi-vb-pc71:2.2	yā yādisā …pe…
pli-tv-bi-vb-pc71:2.3	bhikkhunīti
pli-tv-bi-vb-pc71:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc71:2.5	Ūnavīsativassā nāma
pli-tv-bi-vb-pc71:2.6	appattavīsativassā.
pli-tv-bi-vb-pc71:2.7	Kumāribhūtā nāma
pli-tv-bi-vb-pc71:2.8	sāmaṇerī vuccati.
pli-tv-bi-vb-pc71:2.9	Vuṭṭhāpeyyāti
pli-tv-bi-vb-pc71:2.10	upasampādeyya.
pli-tv-bi-vb-pc71:2.11	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc71:2.12	Ñattiyā dukkaṭaṁ.
pli-tv-bi-vb-pc71:2.13	Dvīhi kammavācāhi dukkaṭā.
pli-tv-bi-vb-pc71:2.14	Kammavācāpariyosāne upajjhāyāya āpatti pācittiyassa.
pli-tv-bi-vb-pc71:2.15	Gaṇassa ca ācariniyā ca āpatti dukkaṭassa.
pli-tv-bi-vb-pc71:2.16.0	
pli-tv-bi-vb-pc71:2.16.1	Ūnavīsativassāya ūnavīsativassasaññā vuṭṭhāpeti, āpatti pācittiyassa.
pli-tv-bi-vb-pc71:2.17	Ūnavīsativassāya vematikā vuṭṭhāpeti, āpatti dukkaṭassa.
pli-tv-bi-vb-pc71:2.18	Ūnavīsativassāya paripuṇṇasaññā vuṭṭhāpeti, anāpatti.
pli-tv-bi-vb-pc71:2.19	Paripuṇṇavīsativassāya ūnavīsativassasaññā, āpatti dukkaṭassa.
pli-tv-bi-vb-pc71:2.20	Paripuṇṇavīsativassāya vematikā, āpatti dukkaṭassa.
pli-tv-bi-vb-pc71:2.21	Paripuṇṇavīsativassāya paripuṇṇasaññā, anāpatti.
pli-tv-bi-vb-pc71:2.22.0	
pli-tv-bi-vb-pc71:2.22.1	Anāpatti—
pli-tv-bi-vb-pc71:2.23	ūnavīsativassaṁ paripuṇṇasaññā vuṭṭhāpeti,
pli-tv-bi-vb-pc71:2.24	paripuṇṇavīsativassaṁ paripuṇṇasaññā vuṭṭhāpeti,
pli-tv-bi-vb-pc71:2.25	ummattikāya,
pli-tv-bi-vb-pc71:2.26	ādikammikāyāti.
pli-tv-bi-vb-pc71:2.27	Paṭhamasikkhāpadaṁ niṭṭhitaṁ.
pli-tv-bi-vb-pc72:0.1	Theravāda Vinaya
pli-tv-bi-vb-pc72:0.2	Bhikkhunivibhaṅga
pli-tv-bi-vb-pc72:0.3	Pācittiyakaṇḍa
pli-tv-bi-vb-pc72:0.4	Kumāribhūtavagga
pli-tv-bi-vb-pc72:0.5	72. Dutiyakumāribhūtasikkhāpada
pli-tv-bi-vb-pc72:1.0	
pli-tv-bi-vb-pc72:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc72:1.2	Tena kho pana samayena bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpenti.
pli-tv-bi-vb-pc72:1.3	Tā bālā honti abyattā;
pli-tv-bi-vb-pc72:1.4	na jānanti kappiyaṁ vā akappiyaṁ vā.
pli-tv-bi-vb-pc72:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc72:1.6	“kathañhi nāma bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpessantī”ti …pe…
pli-tv-bi-vb-pc72:1.7	“saccaṁ kira, bhikkhave, bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpentī”ti?
pli-tv-bi-vb-pc72:1.8	“Saccaṁ, bhagavā”ti.
pli-tv-bi-vb-pc72:1.9	Vigarahi buddho bhagavā …pe…
pli-tv-bi-vb-pc72:1.10	kathañhi nāma, bhikkhave, bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpessanti.
pli-tv-bi-vb-pc72:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc72:1.12	vigarahitvā …pe…
pli-tv-bi-vb-pc72:1.13	dhammiṁ kathaṁ katvā bhikkhū āmantesi—
pli-tv-bi-vb-pc72:1.14	“anujānāmi, bhikkhave, aṭṭhārasavassāya kumāribhūtāya dve vassāni chasu dhammesu sikkhāsammutiṁ dātuṁ.
pli-tv-bi-vb-pc72:1.15	Evañca pana, bhikkhave, dātabbā.
pli-tv-bi-vb-pc72:1.16	Tāya aṭṭhārasavassāya kumāribhūtāya saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-pc72:1.17	‘ahaṁ, ayye, itthannāmā itthannāmāya ayyāya aṭṭhārasavassā kumāribhūtā saṅghaṁ dve vassāni chasu dhammesu sikkhāsammutiṁ yācāmī’ti.
pli-tv-bi-vb-pc72:1.18	Dutiyampi yācitabbā.
pli-tv-bi-vb-pc72:1.19	Tatiyampi yācitabbā.
pli-tv-bi-vb-pc72:1.20	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pc72:1.21	‘Suṇātu me, ayye, saṅgho.
pli-tv-bi-vb-pc72:1.22	Ayaṁ itthannāmā itthannāmāya ayyāya aṭṭhārasavassā kumāribhūtā saṅghaṁ dve vassāni chasu dhammesu sikkhāsammutiṁ yācati.
pli-tv-bi-vb-pc72:1.23	Yadi saṅghassa pattakallaṁ, saṅgho itthannāmāya aṭṭhārasavassāya kumāribhūtāya dve vassāni chasu dhammesu sikkhāsammutiṁ dadeyya.
pli-tv-bi-vb-pc72:1.24	Esā ñatti.
pli-tv-bi-vb-pc72:1.25	Suṇātu me, ayye, saṅgho.
pli-tv-bi-vb-pc72:1.26	Ayaṁ itthannāmā itthannāmāya ayyāya aṭṭhārasavassā kumāribhūtā saṅghaṁ dve vassāni chasu dhammesu sikkhāsammutiṁ yācati.
pli-tv-bi-vb-pc72:1.27	Saṅgho itthannāmāya aṭṭhārasavassāya kumāribhūtāya dve vassāni chasu dhammesu sikkhāsammutiṁ deti.
pli-tv-bi-vb-pc72:1.28	Yassā ayyāya khamati itthannāmāya aṭṭhārasavassāya kumāribhūtāya dve vassāni chasu dhammesu sikkhāsammutiyā dānaṁ, sā tuṇhassa;
pli-tv-bi-vb-pc72:1.29	yassā nakkhamati, sā bhāseyya.
pli-tv-bi-vb-pc72:1.30	Dinnā saṅghena itthannāmāya aṭṭhārasavassāya kumāribhūtāya dve vassāni chasu dhammesu sikkhāsammuti.
pli-tv-bi-vb-pc72:1.31	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc72:1.32	Sā aṭṭhārasavassā kumāribhūtā evaṁ vadehīti vattabbā—
pli-tv-bi-vb-pc72:1.33	“pāṇātipātā veramaṇiṁ dve vassāni avītikkamma samādānaṁ samādiyāmi …pe…
pli-tv-bi-vb-pc72:1.34	vikālabhojanā veramaṇiṁ dve vassāni avītikkamma samādānaṁ samādiyāmī”ti.
pli-tv-bi-vb-pc72:1.35	Atha kho bhagavā tā bhikkhuniyo anekapariyāyena vigarahitvā dubbharatāya …pe…
pli-tv-bi-vb-pc72:1.36	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc72:1.37.0	
pli-tv-bi-vb-pc72:1.37.1	“Yā pana bhikkhunī paripuṇṇavīsativassaṁ kumāribhūtaṁ dve vassāni chasu dhammesu asikkhitasikkhaṁ vuṭṭhāpeyya, pācittiyan”ti.
pli-tv-bi-vb-pc72:2.0	
pli-tv-bi-vb-pc72:2.1	Yā panāti
pli-tv-bi-vb-pc72:2.2	yā yādisā …pe…
pli-tv-bi-vb-pc72:2.3	bhikkhunīti
pli-tv-bi-vb-pc72:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc72:2.5	Paripuṇṇavīsativassā nāma
pli-tv-bi-vb-pc72:2.6	pattavīsativassā.
pli-tv-bi-vb-pc72:2.7	Kumāribhūtā nāma
pli-tv-bi-vb-pc72:2.8	sāmaṇerī vuccati.
pli-tv-bi-vb-pc72:2.9	Dve vassānīti
pli-tv-bi-vb-pc72:2.10	dve saṁvaccharāni.
pli-tv-bi-vb-pc72:2.11	Asikkhitasikkhā nāma
pli-tv-bi-vb-pc72:2.12	sikkhā vā na dinnā hoti, dinnā vā sikkhā kupitā.
pli-tv-bi-vb-pc72:2.13	Vuṭṭhāpeyyāti
pli-tv-bi-vb-pc72:2.14	upasampādeyya.
pli-tv-bi-vb-pc72:2.15	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc72:2.16	Ñattiyā dukkaṭaṁ.
pli-tv-bi-vb-pc72:2.17	Dvīhi kammavācāhi dukkaṭā.
pli-tv-bi-vb-pc72:2.18	Kammavācāpariyosāne upajjhāyāya āpatti pācittiyassa.
pli-tv-bi-vb-pc72:2.19	Gaṇassa ca ācariniyā ca āpatti dukkaṭassa.
pli-tv-bi-vb-pc72:2.20.0	
pli-tv-bi-vb-pc72:2.20.1	Dhammakamme dhammakammasaññā vuṭṭhāpeti, āpatti pācittiyassa.
pli-tv-bi-vb-pc72:2.21	Dhammakamme vematikā vuṭṭhāpeti, āpatti pācittiyassa.
pli-tv-bi-vb-pc72:2.22	Dhammakamme adhammakammasaññā vuṭṭhāpeti, āpatti pācittiyassa.
pli-tv-bi-vb-pc72:2.23	Adhammakamme dhammakammasaññā, āpatti dukkaṭassa.
pli-tv-bi-vb-pc72:2.24	Adhammakamme vematikā, āpatti dukkaṭassa.
pli-tv-bi-vb-pc72:2.25	Adhammakamme adhammakammasaññā, āpatti dukkaṭassa.
pli-tv-bi-vb-pc72:2.26.0	
pli-tv-bi-vb-pc72:2.26.1	Anāpatti—
pli-tv-bi-vb-pc72:2.27	paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ vuṭṭhāpeti,
pli-tv-bi-vb-pc72:2.28	ummattikāya,
pli-tv-bi-vb-pc72:2.29	ādikammikāyāti.
pli-tv-bi-vb-pc72:2.30	Dutiyasikkhāpadaṁ niṭṭhitaṁ.
pli-tv-bi-vb-pc73:0.1	Theravāda Vinaya
pli-tv-bi-vb-pc73:0.2	Bhikkhunivibhaṅga
pli-tv-bi-vb-pc73:0.3	Pācittiyakaṇḍa
pli-tv-bi-vb-pc73:0.4	Kumāribhūtavagga
pli-tv-bi-vb-pc73:0.5	73. Tatiyakumāribhūtasikkhāpada
pli-tv-bi-vb-pc73:1.0	
pli-tv-bi-vb-pc73:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc73:1.2	Tena kho pana samayena bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpenti.
pli-tv-bi-vb-pc73:1.3	Bhikkhuniyo evamāhaṁsu—
pli-tv-bi-vb-pc73:1.4	“etha, sikkhamānā, imaṁ jānātha, imaṁ detha, imaṁ āharatha, iminā attho, imaṁ kappiyaṁ karothā”ti.
pli-tv-bi-vb-pc73:1.5	Tā evamāhaṁsu—
pli-tv-bi-vb-pc73:1.6	“na mayaṁ, ayye, sikkhamānā, bhikkhuniyo mayan”ti.
pli-tv-bi-vb-pc73:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc73:1.8	“kathañhi nāma bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpessantī”ti …pe…
pli-tv-bi-vb-pc73:1.9	“saccaṁ kira, bhikkhave, bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpentī”ti?
pli-tv-bi-vb-pc73:1.10	“Saccaṁ, bhagavā”ti.
pli-tv-bi-vb-pc73:1.11	Vigarahi buddho bhagavā …pe…
pli-tv-bi-vb-pc73:1.12	kathañhi nāma, bhikkhave, bhikkhuniyo paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpessanti.
pli-tv-bi-vb-pc73:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc73:1.14	vigarahitvā …pe…
pli-tv-bi-vb-pc73:1.15	dhammiṁ kathaṁ katvā bhikkhū āmantesi—
pli-tv-bi-vb-pc73:1.16	“anujānāmi, bhikkhave, paripuṇṇavīsativassāya kumāribhūtāya dve vassāni chasu dhammesu sikkhitasikkhāya vuṭṭhānasammutiṁ dātuṁ.
pli-tv-bi-vb-pc73:1.17	Evañca pana, bhikkhave, dātabbā.
pli-tv-bi-vb-pc73:1.18	Tāya paripuṇṇavīsativassāya kumāribhūtāya dve vassāni chasu dhammesu sikkhitasikkhāya saṅghaṁ upasaṅkamitvā ekaṁsaṁ uttarāsaṅgaṁ karitvā bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-pc73:1.19	‘ahaṁ, ayye, itthannāmā itthannāmāya ayyāya paripuṇṇavīsativassā kumāribhūtā dve vassāni chasu dhammesu sikkhitasikkhā saṅghaṁ vuṭṭhānasammutiṁ yācāmī’ti.
pli-tv-bi-vb-pc73:1.20	Dutiyampi yācitabbā.
pli-tv-bi-vb-pc73:1.21	Tatiyampi yācitabbā.
pli-tv-bi-vb-pc73:1.22	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pc73:1.23	‘Suṇātu me, ayye, saṅgho.
pli-tv-bi-vb-pc73:1.24	Ayaṁ itthannāmā itthannāmāya ayyāya paripuṇṇavīsativassā kumāribhūtā dve vassāni chasu dhammesu sikkhitasikkhā saṅghaṁ vuṭṭhānasammutiṁ yācati.
pli-tv-bi-vb-pc73:1.25	Yadi saṅghassa pattakallaṁ saṅgho itthannāmāya paripuṇṇavīsativassāya kumāribhūtāya dve vassāni chasu dhammesu sikkhitasikkhāya vuṭṭhānasammutiṁ dadeyya.
pli-tv-bi-vb-pc73:1.26	Esā ñatti.
pli-tv-bi-vb-pc73:1.27	Suṇātu me, ayye, saṅgho.
pli-tv-bi-vb-pc73:1.28	Ayaṁ itthannāmā itthannāmāya ayyāya paripuṇṇavīsativassā kumāribhūtā dve vassāni chasu dhammesu sikkhitasikkhā saṅghaṁ vuṭṭhānasammutiṁ yācati.
pli-tv-bi-vb-pc73:1.29	Saṅgho itthannāmāya paripuṇṇavīsativassāya kumāribhūtāya dve vassāni chasu dhammesu sikkhitasikkhāya vuṭṭhānasammutiṁ deti.
pli-tv-bi-vb-pc73:1.30	Yassā ayyāya khamati itthannāmāya paripuṇṇavīsativassāya kumāribhūtāya dve vassāni chasu dhammesu sikkhitasikkhāya vuṭṭhānasammutiyā dānaṁ, sā tuṇhassa;
pli-tv-bi-vb-pc73:1.31	yassā nakkhamati, sā bhāseyya.
pli-tv-bi-vb-pc73:1.32	Dinnā saṅghena itthannāmāya paripuṇṇavīsativassāya kumāribhūtāya dve vassāni chasu dhammesu sikkhitasikkhāya vuṭṭhānasammuti.
pli-tv-bi-vb-pc73:1.33	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc73:1.34	Atha kho bhagavā tā bhikkhuniyo anekapariyāyena vigarahitvā dubbharatāya …pe…
pli-tv-bi-vb-pc73:1.35	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc73:1.36.0	
pli-tv-bi-vb-pc73:1.36.1	“Yā pana bhikkhunī paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena asammataṁ vuṭṭhāpeyya, pācittiyan”ti.
pli-tv-bi-vb-pc73:2.0	
pli-tv-bi-vb-pc73:2.1	Yā panāti
pli-tv-bi-vb-pc73:2.2	yā yādisā …pe…
pli-tv-bi-vb-pc73:2.3	bhikkhunīti
pli-tv-bi-vb-pc73:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc73:2.5	Paripuṇṇavīsativassā nāma
pli-tv-bi-vb-pc73:2.6	pattavīsativassā.
pli-tv-bi-vb-pc73:2.7	Kumāribhūtā nāma
pli-tv-bi-vb-pc73:2.8	sāmaṇerī vuccati.
pli-tv-bi-vb-pc73:2.9	Dve vassānīti
pli-tv-bi-vb-pc73:2.10	dve saṁvaccharāni.
pli-tv-bi-vb-pc73:2.11	Sikkhitasikkhā nāma
pli-tv-bi-vb-pc73:2.12	chasu dhammesu sikkhitasikkhā.
pli-tv-bi-vb-pc73:2.13	Asammatā nāma
pli-tv-bi-vb-pc73:2.14	ñattidutiyena kammena vuṭṭhānasammuti na dinnā hoti.
pli-tv-bi-vb-pc73:2.15	Vuṭṭhāpeyyāti
pli-tv-bi-vb-pc73:2.16	upasampādeyya.
pli-tv-bi-vb-pc73:2.17	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc73:2.18	Ñattiyā dukkaṭaṁ.
pli-tv-bi-vb-pc73:2.19	Dvīhi kammavācāhi dukkaṭā.
pli-tv-bi-vb-pc73:2.20	Kammavācāpariyosāne upajjhāyāya āpatti pācittiyassa.
pli-tv-bi-vb-pc73:2.21	Gaṇassa ca ācariniyā ca āpatti dukkaṭassa.
pli-tv-bi-vb-pc73:2.22.0	
pli-tv-bi-vb-pc73:2.22.1	Dhammakamme dhammakammasaññā vuṭṭhāpeti, āpatti pācittiyassa.
pli-tv-bi-vb-pc73:2.23	Dhammakamme vematikā vuṭṭhāpeti, āpatti pācittiyassa.
pli-tv-bi-vb-pc73:2.24	Dhammakamme adhammakammasaññā vuṭṭhāpeti, āpatti pācittiyassa.
pli-tv-bi-vb-pc73:2.25	Adhammakamme dhammakammasaññā, āpatti dukkaṭassa.
pli-tv-bi-vb-pc73:2.26	Adhammakamme vematikā, āpatti dukkaṭassa.
pli-tv-bi-vb-pc73:2.27	Adhammakamme adhammakammasaññā, āpatti dukkaṭassa.
pli-tv-bi-vb-pc73:2.28.0	
pli-tv-bi-vb-pc73:2.28.1	Anāpatti—
pli-tv-bi-vb-pc73:2.29	paripuṇṇavīsativassaṁ kumāribhūtaṁ dve vassāni chasu dhammesu sikkhitasikkhaṁ saṅghena sammataṁ vuṭṭhāpeti,
pli-tv-bi-vb-pc73:2.30	ummattikāya,
pli-tv-bi-vb-pc73:2.31	ādikammikāyāti.
pli-tv-bi-vb-pc73:2.32	Tatiyasikkhāpadaṁ niṭṭhitaṁ.
pli-tv-bi-vb-pc74:0.1	Theravāda Vinaya
pli-tv-bi-vb-pc74:0.2	Bhikkhunivibhaṅga
pli-tv-bi-vb-pc74:0.3	Pācittiyakaṇḍa
pli-tv-bi-vb-pc74:0.4	Kumāribhūtavagga
pli-tv-bi-vb-pc74:0.5	74. Ūnadvādasavassasikkhāpada
pli-tv-bi-vb-pc74:1.0	
pli-tv-bi-vb-pc74:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc74:1.2	Tena kho pana samayena bhikkhuniyo ūnadvādasavassā vuṭṭhāpenti.
pli-tv-bi-vb-pc74:1.3	Tā bālā honti abyattā na jānanti kappiyaṁ vā akappiyaṁ vā.
pli-tv-bi-vb-pc74:1.4	Saddhivihāriniyopi bālā honti abyattā;
pli-tv-bi-vb-pc74:1.5	na jānanti kappiyaṁ vā akappiyaṁ vā.
pli-tv-bi-vb-pc74:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc74:1.7	“kathañhi nāma bhikkhuniyo ūnadvādasavassā vuṭṭhāpessantī”ti …pe…
pli-tv-bi-vb-pc74:1.8	“saccaṁ kira, bhikkhave, bhikkhuniyo ūnadvādasavassā vuṭṭhāpentī”ti?
pli-tv-bi-vb-pc74:1.9	“Saccaṁ, bhagavā”ti.
pli-tv-bi-vb-pc74:1.10	Vigarahi buddho bhagavā …pe…
pli-tv-bi-vb-pc74:1.11	kathañhi nāma, bhikkhave, bhikkhuniyo ūnadvādasavassā vuṭṭhāpessanti.
pli-tv-bi-vb-pc74:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc74:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc74:1.14.0	
pli-tv-bi-vb-pc74:1.14.1	“Yā pana bhikkhunī ūnadvādasavassā vuṭṭhāpeyya, pācittiyan”ti.
pli-tv-bi-vb-pc74:2.1.0	
pli-tv-bi-vb-pc74:2.1.1	Yā panāti
pli-tv-bi-vb-pc74:2.1.2	yā yādisā …pe…
pli-tv-bi-vb-pc74:2.1.3	bhikkhunīti
pli-tv-bi-vb-pc74:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc74:2.1.5	Ūnadvādasavassā nāma
pli-tv-bi-vb-pc74:2.1.6	appattadvādasavassā.
pli-tv-bi-vb-pc74:2.1.7	Vuṭṭhāpeyyāti
pli-tv-bi-vb-pc74:2.1.8	upasampādeyya.
pli-tv-bi-vb-pc74:2.1.9	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc74:2.1.10	Ñattiyā dukkaṭaṁ.
pli-tv-bi-vb-pc74:2.1.11	Dvīhi kammavācāhi dukkaṭā.
pli-tv-bi-vb-pc74:2.1.12	Kammavācāpariyosāne upajjhāyāya āpatti pācittiyassa.
pli-tv-bi-vb-pc74:2.1.13	Gaṇassa ca ācariniyā ca āpatti dukkaṭassa.
pli-tv-bi-vb-pc74:2.2.0	
pli-tv-bi-vb-pc74:2.2.1	Anāpatti—
pli-tv-bi-vb-pc74:2.2.2	paripuṇṇadvādasavassā vuṭṭhāpeti,
pli-tv-bi-vb-pc74:2.2.3	ummattikāya,
pli-tv-bi-vb-pc74:2.2.4	ādikammikāyāti.
pli-tv-bi-vb-pc74:2.2.5	Catutthasikkhāpadaṁ niṭṭhitaṁ.
pli-tv-bi-vb-pc75:0.1	Theravāda Vinaya
pli-tv-bi-vb-pc75:0.2	Bhikkhunivibhaṅga
pli-tv-bi-vb-pc75:0.3	Pācittiyakaṇḍa
pli-tv-bi-vb-pc75:0.4	Kumāribhūtavagga
pli-tv-bi-vb-pc75:0.5	75. Paripuṇṇadvādasavassasikkhāpada
pli-tv-bi-vb-pc75:1.0	
pli-tv-bi-vb-pc75:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc75:1.2	Tena kho pana samayena bhikkhuniyo paripuṇṇadvādasavassā saṅghena asammatā vuṭṭhāpenti.
pli-tv-bi-vb-pc75:1.3	Tā bālā honti abyattā;
pli-tv-bi-vb-pc75:1.4	na jānanti kappiyaṁ vā akappiyaṁ vā.
pli-tv-bi-vb-pc75:1.5	Saddhivihāriniyopi bālā honti abyattā;
pli-tv-bi-vb-pc75:1.6	na jānanti kappiyaṁ vā akappiyaṁ vā.
pli-tv-bi-vb-pc75:1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc75:1.8	“kathañhi nāma bhikkhuniyo paripuṇṇadvādasavassā saṅghena asammatā vuṭṭhāpessantī”ti …pe…
pli-tv-bi-vb-pc75:1.9	“saccaṁ kira, bhikkhave, bhikkhuniyo paripuṇṇadvādasavassā saṅghena asammatā vuṭṭhāpentī”ti?
pli-tv-bi-vb-pc75:1.10	“Saccaṁ, bhagavā”ti.
pli-tv-bi-vb-pc75:1.11	Vigarahi buddho bhagavā …pe…
pli-tv-bi-vb-pc75:1.12	kathañhi nāma, bhikkhave, bhikkhuniyo paripuṇṇadvādasavassā saṅghena asammatā vuṭṭhāpessanti.
pli-tv-bi-vb-pc75:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pc75:1.14	vigarahitvā …pe…
pli-tv-bi-vb-pc75:1.15	dhammiṁ kathaṁ katvā bhikkhū āmantesi—
pli-tv-bi-vb-pc75:1.16	“anujānāmi, bhikkhave, paripuṇṇadvādasavassāya bhikkhuniyā vuṭṭhāpanasammutiṁ dātuṁ.
pli-tv-bi-vb-pc75:1.17	Evañca pana, bhikkhave, dātabbā.
pli-tv-bi-vb-pc75:1.18	Tāya paripuṇṇadvādasavassāya bhikkhuniyā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhunīnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
pli-tv-bi-vb-pc75:1.19	‘ahaṁ, ayye, itthannāmā paripuṇṇadvādasavassā bhikkhunī saṅghaṁ vuṭṭhāpanasammutiṁ yācāmī’ti.
pli-tv-bi-vb-pc75:1.20	Dutiyampi yācitabbā.
pli-tv-bi-vb-pc75:1.21	Tatiyampi yācitabbā.
pli-tv-bi-vb-pc75:1.22	Sā bhikkhunī saṅghena paricchinditabbā— ‘byattāyaṁ bhikkhunī lajjinī’ti.
pli-tv-bi-vb-pc75:1.23	Sace bālā ca hoti alajjinī ca, na dātabbā.
pli-tv-bi-vb-pc75:1.24	Sace bālā hoti lajjinī, na dātabbā.
pli-tv-bi-vb-pc75:1.25	Sace byattā hoti alajjinī, na dātabbā.
pli-tv-bi-vb-pc75:1.26	Sace byattā ca hoti lajjinī ca, dātabbā.
pli-tv-bi-vb-pc75:1.27	Evañca pana, bhikkhave, dātabbā.
pli-tv-bi-vb-pc75:1.28	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pc75:1.29	‘Suṇātu me, ayye, saṅgho.
pli-tv-bi-vb-pc75:1.30	Ayaṁ itthannāmā paripuṇṇadvādasavassā bhikkhunī saṅghaṁ vuṭṭhāpanasammutiṁ yācati.
pli-tv-bi-vb-pc75:1.31	Yadi saṅghassa pattakallaṁ, saṅgho itthannāmāya paripuṇṇadvādasavassāya bhikkhuniyā vuṭṭhāpanasammutiṁ dadeyya.
pli-tv-bi-vb-pc75:1.32	Esā ñatti.
pli-tv-bi-vb-pc75:1.33	Suṇātu me, ayye, saṅgho.
pli-tv-bi-vb-pc75:1.34	Ayaṁ itthannāmā paripuṇṇadvādasavassā bhikkhunī saṅghaṁ vuṭṭhāpanasammutiṁ yācati.
pli-tv-bi-vb-pc75:1.35	Saṅgho itthannāmāya paripuṇṇadvādasavassāya bhikkhuniyā vuṭṭhāpanasammutiṁ deti.
pli-tv-bi-vb-pc75:1.36	Yassā ayyāya khamati itthannāmāya paripuṇṇadvādasavassāya bhikkhuniyā vuṭṭhāpanasammutiyā dānaṁ, sā tuṇhassa;
pli-tv-bi-vb-pc75:1.37	yassā nakkhamati, sā bhāseyya.
pli-tv-bi-vb-pc75:1.38	Dinnā saṅghena itthannāmāya paripuṇṇadvādasavassāya bhikkhuniyā vuṭṭhāpanasammuti.
pli-tv-bi-vb-pc75:1.39	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pc75:1.40	Atha kho bhagavā tā bhikkhuniyo anekapariyāyena vigarahitvā dubbharatāya …pe…
pli-tv-bi-vb-pc75:1.41	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc75:1.42.0	
pli-tv-bi-vb-pc75:1.42.1	“Yā pana bhikkhunī paripuṇṇadvādasavassā saṅghena asammatā vuṭṭhāpeyya, pācittiyan”ti.
pli-tv-bi-vb-pc75:2.0	
pli-tv-bi-vb-pc75:2.1	Yā panāti
pli-tv-bi-vb-pc75:2.2	yā yādisā …pe…
pli-tv-bi-vb-pc75:2.3	bhikkhunīti
pli-tv-bi-vb-pc75:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc75:2.5	Paripuṇṇadvādasavassā nāma
pli-tv-bi-vb-pc75:2.6	pattadvādasavassā.
pli-tv-bi-vb-pc75:2.7	Asammatā nāma
pli-tv-bi-vb-pc75:2.8	ñattidutiyena kammena vuṭṭhāpanasammuti na dinnā hoti.
pli-tv-bi-vb-pc75:2.9	Vuṭṭhāpeyyāti
pli-tv-bi-vb-pc75:2.10	upasampādeyya.
pli-tv-bi-vb-pc75:2.11	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc75:2.12	Ñattiyā dukkaṭaṁ.
pli-tv-bi-vb-pc75:2.13	Dvīhi kammavācāhi dukkaṭā.
pli-tv-bi-vb-pc75:2.14	Kammavācāpariyosāne upajjhāyāya āpatti pācittiyassa.
pli-tv-bi-vb-pc75:2.15	Gaṇassa ca ācariniyā ca āpatti dukkaṭassa.
pli-tv-bi-vb-pc75:2.16.0	
pli-tv-bi-vb-pc75:2.16.1	Dhammakamme dhammakammasaññā vuṭṭhāpeti, āpatti pācittiyassa.
pli-tv-bi-vb-pc75:2.17	Dhammakamme vematikā vuṭṭhāpeti, āpatti pācittiyassa.
pli-tv-bi-vb-pc75:2.18	Dhammakamme adhammakammasaññā vuṭṭhāpeti, āpatti pācittiyassa.
pli-tv-bi-vb-pc75:2.19	Adhammakamme dhammakammasaññā, āpatti dukkaṭassa.
pli-tv-bi-vb-pc75:2.20	Adhammakamme vematikā, āpatti dukkaṭassa.
pli-tv-bi-vb-pc75:2.21	Adhammakamme adhammakammasaññā, āpatti dukkaṭassa.
pli-tv-bi-vb-pc75:2.22.0	
pli-tv-bi-vb-pc75:2.22.1	Anāpatti—
pli-tv-bi-vb-pc75:2.23	paripuṇṇadvādasavassā saṅghena sammatā vuṭṭhāpeti,
pli-tv-bi-vb-pc75:2.24	ummattikāya,
pli-tv-bi-vb-pc75:2.25	ādikammikāyāti.
pli-tv-bi-vb-pc75:2.26	Pañcamasikkhāpadaṁ niṭṭhitaṁ.
pli-tv-bi-vb-pc76:0.1	Theravāda Vinaya
pli-tv-bi-vb-pc76:0.2	Bhikkhunivibhaṅga
pli-tv-bi-vb-pc76:0.3	Pācittiyakaṇḍa
pli-tv-bi-vb-pc76:0.4	Kumāribhūtavagga
pli-tv-bi-vb-pc76:0.5	76. Khīyanadhammasikkhāpada
pli-tv-bi-vb-pc76:1.0	
pli-tv-bi-vb-pc76:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc76:1.2	Tena kho pana samayena caṇḍakāḷī bhikkhunī bhikkhunisaṅghaṁ upasaṅkamitvā vuṭṭhāpanasammutiṁ yācati.
pli-tv-bi-vb-pc76:1.3	Atha kho bhikkhunisaṅgho caṇḍakāḷiṁ bhikkhuniṁ paricchinditvā—
pli-tv-bi-vb-pc76:1.4	“alaṁ tāva te, ayye, vuṭṭhāpitenā”ti, vuṭṭhāpanasammutiṁ na adāsi.
pli-tv-bi-vb-pc76:1.5	Caṇḍakāḷī bhikkhunī “sādhū”ti paṭissuṇi.
pli-tv-bi-vb-pc76:1.6	Tena kho pana samayena bhikkhunisaṅgho aññāsaṁ bhikkhunīnaṁ vuṭṭhāpanasammutiṁ deti.
pli-tv-bi-vb-pc76:1.7	Caṇḍakāḷī bhikkhunī ujjhāyati khiyyati vipāceti—
pli-tv-bi-vb-pc76:1.8	“ahameva nūna bālā, ahameva nūna alajjinī;
pli-tv-bi-vb-pc76:1.9	yaṁ saṅgho aññāsaṁ bhikkhunīnaṁ vuṭṭhāpanasammutiṁ deti, mayhameva na detī”ti.
pli-tv-bi-vb-pc76:1.10	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc76:1.11	“kathañhi nāma ayyā caṇḍakāḷī—
pli-tv-bi-vb-pc76:1.12	‘alaṁ tāva te, ayye, vuṭṭhāpitenā’ti vuccamānā ‘sādhū’ti paṭissuṇitvā pacchā khīyanadhammaṁ āpajjissatī”ti …pe…
pli-tv-bi-vb-pc76:1.13	“saccaṁ kira, bhikkhave, caṇḍakāḷī bhikkhunī ‘alaṁ tāva te, ayye, vuṭṭhāpitenā’ti vuccamānā ‘sādhū’ti paṭissuṇitvā pacchā khīyanadhammaṁ āpajjatī”ti?
pli-tv-bi-vb-pc76:1.14	“Saccaṁ, bhagavā”ti.
pli-tv-bi-vb-pc76:1.15	Vigarahi buddho bhagavā …pe…
pli-tv-bi-vb-pc76:1.16	kathañhi nāma, bhikkhave, caṇḍakāḷī bhikkhunī—
pli-tv-bi-vb-pc76:1.17	‘alaṁ tāva te, ayye, vuṭṭhāpitenā’ti vuccamānā ‘sādhū’ti paṭissuṇitvā pacchā khīyanadhammaṁ āpajjissati.
pli-tv-bi-vb-pc76:1.18	Netaṁ, bhikkhave, appasannānaṁ vā pasādāya …pe…
pli-tv-bi-vb-pc76:1.19	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc76:1.20.0	
pli-tv-bi-vb-pc76:1.20.1	“Yā pana bhikkhunī—‘alaṁ tāva te, ayye, vuṭṭhāpitenā’ti vuccamānā ‘sādhū’ti paṭissuṇitvā pacchā khīyanadhammaṁ āpajjeyya, pācittiyan”ti.
pli-tv-bi-vb-pc76:2.1.0	
pli-tv-bi-vb-pc76:2.1.1	Yā panāti
pli-tv-bi-vb-pc76:2.1.2	yā yādisā …pe…
pli-tv-bi-vb-pc76:2.1.3	bhikkhunīti
pli-tv-bi-vb-pc76:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc76:2.1.5	Alaṁ tāva te, ayye, vuṭṭhāpitenāti
pli-tv-bi-vb-pc76:2.1.6	alaṁ tāva te, ayye, upasampāditena.
pli-tv-bi-vb-pc76:2.1.7	“Sādhū”ti paṭissuṇitvā pacchā khīyanadhammaṁ āpajjati, āpatti pācittiyassa.
pli-tv-bi-vb-pc76:2.2.0	
pli-tv-bi-vb-pc76:2.2.1	Anāpatti—
pli-tv-bi-vb-pc76:2.2.2	pakatiyā chandā dosā mohā bhayā karontaṁ khiyyati,
pli-tv-bi-vb-pc76:2.2.3	ummattikāya,
pli-tv-bi-vb-pc76:2.2.4	ādikammikāyāti.
pli-tv-bi-vb-pc76:2.2.5	Chaṭṭhasikkhāpadaṁ niṭṭhitaṁ.
pli-tv-bi-vb-pc77:0.1	Theravāda Vinaya
pli-tv-bi-vb-pc77:0.2	Bhikkhunivibhaṅga
pli-tv-bi-vb-pc77:0.3	Pācittiyakaṇḍa
pli-tv-bi-vb-pc77:0.4	Kumāribhūtavagga
pli-tv-bi-vb-pc77:0.5	77. Sikkhamāna-navuṭṭhāpanasikkhāpada
pli-tv-bi-vb-pc77:1.0	
pli-tv-bi-vb-pc77:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc77:1.2	Tena kho pana samayena aññatarā sikkhamānā thullanandaṁ bhikkhuniṁ upasaṅkamitvā upasampadaṁ yāci.
pli-tv-bi-vb-pc77:1.3	Thullanandā bhikkhunī taṁ sikkhamānaṁ—
pli-tv-bi-vb-pc77:1.4	“sace me tvaṁ, ayye, cīvaraṁ dassasi evāhaṁ taṁ vuṭṭhāpessāmī”ti vatvā, neva vuṭṭhāpeti na vuṭṭhāpanāya ussukkaṁ karoti.
pli-tv-bi-vb-pc77:1.5	Atha kho sā sikkhamānā bhikkhunīnaṁ etamatthaṁ ārocesi.
pli-tv-bi-vb-pc77:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc77:1.7	“kathañhi nāma ayyā thullanandā sikkhamānaṁ—
pli-tv-bi-vb-pc77:1.8	‘sace me tvaṁ, ayye, cīvaraṁ dassasi evāhaṁ taṁ vuṭṭhāpessāmī’ti vatvā, neva vuṭṭhāpessati na vuṭṭhāpanāya ussukkaṁ karissatī”ti …pe…
pli-tv-bi-vb-pc77:1.9	“saccaṁ kira, bhikkhave, thullanandā bhikkhunī sikkhamānaṁ—
pli-tv-bi-vb-pc77:1.10	‘sace me tvaṁ, ayye, cīvaraṁ dassasi evāhaṁ taṁ vuṭṭhāpessāmī’ti vatvā, neva vuṭṭhāpeti na vuṭṭhāpanāya ussukkaṁ karotī”ti?
pli-tv-bi-vb-pc77:1.11	“Saccaṁ, bhagavā”ti.
pli-tv-bi-vb-pc77:1.12	Vigarahi buddho bhagavā …pe…
pli-tv-bi-vb-pc77:1.13	kathañhi nāma, bhikkhave, thullanandā bhikkhunī sikkhamānaṁ—
pli-tv-bi-vb-pc77:1.14	‘sace me tvaṁ, ayye, cīvaraṁ dassasi evāhaṁ taṁ vuṭṭhāpessāmī’ti vatvā, neva vuṭṭhāpessati na vuṭṭhāpanāya ussukkaṁ karissati.
