# Paṭisambhidāmagga — root Pali (Mahāsaṅgīti) · suttacentral/bilara-data@da23a8afdd1b · seat EA-CORPORA-29/08

ps1.0:0.1	Paṭisambhidāmagga
ps1.0:0.2	1 Mahāvagga
ps1.0:0.3	1.0 Mātikā
ps1.0:0.4	Namo tassa Bhagavato Arahato Sammāsambuddhassa.
ps1.0:1.1	Sotāvadhāne paññā sutamaye ñāṇaṁ.
ps1.0:2.1	Sutvāna saṁvare paññā sīlamaye ñāṇaṁ.
ps1.0:3.1	Saṁvaritvā samādahane paññā samādhibhāvanāmaye ñāṇaṁ.
ps1.0:4.1	Paccayapariggahe paññā dhammaṭṭhitiñāṇaṁ.
ps1.0:5.1	Atītānāgatapaccuppannānaṁ dhammānaṁ saṅkhipitvā vavatthāne paññā sammasane ñāṇaṁ.
ps1.0:6.1	Paccuppannānaṁ dhammānaṁ vipariṇāmānupassane paññā udayabbayānupassane ñāṇaṁ.
ps1.0:7.1	Ārammaṇaṁ paṭisaṅkhā bhaṅgānupassane paññā vipassane ñāṇaṁ.
ps1.0:8.1	Bhayatupaṭṭhāne paññā ādīnave ñāṇaṁ.
ps1.0:9.1	Muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.0:10.1	Bahiddhā vuṭṭhānavivaṭṭane paññā gotrabhuñāṇaṁ.
ps1.0:11.1	Dubhato vuṭṭhānavivaṭṭane paññā magge ñāṇaṁ.
ps1.0:12.1	Payogappaṭippassaddhi paññā phale ñāṇaṁ.
ps1.0:13.1	Chinnavaṭumānupassane paññā vimuttiñāṇaṁ.
ps1.0:14.1	Tadā samudāgate dhamme passane paññā paccavekkhaṇe ñāṇaṁ.
ps1.0:15.1	Ajjhattavavatthāne paññā vatthunānatte ñāṇaṁ.
ps1.0:16.1	Bahiddhāvavatthāne paññā gocaranānatte ñāṇaṁ.
ps1.0:17.1	Cariyāvavatthāne paññā cariyānānatte ñāṇaṁ.
ps1.0:18.1	Catudhammavavatthāne paññā bhūminānatte ñāṇaṁ.
ps1.0:19.1	Navadhammavavatthāne paññā dhammanānatte ñāṇaṁ.
ps1.0:20.1	Abhiññāpaññā ñātaṭṭhe ñāṇaṁ.
ps1.0:21.1	Pariññāpaññā tīraṇaṭṭhe ñāṇaṁ.
ps1.0:22.1	Pahāne paññā pariccāgaṭṭhe ñāṇaṁ.
ps1.0:23.1	Bhāvanāpaññā ekarasaṭṭhe ñāṇaṁ.
ps1.0:24.1	Sacchikiriyāpaññā phassanaṭṭhe ñāṇaṁ.
ps1.0:25.1	Atthanānatte paññā atthapaṭisambhide ñāṇaṁ.
ps1.0:26.1	Dhammanānatte paññā dhammapaṭisambhide ñāṇaṁ.
ps1.0:27.1	Niruttinānatte paññā niruttipaṭisambhide ñāṇaṁ.
ps1.0:28.1	Paṭibhānanānatte paññā paṭibhānapaṭisambhide ñāṇaṁ.
ps1.0:29.1	Vihāranānatte paññā vihāraṭṭhe ñāṇaṁ.
ps1.0:30.1	Samāpattinānatte paññā samāpattaṭṭhe ñāṇaṁ.
ps1.0:31.1	Vihārasamāpattinānatte paññā vihārasamāpattaṭṭhe ñāṇaṁ.
ps1.0:32.1	Avikkhepaparisuddhattā āsavasamucchede paññā ānantarikasamādhimhi ñāṇaṁ.
ps1.0:33.1	Dassanādhipateyyaṁ santo ca vihārādhigamo paṇītādhimuttatā paññā araṇavihāre ñāṇaṁ.
ps1.0:34.1	Dvīhi balehi samannāgatattā tayo ca saṅkhārānaṁ paṭippassaddhiyā soḷasahi ñāṇacariyāhi navahi samādhicariyāhi vasibhāvatā paññā nirodhasamāpattiyā ñāṇaṁ.
ps1.0:35.1	Sampajānassa pavattapariyādāne paññā parinibbāne ñāṇaṁ.
ps1.0:36.1	Sabbadhammānaṁ sammā samucchede nirodhe ca anupaṭṭhānatā paññā samasīsaṭṭhe ñāṇaṁ.
ps1.0:37.1	Puthunānattatejapariyādāne paññā sallekhaṭṭhe ñāṇaṁ.
ps1.0:38.1	Asallīnattapahitattapaggahaṭṭhe paññā vīriyārambhe ñāṇaṁ.
ps1.0:39.1	Nānādhammappakāsanatā paññā atthasandassane ñāṇaṁ.
ps1.0:40.1	Sabbadhammānaṁ ekasaṅgahatānānattekattapaṭivedhe paññā dassanavisuddhiñāṇaṁ.
ps1.0:41.1	Viditattā paññā khantiñāṇaṁ.
ps1.0:42.1	Phuṭṭhattā paññā pariyogāhaṇe ñāṇaṁ.
ps1.0:43.1	Samodahane paññā padesavihāre ñāṇaṁ.
ps1.0:44.1	Adhipatattā paññā saññāvivaṭṭe ñāṇaṁ.
ps1.0:45.1	Nānatte paññā cetovivaṭṭe ñāṇaṁ.
ps1.0:46.1	Adhiṭṭhāne paññā cittavivaṭṭe ñāṇaṁ.
ps1.0:47.1	Suññate paññā ñāṇavivaṭṭe ñāṇaṁ.
ps1.0:48.1	Vosagge paññā vimokkhavivaṭṭe ñāṇaṁ.
ps1.0:49.1	Tathaṭṭhe paññā saccavivaṭṭe ñāṇaṁ.
ps1.0:50.1	Kāyampi cittampi ekavavatthānatā sukhasaññañca lahusaññañca adhiṭṭhānavasena ijjhanaṭṭhe paññā iddhividhe ñāṇaṁ.
ps1.0:51.1	Vitakkavipphāravasena nānattekattasaddanimittānaṁ pariyogāhaṇe paññā sotadhātuvisuddhiñāṇaṁ.
ps1.0:52.1	Tiṇṇannaṁ cittānaṁ vipphārattā indriyānaṁ pasādavasena nānattekattaviññāṇacariyā pariyogāhaṇe paññā cetopariyañāṇaṁ.
ps1.0:53.1	Paccayappavattānaṁ dhammānaṁ nānattekattakammavipphāravasena pariyogāhaṇe paññā pubbenivāsānussatiñāṇaṁ.
ps1.0:54.1	Obhāsavasena nānattekattarūpanimittānaṁ dassanaṭṭhe paññā dibbacakkhuñāṇaṁ.
ps1.0:55.1	Catusaṭṭhiyā ākārehi tiṇṇannaṁ indriyānaṁ vasibhāvatā paññā āsavānaṁ khaye ñāṇaṁ.
ps1.0:56.1	Pariññaṭṭhe paññā dukkhe ñāṇaṁ.
ps1.0:57.1	Pahānaṭṭhe paññā samudaye ñāṇaṁ.
ps1.0:58.1	Sacchikiriyaṭṭhe paññā nirodhe ñāṇaṁ.
ps1.0:59.1	Bhāvanaṭṭhe paññā magge ñāṇaṁ.
ps1.0:60.1	Dukkhe ñāṇaṁ.
ps1.0:61.1	Dukkhasamudaye ñāṇaṁ.
ps1.0:62.1	Dukkhanirodhe ñāṇaṁ.
ps1.0:63.1	Dukkhanirodhagāminiyā paṭipadāya ñāṇaṁ.
ps1.0:64.1	Atthapaṭisambhide ñāṇaṁ.
ps1.0:65.1	Dhammapaṭisambhide ñāṇaṁ.
ps1.0:66.1	Niruttipaṭisambhide ñāṇaṁ.
ps1.0:67.1	Paṭibhānapaṭisambhide ñāṇaṁ.
ps1.0:68.1	Indriyaparopariyattañāṇaṁ.
ps1.0:69.1	Sattānaṁ āsayānusaye ñāṇaṁ.
ps1.0:70.1	Yamakapāṭihīre ñāṇaṁ.
ps1.0:71.1	Mahākaruṇāsamāpattiyā ñāṇaṁ.
ps1.0:72.1	Sabbaññutaññāṇaṁ.
ps1.0:73.1	Anāvaraṇañāṇaṁ.
ps1.0:74.1	Imāni tesattati ñāṇāni.
ps1.0:74.2	Imesaṁ tesattatiyā ñāṇānaṁ sattasaṭṭhi ñāṇāni sāvakasādhāraṇāni;
ps1.0:74.3	cha ñāṇāni asādhāraṇāni sāvakehi.
ps1.0:74.4	Mātikā niṭṭhitā.
ps1.1:0.1	Paṭisambhidāmagga
ps1.1:0.2	1 Mahāvagga
ps1.1:0.3	1.1. Ñāṇakathā
ps1.1:1.0	1.1.1. Sutamayañāṇaniddesa
ps1.1:1.1	Kathaṁ sotāvadhāne paññā sutamaye ñāṇaṁ?
ps1.1:2.1	“Ime dhammā abhiññeyyā”ti sotāvadhānaṁ, taṁpajānanā paññā sutamaye ñāṇaṁ.
ps1.1:3.1	“Ime dhammā pariññeyyā”ti sotāvadhānaṁ, taṁpajānanā paññā sutamaye ñāṇaṁ.
ps1.1:4.1	“Ime dhammā pahātabbā”ti sotāvadhānaṁ, taṁpajānanā paññā sutamaye ñāṇaṁ.
ps1.1:5.1	“Ime dhammā bhāvetabbā”ti sotāvadhānaṁ, taṁpajānanā paññā sutamaye ñāṇaṁ.
ps1.1:6.1	“Ime dhammā sacchikātabbā”ti sotāvadhānaṁ, taṁpajānanā paññā sutamaye ñāṇaṁ.
ps1.1:7.1	“Ime dhammā hānabhāgiyā”ti sotāvadhānaṁ, taṁpajānanā paññā sutamaye ñāṇaṁ.
ps1.1:8.1	“Ime dhammā ṭhitibhāgiyā”ti sotāvadhānaṁ, taṁpajānanā paññā sutamaye ñāṇaṁ.
ps1.1:9.1	“Ime dhammā visesabhāgiyā”ti sotāvadhānaṁ, taṁpajānanā paññā sutamaye ñāṇaṁ.
ps1.1:10.1	“Ime dhammā nibbedhabhāgiyā”ti sotāvadhānaṁ, taṁpajānanā paññā sutamaye ñāṇaṁ.
ps1.1:11.1	“Sabbe saṅkhārā aniccā”ti sotāvadhānaṁ, taṁpajānanā paññā sutamaye ñāṇaṁ.
ps1.1:12.1	“Sabbe saṅkhārā dukkhā”ti sotāvadhānaṁ, taṁpajānanā paññā sutamaye ñāṇaṁ.
ps1.1:13.1	“Sabbe dhammā anattā”ti sotāvadhānaṁ, taṁpajānanā paññā sutamaye ñāṇaṁ.
ps1.1:14.1	“Idaṁ dukkhaṁ ariyasaccan”ti sotāvadhānaṁ, taṁpajānanā paññā sutamaye ñāṇaṁ.
ps1.1:15.1	“Idaṁ dukkhasamudayaṁ ariyasaccan”ti sotāvadhānaṁ, taṁpajānanā paññā sutamaye ñāṇaṁ.
ps1.1:16.1	“Idaṁ dukkhanirodhaṁ ariyasaccan”ti sotāvadhānaṁ, taṁpajānanā paññā sutamaye ñāṇaṁ.
ps1.1:17.1	“Idaṁ dukkhanirodhagāminī paṭipadā ariyasaccan”ti sotāvadhānaṁ, taṁpajānanā paññā sutamaye ñāṇaṁ.
ps1.1:18.1	Kathaṁ “ime dhammā abhiññeyyā”ti sotāvadhānaṁ, taṁpajānanā paññā sutamaye ñāṇaṁ?
ps1.1:19.1	Eko dhammo abhiññeyyo—
ps1.1:19.2	sabbe sattā āhāraṭṭhitikā.
ps1.1:20.1	Dve dhammā abhiññeyyā—
ps1.1:20.2	dve dhātuyo.
ps1.1:21.1	Tayo dhammā abhiññeyyā—
ps1.1:21.2	tisso dhātuyo.
ps1.1:22.1	Cattāro dhammā abhiññeyyā—
ps1.1:22.2	cattāri ariyasaccāni.
ps1.1:23.1	Pañca dhammā abhiññeyyā—
ps1.1:23.2	pañca vimuttāyatanāni.
ps1.1:24.1	Cha dhammā abhiññeyyā—
ps1.1:24.2	cha anuttariyāni.
ps1.1:25.1	Satta dhammā abhiññeyyā—
ps1.1:25.2	satta niddasavatthūni.
ps1.1:26.1	Aṭṭha dhammā abhiññeyyā—
ps1.1:26.2	aṭṭha abhibhāyatanāni.
ps1.1:27.1	Nava dhammā abhiññeyyā—
ps1.1:27.2	nava anupubbavihārā.
ps1.1:28.1	Dasa dhammā abhiññeyyā—
ps1.1:28.2	dasa nijjaravatthūni. [10]
ps1.1:29.1	“Sabbaṁ, bhikkhave, abhiññeyyaṁ.
ps1.1:29.2	Kiñca, bhikkhave, sabbaṁ abhiññeyyaṁ?
ps1.1:29.3	Cakkhu, bhikkhave, abhiññeyyaṁ;
ps1.1:29.4	rūpā abhiññeyyā;
ps1.1:29.5	cakkhuviññāṇaṁ abhiññeyyaṁ;
ps1.1:29.6	cakkhusamphasso abhiññeyyo;
ps1.1:29.7	yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi abhiññeyyaṁ.
ps1.1:29.8	Sotaṁ abhiññeyyaṁ;
ps1.1:29.9	saddā abhiññeyyā …
ps1.1:29.10	ghānaṁ abhiññeyyaṁ;
ps1.1:29.11	gandhā abhiññeyyā …
ps1.1:29.12	jivhā abhiññeyyā;
ps1.1:29.13	rasā abhiññeyyā …
ps1.1:29.14	kāyo abhiññeyyo;
ps1.1:29.15	phoṭṭhabbā abhiññeyyā …
ps1.1:29.16	mano abhiññeyyo;
ps1.1:29.17	dhammā abhiññeyyā;
ps1.1:29.18	manoviññāṇaṁ abhiññeyyaṁ,
ps1.1:29.19	manosamphasso abhiññeyyo;
ps1.1:29.20	yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi abhiññeyyaṁ”. [30]
ps1.1:30.1	Rūpaṁ abhiññeyyaṁ;
ps1.1:30.2	vedanā abhiññeyyā;
ps1.1:30.3	saññā abhiññeyyā;
ps1.1:30.4	saṅkhārā abhiññeyyā;
ps1.1:30.5	viññāṇaṁ abhiññeyyaṁ. [5]
ps1.1:31.1	Cakkhu abhiññeyyaṁ;
ps1.1:31.2	sotaṁ abhiññeyyaṁ;
ps1.1:31.3	ghānaṁ abhiññeyyaṁ;
ps1.1:31.4	jivhā abhiññeyyā;
ps1.1:31.5	kāyo abhiññeyyo;
ps1.1:31.6	mano abhiññeyyo.
ps1.1:31.7	Rūpā abhiññeyyā;
ps1.1:31.8	saddā abhiññeyyā;
ps1.1:31.9	gandhā abhiññeyyā;
ps1.1:31.10	rasā abhiññeyyā;
ps1.1:31.11	phoṭṭhabbā abhiññeyyā;
ps1.1:31.12	dhammā abhiññeyyā.
ps1.1:31.13	Cakkhuviññāṇaṁ abhiññeyyaṁ;
ps1.1:31.14	sotaviññāṇaṁ abhiññeyyaṁ;
ps1.1:31.15	ghānaviññāṇaṁ abhiññeyyaṁ;
ps1.1:31.16	jivhāviññāṇaṁ abhiññeyyaṁ;
ps1.1:31.17	kāyaviññāṇaṁ abhiññeyyaṁ;
ps1.1:31.18	manoviññāṇaṁ abhiññeyyaṁ.
ps1.1:31.19	Cakkhusamphasso abhiññeyyo;
ps1.1:31.20	sotasamphasso abhiññeyyo;
ps1.1:31.21	ghānasamphasso abhiññeyyo;
ps1.1:31.22	jivhāsamphasso abhiññeyyo;
ps1.1:31.23	kāyasamphasso abhiññeyyo;
ps1.1:31.24	manosamphasso abhiññeyyo;
ps1.1:31.25	cakkhusamphassajā vedanā abhiññeyyā;
ps1.1:31.26	sotasamphassajā vedanā abhiññeyyā;
ps1.1:31.27	ghānasamphassajā vedanā abhiññeyyā;
ps1.1:31.28	jivhāsamphassajā vedanā abhiññeyyā;
ps1.1:31.29	kāyasamphassajā vedanā abhiññeyyā;
ps1.1:31.30	manosamphassajā vedanā abhiññeyyā.
ps1.1:31.31	Rūpasaññā abhiññeyyā;
ps1.1:31.32	saddasaññā abhiññeyyā;
ps1.1:31.33	gandhasaññā abhiññeyyā;
ps1.1:31.34	rasasaññā abhiññeyyā;
ps1.1:31.35	phoṭṭhabbasaññā abhiññeyyā;
ps1.1:31.36	dhammasaññā abhiññeyyā.
ps1.1:31.37	Rūpasañcetanā abhiññeyyā;
ps1.1:31.38	saddasañcetanā abhiññeyyā;
ps1.1:31.39	gandhasañcetanā abhiññeyyā;
ps1.1:31.40	rasasañcetanā abhiññeyyā;
ps1.1:31.41	phoṭṭhabbasañcetanā abhiññeyyā;
ps1.1:31.42	dhammasañcetanā abhiññeyyā.
ps1.1:31.43	Rūpataṇhā abhiññeyyā;
ps1.1:31.44	saddataṇhā abhiññeyyā;
ps1.1:31.45	gandhataṇhā abhiññeyyā;
ps1.1:31.46	rasataṇhā abhiññeyyā;
ps1.1:31.47	phoṭṭhabbataṇhā abhiññeyyā;
ps1.1:31.48	dhammataṇhā abhiññeyyā.
ps1.1:31.49	Rūpavitakko abhiññeyyo;
ps1.1:31.50	saddavitakko abhiññeyyo;
ps1.1:31.51	gandhavitakko abhiññeyyo;
ps1.1:31.52	rasavitakko abhiññeyyo;
ps1.1:31.53	phoṭṭhabbavitakko abhiññeyyo;
ps1.1:31.54	dhammavitakko abhiññeyyo.
ps1.1:31.55	Rūpavicāro abhiññeyyo;
ps1.1:31.56	saddavicāro abhiññeyyo;
ps1.1:31.57	gandhavicāro abhiññeyyo;
ps1.1:31.58	rasavicāro abhiññeyyo;
ps1.1:31.59	phoṭṭhabbavicāro abhiññeyyo;
ps1.1:31.60	dhammavicāro abhiññeyyo. [60]
ps1.1:32.1	Pathavīdhātu abhiññeyyā;
ps1.1:32.2	āpodhātu abhiññeyyā;
ps1.1:32.3	tejodhātu abhiññeyyā;
ps1.1:32.4	vāyodhātu abhiññeyyā;
ps1.1:32.5	ākāsadhātu abhiññeyyā;
ps1.1:32.6	viññāṇadhātu abhiññeyyā. [6]
ps1.1:33.1	Pathavīkasiṇaṁ abhiññeyyaṁ;
ps1.1:33.2	āpokasiṇaṁ abhiññeyyaṁ;
ps1.1:33.3	tejokasiṇaṁ abhiññeyyaṁ;
ps1.1:33.4	vāyokasiṇaṁ abhiññeyyaṁ;
ps1.1:33.5	nīlakasiṇaṁ abhiññeyyaṁ;
ps1.1:33.6	pītakasiṇaṁ abhiññeyyaṁ;
ps1.1:33.7	lohitakasiṇaṁ abhiññeyyaṁ;
ps1.1:33.8	odātakasiṇaṁ abhiññeyyaṁ;
ps1.1:33.9	ākāsakasiṇaṁ abhiññeyyaṁ;
ps1.1:33.10	viññāṇakasiṇaṁ abhiññeyyaṁ. [10]
ps1.1:34.1	Kesā abhiññeyyā;
ps1.1:34.2	lomā abhiññeyyā;
ps1.1:34.3	nakhā abhiññeyyā;
ps1.1:34.4	dantā abhiññeyyā;
ps1.1:34.5	taco abhiññeyyo, maṁsaṁ abhiññeyyaṁ;
ps1.1:34.6	nhārū abhiññeyyā;
ps1.1:34.7	aṭṭhī abhiññeyyā;
ps1.1:34.8	aṭṭhimiñjā abhiññeyyā;
ps1.1:34.9	vakkaṁ abhiññeyyaṁ;
ps1.1:34.10	hadayaṁ abhiññeyyaṁ;
ps1.1:34.11	yakanaṁ abhiññeyyaṁ;
ps1.1:34.12	kilomakaṁ abhiññeyyaṁ;
ps1.1:34.13	pihakaṁ abhiññeyyaṁ;
ps1.1:34.14	papphāsaṁ abhiññeyyaṁ;
ps1.1:34.15	antaṁ abhiññeyyaṁ antaguṇaṁ abhiññeyyaṁ;
ps1.1:34.16	udariyaṁ abhiññeyyaṁ;
ps1.1:34.17	karīsaṁ abhiññeyyaṁ;
ps1.1:34.18	pittaṁ abhiññeyyaṁ;
ps1.1:34.19	semhaṁ abhiññeyyaṁ;
ps1.1:34.20	pubbo abhiññeyyo;
ps1.1:34.21	lohitaṁ abhiññeyyaṁ;
ps1.1:34.22	sedo abhiññeyyo;
ps1.1:34.23	medo abhiññeyyo;
ps1.1:34.24	assu abhiññeyyaṁ;
ps1.1:34.25	vasā abhiññeyyā;
ps1.1:34.26	kheḷo abhiññeyyo;
ps1.1:34.27	siṅghāṇikā abhiññeyyā;
ps1.1:34.28	lasikā abhiññeyyā;
ps1.1:34.29	muttaṁ abhiññeyyaṁ;
ps1.1:34.30	matthaluṅgaṁ abhiññeyyaṁ. [32]
ps1.1:35.1	Cakkhāyatanaṁ abhiññeyyaṁ;
ps1.1:35.2	rūpāyatanaṁ abhiññeyyaṁ.
ps1.1:35.3	Sotāyatanaṁ abhiññeyyaṁ;
ps1.1:35.4	saddāyatanaṁ abhiññeyyaṁ.
ps1.1:35.5	Ghānāyatanaṁ abhiññeyyaṁ;
ps1.1:35.6	gandhāyatanaṁ abhiññeyyaṁ.
ps1.1:35.7	Jivhāyatanaṁ abhiññeyyaṁ;
ps1.1:35.8	rasāyatanaṁ abhiññeyyaṁ.
ps1.1:35.9	Kāyāyatanaṁ abhiññeyyaṁ;
ps1.1:35.10	phoṭṭhabbāyatanaṁ abhiññeyyaṁ.
ps1.1:35.11	Manāyatanaṁ abhiññeyyaṁ;
ps1.1:35.12	dhammāyatanaṁ abhiññeyyaṁ. [12]
ps1.1:36.1	Cakkhudhātu abhiññeyyā;
ps1.1:36.2	rūpadhātu abhiññeyyā;
ps1.1:36.3	cakkhuviññāṇadhātu abhiññeyyā.
ps1.1:36.4	Sotadhātu abhiññeyyā;
ps1.1:36.5	saddadhātu abhiññeyyā;
ps1.1:36.6	sotaviññāṇadhātu abhiññeyyā.
ps1.1:36.7	Ghānadhātu abhiññeyyā;
ps1.1:36.8	gandhadhātu abhiññeyyā;
ps1.1:36.9	ghānaviññāṇadhātu abhiññeyyā.
ps1.1:36.10	Jivhādhātu abhiññeyyā;
ps1.1:36.11	rasadhātu abhiññeyyā;
ps1.1:36.12	jivhāviññāṇadhātu abhiññeyyā.
ps1.1:36.13	Kāyadhātu abhiññeyyā;
ps1.1:36.14	phoṭṭhabbadhātu abhiññeyyā;
ps1.1:36.15	kāyaviññāṇadhātu abhiññeyyā.
ps1.1:36.16	Manodhātu abhiññeyyā;
ps1.1:36.17	dhammadhātu abhiññeyyā;
ps1.1:36.18	manoviññāṇadhātu abhiññeyyā. [18]
ps1.1:37.1	Cakkhundriyaṁ abhiññeyyaṁ;
ps1.1:37.2	sotindriyaṁ abhiññeyyaṁ;
ps1.1:37.3	ghānindriyaṁ abhiññeyyaṁ;
ps1.1:37.4	jivhindriyaṁ abhiññeyyaṁ;
ps1.1:37.5	kāyindriyaṁ abhiññeyyaṁ;
ps1.1:37.6	manindriyaṁ abhiññeyyaṁ;
ps1.1:37.7	jīvitindriyaṁ abhiññeyyaṁ;
ps1.1:37.8	itthindriyaṁ abhiññeyyaṁ;
ps1.1:37.9	purisindriyaṁ abhiññeyyaṁ;
ps1.1:37.10	sukhindriyaṁ abhiññeyyaṁ;
ps1.1:37.11	dukkhindriyaṁ abhiññeyyaṁ;
ps1.1:37.12	somanassindriyaṁ abhiññeyyaṁ;
ps1.1:37.13	domanassindriyaṁ abhiññeyyaṁ;
ps1.1:37.14	upekkhindriyaṁ abhiññeyyaṁ;
ps1.1:37.15	saddhindriyaṁ abhiññeyyaṁ;
ps1.1:37.16	vīriyindriyaṁ abhiññeyyaṁ;
ps1.1:37.17	satindriyaṁ abhiññeyyaṁ;
ps1.1:37.18	samādhindriyaṁ abhiññeyyaṁ;
ps1.1:37.19	paññindriyaṁ abhiññeyyaṁ;
ps1.1:37.20	anaññātaññassāmītindriyaṁ abhiññeyyaṁ;
ps1.1:37.21	aññindriyaṁ abhiññeyyaṁ;
ps1.1:37.22	aññātāvindriyaṁ abhiññeyyaṁ. [22]
ps1.1:38.1	Kāmadhātu abhiññeyyā;
ps1.1:38.2	rūpadhātu abhiññeyyā;
ps1.1:38.3	arūpadhātu abhiññeyyā.
ps1.1:38.4	Kāmabhavo abhiññeyyo;
ps1.1:38.5	rūpabhavo abhiññeyyo;
ps1.1:38.6	arūpabhavo abhiññeyyo.
ps1.1:38.7	Saññābhavo abhiññeyyo;
ps1.1:38.8	asaññābhavo abhiññeyyo;
ps1.1:38.9	nevasaññānāsaññābhavo abhiññeyyo.
ps1.1:38.10	Ekavokārabhavo abhiññeyyo;
ps1.1:38.11	catuvokārabhavo abhiññeyyo;
ps1.1:38.12	pañcavokārabhavo abhiññeyyo. [12]
ps1.1:39.1	Paṭhamaṁ jhānaṁ abhiññeyyaṁ;
ps1.1:39.2	dutiyaṁ jhānaṁ abhiññeyyaṁ;
ps1.1:39.3	tatiyaṁ jhānaṁ abhiññeyyaṁ;
ps1.1:39.4	catutthaṁ jhānaṁ abhiññeyyaṁ.
ps1.1:39.5	Mettācetovimutti abhiññeyyā;
ps1.1:39.6	karuṇācetovimutti abhiññeyyā;
ps1.1:39.7	muditācetovimutti abhiññeyyā;
ps1.1:39.8	upekkhācetovimutti abhiññeyyā.
ps1.1:39.9	Ākāsānañcāyatanasamāpatti abhiññeyyā;
ps1.1:39.10	viññāṇañcāyatanasamāpatti abhiññeyyā;
ps1.1:39.11	ākiñcaññāyatanasamāpatti abhiññeyyā;
ps1.1:39.12	nevasaññānāsaññāyatanasamāpatti abhiññeyyā. [12]
ps1.1:40.1	Avijjā abhiññeyyā;
ps1.1:40.2	saṅkhārā abhiññeyyā;
ps1.1:40.3	viññāṇaṁ abhiññeyyaṁ;
ps1.1:40.4	nāmarūpaṁ abhiññeyyaṁ;
ps1.1:40.5	saḷāyatanaṁ abhiññeyyaṁ;
ps1.1:40.6	phasso abhiññeyyo;
ps1.1:40.7	vedanā abhiññeyyā;
ps1.1:40.8	taṇhā abhiññeyyā;
ps1.1:40.9	upādānaṁ abhiññeyyaṁ;
ps1.1:40.10	bhavo abhiññeyyo;
ps1.1:40.11	jāti abhiññeyyā;
ps1.1:40.12	jarāmaraṇaṁ abhiññeyyaṁ. [12]
ps1.1:41.1	Dukkhaṁ abhiññeyyaṁ;
ps1.1:41.2	dukkhasamudayo abhiññeyyo;
ps1.1:41.3	dukkhanirodho abhiññeyyo;
ps1.1:41.4	dukkhanirodhagāminī paṭipadā abhiññeyyā.
ps1.1:41.5	Rūpaṁ abhiññeyyaṁ;
ps1.1:41.6	rūpasamudayo abhiññeyyo;
ps1.1:41.7	rūpanirodho abhiññeyyo;
ps1.1:41.8	rūpanirodhagāminī paṭipadā abhiññeyyā.
ps1.1:41.9	Vedanā abhiññeyyā …pe…
ps1.1:41.10	saññā abhiññeyyā …pe…
ps1.1:41.11	saṅkhārā abhiññeyyā …pe…
ps1.1:41.12	viññāṇaṁ abhiññeyyaṁ.
ps1.1:41.13	Cakkhu abhiññeyyaṁ …pe…
ps1.1:41.14	jarāmaraṇaṁ abhiññeyyaṁ;
ps1.1:41.15	jarāmaraṇasamudayo abhiññeyyo;
ps1.1:41.16	jarāmaraṇanirodho abhiññeyyo;
ps1.1:41.17	jarāmaraṇanirodhagāminī paṭipadā abhiññeyyā. [808]
ps1.1:42.1	Dukkhassa pariññaṭṭho abhiññeyyo;
ps1.1:42.2	dukkhasamudayassa pahānaṭṭho abhiññeyyo;
ps1.1:42.3	dukkhanirodhassa sacchikiriyaṭṭho abhiññeyyo;
ps1.1:42.4	dukkhanirodhagāminiyā paṭipadāya bhāvanaṭṭho abhiññeyyo.
ps1.1:42.5	Rūpassa pariññaṭṭho abhiññeyyo;
ps1.1:42.6	rūpasamudayassa pahānaṭṭho abhiññeyyo;
ps1.1:42.7	rūpanirodhassa sacchikiriyaṭṭho abhiññeyyo;
ps1.1:42.8	rūpanirodhagāminiyā paṭipadāya bhāvanaṭṭho abhiññeyyo.
ps1.1:42.9	Vedanāya …pe…
ps1.1:42.10	saññāya …
ps1.1:42.11	saṅkhārānaṁ …
ps1.1:42.12	viññāṇassa …
ps1.1:42.13	cakkhussa …pe…
ps1.1:42.14	jarāmaraṇassa pariññaṭṭho abhiññeyyo;
ps1.1:42.15	jarāmaraṇasamudayassa pahānaṭṭho abhiññeyyo;
ps1.1:42.16	jarāmaraṇanirodhassa sacchikiriyaṭṭho abhiññeyyo;
ps1.1:42.17	jarāmaraṇanirodhagāminiyā paṭipadāya bhāvanaṭṭho abhiññeyyo. [808]
ps1.1:43.1	Dukkhassa pariññāpaṭivedhaṭṭho abhiññeyyo;
ps1.1:43.2	dukkhasamudayassa pahānapaṭivedhaṭṭho abhiññeyyo;
ps1.1:43.3	dukkhanirodhassa sacchikiriyāpaṭivedhaṭṭho abhiññeyyo;
ps1.1:43.4	dukkhanirodhagāminiyā paṭipadāya bhāvanāpaṭivedhaṭṭho abhiññeyyo.
ps1.1:43.5	Rūpassa pariññāpaṭivedhaṭṭho abhiññeyyo;
ps1.1:43.6	rūpasamudayassa pahānapaṭivedhaṭṭho abhiññeyyo;
ps1.1:43.7	rūpanirodhassa sacchikiriyāpaṭivedhaṭṭho abhiññeyyo;
ps1.1:43.8	rūpanirodhagāminiyā paṭipadāya bhāvanāpaṭivedhaṭṭho abhiññeyyo.
ps1.1:43.9	Vedanāya …pe…
ps1.1:43.10	saññāya …
ps1.1:43.11	saṅkhārānaṁ …
ps1.1:43.12	viññāṇassa …
ps1.1:43.13	cakkhussa …pe…
ps1.1:43.14	jarāmaraṇassa pariññāpaṭivedhaṭṭho abhiññeyyo;
ps1.1:43.15	jarāmaraṇasamudayassa pahānapaṭivedhaṭṭho abhiññeyyo;
ps1.1:43.16	jarāmaraṇanirodhassa sacchikiriyāpaṭivedhaṭṭho abhiññeyyo;
ps1.1:43.17	jarāmaraṇanirodhagāminiyā paṭipadāya bhāvanāpaṭivedhaṭṭho abhiññeyyo. [808]
ps1.1:44.1	Dukkhaṁ abhiññeyyaṁ;
ps1.1:44.2	dukkhasamudayo abhiññeyyo;
ps1.1:44.3	dukkhanirodho abhiññeyyo;
ps1.1:44.4	dukkhassa samudayanirodho abhiññeyyo;
ps1.1:44.5	dukkhassa chandarāganirodho abhiññeyyo;
ps1.1:44.6	dukkhassa assādo abhiññeyyo;
ps1.1:44.7	dukkhassa ādīnavo abhiññeyyo;
ps1.1:44.8	dukkhassa nissaraṇaṁ abhiññeyyaṁ.
ps1.1:44.9	Rūpaṁ abhiññeyyaṁ;
ps1.1:44.10	rūpasamudayo abhiññeyyo;
ps1.1:44.11	rūpanirodho abhiññeyyo;
ps1.1:44.12	rūpassa samudayanirodho abhiññeyyo;
ps1.1:44.13	rūpassa chandarāganirodho abhiññeyyo;
ps1.1:44.14	rūpassa assādo abhiññeyyo;
ps1.1:44.15	rūpassa ādīnavo abhiññeyyo;
ps1.1:44.16	rūpassa nissaraṇaṁ abhiññeyyaṁ.
ps1.1:44.17	Vedanā abhiññeyyā …pe…
ps1.1:44.18	saññā abhiññeyyā …
ps1.1:44.19	saṅkhārā abhiññeyyā …
ps1.1:44.20	viññāṇaṁ abhiññeyyaṁ …
ps1.1:44.21	cakkhu abhiññeyyaṁ …pe…
ps1.1:44.22	jarāmaraṇaṁ abhiññeyyaṁ;
ps1.1:44.23	jarāmaraṇasamudayo abhiññeyyo;
ps1.1:44.24	jarāmaraṇanirodho abhiññeyyo;
ps1.1:44.25	jarāmaraṇassa samudayanirodho abhiññeyyo;
ps1.1:44.26	jarāmaraṇassa chandarāganirodho abhiññeyyo;
ps1.1:44.27	jarāmaraṇassa assādo abhiññeyyo;
ps1.1:44.28	jarāmaraṇassa ādīnavo abhiññeyyo;
ps1.1:44.29	jarāmaraṇassa nissaraṇaṁ abhiññeyyaṁ. [1616]
ps1.1:45.1	Dukkhaṁ abhiññeyyaṁ;
ps1.1:45.2	dukkhasamudayo abhiññeyyo;
ps1.1:45.3	dukkhanirodho abhiññeyyo;
ps1.1:45.4	dukkhanirodhagāminī paṭipadā abhiññeyyā;
ps1.1:45.5	dukkhassa assādo abhiññeyyo;
ps1.1:45.6	dukkhassa ādīnavo abhiññeyyo;
ps1.1:45.7	dukkhassa nissaraṇaṁ abhiññeyyaṁ.
ps1.1:45.8	Rūpaṁ abhiññeyyaṁ;
ps1.1:45.9	rūpasamudayo abhiññeyyo;
ps1.1:45.10	rūpanirodho abhiññeyyo;
ps1.1:45.11	rūpanirodhagāminī paṭipadā abhiññeyyā;
ps1.1:45.12	rūpassa assādo abhiññeyyo;
ps1.1:45.13	rūpassa ādīnavo abhiññeyyo;
ps1.1:45.14	rūpassa nissaraṇaṁ abhiññeyyaṁ.
ps1.1:45.15	Vedanā abhiññeyyā …pe…
ps1.1:45.16	saññā abhiññeyyā …
ps1.1:45.17	saṅkhārā abhiññeyyā …
ps1.1:45.18	viññāṇaṁ abhiññeyyaṁ …
ps1.1:45.19	cakkhu abhiññeyyaṁ …pe…
ps1.1:45.20	jarāmaraṇaṁ abhiññeyyaṁ;
ps1.1:45.21	jarāmaraṇasamudayo abhiññeyyo;
ps1.1:45.22	jarāmaraṇanirodho abhiññeyyo;
ps1.1:45.23	jarāmaraṇanirodhagāminī paṭipadā abhiññeyyā;
ps1.1:45.24	jarāmaraṇassa assādo abhiññeyyo;
ps1.1:45.25	jarāmaraṇassa ādīnavo abhiññeyyo;
ps1.1:45.26	jarāmaraṇassa nissaraṇaṁ abhiññeyyaṁ. [1414]
ps1.1:46.1	Aniccānupassanā abhiññeyyā;
ps1.1:46.2	dukkhānupassanā abhiññeyyā;
ps1.1:46.3	anattānupassanā abhiññeyyā;
ps1.1:46.4	nibbidānupassanā abhiññeyyā;
ps1.1:46.5	virāgānupassanā abhiññeyyā;
ps1.1:46.6	nirodhānupassanā abhiññeyyā;
ps1.1:46.7	paṭinissaggānupassanā abhiññeyyā.
ps1.1:46.8	Rūpe aniccānupassanā abhiññeyyā;
ps1.1:46.9	rūpe dukkhānupassanā abhiññeyyā;
ps1.1:46.10	rūpe anattānupassanā abhiññeyyā;
ps1.1:46.11	rūpe nibbidānupassanā abhiññeyyā;
ps1.1:46.12	rūpe virāgānupassanā abhiññeyyā;
ps1.1:46.13	rūpe nirodhānupassanā abhiññeyyā;
ps1.1:46.14	rūpe paṭinissaggānupassanā abhiññeyyā.
ps1.1:46.15	Vedanāya …pe…
ps1.1:46.16	saññāya …
ps1.1:46.17	saṅkhāresu …
ps1.1:46.18	viññāṇe …
ps1.1:46.19	cakkhusmiṁ …pe…
ps1.1:46.20	jarāmaraṇe aniccānupassanā abhiññeyyā;
ps1.1:46.21	jarāmaraṇe dukkhānupassanā abhiññeyyā;
ps1.1:46.22	jarāmaraṇe anattānupassanā abhiññeyyā;
ps1.1:46.23	jarāmaraṇe nibbidānupassanā abhiññeyyā;
ps1.1:46.24	jarāmaraṇe virāgānupassanā abhiññeyyā;
ps1.1:46.25	jarāmaraṇe nirodhānupassanā abhiññeyyā;
ps1.1:46.26	jarāmaraṇe paṭinissaggānupassanā abhiññeyyā. [1414]
ps1.1:47.1	Uppādo abhiññeyyo;
ps1.1:47.2	pavattaṁ abhiññeyyaṁ;
ps1.1:47.3	nimittaṁ abhiññeyyaṁ;
ps1.1:47.4	āyūhanā abhiññeyyā;
ps1.1:47.5	paṭisandhi abhiññeyyā;
ps1.1:47.6	gati abhiññeyyā;
ps1.1:47.7	nibbatti abhiññeyyā;
ps1.1:47.8	upapatti abhiññeyyā;
ps1.1:47.9	jāti abhiññeyyā;
ps1.1:47.10	jarā abhiññeyyā;
ps1.1:47.11	byādhi abhiññeyyo, maraṇaṁ abhiññeyyaṁ;
ps1.1:47.12	soko abhiññeyyo;
ps1.1:47.13	paridevo abhiññeyyo;
ps1.1:47.14	upāyāso abhiññeyyo. [15]
ps1.1:48.1	Anuppādo abhiññeyyo;
ps1.1:48.2	appavattaṁ abhiññeyyaṁ;
ps1.1:48.3	animittaṁ abhiññeyyaṁ;
ps1.1:48.4	anāyūhanā abhiññeyyā;
ps1.1:48.5	appaṭisandhi abhiññeyyā;
ps1.1:48.6	agati abhiññeyyā;
ps1.1:48.7	anibbatti abhiññeyyā;
ps1.1:48.8	anupapatti abhiññeyyā;
ps1.1:48.9	ajāti abhiññeyyā;
ps1.1:48.10	ajarā abhiññeyyā;
ps1.1:48.11	abyādhi abhiññeyyo;
ps1.1:48.12	amataṁ abhiññeyyaṁ;
ps1.1:48.13	asoko abhiññeyyo;
ps1.1:48.14	aparidevo abhiññeyyo;
ps1.1:48.15	anupāyāso abhiññeyyo. [15]
ps1.1:49.1	Uppādo abhiññeyyo;
ps1.1:49.2	anuppādo abhiññeyyo;
ps1.1:49.3	pavattaṁ abhiññeyyaṁ;
ps1.1:49.4	appavattaṁ abhiññeyyaṁ.
ps1.1:49.5	Nimittaṁ abhiññeyyaṁ;
ps1.1:49.6	animittaṁ abhiññeyyaṁ.
ps1.1:49.7	Āyūhanā abhiññeyyā;
ps1.1:49.8	anāyūhanā abhiññeyyā.
ps1.1:49.9	Paṭisandhi abhiññeyyā;
ps1.1:49.10	appaṭisandhi abhiññeyyā.
ps1.1:49.11	Gati abhiññeyyā;
ps1.1:49.12	agati abhiññeyyā.
ps1.1:49.13	Nibbatti abhiññeyyā;
ps1.1:49.14	anibbatti abhiññeyyā.
ps1.1:49.15	Upapatti abhiññeyyā;
ps1.1:49.16	anupapatti abhiññeyyā.
ps1.1:49.17	Jāti abhiññeyyā;
ps1.1:49.18	ajāti abhiññeyyā.
ps1.1:49.19	Jarā abhiññeyyā;
ps1.1:49.20	ajarā abhiññeyyā.
ps1.1:49.21	Byādhi abhiññeyyo;
ps1.1:49.22	abyādhi abhiññeyyo.
ps1.1:49.23	Maraṇaṁ abhiññeyyaṁ;
ps1.1:49.24	amataṁ abhiññeyyaṁ.
ps1.1:49.25	Soko abhiññeyyo;
ps1.1:49.26	asoko abhiññeyyo.
ps1.1:49.27	Paridevo abhiññeyyo;
ps1.1:49.28	aparidevo abhiññeyyo.
ps1.1:49.29	Upāyāso abhiññeyyo;
ps1.1:49.30	anupāyāso abhiññeyyo. [30]
ps1.1:50.1	Uppādo dukkhanti abhiññeyyaṁ.
ps1.1:50.2	Pavattaṁ dukkhanti abhiññeyyaṁ.
ps1.1:50.3	Nimittaṁ dukkhanti abhiññeyyaṁ.
ps1.1:50.4	Āyūhanā dukkhanti abhiññeyyaṁ.
ps1.1:50.5	Paṭisandhi dukkhanti abhiññeyyaṁ.
ps1.1:50.6	Gati dukkhanti abhiññeyyaṁ.
ps1.1:50.7	Nibbatti dukkhanti abhiññeyyaṁ.
ps1.1:50.8	Upapatti dukkhanti abhiññeyyaṁ.
ps1.1:50.9	Jāti dukkhanti abhiññeyyaṁ.
ps1.1:50.10	Jarā dukkhanti abhiññeyyaṁ.
ps1.1:50.11	Byādhi dukkhanti abhiññeyyaṁ.
ps1.1:50.12	Maraṇaṁ dukkhanti abhiññeyyaṁ.
ps1.1:50.13	Soko dukkhanti abhiññeyyaṁ.
ps1.1:50.14	Paridevo dukkhanti abhiññeyyaṁ.
ps1.1:50.15	Upāyāso dukkhanti abhiññeyyaṁ. [15]
ps1.1:51.1	Anuppādo sukhanti abhiññeyyaṁ.
ps1.1:51.2	Appavattaṁ sukhanti abhiññeyyaṁ.
ps1.1:51.3	Animittaṁ sukhanti abhiññeyyaṁ.
ps1.1:51.4	Anāyūhanā sukhanti abhiññeyyaṁ.
ps1.1:51.5	Appaṭisandhi sukhanti abhiññeyyaṁ.
ps1.1:51.6	Agati sukhanti abhiññeyyaṁ.
ps1.1:51.7	Anibbatti sukhanti abhiññeyyaṁ.
ps1.1:51.8	Anupapatti sukhanti abhiññeyyaṁ.
ps1.1:51.9	Ajāti sukhanti abhiññeyyaṁ.
ps1.1:51.10	Ajarā sukhanti abhiññeyyaṁ.
ps1.1:51.11	Abyādhi sukhanti abhiññeyyaṁ.
ps1.1:51.12	Amataṁ sukhanti abhiññeyyaṁ.
ps1.1:51.13	Asoko sukhanti abhiññeyyaṁ.
ps1.1:51.14	Aparidevo sukhanti abhiññeyyaṁ.
ps1.1:51.15	Anupāyāso sukhanti abhiññeyyaṁ. [15]
ps1.1:52.1	Uppādo dukkhaṁ, anuppādo sukhanti abhiññeyyaṁ.
ps1.1:52.2	Pavattaṁ dukkhaṁ, appavattaṁ sukhanti abhiññeyyaṁ.
ps1.1:52.3	Nimittaṁ dukkhaṁ, animittaṁ sukhanti abhiññeyyaṁ.
ps1.1:52.4	Āyūhanā dukkhaṁ, anāyūhanā sukhanti abhiññeyyaṁ.
ps1.1:52.5	Paṭisandhi dukkhaṁ, appaṭisandhi sukhanti abhiññeyyaṁ.
ps1.1:52.6	Gati dukkhaṁ, agati sukhanti abhiññeyyaṁ.
ps1.1:52.7	Nibbatti dukkhaṁ, anibbatti sukhanti abhiññeyyaṁ.
ps1.1:52.8	Upapatti dukkhaṁ, anupapatti sukhanti abhiññeyyaṁ.
ps1.1:52.9	Jāti dukkhaṁ, ajāti sukhanti abhiññeyyaṁ.
ps1.1:52.10	Jarā dukkhaṁ, ajarā sukhanti abhiññeyyaṁ.
ps1.1:52.11	Byādhi dukkhaṁ, abyādhi sukhanti abhiññeyyaṁ.
ps1.1:52.12	Maraṇaṁ dukkhaṁ, amataṁ sukhanti abhiññeyyaṁ.
ps1.1:52.13	Soko dukkhaṁ, asoko sukhanti abhiññeyyaṁ.
ps1.1:52.14	Paridevo dukkhaṁ, aparidevo sukhanti abhiññeyyaṁ.
ps1.1:52.15	Upāyāso dukkhaṁ, anupāyāso sukhanti abhiññeyyaṁ. [30]
ps1.1:53.1	Uppādo bhayanti abhiññeyyaṁ.
ps1.1:53.2	Pavattaṁ bhayanti abhiññeyyaṁ.
ps1.1:53.3	Nimittaṁ bhayanti abhiññeyyaṁ.
ps1.1:53.4	Āyūhanā bhayanti abhiññeyyaṁ.
ps1.1:53.5	Paṭisandhi bhayanti abhiññeyyaṁ.
ps1.1:53.6	Gati bhayanti abhiññeyyaṁ.
ps1.1:53.7	Nibbatti bhayanti abhiññeyyaṁ.
ps1.1:53.8	Upapatti bhayanti abhiññeyyaṁ.
ps1.1:53.9	Jāti bhayanti abhiññeyyaṁ.
ps1.1:53.10	Jarā bhayanti abhiññeyyaṁ.
ps1.1:53.11	Byādhi bhayanti abhiññeyyaṁ.
ps1.1:53.12	Maraṇaṁ bhayanti abhiññeyyaṁ.
ps1.1:53.13	Soko bhayanti abhiññeyyaṁ.
ps1.1:53.14	Paridevo bhayanti abhiññeyyaṁ.
ps1.1:53.15	Upāyāso bhayanti abhiññeyyaṁ. [15]
ps1.1:54.1	Anuppādo khemanti abhiññeyyaṁ.
ps1.1:54.2	Appavattaṁ khemanti abhiññeyyaṁ.
ps1.1:54.3	Animittaṁ khemanti abhiññeyyaṁ.
ps1.1:54.4	Anāyūhanā khemanti abhiññeyyaṁ.
ps1.1:54.5	Appaṭisandhi khemanti abhiññeyyaṁ.
ps1.1:54.6	Agati khemanti abhiññeyyaṁ.
ps1.1:54.7	Anibbatti khemanti abhiññeyyaṁ.
ps1.1:54.8	Anupapatti khemanti abhiññeyyaṁ.
ps1.1:54.9	Ajāti khemanti abhiññeyyaṁ.
ps1.1:54.10	Ajarā khemanti abhiññeyyaṁ.
ps1.1:54.11	Abyādhi khemanti abhiññeyyaṁ.
ps1.1:54.12	Amataṁ khemanti abhiññeyyaṁ.
ps1.1:54.13	Asoko khemanti abhiññeyyaṁ.
ps1.1:54.14	Aparidevo khemanti abhiññeyyaṁ.
ps1.1:54.15	Anupāyāso khemanti abhiññeyyaṁ. [15]
ps1.1:55.1	Uppādo bhayaṁ, anuppādo khemanti abhiññeyyaṁ.
ps1.1:55.2	Pavattaṁ bhayaṁ, appavattaṁ khemanti abhiññeyyaṁ.
ps1.1:55.3	Nimittaṁ bhayaṁ, animittaṁ khemanti abhiññeyyaṁ.
ps1.1:55.4	Āyūhanā bhayaṁ, anāyūhanā khemanti abhiññeyyaṁ.
ps1.1:55.5	Paṭisandhi bhayaṁ, appaṭisandhi khemanti abhiññeyyaṁ.
ps1.1:55.6	Gati bhayaṁ, agati khemanti abhiññeyyaṁ.
ps1.1:55.7	Nibbatti bhayaṁ, anibbatti khemanti abhiññeyyaṁ.
ps1.1:55.8	Upapatti bhayaṁ, anupapatti khemanti abhiññeyyaṁ.
ps1.1:55.9	Jāti bhayaṁ, ajāti khemanti abhiññeyyaṁ.
ps1.1:55.10	Jarā bhayaṁ, ajarā khemanti abhiññeyyaṁ.
ps1.1:55.11	Byādhi bhayaṁ, abyādhi khemanti abhiññeyyaṁ.
ps1.1:55.12	Maraṇaṁ bhayaṁ, amataṁ khemanti abhiññeyyaṁ.
ps1.1:55.13	Soko bhayaṁ, asoko khemanti abhiññeyyaṁ.
ps1.1:55.14	Paridevo bhayaṁ, aparidevo khemanti abhiññeyyaṁ.
ps1.1:55.15	Upāyāso bhayaṁ, anupāyāso khemanti abhiññeyyaṁ. [30]
ps1.1:56.1	Uppādo sāmisanti abhiññeyyaṁ.
ps1.1:56.2	Pavattaṁ sāmisanti abhiññeyyaṁ.
ps1.1:56.3	Nimittaṁ sāmisanti abhiññeyyaṁ.
ps1.1:56.4	Āyūhanā sāmisanti abhiññeyyaṁ.
ps1.1:56.5	Paṭisandhi sāmisanti abhiññeyyaṁ.
ps1.1:56.6	Gati sāmisanti abhiññeyyaṁ.
ps1.1:56.7	Nibbatti sāmisanti abhiññeyyaṁ.
ps1.1:56.8	Upapatti sāmisanti abhiññeyyaṁ.
ps1.1:56.9	Jāti sāmisanti abhiññeyyaṁ.
ps1.1:56.10	Jarā sāmisanti abhiññeyyaṁ.
ps1.1:56.11	Byādhi sāmisanti abhiññeyyaṁ.
ps1.1:56.12	Maraṇaṁ sāmisanti abhiññeyyaṁ.
ps1.1:56.13	Soko sāmisanti abhiññeyyaṁ.
ps1.1:56.14	Paridevo sāmisanti abhiññeyyaṁ.
ps1.1:56.15	Upāyāso sāmisanti abhiññeyyaṁ. [15]
ps1.1:57.1	Anuppādo nirāmisanti abhiññeyyaṁ.
ps1.1:57.2	Appavattaṁ nirāmisanti abhiññeyyaṁ.
ps1.1:57.3	Animittaṁ nirāmisanti abhiññeyyaṁ.
ps1.1:57.4	Anāyūhanā nirāmisanti abhiññeyyaṁ.
ps1.1:57.5	Appaṭisandhi nirāmisanti abhiññeyyaṁ.
ps1.1:57.6	Agati nirāmisanti abhiññeyyaṁ.
ps1.1:57.7	Anibbatti nirāmisanti abhiññeyyaṁ.
ps1.1:57.8	Anupapatti nirāmisanti abhiññeyyaṁ.
ps1.1:57.9	Ajāti nirāmisanti abhiññeyyaṁ.
ps1.1:57.10	Ajarā nirāmisanti abhiññeyyaṁ.
ps1.1:57.11	Abyādhi nirāmisanti abhiññeyyaṁ.
ps1.1:57.12	Amataṁ nirāmisanti abhiññeyyaṁ.
ps1.1:57.13	Asoko nirāmisanti abhiññeyyaṁ.
ps1.1:57.14	Aparidevo nirāmisanti abhiññeyyaṁ.
ps1.1:57.15	Anupāyāso nirāmisanti abhiññeyyaṁ. [15]
ps1.1:58.1	Uppādo sāmisaṁ, anuppādo nirāmisanti abhiññeyyaṁ.
ps1.1:58.2	Pavattaṁ sāmisaṁ, appavattaṁ nirāmisanti abhiññeyyaṁ.
ps1.1:58.3	Nimittaṁ sāmisaṁ, animittaṁ nirāmisanti abhiññeyyaṁ.
ps1.1:58.4	Āyūhanā sāmisaṁ, anāyūhanā nirāmisanti abhiññeyyaṁ.
ps1.1:58.5	Paṭisandhi sāmisaṁ, appaṭisandhi nirāmisanti abhiññeyyaṁ.
ps1.1:58.6	Gati sāmisaṁ, agati nirāmisanti abhiññeyyaṁ.
ps1.1:58.7	Nibbatti sāmisaṁ, anibbatti nirāmisanti abhiññeyyaṁ.
ps1.1:58.8	Upapatti sāmisaṁ, anupapatti nirāmisanti abhiññeyyaṁ.
ps1.1:58.9	Jāti sāmisaṁ, ajāti nirāmisanti abhiññeyyaṁ.
ps1.1:58.10	Jarā sāmisaṁ, ajarā nirāmisanti abhiññeyyaṁ.
ps1.1:58.11	Byādhi sāmisaṁ, abyādhi nirāmisanti abhiññeyyaṁ.
ps1.1:58.12	Maraṇaṁ sāmisaṁ, amataṁ nirāmisanti abhiññeyyaṁ.
ps1.1:58.13	Soko sāmisaṁ, asoko nirāmisanti abhiññeyyaṁ.
ps1.1:58.14	Paridevo sāmisaṁ, aparidevo nirāmisanti abhiññeyyaṁ.
ps1.1:58.15	Upāyāso sāmisaṁ, anupāyāso nirāmisanti abhiññeyyaṁ. [30]
ps1.1:59.1	Uppādo saṅkhārāti abhiññeyyaṁ.
ps1.1:59.2	Pavattaṁ saṅkhārāti abhiññeyyaṁ.
ps1.1:59.3	Nimittaṁ saṅkhārāti abhiññeyyaṁ.
ps1.1:59.4	Āyūhanā saṅkhārāti abhiññeyyaṁ.
ps1.1:59.5	Paṭisandhi saṅkhārāti abhiññeyyaṁ.
ps1.1:59.6	Gati saṅkhārāti abhiññeyyaṁ.
ps1.1:59.7	Nibbatti saṅkhārāti abhiññeyyaṁ.
ps1.1:59.8	Upapatti saṅkhārāti abhiññeyyaṁ.
ps1.1:59.9	Jāti saṅkhārāti abhiññeyyaṁ.
ps1.1:59.10	Jarā saṅkhārāti abhiññeyyaṁ.
ps1.1:59.11	Byādhi saṅkhārāti abhiññeyyaṁ.
ps1.1:59.12	Maraṇaṁ saṅkhārāti abhiññeyyaṁ.
ps1.1:59.13	Soko saṅkhārāti abhiññeyyaṁ.
ps1.1:59.14	Paridevo saṅkhārāti abhiññeyyaṁ.
ps1.1:59.15	Upāyāso saṅkhārāti abhiññeyyaṁ. [15]
ps1.1:60.1	Anuppādo nibbānanti abhiññeyyaṁ.
ps1.1:60.2	Appavattaṁ nibbānanti abhiññeyyaṁ.
ps1.1:60.3	Animittaṁ nibbānanti abhiññeyyaṁ.
ps1.1:60.4	Anāyūhanā nibbānanti abhiññeyyaṁ.
ps1.1:60.5	Appaṭisandhi nibbānanti abhiññeyyaṁ.
ps1.1:60.6	Agati nibbānanti abhiññeyyaṁ.
ps1.1:60.7	Anibbatti nibbānanti abhiññeyyaṁ.
ps1.1:60.8	Anupapatti nibbānanti abhiññeyyaṁ.
ps1.1:60.9	Ajāti nibbānanti abhiññeyyaṁ.
ps1.1:60.10	Ajaraṁ nibbānanti abhiññeyyaṁ.
ps1.1:60.11	Abyādhi nibbānanti abhiññeyyaṁ.
ps1.1:60.12	Amataṁ nibbānanti abhiññeyyaṁ.
ps1.1:60.13	Asoko nibbānanti abhiññeyyaṁ.
ps1.1:60.14	Aparidevo nibbānanti abhiññeyyaṁ.
ps1.1:60.15	Anupāyāso nibbānanti abhiññeyyaṁ. [15]
ps1.1:61.1	Uppādo saṅkhārā, anuppādo nibbānanti abhiññeyyaṁ.
ps1.1:61.2	Pavattaṁ saṅkhārā, appavattaṁ nibbānanti abhiññeyyaṁ.
ps1.1:61.3	Nimittaṁ saṅkhārā, animittaṁ nibbānanti abhiññeyyaṁ.
ps1.1:61.4	Āyūhanā saṅkhārā, anāyūhanā nibbānanti abhiññeyyaṁ.
ps1.1:61.5	Paṭisandhi saṅkhārā, appaṭisandhi nibbānanti abhiññeyyaṁ.
ps1.1:61.6	Gati saṅkhārā, agati nibbānanti abhiññeyyaṁ.
ps1.1:61.7	Nibbatti saṅkhārā, anibbatti nibbānanti abhiññeyyaṁ.
ps1.1:61.8	Upapatti saṅkhārā, anupapatti nibbānanti abhiññeyyaṁ.
ps1.1:61.9	Jāti saṅkhārā, ajāti nibbānanti abhiññeyyaṁ.
ps1.1:61.10	Jarā saṅkhārā, ajarā nibbānanti abhiññeyyaṁ.
ps1.1:61.11	Byādhi saṅkhārā, abyādhi nibbānanti abhiññeyyaṁ.
ps1.1:61.12	Maraṇaṁ saṅkhārā, amataṁ nibbānanti abhiññeyyaṁ.
ps1.1:61.13	Soko saṅkhārā, asoko nibbānanti abhiññeyyaṁ.
ps1.1:61.14	Paridevo saṅkhārā, aparidevo nibbānanti abhiññeyyaṁ.
ps1.1:61.15	Upāyāso saṅkhārā, anupāyāso nibbānanti abhiññeyyaṁ. [30]
ps1.1:61.16	Paṭhamabhāṇavāro.
ps1.1:62.1	Pariggahaṭṭho abhiññeyyo;
ps1.1:62.2	parivāraṭṭho abhiññeyyo;
ps1.1:62.3	paripūraṭṭho abhiññeyyo;
ps1.1:62.4	ekaggaṭṭho abhiññeyyo;
ps1.1:62.5	avikkhepaṭṭho abhiññeyyo;
ps1.1:62.6	paggahaṭṭho abhiññeyyo;
ps1.1:62.7	avisāraṭṭho abhiññeyyo;
ps1.1:62.8	anāvilaṭṭho abhiññeyyo;
ps1.1:62.9	aniñjanaṭṭho abhiññeyyo;
ps1.1:62.10	ekattupaṭṭhānavasena cittassa ṭhitaṭṭho abhiññeyyo;
ps1.1:62.11	ārammaṇaṭṭho abhiññeyyo;
ps1.1:62.12	gocaraṭṭho abhiññeyyo;
ps1.1:62.13	pahānaṭṭho abhiññeyyo;
ps1.1:62.14	pariccāgaṭṭho abhiññeyyo;
ps1.1:62.15	vuṭṭhānaṭṭho abhiññeyyo;
ps1.1:62.16	vivaṭṭanaṭṭho abhiññeyyo;
ps1.1:62.17	santaṭṭho abhiññeyyo;
ps1.1:62.18	paṇītaṭṭho abhiññeyyo;
ps1.1:62.19	vimuttaṭṭho abhiññeyyo;
ps1.1:62.20	anāsavaṭṭho abhiññeyyo;
ps1.1:62.21	taraṇaṭṭho abhiññeyyo;
ps1.1:62.22	animittaṭṭho abhiññeyyo;
ps1.1:62.23	appaṇihitaṭṭho abhiññeyyo;
ps1.1:62.24	suññataṭṭho abhiññeyyo;
ps1.1:62.25	ekarasaṭṭho abhiññeyyo;
ps1.1:62.26	anativattanaṭṭho abhiññeyyo;
ps1.1:62.27	yuganaddhaṭṭho abhiññeyyo;
ps1.1:62.28	niyyānaṭṭho abhiññeyyo;
ps1.1:62.29	hetuṭṭho abhiññeyyo;
ps1.1:62.30	dassanaṭṭho abhiññeyyo;
ps1.1:62.31	ādhipateyyaṭṭho abhiññeyyo. [31]
ps1.1:63.1	Samathassa avikkhepaṭṭho abhiññeyyo;
ps1.1:63.2	vipassanāya anupassanaṭṭho abhiññeyyo;
ps1.1:63.3	samathavipassanānaṁ ekarasaṭṭho abhiññeyyo;
ps1.1:63.4	yuganaddhassa anativattanaṭṭho abhiññeyyo. [4]
ps1.1:64.1	Sikkhāya samādānaṭṭho abhiññeyyo;
ps1.1:64.2	ārammaṇassa gocaraṭṭho abhiññeyyo;
ps1.1:64.3	līnassa cittassa paggahaṭṭho abhiññeyyo;
ps1.1:64.4	uddhatassa cittassa niggahaṭṭho abhiññeyyo;
ps1.1:64.5	ubhovisuddhānaṁ ajjhupekkhanaṭṭho abhiññeyyo;
ps1.1:64.6	visesādhigamaṭṭho abhiññeyyo;
ps1.1:64.7	uttari paṭivedhaṭṭho abhiññeyyo;
ps1.1:64.8	saccābhisamayaṭṭho abhiññeyyo;
ps1.1:64.9	nirodhe patiṭṭhāpakaṭṭho abhiññeyyo. [9]
ps1.1:65.1	Saddhindriyassa adhimokkhaṭṭho abhiññeyyo;
ps1.1:65.2	vīriyindriyassa paggahaṭṭho abhiññeyyo;
ps1.1:65.3	satindriyassa upaṭṭhānaṭṭho abhiññeyyo;
ps1.1:65.4	samādhindriyassa avikkhepaṭṭho abhiññeyyo;
ps1.1:65.5	paññindriyassa dassanaṭṭho abhiññeyyo. [5]
ps1.1:66.1	Saddhābalassa assaddhiye akampiyaṭṭho abhiññeyyo;
ps1.1:66.2	vīriyabalassa kosajje akampiyaṭṭho abhiññeyyo;
ps1.1:66.3	satibalassa pamāde akampiyaṭṭho abhiññeyyo;
ps1.1:66.4	samādhibalassa uddhacce akampiyaṭṭho abhiññeyyo;
ps1.1:66.5	paññābalassa avijjāya akampiyaṭṭho abhiññeyyo. [5]
ps1.1:67.1	Satisambojjhaṅgassa upaṭṭhānaṭṭho abhiññeyyo;
ps1.1:67.2	dhammavicayasambojjhaṅgassa pavicayaṭṭho abhiññeyyo;
ps1.1:67.3	vīriyasambojjhaṅgassa paggahaṭṭho abhiññeyyo;
ps1.1:67.4	pītisambojjhaṅgassa pharaṇaṭṭho abhiññeyyo;
ps1.1:67.5	passaddhisambojjhaṅgassa upasamaṭṭho abhiññeyyo;
ps1.1:67.6	samādhisambojjhaṅgassa avikkhepaṭṭho abhiññeyyo;
ps1.1:67.7	upekkhāsambojjhaṅgassa paṭisaṅkhānaṭṭho abhiññeyyo. [7]
ps1.1:68.1	Sammādiṭṭhiyā dassanaṭṭho abhiññeyyo;
ps1.1:68.2	sammāsaṅkappassa abhiniropanaṭṭho abhiññeyyo;
ps1.1:68.3	sammāvācāya pariggahaṭṭho abhiññeyyo;
ps1.1:68.4	sammākammantassa samuṭṭhānaṭṭho abhiññeyyo;
ps1.1:68.5	sammāājīvassa vodānaṭṭho abhiññeyyo;
ps1.1:68.6	sammāvāyāmassa paggahaṭṭho abhiññeyyo;
ps1.1:68.7	sammāsatiyā upaṭṭhānaṭṭho abhiññeyyo;
ps1.1:68.8	sammāsamādhissa avikkhepaṭṭho abhiññeyyo. [8]
ps1.1:69.1	Indriyānaṁ ādhipateyyaṭṭho abhiññeyyo;
ps1.1:69.2	balānaṁ akampiyaṭṭho abhiññeyyo;
ps1.1:69.3	bojjhaṅgānaṁ niyyānaṭṭho abhiññeyyo;
ps1.1:69.4	maggassa hetuṭṭho abhiññeyyo;
ps1.1:69.5	satipaṭṭhānānaṁ upaṭṭhānaṭṭho abhiññeyyo;
ps1.1:69.6	sammappadhānānaṁ padahanaṭṭho abhiññeyyo;
ps1.1:69.7	iddhipādānaṁ ijjhanaṭṭho abhiññeyyo;
ps1.1:69.8	saccānaṁ tathaṭṭho abhiññeyyo;
ps1.1:69.9	payogānaṁ paṭippassaddhaṭṭho abhiññeyyo;
ps1.1:69.10	phalānaṁ sacchikiriyaṭṭho abhiññeyyo. [10]
ps1.1:70.1	Vitakkassa abhiniropanaṭṭho abhiññeyyo;
ps1.1:70.2	vicārassa upavicāraṭṭho abhiññeyyo;
ps1.1:70.3	pītiyā pharaṇaṭṭho abhiññeyyo;
ps1.1:70.4	sukhassa abhisandanaṭṭho abhiññeyyo.
ps1.1:70.5	Cittassa ekaggaṭṭho abhiññeyyo. [50]
ps1.1:71.1	Āvajjanaṭṭho abhiññeyyo;
ps1.1:71.2	vijānanaṭṭho abhiññeyyo;
ps1.1:71.3	pajānanaṭṭho abhiññeyyo;
ps1.1:71.4	sañjānanaṭṭho abhiññeyyo;
ps1.1:71.5	ekodaṭṭho abhiññeyyo.
ps1.1:71.6	Abhiññāya ñātaṭṭho abhiññeyyo;
ps1.1:71.7	pariññāya tīraṇaṭṭho abhiññeyyo;
ps1.1:71.8	pahānassa pariccāgaṭṭho abhiññeyyo;
ps1.1:71.9	bhāvanāya ekarasaṭṭho abhiññeyyo;
ps1.1:71.10	sacchikiriyāya phassanaṭṭho abhiññeyyo;
ps1.1:71.11	khandhānaṁ khandhaṭṭho abhiññeyyo;
ps1.1:71.12	dhātūnaṁ dhātuṭṭho abhiññeyyo;
ps1.1:71.13	āyatanānaṁ āyatanaṭṭho abhiññeyyo;
ps1.1:71.14	saṅkhatānaṁ saṅkhataṭṭho abhiññeyyo;
ps1.1:71.15	asaṅkhatassa asaṅkhataṭṭho abhiññeyyo. [15]
ps1.1:72.1	Cittaṭṭho abhiññeyyo;
ps1.1:72.2	cittānantariyaṭṭho abhiññeyyo;
ps1.1:72.3	cittassa vuṭṭhānaṭṭho abhiññeyyo;
ps1.1:72.4	cittassa vivaṭṭanaṭṭho abhiññeyyo;
ps1.1:72.5	cittassa hetuṭṭho abhiññeyyo;
ps1.1:72.6	cittassa paccayaṭṭho abhiññeyyo;
ps1.1:72.7	cittassa vatthuṭṭho abhiññeyyo;
ps1.1:72.8	cittassa bhūmaṭṭho abhiññeyyo;
ps1.1:72.9	cittassa ārammaṇaṭṭho abhiññeyyo;
ps1.1:72.10	cittassa gocaraṭṭho abhiññeyyo;
ps1.1:72.11	cittassa cariyaṭṭho abhiññeyyo;
ps1.1:72.12	cittassa gataṭṭho abhiññeyyo;
ps1.1:72.13	cittassa abhinīhāraṭṭho abhiññeyyo;
ps1.1:72.14	cittassa niyyānaṭṭho abhiññeyyo;
ps1.1:72.15	cittassa nissaraṇaṭṭho abhiññeyyo. [15]
ps1.1:73.1	Ekatte āvajjanaṭṭho abhiññeyyo;
ps1.1:73.2	ekatte vijānanaṭṭho abhiññeyyo;
ps1.1:73.3	ekatte pajānanaṭṭho abhiññeyyo;
ps1.1:73.4	ekatte sañjānanaṭṭho abhiññeyyo;
ps1.1:73.5	ekatte ekodaṭṭho abhiññeyyo;
ps1.1:73.6	(…) ekatte pakkhandanaṭṭho abhiññeyyo;
ps1.1:73.7	ekatte pasīdanaṭṭho abhiññeyyo;
ps1.1:73.8	ekatte santiṭṭhanaṭṭho abhiññeyyo;
ps1.1:73.9	ekatte vimuccanaṭṭho abhiññeyyo;
ps1.1:73.10	ekatte “etaṁ santan”ti passanaṭṭho abhiññeyyo;
ps1.1:73.11	ekatte yānīkataṭṭho abhiññeyyo;
ps1.1:73.12	ekatte vatthukataṭṭho abhiññeyyo;
ps1.1:73.13	ekatte anuṭṭhitaṭṭho abhiññeyyo;
ps1.1:73.14	ekatte paricitaṭṭho abhiññeyyo;
ps1.1:73.15	ekatte susamāraddhaṭṭho abhiññeyyo;
ps1.1:73.16	ekatte pariggahaṭṭho abhiññeyyo;
ps1.1:73.17	ekatte parivāraṭṭho abhiññeyyo;
ps1.1:73.18	ekatte paripūraṭṭho abhiññeyyo;
ps1.1:73.19	ekatte samodhānaṭṭho abhiññeyyo;
ps1.1:73.20	ekatte adhiṭṭhānaṭṭho abhiññeyyo;
ps1.1:73.21	ekatte āsevanaṭṭho abhiññeyyo;
ps1.1:73.22	ekatte bhāvanaṭṭho abhiññeyyo;
ps1.1:73.23	ekatte bahulīkammaṭṭho abhiññeyyo;
ps1.1:73.24	ekatte susamuggataṭṭho abhiññeyyo;
ps1.1:73.25	ekatte suvimuttaṭṭho abhiññeyyo;
ps1.1:73.26	ekatte bujjhanaṭṭho abhiññeyyo;
ps1.1:73.27	ekatte anubujjhanaṭṭho abhiññeyyo;
ps1.1:73.28	ekatte paṭibujjhanaṭṭho abhiññeyyo;
ps1.1:73.29	ekatte sambujjhanaṭṭho abhiññeyyo;
ps1.1:73.30	ekatte bodhanaṭṭho abhiññeyyo;
ps1.1:73.31	ekatte anubodhanaṭṭho abhiññeyyo;
ps1.1:73.32	ekatte paṭibodhanaṭṭho abhiññeyyo;
ps1.1:73.33	ekatte sambodhanaṭṭho abhiññeyyo;
ps1.1:73.34	ekatte bodhipakkhiyaṭṭho abhiññeyyo;
ps1.1:73.35	ekatte anubodhipakkhiyaṭṭho abhiññeyyo;
ps1.1:73.36	ekatte paṭibodhipakkhiyaṭṭho abhiññeyyo;
ps1.1:73.37	ekatte sambodhipakkhiyaṭṭho abhiññeyyo;
ps1.1:73.38	ekatte jotanaṭṭho abhiññeyyo;
ps1.1:73.39	ekatte ujjotanaṭṭho abhiññeyyo;
ps1.1:73.40	ekatte anujotanaṭṭho abhiññeyyo;
ps1.1:73.41	ekatte paṭijotanaṭṭho abhiññeyyo;
ps1.1:73.42	ekatte sañjotanaṭṭho abhiññeyyo. [42]
ps1.1:74.1	Patāpanaṭṭho abhiññeyyo;
ps1.1:74.2	virocanaṭṭho abhiññeyyo;
ps1.1:74.3	kilesānaṁ santāpanaṭṭho abhiññeyyo;
ps1.1:74.4	amalaṭṭho abhiññeyyo;
ps1.1:74.5	vimalaṭṭho abhiññeyyo;
ps1.1:74.6	nimmalaṭṭho abhiññeyyo;
ps1.1:74.7	samaṭṭho abhiññeyyo;
ps1.1:74.8	samayaṭṭho abhiññeyyo;
ps1.1:74.9	vivekaṭṭho abhiññeyyo;
ps1.1:74.10	vivekacariyaṭṭho abhiññeyyo;
ps1.1:74.11	virāgaṭṭho abhiññeyyo;
ps1.1:74.12	virāgacariyaṭṭho abhiññeyyo;
ps1.1:74.13	nirodhaṭṭho abhiññeyyo;
ps1.1:74.14	nirodhacariyaṭṭho abhiññeyyo;
ps1.1:74.15	vosaggaṭṭho abhiññeyyo;
ps1.1:74.16	vosaggacariyaṭṭho abhiññeyyo;
ps1.1:74.17	vimuttaṭṭho abhiññeyyo;
ps1.1:74.18	vimutticariyaṭṭho abhiññeyyo. [18]
ps1.1:75.1	Chandaṭṭho abhiññeyyo;
ps1.1:75.2	chandassa mūlaṭṭho abhiññeyyo;
ps1.1:75.3	chandassa pādaṭṭho abhiññeyyo;
ps1.1:75.4	chandassa padhānaṭṭho abhiññeyyo;
ps1.1:75.5	chandassa ijjhanaṭṭho abhiññeyyo;
ps1.1:75.6	chandassa adhimokkhaṭṭho abhiññeyyo;
ps1.1:75.7	chandassa paggahaṭṭho abhiññeyyo;
ps1.1:75.8	chandassa upaṭṭhānaṭṭho abhiññeyyo;
ps1.1:75.9	chandassa avikkhepaṭṭho abhiññeyyo;
ps1.1:75.10	chandassa dassanaṭṭho abhiññeyyo. [10]
ps1.1:76.1	Vīriyaṭṭho abhiññeyyo;
ps1.1:76.2	vīriyassa mūlaṭṭho abhiññeyyo;
ps1.1:76.3	vīriyassa pādaṭṭho abhiññeyyo;
ps1.1:76.4	vīriyassa padhānaṭṭho abhiññeyyo;
ps1.1:76.5	vīriyassa ijjhanaṭṭho abhiññeyyo;
ps1.1:76.6	vīriyassa adhimokkhaṭṭho abhiññeyyo;
ps1.1:76.7	vīriyassa paggahaṭṭho abhiññeyyo;
ps1.1:76.8	vīriyassa upaṭṭhānaṭṭho abhiññeyyo;
ps1.1:76.9	vīriyassa avikkhepaṭṭho abhiññeyyo;
ps1.1:76.10	vīriyassa dassanaṭṭho abhiññeyyo. [10]
ps1.1:77.1	Cittaṭṭho abhiññeyyo;
ps1.1:77.2	cittassa mūlaṭṭho abhiññeyyo;
ps1.1:77.3	cittassa pādaṭṭho abhiññeyyo;
ps1.1:77.4	cittassa padhānaṭṭho abhiññeyyo;
ps1.1:77.5	cittassa ijjhanaṭṭho abhiññeyyo;
ps1.1:77.6	cittassa adhimokkhaṭṭho abhiññeyyo;
ps1.1:77.7	cittassa paggahaṭṭho abhiññeyyo;
ps1.1:77.8	cittassa upaṭṭhānaṭṭho abhiññeyyo;
ps1.1:77.9	cittassa avikkhepaṭṭho abhiññeyyo;
ps1.1:77.10	cittassa dassanaṭṭho abhiññeyyo. [10]
ps1.1:78.1	Vīmaṁsaṭṭho abhiññeyyo;
ps1.1:78.2	vīmaṁsāya mūlaṭṭho abhiññeyyo;
ps1.1:78.3	vīmaṁsāya pādaṭṭho abhiññeyyo;
ps1.1:78.4	vīmaṁsāya padhānaṭṭho abhiññeyyo;
ps1.1:78.5	vīmaṁsāya ijjhanaṭṭho abhiññeyyo;
ps1.1:78.6	vīmaṁsāya adhimokkhaṭṭho abhiññeyyo;
ps1.1:78.7	vīmaṁsāya paggahaṭṭho abhiññeyyo;
ps1.1:78.8	vīmaṁsāya upaṭṭhānaṭṭho abhiññeyyo;
ps1.1:78.9	vīmaṁsāya avikkhepaṭṭho abhiññeyyo;
ps1.1:78.10	vīmaṁsāya dassanaṭṭho abhiññeyyo. [10]
ps1.1:79.1	Dukkhaṭṭho abhiññeyyo;
ps1.1:79.2	dukkhassa pīḷanaṭṭho abhiññeyyo;
ps1.1:79.3	dukkhassa saṅkhataṭṭho abhiññeyyo;
ps1.1:79.4	dukkhassa santāpaṭṭho abhiññeyyo;
ps1.1:79.5	dukkhassa vipariṇāmaṭṭho abhiññeyyo.
ps1.1:79.6	Samudayaṭṭho abhiññeyyo;
ps1.1:79.7	samudayassa āyūhanaṭṭho abhiññeyyo;
ps1.1:79.8	samudayassa nidānaṭṭho abhiññeyyo;
ps1.1:79.9	samudayassa saññogaṭṭho abhiññeyyo;
ps1.1:79.10	samudayassa palibodhaṭṭho abhiññeyyo;
ps1.1:79.11	nirodhaṭṭho abhiññeyyo;
ps1.1:79.12	nirodhassa nissaraṇaṭṭho abhiññeyyo;
ps1.1:79.13	nirodhassa vivekaṭṭho abhiññeyyo;
ps1.1:79.14	nirodhassa asaṅkhataṭṭho abhiññeyyo;
ps1.1:79.15	nirodhassa amataṭṭho abhiññeyyo.
ps1.1:79.16	Maggaṭṭho abhiññeyyo;
ps1.1:79.17	maggassa niyyānaṭṭho abhiññeyyo;
ps1.1:79.18	maggassa hetuṭṭho abhiññeyyo;
ps1.1:79.19	maggassa dassanaṭṭho abhiññeyyo;
ps1.1:79.20	maggassa ādhipateyyaṭṭho abhiññeyyo. [16]
ps1.1:80.1	Tathaṭṭho abhiññeyyo;
ps1.1:80.2	anattaṭṭho abhiññeyyo;
ps1.1:80.3	saccaṭṭho abhiññeyyo;
ps1.1:80.4	paṭivedhaṭṭho abhiññeyyo;
ps1.1:80.5	abhijānanaṭṭho abhiññeyyo;
ps1.1:80.6	parijānanaṭṭho abhiññeyyo;
ps1.1:80.7	dhammaṭṭho abhiññeyyo;
ps1.1:80.8	dhātuṭṭho abhiññeyyo;
ps1.1:80.9	ñātaṭṭho abhiññeyyo;
ps1.1:80.10	sacchikiriyaṭṭho abhiññeyyo;
ps1.1:80.11	phassanaṭṭho abhiññeyyo;
ps1.1:80.12	abhisamayaṭṭho abhiññeyyo. [12]
ps1.1:81.1	Nekkhammaṁ abhiññeyyaṁ;
ps1.1:81.2	abyāpādo abhiññeyyo;
ps1.1:81.3	ālokasaññā abhiññeyyā;
ps1.1:81.4	avikkhepo abhiññeyyo;
ps1.1:81.5	dhammavavatthānaṁ abhiññeyyaṁ;
ps1.1:81.6	ñāṇaṁ abhiññeyyaṁ;
ps1.1:81.7	pāmojjaṁ abhiññeyyaṁ.
ps1.1:82.1	Paṭhamaṁ jhānaṁ abhiññeyyaṁ;
ps1.1:82.2	dutiyaṁ jhānaṁ abhiññeyyaṁ;
ps1.1:82.3	tatiyaṁ jhānaṁ abhiññeyyaṁ;
ps1.1:82.4	catutthaṁ jhānaṁ abhiññeyyaṁ.
ps1.1:82.5	Ākāsānañcāyatanasamāpatti abhiññeyyā;
ps1.1:82.6	viññāṇañcāyatanasamāpatti abhiññeyyā;
ps1.1:82.7	ākiñcaññāyatanasamāpatti abhiññeyyā;
ps1.1:82.8	nevasaññānāsaññāyatanasamāpatti abhiññeyyā. [8]
ps1.1:83.1	Aniccānupassanā abhiññeyyā;
ps1.1:83.2	dukkhānupassanā abhiññeyyā;
ps1.1:83.3	anattānupassanā abhiññeyyā;
ps1.1:83.4	nibbidānupassanā abhiññeyyā;
ps1.1:83.5	virāgānupassanā abhiññeyyā;
ps1.1:83.6	nirodhānupassanā abhiññeyyā;
ps1.1:83.7	paṭinissaggānupassanā abhiññeyyā;
ps1.1:83.8	khayānupassanā abhiññeyyā;
ps1.1:83.9	vayānupassanā abhiññeyyā;
ps1.1:83.10	vipariṇāmānupassanā abhiññeyyā;
ps1.1:83.11	animittānupassanā abhiññeyyā;
ps1.1:83.12	appaṇihitānupassanā abhiññeyyā;
ps1.1:83.13	suññatānupassanā abhiññeyyā;
ps1.1:83.14	adhipaññādhammavipassanā abhiññeyyā;
ps1.1:83.15	yathābhūtañāṇadassanaṁ abhiññeyyaṁ;
ps1.1:83.16	ādīnavānupassanā abhiññeyyā;
ps1.1:83.17	paṭisaṅkhānupassanā abhiññeyyā;
ps1.1:83.18	vivaṭṭanānupassanā abhiññeyyā. [18]
ps1.1:84.1	Sotāpattimaggo abhiññeyyo;
ps1.1:84.2	sotāpattiphalasamāpatti abhiññeyyā;
ps1.1:84.3	sakadāgāmimaggo abhiññeyyo;
ps1.1:84.4	sakadāgāmiphalasamāpatti abhiññeyyā;
ps1.1:84.5	anāgāmimaggo abhiññeyyo;
ps1.1:84.6	anāgāmiphalasamāpatti abhiññeyyā;
ps1.1:84.7	arahattamaggo abhiññeyyo;
ps1.1:84.8	arahattaphalasamāpatti abhiññeyyā. [8]
ps1.1:85.1	Adhimokkhaṭṭhena saddhindriyaṁ abhiññeyyaṁ;
ps1.1:85.2	paggahaṭṭhena vīriyindriyaṁ abhiññeyyaṁ;
ps1.1:85.3	upaṭṭhānaṭṭhena satindriyaṁ abhiññeyyaṁ;
ps1.1:85.4	avikkhepaṭṭhena samādhindriyaṁ abhiññeyyaṁ;
ps1.1:85.5	dassanaṭṭhena paññindriyaṁ abhiññeyyaṁ.
ps1.1:86.1	Assaddhiye akampiyaṭṭhena saddhābalaṁ abhiññeyyaṁ;
ps1.1:86.2	kosajje akampiyaṭṭhena vīriyabalaṁ abhiññeyyaṁ;
ps1.1:86.3	pamāde akampiyaṭṭhena satibalaṁ abhiññeyyaṁ;
ps1.1:86.4	uddhacce akampiyaṭṭhena samādhibalaṁ abhiññeyyaṁ;
ps1.1:86.5	avijjāya akampiyaṭṭhena paññābalaṁ abhiññeyyaṁ;
ps1.1:86.6	upaṭṭhānaṭṭhena satisambojjhaṅgo abhiññeyyo;
ps1.1:86.7	pavicayaṭṭhena dhammavicayasambojjhaṅgo abhiññeyyo;
ps1.1:86.8	paggahaṭṭhena vīriyasambojjhaṅgo abhiññeyyo;
ps1.1:86.9	pharaṇaṭṭhena pītisambojjhaṅgo abhiññeyyo;
ps1.1:86.10	upasamaṭṭhena passaddhisambojjhaṅgo abhiññeyyo;
ps1.1:86.11	avikkhepaṭṭhena samādhisambojjhaṅgo abhiññeyyo;
ps1.1:86.12	paṭisaṅkhānaṭṭhena upekkhāsambojjhaṅgo abhiññeyyo.
ps1.1:87.1	Dassanaṭṭhena sammādiṭṭhi abhiññeyyā;
ps1.1:87.2	abhiniropanaṭṭhena sammāsaṅkappo abhiññeyyo;
ps1.1:87.3	pariggahaṭṭhena sammāvācā abhiññeyyā;
ps1.1:87.4	samuṭṭhānaṭṭhena sammākammanto abhiññeyyo;
ps1.1:87.5	vodānaṭṭhena sammāājīvo abhiññeyyo;
ps1.1:87.6	paggahaṭṭhena sammāvāyāmo abhiññeyyo;
ps1.1:87.7	upaṭṭhānaṭṭhena sammāsati abhiññeyyā;
ps1.1:87.8	avikkhepaṭṭhena sammāsamādhi abhiññeyyo.
ps1.1:88.1	Ādhipateyyaṭṭhena indriyā abhiññeyyā;
ps1.1:88.2	akampiyaṭṭhena balā abhiññeyyā;
ps1.1:88.3	niyyānaṭṭhena bojjhaṅgā abhiññeyyā;
ps1.1:88.4	hetuṭṭhena maggo abhiññeyyo;
ps1.1:88.5	upaṭṭhānaṭṭhena satipaṭṭhānā abhiññeyyā;
ps1.1:88.6	padahanaṭṭhena sammappadhānā abhiññeyyā;
ps1.1:88.7	ijjhanaṭṭhena iddhipādā abhiññeyyā;
ps1.1:88.8	tathaṭṭhena saccā abhiññeyyā. [33]
ps1.1:89.1	Avikkhepaṭṭhena samatho abhiññeyyo;
ps1.1:89.2	anupassanaṭṭhena vipassanā abhiññeyyā;
ps1.1:89.3	ekarasaṭṭhena samathavipassanā abhiññeyyā;
ps1.1:89.4	anativattanaṭṭhena yuganaddhaṁ abhiññeyyaṁ. [4]
ps1.1:90.1	Saṁvaraṭṭhena sīlavisuddhi abhiññeyyā;
ps1.1:90.2	avikkhepaṭṭhena cittavisuddhi abhiññeyyā;
ps1.1:90.3	dassanaṭṭhena diṭṭhivisuddhi abhiññeyyā;
ps1.1:90.4	muttaṭṭhena vimokkho abhiññeyyo;
ps1.1:90.5	paṭivedhaṭṭhena vijjā abhiññeyyā;
ps1.1:90.6	pariccāgaṭṭhena vimutti abhiññeyyā;
ps1.1:90.7	samucchedaṭṭhena khaye ñāṇaṁ abhiññeyyaṁ;
ps1.1:90.8	paṭippassaddhaṭṭhena anuppāde ñāṇaṁ abhiññeyyaṁ. [8]
ps1.1:91.1	Chando mūlaṭṭhena abhiññeyyo;
ps1.1:91.2	manasikāro samuṭṭhānaṭṭhena abhiññeyyo;
ps1.1:91.3	phasso samodhānaṭṭhena abhiññeyyo;
ps1.1:91.4	vedanā samosaraṇaṭṭhena abhiññeyyā;
ps1.1:91.5	samādhi pamukhaṭṭhena abhiññeyyo;
ps1.1:91.6	sati ādhipateyyaṭṭhena abhiññeyyā;
ps1.1:91.7	paññā taduttaraṭṭhena abhiññeyyā;
ps1.1:91.8	vimutti sāraṭṭhena abhiññeyyā;
ps1.1:91.9	amatogadhaṁ nibbānaṁ pariyosānaṭṭhena abhiññeyyaṁ. [9]
ps1.1:92.1	Ye ye dhammā abhiññātā honti te te dhammā ñātā honti.
ps1.1:92.2	Taṁñātaṭṭhena ñāṇaṁ, pajānanaṭṭhena paññā.
ps1.1:92.3	Tena vuccati—
ps1.1:92.4	“ime dhammā abhiññeyyāti sotāvadhānaṁ, taṁpajānanā paññā sutamaye ñāṇan”ti. [1]
ps1.1:92.5	Abhiññeyyaniddeso.
ps1.1:92.6	Dutiyabhāṇavāro.
ps1.1:93.1	Kathaṁ “ime dhammā pariññeyyā”ti sotāvadhānaṁ, taṁpajānanā paññā sutamaye ñāṇaṁ?
ps1.1:94.1	Eko dhammo pariññeyyo—
ps1.1:94.2	phasso sāsavo upādāniyo.
ps1.1:95.1	Dve dhammā pariññeyyā—
ps1.1:95.2	nāmañca rūpañca.
ps1.1:96.1	Tayo dhammā pariññeyyā—
ps1.1:96.2	tisso vedanā.
ps1.1:97.1	Cattāro dhammā pariññeyyā—
ps1.1:97.2	cattāro āhārā.
ps1.1:98.1	Pañca dhammā pariññeyyā—
ps1.1:98.2	pañcupādānakkhandhā.
ps1.1:99.1	Cha dhammā pariññeyyā—
ps1.1:99.2	cha ajjhattikāni āyatanāni.
ps1.1:100.1	Satta dhammā pariññeyyā—
ps1.1:100.2	satta viññāṇaṭṭhitiyo.
ps1.1:101.1	Aṭṭha dhammā pariññeyyā—
ps1.1:101.2	aṭṭha lokadhammā.
ps1.1:102.1	Nava dhammā pariññeyyā—
ps1.1:102.2	nava sattāvāsā.
ps1.1:103.1	Dasa dhammā pariññeyyā—
ps1.1:103.2	dasāyatanāni. [10]
ps1.1:104.1	“Sabbaṁ, bhikkhave, pariññeyyaṁ.
ps1.1:104.2	Kiñca, bhikkhave, sabbaṁ pariññeyyaṁ?
ps1.1:104.3	Cakkhu, bhikkhave, pariññeyyaṁ;
ps1.1:104.4	rūpā pariññeyyā;
ps1.1:104.5	cakkhuviññāṇaṁ pariññeyyaṁ;
ps1.1:104.6	cakkhusamphasso pariññeyyo;
ps1.1:104.7	yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi pariññeyyaṁ.
ps1.1:104.8	Sotaṁ pariññeyyaṁ;
ps1.1:104.9	saddā pariññeyyā …pe…
ps1.1:104.10	ghānaṁ pariññeyyaṁ, gandhā pariññeyyā …
ps1.1:104.11	jivhā pariññeyyā;
ps1.1:104.12	rasā pariññeyyā …
ps1.1:104.13	kāyo pariññeyyo;
ps1.1:104.14	phoṭṭhabbā pariññeyyā …pe…
ps1.1:104.15	mano pariññeyyo;
ps1.1:104.16	dhammā pariññeyyā …
ps1.1:104.17	manoviññāṇaṁ pariññeyyaṁ;
ps1.1:104.18	manosamphasso pariññeyyo;
ps1.1:104.19	yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi pariññeyyaṁ”.
ps1.1:104.20	Rūpaṁ pariññeyyaṁ …
ps1.1:104.21	vedanā pariññeyyā …
ps1.1:104.22	saññā pariññeyyā …
ps1.1:104.23	saṅkhārā pariññeyyā …
ps1.1:104.24	viññāṇaṁ pariññeyyaṁ …
ps1.1:104.25	cakkhu pariññeyyaṁ …pe…
ps1.1:104.26	jarāmaraṇaṁ pariññeyyaṁ …pe…
ps1.1:104.27	amatogadhaṁ nibbānaṁ pariyosānaṭṭhena pariññeyyaṁ.
ps1.1:104.28	Yesaṁ yesaṁ dhammānaṁ paṭilābhatthāya vāyamantassa te te dhammā paṭiladdhā honti, evaṁ te dhammā pariññātā ceva honti tīritā ca.
ps1.1:105.1	Nekkhammaṁ paṭilābhatthāya vāyamantassa nekkhammaṁ paṭiladdhaṁ hoti.
ps1.1:105.2	Evaṁ so dhammo pariññāto ceva hoti tīrito ca.
ps1.1:105.3	Abyāpādaṁ paṭilābhatthāya vāyamantassa abyāpādo paṭiladdho hoti.
ps1.1:105.4	Evaṁ so dhammo pariññāto ceva hoti tīrito ca.
ps1.1:105.5	Ālokasaññaṁ paṭilābhatthāya vāyamantassa ālokasaññā paṭiladdhā hoti.
ps1.1:105.6	Evaṁ so dhammo pariññāto ceva hoti tīrito ca.
ps1.1:105.7	Avikkhepaṁ paṭilābhatthāya vāyamantassa avikkhepo paṭiladdho hoti.
ps1.1:105.8	Evaṁ so dhammo pariññāto ceva hoti tīrito ca.
ps1.1:105.9	Dhammavavatthānaṁ paṭilābhatthāya vāyamantassa dhammavavatthānaṁ paṭiladdhaṁ hoti.
ps1.1:105.10	Evaṁ so dhammo pariññāto ceva hoti tīrito ca.
ps1.1:105.11	Ñāṇaṁ paṭilābhatthāya vāyamantassa ñāṇaṁ paṭiladdhaṁ hoti.
ps1.1:105.12	Evaṁ so dhammo pariññāto ceva hoti tīrito ca.
ps1.1:105.13	Pāmojjaṁ paṭilābhatthāya vāyamantassa pāmojjaṁ paṭiladdhaṁ hoti.
ps1.1:105.14	Evaṁ so dhammo pariññāto ceva hoti tīrito ca. [7]
ps1.1:106.1	Paṭhamaṁ jhānaṁ paṭilābhatthāya vāyamantassa paṭhamaṁ jhānaṁ paṭiladdhaṁ hoti.
ps1.1:106.2	Evaṁ so dhammo pariññāto ceva hoti tīrito ca.
ps1.1:106.3	Dutiyaṁ jhānaṁ …pe…
ps1.1:106.4	tatiyaṁ jhānaṁ …
ps1.1:106.5	catutthaṁ jhānaṁ paṭilābhatthāya vāyamantassa catutthaṁ jhānaṁ paṭiladdhaṁ hoti.
ps1.1:106.6	Evaṁ so dhammo pariññāto ceva hoti tīrito ca.
ps1.1:106.7	Ākāsānañcāyatanasamāpattiṁ paṭilābhatthāya vāyamantassa ākāsānañcāyatanasamāpatti paṭiladdhā hoti.
ps1.1:106.8	Evaṁ so dhammo pariññāto ceva hoti tīrito ca.
ps1.1:106.9	Viññāṇañcāyatanasamāpattiṁ paṭilābhatthāya vāyamantassa viññāṇañcāyatanasamāpatti paṭiladdhā hoti.
ps1.1:106.10	Evaṁ so dhammo pariññāto ceva hoti tīrito ca.
ps1.1:106.11	Ākiñcaññāyatanasamāpattiṁ paṭilābhatthāya vāyamantassa ākiñcaññāyatanasamāpatti paṭiladdhā hoti.
ps1.1:106.12	Evaṁ so dhammo pariññāto ceva hoti tīrito ca.
ps1.1:106.13	Nevasaññānāsaññāyatanasamāpattiṁ paṭilābhatthāya vāyamantassa nevasaññānāsaññāyatanasamāpatti paṭiladdhā hoti.
ps1.1:106.14	Evaṁ so dhammo pariññāto ceva hoti tīrito ca. [8]
ps1.1:107.1	Aniccānupassanaṁ paṭilābhatthāya vāyamantassa aniccānupassanā paṭiladdhā hoti.
ps1.1:107.2	Evaṁ so dhammo pariññāto ceva hoti tīrito ca.
ps1.1:107.3	Dukkhānupassanaṁ paṭilābhatthāya vāyamantassa dukkhānupassanā paṭiladdhā hoti.
ps1.1:107.4	Evaṁ so dhammo pariññāto ceva hoti tīrito ca.
ps1.1:107.5	Anattānupassanaṁ paṭilābhatthāya vāyamantassa anattānupassanā paṭiladdhā hoti.
ps1.1:107.6	Evaṁ so dhammo pariññāto ceva hoti tīrito ca.
ps1.1:107.7	Nibbidānupassanaṁ paṭilābhatthāya vāyamantassa nibbidānupassanā paṭiladdhā hoti.
ps1.1:107.8	Evaṁ so dhammo pariññāto ceva hoti tīrito ca.
ps1.1:107.9	Virāgānupassanaṁ paṭilābhatthāya vāyamantassa virāgānupassanā paṭiladdhā hoti.
ps1.1:107.10	Evaṁ so dhammo pariññāto ceva hoti tīrito ca.
ps1.1:107.11	Nirodhānupassanaṁ paṭilābhatthāya vāyamantassa nirodhānupassanā paṭiladdhā hoti.
ps1.1:107.12	Evaṁ so dhammo pariññāto ceva hoti tīrito ca.
ps1.1:107.13	Paṭinissaggānupassanaṁ paṭilābhatthāya vāyamantassa paṭinissaggānupassanā paṭiladdhā hoti.
ps1.1:107.14	Evaṁ so dhammo pariññāto ceva hoti tīrito ca.
ps1.1:107.15	Khayānupassanaṁ paṭilābhatthāya vāyamantassa khayānupassanā paṭiladdhā hoti.
ps1.1:107.16	Evaṁ so dhammo pariññāto ceva hoti tīrito ca.
ps1.1:107.17	Vayānupassanaṁ paṭilābhatthāya vāyamantassa vayānupassanā paṭiladdhā hoti.
ps1.1:107.18	Evaṁ so dhammo pariññāto ceva hoti tīrito ca.
ps1.1:107.19	Vipariṇāmānupassanaṁ paṭilābhatthāya vāyamantassa vipariṇāmānupassanā paṭiladdhā hoti.
ps1.1:107.20	Evaṁ so dhammo pariññāto ceva hoti tīrito ca.
ps1.1:107.21	Animittānupassanaṁ paṭilābhatthāya vāyamantassa animittānupassanā paṭiladdhā hoti.
ps1.1:107.22	Evaṁ so dhammo pariññāto ceva hoti tīrito ca.
ps1.1:107.23	Appaṇihitānupassanaṁ paṭilābhatthāya vāyamantassa appaṇihitānupassanā paṭiladdhā hoti.
ps1.1:107.24	Evaṁ so dhammo pariññāto ceva hoti tīrito ca.
ps1.1:107.25	Suññatānupassanaṁ paṭilābhatthāya vāyamantassa suññatānupassanā paṭiladdhā hoti.
ps1.1:107.26	Evaṁ so dhammo pariññāto ceva hoti tīrito ca.
ps1.1:108.1	Adhipaññādhammavipassanaṁ paṭilābhatthāya vāyamantassa adhipaññādhammavipassanā paṭiladdhā hoti.
ps1.1:108.2	Evaṁ so dhammo pariññāto ceva hoti tīrito ca.
ps1.1:108.3	Yathābhūtañāṇadassanaṁ paṭilābhatthāya vāyamantassa yathābhūtañāṇadassanaṁ paṭiladdhaṁ hoti.
ps1.1:108.4	Evaṁ so dhammo pariññāto ceva hoti tīrito ca.
ps1.1:108.5	Ādīnavānupassanaṁ paṭilābhatthāya vāyamantassa ādīnavānupassanā paṭiladdhā hoti.
ps1.1:108.6	Evaṁ so dhammo pariññāto ceva hoti tīrito ca.
ps1.1:108.7	Paṭisaṅkhānupassanaṁ paṭilābhatthāya vāyamantassa paṭisaṅkhānupassanā paṭiladdhā hoti.
ps1.1:108.8	Evaṁ so dhammo pariññāto ceva hoti tīrito ca.
ps1.1:108.9	Vivaṭṭanānupassanaṁ paṭilābhatthāya vāyamantassa vivaṭṭanānupassanā paṭiladdhā hoti.
ps1.1:108.10	Evaṁ so dhammo pariññāto ceva hoti tīrito ca. [18]
ps1.1:109.1	Sotāpattimaggaṁ paṭilābhatthāya vāyamantassa sotāpattimaggo paṭiladdho hoti.
ps1.1:109.2	Evaṁ so dhammo pariññāto ceva hoti tīrito ca.
ps1.1:109.3	Sakadāgāmimaggaṁ paṭilābhatthāya vāyamantassa sakadāgāmimaggo paṭiladdho hoti.
ps1.1:109.4	Evaṁ so dhammo pariññāto ceva hoti tīrito ca.
ps1.1:109.5	Anāgāmimaggaṁ paṭilābhatthāya vāyamantassa anāgāmimaggo paṭiladdho hoti.
ps1.1:109.6	Evaṁ so dhammo pariññāto ceva hoti tīrito ca.
ps1.1:109.7	Arahattamaggaṁ paṭilābhatthāya vāyamantassa arahattamaggo paṭiladdho hoti.
ps1.1:109.8	Evaṁ so dhammo pariññāto ceva hoti tīrito ca. [4]
ps1.1:110.1	Yesaṁ yesaṁ dhammānaṁ paṭilābhatthāya vāyamantassa te te dhammā paṭiladdhā honti.
ps1.1:110.2	Evaṁ te dhammā pariññātā ceva honti tīritā ca.
ps1.1:110.3	Taṁ ñātaṭṭhena ñāṇaṁ, pajānanaṭṭhena paññā.
ps1.1:110.4	Tena vuccati—
ps1.1:110.5	“ime dhammā pariññeyyāti sotāvadhānaṁ, taṁpajānanā paññā sutamaye ñāṇan”ti. [2]
ps1.1:110.6	Pariññeyyaniddeso.
ps1.1:111.1	Kathaṁ “ime dhammā pahātabbā”ti sotāvadhānaṁ, taṁpajānanā paññā sutamaye ñāṇaṁ?
ps1.1:112.1	Eko dhammo pahātabbo—
ps1.1:112.2	asmimāno.
ps1.1:113.1	Dve dhammā pahātabbā—
ps1.1:113.2	avijjā ca bhavataṇhā ca.
ps1.1:114.1	Tayo dhammā pahātabbā—
ps1.1:114.2	tisso taṇhā.
ps1.1:115.1	Cattāro dhammā pahātabbā—
ps1.1:115.2	cattāro oghā.
ps1.1:116.1	Pañca dhammā pahātabbā—
ps1.1:116.2	pañca nīvaraṇāni.
ps1.1:117.1	Cha dhammā pahātabbā—
ps1.1:117.2	cha taṇhākāyā.
ps1.1:118.1	Satta dhammā pahātabbā—
ps1.1:118.2	sattānusayā.
ps1.1:119.1	Aṭṭha dhammā pahātabbā—
ps1.1:119.2	aṭṭha micchattā.
ps1.1:120.1	Nava dhammā pahātabbā—
ps1.1:120.2	nava taṇhāmūlakā.
ps1.1:121.1	Dasa dhammā pahātabbā—
ps1.1:121.2	dasa micchattā.
ps1.1:122.1	Dve pahānāni—
ps1.1:122.2	samucchedappahānaṁ, paṭippassaddhippahānaṁ.
ps1.1:122.3	Samucchedappahānañca lokuttaraṁ khayagāmimaggaṁ bhāvayato;
ps1.1:122.4	paṭippassaddhippahānañca phalakkhaṇe.
ps1.1:123.1	Tīṇi pahānāni—
ps1.1:123.2	kāmānametaṁ nissaraṇaṁ yadidaṁ nekkhammaṁ;
ps1.1:123.3	rūpānametaṁ nissaraṇaṁ yadidaṁ āruppaṁ;
ps1.1:123.4	yaṁ kho pana kiñci bhūtaṁ saṅkhataṁ paṭiccasamuppannaṁ, nirodho tassa nissaraṇaṁ.
ps1.1:123.5	Nekkhammaṁ paṭiladdhassa kāmā pahīnā ceva honti pariccattā ca.
ps1.1:123.6	Āruppaṁ paṭiladdhassa rūpā pahīnā ceva honti pariccattā ca.
ps1.1:123.7	Nirodhaṁ paṭiladdhassa saṅkhārā pahīnā ceva honti pariccattā ca.
ps1.1:124.1	Cattāri pahānāni dukkhasaccaṁ pariññāpaṭivedhaṁ paṭivijjhanto pajahati;
ps1.1:124.2	samudayasaccaṁ pahānapaṭivedhaṁ paṭivijjhanto pajahati;
ps1.1:124.3	nirodhasaccaṁ sacchikiriyāpaṭivedhaṁ paṭivijjhanto pajahati;
ps1.1:124.4	maggasaccaṁ bhāvanāpaṭivedhaṁ paṭivijjhanto pajahati.
ps1.1:125.1	Pañca pahānāni—
ps1.1:125.2	vikkhambhanappahānaṁ, tadaṅgappahānaṁ, samucchedappahānaṁ, paṭippassaddhippahānaṁ, nissaraṇappahānaṁ.
ps1.1:125.3	Vikkhambhanappahānañca nīvaraṇānaṁ paṭhamaṁ jhānaṁ bhāvayato;
ps1.1:125.4	tadaṅgappahānañca diṭṭhigatānaṁ nibbedhabhāgiyaṁ samādhiṁ bhāvayato;
ps1.1:125.5	samucchedappahānañca lokuttaraṁ khayagāmimaggaṁ bhāvayato;
ps1.1:125.6	paṭippassaddhippahānañca phalakkhaṇe;
ps1.1:125.7	nissaraṇappahānañca nirodho nibbānaṁ.
ps1.1:126.1	“Sabbaṁ, bhikkhave, pahātabbaṁ.
ps1.1:126.2	Kiñca, bhikkhave, sabbaṁ pahātabbaṁ?
ps1.1:126.3	Cakkhu, bhikkhave, pahātabbaṁ;
ps1.1:126.4	rūpā pahātabbā;
ps1.1:126.5	cakkhuviññāṇaṁ pahātabbaṁ;
ps1.1:126.6	cakkhusamphasso pahātabbo;
ps1.1:126.7	yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi pahātabbaṁ.
ps1.1:126.8	Sotaṁ pahātabbaṁ;
ps1.1:126.9	saddā pahātabbā …pe…
ps1.1:126.10	ghānaṁ pahātabbaṁ;
ps1.1:126.11	gandhā pahātabbā …
ps1.1:126.12	jivhā pahātabbā;
ps1.1:126.13	rasā pahātabbā …
ps1.1:126.14	kāyo pahātabbo;
ps1.1:126.15	phoṭṭhabbā pahātabbā …
ps1.1:126.16	mano pahātabbo;
ps1.1:126.17	dhammā pahātabbā …
ps1.1:126.18	manoviññāṇaṁ pahātabbaṁ;
ps1.1:126.19	…
ps1.1:126.20	manosamphasso pahātabbo;
ps1.1:126.21	yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi pahātabbaṁ”.
ps1.1:126.22	Rūpaṁ passanto pajahati, vedanaṁ passanto pajahati, saññaṁ passanto pajahati, saṅkhāre passanto pajahati, viññāṇaṁ passanto pajahati.
ps1.1:126.23	Cakkhuṁ …pe…
ps1.1:126.24	jarāmaraṇaṁ …pe…
ps1.1:126.25	amatogadhaṁ nibbānaṁ pariyosānaṭṭhena passanto pajahati.
ps1.1:126.26	Ye ye dhammā pahīnā honti te te dhammā pariccattā honti.
ps1.1:126.27	Taṁ ñātaṭṭhena ñāṇaṁ, pajānanaṭṭhena paññā.
ps1.1:126.28	Tena vuccati—
ps1.1:126.29	“ime dhammā pahātabbāti sotāvadhānaṁ, taṁ pajānanā paññā sutamaye ñāṇan”ti. [3]
ps1.1:126.30	Tatiyabhāṇavāro.
ps1.1:127.1	Kathaṁ “ime dhammā bhāvetabbā”ti sotāvadhānaṁ, taṁpajānanā paññā sutamaye ñāṇaṁ?
ps1.1:128.1	Eko dhammo bhāvetabbo—
ps1.1:128.2	kāyagatāsati sātasahagatā.
ps1.1:129.1	Dve dhammā bhāvetabbā—
ps1.1:129.2	samatho ca vipassanā ca.
ps1.1:130.1	Tayo dhammā bhāvetabbā—
ps1.1:130.2	tayo samādhī.
ps1.1:131.1	Cattāro dhammā bhāvetabbā—
ps1.1:131.2	cattāro satipaṭṭhānā.
ps1.1:132.1	Pañca dhammā bhāvetabbā—
ps1.1:132.2	pañcaṅgiko samādhi.
ps1.1:133.1	Cha dhammā bhāvetabbā—
ps1.1:133.2	cha anussatiṭṭhānāni.
ps1.1:134.1	Satta dhammā bhāvetabbā—
ps1.1:134.2	satta bojjhaṅgā.
ps1.1:135.1	Aṭṭha dhammā bhāvetabbā—
ps1.1:135.2	ariyo aṭṭhaṅgiko maggo.
ps1.1:136.1	Nava dhammā bhāvetabbā—
ps1.1:136.2	nava pārisuddhipadhāniyaṅgāni.
ps1.1:137.1	Dasa dhammā bhāvetabbā—
ps1.1:137.2	dasa kasiṇāyatanāni.
ps1.1:138.1	Dve bhāvanā—
ps1.1:138.2	lokiyā ca bhāvanā, lokuttarā ca bhāvanā.
ps1.1:139.1	Tisso bhāvanā—
ps1.1:139.2	rūpāvacarakusalānaṁ dhammānaṁ bhāvanā, arūpāvacarakusalānaṁ dhammānaṁ bhāvanā, apariyāpannakusalānaṁ dhammānaṁ bhāvanā.
ps1.1:139.3	Rūpāvacarakusalānaṁ dhammānaṁ bhāvanā atthi hīnā, atthi majjhā, atthi paṇītā.
ps1.1:139.4	Arūpāvacarakusalānaṁ dhammānaṁ bhāvanā atthi hīnā, atthi majjhā, atthi paṇītā.
ps1.1:139.5	Apariyāpannakusalānaṁ dhammānaṁ bhāvanā paṇītā.
ps1.1:140.1	Catasso bhāvanā—
ps1.1:140.2	dukkhasaccaṁ pariññāpaṭivedhaṁ paṭivijjhanto bhāveti, samudayasaccaṁ pahānappaṭivedhaṁ paṭivijjhanto bhāveti, nirodhasaccaṁ sacchikiriyāpaṭivedhaṁ paṭivijjhanto bhāveti, maggasaccaṁ bhāvanāpaṭivedhaṁ paṭivijjhanto bhāveti.
ps1.1:140.3	Imā catasso bhāvanā. [4]
ps1.1:141.1	Aparāpi catasso bhāvanā—
ps1.1:141.2	esanābhāvanā, paṭilābhabhāvanā, ekarasabhāvanā, āsevanābhāvanā.
ps1.1:142.1	Katamā esanābhāvanā?
ps1.1:142.2	Sabbesaṁ samādhiṁ samāpajjantānaṁ tattha jātā dhammā ekarasā hontīti—
ps1.1:142.3	ayaṁ esanābhāvanā.
ps1.1:143.1	Katamā paṭilābhabhāvanā?
ps1.1:143.2	Sabbesaṁ samādhiṁ samāpannānaṁ tattha jātā dhammā aññamaññaṁ nātivattantīti—
ps1.1:143.3	ayaṁ paṭilābhabhāvanā.
ps1.1:144.1	Katamā ekarasabhāvanā?
ps1.1:144.2	Adhimokkhaṭṭhena saddhindriyaṁ bhāvayato saddhindriyassa vasena cattāri indriyāni ekarasā hontīti—
ps1.1:144.3	indriyānaṁ ekarasaṭṭhena bhāvanā.
ps1.1:144.4	Paggahaṭṭhena vīriyindriyaṁ bhāvayato vīriyindriyassa vasena cattāri indriyāni ekarasā hontīti—
ps1.1:144.5	indriyānaṁ ekarasaṭṭhena bhāvanā.
ps1.1:144.6	Upaṭṭhānaṭṭhena satindriyaṁ bhāvayato satindriyassa vasena cattāri indriyāni ekarasā hontīti—
ps1.1:144.7	indriyānaṁ ekarasaṭṭhena bhāvanā.
ps1.1:144.8	Avikkhepaṭṭhena samādhindriyaṁ bhāvayato samādhindriyassa vasena cattāri indriyāni ekarasā hontīti—
ps1.1:144.9	indriyānaṁ ekarasaṭṭhena bhāvanā.
ps1.1:144.10	Dassanaṭṭhena paññindriyaṁ bhāvayato paññindriyassa vasena cattāri indriyāni ekarasā hontīti—
ps1.1:144.11	indriyānaṁ ekarasaṭṭhena bhāvanā.
ps1.1:145.1	Assaddhiye akampiyaṭṭhena saddhābalaṁ bhāvayato saddhābalassa vasena cattāri balāni ekarasā hontīti—
ps1.1:145.2	balānaṁ ekarasaṭṭhena bhāvanā.
ps1.1:145.3	Kosajje akampiyaṭṭhena vīriyabalaṁ bhāvayato vīriyabalassa vasena cattāri balāni ekarasā hontīti—
ps1.1:145.4	balānaṁ ekarasaṭṭhena bhāvanā.
ps1.1:145.5	Pamāde akampiyaṭṭhena satibalaṁ bhāvayato satibalassa vasena cattāri balāni ekarasā hontīti—
ps1.1:145.6	balānaṁ ekarasaṭṭhena bhāvanā.
ps1.1:145.7	Uddhacce akampiyaṭṭhena samādhibalaṁ bhāvayato samādhibalassa vasena cattāri balāni ekarasā hontīti—
ps1.1:145.8	balānaṁ ekarasaṭṭhena bhāvanā.
ps1.1:145.9	Avijjāya akampiyaṭṭhena paññābalaṁ bhāvayato paññābalassa vasena cattāri balāni ekarasā hontīti—
ps1.1:145.10	balānaṁ ekarasaṭṭhena bhāvanā.
ps1.1:146.1	Upaṭṭhānaṭṭhena satisambojjhaṅgaṁ bhāvayato satisambojjhaṅgassa vasena cha bojjhaṅgā ekarasā hontīti—
ps1.1:146.2	bojjhaṅgānaṁ ekarasaṭṭhena bhāvanā.
ps1.1:146.3	Pavicayaṭṭhena dhammavicayasambojjhaṅgaṁ bhāvayato dhammavicayasambojjhaṅgassa vasena cha bojjhaṅgā ekarasā hontīti—
ps1.1:146.4	bojjhaṅgānaṁ ekarasaṭṭhena bhāvanā.
ps1.1:146.5	Paggahaṭṭhena vīriyasambojjhaṅgaṁ bhāvayato vīriyasambojjhaṅgassa vasena cha bojjhaṅgā ekarasā hontīti—
ps1.1:146.6	bojjhaṅgānaṁ ekarasaṭṭhena bhāvanā.
ps1.1:146.7	Pharaṇaṭṭhena pītisambojjhaṅgaṁ bhāvayato pītisambojjhaṅgassa vasena cha bojjhaṅgā ekarasā hontīti—
ps1.1:146.8	bojjhaṅgānaṁ ekarasaṭṭhena bhāvanā.
ps1.1:146.9	Upasamaṭṭhena passaddhisambojjhaṅgaṁ bhāvayato passaddhisambojjhaṅgassa vasena cha bojjhaṅgā ekarasā hontīti—
ps1.1:146.10	bojjhaṅgānaṁ ekarasaṭṭhena bhāvanā.
ps1.1:146.11	Avikkhepaṭṭhena samādhisambojjhaṅgaṁ bhāvayato samādhisambojjhaṅgassa vasena cha bojjhaṅgā ekarasā hontīti—
ps1.1:146.12	bojjhaṅgānaṁ ekarasaṭṭhena bhāvanā.
ps1.1:146.13	Paṭisaṅkhānaṭṭhena upekkhāsambojjhaṅgaṁ bhāvayato upekkhāsambojjhaṅgassa vasena cha bojjhaṅgā ekarasā hontīti—
ps1.1:146.14	bojjhaṅgānaṁ ekarasaṭṭhena bhāvanā.
ps1.1:147.1	Dassanaṭṭhena sammādiṭṭhiṁ bhāvayato sammādiṭṭhiyā vasena satta maggaṅgā ekarasā hontīti—
ps1.1:147.2	maggaṅgānaṁ ekarasaṭṭhena bhāvanā.
ps1.1:147.3	Abhiniropanaṭṭhena sammāsaṅkappaṁ bhāvayato sammāsaṅkappassa vasena satta maggaṅgā ekarasā hontīti—
ps1.1:147.4	maggaṅgānaṁ ekarasaṭṭhena bhāvanā.
ps1.1:147.5	Pariggahaṭṭhena sammāvācaṁ bhāvayato sammāvācāya vasena satta maggaṅgā ekarasā hontīti—
ps1.1:147.6	maggaṅgānaṁ ekarasaṭṭhena bhāvanā.
ps1.1:147.7	Samuṭṭhānaṭṭhena sammākammantaṁ bhāvayato sammākammantassa vasena satta maggaṅgā ekarasā hontīti—
ps1.1:147.8	maggaṅgānaṁ ekarasaṭṭhena bhāvanā.
ps1.1:147.9	Vodānaṭṭhena sammāājīvaṁ bhāvayato sammāājīvassa vasena satta maggaṅgā ekarasā hontīti—
ps1.1:147.10	maggaṅgānaṁ ekarasaṭṭhena bhāvanā.
ps1.1:147.11	Paggahaṭṭhena sammāvāyāmaṁ bhāvayato sammāvāyāmassa vasena satta maggaṅgā ekarasā hontīti—
ps1.1:147.12	maggaṅgānaṁ ekarasaṭṭhena bhāvanā.
ps1.1:147.13	Upaṭṭhānaṭṭhena sammāsatiṁ bhāvayato sammāsatiyā vasena satta maggaṅgā ekarasā hontīti—
ps1.1:147.14	maggaṅgānaṁ ekarasaṭṭhena bhāvanā.
ps1.1:147.15	Avikkhepaṭṭhena sammāsamādhiṁ bhāvayato sammāsamādhissa vasena satta maggaṅgā ekarasā hontīti—
ps1.1:147.16	maggaṅgānaṁ ekarasaṭṭhena bhāvanā.
ps1.1:147.17	Ayaṁ ekarasabhāvanā.
ps1.1:148.1	Katamā āsevanābhāvanā?
ps1.1:148.2	Idha bhikkhu pubbaṇhasamayaṁ āsevati, majjhanhikasamayampi āsevati, sāyanhasamayampi āsevati, purebhattampi āsevati, pacchābhattampi āsevati, purimepi yāme āsevati, majjhimepi yāme āsevati, pacchimepi yāme āsevati, rattimpi āsevati, divāpi āsevati, rattindivāpi āsevati, kāḷepi āsevati, juṇhepi āsevati, vassepi āsevati, hemantepi āsevati, gimhepi āsevati, purimepi vayokhandhe āsevati, majjhimepi vayokhandhe āsevati, pacchimepi vayokhandhe āsevati—
ps1.1:148.3	ayaṁ āsevanābhāvanā.
ps1.1:148.4	Imā catasso bhāvanā.
ps1.1:149.1	Aparāpi catasso bhāvanā—
ps1.1:149.2	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps1.1:150.1	Kathaṁ tattha jātānaṁ dhammānaṁ anativattanaṭṭhena bhāvanā?
ps1.1:150.2	Kāmacchandaṁ pajahato nekkhammavasena jātā dhammā aññamaññaṁ nātivattantīti—
ps1.1:150.3	tattha jātānaṁ dhammānaṁ anativattanaṭṭhena bhāvanā.
ps1.1:150.4	Byāpādaṁ pajahato abyāpādavasena jātā dhammā aññamaññaṁ nātivattantīti—
ps1.1:150.5	tattha jātānaṁ dhammānaṁ anativattanaṭṭhena bhāvanā.
ps1.1:150.6	Thinamiddhaṁ pajahato ālokasaññāvasena jātā dhammā aññamaññaṁ nātivattantīti—
ps1.1:150.7	tattha jātānaṁ dhammānaṁ anativattanaṭṭhena bhāvanā.
ps1.1:150.8	Uddhaccaṁ pajahato avikkhepavasena jātā dhammā aññamaññaṁ nātivattantīti—
ps1.1:150.9	tattha jātānaṁ dhammānaṁ anativattanaṭṭhena bhāvanā.
ps1.1:150.10	Vicikicchaṁ pajahato dhammavavatthānavasena jātā dhammā aññamaññaṁ nātivattantīti—
ps1.1:150.11	tattha jātānaṁ dhammānaṁ anativattanaṭṭhena bhāvanā.
ps1.1:150.12	Avijjaṁ pajahato ñāṇavasena jātā dhammā aññamaññaṁ nātivattantīti—
ps1.1:150.13	tattha jātānaṁ dhammānaṁ anativattanaṭṭhena bhāvanā.
ps1.1:150.14	Aratiṁ pajahato pāmojjavasena jātā dhammā aññamaññaṁ nātivattantīti—
ps1.1:150.15	tattha jātānaṁ dhammānaṁ anativattanaṭṭhena bhāvanā.
ps1.1:150.16	Nīvaraṇe pajahato paṭhamajjhānavasena jātā dhammā aññamaññaṁ nātivattantīti—
ps1.1:150.17	tattha jātānaṁ dhammānaṁ anativattanaṭṭhena bhāvanā.
ps1.1:150.18	Vitakkavicāre pajahato dutiyajjhānavasena jātā dhammā aññamaññaṁ nātivattantīti—
ps1.1:150.19	tattha jātānaṁ dhammānaṁ anativattanaṭṭhena bhāvanā.
ps1.1:150.20	Pītiṁ pajahato tatiyajjhānavasena jātā dhammā aññamaññaṁ nātivattantīti—
ps1.1:150.21	tattha jātānaṁ dhammānaṁ anativattanaṭṭhena bhāvanā.
ps1.1:150.22	Sukhadukkhe pajahato catutthajjhānavasena jātā dhammā aññamaññaṁ nātivattantīti—
ps1.1:150.23	tattha jātānaṁ dhammānaṁ anativattanaṭṭhena bhāvanā.
ps1.1:151.1	Rūpasaññaṁ paṭighasaññaṁ nānattasaññaṁ pajahato ākāsānañcāyatanasamāpattivasena jātā dhammā aññamaññaṁ nātivattantīti—
ps1.1:151.2	tattha jātānaṁ dhammānaṁ anativattanaṭṭhena bhāvanā.
ps1.1:151.3	Ākāsānañcāyatanasaññaṁ pajahato viññāṇañcāyatanasamāpattivasena jātā dhammā aññamaññaṁ nātivattantīti—
ps1.1:151.4	tattha jātānaṁ dhammānaṁ anativattanaṭṭhena bhāvanā.
ps1.1:151.5	Viññāṇañcāyatanasaññaṁ pajahato ākiñcaññāyatanasamāpattivasena jātā dhammā aññamaññaṁ nātivattantīti—
ps1.1:151.6	tattha jātānaṁ dhammānaṁ anativattanaṭṭhena bhāvanā.
ps1.1:151.7	Ākiñcaññāyatanasaññaṁ pajahato nevasaññānāsaññāyatanasamāpattivasena jātā dhammā aññamaññaṁ nātivattantīti—
ps1.1:151.8	tattha jātānaṁ dhammānaṁ anativattanaṭṭhena bhāvanā.
ps1.1:152.1	Niccasaññaṁ pajahato aniccānupassanāvasena jātā dhammā aññamaññaṁ nātivattantīti—
ps1.1:152.2	tattha jātānaṁ dhammānaṁ anativattanaṭṭhena bhāvanā.
ps1.1:152.3	Sukhasaññaṁ pajahato dukkhānupassanāvasena jātā dhammā aññamaññaṁ nātivattantīti—
ps1.1:152.4	tattha jātānaṁ dhammānaṁ anativattanaṭṭhena bhāvanā.
ps1.1:152.5	Attasaññaṁ pajahato anattānupassanāvasena jātā dhammā aññamaññaṁ nātivattantīti—
ps1.1:152.6	tattha jātānaṁ dhammānaṁ anativattanaṭṭhena bhāvanā.
ps1.1:152.7	Nandiṁ pajahato nibbidānupassanāvasena jātā dhammā aññamaññaṁ nātivattantīti—
ps1.1:152.8	tattha jātānaṁ dhammānaṁ anativattanaṭṭhena bhāvanā.
ps1.1:152.9	Rāgaṁ pajahato virāgānupassanāvasena jātā dhammā aññamaññaṁ nātivattantīti—
ps1.1:152.10	tattha jātānaṁ dhammānaṁ anativattanaṭṭhena bhāvanā.
ps1.1:152.11	Samudayaṁ pajahato nirodhānupassanāvasena jātā dhammā aññamaññaṁ nātivattantīti—
ps1.1:152.12	tattha jātānaṁ dhammānaṁ anativattanaṭṭhena bhāvanā.
ps1.1:152.13	Ādānaṁ pajahato paṭinissaggānupassanāvasena jātā dhammā aññamaññaṁ nātivattantīti—
ps1.1:152.14	tattha jātānaṁ dhammānaṁ anativattanaṭṭhena bhāvanā.
ps1.1:152.15	Ghanasaññaṁ pajahato khayānupassanāvasena jātā dhammā aññamaññaṁ nātivattantīti—
ps1.1:152.16	tattha jātānaṁ dhammānaṁ anativattanaṭṭhena bhāvanā.
ps1.1:152.17	Āyūhanaṁ pajahato vayānupassanāvasena jātā dhammā aññamaññaṁ nātivattantīti—
ps1.1:152.18	tattha jātānaṁ dhammānaṁ anativattanaṭṭhena bhāvanā.
ps1.1:152.19	Dhuvasaññaṁ pajahato vipariṇāmānupassanāvasena jātā dhammā aññamaññaṁ nātivattantīti—
ps1.1:152.20	tattha jātānaṁ dhammānaṁ anativattanaṭṭhena bhāvanā.
ps1.1:152.21	Nimittaṁ pajahato animittānupassanāvasena jātā dhammā aññamaññaṁ nātivattantīti—
ps1.1:152.22	tattha jātānaṁ dhammānaṁ anativattanaṭṭhena bhāvanā. paṇidhiṁ pajahato appaṇihitānupassanāvasena jātā dhammā aññamaññaṁ nātivattantīti—
ps1.1:152.23	tattha jātānaṁ dhammānaṁ anativattanaṭṭhena bhāvanā.
ps1.1:152.24	Abhinivesaṁ pajahato suññatānupassanāvasena jātā dhammā aññamaññaṁ nātivattantīti—
ps1.1:152.25	tattha jātānaṁ dhammānaṁ anativattanaṭṭhena bhāvanā.
ps1.1:152.26	Sārādānābhinivesaṁ pajahato adhipaññā dhammavipassanāvasena jātā dhammā aññamaññaṁ nātivattantīti—
ps1.1:152.27	tattha jātānaṁ dhammānaṁ anativattanaṭṭhena bhāvanā.
ps1.1:152.28	Sammohābhinivesaṁ pajahato yathābhūtañāṇadassanavasena jātā dhammā aññamaññaṁ nātivattantīti—
ps1.1:152.29	tattha jātānaṁ dhammānaṁ anativattanaṭṭhena bhāvanā.
ps1.1:152.30	Ālayābhinivesaṁ pajahato ādīnavānupassanāvasena jātā dhammā aññamaññaṁ nātivattantīti—
ps1.1:152.31	tattha jātānaṁ dhammānaṁ anativattanaṭṭhena bhāvanā.
ps1.1:152.32	Appaṭisaṅkhaṁ pajahato paṭisaṅkhānupassanāvasena jātā dhammā aññamaññaṁ nātivattantīti—
ps1.1:152.33	tattha jātānaṁ dhammānaṁ anativattanaṭṭhena bhāvanā.
ps1.1:152.34	Saññogābhinivesaṁ pajahato vivaṭṭanānupassanāvasena jātā dhammā aññamaññaṁ nātivattantīti—
ps1.1:152.35	tattha jātānaṁ dhammānaṁ anativattanaṭṭhena bhāvanā.
ps1.1:153.1	Diṭṭhekaṭṭhe kilese pajahato sotāpattimaggavasena jātā dhammā aññamaññaṁ nātivattantīti—
ps1.1:153.2	tattha jātānaṁ dhammānaṁ anativattanaṭṭhena bhāvanā.
ps1.1:153.3	Oḷārike kilese pajahato sakadāgāmimaggavasena jātā dhammā aññamaññaṁ nātivattantīti—
ps1.1:153.4	tattha jātānaṁ dhammānaṁ anativattanaṭṭhena bhāvanā.
ps1.1:153.5	Anusahagate kilese pajahato anāgāmimaggavasena jātā dhammā aññamaññaṁ nātivattantīti—
ps1.1:153.6	tattha jātānaṁ dhammānaṁ anativattanaṭṭhena bhāvanā.
ps1.1:153.7	Sabbakilese pajahato arahattamaggavasena jātā dhammā aññamaññaṁ nātivattantīti—
ps1.1:153.8	tattha jātānaṁ dhammānaṁ anativattanaṭṭhena bhāvanā.
ps1.1:153.9	Evaṁ tattha jātānaṁ dhammānaṁ anativattanaṭṭhena bhāvanā.
ps1.1:154.1	Kathaṁ indriyānaṁ ekarasaṭṭhena bhāvanā?
ps1.1:154.2	Kāmacchandaṁ pajahato nekkhammavasena pañcindriyāni ekarasā hontīti—
ps1.1:154.3	indriyānaṁ ekarasaṭṭhena bhāvanā.
ps1.1:154.4	Byāpādaṁ pajahato abyāpādavasena pañcindriyāni ekarasā hontīti—
ps1.1:154.5	indriyānaṁ ekarasaṭṭhena bhāvanā …pe…
ps1.1:154.6	sabbakilese pajahato arahattamaggavasena pañcindriyāni ekarasā hontīti—
ps1.1:154.7	indriyānaṁ ekarasaṭṭhena bhāvanā.
ps1.1:154.8	Evaṁ indriyānaṁ ekarasaṭṭhena bhāvanā.
ps1.1:155.1	Kathaṁ tadupagavīriyavāhanaṭṭhena bhāvanā?
ps1.1:155.2	Kāmacchandaṁ pajahato nekkhammavasena vīriyaṁ vāhetīti—
ps1.1:155.3	tadupagavīriyavāhanaṭṭhena bhāvanā.
ps1.1:155.4	Byāpādaṁ pajahato abyāpādavasena vīriyaṁ vāhetīti—
ps1.1:155.5	tadupagavīriyavāhanaṭṭhena bhāvanā …pe…
ps1.1:155.6	sabbakilese pajahato arahattamaggavasena vīriyaṁ vāhetīti—
ps1.1:155.7	tadupagavīriyavāhanaṭṭhena bhāvanā.
ps1.1:155.8	Evaṁ tadupagavīriyavāhanaṭṭhena bhāvanā.
ps1.1:156.1	Kathaṁ āsevanaṭṭhena bhāvanā?
ps1.1:156.2	Kāmacchandaṁ pajahanto nekkhammaṁ āsevatīti—
ps1.1:156.3	āsevanaṭṭhena bhāvanā.
ps1.1:156.4	Byāpādaṁ pajahanto abyāpādaṁ āsevatīti—
ps1.1:156.5	āsevanaṭṭhena bhāvanā …pe…
ps1.1:156.6	sabbakilese pajahanto arahattamaggaṁ āsevatīti—
ps1.1:156.7	āsevanaṭṭhena bhāvanā.
ps1.1:156.8	Evaṁ āsevanaṭṭhena bhāvanā.
ps1.1:157.1	Imā catasso bhāvanā rūpaṁ passanto bhāveti, vedanaṁ passanto bhāveti, saññaṁ passanto bhāveti, saṅkhāre passanto bhāveti, viññāṇaṁ passanto bhāveti, cakkhuṁ …pe…
ps1.1:157.2	jarāmaraṇaṁ …pe…
ps1.1:157.3	amatogadhaṁ nibbānaṁ pariyosānaṭṭhena passanto bhāveti.
ps1.1:157.4	Ye ye dhammā bhāvitā honti te te dhammā ekarasā honti.
ps1.1:157.5	Taṁ ñātaṭṭhena ñāṇaṁ, pajānanaṭṭhena paññā.
ps1.1:157.6	Tena vuccati—
ps1.1:157.7	“ime dhammā bhāvetabbāti sotāvadhānaṁ, taṁpajānanā paññā sutamaye ñāṇan”ti. [4]
ps1.1:157.8	Bhāvetabbaniddeso.
ps1.1:157.9	Catutthabhāṇavāro.
ps1.1:158.1	Kathaṁ “ime dhammā sacchikātabbā”ti sotāvadhānaṁ, taṁpajānanā paññā sutamaye ñāṇaṁ?
ps1.1:159.1	Eko dhammo sacchikātabbo—
ps1.1:159.2	akuppā cetovimutti.
ps1.1:160.1	Dve dhammā sacchikātabbā—
ps1.1:160.2	vijjā ca vimutti ca.
ps1.1:161.1	Tayo dhammā sacchikātabbā—
ps1.1:161.2	tisso vijjā.
ps1.1:162.1	Cattāro dhammā sacchikātabbā—
ps1.1:162.2	cattāri sāmaññaphalāni.
ps1.1:163.1	Pañca dhammā sacchikātabbā—
ps1.1:163.2	pañca dhammakkhandhā.
ps1.1:164.1	Cha dhammā sacchikātabbā—
ps1.1:164.2	cha abhiññā.
ps1.1:165.1	Satta dhammā sacchikātabbā—
ps1.1:165.2	satta khīṇāsavabalāni.
ps1.1:166.1	Aṭṭha dhammā sacchikātabbā—
ps1.1:166.2	aṭṭha vimokkhā.
ps1.1:167.1	Nava dhammā sacchikātabbā—
ps1.1:167.2	nava anupubbanirodhā.
ps1.1:168.1	Dasa dhammā sacchikātabbā—
ps1.1:168.2	dasa asekkhā dhammā.
ps1.1:169.1	“Sabbaṁ, bhikkhave, sacchikātabbaṁ.
ps1.1:169.2	Kiñca, bhikkhave, sabbaṁ sacchikātabbaṁ?
ps1.1:169.3	Cakkhu, bhikkhave, sacchikātabbaṁ;
ps1.1:169.4	rūpā sacchikātabbā;
ps1.1:169.5	cakkhuviññāṇaṁ sacchikātabbaṁ;
ps1.1:169.6	cakkhusamphasso sacchikātabbo;
ps1.1:169.7	yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi sacchikātabbaṁ.
ps1.1:169.8	Sotaṁ sacchikātabbaṁ;
ps1.1:169.9	saddā sacchikātabbā …pe…
ps1.1:169.10	ghānaṁ sacchikātabbaṁ;
ps1.1:169.11	gandhā sacchikātabbā …
ps1.1:169.12	jivhā sacchikātabbā;
ps1.1:169.13	rasā sacchikātabbā …
ps1.1:169.14	kāyo sacchikātabbo;
ps1.1:169.15	phoṭṭhabbā sacchikātabbā …
ps1.1:169.16	mano sacchikātabbo;
ps1.1:169.17	dhammā sacchikātabbā;
ps1.1:169.18	manoviññāṇaṁ sacchikātabbaṁ;
ps1.1:169.19	manosamphasso sacchikātabbo;
ps1.1:169.20	yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi sacchikātabbaṁ”.
ps1.1:169.21	Rūpaṁ passanto sacchikaroti,
ps1.1:169.22	vedanaṁ passanto sacchikaroti,
ps1.1:169.23	saññaṁ passanto sacchikaroti,
ps1.1:169.24	saṅkhāre passanto sacchikaroti,
ps1.1:169.25	viññāṇaṁ passanto sacchikaroti.
ps1.1:169.26	Cakkhuṁ …pe…
ps1.1:169.27	jarāmaraṇaṁ …pe…
ps1.1:169.28	amatogadhaṁ nibbānaṁ pariyosānaṭṭhena passanto sacchikaroti.
ps1.1:169.29	Ye ye dhammā sacchikatā honti te te dhammā phassitā honti.
ps1.1:169.30	Taṁ ñātaṭṭhena ñāṇaṁ, pajānanaṭṭhena paññā.
ps1.1:169.31	Tena vuccati—
ps1.1:169.32	“ime dhammā sacchikātabbāti sotāvadhānaṁ, taṁpajānanā paññā sutamaye ñāṇan”ti.
ps1.1:170.1	Kathaṁ “ime dhammā hānabhāgiyā, ime dhammā ṭhitibhāgiyā, ime dhammā visesabhāgiyā, ime dhammā nibbedhabhāgiyā”ti sotāvadhānaṁ, taṁpajānanā paññā sutamaye ñāṇaṁ?
ps1.1:171.1	Paṭhamassa jhānassa lābhiṁ kāmasahagatā saññāmanasikārā samudācaranti—
ps1.1:171.2	hānabhāgiyo dhammo.
ps1.1:171.3	Tadanudhammatā sati santiṭṭhati—
ps1.1:171.4	ṭhitibhāgiyo dhammo.
ps1.1:171.5	Avitakkasahagatā saññāmanasikārā samudācaranti—
ps1.1:171.6	visesabhāgiyo dhammo.
ps1.1:171.7	Nibbidāsahagatā saññāmanasikārā samudācaranti virāgūpasaṁhitā—
ps1.1:171.8	nibbedhabhāgiyo dhammo.
ps1.1:172.1	Dutiyassa jhānassa lābhiṁ vitakkasahagatā saññāmanasikārā samudācaranti—
ps1.1:172.2	hānabhāgiyo dhammo.
ps1.1:172.3	Tadanudhammatā sati santiṭṭhati—
ps1.1:172.4	ṭhitibhāgiyo dhammo.
ps1.1:172.5	Upekkhāsukhasahagatā saññāmanasikārā samudācaranti—
ps1.1:172.6	visesabhāgiyo dhammo.
ps1.1:172.7	Nibbidāsahagatā saññāmanasikārā samudācaranti virāgūpasaṁhitā—
ps1.1:172.8	nibbedhabhāgiyo dhammo.
ps1.1:173.1	Tatiyassa jhānassa lābhiṁ pītisukhasahagatā saññāmanasikārā samudācaranti—
ps1.1:173.2	hānabhāgiyo dhammo.
ps1.1:173.3	Tadanudhammatā sati santiṭṭhati—
ps1.1:173.4	ṭhitibhāgiyo dhammo.
ps1.1:173.5	Adukkhamasukhasahagatā saññāmanasikārā samudācaranti—
ps1.1:173.6	visesabhāgiyo dhammo.
ps1.1:173.7	Nibbidāsahagatā saññāmanasikārā samudācaranti virāgūpasaṁhitā—
ps1.1:173.8	nibbedhabhāgiyo dhammo.
ps1.1:174.1	Catutthassa jhānassa lābhiṁ upekkhāsahagatā saññāmanasikārā samudācaranti—
ps1.1:174.2	hānabhāgiyo dhammo.
ps1.1:174.3	Tadanudhammatā sati santiṭṭhati—
ps1.1:174.4	ṭhitibhāgiyo dhammo.
ps1.1:174.5	Ākāsānañcāyatanasahagatā saññāmanasikārā samudācaranti—
ps1.1:174.6	visesabhāgiyo dhammo.
ps1.1:174.7	Nibbidāsahagatā saññāmanasikārā samudācaranti virāgūpasaṁhitā—
ps1.1:174.8	nibbedhabhāgiyo dhammo.
ps1.1:175.1	Ākāsānañcāyatanassa lābhiṁ rūpasahagatā saññāmanasikārā samudācaranti—
ps1.1:175.2	hānabhāgiyo dhammo.
ps1.1:175.3	Tadanudhammatā sati santiṭṭhati—
ps1.1:175.4	ṭhitibhāgiyo dhammo.
ps1.1:175.5	Viññāṇañcāyatanasahagatā saññāmanasikārā samudācaranti—
ps1.1:175.6	visesabhāgiyo dhammo.
ps1.1:175.7	Nibbidāsahagatā saññāmanasikārā samudācaranti virāgūpasaṁhitā—
ps1.1:175.8	nibbedhabhāgiyo dhammo.
ps1.1:176.1	Viññāṇañcāyatanassa lābhiṁ ākāsānañcāyatanasahagatā saññāmanasikārā samudācaranti—
ps1.1:176.2	hānabhāgiyo dhammo.
ps1.1:176.3	Tadanudhammatā sati santiṭṭhati—
ps1.1:176.4	ṭhitibhāgiyo dhammo.
ps1.1:176.5	Ākiñcaññāyatanasahagatā saññāmanasikārā samudācaranti—
ps1.1:176.6	visesabhāgiyo dhammo.
ps1.1:176.7	Nibbidāsahagatā saññāmanasikārā samudācaranti virāgūpasaṁhitā—
ps1.1:176.8	nibbedhabhāgiyo dhammo.
ps1.1:177.1	Ākiñcaññāyatanassa lābhiṁ viññāṇañcāyatanasahagatā saññāmanasikārā samudācaranti—
ps1.1:177.2	hānabhāgiyo dhammo.
ps1.1:177.3	Tadanudhammatā sati santiṭṭhati—
ps1.1:177.4	ṭhitibhāgiyo dhammo.
ps1.1:177.5	Nevasaññānāsaññāyatanasahagatā saññāmanasikārā samudācaranti—
ps1.1:177.6	visesabhāgiyo dhammo.
ps1.1:177.7	Nibbidāsahagatā saññāmanasikārā samudācaranti virāgūpasaṁhitā—
ps1.1:177.8	nibbedhabhāgiyo dhammo.
ps1.1:177.9	Taṁ ñātaṭṭhena ñāṇaṁ, pajānanaṭṭhena paññā.
ps1.1:177.10	Tena vuccati—
ps1.1:177.11	“ime dhammā hānabhāgiyā, ime dhammā ṭhitibhāgiyā, ime dhammā visesabhāgiyā, ime dhammā nibbedhabhāgiyāti sotāvadhānaṁ, taṁpajānanā paññā sutamaye ñāṇaṁ”.
ps1.1:178.1	Kathaṁ “sabbe saṅkhārā aniccā, sabbe saṅkhārā dukkhā, sabbe dhammā anattā”ti sotāvadhānaṁ, taṁpajānanā paññā sutamaye ñāṇaṁ?
ps1.1:178.2	“Rūpaṁ aniccaṁ khayaṭṭhena, dukkhaṁ bhayaṭṭhena, anattā asārakaṭṭhenā”ti sotāvadhānaṁ, taṁpajānanā paññā sutamaye ñāṇaṁ.
ps1.1:178.3	“Vedanā …
ps1.1:178.4	saññā …
ps1.1:178.5	saṅkhārā …
ps1.1:178.6	viññāṇaṁ …
ps1.1:178.7	cakkhu …pe…
ps1.1:178.8	jarāmaraṇaṁ aniccaṁ khayaṭṭhena, dukkhaṁ bhayaṭṭhena, anattā asārakaṭṭhenā”ti sotāvadhānaṁ, taṁpajānanā paññā sutamaye ñāṇaṁ.
ps1.1:178.9	Taṁ ñātaṭṭhena ñāṇaṁ, pajānanaṭṭhena paññā.
ps1.1:178.10	Tena vuccati—
ps1.1:178.11	“sabbe saṅkhārā aniccā, sabbe saṅkhārā dukkhā, sabbe dhammā anattā”ti sotāvadhānaṁ, taṁpajānanā paññā sutamaye ñāṇaṁ.
ps1.1:179.1	Kathaṁ “idaṁ dukkhaṁ ariyasaccaṁ, idaṁ dukkhasamudayaṁ ariyasaccaṁ, idaṁ dukkhanirodhaṁ ariyasaccaṁ, idaṁ dukkhanirodhagāminī paṭipadā ariyasaccan”ti sotāvadhānaṁ, taṁpajānanā paññā sutamaye ñāṇaṁ?
ps1.1:180.1	Tattha katamaṁ dukkhaṁ ariyasaccaṁ?
ps1.1:180.2	Jātipi dukkhā, jarāpi dukkhā, maraṇampi dukkhaṁ, sokaparidevadukkhadomanassupāyāsāpi dukkhā, appiyehi sampayogo dukkho, piyehi vippayogo dukkho, yampicchaṁ na labhati tampi dukkhaṁ;
ps1.1:180.3	saṅkhittena pañcupādānakkhandhā dukkhā.
ps1.1:181.1	Tattha katamā jāti?
ps1.1:181.2	Yā tesaṁ tesaṁ sattānaṁ tamhi tamhi sattanikāye jāti sañjāti okkanti abhinibbatti khandhānaṁ pātubhāvo āyatanānaṁ paṭilābho—
ps1.1:181.3	ayaṁ vuccati jāti.
ps1.1:182.1	Tattha katamā jarā yā tesaṁ tesaṁ sattānaṁ tamhi tamhi sattanikāye jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko—
ps1.1:182.2	ayaṁ vuccati jarā.
ps1.1:183.1	Tattha katamaṁ maraṇaṁ?
ps1.1:183.2	Yā tesaṁ tesaṁ sattānaṁ tamhā tamhā sattanikāyā cuti cavanatā bhedo antaradhānaṁ maccu maraṇaṁ kālakiriyā khandhānaṁ bhedo kaḷevarassa nikkhepo jīvitindriyassupacchedo—
ps1.1:183.3	idaṁ vuccati maraṇaṁ.
ps1.1:184.1	Tattha katamo soko?
ps1.1:184.2	Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa soko socanā socitattaṁ antosoko antoparisoko cetaso parijjhāyanā domanassaṁ sokasallaṁ—
ps1.1:184.3	ayaṁ vuccati soko.
ps1.1:185.1	Tattha katamo paridevo?
ps1.1:185.2	Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa ādevo paridevo ādevanā, paridevanā ādevitattaṁ paridevitattaṁ vācā palāpo vippalāpo lālappo lālappanā lālappitattaṁ—
ps1.1:185.3	ayaṁ vuccati paridevo.
ps1.1:186.1	Tattha katamaṁ dukkhaṁ?
ps1.1:186.2	Yaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ, kāyasamphassajā asātā dukkhā vedanā—
ps1.1:186.3	idaṁ vuccati dukkhaṁ.
ps1.1:187.1	Tattha katamaṁ domanassaṁ?
ps1.1:187.2	Yaṁ cetasikaṁ asātaṁ cetasikaṁ dukkhaṁ, cetosamphassajaṁ asātaṁ dukkhaṁ vedayitaṁ, cetosamphassajā asātā dukkhā vedanā—
ps1.1:187.3	idaṁ vuccati domanassaṁ.
ps1.1:188.1	Tattha katamo upāyāso?
ps1.1:188.2	Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa āyāso upāyāso āyāsanā upāyāsanā āyāsitattaṁ upāyāsitattaṁ—
ps1.1:188.3	ayaṁ vuccati upāyāso.
ps1.1:189.1	Tattha katamo appiyehi sampayogo dukkho?
ps1.1:189.2	Idha yassa te honti aniṭṭhā akantā amanāpā rūpā saddā gandhā rasā phoṭṭhabbā, ye vā panassa te honti anatthakāmā ahitakāmā aphāsukāmā ayogakkhemakāmā, yā tehi saddhiṁ saṅgati samāgamo samodhānaṁ missībhāvo—
ps1.1:189.3	ayaṁ vuccati appiyehi sampayogo dukkho.
ps1.1:190.1	Tattha katamo piyehi vippayogo dukkho?
ps1.1:190.2	Idha yassa te honti iṭṭhā kantā manāpā rūpā saddā gandhā rasā phoṭṭhabbā, ye vā panassa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā mittā vā amaccā vā ñātī vā sālohitā vā, yā tehi saddhiṁ asaṅgati asamāgamo asamodhānaṁ amissībhāvo—
ps1.1:190.3	ayaṁ vuccati piyehi vippayogo dukkho.
ps1.1:191.1	Tattha katamaṁ yampicchaṁ na labhati tampi dukkhaṁ?
ps1.1:191.2	Jātidhammānaṁ sattānaṁ evaṁ icchā uppajjati—
ps1.1:191.3	“aho vata mayaṁ na jātidhammā assāma, na ca vata no jāti āgaccheyyā”ti.