pli-tv-bi-vb-pc77:1.15	Netaṁ, bhikkhave, appasannānaṁ vā pasādāya …pe…
pli-tv-bi-vb-pc77:1.16	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc77:1.17.0	
pli-tv-bi-vb-pc77:1.17.1	“Yā pana bhikkhunī sikkhamānaṁ—‘sace me tvaṁ, ayye, cīvaraṁ dassasi, evāhaṁ taṁ vuṭṭhāpessāmī’ti vatvā, sā pacchā anantarāyikinī neva vuṭṭhāpeyya na vuṭṭhāpanāya ussukkaṁ kareyya, pācittiyan”ti.
pli-tv-bi-vb-pc77:2.1.0	
pli-tv-bi-vb-pc77:2.1.1	Yā panāti
pli-tv-bi-vb-pc77:2.1.2	yā yādisā …pe…
pli-tv-bi-vb-pc77:2.1.3	bhikkhunīti
pli-tv-bi-vb-pc77:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc77:2.1.5	Sikkhamānā nāma
pli-tv-bi-vb-pc77:2.1.6	dve vassāni chasu dhammesu sikkhitasikkhā.
pli-tv-bi-vb-pc77:2.1.7	Sace me tvaṁ, ayye, cīvaraṁ dassasi evāhaṁ taṁ vuṭṭhāpessāmīti
pli-tv-bi-vb-pc77:2.1.8	evāhaṁ taṁ upasampādessāmi.
pli-tv-bi-vb-pc77:2.1.9	Sā pacchā anantarāyikinīti
pli-tv-bi-vb-pc77:2.1.10	asati antarāye.
pli-tv-bi-vb-pc77:2.1.11	Neva vuṭṭhāpeyyāti
pli-tv-bi-vb-pc77:2.1.12	na sayaṁ vuṭṭhāpeyya.
pli-tv-bi-vb-pc77:2.1.13	Na vuṭṭhāpanāya ussukkaṁ kareyyāti
pli-tv-bi-vb-pc77:2.1.14	na aññaṁ āṇāpeyya.
pli-tv-bi-vb-pc77:2.1.15	“Neva vuṭṭhāpessāmi na vuṭṭhāpanāya ussukkaṁ karissāmī”ti dhuraṁ nikkhittamatte āpatti pācittiyassa.
pli-tv-bi-vb-pc77:2.2.0	
pli-tv-bi-vb-pc77:2.2.1	Anāpatti—
pli-tv-bi-vb-pc77:2.2.2	sati antarāye,
pli-tv-bi-vb-pc77:2.2.3	pariyesitvā na labhati,
pli-tv-bi-vb-pc77:2.2.4	gilānāya,
pli-tv-bi-vb-pc77:2.2.5	āpadāsu,
pli-tv-bi-vb-pc77:2.2.6	ummattikāya,
pli-tv-bi-vb-pc77:2.2.7	ādikammikāyāti.
pli-tv-bi-vb-pc77:2.2.8	Sattamasikkhāpadaṁ niṭṭhitaṁ.
pli-tv-bi-vb-pc78:0.1	Theravāda Vinaya
pli-tv-bi-vb-pc78:0.2	Bhikkhunivibhaṅga
pli-tv-bi-vb-pc78:0.3	Pācittiyakaṇḍa
pli-tv-bi-vb-pc78:0.4	Kumāribhūtavagga
pli-tv-bi-vb-pc78:0.5	78. Dutiyasikkhamāna-navuṭṭhāpanasikkhāpada
pli-tv-bi-vb-pc78:1.0	
pli-tv-bi-vb-pc78:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc78:1.2	Tena kho pana samayena aññatarā sikkhamānā thullanandaṁ bhikkhuniṁ upasaṅkamitvā upasampadaṁ yāci.
pli-tv-bi-vb-pc78:1.3	Thullanandā bhikkhunī taṁ sikkhamānaṁ “sace maṁ tvaṁ, ayye, dve vassāni anubandhissasi evāhaṁ taṁ vuṭṭhāpessāmī”ti vatvā, neva vuṭṭhāpeti na vuṭṭhāpanāya ussukkaṁ karoti.
pli-tv-bi-vb-pc78:1.4	Atha kho sā sikkhamānā bhikkhunīnaṁ etamatthaṁ ārocesi.
pli-tv-bi-vb-pc78:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc78:1.6	“kathañhi nāma ayyā thullanandā sikkhamānaṁ—
pli-tv-bi-vb-pc78:1.7	‘sace maṁ tvaṁ, ayye, dve vassāni anubandhissasi evāhaṁ taṁ vuṭṭhāpessāmī’ti vatvā, neva vuṭṭhāpessati na vuṭṭhāpanāya ussukkaṁ karissatī”ti …pe…
pli-tv-bi-vb-pc78:1.8	“saccaṁ kira, bhikkhave, thullanandā bhikkhunī sikkhamānaṁ—
pli-tv-bi-vb-pc78:1.9	‘sace maṁ tvaṁ, ayye, dve vassāni anubandhissasi evāhaṁ taṁ vuṭṭhāpessāmī’ti vatvā, neva vuṭṭhāpeti na vuṭṭhāpanāya ussukkaṁ karotī”ti?
pli-tv-bi-vb-pc78:1.10	“Saccaṁ, bhagavā”ti.
pli-tv-bi-vb-pc78:1.11	Vigarahi buddho bhagavā …pe…
pli-tv-bi-vb-pc78:1.12	kathañhi nāma, bhikkhave, thullanandā bhikkhunī sikkhamānaṁ—
pli-tv-bi-vb-pc78:1.13	‘sace maṁ tvaṁ, ayye, dve vassāni anubandhissasi evāhaṁ taṁ vuṭṭhāpessāmī’ti vatvā, neva vuṭṭhāpessati na vuṭṭhāpanāya ussukkaṁ karissati.
pli-tv-bi-vb-pc78:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc78:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc78:1.16.0	
pli-tv-bi-vb-pc78:1.16.1	“Yā pana bhikkhunī sikkhamānaṁ— ‘sace maṁ tvaṁ, ayye, dve vassāni anubandhissasi evāhaṁ taṁ vuṭṭhāpessāmī’ti vatvā, sā pacchā anantarāyikinī neva vuṭṭhāpeyya na vuṭṭhāpanāya ussukkaṁ kareyya, pācittiyan”ti.
pli-tv-bi-vb-pc78:2.0	
pli-tv-bi-vb-pc78:2.1	Yā panāti
pli-tv-bi-vb-pc78:2.2	yā yādisā …pe…
pli-tv-bi-vb-pc78:2.3	bhikkhunīti
pli-tv-bi-vb-pc78:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc78:2.5	Sikkhamānā nāma
pli-tv-bi-vb-pc78:2.6	dve vassāni chasu dhammesu sikkhitasikkhā.
pli-tv-bi-vb-pc78:2.7	Sace maṁ tvaṁ, ayye, dve vassāni anubandhissasīti
pli-tv-bi-vb-pc78:2.8	dve saṁvaccharāni upaṭṭhahissasi.
pli-tv-bi-vb-pc78:2.9	Evāhaṁ taṁ vuṭṭhāpessāmīti
pli-tv-bi-vb-pc78:2.10	evāhaṁ taṁ upasampādessāmi.
pli-tv-bi-vb-pc78:2.11	Sā pacchā anantarāyikinīti
pli-tv-bi-vb-pc78:2.12	asati antarāye.
pli-tv-bi-vb-pc78:2.13	Neva vuṭṭhāpeyyāti
pli-tv-bi-vb-pc78:2.14	na sayaṁ vuṭṭhāpeyya.
pli-tv-bi-vb-pc78:2.15	Na vuṭṭhāpanāya ussukkaṁ kareyyāti
pli-tv-bi-vb-pc78:2.16	na aññaṁ āṇāpeyya.
pli-tv-bi-vb-pc78:2.17	“Neva vuṭṭhāpessāmi na vuṭṭhāpanāya ussukkaṁ karissāmī”ti dhuraṁ nikkhittamatte āpatti pācittiyassa.
pli-tv-bi-vb-pc78:2.18.0	
pli-tv-bi-vb-pc78:2.18.1	Anāpatti—
pli-tv-bi-vb-pc78:2.19	sati antarāye,
pli-tv-bi-vb-pc78:2.20	pariyesitvā na labhati,
pli-tv-bi-vb-pc78:2.21	gilānāya,
pli-tv-bi-vb-pc78:2.22	āpadāsu,
pli-tv-bi-vb-pc78:2.23	ummattikāya,
pli-tv-bi-vb-pc78:2.24	ādikammikāyāti.
pli-tv-bi-vb-pc78:2.25	Aṭṭhamasikkhāpadaṁ niṭṭhitaṁ.
pli-tv-bi-vb-pc79:0.1	Theravāda Vinaya
pli-tv-bi-vb-pc79:0.2	Bhikkhunivibhaṅga
pli-tv-bi-vb-pc79:0.3	Pācittiyakaṇḍa
pli-tv-bi-vb-pc79:0.4	Kumāribhūtavagga
pli-tv-bi-vb-pc79:0.5	79. Sokāvāsasikkhāpada
pli-tv-bi-vb-pc79:1.0	
pli-tv-bi-vb-pc79:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc79:1.2	Tena kho pana samayena thullanandā bhikkhunī purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ caṇḍakāḷiṁ sikkhamānaṁ vuṭṭhāpeti.
pli-tv-bi-vb-pc79:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc79:1.4	“kathañhi nāma ayyā thullanandā purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ caṇḍakāḷiṁ sikkhamānaṁ vuṭṭhāpessatī”ti …pe…
pli-tv-bi-vb-pc79:1.5	“saccaṁ kira, bhikkhave, thullanandā bhikkhunī purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ caṇḍakāḷiṁ sikkhamānaṁ vuṭṭhāpetī”ti?
pli-tv-bi-vb-pc79:1.6	“Saccaṁ, bhagavā”ti.
pli-tv-bi-vb-pc79:1.7	Vigarahi buddho bhagavā …pe…
pli-tv-bi-vb-pc79:1.8	kathañhi nāma, bhikkhave, thullanandā bhikkhunī purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ caṇḍakāḷiṁ sikkhamānaṁ vuṭṭhāpessati.
pli-tv-bi-vb-pc79:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc79:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc79:1.11.0	
pli-tv-bi-vb-pc79:1.11.1	“Yā pana bhikkhunī purisasaṁsaṭṭhaṁ kumārakasaṁsaṭṭhaṁ caṇḍiṁ sokāvāsaṁ sikkhamānaṁ vuṭṭhāpeyya, pācittiyan”ti.
pli-tv-bi-vb-pc79:2.1.0	
pli-tv-bi-vb-pc79:2.1.1	Yā panāti
pli-tv-bi-vb-pc79:2.1.2	yā yādisā …pe…
pli-tv-bi-vb-pc79:2.1.3	bhikkhunīti
pli-tv-bi-vb-pc79:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc79:2.1.5	Puriso nāma
pli-tv-bi-vb-pc79:2.1.6	pattavīsativasso.
pli-tv-bi-vb-pc79:2.1.7	Kumārako nāma
pli-tv-bi-vb-pc79:2.1.8	appattavīsativasso.
pli-tv-bi-vb-pc79:2.1.9	Saṁsaṭṭhā nāma
pli-tv-bi-vb-pc79:2.1.10	ananulomikena kāyikavācasikena saṁsaṭṭhā.
pli-tv-bi-vb-pc79:2.1.11	Caṇḍī nāma
pli-tv-bi-vb-pc79:2.1.12	kodhanā vuccati.
pli-tv-bi-vb-pc79:2.1.13	Sokāvāsā nāma
pli-tv-bi-vb-pc79:2.1.14	paresaṁ dukkhaṁ uppādeti, sokaṁ āvisati.
pli-tv-bi-vb-pc79:2.1.15	Sikkhamānā nāma
pli-tv-bi-vb-pc79:2.1.16	dve vassāni chasu dhammesu sikkhitasikkhā.
pli-tv-bi-vb-pc79:2.1.17	Vuṭṭhāpeyyāti
pli-tv-bi-vb-pc79:2.1.18	upasampādeyya.
pli-tv-bi-vb-pc79:2.1.19	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc79:2.1.20	Ñattiyā dukkaṭaṁ.
pli-tv-bi-vb-pc79:2.1.21	Dvīhi kammavācāhi dukkaṭā.
pli-tv-bi-vb-pc79:2.1.22	Kammavācāpariyosāne upajjhāyāya āpatti pācittiyassa;
pli-tv-bi-vb-pc79:2.1.23	gaṇassa ca ācariniyā ca āpatti dukkaṭassa.
pli-tv-bi-vb-pc79:2.2.0	
pli-tv-bi-vb-pc79:2.2.1	Anāpatti—
pli-tv-bi-vb-pc79:2.2.2	ajānantī vuṭṭhāpeti,
pli-tv-bi-vb-pc79:2.2.3	ummattikāya,
pli-tv-bi-vb-pc79:2.2.4	ādikammikāyāti.
pli-tv-bi-vb-pc79:2.2.5	Navamasikkhāpadaṁ niṭṭhitaṁ.
pli-tv-bi-vb-pc80:0.1	Theravāda Vinaya
pli-tv-bi-vb-pc80:0.2	Bhikkhunivibhaṅga
pli-tv-bi-vb-pc80:0.3	Pācittiyakaṇḍa
pli-tv-bi-vb-pc80:0.4	Kumāribhūtavagga
pli-tv-bi-vb-pc80:0.5	80. Ananuññātasikkhāpada
pli-tv-bi-vb-pc80:1.0	
pli-tv-bi-vb-pc80:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc80:1.2	Tena kho pana samayena thullanandā bhikkhunī mātāpitūhipi sāmikenapi ananuññātaṁ sikkhamānaṁ vuṭṭhāpeti.
pli-tv-bi-vb-pc80:1.3	Mātāpitaropi sāmikopi ujjhāyanti khiyyanti vipācenti—
pli-tv-bi-vb-pc80:1.4	“kathañhi nāma ayyā thullanandā amhehi ananuññātaṁ sikkhamānaṁ vuṭṭhāpessatī”ti.
pli-tv-bi-vb-pc80:1.5	Assosuṁ kho bhikkhuniyo mātāpitūnampi sāmikassapi ujjhāyantānaṁ khiyyantānaṁ vipācentānaṁ.
pli-tv-bi-vb-pc80:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc80:1.7	“kathañhi nāma ayyā thullanandā mātāpitūhipi sāmikenapi ananuññātaṁ sikkhamānaṁ vuṭṭhāpessatī”ti …pe…
pli-tv-bi-vb-pc80:1.8	“saccaṁ kira, bhikkhave, thullanandā bhikkhunī, mātāpitūhipi sāmikenapi ananuññātaṁ sikkhamānaṁ vuṭṭhāpetī”ti?
pli-tv-bi-vb-pc80:1.9	“Saccaṁ, bhagavā”ti.
pli-tv-bi-vb-pc80:1.10	Vigarahi buddho bhagavā …pe…
pli-tv-bi-vb-pc80:1.11	kathañhi nāma, bhikkhave, thullanandā bhikkhunī mātāpitūhipi sāmikenapi ananuññātaṁ sikkhamānaṁ vuṭṭhāpessati.
pli-tv-bi-vb-pc80:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc80:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc80:1.14.0	
pli-tv-bi-vb-pc80:1.14.1	“Yā pana bhikkhunī mātāpitūhi vā sāmikena vā ananuññātaṁ sikkhamānaṁ vuṭṭhāpeyya, pācittiyan”ti.
pli-tv-bi-vb-pc80:2.1.0	
pli-tv-bi-vb-pc80:2.1.1	Yā panāti
pli-tv-bi-vb-pc80:2.1.2	yā yādisā …pe…
pli-tv-bi-vb-pc80:2.1.3	bhikkhunīti
pli-tv-bi-vb-pc80:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc80:2.1.5	Mātāpitaro nāma
pli-tv-bi-vb-pc80:2.1.6	janakā vuccanti.
pli-tv-bi-vb-pc80:2.1.7	Sāmiko nāma
pli-tv-bi-vb-pc80:2.1.8	yena pariggahitā hoti.
pli-tv-bi-vb-pc80:2.1.9	Ananuññātāti
pli-tv-bi-vb-pc80:2.1.10	anāpucchā.
pli-tv-bi-vb-pc80:2.1.11	Sikkhamānā nāma
pli-tv-bi-vb-pc80:2.1.12	dve vassāni chasu dhammesu sikkhitasikkhā.
pli-tv-bi-vb-pc80:2.1.13	Vuṭṭhāpeyyāti
pli-tv-bi-vb-pc80:2.1.14	upasampādeyya.
pli-tv-bi-vb-pc80:2.1.15	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc80:2.1.16	Ñattiyā dukkaṭaṁ.
pli-tv-bi-vb-pc80:2.1.17	Dvīhi kammavācāhi dukkaṭā.
pli-tv-bi-vb-pc80:2.1.18	Kammavācāpariyosāne upajjhāyāya āpatti pācittiyassa.
pli-tv-bi-vb-pc80:2.1.19	Gaṇassa ca ācariniyā ca āpatti dukkaṭassa.
pli-tv-bi-vb-pc80:2.2.0	
pli-tv-bi-vb-pc80:2.2.1	Anāpatti—
pli-tv-bi-vb-pc80:2.2.2	ajānantī vuṭṭhāpeti,
pli-tv-bi-vb-pc80:2.2.3	apaloketvā vuṭṭhāpeti,
pli-tv-bi-vb-pc80:2.2.4	ummattikāya,
pli-tv-bi-vb-pc80:2.2.5	ādikammikāyāti.
pli-tv-bi-vb-pc80:2.2.6	Dasamasikkhāpadaṁ niṭṭhitaṁ.
pli-tv-bi-vb-pc81:0.1	Theravāda Vinaya
pli-tv-bi-vb-pc81:0.2	Bhikkhunivibhaṅga
pli-tv-bi-vb-pc81:0.3	Pācittiyakaṇḍa
pli-tv-bi-vb-pc81:0.4	Kumāribhūtavagga
pli-tv-bi-vb-pc81:0.5	81. Pārivāsikasikkhāpada
pli-tv-bi-vb-pc81:1.0	
pli-tv-bi-vb-pc81:1.1	Tena samayena buddho bhagavā rājagahe viharati veḷuvane kalandakanivāpe.
pli-tv-bi-vb-pc81:1.2	Tena kho pana samayena thullanandā bhikkhunī—
pli-tv-bi-vb-pc81:1.3	“sikkhamānaṁ vuṭṭhāpessāmī”ti there bhikkhū sannipātetvā pahūtaṁ khādanīyaṁ bhojanīyaṁ passitvā—
pli-tv-bi-vb-pc81:1.4	“na tāvāhaṁ, ayyā, sikkhamānaṁ vuṭṭhāpessāmī”ti there bhikkhū uyyojetvā devadattaṁ kokālikaṁ kaṭamodakatissakaṁ khaṇḍadeviyā puttaṁ samuddadattaṁ sannipātetvā sikkhamānaṁ vuṭṭhāpesi.
pli-tv-bi-vb-pc81:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc81:1.6	“kathañhi nāma ayyā thullanandā pārivāsikachandadānena sikkhamānaṁ vuṭṭhāpessatī”ti …pe…
pli-tv-bi-vb-pc81:1.7	“saccaṁ kira, bhikkhave, thullanandā bhikkhunī pārivāsikachandadānena sikkhamānaṁ vuṭṭhāpetī”ti?
pli-tv-bi-vb-pc81:1.8	“Saccaṁ, bhagavā”ti.
pli-tv-bi-vb-pc81:1.9	Vigarahi buddho bhagavā …pe…
pli-tv-bi-vb-pc81:1.10	kathañhi nāma, bhikkhave, thullanandā bhikkhunī pārivāsikachandadānena sikkhamānaṁ vuṭṭhāpessati.
pli-tv-bi-vb-pc81:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc81:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc81:1.13.0	
pli-tv-bi-vb-pc81:1.13.1	“Yā pana bhikkhunī pārivāsikachandadānena sikkhamānaṁ vuṭṭhāpeyya, pācittiyan”ti.
pli-tv-bi-vb-pc81:2.1.0	
pli-tv-bi-vb-pc81:2.1.1	Yā panāti
pli-tv-bi-vb-pc81:2.1.2	yā yādisā …pe…
pli-tv-bi-vb-pc81:2.1.3	bhikkhunīti
pli-tv-bi-vb-pc81:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc81:2.1.5	Pārivāsikachandadānenāti
pli-tv-bi-vb-pc81:2.1.6	vuṭṭhitāya parisāya.
pli-tv-bi-vb-pc81:2.1.7	Sikkhamānā nāma
pli-tv-bi-vb-pc81:2.1.8	dve vassāni chasu dhammesu sikkhitasikkhā.
pli-tv-bi-vb-pc81:2.1.9	Vuṭṭhāpeyyāti
pli-tv-bi-vb-pc81:2.1.10	upasampādeyya.
pli-tv-bi-vb-pc81:2.1.11	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc81:2.1.12	Ñattiyā dukkaṭaṁ.
pli-tv-bi-vb-pc81:2.1.13	Dvīhi kammavācāhi dukkaṭā.
pli-tv-bi-vb-pc81:2.1.14	Kammavācāpariyosāne upajjhāyāya āpatti pācittiyassa.
pli-tv-bi-vb-pc81:2.1.15	Gaṇassa ca ācariniyā ca āpatti dukkaṭassa.
pli-tv-bi-vb-pc81:2.2.0	
pli-tv-bi-vb-pc81:2.2.1	Anāpatti—
pli-tv-bi-vb-pc81:2.2.2	avuṭṭhitāya parisāya vuṭṭhāpeti,
pli-tv-bi-vb-pc81:2.2.3	ummattikāya,
pli-tv-bi-vb-pc81:2.2.4	ādikammikāyāti.
pli-tv-bi-vb-pc81:2.2.5	Ekādasamasikkhāpadaṁ niṭṭhitaṁ.
pli-tv-bi-vb-pc82:0.1	Theravāda Vinaya
pli-tv-bi-vb-pc82:0.2	Bhikkhunivibhaṅga
pli-tv-bi-vb-pc82:0.3	Pācittiyakaṇḍa
pli-tv-bi-vb-pc82:0.4	Kumāribhūtavagga
pli-tv-bi-vb-pc82:0.5	82. Anuvassasikkhāpada
pli-tv-bi-vb-pc82:1.0	
pli-tv-bi-vb-pc82:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc82:1.2	Tena kho pana samayena bhikkhuniyo anuvassaṁ vuṭṭhāpenti, upassayo na sammati.
pli-tv-bi-vb-pc82:1.3	Manussā ujjhāyanti khiyyanti vipācenti—
pli-tv-bi-vb-pc82:1.4	“kathañhi nāma bhikkhuniyo anuvassaṁ vuṭṭhāpessanti, upassayo na sammatī”ti.
pli-tv-bi-vb-pc82:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc82:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc82:1.7	“kathañhi nāma bhikkhuniyo anuvassaṁ vuṭṭhāpessantī”ti …pe…
pli-tv-bi-vb-pc82:1.8	“saccaṁ kira, bhikkhave, bhikkhuniyo anuvassaṁ vuṭṭhāpentī”ti?
pli-tv-bi-vb-pc82:1.9	“Saccaṁ, bhagavā”ti.
pli-tv-bi-vb-pc82:1.10	Vigarahi buddho bhagavā …pe…
pli-tv-bi-vb-pc82:1.11	kathañhi nāma, bhikkhave, bhikkhuniyo anuvassaṁ vuṭṭhāpessanti.
pli-tv-bi-vb-pc82:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc82:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc82:1.14.0	
pli-tv-bi-vb-pc82:1.14.1	“Yā pana bhikkhunī anuvassaṁ vuṭṭhāpeyya, pācittiyan”ti.
pli-tv-bi-vb-pc82:2.1.0	
pli-tv-bi-vb-pc82:2.1.1	Yā panāti
pli-tv-bi-vb-pc82:2.1.2	yā yādisā …pe…
pli-tv-bi-vb-pc82:2.1.3	bhikkhunīti
pli-tv-bi-vb-pc82:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc82:2.1.5	Anuvassanti
pli-tv-bi-vb-pc82:2.1.6	anusaṁvaccharaṁ.
pli-tv-bi-vb-pc82:2.1.7	Vuṭṭhāpeyyāti
pli-tv-bi-vb-pc82:2.1.8	upasampādeyya.
pli-tv-bi-vb-pc82:2.1.9	“Vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc82:2.1.10	Ñattiyā dukkaṭaṁ.
pli-tv-bi-vb-pc82:2.1.11	Dvīhi kammavācāhi dukkaṭā.
pli-tv-bi-vb-pc82:2.1.12	Kammavācāpariyosāne upajjhāyāya āpatti pācittiyassa.
pli-tv-bi-vb-pc82:2.1.13	Gaṇassa ca ācariniyā ca āpatti dukkaṭassa.
pli-tv-bi-vb-pc82:2.2.0	
pli-tv-bi-vb-pc82:2.2.1	Anāpatti—
pli-tv-bi-vb-pc82:2.2.2	ekantarikaṁ vuṭṭhāpeti,
pli-tv-bi-vb-pc82:2.2.3	ummattikāya,
pli-tv-bi-vb-pc82:2.2.4	ādikammikāyāti.
pli-tv-bi-vb-pc82:2.2.5	Dvādasamasikkhāpadaṁ niṭṭhitaṁ.
pli-tv-bi-vb-pc83:0.1	Theravāda Vinaya
pli-tv-bi-vb-pc83:0.2	Bhikkhunivibhaṅga
pli-tv-bi-vb-pc83:0.3	Pācittiyakaṇḍa
pli-tv-bi-vb-pc83:0.4	Kumāribhūtavagga
pli-tv-bi-vb-pc83:0.5	83. Ekavassasikkhāpada
pli-tv-bi-vb-pc83:1.0	
pli-tv-bi-vb-pc83:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc83:1.2	Tena kho pana samayena bhikkhuniyo ekaṁ vassaṁ dve vuṭṭhāpenti.
pli-tv-bi-vb-pc83:1.3	Upassayo tatheva na sammati.
pli-tv-bi-vb-pc83:1.4	Manussā tatheva ujjhāyanti khiyyanti vipācenti—
pli-tv-bi-vb-pc83:1.5	“kathañhi nāma bhikkhuniyo ekaṁ vassaṁ dve vuṭṭhāpessanti.
pli-tv-bi-vb-pc83:1.6	Upassayo tatheva na sammatī”ti.
pli-tv-bi-vb-pc83:1.7	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc83:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc83:1.9	“kathañhi nāma bhikkhuniyo ekaṁ vassaṁ dve vuṭṭhāpessantī”ti …pe…
pli-tv-bi-vb-pc83:1.10	“saccaṁ kira, bhikkhave, bhikkhuniyo ekaṁ vassaṁ dve vuṭṭhāpentī”ti?
pli-tv-bi-vb-pc83:1.11	“Saccaṁ, bhagavā”ti.
pli-tv-bi-vb-pc83:1.12	Vigarahi buddho bhagavā …pe…
pli-tv-bi-vb-pc83:1.13	kathañhi nāma, bhikkhave, bhikkhuniyo ekaṁ vassaṁ dve vuṭṭhāpessanti.
pli-tv-bi-vb-pc83:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc83:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc83:1.16.0	
pli-tv-bi-vb-pc83:1.16.1	“Yā pana bhikkhunī ekaṁ vassaṁ dve vuṭṭhāpeyya, pācittiyan”ti.
pli-tv-bi-vb-pc83:2.1.0	
pli-tv-bi-vb-pc83:2.1.1	Yā panāti
pli-tv-bi-vb-pc83:2.1.2	yā yādisā …pe…
pli-tv-bi-vb-pc83:2.1.3	bhikkhunīti
pli-tv-bi-vb-pc83:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc83:2.1.5	Ekaṁ vassanti
pli-tv-bi-vb-pc83:2.1.6	ekaṁ saṁvaccharaṁ.
pli-tv-bi-vb-pc83:2.1.7	Dve vuṭṭhāpeyyāti
pli-tv-bi-vb-pc83:2.1.8	dve upasampādeyya.
pli-tv-bi-vb-pc83:2.1.9	“Dve vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-pc83:2.1.10	Ñattiyā dukkaṭaṁ.
pli-tv-bi-vb-pc83:2.1.11	Dvīhi kammavācāhi dukkaṭā.
pli-tv-bi-vb-pc83:2.1.12	Kammavācāpariyosāne upajjhāyāya āpatti pācittiyassa.
pli-tv-bi-vb-pc83:2.1.13	Gaṇassa ca ācariniyā ca āpatti dukkaṭassa.
pli-tv-bi-vb-pc83:2.2.0	
pli-tv-bi-vb-pc83:2.2.1	Anāpatti—
pli-tv-bi-vb-pc83:2.2.2	ekantarikaṁ ekaṁ vuṭṭhāpeti,
pli-tv-bi-vb-pc83:2.2.3	ummattikāya,
pli-tv-bi-vb-pc83:2.2.4	ādikammikāyāti.
pli-tv-bi-vb-pc83:2.2.5	Terasamasikkhāpadaṁ niṭṭhitaṁ.
pli-tv-bi-vb-pc83:2.2.6	Kumāribhūtavaggo aṭṭhamo.
pli-tv-bi-vb-pc84:0.1	Theravāda Vinaya
pli-tv-bi-vb-pc84:0.2	Bhikkhunivibhaṅga
pli-tv-bi-vb-pc84:0.3	Pācittiyakaṇḍa
pli-tv-bi-vb-pc84:0.4	Chattupāhanavagga
pli-tv-bi-vb-pc84:0.5	84. Chattupāhanasikkhāpada
pli-tv-bi-vb-pc84:1.1.0.1	
pli-tv-bi-vb-pc84:1.1.0.2	
pli-tv-bi-vb-pc84:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc84:1.1.2	Tena kho pana samayena chabbaggiyā bhikkhuniyo chattupāhanaṁ dhārenti.
pli-tv-bi-vb-pc84:1.1.3	Manussā ujjhāyanti khiyyanti vipācenti—
pli-tv-bi-vb-pc84:1.1.4	“kathañhi nāma bhikkhuniyo chattupāhanaṁ dhāressanti, seyyathāpi gihiniyo kāmabhoginiyo”ti.
pli-tv-bi-vb-pc84:1.1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc84:1.1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc84:1.1.7	“kathañhi nāma chabbaggiyā bhikkhuniyo chattupāhanaṁ dhāressantī”ti …pe…
pli-tv-bi-vb-pc84:1.1.8	“saccaṁ kira, bhikkhave, chabbaggiyā bhikkhuniyo chattupāhanaṁ dhārentī”ti?
pli-tv-bi-vb-pc84:1.1.9	“Saccaṁ, bhagavā”ti.
pli-tv-bi-vb-pc84:1.1.10	Vigarahi buddho bhagavā …pe…
pli-tv-bi-vb-pc84:1.1.11	kathañhi nāma, bhikkhave, chabbaggiyā bhikkhuniyo chattupāhanaṁ dhāressanti.
pli-tv-bi-vb-pc84:1.1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc84:1.1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc84:1.1.14.0	
pli-tv-bi-vb-pc84:1.1.14.1	“Yā pana bhikkhunī chattupāhanaṁ dhāreyya, pācittiyan”ti.
pli-tv-bi-vb-pc84:1.1.15	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-pc84:1.2.0	
pli-tv-bi-vb-pc84:1.2.1	Tena kho pana samayena aññatarā bhikkhunī gilānā hoti.
pli-tv-bi-vb-pc84:1.2.2	Tassā vinā chattupāhanaṁ na phāsu hoti …pe…
pli-tv-bi-vb-pc84:1.2.3	bhagavato etamatthaṁ ārocesuṁ …pe…
pli-tv-bi-vb-pc84:1.2.4	anujānāmi, bhikkhave, gilānāya bhikkhuniyā chattupāhanaṁ.
pli-tv-bi-vb-pc84:1.2.5	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc84:1.2.6.0	
pli-tv-bi-vb-pc84:1.2.6.1	“Yā pana bhikkhunī agilānā chattupāhanaṁ dhāreyya, pācittiyan”ti.
pli-tv-bi-vb-pc84:2.1.0	
pli-tv-bi-vb-pc84:2.1.1	Yā panāti
pli-tv-bi-vb-pc84:2.1.2	yā yādisā …pe…
pli-tv-bi-vb-pc84:2.1.3	bhikkhunīti
pli-tv-bi-vb-pc84:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc84:2.1.5	Agilānā nāma
pli-tv-bi-vb-pc84:2.1.6	yassā vinā chattupāhanaṁ phāsu hoti.
pli-tv-bi-vb-pc84:2.1.7	Gilānā nāma
pli-tv-bi-vb-pc84:2.1.8	yassā vinā chattupāhanaṁ na phāsu hoti.
pli-tv-bi-vb-pc84:2.1.9	Chattaṁ nāma
pli-tv-bi-vb-pc84:2.1.10	tīṇi chattāni— setacchattaṁ, kilañjacchattaṁ, paṇṇacchattaṁ maṇḍalabaddhaṁ salākabaddhaṁ.
pli-tv-bi-vb-pc84:2.1.11	Dhāreyyāti
pli-tv-bi-vb-pc84:2.1.12	sakimpi dhāreti, āpatti pācittiyassa.
pli-tv-bi-vb-pc84:2.2.0	
pli-tv-bi-vb-pc84:2.2.1	Agilānā agilānasaññā chattupāhanaṁ dhāreti, āpatti pācittiyassa.
pli-tv-bi-vb-pc84:2.2.2	Agilānā vematikā chattupāhanaṁ dhāreti, āpatti pācittiyassa.
pli-tv-bi-vb-pc84:2.2.3	Agilānā gilānasaññā chattupāhanaṁ dhāreti, āpatti pācittiyassa.
pli-tv-bi-vb-pc84:2.2.4	Chattaṁ dhāreti na upāhanaṁ, āpatti dukkaṭassa.
pli-tv-bi-vb-pc84:2.2.5	Upāhanaṁ dhāreti na chattaṁ, āpatti dukkaṭassa.
pli-tv-bi-vb-pc84:2.2.6	Gilānā agilānasaññā, āpatti dukkaṭassa.
pli-tv-bi-vb-pc84:2.2.7	Gilānā vematikā, āpatti dukkaṭassa.
pli-tv-bi-vb-pc84:2.2.8	Gilānā gilānasaññā, anāpatti.
pli-tv-bi-vb-pc84:2.3.0	
pli-tv-bi-vb-pc84:2.3.1	Anāpatti—
pli-tv-bi-vb-pc84:2.3.2	gilānāya,
pli-tv-bi-vb-pc84:2.3.3	ārāme ārāmūpacāre dhāreti,
pli-tv-bi-vb-pc84:2.3.4	āpadāsu,
pli-tv-bi-vb-pc84:2.3.5	ummattikāya,
pli-tv-bi-vb-pc84:2.3.6	ādikammikāyāti.
pli-tv-bi-vb-pc84:2.3.7	Paṭhamasikkhāpadaṁ niṭṭhitaṁ.
pli-tv-bi-vb-pc85:0.1	Theravāda Vinaya
pli-tv-bi-vb-pc85:0.2	Bhikkhunivibhaṅga
pli-tv-bi-vb-pc85:0.3	Pācittiyakaṇḍa
pli-tv-bi-vb-pc85:0.4	Chattupāhanavagga
pli-tv-bi-vb-pc85:0.5	85. Yānasikkhāpada
pli-tv-bi-vb-pc85:1.1.0.1	
pli-tv-bi-vb-pc85:1.1.0.2	
pli-tv-bi-vb-pc85:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc85:1.1.2	Tena kho pana samayena chabbaggiyā bhikkhuniyo yānena yāyanti.
pli-tv-bi-vb-pc85:1.1.3	Manussā ujjhāyanti khiyyanti vipācenti—
pli-tv-bi-vb-pc85:1.1.4	“kathañhi nāma bhikkhuniyo yānena yāyissanti, seyyathāpi gihiniyo kāmabhoginiyo”ti.
pli-tv-bi-vb-pc85:1.1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc85:1.1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc85:1.1.7	“kathañhi nāma chabbaggiyā bhikkhuniyo yānena yāyissantī”ti …pe…
pli-tv-bi-vb-pc85:1.1.8	“saccaṁ kira, bhikkhave, chabbaggiyā bhikkhuniyo yānena yāyantī”ti?
pli-tv-bi-vb-pc85:1.1.9	“Saccaṁ, bhagavā”ti.
pli-tv-bi-vb-pc85:1.1.10	Vigarahi buddho bhagavā …pe…
pli-tv-bi-vb-pc85:1.1.11	kathañhi nāma, bhikkhave, chabbaggiyā bhikkhuniyo yānena yāyissanti.
pli-tv-bi-vb-pc85:1.1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc85:1.1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc85:1.1.14.0	
pli-tv-bi-vb-pc85:1.1.14.1	“Yā pana bhikkhunī yānena yāyeyya, pācittiyan”ti.
pli-tv-bi-vb-pc85:1.1.15	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-pc85:1.2.0	
pli-tv-bi-vb-pc85:1.2.1	Tena kho pana samayena aññatarā bhikkhunī gilānā hoti, na sakkoti padasā gantuṁ …pe…
pli-tv-bi-vb-pc85:1.2.2	bhagavato etamatthaṁ ārocesuṁ …pe…
pli-tv-bi-vb-pc85:1.2.3	anujānāmi, bhikkhave, gilānāya bhikkhuniyā yānaṁ.
pli-tv-bi-vb-pc85:1.2.4	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc85:1.2.5.0	
pli-tv-bi-vb-pc85:1.2.5.1	“Yā pana bhikkhunī agilānā yānena yāyeyya, pācittiyan”ti.
pli-tv-bi-vb-pc85:2.1.0	
pli-tv-bi-vb-pc85:2.1.1	Yā panāti
pli-tv-bi-vb-pc85:2.1.2	yā yādisā …pe…
pli-tv-bi-vb-pc85:2.1.3	bhikkhunīti
pli-tv-bi-vb-pc85:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc85:2.1.5	Agilānā nāma
pli-tv-bi-vb-pc85:2.1.6	sakkoti padasā gantuṁ.
pli-tv-bi-vb-pc85:2.1.7	Gilānā nāma
pli-tv-bi-vb-pc85:2.1.8	na sakkoti padasā gantuṁ.
pli-tv-bi-vb-pc85:2.1.9	Yānaṁ nāma
pli-tv-bi-vb-pc85:2.1.10	vayhaṁ ratho sakaṭaṁ sandamānikā sivikā pāṭaṅkī.
pli-tv-bi-vb-pc85:2.1.11	Yāyeyyāti
pli-tv-bi-vb-pc85:2.1.12	sakimpi yānena yāyati, āpatti pācittiyassa.
pli-tv-bi-vb-pc85:2.2.0	
pli-tv-bi-vb-pc85:2.2.1	Agilānā agilānasaññā yānena yāyati, āpatti pācittiyassa.
pli-tv-bi-vb-pc85:2.2.2	Agilānā vematikā yānena yāyati, āpatti pācittiyassa.
pli-tv-bi-vb-pc85:2.2.3	Agilānā gilānasaññā yānena yāyati, āpatti pācittiyassa.
pli-tv-bi-vb-pc85:2.2.4	Gilānā agilānasaññā, āpatti dukkaṭassa.
pli-tv-bi-vb-pc85:2.2.5	Gilānā vematikā, āpatti dukkaṭassa.
pli-tv-bi-vb-pc85:2.2.6	Gilānā gilānasaññā, anāpatti.
pli-tv-bi-vb-pc85:2.3.0	
pli-tv-bi-vb-pc85:2.3.1	Anāpatti—
pli-tv-bi-vb-pc85:2.3.2	gilānāya,
pli-tv-bi-vb-pc85:2.3.3	āpadāsu,
pli-tv-bi-vb-pc85:2.3.4	ummattikāya,
pli-tv-bi-vb-pc85:2.3.5	ādikammikāyāti.
pli-tv-bi-vb-pc85:2.3.6	Dutiyasikkhāpadaṁ niṭṭhitaṁ.
pli-tv-bi-vb-pc86:0.1	Theravāda Vinaya
pli-tv-bi-vb-pc86:0.2	Bhikkhunivibhaṅga
pli-tv-bi-vb-pc86:0.3	Pācittiyakaṇḍa
pli-tv-bi-vb-pc86:0.4	Chattupāhanavagga
pli-tv-bi-vb-pc86:0.5	86. Saṅghāṇisikkhāpada
pli-tv-bi-vb-pc86:1.0	
pli-tv-bi-vb-pc86:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc86:1.2	Tena kho pana samayena aññatarā bhikkhunī aññatarissā itthiyā kulūpikā hoti.
pli-tv-bi-vb-pc86:1.3	Atha kho sā itthī taṁ bhikkhuniṁ etadavoca—
pli-tv-bi-vb-pc86:1.4	“handāyye, imaṁ saṅghāṇiṁ amukāya nāma itthiyā dehī”ti.
pli-tv-bi-vb-pc86:1.5	Atha kho sā bhikkhunī—
pli-tv-bi-vb-pc86:1.6	“sacāhaṁ pattena ādāya gacchāmi vissaro me bhavissatī”ti paṭimuñcitvā agamāsi.
pli-tv-bi-vb-pc86:1.7	Tassā rathikāya suttake chinne vippakiriyiṁsu.
pli-tv-bi-vb-pc86:1.8	Manussā ujjhāyanti khiyyanti vipācenti—
pli-tv-bi-vb-pc86:1.9	“kathañhi nāma bhikkhuniyo saṅghāṇiṁ dhāressanti, seyyathāpi gihiniyo kāmabhoginiyo”ti.
pli-tv-bi-vb-pc86:1.10	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc86:1.11	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc86:1.12	“kathañhi nāma bhikkhunī saṅghāṇiṁ dhāressatī”ti …pe…
pli-tv-bi-vb-pc86:1.13	“saccaṁ kira, bhikkhave, bhikkhunī saṅghāṇiṁ dhāretī”ti?
pli-tv-bi-vb-pc86:1.14	“Saccaṁ, bhagavā”ti.
pli-tv-bi-vb-pc86:1.15	Vigarahi buddho bhagavā …pe…
pli-tv-bi-vb-pc86:1.16	kathañhi nāma, bhikkhave, bhikkhunī saṅghāṇiṁ dhāressati.
pli-tv-bi-vb-pc86:1.17	Netaṁ, bhikkhave, appasannānaṁ vā pasādāya …pe…
pli-tv-bi-vb-pc86:1.18	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc86:1.19.0	
pli-tv-bi-vb-pc86:1.19.1	“Yā pana bhikkhunī saṅghāṇiṁ dhāreyya, pācittiyan”ti.
pli-tv-bi-vb-pc86:2.1.0	
pli-tv-bi-vb-pc86:2.1.1	Yā panāti
pli-tv-bi-vb-pc86:2.1.2	yā yādisā …pe…
pli-tv-bi-vb-pc86:2.1.3	bhikkhunīti
pli-tv-bi-vb-pc86:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc86:2.1.5	Saṅghāṇi nāma
pli-tv-bi-vb-pc86:2.1.6	yā kāci kaṭūpagā.
pli-tv-bi-vb-pc86:2.1.7	Dhāreyyāti
pli-tv-bi-vb-pc86:2.1.8	sakimpi dhāreti, āpatti pācittiyassa.
pli-tv-bi-vb-pc86:2.2.0	
pli-tv-bi-vb-pc86:2.2.1	Anāpatti—
pli-tv-bi-vb-pc86:2.2.2	ābādhappaccayā,
pli-tv-bi-vb-pc86:2.2.3	kaṭisuttakaṁ dhāreti,
pli-tv-bi-vb-pc86:2.2.4	ummattikāya,
pli-tv-bi-vb-pc86:2.2.5	ādikammikāyāti.
pli-tv-bi-vb-pc86:2.2.6	Tatiyasikkhāpadaṁ niṭṭhitaṁ.
pli-tv-bi-vb-pc87:0.1	Theravāda Vinaya
pli-tv-bi-vb-pc87:0.2	Bhikkhunivibhaṅga
pli-tv-bi-vb-pc87:0.3	Pācittiyakaṇḍa
pli-tv-bi-vb-pc87:0.4	Chattupāhanavagga
pli-tv-bi-vb-pc87:0.5	87. Itthālaṅkārasikkhāpada
pli-tv-bi-vb-pc87:1.0	
pli-tv-bi-vb-pc87:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc87:1.2	Tena kho pana samayena chabbaggiyā bhikkhuniyo itthālaṅkāraṁ dhārenti.
pli-tv-bi-vb-pc87:1.3	Manussā ujjhāyanti khiyyanti vipācenti—
pli-tv-bi-vb-pc87:1.4	“kathañhi nāma bhikkhuniyo itthālaṅkāraṁ dhāressanti, seyyathāpi gihiniyo kāmabhoginiyo”ti.
pli-tv-bi-vb-pc87:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc87:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc87:1.7	“kathañhi nāma chabbaggiyā bhikkhuniyo itthālaṅkāraṁ dhāressantī”ti …pe…
pli-tv-bi-vb-pc87:1.8	“saccaṁ kira, bhikkhave, chabbaggiyā bhikkhuniyo itthālaṅkāraṁ dhārentī”ti?
pli-tv-bi-vb-pc87:1.9	“Saccaṁ, bhagavā”ti.
pli-tv-bi-vb-pc87:1.10	Vigarahi buddho bhagavā …pe…
pli-tv-bi-vb-pc87:1.11	kathañhi nāma, bhikkhave, chabbaggiyā bhikkhuniyo itthālaṅkāraṁ dhāressanti.
pli-tv-bi-vb-pc87:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc87:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc87:1.14.0	
pli-tv-bi-vb-pc87:1.14.1	“Yā pana bhikkhunī itthālaṅkāraṁ dhāreyya, pācittiyan”ti.
pli-tv-bi-vb-pc87:2.1.0	
pli-tv-bi-vb-pc87:2.1.1	Yā panāti
pli-tv-bi-vb-pc87:2.1.2	yā yādisā …pe…
pli-tv-bi-vb-pc87:2.1.3	bhikkhunīti
pli-tv-bi-vb-pc87:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc87:2.1.5	Itthālaṅkāro nāma
pli-tv-bi-vb-pc87:2.1.6	sīsūpago gīvūpago hatthūpago pādūpago kaṭūpago.
pli-tv-bi-vb-pc87:2.1.7	Dhāreyyāti
pli-tv-bi-vb-pc87:2.1.8	sakimpi dhāreti, āpatti pācittiyassa.
pli-tv-bi-vb-pc87:2.2.0	
pli-tv-bi-vb-pc87:2.2.1	Anāpatti—
pli-tv-bi-vb-pc87:2.2.2	ābādhappaccayā,
pli-tv-bi-vb-pc87:2.2.3	ummattikāya,
pli-tv-bi-vb-pc87:2.2.4	ādikammikāyāti.
pli-tv-bi-vb-pc87:2.2.5	Catutthasikkhāpadaṁ niṭṭhitaṁ.
pli-tv-bi-vb-pc88:0.1	Theravāda Vinaya
pli-tv-bi-vb-pc88:0.2	Bhikkhunivibhaṅga
pli-tv-bi-vb-pc88:0.3	Pācittiyakaṇḍa
pli-tv-bi-vb-pc88:0.4	Chattupāhanavagga
pli-tv-bi-vb-pc88:0.5	88. Gandhavaṇṇakasikkhāpada
pli-tv-bi-vb-pc88:1.0	
pli-tv-bi-vb-pc88:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc88:1.2	Tena kho pana samayena chabbaggiyā bhikkhuniyo gandhavaṇṇakena nahāyanti.
pli-tv-bi-vb-pc88:1.3	Manussā ujjhāyanti khiyyanti vipācenti—
pli-tv-bi-vb-pc88:1.4	“kathañhi nāma bhikkhuniyo gandhavaṇṇakena nahāyissanti, seyyathāpi gihiniyo kāmabhoginiyo”ti.
pli-tv-bi-vb-pc88:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc88:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc88:1.7	“kathañhi nāma chabbaggiyā bhikkhuniyo gandhavaṇṇakena nahāyissantī”ti …pe…
pli-tv-bi-vb-pc88:1.8	“saccaṁ kira, bhikkhave, chabbaggiyā bhikkhuniyo gandhavaṇṇakena nahāyantī”ti?
pli-tv-bi-vb-pc88:1.9	“Saccaṁ, bhagavā”ti.
pli-tv-bi-vb-pc88:1.10	Vigarahi buddho bhagavā …pe…
pli-tv-bi-vb-pc88:1.11	kathañhi nāma, bhikkhave, chabbaggiyā bhikkhuniyo gandhavaṇṇakena nahāyissanti.
pli-tv-bi-vb-pc88:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc88:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc88:1.14.0	
pli-tv-bi-vb-pc88:1.14.1	“Yā pana bhikkhunī gandhavaṇṇakena nahāyeyya, pācittiyan”ti.
pli-tv-bi-vb-pc88:2.1.0	
pli-tv-bi-vb-pc88:2.1.1	Yā panāti
pli-tv-bi-vb-pc88:2.1.2	yā yādisā …pe…
pli-tv-bi-vb-pc88:2.1.3	bhikkhunīti
pli-tv-bi-vb-pc88:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc88:2.1.5	Gandho nāma
pli-tv-bi-vb-pc88:2.1.6	yo koci gandho.
pli-tv-bi-vb-pc88:2.1.7	Vaṇṇakaṁ nāma
pli-tv-bi-vb-pc88:2.1.8	yaṁ kiñci vaṇṇakaṁ.
pli-tv-bi-vb-pc88:2.1.9	Nahāyeyyāti
pli-tv-bi-vb-pc88:2.1.10	nahāyati. Payoge dukkaṭaṁ, nahānapariyosāne āpatti pācittiyassa.
pli-tv-bi-vb-pc88:2.2.0	
pli-tv-bi-vb-pc88:2.2.1	Anāpatti—
pli-tv-bi-vb-pc88:2.2.2	ābādhappaccayā,
pli-tv-bi-vb-pc88:2.2.3	ummattikāya,
pli-tv-bi-vb-pc88:2.2.4	ādikammikāyāti.
pli-tv-bi-vb-pc88:2.2.5	Pañcamasikkhāpadaṁ niṭṭhitaṁ.
pli-tv-bi-vb-pc89:0.1	Theravāda Vinaya
pli-tv-bi-vb-pc89:0.2	Bhikkhunivibhaṅga
pli-tv-bi-vb-pc89:0.3	Pācittiyakaṇḍa
pli-tv-bi-vb-pc89:0.4	Chattupāhanavagga
pli-tv-bi-vb-pc89:0.5	89. Vāsitakasikkhāpada
pli-tv-bi-vb-pc89:1.0	
pli-tv-bi-vb-pc89:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc89:1.2	Tena kho pana samayena chabbaggiyā bhikkhuniyo vāsitakena piññākena nahāyanti.
pli-tv-bi-vb-pc89:1.3	Manussā ujjhāyanti khiyyanti vipācenti—
pli-tv-bi-vb-pc89:1.4	“kathañhi nāma bhikkhuniyo vāsitakena piññākena nahāyissanti, seyyathāpi gihiniyo kāmabhoginiyo”ti.
pli-tv-bi-vb-pc89:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc89:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc89:1.7	“kathañhi nāma chabbaggiyā bhikkhuniyo vāsitakena piññākena nahāyissantī”ti …pe…
pli-tv-bi-vb-pc89:1.8	“saccaṁ kira, bhikkhave, chabbaggiyā bhikkhuniyo vāsitakena piññākena nahāyantī”ti?
pli-tv-bi-vb-pc89:1.9	“Saccaṁ, bhagavā”ti.
pli-tv-bi-vb-pc89:1.10	Vigarahi buddho bhagavā …pe…
pli-tv-bi-vb-pc89:1.11	kathañhi nāma, bhikkhave, chabbaggiyā bhikkhuniyo vāsitakena piññākena nahāyissanti.
pli-tv-bi-vb-pc89:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc89:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc89:1.14.0	
pli-tv-bi-vb-pc89:1.14.1	“Yā pana bhikkhunī vāsitakena piññākena nahāyeyya, pācittiyan”ti.
pli-tv-bi-vb-pc89:2.1.0	
pli-tv-bi-vb-pc89:2.1.1	Yā panāti
pli-tv-bi-vb-pc89:2.1.2	yā yādisā …pe…
pli-tv-bi-vb-pc89:2.1.3	bhikkhunīti
pli-tv-bi-vb-pc89:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc89:2.1.5	Vāsitakaṁ nāma
pli-tv-bi-vb-pc89:2.1.6	yaṁ kiñci gandhavāsitakaṁ.
pli-tv-bi-vb-pc89:2.1.7	Piññākaṁ nāma
pli-tv-bi-vb-pc89:2.1.8	tilapiṭṭhaṁ vuccati.
pli-tv-bi-vb-pc89:2.1.9	Nahāyeyyāti
pli-tv-bi-vb-pc89:2.1.10	nahāyati. Payoge dukkaṭaṁ, nahānapariyosāne āpatti pācittiyassa.
pli-tv-bi-vb-pc89:2.2.0	
pli-tv-bi-vb-pc89:2.2.1	Anāpatti—
pli-tv-bi-vb-pc89:2.2.2	ābādhappaccayā,
pli-tv-bi-vb-pc89:2.2.3	pakatipiññākena nahāyati,
pli-tv-bi-vb-pc89:2.2.4	ummattikāya,
pli-tv-bi-vb-pc89:2.2.5	ādikammikāyāti.
pli-tv-bi-vb-pc89:2.2.6	Chaṭṭhasikkhāpadaṁ niṭṭhitaṁ.
pli-tv-bi-vb-pc90:0.1	Theravāda Vinaya
pli-tv-bi-vb-pc90:0.2	Bhikkhunivibhaṅga
pli-tv-bi-vb-pc90:0.3	Pācittiyakaṇḍa
pli-tv-bi-vb-pc90:0.4	Chattupāhanavagga
pli-tv-bi-vb-pc90:0.5	90. Bhikkhuniummaddāpanasikkhāpada
pli-tv-bi-vb-pc90:1.0	
pli-tv-bi-vb-pc90:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc90:1.2	Tena kho pana samayena bhikkhuniyo bhikkhuniyā ummaddāpentipi parimaddāpentipi.
pli-tv-bi-vb-pc90:1.3	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bi-vb-pc90:1.4	“kathañhi nāma bhikkhuniyo bhikkhuniyā ummaddāpessantipi parimaddāpessantipi, seyyathāpi gihiniyo kāmabhoginiyo”ti.
pli-tv-bi-vb-pc90:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc90:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc90:1.7	“kathañhi nāma bhikkhuniyo bhikkhuniyā ummaddāpessantipi parimaddāpessantipī”ti …pe…
pli-tv-bi-vb-pc90:1.8	“saccaṁ kira, bhikkhave, bhikkhuniyo bhikkhuniyā ummaddāpentipi parimaddāpentipī”ti?
pli-tv-bi-vb-pc90:1.9	“Saccaṁ, bhagavā”ti.
pli-tv-bi-vb-pc90:1.10	Vigarahi buddho bhagavā …pe…
pli-tv-bi-vb-pc90:1.11	kathañhi nāma, bhikkhave, bhikkhuniyo bhikkhuniyā ummaddāpessantipi parimaddāpessantipi.
pli-tv-bi-vb-pc90:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-pc90:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc90:1.14.0	
pli-tv-bi-vb-pc90:1.14.1	“Yā pana bhikkhunī bhikkhuniyā ummaddāpeyya vā parimaddāpeyya vā, pācittiyan”ti.
pli-tv-bi-vb-pc90:2.1.0	
pli-tv-bi-vb-pc90:2.1.1	Yā panāti
pli-tv-bi-vb-pc90:2.1.2	yā yādisā …pe…
pli-tv-bi-vb-pc90:2.1.3	bhikkhunīti
pli-tv-bi-vb-pc90:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc90:2.1.5	Bhikkhuniyāti
pli-tv-bi-vb-pc90:2.1.6	aññāya bhikkhuniyā.
pli-tv-bi-vb-pc90:2.1.7	Ummaddāpeyya vāti
pli-tv-bi-vb-pc90:2.1.8	ummaddāpeti, āpatti pācittiyassa.
pli-tv-bi-vb-pc90:2.1.9	Parimaddāpeyya vāti
pli-tv-bi-vb-pc90:2.1.10	sambāhāpeti, āpatti pācittiyassa.
pli-tv-bi-vb-pc90:2.2.0	
pli-tv-bi-vb-pc90:2.2.1	Anāpatti—
pli-tv-bi-vb-pc90:2.2.2	gilānāya,
pli-tv-bi-vb-pc90:2.2.3	āpadāsu,
pli-tv-bi-vb-pc90:2.2.4	ummattikāya,
pli-tv-bi-vb-pc90:2.2.5	ādikammikāyāti.
pli-tv-bi-vb-pc90:2.2.6	Sattamasikkhāpadaṁ niṭṭhitaṁ.
pli-tv-bi-vb-pc91:0.1	Theravāda Vinaya
pli-tv-bi-vb-pc91:0.2	Bhikkhunivibhaṅga
pli-tv-bi-vb-pc91:0.3	Pācittiyakaṇḍa
pli-tv-bi-vb-pc91:0.4	Chattupāhanavagga
pli-tv-bi-vb-pc91:0.5	91–93. Sikkhamāna-sāmaṇerī-gihiniummaddāpanasikkhāpada
pli-tv-bi-vb-pc91:1.0	
pli-tv-bi-vb-pc91:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc91:1.2	Tena kho pana samayena bhikkhuniyo sikkhamānāya ummaddāpentipi parimaddāpentipi …pe…
pli-tv-bi-vb-pc92:1.1	sāmaṇeriyā ummaddāpentipi parimaddāpentipi …pe…
pli-tv-bi-vb-pc93:1.1	gihiniyā ummaddāpentipi parimaddāpentipi.
pli-tv-bi-vb-pc93:1.2	Manussā vihāracārikaṁ āhiṇḍantā passitvā ujjhāyanti khiyyanti vipācenti—
pli-tv-bi-vb-pc93:1.3	“kathañhi nāma bhikkhuniyo gihiniyā ummaddāpessantipi parimaddāpessantipi, seyyathāpi gihiniyo kāmabhoginiyo”ti.
pli-tv-bi-vb-pc93:1.4	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pc93:1.5	Yā tā bhikkhuniyo appicchā …pe…  tā ujjhāyanti khiyyanti vipācenti—
pli-tv-bi-vb-pc93:1.6	“kathañhi nāma bhikkhuniyo gihiniyā ummaddāpessantipi parimaddāpessantipī”ti …pe…
pli-tv-bi-vb-pc93:1.7	“saccaṁ kira, bhikkhave, bhikkhuniyo gihiniyā ummaddāpentipi parimaddāpentipī”ti?
pli-tv-bi-vb-pc93:1.8	“Saccaṁ, bhagavā”ti.
pli-tv-bi-vb-pc93:1.9	Vigarahi buddho bhagavā …pe…
pli-tv-bi-vb-pc93:1.10	kathañhi nāma, bhikkhave, bhikkhuniyo gihiniyā ummaddāpessantipi parimaddāpessantipi.
pli-tv-bi-vb-pc93:1.11	Netaṁ, bhikkhave, appasannānaṁ vā pasādāya …pe…
pli-tv-bi-vb-pc93:1.12	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc93:1.13.0	
pli-tv-bi-vb-pc93:1.13.1	“Yā pana bhikkhunī (sikkhamānāya …pe…  sāmaṇeriyā …pe… ) gihiniyā ummaddāpeyya vā parimaddāpeyya vā, pācittiyan”ti.
pli-tv-bi-vb-pc93:2.1.0	
pli-tv-bi-vb-pc93:2.1.1	Yā panāti
pli-tv-bi-vb-pc93:2.1.2	yā yādisā …pe…
pli-tv-bi-vb-pc93:2.1.3	bhikkhunīti
pli-tv-bi-vb-pc93:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc93:2.1.5	Sikkhamānā nāma
pli-tv-bi-vb-pc93:2.1.6	dve vassāni chasu dhammesu sikkhitasikkhā.
pli-tv-bi-vb-pc93:2.1.7	Sāmaṇerī nāma
pli-tv-bi-vb-pc93:2.1.8	dasasikkhāpadikā.
pli-tv-bi-vb-pc93:2.1.9	Gihinī nāma
pli-tv-bi-vb-pc93:2.1.10	agārinī vuccati.
pli-tv-bi-vb-pc93:2.1.11	Ummaddāpeyya vāti
pli-tv-bi-vb-pc93:2.1.12	ummaddāpeti, āpatti pācittiyassa.
pli-tv-bi-vb-pc93:2.1.13	Parimaddāpeyya vāti
pli-tv-bi-vb-pc93:2.1.14	sambāhāpeti, āpatti pācittiyassa.
pli-tv-bi-vb-pc93:2.2.0	
pli-tv-bi-vb-pc93:2.2.1	Anāpatti—
pli-tv-bi-vb-pc93:2.2.2	gilānāya,
pli-tv-bi-vb-pc93:2.2.3	āpadāsu,
pli-tv-bi-vb-pc93:2.2.4	ummattikāya,
pli-tv-bi-vb-pc93:2.2.5	ādikammikāyāti.
pli-tv-bi-vb-pc93:2.2.6	Aṭṭhama-navama-dasamasikkhāpadāni niṭṭhitāni.
pli-tv-bi-vb-pc94:0.1	Theravāda Vinaya
pli-tv-bi-vb-pc94:0.2	Bhikkhunivibhaṅga
pli-tv-bi-vb-pc94:0.3	Pācittiyakaṇḍa
pli-tv-bi-vb-pc94:0.4	Chattupāhanavagga
pli-tv-bi-vb-pc94:0.5	94. Anāpucchāsikkhāpada
pli-tv-bi-vb-pc94:1.0	
pli-tv-bi-vb-pc94:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc94:1.2	Tena kho pana samayena bhikkhuniyo bhikkhussa purato anāpucchā āsane nisīdanti.
pli-tv-bi-vb-pc94:1.3	Bhikkhū ujjhāyanti khiyyanti vipācenti—
pli-tv-bi-vb-pc94:1.4	“kathañhi nāma bhikkhuniyo bhikkhussa purato anāpucchā āsane nisīdissantī”ti …pe…
pli-tv-bi-vb-pc94:1.5	“saccaṁ kira, bhikkhave, bhikkhuniyo bhikkhussa purato anāpucchā āsane nisīdantī”ti?
pli-tv-bi-vb-pc94:1.6	“Saccaṁ, bhagavā”ti.
pli-tv-bi-vb-pc94:1.7	Vigarahi buddho bhagavā …pe…
pli-tv-bi-vb-pc94:1.8	kathañhi nāma, bhikkhave, bhikkhuniyo bhikkhussa purato anāpucchā āsane nisīdissanti.
pli-tv-bi-vb-pc94:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc94:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc94:1.11.0	
pli-tv-bi-vb-pc94:1.11.1	“Yā pana bhikkhunī bhikkhussa purato anāpucchā āsane nisīdeyya, pācittiyan”ti.
pli-tv-bi-vb-pc94:2.1.0	
pli-tv-bi-vb-pc94:2.1.1	Yā panāti
pli-tv-bi-vb-pc94:2.1.2	yā yādisā …pe…
pli-tv-bi-vb-pc94:2.1.3	bhikkhunīti
pli-tv-bi-vb-pc94:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc94:2.1.5	Bhikkhussa puratoti
pli-tv-bi-vb-pc94:2.1.6	upasampannassa purato.
pli-tv-bi-vb-pc94:2.1.7	Anāpucchāti
pli-tv-bi-vb-pc94:2.1.8	anapaloketvā.
pli-tv-bi-vb-pc94:2.1.9	Āsane nisīdeyyāti
pli-tv-bi-vb-pc94:2.1.10	antamaso chamāyapi nisīdati, āpatti pācittiyassa.
pli-tv-bi-vb-pc94:2.2.0	
pli-tv-bi-vb-pc94:2.2.1	Anāpucchite anāpucchitasaññā āsane nisīdati, āpatti pācittiyassa.
pli-tv-bi-vb-pc94:2.2.2	Anāpucchite vematikā āsane nisīdati, āpatti pācittiyassa.
pli-tv-bi-vb-pc94:2.2.3	Anāpucchite āpucchitasaññā āsane nisīdati, āpatti pācittiyassa.
pli-tv-bi-vb-pc94:2.2.4	Āpucchite anāpucchitasaññā, āpatti dukkaṭassa.
pli-tv-bi-vb-pc94:2.2.5	Āpucchite vematikā, āpatti dukkaṭassa.
pli-tv-bi-vb-pc94:2.2.6	Āpucchite āpucchitasaññā, anāpatti.
pli-tv-bi-vb-pc94:2.3.0	
pli-tv-bi-vb-pc94:2.3.1	Anāpatti—
pli-tv-bi-vb-pc94:2.3.2	āpucchā āsane nisīdati,
pli-tv-bi-vb-pc94:2.3.3	gilānāya,
pli-tv-bi-vb-pc94:2.3.4	āpadāsu,
pli-tv-bi-vb-pc94:2.3.5	ummattikāya,
pli-tv-bi-vb-pc94:2.3.6	ādikammikāyāti.
pli-tv-bi-vb-pc94:2.3.7	Ekādasamasikkhāpadaṁ niṭṭhitaṁ.
pli-tv-bi-vb-pc95:0.1	Theravāda Vinaya
pli-tv-bi-vb-pc95:0.2	Bhikkhunivibhaṅga
pli-tv-bi-vb-pc95:0.3	Pācittiyakaṇḍa
pli-tv-bi-vb-pc95:0.4	Chattupāhanavagga
pli-tv-bi-vb-pc95:0.5	95. Pañhāpucchanasikkhāpada
pli-tv-bi-vb-pc95:1.0	
pli-tv-bi-vb-pc95:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc95:1.2	Tena kho pana samayena bhikkhuniyo anokāsakataṁ bhikkhuṁ pañhaṁ pucchanti.
pli-tv-bi-vb-pc95:1.3	Bhikkhū ujjhāyanti khiyyanti vipācenti—
pli-tv-bi-vb-pc95:1.4	“kathañhi nāma bhikkhuniyo anokāsakataṁ bhikkhuṁ pañhaṁ pucchissantī”ti …pe…
pli-tv-bi-vb-pc95:1.5	“saccaṁ kira, bhikkhave, bhikkhuniyo anokāsakataṁ bhikkhuṁ pañhaṁ pucchantī”ti?
pli-tv-bi-vb-pc95:1.6	“Saccaṁ, bhagavā”ti.
pli-tv-bi-vb-pc95:1.7	Vigarahi buddho bhagavā …pe…
pli-tv-bi-vb-pc95:1.8	kathañhi nāma, bhikkhave, bhikkhuniyo anokāsakataṁ bhikkhuṁ pañhaṁ pucchissanti.
pli-tv-bi-vb-pc95:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pc95:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc95:1.11.0	
pli-tv-bi-vb-pc95:1.11.1	“Yā pana bhikkhunī anokāsakataṁ bhikkhuṁ pañhaṁ puccheyya, pācittiyan”ti.
pli-tv-bi-vb-pc95:2.1.0	
pli-tv-bi-vb-pc95:2.1.1	Yā panāti
pli-tv-bi-vb-pc95:2.1.2	yā yādisā …pe…
pli-tv-bi-vb-pc95:2.1.3	bhikkhunīti
pli-tv-bi-vb-pc95:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc95:2.1.5	Anokāsakatanti
pli-tv-bi-vb-pc95:2.1.6	anāpucchā.
pli-tv-bi-vb-pc95:2.1.7	Bhikkhunti
pli-tv-bi-vb-pc95:2.1.8	upasampannaṁ.
pli-tv-bi-vb-pc95:2.1.9	Pañhaṁ puccheyyāti
pli-tv-bi-vb-pc95:2.1.10	suttante okāsaṁ kārāpetvā vinayaṁ vā abhidhammaṁ vā pucchati, āpatti pācittiyassa.
pli-tv-bi-vb-pc95:2.1.11	Vinaye okāsaṁ kārāpetvā suttantaṁ vā abhidhammaṁ vā pucchati, āpatti pācittiyassa.
pli-tv-bi-vb-pc95:2.1.12	Abhidhamme okāsaṁ kārāpetvā suttantaṁ vā vinayaṁ vā pucchati, āpatti pācittiyassa.
pli-tv-bi-vb-pc95:2.2.0	
pli-tv-bi-vb-pc95:2.2.1	Anāpucchite anāpucchitasaññā pañhaṁ pucchati, āpatti pācittiyassa.
pli-tv-bi-vb-pc95:2.2.2	Anāpucchite vematikā pañhaṁ pucchati, āpatti pācittiyassa.
pli-tv-bi-vb-pc95:2.2.3	Anāpucchite āpucchitasaññā pañhaṁ pucchati, āpatti pācittiyassa.
pli-tv-bi-vb-pc95:2.2.4	Āpucchite anāpucchitasaññā, āpatti dukkaṭassa.
pli-tv-bi-vb-pc95:2.2.5	Āpucchite vematikā, āpatti dukkaṭassa.
pli-tv-bi-vb-pc95:2.2.6	Āpucchite āpucchitasaññā, anāpatti.
pli-tv-bi-vb-pc95:2.3.0	
pli-tv-bi-vb-pc95:2.3.1	Anāpatti—
pli-tv-bi-vb-pc95:2.3.2	okāsaṁ kārāpetvā pucchati,
pli-tv-bi-vb-pc95:2.3.3	anodissa okāsaṁ kārāpetvā yattha katthaci pucchati,
pli-tv-bi-vb-pc95:2.3.4	ummattikāya,
pli-tv-bi-vb-pc95:2.3.5	ādikammikāyāti.
pli-tv-bi-vb-pc95:2.3.6	Dvādasamasikkhāpadaṁ niṭṭhitaṁ.
pli-tv-bi-vb-pc96:0.1	Theravāda Vinaya
pli-tv-bi-vb-pc96:0.2	Bhikkhunivibhaṅga
pli-tv-bi-vb-pc96:0.3	Pācittiyakaṇḍa
pli-tv-bi-vb-pc96:0.4	Chattupāhanavagga
pli-tv-bi-vb-pc96:0.5	96. Asaṅkaccikasikkhāpada
pli-tv-bi-vb-pc96:1.0	
pli-tv-bi-vb-pc96:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pc96:1.2	Tena kho pana samayena aññatarā bhikkhunī asaṅkaccikā gāmaṁ piṇḍāya pāvisi.
pli-tv-bi-vb-pc96:1.3	Tassā rathikāya vātamaṇḍalikā saṅghāṭiyo ukkhipiṁsu.
pli-tv-bi-vb-pc96:1.4	Manussā ukkuṭṭhiṁ akaṁsu—
pli-tv-bi-vb-pc96:1.5	“sundarā ayyāya thanudarā”ti.
pli-tv-bi-vb-pc96:1.6	Sā bhikkhunī tehi manussehi uppaṇḍiyamānā maṅku ahosi.
pli-tv-bi-vb-pc96:1.7	Atha kho sā bhikkhunī upassayaṁ gantvā bhikkhunīnaṁ etamatthaṁ ārocesi.
pli-tv-bi-vb-pc96:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pc96:1.9	“kathañhi nāma bhikkhunī asaṅkaccikā gāmaṁ pavisissatī”ti …pe…
pli-tv-bi-vb-pc96:1.10	“saccaṁ kira, bhikkhave, bhikkhunī asaṅkaccikā gāmaṁ pāvisī”ti?
pli-tv-bi-vb-pc96:1.11	“Saccaṁ, bhagavā”ti.
pli-tv-bi-vb-pc96:1.12	Vigarahi buddho bhagavā …pe…
pli-tv-bi-vb-pc96:1.13	kathañhi nāma, bhikkhave, bhikkhunī asaṅkaccikā gāmaṁ pavisissati.
pli-tv-bi-vb-pc96:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-pc96:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pc96:1.16.0	
pli-tv-bi-vb-pc96:1.16.1	“Yā pana bhikkhunī asaṅkaccikā gāmaṁ paviseyya, pācittiyan”ti.
pli-tv-bi-vb-pc96:2.1.0	
pli-tv-bi-vb-pc96:2.1.1	Yā panāti
pli-tv-bi-vb-pc96:2.1.2	yā yādisā …pe…
pli-tv-bi-vb-pc96:2.1.3	bhikkhunīti
pli-tv-bi-vb-pc96:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pc96:2.1.5	Asaṅkaccikāti
pli-tv-bi-vb-pc96:2.1.6	vinā saṅkaccikaṁ.
pli-tv-bi-vb-pc96:2.1.7	Saṅkaccikaṁ nāma
pli-tv-bi-vb-pc96:2.1.8	adhakkhakaṁ ubbhanābhi, tassa paṭicchādanatthāya.
pli-tv-bi-vb-pc96:2.1.9	Gāmaṁ paviseyyāti
pli-tv-bi-vb-pc96:2.1.10	parikkhittassa gāmassa parikkhepaṁ atikkāmentiyā āpatti pācittiyassa.
pli-tv-bi-vb-pc96:2.1.11	Aparikkhittassa gāmassa upacāraṁ okkamantiyā āpatti pācittiyassa.
pli-tv-bi-vb-pc96:2.2.0	
pli-tv-bi-vb-pc96:2.2.1	Anāpatti—
pli-tv-bi-vb-pc96:2.2.2	acchinnacīvarikāya,
pli-tv-bi-vb-pc96:2.2.3	naṭṭhacīvarikāya,
pli-tv-bi-vb-pc96:2.2.4	gilānāya,
pli-tv-bi-vb-pc96:2.2.5	assatiyā,
pli-tv-bi-vb-pc96:2.2.6	ajānantiyā,
pli-tv-bi-vb-pc96:2.2.7	āpadāsu,
pli-tv-bi-vb-pc96:2.2.8	ummattikāya,
pli-tv-bi-vb-pc96:2.2.9	ādikammikāyāti.
pli-tv-bi-vb-pc96:2.2.10	Terasamasikkhāpadaṁ niṭṭhitaṁ.
pli-tv-bi-vb-pc96:2.2.11	Chattupāhanavaggo navamo.
pli-tv-bi-vb-pc96:2.2.12.0	Dhammikavagga
pli-tv-bi-vb-pc96:2.2.13.0	Nandasikkhāpada
pli-tv-bi-vb-pc96:2.2.14	Uddiṭṭhā kho, ayyāyo, chasaṭṭhisatā pācittiyā dhammā.
pli-tv-bi-vb-pc96:2.2.15	Tatthāyyāyo pucchāmi—
pli-tv-bi-vb-pc96:2.2.16	“kaccittha parisuddhā”?
pli-tv-bi-vb-pc96:2.2.17	Dutiyampi pucchāmi—
pli-tv-bi-vb-pc96:2.2.18	“kaccittha parisuddhā”?
pli-tv-bi-vb-pc96:2.2.19	Tatiyampi pucchāmi—
pli-tv-bi-vb-pc96:2.2.20	“kaccittha parisuddhā”?
pli-tv-bi-vb-pc96:2.2.21	Parisuddhetthāyyāyo, tasmā tuṇhī, evametaṁ dhārayāmīti.
pli-tv-bi-vb-pc96:2.2.22	Khuddakaṁ samattaṁ.
pli-tv-bi-vb-pc96:2.2.23	Bhikkhunivibhaṅge pācittiyakaṇḍaṁ niṭṭhitaṁ.
pli-tv-bi-vb-pc96:2.2.24	(…)
pli-tv-bi-vb-pd1:0.1	Theravāda Vinaya
pli-tv-bi-vb-pd1:0.2	Bhikkhunivibhaṅga
pli-tv-bi-vb-pd1:0.3	Pāṭidesanīyakaṇḍa
pli-tv-bi-vb-pd1:0.4	1. Sappiviññāpanasikkhāpada
pli-tv-bi-vb-pd1:0.5	Ime kho panāyyāyo aṭṭha pāṭidesanīyā dhammā uddesaṁ āgacchanti.
pli-tv-bi-vb-pd1:1.1.0.1	
pli-tv-bi-vb-pd1:1.1.0.2	
pli-tv-bi-vb-pd1:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pd1:1.1.2	Tena kho pana samayena chabbaggiyā bhikkhuniyo sappiṁ viññāpetvā bhuñjanti.
pli-tv-bi-vb-pd1:1.1.3	Manussā ujjhāyanti khiyyanti vipācenti—
pli-tv-bi-vb-pd1:1.1.4	“kathañhi nāma bhikkhuniyo sappiṁ viññāpetvā bhuñjissanti.
pli-tv-bi-vb-pd1:1.1.5	Kassa sampannaṁ na manāpaṁ, kassa sāduṁ na ruccatī”ti.
pli-tv-bi-vb-pd1:1.1.6	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pd1:1.1.7	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pd1:1.1.8	“kathañhi nāma chabbaggiyā bhikkhuniyo sappiṁ viññāpetvā bhuñjissantī”ti …pe…
pli-tv-bi-vb-pd1:1.1.9	“saccaṁ kira, bhikkhave, chabbaggiyā, bhikkhuniyo sappiṁ viññāpetvā bhuñjantī”ti?
pli-tv-bi-vb-pd1:1.1.10	“Saccaṁ, bhagavā”ti.
pli-tv-bi-vb-pd1:1.1.11	Vigarahi buddho bhagavā …pe…
pli-tv-bi-vb-pd1:1.1.12	kathañhi nāma, bhikkhave, chabbaggiyā bhikkhuniyo sappiṁ viññāpetvā bhuñjissanti.