ps1.1:191.4	Na kho panetaṁ icchāya pattabbaṁ—
ps1.1:191.5	idampi yampicchaṁ na labhati tampi dukkhaṁ.
ps1.1:191.6	Jarādhammānaṁ sattānaṁ …pe…
ps1.1:191.7	byādhidhammānaṁ sattānaṁ …
ps1.1:191.8	maraṇadhammānaṁ sattānaṁ …
ps1.1:191.9	sokaparidevadukkhadomanassupāyāsadhammānaṁ sattānaṁ evaṁ icchā uppajjati—
ps1.1:191.10	“aho vata mayaṁ na sokaparidevadukkhadomanassupāyāsadhammā assāma, na ca vata no sokaparidevadukkhadomanassupāyāsā āgaccheyyun”ti.
ps1.1:191.11	Na kho panetaṁ icchāya pattabbaṁ—
ps1.1:191.12	idampi yampicchaṁ na labhati tampi dukkhaṁ.
ps1.1:192.1	Tattha katame saṅkhittena pañcupādānakkhandhā dukkhā?
ps1.1:192.2	Seyyathidaṁ—
ps1.1:192.3	rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho—
ps1.1:192.4	ime vuccanti saṅkhittena pañcupādānakkhandhā dukkhā.
ps1.1:192.5	Idaṁ vuccati dukkhaṁ ariyasaccaṁ.
ps1.1:193.1	Tattha katamaṁ dukkhasamudayaṁ ariyasaccaṁ?
ps1.1:193.2	Yāyaṁ taṇhā ponobhavikā nandirāgasahagatā tatratatrābhinandinī, seyyathidaṁ—
ps1.1:193.3	kāmataṇhā bhavataṇhā vibhavataṇhā, sā kho panesā taṇhā kattha uppajjamānā uppajjati, kattha nivisamānā nivisati?
ps1.1:193.4	Yaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
ps1.1:193.5	Kiñca loke piyarūpaṁ sātarūpaṁ?
ps1.1:193.6	Cakkhu loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
ps1.1:193.7	Sotaṁ loke …pe…
ps1.1:193.8	ghānaṁ loke …
ps1.1:193.9	jivhā loke …
ps1.1:193.10	kāyo loke …
ps1.1:193.11	mano loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
ps1.1:193.12	Rūpā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
ps1.1:193.13	Saddā loke piyarūpaṁ sātarūpaṁ …pe…
ps1.1:193.14	dhammā loke …
ps1.1:193.15	cakkhuviññāṇaṁ loke …pe…
ps1.1:193.16	manoviññāṇaṁ loke …
ps1.1:193.17	cakkhusamphasso loke …pe…
ps1.1:193.18	manosamphasso loke …
ps1.1:193.19	cakkhusamphassajā vedanā loke …pe…
ps1.1:193.20	manosamphassajā vedanā loke …
ps1.1:193.21	rūpasaññā loke …pe…
ps1.1:193.22	dhammasaññā loke …
ps1.1:193.23	rūpasañcetanā loke …pe…
ps1.1:193.24	dhammasañcetanā loke …
ps1.1:193.25	rūpataṇhā loke …pe…
ps1.1:193.26	dhammataṇhā loke …
ps1.1:193.27	rūpavitakko loke …pe…
ps1.1:193.28	dhammavitakko loke …
ps1.1:193.29	rūpavicāro loke …pe…
ps1.1:193.30	dhammavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
ps1.1:193.31	Idaṁ vuccati dukkhasamudayaṁ ariyasaccaṁ.
ps1.1:194.1	Tattha katamaṁ dukkhanirodhaṁ ariyasaccaṁ?
ps1.1:194.2	Yo tassāyeva taṇhāya asesavirāganirodho cāgo paṭinissaggo mutti anālayo, sā kho panesā taṇhā kattha pahīyamānā pahīyati, kattha nirujjhamānā nirujjhati?
ps1.1:194.3	Yaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
ps1.1:194.4	Kiñca loke piyarūpaṁ sātarūpaṁ?
ps1.1:194.5	Cakkhuloke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati …pe…
ps1.1:194.6	dhammavicāro loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
ps1.1:194.7	Idaṁ vuccati dukkhanirodhaṁ ariyasaccaṁ.
ps1.1:195.1	Tattha katamaṁ dukkhanirodhagāminī paṭipadā ariyasaccaṁ?
ps1.1:195.2	Ayameva ariyo aṭṭhaṅgiko maggo, seyyathidaṁ—
ps1.1:195.3	sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi.
ps1.1:195.4	Tattha katamā sammādiṭṭhi?
ps1.1:195.5	Dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ—
ps1.1:195.6	ayaṁ vuccati sammādiṭṭhi.
ps1.1:196.1	Tattha katamo sammāsaṅkappo?
ps1.1:196.2	Nekkhammasaṅkappo, abyāpādasaṅkappo, avihiṁsāsaṅkappo—
ps1.1:196.3	ayaṁ vuccati sammāsaṅkappo.
ps1.1:197.1	Tattha katamā sammāvācā?
ps1.1:197.2	Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī—
ps1.1:197.3	ayaṁ vuccati sammāvācā.
ps1.1:198.1	Tattha katamo sammākammanto?
ps1.1:198.2	Pāṇātipātā veramaṇī, adinnādānā veramaṇī, kāmesumicchācārā veramaṇī—
ps1.1:198.3	ayaṁ vuccati sammākammanto.
ps1.1:199.1	Tattha katamo sammāājīvo?
ps1.1:199.2	Idha ariyasāvako micchāājīvaṁ pahāya sammāājīvena jīvikaṁ kappeti—
ps1.1:199.3	ayaṁ vuccati sammāājīvo.
ps1.1:200.1	Tattha katamo sammāvāyāmo?
ps1.1:200.2	Idha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…
ps1.1:200.3	anuppannānaṁ kusalānaṁ dhammānaṁ uppādāya …pe…
ps1.1:200.4	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati—
ps1.1:200.5	ayaṁ vuccati sammāvāyāmo.
ps1.1:201.1	Tattha katamā sammāsati?
ps1.1:201.2	Idha bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ.
ps1.1:201.3	Vedanāsu …pe…
ps1.1:201.4	citte …pe…
ps1.1:201.5	dhammesu dhammānupassī viharati ātāpī sampajāno satimā vineyya loke abhijjhādomanassaṁ—
ps1.1:201.6	ayaṁ vuccati sammāsati.
ps1.1:202.1	Tattha katamo sammāsamādhi?
ps1.1:202.2	Idha bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.
ps1.1:202.3	Vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.
ps1.1:202.4	Pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti—“upekkhako satimā sukhavihārī”ti tatiyaṁ jhānaṁ upasampajja viharati.
ps1.1:202.5	Sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.
ps1.1:202.6	Ayaṁ vuccati sammāsamādhi.
ps1.1:202.7	Idaṁ vuccati dukkhanirodhagāminī paṭipadā ariyasaccaṁ.
ps1.1:202.8	Taṁ ñātaṭṭhena ñāṇaṁ, pajānanaṭṭhena paññā.
ps1.1:202.9	Tena vuccati—
ps1.1:202.10	“idaṁ dukkhaṁ ariyasaccaṁ, idaṁ dukkhasamudayaṁ ariyasaccaṁ, idaṁ dukkhanirodhaṁ ariyasaccaṁ, idaṁ dukkhanirodhagāminī paṭipadā ariyasaccan”ti sotāvadhānaṁ, taṁpajānanā paññā sutamaye ñāṇaṁ.
ps1.1:202.11	Evaṁ sotāvadhāne paññā sutamaye ñāṇaṁ.
ps1.1:202.12	Sutamayañāṇaniddeso paṭhamo.
ps1.1:203.0	1.1.2. Sīlamayañāṇaniddesa
ps1.1:203.1	Kathaṁ sutvāna saṁvare paññā sīlamaye ñāṇaṁ?
ps1.1:203.2	Pañca sīlāni—
ps1.1:203.3	pariyantapārisuddhisīlaṁ, apariyantapārisuddhisīlaṁ, paripuṇṇapārisuddhisīlaṁ, aparāmaṭṭhapārisuddhisīlaṁ, paṭippassaddhipārisuddhisīlanti.
ps1.1:204.1	Tattha katamaṁ pariyantapārisuddhisīlaṁ?
ps1.1:204.2	Anupasampannānaṁ pariyantasikkhāpadānaṁ—
ps1.1:204.3	idaṁ pariyantapārisuddhisīlaṁ.
ps1.1:205.1	Katamaṁ apariyantapārisuddhisīlaṁ?
ps1.1:205.2	Upasampannānaṁ apariyantasikkhāpadānaṁ—
ps1.1:205.3	idaṁ apariyantapārisuddhisīlaṁ.
ps1.1:206.1	Katamaṁ paripuṇṇapārisuddhisīlaṁ?
ps1.1:206.2	Puthujjanakalyāṇakānaṁ kusaladhamme yuttānaṁ sekkhapariyante paripūrakārīnaṁ kāye ca jīvite ca anapekkhānaṁ pariccattajīvitānaṁ—
ps1.1:206.3	idaṁ paripuṇṇapārisuddhisīlaṁ.
ps1.1:207.1	Katamaṁ aparāmaṭṭhapārisuddhisīlaṁ?
ps1.1:207.2	Sattannaṁ sekkhānaṁ—
ps1.1:207.3	idaṁ aparāmaṭṭhapārisuddhisīlaṁ.
ps1.1:208.1	Katamaṁ paṭippassaddhipārisuddhisīlaṁ?
ps1.1:208.2	Tathāgatasāvakānaṁ khīṇāsavānaṁ paccekabuddhānaṁ tathāgatānaṁ arahantānaṁ sammāsambuddhānaṁ—
ps1.1:208.3	idaṁ paṭippassaddhipārisuddhisīlaṁ.
ps1.1:209.1	Atthi sīlaṁ pariyantaṁ, atthi sīlaṁ apariyantaṁ.
ps1.1:210.1	Tattha katamaṁ taṁ sīlaṁ pariyantaṁ?
ps1.1:210.2	Atthi sīlaṁ lābhapariyantaṁ, atthi sīlaṁ yasapariyantaṁ, atthi sīlaṁ ñātipariyantaṁ, atthi sīlaṁ aṅgapariyantaṁ, atthi sīlaṁ jīvitapariyantaṁ.
ps1.1:211.1	Katamaṁ taṁ sīlaṁ lābhapariyantaṁ?
ps1.1:211.2	Idhekacco lābhahetu lābhapaccayā lābhakāraṇā yathāsamādinnaṁ sikkhāpadaṁ vītikkamati—
ps1.1:211.3	idaṁ taṁ sīlaṁ lābhapariyantaṁ.
ps1.1:212.1	Katamaṁ taṁ sīlaṁ yasapariyantaṁ?
ps1.1:212.2	Idhekacco yasahetu yasapaccayā yasakāraṇā yathāsamādinnaṁ sikkhāpadaṁ vītikkamati—
ps1.1:212.3	idaṁ taṁ sīlaṁ yasapariyantaṁ.
ps1.1:213.1	Katamaṁ taṁ sīlaṁ ñātipariyantaṁ?
ps1.1:213.2	Idhekacco ñātihetu ñātipaccayā ñātikāraṇā yathāsamādinnaṁ sikkhāpadaṁ vītikkamati—
ps1.1:213.3	idaṁ taṁ sīlaṁ ñātipariyantaṁ.
ps1.1:214.1	Katamaṁ taṁ sīlaṁ aṅgapariyantaṁ?
ps1.1:214.2	Idhekacco aṅgahetu aṅgapaccayā aṅgakāraṇā yathāsamādinnaṁ sikkhāpadaṁ vītikkamati—
ps1.1:214.3	idaṁ taṁ sīlaṁ aṅgapariyantaṁ.
ps1.1:215.1	Katamaṁ taṁ sīlaṁ jīvitapariyantaṁ?
ps1.1:215.2	Idhekacco jīvitahetu jīvitapaccayā jīvitakāraṇā yathāsamādinnaṁ sikkhāpadaṁ vītikkamati—
ps1.1:215.3	idaṁ taṁ sīlaṁ jīvitapariyantaṁ.
ps1.1:215.4	Evarūpāni sīlāni khaṇḍāni chiddāni sabalāni kammāsāni na bhujissāni na viññuppasatthāni parāmaṭṭhāni asamādhisaṁvattanikāni na avippaṭisāravatthukāni na pāmojjavatthukāni na pītivatthukāni na passaddhivatthukāni na sukhavatthukāni na samādhivatthukāni na yathābhūtañāṇadassanavatthukāni na ekantanibbidāya na virāgāya na nirodhāya na upasamāya na abhiññāya na sambodhāya na nibbānāya saṁvattanti—
ps1.1:215.5	idaṁ taṁ sīlaṁ pariyantaṁ.
ps1.1:216.1	Katamaṁ taṁ sīlaṁ apariyantaṁ?
ps1.1:216.2	Atthi sīlaṁ na lābhapariyantaṁ, atthi sīlaṁ na yasapariyantaṁ, atthi sīlaṁ na ñātipariyantaṁ, atthi sīlaṁ na aṅgapariyantaṁ, atthi sīlaṁ na jīvitapariyantaṁ.
ps1.1:217.1	Katamaṁ taṁ sīlaṁ na lābhapariyantaṁ?
ps1.1:217.2	Idhekacco lābhahetu lābhapaccayā lābhakāraṇā yathāsamādinnaṁ sikkhāpadaṁ vītikkamāya cittampi na uppādeti, kiṁ so vītikkamissati.
ps1.1:217.3	Idaṁ taṁ sīlaṁ na lābhapariyantaṁ.
ps1.1:218.1	Katamaṁ taṁ sīlaṁ na yasapariyantaṁ?
ps1.1:218.2	Idhekacco yasahetu yasapaccayā yasakāraṇā yathāsamādinnaṁ sikkhāpadaṁ vītikkamāya cittampi na uppādeti, kiṁ so vītikkamissati.
ps1.1:218.3	Idaṁ taṁ sīlaṁ na yasapariyantaṁ.
ps1.1:219.1	Katamaṁ taṁ sīlaṁ na ñātipariyantaṁ?
ps1.1:219.2	Idhekacco ñātihetu ñātipaccayā ñātikāraṇā yathāsamādinnaṁ sikkhāpadaṁ vītikkamāya cittampi na uppādeti, kiṁ so vītikkamissati.
ps1.1:219.3	Idaṁ taṁ sīlaṁ na ñātipariyantaṁ.
ps1.1:220.1	Katamaṁ taṁ sīlaṁ na aṅgapariyantaṁ?
ps1.1:220.2	Idhekacco aṅgahetu aṅgapaccayā aṅgakāraṇā yathāsamādinnaṁ sikkhāpadaṁ vītikkamāya cittampi na uppādeti, kiṁ so vītikkamissati.
ps1.1:220.3	Idaṁ taṁ sīlaṁ na aṅgapariyantaṁ.
ps1.1:221.1	Katamaṁ taṁ sīlaṁ na jīvitapariyantaṁ?
ps1.1:221.2	Idhekacco jīvitahetu jīvitapaccayā jīvitakāraṇā yathāsamādinnaṁ sikkhāpadaṁ vītikkamāya cittampi na uppādeti, kiṁ so vītikkamissati.
ps1.1:221.3	Idaṁ taṁ sīlaṁ na jīvitapariyantaṁ.
ps1.1:221.4	Evarūpāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṁvattanikāni avippaṭisāravatthukāni pāmojjavatthukāni pītivatthukāni passaddhivatthukāni sukhavatthukāni samādhivatthukāni yathābhūtañāṇadassanavatthukāni ekantanibbidāya virāgāya nirodhāya upasamāya abhiññāya sambodhāya nibbānāya saṁvattanti—
ps1.1:221.5	idaṁ taṁ sīlaṁ apariyantaṁ.
ps1.1:222.1	Kiṁ sīlaṁ?
ps1.1:222.2	Kati sīlāni?
ps1.1:222.3	Kiṁ samuṭṭhānaṁ sīlaṁ?
ps1.1:222.4	Kati dhammasamodhānaṁ sīlaṁ?
ps1.1:223.1	<b>Kiṁ sīlan</b>ti cetanā sīlaṁ, cetasikaṁ sīlaṁ, saṁvaro sīlaṁ, avītikkamo sīlaṁ.
ps1.1:224.1	<b>Kati sīlānī</b>ti tīṇi sīlāni—
ps1.1:224.2	kusalasīlaṁ, akusalasīlaṁ, abyākatasīlaṁ.
ps1.1:225.1	<b>Kiṁ samuṭṭhānaṁ sīlan</b>ti kusalacittasamuṭṭhānaṁ kusalasīlaṁ, akusalacittasamuṭṭhānaṁ akusalasīlaṁ, abyākatacittasamuṭṭhānaṁ abyākatasīlaṁ.
ps1.1:226.1	<b>Kati dhammasamodhānaṁ sīlan</b>ti saṁvarasamodhānaṁ sīlaṁ, avītikkamasamodhānaṁ sīlaṁ, tathābhāve jātacetanāsamodhānaṁ sīlaṁ.
ps1.1:227.1	Pāṇātipātaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.2	Adinnādānaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.3	Kāmesumicchācāraṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.4	Musāvādaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.5	Pisuṇaṁ vācaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.6	Pharusaṁ vācaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.7	Samphappalāpaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.8	Abhijjhaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.9	Byāpādaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:227.10	Micchādiṭṭhiṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:228.1	Nekkhammena kāmacchandaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:228.2	Abyāpādena byāpādaṁ saṁvaraṭṭhena sīlaṁ, avītikkamaṭṭhena sīlaṁ.
ps1.1:228.3	Ālokasaññāya thinamiddhaṁ …
ps1.1:228.4	avikkhepaṭṭhena uddhaccaṁ …
ps1.1:228.5	dhammavavatthānena vicikicchaṁ …
ps1.1:228.6	ñāṇena avijjaṁ …
ps1.1:228.7	pāmojjena aratiṁ ….
ps1.1:229.1	Paṭhamena jhānena nīvaraṇe …
ps1.1:229.2	dutiyena jhānena vitakkavicāre …
ps1.1:229.3	tatiyena jhānena pītiṁ …
ps1.1:229.4	catutthena jhānena sukhadukkhaṁ …
ps1.1:229.5	ākāsānañcāyatanasamāpattiyā rūpasaññaṁ paṭighasaññaṁ nānattasaññaṁ …
ps1.1:229.6	viññāṇañcāyatanasamāpattiyā ākāsānañcāyatanasaññaṁ …
ps1.1:229.7	ākiñcaññāyatanasamāpattiyā viññāṇañcāyatanasaññaṁ …
ps1.1:229.8	nevasaññānāsaññāyatanasamāpattiyā ākiñcaññāyatanasaññaṁ.
ps1.1:230.1	Aniccānupassanāya niccasaññaṁ …
ps1.1:230.2	dukkhānupassanāya sukhasaññaṁ …
ps1.1:230.3	anattā anupassanāya attasaññaṁ …
ps1.1:230.4	nibbidānupassanāya nandiṁ …
ps1.1:230.5	virāgānupassanāya rāgaṁ …
ps1.1:230.6	nirodhānupassanāya samudayaṁ …
ps1.1:230.7	paṭinissaggānupassanāya ādānaṁ …
ps1.1:230.8	khayānupassanāya ghanasaññaṁ …
ps1.1:230.9	vayānupassanāya āyūhanaṁ …
ps1.1:230.10	vipariṇāmānupassanāya dhuvasaññaṁ …
ps1.1:230.11	animittānupassanāya nimittaṁ …
ps1.1:230.12	appaṇihitānupassanāya paṇidhiṁ …
ps1.1:230.13	suññatānupassanāya abhinivesaṁ …
ps1.1:230.14	adhipaññādhammavipassanāya sārādānābhinivesaṁ …
ps1.1:230.15	yathābhūtañāṇadassanena sammohābhinivesaṁ …
ps1.1:230.16	ādīnavānupassanāya ālayābhinivesaṁ …
ps1.1:230.17	paṭisaṅkhānupassanāya appaṭisaṅkhaṁ …
ps1.1:230.18	vivaṭṭanānupassanāya saññogābhinivesaṁ ….
ps1.1:231.1	Sotāpattimaggena diṭṭhekaṭṭhe kilese …
ps1.1:231.2	sakadāgāmimaggena oḷārike kilese …
ps1.1:231.3	anāgāmimaggena aṇusahagate kilese …
ps1.1:231.4	arahattamaggena sabbakilese saṁvaraṭṭhena sīlaṁ, avītikkamaṭṭhena sīlaṁ.
ps1.1:232.1	Pañca sīlāni—
ps1.1:232.2	pāṇātipātassa pahānaṁ sīlaṁ, veramaṇī sīlaṁ, cetanā sīlaṁ, saṁvaro sīlaṁ, avītikkamo sīlaṁ.
ps1.1:232.3	Evarūpāni sīlāni cittassa avippaṭisārāya saṁvattanti, pāmojjāya saṁvattanti, pītiyā saṁvattanti, passaddhiyā saṁvattanti, somanassāya saṁvattanti, āsevanāya saṁvattanti, bhāvanāya saṁvattanti, bahulīkammāya saṁvattanti, alaṅkārāya saṁvattanti, parikkhārāya saṁvattanti, parivārāya saṁvattanti, pāripūriyā saṁvattanti, ekantanibbidāya virāgāya nirodhāya upasamāya abhiññāya sambodhāya nibbānāya saṁvattanti.
ps1.1:233.1	Evarūpānaṁ sīlānaṁ saṁvarapārisuddhi adhisīlaṁ, saṁvarapārisuddhiyā ṭhitaṁ cittaṁ na vikkhepaṁ gacchati, avikkhepapārisuddhi adhicittaṁ saṁvarapārisuddhiṁ sammā passati, avikkhepapārisuddhiṁ sammā passati.
ps1.1:233.2	Dassanapārisuddhi adhipaññā.
ps1.1:233.3	Yo tattha saṁvaraṭṭho, ayaṁ adhisīlasikkhā.
ps1.1:233.4	Yo tattha avikkhepaṭṭho, ayaṁ adhicittasikkhā.
ps1.1:233.5	Yo tattha dassanaṭṭho, ayaṁ adhipaññāsikkhā.
ps1.1:234.1	Imā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṁ adhiṭṭhahanto sikkhati, saddhāya adhimuccanto sikkhati, vīriyaṁ paggaṇhanto sikkhati, satiṁ upaṭṭhapento sikkhati, cittaṁ samādahanto sikkhati, paññāya pajānanto sikkhati, abhiññeyyaṁ abhijānanto sikkhati, pariññeyyaṁ parijānanto sikkhati, pahātabbaṁ pajahanto sikkhati, sacchikātabbaṁ sacchikaronto sikkhati, bhāvetabbaṁ bhāvento sikkhati.
ps1.1:235.1	Pañca sīlāni—
ps1.1:235.2	adinnādānassa …
ps1.1:235.3	kāmesumicchācārassa …
ps1.1:235.4	musāvādassa …
ps1.1:235.5	pisuṇāya vācāya …
ps1.1:235.6	pharusāya vācāya …
ps1.1:235.7	samphappalāpassa …
ps1.1:235.8	abhijjhāya …
ps1.1:235.9	byāpādassa …
ps1.1:235.10	micchādiṭṭhiyā …
ps1.1:236.1	Nekkhammena kāmacchandassa …
ps1.1:236.2	abyāpādena byāpādassa …
ps1.1:236.3	ālokasaññāya thinamiddhassa …
ps1.1:236.4	avikkhepena uddhaccassa …
ps1.1:236.5	dhammavavatthānena vicikicchāya …
ps1.1:236.6	ñāṇena avijjāya …
ps1.1:236.7	pāmojjena aratiyā …
ps1.1:237.1	Paṭhamena jhānena nīvaraṇānaṁ …
ps1.1:237.2	dutiyena jhānena vitakkavicārānaṁ …
ps1.1:237.3	tatiyena jhānena pītiyā …
ps1.1:237.4	catutthena jhānena sukhadukkhānaṁ …
ps1.1:237.5	ākāsānañcāyatanasamāpattiyā rūpasaññāya paṭighasaññāya nānattasaññāya …
ps1.1:237.6	viññāṇañcāyatanasamāpattiyā ākāsānañcāyatanasaññāya …
ps1.1:237.7	ākiñcaññāyatanasamāpattiyā viññāṇañcāyatanasaññāya …
ps1.1:237.8	nevasaññānāsaññāyatanasamāpattiyā ākiñcaññāyatanasaññāya …
ps1.1:238.1	Aniccānupassanāya niccasaññāya …
ps1.1:238.2	dukkhānupassanāya sukhasaññāya …
ps1.1:238.3	anattānupassanāya attasaññāya …
ps1.1:238.4	nibbidānupassanāya nandiyā …
ps1.1:238.5	virāgānupassanāya rāgassa …
ps1.1:238.6	nirodhānupassanāya samudayassa …
ps1.1:238.7	paṭinissaggānupassanāya ādānassa …
ps1.1:238.8	khayānupassanāya ghanasaññāya …
ps1.1:238.9	vayānupassanāya āyūhanassa …
ps1.1:238.10	vipariṇāmānupassanāya dhuvasaññāya …
ps1.1:238.11	animittānupassanāya nimittassa …
ps1.1:238.12	appaṇihitānupassanāya paṇidhiyā …
ps1.1:238.13	suññatānupassanāya abhinivesassa …
ps1.1:238.14	adhipaññādhammavipassanāya sārāgābhinivesassa …
ps1.1:238.15	yathābhūtañāṇadassanena sammohābhinivesassa …
ps1.1:238.16	ādīnavānupassanāya ālayābhinivesassa …
ps1.1:238.17	paṭisaṅkhānupassanāya appaṭisaṅkhāya …
ps1.1:238.18	vivaṭṭanānupassanāya saññogābhinivesassa.
ps1.1:239.1	Sotāpattimaggena diṭṭhekaṭṭhānaṁ kilesānaṁ …
ps1.1:239.2	sakadāgāmimaggena oḷārikānaṁ kilesānaṁ …
ps1.1:239.3	anāgāmimaggena anusahagatānaṁ kilesānaṁ …
ps1.1:239.4	arahattamaggena sabbakilesānaṁ pahānaṁ sīlaṁ, veramaṇī sīlaṁ, cetanā sīlaṁ, saṁvaro sīlaṁ, avītikkamo sīlaṁ.
ps1.1:239.5	Evarūpāni sīlāni cittassa avippaṭisārāya saṁvattanti, pāmojjāya saṁvattanti, pītiyā saṁvattanti, passaddhiyā saṁvattanti, somanassāya saṁvattanti, āsevanāya saṁvattanti, bhāvanāya saṁvattanti, bahulīkammāya saṁvattanti, alaṅkārāya saṁvattanti, parikkhārāya saṁvattanti, parivārāya saṁvattanti, pāripūriyā saṁvattanti, ekantanibbidāya virāgāya nirodhāya upasamāya abhiññāya sambodhāya nibbānāya saṁvattanti.
ps1.1:240.1	Evarūpānaṁ sīlānaṁ saṁvarapārisuddhi adhisīlaṁ.
ps1.1:240.2	Saṁvarapārisuddhiyā ṭhitaṁ cittaṁ avikkhepaṁ gacchati, avikkhepapārisuddhi adhicittaṁ.
ps1.1:240.3	Saṁvarapārisuddhiṁ sammā passati, avikkhepapārisuddhiṁ sammā passati.
ps1.1:240.4	Dassanapārisuddhi adhipaññā.
ps1.1:240.5	Yo tattha saṁvaraṭṭho, ayaṁ adhisīlasikkhā.
ps1.1:240.6	Yo tattha avikkhepaṭṭho, ayaṁ adhicittasikkhā.
ps1.1:240.7	Yo tattha dassanaṭṭho, ayaṁ adhipaññāsikkhā.
ps1.1:240.8	Imā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṁ adhiṭṭhahanto sikkhati, saddhāya adhimuccanto sikkhati, vīriyaṁ paggaṇhanto sikkhati, satiṁ upaṭṭhapento sikkhati, cittaṁ samādahanto sikkhati, paññāya pajānanto sikkhati, abhiññeyyaṁ abhijānanto sikkhati, pariññeyyaṁ parijānanto sikkhati pahātabbaṁ pajahanto sikkhati, sacchikātabbaṁ sacchikaronto sikkhati, bhāvetabbaṁ bhāvento sikkhati.
ps1.1:240.9	Taṁ ñātaṭṭhena ñāṇaṁ pajānanaṭṭhena paññā.
ps1.1:240.10	Tena vuccati—
ps1.1:240.11	“sutvāna saṁvare paññā sīlamaye ñāṇaṁ”.
ps1.1:240.12	Sīlamayañāṇaniddeso dutiyo.
ps1.1:241.0	1.1.3. Samādhibhāvanāmayañāṇaniddesa
ps1.1:241.1	Kathaṁ saṁvaritvā samādahane paññā samādhibhāvanāmaye ñāṇaṁ?
ps1.1:242.1	Eko samādhi—
ps1.1:242.2	cittassa ekaggatā.
ps1.1:243.1	Dve samādhī—
ps1.1:243.2	lokiyo samādhi, lokuttaro samādhi.
ps1.1:244.1	Tayo samādhī—
ps1.1:244.2	savitakkasavicāro samādhi, avitakkavicāramatto samādhi, avitakkaavicāro samādhi.
ps1.1:245.1	Cattāro samādhī—
ps1.1:245.2	hānabhāgiyo samādhi, ṭhitibhāgiyo samādhi, visesabhāgiyo samādhi, nibbedhabhāgiyo samādhi.
ps1.1:246.1	Pañca samādhī—
ps1.1:246.2	pītipharaṇatā, sukhapharaṇatā, cetopharaṇatā, ālokapharaṇatā, paccavekkhaṇānimittaṁ.
ps1.1:247.1	Cha samādhī—
ps1.1:247.2	buddhānussativasena cittassa ekaggatā avikkhepo samādhi, dhammānussativasena cittassa ekaggatā avikkhepo samādhi, saṅghānussativasena cittassa ekaggatā avikkhepo samādhi, sīlānussativasena cittassa ekaggatā avikkhepo samādhi, cāgānussativasena cittassa ekaggatā avikkhepo samādhi, devatānussativasena cittassa ekaggatā avikkhepo samādhi.
ps1.1:248.1	Satta samādhī—
ps1.1:248.2	samādhikusalatā, samādhissa samāpattikusalatā, samādhissa ṭhitikusalatā, samādhissa vuṭṭhānakusalatā, samādhissa kallatākusalatā, samādhissa gocarakusalatā, samādhissa abhinīhārakusalatā.
ps1.1:249.1	Aṭṭha samādhī—
ps1.1:249.2	pathavīkasiṇavasena cittassa ekaggatā avikkhepo samādhi, āpokasiṇavasena …pe…
ps1.1:249.3	tejokasiṇavasena …
ps1.1:249.4	vāyokasiṇavasena …
ps1.1:249.5	nīlakasiṇavasena …
ps1.1:249.6	pītakasiṇavasena …
ps1.1:249.7	lohitakasiṇavasena …
ps1.1:249.8	odātakasiṇavasena cittassa ekaggatā avikkhepo samādhi.
ps1.1:250.1	Nava samādhī—
ps1.1:250.2	rūpāvacaro samādhi atthi hīno, atthi majjho, atthi paṇīto;
ps1.1:250.3	arūpāvacaro samādhi atthi hīno, atthi majjho, atthi paṇīto;
ps1.1:250.4	suññato samādhi, animitto samādhi, appaṇihito samādhi.
ps1.1:251.1	Dasa samādhī—
ps1.1:251.2	uddhumātakasaññāvasena cittassa ekaggatā avikkhepo samādhi, vinīlakasaññāvasena …
ps1.1:251.3	vipubbakasaññāvasena …
ps1.1:251.4	vicchiddakasaññāvasena …
ps1.1:251.5	vikkhāyitakasaññāvasena …
ps1.1:251.6	vikkhittakasaññāvasena …
ps1.1:251.7	hatavikkhittakasaññāvasena …
ps1.1:251.8	lohitakasaññāvasena …
ps1.1:251.9	puḷavakasaññāvasena …
ps1.1:251.10	aṭṭhikasaññāvasena cittassa ekaggatā avikkhepo samādhi.
ps1.1:251.11	Ime pañcapaññāsa samādhī.
ps1.1:252.1	Api ca pañcavīsati samādhissa samādhiṭṭhā—
ps1.1:252.2	pariggahaṭṭhena samādhi, parivāraṭṭhena samādhi, paripūraṭṭhena samādhi, ekaggaṭṭhena samādhi, avikkhepaṭṭhena samādhi, avisāraṭṭhena samādhi, anāvilaṭṭhena samādhi, aniñjanaṭṭhena samādhi, vimuttaṭṭhena samādhi, ekattupaṭṭhānavasena cittassa ṭhitattā samādhi, samaṁ esatīti samādhi, visamaṁ nesatīti samādhi, samaṁ esitattā samādhi, visamaṁ nesitattā samādhi, samaṁ ādiyatīti samādhi, visamaṁ nādiyatīti samādhi, samaṁ ādinnattā samādhi, visamaṁ anādinnattā samādhi, samaṁ paṭipajjatīti samādhi, visamaṁ nappaṭipajjatīti samādhi, samaṁ paṭipannattā samādhi, visamaṁ nappaṭipannattā samādhi, samaṁ jhāyatīti samādhi, visamaṁ jhāpetīti samādhi, samaṁ jhātattā samādhi, visamaṁ jhāpitattā samādhi, samo ca hito ca sukho cāti samādhi.
ps1.1:252.3	Ime pañcavīsati samādhissa samādhiṭṭhā.
ps1.1:252.4	Taṁ ñātaṭṭhena ñāṇaṁ, pajānanaṭṭhena paññā.
ps1.1:252.5	Tena vuccati—
ps1.1:252.6	“saṁvaritvā samādahane paññā samādhibhāvanāmaye ñāṇaṁ”.
ps1.1:252.7	Samādhibhāvanāmayañāṇaniddeso tatiyo.
ps1.1:253.0	1.1.4. Dhammaṭṭhitiñāṇaniddesa
ps1.1:253.1	Kathaṁ paccayapariggahe paññā dhammaṭṭhitiñāṇaṁ?
ps1.1:253.2	Avijjā saṅkhārānaṁ uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca.
ps1.1:253.3	Imehi navahākārehi avijjā paccayo, saṅkhārā paccayasamuppannā.
ps1.1:253.4	Ubhopete dhammā paccayasamuppannāti—
ps1.1:253.5	paccayapariggahe paññā dhammaṭṭhitiñāṇaṁ.
ps1.1:253.6	Atītampi addhānaṁ …
ps1.1:253.7	anāgatampi addhānaṁ avijjā saṅkhārānaṁ uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca.
ps1.1:253.8	Imehi navahākārehi avijjā paccayo, saṅkhārā paccayasamuppannā.
ps1.1:253.9	Ubhopete dhammā paccayasamuppannāti—
ps1.1:253.10	paccayapariggahe paññā dhammaṭṭhitiñāṇaṁ.
ps1.1:254.1	Saṅkhārā viññāṇassa …pe…
ps1.1:254.2	viññāṇaṁ nāmarūpassa …
ps1.1:254.3	nāmarūpaṁ saḷāyatanassa …
ps1.1:254.4	saḷāyatanaṁ phassassa …
ps1.1:254.5	phasso vedanāya …
ps1.1:254.6	vedanā taṇhāya …
ps1.1:254.7	taṇhā upādānassa …
ps1.1:254.8	upādānaṁ bhavassa …
ps1.1:254.9	bhavo jātiyā …
ps1.1:254.10	jāti jarāmaraṇassa uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca.
ps1.1:254.11	Imehi navahākārehi jāti paccayo, jarāmaraṇaṁ paccayasamuppannaṁ.
ps1.1:254.12	Ubhopete dhammā paccayasamuppannāti—
ps1.1:254.13	paccayapariggahe paññā dhammaṭṭhitiñāṇaṁ.
ps1.1:254.14	Atītampi addhānaṁ …
ps1.1:254.15	anāgatampi addhānaṁ jāti jarāmaraṇassa uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca.
ps1.1:254.16	Imehi navahākārehi jāti paccayo, jarāmaraṇaṁ paccayasamuppannaṁ.
ps1.1:254.17	Ubhopete dhammā paccayasamuppannāti—
ps1.1:254.18	paccayapariggahe paññā dhammaṭṭhitiñāṇaṁ.
ps1.1:255.1	Avijjā hetu, saṅkhārā hetusamuppannā.
ps1.1:255.2	Ubhopete dhammā hetusamuppannāti—
ps1.1:255.3	paccayapariggahe paññā dhammaṭṭhitiñāṇaṁ.
ps1.1:255.4	Atītampi addhānaṁ …
ps1.1:255.5	anāgatampi addhānaṁ avijjā hetu, saṅkhārā hetusamuppannā.
ps1.1:255.6	Ubhopete dhammā hetusamuppannāti—
ps1.1:255.7	paccayapariggahe paññā dhammaṭṭhitiñāṇaṁ.
ps1.1:256.1	Saṅkhārā hetu, viññāṇaṁ hetusamuppannaṁ …pe…
ps1.1:256.2	viññāṇaṁ hetu, nāmarūpaṁ hetusamuppannaṁ …
ps1.1:256.3	nāmarūpaṁ hetu, saḷāyatanaṁ hetusamuppannaṁ …
ps1.1:256.4	saḷāyatanaṁ hetu, phasso hetusamuppanno …
ps1.1:256.5	phasso hetu, vedanā hetusamuppannā …
ps1.1:256.6	vedanā hetu, taṇhā hetusamuppannā …
ps1.1:256.7	taṇhā hetu, upādānaṁ hetusamuppannaṁ …
ps1.1:256.8	upādānaṁ hetu, bhavo hetusamuppanno …
ps1.1:256.9	bhavo hetu, jāti hetusamuppannā …
ps1.1:256.10	jāti hetu, jarāmaraṇaṁ hetusamuppannaṁ.
ps1.1:256.11	Ubhopete dhammā hetusamuppannāti—
ps1.1:256.12	paccayapariggahe paññā dhammaṭṭhitiñāṇaṁ.
ps1.1:256.13	Atītampi addhānaṁ …
ps1.1:256.14	anāgatampi addhānaṁ jāti hetu, jarāmaraṇaṁ hetusamuppannaṁ.
ps1.1:256.15	Ubhopete dhammā hetusamuppannāti—
ps1.1:256.16	paccayapariggahe paññā dhammaṭṭhitiñāṇaṁ.
ps1.1:257.1	Avijjā paṭiccā, saṅkhārā paṭiccasamuppannā.
ps1.1:257.2	Ubhopete dhammā paṭiccasamuppannāti—
ps1.1:257.3	paccayapariggahe paññā dhammaṭṭhitiñāṇaṁ.
ps1.1:257.4	Atītampi addhānaṁ …
ps1.1:257.5	anāgatampi addhānaṁ avijjā paṭiccā, saṅkhārā paṭiccasamuppannā.
ps1.1:257.6	Ubhopete dhammā paṭiccasamuppannāti—
ps1.1:257.7	paccayapariggahe paññā dhammaṭṭhitiñāṇaṁ.
ps1.1:258.1	Saṅkhārā paṭiccā, viññāṇaṁ paṭiccasamuppannaṁ …pe…
ps1.1:258.2	viññāṇaṁ paṭiccaṁ, nāmarūpaṁ paṭiccasamuppannaṁ …
ps1.1:258.3	nāmarūpaṁ paṭiccaṁ, saḷāyatanaṁ paṭiccasamuppannaṁ …
ps1.1:258.4	saḷāyatanaṁ paṭiccaṁ, phasso paṭiccasamuppanno …
ps1.1:258.5	phasso paṭicco, vedanā paṭiccasamuppannā …
ps1.1:258.6	vedanā paṭiccā, taṇhā paṭiccasamuppannā …
ps1.1:258.7	taṇhā paṭiccā, upādānaṁ paṭiccasamuppannaṁ …
ps1.1:258.8	upādānaṁ paṭiccaṁ, bhavo paṭiccasamuppanno …
ps1.1:258.9	bhavo paṭicco, jāti paṭiccasamuppannā …
ps1.1:258.10	jāti paṭiccā, jarāmaraṇaṁ paṭiccasamuppannaṁ.
ps1.1:258.11	Ubhopete dhammā paṭiccasamuppannāti—
ps1.1:258.12	paccayapariggahe paññā dhammaṭṭhitiñāṇaṁ.
ps1.1:258.13	Atītampi addhānaṁ …
ps1.1:258.14	anāgatampi addhānaṁ jāti paṭiccā, jarāmaraṇaṁ paṭiccasamuppannaṁ.
ps1.1:258.15	Ubhopete dhammā paṭiccasamuppannāti—
ps1.1:258.16	paccayapariggahe paññā dhammaṭṭhitiñāṇaṁ.
ps1.1:259.1	Avijjā paccayo, saṅkhārā paccayasamuppannā.
ps1.1:259.2	Ubhopete dhammā paccayasamuppannāti—
ps1.1:259.3	paccayapariggahe paññā dhammaṭṭhitiñāṇaṁ.
ps1.1:259.4	Atītampi addhānaṁ …
ps1.1:259.5	anāgatampi addhānaṁ avijjā paccayo, saṅkhārā paccayasamuppannā.
ps1.1:259.6	Ubhopete dhammā paccayasamuppannāti—
ps1.1:259.7	paccayapariggahe paññā dhammaṭṭhitiñāṇaṁ.
ps1.1:260.1	Saṅkhārā paccayā, viññāṇaṁ paccayasamuppannaṁ …pe…
ps1.1:260.2	viññāṇaṁ paccayo, nāmarūpaṁ paccayasamuppannaṁ …
ps1.1:260.3	nāmarūpaṁ paccayo, saḷāyatanaṁ paccayasamuppannaṁ …
ps1.1:260.4	saḷāyatanaṁ paccayo, phasso paccayasamuppanno …
ps1.1:260.5	phasso paccayo, vedanā paccayasamuppannā …
ps1.1:260.6	vedanā paccayo, taṇhā paccayasamuppannā …
ps1.1:260.7	taṇhā paccayo, upādānaṁ paccayasamuppannaṁ …
ps1.1:260.8	upādānaṁ paccayo, bhavo paccayasamuppanno …
ps1.1:260.9	bhavo paccayo, jāti paccayasamuppannā …
ps1.1:260.10	jāti paccayo, jarāmaraṇaṁ paccayasamuppannaṁ.
ps1.1:260.11	Ubhopete dhammā paccayasamuppannāti—
ps1.1:260.12	paccayapariggahe paññā dhammaṭṭhitiñāṇaṁ.
ps1.1:260.13	Atītampi addhānaṁ …
ps1.1:260.14	anāgatampi addhānaṁ jāti paccayo, jarāmaraṇaṁ paccayasamuppannaṁ.
ps1.1:260.15	Ubhopete dhammā paccayasamuppannāti—
ps1.1:260.16	paccayapariggahe paññā dhammaṭṭhitiñāṇaṁ.
ps1.1:261.1	Purimakammabhavasmiṁ moho avijjā, āyūhanā saṅkhārā, nikanti taṇhā, upagamanaṁ upādānaṁ, cetanā bhavo.
ps1.1:261.2	Ime pañca dhammā purimakammabhavasmiṁ idha paṭisandhiyā paccayā.
ps1.1:261.3	Idha paṭisandhi viññāṇaṁ, okkanti nāmarūpaṁ, pasādo āyatanaṁ, phuṭṭho phasso, vedayitaṁ vedanā.
ps1.1:261.4	Ime pañca dhammā idhupapattibhavasmiṁ purekatassa kammassa paccayā.
ps1.1:261.5	Idha paripakkattā āyatanānaṁ moho avijjā, āyūhanā saṅkhārā, nikanti taṇhā upagamanaṁ upādānaṁ, cetanā bhavo.
ps1.1:261.6	Ime pañca dhammā idha kammabhavasmiṁ āyatiṁ paṭisandhiyā paccayā.
ps1.1:261.7	Āyatiṁ paṭisandhi viññāṇaṁ, okkanti nāmarūpaṁ, pasādo āyatanaṁ, phuṭṭho phasso, vedayitaṁ vedanā.
ps1.1:261.8	Ime pañca dhammā āyatiṁ upapattibhavasmiṁ idha katassa kammassa paccayā.
ps1.1:261.9	Itime catusaṅkhepe tayo addhe tisandhiṁ vīsatiyā ākārehi paṭiccasamuppādaṁ jānāti passati aññāti paṭivijjhati.
ps1.1:261.10	Taṁ ñātaṭṭhena ñāṇaṁ, pajānanaṭṭhena paññā.
ps1.1:261.11	Tena vuccati—
ps1.1:261.12	“paccayapariggahe paññā dhammaṭṭhitiñāṇaṁ”.
ps1.1:261.13	Dhammaṭṭhitiñāṇaniddeso catuttho.
ps1.1:262.0	1.1.5. Sammasanañāṇaniddesa
ps1.1:262.1	Kathaṁ atītānāgatapaccuppannānaṁ dhammānaṁ saṅkhipitvā vavatthāne paññā sammasane ñāṇaṁ?
ps1.1:263.1	Yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ aniccato vavattheti ekaṁ sammasanaṁ, dukkhato vavattheti ekaṁ sammasanaṁ, anattato vavattheti ekaṁ sammasanaṁ.
ps1.1:264.1	Yā kāci vedanā …pe…
ps1.1:264.2	yā kāci saññā …
ps1.1:264.3	ye keci saṅkhārā …
ps1.1:264.4	yaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ aniccato vavattheti ekaṁ sammasanaṁ, dukkhato vavattheti ekaṁ sammasanaṁ, anattato vavattheti ekaṁ sammasanaṁ.
ps1.1:265.1	Cakkhuṁ …pe…
ps1.1:265.2	jarāmaraṇaṁ atītānāgatapaccuppannaṁ aniccato vavattheti ekaṁ sammasanaṁ, dukkhato vavattheti ekaṁ sammasanaṁ, anattato vavattheti ekaṁ sammasanaṁ.
ps1.1:266.1	Rūpaṁ atītānāgatapaccuppannaṁ aniccaṁ khayaṭṭhena, dukkhaṁ bhayaṭṭhena anattā asārakaṭṭhenāti saṅkhipitvā vavatthāne paññā sammasane ñāṇaṁ.
ps1.1:266.2	Vedanā …pe…
ps1.1:266.3	saññā …pe…
ps1.1:266.4	saṅkhārā …pe…
ps1.1:266.5	viññāṇaṁ …pe…
ps1.1:266.6	cakkhu …pe…
ps1.1:266.7	jarāmaraṇaṁ atītānāgatapaccuppannaṁ aniccaṁ khayaṭṭhena, dukkhaṁ bhayaṭṭhena, anattā asārakaṭṭhenāti saṅkhipitvā vavatthāne paññā sammasane ñāṇaṁ.
ps1.1:267.1	Rūpaṁ atītānāgatapaccuppannaṁ aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammanti saṅkhipitvā vavatthāne paññā sammasane ñāṇaṁ.
ps1.1:267.2	Vedanā …pe…
ps1.1:267.3	saññā …
ps1.1:267.4	saṅkhārā …
ps1.1:267.5	viññāṇaṁ …
ps1.1:267.6	cakkhu …pe…
ps1.1:267.7	jarāmaraṇaṁ atītānāgatapaccuppannaṁ aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammanti saṅkhipitvā vavatthāne paññā sammasane ñāṇaṁ.
ps1.1:268.1	Jātipaccayā jarāmaraṇaṁ, asati jātiyā natthi jarāmaraṇanti saṅkhipitvā vavatthāne paññā sammasane ñāṇaṁ.
ps1.1:268.2	Atītampi addhānaṁ …
ps1.1:268.3	anāgatampi addhānaṁ jātipaccayā jarāmaraṇaṁ, asati jātiyā natthi jarāmaraṇanti saṅkhipitvā vavatthāne paññā sammasane ñāṇaṁ.
ps1.1:268.4	Bhavapaccayā jāti, asati …pe…
ps1.1:268.5	upādānapaccayā bhavo, asati …pe…
ps1.1:268.6	taṇhāpaccayā upādānaṁ, asati …pe…
ps1.1:268.7	vedanāpaccayā taṇhā, asati …pe…
ps1.1:268.8	phassapaccayā vedanā, asati …pe…
ps1.1:268.9	saḷāyatanapaccayā phasso, asati …pe…
ps1.1:268.10	nāmarūpapaccayā saḷāyatanaṁ, asati …pe…
ps1.1:268.11	viññāṇapaccayā nāmarūpaṁ, asati …pe…
ps1.1:268.12	saṅkhārapaccayā viññāṇaṁ, asati …pe…
ps1.1:268.13	avijjāpaccayā saṅkhārā, asati avijjāya natthi saṅkhārāti saṅkhipitvā vavatthāne paññā sammasane ñāṇaṁ.
ps1.1:268.14	Atītampi addhānaṁ …
ps1.1:268.15	anāgatampi addhānaṁ avijjāpaccayā saṅkhārā, asati avijjāya natthi saṅkhārāti saṅkhipitvā vavatthāne paññā sammasane ñāṇaṁ.
ps1.1:268.16	Taṁ ñātaṭṭhena ñāṇaṁ, pajānanaṭṭhena paññā.
ps1.1:268.17	Tena vuccati—
ps1.1:268.18	“atītānāgatapaccuppannānaṁ dhammānaṁ saṅkhipitvā vavatthāne paññā sammasane ñāṇaṁ”.
ps1.1:268.19	Sammasanañāṇaniddeso pañcamo.
ps1.1:269.0	1.1.6. Udayabbayañāṇaniddesa
ps1.1:269.1	Kathaṁ paccuppannānaṁ dhammānaṁ vipariṇāmānupassane paññā udayabbayānupassane ñāṇaṁ?
ps1.1:269.2	Jātaṁ rūpaṁ paccuppannaṁ, tassa nibbattilakkhaṇaṁ udayo, vipariṇāmalakkhaṇaṁ vayo, anupassanā ñāṇaṁ.
ps1.1:269.3	Jātā vedanā …
ps1.1:269.4	jātā saññā …
ps1.1:269.5	jātā saṅkhārā …
ps1.1:269.6	jātaṁ viññāṇaṁ …
ps1.1:269.7	jātaṁ cakkhu …pe…
ps1.1:269.8	jāto bhavo paccuppanno, tassa nibbattilakkhaṇaṁ udayo, vipariṇāmalakkhaṇaṁ vayo, anupassanā ñāṇaṁ.
ps1.1:270.1	Pañcannaṁ khandhānaṁ udayaṁ passanto kati lakkhaṇāni passati, vayaṁ passanto kati lakkhaṇāni passati, udayabbayaṁ passanto kati lakkhaṇāni passati?
ps1.1:270.2	Pañcannaṁ khandhānaṁ udayaṁ passanto pañcavīsati lakkhaṇāni passati, vayaṁ passanto pañcavīsati lakkhaṇāni passati;
ps1.1:270.3	udayabbayaṁ passanto paññāsa lakkhaṇāni passati.
ps1.1:271.1	Rūpakkhandhassa udayaṁ passanto kati lakkhaṇāni passati, vayaṁ passanto kati lakkhaṇāni passati, udayabbayaṁ passanto kati lakkhaṇāni passati?
ps1.1:271.2	Vedanākkhandhassa …pe…
ps1.1:271.3	saññākkhandhassa …pe…
ps1.1:271.4	saṅkhārakkhandhassa …pe…
ps1.1:271.5	viññāṇakkhandhassa udayaṁ passanto kati lakkhaṇāni passati, vayaṁ passanto kati lakkhaṇāni passati, udayabbayaṁ passanto kati lakkhaṇāni passati?
ps1.1:271.6	Rūpakkhandhassa udayaṁ passanto pañca lakkhaṇāni passati, vayaṁ passanto pañca lakkhaṇāni passati;
ps1.1:271.7	udayabbayaṁ passanto dasa lakkhaṇāni passati.
ps1.1:271.8	Vedanākkhandhassa …pe…
ps1.1:271.9	saññākkhandhassa …
ps1.1:271.10	saṅkhārakkhandhassa …
ps1.1:271.11	viññāṇakkhandhassa udayaṁ passanto pañca lakkhaṇāni passati, vayaṁ passanto pañca lakkhaṇāni passati;
ps1.1:271.12	udayabbayaṁ passanto dasa lakkhaṇāni passati.
ps1.1:272.1	Rūpakkhandhassa udayaṁ passanto katamāni pañca lakkhaṇāni passati?
ps1.1:272.2	Avijjāsamudayā rūpasamudayoti—
ps1.1:272.3	paccayasamudayaṭṭhena rūpakkhandhassa udayaṁ passati.
ps1.1:272.4	Taṇhāsamudayā rūpasamudayoti—
ps1.1:272.5	paccayasamudayaṭṭhena rūpakkhandhassa udayaṁ passati.
ps1.1:272.6	Kammasamudayā rūpasamudayoti—
ps1.1:272.7	paccayasamudayaṭṭhena rūpakkhandhassa udayaṁ passati.
ps1.1:272.8	Āhārasamudayā rūpasamudayoti—
ps1.1:272.9	paccayasamudayaṭṭhena rūpakkhandhassa udayaṁ passati.
ps1.1:272.10	Nibbattilakkhaṇaṁ passantopi rūpakkhandhassa udayaṁ passati.
ps1.1:272.11	Rūpakkhandhassa udayaṁ passanto imāni pañca lakkhaṇāni passati.
ps1.1:273.1	Vayaṁ passanto katamāni pañca lakkhaṇāni passati?
ps1.1:273.2	Avijjānirodhā rūpanirodhoti—
ps1.1:273.3	paccayanirodhaṭṭhena rūpakkhandhassa vayaṁ passati.
ps1.1:273.4	Taṇhānirodhā rūpanirodhoti—
ps1.1:273.5	paccayanirodhaṭṭhena rūpakkhandhassa vayaṁ passati.
ps1.1:273.6	Kammanirodhā rūpanirodhoti—
ps1.1:273.7	paccayanirodhaṭṭhena rūpakkhandhassa vayaṁ passati.
ps1.1:273.8	Āhāranirodhā rūpanirodhoti—
ps1.1:273.9	paccayanirodhaṭṭhena rūpakkhandhassa vayaṁ passati.
ps1.1:273.10	Vipariṇāmalakkhaṇaṁ passantopi rūpakkhandhassa vayaṁ passati.
ps1.1:273.11	Rūpakkhandhassa vayaṁ passanto imāni pañca lakkhaṇāni passati.
ps1.1:273.12	Udayabbayaṁ passanto imāni dasa lakkhaṇāni passati.
ps1.1:274.1	Vedanākkhandhassa udayaṁ passanto katamāni pañca lakkhaṇāni passati?
ps1.1:274.2	Avijjāsamudayā vedanāsamudayoti—
ps1.1:274.3	paccayasamudayaṭṭhena vedanākkhandhassa udayaṁ passati.
ps1.1:274.4	Taṇhāsamudayā vedanāsamudayoti—
ps1.1:274.5	paccayasamudayaṭṭhena vedanākkhandhassa udayaṁ passati.
ps1.1:274.6	Kammasamudayā vedanāsamudayoti—
ps1.1:274.7	paccayasamudayaṭṭhena vedanākkhandhassa udayaṁ passati.
ps1.1:274.8	Phassasamudayā vedanāsamudayoti—
ps1.1:274.9	paccayasamudayaṭṭhena vedanākkhandhassa udayaṁ passati.
ps1.1:274.10	Nibbattilakkhaṇaṁ passantopi vedanākkhandhassa udayaṁ passati.
ps1.1:274.11	Vedanākkhandhassa udayaṁ passanto imāni pañca lakkhaṇāni passati.
ps1.1:275.1	Vayaṁ passanto katamāni pañca lakkhaṇāni passati?
ps1.1:275.2	Avijjānirodhā vedanānirodhoti—
ps1.1:275.3	paccayanirodhaṭṭhena vedanākkhandhassa vayaṁ passati.
ps1.1:275.4	Taṇhānirodhā vedanānirodhoti—
ps1.1:275.5	paccayanirodhaṭṭhena vedanākkhandhassa vayaṁ passati.
ps1.1:275.6	Kammanirodhā vedanānirodhoti—
ps1.1:275.7	paccayanirodhaṭṭhena vedanākkhandhassa vayaṁ passati.
ps1.1:275.8	Phassanirodhā vedanānirodhoti—
ps1.1:275.9	paccayanirodhaṭṭhena vedanākkhandhassa vayaṁ passati.
ps1.1:275.10	Vipariṇāmalakkhaṇaṁ passantopi vedanākkhandhassa vayaṁ passati.
ps1.1:275.11	Vedanākkhandhassa vayaṁ passanto imāni pañca lakkhaṇāni passati.
ps1.1:275.12	Udayabbayaṁ passanto imāni dasa lakkhaṇāni passati.
ps1.1:276.1	Saññākkhandhassa …pe…
ps1.1:276.2	saṅkhārakkhandhassa …pe…
ps1.1:276.3	viññāṇakkhandhassa udayaṁ passanto katamāni pañca lakkhaṇāni passati?
ps1.1:276.4	Avijjāsamudayā viññāṇasamudayoti—
ps1.1:276.5	paccayasamudayaṭṭhena viññāṇakkhandhassa udayaṁ passati.
ps1.1:276.6	Taṇhāsamudayā viññāṇasamudayoti paccayasamudayaṭṭhena viññāṇakkhandhassa udayaṁ passati.
ps1.1:276.7	Kammasamudayā viññāṇasamudayoti—
ps1.1:276.8	paccayasamudayaṭṭhena viññāṇakkhandhassa udayaṁ passati.
ps1.1:276.9	Nāmarūpasamudayā viññāṇasamudayoti—
ps1.1:276.10	paccayasamudayaṭṭhena viññāṇakkhandhassa udayaṁ passati.
ps1.1:276.11	Nibbattilakkhaṇaṁ passantopi viññāṇakkhandhassa udayaṁ passati.
ps1.1:276.12	Viññāṇakkhandhassa udayaṁ passanto imāni pañca lakkhaṇāni passati.
ps1.1:277.1	Vayaṁ passanto katamāni pañca lakkhaṇāni passati?
ps1.1:277.2	Avijjānirodhā viññāṇanirodhoti—
ps1.1:277.3	paccayanirodhaṭṭhena viññāṇakkhandhassa vayaṁ passati.
ps1.1:277.4	Taṇhānirodhā viññāṇanirodhoti—
ps1.1:277.5	paccayanirodhaṭṭhena viññāṇakkhandhassa vayaṁ passati.
ps1.1:277.6	Kammanirodhā viññāṇanirodhoti—
ps1.1:277.7	paccayanirodhaṭṭhena viññāṇakkhandhassa vayaṁ passati.
ps1.1:277.8	Nāmarūpanirodhā viññāṇanirodhoti—
ps1.1:277.9	paccayanirodhaṭṭhena viññāṇakkhandhassa vayaṁ passati.
ps1.1:277.10	Vipariṇāmalakkhaṇaṁ passantopi viññāṇakkhandhassa vayaṁ passati.
ps1.1:277.11	Viññāṇakkhandhassa vayaṁ passanto imāni pañca lakkhaṇāni passati.
ps1.1:277.12	Udayabbayaṁ passanto imāni dasa lakkhaṇāni passati.
ps1.1:278.1	Pañcannaṁ khandhānaṁ udayaṁ passanto imāni pañcavīsati lakkhaṇāni passati, vayaṁ passanto imāni pañcavīsati lakkhaṇāni passati, udayabbayaṁ passanto imāni paññāsa lakkhaṇāni passati.
ps1.1:278.2	Taṁ ñātaṭṭhena ñāṇaṁ, pajānanaṭṭhena paññā.
ps1.1:278.3	Tena vuccati—
ps1.1:278.4	“paccuppannānaṁ dhammānaṁ vipariṇāmānupassane paññā udayabbayānupassane ñāṇaṁ”.
ps1.1:278.5	Rūpakkhandho āhārasamudayo.
ps1.1:278.6	Vedanā, saññā, saṅkhārā—
ps1.1:278.7	tayo khandhā phassasamudayā.
ps1.1:278.8	Viññāṇakkhandho nāmarūpasamudayo.
ps1.1:278.9	Udayabbayañāṇaniddeso chaṭṭho.
ps1.1:279.0	1.1.7. Bhaṅgānupassanāñāṇaniddesa
ps1.1:279.1	Kathaṁ ārammaṇaṁ paṭisaṅkhā bhaṅgānupassane paññā vipassane ñāṇaṁ?
ps1.1:279.2	Rūpārammaṇatā cittaṁ uppajjitvā bhijjati.
ps1.1:279.3	Taṁ ārammaṇaṁ paṭisaṅkhā tassa cittassa bhaṅgaṁ anupassati.
ps1.1:280.1	<b>Anupassatī</b>ti, kathaṁ anupassati?
ps1.1:280.2	Aniccato anupassati, no niccato.
ps1.1:280.3	Dukkhato anupassati, no sukhato.
ps1.1:280.4	Anattato anupassati, no attato.
ps1.1:280.5	Nibbindati, no nandati, virajjati, no rajjati.
ps1.1:280.6	Nirodheti, no samudeti.
ps1.1:280.7	Paṭinissajjati, no ādiyati.
ps1.1:281.1	Aniccato anupassanto niccasaññaṁ pajahati.
ps1.1:281.2	Dukkhato anupassanto sukhasaññaṁ pajahati.
ps1.1:281.3	Anattato anupassanto attasaññaṁ pajahati.
ps1.1:281.4	Nibbindanto nandiṁ pajahati.
ps1.1:281.5	Virajjanto rāgaṁ pajahati.
ps1.1:281.6	Nirodhento samudayaṁ pajahati.
ps1.1:281.7	Paṭinissajjanto ādānaṁ pajahati.
ps1.1:282.1	Vedanārammaṇatā …pe…
ps1.1:282.2	saññārammaṇatā …
ps1.1:282.3	saṅkhārārammaṇatā …
ps1.1:282.4	viññāṇārammaṇatā …
ps1.1:282.5	cakkhu …pe…
ps1.1:282.6	jarāmaraṇārammaṇatā cittaṁ uppajjitvā bhijjati.
ps1.1:282.7	Taṁ ārammaṇaṁ paṭisaṅkhā tassa cittassa bhaṅgaṁ anupassati.
ps1.1:282.8	Anupassatīti, kathaṁ anupassati?
ps1.1:282.9	Aniccato anupassati, no niccato.
ps1.1:282.10	Dukkhato anupassati, no sukhato.
ps1.1:282.11	Anattato anupassati, no attato.
ps1.1:282.12	Nibbindati, no nandati.
ps1.1:282.13	Virajjati, no rajjati.
ps1.1:282.14	Nirodheti, no samudeti.
ps1.1:282.15	Paṭinissajjati, no ādiyati.
ps1.1:283.1	Aniccato anupassanto niccasaññaṁ pajahati.
ps1.1:283.2	Dukkhato anupassanto sukhasaññaṁ pajahati.
ps1.1:283.3	Anattato anupassanto attasaññaṁ pajahati.
ps1.1:283.4	Nibbindanto nandiṁ pajahati.
ps1.1:283.5	Virajjanto rāgaṁ pajahati.
ps1.1:283.6	Nirodhento samudayaṁ pajahati.
ps1.1:283.7	Paṭinissajjanto ādānaṁ pajahati.
ps1.1:284.1	Vatthusaṅkamanā ceva,
ps1.1:284.2	paññāya ca vivaṭṭanā;
ps1.1:284.3	Āvajjanā balañceva,
ps1.1:284.4	paṭisaṅkhā vipassanā.
ps1.1:285.1	Ārammaṇaanvayena,
ps1.1:285.2	ubho ekavavatthanā;
ps1.1:285.3	Nirodhe adhimuttatā,
ps1.1:285.4	vayalakkhaṇavipassanā.
ps1.1:286.1	Ārammaṇañca paṭisaṅkhā,
ps1.1:286.2	bhaṅgañca anupassati;
ps1.1:286.3	Suññato ca upaṭṭhānaṁ,
ps1.1:286.4	adhipaññā vipassanā.
ps1.1:287.1	Kusalo tīsu anupassanāsu,
ps1.1:287.2	Catasso ca vipassanāsu;
ps1.1:287.3	Tayo upaṭṭhāne kusalatā,
ps1.1:287.4	Nānādiṭṭhīsu na kampatīti.
ps1.1:288.1	Taṁ ñātaṭṭhena ñāṇaṁ, pajānanaṭṭhena paññā.
ps1.1:288.2	Tena vuccati—
ps1.1:288.3	“ārammaṇaṁ paṭisaṅkhā bhaṅgānupassane paññā vipassane ñāṇaṁ”.
ps1.1:288.4	Bhaṅgānupassanāñāṇaniddeso sattamo.
ps1.1:289.0	1.1.8. Ādīnavañāṇaniddesa
ps1.1:289.1	Kathaṁ bhayatupaṭṭhāne paññā ādīnave ñāṇaṁ?
ps1.1:289.2	Uppādo bhayanti—
ps1.1:289.3	bhayatupaṭṭhāne paññā ādīnave ñāṇaṁ.
ps1.1:289.4	Pavattaṁ bhayanti—
ps1.1:289.5	bhayatupaṭṭhāne paññā ādīnave ñāṇaṁ.
ps1.1:289.6	Nimittaṁ bhayanti …pe…
ps1.1:289.7	āyūhanā bhayanti …pe…
ps1.1:289.8	paṭisandhi bhayanti …
ps1.1:289.9	gati bhayanti …
ps1.1:289.10	nibbatti bhayanti …
ps1.1:289.11	upapatti bhayanti …
ps1.1:289.12	jāti bhayanti …
ps1.1:289.13	jarā bhayanti …
ps1.1:289.14	byādhi bhayanti …
ps1.1:289.15	maraṇaṁ bhayanti …
ps1.1:289.16	soko bhayanti …
ps1.1:289.17	paridevo bhayanti …
ps1.1:289.18	upāyāso bhayanti—
ps1.1:289.19	bhayatupaṭṭhāne paññā ādīnave ñāṇaṁ.
ps1.1:290.1	Anuppādo khemanti—
ps1.1:290.2	santipade ñāṇaṁ.
ps1.1:290.3	Appavattaṁ khemanti—
ps1.1:290.4	santipade ñāṇaṁ …pe…
ps1.1:290.5	anupāyāso khemanti—
ps1.1:290.6	santipade ñāṇaṁ.
ps1.1:291.1	Uppādo bhayaṁ, anuppādo khemanti—
ps1.1:291.2	santipade ñāṇaṁ.
ps1.1:291.3	Pavattaṁ bhayaṁ, appavattaṁ khemanti—
ps1.1:291.4	santipade ñāṇaṁ …pe…
ps1.1:291.5	upāyāso bhayaṁ, anupāyāso khemanti—
ps1.1:291.6	santipade ñāṇaṁ.
ps1.1:292.1	Uppādo dukkhanti—
ps1.1:292.2	bhayatupaṭṭhāne paññā ādīnave ñāṇaṁ.
ps1.1:292.3	Pavattaṁ dukkhanti—
ps1.1:292.4	bhayatupaṭṭhāne paññā ādīnave ñāṇaṁ …pe…
ps1.1:292.5	upāyāso dukkhanti—
ps1.1:292.6	bhayatupaṭṭhāne paññā ādīnave ñāṇaṁ.
ps1.1:293.1	Anuppādo sukhanti—
ps1.1:293.2	santipade ñāṇaṁ.
ps1.1:293.3	Appavattaṁ sukhanti—
ps1.1:293.4	santipade ñāṇaṁ …pe…
ps1.1:293.5	anupāyāso sukhanti—
ps1.1:293.6	santipade ñāṇaṁ.
ps1.1:294.1	Uppādo dukkhaṁ, anuppādo sukhanti—
ps1.1:294.2	santipade ñāṇaṁ.
ps1.1:294.3	Pavattaṁ dukkhaṁ, appavattaṁ sukhanti—
ps1.1:294.4	santipade ñāṇaṁ …pe…
ps1.1:294.5	upāyāso dukkhaṁ, anupāyāso sukhanti—
ps1.1:294.6	santipade ñāṇaṁ.
ps1.1:295.1	Uppādo sāmisanti—
ps1.1:295.2	bhayatupaṭṭhāne paññā ādīnave ñāṇaṁ.
ps1.1:295.3	Pavattaṁ sāmisanti—
ps1.1:295.4	bhayatupaṭṭhāne paññā ādīnave ñāṇaṁ …pe…
ps1.1:295.5	upāyāso sāmisanti—
ps1.1:295.6	bhayatupaṭṭhāne paññā ādīnave ñāṇaṁ.
ps1.1:296.1	Anuppādo nirāmisanti—
ps1.1:296.2	santipade ñāṇaṁ.
ps1.1:296.3	Appavattaṁ nirāmisanti—
ps1.1:296.4	santipade ñāṇaṁ …pe…
ps1.1:296.5	anupāyāso nirāmisanti—
ps1.1:296.6	santipade ñāṇaṁ.
ps1.1:297.1	Uppādo sāmisaṁ, anuppādo nirāmisanti—
ps1.1:297.2	santipade ñāṇaṁ.
ps1.1:297.3	Pavattaṁ sāmisaṁ, appavattaṁ nirāmisanti—
ps1.1:297.4	santipade ñāṇaṁ …pe…
ps1.1:297.5	upāyāso sāmisaṁ, anupāyāso nirāmisanti—
ps1.1:297.6	santipade ñāṇaṁ.
ps1.1:298.1	Uppādo saṅkhārāti—
ps1.1:298.2	bhayatupaṭṭhāne paññā ādīnave ñāṇaṁ.
ps1.1:298.3	Pavattaṁ saṅkhārāti—
ps1.1:298.4	bhayatupaṭṭhāne paññā ādīnave ñāṇaṁ …pe…
ps1.1:298.5	upāyāso saṅkhārāti—
ps1.1:298.6	bhayatupaṭṭhāne paññā ādīnave ñāṇaṁ.
ps1.1:299.1	Anuppādo nibbānanti—
ps1.1:299.2	santipade ñāṇaṁ.
ps1.1:299.3	Appavattaṁ nibbānanti—
ps1.1:299.4	santipade ñāṇaṁ …pe…
ps1.1:299.5	anupāyāso nibbānanti—
ps1.1:299.6	santipade ñāṇaṁ.
ps1.1:300.1	Uppādo saṅkhārā, anuppādo nibbānanti—
ps1.1:300.2	santipade ñāṇaṁ.
ps1.1:300.3	Pavattaṁ saṅkhārā, appavattaṁ nibbānanti—
ps1.1:300.4	santipade ñāṇaṁ …pe…
ps1.1:300.5	upāyāso saṅkhārā, anupāyāso nibbānanti—
ps1.1:300.6	santipade ñāṇaṁ.
ps1.1:301.1	Uppādañca pavattañca,
ps1.1:301.2	nimittaṁ dukkhanti passati;
ps1.1:301.3	Āyūhanaṁ paṭisandhiṁ,
ps1.1:301.4	ñāṇaṁ ādīnave idaṁ.
ps1.1:302.1	Anuppādaṁ appavattaṁ,
ps1.1:302.2	Animittaṁ sukhanti ca;
ps1.1:302.3	Anāyūhanaṁ appaṭisandhiṁ,
ps1.1:302.4	Ñāṇaṁ santipade idaṁ.
ps1.1:303.1	Idaṁ ādīnave ñāṇaṁ,
ps1.1:303.2	Pañcaṭhānesu jāyati;
ps1.1:303.3	Pañcaṭhāne santipade,
ps1.1:303.4	Dasa ñāṇe pajānāti;
ps1.1:303.5	Dvinnaṁ ñāṇānaṁ kusalatā,
ps1.1:303.6	Nānādiṭṭhīsu na kampatīti.
ps1.1:304.1	Taṁ ñātaṭṭhena ñāṇaṁ, pajānanaṭṭhena paññā.
ps1.1:304.2	Tena vuccati—
ps1.1:304.3	“bhayatupaṭṭhāne paññā ādīnave ñāṇaṁ”.
ps1.1:304.4	Ādīnavañāṇaniddeso aṭṭhamo.
ps1.1:305.0	1.1.9. Saṅkhārupekkhāñāṇaniddesa
ps1.1:305.1	Kathaṁ muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ?
ps1.1:305.2	Uppādaṁ muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ, pavattaṁ muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ, nimittaṁ muñcitukamyatā …pe…
ps1.1:305.3	āyūhanaṁ muñcitukamyatā …
ps1.1:305.4	paṭisandhiṁ muñcitukamyatā …
ps1.1:305.5	gatiṁ muñcitukamyatā …
ps1.1:305.6	nibbattiṁ muñcitukamyatā …
ps1.1:305.7	upapattiṁ muñcitukamyatā …
ps1.1:305.8	jātiṁ muñcitukamyatā …
ps1.1:305.9	jaraṁ muñcitukamyatā …
ps1.1:305.10	byādhiṁ muñcitukamyatā …
ps1.1:305.11	maraṇaṁ muñcitukamyatā …
ps1.1:305.12	sokaṁ muñcitukamyatā …
ps1.1:305.13	paridevaṁ muñcitukamyatā …pe…
ps1.1:305.14	upāyāsaṁ muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:306.1	Uppādo dukkhanti—
ps1.1:306.2	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:306.3	Pavattaṁ dukkhanti—
ps1.1:306.4	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ …pe…
ps1.1:306.5	upāyāso dukkhanti—
ps1.1:306.6	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:307.1	Uppādo bhayanti—
ps1.1:307.2	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:307.3	Pavattaṁ bhayanti—
ps1.1:307.4	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ …pe…
ps1.1:307.5	upāyāso bhayanti—
ps1.1:307.6	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:308.1	Uppādo sāmisanti—
ps1.1:308.2	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:308.3	Pavattaṁ sāmisanti—
ps1.1:308.4	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ …pe…
ps1.1:308.5	upāyāso sāmisanti—
ps1.1:308.6	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:309.1	Uppādo saṅkhārāti—
ps1.1:309.2	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:309.3	Pavattaṁ saṅkhārāti—
ps1.1:309.4	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ …pe…
ps1.1:309.5	upāyāso saṅkhārāti—
ps1.1:309.6	muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:310.1	Uppādo saṅkhārā, te saṅkhāre ajjhupekkhatīti—
ps1.1:310.2	saṅkhārupekkhā.
ps1.1:310.3	Ye ca saṅkhārā yā ca upekkhā ubhopete saṅkhārā, te saṅkhāre ajjhupekkhatīti—
ps1.1:310.4	saṅkhārupekkhā.
ps1.1:310.5	Pavattaṁ saṅkhārā …pe…
ps1.1:310.6	nimittaṁ saṅkhārā …
ps1.1:310.7	āyūhanā saṅkhārā …
ps1.1:310.8	paṭisandhi saṅkhārā …
ps1.1:310.9	gati saṅkhārā …
ps1.1:310.10	nibbatti saṅkhārā …
ps1.1:310.11	upapatti saṅkhārā …
ps1.1:310.12	jāti saṅkhārā …
ps1.1:310.13	jarā saṅkhārā …
ps1.1:310.14	byādhi saṅkhārā …
ps1.1:310.15	maraṇaṁ saṅkhārā …
ps1.1:310.16	soko saṅkhārā …
ps1.1:310.17	paridevo saṅkhārā …pe…
ps1.1:310.18	upāyāso saṅkhārā, te saṅkhāre ajjhupekkhatīti—
ps1.1:310.19	saṅkhārupekkhā.
ps1.1:310.20	Ye ca saṅkhārā yā ca upekkhā ubhopete saṅkhārā, te saṅkhāre ajjhupekkhatīti—
ps1.1:310.21	saṅkhārupekkhā.
ps1.1:311.1	Katihākārehi saṅkhārupekkhāya cittassa abhinīhāro hoti?
ps1.1:311.2	Aṭṭhahākārehi saṅkhārupekkhāya cittassa abhinīhāro hoti.
ps1.1:311.3	Puthujjanassa katihākārehi saṅkhārupekkhāya cittassa abhinīhāro hoti?
ps1.1:311.4	Sekkhassa katihākārehi saṅkhārupekkhāya cittassa abhinīhāro hoti?
ps1.1:311.5	Vītarāgassa katihākārehi saṅkhārupekkhāya cittassa abhinīhāro hoti?
ps1.1:311.6	Puthujjanassa dvīhākārehi saṅkhārupekkhāya cittassa abhinīhāro hoti.
ps1.1:311.7	Sekkhassa tīhākārehi saṅkhārupekkhāya cittassa abhinīhāro hoti.
ps1.1:311.8	Vītarāgassa tīhākārehi saṅkhārupekkhāya cittassa abhinīhāro hoti.
ps1.1:312.1	Puthujjanassa katamehi dvīhākārehi saṅkhārupekkhāya cittassa abhinīhāro hoti?
ps1.1:312.2	Puthujjano saṅkhārupekkhaṁ abhinandati vā vipassati vā.
ps1.1:312.3	Puthujjanassa imehi dvīhākārehi saṅkhārupekkhāya cittassa abhinīhāro hoti.
ps1.1:312.4	Sekkhassa katamehi tīhākārehi saṅkhārupekkhāya cittassa abhinīhāro hoti?
ps1.1:312.5	Sekkho saṅkhārupekkhaṁ abhinandati vā vipassati vā paṭisaṅkhāya vā phalasamāpattiṁ samāpajjati.
ps1.1:312.6	Sekkhassa imehi tīhākārehi saṅkhārupekkhāya cittassa abhinīhāro hoti.
ps1.1:312.7	Vītarāgassa katamehi tīhākārehi saṅkhārupekkhāya cittassa abhinīhāro hoti?
ps1.1:312.8	Vītarāgo saṅkhārupekkhaṁ vipassati vā paṭisaṅkhāya vā phalasamāpattiṁ samāpajjati, tadajjhupekkhitvā suññatavihārena vā animittavihārena vā appaṇihitavihārena vā viharati.
ps1.1:312.9	Vītarāgassa imehi tīhākārehi saṅkhārupekkhāya cittassa abhinīhāro hoti.
ps1.1:313.1	Kathaṁ puthujjanassa ca sekkhassa ca saṅkhārupekkhāya cittassa abhinīhāro ekattaṁ hoti?
ps1.1:313.2	Puthujjanassa saṅkhārupekkhaṁ abhinandato cittaṁ kilissati, bhāvanāya paripantho hoti, paṭivedhassa antarāyo hoti, āyatiṁ paṭisandhiyā paccayo hoti.
ps1.1:313.3	Sekkhassapi saṅkhārupekkhaṁ abhinandato cittaṁ kilissati, bhāvanāya paripantho hoti, uttaripaṭivedhassa antarāyo hoti, āyatiṁ paṭisandhiyā paccayo hoti.
ps1.1:313.4	Evaṁ puthujjanassa ca sekkhassa ca saṅkhārupekkhāya cittassa abhinīhāro ekattaṁ hoti abhinandaṭṭhena.
ps1.1:314.1	Kathaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro ekattaṁ hoti?
ps1.1:314.2	Puthujjano saṅkhārupekkhaṁ aniccatopi dukkhatopi anattatopi vipassati.
ps1.1:314.3	Sekkhopi saṅkhārupekkhaṁ aniccatopi dukkhatopi anattatopi vipassati.
ps1.1:314.4	Vītarāgopi saṅkhārupekkhaṁ aniccatopi dukkhatopi anattatopi vipassati.
ps1.1:314.5	Evaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro ekattaṁ hoti anupassanaṭṭhena.
ps1.1:315.1	Kathaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti?
ps1.1:315.2	Puthujjanassa saṅkhārupekkhā kusalā hoti.
ps1.1:315.3	Sekkhassapi saṅkhārupekkhā kusalā hoti.
ps1.1:315.4	Vītarāgassa saṅkhārupekkhā abyākatā hoti.
ps1.1:315.5	Evaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti kusalābyākataṭṭhena.
ps1.1:316.1	Kathaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti?
ps1.1:316.2	Puthujjanassa saṅkhārupekkhā kiñcikāle suviditā hoti, kiñcikāle na suviditā hoti.
ps1.1:316.3	Sekkhassapi saṅkhārupekkhā kiñcikāle suviditā hoti, kiñcikāle na suviditā hoti.
ps1.1:316.4	Vītarāgassa saṅkhārupekkhā accantaṁ suviditā hoti.
ps1.1:316.5	Evaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti viditaṭṭhena ca aviditaṭṭhena ca.
ps1.1:317.1	Kathaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti?
ps1.1:317.2	Puthujjano saṅkhārupekkhaṁ atittattā vipassati.
ps1.1:317.3	Sekkhopi saṅkhārupekkhaṁ atittattā vipassati.
ps1.1:317.4	Vītarāgo saṅkhārupekkhaṁ tittattā vipassati.
ps1.1:317.5	Evaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti tittaṭṭhena ca atittaṭṭhena ca.
ps1.1:318.1	Kathaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti?
ps1.1:318.2	Puthujjano saṅkhārupekkhaṁ tiṇṇaṁ saññojanānaṁ pahānāya sotāpattimaggaṁ paṭilābhatthāya vipassati.
ps1.1:318.3	Sekkho saṅkhārupekkhaṁ tiṇṇaṁ saññojanānaṁ pahīnattā uttaripaṭilābhatthāya vipassati.
ps1.1:318.4	Vītarāgo saṅkhārupekkhaṁ sabbakilesānaṁ pahīnattā diṭṭhadhammasukhavihāratthāya vipassati.
ps1.1:318.5	Evaṁ puthujjanassa ca sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti pahīnaṭṭhena ca appahīnaṭṭhena ca.
ps1.1:319.1	Kathaṁ sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti?
ps1.1:319.2	Sekkho saṅkhārupekkhaṁ abhinandati vā vipassati vā paṭisaṅkhāya vā phalasamāpattiṁ samāpajjati.
ps1.1:319.3	Vītarāgo saṅkhārupekkhaṁ vipassati vā paṭisaṅkhāya vā phalasamāpattiṁ samāpajjati, tadajjhupekkhitvā suññatavihārena vā animittavihārena vā appaṇihitavihārena vā viharati.
ps1.1:319.4	Evaṁ sekkhassa ca vītarāgassa ca saṅkhārupekkhāya cittassa abhinīhāro nānattaṁ hoti vihārasamāpattaṭṭhena.
ps1.1:320.1	Kati saṅkhārupekkhā samathavasena uppajjanti?
ps1.1:320.2	Kati saṅkhārupekkhā vipassanāvasena uppajjanti?
ps1.1:320.3	Aṭṭha saṅkhārupekkhā samathavasena uppajjanti.
ps1.1:320.4	Dasa saṅkhārupekkhā vipassanāvasena uppajjanti.
ps1.1:321.1	Katamā aṭṭha saṅkhārupekkhā samathavasena uppajjanti?
ps1.1:321.2	Paṭhamaṁ jhānaṁ paṭilābhatthāya nīvaraṇe paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.3	Dutiyaṁ jhānaṁ paṭilābhatthāya vitakkavicāre paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.4	Tatiyaṁ jhānaṁ paṭilābhatthāya pītiṁ paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.5	Catutthaṁ jhānaṁ paṭilābhatthāya sukhadukkhe paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.6	Ākāsānañcāyatanasamāpattiṁ paṭilābhatthāya rūpasaññaṁ paṭighasaññaṁ nānattasaññaṁ paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.7	Viññāṇañcāyatanasamāpattiṁ paṭilābhatthāya ākāsānañcāyatanasaññaṁ paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.8	Ākiñcaññāyatanasamāpattiṁ paṭilābhatthāya viññāṇañcāyatanasaññaṁ paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.9	Nevasaññānāsaññāyatanasamāpattiṁ paṭilābhatthāya ākiñcaññāyatanasaññaṁ paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:321.10	Imā aṭṭha saṅkhārupekkhā samathavasena uppajjanti.
ps1.1:322.1	Katamā dasa saṅkhārupekkhā vipassanāvasena uppajjanti?
ps1.1:322.2	Sotāpattimaggaṁ paṭilābhatthāya uppādaṁ pavattaṁ nimittaṁ āyūhanaṁ paṭisandhiṁ gatiṁ nibbattiṁ upapattiṁ jātiṁ jaraṁ byādhiṁ maraṇaṁ sokaṁ paridevaṁ upāyāsaṁ paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:322.3	Sotāpattiphalasamāpattatthāya uppādaṁ pavattaṁ nimittaṁ āyūhanaṁ paṭisandhiṁ paṭisaṅkhā santiṭṭhanā paññā saṅkhārupekkhāsu ñāṇaṁ.
ps1.1:322.4	Sakadāgāmimaggaṁ paṭilābhatthāya …pe…
ps1.1:322.5	sakadāgāmiphalasamāpattatthāya …
ps1.1:322.6	anāgāmimaggaṁ paṭilābhatthāya …pe…
ps1.1:322.7	anāgāmiphalasamāpattatthāya …
ps1.1:322.8	arahattamaggaṁ paṭilābhatthāya uppādaṁ pavattaṁ nimittaṁ āyūhanaṁ paṭisandhiṁ gatiṁ nibbattiṁ upapattiṁ jātiṁ jaraṁ byādhiṁ maraṇaṁ sokaṁ paridevaṁ upāyāsaṁ paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:322.9	Arahattaphalasamāpattatthāya …pe…
ps1.1:322.10	suññatavihārasamāpattatthāya …pe…
ps1.1:322.11	animittavihārasamāpattatthāya uppādaṁ pavattaṁ nimittaṁ āyūhanaṁ paṭisandhiṁ …
ps1.1:322.12	paṭisaṅkhāsantiṭṭhanā paññā saṅkhārupekkhāsu ñāṇaṁ.
ps1.1:322.13	Imā dasa saṅkhārupekkhā vipassanāvasena uppajjanti.
ps1.1:323.1	Kati saṅkhārupekkhā kusalā, kati akusalā, kati abyākatā?
ps1.1:323.2	Pannarasa saṅkhārupekkhā kusalā, tisso saṅkhārupekkhā abyākatā.
ps1.1:323.3	Natthi saṅkhārupekkhā akusalā.
ps1.1:324.1	Paṭisaṅkhāsantiṭṭhanā paññā,
ps1.1:324.2	Aṭṭha cittassa gocarā;
ps1.1:324.3	Puthujjanassa dve honti,
ps1.1:324.4	Tayo sekkhassa gocarā;
ps1.1:324.5	Tayo ca vītarāgassa,
ps1.1:324.6	Yehi cittaṁ vivaṭṭati.
ps1.1:325.1	Aṭṭha samādhissa paccayā,
ps1.1:325.2	dasa ñāṇassa gocarā;
ps1.1:325.3	Aṭṭhārasa saṅkhārupekkhā,
ps1.1:325.4	tiṇṇaṁ vimokkhāna paccayā.
ps1.1:326.1	Ime aṭṭhārasākārā,
ps1.1:326.2	Paññā yassa pariccitā;
ps1.1:326.3	Kusalo saṅkhārupekkhāsu,
ps1.1:326.4	Nānādiṭṭhīsu na kampatīti.
ps1.1:327.1	Taṁ ñātaṭṭhena ñāṇaṁ, pajānanaṭṭhena paññā.
ps1.1:327.2	Tena vuccati—
ps1.1:327.3	“muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ”.
ps1.1:327.4	Saṅkhārupekkhāñāṇaniddeso navamo.
ps1.1:328.0	1.1.10. Gotrabhuñāṇaniddesa
ps1.1:328.1	Kathaṁ bahiddhā vuṭṭhānavivaṭṭane paññā gotrabhuñāṇaṁ?
ps1.1:328.2	Uppādaṁ abhibhuyyatīti—
ps1.1:328.3	gotrabhu.
ps1.1:328.4	Pavattaṁ abhibhuyyatīti—
ps1.1:328.5	gotrabhu.
ps1.1:328.6	Nimittaṁ abhibhuyyatīti—
ps1.1:328.7	gotrabhu.
ps1.1:328.8	Āyūhanaṁ abhibhuyyatīti—
ps1.1:328.9	gotrabhu.
ps1.1:328.10	Paṭisandhiṁ abhibhuyyatīti—
ps1.1:328.11	gotrabhu.
ps1.1:328.12	Gatiṁ abhibhuyyatīti—
ps1.1:328.13	gotrabhu.
ps1.1:328.14	Nibbattiṁ abhibhuyyatīti—
ps1.1:328.15	gotrabhu.
ps1.1:328.16	Upapattiṁ abhibhuyyatīti—
ps1.1:328.17	gotrabhu.
ps1.1:328.18	Jātiṁ abhibhuyyatīti—
ps1.1:328.19	gotrabhu.
ps1.1:328.20	Jaraṁ abhibhuyyatīti—
ps1.1:328.21	gotrabhu.
ps1.1:328.22	Byādhiṁ abhibhuyyatīti—
ps1.1:328.23	gotrabhu.
ps1.1:328.24	Maraṇaṁ abhibhuyyatīti—
ps1.1:328.25	gotrabhu.
ps1.1:328.26	Sokaṁ abhibhuyyatīti—
ps1.1:328.27	gotrabhu.
ps1.1:328.28	Paridevaṁ abhibhuyyatīti—
ps1.1:328.29	gotrabhu.
ps1.1:328.30	Upāyāsaṁ abhibhuyyatīti—
ps1.1:328.31	gotrabhu.
ps1.1:328.32	Bahiddhā saṅkhāranimittaṁ abhibhuyyatīti—
ps1.1:328.33	gotrabhu.
ps1.1:328.34	Anuppādaṁ pakkhandatīti—
ps1.1:328.35	gotrabhu.
ps1.1:328.36	Appavattaṁ pakkhandatīti—
ps1.1:328.37	gotrabhu …pe…
ps1.1:328.38	nirodhaṁ nibbānaṁ pakkhandatīti—
ps1.1:328.39	gotrabhu.
ps1.1:329.1	Uppādaṁ abhibhuyyitvā anuppādaṁ pakkhandatīti—
ps1.1:329.2	gotrabhu.
ps1.1:329.3	Pavattaṁ abhibhuyyitvā appavattaṁ pakkhandatīti—
ps1.1:329.4	gotrabhu.
ps1.1:329.5	Nimittaṁ abhibhuyyitvā animittaṁ pakkhandatīti—
ps1.1:329.6	gotrabhu …pe…
ps1.1:329.7	bahiddhā saṅkhāranimittaṁ abhibhuyyitvā nirodhaṁ nibbānaṁ pakkhandatīti—
ps1.1:329.8	gotrabhu.
ps1.1:330.1	Uppādā vuṭṭhātīti—
ps1.1:330.2	gotrabhu.
ps1.1:330.3	Pavattā vuṭṭhātīti—
ps1.1:330.4	gotrabhu.
ps1.1:330.5	Nimittā vuṭṭhātīti—
ps1.1:330.6	gotrabhu.
ps1.1:330.7	Āyūhanā vuṭṭhātīti—
ps1.1:330.8	gotrabhu.
ps1.1:330.9	Paṭisandhiyā vuṭṭhātīti—
ps1.1:330.10	gotrabhu.
ps1.1:330.11	Gatiyā vuṭṭhātīti—
ps1.1:330.12	gotrabhu.
ps1.1:330.13	Nibbattiyā vuṭṭhātīti—
ps1.1:330.14	gotrabhu.
ps1.1:330.15	Upapattiyā vuṭṭhātīti—
ps1.1:330.16	gotrabhu.
ps1.1:330.17	Jātiyā vuṭṭhātīti—
ps1.1:330.18	gotrabhu.
ps1.1:330.19	Jarāya vuṭṭhātīti—
ps1.1:330.20	gotrabhu.
ps1.1:330.21	Byādhimhā vuṭṭhātīti—
ps1.1:330.22	gotrabhu.
ps1.1:330.23	Maraṇā vuṭṭhātīti—
ps1.1:330.24	gotrabhu.
ps1.1:330.25	Sokā vuṭṭhātīti—
ps1.1:330.26	gotrabhu.
ps1.1:330.27	Paridevā vuṭṭhātīti—
ps1.1:330.28	gotrabhu.
ps1.1:330.29	Upāyāsā vuṭṭhātīti—
ps1.1:330.30	gotrabhu.
ps1.1:330.31	Bahiddhā saṅkhāranimittā vuṭṭhātīti—
ps1.1:330.32	gotrabhu.
ps1.1:330.33	Anuppādaṁ pakkhandatīti—
ps1.1:330.34	gotrabhu.
ps1.1:330.35	Appavattaṁ pakkhandatīti—
ps1.1:330.36	gotrabhu …pe…
ps1.1:330.37	nirodhaṁ nibbānaṁ pakkhandatīti—
ps1.1:330.38	gotrabhu.
ps1.1:331.1	Uppādā vuṭṭhahitvā anuppādaṁ pakkhandatīti—
ps1.1:331.2	gotrabhu.
ps1.1:331.3	Pavattā vuṭṭhahitvā appavattaṁ pakkhandatīti—
ps1.1:331.4	gotrabhu.
ps1.1:331.5	Nimittā vuṭṭhahitvā animittaṁ pakkhandatīti—
ps1.1:331.6	gotrabhu.
ps1.1:331.7	Āyūhanā vuṭṭhahitvā anāyūhanaṁ pakkhandatīti—
ps1.1:331.8	gotrabhu.
ps1.1:331.9	Paṭisandhiyā vuṭṭhahitvā appaṭisandhiṁ pakkhandatīti—
ps1.1:331.10	gotrabhu.
ps1.1:331.11	Gatiyā vuṭṭhahitvā agatiṁ pakkhandatīti—
ps1.1:331.12	gotrabhu.
ps1.1:331.13	Nibbattiyā vuṭṭhahitvā anibbattiṁ pakkhandatīti—
ps1.1:331.14	gotrabhu.
ps1.1:331.15	Upapattiyā vuṭṭhahitvā anupapattiṁ pakkhandatīti—
ps1.1:331.16	gotrabhu.
ps1.1:331.17	Jātiyā vuṭṭhahitvā ajātiṁ pakkhandatīti—
ps1.1:331.18	gotrabhu.
ps1.1:331.19	Jarāya vuṭṭhahitvā ajaraṁ pakkhandatīti—
ps1.1:331.20	gotrabhu.
ps1.1:331.21	Byādhimhā vuṭṭhahitvā abyādhiṁ pakkhandatīti—
ps1.1:331.22	gotrabhu.
ps1.1:331.23	Maraṇā vuṭṭhahitvā amataṁ pakkhandatīti—
ps1.1:331.24	gotrabhu.
ps1.1:331.25	Sokā vuṭṭhahitvā asokaṁ pakkhandatīti—
ps1.1:331.26	gotrabhu.
ps1.1:331.27	Paridevā vuṭṭhahitvā aparidevaṁ pakkhandatīti—
ps1.1:331.28	gotrabhu.
ps1.1:331.29	Upāyāsā vuṭṭhahitvā anupāyāsaṁ pakkhandatīti—
ps1.1:331.30	gotrabhu.
ps1.1:331.31	Bahiddhā saṅkhāranimittā vuṭṭhahitvā nirodhaṁ nibbānaṁ pakkhandatīti—
ps1.1:331.32	gotrabhu.
ps1.1:332.1	Uppādā vivaṭṭatīti—
ps1.1:332.2	gotrabhu.
ps1.1:332.3	Pavattā vivaṭṭatīti—
ps1.1:332.4	gotrabhu …pe…
ps1.1:332.5	bahiddhā saṅkhāranimittā vivaṭṭatīti—
ps1.1:332.6	gotrabhu.
ps1.1:332.7	Anuppādaṁ pakkhandatīti—
ps1.1:332.8	gotrabhu.
ps1.1:332.9	Appavattaṁ pakkhandatīti—
ps1.1:332.10	gotrabhu …pe…
ps1.1:332.11	nirodhaṁ nibbānaṁ pakkhandatīti—
ps1.1:332.12	gotrabhu.
ps1.1:333.1	Uppādā vivaṭṭitvā anuppādaṁ pakkhandatīti—
ps1.1:333.2	gotrabhu.
ps1.1:333.3	Pavattā vivaṭṭitvā appavattaṁ pakkhandatīti—
ps1.1:333.4	gotrabhu …pe…
ps1.1:333.5	bahiddhā saṅkhāranimittā vivaṭṭitvā nirodhaṁ nibbānaṁ pakkhandatīti—
ps1.1:333.6	gotrabhu.
ps1.1:334.1	Kati gotrabhū dhammā samathavasena uppajjanti?
ps1.1:334.2	Kati gotrabhū dhammā vipassanāvasena uppajjanti?
ps1.1:334.3	Aṭṭha gotrabhū dhammā samathavasena uppajjanti.
ps1.1:334.4	Dasa gotrabhū dhammā vipassanāvasena uppajjanti.
ps1.1:335.1	Katame aṭṭha gotrabhū dhammā samathavasena uppajjanti?
ps1.1:335.2	Paṭhamaṁ jhānaṁ paṭilābhatthāya nīvaraṇe abhibhuyyatīti—
ps1.1:335.3	gotrabhu.
ps1.1:335.4	Dutiyaṁ jhānaṁ paṭilābhatthāya vitakkavicāre abhibhuyyatīti—
ps1.1:335.5	gotrabhu.
ps1.1:335.6	Tatiyaṁ jhānaṁ paṭilābhatthāya pītiṁ abhibhuyyatīti—
ps1.1:335.7	gotrabhu.
ps1.1:335.8	Catutthaṁ jhānaṁ paṭilābhatthāya sukhadukkhe abhibhuyyatīti—
ps1.1:335.9	gotrabhu.
ps1.1:335.10	Ākāsānañcāyatanasamāpattiṁ paṭilābhatthāya rūpasaññaṁ paṭighasaññaṁ nānattasaññaṁ abhibhuyyatīti—
ps1.1:335.11	gotrabhu.
ps1.1:335.12	Viññāṇañcāyatanasamāpattiṁ paṭilābhatthāya ākāsānañcāyatanasaññaṁ abhibhuyyatīti—
ps1.1:335.13	gotrabhu.
ps1.1:335.14	Ākiñcaññāyatanasamāpattiṁ paṭilābhatthāya viññāṇañcāyatanasaññaṁ abhibhuyyatīti—
ps1.1:335.15	gotrabhu.
ps1.1:335.16	Nevasaññānāsaññāyatanasamāpattiṁ paṭilābhatthāya ākiñcaññāyatanasaññaṁ abhibhuyyatīti—
ps1.1:335.17	gotrabhu.
ps1.1:335.18	Ime aṭṭha gotrabhū dhammā samathavasena uppajjanti.
ps1.1:336.1	Katame dasa gotrabhū dhammā vipassanāvasena uppajjanti?
ps1.1:336.2	Sotāpattimaggaṁ paṭilābhatthāya uppādaṁ pavattaṁ nimittaṁ āyūhanaṁ paṭisandhiṁ gatiṁ nibbattiṁ upapattiṁ jātiṁ jaraṁ byādhiṁ maraṇaṁ sokaṁ paridevaṁ upāyāsaṁ bahiddhā saṅkhāranimittaṁ abhibhuyyatīti—
ps1.1:336.3	gotrabhu.
ps1.1:336.4	Sotāpattiphalasamāpattatthāya uppādaṁ pavattaṁ nimittaṁ āyūhanaṁ paṭisandhiṁ abhibhuyyatīti—
ps1.1:336.5	gotrabhu.
ps1.1:336.6	Sakadāgāmimaggaṁ paṭilābhatthāya …pe…
ps1.1:336.7	sakadāgāmiphalasamāpattatthāya …
ps1.1:336.8	anāgāmimaggaṁ paṭilābhatthāya …
ps1.1:336.9	anāgāmiphalasamāpattatthāya …
ps1.1:336.10	arahattamaggaṁ paṭilābhatthāya uppādaṁ pavattaṁ nimittaṁ āyūhanaṁ paṭisandhiṁ gatiṁ nibbattiṁ upapattiṁ jātiṁ jaraṁ byādhiṁ maraṇaṁ sokaṁ paridevaṁ upāyāsaṁ bahiddhā saṅkhāranimittaṁ abhibhuyyatīti—
ps1.1:336.11	gotrabhu.
ps1.1:336.12	Arahattaphalasamāpattatthāya …
ps1.1:336.13	suññatavihārasamāpattatthāya …
ps1.1:336.14	animittavihārasamāpattatthāya uppādaṁ pavattaṁ nimittaṁ āyūhanaṁ paṭisandhiṁ abhibhuyyatīti—
ps1.1:336.15	gotrabhu.
ps1.1:336.16	Ime dasa gotrabhū dhammā vipassanāvasena uppajjanti.
ps1.1:337.1	Kati gotrabhū dhammā kusalā, kati akusalā, kati abyākatā?
ps1.1:337.2	Pannarasa gotrabhū dhammā kusalā, tayo gotrabhū dhammā abyākatā.
ps1.1:337.3	Natthi gotrabhū dhammā akusalāti.
ps1.1:338.1	Sāmisañca nirāmisaṁ,
ps1.1:338.2	Paṇihitañca appaṇihitaṁ;
ps1.1:338.3	Saññuttañca visaññuttaṁ,
ps1.1:338.4	Vuṭṭhitañca avuṭṭhitaṁ.
ps1.1:339.1	Aṭṭha samādhissa paccayā,
ps1.1:339.2	dasa ñāṇassa gocarā;
ps1.1:339.3	Aṭṭhārasa gotrabhū dhammā,
ps1.1:339.4	tiṇṇaṁ vimokkhāna paccayā.
ps1.1:340.1	Ime aṭṭhārasākārā,
ps1.1:340.2	Paññā yassa pariccitā;
ps1.1:340.3	Kusalo vivaṭṭe vuṭṭhāne,
ps1.1:340.4	Nānādiṭṭhīsu na kampatīti.
ps1.1:341.1	Taṁ ñātaṭṭhena ñāṇaṁ, pajānanaṭṭhena paññā.
ps1.1:341.2	Tena vuccati—
ps1.1:341.3	“bahiddhā vuṭṭhānavivaṭṭane paññā gotrabhuñāṇaṁ”.
ps1.1:341.4	Gotrabhuñāṇaniddeso dasamo.
ps1.1:342.0	1.1.11. Maggañāṇaniddesa
ps1.1:342.1	Kathaṁ dubhato vuṭṭhānavivaṭṭane paññā magge ñāṇaṁ?
ps1.1:342.2	Sotāpattimaggakkhaṇe dassanaṭṭhena sammādiṭṭhi micchādiṭṭhiyā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:342.3	Tena vuccati—
ps1.1:342.4	“dubhato vuṭṭhānavivaṭṭane paññā magge ñāṇaṁ”.
ps1.1:342.5	Abhiniropanaṭṭhena sammāsaṅkappo micchāsaṅkappā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:342.6	Tena vuccati—
ps1.1:342.7	“dubhato vuṭṭhānavivaṭṭane paññā magge ñāṇaṁ”.
ps1.1:343.1	Pariggahaṭṭhena sammāvācā micchāvācāya vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:343.2	Tena vuccati—
ps1.1:343.3	“dubhato vuṭṭhānavivaṭṭane paññā magge ñāṇaṁ”.
ps1.1:344.1	Samuṭṭhānaṭṭhena sammākammanto micchākammantā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:344.2	Tena vuccati—
ps1.1:344.3	“dubhato vuṭṭhānavivaṭṭane paññā magge ñāṇaṁ”.
ps1.1:345.1	Vodānaṭṭhena sammāājīvo micchāājīvā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:345.2	Tena vuccati—
ps1.1:345.3	“dubhato vuṭṭhānavivaṭṭane paññā magge ñāṇaṁ”.
ps1.1:346.1	Paggahaṭṭhena sammāvāyāmo micchāvāyāmā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:346.2	Tena vuccati—
ps1.1:346.3	“dubhato vuṭṭhānavivaṭṭane paññā magge ñāṇaṁ”.
ps1.1:347.1	Upaṭṭhānaṭṭhena sammāsati micchāsatiyā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:347.2	Tena vuccati—
ps1.1:347.3	“dubhato vuṭṭhānavivaṭṭane paññā magge ñāṇaṁ”.
ps1.1:348.1	Avikkhepaṭṭhena sammāsamādhi micchāsamādhito vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:348.2	Tena vuccati—
ps1.1:348.3	“dubhato vuṭṭhānavivaṭṭane paññā magge ñāṇaṁ”.
ps1.1:349.1	Sakadāgāmimaggakkhaṇe dassanaṭṭhena sammādiṭṭhi …pe…
ps1.1:349.2	avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:349.3	Tena vuccati—
ps1.1:349.4	“dubhato vuṭṭhānavivaṭṭane paññā magge ñāṇaṁ”.
ps1.1:350.1	Anāgāmimaggakkhaṇe dassanaṭṭhena sammādiṭṭhi …pe…
ps1.1:350.2	avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:350.3	Tena vuccati—
ps1.1:350.4	“dubhato vuṭṭhānavivaṭṭane paññā magge ñāṇaṁ”.
ps1.1:351.1	Arahattamaggakkhaṇe dassanaṭṭhena sammādiṭṭhi …pe…
ps1.1:351.2	avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:351.3	Tena vuccati—
ps1.1:351.4	“dubhato vuṭṭhānavivaṭṭane paññā magge ñāṇaṁ”.
ps1.1:352.1	Ajātaṁ jhāpeti jātena,
ps1.1:352.2	jhānaṁ tena pavuccati;
ps1.1:352.3	Jhānavimokkhe kusalatā,
ps1.1:352.4	nānādiṭṭhīsu na kampati.
ps1.1:353.1	Samādahitvā yathā ce vipassati,
ps1.1:353.2	Vipassamāno tathā ce samādahe;
ps1.1:353.3	Vipassanā ca samatho tadā ahu,
ps1.1:353.4	Samānabhāgā yuganaddhā vattare.
ps1.1:354.1	Dukkhā saṅkhārā sukho,
ps1.1:354.2	nirodho iti dassanaṁ;
ps1.1:354.3	Dubhato vuṭṭhitā paññā,
ps1.1:354.4	phasseti amataṁ padaṁ.
ps1.1:355.1	Vimokkhacariyaṁ jānāti,
ps1.1:355.2	Nānattekattakovido;
ps1.1:355.3	Dvinnaṁ ñāṇānaṁ kusalatā,
ps1.1:355.4	Nānādiṭṭhīsu na kampatīti.
ps1.1:356.1	Taṁ ñātaṭṭhena ñāṇaṁ, pajānanaṭṭhena paññā.
ps1.1:356.2	Tena vuccati—
ps1.1:356.3	“dubhato vuṭṭhānavivaṭṭane paññā magge ñāṇaṁ”.
ps1.1:356.4	Maggañāṇaniddeso ekādasamo.
ps1.1:357.0	1.1.12. Phalañāṇaniddesa
ps1.1:357.1	Kathaṁ payogappaṭippassaddhipaññā phale ñāṇaṁ?
ps1.1:357.2	Sotāpattimaggakkhaṇe dassanaṭṭhena sammādiṭṭhi micchādiṭṭhiyā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:357.3	Taṁpayogappaṭippassaddhattā uppajjati sammādiṭṭhi.
ps1.1:357.4	Maggassetaṁ phalaṁ.
ps1.1:358.1	Abhiniropanaṭṭhena sammāsaṅkappo micchāsaṅkappā vuṭṭhāti tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:358.2	Taṁpayogappaṭippassaddhattā uppajjati sammāsaṅkappo.
ps1.1:358.3	Maggassetaṁ phalaṁ.
ps1.1:359.1	Pariggahaṭṭhena sammāvācā micchāvācāya vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:359.2	Taṁpayogappaṭippassaddhattā uppajjati sammāvācā.
ps1.1:359.3	Maggassetaṁ phalaṁ.
ps1.1:360.1	Samuṭṭhānaṭṭhena sammākammanto micchākammantā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:360.2	Taṁpayogappaṭippassaddhattā uppajjati sammākammanto.
ps1.1:360.3	Maggassetaṁ phalaṁ.
ps1.1:361.1	Vodānaṭṭhena sammāājīvo micchāājīvā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:361.2	Taṁpayogappaṭippassaddhattā uppajjati sammāājīvo.
ps1.1:361.3	Maggassetaṁ phalaṁ.
ps1.1:362.1	Paggahaṭṭhena sammāvāyāmo micchāvāyāmā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:362.2	Taṁpayogappaṭippassaddhattā uppajjati sammāvāyāmo.
ps1.1:362.3	Maggassetaṁ phalaṁ.
ps1.1:363.1	Upaṭṭhānaṭṭhena sammāsati micchāsatiyā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:363.2	Taṁpayogappaṭippassaddhattā uppajjati sammāsati.
ps1.1:363.3	Maggassetaṁ phalaṁ.
ps1.1:364.1	Avikkhepaṭṭhena sammāsamādhi micchāsamādhito vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:364.2	Taṁpayogappaṭippassaddhattā uppajjati sammāsamādhi.
ps1.1:364.3	Maggassetaṁ phalaṁ.
ps1.1:365.1	Sakadāgāmimaggakkhaṇe dassanaṭṭhena sammādiṭṭhi …pe…
ps1.1:365.2	avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:365.3	Taṁpayogappaṭippassaddhattā uppajjati sammāsamādhi.
ps1.1:365.4	Maggassetaṁ phalaṁ.
ps1.1:366.1	Anāgāmimaggakkhaṇe dassanaṭṭhena sammādiṭṭhi …pe…
ps1.1:366.2	avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:366.3	Taṁpayogappaṭippassaddhattā uppajjati sammāsamādhi.
ps1.1:366.4	Maggassetaṁ phalaṁ.
ps1.1:367.1	Arahattamaggakkhaṇe dassanaṭṭhena sammādiṭṭhi …pe…
ps1.1:367.2	avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.1:367.3	Taṁpayogappaṭippassaddhattā uppajjati sammāsamādhi.
ps1.1:367.4	Maggassetaṁ phalaṁ.
ps1.1:367.5	Taṁ ñātaṭṭhena ñāṇaṁ, pajānanaṭṭhena paññā.
ps1.1:367.6	Tena vuccati—
ps1.1:367.7	“payogappaṭippassaddhipaññā phale ñāṇaṁ”.
ps1.1:367.8	Phalañāṇaniddeso dvādasamo.
ps1.1:368.0	1.1.13. Vimuttiñāṇaniddesa
ps1.1:368.1	Kathaṁ chinnavaṭumānupassane paññā vimuttiñāṇaṁ?
ps1.1:368.2	Sotāpattimaggena sakkāyadiṭṭhi, vicikicchā, sīlabbataparāmāso, diṭṭhānusayo, vicikicchānusayo attano cittassa upakkilesā sammā samucchinnā honti.
ps1.1:368.3	Imehi pañcahi upakkilesehi sapariyuṭṭhānehi cittaṁ vimuttaṁ hoti suvimuttaṁ.
ps1.1:368.4	Taṁvimutti ñātaṭṭhena ñāṇaṁ, pajānanaṭṭhena paññā.
ps1.1:368.5	Tena vuccati—
ps1.1:368.6	“chinnavaṭumānupassane paññā vimuttiñāṇaṁ”.
ps1.1:369.1	Sakadāgāmimaggena oḷārikaṁ kāmarāgasaññojanaṁ, paṭighasaññojanaṁ, oḷāriko kāmarāgānusayo, paṭighānusayo—
ps1.1:369.2	attano cittassa upakkilesā sammā samucchinnā honti.
ps1.1:369.3	Imehi catūhi upakkilesehi sapariyuṭṭhānehi cittaṁ vimuttaṁ hoti suvimuttaṁ.
ps1.1:369.4	Taṁvimutti ñātaṭṭhena ñāṇaṁ, pajānanaṭṭhena paññā.
ps1.1:369.5	Tena vuccati—
ps1.1:369.6	“chinnavaṭumānupassane paññā vimuttiñāṇaṁ”.
ps1.1:370.1	Anāgāmimaggena anusahagataṁ kāmarāgasaññojanaṁ, paṭighasaññojanaṁ, anusahagato kāmarāgānusayo, paṭighānusayo—
ps1.1:370.2	attano cittassa upakkilesā sammā samucchinnā honti.
ps1.1:370.3	Imehi catūhi upakkilesehi sapariyuṭṭhānehi cittaṁ vimuttaṁ hoti suvimuttaṁ.
ps1.1:370.4	Taṁvimutti ñātaṭṭhena ñāṇaṁ, pajānanaṭṭhena paññā.
ps1.1:370.5	Tena vuccati—
ps1.1:370.6	“chinnavaṭumānupassane paññā vimuttiñāṇaṁ”.
ps1.1:371.1	Arahattamaggena rūparāgo, arūparāgo, māno, uddhaccaṁ, avijjā, mānānusayo, bhavarāgānusayo, avijjānusayo—
ps1.1:371.2	attano cittassa upakkilesā sammā samucchinnā honti.
ps1.1:371.3	Imehi aṭṭhahi upakkilesehi sapariyuṭṭhānehi cittaṁ vimuttaṁ hoti suvimuttaṁ.
ps1.1:371.4	Taṁvimutti ñātaṭṭhena ñāṇaṁ, pajānanaṭṭhena paññā.
ps1.1:371.5	Tena vuccati—
ps1.1:371.6	“chinnavaṭumānupassane paññā vimuttiñāṇaṁ”.
ps1.1:371.7	Taṁ ñātaṭṭhena ñāṇaṁ, pajānanaṭṭhena paññā.
ps1.1:371.8	Tena vuccati—
ps1.1:371.9	“chinnavaṭumānupassane paññā vimuttiñāṇaṁ”.
ps1.1:371.10	Vimuttiñāṇaniddeso terasamo.
ps1.1:372.0	1.1.14 Paccavekkhaṇañāṇaniddesa
ps1.1:372.1	Kathaṁ tadā samudāgate dhamme passane paññā paccavekkhaṇe ñāṇaṁ?
ps1.1:372.2	Sotāpattimaggakkhaṇe dassanaṭṭhena sammādiṭṭhi tadā samudāgatā.
ps1.1:372.3	Abhiniropanaṭṭhena sammāsaṅkappo tadā samudāgato.
ps1.1:372.4	Pariggahaṭṭhena sammāvācā tadā samudāgatā.
ps1.1:372.5	Samuṭṭhānaṭṭhena sammākammanto tadā samudāgato.
ps1.1:372.6	Vodānaṭṭhena sammāājīvo tadā samudāgato.
ps1.1:372.7	Paggahaṭṭhena sammāvāyāmo tadā samudāgato.
ps1.1:372.8	Upaṭṭhānaṭṭhena sammāsati tadā samudāgatā.
ps1.1:372.9	Avikkhepaṭṭhena sammāsamādhi tadā samudāgato.
ps1.1:373.1	Upaṭṭhānaṭṭhena satisambojjhaṅgo tadā samudāgato.
ps1.1:373.2	Pavicayaṭṭhena dhammavicayasambojjhaṅgo tadā samudāgato.
ps1.1:373.3	Paggahaṭṭhena vīriyasambojjhaṅgo tadā samudāgato.
ps1.1:373.4	Pharaṇaṭṭhena pītisambojjhaṅgo tadā samudāgato.
ps1.1:373.5	Upasamaṭṭhena passaddhisambojjhaṅgo tadā samudāgato.
ps1.1:373.6	Avikkhepaṭṭhena samādhisambojjhaṅgo tadā samudāgato.
ps1.1:373.7	Paṭisaṅkhānaṭṭhena upekkhāsambojjhaṅgo tadā samudāgato.
ps1.1:374.1	Assaddhiye akampiyaṭṭhena saddhābalaṁ tadā samudāgataṁ.
ps1.1:374.2	Kosajje akampiyaṭṭhena vīriyabalaṁ tadā samudāgataṁ.
ps1.1:374.3	Pamāde akampiyaṭṭhena satibalaṁ tadā samudāgataṁ.
ps1.1:374.4	Uddhacce akampiyaṭṭhena samādhibalaṁ tadā samudāgataṁ.
ps1.1:374.5	Avijjāya akampiyaṭṭhena paññābalaṁ tadā samudāgataṁ.
ps1.1:375.1	Adhimokkhaṭṭhena saddhindriyaṁ tadā samudāgataṁ.
ps1.1:375.2	Paggahaṭṭhena vīriyindriyaṁ tadā samudāgataṁ.
ps1.1:375.3	Upaṭṭhānaṭṭhena satindriyaṁ tadā samudāgataṁ.
ps1.1:375.4	Avikkhepaṭṭhena samādhindriyaṁ tadā samudāgataṁ.
ps1.1:375.5	Dassanaṭṭhena paññindriyaṁ tadā samudāgataṁ.
ps1.1:376.1	Ādhipateyyaṭṭhena indriyā tadā samudāgatā.
ps1.1:376.2	Akampiyaṭṭhena balā tadā samudāgatā.
ps1.1:376.3	Niyyānaṭṭhena sambojjhaṅgā tadā samudāgatā.
ps1.1:376.4	Hetuṭṭhena maggo tadā samudāgato.
ps1.1:376.5	Upaṭṭhānaṭṭhena satipaṭṭhānā tadā samudāgatā.
ps1.1:376.6	Padahanaṭṭhena sammappadhānā tadā samudāgatā.
ps1.1:376.7	Ijjhanaṭṭhena iddhipādā tadā samudāgatā.
ps1.1:376.8	Tathaṭṭhena saccā tadā samudāgatā.
ps1.1:376.9	Avikkhepaṭṭhena samatho tadā samudāgato.
ps1.1:376.10	Anupassanaṭṭhena vipassanā tadā samudāgatā.
ps1.1:376.11	Ekarasaṭṭhena samathavipassanā tadā samudāgatā.
ps1.1:376.12	Anativattanaṭṭhena yuganaddhaṁ tadā samudāgataṁ.
ps1.1:376.13	Saṁvaraṭṭhena sīlavisuddhi tadā samudāgatā.
ps1.1:376.14	Avikkhepaṭṭhena cittavisuddhi tadā samudāgatā.
ps1.1:376.15	Dassanaṭṭhena diṭṭhivisuddhi tadā samudāgatā.
ps1.1:376.16	Vimuttaṭṭhena vimokkho tadā samudāgato.
ps1.1:376.17	Paṭivedhaṭṭhena vijjā tadā samudāgatā.
ps1.1:376.18	Pariccāgaṭṭhena vimutti tadā samudāgatā.
ps1.1:376.19	Samucchedaṭṭhena khaye ñāṇaṁ tadā samudāgataṁ.
ps1.1:377.1	Chando mūlaṭṭhena tadā samudāgato.
ps1.1:377.2	Manasikāro samuṭṭhānaṭṭhena tadā samudāgato.
ps1.1:377.3	Phasso samodhānaṭṭhena tadā samudāgato.
ps1.1:377.4	Vedanā samosaraṇaṭṭhena tadā samudāgatā.
ps1.1:377.5	Samādhi pamukhaṭṭhena tadā samudāgato.
ps1.1:377.6	Sati ādhipateyyaṭṭhena tadā samudāgatā.
ps1.1:377.7	Paññā taduttaraṭṭhena tadā samudāgatā.
ps1.1:377.8	Vimutti sāraṭṭhena tadā samudāgatā.
ps1.1:377.9	Amatogadhaṁ nibbānaṁ pariyosānaṭṭhena tadā samudāgataṁ.
ps1.1:377.10	Vuṭṭhahitvā paccavekkhati, ime dhammā tadā samudāgatā.
ps1.1:378.1	Sotāpattiphalakkhaṇe dassanaṭṭhena sammādiṭṭhi tadā samudāgatā.
ps1.1:378.2	Abhiniropanaṭṭhena sammāsaṅkappo tadā samudāgato …pe…
ps1.1:378.3	paṭippassaddhaṭṭhena anuppāde ñāṇaṁ tadā samudāgataṁ.
ps1.1:378.4	Chando mūlaṭṭhena tadā samudāgato.
ps1.1:378.5	Manasikāro samuṭṭhānaṭṭhena tadā samudāgato.
ps1.1:378.6	Phasso samodhānaṭṭhena tadā samudāgato.
ps1.1:378.7	Vedanā samosaraṇaṭṭhena tadā samudāgatā.
ps1.1:378.8	Samādhi pamukhaṭṭhena tadā samudāgato.
ps1.1:378.9	Sati ādhipateyyaṭṭhena tadā samudāgatā.
ps1.1:378.10	Paññā taduttaraṭṭhena tadā samudāgatā.
ps1.1:378.11	Vimutti sāraṭṭhena tadā samudāgatā.
ps1.1:378.12	Amatogadhaṁ nibbānaṁ pariyosānaṭṭhena tadā samudāgataṁ.
ps1.1:378.13	Vuṭṭhahitvā paccavekkhati, ime dhammā tadā samudāgatā.
ps1.1:379.1	Sakadāgāmimaggakkhaṇe …pe…
ps1.1:379.2	sakadāgāmiphalakkhaṇe …pe…
ps1.1:379.3	anāgāmimaggakkhaṇe …pe…
ps1.1:379.4	anāgāmiphalakkhaṇe …pe…
ps1.1:379.5	arahattamaggakkhaṇe dassanaṭṭhena sammādiṭṭhi tadā samudāgatā …pe…
ps1.1:379.6	samucchedaṭṭhena khaye ñāṇaṁ tadā samudāgataṁ.
ps1.1:379.7	Chando mūlaṭṭhena tadā samudāgato …pe…
ps1.1:379.8	amatogadhaṁ nibbānaṁ pariyosānaṭṭhena tadā samudāgataṁ.
ps1.1:379.9	Vuṭṭhahitvā paccavekkhati, ime dhammā tadā samudāgatā.
ps1.1:380.1	Arahattaphalakkhaṇe dassanaṭṭhena sammādiṭṭhi tadā samudāgatā …pe…
ps1.1:380.2	paṭippassaddhaṭṭhena anuppāde ñāṇaṁ tadā samudāgataṁ.
ps1.1:380.3	Chando mūlaṭṭhena tadā samudāgato …pe…
ps1.1:380.4	amatogadhaṁ nibbānaṁ pariyosānaṭṭhena tadā samudāgataṁ.
ps1.1:380.5	Vuṭṭhahitvā paccavekkhati, ime dhammā tadā samudāgatā.
ps1.1:380.6	Taṁ ñātaṭṭhena ñāṇaṁ, pajānanaṭṭhena paññā.
ps1.1:380.7	Tena vuccati—
ps1.1:380.8	“tadā samudāgate dhamme passane paññā paccavekkhaṇe ñāṇaṁ”.
ps1.1:380.9	Paccavekkhaṇañāṇaniddeso cuddasamo.
ps1.1:381.0	1.1.15. Vatthunānattañāṇaniddesa
ps1.1:381.1	Kathaṁ ajjhattavavatthāne paññā vatthunānatte ñāṇaṁ?
ps1.1:381.2	Kathaṁ ajjhattadhamme vavattheti?
ps1.1:381.3	Cakkhuṁ ajjhattaṁ vavattheti, sotaṁ ajjhattaṁ vavattheti, ghānaṁ ajjhattaṁ vavattheti, jivhaṁ ajjhattaṁ vavattheti, kāyaṁ ajjhattaṁ vavattheti, manaṁ ajjhattaṁ vavattheti.
ps1.1:382.1	Kathaṁ cakkhuṁ ajjhattaṁ vavattheti?
ps1.1:382.2	Cakkhu avijjāsambhūtanti vavattheti, cakkhu taṇhāsambhūtanti vavattheti, cakkhu kammasambhūtanti vavattheti, cakkhu āhārasambhūtanti vavattheti, cakkhu catunnaṁ mahābhūtānaṁ upādāyāti vavattheti, cakkhu uppannanti vavattheti, cakkhu samudāgatanti vavattheti.
ps1.1:382.3	Cakkhu ahutvā sambhūtaṁ, hutvā na bhavissatīti vavattheti.
ps1.1:382.4	Cakkhuṁ antavantato vavattheti, cakkhu addhuvaṁ asassataṁ vipariṇāmadhammanti vavattheti, cakkhu aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammanti vavattheti.
ps1.1:382.5	Cakkhuṁ aniccato vavattheti, no niccato;
ps1.1:382.6	dukkhato vavattheti, no sukhato;
ps1.1:382.7	anattato vavattheti, no attato;
ps1.1:382.8	nibbindati, no nandati;
ps1.1:382.9	virajjati, no rajjati;
ps1.1:382.10	nirodheti, no samudeti;
ps1.1:382.11	paṭinissajjati, no ādiyati.
ps1.1:382.12	Aniccato vavatthento niccasaññaṁ pajahati, dukkhato vavatthento sukhasaññaṁ pajahati, anattato vavatthento attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati.
ps1.1:382.13	Evaṁ cakkhuṁ ajjhattaṁ vavattheti.
ps1.1:383.1	Kathaṁ sotaṁ ajjhattaṁ vavattheti?
ps1.1:383.2	Sotaṁ avijjāsambhūtanti vavattheti …pe…
ps1.1:383.3	evaṁ sotaṁ ajjhattaṁ vavattheti.
ps1.1:384.1	Kathaṁ ghānaṁ ajjhattaṁ vavattheti?
ps1.1:384.2	Ghānaṁ avijjāsambhūtanti vavattheti …pe…
ps1.1:384.3	evaṁ ghānaṁ ajjhattaṁ vavattheti.
ps1.1:385.1	Kathaṁ jivhaṁ ajjhattaṁ vavattheti?
ps1.1:385.2	Jivhā avijjāsambhūtāti vavattheti, jivhā taṇhāsambhūtāti vavattheti, jivhā kammasambhūtāti vavattheti, jivhā āhārasambhūtāti vavattheti, jivhā catunnaṁ mahābhūtānaṁ upādāyāti vavattheti, jivhā uppannāti vavattheti, jivhā samudāgatāti vavattheti.
ps1.1:385.3	Jivhā ahutvā sambhūtā, hutvā na bhavissatīti vavattheti.
ps1.1:385.4	Jivhaṁ antavantato vavattheti, jivhā addhuvā asassatā vipariṇāmadhammāti vavattheti, jivhā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti.
ps1.1:385.5	Jivhaṁ aniccato vavattheti, no niccato …pe…
ps1.1:385.6	paṭinissajjati, no ādiyati.
ps1.1:385.7	Aniccato vavatthento niccasaññaṁ pajahati …pe…
ps1.1:385.8	paṭinissajjanto ādānaṁ pajahati.
ps1.1:385.9	Evaṁ jivhaṁ ajjhattaṁ vavattheti.
ps1.1:386.1	Kathaṁ kāyaṁ ajjhattaṁ vavattheti?
ps1.1:386.2	Kāyo avijjāsambhūtoti vavattheti, kāyo taṇhāsambhūtoti vavattheti, kāyo kammasambhūtoti vavattheti, kāyo āhārasambhūtoti vavattheti, kāyo catunnaṁ mahābhūtānaṁ upādāyāti vavattheti, kāyo uppannoti vavattheti, kāyo samudāgatoti vavattheti.
ps1.1:386.3	Kāyo ahutvā sambhūto, hutvā na bhavissatīti vavattheti.
ps1.1:386.4	Kāyaṁ antavantato vavattheti, kāyo addhuvo asassato vipariṇāmadhammoti vavattheti, kāyo anicco saṅkhato paṭiccasamuppanno khayadhammo vayadhammo virāgadhammo nirodhadhammoti vavattheti.
ps1.1:386.5	Kāyaṁ aniccato vavattheti, no niccato;
ps1.1:386.6	dukkhato vavattheti, no sukhato …pe…
ps1.1:386.7	paṭinissajjati, no ādiyati.
ps1.1:386.8	Aniccato vavatthento niccasaññaṁ pajahati, dukkhato vavatthento sukhasaññaṁ pajahati …pe…
ps1.1:386.9	paṭinissajjanto ādānaṁ pajahati.
ps1.1:386.10	Evaṁ kāyaṁ ajjhattaṁ vavattheti.
ps1.1:387.1	Kathaṁ manaṁ ajjhattaṁ vavattheti?
ps1.1:387.2	Mano avijjāsambhūtoti vavattheti, mano taṇhāsambhūtoti vavattheti, mano kammasambhūtoti vavattheti, mano āhārasambhūtoti vavattheti, mano uppannoti vavattheti, mano samudāgatoti vavattheti.
ps1.1:387.3	Mano ahutvā sambhūto, hutvā na bhavissatīti vavattheti.
ps1.1:387.4	Manaṁ antavantato vavattheti, mano addhuvo asassato vipariṇāmadhammoti vavattheti, mano anicco saṅkhato paṭiccasamuppanno khayadhammo vayadhammo virāgadhammo nirodhadhammoti vavattheti.
ps1.1:387.5	Manaṁ aniccato vavattheti, no niccato;
ps1.1:387.6	dukkhato vavattheti, no sukhato;
ps1.1:387.7	anattato vavattheti, no attato;
ps1.1:387.8	nibbindati, no nandati;
ps1.1:387.9	virajjati, no rajjati;
ps1.1:387.10	nirodheti, no samudeti;
ps1.1:387.11	paṭinissajjati, no ādiyati.
ps1.1:387.12	Aniccato vavatthento niccasaññaṁ pajahati, dukkhato vavatthento sukhasaññaṁ pajahati, anattato vavatthento attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati.
ps1.1:387.13	Evaṁ manaṁ ajjhattaṁ vavattheti.
ps1.1:387.14	Evaṁ ajjhattadhamme vavattheti.
ps1.1:387.15	Taṁ ñātaṭṭhena ñāṇaṁ, pajānanaṭṭhena paññā.
ps1.1:387.16	Tena vuccati—
ps1.1:387.17	“ajjhattavavatthāne paññā vatthunānatte ñāṇaṁ”.
ps1.1:387.18	Vatthunānattañāṇaniddeso pannarasamo.
ps1.1:388.0	1.1.16. Gocaranānattañāṇaniddesa
ps1.1:388.1	Kathaṁ bahiddhā vavatthāne paññā gocaranānatte ñāṇaṁ?
ps1.1:388.2	Kathaṁ bahiddhā dhamme vavattheti?
ps1.1:388.3	Rūpe bahiddhā vavattheti, sadde bahiddhā vavattheti, gandhe bahiddhā vavattheti, rase bahiddhā vavattheti, phoṭṭhabbe bahiddhā vavattheti, dhamme bahiddhā vavattheti.
ps1.1:389.1	Kathaṁ rūpe bahiddhā vavattheti?
ps1.1:389.2	Rūpā avijjāsambhūtāti vavattheti rūpā taṇhāsambhūtāti vavattheti, rūpā kammasambhūtāti vavattheti, rūpā āhārasambhūtāti vavattheti, rūpā catunnaṁ mahābhūtānaṁ upādāyāti vavattheti, rūpā uppannāti vavattheti, rūpā samudāgatāti vavattheti.
ps1.1:389.3	Rūpā ahutvā sambhūtā, hutvā na bhavissantīti vavattheti.
ps1.1:389.4	Rūpe antavantato vavattheti, rūpā addhuvā asassatā vipariṇāmadhammāti vavattheti.
ps1.1:389.5	Rūpā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti.
ps1.1:389.6	Rūpe aniccato vavattheti, no niccato;
ps1.1:389.7	dukkhato vavattheti, no sukhato;
ps1.1:389.8	anattato vavattheti, no attato;
ps1.1:389.9	nibbindati, no nandati;
ps1.1:389.10	virajjati, no rajjati;
ps1.1:389.11	nirodheti, no samudeti;
ps1.1:389.12	paṭinissajjati, no ādiyati.
ps1.1:389.13	Aniccato vavatthento niccasaññaṁ pajahati, dukkhato vavatthento sukhasaññaṁ pajahati, anattato vavatthento attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati.
ps1.1:389.14	Evaṁ rūpe bahiddhā vavattheti.
ps1.1:390.1	Kathaṁ sadde bahiddhā vavattheti?
ps1.1:390.2	Saddā (…) catunnaṁ mahābhūtānaṁ upādāyāti vavattheti, saddā uppannāti vavattheti, saddā samudāgatāti vavattheti.
ps1.1:390.3	Saddā ahutvā sambhūtā, hutvā na bhavissantīti vavattheti.
ps1.1:390.4	Sadde antavantato vavattheti, saddā addhuvā asassatā vipariṇāmadhammāti vavattheti, saddā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti.
ps1.1:390.5	Sadde aniccato vavattheti, no niccato …pe…
ps1.1:390.6	evaṁ sadde bahiddhā vavattheti.
ps1.1:391.1	Kathaṁ gandhe bahiddhā vavattheti?
ps1.1:391.2	Gandhā avijjāsambhūtāti vavattheti, gandhā taṇhāsambhūtāti vavattheti …pe…
ps1.1:391.3	evaṁ gandhe bahiddhā vavattheti.
ps1.1:391.4	Kathaṁ rase bahiddhā vavattheti?
ps1.1:391.5	Rasā avijjāsambhūtāti vavattheti, rasā taṇhāsambhūtāti vavattheti …pe…
ps1.1:391.6	evaṁ rase bahiddhā vavattheti.
ps1.1:392.1	Kathaṁ phoṭṭhabbe bahiddhā vavattheti?
ps1.1:392.2	Phoṭṭhabbā avijjāsambhūtāti vavattheti, phoṭṭhabbā taṇhāsambhūtāti vavattheti, phoṭṭhabbā kammasambhūtāti vavattheti, phoṭṭhabbā āhārasambhūtāti vavattheti, phoṭṭhabbā uppannāti vavattheti.
ps1.1:392.3	Phoṭṭhabbā samudāgatāti vavattheti …pe…
ps1.1:392.4	evaṁ phoṭṭhabbe bahiddhā vavattheti.
ps1.1:393.1	Kathaṁ dhamme bahiddhā vavattheti?
ps1.1:393.2	Dhammā avijjāsambhūtāti vavattheti, dhammā taṇhāsambhūtāti vavattheti, dhammā kammasambhūtāti vavattheti, dhammā āhārasambhūtāti vavattheti, dhammā uppannāti vavattheti, dhammā samudāgatāti vavattheti.
ps1.1:393.3	Dhammā ahutvā sambhūtā, hutvā na bhavissantīti vavattheti.
ps1.1:393.4	Dhamme antavantato vavattheti, dhammā addhuvā asassatā vipariṇāmadhammāti vavattheti, dhammā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti.
ps1.1:393.5	Dhamme aniccato vavattheti, no niccato;
ps1.1:393.6	dukkhato vavattheti, no sukhato;
ps1.1:393.7	anattato vavattheti, no attato;
ps1.1:393.8	nibbindati, no nandati;
ps1.1:393.9	virajjati, no rajjati;
ps1.1:393.10	nirodheti, no samudeti;
ps1.1:393.11	paṭinissajjati, no ādiyati …pe…
ps1.1:393.12	aniccato vavatthento niccasaññaṁ pajahati, dukkhato vavatthento sukhasaññaṁ pajahati, anattato vavatthento attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati.
ps1.1:393.13	Evaṁ dhamme bahiddhā vavattheti.
ps1.1:393.14	Taṁ ñātaṭṭhena ñāṇaṁ, pajānanaṭṭhena paññā.
ps1.1:393.15	Tena vuccati—
ps1.1:393.16	“bahiddhā vavatthāne paññā gocaranānatte ñāṇaṁ”.
ps1.1:393.17	Gocaranānattañāṇaniddeso soḷasamo.
ps1.1:394.0	1.1.17. Cariyānānattañāṇaniddesa
ps1.1:394.1	Kathaṁ cariyāvavatthāne paññā cariyānānatte ñāṇaṁ?
ps1.1:394.2	<b>Cariyā</b>ti tisso cariyāyo—
ps1.1:394.3	viññāṇacariyā, aññāṇacariyā, ñāṇacariyā.
ps1.1:395.1	Katamā viññāṇacariyā?
ps1.1:395.2	Dassanatthāya āvajjanakiriyābyākatā viññāṇacariyā rūpesu, dassanaṭṭho cakkhuviññāṇaṁ viññāṇacariyā rūpesu, diṭṭhattā abhiniropanā vipākamanodhātu viññāṇacariyā rūpesu, abhiniropitattā vipākamanoviññāṇadhātu viññāṇacariyā rūpesu.
ps1.1:396.1	Savanatthāya āvajjanakiriyābyākatā viññāṇacariyā saddesu, savanattho sotaviññāṇaṁ viññāṇacariyā saddesu, sutattā abhiniropanā vipākamanodhātu viññāṇacariyā saddesu, abhiniropitattā vipākamanoviññāṇadhātu viññāṇacariyā saddesu.
ps1.1:397.1	Ghāyanatthāya āvajjanakiriyābyākatā viññāṇacariyā gandhesu, ghāyanaṭṭho ghānaviññāṇaṁ viññāṇacariyā gandhesu, ghāyitattā abhiniropanā vipākamanodhātu viññāṇacariyā gandhesu, abhiniropitattā vipākamanoviññāṇadhātu viññāṇacariyā gandhesu.
ps1.1:398.1	Sāyanatthāya āvajjanakiriyābyākatā viññāṇacariyā rasesu, sāyanaṭṭho jivhāviññāṇaṁ viññāṇacariyā rasesu, sāyitattā abhiniropanā vipākamanodhātu viññāṇacariyā rasesu, abhiniropitattā vipākamanoviññāṇadhātu viññāṇacariyā rasesu.
ps1.1:399.1	Phusanatthāya āvajjanakiriyābyākatā viññāṇacariyā phoṭṭhabbesu, phusanaṭṭho kāyaviññāṇaṁ viññāṇacariyā phoṭṭhabbesu, phuṭṭhattā abhiniropanā vipākamanodhātu viññāṇacariyā phoṭṭhabbesu, abhiniropitattā vipākamanoviññāṇadhātu viññāṇacariyā phoṭṭhabbesu.
ps1.1:400.1	Vijānanatthāya āvajjanakiriyābyākatā viññāṇacariyā dhammesu, vijānanaṭṭho manoviññāṇaṁ viññāṇacariyā dhammesu.
ps1.1:400.2	(…)
ps1.1:401.1	<b>Viññāṇacariyā</b>ti kenaṭṭhena viññāṇacariyā?
ps1.1:401.2	Nīrāgā caratīti—
ps1.1:401.3	viññāṇacariyā.
ps1.1:401.4	Niddosā caratīti—
ps1.1:401.5	viññāṇacariyā.
ps1.1:401.6	Nimmohā caratīti—
ps1.1:401.7	viññāṇacariyā.
ps1.1:401.8	Nimmānā caratīti—
ps1.1:401.9	viññāṇacariyā.
ps1.1:401.10	Niddiṭṭhi caratīti—
ps1.1:401.11	viññāṇacariyā niuddhaccā caratīti—
ps1.1:401.12	viññāṇacariyā.
ps1.1:401.13	Nibbicikicchā caratīti—
ps1.1:401.14	viññāṇacariyā.
ps1.1:401.15	Nānusayā caratīti—
ps1.1:401.16	viññāṇacariyā.
ps1.1:401.17	Rāgavippayuttā caratīti—
ps1.1:401.18	viññāṇacariyā.
ps1.1:401.19	Dosavippayuttā caratīti—
ps1.1:401.20	viññāṇacariyā.
ps1.1:401.21	Mohavippayuttā caratīti—
ps1.1:401.22	viññāṇacariyā.
ps1.1:401.23	Mānavippayuttā caratīti—
ps1.1:401.24	viññāṇacariyā.
ps1.1:401.25	Diṭṭhivippayuttā caratīti—
ps1.1:401.26	viññāṇacariyā.
ps1.1:401.27	Uddhaccavippayuttā caratīti—
ps1.1:401.28	viññāṇacariyā.
ps1.1:401.29	Vicikicchāvippayuttā caratīti—
ps1.1:401.30	viññāṇacariyā.
ps1.1:401.31	Anusayavippayuttā caratīti—
ps1.1:401.32	viññāṇacariyā.
ps1.1:401.33	Kusalehi kammehi sampayuttā caratīti—
ps1.1:401.34	viññāṇacariyā.
ps1.1:401.35	Akusalehi kammehi vippayuttā caratīti—
ps1.1:401.36	viññāṇacariyā.
ps1.1:401.37	Sāvajjehi kammehi vippayuttā caratīti—
ps1.1:401.38	viññāṇacariyā.
ps1.1:401.39	Anavajjehi kammehi sampayuttā caratīti—
ps1.1:401.40	viññāṇacariyā.
ps1.1:401.41	Kaṇhehi kammehi vippayuttā caratīti—
ps1.1:401.42	viññāṇacariyā.
ps1.1:401.43	Sukkehi kammehi sampayuttā caratīti—
ps1.1:401.44	viññāṇacariyā.
ps1.1:401.45	Sukhudrayehi kammehi sampayuttā caratīti—
ps1.1:401.46	viññāṇacariyā.
ps1.1:401.47	Dukkhudrayehi kammehi vippayuttā caratīti—
ps1.1:401.48	viññāṇacariyā.
ps1.1:401.49	Sukhavipākehi kammehi sampayuttā caratīti—
ps1.1:401.50	viññāṇacariyā.
ps1.1:401.51	Dukkhavipākehi kammehi vippayuttā caratīti—
ps1.1:401.52	viññāṇacariyā.
ps1.1:401.53	Viññāte caratīti—
ps1.1:401.54	viññāṇacariyā.
ps1.1:401.55	Viññāṇassa evarūpā cariyā hotīti—
ps1.1:401.56	viññāṇacariyā.
ps1.1:401.57	Pakatiparisuddhamidaṁ cittaṁ nikkilesaṭṭhenāti—
ps1.1:401.58	viññāṇacariyā.
ps1.1:401.59	Ayaṁ viññāṇacariyā.
ps1.1:402.1	Katamā aññāṇacariyā?
ps1.1:402.2	Manāpiyesu rūpesu rāgassa javanatthāya āvajjanakiriyābyākatā viññāṇacariyā;
ps1.1:402.3	rāgassa javanā aññāṇacariyā.
ps1.1:402.4	Amanāpiyesu rūpesu dosassa javanatthāya āvajjanakiriyābyākatā viññāṇacariyā;
ps1.1:402.5	dosassa javanā aññāṇacariyā.
ps1.1:402.6	Tadubhayena asamapekkhanasmiṁ vatthusmiṁ mohassa javanatthāya āvajjanakiriyābyākatā viññāṇacariyā;
ps1.1:402.7	mohassa javanā aññāṇacariyā.
ps1.1:402.8	Vinibandhassa mānassa javanatthāya āvajjanakiriyābyākatā viññāṇacariyā;
ps1.1:402.9	mānassa javanā aññāṇacariyā.
ps1.1:402.10	Parāmaṭṭhāya diṭṭhiyā javanatthāya āvajjanakiriyābyākatā viññāṇacariyā;
ps1.1:402.11	diṭṭhiyā javanā aññāṇacariyā.
ps1.1:402.12	Vikkhepagatassa uddhaccassa javanatthāya āvajjanakiriyābyākatā viññāṇacariyā;
ps1.1:402.13	uddhaccassa javanā aññāṇacariyā.
ps1.1:402.14	Aniṭṭhaṅgatāya vicikicchāya javanatthāya āvajjanakiriyābyākatā viññāṇacariyā;
ps1.1:402.15	vicikicchāya javanā aññāṇacariyā.
ps1.1:402.16	Thāmagatassa anusayassa javanatthāya āvajjanakiriyābyākatā viññāṇacariyā;
ps1.1:402.17	anusayassa javanā aññāṇacariyā.
ps1.1:403.1	Manāpiyesu saddesu …pe…
ps1.1:403.2	manāpiyesu gandhesu …pe…
ps1.1:403.3	manāpiyesu rasesu …pe…
ps1.1:403.4	manāpiyesu phoṭṭhabbesu …pe…
ps1.1:403.5	manāpiyesu dhammesu rāgassa javanatthāya āvajjanakiriyābyākatā viññāṇacariyā;
ps1.1:403.6	rāgassa javanā aññāṇacariyā.
ps1.1:403.7	Amanāpiyesu dhammesu dosassa javanatthāya āvajjanakiriyābyākatā viññāṇacariyā;
ps1.1:403.8	dosassa javanā aññāṇacariyā.
ps1.1:403.9	Tadubhayena asamapekkhanasmiṁ vatthusmiṁ mohassa javanatthāya āvajjanakiriyābyākatā viññāṇacariyā;
ps1.1:403.10	mohassa javanā aññāṇacariyā.
ps1.1:403.11	Vinibandhassa mānassa javanatthāya āvajjanakiriyābyākatā viññāṇacariyā;
ps1.1:403.12	mānassa javanā aññāṇacariyā.
ps1.1:403.13	Parāmaṭṭhāya diṭṭhiyā javanatthāya āvajjanakiriyābyākatā viññāṇacariyā;
ps1.1:403.14	diṭṭhiyā javanā aññāṇacariyā.
ps1.1:403.15	Vikkhepagatassa uddhaccassa javanatthāya āvajjanakiriyābyākatā viññāṇacariyā;
ps1.1:403.16	uddhaccassa javanā aññāṇacariyā;
ps1.1:403.17	aniṭṭhaṅgatāya vicikicchāya javanatthāya āvajjanakiriyābyākatā viññāṇacariyā;
ps1.1:403.18	vicikicchāya javanā aññāṇacariyā.
ps1.1:403.19	Thāmagatassa anusayassa javanatthāya āvajjanakiriyābyākatā viññāṇacariyā;
ps1.1:403.20	anusayassa javanā aññāṇacariyā.
ps1.1:404.1	<b>Aññāṇacariyā</b>ti kenaṭṭhena aññāṇacariyā?
ps1.1:404.2	Sarāgā caratīti—
ps1.1:404.3	aññāṇacariyā.
ps1.1:404.4	Sadosā caratīti—
ps1.1:404.5	aññāṇacariyā.
ps1.1:404.6	Samohā caratīti—
ps1.1:404.7	aññāṇacariyā.
ps1.1:404.8	Samānā caratīti—
ps1.1:404.9	aññāṇacariyā.
ps1.1:404.10	Sadiṭṭhi caratīti—
ps1.1:404.11	aññāṇacariyā.
ps1.1:404.12	Sauddhaccā caratīti—
ps1.1:404.13	aññāṇacariyā.
ps1.1:404.14	Savicikicchā caratīti—
ps1.1:404.15	aññāṇacariyā.
ps1.1:404.16	Sānusayā caratīti—
ps1.1:404.17	aññāṇacariyā.
ps1.1:404.18	Rāgasampayuttā caratīti—
ps1.1:404.19	aññāṇacariyā.
ps1.1:404.20	Dosasampayuttā caratīti—
ps1.1:404.21	aññāṇacariyā.
ps1.1:404.22	Mohasampayuttā caratīti—
ps1.1:404.23	aññāṇacariyā.
ps1.1:404.24	Mānasampayuttā caratīti—
ps1.1:404.25	aññāṇacariyā.
ps1.1:404.26	Diṭṭhisampayuttā caratīti—
ps1.1:404.27	aññāṇacariyā.
ps1.1:404.28	Uddhaccasampayuttā caratīti—
ps1.1:404.29	aññāṇacariyā.
ps1.1:404.30	Vicikicchāsampayuttā caratīti—
ps1.1:404.31	aññāṇacariyā.
ps1.1:404.32	Anusayasampayuttā caratīti—
ps1.1:404.33	aññāṇacariyā.
ps1.1:404.34	Kusalehi kammehi vippayuttā caratīti—
ps1.1:404.35	aññāṇacariyā.
ps1.1:404.36	Akusalehi kammehi sampayuttā caratīti—
ps1.1:404.37	aññāṇacariyā.
ps1.1:404.38	Sāvajjehi kammehi sampayuttā caratīti—
ps1.1:404.39	aññāṇacariyā.
ps1.1:404.40	Anavajjehi kammehi vippayuttā caratīti—
ps1.1:404.41	aññāṇacariyā.
ps1.1:404.42	Kaṇhehi kammehi sampayuttā caratīti—
ps1.1:404.43	aññāṇacariyā.
ps1.1:404.44	Sukkehi kammehi vippayuttā caratīti—
ps1.1:404.45	aññāṇacariyā.
ps1.1:404.46	Sukhudrayehi kammehi vippayuttā caratīti—
ps1.1:404.47	aññāṇacariyā.
ps1.1:404.48	Dukkhudrayehi kammehi sampayuttā caratīti—
ps1.1:404.49	aññāṇacariyā.
ps1.1:404.50	Sukhavipākehi kammehi vippayuttā caratīti—
ps1.1:404.51	aññāṇacariyā.
ps1.1:404.52	Dukkhavipākehi kammehi sampayuttā caratīti—
ps1.1:404.53	aññāṇacariyā.
ps1.1:404.54	Aññāte caratīti—
ps1.1:404.55	aññāṇacariyā.
ps1.1:404.56	Aññāṇassa evarūpā cariyā hotīti—
ps1.1:404.57	aññāṇacariyā.
ps1.1:404.58	Ayaṁ aññāṇacariyā.
ps1.1:405.1	Katamā ñāṇacariyā?
ps1.1:405.2	Aniccānupassanatthāya āvajjanakiriyābyākatā viññāṇacariyā;
ps1.1:405.3	aniccānupassanā ñāṇacariyā.
ps1.1:405.4	Dukkhānupassanatthāya āvajjanakiriyābyākatā viññāṇacariyā;
ps1.1:405.5	dukkhānupassanā ñāṇacariyā.
ps1.1:405.6	Anattānupassanatthāya āvajjanakiriyābyākatā viññāṇacariyā;
ps1.1:405.7	anattānupassanā ñāṇacariyā.
ps1.1:405.8	Nibbidānupassanatthāya …pe…
ps1.1:405.9	virāgānupassanatthāya …
ps1.1:405.10	nirodhānupassanatthāya …
ps1.1:405.11	paṭinissaggānupassanatthāya …
ps1.1:405.12	khayānupassanatthāya …
ps1.1:405.13	vayānupassanatthāya …
ps1.1:405.14	vipariṇāmānupassanatthāya …
ps1.1:405.15	animittānupassanatthāya …
ps1.1:405.16	appaṇihitānupassanatthāya …
ps1.1:405.17	suññatānupassanatthāya …
ps1.1:405.18	adhipaññādhammānupassanatthāya …
ps1.1:405.19	yathābhūtañāṇadassanatthāya …
ps1.1:405.20	ādīnavānupassanatthāya …
ps1.1:405.21	paṭisaṅkhānupassanatthāya āvajjanakiriyābyākatā viññāṇacariyā;
ps1.1:405.22	paṭisaṅkhānupassanā ñāṇacariyā.
ps1.1:405.23	Vivaṭṭanānupassanā ñāṇacariyā.
ps1.1:405.24	Sotāpattimaggo ñāṇacariyā.
ps1.1:405.25	Sotāpattiphalasamāpatti ñāṇacariyā.
ps1.1:405.26	Sakadāgāmimaggo ñāṇacariyā.
ps1.1:405.27	Sakadāgāmiphalasamāpatti ñāṇacariyā.
ps1.1:405.28	Anāgāmimaggo ñāṇacariyā.
ps1.1:405.29	Anāgāmiphalasamāpatti ñāṇacariyā.
ps1.1:405.30	Arahattamaggo ñāṇacariyā.
ps1.1:405.31	Arahattaphalasamāpatti ñāṇacariyā.
ps1.1:406.1	<b>Ñāṇacariyā</b>ti kenaṭṭhena ñāṇacariyā?
ps1.1:406.2	Nīrāgā caratīti—
ps1.1:406.3	ñāṇacariyā.
ps1.1:406.4	Niddosā caratīti—
ps1.1:406.5	ñāṇacariyā …pe…
ps1.1:406.6	nānusayā caratīti—
ps1.1:406.7	ñāṇacariyā.
ps1.1:406.8	Rāgavippayuttā caratīti—
ps1.1:406.9	ñāṇacariyā.
ps1.1:406.10	Dosavippayuttā caratīti—
ps1.1:406.11	ñāṇacariyā.
ps1.1:406.12	Mohavippayuttā caratīti—
ps1.1:406.13	ñāṇacariyā.
ps1.1:406.14	Mānavippayuttā …pe…
ps1.1:406.15	diṭṭhivippayuttā …
ps1.1:406.16	uddhaccavippayuttā …
ps1.1:406.17	vicikicchāvippayuttā …
ps1.1:406.18	anusayavippayuttā …
ps1.1:406.19	kusalehi kammehi sampayuttā …
ps1.1:406.20	akusalehi kammehi vippayuttā …
ps1.1:406.21	sāvajjehi kammehi vippayuttā …
ps1.1:406.22	anavajjehi kammehi sampayuttā …
ps1.1:406.23	kaṇhehi kammehi vippayuttā …
ps1.1:406.24	sukkehi kammehi sampayuttā …
ps1.1:406.25	sukhudrayehi kammehi sampayuttā …
ps1.1:406.26	dukkhudrayehi kammehi vippayuttā …
ps1.1:406.27	sukhavipākehi kammehi sampayuttā caratīti—
ps1.1:406.28	ñāṇacariyā.
ps1.1:406.29	Dukkhavipākehi kammehi vippayuttā caratīti—
ps1.1:406.30	ñāṇacariyā.
ps1.1:406.31	Ñāte caratīti—
ps1.1:406.32	ñāṇacariyā.
ps1.1:406.33	Ñāṇassa evarūpā cariyā hotīti—
ps1.1:406.34	ñāṇacariyā.
ps1.1:406.35	Ayaṁ ñāṇacariyā.
ps1.1:406.36	Aññā viññāṇacariyā, aññā aññāṇacariyā, aññā ñāṇacariyāti.
ps1.1:406.37	Taṁ ñātaṭṭhena ñāṇaṁ, pajānanaṭṭhena paññā.
ps1.1:406.38	Tena vuccati—
ps1.1:406.39	“cariyāvavatthāne paññā cariyānānatte ñāṇaṁ”.
ps1.1:406.40	Cariyānānattañāṇaniddeso sattarasamo.
ps1.1:407.0	1.1.18. Bhūminānattañāṇaniddesa
ps1.1:407.1	Kathaṁ catudhammavavatthāne paññā bhūminānatte ñāṇaṁ?
ps1.1:407.2	Catasso bhūmiyo—
ps1.1:407.3	kāmāvacarā bhūmi, rūpāvacarā bhūmi, arūpāvacarā bhūmi, apariyāpannā bhūmi.
ps1.1:407.4	Katamā kāmāvacarā bhūmi?
ps1.1:407.5	Heṭṭhato avīcinirayaṁ pariyantaṁ karitvā uparito paranimmitavasavattī deve antokaritvā yaṁ etasmiṁ antare etthāvacarā ettha pariyāpannā khandhadhātuāyatanā rūpaṁ vedanā saññā saṅkhārā viññāṇaṁ—
ps1.1:407.6	ayaṁ kāmāvacarā bhūmi.
ps1.1:408.1	Katamā rūpāvacarā bhūmi?
ps1.1:408.2	Heṭṭhato brahmalokaṁ pariyantaṁ karitvā uparito akaniṭṭhe deve antokaritvā yaṁ etasmiṁ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā—
ps1.1:408.3	ayaṁ rūpāvacarā bhūmi.
ps1.1:409.1	Katamā arūpāvacarā bhūmi?
ps1.1:409.2	Heṭṭhato ākāsānañcāyatanūpage deve pariyantaṁ karitvā uparito nevasaññānāsaññāyatanūpage deve antokaritvā yaṁ etasmiṁ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā—
ps1.1:409.3	ayaṁ arūpāvacarā bhūmi.
ps1.1:410.1	Katamā apariyāpannā bhūmi?
ps1.1:410.2	Apariyāpannā maggā ca maggaphalāni ca asaṅkhatā ca dhātu—
ps1.1:410.3	ayaṁ apariyāpannā bhūmi.
ps1.1:410.4	Imā catasso bhūmiyo.
ps1.1:411.1	Aparāpi catasso bhūmiyo cattāro satipaṭṭhānā cattāro sammappadhānā, cattāro iddhipādā, cattāri jhānāni, catasso appamaññāyo, catasso arūpasamāpattiyo, catasso paṭisambhidā, catasso paṭipadā, cattāri ārammaṇāni, cattāro ariyavaṁsā, cattāri saṅgahavatthūni, cattāri cakkāni, cattāri dhammapadāni—
ps1.1:411.2	imā catasso bhūmiyo.
ps1.1:411.3	Taṁ ñātaṭṭhena ñāṇaṁ, pajānanaṭṭhena paññā.
ps1.1:411.4	Tena vuccati—
ps1.1:411.5	“catudhammavavatthāne paññā bhūminānatte ñāṇaṁ”.
ps1.1:411.6	Bhūminānattañāṇaniddeso aṭṭhārasamo.
ps1.1:412.0	1.1.19. Dhammanānattañāṇaniddesa
ps1.1:412.1	Kathaṁ navadhammavavatthāne paññā dhammanānatte ñāṇaṁ?
ps1.1:412.2	Kathaṁ dhamme vavattheti?
ps1.1:412.3	Kāmāvacare dhamme kusalato vavattheti, akusalato vavattheti, abyākatato vavattheti.
ps1.1:412.4	Rūpāvacare dhamme kusalato vavattheti, abyākatato vavattheti.
ps1.1:412.5	Arūpāvacare dhamme kusalato vavattheti, abyākatato vavattheti.
ps1.1:412.6	Apariyāpanne dhamme kusalato vavattheti, abyākatato vavattheti.
ps1.1:413.1	Kathaṁ kāmāvacare dhamme kusalato vavattheti, akusalato vavattheti, abyākatato vavattheti?
ps1.1:413.2	Dasa kusalakammapathe kusalato vavattheti, dasa akusalakammapathe akusalato vavattheti, rūpañca vipākañca kiriyañca abyākatato vavattheti—
ps1.1:413.3	evaṁ kāmāvacare dhamme kusalato vavattheti, akusalato vavattheti, abyākatato vavattheti.
ps1.1:414.1	Kathaṁ rūpāvacare dhamme kusalato vavattheti, abyākatato vavattheti?
ps1.1:414.2	Idhaṭṭhassa cattāri jhānāni kusalato vavattheti, tatrūpapannassa cattāri jhānāni abyākatato vavattheti—
ps1.1:414.3	evaṁ rūpāvacare dhamme kusalato vavattheti, abyākatato vavattheti.
ps1.1:415.1	Kathaṁ arūpāvacare dhamme kusalato vavattheti, abyākatato vavattheti?
ps1.1:415.2	Idhaṭṭhassa catasso arūpāvacarasamāpattiyo kusalato vavattheti, tatrūpapannassa catasso arūpāvacarasamāpattiyo abyākatato vavattheti—
ps1.1:415.3	evaṁ arūpāvacare dhamme kusalato vavattheti, abyākatato vavattheti.
ps1.1:416.1	Kathaṁ apariyāpanne dhamme kusalato vavattheti, abyākatato vavattheti?
ps1.1:416.2	Cattāro ariyamagge kusalato vavattheti, cattāri ca sāmaññaphalāni nibbānañca abyākatato vavattheti—
ps1.1:416.3	evaṁ apariyāpanne dhamme kusalato vavattheti, abyākatato vavattheti.
ps1.1:416.4	Evaṁ dhamme vavattheti.
ps1.1:417.1	Nava pāmojjamūlakā dhammā.
ps1.1:417.2	Aniccato manasikaroto pāmojjaṁ jāyati, pamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.
ps1.1:417.3	Samāhite citte yathābhūtaṁ pajānāti passati.
ps1.1:417.4	Yathābhūtaṁ jānaṁ passaṁ nibbindati, nibbindaṁ virajjati, virāgā vimuccati.
ps1.1:417.5	Dukkhato manasikaroto pāmojjaṁ jāyati …pe…
ps1.1:417.6	anattato manasikaroto pāmojjaṁ jāyati …pe…
ps1.1:418.1	Rūpaṁ aniccato manasikaroto pāmojjaṁ jāyati …pe…
ps1.1:418.2	rūpaṁ dukkhato manasikaroto …pe…
ps1.1:418.3	vedanaṁ …
ps1.1:418.4	saññaṁ …
ps1.1:418.5	saṅkhāre …
ps1.1:418.6	viññāṇaṁ …
ps1.1:418.7	cakkhuṁ …pe…
ps1.1:418.8	jarāmaraṇaṁ aniccato manasikaroto pāmojjaṁ jāyati …pe…
ps1.1:418.9	jarāmaraṇaṁ dukkhato manasikaroto pāmojjaṁ jāyati …pe…
ps1.1:418.10	jarāmaraṇaṁ anattato manasikaroto pāmojjaṁ jāyati, pamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.
ps1.1:418.11	Samāhite citte yathābhūtaṁ pajānāti passati.
ps1.1:418.12	Yathābhūtaṁ jānaṁ passaṁ nibbindati, nibbindaṁ virajjati, virāgā vimuccati.
ps1.1:418.13	Ime nava pāmojjamūlakā dhammā.
ps1.1:419.1	Nava yoniso manasikāramūlakā dhammā.
ps1.1:419.2	Aniccato yoniso manasikaroto pāmojjaṁ jāyati, pamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.
ps1.1:419.3	Samāhitena cittena “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānāti.
ps1.1:419.4	Dukkhato yoniso manasikaroto pāmojjaṁ jāyati, pamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.
ps1.1:419.5	Samāhitena cittena “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānāti.
ps1.1:419.6	Anattato yoniso manasikaroto pāmojjaṁ jāyati …pe….
ps1.1:420.1	Rūpaṁ aniccato yoniso manasikaroto pāmojjaṁ jāyati …pe…
ps1.1:420.2	rūpaṁ dukkhato yoniso manasikaroto pāmojjaṁ jāyati …pe…
ps1.1:420.3	rūpaṁ anattato yoniso manasikaroto pāmojjaṁ jāyati …pe…
ps1.1:420.4	vedanaṁ …
ps1.1:420.5	saññaṁ …
ps1.1:420.6	saṅkhāre …
ps1.1:420.7	viññāṇaṁ …
ps1.1:420.8	cakkhuṁ …pe…
ps1.1:420.9	jarāmaraṇaṁ aniccato yoniso manasikaroto pāmojjaṁ jāyati …pe…
ps1.1:420.10	jarāmaraṇaṁ dukkhato yoniso manasikaroto pāmojjaṁ jāyati …pe…
ps1.1:420.11	jarāmaraṇaṁ anattato yoniso manasikaroto pāmojjaṁ jāyati, pamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.
ps1.1:420.12	Samāhitena cittena “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānāti.
ps1.1:420.13	Ime nava yoniso manasikāramūlakā dhammā.
ps1.1:421.1	Nava nānattā—
ps1.1:421.2	dhātunānattaṁ paṭicca uppajjati phassanānattaṁ, phassanānattaṁ paṭicca uppajjati vedanānānattaṁ, vedanānānattaṁ paṭicca uppajjati saññānānattaṁ, saññānānattaṁ paṭicca uppajjati saṅkappanānattaṁ, saṅkappanānattaṁ paṭicca uppajjati chandanānattaṁ, chandanānattaṁ paṭicca uppajjati pariḷāhanānattaṁ, pariḷāhanānattaṁ paṭicca uppajjati pariyesanānānattaṁ, pariyesanānānattaṁ paṭicca uppajjati lābhanānattaṁ—
ps1.1:421.3	ime nava nānattā.
ps1.1:421.4	Taṁ ñātaṭṭhena ñāṇaṁ, pajānanaṭṭhena paññā.
ps1.1:421.5	Tena vuccati—
ps1.1:421.6	“navadhammavavatthāne paññā dhammanānatte ñāṇaṁ”.
ps1.1:421.7	Dhammanānattañāṇaniddeso ekūnavīsatimo.
ps1.1:422.0	1.1.20–24 Ñāṇapañcakaniddesa
ps1.1:422.1	Kathaṁ abhiññāpaññā ñātaṭṭhe ñāṇaṁ, pariññāpaññā tīraṇaṭṭhe ñāṇaṁ, pahāne paññā pariccāgaṭṭhe ñāṇaṁ, bhāvanā paññā ekarasaṭṭhe ñāṇaṁ, sacchikiriyāpaññā phassanaṭṭhe ñāṇaṁ?
ps1.1:422.2	Ye ye dhammā abhiññātā honti, te te dhammā ñātā honti.
ps1.1:422.3	Ye ye dhammā pariññātā honti, te te dhammā tīritā honti.
ps1.1:422.4	Ye ye dhammā pahīnā honti, te te dhammā pariccattā honti.
ps1.1:422.5	Ye ye dhammā bhāvitā honti, te te dhammā ekarasā honti.
ps1.1:422.6	Ye ye dhammā sacchikatā honti, te te dhammā phassitā honti.
ps1.1:422.7	Taṁ ñātaṭṭhena ñāṇaṁ, pajānanaṭṭhena paññā.
ps1.1:422.8	Tena vuccati—
ps1.1:422.9	“abhiññā paññā ñātaṭṭhe ñāṇaṁ, pariññā paññā tīraṇaṭṭhe ñāṇaṁ, pahāne paññā pariccāgaṭṭhe ñāṇaṁ, bhāvanā paññā ekarasaṭṭhe ñāṇaṁ, sacchikiriyā paññā phassanaṭṭhe ñāṇaṁ”.
ps1.1:422.10	Ñāṇapañcakaniddeso catuvīsatimo.
ps1.1:423.0	1.1.25–28 Paṭisambhidāñāṇaniddesa
ps1.1:423.1	Kathaṁ atthanānatte paññā atthapaṭisambhide ñāṇaṁ, dhammanānatte paññā dhammapaṭisambhide ñāṇaṁ, niruttinānatte paññā niruttipaṭisambhide ñāṇaṁ, paṭibhānanānatte paññā paṭibhānapaṭisambhide ñāṇaṁ?
ps1.1:423.2	Saddhindriyaṁ dhammo, vīriyindriyaṁ dhammo, satindriyaṁ dhammo, samādhindriyaṁ dhammo, paññindriyaṁ dhammo.
ps1.1:423.3	Añño saddhindriyaṁ dhammo, añño vīriyindriyaṁ dhammo, añño satindriyaṁ dhammo, añño samādhindriyaṁ dhammo, añño paññindriyaṁ dhammo.
ps1.1:423.4	Yena ñāṇena ime nānā dhammā ñātā, teneva ñāṇena ime nānā dhammā paṭividitāti.
ps1.1:423.5	Tena vuccati—
ps1.1:423.6	“dhammanānatte paññā dhammapaṭisambhide ñāṇaṁ”.
ps1.1:424.1	Adhimokkhaṭṭho attho, paggahaṭṭho attho, upaṭṭhānaṭṭho attho, avikkhepaṭṭho attho, dassanaṭṭho attho.
ps1.1:424.2	Añño adhimokkhaṭṭho attho, añño paggahaṭṭho attho, añño upaṭṭhānaṭṭho attho, añño avikkhepaṭṭho attho, añño dassanaṭṭho attho.
ps1.1:424.3	Yena ñāṇena ime nānā atthā ñātā, teneva ñāṇena ime nānā atthā paṭividitāti.
ps1.1:424.4	Tena vuccati “atthanānatte paññā atthapaṭisambhide ñāṇaṁ”.
ps1.1:425.1	Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā.
ps1.1:425.2	Aññā dhammaniruttiyo, aññā atthaniruttiyo.
ps1.1:425.3	Yena ñāṇena imā nānā niruttiyo ñātā, teneva ñāṇena imā nānā niruttiyo paṭividitāti.
ps1.1:425.4	Tena vuccati—
ps1.1:425.5	“niruttinānatte paññā niruttipaṭisambhide ñāṇaṁ”.
ps1.1:426.1	Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
ps1.1:426.2	Aññāni dhammesu ñāṇāni, aññāni atthesu ñāṇāni, aññāni niruttīsu ñāṇāni.
ps1.1:426.3	Yena ñāṇena ime nānā ñāṇā ñātā, teneva ñāṇena ime nānā ñāṇā paṭividitāti.
ps1.1:426.4	Tena vuccati—
ps1.1:426.5	“paṭibhānanānatte paññā paṭibhānapaṭisambhide ñāṇaṁ”.
ps1.1:427.1	Saddhābalaṁ dhammo, vīriyabalaṁ dhammo, satibalaṁ dhammo, samādhibalaṁ dhammo, paññābalaṁ dhammo.
ps1.1:427.2	Añño saddhābalaṁ dhammo, añño vīriyabalaṁ dhammo, añño satibalaṁ dhammo, añño samādhibalaṁ dhammo, añño paññābalaṁ dhammo.
ps1.1:427.3	Yena ñāṇena ime nānā dhammā ñātā, teneva ñāṇena ime nānā dhammā paṭividitāti.
ps1.1:427.4	Tena vuccati—
ps1.1:427.5	“dhammanānatte paññā dhammapaṭisambhide ñāṇaṁ”.
ps1.1:428.1	Assaddhiye akampiyaṭṭho attho.
ps1.1:428.2	Kosajje akampiyaṭṭho attho.
ps1.1:428.3	Pamāde akampiyaṭṭho attho.
ps1.1:428.4	Uddhacce akampiyaṭṭho attho.
ps1.1:428.5	Avijjāya akampiyaṭṭho attho.
ps1.1:428.6	Añño assaddhiye akampiyaṭṭho attho, añño kosajje akampiyaṭṭho attho, añño pamāde akampiyaṭṭho attho, añño uddhacce akampiyaṭṭho attho, añño avijjāya akampiyaṭṭho attho.
ps1.1:428.7	Yena ñāṇena ime nānā atthā ñātā, teneva ñāṇena ime nānā atthā paṭividitāti.
ps1.1:428.8	Tena vuccati—
ps1.1:428.9	“atthanānatte paññā atthapaṭisambhide ñāṇaṁ”.
ps1.1:429.1	Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā.
ps1.1:429.2	Aññā dhammaniruttiyo, aññā atthaniruttiyo.
ps1.1:429.3	Yena ñāṇena imā nānā niruttiyo ñātā, teneva ñāṇena imā nānā niruttiyo paṭividitāti.
ps1.1:429.4	Tena vuccati—
ps1.1:429.5	“niruttinānatte paññā niruttipaṭisambhide ñāṇaṁ”.
ps1.1:430.1	Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
ps1.1:430.2	Aññāni dhammesu ñāṇāni, aññāni atthesu ñāṇāni, aññāni niruttīsu ñāṇāni.
ps1.1:430.3	Yena ñāṇena ime nānā ñāṇā ñātā, teneva ñāṇena ime nānā ñāṇā paṭividitāti.
ps1.1:430.4	Tena vuccati—
ps1.1:430.5	“paṭibhānanānatte paññā paṭibhānapaṭisambhide ñāṇaṁ”.
ps1.1:431.1	Satisambojjhaṅgo dhammo, dhammavicayasambojjhaṅgo dhammo, vīriyasambojjhaṅgo dhammo, pītisambojjhaṅgo dhammo, passaddhisambojjhaṅgo dhammo, samādhisambojjhaṅgo dhammo, upekkhāsambojjhaṅgo dhammo.
ps1.1:431.2	Añño satisambojjhaṅgo dhammo, añño dhammavicayasambojjhaṅgo dhammo, añño vīriyasambojjhaṅgo dhammo, añño pītisambojjhaṅgo dhammo, añño passaddhisambojjhaṅgo dhammo, añño samādhisambojjhaṅgo dhammo, añño upekkhāsambojjhaṅgo dhammo.
ps1.1:431.3	Yena ñāṇena ime nānā dhammā ñātā, teneva ñāṇena ime nānā dhammā paṭividitāti.
ps1.1:431.4	Tena vuccati—
ps1.1:431.5	“dhammanānatte paññā dhammapaṭisambhide ñāṇaṁ”.
ps1.1:432.1	Upaṭṭhānaṭṭho attho, pavicayaṭṭho attho, paggahaṭṭho attho, pharaṇaṭṭho attho, upasamaṭṭho attho, avikkhepaṭṭho attho, paṭisaṅkhānaṭṭho attho.
ps1.1:432.2	Añño upaṭṭhānaṭṭho attho, añño pavicayaṭṭho attho, añño paggahaṭṭho attho, añño pharaṇaṭṭho attho, añño upasamaṭṭho attho, añño avikkhepaṭṭho attho, añño paṭisaṅkhānaṭṭho attho.
ps1.1:432.3	Yena ñāṇena ime nānā atthā ñātā, teneva ñāṇena ime nānā atthā paṭividitāti.
ps1.1:432.4	Tena vuccati—
ps1.1:432.5	“atthanānatte paññā atthapaṭisambhide ñāṇaṁ”.
ps1.1:433.1	Satta dhamme sandassetuṁ byañjananiruttābhilāpā, satta atthe sandassetuṁ byañjananiruttābhilāpā.
ps1.1:433.2	Aññā dhammaniruttiyo, aññā atthaniruttiyo.
ps1.1:433.3	Yena ñāṇena imā nānā niruttiyo ñātā, teneva ñāṇena imā nānā niruttiyo paṭividitāti.
ps1.1:433.4	Tena vuccati—
ps1.1:433.5	“niruttinānatte paññā niruttipaṭisambhide ñāṇaṁ”.
ps1.1:434.1	Sattasu dhammesu ñāṇāni, sattasu atthesu ñāṇāni, cuddasasu niruttīsu ñāṇāni.
ps1.1:434.2	Aññāni dhammesu ñāṇāni, aññāni atthesu ñāṇāni, aññāni niruttīsu ñāṇāni.
ps1.1:434.3	Yena ñāṇena ime nānā ñāṇā ñātā, teneva ñāṇena ime nānā ñāṇā paṭividitāti.
ps1.1:434.4	Tena vuccati—
ps1.1:434.5	“paṭibhānanānatte paññā paṭibhānapaṭisambhide ñāṇaṁ”.
ps1.1:435.1	Sammādiṭṭhi dhammo, sammāsaṅkappo dhammo, sammāvācā dhammo, sammākammanto dhammo, sammāājīvo dhammo, sammāvāyāmo dhammo, sammāsati dhammo, sammāsamādhi dhammo.
ps1.1:435.2	Añño sammādiṭṭhi dhammo, añño sammāsaṅkappo dhammo, añño sammāvācā dhammo, añño sammākammanto dhammo, añño sammāājīvo dhammo, añño sammāvāyāmo dhammo, añño sammāsati dhammo, añño sammāsamādhi dhammo.
ps1.1:435.3	Yena ñāṇena ime nānā dhammā ñātā, teneva ñāṇena ime nānā dhammā paṭividitāti.
ps1.1:435.4	Tena vuccati—
ps1.1:435.5	“dhammanānatte paññā dhammapaṭisambhide ñāṇaṁ”.
ps1.1:436.1	Dassanaṭṭho attho, abhiniropanaṭṭho attho, pariggahaṭṭho attho, samuṭṭhānaṭṭho attho, vodānaṭṭho attho, paggahaṭṭho attho, upaṭṭhānaṭṭho attho, avikkhepaṭṭho attho.
ps1.1:436.2	Añño dassanaṭṭho attho, añño abhiniropanaṭṭho attho, añño pariggahaṭṭho attho, añño samuṭṭhānaṭṭho attho, añño vodānaṭṭho attho, añño paggahaṭṭho attho, añño upaṭṭhānaṭṭho attho, añño avikkhepaṭṭho attho.
ps1.1:436.3	Yena ñāṇena ime nānā atthā ñātā teneva ñāṇena ime nānā atthā paṭividitāti.
ps1.1:436.4	Tena vuccati—
ps1.1:436.5	“atthanānatte paññā atthapaṭisambhide ñāṇaṁ”.
ps1.1:437.1	Aṭṭha dhamme sandassetuṁ byañjananiruttābhilāpā, aṭṭha atthe sandassetuṁ byañjananiruttābhilāpā.
ps1.1:437.2	Aññā dhammaniruttiyo, aññā atthaniruttiyo.
ps1.1:437.3	Yena ñāṇena imā nānā niruttiyo ñātā, teneva ñāṇena imā nānā niruttiyo paṭividitāti.
ps1.1:437.4	Tena vuccati—
ps1.1:437.5	“niruttinānatte paññā niruttipaṭisambhide ñāṇaṁ”.
ps1.1:438.1	Aṭṭhasu dhammesu ñāṇāni, aṭṭhasu atthesu ñāṇāni soḷasasu niruttīsu ñāṇāni.
ps1.1:438.2	Aññāni dhammesu ñāṇāni, aññāni atthesu ñāṇāni, aññāni niruttīsu ñāṇāni.
ps1.1:438.3	Yena ñāṇena ime nānā ñāṇā ñātā, teneva ñāṇena ime nānā ñāṇā paṭividitāti.
ps1.1:438.4	Tena vuccati—
ps1.1:438.5	“paṭibhānanānatte paññā paṭibhānapaṭisambhide ñāṇaṁ”.
ps1.1:438.6	Taṁ ñātaṭṭhena ñāṇaṁ, pajānanaṭṭhena paññā.
ps1.1:438.7	Tena vuccati—
ps1.1:438.8	“atthanānatte paññā atthapaṭisambhide ñāṇaṁ.
ps1.1:438.9	Dhammanānatte paññā dhammapaṭisambhide ñāṇaṁ.
ps1.1:438.10	Niruttinānatte paññā niruttipaṭisambhide ñāṇaṁ.
ps1.1:438.11	Paṭibhānanānatte paññā paṭibhānapaṭisambhide ñāṇaṁ”.
ps1.1:438.12	Paṭisambhidāñāṇaniddeso aṭṭhavīsatimo.
ps1.1:439.0	1.1.29–31 Ñāṇattayaniddesa
ps1.1:439.1	Kathaṁ vihāranānatte paññā vihāraṭṭhe ñāṇaṁ, samāpattinānatte paññā samāpattaṭṭhe ñāṇaṁ, vihārasamāpattinānatte paññā vihārasamāpattaṭṭhe ñāṇaṁ?
ps1.1:439.2	Nimittaṁ bhayato sampassamāno animitte adhimuttattā phussa phussa vayaṁ passati—
ps1.1:439.3	animitto vihāro. paṇidhiṁ bhayato sampassamāno appaṇihite adhimuttattā phussa phussa vayaṁ passati—
ps1.1:439.4	appaṇihito vihāro.
ps1.1:439.5	Abhinivesaṁ bhayato sampassamāno suññate adhimuttattā phussa phussa vayaṁ passati—
ps1.1:439.6	suññato vihāro.
ps1.1:440.1	Nimittaṁ bhayato sampassamāno animitte adhimuttattā pavattaṁ ajjhupekkhitvā nirodhaṁ nibbānaṁ animittaṁ āvajjitvā samāpajjati—
ps1.1:440.2	animittā samāpatti. paṇidhiṁ bhayato sampassamāno appaṇihite adhimuttattā pavattaṁ ajjhupekkhitvā nirodhaṁ nibbānaṁ appaṇihitaṁ āvajjitvā samāpajjati—
ps1.1:440.3	appaṇihitā samāpatti.
ps1.1:440.4	Abhinivesaṁ bhayato sampassamāno suññate adhimuttattā pavattaṁ ajjhupekkhitvā nirodhaṁ nibbānaṁ suññataṁ āvajjitvā samāpajjati—
ps1.1:440.5	suññatā samāpatti.
ps1.1:441.1	Nimittaṁ bhayato sampassamāno animitte adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ animittaṁ āvajjitvā samāpajjati—
ps1.1:441.2	animittavihārasamāpatti. paṇidhiṁ bhayato sampassamāno appaṇihite adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ appaṇihitaṁ āvajjitvā samāpajjati—
ps1.1:441.3	appaṇihitavihārasamāpatti.
ps1.1:441.4	Abhinivesaṁ bhayato sampassamāno suññate adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ suññataṁ āvajjitvā samāpajjati—
ps1.1:441.5	suññatavihārasamāpatti.
ps1.1:442.1	Rūpanimittaṁ bhayato sampassamāno animitte adhimuttattā phussa phussa vayaṁ passati—
ps1.1:442.2	animitto vihāro.
ps1.1:442.3	Rūpapaṇidhiṁ bhayato sampassamāno appaṇihite adhimuttattā phussa phussa vayaṁ passati—
ps1.1:442.4	appaṇihito vihāro.
ps1.1:442.5	Rūpābhinivesaṁ bhayato sampassamāno suññate adhimuttattā phussa phussa vayaṁ passati—
ps1.1:442.6	suññato vihāro.
ps1.1:443.1	Rūpanimittaṁ bhayato sampassamāno animitte adhimuttattā pavattaṁ ajjhupekkhitvā nirodhaṁ nibbānaṁ animittaṁ āvajjitvā samāpajjati—
ps1.1:443.2	animittā samāpatti.
ps1.1:443.3	Rūpapaṇidhiṁ bhayato sampassamāno appaṇihite adhimuttattā pavattaṁ ajjhupekkhitvā nirodhaṁ nibbānaṁ appaṇihitaṁ āvajjitvā samāpajjati—
ps1.1:443.4	appaṇihitā samāpatti.
ps1.1:443.5	Rūpābhinivesaṁ bhayato sampassamāno suññate adhimuttattā pavattaṁ ajjhupekkhitvā nirodhaṁ nibbānaṁ suññataṁ āvajjitvā samāpajjati—
ps1.1:443.6	suññatā samāpatti.
ps1.1:444.1	Rūpanimittaṁ bhayato sampassamāno animitte adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ animittaṁ āvajjitvā samāpajjati—
ps1.1:444.2	animittavihārasamāpatti.
ps1.1:444.3	Rūpapaṇidhiṁ bhayato sampassamāno appaṇihite adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ appaṇihitaṁ āvajjitvā samāpajjati—
ps1.1:444.4	appaṇihitavihārasamāpatti.
ps1.1:444.5	Rūpābhinivesaṁ bhayato sampassamāno suññate adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ suññataṁ āvajjitvā samāpajjati—
ps1.1:444.6	suññatavihārasamāpatti.
ps1.1:445.1	Vedanānimittaṁ …pe…
ps1.1:445.2	saññānimittaṁ …
ps1.1:445.3	saṅkhāranimittaṁ …
ps1.1:445.4	viññāṇanimittaṁ …
ps1.1:445.5	cakkhunimittaṁ …pe…
ps1.1:445.6	jarāmaraṇanimittaṁ bhayato sampassamāno animitte adhimuttattā phussa phussa vayaṁ passati—
ps1.1:445.7	animitto vihāro.
ps1.1:445.8	Jarāmaraṇapaṇidhiṁ bhayato sampassamāno appaṇihite adhimuttattā phussa phussa vayaṁ passati—
ps1.1:445.9	appaṇihito vihāro.
ps1.1:445.10	Jarāmaraṇābhinivesaṁ bhayato sampassamāno suññate adhimuttattā phussa phussa vayaṁ passati—
ps1.1:445.11	suññato vihāro.
ps1.1:446.1	Jarāmaraṇanimittaṁ bhayato sampassamāno animitte adhimuttattā pavattaṁ ajjhupekkhitvā nirodhaṁ nibbānaṁ animittaṁ āvajjitvā samāpajjati—
ps1.1:446.2	animittā samāpatti.
ps1.1:446.3	Jarāmaraṇapaṇidhiṁ bhayato sampassamāno appaṇihite adhimuttattā pavattaṁ ajjhupekkhitvā nirodhaṁ nibbānaṁ appaṇihitaṁ āvajjitvā samāpajjati—
ps1.1:446.4	appaṇihitā samāpatti.
ps1.1:446.5	Jarāmaraṇābhinivesaṁ bhayato sampassamāno suññate adhimuttattā pavattaṁ ajjhupekkhitvā nirodhaṁ nibbānaṁ suññataṁ āvajjitvā samāpajjati—
ps1.1:446.6	suññatā samāpatti.
ps1.1:447.1	Jarāmaraṇanimittaṁ bhayato sampassamāno animitte adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ animittaṁ āvajjitvā samāpajjati—
ps1.1:447.2	animittavihārasamāpatti.
ps1.1:447.3	Jarāmaraṇapaṇidhiṁ bhayato sampassamāno appaṇihite adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ appaṇihitaṁ āvajjitvā samāpajjati—
ps1.1:447.4	appaṇihitavihārasamāpatti.
ps1.1:447.5	Jarāmaraṇābhinivesaṁ bhayato sampassamāno suññate adhimuttattā phussa phussa vayaṁ passati, pavattaṁ ajjhupekkhitvā nirodhaṁ nibbānaṁ suññataṁ āvajjitvā samāpajjati—
ps1.1:447.6	suññatavihārasamāpatti.
ps1.1:447.7	Añño animitto vihāro, añño appaṇihito vihāro, añño suññato vihāro.
ps1.1:447.8	Aññā animittā samāpatti, aññā appaṇihitā samāpatti, aññā suññatā samāpatti.
ps1.1:447.9	Aññā animittā vihārasamāpatti, aññā appaṇihitā vihārasamāpatti, aññā suññatā vihārasamāpatti.
ps1.1:447.10	Taṁ ñātaṭṭhena ñāṇaṁ, pajānanaṭṭhena paññā.
ps1.1:447.11	Tena vuccati—
ps1.1:447.12	“vihāranānatte paññā vihāraṭṭhe ñāṇaṁ, samāpattinānatte paññā samāpattaṭṭhe ñāṇaṁ, vihārasamāpattinānatte paññā vihārasamāpattaṭṭhe ñāṇaṁ”.
ps1.1:447.13	Ñāṇattayaniddeso ekatiṁsatimo.
ps1.1:448.0	1.1.32. Ānantarikasamādhiñāṇaniddesa
ps1.1:448.1	Kathaṁ avikkhepaparisuddhattā āsavasamucchede paññā ānantarikasamādhimhi ñāṇaṁ?
ps1.1:448.2	Nekkhammavasena cittassa ekaggatā avikkhepo samādhi.
ps1.1:448.3	Tassa samādhissa vasena uppajjati ñāṇaṁ.
ps1.1:448.4	Tena ñāṇena āsavā khīyanti.
ps1.1:448.5	Iti paṭhamaṁ samatho, pacchā ñāṇaṁ.
ps1.1:448.6	Tena ñāṇena āsavānaṁ khayo hoti.
ps1.1:448.7	Tena vuccati—
ps1.1:448.8	“avikkhepaparisuddhattā āsavasamucchede paññā ānantarikasamādhimhi ñāṇaṁ”.
ps1.1:449.1	<b>Āsavā</b>ti katame te āsavā?
ps1.1:449.2	Kāmāsavo, bhavāsavo, diṭṭhāsavo, avijjāsavo.
ps1.1:450.1	Katthete āsavā khīyanti?
ps1.1:450.2	Sotāpattimaggena anavaseso diṭṭhāsavo khīyati, apāyagamanīyo kāmāsavo khīyati, apāyagamanīyo bhavāsavo khīyati, apāyagamanīyo avijjāsavo khīyati.
ps1.1:450.3	Etthete āsavā khīyanti.
ps1.1:450.4	Sakadāgāmimaggena oḷāriko kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.1:450.5	Etthete āsavā khīyanti.
ps1.1:450.6	Anāgāmimaggena anavaseso kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.1:450.7	Etthete āsavā khīyanti.
ps1.1:450.8	Arahattamaggena anavaseso bhavāsavo khīyati, anavaseso avijjāsavo khīyati.
ps1.1:450.9	Etthete āsavā khīyanti.
ps1.1:451.1	Abyāpādavasena …pe…
ps1.1:451.2	ālokasaññāvasena …
ps1.1:451.3	avikkhepavasena …
ps1.1:451.4	dhammavavatthānavasena …
ps1.1:451.5	ñāṇavasena …
ps1.1:451.6	pāmojjavasena …
ps1.1:451.7	paṭhamajjhānavasena …
ps1.1:451.8	dutiyajjhānavasena …
ps1.1:451.9	tatiyajjhānavasena …
ps1.1:451.10	catutthajjhānavasena …
ps1.1:451.11	ākāsānañcāyatanasamāpattivasena …
ps1.1:451.12	viññāṇañcāyatanasamāpattivasena …
ps1.1:451.13	ākiñcaññāyatanasamāpattivasena …
ps1.1:451.14	nevasaññānāsaññāyatanasamāpattivasena …
ps1.1:451.15	pathavīkasiṇavasena …
ps1.1:451.16	āpokasiṇavasena …
ps1.1:451.17	tejokasiṇavasena …
ps1.1:451.18	vāyokasiṇavasena …
ps1.1:451.19	nīlakasiṇavasena …
ps1.1:451.20	pītakasiṇavasena …
ps1.1:451.21	lohitakasiṇavasena …
ps1.1:451.22	odātakasiṇavasena …
ps1.1:451.23	ākāsakasiṇavasena …
ps1.1:451.24	viññāṇakasiṇavasena …
ps1.1:451.25	buddhānussativasena …
ps1.1:451.26	dhammānussativasena …
ps1.1:451.27	saṅghānussativasena …
ps1.1:451.28	sīlānussativasena …
ps1.1:451.29	cāgānussativasena …
ps1.1:451.30	devatānussativasena …
ps1.1:451.31	ānāpānassativasena …
ps1.1:451.32	maraṇassativasena …
ps1.1:451.33	kāyagatāsativasena …
ps1.1:451.34	upasamānussativasena …
ps1.1:451.35	uddhumātakasaññāvasena …
ps1.1:451.36	vinīlakasaññāvasena …
ps1.1:451.37	vipubbakasaññāvasena …
ps1.1:451.38	vicchiddakasaññāvasena …
ps1.1:451.39	vikkhāyitakasaññāvasena …
ps1.1:451.40	vikkhittakasaññāvasena …
ps1.1:451.41	hatavikkhittakasaññāvasena …
ps1.1:451.42	lohitakasaññāvasena …
ps1.1:451.43	puḷavakasaññāvasena …
ps1.1:451.44	aṭṭhikasaññāvasena.
ps1.1:452.1	Dīghaṁ assāsavasena …pe…
ps1.1:452.2	dīghaṁ passāsavasena …
ps1.1:452.3	rassaṁ assāsavasena …
ps1.1:452.4	rassaṁ passāsavasena …
ps1.1:452.5	sabbakāyapaṭisaṁvedī assāsavasena …
ps1.1:452.6	sabbakāyapaṭisaṁvedī passāsavasena …
ps1.1:452.7	passambhayaṁ kāyasaṅkhāraṁ assāsavasena …
ps1.1:452.8	passambhayaṁ kāyasaṅkhāraṁ passāsavasena …
ps1.1:452.9	pītipaṭisaṁvedī assāsavasena …
ps1.1:452.10	pītipaṭisaṁvedī passāsavasena …
ps1.1:452.11	sukhapaṭisaṁvedī assāsavasena …
ps1.1:452.12	sukhapaṭisaṁvedī passāsavasena …
ps1.1:452.13	cittasaṅkhārapaṭisaṁvedī assāsavasena …
ps1.1:452.14	cittasaṅkhārapaṭisaṁvedī passāsavasena …
ps1.1:452.15	passambhayaṁ cittasaṅkhāraṁ assāsavasena …
ps1.1:452.16	passambhayaṁ cittasaṅkhāraṁ passāsavasena …
ps1.1:452.17	cittapaṭisaṁvedī assāsavasena …
ps1.1:452.18	cittapaṭisaṁvedī passāsavasena …
ps1.1:452.19	abhippamodayaṁ cittaṁ assāsavasena …
ps1.1:452.20	abhippamodayaṁ cittaṁ passāsavasena …
ps1.1:452.21	samādahaṁ cittaṁ …pe…
ps1.1:452.22	vimocayaṁ cittaṁ …
ps1.1:452.23	aniccānupassī …
ps1.1:452.24	virāgānupassī …
ps1.1:452.25	nirodhānupassī …
ps1.1:452.26	paṭinissaggānupassī assāsavasena …
ps1.1:452.27	paṭinissaggānupassī passāsavasena cittassa ekaggatā avikkhepo samādhi.
ps1.1:452.28	Tassa samādhissa vasena uppajjati ñāṇaṁ, tena ñāṇena āsavā khīyanti.
ps1.1:452.29	Iti paṭhamaṁ samatho, pacchā ñāṇaṁ.
ps1.1:452.30	Tena ñāṇena āsavānaṁ khayo hoti.
ps1.1:452.31	Tena vuccati—
ps1.1:452.32	“avikkhepaparisuddhattā āsavasamucchede paññā ānantarikasamādhimhi ñāṇaṁ”.
ps1.1:453.1	<b>Āsavā</b>ti katame te āsavā?
ps1.1:453.2	Kāmāsavo, bhavāsavo, diṭṭhāsavo, avijjāsavo.
ps1.1:453.3	Katthete āsavā khīyanti?
ps1.1:453.4	Sotāpattimaggena anavaseso diṭṭhāsavo khīyati, apāyagamanīyo kāmāsavo khīyati, apāyagamanīyo bhavāsavo khīyati, apāyagamanīyo avijjāsavo khīyati.
ps1.1:453.5	Etthete āsavā khīyanti.
ps1.1:453.6	Sakadāgāmimaggena oḷāriko kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.1:453.7	Etthete āsavā khīyanti.
ps1.1:453.8	Anāgāmimaggena anavaseso kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.1:453.9	Etthete āsavā khīyanti.
ps1.1:453.10	Arahattamaggena anavaseso bhavāsavo khīyati, anavaseso avijjāsavo khīyati.
ps1.1:453.11	Etthete āsavā khīyanti.
ps1.1:453.12	Taṁ ñātaṭṭhena ñāṇaṁ, pajānanaṭṭhena paññā.
ps1.1:453.13	Tena vuccati—
ps1.1:453.14	“avikkhepaparisuddhattā āsavasamucchede paññā ānantarikasamādhimhi ñāṇaṁ”.
ps1.1:453.15	Ānantarikasamādhiñāṇaniddeso dvattiṁsatimo.
ps1.1:454.0	1.1.33. Araṇavihārañāṇaniddesa
ps1.1:454.1	Kathaṁ dassanādhipateyyaṁ santo ca vihārādhigamo paṇītādhimuttatā paññā araṇavihāre ñāṇaṁ?
ps1.1:455.1	<b>Dassanādhipateyyan</b>ti aniccānupassanā dassanādhipateyyaṁ, dukkhānupassanā dassanādhipateyyaṁ, anattānupassanā dassanādhipateyyaṁ, rūpe aniccānupassanā dassanādhipateyyaṁ, rūpe dukkhānupassanā dassanādhipateyyaṁ, rūpe anattānupassanā dassanādhipateyyaṁ;
ps1.1:455.2	vedanāya …pe…
ps1.1:455.3	saññāya …
ps1.1:455.4	saṅkhāresu …
ps1.1:455.5	viññāṇe …
ps1.1:455.6	cakkhusmiṁ …pe…
ps1.1:455.7	jarāmaraṇe aniccānupassanā dassanādhipateyyaṁ, jarāmaraṇe dukkhānupassanā dassanādhipateyyaṁ, jarāmaraṇe anattānupassanā dassanādhipateyyaṁ.
ps1.1:456.1	<b>Santo ca vihārādhigamo</b>ti suññato vihāro santo vihārādhigamo.
ps1.1:456.2	Animitto vihāro santo vihārādhigamo.
ps1.1:456.3	Appaṇihito vihāro santo vihārādhigamo.
ps1.1:457.1	<b>Paṇītādhimuttatā</b>ti suññate adhimuttatā paṇītādhimuttatā.
ps1.1:457.2	Animitte adhimuttatā paṇītādhimuttatā.
ps1.1:457.3	Appaṇihite adhimuttatā paṇītādhimuttatā.
ps1.1:458.1	<b>Araṇavihāro</b>ti paṭhamaṁ jhānaṁ araṇavihāro.
ps1.1:458.2	Dutiyaṁ jhānaṁ araṇavihāro.
ps1.1:458.3	Tatiyaṁ jhānaṁ araṇavihāro.
ps1.1:458.4	Catutthaṁ jhānaṁ araṇavihāro.
ps1.1:458.5	Ākāsānañcāyatanasamāpatti araṇavihāro …pe…
ps1.1:458.6	nevasaññānāsaññāyatanasamāpatti araṇavihāro.
ps1.1:459.1	<b>Araṇavihāro</b>ti kenaṭṭhena araṇavihāro?
ps1.1:459.2	Paṭhamena jhānena nīvaraṇe haratīti—
ps1.1:459.3	araṇavihāro.
ps1.1:459.4	Dutiyena jhānena vitakkavicāre haratīti—
ps1.1:459.5	araṇavihāro.
ps1.1:459.6	Tatiyena jhānena pītiṁ haratīti—
ps1.1:459.7	araṇavihāro.
ps1.1:459.8	Catutthena jhānena sukhadukkhe haratīti—
ps1.1:459.9	araṇavihāro.
ps1.1:459.10	Ākāsānañcāyatanasamāpattiyā rūpasaññaṁ paṭighasaññaṁ nānattasaññaṁ haratīti—
ps1.1:459.11	araṇavihāro.
ps1.1:459.12	Viññāṇañcāyatanasamāpattiyā ākāsānañcāyatanasaññaṁ haratīti—
ps1.1:459.13	araṇavihāro.
ps1.1:459.14	Ākiñcaññāyatanasamāpattiyā viññāṇañcāyatanasaññaṁ haratīti—
ps1.1:459.15	araṇavihāro.
ps1.1:459.16	Nevasaññānāsaññāyatanasamāpattiyā ākiñcaññāyatanasaññaṁ haratīti—
ps1.1:459.17	araṇavihāro.
ps1.1:459.18	Ayaṁ araṇavihāro.
ps1.1:459.19	Taṁ ñātaṭṭhena ñāṇaṁ, pajānanaṭṭhena paññā.
ps1.1:459.20	Tena vuccati—
ps1.1:459.21	“dassanādhipateyyaṁ santo ca vihārādhigamo paṇītādhimuttatā paññā araṇavihāre ñāṇaṁ”.
ps1.1:459.22	Araṇavihārañāṇaniddeso tettiṁsatimo.
ps1.1:460.0	1.1.34. Nirodhasamāpattiñāṇaniddesa
ps1.1:460.1	Kathaṁ dvīhi balehi samannāgatattā tayo ca saṅkhārānaṁ paṭippassaddhiyā soḷasahi ñāṇacariyāhi navahi samādhicariyāhi vasibhāvatā paññā nirodhasamāpattiyā ñāṇaṁ?
ps1.1:461.1	<b>Dvīhi balehī</b>ti dve balāni—
ps1.1:461.2	samathabalaṁ, vipassanābalaṁ.
ps1.1:461.3	Katamaṁ samathabalaṁ?
ps1.1:461.4	Nekkhammavasena cittassekaggatā avikkhepo samathabalaṁ.
ps1.1:461.5	Abyāpādavasena cittassekaggatā avikkhepo samathabalaṁ.
ps1.1:461.6	Ālokasaññāvasena cittassekaggatā avikkhepo samathabalaṁ.
ps1.1:461.7	Avikkhepavasena cittassekaggatā avikkhepo samathabalaṁ …pe…
ps1.1:461.8	paṭinissaggānupassī assāsavasena cittassekaggatā avikkhepo samathabalaṁ.
ps1.1:461.9	Paṭinissaggānupassī passāsavasena cittassekaggatā avikkhepo samathabalaṁ.
ps1.1:462.1	<b>Samathabalan</b>ti kenaṭṭhena samathabalaṁ?
ps1.1:462.2	Paṭhamena jhānena nīvaraṇe na kampatīti—
ps1.1:462.3	samathabalaṁ.
ps1.1:462.4	Dutiyena jhānena vitakkavicāre na kampatīti—
ps1.1:462.5	samathabalaṁ.
ps1.1:462.6	Tatiyena jhānena pītiyā na kampatīti—
ps1.1:462.7	samathabalaṁ.
ps1.1:462.8	Catutthena jhānena sukhadukkhe na kampatīti—
ps1.1:462.9	samathabalaṁ.
ps1.1:462.10	Ākāsānañcāyatanasamāpattiyā rūpasaññāya paṭighasaññāya nānattasaññāya na kampatīti—
ps1.1:462.11	samathabalaṁ.
ps1.1:462.12	Viññāṇañcāyatanasamāpattiyā ākāsānañcāyatanasaññāya na kampatīti—
ps1.1:462.13	samathabalaṁ.
ps1.1:462.14	Ākiñcaññāyatanasamāpattiyā viññāṇañcāyatanasaññāya na kampatīti—
ps1.1:462.15	samathabalaṁ.
ps1.1:462.16	Nevasaññānāsaññāyatanasamāpattiyā ākiñcaññāyatanasaññāya na kampatīti—
ps1.1:462.17	samathabalaṁ.
ps1.1:462.18	Uddhacce ca uddhaccasahagatakilese ca khandhe ca na kampati na calati na vedhatīti—
ps1.1:462.19	samathabalaṁ.
ps1.1:462.20	Idaṁ samathabalaṁ.
ps1.1:463.1	Katamaṁ vipassanābalaṁ?
ps1.1:463.2	Aniccānupassanā vipassanābalaṁ.
ps1.1:463.3	Dukkhānupassanā vipassanābalaṁ.
ps1.1:463.4	Anattānupassanā vipassanābalaṁ.
ps1.1:463.5	Nibbidānupassanā vipassanābalaṁ.
ps1.1:463.6	Virāgānupassanā vipassanābalaṁ.
ps1.1:463.7	Nirodhānupassanā vipassanābalaṁ.
ps1.1:463.8	Paṭinissaggānupassanā vipassanābalaṁ.
ps1.1:463.9	Rūpe aniccānupassanā vipassanābalaṁ …pe…
ps1.1:463.10	rūpe paṭinissaggānupassanā vipassanābalaṁ.
ps1.1:463.11	Vedanāya …pe…
ps1.1:463.12	saññāya …
ps1.1:463.13	saṅkhāresu …
ps1.1:463.14	viññāṇe …
ps1.1:463.15	cakkhusmiṁ …pe…
ps1.1:463.16	jarāmaraṇe aniccānupassanā vipassanābalaṁ …pe…
ps1.1:463.17	jarāmaraṇe paṭinissaggānupassanā vipassanābalaṁ.
ps1.1:464.1	<b>Vipassanābalan</b>ti kenaṭṭhena vipassanābalaṁ?
ps1.1:464.2	Aniccānupassanāya niccasaññāya na kampatīti—
ps1.1:464.3	vipassanābalaṁ.
ps1.1:464.4	Dukkhānupassanāya sukhasaññāya na kampatīti—
ps1.1:464.5	vipassanābalaṁ.
ps1.1:464.6	Anattānupassanāya attasaññāya na kampatīti—
ps1.1:464.7	vipassanābalaṁ.
ps1.1:464.8	Nibbidānupassanāya nandiyā na kampatīti—
ps1.1:464.9	vipassanābalaṁ.
ps1.1:464.10	Virāgānupassanāya rāge na kampatīti—
ps1.1:464.11	vipassanābalaṁ.
ps1.1:464.12	Nirodhānupassanāya samudaye na kampatīti—
ps1.1:464.13	vipassanābalaṁ.
ps1.1:464.14	Paṭinissaggānupassanāya ādāne na kampatīti—
ps1.1:464.15	vipassanābalaṁ.
ps1.1:464.16	Avijjāya ca avijjā sahagatakilese ca khandhe ca na kampati na calati na vedhatīti—
ps1.1:464.17	vipassanābalaṁ.
ps1.1:464.18	Idaṁ vipassanābalaṁ.
ps1.1:465.1	<b>Tayo ca saṅkhārānaṁ paṭippassaddhiyā</b>ti katamesaṁ tiṇṇannaṁ saṅkhārānaṁ paṭippassaddhiyā?
ps1.1:465.2	Dutiyaṁ jhānaṁ samāpannassa vitakkavicārā vacīsaṅkhārā paṭippassaddhā honti.
ps1.1:465.3	Catutthaṁ jhānaṁ samāpannassa assāsapassāsā kāyasaṅkhārā paṭippassaddhā honti.
ps1.1:465.4	Saññāvedayitanirodhaṁ samāpannassa saññā ca vedanā ca cittasaṅkhārā paṭippassaddhā honti.
ps1.1:465.5	Imesaṁ tiṇṇannaṁ saṅkhārānaṁ paṭippassaddhiyā.
ps1.1:466.1	<b>Soḷasahi ñāṇacariyāhī</b>ti katamāhi soḷasahi ñāṇacariyāhi?
ps1.1:466.2	Aniccānupassanā ñāṇacariyā, dukkhānupassanā ñāṇacariyā, anattānupassanā ñāṇacariyā, nibbidānupassanā ñāṇacariyā, virāgānupassanā ñāṇacariyā, nirodhānupassanā ñāṇacariyā, paṭinissaggānupassanā ñāṇacariyā, vivaṭṭanānupassanā ñāṇacariyā, sotāpattimaggo ñāṇacariyā, sotāpattiphalasamāpatti ñāṇacariyā, sakadāgāmimaggo ñāṇacariyā, sakadāgāmiphalasamāpatti ñāṇacariyā, anāgāmimaggo ñāṇacariyā, anāgāmiphalasamāpatti ñāṇacariyā, arahattamaggo ñāṇacariyā, arahattaphalasamāpatti ñāṇacariyā—
ps1.1:466.3	imāhi soḷasahi ñāṇacariyāhi.
ps1.1:467.1	<b>Navahi samādhicariyāhī</b>ti katamāhi navahi samādhicariyāhi?
ps1.1:467.2	Paṭhamaṁ jhānaṁ samādhicariyā, dutiyaṁ jhānaṁ samādhicariyā, tatiyaṁ jhānaṁ samādhicariyā, catutthaṁ jhānaṁ samādhicariyā, ākāsānañcāyatanasamāpatti …pe…
ps1.1:467.3	viññāṇañcāyatanasamāpatti …
ps1.1:467.4	ākiñcaññāyatanasamāpatti …
ps1.1:467.5	nevasaññānāsaññāyatanasamāpatti samādhicariyā.
ps1.1:467.6	Paṭhamaṁ jhānaṁ paṭilābhatthāya vitakko ca vicāro ca pīti ca sukhañca cittekaggatā ca …pe…
ps1.1:467.7	nevasaññānāsaññāyatanasamāpattiṁ paṭilābhatthāya vitakko ca vicāro ca pīti ca sukhañca cittekaggatā ca—
ps1.1:467.8	imāhi navahi samādhicariyāhi.
ps1.1:468.1	<b>Vasī</b>ti pañca vasiyo.
ps1.1:468.2	Āvajjanavasī, samāpajjanavasī, adhiṭṭhānavasī, vuṭṭhānavasī, paccavekkhaṇāvasī.
ps1.1:468.3	Paṭhamaṁ jhānaṁ yatthicchakaṁ yadicchakaṁ yāvaticchakaṁ āvajjati;
ps1.1:468.4	āvajjanāya dandhāyitattaṁ natthīti—
ps1.1:468.5	āvajjanavasī.
ps1.1:468.6	Paṭhamaṁ jhānaṁ yatthicchakaṁ yadicchakaṁ yāvaticchakaṁ samāpajjati;
ps1.1:468.7	samāpajjanāya dandhāyitattaṁ natthīti—
ps1.1:468.8	samāpajjanavasī.
ps1.1:468.9	Paṭhamaṁ jhānaṁ yatthicchakaṁ yadicchakaṁ yāvaticchakaṁ adhiṭṭhāti;
ps1.1:468.10	adhiṭṭhāne dandhāyitattaṁ natthīti—
ps1.1:468.11	adhiṭṭhānavasī.
ps1.1:468.12	Paṭhamaṁ jhānaṁ yatthicchakaṁ yadicchakaṁ yāvaticchakaṁ vuṭṭhāti;
ps1.1:468.13	vuṭṭhāne dandhāyitattaṁ natthīti—
ps1.1:468.14	vuṭṭhānavasī.
ps1.1:468.15	Paṭhamaṁ jhānaṁ yatthicchakaṁ yadicchakaṁ yāvaticchakaṁ paccavekkhati;
ps1.1:468.16	paccavekkhaṇāya dandhāyitattaṁ natthīti—
ps1.1:468.17	paccavekkhaṇāvasī.
ps1.1:469.1	Dutiyaṁ jhānaṁ …pe…
ps1.1:469.2	nevasaññānāsaññāyatanasamāpattiṁ yatthicchakaṁ yadicchakaṁ yāvaticchakaṁ āvajjati;
ps1.1:469.3	āvajjanāya dandhāyitattaṁ natthīti—
ps1.1:469.4	āvajjanavasī.
ps1.1:469.5	Nevasaññānāsaññāyatanasamāpattiṁ yatthicchakaṁ yadicchakaṁ yāvaticchakaṁ samāpajjati …pe…
ps1.1:469.6	adhiṭṭhāti …
ps1.1:469.7	vuṭṭhāti …
ps1.1:469.8	paccavekkhati;
ps1.1:469.9	paccavekkhaṇāya dandhāyitattaṁ natthīti—
ps1.1:469.10	paccavekkhaṇāvasī.
ps1.1:469.11	Imā pañca vasiyo.
ps1.1:469.12	Taṁ ñātaṭṭhena ñāṇaṁ, pajānanaṭṭhena paññā.
ps1.1:469.13	Tena vuccati—
ps1.1:469.14	“dvīhi balehi samannāgatattā tayo ca saṅkhārānaṁ paṭippassaddhiyā soḷasahi ñāṇacariyāhi navahi samādhicariyāhi vasībhāvatā paññā nirodhasamāpattiyā ñāṇaṁ”.
ps1.1:469.15	Nirodhasamāpattiñāṇaniddeso catuttiṁsatimo.
ps1.1:470.0	1.1.35. Parinibbānañāṇaniddesa
ps1.1:470.1	Kathaṁ sampajānassa pavattapariyādāne paññā parinibbāne ñāṇaṁ?
ps1.1:470.2	Idha sampajāno nekkhammena kāmacchandassa pavattaṁ pariyādiyati, abyāpādena byāpādassa pavattaṁ pariyādiyati, ālokasaññāya thinamiddhassa pavattaṁ pariyādiyati, avikkhepena uddhaccassa pavattaṁ pariyādiyati, dhammavavatthānena vicikicchāya …pe…
ps1.1:470.3	ñāṇena avijjāya …
ps1.1:470.4	pāmojjena aratiyā …
ps1.1:470.5	paṭhamena jhānena nīvaraṇānaṁ pavattaṁ pariyādiyati …pe…
ps1.1:470.6	arahattamaggena sabbakilesānaṁ pavattaṁ pariyādiyati.
ps1.1:471.1	Atha vā pana sampajānassa anupādisesāya nibbānadhātuyā parinibbāyantassa idañceva cakkhupavattaṁ pariyādiyati, aññañca cakkhupavattaṁ na uppajjati.
ps1.1:471.2	Idañceva sotapavattaṁ …pe…
ps1.1:471.3	ghānapavattaṁ …
ps1.1:471.4	jivhāpavattaṁ …
ps1.1:471.5	kāyapavattaṁ …
ps1.1:471.6	manopavattaṁ pariyādiyati, aññañca manopavattaṁ na uppajjati.
ps1.1:471.7	Idaṁ sampajānassa pavattapariyādāne paññā parinibbāne ñāṇaṁ.
ps1.1:471.8	Taṁ ñātaṭṭhena ñāṇaṁ, pajānanaṭṭhena paññā.
ps1.1:471.9	Tena vuccati—
ps1.1:471.10	“sampajānassa pavattapariyādāne paññā parinibbāne ñāṇaṁ”.
ps1.1:471.11	Parinibbānañāṇaniddeso pañcatiṁsatimo.
ps1.1:472.0	1.1.36. Samasīsaṭṭhañāṇaniddesa
ps1.1:472.1	Kathaṁ sabbadhammānaṁ sammā samucchede nirodhe ca anupaṭṭhānatā paññā samasīsaṭṭhe ñāṇaṁ?
ps1.1:472.2	<b>Sabbadhammānan</b>ti—
ps1.1:472.3	pañcakkhandhā, dvādasāyatanāni, aṭṭhārasa dhātuyo, kusalā dhammā, akusalā dhammā, abyākatā dhammā, kāmāvacarā dhammā, rūpāvacarā dhammā, arūpāvacarā dhammā, apariyāpannā dhammā.
ps1.1:472.4	<b>Sammā samucchede</b>ti nekkhammena kāmacchandaṁ sammā samucchindati.
ps1.1:472.5	Abyāpādena byāpādaṁ sammā samucchindati.
ps1.1:472.6	Ālokasaññāya thinamiddhaṁ sammā samucchindati.
ps1.1:472.7	Avikkhepena uddhaccaṁ sammā samucchindati.
ps1.1:472.8	Dhammavavatthānena vicikicchaṁ sammā samucchindati.
ps1.1:472.9	Ñāṇena avijjaṁ sammā samucchindati.
ps1.1:472.10	Pāmojjena aratiṁ sammā samucchindati.
ps1.1:472.11	Paṭhamena jhānena nīvaraṇe sammā samucchindati …pe…
ps1.1:472.12	arahattamaggena sabbakilese sammā samucchindati.
ps1.1:473.1	<b>Nirodhe</b>ti nekkhammena kāmacchandaṁ nirodheti.
ps1.1:473.2	Abyāpādena byāpādaṁ nirodheti.
ps1.1:473.3	Ālokasaññāya thinamiddhaṁ nirodheti.
ps1.1:473.4	Avikkhepena uddhaccaṁ nirodheti.
ps1.1:473.5	Dhammavavatthānena vicikicchaṁ nirodheti.
ps1.1:473.6	Ñāṇena avijjaṁ nirodheti.
ps1.1:473.7	Pāmojjena aratiṁ nirodheti.
ps1.1:473.8	Paṭhamena jhānena nīvaraṇe nirodheti …pe…
ps1.1:473.9	arahattamaggena sabbakilese nirodheti.
ps1.1:474.1	<b>Anupaṭṭhānatā</b>ti nekkhammaṁ paṭiladdhassa kāmacchando na upaṭṭhāti.
ps1.1:474.2	Abyāpādaṁ paṭiladdhassa byāpādo na upaṭṭhāti.
ps1.1:474.3	Ālokasaññaṁ paṭiladdhassa thinamiddhaṁ na upaṭṭhāti.
ps1.1:474.4	Avikkhepaṁ paṭiladdhassa uddhaccaṁ na upaṭṭhāti.
ps1.1:474.5	Dhammavavatthānaṁ paṭiladdhassa vicikicchā na upaṭṭhāti.
ps1.1:474.6	Ñāṇaṁ paṭiladdhassa avijjā na upaṭṭhāti.
ps1.1:474.7	Pāmojjaṁ paṭiladdhassa arati na upaṭṭhāti.
ps1.1:474.8	Paṭhamaṁ jhānaṁ paṭiladdhassa nīvaraṇā na upaṭṭhahanti …pe…
ps1.1:474.9	arahattamaggaṁ paṭiladdhassa sabbakilesā na upaṭṭhahanti.
ps1.1:475.1	<b>Saman</b>ti kāmacchandassa pahīnattā nekkhammaṁ samaṁ.
ps1.1:475.2	Byāpādassa pahīnattā abyāpādo samaṁ.
ps1.1:475.3	Thinamiddhassa pahīnattā ālokasaññā samaṁ.
ps1.1:475.4	Uddhaccassa pahīnattā avikkhepo samaṁ.
ps1.1:475.5	Vicikicchāya pahīnattā dhammavavatthānaṁ samaṁ.
ps1.1:475.6	Avijjāya pahīnattā ñāṇaṁ samaṁ.
ps1.1:475.7	Aratiyā pahīnattā pāmojjaṁ samaṁ.
ps1.1:475.8	Nīvaraṇānaṁ pahīnattā paṭhamaṁ jhānaṁ samaṁ …pe…
ps1.1:475.9	sabbakilesānaṁ pahīnattā arahattamaggo samaṁ.
ps1.1:476.1	<b>Sīsan</b>ti terasa sīsāni—
ps1.1:476.2	palibodhasīsañca taṇhā, vinibandhanasīsañca māno, parāmāsasīsañca diṭṭhi, vikkhepasīsañca uddhaccaṁ, saṅkilesasīsañca avijjā, adhimokkhasīsañca saddhā, paggahasīsañca vīriyaṁ, upaṭṭhānasīsañca sati, avikkhepasīsañca samādhi, dassanasīsañca paññā, pavattasīsañca jīvitindriyaṁ, gocarasīsañca vimokkho, saṅkhārasīsañca nirodho.
ps1.1:476.3	Taṁ ñātaṭṭhena ñāṇaṁ, pajānanaṭṭhena paññā.
ps1.1:476.4	Tena vuccati—
ps1.1:476.5	“sabbadhammānaṁ sammā samucchede nirodhe ca anupaṭṭhānatā paññā samasīsaṭṭhe ñāṇaṁ”.
ps1.1:476.6	Samasīsaṭṭhañāṇaniddeso chattiṁsatimo.
ps1.1:477.0	1.1.37. Sallekhaṭṭhañāṇaniddesa
ps1.1:477.1	Kathaṁ puthunānattatejapariyādāne paññā sallekhaṭṭhe ñāṇaṁ?
ps1.1:477.2	<b>Puthū</b>ti—
ps1.1:477.3	rāgo puthu, doso puthu, moho puthu, kodho …pe…
ps1.1:477.4	upanāho …
ps1.1:477.5	makkho …
ps1.1:477.6	paḷāso …
ps1.1:477.7	issā …
ps1.1:477.8	macchariyaṁ …
ps1.1:477.9	māyā …
ps1.1:477.10	sāṭheyyaṁ …
ps1.1:477.11	thambho …
ps1.1:477.12	sārambho …
ps1.1:477.13	māno …
ps1.1:477.14	atimāno …
ps1.1:477.15	mado …
ps1.1:477.16	pamādo …
ps1.1:477.17	sabbe kilesā …
ps1.1:477.18	sabbe duccaritā …
ps1.1:477.19	sabbe abhisaṅkhārā …
ps1.1:477.20	sabbe bhavagāmikammā.
ps1.1:478.1	<b>Nānattekattan</b>ti kāmacchando nānattaṁ, nekkhammaṁ ekattaṁ.
ps1.1:478.2	Byāpādo nānattaṁ, abyāpādo ekattaṁ.
ps1.1:478.3	Thinamiddhaṁ nānattaṁ, ālokasaññā ekattaṁ.
ps1.1:478.4	Uddhaccaṁ nānattaṁ, avikkhepo ekattaṁ.
ps1.1:478.5	Vicikicchā nānattaṁ, dhammavavatthānaṁ ekattaṁ.
ps1.1:478.6	Avijjā nānattaṁ, ñāṇaṁ ekattaṁ.
ps1.1:478.7	Arati nānattaṁ, pāmojjaṁ ekattaṁ.
ps1.1:478.8	Nīvaraṇā nānattaṁ, paṭhamaṁ jhānaṁ ekattaṁ …pe…
ps1.1:478.9	sabbe kilesā nānattaṁ, arahattamaggo ekattaṁ.
ps1.1:479.1	<b>Tejo</b>ti pañca tejā—
ps1.1:479.2	caraṇatejo, guṇatejo, paññātejo, puññatejo, dhammatejo.
ps1.1:479.3	Caraṇatejena tejitattā dussīlyatejaṁ pariyādiyati.
ps1.1:479.4	Guṇatejena tejitattā aguṇatejaṁ pariyādiyati.
ps1.1:479.5	Paññātejena tejitattā duppaññatejaṁ pariyādiyati.
ps1.1:479.6	Puññatejena tejitattā apuññatejaṁ pariyādiyati.
ps1.1:479.7	Dhammatejena tejitattā adhammatejaṁ pariyādiyati.
ps1.1:480.1	<b>Sallekho</b>ti kāmacchando asallekho, nekkhammaṁ sallekho.
ps1.1:480.2	Byāpādo asallekho, abyāpādo sallekho.
ps1.1:480.3	Thinamiddhaṁ asallekho, ālokasaññā sallekho.
ps1.1:480.4	Uddhaccaṁ asallekho, avikkhepo sallekho.
ps1.1:480.5	Vicikicchā asallekho, dhammavavatthānaṁ sallekho.
ps1.1:480.6	Avijjā asallekho, ñāṇaṁ sallekho.
ps1.1:480.7	Arati asallekho, pāmojjaṁ sallekho.
ps1.1:480.8	Nīvaraṇā asallekho, paṭhamaṁ jhānaṁ sallekho …pe…
ps1.1:480.9	sabbakilesā asallekho, arahattamaggo sallekho.
ps1.1:480.10	Taṁ ñātaṭṭhena ñāṇaṁ, pajānanaṭṭhena paññā.
ps1.1:480.11	Tena vuccati—
ps1.1:480.12	“puthunānattatejapariyādāne paññā sallekhaṭṭhe ñāṇaṁ”.
ps1.1:480.13	Sallekhaṭṭhañāṇaniddeso sattatiṁsatimo.
ps1.1:481.0	1.1.38 Vīriyārambhañāṇaniddesa
ps1.1:481.1	Kathaṁ asallīnattapahitattapaggahaṭṭhe paññā vīriyārambhe ñāṇaṁ?
ps1.1:481.2	Anuppannānaṁ pāpakānaṁ akusalānaṁ dhammānaṁ anuppādāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:481.3	Uppannānaṁ pāpakānaṁ akusalānaṁ dhammānaṁ pahānāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:481.4	Anuppannānaṁ kusalānaṁ dhammānaṁ uppādāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:481.5	Uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā asallīnattapahitattapaggahaṭṭhe paññā vīriyārambhe ñāṇaṁ.
ps1.1:482.1	Anuppannassa kāmacchandassa anuppādāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:482.2	Uppannassa kāmacchandassa pahānāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:482.3	Anuppannassa nekkhammassa uppādāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:482.4	Uppannassa nekkhammassa ṭhitiyā asammosāya bhiyyobhāvāya vepullāya bhāvanāya pāripūriyā asallīnattapahitattapaggahaṭṭhe paññā vīriyārambhe ñāṇaṁ …pe….
ps1.1:483.1	Anuppannānaṁ sabbakilesānaṁ anuppādāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:483.2	Uppannānaṁ sabbakilesānaṁ pahānāya asallīnattapahitattapaggahaṭṭhe paññā vīriyārambhe ñāṇaṁ …pe…
ps1.1:483.3	anuppannassa arahattamaggassa uppādāya asallīnattapahitattapaggahaṭṭhe paññā vīriyārambhe ñāṇaṁ.
ps1.1:483.4	Uppannassa arahattamaggassa ṭhitiyā asammosāya bhiyyobhāvāya vepullāya bhāvanāya pāripūriyā asallīnattapahitattapaggahaṭṭhe paññā vīriyārambhe ñāṇaṁ.
ps1.1:483.5	Taṁ ñātaṭṭhena ñāṇaṁ, pajānanaṭṭhena paññā.
ps1.1:483.6	Tena vuccati—
ps1.1:483.7	“asallīnattapahitattapaggahaṭṭhe paññā vīriyārambhe ñāṇaṁ”.
ps1.1:483.8	Vīriyārambhañāṇaniddeso aṭṭhatiṁsatimo.
ps1.1:484.0	1.1.39. Atthasandassanañāṇaniddesa
ps1.1:484.1	Kathaṁ nānādhammappakāsanatā paññā atthasandassane ñāṇaṁ?
ps1.1:484.2	<b>Nānādhammā</b>ti pañcakkhandhā, dvādasāyatanāni, aṭṭhārasa dhātuyo, kusalā dhammā, akusalā dhammā, abyākatā dhammā, kāmāvacarā dhammā, rūpāvacarā dhammā, arūpāvacarā dhammā, apariyāpannā dhammā.
ps1.1:485.1	<b>Pakāsanatā</b>ti rūpaṁ aniccato pakāseti, rūpaṁ dukkhato pakāseti, rūpaṁ anattato pakāseti.
ps1.1:485.2	Vedanaṁ …pe…
ps1.1:485.3	saññaṁ …
ps1.1:485.4	saṅkhāre …
ps1.1:485.5	viññāṇaṁ …
ps1.1:485.6	cakkhuṁ …pe…
ps1.1:485.7	jarāmaraṇaṁ aniccato pakāseti, jarāmaraṇaṁ dukkhato pakāseti, jarāmaraṇaṁ anattato pakāseti.
ps1.1:486.1	<b>Atthasandassane</b>ti kāmacchandaṁ pajahanto nekkhammatthaṁ sandasseti.
ps1.1:486.2	Byāpādaṁ pajahanto abyāpādatthaṁ sandasseti.
ps1.1:486.3	Thinamiddhaṁ pajahanto ālokasaññatthaṁ sandasseti.
ps1.1:486.4	Uddhaccaṁ pajahanto avikkhepatthaṁ sandasseti.
ps1.1:486.5	Vicikicchaṁ pajahanto dhammavavatthānatthaṁ sandasseti.
ps1.1:486.6	Avijjaṁ pajahanto ñāṇatthaṁ sandasseti.
ps1.1:486.7	Aratiṁ pajahanto pāmojjatthaṁ sandasseti.
ps1.1:486.8	Nīvaraṇe pajahanto paṭhamajjhānatthaṁ sandasseti …pe…
ps1.1:486.9	sabbakilese pajahanto arahattamaggatthaṁ sandasseti.
ps1.1:486.10	Taṁ ñātaṭṭhena ñāṇaṁ, pajānanaṭṭhena paññā.
ps1.1:486.11	Tena vuccati—
ps1.1:486.12	“nānādhammappakāsanatā paññā atthasandassane ñāṇaṁ”.
ps1.1:486.13	Atthasandassanañāṇaniddeso navatiṁsatimo.
ps1.1:487.0	1.1.40. Dassanavisuddhiñāṇaniddesa
ps1.1:487.1	Kathaṁ sabbadhammānaṁ ekasaṅgahatānānattekattapaṭivedhe paññā dassanavisuddhiñāṇaṁ?
ps1.1:487.2	<b>Sabbadhammānan</b>ti pañcakkhandhā …pe…
ps1.1:487.3	apariyāpannā dhammā.
ps1.1:488.1	<b>Ekasaṅgahatā</b>ti dvādasahi ākārehi sabbe dhammā ekasaṅgahitā.
ps1.1:488.2	Tathaṭṭhena, anattaṭṭhena, saccaṭṭhena, paṭivedhaṭṭhena, abhijānanaṭṭhena, parijānanaṭṭhena, dhammaṭṭhena, dhātuṭṭhena, ñātaṭṭhena, sacchikiriyaṭṭhena, phusanaṭṭhena, abhisamayaṭṭhena—
ps1.1:488.3	imehi dvādasahi ākārehi sabbe dhammā ekasaṅgahitā.
ps1.1:489.1	<b>Nānattekattan</b>ti kāmacchando nānattaṁ, nekkhammaṁ ekattaṁ …pe…
ps1.1:489.2	sabbakilesā nānattaṁ, arahattamaggo ekattaṁ.
ps1.1:490.1	<b>Paṭivedhe</b>ti dukkhasaccaṁ pariññāpaṭivedhaṁ paṭivijjhati.
ps1.1:490.2	Samudayasaccaṁ pahānapaṭivedhaṁ paṭivijjhati.
ps1.1:490.3	Nirodhasaccaṁ sacchikiriyāpaṭivedhaṁ paṭivijjhati.
ps1.1:490.4	Maggasaccaṁ bhāvanāpaṭivedhaṁ paṭivijjhati.
ps1.1:491.1	<b>Dassanavisuddhī</b>ti sotāpattimaggakkhaṇe dassanaṁ visujjhati;
ps1.1:491.2	sotāpattiphalakkhaṇe dassanaṁ visuddhaṁ.
ps1.1:491.3	Sakadāgāmimaggakkhaṇe dassanaṁ visujjhati;
ps1.1:491.4	sakadāgāmiphalakkhaṇe dassanaṁ visuddhaṁ.
ps1.1:491.5	Anāgāmimaggakkhaṇe dassanaṁ visujjhati;
ps1.1:491.6	anāgāmiphalakkhaṇe dassanaṁ visuddhaṁ.
ps1.1:491.7	Arahattamaggakkhaṇe dassanaṁ visujjhati;
ps1.1:491.8	arahattaphalakkhaṇe dassanaṁ visuddhaṁ.
ps1.1:491.9	Taṁ ñātaṭṭhena ñāṇaṁ, pajānanaṭṭhena paññā.
ps1.1:491.10	Tena vuccati—
ps1.1:491.11	“sabbadhammānaṁ ekasaṅgahatānānattekattapaṭivedhe paññā dassanavisuddhiñāṇaṁ”.
ps1.1:491.12	Dassanavisuddhiñāṇaniddeso cattālīsamo.
ps1.1:492.0	1.1.41. Khantiñāṇaniddesa
ps1.1:492.1	Kathaṁ viditattā paññā khantiñāṇaṁ?
ps1.1:492.2	Rūpaṁ aniccato viditaṁ, rūpaṁ dukkhato viditaṁ, rūpaṁ anattato viditaṁ.
ps1.1:492.3	Yaṁ yaṁ viditaṁ taṁ taṁ khamatīti—
ps1.1:492.4	viditattā paññā khantiñāṇaṁ.
ps1.1:492.5	Vedanā …pe…
ps1.1:492.6	saññā …
ps1.1:492.7	saṅkhārā …
ps1.1:492.8	viññāṇaṁ …
ps1.1:492.9	cakkhu …pe…
ps1.1:492.10	jarāmaraṇaṁ aniccato viditaṁ, jarāmaraṇaṁ dukkhato viditaṁ, jarāmaraṇaṁ anattato viditaṁ.
ps1.1:492.11	Yaṁ yaṁ viditaṁ taṁ taṁ khamatīti—
ps1.1:492.12	viditattā paññā khantiñāṇaṁ.
ps1.1:492.13	Taṁ ñātaṭṭhena ñāṇaṁ, pajānanaṭṭhena paññā.
ps1.1:492.14	Tena vuccati—
ps1.1:492.15	“viditattā paññā khantiñāṇaṁ”.
ps1.1:492.16	Khantiñāṇaniddeso ekacattālīsamo.
ps1.1:493.0	1.1.42 Pariyogāhaṇañāṇaniddesa
ps1.1:493.1	Kathaṁ phuṭṭhattā paññā pariyogāhaṇe ñāṇaṁ?
ps1.1:493.2	Rūpaṁ aniccato phusati, rūpaṁ dukkhato phusati, rūpaṁ anattato phusati.
ps1.1:493.3	Yaṁ yaṁ phusati taṁ taṁ pariyogahatīti—
ps1.1:493.4	phuṭṭhattā paññā pariyogāhaṇe ñāṇaṁ.
ps1.1:493.5	Vedanaṁ …pe…
ps1.1:493.6	saññaṁ …
ps1.1:493.7	saṅkhāre …
ps1.1:493.8	viññāṇaṁ …
ps1.1:493.9	cakkhuṁ …pe…
ps1.1:493.10	jarāmaraṇaṁ aniccato phusati, dukkhato phusati, anattato phusati.
ps1.1:493.11	Yaṁ yaṁ phusati taṁ taṁ pariyogahatīti—
ps1.1:493.12	phuṭṭhattā paññā pariyogāhaṇe ñāṇaṁ.
ps1.1:493.13	Taṁ ñātaṭṭhena ñāṇaṁ, pajānanaṭṭhena paññā.
ps1.1:493.14	Tena vuccati—
ps1.1:493.15	“phuṭṭhattā paññā pariyogāhaṇe ñāṇaṁ”.
ps1.1:493.16	Pariyogāhaṇañāṇaniddeso dvecattālīsamo.
ps1.1:494.0	1.1.43. Padesavihārañāṇaniddesa
ps1.1:494.1	Kathaṁ samodahane paññā padesavihāre ñāṇaṁ?
ps1.1:494.2	Micchādiṭṭhipaccayāpi vedayitaṁ, micchādiṭṭhivūpasamapaccayāpi vedayitaṁ.
ps1.1:494.3	Sammādiṭṭhipaccayāpi vedayitaṁ, sammādiṭṭhivūpasamapaccayāpi vedayitaṁ.
ps1.1:494.4	Micchāsaṅkappapaccayāpi vedayitaṁ, micchāsaṅkappavūpasamapaccayāpi vedayitaṁ.
ps1.1:494.5	Sammāsaṅkappapaccayāpi vedayitaṁ, sammāsaṅkappavūpasamapaccayāpi vedayitaṁ …pe…
ps1.1:494.6	micchāvimuttipaccayāpi vedayitaṁ, micchāvimuttivūpasamapaccayāpi vedayitaṁ.
ps1.1:494.7	Sammāvimuttipaccayāpi vedayitaṁ, sammāvimuttivūpasamapaccayāpi vedayitaṁ.
ps1.1:494.8	Chandapaccayāpi vedayitaṁ, chandavūpasamapaccayāpi vedayitaṁ.
ps1.1:494.9	Vitakkapaccayāpi vedayitaṁ, vitakkavūpasamapaccayāpi vedayitaṁ.
ps1.1:494.10	Saññāpaccayāpi vedayitaṁ, saññāvūpasamapaccayāpi vedayitaṁ.
ps1.1:495.1	Chando ca avūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṁ.
ps1.1:495.2	Chando ca vūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṁ.
ps1.1:495.3	Chando ca vūpasanto hoti, vitakko ca vūpasanto hoti, saññā ca avūpasantā hoti, tappaccayāpi vedayitaṁ.
ps1.1:495.4	Chando ca vūpasanto hoti, vitakko ca vūpasanto hoti, saññā ca vūpasantā hoti, tappaccayāpi vedayitaṁ.
ps1.1:495.5	Appattassa pattiyā atthi āyavaṁ, tasmimpi ṭhāne anuppatte tappaccayāpi vedayitaṁ.
ps1.1:495.6	Taṁ ñātaṭṭhena ñāṇaṁ, pajānanaṭṭhena paññā.
ps1.1:495.7	Tena vuccati—
ps1.1:495.8	“samodahane paññā padesavihāre ñāṇaṁ”.
ps1.1:495.9	Padesavihārañāṇaniddeso tecattālīsamo.
ps1.1:496.0	1.1.44–49 Chavivaṭṭañāṇaniddesa
ps1.1:496.1	Kathaṁ adhipatattā paññā <b>saññāvivaṭṭe ñāṇaṁ</b>?
ps1.1:496.2	Nekkhammādhipatattā paññā kāmacchandato saññāya vivaṭṭatīti—
ps1.1:496.3	adhipatattā paññā saññāvivaṭṭe ñāṇaṁ.
ps1.1:496.4	Abyāpādādhipatattā paññā byāpādato saññāya vivaṭṭatīti—
ps1.1:496.5	adhipatattā paññā saññāvivaṭṭe ñāṇaṁ.
ps1.1:496.6	Ālokasaññādhipatattā paññā thinamiddhato saññāya vivaṭṭatīti—
ps1.1:496.7	adhipatattā paññā saññāvivaṭṭe ñāṇaṁ.
ps1.1:496.8	Avikkhepādhipatattā paññā uddhaccato saññāya vivaṭṭatīti—
ps1.1:496.9	adhipatattā paññā saññāvivaṭṭe ñāṇaṁ.
ps1.1:496.10	Dhammavavatthānādhipatattā paññā vicikicchāya saññāya vivaṭṭatīti—
ps1.1:496.11	adhipatattā paññā saññāvivaṭṭe ñāṇaṁ.
ps1.1:496.12	Ñāṇādhipatattā paññā avijjāya saññāya vivaṭṭatīti—
ps1.1:496.13	adhipatattā paññā saññāvivaṭṭe ñāṇaṁ.
ps1.1:496.14	Pāmojjādhipatattā paññā aratiyā saññāya vivaṭṭatīti—
ps1.1:496.15	adhipatattā paññā saññāvivaṭṭe ñāṇaṁ.
ps1.1:496.16	Paṭhamajjhānādhipatattā paññā nīvaraṇehi saññāya vivaṭṭatīti—
ps1.1:496.17	adhipatattā paññā saññāvivaṭṭe ñāṇaṁ …pe…
ps1.1:496.18	arahattamaggādhipatattā paññā sabbakilesehi saññāya vivaṭṭatīti—
ps1.1:496.19	adhipatattā paññā saññāvivaṭṭe ñāṇaṁ.
ps1.1:496.20	Taṁ ñātaṭṭhena ñāṇaṁ, pajānanaṭṭhena paññā.
ps1.1:496.21	Tena vuccati—
ps1.1:496.22	“adhipatattā paññā saññāvivaṭṭe ñāṇaṁ”.
ps1.1:497.1	Kathaṁ nānatte paññā <b>cetovivaṭṭe ñāṇaṁ</b>?
ps1.1:497.2	Kāmacchando nānattaṁ, nekkhammaṁ ekattaṁ.
ps1.1:497.3	Nekkhammekattaṁ cetayato kāmacchandato cittaṁ vivaṭṭatīti—
ps1.1:497.4	nānatte paññā cetovivaṭṭe ñāṇaṁ.
ps1.1:497.5	Byāpādo nānattaṁ, abyāpādo ekattaṁ.
ps1.1:497.6	Abyāpādekattaṁ cetayato byāpādato cittaṁ vivaṭṭatīti—
ps1.1:497.7	nānatte paññā cetovivaṭṭe ñāṇaṁ.
ps1.1:497.8	Thinamiddhaṁ nānattaṁ, ālokasaññā ekattaṁ.
ps1.1:497.9	Ālokasaññekattaṁ cetayato thinamiddhato cittaṁ vivaṭṭatīti—
ps1.1:497.10	nānatte paññā cetovivaṭṭe ñāṇaṁ …pe…
ps1.1:497.11	sabbakilesā nānattaṁ, arahattamaggo ekattaṁ.
ps1.1:497.12	Arahattamaggekattaṁ cetayato sabbakilesehi cittaṁ vivaṭṭatīti—
ps1.1:497.13	nānatte paññā cetovivaṭṭe ñāṇaṁ.
ps1.1:497.14	Taṁ ñātaṭṭhena ñāṇaṁ, pajānanaṭṭhena paññā.
ps1.1:497.15	Tena vuccati—
ps1.1:497.16	“nānatte paññā cetovivaṭṭe ñāṇaṁ”.
ps1.1:498.1	Kathaṁ adhiṭṭhāne paññā <b>cittavivaṭṭe ñāṇaṁ</b>?
ps1.1:498.2	Kāmacchandaṁ pajahanto nekkhammavasena cittaṁ adhiṭṭhātīti—
ps1.1:498.3	adhiṭṭhāne paññā cittavivaṭṭe ñāṇaṁ.
ps1.1:498.4	Byāpādaṁ pajahanto abyāpādavasena cittaṁ adhiṭṭhātīti—
ps1.1:498.5	adhiṭṭhāne paññā cittavivaṭṭe ñāṇaṁ.
ps1.1:498.6	Thinamiddhaṁ pajahanto ālokasaññāvasena cittaṁ adhiṭṭhātīti—
ps1.1:498.7	adhiṭṭhāne paññā cittavivaṭṭe ñāṇaṁ …pe…
ps1.1:498.8	sabbakilese pajahanto arahattamaggavasena cittaṁ adhiṭṭhātīti—
ps1.1:498.9	adhiṭṭhāne paññā cittavivaṭṭe ñāṇaṁ.
ps1.1:498.10	Taṁ ñātaṭṭhena ñāṇaṁ, pajānanaṭṭhena paññā.
ps1.1:498.11	Tena vuccati—
ps1.1:498.12	“adhiṭṭhāne paññā cittavivaṭṭe ñāṇaṁ”.
ps1.1:499.1	Kathaṁ suññate paññā <b>ñāṇavivaṭṭe ñāṇaṁ</b>?
ps1.1:499.2	“Cakkhu suññaṁ attena vā attaniyena vā niccena vā dhuvena vā sassatena vā avipariṇāmadhammena vā”ti yathābhūtaṁ jānato passato cakkhābhinivesato ñāṇaṁ vivaṭṭatīti—
ps1.1:499.3	suññate paññā ñāṇavivaṭṭe ñāṇaṁ.
ps1.1:499.4	“Sotaṁ suññaṁ …pe…
ps1.1:499.5	ghānaṁ suññaṁ …
ps1.1:499.6	jivhā suññā …
ps1.1:499.7	kāyo suñño …
ps1.1:499.8	mano suñño attena vā attaniyena vā niccena vā dhuvena vā sassatena vā avipariṇāmadhammena vā”ti yathābhūtaṁ jānato passato manābhinivesato ñāṇaṁ vivaṭṭatīti—
ps1.1:499.9	suññate paññā ñāṇavivaṭṭe ñāṇaṁ.
ps1.1:499.10	Taṁ ñātaṭṭhena ñāṇaṁ, pajānanaṭṭhena paññā.
ps1.1:499.11	Tena vuccati—
ps1.1:499.12	“suññate paññā ñāṇavivaṭṭe ñāṇaṁ”.
ps1.1:500.1	Kathaṁ vosagge paññā <b>vimokkhavivaṭṭe ñāṇaṁ</b>?
ps1.1:500.2	Nekkhammena kāmacchandaṁ vosajjatīti—
ps1.1:500.3	vosagge paññā vimokkhavivaṭṭe ñāṇaṁ.
ps1.1:500.4	Abyāpādena byāpādaṁ vosajjatīti—
ps1.1:500.5	vosagge paññā vimokkhavivaṭṭe ñāṇaṁ.
ps1.1:500.6	Ālokasaññāya thinamiddhaṁ vosajjatīti—
ps1.1:500.7	vosagge paññā vimokkhavivaṭṭe ñāṇaṁ.
ps1.1:500.8	Avikkhepena uddhaccaṁ vosajjatīti—
ps1.1:500.9	vosagge paññā vimokkhavivaṭṭe ñāṇaṁ.
ps1.1:500.10	Dhammavavatthānena vicikicchaṁ vosajjatīti—
ps1.1:500.11	vosagge paññā vimokkhavivaṭṭe ñāṇaṁ …pe…
ps1.1:500.12	arahattamaggena sabbakilese vosajjatīti—
ps1.1:500.13	vosagge paññā vimokkhavivaṭṭe ñāṇaṁ.
ps1.1:500.14	Taṁ ñātaṭṭhena ñāṇaṁ, pajānanaṭṭhena paññā.
ps1.1:500.15	Tena vuccati—
ps1.1:500.16	“vosagge paññā vimokkhavivaṭṭe ñāṇaṁ”.
ps1.1:501.1	Kathaṁ tathaṭṭhe paññā <b>saccavivaṭṭe ñāṇaṁ</b>?
ps1.1:501.2	Dukkhassa pīḷanaṭṭhaṁ saṅkhataṭṭhaṁ santāpaṭṭhaṁ vipariṇāmaṭṭhaṁ parijānanto vivaṭṭatīti—
ps1.1:501.3	tathaṭṭhe paññā saccavivaṭṭe ñāṇaṁ.
ps1.1:501.4	Samudayassa āyūhanaṭṭhaṁ nidānaṭṭhaṁ saññogaṭṭhaṁ palibodhaṭṭhaṁ pajahanto vivaṭṭatīti—
ps1.1:501.5	tathaṭṭhe paññā saccavivaṭṭe ñāṇaṁ.
ps1.1:501.6	Nirodhassa nissaraṇaṭṭhaṁ vivekaṭṭhaṁ asaṅkhataṭṭhaṁ amataṭṭhaṁ sacchikaronto vivaṭṭatīti—
ps1.1:501.7	tathaṭṭhe paññā saccavivaṭṭe ñāṇaṁ.
ps1.1:501.8	Maggassa niyyānaṭṭhaṁ hetuṭṭhaṁ dassanaṭṭhaṁ ādhipateyyaṭṭhaṁ bhāvento vivaṭṭatīti—
ps1.1:501.9	tathaṭṭhe paññā saccavivaṭṭe ñāṇaṁ.
ps1.1:502.1	<b>Saññāvivaṭṭo, cetovivaṭṭo, cittavivaṭṭo, ñāṇavivaṭṭo, vimokkhavivaṭṭo, saccavivaṭṭo.</b>
ps1.1:502.2	Sañjānanto vivaṭṭatīti—
ps1.1:502.3	saññāvivaṭṭo.
ps1.1:502.4	Cetayanto vivaṭṭatīti—
ps1.1:502.5	cetovivaṭṭo.
ps1.1:502.6	Vijānanto vivaṭṭatīti—
ps1.1:502.7	cittavivaṭṭo.
ps1.1:502.8	Ñāṇaṁ karonto vivaṭṭatīti—
ps1.1:502.9	ñāṇavivaṭṭo.
ps1.1:502.10	Vosajjanto vivaṭṭatīti—
ps1.1:502.11	vimokkhavivaṭṭo.
ps1.1:502.12	Tathaṭṭhe vivaṭṭatīti—
ps1.1:502.13	saccavivaṭṭo.
ps1.1:503.1	Yattha saññāvivaṭṭo, tattha cetovivaṭṭo.
ps1.1:503.2	Yattha cetovivaṭṭo, tattha saññāvivaṭṭo.
ps1.1:503.3	Yattha saññāvivaṭṭo cetovivaṭṭo tattha cittavivaṭṭo.
ps1.1:503.4	Yattha cittavivaṭṭo, tattha saññāvivaṭṭo cetovivaṭṭo.
ps1.1:503.5	Yattha saññāvivaṭṭo cetovivaṭṭo cittavivaṭṭo, tattha ñāṇavivaṭṭo.
ps1.1:503.6	Yattha ñāṇavivaṭṭo, tattha saññāvivaṭṭo cetovivaṭṭo cittavivaṭṭo.
ps1.1:503.7	Yattha saññāvivaṭṭo cetovivaṭṭo cittavivaṭṭo ñāṇavivaṭṭo, tattha vimokkhavivaṭṭo.
ps1.1:503.8	Yattha vimokkhavivaṭṭo, tattha saññāvivaṭṭo cetovivaṭṭo cittavivaṭṭo ñāṇavivaṭṭo.
ps1.1:503.9	Yattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo, tattha saccavivaṭṭo.
ps1.1:503.10	Yattha saccavivaṭṭo, tattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo.
ps1.1:503.11	Taṁ ñātaṭṭhena ñāṇaṁ, pajānanaṭṭhena paññā.
ps1.1:503.12	Tena vuccati—
ps1.1:503.13	“tathaṭṭhe paññā saccavivaṭṭe ñāṇaṁ”.
ps1.1:503.14	Chavivaṭṭañāṇaniddeso navacattālīsamo.
ps1.1:504.0	1.1.50. Iddhividhañāṇaniddesa
ps1.1:504.1	Kathaṁ kāyampi cittampi ekavavatthānatā sukhasaññañca lahusaññañca adhiṭṭhānavasena ijjhanaṭṭhe paññā iddhividhe ñāṇaṁ?
ps1.1:504.2	Idha bhikkhu chandasamādhipadhānasaṅkhārasamannāgataṁ iddhipādaṁ bhāveti, vīriyasamādhipadhānasaṅkhārasamannāgataṁ iddhipādaṁ bhāveti, cittasamādhipadhānasaṅkhārasamannāgataṁ iddhipādaṁ bhāveti, vīmaṁsāsamādhipadhānasaṅkhārasamannāgataṁ iddhipādaṁ bhāveti.
ps1.1:504.3	So imesu catūsu iddhipādesu cittaṁ paribhāveti paridameti, muduṁ karoti kammaniyaṁ.
ps1.1:504.4	So imesu catūsu iddhipādesu cittaṁ paribhāvetvā paridametvā muduṁ karitvā kammaniyaṁ kāyampi citte samodahati, cittampi kāye samodahati, kāyavasena cittaṁ pariṇāmeti, cittavasena kāyaṁ pariṇāmeti, kāyavasena cittaṁ adhiṭṭhāti, cittavasena kāyaṁ adhiṭṭhāti;
ps1.1:504.5	kāyavasena cittaṁ pariṇāmetvā cittavasena kāyaṁ pariṇāmetvā kāyavasena cittaṁ adhiṭṭhahitvā cittavasena kāyaṁ adhiṭṭhahitvā sukhasaññañca lahusaññañca kāye okkamitvā viharati.
ps1.1:504.6	So tathābhāvitena cittena parisuddhena pariyodātena iddhividhañāṇāya cittaṁ abhinīharati abhininnāmeti.
ps1.1:504.7	So anekavihitaṁ iddhividhaṁ paccanubhoti.
ps1.1:505.1	Ekopi hutvā bahudhā hoti, bahudhāpi hutvā eko hoti;
ps1.1:505.2	āvibhāvaṁ tirobhāvaṁ;
ps1.1:505.3	tirokuṭṭaṁ tiropākāraṁ tiropabbataṁ asajjamāno gacchati, seyyathāpi ākāse;
ps1.1:505.4	pathaviyāpi ummujjanimujjaṁ karoti, seyyathāpi udake;
ps1.1:505.5	udakepi abhijjamāne gacchati, seyyathāpi pathaviyaṁ;
ps1.1:505.6	ākāsepi pallaṅkena kamati, seyyathāpi pakkhī sakuṇo;
ps1.1:505.7	imepi candimasūriye evaṁmahiddhike evaṁmahānubhāve pāṇinā parāmasati parimajjati;
ps1.1:505.8	yāva brahmalokāpi kāyena vasaṁ vatteti.
ps1.1:505.9	Taṁ ñātaṭṭhena ñāṇaṁ, pajānanaṭṭhena paññā.
ps1.1:505.10	Tena vuccati—
ps1.1:505.11	“kāyampi cittampi ekavavatthānatā sukhasaññañca lahusaññañca adhiṭṭhānavasena ijjhanaṭṭhe paññā iddhividhe ñāṇaṁ”.
ps1.1:505.12	Iddhividhañāṇaniddeso paññāsamo.
ps1.1:506.0	1.1.51. Sotadhātuvisuddhiñāṇaniddesa
ps1.1:506.1	Kathaṁ vitakkavipphāravasena nānattekattasaddanimittānaṁ pariyogāhaṇe paññā sotadhātuvisuddhiñāṇaṁ?
ps1.1:506.2	Idha bhikkhu chandasamādhi …pe…
ps1.1:506.3	vīriyasamādhi …
ps1.1:506.4	cittasamādhi …
ps1.1:506.5	vīmaṁsāsamādhipadhānasaṅkhārasamannāgataṁ iddhipādaṁ bhāveti.
ps1.1:506.6	So imesu catūsu iddhipādesu cittaṁ paribhāveti paridameti, muduṁ karoti kammaniyaṁ.
ps1.1:506.7	So imesu catūsu iddhipādesu cittaṁ paribhāvetvā paridametvā, muduṁ karitvā kammaniyaṁ dūrepi saddānaṁ saddanimittaṁ manasi karoti, santikepi saddānaṁ saddanimittaṁ manasi karoti, oḷārikānampi saddānaṁ saddanimittaṁ manasi karoti, sukhumānampi saddānaṁ saddanimittaṁ manasi karoti, saṇhasaṇhānampi saddānaṁ saddanimittaṁ manasi karoti, puratthimāyapi disāya saddānaṁ saddanimittaṁ manasi karoti, pacchimāyapi disāya saddānaṁ saddanimittaṁ manasi karoti, uttarāyapi disāya saddānaṁ saddanimittaṁ manasi karoti, dakkhiṇāyapi disāya saddānaṁ saddanimittaṁ manasi karoti, puratthimāyapi anudisāya saddānaṁ saddanimittaṁ manasi karoti, pacchimāyapi anudisāya saddānaṁ saddanimittaṁ manasi karoti, uttarāyapi anudisāya saddānaṁ saddanimittaṁ manasi karoti, dakkhiṇāyapi anudisāya saddānaṁ saddanimittaṁ manasi karoti, heṭṭhimāyapi disāya saddānaṁ saddanimittaṁ manasi karoti, uparimāyapi disāya saddānaṁ saddanimittaṁ manasi karoti.
ps1.1:506.8	So tathābhāvitena cittena parisuddhena pariyodātena sotadhātuvisuddhiñāṇāya cittaṁ abhinīharati abhininnāmeti.
ps1.1:506.9	So dibbāya sotadhātuyā visuddhāya atikkantamānusikāya ubho sadde suṇāti—
ps1.1:506.10	dibbe ca mānuse ca ye dūre santike ca.
ps1.1:506.11	Taṁ ñātaṭṭhena ñāṇaṁ, pajānanaṭṭhena paññā.
ps1.1:506.12	Tena vuccati—
ps1.1:506.13	“vitakkavipphāravasena nānattekattasaddanimittānaṁ pariyogāhaṇe paññā sotadhātuvisuddhiñāṇaṁ”.
ps1.1:506.14	Sotadhātuvisuddhiñāṇaniddeso ekapaññāsamo.
ps1.1:507.0	1.1.52. Cetopariyañāṇaniddesa
ps1.1:507.1	Kathaṁ tiṇṇaṁ cittānaṁ vipphārattā indriyānaṁ pasādavasena nānattekattaviññāṇacariyāpariyogāhaṇe paññā cetopariyañāṇaṁ?
ps1.1:507.2	Idha bhikkhu chandasamādhipadhānasaṅkhārasamannāgataṁ iddhipādaṁ bhāveti, vīriyasamādhi …pe…
ps1.1:507.3	cittasamādhi …pe…
ps1.1:507.4	vīmaṁsāsamādhipadhānasaṅkhārasamannāgataṁ iddhipādaṁ bhāveti.
ps1.1:507.5	So imesu catūsu iddhipādesu cittaṁ paribhāveti paridameti, muduṁ karoti kammaniyaṁ.
ps1.1:507.6	So imesu catūsu iddhipādesu cittaṁ paribhāvetvā paridametvā, muduṁ karitvā kammaniyaṁ evaṁ pajānāti—
ps1.1:507.7	“idaṁ rūpaṁ somanassindriyasamuṭṭhitaṁ, idaṁ rūpaṁ domanassindriyasamuṭṭhitaṁ, idaṁ rūpaṁ upekkhindriyasamuṭṭhitan”ti.
ps1.1:507.8	So tathābhāvitena cittena parisuddhena pariyodātena cetopariyañāṇāya cittaṁ abhinīharati abhininnāmeti.
ps1.1:507.9	So parasattānaṁ parapuggalānaṁ cetasā ceto paricca pajānāti—
ps1.1:507.10	sarāgaṁ vā cittaṁ “sarāgaṁ cittan”ti pajānāti,
ps1.1:507.11	vītarāgaṁ vā cittaṁ “vītarāgaṁ cittan”ti pajānāti,
ps1.1:507.12	sadosaṁ vā cittaṁ …pe…
ps1.1:507.13	vītadosaṁ vā cittaṁ …
ps1.1:507.14	samohaṁ vā cittaṁ …
ps1.1:507.15	vītamohaṁ vā cittaṁ …
ps1.1:507.16	saṅkhittaṁ vā cittaṁ …
ps1.1:507.17	vikkhittaṁ vā cittaṁ …
ps1.1:507.18	mahaggataṁ vā cittaṁ …
ps1.1:507.19	amahaggataṁ vā cittaṁ …
ps1.1:507.20	sauttaraṁ vā cittaṁ …
ps1.1:507.21	anuttaraṁ vā cittaṁ …
ps1.1:507.22	samāhitaṁ vā cittaṁ …
ps1.1:507.23	asamāhitaṁ vā cittaṁ …
ps1.1:507.24	vimuttaṁ vā cittaṁ …
ps1.1:507.25	avimuttaṁ vā cittaṁ “avimuttaṁ cittan”ti pajānāti.
ps1.1:507.26	Taṁ ñātaṭṭhena ñāṇaṁ, pajānanaṭṭhena paññā.
ps1.1:507.27	Tena vuccati—
ps1.1:507.28	“tiṇṇaṁ cittānaṁ vipphārattā indriyānaṁ pasādavasena nānattekattaviññāṇacariyāpariyogāhaṇe paññā cetopariyañāṇaṁ”.
ps1.1:507.29	Cetopariyañāṇaniddeso dvepaññāsamo.
ps1.1:508.0	1.1.53. Pubbenivāsānussatiñāṇaniddesa
ps1.1:508.1	Kathaṁ paccayapavattānaṁ dhammānaṁ nānattekattakammavipphāravasena pariyogāhaṇe paññā pubbenivāsānussatiñāṇaṁ?
ps1.1:508.2	Idha bhikkhu chandasamādhi …pe…
ps1.1:508.3	muduṁ karitvā kammaniyaṁ evaṁ pajānāti—
ps1.1:508.4	“imasmiṁ sati idaṁ hoti, imassuppādā idaṁ uppajjati, yadidaṁ—
ps1.1:508.5	avijjāpaccayā saṅkhārā, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ sokaparidevadukkhadomanassupāyāsā sambhavanti;
ps1.1:508.6	evametassa kevalassa dukkhakkhandhassa samudayo hoti”.
ps1.1:509.1	So tathābhāvitena cittena parisuddhena pariyodātena pubbenivāsānussatiñāṇāya cittaṁ abhinīharati abhininnāmeti.
ps1.1:509.2	So anekavihitaṁ pubbenivāsaṁ anussarati, seyyathidaṁ—
ps1.1:509.3	ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo, jātisatampi jātisahassampi jātisatasahassampi, anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe—
ps1.1:509.4	“amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto amutra udapādiṁ;
ps1.1:509.5	tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto idhūpapanno”ti.
ps1.1:509.6	Iti sākāraṁ sauddesaṁ anekavihitaṁ pubbenivāsaṁ anussarati.
ps1.1:509.7	Taṁ ñātaṭṭhena ñāṇaṁ, pajānanaṭṭhena paññā.
ps1.1:509.8	Tena vuccati—
ps1.1:509.9	“paccayapavattānaṁ dhammānaṁ nānattekattakammavipphāravasena pariyogāhaṇe paññā pubbenivāsānussatiñāṇaṁ”.
ps1.1:509.10	Pubbenivāsānussatiñāṇaniddeso tepaññāsamo.
ps1.1:510.0	1.1.54. Dibbacakkhuñāṇaniddesa
ps1.1:510.1	Kathaṁ obhāsavasena nānattekattarūpanimittānaṁ dassanaṭṭhe paññā dibbacakkhuñāṇaṁ?
ps1.1:510.2	Idha bhikkhu chandasamādhipadhānasaṅkhārasamannāgataṁ iddhipādaṁ bhāveti, vīriyasamādhi …pe…
ps1.1:510.3	cittasamādhi …pe…
ps1.1:510.4	vīmaṁsāsamādhipadhānasaṅkhārasamannāgataṁ iddhipādaṁ bhāveti.
ps1.1:510.5	So imesu catūsu iddhipādesu cittaṁ paribhāveti paridameti, muduṁ karoti kammaniyaṁ.
ps1.1:510.6	So imesu catūsu iddhipādesu cittaṁ paribhāvetvā paridametvā, muduṁ karitvā kammaniyaṁ ālokasaññaṁ manasi karoti, divāsaññaṁ adhiṭṭhāti—
ps1.1:510.7	“yathā divā tathā rattiṁ, yathā rattiṁ tathā divā”.
ps1.1:510.8	Iti vivaṭena cetasā apariyonaddhena sappabhāsaṁ cittaṁ bhāveti.
ps1.1:510.9	So tathābhāvitena cittena parisuddhena pariyodātena sattānaṁ cutūpapātañāṇāya cittaṁ abhinīharati abhininnāmeti.
ps1.1:510.10	So dibbena cakkhunā visuddhena atikkantamānusakena, satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti—
ps1.1:510.11	“ime vata bhonto sattā kāyaduccaritena samannāgatā, vacīduccaritena samannāgatā, manoduccaritena samannāgatā, ariyānaṁ upavādakā, micchādiṭṭhikā, micchādiṭṭhikammasamādānā;
ps1.1:510.12	te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā.
ps1.1:510.13	Ime vā pana bhonto sattā kāyasucaritena samannāgatā, vacīsucaritena samannāgatā, manosucaritena samannāgatā ariyānaṁ anupavādakā, sammādiṭṭhikā sammādiṭṭhikammasamādānā;
ps1.1:510.14	te kāyassa bhedā paraṁ maraṇā sugatiṁ saggaṁ lokaṁ upapannā”ti.
ps1.1:510.15	Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti.
ps1.1:510.16	Taṁ ñātaṭṭhena ñāṇaṁ, pajānanaṭṭhena paññā.
ps1.1:510.17	Tena vuccati—
ps1.1:510.18	“obhāsavasena nānattekattarūpanimittānaṁ dassanaṭṭhe paññā dibbacakkhuñāṇaṁ”.
ps1.1:510.19	Dibbacakkhuñāṇaniddeso catupaññāsamo.
ps1.1:511.0	1.1.55. Āsavakkhayañāṇaniddesa
ps1.1:511.1	Kathaṁ catusaṭṭhiyā ākārehi tiṇṇannaṁ indriyānaṁ vasibhāvatā paññā āsavānaṁ khaye ñāṇaṁ?
ps1.1:511.2	Katamesaṁ tiṇṇannaṁ indriyānaṁ?
ps1.1:511.3	Anaññātaññassāmītindriyassa aññindriyassa aññātāvindriyassa.
ps1.1:512.1	Anaññātaññassāmītindriyaṁ kati ṭhānāni gacchati, aññindriyaṁ kati ṭhānāni gacchati, aññātāvindriyaṁ kati ṭhānāni gacchati?
ps1.1:512.2	Anaññātaññassāmītindriyaṁ ekaṁ ṭhānaṁ gacchati—
ps1.1:512.3	sotāpattimaggaṁ.
ps1.1:512.4	Aññindriyaṁ cha ṭhānāni gacchati—
ps1.1:512.5	sotāpattiphalaṁ, sakadāgāmimaggaṁ, sakadāgāmiphalaṁ, anāgāmimaggaṁ, anāgāmiphalaṁ, arahattamaggaṁ.
ps1.1:512.6	Aññātāvindriyaṁ ekaṁ ṭhānaṁ gacchati—
ps1.1:512.7	arahattaphalaṁ.
ps1.1:513.1	Sotāpattimaggakkhaṇe anaññātaññassāmītindriyassa saddhindriyaṁ adhimokkhaparivāraṁ hoti, vīriyindriyaṁ paggahaparivāraṁ hoti, satindriyaṁ upaṭṭhānaparivāraṁ hoti, samādhindriyaṁ avikkhepaparivāraṁ hoti, paññindriyaṁ dassanaparivāraṁ hoti, manindriyaṁ vijānanaparivāraṁ hoti, somanassindriyaṁ abhisandanaparivāraṁ hoti, jīvitindriyaṁ pavattasantatādhipateyyaparivāraṁ hoti.
ps1.1:513.2	Sotāpattimaggakkhaṇe jātā dhammā ṭhapetvā cittasamuṭṭhānaṁ rūpaṁ sabbeva kusalā honti, sabbeva anāsavā honti, sabbeva niyyānikā honti, sabbeva apacayagāmino honti, sabbeva lokuttarā honti, sabbeva nibbānārammaṇā honti.
ps1.1:513.3	Sotāpattimaggakkhaṇe anaññātaññassāmītindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṁsaṭṭhā honti, sampayuttā honti.
ps1.1:513.4	Teva tassa ākārā ceva honti parivārā ca.
ps1.1:514.1	Sotāpattiphalakkhaṇe aññindriyassa saddhindriyaṁ adhimokkhaparivāraṁ hoti, vīriyindriyaṁ paggahaparivāraṁ hoti, satindriyaṁ upaṭṭhānaparivāraṁ hoti, samādhindriyaṁ avikkhepaparivāraṁ hoti, paññindriyaṁ dassanaparivāraṁ hoti, manindriyaṁ vijānanaparivāraṁ hoti, somanassindriyaṁ abhisandanaparivāraṁ hoti, jīvitindriyaṁ pavattasantatādhipateyyaparivāraṁ hoti.
ps1.1:514.2	Sotāpattiphalakkhaṇe jātā dhammā sabbeva abyākatā honti, ṭhapetvā cittasamuṭṭhānaṁ rūpaṁ sabbeva anāsavā honti, sabbeva lokuttarā honti, sabbeva nibbānārammaṇā honti.
ps1.1:514.3	Sotāpattiphalakkhaṇe aññindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṁsaṭṭhā honti, sampayuttā honti.
ps1.1:514.4	Teva tassa ākārā ceva honti parivārā ca.
ps1.1:515.1	Sakadāgāmimaggakkhaṇe …pe…
ps1.1:515.2	sakadāgāmiphalakkhaṇe …pe…
ps1.1:515.3	anāgāmimaggakkhaṇe …pe…
ps1.1:515.4	anāgāmiphalakkhaṇe …pe…
ps1.1:515.5	arahattamaggakkhaṇe aññindriyassa saddhindriyaṁ adhimokkhaparivāraṁ hoti …pe…
ps1.1:515.6	jīvitindriyaṁ pavattasantatādhipateyyaparivāraṁ hoti.
ps1.1:515.7	Arahattamaggakkhaṇe jātā dhammā ṭhapetvā cittasamuṭṭhānaṁ rūpaṁ sabbeva kusalā honti, sabbeva anāsavā honti, sabbeva niyyānikā honti, sabbeva apacayagāmino honti, sabbeva lokuttarā honti, sabbeva nibbānārammaṇā honti.
ps1.1:515.8	Arahattamaggakkhaṇe aññindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṁsaṭṭhā honti, sampayuttā honti.
ps1.1:515.9	Teva tassa ākārā ceva honti parivārā ca.
ps1.1:516.1	Arahattaphalakkhaṇe aññātāvindriyassa saddhindriyaṁ adhimokkhaparivāraṁ hoti, vīriyindriyaṁ paggahaparivāraṁ hoti, satindriyaṁ upaṭṭhānaparivāraṁ hoti, samādhindriyaṁ avikkhepaparivāraṁ hoti, paññindriyaṁ dassanaparivāraṁ hoti, manindriyaṁ vijānanaparivāraṁ hoti, somanassindriyaṁ abhisandanaparivāraṁ hoti, jīvitindriyaṁ pavattasantatādhipateyyaparivāraṁ hoti.
ps1.1:516.2	Arahattaphalakkhaṇe jātā dhammā sabbeva abyākatā honti, ṭhapetvā cittasamuṭṭhānaṁ rūpaṁ sabbeva anāsavā honti, sabbeva lokuttarā honti, sabbeva nibbānārammaṇā honti.
ps1.1:516.3	Arahattaphalakkhaṇe aññātāvindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṁsaṭṭhā honti, sampayuttā honti.
ps1.1:516.4	Teva tassa ākārā ceva honti parivārā ca.
ps1.1:516.5	Iti imāni aṭṭhaṭṭhakāni catusaṭṭhi honti.
ps1.1:517.1	<b>Āsavā</b>ti katame te āsavā?
ps1.1:517.2	Kāmāsavo, bhavāsavo, diṭṭhāsavo, avijjāsavo.
ps1.1:517.3	Katthete āsavā khīyanti?
ps1.1:517.4	Sotāpattimaggena anavaseso diṭṭhāsavo khīyati, apāyagamanīyo kāmāsavo khīyati, apāyagamanīyo bhavāsavo khīyati, apāyagamanīyo avijjāsavo khīyati.
ps1.1:517.5	Etthete āsavā khīyanti.
ps1.1:517.6	Sakadāgāmimaggena oḷāriko kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.1:517.7	Etthete āsavā khīyanti.
ps1.1:517.8	Anāgāmimaggena anavaseso kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.1:517.9	Etthete āsavā khīyanti.
ps1.1:517.10	Arahattamaggena anavaseso bhavāsavo khīyati, anavaseso avijjāsavo khīyati.
ps1.1:517.11	Etthete āsavā khīyanti.
ps1.1:517.12	Taṁ ñātaṭṭhena ñāṇaṁ, pajānanaṭṭhena paññā.
ps1.1:517.13	Tena vuccati—
ps1.1:517.14	“catusaṭṭhiyā ākārehi tiṇṇannaṁ indriyānaṁ vasibhāvatā paññā āsavānaṁ khaye ñāṇaṁ”.
ps1.1:517.15	Āsavakkhayañāṇaniddeso pañcapaññāsamo.
ps1.1:518.0	1.1.56–63 Saccañāṇacatukkadvayaniddesa
ps1.1:518.1	Kathaṁ pariññaṭṭhe paññā <b>dukkhe ñāṇaṁ</b>, pahānaṭṭhe paññā <b>samudaye ñāṇaṁ</b>, sacchikiriyaṭṭhe paññā <b>nirodhe ñāṇaṁ</b>, bhāvanaṭṭhe paññā <b>magge ñāṇaṁ</b>?
ps1.1:518.2	Dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho pariññātaṭṭho;
ps1.1:518.3	samudayassa āyūhanaṭṭho nidānaṭṭho saññogaṭṭho palibodhaṭṭho pahānaṭṭho;
ps1.1:518.4	nirodhassa nissaraṇaṭṭho vivekaṭṭho asaṅkhataṭṭho amataṭṭho sacchikiriyaṭṭho;
ps1.1:518.5	maggassa niyyānaṭṭho hetuṭṭho dassanaṭṭho ādhipateyyaṭṭho bhāvanaṭṭho.
ps1.1:518.6	Taṁ ñātaṭṭhena ñāṇaṁ, pajānanaṭṭhena paññā.
ps1.1:518.7	Tena vuccati—
ps1.1:518.8	“pariññaṭṭhe paññā dukkhe ñāṇaṁ, pahānaṭṭhe paññā samudaye ñāṇaṁ, sacchikiriyaṭṭhe paññā nirodhe ñāṇaṁ, bhāvanaṭṭhe paññā magge ñāṇaṁ”.
ps1.1:519.1	Kathaṁ <b>dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ</b>?
ps1.1:519.2	Maggasamaṅgissa ñāṇaṁ dukkhepetaṁ ñāṇaṁ, dukkhasamudayepetaṁ ñāṇaṁ, dukkhanirodhepetaṁ ñāṇaṁ, dukkhanirodhagāminiyā paṭipadāyapetaṁ ñāṇaṁ.
ps1.1:520.1	Tattha katamaṁ dukkhe ñāṇaṁ?
ps1.1:520.2	Dukkhaṁ ārabbha yā uppajjati paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūri medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi—
ps1.1:520.3	idaṁ vuccati dukkhe ñāṇaṁ.
ps1.1:520.4	Dukkhasamudayaṁ ārabbha …pe…
ps1.1:520.5	dukkhanirodhaṁ ārabbha …pe…
ps1.1:520.6	dukkhanirodhagāminiṁ paṭipadaṁ ārabbha yā uppajjati paññā pajānanā …pe… amoho dhammavicayo sammādiṭṭhi—
ps1.1:520.7	idaṁ vuccati dukkhanirodhagāminiyā paṭipadāya ñāṇaṁ.
ps1.1:520.8	Taṁ ñātaṭṭhena ñāṇaṁ, pajānanaṭṭhena paññā.
ps1.1:520.9	Tena vuccati—
ps1.1:520.10	“dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ”.
ps1.1:520.11	Saccañāṇacatukkadvayaniddeso tesaṭṭhimo.
ps1.1:521.0	1.1.64–67 Suddhikapaṭisambhidāñāṇaniddesa
ps1.1:521.1	Kathaṁ <b>atthapaṭisambhide ñāṇaṁ, dhammapaṭisambhide ñāṇaṁ, niruttipaṭisambhide ñāṇaṁ, paṭibhānapaṭisambhide ñāṇaṁ</b>?
ps1.1:521.2	Atthesu ñāṇaṁ atthapaṭisambhidā, dhammesu ñāṇaṁ dhammapaṭisambhidā, niruttīsu ñāṇaṁ niruttipaṭisambhidā, paṭibhānesu ñāṇaṁ paṭibhānapaṭisambhidā.
ps1.1:521.3	Atthanānatte paññā atthapaṭisambhide ñāṇaṁ, dhammanānatte paññā dhammapaṭisambhide ñāṇaṁ, niruttinānatte paññā niruttipaṭisambhide ñāṇaṁ, paṭibhānanānatte paññā paṭibhānapaṭisambhide ñāṇaṁ, atthavavatthāne paññā atthapaṭisambhide ñāṇaṁ, dhammavavatthāne paññā dhammapaṭisambhide ñāṇaṁ niruttivavatthāne paññā niruttipaṭisambhide ñāṇaṁ, paṭibhānavavatthāne paññā paṭibhānapaṭisambhide ñāṇaṁ.
ps1.1:522.1	Atthasallakkhaṇe paññā atthapaṭisambhide ñāṇaṁ, dhammasallakkhaṇe paññā dhammapaṭisambhide ñāṇaṁ, niruttisallakkhaṇe paññā niruttipaṭisambhide ñāṇaṁ, paṭibhānasallakkhaṇe paññā paṭibhānapaṭisambhide ñāṇaṁ.
ps1.1:522.2	Atthūpalakkhaṇe paññā atthapaṭisambhide ñāṇaṁ, dhammūpalakkhaṇe paññā dhammapaṭisambhide ñāṇaṁ, niruttūpalakkhaṇe paññā niruttipaṭisambhide ñāṇaṁ, paṭibhānūpalakkhaṇe paññā paṭibhānapaṭisambhide ñāṇaṁ.
ps1.1:523.1	Atthappabhede paññā atthapaṭisambhide ñāṇaṁ, dhammappabhede paññā dhammapaṭisambhide ñāṇaṁ, niruttippabhede paññā niruttipaṭisambhide ñāṇaṁ, paṭibhānappabhede paññā paṭibhānapaṭisambhide ñāṇaṁ.
ps1.1:523.2	Atthappabhāvane paññā atthapaṭisambhide ñāṇaṁ, dhammappabhāvane paññā dhammapaṭisambhide ñāṇaṁ, niruttippabhāvane paññā niruttipaṭisambhide ñāṇaṁ, paṭibhānappabhāvane paññā paṭibhānapaṭisambhide ñāṇaṁ.
ps1.1:524.1	Atthajotane paññā atthapaṭisambhide ñāṇaṁ, dhammajotane paññā dhammapaṭisambhide ñāṇaṁ, niruttijotane paññā niruttipaṭisambhide ñāṇaṁ, paṭibhānajotane paññā paṭibhānapaṭisambhide ñāṇaṁ.
ps1.1:524.2	Atthavirocane paññā atthapaṭisambhide ñāṇaṁ, dhammavirocane paññā dhammapaṭisambhide ñāṇaṁ, niruttivirocane paññā niruttipaṭisambhide ñāṇaṁ, paṭibhānavirocane paññā paṭibhānapaṭisambhide ñāṇaṁ.
ps1.1:524.3	Atthappakāsane paññā atthapaṭisambhide ñāṇaṁ, dhammappakāsane paññā dhammapaṭisambhide ñāṇaṁ, niruttippakāsane paññā niruttipaṭisambhide ñāṇaṁ, paṭibhānappakāsane paññā paṭibhānapaṭisambhide ñāṇaṁ.
ps1.1:524.4	Taṁ ñātaṭṭhena ñāṇaṁ, pajānanaṭṭhena paññā.
ps1.1:524.5	Tena vuccati—
ps1.1:524.6	“atthapaṭisambhide ñāṇaṁ, dhammapaṭisambhide ñāṇaṁ, niruttipaṭisambhide ñāṇaṁ, paṭibhānapaṭisambhide ñāṇaṁ”.
ps1.1:524.7	Suddhikapaṭisambhidāñāṇaniddeso sattasaṭṭhimo.
ps1.1:525.0	1.1.68. Indriyaparopariyattañāṇaniddesa
ps1.1:525.1	Katamaṁ <b>tathāgatassa indriyaparopariyattañāṇaṁ?</b>
ps1.1:525.2	Idha tathāgato satte passati apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino appekacce na paralokavajjabhayadassāvino.
ps1.1:526.1	<b>Apparajakkhe mahārajakkhe</b>ti saddho puggalo apparajakkho, assaddho puggalo mahārajakkho.
ps1.1:526.2	Āraddhavīriyo puggalo apparajakkho, kusīto puggalo mahārajakkho.
ps1.1:526.3	Upaṭṭhitassati puggalo apparajakkho, muṭṭhassati puggalo mahārajakkho.
ps1.1:526.4	Samāhito puggalo apparajakkho, asamāhito puggalo mahārajakkho.
ps1.1:526.5	Paññavā puggalo apparajakkho, duppañño puggalo mahārajakkho.
ps1.1:527.1	<b>Tikkhindriye mudindriye</b>ti saddho puggalo tikkhindriyo, assaddho puggalo mudindriyo.
ps1.1:527.2	Āraddhavīriyo puggalo tikkhindriyo, kusīto puggalo mudindriyo.
ps1.1:527.3	Upaṭṭhitassati puggalo tikkhindriyo, muṭṭhassati puggalo mudindriyo.
ps1.1:527.4	Samāhito puggalo tikkhindriyo, asamāhito puggalo mudindriyo.
ps1.1:527.5	Paññavā puggalo tikkhindriyo, duppañño puggalo mudindriyo.
ps1.1:528.1	<b>Svākāre dvākāre</b>ti saddho puggalo svākāro, assaddho puggalo dvākāro.
ps1.1:528.2	Āraddhavīriyo puggalo svākāro, kusīto puggalo dvākāro.
ps1.1:528.3	Upaṭṭhitassati puggalo svākāro, muṭṭhassati puggalo dvākāro.
ps1.1:528.4	Samāhito puggalo svākāro, asamāhito puggalo dvākāro.
ps1.1:528.5	Paññavā puggalo svākāro, duppañño puggalo dvākāro.
ps1.1:529.1	<b>Suviññāpaye duviññāpaye</b>ti saddho puggalo suviññāpayo, assaddho puggalo duviññāpayo.
ps1.1:529.2	Āraddhavīriyo puggalo suviññāpayo, kusīto puggalo duviññāpayo.
ps1.1:529.3	Upaṭṭhitassati puggalo suviññāpayo, muṭṭhassati puggalo duviññāpayo.
ps1.1:529.4	Samāhito puggalo suviññāpayo, asamāhito puggalo duviññāpayo.
ps1.1:529.5	Paññavā puggalo suviññāpayo, duppañño puggalo duviññāpayo.
ps1.1:530.1	<b>Appekacce paralokavajjabhayadassāvino, appekacce na paralokavajjabhayadassāvino</b>ti saddho puggalo paralokavajjabhayadassāvī, assaddho puggalo na paralokavajjabhayadassāvī.
ps1.1:530.2	Āraddhavīriyo puggalo paralokavajjabhayadassāvī, kusīto puggalo na paralokavajjabhayadassāvī.
ps1.1:530.3	Upaṭṭhitassati puggalo paralokavajjabhayadassāvī, muṭṭhassati puggalo na paralokavajjabhayadassāvī.
ps1.1:530.4	Samāhito puggalo paralokavajjabhayadassāvī, asamāhito puggalo na paralokavajjabhayadassāvī.
ps1.1:530.5	Paññavā puggalo paralokavajjabhayadassāvī, duppañño puggalo na paralokavajjabhayadassāvī.
ps1.1:531.1	<b>Loko</b>ti—
ps1.1:531.2	khandhaloko, dhātuloko, āyatanaloko, vipattibhavaloko, vipattisambhavaloko, sampattibhavaloko, sampattisambhavaloko.
ps1.1:532.1	Eko loko—
ps1.1:532.2	sabbe sattā āhāraṭṭhitikā.
ps1.1:533.1	Dve lokā—
ps1.1:533.2	nāmañca, rūpañca.
ps1.1:534.1	Tayo lokā—
ps1.1:534.2	tisso vedanā.
ps1.1:535.1	Cattāro lokā—
ps1.1:535.2	cattāro āhārā.
ps1.1:536.1	Pañca lokā—
ps1.1:536.2	pañcupādānakkhandhā.
ps1.1:537.1	Cha lokā—
ps1.1:537.2	cha ajjhattikāni āyatanāni.
ps1.1:538.1	Satta lokā—
ps1.1:538.2	satta viññāṇaṭṭhitiyo.
ps1.1:539.1	Aṭṭha lokā—
ps1.1:539.2	aṭṭha lokadhammā.
ps1.1:540.1	Nava lokā—
ps1.1:540.2	nava sattāvāsā.
ps1.1:541.1	Dasa lokā—
ps1.1:541.2	dasāyatanāni.
ps1.1:542.1	Dvādasa lokā—
ps1.1:542.2	dvādasāyatanāni.
ps1.1:543.1	Aṭṭhārasa lokā—
ps1.1:543.2	aṭṭhārasa dhātuyo.
ps1.1:544.1	<b>Vajjan</b>ti sabbe kilesā vajjā, sabbe duccaritā vajjā, sabbe abhisaṅkhārā vajjā, sabbe bhavagāmikammā vajjā.
ps1.1:544.2	Iti imasmiñca loke imasmiñca vajje tibbā bhayasaññā paccupaṭṭhitā hoti, seyyathāpi ukkhittāsike vadhake.
ps1.1:544.3	Imehi paññāsāya ākārehi imāni pañcindriyāni jānāti passati aññāti paṭivijjhati—
ps1.1:544.4	idaṁ tathāgatassa indriyaparopariyattañāṇaṁ.
ps1.1:544.5	Indriyaparopariyattañāṇaniddeso aṭṭhasaṭṭhimo.
ps1.1:545.0	1.1.69. Āsayānusayañāṇaniddesa
ps1.1:545.1	Katamaṁ <b>tathāgatassa sattānaṁ āsayānusaye ñāṇaṁ</b>?
ps1.1:545.2	Idha tathāgato sattānaṁ āsayaṁ jānāti, anusayaṁ jānāti, caritaṁ jānāti, adhimuttiṁ jānāti, bhabbābhabbe satte pajānāti.
ps1.1:545.3	Katamo sattānaṁ āsayo?
ps1.1:545.4	“Sassato loko”ti vā, “asassato loko”ti vā, “antavā loko”ti vā, “anantavā loko”ti vā, “taṁ jīvaṁ taṁ sarīran”ti vā, “aññaṁ jīvaṁ aññaṁ sarīran”ti vā, “hoti tathāgato paraṁ maraṇā”ti vā, “na hoti tathāgato paraṁ maraṇā”ti vā, “hoti ca na ca hoti tathāgato paraṁ maraṇā”ti vā, “neva hoti na na hoti tathāgato paraṁ maraṇā”ti vā.
ps1.1:545.5	Iti bhavadiṭṭhisannissitā vā sattā honti vibhavadiṭṭhisannissitā vā.
ps1.1:546.1	Ete vā pana ubho ante anupagamma idappaccayatāpaṭiccasamuppannesu dhammesu anulomikā khanti paṭiladdhā hoti, yathābhūtaṁ vā ñāṇaṁ.
ps1.1:546.2	Kāmaṁ sevantaññeva jānāti—
ps1.1:546.3	“ayaṁ puggalo kāmagaruko kāmāsayo kāmādhimutto”ti.
ps1.1:546.4	Kāmaṁ sevantaññeva jānāti—
ps1.1:546.5	“ayaṁ puggalo nekkhammagaruko nekkhammāsayo nekkhammādhimutto”ti.
ps1.1:546.6	Nekkhammaṁ sevantaññeva jānāti—
ps1.1:546.7	“ayaṁ puggalo nekkhammagaruko nekkhammāsayo nekkhammādhimutto”ti.
ps1.1:546.8	Nekkhammaṁ sevantaññeva jānāti—
ps1.1:546.9	“ayaṁ puggalo kāmagaruko kāmāsayo kāmādhimutto”ti.
ps1.1:546.10	Byāpādaṁ sevantaññeva jānāti—
ps1.1:546.11	“ayaṁ puggalo byāpādagaruko byāpādāsayo byāpādādhimutto”ti.
ps1.1:546.12	Byāpādaṁ sevantaññeva jānāti—
ps1.1:546.13	“ayaṁ puggalo abyāpādagaruko abyāpādāsayo abyāpādādhimutto”ti.
ps1.1:546.14	Abyāpādaṁ sevantaññeva jānāti—
ps1.1:546.15	“ayaṁ puggalo abyāpādagaruko abyāpādāsayo abyāpādādhimutto”ti.
ps1.1:546.16	Abyāpādaṁ sevantaññeva jānāti—
ps1.1:546.17	“ayaṁ puggalo byāpādagaruko byāpādāsayo byāpādādhimutto”ti.
ps1.1:546.18	Thinamiddhaṁ sevantaññeva jānāti—
ps1.1:546.19	“ayaṁ puggalo thinamiddhagaruko thinamiddhāsayo thinamiddhādhimutto”ti.
ps1.1:546.20	Thinamiddhaṁ sevantaññeva jānāti—
ps1.1:546.21	“ayaṁ puggalo ālokasaññāgaruko ālokasaññāsayo ālokasaññādhimutto”ti.
ps1.1:546.22	Ālokasaññaṁ sevantaññeva jānāti—
ps1.1:546.23	“ayaṁ puggalo ālokasaññāgaruko ālokasaññāsayo ālokasaññādhimutto”ti.
ps1.1:546.24	Ālokasaññaṁ sevantaññeva jānāti—
ps1.1:546.25	“ayaṁ puggalo thinamiddhagaruko thinamiddhāsayo thinamiddhādhimutto”ti.
ps1.1:546.26	Ayaṁ <b>sattānaṁ āsayo</b>.
ps1.1:547.1	Katamo ca <b>sattānaṁ anusayo</b>?
ps1.1:547.2	Sattānusayā—
ps1.1:547.3	kāmarāgānusayo, paṭighānusayo, mānānusayo, diṭṭhānusayo, vicikicchānusayo, bhavarāgānusayo, avijjānusayo.
ps1.1:547.4	Yaṁ loke piyarūpaṁ sātarūpaṁ, ettha sattānaṁ kāmarāgānusayo anuseti.
ps1.1:547.5	Yaṁ loke appiyarūpaṁ asātarūpaṁ, ettha sattānaṁ paṭighānusayo anuseti.
ps1.1:547.6	Iti imesu dvīsu dhammesu avijjā anupatitā, tadekaṭṭho māno ca diṭṭhi ca vicikicchā ca daṭṭhabbā.
ps1.1:547.7	Ayaṁ sattānaṁ anusayo.
ps1.1:548.1	Katamañca <b>sattānaṁ caritaṁ</b>?
ps1.1:548.2	Puññābhisaṅkhāro apuññābhisaṅkhāro āneñjābhisaṅkhāro parittabhūmako vā mahābhūmako vā.
ps1.1:548.3	Idaṁ sattānaṁ caritaṁ.
ps1.1:549.1	Katamā ca <b>sattānaṁ adhimutti</b>?
ps1.1:549.2	Santi sattā hīnādhimuttikā, santi sattā paṇītādhimuttikā.
ps1.1:549.3	Hīnādhimuttikā sattā hīnādhimuttike satte sevanti bhajanti payirupāsanti.
ps1.1:549.4	Paṇītādhimuttikā sattā paṇītādhimuttike satte sevanti bhajanti payirupāsanti.
ps1.1:549.5	Atītampi addhānaṁ hīnādhimuttikā sattā hīnādhimuttike satte seviṁsu bhajiṁsu payirupāsiṁsu;
ps1.1:549.6	paṇītādhimuttikā sattā paṇītādhimuttike satte seviṁsu bhajiṁsu payirupāsiṁsu.
ps1.1:549.7	Anāgatampi addhānaṁ hīnādhimuttikā sattā hīnādhimuttike satte sevissanti bhajissanti payirupāsissanti;
ps1.1:549.8	paṇītādhimuttikā sattā paṇītādhimuttike satte sevissanti bhajissanti payirupāsissanti.
ps1.1:549.9	Ayaṁ sattānaṁ adhimutti.
ps1.1:550.1	Katame <b>sattā abhabbā</b>?
ps1.1:550.2	Ye te sattā kammāvaraṇena samannāgatā, kilesāvaraṇena samannāgatā, vipākāvaraṇena samannāgatā, assaddhā acchandikā duppaññā, abhabbā niyāmaṁ okkamituṁ kusalesu dhammesu sammattaṁ—
ps1.1:550.3	ime te sattā abhabbā.
ps1.1:551.1	Katame <b>sattā bhabbā</b>?
ps1.1:551.2	Ye te sattā na kammāvaraṇena samannāgatā, na kilesāvaraṇena samannāgatā, na vipākāvaraṇena samannāgatā, saddhā chandikā paññavanto, bhabbā niyāmaṁ okkamituṁ kusalesu dhammesu sammattaṁ—
ps1.1:551.3	ime te sattā bhabbā.
ps1.1:551.4	Idaṁ tathāgatassa sattānaṁ āsayānusaye ñāṇaṁ.
ps1.1:551.5	Āsayānusayañāṇaniddeso navasaṭṭhimo.
ps1.1:552.0	1.1.70. Yamakapāṭihīrañāṇaniddesa
ps1.1:552.1	Katamaṁ <b>tathāgatassa yamakapāṭihīre ñāṇaṁ?</b>
ps1.1:552.2	Idha tathāgato yamakapāṭihīraṁ karoti asādhāraṇaṁ sāvakehi.
ps1.1:552.3	Uparimakāyato aggikkhandho pavattati, heṭṭhimakāyato udakadhārā pavattati;
ps1.1:552.4	heṭṭhimakāyato aggikkhandho pavattati, uparimakāyato udakadhārā pavattati;
ps1.1:552.5	puratthimakāyato aggikkhandho pavattati, pacchimakāyato udakadhārā pavattati;
ps1.1:552.6	pacchimakāyato aggikkhandho pavattati, puratthimakāyato udakadhārā pavattati;
ps1.1:552.7	dakkhiṇaakkhito aggikkhandho pavattati, vāmaakkhito udakadhārā pavattati;
ps1.1:552.8	vāmaakkhito aggikkhandho pavattati, dakkhiṇaakkhito udakadhārā pavattati;
ps1.1:552.9	dakkhiṇakaṇṇasotato aggikkhandho pavattati, vāmakaṇṇasotato udakadhārā pavattati;
ps1.1:552.10	vāmakaṇṇasotato aggikkhandho pavattati, dakkhiṇakaṇṇasotato udakadhārā pavattati;
ps1.1:552.11	dakkhiṇanāsikāsotato aggikkhandho pavattati, vāmanāsikāsotato udakadhārā pavattati;
ps1.1:552.12	vāmanāsikāsotato aggikkhandho pavattati, dakkhiṇanāsikāsotato udakadhārā pavattati;
ps1.1:552.13	dakkhiṇaaṁsakūṭato aggikkhandho pavattati, vāmaaṁsakūṭato udakadhārā pavattati;
ps1.1:552.14	vāmaaṁsakūṭato aggikkhandho pavattati, dakkhiṇaaṁsakūṭato udakadhārā pavattati;
ps1.1:552.15	dakkhiṇahatthato aggikkhandho pavattati, vāmahatthato udakadhārā pavattati;
ps1.1:552.16	vāmahatthato aggikkhandho pavattati, dakkhiṇahatthato udakadhārā pavattati;
ps1.1:552.17	dakkhiṇapassato aggikkhandho pavattati, vāmapassato udakadhārā pavattati;
ps1.1:552.18	vāmapassato aggikkhandho pavattati, dakkhiṇapassato udakadhārā pavattati;
ps1.1:552.19	dakkhiṇapādato aggikkhandho pavattati, vāmapādato udakadhārā pavattati;
ps1.1:552.20	vāmapādato aggikkhandho pavattati, dakkhiṇapādato udakadhārā pavattati;
ps1.1:552.21	aṅgulaṅgulehi aggikkhandho pavattati, aṅgulantarikāhi udakadhārā pavattati;
ps1.1:552.22	aṅgulantarikāhi aggikkhandho pavattati, aṅgulaṅgulehi udakadhārā pavattati;
ps1.1:552.23	ekekalomato aggikkhandho pavattati, ekekalomato udakadhārā pavattati;
ps1.1:552.24	lomakūpato lomakūpato aggikkhandho pavattati, lomakūpato lomakūpato udakadhārā pavattati.
ps1.1:553.1	Channaṁ vaṇṇānaṁ—
ps1.1:553.2	nīlānaṁ, pītakānaṁ, lohitakānaṁ, odātānaṁ, mañjiṭṭhānaṁ, pabhassarānaṁ bhagavā caṅkamati, nimmito tiṭṭhati vā nisīdati vā seyyaṁ vā kappeti.
ps1.1:553.3	Bhagavā tiṭṭhati, nimmito caṅkamati vā nisīdati vā seyyaṁ vā kappeti.
ps1.1:553.4	Bhagavā nisīdati, nimmito caṅkamati vā tiṭṭhati vā seyyaṁ vā kappeti.
ps1.1:553.5	Bhagavā seyyaṁ kappeti, nimmito caṅkamati vā tiṭṭhati vā nisīdati vā.
ps1.1:553.6	Nimmito caṅkamati, bhagavā tiṭṭhati vā nisīdati vā seyyaṁ vā kappeti.
ps1.1:553.7	Nimmito tiṭṭhati, bhagavā caṅkamati vā nisīdati vā seyyaṁ vā kappeti.
ps1.1:553.8	Nimmito nisīdati, bhagavā caṅkamati vā tiṭṭhati vā seyyaṁ vā kappeti.
ps1.1:553.9	Nimmito seyyaṁ kappeti, bhagavā caṅkamati vā tiṭṭhati vā nisīdati vā.
ps1.1:553.10	Idaṁ tathāgatassa yamakapāṭihīre ñāṇaṁ.
ps1.1:553.11	Yamakapāṭihīrañāṇaniddeso sattatimo.
ps1.1:554.0	1.1.71. Mahākaruṇāñāṇaniddesa
ps1.1:554.1	Katamaṁ <b>tathāgatassa mahākaruṇāsamāpattiyā ñāṇaṁ?</b>
ps1.1:554.2	Bahukehi ākārehi passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.3	Āditto lokasannivāsoti—
ps1.1:554.4	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.5	Uyyutto lokasannivāsoti—
ps1.1:554.6	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.7	Payāto lokasannivāsoti—
ps1.1:554.8	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.9	Kummaggappaṭipanno lokasannivāsoti—
ps1.1:554.10	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.11	Upanīyati loko addhuvoti—
ps1.1:554.12	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.13	Atāṇo loko anabhissaroti—
ps1.1:554.14	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.15	Assako loko, sabbaṁ pahāya gamanīyanti—
ps1.1:554.16	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.17	Ūno loko atitto taṇhādāsoti—
ps1.1:554.18	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:554.19	Atāyano lokasannivāsoti—
ps1.1:554.20	passantānaṁ …pe…
ps1.1:554.21	aleṇo lokasannivāsoti—
ps1.1:554.22	passantānaṁ …pe…
ps1.1:554.23	asaraṇo lokasannivāsoti—
ps1.1:554.24	passantānaṁ …pe…
ps1.1:554.25	asaraṇībhūto lokasannivāsoti—
ps1.1:554.26	passantānaṁ …pe….
ps1.1:555.1	Uddhato loko avūpasantoti—
ps1.1:555.2	passantānaṁ …pe…
ps1.1:555.3	sasallo lokasannivāso, viddho puthusallehi;
ps1.1:555.4	tassa natthañño koci sallānaṁ uddhatā, aññatra mayāti—
ps1.1:555.5	passantānaṁ …pe…
ps1.1:555.6	avijjandhakārāvaraṇo lokasannivāso aṇḍabhūto kilesapañjarapakkhitto;
ps1.1:555.7	tassa natthañño koci ālokaṁ dassetā, aññatra mayāti—
ps1.1:555.8	passantānaṁ …pe…
ps1.1:555.9	avijjāgato lokasannivāso aṇḍabhūto pariyonaddho tantākulakajāto kulāgaṇḍikajāto muñjapabbajabhūto apāyaṁ duggatiṁ vinipātaṁ saṁsāraṁ nātivattatīti—
ps1.1:555.10	passantānaṁ …pe…
ps1.1:555.11	avijjāvisadosasaṁlitto lokasannivāso kilesakalalībhūtoti—
ps1.1:555.12	passantānaṁ …pe…
ps1.1:555.13	rāgadosamohajaṭājaṭito lokasannivāso;
ps1.1:555.14	tassa natthañño koci jaṭaṁ vijaṭetā, aññatra mayāti—
ps1.1:555.15	passantānaṁ …pe….
ps1.1:556.1	Taṇhāsaṅghāṭapaṭimukko lokasannivāsoti—
ps1.1:556.2	passantānaṁ …pe…
ps1.1:556.3	taṇhājālena otthaṭo lokasannivāsoti—
ps1.1:556.4	passantānaṁ …pe…
ps1.1:556.5	taṇhāsotena vuyhati lokasannivāsoti—
ps1.1:556.6	passantānaṁ …pe…
ps1.1:556.7	taṇhāsaññojanena saññutto lokasannivāsoti—
ps1.1:556.8	passantānaṁ …pe…
ps1.1:556.9	taṇhānusayena anusaṭo lokasannivāsoti—
ps1.1:556.10	passantānaṁ …pe…
ps1.1:556.11	taṇhāsantāpena santappati lokasannivāsoti—
ps1.1:556.12	passantānaṁ …pe…
ps1.1:556.13	taṇhāpariḷāhena pariḍayhati lokasannivāsoti—
ps1.1:556.14	passantānaṁ …pe….
ps1.1:557.1	Diṭṭhisaṅghāṭapaṭimukko lokasannivāsoti—
ps1.1:557.2	passantānaṁ …pe…
ps1.1:557.3	diṭṭhijālena otthaṭo lokasannivāsoti—
ps1.1:557.4	passantānaṁ …pe…
ps1.1:557.5	diṭṭhisotena vuyhati lokasannivāsoti—
ps1.1:557.6	passantānaṁ …pe…
ps1.1:557.7	diṭṭhisaññojanena saññutto lokasannivāsoti—
ps1.1:557.8	passantānaṁ …pe…
ps1.1:557.9	diṭṭhānusayena anusaṭo lokasannivāsoti—
ps1.1:557.10	passantānaṁ …pe…
ps1.1:557.11	diṭṭhisantāpena santappati lokasannivāsoti—
ps1.1:557.12	passantānaṁ …pe…
ps1.1:557.13	diṭṭhipariḷāhena pariḍayhati lokasannivāsoti—
ps1.1:557.14	passantānaṁ …pe….
ps1.1:558.1	Jātiyā anugato lokasannivāsoti—
ps1.1:558.2	passantānaṁ …pe…
ps1.1:558.3	jarāya anusaṭo lokasannivāsoti—
ps1.1:558.4	passantānaṁ …pe…
ps1.1:558.5	byādhinā abhibhūto lokasannivāsoti—
ps1.1:558.6	passantānaṁ …pe…
ps1.1:558.7	maraṇena abbhāhato lokasannivāsoti—
ps1.1:558.8	passantānaṁ …pe…
ps1.1:558.9	dukkhe patiṭṭhito lokasannivāsoti—
ps1.1:558.10	passantānaṁ …pe….
ps1.1:559.1	Taṇhāya uḍḍito lokasannivāsoti—
ps1.1:559.2	passantānaṁ …pe…
ps1.1:559.3	jarāpākāraparikkhitto lokasannivāsoti—
ps1.1:559.4	passantānaṁ …pe…
ps1.1:559.5	maccupāsena parikkhitto lokasannivāsoti—
ps1.1:559.6	passantānaṁ …pe…
ps1.1:559.7	mahābandhanabaddho lokasannivāso—
ps1.1:559.8	rāgabandhanena dosabandhanena mohabandhanena mānabandhanena diṭṭhibandhanena kilesabandhanena duccaritabandhanena;
ps1.1:559.9	tassa natthañño koci bandhanaṁ mocetā, aññatra mayāti—
ps1.1:559.10	passantānaṁ …pe…
ps1.1:559.11	mahāsambādhappaṭipanno lokasannivāso;
ps1.1:559.12	tassa natthañño koci okāsaṁ dassetā, aññatra mayāti—
ps1.1:559.13	passantānaṁ …
ps1.1:559.14	mahāpalibodhena palibuddho lokasannivāso;
ps1.1:559.15	tassa natthañño koci palibodhaṁ chetā, aññatra mayāti—
ps1.1:559.16	passantānaṁ …pe…
ps1.1:559.17	mahāpapāte patito lokasannivāso;
ps1.1:559.18	tassa natthañño koci papātā uddhatā, aññatra mayāti—
ps1.1:559.19	passantānaṁ …pe…
ps1.1:559.20	mahākantārappaṭipanno lokasannivāso;
ps1.1:559.21	tassa natthañño koci kantāraṁ tāretā, aññatra mayāti—
ps1.1:559.22	passantānaṁ …pe…
ps1.1:559.23	mahāsaṁsārappaṭipanno lokasannivāso;
ps1.1:559.24	tassa natthañño koci saṁsārā mocetā, aññatra mayāti—
ps1.1:559.25	passantānaṁ …pe…
ps1.1:559.26	mahāvidugge samparivattati lokasannivāso;
ps1.1:559.27	tassa natthañño koci viduggā uddhatā, aññatra mayāti—
ps1.1:559.28	passantānaṁ …pe…
ps1.1:559.29	mahāpalipe palipanno lokasannivāso;
ps1.1:559.30	tassa natthañño koci palipā uddhatā, aññatra mayāti—
ps1.1:559.31	passantānaṁ …pe….
ps1.1:560.1	Abbhāhato lokasannivāsoti—
ps1.1:560.2	passantānaṁ …pe…
ps1.1:560.3	āditto lokasannivāso—
ps1.1:560.4	rāgagginā dosagginā mohagginā jātiyā jarāya maraṇena sokehi paridevehi dukkhehi domanassehi upāyāsehi;
ps1.1:560.5	tassa natthañño koci nibbāpetā, aññatra mayāti—
ps1.1:560.6	passantānaṁ …pe…
ps1.1:560.7	unnītako lokasannivāso haññati niccamatāṇo pattadaṇḍo takkaroti—
ps1.1:560.8	passantānaṁ …pe…
ps1.1:560.9	vajjabandhanabaddho lokasannivāso āghātanapaccupaṭṭhito;
ps1.1:560.10	tassa natthañño koci bandhanaṁ mocetā, aññatra mayāti—
ps1.1:560.11	passantānaṁ …pe…
ps1.1:560.12	anātho lokasannivāso paramakāruññappatto;
ps1.1:560.13	tassa natthañño koci tāyetā, aññatra mayāti—
ps1.1:560.14	passantānaṁ …pe…
ps1.1:560.15	dukkhābhitunno lokasannivāso cirarattaṁ pīḷitoti—
ps1.1:560.16	passantānaṁ …pe…
ps1.1:560.17	gadhito lokasannivāso niccaṁ pipāsitoti—
ps1.1:560.18	passantānaṁ …pe….