pli-tv-bi-vb-pd1:1.1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-pd1:1.1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pd1:1.1.15.0	
pli-tv-bi-vb-pd1:1.1.15.1	“Yā pana bhikkhunī sappiṁ viññāpetvā bhuñjeyya, paṭidesetabbaṁ tāya bhikkhuniyā—
pli-tv-bi-vb-pd1:1.1.16	‘gārayhaṁ, ayye, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
pli-tv-bi-vb-pd1:1.1.17	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-pd1:1.2.0	
pli-tv-bi-vb-pd1:1.2.1	Tena kho pana samayena bhikkhuniyo gilānā honti.
pli-tv-bi-vb-pd1:1.2.2	Gilānapucchikā bhikkhuniyo gilānā bhikkhuniyo etadavocuṁ—
pli-tv-bi-vb-pd1:1.2.3	“kacci, ayye, khamanīyaṁ, kacci yāpanīyan”ti?
pli-tv-bi-vb-pd1:1.2.4	“Pubbe mayaṁ, ayye, sappiṁ viññāpetvā bhuñjāma, tena no phāsu hoti;
pli-tv-bi-vb-pd1:1.2.5	idāni pana ‘bhagavatā paṭikkhittan’ti kukkuccāyantā na viññāpema, tena no na phāsu hotī”ti …pe…
pli-tv-bi-vb-pd1:1.2.6	bhagavato etamatthaṁ ārocesuṁ …pe…
pli-tv-bi-vb-pd1:1.2.7	anujānāmi, bhikkhave, gilānāya bhikkhuniyā sappiṁ viññāpetvā bhuñjituṁ.
pli-tv-bi-vb-pd1:1.2.8	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pd1:1.2.9.0	
pli-tv-bi-vb-pd1:1.2.9.1	“Yā pana bhikkhunī agilānā sappiṁ viññāpetvā bhuñjeyya, paṭidesetabbaṁ tāya bhikkhuniyā—
pli-tv-bi-vb-pd1:1.2.10	‘gārayhaṁ, ayye, dhammaṁ āpajjiṁ asappāyaṁ pāṭidesanīyaṁ taṁ paṭidesemī’”ti.
pli-tv-bi-vb-pd1:2.1.0	
pli-tv-bi-vb-pd1:2.1.1	Yā panāti
pli-tv-bi-vb-pd1:2.1.2	yā yādisā …pe…
pli-tv-bi-vb-pd1:2.1.3	bhikkhunīti
pli-tv-bi-vb-pd1:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pd1:2.1.5	Agilānā nāma
pli-tv-bi-vb-pd1:2.1.6	yassā vinā sappinā phāsu hoti.
pli-tv-bi-vb-pd1:2.1.7	Gilānā nāma
pli-tv-bi-vb-pd1:2.1.8	yassā vinā sappinā na phāsu hoti.
pli-tv-bi-vb-pd1:2.1.9	Sappi nāma
pli-tv-bi-vb-pd1:2.1.10	gosappi vā ajikāsappi vā mahiṁsasappi vā. Yesaṁ maṁsaṁ kappati tesaṁ sappi.
pli-tv-bi-vb-pd1:2.1.11	Agilānā attano atthāya viññāpeti, payoge dukkaṭaṁ.
pli-tv-bi-vb-pd1:2.1.12	Paṭilābhena “bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-pd1:2.1.13	Ajjhohāre ajjhohāre āpatti pāṭidesanīyassa.
pli-tv-bi-vb-pd1:2.2.0	
pli-tv-bi-vb-pd1:2.2.1	Agilānā agilānasaññā sappiṁ viññāpetvā bhuñjati, āpatti pāṭidesanīyassa.
pli-tv-bi-vb-pd1:2.2.2	Agilānā vematikā sappiṁ viññāpetvā bhuñjati, āpatti pāṭidesanīyassa.
pli-tv-bi-vb-pd1:2.2.3	Agilānā gilānasaññā sappiṁ viññāpetvā bhuñjati, āpatti pāṭidesanīyassa.
pli-tv-bi-vb-pd1:2.2.4	Gilānā agilānasaññā, āpatti dukkaṭassa.
pli-tv-bi-vb-pd1:2.2.5	Gilānā vematikā, āpatti dukkaṭassa.
pli-tv-bi-vb-pd1:2.2.6	Gilānā gilānasaññā, anāpatti.
pli-tv-bi-vb-pd1:2.3.0	
pli-tv-bi-vb-pd1:2.3.1	Anāpatti—
pli-tv-bi-vb-pd1:2.3.2	gilānāya,
pli-tv-bi-vb-pd1:2.3.3	gilānā hutvā viññāpetvā agilānā bhuñjati,
pli-tv-bi-vb-pd1:2.3.4	gilānāya sesakaṁ bhuñjati,
pli-tv-bi-vb-pd1:2.3.5	ñātakānaṁ,
pli-tv-bi-vb-pd1:2.3.6	pavāritānaṁ,
pli-tv-bi-vb-pd1:2.3.7	aññassatthāya,
pli-tv-bi-vb-pd1:2.3.8	attano dhanena,
pli-tv-bi-vb-pd1:2.3.9	ummattikāya,
pli-tv-bi-vb-pd1:2.3.10	ādikammikāyāti.
pli-tv-bi-vb-pd1:2.3.11	Paṭhamapāṭidesanīyasikkhāpadaṁ niṭṭhitaṁ.
pli-tv-bi-vb-pd2:0.1	Theravāda Vinaya
pli-tv-bi-vb-pd2:0.2	Bhikkhunivibhaṅga
pli-tv-bi-vb-pd2:0.3	Pāṭidesanīyakaṇḍa
pli-tv-bi-vb-pd2:0.4	2–8. Tela-madhu-phāṇita-maccha-maṁsa-khīra-dadhiviññāpanasikkhāpada
pli-tv-bi-vb-pd2:1.1.0.1	
pli-tv-bi-vb-pd2:1.1.0.2	
pli-tv-bi-vb-pd2:1.1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pd2:1.1.2	Tena kho pana samayena chabbaggiyā bhikkhuniyo telaṁ viññāpetvā bhuñjanti.
pli-tv-bi-vb-pd2:1.1.3	…pe… madhuṁ viññāpetvā bhuñjanti.
pli-tv-bi-vb-pd2:1.1.4	…pe… phāṇitaṁ viññāpetvā bhuñjanti.
pli-tv-bi-vb-pd2:1.1.5	…pe… macchaṁ viññāpetvā bhuñjanti.
pli-tv-bi-vb-pd2:1.1.6	…pe… maṁsaṁ viññāpetvā bhuñjanti.
pli-tv-bi-vb-pd2:1.1.7	…pe… khīraṁ viññāpetvā bhuñjanti.
pli-tv-bi-vb-pd2:1.1.8	…pe… dadhiṁ viññāpetvā bhuñjanti.
pli-tv-bi-vb-pd2:1.1.9	Manussā ujjhāyanti khiyyanti vipācenti—
pli-tv-bi-vb-pd2:1.1.10	“kathañhi nāma bhikkhuniyo dadhiṁ viññāpetvā bhuñjissanti.
pli-tv-bi-vb-pd2:1.1.11	Kassa sampannaṁ na manāpaṁ, kassa sāduṁ na ruccatī”ti.
pli-tv-bi-vb-pd2:1.1.12	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-pd2:1.1.13	Yā tā bhikkhuniyo appicchā … pe … tā ujjhāyanti khiyyanti vipācenti—
pli-tv-bi-vb-pd2:1.1.14	“kathañhi nāma chabbaggiyā bhikkhuniyo dadhiṁ viññāpetvā bhuñjissantī”ti … pe …
pli-tv-bi-vb-pd2:1.1.15	“saccaṁ kira, bhikkhave, chabbaggiyā bhikkhuniyo dadhiṁ viññāpetvā bhuñjantī”ti?
pli-tv-bi-vb-pd2:1.1.16	“Saccaṁ, bhagavā”ti.
pli-tv-bi-vb-pd2:1.1.17	Vigarahi buddho bhagavā … pe …
pli-tv-bi-vb-pd2:1.1.18	kathañhi nāma, bhikkhave, chabbaggiyā bhikkhuniyo dadhiṁ viññāpetvā bhuñjissanti.
pli-tv-bi-vb-pd2:1.1.19	Netaṁ, bhikkhave, appasannānaṁ vā pasādāya … pe …
pli-tv-bi-vb-pd2:1.1.20	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pd2:1.1.21.0	
pli-tv-bi-vb-pd2:1.1.21.1	“Yā pana bhikkhunī dadhiṁ viññāpetvā bhuñjeyya, paṭidesetabbaṁ tāya bhikkhuniyā—
pli-tv-bi-vb-pd2:1.1.22	‘gārayhaṁ, ayye, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
pli-tv-bi-vb-pd2:1.1.23	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-pd2:1.2.0	
pli-tv-bi-vb-pd2:1.2.1	Tena kho pana samayena bhikkhuniyo gilānā honti.
pli-tv-bi-vb-pd2:1.2.2	Gilānapucchikā bhikkhuniyo gilānā bhikkhuniyo etadavocuṁ—
pli-tv-bi-vb-pd2:1.2.3	“kacci, ayye, khamanīyaṁ, kacci yāpanīyan”ti?
pli-tv-bi-vb-pd2:1.2.4	“Pubbe mayaṁ, ayye, dadhiṁ viññāpetvā bhuñjimhā, tena no phāsu hoti;
pli-tv-bi-vb-pd2:1.2.5	idāni pana ‘bhagavatā paṭikkhittan’ti kukkuccāyantā na viññāpema, tena no na phāsu hotī”ti … pe …
pli-tv-bi-vb-pd2:1.2.6	bhagavato etamatthaṁ ārocesuṁ … pe …
pli-tv-bi-vb-pd2:1.2.7	anujānāmi, bhikkhave, gilānāya bhikkhuniyā dadhiṁ viññāpetvā bhuñjituṁ.
pli-tv-bi-vb-pd2:1.2.8	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pd2:1.2.9.0	
pli-tv-bi-vb-pd2:1.2.9.1	“Yā pana bhikkhunī agilānā (telaṁ …pe…
pli-tv-bi-vb-pd3:1.1.1	madhuṁ …pe…
pli-tv-bi-vb-pd4:1.1.1	phāṇitaṁ …pe…
pli-tv-bi-vb-pd5:1.1.1	macchaṁ …pe…
pli-tv-bi-vb-pd6:1.1.1	maṁsaṁ …pe…
pli-tv-bi-vb-pd7:1.1.1	khīraṁ …pe…)
pli-tv-bi-vb-pd8:1.1.1	dadhiṁ viññāpetvā bhuñjeyya, paṭidesetabbaṁ tāya bhikkhuniyā—
pli-tv-bi-vb-pd8:1.1.2	‘gārayhaṁ, ayye, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
pli-tv-bi-vb-pd8:2.1.0	
pli-tv-bi-vb-pd8:2.1.1	Yā panāti
pli-tv-bi-vb-pd8:2.1.2	yā yādisā … pe …
pli-tv-bi-vb-pd8:2.1.3	bhikkhunīti
pli-tv-bi-vb-pd8:2.1.4	… pe … ayaṁ imasmiṁ atthe adhippetā bhikkhunīti.
pli-tv-bi-vb-pd8:2.1.5	Agilānā nāma
pli-tv-bi-vb-pd8:2.1.6	yassā vinā dadhinā phāsu hoti.
pli-tv-bi-vb-pd8:2.1.7	Gilānā nāma
pli-tv-bi-vb-pd8:2.1.8	yassā vinā dadhinā na phāsu hoti.
pli-tv-bi-vb-pd8:2.1.9	Telaṁ nāma
pli-tv-bi-vb-pd8:2.1.10	tilatelaṁ sāsapatelaṁ madhukatelaṁ eraṇḍatelaṁ vasātelaṁ.
pli-tv-bi-vb-pd8:2.1.11	Madhu nāma
pli-tv-bi-vb-pd8:2.1.12	makkhikāmadhu.
pli-tv-bi-vb-pd8:2.1.13	Phāṇitaṁ nāma
pli-tv-bi-vb-pd8:2.1.14	ucchumhā nibbattaṁ.
pli-tv-bi-vb-pd8:2.1.15	Maccho nāma
pli-tv-bi-vb-pd8:2.1.16	odako vuccati.
pli-tv-bi-vb-pd8:2.1.17	Maṁsaṁ nāma
pli-tv-bi-vb-pd8:2.1.18	yesaṁ maṁsaṁ kappati tesaṁ maṁsaṁ.
pli-tv-bi-vb-pd8:2.1.19	Khīraṁ nāma
pli-tv-bi-vb-pd8:2.1.20	gokhīraṁ vā ajikākhīraṁ vā mahiṁsakhīraṁ vā yesaṁ maṁsaṁ kappati tesaṁ khīraṁ.
pli-tv-bi-vb-pd8:2.1.21	Dadhi nāma
pli-tv-bi-vb-pd8:2.1.22	tesaññeva dadhi.
pli-tv-bi-vb-pd8:2.1.23	Agilānā attano atthāya viññāpeti, payoge dukkaṭaṁ.
pli-tv-bi-vb-pd8:2.1.24	Paṭilābhena “bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-pd8:2.1.25	Ajjhohāre ajjhohāre āpatti pāṭidesanīyassa.
pli-tv-bi-vb-pd8:2.2.0	
pli-tv-bi-vb-pd8:2.2.1	Agilānā agilānasaññā dadhiṁ viññāpetvā bhuñjati, āpatti pāṭidesanīyassa.
pli-tv-bi-vb-pd8:2.2.2	Agilānā vematikā dadhiṁ viññāpetvā bhuñjati, āpatti pāṭidesanīyassa.
pli-tv-bi-vb-pd8:2.2.3	Agilānā gilānasaññā dadhiṁ viññāpetvā bhuñjati, āpatti pāṭidesanīyassa.
pli-tv-bi-vb-pd8:2.2.4	Gilānā agilānasaññā, āpatti dukkaṭassa.
pli-tv-bi-vb-pd8:2.2.5	Gilānā vematikā, āpatti dukkaṭassa.
pli-tv-bi-vb-pd8:2.2.6	Gilānā gilānasaññā anāpatti.
pli-tv-bi-vb-pd8:2.3.0	
pli-tv-bi-vb-pd8:2.3.1	Anāpatti—
pli-tv-bi-vb-pd8:2.3.2	gilānāya,
pli-tv-bi-vb-pd8:2.3.3	gilānā hutvā viññāpetvā agilānā bhuñjati,
pli-tv-bi-vb-pd8:2.3.4	gilānāya sesakaṁ bhuñjati,
pli-tv-bi-vb-pd8:2.3.5	ñātakānaṁ,
pli-tv-bi-vb-pd8:2.3.6	pavāritānaṁ,
pli-tv-bi-vb-pd8:2.3.7	aññassatthāya,
pli-tv-bi-vb-pd8:2.3.8	attano dhanena,
pli-tv-bi-vb-pd8:2.3.9	ummattikāya,
pli-tv-bi-vb-pd8:2.3.10	ādikammikāyāti.
pli-tv-bi-vb-pd8:2.3.11	Aṭṭhamapāṭidesanīyasikkhāpadaṁ niṭṭhitaṁ.
pli-tv-bi-vb-pd8:2.3.12	Uddiṭṭhā kho, ayyāyo, aṭṭha pāṭidesanīyā dhammā.
pli-tv-bi-vb-pd8:2.3.13	Tatthāyyāyo pucchāmi—
pli-tv-bi-vb-pd8:2.3.14	“kaccittha parisuddhā”?
pli-tv-bi-vb-pd8:2.3.15	Dutiyampi pucchāmi—
pli-tv-bi-vb-pd8:2.3.16	“kaccittha parisuddhā”?
pli-tv-bi-vb-pd8:2.3.17	Tatiyampi pucchāmi—
pli-tv-bi-vb-pd8:2.3.18	“kaccittha parisuddhā”?
pli-tv-bi-vb-pd8:2.3.19	Parisuddhetthāyyāyo, tasmā tuṇhī, evametaṁ dhārayāmīti.
pli-tv-bi-vb-pd8:2.3.20	Bhikkhunivibhaṅge pāṭidesanīyakaṇḍaṁ niṭṭhitaṁ.
pli-tv-bi-vb-pj1-4:0.1	Theravāda Vinaya
pli-tv-bi-vb-pj1-4:0.2	Bhikkhunivibhaṅga
pli-tv-bi-vb-pj1-4:0.3	Pārājikakaṇḍa
pli-tv-bi-vb-pj1-4:0.4	~
pli-tv-bi-vb-pj1-4:1.1	
pli-tv-bi-vb-pj5:0.1	Theravāda Vinaya
pli-tv-bi-vb-pj5:0.2	Bhikkhunivibhaṅga
pli-tv-bi-vb-pj5:0.3	Pārājikakaṇḍa
pli-tv-bi-vb-pj5:0.4	5. Ubbhajāṇumaṇḍalikāsikkhāpada
pli-tv-bi-vb-pj5:1.0.1	
pli-tv-bi-vb-pj5:1.0.2	Namo tassa Bhagavato Arahato Sammāsambuddhassa.
pli-tv-bi-vb-pj5:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pj5:1.2	Tena kho pana samayena sāḷho migāranattā bhikkhunisaṅghassa vihāraṁ kattukāmo hoti.
pli-tv-bi-vb-pj5:1.3	Atha kho sāḷho migāranattā bhikkhuniyo upasaṅkamitvā etadavoca—
pli-tv-bi-vb-pj5:1.4	“icchāmahaṁ, ayye, bhikkhunisaṅghassa vihāraṁ kātuṁ.
pli-tv-bi-vb-pj5:1.5	Detha me navakammikaṁ bhikkhunin”ti.
pli-tv-bi-vb-pj5:1.6	Tena kho pana samayena catasso bhaginiyo bhikkhunīsu pabbajitā honti—
pli-tv-bi-vb-pj5:1.7	nandā, nandavatī, sundarīnandā, thullanandāti.
pli-tv-bi-vb-pj5:1.8	Tāsu sundarīnandā bhikkhunī taruṇapabbajitā abhirūpā hoti dassanīyā pāsādikā paṇḍitā byattā medhāvinī dakkhā analasā, tatrupāyāya vīmaṁsāya samannāgatā, alaṁ kātuṁ alaṁ saṁvidhātuṁ.
pli-tv-bi-vb-pj5:1.9	Atha kho bhikkhunisaṅgho sundarīnandaṁ bhikkhuniṁ sammannitvā sāḷhassa migāranattuno navakammikaṁ adāsi.
pli-tv-bi-vb-pj5:1.10	Tena kho pana samayena sundarīnandā bhikkhunī sāḷhassa migāranattuno nivesanaṁ abhikkhaṇaṁ gacchati—
pli-tv-bi-vb-pj5:1.11	“vāsiṁ detha, parasuṁ detha, kuṭhāriṁ detha, kudālaṁ detha, nikhādanaṁ dethā”ti.
pli-tv-bi-vb-pj5:1.12	Sāḷhopi migāranattā bhikkhunupassayaṁ abhikkhaṇaṁ gacchati katākataṁ jānituṁ.
pli-tv-bi-vb-pj5:1.13	Te abhiṇhadassanena paṭibaddhacittā ahesuṁ.
pli-tv-bi-vb-pj5:1.14	Atha kho sāḷho migāranattā sundarīnandaṁ bhikkhuniṁ dūsetuṁ okāsaṁ alabhamāno etadevaatthāya bhikkhunisaṅghassa bhattaṁ akāsi.
pli-tv-bi-vb-pj5:1.15	Atha kho sāḷho migāranattā bhattagge āsanaṁ paññapento “ettakā bhikkhuniyo ayyāya sundarīnandāya vuḍḍhatarā”ti—ekamantaṁ āsanaṁ paññapesi “ettakā navakatarā”ti—ekamantaṁ āsanaṁ paññapesi.
pli-tv-bi-vb-pj5:1.16	Paṭicchanne okāse nikūṭe sundarīnandāya bhikkhuniyā āsanaṁ paññapesi, yathā therā bhikkhuniyo jāneyyuṁ—“navakānaṁ bhikkhunīnaṁ santike nisinnā”ti; navakāpi bhikkhuniyo jāneyyuṁ—“therānaṁ bhikkhunīnaṁ santike nisinnā”ti.
pli-tv-bi-vb-pj5:1.17	Atha kho sāḷho migāranattā bhikkhunisaṅghassa kālaṁ ārocāpesi—“kālo, ayye, niṭṭhitaṁ bhattan”ti.
pli-tv-bi-vb-pj5:1.18	Sundarīnandā bhikkhunī sallakkhetvā—“na bahukato sāḷho migāranattā bhikkhunisaṅghassa bhattaṁ akāsi; maṁ so dūsetukāmo.
pli-tv-bi-vb-pj5:1.19	Sacāhaṁ gamissāmi vissaro me bhavissatī”ti, antevāsiniṁ bhikkhuniṁ āṇāpesi—“gaccha me piṇḍapātaṁ nīhara.
pli-tv-bi-vb-pj5:1.20	Yo ce maṁ pucchati, ‘gilānā’ti paṭivedehī”ti.
pli-tv-bi-vb-pj5:1.21	“Evaṁ, ayye”ti kho sā bhikkhunī sundarīnandāya bhikkhuniyā paccassosi.
pli-tv-bi-vb-pj5:1.22	Tena kho pana samayena sāḷho migāranattā bahidvārakoṭṭhake ṭhito hoti sundarīnandaṁ bhikkhuniṁ paṭipucchanto—
pli-tv-bi-vb-pj5:1.23	“kahaṁ, ayye, ayyā sundarīnandā? Kahaṁ, ayye, ayyā sundarīnandā”ti?
pli-tv-bi-vb-pj5:1.24	Evaṁ vutte, sundarīnandāya bhikkhuniyā antevāsinī bhikkhunī sāḷhaṁ migāranattāraṁ etadavoca—“gilānāvuso; piṇḍapātaṁ nīharissāmī”ti.
pli-tv-bi-vb-pj5:1.25	Atha kho sāḷho migāranattā—“yampāhaṁ atthāya bhikkhunisaṅghassa bhattaṁ akāsiṁ ayyāya sundarīnandāya kāraṇā”ti manusse āṇāpetvā—
pli-tv-bi-vb-pj5:1.26	“bhikkhunisaṅghaṁ bhattena parivisathā”ti vatvā yena bhikkhunupassayo tenupasaṅkami.
pli-tv-bi-vb-pj5:1.27	Tena kho pana samayena sundarīnandā bhikkhunī bahārāmakoṭṭhake ṭhitā hoti sāḷhaṁ migāranattāraṁ patimānentī.
pli-tv-bi-vb-pj5:1.28	Addasā kho sundarīnandā bhikkhunī sāḷhaṁ migāranattāraṁ dūratova āgacchantaṁ. Disvāna upassayaṁ pavisitvā sasīsaṁ pārupitvā mañcake nipajji.
pli-tv-bi-vb-pj5:1.29	Atha kho sāḷho migāranattā yena sundarīnandā bhikkhunī tenupasaṅkami; upasaṅkamitvā sundarīnandaṁ bhikkhuniṁ etadavoca—“kiṁ te, ayye, aphāsu, kissa nipannāsī”ti?
pli-tv-bi-vb-pj5:1.30	“Evañhetaṁ, āvuso, hoti yā anicchantaṁ icchatī”ti.
pli-tv-bi-vb-pj5:1.31	“Kyāhaṁ taṁ, ayye, na icchissāmi?
pli-tv-bi-vb-pj5:1.32	Api cāhaṁ okāsaṁ na labhāmi taṁ dūsetun”ti.
pli-tv-bi-vb-pj5:1.33	Avassuto avassutāya sundarīnandāya bhikkhuniyā kāyasaṁsaggaṁ samāpajji.
pli-tv-bi-vb-pj5:1.34	Tena kho pana samayena aññatarā bhikkhunī jarādubbalā caraṇagilānā sundarīnandāya bhikkhuniyā avidūre nipannā hoti.
pli-tv-bi-vb-pj5:1.35	Addasā kho sā bhikkhunī sāḷhaṁ migāranattāraṁ avassutaṁ avassutāya sundarīnandāya bhikkhuniyā kāyasaṁsaggaṁ samāpajjantaṁ.
pli-tv-bi-vb-pj5:1.36	Disvāna ujjhāyati khiyyati vipāceti—“kathañhi nāma ayyā sundarīnandā avassutā avassutassa purisapuggalassa kāyasaṁsaggaṁ sādiyissatī”ti.
pli-tv-bi-vb-pj5:1.37	Atha kho sā bhikkhunī bhikkhunīnaṁ etamatthaṁ ārocesi.
pli-tv-bi-vb-pj5:1.38	Yā tā bhikkhuniyo appicchā santuṭṭhā lajjiniyo kukkuccikā sikkhākāmā tā ujjhāyanti khiyyanti vipācenti—
pli-tv-bi-vb-pj5:1.39	“kathañhi nāma ayyā sundarīnandā avassutā avassutassa purisapuggalassa kāyasaṁsaggaṁ sādiyissatī”ti.
pli-tv-bi-vb-pj5:1.40	Atha kho tā bhikkhuniyo bhikkhūnaṁ etamatthaṁ ārocesuṁ. Ye te bhikkhū appicchā santuṭṭhā lajjino kukkuccakā sikkhākāmā te ujjhāyanti khiyyanti vipācenti—“kathañhi nāma sundarīnandā bhikkhunī avassutā avassutassa purisapuggalassa kāyasaṁsaggaṁ sādiyissatī”ti.
pli-tv-bi-vb-pj5:1.41	Atha kho te bhikkhū sundarīnandaṁ bhikkhuniṁ anekapariyāyena vigarahitvā bhagavato etamatthaṁ ārocesuṁ.
pli-tv-bi-vb-pj5:1.42	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-bi-vb-pj5:1.43	“saccaṁ kira, bhikkhave, sundarīnandā bhikkhunī avassutā avassutassa purisapuggalassa kāyasaṁsaggaṁ sādiyatī”ti?
pli-tv-bi-vb-pj5:1.44	“Saccaṁ, bhagavā”ti.
pli-tv-bi-vb-pj5:1.45	Vigarahi buddho bhagavā—
pli-tv-bi-vb-pj5:1.46	“ananucchavikaṁ, bhikkhave, sundarīnandāya bhikkhuniyā ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
pli-tv-bi-vb-pj5:1.47	Kathañhi nāma, bhikkhave, sundarīnandā bhikkhunī avassutā avassutassa purisapuggalassa kāyasaṁsaggaṁ sādiyissati.
pli-tv-bi-vb-pj5:1.48	Netaṁ, bhikkhave, appasannānaṁ vā pasādāya pasannānaṁ vā bhiyyobhāvāya.
pli-tv-bi-vb-pj5:1.49	Atha khvetaṁ, bhikkhave, appasannānañceva appasādāya pasannānañca ekaccānaṁ aññathattāyā”ti.
pli-tv-bi-vb-pj5:1.50	Atha kho bhagavā sundarīnandaṁ bhikkhuniṁ anekapariyāyena vigarahitvā dubbharatāya dupposatāya mahicchatāya asantuṭṭhitāya saṅgaṇikāya kosajjassa avaṇṇaṁ bhāsitvā, anekapariyāyena subharatāya suposatāya appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇaṁ bhāsitvā, bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi—
pli-tv-bi-vb-pj5:1.51	“tena hi, bhikkhave, bhikkhunīnaṁ sikkhāpadaṁ paññapessāmi dasa atthavase paṭicca—
pli-tv-bi-vb-pj5:1.52	saṅghasuṭṭhutāya, saṅghaphāsutāya, dummaṅkūnaṁ bhikkhunīnaṁ niggahāya, pesalānaṁ bhikkhunīnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā vinayānuggahāya.
pli-tv-bi-vb-pj5:1.53	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pj5:1.54.0	
pli-tv-bi-vb-pj5:1.54.1	“Yā pana bhikkhunī avassutā avassutassa purisapuggalassa adhakkhakaṁ ubbhajāṇumaṇḍalaṁ āmasanaṁ vā parāmasanaṁ vā gahaṇaṁ vā chupanaṁ vā paṭipīḷanaṁ vā sādiyeyya, ayampi pārājikā hoti asaṁvāsā ubbhajāṇumaṇḍalikā”ti.
pli-tv-bi-vb-pj5:2.1.0	
pli-tv-bi-vb-pj5:2.1.1	Yā panāti
pli-tv-bi-vb-pj5:2.1.2	yā yādisā yathāyuttā yathājaccā yathānāmā yathāgottā yathāsīlā yathāvihārinī yathāgocarā therā vā navā vā majjhimā vā, esā vuccati yā panāti.
pli-tv-bi-vb-pj5:2.1.3	Bhikkhunīti
pli-tv-bi-vb-pj5:2.1.4	bhikkhikāti bhikkhunī;
pli-tv-bi-vb-pj5:2.1.5	bhikkhācariyaṁ ajjhupagatāti bhikkhunī;
pli-tv-bi-vb-pj5:2.1.6	bhinnapaṭadharāti bhikkhunī;
pli-tv-bi-vb-pj5:2.1.7	samaññāya bhikkhunī;
pli-tv-bi-vb-pj5:2.1.8	paṭiññāya bhikkhunī;
pli-tv-bi-vb-pj5:2.1.9	ehi bhikkhunīti bhikkhunī;
pli-tv-bi-vb-pj5:2.1.10	tīhi saraṇagamanehi upasampannāti bhikkhunī;
pli-tv-bi-vb-pj5:2.1.11	bhadrā bhikkhunī;
pli-tv-bi-vb-pj5:2.1.12	sārā bhikkhunī;
pli-tv-bi-vb-pj5:2.1.13	sekhā bhikkhunī;
pli-tv-bi-vb-pj5:2.1.14	asekhā bhikkhunī;
pli-tv-bi-vb-pj5:2.1.15	samaggena ubhatosaṅghena ñatticatutthena kammena akuppena ṭhānārahena upasampannāti bhikkhunī.
pli-tv-bi-vb-pj5:2.1.16	Tatra yāyaṁ bhikkhunī samaggena ubhatosaṅghena ñatticatutthena kammena akuppena ṭhānārahena upasampannā, ayaṁ imasmiṁ atthe adhippetā bhikkhunīti.
pli-tv-bi-vb-pj5:2.1.17	Avassutā nāma
pli-tv-bi-vb-pj5:2.1.18	sārattā apekkhavatī paṭibaddhacittā.
pli-tv-bi-vb-pj5:2.1.19	Avassuto nāma
pli-tv-bi-vb-pj5:2.1.20	sāratto apekkhavā paṭibaddhacitto.
pli-tv-bi-vb-pj5:2.1.21	Purisapuggalo nāma
pli-tv-bi-vb-pj5:2.1.22	manussapuriso na yakkho na peto na tiracchānagato viññū paṭibalo kāyasaṁsaggaṁ samāpajjituṁ.
pli-tv-bi-vb-pj5:2.1.23	Adhakkhakanti
pli-tv-bi-vb-pj5:2.1.24	heṭṭhakkhakaṁ.
pli-tv-bi-vb-pj5:2.1.25	Ubbhajāṇumaṇḍalanti
pli-tv-bi-vb-pj5:2.1.26	uparijāṇumaṇḍalaṁ.
pli-tv-bi-vb-pj5:2.1.27	Āmasanaṁ nāma
pli-tv-bi-vb-pj5:2.1.28	āmaṭṭhamattaṁ.
pli-tv-bi-vb-pj5:2.1.29	Parāmasanaṁ nāma
pli-tv-bi-vb-pj5:2.1.30	itocito ca sañcopanaṁ.
pli-tv-bi-vb-pj5:2.1.31	Gahaṇaṁ nāma
pli-tv-bi-vb-pj5:2.1.32	gahitamattaṁ.
pli-tv-bi-vb-pj5:2.1.33	Chupanaṁ nāma
pli-tv-bi-vb-pj5:2.1.34	phuṭṭhamattaṁ.
pli-tv-bi-vb-pj5:2.1.35	Paṭipīḷanaṁ vā sādiyeyyāti
pli-tv-bi-vb-pj5:2.1.36	aṅgaṁ gahetvā nippīḷanaṁ sādiyati.
pli-tv-bi-vb-pj5:2.1.37	Ayampīti
pli-tv-bi-vb-pj5:2.1.38	purimāyo upādāya vuccati.
pli-tv-bi-vb-pj5:2.1.39	Pārājikā hotīti
pli-tv-bi-vb-pj5:2.1.40	seyyathāpi nāma puriso sīsacchinno abhabbo tena sarīrabandhanena jīvituṁ; evameva bhikkhunī avassutā avassutassa purisapuggalassa adhakkhakaṁ ubbhajāṇumaṇḍalaṁ āmasanaṁ vā parāmasanaṁ vā gahaṇaṁ vā chupanaṁ vā paṭipīḷanaṁ vā sādiyantī assamaṇī hoti asakyadhītā. Tena vuccati pārājikā hotīti.
pli-tv-bi-vb-pj5:2.1.41	Asaṁvāsāti
pli-tv-bi-vb-pj5:2.1.42	saṁvāso nāma ekakammaṁ ekuddeso samasikkhatā— eso saṁvāso nāma.
pli-tv-bi-vb-pj5:2.1.43	So tāya saddhiṁ natthi, tena vuccati asaṁvāsāti.
pli-tv-bi-vb-pj5:2.2.0.1	
pli-tv-bi-vb-pj5:2.2.0.2	
pli-tv-bi-vb-pj5:2.2.1	Ubhatoavassute adhakkhakaṁ ubbhajāṇumaṇḍalaṁ kāyena kāyaṁ āmasati, āpatti pārājikassa.
pli-tv-bi-vb-pj5:2.2.2	Kāyena kāyapaṭibaddhaṁ āmasati, āpatti thullaccayassa.
pli-tv-bi-vb-pj5:2.2.3	Kāyapaṭibaddhena kāyaṁ āmasati, āpatti thullaccayassa.
pli-tv-bi-vb-pj5:2.2.4	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.5	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.6	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.7	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.2.8.0	
pli-tv-bi-vb-pj5:2.2.8.1	Ubbhakkhakaṁ adhojāṇumaṇḍalaṁ kāyena kāyaṁ āmasati, āpatti thullaccayassa.
pli-tv-bi-vb-pj5:2.2.9	Kāyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.10	Kāyapaṭibaddhena kāyaṁ āmasati, āpatti dukkaṭassa.
pli-tv-bi-vb-pj5:2.2.11	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.12	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.13	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.14	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.2.15.0	
pli-tv-bi-vb-pj5:2.2.15.1	Ekatoavassute adhakkhakaṁ ubbhajāṇumaṇḍalaṁ kāyena kāyaṁ āmasati, āpatti thullaccayassa.
pli-tv-bi-vb-pj5:2.2.16	Kāyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.17	Kāyapaṭibaddhena kāyaṁ āmasati, āpatti dukkaṭassa.
pli-tv-bi-vb-pj5:2.2.18	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.19	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.20	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.21	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.2.22.0	
pli-tv-bi-vb-pj5:2.2.22.1	Ubbhakkhakaṁ adhojāṇumaṇḍalaṁ kāyena kāyaṁ āmasati, āpatti dukkaṭassa.
pli-tv-bi-vb-pj5:2.2.23	Kāyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.24	Kāyapaṭibaddhena kāyaṁ āmasati, āpatti dukkaṭassa.
pli-tv-bi-vb-pj5:2.2.25	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.26	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.27	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.28	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.2.29.0	
pli-tv-bi-vb-pj5:2.2.29.1	Ubhatoavassute yakkhassa vā petassa vā paṇḍakassa vā tiracchānagatamanussaviggahassa vā adhakkhakaṁ ubbhajāṇumaṇḍalaṁ kāyena kāyaṁ āmasati, āpatti thullaccayassa.
pli-tv-bi-vb-pj5:2.2.30	Kāyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.31	Kāyapaṭibaddhena kāyaṁ āmasati, āpatti dukkaṭassa.
pli-tv-bi-vb-pj5:2.2.32	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.33	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.34	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.35	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.2.36.0	
pli-tv-bi-vb-pj5:2.2.36.1	Ubbhakkhakaṁ adhojāṇumaṇḍalaṁ kāyena kāyaṁ āmasati, āpatti dukkaṭassa.
pli-tv-bi-vb-pj5:2.2.37	Kāyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.38	Kāyapaṭibaddhena kāyaṁ āmasati, āpatti dukkaṭassa.
pli-tv-bi-vb-pj5:2.2.39	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.40	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.41	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.42	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.2.43.0	
pli-tv-bi-vb-pj5:2.2.43.1	Ekatoavassute adhakkhakaṁ ubbhajāṇumaṇḍalaṁ kāyena kāyaṁ āmasati, āpatti dukkaṭassa.
pli-tv-bi-vb-pj5:2.2.44	Kāyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.45	Kāyapaṭibaddhena kāyaṁ āmasati, āpatti dukkaṭassa.
pli-tv-bi-vb-pj5:2.2.46	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.47	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.48	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.49	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.2.50.0	
pli-tv-bi-vb-pj5:2.2.50.1	Ubbhakkhakaṁ adhojāṇumaṇḍalaṁ kāyena kāyaṁ āmasati, āpatti dukkaṭassa.
pli-tv-bi-vb-pj5:2.2.51	Kāyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.52	Kāyapaṭibaddhena kāyaṁ āmasati, āpatti dukkaṭassa.
pli-tv-bi-vb-pj5:2.2.53	Kāyapaṭibaddhena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.54	Nissaggiyena kāyaṁ āmasati, āpatti dukkaṭassa.
pli-tv-bi-vb-pj5:2.2.55	Nissaggiyena kāyapaṭibaddhaṁ āmasati, āpatti dukkaṭassa.
pli-tv-bi-vb-pj5:2.2.56	Nissaggiyena nissaggiyaṁ āmasati, āpatti dukkaṭassa.
pli-tv-bi-vb-pj5:2.3.0	
pli-tv-bi-vb-pj5:2.3.1	Anāpatti—
pli-tv-bi-vb-pj5:2.3.2	asañcicca,
pli-tv-bi-vb-pj5:2.3.3	assatiyā,
pli-tv-bi-vb-pj5:2.3.4	ajānantiyā,
pli-tv-bi-vb-pj5:2.3.5	asādiyantiyā,
pli-tv-bi-vb-pj5:2.3.6	ummattikāya,
pli-tv-bi-vb-pj5:2.3.7	khittacittāya,
pli-tv-bi-vb-pj5:2.3.8	vedanāṭṭāya,
pli-tv-bi-vb-pj5:2.3.9	ādikammikāyāti.
pli-tv-bi-vb-pj5:2.3.10	Paṭhamapārājikaṁ samattaṁ.
pli-tv-bi-vb-pj6:0.1	Theravāda Vinaya
pli-tv-bi-vb-pj6:0.2	Bhikkhunivibhaṅga
pli-tv-bi-vb-pj6:0.3	Pārājikakaṇḍa
pli-tv-bi-vb-pj6:0.4	6. Vajjappaṭicchādikāsikkhāpada
pli-tv-bi-vb-pj6:1.0	
pli-tv-bi-vb-pj6:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pj6:1.2	Tena kho pana samayena sundarīnandā bhikkhunī sāḷhena migāranattunā gabbhinī hoti.