ps1.1:561.1	Andho lokasannivāso acakkhukoti—
ps1.1:561.2	passantānaṁ …pe…
ps1.1:561.3	hatanetto lokasannivāso apariṇāyakoti—
ps1.1:561.4	passantānaṁ …pe…
ps1.1:561.5	vipathapakkhando lokasannivāso añjasāparaddho;
ps1.1:561.6	tassa natthañño koci ariyapathaṁ ānetā, aññatra mayāti—
ps1.1:561.7	passantānaṁ …pe…
ps1.1:561.8	mahoghapakkhando lokasannivāso;
ps1.1:561.9	tassa natthañño koci oghā uddhatā, aññatra mayāti—
ps1.1:561.10	passantānaṁ …pe….
ps1.1:562.1	Dvīhi diṭṭhigatehi pariyuṭṭhito lokasannivāsoti—
ps1.1:562.2	passantānaṁ …pe…
ps1.1:562.3	tīhi duccaritehi vippaṭipanno lokasannivāsoti—
ps1.1:562.4	passantānaṁ …pe…
ps1.1:562.5	catūhi yogehi yutto lokasannivāso catuyogayojitoti—
ps1.1:562.6	passantānaṁ …pe…
ps1.1:562.7	catūhi ganthehi ganthito lokasannivāsoti—
ps1.1:562.8	passantānaṁ …pe…
ps1.1:562.9	catūhi upādānehi upādīyati lokasannivāsoti—
ps1.1:562.10	passantānaṁ …pe…
ps1.1:562.11	pañcagatisamāruḷho lokasannivāsoti—
ps1.1:562.12	passantānaṁ …pe…
ps1.1:562.13	pañcahi kāmaguṇehi rajjati lokasannivāsoti—
ps1.1:562.14	passantānaṁ …pe…
ps1.1:562.15	pañcahi nīvaraṇehi otthaṭo lokasannivāsoti—
ps1.1:562.16	passantānaṁ …pe…
ps1.1:562.17	chahi vivādamūlehi vivadati lokasannivāsoti—
ps1.1:562.18	passantānaṁ …pe…
ps1.1:562.19	chahi taṇhākāyehi rajjati lokasannivāsoti—
ps1.1:562.20	passantānaṁ …pe…
ps1.1:562.21	chahi diṭṭhigatehi pariyuṭṭhito lokasannivāsoti—
ps1.1:562.22	passantānaṁ …pe…
ps1.1:562.23	sattahi anusayehi anusaṭo lokasannivāsoti—
ps1.1:562.24	passantānaṁ …pe…
ps1.1:562.25	sattahi saññojanehi saññutto lokasannivāsoti—
ps1.1:562.26	passantānaṁ …pe…
ps1.1:562.27	sattahi mānehi unnato lokasannivāsoti—
ps1.1:562.28	passantānaṁ …pe…
ps1.1:562.29	aṭṭhahi lokadhammehi samparivattati lokasannivāsoti—
ps1.1:562.30	passantānaṁ …pe…
ps1.1:562.31	aṭṭhahi micchattehi niyyāto lokasannivāsoti—
ps1.1:562.32	passantānaṁ …pe…
ps1.1:562.33	aṭṭhahi purisadosehi dussati lokasannivāsoti—
ps1.1:562.34	passantānaṁ …pe…
ps1.1:562.35	navahi āghātavatthūhi āghātito lokasannivāsoti—
ps1.1:562.36	passantānaṁ …pe…
ps1.1:562.37	navavidhamānehi unnato lokasannivāsoti—
ps1.1:562.38	passantānaṁ …pe…
ps1.1:562.39	navahi taṇhāmūlakehi dhammehi rajjati lokasannivāsoti—
ps1.1:562.40	passantānaṁ …pe…
ps1.1:562.41	dasahi kilesavatthūhi kilissati lokasannivāsoti—
ps1.1:562.42	passantānaṁ …pe…
ps1.1:562.43	dasahi āghātavatthūhi āghātito lokasannivāsoti—
ps1.1:562.44	passantānaṁ …pe…
ps1.1:562.45	dasahi akusalakammapathehi samannāgato lokasannivāsoti—
ps1.1:562.46	passantānaṁ …pe…
ps1.1:562.47	dasahi saññojanehi saññutto lokasannivāsoti—
ps1.1:562.48	passantānaṁ …pe…
ps1.1:562.49	dasahi micchattehi niyyāto lokasannivāsoti—
ps1.1:562.50	passantānaṁ …pe…
ps1.1:562.51	dasavatthukāya micchādiṭṭhiyā samannāgato lokasannivāsoti—
ps1.1:562.52	passantānaṁ …pe…
ps1.1:562.53	dasavatthukāya antaggāhikāya diṭṭhiyā samannāgato lokasannivāsoti—
ps1.1:562.54	passantānaṁ …pe…
ps1.1:562.55	aṭṭhasatataṇhāpapañcasatehi papañcito lokasannivāsoti—
ps1.1:562.56	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:562.57	Dvāsaṭṭhiyā diṭṭhigatehi pariyuṭṭhito lokasannivāsoti—
ps1.1:562.58	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:563.1	Ahañcamhi tiṇṇo, loko ca atiṇṇo ahañcamhi mutto, loko ca amutto;
ps1.1:563.2	ahañcamhi danto, loko ca adanto;
ps1.1:563.3	ahañcamhi santo, loko ca asanto;
ps1.1:563.4	ahañcamhi assattho, loko ca anassattho;
ps1.1:563.5	ahañcamhi parinibbuto, loko ca aparinibbuto;
ps1.1:563.6	pahomi khvāhaṁ tiṇṇo tāretuṁ, mutto mocetuṁ, danto dametuṁ, santo sametuṁ, assattho assāsetuṁ, parinibbuto pare ca parinibbāpetunti—
ps1.1:563.7	passantānaṁ buddhānaṁ bhagavantānaṁ sattesu mahākaruṇā okkamati.
ps1.1:563.8	Idaṁ tathāgatassa mahākaruṇāsamāpattiyā ñāṇaṁ.
ps1.1:563.9	Mahākaruṇāñāṇaniddeso ekasattatimo.
ps1.1:564.0	1.1.72–73 Sabbaññutañāṇaniddesa
ps1.1:564.1	Katamaṁ <b>tathāgatassa sabbaññutaññāṇaṁ?</b>
ps1.1:564.2	Sabbaṁ saṅkhatamasaṅkhataṁ anavasesaṁ jānātīti—
ps1.1:564.3	sabbaññutaññāṇaṁ.
ps1.1:564.4	Tattha āvaraṇaṁ natthīti—
ps1.1:564.5	anāvaraṇañāṇaṁ.
ps1.1:565.1	Atītaṁ sabbaṁ jānātīti—
ps1.1:565.2	sabbaññutaññāṇaṁ.
ps1.1:565.3	Tattha āvaraṇaṁ natthīti—
ps1.1:565.4	anāvaraṇañāṇaṁ.
ps1.1:565.5	Anāgataṁ sabbaṁ jānātīti—
ps1.1:565.6	sabbaññutaññāṇaṁ.
ps1.1:565.7	Tattha āvaraṇaṁ natthīti—
ps1.1:565.8	anāvaraṇañāṇaṁ.
ps1.1:565.9	Paccuppannaṁ sabbaṁ jānātīti—
ps1.1:565.10	sabbaññutaññāṇaṁ.
ps1.1:565.11	Tattha āvaraṇaṁ natthīti—
ps1.1:565.12	anāvaraṇañāṇaṁ.
ps1.1:566.1	Cakkhu ceva rūpā ca, evaṁ taṁ sabbaṁ jānātīti—
ps1.1:566.2	sabbaññutaññāṇaṁ.
ps1.1:566.3	Tattha āvaraṇaṁ natthīti—
ps1.1:566.4	anāvaraṇañāṇaṁ.
ps1.1:566.5	Sotañceva saddā ca …pe…
ps1.1:566.6	ghānañceva gandhā ca …
ps1.1:566.7	jivhā ceva rasā ca …
ps1.1:566.8	kāyo ceva phoṭṭhabbā ca …
ps1.1:566.9	mano ceva dhammā ca, evaṁ taṁ sabbaṁ jānātīti—
ps1.1:566.10	sabbaññutaññāṇaṁ.
ps1.1:566.11	Tattha āvaraṇaṁ natthīti—
ps1.1:566.12	anāvaraṇañāṇaṁ.
ps1.1:567.1	Yāvatā aniccaṭṭhaṁ dukkhaṭṭhaṁ anattaṭṭhaṁ, taṁ sabbaṁ jānātīti—
ps1.1:567.2	sabbaññutaññāṇaṁ.
ps1.1:567.3	Tattha āvaraṇaṁ natthīti—
ps1.1:567.4	anāvaraṇañāṇaṁ.
ps1.1:567.5	Yāvatā rūpassa aniccaṭṭhaṁ dukkhaṭṭhaṁ anattaṭṭhaṁ, taṁ sabbaṁ jānātīti—
ps1.1:567.6	sabbaññutaññāṇaṁ.
ps1.1:567.7	Tattha āvaraṇaṁ natthīti—
ps1.1:567.8	anāvaraṇañāṇaṁ.
ps1.1:567.9	Yāvatā vedanāya …pe…
ps1.1:567.10	yāvatā saññāya …pe…
ps1.1:567.11	yāvatā saṅkhārānaṁ …pe…
ps1.1:567.12	yāvatā viññāṇassa …pe…
ps1.1:567.13	yāvatā cakkhussa …pe…
ps1.1:567.14	jarāmaraṇassa aniccaṭṭhaṁ dukkhaṭṭhaṁ anattaṭṭhaṁ, taṁ sabbaṁ jānātīti—
ps1.1:567.15	sabbaññutaññāṇaṁ.
ps1.1:567.16	Tattha āvaraṇaṁ natthīti—
ps1.1:567.17	anāvaraṇañāṇaṁ.
ps1.1:568.1	Yāvatā abhiññāya abhiññaṭṭhaṁ, taṁ sabbaṁ jānātīti—
ps1.1:568.2	sabbaññutaññāṇaṁ.
ps1.1:568.3	Tattha āvaraṇaṁ natthīti—
ps1.1:568.4	anāvaraṇañāṇaṁ.
ps1.1:568.5	Yāvatā pariññāya pariññaṭṭhaṁ …pe…
ps1.1:568.6	yāvatā pahānassa pahānaṭṭhaṁ …pe…
ps1.1:568.7	yāvatā bhāvanāya bhāvanaṭṭhaṁ …pe…
ps1.1:568.8	yāvatā sacchikiriyāya sacchikiriyaṭṭhaṁ, taṁ sabbaṁ jānātīti—
ps1.1:568.9	sabbaññutaññāṇaṁ.
ps1.1:568.10	Tattha āvaraṇaṁ natthīti—
ps1.1:568.11	anāvaraṇañāṇaṁ.
ps1.1:569.1	Yāvatā khandhānaṁ khandhaṭṭhaṁ, taṁ sabbaṁ jānātīti—
ps1.1:569.2	sabbaññutaññāṇaṁ.
ps1.1:569.3	Tattha āvaraṇaṁ natthīti—
ps1.1:569.4	anāvaraṇañāṇaṁ.
ps1.1:569.5	Yāvatā dhātūnaṁ dhātuṭṭhaṁ …pe…
ps1.1:569.6	yāvatā āyatanānaṁ āyatanaṭṭhaṁ …pe…
ps1.1:569.7	yāvatā saṅkhatānaṁ saṅkhataṭṭhaṁ …pe…
ps1.1:569.8	yāvatā asaṅkhatassa asaṅkhataṭṭhaṁ, taṁ sabbaṁ jānātīti—
ps1.1:569.9	sabbaññutaññāṇaṁ.
ps1.1:569.10	Tattha āvaraṇaṁ natthīti—
ps1.1:569.11	anāvaraṇañāṇaṁ.
ps1.1:570.1	Yāvatā kusale dhamme, sabbaṁ jānātīti—
ps1.1:570.2	sabbaññutaññāṇaṁ.
ps1.1:570.3	Tattha āvaraṇaṁ natthīti—
ps1.1:570.4	anāvaraṇañāṇaṁ.
ps1.1:570.5	Yāvatā akusale dhamme …pe…
ps1.1:570.6	yāvatā abyākate dhamme …
ps1.1:570.7	yāvatā kāmāvacare dhamme …
ps1.1:570.8	yāvatā rūpāvacare dhamme …
ps1.1:570.9	yāvatā arūpāvacare dhamme …
ps1.1:570.10	yāvatā apariyāpanne dhamme, sabbaṁ jānātīti—
ps1.1:570.11	sabbaññutaññāṇaṁ.
ps1.1:570.12	Tattha āvaraṇaṁ natthīti—
ps1.1:570.13	anāvaraṇañāṇaṁ.
ps1.1:571.1	Yāvatā dukkhassa dukkhaṭṭhaṁ, taṁ sabbaṁ jānātīti—
ps1.1:571.2	sabbaññutaññāṇaṁ.
ps1.1:571.3	Tattha āvaraṇaṁ natthīti—
ps1.1:571.4	anāvaraṇañāṇaṁ.
ps1.1:571.5	Yāvatā samudayassa samudayaṭṭhaṁ …pe…
ps1.1:571.6	yāvatā nirodhassa nirodhaṭṭhaṁ …pe…
ps1.1:571.7	yāvatā maggassa maggaṭṭhaṁ, taṁ sabbaṁ jānātīti—
ps1.1:571.8	sabbaññutaññāṇaṁ.
ps1.1:571.9	Tattha āvaraṇaṁ natthīti—
ps1.1:571.10	anāvaraṇañāṇaṁ.
ps1.1:572.1	Yāvatā atthapaṭisambhidāya atthapaṭisambhidaṭṭhaṁ, taṁ sabbaṁ jānātīti—
ps1.1:572.2	sabbaññutaññāṇaṁ.
ps1.1:572.3	Tattha āvaraṇaṁ natthīti—
ps1.1:572.4	anāvaraṇañāṇaṁ.
ps1.1:572.5	Yāvatā dhammapaṭisambhidāya dhammapaṭisambhidaṭṭhaṁ …pe…
ps1.1:572.6	yāvatā niruttipaṭisambhidāya niruttipaṭisambhidaṭṭhaṁ …pe…
ps1.1:572.7	yāvatā paṭibhānapaṭisambhidāya paṭibhānapaṭisambhidaṭṭhaṁ, taṁ sabbaṁ jānātīti—
ps1.1:572.8	sabbaññutaññāṇaṁ.
ps1.1:572.9	Tattha āvaraṇaṁ natthīti—
ps1.1:572.10	anāvaraṇañāṇaṁ.
ps1.1:573.1	Yāvatā indriyaparopariyattañāṇaṁ, taṁ sabbaṁ jānātīti—
ps1.1:573.2	sabbaññutaññāṇaṁ.
ps1.1:573.3	Tattha āvaraṇaṁ natthīti—
ps1.1:573.4	anāvaraṇañāṇaṁ.
ps1.1:573.5	Yāvatā sattānaṁ āsayānusaye ñāṇaṁ …pe…
ps1.1:573.6	yāvatā yamakapāṭihīre ñāṇaṁ …pe…
ps1.1:573.7	yāvatā mahākaruṇāsamāpattiyā ñāṇaṁ, taṁ sabbaṁ jānātīti—
ps1.1:573.8	sabbaññutaññāṇaṁ.
ps1.1:573.9	Tattha āvaraṇaṁ natthīti—
ps1.1:573.10	anāvaraṇañāṇaṁ.
ps1.1:574.1	Yāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, taṁ sabbaṁ jānātīti—
ps1.1:574.2	sabbaññutaññāṇaṁ.
ps1.1:574.3	Tattha āvaraṇaṁ natthīti—
ps1.1:574.4	anāvaraṇañāṇaṁ.
ps1.1:575.1	Na tassa addiṭṭhamidhatthi kiñci,
ps1.1:575.2	Atho aviññātamajānitabbaṁ;
ps1.1:575.3	Sabbaṁ abhiññāsi yadatthi neyyaṁ,
ps1.1:575.4	Tathāgato tena samantacakkhūti.
ps1.1:576.1	<b>Samantacakkhū</b>ti kenaṭṭhena samantacakkhu?
ps1.1:576.2	Cuddasa buddhañāṇāni.
ps1.1:576.3	Dukkhe ñāṇaṁ buddhañāṇaṁ, dukkhasamudaye ñāṇaṁ buddhañāṇaṁ, dukkhanirodhe ñāṇaṁ buddhañāṇaṁ, dukkhanirodhagāminiyā paṭipadāya ñāṇaṁ buddhañāṇaṁ, atthapaṭisambhide ñāṇaṁ buddhañāṇaṁ, dhammapaṭisambhide ñāṇaṁ buddhañāṇaṁ, niruttipaṭisambhide ñāṇaṁ buddhañāṇaṁ, paṭibhānapaṭisambhide ñāṇaṁ buddhañāṇaṁ, indriyaparopariyattañāṇaṁ buddhañāṇaṁ, sattānaṁ āsayānusaye ñāṇaṁ buddhañāṇaṁ, yamakapāṭihīre ñāṇaṁ buddhañāṇaṁ, mahākaruṇāsamāpattiyā ñāṇaṁ buddhañāṇaṁ, sabbaññutaññāṇaṁ buddhañāṇaṁ, anāvaraṇañāṇaṁ buddhañāṇaṁ—
ps1.1:576.4	imāni cuddasa buddhañāṇāni.
ps1.1:576.5	Imesaṁ cuddasannaṁ buddhañāṇānaṁ aṭṭha ñāṇāni sāvakasādhāraṇāni;
ps1.1:576.6	cha ñāṇāni asādhāraṇāni sāvakehi.
ps1.1:577.1	Yāvatā dukkhassa dukkhaṭṭho, sabbo ñāto;
ps1.1:577.2	aññāto dukkhaṭṭho natthīti—
ps1.1:577.3	sabbaññutaññāṇaṁ.
ps1.1:577.4	Tattha āvaraṇaṁ natthīti—
ps1.1:577.5	anāvaraṇañāṇaṁ.
ps1.1:577.6	Yāvatā dukkhassa dukkhaṭṭho, sabbo ñāto, sabbo diṭṭho, sabbo vidito, sabbo sacchikato, sabbo phassito paññāya;
ps1.1:577.7	aphassito paññāya dukkhaṭṭho natthīti—
ps1.1:577.8	sabbaññutaññāṇaṁ.
ps1.1:577.9	Tattha āvaraṇaṁ natthīti—
ps1.1:577.10	anāvaraṇañāṇaṁ.
ps1.1:577.11	Yāvatā samudayassa samudayaṭṭho …
ps1.1:577.12	yāvatā nirodhassa nirodhaṭṭho …
ps1.1:577.13	yāvatā maggassa maggaṭṭho …pe…
ps1.1:577.14	yāvatā atthapaṭisambhidāya atthapaṭisambhidaṭṭho …
ps1.1:577.15	yāvatā dhammapaṭisambhidāya dhammapaṭisambhidaṭṭho …
ps1.1:577.16	yāvatā niruttipaṭisambhidāya niruttipaṭisambhidaṭṭho …
ps1.1:577.17	yāvatā paṭibhānapaṭisambhidāya paṭibhānapaṭisambhidaṭṭho, sabbo ñāto, sabbo diṭṭho, sabbo vidito, sabbo sacchikato, sabbo phassito paññāya;
ps1.1:577.18	aphassito paññāya paṭibhānapaṭisambhidaṭṭho natthīti—
ps1.1:577.19	sabbaññutaññāṇaṁ.
ps1.1:577.20	Tattha āvaraṇaṁ natthīti—
ps1.1:577.21	anāvaraṇañāṇaṁ.
ps1.1:578.1	Yāvatā indriyaparopariyattañāṇaṁ …
ps1.1:578.2	yāvatā sattānaṁ āsayānusaye ñāṇaṁ …
ps1.1:578.3	yāvatā yamakapāṭihīre ñāṇaṁ …
ps1.1:578.4	yāvatā mahākaruṇāsamāpattiyā ñāṇaṁ;
ps1.1:578.5	sabbaṁ ñātaṁ, sabbaṁ diṭṭhaṁ, sabbaṁ viditaṁ, sabbaṁ sacchikataṁ, sabbaṁ phassitaṁ paññāya;
ps1.1:578.6	aphassitaṁ paññāya mahākaruṇāsamāpattiyā ñāṇaṁ natthīti—
ps1.1:578.7	sabbaññutaññāṇaṁ.
ps1.1:578.8	Tattha āvaraṇaṁ natthīti—
ps1.1:578.9	anāvaraṇañāṇaṁ.
ps1.1:579.1	Yāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, sabbaṁ ñātaṁ, sabbaṁ diṭṭhaṁ, sabbaṁ viditaṁ, sabbaṁ sacchikataṁ, sabbaṁ phassitaṁ paññāya;
ps1.1:579.2	aphassitaṁ paññāya natthīti—
ps1.1:579.3	sabbaññutaññāṇaṁ.
ps1.1:579.4	Tattha āvaraṇaṁ natthīti—
ps1.1:579.5	anāvaraṇañāṇaṁ.
ps1.1:580.1	Na tassa addiṭṭhamidhatthi kiñci,
ps1.1:580.2	Atho aviññātamajānitabbaṁ;
ps1.1:580.3	Sabbaṁ abhiññāsi yadatthi neyyaṁ,
ps1.1:580.4	Tathāgato tena samantacakkhūti.
ps1.1:580.5	Ñāṇakathā niṭṭhitā.
ps1.2:0.1	Paṭisambhidāmagga
ps1.2:0.2	1 Mahāvagga
ps1.2:0.3	1.2. Diṭṭhikathā
ps1.2:1.1	Kā diṭṭhi, kati diṭṭhiṭṭhānāni, kati diṭṭhipariyuṭṭhānāni, kati diṭṭhiyo, kati diṭṭhābhinivesā, katamo diṭṭhiṭṭhānasamugghātoti?
ps1.2:2.1	<b>Kā diṭṭhī</b>ti abhinivesaparāmāso diṭṭhi.
ps1.2:3.1	<b>Kati diṭṭhiṭṭhānānī</b>ti aṭṭha diṭṭhiṭṭhānāni.
ps1.2:4.1	<b>Kati diṭṭhipariyuṭṭhānānī</b>ti aṭṭhārasa diṭṭhipariyuṭṭhānāni.
ps1.2:5.1	<b>Kati diṭṭhiyo</b>ti soḷasa diṭṭhiyo.
ps1.2:6.1	<b>Kati diṭṭhābhinivesā</b>ti tīṇi sataṁ diṭṭhābhinivesā.
ps1.2:7.1	<b>Katamo diṭṭhiṭṭhānasamugghāto</b>ti sotāpattimaggo diṭṭhiṭṭhānasamugghāto.
ps1.2:8.1	Kathaṁ <b>abhinivesaparāmāso diṭṭhi</b>?
ps1.2:8.2	Rūpaṁ etaṁ mama, esohamasmi, eso me attāti—
ps1.2:8.3	abhinivesaparāmāso diṭṭhi.
ps1.2:8.4	Vedanaṁ etaṁ mama …pe…
ps1.2:8.5	saññaṁ etaṁ mama …pe…
ps1.2:8.6	saṅkhāre etaṁ mama …pe…
ps1.2:8.7	viññāṇaṁ etaṁ mama, esohamasmi, eso me attāti—
ps1.2:8.8	abhinivesaparāmāso diṭṭhi.
ps1.2:8.9	Cakkhuṁ etaṁ mama …
ps1.2:8.10	sotaṁ etaṁ mama …
ps1.2:8.11	ghānaṁ etaṁ mama …
ps1.2:8.12	jivhaṁ etaṁ mama …
ps1.2:8.13	kāyaṁ etaṁ mama …
ps1.2:8.14	manaṁ etaṁ mama, esohamasmi, eso me attāti—
ps1.2:8.15	abhinivesaparāmāso diṭṭhi.
ps1.2:8.16	Rūpe etaṁ mama …
ps1.2:8.17	sadde etaṁ mama …
ps1.2:8.18	gandhe etaṁ mama …
ps1.2:8.19	rase etaṁ mama …
ps1.2:8.20	phoṭṭhabbe etaṁ mama …
ps1.2:8.21	dhamme etaṁ mama, esohamasmi, eso me attāti—
ps1.2:8.22	abhinivesaparāmāso diṭṭhi.
ps1.2:8.23	Cakkhuviññāṇaṁ etaṁ mama …
ps1.2:8.24	sotaviññāṇaṁ etaṁ mama …
ps1.2:8.25	ghānaviññāṇaṁ etaṁ mama …
ps1.2:8.26	jivhāviññāṇaṁ etaṁ mama …
ps1.2:8.27	kāyaviññāṇaṁ etaṁ mama …
ps1.2:8.28	manoviññāṇaṁ etaṁ mama, esohamasmi, eso me attāti—
ps1.2:8.29	abhinivesaparāmāso diṭṭhi.
ps1.2:8.30	Cakkhusamphassaṁ etaṁ mama …
ps1.2:8.31	sotasamphassaṁ etaṁ mama …
ps1.2:8.32	ghānasamphassaṁ etaṁ mama …
ps1.2:8.33	jivhāsamphassaṁ etaṁ mama …
ps1.2:8.34	kāyasamphassaṁ etaṁ mama …
ps1.2:8.35	manosamphassaṁ etaṁ mama, esohamasmi, eso me attāti—
ps1.2:8.36	abhinivesaparāmāso diṭṭhi.
ps1.2:8.37	Cakkhusamphassajaṁ vedanaṁ …
ps1.2:8.38	sotasamphassajaṁ vedanaṁ …
ps1.2:8.39	ghānasamphassajaṁ vedanaṁ …
ps1.2:8.40	jivhāsamphassajaṁ vedanaṁ …
ps1.2:8.41	kāyasamphassajaṁ vedanaṁ …
ps1.2:8.42	manosamphassajaṁ vedanaṁ etaṁ mama, esohamasmi, eso me attāti—
ps1.2:8.43	abhinivesaparāmāso diṭṭhi.
ps1.2:9.1	Rūpasaññaṁ etaṁ mama …
ps1.2:9.2	saddasaññaṁ etaṁ mama …
ps1.2:9.3	gandhasaññaṁ etaṁ mama …
ps1.2:9.4	rasasaññaṁ etaṁ mama …
ps1.2:9.5	phoṭṭhabbasaññaṁ etaṁ mama …
ps1.2:9.6	dhammasaññaṁ etaṁ mama, esohamasmi, eso me attāti—
ps1.2:9.7	abhinivesaparāmāso diṭṭhi.
ps1.2:9.8	Rūpasañcetanaṁ etaṁ mama …
ps1.2:9.9	saddasañcetanaṁ etaṁ mama …
ps1.2:9.10	gandhasañcetanaṁ etaṁ mama …
ps1.2:9.11	rasasañcetanaṁ etaṁ mama …
ps1.2:9.12	phoṭṭhabbasañcetanaṁ etaṁ mama …
ps1.2:9.13	dhammasañcetanaṁ etaṁ mama, esohamasmi, eso me attāti—
ps1.2:9.14	abhinivesaparāmāso diṭṭhi.
ps1.2:9.15	Rūpataṇhaṁ etaṁ mama …
ps1.2:9.16	saddataṇhaṁ etaṁ mama …
ps1.2:9.17	gandhataṇhaṁ etaṁ mama …
ps1.2:9.18	rasataṇhaṁ etaṁ mama …
ps1.2:9.19	phoṭṭhabbataṇhaṁ etaṁ mama …
ps1.2:9.20	dhammataṇhaṁ etaṁ mama, esohamasmi, eso me attāti—
ps1.2:9.21	abhinivesaparāmāso diṭṭhi.
ps1.2:9.22	Rūpavitakkaṁ etaṁ mama …
ps1.2:9.23	saddavitakkaṁ etaṁ mama …
ps1.2:9.24	gandhavitakkaṁ etaṁ mama …
ps1.2:9.25	rasavitakkaṁ etaṁ mama …
ps1.2:9.26	phoṭṭhabbavitakkaṁ etaṁ mama …
ps1.2:9.27	dhammavitakkaṁ etaṁ mama, esohamasmi, eso me attāti—
ps1.2:9.28	abhinivesaparāmāso diṭṭhi.
ps1.2:9.29	Rūpavicāraṁ etaṁ mama …
ps1.2:9.30	saddavicāraṁ etaṁ mama …
ps1.2:9.31	gandhavicāraṁ etaṁ mama …
ps1.2:9.32	rasavicāraṁ etaṁ mama …
ps1.2:9.33	phoṭṭhabbavicāraṁ etaṁ mama …
ps1.2:9.34	dhammavicāraṁ etaṁ mama, esohamasmi, eso me attāti—
ps1.2:9.35	abhinivesaparāmāso diṭṭhi.
ps1.2:10.1	Pathavīdhātuṁ etaṁ mama …
ps1.2:10.2	āpodhātuṁ etaṁ mama …
ps1.2:10.3	tejodhātuṁ etaṁ mama …
ps1.2:10.4	vāyodhātuṁ etaṁ mama …
ps1.2:10.5	ākāsadhātuṁ etaṁ mama …
ps1.2:10.6	viññāṇadhātuṁ etaṁ mama, esohamasmi, eso me attāti—
ps1.2:10.7	abhinivesaparāmāso diṭṭhi.
ps1.2:10.8	Pathavīkasiṇaṁ etaṁ mama …
ps1.2:10.9	āpokasiṇaṁ …
ps1.2:10.10	tejokasiṇaṁ …
ps1.2:10.11	vāyokasiṇaṁ …
ps1.2:10.12	nīlakasiṇaṁ …
ps1.2:10.13	pītakasiṇaṁ …
ps1.2:10.14	lohitakasiṇaṁ …
ps1.2:10.15	odātakasiṇaṁ …
ps1.2:10.16	ākāsakasiṇaṁ …
ps1.2:10.17	viññāṇakasiṇaṁ etaṁ mama, esohamasmi, eso me attāti—
ps1.2:10.18	abhinivesaparāmāso diṭṭhi.
ps1.2:11.1	Kesaṁ etaṁ mama …
ps1.2:11.2	lomaṁ etaṁ mama …
ps1.2:11.3	nakhaṁ etaṁ mama …
ps1.2:11.4	dantaṁ etaṁ mama …
ps1.2:11.5	tacaṁ etaṁ mama …
ps1.2:11.6	maṁsaṁ etaṁ mama …
ps1.2:11.7	nhāruṁ etaṁ mama …
ps1.2:11.8	aṭṭhiṁ etaṁ mama …
ps1.2:11.9	aṭṭhimiñjaṁ etaṁ mama …
ps1.2:11.10	vakkaṁ etaṁ mama …
ps1.2:11.11	hadayaṁ etaṁ mama …
ps1.2:11.12	yakanaṁ etaṁ mama …
ps1.2:11.13	kilomakaṁ etaṁ mama …
ps1.2:11.14	pihakaṁ etaṁ mama …
ps1.2:11.15	papphāsaṁ etaṁ mama …
ps1.2:11.16	antaṁ etaṁ mama …
ps1.2:11.17	antaguṇaṁ etaṁ mama …
ps1.2:11.18	udariyaṁ etaṁ mama …
ps1.2:11.19	karīsaṁ etaṁ mama …
ps1.2:11.20	pittaṁ etaṁ mama …
ps1.2:11.21	semhaṁ etaṁ mama …
ps1.2:11.22	pubbaṁ etaṁ mama …
ps1.2:11.23	lohitaṁ etaṁ mama …
ps1.2:11.24	sedaṁ etaṁ mama …
ps1.2:11.25	medaṁ etaṁ mama …
ps1.2:11.26	assuṁ etaṁ mama …
ps1.2:11.27	vasaṁ etaṁ mama …
ps1.2:11.28	kheḷaṁ etaṁ mama …
ps1.2:11.29	siṅghāṇikaṁ etaṁ mama …
ps1.2:11.30	lasikaṁ etaṁ mama …
ps1.2:11.31	muttaṁ etaṁ mama …
ps1.2:11.32	matthaluṅgaṁ etaṁ mama, esohamasmi, eso me attāti—
ps1.2:11.33	abhinivesaparāmāso diṭṭhi.
ps1.2:12.1	Cakkhāyatanaṁ etaṁ mama …
ps1.2:12.2	rūpāyatanaṁ etaṁ mama …
ps1.2:12.3	sotāyatanaṁ etaṁ mama …
ps1.2:12.4	saddāyatanaṁ etaṁ mama …
ps1.2:12.5	ghānāyatanaṁ etaṁ mama …
ps1.2:12.6	gandhāyatanaṁ etaṁ mama …
ps1.2:12.7	jivhāyatanaṁ etaṁ mama …
ps1.2:12.8	rasāyatanaṁ etaṁ mama …
ps1.2:12.9	kāyāyatanaṁ etaṁ mama …
ps1.2:12.10	phoṭṭhabbāyatanaṁ etaṁ mama …
ps1.2:12.11	manāyatanaṁ etaṁ mama …
ps1.2:12.12	dhammāyatanaṁ etaṁ mama.
ps1.2:13.1	Cakkhudhātuṁ etaṁ mama …
ps1.2:13.2	rūpadhātuṁ etaṁ mama …
ps1.2:13.3	cakkhuviññāṇadhātuṁ etaṁ mama …
ps1.2:13.4	sotadhātuṁ etaṁ mama …
ps1.2:13.5	saddadhātuṁ etaṁ mama …
ps1.2:13.6	sotaviññāṇadhātuṁ etaṁ mama …
ps1.2:13.7	ghānadhātuṁ etaṁ mama …
ps1.2:13.8	gandhadhātuṁ etaṁ mama …
ps1.2:13.9	ghānaviññāṇadhātuṁ etaṁ mama …
ps1.2:13.10	jivhādhātuṁ etaṁ mama …
ps1.2:13.11	rasadhātuṁ etaṁ mama …
ps1.2:13.12	jivhāviññāṇadhātuṁ etaṁ mama …
ps1.2:13.13	kāyadhātuṁ etaṁ mama …
ps1.2:13.14	phoṭṭhabbadhātuṁ etaṁ mama …
ps1.2:13.15	kāyaviññāṇadhātuṁ etaṁ mama …
ps1.2:13.16	manodhātuṁ etaṁ mama …
ps1.2:13.17	dhammadhātuṁ etaṁ mama …
ps1.2:13.18	manoviññāṇadhātuṁ etaṁ mama, esohamasmi, eso me attāti—
ps1.2:13.19	abhinivesaparāmāso diṭṭhi.
ps1.2:14.1	Cakkhundriyaṁ etaṁ mama …
ps1.2:14.2	sotindriyaṁ etaṁ mama …
ps1.2:14.3	ghānindriyaṁ etaṁ mama …
ps1.2:14.4	jivhindriyaṁ etaṁ mama …
ps1.2:14.5	kāyindriyaṁ etaṁ mama …
ps1.2:14.6	manindriyaṁ etaṁ mama …
ps1.2:14.7	jīvitindriyaṁ etaṁ mama …
ps1.2:14.8	itthindriyaṁ etaṁ mama …
ps1.2:14.9	purisindriyaṁ etaṁ mama …
ps1.2:14.10	sukhindriyaṁ etaṁ mama …
ps1.2:14.11	dukkhindriyaṁ etaṁ mama …
ps1.2:14.12	somanassindriyaṁ etaṁ mama …
ps1.2:14.13	domanassindriyaṁ etaṁ mama …
ps1.2:14.14	upekkhindriyaṁ etaṁ mama …
ps1.2:14.15	saddhindriyaṁ etaṁ mama …
ps1.2:14.16	vīriyindriyaṁ etaṁ mama …
ps1.2:14.17	satindriyaṁ etaṁ mama …
ps1.2:14.18	samādhindriyaṁ etaṁ mama …
ps1.2:14.19	paññindriyaṁ etaṁ mama, esohamasmi, eso me attāti—
ps1.2:14.20	abhinivesaparāmāso diṭṭhi.
ps1.2:15.1	Kāmadhātuṁ etaṁ mama …
ps1.2:15.2	rūpadhātuṁ etaṁ mama …
ps1.2:15.3	arūpadhātuṁ etaṁ mama …
ps1.2:15.4	kāmabhavaṁ etaṁ mama …
ps1.2:15.5	rūpabhavaṁ etaṁ mama …
ps1.2:15.6	arūpabhavaṁ etaṁ mama …
ps1.2:15.7	saññābhavaṁ etaṁ mama …
ps1.2:15.8	asaññābhavaṁ etaṁ mama …
ps1.2:15.9	nevasaññānāsaññābhavaṁ etaṁ mama …
ps1.2:15.10	ekavokārabhavaṁ etaṁ mama …
ps1.2:15.11	catuvokārabhavaṁ etaṁ mama …
ps1.2:15.12	pañcavokārabhavaṁ etaṁ mama …
ps1.2:15.13	paṭhamajjhānaṁ etaṁ mama …
ps1.2:15.14	dutiyajjhānaṁ etaṁ mama …
ps1.2:15.15	tatiyajjhānaṁ etaṁ mama …
ps1.2:15.16	catutthajjhānaṁ etaṁ mama …
ps1.2:15.17	mettaṁ cetovimuttiṁ etaṁ mama …
ps1.2:15.18	karuṇaṁ cetovimuttiṁ etaṁ mama …
ps1.2:15.19	muditaṁ cetovimuttiṁ etaṁ mama …
ps1.2:15.20	upekkhaṁ cetovimuttiṁ etaṁ mama …
ps1.2:15.21	ākāsānañcāyatanasamāpattiṁ etaṁ mama …
ps1.2:15.22	viññāṇañcāyatanasamāpattiṁ etaṁ mama …
ps1.2:15.23	ākiñcaññāyatanasamāpattiṁ etaṁ mama …
ps1.2:15.24	nevasaññānāsaññāyatanasamāpattiṁ etaṁ mama, esohamasmi, eso me attāti—
ps1.2:15.25	abhinivesaparāmāso diṭṭhi.
ps1.2:16.1	Avijjaṁ etaṁ mama …
ps1.2:16.2	saṅkhāre etaṁ mama …
ps1.2:16.3	viññāṇaṁ etaṁ mama …
ps1.2:16.4	nāmarūpaṁ etaṁ mama …
ps1.2:16.5	saḷāyatanaṁ etaṁ mama …
ps1.2:16.6	phassaṁ etaṁ mama …
ps1.2:16.7	vedanaṁ etaṁ mama …
ps1.2:16.8	taṇhaṁ etaṁ mama …
ps1.2:16.9	upādānaṁ etaṁ mama …
ps1.2:16.10	bhavaṁ etaṁ mama …
ps1.2:16.11	jātiṁ etaṁ mama …
ps1.2:16.12	jarāmaraṇaṁ etaṁ mama, esohamasmi, eso me attāti—
ps1.2:16.13	abhinivesaparāmāso diṭṭhi.
ps1.2:16.14	Evaṁ abhinivesaparāmāso diṭṭhi.
ps1.2:17.1	Katamāni <b>aṭṭha diṭṭhiṭṭhānāni?</b>
ps1.2:17.2	Khandhāpi diṭṭhiṭṭhānaṁ, avijjāpi diṭṭhiṭṭhānaṁ, phassopi diṭṭhiṭṭhānaṁ, saññāpi diṭṭhiṭṭhānaṁ, vitakkopi diṭṭhiṭṭhānaṁ, ayoniso manasikāropi diṭṭhiṭṭhānaṁ, pāpamittopi diṭṭhiṭṭhānaṁ, paratoghosopi diṭṭhiṭṭhānaṁ.
ps1.2:18.1	Khandhā hetu khandhā paccayo diṭṭhiṭṭhānaṁ upādāya samuṭṭhānaṭṭhena—
ps1.2:18.2	evaṁ khandhāpi diṭṭhiṭṭhānaṁ.
ps1.2:19.1	Avijjā hetu avijjā paccayo diṭṭhiṭṭhānaṁ upādāya samuṭṭhānaṭṭhena—
ps1.2:19.2	evaṁ avijjāpi diṭṭhiṭṭhānaṁ.
ps1.2:20.1	Phasso hetu phasso paccayo diṭṭhiṭṭhānaṁ upādāya samuṭṭhānaṭṭhena—
ps1.2:20.2	evaṁ phassopi diṭṭhiṭṭhānaṁ.
ps1.2:21.1	Saññā hetu saññā paccayo diṭṭhiṭṭhānaṁ upādāya samuṭṭhānaṭṭhena—
ps1.2:21.2	evaṁ saññāpi diṭṭhiṭṭhānaṁ.
ps1.2:22.1	Vitakko hetu vitakko paccayo diṭṭhiṭṭhānaṁ upādāya, samuṭṭhānaṭṭhena—
ps1.2:22.2	evaṁ vitakkopi diṭṭhiṭṭhānaṁ.
ps1.2:23.1	Ayoniso manasikāro hetu ayoniso manasikāro paccayo diṭṭhiṭṭhānaṁ upādāya samuṭṭhānaṭṭhena—
ps1.2:23.2	evaṁ ayoniso manasikāropi diṭṭhiṭṭhānaṁ.
ps1.2:24.1	Pāpamitto hetu pāpamitto paccayo diṭṭhiṭṭhānaṁ upādāya, samuṭṭhānaṭṭhena—
ps1.2:24.2	evaṁ pāpamittopi diṭṭhiṭṭhānaṁ.
ps1.2:25.1	Paratoghoso hetu paratoghoso paccayo diṭṭhiṭṭhānaṁ upādāya samuṭṭhānaṭṭhena—
ps1.2:25.2	evaṁ paratoghosopi diṭṭhiṭṭhānaṁ.
ps1.2:25.3	Imāni aṭṭha diṭṭhiṭṭhānāni.
ps1.2:26.1	Katamāni <b>aṭṭhārasa diṭṭhipariyuṭṭhānāni?</b>
ps1.2:26.2	Yā diṭṭhi diṭṭhigataṁ, diṭṭhigahanaṁ, diṭṭhikantāraṁ, diṭṭhivisūkaṁ, diṭṭhivipphanditaṁ, diṭṭhisaññojanaṁ, diṭṭhisallaṁ, diṭṭhisambādho, diṭṭhipalibodho, diṭṭhibandhanaṁ, diṭṭhipapāto, diṭṭhānusayo, diṭṭhisantāpo, diṭṭhipariḷāho, diṭṭhigantho, diṭṭhupādānaṁ, diṭṭhābhiniveso, diṭṭhiparāmāso—
ps1.2:26.3	imāni aṭṭhārasa diṭṭhipariyuṭṭhānāni.
ps1.2:27.1	Katamā <b>soḷasa diṭṭhiyo?</b>
ps1.2:27.2	Assādadiṭṭhi, attānudiṭṭhi, micchādiṭṭhi, sakkāyadiṭṭhi, sakkāyavatthukā sassatadiṭṭhi, sakkāyavatthukā ucchedadiṭṭhi, antaggāhikā diṭṭhi, pubbantānudiṭṭhi, aparantānudiṭṭhi, saññojanikā diṭṭhi, ahanti mānavinibandhā diṭṭhi, mamanti mānavinibandhā diṭṭhi, attavādapaṭisaṁyuttā diṭṭhi, lokavādapaṭisaṁyuttā diṭṭhi, bhavadiṭṭhi, vibhavadiṭṭhi—
ps1.2:27.3	imā soḷasa diṭṭhiyo.
ps1.2:28.1	Katame <b>tīṇi sataṁ diṭṭhābhinivesā?</b>
ps1.2:28.2	Assādadiṭṭhiyā katihākārehi abhiniveso hoti?
ps1.2:28.3	Attānudiṭṭhiyā katihākārehi abhiniveso hoti?
ps1.2:28.4	Micchādiṭṭhiyā katihākārehi abhiniveso hoti?
ps1.2:28.5	Sakkāyadiṭṭhiyā katihākārehi abhiniveso hoti?
ps1.2:28.6	Sakkāyavatthukāya sassatadiṭṭhiyā katihākārehi abhiniveso hoti?
ps1.2:28.7	Sakkāyavatthukāya ucchedadiṭṭhiyā katihākārehi abhiniveso hoti?
ps1.2:28.8	Antaggāhikāya diṭṭhiyā katihākārehi abhiniveso hoti?
ps1.2:28.9	Pubbantānudiṭṭhiyā katihākārehi abhiniveso hoti?
ps1.2:28.10	Aparantānudiṭṭhiyā katihākārehi abhiniveso hoti?
ps1.2:28.11	Saññojanikāya diṭṭhiyā katihākārehi abhiniveso hoti?
ps1.2:28.12	Ahanti mānavinibandhāya diṭṭhiyā katihākārehi abhiniveso hoti?
ps1.2:28.13	Mamanti mānavinibandhāya diṭṭhiyā katihākārehi abhiniveso hoti?
ps1.2:28.14	Attavādapaṭisaṁyuttāya diṭṭhiyā katihākārehi abhiniveso hoti?
ps1.2:28.15	Lokavādapaṭisaṁyuttāya diṭṭhiyā katihākārehi abhiniveso hoti?
ps1.2:28.16	Bhavadiṭṭhiyā katihākārehi abhiniveso hoti?
ps1.2:28.17	Vibhavadiṭṭhiyā katihākārehi abhiniveso hoti?
ps1.2:29.1	Assādadiṭṭhiyā pañcatiṁsāya ākārehi abhiniveso hoti.
ps1.2:29.2	Attānudiṭṭhiyā vīsatiyā ākārehi abhiniveso hoti.
ps1.2:29.3	Micchādiṭṭhiyā dasahākārehi abhiniveso hoti.
ps1.2:29.4	Sakkāyadiṭṭhiyā vīsatiyā ākārehi abhiniveso hoti.
ps1.2:29.5	Sakkāyavatthukāya sassatadiṭṭhiyā pannarasahi ākārehi abhiniveso hoti.
ps1.2:29.6	Sakkāyavatthukāya ucchedadiṭṭhiyā pañcahākārehi abhiniveso hoti.
ps1.2:29.7	Antaggāhikāya diṭṭhiyā paññāsāya ākārehi abhiniveso hoti.
ps1.2:29.8	Pubbantānudiṭṭhiyā aṭṭhārasahi ākārehi abhiniveso hoti.
ps1.2:29.9	Aparantānudiṭṭhiyā catucattālīsāya ākārehi abhiniveso hoti.
ps1.2:29.10	Saññojanikāya diṭṭhiyā aṭṭhārasahi ākārehi abhiniveso hoti.
ps1.2:29.11	Ahanti mānavinibandhāya diṭṭhiyā aṭṭhārasahi ākārehi abhiniveso hoti.
ps1.2:29.12	Mamanti mānavinibandhāya diṭṭhiyā aṭṭhārasahi ākārehi abhiniveso hoti.
ps1.2:29.13	Attavādapaṭisaṁyuttāya diṭṭhiyā vīsatiyā ākārehi abhiniveso hoti.
ps1.2:29.14	Lokavādapaṭisaṁyuttāya diṭṭhiyā aṭṭhahi ākārehi abhiniveso hoti.
ps1.2:29.15	Bhavadiṭṭhiyā ekena ākārena abhiniveso hoti.
ps1.2:29.16	Vibhavadiṭṭhiyā ekena ākārena abhiniveso hoti.
ps1.2:30.0	1.2.1. Assādadiṭṭhiniddesa
ps1.2:30.1	Assādadiṭṭhiyā katamehi pañcatiṁsāya ākārehi abhiniveso hoti?
ps1.2:30.2	Yaṁ rūpaṁ paṭicca uppajjati sukhaṁ somanassaṁ, ayaṁ rūpassa assādoti—
ps1.2:30.3	abhinivesaparāmāso diṭṭhi.
ps1.2:30.4	Diṭṭhi na assādo, assādo na diṭṭhi.
ps1.2:30.5	Aññā diṭṭhi, añño assādo.
ps1.2:30.6	Yā ca diṭṭhi yo ca assādo—
ps1.2:30.7	ayaṁ vuccati assādadiṭṭhi.
ps1.2:31.1	Assādadiṭṭhi micchādiṭṭhi diṭṭhivipatti.
ps1.2:31.2	Tāya diṭṭhivipattiyā samannāgato puggalo diṭṭhivipanno.
ps1.2:31.3	Diṭṭhivipanno puggalo na sevitabbo na bhajitabbo na payirupāsitabbo.
ps1.2:31.4	Taṁ kissa hetu?
ps1.2:31.5	Diṭṭhi hissa pāpikā.
ps1.2:31.6	Yo diṭṭhiyā rāgo, so na diṭṭhi.
ps1.2:31.7	Diṭṭhi na rāgo.
ps1.2:31.8	Aññā diṭṭhi, añño rāgo.
ps1.2:31.9	Yā ca diṭṭhi yo ca rāgo—
ps1.2:31.10	ayaṁ vuccati diṭṭhirāgo.
ps1.2:31.11	Tāya ca diṭṭhiyā tena ca rāgena samannāgato puggalo diṭṭhirāgaratto.
ps1.2:31.12	Diṭṭhirāgaratte puggale dinnaṁ dānaṁ na mahapphalaṁ hoti na mahānisaṁsaṁ.
ps1.2:31.13	Taṁ kissa hetu?
ps1.2:31.14	Diṭṭhi hissa pāpikā assādadiṭṭhi micchādiṭṭhi.
ps1.2:32.1	Micchādiṭṭhikassa purisapuggalassa dveva gatiyo—
ps1.2:32.2	nirayo vā tiracchānayoni vā.
ps1.2:32.3	Micchādiṭṭhikassa purisapuggalassa yañceva kāyakammaṁ yathādiṭṭhi samattaṁ samādinnaṁ, yañca vacīkammaṁ …pe…
ps1.2:32.4	yañca manokammaṁ yathādiṭṭhi samattaṁ samādinnaṁ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṁvattanti.
ps1.2:32.5	Taṁ kissa hetu?
ps1.2:32.6	Diṭṭhi hissa pāpikā.
ps1.2:32.7	Seyyathāpi nimbabījaṁ vā kosātakībījaṁ vā tittakālābubījaṁ vā allāya pathaviyā nikkhittaṁ yaṁ ceva pathavirasaṁ upādiyati, yañca āporasaṁ upādiyati, sabbaṁ taṁ tittakattāya kaṭukattāya asātattāya saṁvattati.
ps1.2:32.8	Taṁ kissa hetu?
ps1.2:32.9	Bījaṁ hissa pāpikaṁ.
ps1.2:32.10	Evamevaṁ micchādiṭṭhikassa purisapuggalassa yañceva kāyakammaṁ yathādiṭṭhi samattaṁ samādinnaṁ, yañca vacīkammaṁ …pe…
ps1.2:32.11	yañca manokammaṁ yathādiṭṭhi samattaṁ samādinnaṁ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṁvattanti.
ps1.2:32.12	Taṁ kissa hetu?
ps1.2:32.13	Diṭṭhi hissa pāpikā assādadiṭṭhi micchādiṭṭhi.
ps1.2:33.1	Micchādiṭṭhi diṭṭhigataṁ, diṭṭhigahanaṁ, diṭṭhikantāraṁ, diṭṭhivisūkaṁ, diṭṭhivipphanditaṁ, diṭṭhisaññojanaṁ, diṭṭhisallaṁ, diṭṭhisambādho, diṭṭhipalibodho, diṭṭhibandhanaṁ, diṭṭhipapāto, diṭṭhānusayo, diṭṭhisantāpo, diṭṭhipariḷāho, diṭṭhigantho, diṭṭhupādānaṁ, diṭṭhābhiniveso, diṭṭhiparāmāso—
ps1.2:33.2	imehi aṭṭhārasahi ākārehi pariyuṭṭhitacittassa saññogo.
ps1.2:34.1	Atthi saññojanāni ceva diṭṭhiyo ca, atthi saññojanāni na ca diṭṭhiyo.
ps1.2:35.1	Katamāni saññojanāni ceva diṭṭhiyo ca?
ps1.2:35.2	Sakkāyadiṭṭhi, sīlabbataparāmāso—
ps1.2:35.3	imāni saññojanāni ceva diṭṭhiyo ca.
ps1.2:36.1	Katamāni saññojanāni, na ca diṭṭhiyo?
ps1.2:36.2	Kāmarāgasaññojanaṁ, paṭighasaññojanaṁ, mānasaññojanaṁ, vicikicchāsaññojanaṁ, bhavarāgasaññojanaṁ, issāsaññojanaṁ, macchariyasaññojanaṁ, anunayasaññojanaṁ, avijjāsaññojanaṁ—
ps1.2:36.3	imāni saññojanāni, na ca diṭṭhiyo.
ps1.2:37.1	Yaṁ vedanaṁ paṭicca …pe…
ps1.2:37.2	yaṁ saññaṁ paṭicca …pe…
ps1.2:37.3	yaṁ saṅkhāre paṭicca …pe…
ps1.2:37.4	yaṁ viññāṇaṁ paṭicca …
ps1.2:37.5	yaṁ cakkhuṁ paṭicca …
ps1.2:37.6	yaṁ sotaṁ paṭicca …
ps1.2:37.7	yaṁ ghānaṁ paṭicca …
ps1.2:37.8	yaṁ jivhaṁ paṭicca …
ps1.2:37.9	yaṁ kāyaṁ paṭicca …
ps1.2:37.10	yaṁ manaṁ paṭicca …
ps1.2:37.11	yaṁ rūpe paṭicca …
ps1.2:37.12	yaṁ sadde paṭicca …
ps1.2:37.13	yaṁ gandhe paṭicca …
ps1.2:37.14	yaṁ rase paṭicca …
ps1.2:37.15	yaṁ phoṭṭhabbe paṭicca …
ps1.2:37.16	yaṁ dhamme paṭicca …
ps1.2:37.17	yaṁ cakkhuviññāṇaṁ paṭicca …
ps1.2:37.18	yaṁ sotaviññāṇaṁ paṭicca …
ps1.2:37.19	yaṁ ghānaviññāṇaṁ paṭicca …
ps1.2:37.20	yaṁ jivhāviññāṇaṁ paṭicca …
ps1.2:37.21	yaṁ kāyaviññāṇaṁ paṭicca …
ps1.2:37.22	yaṁ manoviññāṇaṁ paṭicca …
ps1.2:37.23	yaṁ cakkhusamphassaṁ paṭicca …
ps1.2:37.24	yaṁ sotasamphassaṁ paṭicca …
ps1.2:37.25	yaṁ ghānasamphassaṁ paṭicca …
ps1.2:37.26	yaṁ jivhāsamphassaṁ paṭicca …
ps1.2:37.27	yaṁ kāyasamphassaṁ paṭicca …
ps1.2:37.28	yaṁ manosamphassaṁ paṭicca …
ps1.2:37.29	yaṁ cakkhusamphassajaṁ vedanaṁ paṭicca …
ps1.2:37.30	yaṁ sotasamphassajaṁ vedanaṁ paṭicca …
ps1.2:37.31	yaṁ ghānasamphassajaṁ vedanaṁ paṭicca …
ps1.2:37.32	yaṁ jivhāsamphassajaṁ vedanaṁ paṭicca …
ps1.2:37.33	yaṁ kāyasamphassajaṁ vedanaṁ paṭicca …
ps1.2:37.34	yaṁ manosamphassajaṁ vedanaṁ paṭicca uppajjati sukhaṁ somanassaṁ, ayaṁ manosamphassajāya vedanāya assādoti—
ps1.2:37.35	abhinivesaparāmāso diṭṭhi.
ps1.2:37.36	Diṭṭhi na assādo, assādo na diṭṭhi.
ps1.2:37.37	Aññā diṭṭhi, añño assādo.
ps1.2:37.38	Yā ca diṭṭhi yo ca assādo—
ps1.2:37.39	ayaṁ vuccati assādadiṭṭhi.
ps1.2:38.1	Assādadiṭṭhi micchādiṭṭhi diṭṭhivipatti.
ps1.2:38.2	Tāya diṭṭhivipattiyā samannāgato puggalo diṭṭhivipanno.
ps1.2:38.3	Diṭṭhivipanno puggalo na sevitabbo na bhajitabbo na payirupāsitabbo.
ps1.2:38.4	Taṁ kissa hetu?
ps1.2:38.5	Diṭṭhi hissa pāpikā.
ps1.2:38.6	Yo diṭṭhiyā rāgo, so na diṭṭhi.
ps1.2:38.7	Diṭṭhi na rāgo.
ps1.2:38.8	Aññā diṭṭhi, añño rāgo.
ps1.2:38.9	Yā ca diṭṭhi yo ca rāgo, ayaṁ vuccati diṭṭhirāgo.
ps1.2:38.10	Tāya ca diṭṭhiyā tena ca rāgena samannāgato puggalo diṭṭhirāgaratto.
ps1.2:38.11	Diṭṭhirāgaratte puggale dinnaṁ dānaṁ na mahapphalaṁ hoti na mahānisaṁsaṁ.
ps1.2:38.12	Taṁ kissa hetu?
ps1.2:38.13	Diṭṭhi hissa pāpikā assādadiṭṭhi micchādiṭṭhi.
ps1.2:39.1	Micchādiṭṭhikassa purisapuggalassa dveva gatiyo—
ps1.2:39.2	nirayo vā tiracchānayoni vā.
ps1.2:39.3	Micchādiṭṭhikassa purisapuggalassa yañceva kāyakammaṁ yathādiṭṭhi samattaṁ samādinnaṁ, yañca vacīkammaṁ …pe…
ps1.2:39.4	yañca manokammaṁ yathādiṭṭhi samattaṁ samādinnaṁ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṁvattanti.
ps1.2:39.5	Taṁ kissa hetu?
ps1.2:39.6	Diṭṭhi hissa pāpikā.
ps1.2:39.7	Seyyathāpi nimbabījaṁ vā kosātakībījaṁ vā tittakālābubījaṁ vā allāya pathaviyā nikkhittaṁ yañceva pathavirasaṁ upādiyati yañca āporasaṁ upādiyati, sabbaṁ taṁ tittakattāya kaṭukattāya asātattāya saṁvattati.
ps1.2:39.8	Taṁ kissa hetu?
ps1.2:39.9	Bījaṁ hissa pāpikaṁ.
ps1.2:39.10	Evamevaṁ micchādiṭṭhikassa purisapuggalassa yañceva kāyakammaṁ yathādiṭṭhi samattaṁ samādinnaṁ yañca vacīkammaṁ …pe…
ps1.2:39.11	yañca manokammaṁ yathādiṭṭhi samattaṁ samādinnaṁ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṁvattanti.
ps1.2:39.12	Taṁ kissa hetu?
ps1.2:39.13	Diṭṭhi hissa pāpikā assādadiṭṭhi micchādiṭṭhi.
ps1.2:40.1	Micchādiṭṭhi diṭṭhigataṁ diṭṭhigahanaṁ …pe…
ps1.2:40.2	diṭṭhābhiniveso diṭṭhiparāmāso—
ps1.2:40.3	imehi aṭṭhārasahi ākārehi pariyuṭṭhitacittassa saññogo.
ps1.2:41.1	Atthi saññojanāni ceva diṭṭhiyo ca, atthi saññojanāni na ca diṭṭhiyo.
ps1.2:41.2	Katamāni saññojanāni ceva diṭṭhiyo ca?
ps1.2:41.3	Sakkāyadiṭṭhi, sīlabbataparāmāso—
ps1.2:41.4	imāni saññojanāni ceva diṭṭhiyo ca.
ps1.2:41.5	Katamāni saññojanāni, na ca diṭṭhiyo?
ps1.2:41.6	Kāmarāgasaññojanaṁ, paṭighasaññojanaṁ, mānasaññojanaṁ, vicikicchāsaññojanaṁ, bhavarāgasaññojanaṁ, issāsaññojanaṁ, macchariyasaññojanaṁ, anunayasaññojanaṁ, avijjāsaññojanaṁ—
ps1.2:41.7	imāni saññojanāni, na ca diṭṭhiyo.
ps1.2:41.8	Assādadiṭṭhiyā imehi pañcatiṁsāya ākārehi abhiniveso hoti.
ps1.2:41.9	Assādadiṭṭhiniddeso paṭhamo.
ps1.2:42.0	1.2.2. Attānudiṭṭhiniddesa
ps1.2:42.1	Attānudiṭṭhiyā katamehi vīsatiyā ākārehi abhiniveso hoti?
ps1.2:42.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati rūpavantaṁ vā attānaṁ attani vā rūpaṁ rūpasmiṁ vā attānaṁ;
ps1.2:42.3	vedanaṁ …pe…
ps1.2:42.4	saññaṁ …pe…
ps1.2:42.5	saṅkhāre …pe…
ps1.2:42.6	viññāṇaṁ attato samanupassati viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ.
ps1.2:43.1	Kathaṁ <b>rūpaṁ attato samanupassati?</b>
ps1.2:43.2	Idhekacco pathavīkasiṇaṁ attato samanupassati—
ps1.2:43.3	“yaṁ pathavīkasiṇaṁ, so ahaṁ;
ps1.2:43.4	yo ahaṁ, taṁ pathavīkasiṇan”ti.
ps1.2:43.5	Pathavīkasiṇañca attañca advayaṁ samanupassati.
ps1.2:43.6	Seyyathāpi telappadīpassa jhāyato “yā acci so vaṇṇo, yo vaṇṇo sā accī”ti—
ps1.2:43.7	acciñca vaṇṇañca advayaṁ samanupassati.
ps1.2:43.8	Evamevaṁ idhekacco pathavīkasiṇaṁ attato samanupassati—
ps1.2:43.9	“yaṁ pathavīkasiṇaṁ, so ahaṁ;
ps1.2:43.10	yo ahaṁ, taṁ pathavīkasiṇan”ti.
ps1.2:43.11	Pathavīkasiṇañca attañca advayaṁ samanupassati.
ps1.2:43.12	Abhinivesaparāmāso diṭṭhi.
ps1.2:43.13	Diṭṭhi na vatthu, vatthu na diṭṭhi.
ps1.2:43.14	Aññā diṭṭhi, aññaṁ vatthu.
ps1.2:43.15	Yā ca diṭṭhi yañca vatthu—
ps1.2:43.16	ayaṁ paṭhamā rūpavatthukā attānudiṭṭhi.
ps1.2:43.17	Attānudiṭṭhi micchādiṭṭhi diṭṭhivipatti …pe…
ps1.2:43.18	attānudiṭṭhi micchādiṭṭhi.
ps1.2:43.19	Micchādiṭṭhikassa purisapuggalassa dveva gatiyo …pe…
ps1.2:43.20	imāni saññojanāni, na ca diṭṭhiyo.
ps1.2:44.1	Idhekacco āpokasiṇaṁ …
ps1.2:44.2	tejokasiṇaṁ …
ps1.2:44.3	vāyokasiṇaṁ …
ps1.2:44.4	nīlakasiṇaṁ …
ps1.2:44.5	pītakasiṇaṁ …
ps1.2:44.6	lohitakasiṇaṁ …
ps1.2:44.7	odātakasiṇaṁ attato samanupassati—
ps1.2:44.8	“yaṁ odātakasiṇaṁ, so ahaṁ;
ps1.2:44.9	yo ahaṁ, taṁ odātakasiṇan”ti.
ps1.2:44.10	Odātakasiṇañca attañca advayaṁ samanupassati.
ps1.2:44.11	Seyyathāpi telappadīpassa jhāyato “yā acci, so vaṇṇo;
ps1.2:44.12	yo vaṇṇo, sā accī”ti—
ps1.2:44.13	acciñca vaṇṇañca advayaṁ samanupassati.
ps1.2:44.14	Evamevaṁ idhekacco …pe…
ps1.2:44.15	odātakasiṇañca attañca advayaṁ samanupassati.
ps1.2:44.16	Abhinivesaparāmāso diṭṭhi.
ps1.2:44.17	Diṭṭhi na vatthu, vatthu na diṭṭhi.
ps1.2:44.18	Aññā diṭṭhi, aññaṁ vatthu.
ps1.2:44.19	Yā ca diṭṭhi yañca vatthu—
ps1.2:44.20	ayaṁ paṭhamā rūpavatthukā attānudiṭṭhi.
ps1.2:44.21	Attānudiṭṭhi micchādiṭṭhi diṭṭhivipatti …pe…
ps1.2:44.22	imāni saññojanāni, na ca diṭṭhiyo.
ps1.2:44.23	Evaṁ rūpaṁ attato samanupassati.
ps1.2:45.1	Kathaṁ <b>rūpavantaṁ attānaṁ samanupassati?</b>
ps1.2:45.2	Idhekacco vedanaṁ …
ps1.2:45.3	saññaṁ …
ps1.2:45.4	saṅkhāre …
ps1.2:45.5	viññāṇaṁ attato samanupassati.
ps1.2:45.6	Tassa evaṁ hoti—
ps1.2:45.7	“ayaṁ kho me attā.
ps1.2:45.8	So kho pana me ayaṁ attā iminā rūpena rūpavā”ti.
ps1.2:45.9	Rūpavantaṁ attānaṁ samanupassati.
ps1.2:45.10	Seyyathāpi rukkho chāyāsampanno assa.
ps1.2:45.11	Tamenaṁ puriso evaṁ vadeyya—
ps1.2:45.12	“ayaṁ rukkho, ayaṁ chāyā.
ps1.2:45.13	Añño rukkho, aññā chāyā.
ps1.2:45.14	So kho panāyaṁ rukkho imāya chāyāya chāyāvā”ti.
ps1.2:45.15	Chāyāvantaṁ rukkhaṁ samanupassati.
ps1.2:45.16	Evamevaṁ idhekacco vedanaṁ …
ps1.2:45.17	saññaṁ …
ps1.2:45.18	saṅkhāre …
ps1.2:45.19	viññāṇaṁ attato samanupassati.
ps1.2:45.20	Tassa evaṁ hoti—
ps1.2:45.21	“ayaṁ kho me attā.
ps1.2:45.22	So kho pana ayaṁ attā iminā rūpena rūpavā”ti.
ps1.2:45.23	Rūpavantaṁ attānaṁ samanupassati.
ps1.2:45.24	Abhinivesaparāmāso diṭṭhi.
ps1.2:45.25	Diṭṭhi na vatthu, vatthu na diṭṭhi.
ps1.2:45.26	Aññā diṭṭhi, aññaṁ vatthu.
ps1.2:45.27	Yā ca diṭṭhi yañca vatthu—
ps1.2:45.28	ayaṁ dutiyā rūpavatthukā attānudiṭṭhi.
ps1.2:45.29	Attānudiṭṭhi micchādiṭṭhi diṭṭhivipatti …pe…
ps1.2:45.30	imāni saññojanāni, na ca diṭṭhiyo.
ps1.2:45.31	Evaṁ rūpavantaṁ attānaṁ samanupassati.
ps1.2:46.1	Kathaṁ <b>attani rūpaṁ samanupassati?</b>
ps1.2:46.2	Idhekacco vedanaṁ …
ps1.2:46.3	saññaṁ …
ps1.2:46.4	saṅkhāre …
ps1.2:46.5	viññāṇaṁ attato samanupassati.
ps1.2:46.6	Tassa evaṁ hoti—
ps1.2:46.7	“ayaṁ kho me attā.
ps1.2:46.8	Imasmiñca pana attani idaṁ rūpan”ti.
ps1.2:46.9	Attani rūpaṁ samanupassati.
ps1.2:46.10	Seyyathāpi pupphaṁ gandhasampannaṁ assa.
ps1.2:46.11	Tamenaṁ puriso evaṁ vadeyya—
ps1.2:46.12	“idaṁ pupphaṁ, ayaṁ gandho;
ps1.2:46.13	aññaṁ pupphaṁ, añño gandho.
ps1.2:46.14	So kho panāyaṁ gandho imasmiṁ pupphe”ti.
ps1.2:46.15	Pupphasmiṁ gandhaṁ samanupassati.
ps1.2:46.16	Evamevaṁ idhekacco vedanaṁ …
ps1.2:46.17	saññaṁ …
ps1.2:46.18	saṅkhāre …
ps1.2:46.19	viññāṇaṁ attato samanupassati.
ps1.2:46.20	Tassa evaṁ hoti—
ps1.2:46.21	“ayaṁ kho me attā.
ps1.2:46.22	Imasmiñca pana attani idaṁ rūpan”ti.
ps1.2:46.23	Attani rūpaṁ samanupassati.
ps1.2:46.24	Abhinivesaparāmāso diṭṭhi.
ps1.2:46.25	Diṭṭhi na vatthu, vatthu na diṭṭhi.
ps1.2:46.26	Aññā diṭṭhi, aññaṁ vatthu.
ps1.2:46.27	Yā ca diṭṭhi yañca vatthu—
ps1.2:46.28	ayaṁ tatiyā rūpavatthukā attānudiṭṭhi.
ps1.2:46.29	Attānudiṭṭhi micchādiṭṭhi diṭṭhivipatti …pe…
ps1.2:46.30	imāni saññojanāni, na ca diṭṭhiyo.
ps1.2:46.31	Evaṁ attani rūpaṁ samanupassati.
ps1.2:47.1	Kathaṁ <b>rūpasmiṁ attānaṁ samanupassati?</b>
ps1.2:47.2	Idhekacco vedanaṁ …
ps1.2:47.3	saññaṁ …
ps1.2:47.4	saṅkhāre …
ps1.2:47.5	viññāṇaṁ attato samanupassati.
ps1.2:47.6	Tassa evaṁ hoti—
ps1.2:47.7	“ayaṁ kho me attā.
ps1.2:47.8	So kho pana me ayaṁ attā imasmiṁ rūpe”ti.
ps1.2:47.9	Rūpasmiṁ attānaṁ samanupassati.
ps1.2:47.10	Seyyathāpi maṇi karaṇḍake pakkhitto assa.
ps1.2:47.11	Tamenaṁ puriso evaṁ vadeyya—
ps1.2:47.12	“ayaṁ maṇi, ayaṁ karaṇḍako.
ps1.2:47.13	Añño maṇi, añño karaṇḍako.
ps1.2:47.14	So kho panāyaṁ maṇi imasmiṁ karaṇḍake”ti.
ps1.2:47.15	Karaṇḍakasmiṁ maṇiṁ samanupassati.
ps1.2:47.16	Evamevaṁ idhekacco vedanaṁ …
ps1.2:47.17	saññaṁ …
ps1.2:47.18	saṅkhāre …
ps1.2:47.19	viññāṇaṁ attato samanupassati.
ps1.2:47.20	Tassa evaṁ hoti—
ps1.2:47.21	“ayaṁ kho me attā.
ps1.2:47.22	So kho pana me ayaṁ attā imasmiṁ rūpe”ti.
ps1.2:47.23	Rūpasmiṁ attānaṁ samanupassati.
ps1.2:47.24	Abhinivesaparāmāso diṭṭhi.
ps1.2:47.25	Diṭṭhi na vatthu, vatthu na diṭṭhi.
ps1.2:47.26	Aññā diṭṭhi, aññaṁ vatthu.
ps1.2:47.27	Yā ca diṭṭhi yañca vatthu—
ps1.2:47.28	ayaṁ catutthā rūpavatthukā attānudiṭṭhi.
ps1.2:47.29	Attānudiṭṭhi micchādiṭṭhi diṭṭhivipatti …pe…
ps1.2:47.30	imāni saññojanāni, na ca diṭṭhiyo.
ps1.2:47.31	Evaṁ rūpasmiṁ attānaṁ samanupassati.
ps1.2:48.1	Kathaṁ <b>vedanaṁ attato samanupassati?</b>
ps1.2:48.2	Idhekacco cakkhusamphassajaṁ vedanaṁ sotasamphassajaṁ vedanaṁ ghānasamphassajaṁ vedanaṁ jivhāsamphassajaṁ vedanaṁ kāyasamphassajaṁ vedanaṁ manosamphassajaṁ vedanaṁ attato samanupassati.
ps1.2:48.3	“Yā manosamphassajā vedanā so ahaṁ, yo ahaṁ sā manosamphassajā vedanā”ti—
ps1.2:48.4	manosamphassajaṁ vedanañca attañca advayaṁ samanupassati.
ps1.2:48.5	Seyyathāpi telappadīpassa jhāyato “yā acci so vaṇṇo, yo vaṇṇo sā accī”ti—
ps1.2:48.6	acciñca vaṇṇañca advayaṁ samanupassati.
ps1.2:48.7	Evamevaṁ idhekacco manosamphassajaṁ vedanaṁ attato samanupassati.
ps1.2:48.8	“Yā manosamphassajā vedanā so ahaṁ, yo ahaṁ sā manosamphassajā vedanā”ti—
ps1.2:48.9	manosamphassajaṁ vedanañca attañca advayaṁ samanupassati.
ps1.2:48.10	Abhinivesaparāmāso diṭṭhi.
ps1.2:48.11	Diṭṭhi na vatthu, vatthu na diṭṭhi.
ps1.2:48.12	Aññā diṭṭhi, aññaṁ vatthu.
ps1.2:48.13	Yā ca diṭṭhi yañca vatthu—
ps1.2:48.14	ayaṁ paṭhamā vedanāvatthukā attānudiṭṭhi.
ps1.2:48.15	Attānudiṭṭhi micchādiṭṭhi diṭṭhivipatti …pe…
ps1.2:48.16	imāni saññojanāni, na ca diṭṭhiyo.
ps1.2:48.17	Evaṁ vedanaṁ attato samanupassati.
ps1.2:49.1	Kathaṁ <b>vedanāvantaṁ attānaṁ samanupassati?</b>
ps1.2:49.2	Idhekacco saññaṁ …
ps1.2:49.3	saṅkhāre …
ps1.2:49.4	viññāṇaṁ …
ps1.2:49.5	rūpaṁ attato samanupassati.
ps1.2:49.6	Tassa evaṁ hoti—
ps1.2:49.7	“ayaṁ kho me attā.
ps1.2:49.8	So kho pana me ayaṁ attā imāya vedanāya vedanāvā”ti.
ps1.2:49.9	Vedanāvantaṁ attānaṁ samanupassati.
ps1.2:49.10	Seyyathāpi rukkho chāyāsampanno assa.
ps1.2:49.11	Tamenaṁ puriso evaṁ vadeyya—
ps1.2:49.12	“ayaṁ rukkho, ayaṁ chāyā.
ps1.2:49.13	Añño rukkho, aññā chāyā.
ps1.2:49.14	So kho panāyaṁ rukkho imāya chāyāya chāyāvā”ti.
ps1.2:49.15	Chāyāvantaṁ rukkhaṁ samanupassati.
ps1.2:49.16	Evamevaṁ idhekacco saññaṁ …
ps1.2:49.17	saṅkhāre …
ps1.2:49.18	viññāṇaṁ …
ps1.2:49.19	rūpaṁ attato samanupassati.
ps1.2:49.20	Tassa evaṁ hoti—
ps1.2:49.21	“ayaṁ kho me attā.
ps1.2:49.22	So kho pana me ayaṁ attā imāya vedanāya vedanāvā”ti.
ps1.2:49.23	Vedanāvantaṁ attānaṁ samanupassati.
ps1.2:49.24	Abhinivesaparāmāso diṭṭhi.
ps1.2:49.25	Diṭṭhi na vatthu, vatthu na diṭṭhi.
ps1.2:49.26	Aññā diṭṭhi, aññaṁ vatthu.
ps1.2:49.27	Yā ca diṭṭhi yañca vatthu—
ps1.2:49.28	ayaṁ dutiyā vedanāvatthukā attānudiṭṭhi.
ps1.2:49.29	Attānudiṭṭhi micchādiṭṭhi diṭṭhivipatti …pe…
ps1.2:49.30	imāni saññojanāni, na ca diṭṭhiyo.
ps1.2:49.31	Evaṁ vedanāvantaṁ attānaṁ samanupassati.
ps1.2:50.1	Kathaṁ <b>attani vedanaṁ samanupassati?</b>
ps1.2:50.2	Idhekacco saññaṁ …
ps1.2:50.3	saṅkhāre …
ps1.2:50.4	viññāṇaṁ …
ps1.2:50.5	rūpaṁ attato samanupassati.
ps1.2:50.6	Tassa evaṁ hoti—
ps1.2:50.7	“ayaṁ kho me attā.
ps1.2:50.8	Imasmiñca pana attani ayaṁ vedanā”ti.
ps1.2:50.9	Attani vedanaṁ samanupassati.
ps1.2:50.10	Seyyathāpi pupphaṁ gandhasampannaṁ assa.
ps1.2:50.11	Tamenaṁ puriso evaṁ vadeyya—
ps1.2:50.12	“idaṁ pupphaṁ, ayaṁ gandho;
ps1.2:50.13	aññaṁ pupphaṁ, añño gandho.
ps1.2:50.14	So kho panāyaṁ gandho imasmiṁ pupphe”ti.
ps1.2:50.15	Pupphasmiṁ gandhaṁ samanupassati.
ps1.2:50.16	Evamevaṁ idhekacco saññaṁ …
ps1.2:50.17	saṅkhāre …
ps1.2:50.18	viññāṇaṁ …
ps1.2:50.19	rūpaṁ attato samanupassati.
ps1.2:50.20	Tassa evaṁ hoti—
ps1.2:50.21	“ayaṁ kho me attā.
ps1.2:50.22	Imasmiñca pana attani ayaṁ vedanā”ti.
ps1.2:50.23	Attani vedanaṁ samanupassati.
ps1.2:50.24	Abhinivesaparāmāso diṭṭhi.
ps1.2:50.25	Diṭṭhi na vatthu, vatthu na diṭṭhi.
ps1.2:50.26	Aññā diṭṭhi, aññaṁ vatthu.
ps1.2:50.27	Yā ca diṭṭhi yañca vatthu—
ps1.2:50.28	ayaṁ tatiyā vedanāvatthukā attānudiṭṭhi.
ps1.2:50.29	Attānudiṭṭhi micchādiṭṭhi diṭṭhivipatti …pe…
ps1.2:50.30	imāni saññojanāni, na ca diṭṭhiyo.
ps1.2:50.31	Evaṁ attani vedanaṁ samanupassati.
ps1.2:51.1	Kathaṁ <b>vedanāya attānaṁ samanupassati?</b>
ps1.2:51.2	Idhekacco saññaṁ …
ps1.2:51.3	saṅkhāre …
ps1.2:51.4	viññāṇaṁ …
ps1.2:51.5	rūpaṁ attato samanupassati.
ps1.2:51.6	Tassa evaṁ hoti—
ps1.2:51.7	“ayaṁ kho me attā.
ps1.2:51.8	So kho pana me ayaṁ attā imāya vedanāyā”ti.
ps1.2:51.9	Vedanāya attānaṁ samanupassati.
ps1.2:51.10	Seyyathāpi maṇi karaṇḍake pakkhitto assa.
ps1.2:51.11	Tamenaṁ puriso evaṁ vadeyya—
ps1.2:51.12	“ayaṁ maṇi, ayaṁ karaṇḍako.
ps1.2:51.13	Añño maṇi, añño karaṇḍako.
ps1.2:51.14	So kho panāyaṁ maṇi imasmiṁ karaṇḍake”ti.
ps1.2:51.15	Karaṇḍakasmiṁ maṇiṁ samanupassati.
ps1.2:51.16	Evamevaṁ idhekacco saññaṁ …
ps1.2:51.17	saṅkhāre …
ps1.2:51.18	viññāṇaṁ …
ps1.2:51.19	rūpaṁ attato samanupassati.
ps1.2:51.20	Tassa evaṁ hoti—
ps1.2:51.21	“ayaṁ kho me attā.
ps1.2:51.22	So kho pana me ayaṁ attā imāya vedanāyā”ti.
ps1.2:51.23	Vedanāya attānaṁ samanupassati.
ps1.2:51.24	Abhinivesaparāmāso diṭṭhi.
ps1.2:51.25	Diṭṭhi na vatthu, vatthu na diṭṭhi.
ps1.2:51.26	Aññā diṭṭhi, aññaṁ vatthu.
ps1.2:51.27	Yā ca diṭṭhi yañca vatthu—
ps1.2:51.28	ayaṁ catutthā vedanāvatthukā attānudiṭṭhi.
ps1.2:51.29	Attānudiṭṭhi micchādiṭṭhi diṭṭhivipatti …pe…
ps1.2:51.30	imāni saññojanāni, na ca diṭṭhiyo.
ps1.2:51.31	Evaṁ vedanāya attānaṁ samanupassati.
ps1.2:52.1	Kathaṁ <b>saññaṁ attato samanupassati?</b>
ps1.2:52.2	Idhekacco cakkhusamphassajaṁ saññaṁ …
ps1.2:52.3	sotasamphassajaṁ saññaṁ …
ps1.2:52.4	ghānasamphassajaṁ saññaṁ …
ps1.2:52.5	jivhāsamphassajaṁ saññaṁ …
ps1.2:52.6	kāyasamphassajaṁ saññaṁ …
ps1.2:52.7	manosamphassajaṁ saññaṁ attato samanupassati.
ps1.2:52.8	“Yā manosamphassajā saññā so ahaṁ, yo ahaṁ sā manosamphassajā saññā”ti—
ps1.2:52.9	manosamphassajaṁ saññañca attañca advayaṁ samanupassati.
ps1.2:52.10	Seyyathāpi telappadīpassa jhāyato “yā acci so vaṇṇo, yo vaṇṇo sā accī”ti—
ps1.2:52.11	acciñca vaṇṇañca advayaṁ samanupassati.
ps1.2:52.12	Evamevaṁ idhekacco manosamphassajaṁ saññaṁ attato samanupassati.
ps1.2:52.13	“Yā manosamphassajā saññā so ahaṁ, yo ahaṁ sā manosamphassajā saññā”ti.
ps1.2:52.14	Manosamphassajaṁ saññañca attañca advayaṁ samanupassati.
ps1.2:52.15	Abhinivesaparāmāso diṭṭhi.
ps1.2:52.16	Diṭṭhi na vatthu, vatthu na diṭṭhi.
ps1.2:52.17	Aññā diṭṭhi, aññaṁ vatthu.
ps1.2:52.18	Yā ca diṭṭhi yañca vatthu—
ps1.2:52.19	ayaṁ paṭhamā saññāvatthukā attānudiṭṭhi.
ps1.2:52.20	Attānudiṭṭhi micchādiṭṭhi diṭṭhivipatti …pe…
ps1.2:52.21	imāni saññojanāni, na ca diṭṭhiyo.
ps1.2:52.22	Evaṁ saññaṁ attato samanupassati.
ps1.2:53.1	Kathaṁ <b>saññāvantaṁ attānaṁ samanupassati?</b>
ps1.2:53.2	Idhekacco saṅkhāre …
ps1.2:53.3	viññāṇaṁ …
ps1.2:53.4	rūpaṁ …
ps1.2:53.5	vedanaṁ attato samanupassati.
ps1.2:53.6	Tassa evaṁ hoti—
ps1.2:53.7	“ayaṁ kho me attā.
ps1.2:53.8	So kho pana me ayaṁ attā imāya saññāya saññāvā”ti.
ps1.2:53.9	Saññāvantaṁ attānaṁ samanupassati.
ps1.2:53.10	Seyyathāpi rukkho chāyāsampanno assa.
ps1.2:53.11	Tamenaṁ puriso evaṁ vadeyya—
ps1.2:53.12	“ayaṁ rukkho, ayaṁ chāyā.
ps1.2:53.13	Añño rukkho, aññā chāyā.
ps1.2:53.14	So kho panāyaṁ rukkho imāya chāyāya chāyāvā”ti.
ps1.2:53.15	Chāyāvantaṁ rukkhaṁ samanupassati.
ps1.2:53.16	Evamevaṁ idhekacco saṅkhāre …
ps1.2:53.17	viññāṇaṁ …
ps1.2:53.18	rūpaṁ …
ps1.2:53.19	vedanaṁ attato samanupassati.
ps1.2:53.20	Tassa evaṁ hoti—
ps1.2:53.21	“ayaṁ kho me attā.
ps1.2:53.22	So kho pana me ayaṁ attā imāya saññāya saññāvā”ti.
ps1.2:53.23	Saññāvantaṁ attānaṁ samanupassati.
ps1.2:53.24	Abhinivesaparāmāso diṭṭhi.
ps1.2:53.25	Diṭṭhi na vatthu, vatthu na diṭṭhi.
ps1.2:53.26	Aññā diṭṭhi, aññaṁ vatthu.
ps1.2:53.27	Yā ca diṭṭhi yañca vatthu—
ps1.2:53.28	ayaṁ dutiyā saññāvatthukā attānudiṭṭhi.
ps1.2:53.29	Attānudiṭṭhi micchādiṭṭhi …pe…
ps1.2:53.30	imāni saññojanāni, na ca diṭṭhiyo.
ps1.2:53.31	Evaṁ saññāvantaṁ attānaṁ samanupassati.
ps1.2:54.1	Kathaṁ <b>attani saññaṁ samanupassati?</b>
ps1.2:54.2	Idhekacco saṅkhāre …
ps1.2:54.3	viññāṇaṁ …
ps1.2:54.4	rūpaṁ …
ps1.2:54.5	vedanaṁ attato samanupassati.
ps1.2:54.6	Tassa evaṁ hoti—
ps1.2:54.7	“ayaṁ kho me attā.
ps1.2:54.8	Imasmiñca pana attani ayaṁ saññā”ti.
ps1.2:54.9	Attani saññaṁ samanupassati.
ps1.2:54.10	Seyyathāpi pupphaṁ gandhasampannaṁ assa.
ps1.2:54.11	Tamenaṁ puriso evaṁ vadeyya—
ps1.2:54.12	“idaṁ pupphaṁ, ayaṁ gandho.
ps1.2:54.13	Aññaṁ pupphaṁ, añño gandho.
ps1.2:54.14	So kho panāyaṁ gandho imasmiṁ pupphe”ti.
ps1.2:54.15	Pupphasmiṁ gandhaṁ samanupassati.
ps1.2:54.16	Evamevaṁ idhekacco saṅkhāre …
ps1.2:54.17	viññāṇaṁ …
ps1.2:54.18	rūpaṁ …
ps1.2:54.19	vedanaṁ attato samanupassati.
ps1.2:54.20	Tassa evaṁ hoti—
ps1.2:54.21	“ayaṁ kho me attā.
ps1.2:54.22	Imasmiñca pana attani ayaṁ saññā”ti.
ps1.2:54.23	Attani saññaṁ samanupassati.
ps1.2:54.24	Abhinivesaparāmāso diṭṭhi.
ps1.2:54.25	Diṭṭhi na vatthu, vatthu na diṭṭhi.
ps1.2:54.26	Aññā diṭṭhi, aññaṁ vatthu.
ps1.2:54.27	Yā ca diṭṭhi yañca vatthu—
ps1.2:54.28	ayaṁ tatiyā saññāvatthukā attānudiṭṭhi.
ps1.2:54.29	Attānudiṭṭhi micchādiṭṭhi …pe…
ps1.2:54.30	imāni saññojanāni, na ca diṭṭhiyo.
ps1.2:54.31	Evaṁ attani saññaṁ samanupassati.
ps1.2:55.1	Kathaṁ <b>saññāya attānaṁ samanupassati?</b>
ps1.2:55.2	Idhekacco saṅkhāre …
ps1.2:55.3	viññāṇaṁ …
ps1.2:55.4	rūpaṁ …
ps1.2:55.5	vedanaṁ attato samanupassati.
ps1.2:55.6	Tassa evaṁ hoti—
ps1.2:55.7	“ayaṁ kho me attā.
ps1.2:55.8	So kho pana me ayaṁ attā imāya saññāyā”ti.
ps1.2:55.9	Saññāya attānaṁ samanupassati.
ps1.2:55.10	Seyyathāpi maṇi karaṇḍake pakkhitto assa.
ps1.2:55.11	Tamenaṁ puriso evaṁ vadeyya—
ps1.2:55.12	“ayaṁ maṇi, ayaṁ karaṇḍako.
ps1.2:55.13	Añño maṇi, añño karaṇḍako.
ps1.2:55.14	So kho panāyaṁ maṇi imasmiṁ karaṇḍake”ti.
ps1.2:55.15	Karaṇḍakasmiṁ maṇiṁ samanupassati.
ps1.2:55.16	Evamevaṁ idhekacco saṅkhāre …
ps1.2:55.17	viññāṇaṁ …
ps1.2:55.18	rūpaṁ …
ps1.2:55.19	vedanaṁ attato samanupassati.
ps1.2:55.20	Tassa evaṁ hoti—
ps1.2:55.21	“ayaṁ kho me attā.
ps1.2:55.22	So kho pana me ayaṁ attā imāya saññāyā”ti.
ps1.2:55.23	Saññāya attānaṁ samanupassati.
ps1.2:55.24	Abhinivesaparāmāso diṭṭhi.
ps1.2:55.25	Diṭṭhi na vatthu, vatthu na diṭṭhi.
ps1.2:55.26	Aññā diṭṭhi, aññaṁ vatthu.
ps1.2:55.27	Yā ca diṭṭhi yañca vatthu—
ps1.2:55.28	ayaṁ catutthā saññāvatthukā attānudiṭṭhi.
ps1.2:55.29	Attānudiṭṭhi micchādiṭṭhi …pe…
ps1.2:55.30	imāni saññojanāni na ca diṭṭhiyo.
ps1.2:55.31	Evaṁ saññāya attānaṁ samanupassati.
ps1.2:56.1	Kathaṁ <b>saṅkhāre attato samanupassati?</b>
ps1.2:56.2	Idhekacco cakkhusamphassajaṁ cetanaṁ sotasamphassajaṁ cetanaṁ ghānasamphassajaṁ cetanaṁ jivhāsamphassajaṁ cetanaṁ kāyasamphassajaṁ cetanaṁ manosamphassajaṁ cetanaṁ attato samanupassati.
ps1.2:56.3	“Yā manosamphassajā cetanā, so ahaṁ;
ps1.2:56.4	yo ahaṁ sā manosamphassajā cetanā”ti—
ps1.2:56.5	manosamphassajaṁ cetanañca attañca advayaṁ samanupassati.
ps1.2:56.6	Seyyathāpi telappadīpassa jhāyato “yā acci so vaṇṇo, yo vaṇṇo sā accī”ti—
ps1.2:56.7	acciñca vaṇṇañca advayaṁ samanupassati.
ps1.2:56.8	Evamevaṁ idhekacco manosamphassajaṁ cetanaṁ attato samanupassati.
ps1.2:56.9	“Yā manosamphassajā cetanā so ahaṁ, yo ahaṁ sā manosamphassajā cetanā”ti—
ps1.2:56.10	manosamphassajaṁ cetanañca attañca advayaṁ samanupassati.
ps1.2:56.11	Abhinivesaparāmāso diṭṭhi.
ps1.2:56.12	Diṭṭhi na vatthu, vatthu na diṭṭhi.
ps1.2:56.13	Aññā diṭṭhi, aññaṁ vatthu.
ps1.2:56.14	Yā ca diṭṭhi yañca vatthu—
ps1.2:56.15	ayaṁ paṭhamā saṅkhāravatthukā attānudiṭṭhi.
ps1.2:56.16	Attānudiṭṭhi micchādiṭṭhi …pe…
ps1.2:56.17	imāni saññojanāni, na ca diṭṭhiyo.
ps1.2:56.18	Evaṁ saṅkhāre attato samanupassati.
ps1.2:57.1	Kathaṁ <b>saṅkhāravantaṁ attānaṁ samanupassati?</b>
ps1.2:57.2	Idhekacco viññāṇaṁ …
ps1.2:57.3	rūpaṁ …
ps1.2:57.4	vedanaṁ …
ps1.2:57.5	saññaṁ attato samanupassati.
ps1.2:57.6	Tassa evaṁ hoti—
ps1.2:57.7	“ayaṁ kho me attā.
ps1.2:57.8	So kho pana me ayaṁ attā imehi saṅkhārehi saṅkhāravā”ti.
ps1.2:57.9	Saṅkhāravantaṁ attānaṁ samanupassati.
ps1.2:57.10	Seyyathāpi rukkho chāyāsampanno assa.
ps1.2:57.11	Tamenaṁ puriso evaṁ vadeyya—
ps1.2:57.12	“ayaṁ rukkho, ayaṁ chāyā.
ps1.2:57.13	Añño rukkho, aññā chāyā.
ps1.2:57.14	So kho panāyaṁ rukkho imāya chāyāya chāyāvā”ti.
ps1.2:57.15	Chāyāvantaṁ rukkhaṁ samanupassati.
ps1.2:57.16	Evamevaṁ idhekacco viññāṇaṁ …
ps1.2:57.17	rūpaṁ …
ps1.2:57.18	vedanaṁ …
ps1.2:57.19	saññaṁ attato samanupassati.
ps1.2:57.20	Tassa evaṁ hoti—
ps1.2:57.21	“ayaṁ kho me attā.
ps1.2:57.22	So kho pana me ayaṁ attā.
ps1.2:57.23	Imehi saṅkhārehi saṅkhāravā”ti.
ps1.2:57.24	Saṅkhāravantaṁ attānaṁ samanupassati.
ps1.2:57.25	Abhinivesaparāmāso diṭṭhi.
ps1.2:57.26	Diṭṭhi na vatthu, vatthu na diṭṭhi.
ps1.2:57.27	Aññā diṭṭhi, aññaṁ vatthu.
ps1.2:57.28	Yā ca diṭṭhi yañca vatthu—
ps1.2:57.29	ayaṁ dutiyā saṅkhāravatthukā attānudiṭṭhi.
ps1.2:57.30	Attānudiṭṭhi micchādiṭṭhi …pe…
ps1.2:57.31	imāni saññojanāni, na ca diṭṭhiyo.
ps1.2:57.32	Evaṁ saṅkhāravantaṁ attānaṁ samanupassati.
ps1.2:58.1	Kathaṁ <b>attani saṅkhāre samanupassati?</b>
ps1.2:58.2	Idhekacco viññāṇaṁ …
ps1.2:58.3	rūpaṁ …
ps1.2:58.4	vedanaṁ …
ps1.2:58.5	saññaṁ attato samanupassati.
ps1.2:58.6	Tassa evaṁ hoti—
ps1.2:58.7	“ayaṁ kho me attā.
ps1.2:58.8	Imasmiñca pana attani ime saṅkhārā”ti.
ps1.2:58.9	Attani saṅkhāre samanupassati.
ps1.2:58.10	Seyyathāpi pupphaṁ gandhasampannaṁ assa.
ps1.2:58.11	Tamenaṁ puriso evaṁ vadeyya—
ps1.2:58.12	“idaṁ pupphaṁ, ayaṁ gandho;
ps1.2:58.13	aññaṁ pupphaṁ, añño gandho.
ps1.2:58.14	So kho panāyaṁ gandho imasmiṁ pupphe”ti.
ps1.2:58.15	Pupphasmiṁ gandhaṁ samanupassati.
ps1.2:58.16	Evamevaṁ idhekacco viññāṇaṁ …
ps1.2:58.17	rūpaṁ …
ps1.2:58.18	vedanaṁ …
ps1.2:58.19	saññaṁ attato samanupassati.
ps1.2:58.20	Tassa evaṁ hoti—
ps1.2:58.21	“ayaṁ kho me attā.
ps1.2:58.22	Imasmiñca pana attani ime saṅkhārā”ti.
ps1.2:58.23	Attani saṅkhāre samanupassati.
ps1.2:58.24	Abhinivesaparāmāso diṭṭhi.
ps1.2:58.25	Diṭṭhi na vatthu, vatthu na diṭṭhi.
ps1.2:58.26	Aññā diṭṭhi, aññaṁ vatthu.
ps1.2:58.27	Yā ca diṭṭhi yañca vatthu—
ps1.2:58.28	ayaṁ tatiyā saṅkhāravatthukā attānudiṭṭhi.
ps1.2:58.29	Attānudiṭṭhi micchādiṭṭhi …pe…
ps1.2:58.30	imāni saññojanāni, na ca diṭṭhiyo.
ps1.2:58.31	Evaṁ attani saṅkhāre samanupassati.
ps1.2:59.1	Kathaṁ <b>saṅkhāresu attānaṁ samanupassati?</b>
ps1.2:59.2	Idhekacco viññāṇaṁ …
ps1.2:59.3	rūpaṁ …
ps1.2:59.4	vedanaṁ …
ps1.2:59.5	saññaṁ attato samanupassati.
ps1.2:59.6	Tassa evaṁ hoti—
ps1.2:59.7	“ayaṁ kho me attā.
ps1.2:59.8	So kho pana me ayaṁ attā imesu saṅkhāresū”ti.
ps1.2:59.9	Saṅkhāresu attānaṁ samanupassati.
ps1.2:59.10	Seyyathāpi maṇi karaṇḍake pakkhitto assa.
ps1.2:59.11	Tamenaṁ puriso evaṁ vadeyya—
ps1.2:59.12	“ayaṁ maṇi, ayaṁ karaṇḍako.
ps1.2:59.13	Añño maṇi, añño karaṇḍako.
ps1.2:59.14	So kho panāyaṁ maṇi imasmiṁ karaṇḍake”ti.
ps1.2:59.15	Karaṇḍakasmiṁ maṇiṁ samanupassati.
ps1.2:59.16	Evamevaṁ idhekacco viññāṇaṁ …
ps1.2:59.17	rūpaṁ …
ps1.2:59.18	vedanaṁ …
ps1.2:59.19	saññaṁ attato samanupassati.
ps1.2:59.20	Tassa evaṁ hoti—
ps1.2:59.21	“ayaṁ kho me attā.
ps1.2:59.22	So kho pana me ayaṁ attā imesu saṅkhāresū”ti.
ps1.2:59.23	Saṅkhāresu attānaṁ samanupassati.
ps1.2:59.24	Abhinivesaparāmāso diṭṭhi.
ps1.2:59.25	Diṭṭhi na vatthu, vatthu na diṭṭhi.
ps1.2:59.26	Aññā diṭṭhi, aññaṁ vatthu.
ps1.2:59.27	Yā ca diṭṭhi yañca vatthu—
ps1.2:59.28	ayaṁ catutthā saṅkhāravatthukā attānudiṭṭhi.
ps1.2:59.29	Attānudiṭṭhi micchādiṭṭhi …pe…
ps1.2:59.30	imāni saññojanāni, na ca diṭṭhiyo.
ps1.2:59.31	Evaṁ saṅkhāresu attānaṁ samanupassati.
ps1.2:60.1	Kathaṁ <b>viññāṇaṁ attato samanupassati?</b>
ps1.2:60.2	Idhekacco cakkhuviññāṇaṁ …
ps1.2:60.3	sotaviññāṇaṁ …
ps1.2:60.4	ghānaviññāṇaṁ …
ps1.2:60.5	jivhāviññāṇaṁ kāyaviññāṇaṁ …
ps1.2:60.6	manoviññāṇaṁ attato samanupassati.
ps1.2:60.7	“Yaṁ manoviññāṇaṁ, so ahaṁ;
ps1.2:60.8	yo ahaṁ, taṁ manoviññāṇan”ti—
ps1.2:60.9	manoviññāṇañca attañca advayaṁ samanupassati.
ps1.2:60.10	Seyyathāpi telappadīpassa jhāyato “yā acci so vaṇṇo, yo vaṇṇo sā accī”ti—
ps1.2:60.11	acciñca vaṇṇañca advayaṁ samanupassati.
ps1.2:60.12	Evamevaṁ idhekacco manoviññāṇaṁ attato samanupassati.
ps1.2:60.13	“Yaṁ manoviññāṇaṁ, so ahaṁ;
ps1.2:60.14	yo ahaṁ taṁ manoviññāṇan”ti—
ps1.2:60.15	manoviññāṇañca attañca advayaṁ samanupassati.
ps1.2:60.16	Abhinivesaparāmāso diṭṭhi.
ps1.2:60.17	Diṭṭhi na vatthu, vatthu na diṭṭhi.
ps1.2:60.18	Aññā diṭṭhi, aññaṁ vatthu.
ps1.2:60.19	Yā ca diṭṭhi yañca vatthu—
ps1.2:60.20	ayaṁ paṭhamā viññāṇavatthukā attānudiṭṭhi.
ps1.2:60.21	Attānudiṭṭhi micchādiṭṭhi …pe…
ps1.2:60.22	imāni saññojanāni, na ca diṭṭhiyo.
ps1.2:60.23	Evaṁ viññāṇaṁ attato samanupassati.
ps1.2:61.1	Kathaṁ <b>viññāṇavantaṁ attānaṁ samanupassati?</b>
ps1.2:61.2	Idhekacco rūpaṁ …
ps1.2:61.3	vedanaṁ …
ps1.2:61.4	saññaṁ …
ps1.2:61.5	saṅkhāre attato samanupassati.
ps1.2:61.6	Tassa evaṁ hoti—
ps1.2:61.7	“ayaṁ kho me attā.
ps1.2:61.8	So kho pana me ayaṁ attā iminā viññāṇena viññāṇavā”ti.
ps1.2:61.9	Viññāṇavantaṁ attānaṁ samanupassati.
ps1.2:61.10	Seyyathāpi rukkho chāyāsampanno assa.
ps1.2:61.11	Tamenaṁ puriso evaṁ vadeyya—
ps1.2:61.12	“ayaṁ rukkho, ayaṁ chāyā.
ps1.2:61.13	Añño rukkho, aññā chāyā.
ps1.2:61.14	So kho panāyaṁ rukkho imāya chāyāya chāyāvā”ti.
ps1.2:61.15	Chāyāvantaṁ rukkhaṁ samanupassati.
ps1.2:61.16	Evamevaṁ idhekacco rūpaṁ …
ps1.2:61.17	vedanaṁ …
ps1.2:61.18	saññaṁ …
ps1.2:61.19	saṅkhāre attato samanupassati.
ps1.2:61.20	Tassa evaṁ hoti—
ps1.2:61.21	“ayaṁ kho me attā.
ps1.2:61.22	So kho pana me ayaṁ attā iminā viññāṇena viññāṇavā”ti.
ps1.2:61.23	Viññāṇavantaṁ attānaṁ samanupassati.
ps1.2:61.24	Abhinivesaparāmāso diṭṭhi.
ps1.2:61.25	Diṭṭhi na vatthu, vatthu na diṭṭhi.
ps1.2:61.26	Aññā diṭṭhi, aññaṁ vatthu.
ps1.2:61.27	Yā ca diṭṭhi yañca vatthu—
ps1.2:61.28	ayaṁ dutiyā viññāṇavatthukā attānudiṭṭhi.
ps1.2:61.29	Attānudiṭṭhi micchādiṭṭhi …pe…
ps1.2:61.30	imāni saññojanāni, na ca diṭṭhiyo.
ps1.2:61.31	Evaṁ viññāṇavantaṁ attānaṁ samanupassati.
ps1.2:62.1	Kathaṁ <b>attani viññāṇaṁ samanupassati?</b>
ps1.2:62.2	Idhekacco rūpaṁ …
ps1.2:62.3	vedanaṁ …
ps1.2:62.4	saññaṁ …
ps1.2:62.5	saṅkhāre attato samanupassati.
ps1.2:62.6	Tassa evaṁ hoti—
ps1.2:62.7	“ayaṁ kho me attā.
ps1.2:62.8	Imasmiñca pana attani idaṁ viññāṇan”ti.
ps1.2:62.9	Attani viññāṇaṁ samanupassati.
ps1.2:62.10	Seyyathāpi pupphaṁ gandhasampannaṁ assa.
ps1.2:62.11	Tamenaṁ puriso evaṁ vadeyya—
ps1.2:62.12	“idaṁ pupphaṁ, ayaṁ gandho;
ps1.2:62.13	aññaṁ pupphaṁ, añño gandho.
ps1.2:62.14	So kho panāyaṁ gandho imasmiṁ pupphe”ti.
ps1.2:62.15	Pupphasmiṁ gandhaṁ samanupassati.
ps1.2:62.16	Evamevaṁ idhekacco rūpaṁ …
ps1.2:62.17	vedanaṁ …
ps1.2:62.18	saññaṁ …
ps1.2:62.19	saṅkhāre attato samanupassati.
ps1.2:62.20	Tassa evaṁ hoti—
ps1.2:62.21	“ayaṁ kho me attā.
ps1.2:62.22	Imasmiñca pana attani idaṁ viññāṇan”ti.
ps1.2:62.23	Attani viññāṇaṁ samanupassati.
ps1.2:62.24	Abhinivesaparāmāso diṭṭhi.
ps1.2:62.25	Diṭṭhi na vatthu, vatthu na diṭṭhi.
ps1.2:62.26	Aññā diṭṭhi, aññaṁ vatthu.
ps1.2:62.27	Yā ca diṭṭhi yañca vatthu—
ps1.2:62.28	ayaṁ tatiyā viññāṇavatthukā attānudiṭṭhi.
ps1.2:62.29	Attānudiṭṭhi micchādiṭṭhi …pe…
ps1.2:62.30	imāni saññojanāni, na ca diṭṭhiyo.
ps1.2:62.31	Evaṁ attani viññāṇaṁ samanupassati.
ps1.2:63.1	Kathaṁ <b>viññāṇasmiṁ attānaṁ samanupassati?</b>
ps1.2:63.2	Idhekacco rūpaṁ …
ps1.2:63.3	vedanaṁ …
ps1.2:63.4	saññaṁ …
ps1.2:63.5	saṅkhāre attato samanupassati.
ps1.2:63.6	Tassa evaṁ hoti—
ps1.2:63.7	“ayaṁ kho me attā.
ps1.2:63.8	So kho pana me ayaṁ attā imasmiṁ viññāṇe”ti.
ps1.2:63.9	Viññāṇasmiṁ attānaṁ samanupassati.
ps1.2:63.10	Seyyathāpi maṇi karaṇḍake pakkhitto assa.
ps1.2:63.11	Tamenaṁ puriso evaṁ vadeyya—
ps1.2:63.12	“ayaṁ maṇi, ayaṁ karaṇḍako.
ps1.2:63.13	Añño maṇi, añño karaṇḍako.
ps1.2:63.14	So kho panāyaṁ maṇi imasmiṁ karaṇḍake”ti.
ps1.2:63.15	Karaṇḍakasmiṁ maṇiṁ samanupassati.
ps1.2:63.16	Evamevaṁ idhekacco rūpaṁ …
ps1.2:63.17	vedanaṁ …
ps1.2:63.18	saññaṁ …
ps1.2:63.19	saṅkhāre attato samanupassati.
ps1.2:63.20	Tassa evaṁ hoti—
ps1.2:63.21	“ayaṁ kho me attā.
ps1.2:63.22	So kho pana me ayaṁ attā imasmiṁ viññāṇe”ti.
ps1.2:63.23	Viññāṇasmiṁ attānaṁ samanupassati.
ps1.2:63.24	Abhinivesaparāmāso diṭṭhi.
ps1.2:63.25	Diṭṭhi na vatthu, vatthu na diṭṭhi.
ps1.2:63.26	Aññā diṭṭhi, aññaṁ vatthu.
ps1.2:63.27	Yā ca diṭṭhi yañca vatthu—
ps1.2:63.28	ayaṁ catutthā viññāṇavatthukā attānudiṭṭhi.
ps1.2:63.29	Attānudiṭṭhi micchādiṭṭhi …pe…
ps1.2:63.30	imāni saññojanāni, na ca diṭṭhiyo.
ps1.2:63.31	Evaṁ viññāṇasmiṁ attānaṁ samanupassati.
ps1.2:63.32	Attānudiṭṭhiyā imehi vīsatiyā ākārehi abhiniveso hoti.
ps1.2:63.33	Attānudiṭṭhiniddeso dutiyo.
ps1.2:64.0	1.2.3. Micchādiṭṭhiniddesa
ps1.2:64.1	Micchādiṭṭhiyā katamehi dasahākārehi abhiniveso hoti?
ps1.2:64.2	“Natthi dinnan”ti— vatthu.
ps1.2:64.3	Evaṁvādo micchābhinivesaparāmāso diṭṭhi.
ps1.2:64.4	Diṭṭhi na vatthu, vatthu na diṭṭhi.
ps1.2:64.5	Aññā diṭṭhi, aññaṁ vatthu.
ps1.2:64.6	Yā ca diṭṭhi yañca vatthu—
ps1.2:64.7	ayaṁ paṭhamā micchāvatthukā micchādiṭṭhi.
ps1.2:64.8	Micchādiṭṭhi diṭṭhivipatti …pe…
ps1.2:64.9	imāni saññojanāni, na ca diṭṭhiyo.
ps1.2:64.10	“Natthi yiṭṭhan”ti—vatthu …pe…
ps1.2:64.11	“natthi hutan”ti—vatthu …
ps1.2:64.12	“natthi sukatadukkaṭānaṁ kammānaṁ phalaṁ vipāko”ti—vatthu …
ps1.2:64.13	“natthi ayaṁ loko”ti—vatthu …
ps1.2:64.14	“natthi paro loko”ti—vatthu …
ps1.2:64.15	“natthi mātā”ti—vatthu …
ps1.2:64.16	“natthi pitā”ti—vatthu …
ps1.2:64.17	“natthi sattā opapātikā”ti—vatthu …
ps1.2:64.18	“natthi loke samaṇabrāhmaṇā sammaggatā sammāpaṭipannā, ye imañca lokaṁ, parañca lokaṁ sayaṁ abhiññā sacchikatvā pavedentī”ti—vatthu.
ps1.2:64.19	Evaṁvādo micchābhinivesaparāmāso diṭṭhi.
ps1.2:64.20	Diṭṭhi na vatthu, vatthu na diṭṭhi.
ps1.2:64.21	Aññā diṭṭhi, aññaṁ vatthu.
ps1.2:64.22	Yā ca diṭṭhi yañca vatthu—
ps1.2:64.23	ayaṁ dasamā micchāvatthukā micchādiṭṭhi.
ps1.2:64.24	Micchādiṭṭhi diṭṭhivipatti …pe…
ps1.2:64.25	micchādiṭṭhikassa purisapuggalassa dveva gatiyo …pe…
ps1.2:64.26	imāni saññojanāni, na ca diṭṭhiyo.
ps1.2:64.27	Micchādiṭṭhiyā imehi dasahākārehi abhiniveso hoti.
ps1.2:64.28	Micchādiṭṭhiniddeso tatiyo.
ps1.2:65.0	1.2.4. Sakkāyadiṭṭhiniddesa
ps1.2:65.1	Sakkāyadiṭṭhiyā katamehi vīsatiyā ākārehi abhiniveso hoti?
ps1.2:65.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati rūpavantaṁ vā attānaṁ attani vā rūpaṁ rūpasmiṁ vā attānaṁ.
ps1.2:65.3	Vedanaṁ …
ps1.2:65.4	saññaṁ …
ps1.2:65.5	saṅkhāre …
ps1.2:65.6	viññāṇaṁ attato samanupassati viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ.
ps1.2:66.1	Kathaṁ <b>rūpaṁ attato samanupassati?</b>
ps1.2:66.2	Idhekacco pathavīkasiṇaṁ …pe…
ps1.2:66.3	odātakasiṇaṁ attato samanupassati.
ps1.2:66.4	“Yaṁ odātakasiṇaṁ, so ahaṁ;
ps1.2:66.5	yo ahaṁ, taṁ odātakasiṇan”ti—
ps1.2:66.6	odātakasiṇañca attañca advayaṁ samanupassati.
ps1.2:66.7	Seyyathāpi telappadīpassa jhāyato …pe…
ps1.2:66.8	evamevaṁ idhekacco odātakasiṇaṁ attato samanupassati.
ps1.2:66.9	Abhinivesaparāmāso diṭṭhi …pe…
ps1.2:66.10	ayaṁ paṭhamā rūpavatthukā sakkāyadiṭṭhi.
ps1.2:66.11	Sakkāyadiṭṭhi micchādiṭṭhi …pe…
ps1.2:66.12	imāni saññojanāni, na ca diṭṭhiyo.
ps1.2:66.13	Evaṁ rūpaṁ attato samanupassati …pe…
ps1.2:66.14	sakkāyadiṭṭhiyā imehi vīsatiyā ākārehi abhiniveso hoti.
ps1.2:66.15	Sakkāyadiṭṭhiniddeso catuttho.
ps1.2:67.0	2.5 Sassatadiṭṭhiniddesa
ps1.2:67.1	Sakkāyavatthukāya sassatadiṭṭhiyā katamehi pannarasahi ākārehi abhiniveso hoti?
ps1.2:67.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto rūpavantaṁ vā attānaṁ attani vā rūpaṁ rūpasmiṁ vā attānaṁ.
ps1.2:67.3	Vedanāvantaṁ vā attānaṁ …pe…
ps1.2:67.4	saññāvantaṁ vā attānaṁ …
ps1.2:67.5	saṅkhāravantaṁ vā attānaṁ …
ps1.2:67.6	viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ.
ps1.2:68.1	Kathaṁ <b>rūpavantaṁ attānaṁ samanupassati?</b>
ps1.2:68.2	Idhekacco vedanaṁ …
ps1.2:68.3	saññaṁ …
ps1.2:68.4	saṅkhāre …
ps1.2:68.5	viññāṇaṁ attato samanupassati.
ps1.2:68.6	Tassa evaṁ hoti—
ps1.2:68.7	“ayaṁ kho me attā.
ps1.2:68.8	So kho pana me ayaṁ attā iminā rūpena rūpavā”ti.
ps1.2:68.9	Rūpavantaṁ attānaṁ samanupassati.
ps1.2:68.10	Seyyathāpi rukkho chāyāsampanno assa.
ps1.2:68.11	Tamenaṁ puriso evaṁ vadeyya—
ps1.2:68.12	“ayaṁ rukkho, ayaṁ chāyā;
ps1.2:68.13	añño rukkho, aññā chāyā.
ps1.2:68.14	So kho panāyaṁ rukkho imāya chāyāya chāyāvā”ti.
ps1.2:68.15	Chāyāvantaṁ rukkhaṁ samanupassati.
ps1.2:68.16	Evamevaṁ idhekacco vedanaṁ …pe…
ps1.2:68.17	ayaṁ paṭhamā sakkāyavatthukā sassatadiṭṭhi.
ps1.2:68.18	Sassatadiṭṭhi micchādiṭṭhi …pe…
ps1.2:68.19	imāni saññojanāni, na ca diṭṭhiyo.
ps1.2:68.20	Evaṁ rūpavantaṁ attānaṁ samanupassati …pe…
ps1.2:68.21	sakkāyavatthukāya sassatadiṭṭhiyā imehi pannarasahi ākārehi abhiniveso hoti.
ps1.2:68.22	Sassatadiṭṭhiniddeso pañcamo.
ps1.2:69.0	2.6 Ucchedadiṭṭhiniddesa
ps1.2:69.1	Sakkāyavatthukāya ucchedadiṭṭhiyā katamehi pañcahi ākārehi abhiniveso hoti?
ps1.2:69.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati, vedanaṁ attato samanupassati, saññaṁ attato samanupassati, saṅkhāre attato samanupassati, viññāṇaṁ attato samanupassati.
ps1.2:70.1	Kathaṁ <b>rūpaṁ attato samanupassati?</b>
ps1.2:70.2	Idhekacco pathavīkasiṇaṁ …pe…
ps1.2:70.3	odātakasiṇaṁ attato samanupassati.
ps1.2:70.4	“Yaṁ odātakasiṇaṁ, so ahaṁ;
ps1.2:70.5	yo ahaṁ, taṁ odātakasiṇan”ti—
ps1.2:70.6	odātakasiṇañca attañca advayaṁ samanupassati.
ps1.2:70.7	Seyyathāpi telappadīpassa jhāyato …pe…
ps1.2:70.8	ayaṁ paṭhamā sakkāyavatthukā ucchedadiṭṭhi.
ps1.2:70.9	Ucchedadiṭṭhi micchādiṭṭhi …pe…
ps1.2:70.10	imāni saññojanāni, na ca diṭṭhiyo.
ps1.2:70.11	Evaṁ rūpaṁ attato samanupassati …pe…
ps1.2:70.12	sakkāyavatthukāya ucchedadiṭṭhiyā imehi pañcahi ākārehi abhiniveso hoti.
ps1.2:70.13	Ucchedadiṭṭhiniddeso chaṭṭho
ps1.2:71.0	1.2.7. Antaggāhikādiṭṭhiniddesa
ps1.2:71.1	Antaggāhikāya diṭṭhiyā katamehi paññāsāya ākārehi abhiniveso hoti?
ps1.2:71.2	“Sassato loko”ti—
ps1.2:71.3	antaggāhikāya diṭṭhiyā katihākārehi abhiniveso hoti?
ps1.2:71.4	“Asassato loko”ti—
ps1.2:71.5	antaggāhikāya diṭṭhiyā katihākārehi abhiniveso hoti?
ps1.2:71.6	“Antavā loko”ti—
ps1.2:71.7	antaggāhikāya diṭṭhiyā …
ps1.2:71.8	“anantavā loko”ti—
ps1.2:71.9	antaggāhikāya diṭṭhiyā …
ps1.2:71.10	“taṁ jīvaṁ taṁ sarīran”ti—
ps1.2:71.11	antaggāhikāya diṭṭhiyā …
ps1.2:71.12	“aññaṁ jīvaṁ aññaṁ sarīran”ti—
ps1.2:71.13	antaggāhikāya diṭṭhiyā …
ps1.2:71.14	“hoti tathāgato paraṁ maraṇā”ti …pe…
ps1.2:71.15	“na hoti tathāgato paraṁ maraṇā”ti …
ps1.2:71.16	“hoti ca na ca hoti tathāgato paraṁ maraṇā”ti …
ps1.2:71.17	“neva hoti na na hoti tathāgato paraṁ maraṇā”ti—
ps1.2:71.18	antaggāhikāya diṭṭhiyā katihākārehi abhiniveso hoti?
ps1.2:72.1	“Sassato loko”ti—
ps1.2:72.2	antaggāhikāya diṭṭhiyā pañcahākārehi abhiniveso hoti …pe…
ps1.2:72.3	“neva hoti na na hoti tathāgato paraṁ maraṇā”ti—
ps1.2:72.4	antaggāhikāya diṭṭhiyā pañcahākārehi abhiniveso hoti.
ps1.2:73.1	<b>“Sassato loko”</b>ti—
ps1.2:73.2	antaggāhikāya diṭṭhiyā katamehi pañcahākārehi abhiniveso hoti?
ps1.2:73.3	Rūpaṁ loko ceva sassataṁ cāti—
ps1.2:73.4	abhinivesaparāmāso diṭṭhi.
ps1.2:73.5	Tāya diṭṭhiyā so anto gahitoti—
ps1.2:73.6	antaggāhikā diṭṭhi.
ps1.2:73.7	Diṭṭhi na vatthu, vatthu na diṭṭhi.
ps1.2:73.8	Aññā diṭṭhi, aññaṁ vatthu.
ps1.2:73.9	Yā ca diṭṭhi yañca vatthu—
ps1.2:73.10	ayaṁ paṭhamā “sassato loko”ti—
ps1.2:73.11	antaggāhikā diṭṭhi.
ps1.2:73.12	Antaggāhikā diṭṭhi micchādiṭṭhi …pe…
ps1.2:73.13	imāni saññojanāni, na ca diṭṭhiyo.
ps1.2:74.1	Vedanā loko ceva sassatā cāti …pe…
ps1.2:74.2	saññā loko ceva sassatā cāti …pe…
ps1.2:74.3	saṅkhārā loko ceva sassatā cāti …pe…
ps1.2:74.4	viññāṇaṁ loko ceva sassatañcāti—
ps1.2:74.5	abhinivesaparāmāso diṭṭhi.
ps1.2:74.6	Tāya diṭṭhiyā so anto gahitoti—
ps1.2:74.7	antaggāhikā diṭṭhi.
ps1.2:74.8	Diṭṭhi na vatthu, vatthu na diṭṭhi.
ps1.2:74.9	Aññā diṭṭhi, aññaṁ vatthu.
ps1.2:74.10	Yā ca diṭṭhi yañca vatthu—
ps1.2:74.11	ayaṁ pañcamī sassato lokoti—
ps1.2:74.12	antaggāhikā diṭṭhi.
ps1.2:74.13	Antaggāhikā diṭṭhi micchādiṭṭhi …pe…
ps1.2:74.14	imāni saññojanāni, na ca diṭṭhiyo.
ps1.2:74.15	“Sassato loko”ti—
ps1.2:74.16	antaggāhikāya diṭṭhiyā imehi pañcahākārehi abhiniveso hoti.
ps1.2:75.1	<b>“Asassato loko”</b>ti—
ps1.2:75.2	antaggāhikāya diṭṭhiyā katamehi pañcahākārehi abhiniveso hoti?
ps1.2:75.3	Rūpaṁ loko ceva asassatañcāti—
ps1.2:75.4	abhinivesaparāmāso diṭṭhi.
ps1.2:75.5	Tāya diṭṭhiyā so anto gahitoti—
ps1.2:75.6	antaggāhikā diṭṭhi …pe…
ps1.2:75.7	ayaṁ paṭhamā “asassato loko”ti—
ps1.2:75.8	antaggāhikā diṭṭhi.
ps1.2:75.9	Antaggāhikā diṭṭhi micchādiṭṭhi diṭṭhivipatti …pe…
ps1.2:75.10	imāni saññojanāni, na ca diṭṭhiyo.
ps1.2:76.1	Vedanā loko ceva asassatā cāti …pe…
ps1.2:76.2	saññā loko ceva asassatā cāti …pe…
ps1.2:76.3	saṅkhārā loko ceva asassatā cāti …pe…
ps1.2:76.4	viññāṇaṁ loko ceva asassatañcāti—
ps1.2:76.5	abhinivesaparāmāso diṭṭhi.
ps1.2:76.6	Tāya diṭṭhiyā so anto gahitoti—
ps1.2:76.7	antaggāhikā diṭṭhi.
ps1.2:76.8	Antaggāhikā diṭṭhi micchādiṭṭhi …pe…
ps1.2:76.9	imāni saññojanāni, na ca diṭṭhiyo.
ps1.2:76.10	“Asassato loko”ti—
ps1.2:76.11	antaggāhikāya diṭṭhiyā imehi pañcahākārehi abhiniveso hoti.
ps1.2:77.1	<b>“Antavā loko”</b>ti—
ps1.2:77.2	antaggāhikāya diṭṭhiyā katamehi pañcahākārehi abhiniveso hoti?
ps1.2:77.3	Idhekacco parittaṁ okāsaṁ nīlakato pharati.
ps1.2:77.4	Tassa evaṁ hoti—
ps1.2:77.5	“antavā ayaṁ loko parivaṭumo”ti.
ps1.2:77.6	Antasaññī hoti.
ps1.2:77.7	Yaṁ pharati, taṁ vatthu ceva loko ca.
ps1.2:77.8	Yena pharati, so attā ceva loko cāti—
ps1.2:77.9	abhinivesaparāmāso diṭṭhi.
ps1.2:77.10	Tāya diṭṭhiyā so anto gahitoti—
ps1.2:77.11	antaggāhikā diṭṭhi.
ps1.2:77.12	Diṭṭhi na vatthu, vatthu na diṭṭhi.
ps1.2:77.13	Aññā diṭṭhi, aññaṁ vatthu.
ps1.2:77.14	Yā ca diṭṭhi yañca vatthu—
ps1.2:77.15	ayaṁ paṭhamā “antavā loko”ti antaggāhikā diṭṭhi.
ps1.2:77.16	Antaggāhikā diṭṭhi micchādiṭṭhi …pe…
ps1.2:77.17	imāni saññojanāni, na ca diṭṭhiyo.
ps1.2:78.1	Idhekacco parittaṁ okāsaṁ pītakato pharati …
ps1.2:78.2	lohitakato pharati …
ps1.2:78.3	odātakato pharati …
ps1.2:78.4	obhāsakato pharati.
ps1.2:78.5	Tassa evaṁ hoti—
ps1.2:78.6	“antavā ayaṁ loko parivaṭumo”ti.
ps1.2:78.7	Antasaññī hoti.
ps1.2:78.8	Yaṁ pharati taṁ vatthu ceva loko ca.
ps1.2:78.9	Yena pharati so attā ceva loko cāti—
ps1.2:78.10	abhinivesaparāmāso diṭṭhi.
ps1.2:78.11	Tāya diṭṭhiyā so anto gahitoti—
ps1.2:78.12	antaggāhikā diṭṭhi …pe…
ps1.2:78.13	antavā lokoti—
ps1.2:78.14	antaggāhikāya diṭṭhiyā imehi pañcahākārehi abhiniveso hoti.
ps1.2:79.1	<b>“Anantavā loko”</b>ti—
ps1.2:79.2	antaggāhikāya diṭṭhiyā katamehi pañcahākārehi abhiniveso hoti?
ps1.2:79.3	Idhekacco vipulaṁ okāsaṁ nīlakato pharati.
ps1.2:79.4	Tassa evaṁ hoti—
ps1.2:79.5	“anantavā ayaṁ loko apariyanto”ti.
ps1.2:79.6	Anantasaññī hoti.
ps1.2:79.7	Yaṁ pharati taṁ vatthu ceva loko ca;
ps1.2:79.8	yena pharati so attā ceva loko cāti—
ps1.2:79.9	abhinivesaparāmāso diṭṭhi.
ps1.2:79.10	Tāya diṭṭhiyā so anto gahitoti—
ps1.2:79.11	antaggāhikā diṭṭhi.
ps1.2:79.12	Diṭṭhi na vatthu, vatthu na diṭṭhi.
ps1.2:79.13	Aññā diṭṭhi, aññaṁ vatthu.
ps1.2:79.14	Yā ca diṭṭhi yañca vatthu—
ps1.2:79.15	ayaṁ paṭhamā “anantavā loko”ti—
ps1.2:79.16	antaggāhikā diṭṭhi.
ps1.2:79.17	Antaggāhikā diṭṭhi micchādiṭṭhi …pe…
ps1.2:79.18	imāni saññojanāni, na ca diṭṭhiyo.
ps1.2:80.1	Idhekacco vipulaṁ okāsaṁ pītakato pharati …
ps1.2:80.2	lohitakato pharati …
ps1.2:80.3	odātakato pharati …
ps1.2:80.4	obhāsakato pharati.
ps1.2:80.5	Tassa evaṁ hoti—
ps1.2:80.6	“anantavā ayaṁ loko apariyanto”ti.
ps1.2:80.7	Anantasaññī hoti.
ps1.2:80.8	Yaṁ pharati taṁ vatthu ceva loko ca;
ps1.2:80.9	yena pharati so attā ceva loko cāti—
ps1.2:80.10	abhinivesaparāmāso diṭṭhi.
ps1.2:80.11	Tāya diṭṭhiyā so anto gahitoti—
ps1.2:80.12	antaggāhikā diṭṭhi …pe…
ps1.2:80.13	anantavā lokoti—
ps1.2:80.14	antaggāhikāya diṭṭhiyā imehi pañcahākārehi abhiniveso hoti.
ps1.2:81.1	<b>“Taṁ jīvaṁ taṁ sarīran”</b>ti—
ps1.2:81.2	antaggāhikāya diṭṭhiyā katamehi pañcahākārehi abhiniveso hoti?
ps1.2:81.3	Rūpaṁ jīvañceva sarīrañca;
ps1.2:81.4	yaṁ jīvaṁ taṁ sarīraṁ, yaṁ sarīraṁ taṁ jīvanti—
ps1.2:81.5	abhinivesaparāmāso diṭṭhi.
ps1.2:81.6	Tāya diṭṭhiyā so anto gahitoti—
ps1.2:81.7	antaggāhikā diṭṭhi.
ps1.2:81.8	Diṭṭhi na vatthu, vatthu na diṭṭhi.
ps1.2:81.9	Aññā diṭṭhi, aññaṁ vatthu.
ps1.2:81.10	Yā ca diṭṭhi yañca vatthu—
ps1.2:81.11	ayaṁ paṭhamā “taṁ jīvaṁ taṁ sarīran”ti—
ps1.2:81.12	antaggāhikā diṭṭhi.
ps1.2:81.13	Antaggāhikā diṭṭhi micchādiṭṭhi …pe…
ps1.2:81.14	imāni saññojanāni, na ca diṭṭhiyo.
ps1.2:82.1	Vedanā jīvā ceva sarīraṁ ca …
ps1.2:82.2	saññā jīvā ceva sarīraṁ ca …
ps1.2:82.3	saṅkhārā jīvā ceva sarīraṁ ca …
ps1.2:82.4	viññāṇaṁ jīvañceva sarīrañca;
ps1.2:82.5	yaṁ jīvaṁ taṁ sarīraṁ, yaṁ sarīraṁ taṁ jīvanti—
ps1.2:82.6	abhinivesaparāmāso diṭṭhi.
ps1.2:82.7	Tāya diṭṭhiyā so anto gahitoti—
ps1.2:82.8	antaggāhikā diṭṭhi …pe…
ps1.2:82.9	“taṁ jīvaṁ taṁ sarīran”ti—
ps1.2:82.10	antaggāhikāya diṭṭhiyā imehi pañcahākārehi abhiniveso hoti.
ps1.2:83.1	<b>“Aññaṁ jīvaṁ aññaṁ sarīran”</b>ti—
ps1.2:83.2	antaggāhikāya diṭṭhiyā katamehi pañcahākārehi abhiniveso hoti?
ps1.2:83.3	Rūpaṁ sarīraṁ, na jīvaṁ;
ps1.2:83.4	jīvaṁ na sarīraṁ.
ps1.2:83.5	Aññaṁ jīvaṁ aññaṁ sarīranti—
ps1.2:83.6	abhinivesaparāmāso diṭṭhi.
ps1.2:83.7	Tāya diṭṭhiyā so anto gahitoti—
ps1.2:83.8	antaggāhikā diṭṭhi.
ps1.2:83.9	Diṭṭhi na vatthu, vatthu na diṭṭhi.
ps1.2:83.10	Aññā diṭṭhi, aññaṁ vatthu.
ps1.2:83.11	Yā ca diṭṭhi yañca vatthu—
ps1.2:83.12	ayaṁ paṭhamā “aññaṁ jīvaṁ aññaṁ sarīran”ti—
ps1.2:83.13	antaggāhikā diṭṭhi.
ps1.2:83.14	Antaggāhikā diṭṭhi micchādiṭṭhi …pe…
ps1.2:83.15	imāni saññojanāni, na ca diṭṭhiyo.
ps1.2:84.1	Vedanā sarīraṁ, na jīvaṁ …
ps1.2:84.2	saññā sarīraṁ, na jīvaṁ …
ps1.2:84.3	saṅkhārā sarīraṁ, na jīvaṁ …
ps1.2:84.4	viññāṇaṁ sarīraṁ, na jīvaṁ;
ps1.2:84.5	jīvaṁ na sarīraṁ.
ps1.2:84.6	Aññaṁ jīvaṁ, aññaṁ sarīranti—
ps1.2:84.7	abhinivesaparāmāso diṭṭhi.
ps1.2:84.8	Tāya diṭṭhiyā so anto gahitoti—
ps1.2:84.9	antaggāhikā diṭṭhi …pe…
ps1.2:84.10	aññaṁ jīvaṁ, aññaṁ sarīranti—
ps1.2:84.11	antaggāhikāya diṭṭhiyā imehi pañcahākārehi abhiniveso hoti.
ps1.2:85.1	<b>“Hoti tathāgato paraṁ maraṇā”</b>ti—
ps1.2:85.2	antaggāhikāya diṭṭhiyā katamehi pañcahākārehi abhiniveso hoti?
ps1.2:85.3	Rūpaṁ idheva maraṇadhammaṁ.
ps1.2:85.4	Tathāgato kāyassa bhedā hotipi tiṭṭhatipi uppajjatipi nibbattatipīti—
ps1.2:85.5	abhinivesaparāmāso diṭṭhi.
ps1.2:85.6	Tāya diṭṭhiyā so anto gahitoti—
ps1.2:85.7	antaggāhikā diṭṭhi.
ps1.2:85.8	Diṭṭhi na vatthu, vatthu na diṭṭhi.
ps1.2:85.9	Aññā diṭṭhi, aññaṁ vatthu.
ps1.2:85.10	Yā ca diṭṭhi yañca vatthu—
ps1.2:85.11	ayaṁ paṭhamā “hoti tathāgato paraṁ maraṇā”ti—
ps1.2:85.12	antaggāhikā diṭṭhi.
ps1.2:85.13	Antaggāhikā diṭṭhi micchādiṭṭhi …pe…
ps1.2:85.14	imāni saññojanāni, na ca diṭṭhiyo.
ps1.2:86.1	Vedanā idheva maraṇadhammā …pe…
ps1.2:86.2	saññā idheva maraṇadhammā …
ps1.2:86.3	saṅkhārā idheva maraṇadhammā …
ps1.2:86.4	viññāṇaṁ idheva maraṇadhammaṁ.
ps1.2:86.5	Tathāgato kāyassa bhedā hotipi tiṭṭhatipi uppajjatipi nibbattatipīti—
ps1.2:86.6	abhinivesaparāmāso diṭṭhi.
ps1.2:86.7	Tāya diṭṭhiyā so anto gahitoti—
ps1.2:86.8	antaggāhikā diṭṭhi …pe…
ps1.2:86.9	“hoti tathāgato paraṁ maraṇā”ti—
ps1.2:86.10	antaggāhikāya diṭṭhiyā imehi pañcahākārehi abhiniveso hoti.
ps1.2:87.1	<b>“Na hoti tathāgato paraṁ maraṇā”</b>ti—
ps1.2:87.2	antaggāhikāya diṭṭhiyā katamehi pañcahākārehi abhiniveso hoti?
ps1.2:87.3	Rūpaṁ idheva maraṇadhammaṁ.
ps1.2:87.4	Tathāgatopi kāyassa bhedā ucchijjati vinassati;
ps1.2:87.5	na hoti tathāgato paraṁ maraṇāti—
ps1.2:87.6	abhinivesaparāmāso diṭṭhi.
ps1.2:87.7	Tāya diṭṭhiyā so anto gahitoti—
ps1.2:87.8	antaggāhikā diṭṭhi.
ps1.2:87.9	Diṭṭhi na vatthu, vatthu na diṭṭhi.
ps1.2:87.10	Aññā diṭṭhi, aññaṁ vatthu.
ps1.2:87.11	Yā ca diṭṭhi yañca vatthu—
ps1.2:87.12	ayaṁ paṭhamā “na hoti tathāgato paraṁ maraṇā”ti—
ps1.2:87.13	antaggāhikā diṭṭhi.
ps1.2:87.14	Antaggāhikā diṭṭhi micchādiṭṭhi …pe…
ps1.2:87.15	imāni saññojanāni, na ca diṭṭhiyo.
ps1.2:88.1	Vedanā idheva maraṇadhammā …
ps1.2:88.2	saññā idheva maraṇadhammā …
ps1.2:88.3	saṅkhārā idheva maraṇadhammā …
ps1.2:88.4	viññāṇaṁ idheva maraṇadhammaṁ.
ps1.2:88.5	Tathāgatopi kāyassa bhedā ucchijjati vinassati.
ps1.2:88.6	“Na hoti tathāgato paraṁ maraṇā”ti—
ps1.2:88.7	abhinivesaparāmāso diṭṭhi.
ps1.2:88.8	Tāya diṭṭhiyā so anto gahitoti—
ps1.2:88.9	antaggāhikā diṭṭhi …pe…
ps1.2:88.10	“na hoti tathāgato paraṁ maraṇā”ti—
ps1.2:88.11	antaggāhikāya diṭṭhiyā imehi pañcahākārehi abhiniveso hoti.
ps1.2:89.1	<b>“Hoti ca na ca hoti tathāgato paraṁ maraṇā”</b>ti—
ps1.2:89.2	antaggāhikāya diṭṭhiyā katamehi pañcahākārehi abhiniveso hoti?
ps1.2:89.3	Rūpaṁ idheva maraṇadhammaṁ.
ps1.2:89.4	Tathāgato kāyassa bhedā hoti ca na ca hotīti—
ps1.2:89.5	abhinivesaparāmāso diṭṭhi.
ps1.2:89.6	Tāya diṭṭhiyā so anto gahitoti—
ps1.2:89.7	antaggāhikā diṭṭhi.
ps1.2:89.8	Diṭṭhi na vatthu, vatthu na diṭṭhi.
ps1.2:89.9	Aññā diṭṭhi, aññaṁ vatthu.
ps1.2:89.10	Yā ca diṭṭhi yañca vatthu—
ps1.2:89.11	ayaṁ paṭhamā “hoti ca na ca hoti tathāgato paraṁ maraṇā”ti—
ps1.2:89.12	antaggāhikā diṭṭhi.
ps1.2:89.13	Antaggāhikā diṭṭhi micchādiṭṭhi …pe…
ps1.2:89.14	imāni saññojanāni na ca diṭṭhiyo.
ps1.2:90.1	Vedanā idheva maraṇadhammā …
ps1.2:90.2	saññā idheva maraṇadhammā …
ps1.2:90.3	saṅkhārā idheva maraṇadhammā …
ps1.2:90.4	viññāṇaṁ idheva maraṇadhammaṁ.
ps1.2:90.5	Tathāgato kāyassa bhedā hoti ca na ca hotīti—
ps1.2:90.6	abhinivesaparāmāso diṭṭhi.
ps1.2:90.7	Tāya diṭṭhiyā so anto gahitoti—
ps1.2:90.8	antaggāhikā diṭṭhi …pe…
ps1.2:90.9	“hoti ca na ca hoti tathāgato paraṁ maraṇā”ti—
ps1.2:90.10	antaggāhikāya diṭṭhiyā imehi pañcahākārehi abhiniveso hoti.
ps1.2:91.1	<b>“Neva hoti na na hoti tathāgato paraṁ maraṇā”</b>ti—
ps1.2:91.2	antaggāhikāya diṭṭhiyā katamehi pañcahākārehi abhiniveso hoti?
ps1.2:91.3	Rūpaṁ idheva maraṇadhammaṁ.
ps1.2:91.4	Tathāgato kāyassa bhedā paraṁ maraṇā neva hoti na na hotīti—
ps1.2:91.5	abhinivesaparāmāso diṭṭhi.
ps1.2:91.6	Tāya diṭṭhiyā so anto gahitoti—
ps1.2:91.7	antaggāhikā diṭṭhi.
ps1.2:91.8	Diṭṭhi na vatthu, vatthu na diṭṭhi, aññā diṭṭhi, aññaṁ vatthu.
ps1.2:91.9	Yā ca diṭṭhi yañca vatthu—
ps1.2:91.10	ayaṁ paṭhamā “neva hoti na na hoti tathāgato paraṁ maraṇā”ti—
ps1.2:91.11	antaggāhikā diṭṭhi.
ps1.2:91.12	Antaggāhikā diṭṭhi micchādiṭṭhi …pe…
ps1.2:91.13	imāni saññojanāni, na ca diṭṭhiyo.
ps1.2:92.1	Vedanā idheva maraṇadhammā …
ps1.2:92.2	saññā idheva maraṇadhammā …
ps1.2:92.3	saṅkhārā idheva maraṇadhammā …
ps1.2:92.4	viññāṇaṁ idheva maraṇadhammaṁ.
ps1.2:92.5	Tathāgato kāyassa bhedā paraṁ maraṇā neva hoti na na hotīti—
ps1.2:92.6	abhinivesaparāmāso diṭṭhi.
ps1.2:92.7	Tāya diṭṭhiyā so anto gahitoti—
ps1.2:92.8	antaggāhikā diṭṭhi.
ps1.2:92.9	Diṭṭhi na vatthu, vatthu na diṭṭhi.
ps1.2:92.10	Aññā diṭṭhi, aññaṁ vatthu.
ps1.2:92.11	Yā ca diṭṭhi yañca vatthu—
ps1.2:92.12	ayaṁ pañcamī “neva hoti na na hoti tathāgato paraṁ maraṇā”ti—
ps1.2:92.13	antaggāhikā diṭṭhi.
ps1.2:92.14	Antaggāhikā diṭṭhi micchādiṭṭhi …pe…
ps1.2:92.15	imāni saññojanāni, na ca diṭṭhiyo.
ps1.2:92.16	“Neva hoti na na hoti tathāgato paraṁ maraṇā”ti—
ps1.2:92.17	antaggāhikāya diṭṭhiyā imehi pañcahākārehi abhiniveso hoti.
ps1.2:92.18	Antaggāhikāya diṭṭhiyā imehi paññāsāya ākārehi abhiniveso hoti.
ps1.2:92.19	Antaggāhikādiṭṭhiniddeso sattamo.
ps1.2:93.0	1.2.8. Pubbantānudiṭṭhiniddesa
ps1.2:93.1	Pubbantānudiṭṭhiyā katamehi aṭṭhārasahi ākārehi abhiniveso hoti?
ps1.2:93.2	Cattāro sassatavādā, cattāro ekaccasassatikā, cattāro antānantikā, cattāro amarāvikkhepikā, dve adhiccasamuppannikā—
ps1.2:93.3	pubbantānudiṭṭhiyā imehi aṭṭhārasahi ākārehi abhiniveso hoti.
ps1.2:93.4	Pubbantānudiṭṭhiniddeso aṭṭhamo.
ps1.2:94.0	1.2.9. Aparantānudiṭṭhiniddesa
ps1.2:94.1	Aparantānudiṭṭhiyā katamehi catucattālīsāya ākārehi abhiniveso hoti?
ps1.2:94.2	Soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca diṭṭhadhammanibbānavādā—
ps1.2:94.3	aparantānudiṭṭhiyā imehi catucattālīsāya ākārehi abhiniveso hoti.
ps1.2:94.4	Aparantānudiṭṭhiniddeso navamo.
ps1.2:95.0	1.2.10. Saññojanikādiṭṭhiniddesa
ps1.2:95.1	Saññojanikāya diṭṭhiyā katamehi aṭṭhārasahi ākārehi abhiniveso hoti?
ps1.2:95.2	Yā diṭṭhi diṭṭhigataṁ diṭṭhigahanaṁ …pe…
ps1.2:95.3	diṭṭhābhiniveso diṭṭhiparāmāso—
ps1.2:95.4	saññojanikāya diṭṭhiyā imehi aṭṭhārasahi ākārehi abhiniveso hoti.
ps1.2:95.5	Saññojanikādiṭṭhiniddeso dasamo.
ps1.2:96.0	1.2.11. Ahantimānavinibandhādiṭṭhiniddesa
ps1.2:96.1	“Ahan”ti—
ps1.2:96.2	mānavinibandhāya diṭṭhiyā katamehi aṭṭhārasahi ākārehi abhiniveso hoti?
ps1.2:96.3	Cakkhu ahanti—
ps1.2:96.4	abhinivesaparāmāso.
ps1.2:96.5	Ahanti—
ps1.2:96.6	mānavinibandhā diṭṭhi.
ps1.2:96.7	Diṭṭhi na vatthu, vatthu na diṭṭhi.
ps1.2:96.8	Aññā diṭṭhi, aññaṁ vatthu.
ps1.2:96.9	Yā ca diṭṭhi yañca vatthu—
ps1.2:96.10	ayaṁ paṭhamā “ahan”ti—
ps1.2:96.11	mānavinibandhā diṭṭhi.
ps1.2:96.12	Mānavinibandhā diṭṭhi micchādiṭṭhi …pe…
ps1.2:96.13	imāni saññojanāni, na ca diṭṭhiyo.
ps1.2:97.1	Sotaṁ ahanti …pe…
ps1.2:97.2	ghānaṁ ahanti …pe…
ps1.2:97.3	jivhā ahanti …pe…
ps1.2:97.4	kāyo ahanti …pe…
ps1.2:97.5	mano ahanti …pe…
ps1.2:97.6	rūpā ahanti …pe…
ps1.2:97.7	dhammā ahanti …
ps1.2:97.8	cakkhuviññāṇaṁ ahanti …pe…
ps1.2:97.9	manoviññāṇaṁ ahanti—
ps1.2:97.10	abhinivesaparāmāso.
ps1.2:97.11	Ahanti—
ps1.2:97.12	mānavinibandhā diṭṭhi.
ps1.2:97.13	Diṭṭhi na vatthu, vatthu na diṭṭhi.
ps1.2:97.14	Aññā diṭṭhi, aññaṁ vatthu.
ps1.2:97.15	Yā ca diṭṭhi yañca vatthu—
ps1.2:97.16	ayaṁ aṭṭhārasamī “ahan”ti—
ps1.2:97.17	mānavinibandhā diṭṭhi.
ps1.2:97.18	Mānavinibandhā diṭṭhi micchādiṭṭhi …pe…
ps1.2:97.19	imāni saññojanāni, na ca diṭṭhiyo.
ps1.2:97.20	“Ahan”ti—
ps1.2:97.21	mānavinibandhāya diṭṭhiyā imehi aṭṭhārasahi ākārehi abhiniveso hoti.
ps1.2:97.22	Ahantimānavinibandhādiṭṭhiniddeso ekādasamo.
ps1.2:98.0	1.2.12. Mamantimānavinibandhādiṭṭhiniddesa
ps1.2:98.1	“Maman”ti—
ps1.2:98.2	mānavinibandhāya diṭṭhiyā katamehi aṭṭhārasahi ākārehi abhiniveso hoti?
ps1.2:98.3	Cakkhu mamanti—
ps1.2:98.4	abhinivesaparāmāso.
ps1.2:98.5	Mamanti—
ps1.2:98.6	mānavinibandhā diṭṭhi.
ps1.2:98.7	Diṭṭhi na vatthu, vatthu na diṭṭhi.
ps1.2:98.8	Aññā diṭṭhi, aññaṁ vatthu.
ps1.2:98.9	Yā ca diṭṭhi yañca vatthu—
ps1.2:98.10	ayaṁ paṭhamā “maman”ti—
ps1.2:98.11	mānavinibandhā diṭṭhi.
ps1.2:98.12	Mānavinibandhā diṭṭhi micchādiṭṭhi …pe…
ps1.2:98.13	imāni saññojanāni, na ca diṭṭhiyo.
ps1.2:99.1	Sotaṁ mamanti …pe…
ps1.2:99.2	ghānaṁ mamanti …pe…
ps1.2:99.3	jivhā mamanti …pe…
ps1.2:99.4	kāyo mamanti …pe…
ps1.2:99.5	mano mamanti …pe…
ps1.2:99.6	rūpā mamanti …pe…
ps1.2:99.7	dhammā mamanti …pe…
ps1.2:99.8	cakkhuviññāṇaṁ mamanti …pe…
ps1.2:99.9	manoviññāṇaṁ mamanti abhinivesaparāmāso.
ps1.2:99.10	Mamanti mānavinibandhā diṭṭhi.
ps1.2:99.11	Diṭṭhi na vatthu, vatthu na diṭṭhi.
ps1.2:99.12	Aññā diṭṭhi, aññaṁ vatthu.
ps1.2:99.13	Yā ca diṭṭhi yañca vatthu—
ps1.2:99.14	ayaṁ aṭṭhārasamī “maman”ti—
ps1.2:99.15	mānavinibandhā diṭṭhi.
ps1.2:99.16	Mānavinibandhā diṭṭhi micchādiṭṭhi …pe…
ps1.2:99.17	imāni saññojanāni, na ca diṭṭhiyo.
ps1.2:99.18	“Maman”ti—
ps1.2:99.19	mānavinibandhāya diṭṭhiyā imehi aṭṭhārasahi ākārehi abhiniveso hoti.
ps1.2:99.20	Mamantimānavinibandhādiṭṭhiniddeso dvādasamo.
ps1.2:100.0	1.2.13. Attavādapaṭisaṁyuttadiṭṭhiniddesa
ps1.2:100.1	Attavādapaṭisaṁyuttāya diṭṭhiyā katamehi vīsatiyā ākārehi abhiniveso hoti?
ps1.2:100.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati rūpavantaṁ vā attānaṁ attani vā rūpaṁ rūpasmiṁ vā attānaṁ …pe…
ps1.2:100.3	vedanaṁ …
ps1.2:100.4	saññaṁ …
ps1.2:100.5	saṅkhāre …
ps1.2:100.6	viññāṇaṁ attato samanupassati viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ …pe….
ps1.2:101.1	Kathaṁ <b>rūpaṁ attato samanupassati?</b>
ps1.2:101.2	Idhekacco pathavīkasiṇaṁ …pe…
ps1.2:101.3	odātakasiṇaṁ attato samanupassati.
ps1.2:101.4	“Yaṁ odātakasiṇaṁ, so ahaṁ;
ps1.2:101.5	yo ahaṁ, taṁ odātakasiṇan”ti—
ps1.2:101.6	odātakasiṇañca attañca advayaṁ samanupassati.
ps1.2:101.7	Seyyathāpi telappadīpassa jhāyato “yā acci, so vaṇṇo;
ps1.2:101.8	yo vaṇṇo, sā accī”ti—
ps1.2:101.9	acciñca vaṇṇañca advayaṁ samanupassati.
ps1.2:101.10	Evamevaṁ idhekacco odātakasiṇaṁ attato samanupassati …pe…
ps1.2:101.11	ayaṁ paṭhamā rūpavatthukā attavādapaṭisaṁyuttā diṭṭhi.
ps1.2:101.12	Attavādapaṭisaṁyuttā diṭṭhi micchādiṭṭhi …pe…
ps1.2:101.13	imāni saññojanāni, na ca diṭṭhiyo.
ps1.2:101.14	Evaṁ rūpaṁ attato samanupassati …pe…
ps1.2:101.15	attavādapaṭisaṁyuttāya diṭṭhiyā imehi vīsatiyā ākārehi abhiniveso hoti.
ps1.2:101.16	Attavādapaṭisaṁyuttadiṭṭhiniddeso terasamo.
ps1.2:102.0	1.2.14. Lokavādapaṭisaṁyuttadiṭṭhiniddesa
ps1.2:102.1	Lokavādapaṭisaṁyuttāya diṭṭhiyā katamehi aṭṭhahi ākārehi abhiniveso hoti?
ps1.2:102.2	Sassato attā ca loko cāti—
ps1.2:102.3	abhinivesaparāmāso lokavādapaṭisaṁyuttā diṭṭhi.
ps1.2:102.4	Diṭṭhi na vatthu, vatthu na diṭṭhi.
ps1.2:102.5	Aññā, diṭṭhi, aññaṁ vatthu.
ps1.2:102.6	Yā ca diṭṭhi yañca vatthu—
ps1.2:102.7	ayaṁ paṭhamā lokavādapaṭisaṁyuttā diṭṭhi.
ps1.2:102.8	Lokavādapaṭisaṁyuttā diṭṭhi micchādiṭṭhi …pe…
ps1.2:102.9	imāni saññojanāni, na ca diṭṭhiyo.
ps1.2:103.1	Asassato attā ca loko cāti …pe…
ps1.2:103.2	sassato ca asassato ca attā ca loko cāti …pe…
ps1.2:103.3	neva sassato nāsassato attā ca loko cāti …
ps1.2:103.4	antavā attā ca loko cāti …
ps1.2:103.5	anantavā attā ca loko cāti …
ps1.2:103.6	antavā ca anantavā ca attā ca loko cāti …
ps1.2:103.7	neva antavā na anantavā attā ca loko cāti abhinivesaparāmāso lokavādapaṭisaṁyuttā diṭṭhi.
ps1.2:103.8	Diṭṭhi na vatthu, vatthu na diṭṭhi.
ps1.2:103.9	Aññā diṭṭhi, aññaṁ vatthu.
ps1.2:103.10	Yā ca diṭṭhi yañca vatthu—
ps1.2:103.11	ayaṁ aṭṭhamī lokavādapaṭisaṁyuttā diṭṭhi.
ps1.2:103.12	Lokavādapaṭisaṁyuttā diṭṭhi micchādiṭṭhi …pe…
ps1.2:103.13	imāni saññojanāni, na ca diṭṭhiyo.
ps1.2:103.14	Lokavādapaṭisaṁyuttāya diṭṭhiyā imehi aṭṭhahi ākārehi abhiniveso hoti.
ps1.2:103.15	Lokavādapaṭisaṁyuttadiṭṭhiniddeso cuddasamo.
ps1.2:104.0	1.2.15. Bhavavibhavadiṭṭhiniddesa
ps1.2:104.1	Olīyanābhiniveso bhavadiṭṭhi.
ps1.2:104.2	Atidhāvanābhiniveso vibhavadiṭṭhi.
ps1.2:104.3	Assādadiṭṭhiyā pañcatiṁsāya ākārehi abhiniveso kati bhavadiṭṭhiyo, kati vibhavadiṭṭhiyo?
ps1.2:104.4	Attānudiṭṭhiyā vīsatiyā ākārehi abhiniveso kati bhavadiṭṭhiyo kati vibhavadiṭṭhiyo …pe…
ps1.2:104.5	lokavādapaṭisaṁyuttāya diṭṭhiyā aṭṭhahi ākārehi abhiniveso kati bhavadiṭṭhiyo kati vibhavadiṭṭhiyo?
ps1.2:105.1	Assādadiṭṭhiyā pañcatiṁsāya ākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:105.2	Attānudiṭṭhiyā vīsatiyā ākārehi abhiniveso pannarasa bhavadiṭṭhiyo, pañca vibhavadiṭṭhiyo.
ps1.2:105.3	Micchādiṭṭhiyā dasahi ākārehi abhiniveso sabbāva tā vibhavadiṭṭhiyo.
ps1.2:105.4	Sakkāyadiṭṭhiyā vīsatiyā ākārehi abhiniveso pannarasa bhavadiṭṭhiyo, pañca vibhavadiṭṭhiyo.
ps1.2:105.5	Sakkāyavatthukāya sassatadiṭṭhiyā pannarasahi ākārehi abhiniveso sabbāva tā bhavadiṭṭhiyo.
ps1.2:105.6	Sakkāyavatthukāya ucchedadiṭṭhiyā pañcahākārehi abhiniveso sabbāva tā vibhavadiṭṭhiyo.
ps1.2:106.1	“Sassato loko”ti—
ps1.2:106.2	antaggāhikāya diṭṭhiyā pañcahākārehi abhiniveso sabbāva tā bhavadiṭṭhiyo.
ps1.2:106.3	“Asassato loko”ti—
ps1.2:106.4	antaggāhikāya diṭṭhiyā pañcahākārehi abhiniveso sabbāva tā vibhavadiṭṭhiyo.
ps1.2:106.5	“Antavā loko”ti—
ps1.2:106.6	antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:106.7	“Anantavā loko”ti—
ps1.2:106.8	antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:106.9	“Taṁ jīvaṁ taṁ sarīran”ti—
ps1.2:106.10	antaggāhikāya diṭṭhiyā pañcahākārehi abhiniveso sabbāva tā vibhavadiṭṭhiyo.
ps1.2:106.11	“Aññaṁ jīvaṁ aññaṁ sarīran”ti—
ps1.2:106.12	antaggāhikāya diṭṭhiyā pañcahākārehi abhiniveso sabbāva tā bhavadiṭṭhiyo.
ps1.2:106.13	“Hoti tathāgato paraṁ maraṇā”ti—
ps1.2:106.14	antaggāhikāya diṭṭhiyā pañcahākārehi abhiniveso sabbāva tā bhavadiṭṭhiyo.
ps1.2:106.15	“Na hoti tathāgato paraṁ maraṇā”ti—
ps1.2:106.16	antaggāhikāya diṭṭhiyā pañcahākārehi abhiniveso sabbāva tā vibhavadiṭṭhiyo.
ps1.2:106.17	“Hoti ca na ca hoti tathāgato paraṁ maraṇā”ti—
ps1.2:106.18	antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo “neva hoti na na hoti tathāgato paraṁ maraṇā”ti—
ps1.2:106.19	antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:107.1	Pubbantānudiṭṭhiyā aṭṭhārasahi ākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:107.2	Aparantānudiṭṭhiyā catucattārīsāya ākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:107.3	Saññojanikāya diṭṭhiyā aṭṭhārasahi ākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:107.4	Ahanti—
ps1.2:107.5	mānavinibandhāya diṭṭhiyā aṭṭhārasahi ākārehi abhiniveso sabbāva tā vibhavadiṭṭhiyo.
ps1.2:107.6	Mamanti—
ps1.2:107.7	mānavinibandhāya diṭṭhiyā aṭṭhārasahi ākārehi abhiniveso sabbāva tā bhavadiṭṭhiyo.
ps1.2:107.8	Attavādapaṭisaṁyuttāya diṭṭhiyā vīsatiyā ākārehi abhiniveso pannarasa bhavadiṭṭhiyo, pañca vibhavadiṭṭhiyo.
ps1.2:107.9	Lokavādapaṭisaṁyuttāya diṭṭhiyā aṭṭhahi ākārehi abhiniveso siyā bhavadiṭṭhiyo, siyā vibhavadiṭṭhiyo.
ps1.2:108.1	Sabbāva tā diṭṭhiyo assādadiṭṭhiyo.
ps1.2:108.2	Sabbāva tā diṭṭhiyo attānudiṭṭhiyo.
ps1.2:108.3	Sabbāva tā diṭṭhiyo micchādiṭṭhiyo.
ps1.2:108.4	Sabbāva tā diṭṭhiyo sakkāyadiṭṭhiyo.
ps1.2:108.5	Sabbāva tā diṭṭhiyo antaggāhikā diṭṭhiyo.
ps1.2:108.6	Sabbāva tā diṭṭhiyo saññojanikā diṭṭhiyo.
ps1.2:108.7	Sabbāva tā diṭṭhiyo attavādapaṭisaṁyuttā diṭṭhiyo.
ps1.2:109.1	Bhavañca diṭṭhiṁ vibhavañca diṭṭhiṁ,
ps1.2:109.2	Etaṁ dvayaṁ takkikā nissitāse;
ps1.2:109.3	Tesaṁ nirodhamhi na hatthi ñāṇaṁ,
ps1.2:109.4	Yatthāyaṁ loko viparītasaññīti.
ps1.2:110.1	“Dvīhi, bhikkhave, diṭṭhigatehi pariyuṭṭhitā devamanussā olīyanti eke, atidhāvanti eke;
ps1.2:110.2	cakkhumanto ca passanti.
ps1.2:110.3	Kathañca, bhikkhave, olīyanti eke?
ps1.2:110.4	Bhavārāmā, bhikkhave, devamanussā bhavaratā bhavasammuditā.
ps1.2:110.5	Tesaṁ bhavanirodhāya dhamme desiyamāne cittaṁ na pakkhandati na pasīdati na santiṭṭhati nādhimuccati.
ps1.2:110.6	Evaṁ kho, bhikkhave, olīyanti eke.
ps1.2:111.1	Kathañca, bhikkhave, atidhāvanti eke?
ps1.2:111.2	Bhaveneva kho paneke aṭṭīyamānā harāyamānā jigucchamānā vibhavaṁ abhinandanti—
ps1.2:111.3	yato kira, bho, ayaṁ attā kāyassa bhedā paraṁ maraṇā ucchijjati vinassati na hoti paraṁ maraṇā, etaṁ santaṁ etaṁ paṇītaṁ etaṁ yāthāvanti.
ps1.2:111.4	Evaṁ kho, bhikkhave, atidhāvanti eke.
ps1.2:112.1	Kathañca, bhikkhave, cakkhumanto ca passanti?
ps1.2:112.2	Idha, bhikkhave, bhikkhu bhūtaṁ bhūtato passati.
ps1.2:112.3	Bhūtaṁ bhūtato disvā bhūtassa nibbidāya virāgāya nirodhāya paṭipanno hoti.
ps1.2:112.4	Evaṁ kho, bhikkhave, cakkhumanto ca passanti.
ps1.2:113.1	Yo bhūtaṁ bhūtato disvā,
ps1.2:113.2	bhūtassa ca atikkamaṁ;
ps1.2:113.3	Yathābhūtedhimuccati,
ps1.2:113.4	bhavataṇhā parikkhayā.
ps1.2:114.1	Sa ve bhūtapariññāto,
ps1.2:114.2	vītataṇho bhavābhave;
ps1.2:114.3	Bhūtassa vibhavā bhikkhu,
ps1.2:114.4	nāgacchati punabbhavan”ti.
ps1.2:115.1	Tayo puggalā vipannadiṭṭhī, tayo puggalā sampannadiṭṭhī.
ps1.2:115.2	Katame tayo puggalā vipannadiṭṭhī?
ps1.2:115.3	Titthiyo ca, titthiyasāvako ca, yo ca micchādiṭṭhiko—
ps1.2:115.4	ime tayo puggalā vipannadiṭṭhī.
ps1.2:116.1	Katame tayo puggalā sampannadiṭṭhī?
ps1.2:116.2	Tathāgato ca, tathāgatasāvako ca, yo ca sammādiṭṭhiko—
ps1.2:116.3	ime tayo puggalā sampannadiṭṭhī.
ps1.2:117.1	“Kodhano upanāhī ca,
ps1.2:117.2	pāpamakkhī ca yo naro;
ps1.2:117.3	Vipannadiṭṭhi māyāvī,
ps1.2:117.4	taṁ jaññā vasalo iti”.
ps1.2:118.1	Akkodhano anupanāhī,
ps1.2:118.2	visuddho suddhataṁ gato;
ps1.2:118.3	Sampannadiṭṭhi medhāvī,
ps1.2:118.4	taṁ jaññā ariyo itīti.
ps1.2:119.1	Tisso vipannadiṭṭhiyo, tisso sampannadiṭṭhiyo.
ps1.2:119.2	Katamā tisso vipannadiṭṭhiyo?
ps1.2:119.3	Etaṁ mamāti—
ps1.2:119.4	vipannadiṭṭhi.
ps1.2:119.5	Esohamasmīti—
ps1.2:119.6	vipannadiṭṭhi.
ps1.2:119.7	Eso me attāti—
ps1.2:119.8	vipannadiṭṭhi.
ps1.2:119.9	Imā tisso vipannadiṭṭhiyo.
ps1.2:120.1	Katamā tisso sampannadiṭṭhiyo?
ps1.2:120.2	Netaṁ mamāti—
ps1.2:120.3	sampannadiṭṭhi.
ps1.2:120.4	Nesohamasmīti—
ps1.2:120.5	sampannadiṭṭhi.
ps1.2:120.6	Na meso attāti—
ps1.2:120.7	sampannadiṭṭhi.
ps1.2:120.8	Imā tisso sampannadiṭṭhiyo.
ps1.2:121.1	<b>Etaṁ mamā</b>ti—
ps1.2:121.2	kā diṭṭhi, kati diṭṭhiyo, katamantānuggahitā tā diṭṭhiyo?
ps1.2:121.3	<b>Esohamasmī</b>ti—
ps1.2:121.4	kā diṭṭhi, kati diṭṭhiyo, katamantānuggahitā tā diṭṭhiyo?
ps1.2:121.5	<b>Eso me attā</b>ti—
ps1.2:121.6	kā diṭṭhi, kati diṭṭhiyo, katamantānuggahitā tā diṭṭhiyo?
ps1.2:122.1	<b>Etaṁ mamā</b>ti—
ps1.2:122.2	pubbantānudiṭṭhi.
ps1.2:122.3	Aṭṭhārasa diṭṭhiyo.
ps1.2:122.4	Pubbantānuggahitā tā diṭṭhiyo.
ps1.2:122.5	<b>Esohamasmī</b>ti—
ps1.2:122.6	aparantānudiṭṭhi.
ps1.2:122.7	Catucattārīsaṁ diṭṭhiyo.
ps1.2:122.8	Aparantānuggahitā tā diṭṭhiyo.
ps1.2:122.9	<b>Eso me attā</b>ti—
ps1.2:122.10	vīsativatthukā attānudiṭṭhi.
ps1.2:122.11	Vīsativatthukā sakkāyadiṭṭhi.
ps1.2:122.12	Sakkāyadiṭṭhippamukhāni dvāsaṭṭhi diṭṭhigatāni.
ps1.2:122.13	Pubbantāparantānuggahitā tā diṭṭhiyo.
ps1.2:123.1	“Ye keci, bhikkhave, mayi niṭṭhaṁ gatā, sabbe te diṭṭhisampannā.
ps1.2:123.2	Tesaṁ diṭṭhisampannānaṁ pañcannaṁ idha niṭṭhā, pañcannaṁ idha vihāya niṭṭhā.
ps1.2:123.3	Katamesaṁ pañcannaṁ idha niṭṭhā?
ps1.2:123.4	Sattakkhattuparamassa, kolaṅkolassa, ekabījissa, sakadāgāmissa, yo ca diṭṭheva dhamme arahā—
ps1.2:123.5	imesaṁ pañcannaṁ idha niṭṭhā.
ps1.2:124.1	Katamesaṁ pañcannaṁ idha vihāya niṭṭhā?
ps1.2:124.2	Antarāparinibbāyissa, upahaccaparinibbāyissa, asaṅkhāraparinibbāyissa, sasaṅkhāraparinibbāyissa, uddhaṁsotassa, akaniṭṭhagāmino—
ps1.2:124.3	imesaṁ pañcannaṁ idha vihāya niṭṭhā.
ps1.2:125.1	Ye keci, bhikkhave, mayi niṭṭhaṁ gatā, sabbe te diṭṭhisampannā.
ps1.2:125.2	Tesaṁ diṭṭhisampannānaṁ imesaṁ pañcannaṁ idha niṭṭhā, imesaṁ pañcannaṁ idha vihāya niṭṭhā.
ps1.2:126.1	Ye keci, bhikkhave, mayi aveccappasannā, sabbe te sotāpannā.
ps1.2:126.2	Tesaṁ sotāpannānaṁ pañcannaṁ idha niṭṭhā, pañcannaṁ idha vihāya niṭṭhā.
ps1.2:126.3	Katamesaṁ pañcannaṁ idha niṭṭhā?
ps1.2:126.4	Sattakkhattuparamassa, kolaṅkolassa, ekabījissa, sakadāgāmissa, yo ca diṭṭheva dhamme arahā—
ps1.2:126.5	imesaṁ pañcannaṁ idha niṭṭhā.
ps1.2:127.1	Katamesaṁ pañcannaṁ idha vihāya niṭṭhā?
ps1.2:127.2	Antarāparinibbāyissa, upahaccaparinibbāyissa, asaṅkhāraparinibbāyissa, sasaṅkhāraparinibbāyissa, uddhaṁsotassa, akaniṭṭhagāmino—
ps1.2:127.3	imesaṁ pañcannaṁ idha vihāya niṭṭhā.
ps1.2:128.1	Ye keci, bhikkhave, mayi aveccappasannā, sabbe te sotāpannā.
ps1.2:128.2	Tesaṁ sotāpannānaṁ imesaṁ pañcannaṁ idha niṭṭhā.
ps1.2:128.3	Imesaṁ pañcannaṁ idha vihāya niṭṭhā”ti.
ps1.2:128.4	Bhavavibhavadiṭṭhiniddeso soḷasamo.
ps1.2:128.5	Diṭṭhikathā niṭṭhitā.
ps1.3:0.1	Paṭisambhidāmagga
ps1.3:0.2	1 Mahāvagga
ps1.3:0.3	1.3. Ānāpānassatikathā
ps1.3:1.0	1.3.1 Gaṇanavāra
ps1.3:1.1	Soḷasavatthukaṁ ānāpānassatisamādhiṁ bhāvayato samadhikāni dve ñāṇasatāni uppajjanti—
ps1.3:1.2	aṭṭha paripanthe ñāṇāni, aṭṭha ca upakāre ñāṇāni, aṭṭhārasa upakkilese ñāṇāni, terasa vodāne ñāṇāni, bāttiṁsa satokārissa ñāṇāni, catuvīsati samādhivasena ñāṇāni, dvesattati vipassanāvasena ñāṇāni, aṭṭha nibbidāñāṇāni, aṭṭha nibbidānulomañāṇāni, aṭṭha nibbidāpaṭippassaddhiñāṇāni, ekavīsati vimuttisukhe ñāṇāni.
ps1.3:2.1	Katamāni aṭṭha paripanthe ñāṇāni, aṭṭha ca upakāre ñāṇāni?
ps1.3:2.2	Kāmacchando samādhissa paripantho, nekkhammaṁ samādhissa upakāraṁ.
ps1.3:2.3	Byāpādo samādhissa paripantho, abyāpādo samādhissa upakāraṁ.
ps1.3:2.4	Thinamiddhaṁ samādhissa paripantho, ālokasaññā samādhissa upakāraṁ.
ps1.3:2.5	Uddhaccaṁ samādhissa paripantho, avikkhepo samādhissa upakāraṁ.
ps1.3:2.6	Vicikicchā samādhissa paripantho, dhammavavatthānaṁ samādhissa upakāraṁ.
ps1.3:2.7	Avijjā samādhissa paripantho, ñāṇaṁ samādhissa upakāraṁ.
ps1.3:2.8	Arati samādhissa paripantho, pāmojjaṁ samādhissa upakāraṁ.
ps1.3:2.9	Sabbepi akusalā dhammā samādhissa paripanthā, sabbepi kusalā dhammā samādhissa upakārā.
ps1.3:2.10	Imāni aṭṭha paripanthe ñāṇāni, aṭṭha ca upakāre ñāṇāni.
ps1.3:2.11	Gaṇanavāro paṭhamo.
ps1.3:3.0	1.3.2. Soḷasañāṇaniddesa
ps1.3:3.1	Imehi soḷasahi ākārehi uducitaṁ cittaṁ samuducitaṁ cittaṁ ekatte santiṭṭhati, nīvaraṇehi visujjhati.
ps1.3:3.2	Katame te ekattā?
ps1.3:3.3	Nekkhammaṁ ekattaṁ, abyāpādo ekattaṁ, ālokasaññā ekattaṁ, avikkhepo ekattaṁ, dhammavavatthānaṁ ekattaṁ, ñāṇaṁ ekattaṁ, pāmojjaṁ ekattaṁ, sabbepi kusalā dhammā ekattā.
ps1.3:4.1	<b>Nīvaraṇā</b>ti, katame te nīvaraṇā?
ps1.3:4.2	Kāmacchando nīvaraṇaṁ, byāpādo nīvaraṇaṁ, thinamiddhaṁ nīvaraṇaṁ, uddhaccakukkuccaṁ nīvaraṇaṁ, vicikicchā nīvaraṇaṁ, avijjā nīvaraṇaṁ, arati nīvaraṇaṁ, sabbepi akusalā dhammā nīvaraṇā.
ps1.3:5.1	<b>Nīvaraṇā</b>ti, kenaṭṭhena nīvaraṇā?
ps1.3:5.2	Niyyānāvaraṇaṭṭhena nīvaraṇā.
ps1.3:6.1	Katame <b>te niyyānā</b>?
ps1.3:7.1	Nekkhammaṁ ariyānaṁ niyyānaṁ.
ps1.3:7.2	Tena ca nekkhammena ariyā niyyanti.
ps1.3:7.3	Kāmacchando niyyānāvaraṇaṁ.
ps1.3:7.4	Tena ca kāmacchandena nivutattā nekkhammaṁ ariyānaṁ niyyānaṁ nappajānātīti—
ps1.3:7.5	kāmacchando niyyānāvaraṇaṁ.
ps1.3:8.1	Abyāpādo ariyānaṁ niyyānaṁ.
ps1.3:8.2	Tena ca abyāpādena ariyā niyyanti.
ps1.3:8.3	Byāpādo niyyānāvaraṇaṁ.
ps1.3:8.4	Tena ca byāpādena nivutattā abyāpādaṁ ariyānaṁ niyyānaṁ nappajānātīti—
ps1.3:8.5	byāpādo niyyānāvaraṇaṁ.
ps1.3:9.1	Ālokasaññā ariyānaṁ niyyānaṁ.
ps1.3:9.2	Tāya ca ālokasaññāya ariyā niyyanti.
ps1.3:9.3	Thinamiddhaṁ niyyānāvaraṇaṁ.
ps1.3:9.4	Tena ca thinamiddhena nivutattā ālokasaññaṁ ariyānaṁ niyyānaṁ nappajānātīti—
ps1.3:9.5	thinamiddhaṁ niyyānāvaraṇaṁ.
ps1.3:10.1	Avikkhepo ariyānaṁ niyyānaṁ.
ps1.3:10.2	Tena ca avikkhepena ariyā niyyanti.
ps1.3:10.3	Uddhaccaṁ niyyānāvaraṇaṁ.
ps1.3:10.4	Tena ca uddhaccena nivutattā avikkhepaṁ ariyānaṁ niyyānaṁ nappajānātīti—
ps1.3:10.5	uddhaccaṁ niyyānāvaraṇaṁ.
ps1.3:11.1	Dhammavavatthānaṁ ariyānaṁ niyyānaṁ.
ps1.3:11.2	Tena ca dhammavavatthānena ariyā niyyanti.
ps1.3:11.3	Vicikicchā niyyānāvaraṇaṁ.
ps1.3:11.4	Tāya ca vicikicchāya nivutattā dhammavavatthānaṁ ariyānaṁ niyyānaṁ nappajānātīti—
ps1.3:11.5	vicikicchā niyyānāvaraṇaṁ.
ps1.3:12.1	Ñāṇaṁ ariyānaṁ niyyānaṁ.
ps1.3:12.2	Tena ca ñāṇena ariyā niyyanti.
ps1.3:12.3	Avijjā niyyānāvaraṇaṁ.
ps1.3:12.4	Tāya ca avijjāya nivutattā ñāṇaṁ ariyānaṁ niyyānaṁ nappajānātīti—
ps1.3:12.5	avijjā niyyānāvaraṇaṁ.
ps1.3:13.1	Pāmojjaṁ ariyānaṁ niyyānaṁ.
ps1.3:13.2	Tena ca pāmojjena ariyā niyyanti.
ps1.3:13.3	Arati niyyānāvaraṇaṁ.
ps1.3:13.4	Tāya ca aratiyā nivutattā pāmojjaṁ ariyānaṁ niyyānaṁ nappajānātīti—
ps1.3:13.5	arati niyyānāvaraṇaṁ.
ps1.3:14.1	Sabbepi kusalā dhammā ariyānaṁ niyyānaṁ.
ps1.3:14.2	Tehi ca kusalehi dhammehi ariyā niyyanti.
ps1.3:14.3	Sabbepi akusalā dhammā niyyānāvaraṇā.
ps1.3:14.4	Tehi ca akusalehi dhammehi nivutattā kusale dhamme ariyānaṁ niyyānaṁ nappajānātīti—
ps1.3:14.5	sabbepi akusalā dhammā niyyānāvaraṇā.
ps1.3:14.6	Soḷasañāṇaniddeso dutiyo.
ps1.3:15.0.1	1.3.3. Upakkilesañāṇaniddesa
ps1.3:15.0.2	1.3.3.1. Paṭhamacchakka
ps1.3:15.1	Imehi ca pana nīvaraṇehi visuddhacittassa soḷasavatthukaṁ ānāpānassatisamādhiṁ bhāvayato khaṇikasamodhānā katame aṭṭhārasa upakkilesā uppajjanti?
ps1.3:15.2	Assāsādimajjhapariyosānaṁ satiyā anugacchato ajjhattavikkhepagataṁ cittaṁ samādhissa paripantho.
ps1.3:15.3	Passāsādimajjhapariyosānaṁ satiyā anugacchato bahiddhāvikkhepagataṁ cittaṁ samādhissa paripantho.
ps1.3:15.4	Assāsapaṭikaṅkhanā nikanti taṇhācariyā samādhissa paripantho.
ps1.3:15.5	Passāsapaṭikaṅkhanā nikanti taṇhācariyā samādhissa paripantho.
ps1.3:15.6	Assāsenābhitunnassa passāsapaṭilābhe mucchanā samādhissa paripantho.
ps1.3:15.7	Passāsenābhitunnassa assāsapaṭilābhe mucchanā samādhissa paripantho.
ps1.3:16.1	Anugacchanā ca assāsaṁ,
ps1.3:16.2	Passāsaṁ anugacchanā;
ps1.3:16.3	Sati ajjhattavikkhepā-
ps1.3:16.4	Kaṅkhanā bahiddhāvikkhepapatthanā.
ps1.3:17.1	Assāsenābhitunnassa,
ps1.3:17.2	Passāsapaṭilābhe mucchanā;
ps1.3:17.3	Passāsenābhitunnassa,
ps1.3:17.4	Assāsapaṭilābhe mucchanā.
ps1.3:18.1	Cha ete upakkilesā,
ps1.3:18.2	Ānāpānassatisamādhissa;
ps1.3:18.3	Yehi vikkhippamānassa,
ps1.3:18.4	No ca cittaṁ vimuccati;
ps1.3:18.5	Vimokkhaṁ appajānantā,
ps1.3:18.6	Te honti parapattiyāti.
ps1.3:19.0	1.3.3.2. Dutiyacchakka
ps1.3:19.1	Nimittaṁ āvajjato assāse cittaṁ vikampati—
ps1.3:19.2	samādhissa paripantho.
ps1.3:19.3	Assāsaṁ āvajjato nimitte cittaṁ vikampati—
ps1.3:19.4	samādhissa paripantho.
ps1.3:19.5	Nimittaṁ āvajjato passāse cittaṁ vikampati—
ps1.3:19.6	samādhissa paripantho.
ps1.3:19.7	Passāsaṁ āvajjato nimitte cittaṁ vikampati—
ps1.3:19.8	samādhissa paripantho.
ps1.3:19.9	Assāsaṁ āvajjato passāse cittaṁ vikampati—
ps1.3:19.10	samādhissa paripantho.
ps1.3:19.11	Passāsaṁ āvajjato assāse cittaṁ vikampati—
ps1.3:19.12	samādhissa paripantho.
ps1.3:20.1	Nimittaṁ āvajjamānassa,
ps1.3:20.2	assāse vikkhipate mano;
ps1.3:20.3	Assāsaṁ āvajjamānassa,
ps1.3:20.4	nimitte cittaṁ vikampati.
ps1.3:21.1	Nimittaṁ āvajjamānassa,
ps1.3:21.2	passāse vikkhipate mano;
ps1.3:21.3	Passāsaṁ āvajjamānassa,
ps1.3:21.4	nimitte cittaṁ vikampati.
ps1.3:22.1	Assāsaṁ āvajjamānassa,
ps1.3:22.2	passāse vikkhipate mano;
ps1.3:22.3	Passāsaṁ āvajjamānassa,
ps1.3:22.4	assāse cittaṁ vikampati.
ps1.3:23.1	Cha ete upakkilesā,
ps1.3:23.2	Ānāpānassatisamādhissa;
ps1.3:23.3	Yehi vikkhippamānassa,
ps1.3:23.4	No ca cittaṁ vimuccati;
ps1.3:23.5	Vimokkhaṁ appajānantā,
ps1.3:23.6	Te honti parapattiyāti.
ps1.3:24.0	1.3.3.3. Tatiyacchakka
ps1.3:24.1	Atītānudhāvanaṁ cittaṁ vikkhepānupatitaṁ—
ps1.3:24.2	samādhissa paripantho.
ps1.3:24.3	Anāgatapaṭikaṅkhanaṁ cittaṁ vikampitaṁ—
ps1.3:24.4	samādhissa paripantho.
ps1.3:24.5	Līnaṁ cittaṁ kosajjānupatitaṁ—
ps1.3:24.6	samādhissa paripantho.
ps1.3:24.7	Atipaggahitaṁ cittaṁ uddhaccānupatitaṁ—
ps1.3:24.8	samādhissa paripantho.
ps1.3:24.9	Abhinataṁ cittaṁ rāgānupatitaṁ—
ps1.3:24.10	samādhissa paripantho.
ps1.3:24.11	Apanataṁ cittaṁ byāpādānupatitaṁ—
ps1.3:24.12	samādhissa paripantho.
ps1.3:25.1	Atītānudhāvanaṁ cittaṁ,
ps1.3:25.2	Anāgatapaṭikaṅkhanaṁ līnaṁ;
ps1.3:25.3	Atipaggahitaṁ abhinataṁ,
ps1.3:25.4	Apanataṁ cittaṁ na samādhiyati.
ps1.3:26.1	Cha ete upakkilesā,
ps1.3:26.2	Ānāpānassatisamādhissa;
ps1.3:26.3	Yehi upakkiliṭṭhasaṅkappo,
ps1.3:26.4	Adhicittaṁ nappajānātīti.
ps1.3:27.1	Assāsādimajjhapariyosānaṁ satiyā anugacchato ajjhattaṁ vikkhepagatena cittena kāyopi cittampi sāraddhā ca honti iñjitā ca phanditā ca.
ps1.3:27.2	Passāsādimajjhapariyosānaṁ satiyā anugacchato bahiddhāvikkhepagatena cittena kāyopi cittampi sāraddhā ca honti iñjitā ca phanditā ca.
ps1.3:27.3	Assāsapaṭikaṅkhanāya nikantiyā taṇhācariyāya kāyopi cittampi sāraddhā ca honti iñjitā ca phanditā ca.
ps1.3:27.4	Passāsapaṭikaṅkhanāya nikantiyā taṇhācariyāya kāyopi cittampi sāraddhā ca honti iñjitā ca phanditā ca.
ps1.3:27.5	Assāsenābhitunnassa passāsapaṭilābhe mucchitattā kāyopi cittampi sāraddhā ca honti iñjitā ca phanditā ca.
ps1.3:27.6	Passāsenābhitunnassa assāsapaṭilābhe mucchitattā kāyopi cittampi sāraddhā ca honti iñjitā ca phanditā ca.
ps1.3:28.1	Nimittaṁ āvajjato assāse cittaṁ vikampitattā kāyopi cittampi sāraddhā ca honti iñjitā ca phanditā ca.
ps1.3:28.2	Assāsaṁ āvajjato nimitte cittaṁ vikampitattā kāyopi cittampi sāraddhā ca honti iñjitā ca phanditā ca.
ps1.3:28.3	Nimittaṁ āvajjato passāse cittaṁ vikampitattā kāyopi cittampi sāraddhā ca honti iñjitā ca phanditā ca.
ps1.3:28.4	Passāsaṁ āvajjato nimitte cittaṁ vikampitattā kāyopi cittampi sāraddhā ca honti iñjitā ca phanditā ca.
ps1.3:28.5	Assāsaṁ āvajjato passāse cittaṁ vikampitattā kāyopi cittampi sāraddhā ca honti iñjitā ca phanditā ca.
ps1.3:28.6	Passāsaṁ āvajjato assāse cittaṁ vikampitattā kāyopi cittampi sāraddhā ca honti iñjitā ca phanditā ca.
ps1.3:28.7	Atītānudhāvanena cittena vikkhepānupatitena kāyopi cittampi sāraddhā ca honti iñjitā ca phanditā ca.
ps1.3:28.8	Anāgatapaṭikaṅkhanena cittena vikampitena kāyopi cittampi sāraddhā ca honti iñjitā ca phanditā ca.
ps1.3:28.9	Līnena cittena kosajjānupatitena kāyopi cittampi sāraddhā ca honti iñjitā ca phanditā ca.
ps1.3:28.10	Atipaggahitena cittena uddhaccānupatitena kāyopi cittampi sāraddhā ca honti iñjitā ca phanditā ca.
ps1.3:28.11	Abhinatena cittena rāgānupatitena kāyopi cittampi sāraddhā ca honti iñjitā ca phanditā ca.
ps1.3:28.12	Apanatena cittena byāpādānupatitena kāyopi cittampi sāraddhā ca honti iñjitā ca phanditā ca.
ps1.3:29.1	Ānāpānassati yassa,
ps1.3:29.2	paripuṇṇā abhāvitā;
ps1.3:29.3	Kāyopi iñjito hoti,
ps1.3:29.4	cittampi hoti iñjitaṁ;
ps1.3:29.5	Kāyopi phandito hoti,
ps1.3:29.6	cittampi hoti phanditaṁ.
ps1.3:30.1	Ānāpānassati yassa,
ps1.3:30.2	Paripuṇṇā subhāvitā;
ps1.3:30.3	Kāyopi aniñjito hoti,
ps1.3:30.4	Cittampi hoti aniñjitaṁ;
ps1.3:30.5	Kāyopi aphandito hoti,
ps1.3:30.6	Cittampi hoti aphanditanti.
ps1.3:31.1	Imehi ca pana nīvaraṇehi visuddhacittassa soḷasavatthukaṁ ānāpānassatisamādhiṁ bhāvayato khaṇikasamodhānā ime aṭṭhārasa upakkilesā uppajjanti.
ps1.3:31.2	Upakkilesañāṇaniddeso tatiyo.
ps1.3:32.0	1.3.4. Vodānañāṇaniddesa
ps1.3:32.1	Katamāni terasa vodāne ñāṇāni?
ps1.3:32.2	Atītānudhāvanaṁ cittaṁ vikkhepānupatitaṁ;
ps1.3:32.3	taṁ vivajjayitvā ekaṭṭhāne samādahati—
ps1.3:32.4	evampi cittaṁ na vikkhepaṁ gacchati.
ps1.3:32.5	Anāgatapaṭikaṅkhanaṁ cittaṁ vikampitaṁ;
ps1.3:32.6	taṁ vivajjayitvā tattheva adhimoceti—
ps1.3:32.7	evampi cittaṁ na vikkhepaṁ gacchati.
ps1.3:32.8	Līnaṁ cittaṁ kosajjānupatitaṁ;
ps1.3:32.9	taṁ paggaṇhitvā kosajjaṁ pajahati—
ps1.3:32.10	evampi cittaṁ na vikkhepaṁ gacchati.
ps1.3:32.11	Atipaggahitaṁ cittaṁ uddhaccānupatitaṁ;
ps1.3:32.12	taṁ viniggaṇhitvā uddhaccaṁ pajahati—
ps1.3:32.13	evampi cittaṁ na vikkhepaṁ gacchati.
ps1.3:32.14	Abhinataṁ cittaṁ rāgānupatitaṁ;
ps1.3:32.15	taṁ sampajāno hutvā rāgaṁ pajahati—
ps1.3:32.16	evampi cittaṁ na vikkhepaṁ gacchati.
ps1.3:32.17	Apanataṁ cittaṁ byāpādānupatitaṁ;
ps1.3:32.18	taṁ sampajāno hutvā byāpādaṁ pajahati—
ps1.3:32.19	evampi cittaṁ na vikkhepaṁ gacchati.
ps1.3:32.20	Imehi chahi ṭhānehi parisuddhaṁ cittaṁ pariyodātaṁ ekattagataṁ hoti.
ps1.3:33.1	Katame te ekattā?
ps1.3:33.2	Dānavosaggupaṭṭhānekattaṁ, samathanimittupaṭṭhānekattaṁ, vayalakkhaṇupaṭṭhānekattaṁ, nirodhupaṭṭhānekattaṁ.
ps1.3:33.3	Dānavosaggupaṭṭhānekattaṁ cāgādhimuttānaṁ, samathanimittupaṭṭhānekattañca adhicittamanuyuttānaṁ, vayalakkhaṇupaṭṭhānekattañca vipassakānaṁ, nirodhupaṭṭhānekattañca ariyapuggalānaṁ—
ps1.3:33.4	imehi catūhi ṭhānehi ekattagataṁ cittaṁ paṭipadāvisuddhipakkhandañceva hoti, upekkhānubrūhitañca, ñāṇena ca sampahaṁsitaṁ.
ps1.3:34.1	Paṭhamassa jhānassa ko ādi, kiṁ majjhe, kiṁ pariyosānaṁ?
ps1.3:34.2	Paṭhamassa jhānassa paṭipadāvisuddhi ādi, upekkhānubrūhanā majjhe, sampahaṁsanā pariyosānaṁ.
ps1.3:34.3	Paṭhamassa jhānassa paṭipadāvisuddhi ādi.
ps1.3:34.4	Ādissa kati lakkhaṇāni?
ps1.3:34.5	Ādissa tīṇi lakkhaṇāni.
ps1.3:34.6	Yo tassa paripantho tato cittaṁ visujjhati, visuddhattā cittaṁ majjhimaṁ samathanimittaṁ paṭipajjati, paṭipannattā tattha cittaṁ pakkhandati.
ps1.3:34.7	Yañca paripanthato cittaṁ visujjhati, yañca visuddhattā cittaṁ majjhimaṁ samathanimittaṁ paṭipajjati, yañca paṭipannattā tattha cittaṁ pakkhandati.
ps1.3:34.8	Paṭhamassa jhānassa paṭipadāvisuddhi ādi.
ps1.3:34.9	Ādissa imāni tīṇi lakkhaṇāni.
ps1.3:34.10	Tena vuccati—
ps1.3:34.11	“paṭhamaṁ jhānaṁ ādikalyāṇañceva hoti lakkhaṇasampannañca”.
ps1.3:35.1	Paṭhamassa jhānassa upekkhānubrūhanā majjhe.
ps1.3:35.2	Majjhassa kati lakkhaṇāni?
ps1.3:35.3	Majjhassa tīṇi lakkhaṇāni.
ps1.3:35.4	Visuddhaṁ cittaṁ ajjhupekkhati, samathapaṭipannaṁ ajjhupekkhati, ekattupaṭṭhānaṁ ajjhupekkhati.
ps1.3:35.5	Yañca visuddhaṁ cittaṁ ajjhupekkhati, yañca samathapaṭipannaṁ ajjhupekkhati, yañca ekattupaṭṭhānaṁ ajjhupekkhati—
ps1.3:35.6	paṭhamassa jhānassa upekkhānubrūhanā majjhe.
ps1.3:35.7	Majjhassa imāni tīṇi lakkhaṇāni.
ps1.3:35.8	Tena vuccati—
ps1.3:35.9	“paṭhamaṁ jhānaṁ majjhekalyāṇañceva hoti lakkhaṇasampannañca”.
ps1.3:36.1	Paṭhamassa jhānassa sampahaṁsanā pariyosānaṁ.
ps1.3:36.2	Pariyosānassa kati lakkhaṇāni?
ps1.3:36.3	Pariyosānassa cattāri lakkhaṇāni.
ps1.3:36.4	Tattha jātānaṁ dhammānaṁ anativattanaṭṭhena sampahaṁsanā, indriyānaṁ ekarasaṭṭhena sampahaṁsanā, tadupagavīriyavāhanaṭṭhena sampahaṁsanā, āsevanaṭṭhena sampahaṁsanā.
ps1.3:36.5	Paṭhamassa jhānassa sampahaṁsanā pariyosānaṁ.
ps1.3:36.6	Pariyosānassa imāni cattāri lakkhaṇāni.
ps1.3:36.7	Tena vuccati—
ps1.3:36.8	“paṭhamaṁ jhānaṁ pariyosānakalyāṇañceva hoti lakkhaṇasampannañca”.
ps1.3:36.9	Evaṁ tivattagataṁ cittaṁ tividhakalyāṇakaṁ dasalakkhaṇasampannaṁ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
ps1.3:37.1	Dutiyassa jhānassa ko ādi, kiṁ majjhe, kiṁ pariyosānaṁ?
ps1.3:37.2	Dutiyassa jhānassa paṭipadāvisuddhi ādi, upekkhānubrūhanā majjhe, sampahaṁsanā pariyosānaṁ …pe…
ps1.3:37.3	evaṁ tivattagataṁ cittaṁ tividhakalyāṇakaṁ dasalakkhaṇasampannaṁ pītisampannañceva hoti sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
ps1.3:38.1	Tatiyassa jhānassa ko ādi, kiṁ majjhe, kiṁ pariyosānaṁ …pe…
ps1.3:38.2	evaṁ tivattagataṁ cittaṁ tividhakalyāṇakaṁ dasalakkhaṇasampannaṁ sukhasampannañceva hoti cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
ps1.3:39.1	Catutthassa jhānassa ko ādi, kiṁ majjhe, kiṁ pariyosānaṁ …pe…
ps1.3:39.2	evaṁ tivattagataṁ cittaṁ tividhakalyāṇakaṁ dasalakkhaṇasampannañca upekkhāsampannañceva hoti cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
ps1.3:40.1	Ākāsānañcāyatanasamāpattiyā …pe…
ps1.3:40.2	viññāṇañcāyatanasamāpattiyā …
ps1.3:40.3	ākiñcaññāyatanasamāpattiyā …
ps1.3:40.4	nevasaññānāsaññāyatanasamāpattiyā ko ādi, kiṁ majjhe, kiṁ pariyosānaṁ …pe…
ps1.3:40.5	evaṁ tivattagataṁ cittaṁ tividhakalyāṇakaṁ dasalakkhaṇasampannaṁ upekkhāsampannañceva hoti cittassa adhiṭṭhānasampannañca …pe…
ps1.3:40.6	paññāsampannañca.
ps1.3:41.1	Aniccānupassanāya ko ādi, kiṁ majjhe, kiṁ pariyosānaṁ …pe…
ps1.3:41.2	evaṁ tivattagataṁ cittaṁ tividhakalyāṇakaṁ dasalakkhaṇasampannaṁ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
ps1.3:41.3	Dukkhānupassanāya …pe…
ps1.3:41.4	anattānupassanāya …
ps1.3:41.5	nibbidānupassanāya …
ps1.3:41.6	virāgānupassanāya …
ps1.3:41.7	nirodhānupassanāya …
ps1.3:41.8	paṭinissaggānupassanāya …
ps1.3:41.9	khayānupassanāya …
ps1.3:41.10	vayānupassanāya …
ps1.3:41.11	vipariṇāmānupassanāya …
ps1.3:41.12	animittānupassanāya …
ps1.3:41.13	appaṇihitānupassanāya …
ps1.3:41.14	suññatānupassanāya …
ps1.3:41.15	adhipaññādhammavipassanāya …
ps1.3:41.16	yathābhūtañāṇadassanāya …
ps1.3:41.17	ādīnavānupassanāya …
ps1.3:41.18	paṭisaṅkhānupassanāya …
ps1.3:41.19	vivaṭṭanānupassanāya …
ps1.3:42.1	Sotāpattimaggassa …pe…
ps1.3:42.2	sakadāgāmimaggassa …
ps1.3:42.3	anāgāmimaggassa …
ps1.3:42.4	arahattamaggassa ko ādi, kiṁ majjhe, kiṁ pariyosānaṁ?
ps1.3:42.5	Arahattamaggassa paṭipadāvisuddhi ādi upekkhānubrūhanā majjhe, sampahaṁsanā pariyosānaṁ.
ps1.3:42.6	Arahattamaggassa paṭipadāvisuddhi ādi.
ps1.3:42.7	Ādissa kati lakkhaṇāni?
ps1.3:42.8	Ādissa tīṇi lakkhaṇāni.
ps1.3:42.9	Yo tassa paripantho tato cittaṁ visujjhati, visuddhattā cittaṁ majjhimaṁ samathanimittaṁ paṭipajjati, paṭipannattā tattha cittaṁ pakkhandati.
ps1.3:42.10	Yañca paripanthato cittaṁ visujjhati, yañca visuddhattā cittaṁ majjhimaṁ samathanimittaṁ paṭipajjati, yañca paṭipannattā tattha cittaṁ pakkhandati—
ps1.3:42.11	arahattamaggassa paṭipadāvisuddhi ādi.
ps1.3:42.12	Ādissa imāni tīṇi lakkhaṇāni.
ps1.3:42.13	Tena vuccati—
ps1.3:42.14	“arahattamaggo ādikalyāṇo ceva hoti lakkhaṇasampanno ca”.
ps1.3:43.1	Arahattamaggassa upekkhānubrūhanā majjhe.
ps1.3:43.2	Majjhassa kati lakkhaṇāni?
ps1.3:43.3	Majjhassa tīṇi lakkhaṇāni.
ps1.3:43.4	Visuddhaṁ cittaṁ ajjhupekkhati, samathapaṭipannaṁ ajjhupekkhati, ekattupaṭṭhānaṁ ajjhupekkhati.
ps1.3:43.5	Yañca visuddhaṁ cittaṁ ajjhupekkhati, yañca samathapaṭipannaṁ ajjhupekkhati, yañca ekattupaṭṭhānaṁ ajjhupekkhati.
ps1.3:43.6	Tena vuccati—
ps1.3:43.7	“arahattamaggo majjhekalyāṇo ceva hoti lakkhaṇasampanno ca”.
ps1.3:44.1	Arahattamaggassa sampahaṁsanā pariyosānaṁ.
ps1.3:44.2	Pariyosānassa kati lakkhaṇāni?
ps1.3:44.3	Pariyosānassa cattāri lakkhaṇāni.
ps1.3:44.4	Tattha jātānaṁ dhammānaṁ anativattanaṭṭhena sampahaṁsanā, indriyānaṁ ekarasaṭṭhena sampahaṁsanā, tadupagavīriyavāhanaṭṭhena sampahaṁsanā, āsevanaṭṭhena sampahaṁsanā.
ps1.3:44.5	Arahattamaggassa sampahaṁsanā pariyosānaṁ.
ps1.3:44.6	Pariyosānassa imāni cattāri lakkhaṇāni.
ps1.3:44.7	Tena vuccati—
ps1.3:44.8	“arahattamaggo pariyosānakalyāṇo ceva hoti lakkhaṇasampanno ca”.
ps1.3:44.9	Evaṁ tivattagataṁ cittaṁ tividhakalyāṇakaṁ dasalakkhaṇasampannaṁ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.
ps1.3:45.1	Nimittaṁ assāsapassāsā,
ps1.3:45.2	Anārammaṇamekacittassa;
ps1.3:45.3	Ajānato ca tayo dhamme,
ps1.3:45.4	Bhāvanā nupalabbhati.
ps1.3:46.1	Nimittaṁ assāsapassāsā,
ps1.3:46.2	Anārammaṇamekacittassa;
ps1.3:46.3	Jānato ca tayo dhamme,
ps1.3:46.4	Bhāvanā upalabbhatīti.
ps1.3:47.1	Kathaṁ ime tayo dhammā ekacittassa ārammaṇā na honti, na cime tayo dhammā aviditā honti, na ca cittaṁ vikkhepaṁ gacchati, padhānañca paññāyati, payogañca sādheti, visesamadhigacchati?
ps1.3:47.2	Seyyathāpi rukkho same bhūmibhāge nikkhitto.
ps1.3:47.3	Tamenaṁ puriso kakacena chindeyya.
ps1.3:47.4	Rukkhe phuṭṭhakakacadantānaṁ vasena purisassa sati upaṭṭhitā hoti;
ps1.3:47.5	na āgate vā gate vā kakacadante manasi karoti.
ps1.3:47.6	Na āgatā vā gatā vā kakacadantā aviditā honti, padhānañca paññāyati, payogañca sādheti.
ps1.3:47.7	Yathā rukkho same bhūmibhāge nikkhitto.
ps1.3:47.8	Evaṁ upanibandhanā nimittaṁ.
ps1.3:47.9	Yathā kakacadantā, evaṁ assāsapassāsā.
ps1.3:47.10	Yathā rukkhe phuṭṭhakakacadantānaṁ vasena purisassa sati upaṭṭhitā hoti, na āgate vā gate vā kakacadante manasi karoti, na āgatā vā gatā vā kakacadantā aviditā honti, padhānañca paññāyati, payogañca sādheti.
ps1.3:47.11	Evamevaṁ bhikkhu nāsikagge vā mukhanimitte vā satiṁ upaṭṭhapetvā nisinno hoti, na āgate vā gate vā assāsapassāse manasi karoti, na āgatā vā gatā vā assāsapassāsā aviditā honti, padhānañca paññāyati, payogañca sādheti.
ps1.3:47.12	Visesamadhigacchati padhānañca.
ps1.3:48.1	Katamaṁ padhānaṁ?
ps1.3:48.2	Āraddhavīriyassa kāyopi cittampi kammaniyaṁ hoti—
ps1.3:48.3	idaṁ padhānaṁ.
ps1.3:48.4	Katamo payogo?
ps1.3:48.5	Āraddhavīriyassa upakkilesā pahīyanti, vitakkā vūpasammanti—
ps1.3:48.6	ayaṁ payogo.
ps1.3:48.7	Katamo viseso?
ps1.3:48.8	Āraddhavīriyassa saññojanā pahīyanti, anusayā byantīhonti.
ps1.3:48.9	Ayaṁ viseso.
ps1.3:48.10	Evaṁ ime tayo dhammā ekacittassa ārammaṇā na honti, na cime tayo dhammā aviditā honti, na ca cittaṁ vikkhepaṁ gacchati, padhānañca paññāyati, payogañca sādheti, visesamadhigacchati.
ps1.3:49.1	Ānāpānassati yassa,
ps1.3:49.2	paripuṇṇā subhāvitā;
ps1.3:49.3	Anupubbaṁ paricitā,
ps1.3:49.4	yathā buddhena desitā;
ps1.3:49.5	So imaṁ lokaṁ pabhāseti,
ps1.3:49.6	abbhā muttova candimāti.
ps1.3:50.1	<b>Ānan</b>ti assāso, no passāso.
ps1.3:50.2	<b>Āpānan</b>ti passāso, no assāso.
ps1.3:50.3	Assāsavasena upaṭṭhānaṁ sati, passāsavasena upaṭṭhānaṁ sati.
ps1.3:51.1	Yo assasati tassupaṭṭhāti, yo passasati tassupaṭṭhāti.
ps1.3:51.2	<b>Paripuṇṇā</b>ti pariggahaṭṭhena paripuṇṇā, parivāraṭṭhena paripuṇṇā, paripūraṭṭhena paripuṇṇā.
ps1.3:51.3	<b>Subhāvitā</b>ti catasso bhāvanā—
ps1.3:51.4	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps1.3:51.5	Tassime cattāro bhāvanaṭṭhā yānīkatā honti vatthukatā anuṭṭhitā paricitā susamāraddhā.
ps1.3:52.1	<b>Yānīkatā</b>ti yattha yattha ākaṅkhati tattha tattha vasippatto hoti balappatto vesārajjappatto.
ps1.3:52.2	Tassa me te dhammā āvajjanapaṭibaddhā honti ākaṅkhapaṭibaddhā manasikārapaṭibaddhā cittuppādapaṭibaddhā.
ps1.3:52.3	Tena vuccati—
ps1.3:52.4	“yānīkatā”ti.
ps1.3:52.5	<b>Vatthukatā</b>ti yasmiṁ yasmiṁ vatthusmiṁ cittaṁ svādhiṭṭhitaṁ hoti, tasmiṁ tasmiṁ vatthusmiṁ sati sūpaṭṭhitā hoti.
ps1.3:52.6	Yasmiṁ yasmiṁ vā pana vatthusmiṁ sati sūpaṭṭhitā hoti, tasmiṁ tasmiṁ vatthusmiṁ cittaṁ svādhiṭṭhitaṁ hoti.
ps1.3:52.7	Tena vuccati—
ps1.3:52.8	“vatthukatā”ti.
ps1.3:52.9	<b>Anuṭṭhitā</b>ti vatthusmiṁ yena yena cittaṁ abhinīharati tena tena sati anuparivattati.
ps1.3:52.10	Yena yena vā pana sati anuparivattati tena tena cittaṁ abhinīharati.
ps1.3:52.11	Tena vuccati—
ps1.3:52.12	“anuṭṭhitā”ti.
ps1.3:52.13	<b>Paricitā</b>ti pariggahaṭṭhena paricitā, parivāraṭṭhena paricitā, paripūraṭṭhena paricitā.
ps1.3:52.14	Satiyā pariggaṇhanto jināti pāpake akusale dhamme.
ps1.3:52.15	Tena vuccati—
ps1.3:52.16	“paricitā”ti.
ps1.3:52.17	<b>Susamāraddhā</b>ti cattāro susamāraddhā—
ps1.3:52.18	tattha jātānaṁ dhammānaṁ anativattanaṭṭhena susamāraddhā, indriyānaṁ ekarasaṭṭhena susamāraddhā, tadupagavīriyavāhanaṭṭhena susamāraddhā, tappaccanīkānaṁ kilesānaṁ susamūhatattā susamāraddhā.
ps1.3:53.1	<b>Susaman</b>ti atthi samaṁ, atthi susamaṁ.
ps1.3:53.2	Katamaṁ samaṁ?
ps1.3:53.3	Ye tattha jātā anavajjā kusalā bodhipakkhiyā—
ps1.3:53.4	idaṁ samaṁ.
ps1.3:53.5	Katamaṁ susamaṁ?
ps1.3:53.6	Yaṁ tesaṁ tesaṁ dhammānaṁ ārammaṇaṁ nirodho nibbānaṁ—
ps1.3:53.7	idaṁ susamaṁ.
ps1.3:53.8	Iti idañca samaṁ idañca susamaṁ ñātaṁ hoti diṭṭhaṁ viditaṁ sacchikataṁ phassitaṁ paññāya.
ps1.3:53.9	Āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ.
ps1.3:53.10	Tena vuccati—
ps1.3:53.11	“susamāraddhā”ti.
ps1.3:54.1	<b>Anupubbaṁ paricitā</b>ti dīghaṁ assāsavasena purimā purimā paricitā, pacchimā pacchimā anuparicitā.
ps1.3:54.2	Dīghaṁ passāsavasena purimā purimā paricitā, pacchimā pacchimā anuparicitā.
ps1.3:54.3	Rassaṁ assāsavasena purimā purimā paricitā, pacchimā pacchimā anuparicitā.
ps1.3:54.4	Rassaṁ passāsavasena purimā purimā paricitā, pacchimā pacchimā anuparicitā …pe…
ps1.3:54.5	paṭinissaggānupassī assāsavasena purimā purimā paricitā, pacchimā pacchimā anuparicitā.
ps1.3:54.6	Paṭinissaggānupassī passāsavasena purimā purimā paricitā, pacchimā pacchimā anuparicitā.
ps1.3:54.7	Sabbāpi soḷasavatthukā ānāpānassatiyo aññamaññaṁ paricitā ceva honti anuparicitā ca.
ps1.3:54.8	Tena vuccati—
ps1.3:54.9	“anupubbaparicitā”ti.
ps1.3:55.1	<b>Yathā</b>ti dasa yathatthā—
ps1.3:55.2	attadamathattho yathattho, attasamathattho yathattho, attaparinibbāpanattho yathattho, abhiññattho yathattho, pariññattho yathattho, pahānattho yathattho, bhāvanattho yathattho, sacchikiriyattho yathattho, saccābhisamayattho yathattho, nirodhe patiṭṭhāpakattho yathattho.
ps1.3:56.1	<b>Buddho</b>ti yo so bhagavā sayambhū anācariyako pubbe ananussutesu dhammesu sāmaṁ saccāni abhisambujjhi, tattha ca sabbaññutaṁ pāpuṇi, balesu ca vasībhāvaṁ.
ps1.3:57.1	<b>Buddho</b>ti kenaṭṭhena buddho?
ps1.3:57.2	Bujjhitā saccānīti—
ps1.3:57.3	buddho.
ps1.3:57.4	Bodhetā pajāyāti—
ps1.3:57.5	buddho.
ps1.3:57.6	Sabbaññutāya buddho.
ps1.3:57.7	Sabbadassāvitāya buddho.
ps1.3:57.8	Anaññaneyyatāya buddho.
ps1.3:57.9	Visavitāya buddho.
ps1.3:57.10	Khīṇāsavasaṅkhātena buddho.
ps1.3:57.11	Nirupalepasaṅkhātena buddho.
ps1.3:57.12	Ekantavītarāgoti—
ps1.3:57.13	buddho.
ps1.3:57.14	Ekantavītadosoti—
ps1.3:57.15	buddho.
ps1.3:57.16	Ekantavītamohoti—
ps1.3:57.17	buddho.
ps1.3:57.18	Ekantanikkilesoti—
ps1.3:57.19	buddho.
ps1.3:57.20	Ekāyanamaggaṁ gatoti—
ps1.3:57.21	buddho.
ps1.3:57.22	Eko anuttaraṁ sammāsambodhiṁ abhisambuddhoti—
ps1.3:57.23	buddho.
ps1.3:57.24	Abuddhivihatattā buddhipaṭilābhā—
ps1.3:57.25	buddho.
ps1.3:57.26	Buddhoti netaṁ nāmaṁ mātarā kataṁ, na pitarā kataṁ, na bhātarā kataṁ, na bhaginiyā kataṁ, na mittāmaccehi kataṁ, na ñātisālohitehi kataṁ, na samaṇabrāhmaṇehi kataṁ, na devatāhi kataṁ.
ps1.3:57.27	Vimokkhantikametaṁ buddhānaṁ bhagavantānaṁ bodhiyā mūle saha sabbaññutaññāṇassa paṭilābhā sacchikā paññatti yadidaṁ—
ps1.3:57.28	buddhoti.
ps1.3:57.29	<b>Desitā</b>ti attadamathattho yathattho yathā buddhena desito, attasamathattho yathattho yathā buddhena desito, attaparinibbāpanattho yathattho yathā buddhena desito …pe…
ps1.3:57.30	nirodhe patiṭṭhāpakattho yathattho yathā buddhena desito.
ps1.3:58.1	<b>So</b>ti gahaṭṭho vā hoti pabbajito vā.
ps1.3:58.2	<b>Loko</b>ti khandhaloko dhātuloko āyatanaloko vipattibhavaloko vipattisambhavaloko sampattibhavaloko sampattisambhavaloko.
ps1.3:58.3	Eko loko—
ps1.3:58.4	sabbe sattā āhāraṭṭhitikā …pe…
ps1.3:58.5	aṭṭhārasa lokā—
ps1.3:58.6	aṭṭhārasa dhātuyo.
ps1.3:58.7	<b>Pabhāsetī</b>ti attadamathatthaṁ yathatthaṁ abhisambuddhattā.
ps1.3:58.8	So imaṁ lokaṁ obhāseti bhāseti pabhāseti.
ps1.3:58.9	Attasamathatthaṁ yathatthaṁ abhisambuddhattā.
ps1.3:58.10	So imaṁ lokaṁ obhāseti bhāseti pabhāseti.
ps1.3:58.11	Attaparinibbāpanatthaṁ yathatthaṁ abhisambuddhattā.
ps1.3:58.12	So imaṁ lokaṁ obhāseti bhāseti pabhāseti …pe…
ps1.3:58.13	nirodhe patiṭṭhāpakatthaṁ yathatthaṁ abhisambuddhattā.
ps1.3:58.14	So imaṁ lokaṁ obhāseti bhāseti pabhāseti.
ps1.3:59.1	<b>Abbhā muttova candimā</b>ti yathā abbhā, evaṁ kilesā.
ps1.3:59.2	Yathā cando, evaṁ ariyañāṇaṁ.
ps1.3:59.3	Yathā candimā devaputto, evaṁ bhikkhu.
ps1.3:59.4	Yathā cando abbhā mutto mahikā mutto dhūmarajā mutto rāhugahaṇā vippamutto bhāsate ca tapate ca virocate ca, evamevaṁ bhikkhu sabbakilesehi vippamutto bhāsate ca tapate ca virocate ca.
ps1.3:59.5	Tena vuccati—
ps1.3:59.6	“abbhā muttova candimā”ti.
ps1.3:59.7	Imāni terasa vodāne ñāṇāni.
ps1.3:59.8	Vodānañāṇaniddeso catuttho.
ps1.3:59.9	Bhāṇavāro.
ps1.3:60.0	1.3.5. Satokāriñāṇaniddesa
ps1.3:60.1	Katamāni bāttiṁsa satokārissa ñāṇāni?
ps1.3:60.2	Idha bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
ps1.3:60.3	So satova assasati sato passasati.
ps1.3:60.4	Dīghaṁ vā assasanto “dīghaṁ assasāmī”ti pajānāti.
ps1.3:60.5	Dīghaṁ vā passasanto “dīghaṁ passasāmī”ti pajānāti.
ps1.3:60.6	Rassaṁ vā assasanto “rassaṁ assasāmī”ti pajānāti.
ps1.3:60.7	Rassaṁ vā passasanto “rassaṁ passasāmī”ti pajānāti.
ps1.3:60.8	“Sabbakāyapaṭisaṁvedī assasissāmī”ti sikkhati.
ps1.3:60.9	“Sabbakāyapaṭisaṁvedī passasissāmī”ti sikkhati.
ps1.3:60.10	“Passambhayaṁ kāyasaṅkhāraṁ assasissāmī”ti sikkhati.
ps1.3:60.11	“Passambhayaṁ kāyasaṅkhāraṁ passasissāmī”ti sikkhati.
ps1.3:60.12	Pītipaṭisaṁvedī …pe…
ps1.3:60.13	sukhapaṭisaṁvedī …
ps1.3:60.14	cittasaṅkhārapaṭisaṁvedī …
ps1.3:60.15	passambhayaṁ cittasaṅkhāraṁ …
ps1.3:60.16	cittapaṭisaṁvedī …
ps1.3:60.17	abhippamodayaṁ cittaṁ …
ps1.3:60.18	samādahaṁ cittaṁ …
ps1.3:60.19	vimocayaṁ cittaṁ …
ps1.3:60.20	aniccānupassī …
ps1.3:60.21	virāgānupassī …
ps1.3:60.22	nirodhānupassī …
ps1.3:60.23	“paṭinissaggānupassī assasissāmī”ti sikkhati.
ps1.3:60.24	“Paṭinissaggānupassī passasissāmī”ti sikkhati.
ps1.3:61.1	<b>Idhā</b>ti imissā diṭṭhiyā, imissā khantiyā, imissā ruciyā, imasmiṁ ādāye, imasmiṁ dhamme, imasmiṁ vinaye, imasmiṁ dhammavinaye, imasmiṁ pāvacane, imasmiṁ brahmacariye, imasmiṁ satthusāsane.
ps1.3:61.2	Tena vuccati—
ps1.3:61.3	“idhā”ti.
ps1.3:61.4	<b>Bhikkhū</b>ti puthujjanakalyāṇako vā hoti bhikkhu sekkho vā arahā vā akuppadhammo.
ps1.3:61.5	<b>Araññan</b>ti nikkhamitvā bahi indakhīlā sabbametaṁ araññaṁ.
ps1.3:61.6	<b>Rukkhamūlan</b>ti yattha bhikkhuno āsanaṁ paññattaṁ hoti mañco vā pīṭhaṁ vā bhisi vā taṭṭikā vā cammakhaṇḍo vā tiṇasantharo vā paṇṇasantharo vā palālasantharo vā, tattha bhikkhu caṅkamati vā tiṭṭhati vā nisīdati vā seyyaṁ vā kappeti.
ps1.3:61.7	<b>Suññan</b>ti kenaci anākiṇṇaṁ hoti gahaṭṭhehi vā pabbajitehi vā.
ps1.3:61.8	<b>Agāran</b>ti vihāro aḍḍhayogo pāsādo hammiyaṁ guhā.
ps1.3:61.9	<b>Nisīdati pallaṅkaṁ ābhujitvā</b>ti nisinno hoti pallaṅkaṁ ābhujitvā.
ps1.3:61.10	<b>Ujuṁ kāyaṁ paṇidhāyā</b>ti ujuko hoti kāyo ṭhito supaṇihito.
ps1.3:61.11	<b>Parimukhaṁ satiṁ upaṭṭhapetvā</b>ti <b>parī</b>ti pariggahaṭṭho.
ps1.3:61.12	<b>Mukhan</b>ti niyyānaṭṭho.
ps1.3:61.13	<b>Satī</b>ti upaṭṭhānaṭṭho.
ps1.3:61.14	Tena vuccati—
ps1.3:61.15	“parimukhaṁ satiṁ upaṭṭhapetvā”ti.
ps1.3:62.1	<b>Satova assasati, sato passasatī</b>ti bāttiṁsāya ākārehi sato kārī hoti.
ps1.3:62.2	Dīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:62.3	Tāya satiyā tena ñāṇena sato kārī hoti.
ps1.3:62.4	Dīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:62.5	Tāya satiyā tena ñāṇena sato kārī hoti.
ps1.3:62.6	Rassaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:62.7	Tāya satiyā tena ñāṇena sato kārī hoti.
ps1.3:62.8	Rassaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:62.9	Tāya satiyā tena ñāṇena sato kārī hoti …pe…
ps1.3:62.10	paṭinissaggānupassī assāsavasena …
ps1.3:62.11	paṭinissaggānupassī passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:62.12	Tāya satiyā tena ñāṇena sato kārī hoti.
ps1.3:63.0	1.3.5.1. Paṭhamacatukkaniddesa
ps1.3:63.1	Kathaṁ dīghaṁ assasanto “dīghaṁ assasāmī”ti pajānāti, dīghaṁ passasanto “dīghaṁ passasāmī”ti pajānāti?
ps1.3:63.2	Dīghaṁ assāsaṁ addhānasaṅkhāte assasati, dīghaṁ passāsaṁ addhānasaṅkhāte passasati, dīghaṁ assāsapassāsaṁ addhānasaṅkhāte assasatipi passasatipi.
ps1.3:63.3	Dīghaṁ assāsapassāsaṁ addhānasaṅkhāte assasatopi passasatopi chando uppajjati.
ps1.3:63.4	Chandavasena tato sukhumataraṁ dīghaṁ assāsaṁ addhānasaṅkhāte assasati, chandavasena tato sukhumataraṁ dīghaṁ passāsaṁ addhānasaṅkhāte passasati, chandavasena tato sukhumataraṁ dīghaṁ assāsapassāsaṁ addhānasaṅkhāte assasatipi passasatipi.
ps1.3:63.5	Chandavasena tato sukhumataraṁ dīghaṁ assāsapassāsaṁ addhānasaṅkhāte assasatopi passasatopi pāmojjaṁ uppajjati.
ps1.3:63.6	Pāmojjavasena tato sukhumataraṁ dīghaṁ assāsaṁ addhānasaṅkhāte assasati, pāmojjavasena tato sukhumataraṁ dīghaṁ passāsaṁ addhānasaṅkhāte passasati, pāmojjavasena tato sukhumataraṁ dīghaṁ assāsapassāsaṁ addhānasaṅkhāte assasatipi passasatipi.
ps1.3:63.7	Pāmojjavasena tato sukhumataraṁ dīghaṁ assāsapassāsaṁ addhānasaṅkhāte assasatopi passasatopi dīghaṁ assāsapassāsāpi cittaṁ vivattati, upekkhā saṇṭhāti.
ps1.3:63.8	Imehi navahākārehi dīghaṁ assāsapassāsā kāyo.
ps1.3:63.9	Upaṭṭhānaṁ sati.
ps1.3:63.10	Anupassanā ñāṇaṁ.
ps1.3:63.11	Kāyo upaṭṭhānaṁ, no sati;
ps1.3:63.12	sati upaṭṭhānañceva sati ca.
ps1.3:63.13	Tāya satiyā tena ñāṇena taṁ kāyaṁ anupassati.
ps1.3:63.14	Tena vuccati—
ps1.3:63.15	“kāye kāyānupassanāsatipaṭṭhānabhāvanā”ti.
ps1.3:64.1	<b>Anupassatī</b>ti kathaṁ taṁ kāyaṁ anupassati?
ps1.3:64.2	Aniccato anupassati, no niccato.
ps1.3:64.3	Dukkhato anupassati, no sukhato.
ps1.3:64.4	Anattato anupassati, no attato.
ps1.3:64.5	Nibbindati, no nandati.
ps1.3:64.6	Virajjati, no rajjati.
ps1.3:64.7	Nirodheti, no samudeti.
ps1.3:64.8	Paṭinissajjati, no ādiyati.
ps1.3:64.9	Aniccato anupassanto niccasaññaṁ pajahati.
ps1.3:64.10	Dukkhato anupassanto sukhasaññaṁ pajahati.
ps1.3:64.11	Anattato anupassanto attasaññaṁ pajahati.
ps1.3:64.12	Nibbindanto nandiṁ pajahati.
ps1.3:64.13	Virajjanto rāgaṁ pajahati.
ps1.3:64.14	Nirodhento samudayaṁ pajahati.
ps1.3:64.15	Paṭinissajjanto ādānaṁ pajahati.
ps1.3:64.16	Evaṁ taṁ kāyaṁ anupassati.
ps1.3:65.1	<b>Bhāvanā</b>ti catasso bhāvanā—
ps1.3:65.2	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps1.3:65.3	Dīghaṁ assāsapassāsavasena cittassa ekaggataṁ avikkhepaṁ pajānato viditā vedanā uppajjanti, viditā upaṭṭhahanti, viditā abbhatthaṁ gacchanti.
ps1.3:65.4	Viditā saññā uppajjanti, viditā upaṭṭhahanti, viditā abbhatthaṁ gacchanti.
ps1.3:65.5	Viditā vitakkā uppajjanti, viditā upaṭṭhahanti, viditā abbhatthaṁ gacchanti.
ps1.3:66.1	Kathaṁ viditā vedanā uppajjanti, viditā upaṭṭhahanti, viditā abbhatthaṁ gacchanti?
ps1.3:66.2	Kathaṁ vedanāya uppādo vidito hoti?
ps1.3:66.3	Avijjāsamudayā vedanāsamudayoti—
ps1.3:66.4	paccayasamudayaṭṭhena vedanāya uppādo vidito hoti.
ps1.3:66.5	Taṇhāsamudayā vedanāsamudayoti …
ps1.3:66.6	kammasamudayā vedanāsamudayoti …
ps1.3:66.7	phassasamudayā vedanāsamudayoti paccayasamudayaṭṭhena vedanāya uppādo vidito hoti.
ps1.3:66.8	Nibbattilakkhaṇaṁ passatopi vedanāya uppādo vidito hoti.
ps1.3:66.9	Evaṁ vedanāya uppādo vidito hoti.
ps1.3:67.1	Kathaṁ vedanāya upaṭṭhānaṁ viditaṁ hoti?
ps1.3:67.2	Aniccato manasikaroto khayatupaṭṭhānaṁ viditaṁ hoti.
ps1.3:67.3	Dukkhato manasikaroto bhayatupaṭṭhānaṁ viditaṁ hoti.
ps1.3:67.4	Anattato manasikaroto suññatupaṭṭhānaṁ viditaṁ hoti.
ps1.3:67.5	Evaṁ vedanāya upaṭṭhānaṁ viditaṁ hoti.
ps1.3:68.1	Kathaṁ vedanāya atthaṅgamo vidito hoti?
ps1.3:68.2	Avijjānirodhā vedanānirodhoti—
ps1.3:68.3	paccayanirodhaṭṭhena vedanāya atthaṅgamo vidito hoti.
ps1.3:68.4	Taṇhānirodhā vedanānirodhoti …pe…
ps1.3:68.5	kammanirodhā vedanānirodhoti …pe…
ps1.3:68.6	phassanirodhā vedanānirodhoti paccayanirodhaṭṭhena vedanāya atthaṅgamo vidito hoti.
ps1.3:68.7	Vipariṇāmalakkhaṇaṁ passatopi vedanāya atthaṅgamo vidito hoti.
ps1.3:68.8	Evaṁ vedanāya atthaṅgamo vidito hoti.
ps1.3:68.9	Evaṁ viditā vedanā uppajjanti, viditā upaṭṭhahanti, viditā abbhatthaṁ gacchanti.
ps1.3:69.1	Kathaṁ viditā saññā uppajjanti, viditā upaṭṭhahanti, viditā abbhatthaṁ gacchanti?
ps1.3:69.2	Kathaṁ saññāya uppādo vidito hoti?
ps1.3:69.3	Avijjāsamudayā saññāsamudayoti—
ps1.3:69.4	paccayasamudayaṭṭhena saññāya uppādo vidito hoti.
ps1.3:69.5	Taṇhāsamudayā saññāsamudayoti …pe…
ps1.3:69.6	kammasamudayā saññāsamudayoti …pe…
ps1.3:69.7	phassasamudayā saññāsamudayoti—
ps1.3:69.8	paccayasamudayaṭṭhena saññāya uppādo vidito hoti.
ps1.3:69.9	Nibbattilakkhaṇaṁ passatopi saññāya uppādo vidito hoti.
ps1.3:69.10	Evaṁ saññāya uppādo vidito hoti.
ps1.3:70.1	Kathaṁ saññāya upaṭṭhānaṁ viditaṁ hoti?
ps1.3:70.2	Aniccato manasikaroto khayatupaṭṭhānaṁ viditaṁ hoti.
ps1.3:70.3	Dukkhato manasikaroto bhayatupaṭṭhānaṁ viditaṁ hoti.
ps1.3:70.4	Anattato manasikaroto suññatupaṭṭhānaṁ viditaṁ hoti.
ps1.3:70.5	Evaṁ saññāya upaṭṭhānaṁ viditaṁ hoti.
ps1.3:71.1	Kathaṁ saññāya atthaṅgamo vidito hoti?
ps1.3:71.2	Avijjānirodhā saññānirodhoti—
ps1.3:71.3	paccayanirodhaṭṭhena saññāya atthaṅgamo vidito hoti.
ps1.3:71.4	Taṇhānirodhā saññānirodhoti …pe…
ps1.3:71.5	kammanirodhā saññānirodhoti …pe…
ps1.3:71.6	phassanirodhā saññānirodhoti—
ps1.3:71.7	paccayanirodhaṭṭhena saññāya atthaṅgamo vidito hoti.
ps1.3:71.8	Vipariṇāmalakkhaṇaṁ passatopi saññāya atthaṅgamo vidito hoti.
ps1.3:71.9	Evaṁ saññāya atthaṅgamo vidito hoti.
ps1.3:71.10	Evaṁ viditā saññā uppajjanti, viditā upaṭṭhahanti, viditā abbhatthaṁ gacchanti.
ps1.3:72.1	Kathaṁ viditā vitakkā uppajjanti, viditā upaṭṭhahanti, viditā abbhatthaṁ gacchanti?
ps1.3:72.2	Kathaṁ vitakkānaṁ uppādo vidito hoti?
ps1.3:72.3	Avijjāsamudayā vitakkasamudayoti—
ps1.3:72.4	paccayasamudayaṭṭhena vitakkānaṁ uppādo vidito hoti.
ps1.3:72.5	Taṇhāsamudayā vitakkasamudayoti …pe…
ps1.3:72.6	kammasamudayā vitakkasamudayoti …pe…
ps1.3:72.7	saññāsamudayā vitakkasamudayoti—
ps1.3:72.8	paccayasamudayaṭṭhena vitakkānaṁ uppādo vidito hoti.
ps1.3:72.9	Nibbattilakkhaṇaṁ passatopi vitakkānaṁ uppādo vidito hoti.
ps1.3:72.10	Evaṁ vitakkānaṁ uppādo vidito hoti.
ps1.3:73.1	Kathaṁ vitakkānaṁ upaṭṭhānaṁ viditaṁ hoti?
ps1.3:73.2	Aniccato manasikaroto khayatupaṭṭhānaṁ viditaṁ hoti.
ps1.3:73.3	Dukkhato manasikaroto bhayatupaṭṭhānaṁ viditaṁ hoti.
ps1.3:73.4	Anattato manasikaroto suññatupaṭṭhānaṁ viditaṁ hoti.
ps1.3:73.5	Evaṁ vitakkānaṁ upaṭṭhānaṁ viditaṁ hoti.
ps1.3:74.1	Kathaṁ vitakkānaṁ atthaṅgamo vidito hoti?
ps1.3:74.2	Avijjānirodhā vitakkanirodhoti—
ps1.3:74.3	paccayanirodhaṭṭhena vitakkānaṁ atthaṅgamo vidito hoti.
ps1.3:74.4	Taṇhānirodhā vitakkanirodhoti …pe…
ps1.3:74.5	kammanirodhā vitakkanirodhoti …pe…
ps1.3:74.6	saññānirodhā vitakkanirodhoti—
ps1.3:74.7	paccayanirodhaṭṭhena vitakkānaṁ atthaṅgamo vidito hoti.
ps1.3:74.8	Vipariṇāmalakkhaṇaṁ passatopi vitakkānaṁ atthaṅgamo vidito hoti.
ps1.3:74.9	Evaṁ vitakkānaṁ atthaṅgamo vidito hoti.
ps1.3:74.10	Evaṁ viditā vitakkā uppajjanti, viditā upaṭṭhahanti, viditā abbhatthaṁ gacchanti.
ps1.3:75.1	Dīghaṁ assāsapassāsavasena cittassa ekaggataṁ avikkhepaṁ pajānanto indriyāni samodhāneti, gocarañca pajānāti, samatthañca paṭivijjhati …pe…
ps1.3:75.2	maggaṁ samodhāneti, dhamme samodhāneti, gocarañca pajānāti, samatthañca paṭivijjhati.
ps1.3:76.1	<b>Indriyāni samodhānetī</b>ti kathaṁ indriyāni samodhāneti?
ps1.3:76.2	Adhimokkhaṭṭhena saddhindriyaṁ samodhāneti, paggahaṭṭhena vīriyindriyaṁ samodhāneti, upaṭṭhānaṭṭhena satindriyaṁ samodhāneti, avikkhepaṭṭhena samādhindriyaṁ samodhāneti, dassanaṭṭhena paññindriyaṁ samodhāneti.
ps1.3:76.3	Ayaṁ puggalo imāni indriyāni imasmiṁ ārammaṇe samodhāneti.
ps1.3:76.4	Tena vuccati—
ps1.3:76.5	“indriyāni samodhānetī”ti.
ps1.3:77.1	<b>Gocarañca pajānātī</b>ti yaṁ tassa ārammaṇaṁ, taṁ tassa gocaraṁ.
ps1.3:77.2	Yaṁ tassa gocaraṁ, taṁ tassa ārammaṇaṁ.
ps1.3:77.3	<b>Pajānātī</b>ti puggalo.
ps1.3:77.4	Pajānanā paññā.
ps1.3:78.1	<b>Saman</b>ti ārammaṇassa upaṭṭhānaṁ samaṁ, cittassa avikkhepo samaṁ, cittassa adhiṭṭhānaṁ samaṁ, cittassa vodānaṁ samaṁ.
ps1.3:78.2	<b>Attho</b>ti anavajjaṭṭho niklesaṭṭho vodānaṭṭho paramaṭṭho.
ps1.3:78.3	<b>Paṭivijjhatī</b>ti ārammaṇassa upaṭṭhānaṭṭhaṁ paṭivijjhati, cittassa avikkhepaṭṭhaṁ paṭivijjhati, cittassa adhiṭṭhānaṭṭhaṁ paṭivijjhati, cittassa vodānaṭṭhaṁ paṭivijjhati.
ps1.3:78.4	Tena vuccati—
ps1.3:78.5	“samatthañca paṭivijjhatī”ti.
ps1.3:79.1	<b>Balāni samodhānetī</b>ti kathaṁ balāni samodhāneti?
ps1.3:79.2	Assaddhiye akampiyaṭṭhena saddhābalaṁ samodhāneti, kosajje akampiyaṭṭhena vīriyabalaṁ samodhāneti, pamāde akampiyaṭṭhena satibalaṁ samodhāneti, uddhacce akampiyaṭṭhena samādhibalaṁ samodhāneti, avijjāya akampiyaṭṭhena paññābalaṁ samodhāneti.
ps1.3:79.3	Ayaṁ puggalo imāni balāni imasmiṁ ārammaṇe samodhāneti.
ps1.3:79.4	Tena vuccati—
ps1.3:79.5	balāni samodhānetīti.
ps1.3:79.6	Gocarañca pajānātīti …pe…
ps1.3:79.7	tena vuccati—
ps1.3:79.8	“samatthañca paṭivijjhatī”ti.
ps1.3:80.1	<b>Bojjhaṅge samodhānetī</b>ti kathaṁ bojjhaṅge samodhāneti?
ps1.3:80.2	Upaṭṭhānaṭṭhena satisambojjhaṅgaṁ samodhāneti, pavicayaṭṭhena dhammavicayasambojjhaṅgaṁ samodhāneti, paggahaṭṭhena vīriyasambojjhaṅgaṁ samodhāneti, pharaṇaṭṭhena pītisambojjhaṅgaṁ samodhāneti, upasamaṭṭhena passaddhisambojjhaṅgaṁ samodhāneti, avikkhepaṭṭhena samādhisambojjhaṅgaṁ samodhāneti, paṭisaṅkhānaṭṭhena upekkhāsambojjhaṅgaṁ samodhāneti.
ps1.3:80.3	Ayaṁ puggalo ime bojjhaṅge imasmiṁ ārammaṇe samodhāneti.
ps1.3:80.4	Tena vuccati—
ps1.3:80.5	“bojjhaṅge samodhānetī”ti.
ps1.3:80.6	Gocarañca pajānātīti …pe…
ps1.3:80.7	tena vuccati—
ps1.3:80.8	“samatthañca paṭivijjhatī”ti.
ps1.3:81.1	<b>Maggaṁ samodhānetī</b>ti kathaṁ maggaṁ samodhāneti?
ps1.3:81.2	Dassanaṭṭhena sammādiṭṭhiṁ samodhāneti, abhiniropanaṭṭhena sammāsaṅkappaṁ samodhāneti, pariggahaṭṭhena sammāvācaṁ samodhāneti, samuṭṭhānaṭṭhena sammākammantaṁ samodhāneti, vodānaṭṭhena sammāājīvaṁ samodhāneti, paggahaṭṭhena sammāvāyāmaṁ samodhāneti, upaṭṭhānaṭṭhena sammāsatiṁ samodhāneti, avikkhepaṭṭhena sammāsamādhiṁ samodhāneti.
ps1.3:81.3	Ayaṁ puggalo imaṁ maggaṁ imasmiṁ ārammaṇe samodhāneti.
ps1.3:81.4	Tena vuccati—
ps1.3:81.5	“maggaṁ samodhānetī”ti.
ps1.3:81.6	Gocarañca pajānātīti …pe…
ps1.3:81.7	tena vuccati—
ps1.3:81.8	“samatthañca paṭivijjhatī”ti.
ps1.3:82.1	<b>Dhamme samodhānetī</b>ti kathaṁ dhamme samodhāneti?
ps1.3:82.2	Ādhipateyyaṭṭhena indriyāni samodhāneti, akampiyaṭṭhena balāni samodhāneti, niyyānaṭṭhena bojjhaṅge samodhāneti, hetuṭṭhena maggaṁ samodhāneti, upaṭṭhānaṭṭhena satipaṭṭhānaṁ samodhāneti, padahanaṭṭhena sammappadhānaṁ samodhāneti, ijjhanaṭṭhena iddhipādaṁ samodhāneti tathaṭṭhena saccaṁ samodhāneti, avikkhepaṭṭhena samathaṁ samodhāneti, anupassanaṭṭhena vipassanaṁ samodhāneti, ekarasaṭṭhena samathavipassanaṁ samodhāneti, anativattanaṭṭhena yuganaddhaṁ samodhāneti, saṁvaraṭṭhena sīlavisuddhiṁ samodhāneti, avikkhepaṭṭhena cittavisuddhiṁ samodhāneti, dassanaṭṭhena diṭṭhivisuddhiṁ samodhāneti, vimuttaṭṭhena vimokkhaṁ samodhāneti, paṭivedhaṭṭhena vijjaṁ samodhāneti, pariccāgaṭṭhena vimuttiṁ samodhāneti, samucchedaṭṭhena khaye ñāṇaṁ samodhāneti, paṭippassaddhaṭṭhena anuppāde ñāṇaṁ samodhāneti, chandaṁ mūlaṭṭhena samodhāneti, manasikāraṁ samuṭṭhānaṭṭhena samodhāneti, phassaṁ samodhānaṭṭhena samodhāneti, vedanaṁ samosaraṇaṭṭhena samodhāneti, samādhiṁ pamukhaṭṭhena samodhāneti, satiṁ ādhipateyyaṭṭhena samodhāneti, paññaṁ taduttaraṭṭhena samodhāneti, vimuttiṁ sāraṭṭhena samodhāneti, amatogadhaṁ nibbānaṁ pariyosānaṭṭhena samodhāneti.
ps1.3:82.3	Ayaṁ puggalo ime dhamme imasmiṁ ārammaṇe samodhāneti.
ps1.3:82.4	Tena vuccati—
ps1.3:82.5	“dhamme samodhānetī”ti.
ps1.3:83.1	<b>Gocarañca pajānātī</b>ti yaṁ tassa ārammaṇaṁ, taṁ tassa gocaraṁ.
ps1.3:83.2	Yaṁ tassa gocaraṁ, taṁ tassa ārammaṇaṁ <b>pajānātī</b>ti puggalo.
ps1.3:83.3	Pajānanā paññā.
ps1.3:83.4	<b>Saman</b>ti ārammaṇassa upaṭṭhānaṁ samaṁ, cittassa avikkhepo samaṁ, cittassa adhiṭṭhānaṁ samaṁ, cittassa vodānaṁ samaṁ.
ps1.3:83.5	<b>Attho</b>ti anavajjaṭṭho niklesaṭṭho vodānaṭṭho paramaṭṭho.
ps1.3:83.6	<b>Paṭivijjhatī</b>ti ārammaṇassa upaṭṭhānaṭṭhaṁ paṭivijjhati, cittassa avikkhepaṭṭhaṁ paṭivijjhati, cittassa adhiṭṭhānaṭṭhaṁ paṭivijjhati, cittassa vodānaṭṭhaṁ paṭivijjhati.
ps1.3:83.7	Tena vuccati—
ps1.3:83.8	“samatthañca paṭivijjhatī”ti.
ps1.3:84.1	Kathaṁ rassaṁ assasanto “rassaṁ assasāmī”ti pajānāti, rassaṁ passasanto “rassaṁ passasāmī”ti pajānāti?
ps1.3:84.2	Rassaṁ assāsaṁ ittarasaṅkhāte assasati, rassaṁ passāsaṁ ittarasaṅkhāte passasati, rassaṁ assāsapassāsaṁ ittarasaṅkhāte assasatipi passasatipi.
ps1.3:84.3	Rassaṁ assāsapassāsaṁ ittarasaṅkhāte assasatopi passasatopi chando uppajjati.
ps1.3:84.4	Chandavasena tato sukhumataraṁ rassaṁ assāsaṁ ittarasaṅkhāte assasati.
ps1.3:84.5	Chandavasena tato sukhumataraṁ rassaṁ passāsaṁ ittarasaṅkhāte passasati.
ps1.3:84.6	Chandavasena tato sukhumataraṁ rassaṁ assāsapassāsaṁ ittarasaṅkhāte assasatipi passasatipi.
ps1.3:84.7	Chandavasena tato sukhumataraṁ rassaṁ assāsapassāsaṁ ittarasaṅkhāte assasatopi passasatopi pāmojjaṁ uppajjati.
ps1.3:84.8	Pāmojjavasena tato sukhumataraṁ rassaṁ assāsaṁ ittarasaṅkhāte assasati, pāmojjavasena tato sukhumataraṁ rassaṁ passāsaṁ ittarasaṅkhāte passasati, pāmojjavasena tato sukhumataraṁ rassaṁ assāsapassāsaṁ ittarasaṅkhāte assasatipi passasatipi.
ps1.3:84.9	Pāmojjavasena tato sukhumataraṁ rassaṁ assāsapassāsaṁ ittarasaṅkhāte assasatopi passasatopi rassā assāsapassāsā cittaṁ vivattati, upekkhā saṇṭhāti.
ps1.3:84.10	Imehi navahākārehi rassā assāsapassāsā kāyo upaṭṭhānaṁ sati anupassanā ñāṇaṁ.
ps1.3:84.11	Kāyo upaṭṭhānaṁ, no sati;
ps1.3:84.12	sati upaṭṭhānañceva sati ca.
ps1.3:84.13	Tāya satiyā tena ñāṇena taṁ kāyaṁ anupassati.
ps1.3:84.14	Tena vuccati—
ps1.3:84.15	“kāye kāyānupassanāsatipaṭṭhānabhāvanā”ti.
ps1.3:85.1	<b>Anupassatī</b>ti kathaṁ taṁ kāyaṁ anupassati …pe…
ps1.3:85.2	evaṁ taṁ kāyaṁ anupassati.
ps1.3:85.3	<b>Bhāvanā</b>ti catasso bhāvanā …pe…
ps1.3:85.4	āsevanaṭṭhena bhāvanā.
ps1.3:85.5	Rassaṁ assāsapassāsavasena cittassa ekaggataṁ avikkhepaṁ pajānato viditā vedanā uppajjanti …pe…
ps1.3:85.6	rassaṁ assāsapassāsavasena cittassa ekaggataṁ avikkhepaṁ pajānanto indriyāni samodhāneti …pe…
ps1.3:85.7	tena vuccati—
ps1.3:85.8	“samatthañca paṭivijjhatī”ti.
ps1.3:86.1	Kathaṁ “sabbakāyapaṭisaṁvedī assasissāmī”ti sikkhati, “sabbakāyapaṭisaṁvedī passasissāmī”ti sikkhati?
ps1.3:86.2	<b>Kāyo</b>ti dve kāyā—
ps1.3:86.3	nāmakāyo ca rūpakāyo ca.
ps1.3:86.4	Katamo nāmakāyo?
ps1.3:86.5	Vedanā, saññā, cetanā, phasso, manasikāro, nāmañca nāmakāyo ca, ye ca vuccanti cittasaṅkhārā—
ps1.3:86.6	ayaṁ nāmakāyo.
ps1.3:86.7	Katamo rūpakāyo?
ps1.3:86.8	Cattāro ca mahābhūtā, catunnañca mahābhūtānaṁ upādāyarūpaṁ, assāso ca passāso ca, nimittañca upanibandhanā, ye ca vuccanti kāyasaṅkhārā—
ps1.3:86.9	ayaṁ rūpakāyo.
ps1.3:87.1	Kathaṁ te kāyā paṭividitā honti?
ps1.3:87.2	Dīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:87.3	Tāya satiyā tena ñāṇena te kāyā paṭividitā honti.
ps1.3:87.4	Dīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:87.5	Tāya satiyā tena ñāṇena te kāyā paṭividitā honti.
ps1.3:87.6	Rassaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:87.7	Tāya satiyā tena ñāṇena te kāyā paṭividitā honti.
ps1.3:87.8	Rassaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:87.9	Tāya satiyā tena ñāṇena te kāyā paṭividitā honti.
ps1.3:88.1	Āvajjato te kāyā paṭividitā honti, pajānato te kāyā paṭividitā honti, passato te kāyā paṭividitā honti, paccavekkhato te kāyā paṭividitā honti, cittaṁ adhiṭṭhahato te kāyā paṭividitā honti, saddhāya adhimuccato te kāyā paṭividitā honti, vīriyaṁ paggaṇhato te kāyā paṭividitā honti, satiṁ upaṭṭhāpayato te kāyā paṭividitā honti, cittaṁ samādahato te kāyā paṭividitā honti, paññāya pajānato te kāyā paṭividitā honti, abhiññeyyaṁ abhijānato te kāyā paṭividitā honti, pariññeyyaṁ parijānato te kāyā paṭividitā honti, pahātabbaṁ pajahato te kāyā paṭividitā honti, bhāvetabbaṁ bhāvayato te kāyā paṭividitā honti, sacchikātabbaṁ sacchikaroto te kāyā paṭividitā honti.
ps1.3:88.2	Evaṁ te kāyā paṭividitā honti.
ps1.3:88.3	Sabbakāyapaṭisaṁvedī assāsapassāsā kāyo upaṭṭhānaṁ sati anupassanā ñāṇaṁ.
ps1.3:88.4	Kāyo upaṭṭhānaṁ, no sati.
ps1.3:88.5	Sati upaṭṭhānañceva sati ca.
ps1.3:88.6	Tāya satiyā tena ñāṇena taṁ kāyaṁ anupassati.
ps1.3:88.7	Tena vuccati—
ps1.3:88.8	“kāye kāyānupassanāsatipaṭṭhānabhāvanā”ti.
ps1.3:89.1	<b>Anupassatī</b>ti kathaṁ taṁ kāyaṁ anupassati …pe…
ps1.3:89.2	evaṁ taṁ kāyaṁ anupassati.
ps1.3:89.3	<b>Bhāvanā</b>ti catasso bhāvanā …pe…
ps1.3:89.4	āsevanaṭṭhena bhāvanā.
ps1.3:90.1	Sabbakāyapaṭisaṁvedī assāsapassāsānaṁ saṁvaraṭṭhena sīlavisuddhi, avikkhepaṭṭhena cittavisuddhi, dassanaṭṭhena diṭṭhivisuddhi.
ps1.3:90.2	Yo tattha saṁvaraṭṭho, ayaṁ adhisīlasikkhā.
ps1.3:90.3	Yo tattha avikkhepaṭṭho, ayaṁ adhicittasikkhā.
ps1.3:90.4	Yo tattha dassanaṭṭho, ayaṁ adhipaññāsikkhā.
ps1.3:90.5	Imā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṁ adhiṭṭhahanto sikkhati, saddhāya adhimuccanto sikkhati, vīriyaṁ paggaṇhanto sikkhati, satiṁ upaṭṭhapento sikkhati, cittaṁ samādahanto sikkhati, paññāya pajānanto sikkhati, abhiññeyyaṁ abhijānanto sikkhati, pariññeyyaṁ parijānanto sikkhati, pahātabbaṁ pajahanto sikkhati, bhāvetabbaṁ bhāvento sikkhati, sacchikātabbaṁ sacchikaronto sikkhati.
ps1.3:91.1	Sabbakāyapaṭisaṁvedī assāsapassāsavasena cittassa ekaggataṁ avikkhepaṁ pajānato viditā vedanā uppajjanti …pe…
ps1.3:91.2	sabbakāyapaṭisaṁvedī assāsapassāsavasena cittassa ekaggataṁ avikkhepaṁ pajānanto indriyāni samodhāneti …pe…
ps1.3:91.3	tena vuccati—
ps1.3:91.4	“samatthañca paṭivijjhatī”ti.
ps1.3:92.1	Kathaṁ “passambhayaṁ kāyasaṅkhāraṁ assasissāmī”ti sikkhati, “passambhayaṁ kāyasaṅkhāraṁ passasissāmī”ti sikkhati?
ps1.3:92.2	Katamo kāyasaṅkhāro?
ps1.3:92.3	Dīghaṁ assāsā kāyikā.
ps1.3:92.4	Ete dhammā kāyapaṭibaddhā kāyasaṅkhārā.
ps1.3:92.5	Te kāyasaṅkhāre passambhento nirodhento vūpasamento sikkhati.
ps1.3:92.6	Dīghaṁ passāsā kāyikā.
ps1.3:92.7	Ete dhammā kāyapaṭibaddhā kāyasaṅkhārā.
ps1.3:92.8	Te kāyasaṅkhāre passambhento nirodhento vūpasamento sikkhati.
ps1.3:92.9	Rassaṁ assāsā rassaṁ passāsā.
ps1.3:92.10	Sabbakāyapaṭisaṁvedī assāsā sabbakāyapaṭisaṁvedī passāsā kāyikā.
ps1.3:92.11	Ete dhammā kāyapaṭibaddhā kāyasaṅkhārā.
ps1.3:92.12	Te kāyasaṅkhāre passambhento nirodhento vūpasamento sikkhati.
ps1.3:93.1	Yathārūpehi kāyasaṅkhārehi yā kāyassa ānamanā vinamanā sannamanā paṇamanā iñjanā phandanā calanā pakampanā—
ps1.3:93.2	passambhayaṁ kāyasaṅkhāraṁ assasissāmīti sikkhati, passambhayaṁ kāyasaṅkhāraṁ passasissāmīti sikkhati.
ps1.3:93.3	Yathārūpehi kāyasaṅkhārehi yā kāyassa na ānamanā na vinamanā na sannamanā na paṇamanā aniñjanā aphandanā acalanā akampanā santaṁ sukhumaṁ passambhayaṁ kāyasaṅkhāraṁ assasissāmīti sikkhati, passambhayaṁ kāyasaṅkhāraṁ passasissāmīti sikkhati.
ps1.3:94.1	Iti kira “passambhayaṁ kāyasaṅkhāraṁ assasissāmī”ti sikkhati, “passambhayaṁ kāyasaṅkhāraṁ passasissāmī”ti sikkhati.
ps1.3:94.2	Evaṁ sante vātūpaladdhiyā ca pabhāvanā na hoti, assāsapassāsānañca pabhāvanā na hoti, ānāpānassatiyā ca pabhāvanā na hoti, ānāpānassatisamādhissa ca pabhāvanā na hoti;
ps1.3:94.3	na ca naṁ taṁ samāpattiṁ paṇḍitā samāpajjantipi vuṭṭhahantipi.
ps1.3:95.1	Iti kira “passambhayaṁ kāyasaṅkhāraṁ assasissāmī”ti sikkhati, “passambhayaṁ kāyasaṅkhāraṁ passasissāmī”ti sikkhati.
ps1.3:95.2	Evaṁ sante vātūpaladdhiyā ca pabhāvanā hoti, assāsapassāsānañca pabhāvanā hoti, ānāpānassatiyā ca pabhāvanā hoti.
ps1.3:95.3	Ānāpānassatisamādhissa ca pabhāvanā hoti;
ps1.3:95.4	tañca naṁ samāpattiṁ paṇḍitā samāpajjantipi vuṭṭhahantipi.
ps1.3:95.5	Yathā kathaṁ viya?
ps1.3:95.6	Seyyathāpi kaṁse ākoṭite paṭhamaṁ oḷārikā saddā pavattanti.
ps1.3:95.7	Oḷārikānaṁ saddānaṁ nimittaṁ suggahitattā sumanasikatattā sūpadhāritattā niruddhepi oḷārike sadde, atha pacchā sukhumakā saddā pavattanti.
ps1.3:95.8	Sukhumakānaṁ saddānaṁ nimittaṁ suggahitattā sumanasikatattā sūpadhāritattā niruddhepi sukhumake sadde, atha pacchā sukhumasaddanimittārammaṇatāpi cittaṁ pavattati.
ps1.3:95.9	Evamevaṁ paṭhamaṁ oḷārikā assāsapassāsā pavattanti;
ps1.3:95.10	oḷārikānaṁ assāsapassāsānaṁ nimittaṁ suggahitattā sumanasikatattā sūpadhāritattā niruddhepi oḷārike assāsapassāse, atha pacchā sukhumakā assāsapassāsā pavattanti.
ps1.3:95.11	Sukhumakānaṁ assāsapassāsānaṁ nimittaṁ suggahitattā sumanasikatattā sūpadhāritattā niruddhepi sukhumake assāsapassāse, atha pacchā sukhumakaassāsapassāsānaṁ nimittārammaṇatāpi cittaṁ na vikkhepaṁ gacchati.
ps1.3:96.1	Evaṁ sante vātūpaladdhiyā ca pabhāvanā hoti, assāsapassāsānañca pabhāvanā hoti, ānāpānassatiyā ca pabhāvanā hoti, ānāpānassatisamādhissa ca pabhāvanā hoti;
ps1.3:96.2	tañca naṁ samāpattiṁ paṇḍitā samāpajjantipi vuṭṭhahantipi.
ps1.3:96.3	Passambhayaṁ kāyasaṅkhāraṁ assāsapassāsā kāyo upaṭṭhānaṁ sati anupassanā ñāṇaṁ.
ps1.3:96.4	Kāyo upaṭṭhānaṁ, no sati;
ps1.3:96.5	sati upaṭṭhānañceva sati ca.
ps1.3:96.6	Tāya satiyā tena ñāṇena taṁ kāyaṁ anupassati.
ps1.3:96.7	Tena vuccati—
ps1.3:96.8	“kāye kāyānupassanāsatipaṭṭhānabhāvanā”ti.
ps1.3:97.1	<b>Anupassatī</b>ti kathaṁ taṁ kāyaṁ anupassati …pe…
ps1.3:97.2	evaṁ taṁ kāyaṁ anupassati.
ps1.3:97.3	<b>Bhāvanā</b>ti catasso bhāvanā …pe…
ps1.3:97.4	āsevanaṭṭhena bhāvanā.
ps1.3:97.5	Passambhayaṁ kāyasaṅkhāraṁ, assāsapassāsānaṁ saṁvaraṭṭhena sīlavisuddhi, avikkhepaṭṭhena cittavisuddhi, dassanaṭṭhena diṭṭhivisuddhi.
ps1.3:97.6	Yo tattha saṁvaraṭṭho, ayaṁ adhisīlasikkhā;
ps1.3:97.7	yo tattha avikkhepaṭṭho, ayaṁ adhicittasikkhā;
ps1.3:97.8	yo tattha dassanaṭṭho ayaṁ adhipaññāsikkhā.
ps1.3:97.9	Imā tisso sikkhāyo āvajjanto sikkhati …pe…
ps1.3:97.10	sacchikātabbaṁ sacchikaronto sikkhati, passambhayaṁ kāyasaṅkhāraṁ assāsapassāsavasena cittassa ekaggataṁ avikkhepaṁ pajānato viditā vedanā uppajjanti …pe…
ps1.3:97.11	passambhayaṁ kāyasaṅkhāraṁ assāsapassāsavasena cittassa ekaggataṁ avikkhepaṁ pajānanto indriyāni samodhāneti …pe…
ps1.3:97.12	tena vuccati—
ps1.3:97.13	“samatthañca paṭivijjhatī”ti.
ps1.3:98.1	Aṭṭha anupassanāñāṇāni, aṭṭha ca upaṭṭhānānussatiyo, cattāri suttantikavatthūni kāye kāyānupassanāya.
ps1.3:98.2	Bhāṇavāro.
ps1.3:99.0	1.3.5.2. Dutiyacatukkaniddesa
ps1.3:99.1	Kathaṁ “pītipaṭisaṁvedī assasissāmī”ti sikkhati “pītipaṭisaṁvedī passasissāmī”ti sikkhati?
ps1.3:99.2	Katamā pīti?
ps1.3:99.3	Dīghaṁ assāsavasena cittassa ekaggataṁ avikkhepaṁ pajānato uppajjati pīti pāmojjaṁ.
ps1.3:99.4	Yā pīti pāmojjaṁ āmodanā pamodanā hāso pahāso vitti odagyaṁ attamanatā cittassa.
ps1.3:99.5	Dīghaṁ passāsavasena cittassa ekaggataṁ avikkhepaṁ pajānato uppajjati pīti pāmojjaṁ …pe…
ps1.3:99.6	rassaṁ assāsavasena, rassaṁ passāsavasena, sabbakāyapaṭisaṁvedī assāsavasena, sabbakāyapaṭisaṁvedī passāsavasena, passambhayaṁ kāyasaṅkhāraṁ assāsavasena, passambhayaṁ kāyasaṅkhāraṁ passāsavasena cittassa ekaggataṁ avikkhepaṁ pajānato uppajjati pīti pāmojjaṁ.
ps1.3:99.7	Yā pīti pāmojjaṁ āmodanā pamodanā hāso pahāso vitti odagyaṁ attamanatā cittassa—
ps1.3:99.8	ayaṁ pīti.
ps1.3:100.1	Kathaṁ sā pīti paṭividitā hoti?
ps1.3:100.2	Dīghaṁ assāsapassāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:100.3	Tāya satiyā tena ñāṇena sā pīti paṭividitā hoti.
ps1.3:100.4	Dīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:100.5	Tāya satiyā tena ñāṇena sā pīti paṭividitā hoti.
ps1.3:100.6	Rassaṁ assāsavasena …pe…
ps1.3:100.7	rassaṁ passāsavasena …
ps1.3:100.8	sabbakāyapaṭisaṁvedī assāsavasena …
ps1.3:100.9	sabbakāyapaṭisaṁvedī passāsavasena …
ps1.3:100.10	passambhayaṁ kāyasaṅkhāraṁ assāsavasena …
ps1.3:100.11	passambhayaṁ kāyasaṅkhāraṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:100.12	Tāya satiyā tena ñāṇena sā pīti paṭividitā hoti.
ps1.3:100.13	Āvajjato sā pīti paṭividitā hoti, jānato …
ps1.3:100.14	passato …
ps1.3:100.15	paccavekkhato …
ps1.3:100.16	cittaṁ adhiṭṭhahato …
ps1.3:100.17	saddhāya adhimuccato …
ps1.3:100.18	vīriyaṁ paggaṇhato …
ps1.3:100.19	satiṁ upaṭṭhāpayato …
ps1.3:100.20	cittaṁ samādahato …
ps1.3:100.21	paññāya pajānato …
ps1.3:100.22	abhiññeyyaṁ abhijānato …
ps1.3:100.23	pariññeyyaṁ parijānato …
ps1.3:100.24	pahātabbaṁ pajahato …
ps1.3:100.25	bhāvetabbaṁ bhāvayato …
ps1.3:100.26	sacchikātabbaṁ sacchikaroto sā pīti paṭividitā hoti.
ps1.3:100.27	Evaṁ sā pīti paṭividitā hoti.
ps1.3:101.1	Pītipaṭisaṁvedī assāsapassāsavasena vedanā upaṭṭhānaṁ sati anupassanā ñāṇaṁ.
ps1.3:101.2	Vedanā upaṭṭhānaṁ, no sati;
ps1.3:101.3	sati upaṭṭhānañceva sati ca.
ps1.3:101.4	Tāya satiyā tena ñāṇena taṁ vedanaṁ anupassati.
ps1.3:101.5	Tena vuccati—
ps1.3:101.6	“vedanāsu vedanānupassanāsatipaṭṭhānabhāvanā”ti.
ps1.3:102.1	<b>Anupassatī</b>ti kathaṁ taṁ vedanaṁ anupassati?
ps1.3:102.2	Aniccato anupassati …pe…
ps1.3:102.3	evaṁ taṁ vedanaṁ anupassati.
ps1.3:102.4	<b>Bhāvanā</b>ti catasso bhāvanā …pe…
ps1.3:102.5	āsevanaṭṭhena bhāvanā.
ps1.3:102.6	Pītipaṭisaṁvedī assāsapassāsānaṁ saṁvaraṭṭhena sīlavisuddhi …pe…
ps1.3:102.7	pītipaṭisaṁvedī assāsapassāsavasena cittassa ekaggataṁ avikkhepaṁ pajānato …pe…
ps1.3:102.8	pajānanto indriyāni samodhāneti.
ps1.3:102.9	Tena vuccati—
ps1.3:102.10	“samatthañca paṭivijjhatī”ti.
ps1.3:103.1	Kathaṁ “sukhapaṭisaṁvedī assasissāmī”ti sikkhati, “sukhapaṭisaṁvedī passasissāmī”ti sikkhati?
ps1.3:103.2	<b>Sukhan</b>ti dve sukhāni—
ps1.3:103.3	kāyikañca sukhaṁ, cetasikañca sukhaṁ.
ps1.3:103.4	Katamaṁ kāyikaṁ sukhaṁ?
ps1.3:103.5	Yaṁ kāyikaṁ sātaṁ kāyikaṁ sukhaṁ, kāyasamphassajaṁ sātaṁ sukhaṁ vedayitaṁ, kāyasamphassajā sātā sukhā vedanā—
ps1.3:103.6	idaṁ kāyikaṁ sukhaṁ.
ps1.3:103.7	Katamaṁ cetasikaṁ sukhaṁ?
ps1.3:103.8	Yaṁ cetasikaṁ sātaṁ cetasikaṁ sukhaṁ, cetosamphassajaṁ sātaṁ sukhaṁ vedayitaṁ, cetosamphassajā sātā sukhā vedanā—
ps1.3:103.9	idaṁ cetasikaṁ sukhaṁ.
ps1.3:104.1	Kathaṁ te sukhā paṭividitā honti?
ps1.3:104.2	Dīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:104.3	Tāya satiyā tena ñāṇena te sukhā paṭividitā honti.
ps1.3:104.4	Dīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:104.5	Tāya satiyā tena ñāṇena te sukhā paṭividitā honti …pe…
ps1.3:104.6	sacchikātabbaṁ sacchikaroto te sukhā paṭividitā honti.
ps1.3:104.7	Evaṁ te sukhā paṭividitā honti.
ps1.3:104.8	Sukhapaṭisaṁvedī assāsapassāsavasena vedanā upaṭṭhānaṁ sati anupassanā ñāṇaṁ.
ps1.3:104.9	Vedanā upaṭṭhānaṁ, no sati;
ps1.3:104.10	sati upaṭṭhānañceva sati ca.
ps1.3:104.11	Tāya satiyā tena ñāṇena taṁ vedanaṁ anupassati.
ps1.3:104.12	Tena vuccati—
ps1.3:104.13	“vedanāsu vedanānupassanāsatipaṭṭhānabhāvanā”ti.
ps1.3:105.1	<b>Anupassatī</b>ti kathaṁ taṁ vedanaṁ anupassati.
ps1.3:105.2	Aniccato anupassati …pe…
ps1.3:105.3	evaṁ taṁ vedanaṁ anupassati.
ps1.3:105.4	<b>Bhāvanā</b>ti catasso bhāvanā …pe…
ps1.3:105.5	āsevanaṭṭhena bhāvanā.
ps1.3:105.6	Sukhapaṭisaṁvedī assāsapassāsānaṁ saṁvaraṭṭhena sīlavisuddhi …pe…
ps1.3:105.7	sukhapaṭisaṁvedī assāsapassāsavasena cittassa ekaggataṁ avikkhepaṁ pajānato …pe…
ps1.3:105.8	pajānanto indriyāni samodhāneti.
ps1.3:105.9	Tena vuccati—
ps1.3:105.10	“samatthañca paṭivijjhatī”ti.
ps1.3:106.1	Kathaṁ “cittasaṅkhārapaṭisaṁvedī assasissāmī”ti sikkhati, “cittasaṅkhārapaṭisaṁvedī passasissāmī”ti sikkhati?
ps1.3:106.2	Katamo cittasaṅkhāro?
ps1.3:106.3	Dīghaṁ assāsavasena saññā ca vedanā ca cetasikā—
ps1.3:106.4	ete dhammā cittapaṭibaddhā cittasaṅkhārā.
ps1.3:106.5	Dīghaṁ passāsavasena saññā ca vedanā ca cetasikā—
ps1.3:106.6	ete dhammā cittapaṭibaddhā cittasaṅkhārā …pe…
ps1.3:106.7	sukhapaṭisaṁvedī assāsavasena …
ps1.3:106.8	sukhapaṭisaṁvedī passāsavasena saññā ca vedanā ca cetasikā—
ps1.3:106.9	ete dhammā cittapaṭibaddhā cittasaṅkhārā—
ps1.3:106.10	ayaṁ cittasaṅkhāro.
ps1.3:107.1	Kathaṁ te cittasaṅkhārā paṭividitā honti?
ps1.3:107.2	Dīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:107.3	Tāya satiyā tena ñāṇena te cittasaṅkhārā paṭividitā honti.
ps1.3:107.4	Dīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:107.5	Tāya satiyā tena ñāṇena te cittasaṅkhārā paṭividitā honti …pe…
ps1.3:107.6	sacchikātabbaṁ sacchikaroto te cittasaṅkhārā paṭividitā honti.
ps1.3:107.7	Evaṁ te cittasaṅkhārā paṭividitā honti.
ps1.3:107.8	Cittasaṅkhārapaṭisaṁvedī assāsapassāsavasena vedanā upaṭṭhānaṁ sati anupassanā ñāṇaṁ vedanā upaṭṭhānaṁ, no sati;
ps1.3:107.9	sati upaṭṭhānañceva sati ca.
ps1.3:107.10	Tāya satiyā tena ñāṇena taṁ vedanaṁ anupassati.
ps1.3:107.11	Tena vuccati—
ps1.3:107.12	“vedanāsu vedanānupassanāsatipaṭṭhānabhāvanā”ti.
ps1.3:108.1	<b>Anupassatī</b>ti kathaṁ taṁ vedanaṁ anupassati?
ps1.3:108.2	Aniccato anupassati …pe…
ps1.3:108.3	evaṁ taṁ vedanaṁ anupassati.
ps1.3:108.4	<b>Bhāvanā</b>ti catasso bhāvanā …pe…
ps1.3:108.5	āsevanaṭṭhena bhāvanā.
ps1.3:108.6	Cittasaṅkhārapaṭisaṁvedī assāsapassāsānaṁ saṁvaraṭṭhena sīlavisuddhi …pe…
ps1.3:108.7	cittasaṅkhārapaṭisaṁvedī assāsapassāsavasena cittassa ekaggataṁ avikkhepaṁ pajānato …pe…
ps1.3:108.8	pajānanto indriyāni samodhāneti.
ps1.3:108.9	Tena vuccati—
ps1.3:108.10	“samatthañca paṭivijjhatī”ti.
ps1.3:109.1	Kathaṁ “passambhayaṁ cittasaṅkhāraṁ assasissāmī”ti sikkhati, “passambhayaṁ cittasaṅkhāraṁ passasissāmī”ti sikkhati?
ps1.3:109.2	Katamo cittasaṅkhāro?
ps1.3:109.3	Dīghaṁ assāsavasena saññā ca vedanā ca cetasikā—
ps1.3:109.4	ete dhammā cittapaṭibaddhā cittasaṅkhārā.
ps1.3:109.5	Te cittasaṅkhāre passambhento nirodhento vūpasamento sikkhati.
ps1.3:109.6	Dīghaṁ passāsavasena saññā ca vedanā ca cetasikā—
ps1.3:109.7	ete dhammā cittapaṭibaddhā cittasaṅkhārā.
ps1.3:109.8	Te cittasaṅkhāre passambhento nirodhento vūpasamento sikkhati.
ps1.3:109.9	Cittasaṅkhārapaṭisaṁvedī assāsavasena …
ps1.3:109.10	cittasaṅkhārapaṭisaṁvedī passāsavasena saññā ca vedanā ca cetasikā—
ps1.3:109.11	ete dhammā cittapaṭibaddhā cittasaṅkhārā.
ps1.3:109.12	Te cittasaṅkhāre passambhento nirodhento vūpasamento sikkhati.
ps1.3:109.13	Passambhayaṁ cittasaṅkhāraṁ assāsapassāsavasena vedanā upaṭṭhānaṁ sati anupassanā ñāṇaṁ.
ps1.3:109.14	Vedanā upaṭṭhānaṁ, no sati;
ps1.3:109.15	sati upaṭṭhānañceva sati ca.
ps1.3:109.16	Tāya satiyā tena ñāṇena taṁ vedanaṁ anupassati.
ps1.3:109.17	Tena vuccati—
ps1.3:109.18	“vedanāsu vedanānupassanāsatipaṭṭhānabhāvanā”ti.
ps1.3:110.1	<b>Anupassatī</b>ti kathaṁ taṁ vedanaṁ anupassati …pe…
ps1.3:110.2	evaṁ taṁ vedanaṁ anupassati.
ps1.3:110.3	<b>Bhāvanā</b>ti catasso bhāvanā …pe…
ps1.3:110.4	āsevanaṭṭhena bhāvanā.
ps1.3:110.5	Passambhayaṁ cittasaṅkhāraṁ assāsapassāsānaṁ saṁvaraṭṭhena sīlavisuddhi …pe…
ps1.3:110.6	passambhayaṁ cittasaṅkhāraṁ assāsapassāsavasena cittassa ekaggataṁ avikkhepaṁ pajānato …pe…
ps1.3:110.7	pajānanto indriyāni samodhāneti.
ps1.3:110.8	Tena vuccati—
ps1.3:110.9	“samatthañca paṭivijjhatī”ti.
ps1.3:111.1	Aṭṭha anupassanāñāṇāni aṭṭha ca upaṭṭhānānussatiyo cattāri suttantikavatthūni vedanāsu vedanānupassanāya.
ps1.3:112.0	1.3.5.3. Tatiyacatukkaniddesa
ps1.3:112.1	Kathaṁ “cittapaṭisaṁvedī assasissāmī”ti sikkhati, “cittapaṭisaṁvedī passasissāmī”ti sikkhati?
ps1.3:112.2	Katamaṁ taṁ cittaṁ?
ps1.3:112.3	Dīghaṁ assāsavasena viññāṇaṁ cittaṁ.
ps1.3:112.4	Yaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjā manoviññāṇadhātu.
ps1.3:112.5	Dīghaṁ passāsavasena …pe…
ps1.3:112.6	passambhayaṁ cittasaṅkhāraṁ assāsavasena …
ps1.3:112.7	passambhayaṁ cittasaṅkhāraṁ passāsavasena viññāṇaṁ cittaṁ.
ps1.3:112.8	Yaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjā manoviññāṇadhātu—
ps1.3:112.9	idaṁ cittaṁ.
ps1.3:113.1	Kathaṁ taṁ cittaṁ paṭividitaṁ hoti?
ps1.3:113.2	Dīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:113.3	Tāya satiyā tena ñāṇena taṁ cittaṁ paṭividitaṁ hoti.
ps1.3:113.4	Dīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.
ps1.3:113.5	Tāya satiyā tena ñāṇena taṁ cittaṁ paṭividitaṁ hoti …pe…
ps1.3:113.6	sacchikātabbaṁ sacchikaroto taṁ cittaṁ paṭividitaṁ hoti.
ps1.3:113.7	Evaṁ taṁ cittaṁ paṭividitaṁ hoti.
ps1.3:113.8	Cittapaṭisaṁvedī assāsapassāsavasena viññāṇaṁ cittaṁ upaṭṭhānaṁ sati anupassanā ñāṇaṁ.
ps1.3:113.9	Cittaṁ upaṭṭhānaṁ, no sati;
ps1.3:113.10	sati upaṭṭhānañceva sati ca.
ps1.3:113.11	Tāya satiyā tena ñāṇena taṁ cittaṁ anupassati.
ps1.3:113.12	Tena vuccati—
ps1.3:113.13	“citte cittānupassanāsatipaṭṭhānabhāvanā”ti.
ps1.3:114.1	<b>Anupassatī</b>ti kathaṁ taṁ cittaṁ anupassati …pe…
ps1.3:114.2	evaṁ taṁ cittaṁ anupassati.
ps1.3:114.3	<b>Bhāvanā</b>ti catasso bhāvanā …pe…
ps1.3:114.4	āsevanaṭṭhena bhāvanā.
ps1.3:114.5	Cittapaṭisaṁvedī assāsapassāsānaṁ saṁvaraṭṭhena sīlavisuddhi …pe…
ps1.3:114.6	cittapaṭisaṁvedī assāsapassāsavasena cittassa ekaggataṁ avikkhepaṁ pajānato …pe…
ps1.3:114.7	pajānanto indriyāni samodhāneti.
ps1.3:114.8	Tena vuccati—
ps1.3:114.9	“samatthañca paṭivijjhatī”ti.
ps1.3:115.1	Kathaṁ “abhippamodayaṁ cittaṁ assasissāmī”ti sikkhati, “abhippamodayaṁ cittaṁ passasissāmī”ti sikkhati?
ps1.3:115.2	Katamo cittassa abhippamodo?
ps1.3:115.3	Dīghaṁ assāsavasena cittassa ekaggataṁ avikkhepaṁ pajānato uppajjati cittassa abhippamodo.
ps1.3:115.4	Yā cittassa āmodanā pamodanā hāso pahāso vitti odagyaṁ attamanatā cittassa.
ps1.3:115.5	Dīghaṁ assāsapassāsavasena cittassa ekaggataṁ avikkhepaṁ pajānato uppajjati cittassa abhippamodo.
ps1.3:115.6	Yā cittassa āmodanā pamodanā hāso pahāso vitti odagyaṁ attamanatā cittassa …pe…
ps1.3:115.7	cittapaṭisaṁvedī assāsavasena …
ps1.3:115.8	cittapaṭisaṁvedī passāsavasena cittassa ekaggataṁ avikkhepaṁ pajānato uppajjati cittassa abhippamodo.
ps1.3:115.9	Yā cittassa āmodanā pamodanā hāso pahāso vitti odagyaṁ attamanatā cittassa—
ps1.3:115.10	ayaṁ cittassa abhippamodo.
ps1.3:115.11	Abhippamodayaṁ cittaṁ assāsapassāsavasena viññāṇaṁ cittaṁ upaṭṭhānaṁ sati anupassanā ñāṇaṁ.
ps1.3:115.12	Cittaṁ upaṭṭhānaṁ, no sati;
ps1.3:115.13	sati upaṭṭhānañceva sati ca.
ps1.3:115.14	Tāya satiyā tena ñāṇena taṁ cittaṁ anupassati.
ps1.3:115.15	Tena vuccati—
ps1.3:115.16	“citte cittānupassanāsatipaṭṭhānabhāvanā”ti.
ps1.3:116.1	<b>Anupassatī</b>ti kathaṁ taṁ cittaṁ anupassati …pe…
ps1.3:116.2	evaṁ taṁ cittaṁ anupassatīti.
ps1.3:116.3	<b>Bhāvanā</b>ti catasso bhāvanā …pe…
ps1.3:116.4	āsevanaṭṭhena bhāvanā.
ps1.3:116.5	Abhippamodayaṁ cittaṁ assāsapassāsānaṁ saṁvaraṭṭhena sīlavisuddhi …pe…
ps1.3:116.6	abhippamodayaṁ cittaṁ assāsapassāsavasena cittassa ekaggataṁ avikkhepaṁ pajānato …pe…
ps1.3:116.7	pajānanto indriyāni samodhāneti.
ps1.3:116.8	Tena vuccati—
ps1.3:116.9	“samatthañca paṭivijjhatī”ti.
ps1.3:117.1	Kathaṁ “samādahaṁ cittaṁ assasissāmī”ti sikkhati, “samādahaṁ cittaṁ passasissāmī”ti sikkhati?
ps1.3:117.2	Katamo samādhi?
ps1.3:117.3	Dīghaṁ assāsavasena cittassa ekaggatā avikkhepo samādhi, yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi.
ps1.3:117.4	Dīghaṁ passāsavasena cittassa ekaggatā avikkhepo samādhi …pe…
ps1.3:117.5	samādahaṁ cittaṁ assāsavasena …pe…
ps1.3:117.6	samādahaṁ cittaṁ passāsavasena cittassa ekaggatā avikkhepo samādhi.
ps1.3:117.7	Yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—
ps1.3:117.8	ayaṁ samādhi.
ps1.3:117.9	Samādahaṁ cittaṁ assāsapassāsavasena viññāṇaṁ cittaṁ upaṭṭhānaṁ sati anupassanā ñāṇaṁ.
ps1.3:117.10	Cittaṁ upaṭṭhānaṁ, no sati;
ps1.3:117.11	sati upaṭṭhānañceva sati ca.
ps1.3:117.12	Tāya satiyā tena ñāṇena taṁ cittaṁ anupassati.
ps1.3:117.13	Tena vuccati—
ps1.3:117.14	“citte cittānupassanāsatipaṭṭhānabhāvanā”ti.
ps1.3:118.1	<b>Anupassatī</b>ti kathaṁ taṁ cittaṁ anupassati …pe…
ps1.3:118.2	evaṁ taṁ cittaṁ anupassati.
ps1.3:118.3	<b>Bhāvanā</b>ti catasso bhāvanā …pe…
ps1.3:118.4	āsevanaṭṭhena bhāvanā.
ps1.3:118.5	Samādahaṁ cittaṁ assāsapassāsānaṁ saṁvaraṭṭhena sīlavisuddhi …pe…
ps1.3:118.6	samādahaṁ cittaṁ assāsapassāsavasena cittassa ekaggataṁ avikkhepaṁ pajānato …pe…
ps1.3:118.7	pajānanto indriyāni samodhāneti.
ps1.3:118.8	Tena vuccati—
ps1.3:118.9	“samatthañca paṭivijjhatī”ti.
ps1.3:119.1	Kathaṁ “vimocayaṁ cittaṁ assasissāmī”ti sikkhati, “vimocayaṁ cittaṁ passasissāmī”ti sikkhati?
ps1.3:119.2	“Rāgato vimocayaṁ cittaṁ assasissāmī”ti sikkhati, “rāgato vimocayaṁ cittaṁ passasissāmī”ti sikkhati.
ps1.3:119.3	“Dosato vimocayaṁ cittaṁ assasissāmī”ti sikkhati, “dosato vimocayaṁ cittaṁ passasissāmī”ti sikkhati.
ps1.3:119.4	“Mohato vimocayaṁ cittaṁ assasissāmī”ti sikkhati …pe…
ps1.3:119.5	mānato vimocayaṁ cittaṁ …
ps1.3:119.6	diṭṭhiyā vimocayaṁ cittaṁ …
ps1.3:119.7	vicikicchāya vimocayaṁ cittaṁ …
ps1.3:119.8	thinato vimocayaṁ cittaṁ …
ps1.3:119.9	uddhaccato vimocayaṁ cittaṁ …
ps1.3:119.10	ahirikato vimocayaṁ cittaṁ …
ps1.3:119.11	“anottappato vimocayaṁ cittaṁ assasissāmī”ti sikkhati, “anottappato vimocayaṁ cittaṁ passasissāmī”ti sikkhati.
ps1.3:119.12	Vimocayaṁ cittaṁ assāsapassāsavasena viññāṇaṁ cittaṁ upaṭṭhānaṁ sati …pe….
ps1.3:120.1	<b>Anupassatī</b>ti kathaṁ taṁ cittaṁ anupassati …pe…
ps1.3:120.2	evaṁ taṁ cittaṁ anupassati.
ps1.3:120.3	<b>Bhāvanā</b>ti catasso bhāvanā …pe…
ps1.3:120.4	āsevanaṭṭhena bhāvanā.
ps1.3:120.5	Vimocayaṁ cittaṁ assāsapassāsānaṁ saṁvaraṭṭhena sīlavisuddhi …pe…
ps1.3:120.6	vimocayaṁ cittaṁ assāsapassāsavasena cittassa ekaggataṁ avikkhepaṁ pajānato …pe…
ps1.3:120.7	pajānanto indriyāni samodhāneti.
ps1.3:120.8	Tena vuccati—
ps1.3:120.9	“samatthañca paṭivijjhatī”ti.
ps1.3:121.1	Aṭṭha anupassanāñāṇāni aṭṭha ca upaṭṭhānānussatiyo cattāri suttantikavatthūni citte cittānupassanāya.
ps1.3:122.0	1.3.5.4. Catutthacatukkaniddesa
ps1.3:122.1	Kathaṁ “aniccānupassī assasissāmī”ti sikkhati, “aniccānupassī passasissāmī”ti sikkhati?
ps1.3:122.2	<b>Aniccan</b>ti kiṁ aniccaṁ?
ps1.3:122.3	Pañcakkhandhā aniccā.
ps1.3:122.4	Kenaṭṭhena aniccā?
ps1.3:122.5	Uppādavayaṭṭhena aniccā.
ps1.3:122.6	Pañcannaṁ khandhānaṁ udayaṁ passanto kati lakkhaṇāni passati, vayaṁ passanto kati lakkhaṇāni passati, udayabbayaṁ passanto kati lakkhaṇāni passati?
ps1.3:122.7	Pañcannaṁ khandhānaṁ udayaṁ passanto pañcavīsati lakkhaṇāni passati, vayaṁ passanto pañcavīsati lakkhaṇāni passati.
ps1.3:122.8	Pañcannaṁ khandhānaṁ udayabbayaṁ passanto imāni paññāsa lakkhaṇāni passati.
ps1.3:123.1	“Rūpe aniccānupassī assasissāmī”ti sikkhati, “rūpe aniccānupassī passasissāmī”ti sikkhati.
ps1.3:123.2	“Vedanāya …pe…
ps1.3:123.3	saññāya …
ps1.3:123.4	saṅkhāresu …
ps1.3:123.5	viññāṇe …
ps1.3:123.6	cakkhusmiṁ …pe…
ps1.3:123.7	jarāmaraṇe aniccānupassī assasissāmī”ti sikkhati, “jarāmaraṇe aniccānupassī passasissāmī”ti sikkhati.
ps1.3:123.8	Aniccānupassī assāsapassāsavasena dhammā upaṭṭhānaṁ sati anupassanā ñāṇaṁ.
ps1.3:123.9	Dhammā upaṭṭhānaṁ, no sati;
ps1.3:123.10	sati upaṭṭhānañceva sati ca.
ps1.3:123.11	Tāya satiyā tena ñāṇena te dhamme anupassati.
ps1.3:123.12	Tena vuccati—
ps1.3:123.13	“dhammesu dhammānupassanāsatipaṭṭhānabhāvanā”ti.
ps1.3:124.1	<b>Anupassatī</b>ti kathaṁ te dhamme anupassati …pe…
ps1.3:124.2	evaṁ te dhamme anupassati.
ps1.3:124.3	<b>Bhāvanā</b>ti catasso bhāvanā …pe…
ps1.3:124.4	āsevanaṭṭhena bhāvanā.
ps1.3:124.5	Aniccānupassī assāsapassāsānaṁ saṁvaraṭṭhena sīlavisuddhi …pe…
ps1.3:124.6	aniccānupassī assāsapassāsavasena cittassa ekaggataṁ avikkhepaṁ pajānato …pe…
ps1.3:124.7	pajānanto indriyāni samodhāneti.
ps1.3:124.8	Tena vuccati—
ps1.3:124.9	“samatthañca paṭivijjhatī”ti.
ps1.3:125.1	Kathaṁ “virāgānupassī assasissāmī”ti sikkhati, “virāgānupassī passasissāmī”ti sikkhati?
ps1.3:125.2	Rūpe ādīnavaṁ disvā rūpavirāge chandajāto hoti saddhādhimutto, cittañcassa svādhiṭṭhitaṁ.
ps1.3:125.3	“Rūpe virāgānupassī assasissāmī”ti sikkhati, “rūpe virāgānupassī passasissāmī”ti sikkhati.
ps1.3:125.4	Vedanāya …pe…
ps1.3:125.5	saññāya …
ps1.3:125.6	saṅkhāresu …
ps1.3:125.7	viññāṇe …
ps1.3:125.8	cakkhusmiṁ …pe…
ps1.3:125.9	jarāmaraṇe ādīnavaṁ disvā jarāmaraṇavirāge chandajāto hoti saddhādhimutto, cittañcassa svādhiṭṭhitaṁ.
ps1.3:125.10	“Jarāmaraṇe virāgānupassī assasissāmī”ti sikkhati, “jarāmaraṇe virāgānupassī passasissāmī”ti sikkhati.
ps1.3:125.11	Virāgānupassī assāsapassāsavasena dhammā upaṭṭhānaṁ sati anupassanā ñāṇaṁ.
ps1.3:125.12	Dhammā upaṭṭhānaṁ, no sati;
ps1.3:125.13	sati upaṭṭhānañceva sati ca.
ps1.3:125.14	Tāya satiyā tena ñāṇena te dhamme anupassati.
ps1.3:125.15	Tena vuccati—
ps1.3:125.16	“dhammesu dhammānupassanāsatipaṭṭhānabhāvanā”ti.
ps1.3:126.1	<b>Anupassatī</b>ti kathaṁ te dhamme anupassati …pe…
ps1.3:126.2	evaṁ te dhamme anupassati.
ps1.3:126.3	<b>Bhāvanā</b>ti catasso bhāvanā …pe…
ps1.3:126.4	āsevanaṭṭhena bhāvanā.
ps1.3:126.5	Virāgānupassī assāsapassāsānaṁ saṁvaraṭṭhena sīlavisuddhi …pe…
ps1.3:126.6	virāgānupassī assāsapassāsavasena cittassa ekaggataṁ avikkhepaṁ pajānato …pe…
ps1.3:126.7	pajānanto indriyāni samodhāneti.
ps1.3:126.8	Tena vuccati—
ps1.3:126.9	“samatthañca paṭivijjhatī”ti.
ps1.3:127.1	Kathaṁ “nirodhānupassī assasissāmī”ti sikkhati, “nirodhānupassī passasissāmī”ti sikkhati?
ps1.3:127.2	Rūpe ādīnavaṁ disvā rūpanirodhe chandajāto hoti saddhādhimutto, cittañcassa svādhiṭṭhitaṁ.
ps1.3:127.3	“Rūpe nirodhānupassī assasissāmī”ti sikkhati, “rūpe nirodhānupassī passasissāmī”ti sikkhati.
ps1.3:127.4	Vedanāya …pe…
ps1.3:127.5	saññāya …
ps1.3:127.6	saṅkhāresu …
ps1.3:127.7	viññāṇe …
ps1.3:127.8	cakkhusmiṁ …pe…
ps1.3:127.9	jarāmaraṇe ādīnavaṁ disvā jarāmaraṇanirodhe chandajāto hoti saddhādhimutto, cittañcassa svādhiṭṭhitaṁ.
ps1.3:127.10	“Jarāmaraṇe nirodhānupassī assasissāmī”ti sikkhati, “jarāmaraṇe nirodhānupassī passasissāmī”ti sikkhati.
ps1.3:128.1	Katihākārehi avijjāya ādīnavo hoti?
ps1.3:128.2	Katihākārehi avijjā nirujjhati?
ps1.3:128.3	Pañcahākārehi avijjāya ādīnavo hoti.
ps1.3:128.4	Aṭṭhahākārehi avijjā nirujjhati.
ps1.3:129.1	Katamehi pañcahākārehi avijjāya ādīnavo hoti?
ps1.3:129.2	Aniccaṭṭhena avijjāya ādīnavo hoti, dukkhaṭṭhena avijjāya ādīnavo hoti, anattaṭṭhena avijjāya ādīnavo hoti, santāpaṭṭhena avijjāya ādīnavo hoti, vipariṇāmaṭṭhena avijjāya ādīnavo hoti—
ps1.3:129.3	imehi pañcahākārehi avijjāya ādīnavo hoti.
ps1.3:130.1	Katamehi aṭṭhahākārehi avijjā nirujjhati?
ps1.3:130.2	Nidānanirodhena avijjā nirujjhati, samudayanirodhena avijjā nirujjhati, jātinirodhena avijjā nirujjhati, pabhavanirodhena avijjā nirujjhati, hetunirodhena avijjā nirujjhati, paccayanirodhena avijjā nirujjhati, ñāṇuppādena avijjā nirujjhati, nirodhupaṭṭhānena avijjā nirujjhati—
ps1.3:130.3	imehi aṭṭhahākārehi avijjā nirujjhati.
ps1.3:130.4	Imehi pañcahākārehi avijjāya ādīnavaṁ disvā—
ps1.3:130.5	imehi aṭṭhahākārehi avijjānirodhe chandajāto hoti saddhādhimutto, cittañcassa svādhiṭṭhitaṁ.
ps1.3:130.6	“Avijjāya nirodhānupassī assasissāmī”ti sikkhati, “avijjāya nirodhānupassī passasissāmī”ti sikkhati.
ps1.3:131.1	Katihākārehi saṅkhāresu ādīnavo hoti, katihākārehi saṅkhārā nirujjhanti …pe…
ps1.3:131.2	katihākārehi viññāṇe ādīnavo hoti, katihākārehi viññāṇaṁ nirujjhati …
ps1.3:131.3	katihākārehi nāmarūpe ādīnavo hoti, katihākārehi nāmarūpaṁ nirujjhati …
ps1.3:131.4	katihākārehi saḷāyatane ādīnavo hoti, katihākārehi saḷāyatanaṁ nirujjhati …
ps1.3:131.5	katihākārehi phasse ādīnavo hoti, katihākārehi phasso nirujjhati …
ps1.3:131.6	katihākārehi vedanāya ādīnavo hoti, katihākārehi vedanā nirujjhati …
ps1.3:131.7	katihākārehi taṇhāya ādīnavo hoti, katihākārehi taṇhā nirujjhati …
ps1.3:131.8	katihākārehi upādāne ādīnavo hoti, katihākārehi upādānaṁ nirujjhati …
ps1.3:131.9	katihākārehi bhave ādīnavo hoti, katihākārehi bhavo nirujjhati …
ps1.3:131.10	katihākārehi jātiyā ādīnavo hoti, katihākārehi jāti nirujjhati …
ps1.3:131.11	katihākārehi jarāmaraṇe ādīnavo hoti, katihākārehi jarāmaraṇaṁ nirujjhati?
ps1.3:131.12	Pañcahākārehi jarāmaraṇe ādīnavo hoti, aṭṭhahākārehi jarāmaraṇaṁ nirujjhati.
ps1.3:132.1	Katamehi pañcahākārehi jarāmaraṇe ādīnavo hoti?
ps1.3:132.2	Aniccaṭṭhena jarāmaraṇe ādīnavo hoti, dukkhaṭṭhena …pe…
ps1.3:132.3	anattaṭṭhena …pe…
ps1.3:132.4	santāpaṭṭhena …pe…
ps1.3:132.5	vipariṇāmaṭṭhena jarāmaraṇe ādīnavo hoti—
ps1.3:132.6	imehi pañcahākārehi jarāmaraṇe ādīnavo hoti.
ps1.3:133.1	Katamehi aṭṭhahākārehi jarāmaraṇaṁ nirujjhati?
ps1.3:133.2	Nidānanirodhena jarāmaraṇaṁ nirujjhati, samudayanirodhena …pe…
ps1.3:133.3	jātinirodhena …pe…
ps1.3:133.4	pabhavanirodhena …
ps1.3:133.5	hetunirodhena …
ps1.3:133.6	paccayanirodhena …
ps1.3:133.7	ñāṇuppādena …pe…
ps1.3:133.8	nirodhupaṭṭhānena jarāmaraṇaṁ nirujjhati—
ps1.3:133.9	imehi aṭṭhahākārehi jarāmaraṇaṁ nirujjhati.
ps1.3:133.10	Imehi pañcahākārehi jarāmaraṇe ādīnavaṁ disvā imehi aṭṭhahākārehi jarāmaraṇanirodhe chandajāto hoti saddhādhimutto, cittañcassa svādhiṭṭhitaṁ.
ps1.3:133.11	“Jarāmaraṇe nirodhānupassī assasissāmī”ti sikkhati, “jarāmaraṇe nirodhānupassī passasissāmī”ti sikkhati.
ps1.3:133.12	Nirodhānupassī assāsapassāsavasena dhammā upaṭṭhānaṁ sati anupassanā ñāṇaṁ.
ps1.3:133.13	Dhammā upaṭṭhānaṁ, no sati;
ps1.3:133.14	sati upaṭṭhānañceva sati ca.
ps1.3:133.15	Tāya satiyā tena ñāṇena te dhamme anupassati.
ps1.3:133.16	Tena vuccati—
ps1.3:133.17	“dhammesu dhammānupassanāsatipaṭṭhānabhāvanā”ti.
ps1.3:134.1	<b>Anupassatī</b>ti kathaṁ te dhamme anupassati …pe…
ps1.3:134.2	evaṁ te dhamme anupassati.
ps1.3:134.3	<b>Bhāvanā</b>ti catasso bhāvanā …pe…
ps1.3:134.4	āsevanaṭṭhena bhāvanā.
ps1.3:134.5	Nirodhānupassī assāsapassāsānaṁ saṁvaraṭṭhena sīlavisuddhi …pe…
ps1.3:134.6	nirodhānupassī assāsapassāsavasena cittassa ekaggataṁ avikkhepaṁ pajānato …pe…
ps1.3:134.7	pajānanto indriyāni samodhāneti.
ps1.3:134.8	Tena vuccati—
ps1.3:134.9	“samatthañca paṭivijjhatī”ti.
ps1.3:135.1	Kathaṁ “paṭinissaggānupassī assasissāmī”ti sikkhati, “paṭinissaggānupassī passasissāmī”ti sikkhati?
ps1.3:135.2	<b>Paṭinissaggā</b>ti dve paṭinissaggā—
ps1.3:135.3	pariccāgapaṭinissaggo ca pakkhandanapaṭinissaggo ca.
ps1.3:135.4	Rūpaṁ pariccajatīti—
ps1.3:135.5	pariccāgapaṭinissaggo.
ps1.3:135.6	Rūpanirodhe nibbāne cittaṁ pakkhandatīti—
ps1.3:135.7	pakkhandanapaṭinissaggo.
ps1.3:135.8	“Rūpe paṭinissaggānupassī assasissāmī”ti sikkhati, “rūpe paṭinissaggānupassī passasissāmī”ti sikkhati.
ps1.3:135.9	Vedanaṁ …pe…
ps1.3:135.10	saññaṁ …
ps1.3:135.11	saṅkhāre …
ps1.3:135.12	viññāṇaṁ …
ps1.3:135.13	cakkhuṁ …pe…
ps1.3:135.14	jarāmaraṇaṁ pariccajatīti—
ps1.3:135.15	pariccāgapaṭinissaggo.
ps1.3:135.16	Jarāmaraṇanirodhe nibbāne cittaṁ pakkhandatīti—
ps1.3:135.17	pakkhandanapaṭinissaggo.
ps1.3:135.18	“Jarāmaraṇe paṭinissaggānupassī assasissāmī”ti sikkhati, “jarāmaraṇe paṭinissaggānupassī passasissāmī”ti sikkhati.
ps1.3:135.19	Paṭinissaggānupassī assāsapassāsavasena dhammā upaṭṭhānaṁ sati anupassanā ñāṇaṁ.
ps1.3:135.20	Dhammā upaṭṭhānaṁ, no sati;
ps1.3:135.21	sati upaṭṭhānañceva sati ca.
ps1.3:135.22	Tāya satiyā tena ñāṇena te dhamme anupassati.
ps1.3:135.23	Tena vuccati—
ps1.3:135.24	“dhammesu dhammānupassanāsatipaṭṭhānabhāvanā”ti.
ps1.3:136.1	<b>Anupassatī</b>ti kathaṁ te dhamme anupassati?
ps1.3:136.2	Aniccato anupassati, no niccato …pe…
ps1.3:136.3	paṭinissajjati, no ādiyati.
ps1.3:136.4	Aniccato anupassanto niccasaññaṁ pajahati …pe…
ps1.3:136.5	paṭinissajjanto ādānaṁ pajahati.
ps1.3:136.6	Evaṁ te dhamme anupassati.
ps1.3:136.7	<b>Bhāvanā</b>ti catasso bhāvanā.
ps1.3:136.8	Tattha jātānaṁ dhammānaṁ anativattanaṭṭhena bhāvanā …pe…
ps1.3:136.9	āsevanaṭṭhena bhāvanā.
ps1.3:136.10	Paṭinissaggānupassī assāsapassāsānaṁ saṁvaraṭṭhena sīlavisuddhi, avikkhepaṭṭhena cittavisuddhi, dassanaṭṭhena diṭṭhivisuddhi.
ps1.3:136.11	Yo tattha saṁvaraṭṭho, ayaṁ adhisīlasikkhā;
ps1.3:136.12	yo tattha avikkhepaṭṭho, ayaṁ adhicittasikkhā;
ps1.3:136.13	yo tattha dassanaṭṭho, ayaṁ adhipaññāsikkhā—
ps1.3:136.14	imā tisso sikkhāyo āvajjanto sikkhati jānanto sikkhati …pe…
ps1.3:136.15	sacchikātabbaṁ sacchikaronto sikkhati.
ps1.3:137.1	Paṭinissaggānupassī assāsapassāsavasena cittassa ekaggataṁ avikkhepaṁ pajānato viditā vedanā uppajjanti, viditā upaṭṭhahanti, viditā abbhatthaṁ gacchanti …pe…
ps1.3:137.2	paṭinissaggānupassī assāsapassāsavasena cittassa ekaggataṁ avikkhepaṁ pajānanto indriyāni samodhāneti gocarañca pajānāti samatthañca paṭivijjhati;
ps1.3:137.3	balāni samodhāneti …
ps1.3:137.4	bojjhaṅge samodhāneti …
ps1.3:137.5	maggaṁ samodhāneti …
ps1.3:137.6	dhamme samodhāneti gocarañca pajānāti samatthañca paṭivijjhati.
ps1.3:138.1	<b>Indriyāni samodhānetī</b>ti kathaṁ indriyāni samodhāneti?
ps1.3:138.2	Adhimokkhaṭṭhena saddhindriyaṁ samodhāneti …pe…
ps1.3:138.3	tena vuccati—
ps1.3:138.4	“samatthañca paṭivijjhatī”ti.
ps1.3:139.1	Aṭṭha anupassane ñāṇāni aṭṭha ca upaṭṭhānānussatiyo cattāri suttantikavatthūni dhammesu dhammānupassanāya.
ps1.3:139.2	Imāni bāttiṁsa satokārissa ñāṇāni.
ps1.3:139.3	Satokāriñāṇaniddeso pañcamo.
ps1.3:140.0	1.3.6. Ñāṇarāsichakkaniddesa
ps1.3:140.1	Katamāni catuvīsati samādhivasena ñāṇāni?
ps1.3:140.2	Dīghaṁ assāsavasena cittassa ekaggatā avikkhepo samādhi, dīghaṁ passāsavasena cittassa ekaggatā avikkhepo samādhi …pe…
ps1.3:140.3	vimocayaṁ cittaṁ assāsavasena cittassa ekaggatā avikkhepo samādhi, vimocayaṁ cittaṁ passāsavasena cittassa ekaggatā avikkhepo samādhi.
ps1.3:140.4	Imāni catuvīsati samādhivasena ñāṇāni.
ps1.3:141.1	Katamāni dvesattati vipassanāvasena ñāṇāni?
ps1.3:141.2	Dīghaṁ assāsaṁ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā, dīghaṁ passāsaṁ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā …pe…
ps1.3:141.3	vimocayaṁ cittaṁ assāsaṁ, vimocayaṁ cittaṁ passāsaṁ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā.
ps1.3:141.4	Imāni dvesattati vipassanāvasena ñāṇāni.
ps1.3:142.1	Katamāni aṭṭha nibbidāñāṇāni?
ps1.3:142.2	Aniccānupassī assasaṁ yathābhūtaṁ jānāti passatīti—
ps1.3:142.3	nibbidāñāṇaṁ, aniccānupassī passasaṁ yathābhūtaṁ jānāti passatīti—
ps1.3:142.4	nibbidāñāṇaṁ …pe…
ps1.3:142.5	paṭinissaggānupassī assasaṁ yathābhūtaṁ jānāti passatīti—
ps1.3:142.6	nibbidāñāṇaṁ, paṭinissaggānupassī passasaṁ yathābhūtaṁ jānāti passatīti—
ps1.3:142.7	nibbidāñāṇaṁ.
ps1.3:142.8	Imāni aṭṭha nibbidāñāṇāni.
ps1.3:143.1	Katamāni aṭṭha nibbidānulome ñāṇāni?
ps1.3:143.2	Aniccānupassī assasaṁ bhayatupaṭṭhāne paññā nibbidānulome ñāṇaṁ, aniccānupassī passasaṁ bhayatupaṭṭhāne paññā nibbidānulome ñāṇaṁ …pe…
ps1.3:143.3	paṭinissaggānupassī assasaṁ bhayatupaṭṭhāne paññā nibbidānulome ñāṇaṁ, paṭinissaggānupassī passasaṁ bhayatupaṭṭhāne paññā nibbidānulome ñāṇaṁ—
ps1.3:143.4	imāni aṭṭha nibbidānulome ñāṇāni.
ps1.3:144.1	Katamāni aṭṭha nibbidāpaṭippassaddhiñāṇāni?
ps1.3:144.2	Aniccānupassī assasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ, aniccānupassī passasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ …pe…
ps1.3:144.3	paṭinissaggānupassī assasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ, paṭinissaggānupassī passasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ—
ps1.3:144.4	imāni aṭṭha nibbidāpaṭippassaddhiñāṇāni.
ps1.3:145.1	Katamāni ekavīsati vimuttisukhe ñāṇāni?
ps1.3:145.2	Sotāpattimaggena sakkāyadiṭṭhiyā pahīnattā samucchinnattā uppajjati vimuttisukhe ñāṇaṁ, vicikicchāya pahīnattā samucchinnattā uppajjati vimuttisukhe ñāṇaṁ, sīlabbataparāmāsassa …pe…
ps1.3:145.3	diṭṭhānusayassa, vicikicchānusayassa pahīnattā samucchinnattā uppajjati vimuttisukhe ñāṇaṁ, sakadāgāmimaggena oḷārikassa, kāmarāgasaññojanassa …pe…
ps1.3:145.4	paṭighasaññojanassa, oḷārikassa kāmarāgānusayassa, paṭighānusayassa pahīnattā samucchinnattā uppajjati vimuttisukhe ñāṇaṁ, anāgāmimaggena anusahagatassa kāmarāgasaññojanassa …pe…
ps1.3:145.5	paṭighasaññojanassa, anusahagatassa kāmarāgānusayassa, paṭighānusayassa pahīnattā samucchinnattā uppajjati vimuttisukhe ñāṇaṁ, arahattamaggena, rūparāgassa …pe…
ps1.3:145.6	arūparāgassa, mānassa, uddhaccassa, avijjāya, mānānusayassa, bhavarāgānusayassa, avijjānusayassa pahīnattā samucchinnattā uppajjati vimuttisukhe ñāṇaṁ.
ps1.3:145.7	Imāni ekavīsati vimuttisukhe ñāṇāni.
ps1.3:145.8	Soḷasavatthukaṁ ānāpānassatisamādhiṁ bhāvayato samadhikāni imāni dve ñāṇasatāni uppajjanti.
ps1.3:145.9	Ānāpānassatikathā niṭṭhitā.
ps1.4:0.1	Paṭisambhidāmagga
ps1.4:0.2	1 Mahāvagga
ps1.4:0.3	1.4. Indriyakathā
ps1.4:1.0	1.4.1 Paṭhamasuttantaniddesa
ps1.4:1.1	Evaṁ me sutaṁ—
ps1.4:1.2	ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ps1.4:1.3	Tatra kho bhagavā bhikkhū āmantesi—
ps1.4:1.4	“bhikkhavo”ti.
ps1.4:1.5	“Bhadante”ti te bhikkhū bhagavato paccassosuṁ.
ps1.4:1.6	Bhagavā etadavoca—
ps1.4:2.1	“Pañcimāni, bhikkhave, indriyāni.
ps1.4:2.2	Katamāni pañca?
ps1.4:2.3	Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—
ps1.4:2.4	imāni kho, bhikkhave, pañcindriyāni”.
ps1.4:3.1	Imāni pañcindriyāni katihākārehi visujjhanti?
ps1.4:3.2	Imāni pañcindriyāni pannarasahi ākārehi visujjhanti.
ps1.4:3.3	Assaddhe puggale parivajjayato, saddhe puggale sevato bhajato payirupāsato, pasādanīye suttante paccavekkhato—
ps1.4:3.4	imehi tīhākārehi saddhindriyaṁ visujjhati.
ps1.4:3.5	Kusīte puggale parivajjayato, āraddhavīriye puggale sevato bhajato payirupāsato, sammappadhāne paccavekkhato—
ps1.4:3.6	imehi tīhākārehi vīriyindriyaṁ visujjhati.
ps1.4:3.7	Muṭṭhassatī puggale parivajjayato, upaṭṭhitassatī puggale sevato bhajato payirupāsato, satipaṭṭhāne paccavekkhato—
ps1.4:3.8	imehi tīhākārehi satindriyaṁ visujjhati.
ps1.4:3.9	Asamāhite puggale parivajjayato, samāhite puggale sevato bhajato payirupāsato, jhānavimokkhe paccavekkhato—
ps1.4:3.10	imehi tīhākārehi samādhindriyaṁ visujjhati.
ps1.4:3.11	Duppaññe puggale parivajjayato, paññavante puggale sevato bhajato payirupāsato, gambhīrañāṇacariyaṁ paccavekkhato—
ps1.4:3.12	imehi tīhākārehi paññindriyaṁ visujjhati.