pli-tv-bi-vb-pj6:1.3	Yāva gabbho taruṇo ahosi tāva chādesi.
pli-tv-bi-vb-pj6:1.4	Paripakke gabbhe vibbhamitvā vijāyi.
pli-tv-bi-vb-pj6:1.5	Bhikkhuniyo thullanandaṁ bhikkhuniṁ etadavocuṁ—
pli-tv-bi-vb-pj6:1.6	“sundarīnandā kho, ayye, aciravibbhantā vijātā.
pli-tv-bi-vb-pj6:1.7	Kacci no sā bhikkhunīyeva samānā gabbhinī”ti?
pli-tv-bi-vb-pj6:1.8	“Evaṁ, ayye”ti.
pli-tv-bi-vb-pj6:1.9	“Kissa pana tvaṁ, ayye, jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodesi na gaṇassa ārocesī”ti?
pli-tv-bi-vb-pj6:1.10	“Yo etissā avaṇṇo mayheso avaṇṇo, yā etissā akitti mayhesā akitti, yo etissā ayaso mayheso ayaso, yo etissā alābho mayheso alābho.
pli-tv-bi-vb-pj6:1.11	Kyāhaṁ, ayye, attano avaṇṇaṁ attano akittiṁ attano ayasaṁ attano alābhaṁ paresaṁ ārocessāmī”ti?
pli-tv-bi-vb-pj6:1.12	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pj6:1.13	“kathañhi nāma ayyā thullanandā jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodessati na gaṇassa ārocessatī”ti.
pli-tv-bi-vb-pj6:1.14	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-pj6:1.15	Bhikkhū bhagavato etamatthaṁ ārocesuṁ.
pli-tv-bi-vb-pj6:1.16	Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—
pli-tv-bi-vb-pj6:1.17	“saccaṁ kira, bhikkhave, thullanandā bhikkhunī jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodeti na gaṇassa ārocetī”ti?
pli-tv-bi-vb-pj6:1.18	“Saccaṁ, bhagavā”ti.
pli-tv-bi-vb-pj6:1.19	Vigarahi buddho bhagavā …pe…
pli-tv-bi-vb-pj6:1.20	kathañhi nāma, bhikkhave, thullanandā bhikkhunī jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodessati na gaṇassa ārocessati.
pli-tv-bi-vb-pj6:1.21	Netaṁ, bhikkhave, appasannānaṁ vā pasādāya …pe…
pli-tv-bi-vb-pj6:1.22	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pj6:1.23.0	
pli-tv-bi-vb-pj6:1.23.1	“Yā pana bhikkhunī jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodeyya na gaṇassa āroceyya, yadā ca sā ṭhitā vā assa cutā vā nāsitā vā avassaṭā vā, sā pacchā evaṁ vadeyya—‘pubbevāhaṁ, ayye, aññāsiṁ etaṁ bhikkhuniṁ evarūpā ca evarūpā ca sā bhaginīti, no ca kho attanā paṭicodessaṁ na gaṇassa ārocessan’ti, ayampi pārājikā hoti asaṁvāsā vajjappaṭicchādikā”ti.
pli-tv-bi-vb-pj6:2.1.0	
pli-tv-bi-vb-pj6:2.1.1	Yā panāti
pli-tv-bi-vb-pj6:2.1.2	yā yādisā …pe…
pli-tv-bi-vb-pj6:2.1.3	bhikkhunīti
pli-tv-bi-vb-pj6:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pj6:2.1.5	Jānāti nāma
pli-tv-bi-vb-pj6:2.1.6	sāmaṁ vā jānāti, aññe vā tassā ārocenti, sā vā āroceti.
pli-tv-bi-vb-pj6:2.1.7	Pārājikaṁ dhammaṁ ajjhāpannanti
pli-tv-bi-vb-pj6:2.1.8	aṭṭhannaṁ pārājikānaṁ aññataraṁ pārājikaṁ ajjhāpannaṁ.
pli-tv-bi-vb-pj6:2.1.9	Nevattanā paṭicodeyyāti
pli-tv-bi-vb-pj6:2.1.10	na sayaṁ codeyya.
pli-tv-bi-vb-pj6:2.1.11	Na gaṇassa āroceyyāti
pli-tv-bi-vb-pj6:2.1.12	na aññāsaṁ bhikkhunīnaṁ āroceyya.
pli-tv-bi-vb-pj6:2.1.13	Yadā ca sā ṭhitā vā assa cutā vāti
pli-tv-bi-vb-pj6:2.1.14	ṭhitā nāma saliṅge ṭhitā vuccati.
pli-tv-bi-vb-pj6:2.1.15	Cutā nāma kālaṅkatā vuccati.
pli-tv-bi-vb-pj6:2.1.16	Nāsitā nāma
pli-tv-bi-vb-pj6:2.1.17	sayaṁ vā vibbhantā hoti aññehi vā nāsitā.
pli-tv-bi-vb-pj6:2.1.18	Avassaṭā nāma
pli-tv-bi-vb-pj6:2.1.19	titthāyatanaṁ saṅkantā vuccati.
pli-tv-bi-vb-pj6:2.1.20	Sā pacchā evaṁ vadeyya— “pubbevāhaṁ, ayye, aññāsiṁ etaṁ bhikkhuniṁ evarūpā ca evarūpā ca sā bhaginī”ti. No ca kho attanā paṭicodessanti
pli-tv-bi-vb-pj6:2.1.21	sayaṁ vā na codessaṁ.
pli-tv-bi-vb-pj6:2.1.22	Na gaṇassa ārocessanti
pli-tv-bi-vb-pj6:2.1.23	na aññāsaṁ bhikkhunīnaṁ ārocessaṁ.
pli-tv-bi-vb-pj6:2.1.24	Ayampīti
pli-tv-bi-vb-pj6:2.1.25	purimāyo upādāya vuccati.
pli-tv-bi-vb-pj6:2.1.26	Pārājikā hotīti
pli-tv-bi-vb-pj6:2.1.27	seyyathāpi nāma paṇḍupalāso bandhanā pamutto abhabbo haritatthāya, evameva bhikkhunī jānaṁ pārājikaṁ dhammaṁ ajjhāpannaṁ bhikkhuniṁ nevattanā paṭicodessāmi na gaṇassa ārocessāmīti dhuraṁ nikkhittamatte assamaṇī hoti asakyadhītā. Tena vuccati pārājikā hotīti.
pli-tv-bi-vb-pj6:2.1.28	Asaṁvāsāti
pli-tv-bi-vb-pj6:2.1.29	saṁvāso nāma ekakammaṁ ekuddeso samasikkhatā. Eso saṁvāso nāma.
pli-tv-bi-vb-pj6:2.1.30	So tāya saddhiṁ natthi. Tena vuccati asaṁvāsāti.
pli-tv-bi-vb-pj6:2.2.0	
pli-tv-bi-vb-pj6:2.2.1	Anāpatti—
pli-tv-bi-vb-pj6:2.2.2	“saṅghassa bhaṇḍanaṁ vā kalaho vā viggaho vā vivādo vā bhavissatī”ti nāroceti,
pli-tv-bi-vb-pj6:2.2.3	“saṅghabhedo vā saṅgharāji vā bhavissatī”ti nāroceti,
pli-tv-bi-vb-pj6:2.2.4	“ayaṁ kakkhaḷā pharusā jīvitantarāyaṁ vā brahmacariyantarāyaṁ vā karissatī”ti nāroceti,
pli-tv-bi-vb-pj6:2.2.5	aññā patirūpā bhikkhuniyo apassantī nāroceti,
pli-tv-bi-vb-pj6:2.2.6	nacchādetukāmā nāroceti,
pli-tv-bi-vb-pj6:2.2.7	paññāyissati sakena kammenāti nāroceti,
pli-tv-bi-vb-pj6:2.2.8	ummattikāya
pli-tv-bi-vb-pj6:2.2.9	…pe…
pli-tv-bi-vb-pj6:2.2.10	
pli-tv-bi-vb-pj6:2.2.11	ādikammikāyāti.
pli-tv-bi-vb-pj6:2.2.12	Dutiyapārājikaṁ samattaṁ.
pli-tv-bi-vb-pj7:0.1	Theravāda Vinaya
pli-tv-bi-vb-pj7:0.2	Bhikkhunivibhaṅga
pli-tv-bi-vb-pj7:0.3	Pārājikakaṇḍa
pli-tv-bi-vb-pj7:0.4	7. Ukkhittānuvattikāsikkhāpada
pli-tv-bi-vb-pj7:1.0	
pli-tv-bi-vb-pj7:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pj7:1.2	Tena kho pana samayena thullanandā bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvattati.
pli-tv-bi-vb-pj7:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pj7:1.4	“kathañhi nāma ayyā thullanandā samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvattissatī”ti …pe…
pli-tv-bi-vb-pj7:1.5	“saccaṁ kira, bhikkhave, thullanandā bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvattatī”ti?
pli-tv-bi-vb-pj7:1.6	“Saccaṁ, bhagavā”ti.
pli-tv-bi-vb-pj7:1.7	Vigarahi buddho bhagavā …pe…
pli-tv-bi-vb-pj7:1.8	kathañhi nāma, bhikkhave, thullanandā bhikkhunī samaggena saṅghena ukkhittaṁ ariṭṭhaṁ bhikkhuṁ gaddhabādhipubbaṁ anuvattissati.
pli-tv-bi-vb-pj7:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pj7:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pj7:1.11.0	
pli-tv-bi-vb-pj7:1.11.1	“Yā pana bhikkhunī samaggena saṅghena ukkhittaṁ bhikkhuṁ dhammena vinayena satthusāsanena anādaraṁ appaṭikāraṁ akatasahāyaṁ tamanuvatteyya, sā bhikkhunī bhikkhunīhi evamassa vacanīyā—
pli-tv-bi-vb-pj7:1.12	‘eso kho, ayye, bhikkhu samaggena saṅghena ukkhitto dhammena vinayena satthusāsanena anādaro appaṭikāro akatasahāyo, māyye, etaṁ bhikkhuṁ anuvattī’ti.
pli-tv-bi-vb-pj7:1.13	Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṁ samanubhāsitabbā tassa paṭinissaggāya.
pli-tv-bi-vb-pj7:1.14	Yāvatatiyañce samanubhāsiyamānā taṁ paṭinissajjeyya, iccetaṁ kusalaṁ.
pli-tv-bi-vb-pj7:1.15	No ce paṭinissajjeyya, ayampi pārājikā hoti asaṁvāsā ukkhittānuvattikā”ti.
pli-tv-bi-vb-pj7:2.1.0	
pli-tv-bi-vb-pj7:2.1.1	Yā panāti
pli-tv-bi-vb-pj7:2.1.2	yā yādisā …pe…
pli-tv-bi-vb-pj7:2.1.3	bhikkhunīti
pli-tv-bi-vb-pj7:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pj7:2.1.5	Samaggo nāma saṅgho
pli-tv-bi-vb-pj7:2.1.6	samānasaṁvāsako samānasīmāyaṁ ṭhito.
pli-tv-bi-vb-pj7:2.1.7	Ukkhitto nāma
pli-tv-bi-vb-pj7:2.1.8	āpattiyā adassane vā appaṭikamme vā appaṭinissagge vā ukkhitto.
pli-tv-bi-vb-pj7:2.1.9	Dhammena vinayenāti
pli-tv-bi-vb-pj7:2.1.10	yena dhammena yena vinayena.
pli-tv-bi-vb-pj7:2.1.11	Satthusāsanenāti
pli-tv-bi-vb-pj7:2.1.12	jinasāsanena buddhasāsanena.
pli-tv-bi-vb-pj7:2.1.13	Anādaro nāma
pli-tv-bi-vb-pj7:2.1.14	saṅghaṁ vā gaṇaṁ vā puggalaṁ vā kammaṁ vā nādiyati.
pli-tv-bi-vb-pj7:2.1.15	Appaṭikāro nāma
pli-tv-bi-vb-pj7:2.1.16	ukkhitto anosārito.
pli-tv-bi-vb-pj7:2.1.17	Akatasahāyo nāma
pli-tv-bi-vb-pj7:2.1.18	samānasaṁvāsakā bhikkhū vuccanti sahāyā.
pli-tv-bi-vb-pj7:2.1.19	So tehi saddhiṁ natthi, tena vuccati akatasahāyoti.
pli-tv-bi-vb-pj7:2.1.20	Tamanuvatteyyāti
pli-tv-bi-vb-pj7:2.1.21	yaṁdiṭṭhiko so hoti yaṅkhantiko yaṁruciko, sāpi taṁdiṭṭhikā hoti taṅkhantikā taṁrucikā.
pli-tv-bi-vb-pj7:2.1.22	Sā bhikkhunīti
pli-tv-bi-vb-pj7:2.1.23	yā sā ukkhittānuvattikā bhikkhunī.
pli-tv-bi-vb-pj7:2.1.24	Bhikkhunīhīti
pli-tv-bi-vb-pj7:2.1.25	aññāhi bhikkhunīhi. Yā passanti yā suṇanti tāhi vattabbā—
pli-tv-bi-vb-pj7:2.1.26	“eso kho, ayye, bhikkhu samaggena saṅghena ukkhitto dhammena vinayena satthusāsanena anādaro appaṭikāro akatasahāyo.
pli-tv-bi-vb-pj7:2.1.27	Māyye, etaṁ bhikkhuṁ anuvattī”ti.
pli-tv-bi-vb-pj7:2.1.28	Dutiyampi vattabbā.
pli-tv-bi-vb-pj7:2.1.29	Tatiyampi vattabbā.
pli-tv-bi-vb-pj7:2.1.30	Sace paṭinissajjati, iccetaṁ kusalaṁ;
pli-tv-bi-vb-pj7:2.1.31	no ce paṭinissajjati, āpatti dukkaṭassa.
pli-tv-bi-vb-pj7:2.1.32	Sutvā na vadanti, āpatti dukkaṭassa.
pli-tv-bi-vb-pj7:2.1.33	Sā bhikkhunī saṅghamajjhampi ākaḍḍhitvā vattabbā—
pli-tv-bi-vb-pj7:2.1.34	“eso kho, ayye, bhikkhu samaggena saṅghena ukkhitto dhammena vinayena satthusāsanena anādaro appaṭikāro akatasahāyo.
pli-tv-bi-vb-pj7:2.1.35	Māyye, etaṁ bhikkhuṁ anuvattīti.
pli-tv-bi-vb-pj7:2.1.36	Dutiyampi vattabbā.
pli-tv-bi-vb-pj7:2.1.37	Tatiyampi vattabbā.
pli-tv-bi-vb-pj7:2.1.38	Sace paṭinissajjati, iccetaṁ kusalaṁ.
pli-tv-bi-vb-pj7:2.1.39	No ce paṭinissajjati, āpatti dukkaṭassa.
pli-tv-bi-vb-pj7:2.1.40	Sā bhikkhunī samanubhāsitabbā.
pli-tv-bi-vb-pj7:2.1.41	Evañca pana, bhikkhave, samanubhāsitabbā.
pli-tv-bi-vb-pj7:2.1.42	Byattāya bhikkhuniyā paṭibalāya saṅgho ñāpetabbo—
pli-tv-bi-vb-pj7:2.1.43	‘Suṇātu me, ayye, saṅgho.
pli-tv-bi-vb-pj7:2.1.44	Ayaṁ itthannāmā bhikkhunī samaggena saṅghena ukkhittaṁ bhikkhuṁ dhammena vinayena satthusāsanena anādaraṁ appaṭikāraṁ akatasahāyaṁ tamanuvattati, sā taṁ vatthuṁ na paṭinissajjati.
pli-tv-bi-vb-pj7:2.1.45	Yadi saṅghassa pattakallaṁ, saṅgho itthannāmaṁ bhikkhuniṁ samanubhāseyya tassa vatthussa paṭinissaggāya.
pli-tv-bi-vb-pj7:2.1.46	Esā ñatti.
pli-tv-bi-vb-pj7:2.1.47	Suṇātu me, ayye, saṅgho.
pli-tv-bi-vb-pj7:2.1.48	Ayaṁ itthannāmā bhikkhunī samaggena saṅghena ukkhittaṁ bhikkhuṁ dhammena vinayena satthusāsanena anādaraṁ appaṭikāraṁ akatasahāyaṁ tamanuvattati.
pli-tv-bi-vb-pj7:2.1.49	Sā taṁ vatthuṁ na paṭinissajjati.
pli-tv-bi-vb-pj7:2.1.50	Saṅgho itthannāmaṁ bhikkhuniṁ samanubhāsati tassa vatthussa paṭinissaggāya.
pli-tv-bi-vb-pj7:2.1.51	Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa;
pli-tv-bi-vb-pj7:2.1.52	yassā nakkhamati, sā bhāseyya.
pli-tv-bi-vb-pj7:2.1.53	Dutiyampi etamatthaṁ vadāmi …pe…
pli-tv-bi-vb-pj7:2.1.54	tatiyampi etamatthaṁ vadāmi …pe….
pli-tv-bi-vb-pj7:2.1.55	Samanubhaṭṭhā saṅghena itthannāmā bhikkhunī tassa vatthussa paṭinissaggāya.
pli-tv-bi-vb-pj7:2.1.56	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-pj7:2.1.57	Ñattiyā dukkaṭaṁ,
pli-tv-bi-vb-pj7:2.1.58	dvīhi kammavācāhi thullaccayā,
pli-tv-bi-vb-pj7:2.1.59	kammavācā pariyosāne āpatti pārājikassa.
pli-tv-bi-vb-pj7:2.1.60	Ayampīti
pli-tv-bi-vb-pj7:2.1.61	purimāyo upādāya vuccati.
pli-tv-bi-vb-pj7:2.1.62	Pārājikā hotīti
pli-tv-bi-vb-pj7:2.1.63	seyyathāpi nāma puthusilā dvedhā bhinnā appaṭisandhikā hoti, evameva bhikkhunī yāvatatiyaṁ samanubhāsanāya na paṭinissajjantī assamaṇī hoti asakyadhītā. Tena vuccati pārājikā hotīti.
pli-tv-bi-vb-pj7:2.1.64	Asaṁvāsāti
pli-tv-bi-vb-pj7:2.1.65	saṁvāso nāma ekakammaṁ ekuddeso samasikkhatā. Eso saṁvāso nāma.
pli-tv-bi-vb-pj7:2.1.66	So tāya saddhiṁ natthi. Tena vuccati asaṁvāsāti.
pli-tv-bi-vb-pj7:2.2.0	
pli-tv-bi-vb-pj7:2.2.1	Dhammakamme dhammakammasaññā na paṭinissajjati, āpatti pārājikassa.
pli-tv-bi-vb-pj7:2.2.2	Dhammakamme vematikā na paṭinissajjati, āpatti pārājikassa.
pli-tv-bi-vb-pj7:2.2.3	Dhammakamme adhammakammasaññā na paṭinissajjati, āpatti pārājikassa.
pli-tv-bi-vb-pj7:2.2.4	Adhammakamme dhammakammasaññā, āpatti dukkaṭassa.
pli-tv-bi-vb-pj7:2.2.5	Adhammakamme vematikā, āpatti dukkaṭassa.
pli-tv-bi-vb-pj7:2.2.6	Adhammakamme adhammakammasaññā, āpatti dukkaṭassa.
pli-tv-bi-vb-pj7:2.3.0	
pli-tv-bi-vb-pj7:2.3.1	Anāpatti—
pli-tv-bi-vb-pj7:2.3.2	asamanubhāsantiyā,
pli-tv-bi-vb-pj7:2.3.3	paṭinissajjantiyā,
pli-tv-bi-vb-pj7:2.3.4	ummattikāya
pli-tv-bi-vb-pj7:2.3.5	…pe…,
pli-tv-bi-vb-pj7:2.3.6	
pli-tv-bi-vb-pj7:2.3.7	ādikammikāyāti.
pli-tv-bi-vb-pj7:2.3.8	Tatiyapārājikaṁ samattaṁ.
pli-tv-bi-vb-pj8:0.1	Theravāda Vinaya
pli-tv-bi-vb-pj8:0.2	Bhikkhunivibhaṅga
pli-tv-bi-vb-pj8:0.3	Pārājikakaṇḍa
pli-tv-bi-vb-pj8:0.4	8. Aṭṭhavatthukāsikkhāpada
pli-tv-bi-vb-pj8:1.0	
pli-tv-bi-vb-pj8:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-pj8:1.2	Tena kho pana samayena chabbaggiyā bhikkhuniyo avassutā avassutassa purisapuggalassa hatthaggahaṇampi sādiyanti, saṅghāṭikaṇṇaggahaṇampi sādiyanti, santiṭṭhantipi, sallapantipi, saṅketampi gacchanti, purisassapi abbhāgamanaṁ sādiyanti, channampi anupavisanti, kāyampi tadatthāya upasaṁharanti etassa asaddhammassa paṭisevanatthāya.
pli-tv-bi-vb-pj8:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-pj8:1.4	“kathañhi nāma chabbaggiyā bhikkhuniyo avassutā avassutassa purisapuggalassa hatthaggahaṇampi sādiyissanti, saṅghāṭikaṇṇaggahaṇampi sādiyissanti, santiṭṭhissantipi, sallapissantipi, saṅketampi gacchissanti, purisassapi abbhāgamanaṁ sādiyissanti, channampi anupavisissanti, kāyampi tadatthāya upasaṁharissanti etassa asaddhammassa paṭisevanatthāyā”ti …pe…
pli-tv-bi-vb-pj8:1.5	“saccaṁ kira, bhikkhave, chabbaggiyā bhikkhuniyo avassutā avassutassa purisapuggalassa hatthaggahaṇampi sādiyanti, saṅghāṭikaṇṇaggahaṇampi sādiyanti, santiṭṭhantipi, sallapantipi, saṅketampi gacchanti, purisassapi abbhāgamanaṁ sādiyanti, channampi anupavisanti, kāyampi tadatthāya upasaṁharanti etassa asaddhammassa paṭisevanatthāyā”ti?
pli-tv-bi-vb-pj8:1.6	“Saccaṁ, bhagavā”ti.
pli-tv-bi-vb-pj8:1.7	Vigarahi buddho bhagavā …pe…
pli-tv-bi-vb-pj8:1.8	kathañhi nāma, bhikkhave, chabbaggiyā bhikkhuniyo avassutā avassutassa purisapuggalassa hatthaggahaṇampi sādiyissanti, saṅghāṭikaṇṇaggahaṇampi sādiyissanti, santiṭṭhissantipi, sallapissantipi, saṅketampi gacchissanti, purisassapi abbhāgamanaṁ sādiyissanti, channampi anupavisissanti, kāyampi tadatthāya upasaṁharissanti etassa asaddhammassa paṭisevanatthāya.
pli-tv-bi-vb-pj8:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-pj8:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-pj8:1.11.0	
pli-tv-bi-vb-pj8:1.11.1	“Yā pana bhikkhunī avassutā avassutassa purisapuggalassa hatthaggahaṇaṁ vā sādiyeyya, saṅghāṭikaṇṇaggahaṇaṁ vā sādiyeyya, santiṭṭheyya vā, sallapeyya vā, saṅketaṁ vā gaccheyya, purisassa vā abbhāgamanaṁ sādiyeyya, channaṁ vā anupaviseyya, kāyaṁ vā tadatthāya upasaṁhareyya etassa asaddhammassa paṭisevanatthāya, ayampi pārājikā hoti asaṁvāsā aṭṭhavatthukā”ti.
pli-tv-bi-vb-pj8:2.1.0	
pli-tv-bi-vb-pj8:2.1.1	Yā panāti
pli-tv-bi-vb-pj8:2.1.2	yā yādisā …pe…
pli-tv-bi-vb-pj8:2.1.3	bhikkhunīti
pli-tv-bi-vb-pj8:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-pj8:2.1.5	Avassutā nāma
pli-tv-bi-vb-pj8:2.1.6	sārattā apekkhavatī paṭibaddhacittā.
pli-tv-bi-vb-pj8:2.1.7	Avassuto nāma
pli-tv-bi-vb-pj8:2.1.8	sāratto apekkhavā paṭibaddhacitto.
pli-tv-bi-vb-pj8:2.1.9	Purisapuggalo nāma
pli-tv-bi-vb-pj8:2.1.10	manussapuriso, na yakkho na peto na tiracchānagato viññū paṭibalo kāyasaṁsaggaṁ samāpajjituṁ.
pli-tv-bi-vb-pj8:2.1.11	Hatthaggahaṇaṁ vā sādiyeyyāti
pli-tv-bi-vb-pj8:2.1.12	hattho nāma kapparaṁ upādāya yāva agganakhā.
pli-tv-bi-vb-pj8:2.1.13	Etassa asaddhammassa paṭisevanatthāya ubbhakkhakaṁ adhojāṇumaṇḍalaṁ gahaṇaṁ sādiyati, āpatti thullaccayassa.
pli-tv-bi-vb-pj8:2.1.14	Saṅghāṭikaṇṇaggahaṇaṁ vā sādiyeyyāti
pli-tv-bi-vb-pj8:2.1.15	etassa asaddhammassa paṭisevanatthāya nivatthaṁ vā pārutaṁ vā gahaṇaṁ sādiyati, āpatti thullaccayassa.
pli-tv-bi-vb-pj8:2.1.16	Santiṭṭheyya vāti
pli-tv-bi-vb-pj8:2.1.17	etassa asaddhammassa paṭisevanatthāya purisassa hatthapāse tiṭṭhati, āpatti thullaccayassa.
pli-tv-bi-vb-pj8:2.1.18	Sallapeyya vāti
pli-tv-bi-vb-pj8:2.1.19	etassa asaddhammassa paṭisevanatthāya purisassa hatthapāse ṭhitā sallapati, āpatti thullaccayassa.
pli-tv-bi-vb-pj8:2.1.20	Saṅketaṁ vā gaccheyyāti
pli-tv-bi-vb-pj8:2.1.21	etassa asaddhammassa paṭisevanatthāya purisena— “itthannāmaṁ okāsaṁ āgacchā”ti—vuttā gacchati. Pade pade āpatti dukkaṭassa.
pli-tv-bi-vb-pj8:2.1.22	Purisassa hatthapāsaṁ okkantamatte āpatti thullaccayassa.
pli-tv-bi-vb-pj8:2.1.23	Purisassa vā abbhāgamanaṁ sādiyeyyāti
pli-tv-bi-vb-pj8:2.1.24	etassa asaddhammassa paṭisevanatthāya purisassa abbhāgamanaṁ sādiyati, āpatti dukkaṭassa.
pli-tv-bi-vb-pj8:2.1.25	Hatthapāsaṁ okkantamatte āpatti thullaccayassa.
pli-tv-bi-vb-pj8:2.1.26	Channaṁ vā anupaviseyyāti
pli-tv-bi-vb-pj8:2.1.27	etassa asaddhammassa paṭisevanatthāya yena kenaci paṭicchannaṁ okāsaṁ paviṭṭhamatte āpatti thullaccayassa.
pli-tv-bi-vb-pj8:2.1.28	Kāyaṁ vā tadatthāya upasaṁhareyyāti
pli-tv-bi-vb-pj8:2.1.29	etassa asaddhammassa paṭisevanatthāya purisassa hatthapāse ṭhitā kāyaṁ upasaṁharati, āpatti thullaccayassa.
pli-tv-bi-vb-pj8:2.1.30	Ayampīti
pli-tv-bi-vb-pj8:2.1.31	purimāyo upādāya vuccati.
pli-tv-bi-vb-pj8:2.1.32	Pārājikā hotīti
pli-tv-bi-vb-pj8:2.1.33	seyyathāpi nāma tālo matthakacchinno abhabbo puna viruḷhiyā evameva bhikkhunī aṭṭhamaṁ vatthuṁ paripūrentī assamaṇī hoti asakyadhītā. Tena vuccati pārājikā hotīti.
pli-tv-bi-vb-pj8:2.1.34	Asaṁvāsāti
pli-tv-bi-vb-pj8:2.1.35	saṁvāso nāma ekakammaṁ ekuddeso samasikkhatā. Eso saṁvāso nāma.
pli-tv-bi-vb-pj8:2.1.36	So tāya saddhiṁ natthi. Tena vuccati asaṁvāsāti.
pli-tv-bi-vb-pj8:2.2.0	
pli-tv-bi-vb-pj8:2.2.1	Anāpatti—
pli-tv-bi-vb-pj8:2.2.2	asañcicca,
pli-tv-bi-vb-pj8:2.2.3	assatiyā,
pli-tv-bi-vb-pj8:2.2.4	ajānantiyā,
pli-tv-bi-vb-pj8:2.2.5	asādiyantiyā,
pli-tv-bi-vb-pj8:2.2.6	ummattikāya,
pli-tv-bi-vb-pj8:2.2.7	khittacittāya,
pli-tv-bi-vb-pj8:2.2.8	vedanāṭṭāya,
pli-tv-bi-vb-pj8:2.2.9	ādikammikāyāti.
pli-tv-bi-vb-pj8:2.2.10	Catutthapārājikaṁ samattaṁ.
pli-tv-bi-vb-pj8:2.2.11	Uddiṭṭhā kho, ayyāyo, aṭṭha pārājikā dhammā.
pli-tv-bi-vb-pj8:2.2.12	Yesaṁ bhikkhunī aññataraṁ vā aññataraṁ vā āpajjitvā na labhati bhikkhunīhi saddhiṁ saṁvāsaṁ, yathā pure tathā pacchā, pārājikā hoti asaṁvāsā.
pli-tv-bi-vb-pj8:2.2.13	Tatthāyyāyo pucchāmi—
pli-tv-bi-vb-pj8:2.2.14	“kaccittha parisuddhā”?
pli-tv-bi-vb-pj8:2.2.15	Dutiyampi pucchāmi—
pli-tv-bi-vb-pj8:2.2.16	“kaccittha parisuddhā”?
pli-tv-bi-vb-pj8:2.2.17	Tatiyampi pucchāmi—
pli-tv-bi-vb-pj8:2.2.18	“kaccittha parisuddhā”?
pli-tv-bi-vb-pj8:2.2.19	Parisuddhetthāyyāyo, tasmā tuṇhī, evametaṁ dhārayāmīti.
pli-tv-bi-vb-pj8:2.2.20	Bhikkhunivibhaṅge pārājikakaṇḍaṁ niṭṭhitaṁ.
pli-tv-bi-vb-sk1:0.1	Theravāda Vinaya
pli-tv-bi-vb-sk1:0.2	Bhikkhunivibhaṅga
pli-tv-bi-vb-sk1:0.3	Sekhiyakaṇḍa
pli-tv-bi-vb-sk1:0.4	Parimaṇḍalavagga
pli-tv-bi-vb-sk1:0.5	1. Parimaṇḍalasikkhāpada
pli-tv-bi-vb-sk1:0.6	Ime kho panāyyāyo sekhiyā dhammā uddesaṁ āgacchanti.
pli-tv-bi-vb-sk1:1.0	
pli-tv-bi-vb-sk1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-sk1:1.2	Tena kho pana samayena chabbaggiyā bhikkhuniyo puratopi pacchatopi olambentī nivāsenti.
pli-tv-bi-vb-sk1:1.3	Manussā ujjhāyanti khiyyanti vipācenti—
pli-tv-bi-vb-sk1:1.4	“kathañhi nāma bhikkhuniyo puratopi pacchatopi olambentī nivāsessanti, seyyathāpi gihiniyo kāmabhoginiyo”ti.
pli-tv-bi-vb-sk1:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-sk1:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-sk1:1.7	“kathañhi nāma chabbaggiyā bhikkhuniyo puratopi pacchatopi olambentī nivāsessantī”ti …pe…
pli-tv-bi-vb-sk1:1.8	“saccaṁ kira, bhikkhave, chabbaggiyā bhikkhuniyo puratopi pacchatopi olambentī nivāsentī”ti?
pli-tv-bi-vb-sk1:1.9	“Saccaṁ, bhagavā”ti.
pli-tv-bi-vb-sk1:1.10	Vigarahi buddho bhagavā …pe…
pli-tv-bi-vb-sk1:1.11	kathañhi nāma, bhikkhave, chabbaggiyā bhikkhuniyo puratopi pacchatopi olambentī nivāsessanti.
pli-tv-bi-vb-sk1:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-sk1:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-sk1:1.14.0	
pli-tv-bi-vb-sk1:1.14.1	“Parimaṇḍalaṁ nivāsessāmīti sikkhā karaṇīyā”ti.
pli-tv-bi-vb-sk1:1.15	Parimaṇḍalaṁ nivāsetabbaṁ nābhimaṇḍalaṁ jāṇumaṇḍalaṁ paṭicchādentiyā.
pli-tv-bi-vb-sk1:1.16	Yā anādariyaṁ paṭicca purato vā pacchato vā olambentī nivāseti, āpatti dukkaṭassa.
pli-tv-bi-vb-sk1:1.17.0	
pli-tv-bi-vb-sk1:1.17.1	Anāpatti—
pli-tv-bi-vb-sk1:1.18	asañcicca,
pli-tv-bi-vb-sk1:1.19	assatiyā,
pli-tv-bi-vb-sk1:1.20	ajānantiyā,
pli-tv-bi-vb-sk1:1.21	gilānāya,
pli-tv-bi-vb-sk1:1.22	āpadāsu,
pli-tv-bi-vb-sk1:1.23	ummattikāya,
pli-tv-bi-vb-sk1:1.24	ādikammikāyāti …pe…
pli-tv-bi-vb-sk1:1.25	(Saṅkhittaṁ.)
pli-tv-bi-vb-sk75:0.1	Theravāda Vinaya
pli-tv-bi-vb-sk75:0.2	Bhikkhunivibhaṅga
pli-tv-bi-vb-sk75:0.3	Sekhiyakaṇḍa
pli-tv-bi-vb-sk75:0.4	Pādukavagga
pli-tv-bi-vb-sk75:0.5	75. Udakeuccārasikkhāpada
pli-tv-bi-vb-sk75:1.0.1	
pli-tv-bi-vb-sk75:1.0.2	
pli-tv-bi-vb-sk75:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-sk75:1.2	Tena kho pana samayena chabbaggiyā bhikkhuniyo udake uccārampi passāvampi kheḷampi karonti.
pli-tv-bi-vb-sk75:1.3	Manussā ujjhāyanti khiyyanti vipācenti—
pli-tv-bi-vb-sk75:1.4	“kathañhi nāma bhikkhuniyo udake uccārampi passāvampi kheḷampi karissanti, seyyathāpi gihiniyo kāmabhoginiyo”ti.
pli-tv-bi-vb-sk75:1.5	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-sk75:1.6	Yā tā bhikkhuniyo appicchā, tā ujjhāyanti khiyyanti vipācenti—
pli-tv-bi-vb-sk75:1.7	“kathañhi nāma chabbaggiyā bhikkhuniyo udake uccārampi passāvampi kheḷampi karissantī”ti.
pli-tv-bi-vb-sk75:1.8	Atha kho bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-sk75:1.9	Bhikkhū bhagavato etamatthaṁ ārocesuṁ.
pli-tv-bi-vb-sk75:1.10	Atha kho bhagavā …pe…
pli-tv-bi-vb-sk75:1.11	bhikkhū paṭipucchi—
pli-tv-bi-vb-sk75:1.12	“saccaṁ kira, bhikkhave, chabbaggiyā bhikkhuniyo udake uccārampi passāvampi kheḷampi karontī”ti?
pli-tv-bi-vb-sk75:1.13	“Saccaṁ, bhagavā”ti.
pli-tv-bi-vb-sk75:1.14	Vigarahi buddho bhagavā …pe…
pli-tv-bi-vb-sk75:1.15	kathañhi nāma, bhikkhave, chabbaggiyā bhikkhuniyo udake uccārampi passāvampi kheḷampi karissanti.
pli-tv-bi-vb-sk75:1.16	Netaṁ, bhikkhave, appasannānaṁ vā pasādāya …pe…
pli-tv-bi-vb-sk75:1.17	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-sk75:1.18.0	
pli-tv-bi-vb-sk75:1.18.1	“Na udake uccāraṁ vā passāvaṁ vā kheḷaṁ vā karissāmīti sikkhā karaṇīyā”ti.
pli-tv-bi-vb-sk75:1.19	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-sk75:2.0	
pli-tv-bi-vb-sk75:2.1	Tena kho pana samayena gilānā bhikkhuniyo udake uccārampi passāvampi kheḷampi kātuṁ kukkuccāyanti.
pli-tv-bi-vb-sk75:2.2	Bhagavato etamatthaṁ ārocesuṁ …pe…
pli-tv-bi-vb-sk75:2.3	anujānāmi, bhikkhave, gilānāya bhikkhuniyā udake uccārampi passāvampi kheḷampi kātuṁ.
pli-tv-bi-vb-sk75:2.4	Evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-sk75:2.5.0	
pli-tv-bi-vb-sk75:2.5.1	“Na udake agilānā uccāraṁ vā passāvaṁ vā kheḷaṁ vā karissāmīti sikkhā karaṇīyā”ti.
pli-tv-bi-vb-sk75:2.6	Na udake agilānāya uccāro vā passāvo vā kheḷo vā kātabbo.
pli-tv-bi-vb-sk75:2.7	Yā anādariyaṁ paṭicca udake agilānā uccāraṁ vā passāvaṁ vā kheḷaṁ vā karoti, āpatti dukkaṭassa.
pli-tv-bi-vb-sk75:2.8.0	
pli-tv-bi-vb-sk75:2.8.1	Anāpatti—
pli-tv-bi-vb-sk75:2.9	asañcicca,
pli-tv-bi-vb-sk75:2.10	assatiyā,
pli-tv-bi-vb-sk75:2.11	ajānantiyā,
pli-tv-bi-vb-sk75:2.12	gilānāya,
pli-tv-bi-vb-sk75:2.13	thale kato udakaṁ ottharati,
pli-tv-bi-vb-sk75:2.14	āpadāsu,
pli-tv-bi-vb-sk75:2.15	ummattikāya,
pli-tv-bi-vb-sk75:2.16	khittacittāya,
pli-tv-bi-vb-sk75:2.17	vedanāṭṭāya,
pli-tv-bi-vb-sk75:2.18	ādikammikāyāti.
pli-tv-bi-vb-sk75:2.19	Pannarasamasikkhāpadaṁ niṭṭhitaṁ.
pli-tv-bi-vb-sk75:2.20	Pādukavaggo sattamo.
pli-tv-bi-vb-sk75:2.21	Uddiṭṭhā kho, ayyāyo, sekhiyā dhammā.
pli-tv-bi-vb-sk75:2.22	Tatthāyyāyo pucchāmi—
pli-tv-bi-vb-sk75:2.23	“kaccittha parisuddhā”?
pli-tv-bi-vb-sk75:2.24	Dutiyampi pucchāmi—
pli-tv-bi-vb-sk75:2.25	“kaccittha parisuddhā”?