ps1.4:3.13	Iti ime pañca puggale parivajjayato, pañca puggale sevato bhajato payirupāsato, pañca suttantakkhandhe paccavekkhato—
ps1.4:3.14	imehi pannarasahi ākārehi imāni pañcindriyāni visujjhanti.
ps1.4:4.1	Katihākārehi pañcindriyāni bhāviyanti, katihākārehi pañcannaṁ indriyānaṁ bhāvanā hoti?
ps1.4:4.2	Dasahākārehi pañcindriyāni bhāviyanti, dasahākārehi pañcannaṁ indriyānaṁ bhāvanā hoti.
ps1.4:4.3	Assaddhiyaṁ pajahanto saddhindriyaṁ bhāveti, saddhindriyaṁ bhāvento assaddhiyaṁ pajahati;
ps1.4:4.4	kosajjaṁ pajahanto vīriyindriyaṁ bhāveti, vīriyindriyaṁ bhāvento kosajjaṁ pajahati;
ps1.4:4.5	pamādaṁ pajahanto satindriyaṁ bhāveti, satindriyaṁ bhāvento pamādaṁ pajahati;
ps1.4:4.6	uddhaccaṁ pajahanto samādhindriyaṁ bhāveti, samādhindriyaṁ bhāvento uddhaccaṁ pajahati;
ps1.4:4.7	avijjaṁ pajahanto paññindriyaṁ bhāveti, paññindriyaṁ bhāvento avijjaṁ pajahati.
ps1.4:4.8	Imehi dasahākārehi pañcindriyāni bhāviyanti, imehi dasahākārehi pañcannaṁ indriyānaṁ bhāvanā hoti.
ps1.4:5.1	Katihākārehi pañcindriyāni bhāvitāni honti subhāvitāni?
ps1.4:5.2	Dasahākārehi pañcindriyāni bhāvitāni honti subhāvitāni.
ps1.4:5.3	Assaddhiyassa pahīnattā suppahīnattā saddhindriyaṁ bhāvitaṁ hoti subhāvitaṁ;
ps1.4:5.4	saddhindriyassa bhāvitattā subhāvitattā assaddhiyaṁ pahīnaṁ hoti suppahīnaṁ.
ps1.4:5.5	Kosajjassa pahīnattā suppahīnattā vīriyindriyaṁ bhāvitaṁ hoti subhāvitaṁ;
ps1.4:5.6	vīriyindriyassa bhāvitattā subhāvitattā kosajjaṁ pahīnaṁ hoti suppahīnaṁ.
ps1.4:5.7	Pamādassa pahīnattā suppahīnattā satindriyaṁ bhāvitaṁ hoti subhāvitaṁ;
ps1.4:5.8	satindriyassa bhāvitattā subhāvitattā pamādo pahīno hoti suppahīno.
ps1.4:5.9	Uddhaccassa pahīnattā suppahīnattā samādhindriyaṁ bhāvitaṁ hoti subhāvitaṁ;
ps1.4:5.10	samādhindriyassa bhāvitattā subhāvitattā uddhaccaṁ pahīnaṁ hoti suppahīnaṁ.
ps1.4:5.11	Avijjāya pahīnattā paññindriyaṁ bhāvitaṁ hoti subhāvitaṁ;
ps1.4:5.12	paññindriyassa bhāvitattā subhāvitattā avijjā pahīnā hoti suppahīnā.
ps1.4:5.13	Imehi dasahākārehi pañcindriyāni bhāvitāni honti subhāvitāni.
ps1.4:6.1	Katihākārehi pañcindriyāni bhāviyanti, katihākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca?
ps1.4:6.2	Catūhākārehi pañcindriyāni bhāviyanti catūhākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.3	Sotāpattimaggakkhaṇe pañcindriyāni bhāviyanti;
ps1.4:6.4	sotāpattiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.5	Sakadāgāmimaggakkhaṇe pañcindriyāni bhāviyanti;
ps1.4:6.6	sakadāgāmiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.7	Anāgāmimaggakkhaṇe pañcindriyāni bhāviyanti;
ps1.4:6.8	anāgāmiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.9	Arahattamaggakkhaṇe pañcindriyāni bhāviyanti;
ps1.4:6.10	arahattaphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.11	Iti catasso maggavisuddhiyo, catasso phalavisuddhiyo, catasso samucchedavisuddhiyo, catasso paṭippassaddhivisuddhiyo.
ps1.4:6.12	Imehi catūhākārehi pañcindriyāni bhāviyanti;
ps1.4:6.13	imehi catūhākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:7.1	Katinaṁ puggalānaṁ indriyabhāvanā;
ps1.4:7.2	kati puggalā bhāvitindriyā?
ps1.4:7.3	Aṭṭhannaṁ puggalānaṁ indriyabhāvanā;
ps1.4:7.4	tayo puggalā bhāvitindriyā.
ps1.4:7.5	Katamesaṁ aṭṭhannaṁ puggalānaṁ indriyabhāvanā?
ps1.4:7.6	Sattannañca sekkhānaṁ, puthujjanakalyāṇakassa ca—
ps1.4:7.7	imesaṁ aṭṭhannaṁ puggalānaṁ indriyabhāvanā.
ps1.4:7.8	Katame tayo puggalā bhāvitindriyā?
ps1.4:7.9	Savanena buddho tathāgatassa sāvako khīṇāsavo bhāvitindriyo, sayaṁ bhūtaṭṭhena paccekasambuddho bhāvitindriyo, appameyyaṭṭhena tathāgato arahaṁ sammāsambuddho bhāvitindriyo—
ps1.4:7.10	ime tayo puggalā bhāvitindriyā.
ps1.4:7.11	Iti imesaṁ aṭṭhannaṁ puggalānaṁ indriyabhāvanā;
ps1.4:7.12	ime tayo puggalā bhāvitindriyā.
ps1.4:7.13	Suttantaniddeso paṭhamo.
ps1.4:8.0	1.4.2. Dutiyasuttantaniddesa
ps1.4:8.1	Sāvatthinidānaṁ.
ps1.4:8.2	“Pañcimāni, bhikkhave, indriyāni.
ps1.4:8.3	Katamāni pañca?
ps1.4:8.4	Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.
ps1.4:9.1	Ye hi keci, bhikkhave, samaṇā vā brāhmaṇā vā imesaṁ pañcannaṁ indriyānaṁ samudayañca atthaṅgamañca assādañca ādīnavañca nissaraṇañca yathābhūtaṁ nappajānanti, na me te, bhikkhave, samaṇā vā brāhmaṇā vā samaṇesu vā samaṇasammatā, brāhmaṇesu vā brāhmaṇasammatā;
ps1.4:9.2	na ca panete āyasmantā sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti.
ps1.4:10.1	Ye ca kho keci bhikkhave samaṇā vā brāhmaṇā vā imesaṁ pañcannaṁ indriyānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānanti, te kho me, bhikkhave, samaṇā vā brāhmaṇā vā samaṇesu vā samaṇasammatā, brāhmaṇesu vā brāhmaṇasammatā;
ps1.4:10.2	te ca panāyasmantā sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti.
ps1.4:11.1	Katihākārehi pañcannaṁ indriyānaṁ samudayo hoti;
ps1.4:11.2	katihākārehi pañcannaṁ indriyānaṁ samudayaṁ pajānāti?
ps1.4:11.3	Katihākārehi pañcannaṁ indriyānaṁ atthaṅgamo hoti;
ps1.4:11.4	katihākārehi pañcannaṁ indriyānaṁ atthaṅgamaṁ pajānāti?
ps1.4:11.5	Katihākārehi pañcannaṁ indriyānaṁ assādo hoti, katihākārehi pañcannaṁ indriyānaṁ assādaṁ pajānāti?
ps1.4:11.6	Katihākārehi pañcannaṁ indriyānaṁ ādīnavo hoti;
ps1.4:11.7	katihākārehi pañcannaṁ indriyānaṁ ādīnavaṁ pajānāti?
ps1.4:11.8	Katihākārehi pañcannaṁ indriyānaṁ nissaraṇaṁ hoti;
ps1.4:11.9	katihākārehi pañcannaṁ indriyānaṁ nissaraṇaṁ pajānāti?
ps1.4:12.1	Cattārīsāya ākārehi pañcannaṁ indriyānaṁ samudayo hoti;
ps1.4:12.2	cattārīsāya ākārehi pañcannaṁ indriyānaṁ samudayaṁ pajānāti.
ps1.4:12.3	Cattārīsāya ākārehi pañcannaṁ indriyānaṁ atthaṅgamo hoti;
ps1.4:12.4	cattārīsāya ākārehi pañcannaṁ indriyānaṁ atthaṅgamaṁ pajānāti.
ps1.4:12.5	Pañcavīsatiyā ākārehi pañcannaṁ indriyānaṁ assādo hoti;
ps1.4:12.6	pañcavīsatiyā ākārehi pañcannaṁ indriyānaṁ assādaṁ pajānāti.
ps1.4:12.7	Pañcavīsatiyā ākārehi pañcannaṁ indriyānaṁ ādīnavo hoti;
ps1.4:12.8	pañcavīsatiyā ākārehi pañcannaṁ indriyānaṁ ādīnavaṁ pajānāti.
ps1.4:12.9	Asītisataṁ ākārehi pañcannaṁ indriyānaṁ nissaraṇaṁ hoti;
ps1.4:12.10	asītisataṁ ākārehi pañcannaṁ indriyānaṁ nissaraṇaṁ pajānāti.
ps1.4:13.1	Katamehi cattārīsāya ākārehi pañcannaṁ indriyānaṁ samudayo hoti;
ps1.4:13.2	katamehi cattārīsāya ākārehi pañcannaṁ indriyānaṁ samudayaṁ pajānāti?
ps1.4:13.3	Adhimokkhatthāya āvajjanāya samudayo saddhindriyassa samudayo hoti, adhimokkhavasena chandassa samudayo saddhindriyassa samudayo hoti, adhimokkhavasena manasikārassa samudayo saddhindriyassa samudayo hoti, saddhindriyassa vasena ekattupaṭṭhānaṁ saddhindriyassa samudayo hoti;
ps1.4:13.4	paggahatthāya āvajjanāya samudayo vīriyindriyassa samudayo hoti, paggahavasena chandassa samudayo vīriyindriyassa samudayo hoti, paggahavasena manasikārassa samudayo vīriyindriyassa samudayo hoti, vīriyindriyassa vasena ekattupaṭṭhānaṁ vīriyindriyassa samudayo hoti;
ps1.4:13.5	upaṭṭhānatthāya āvajjanāya samudayo satindriyassa samudayo hoti, upaṭṭhānavasena chandassa samudayo satindriyassa samudayo hoti, upaṭṭhānavasena manasikārassa samudayo satindriyassa samudayo hoti, satindriyassa vasena ekattupaṭṭhānaṁ satindriyassa samudayo hoti;
ps1.4:13.6	avikkhepatthāya āvajjanāya samudayo samādhindriyassa samudayo hoti, avikkhepavasena chandassa samudayo samādhindriyassa samudayo hoti, avikkhepavasena manasikārassa samudayo samādhindriyassa samudayo hoti, samādhindriyassa vasena ekattupaṭṭhānaṁ samādhindriyassa samudayo hoti;
ps1.4:13.7	dassanatthāya āvajjanāya samudayo paññindriyassa samudayo hoti, dassanavasena chandassa samudayo paññindriyassa samudayo hoti, dassanavasena manasikārassa samudayo paññindriyassa samudayo hoti, paññindriyassa vasena ekattupaṭṭhānaṁ paññindriyassa samudayo hoti.
ps1.4:13.8	Adhimokkhatthāya āvajjanāya samudayo saddhindriyassa samudayo hoti, paggahatthāya āvajjanāya samudayo vīriyindriyassa samudayo hoti, upaṭṭhānatthāya āvajjanāya samudayo satindriyassa samudayo hoti, avikkhepatthāya āvajjanāya samudayo samādhindriyassa samudayo hoti, dassanatthāya āvajjanāya samudayo paññindriyassa samudayo hoti.
ps1.4:13.9	Adhimokkhavasena chandassa samudayo saddhindriyassa samudayo hoti, paggahavasena chandassa samudayo vīriyindriyassa samudayo hoti, upaṭṭhānavasena chandassa samudayo satindriyassa samudayo hoti, avikkhepavasena chandassa samudayo samādhindriyassa samudayo hoti, dassanavasena chandassa samudayo paññindriyassa samudayo hoti.
ps1.4:13.10	Adhimokkhavasena manasikārassa samudayo saddhindriyassa samudayo hoti, paggahavasena manasikārassa samudayo vīriyindriyassa samudayo hoti, upaṭṭhānavasena manasikārassa samudayo satindriyassa samudayo hoti, avikkhepavasena manasikārassa samudayo samādhindriyassa samudayo hoti, dassanavasena manasikārassa samudayo paññindriyassa samudayo hoti.
ps1.4:13.11	Saddhindriyassa vasena ekattupaṭṭhānaṁ saddhindriyassa samudayo hoti vīriyindriyassa vasena ekattupaṭṭhānaṁ vīriyindriyassa samudayo hoti, satindriyassa vasena ekattupaṭṭhānaṁ satindriyassa samudayo hoti, samādhindriyassa vasena ekattupaṭṭhānaṁ samādhindriyassa samudayo hoti, paññindriyassa vasena ekattupaṭṭhānaṁ paññindriyassa samudayo hoti.
ps1.4:14.1	Imehi cattārīsāya ākārehi pañcannaṁ indriyānaṁ samudayo hoti, imehi cattārīsāya ākārehi pañcannaṁ indriyānaṁ samudayaṁ pajānāti.
ps1.4:15.1	Katamehi cattārīsāya ākārehi pañcannaṁ indriyānaṁ atthaṅgamo hoti;
ps1.4:15.2	katamehi cattārīsāya ākārehi pañcannaṁ indriyānaṁ atthaṅgamaṁ pajānāti?
ps1.4:15.3	Adhimokkhatthāya āvajjanāya atthaṅgamo saddhindriyassa atthaṅgamo hoti, adhimokkhavasena chandassa atthaṅgamo saddhindriyassa atthaṅgamo hoti, adhimokkhavasena manasikārassa atthaṅgamo saddhindriyassa atthaṅgamo hoti, saddhindriyassa vasena ekattaanupaṭṭhānaṁ saddhindriyassa vasena atthaṅgamo hoti;
ps1.4:15.4	paggahatthāya āvajjanāya atthaṅgamo vīriyindriyassa atthaṅgamo hoti, paggahavasena chandassa atthaṅgamo vīriyindriyassa atthaṅgamo hoti, paggahavasena manasikārassa atthaṅgamo vīriyindriyassa atthaṅgamo hoti, vīriyindriyassa vasena ekattaanupaṭṭhānaṁ vīriyindriyassa atthaṅgamo hoti;
ps1.4:15.5	upaṭṭhānatthāya āvajjanāya atthaṅgamo satindriyassa atthaṅgamo hoti, upaṭṭhānavasena chandassa atthaṅgamo satindriyassa atthaṅgamo hoti, upaṭṭhānavasena manasikārassa atthaṅgamo satindriyassa atthaṅgamo hoti, satindriyassa vasena ekattaanupaṭṭhānaṁ satindriyassa atthaṅgamo hoti;
ps1.4:15.6	avikkhepatthāya āvajjanāya atthaṅgamo samādhindriyassa atthaṅgamo hoti, avikkhepavasena chandassa atthaṅgamo samādhindriyassa atthaṅgamo hoti, avikkhepavasena manasikārassa atthaṅgamo samādhindriyassa atthaṅgamo hoti, samādhindriyassa vasena ekattaanupaṭṭhānaṁ samādhindriyassa atthaṅgamo hoti;
ps1.4:15.7	dassanatthāya āvajjanāya atthaṅgamo paññindriyassa atthaṅgamo hoti, dassanavasena chandassa atthaṅgamo paññindriyassa atthaṅgamo hoti, dassanavasena manasikārassa atthaṅgamo paññindriyassa atthaṅgamo hoti, paññindriyassa vasena ekattaanupaṭṭhānaṁ paññindriyassa atthaṅgamo hoti.
ps1.4:16.1	Adhimokkhatthāya āvajjanāya atthaṅgamo saddhindriyassa atthaṅgamo hoti, paggahatthāya āvajjanāya atthaṅgamo vīriyindriyassa atthaṅgamo hoti, upaṭṭhānatthāya āvajjanāya atthaṅgamo satindriyassa atthaṅgamo hoti, avikkhepatthāya āvajjanāya atthaṅgamo samādhindriyassa atthaṅgamo hoti, dassanatthāya āvajjanāya atthaṅgamo paññindriyassa atthaṅgamo hoti.
ps1.4:16.2	Adhimokkhavasena chandassa atthaṅgamo saddhindriyassa atthaṅgamo hoti, paggahavasena chandassa atthaṅgamo vīriyindriyassa atthaṅgamo hoti, upaṭṭhānavasena chandassa atthaṅgamo satindriyassa atthaṅgamo hoti, avikkhepavasena chandassa atthaṅgamo samādhindriyassa atthaṅgamo hoti, dassanavasena chandassa atthaṅgamo paññindriyassa atthaṅgamo hoti.
ps1.4:16.3	Adhimokkhavasena manasikārassa atthaṅgamo saddhindriyassa atthaṅgamo hoti, paggahavasena manasikārassa atthaṅgamo vīriyindriyassa atthaṅgamo hoti, upaṭṭhānavasena manasikārassa atthaṅgamo satindriyassa atthaṅgamo hoti, avikkhepavasena manasikārassa atthaṅgamo samādhindriyassa atthaṅgamo hoti, dassanavasena manasikārassa atthaṅgamo paññindriyassa atthaṅgamo hoti.
ps1.4:16.4	Saddhindriyassa vasena ekattaanupaṭṭhānaṁ saddhindriyassa atthaṅgamo hoti, vīriyindriyassa vasena ekattaanupaṭṭhānaṁ vīriyindriyassa atthaṅgamo hoti, satindriyassa vasena ekattaanupaṭṭhānaṁ satindriyassa atthaṅgamo hoti, samādhindriyassa vasena ekattaanupaṭṭhānaṁ samādhindriyassa atthaṅgamo hoti, paññindriyassa vasena ekattaanupaṭṭhānaṁ paññindriyassa atthaṅgamo hoti.
ps1.4:17.1	Imehi cattārīsāya ākārehi pañcannaṁ indriyānaṁ atthaṅgamo hoti;
ps1.4:17.2	imehi cattārīsāya ākārehi pañcannaṁ indriyānaṁ atthaṅgamaṁ pajānāti.
ps1.4:18.0	1.4.2.1. Assādaniddesa
ps1.4:18.1	Katamehi pañcavīsatiyā ākārehi pañcannaṁ indriyānaṁ assādo hoti;
ps1.4:18.2	katamehi pañcavīsatiyā ākārehi pañcannaṁ indriyānaṁ assādaṁ pajānāti?
ps1.4:18.3	Assaddhiyassa anupaṭṭhānaṁ saddhindriyassa assādo hoti, assaddhiyapariḷāhassa anupaṭṭhānaṁ saddhindriyassa assādo hoti, adhimokkhacariyāya vesārajjaṁ saddhindriyassa assādo hoti, santo ca vihārādhigamo saddhindriyassa assādo hoti, yaṁ saddhindriyaṁ paṭicca uppajjati sukhaṁ somanassaṁ ayaṁ saddhindriyassa assādo.
ps1.4:19.1	Kosajjassa anupaṭṭhānaṁ vīriyindriyassa assādo hoti, kosajjapariḷāhassa anupaṭṭhānaṁ vīriyindriyassa assādo hoti, paggahacariyāya vesārajjaṁ vīriyindriyassa assādo hoti, santo ca vihārādhigamo vīriyindriyassa assādo hoti, yaṁ vīriyindriyaṁ paṭicca uppajjati sukhaṁ somanassaṁ ayaṁ vīriyindriyassa assādo.
ps1.4:20.1	Pamādassa anupaṭṭhānaṁ satindriyassa assādo hoti, pamādapariḷāhassa anupaṭṭhānaṁ satindriyassa assādo hoti, upaṭṭhānacariyāya vesārajjaṁ satindriyassa assādo hoti, santo ca vihārādhigamo satindriyassa assādo hoti, yaṁ satindriyaṁ paṭicca uppajjati sukhaṁ somanassaṁ ayaṁ satindriyassa assādo.
ps1.4:21.1	Uddhaccassa anupaṭṭhānaṁ samādhindriyassa assādo hoti, uddhaccapariḷāhassa anupaṭṭhānaṁ samādhindriyassa assādo hoti, avikkhepacariyāya vesārajjaṁ samādhindriyassa assādo hoti, santo ca vihārādhigamo samādhindriyassa assādo hoti, yaṁ samādhindriyaṁ paṭicca uppajjati sukhaṁ somanassaṁ ayaṁ samādhindriyassa assādo.
ps1.4:22.1	Avijjāya anupaṭṭhānaṁ paññindriyassa assādo hoti, avijjāpariḷāhassa anupaṭṭhānaṁ paññindriyassa assādo hoti, dassanacariyāya vesārajjaṁ paññindriyassa assādo hoti, santo ca vihārādhigamo paññindriyassa assādo hoti, yaṁ paññindriyaṁ paṭicca uppajjati sukhaṁ somanassaṁ ayaṁ paññindriyassa assādo.
ps1.4:23.1	Imehi pañcavīsatiyā ākārehi pañcannaṁ indriyānaṁ assādo hoti;
ps1.4:23.2	imehi pañcavīsatiyā ākārehi pañcannaṁ indriyānaṁ assādaṁ pajānāti.
ps1.4:24.0	1.4.2.2. Ādīnavaniddesa
ps1.4:24.1	Katamehi pañcavīsatiyā ākārehi pañcannaṁ indriyānaṁ ādīnavo hoti;
ps1.4:24.2	katamehi pañcavīsatiyā ākārehi pañcannaṁ indriyānaṁ ādīnavaṁ pajānāti?
ps1.4:24.3	Assaddhiyassa upaṭṭhānaṁ saddhindriyassa ādīnavo hoti, assaddhiyapariḷāhassa upaṭṭhānaṁ saddhindriyassa ādīnavo hoti, aniccaṭṭhena saddhindriyassa ādīnavo hoti, dukkhaṭṭhena saddhindriyassa ādīnavo hoti, anattaṭṭhena saddhindriyassa ādīnavo hoti.
ps1.4:25.1	Kosajjassa upaṭṭhānaṁ vīriyindriyassa ādīnavo hoti, kosajjapariḷāhassa upaṭṭhānaṁ vīriyindriyassa ādīnavo hoti, aniccaṭṭhena vīriyindriyassa ādīnavo hoti, dukkhaṭṭhena …pe…
ps1.4:25.2	anattaṭṭhena vīriyindriyassa ādīnavo hoti.
ps1.4:26.1	Pamādassa upaṭṭhānaṁ satindriyassa ādīnavo hoti, pamādapariḷāhassa upaṭṭhānaṁ satindriyassa ādīnavo hoti, aniccaṭṭhena satindriyassa ādīnavo hoti, dukkhaṭṭhena …pe…
ps1.4:26.2	anattaṭṭhena satindriyassa ādīnavo hoti.
ps1.4:27.1	Uddhaccassa upaṭṭhānaṁ samādhindriyassa ādīnavo hoti, uddhaccapariḷāhassa upaṭṭhānaṁ samādhindriyassa ādīnavo hoti, aniccaṭṭhena samādhindriyassa ādīnavo hoti, dukkhaṭṭhena …pe…
ps1.4:27.2	anattaṭṭhena samādhindriyassa ādīnavo hoti.
ps1.4:28.1	Avijjāya upaṭṭhānaṁ paññindriyassa ādīnavo hoti, avijjāpariḷāhassa upaṭṭhānaṁ paññindriyassa ādīnavo hoti, aniccaṭṭhena paññindriyassa ādīnavo hoti, dukkhaṭṭhena paññindriyassa ādīnavo hoti, anattaṭṭhena paññindriyassa ādīnavo hoti.
ps1.4:29.1	Imehi pañcavīsatiyā ākārehi pañcannaṁ indriyānaṁ ādīnavo hoti;
ps1.4:29.2	imehi pañcavīsatiyā ākārehi pañcannaṁ indriyānaṁ ādīnavaṁ pajānāti.
ps1.4:30.0	1.4.2.3. Nissaraṇaniddesa
ps1.4:30.1	Katamehi asītisataṁ ākārehi pañcannaṁ indriyānaṁ nissaraṇaṁ hoti;
ps1.4:30.2	katamehi asītisataṁ ākārehi pañcannaṁ indriyānaṁ nissaraṇaṁ pajānāti?
ps1.4:31.1	Adhimokkhaṭṭhena saddhindriyaṁ assaddhiyā nissaṭaṁ hoti, assaddhiyapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarasaddhindriyassa paṭilābhā purimatarasaddhindriyā nissaṭaṁ hoti.
ps1.4:32.1	Paggahaṭṭhena vīriyindriyaṁ kosajjā nissaṭaṁ hoti, kosajjapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītataravīriyindriyassa paṭilābhā purimataravīriyindriyā nissaṭaṁ hoti.
ps1.4:33.1	Upaṭṭhānaṭṭhena satindriyaṁ pamādā nissaṭaṁ hoti, pamādapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarasatindriyassa paṭilābhā purimatarasatindriyā nissaṭaṁ hoti.
ps1.4:34.1	Avikkhepaṭṭhena samādhindriyaṁ uddhaccā nissaṭaṁ hoti, uddhaccapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarasamādhindriyassa paṭilābhā purimatarasamādhindriyā nissaṭaṁ hoti.
ps1.4:35.1	Dassanaṭṭhena paññindriyaṁ avijjāya nissaṭaṁ hoti, avijjāpariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarapaññindriyassa paṭilābhā purimatarapaññindriyā nissaṭaṁ hoti.
ps1.4:36.1	Pubbabhāge pañcahi indriyehi paṭhamajjhānavasena pañcindriyāni nissaṭāni honti, paṭhame jhāne pañcahindriyehi dutiyajjhānavasena pañcindriyāni nissaṭāni honti, dutiye jhāne pañcahindriyehi tatiyajjhānavasena pañcindriyāni nissaṭāni honti, tatiye jhāne pañcahindriyehi catutthajjhānavasena pañcindriyāni nissaṭāni honti, catutthe jhāne pañcahindriyehi ākāsānañcāyatanasamāpattivasena pañcindriyāni nissaṭāni honti, ākāsānañcāyatanasamāpattiyā pañcahindriyehi viññāṇañcāyatanasamāpattivasena pañcindriyāni nissaṭāni honti, viññāṇañcāyatanasamāpattiyā pañcahindriyehi ākiñcaññāyatanasamāpattivasena pañcindriyāni nissaṭāni honti, ākiñcaññāyatanasamāpattiyā pañcahindriyehi nevasaññānāsaññāyatanasamāpattivasena pañcindriyāni nissaṭāni honti.
ps1.4:37.1	Nevasaññānāsaññāyatanasamāpattiyā pañcahindriyehi aniccānupassanāvasena pañcindriyāni nissaṭāni honti, aniccānupassanāya pañcahindriyehi dukkhānupassanāvasena pañcindriyāni nissaṭāni honti, dukkhānupassanāya pañcahindriyehi anattānupassanāvasena pañcindriyāni nissaṭāni honti, anattānupassanāya pañcahindriyehi nibbidānupassanāvasena pañcindriyāni nissaṭāni honti, nibbidānupassanāya pañcahindriyehi virāgānupassanāvasena pañcindriyāni nissaṭāni honti, virāgānupassanāya pañcahindriyehi nirodhānupassanāvasena pañcindriyāni nissaṭāni honti, nirodhānupassanāya pañcahindriyehi paṭinissaggānupassanāvasena pañcindriyāni nissaṭāni honti, paṭinissaggānupassanāya pañcahindriyehi khayānupassanāvasena pañcindriyāni nissaṭāni honti, khayānupassanāya pañcahindriyehi vayānupassanāvasena pañcindriyāni nissaṭāni honti, vayānupassanāya pañcahindriyehi vipariṇāmānupassanāvasena pañcindriyāni nissaṭāni honti, vipariṇāmānupassanāya pañcahindriyehi animittānupassanāvasena pañcindriyāni nissaṭāni honti, animittānupassanāya pañcahindriyehi appaṇihitānupassanāvasena pañcindriyāni nissaṭāni honti, appaṇihitānupassanāya pañcahindriyehi suññatānupassanāvasena pañcindriyāni nissaṭāni honti suññatānupassanāya pañcahindriyehi adhipaññādhammavipassanāvasena pañcindriyāni nissaṭāni honti.
ps1.4:37.2	Adhipaññādhammavipassanāya pañcahindriyehi yathābhūtañāṇadassanavasena pañcindriyāni nissaṭāni honti, yathābhūtañāṇadassane pañcahindriyehi ādīnavānupassanāvasena pañcindriyāni nissaṭāni honti, ādīnavānupassanāya pañcahindriyehi paṭisaṅkhānupassanāvasena pañcindriyāni nissaṭāni honti, paṭisaṅkhānupassanāya pañcahindriyehi vivaṭṭanānupassanāvasena pañcindriyāni nissaṭāni honti.
ps1.4:38.1	Vivaṭṭanānupassanāya pañcahindriyehi sotāpattimaggavasena pañcindriyāni nissaṭāni honti, sotāpattimagge pañcahindriyehi sotāpattiphalasamāpattivasena pañcindriyāni nissaṭāni honti, sotāpattiphalasamāpattiyā pañcahindriyehi sakadāgāmimaggavasena pañcindriyāni nissaṭāni honti, sakadāgāmimagge pañcahindriyehi sakadāgāmiphalasamāpattivasena pañcindriyāni nissaṭāni honti, sakadāgāmiphalasamāpattiyā pañcahindriyehi anāgāmimaggavasena pañcindriyāni nissaṭāni honti, anāgāmimagge pañcahindriyehi anāgāmiphalasamāpattivasena pañcindriyāni nissaṭāni honti, anāgāmiphalasamāpattiyā pañcahindriyehi arahattamaggavasena pañcindriyāni nissaṭāni honti, arahattamagge pañcahindriyehi arahattaphalasamāpattivasena pañcindriyāni nissaṭāni honti.
ps1.4:39.1	Nekkhamme pañcindriyāni kāmacchandato nissaṭāni honti, abyāpāde pañcindriyāni byāpādato nissaṭāni honti, ālokasaññāya pañcindriyāni thinamiddhato nissaṭāni honti, avikkhepe pañcindriyāni uddhaccato nissaṭāni honti, dhammavavatthāne pañcindriyāni vicikicchāya nissaṭāni honti, ñāṇe pañcindriyāni avijjāya nissaṭāni honti, pāmojje pañcindriyāni aratiyā nissaṭāni honti.
ps1.4:40.1	Paṭhame jhāne pañcindriyāni nīvaraṇehi nissaṭāni honti, dutiye jhāne pañcindriyāni vitakkavicārehi nissaṭāni honti, tatiye jhāne pañcindriyāni pītiyā nissaṭāni honti, catutthe jhāne pañcindriyāni sukhadukkhehi nissaṭāni honti, ākāsānañcāyatanasamāpattiyā pañcindriyāni rūpasaññāya paṭighasaññāya nānattasaññāya nissaṭāni honti, viññāṇañcāyatanasamāpattiyā pañcindriyāni ākāsānañcāyatanasaññāya nissaṭāni honti, ākiñcaññāyatanasamāpattiyā pañcindriyāni viññāṇañcāyatanasaññāya nissaṭāni honti, nevasaññānāsaññāyatanasamāpattiyā pañcindriyāni ākiñcaññāyatanasaññāya nissaṭāni honti.
ps1.4:41.1	Aniccānupassanāya pañcindriyāni niccasaññāya nissaṭāni honti, dukkhānupassanāya pañcindriyāni sukhasaññāya nissaṭāni honti, anattānupassanāya pañcindriyāni attasaññāya nissaṭāni honti, nibbidānupassanāya pañcindriyāni nandiyā nissaṭāni honti, virāgānupassanāya pañcindriyāni rāgato nissaṭāni honti, nirodhānupassanāya pañcindriyāni samudayato nissaṭāni honti, paṭinissaggānupassanāya pañcindriyāni ādānato nissaṭāni honti, khayānupassanāya pañcindriyāni ghanasaññāya nissaṭāni honti, vayānupassanāya pañcindriyāni āyūhanato nissaṭāni honti, vipariṇāmānupassanāya pañcindriyāni dhuvasaññāya nissaṭāni honti, animittānupassanāya pañcindriyāni nimittato nissaṭāni honti, appaṇihitānupassanāya pañcindriyāni paṇidhiyā nissaṭāni honti, suññatānupassanāya pañcindriyāni abhinivesato nissaṭāni honti.
ps1.4:41.2	Adhipaññādhammavipassanāya pañcindriyāni sārādānābhinivesato nissaṭāni honti, yathābhūtañāṇadassane pañcindriyāni sammohābhinivesato nissaṭāni honti, ādīnavānupassanāya pañcindriyāni ālayābhinivesato nissaṭāni honti, paṭisaṅkhānupassanāya pañcindriyāni appaṭisaṅkhāya nissaṭāni honti, vivaṭṭanānupassanāya pañcindriyāni saññogābhinivesato nissaṭāni honti.
ps1.4:42.1	Sotāpattimagge pañcindriyāni diṭṭhekaṭṭhehi kilesehi nissaṭāni honti, sakadāgāmimagge pañcindriyāni oḷārikehi kilesehi nissaṭāni honti, anāgāmimagge pañcindriyāni anusahagatehi kilesehi nissaṭāni honti, arahattamagge pañcindriyāni sabbakilesehi nissaṭāni honti, sabbesaññeva khīṇāsavānaṁ tattha tattha pañcindriyāni nissaṭāni ceva honti sunissaṭāni ca paṭippassaddhāni ca suppaṭippassaddhāni ca.
ps1.4:43.1	Imehi asītisataṁ ākārehi pañcannaṁ indriyānaṁ nissaraṇaṁ hoti;
ps1.4:43.2	imehi asītisataṁ ākārehi pañcannaṁ indriyānaṁ nissaraṇaṁ pajānāti.
ps1.4:43.3	Suttantaniddeso dutiyo.
ps1.4:43.4	Paṭhamabhāṇavāro.
ps1.4:44.0	1.4.3. Tatiyasuttantaniddesa
ps1.4:44.1	Sāvatthinidānaṁ.
ps1.4:44.2	“Pañcimāni, bhikkhave, indriyāni.
ps1.4:44.3	Katamāni pañca?
ps1.4:44.4	Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.
ps1.4:44.5	Kattha ca, bhikkhave, saddhindriyaṁ daṭṭhabbaṁ?
ps1.4:44.6	Catūsu sotāpattiyaṅgesu—
ps1.4:44.7	ettha saddhindriyaṁ daṭṭhabbaṁ.
ps1.4:44.8	Kattha ca, bhikkhave, vīriyindriyaṁ daṭṭhabbaṁ?
ps1.4:44.9	Catūsu sammappadhānesu—
ps1.4:44.10	ettha vīriyindriyaṁ daṭṭhabbaṁ.
ps1.4:44.11	Kattha ca, bhikkhave, satindriyaṁ daṭṭhabbaṁ?
ps1.4:44.12	Catūsu satipaṭṭhānesu—
ps1.4:44.13	ettha satindriyaṁ daṭṭhabbaṁ.
ps1.4:44.14	Kattha ca, bhikkhave, samādhindriyaṁ daṭṭhabbaṁ?
ps1.4:44.15	Catūsu jhānesu—
ps1.4:44.16	ettha samādhindriyaṁ daṭṭhabbaṁ.
ps1.4:44.17	Kattha ca, bhikkhave, paññindriyaṁ daṭṭhabbaṁ?
ps1.4:44.18	Catūsu ariyasaccesu—
ps1.4:44.19	ettha paññindriyaṁ daṭṭhabbaṁ”.
ps1.4:45.1	Catūsu sotāpattiyaṅgesu saddhindriyassa vasena katihākārehi pañcindriyāni daṭṭhabbāni?
ps1.4:45.2	Catūsu sammappadhānesu vīriyindriyassa vasena katihākārehi pañcindriyāni daṭṭhabbāni?
ps1.4:45.3	Catūsu satipaṭṭhānesu satindriyassa vasena katihākārehi pañcindriyāni daṭṭhabbāni?
ps1.4:45.4	Catūsu jhānesu samādhindriyassa vasena katihākārehi pañcindriyāni daṭṭhabbāni?
ps1.4:45.5	Catūsu ariyasaccesu paññindriyassa vasena katihākārehi pañcindriyāni daṭṭhabbāni?
ps1.4:46.1	Catūsu sotāpattiyaṅgesu saddhindriyassa vasena vīsatiyā ākārehi pañcindriyāni daṭṭhabbāni.
ps1.4:46.2	Catūsu sammappadhānesu vīriyindriyassa vasena vīsatiyā ākārehi pañcindriyāni daṭṭhabbāni.
ps1.4:46.3	Catūsu satipaṭṭhānesu satindriyassa vasena vīsatiyā ākārehi pañcindriyāni daṭṭhabbāni.
ps1.4:46.4	Catūsu jhānesu samādhindriyassa vasena vīsatiyā ākārehi pañcindriyāni daṭṭhabbāni.
ps1.4:46.5	Catūsu ariyasaccesu paññindriyassa vasena vīsatiyā ākārehi pañcindriyāni daṭṭhabbāni.
ps1.4:47.0	1.4.3.1. Pabhedagaṇananiddesa
ps1.4:47.1	Catūsu sotāpattiyaṅgesu saddhindriyassa vasena katamehi vīsatiyā ākārehi pañcindriyāni daṭṭhabbāni?
ps1.4:47.2	Sappurisasaṁseve sotāpattiyaṅge adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ;
ps1.4:47.3	saddhammasavane sotāpattiyaṅge …
ps1.4:47.4	yonisomanasikāre sotāpattiyaṅge …
ps1.4:47.5	dhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ.
ps1.4:47.6	Catūsu sotāpattiyaṅgesu saddhindriyassa vasena imehi vīsatiyā ākārehi pañcindriyāni daṭṭhabbāni.
ps1.4:48.1	Catūsu sammappadhānesu vīriyindriyassa vasena katamehi vīsatiyā ākārehi pañcindriyāni daṭṭhabbāni?
ps1.4:48.2	Anuppannānaṁ pāpakānaṁ akusalānaṁ dhammānaṁ anuppādāya sammappadhāne paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.
ps1.4:48.3	Uppannānaṁ pāpakānaṁ akusalānaṁ dhammānaṁ pahānāya sammappadhāne …pe…
ps1.4:48.4	anuppannānaṁ kusalānaṁ dhammānaṁ uppādāya sammappadhāne …pe…
ps1.4:48.5	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.
ps1.4:48.6	Catūsu sammappadhānesu vīriyindriyassa vasena imehi vīsatiyā ākārehi pañcindriyāni daṭṭhabbāni.
ps1.4:49.1	Catūsu satipaṭṭhānesu satindriyassa vasena katamehi vīsatiyā ākārehi pañcindriyāni daṭṭhabbāni?
ps1.4:49.2	Kāye kāyānupassanāsatipaṭṭhāne upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.
ps1.4:49.3	Vedanāsu vedanānupassanāsatipaṭṭhāne …pe…
ps1.4:49.4	citte cittānupassanāsatipaṭṭhāne …
ps1.4:49.5	dhammesu dhammānupassanāsatipaṭṭhāne upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.
ps1.4:49.6	Catūsu satipaṭṭhānesu satindriyassa vasena imehi vīsatiyā ākārehi pañcindriyāni daṭṭhabbāni.
ps1.4:50.1	Catūsu jhānesu samādhindriyassa vasena katamehi vīsatiyā ākārehi pañcindriyāni daṭṭhabbāni?
ps1.4:50.2	Paṭhame jhāne avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.
ps1.4:50.3	Dutiye jhāne …pe…
ps1.4:50.4	tatiye jhāne …
ps1.4:50.5	catutthe jhāne avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.
ps1.4:50.6	Catūsu jhānesu samādhindriyassa vasena imehi vīsatiyā ākārehi pañcindriyāni daṭṭhabbāni.
ps1.4:51.1	Catūsu ariyasaccesu paññindriyassa vasena katamehi vīsatiyā ākārehi pañcindriyāni daṭṭhabbāni?
ps1.4:51.2	Dukkhe ariyasacce dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ.
ps1.4:51.3	Dukkhasamudaye ariyasacce …pe…
ps1.4:51.4	dukkhanirodhe ariyasacce …
ps1.4:51.5	dukkhanirodhagāminiyā paṭipadāya ariyasacce dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ.
ps1.4:51.6	Catūsu ariyasaccesu paññindriyassa vasena imehi vīsatiyā ākārehi pañcindriyāni daṭṭhabbāni.
ps1.4:52.0	1.4.3.2. Cariyavāra
ps1.4:52.1	Catūsu sotāpattiyaṅgesu saddhindriyassa vasena katihākārehi pañcannaṁ indriyānaṁ cariyā daṭṭhabbā?
ps1.4:53.1	Catūsu sammappadhānesu …pe…
ps1.4:53.2	catūsu satipaṭṭhānesu …
ps1.4:53.3	catūsu jhānesu …
ps1.4:53.4	catūsu ariyasaccesu paññindriyassa vasena katihākārehi pañcannaṁ indriyānaṁ cariyā daṭṭhabbā?
ps1.4:53.5	Catūsu sotāpattiyaṅgesu saddhindriyassa vasena vīsatiyā ākārehi pañcannaṁ indriyānaṁ cariyā daṭṭhabbā.
ps1.4:53.6	Catūsu sammappadhānesu …pe…
ps1.4:53.7	catūsu satipaṭṭhānesu …
ps1.4:53.8	catūsu jhānesu …
ps1.4:53.9	catūsu ariyasaccesu paññindriyassa vasena vīsatiyā ākārehi pañcannaṁ indriyānaṁ cariyā daṭṭhabbā.
ps1.4:54.1	Catūsu sotāpattiyaṅgesu saddhindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?
ps1.4:54.2	Sappurisasaṁseve sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā.
ps1.4:54.3	Saddhammasavane sotāpattiyaṅge …pe…
ps1.4:54.4	yoniso manasikāre sotāpattiyaṅge …
ps1.4:54.5	dhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā.
ps1.4:54.6	Catūsu sotāpattiyaṅgesu saddhindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā.
ps1.4:55.1	Catūsu sammappadhānesu vīriyindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?
ps1.4:55.2	Anuppannānaṁ pāpakānaṁ akusalānaṁ dhammānaṁ anuppādāya sammappadhāne paggahādhipateyyaṭṭhena vīriyindriyassa cariyā daṭṭhabbā, vīriyindriyassa vasena upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā.
ps1.4:55.3	Uppannānaṁ pāpakānaṁ akusalānaṁ dhammānaṁ pahānāya sammappadhāne …pe…
ps1.4:55.4	anuppannānaṁ kusalānaṁ dhammānaṁ uppādāya sammappadhāne …pe…
ps1.4:55.5	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyassa cariyā daṭṭhabbā …pe…
ps1.4:55.6	catūsu sammappadhānesu vīriyindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā.
ps1.4:56.1	Catūsu satipaṭṭhānesu satindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?
ps1.4:56.2	Kāye kāyānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā, satindriyassa vasena avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā.
ps1.4:56.3	Vedanāsu vedanānupassanāsatipaṭṭhāne …pe…
ps1.4:56.4	citte cittānupassanāsatipaṭṭhāne …pe…
ps1.4:56.5	dhammesu dhammānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā …pe…
ps1.4:56.6	catūsu satipaṭṭhānesu satindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā.
ps1.4:57.1	Catūsu jhānesu samādhindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?
ps1.4:57.2	Paṭhame jhāne avikkhepādhipateyyaṭṭhena samādhindriyassa cariyā daṭṭhabbā, samādhindriyassa vasena dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā.
ps1.4:57.3	Dutiye jhāne …pe…
ps1.4:57.4	tatiye jhāne …pe…
ps1.4:57.5	catutthe jhāne avikkhepādhipateyyaṭṭhena samādhindriyassa cariyā daṭṭhabbā …pe…
ps1.4:57.6	catūsu jhānesu samādhindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā.
ps1.4:58.1	Catūsu ariyasaccesu paññindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?
ps1.4:58.2	Dukkhe ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā.
ps1.4:58.3	Dukkhasamudaye ariyasacce …pe…
ps1.4:58.4	dukkhanirodhe ariyasacce …
ps1.4:58.5	dukkhanirodhagāminiyā paṭipadāya ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā.
ps1.4:58.6	Catūsu ariyasaccesu paññindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā.
ps1.4:59.0	1.4.3.3. Cāravihāraniddesa
ps1.4:59.1	Cāro ca vihāro ca anubuddho hoti paṭividdho, yathācarantaṁ yathāviharantaṁ viññū sabrahmacārī gambhīresu ṭhānesu okappeyyuṁ—
ps1.4:59.2	“addhā, ayamāyasmā patto vā pāpuṇissati vā”.
ps1.4:60.1	<b>Cariyā</b>ti aṭṭha cariyāyo—
ps1.4:60.2	iriyāpathacariyā, āyatanacariyā, saticariyā, samādhicariyā, ñāṇacariyā, maggacariyā, patticariyā, lokatthacariyāti.
ps1.4:60.3	<b>Iriyāpathacariyā</b>ti catūsu iriyāpathesu.
ps1.4:60.4	<b>Āyatanacariyā</b>ti chasu ajjhattikabāhiresu āyatanesu.
ps1.4:60.5	<b>Saticariyā</b>ti catūsu satipaṭṭhānesu.
ps1.4:60.6	<b>Samādhicariyā</b>ti catūsu jhānesu.
ps1.4:60.7	<b>Ñāṇacariyā</b>ti catūsu ariyasaccesu.
ps1.4:60.8	<b>Maggacariyā</b>ti catūsu ariyamaggesu.
ps1.4:60.9	<b>Patticariyā</b>ti catūsu sāmaññaphalesu.
ps1.4:60.10	<b>Lokatthacariyā</b>ti tathāgatesu arahantesu sammāsambuddhesu, padese paccekabuddhesu, padese sāvakesu.
ps1.4:60.11	Iriyāpathacariyā ca paṇidhisampannānaṁ, āyatanacariyā ca indriyesu guttadvārānaṁ, saticariyā ca appamādavihārīnaṁ, samādhicariyā ca adhicittamanuyuttānaṁ, ñāṇacariyā ca buddhisampannānaṁ, maggacariyā ca sammāpaṭipannānaṁ, patticariyā ca adhigataphalānaṁ, lokatthacariyā ca tathāgatānaṁ arahantānaṁ sammāsambuddhānaṁ, padese paccekabuddhānaṁ, padese sāvakānaṁ.
ps1.4:60.12	Imā aṭṭha cariyāyo.
ps1.4:61.1	Aparāpi aṭṭha cariyāyo.
ps1.4:61.2	Adhimuccanto saddhāya carati, paggaṇhanto vīriyena carati, upaṭṭhāpento satiyā carati, avikkhepaṁ karonto samādhinā carati, pajānanto paññāya carati, vijānanto viññāṇacariyāya carati, evaṁ paṭipannassa kusalā dhammā āyāpentīti āyatanacariyāya carati, evaṁ paṭipanno visesamadhigacchatīti visesacariyāya carati—
ps1.4:61.3	imā aṭṭha cariyāyo.
ps1.4:62.1	Aparāpi aṭṭha cariyāyo.
ps1.4:62.2	Dassanacariyā ca sammādiṭṭhiyā, abhiniropanacariyā ca sammāsaṅkappassa, pariggahacariyā ca sammāvācāya, samuṭṭhānacariyā ca sammākammantassa, vodānacariyā ca sammāājīvassa, paggahacariyā ca sammāvāyāmassa, upaṭṭhānacariyā ca sammāsatiyā, avikkhepacariyā ca sammāsamādhissa—
ps1.4:62.3	imā aṭṭha cariyāyo.
ps1.4:63.1	<b>Vihāro</b>ti adhimuccanto saddhāya viharati, paggaṇhanto vīriyena viharati, upaṭṭhāpento satiyā viharati, avikkhepaṁ karonto samādhinā viharati, pajānanto paññāya viharati.
ps1.4:64.1	<b>Anubuddho</b>ti saddhindriyassa adhimokkhaṭṭho anubuddho hoti, vīriyindriyassa paggahaṭṭho anubuddho hoti, satindriyassa upaṭṭhānaṭṭho anubuddho hoti, samādhindriyassa avikkhepaṭṭho anubuddho hoti, paññindriyassa dassanaṭṭho anubuddho hoti.
ps1.4:65.1	<b>Paṭividdho</b>ti saddhindriyassa adhimokkhaṭṭho paṭividdho hoti, vīriyindriyassa paggahaṭṭho paṭividdho hoti, satindriyassa upaṭṭhānaṭṭho paṭividdho hoti, samādhindriyassa avikkhepaṭṭho paṭividdho hoti, paññindriyassa dassanaṭṭho paṭividdho hoti.
ps1.4:65.2	<b>Yathācarantan</b>ti evaṁ saddhāya carantaṁ, evaṁ vīriyena carantaṁ, evaṁ satiyā carantaṁ, evaṁ samādhinā carantaṁ, evaṁ paññāya carantaṁ.
ps1.4:65.3	<b>Yathāviharantan</b>ti evaṁ saddhāya viharantaṁ, evaṁ vīriyena viharantaṁ, evaṁ satiyā viharantaṁ, evaṁ samādhinā viharantaṁ, evaṁ paññāya viharantaṁ.
ps1.4:65.4	<b>Viññū</b>ti viññū vibhāvī medhāvī paṇḍitā buddhisampannā.
ps1.4:65.5	<b>Sabrahmacārī</b>ti ekakammaṁ ekuddeso samasikkhatā.
ps1.4:65.6	<b>Gambhīresu ṭhānesū</b>ti gambhīrāni ṭhānāni vuccanti jhānā ca vimokkhā ca samādhī ca samāpattiyo ca maggā ca phalāni ca abhiññāyo ca paṭisambhidā ca.
ps1.4:65.7	<b>Okappeyyun</b>ti saddaheyyuṁ adhimucceyyuṁ.
ps1.4:65.8	<b>Addhā</b>ti ekaṁsavacanametaṁ nissaṁsayavacanametaṁ nikkaṅkhavacanametaṁ advejjhavacanametaṁ adveḷhakavacanametaṁ niyogavacanametaṁ apaṇṇakavacanametaṁ avatthāpanavacanametaṁ—
ps1.4:65.9	addhāti.
ps1.4:65.10	<b>Āyasmā</b>ti piyavacanametaṁ garuvacanametaṁ sagāravasappatissādhivacanametaṁ—
ps1.4:65.11	āyasmāti.
ps1.4:65.12	<b>Patto vā</b>ti adhigato vā.
ps1.4:65.13	<b>Pāpuṇissati vā</b>ti adhigamissati vā.
ps1.4:65.14	Suttantaniddeso tatiyo.
ps1.4:66.0	1.4.4. Catutthasuttantaniddesa
ps1.4:66.1	Purimanidānaṁ.
ps1.4:66.2	“Pañcimāni, bhikkhave, indriyāni.
ps1.4:66.3	Katamāni pañca?
ps1.4:66.4	Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—
ps1.4:66.5	imāni kho, bhikkhave, pañcindriyāni.
ps1.4:66.6	Imāni pañcindriyāni katihākārehi kenaṭṭhena daṭṭhabbāni?
ps1.4:66.7	Imāni pañcindriyāni chahākārehi tenaṭṭhena daṭṭhabbāni—
ps1.4:66.8	ādhipateyyaṭṭhena ādivisodhanaṭṭhena adhimattaṭṭhena, adhiṭṭhānaṭṭhena, pariyādānaṭṭhena, patiṭṭhāpakaṭṭhena”.
ps1.4:67.0	1.4.4.1. Ādhipateyyaṭṭhaniddesa
ps1.4:67.1	Kathaṁ <b>ādhipateyyaṭṭhena indriyāni daṭṭhabbāni?</b>
ps1.4:67.2	Assaddhiyaṁ pajahato adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ.
ps1.4:67.3	Kosajjaṁ pajahato paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.
ps1.4:67.4	Pamādaṁ pajahato upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.
ps1.4:67.5	Uddhaccaṁ pajahato avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.
ps1.4:67.6	Avijjaṁ pajahato dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ.
ps1.4:68.1	Kāmacchandaṁ pajahato nekkhammavasena adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ.
ps1.4:68.2	Kāmacchandaṁ pajahato nekkhammavasena paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.
ps1.4:68.3	Kāmacchandaṁ pajahato nekkhammavasena upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.
ps1.4:68.4	Kāmacchandaṁ pajahato nekkhammavasena avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.
ps1.4:68.5	Kāmacchandaṁ pajahato nekkhammavasena dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ.
ps1.4:69.1	Byāpādaṁ pajahato abyāpādavasena …pe…
ps1.4:69.2	thinamiddhaṁ pajahato ālokasaññāvasena …pe…
ps1.4:69.3	sabbakilese pajahato arahattamaggavasena adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ …pe…
ps1.4:69.4	sabbakilese pajahato arahattamaggavasena dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ.
ps1.4:69.5	Evaṁ ādhipateyyaṭṭhena indriyāni daṭṭhabbāni.
ps1.4:70.0	1.4.4.2. Ādivisodhanaṭṭhaniddesa
ps1.4:70.1	Kathaṁ <b>ādivisodhanaṭṭhena indriyāni daṭṭhabbāni?</b>
ps1.4:70.2	Adhimokkhaṭṭhena saddhindriyaṁ, assaddhiyasaṁvaraṭṭhena sīlavisuddhi—
ps1.4:70.3	saddhindriyassa ādivisodhanā.
ps1.4:70.4	Paggahaṭṭhena vīriyindriyaṁ, kosajjasaṁvaraṭṭhena sīlavisuddhi—
ps1.4:70.5	vīriyindriyassa ādivisodhanā.
ps1.4:70.6	Upaṭṭhānaṭṭhena satindriyaṁ, pamādasaṁvaraṭṭhena sīlavisuddhi—
ps1.4:70.7	satindriyassa ādivisodhanā.
ps1.4:70.8	Avikkhepaṭṭhena samādhindriyaṁ, uddhaccasaṁvaraṭṭhena sīlavisuddhi—
ps1.4:70.9	samādhindriyassa ādivisodhanā.
ps1.4:70.10	Dassanaṭṭhena paññindriyaṁ, avijjāsaṁvaraṭṭhena sīlavisuddhi—
ps1.4:70.11	paññindriyassa ādivisodhanā.
ps1.4:70.12	Nekkhamme pañcindriyāni, kāmacchandasaṁvaraṭṭhena sīlavisuddhi—
ps1.4:70.13	pañcannaṁ indriyānaṁ ādivisodhanā.
ps1.4:70.14	Abyāpāde pañcindriyāni, byāpādasaṁvaraṭṭhena sīlavisuddhi—
ps1.4:70.15	pañcannaṁ indriyānaṁ ādivisodhanā …pe…
ps1.4:70.16	arahattamagge pañcindriyāni, sabbakilesasaṁvaraṭṭhena sīlavisuddhi—
ps1.4:70.17	pañcannaṁ indriyānaṁ ādivisodhanā.
ps1.4:70.18	Evaṁ ādivisodhanaṭṭhena indriyāni daṭṭhabbāni.
ps1.4:71.0	1.4.4.3. Adhimattaṭṭhaniddesa
ps1.4:71.1	Kathaṁ <b>adhimattaṭṭhena indriyāni daṭṭhabbāni?</b>
ps1.4:71.2	Saddhindriyassa bhāvanāya chando uppajjati—
ps1.4:71.3	chandavasena saddhāvasena saddhindriyaṁ adhimattaṁ hoti.
ps1.4:71.4	Chandavasena pāmojjaṁ uppajjati—
ps1.4:71.5	pāmojjavasena saddhāvasena saddhindriyaṁ adhimattaṁ hoti.
ps1.4:71.6	Pāmojjavasena pīti uppajjati—
ps1.4:71.7	pītivasena saddhāvasena saddhindriyaṁ adhimattaṁ hoti.
ps1.4:71.8	Pītivasena passaddhi uppajjati—
ps1.4:71.9	passaddhivasena saddhāvasena saddhindriyaṁ adhimattaṁ hoti.
ps1.4:71.10	Passaddhivasena sukhaṁ uppajjati—
ps1.4:71.11	sukhavasena saddhāvasena saddhindriyaṁ adhimattaṁ hoti.
ps1.4:71.12	Sukhavasena obhāso uppajjati—
ps1.4:71.13	obhāsavasena saddhāvasena saddhindriyaṁ adhimattaṁ hoti.
ps1.4:71.14	Obhāsavasena saṁvego uppajjati—
ps1.4:71.15	saṁvegavasena saddhāvasena saddhindriyaṁ adhimattaṁ hoti.
ps1.4:71.16	Saṁvejetvā cittaṁ samādahati—
ps1.4:71.17	samādhivasena saddhāvasena saddhindriyaṁ adhimattaṁ hoti.
ps1.4:71.18	Tathā samāhitaṁ cittaṁ sādhukaṁ paggaṇhāti—
ps1.4:71.19	paggahavasena saddhāvasena saddhindriyaṁ adhimattaṁ hoti.
ps1.4:71.20	Tathāpaggahitaṁ cittaṁ sādhukaṁ ajjhupekkhati—
ps1.4:71.21	upekkhāvasena saddhāvasena saddhindriyaṁ adhimattaṁ hoti.
ps1.4:71.22	Upekkhāvasena nānattakilesehi cittaṁ vimuccati—
ps1.4:71.23	vimokkhavasena saddhāvasena saddhindriyaṁ adhimattaṁ hoti.
ps1.4:71.24	Vimuttattā te dhammā ekarasā honti—
ps1.4:71.25	ekarasaṭṭhena bhāvanāvasena saddhāvasena saddhindriyaṁ adhimattaṁ hoti.
ps1.4:71.26	Bhāvitattā tato paṇītatare vivaṭṭanti—
ps1.4:71.27	vivaṭṭanāvasena saddhāvasena saddhindriyaṁ adhimattaṁ hoti.
ps1.4:71.28	Vivaṭṭitattā tato vosajjati—
ps1.4:71.29	vosaggavasena saddhāvasena saddhindriyaṁ adhimattaṁ hoti.
ps1.4:71.30	Vosajjitattā tato nirujjhanti—
ps1.4:71.31	nirodhavasena saddhāvasena saddhindriyaṁ adhimattaṁ hoti.
ps1.4:72.1	Nirodhavasena dve vosaggā—
ps1.4:72.2	pariccāgavosaggo ca, pakkhandanavosaggo ca.
ps1.4:72.3	Kilese ca khandhe ca pariccajatīti—
ps1.4:72.4	pariccāgavosaggo.
ps1.4:72.5	Nirodhanibbānadhātuyā cittaṁ pakkhandatīti—
ps1.4:72.6	pakkhandanavosaggo.
ps1.4:72.7	Nirodhavasena ime dve vosaggā.
ps1.4:73.1	Assaddhiyassa pahānāya chando uppajjati …pe…
ps1.4:73.2	assaddhiyapariḷāhassa pahānāya chando uppajjati …
ps1.4:73.3	diṭṭhekaṭṭhānaṁ kilesānaṁ pahānāya chando uppajjati …
ps1.4:73.4	oḷārikānaṁ kilesānaṁ pahānāya chando uppajjati …
ps1.4:73.5	anusahagatānaṁ kilesānaṁ pahānāya chando uppajjati …
ps1.4:73.6	sabbakilesānaṁ pahānāya chando uppajjati—
ps1.4:73.7	chandavasena saddhāvasena saddhindriyaṁ adhimattaṁ hoti …pe…
ps1.4:73.8	vīriyindriyassa bhāvanāya chando uppajjati …pe…
ps1.4:73.9	kosajjassa pahānāya chando uppajjati …
ps1.4:73.10	kosajjapariḷāhassa pahānāya chando uppajjati …
ps1.4:73.11	diṭṭhekaṭṭhānaṁ kilesānaṁ pahānāya chando uppajjati …pe…
ps1.4:73.12	sabbakilesānaṁ pahānāya chando uppajjati …
ps1.4:73.13	satindriyassa bhāvanāya chando uppajjati …pe…
ps1.4:73.14	pamādassa pahānāya chando uppajjati …
ps1.4:73.15	pamādapariḷāhassa pahānāya chando uppajjati …pe…
ps1.4:73.16	sabbakilesānaṁ pahānāya chando uppajjati …
ps1.4:73.17	samādhindriyassa bhāvanāya chando uppajjati …pe…
ps1.4:73.18	uddhaccassa pahānāya chando uppajjati uddhaccapariḷāhassa pahānāya chando uppajjati …pe…
ps1.4:73.19	sabbakilesānaṁ pahānāya chando uppajjati …
ps1.4:73.20	paññindriyassa bhāvanāya chando uppajjati …pe…
ps1.4:73.21	avijjāya pahānāya chando uppajjati …
ps1.4:73.22	avijjāpariḷāhassa pahānāya chando uppajjati …
ps1.4:73.23	diṭṭhekaṭṭhānaṁ kilesānaṁ pahānāya chando uppajjati …
ps1.4:73.24	oḷārikānaṁ kilesānaṁ pahānāya chando uppajjati …
ps1.4:73.25	anusahagatānaṁ kilesānaṁ pahānāya chando uppajjati …
ps1.4:73.26	sabbakilesānaṁ pahānāya chando uppajjati—
ps1.4:73.27	chandavasena paññāvasena paññindriyaṁ adhimattaṁ hoti.
ps1.4:73.28	Chandavasena pāmojjaṁ uppajjati—
ps1.4:73.29	pāmojjavasena paññāvasena paññindriyaṁ adhimattaṁ hoti.
ps1.4:73.30	Pāmojjavasena pīti uppajjati—
ps1.4:73.31	pītivasena paññāvasena paññindriyaṁ adhimattaṁ hoti.
ps1.4:73.32	Pītivasena passaddhi uppajjati—
ps1.4:73.33	passaddhivasena paññāvasena paññindriyaṁ adhimattaṁ hoti.
ps1.4:73.34	Passaddhivasena sukhaṁ uppajjati—
ps1.4:73.35	sukhavasena paññāvasena paññindriyaṁ adhimattaṁ hoti.
ps1.4:73.36	Sukhavasena obhāso uppajjati—
ps1.4:73.37	obhāsavasena paññāvasena paññindriyaṁ adhimattaṁ hoti.
ps1.4:73.38	Obhāsavasena saṁvego uppajjati—
ps1.4:73.39	saṁvegavasena paññāvasena paññindriyaṁ adhimattaṁ hoti.
ps1.4:73.40	Saṁvejetvā cittaṁ samādahati—
ps1.4:73.41	samādhivasena paññāvasena paññindriyaṁ adhimattaṁ hoti.
ps1.4:73.42	Tathāsamāhitaṁ cittaṁ sādhukaṁ paggaṇhāti—
ps1.4:73.43	paggahavasena paññāvasena paññindriyaṁ adhimattaṁ hoti.
ps1.4:73.44	Tathāpaggahitaṁ cittaṁ sādhukaṁ ajjhupekkhati—
ps1.4:73.45	upekkhāvasena paññāvasena paññindriyaṁ adhimattaṁ hoti.
ps1.4:73.46	Upekkhāvasena nānattakilesehi cittaṁ vimuccati—
ps1.4:73.47	vimokkhavasena paññāvasena paññindriyaṁ adhimattaṁ hoti.
ps1.4:73.48	Vimuttattā te dhammā ekarasā honti—
ps1.4:73.49	bhāvanāvasena paññāvasena paññindriyaṁ adhimattaṁ hoti.
ps1.4:73.50	Bhāvitattā tato paṇītatare vivaṭṭanti—
ps1.4:73.51	vivaṭṭanāvasena paññāvasena paññindriyaṁ adhimattaṁ hoti.
ps1.4:73.52	Vivaṭṭitattā tato vosajjati—
ps1.4:73.53	vosaggavasena paññāvasena paññindriyaṁ adhimattaṁ hoti.
ps1.4:73.54	Vosajjitattā tato nirujjhanti—
ps1.4:73.55	nirodhavasena paññāvasena paññindriyaṁ adhimattaṁ hoti.
ps1.4:74.1	Nirodhavasena dve vosaggā—
ps1.4:74.2	pariccāgavosaggo ca, pakkhandanavosaggo ca.
ps1.4:74.3	Kilese ca khandhe ca pariccajatīti—
ps1.4:74.4	pariccāgavosaggo.
ps1.4:74.5	Nirodhanibbānadhātuyā cittaṁ pakkhandatīti—
ps1.4:74.6	pakkhandanavosaggo.
ps1.4:74.7	Nirodhavasena ime dve vosaggā.
ps1.4:74.8	Evaṁ adhimattaṭṭhena indriyāni daṭṭhabbāni.
ps1.4:74.9	Dutiyabhāṇavāro.
ps1.4:75.0	1.4.4.4. Adhiṭṭhānaṭṭhaniddesa
ps1.4:75.1	Kathaṁ <b>adhiṭṭhānaṭṭhena indriyāni daṭṭhabbāni?</b>
ps1.4:75.2	Saddhindriyassa bhāvanāya chando uppajjati—
ps1.4:75.3	chandavasena saddhāvasena saddhindriyaṁ adhiṭṭhāti.
ps1.4:75.4	Chandavasena pāmojjaṁ uppajjati—
ps1.4:75.5	pāmojjavasena saddhāvasena saddhindriyaṁ adhiṭṭhāti …pe…
ps1.4:75.6	evaṁ adhiṭṭhānaṭṭhena indriyāni daṭṭhabbāni.
ps1.4:76.0	1.4.4.5. Pariyādānaṭṭhaniddesa
ps1.4:76.1	Kathaṁ <b>pariyādānaṭṭhena indriyāni daṭṭhabbāni?</b>
ps1.4:76.2	Adhimokkhaṭṭhena saddhindriyaṁ assaddhiyaṁ pariyādiyati, assaddhiyapariḷāhaṁ pariyādiyati.
ps1.4:76.3	Paggahaṭṭhena vīriyindriyaṁ kosajjaṁ pariyādiyati, kosajjapariḷāhaṁ pariyādiyati.
ps1.4:76.4	Upaṭṭhānaṭṭhena satindriyaṁ pamādaṁ pariyādiyati, pamādapariḷāhaṁ pariyādiyati.
ps1.4:76.5	Avikkhepaṭṭhena samādhindriyaṁ uddhaccaṁ pariyādiyati, uddhaccapariḷāhaṁ pariyādiyati.
ps1.4:76.6	Dassanaṭṭhena paññindriyaṁ avijjaṁ pariyādiyati, avijjāpariḷāhaṁ pariyādiyati.
ps1.4:76.7	Nekkhamme pañcindriyāni kāmacchandaṁ pariyādiyanti.
ps1.4:76.8	Abyāpāde pañcindriyāni byāpādaṁ pariyādiyanti.
ps1.4:76.9	Ālokasaññāya pañcindriyāni thinamiddhaṁ pariyādiyanti.
ps1.4:76.10	Avikkhepe pañcindriyāni uddhaccaṁ pariyādiyanti …pe…
ps1.4:76.11	arahattamagge pañcindriyāni sabbakilese pariyādiyanti.
ps1.4:76.12	Evaṁ pariyādānaṭṭhena indriyāni daṭṭhabbāni.
ps1.4:77.0	1.4.4.6. Patiṭṭhāpakaṭṭhaniddesa
ps1.4:77.1	Kathaṁ <b>patiṭṭhāpakaṭṭhena indriyāni daṭṭhabbāni?</b>
ps1.4:77.2	Saddho saddhindriyaṁ adhimokkhe patiṭṭhāpeti, saddhassa saddhindriyaṁ adhimokkhe patiṭṭhāpeti.
ps1.4:77.3	Vīriyavā vīriyindriyaṁ paggahe patiṭṭhāpeti, vīriyavato vīriyindriyaṁ paggahe patiṭṭhāpeti.
ps1.4:77.4	Satimā satindriyaṁ upaṭṭhāne patiṭṭhāpeti, satimato satindriyaṁ upaṭṭhāne patiṭṭhāpeti.
ps1.4:77.5	Samāhito samādhindriyaṁ avikkhepe patiṭṭhāpeti, samāhitassa samādhindriyaṁ avikkhepe patiṭṭhāpeti.
ps1.4:77.6	Paññavā paññindriyaṁ dassane patiṭṭhāpeti, paññavato paññindriyaṁ dassane patiṭṭhāpeti.
ps1.4:77.7	Yogāvacaro pañcindriyāni nekkhamme patiṭṭhāpeti, yogāvacarassa pañcindriyāni nekkhamme patiṭṭhāpenti.
ps1.4:77.8	Yogāvacaro pañcindriyāni abyāpāde patiṭṭhāpeti, yogāvacarassa pañcindriyāni abyāpāde patiṭṭhāpenti.
ps1.4:77.9	Yogāvacaro pañcindriyāni ālokasaññāya patiṭṭhāpeti, yogāvacarassa pañcindriyāni ālokasaññāya patiṭṭhāpenti.
ps1.4:77.10	Yogāvacaro pañcindriyāni avikkhepe patiṭṭhāpeti, yogāvacarassa pañcindriyāni avikkhepe patiṭṭhāpenti …pe…
ps1.4:77.11	yogāvacaro pañcindriyāni arahattamagge patiṭṭhāpeti, yogāvacarassa pañcindriyāni arahattamagge patiṭṭhāpenti.
ps1.4:77.12	Evaṁ patiṭṭhāpakaṭṭhena indriyāni daṭṭhabbāni.
ps1.4:77.13	Suttantaniddeso catuttho.
ps1.4:78.0	1.4.5. Indriyasamodhāna
ps1.4:78.1	Puthujjano samādhiṁ bhāvento katihākārehi upaṭṭhānakusalo hoti?
ps1.4:78.2	Sekkho samādhiṁ bhāvento katihākārehi upaṭṭhānakusalo hoti?
ps1.4:78.3	Vītarāgo samādhiṁ bhāvento katihākārehi upaṭṭhānakusalo hoti?
ps1.4:78.4	Puthujjano samādhiṁ bhāvento sattahi ākārehi upaṭṭhānakusalo hoti.
ps1.4:78.5	Sekkho samādhiṁ bhāvento aṭṭhahi ākārehi upaṭṭhānakusalo hoti.
ps1.4:78.6	Vītarāgo samādhiṁ bhāvento dasahi ākārehi upaṭṭhānakusalo hoti.
ps1.4:79.1	Puthujjano samādhiṁ bhāvento katamehi sattahi ākārehi upaṭṭhānakusalo hoti?
ps1.4:79.2	Āvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṁsanūpaṭṭhānakusalo hoti, upekkhūpaṭṭhānakusalo hoti—
ps1.4:79.3	puthujjano samādhiṁ bhāvento imehi sattahi ākārehi upaṭṭhānakusalo hoti.
ps1.4:80.1	Sekkho samādhiṁ bhāvento katamehi aṭṭhahi ākārehi upaṭṭhānakusalo hoti?
ps1.4:80.2	Āvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṁsanūpaṭṭhānakusalo hoti, upekkhūpaṭṭhānakusalo hoti, ekattūpaṭṭhānakusalo hoti—
ps1.4:80.3	sekkho samādhiṁ bhāvento imehi aṭṭhahi ākārehi upaṭṭhānakusalo hoti.
ps1.4:81.1	Vītarāgo samādhiṁ bhāvento katamehi dasahi ākārehi upaṭṭhānakusalo hoti?
ps1.4:81.2	Āvajjitattā ārammaṇūpaṭṭhānakusalo hoti …pe… ekattūpaṭṭhānakusalo hoti, ñāṇūpaṭṭhānakusalo hoti, vimuttūpaṭṭhānakusalo hoti—
ps1.4:81.3	vītarāgo samādhiṁ bhāvento imehi dasahi ākārehi upaṭṭhānakusalo hoti.
ps1.4:82.1	Puthujjano vipassanaṁ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?
ps1.4:82.2	Sekkho vipassanaṁ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?
ps1.4:82.3	Vītarāgo vipassanaṁ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?
ps1.4:83.1	Puthujjano vipassanaṁ bhāvento navahi ākārehi upaṭṭhānakusalo hoti, navahi ākārehi anupaṭṭhānakusalo hoti.
ps1.4:83.2	Sekkho vipassanaṁ bhāvento dasahi ākārehi upaṭṭhānakusalo hoti, dasahi ākārehi anupaṭṭhānakusalo hoti.
ps1.4:83.3	Vītarāgo vipassanaṁ bhāvento dvādasahi ākārehi upaṭṭhānakusalo hoti, dvādasahi ākārehi anupaṭṭhānakusalo hoti.
ps1.4:84.1	Puthujjano vipassanaṁ bhāvento katamehi navahi ākārehi upaṭṭhānakusalo hoti, katamehi navahi ākārehi anupaṭṭhānakusalo hoti?
ps1.4:84.2	Aniccato upaṭṭhānakusalo hoti, niccato anupaṭṭhānakusalo hoti.
ps1.4:84.3	Dukkhato upaṭṭhānakusalo hoti, sukhato anupaṭṭhānakusalo hoti.
ps1.4:84.4	Anattato upaṭṭhānakusalo hoti, attato anupaṭṭhānakusalo hoti.
ps1.4:84.5	Khayato upaṭṭhānakusalo hoti, ghanato anupaṭṭhānakusalo hoti.
ps1.4:84.6	Vayato upaṭṭhānakusalo hoti, āyūhanānupaṭṭhānakusalo hoti.
ps1.4:84.7	Vipariṇāmūpaṭṭhānakusalo hoti, dhuvato anupaṭṭhānakusalo hoti.
ps1.4:84.8	Animittūpaṭṭhānakusalo hoti, nimittānupaṭṭhānakusalo hoti.
ps1.4:84.9	Appaṇihitūpaṭṭhānakusalo hoti, paṇidhianupaṭṭhānakusalo hoti.
ps1.4:84.10	Suññatūpaṭṭhānakusalo hoti, abhinivesānupaṭṭhānakusalo hoti—
ps1.4:84.11	puthujjano vipassanaṁ bhāvento imehi navahi ākārehi upaṭṭhānakusalo hoti, imehi navahi ākārehi anupaṭṭhānakusalo hoti.
ps1.4:85.1	Sekkho vipassanaṁ bhāvento katamehi dasahi ākārehi upaṭṭhānakusalo hoti, katamehi dasahi ākārehi anupaṭṭhānakusalo hoti?
ps1.4:85.2	Aniccato upaṭṭhānakusalo hoti, niccato anupaṭṭhānakusalo hoti …pe… suññatūpaṭṭhānakusalo hoti, abhinivesānupaṭṭhānakusalo hoti.
ps1.4:85.3	Ñāṇūpaṭṭhānakusalo hoti, añāṇānupaṭṭhānakusalo hoti—
ps1.4:85.4	sekkho vipassanaṁ bhāvento imehi dasahi ākārehi upaṭṭhānakusalo hoti, imehi dasahi ākārehi anupaṭṭhānakusalo hoti.
ps1.4:86.1	Vītarāgo vipassanaṁ bhāvento katamehi dvādasahi ākārehi upaṭṭhānakusalo hoti, katamehi dvādasahi ākārehi anupaṭṭhānakusalo hoti?
ps1.4:86.2	Aniccato upaṭṭhānakusalo hoti, niccato anupaṭṭhānakusalo hoti …pe… ñāṇūpaṭṭhānakusalo hoti, añāṇānupaṭṭhānakusalo hoti.
ps1.4:86.3	Visaññogūpaṭṭhānakusalo hoti, saññogānupaṭṭhānakusalo hoti.
ps1.4:86.4	Nirodhūpaṭṭhānakusalo hoti, saṅkhārānupaṭṭhānakusalo hoti—
ps1.4:86.5	vītarāgo vipassanaṁ bhāvento imehi dvādasahi ākārehi upaṭṭhānakusalo hoti, imehi dvādasahi ākārehi anupaṭṭhānakusalo hoti.
ps1.4:87.1	Āvajjitattā ārammaṇūpaṭṭhānakusalavasena indriyāni samodhāneti, gocarañca pajānāti, samatthañca paṭivijjhati …pe…
ps1.4:87.2	dhamme samodhāneti, gocarañca pajānāti, samatthañca paṭivijjhati.
ps1.4:87.3	<b>Indriyāni samodhānetī</b>ti kathaṁ indriyāni samodhāneti?
ps1.4:87.4	Adhimokkhaṭṭhena saddhindriyaṁ samodhāneti …pe… samathanimittūpaṭṭhānakusalavasena, paggahanimittūpaṭṭhānakusalavasena, avikkhepūpaṭṭhānakusalavasena, obhāsūpaṭṭhānakusalavasena, sampahaṁsanūpaṭṭhānakusalavasena, upekkhūpaṭṭhānakusalavasena, ekattūpaṭṭhānakusalavasena, ñāṇūpaṭṭhānakusalavasena, vimuttūpaṭṭhānakusalavasena.
ps1.4:88.1	Aniccato upaṭṭhānakusalavasena, niccato anupaṭṭhānakusalavasena, dukkhato upaṭṭhānakusalavasena, sukhato anupaṭṭhānakusalavasena, anattato upaṭṭhānakusalavasena, attato anupaṭṭhānakusalavasena, khayato upaṭṭhānakusalavasena, ghanato anupaṭṭhānakusalavasena, vayato upaṭṭhānakusalavasena, āyūhanānupaṭṭhānakusalavasena, vipariṇāmūpaṭṭhānakusalavasena, dhuvato anupaṭṭhānakusalavasena, animittūpaṭṭhānakusalavasena, nimittānupaṭṭhānakusalavasena, appaṇihitūpaṭṭhānakusalavasena, paṇidhianupaṭṭhānakusalavasena, suññatūpaṭṭhānakusalavasena, abhinivesānupaṭṭhānakusalavasena, ñāṇūpaṭṭhānakusalavasena, añāṇānupaṭṭhānakusalavasena, visaññogūpaṭṭhānakusalavasena, saññogānupaṭṭhānakusalavasena, nirodhūpaṭṭhānakusalavasena, saṅkhārānupaṭṭhānakusalavasena indriyāni samodhāneti, gocarañca pajānāti, samatthañca paṭivijjhati.
ps1.4:89.1	Catusaṭṭhiyā ākārehi tiṇṇannaṁ indriyānaṁ vasibhāvatā paññā āsavānaṁ khaye ñāṇaṁ.
ps1.4:89.2	Katamesaṁ tiṇṇannaṁ indriyānaṁ?
ps1.4:89.3	Anaññātaññassāmītindriyassa, aññindriyassa, aññātāvindriyassa.
ps1.4:90.1	Anaññātaññassāmītindriyaṁ kati ṭhānāni gacchati?
ps1.4:90.2	Aññindriyaṁ kati ṭhānāni gacchati?
ps1.4:90.3	Aññātāvindriyaṁ kati ṭhānāni gacchati?
ps1.4:90.4	Anaññātaññassāmītindriyaṁ ekaṁ ṭhānaṁ gacchati—
ps1.4:90.5	sotāpattimaggaṁ.
ps1.4:90.6	Aññindriyaṁ cha ṭhānāni gacchati—
ps1.4:90.7	sotāpattiphalaṁ, sakadāgāmimaggaṁ, sakadāgāmiphalaṁ, anāgāmimaggaṁ, anāgāmiphalaṁ, arahattamaggaṁ.
ps1.4:90.8	Aññātāvindriyaṁ ekaṁ ṭhānaṁ gacchati—
ps1.4:90.9	arahattaphalaṁ.
ps1.4:91.1	Sotāpattimaggakkhaṇe anaññātaññassāmītindriyassa saddhindriyaṁ adhimokkhaparivāraṁ hoti, vīriyindriyaṁ paggahaparivāraṁ hoti, satindriyaṁ upaṭṭhānaparivāraṁ hoti, samādhindriyaṁ avikkhepaparivāraṁ hoti, paññindriyaṁ dassanaparivāraṁ hoti, manindriyaṁ vijānanaparivāraṁ hoti, somanassindriyaṁ abhisandanaparivāraṁ hoti, jīvitindriyaṁ pavattasantatādhipateyyaparivāraṁ hoti.
ps1.4:91.2	Sotāpattimaggakkhaṇe jātā dhammā, ṭhapetvā cittasamuṭṭhānaṁ rūpaṁ, sabbeva kusalā honti, sabbeva anāsavā honti, sabbeva niyyānikā honti, sabbeva apacayagāmino honti, sabbeva lokuttarā honti, sabbeva nibbānārammaṇā honti.
ps1.4:91.3	Sotāpattimaggakkhaṇe anaññātaññassāmītindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṁsaṭṭhā honti, sampayuttā honti.
ps1.4:91.4	Teva tassa ākārā ceva honti parivārā ca.
ps1.4:92.1	Sotāpattiphalakkhaṇe …pe…
ps1.4:92.2	arahattaphalakkhaṇe aññātāvindriyassa saddhindriyaṁ adhimokkhaparivāraṁ hoti …pe…
ps1.4:92.3	jīvitindriyaṁ pavattasantatādhipateyyaparivāraṁ hoti.
ps1.4:92.4	Arahattaphalakkhaṇe jātā dhammā sabbeva abyākatā honti, ṭhapetvā cittasamuṭṭhānaṁ rūpaṁ sabbeva anāsavā honti, sabbeva lokuttarā honti, sabbeva nibbānārammaṇā honti.
ps1.4:92.5	Arahattaphalakkhaṇe aññātāvindriyassa imāni aṭṭhindriyāni sahajātaparivārā honti.
ps1.4:92.6	Teva tassa ākārā ceva honti parivārā ca.
ps1.4:92.7	Iti imāni aṭṭha aṭṭhakāni catusaṭṭhi honti.
ps1.4:93.1	<b>Āsavā</b>ti katame te āsavā?
ps1.4:93.2	Kāmāsavo, bhavāsavo, diṭṭhāsavo, avijjāsavo.
ps1.4:93.3	Katthete āsavā khīyanti?
ps1.4:93.4	Sotāpattimaggena anavaseso diṭṭhāsavo khīyati.
ps1.4:93.5	Apāyagamanīyo kāmāsavo khīyati, apāyagamanīyo bhavāsavo khīyati, apāyagamanīyo avijjāsavo khīyati.
ps1.4:93.6	Etthete āsavā khīyanti.
ps1.4:93.7	Sakadāgāmimaggena oḷāriko kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.4:93.8	Etthete āsavā khīyanti.
ps1.4:93.9	Anāgāmimaggena anavaseso kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.
ps1.4:93.10	Etthete āsavā khīyanti.
ps1.4:93.11	Arahattamaggena anavaseso bhavāsavo khīyati, anavaseso avijjāsavo khīyati.
ps1.4:93.12	Etthete āsavā khīyanti.
ps1.4:94.1	Na tassa addiṭṭhamidhatthi kiñci,
ps1.4:94.2	Atho aviññātamajānitabbaṁ;
ps1.4:94.3	Sabbaṁ abhiññāsi yadatthi neyyaṁ,
ps1.4:94.4	Tathāgato tena samantacakkhūti.
ps1.4:95.1	<b>Samantacakkhū</b>ti kenaṭṭhena samantacakkhu?
ps1.4:95.2	Cuddasa buddhañāṇāni—
ps1.4:95.3	dukkhe ñāṇaṁ buddhañāṇaṁ, dukkhasamudaye ñāṇaṁ buddhañāṇaṁ …pe…
ps1.4:95.4	sabbaññutaññāṇaṁ buddhañāṇaṁ, anāvaraṇañāṇaṁ buddhañāṇaṁ.
ps1.4:95.5	Imāni cuddasa buddhañāṇāni.
ps1.4:95.6	Imesaṁ cuddasannaṁ buddhañāṇānaṁ aṭṭha ñāṇāni sāvakasādhāraṇāni, cha ñāṇāni asādhāraṇāni sāvakehi.
ps1.4:96.1	Yāvatā dukkhassa dukkhaṭṭho ñāto, aññāto dukkhaṭṭho natthīti—
ps1.4:96.2	samantacakkhu.
ps1.4:96.3	Yaṁ samantacakkhu taṁ paññindriyaṁ.
ps1.4:96.4	Paññindriyassa vasena adhimokkhaṭṭhena saddhindriyaṁ, paggahaṭṭhena vīriyindriyaṁ, upaṭṭhānaṭṭhena satindriyaṁ, avikkhepaṭṭhena samādhindriyaṁ.
ps1.4:96.5	Yāvatā dukkhassa dukkhaṭṭho diṭṭho vidito sacchikato phassito paññāya;
ps1.4:96.6	aphassito paññāya dukkhaṭṭho natthīti—
ps1.4:96.7	samantacakkhu.
ps1.4:96.8	Yaṁ samantacakkhu taṁ paññindriyaṁ.
ps1.4:96.9	Paññindriyassa vasena adhimokkhaṭṭhena saddhindriyaṁ, paggahaṭṭhena vīriyindriyaṁ, upaṭṭhānaṭṭhena satindriyaṁ, avikkhepaṭṭhena samādhindriyaṁ.
ps1.4:96.10	Yāvatā samudayassa samudayaṭṭho …pe…
ps1.4:96.11	yāvatā nirodhassa nirodhaṭṭho …
ps1.4:96.12	yāvatā maggassa maggaṭṭho …
ps1.4:96.13	yāvatā atthapaṭisambhidāya atthapaṭisambhidaṭṭho …
ps1.4:96.14	yāvatā dhammapaṭisambhidāya dhammapaṭisambhidaṭṭho …
ps1.4:96.15	yāvatā niruttipaṭisambhidāya niruttipaṭisambhidaṭṭho …
ps1.4:96.16	yāvatā paṭibhānapaṭisambhidāya paṭibhānapaṭisambhidaṭṭho …
ps1.4:96.17	yāvatā indriyaparopariyattañāṇaṁ …
ps1.4:96.18	yāvatā sattānaṁ āsayānusaye ñāṇaṁ …
ps1.4:96.19	yāvatā yamakapāṭihīre ñāṇaṁ …
ps1.4:96.20	yāvatā mahākaruṇāsamāpattiyā ñāṇaṁ …
ps1.4:96.21	yāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, taṁ ñātaṁ diṭṭhaṁ viditaṁ sacchikataṁ phassitaṁ paññāya.
ps1.4:96.22	Aphassitaṁ paññāya natthīti—
ps1.4:96.23	samantacakkhu.
ps1.4:96.24	Yaṁ samantacakkhu taṁ paññindriyaṁ.
ps1.4:96.25	Paññindriyassa vasena adhimokkhaṭṭhena saddhindriyaṁ, paggahaṭṭhena vīriyindriyaṁ, upaṭṭhānaṭṭhena satindriyaṁ, avikkhepaṭṭhena samādhindriyaṁ.
ps1.4:97.1	Saddahanto paggaṇhāti, paggaṇhanto saddahati.
ps1.4:97.2	Saddahanto upaṭṭhāpeti, upaṭṭhāpento saddahati.
ps1.4:97.3	Saddahanto samādahati, samādahanto saddahati.
ps1.4:97.4	Saddahanto pajānāti, pajānanto saddahati.
ps1.4:97.5	Paggaṇhanto upaṭṭhāpeti, upaṭṭhāpento paggaṇhāti.
ps1.4:97.6	Paggaṇhanto samādahati, samādahanto paggaṇhāti.
ps1.4:97.7	Paggaṇhanto pajānāti, pajānanto paggaṇhāti.
ps1.4:97.8	Paggaṇhanto saddahati, saddahanto paggaṇhāti.
ps1.4:97.9	Upaṭṭhāpento samādahati, samādahanto upaṭṭhāpeti.
ps1.4:97.10	Upaṭṭhāpento pajānāti, pajānanto upaṭṭhāpeti.
ps1.4:97.11	Upaṭṭhāpento saddahati, saddahanto upaṭṭhāpeti.
ps1.4:97.12	Upaṭṭhāpento paggaṇhāti, paggaṇhanto upaṭṭhāpeti.
ps1.4:97.13	Samādahanto pajānāti, pajānanto samādahati.
ps1.4:97.14	Samādahanto saddahati, saddahanto samādahati.
ps1.4:97.15	Samādahanto paggaṇhāti, paggaṇhanto samādahati.
ps1.4:97.16	Samādahanto upaṭṭhāpeti, upaṭṭhāpento samādahati.
ps1.4:97.17	Pajānanto saddahati, saddahanto pajānāti.
ps1.4:97.18	Pajānanto paggaṇhāti, paggaṇhanto pajānāti.
ps1.4:97.19	Pajānanto upaṭṭhāpeti, upaṭṭhāpento pajānāti.
ps1.4:97.20	Pajānanto samādahati, samādahanto pajānāti.
ps1.4:98.1	Saddahitattā paggahitaṁ, paggahitattā saddahitaṁ.
ps1.4:98.2	Saddahitattā upaṭṭhāpitaṁ, upaṭṭhāpitattā saddahitaṁ.
ps1.4:98.3	Saddahitattā samādahitaṁ, samādahitattā saddahitaṁ.
ps1.4:98.4	Saddahitattā pajānitaṁ, pajānitattā saddahitaṁ.
ps1.4:98.5	Paggahitattā upaṭṭhāpitaṁ, upaṭṭhāpitattā paggahitaṁ.
ps1.4:98.6	Paggahitattā samādahitaṁ, samādahitattā paggahitaṁ.
ps1.4:98.7	Paggahitattā pajānitaṁ pajānitattā paggahitaṁ.
ps1.4:98.8	Paggahitattā saddahitaṁ, saddahitattā paggahitaṁ.
ps1.4:98.9	Upaṭṭhāpitattā samādahitaṁ, samādahitattā upaṭṭhāpitaṁ.
ps1.4:98.10	Upaṭṭhāpitattā pajānitaṁ, pajānitattā upaṭṭhāpitaṁ.
ps1.4:98.11	Upaṭṭhāpitattā saddahitaṁ, saddahitattā upaṭṭhāpitaṁ.
ps1.4:98.12	Upaṭṭhāpitattā paggahitaṁ, paggahitattā upaṭṭhāpitaṁ.
ps1.4:98.13	Samādahitattā pajānitaṁ, pajānitattā samādahitaṁ.
ps1.4:98.14	Samādahitattā saddahitaṁ, saddahitattā samādahitaṁ.
ps1.4:98.15	Samādahitattā paggahitaṁ, paggahitattā samādahitaṁ.
ps1.4:98.16	Samādahitattā upaṭṭhāpitaṁ, upaṭṭhāpitattā samādahitaṁ.
ps1.4:98.17	Pajānitattā saddahitaṁ, saddahitattā pajānitaṁ.
ps1.4:98.18	Pajānitattā paggahitaṁ, paggahitattā pajānitaṁ.
ps1.4:98.19	Pajānitattā upaṭṭhāpitaṁ, upaṭṭhāpitattā pajānitaṁ.
ps1.4:98.20	Pajānitattā samādahitaṁ, samādahitattā pajānitaṁ.
ps1.4:99.1	Yaṁ buddhacakkhu taṁ buddhañāṇaṁ, yaṁ buddhañāṇaṁ taṁ buddhacakkhu, yena cakkhunā tathāgato satte passati apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino, appekacce naparalokavajjabhayadassāvino.
ps1.4:100.1	<b>Apparajakkhe mahārajakkhe</b>ti saddho puggalo apparajakkho, assaddho puggalo mahārajakkho.
ps1.4:100.2	Āraddhavīriyo puggalo apparajakkho, kusīto puggalo mahārajakkho.
ps1.4:100.3	Upaṭṭhitassati puggalo apparajakkho, muṭṭhassati puggalo mahārajakkho.
ps1.4:100.4	Samāhito puggalo apparajakkho, asamāhito puggalo mahārajakkho.
ps1.4:100.5	Paññavā puggalo apparajakkho, duppañño puggalo mahārajakkho.
ps1.4:101.1	<b>Tikkhindriye mudindriye</b>ti saddho puggalo tikkhindriyo, assaddho puggalo mudindriyo …pe…
ps1.4:101.2	paññavā puggalo tikkhindriyo, duppañño puggalo mudindriyo.
ps1.4:101.3	<b>Svākāre dvākāre</b>ti saddho puggalo svākāro, assaddho puggalo dvākāro …pe…
ps1.4:101.4	paññavā puggalo svākāro, duppañño puggalo dvākāro.
ps1.4:101.5	<b>Suviññāpaye duviññāpaye</b>ti saddho puggalo suviññāpayo, assaddho puggalo duviññāpayo …pe…
ps1.4:101.6	paññavā puggalo suviññāpayo, duppañño puggalo duviññāpayo.
ps1.4:102.1	<b>Appekacce paralokavajjabhayadassāvino, appekacce naparalokavajjabhayadassāvino</b>ti saddho puggalo paralokavajjabhayadassāvī, assaddho puggalo naparalokavajjabhayadassāvī.
ps1.4:102.2	Āraddhavīriyo puggalo paralokavajjabhayadassāvī, kusīto puggalo naparalokavajjabhayadassāvī …pe…
ps1.4:102.3	paññavā puggalo paralokavajjabhayadassāvī, duppañño puggalo naparalokavajjabhayadassāvī.
ps1.4:103.1	<b>Loko</b>ti khandhaloko dhātuloko āyatanaloko vipattibhavaloko vipattisambhavaloko sampattibhavaloko sampattisambhavaloko.
ps1.4:104.1	Eko loko—
ps1.4:104.2	sabbe sattā āhāraṭṭhitikā.
ps1.4:104.3	Dve lokā—
ps1.4:104.4	nāmañca rūpañca.
ps1.4:104.5	Tayo lokā—
ps1.4:104.6	tisso vedanā.
ps1.4:104.7	Cattāro lokā—
ps1.4:104.8	cattāro āhārā.
ps1.4:104.9	Pañca lokā—
ps1.4:104.10	pañcupādānakkhandhā.
ps1.4:104.11	Cha lokā—
ps1.4:104.12	cha ajjhattikāni āyatanāni.
ps1.4:104.13	Satta lokā—
ps1.4:104.14	satta viññāṇaṭṭhitiyo.
ps1.4:104.15	Aṭṭha lokā—
ps1.4:104.16	aṭṭha lokadhammā.
ps1.4:104.17	Nava lokā—
ps1.4:104.18	nava sattāvāsā.
ps1.4:104.19	Dasa lokā—
ps1.4:104.20	dasāyatanāni.
ps1.4:104.21	Dvādasa lokā—
ps1.4:104.22	dvādasāyatanāni.
ps1.4:104.23	Aṭṭhārasa lokā—
ps1.4:104.24	aṭṭhārasa dhātuyo.
ps1.4:105.1	<b>Vajjan</b>ti sabbe kilesā vajjā, sabbe duccaritā vajjā, sabbe abhisaṅkhārā vajjā, sabbe bhavagāmikammā vajjā.
ps1.4:105.2	Iti imasmiñca loke imasmiñca vajje tibbā bhayasaññā paccupaṭṭhitā honti, seyyathāpi ukkhittāsike vadhake.
ps1.4:105.3	Imehi paññāsāya ākārehi imāni pañcindriyāni jānāti passati aññāti paṭivijjhatīti.
ps1.4:105.4	Tatiyabhāṇavāro.
ps1.4:105.5	Indriyakathā niṭṭhitā.
ps1.5:0.1	Paṭisambhidāmagga
ps1.5:0.2	1 Mahāvagga
ps1.5:0.3	1.5. Vimokkhakathā
ps1.5:1.0	1.5.1. Uddesa
ps1.5:1.1	Purimanidānaṁ.
ps1.5:1.2	“Tayome, bhikkhave, vimokkhā.
ps1.5:1.3	Katame tayo?
ps1.5:1.4	Suññato vimokkho, animitto vimokkho, appaṇihito vimokkho—
ps1.5:1.5	ime kho, bhikkhave, tayo vimokkhā.
ps1.5:2.1	Api ca aṭṭhasaṭṭhi vimokkhā—
ps1.5:2.2	suññato vimokkho, animitto vimokkho, appaṇihito vimokkho;
ps1.5:2.3	ajjhattavuṭṭhāno vimokkho, bahiddhāvuṭṭhāno vimokkho, dubhato vuṭṭhāno vimokkho;
ps1.5:2.4	ajjhattavuṭṭhānā cattāro vimokkhā, bahiddhāvuṭṭhānā cattāro vimokkhā, dubhato vuṭṭhānā cattāro vimokkhā;
ps1.5:2.5	ajjhattavuṭṭhānānaṁ anulomā cattāro vimokkhā, bahiddhāvuṭṭhānānaṁ anulomā cattāro vimokkhā, dubhato vuṭṭhānānaṁ anulomā cattāro vimokkhā;
ps1.5:2.6	ajjhattavuṭṭhānapaṭippassaddhī cattāro vimokkhā, bahiddhāvuṭṭhānapaṭippassaddhī cattāro vimokkhā, dubhato vuṭṭhānapaṭippassaddhī cattāro vimokkhā;
ps1.5:2.7	rūpī rūpāni passatīti vimokkho, ajjhattaṁ arūpasaññī bahiddhā rūpāni passatīti vimokkho, subhaṁ teva adhimutto hotīti vimokkho;
ps1.5:2.8	ākāsānañcāyatanasamāpatti vimokkho, viññāṇañcāyatanasamāpatti vimokkho, ākiñcaññāyatanasamāpatti vimokkho;
ps1.5:2.9	nevasaññānāsaññāyatanasamāpatti vimokkho, saññāvedayitanirodhasamāpatti vimokkho;
ps1.5:2.10	samayavimokkho, asamayavimokkho;
ps1.5:2.11	sāmayiko vimokkho, asāmayiko vimokkho;
ps1.5:2.12	kuppo vimokkho, akuppo vimokkho;
ps1.5:2.13	lokiko vimokkho, lokuttaro vimokkho;
ps1.5:2.14	sāsavo vimokkho, anāsavo vimokkho;
ps1.5:2.15	sāmiso vimokkho, nirāmiso vimokkho;
ps1.5:2.16	nirāmisānirāmisataro vimokkho, paṇihito vimokkho, appaṇihito vimokkho, paṇihitappaṭippassaddhi vimokkho;
ps1.5:2.17	saññutto vimokkho, visaññutto vimokkho;
ps1.5:2.18	ekattavimokkho, nānattavimokkho, saññāvimokkho, ñāṇavimokkho;
ps1.5:2.19	sītisiyāvimokkho, jhānavimokkho, anupādācittassa vimokkho”. [75]
ps1.5:3.0	1.5.2. Niddesa
ps1.5:3.1	Katamo <b>suññato vimokkho?</b>
ps1.5:3.2	Idha bhikkhu araññagato vā rukkhamūlagato vā suññāgāragato vā iti paṭisañcikkhati—
ps1.5:3.3	“suññamidaṁ attena vā attaniyena vā”ti.
ps1.5:3.4	So tattha abhinivesaṁ na karotīti—
ps1.5:3.5	suññato vimokkho.
ps1.5:3.6	Ayaṁ suññato vimokkho.
ps1.5:4.1	Katamo <b>animitto vimokkho?</b>
ps1.5:4.2	Idha bhikkhu araññagato vā rukkhamūlagato vā suññāgāragato vā iti paṭisañcikkhati—
ps1.5:4.3	“suññamidaṁ attena vā attaniyena vā”ti.
ps1.5:4.4	So tattha nimittaṁ na karotīti—
ps1.5:4.5	animitto vimokkho.
ps1.5:4.6	Ayaṁ animitto vimokkho.
ps1.5:5.1	Katamo <b>appaṇihito vimokkho?</b>
ps1.5:5.2	Idha bhikkhu araññagato vā rukkhamūlagato vā suññāgāragato vā iti paṭisañcikkhati—
ps1.5:5.3	“suññamidaṁ attena vā attaniyena vā”ti.
ps1.5:5.4	So tattha paṇidhiṁ na karotīti—
ps1.5:5.5	appaṇihito vimokkho.
ps1.5:5.6	Ayaṁ appaṇihito vimokkho.
ps1.5:6.1	Katamo <b>ajjhattavuṭṭhāno vimokkho?</b>
ps1.5:6.2	Cattāri jhānāni—
ps1.5:6.3	ayaṁ ajjhattavuṭṭhāno vimokkho.
ps1.5:6.4	Katamo bahiddhāvuṭṭhāno vimokkho?
ps1.5:6.5	Catasso arūpasamāpattiyo—
ps1.5:6.6	ayaṁ bahiddhāvuṭṭhāno vimokkho.
ps1.5:6.7	Katamo dubhato vuṭṭhāno vimokkho?
ps1.5:6.8	Cattāro ariyamaggā—
ps1.5:6.9	ayaṁ dubhato vuṭṭhāno vimokkho.
ps1.5:7.1	Katame <b>ajjhattavuṭṭhānā cattāro vimokkhā?</b>
ps1.5:7.2	Paṭhamaṁ jhānaṁ nīvaraṇehi vuṭṭhāti.
ps1.5:7.3	Dutiyaṁ jhānaṁ vitakkavicārehi vuṭṭhāti.
ps1.5:7.4	Tatiyaṁ jhānaṁ pītiyā vuṭṭhāti.
ps1.5:7.5	Catutthaṁ jhānaṁ sukhadukkhehi vuṭṭhāti.
ps1.5:7.6	Ime ajjhattavuṭṭhānā cattāro vimokkhā.
ps1.5:8.1	Katame <b>bahiddhāvuṭṭhānā cattāro vimokkhā?</b>
ps1.5:8.2	Ākāsānañcāyatanasamāpatti rūpasaññāya paṭighasaññāya nānattasaññāya vuṭṭhāti.
ps1.5:8.3	Viññāṇañcāyatanasamāpatti ākāsānañcāyatanasaññāya vuṭṭhāti.
ps1.5:8.4	Ākiñcaññāyatanasamāpatti viññāṇañcāyatanasaññāya vuṭṭhāti.
ps1.5:8.5	Nevasaññānāsaññāyatanasamāpatti ākiñcaññāyatanasaññāya vuṭṭhāti.
ps1.5:8.6	Ime bahiddhāvuṭṭhānā cattāro vimokkhā.
ps1.5:9.1	Katame <b>dubhato vuṭṭhānā cattāro vimokkhā?</b>
ps1.5:9.2	Sotāpattimaggo sakkāyadiṭṭhivicikicchāsīlabbataparāmāsā diṭṭhānusayā vicikicchānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.5:9.3	Sakadāgāmimaggo oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.5:9.4	Anāgāmimaggo anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.5:9.5	Arahattamaggo rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.
ps1.5:9.6	Ime dubhato vuṭṭhānā cattāro vimokkhā.
ps1.5:10.1	Katame <b>ajjhattavuṭṭhānānaṁ anulomā cattāro vimokkhā?</b>
ps1.5:10.2	Paṭhamaṁ jhānaṁ paṭilābhatthāya vitakko ca vicāro ca pīti ca sukhañca cittekaggatā ca, dutiyaṁ jhānaṁ paṭilābhatthāya …pe…
ps1.5:10.3	tatiyaṁ jhānaṁ paṭilābhatthāya …pe…
ps1.5:10.4	catutthaṁ jhānaṁ paṭilābhatthāya vitakko ca vicāro ca pīti ca sukhañca cittekaggatā ca—
ps1.5:10.5	ime ajjhattavuṭṭhānānaṁ anulomā cattāro vimokkhā.
ps1.5:11.1	Katame <b>bahiddhāvuṭṭhānānaṁ anulomā cattāro vimokkhā?</b>
ps1.5:11.2	Ākāsānañcāyatanasamāpattiṁ paṭilābhatthāya vitakko ca vicāro ca pīti ca sukhañca cittekaggatā ca, viññāṇañcāyatanasamāpattiṁ …pe…
ps1.5:11.3	ākiñcaññāyatanasamāpattiṁ …pe…
ps1.5:11.4	nevasaññānāsaññāyatanasamāpattiṁ paṭilābhatthāya vitakko ca vicāro ca pīti ca sukhañca cittekaggatā ca—
ps1.5:11.5	ime bahiddhāvuṭṭhānānaṁ anulomā cattāro vimokkhā.
ps1.5:12.1	Katame <b>dubhato vuṭṭhānānaṁ anulomā cattāro vimokkhā?</b>
ps1.5:12.2	Sotāpattimaggaṁ paṭilābhatthāya <b>aniccānupassanā, dukkhānupassanā, anattānupassanā</b>.
ps1.5:12.3	Sakadāgāmimaggaṁ paṭilābhatthāya …pe…
ps1.5:12.4	anāgāmimaggaṁ paṭilābhatthāya …pe…
ps1.5:12.5	arahattamaggaṁ paṭilābhatthāya <b>aniccānupassanā, dukkhānupassanā, anattānupassanā</b>—
ps1.5:12.6	ime dubhato vuṭṭhānānaṁ anulomā cattāro vimokkhā.
ps1.5:13.1	Katame <b>ajjhattavuṭṭhānapaṭippassaddhī cattāro vimokkhā?</b>
ps1.5:13.2	Paṭhamassa jhānassa paṭilābho vā vipāko vā, dutiyassa jhānassa …pe…
ps1.5:13.3	tatiyassa jhānassa …pe…
ps1.5:13.4	catutthassa jhānassa paṭilābho vā vipāko vā—
ps1.5:13.5	ime ajjhattavuṭṭhānapaṭippassaddhī cattāro vimokkhā.
ps1.5:14.1	Katame <b>bahiddhāvuṭṭhānapaṭippassaddhī cattāro vimokkhā?</b>
ps1.5:14.2	Ākāsānañcāyatanasamāpattiyā paṭilābho vā vipāko vā, viññāṇañcāyatanasamāpattiyā …pe…
ps1.5:14.3	ākiñcaññāyatanasamāpattiyā …pe…
ps1.5:14.4	nevasaññānāsaññāyatanasamāpattiyā paṭilābho vā vipāko vā—
ps1.5:14.5	ime bahiddhāvuṭṭhānapaṭippassaddhī cattāro vimokkhā.
ps1.5:15.1	Katame <b>dubhato vuṭṭhānapaṭippassaddhī cattāro vimokkhā?</b>
ps1.5:15.2	Sotāpattimaggassa sotāpattiphalaṁ, sakadāgāmimaggassa sakadāgāmiphalaṁ, anāgāmimaggassa anāgāmiphalaṁ, arahattamaggassa arahattaphalaṁ—
ps1.5:15.3	ime dubhato vuṭṭhānapaṭippassaddhī cattāro vimokkhā.
ps1.5:16.1	Kathaṁ <b>rūpī rūpāni passatīti—vimokkho?</b>
ps1.5:16.2	Idhekacco ajjhattaṁ paccattaṁ nīlanimittaṁ manasikaroti, nīlasaññaṁ paṭilabhati.
ps1.5:16.3	So taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.
ps1.5:16.4	So taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā bahiddhā nīlanimitte cittaṁ upasaṁharati, nīlasaññaṁ paṭilabhati.
ps1.5:16.5	So taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.
ps1.5:16.6	So taṁ nimittaṁ suggahitaṁ katvā upadhāretvā svāvatthitaṁ avatthāpetvā āsevati bhāveti bahulīkaroti.
ps1.5:16.7	Tassa evaṁ hoti—
ps1.5:16.8	“ajjhattañca bahiddhā ca ubhayamidaṁ rūpan”ti, rūpasaññī hoti.
ps1.5:16.9	Idhekacco ajjhattaṁ paccattaṁ pītanimittaṁ …pe…
ps1.5:16.10	lohitanimittaṁ …pe…
ps1.5:16.11	odātanimittaṁ manasikaroti, odātasaññaṁ paṭilabhati.
ps1.5:16.12	So taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.
ps1.5:16.13	So taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā bahiddhā odātanimitte cittaṁ upasaṁharati, odātasaññaṁ paṭilabhati.
ps1.5:16.14	So taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.
ps1.5:16.15	So taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā āsevati bhāveti bahulīkaroti.
ps1.5:16.16	Tassa evaṁ hoti—
ps1.5:16.17	“ajjhattañca bahiddhā ca ubhayamidaṁ rūpan”ti, rūpasaññī hoti.
ps1.5:16.18	Evaṁ rūpī rūpāni passatīti—
ps1.5:16.19	vimokkho.
ps1.5:17.1	Kathaṁ <b>ajjhattaṁ arūpasaññī bahiddhā rūpāni passatīti—vimokkho?</b>
ps1.5:17.2	Idhekacco ajjhattaṁ paccattaṁ nīlanimittaṁ na manasikaroti, nīlasaññaṁ na paṭilabhati;
ps1.5:17.3	bahiddhā nīlanimitte cittaṁ upasaṁharati, nīlasaññaṁ paṭilabhati.
ps1.5:17.4	So taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.
ps1.5:17.5	So taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā āsevati bhāveti bahulīkaroti.
ps1.5:17.6	Tassa evaṁ hoti—
ps1.5:17.7	“ajjhattaṁ arūpaṁ, bahiddhā rūpamidan”ti, rūpasaññī hoti.
ps1.5:17.8	Idhekacco ajjhattaṁ paccattaṁ pītanimittaṁ …pe…
ps1.5:17.9	lohitanimittaṁ …pe…
ps1.5:17.10	odātanimittaṁ na manasikaroti, odātasaññaṁ na paṭilabhati;
ps1.5:17.11	bahiddhā odātanimitte cittaṁ upasaṁharati, odātasaññaṁ paṭilabhati.
ps1.5:17.12	So taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.
ps1.5:17.13	So taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā āsevati bhāveti bahulīkaroti.
ps1.5:17.14	Tassa evaṁ hoti—
ps1.5:17.15	“ajjhattaṁ arūpaṁ bahiddhā rūpamidan”ti, rūpasaññī hoti.
ps1.5:17.16	Evaṁ ajjhattaṁ arūpasaññī bahiddhā rūpāni passatīti—
ps1.5:17.17	vimokkho.
ps1.5:18.1	Kathaṁ <b>subhanteva adhimutto hotīti—vimokkho?</b>
ps1.5:18.2	Idha bhikkhu mettāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.
ps1.5:18.3	Mettāya bhāvitattā sattā appaṭikūlā honti.
ps1.5:18.4	Karuṇāsahagatena cetasā …pe…
ps1.5:18.5	karuṇāya bhāvitattā sattā appaṭikūlā honti.
ps1.5:18.6	Muditāsahagatena cetasā …pe…
ps1.5:18.7	muditāya bhāvitattā sattā appaṭikūlā honti.
ps1.5:18.8	Upekkhāsahagatena cetasā ekaṁ disaṁ pharitvā viharati …pe…
ps1.5:18.9	upekkhāya bhāvitattā sattā appaṭikūlā honti.
ps1.5:18.10	Evaṁ “subhaṁ” teva adhimutto hotīti—
ps1.5:18.11	vimokkho.
ps1.5:19.1	Katamo <b>ākāsānañcāyatanasamāpatti vimokkho?</b>
ps1.5:19.2	Idha bhikkhu sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā “ananto ākāso”ti ākāsānañcāyatanaṁ upasampajja viharati—
ps1.5:19.3	ayaṁ ākāsānañcāyatanasamāpatti vimokkho.
ps1.5:20.1	Katamo <b>viññāṇañcāyatanasamāpatti vimokkho?</b>
ps1.5:20.2	Idha bhikkhu sabbaso ākāsānañcāyatanaṁ samatikkamma “anantaṁ viññāṇan”ti viññāṇañcāyatanaṁ upasampajja viharati—
ps1.5:20.3	ayaṁ viññāṇañcāyatanasamāpatti vimokkho.
ps1.5:21.1	Katamo <b>ākiñcaññāyatanasamāpatti vimokkho?</b>
ps1.5:21.2	Idha bhikkhu sabbaso viññāṇañcāyatanaṁ samatikkamma “natthi kiñcī”ti ākiñcaññāyatanaṁ upasampajja viharati—
ps1.5:21.3	ayaṁ ākiñcaññāyatanasamāpatti vimokkho.
ps1.5:22.1	Katamo <b>nevasaññānāsaññāyatanasamāpatti vimokkho?</b>
ps1.5:22.2	Idha bhikkhu sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati—
ps1.5:22.3	ayaṁ nevasaññānāsaññāyatanasamāpatti vimokkho.
ps1.5:23.1	Katamo <b>saññāvedayitanirodhasamāpatti vimokkho?</b>
ps1.5:23.2	Idha bhikkhu sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati—
ps1.5:23.3	ayaṁ saññāvedayitanirodhasamāpatti vimokkho.
ps1.5:24.1	Katamo <b>samayavimokkho?</b>
ps1.5:24.2	Cattāri ca jhānāni catasso ca arūpasamāpattiyo—
ps1.5:24.3	ayaṁ samayavimokkho.
ps1.5:25.1	Katamo <b>asamayavimokkho?</b>
ps1.5:25.2	Cattāro ca ariyamaggā, cattāri ca sāmaññaphalāni, nibbānañca—
ps1.5:25.3	ayaṁ asamayavimokkho.
ps1.5:26.1	Katamo <b>sāmayiko vimokkho?</b>
ps1.5:26.2	Cattāri ca jhānāni, catasso ca arūpasamāpattiyo—
ps1.5:26.3	ayaṁ sāmayiko vimokkho.
ps1.5:27.1	Katamo <b>asāmayiko vimokkho?</b>
ps1.5:27.2	Cattāro ca ariyamaggā, cattāri ca sāmaññaphalāni, nibbānañca—
ps1.5:27.3	ayaṁ asāmayiko vimokkho.
ps1.5:28.1	Katamo <b>kuppo vimokkho?</b>
ps1.5:28.2	Cattāri ca jhānāni, catasso ca arūpasamāpattiyo—
ps1.5:28.3	ayaṁ kuppo vimokkho.
ps1.5:29.1	Katamo <b>akuppo vimokkho?</b>
ps1.5:29.2	Cattāro ca ariyamaggā, cattāri ca sāmaññaphalāni, nibbānañca—
ps1.5:29.3	ayaṁ akuppo vimokkho.
ps1.5:30.1	Katamo <b>lokiko vimokkho?</b>
ps1.5:30.2	Cattāri ca jhānāni, catasso ca arūpasamāpattiyo—
ps1.5:30.3	ayaṁ lokiko vimokkho.
ps1.5:31.1	Katamo <b>lokuttaro vimokkho?</b>
ps1.5:31.2	Cattāro ca ariyamaggā, cattāri ca sāmaññaphalāni, nibbānañca—
ps1.5:31.3	ayaṁ lokuttaro vimokkho.
ps1.5:32.1	Katamo <b>sāsavo vimokkho?</b>
ps1.5:32.2	Cattāri ca jhānāni, catasso ca arūpasamāpattiyo—
ps1.5:32.3	ayaṁ sāsavo vimokkho.
ps1.5:33.1	Katamo <b>anāsavo vimokkho?</b>
ps1.5:33.2	Cattāro ca ariyamaggā, cattāri ca sāmaññaphalāni, nibbānañca—
ps1.5:33.3	ayaṁ anāsavo vimokkho.
ps1.5:34.1	Katamo <b>sāmiso vimokkho?</b>
ps1.5:34.2	Rūpappaṭisaññutto vimokkho—
ps1.5:34.3	ayaṁ sāmiso vimokkho.
ps1.5:35.1	Katamo <b>nirāmiso vimokkho?</b>
ps1.5:35.2	Arūpappaṭisaññutto vimokkho—
ps1.5:35.3	ayaṁ nirāmiso vimokkho.
ps1.5:36.1	Katamo <b>nirāmisā nirāmisataro vimokkho?</b>
ps1.5:36.2	Cattāro ca ariyamaggā, cattāri ca sāmaññaphalāni, nibbānañca—
ps1.5:36.3	ayaṁ nirāmisānirāmisataro vimokkho.
ps1.5:37.1	Katamo <b>paṇihito vimokkho?</b>
ps1.5:37.2	Cattāri ca jhānāni, catasso ca arūpasamāpattiyo—
ps1.5:37.3	ayaṁ paṇihito vimokkho.
ps1.5:37.4	Katamo appaṇihito vimokkho?
ps1.5:37.5	Cattāro ca ariyamaggā, cattāri ca sāmaññaphalāni, nibbānañca—
ps1.5:37.6	ayaṁ appaṇihito vimokkho.
ps1.5:38.1	Katamo <b>paṇihitappaṭippassaddhi vimokkho?</b>
ps1.5:38.2	Paṭhamassa jhānassa paṭilābho vā vipāko vā …pe…
ps1.5:38.3	nevasaññānāsaññāyatanasamāpattiyā paṭilābho vā vipāko vā—
ps1.5:38.4	ayaṁ paṇihitappaṭippassaddhi vimokkho.
ps1.5:39.1	Katamo <b>saññutto vimokkho?</b>
ps1.5:39.2	Cattāri ca jhānāni, catasso ca arūpasamāpattiyo—
ps1.5:39.3	ayaṁ saññutto vimokkho.
ps1.5:40.1	Katamo <b>visaññutto vimokkho?</b>
ps1.5:40.2	Cattāro ca ariyamaggā, cattāri ca sāmaññaphalāni, nibbānañca—
ps1.5:40.3	ayaṁ visaññutto vimokkho.
ps1.5:41.1	Katamo <b>ekattavimokkho?</b>
ps1.5:41.2	Cattāro ca ariyamaggā, cattāri ca sāmaññaphalāni, nibbānañca—
ps1.5:41.3	ayaṁ ekattavimokkho.
ps1.5:42.1	Katamo <b>nānattavimokkho?</b>
ps1.5:42.2	Cattāri ca jhānāni, catasso ca arūpasamāpattiyo—
ps1.5:42.3	ayaṁ nānattavimokkho.
ps1.5:43.1	Katamo <b>saññāvimokkho?</b>
ps1.5:43.2	Siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti, vatthuvasena pariyāyena.
ps1.5:44.1	<b>Siyā</b>ti kathañca siyā?
ps1.5:44.2	Aniccānupassanañāṇaṁ niccato saññāya muccatīti—
ps1.5:44.3	saññāvimokkho.
ps1.5:44.4	Dukkhānupassanañāṇaṁ sukhato saññāya muccatīti—
ps1.5:44.5	saññāvimokkho.
ps1.5:44.6	Anattānupassanañāṇaṁ attato saññāya muccatīti—
ps1.5:44.7	saññāvimokkho.
ps1.5:44.8	Nibbidānupassanañāṇaṁ nandiyā saññāya muccatīti—
ps1.5:44.9	saññāvimokkho.
ps1.5:44.10	Virāgānupassanañāṇaṁ rāgato saññāya muccatīti—
ps1.5:44.11	saññāvimokkho.
ps1.5:44.12	Nirodhānupassanañāṇaṁ samudayato saññāya muccatīti—
ps1.5:44.13	saññāvimokkho.
ps1.5:44.14	Paṭinissaggānupassanañāṇaṁ ādānato saññāya muccatīti—
ps1.5:44.15	saññāvimokkho.
ps1.5:44.16	Animittānupassanañāṇaṁ nimittato saññāya muccatīti—
ps1.5:44.17	saññāvimokkho.
ps1.5:44.18	Appaṇihitānupassanañāṇaṁ paṇidhiyā saññāya muccatīti—
ps1.5:44.19	saññāvimokkho.
ps1.5:44.20	Suññatānupassanañāṇaṁ abhinivesato saññāya muccatīti—
ps1.5:44.21	saññāvimokkho.
ps1.5:44.22	Evaṁ siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena.
ps1.5:45.1	Rūpe aniccānupassanañāṇaṁ niccato saññāya muccatīti—
ps1.5:45.2	saññāvimokkho …pe…
ps1.5:45.3	rūpe suññatānupassanañāṇaṁ abhinivesato saññāya muccatīti—
ps1.5:45.4	saññāvimokkho.
ps1.5:45.5	Evaṁ siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena.
ps1.5:46.1	Vedanāya …pe…
ps1.5:46.2	saññāya …
ps1.5:46.3	saṅkhāresu …
ps1.5:46.4	viññāṇe …
ps1.5:46.5	cakkhusmiṁ …pe…
ps1.5:46.6	jarāmaraṇe aniccānupassanañāṇaṁ niccato saññāya muccatīti—
ps1.5:46.7	saññāvimokkho …pe…
ps1.5:46.8	jarāmaraṇe suññatānupassanañāṇaṁ abhinivesato saññāya muccatīti—
ps1.5:46.9	saññāvimokkho.
ps1.5:46.10	Evaṁ siyā, eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena—
ps1.5:46.11	ayaṁ saññāvimokkho.
ps1.5:47.1	Katamo <b>ñāṇavimokkho?</b>
ps1.5:47.2	Siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena <b>siyā</b>ti.
ps1.5:47.3	Kathañca siyā?
ps1.5:47.4	Aniccānupassanā yathābhūtaṁ ñāṇaṁ niccato sammohā aññāṇā muccatīti—
ps1.5:47.5	ñāṇavimokkho.
ps1.5:47.6	Dukkhānupassanā yathābhūtaṁ ñāṇaṁ sukhato sammohā aññāṇā muccatīti—
ps1.5:47.7	ñāṇavimokkho.
ps1.5:47.8	Anattānupassanā yathābhūtaṁ ñāṇaṁ attato sammohā aññāṇā muccatīti—
ps1.5:47.9	ñāṇavimokkho.
ps1.5:47.10	Nibbidānupassanā yathābhūtaṁ ñāṇaṁ nandiyā sammohā aññāṇā muccatīti—
ps1.5:47.11	ñāṇavimokkho.
ps1.5:47.12	Virāgānupassanā yathābhūtaṁ ñāṇaṁ rāgato sammohā aññāṇā muccatīti—
ps1.5:47.13	ñāṇavimokkho.
ps1.5:47.14	Nirodhānupassanā yathābhūtaṁ ñāṇaṁ samudayato sammohā aññāṇā muccatīti—
ps1.5:47.15	ñāṇavimokkho.
ps1.5:47.16	Paṭinissaggānupassanā yathābhūtaṁ ñāṇaṁ ādānato sammohā aññāṇā muccatīti—
ps1.5:47.17	ñāṇavimokkho.
ps1.5:47.18	Animittānupassanā yathābhūtaṁ ñāṇaṁ nimittato sammohā aññāṇā muccatīti—
ps1.5:47.19	ñāṇavimokkho.
ps1.5:47.20	Appaṇihitānupassanā yathābhūtaṁ ñāṇaṁ paṇidhiyā sammohā aññāṇā muccatīti—
ps1.5:47.21	ñāṇavimokkho.
ps1.5:47.22	Suññatānupassanā yathābhūtaṁ ñāṇaṁ abhinivesato sammohā aññāṇā muccatīti—
ps1.5:47.23	ñāṇavimokkho.
ps1.5:47.24	Evaṁ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena.
ps1.5:48.1	Rūpe aniccānupassanā yathābhūtaṁ ñāṇaṁ niccato sammohā aññāṇā muccatīti—
ps1.5:48.2	ñāṇavimokkho …pe…
ps1.5:48.3	rūpe suññatānupassanā yathābhūtaṁ ñāṇaṁ abhinivesato sammohā aññāṇā muccatīti—
ps1.5:48.4	ñāṇavimokkho.
ps1.5:48.5	Evaṁ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena.
ps1.5:49.1	Vedanāya …pe…
ps1.5:49.2	saññāya …
ps1.5:49.3	saṅkhāresu …
ps1.5:49.4	viññāṇe …
ps1.5:49.5	cakkhusmiṁ …pe…
ps1.5:49.6	jarāmaraṇe aniccānupassanā yathābhūtaṁ ñāṇaṁ niccato sammohā aññāṇā muccatīti—
ps1.5:49.7	ñāṇavimokkho …pe…
ps1.5:49.8	jarāmaraṇe suññatānupassanā yathābhūtaṁ ñāṇaṁ abhinivesato sammohā aññāṇā muccatīti—
ps1.5:49.9	ñāṇavimokkho.
ps1.5:49.10	Evaṁ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena—
ps1.5:49.11	ayaṁ ñāṇavimokkho.
ps1.5:50.1	Katamo <b>sītisiyāvimokkho?</b>
ps1.5:50.2	Siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena <b>siyā</b>ti.
ps1.5:50.3	Kathañca siyā?
ps1.5:50.4	Aniccānupassanā anuttaraṁ sītibhāvañāṇaṁ niccato santāpapariḷāhadarathā muccatīti—
ps1.5:50.5	sītisiyāvimokkho.
ps1.5:50.6	Dukkhānupassanā anuttaraṁ sītibhāvañāṇaṁ sukhato santāpapariḷāhadarathā muccatīti—
ps1.5:50.7	sītisiyāvimokkho.
ps1.5:50.8	Anattānupassanā anuttaraṁ sītibhāvañāṇaṁ attato santāpapariḷāhadarathā muccatīti—
ps1.5:50.9	sītisiyāvimokkho.
ps1.5:50.10	Nibbidānupassanā anuttaraṁ sītibhāvañāṇaṁ nandiyā santāpapariḷāhadarathā muccatīti—
ps1.5:50.11	sītisiyāvimokkho.
ps1.5:50.12	Virāgānupassanā anuttaraṁ sītibhāvañāṇaṁ rāgato santāpapariḷāhadarathā muccatīti—
ps1.5:50.13	sītisiyāvimokkho.
ps1.5:50.14	Nirodhānupassanā anuttaraṁ sītibhāvañāṇaṁ samudayato santāpapariḷāhadarathā muccatīti—
ps1.5:50.15	sītisiyāvimokkho.
ps1.5:50.16	Paṭinissaggānupassanā anuttaraṁ sītibhāvañāṇaṁ ādānato santāpapariḷāhadarathā muccatīti—
ps1.5:50.17	sītisiyāvimokkho.
ps1.5:50.18	Animittānupassanā anuttaraṁ sītibhāvañāṇaṁ nimittato santāpapariḷāhadarathā muccatīti—
ps1.5:50.19	sītisiyāvimokkho.
ps1.5:50.20	Appaṇihitānupassanā anuttaraṁ sītibhāvañāṇaṁ paṇidhiyā santāpapariḷāhadarathā muccatīti—
ps1.5:50.21	sītisiyāvimokkho.
ps1.5:50.22	Suññatānupassanā anuttaraṁ sītibhāvañāṇaṁ abhinivesato santāpapariḷāhadarathā muccatīti—
ps1.5:50.23	sītisiyāvimokkho.
ps1.5:50.24	Evaṁ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena.
ps1.5:51.1	Rūpe aniccānupassanā anuttaraṁ sītibhāvañāṇaṁ niccato santāpapariḷāhadarathā muccatīti—
ps1.5:51.2	sītisiyāvimokkho …pe…
ps1.5:51.3	rūpe suññatānupassanā anuttaraṁ sītibhāvañāṇaṁ abhinivesato santāpapariḷāhadarathā muccatīti—
ps1.5:51.4	sītisiyāvimokkho.
ps1.5:51.5	Evaṁ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena.
ps1.5:52.1	Vedanāya …pe…
ps1.5:52.2	saññāya …
ps1.5:52.3	saṅkhāresu …
ps1.5:52.4	viññāṇe …
ps1.5:52.5	cakkhusmiṁ …pe…
ps1.5:52.6	jarāmaraṇe aniccānupassanā anuttaraṁ sītibhāvañāṇaṁ niccato santāpapariḷāhadarathā muccatīti—
ps1.5:52.7	sītisiyāvimokkho …pe…
ps1.5:52.8	jarāmaraṇe suññatānupassanā anuttaraṁ sītibhāvañāṇaṁ abhinivesato santāpapariḷāhadarathā muccatīti—
ps1.5:52.9	sītisiyāvimokkho.
ps1.5:52.10	Evaṁ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena—
ps1.5:52.11	ayaṁ sītisiyāvimokkho.
ps1.5:53.1	Katamo <b>jhānavimokkho?</b>
ps1.5:53.2	Nekkhammaṁ jhāyatīti jhānaṁ.
ps1.5:53.3	Kāmacchandaṁ jhāpetīti—jhānaṁ.
ps1.5:53.4	Jhāyanto muccatīti—jhānavimokkho.
ps1.5:53.5	Jhāpento muccatīti—jhānavimokkho.
ps1.5:53.6	Jhāyantīti— dhammā.
ps1.5:53.7	Jhāpetīti—kilese.
ps1.5:53.8	Jhāte ca jhāpe ca jānātīti—jhānavimokkho.
ps1.5:53.9	Abyāpādo jhāyatīti—jhānaṁ.
ps1.5:53.10	Byāpādaṁ jhāpetīti—jhānaṁ.
ps1.5:53.11	Jhāyanto muccatīti— jhānavimokkho.
ps1.5:53.12	Jhāpento muccatīti—jhānavimokkho.
ps1.5:53.13	Jhāyantīti—dhammā.
ps1.5:53.14	Jhāpetīti—kilese.
ps1.5:53.15	Jhāte ca jhāpe ca jānātīti—jhānavimokkho.
ps1.5:53.16	Ālokasaññā jhāyatīti—jhānaṁ.
ps1.5:53.17	Thinamiddhaṁ jhāpetīti—jhānaṁ …pe…
ps1.5:53.18	avikkhepo jhāyatīti— jhānaṁ.
ps1.5:53.19	Uddhaccaṁ jhāpetīti—jhānaṁ.
ps1.5:53.20	Dhammavavatthānaṁ jhāyatīti—jhānaṁ.
ps1.5:53.21	Vicikicchaṁ jhāpetīti—jhānaṁ.
ps1.5:53.22	Ñāṇaṁ jhāyatīti—jhānaṁ.
ps1.5:53.23	Avijjaṁ jhāpetīti— jhānaṁ.
ps1.5:53.24	Pāmojjaṁ jhāyatīti—jhānaṁ.
ps1.5:53.25	Aratiṁ jhāpetīti—jhānaṁ.
ps1.5:53.26	Paṭhamaṁ jhānaṁ jhāyatīti—jhānaṁ.
ps1.5:53.27	Nīvaraṇe jhāpetīti—jhānaṁ …pe…
ps1.5:53.28	arahattamaggo jhāyatīti— jhānaṁ.
ps1.5:53.29	Sabbakilese jhāpetīti—jhānaṁ.
ps1.5:53.30	Jhāyanto muccatīti—jhānavimokkho.
ps1.5:53.31	Jhāpento muccatīti—jhānavimokkho.
ps1.5:53.32	Jhāyantīti—dhammā.
ps1.5:53.33	Jhāpetīti—kilese.
ps1.5:53.34	Jhāte ca jhāpe ca jānātīti—jhānavimokkho—ayaṁ jhānavimokkho.
ps1.5:54.1	Katamo <b>anupādā cittassa vimokkho?</b>
ps1.5:54.2	Siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena <b>siyā</b>ti.
ps1.5:54.3	Kathañca siyā?
ps1.5:54.4	Aniccānupassanañāṇaṁ niccato upādānā muccatīti—
ps1.5:54.5	anupādācittassa vimokkho.
ps1.5:54.6	Dukkhānupassanañāṇaṁ sukhato upādānā muccatīti—
ps1.5:54.7	anupādācittassa vimokkho.
ps1.5:54.8	Anattānupassanañāṇaṁ attato upādānā muccatīti—
ps1.5:54.9	anupādācittassa vimokkho.
ps1.5:54.10	Nibbidānupassanañāṇaṁ nandiyā upādānā muccatīti—
ps1.5:54.11	anupādācittassa vimokkho.
ps1.5:54.12	Virāgānupassanañāṇaṁ rāgato upādānā muccatīti—
ps1.5:54.13	anupādācittassa vimokkho.
ps1.5:54.14	Nirodhānupassanañāṇaṁ samudayato upādānā muccatīti—
ps1.5:54.15	anupādācittassa vimokkho.
ps1.5:54.16	Paṭinissaggānupassanañāṇaṁ ādānato upādānā muccatīti—
ps1.5:54.17	anupādācittassa vimokkho.
ps1.5:54.18	Animittānupassanañāṇaṁ nimittato upādānā muccatīti—
ps1.5:54.19	anupādācittassa vimokkho.
ps1.5:54.20	Appaṇihitānupassanañāṇaṁ paṇidhiyā upādānā muccatīti—
ps1.5:54.21	anupādācittassa vimokkho.
ps1.5:54.22	Suññatānupassanañāṇaṁ abhinivesato upādānā muccatīti—
ps1.5:54.23	anupādācittassa vimokkho.
ps1.5:54.24	Evaṁ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena.
ps1.5:55.1	Rūpe aniccānupassanañāṇaṁ niccato upādānā muccatīti—
ps1.5:55.2	anupādācittassa vimokkho …pe…
ps1.5:55.3	rūpe suññatānupassanañāṇaṁ abhinivesato upādānā muccatīti—
ps1.5:55.4	anupādācittassa vimokkho.
ps1.5:55.5	Evaṁ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena.
ps1.5:56.1	Vedanāya …pe…
ps1.5:56.2	saññāya …
ps1.5:56.3	saṅkhāresu …
ps1.5:56.4	viññāṇe …
ps1.5:56.5	cakkhusmiṁ …pe…
ps1.5:56.6	jarāmaraṇe aniccānupassanañāṇaṁ niccato upādānā muccatīti—
ps1.5:56.7	anupādācittassa vimokkho …pe…
ps1.5:56.8	jarāmaraṇe suññatānupassanañāṇaṁ abhinivesato upādānā muccatīti—
ps1.5:56.9	anupādācittassa vimokkho.
ps1.5:56.10	Evaṁ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena.
ps1.5:57.1	Aniccānupassanañāṇaṁ katihupādānehi muccati?
ps1.5:57.2	Dukkhānupassanañāṇaṁ katihupādānehi muccati?
ps1.5:57.3	Anattānupassanañāṇaṁ katihupādānehi muccati?
ps1.5:57.4	Nibbidānupassanañāṇaṁ …pe…
ps1.5:57.5	virāgānupassanañāṇaṁ …
ps1.5:57.6	nirodhānupassanañāṇaṁ …
ps1.5:57.7	paṭinissaggānupassanañāṇaṁ …
ps1.5:57.8	animittānupassanañāṇaṁ …
ps1.5:57.9	appaṇihitānupassanañāṇaṁ …
ps1.5:57.10	suññatānupassanañāṇaṁ katihupādānehi muccatīti?
ps1.5:58.1	Aniccānupassanañāṇaṁ tīhupādānehi muccati.
ps1.5:58.2	Dukkhānupassanañāṇaṁ ekupādānā muccati.
ps1.5:58.3	Anattānupassanañāṇaṁ tīhupādānehi muccati.
ps1.5:58.4	Nibbidānupassanañāṇaṁ ekupādānā muccati.
ps1.5:58.5	Virāgānupassanañāṇaṁ ekupādānā muccati.
ps1.5:58.6	Nirodhānupassanañāṇaṁ catūhupādānehi muccati.
ps1.5:58.7	Paṭinissaggānupassanañāṇaṁ catūhupādānehi muccati.
ps1.5:58.8	Animittānupassanañāṇaṁ tīhupādānehi muccati.
ps1.5:58.9	Appaṇihitānupassanañāṇaṁ ekupādānā muccati.
ps1.5:58.10	Suññatānupassanañāṇaṁ tīhupādānehi muccati.
ps1.5:59.1	Aniccānupassanañāṇaṁ katamehi tīhupādānehi muccati?
ps1.5:59.2	Diṭṭhupādānā, sīlabbatupādānā, attavādupādānā—
ps1.5:59.3	aniccānupassanañāṇaṁ imehi tīhupādānehi muccati.
ps1.5:59.4	Dukkhānupassanañāṇaṁ katamā ekupādānā muccati?
ps1.5:59.5	Kāmupādānā—
ps1.5:59.6	dukkhānupassanañāṇaṁ idaṁ ekupādānā muccati.
ps1.5:59.7	Anattānupassanañāṇaṁ katamehi tīhupādānehi muccati?
ps1.5:59.8	Diṭṭhupādānā, sīlabbatupādānā, attavādupādānā—
ps1.5:59.9	anattānupassanañāṇaṁ imehi tīhupādānehi muccati.
ps1.5:59.10	Nibbidānupassanañāṇaṁ katamā ekupādānā muccati?
ps1.5:59.11	Kāmupādānā—
ps1.5:59.12	nibbidānupassanañāṇaṁ idaṁ ekupādānā muccati.
ps1.5:59.13	Virāgānupassanañāṇaṁ katamā ekupādānā muccati?
ps1.5:59.14	Kāmupādānā—
ps1.5:59.15	virāgānupassanañāṇaṁ idaṁ ekupādānā muccati.
ps1.5:59.16	Nirodhānupassanañāṇaṁ katamehi catūhupādānehi muccati?
ps1.5:59.17	Kāmupādānā, diṭṭhupādānā, sīlabbatupādānā, attavādupādānā—
ps1.5:59.18	nirodhānupassanañāṇaṁ imehi catūhupādānehi muccati.
ps1.5:59.19	Paṭinissaggānupassanañāṇaṁ katamehi catūhupādānehi muccati?
ps1.5:59.20	Kāmupādānā, diṭṭhupādānā, sīlabbatupādānā, attavādupādānā—
ps1.5:59.21	paṭinissaggānupassanañāṇaṁ imehi catūhupādānehi muccati.
ps1.5:59.22	Animittānupassanañāṇaṁ katamehi tīhupādānehi muccati?
ps1.5:59.23	Diṭṭhupādānā, sīlabbatupādānā, attavādupādānā—
ps1.5:59.24	animittānupassanañāṇaṁ imehi tīhupādānehi muccati.
ps1.5:59.25	Appaṇihitānupassanañāṇaṁ katamā ekupādānā muccati?
ps1.5:59.26	Kāmupādānā—
ps1.5:59.27	appaṇihitānupassanañāṇaṁ idaṁ ekupādānā muccati.
ps1.5:59.28	Suññatānupassanañāṇaṁ katamehi tīhupādānehi muccati?
ps1.5:59.29	Diṭṭhupādānā, sīlabbatupādānā, attavādupādānā—
ps1.5:59.30	suññatānupassanañāṇaṁ imehi tīhupādānehi muccati.
ps1.5:60.1	Yañca aniccānupassanañāṇaṁ, yañca anattānupassanañāṇaṁ, yañca animittānupassanañāṇaṁ, yañca suññatānupassanañāṇaṁ—
ps1.5:60.2	imāni cattāri ñāṇāni tīhupādānehi muccanti—
ps1.5:60.3	diṭṭhupādānā, sīlabbatupādānā, attavādupādānā.
ps1.5:60.4	Yañca dukkhānupassanañāṇaṁ, yaṁ ca nibbidānupassanañāṇaṁ, yañca virāgānupassanañāṇaṁ, yañca appaṇihitānupassanañāṇaṁ—
ps1.5:60.5	imāni cattāri ñāṇāni ekupādānā muccanti—
ps1.5:60.6	kāmupādānā.
ps1.5:60.7	Yañca nirodhānupassanañāṇaṁ, yañca paṭinissaggānupassanañāṇaṁ—
ps1.5:60.8	imāni dve ñāṇāni catūhupādānehi muccanti—
ps1.5:60.9	kāmupādānā, diṭṭhupādānā, sīlabbatupādānā, attavādupādānā—
ps1.5:60.10	ayaṁ anupādācittassa vimokkho.
ps1.5:60.11	Vimokkhakathāya paṭhamabhāṇavāro.
ps1.5:61.1	Tīṇi kho panimāni vimokkhamukhāni lokaniyyānāya saṁvattanti.
ps1.5:61.2	Sabbasaṅkhāre paricchedaparivaṭumato samanupassanatāya animittāya ca dhātuyā cittasampakkhandanatāya, sabbasaṅkhāresu manosamuttejanatāya appaṇihitāya ca dhātuyā cittasampakkhandanatāya, sabbadhamme parato samanupassanatāya suññatāya ca dhātuyā cittasampakkhandanatāya—
ps1.5:61.3	imāni tīṇi vimokkhamukhāni lokaniyyānāya saṁvattanti.
ps1.5:62.1	Aniccato manasikaroto kathaṁ saṅkhārā upaṭṭhanti?
ps1.5:62.2	Dukkhato manasikaroto kathaṁ saṅkhārā upaṭṭhanti?
ps1.5:62.3	Anattato manasikaroto kathaṁ saṅkhārā upaṭṭhanti?
ps1.5:62.4	Aniccato manasikaroto khayato saṅkhārā upaṭṭhanti, dukkhato manasikaroto bhayato saṅkhārā upaṭṭhanti, anattato manasikaroto suññato saṅkhārā upaṭṭhanti.
ps1.5:63.1	Aniccato manasikaroto kiṁ bahulaṁ cittaṁ hoti?
ps1.5:63.2	Dukkhato manasikaroto kiṁ bahulaṁ cittaṁ hoti?
ps1.5:63.3	Anattato manasikaroto kiṁ bahulaṁ cittaṁ hoti?
ps1.5:63.4	Aniccato manasikaroto adhimokkhabahulaṁ cittaṁ hoti.
ps1.5:63.5	Dukkhato manasikaroto passaddhibahulaṁ cittaṁ hoti.
ps1.5:63.6	Anattato manasikaroto vedabahulaṁ cittaṁ hoti.
ps1.5:64.1	Aniccato manasikaronto adhimokkhabahulo katamindriyaṁ paṭilabhati?
ps1.5:64.2	Dukkhato manasikaronto passaddhibahulo katamindriyaṁ paṭilabhati?
ps1.5:64.3	Anattato manasikaronto vedabahulo katamindriyaṁ paṭilabhati?
ps1.5:64.4	Aniccato manasikaronto adhimokkhabahulo saddhindriyaṁ paṭilabhati.
ps1.5:64.5	Dukkhato manasikaronto passaddhibahulo samādhindriyaṁ paṭilabhati.
ps1.5:64.6	Anattato manasikaronto vedabahulo paññindriyaṁ paṭilabhati.
ps1.5:65.1	Aniccato manasikaroto adhimokkhabahulassa katamindriyaṁ ādhipateyyaṁ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
ps1.5:65.2	Dukkhato manasikaroto passaddhibahulassa katamindriyaṁ ādhipateyyaṁ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
ps1.5:65.3	Anattato manasikaroto vedabahulassa katamindriyaṁ ādhipateyyaṁ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
ps1.5:65.4	Aniccato manasikaroto adhimokkhabahulassa saddhindriyaṁ ādhipateyyaṁ hoti.
ps1.5:65.5	Bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:65.6	Ekarasaṭṭhena bhāvanā.
ps1.5:65.7	Yo sammāpaṭipanno so bhāveti;
ps1.5:65.8	natthi micchāpaṭipannassa indriyabhāvanā.
ps1.5:65.9	Dukkhato manasikaroto passaddhibahulassa samādhindriyaṁ ādhipateyyaṁ hoti.
ps1.5:65.10	Bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:65.11	Ekarasaṭṭhena bhāvanā.
ps1.5:65.12	Yo sammāpaṭipanno so bhāveti;
ps1.5:65.13	natthi micchāpaṭipannassa indriyabhāvanā.
ps1.5:65.14	Anattato manasikaroto vedabahulassa paññindriyaṁ ādhipateyyaṁ hoti.
ps1.5:65.15	Bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:65.16	Ekarasaṭṭhena bhāvanā.
ps1.5:65.17	Yo sammāpaṭipanno so bhāveti;
ps1.5:65.18	natthi micchāpaṭipannassa indriyabhāvanā.
ps1.5:66.1	Aniccato manasikaroto adhimokkhabahulassa katamindriyaṁ ādhipateyyaṁ hoti?
ps1.5:66.2	Bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?
ps1.5:66.3	Paṭivedhakāle katamindriyaṁ ādhipateyyaṁ hoti?
ps1.5:66.4	Paṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?
ps1.5:66.5	Kenaṭṭhena bhāvanā?
ps1.5:66.6	Kenaṭṭhena paṭivedho?
ps1.5:66.7	Dukkhato manasikaroto passaddhibahulassa katamindriyaṁ ādhipateyyaṁ hoti?
ps1.5:66.8	Bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?
ps1.5:66.9	Paṭivedhakāle katamindriyaṁ ādhipateyyaṁ hoti?
ps1.5:66.10	Paṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?
ps1.5:66.11	Kenaṭṭhena bhāvanā?
ps1.5:66.12	Kenaṭṭhena paṭivedho?
ps1.5:66.13	Anattato manasikaroto vedabahulassa katamindriyaṁ ādhipateyyaṁ hoti?
ps1.5:66.14	Bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?
ps1.5:66.15	Paṭivedhakāle katamindriyaṁ ādhipateyyaṁ hoti?
ps1.5:66.16	Paṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?
ps1.5:66.17	Kenaṭṭhena bhāvanā?
ps1.5:66.18	Kenaṭṭhena paṭivedho?
ps1.5:67.1	Aniccato manasikaroto adhimokkhabahulassa saddhindriyaṁ ādhipateyyaṁ hoti.
ps1.5:67.2	Bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:67.3	Paṭivedhakāle paññindriyaṁ ādhipateyyaṁ hoti.
ps1.5:67.4	Paṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:67.5	Ekarasaṭṭhena bhāvanā.
ps1.5:67.6	Dassanaṭṭhena paṭivedho.
ps1.5:67.7	Evaṁ paṭivijjhantopi bhāveti, bhāventopi paṭivijjhati.
ps1.5:67.8	Dukkhato manasikaroto passaddhibahulassa samādhindriyaṁ ādhipateyyaṁ hoti.
ps1.5:67.9	Bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:67.10	Paṭivedhakāle paññindriyaṁ ādhipateyyaṁ hoti.
ps1.5:67.11	Paṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:67.12	Ekarasaṭṭhena bhāvanā.
ps1.5:67.13	Dassanaṭṭhena paṭivedho.
ps1.5:67.14	Evaṁ paṭivijjhantopi bhāveti, bhāventopi paṭivijjhati.
ps1.5:67.15	Anattato manasikaroto vedabahulassa paññindriyaṁ ādhipateyyaṁ hoti.
ps1.5:67.16	Bhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:67.17	Paṭivedhakālepi paññindriyaṁ ādhipateyyaṁ hoti.
ps1.5:67.18	Paṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:67.19	Ekarasaṭṭhena bhāvanā.
ps1.5:67.20	Dassanaṭṭhena paṭivedho.
ps1.5:67.21	Evaṁ paṭivijjhantopi bhāveti, bhāventopi paṭivijjhati.
ps1.5:68.1	Aniccato manasikaroto katamindriyaṁ adhimattaṁ hoti?
ps1.5:68.2	Katamindriyassa adhimattattā saddhāvimutto hoti?
ps1.5:68.3	Dukkhato manasikaroto katamindriyaṁ adhimattaṁ hoti?
ps1.5:68.4	Katamindriyassa adhimattattā kāyasakkhī hoti?
ps1.5:68.5	Anattato manasikaroto katamindriyaṁ adhimattaṁ hoti?
ps1.5:68.6	Katamindriyassa adhimattattā diṭṭhippatto hoti?
ps1.5:69.1	Aniccato manasikaroto saddhindriyaṁ adhimattaṁ hoti.
ps1.5:69.2	Saddhindriyassa adhimattattā saddhāvimutto hoti.
ps1.5:69.3	Dukkhato manasikaroto samādhindriyaṁ adhimattaṁ hoti.
ps1.5:69.4	Samādhindriyassa adhimattattā kāyasakkhī hoti.
ps1.5:69.5	Anattato manasikaroto paññindriyaṁ adhimattaṁ hoti.
ps1.5:69.6	Paññindriyassa adhimattattā diṭṭhippatto hoti.
ps1.5:70.1	Saddahanto vimuttoti—
ps1.5:70.2	saddhāvimutto.
ps1.5:70.3	Phuṭṭhattā sacchikatoti—
ps1.5:70.4	kāyasakkhī.
ps1.5:70.5	Diṭṭhattā pattoti—
ps1.5:70.6	diṭṭhippatto.
ps1.5:70.7	Saddahanto vimuccatīti—
ps1.5:70.8	saddhāvimutto.
ps1.5:70.9	Jhānaphassaṁ paṭhamaṁ phusati, pacchā nirodhaṁ nibbānaṁ sacchikarotīti—
ps1.5:70.10	kāyasakkhī.
ps1.5:70.11	“Dukkhā saṅkhārā, sukho nirodho”ti ñātaṁ hoti diṭṭhaṁ viditaṁ sacchikataṁ phassitaṁ paññāyāti—
ps1.5:70.12	diṭṭhippatto.
ps1.5:70.13	Yo cāyaṁ puggalo saddhāvimutto, yo ca kāyasakkhī, yo ca diṭṭhippatto, siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena <b>siyā</b>ti.
ps1.5:70.14	Kathañca siyā?
ps1.5:70.15	Aniccato manasikaroto saddhindriyaṁ adhimattaṁ hoti.
ps1.5:70.16	Saddhindriyassa adhimattattā saddhāvimutto hoti.
ps1.5:70.17	Dukkhato manasikaroto saddhindriyaṁ adhimattaṁ hoti.
ps1.5:70.18	Saddhindriyassa adhimattattā saddhāvimutto hoti.
ps1.5:70.19	Anattato manasikaroto saddhindriyaṁ adhimattaṁ hoti.
ps1.5:70.20	Saddhindriyassa adhimattattā saddhāvimutto hoti.
ps1.5:70.21	Evaṁ ime tayo puggalā saddhindriyassa vasena saddhāvimuttā.
ps1.5:71.1	Dukkhato manasikaroto samādhindriyaṁ adhimattaṁ hoti.
ps1.5:71.2	Samādhindriyassa adhimattattā kāyasakkhī hoti.
ps1.5:71.3	Anattato manasikaroto samādhindriyaṁ adhimattaṁ hoti.
ps1.5:71.4	Samādhindriyassa adhimattattā kāyasakkhī hoti.
ps1.5:71.5	Aniccato manasikaroto samādhindriyaṁ adhimattaṁ hoti.
ps1.5:71.6	Samādhindriyassa adhimattattā kāyasakkhī hoti.
ps1.5:71.7	Evaṁ ime tayo puggalā samādhindriyassa vasena kāyasakkhī.
ps1.5:72.1	Anattato manasikaroto paññindriyaṁ adhimattaṁ hoti.
ps1.5:72.2	Paññindriyassa adhimattattā diṭṭhippatto hoti.
ps1.5:72.3	Aniccato manasikaroto paññindriyaṁ adhimattaṁ hoti.
ps1.5:72.4	Paññindriyassa adhimattattā diṭṭhippatto hoti.
ps1.5:72.5	Dukkhato manasikaroto paññindriyaṁ adhimattaṁ hoti.
ps1.5:72.6	Paññindriyassa adhimattattā diṭṭhippatto hoti.
ps1.5:72.7	Evaṁ ime tayo puggalā paññindriyassa vasena diṭṭhippattā.
ps1.5:73.1	Yo cāyaṁ puggalo saddhāvimutto, yo ca kāyasakkhī, yo ca diṭṭhippatto, evaṁ siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena.
ps1.5:73.2	Yo cāyaṁ puggalo saddhāvimutto, yo ca kāyasakkhī, yo ca diṭṭhippatto, siyā ime tayo puggalā …pe…
ps1.5:73.3	aññoyeva saddhāvimutto, añño kāyasakkhī, añño diṭṭhippatto.
ps1.5:74.1	<b>Siyā</b>ti.
ps1.5:74.2	Kathañca siyā?
ps1.5:74.3	Aniccato manasikaroto saddhindriyaṁ adhimattaṁ hoti.
ps1.5:74.4	Saddhindriyassa adhimattattā saddhāvimutto hoti.
ps1.5:74.5	Dukkhato manasikaroto samādhindriyaṁ adhimattaṁ hoti.
ps1.5:74.6	Samādhindriyassa adhimattattā kāyasakkhī hoti.
ps1.5:74.7	Anattato manasikaroto paññindriyaṁ adhimattaṁ hoti.
ps1.5:74.8	Paññindriyassa adhimattattā diṭṭhippatto hoti.
ps1.5:74.9	Yo cāyaṁ puggalo saddhāvimutto, yo ca kāyasakkhī, yo ca diṭṭhippatto, evaṁ siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena.
ps1.5:74.10	Aññoyeva saddhāvimutto, añño kāyasakkhī, añño diṭṭhippatto.
ps1.5:75.1	Aniccato manasikaroto saddhindriyaṁ adhimattaṁ hoti, saddhindriyassa adhimattattā sotāpattimaggaṁ paṭilabhati;
ps1.5:75.2	tena vuccati—
ps1.5:75.3	“saddhānusārī”.
ps1.5:75.4	Cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:75.5	Saddhindriyassa vasena catunnaṁ indriyānaṁ bhāvanā hoti.
ps1.5:75.6	Ye hi keci saddhindriyassa vasena sotāpattimaggaṁ paṭilabhanti, sabbe te saddhānusārino.
ps1.5:76.1	Aniccato manasikaroto saddhindriyaṁ adhimattaṁ hoti, saddhindriyassa adhimattattā sotāpattiphalaṁ sacchikataṁ hoti;
ps1.5:76.2	tena vuccati—
ps1.5:76.3	“saddhāvimutto”.
ps1.5:76.4	Cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:76.5	Saddhindriyassa vasena cattārindriyāni bhāvitāni honti subhāvitāni.
ps1.5:76.6	Yehi keci saddhindriyassa vasena sotāpattiphalaṁ sacchikatā, sabbe te saddhāvimuttā.
ps1.5:77.1	Aniccato manasikaroto saddhindriyaṁ adhimattaṁ hoti, saddhindriyassa adhimattattā sakadāgāmimaggaṁ paṭilabhati …pe…
ps1.5:77.2	sakadāgāmiphalaṁ sacchikataṁ hoti …pe…
ps1.5:77.3	anāgāmimaggaṁ paṭilabhati …
ps1.5:77.4	anāgāmiphalaṁ sacchikataṁ hoti …pe…
ps1.5:77.5	arahattamaggaṁ paṭilabhati …
ps1.5:77.6	arahattaṁ sacchikataṁ hoti;
ps1.5:77.7	tena vuccati—
ps1.5:77.8	“saddhāvimutto”.
ps1.5:77.9	Cattārindriyāni tadanvayā honti …pe…
ps1.5:77.10	sampayuttapaccayā honti.
ps1.5:77.11	Saddhindriyassa vasena cattārindriyāni bhāvitāni honti subhāvitāni.
ps1.5:77.12	Yehi keci saddhindriyassa vasena arahattaṁ sacchikatā, sabbe te saddhāvimuttā.
ps1.5:78.1	Dukkhato manasikaroto samādhindriyaṁ adhimattaṁ hoti, samādhindriyassa adhimattattā sotāpattimaggaṁ paṭilabhati;
ps1.5:78.2	tena vuccati—
ps1.5:78.3	“kāyasakkhī”.
ps1.5:78.4	Cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:78.5	Samādhindriyassa vasena catunnaṁ indriyānaṁ bhāvanā hoti.
ps1.5:78.6	Ye hi keci samādhindriyassa vasena sotāpattimaggaṁ paṭilabhanti, sabbe te kāyasakkhī.
ps1.5:79.1	Dukkhato manasikaroto samādhindriyaṁ adhimattaṁ hoti, samādhindriyassa adhimattattā sotāpattiphalaṁ sacchikataṁ hoti …pe…
ps1.5:79.2	sakadāgāmimaggaṁ paṭilabhati …pe…
ps1.5:79.3	sakadāgāmiphalaṁ sacchikataṁ hoti …pe…
ps1.5:79.4	anāgāmimaggaṁ paṭilabhati …pe…
ps1.5:79.5	anāgāmiphalaṁ sacchikataṁ hoti …pe…
ps1.5:79.6	arahattamaggaṁ paṭilabhati …pe…
ps1.5:79.7	arahattaṁ sacchikataṁ hoti;
ps1.5:79.8	tena vuccati—
ps1.5:79.9	“kāyasakkhī”.
ps1.5:79.10	Cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:79.11	Samādhindriyassa vasena cattārindriyāni bhāvitāni honti subhāvitāni.
ps1.5:79.12	Ye hi keci samādhindriyassa vasena arahattaṁ sacchikatā, sabbe te kāyasakkhī.
ps1.5:80.1	Anattato manasikaroto paññindriyaṁ adhimattaṁ hoti, paññindriyassa adhimattattā sotāpattimaggaṁ paṭilabhati;
ps1.5:80.2	tena vuccati—
ps1.5:80.3	“dhammānusārī”.
ps1.5:80.4	Cattārindriyāni tadanvayā honti …pe…
ps1.5:80.5	sampayuttapaccayā honti.
ps1.5:80.6	Paññindriyassa vasena catunnaṁ indriyānaṁ bhāvanā hoti.
ps1.5:80.7	Ye hi keci paññindriyassa vasena sotāpattimaggaṁ paṭilabhanti, sabbe te dhammānusārino.
ps1.5:81.1	Anattato manasikaroto paññindriyaṁ adhimattaṁ hoti, paññindriyassa adhimattattā sotāpattiphalaṁ sacchikataṁ hoti;
ps1.5:81.2	tena vuccati—
ps1.5:81.3	“diṭṭhippatto”.
ps1.5:81.4	Cattārindriyāni tadanvayā honti …pe…
ps1.5:81.5	sampayuttapaccayā honti.
ps1.5:81.6	Paññindriyassa vasena cattārindriyāni bhāvitāni honti subhāvitāni.
ps1.5:81.7	Ye hi keci paññindriyassa vasena sotāpattiphalaṁ sacchikatā, sabbe te diṭṭhippattā.
ps1.5:82.1	Anattato manasikaroto paññindriyaṁ adhimattaṁ hoti, paññindriyassa adhimattattā sakadāgāmimaggaṁ paṭilabhati …pe…
ps1.5:82.2	sakadāgāmiphalaṁ sacchikataṁ hoti …pe…
ps1.5:82.3	anāgāmimaggaṁ paṭilabhati …
ps1.5:82.4	anāgāmiphalaṁ sacchikataṁ hoti …
ps1.5:82.5	arahattamaggaṁ paṭilabhati …pe…
ps1.5:82.6	arahattaṁ sacchikataṁ hoti;
ps1.5:82.7	tena vuccati—
ps1.5:82.8	“diṭṭhippatto”.
ps1.5:82.9	Cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.5:82.10	Paññindriyassa vasena cattārindriyāni bhāvitāni honti subhāvitāni.
ps1.5:82.11	Ye hi keci paññindriyassa vasena arahattaṁ sacchikatā, sabbe te diṭṭhippattā.
ps1.5:83.1	Ye hi keci nekkhammaṁ bhāvitā vā bhāventi vā bhāvissanti vā, adhigatā vā adhigacchanti vā adhigamissanti vā, pattā vā pāpuṇanti vā pāpuṇissanti vā, paṭiladdhā vā paṭilabhanti vā paṭilabhissanti vā, paṭividdhā vā paṭivijjhanti vā paṭivijjhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā, pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.
ps1.5:84.1	Ye hi keci abyāpādaṁ …pe…
ps1.5:84.2	ālokasaññaṁ …
ps1.5:84.3	avikkhepaṁ …
ps1.5:84.4	dhammavavatthānaṁ …
ps1.5:84.5	ñāṇaṁ …
ps1.5:84.6	pāmojjaṁ …
ps1.5:84.7	paṭhamaṁ jhānaṁ …
ps1.5:84.8	dutiyaṁ jhānaṁ …
ps1.5:84.9	tatiyaṁ jhānaṁ …
ps1.5:84.10	catutthaṁ jhānaṁ …
ps1.5:84.11	ākāsānañcāyatanasamāpattiṁ …
ps1.5:84.12	viññāṇañcāyatanasamāpattiṁ …
ps1.5:84.13	ākiñcaññāyatanasamāpattiṁ …
ps1.5:84.14	nevasaññānāsaññāyatanasamāpattiṁ …
ps1.5:84.15	aniccānupassanaṁ …
ps1.5:84.16	dukkhānupassanaṁ …
ps1.5:84.17	anattānupassanaṁ …
ps1.5:84.18	nibbidānupassanaṁ …
ps1.5:84.19	virāgānupassanaṁ …
ps1.5:84.20	nirodhānupassanaṁ …
ps1.5:84.21	paṭinissaggānupassanaṁ …
ps1.5:84.22	khayānupassanaṁ …
ps1.5:84.23	vayānupassanaṁ …
ps1.5:84.24	vipariṇāmānupassanaṁ …
ps1.5:84.25	animittānupassanaṁ …
ps1.5:84.26	appaṇihitānupassanaṁ …
ps1.5:84.27	suññatānupassanaṁ …
ps1.5:84.28	adhipaññādhammavipassanaṁ …
ps1.5:84.29	yathābhūtañāṇadassanaṁ …
ps1.5:84.30	ādīnavānupassanaṁ …
ps1.5:84.31	paṭisaṅkhānupassanaṁ …
ps1.5:84.32	vivaṭṭanānupassanaṁ …
ps1.5:84.33	sotāpattimaggaṁ …
ps1.5:84.34	sakadāgāmimaggaṁ …
ps1.5:84.35	anāgāmimaggaṁ …
ps1.5:84.36	arahattamaggaṁ ….
ps1.5:85.1	Ye hi keci cattāro satipaṭṭhāne …
ps1.5:85.2	cattāro sammappadhāne …
ps1.5:85.3	cattāro iddhipāde …
ps1.5:85.4	pañcindriyāni …
ps1.5:85.5	pañca balāni …
ps1.5:85.6	satta bojjhaṅge …
ps1.5:85.7	ariyaṁ aṭṭhaṅgikaṁ maggaṁ …
ps1.5:85.8	ye hi keci aṭṭha vimokkhe bhāvitā vā bhāventi vā bhāvissanti vā, adhigatā vā adhigacchanti vā adhigamissanti vā, pattā vā pāpuṇanti vā pāpuṇissanti vā, paṭiladdhā vā paṭilabhanti vā paṭilabhissanti vā, paṭividdhā vā paṭivijjhanti vā paṭivijjhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.
ps1.5:86.1	Ye hi keci catasso paṭisambhidā pattā vā pāpuṇanti vā pāpuṇissanti vā …pe…
ps1.5:86.2	sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.
ps1.5:87.1	Ye hi keci tisso vijjā paṭividdhā vā paṭivijjhanti vā paṭivijjhissanti vā …pe…
ps1.5:87.2	sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.
ps1.5:88.1	Ye hi keci tisso sikkhā sikkhitā vā sikkhanti vā sikkhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā, pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.
ps1.5:89.1	Ye hi keci dukkhaṁ parijānanti samudayaṁ pajahanti nirodhaṁ sacchikaronti maggaṁ bhāventi, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā.
ps1.5:90.1	Katihākārehi saccappaṭivedho hoti?
ps1.5:90.2	Katihākārehi saccāni paṭivijjhati?
ps1.5:90.3	Catūhākārehi saccappaṭivedho hoti.
ps1.5:90.4	Catūhākārehi saccāni paṭivijjhati.
ps1.5:90.5	Dukkhasaccaṁ pariññāpaṭivedhaṁ paṭivijjhati, samudayasaccaṁ pahānappaṭivedhaṁ paṭivijjhati, nirodhasaccaṁ sacchikiriyāpaṭivedhaṁ paṭivijjhati, maggasaccaṁ bhāvanāpaṭivedhaṁ paṭivijjhati.
ps1.5:90.6	Imehi catūhākārehi saccappaṭivedho hoti.
ps1.5:90.7	Imehi catūhākārehi saccāni paṭivijjhanto saddhindriyassa vasena saddhāvimutto, samādhindriyassa vasena kāyasakkhī, paññindriyassa vasena diṭṭhippatto.
ps1.5:91.1	Katihākārehi saccappaṭivedho hoti?
ps1.5:91.2	Katihākārehi saccāni paṭivijjhati?
ps1.5:91.3	Navahākārehi saccappaṭivedho hoti, navahākārehi saccāni paṭivijjhati.
ps1.5:91.4	Dukkhasaccaṁ pariññāpaṭivedhaṁ paṭivijjhati, samudayasaccaṁ pahānappaṭivedhaṁ paṭivijjhati, nirodhasaccaṁ sacchikiriyāpaṭivedhaṁ paṭivijjhati, maggasaccaṁ bhāvanāpaṭivedhaṁ paṭivijjhati.
ps1.5:91.5	Abhiññāpaṭivedho ca sabbadhammānaṁ, pariññāpaṭivedho ca sabbasaṅkhārānaṁ, pahānappaṭivedho ca sabbākusalānaṁ, bhāvanāpaṭivedho ca catunnaṁ maggānaṁ, sacchikiriyāpaṭivedho ca nirodhassa.
ps1.5:91.6	Imehi navahākārehi saccappaṭivedho hoti.
ps1.5:91.7	Imehi navahākārehi saccāni paṭivijjhanto saddhindriyassa vasena saddhāvimutto, samādhindriyassa vasena kāyasakkhī, paññindriyassa vasena diṭṭhippatto.
ps1.5:91.8	Dutiyabhāṇavāro.
ps1.5:92.1	Aniccato manasikaroto kathaṁ saṅkhārā upaṭṭhanti?
ps1.5:92.2	Dukkhato manasikaroto kathaṁ saṅkhārā upaṭṭhanti?
ps1.5:92.3	Anattato manasikaroto kathaṁ saṅkhārā upaṭṭhanti?
ps1.5:92.4	Aniccato manasikaroto khayato saṅkhārā upaṭṭhanti.
ps1.5:92.5	Dukkhato manasikaroto bhayato saṅkhārā upaṭṭhanti.
ps1.5:92.6	Anattato manasikaroto suññato saṅkhārā upaṭṭhanti.
ps1.5:93.1	Aniccato manasikaroto kiṁ bahulaṁ cittaṁ hoti?
ps1.5:93.2	Dukkhato manasikaroto kiṁ bahulaṁ cittaṁ hoti?
ps1.5:93.3	Anattato manasikaroto kiṁ bahulaṁ cittaṁ hoti?
ps1.5:93.4	Aniccato manasikaroto adhimokkhabahulaṁ cittaṁ hoti.
ps1.5:93.5	Dukkhato manasikaroto passaddhibahulaṁ cittaṁ hoti.
ps1.5:93.6	Anattato manasikaroto vedabahulaṁ cittaṁ hoti.
ps1.5:94.1	Aniccato manasikaronto adhimokkhabahulo katamaṁ vimokkhaṁ paṭilabhati?
ps1.5:94.2	Dukkhato manasikaronto passaddhibahulo katamaṁ vimokkhaṁ paṭilabhati?
ps1.5:94.3	Anattato manasikaronto vedabahulo katamaṁ vimokkhaṁ paṭilabhati?
ps1.5:94.4	Aniccato manasikaronto adhimokkhabahulo animittaṁ vimokkhaṁ paṭilabhati.
ps1.5:94.5	Dukkhato manasikaronto passaddhibahulo appaṇihitaṁ vimokkhaṁ paṭilabhati.
ps1.5:94.6	Anattato manasikaronto vedabahulo suññataṁ vimokkhaṁ paṭilabhati.
ps1.5:95.1	Aniccato manasikaroto adhimokkhabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
ps1.5:95.2	Dukkhato manasikaroto passaddhibahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
ps1.5:95.3	Anattato manasikaroto vedabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?
ps1.5:96.1	Aniccato manasikaroto adhimokkhabahulassa animitto vimokkho ādhipateyyo hoti.
ps1.5:96.2	Bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:96.3	Ekarasaṭṭhena bhāvanā.
ps1.5:96.4	Yo sammāpaṭipanno so bhāveti;
ps1.5:96.5	natthi micchāpaṭipannassa vimokkhabhāvanā.
ps1.5:96.6	Dukkhato manasikaroto passaddhibahulassa appaṇihito vimokkho ādhipateyyo hoti.
ps1.5:96.7	Bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:96.8	Ekarasaṭṭhena bhāvanā.
ps1.5:96.9	Yo sammāpaṭipanno so bhāveti;
ps1.5:96.10	natthi micchāpaṭipannassa vimokkhabhāvanā.
ps1.5:96.11	Anattato manasikaroto vedabahulassa suññato vimokkho ādhipateyyo hoti.
ps1.5:96.12	Bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.
ps1.5:96.13	Ekarasaṭṭhena bhāvanā.
ps1.5:96.14	Yo sammāpaṭipanno so bhāveti;
ps1.5:96.15	natthi micchāpaṭipannassa vimokkhabhāvanā.
ps1.5:97.1	Aniccato manasikaroto adhimokkhabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?
ps1.5:97.2	Dukkhato manasikaroto passaddhibahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?
ps1.5:97.3	Anattato manasikaroto vedabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kativimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?
ps1.5:98.1	Aniccato manasikaroto adhimokkhabahulassa animitto vimokkho ādhipateyyo hoti, bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi animitto vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṁ paṭivijjhantopi bhāveti, bhāventopi paṭivijjhati.
ps1.5:98.2	Dukkhato manasikaroto passaddhibahulassa appaṇihito vimokkho ādhipateyyo hoti, bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi appaṇihito vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṁ paṭivijjhantopi bhāveti, bhāventopi paṭivijjhati.
ps1.5:98.3	Anattato manasikaroto vedabahulassa suññato vimokkho ādhipateyyo hoti, bhāvanāya dve vimokkhā tadanvayā honti sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi suññato vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṁ paṭivijjhantopi bhāveti, bhāventopi paṭivijjhati.
ps1.5:99.1	Aniccato manasikaroto katamo vimokkho adhimatto hoti?
ps1.5:99.2	Katamavimokkhassa adhimattattā saddhāvimutto hoti?
ps1.5:99.3	Dukkhato manasikaroto katamo vimokkho adhimatto hoti?
ps1.5:99.4	Katamavimokkhassa adhimattattā kāyasakkhī hoti?
ps1.5:99.5	Anattato manasikaroto katamo vimokkho adhimatto hoti?
ps1.5:99.6	Katamavimokkhassa adhimattattā diṭṭhippatto hoti?
ps1.5:100.1	Aniccato manasikaroto animitto vimokkho adhimatto hoti.
ps1.5:100.2	Animittavimokkhassa adhimattattā saddhāvimutto hoti.
ps1.5:100.3	Dukkhato manasikaroto appaṇihito vimokkho adhimatto hoti.
ps1.5:100.4	Appaṇihitavimokkhassa adhimattattā kāyasakkhī hoti.
ps1.5:100.5	Anattato manasikaroto suññato vimokkho adhimatto hoti.
ps1.5:100.6	Suññatavimokkhassa adhimattattā diṭṭhippatto hoti.
ps1.5:101.1	Saddahanto vimuttoti—
ps1.5:101.2	saddhāvimutto.
ps1.5:101.3	Phuṭṭhattā sacchikatoti—
ps1.5:101.4	kāyasakkhī.
ps1.5:101.5	Diṭṭhattā pattoti—
ps1.5:101.6	diṭṭhippatto.
ps1.5:101.7	Saddahanto vimuccatīti—
ps1.5:101.8	saddhāvimutto.
ps1.5:101.9	Jhānaphassaṁ paṭhamaṁ phusati, pacchā nirodhaṁ nibbānaṁ sacchikarotīti—
ps1.5:101.10	kāyasakkhī.
ps1.5:101.11	“Dukkhā saṅkhārā, sukho nirodho”ti viññātaṁ hoti diṭṭhaṁ viditaṁ sacchikataṁ phassitaṁ paññāyāti—
ps1.5:101.12	diṭṭhippatto …pe…
ps1.5:101.13	ye hi keci nekkhammaṁ bhāvitā vā bhāventi vā bhāvissanti vā …pe…
ps1.5:101.14	sabbe te animittavimokkhassa vasena saddhāvimuttā, appaṇihitavimokkhassa vasena kāyasakkhī, suññatavimokkhassa vasena diṭṭhippattā.
ps1.5:102.1	Ye hi keci abyāpādaṁ …
ps1.5:102.2	ālokasaññaṁ …
ps1.5:102.3	avikkhepaṁ …
ps1.5:102.4	ye hi keci dukkhaṁ parijānanti, samudayaṁ pajahanti, nirodhaṁ sacchikaronti, maggaṁ bhāventi, sabbe te animittavimokkhassa vasena saddhāvimuttā, appaṇihitavimokkhassa vasena kāyasakkhī, suññatavimokkhassa vasena diṭṭhippattā.
ps1.5:103.1	Katihākārehi saccappaṭivedho hoti?
ps1.5:103.2	Katihākārehi saccāni paṭivijjhati?
ps1.5:103.3	Catūhākārehi saccappaṭivedho hoti.
ps1.5:103.4	Catūhākārehi saccāni paṭivijjhati.
ps1.5:103.5	Dukkhasaccaṁ pariññāpaṭivedhaṁ paṭivijjhati, samudayasaccaṁ pahānapaṭivedhaṁ paṭivijjhati.
ps1.5:103.6	Nirodhasaccaṁ sacchikiriyāpaṭivedhaṁ paṭivijjhati.
ps1.5:103.7	Maggasaccaṁ bhāvanāpaṭivedhaṁ paṭivijjhati.
ps1.5:103.8	Imehi catūhākārehi saccappaṭivedho hoti.
ps1.5:103.9	Imehi catūhākārehi saccāni paṭivijjhanto animittavimokkhassa vasena saddhāvimutto, appaṇihitavimokkhassa vasena kāyasakkhī, suññatavimokkhassa vasena diṭṭhippatto.
ps1.5:104.1	Katihākārehi saccappaṭivedho hoti?
ps1.5:104.2	Katihākārehi saccāni paṭivijjhati?
ps1.5:104.3	Navahākārehi saccappaṭivedho hoti.
ps1.5:104.4	Navahākārehi saccāni paṭivijjhati.
ps1.5:104.5	Dukkhasaccaṁ pariññāpaṭivedhaṁ paṭivijjhati …pe…
ps1.5:104.6	sacchikiriyāpaṭivedho ca nirodhassa.
ps1.5:104.7	Imehi navahākārehi saccappaṭivedho hoti.
ps1.5:104.8	Imehi navahākārehi saccāni paṭivijjhanto animittavimokkhassa vasena saddhāvimutto, appaṇihitavimokkhassa vasena kāyasakkhī, suññatavimokkhassa vasena diṭṭhippatto.
ps1.5:105.1	Aniccato manasikaronto katame dhamme yathābhūtaṁ jānāti passati?
ps1.5:105.2	Kathaṁ sammādassanaṁ hoti?
ps1.5:105.3	Kathaṁ tadanvayena sabbe saṅkhārā aniccato sudiṭṭhā honti?
ps1.5:105.4	Kattha kaṅkhā pahīyati?
ps1.5:105.5	Dukkhato manasikaronto katame dhamme yathābhūtaṁ jānāti passati?
ps1.5:105.6	Kathaṁ sammādassanaṁ hoti?
ps1.5:105.7	Kathaṁ tadanvayena sabbe saṅkhārā dukkhato sudiṭṭhā honti?
ps1.5:105.8	Kattha kaṅkhā pahīyati?
ps1.5:105.9	Anattato manasikaronto katame dhamme yathābhūtaṁ jānāti passati?
ps1.5:105.10	Kathaṁ sammādassanaṁ hoti?
ps1.5:105.11	Kathaṁ tadanvayena sabbe dhammā anattato sudiṭṭhā honti?
ps1.5:105.12	Kattha kaṅkhā pahīyati?
ps1.5:106.1	Aniccato manasikaronto nimittaṁ yathābhūtaṁ jānāti passati;
ps1.5:106.2	tena vuccati—
ps1.5:106.3	“sammādassanaṁ”.
ps1.5:106.4	Evaṁ tadanvayena sabbe saṅkhārā aniccato sudiṭṭhā honti.
ps1.5:106.5	Ettha kaṅkhā pahīyati.
ps1.5:106.6	Dukkhato manasikaronto pavattaṁ yathābhūtaṁ jānāti passati;
ps1.5:106.7	tena vuccati—
ps1.5:106.8	“sammādassanaṁ”.
ps1.5:106.9	Evaṁ tadanvayena sabbe saṅkhārā dukkhato sudiṭṭhā honti.
ps1.5:106.10	Ettha kaṅkhā pahīyati.
ps1.5:106.11	Anattato manasikaronto nimittañca pavattañca yathābhūtaṁ jānāti passati;
ps1.5:106.12	tena vuccati—
ps1.5:106.13	“sammādassanaṁ”.
ps1.5:106.14	Evaṁ tadanvayena sabbe dhammā anattato sudiṭṭhā honti.
ps1.5:106.15	Ettha kaṅkhā pahīyati.
ps1.5:107.1	Yañca yathābhūtaṁ ñāṇaṁ yañca sammādassanaṁ yā ca kaṅkhāvitaraṇā, ime dhammā nānatthā ceva nānābyañjanā ca, udāhu ekatthā, byañjanameva nānanti?
ps1.5:107.2	Yañca yathābhūtaṁ ñāṇaṁ yañca sammādassanaṁ yā ca kaṅkhāvitaraṇā, ime dhammā ekatthā, byañjanameva nānaṁ.
ps1.5:108.1	Aniccato manasikaroto kiṁ bhayato upaṭṭhāti?
ps1.5:108.2	Dukkhato manasikaroto kiṁ bhayato upaṭṭhāti?
ps1.5:108.3	Anattato manasikaroto kiṁ bhayato upaṭṭhāti?
ps1.5:108.4	Aniccato manasikaroto nimittaṁ bhayato upaṭṭhāti.
ps1.5:108.5	Dukkhato manasikaroto pavattaṁ bhayato upaṭṭhāti.
ps1.5:108.6	Anattato manasikaroto nimittañca pavattañca bhayato upaṭṭhāti.
ps1.5:109.1	Yā ca bhayatupaṭṭhāne paññā yañca ādīnave ñāṇaṁ yā ca nibbidā, ime dhammā nānatthā ceva nānābyañjanā ca, udāhu ekatthā, byañjanameva nānanti?
ps1.5:109.2	Yā ca bhayatupaṭṭhāne paññā yañca ādīnave ñāṇaṁ yā ca nibbidā, ime dhammā ekatthā, byañjanameva nānaṁ.
ps1.5:110.1	Yā ca anattānupassanā yā ca suññatānupassanā, ime dhammā nānatthā ceva nānābyañjanā ca, udāhu ekatthā, byañjanameva nānanti?
ps1.5:110.2	Yā ca anattānupassanā yā ca suññatānupassanā, ime dhammā ekatthā, byañjanameva nānaṁ.
ps1.5:111.1	Aniccato manasikaroto kiṁ paṭisaṅkhā ñāṇaṁ uppajjati?
ps1.5:111.2	Dukkhato manasikaroto kiṁ paṭisaṅkhā ñāṇaṁ uppajjati?
ps1.5:111.3	Anattato manasikaroto kiṁ paṭisaṅkhā ñāṇaṁ uppajjati?
ps1.5:111.4	Aniccato manasikaroto nimittaṁ paṭisaṅkhā ñāṇaṁ uppajjati.
ps1.5:111.5	Dukkhato manasikaroto pavattaṁ paṭisaṅkhā ñāṇaṁ uppajjati.
ps1.5:111.6	Anattato manasikaroto nimittañca pavattañca paṭisaṅkhā ñāṇaṁ uppajjati.
ps1.5:112.1	Yā ca muccitukamyatā yā ca paṭisaṅkhānupassanā yā ca saṅkhārupekkhā, ime dhammā nānatthā ceva nānābyañjanā ca, udāhu ekatthā, byañjanameva nānanti?
ps1.5:112.2	Yā ca muccitukamyatā yā ca paṭisaṅkhānupassanā yā ca saṅkhārupekkhā, ime dhammā ekatthā, byañjanameva nānaṁ.
ps1.5:113.1	Aniccato manasikaroto kuto cittaṁ vuṭṭhāti, kattha cittaṁ pakkhandati?
ps1.5:113.2	Dukkhato manasikaroto kuto cittaṁ vuṭṭhāti, kattha cittaṁ pakkhandati?
ps1.5:113.3	Anattato manasikaroto kuto cittaṁ vuṭṭhāti, kattha cittaṁ pakkhandati?
ps1.5:113.4	Aniccato manasikaroto nimittā cittaṁ vuṭṭhāti, animitte cittaṁ pakkhandati.
ps1.5:113.5	Dukkhato manasikaroto pavattā cittaṁ vuṭṭhāti, appavatte cittaṁ pakkhandati.
ps1.5:113.6	Anattato manasikaroto nimittā ca pavattā ca cittaṁ vuṭṭhāti, animitte appavatte nirodhe nibbānadhātuyā cittaṁ pakkhandati.
ps1.5:114.1	Yā ca bahiddhāvuṭṭhānavivaṭṭane paññā ye ca gotrabhū dhammā, ime dhammā nānatthā ceva nānābyañjanā ca, udāhu ekatthā, byañjanameva nānanti?
ps1.5:114.2	Yā ca bahiddhāvuṭṭhānavivaṭṭane paññā ye ca gotrabhū dhammā, ime dhammā ekatthā, byañjanameva nānaṁ.
ps1.5:115.1	Aniccato manasikaronto katamena vimokkhena vimuccati?
ps1.5:115.2	Dukkhato manasikaronto katamena vimokkhena vimuccati?
ps1.5:115.3	Anattato manasikaronto katamena vimokkhena vimuccati?
ps1.5:115.4	Aniccato manasikaronto animittavimokkhena vimuccati.
ps1.5:115.5	Dukkhato manasikaronto appaṇihitavimokkhena vimuccati.
ps1.5:115.6	Anattato manasikaronto suññatavimokkhena vimuccati.
ps1.5:116.1	Yā ca dubhato vuṭṭhānavivaṭṭane paññā yañca magge ñāṇaṁ, ime dhammā nānatthā ceva nānābyañjanā ca, udāhu ekatthā, byañjanameva nānanti?
ps1.5:116.2	Yā ca dubhato vuṭṭhānavivaṭṭane paññā yañca magge ñāṇaṁ, ime dhammā ekatthā, byañjanameva nānaṁ.
ps1.5:117.1	Katihākārehi tayo vimokkhā nānākkhaṇe honti?
ps1.5:117.2	Katihākārehi tayo vimokkhā ekakkhaṇe honti?
ps1.5:117.3	Catūhākārehi tayo vimokkhā nānākkhaṇe honti.
ps1.5:117.4	Sattahākārehi tayo vimokkhā ekakkhaṇe honti.
ps1.5:118.1	Katamehi catūhākārehi tayo vimokkhā nānākkhaṇe honti?
ps1.5:118.2	Ādhipateyyaṭṭhena, adhiṭṭhānaṭṭhena, abhinīhāraṭṭhena, niyyānaṭṭhena.
ps1.5:118.3	Kathaṁ ādhipateyyaṭṭhena tayo vimokkhā nānākkhaṇe honti?
ps1.5:118.4	Aniccato manasikaroto animitto vimokkho ādhipateyyo hoti, dukkhato manasikaroto appaṇihito vimokkho ādhipateyyo hoti, anattato manasikaroto suññato vimokkho ādhipateyyo hoti.
ps1.5:118.5	Evaṁ ādhipateyyaṭṭhena tayo vimokkhā nānākkhaṇe honti.
ps1.5:119.1	Kathaṁ adhiṭṭhānaṭṭhena tayo vimokkhā nānākkhaṇe honti?
ps1.5:119.2	Aniccato manasikaronto animittavimokkhassa vasena cittaṁ adhiṭṭhāti, dukkhato manasikaronto appaṇihitavimokkhassa vasena cittaṁ adhiṭṭhāti, anattato manasikaronto suññatavimokkhassa vasena cittaṁ adhiṭṭhāti.
ps1.5:119.3	Evaṁ adhiṭṭhānaṭṭhena tayo vimokkhā nānākkhaṇe honti.
ps1.5:120.1	Kathaṁ abhinīhāraṭṭhena tayo vimokkhā nānākkhaṇe honti?
ps1.5:120.2	Aniccato manasikaronto animittavimokkhassa vasena cittaṁ abhinīharati, dukkhato manasikaronto appaṇihitavimokkhassa vasena cittaṁ abhinīharati, anattato manasikaronto suññatavimokkhassa vasena cittaṁ abhinīharati.
ps1.5:120.3	Evaṁ abhinīhāraṭṭhena tayo vimokkhā nānākkhaṇe honti.
ps1.5:121.1	Kathaṁ niyyānaṭṭhena tayo vimokkhā nānākkhaṇe honti?
ps1.5:121.2	Aniccato manasikaronto animittavimokkhassa vasena nirodhaṁ nibbānaṁ niyyāti, dukkhato manasikaronto appaṇihitavimokkhassa vasena nirodhaṁ nibbānaṁ niyyāti, anattato manasikaronto suññatavimokkhassa vasena nirodhaṁ nibbānaṁ niyyāti.
ps1.5:121.3	Evaṁ niyyānaṭṭhena tayo vimokkhā nānākkhaṇe honti.
ps1.5:121.4	Imehi catūhākārehi tayo vimokkhā nānākkhaṇe honti.
ps1.5:122.1	Katamehi sattahākārehi tayo vimokkhā ekakkhaṇe honti?
ps1.5:122.2	Samodhānaṭṭhena, adhigamanaṭṭhena, paṭilābhaṭṭhena paṭivedhaṭṭhena, sacchikiriyaṭṭhena, phassanaṭṭhena, abhisamayaṭṭhena.
ps1.5:122.3	Kathaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti?
ps1.5:122.4	Aniccato manasikaronto nimittā muccatīti—
ps1.5:122.5	animitto vimokkho.
ps1.5:122.6	Yato muccati, tattha na paṇidahatīti—
ps1.5:122.7	appaṇihito vimokkho.
ps1.5:122.8	Yattha na paṇidahati, tena suññoti—
ps1.5:122.9	suññato vimokkho.
ps1.5:122.10	Yena suñño, tena nimittena animittoti—
ps1.5:122.11	animitto vimokkho.
ps1.5:122.12	Evaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti.
ps1.5:123.1	Dukkhato manasikaronto paṇidhiyā muccatīti—
ps1.5:123.2	appaṇihito vimokkho.
ps1.5:123.3	Yattha na paṇidahati, tena suññoti—
ps1.5:123.4	suññato vimokkho.
ps1.5:123.5	Yena suñño, tena nimittena animittoti—
ps1.5:123.6	animitto vimokkho.
ps1.5:123.7	Yena nimittena animitto, tattha na paṇidahatīti—
ps1.5:123.8	appaṇihito vimokkho.
ps1.5:123.9	Evaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti.
ps1.5:124.1	Anattato manasikaronto abhinivesā muccatīti—
ps1.5:124.2	suññato vimokkho.
ps1.5:124.3	Yena suñño, tena nimittena animittoti—
ps1.5:124.4	animitto vimokkho.
ps1.5:124.5	Yena nimittena animitto, tattha na paṇidahatīti—
ps1.5:124.6	appaṇihito vimokkho.
ps1.5:124.7	Yattha na paṇidahati, tena suññoti—
ps1.5:124.8	suññato vimokkho.
ps1.5:124.9	Evaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti.
ps1.5:124.10	Imehi sattahākārehi tayo vimokkhā ekakkhaṇe honti.
ps1.5:125.1	Atthi vimokkho, atthi mukhaṁ, atthi vimokkhamukhaṁ, atthi vimokkhapaccanīkaṁ, atthi vimokkhānulomaṁ, atthi vimokkhavivaṭṭo, atthi vimokkhabhāvanā, atthi vimokkhappaṭippassaddhi.
ps1.5:126.1	Katamo <b>vimokkho?</b>
ps1.5:126.2	Suññato vimokkho, animitto vimokkho, appaṇihito vimokkho.
ps1.5:126.3	Katamo suññato vimokkho?
ps1.5:126.4	Aniccānupassanañāṇaṁ niccato abhinivesā muccatīti—
ps1.5:126.5	suññato vimokkho.
ps1.5:126.6	Dukkhānupassanañāṇaṁ sukhato abhinivesā muccatīti—
ps1.5:126.7	suññato vimokkho.
ps1.5:126.8	Anattānupassanañāṇaṁ attato abhinivesā muccatīti—
ps1.5:126.9	suññato vimokkho.
ps1.5:126.10	Nibbidānupassanañāṇaṁ nandiyā abhinivesā muccatīti—
ps1.5:126.11	suññato vimokkho.
ps1.5:126.12	Virāgānupassanañāṇaṁ rāgato abhinivesā muccatīti—
ps1.5:126.13	suññato vimokkho.
ps1.5:126.14	Nirodhānupassanañāṇaṁ samudayato abhinivesā muccatīti—
ps1.5:126.15	suññato vimokkho.
ps1.5:126.16	Paṭinissaggānupassanañāṇaṁ ādānato abhinivesā muccatīti—
ps1.5:126.17	suññato vimokkho.
ps1.5:126.18	Animittānupassanañāṇaṁ nimittato abhinivesā muccatīti—
ps1.5:126.19	suññato vimokkho.
ps1.5:126.20	Appaṇihitānupassanañāṇaṁ paṇidhiyā abhinivesā muccatīti—
ps1.5:126.21	suññato vimokkho.
ps1.5:126.22	Suññatānupassanañāṇaṁ sabbābhinivesehi muccatīti—
ps1.5:126.23	suññato vimokkho.
ps1.5:127.1	Rūpe aniccānupassanañāṇaṁ niccato abhinivesā muccatīti—
ps1.5:127.2	suññato vimokkho …pe…
ps1.5:127.3	rūpe suññatānupassanañāṇaṁ sabbābhinivesehi muccatīti—
ps1.5:127.4	suññato vimokkho.
ps1.5:127.5	Vedanāya …pe…
ps1.5:127.6	saññāya …
ps1.5:127.7	saṅkhāresu …
ps1.5:127.8	viññāṇe …
ps1.5:127.9	cakkhusmiṁ …pe…
ps1.5:127.10	jarāmaraṇe aniccānupassanañāṇaṁ niccato abhinivesā muccatīti—
ps1.5:127.11	suññato vimokkho …pe…
ps1.5:127.12	jarāmaraṇe suññatānupassanañāṇaṁ sabbābhinivesehi muccatīti—
ps1.5:127.13	suññato vimokkho.
ps1.5:127.14	Ayaṁ suññato vimokkho.
ps1.5:128.1	Katamo animitto vimokkho?
ps1.5:128.2	Aniccānupassanañāṇaṁ niccato nimittā muccatīti—
ps1.5:128.3	animitto vimokkho.
ps1.5:128.4	Dukkhānupassanañāṇaṁ sukhato nimittā muccatīti—
ps1.5:128.5	animitto vimokkho.
ps1.5:128.6	Anattānupassanañāṇaṁ attato nimittā muccatīti—
ps1.5:128.7	animitto vimokkho.
ps1.5:128.8	Nibbidānupassanañāṇaṁ nandiyā nimittā muccatīti—
ps1.5:128.9	animitto vimokkho.
ps1.5:128.10	Virāgānupassanañāṇaṁ rāgato nimittā muccatīti—
ps1.5:128.11	animitto vimokkho.
ps1.5:128.12	Nirodhānupassanañāṇaṁ samudayato nimittā muccatīti—
ps1.5:128.13	animitto vimokkho.
ps1.5:128.14	Paṭinissaggānupassanañāṇaṁ ādānato nimittā muccatīti—
ps1.5:128.15	animitto vimokkho.
ps1.5:128.16	Animittānupassanañāṇaṁ sabbanimittehi muccatīti—
ps1.5:128.17	animitto vimokkho.
ps1.5:128.18	Appaṇihitānupassanañāṇaṁ paṇidhiyā nimittā muccatīti—
ps1.5:128.19	animitto vimokkho.
ps1.5:128.20	Suññatānupassanañāṇaṁ abhinivesato nimittā muccatīti—
ps1.5:128.21	animitto vimokkho.
ps1.5:129.1	Rūpe aniccānupassanañāṇaṁ niccato nimittā muccatīti—
ps1.5:129.2	animitto vimokkho …pe…
ps1.5:129.3	rūpe animittānupassanañāṇaṁ sabbanimittehi muccatīti—
ps1.5:129.4	animitto vimokkho.
ps1.5:129.5	Rūpe appaṇihitānupassanañāṇaṁ paṇidhiyā nimittā muccatīti—
ps1.5:129.6	animitto vimokkho.
ps1.5:129.7	Rūpe suññatānupassanañāṇaṁ abhinivesato nimittā muccatīti—
ps1.5:129.8	animitto vimokkho.
ps1.5:129.9	Vedanāya …pe…
ps1.5:129.10	saññāya …
ps1.5:129.11	saṅkhāresu …
ps1.5:129.12	viññāṇe …
ps1.5:129.13	cakkhusmiṁ …pe…
ps1.5:129.14	jarāmaraṇe aniccānupassanañāṇaṁ niccato nimittā muccatīti—
ps1.5:129.15	animitto vimokkho …pe…
ps1.5:129.16	jarāmaraṇe aniccānupassanañāṇaṁ sabbanimittehi muccatīti—
ps1.5:129.17	animitto vimokkho.
ps1.5:129.18	Jarāmaraṇe appaṇihitānupassanañāṇaṁ paṇidhiyā nimittā muccatīti—
ps1.5:129.19	animitto vimokkho.
ps1.5:129.20	Jarāmaraṇe suññatānupassanañāṇaṁ abhinivesato nimittā muccatīti—
ps1.5:129.21	animitto vimokkho.
ps1.5:129.22	Ayaṁ animitto vimokkho.
ps1.5:130.1	Katamo appaṇihito vimokkho?
ps1.5:130.2	Aniccānupassanañāṇaṁ niccato paṇidhiyā muccatīti—
ps1.5:130.3	appaṇihito vimokkho.
ps1.5:130.4	Dukkhānupassanañāṇaṁ sukhato paṇidhi muccatīti—
ps1.5:130.5	appaṇihito vimokkho.
ps1.5:130.6	Anattānupassanañāṇaṁ attato paṇidhi muccatīti—
ps1.5:130.7	appaṇihito vimokkho.
ps1.5:130.8	Nibbidānupassanañāṇaṁ nandiyā paṇidhi muccatīti—
ps1.5:130.9	appaṇihito vimokkho.
ps1.5:130.10	Virāgānupassanañāṇaṁ rāgato paṇidhi muccatīti—
ps1.5:130.11	appaṇihito vimokkho.
ps1.5:130.12	Nirodhānupassanañāṇaṁ samudayato paṇidhi muccatīti—
ps1.5:130.13	appaṇihito vimokkho.
ps1.5:130.14	Paṭinissaggānupassanañāṇaṁ ādānato paṇidhi muccatīti—
ps1.5:130.15	appaṇihito vimokkho.
ps1.5:130.16	Animittānupassanañāṇaṁ nimittato paṇidhi muccatīti—
ps1.5:130.17	appaṇihito vimokkho.
ps1.5:130.18	Appaṇihitānupassanañāṇaṁ sabbapaṇidhīhi muccatīti—
ps1.5:130.19	appaṇihito vimokkho.
ps1.5:130.20	Suññatānupassanañāṇaṁ abhinivesato paṇidhi muccatīti—
ps1.5:130.21	appaṇihito vimokkho.
ps1.5:131.1	Rūpe aniccānupassanañāṇaṁ niccato paṇidhi muccatīti—
ps1.5:131.2	appaṇihito vimokkho …pe…
ps1.5:131.3	rūpe appaṇihitānupassanañāṇaṁ sabbapaṇidhīhi muccatīti—
ps1.5:131.4	appaṇihito vimokkho.
ps1.5:131.5	Rūpe suññatānupassanañāṇaṁ abhinivesato paṇidhi muccatīti—
ps1.5:131.6	appaṇihito vimokkho.
ps1.5:131.7	Vedanāya …pe…
ps1.5:131.8	saññāya …
ps1.5:131.9	saṅkhāresu …
ps1.5:131.10	viññāṇe …
ps1.5:131.11	cakkhusmiṁ …pe…
ps1.5:131.12	jarāmaraṇe aniccānupassanañāṇaṁ niccato paṇidhi muccatīti—
ps1.5:131.13	appaṇihito vimokkho …pe…
ps1.5:131.14	jarāmaraṇe appaṇihitānupassanañāṇaṁ sabbapaṇidhīhi muccatīti—
ps1.5:131.15	appaṇihito vimokkho.
ps1.5:131.16	Jarāmaraṇe suññatānupassanañāṇaṁ abhinivesato paṇidhi muccatīti—
ps1.5:131.17	appaṇihito vimokkho.
ps1.5:131.18	Ayaṁ appaṇihito vimokkho.
ps1.5:131.19	Ayaṁ vimokkho.
ps1.5:132.1	Katamaṁ <b>mukhaṁ?</b>
ps1.5:132.2	Ye tattha jātā anavajjakusalā bodhipakkhiyā dhammā, idaṁ mukhaṁ.
ps1.5:133.1	Katamaṁ <b>vimokkhamukhaṁ?</b>
ps1.5:133.2	Yaṁ tesaṁ dhammānaṁ ārammaṇaṁ nirodho nibbānaṁ, idaṁ vimokkhamukhaṁ.
ps1.5:133.3	Vimokkhañca mukhañca vimokkhamukhaṁ, idaṁ vimokkhamukhaṁ.
ps1.5:134.1	Katamaṁ <b>vimokkhapaccanīkaṁ?</b>
ps1.5:134.2	Tīṇi akusalamūlāni vimokkhapaccanīkāni, tīṇi duccaritāni vimokkhapaccanīkāni, sabbepi akusalā dhammā vimokkhapaccanīkā, idaṁ vimokkhapaccanīkaṁ.
ps1.5:135.1	Katamaṁ <b>vimokkhānulomaṁ?</b>
ps1.5:135.2	Tīṇi kusalamūlāni vimokkhānulomāni, tīṇi sucaritāni vimokkhānulomāni, sabbepi kusalā dhammā vimokkhānulomā, idaṁ vimokkhānulomaṁ.
ps1.5:136.1	Katamo <b>vimokkhavivaṭṭo?</b>
ps1.5:136.2	Saññāvivaṭṭo, cetovivaṭṭo, cittavivaṭṭo, ñāṇavivaṭṭo, vimokkhavivaṭṭo, saccavivaṭṭo.
ps1.5:136.3	Sañjānanto vivaṭṭatīti—
ps1.5:136.4	saññāvivaṭṭo.
ps1.5:136.5	Cetayanto vivaṭṭatīti—
ps1.5:136.6	cetovivaṭṭo.
ps1.5:136.7	Vijānanto vivaṭṭatīti—
ps1.5:136.8	cittavivaṭṭo.
ps1.5:136.9	Ñāṇaṁ karonto vivaṭṭatīti—
ps1.5:136.10	ñāṇavivaṭṭo.
ps1.5:136.11	Vosajjanto vivaṭṭatīti—
ps1.5:136.12	vimokkhavivaṭṭo.
ps1.5:136.13	Tathaṭṭhena vivaṭṭatīti—
ps1.5:136.14	saccavivaṭṭo.
ps1.5:137.1	Yattha saññāvivaṭṭo tattha cetovivaṭṭo, yattha cetovivaṭṭo tattha saññāvivaṭṭo, yattha saññāvivaṭṭo cetovivaṭṭo tattha cittavivaṭṭo, yattha cittavivaṭṭo tattha saññāvivaṭṭo cetovivaṭṭo.
ps1.5:137.2	Yattha saññāvivaṭṭo cetovivaṭṭo cittavivaṭṭo tattha ñāṇavivaṭṭo, yattha ñāṇavivaṭṭo tattha saññāvivaṭṭo cetovivaṭṭo cittavivaṭṭo.
ps1.5:137.3	Yattha saññāvivaṭṭo cetovivaṭṭo cittavivaṭṭo ñāṇavivaṭṭo tattha vimokkhavivaṭṭo, yattha vimokkhavivaṭṭo tattha saññāvivaṭṭo cetovivaṭṭo cittavivaṭṭo ñāṇavivaṭṭo.
ps1.5:137.4	Yattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo tattha saccavivaṭṭo, yattha saccavivaṭṭo tattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo.
ps1.5:137.5	Ayaṁ vimokkhavivaṭṭo.
ps1.5:138.1	Katamā <b>vimokkhabhāvanā?</b>
ps1.5:138.2	Paṭhamassa jhānassa āsevanā bhāvanā bahulīkammaṁ, dutiyassa jhānassa āsevanā bhāvanā bahulīkammaṁ, tatiyassa jhānassa āsevanā bhāvanā bahulīkammaṁ, catutthassa jhānassa āsevanā bhāvanā bahulīkammaṁ, ākāsānañcāyatanasamāpattiyā āsevanā bhāvanā bahulīkammaṁ, viññāṇañcāyatanasamāpattiyā …pe…
ps1.5:138.3	ākiñcaññāyatanasamāpattiyā …
ps1.5:138.4	nevasaññānāsaññāyatanasamāpattiyā āsevanā bhāvanā bahulīkammaṁ, sotāpattimaggassa āsevanā bhāvanā bahulīkammaṁ, sakadāgāmimaggassa āsevanā bhāvanā bahulīkammaṁ, anāgāmimaggassa āsevanā bhāvanā bahulīkammaṁ, arahattamaggassa āsevanā bhāvanā bahulīkammaṁ, ayaṁ vimokkhabhāvanā.
ps1.5:139.1	Katamā <b>vimokkhappaṭippassaddhi?</b>
ps1.5:139.2	Paṭhamassa jhānassa paṭilābho vā vipāko vā, dutiyassa jhānassa paṭilābho vā vipāko vā, tatiyassa jhānassa …pe…
ps1.5:139.3	catutthassa jhānassa …
ps1.5:139.4	ākāsānañcāyatanasamāpattiyā …
ps1.5:139.5	viññāṇañcāyatanasamāpattiyā …
ps1.5:139.6	ākiñcaññāyatanasamāpattiyā …
ps1.5:139.7	nevasaññānāsaññāyatanasamāpattiyā paṭilābho vā vipāko vā, sotāpattimaggassa sotāpattiphalaṁ, sakadāgāmimaggassa sakadāgāmiphalaṁ, anāgāmimaggassa anāgāmiphalaṁ, arahattamaggassa arahattaphalaṁ, ayaṁ vimokkhappaṭippassaddhīti.
ps1.5:139.8	Vimokkhakathā niṭṭhitā.
ps1.5:139.9	Tatiyabhāṇavāro.
ps1.6:0.1	Paṭisambhidāmagga
ps1.6:0.2	1 Mahāvagga
ps1.6:0.3	1.6. Gatikathā
ps1.6:1.1	Gatisampattiyā ñāṇasampayutte katinaṁ hetūnaṁ paccayā upapatti hoti?
ps1.6:1.2	Khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇasampayutte katinaṁ hetūnaṁ paccayā upapatti hoti?
ps1.6:1.3	Rūpāvacarānaṁ devānaṁ katinaṁ hetūnaṁ paccayā upapatti hoti?
ps1.6:1.4	Arūpāvacarānaṁ devānaṁ katinaṁ hetūnaṁ paccayā upapatti hoti?
ps1.6:2.1	Gatisampattiyā ñāṇasampayutte aṭṭhannaṁ hetūnaṁ paccayā upapatti hoti.
ps1.6:2.2	Khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇasampayutte aṭṭhannaṁ hetūnaṁ paccayā upapatti hoti.
ps1.6:2.3	Rūpāvacarānaṁ devānaṁ aṭṭhannaṁ hetūnaṁ paccayā upapatti hoti.
ps1.6:2.4	Arūpāvacarānaṁ devānaṁ aṭṭhannaṁ hetūnaṁ paccayā upapatti hoti.
ps1.6:3.1	Gatisampattiyā ñāṇasampayutte katamesaṁ aṭṭhannaṁ hetūnaṁ paccayā upapatti hoti?
ps1.6:3.2	Kusalakammassa javanakkhaṇe tayo hetū kusalā;
ps1.6:3.3	tasmiṁ khaṇe jātacetanāya sahajātapaccayā honti.
ps1.6:3.4	Tena vuccati—
ps1.6:3.5	kusalamūlapaccayāpi saṅkhārā.
ps1.6:3.6	Nikantikkhaṇe dve hetū akusalā;
ps1.6:3.7	tasmiṁ khaṇe jātacetanāya sahajātapaccayā honti.
ps1.6:3.8	Tena vuccati—
ps1.6:3.9	akusalamūlapaccayāpi saṅkhārā.
ps1.6:3.10	Paṭisandhikkhaṇe tayo hetū abyākatā;
ps1.6:3.11	tasmiṁ khaṇe jātacetanāya sahajātapaccayā honti.
ps1.6:3.12	Tena vuccati—
ps1.6:3.13	“nāmarūpapaccayāpi viññāṇaṁ, viññāṇapaccayāpi nāmarūpaṁ”.
ps1.6:4.1	Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:4.2	Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti.
ps1.6:4.3	Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:4.4	Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:4.5	Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:4.6	Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:4.7	Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:4.8	Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:4.9	Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:4.10	Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:4.11	Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:4.12	Gatisampattiyā ñāṇasampayutte imesaṁ aṭṭhannaṁ hetūnaṁ paccayā upapatti hoti.
ps1.6:5.1	Khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇasampayutte katamesaṁ aṭṭhannaṁ hetūnaṁ paccayā upapatti hoti?
ps1.6:5.2	Kusalakammassa javanakkhaṇe tayo hetū kusalā;
ps1.6:5.3	tasmiṁ khaṇe jātacetanāya sahajātapaccayā honti.
ps1.6:5.4	Tena vuccati—
ps1.6:5.5	“kusalamūlapaccayāpi saṅkhārā”.
ps1.6:5.6	Nikantikkhaṇe dve hetū akusalā;
ps1.6:5.7	tasmiṁ khaṇe jātacetanāya sahajātapaccayā honti.
ps1.6:5.8	Tena vuccati—
ps1.6:5.9	“akusalamūlapaccayāpi saṅkhārā”.
ps1.6:5.10	Paṭisandhikkhaṇe tayo hetū abyākatā;
ps1.6:5.11	tasmiṁ khaṇe jātacetanāya sahajātapaccayā honti.
ps1.6:5.12	Tena vuccati—
ps1.6:5.13	“nāmarūpapaccayāpi viññāṇaṁ, viññāṇapaccayāpi nāmarūpaṁ”.
ps1.6:6.1	Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:6.2	Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti.
ps1.6:6.3	Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:6.4	Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:6.5	Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:6.6	Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:6.7	Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:6.8	Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:6.9	Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:6.10	Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:6.11	Paṭisandhikkhaṇe ime aṭṭhavīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:6.12	Khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇasampayutte imesaṁ aṭṭhannaṁ hetūnaṁ paccayā upapatti hoti.
ps1.6:7.1	Rūpāvacarānaṁ devānaṁ katamesaṁ aṭṭhannaṁ hetūnaṁ paccayā upapatti hoti?
ps1.6:7.2	Kusalakammassa javanakkhaṇe tayo hetū kusalā …pe…
ps1.6:7.3	rūpāvacarānaṁ devānaṁ imesaṁ aṭṭhannaṁ hetūnaṁ paccayā upapatti hoti.
ps1.6:8.1	Arūpāvacarānaṁ devānaṁ katamesaṁ aṭṭhannaṁ hetūnaṁ paccayā upapatti hoti?
ps1.6:8.2	Kusalakammassa javanakkhaṇe tayo hetū kusalā;
ps1.6:8.3	tasmiṁ khaṇe jātacetanāya sahajātapaccayā honti.
ps1.6:8.4	Tena vuccati—
ps1.6:8.5	“kusalamūlapaccayāpi saṅkhārā”.
ps1.6:8.6	Nikantikkhaṇe dve hetū akusalā;
ps1.6:8.7	tasmiṁ khaṇe jātacetanāya sahajātapaccayā honti.
ps1.6:8.8	Tena vuccati—
ps1.6:8.9	“akusalamūlapaccayāpi saṅkhārā”.
ps1.6:8.10	Paṭisandhikkhaṇe tayo hetū abyākatā;
ps1.6:8.11	tasmiṁ khaṇe jātacetanāya sahajātapaccayā honti.
ps1.6:8.12	Tena vuccati—
ps1.6:8.13	“nāmapaccayāpi viññāṇaṁ viññāṇapaccayāpi nāmaṁ”.
ps1.6:9.1	Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:9.2	Paṭisandhikkhaṇe pañcindriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:9.3	Paṭisandhikkhaṇe tayo hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:9.4	Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:9.5	Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:9.6	Arūpāvacarānaṁ devānaṁ imesaṁ aṭṭhannaṁ hetūnaṁ paccayā upapatti hoti.
ps1.6:10.1	Gatisampattiyā ñāṇavippayutte katinaṁ hetūnaṁ paccayā upapatti hoti?
ps1.6:10.2	Khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇavippayutte katinaṁ hetūnaṁ paccayā upapatti hoti?
ps1.6:11.1	Gatisampattiyā ñāṇavippayutte channaṁ hetūnaṁ paccayā upapatti hoti.
ps1.6:11.2	Khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇavippayutte channaṁ hetūnaṁ paccayā upapatti hoti.
ps1.6:12.1	Gatisampattiyā ñāṇavippayutte katamesaṁ channaṁ hetūnaṁ paccayā upapatti hoti?
ps1.6:12.2	Kusalakammassa javanakkhaṇe dve hetū kusalā;
ps1.6:12.3	tasmiṁ khaṇe jātacetanāya sahajātapaccayā honti.
ps1.6:12.4	Tena vuccati—
ps1.6:12.5	“kusalamūlapaccayāpi saṅkhārā”.
ps1.6:12.6	Nikantikkhaṇe dve hetū akusalā;
ps1.6:12.7	tasmiṁ khaṇe jātacetanāya sahajātapaccayā honti.
ps1.6:12.8	Tena vuccati—
ps1.6:12.9	“akusalamūlapaccayāpi saṅkhārā”.
ps1.6:12.10	Paṭisandhikkhaṇe dve hetū abyākatā;
ps1.6:12.11	tasmiṁ khaṇe jātacetanāya sahajātapaccayā honti.
ps1.6:12.12	Tena vuccati—
ps1.6:12.13	“nāmarūpapaccayāpi viññāṇaṁ, viññāṇapaccayāpi nāmarūpaṁ”.
ps1.6:13.1	Paṭisandhikkhaṇe pañcakkhandhā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:13.2	Paṭisandhikkhaṇe cattāro mahābhūtā sahajātapaccayā honti, aññamaññapaccayā honti, nissayapaccayā honti.
ps1.6:13.3	Paṭisandhikkhaṇe tayo jīvitasaṅkhārā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:13.4	Paṭisandhikkhaṇe nāmañca rūpañca sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:13.5	Paṭisandhikkhaṇe ime cuddasa dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:13.6	Paṭisandhikkhaṇe cattāro khandhā arūpino sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:13.7	Paṭisandhikkhaṇe cattāri indriyāni sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:13.8	Paṭisandhikkhaṇe dve hetū sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:13.9	Paṭisandhikkhaṇe nāmañca viññāṇañca sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:13.10	Paṭisandhikkhaṇe ime dvādasa dhammā sahajātapaccayā honti, aññamaññapaccayā honti, nissayapaccayā honti, sampayuttapaccayā honti.
ps1.6:13.11	Paṭisandhikkhaṇe ime chabbīsati dhammā sahajātapaccayā honti, aññamaññapaccayā honti, nissayapaccayā honti, vippayuttapaccayā honti.
ps1.6:13.12	Gatisampattiyā ñāṇavippayutte imesaṁ channaṁ hetūnaṁ paccayā upapatti hoti.
ps1.6:14.1	Khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇavippayutte katamesaṁ channaṁ hetūnaṁ paccayā upapatti hoti?
ps1.6:14.2	Kusalakammassa javanakkhaṇe dve hetū kusalā;
ps1.6:14.3	tasmiṁ khaṇe jātacetanāya sahajātapaccayā honti.
ps1.6:14.4	Tena vuccati—
ps1.6:14.5	“kusalamūlapaccayāpi saṅkhārā …pe…
ps1.6:14.6	khattiyamahāsālānaṁ brāhmaṇamahāsālānaṁ gahapatimahāsālānaṁ kāmāvacarānaṁ devānaṁ ñāṇavippayutte imesaṁ channaṁ hetūnaṁ paccayā upapatti hotī”ti.
ps1.6:14.7	Gatikathā niṭṭhitā.
ps1.7:0.1	Paṭisambhidāmagga
ps1.7:0.2	1 Mahāvagga
ps1.7:0.3	1.7. Kammakathā
ps1.7:1.1	Ahosi kammaṁ, ahosi kammavipāko.
ps1.7:1.2	Ahosi kammaṁ, nāhosi kammavipāko.
ps1.7:1.3	Ahosi kammaṁ, atthi kammavipāko.
ps1.7:1.4	Ahosi kammaṁ, natthi kammavipāko.
ps1.7:1.5	Ahosi kammaṁ, bhavissati kammavipāko.
ps1.7:1.6	Ahosi kammaṁ, na bhavissati kammavipāko.
ps1.7:1.7	(Atītakammaṁ)
ps1.7:2.1	Atthi kammaṁ, atthi kammavipāko.
ps1.7:2.2	Atthi kammaṁ, natthi kammavipāko.
ps1.7:2.3	Atthi kammaṁ, bhavissati kammavipāko.
ps1.7:2.4	Atthi kammaṁ, na bhavissati kammavipāko.
ps1.7:2.5	(Paccuppannakammaṁ)
ps1.7:3.1	Bhavissati kammaṁ, bhavissati kammavipāko.
ps1.7:3.2	Bhavissati kammaṁ, na bhavissati kammavipāko.
ps1.7:3.3	(Anāgatakammaṁ)
ps1.7:4.1	Ahosi kusalaṁ kammaṁ, ahosi kusalassa kammassa vipāko.
ps1.7:4.2	Ahosi kusalaṁ kammaṁ, nāhosi kusalassa kammassa vipāko.
ps1.7:4.3	Ahosi kusalaṁ kammaṁ, atthi kusalassa kammassa vipāko.
ps1.7:4.4	Ahosi kusalaṁ kammaṁ, natthi kusalassa kammassa vipāko.
ps1.7:4.5	Ahosi kusalaṁ kammaṁ, bhavissati kusalassa kammassa vipāko.
ps1.7:4.6	Ahosi kusalaṁ kammaṁ, na bhavissati kusalassa kammassa vipāko.
ps1.7:5.1	Atthi kusalaṁ kammaṁ, atthi kusalassa kammassa vipāko.
ps1.7:5.2	Atthi kusalaṁ kammaṁ, natthi kusalassa kammassa vipāko.
ps1.7:5.3	Atthi kusalaṁ kammaṁ, bhavissati kusalassa kammassa vipāko.
ps1.7:5.4	Atthi kusalaṁ kammaṁ, na bhavissati kusalassa kammassa vipāko.
ps1.7:6.1	Bhavissati kusalaṁ kammaṁ, bhavissati kusalassa kammassa vipāko.
ps1.7:6.2	Bhavissati kusalaṁ kammaṁ, na bhavissati kusalassa kammassa vipāko.
ps1.7:7.1	Ahosi akusalaṁ kammaṁ, ahosi akusalassa kammassa vipāko.
ps1.7:7.2	Ahosi akusalaṁ kammaṁ, nāhosi akusalassa kammassa vipāko.
ps1.7:7.3	Ahosi akusalaṁ kammaṁ, atthi akusalassa kammassa vipāko.
ps1.7:7.4	Ahosi akusalaṁ kammaṁ, natthi akusalassa kammassa vipāko.
ps1.7:7.5	Ahosi akusalaṁ kammaṁ, bhavissati akusalassa kammassa vipāko.
ps1.7:7.6	Ahosi akusalaṁ kammaṁ, na bhavissati akusalassa kammassa vipāko.
ps1.7:8.1	Atthi akusalaṁ kammaṁ, atthi akusalassa kammassa vipāko.
ps1.7:8.2	Atthi akusalaṁ kammaṁ, natthi akusalassa kammassa vipāko.
ps1.7:8.3	Atthi akusalaṁ kammaṁ, bhavissati akusalassa kammassa vipāko.
ps1.7:8.4	Atthi akusalaṁ kammaṁ, na bhavissati akusalassa kammassa vipāko.
ps1.7:9.1	Bhavissati akusalaṁ kammaṁ, bhavissati akusalassa kammassa vipāko.
ps1.7:9.2	Bhavissati akusalaṁ kammaṁ, na bhavissati akusalassa kammassa vipāko.
ps1.7:10.1	Ahosi sāvajjaṁ kammaṁ …pe…
ps1.7:10.2	ahosi anavajjaṁ kammaṁ …pe…
ps1.7:10.3	ahosi kaṇhaṁ kammaṁ …pe…
ps1.7:10.4	ahosi sukkaṁ kammaṁ …pe…
ps1.7:10.5	ahosi sukhudrayaṁ kammaṁ …pe…
ps1.7:10.6	ahosi dukkhudrayaṁ kammaṁ …pe…
ps1.7:10.7	ahosi sukhavipākaṁ kammaṁ …pe…
ps1.7:10.8	ahosi dukkhavipākaṁ kammaṁ, ahosi dukkhavipākassa kammassa vipāko.
ps1.7:10.9	Ahosi dukkhavipākaṁ kammaṁ, nāhosi dukkhavipākassa kammassa vipāko.
ps1.7:10.10	Ahosi dukkhavipākaṁ kammaṁ, atthi dukkhavipākassa kammassa vipāko.
ps1.7:10.11	Ahosi dukkhavipākaṁ kammaṁ, natthi dukkhavipākassa kammassa vipāko.
ps1.7:10.12	Ahosi dukkhavipākaṁ kammaṁ, bhavissati dukkhavipākassa kammassa vipāko.
ps1.7:10.13	Ahosi dukkhavipākaṁ kammaṁ, na bhavissati dukkhavipākassa kammassa vipāko.
ps1.7:11.1	Atthi dukkhavipākaṁ kammaṁ, atthi dukkhavipākassa kammassa vipāko.
ps1.7:11.2	Atthi dukkhavipākaṁ kammaṁ, natthi dukkhavipākassa kammassa vipāko.
ps1.7:11.3	Atthi dukkhavipākaṁ kammaṁ, bhavissati dukkhavipākassa kammassa vipāko.
ps1.7:11.4	Atthi dukkhavipākaṁ kammaṁ, na bhavissati dukkhavipākassa kammassa vipāko.
ps1.7:12.1	Bhavissati dukkhavipākaṁ kammaṁ, bhavissati dukkhavipākassa kammassa vipāko.
ps1.7:12.2	Bhavissati dukkhavipākaṁ kammaṁ, na bhavissati dukkhavipākassa kammassa vipākoti.
ps1.7:12.3	Kammakathā niṭṭhitā.
ps1.8:0.1	Paṭisambhidāmagga
ps1.8:0.2	1 Mahāvagga
ps1.8:0.3	1.8. Vipallāsakathā
ps1.8:1.1	Purimanidānaṁ.
ps1.8:1.2	“Cattārome, bhikkhave, saññāvipallāsā cittavipallāsā diṭṭhivipallāsā.
ps1.8:1.3	Katame cattāro?
ps1.8:1.4	Anicce, bhikkhave, niccanti saññāvipallāso cittavipallāso diṭṭhivipallāso.
ps1.8:1.5	Dukkhe, bhikkhave, sukhanti saññāvipallāso cittavipallāso diṭṭhivipallāso.
ps1.8:1.6	Anattani, bhikkhave, attāti saññāvipallāso cittavipallāso diṭṭhivipallāso.
ps1.8:1.7	Asubhe, bhikkhave, subhanti saññāvipallāso cittavipallāso diṭṭhivipallāso.
ps1.8:1.8	Ime kho, bhikkhave, cattāro saññāvipallāsā cittavipallāsā diṭṭhivipallāsā.
ps1.8:2.1	Cattārome, bhikkhave, nasaññāvipallāsā nacittavipallāsā nadiṭṭhivipallāsā.
ps1.8:2.2	Katame cattāro?
ps1.8:2.3	Anicce, bhikkhave, aniccanti nasaññāvipallāso nacittavipallāso nadiṭṭhivipallāso.
ps1.8:2.4	Dukkhe, bhikkhave, dukkhanti nasaññāvipallāso nacittavipallāso nadiṭṭhivipallāso.
ps1.8:2.5	Anattani, bhikkhave, anattāti nasaññāvipallāso nacittavipallāso nadiṭṭhivipallāso.
ps1.8:2.6	Asubhe, bhikkhave, asubhanti nasaññāvipallāso nacittavipallāso nadiṭṭhivipallāso.
ps1.8:2.7	Ime kho, bhikkhave, cattāro nasaññāvipallāsā nacittavipallāsā nadiṭṭhivipallāsā”ti.
ps1.8:3.1	“Anicce niccasaññino,
ps1.8:3.2	dukkhe ca sukhasaññino;
ps1.8:3.3	Anattani ca attāti,
ps1.8:3.4	asubhe subhasaññino;
ps1.8:3.5	Micchādiṭṭhihatā sattā,
ps1.8:3.6	khittacittā visaññino.
ps1.8:4.1	Te yogayuttā mārassa,
ps1.8:4.2	ayogakkhemino janā;
ps1.8:4.3	Sattā gacchanti saṁsāraṁ,
ps1.8:4.4	jātimaraṇagāmino.
ps1.8:5.1	Yadā ca buddhā lokasmiṁ,
ps1.8:5.2	uppajjanti pabhaṅkarā;
ps1.8:5.3	Te imaṁ dhammaṁ pakāsenti,
ps1.8:5.4	dukkhūpasamagāminaṁ.
ps1.8:6.1	Tesaṁ sutvāna sappaññā,
ps1.8:6.2	sacittaṁ paccaladdhu te;
ps1.8:6.3	Aniccaṁ aniccato dakkhuṁ,
ps1.8:6.4	dukkhamaddakkhu dukkhato.
ps1.8:7.1	Anattani anattāti,
ps1.8:7.2	asubhaṁ asubhataddasuṁ;
ps1.8:7.3	Sammādiṭṭhisamādānā,
ps1.8:7.4	sabbaṁ dukkhaṁ upaccagun”ti.
ps1.8:8.1	Ime cattāro vipallāsā diṭṭhisampannassa puggalassa pahīnā, appahīnāti.
ps1.8:8.2	Keci pahīnā, keci appahīnā?
ps1.8:8.3	Anicce niccanti saññāvipallāso cittavipallāso diṭṭhivipallāso pahīno.
ps1.8:8.4	Dukkhe sukhanti saññā uppajjati, cittaṁ uppajjati, diṭṭhivipallāso pahīno.
ps1.8:8.5	Anattani attāti saññāvipallāso cittavipallāso diṭṭhivipallāso pahīno.
ps1.8:8.6	Asubhe subhanti saññā uppajjati, cittaṁ uppajjati, diṭṭhivipallāso pahīno.
ps1.8:8.7	Dvīsu vatthūsu cha vipallāsā pahīnā.
ps1.8:8.8	Dvīsu vatthūsu dve vipallāsā pahīnā, cattāro vipallāsā appahīnā.
ps1.8:8.9	Catūsu vatthūsu aṭṭha vipallāsā pahīnā, cattāro vipallāsā appahīnāti.
ps1.8:8.10	Vipallāsakathā niṭṭhitā.
ps1.9:0.1	Paṭisambhidāmagga
ps1.9:0.2	1Mahāvagga
ps1.9:0.3	1.9. Maggakathā
ps1.9:1.1	<b>Maggo</b>ti kenaṭṭhena maggo?
ps1.9:1.2	Sotāpattimaggakkhaṇe dassanaṭṭhena sammādiṭṭhi micchādiṭṭhiyā pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ps1.9:2.1	Abhiniropanaṭṭhena sammāsaṅkappo micchāsaṅkappassa pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ps1.9:3.1	Pariggahaṭṭhena sammāvācā micchāvācāya pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ps1.9:4.1	Samuṭṭhānaṭṭhena sammākammanto micchākammantassa pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ps1.9:5.1	Vodānaṭṭhena sammāājīvo micchāājīvassa pahānāya maggo ceva hetu ca …pe…
ps1.9:5.2	paggahaṭṭhena sammāvāyāmo micchāvāyāmassa pahānāya maggo ceva hetu ca …pe…
ps1.9:5.3	upaṭṭhānaṭṭhena sammāsati micchāsatiyā pahānāya maggo ceva hetu ca …pe…
ps1.9:5.4	avikkhepaṭṭhena sammāsamādhi micchāsamādhissa pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ps1.9:6.1	Sakadāgāmimaggakkhaṇe dassanaṭṭhena sammādiṭṭhi …pe…
ps1.9:6.2	avikkhepaṭṭhena sammāsamādhi oḷārikassa kāmarāgasaññojanassa paṭighasaññojanassa oḷārikassa kāmarāgānusayassa paṭighānusayassa pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ps1.9:7.1	Anāgāmimaggakkhaṇe dassanaṭṭhena sammādiṭṭhi …pe…
ps1.9:7.2	avikkhepaṭṭhena sammāsamādhi anusahagatassa kāmarāgasaññojanassa paṭighasaññojanassa, anusahagatassa kāmarāgānusayassa paṭighānusayassa pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ps1.9:8.1	Arahattamaggakkhaṇe dassanaṭṭhena sammādiṭṭhi …pe…
ps1.9:8.2	avikkhepaṭṭhena sammāsamādhi rūparāgassa arūparāgassa mānassa uddhaccassa avijjāya, mānānusayassa bhavarāgānusayassa avijjānusayassa pahānāya maggo ceva hetu ca, sahajātānaṁ dhammānaṁ upatthambhanāya maggo ceva hetu ca, kilesānaṁ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa, vodānāya maggo ceva hetu ca, visesādhigamāya maggo ceva hetu ca, uttaripaṭivedhāya maggo ceva hetu ca, saccābhisamayāya maggo ceva, hetu ca, nirodhe patiṭṭhāpanāya maggo ceva hetu ca.
ps1.9:9.1	Dassanamaggo sammādiṭṭhi, abhiniropanamaggo sammāsaṅkappo, pariggahamaggo sammāvācā, samuṭṭhānamaggo sammākammanto, vodānamaggo sammāājīvo, paggahamaggo sammāvāyāmo, upaṭṭhānamaggo sammāsati, avikkhepamaggo sammāsamādhi.
ps1.9:9.2	Upaṭṭhānamaggo satisambojjhaṅgo, pavicayamaggo dhammavicayasambojjhaṅgo, paggahamaggo vīriyasambojjhaṅgo, pharaṇamaggo pītisambojjhaṅgo, upasamamaggo passaddhisambojjhaṅgo, avikkhepamaggo samādhisambojjhaṅgo, paṭisaṅkhānamaggo upekkhāsambojjhaṅgo.
ps1.9:10.1	Assaddhiye akampiyamaggo saddhābalaṁ, kosajje akampiyamaggo vīriyabalaṁ, pamāde akampiyamaggo satibalaṁ, uddhacce akampiyamaggo samādhibalaṁ, avijjāya akampiyamaggo paññābalaṁ.
ps1.9:10.2	Adhimokkhamaggo saddhindriyaṁ, paggahamaggo vīriyindriyaṁ, upaṭṭhānamaggo satindriyaṁ, avikkhepamaggo samādhindriyaṁ, dassanamaggo paññindriyaṁ.
ps1.9:11.1	Ādhipateyyaṭṭhena indriyā maggo, akampiyaṭṭhena balā maggo, niyyānaṭṭhena bojjhaṅgā maggo, hetuṭṭhena maggaṅgā maggo, upaṭṭhānaṭṭhena satipaṭṭhānā maggo, padahanaṭṭhena sammappadhānā maggo, ijjhanaṭṭhena iddhipādā maggo, tathaṭṭhena saccāni maggo, avikkhepaṭṭhena samatho maggo, anupassanaṭṭhena vipassanā maggo, ekarasaṭṭhena samathavipassanā maggo, anativattanaṭṭhena yuganaddhā maggo, saṁvaraṭṭhena sīlavisuddhi maggo, avikkhepaṭṭhena cittavisuddhi maggo, dassanaṭṭhena diṭṭhivisuddhi maggo, muttaṭṭhena vimokkho maggo, paṭivedhaṭṭhena vijjā maggo, pariccāgaṭṭhena vimutti maggo, samucchedaṭṭhena khaye ñāṇaṁ maggo, chando mūlaṭṭhena maggo, manasikāro samuṭṭhānaṭṭhena maggo, phasso samodhānaṭṭhena maggo, vedanā samosaraṇaṭṭhena maggo, samādhi pamukhaṭṭhena maggo, sati ādhipateyyaṭṭhena maggo, paññā taduttaraṭṭhena maggo, vimutti sāraṭṭhena maggo, amatogadhaṁ nibbānaṁ pariyosānaṭṭhena maggoti.
ps1.9:11.2	Maggakathā niṭṭhitā.
ps1.10:0.1	Paṭisambhidāmagga
ps1.10:0.2	1 Mahāvagga
ps1.10:0.3	1.10. Maṇḍapeyyakathā
ps1.10:1.1	“Maṇḍapeyyamidaṁ, bhikkhave, brahmacariyaṁ.
ps1.10:1.2	Satthā sammukhībhūto tidhattamaṇḍo.
ps1.10:1.3	Satthari sammukhībhūte desanāmaṇḍo, paṭiggahamaṇḍo, brahmacariyamaṇḍo”.
ps1.10:2.1	Katamo <b>desanāmaṇḍo?</b>
ps1.10:2.2	Catunnaṁ ariyasaccānaṁ ācikkhanā desanā paññāpanā paṭṭhapanā vivaraṇā vibhajanā uttānīkammaṁ, catunnaṁ satipaṭṭhānānaṁ …pe…
ps1.10:2.3	catunnaṁ sammappadhānānaṁ …
ps1.10:2.4	catunnaṁ iddhipādānaṁ …
ps1.10:2.5	pañcannaṁ indriyānaṁ …
ps1.10:2.6	pañcannaṁ balānaṁ …
ps1.10:2.7	sattannaṁ bojjhaṅgānaṁ …
ps1.10:2.8	ariyassa aṭṭhaṅgikassa maggassa ācikkhanā desanā paññāpanā paṭṭhapanā vivaraṇā vibhajanā uttānīkammaṁ—
ps1.10:2.9	ayaṁ desanāmaṇḍo.
ps1.10:3.1	Katamo <b>paṭiggahamaṇḍo?</b>
ps1.10:3.2	Bhikkhū bhikkhuniyo upāsakā upāsikāyo devā manussā ye vā panaññepi keci viññātāro—
ps1.10:3.3	ayaṁ paṭiggahamaṇḍo.
ps1.10:4.1	Katamo <b>brahmacariyamaṇḍo?</b>
ps1.10:4.2	Ayameva ariyo aṭṭhaṅgiko maggo, seyyathidaṁ—
ps1.10:4.3	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi—
ps1.10:4.4	ayaṁ brahmacariyamaṇḍo.
ps1.10:5.1	Adhimokkhamaṇḍo saddhindriyaṁ, assaddhiyaṁ kasaṭo;
ps1.10:5.2	assaddhiyaṁ kasaṭaṁ chaḍḍetvā saddhindriyassa adhimokkhamaṇḍaṁ pivatīti—
ps1.10:5.3	maṇḍapeyyaṁ.
ps1.10:5.4	Paggahamaṇḍo vīriyindriyaṁ, kosajjaṁ kasaṭo;
ps1.10:5.5	kosajjaṁ kasaṭaṁ chaḍḍetvā vīriyindriyassa paggahamaṇḍaṁ pivatīti—
ps1.10:5.6	maṇḍapeyyaṁ.
ps1.10:5.7	Upaṭṭhānamaṇḍo satindriyaṁ, pamādo kasaṭo;
ps1.10:5.8	pamādaṁ kasaṭaṁ chaḍḍetvā satindriyassa upaṭṭhānamaṇḍaṁ pivatīti—
ps1.10:5.9	maṇḍapeyyaṁ.
ps1.10:5.10	Avikkhepamaṇḍo samādhindriyaṁ, uddhaccaṁ kasaṭo;
ps1.10:5.11	uddhaccaṁ kasaṭaṁ chaḍḍetvā samādhindriyassa avikkhepamaṇḍaṁ pivatīti—
ps1.10:5.12	maṇḍapeyyaṁ.
ps1.10:5.13	Dassanamaṇḍo paññindriyaṁ, avijjā kasaṭo;
ps1.10:5.14	avijjaṁ kasaṭaṁ chaḍḍetvā paññindriyassa dassanamaṇḍaṁ pivatīti—
ps1.10:5.15	maṇḍapeyyaṁ.
ps1.10:6.1	Assaddhiye akampiyamaṇḍo saddhābalaṁ, assaddhiyaṁ kasaṭo;
ps1.10:6.2	assaddhiyaṁ kasaṭaṁ chaḍḍetvā saddhābalassa assaddhiye akampiyamaṇḍaṁ pivatīti—
ps1.10:6.3	maṇḍapeyyaṁ.
ps1.10:6.4	Kosajje akampiyamaṇḍo vīriyabalaṁ, kosajjaṁ kasaṭo;
ps1.10:6.5	kosajjaṁ kasaṭaṁ chaḍḍetvā vīriyabalassa kosajje akampiyamaṇḍaṁ pivatīti—
ps1.10:6.6	maṇḍapeyyaṁ.
ps1.10:6.7	Pamāde akampiyamaṇḍo satibalaṁ, pamādo kasaṭo;
ps1.10:6.8	pamādaṁ kasaṭaṁ chaḍḍetvā satibalassa pamāde akampiyamaṇḍaṁ pivatīti—
ps1.10:6.9	maṇḍapeyyaṁ.
ps1.10:6.10	Uddhacce akampiyamaṇḍo samādhibalaṁ, uddhaccaṁ kasaṭo;
ps1.10:6.11	uddhaccaṁ kasaṭaṁ chaḍḍetvā samādhibalassa uddhacce akampiyamaṇḍaṁ pivatīti—
ps1.10:6.12	maṇḍapeyyaṁ.
ps1.10:6.13	Avijjāya akampiyamaṇḍo paññābalaṁ, avijjā kasaṭo;
ps1.10:6.14	avijjaṁ kasaṭaṁ chaḍḍetvā paññābalassa avijjāya akampiyamaṇḍaṁ pivatīti—
ps1.10:6.15	maṇḍapeyyaṁ.
ps1.10:7.1	Upaṭṭhānamaṇḍo satisambojjhaṅgā, pamādo kasaṭo;
ps1.10:7.2	pamādaṁ kasaṭaṁ chaḍḍetvā satisambojjhaṅgassa upaṭṭhānamaṇḍaṁ pivatīti—
ps1.10:7.3	maṇḍapeyyaṁ.
ps1.10:7.4	Pavicayamaṇḍo dhammavicayasambojjhaṅgo, avijjā kasaṭo;
ps1.10:7.5	avijjaṁ kasaṭaṁ chaḍḍetvā dhammavicayasambojjhaṅgassa pavicayamaṇḍaṁ pivatīti—
ps1.10:7.6	maṇḍapeyyaṁ.
ps1.10:7.7	Paggahamaṇḍo vīriyasambojjhaṅgo, kosajjaṁ kasaṭo;
ps1.10:7.8	kosajjaṁ kasaṭaṁ chaḍḍetvā vīriyasambojjhaṅgassa paggahamaṇḍaṁ pivatīti—
ps1.10:7.9	maṇḍapeyyaṁ.
ps1.10:7.10	Pharaṇamaṇḍo pītisambojjhaṅgo, pariḷāho kasaṭo;
ps1.10:7.11	pariḷāhaṁ kasaṭaṁ chaḍḍetvā pītisambojjhaṅgassa pharaṇamaṇḍaṁ pivatīti—
ps1.10:7.12	maṇḍapeyyaṁ.
ps1.10:7.13	Upasamamaṇḍo passaddhisambojjhaṅgo, duṭṭhullaṁ kasaṭo;
ps1.10:7.14	duṭṭhullaṁ kasaṭaṁ chaḍḍetvā passaddhisambojjhaṅgassa upasamamaṇḍaṁ pivatīti—
ps1.10:7.15	maṇḍapeyyaṁ.
ps1.10:7.16	Avikkhepamaṇḍo samādhisambojjhaṅgo, uddhaccaṁ kasaṭo;
ps1.10:7.17	uddhaccaṁ kasaṭaṁ chaḍḍetvā samādhisambojjhaṅgassa avikkhepamaṇḍaṁ pivatīti—
ps1.10:7.18	maṇḍapeyyaṁ.
ps1.10:7.19	Paṭisaṅkhānamaṇḍo upekkhāsambojjhaṅgo, appaṭisaṅkhā kasaṭo;
ps1.10:7.20	appaṭisaṅkhaṁ kasaṭaṁ chaḍḍetvā upekkhāsambojjhaṅgassa paṭisaṅkhānamaṇḍaṁ pivatīti—
ps1.10:7.21	maṇḍapeyyaṁ.
ps1.10:8.1	Dassanamaṇḍo sammādiṭṭhi, micchādiṭṭhi kasaṭo;
ps1.10:8.2	micchādiṭṭhiṁ kasaṭaṁ chaḍḍetvā sammādiṭṭhiyā dassanamaṇḍaṁ pivatīti—
ps1.10:8.3	maṇḍapeyyaṁ.
ps1.10:8.4	Abhiniropanamaṇḍo sammāsaṅkappo, micchāsaṅkappo kasaṭo;
ps1.10:8.5	micchāsaṅkappaṁ kasaṭaṁ chaḍḍetvā sammāsaṅkappassa abhiniropanamaṇḍaṁ pivatīti—
ps1.10:8.6	maṇḍapeyyaṁ.
ps1.10:8.7	Pariggahamaṇḍo sammāvācā, micchāvācā kasaṭo;
ps1.10:8.8	micchāvācaṁ kasaṭaṁ chaḍḍetvā sammāvācāya pariggahamaṇḍaṁ pivatīti—
ps1.10:8.9	maṇḍapeyyaṁ.
ps1.10:8.10	Samuṭṭhānamaṇḍo sammākammanto, micchākammanto kasaṭo;
ps1.10:8.11	micchākammantaṁ kasaṭaṁ chaḍḍetvā sammākammantassa samuṭṭhānamaṇḍaṁ pivatīti—
ps1.10:8.12	maṇḍapeyyaṁ.
ps1.10:8.13	Vodānamaṇḍo sammāājīvo, micchāājīvo kasaṭo;
ps1.10:8.14	micchāājīvaṁ kasaṭaṁ chaḍḍetvā sammāājīvassa vodānamaṇḍaṁ pivatīti—
ps1.10:8.15	maṇḍapeyyaṁ.
ps1.10:8.16	Paggahamaṇḍo sammāvāyāmo, micchāvāyāmo kasaṭo;
ps1.10:8.17	micchāvāyāmaṁ kasaṭaṁ chaḍḍetvā sammāvāyāmassa paggahamaṇḍaṁ pivatīti—
ps1.10:8.18	maṇḍapeyyaṁ.
ps1.10:8.19	Upaṭṭhānamaṇḍo sammāsati, micchāsati kasaṭo;
ps1.10:8.20	micchāsatiṁ kasaṭaṁ chaḍḍetvā sammāsatiyā upaṭṭhānamaṇḍaṁ pivatīti—
ps1.10:8.21	maṇḍapeyyaṁ.
ps1.10:8.22	Avikkhepamaṇḍo sammāsamādhi, micchāsamādhi kasaṭo;
ps1.10:8.23	micchāsamādhiṁ kasaṭaṁ chaḍḍetvā sammāsamādhissa avikkhepamaṇḍaṁ pivatīti—
ps1.10:8.24	maṇḍapeyyaṁ.
ps1.10:9.1	Atthi maṇḍo, atthi peyyaṁ, atthi kasaṭo.
ps1.10:9.2	Adhimokkhamaṇḍo saddhindriyaṁ, assaddhiyaṁ kasaṭo;
ps1.10:9.3	yo tattha attharaso dhammaraso vimuttiraso—
ps1.10:9.4	idaṁ peyyaṁ.
ps1.10:9.5	Paggahamaṇḍo vīriyindriyaṁ, kosajjaṁ kasaṭo;
ps1.10:9.6	yo tattha attharaso dhammaraso vimuttiraso—
ps1.10:9.7	idaṁ peyyaṁ.
ps1.10:9.8	Upaṭṭhānamaṇḍo satindriyaṁ, pamādo kasaṭo;
ps1.10:9.9	yo tattha attharaso dhammaraso vimuttiraso—
ps1.10:9.10	idaṁ peyyaṁ.
ps1.10:9.11	Avikkhepamaṇḍo samādhindriyaṁ, uddhaccaṁ kasaṭo;
ps1.10:9.12	yo tattha attharaso dhammaraso vimuttiraso—
ps1.10:9.13	idaṁ peyyaṁ.
ps1.10:9.14	Dassanamaṇḍo paññindriyaṁ, avijjā kasaṭo;
ps1.10:9.15	yo tattha attharaso dhammaraso vimuttiraso—
ps1.10:9.16	idaṁ peyyaṁ.
ps1.10:10.1	Assaddhiye akampiyamaṇḍo saddhābalaṁ, assaddhiyaṁ kasaṭo;
ps1.10:10.2	yo tattha attharaso dhammaraso vimuttiraso—
ps1.10:10.3	idaṁ peyyaṁ.
ps1.10:10.4	Kosajje akampiyamaṇḍo vīriyabalaṁ, kosajjaṁ kasaṭo;
ps1.10:10.5	yo tattha attharaso dhammaraso vimuttiraso—
ps1.10:10.6	idaṁ peyyaṁ.
ps1.10:10.7	Pamāde akampiyamaṇḍo satibalaṁ, pamādo kasaṭo;
ps1.10:10.8	yo tattha attharaso dhammaraso vimuttiraso—
ps1.10:10.9	idaṁ peyyaṁ.
ps1.10:10.10	Uddhacce akampiyamaṇḍo samādhibalaṁ, uddhaccaṁ kasaṭo;
ps1.10:10.11	yo tattha attharaso dhammaraso vimuttiraso—
ps1.10:10.12	idaṁ peyyaṁ.
ps1.10:10.13	Avijjāya akampiyamaṇḍo paññābalaṁ, avijjā kasaṭo;
ps1.10:10.14	yo tattha attharaso dhammaraso vimuttiraso—
ps1.10:10.15	idaṁ peyyaṁ.
ps1.10:11.1	Upaṭṭhānamaṇḍo satisambojjhaṅgo, pamādo kasaṭo;
ps1.10:11.2	yo tattha attharaso dhammaraso vimuttiraso—
ps1.10:11.3	idaṁ peyyaṁ.
ps1.10:11.4	Pavicayamaṇḍo dhammavicayasambojjhaṅgo, avijjā kasaṭo;
ps1.10:11.5	yo tattha attharaso dhammaraso vimuttiraso—
ps1.10:11.6	idaṁ peyyaṁ.
ps1.10:11.7	Paggahamaṇḍo vīriyasambojjhaṅgo, kosajjaṁ kasaṭo;
ps1.10:11.8	yo tattha attharaso dhammaraso vimuttiraso—
ps1.10:11.9	idaṁ peyyaṁ.
ps1.10:11.10	Pharaṇamaṇḍo pītisambojjhaṅgo, pariḷāho kasaṭo;
ps1.10:11.11	yo tattha attharaso dhammaraso vimuttiraso—
ps1.10:11.12	idaṁ peyyaṁ.
ps1.10:11.13	Upasamamaṇḍo passaddhisambojjhaṅgo, duṭṭhullaṁ kasaṭo;
ps1.10:11.14	yo tattha attharaso dhammaraso vimuttiraso—
ps1.10:11.15	idaṁ peyyaṁ.
ps1.10:11.16	Avikkhepamaṇḍo samādhisambojjhaṅgo, uddhaccaṁ kasaṭo;
ps1.10:11.17	yo tattha attharaso dhammaraso vimuttiraso—
ps1.10:11.18	idaṁ peyyaṁ.
ps1.10:11.19	Paṭisaṅkhānamaṇḍo upekkhāsambojjhaṅgo, apaṭisaṅkhā kasaṭo;
ps1.10:11.20	yo tattha attharaso dhammaraso vimuttiraso—
ps1.10:11.21	idaṁ peyyaṁ.
ps1.10:12.1	Dassanamaṇḍo sammādiṭṭhi, micchādiṭṭhi kasaṭo;
ps1.10:12.2	yo tattha attharaso dhammaraso vimuttiraso—
ps1.10:12.3	idaṁ peyyaṁ.
ps1.10:12.4	Abhiniropanamaṇḍo sammāsaṅkappo, micchāsaṅkappo kasaṭo;
ps1.10:12.5	yo tattha attharaso dhammaraso vimuttiraso—
ps1.10:12.6	idaṁ peyyaṁ.
ps1.10:12.7	Pariggahamaṇḍo sammāvācā, micchāvācā kasaṭo;
ps1.10:12.8	yo tattha attharaso dhammaraso vimuttiraso—
ps1.10:12.9	idaṁ peyyaṁ.
ps1.10:12.10	Samuṭṭhānamaṇḍo sammākammanto, micchākammanto kasaṭo;
ps1.10:12.11	yo tattha attharaso dhammaraso vimuttiraso—
ps1.10:12.12	idaṁ peyyaṁ.
ps1.10:12.13	Vodānamaṇḍo sammāājīvo, micchāājīvo kasaṭo;
ps1.10:12.14	yo tattha attharaso dhammaraso vimuttiraso—
ps1.10:12.15	idaṁ peyyaṁ.
ps1.10:12.16	Paggahamaṇḍo sammāvāyāmo, micchāvāyāmo kasaṭo;
ps1.10:12.17	yo tattha attharaso dhammaraso vimuttiraso—
ps1.10:12.18	idaṁ peyyaṁ.
ps1.10:12.19	Upaṭṭhānamaṇḍo sammāsati, micchāsati kasaṭo;
ps1.10:12.20	yo tattha attharaso dhammaraso vimuttiraso—
ps1.10:12.21	idaṁ peyyaṁ.
ps1.10:12.22	Avikkhepamaṇḍo sammāsamādhi, micchāsamādhi kasaṭo;
ps1.10:12.23	yo tattha attharaso dhammaraso vimuttiraso—
ps1.10:12.24	idaṁ peyyaṁ.
ps1.10:13.1	Dassanamaṇḍo sammādiṭṭhi …
ps1.10:13.2	abhiniropanamaṇḍo sammāsaṅkappo …
ps1.10:13.3	pariggahamaṇḍo sammāvācā …
ps1.10:13.4	samuṭṭhānamaṇḍo sammākammanto …
ps1.10:13.5	vodānamaṇḍo sammāājīvo …
ps1.10:13.6	paggahamaṇḍo sammāvāyāmo …
ps1.10:13.7	upaṭṭhānamaṇḍo sammāsati …
ps1.10:13.8	avikkhepamaṇḍo sammāsamādhi.
ps1.10:14.1	Upaṭṭhānamaṇḍo satisambojjhaṅgo …
ps1.10:14.2	pavicayamaṇḍo dhammavicayasambojjhaṅgo …
ps1.10:14.3	paggahamaṇḍo vīriyasambojjhaṅgo …
ps1.10:14.4	pharaṇamaṇḍo pītisambojjhaṅgo …
ps1.10:14.5	upasamamaṇḍo passaddhisambojjhaṅgo …
ps1.10:14.6	avikkhepamaṇḍo samādhisambojjhaṅgo …
ps1.10:14.7	paṭisaṅkhānamaṇḍo upekkhāsambojjhaṅgo.
ps1.10:15.1	Assaddhiye akampiyamaṇḍo saddhābalaṁ …
ps1.10:15.2	kosajje akampiyamaṇḍo vīriyabalaṁ …
ps1.10:15.3	pamāde akampiyamaṇḍo satibalaṁ …
ps1.10:15.4	uddhacce akampiyamaṇḍo samādhibalaṁ …
ps1.10:15.5	avijjāya akampiyamaṇḍo paññābalaṁ.
ps1.10:16.1	Adhimokkhamaṇḍo saddhindriyaṁ …
ps1.10:16.2	paggahamaṇḍo vīriyindriyaṁ …
ps1.10:16.3	upaṭṭhānamaṇḍo satindriyaṁ …
ps1.10:16.4	avikkhepamaṇḍo samādhindriyaṁ …
ps1.10:16.5	dassanamaṇḍo paññindriyaṁ.
ps1.10:17.1	Ādhipateyyaṭṭhena indriyā maṇḍo, akampiyaṭṭhena balā maṇḍo, niyyānaṭṭhena bojjhaṅgā maṇḍo, hetuṭṭhena maggo maṇḍo, upaṭṭhānaṭṭhena satipaṭṭhānā maṇḍo, padahanaṭṭhena sammappadhānā maṇḍo, ijjhanaṭṭhena iddhipādā maṇḍo, tathaṭṭhena saccā maṇḍo, avikkhepaṭṭhena samatho maṇḍo, anupassanaṭṭhena vipassanā maṇḍo, ekarasaṭṭhena samathavipassanā maṇḍo, anativattanaṭṭhena yuganaddhā maṇḍo, saṁvaraṭṭhena sīlavisuddhi maṇḍo, avikkhepaṭṭhena cittavisuddhi maṇḍo, dassanaṭṭhena diṭṭhivisuddhi maṇḍo, muttaṭṭhena vimokkho maṇḍo, paṭivedhaṭṭhena vijjā maṇḍo, pariccāgaṭṭhena vimutti maṇḍo, samucchedaṭṭhena khaye ñāṇaṁ maṇḍo, paṭippassaddhaṭṭhena anuppāde ñāṇaṁ maṇḍo, chando mūlaṭṭhena maṇḍo, manasikāro samuṭṭhānaṭṭhena maṇḍo, phasso samodhānaṭṭhena maṇḍo, vedanā samosaraṇaṭṭhena maṇḍo, samādhi pamukhaṭṭhena maṇḍo, sati ādhipateyyaṭṭhena maṇḍo, paññā taduttaraṭṭhena maṇḍo, vimutti sāraṭṭhena maṇḍo, amatogadhaṁ nibbānaṁ pariyosānaṭṭhena maṇḍoti.
ps1.10:17.2	Maṇḍapeyyakathā niṭṭhitā.
ps1.10:17.3	Catutthabhāṇavāro.
ps1.10:17.4	Mahāvaggo paṭhamo.
ps1.10:17.5	Tassuddānaṁ
ps1.10:18.1	Ñāṇadiṭṭhī ca assāsā,
ps1.10:18.2	indriyaṁ vimokkhapañcamā;
ps1.10:18.3	Gatikammavipallāsā,
ps1.10:18.4	maggo maṇḍena te dasāti.
ps1.10:18.5	Esa nikāyadharehi ṭhapito, asamo paṭhamo pavaro varavaggoti.
ps2.1:0.1	Paṭisambhidāmagga
ps2.1:0.2	2 Yuganaddhavagga
ps2.1:0.3	2.1. Yuganaddhakathā
ps2.1:1.1	Evaṁ me sutaṁ—
ps2.1:1.2	ekaṁ samayaṁ āyasmā ānando kosambiyaṁ viharati ghositārāme.
ps2.1:1.3	Tatra kho āyasmā ānando bhikkhū āmantesi—
ps2.1:1.4	“āvuso bhikkhavo”ti.
ps2.1:1.5	“Āvuso”ti kho te bhikkhū āyasmato ānandassa paccassosuṁ.
ps2.1:1.6	Āyasmā ānando etadavoca—
ps2.1:2.1	“Yo hi koci, āvuso, bhikkhu vā bhikkhunī vā mama santike arahattappattaṁ byākaroti, sabbaso catūhi maggehi etesaṁ vā aññatarena.
ps2.1:2.2	Katamehi catūhi?
ps2.1:3.1	Idhāvuso, bhikkhu samathapubbaṅgamaṁ vipassanaṁ bhāveti.
ps2.1:3.2	Tassa samathapubbaṅgamaṁ vipassanaṁ bhāvayato maggo sañjāyati.
ps2.1:3.3	So taṁ maggaṁ āsevati bhāveti bahulīkaroti.
ps2.1:3.4	Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
ps2.1:4.1	Puna caparaṁ, āvuso, bhikkhu vipassanāpubbaṅgamaṁ samathaṁ bhāveti.
ps2.1:4.2	Tassa vipassanāpubbaṅgamaṁ samathaṁ bhāvayato maggo sañjāyati.
ps2.1:4.3	So taṁ maggaṁ āsevati bhāveti bahulīkaroti.
ps2.1:4.4	Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
ps2.1:5.1	Puna caparaṁ, āvuso, bhikkhu samathavipassanaṁ yuganaddhaṁ bhāveti.
ps2.1:5.2	Tassa samathavipassanaṁ yuganaddhaṁ bhāvayato maggo sañjāyati.
ps2.1:5.3	So taṁ maggaṁ āsevati bhāveti bahulīkaroti.
ps2.1:5.4	Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
ps2.1:6.1	Puna caparaṁ, āvuso, bhikkhuno dhammuddhaccaviggahitaṁ mānasaṁ hoti;
ps2.1:6.2	hoti so, āvuso, samayo yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
ps2.1:6.3	Tassa maggo sañjāyati.
ps2.1:6.4	So taṁ maggaṁ āsevati bhāveti bahulīkaroti.
ps2.1:6.5	Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
ps2.1:7.1	Yo hi koci, āvuso, bhikkhu vā bhikkhunī vā mama santike arahattappattaṁ byākaroti, sabbaso imehi catūhi maggehi, etesaṁ vā aññatarenā”ti.
ps2.1:8.0	2.1.1. Suttantaniddesa
ps2.1:8.1	Kathaṁ <b>samathapubbaṅgamaṁ vipassanaṁ bhāveti?</b>
ps2.1:8.2	Nekkhammavasena cittassa ekaggatā avikkhepo samādhi.
ps2.1:8.3	Tattha jāte dhamme aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā.
ps2.1:8.4	Iti paṭhamaṁ samatho, pacchā vipassanā.
ps2.1:8.5	Tena vuccati—
ps2.1:8.6	“samathapubbaṅgamaṁ vipassanaṁ bhāvetī”ti.
ps2.1:8.7	<b>Bhāvetī</b>ti catasso bhāvanā—
ps2.1:8.8	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps2.1:9.1	<b>Maggo sañjāyatī</b>ti kathaṁ maggo sañjāyati?
ps2.1:9.2	Dassanaṭṭhena sammādiṭṭhi maggo sañjāyati, abhiniropanaṭṭhena sammāsaṅkappo maggo sañjāyati, pariggahaṭṭhena sammāvācā maggo sañjāyati, samuṭṭhānaṭṭhena sammākammanto maggo sañjāyati, vodānaṭṭhena sammāājīvo maggo sañjāyati, paggahaṭṭhena sammāvāyāmo maggo sañjāyati, upaṭṭhānaṭṭhena sammāsati maggo sañjāyati, avikkhepaṭṭhena sammāsamādhi maggo sañjāyati—
ps2.1:9.3	evaṁ maggo sañjāyati.
ps2.1:10.1	<b>So taṁ maggaṁ āsevati bhāveti bahulīkaroti āsevatī</b>ti kathaṁ āsevati?
ps2.1:10.2	Āvajjanto āsevati, jānanto āsevati, passanto āsevati, paccavekkhanto āsevati, cittaṁ adhiṭṭhahanto āsevati, saddhāya adhimuccanto āsevati, vīriyaṁ paggaṇhanto āsevati, satiṁ upaṭṭhāpento āsevati, cittaṁ samādahanto āsevati, paññāya pajānanto āsevati, abhiññeyyaṁ abhijānanto āsevati, pariññeyyaṁ parijānanto āsevati, pahātabbaṁ pajahanto āsevati, bhāvetabbaṁ bhāvento āsevati, sacchikātabbaṁ sacchikaronto āsevati—
ps2.1:10.3	evaṁ āsevati.
ps2.1:11.1	<b>Bhāvetī</b>ti kathaṁ bhāveti?
ps2.1:11.2	Āvajjanto bhāveti, jānanto bhāveti, passanto bhāveti, paccavekkhanto bhāveti, cittaṁ adhiṭṭhahanto bhāveti, saddhāya adhimuccanto bhāveti, vīriyaṁ paggaṇhanto bhāveti, satiṁ upaṭṭhāpento bhāveti, cittaṁ samādahanto bhāveti, paññāya pajānanto bhāveti, abhiññeyyaṁ abhijānanto bhāveti, pariññeyyaṁ parijānanto bhāveti, pahātabbaṁ pajahanto bhāveti, bhāvetabbaṁ bhāvento bhāveti, sacchikātabbaṁ sacchikaronto bhāveti—
ps2.1:11.3	evaṁ bhāveti.
ps2.1:12.1	<b>Bahulīkarotī</b>ti kathaṁ bahulīkaroti?
ps2.1:12.2	Āvajjanto bahulīkaroti, jānanto bahulīkaroti, passanto bahulīkaroti, paccavekkhanto bahulīkaroti, cittaṁ adhiṭṭhahanto bahulīkaroti, saddhāya adhimuccanto bahulīkaroti, vīriyaṁ paggaṇhanto bahulīkaroti, satiṁ upaṭṭhāpento bahulīkaroti, cittaṁ samādahanto bahulīkaroti, paññāya pajānanto bahulīkaroti, abhiññeyyaṁ abhijānanto bahulīkaroti, pariññeyyaṁ parijānanto bahulīkaroti, pahātabbaṁ pajahanto bahulīkaroti, bhāvetabbaṁ bhāvento bahulīkaroti, sacchikātabbaṁ sacchikaronto bahulīkaroti—
ps2.1:12.3	evaṁ bahulīkaroti.
ps2.1:13.1	<b>Tassa taṁ maggaṁ āsevato bhāvayato bahulīkaroto saññojanāni pahīyanti anusayā byantīhontī</b>ti kathaṁ saññojanāni pahīyanti, anusayā byantīhonti?
ps2.1:13.2	Sotāpattimaggena, sakkāyadiṭṭhi, vicikicchā, sīlabbataparāmāso—
ps2.1:13.3	imāni tīṇi saññojanāni pahīyanti;
ps2.1:13.4	diṭṭhānusayo, vicikicchānusayo—
ps2.1:13.5	ime dve anusayā byantīhonti.
ps2.1:13.6	Sakadāgāmimaggena oḷārikaṁ kāmarāgasaññojanaṁ, paṭighasaññojanaṁ—
ps2.1:13.7	imāni dve saññojanāni pahīyanti;
ps2.1:13.8	oḷāriko kāmarāgānusayo, paṭighānusayo—
ps2.1:13.9	ime dve anusayā byantīhonti.
ps2.1:13.10	Anāgāmimaggena anusahagataṁ kāmarāgasaññojanaṁ, paṭighasaññojanaṁ—
ps2.1:13.11	imāni dve saññojanāni pahīyanti;
ps2.1:13.12	anusahagato kāmarāgānusayo, paṭighānusayo—
ps2.1:13.13	ime dve anusayā byantīhonti.
ps2.1:13.14	Arahattamaggena rūparāgo, arūparāgo, māno, uddhaccaṁ, avijjā—
ps2.1:13.15	imāni pañca saññojanāni pahīyanti;
ps2.1:13.16	mānānusayo, bhavarāgānusayo, avijjānusayo—
ps2.1:13.17	ime tayo anusayā byantīhonti.
ps2.1:13.18	Evaṁ saññojanāni pahīyanti, anusayā byantīhonti.
ps2.1:14.1	Abyāpādavasena cittassa ekaggatā avikkhepo samādhi …pe…
ps2.1:14.2	ālokasaññāvasena cittassa ekaggatā avikkhepo samādhi …pe…
ps2.1:14.3	paṭinissaggānupassī assāsavasena paṭinissaggānupassī passāsavasena cittassa ekaggatā avikkhepo samādhi.
ps2.1:14.4	Tattha jāte dhamme aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā.
ps2.1:14.5	Iti paṭhamaṁ samatho, pacchā vipassanā.
ps2.1:14.6	Tena vuccati—
ps2.1:14.7	“samathapubbaṅgamaṁ vipassanaṁ bhāvetī”ti.
ps2.1:14.8	<b>Bhāvetī</b>ti catasso bhāvanā—
ps2.1:14.9	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps2.1:15.1	<b>Maggo sañjāyatī</b>ti kathaṁ maggo sañjāyati?
ps2.1:15.2	Dassanaṭṭhena sammādiṭṭhi maggo sañjāyati, abhiniropanaṭṭhena sammāsaṅkappo maggo sañjāyati …pe…
ps2.1:15.3	avikkhepaṭṭhena sammāsamādhi maggo sañjāyati.
ps2.1:15.4	Evaṁ maggo sañjāyati.
ps2.1:16.1	<b>So taṁ maggaṁ āsevati bhāveti bahulīkaroti āsevatī</b>ti kathaṁ āsevati?
ps2.1:16.2	Āvajjanto āsevati …pe…
ps2.1:16.3	sacchikātabbaṁ sacchikaronto āsevati, evaṁ āsevati.
ps2.1:16.4	<b>Bhāvetī</b>ti kathaṁ bhāveti?
ps2.1:16.5	Āvajjanto bhāveti, jānanto bhāveti …pe…
ps2.1:16.6	sacchikātabbaṁ sacchikaronto bhāveti, evaṁ bhāveti.
ps2.1:16.7	<b>Bahulīkarotī</b>ti kathaṁ bahulīkaroti?
ps2.1:16.8	Āvajjanto bahulīkaroti, jānanto bahulīkaroti …pe…
ps2.1:16.9	sacchikātabbaṁ sacchikaronto bahulīkaroti, evaṁ bahulīkaroti.
ps2.1:17.1	<b>Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhontī</b>ti kathaṁ saññojanā pahīyanti, anusayā byantīhonti?
ps2.1:17.2	Sotāpattimaggena sakkāyadiṭṭhi vicikicchā sīlabbataparāmāso—
ps2.1:17.3	imāni tīṇi saññojanāni pahīyanti;
ps2.1:17.4	diṭṭhānusayo, vicikicchānusayo—
ps2.1:17.5	ime dve anusayā byantīhonti.
ps2.1:17.6	Sakadāgāmimaggena oḷārikaṁ kāmarāgasaññojanaṁ, paṭighasaññojanaṁ—
ps2.1:17.7	imāni dve saññojanāni pahīyanti;
ps2.1:17.8	oḷāriko kāmarāgānusayo paṭighānusayo—
ps2.1:17.9	ime dve anusayā byantīhonti.
ps2.1:17.10	Anāgāmimaggena anusahagataṁ kāmarāgasaññojanaṁ, paṭighasaññojanaṁ—
ps2.1:17.11	imāni dve saññojanāni pahīyanti;
ps2.1:17.12	anusahagato kāmarāgānusayo, paṭighānusayo—
ps2.1:17.13	ime dve anusayā byantīhonti.
ps2.1:17.14	Arahattamaggena rūparāgo, arūparāgo, māno, uddhaccaṁ, avijjā—
ps2.1:17.15	imāni pañca saññojanāni pahīyanti;
ps2.1:17.16	mānānusayo, bhavarāgānusayo, avijjānusayo—
ps2.1:17.17	ime tayo anusayā byantīhonti.
ps2.1:17.18	Evaṁ saññojanāni pahīyanti, anusayā byantīhonti.
ps2.1:17.19	Evaṁ samathapubbaṅgamaṁ vipassanaṁ bhāveti.
ps2.1:18.1	Kathaṁ <b>vipassanāpubbaṅgamaṁ samathaṁ bhāveti?</b>
ps2.1:18.2	Aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā.
ps2.1:18.3	Tattha jātānaṁ dhammānañca vosaggārammaṇatā cittassa ekaggatā avikkhepo.
ps2.1:18.4	Samādhi iti paṭhamaṁ vipassanā, pacchā samatho.
ps2.1:18.5	Tena vuccati—
ps2.1:18.6	“vipassanāpubbaṅgamaṁ samathaṁ bhāvetī”ti.
ps2.1:18.7	<b>Bhāvetī</b>ti catasso bhāvanā—
ps2.1:18.8	āsevanaṭṭhena bhāvanā …pe…
ps2.1:18.9	<b>maggo sañjāyatī</b>ti kathaṁ maggo sañjāyati …pe…
ps2.1:18.10	evaṁ maggo sañjāyati.
ps2.1:18.11	Evaṁ saññojanāni pahīyanti, anusayā byantīhonti.
ps2.1:19.1	Rūpaṁ aniccato anupassanaṭṭhena vipassanā, rūpaṁ dukkhato anupassanaṭṭhena vipassanā, rūpaṁ anattato anupassanaṭṭhena vipassanā.
ps2.1:19.2	Tattha jātānaṁ dhammānañca vosaggārammaṇatā cittassa ekaggatā avikkhepo samādhi.
ps2.1:19.3	Iti paṭhamaṁ vipassanā, pacchā samatho.
ps2.1:19.4	Tena vuccati—
ps2.1:19.5	“vipassanāpubbaṅgamaṁ samathaṁ bhāvetī”ti.
ps2.1:19.6	<b>Bhāvetī</b>ti catasso bhāvanā—
ps2.1:19.7	āsevanaṭṭhena bhāvanā …pe…
ps2.1:19.8	<b>maggo sañjāyatī</b>ti kathaṁ maggo sañjāyati …pe…
ps2.1:19.9	evaṁ maggo sañjāyati.
ps2.1:19.10	Evaṁ saññojanāni pahīyanti, anusayā byantīhonti.
ps2.1:20.1	Vedanaṁ …pe…
ps2.1:20.2	saññaṁ …
ps2.1:20.3	saṅkhāre …
ps2.1:20.4	viññāṇaṁ …
ps2.1:20.5	cakkhuṁ …pe…
ps2.1:20.6	jarāmaraṇaṁ aniccato anupassanaṭṭhena vipassanā, jarāmaraṇaṁ dukkhato …pe…
ps2.1:20.7	anattato anupassanaṭṭhena vipassanā.
ps2.1:20.8	Tattha jātānaṁ dhammānañca vosaggārammaṇatā cittassa ekaggatā avikkhepo samādhi.
ps2.1:20.9	Iti paṭhamaṁ vipassanā, pacchā samatho.
ps2.1:20.10	Tena vuccati—
ps2.1:20.11	“vipassanāpubbaṅgamaṁ samathaṁ bhāvetī”ti.
ps2.1:20.12	<b>Bhāvetī</b>ti catasso bhāvanā—
ps2.1:20.13	āsevanaṭṭhena bhāvanā …pe…
ps2.1:20.14	<b>maggo sañjāyatī</b>ti kathaṁ maggo sañjāyati …pe…
ps2.1:20.15	evaṁ maggo sañjāyati.
ps2.1:20.16	Evaṁ saññojanāni pahīyanti, anusayā byantīhonti.
ps2.1:20.17	Evaṁ vipassanāpubbaṅgamaṁ samathaṁ bhāveti.
ps2.1:21.1	Kathaṁ <b>samathavipassanaṁ yuganaddhaṁ bhāveti?</b>
ps2.1:21.2	Soḷasahi ākārehi samathavipassanaṁ yuganaddhaṁ bhāveti.
ps2.1:21.3	Ārammaṇaṭṭhena gocaraṭṭhena pahānaṭṭhena pariccāgaṭṭhena vuṭṭhānaṭṭhena vivaṭṭanaṭṭhena santaṭṭhena paṇītaṭṭhena vimuttaṭṭhena anāsavaṭṭhena taraṇaṭṭhena animittaṭṭhena appaṇihitaṭṭhena suññataṭṭhena ekarasaṭṭhena anativattanaṭṭhena yuganaddhaṭṭhena.
ps2.1:22.1	Kathaṁ <b>ārammaṇaṭṭhena samathavipassanaṁ yuganaddhaṁ bhāveti?</b>
ps2.1:22.2	Uddhaccaṁ pajahato cittassa ekaggatā avikkhepo samādhi nirodhārammaṇo, avijjaṁ pajahato anupassanaṭṭhena vipassanā nirodhārammaṇā.
ps2.1:22.3	Iti ārammaṇaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:22.4	Tena vuccati—
ps2.1:22.5	“ārammaṇaṭṭhena samathavipassanaṁ yuganaddhaṁ bhāvetī”ti.
ps2.1:22.6	<b>Bhāvetī</b>ti catasso bhāvanā—
ps2.1:22.7	āsevanaṭṭhena bhāvanā …pe…
ps2.1:22.8	<b>maggo sañjāyatī</b>ti kathaṁ maggo sañjāyati …pe…
ps2.1:22.9	evaṁ maggo sañjāyati.
ps2.1:22.10	Evaṁ saññojanāni pahīyanti, anusayā byantīhonti.
ps2.1:22.11	Evaṁ ārammaṇaṭṭhena samathavipassanaṁ yuganaddhaṁ bhāveti.
ps2.1:23.1	Kathaṁ <b>gocaraṭṭhena samathavipassanaṁ yuganaddhaṁ bhāveti?</b>
ps2.1:23.2	Uddhaccaṁ pajahato cittassa ekaggatā avikkhepo samādhi nirodhagocaro, avijjaṁ pajahato anupassanaṭṭhena vipassanā nirodhagocarā.
ps2.1:23.3	Iti gocaraṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:23.4	Tena vuccati—
ps2.1:23.5	“gocaraṭṭhena samathavipassanaṁ yuganaddhaṁ bhāvetī”ti.
ps2.1:24.1	Kathaṁ <b>pahānaṭṭhena samathavipassanaṁ yuganaddhaṁ bhāveti?</b>
ps2.1:24.2	Uddhaccasahagatakilese ca khandhe ca pajahato cittassa ekaggatā avikkhepo samādhi nirodhagocaro, avijjāsahagatakilese ca khandhe ca pajahato anupassanaṭṭhena vipassanā nirodhagocarā.
ps2.1:24.3	Iti pahānaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:24.4	Tena vuccati—
ps2.1:24.5	“pahānaṭṭhena samathavipassanaṁ yuganaddhaṁ bhāvetī”ti.
ps2.1:25.1	Kathaṁ <b>pariccāgaṭṭhena samathavipassanaṁ yuganaddhaṁ bhāveti?</b>
ps2.1:25.2	Uddhaccasahagatakilese ca khandhe ca pariccajato cittassa ekaggatā avikkhepo samādhi nirodhagocaro, avijjāsahagatakilese ca khandhe ca pariccajato anupassanaṭṭhena vipassanā nirodhagocarā.
ps2.1:25.3	Iti pariccāgaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:25.4	Tena vuccati—
ps2.1:25.5	“pariccāgaṭṭhena samathavipassanaṁ yuganaddhaṁ bhāvetī”ti.
ps2.1:26.1	Kathaṁ <b>vuṭṭhānaṭṭhena samathavipassanaṁ yuganaddhaṁ bhāveti?</b>
ps2.1:26.2	Uddhaccasahagatakilesehi ca khandhehi ca vuṭṭhahato cittassa ekaggatā avikkhepo samādhi nirodhagocaro, avijjāsahagatakilesehi ca khandhehi ca vuṭṭhahato anupassanaṭṭhena vipassanā nirodhagocarā.
ps2.1:26.3	Iti vuṭṭhānaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:26.4	Tena vuccati—
ps2.1:26.5	“vuṭṭhānaṭṭhena samathavipassanaṁ yuganaddhaṁ bhāvetī”ti.
ps2.1:27.1	Kathaṁ <b>vivaṭṭanaṭṭhena samathavipassanaṁ yuganaddhaṁ bhāveti?</b>
ps2.1:27.2	Uddhaccasahagatakilesehi ca khandhehi ca vivaṭṭato cittassa ekaggatā avikkhepo samādhi nirodhagocaro, avijjāsahagatakilesehi ca khandhehi ca vivaṭṭato anupassanaṭṭhena vipassanā nirodhagocarā.
ps2.1:27.3	Iti vivaṭṭanaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:27.4	Tena vuccati—
ps2.1:27.5	“vivaṭṭanaṭṭhena samathavipassanaṁ yuganaddhaṁ bhāvetī”ti.
ps2.1:28.1	Kathaṁ <b>santaṭṭhena samathavipassanaṁ yuganaddhaṁ bhāveti?</b>
ps2.1:28.2	Uddhaccaṁ pajahato cittassa ekaggatā avikkhepo samādhi santo honti nirodhagocaro, avijjaṁ pajahato anupassanaṭṭhena vipassanā santā hoti nirodhagocarā.
ps2.1:28.3	Iti santaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:28.4	Tena vuccati—
ps2.1:28.5	“santaṭṭhena samathavipassanaṁ yuganaddhaṁ bhāvetī”ti.
ps2.1:29.1	Kathaṁ <b>paṇītaṭṭhena samathavipassanaṁ yuganaddhaṁ bhāveti?</b>
ps2.1:29.2	Uddhaccaṁ pajahato cittassa ekaggatā avikkhepo samādhi paṇīto hoti nirodhagocaro, avijjaṁ pajahato anupassanaṭṭhena vipassanā paṇītā hoti nirodhagocarā.
ps2.1:29.3	Iti paṇītaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:29.4	Tena vuccati—
ps2.1:29.5	“paṇītaṭṭhena samathavipassanaṁ yuganaddhaṁ bhāvetī”ti.
ps2.1:30.1	Kathaṁ <b>vimuttaṭṭhena samathavipassanaṁ yuganaddhaṁ bhāveti?</b>
ps2.1:30.2	Uddhaccaṁ pajahato cittassa ekaggatā avikkhepo samādhi kāmāsavā vimutto hoti nirodhagocaro, avijjaṁ pajahato anupassanaṭṭhena vipassanā avijjāsavā vimuttā hoti nirodhagocarā.
ps2.1:30.3	Iti rāgavirāgā cetovimutti avijjāvirāgā paññāvimutti vimuttaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:30.4	Tena vuccati—
ps2.1:30.5	“vimuttaṭṭhena samathavipassanaṁ yuganaddhaṁ bhāvetī”ti.
ps2.1:31.1	Kathaṁ <b>anāsavaṭṭhena samathavipassanaṁ yuganaddhaṁ bhāveti?</b>
ps2.1:31.2	Uddhaccaṁ pajahato cittassa ekaggatā avikkhepo samādhi kāmāsavena anāsavo hoti nirodhagocaro, avijjaṁ pajahato anupassanaṭṭhena vipassanā avijjāsavena anāsavā hoti nirodhagocarā.
ps2.1:31.3	Iti anāsavaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:31.4	Tena vuccati—
ps2.1:31.5	“anāsavaṭṭhena samathavipassanaṁ yuganaddhaṁ bhāvetī”ti.
ps2.1:32.1	Kathaṁ <b>taraṇaṭṭhena samathavipassanaṁ yuganaddhaṁ bhāveti?</b>
ps2.1:32.2	Uddhaccasahagatakilese ca khandhe ca tarato cittassa ekaggatā avikkhepo samādhi nirodhagocaro, avijjāsahagatakilese ca khandhe ca tarato anupassanaṭṭhena vipassanā nirodhagocarā.
ps2.1:32.3	Iti taraṇaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:32.4	Tena vuccati—
ps2.1:32.5	“taraṇaṭṭhena samathavipassanaṁ yuganaddhaṁ bhāvetī”ti.
ps2.1:33.1	Kathaṁ <b>animittaṭṭhena samathavipassanaṁ yuganaddhaṁ bhāveti?</b>
ps2.1:33.2	Uddhaccaṁ pajahato cittassa ekaggatā avikkhepo samādhi sabbanimittehi animitto hoti nirodhagocaro, avijjaṁ pajahato anupassanaṭṭhena vipassanā sabbanimittehi animittā hoti nirodhagocarā.
ps2.1:33.3	Iti animittaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:33.4	Tena vuccati—
ps2.1:33.5	“animittaṭṭhena samathavipassanaṁ yuganaddhaṁ bhāvetī”ti.
ps2.1:34.1	Kathaṁ <b>appaṇihitaṭṭhena samathavipassanaṁ yuganaddhaṁ bhāveti?</b>
ps2.1:34.2	Uddhaccaṁ pajahato cittassa ekaggatā avikkhepo samādhi sabbapaṇidhīhi appaṇihito hoti nirodhagocaro, avijjaṁ pajahato anupassanaṭṭhena vipassanā sabbapaṇidhīhi appaṇihitā hoti nirodhagocarā.
ps2.1:34.3	Iti appaṇihitaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:34.4	Tena vuccati—
ps2.1:34.5	“appaṇihitaṭṭhena samathavipassanaṁ yuganaddhaṁ bhāvetī”ti.
ps2.1:35.1	Kathaṁ <b>suññataṭṭhena samathavipassanaṁ yuganaddhaṁ bhāveti?</b>
ps2.1:35.2	Uddhaccaṁ pajahato cittassa ekaggatā avikkhepo samādhi sabbābhinivesehi suñño hoti nirodhagocaro, avijjaṁ pajahato anupassanaṭṭhena vipassanā sabbābhinivesehi suññā hoti nirodhagocarā.
ps2.1:35.3	Iti suññataṭṭhena samathavipassanā ekarasā honti, yuganaddhā honti, aññamaññaṁ nātivattantīti.
ps2.1:35.4	Tena vuccati—
ps2.1:35.5	“suññataṭṭhena samathavipassanaṁ yuganaddhaṁ bhāvetī”ti.
ps2.1:35.6	<b>Bhāvetī</b>ti catasso bhāvanā—
ps2.1:35.7	āsevanaṭṭhena bhāvanā …pe…
ps2.1:35.8	<b>maggo sañjāyatī</b>ti kathaṁ maggo sañjāyati …pe…
ps2.1:35.9	evaṁ maggo sañjāyati.
ps2.1:35.10	Evaṁ saññojanāni pahīyanti, anusayā byantīhonti.
ps2.1:35.11	Evaṁ suññataṭṭhena samathavipassanaṁ yuganaddhaṁ bhāveti.
ps2.1:35.12	Imehi soḷasahi ākārehi samathavipassanaṁ yuganaddhaṁ bhāveti, evaṁ samathavipassanaṁ yuganaddhaṁ bhāveti.
ps2.1:35.13	Suttantaniddeso.
ps2.1:36.0	2. Dhammuddhaccavāraniddesa
ps2.1:36.1	Kathaṁ <b>dhammuddhaccaviggahitaṁ mānasaṁ hoti?</b>
ps2.1:36.2	Aniccato manasikaroto obhāso uppajjati, obhāso dhammoti obhāsaṁ āvajjati, tato vikkhepo uddhaccaṁ.
ps2.1:36.3	Tena uddhaccena viggahitamānaso aniccato upaṭṭhānaṁ yathābhūtaṁ nappajānāti, dukkhato upaṭṭhānaṁ yathābhūtaṁ nappajānāti, anattato upaṭṭhānaṁ yathābhūtaṁ nappajānāti.
ps2.1:36.4	Tena vuccati—
ps2.1:36.5	“dhammuddhaccaviggahitamānaso hoti so samayo, yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
ps2.1:36.6	<b>Tassa maggo sañjāyatī”</b>ti kathaṁ maggo sañjāyati …pe…
ps2.1:36.7	evaṁ maggo sañjāyati, evaṁ saññojanāni pahīyanti, anusayā byantīhonti.
ps2.1:37.1	Aniccato manasikaroto ñāṇaṁ uppajjati, pīti uppajjati, passaddhi uppajjati, sukhaṁ uppajjati, adhimokkho uppajjati, paggaho uppajjati, upaṭṭhānaṁ uppajjati, upekkhā uppajjati, nikanti uppajjati, “nikanti dhammo”ti nikantiṁ āvajjati.
ps2.1:37.2	Tato vikkhepo uddhaccaṁ.
ps2.1:37.3	Tena uddhaccena viggahitamānaso aniccato upaṭṭhānaṁ yathābhūtaṁ nappajānāti, dukkhato upaṭṭhānaṁ yathābhūtaṁ nappajānāti, anattato upaṭṭhānaṁ yathābhūtaṁ nappajānāti.
ps2.1:37.4	Tena vuccati—
ps2.1:37.5	“dhammuddhaccaviggahitamānaso hoti so samayo, yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
ps2.1:37.6	<b>Tassa maggo sañjāyatī</b>”ti.
ps2.1:37.7	Kathaṁ maggo sañjāyati …pe…
ps2.1:37.8	evaṁ maggo sañjāyati, evaṁ saññojanāni pahīyanti, anusayā byantīhonti.
ps2.1:38.1	Dukkhato manasikaroto …pe…
ps2.1:38.2	anattato manasikaroto obhāso uppajjati …pe… ñāṇaṁ uppajjati, pīti uppajjati, passaddhi uppajjati, sukhaṁ uppajjati, adhimokkho uppajjati, paggaho uppajjati, upaṭṭhānaṁ uppajjati, upekkhā uppajjati, nikanti uppajjati, “nikanti dhammo”ti nikantiṁ āvajjati.
ps2.1:38.3	Tato vikkhepo uddhaccaṁ.
ps2.1:38.4	Tena uddhaccena viggahitamānaso anattato upaṭṭhānaṁ, aniccato upaṭṭhānaṁ, dukkhato upaṭṭhānaṁ yathābhūtaṁ nappajānāti.
ps2.1:38.5	Tena vuccati—
ps2.1:38.6	“dhammuddhaccaviggahitamānaso …pe…
ps2.1:38.7	evaṁ saññojanāni pahīyanti, anusayā byantīhonti”.
ps2.1:39.1	Rūpaṁ aniccato manasikaroto …pe…
ps2.1:39.2	rūpaṁ dukkhato manasikaroto …
ps2.1:39.3	rūpaṁ anattato manasikaroto …
ps2.1:39.4	vedanaṁ …pe…
ps2.1:39.5	saññaṁ …
ps2.1:39.6	saṅkhāre …
ps2.1:39.7	viññāṇaṁ …
ps2.1:39.8	cakkhuṁ …pe…
ps2.1:39.9	jarāmaraṇaṁ aniccato manasikaroto …pe…
ps2.1:39.10	jarāmaraṇaṁ dukkhato manasikaroto, jarāmaraṇaṁ anattato manasikaroto obhāso uppajjati …pe… ñāṇaṁ uppajjati, pīti uppajjati, passaddhi uppajjati, sukhaṁ uppajjati, adhimokkho uppajjati, paggaho uppajjati, upaṭṭhānaṁ uppajjati, upekkhā uppajjati, nikanti uppajjati, “nikanti dhammo”ti nikantiṁ āvajjati.
ps2.1:39.11	Tato vikkhepo uddhaccaṁ.
ps2.1:39.12	Tena uddhaccena viggahitamānaso.
ps2.1:39.13	Jarāmaraṇaṁ anattato upaṭṭhānaṁ yathābhūtaṁ nappajānāti.
ps2.1:39.14	Jarāmaraṇaṁ aniccato upaṭṭhānaṁ yathābhūtaṁ nappajānāti, jarāmaraṇaṁ dukkhato upaṭṭhānaṁ yathābhūtaṁ nappajānāti.
ps2.1:39.15	Tena vuccati—
ps2.1:39.16	“dhammuddhaccaviggahitamānaso hoti.
ps2.1:39.17	So samayo, yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
ps2.1:39.18	<b>Tassa maggo sañjāyatī</b>”ti.
ps2.1:39.19	Kathaṁ maggo sañjāyati …pe…
ps2.1:39.20	evaṁ maggo sañjāyati.
ps2.1:39.21	Evaṁ saññojanāni pahīyanti, anusayā byantīhonti.
ps2.1:39.22	Evaṁ dhammuddhaccaviggahitaṁ mānasaṁ hoti.
ps2.1:40.1	Obhāse ceva ñāṇe ca,
ps2.1:40.2	pītiyā ca vikampati;
ps2.1:40.3	Passaddhiyā sukhe ceva,
ps2.1:40.4	yehi cittaṁ pavedhati.
ps2.1:41.1	Adhimokkhe ca paggāhe,
ps2.1:41.2	upaṭṭhāne ca kampati;
ps2.1:41.3	Upekkhāvajjanāya ceva,
ps2.1:41.4	upekkhāya ca nikantiyā.
ps2.1:42.1	Imāni dasa ṭhānāni,
ps2.1:42.2	paññā yassa pariccitā;
ps2.1:42.3	Dhammuddhaccakusalo hoti,
ps2.1:42.4	na ca sammoha gacchati.
ps2.1:43.1	Vikkhipati ceva kilissati ca,
ps2.1:43.2	Cavati cittabhāvanā;
ps2.1:43.3	Vikkhipati na kilissati,
ps2.1:43.4	Bhāvanā parihāyati.
ps2.1:44.1	Vikkhipati na kilissati,
ps2.1:44.2	Bhāvanā na parihāyati;
ps2.1:44.3	Na ca vikkhipate cittaṁ na kilissati,
ps2.1:44.4	Na cavati cittabhāvanā.
ps2.1:45.1	Imehi catūhi ṭhānehi cittassa saṅkhepavikkhepaviggahitaṁ dasa ṭhāne sampajānātīti.
ps2.1:45.2	Yuganaddhakathā niṭṭhitā.
ps2.2:0.1	Paṭisambhidāmagga
ps2.2:0.2	2 Yuganaddhavagga
ps2.2:0.3	2.2. Saccakathā
ps2.2:1.1	Purimanidānaṁ.
ps2.2:1.2	“Cattārimāni, bhikkhave, tathāni avitathāni anaññathāni.
ps2.2:1.3	Katamāni cattāri?
ps2.2:1.4	‘Idaṁ dukkhan’ti, bhikkhave, tathametaṁ avitathametaṁ anaññathametaṁ;
ps2.2:1.5	‘ayaṁ dukkhasamudayo’ti tathametaṁ avitathametaṁ anaññathametaṁ, ‘ayaṁ dukkhanirodho’ti tathametaṁ avitathametaṁ anaññathametaṁ, ‘ayaṁ dukkhanirodhagāminī paṭipadā’ti tathametaṁ avitathametaṁ anaññathametaṁ.
ps2.2:1.6	Imāni kho, bhikkhave, cattāri tathāni avitathāni anaññathāni”.
ps2.2:2.0	2.2.1. Paṭhamasuttantaniddesa
ps2.2:2.1	Kathaṁ dukkhaṁ tathaṭṭhena saccaṁ?
ps2.2:2.2	Cattāro dukkhassa dukkhaṭṭhā tathā avitathā anaññathā.
ps2.2:2.3	Dukkhassa pīḷanaṭṭho, saṅkhataṭṭho, santāpaṭṭho, vipariṇāmaṭṭho—
ps2.2:2.4	ime cattāro dukkhassa dukkhaṭṭhā tathā avitathā anaññathā.
ps2.2:2.5	Evaṁ dukkhaṁ tathaṭṭhena saccaṁ.
ps2.2:3.1	Kathaṁ samudayo tathaṭṭhena saccaṁ?
ps2.2:3.2	Cattāro samudayassa samudayaṭṭhā tathā avitathā anaññathā.
ps2.2:3.3	Samudayassa āyūhanaṭṭho, nidānaṭṭho, saṁyogaṭṭho palibodhaṭṭho—
ps2.2:3.4	ime cattāro samudayassa samudayaṭṭhā tathā avitathā anaññathā.
ps2.2:3.5	Evaṁ samudayo tathaṭṭhena saccaṁ.
ps2.2:4.1	Kathaṁ nirodho tathaṭṭhena saccaṁ?
ps2.2:4.2	Cattāro nirodhassa nirodhaṭṭhā tathā avitathā anaññathā.
ps2.2:4.3	Nirodhassa nissaraṇaṭṭho, vivekaṭṭho, asaṅkhataṭṭho, amataṭṭho—
ps2.2:4.4	ime cattāro nirodhassa nirodhaṭṭhā tathā avitathā anaññathā.
ps2.2:4.5	Evaṁ nirodho tathaṭṭhena saccaṁ.
ps2.2:5.1	Kathaṁ maggo tathaṭṭhena saccaṁ?
ps2.2:5.2	Cattāro maggassa maggaṭṭhā tathā avitathā anaññathā.
ps2.2:5.3	Maggassa niyyānaṭṭho, hetuṭṭho, dassanaṭṭho, ādhipateyyaṭṭho—
ps2.2:5.4	ime cattāro maggassa maggaṭṭhā tathā avitathā anaññathā.
ps2.2:5.5	Evaṁ maggo tathaṭṭhena saccaṁ.
ps2.2:6.1	Katihākārehi cattāri saccāni ekappaṭivedhāni?
ps2.2:6.2	Catūhākārehi cattāri saccāni ekappaṭivedhāni.
ps2.2:6.3	Tathaṭṭhena, anattaṭṭhena, saccaṭṭhena, paṭivedhaṭṭhena—
ps2.2:6.4	imehi catūhākārehi cattāri saccāni ekasaṅgahitāni.
ps2.2:6.5	Yaṁ ekasaṅgahitaṁ taṁ ekattaṁ.
ps2.2:6.6	Ekattaṁ ekena ñāṇena paṭivijjhatīti—
ps2.2:6.7	cattāri saccāni ekappaṭivedhāni.
ps2.2:7.1	Kathaṁ tathaṭṭhena cattāri saccāni ekappaṭivedhāni?
ps2.2:7.2	Catūhākārehi tathaṭṭhena cattāri saccāni ekappaṭivedhāni.
ps2.2:7.3	Dukkhassa dukkhaṭṭho tathaṭṭho, samudayassa samudayaṭṭho tathaṭṭho, nirodhassa nirodhaṭṭho tathaṭṭho, maggassa maggaṭṭho tathaṭṭho—
ps2.2:7.4	imehi catūhākārehi tathaṭṭhena cattāri saccāni ekasaṅgahitāni.
ps2.2:7.5	Yaṁ ekasaṅgahitaṁ taṁ ekattaṁ.
ps2.2:7.6	Ekattaṁ ekena ñāṇena paṭivijjhatīti—
ps2.2:7.7	cattāri saccāni ekappaṭivedhāni.
ps2.2:8.1	Kathaṁ anattaṭṭhena cattāri saccāni ekappaṭivedhāni?
ps2.2:8.2	Catūhākārehi anattaṭṭhena cattāri saccāni ekappaṭivedhāni.
ps2.2:8.3	Dukkhassa dukkhaṭṭho anattaṭṭho, samudayassa samudayaṭṭho anattaṭṭho, nirodhassa nirodhaṭṭho anattaṭṭho, maggassa maggaṭṭho anattaṭṭho—
ps2.2:8.4	imehi catūhākārehi anattaṭṭhena cattāri saccāni ekasaṅgahitāni.
ps2.2:8.5	Yaṁ ekasaṅgahitaṁ taṁ ekattaṁ.
ps2.2:8.6	Ekattaṁ ekena ñāṇena paṭivijjhatīti—
ps2.2:8.7	cattāri saccāni ekappaṭivedhāni.
ps2.2:9.1	Kathaṁ saccaṭṭhena cattāri saccāni ekappaṭivedhāni?
ps2.2:9.2	Catūhākārehi saccaṭṭhena cattāri saccāni ekappaṭivedhāni.
ps2.2:9.3	Dukkhassa dukkhaṭṭho saccaṭṭho, samudayassa samudayaṭṭho saccaṭṭho, nirodhassa nirodhaṭṭho saccaṭṭho, maggassa maggaṭṭho saccaṭṭho—
ps2.2:9.4	imehi catūhākārehi saccaṭṭhena cattāri saccāni ekasaṅgahitāni.
ps2.2:9.5	Yaṁ ekasaṅgahitaṁ taṁ ekattaṁ.
ps2.2:9.6	Ekattaṁ ekena ñāṇena paṭivijjhatīti—
ps2.2:9.7	cattāri saccāni ekappaṭivedhāni.
ps2.2:10.1	Kathaṁ paṭivedhaṭṭhena cattāri saccāni ekappaṭivedhāni?
ps2.2:10.2	Catūhākārehi paṭivedhaṭṭhena cattāri saccāni ekappaṭivedhāni.
ps2.2:10.3	Dukkhassa dukkhaṭṭho paṭivedhaṭṭho, samudayassa samudayaṭṭho paṭivedhaṭṭho nirodhassa nirodhaṭṭho paṭivedhaṭṭho, maggassa maggaṭṭho paṭivedhaṭṭho—
ps2.2:10.4	imehi catūhākārehi paṭivedhaṭṭhena cattāri saccāni ekasaṅgahitāni yaṁ ekasaṅgahitaṁ taṁ ekattaṁ.
ps2.2:10.5	Ekattaṁ ekena ñāṇena paṭivijjhatīti—
ps2.2:10.6	cattāri saccāni ekappaṭivedhāni.
ps2.2:11.1	Katihākārehi cattāri saccāni ekappaṭivedhāni?
ps2.2:11.2	Yaṁ aniccaṁ taṁ dukkhaṁ, yaṁ dukkhaṁ taṁ aniccaṁ, yaṁ aniccañca dukkhañca taṁ anattā.
ps2.2:11.3	Yaṁ aniccañca dukkhañca anattā ca taṁ tathaṁ.
ps2.2:11.4	Yaṁ aniccaṁ ca dukkhañca anattā ca tathañca taṁ saccaṁ.
ps2.2:11.5	Yaṁ aniccañca dukkhañca anattā ca tathañca saccañca taṁ ekasaṅgahitaṁ.
ps2.2:11.6	Yaṁ ekasaṅgahitaṁ taṁ ekattaṁ.
ps2.2:11.7	Ekattaṁ ekena ñāṇena paṭivijjhatīti—
ps2.2:11.8	cattāri saccāni ekappaṭivedhāni.
ps2.2:12.1	Katihākārehi cattāri saccāni ekappaṭivedhāni?
ps2.2:12.2	Navahākārehi cattāri saccāni ekappaṭivedhāni.
ps2.2:12.3	Tathaṭṭhena, anattaṭṭhena, saccaṭṭhena, paṭivedhaṭṭhena, abhiññaṭṭhena, pariññaṭṭhena, pahānaṭṭhena, bhāvanaṭṭhena, sacchikiriyaṭṭhena—
ps2.2:12.4	imehi navahākārehi cattāri saccāni ekasaṅgahitāni.
ps2.2:12.5	Yaṁ ekasaṅgahitaṁ taṁ ekattaṁ.
ps2.2:12.6	Ekattaṁ ekena ñāṇena paṭivijjhatīti—
ps2.2:12.7	cattāri saccāni ekappaṭivedhāni.
ps2.2:13.1	Kathaṁ tathaṭṭhena cattāri saccāni ekappaṭivedhāni?
ps2.2:13.2	Navahākārehi tathaṭṭhena cattāri saccāni ekappaṭivedhāni.
ps2.2:13.3	Dukkhassa dukkhaṭṭho tathaṭṭho, samudayassa samudayaṭṭho tathaṭṭho, nirodhassa nirodhaṭṭho tathaṭṭho, maggassa maggaṭṭho tathaṭṭho, abhiññāya abhiññaṭṭho tathaṭṭho, pariññāya pariññaṭṭho tathaṭṭho, pahānassa pahānaṭṭho tathaṭṭho, bhāvanāya bhāvanaṭṭho tathaṭṭho, sacchikiriyāya sacchikiriyaṭṭho tathaṭṭho—
ps2.2:13.4	imehi navahākārehi tathaṭṭhena cattāri saccāni ekasaṅgahitāni.
ps2.2:13.5	Yaṁ ekasaṅgahitaṁ taṁ ekattaṁ.
ps2.2:13.6	Ekattaṁ ekena ñāṇena paṭivijjhatīti—
ps2.2:13.7	cattāri saccāni ekappaṭivedhāni.
ps2.2:14.1	Kathaṁ anattaṭṭhena …
ps2.2:14.2	saccaṭṭhena …
ps2.2:14.3	paṭivedhaṭṭhena cattāri saccāni ekappaṭivedhāni?
ps2.2:14.4	Navahākārehi paṭivedhaṭṭhena cattāri saccāni ekappaṭivedhāni.
ps2.2:14.5	Dukkhassa dukkhaṭṭho paṭivedhaṭṭho, samudayassa samudayaṭṭho paṭivedhaṭṭho, nirodhassa nirodhaṭṭho paṭivedhaṭṭho, maggassa maggaṭṭho paṭivedhaṭṭho, abhiññāya abhiññaṭṭho paṭivedhaṭṭho, pariññāya pariññaṭṭho paṭivedhaṭṭho, pahānassa pahānaṭṭho paṭivedhaṭṭho, bhāvanāya bhāvanaṭṭho paṭivedhaṭṭho, sacchikiriyāya sacchikiriyaṭṭho paṭivedhaṭṭho—
ps2.2:14.6	imehi navahākārehi paṭivedhaṭṭhena cattāri saccāni ekasaṅgahitāni.
ps2.2:14.7	Yaṁ ekasaṅgahitaṁ taṁ ekattaṁ.
ps2.2:14.8	Ekattaṁ ekena ñāṇena paṭivijjhatīti—
ps2.2:14.9	cattāri saccāni ekappaṭivedhāni.
ps2.2:15.1	Katihākārehi cattāri saccāni ekappaṭivedhāni?
ps2.2:15.2	Dvādasahākārehi cattāri saccāni ekappaṭivedhāni.
ps2.2:15.3	Tathaṭṭhena, anattaṭṭhena, saccaṭṭhena, paṭivedhaṭṭhena, abhijānanaṭṭhena, parijānanaṭṭhena, dhammaṭṭhena, tathaṭṭhena, ñātaṭṭhena, sacchikiriyaṭṭhena, phassanaṭṭhena, abhisamayaṭṭhena—
ps2.2:15.4	imehi dvādasahi ākārehi cattāri saccāni ekasaṅgahitāni.
ps2.2:15.5	Yaṁ ekasaṅgahitaṁ taṁ ekattaṁ.
ps2.2:15.6	Ekattaṁ ekena ñāṇena paṭivijjhatīti—
ps2.2:15.7	cattāri saccāni ekappaṭivedhāni.
ps2.2:16.1	Kathaṁ tathaṭṭhena cattāri saccāni ekappaṭivedhāni?
ps2.2:16.2	Soḷasahākārehi tathaṭṭhena cattāri saccāni ekappaṭivedhāni.
ps2.2:16.3	Dukkhassa pīḷanaṭṭho, saṅkhataṭṭho, santāpaṭṭho, vipariṇāmaṭṭho, tathaṭṭho;
ps2.2:16.4	samudayassa āyūhanaṭṭho, nidānaṭṭho, saṁyogaṭṭho, palibodhaṭṭho tathaṭṭho;
ps2.2:16.5	nirodhassa nissaraṇaṭṭho, vivekaṭṭho, asaṅkhataṭṭho, amataṭṭho tathaṭṭho;
ps2.2:16.6	maggassa niyyānaṭṭho, hetuṭṭho, dassanaṭṭho, ādhipateyyaṭṭho tathaṭṭho—
ps2.2:16.7	imehi soḷasahi ākārehi tathaṭṭhena cattāri saccāni ekasaṅgahitāni.
ps2.2:16.8	Yaṁ ekasaṅgahitaṁ taṁ ekattaṁ.
ps2.2:16.9	Ekattaṁ ekena ñāṇena paṭivijjhatīti—
ps2.2:16.10	cattāri saccāni ekappaṭivedhāni.
ps2.2:17.1	Kathaṁ anattaṭṭhena …pe…
ps2.2:17.2	saccaṭṭhena …
ps2.2:17.3	paṭivedhaṭṭhena …
ps2.2:17.4	abhijānanaṭṭhena …
ps2.2:17.5	parijānanaṭṭhena …
ps2.2:17.6	dhammaṭṭhena …
ps2.2:17.7	tathaṭṭhena …
ps2.2:17.8	ñātaṭṭhena …
ps2.2:17.9	sacchikiriyaṭṭhena …
ps2.2:17.10	phassanaṭṭhena …
ps2.2:17.11	abhisamayaṭṭhena cattāri saccāni ekappaṭivedhāni?
ps2.2:17.12	Soḷasahi ākārehi abhisamayaṭṭhena cattāri saccāni ekappaṭivedhāni.
ps2.2:17.13	Dukkhassa pīḷanaṭṭho, saṅkhataṭṭho, santāpaṭṭho, vipariṇāmaṭṭho, abhisamayaṭṭho;
ps2.2:17.14	samudayassa āyūhanaṭṭho, nidānaṭṭho, saṁyogaṭṭho, palibodhaṭṭho, abhisamayaṭṭho;
ps2.2:17.15	nirodhassa nissaraṇaṭṭho, vivekaṭṭho, asaṅkhataṭṭho, amataṭṭho, abhisamayaṭṭho;
ps2.2:17.16	maggassa niyyānaṭṭho, hetuṭṭho, dassanaṭṭho, ādhipateyyaṭṭho, abhisamayaṭṭho—
ps2.2:17.17	imehi soḷasahi ākārehi abhisamayaṭṭhena cattāri saccāni ekasaṅgahitāni.
ps2.2:17.18	Yaṁ ekasaṅgahitaṁ taṁ ekattaṁ.
ps2.2:17.19	Ekattaṁ ekena ñāṇena paṭivijjhatīti—
ps2.2:17.20	cattāri saccāni ekappaṭivedhāni.
ps2.2:18.1	Saccānaṁ kati lakkhaṇāni?
ps2.2:18.2	Saccānaṁ dve lakkhaṇāni.
ps2.2:18.3	Saṅkhatalakkhaṇañca, asaṅkhatalakkhaṇañca—
ps2.2:18.4	saccānaṁ imāni dve lakkhaṇāni.
ps2.2:19.1	Saccānaṁ kati lakkhaṇāni?
ps2.2:19.2	Saccānaṁ cha lakkhaṇāni.
ps2.2:19.3	Saṅkhatānaṁ saccānaṁ uppādo paññāyati, vayo paññāyati, ṭhitānaṁ aññathattaṁ paññāyati asaṅkhatassa saccassa na uppādo paññāyati, na vayo paññāyati, na ṭhitassa aññathattaṁ paññāyati—
ps2.2:19.4	saccānaṁ imāni cha lakkhaṇāni.
ps2.2:20.1	Saccānaṁ kati lakkhaṇāni?
ps2.2:20.2	Saccānaṁ dvādasa lakkhaṇāni.
ps2.2:20.3	Dukkhasaccassa uppādo paññāyati, vayo paññāyati, ṭhitassa aññathattaṁ paññāyati;
ps2.2:20.4	samudayasaccassa uppādo paññāyati, vayo paññāyati, ṭhitassa aññathattaṁ paññāyati;
ps2.2:20.5	maggasaccassa uppādo paññāyati, vayo paññāyati, ṭhitassa aññathattaṁ paññāyati;
ps2.2:20.6	nirodhasaccassa na uppādo paññāyati, na vayo paññāyati, na ṭhitassa aññathattaṁ paññāyati—
ps2.2:20.7	saccānaṁ imāni dvādasa lakkhaṇāni.