pli-tv-bi-vb-sk75:2.26	Tatiyampi pucchāmi—
pli-tv-bi-vb-sk75:2.27	“kaccittha parisuddhā”?
pli-tv-bi-vb-sk75:2.28	Parisuddhetthāyyāyo, tasmā tuṇhī, evametaṁ dhārayāmīti.
pli-tv-bi-vb-sk75:2.29	Sekhiyakaṇḍaṁ niṭṭhitaṁ.
pli-tv-bi-vb-ss1:0.1	Theravāda Vinaya
pli-tv-bi-vb-ss1:0.2	Bhikkhunivibhaṅga
pli-tv-bi-vb-ss1:0.3	Saṅghādisesakaṇḍa
pli-tv-bi-vb-ss1:0.4	1. Ussayavādikāsikkhāpada
pli-tv-bi-vb-ss1:0.5	Ime kho panāyyāyo sattarasa saṅghādisesā dhammā uddesaṁ āgacchanti.
pli-tv-bi-vb-ss1:1.0	
pli-tv-bi-vb-ss1:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss1:1.2	Tena kho pana samayena aññataro upāsako bhikkhunisaṅghassa udositaṁ datvā kālaṅkato hoti.
pli-tv-bi-vb-ss1:1.3	Tassa dve puttā honti—
pli-tv-bi-vb-ss1:1.4	eko assaddho appasanno, eko saddho pasanno.
pli-tv-bi-vb-ss1:1.5	Te pettikaṁ sāpateyyaṁ vibhajiṁsu.
pli-tv-bi-vb-ss1:1.6	Atha kho so assaddho appasanno taṁ saddhaṁ pasannaṁ etadavoca—
pli-tv-bi-vb-ss1:1.7	“amhākaṁ udosito, taṁ bhājemā”ti.
pli-tv-bi-vb-ss1:1.8	Evaṁ vutte, so saddho pasanno taṁ assaddhaṁ appasannaṁ etadavoca—
pli-tv-bi-vb-ss1:1.9	“māyyo, evaṁ avaca.
pli-tv-bi-vb-ss1:1.10	Amhākaṁ pitunā bhikkhunisaṅghassa dinno”ti.
pli-tv-bi-vb-ss1:1.11	Dutiyampi kho so assaddho appasanno taṁ saddhaṁ pasannaṁ etadavoca—
pli-tv-bi-vb-ss1:1.12	“amhākaṁ udosito, taṁ bhājemā”ti.
pli-tv-bi-vb-ss1:1.13	Atha kho so saddho pasanno taṁ assaddhaṁ appasannaṁ etadavoca—
pli-tv-bi-vb-ss1:1.14	“māyyo, evaṁ avaca.
pli-tv-bi-vb-ss1:1.15	Amhākaṁ pitunā bhikkhunisaṅghassa dinno”ti.
pli-tv-bi-vb-ss1:1.16	Tatiyampi kho so assaddho appasanno taṁ saddhaṁ pasannaṁ etadavoca—
pli-tv-bi-vb-ss1:1.17	“amhākaṁ udosito, taṁ bhājemā”ti.
pli-tv-bi-vb-ss1:1.18	Atha kho so saddho pasanno—
pli-tv-bi-vb-ss1:1.19	“sace mayhaṁ bhavissati, ahampi bhikkhunisaṅghassa dassāmī”ti—
pli-tv-bi-vb-ss1:1.20	taṁ assaddhaṁ appasannaṁ etadavoca—
pli-tv-bi-vb-ss1:1.21	“bhājemā”ti.
pli-tv-bi-vb-ss1:1.22	Atha kho so udosito tehi bhājīyamāno tassa assaddhassa appasannassa pāpuṇāti.
pli-tv-bi-vb-ss1:1.23	Atha kho so assaddho appasanno bhikkhuniyo upasaṅkamitvā etadavoca—
pli-tv-bi-vb-ss1:1.24	“nikkhamathāyye, amhākaṁ udosito”ti.
pli-tv-bi-vb-ss1:1.25	Evaṁ vutte thullanandā bhikkhunī taṁ purisaṁ etadavoca—
pli-tv-bi-vb-ss1:1.26	“māyyo, evaṁ avaca, tumhākaṁ pitunā bhikkhunisaṅghassa dinno”ti.
pli-tv-bi-vb-ss1:1.27	“Dinno na dinno”ti vohārike mahāmatte pucchiṁsu.
pli-tv-bi-vb-ss1:1.28	Mahāmattā evamāhaṁsu—
pli-tv-bi-vb-ss1:1.29	“ko, ayye, jānāti bhikkhunisaṅghassa dinno”ti?
pli-tv-bi-vb-ss1:1.30	Evaṁ vutte, thullanandā bhikkhunī te mahāmatte etadavoca—
pli-tv-bi-vb-ss1:1.31	“api nāyyā tumhehi diṭṭhaṁ vā sutaṁ vā sakkhiṁ ṭhapayitvā dānaṁ diyyamānan”ti?
pli-tv-bi-vb-ss1:1.32	Atha kho te mahāmattā—
pli-tv-bi-vb-ss1:1.33	“saccaṁ kho ayyā āhā”ti taṁ udositaṁ bhikkhunisaṅghassa akaṁsu.
pli-tv-bi-vb-ss1:1.34	Atha kho so puriso parājito ujjhāyati khiyyati vipāceti—
pli-tv-bi-vb-ss1:1.35	“assamaṇiyo imā muṇḍā bandhakiniyo.
pli-tv-bi-vb-ss1:1.36	Kathañhi nāma amhākaṁ udositaṁ acchindāpessantī”ti.
pli-tv-bi-vb-ss1:1.37	Thullanandā bhikkhunī mahāmattānaṁ etamatthaṁ ārocesi.
pli-tv-bi-vb-ss1:1.38	Mahāmattā taṁ purisaṁ daṇḍāpesuṁ.
pli-tv-bi-vb-ss1:1.39	Atha kho so puriso daṇḍito bhikkhunupassayassa avidūre ājīvakaseyyaṁ kārāpetvā ājīvake uyyojesi—
pli-tv-bi-vb-ss1:1.40	“etā bhikkhuniyo accāvadathā”ti.
pli-tv-bi-vb-ss1:1.41	Thullanandā bhikkhunī mahāmattānaṁ etamatthaṁ ārocesi.
pli-tv-bi-vb-ss1:1.42	Mahāmattā taṁ purisaṁ bandhāpesuṁ.
pli-tv-bi-vb-ss1:1.43	Manussā ujjhāyanti khiyyanti vipācenti—
pli-tv-bi-vb-ss1:1.44	“paṭhamaṁ bhikkhuniyo udositaṁ acchindāpesuṁ, dutiyaṁ daṇḍāpesuṁ, tatiyaṁ bandhāpesuṁ.
pli-tv-bi-vb-ss1:1.45	Idāni ghātāpessantī”ti.
pli-tv-bi-vb-ss1:1.46	Assosuṁ kho bhikkhuniyo tesaṁ manussānaṁ ujjhāyantānaṁ khiyyantānaṁ vipācentānaṁ.
pli-tv-bi-vb-ss1:1.47	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss1:1.48	“kathañhi nāma ayyā thullanandā ussayavādikā viharissatī”ti.
pli-tv-bi-vb-ss1:1.49	Atha kho tā bhikkhuniyo bhikkhūnaṁ etamatthaṁ ārocesuṁ …pe…
pli-tv-bi-vb-ss1:1.50	“saccaṁ kira, bhikkhave, thullanandā bhikkhunī ussayavādikā viharatī”ti.
pli-tv-bi-vb-ss1:1.51	“Saccaṁ, bhagavā”ti.
pli-tv-bi-vb-ss1:1.52	Vigarahi buddho bhagavā …pe…
pli-tv-bi-vb-ss1:1.53	kathañhi nāma, bhikkhave, thullanandā bhikkhunī ussayavādikā viharissati.
pli-tv-bi-vb-ss1:1.54	Netaṁ, bhikkhave, appasannānaṁ vā pasādāya …pe…
pli-tv-bi-vb-ss1:1.55	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss1:1.56.0	
pli-tv-bi-vb-ss1:1.56.1	“Yā pana bhikkhunī ussayavādikā vihareyya gahapatinā vā gahapatiputtena vā dāsena vā kammakārena vā antamaso samaṇaparibbājakenāpi, ayaṁ bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss1:2.1.0	
pli-tv-bi-vb-ss1:2.1.1	Yā panāti
pli-tv-bi-vb-ss1:2.1.2	yā yādisā …pe…
pli-tv-bi-vb-ss1:2.1.3	bhikkhunīti
pli-tv-bi-vb-ss1:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss1:2.1.5	Ussayavādikā nāma
pli-tv-bi-vb-ss1:2.1.6	aḍḍakārikā vuccati.
pli-tv-bi-vb-ss1:2.1.7	Gahapati nāma
pli-tv-bi-vb-ss1:2.1.8	yo koci agāraṁ ajjhāvasati.
pli-tv-bi-vb-ss1:2.1.9	Gahapatiputto nāma
pli-tv-bi-vb-ss1:2.1.10	ye keci puttabhātaro.
pli-tv-bi-vb-ss1:2.1.11	Dāso nāma
pli-tv-bi-vb-ss1:2.1.12	antojāto dhanakkīto karamarānīto.
pli-tv-bi-vb-ss1:2.1.13	Kammakāro nāma
pli-tv-bi-vb-ss1:2.1.14	bhaṭako āhatako.
pli-tv-bi-vb-ss1:2.1.15	Samaṇaparibbājako nāma
pli-tv-bi-vb-ss1:2.1.16	bhikkhuñca bhikkhuniñca sikkhamānañca sāmaṇerañca sāmaṇeriñca ṭhapetvā yo koci paribbājakasamāpanno.
pli-tv-bi-vb-ss1:2.1.17	Aḍḍaṁ karissāmīti dutiyaṁ vā pariyesati gacchati vā, āpatti dukkaṭassa.
pli-tv-bi-vb-ss1:2.1.18	Ekassa āroceti, āpatti dukkaṭassa.
pli-tv-bi-vb-ss1:2.1.19	Dutiyassa āroceti, āpatti thullaccayassa.
pli-tv-bi-vb-ss1:2.1.20	Aḍḍapariyosāne āpatti saṅghādisesassa.
pli-tv-bi-vb-ss1:2.1.21	Paṭhamāpattikanti
pli-tv-bi-vb-ss1:2.1.22	saha vatthujjhācārā āpajjati asamanubhāsanāya.
pli-tv-bi-vb-ss1:2.1.23	Nissāraṇīyanti
pli-tv-bi-vb-ss1:2.1.24	saṅghamhā nissārīyati.
pli-tv-bi-vb-ss1:2.1.25	Saṅghādisesanti
pli-tv-bi-vb-ss1:2.1.26	saṅghova tassā āpattiyā mānattaṁ deti mūlāya paṭikassati abbheti, na sambahulā na ekā bhikkhunī. Tena vuccati “saṅghādiseso”ti.
pli-tv-bi-vb-ss1:2.1.27	Tasseva āpattinikāyassa nāmakammaṁ adhivacanaṁ. Tenapi vuccati “saṅghādiseso”ti.
pli-tv-bi-vb-ss1:2.2.0	
pli-tv-bi-vb-ss1:2.2.1	Anāpatti—
pli-tv-bi-vb-ss1:2.2.2	manussehi ākaḍḍhīyamānā gacchati,
pli-tv-bi-vb-ss1:2.2.3	ārakkhaṁ yācati,
pli-tv-bi-vb-ss1:2.2.4	anodissa ācikkhati,
pli-tv-bi-vb-ss1:2.2.5	ummattikāya …pe…
pli-tv-bi-vb-ss1:2.2.6	
pli-tv-bi-vb-ss1:2.2.7	
pli-tv-bi-vb-ss1:2.2.8	ādikammikāyāti.
pli-tv-bi-vb-ss1:2.2.9	Paṭhamasaṅghādisesasikkhāpadaṁ niṭṭhitaṁ.
pli-tv-bi-vb-ss2:0.1	Theravāda Vinaya
pli-tv-bi-vb-ss2:0.2	Bhikkhunivibhaṅga
pli-tv-bi-vb-ss2:0.3	Saṅghādisesakaṇḍa
pli-tv-bi-vb-ss2:0.4	2. Corīvuṭṭhāpikāsikkhāpada
pli-tv-bi-vb-ss2:1.0	
pli-tv-bi-vb-ss2:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss2:1.2	Tena kho pana samayena vesāliyaṁ aññatarassa licchavissa pajāpati aticārinī hoti.
pli-tv-bi-vb-ss2:1.3	Atha kho so licchavi taṁ itthiṁ etadavoca—
pli-tv-bi-vb-ss2:1.4	“sādhu viramāhi, anatthaṁ kho te karissāmī”ti.
pli-tv-bi-vb-ss2:1.5	Evampi vuccamānā nādiyi.
pli-tv-bi-vb-ss2:1.6	Tena kho pana samayena vesāliyaṁ licchavigaṇo sannipatito hoti kenacideva karaṇīyena.
pli-tv-bi-vb-ss2:1.7	Atha kho so licchavi te licchavayo etadavoca—
pli-tv-bi-vb-ss2:1.8	“ekaṁ me, ayyo, itthiṁ anujānāthā”ti.
pli-tv-bi-vb-ss2:1.9	“Kā nāma sā”ti?
pli-tv-bi-vb-ss2:1.10	“Mayhaṁ pajāpati aticarati, taṁ ghātessāmī”ti.
pli-tv-bi-vb-ss2:1.11	“Jānāhī”ti.
pli-tv-bi-vb-ss2:1.12	Assosi kho sā itthī—
pli-tv-bi-vb-ss2:1.13	“sāmiko kira maṁ ghātetukāmo”ti.
pli-tv-bi-vb-ss2:1.14	Varabhaṇḍaṁ ādāya sāvatthiṁ gantvā titthiye upasaṅkamitvā pabbajjaṁ yāci.
pli-tv-bi-vb-ss2:1.15	Titthiyā na icchiṁsu pabbājetuṁ.
pli-tv-bi-vb-ss2:1.16	Bhikkhuniyo upasaṅkamitvā pabbajjaṁ yāci.
pli-tv-bi-vb-ss2:1.17	Bhikkhuniyopi na icchiṁsu pabbājetuṁ.
pli-tv-bi-vb-ss2:1.18	Thullanandaṁ bhikkhuniṁ upasaṅkamitvā bhaṇḍakaṁ dassetvā pabbajjaṁ yāci.
pli-tv-bi-vb-ss2:1.19	Thullanandā bhikkhunī bhaṇḍakaṁ gahetvā pabbājesi.
pli-tv-bi-vb-ss2:1.20	Atha kho so licchavi taṁ itthiṁ gavesanto sāvatthiṁ gantvā bhikkhunīsu pabbajitaṁ disvāna yena rājā pasenadi kosalo tenupasaṅkami;
pli-tv-bi-vb-ss2:1.21	upasaṅkamitvā rājānaṁ pasenadiṁ kosalaṁ etadavoca—
pli-tv-bi-vb-ss2:1.22	“pajāpati me, deva, varabhaṇḍaṁ ādāya sāvatthiṁ anuppattā.
pli-tv-bi-vb-ss2:1.23	Taṁ devo anujānātū”ti.
pli-tv-bi-vb-ss2:1.24	“Tena hi, bhaṇe, vicinitvā ācikkhā”ti.
pli-tv-bi-vb-ss2:1.25	“Diṭṭhā, deva, bhikkhunīsu pabbajitā”ti.
pli-tv-bi-vb-ss2:1.26	“Sace, bhaṇe, bhikkhunīsu pabbajitā, na sā labbhā kiñci kātuṁ.
pli-tv-bi-vb-ss2:1.27	Svākkhāto bhagavatā dhammo, caratu brahmacariyaṁ sammā dukkhassa antakiriyāyā”ti.
pli-tv-bi-vb-ss2:1.28	Atha kho so licchavi ujjhāyati khiyyati vipāceti—
pli-tv-bi-vb-ss2:1.29	“kathañhi nāma bhikkhuniyo coriṁ pabbājessantī”ti.
pli-tv-bi-vb-ss2:1.30	Assosuṁ kho bhikkhuniyo tassa licchavissa ujjhāyantassa khiyyantassa vipācentassa.
pli-tv-bi-vb-ss2:1.31	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss2:1.32	“kathañhi nāma ayyā thullanandā coriṁ pabbājessatī”ti.
pli-tv-bi-vb-ss2:1.33	Atha kho tā bhikkhuniyo bhikkhūnaṁ etamatthaṁ ārocesuṁ …pe…
pli-tv-bi-vb-ss2:1.34	“saccaṁ kira, bhikkhave, thullanandā bhikkhunī coriṁ pabbājetī”ti?
pli-tv-bi-vb-ss2:1.35	“Saccaṁ, bhagavā”ti.
pli-tv-bi-vb-ss2:1.36	Vigarahi buddho bhagavā …pe…
pli-tv-bi-vb-ss2:1.37	kathañhi nāma, bhikkhave, thullanandā bhikkhunī coriṁ pabbājessati.
pli-tv-bi-vb-ss2:1.38	Netaṁ, bhikkhave, appasannānaṁ vā pasādāya …pe…
pli-tv-bi-vb-ss2:1.39	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss2:1.40.0	
pli-tv-bi-vb-ss2:1.40.1	“Yā pana bhikkhunī jānaṁ coriṁ vajjhaṁ viditaṁ anapaloketvā rājānaṁ vā saṅghaṁ vā gaṇaṁ vā pūgaṁ vā seṇiṁ vā aññatra kappā vuṭṭhāpeyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss2:2.1.0	
pli-tv-bi-vb-ss2:2.1.1	Yā panāti
pli-tv-bi-vb-ss2:2.1.2	yā yādisā …pe…
pli-tv-bi-vb-ss2:2.1.3	bhikkhunīti
pli-tv-bi-vb-ss2:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss2:2.1.5	Jānāti nāma
pli-tv-bi-vb-ss2:2.1.6	sāmaṁ vā jānāti aññe vā tassā ārocenti, sā vā āroceti.
pli-tv-bi-vb-ss2:2.1.7	Corī nāma
pli-tv-bi-vb-ss2:2.1.8	yā pañcamāsakaṁ vā atirekapañcamāsakaṁ vā agghanakaṁ adinnaṁ theyyasaṅkhātaṁ ādiyati, esā corī nāma.
pli-tv-bi-vb-ss2:2.1.9	Vajjhā nāma
pli-tv-bi-vb-ss2:2.1.10	yaṁ katvā vajjhappattā hoti.
pli-tv-bi-vb-ss2:2.1.11	Viditā nāma
pli-tv-bi-vb-ss2:2.1.12	aññehi manussehi ñātā hoti “vajjhā esā”ti.
pli-tv-bi-vb-ss2:2.1.13	Anapaloketvāti
pli-tv-bi-vb-ss2:2.1.14	anāpucchā.
pli-tv-bi-vb-ss2:2.1.15	Rājā nāma
pli-tv-bi-vb-ss2:2.1.16	yattha rājā anusāsati, rājā apaloketabbo.
pli-tv-bi-vb-ss2:2.1.17	Saṅgho nāma
pli-tv-bi-vb-ss2:2.1.18	bhikkhunisaṅgho vuccati, bhikkhunisaṅgho apaloketabbo.
pli-tv-bi-vb-ss2:2.1.19	Gaṇo nāma
pli-tv-bi-vb-ss2:2.1.20	yattha gaṇo anusāsati, gaṇo apaloketabbo.
pli-tv-bi-vb-ss2:2.1.21	Pūgo nāma
pli-tv-bi-vb-ss2:2.1.22	yattha pūgo anusāsati, pūgo apaloketabbo.
pli-tv-bi-vb-ss2:2.1.23	Seṇi nāma
pli-tv-bi-vb-ss2:2.1.24	yattha seṇi anusāsati, seṇi apaloketabbo.
pli-tv-bi-vb-ss2:2.1.25	Aññatra kappāti
pli-tv-bi-vb-ss2:2.1.26	ṭhapetvā kappaṁ.
pli-tv-bi-vb-ss2:2.1.27	Kappaṁ nāma
pli-tv-bi-vb-ss2:2.1.28	dve kappāni— titthiyesu vā pabbajitā hoti aññāsu vā bhikkhunīsu pabbajitā.
pli-tv-bi-vb-ss2:2.1.29	Aññatra kappā “vuṭṭhāpessāmī”ti gaṇaṁ vā ācariniṁ vā pattaṁ vā cīvaraṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-ss2:2.1.30	Ñattiyā dukkaṭaṁ.
pli-tv-bi-vb-ss2:2.1.31	Dvīhi kammavācāhi thullaccayā.
pli-tv-bi-vb-ss2:2.1.32	Kammavācāpariyosāne upajjhāyāya āpatti saṅghādisesassa.
pli-tv-bi-vb-ss2:2.1.33	Gaṇassa ca ācariniyā ca āpatti dukkaṭassa.
pli-tv-bi-vb-ss2:2.1.34	Ayampīti
pli-tv-bi-vb-ss2:2.1.35	purimaṁ upādāya vuccati.
pli-tv-bi-vb-ss2:2.1.36	Paṭhamāpattikanti
pli-tv-bi-vb-ss2:2.1.37	saha vatthujjhācārā āpajjati asamanubhāsanāya.
pli-tv-bi-vb-ss2:2.1.38	Nissāraṇīyanti
pli-tv-bi-vb-ss2:2.1.39	saṅghamhā nissārīyati.
pli-tv-bi-vb-ss2:2.1.40	Saṅghādisesanti
pli-tv-bi-vb-ss2:2.1.41	…pe… tenapi vuccati saṅghādisesoti.
pli-tv-bi-vb-ss2:2.2.0	
pli-tv-bi-vb-ss2:2.2.1	Coriyā corisaññā aññatra kappā vuṭṭhāpeti, āpatti saṅghādisesassa.
pli-tv-bi-vb-ss2:2.2.2	Coriyā vematikā aññatra kappā vuṭṭhāpeti, āpatti dukkaṭassa.
pli-tv-bi-vb-ss2:2.2.3	Coriyā acorisaññā aññatra kappā vuṭṭhāpeti, anāpatti.
pli-tv-bi-vb-ss2:2.2.4	Acoriyā corisaññā, āpatti dukkaṭassa.
pli-tv-bi-vb-ss2:2.2.5	Acoriyā vematikā, āpatti dukkaṭassa.
pli-tv-bi-vb-ss2:2.2.6	Acoriyā acorisaññā, anāpatti.
pli-tv-bi-vb-ss2:2.3.0	
pli-tv-bi-vb-ss2:2.3.1	Anāpatti—
pli-tv-bi-vb-ss2:2.3.2	ajānantī vuṭṭhāpeti,
pli-tv-bi-vb-ss2:2.3.3	apaloketvā vuṭṭhāpeti,
pli-tv-bi-vb-ss2:2.3.4	kappakataṁ vuṭṭhāpeti,
pli-tv-bi-vb-ss2:2.3.5	ummattikāya,
pli-tv-bi-vb-ss2:2.3.6	ādikammikāyāti.
pli-tv-bi-vb-ss2:2.3.7	Dutiyasaṅghādisesasikkhāpadaṁ niṭṭhitaṁ.
pli-tv-bi-vb-ss3:0.1	Theravāda Vinaya
pli-tv-bi-vb-ss3:0.2	Bhikkhunivibhaṅga
pli-tv-bi-vb-ss3:0.3	Saṅghādisesakaṇḍa
pli-tv-bi-vb-ss3:0.4	3. Ekagāmantaragamanasikkhāpada
pli-tv-bi-vb-ss3:1.0.1	
pli-tv-bi-vb-ss3:1.0.2	
pli-tv-bi-vb-ss3:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss3:1.2	Tena kho pana samayena bhaddāya kāpilāniyā antevāsinī bhikkhunī bhikkhunīhi saddhiṁ bhaṇḍitvā gāmakaṁ ñātikulaṁ agamāsi.
pli-tv-bi-vb-ss3:1.3	Bhaddā kāpilānī taṁ bhikkhuniṁ apassantī bhikkhuniyo pucchi—“kahaṁ itthannāmā, na dissatī”ti.
pli-tv-bi-vb-ss3:1.4	“Bhikkhunīhi saddhiṁ, ayye, bhaṇḍitvā na dissatī”ti.
pli-tv-bi-vb-ss3:1.5	“Ammā, amukasmiṁ gāmake etissā ñātikulaṁ. Tattha gantvā vicinathā”ti.
pli-tv-bi-vb-ss3:1.6	Bhikkhuniyo tattha gantvā taṁ bhikkhuniṁ passitvā etadavocuṁ—“kissa tvaṁ, ayye, ekikā āgatā, kaccisi appadhaṁsitā”ti?
pli-tv-bi-vb-ss3:1.7	“Appadhaṁsitāmhi, ayye”ti.
pli-tv-bi-vb-ss3:1.8	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss3:1.9	“kathañhi nāma bhikkhunī ekā gāmantaraṁ gacchissatī”ti …pe…
pli-tv-bi-vb-ss3:1.10	“saccaṁ kira, bhikkhave, bhikkhunī ekā gāmantaraṁ gacchatī”ti?
pli-tv-bi-vb-ss3:1.11	“Saccaṁ, bhagavā”ti.
pli-tv-bi-vb-ss3:1.12	Vigarahi buddho bhagavā …pe…
pli-tv-bi-vb-ss3:1.13	kathañhi nāma, bhikkhave, bhikkhunī ekā gāmantaraṁ gacchissati.
pli-tv-bi-vb-ss3:1.14	Netaṁ, bhikkhave, appasannānaṁ vā pasādāya …pe…
pli-tv-bi-vb-ss3:1.15	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss3:1.16.0	
pli-tv-bi-vb-ss3:1.16.1	“Yā pana bhikkhunī ekā gāmantaraṁ gaccheyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss3:1.17	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-ss3:2.0	
pli-tv-bi-vb-ss3:2.1	Tena kho pana samayena dve bhikkhuniyo sāketā sāvatthiṁ addhānamaggappaṭipannā honti.
pli-tv-bi-vb-ss3:2.2	Antarāmagge nadī taritabbā hoti.
pli-tv-bi-vb-ss3:2.3	Atha kho tā bhikkhuniyo nāvike upasaṅkamitvā etadavocuṁ—“sādhu no, āvuso, tārethā”ti.
pli-tv-bi-vb-ss3:2.4	“Nāyye, sakkā ubho sakiṁ tāretun”ti.
pli-tv-bi-vb-ss3:2.5	Eko ekaṁ uttāresi.
pli-tv-bi-vb-ss3:2.6	Uttiṇṇo uttiṇṇaṁ dūsesi.
pli-tv-bi-vb-ss3:2.7	Anuttiṇṇo anuttiṇṇaṁ dūsesi.
pli-tv-bi-vb-ss3:2.8	Tā pacchā samāgantvā pucchiṁsu—
pli-tv-bi-vb-ss3:2.9	“kaccisi, ayye, appadhaṁsitā”ti?
pli-tv-bi-vb-ss3:2.10	“Padhaṁsitāmhi, ayye.
pli-tv-bi-vb-ss3:2.11	Tvaṁ pana, ayye, appadhaṁsitā”ti?
pli-tv-bi-vb-ss3:2.12	“Padhaṁsitāmhi, ayye”ti.
pli-tv-bi-vb-ss3:2.13	Atha kho tā bhikkhuniyo sāvatthiṁ gantvā bhikkhunīnaṁ etamatthaṁ ārocesuṁ.
pli-tv-bi-vb-ss3:2.14	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss3:2.15	“kathañhi nāma bhikkhunī ekā nadīpāraṁ gacchissatī”ti.
pli-tv-bi-vb-ss3:2.16	Atha kho tā bhikkhuniyo bhikkhūnaṁ etamatthaṁ ārocesuṁ.
pli-tv-bi-vb-ss3:2.17	Bhikkhū bhagavato etamatthaṁ ārocesuṁ …pe…
pli-tv-bi-vb-ss3:2.18	“saccaṁ kira, bhikkhave, bhikkhunī ekā nadīpāraṁ gacchatī”ti?
pli-tv-bi-vb-ss3:2.19	“Saccaṁ, bhagavā”ti.
pli-tv-bi-vb-ss3:2.20	Vigarahi buddho bhagavā …pe…
pli-tv-bi-vb-ss3:2.21	kathañhi nāma, bhikkhave, bhikkhunī ekā nadīpāraṁ gacchissati.
pli-tv-bi-vb-ss3:2.22	Netaṁ, bhikkhave, appasannānaṁ vā pasādāya …pe…
pli-tv-bi-vb-ss3:2.23	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss3:2.24.0	
pli-tv-bi-vb-ss3:2.24.1	“Yā pana bhikkhunī ekā vā gāmantaraṁ gaccheyya, ekā vā nadīpāraṁ gaccheyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss3:2.25	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-ss3:3.0	
pli-tv-bi-vb-ss3:3.1	Tena kho pana samayena sambahulā bhikkhuniyo kosalesu janapade sāvatthiṁ gacchantā sāyaṁ aññataraṁ gāmaṁ upagacchiṁsu.
pli-tv-bi-vb-ss3:3.2	Tattha aññatarā bhikkhunī abhirūpā hoti dassanīyā pāsādikā. Aññataro puriso tassā bhikkhuniyā saha dassanena paṭibaddhacitto hoti.
pli-tv-bi-vb-ss3:3.3	Atha kho so puriso tāsaṁ bhikkhunīnaṁ seyyaṁ paññapento tassā bhikkhuniyā seyyaṁ ekamantaṁ paññāpesi.
pli-tv-bi-vb-ss3:3.4	Atha kho sā bhikkhunī sallakkhetvā—“pariyuṭṭhito ayaṁ puriso; sace rattiṁ āgacchissati, vissaro me bhavissatī”ti,
pli-tv-bi-vb-ss3:3.5	bhikkhuniyo anāpucchā aññataraṁ kulaṁ gantvā seyyaṁ kappesi.
pli-tv-bi-vb-ss3:3.6	Atha kho so puriso rattiṁ āgantvā taṁ bhikkhuniṁ gavesanto bhikkhuniyo ghaṭṭesi.
pli-tv-bi-vb-ss3:3.7	Bhikkhuniyo taṁ bhikkhuniṁ apassantiyo evamāhaṁsu—“nissaṁsayaṁ kho sā bhikkhunī purisena saddhiṁ nikkhantā”ti.
pli-tv-bi-vb-ss3:3.8	Atha kho sā bhikkhunī tassā rattiyā accayena yena tā bhikkhuniyo tenupasaṅkami. Bhikkhuniyo taṁ bhikkhuniṁ etadavocuṁ—“kissa tvaṁ, ayye, purisena saddhiṁ nikkhantā”ti?
pli-tv-bi-vb-ss3:3.9	“Nāhaṁ, ayye, purisena saddhiṁ nikkhantā”ti.
pli-tv-bi-vb-ss3:3.10	Bhikkhunīnaṁ etamatthaṁ ārocesi.
pli-tv-bi-vb-ss3:3.11	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss3:3.12	“kathañhi nāma bhikkhunī ekā rattiṁ vippavasissatī”ti …pe…
pli-tv-bi-vb-ss3:3.13	“saccaṁ kira, bhikkhave, bhikkhunī ekā rattiṁ vippavasatī”ti?
pli-tv-bi-vb-ss3:3.14	“Saccaṁ, bhagavā”ti.
pli-tv-bi-vb-ss3:3.15	Vigarahi buddho bhagavā …pe…
pli-tv-bi-vb-ss3:3.16	kathañhi nāma, bhikkhave, bhikkhunī ekā rattiṁ vippavasissati.
pli-tv-bi-vb-ss3:3.17	Netaṁ, bhikkhave, appasannānaṁ vā pasādāya …pe…
pli-tv-bi-vb-ss3:3.18	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss3:3.19.0	
pli-tv-bi-vb-ss3:3.19.1	“Yā pana bhikkhunī ekā vā gāmantaraṁ gaccheyya, ekā vā nadīpāraṁ gaccheyya, ekā vā rattiṁ vippavaseyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss3:3.20	Evañcidaṁ bhagavatā bhikkhunīnaṁ sikkhāpadaṁ paññattaṁ hoti.
pli-tv-bi-vb-ss3:4.0	
pli-tv-bi-vb-ss3:4.1	Tena kho pana samayena sambahulā bhikkhuniyo kosalesu janapade sāvatthiṁ addhānamaggappaṭipannā honti.
pli-tv-bi-vb-ss3:4.2	Tattha aññatarā bhikkhunī vaccena pīḷitā ekikā ohīyitvā pacchā agamāsi.
pli-tv-bi-vb-ss3:4.3	Manussā taṁ bhikkhuniṁ passitvā dūsesuṁ.
pli-tv-bi-vb-ss3:4.4	Atha kho sā bhikkhunī yena tā bhikkhuniyo tenupasaṅkami. Bhikkhuniyo taṁ bhikkhuniṁ etadavocuṁ—“kissa tvaṁ, ayye, ekikā ohīnā, kaccisi appadhaṁsitā”ti?
pli-tv-bi-vb-ss3:4.5	“Padhaṁsitāmhi, ayye”ti.
pli-tv-bi-vb-ss3:4.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss3:4.7	kathañhi nāma bhikkhunī ekā gaṇamhā ohīyissatīti …pe…
pli-tv-bi-vb-ss3:4.8	“saccaṁ kira, bhikkhave, bhikkhunī ekā gaṇamhā ohīyatī”ti?
pli-tv-bi-vb-ss3:4.9	“Saccaṁ, bhagavā”ti.
pli-tv-bi-vb-ss3:4.10	Vigarahi buddho bhagavā …pe…
pli-tv-bi-vb-ss3:4.11	kathañhi nāma, bhikkhave, bhikkhunī ekā gaṇamhā ohīyissati.
pli-tv-bi-vb-ss3:4.12	Netaṁ, bhikkhave, appasannānaṁ vā pasādāya …pe…
pli-tv-bi-vb-ss3:4.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss3:4.14.0	
pli-tv-bi-vb-ss3:4.14.1	“Yā pana bhikkhunī ekā vā gāmantaraṁ gaccheyya, ekā vā nadīpāraṁ gaccheyya, ekā vā rattiṁ vippavaseyya, ekā vā gaṇamhā ohīyeyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss3:5.1.0	
pli-tv-bi-vb-ss3:5.1.1	Yā panāti
pli-tv-bi-vb-ss3:5.1.2	yā yādisā …pe…
pli-tv-bi-vb-ss3:5.1.3	bhikkhunīti
pli-tv-bi-vb-ss3:5.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss3:5.1.5	Ekā vā gāmantaraṁ gaccheyyāti
pli-tv-bi-vb-ss3:5.1.6	parikkhittassa gāmassa parikkhepaṁ paṭhamaṁ pādaṁ atikkāmentiyā āpatti thullaccayassa,
pli-tv-bi-vb-ss3:5.1.7	dutiyaṁ pādaṁ atikkāmentiyā āpatti saṅghādisesassa.
pli-tv-bi-vb-ss3:5.1.8	Aparikkhittassa gāmassa upacāraṁ paṭhamaṁ pādaṁ atikkāmentiyā āpatti thullaccayassa.
pli-tv-bi-vb-ss3:5.1.9	Dutiyaṁ pādaṁ atikkāmentiyā āpatti saṅghādisesassa.
pli-tv-bi-vb-ss3:5.1.10	Ekā vā nadīpāraṁ gaccheyyāti
pli-tv-bi-vb-ss3:5.1.11	nadī nāma timaṇḍalaṁ paṭicchādetvā yattha katthaci uttarantiyā bhikkhuniyā antaravāsako temiyati.
pli-tv-bi-vb-ss3:5.1.12	Paṭhamaṁ pādaṁ uttarantiyā āpatti thullaccayassa.
pli-tv-bi-vb-ss3:5.1.13	Dutiyaṁ pādaṁ uttarantiyā āpatti saṅghādisesassa.
pli-tv-bi-vb-ss3:5.1.14	Ekā vā rattiṁ vippavaseyyāti
pli-tv-bi-vb-ss3:5.1.15	saha aruṇuggamanā dutiyikāya bhikkhuniyā hatthapāsaṁ vijahantiyā āpatti thullaccayassa.
pli-tv-bi-vb-ss3:5.1.16	Vijahite āpatti saṅghādisesassa.
pli-tv-bi-vb-ss3:5.1.17	Ekā vā gaṇamhā ohīyeyyāti
pli-tv-bi-vb-ss3:5.1.18	agāmake araññe dutiyikāya bhikkhuniyā dassanūpacāraṁ vā savanūpacāraṁ vā vijahantiyā āpatti thullaccayassa.
pli-tv-bi-vb-ss3:5.1.19	Vijahite āpatti saṅghādisesassa.
pli-tv-bi-vb-ss3:5.1.20	Ayampīti
pli-tv-bi-vb-ss3:5.1.21	purimāyo upādāya vuccati.
pli-tv-bi-vb-ss3:5.1.22	Paṭhamāpattikanti
pli-tv-bi-vb-ss3:5.1.23	saha vatthujjhācārā āpajjati asamanubhāsanāya.
pli-tv-bi-vb-ss3:5.1.24	Nissāraṇīyanti
pli-tv-bi-vb-ss3:5.1.25	saṅghamhā nissārīyati.
pli-tv-bi-vb-ss3:5.1.26	Saṅghādisesoti
pli-tv-bi-vb-ss3:5.1.27	…pe… tenapi vuccati saṅghādisesoti.
pli-tv-bi-vb-ss3:5.2.0	
pli-tv-bi-vb-ss3:5.2.1	Anāpatti—
pli-tv-bi-vb-ss3:5.2.2	dutiyikā bhikkhunī pakkantā vā hoti vibbhantā vā kālaṅkatā vā pakkhasaṅkantā vā,
pli-tv-bi-vb-ss3:5.2.3	āpadāsu,
pli-tv-bi-vb-ss3:5.2.4	ummattikāya,
pli-tv-bi-vb-ss3:5.2.5	ādikammikāyāti.
pli-tv-bi-vb-ss3:5.2.6	Tatiyasaṅghādisesasikkhāpadaṁ niṭṭhitaṁ.
pli-tv-bi-vb-ss4:0.1	Theravāda Vinaya
pli-tv-bi-vb-ss4:0.2	Bhikkhunivibhaṅga
pli-tv-bi-vb-ss4:0.3	Saṅghādisesakaṇḍa
pli-tv-bi-vb-ss4:0.4	4. Ukkhittakaosāraṇasikkhāpada
pli-tv-bi-vb-ss4:1.0	
pli-tv-bi-vb-ss4:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss4:1.2	Tena kho pana samayena caṇḍakāḷī bhikkhunī bhaṇḍanakārikā hoti kalahakārikā vivādakārikā bhassakārikā saṅghe adhikaraṇakārikā.
pli-tv-bi-vb-ss4:1.3	Thullanandā bhikkhunī tassā kamme karīyamāne paṭikkosati.
pli-tv-bi-vb-ss4:1.4	Tena kho pana samayena thullanandā bhikkhunī gāmakaṁ agamāsi kenacideva karaṇīyena.
pli-tv-bi-vb-ss4:1.5	Atha kho bhikkhunisaṅgho—
pli-tv-bi-vb-ss4:1.6	“thullanandā bhikkhunī pakkantā”ti, caṇḍakāḷiṁ bhikkhuniṁ āpattiyā adassane ukkhipi.
pli-tv-bi-vb-ss4:1.7	Thullanandā bhikkhunī gāmake taṁ karaṇīyaṁ tīretvā punadeva sāvatthiṁ paccāgacchi.
pli-tv-bi-vb-ss4:1.8	Caṇḍakāḷī bhikkhunī thullanandāya bhikkhuniyā āgacchantiyā neva āsanaṁ paññapesi na pādodakaṁ pādapīṭhaṁ pādakaṭhalikaṁ upanikkhipi na paccuggantvā pattacīvaraṁ paṭiggahesi na pānīyena āpucchi.
pli-tv-bi-vb-ss4:1.9	Thullanandā bhikkhunī caṇḍakāḷiṁ bhikkhuniṁ etadavoca—
pli-tv-bi-vb-ss4:1.10	“kissa tvaṁ, ayye, mayi āgacchantiyā neva āsanaṁ paññapesi na pādodakaṁ pādapīṭhaṁ pādakaṭhalikaṁ upanikkhipi na paccuggantvā pattacīvaraṁ paṭiggahesi na pānīyena āpucchī”ti?
pli-tv-bi-vb-ss4:1.11	“Evañhetaṁ, ayye, hoti yathā taṁ anāthāyā”ti.
pli-tv-bi-vb-ss4:1.12	“Kissa pana tvaṁ, ayye, anāthā”ti?
pli-tv-bi-vb-ss4:1.13	“Imā maṁ, ayye, bhikkhuniyo—
pli-tv-bi-vb-ss4:1.14	‘ayaṁ anāthā appaññātā, natthi imissā kāci paṭivattā’ti, āpattiyā adassane ukkhipiṁsū”ti.
pli-tv-bi-vb-ss4:1.15	Thullanandā bhikkhunī—
pli-tv-bi-vb-ss4:1.16	“bālā etā abyattā etā, neva jānanti kammaṁ vā kammadosaṁ vā kammavipattiṁ vā kammasampattiṁ vā.
pli-tv-bi-vb-ss4:1.17	Mayaṁ kho jānāma kammampi kammadosampi kammavipattimpi kammasampattimpi.
pli-tv-bi-vb-ss4:1.18	Mayaṁ kho akataṁ vā kammaṁ kāreyyāma kataṁ vā kammaṁ kopeyyāmā”ti, lahuṁ lahuṁ bhikkhunisaṅghaṁ sannipātetvā caṇḍakāḷiṁ bhikkhuniṁ osāresi.
pli-tv-bi-vb-ss4:1.19	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss4:1.20	“kathañhi nāma ayyā thullanandā samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāressatī”ti …pe…
pli-tv-bi-vb-ss4:1.21	“saccaṁ kira, bhikkhave, thullanandā bhikkhunī samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāretī”ti?
pli-tv-bi-vb-ss4:1.22	“Saccaṁ, bhagavā”ti.
pli-tv-bi-vb-ss4:1.23	Vigarahi buddho bhagavā …pe…
pli-tv-bi-vb-ss4:1.24	kathañhi nāma, bhikkhave, thullanandā bhikkhunī samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāressati.
pli-tv-bi-vb-ss4:1.25	Netaṁ, bhikkhave, appasannānaṁ vā pasādāya …pe…
pli-tv-bi-vb-ss4:1.26	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss4:1.27.0	
pli-tv-bi-vb-ss4:1.27.1	“Yā pana bhikkhunī samaggena saṅghena ukkhittaṁ bhikkhuniṁ dhammena vinayena satthusāsanena anapaloketvā kārakasaṅghaṁ anaññāya gaṇassa chandaṁ osāreyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss4:2.1.0	
pli-tv-bi-vb-ss4:2.1.1	Yā panāti
pli-tv-bi-vb-ss4:2.1.2	yā yādisā …pe…
pli-tv-bi-vb-ss4:2.1.3	bhikkhunīti
pli-tv-bi-vb-ss4:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss4:2.1.5	Samaggo nāma saṅgho
pli-tv-bi-vb-ss4:2.1.6	samānasaṁvāsako samānasīmāyaṁ ṭhito.
pli-tv-bi-vb-ss4:2.1.7	Ukkhittā nāma
pli-tv-bi-vb-ss4:2.1.8	āpattiyā adassane vā appaṭikamme vā appaṭinissagge vā ukkhittā.
pli-tv-bi-vb-ss4:2.1.9	Dhammena vinayenāti
pli-tv-bi-vb-ss4:2.1.10	yena dhammena yena vinayena.
pli-tv-bi-vb-ss4:2.1.11	Satthusāsanenāti
pli-tv-bi-vb-ss4:2.1.12	jinasāsanena buddhasāsanena.
pli-tv-bi-vb-ss4:2.1.13	Anapaloketvā kārakasaṅghanti
pli-tv-bi-vb-ss4:2.1.14	kammakārakasaṅghaṁ anāpucchā.
pli-tv-bi-vb-ss4:2.1.15	Anaññāya gaṇassa chandanti
pli-tv-bi-vb-ss4:2.1.16	gaṇassa chandaṁ ajānitvā.
pli-tv-bi-vb-ss4:2.1.17	“Osāressāmī”ti gaṇaṁ vā pariyesati, sīmaṁ vā sammannati, āpatti dukkaṭassa.
pli-tv-bi-vb-ss4:2.1.18	Ñattiyā dukkaṭaṁ, dvīhi kammavācāhi thullaccayā, kammavācāpariyosāne āpatti saṅghādisesassa.
pli-tv-bi-vb-ss4:2.1.19	Ayampīti
pli-tv-bi-vb-ss4:2.1.20	purimāyo upādāya vuccati.
pli-tv-bi-vb-ss4:2.1.21	Paṭhamāpattikanti
pli-tv-bi-vb-ss4:2.1.22	saha vatthujjhācārā āpajjati asamanubhāsanāya.
pli-tv-bi-vb-ss4:2.1.23	Nissāraṇīyanti
pli-tv-bi-vb-ss4:2.1.24	saṅghamhā nissārīyati.
pli-tv-bi-vb-ss4:2.1.25	Saṅghādisesoti
pli-tv-bi-vb-ss4:2.1.26	…pe… tenapi vuccati saṅghādisesoti.
pli-tv-bi-vb-ss4:2.2.0	
pli-tv-bi-vb-ss4:2.2.1	Dhammakamme dhammakammasaññā osāreti, āpatti saṅghādisesassa.
pli-tv-bi-vb-ss4:2.2.2	Dhammakamme vematikā osāreti āpatti saṅghādisesassa.
pli-tv-bi-vb-ss4:2.2.3	Dhammakamme adhammakammasaññā osāreti, āpatti saṅghādisesassa.
pli-tv-bi-vb-ss4:2.2.4	Adhammakamme dhammakammasaññā, āpatti dukkaṭassa.
pli-tv-bi-vb-ss4:2.2.5	Adhammakamme vematikā, āpatti dukkaṭassa.
pli-tv-bi-vb-ss4:2.2.6	Adhammakamme adhammakammasaññā, āpatti dukkaṭassa.
pli-tv-bi-vb-ss4:2.3.0	
pli-tv-bi-vb-ss4:2.3.1	Anāpatti—
pli-tv-bi-vb-ss4:2.3.2	kammakārakasaṅghaṁ apaloketvā osāreti,
pli-tv-bi-vb-ss4:2.3.3	gaṇassa chandaṁ jānitvā osāreti,
pli-tv-bi-vb-ss4:2.3.4	vatte vattantiṁ osāreti,
pli-tv-bi-vb-ss4:2.3.5	asante kammakārakasaṅghe osāreti,
pli-tv-bi-vb-ss4:2.3.6	ummattikāya,
pli-tv-bi-vb-ss4:2.3.7	ādikammikāyāti.
pli-tv-bi-vb-ss4:2.3.8	Catutthasaṅghādisesasikkhāpadaṁ niṭṭhitaṁ.
pli-tv-bi-vb-ss5:0.1	Theravāda Vinaya
pli-tv-bi-vb-ss5:0.2	Bhikkhunivibhaṅga
pli-tv-bi-vb-ss5:0.3	Saṅghādisesakaṇḍa
pli-tv-bi-vb-ss5:0.4	5. Bhojanapaṭiggahaṇasikkhāpada
pli-tv-bi-vb-ss5:1.0	
pli-tv-bi-vb-ss5:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss5:1.2	Tena kho pana samayena sundarīnandā bhikkhunī abhirūpā hoti dassanīyā pāsādikā.
pli-tv-bi-vb-ss5:1.3	Manussā bhattagge sundarīnandaṁ bhikkhuniṁ passitvā avassutā avassutāya sundarīnandāya bhikkhuniyā aggamaggāni bhojanāni denti.
pli-tv-bi-vb-ss5:1.4	Sundarīnandā bhikkhunī yāvadatthaṁ bhuñjati;
pli-tv-bi-vb-ss5:1.5	aññā bhikkhuniyo na cittarūpaṁ labhanti.
pli-tv-bi-vb-ss5:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss5:1.7	“kathañhi nāma ayyā sundarīnandā avassutā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā khādissati bhuñjissatī”ti …pe…
pli-tv-bi-vb-ss5:1.8	“saccaṁ kira, bhikkhave, sundarīnandā bhikkhunī avassutā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā khādati bhuñjatī”ti?
pli-tv-bi-vb-ss5:1.9	“Saccaṁ, bhagavā”ti.
pli-tv-bi-vb-ss5:1.10	Vigarahi buddho bhagavā …pe…
pli-tv-bi-vb-ss5:1.11	kathañhi nāma, bhikkhave, sundarīnandā bhikkhunī avassutā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā khādissati bhuñjissati.
pli-tv-bi-vb-ss5:1.12	Netaṁ, bhikkhave, appasannānaṁ vā pasādāya …pe…
pli-tv-bi-vb-ss5:1.13	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss5:1.14.0	
pli-tv-bi-vb-ss5:1.14.1	“Yā pana bhikkhunī avassutā avassutassa purisapuggalassa hatthato khādanīyaṁ vā bhojanīyaṁ vā sahatthā paṭiggahetvā khādeyya vā bhuñjeyya vā, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss5:2.1.0	
pli-tv-bi-vb-ss5:2.1.1	Yā panāti
pli-tv-bi-vb-ss5:2.1.2	yā yādisā …pe…
pli-tv-bi-vb-ss5:2.1.3	bhikkhunīti
pli-tv-bi-vb-ss5:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss5:2.1.5	Avassutā nāma
pli-tv-bi-vb-ss5:2.1.6	sārattā apekkhavatī paṭibaddhacittā.
pli-tv-bi-vb-ss5:2.1.7	Avassuto nāma
pli-tv-bi-vb-ss5:2.1.8	sāratto apekkhavā paṭibaddhacitto.
pli-tv-bi-vb-ss5:2.1.9	Purisapuggalo nāma
pli-tv-bi-vb-ss5:2.1.10	manussapuriso, na yakkho na peto na tiracchānagato, viññū paṭibalo sārajjituṁ.
pli-tv-bi-vb-ss5:2.1.11	Khādanīyaṁ nāma
pli-tv-bi-vb-ss5:2.1.12	pañca bhojanāni udakadantaponaṁ ṭhapetvā avasesaṁ khādanīyaṁ nāma.
pli-tv-bi-vb-ss5:2.1.13	Bhojanīyaṁ nāma
pli-tv-bi-vb-ss5:2.1.14	pañca bhojanāni—odano, kummāso, sattu, maccho, maṁsaṁ.
pli-tv-bi-vb-ss5:2.1.15	“Khādissāmi bhuñjissāmī”ti paṭiggaṇhāti, āpatti thullaccayassa.
pli-tv-bi-vb-ss5:2.1.16	Ajjhohāre ajjhohāre āpatti saṅghādisesassa.
pli-tv-bi-vb-ss5:2.1.17	Ayampīti
pli-tv-bi-vb-ss5:2.1.18	purimāyo upādāya vuccati.
pli-tv-bi-vb-ss5:2.1.19	Paṭhamāpattikanti
pli-tv-bi-vb-ss5:2.1.20	saha vatthujjhācārā āpajjati asamanubhāsanāya.
pli-tv-bi-vb-ss5:2.1.21	Nissāraṇīyanti
pli-tv-bi-vb-ss5:2.1.22	saṅghamhā nissārīyati.
pli-tv-bi-vb-ss5:2.1.23	Saṅghādisesoti
pli-tv-bi-vb-ss5:2.1.24	…pe… tenapi vuccati saṅghādisesoti.
pli-tv-bi-vb-ss5:2.2.0	
pli-tv-bi-vb-ss5:2.2.1	Udakadantaponaṁ paṭiggaṇhāti, āpatti dukkaṭassa.
pli-tv-bi-vb-ss5:2.2.2	Ekatoavassute “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-ss5:2.2.3	Ajjhohāre ajjhohāre āpatti thullaccayassa.
pli-tv-bi-vb-ss5:2.2.4	Udakadantaponaṁ paṭiggaṇhāti, āpatti dukkaṭassa.
pli-tv-bi-vb-ss5:2.2.5	Ubhatoavassute yakkhassa vā petassa vā paṇḍakassa vā tiracchānagatamanussaviggahassa vā hatthato “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-ss5:2.2.6	Ajjhohāre ajjhohāre āpatti thullaccayassa.
pli-tv-bi-vb-ss5:2.2.7	Udakadantaponaṁ paṭiggaṇhāti, āpatti dukkaṭassa.
pli-tv-bi-vb-ss5:2.2.8	Ekatoavassute “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-ss5:2.2.9	Ajjhohāre ajjhohāre āpatti dukkaṭassa.
pli-tv-bi-vb-ss5:2.2.10	Udakadantaponaṁ paṭiggaṇhāti, āpatti dukkaṭassa.
pli-tv-bi-vb-ss5:2.3.0	
pli-tv-bi-vb-ss5:2.3.1	Anāpatti—
pli-tv-bi-vb-ss5:2.3.2	ubhatoanavassutā honti,
pli-tv-bi-vb-ss5:2.3.3	“anavassuto”ti jānantī paṭiggaṇhāti,
pli-tv-bi-vb-ss5:2.3.4	ummattikāya,
pli-tv-bi-vb-ss5:2.3.5	ādikammikāyāti.
pli-tv-bi-vb-ss5:2.3.6	Pañcamasaṅghādisesasikkhāpadaṁ niṭṭhitaṁ.
pli-tv-bi-vb-ss6:0.1	Theravāda Vinaya
pli-tv-bi-vb-ss6:0.2	Bhikkhunivibhaṅga
pli-tv-bi-vb-ss6:0.3	Saṅghādisesakaṇḍa
pli-tv-bi-vb-ss6:0.4	6. Dutiyabhojanapaṭiggahaṇasikkhāpada
pli-tv-bi-vb-ss6:1.0	
pli-tv-bi-vb-ss6:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss6:1.2	Tena kho pana samayena sundarīnandā bhikkhunī abhirūpā hoti dassanīyā pāsādikā.
pli-tv-bi-vb-ss6:1.3	Manussā bhattagge sundarīnandaṁ bhikkhuniṁ passitvā avassutā sundarīnandāya bhikkhuniyā aggamaggāni bhojanāni denti.
pli-tv-bi-vb-ss6:1.4	Sundarīnandā bhikkhunī kukkuccāyantī na paṭiggaṇhāti.
pli-tv-bi-vb-ss6:1.5	Anantarikā bhikkhunī sundarīnandaṁ bhikkhuniṁ etadavoca—
pli-tv-bi-vb-ss6:1.6	“kissa tvaṁ, ayye, na paṭiggaṇhāsī”ti?
pli-tv-bi-vb-ss6:1.7	“Avassutā, ayye”ti.
pli-tv-bi-vb-ss6:1.8	“Tvaṁ pana, ayye, avassutā”ti?
pli-tv-bi-vb-ss6:1.9	“Nāhaṁ, ayye, avassutā”ti.
pli-tv-bi-vb-ss6:1.10	“Kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā.
pli-tv-bi-vb-ss6:1.11	Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā, bhuñja vā”ti.
pli-tv-bi-vb-ss6:1.12	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss6:1.13	“kathañhi nāma bhikkhunī evaṁ vakkhati—
pli-tv-bi-vb-ss6:1.14	‘kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā.
pli-tv-bi-vb-ss6:1.15	Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā’”ti …pe…
pli-tv-bi-vb-ss6:1.16	“saccaṁ kira, bhikkhave, bhikkhunī evaṁ vadeti—
pli-tv-bi-vb-ss6:1.17	‘kiṁ te, ayye, eso purisapuggalo karissati avassuto vā anavassuto vā yato tvaṁ anavassutā.
pli-tv-bi-vb-ss6:1.18	Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā’”ti?
pli-tv-bi-vb-ss6:1.19	“Saccaṁ, bhagavā”ti.
pli-tv-bi-vb-ss6:1.20	Vigarahi buddho bhagavā …pe…
pli-tv-bi-vb-ss6:1.21	kathañhi nāma, bhikkhave, bhikkhunī evaṁ vakkhati—
pli-tv-bi-vb-ss6:1.22	‘kiṁ te, ayye, eso purisapuggalo karissati avassuto vā anavassuto vā yato tvaṁ anavassutā;
pli-tv-bi-vb-ss6:1.23	iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā’ti.
pli-tv-bi-vb-ss6:1.24	Netaṁ, bhikkhave, appasannānaṁ vā pasādāya …pe…
pli-tv-bi-vb-ss6:1.25	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss6:1.26.0	
pli-tv-bi-vb-ss6:1.26.1	“Yā pana bhikkhunī evaṁ vadeyya— ‘kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā. Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā’ti, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss6:2.1.0	
pli-tv-bi-vb-ss6:2.1.1	Yā panāti
pli-tv-bi-vb-ss6:2.1.2	yā yādisā …pe…
pli-tv-bi-vb-ss6:2.1.3	bhikkhunīti
pli-tv-bi-vb-ss6:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss6:2.1.5	Evaṁ vadeyyāti—
pli-tv-bi-vb-ss6:2.1.6	“kiṁ te, ayye, eso purisapuggalo karissati avassuto vā anavassuto vā, yato tvaṁ anavassutā. Iṅgha, ayye, yaṁ te eso purisapuggalo deti khādanīyaṁ vā bhojanīyaṁ vā taṁ tvaṁ sahatthā paṭiggahetvā khāda vā bhuñja vā”ti uyyojeti, āpatti dukkaṭassa.
pli-tv-bi-vb-ss6:2.1.7	Tassā vacanena “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-ss6:2.1.8	Ajjhohāre ajjhohāre āpatti thullaccayassa.
pli-tv-bi-vb-ss6:2.1.9	Bhojanapariyosāne āpatti saṅghādisesassa.
pli-tv-bi-vb-ss6:2.1.10	Ayampīti
pli-tv-bi-vb-ss6:2.1.11	purimāyo upādāya vuccati.
pli-tv-bi-vb-ss6:2.1.12	Paṭhamāpattikanti
pli-tv-bi-vb-ss6:2.1.13	saha vatthujjhācārā āpajjati asamanubhāsanāya.
pli-tv-bi-vb-ss6:2.1.14	Nissāraṇīyanti
pli-tv-bi-vb-ss6:2.1.15	saṅghamhā nissārīyati.
pli-tv-bi-vb-ss6:2.1.16	Saṅghādisesoti
pli-tv-bi-vb-ss6:2.1.17	…pe… tenapi vuccati saṅghādisesoti.
pli-tv-bi-vb-ss6:2.2.0	
pli-tv-bi-vb-ss6:2.2.1	Udakadantaponaṁ “paṭiggaṇhā”ti uyyojeti, āpatti dukkaṭassa.
pli-tv-bi-vb-ss6:2.2.2	Tassā vacanena “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-ss6:2.2.3	Ekatoavassute yakkhassa vā petassa vā paṇḍakassa vā tiracchānagatamanussaviggahassa vā hatthato khādanīyaṁ vā bhojanīyaṁ vā “khāda vā bhuñja vā”ti uyyojeti, āpatti dukkaṭassa.
pli-tv-bi-vb-ss6:2.2.4	Tassā vacanena “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-ss6:2.2.5	Ajjhohāre ajjhohāre āpatti dukkaṭassa.
pli-tv-bi-vb-ss6:2.2.6	Bhojanapariyosāne āpatti thullaccayassa.
pli-tv-bi-vb-ss6:2.2.7	Udakadantaponaṁ paṭiggaṇhāti uyyojeti, āpatti dukkaṭassa.
pli-tv-bi-vb-ss6:2.2.8	Tassā vacanena “khādissāmi bhuñjissāmī”ti paṭiggaṇhāti, āpatti dukkaṭassa.
pli-tv-bi-vb-ss6:2.3.0	
pli-tv-bi-vb-ss6:2.3.1	Anāpatti—
pli-tv-bi-vb-ss6:2.3.2	“anavassuto”ti jānantī uyyojeti,
pli-tv-bi-vb-ss6:2.3.3	“kupitā na paṭiggaṇhātī”ti uyyojeti,
pli-tv-bi-vb-ss6:2.3.4	“kulānuddayatāya na paṭiggaṇhātī”ti uyyojeti,
pli-tv-bi-vb-ss6:2.3.5	ummattikāya,
pli-tv-bi-vb-ss6:2.3.6	ādikammikāyāti.
pli-tv-bi-vb-ss6:2.3.7	Chaṭṭhasaṅghādisesasikkhāpadaṁ niṭṭhitaṁ.
pli-tv-bi-vb-ss10:0.1	Theravāda Vinaya
pli-tv-bi-vb-ss10:0.2	Bhikkhunivibhaṅga
pli-tv-bi-vb-ss10:0.3	Saṅghādisesakaṇḍa
pli-tv-bi-vb-ss10:0.4	10. Sikkhaṁpaccācikkhaṇasikkhāpada
pli-tv-bi-vb-ss10:1.0	
pli-tv-bi-vb-ss10:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss10:1.2	Tena kho pana samayena caṇḍakāḷī bhikkhunī bhikkhunīhi saddhiṁ bhaṇḍitvā kupitā anattamanā evaṁ vadeti—
pli-tv-bi-vb-ss10:1.3	“buddhaṁ paccācikkhāmi, dhammaṁ paccācikkhāmi, saṅghaṁ paccācikkhāmi, sikkhaṁ paccācikkhāmi.
pli-tv-bi-vb-ss10:1.4	Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā tāsāhaṁ santike brahmacariyaṁ carissāmī”ti.
pli-tv-bi-vb-ss10:1.5	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss10:1.6	“kathañhi nāma ayyā caṇḍakāḷī kupitā anattamanā evaṁ vakkhati—
pli-tv-bi-vb-ss10:1.7	‘buddhaṁ paccācikkhāmi …pe… sikkhaṁ paccācikkhāmi.
pli-tv-bi-vb-ss10:1.8	Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā tāsāhaṁ santike brahmacariyaṁ carissāmī’”ti …pe…
pli-tv-bi-vb-ss10:1.9	“saccaṁ kira, bhikkhave, caṇḍakāḷī bhikkhunī kupitā anattamanā evaṁ vadeti—
pli-tv-bi-vb-ss10:1.10	‘buddhaṁ paccācikkhāmi …pe… sikkhaṁ paccācikkhāmi.
pli-tv-bi-vb-ss10:1.11	Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmī’”ti?
pli-tv-bi-vb-ss10:1.12	“Saccaṁ, bhagavā”ti.
pli-tv-bi-vb-ss10:1.13	Vigarahi buddho bhagavā …pe…
pli-tv-bi-vb-ss10:1.14	kathañhi nāma, bhikkhave, caṇḍakāḷī bhikkhunī kupitā anattamanā evaṁ vakkhati—
pli-tv-bi-vb-ss10:1.15	‘buddhaṁ paccācikkhāmi …pe… sikkhaṁ paccācikkhāmi.
pli-tv-bi-vb-ss10:1.16	Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmī’ti.
pli-tv-bi-vb-ss10:1.17	Netaṁ, bhikkhave, appasannānaṁ vā pasādāya …pe…
pli-tv-bi-vb-ss10:1.18	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss10:1.19.0	
pli-tv-bi-vb-ss10:1.19.1	“Yā pana bhikkhunī kupitā anattamanā evaṁ vadeyya—
pli-tv-bi-vb-ss10:1.20	‘buddhaṁ paccācikkhāmi, dhammaṁ paccācikkhāmi, saṅghaṁ paccācikkhāmi, sikkhaṁ paccācikkhāmi. Kinnumāva samaṇiyo yā samaṇiyo sakyadhītaro. Santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmī’ti,
pli-tv-bi-vb-ss10:1.21	sā bhikkhunī bhikkhunīhi evamassa vacanīyā—
pli-tv-bi-vb-ss10:1.22	‘māyye, kupitā anattamanā evaṁ avaca— buddhaṁ paccācikkhāmi, dhammaṁ paccācikkhāmi, saṅghaṁ paccācikkhāmi, sikkhaṁ paccācikkhāmi. Kinnumāva samaṇiyo yā samaṇiyo sakyadhītaro. Santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmīti, abhiramāyye, svākkhāto dhammo; cara brahmacariyaṁ sammā dukkhassa antakiriyāyā’ti.
pli-tv-bi-vb-ss10:1.23	Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṁ samanubhāsitabbā tassa paṭinissaggāya.
pli-tv-bi-vb-ss10:1.24	Yāvatatiyañce samanubhāsīyamānā taṁ paṭinissajjeyya iccetaṁ kusalaṁ;
pli-tv-bi-vb-ss10:1.25	no ce paṭinissajjeyya, ayampi bhikkhunī yāvatatiyakaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss10:2.1.0	
pli-tv-bi-vb-ss10:2.1.1	Yā panāti
pli-tv-bi-vb-ss10:2.1.2	yā yādisā …pe…
pli-tv-bi-vb-ss10:2.1.3	bhikkhunīti
pli-tv-bi-vb-ss10:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss10:2.1.5	Kupitā anattamanāti
pli-tv-bi-vb-ss10:2.1.6	anabhiraddhā āhatacittā khilajātā.
pli-tv-bi-vb-ss10:2.1.7	Evaṁ vadeyyāti—
pli-tv-bi-vb-ss10:2.1.8	“buddhaṁ paccācikkhāmi …pe… sikkhaṁ paccācikkhāmi. Kinnumāva samaṇiyo yā samaṇiyo sakyadhītaro. Santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmī”ti.
pli-tv-bi-vb-ss10:2.1.9	Sā bhikkhunīti
pli-tv-bi-vb-ss10:2.1.10	yā sā evaṁvādinī bhikkhunī.
pli-tv-bi-vb-ss10:2.1.11	Bhikkhunīhīti
pli-tv-bi-vb-ss10:2.1.12	aññāhi bhikkhunīhi. Yā passanti yā suṇanti tāhi vattabbā—
pli-tv-bi-vb-ss10:2.1.13	“māyye, kupitā anattamanā evaṁ avaca—
pli-tv-bi-vb-ss10:2.1.14	‘buddhaṁ paccācikkhāmi …pe… sikkhaṁ paccācikkhāmi.
pli-tv-bi-vb-ss10:2.1.15	Kinnumāva samaṇiyo yā samaṇiyo sakyadhītaro.
pli-tv-bi-vb-ss10:2.1.16	Santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmī’ti.
pli-tv-bi-vb-ss10:2.1.17	Abhiramāyye, svākkhāto dhammo;
pli-tv-bi-vb-ss10:2.1.18	cara brahmacariyaṁ sammā dukkhassa antakiriyāyā”ti.
pli-tv-bi-vb-ss10:2.1.19	Dutiyampi vattabbā.
pli-tv-bi-vb-ss10:2.1.20	Tatiyampi vattabbā.
pli-tv-bi-vb-ss10:2.1.21	Sace paṭinissajjati iccetaṁ kusalaṁ,
pli-tv-bi-vb-ss10:2.1.22	no ce paṭinissajjati āpatti dukkaṭassa.
pli-tv-bi-vb-ss10:2.1.23	Sutvā na vadanti, āpatti dukkaṭassa.
pli-tv-bi-vb-ss10:2.1.24	Sā bhikkhunī saṅghamajjhampi ākaḍḍhitvā vattabbā—
pli-tv-bi-vb-ss10:2.1.25	“māyye, kupitā anattamanā evaṁ avaca—
pli-tv-bi-vb-ss10:2.1.26	‘buddhaṁ paccācikkhāmi …pe… sikkhaṁ paccācikkhāmi.
pli-tv-bi-vb-ss10:2.1.27	Kinnumāva samaṇiyo yā samaṇiyo sakyadhītaro.
pli-tv-bi-vb-ss10:2.1.28	Santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmī’ti.
pli-tv-bi-vb-ss10:2.1.29	Abhiramāyye, svākkhāto dhammo;
pli-tv-bi-vb-ss10:2.1.30	cara brahmacariyaṁ sammā dukkhassa antakiriyāyā”ti.
pli-tv-bi-vb-ss10:2.1.31	Dutiyampi vattabbā.
pli-tv-bi-vb-ss10:2.1.32	Tatiyampi vattabbā.
pli-tv-bi-vb-ss10:2.1.33	Sace paṭinissajjati iccetaṁ kusalaṁ,
pli-tv-bi-vb-ss10:2.1.34	no ce paṭinissajjati āpatti dukkaṭassa.
pli-tv-bi-vb-ss10:2.1.35	Sā bhikkhunī samanubhāsitabbā.
pli-tv-bi-vb-ss10:2.1.36	Evañca pana, bhikkhave, samanubhāsitabbā.
pli-tv-bi-vb-ss10:2.1.37	Byattāya bhikkhuniyā paṭibalāya saṅgho ñāpetabbo—
pli-tv-bi-vb-ss10:2.1.38	“Suṇātu me, ayye, saṅgho.
pli-tv-bi-vb-ss10:2.1.39	Ayaṁ itthannāmā bhikkhunī kupitā anattamanā evaṁ vadeti—
pli-tv-bi-vb-ss10:2.1.40	‘buddhaṁ paccācikkhāmi, dhammaṁ paccācikkhāmi, saṅghaṁ paccācikkhāmi, sikkhaṁ paccācikkhāmi.
pli-tv-bi-vb-ss10:2.1.41	Kinnumāva samaṇiyo yā samaṇiyo sakyadhītaro.
pli-tv-bi-vb-ss10:2.1.42	Santaññāpi samaṇiyo lajjiniyo kukkuccikā sikkhākāmā tāsāhaṁ santike brahmacariyaṁ carissāmī’ti.
pli-tv-bi-vb-ss10:2.1.43	Sā taṁ vatthuṁ na paṭinissajjati.
pli-tv-bi-vb-ss10:2.1.44	Yadi saṅghassa pattakallaṁ, saṅgho itthannāmaṁ bhikkhuniṁ samanubhāseyya tassa vatthussa paṭinissaggāya.
pli-tv-bi-vb-ss10:2.1.45	Esā ñatti.
pli-tv-bi-vb-ss10:2.1.46	Suṇātu me, ayye, saṅgho.
pli-tv-bi-vb-ss10:2.1.47	Ayaṁ itthannāmā bhikkhunī kupitā anattamanā evaṁ vadeti—
pli-tv-bi-vb-ss10:2.1.48	‘buddhaṁ paccācikkhāmi …pe… sikkhaṁ paccācikkhāmi.
pli-tv-bi-vb-ss10:2.1.49	Kinnumāva samaṇiyo yā samaṇiyo sakyadhītaro.
pli-tv-bi-vb-ss10:2.1.50	Santaññāpi samaṇiyo lajjiniyo kukkuccikā sikkhākāmā, tāsāhaṁ santike brahmacariyaṁ carissāmī’ti.
pli-tv-bi-vb-ss10:2.1.51	Sā taṁ vatthuṁ na paṭinissajjati.
pli-tv-bi-vb-ss10:2.1.52	Saṅgho itthannāmaṁ bhikkhuniṁ samanubhāsati tassa vatthussa paṭinissaggāya.
pli-tv-bi-vb-ss10:2.1.53	Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa;
pli-tv-bi-vb-ss10:2.1.54	yassā nakkhamati sā, bhāseyya.
pli-tv-bi-vb-ss10:2.1.55	Dutiyampi etamatthaṁ vadāmi …pe…
pli-tv-bi-vb-ss10:2.1.56	tatiyampi etamatthaṁ vadāmi …pe….
pli-tv-bi-vb-ss10:2.1.57	Samanubhaṭṭhā saṅghena itthannāmā bhikkhunī tassa vatthussa paṭinissaggāya.
pli-tv-bi-vb-ss10:2.1.58	Khamati saṅghassa, tasmā tuṇhī, evametaṁ dhārayāmī”ti.
pli-tv-bi-vb-ss10:2.1.59	Ñattiyā dukkaṭaṁ.
pli-tv-bi-vb-ss10:2.1.60	Dvīhi kammavācāhi thullaccayā.
pli-tv-bi-vb-ss10:2.1.61	Kammavācāpariyosāne āpatti saṅghādisesassa.
pli-tv-bi-vb-ss10:2.1.62	Saṅghādisesaṁ ajjhāpajjantiyā ñattiyā dukkaṭaṁ, dvīhi kammavācāhi thullaccayā paṭippassambhanti.
pli-tv-bi-vb-ss10:2.1.63	Ayampīti
pli-tv-bi-vb-ss10:2.1.64	purimāyo upādāya vuccati.
pli-tv-bi-vb-ss10:2.1.65	Yāvatatiyakanti
pli-tv-bi-vb-ss10:2.1.66	yāvatatiyaṁ samanubhāsanāya āpajjati, na saha vatthujjhācārā.
pli-tv-bi-vb-ss10:2.1.67	Nissāraṇīyanti
pli-tv-bi-vb-ss10:2.1.68	saṅghamhā nissārīyati.
pli-tv-bi-vb-ss10:2.1.69	Saṅghādisesoti
pli-tv-bi-vb-ss10:2.1.70	…pe… tenapi vuccati saṅghādisesoti.
pli-tv-bi-vb-ss10:2.2.0	
pli-tv-bi-vb-ss10:2.2.1	Dhammakamme dhammakammasaññā na paṭinissajjati, āpatti saṅghādisesassa.
pli-tv-bi-vb-ss10:2.2.2	Dhammakamme vematikā na paṭinissajjati, āpatti saṅghādisesassa.
pli-tv-bi-vb-ss10:2.2.3	Dhammakamme adhammakammasaññā na paṭinissajjati, āpatti saṅghādisesassa.
pli-tv-bi-vb-ss10:2.2.4	Adhammakamme dhammakammasaññā, āpatti dukkaṭassa.
pli-tv-bi-vb-ss10:2.2.5	Adhammakamme vematikā, āpatti dukkaṭassa.
pli-tv-bi-vb-ss10:2.2.6	Adhammakamme adhammakammasaññā, āpatti dukkaṭassa.
pli-tv-bi-vb-ss10:2.3.0	
pli-tv-bi-vb-ss10:2.3.1	Anāpatti—
pli-tv-bi-vb-ss10:2.3.2	asamanubhāsantiyā,
pli-tv-bi-vb-ss10:2.3.3	paṭinissajjantiyā,
pli-tv-bi-vb-ss10:2.3.4	ummattikāya,
pli-tv-bi-vb-ss10:2.3.5	ādikammikāyāti.
pli-tv-bi-vb-ss10:2.3.6	Sattamasaṅghādisesasikkhāpadaṁ niṭṭhitaṁ.
pli-tv-bi-vb-ss11:0.1	Theravāda Vinaya
pli-tv-bi-vb-ss11:0.2	Bhikkhunivibhaṅga
pli-tv-bi-vb-ss11:0.3	Saṅghādisesakaṇḍa
pli-tv-bi-vb-ss11:0.4	11. Adhikaraṇakupitasikkhāpada
pli-tv-bi-vb-ss11:1.0	
pli-tv-bi-vb-ss11:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss11:1.2	Tena kho pana samayena caṇḍakāḷī bhikkhunī kismiñcideva adhikaraṇe paccākatā kupitā anattamanā evaṁ vadeti—
pli-tv-bi-vb-ss11:1.3	“chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo”ti.
pli-tv-bi-vb-ss11:1.4	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss11:1.5	“kathañhi nāma ayyā caṇḍakāḷī kismiñcideva adhikaraṇe paccākatā kupitā anattamanā evaṁ vakkhati—
pli-tv-bi-vb-ss11:1.6	‘chandagāminiyo ca bhikkhuniyo …pe… bhayagāminiyo ca bhikkhuniyo’”ti …pe…
pli-tv-bi-vb-ss11:1.7	“saccaṁ kira, bhikkhave, caṇḍakāḷī bhikkhunī kismiñcideva adhikaraṇe paccākatā kupitā anattamanā evaṁ vadeti—
pli-tv-bi-vb-ss11:1.8	‘chandagāminiyo ca bhikkhuniyo …pe… bhayagāminiyo ca bhikkhuniyo’”ti?
pli-tv-bi-vb-ss11:1.9	“Saccaṁ, bhagavā”ti.
pli-tv-bi-vb-ss11:1.10	Vigarahi buddho bhagavā …pe…
pli-tv-bi-vb-ss11:1.11	kathañhi nāma, bhikkhave, caṇḍakāḷī bhikkhunī kismiñcideva adhikaraṇe paccākatā kupitā anattamanā evaṁ vakkhati—
pli-tv-bi-vb-ss11:1.12	‘chandagāminiyo ca bhikkhuniyo …pe… bhayagāminiyo ca bhikkhuniyo’ti.
pli-tv-bi-vb-ss11:1.13	Netaṁ, bhikkhave, appasannānaṁ vā pasādāya …pe…
pli-tv-bi-vb-ss11:1.14	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss11:1.15.0	
pli-tv-bi-vb-ss11:1.15.1	“Yā pana bhikkhunī kismiñcideva adhikaraṇe paccākatā kupitā anattamanā evaṁ vadeyya—
pli-tv-bi-vb-ss11:1.16	‘chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo’ti,
pli-tv-bi-vb-ss11:1.17	sā bhikkhunī bhikkhunīhi evamassa vacanīyā—
pli-tv-bi-vb-ss11:1.18	‘māyye, kismiñcideva adhikaraṇe paccākatā kupitā anattamanā evaṁ avaca—
pli-tv-bi-vb-ss11:1.19	chandagāminiyo ca bhikkhuniyo dosagāminiyo ca bhikkhuniyo mohagāminiyo ca bhikkhuniyo bhayagāminiyo ca bhikkhuniyoti.
pli-tv-bi-vb-ss11:1.20	Ayyā kho chandāpi gaccheyya, dosāpi gaccheyya, mohāpi gaccheyya, bhayāpi gaccheyyā’ti.
pli-tv-bi-vb-ss11:1.21	Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṁ samanubhāsitabbā tassa paṭinissaggāya.
pli-tv-bi-vb-ss11:1.22	Yāvatatiyañce samanubhāsīyamānā taṁ paṭinissajjeyya, iccetaṁ kusalaṁ;
pli-tv-bi-vb-ss11:1.23	no ce paṭinissajjeyya, ayampi bhikkhunī yāvatatiyakaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss11:2.1.0	
pli-tv-bi-vb-ss11:2.1.1	Yā panāti
pli-tv-bi-vb-ss11:2.1.2	yā yādisā …pe…
pli-tv-bi-vb-ss11:2.1.3	bhikkhunīti
pli-tv-bi-vb-ss11:2.1.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss11:2.1.5	Kismiñcideva adhikaraṇeti
pli-tv-bi-vb-ss11:2.1.6	adhikaraṇaṁ nāma cattāri adhikaraṇāni— vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.
pli-tv-bi-vb-ss11:2.1.7	Paccākatā nāma
pli-tv-bi-vb-ss11:2.1.8	parājitā vuccati.
pli-tv-bi-vb-ss11:2.1.9	Kupitā anattamanāti
pli-tv-bi-vb-ss11:2.1.10	anabhiraddhā āhatacittā khilajātā.
pli-tv-bi-vb-ss11:2.1.11	Evaṁ vadeyyāti—
pli-tv-bi-vb-ss11:2.1.12	“chandagāminiyo ca bhikkhuniyo …pe… bhayagāminiyo ca bhikkhuniyo”ti.
pli-tv-bi-vb-ss11:2.1.13	Sā bhikkhunīti
pli-tv-bi-vb-ss11:2.1.14	yā sā evaṁvādinī bhikkhunī.
pli-tv-bi-vb-ss11:2.1.15	Bhikkhunīhīti
pli-tv-bi-vb-ss11:2.1.16	aññāhi bhikkhunīhi. Yā passanti yā suṇanti tāhi vattabbā—
pli-tv-bi-vb-ss11:2.1.17	“māyye, kismiñcideva adhikaraṇe paccākatā kupitā anattamanā evaṁ avaca—
pli-tv-bi-vb-ss11:2.1.18	‘chandagāminiyo ca bhikkhuniyo …pe… bhayagāminiyo ca bhikkhuniyo’ti.
pli-tv-bi-vb-ss11:2.1.19	Ayyā kho chandāpi gaccheyya …pe… bhayāpi gaccheyyā”ti.
pli-tv-bi-vb-ss11:2.1.20	Dutiyampi vattabbā.
pli-tv-bi-vb-ss11:2.1.21	Tatiyampi vattabbā.
pli-tv-bi-vb-ss11:2.1.22	Sace paṭinissajjati, iccetaṁ kusalaṁ;
pli-tv-bi-vb-ss11:2.1.23	no ce paṭinissajjati, āpatti dukkaṭassa.
pli-tv-bi-vb-ss11:2.1.24	Sutvā na vadanti, āpatti dukkaṭassa.
pli-tv-bi-vb-ss11:2.1.25	Sā bhikkhunī saṅghamajjhampi ākaḍḍhitvā vattabbā—
pli-tv-bi-vb-ss11:2.1.26	“māyye, kismiñcideva adhikaraṇe paccākatā kupitā anattamanā evaṁ avaca—
pli-tv-bi-vb-ss11:2.1.27	‘chandagāminiyo ca bhikkhuniyo …pe… bhayagāminiyo ca bhikkhuniyo’ti.
pli-tv-bi-vb-ss11:2.1.28	Ayyā kho chandāpi gaccheyya …pe… bhayāpi gaccheyyā”ti.
pli-tv-bi-vb-ss11:2.1.29	Dutiyampi vattabbā.
pli-tv-bi-vb-ss11:2.1.30	Tatiyampi vattabbā.
pli-tv-bi-vb-ss11:2.1.31	Sace paṭinissajjati, iccetaṁ kusalaṁ;
pli-tv-bi-vb-ss11:2.1.32	no ce paṭinissajjati, āpatti dukkaṭassa.
pli-tv-bi-vb-ss11:2.1.33	Sā bhikkhunī samanubhāsitabbā.
pli-tv-bi-vb-ss11:2.1.34	“Evañca pana, bhikkhave, samanubhāsitabbā.
pli-tv-bi-vb-ss11:2.1.35	Byattāya bhikkhuniyā paṭibalāya saṅgho ñāpetabbo—
pli-tv-bi-vb-ss11:2.1.36	‘Suṇātu me, ayye, saṅgho. Ayaṁ itthannāmā bhikkhunī kismiñcideva adhikaraṇe paccākatā kupitā anattamanā evaṁ vadeti—
pli-tv-bi-vb-ss11:2.1.37	“chandagāminiyo ca bhikkhuniyo… pe… bhayagāminiyo ca bhikkhuniyo”ti.
pli-tv-bi-vb-ss11:2.1.38	Sā taṁ vatthuṁ na paṭinissajjati.
pli-tv-bi-vb-ss11:2.1.39	Yadi saṅghassa pattakallaṁ, saṅgho itthannāmaṁ bhikkhuniṁ samanubhāseyya tassa vatthussa paṭinissaggāya.
pli-tv-bi-vb-ss11:2.1.40	Esā ñatti.
pli-tv-bi-vb-ss11:2.1.41	Suṇātu me, ayye, saṅgho.
pli-tv-bi-vb-ss11:2.1.42	Ayaṁ itthannāmā bhikkhunī kismiñcideva adhikaraṇe paccākatā kupitā anattamanā evaṁ vadeti—
pli-tv-bi-vb-ss11:2.1.43	“chandagāminiyo ca bhikkhuniyo …pe… bhayagāminiyo ca bhikkhuniyo”ti.
pli-tv-bi-vb-ss11:2.1.44	Sā taṁ vatthuṁ na paṭinissajjati.
pli-tv-bi-vb-ss11:2.1.45	Saṅgho itthannāmaṁ bhikkhuniṁ samanubhāsati tassa vatthussa paṭinissaggāya.
pli-tv-bi-vb-ss11:2.1.46	Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa;
pli-tv-bi-vb-ss11:2.1.47	yassā nakkhamati, sā bhāseyya.
pli-tv-bi-vb-ss11:2.1.48	Dutiyampi etamatthaṁ vadāmi …pe…
pli-tv-bi-vb-ss11:2.1.49	tatiyampi etamatthaṁ vadāmi …pe….
pli-tv-bi-vb-ss11:2.1.50	Samanubhaṭṭhā saṅghena itthannāmā bhikkhunī tassa vatthussa paṭinissaggāya.
pli-tv-bi-vb-ss11:2.1.51	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-ss11:2.1.52	Ñattiyā dukkaṭaṁ.
pli-tv-bi-vb-ss11:2.1.53	Dvīhi kammavācāhi thullaccayā.
pli-tv-bi-vb-ss11:2.1.54	Kammavācāpariyosāne āpatti saṅghādisesassa.
pli-tv-bi-vb-ss11:2.1.55	Saṅghādisesaṁ ajjhāpajjantiyā ñattiyā dukkaṭaṁ.
pli-tv-bi-vb-ss11:2.1.56	Dvīhi kammavācāhi thullaccayā paṭippassambhanti.
pli-tv-bi-vb-ss11:2.1.57	Ayampīti
pli-tv-bi-vb-ss11:2.1.58	purimāyo upādāya vuccati.
pli-tv-bi-vb-ss11:2.1.59	Yāvatatiyakanti
pli-tv-bi-vb-ss11:2.1.60	yāvatatiyaṁ samanubhāsanāya āpajjati, na saha vatthujjhācārā.
pli-tv-bi-vb-ss11:2.1.61	Nissāraṇīyanti
pli-tv-bi-vb-ss11:2.1.62	saṅghamhā nissārīyati.
pli-tv-bi-vb-ss11:2.1.63	Saṅghādisesoti
pli-tv-bi-vb-ss11:2.1.64	…pe… tenapi vuccati saṅghādisesoti.
pli-tv-bi-vb-ss11:2.2.0	
pli-tv-bi-vb-ss11:2.2.1	Dhammakamme dhammakammasaññā na paṭinissajjati, āpatti saṅghādisesassa.
pli-tv-bi-vb-ss11:2.2.2	Dhammakamme vematikā na paṭinissajjati, āpatti saṅghādisesassa.
pli-tv-bi-vb-ss11:2.2.3	Dhammakamme adhammakammasaññā na paṭinissajjati, āpatti saṅghādisesassa.
pli-tv-bi-vb-ss11:2.2.4	Adhammakamme dhammakammasaññā, āpatti dukkaṭassa.
pli-tv-bi-vb-ss11:2.2.5	Adhammakamme vematikā, āpatti dukkaṭassa.
pli-tv-bi-vb-ss11:2.2.6	Adhammakamme adhammakammasaññā āpatti dukkaṭassa.
pli-tv-bi-vb-ss11:2.3.0	
pli-tv-bi-vb-ss11:2.3.1	Anāpatti—
pli-tv-bi-vb-ss11:2.3.2	asamanubhāsantiyā,
pli-tv-bi-vb-ss11:2.3.3	paṭinissajjantiyā,
pli-tv-bi-vb-ss11:2.3.4	ummattikāya,
pli-tv-bi-vb-ss11:2.3.5	ādikammikāyāti.
pli-tv-bi-vb-ss11:2.3.6	Aṭṭhamasaṅghādisesasikkhāpadaṁ niṭṭhitaṁ.
pli-tv-bi-vb-ss12:0.1	Theravāda Vinaya
pli-tv-bi-vb-ss12:0.2	Bhikkhunivibhaṅga
pli-tv-bi-vb-ss12:0.3	Saṅghādisesakaṇḍa
pli-tv-bi-vb-ss12:0.4	12. Pāpasamācārasikkhāpada
pli-tv-bi-vb-ss12:1.0	
pli-tv-bi-vb-ss12:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss12:1.2	Tena kho pana samayena thullanandāya bhikkhuniyā antevāsikā bhikkhuniyo saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss12:1.3	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss12:1.4	“kathañhi nāma bhikkhuniyo saṁsaṭṭhā viharissanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā”ti …pe…
pli-tv-bi-vb-ss12:1.5	“saccaṁ kira, bhikkhave, bhikkhuniyo saṁsaṭṭhā viharanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā”ti?
pli-tv-bi-vb-ss12:1.6	“Saccaṁ, bhagavā”ti.
pli-tv-bi-vb-ss12:1.7	Vigarahi buddho bhagavā …pe…
pli-tv-bi-vb-ss12:1.8	kathañhi nāma, bhikkhave, bhikkhuniyo saṁsaṭṭhā viharissanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss12:1.9	Netaṁ, bhikkhave, appasannānaṁ vā pasādāya …pe…
pli-tv-bi-vb-ss12:1.10	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss12:1.11.0	
pli-tv-bi-vb-ss12:1.11.1	“Bhikkhuniyo paneva saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss12:1.12	Tā bhikkhuniyo bhikkhunīhi evamassu vacanīyā—
pli-tv-bi-vb-ss12:1.13	‘bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā aññamaññissā vajjappaṭicchādikā.
pli-tv-bi-vb-ss12:1.14	Viviccathāyye. Vivekaññeva bhaginīnaṁ saṅgho vaṇṇetī’ti.
pli-tv-bi-vb-ss12:1.15	Evañca tā bhikkhuniyo bhikkhunīhi vuccamānā tatheva paggaṇheyyuṁ, tā bhikkhuniyo bhikkhunīhi yāvatatiyaṁ samanubhāsitabbā tassa paṭinissaggāya.
pli-tv-bi-vb-ss12:1.16	Yāvatatiyañce samanubhāsīyamānā taṁ paṭinissajjeyyuṁ, iccetaṁ kusalaṁ;
pli-tv-bi-vb-ss12:1.17	no ce paṭinissajjeyyuṁ, imāpi bhikkhuniyo yāvatatiyakaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss12:2.1.0	
pli-tv-bi-vb-ss12:2.1.1	Bhikkhuniyo panevāti
pli-tv-bi-vb-ss12:2.1.2	upasampannāyo vuccanti.
pli-tv-bi-vb-ss12:2.1.3	Saṁsaṭṭhā viharantīti
pli-tv-bi-vb-ss12:2.1.4	saṁsaṭṭhā nāma ananulomikena kāyikavācasikena saṁsaṭṭhā viharanti.
pli-tv-bi-vb-ss12:2.1.5	Pāpācārāti
pli-tv-bi-vb-ss12:2.1.6	pāpakena ācārena samannāgatā.
pli-tv-bi-vb-ss12:2.1.7	Pāpasaddāti
pli-tv-bi-vb-ss12:2.1.8	pāpakena kittisaddena abbhuggatā.
pli-tv-bi-vb-ss12:2.1.9	Pāpasilokāti
pli-tv-bi-vb-ss12:2.1.10	pāpakena micchājīvena jīvitaṁ kappenti.
pli-tv-bi-vb-ss12:2.1.11	Bhikkhunisaṅghassa vihesikāti
pli-tv-bi-vb-ss12:2.1.12	aññamaññissā kamme karīyamāne paṭikkosanti.
pli-tv-bi-vb-ss12:2.1.13	Aññamaññissā vajjappaṭicchādikāti
pli-tv-bi-vb-ss12:2.1.14	aññamaññaṁ vajjaṁ paṭicchādenti.
pli-tv-bi-vb-ss12:2.1.15	Tā bhikkhuniyoti
pli-tv-bi-vb-ss12:2.1.16	yā tā saṁsaṭṭhā bhikkhuniyo.
pli-tv-bi-vb-ss12:2.1.17	Bhikkhunīhīti
pli-tv-bi-vb-ss12:2.1.18	aññāhi bhikkhunīhi. Yā passanti yā suṇanti tāhi vattabbā—
pli-tv-bi-vb-ss12:2.1.19	“bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss12:2.1.20	Viviccathāyye. Vivekaññeva bhaginīnaṁ saṅgho vaṇṇetī”ti.
pli-tv-bi-vb-ss12:2.1.21	Dutiyampi vattabbā.
pli-tv-bi-vb-ss12:2.1.22	Tatiyampi vattabbā.
pli-tv-bi-vb-ss12:2.1.23	Sace paṭinissajjanti, iccetaṁ kusalaṁ;
pli-tv-bi-vb-ss12:2.1.24	no ce paṭinissajjanti, āpatti dukkaṭassa.
pli-tv-bi-vb-ss12:2.1.25	Sutvā na vadanti, āpatti dukkaṭassa.
pli-tv-bi-vb-ss12:2.1.26	Tā bhikkhuniyo saṅghamajjhampi ākaḍḍhitvā vattabbā—
pli-tv-bi-vb-ss12:2.1.27	“bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss12:2.1.28	Viviccathāyye. Vivekaññeva bhaginīnaṁ saṅgho vaṇṇetī”ti.
pli-tv-bi-vb-ss12:2.1.29	Dutiyampi vattabbā.
pli-tv-bi-vb-ss12:2.1.30	Tatiyampi vattabbā.
pli-tv-bi-vb-ss12:2.1.31	Sace paṭinissajjanti, iccetaṁ kusalaṁ;
pli-tv-bi-vb-ss12:2.1.32	no ce paṭinissajjanti, āpatti dukkaṭassa.
pli-tv-bi-vb-ss12:2.1.33	Tā bhikkhuniyo samanubhāsitabbā.
pli-tv-bi-vb-ss12:2.1.34	Evañca pana, bhikkhave, samanubhāsitabbā.
pli-tv-bi-vb-ss12:2.1.35	Byattāya bhikkhuniyā paṭibalāya saṅgho ñāpetabbo—
pli-tv-bi-vb-ss12:2.1.36	“Suṇātu me, ayye, saṅgho.
pli-tv-bi-vb-ss12:2.1.37	Itthannāmā ca itthannāmā ca bhikkhuniyo saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss12:2.1.38	Tā taṁ vatthuṁ na paṭinissajjanti.
pli-tv-bi-vb-ss12:2.1.39	Yadi saṅghassa pattakallaṁ, saṅgho itthannāmañca itthannāmañca bhikkhuniyo samanubhāseyya tassa vatthussa paṭinissaggāya.
pli-tv-bi-vb-ss12:2.1.40	Esā ñatti.
pli-tv-bi-vb-ss12:2.1.41	Suṇātu me, ayye, saṅgho.
pli-tv-bi-vb-ss12:2.1.42	Itthannāmā ca itthannāmā ca bhikkhuniyo saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss12:2.1.43	Tā taṁ vatthuṁ na paṭinissajjanti.
pli-tv-bi-vb-ss12:2.1.44	Saṅgho itthannāmañca itthannāmañca bhikkhuniyo samanubhāsati tassa vatthussa paṭinissaggāya.
pli-tv-bi-vb-ss12:2.1.45	Yassā ayyāya khamati itthannāmāya ca itthannāmāya ca bhikkhunīnaṁ samanubhāsanā tassa vatthussa paṭinissaggāya, sā tuṇhassa;
pli-tv-bi-vb-ss12:2.1.46	yassā nakkhamati, sā bhāseyya.
pli-tv-bi-vb-ss12:2.1.47	Dutiyampi etamatthaṁ vadāmi …pe…
pli-tv-bi-vb-ss12:2.1.48	tatiyampi etamatthaṁ vadāmi …pe….
pli-tv-bi-vb-ss12:2.1.49	Samanubhaṭṭhā saṅghena, itthannāmā ca itthannāmā ca bhikkhuniyo tassa vatthussa paṭinissaggāya.
pli-tv-bi-vb-ss12:2.1.50	Khamati saṅghassa, tasmā tuṇhī, evametaṁ dhārayāmī”ti.
pli-tv-bi-vb-ss12:2.1.51	Ñattiyā dukkaṭaṁ,
pli-tv-bi-vb-ss12:2.1.52	dvīhi kammavācāhi thullaccayā,
pli-tv-bi-vb-ss12:2.1.53	kammavācāpariyosāne āpatti saṅghādisesassa.
pli-tv-bi-vb-ss12:2.1.54	Saṅghādisesaṁ ajjhāpajjantīnaṁ ñattiyā dukkaṭaṁ dvīhi kammavācāhi thullaccayā paṭippassambhanti.
pli-tv-bi-vb-ss12:2.1.55	Dve tisso ekato samanubhāsitabbā. Tatuttari na samanubhāsitabbā.
pli-tv-bi-vb-ss12:2.1.56	Imāpi bhikkhuniyoti
pli-tv-bi-vb-ss12:2.1.57	purimāyo upādāya vuccanti.
pli-tv-bi-vb-ss12:2.1.58	Yāvatatiyakanti
pli-tv-bi-vb-ss12:2.1.59	yāvatatiyaṁ samanubhāsanāya āpajjanti, na saha vatthujjhācārā.
pli-tv-bi-vb-ss12:2.1.60	Nissāraṇīyanti
pli-tv-bi-vb-ss12:2.1.61	saṅghamhā nissārīyati.
pli-tv-bi-vb-ss12:2.1.62	Saṅghādisesoti
pli-tv-bi-vb-ss12:2.1.63	…pe… tenapi vuccati saṅghādisesoti.
pli-tv-bi-vb-ss12:2.2.0	
pli-tv-bi-vb-ss12:2.2.1	Dhammakamme dhammakammasaññā na paṭinissajjanti, āpatti saṅghādisesassa.
pli-tv-bi-vb-ss12:2.2.2	Dhammakamme vematikā na paṭinissajjanti, āpatti saṅghādisesassa.
pli-tv-bi-vb-ss12:2.2.3	Dhammakamme adhammakammasaññā na paṭinissajjanti, āpatti saṅghādisesassa.
pli-tv-bi-vb-ss12:2.2.4	Adhammakamme dhammakammasaññā, āpatti dukkaṭassa.
pli-tv-bi-vb-ss12:2.2.5	Adhammakamme vematikā, āpatti dukkaṭassa.
pli-tv-bi-vb-ss12:2.2.6	Adhammakamme adhammakammasaññā, āpatti dukkaṭassa.
pli-tv-bi-vb-ss12:2.3.0	
pli-tv-bi-vb-ss12:2.3.1	Anāpatti—
pli-tv-bi-vb-ss12:2.3.2	asamanubhāsantīnaṁ,
pli-tv-bi-vb-ss12:2.3.3	paṭinissajjantīnaṁ,
pli-tv-bi-vb-ss12:2.3.4	ummattikānaṁ,
pli-tv-bi-vb-ss12:2.3.5	ādikammikānanti.
pli-tv-bi-vb-ss12:2.3.6	Navamasaṅghādisesasikkhāpadaṁ niṭṭhitaṁ.
pli-tv-bi-vb-ss13:0.1	Theravāda Vinaya
pli-tv-bi-vb-ss13:0.2	Bhikkhunivibhaṅga
pli-tv-bi-vb-ss13:0.3	Saṅghādisesakaṇḍa
pli-tv-bi-vb-ss13:0.4	13. Dutiyapāpasamācārasikkhāpada
pli-tv-bi-vb-ss13:1.0	
pli-tv-bi-vb-ss13:1.1	Tena samayena buddho bhagavā sāvatthiyaṁ viharati jetavane anāthapiṇḍikassa ārāme.
pli-tv-bi-vb-ss13:1.2	Tena kho pana samayena thullanandā bhikkhunī saṅghena samanubhaṭṭhā bhikkhuniyo evaṁ vadeti—
pli-tv-bi-vb-ss13:1.3	“saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:1.4	Santi saṅghe aññāpi bhikkhuniyo evācārā evaṁsaddā evaṁsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha.
pli-tv-bi-vb-ss13:1.5	Tumhaññeva saṅgho uññāya paribhavena akkhantiyā vebhassiyā dubbalyā evamāha— ‘bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṁ saṅgho vaṇṇetī’”ti.
pli-tv-bi-vb-ss13:1.6	Yā tā bhikkhuniyo appicchā …pe… tā ujjhāyanti khiyyanti vipācenti—
pli-tv-bi-vb-ss13:1.7	“kathañhi nāma ayyā thullanandā saṅghena samanubhaṭṭhā bhikkhuniyo evaṁ vakkhati—
pli-tv-bi-vb-ss13:1.8	saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:1.9	Santi saṅghe aññāpi bhikkhuniyo …pe…
pli-tv-bi-vb-ss13:1.10	viviccathāyye. Vivekaññeva bhaginīnaṁ saṅgho vaṇṇetīti” …pe…
pli-tv-bi-vb-ss13:1.11	“saccaṁ kira, bhikkhave, thullanandā bhikkhunī saṅghena samanubhaṭṭhā bhikkhuniyo evaṁ vadeti—
pli-tv-bi-vb-ss13:1.12	saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:1.13	Santi saṅghe aññāpi bhikkhuniyo evācārā evaṁsaddā evaṁsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha.
pli-tv-bi-vb-ss13:1.14	Tumhaññeva saṅgho uññāya paribhavena akkhantiyā vebhassiyā dubbalyā evamāha— bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṁ saṅgho vaṇṇetī”ti?
pli-tv-bi-vb-ss13:1.15	“Saccaṁ, bhagavā”ti.
pli-tv-bi-vb-ss13:1.16	Vigarahi buddho bhagavā …pe…
pli-tv-bi-vb-ss13:1.17	kathañhi nāma, bhikkhave, thullanandā bhikkhunī saṅghena samanubhaṭṭhā bhikkhuniyo evaṁ vakkhati—
pli-tv-bi-vb-ss13:1.18	saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:1.19	Santi saṅghe aññāpi bhikkhuniyo …pe…
pli-tv-bi-vb-ss13:1.20	viviccathāyye. Vivekaññeva bhaginīnaṁ saṅgho vaṇṇetīti.
pli-tv-bi-vb-ss13:1.21	Netaṁ, bhikkhave, appasannānaṁ vā pasādāya …pe…
pli-tv-bi-vb-ss13:1.22	evañca pana, bhikkhave, bhikkhuniyo imaṁ sikkhāpadaṁ uddisantu—
pli-tv-bi-vb-ss13:1.23.0	
pli-tv-bi-vb-ss13:1.23.1	“Yā pana bhikkhunī evaṁ vadeyya—
pli-tv-bi-vb-ss13:1.24	‘saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:1.25	Santi saṅghe aññāpi bhikkhuniyo evācārā evaṁsaddā evaṁsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha.
pli-tv-bi-vb-ss13:1.26	Tumhaññeva saṅgho uññāya paribhavena akkhantiyā vebhassiyā dubbalyā evamāha— bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṁ saṅgho vaṇṇetī’ti.
pli-tv-bi-vb-ss13:1.27	Sā bhikkhunī bhikkhunīhi evamassa vacanīyā—
pli-tv-bi-vb-ss13:1.28	‘mā, ayye, evaṁ avaca—
pli-tv-bi-vb-ss13:1.29	saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:1.30	Santi saṅghe aññāpi bhikkhuniyo evācārā evaṁsaddā evaṁsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha.
pli-tv-bi-vb-ss13:1.31	Tumhaññeva saṅgho uññāya paribhavena akkhantiyā vebhassiyā dubbalyā evamāha— bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṁ saṅgho vaṇṇetī’ti.
pli-tv-bi-vb-ss13:1.32	Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṁ samanubhāsitabbā tassa paṭinissaggāya.
pli-tv-bi-vb-ss13:1.33	Yāvatatiyañce samanubhāsīyamānā taṁ paṭinissajjeyya, iccetaṁ kusalaṁ;
pli-tv-bi-vb-ss13:1.34	no ce paṭinissajjeyya, ayampi bhikkhunī yāvatatiyakaṁ dhammaṁ āpannā nissāraṇīyaṁ saṅghādisesan”ti.
pli-tv-bi-vb-ss13:2.0	
pli-tv-bi-vb-ss13:2.1	Yā panāti
pli-tv-bi-vb-ss13:2.2	yā yādisā …pe…
pli-tv-bi-vb-ss13:2.3	bhikkhunīti
pli-tv-bi-vb-ss13:2.4	…pe… ayaṁ imasmiṁ atthe adhippetā bhikkhunīti.
pli-tv-bi-vb-ss13:2.5	Evaṁ vadeyyāti—
pli-tv-bi-vb-ss13:2.6	“saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:2.7	Santi saṅghe aññāpi bhikkhuniyo evācārā evaṁsaddā evaṁsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha”.
pli-tv-bi-vb-ss13:2.8	Tumhaññeva saṅgho uññāyāti
pli-tv-bi-vb-ss13:2.9	avaññāya.
pli-tv-bi-vb-ss13:2.10	Paribhavenāti
pli-tv-bi-vb-ss13:2.11	pāribhabyatā.
pli-tv-bi-vb-ss13:2.12	Akkhantiyāti
pli-tv-bi-vb-ss13:2.13	kopena.
pli-tv-bi-vb-ss13:2.14	Vebhassiyāti
pli-tv-bi-vb-ss13:2.15	vibhassīkatā.
pli-tv-bi-vb-ss13:2.16	Dubbalyāti
pli-tv-bi-vb-ss13:2.17	apakkhatā.
pli-tv-bi-vb-ss13:2.18	Evamāha—
pli-tv-bi-vb-ss13:2.19	“bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss13:2.20	Viciccathāyye. Vivekaññeva bhaginīnaṁ saṅgho vaṇṇetī”ti.
pli-tv-bi-vb-ss13:2.21	Sā bhikkhunīti
pli-tv-bi-vb-ss13:2.22	yā sā evaṁvādinī bhikkhunī.
pli-tv-bi-vb-ss13:2.23	Bhikkhunīhīti
pli-tv-bi-vb-ss13:2.24	aññāhi bhikkhunīhi. Yā passanti yā suṇanti tāhi vattabbā—
pli-tv-bi-vb-ss13:2.25	“māyye, evaṁ avaca—
pli-tv-bi-vb-ss13:2.26	‘saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:2.27	Santi saṅghe aññāpi bhikkhuniyo …pe…
pli-tv-bi-vb-ss13:2.28	viviccathāyye. Vivekaññeva bhaginīnaṁ saṅgho vaṇṇetī’”ti.
pli-tv-bi-vb-ss13:2.29	Dutiyampi vattabbā.
pli-tv-bi-vb-ss13:2.30	Tatiyampi vattabbā.
pli-tv-bi-vb-ss13:2.31	Sace paṭinissajjati, iccetaṁ kusalaṁ;
pli-tv-bi-vb-ss13:2.32	no ce paṭinissajjati, āpatti dukkaṭassa.
pli-tv-bi-vb-ss13:2.33	Sutvā na vadanti, āpatti dukkaṭassa.
pli-tv-bi-vb-ss13:2.34	Sā bhikkhunī saṅghamajjhampi ākaḍḍhitvā vattabbā—
pli-tv-bi-vb-ss13:2.35	“māyye, evaṁ avaca—
pli-tv-bi-vb-ss13:2.36	‘saṁsaṭṭhāva, ayye, tumhe viharatha. Mā tumhe nānā viharittha.
pli-tv-bi-vb-ss13:2.37	Santi saṅghe aññāpi bhikkhuniyo …pe…
pli-tv-bi-vb-ss13:2.38	viviccathāyye. Vivekaññeva bhaginīnaṁ saṅgho vaṇṇetī’”ti.
pli-tv-bi-vb-ss13:2.39	Dutiyampi vattabbā.
pli-tv-bi-vb-ss13:2.40	Tatiyampi vattabbā.
pli-tv-bi-vb-ss13:2.41	Sace paṭinissajjati, iccetaṁ kusalaṁ;
pli-tv-bi-vb-ss13:2.42	no ce paṭinissajjati, āpatti dukkaṭassa.
pli-tv-bi-vb-ss13:2.43	Sā bhikkhunī samanubhāsitabbā.
pli-tv-bi-vb-ss13:2.44	“Evañca pana, bhikkhave, samanubhāsitabbā.
pli-tv-bi-vb-ss13:2.45	Byattāya bhikkhuniyā paṭibalāya saṅgho ñāpetabbo—
pli-tv-bi-vb-ss13:2.46	‘Suṇātu me, ayye, saṅgho.
pli-tv-bi-vb-ss13:2.47	Ayaṁ itthannāmā bhikkhunī saṅghena samanubhaṭṭhā bhikkhuniyo evaṁ vadeti—
pli-tv-bi-vb-ss13:2.48	“saṁsaṭṭhāva, ayye, tumhe viharatha.
pli-tv-bi-vb-ss13:2.49	Mā tumhe nānā viharittha.
pli-tv-bi-vb-ss13:2.50	Santi saṅghe aññāpi bhikkhuniyo evācārā evaṁsaddā evaṁsilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss13:2.51	Tā saṅgho na kiñci āha.
pli-tv-bi-vb-ss13:2.52	Tumhaññeva saṅgho uññāya paribhavena akkhantiyā vebhassiyā dubbalyā evamāha—
pli-tv-bi-vb-ss13:2.53	bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā aññamaññissā vajjappaṭicchādikā.
pli-tv-bi-vb-ss13:2.54	Viviccathāyye.
pli-tv-bi-vb-ss13:2.55	Vivekaññeva bhaginīnaṁ saṅgho vaṇṇetī”ti.
pli-tv-bi-vb-ss13:2.56	Sā taṁ vatthuṁ na paṭinissajjati.
pli-tv-bi-vb-ss13:2.57	Yadi saṅghassa pattakallaṁ, saṅgho itthannāmaṁ bhikkhuniṁ samanubhāseyya tassa vatthussa paṭinissaggāya.
pli-tv-bi-vb-ss13:2.58	Esā ñatti.
pli-tv-bi-vb-ss13:2.59	Suṇātu me, ayye, saṅgho.
pli-tv-bi-vb-ss13:2.60	Ayaṁ itthannāmā bhikkhunī saṅghena samanubhaṭṭhā bhikkhuniyo evaṁ vadeti—
pli-tv-bi-vb-ss13:2.61	“saṁsaṭṭhāva, ayye, tumhe viharatha.
pli-tv-bi-vb-ss13:2.62	Mā tumhe nānā viharittha.
pli-tv-bi-vb-ss13:2.63	Santi saṅghe aññāpi bhikkhuniyo evācārā evaṁsaddā evaṁsilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss13:2.64	Tā saṅgho na kiñci āha.
pli-tv-bi-vb-ss13:2.65	Tumhaññeva saṅgho uññāya paribhavena akkhantiyā vebhassiyā dubbalyā evamāha—
pli-tv-bi-vb-ss13:2.66	bhaginiyo kho saṁsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā.
pli-tv-bi-vb-ss13:2.67	Viviccathāyye.
pli-tv-bi-vb-ss13:2.68	Vivekaññeva bhaginīnaṁ saṅgho vaṇṇetī”ti.
pli-tv-bi-vb-ss13:2.69	Sā taṁ vatthuṁ na paṭinissajjati.
pli-tv-bi-vb-ss13:2.70	Saṅgho itthannāmaṁ bhikkhuniṁ samanubhāsati tassa vatthussa paṭinissaggāya.
pli-tv-bi-vb-ss13:2.71	Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa;
pli-tv-bi-vb-ss13:2.72	yassā nakkhamati, sā bhāseyya.
pli-tv-bi-vb-ss13:2.73	Dutiyampi etamatthaṁ vadāmi …pe…
pli-tv-bi-vb-ss13:2.74	tatiyampi etamatthaṁ vadāmi …pe….
pli-tv-bi-vb-ss13:2.75	Samanubhaṭṭhā saṅghena itthannāmā bhikkhunī tassa vatthussa paṭinissaggāya.
pli-tv-bi-vb-ss13:2.76	Khamati saṅghassa, tasmā tuṇhī, evametaṁ dhārayāmī’”ti.
pli-tv-bi-vb-ss13:2.77	Ñattiyā dukkaṭaṁ,
pli-tv-bi-vb-ss13:2.78	dvīhi kammavācāhi thullaccayā,
pli-tv-bi-vb-ss13:2.79	kammavācāpariyosāne āpatti saṅghādisesassa.
pli-tv-bi-vb-ss13:2.80	Saṅghādisesaṁ ajjhāpajjantiyā ñattiyā dukkaṭaṁ, dvīhi kammavācāhi thullaccayā paṭippassambhanti.
pli-tv-bi-vb-ss13:2.81	Ayampīti
pli-tv-bi-vb-ss13:2.82	purimāyo upādāya vuccati.
pli-tv-bi-vb-ss13:2.83	Yāvatatiyakanti
pli-tv-bi-vb-ss13:2.84	yāvatatiyaṁ samanubhāsanāya āpajjati, na sahavatthujjhācārā.
pli-tv-bi-vb-ss13:2.85	Nissāraṇīyanti
pli-tv-bi-vb-ss13:2.86	saṅghamhā nissārīyati.
pli-tv-bi-vb-ss13:2.87	Saṅghādisesoti
pli-tv-bi-vb-ss13:2.88	saṅghova tassā āpattiyā mānattaṁ deti, mūlāya paṭikassati, abbheti, na sambahulā na ekā bhikkhunī. Tena vuccati “saṅghādiseso”ti.
pli-tv-bi-vb-ss13:2.89	Tasseva āpattinikāyassa nāmakammaṁ adhivacanaṁ, tenapi vuccati “saṅghādiseso”ti.
pli-tv-bi-vb-ss13:3.0	
pli-tv-bi-vb-ss13:3.1	Dhammakamme dhammakammasaññā na paṭinissajjati, āpatti saṅghādisesassa.
pli-tv-bi-vb-ss13:3.2	Dhammakamme vematikā na paṭinissajjati, āpatti saṅghādisesassa.
pli-tv-bi-vb-ss13:3.3	Dhammakamme adhammakammasaññā na paṭinissajjati, āpatti saṅghādisesassa.
pli-tv-bi-vb-ss13:3.4	Adhammakamme dhammakammasaññā, āpatti dukkaṭassa.
pli-tv-bi-vb-ss13:3.5	Adhammakamme vematikā, āpatti dukkaṭassa.
pli-tv-bi-vb-ss13:3.6	Adhammakamme adhammakammasaññā, āpatti dukkaṭassa.
pli-tv-bi-vb-ss13:3.7.0	
pli-tv-bi-vb-ss13:3.7.1	Anāpatti—
pli-tv-bi-vb-ss13:3.8	asamanubhāsantiyā,
pli-tv-bi-vb-ss13:3.9	paṭinissajjantiyā,
pli-tv-bi-vb-ss13:3.10	ummattikāya,
pli-tv-bi-vb-ss13:3.11	ādikammikāyāti.
pli-tv-bi-vb-ss13:3.12	Dasamasaṅghādisesasikkhāpadaṁ niṭṭhitaṁ.
pli-tv-bi-vb-ss13:3.13.0	Kuladūsakasikkhāpada
pli-tv-bi-vb-ss13:3.14	Uddiṭṭhā kho, ayyāyo, sattarasa saṅghādisesā dhammā—
pli-tv-bi-vb-ss13:3.15	nava paṭhamāpattikā, aṭṭha yāvatatiyakā.
pli-tv-bi-vb-ss13:3.16	Yesaṁ bhikkhunī aññataraṁ vā aññataraṁ vā āpajjati, tāya bhikkhuniyā ubhatosaṅghe pakkhamānattaṁ caritabbaṁ.
pli-tv-bi-vb-ss13:3.17	Ciṇṇamānattā bhikkhunī yattha siyā vīsatigaṇo bhikkhunisaṅgho tattha sā bhikkhunī abbhetabbā.
pli-tv-bi-vb-ss13:3.18	Ekāyapi ce ūno vīsatigaṇo bhikkhunisaṅgho taṁ bhikkhuniṁ abbheyya.
pli-tv-bi-vb-ss13:3.19	Sā ca bhikkhunī anabbhitā, tā ca bhikkhuniyo gārayhā, ayaṁ tattha sāmīci.
pli-tv-bi-vb-ss13:3.20	Tatthāyyāyo pucchāmi—
pli-tv-bi-vb-ss13:3.21	“kaccittha parisuddhā”?
pli-tv-bi-vb-ss13:3.22	Dutiyampi pucchāmi—
pli-tv-bi-vb-ss13:3.23	“kaccittha parisuddhā”?
pli-tv-bi-vb-ss13:3.24	Tatiyampi pucchāmi—
pli-tv-bi-vb-ss13:3.25	“kaccittha parisuddhā”?
pli-tv-bi-vb-ss13:3.26	Parisuddhetthāyyāyo, tasmā tuṇhī, evametaṁ dhārayāmīti.
pli-tv-bi-vb-ss13:3.27	Sattarasakaṁ niṭṭhitaṁ.
pli-tv-bi-vb-ss13:3.28	Bhikkhunivibhaṅge saṅghādisesakaṇḍaṁ niṭṭhitaṁ.