ps2.2:21.1	Catunnaṁ saccānaṁ kati kusalā, kati akusalā, kati abyākatā?
ps2.2:21.2	Samudayasaccaṁ akusalaṁ, maggasaccaṁ kusalaṁ, nirodhasaccaṁ abyākataṁ.
ps2.2:21.3	Dukkhasaccaṁ siyā kusalaṁ, siyā akusalaṁ, siyā abyākataṁ.
ps2.2:22.1	Siyā tīṇi saccāni ekasaccena saṅgahitāni, ekasaccaṁ tīhi saccehi saṅgahitaṁ?
ps2.2:22.2	Vatthuvasena pariyāyena siyāti.
ps2.2:22.3	Kathañca siyā?
ps2.2:22.4	Yaṁ dukkhasaccaṁ akusalaṁ, samudayasaccaṁ akusalaṁ—
ps2.2:22.5	evaṁ akusalaṭṭhena dve saccāni ekasaccena saṅgahitāni, ekasaccaṁ dvīhi saccehi saṅgahitaṁ.
ps2.2:22.6	Yaṁ dukkhasaccaṁ kusalaṁ, maggasaccaṁ kusalaṁ—
ps2.2:22.7	evaṁ kusalaṭṭhena dve saccāni ekasaccena saṅgahitāni, ekasaccaṁ dvīhi saccehi saṅgahitaṁ.
ps2.2:22.8	Yaṁ dukkhasaccaṁ abyākataṁ, nirodhasaccaṁ abyākataṁ—
ps2.2:22.9	evaṁ abyākataṭṭhena dve saccāni ekasaccena saṅgahitāni, ekasaccaṁ dvīhi saccehi saṅgahitaṁ.
ps2.2:22.10	Evaṁ siyā tīṇi saccāni ekasaccena saṅgahitāni, ekasaccaṁ tīhi saccehi saṅgahitaṁ vatthuvasena pariyāyenāti.
ps2.2:23.0	2.2.2. Dutiyasuttantapāḷi
ps2.2:23.1	“Pubbe me, bhikkhave, sambodhā anabhisambuddhassa bodhisattasseva sato etadahosi—
ps2.2:23.2	‘ko nu kho rūpassa assādo, ko ādīnavo, kiṁ nissaraṇaṁ;
ps2.2:23.3	ko vedanāya assādo, ko ādīnavo, kiṁ nissaraṇaṁ;
ps2.2:23.4	ko saññāya assādo, ko ādīnavo, kiṁ nissaraṇaṁ;
ps2.2:23.5	ko saṅkhārānaṁ assādo, ko ādīnavo, kiṁ nissaraṇaṁ;
ps2.2:23.6	ko viññāṇassa assādo, ko ādīnavo, kiṁ nissaraṇan’ti?
ps2.2:23.7	Tassa mayhaṁ, bhikkhave, etadahosi—
ps2.2:23.8	‘yaṁ kho rūpaṁ paṭicca uppajjati sukhaṁ somanassaṁ—
ps2.2:23.9	ayaṁ rūpassa assādo.
ps2.2:23.10	Yaṁ rūpaṁ aniccaṁ, taṁ dukkhaṁ vipariṇāmadhammaṁ—
ps2.2:23.11	ayaṁ rūpassa ādīnavo.
ps2.2:23.12	Yo rūpasmiṁ chandarāgavinayo chandarāgappahānaṁ—
ps2.2:23.13	idaṁ rūpassa nissaraṇaṁ.
ps2.2:23.14	Yaṁ vedanaṁ paṭicca …pe…
ps2.2:23.15	yaṁ saññaṁ paṭicca …
ps2.2:23.16	yaṁ saṅkhāre paṭicca …
ps2.2:23.17	yaṁ viññāṇaṁ paṭicca uppajjati sukhaṁ somanassaṁ—
ps2.2:23.18	ayaṁ viññāṇassa assādo.
ps2.2:23.19	Yaṁ viññāṇaṁ aniccaṁ taṁ dukkhaṁ vipariṇāmadhammaṁ—
ps2.2:23.20	ayaṁ viññāṇassa ādīnavo.
ps2.2:23.21	Yo viññāṇasmiṁ chandarāgavinayo chandarāgappahānaṁ—
ps2.2:23.22	idaṁ viññāṇassa nissaraṇaṁ’.
ps2.2:24.1	Yāvakīvañcāhaṁ, bhikkhave, imesaṁ pañcannaṁ upādānakkhandhānaṁ evaṁ assādañca assādato ādīnavañca ādīnavato nissaraṇañca nissaraṇato yathābhūtaṁ nābbhaññāsiṁ, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ yato ca khvāhaṁ, bhikkhave, imesaṁ pañcannaṁ upādānakkhandhānaṁ evaṁ assādañca assādato ādīnavañca ādīnavato nissaraṇañca nissaraṇato yathābhūtaṁ abbhaññāsiṁ, athāhaṁ, bhikkhave, ‘sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṁ sammāsambodhiṁ abhisambuddho’ti paccaññāsiṁ.
ps2.2:24.2	Ñāṇañca pana me dassanaṁ udapādi—
ps2.2:24.3	‘akuppā me vimutti.
ps2.2:24.4	Ayamantimā jāti, natthi dāni punabbhavo’”ti.
ps2.2:25.0	2.2.3. Dutiyasuttantaniddesa
ps2.2:25.1	Yaṁ rūpaṁ paṭicca uppajjati sukhaṁ somanassaṁ, ayaṁ rūpassa assādoti—
ps2.2:25.2	pahānappaṭivedho samudayasaccaṁ.
ps2.2:25.3	Yaṁ rūpaṁ aniccaṁ taṁ dukkhaṁ vipariṇāmadhammaṁ, ayaṁ rūpassa ādīnavoti—
ps2.2:25.4	pariññāpaṭivedho dukkhasaccaṁ.
ps2.2:25.5	Yo rūpasmiṁ chandarāgavinayo chandarāgappahānaṁ, idaṁ rūpassa nissaraṇanti—
ps2.2:25.6	sacchikiriyāpaṭivedho nirodhasaccaṁ.
ps2.2:25.7	Yā imesu tīsu ṭhānesu diṭṭhi saṅkappo vācā kammanto ājīvo vāyāmo sati samādhi—
ps2.2:25.8	bhāvanāpaṭivedho maggasaccaṁ.
ps2.2:26.1	Yaṁ vedanaṁ paṭicca …pe…
ps2.2:26.2	yaṁ saññaṁ paṭicca …
ps2.2:26.3	yaṁ saṅkhāre paṭicca …
ps2.2:26.4	yaṁ viññāṇaṁ paṭicca uppajjati sukhaṁ somanassaṁ, ayaṁ viññāṇassa assādoti—
ps2.2:26.5	pahānappaṭivedho samudayasaccaṁ.
ps2.2:26.6	Yaṁ viññāṇaṁ aniccaṁ taṁ dukkhaṁ vipariṇāmadhammaṁ, ayaṁ viññāṇassa ādīnavoti—
ps2.2:26.7	pariññāpaṭivedho dukkhasaccaṁ.
ps2.2:26.8	Yo viññāṇasmiṁ chandarāgavinayo chandarāgappahānaṁ, idaṁ viññāṇassa nissaraṇanti—
ps2.2:26.9	sacchikiriyāpaṭivedho nirodhasaccaṁ.
ps2.2:26.10	Yā imesu tīsu ṭhānesu diṭṭhi saṅkappo vācā kammanto ājīvo vāyāmo sati samādhi—
ps2.2:26.11	bhāvanāpaṭivedho maggasaccaṁ.
ps2.2:27.1	<b>Saccan</b>ti katihākārehi saccaṁ?
ps2.2:27.2	Esanaṭṭhena, pariggahaṭṭhena, paṭivedhaṭṭhena.
ps2.2:27.3	Kathaṁ esanaṭṭhena saccaṁ?
ps2.2:27.4	Jarāmaraṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavanti—
ps2.2:27.5	evaṁ esanaṭṭhena saccaṁ.
ps2.2:27.6	Jarāmaraṇaṁ jātinidānaṁ, jātisamudayaṁ, jātijātikaṁ, jātippabhavanti—
ps2.2:27.7	evaṁ pariggahaṭṭhena saccaṁ.
ps2.2:27.8	Jarāmaraṇañca pajānāti, jarāmaraṇasamudayañca pajānāti, jarāmaraṇanirodhañca pajānāti, jarāmaraṇanirodhagāminiṁ paṭipadañca pajānāti—
ps2.2:27.9	evaṁ paṭivedhaṭṭhena saccaṁ.
ps2.2:28.1	Jāti kiṁnidānā, kiṁsamudayā, kiṁjātikā, kiṁpabhavāti—
ps2.2:28.2	evaṁ esanaṭṭhena saccaṁ.
ps2.2:28.3	Jāti bhavanidānā, bhavasamudayā, bhavajātikā, bhavappabhavāti—
ps2.2:28.4	evaṁ pariggahaṭṭhena saccaṁ.
ps2.2:28.5	Jātiñca pajānāti, jātisamudayañca pajānāti, jātinirodhañca pajānāti, jātinirodhagāminiṁ paṭipadañca pajānāti—
ps2.2:28.6	evaṁ paṭivedhaṭṭhena saccaṁ.
ps2.2:29.1	Bhavo kiṁnidāno, kiṁsamudayo, kiṁjātiko, kiṁpabhavoti—
ps2.2:29.2	evaṁ esanaṭṭhena saccaṁ.
ps2.2:29.3	Bhavo upādānanidāno, upādānasamudayo, upādānajātiko, upādānappabhavoti—
ps2.2:29.4	evaṁ pariggahaṭṭhena saccaṁ.
ps2.2:29.5	Bhavaṁ ca pajānāti, bhavasamudayañca pajānāti, bhavanirodhañca pajānāti, bhavanirodhagāminiṁ paṭipadañca pajānāti—
ps2.2:29.6	evaṁ paṭivedhaṭṭhena saccaṁ.
ps2.2:30.1	Upādānaṁ kiṁnidānaṁ, kiṁsamudayaṁ, kiṁjātikaṁ, kiṁpabhavanti—
ps2.2:30.2	evaṁ esanaṭṭhena saccaṁ.
ps2.2:30.3	Upādānaṁ taṇhānidānaṁ, taṇhāsamudayaṁ, taṇhājātikaṁ, taṇhāpabhavanti—
ps2.2:30.4	evaṁ pariggahaṭṭhena saccaṁ.
ps2.2:30.5	Upādānañca pajānāti, upādānasamudayañca pajānāti, upādānanirodhañca pajānāti upādānanirodhagāminiṁ paṭipadañca pajānāti—
ps2.2:30.6	evaṁ paṭivedhaṭṭhena saccaṁ.
ps2.2:31.1	Taṇhā kiṁnidānā, kiṁsamudayā, kiṁjātikā, kiṁpabhavāti—
ps2.2:31.2	evaṁ esanaṭṭhena saccaṁ.
ps2.2:31.3	Taṇhā vedanānidānā, vedanāsamudayā, vedanājātikā, vedanāpabhavāti—
ps2.2:31.4	evaṁ pariggahaṭṭhena saccaṁ.
ps2.2:31.5	Taṇhañca pajānāti, taṇhāsamudayañca pajānāti, taṇhānirodhañca pajānāti, taṇhānirodhagāminiṁ paṭipadañca pajānāti—
ps2.2:31.6	evaṁ paṭivedhaṭṭhena saccaṁ.
ps2.2:32.1	Vedanā kiṁnidānā, kiṁsamudayā, kiṁjātikā, kiṁpabhavāti—
ps2.2:32.2	evaṁ esanaṭṭhena saccaṁ.
ps2.2:32.3	Vedanā phassanidānā, phassasamudayā, phassajātikā, phassappabhavāti—
ps2.2:32.4	evaṁ pariggahaṭṭhena saccaṁ.
ps2.2:32.5	Vedanañca pajānāti, vedanāsamudayañca pajānāti, vedanānirodhañca pajānāti, vedanānirodhagāminiṁ paṭipadañca pajānāti—
ps2.2:32.6	evaṁ paṭivedhaṭṭhena saccaṁ.
ps2.2:33.1	Phasso kiṁnidāno, kiṁsamudayo, kiṁjātiko, kiṁpabhavoti—
ps2.2:33.2	evaṁ esanaṭṭhena saccaṁ.
ps2.2:33.3	Phasso saḷāyatananidāno, saḷāyatanasamudayo, saḷāyatanajātiko, saḷāyatanappabhavoti—
ps2.2:33.4	evaṁ pariggahaṭṭhena saccaṁ.
ps2.2:33.5	Phassañca pajānāti, phassasamudayañca pajānāti, phassanirodhañca pajānāti, phassanirodhagāminiṁ paṭipadañca pajānāti—
ps2.2:33.6	evaṁ paṭivedhaṭṭhena saccaṁ.
ps2.2:34.1	Saḷāyatanaṁ kiṁnidānaṁ, kiṁsamudayaṁ, kiṁjātikaṁ, kiṁpabhavanti—
ps2.2:34.2	evaṁ esanaṭṭhena saccaṁ.
ps2.2:34.3	Saḷāyatanaṁ nāmarūpanidānaṁ, nāmarūpasamudayaṁ, nāmarūpajātikaṁ, nāmarūpappabhavanti—
ps2.2:34.4	evaṁ pariggahaṭṭhena saccaṁ.
ps2.2:34.5	Saḷāyatanañca pajānāti, saḷāyatanasamudayañca pajānāti, saḷāyatananirodhañca pajānāti, saḷāyatananirodhagāminiṁ paṭipadañca pajānāti—
ps2.2:34.6	evaṁ paṭivedhaṭṭhena saccaṁ.
ps2.2:35.1	Nāmarūpaṁ kiṁnidānaṁ, kiṁsamudayaṁ, kiṁjātikaṁ, kiṁpabhavanti—
ps2.2:35.2	evaṁ esanaṭṭhena saccaṁ.
ps2.2:35.3	Nāmarūpaṁ viññāṇanidānaṁ, viññāṇasamudayaṁ, viññāṇajātikaṁ, viññāṇappabhavanti—
ps2.2:35.4	evaṁ pariggahaṭṭhena saccaṁ.
ps2.2:35.5	Nāmarūpañca pajānāti, nāmarūpasamudayañca pajānāti, nāmarūpanirodhañca pajānāti, nāmarūpanirodhagāminiṁ paṭipadañca pajānāti—
ps2.2:35.6	evaṁ paṭivedhaṭṭhena saccaṁ.
ps2.2:36.1	Viññāṇaṁ kiṁnidānaṁ, kiṁsamudayaṁ, kiṁjātikaṁ, kiṁpabhavanti—
ps2.2:36.2	evaṁ esanaṭṭhena saccaṁ.
ps2.2:36.3	Viññāṇaṁ saṅkhāranidānaṁ, saṅkhārasamudayaṁ, saṅkhārajātikaṁ, saṅkhārappabhavanti—
ps2.2:36.4	evaṁ pariggahaṭṭhena saccaṁ.
ps2.2:36.5	Viññāṇañca pajānāti, viññāṇasamudayañca pajānāti, viññāṇanirodhañca pajānāti, viññāṇanirodhagāminiṁ paṭipadañca pajānāti—
ps2.2:36.6	evaṁ paṭivedhaṭṭhena saccaṁ.
ps2.2:37.1	Saṅkhārā kiṁnidānā, kiṁsamudayā, kiṁjātikā, kiṁpabhavāti—
ps2.2:37.2	evaṁ esanaṭṭhena saccaṁ.
ps2.2:37.3	Saṅkhārā avijjānidānā, avijjāsamudayā, avijjājātikā, avijjāpabhavāti—
ps2.2:37.4	evaṁ pariggahaṭṭhena saccaṁ.
ps2.2:37.5	Saṅkhāre ca pajānāti, saṅkhārasamudayañca pajānāti, saṅkhāranirodhañca pajānāti, saṅkhāranirodhagāminiṁ paṭipadañca pajānāti—
ps2.2:37.6	evaṁ paṭivedhaṭṭhena saccaṁ.
ps2.2:38.1	Jarāmaraṇaṁ dukkhasaccaṁ, jāti samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.2	Jāti dukkhasaccaṁ, bhavo samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.3	Bhavo dukkhasaccaṁ, upādānaṁ samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.4	Upādānaṁ dukkhasaccaṁ, taṇhā samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.5	Taṇhā dukkhasaccaṁ, vedanā samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.6	Vedanā dukkhasaccaṁ, phasso samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.7	Phasso dukkhasaccaṁ, saḷāyatanaṁ samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.8	Saḷāyatanaṁ dukkhasaccaṁ, nāmarūpaṁ samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.9	Nāmarūpaṁ dukkhasaccaṁ, viññāṇaṁ samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.10	Viññāṇaṁ dukkhasaccaṁ, saṅkhārā samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:38.11	Saṅkhārā dukkhasaccaṁ, avijjā samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:39.1	Jarāmaraṇaṁ siyā dukkhasaccaṁ, siyā samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccaṁ.
ps2.2:39.2	Jāti siyā dukkhasaccaṁ, siyā samudayasaccaṁ …pe…
ps2.2:39.3	bhavo siyā dukkhasaccaṁ, siyā samudayasaccaṁ, ubhinnampi nissaraṇaṁ nirodhasaccaṁ, nirodhappajānanā maggasaccanti.
ps2.2:39.4	Saccakathā niṭṭhitā.
ps2.2:39.5	Bhāṇavāro.
ps2.3:0.1	Paṭisambhidāmagga
ps2.3:0.2	2 Yuganaddhavagga
ps2.3:0.3	2.3. Bojjhaṅgakathā
ps2.3:1.1	Sāvatthinidānaṁ.
ps2.3:1.2	“Sattime, bhikkhave, bojjhaṅgā.
ps2.3:1.3	Katame satta?
ps2.3:1.4	Satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo—
ps2.3:1.5	ime kho, bhikkhave, satta bojjhaṅgā”.
ps2.3:2.1	<b>Bojjhaṅgā</b>ti kenaṭṭhena bojjhaṅgā?
ps2.3:2.2	Bodhāya saṁvattantīti—bojjhaṅgā.
ps2.3:2.3	Bujjhantīti— bojjhaṅgā.
ps2.3:2.4	Anubujjhantīti—bojjhaṅgā.
ps2.3:2.5	Paṭibujjhantīti—bojjhaṅgā.
ps2.3:2.6	Sambujjhantīti—bojjhaṅgā.
ps2.3:3.1	Bujjhanaṭṭhena bojjhaṅgā, anubujjhanaṭṭhena bojjhaṅgā, paṭibujjhanaṭṭhena bojjhaṅgā, sambujjhanaṭṭhena bojjhaṅgā.
ps2.3:4.1	Bodhentīti—bojjhaṅgā.
ps2.3:4.2	Anubodhentīti—bojjhaṅgā.
ps2.3:4.3	Paṭibodhentīti—bojjhaṅgā.
ps2.3:4.4	Sambodhentīti—bojjhaṅgā.
ps2.3:5.1	Bodhanaṭṭhena bojjhaṅgā, anubodhanaṭṭhena bojjhaṅgā, paṭibodhanaṭṭhena bojjhaṅgā, sambodhanaṭṭhena bojjhaṅgā.
ps2.3:6.1	Bodhipakkhiyaṭṭhena bojjhaṅgā, anubodhipakkhiyaṭṭhena bojjhaṅgā, paṭibodhipakkhiyaṭṭhena bojjhaṅgā, sambodhipakkhiyaṭṭhena bojjhaṅgā.
ps2.3:6.2	(Pañcamacatukkaṁ)
ps2.3:7.1	Buddhilabhanaṭṭhena bojjhaṅgā, buddhipaṭilabhanaṭṭhena bojjhaṅgā, buddhiropanaṭṭhena bojjhaṅgā, buddhiabhiropanaṭṭhena bojjhaṅgā, buddhipāpanaṭṭhena bojjhaṅgā, buddhisampāpanaṭṭhena bojjhaṅgā.
ps2.3:7.2	(Chakkaṁ)
ps2.3:8.0	2.3.1. Mūlamūlakādidasaka
ps2.3:8.1	Mūlaṭṭhena bojjhaṅgā, mūlacariyaṭṭhena bojjhaṅgā, mūlapariggahaṭṭhena bojjhaṅgā, mūlaparivāraṭṭhena bojjhaṅgā, mūlaparipūraṇaṭṭhena bojjhaṅgā, mūlaparipākaṭṭhena bojjhaṅgā, mūlapaṭisambhidaṭṭhena bojjhaṅgā, mūlapaṭisambhidāpāpanaṭṭhena bojjhaṅgā, mūlapaṭisambhidāya vasībhāvaṭṭhena bojjhaṅgā, mūlapaṭisambhidāya vasībhāvappattānampi bojjhaṅgā.
ps2.3:9.1	Hetuṭṭhena bojjhaṅgā, hetucariyaṭṭhena bojjhaṅgā, hetupariggahaṭṭhena bojjhaṅgā, hetuparivāraṭṭhena bojjhaṅgā, hetuparipūraṇaṭṭhena bojjhaṅgā, hetuparipākaṭṭhena bojjhaṅgā, hetupaṭisambhidaṭṭhena bojjhaṅgā, hetupaṭisambhidāpāpanaṭṭhena bojjhaṅgā, hetupaṭisambhidāya vasībhāvaṭṭhena bojjhaṅgā, hetupaṭisambhidāya vasībhāvappattānampi bojjhaṅgā.
ps2.3:10.1	Paccayaṭṭhena bojjhaṅgā, paccayacariyaṭṭhena bojjhaṅgā, paccayapariggahaṭṭhena bojjhaṅgā, paccayaparivāraṭṭhena bojjhaṅgā, paccayaparipūraṇaṭṭhena bojjhaṅgā, paccayaparipākaṭṭhena bojjhaṅgā, paccayapaṭisambhidaṭṭhena bojjhaṅgā, paccayapaṭisambhidāpāpanaṭṭhena bojjhaṅgā, paccayapaṭisambhidāya vasībhāvaṭṭhena bojjhaṅgā, paccayapaṭisambhidāya vasībhāvappattānampi bojjhaṅgā.
ps2.3:11.1	Visuddhaṭṭhena bojjhaṅgā, visuddhicariyaṭṭhena bojjhaṅgā, visuddhipariggahaṭṭhena bojjhaṅgā, visuddhiparivāraṭṭhena bojjhaṅgā, visuddhiparipūraṇaṭṭhena bojjhaṅgā, visuddhiparipākaṭṭhena bojjhaṅgā, visuddhipaṭisambhidaṭṭhena bojjhaṅgā, visuddhipaṭisambhidāpāpanaṭṭhena bojjhaṅgā, visuddhipaṭisambhidāya vasībhāvaṭṭhena bojjhaṅgā, visuddhipaṭisambhidāya vasībhāvappattānampi bojjhaṅgā.
ps2.3:12.1	Anavajjaṭṭhena bojjhaṅgā, anavajjacariyaṭṭhena bojjhaṅgā, anavajjapariggahaṭṭhena bojjhaṅgā, anavajjaparivāraṭṭhena bojjhaṅgā, anavajjaparipūraṇaṭṭhena bojjhaṅgā, anavajjaparipākaṭṭhena bojjhaṅgā, anavajjapaṭisambhidaṭṭhena bojjhaṅgā, anavajjapaṭisambhidāpāpanaṭṭhena bojjhaṅgā, anavajjapaṭisambhidāya vasībhāvaṭṭhena bojjhaṅgā, anavajjapaṭisambhidāya vasībhāvappattānampi bojjhaṅgā.
ps2.3:13.1	Nekkhammaṭṭhena bojjhaṅgā, nekkhammacariyaṭṭhena bojjhaṅgā, nekkhammapariggahaṭṭhena bojjhaṅgā, nekkhammaparivāraṭṭhena bojjhaṅgā, nekkhammaparipūraṇaṭṭhena bojjhaṅgā, nekkhammaparipākaṭṭhena bojjhaṅgā, nekkhammapaṭisambhidaṭṭhena bojjhaṅgā, nekkhammapaṭisambhidāpāpanaṭṭhena bojjhaṅgā, nekkhammapaṭisambhidāya vasībhāvaṭṭhena bojjhaṅgā, nekkhammapaṭisambhidāya vasībhāvappattānampi bojjhaṅgā.
ps2.3:14.1	Vimuttaṭṭhena bojjhaṅgā, vimutticariyaṭṭhena bojjhaṅgā, vimuttipariggahaṭṭhena bojjhaṅgā, vimuttiparivāraṭṭhena bojjhaṅgā, vimuttiparipūraṇaṭṭhena bojjhaṅgā, vimuttiparipākaṭṭhena bojjhaṅgā, vimuttipaṭisambhidaṭṭhena bojjhaṅgā, vimuttipaṭisambhidāpāpanaṭṭhena bojjhaṅgā, vimuttipaṭisambhidāya vasībhāvaṭṭhena bojjhaṅgā, vimuttipaṭisambhidāya vasībhāvappattānampi bojjhaṅgā.
ps2.3:15.1	Anāsavaṭṭhena bojjhaṅgā, anāsavacariyaṭṭhena bojjhaṅgā, anāsavapariggahaṭṭhena bojjhaṅgā, anāsavaparivāraṭṭhena bojjhaṅgā, anāsavaparipūraṇaṭṭhena bojjhaṅgā, anāsavaparipākaṭṭhena bojjhaṅgā, anāsavapaṭisambhidaṭṭhena bojjhaṅgā, anāsavapaṭisambhidāpāpanaṭṭhena bojjhaṅgā, anāsavapaṭisambhidāya vasībhāvaṭṭhena bojjhaṅgā, anāsavapaṭisambhidāya vasībhāvappattānampi bojjhaṅgā.
ps2.3:16.1	Vivekaṭṭhena bojjhaṅgā, vivekacariyaṭṭhena bojjhaṅgā, vivekapariggahaṭṭhena bojjhaṅgā, vivekaparivāraṭṭhena bojjhaṅgā, vivekaparipūraṇaṭṭhena bojjhaṅgā, vivekaparipākaṭṭhena bojjhaṅgā, vivekapaṭisambhidaṭṭhena bojjhaṅgā, vivekapaṭisambhidāpāpanaṭṭhena bojjhaṅgā, vivekapaṭisambhidāya vasībhāvaṭṭhena bojjhaṅgā, vivekapaṭisambhidāya vasībhāvappattānampi bojjhaṅgā.
ps2.3:17.1	Vosaggaṭṭhena bojjhaṅgā, vosaggacariyaṭṭhena bojjhaṅgā, vosaggapariggahaṭṭhena bojjhaṅgā, vosaggaparivāraṭṭhena bojjhaṅgā, vosaggaparipūraṇaṭṭhena bojjhaṅgā, vosaggaparipākaṭṭhena bojjhaṅgā, vosaggapaṭisambhidaṭṭhena bojjhaṅgā, vosaggapaṭisambhidāpāpanaṭṭhena bojjhaṅgā, vosaggapaṭisambhidāya vasībhāvaṭṭhena bojjhaṅgā, vosaggapaṭisambhidāya vasībhāvappattānampi bojjhaṅgā.
ps2.3:18.1	Mūlaṭṭhaṁ bujjhantīti—bojjhaṅgā.
ps2.3:18.2	Hetuṭṭhaṁ bujjhantīti—bojjhaṅgā.
ps2.3:18.3	Paccayaṭṭhaṁ bujjhantīti—bojjhaṅgā.
ps2.3:18.4	Visuddhaṭṭhaṁ bujjhantīti—bojjhaṅgā.
ps2.3:18.5	Anavajjaṭṭhaṁ bujjhantīti—bojjhaṅgā.
ps2.3:18.6	Nekkhammaṭṭhaṁ bujjhantīti—bojjhaṅgā.
ps2.3:18.7	Vimuttaṭṭhaṁ bujjhantīti—bojjhaṅgā.
ps2.3:18.8	Anāsavaṭṭhaṁ bujjhantīti—bojjhaṅgā.
ps2.3:18.9	Vivekaṭṭhaṁ bujjhantīti—bojjhaṅgā.
ps2.3:18.10	Vosaggaṭṭhaṁ bujjhantīti—bojjhaṅgā.
ps2.3:19.1	Mūlacariyaṭṭhaṁ bujjhantīti—bojjhaṅgā.
ps2.3:19.2	Hetucariyaṭṭhaṁ bujjhantīti—bojjhaṅgā.
ps2.3:19.3	Paccayacariyaṭṭhaṁ bujjhantīti—bojjhaṅgā.
ps2.3:19.4	Visuddhicariyaṭṭhaṁ bujjhantīti—bojjhaṅgā.
ps2.3:19.5	Anavajjacariyaṭṭhaṁ bujjhantīti—bojjhaṅgā.
ps2.3:19.6	Nekkhammacariyaṭṭhaṁ bujjhantīti—bojjhaṅgā.
ps2.3:19.7	Vimutticariyaṭṭhaṁ bujjhantīti—bojjhaṅgā.
ps2.3:19.8	Anāsavacariyaṭṭhaṁ bujjhantīti—bojjhaṅgā.
ps2.3:19.9	Vivekacariyaṭṭhaṁ bujjhantīti—bojjhaṅgā.
ps2.3:19.10	Vosaggacariyaṭṭhaṁ bujjhantīti—bojjhaṅgā.
ps2.3:20.1	Mūlapariggahaṭṭhaṁ bujjhantīti—bojjhaṅgā …pe…
ps2.3:20.2	vosaggapariggahaṭṭhaṁ bujjhantīti—bojjhaṅgā.
ps2.3:20.3	Mūlaparivāraṭṭhaṁ bujjhantīti—bojjhaṅgā …pe…
ps2.3:20.4	vosaggaparivāraṭṭhaṁ bujjhantīti—bojjhaṅgā.
ps2.3:20.5	Mūlaparipūraṇaṭṭhaṁ bujjhantīti—bojjhaṅgā …pe…
ps2.3:20.6	vosaggaparipūraṭṭhaṁ bujjhantīti—bojjhaṅgā.
ps2.3:20.7	Mūlaparipākaṭṭhaṁ bujjhantīti—bojjhaṅgā …pe…
ps2.3:20.8	vosaggaparipākaṭṭhaṁ bujjhantīti—bojjhaṅgā.
ps2.3:20.9	Mūlapaṭisambhidaṭṭhaṁ bujjhantīti—bojjhaṅgā …pe…
ps2.3:20.10	vosaggapaṭisambhidaṭṭhaṁ bujjhantīti—bojjhaṅgā.
ps2.3:20.11	Mūlapaṭisambhidāpāpanaṭṭhaṁ bujjhantīti—bojjhaṅgā …pe…
ps2.3:20.12	vosaggapaṭisambhidāpāpanaṭṭhaṁ bujjhantīti—bojjhaṅgā.
ps2.3:20.13	Mūlapaṭisambhidāya vasībhāvaṭṭhaṁ bujjhantīti—bojjhaṅgā …pe…
ps2.3:20.14	vosaggapaṭisambhidāya vasībhāvaṭṭhaṁ bujjhantīti—bojjhaṅgā …pe….
ps2.3:21.1	Pariggahaṭṭhaṁ bujjhantīti—bojjhaṅgā.
ps2.3:21.2	Parivāraṭṭhaṁ bujjhantīti—bojjhaṅgā.
ps2.3:21.3	Paripūraṇaṭṭhaṁ bujjhantīti—bojjhaṅgā.
ps2.3:21.4	Ekaggaṭṭhaṁ bujjhantīti—bojjhaṅgā.
ps2.3:21.5	Avikkhepaṭṭhaṁ bujjhantīti—bojjhaṅgā.
ps2.3:21.6	Paggahaṭṭhaṁ bujjhantīti—bojjhaṅgā.
ps2.3:21.7	Avisāraṭṭhaṁ bujjhantīti—bojjhaṅgā.
ps2.3:21.8	Anāvilaṭṭhaṁ bujjhantīti—bojjhaṅgā.
ps2.3:21.9	Aniñjanaṭṭhaṁ bujjhantīti—bojjhaṅgā.
ps2.3:21.10	Ekattupaṭṭhānavasena cittassa ṭhitaṭṭhaṁ bujjhantīti—bojjhaṅgā.
ps2.3:21.11	Ārammaṇaṭṭhaṁ bujjhantīti—bojjhaṅgā.
ps2.3:21.12	Gocaraṭṭhaṁ bujjhantīti—bojjhaṅgā.
ps2.3:21.13	Pahānaṭṭhaṁ bujjhantīti—bojjhaṅgā.
ps2.3:21.14	Pariccāgaṭṭhaṁ bujjhantīti—bojjhaṅgā.
ps2.3:21.15	Vuṭṭhānaṭṭhaṁ bujjhantīti—bojjhaṅgā.
ps2.3:21.16	Vivaṭṭanaṭṭhaṁ bujjhantīti—bojjhaṅgā.
ps2.3:21.17	Santaṭṭhaṁ bujjhantīti—bojjhaṅgā.
ps2.3:21.18	Paṇītaṭṭhaṁ bujjhantīti—bojjhaṅgā.
ps2.3:21.19	Vimuttaṭṭhaṁ bujjhantīti—bojjhaṅgā.
ps2.3:21.20	Anāsavaṭṭhaṁ bujjhantīti—bojjhaṅgā.
ps2.3:21.21	Taraṇaṭṭhaṁ bujjhantīti—bojjhaṅgā.
ps2.3:21.22	Animittaṭṭhaṁ bujjhantīti—bojjhaṅgā.
ps2.3:21.23	Appaṇihitaṭṭhaṁ bujjhantīti—bojjhaṅgā.
ps2.3:21.24	Suññataṭṭhaṁ bujjhantīti—bojjhaṅgā.
ps2.3:21.25	Ekarasaṭṭhaṁ bujjhantīti—bojjhaṅgā.
ps2.3:21.26	Anativattanaṭṭhaṁ bujjhantīti—bojjhaṅgā.
ps2.3:21.27	Yuganaddhaṭṭhaṁ bujjhantīti—bojjhaṅgā.
ps2.3:21.28	Niyyānaṭṭhaṁ bujjhantīti—bojjhaṅgā.
ps2.3:21.29	Hetuṭṭhaṁ bujjhantīti—bojjhaṅgā.
ps2.3:21.30	Dassanaṭṭhaṁ bujjhantīti—bojjhaṅgā.
ps2.3:21.31	Ādhipateyyaṭṭhaṁ bujjhantīti—bojjhaṅgā.
ps2.3:22.1	Samathassa avikkhepaṭṭhaṁ bujjhantīti—bojjhaṅgā.
ps2.3:22.2	Vipassanāya anupassanaṭṭhaṁ bujjhantīti—bojjhaṅgā.
ps2.3:22.3	Samathavipassanānaṁ ekarasaṭṭhaṁ bujjhantīti—bojjhaṅgā.
ps2.3:22.4	Yuganaddhassa anativattanaṭṭhaṁ bujjhantīti—bojjhaṅgā.
ps2.3:23.1	Sikkhāya samādānaṭṭhaṁ bujjhantīti—bojjhaṅgā.
ps2.3:23.2	Ārammaṇassa gocaraṭṭhaṁ bujjhantīti—bojjhaṅgā.
ps2.3:23.3	Līnassa cittassa paggahaṭṭhaṁ bujjhantīti—bojjhaṅgā.
ps2.3:23.4	Uddhatassa cittassa niggahaṭṭhaṁ bujjhantīti—bojjhaṅgā.
ps2.3:23.5	Ubhovisuddhānaṁ ajjhupekkhanaṭṭhaṁ bujjhantīti—bojjhaṅgā.
ps2.3:23.6	Visesādhigamaṭṭhaṁ bujjhantīti—bojjhaṅgā.
ps2.3:23.7	Uttari paṭivedhaṭṭhaṁ bujjhantīti—bojjhaṅgā.
ps2.3:23.8	Saccābhisamayaṭṭhaṁ bujjhantīti—bojjhaṅgā.
ps2.3:23.9	Nirodhe patiṭṭhāpakaṭṭhaṁ bujjhantīti—bojjhaṅgā.
ps2.3:24.1	Saddhindriyassa adhimokkhaṭṭhaṁ bujjhantīti—bojjhaṅgā …pe…
ps2.3:24.2	paññindriyassa dassanaṭṭhaṁ bujjhantīti—bojjhaṅgā.
ps2.3:24.3	Saddhābalassa assaddhiye akampiyaṭṭhaṁ bujjhantīti—bojjhaṅgā …pe…
ps2.3:24.4	paññābalassa avijjāya akampiyaṭṭhaṁ bujjhantīti—bojjhaṅgā.
ps2.3:24.5	Satisambojjhaṅgassa upaṭṭhānaṭṭhaṁ bujjhantīti—bojjhaṅgā …pe…
ps2.3:24.6	upekkhāsambojjhaṅgassa paṭisaṅkhānaṭṭhaṁ bujjhantīti—bojjhaṅgā.
ps2.3:24.7	Sammādiṭṭhiyā dassanaṭṭhaṁ bujjhantīti—bojjhaṅgā …pe…
ps2.3:24.8	sammāsamādhissa avikkhepaṭṭhaṁ bujjhantīti—bojjhaṅgā.
ps2.3:25.1	Indriyānaṁ ādhipateyyaṭṭhaṁ bujjhantīti—bojjhaṅgā.
ps2.3:25.2	Balānaṁ akampiyaṭṭhaṁ bujjhantīti—bojjhaṅgā.
ps2.3:25.3	Niyyānaṭṭhaṁ bujjhantīti—bojjhaṅgā.
ps2.3:25.4	Maggassa hetuṭṭhaṁ bujjhantīti—bojjhaṅgā.
ps2.3:25.5	Satipaṭṭhānānaṁ upaṭṭhānaṭṭhaṁ bujjhantīti—bojjhaṅgā.
ps2.3:25.6	Sammappadhānānaṁ padahanaṭṭhaṁ bujjhantīti—bojjhaṅgā.
ps2.3:25.7	Iddhipādānaṁ ijjhanaṭṭhaṁ bujjhantīti—bojjhaṅgā.
ps2.3:25.8	Saccānaṁ tathaṭṭhaṁ bujjhantīti—bojjhaṅgā.
ps2.3:25.9	Payogānaṁ paṭippassaddhaṭṭhaṁ bujjhantīti—bojjhaṅgā.
ps2.3:25.10	Phalānaṁ sacchikiriyaṭṭhaṁ bujjhantīti—bojjhaṅgā.
ps2.3:26.1	Vitakkassa abhiniropanaṭṭhaṁ bujjhantīti—bojjhaṅgā.
ps2.3:26.2	Vicārassa upavicāraṭṭhaṁ bujjhantīti—bojjhaṅgā.
ps2.3:26.3	Pītiyā pharaṇaṭṭhaṁ bujjhantīti—bojjhaṅgā.
ps2.3:26.4	Sukhassa abhisandanaṭṭhaṁ bujjhantīti—bojjhaṅgā.
ps2.3:26.5	Cittassa ekaggaṭṭhaṁ bujjhantīti—bojjhaṅgā.
ps2.3:27.1	Āvajjanaṭṭhaṁ bujjhantīti—bojjhaṅgā.
ps2.3:27.2	Vijānanaṭṭhaṁ bujjhantīti—bojjhaṅgā.
ps2.3:27.3	Pajānanaṭṭhaṁ bujjhantīti—bojjhaṅgā.
ps2.3:27.4	Sañjānanaṭṭhaṁ bujjhantīti—bojjhaṅgā.
ps2.3:27.5	Ekodaṭṭhaṁ bujjhantīti—bojjhaṅgā.
ps2.3:27.6	Abhiññāya ñātaṭṭhaṁ bujjhantīti—bojjhaṅgā.
ps2.3:27.7	Pariññāya tīraṇaṭṭhaṁ bujjhantīti—bojjhaṅgā.
ps2.3:27.8	Pahānassa pariccāgaṭṭhaṁ bujjhantīti—bojjhaṅgā.
ps2.3:27.9	Bhāvanāya ekarasaṭṭhaṁ bujjhantīti—bojjhaṅgā.
ps2.3:27.10	Sacchikiriyāya phassanaṭṭhaṁ bujjhantīti—bojjhaṅgā.
ps2.3:27.11	Khandhānaṁ khandhaṭṭhaṁ bujjhantīti—bojjhaṅgā.
ps2.3:27.12	Dhātūnaṁ dhātuṭṭhaṁ bujjhantīti—bojjhaṅgā.
ps2.3:27.13	Āyatanānaṁ āyatanaṭṭhaṁ bujjhantīti—bojjhaṅgā.
ps2.3:27.14	Saṅkhatānaṁ saṅkhataṭṭhaṁ bujjhantīti—bojjhaṅgā.
ps2.3:27.15	Asaṅkhatassa asaṅkhataṭṭhaṁ bujjhantīti—bojjhaṅgā.
ps2.3:28.1	Cittaṭṭhaṁ bujjhantīti—bojjhaṅgā.
ps2.3:28.2	Cittānantariyaṭṭhaṁ bujjhantīti—bojjhaṅgā.
ps2.3:28.3	Cittassa vuṭṭhānaṭṭhaṁ bujjhantīti—bojjhaṅgā.
ps2.3:28.4	Cittassa vivaṭṭanaṭṭhaṁ bujjhantīti—bojjhaṅgā.
ps2.3:28.5	Cittassa hetuṭṭhaṁ bujjhantīti—bojjhaṅgā.
ps2.3:28.6	Cittassa paccayaṭṭhaṁ bujjhantīti—bojjhaṅgā.
ps2.3:28.7	Cittassa vatthuṭṭhaṁ bujjhantīti—bojjhaṅgā.
ps2.3:28.8	Cittassa bhūmaṭṭhaṁ bujjhantīti—bojjhaṅgā.
ps2.3:28.9	Cittassa ārammaṇaṭṭhaṁ bujjhantīti—bojjhaṅgā.
ps2.3:28.10	Cittassa gocaraṭṭhaṁ bujjhantīti—bojjhaṅgā.
ps2.3:28.11	Cittassa cariyaṭṭhaṁ bujjhantīti—bojjhaṅgā.
ps2.3:28.12	Cittassa gataṭṭhaṁ bujjhantīti—bojjhaṅgā.
ps2.3:28.13	Cittassa abhinīhāraṭṭhaṁ bujjhantīti—bojjhaṅgā.
ps2.3:28.14	Cittassa niyyānaṭṭhaṁ bujjhantīti—bojjhaṅgā.
ps2.3:28.15	Cittassa nissaraṇaṭṭhaṁ bujjhantīti—bojjhaṅgā.
ps2.3:29.1	Ekatte āvajjanaṭṭhaṁ bujjhantīti—bojjhaṅgā.
ps2.3:29.2	Ekatte vijānanaṭṭhaṁ bujjhantīti—bojjhaṅgā.
ps2.3:29.3	Ekatte pajānanaṭṭhaṁ bujjhantīti—bojjhaṅgā.
ps2.3:29.4	Ekatte sañjānanaṭṭhaṁ bujjhantīti—bojjhaṅgā.
ps2.3:29.5	Ekatte ekodaṭṭhaṁ bujjhantīti—bojjhaṅgā.
ps2.3:29.6	(…) Ekatte pakkhandanaṭṭhaṁ bujjhantīti—bojjhaṅgā.
ps2.3:29.7	Ekatte pasīdanaṭṭhaṁ bujjhantīti—bojjhaṅgā.
ps2.3:29.8	Ekatte santiṭṭhanaṭṭhaṁ bujjhantīti—bojjhaṅgā.
ps2.3:29.9	Ekatte vimuccanaṭṭhaṁ bujjhantīti—bojjhaṅgā.
ps2.3:29.10	Ekatte etaṁ santanti passanaṭṭhaṁ bujjhantīti—bojjhaṅgā.
ps2.3:29.11	Ekatte yānīkataṭṭhaṁ bujjhantīti—bojjhaṅgā.
ps2.3:29.12	Ekatte vatthukataṭṭhaṁ bujjhantīti—bojjhaṅgā.
ps2.3:29.13	Ekatte anuṭṭhitaṭṭhaṁ bujjhantīti—bojjhaṅgā.
ps2.3:29.14	Ekatte paricitaṭṭhaṁ bujjhantīti—bojjhaṅgā.
ps2.3:29.15	Ekatte susamāraddhaṭṭhaṁ bujjhantīti—bojjhaṅgā.
ps2.3:29.16	Ekatte pariggahaṭṭhaṁ bujjhantīti—bojjhaṅgā.
ps2.3:29.17	Ekatte parivāraṭṭhaṁ bujjhantīti—bojjhaṅgā.
ps2.3:29.18	Ekatte paripūraṇaṭṭhaṁ bujjhantīti—bojjhaṅgā.
ps2.3:29.19	Ekatte samodhānaṭṭhaṁ bujjhantīti—bojjhaṅgā.
ps2.3:29.20	Ekatte adhiṭṭhānaṭṭhaṁ bujjhantīti—bojjhaṅgā.
ps2.3:29.21	Ekatte āsevanaṭṭhaṁ bujjhantīti—bojjhaṅgā.
ps2.3:29.22	Ekatte bhāvanaṭṭhaṁ bujjhantīti—bojjhaṅgā.
ps2.3:29.23	Ekatte bahulīkammaṭṭhaṁ bujjhantīti—bojjhaṅgā.
ps2.3:29.24	Ekatte susamuggataṭṭhaṁ bujjhantīti—bojjhaṅgā.
ps2.3:29.25	Ekatte suvimuttaṭṭhaṁ bujjhantīti—bojjhaṅgā.
ps2.3:29.26	Ekatte bujjhanaṭṭhaṁ bujjhantīti—bojjhaṅgā.
ps2.3:29.27	Ekatte anubujjhanaṭṭhaṁ bujjhantīti—bojjhaṅgā.
ps2.3:29.28	Ekatte paṭibujjhanaṭṭhaṁ bujjhantīti—bojjhaṅgā.
ps2.3:29.29	Ekatte sambujjhanaṭṭhaṁ bujjhantīti—bojjhaṅgā.
ps2.3:29.30	Ekatte bodhanaṭṭhaṁ bujjhantīti—bojjhaṅgā.
ps2.3:29.31	Ekatte anubodhanaṭṭhaṁ bujjhantīti—bojjhaṅgā.
ps2.3:29.32	Ekatte paṭibodhanaṭṭhaṁ bujjhantīti—bojjhaṅgā.
ps2.3:29.33	Ekatte sambujjhanaṭṭhaṁ bujjhantīti—bojjhaṅgā.
ps2.3:29.34	Ekatte bodhipakkhiyaṭṭhaṁ bujjhantīti—bojjhaṅgā.
ps2.3:29.35	Ekatte anubodhipakkhiyaṭṭhaṁ bujjhantīti—bojjhaṅgā.
ps2.3:29.36	Ekatte paṭibodhipakkhiyaṭṭhaṁ bujjhantīti—bojjhaṅgā.
ps2.3:29.37	Ekatte sambodhipakkhiyaṭṭhaṁ bujjhantīti—bojjhaṅgā.
ps2.3:29.38	Ekatte jotanaṭṭhaṁ bujjhantīti—bojjhaṅgā.
ps2.3:29.39	Ekatte ujjotanaṭṭhaṁ bujjhantīti—bojjhaṅgā.
ps2.3:29.40	Ekatte anujotanaṭṭhaṁ bujjhantīti—bojjhaṅgā.
ps2.3:29.41	Ekatte paṭijotanaṭṭhaṁ bujjhantīti—bojjhaṅgā.
ps2.3:29.42	Ekatte sañjotanaṭṭhaṁ bujjhantīti—bojjhaṅgā.
ps2.3:30.1	Patāpanaṭṭhaṁ bujjhantīti—bojjhaṅgā.
ps2.3:30.2	Virocanaṭṭhaṁ bujjhantīti—bojjhaṅgā.
ps2.3:30.3	Kilesānaṁ santāpanaṭṭhaṁ bujjhantīti—bojjhaṅgā.
ps2.3:30.4	Amalaṭṭhaṁ bujjhantīti—bojjhaṅgā.
ps2.3:30.5	Vimalaṭṭhaṁ bujjhantīti—bojjhaṅgā.
ps2.3:30.6	Nimmalaṭṭhaṁ bujjhantīti—bojjhaṅgā.
ps2.3:30.7	Samaṭṭhaṁ bujjhantīti—bojjhaṅgā.
ps2.3:30.8	Samayaṭṭhaṁ bujjhantīti—bojjhaṅgā.
ps2.3:30.9	Vivekaṭṭhaṁ bujjhantīti—bojjhaṅgā.
ps2.3:30.10	Vivekacariyaṭṭhaṁ bujjhantīti—bojjhaṅgā.
ps2.3:30.11	Virāgaṭṭhaṁ bujjhantīti—bojjhaṅgā.
ps2.3:30.12	Virāgacariyaṭṭhaṁ bujjhantīti—bojjhaṅgā.
ps2.3:30.13	Nirodhaṭṭhaṁ bujjhantīti—bojjhaṅgā.
ps2.3:30.14	Nirodhacariyaṭṭhaṁ bujjhantīti—bojjhaṅgā.
ps2.3:30.15	Vosaggaṭṭhaṁ bujjhantīti—bojjhaṅgā.
ps2.3:30.16	Vosaggacariyaṭṭhaṁ bujjhantīti—bojjhaṅgā.
ps2.3:30.17	Vimuttaṭṭhaṁ bujjhantīti—bojjhaṅgā.
ps2.3:30.18	Vimutticariyaṭṭhaṁ bujjhantīti—bojjhaṅgā.
ps2.3:31.1	Chandaṭṭhaṁ bujjhantīti—bojjhaṅgā.
ps2.3:31.2	Chandassa mūlaṭṭhaṁ bujjhantīti—bojjhaṅgā.
ps2.3:31.3	Chandassa pādaṭṭhaṁ bujjhantīti—bojjhaṅgā.
ps2.3:31.4	Chandassa padhānaṭṭhaṁ bujjhantīti—bojjhaṅgā.
ps2.3:31.5	Chandassa ijjhanaṭṭhaṁ bujjhantīti—bojjhaṅgā.
ps2.3:31.6	Chandassa adhimokkhaṭṭhaṁ bujjhantīti—bojjhaṅgā.
ps2.3:31.7	Chandassa paggahaṭṭhaṁ bujjhantīti—bojjhaṅgā.
ps2.3:31.8	Chandassa upaṭṭhānaṭṭhaṁ bujjhantīti—bojjhaṅgā.
ps2.3:31.9	Chandassa avikkhepaṭṭhaṁ bujjhantīti—bojjhaṅgā.
ps2.3:31.10	Chandassa dassanaṭṭhaṁ bujjhantīti—bojjhaṅgā.
ps2.3:32.1	Vīriyaṭṭhaṁ bujjhantīti—bojjhaṅgā …pe…
ps2.3:32.2	cittaṭṭhaṁ bujjhantīti—bojjhaṅgā …pe…
ps2.3:32.3	vīmaṁsaṭṭhaṁ bujjhantīti—bojjhaṅgā.
ps2.3:32.4	Vīmaṁsāya mūlaṭṭhaṁ bujjhantīti—bojjhaṅgā.
ps2.3:32.5	Vīmaṁsāya pādaṭṭhaṁ bujjhantīti—bojjhaṅgā.
ps2.3:32.6	Vīmaṁsāya padhānaṭṭhaṁ bujjhantīti—bojjhaṅgā.
ps2.3:32.7	Vīmaṁsāya ijjhanaṭṭhaṁ bujjhantīti—bojjhaṅgā.
ps2.3:32.8	Vīmaṁsāya adhimokkhaṭṭhaṁ bujjhantīti—bojjhaṅgā.
ps2.3:32.9	Vīmaṁsāya paggahaṭṭhaṁ bujjhantīti—bojjhaṅgā.
ps2.3:32.10	Vīmaṁsāya upaṭṭhānaṭṭhaṁ bujjhantīti—bojjhaṅgā.
ps2.3:32.11	Vīmaṁsāya avikkhepaṭṭhaṁ bujjhantīti—bojjhaṅgā.
ps2.3:32.12	Vīmaṁsāya dassanaṭṭhaṁ bujjhantīti—bojjhaṅgā.
ps2.3:33.1	Dukkhaṭṭhaṁ bujjhantīti—bojjhaṅgā.
ps2.3:33.2	Dukkhassa pīḷanaṭṭhaṁ bujjhantīti—bojjhaṅgā.
ps2.3:33.3	Dukkhassa saṅkhataṭṭhaṁ bujjhantīti—bojjhaṅgā.
ps2.3:33.4	Dukkhassa santāpaṭṭhaṁ bujjhantīti—bojjhaṅgā.
ps2.3:33.5	Dukkhassa vipariṇāmaṭṭhaṁ bujjhantīti—bojjhaṅgā.
ps2.3:33.6	Samudayaṭṭhaṁ bujjhantīti—bojjhaṅgā.
ps2.3:33.7	Samudayassa āyūhanaṭṭhaṁ … nidānaṭṭhaṁ … saññogaṭṭhaṁ … palibodhaṭṭhaṁ bujjhantīti—bojjhaṅgā.
ps2.3:33.8	Nirodhaṭṭhaṁ bujjhantīti—bojjhaṅgā.
ps2.3:33.9	Nirodhassa nissaraṇaṭṭhaṁ … vivekaṭṭhaṁ … asaṅkhataṭṭhaṁ … amataṭṭhaṁ bujjhantīti—bojjhaṅgā.
ps2.3:33.10	Maggaṭṭhaṁ bujjhantīti—bojjhaṅgā.
ps2.3:33.11	Maggassa niyyānaṭṭhaṁ … hetuṭṭhaṁ … dassanaṭṭhaṁ … ādhipateyyaṭṭhaṁ bujjhantīti—bojjhaṅgā.
ps2.3:34.1	Tathaṭṭhaṁ bujjhantīti—bojjhaṅgā.
ps2.3:34.2	Anattaṭṭhaṁ bujjhantīti—bojjhaṅgā.
ps2.3:34.3	Saccaṭṭhaṁ bujjhantīti—bojjhaṅgā.
ps2.3:34.4	Paṭivedhaṭṭhaṁ bujjhantīti—bojjhaṅgā.
ps2.3:34.5	Abhijānanaṭṭhaṁ bujjhantīti—bojjhaṅgā.
ps2.3:34.6	Parijānanaṭṭhaṁ bujjhantīti—bojjhaṅgā.
ps2.3:34.7	Dhammaṭṭhaṁ bujjhantīti—bojjhaṅgā.
ps2.3:34.8	Dhātuṭṭhaṁ bujjhantīti—bojjhaṅgā.
ps2.3:34.9	Ñātaṭṭhaṁ bujjhantīti—bojjhaṅgā.
ps2.3:34.10	Sacchikiriyaṭṭhaṁ bujjhantīti—bojjhaṅgā.
ps2.3:34.11	Phassanaṭṭhaṁ bujjhantīti—bojjhaṅgā.
ps2.3:34.12	Abhisamayaṭṭhaṁ bujjhantīti—bojjhaṅgā.
ps2.3:35.1	Nekkhammaṁ bujjhantīti—bojjhaṅgā.
ps2.3:35.2	Abyāpādaṁ bujjhantīti—bojjhaṅgā.
ps2.3:35.3	Ālokasaññaṁ bujjhantīti—bojjhaṅgā.
ps2.3:35.4	Avikkhepaṁ bujjhantīti—bojjhaṅgā.
ps2.3:35.5	Dhammavavatthānaṁ bujjhantīti—bojjhaṅgā.
ps2.3:35.6	Ñāṇaṁ bujjhantīti—bojjhaṅgā.
ps2.3:35.7	Pāmojjaṁ bujjhantīti—bojjhaṅgā.
ps2.3:35.8	Paṭhamaṁ jhānaṁ bujjhantīti—bojjhaṅgā …pe…
ps2.3:35.9	arahattamaggaṁ bujjhantīti—bojjhaṅgā.
ps2.3:35.10	Arahattaphalasamāpattiṁ bujjhantīti—bojjhaṅgā.
ps2.3:36.1	Adhimokkhaṭṭhena saddhindriyaṁ bujjhantīti—bojjhaṅgā …pe…
ps2.3:36.2	dassanaṭṭhena paññindriyaṁ bujjhantīti—bojjhaṅgā.
ps2.3:36.3	Assaddhiye akampiyaṭṭhena saddhābalaṁ bujjhantīti—bojjhaṅgā …pe…
ps2.3:36.4	avijjāya akampiyaṭṭhena paññābalaṁ bujjhantīti—bojjhaṅgā.
ps2.3:36.5	Upaṭṭhānaṭṭhena satisambojjhaṅgaṁ bujjhantīti—bojjhaṅgā …pe…
ps2.3:36.6	paṭisaṅkhānaṭṭhena upekkhāsambojjhaṅgaṁ bujjhantīti—bojjhaṅgā.
ps2.3:37.1	Dassanaṭṭhena sammādiṭṭhiṁ bujjhantīti—bojjhaṅgā …pe…
ps2.3:37.2	avikkhepaṭṭhena sammāsamādhiṁ bujjhantīti—bojjhaṅgā.
ps2.3:37.3	Ādhipateyyaṭṭhena indriyaṁ bujjhantīti—bojjhaṅgā.
ps2.3:37.4	Akampiyaṭṭhena balaṁ bujjhantīti—bojjhaṅgā.
ps2.3:37.5	Niyyānaṭṭhaṁ bujjhantīti—bojjhaṅgā.
ps2.3:37.6	Hetuṭṭhena maggaṁ bujjhantīti—bojjhaṅgā.
ps2.3:37.7	Upaṭṭhānaṭṭhena satipaṭṭhānaṁ bujjhantīti—bojjhaṅgā.
ps2.3:37.8	Padahanaṭṭhena sammappadhānaṁ bujjhantīti—bojjhaṅgā.
ps2.3:37.9	Ijjhanaṭṭhena iddhipādaṁ bujjhantīti—bojjhaṅgā.
ps2.3:37.10	Tathaṭṭhena saccaṁ bujjhantīti—bojjhaṅgā.
ps2.3:37.11	Avikkhepaṭṭhena samathaṁ bujjhantīti—bojjhaṅgā.
ps2.3:37.12	Anupassanaṭṭhena vipassanaṁ …pe…
ps2.3:37.13	ekarasaṭṭhena samathavipassanaṁ bujjhantīti—bojjhaṅgā.
ps2.3:37.14	Anativattanaṭṭhena yuganaddhaṁ bujjhantīti—bojjhaṅgā.
ps2.3:37.15	Saṁvaraṭṭhena sīlavisuddhiṁ bujjhantīti—bojjhaṅgā.
ps2.3:37.16	Avikkhepaṭṭhena cittavisuddhiṁ bujjhantīti—bojjhaṅgā.
ps2.3:37.17	Dassanaṭṭhena diṭṭhivisuddhiṁ bujjhantīti—bojjhaṅgā.
ps2.3:37.18	Muttaṭṭhena vimokkhaṁ bujjhantīti—bojjhaṅgā.
ps2.3:37.19	Paṭivedhaṭṭhena vijjaṁ bujjhantīti—bojjhaṅgā.
ps2.3:37.20	Pariccāgaṭṭhena vimuttiṁ bujjhantīti—bojjhaṅgā.
ps2.3:37.21	Samucchedaṭṭhena khaye ñāṇaṁ bujjhantīti—bojjhaṅgā.
ps2.3:37.22	Paṭippassaddhaṭṭhena anuppāde ñāṇaṁ bujjhantīti—bojjhaṅgā.
ps2.3:38.1	Chandaṁ mūlaṭṭhena bujjhantīti—bojjhaṅgā.
ps2.3:38.2	Manasikāraṁ samuṭṭhānaṭṭhena bujjhantīti—bojjhaṅgā.
ps2.3:38.3	Phassaṁ samodhānaṭṭhena bujjhantīti—bojjhaṅgā.
ps2.3:38.4	Vedanaṁ samosaraṇaṭṭhena bujjhantīti—bojjhaṅgā.
ps2.3:38.5	Samādhiṁ pamukhaṭṭhena bujjhantīti—bojjhaṅgā.
ps2.3:38.6	Satiṁ ādhipateyyaṭṭhena bujjhantīti—bojjhaṅgā.
ps2.3:38.7	Paññaṁ taduttaraṭṭhena bujjhantīti—bojjhaṅgā.
ps2.3:38.8	Vimuttiṁ sāraṭṭhena bujjhantīti—bojjhaṅgā.
ps2.3:38.9	Amatogadhaṁ nibbānaṁ pariyosānaṭṭhena bujjhantīti—bojjhaṅgā.
ps2.3:39.1	Sāvatthinidānaṁ.
ps2.3:39.2	Tatra kho āyasmā sāriputto bhikkhū āmantesi—
ps2.3:39.3	“āvuso bhikkhavo”ti.
ps2.3:39.4	“Āvuso”ti kho te bhikkhū āyasmato sāriputtassa paccassosuṁ.
ps2.3:39.5	Āyasmā sāriputto etadavoca—
ps2.3:40.1	“Sattime, āvuso, bojjhaṅgā.
ps2.3:40.2	Katame satta?
ps2.3:40.3	Satisambojjhaṅgo, dhammavicayasambojjhaṅgo …pe…
ps2.3:40.4	upekkhāsambojjhaṅgo—
ps2.3:40.5	ime kho, āvuso, satta bojjhaṅgā.
ps2.3:40.6	Imesaṁ khvāhaṁ, āvuso, sattannaṁ bojjhaṅgānaṁ yena yena bojjhaṅgena ākaṅkhāmi pubbaṇhasamayaṁ viharituṁ, tena tena bojjhaṅgena pubbaṇhasamayaṁ viharāmi.
ps2.3:40.7	Yena yena bojjhaṅgena ākaṅkhāmi majjhanhikasamayaṁ …pe…
ps2.3:40.8	sāyanhasamayaṁ viharituṁ, tena tena bojjhaṅgena sāyanhasamayaṁ viharāmi.
ps2.3:40.9	Satisambojjhaṅgo iti ce me, ‘āvuso, hoti, appamāṇo’ti me hoti, ‘susamāraddho’ti me hoti.
ps2.3:40.10	Tiṭṭhantañca naṁ ‘tiṭṭhatī’ti pajānāmi.
ps2.3:40.11	Sacepi me cavati, ‘idappaccayā me cavatī’ti pajānāmi.
ps2.3:40.12	Dhammavicayasambojjhaṅgo …pe…
ps2.3:40.13	upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti.
ps2.3:40.14	Tiṭṭhantañca naṁ ‘tiṭṭhatī’ti pajānāmi.
ps2.3:40.15	Sacepi me cavati, ‘idappaccayā me cavatī’ti pajānāmi.
ps2.3:41.1	Seyyathāpi, āvuso, rañño vā rājamahāmattassa vā nānārattānaṁ dussānaṁ dussakaraṇḍako pūro assa.
ps2.3:41.2	So yaññadeva dussayugaṁ ākaṅkheyya pubbaṇhasamayaṁ pārupituṁ, taṁ tadeva dussayugaṁ pubbaṇhasamayaṁ pārupeyya.
ps2.3:41.3	Yaññadeva dussayugaṁ ākaṅkheyya majjhanhikasamayaṁ …pe…
ps2.3:41.4	sāyanhasamayaṁ pārupituṁ, taṁ tadeva dussayugaṁ sāyanhasamayaṁ pārupeyya.
ps2.3:41.5	Evameva khvāhaṁ, āvuso, imesaṁ sattannaṁ bojjhaṅgānaṁ yena yena bojjhaṅgena ākaṅkhāmi pubbaṇhasamayaṁ viharituṁ, tena tena bojjhaṅgena pubbaṇhasamayaṁ viharāmi.
ps2.3:41.6	Yena yena bojjhaṅgena ākaṅkhāmi majjhanhikasamayaṁ …pe…
ps2.3:41.7	sāyanhasamayaṁ viharituṁ, tena tena bojjhaṅgena sāyanhasamayaṁ viharāmi.
ps2.3:41.8	Satisambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti.
ps2.3:41.9	Tiṭṭhantañca naṁ ‘tiṭṭhatī’ti pajānāmi.
ps2.3:41.10	Sacepi me cavati, ‘idappaccayā me cavatī’ti pajānāmi …pe…
ps2.3:41.11	upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti.
ps2.3:41.12	Tiṭṭhantañca naṁ ‘tiṭṭhatī’ti pajānāmi.
ps2.3:41.13	Sacepi me cavati, ‘idappaccayā me cavatī’ti pajānāmi”.
ps2.3:42.0	2.3.2. Suttantaniddesa
ps2.3:42.1	Kathaṁ <b>satisambojjhaṅgo iti ce me hotī</b>ti bojjhaṅgo?
ps2.3:42.2	Yāvatā nirodhūpaṭṭhāti tāvatā satisambojjhaṅgo.
ps2.3:42.3	Iti ce me hotīti bojjhaṅgo.
ps2.3:42.4	Seyyathāpi telappadīpassa jhāyato yāvatā acci tāvatā vaṇṇo, yāvatā vaṇṇo tāvatā acci.
ps2.3:42.5	Evameva yāvatā nirodhūpaṭṭhāti tāvatā satisambojjhaṅgo.
ps2.3:42.6	Iti ce me hotīti bojjhaṅgo.
ps2.3:43.1	Kathaṁ <b>appamāṇo iti ce me hotī</b>ti bojjhaṅgo?
ps2.3:43.2	Pamāṇabaddhā kilesā, sabbe ca pariyuṭṭhānā, ye ca saṅkhārā ponobhavikā appamāṇo nirodho acalaṭṭhena asaṅkhataṭṭhena.
ps2.3:43.3	Yāvatā nirodhūpaṭṭhāti tāvatā appamāṇo.
ps2.3:43.4	Iti ce me hotīti bojjhaṅgo.
ps2.3:44.1	Kathaṁ <b>susamāraddho iti ce me hotī</b>ti bojjhaṅgo?
ps2.3:44.2	Visamā kilesā, sabbe ca pariyuṭṭhānā, ye ca saṅkhārā ponobhavikā, samadhammo nirodho santaṭṭhena paṇītaṭṭhena.
ps2.3:44.3	Yāvatā nirodhūpaṭṭhāti tāvatā susamāraddho iti ce me hotīti bojjhaṅgo.
ps2.3:45.1	Kathaṁ <b>“tiṭṭhantañca naṁ tiṭṭhatī”ti pajānāmi; sacepi cavati “idappaccayā cavatī”ti pajānāmi?</b>
ps2.3:45.2	Katihākārehi satisambojjhaṅgo tiṭṭhati?
ps2.3:45.3	Katihākārehi satisambojjhaṅgo cavati?
ps2.3:45.4	Aṭṭhahākārehi satisambojjhaṅgo tiṭṭhati.
ps2.3:45.5	Aṭṭhahākārehi satisambojjhaṅgo cavati.
ps2.3:46.1	Katamehi <b>aṭṭhahākārehi satisambojjhaṅgo tiṭṭhati?</b>
ps2.3:46.2	Anuppādaṁ āvajjitattā satisambojjhaṅgo tiṭṭhati, uppādaṁ anāvajjitattā satisambojjhaṅgo tiṭṭhati, appavattaṁ āvajjitattā satisambojjhaṅgo tiṭṭhati, pavattaṁ anāvajjitattā satisambojjhaṅgo tiṭṭhati, animittaṁ āvajjitattā satisambojjhaṅgo tiṭṭhati, nimittaṁ anāvajjitattā satisambojjhaṅgo tiṭṭhati, nirodhaṁ āvajjitattā satisambojjhaṅgo tiṭṭhati, saṅkhāre anāvajjitattā satisambojjhaṅgo tiṭṭhati—
ps2.3:46.3	imehi aṭṭhahākārehi satisambojjhaṅgo tiṭṭhati.
ps2.3:47.1	Katamehi <b>aṭṭhahākārehi satisambojjhaṅgo cavati?</b>
ps2.3:47.2	Uppādaṁ āvajjitattā satisambojjhaṅgo cavati, anuppādaṁ anāvajjitattā satisambojjhaṅgo cavati, pavattaṁ āvajjitattā satisambojjhaṅgo cavati, appavattaṁ anāvajjitattā satisambojjhaṅgo cavati, nimittaṁ āvajjitattā satisambojjhaṅgo cavati, animittaṁ anāvajjitattā satisambojjhaṅgo cavati, saṅkhāre āvajjitattā satisambojjhaṅgo cavati, nirodhaṁ anāvajjitattā satisambojjhaṅgo cavati—
ps2.3:47.3	imehi aṭṭhahākārehi satisambojjhaṅgo cavati.
ps2.3:47.4	Evaṁ “tiṭṭhantañca naṁ tiṭṭhatī”ti pajānāmi; sacepi cavati, “idappaccayā me cavatī”ti pajānāmi …pe….
ps2.3:48.1	Kathaṁ <b>upekkhāsambojjhaṅgo iti ce me hotī</b>ti bojjhaṅgo?
ps2.3:48.2	Yāvatā nirodhūpaṭṭhāti tāvatā upekkhāsambojjhaṅgo iti ce me hotīti bojjhaṅgo.
ps2.3:48.3	Seyyathāpi telappadīpassa jhāyato yāvatā acci tāvatā vaṇṇo, yāvatā vaṇṇo tāvatā acci.
ps2.3:48.4	Evameva yāvatā nirodhūpaṭṭhāti tāvatā upekkhāsambojjhaṅgo iti ce hotīti bojjhaṅgo.
ps2.3:49.1	Kathaṁ <b>appamāṇo iti ce hotī</b>ti bojjhaṅgo?
ps2.3:49.2	Pamāṇabaddhā kilesā, sabbe ca pariyuṭṭhānā, ye ca saṅkhārā ponobhavikā appamāṇo nirodho acalaṭṭhena asaṅkhataṭṭhena.
ps2.3:49.3	Yāvatā nirodhūpaṭṭhāti tāvatā appamāṇo iti ce hotīti bojjhaṅgo.
ps2.3:50.1	Kathaṁ <b>susamāraddho iti ce hotī</b>ti bojjhaṅgo?
ps2.3:50.2	Visamā kilesā, sabbe ca pariyuṭṭhānā, ye ca saṅkhārā ponobhavikā samadhammo nirodho santaṭṭhena paṇītaṭṭhena.
ps2.3:50.3	Yāvatā nirodhūpaṭṭhāti tāvatā susamāraddho iti ce hotīti bojjhaṅgo.
ps2.3:51.1	Kathaṁ <b>“tiṭṭhantañca naṁ tiṭṭhatī”ti pajānāmi; sacepi cavati “idappaccayā me cavatī”ti pajānāmi?</b>
ps2.3:51.2	Katihākārehi upekkhāsambojjhaṅgo tiṭṭhati?
ps2.3:51.3	Katihākārehi upekkhāsambojjhaṅgo cavati?
ps2.3:51.4	Aṭṭhahākārehi upekkhāsambojjhaṅgo tiṭṭhati.
ps2.3:51.5	Aṭṭhahākārehi upekkhāsambojjhaṅgo cavati.
ps2.3:52.1	Katamehi <b>aṭṭhahākārehi upekkhāsambojjhaṅgo tiṭṭhati?</b>
ps2.3:52.2	Anuppādaṁ āvajjitattā upekkhāsambojjhaṅgo tiṭṭhati, uppādaṁ anāvajjitattā upekkhāsambojjhaṅgo tiṭṭhati, appavattaṁ āvajjitattā upekkhāsambojjhaṅgo tiṭṭhati, pavattaṁ anāvajjitattā upekkhāsambojjhaṅgo tiṭṭhati, animittaṁ āvajjitattā upekkhāsambojjhaṅgo tiṭṭhati, nimittaṁ anāvajjitattā upekkhāsambojjhaṅgo tiṭṭhati, nirodhaṁ āvajjitattā upekkhāsambojjhaṅgo tiṭṭhati, saṅkhāre anāvajjitattā upekkhāsambojjhaṅgo tiṭṭhati—
ps2.3:52.3	imehi aṭṭhahākārehi upekkhāsambojjhaṅgo tiṭṭhati.
ps2.3:53.1	Katamehi <b>aṭṭhahākārehi upekkhāsambojjhaṅgo cavati?</b>
ps2.3:53.2	Uppādaṁ āvajjitattā upekkhāsambojjhaṅgo cavati, anuppādaṁ anāvajjitattā upekkhāsambojjhaṅgo cavati, pavattaṁ āvajjitattā upekkhāsambojjhaṅgo cavati, appavattaṁ anāvajjitattā upekkhāsambojjhaṅgo cavati, nimittaṁ āvajjitattā upekkhāsambojjhaṅgo cavati, animittaṁ anāvajjitattā upekkhāsambojjhaṅgo cavati, saṅkhāre āvajjitattā upekkhāsambojjhaṅgo cavati, nirodhaṁ anāvajjitattā upekkhāsambojjhaṅgo cavati—
ps2.3:53.3	imehi aṭṭhahākārehi upekkhāsambojjhaṅgo cavati.
ps2.3:53.4	Evaṁ “tiṭṭhantañca naṁ tiṭṭhatī”ti pajānāmi; sacepi cavati, “idappaccayā me cavatī”ti pajānāmi.
ps2.3:53.5	Bojjhaṅgakathā niṭṭhitā.
ps2.4:0.1	Paṭisambhidāmagga
ps2.4:0.2	2 Yuganaddhavagga
ps2.4:0.3	2.4. Mettākathā
ps2.4:1.1	Sāvatthinidānaṁ.
ps2.4:1.2	“Mettāya, bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ekādasānisaṁsā pāṭikaṅkhā.
ps2.4:1.3	Katame ekādasa?
ps2.4:1.4	Sukhaṁ supati, sukhaṁ paṭibujjhati, na pāpakaṁ supinaṁ passati, manussānaṁ piyo hoti, amanussānaṁ piyo hoti, devatā rakkhanti, nāssa aggi vā visaṁ vā satthaṁ vā kamati, tuvaṭaṁ cittaṁ samādhiyati, mukhavaṇṇo vippasīdati, asammūḷho kālaṁ karoti, uttari appaṭivijjhanto brahmalokūpago hoti.
ps2.4:1.5	Mettāya, bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya—
ps2.4:1.6	ime ekādasānisaṁsā pāṭikaṅkhā”.
ps2.4:2.1	Atthi anodhiso pharaṇā mettācetovimutti, atthi odhiso pharaṇā mettācetovimutti, atthi disāpharaṇā mettācetovimutti.
ps2.4:2.2	Katihākārehi anodhiso pharaṇā mettācetovimutti, katihākārehi odhiso pharaṇā mettācetovimutti, katihākārehi disāpharaṇā mettācetovimutti?
ps2.4:2.3	Pañcahākārehi anodhiso pharaṇā mettācetovimutti, sattahākārehi odhiso pharaṇā mettācetovimutti, dasahākārehi disāpharaṇā mettācetovimutti.
ps2.4:3.1	Katamehi pañcahākārehi anodhiso pharaṇā mettācetovimutti?
ps2.4:3.2	Sabbe sattā averā abyāpajjā anīghā sukhī attānaṁ pariharantu.
ps2.4:3.3	Sabbe pāṇā …pe…
ps2.4:3.4	sabbe bhūtā …pe…
ps2.4:3.5	sabbe puggalā …pe…
ps2.4:3.6	sabbe attabhāvapariyāpannā averā abyāpajjā anīghā sukhī attānaṁ pariharantūti.
ps2.4:3.7	Imehi pañcahākārehi anodhiso pharaṇā mettācetovimutti.
ps2.4:4.1	Katamehi sattahākārehi odhiso pharaṇā mettācetovimutti?
ps2.4:4.2	Sabbā itthiyo averā abyāpajjā anīghā sukhī attānaṁ pariharantu.
ps2.4:4.3	Sabbe purisā …pe…
ps2.4:4.4	sabbe ariyā …pe…
ps2.4:4.5	sabbe anariyā …pe…
ps2.4:4.6	sabbe devā …pe…
ps2.4:4.7	sabbe manussā …pe…
ps2.4:4.8	sabbe vinipātikā averā abyāpajjā anīghā sukhī attānaṁ pariharantūti.
ps2.4:4.9	Imehi sattahākārehi odhiso pharaṇā mettācetovimutti.
ps2.4:5.1	Katamehi dasahākārehi disāpharaṇā mettācetovimutti?
ps2.4:5.2	Sabbe puratthimāya disāya sattā averā abyāpajjā anīghā sukhī attānaṁ pariharantu.
ps2.4:5.3	Sabbe pacchimāya disāya sattā …pe…
ps2.4:5.4	sabbe uttarāya disāya sattā …pe…
ps2.4:5.5	sabbe dakkhiṇāya disāya sattā …pe…
ps2.4:5.6	sabbe puratthimāya anudisāya sattā …pe…
ps2.4:5.7	sabbe pacchimāya anudisāya sattā …pe…
ps2.4:5.8	sabbe uttarāya anudisāya sattā …pe…
ps2.4:5.9	sabbe dakkhiṇāya anudisāya sattā …pe…
ps2.4:5.10	sabbe heṭṭhimāya disāya sattā …pe…
ps2.4:5.11	sabbe uparimāya disāya sattā averā abyāpajjā anīghā sukhī attānaṁ pariharantu.
ps2.4:5.12	Sabbe puratthimāya disāya pāṇā …pe…
ps2.4:5.13	bhūtā …
ps2.4:5.14	puggalā …
ps2.4:5.15	attabhāvapariyāpannā …
ps2.4:5.16	sabbā itthiyo …
ps2.4:5.17	sabbe purisā …
ps2.4:5.18	sabbe ariyā …
ps2.4:5.19	sabbe anariyā …
ps2.4:5.20	sabbe devā …
ps2.4:5.21	sabbe manussā …
ps2.4:5.22	sabbe vinipātikā averā abyāpajjā anīghā sukhī attānaṁ pariharantu.
ps2.4:5.23	Sabbe pacchimāya disāya vinipātikā …pe…
ps2.4:5.24	sabbe uttarāya disāya vinipātikā …
ps2.4:5.25	sabbe dakkhiṇāya disāya vinipātikā …
ps2.4:5.26	sabbe puratthimāya anudisāya vinipātikā …
ps2.4:5.27	sabbe pacchimāya anudisāya vinipātikā …
ps2.4:5.28	sabbe uttarāya anudisāya vinipātikā …
ps2.4:5.29	sabbe dakkhiṇāya anudisāya vinipātikā …
ps2.4:5.30	sabbe heṭṭhimāya disāya vinipātikā …
ps2.4:5.31	sabbe uparimāya disāya vinipātikā averā abyāpajjā anīghā sukhī attānaṁ pariharantūti.
ps2.4:5.32	Imehi dasahākārehi disāpharaṇā mettācetovimutti.
ps2.4:6.0	2.4.1. Indriyavāra
ps2.4:6.1	Sabbesaṁ sattānaṁ pīḷanaṁ vajjetvā apīḷanāya, upaghātaṁ vajjetvā anupaghātena, santāpaṁ vajjetvā asantāpena, pariyādānaṁ vajjetvā apariyādānena, vihesaṁ vajjetvā avihesāya, sabbe sattā averino hontu mā verino, sukhino hontu mā dukkhino, sukhitattā hontu mā dukkhitattāti—
ps2.4:6.2	imehi aṭṭhahākārehi sabbe satte mettāyatīti—mettā.
ps2.4:6.3	Taṁ dhammaṁ cetayatīti—ceto.
ps2.4:6.4	Sabbabyāpādapariyuṭṭhānehi vimuccatīti—vimutti.
ps2.4:6.5	Mettā ca ceto ca vimutti cāti—mettācetovimutti.
ps2.4:7.1	Sabbe sattā averino hontu, khemino hontu, sukhino hontūti—
ps2.4:7.2	saddhāya adhimuccati.
ps2.4:7.3	Saddhindriyaparibhāvitā hoti mettācetovimutti.
ps2.4:8.1	Sabbe sattā averino hontu, khemino hontu, sukhino hontūti—
ps2.4:8.2	vīriyaṁ paggaṇhāti.
ps2.4:8.3	Vīriyindriyaparibhāvitā hoti mettācetovimutti.
ps2.4:9.1	Sabbe sattā averino hontu, khemino hontu, sukhino hontūti—
ps2.4:9.2	satiṁ upaṭṭhāpeti.
ps2.4:9.3	Satindriyaparibhāvitā hoti mettācetovimutti.
ps2.4:10.1	Sabbe sattā averino hontu, khemino hontu, sukhino hontūti—
ps2.4:10.2	cittaṁ samādahati.
ps2.4:10.3	Samādhindriyaparibhāvitā hoti mettācetovimutti.
ps2.4:11.1	Sabbe sattā averino hontu, khemino hontu, sukhino hontūti—
ps2.4:11.2	paññāya pajānāti.
ps2.4:11.3	Paññindriyaparibhāvitā hoti mettācetovimutti.
ps2.4:12.1	Imāni pañcindriyāni mettāya cetovimuttiyā āsevanā honti.
ps2.4:12.2	Imehi pañcahi indriyehi mettācetovimutti āsevīyati.
ps2.4:12.3	Imāni pañcindriyāni mettāya cetovimuttiyā bhāvanā honti.
ps2.4:12.4	Imehi pañcahi indriyehi mettācetovimutti bhāvīyati.
ps2.4:12.5	Imāni pañcindriyāni mettāya cetovimuttiyā bahulīkatā honti.
ps2.4:12.6	Imehi pañcahi indriyehi mettācetovimutti bahulīkarīyati.
ps2.4:12.7	Imāni pañcindriyāni mettāya cetovimuttiyā alaṅkārā honti.
ps2.4:12.8	Imehi pañcahi indriyehi mettācetovimutti svālaṅkatā hoti.
ps2.4:12.9	Imāni pañcindriyāni mettāya cetovimuttiyā parikkhārā honti.
ps2.4:12.10	Imehi pañcahi indriyehi mettācetovimutti suparikkhatā hoti.
ps2.4:13.1	Imāni pañcindriyāni mettāya cetovimuttiyā parivārā honti.
ps2.4:13.2	Imehi pañcahi indriyehi mettācetovimutti suparivutā hoti.
ps2.4:13.3	Imāni pañcindriyāni mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṁsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, “etaṁ santan”ti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti, nibbattenti jotenti patāpenti.
ps2.4:14.0	2.4.2. Balavāra
ps2.4:14.1	Sabbe sattā averino hontu, khemino hontu, sukhino hontūti—
ps2.4:14.2	assaddhiye na kampati.
ps2.4:14.3	Saddhābalaparibhāvitā hoti mettācetovimutti.
ps2.4:15.1	Sabbe sattā averino hontu, khemino hontu, sukhino hontūti—
ps2.4:15.2	kosajje na kampati.
ps2.4:15.3	Vīriyabalaparibhāvitā hoti mettācetovimutti.
ps2.4:16.1	Sabbe sattā averino hontu, khemino hontu, sukhino hontūti—
ps2.4:16.2	pamāde na kampati.
ps2.4:16.3	Satibalaparibhāvitā hoti mettācetovimutti.
ps2.4:17.1	Sabbe sattā averino hontu, khemino hontu, sukhino hontūti—
ps2.4:17.2	uddhacce na kampati.
ps2.4:17.3	Samādhibalaparibhāvitā hoti mettācetovimutti.
ps2.4:18.1	Sabbe sattā averino hontu, khemino hontu, sukhino hontūti—
ps2.4:18.2	avijjāya na kampati.
ps2.4:18.3	Paññābalaparibhāvitā hoti mettācetovimutti.
ps2.4:19.1	Imāni pañca balāni mettāya cetovimuttiyā āsevanā honti.
ps2.4:19.2	Imehi pañcahi balehi mettācetovimutti āsevīyati.
ps2.4:19.3	Imāni pañca balāni mettāya cetovimuttiyā bhāvanā honti.
ps2.4:19.4	Imehi pañcahi balehi mettācetovimutti bhāvīyati.
ps2.4:19.5	Imāni pañca balāni mettāya cetovimuttiyā bahulīkatā honti.
ps2.4:19.6	Imehi pañcahi balehi mettācetovimutti bahulīkarīyati.
ps2.4:19.7	Imāni pañca balāni mettāya cetovimuttiyā alaṅkārā honti.
ps2.4:19.8	Imehi pañcahi balehi mettācetovimutti svālaṅkatā hoti.
ps2.4:19.9	Imāni pañca balāni mettāya cetovimuttiyā parikkhārā honti.
ps2.4:19.10	Imehi pañcahi balehi mettācetovimutti suparikkhatā hoti.
ps2.4:19.11	Imāni pañca balāni mettāya cetovimuttiyā parivārā honti.
ps2.4:19.12	Imehi pañcahi balehi mettācetovimutti suparivutā hoti.
ps2.4:19.13	Imāni pañca balāni mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṁsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, “etaṁ santan”ti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpenti.
ps2.4:20.0	2.4.3. Bojjhaṅgavāra
ps2.4:20.1	Sabbe sattā averino hontu, khemino hontu, sukhino hontūti—
ps2.4:20.2	satiṁ upaṭṭhāpeti.
ps2.4:20.3	Satisambojjhaṅgaparibhāvitā hoti mettācetovimutti.
ps2.4:21.1	Sabbe sattā averino hontu, khemino hontu, sukhino hontūti—
ps2.4:21.2	paññāya pavicināti.
ps2.4:21.3	Dhammavicayasambojjhaṅgaparibhāvitā hoti mettācetovimutti.
ps2.4:22.1	Sabbe sattā averino hontu, khemino hontu, sukhino hontūti—
ps2.4:22.2	vīriyaṁ paggaṇhāti.
ps2.4:22.3	Vīriyasambojjhaṅgaparibhāvitā hoti mettācetovimutti.
ps2.4:23.1	Sabbe sattā averino hontu, khemino hontu, sukhino hontūti—
ps2.4:23.2	pariḷāhaṁ paṭippassambheti.
ps2.4:23.3	Pītisambojjhaṅgaparibhāvitā hoti mettācetovimutti.
ps2.4:24.1	Sabbe sattā averino hontu, khemino hontu, sukhino hontūti—
ps2.4:24.2	duṭṭhullaṁ paṭippassambheti.
ps2.4:24.3	Passaddhisambojjhaṅgaparibhāvitā hoti mettācetovimutti.
ps2.4:25.1	Sabbe sattā averino hontu, khemino hontu, sukhino hontūti—
ps2.4:25.2	cittaṁ samādahati.
ps2.4:25.3	Samādhisambojjhaṅgaparibhāvitā hoti mettācetovimutti.
ps2.4:26.1	Sabbe sattā averino hontu, khemino hontu, sukhino hontūti—
ps2.4:26.2	ñāṇena kilese paṭisaṅkhāti.
ps2.4:26.3	Upekkhāsambojjhaṅgaparibhāvitā hoti mettācetovimutti.
ps2.4:27.1	Ime satta bojjhaṅgā mettāya cetovimuttiyā āsevanā honti.
ps2.4:27.2	Imehi sattahi bojjhaṅgehi mettācetovimutti āsevīyati.
ps2.4:27.3	Ime satta bojjhaṅgā mettāya cetovimuttiyā bhāvanā honti.
ps2.4:27.4	Imehi sattahi bojjhaṅgehi mettācetovimutti bhāvīyati.
ps2.4:27.5	Ime satta bojjhaṅgā mettāya cetovimuttiyā bahulīkatā honti.
ps2.4:27.6	Imehi sattahi bojjhaṅgehi mettācetovimutti bahulīkarīyati.
ps2.4:27.7	Ime satta bojjhaṅgā mettāya cetovimuttiyā alaṅkārā honti.
ps2.4:27.8	Imehi sattahi bojjhaṅgehi mettācetovimutti svālaṅkatā hoti.
ps2.4:27.9	Ime satta bojjhaṅgā mettāya cetovimuttiyā parikkhārā honti.
ps2.4:27.10	Imehi sattahi bojjhaṅgehi mettācetovimutti suparikkhatā hoti.
ps2.4:27.11	Ime satta bojjhaṅgā mettāya cetovimuttiyā parivārā honti.
ps2.4:27.12	Imehi sattahi bojjhaṅgehi mettācetovimutti suparivutā hoti.
ps2.4:27.13	Ime satta bojjhaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṁsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, “etaṁ santan”ti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti, nibbattenti jotenti patāpenti.
ps2.4:28.0	2.4.4. Maggaṅgavāra
ps2.4:28.1	Sabbe sattā averino hontu, khemino hontu, sukhino hontūti—
ps2.4:28.2	sammā passati.
ps2.4:28.3	Sammādiṭṭhiparibhāvitā hoti mettācetovimutti.
ps2.4:29.1	Sabbe sattā averino hontu, khemino hontu, sukhino hontūti—
ps2.4:29.2	sammā abhiniropeti.
ps2.4:29.3	Sammāsaṅkappaparibhāvitā hoti mettācetovimutti.
ps2.4:30.1	Sabbe sattā averino hontu, khemino hontu, sukhino hontūti—
ps2.4:30.2	sammā pariggaṇhāti.
ps2.4:30.3	Sammāvācāparibhāvitā hoti mettācetovimutti.
ps2.4:31.1	Sabbe sattā averino hontu, khemino hontu, sukhino hontūti—
ps2.4:31.2	sammā samuṭṭhāpeti.
ps2.4:31.3	Sammākammantaparibhāvitā hoti mettācetovimutti.
ps2.4:32.1	Sabbe sattā averino hontu, khemino hontu, sukhino hontūti—
ps2.4:32.2	sammā vodāpeti.
ps2.4:32.3	Sammāājīvaparibhāvitā hoti mettācetovimutti.
ps2.4:33.1	Sabbe sattā averino hontu, khemino hontu, sukhino hontūti—
ps2.4:33.2	sammā paggaṇhāti.
ps2.4:33.3	Sammāvāyāmaparibhāvitā hoti mettācetovimutti.
ps2.4:34.1	Sabbe sattā averino hontu, khemino hontu, sukhino hontūti—
ps2.4:34.2	sammā upaṭṭhāpeti.
ps2.4:34.3	Sammāsatiparibhāvitā hoti mettācetovimutti.
ps2.4:35.1	Sabbe sattā averino hontu, khemino hontu, sukhino hontūti—
ps2.4:35.2	sammā samādahati.
ps2.4:35.3	Sammāsamādhiparibhāvitā hoti mettācetovimutti.
ps2.4:36.1	Ime aṭṭha maggaṅgā mettāya cetovimuttiyā āsevanā honti.
ps2.4:36.2	Imehi aṭṭhahi maggaṅgehi mettācetovimutti āsevīyati.
ps2.4:36.3	Ime aṭṭha maggaṅgā mettāya cetovimuttiyā bhāvanā honti.
ps2.4:36.4	Imehi aṭṭhahi maggaṅgehi mettācetovimutti bhāvīyati.
ps2.4:36.5	Ime aṭṭha maggaṅgā mettāya cetovimuttiyā bahulīkatā honti.
ps2.4:36.6	Imehi aṭṭhahi maggaṅgehi mettācetovimutti bahulīkarīyati.
ps2.4:36.7	Ime aṭṭha maggaṅgā mettāya cetovimuttiyā alaṅkārā honti.
ps2.4:36.8	Imehi aṭṭhahi maggaṅgehi mettācetovimutti svālaṅkatā honti.
ps2.4:36.9	Ime aṭṭha maggaṅgā mettāya cetovimuttiyā parikkhārā honti.
ps2.4:36.10	Imehi aṭṭhahi maggaṅgehi mettācetovimutti suparikkhatā hoti.
ps2.4:36.11	Ime aṭṭha maggaṅgā mettāya cetovimuttiyā parivārā honti.
ps2.4:36.12	Imehi aṭṭhahi maggaṅgehi mettācetovimutti suparivutā hoti.
ps2.4:36.13	Ime aṭṭha maggaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṁsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, “etaṁ santan”ti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpenti.
ps2.4:37.1	Sabbesaṁ pāṇānaṁ …pe…
ps2.4:37.2	sabbesaṁ bhūtānaṁ …
ps2.4:37.3	sabbesaṁ puggalānaṁ …
ps2.4:37.4	sabbesaṁ attabhāvapariyāpannānaṁ …
ps2.4:37.5	sabbāsaṁ itthīnaṁ …
ps2.4:37.6	sabbesaṁ purisānaṁ …
ps2.4:37.7	sabbesaṁ ariyānaṁ …
ps2.4:37.8	sabbesaṁ anariyānaṁ …
ps2.4:37.9	sabbesaṁ devānaṁ …
ps2.4:37.10	sabbesaṁ manussānaṁ …
ps2.4:37.11	sabbesaṁ vinipātikānaṁ pīḷanaṁ vajjetvā apīḷanāya, upaghātaṁ vajjetvā anupaghātena, santāpaṁ vajjetvā asantāpena, pariyādānaṁ vajjetvā apariyādānena, vihesaṁ vajjetvā avihesāya, sabbe vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti—
ps2.4:37.12	imehi aṭṭhahākārehi sabbe vinipātike mettāyatīti—mettā.
ps2.4:37.13	Taṁ dhammaṁ cetayatīti—ceto.
ps2.4:37.14	Sabbabyāpādapariyuṭṭhānehi vimuccatīti—vimutti.
ps2.4:37.15	Mettā ca ceto ca vimutti cāti—mettācetovimutti.
ps2.4:38.1	Sabbe vinipātikā averino hontu, khemino hontu, sukhino hontūti—
ps2.4:38.2	saddhāya adhimuccati.
ps2.4:38.3	Saddhindriyaparibhāvitā hoti mettācetovimutti …pe…
ps2.4:38.4	nibbattenti jotenti patāpenti.
ps2.4:39.1	Sabbesaṁ puratthimāya disāya sattānaṁ …pe…
ps2.4:39.2	sabbesaṁ pacchimāya disāya sattānaṁ …
ps2.4:39.3	sabbesaṁ uttarāya disāya sattānaṁ …
ps2.4:39.4	sabbesaṁ dakkhiṇāya disāya sattānaṁ …
ps2.4:39.5	sabbesaṁ puratthimāya anudisāya sattānaṁ …
ps2.4:39.6	sabbesaṁ pacchimāya anudisāya sattānaṁ …
ps2.4:39.7	sabbesaṁ uttarāya anudisāya sattānaṁ …
ps2.4:39.8	sabbesaṁ dakkhiṇāya anudisāya sattānaṁ …
ps2.4:39.9	sabbesaṁ heṭṭhimāya disāya sattānaṁ …
ps2.4:39.10	sabbesaṁ uparimāya disāya sattānaṁ pīḷanaṁ vajjetvā apīḷanāya, upaghātaṁ vajjetvā anupaghātena, santāpaṁ vajjetvā asantāpena, pariyādānaṁ vajjetvā apariyādānena, vihesaṁ vajjetvā avihesāya, sabbe uparimāya disāya sattā averino hontu mā verino, sukhino hontu mā dukkhino, sukhitattā hontu mā dukkhitattāti—
ps2.4:39.11	imehi aṭṭhahākārehi sabbe uparimāya disāya satte mettāyatīti—mettā.
ps2.4:39.12	Taṁ dhammaṁ cetayatīti—ceto.
ps2.4:39.13	Sabbabyāpādapariyuṭṭhānehi vimuccatīti—vimutti.
ps2.4:39.14	Mettā ca ceto ca vimutti cāti—mettācetovimutti.
ps2.4:40.1	Sabbe uparimāya disāya sattā averino hontu, khemino hontu, sukhino hontūti—
ps2.4:40.2	saddhāya adhimuccati.
ps2.4:40.3	Saddhindriyaparibhāvitā hoti mettācetovimutti …pe…
ps2.4:40.4	nibbattenti jotenti patāpenti.
ps2.4:41.1	Sabbesaṁ puratthimāya disāya pāṇānaṁ …pe…
ps2.4:41.2	bhūtānaṁ …
ps2.4:41.3	puggalānaṁ …
ps2.4:41.4	attabhāvapariyāpannānaṁ …
ps2.4:41.5	sabbāsaṁ itthīnaṁ …
ps2.4:41.6	sabbesaṁ purisānaṁ …
ps2.4:41.7	sabbesaṁ ariyānaṁ …
ps2.4:41.8	sabbesaṁ anariyānaṁ …
ps2.4:41.9	sabbesaṁ devānaṁ …
ps2.4:41.10	sabbesaṁ manussānaṁ …
ps2.4:41.11	sabbesaṁ vinipātikānaṁ …
ps2.4:41.12	sabbesaṁ pacchimāya disāya vinipātikānaṁ …
ps2.4:41.13	sabbesaṁ uttarāya disāya vinipātikānaṁ …
ps2.4:41.14	sabbesaṁ dakkhiṇāya disāya vinipātikānaṁ …
ps2.4:41.15	sabbesaṁ puratthimāya anudisāya vinipātikānaṁ …
ps2.4:41.16	sabbesaṁ pacchimāya anudisāya vinipātikānaṁ …
ps2.4:41.17	sabbesaṁ uttarāya anudisāya vinipātikānaṁ …
ps2.4:41.18	sabbesaṁ dakkhiṇāya anudisāya vinipātikānaṁ …
ps2.4:41.19	sabbesaṁ heṭṭhimāya disāya vinipātikānaṁ …
ps2.4:41.20	sabbesaṁ uparimāya disāya vinipātikānaṁ pīḷanaṁ vajjetvā apīḷanāya, upaghātaṁ vajjetvā anupaghātena, santāpaṁ vajjetvā asantāpena, pariyādānaṁ vajjetvā apariyādānena, vihesaṁ vajjetvā avihesāya, sabbe uparimāya disāya vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti—
ps2.4:41.21	imehi aṭṭhahākārehi sabbe uparimāya disāya vinipātike mettāyatīti—mettā.
ps2.4:41.22	Taṁ dhammaṁ cetayatīti—ceto.
ps2.4:41.23	Sabbabyāpādapariyuṭṭhānehi vimuccatīti—vimutti.
ps2.4:41.24	Mettā ca ceto ca vimutti cāti—mettācetovimutti.
ps2.4:42.1	Sabbe uparimāya disāya vinipātikā averino hontu, khemino hontu, sukhino hontūti—
ps2.4:42.2	saddhāya adhimuccati.
ps2.4:42.3	Saddhindriyaparibhāvitā hoti mettācetovimutti.
ps2.4:43.1	Sabbe uparimāya disāya vinipātikā averino hontu, khemino hontu, sukhino hontūti—
ps2.4:43.2	vīriyaṁ paggaṇhāti.
ps2.4:43.3	Vīriyindriyaparibhāvitā hoti mettācetovimutti.
ps2.4:44.1	Satiṁ upaṭṭhāpeti.
ps2.4:44.2	Satindriyaparibhāvitā hoti mettācetovimutti.
ps2.4:44.3	Cittaṁ samādahati.
ps2.4:44.4	Samādhindriyaparibhāvitā hoti mettācetovimutti.
ps2.4:44.5	Paññāya pajānāti.
ps2.4:44.6	Paññindriyaparibhāvitā hoti mettācetovimutti.
ps2.4:45.1	Imāni pañcindriyāni mettāya cetovimuttiyā āsevanā honti.
ps2.4:45.2	Imehi pañcahi indriyehi mettācetovimutti āsevīyati …pe…
ps2.4:45.3	nibbattenti jotenti patāpenti.
ps2.4:46.1	Sabbe uparimāya disāya vinipātikā averino hontu, khemino hontu, sukhino hontūti—
ps2.4:46.2	assaddhiye na kampati, saddhābalaparibhāvitā hoti mettācetovimutti.
ps2.4:46.3	Kosajje na kampati, vīriyabalaparibhāvitā hoti mettācetovimutti.
ps2.4:46.4	Pamāde na kampati, satibalaparibhāvitā hoti mettācetovimutti.
ps2.4:46.5	Uddhacce na kampati, samādhibalaparibhāvitā hoti mettācetovimutti.
ps2.4:46.6	Avijjāya na kampati, paññābalaparibhāvitā hoti mettācetovimutti.
ps2.4:47.1	Imāni pañca balāni mettāya cetovimuttiyā āsevanā honti.
ps2.4:47.2	Imehi pañcahi balehi mettācetovimutti āsevīyati …pe…
ps2.4:47.3	nibbattenti jotenti patāpenti.
ps2.4:48.1	Sabbe uparimāya disāya vinipātikā averino hontu, khemino hontu, sukhino hontūti—
ps2.4:48.2	satiṁ upaṭṭhāpeti.
ps2.4:48.3	Satisambojjhaṅgaparibhāvitā hoti mettācetovimutti.
ps2.4:49.1	Paññāya pavicināti, dhammavicayasambojjhaṅgaparibhāvitā hoti mettācetovimutti.
ps2.4:49.2	Vīriyaṁ paggaṇhāti, vīriyasambojjhaṅgaparibhāvitā hoti mettācetovimutti.
ps2.4:49.3	Pariḷāhaṁ paṭippassambheti, pītisambojjhaṅgaparibhāvitā hoti mettācetovimutti.
ps2.4:49.4	Duṭṭhullaṁ paṭippassambheti, passaddhisambojjhaṅgaparibhāvitā hoti mettācetovimutti.
ps2.4:49.5	Cittaṁ samādahati, samādhisambojjhaṅgaparibhāvitā hoti mettācetovimutti.
ps2.4:49.6	Ñāṇena kilese paṭisaṅkhāti, upekkhāsambojjhaṅgaparibhāvitā hoti mettācetovimutti.
ps2.4:50.1	Ime satta bojjhaṅgā mettāya cetovimuttiyā āsevanā honti.
ps2.4:50.2	Imehi sattahi bojjhaṅgehi mettācetovimutti āsevīyati …pe…
ps2.4:50.3	nibbattenti jotenti patāpenti.
ps2.4:51.1	Sabbe uparimāya disāya vinipātikā averino hontu, khemino hontu, sukhino hontūti—
ps2.4:51.2	sammā passati, sammādiṭṭhi paribhāvitā hoti mettācetovimutti.
ps2.4:51.3	Sammā abhiniropeti, sammāsaṅkappaparibhāvitā hoti mettācetovimutti.
ps2.4:51.4	Sammā pariggaṇhāti, sammāvācāparibhāvitā hoti mettācetovimutti.
ps2.4:51.5	Sammā samuṭṭhāpeti, sammākammantaparibhāvitā hoti mettācetovimutti.
ps2.4:51.6	Sammā vodāpeti, sammāājīvaparibhāvitā hoti mettācetovimutti.
ps2.4:51.7	Sammā paggaṇhāti, sammāvāyāmaparibhāvitā hoti mettācetovimutti.
ps2.4:51.8	Sammā upaṭṭhāti, sammāsatiparibhāvitā hoti mettācetovimutti.
ps2.4:51.9	Sammā samādahati, sammāsamādhiparibhāvitā hoti mettācetovimutti.
ps2.4:52.1	Ime aṭṭha maggaṅgā mettāya cetovimuttiyā āsevanā honti.
ps2.4:52.2	Imehi aṭṭhahi maggaṅgehi mettācetovimutti āsevīyati …pe…
ps2.4:52.3	ime aṭṭha maggaṅgā mettāya cetovimuttiyā paribhāvitā honti.
ps2.4:52.4	Imehi aṭṭhahi maggaṅgehi mettācetovimutti suparivutā hoti.
ps2.4:52.5	Ime aṭṭha maggaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṁsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, “etaṁ santan”ti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpentīti.
ps2.4:52.6	Mettākathā niṭṭhitā.
ps2.5:0.1	Paṭisambhidāmagga
ps2.5:0.2	2 Yuganaddhavagga
ps2.5:0.3	2.5. Virāgakathā
ps2.5:1.1	Virāgo maggo, vimutti phalaṁ.
ps2.5:1.2	Kathaṁ <b>virāgo maggo?</b>
ps2.5:1.3	Sotāpattimaggakkhaṇe dassanaṭṭhena sammādiṭṭhi micchādiṭṭhiyā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati.
ps2.5:1.4	Virāgo virāgārammaṇo virāgagocaro virāge samudāgato virāge ṭhito virāge patiṭṭhito.
ps2.5:2.1	<b>Virāgo</b>ti dve virāgā—
ps2.5:2.2	nibbānañca virāgo, ye ca nibbānārammaṇatājātā dhammā sabbe virāgā hontīti—virāgā.
ps2.5:2.3	Sahajātāni sattaṅgāni virāgaṁ gacchantīti—virāgo maggo.
ps2.5:2.4	Etena maggena buddhā ca sāvakā ca agataṁ disaṁ nibbānaṁ gacchantīti—
ps2.5:2.5	aṭṭhaṅgiko maggo.
ps2.5:2.6	Yāvatā puthusamaṇabrāhmaṇānaṁ parappavādānaṁ maggā, ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti—
ps2.5:2.7	maggānaṁ aṭṭhaṅgiko seṭṭho.
ps2.5:3.1	Abhiniropanaṭṭhena sammāsaṅkappo micchāsaṅkappā virajjati.
ps2.5:3.2	Pariggahaṭṭhena sammāvācā micchāvācāya virajjati.
ps2.5:3.3	Samuṭṭhānaṭṭhena sammākammanto micchākammantā virajjati.
ps2.5:3.4	Vodānaṭṭhena sammāājīvo micchāājīvā virajjati.
ps2.5:3.5	Paggahaṭṭhena sammāvāyāmo micchāvāyāmā virajjati.
ps2.5:3.6	Upaṭṭhānaṭṭhena sammāsati micchāsatiyā virajjati.
ps2.5:3.7	Avikkhepaṭṭhena sammāsamādhi micchāsamādhito virajjati.
ps2.5:3.8	Tadanuvattakakilesehi ca khandhehi ca virajjati.
ps2.5:3.9	Bahiddhā ca sabbanimittehi virajjati.
ps2.5:3.10	Virāgo virāgārammaṇo virāgagocaro virāge samudāgato virāge ṭhito virāge patiṭṭhito.
ps2.5:4.1	<b>Virāgo</b>ti dve virāgā—
ps2.5:4.2	nibbānañca virāgo, ye ca nibbānārammaṇatājātā dhammā sabbe virāgā hontīti—virāgā.
ps2.5:4.3	Sahajātāni sattaṅgāni virāgaṁ gacchantīti—virāgo maggo.
ps2.5:4.4	Etena maggena buddhā ca sāvakā ca agataṁ disaṁ nibbānaṁ gacchantīti—
ps2.5:4.5	aṭṭhaṅgiko maggo.
ps2.5:4.6	Yāvatā puthusamaṇabrāhmaṇānaṁ parappavādānaṁ maggā, ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti—
ps2.5:4.7	maggānaṁ aṭṭhaṅgiko seṭṭho.
ps2.5:5.1	Sakadāgāmimaggakkhaṇe dassanaṭṭhena sammādiṭṭhi …pe…
ps2.5:5.2	avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati.
ps2.5:5.3	Virāgo virāgārammaṇo virāgagocaro virāge samudāgato virāge ṭhito virāge patiṭṭhito.
ps2.5:6.1	<b>Virāgo</b>ti dve virāgā—
ps2.5:6.2	nibbānañca virāgo, ye ca nibbānārammaṇatājātā dhammā sabbe virāgā hontīti—virāgā.
ps2.5:6.3	Sahajātāni sattaṅgāni virāgaṁ gacchantīti—virāgo maggo.
ps2.5:6.4	Etena maggena buddhā ca sāvakā ca agataṁ disaṁ nibbānaṁ gacchantīti—
ps2.5:6.5	aṭṭhaṅgiko maggo.
ps2.5:6.6	Yāvatā puthusamaṇabrāhmaṇānaṁ parappavādānaṁ maggā.
ps2.5:6.7	Ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti—
ps2.5:6.8	maggānaṁ aṭṭhaṅgiko seṭṭho.
ps2.5:7.1	Anāgāmimaggakkhaṇe dassanaṭṭhena sammādiṭṭhi …pe…
ps2.5:7.2	avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati.
ps2.5:7.3	Virāgo virāgārammaṇo …pe…
ps2.5:7.4	maggānaṁ aṭṭhaṅgiko seṭṭho.
ps2.5:8.1	Arahattamaggakkhaṇe dassanaṭṭhena sammādiṭṭhi …pe…
ps2.5:8.2	avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā virajjati, tadanuvattakakilesehi ca khandhehi ca virajjati, bahiddhā ca sabbanimittehi virajjati virāgo virāgārammaṇo virāgagocaro virāge samudāgato virāge ṭhito virāge patiṭṭhito.
ps2.5:9.1	<b>Virāgo</b>ti dve virāgā—
ps2.5:9.2	nibbānañca virāgo, ye ca nibbānārammaṇatājātā dhammā sabbe virāgā hontīti—virāgā.
ps2.5:9.3	Sahajātāni sattaṅgāni virāgaṁ gacchantīti—virāgo maggo.
ps2.5:9.4	Etena maggena buddhā ca sāvakā ca agataṁ disaṁ nibbānaṁ gacchantīti—
ps2.5:9.5	aṭṭhaṅgiko maggo.
ps2.5:9.6	Yāvatā puthusamaṇabrāhmaṇānaṁ parappavādānaṁ maggā.
ps2.5:9.7	Ayameva ariyo aṭṭhaṅgiko maggo aggo ca seṭṭho ca pāmokkho ca uttamo ca pavaro cāti—
ps2.5:9.8	maggānaṁ aṭṭhaṅgiko seṭṭho.
ps2.5:10.1	Dassanavirāgo sammādiṭṭhi.
ps2.5:10.2	Abhiniropanavirāgo sammāsaṅkappo.
ps2.5:10.3	Pariggahavirāgo sammāvācā.
ps2.5:10.4	Samuṭṭhānavirāgo sammākammanto.
ps2.5:10.5	Vodānavirāgo sammāājīvo.
ps2.5:10.6	Paggahavirāgo sammāvāyāmo.
ps2.5:10.7	Upaṭṭhānavirāgo sammāsati.
ps2.5:10.8	Avikkhepavirāgo sammāsamādhi.
ps2.5:10.9	Upaṭṭhānavirāgo satisambojjhaṅgo.
ps2.5:10.10	Pavicayavirāgo dhammavicayasambojjhaṅgo.
ps2.5:10.11	Paggahavirāgo vīriyasambojjhaṅgo.
ps2.5:10.12	Pharaṇavirāgo pītisambojjhaṅgo.
ps2.5:10.13	Upasamavirāgo passaddhisambojjhaṅgo.
ps2.5:10.14	Avikkhepavirāgo samādhisambojjhaṅgo.
ps2.5:10.15	Paṭisaṅkhānavirāgo upekkhāsambojjhaṅgo.
ps2.5:10.16	Assaddhiye akampiyavirāgo saddhābalaṁ.
ps2.5:10.17	Kosajje akampiyavirāgo vīriyabalaṁ.
ps2.5:10.18	Pamāde akampiyavirāgo satibalaṁ.
ps2.5:10.19	Uddhacce akampiyavirāgo samādhibalaṁ.
ps2.5:10.20	Avijjāya akampiyavirāgo paññābalaṁ.
ps2.5:10.21	Adhimokkhavirāgo saddhindriyaṁ.
ps2.5:10.22	Paggahavirāgo vīriyindriyaṁ.
ps2.5:10.23	Upaṭṭhānavirāgo satindriyaṁ.
ps2.5:10.24	Avikkhepavirāgo samādhindriyaṁ.
ps2.5:10.25	Dassanavirāgo paññindriyaṁ.
ps2.5:10.26	Ādhipateyyaṭṭhena indriyāni virāgo.
ps2.5:10.27	Akampiyaṭṭhena balaṁ virāgo.
ps2.5:10.28	Niyyānaṭṭhena bojjhaṅgā virāgo.
ps2.5:10.29	Hetuṭṭhena maggo virāgo.
ps2.5:10.30	Upaṭṭhānaṭṭhena satipaṭṭhānā virāgo.
ps2.5:10.31	Padahanaṭṭhena sammappadhānā virāgo.
ps2.5:10.32	Ijjhanaṭṭhena iddhipādā virāgo.
ps2.5:10.33	Tathaṭṭhena saccā virāgo.
ps2.5:10.34	Avikkhepaṭṭhena samatho virāgo.
ps2.5:10.35	Anupassanaṭṭhena vipassanā virāgo.
ps2.5:10.36	Ekarasaṭṭhena samathavipassanā virāgo.
ps2.5:10.37	Anativattanaṭṭhena yuganaddhaṁ virāgo.
ps2.5:10.38	Saṁvaraṭṭhena sīlavisuddhi virāgo.
ps2.5:10.39	Avikkhepaṭṭhena cittavisuddhi virāgo.
ps2.5:10.40	Dassanaṭṭhena diṭṭhivisuddhi virāgo.
ps2.5:10.41	Vimuttaṭṭhena vimokkho virāgo.
ps2.5:10.42	Paṭivedhaṭṭhena vijjā virāgo.
ps2.5:10.43	Pariccāgaṭṭhena vimutti virāgo.
ps2.5:10.44	Samucchedaṭṭhena khaye ñāṇaṁ virāgo.
ps2.5:10.45	Chando mūlaṭṭhena virāgo.
ps2.5:10.46	Manasikāro samuṭṭhānaṭṭhena virāgo.
ps2.5:10.47	Phasso samodhānaṭṭhena virāgo.
ps2.5:10.48	Vedanā samosaraṇaṭṭhena virāgo.
ps2.5:10.49	Samādhi pamukhaṭṭhena virāgo.
ps2.5:10.50	Sati ādhipateyyaṭṭhena virāgo.
ps2.5:10.51	Paññā taduttaraṭṭhena virāgo.
ps2.5:10.52	Vimutti sāraṭṭhena virāgo.
ps2.5:10.53	Amatogadhaṁ nibbānaṁ pariyosānaṭṭhena maggo.
ps2.5:11.1	Dassanamaggo sammādiṭṭhi, abhiniropanamaggo sammāsaṅkappo …pe…
ps2.5:11.2	amatogadhaṁ nibbānaṁ pariyosānaṭṭhena maggo.
ps2.5:11.3	Evaṁ virāgo maggo.
ps2.5:12.1	Kathaṁ <b>vimutti phalaṁ?</b>
ps2.5:12.2	Sotāpattiphalakkhaṇe dassanaṭṭhena sammādiṭṭhi micchādiṭṭhiyā vimuttā hoti, tadanuvattakakilesehi ca khandhehi ca vimuttā hoti, bahiddhā ca sabbanimittehi vimuttā hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā.
ps2.5:12.3	<b>Vimuttī</b>ti dve muttiyo—
ps2.5:12.4	nibbānañca vimutti, ye ca nibbānārammaṇatājātā dhammā sabbe ca vimuttā hontīti—
ps2.5:12.5	vimutti phalaṁ.
ps2.5:13.1	Abhiniropanaṭṭhena sammāsaṅkappo micchāsaṅkappā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā.
ps2.5:13.2	<b>Vimuttī</b>ti dve vimuttiyo—
ps2.5:13.3	nibbānañca vimutti, ye ca nibbānārammaṇatājātā dhammā sabbe vimuttā hontīti—
ps2.5:13.4	vimutti phalaṁ.
ps2.5:14.1	Pariggahaṭṭhena sammāvācā micchāvācāya vimuttā hoti, samuṭṭhānaṭṭhena sammākammanto micchākammantā vimutto hoti, vodānaṭṭhena sammāājīvo micchāājīvā vimutto hoti, paggahaṭṭhena sammāvāyāmo micchāvāyāmā vimutto hoti, upaṭṭhānaṭṭhena sammāsati micchāsatiyā vimuttā hoti, avikkhepaṭṭhena sammāsamādhi micchāsamādhito vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā.
ps2.5:14.2	<b>Vimuttī</b>ti dve vimuttiyo—
ps2.5:14.3	nibbānañca vimutti, ye ca nibbānārammaṇatājātā dhammā sabbe vimuttā hontīti—
ps2.5:14.4	vimutti phalaṁ.
ps2.5:15.1	Sakadāgāmiphalakkhaṇe dassanaṭṭhena sammādiṭṭhi …pe…
ps2.5:15.2	avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā.
ps2.5:15.3	<b>Vimuttī</b>ti dve vimuttiyo—
ps2.5:15.4	nibbānañca vimutti, ye ca nibbānārammaṇatājātā dhammā sabbe vimuttā hontīti—
ps2.5:15.5	vimutti phalaṁ.
ps2.5:16.1	Anāgāmiphalakkhaṇe dassanaṭṭhena sammādiṭṭhi …pe…
ps2.5:16.2	avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā …pe….
ps2.5:17.1	Arahattaphalakkhaṇe dassanaṭṭhena sammādiṭṭhi …pe…
ps2.5:17.2	avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vimutto hoti, tadanuvattakakilesehi ca khandhehi ca vimutto hoti, bahiddhā ca sabbanimittehi vimutto hoti, vimutti vimuttārammaṇā vimuttigocarā vimuttiyā samudāgatā vimuttiyā ṭhitā vimuttiyā patiṭṭhitā.
ps2.5:17.3	<b>Vimuttī</b>ti dve vimuttiyo—
ps2.5:17.4	nibbānañca vimutti, ye ca nibbānārammaṇatājātā dhammā sabbe vimuttā hontīti—
ps2.5:17.5	vimutti phalaṁ.
ps2.5:18.1	Dassanavimutti sammādiṭṭhi …pe…
ps2.5:18.2	avikkhepavimutti sammāsamādhi, upaṭṭhānavimutti satisambojjhaṅgo, paṭisaṅkhānavimutti upekkhāsambojjhaṅgo.
ps2.5:18.3	Assaddhiye akampiyavimutti saddhābalaṁ …pe…
ps2.5:18.4	avijjāya akampiyavimutti paññābalaṁ.
ps2.5:18.5	Adhimokkhavimutti saddhindriyaṁ …pe…
ps2.5:18.6	dassanavimutti paññindriyaṁ.
ps2.5:19.1	Ādhipateyyaṭṭhena indriyā vimutti.
ps2.5:19.2	Akampiyaṭṭhena balā vimutti, niyyānaṭṭhena bojjhaṅgā vimutti, hetuṭṭhena maggo vimutti, upaṭṭhānaṭṭhena satipaṭṭhānā vimutti, padahanaṭṭhena sammappadhānā vimutti, ijjhanaṭṭhena iddhipādā vimutti, tathaṭṭhena saccā vimutti, avikkhepaṭṭhena samatho vimutti, anupassanaṭṭhena vipassanā vimutti, ekarasaṭṭhena samathavipassanā vimutti, anativattanaṭṭhena yuganaddhaṁ vimutti, saṁvaraṭṭhena sīlavisuddhi vimutti, avikkhepaṭṭhena cittavisuddhi vimutti, dassanaṭṭhena diṭṭhivisuddhi vimutti, vimuttaṭṭhena vimokkho vimutti, paṭivedhaṭṭhena vijjā vimutti, pariccāgaṭṭhena vimutti vimutti, paṭippassaddhiyaṭṭhena anuppāde ñāṇaṁ vimutti, chando mūlaṭṭhena vimutti, manasikāro samuṭṭhānaṭṭhena vimutti, phasso samodhānaṭṭhena vimutti, vedanā samosaraṇaṭṭhena vimutti, samādhi pamukhaṭṭhena vimutti, sati ādhipateyyaṭṭhena vimutti, paññā taduttaraṭṭhena vimutti, vimutti sāraṭṭhena vimutti, amatogadhaṁ nibbānaṁ pariyosānaṭṭhena vimutti.
ps2.5:19.3	Evaṁ vimutti phalaṁ.
ps2.5:19.4	Evaṁ virāgo maggo, vimutti phalanti.
ps2.5:19.5	Virāgakathā niṭṭhitā.
ps2.6:0.1	Paṭisambhidāmagga
ps2.6:0.2	2 Yuganaddhavagga
ps2.6:0.3	2.6. Paṭisambhidākathā
ps2.6:1.0	2.6.1. Dhammacakkapavattanavāra
ps2.6:1.1	Evaṁ me sutaṁ—
ps2.6:1.2	ekaṁ samayaṁ bhagavā bārāṇasiyaṁ viharati isipatane migadāye.
ps2.6:1.3	Tatra kho bhagavā pañcavaggiye bhikkhū āmantesi—
ps2.6:2.1	“Dveme, bhikkhave, antā pabbajitena na sevitabbā.
ps2.6:2.2	Katame dve?
ps2.6:2.3	Yo cāyaṁ kāmesu kāmasukhallikānuyogo hīno gammo pothujjaniko anariyo anatthasaṁhito;
ps2.6:2.4	yo cāyaṁ attakilamathānuyogo dukkho anariyo anatthasaṁhito.
ps2.6:2.5	Ete kho, bhikkhave, ubho ante anupagamma majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati.
ps2.6:3.1	Katamā ca sā, bhikkhave, majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati?
ps2.6:3.2	Ayameva ariyo aṭṭhaṅgiko maggo, seyyathidaṁ—
ps2.6:3.3	sammādiṭṭhi …pe… sammāsamādhi.
ps2.6:3.4	Ayaṁ kho sā, bhikkhave, majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati.
ps2.6:4.1	Idaṁ kho pana, bhikkhave, dukkhaṁ ariyasaccaṁ.
ps2.6:4.2	Jātipi dukkhā, jarāpi dukkhā, byādhipi dukkho, maraṇampi dukkhaṁ, appiyehi sampayogo dukkho, piyehi vippayogo dukkho, yampicchaṁ na labhati tampi dukkhaṁ;
ps2.6:4.3	saṅkhittena pañcupādānakkhandhā dukkhā.
ps2.6:4.4	Idaṁ kho pana, bhikkhave, dukkhasamudayaṁ ariyasaccaṁ—
ps2.6:4.5	yāyaṁ taṇhā ponobhavikā nandirāgasahagatā tatratatrābhinandinī, seyyathidaṁ—
ps2.6:4.6	kāmataṇhā, bhavataṇhā, vibhavataṇhā.
ps2.6:4.7	Idaṁ kho pana, bhikkhave, dukkhanirodhaṁ ariyasaccaṁ—
ps2.6:4.8	yo tassāyeva taṇhāya asesavirāganirodho cāgo paṭinissaggo mutti anālayo.
ps2.6:4.9	Idaṁ kho pana, bhikkhave, dukkhanirodhagāminī paṭipadā ariyasaccaṁ—
ps2.6:4.10	ayameva ariyo aṭṭhaṅgiko maggo, seyyathidaṁ—
ps2.6:4.11	sammādiṭṭhi …pe… sammāsamādhi.
ps2.6:5.1	‘Idaṁ dukkhaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:5.2	‘Taṁ kho panidaṁ dukkhaṁ ariyasaccaṁ pariññeyyan’ti me, bhikkhave …pe…
ps2.6:5.3	pariññātanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:6.1	‘Idaṁ dukkhasamudayaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:6.2	‘Taṁ kho panidaṁ dukkhasamudayaṁ ariyasaccaṁ pahātabban’ti me, bhikkhave …pe…
ps2.6:6.3	pahīnanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:7.1	‘Idaṁ dukkhanirodhaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:7.2	‘Taṁ kho panidaṁ dukkhanirodhaṁ ariyasaccaṁ sacchikātabban’ti me, bhikkhave …pe…
ps2.6:7.3	sacchikatanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:8.1	‘Idaṁ dukkhanirodhagāminī paṭipadā ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:8.2	‘Taṁ kho panidaṁ dukkhanirodhagāminī paṭipadā ariyasaccaṁ bhāvetabban’ti me, bhikkhave …pe…
ps2.6:8.3	bhāvitanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.6:9.1	Yāvakīvañca me, bhikkhave, imesu catūsu ariyasaccesu evaṁ tiparivaṭṭaṁ dvādasākāraṁ yathābhūtaṁ ñāṇadassanaṁ na suvisuddhaṁ ahosi, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.
ps2.6:10.1	Yato ca kho me, bhikkhave, imesu catūsu ariyasaccesu evaṁ tiparivaṭṭaṁ dvādasākāraṁ yathābhūtaṁ ñāṇadassanaṁ suvisuddhaṁ ahosi, athāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.
ps2.6:10.2	Ñāṇañca pana me dassanaṁ udapādi—
ps2.6:10.3	‘akuppā me vimutti, ayamantimā jāti, natthi dāni punabbhavo’”ti.
ps2.6:11.1	Idamavoca bhagavā.
ps2.6:11.2	Attamanā pañcavaggiyā bhikkhū bhagavato bhāsitaṁ abhinandunti.
ps2.6:12.1	Imasmiñca pana veyyākaraṇasmiṁ bhaññamāne āyasmato koṇḍaññassa virajaṁ vītamalaṁ dhammacakkhuṁ udapādi—
ps2.6:12.2	“yaṁ kiñci samudayadhammaṁ, sabbaṁ taṁ nirodhadhamman”ti.
ps2.6:13.1	Pavattite ca pana bhagavatā dhammacakke bhummā devā saddamanussāvesuṁ—
ps2.6:13.2	“etaṁ bhagavatā bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin”ti.
ps2.6:13.3	Bhummānaṁ devānaṁ saddaṁ sutvā cātumahārājikā devā saddamanussāvesuṁ …
ps2.6:13.4	cātumahārājikānaṁ devānaṁ saddaṁ sutvā tāvatiṁsā devā …pe…
ps2.6:13.5	yāmā devā …pe…
ps2.6:13.6	tusitā devā …pe…
ps2.6:13.7	nimmānaratī devā …pe…
ps2.6:13.8	paranimmitavasavattī devā …pe…
ps2.6:13.9	brahmakāyikā devā saddamanussāvesuṁ—
ps2.6:13.10	“etaṁ bhagavatā bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin”ti.
ps2.6:14.1	Itiha tena khaṇena tena layena tena muhuttena yāva brahmalokā saddo abbhuggacchi.
ps2.6:14.2	Ayañca dasasahassī lokadhātu saṅkampi sampakampi sampavedhi, appamāṇo ca uḷāro obhāso loke pāturahosi atikkamma devānaṁ devānubhāvanti.
ps2.6:15.1	Atha kho bhagavā imaṁ udānaṁ udānesi—
ps2.6:15.2	“aññāsi vata bho koṇḍañño;
ps2.6:15.3	aññāsi vata bho koṇḍañño”ti.
ps2.6:15.4	Iti hidaṁ āyasmato koṇḍaññassa “aññāsikoṇḍañño”tveva nāmaṁ ahosi.
ps2.6:16.1	“‘<b>Idaṁ dukkhaṁ ariyasaccan’</b>ti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:17.1	Cakkhuṁ udapādīti—
ps2.6:17.2	kenaṭṭhena?
ps2.6:17.3	Ñāṇaṁ udapādīti—
ps2.6:17.4	kenaṭṭhena?
ps2.6:17.5	Paññā udapādīti—
ps2.6:17.6	kenaṭṭhena?
ps2.6:17.7	Vijjā udapādīti—
ps2.6:17.8	kenaṭṭhena?
ps2.6:17.9	Āloko udapādīti—
ps2.6:17.10	kenaṭṭhena?
ps2.6:17.11	<b>Cakkhuṁ udapādī</b>ti—
ps2.6:17.12	dassanaṭṭhena.
ps2.6:17.13	<b>Ñāṇaṁ udapādī</b>ti—
ps2.6:17.14	ñātaṭṭhena.
ps2.6:17.15	<b>Paññā udapādī</b>ti—
ps2.6:17.16	pajānanaṭṭhena.
ps2.6:17.17	<b>Vijjā udapādī</b>ti—
ps2.6:17.18	paṭivedhaṭṭhena.
ps2.6:17.19	<b>Āloko udapādī</b>ti—
ps2.6:17.20	obhāsaṭṭhena.
ps2.6:18.1	Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo.
ps2.6:18.2	Ime pañca dhammā dhammapaṭisambhidāya ārammaṇā ceva honti gocarā ca.
ps2.6:18.3	Ye tassā ārammaṇā te tassā gocarā.
ps2.6:18.4	Ye tassā gocarā te tassā ārammaṇā.
ps2.6:18.5	Tena vuccati—
ps2.6:18.6	“dhammesu ñāṇaṁ dhammapaṭisambhidā”.
ps2.6:19.1	Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho.
ps2.6:19.2	Ime pañca atthā atthapaṭisambhidāya ārammaṇā ceva honti gocarā ca.
ps2.6:19.3	Ye tassā ārammaṇā te tassā gocarā.
ps2.6:19.4	Ye tassā gocarā te tassā ārammaṇā.
ps2.6:19.5	Tena vuccati—
ps2.6:19.6	“atthesu ñāṇaṁ atthapaṭisambhidā”.
ps2.6:20.1	Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā.
ps2.6:20.2	Imā dasa niruttiyo niruttipaṭisambhidāya ārammaṇā ceva honti gocarā ca.
ps2.6:20.3	Ye tassā ārammaṇā te tassā gocarā.
ps2.6:20.4	Ye tassā gocarā te tassā ārammaṇā.
ps2.6:20.5	Tena vuccati—
ps2.6:20.6	“niruttīsu ñāṇaṁ niruttipaṭisambhidā”.
ps2.6:21.1	Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
ps2.6:21.2	Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
ps2.6:21.3	Ye tassā ārammaṇā te tassā gocarā.
ps2.6:21.4	Ye tassā gocarā te tassā ārammaṇā.
ps2.6:21.5	Tena vuccati—
ps2.6:21.6	“paṭibhānesu ñāṇaṁ paṭibhānapaṭisambhidā”.
ps2.6:22.1	“‘Taṁ kho panidaṁ dukkhaṁ ariyasaccaṁ pariññeyyan’ti …pe…
ps2.6:22.2	pariññātanti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:23.1	Cakkhuṁ udapādīti—
ps2.6:23.2	kenaṭṭhena?
ps2.6:23.3	Ñāṇaṁ udapādīti—
ps2.6:23.4	kenaṭṭhena?
ps2.6:23.5	Paññā udapādīti—
ps2.6:23.6	kenaṭṭhena?
ps2.6:23.7	Vijjā udapādīti—
ps2.6:23.8	kenaṭṭhena?
ps2.6:23.9	Āloko udapādīti—
ps2.6:23.10	kenaṭṭhena?
ps2.6:23.11	<b>Cakkhuṁ udapādī</b>ti—
ps2.6:23.12	dassanaṭṭhena.
ps2.6:23.13	<b>Ñāṇaṁ udapādī</b>ti—
ps2.6:23.14	ñātaṭṭhena.
ps2.6:23.15	<b>Paññā udapādī</b>ti—
ps2.6:23.16	pajānanaṭṭhena.
ps2.6:23.17	<b>Vijjā udapādī</b>ti—
ps2.6:23.18	paṭivedhaṭṭhena.
ps2.6:23.19	<b>Āloko udapādī</b>ti—
ps2.6:23.20	obhāsaṭṭhena.
ps2.6:24.1	Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo.
ps2.6:24.2	Ime pañca dhammā dhammapaṭisambhidāya ārammaṇā ceva honti gocarā ca.
ps2.6:24.3	Ye tassā ārammaṇā te tassā gocarā.
ps2.6:24.4	Ye tassā gocarā te tassā ārammaṇā.
ps2.6:24.5	Tena vuccati—
ps2.6:24.6	“dhammesu ñāṇaṁ dhammapaṭisambhidā”.
ps2.6:25.1	Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho.
ps2.6:25.2	Ime pañca atthā atthapaṭisambhidāya ārammaṇā ceva honti gocarā ca.
ps2.6:25.3	Ye tassā ārammaṇā te tassā gocarā.
ps2.6:25.4	Ye tassā gocarā te tassā ārammaṇā.
ps2.6:25.5	Tena vuccati—
ps2.6:25.6	“atthesu ñāṇaṁ atthapaṭisambhidā”.
ps2.6:26.1	Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā.
ps2.6:26.2	Imā dasa niruttiyo niruttipaṭisambhidāya ārammaṇā ceva honti gocarā ca.
ps2.6:26.3	Ye tassā ārammaṇā te tassā gocarā.
ps2.6:26.4	Ye tassā gocarā te tassā ārammaṇā.
ps2.6:26.5	Tena vuccati—
ps2.6:26.6	“niruttīsu ñāṇaṁ niruttipaṭisambhidā”.
ps2.6:27.1	Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
ps2.6:27.2	Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
ps2.6:27.3	Ye tassā ārammaṇā te tassā gocarā.
ps2.6:27.4	Ye tassā gocarā te tassā ārammaṇā.
ps2.6:27.5	Tena vuccati—
ps2.6:27.6	“paṭibhānesu ñāṇaṁ paṭibhānapaṭisambhidā”.
ps2.6:28.1	Dukkhe ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:29.1	“‘<b>Idaṁ dukkhasamudayaṁ ariyasaccan</b>’ti pubbe ananussutesu dhammesu cakkhuṁ udapādi …pe…
ps2.6:29.2	āloko udapādi.
ps2.6:29.3	‘Taṁ kho panidaṁ dukkhasamudayaṁ ariyasaccaṁ pahātabban’ti …pe…
ps2.6:29.4	pahīnanti pubbe ananussutesu dhammesu cakkhuṁ udapādi …pe…
ps2.6:29.5	āloko udapādi …pe… ”.
ps2.6:30.1	Dukkhasamudaye ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:31.1	“‘<b>Idaṁ dukkhanirodhaṁ ariyasaccan</b>’ti pubbe ananussutesu dhammesu cakkhuṁ udapādi …pe…
ps2.6:31.2	āloko udapādi.
ps2.6:31.3	‘Taṁ kho panidaṁ dukkhanirodhaṁ ariyasaccaṁ sacchikātabban’ti …pe…
ps2.6:31.4	sacchikatanti pubbe ananussutesu dhammesu cakkhuṁ udapādi …pe…
ps2.6:31.5	āloko udapādi …pe… ”.
ps2.6:32.1	Dukkhanirodhe ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:33.1	“‘<b>Idaṁ dukkhanirodhagāminī paṭipadā ariyasaccan</b>’ti pubbe ananussutesu dhammesu cakkhuṁ udapādi …pe…
ps2.6:33.2	āloko udapādi.
ps2.6:33.3	‘Taṁ kho panidaṁ dukkhanirodhagāminī paṭipadā ariyasaccaṁ bhāvetabban’ti …pe…
ps2.6:33.4	bhāvitanti pubbe ananussutesu dhammesu cakkhuṁ udapādi …pe…
ps2.6:33.5	āloko udapādi …pe… ”.
ps2.6:34.1	Dukkhanirodhagāminiyā paṭipadāya ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:35.1	Catūsu ariyasaccesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
ps2.6:36.0	2.6.2. Satipaṭṭhānavāra
ps2.6:36.1	“‘Ayaṁ kāye kāyānupassanā’ti me, bhikkhave, pubbe ananussutesu dhammesu cakkhuṁ udapādi …pe…
ps2.6:36.2	āloko udapādi.
ps2.6:36.3	Sā kho panāyaṁ kāye kāyānupassanā bhāvetabbāti me, bhikkhave …pe…
ps2.6:36.4	bhāvitāti me, bhikkhave, pubbe ananussutesu dhammesu cakkhuṁ udapādi …pe…
ps2.6:36.5	āloko udapādi”.
ps2.6:37.1	“Ayaṁ vedanāsu …pe…
ps2.6:37.2	ayaṁ citte …pe…
ps2.6:37.3	ayaṁ dhammesu dhammānupassanāti me, bhikkhave, pubbe ananussutesu dhammesu cakkhuṁ udapādi …pe…
ps2.6:37.4	āloko udapādi.
ps2.6:37.5	Sā kho panāyaṁ dhammesu dhammānupassanā bhāvetabbāti …pe…
ps2.6:37.6	bhāvitāti me, bhikkhave, pubbe ananussutesu dhammesu cakkhuṁ udapādi …pe…
ps2.6:37.7	āloko udapādi”.
ps2.6:38.1	“‘<b>Ayaṁ kāye kāyānupassanā</b>’ti pubbe ananussutesu dhammesu cakkhuṁ udapādi …pe…
ps2.6:38.2	āloko udapādi …pe…
ps2.6:38.3	sā kho panāyaṁ kāye kāyānupassanā bhāvetabbāti …pe…
ps2.6:38.4	bhāvitāti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:39.1	Cakkhuṁ udapādīti—
ps2.6:39.2	kenaṭṭhena?
ps2.6:39.3	Ñāṇaṁ udapādīti—
ps2.6:39.4	kenaṭṭhena?
ps2.6:39.5	Paññā udapādīti—
ps2.6:39.6	kenaṭṭhena?
ps2.6:39.7	Vijjā udapādīti—
ps2.6:39.8	kenaṭṭhena?
ps2.6:39.9	Āloko udapādīti—
ps2.6:39.10	kenaṭṭhena?
ps2.6:39.11	<b>Cakkhuṁ udapādī</b>ti—
ps2.6:39.12	dassanaṭṭhena.
ps2.6:39.13	<b>Ñāṇaṁ udapādī</b>ti—
ps2.6:39.14	ñātaṭṭhena.
ps2.6:39.15	<b>Paññā udapādī</b>ti—
ps2.6:39.16	pajānanaṭṭhena.
ps2.6:39.17	<b>Vijjā udapādī</b>ti—
ps2.6:39.18	paṭivedhaṭṭhena.
ps2.6:39.19	<b>Āloko udapādī</b>ti—
ps2.6:39.20	obhāsaṭṭhena.
ps2.6:40.1	Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo.
ps2.6:40.2	Ime pañca dhammā dhammapaṭisambhidāya ārammaṇā ceva honti gocarā ca.
ps2.6:40.3	Ye tassā ārammaṇā te tassā gocarā.
ps2.6:40.4	Ye tassā gocarā te tassā ārammaṇā.
ps2.6:40.5	Tena vuccati—
ps2.6:40.6	“dhammesu ñāṇaṁ dhammapaṭisambhidā”.
ps2.6:41.1	Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho.
ps2.6:41.2	Ime pañca atthā atthapaṭisambhidāya ārammaṇā ceva honti gocarā ca.
ps2.6:41.3	Ye tassā ārammaṇā te tassā gocarā.
ps2.6:41.4	Ye tassā gocarā te tassā ārammaṇā.
ps2.6:41.5	Tena vuccati—
ps2.6:41.6	“atthesu ñāṇaṁ atthapaṭisambhidā”.
ps2.6:42.1	Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā.
ps2.6:42.2	Imā dasa niruttiyo niruttipaṭisambhidāya ārammaṇā ceva honti gocarā ca.
ps2.6:42.3	Ye tassā ārammaṇā te tassā gocarā.
ps2.6:42.4	Ye tassā gocarā te tassā ārammaṇā.
ps2.6:42.5	Tena vuccati—
ps2.6:42.6	“niruttīsu ñāṇaṁ niruttipaṭisambhidā”.
ps2.6:43.1	Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
ps2.6:43.2	Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
ps2.6:43.3	Ye tassā ārammaṇā te tassā gocarā.
ps2.6:43.4	Ye tassā gocarā te tassā ārammaṇā.
ps2.6:43.5	Tena vuccati—
ps2.6:43.6	“paṭibhānesu ñāṇaṁ paṭibhānapaṭisambhidā”.
ps2.6:44.1	Kāye kāyānupassanāsatipaṭṭhāne pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:45.1	“<b>Ayaṁ vedanāsu</b> …pe…
ps2.6:45.2	<b>ayaṁ citte</b> …pe…
ps2.6:45.3	<b>ayaṁ dhammesu dhammānupassanā</b>ti pubbe ananussutesu dhammesu cakkhuṁ udapādi …pe…
ps2.6:45.4	āloko udapādi …pe…
ps2.6:45.5	sā kho panāyaṁ dhammesu dhammānupassanā bhāvetabbāti …pe…
ps2.6:45.6	bhāvitāti pubbe ananussutesu dhammesu cakkhuṁ udapādi …pe…
ps2.6:45.7	āloko udapādi …pe… ”.
ps2.6:46.1	Dhammesu dhammānupassanā satipaṭṭhāne pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:47.1	Catūsu satipaṭṭhānesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
ps2.6:48.0	2.6.3. Iddhipādavāra
ps2.6:48.1	“Ayaṁ chandasamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṁ udapādi …pe…
ps2.6:48.2	āloko udapādi.
ps2.6:48.3	So kho panāyaṁ chandasamādhipadhānasaṅkhārasamannāgato iddhipādo bhāvetabboti me, bhikkhave …pe…
ps2.6:48.4	bhāvitoti me, bhikkhave, pubbe ananussutesu dhammesu cakkhuṁ udapādi …pe…
ps2.6:48.5	āloko udapādi.
ps2.6:49.1	Ayaṁ vīriyasamādhi …pe…
ps2.6:49.2	ayaṁ cittasamādhi …pe…
ps2.6:49.3	ayaṁ vīmaṁsāsamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṁ udapādi …pe…
ps2.6:49.4	āloko udapādi.
ps2.6:49.5	So kho panāyaṁ vīmaṁsāsamādhipadhānasaṅkhārasamannāgato iddhipādo bhāvetabboti me, bhikkhave, pubbe ananussutesu dhammesu cakkhuṁ udapādi …pe…
ps2.6:49.6	āloko udapādi”.
ps2.6:50.1	“‘Ayaṁ <b>chandasamādhipadhānasaṅkhārasamannāgato iddhipādo</b>’ti pubbe ananussutesu dhammesu cakkhuṁ udapādi …pe…
ps2.6:50.2	āloko udapādi …pe…
ps2.6:50.3	so kho panāyaṁ chandasamādhipadhānasaṅkhārasamannāgato iddhipādo bhāvetabboti …pe…
ps2.6:50.4	bhāvitoti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:51.1	Cakkhuṁ udapādīti—
ps2.6:51.2	kenaṭṭhena?
ps2.6:51.3	Ñāṇaṁ udapādīti—
ps2.6:51.4	kenaṭṭhena?
ps2.6:51.5	Paññā udapādīti—
ps2.6:51.6	kenaṭṭhena?
ps2.6:51.7	Vijjā udapādīti—
ps2.6:51.8	kenaṭṭhena?
ps2.6:51.9	Āloko udapādīti—
ps2.6:51.10	kenaṭṭhena?
ps2.6:51.11	<b>Cakkhuṁ udapādī</b>ti—
ps2.6:51.12	dassanaṭṭhena.
ps2.6:51.13	<b>Ñāṇaṁ udapādī</b>ti—
ps2.6:51.14	ñātaṭṭhena.
ps2.6:51.15	<b>Paññā udapādī</b>ti—
ps2.6:51.16	pajānanaṭṭhena.
ps2.6:51.17	<b>Vijjā udapādī</b>ti—
ps2.6:51.18	paṭivedhaṭṭhena.
ps2.6:51.19	<b>Āloko udapādī</b>ti—
ps2.6:51.20	obhāsaṭṭhena.
ps2.6:52.1	Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo.
ps2.6:52.2	Ime pañca dhammā dhammapaṭisambhidāya ārammaṇā ceva honti gocarā ca.
ps2.6:52.3	Ye tassā ārammaṇā te tassā gocarā.
ps2.6:52.4	Ye tassā gocarā te tassā ārammaṇā.
ps2.6:52.5	Tena vuccati—
ps2.6:52.6	“dhammesu ñāṇaṁ dhammapaṭisambhidā”.
ps2.6:53.1	Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho.
ps2.6:53.2	Ime pañca atthā atthapaṭisambhidāya ārammaṇā ceva honti gocarā ca.
ps2.6:53.3	Ye tassā ārammaṇā te tassā gocarā.
ps2.6:53.4	Ye tassā gocarā te tassā ārammaṇā.
ps2.6:53.5	Tena vuccati—
ps2.6:53.6	“atthesu ñāṇaṁ atthapaṭisambhidā”.
ps2.6:54.1	Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā.
ps2.6:54.2	Imā dasa niruttiyo niruttipaṭisambhidāya ārammaṇā ceva honti gocarā ca.
ps2.6:54.3	Ye tassā ārammaṇā te tassā gocarā.
ps2.6:54.4	Ye tassā gocarā te tassā ārammaṇā.
ps2.6:54.5	Tena vuccati—
ps2.6:54.6	“niruttīsu ñāṇaṁ niruttipaṭisambhidā”.
ps2.6:55.1	Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
ps2.6:55.2	Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
ps2.6:55.3	Ye tassā ārammaṇā te tassā gocarā.
ps2.6:55.4	Ye tassā gocarā te tassā ārammaṇā.
ps2.6:55.5	Tena vuccati—
ps2.6:55.6	“paṭibhānesu ñāṇaṁ paṭibhānapaṭisambhidā”.
ps2.6:56.1	Chandasamādhipadhānasaṅkhārasamannāgate iddhipāde pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:57.1	“Ayaṁ <b>vīriyasamādhi</b> …pe…
ps2.6:57.2	ayaṁ <b>cittasamādhi</b> …pe…
ps2.6:57.3	ayaṁ <b>vīmaṁsāsamādhipadhānasaṅkhārasamannāgato iddhipādo</b>ti pubbe ananussutesu dhammesu cakkhuṁ udapādi …pe…
ps2.6:57.4	āloko udapādi …pe…
ps2.6:57.5	so kho panāyaṁ vīmaṁsāsamādhipadhānasaṅkhārasamannāgato iddhipādo bhāvetabboti …pe…
ps2.6:57.6	bhāvitoti pubbe ananussutesu dhammesu cakkhuṁ udapādi …pe…
ps2.6:57.7	āloko udapādi …pe… ”.
ps2.6:58.1	Vīmaṁsāsamādhipadhānasaṅkhārasamannāgate iddhipāde pannarasa dhammā, pannarasa atthā, tiṁsa niruttiyo, saṭṭhi ñāṇāni.
ps2.6:59.1	Catūsu iddhipādesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
ps2.6:60.0	2.6.4. Sattabodhisattavāra
ps2.6:60.1	“‘Samudayo samudayo’ti kho, bhikkhave, vipassissa bodhisattassa pubbe ananussutesu dhammesu cakkhuṁ udapādi …pe…
ps2.6:60.2	āloko udapādi.
ps2.6:60.3	‘Nirodho nirodho’ti kho, bhikkhave, vipassissa bodhisattassa pubbe ananussutesu dhammesu cakkhuṁ udapādi …pe…
ps2.6:60.4	āloko udapādi”.
ps2.6:60.5	Vipassissa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṁ ñāṇāni.
ps2.6:61.1	“‘Samudayo samudayo’ti kho, bhikkhave, sikhissa bodhisattassa …pe…
ps2.6:61.2	vessabhussa bodhisattassa …pe…
ps2.6:61.3	kakusandhassa bodhisattassa …pe…
ps2.6:61.4	koṇāgamanassa bodhisattassa …pe…
ps2.6:61.5	kassapassa bodhisattassa pubbe ananussutesu dhammesu cakkhuṁ udapādi …pe…
ps2.6:61.6	āloko udapādi.
ps2.6:61.7	‘Nirodho nirodho’ti kho, bhikkhave, kassapassa bodhisattassa pubbe ananussutesu dhammesu cakkhuṁ udapādi …pe…
ps2.6:61.8	āloko udapādi”.
ps2.6:61.9	Kassapassa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṁ ñāṇāni.
ps2.6:62.1	“‘Samudayo samudayo’ti kho, bhikkhave, gotamassa bodhisattassa pubbe ananussutesu dhammesu cakkhuṁ udapādi …pe…
ps2.6:62.2	āloko udapādi.
ps2.6:62.3	‘Nirodho nirodho’ti kho, bhikkhave, gotamassa bodhisattassa pubbe ananussutesu dhammesu cakkhuṁ udapādi …pe…
ps2.6:62.4	āloko udapādi”.
ps2.6:62.5	Gotamassa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṁ ñāṇāni.
ps2.6:63.1	Sattannaṁ bodhisattānaṁ sattasu veyyākaraṇesu sattati dhammā, sattati atthā, cattālīsasataṁ niruttiyo, asīti ca dve ca ñāṇasatāni.
ps2.6:64.0	2.6.5. Abhiññādivāra
ps2.6:64.1	“‘Yāvatā abhiññāya abhiññaṭṭho ñāto diṭṭho vidito sacchikato phassito paññāya.
ps2.6:64.2	Aphassito paññāya abhiññaṭṭho natthī’ti—
ps2.6:64.3	cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:64.4	Abhiññāya abhiññaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:65.1	“‘Yāvatā pariññāya pariññaṭṭho …pe…
ps2.6:65.2	yāvatā pahānassa pahānaṭṭho …pe…
ps2.6:65.3	yāvatā bhāvanāya bhāvanaṭṭho …pe…
ps2.6:65.4	yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya.
ps2.6:65.5	Aphassito paññāya sacchikiriyaṭṭho natthī’ti—
ps2.6:65.6	cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:65.7	Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:66.1	Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṁ dhammā, pañcavīsasataṁ atthā, aḍḍhateyyāni niruttisatāni, pañca ñāṇasatāni.
ps2.6:67.0	2.6.6. Khandhādivāra
ps2.6:67.1	“‘Yāvatā khandhānaṁ khandhaṭṭho, ñāto diṭṭho vidito sacchikato phassito paññāya.
ps2.6:67.2	Aphassito paññāya khandhaṭṭho natthī’ti—
ps2.6:67.3	cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:67.4	Khandhānaṁ khandhaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:68.1	“‘Yāvatā dhātūnaṁ dhātuṭṭho …pe…
ps2.6:68.2	yāvatā āyatanānaṁ āyatanaṭṭho …pe…
ps2.6:68.3	yāvatā saṅkhatānaṁ saṅkhataṭṭho …pe…
ps2.6:68.4	yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya.
ps2.6:68.5	Aphassito paññāya asaṅkhataṭṭho natthī’ti—
ps2.6:68.6	cakkhuṁ udapādi …pe…
ps2.6:68.7	āloko udapādi”.
ps2.6:68.8	Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:69.1	Khandhānaṁ khandhaṭṭhe, dhātūnaṁ dhātuṭṭhe, āyatanānaṁ āyatanaṭṭhe saṅkhatānaṁ saṅkhataṭṭhe, asaṅkhatassa asaṅkhataṭṭhe pañcavīsatisataṁ dhammā, pañcavīsatisataṁ atthā, aḍḍhateyyāni niruttisatāni, pañca ñāṇasatāni.
ps2.6:70.0	2.6.7. Saccavāra
ps2.6:70.1	“‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya.
ps2.6:70.2	Aphassito paññāya dukkhaṭṭho natthī’ti—
ps2.6:70.3	cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:70.4	Dukkhassa dukkhaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:71.1	“‘Yāvatā samudayassa samudayaṭṭho …pe…
ps2.6:71.2	yāvatā nirodhassa nirodhaṭṭho …pe…
ps2.6:71.3	yāvatā maggassa maggaṭṭho ñāto diṭṭho vidito sacchikato phassito paññāya.
ps2.6:71.4	Aphassito paññāya maggaṭṭho natthī’ti—
ps2.6:71.5	cakkhuṁ udapādi …pe…
ps2.6:71.6	āloko udapādi”.
ps2.6:71.7	Maggassa maggaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:72.1	Catūsu ariyasaccesu sataṁ dhammā, sataṁ atthā, dve niruttisatāni, cattāri ñāṇasatāni.
ps2.6:73.0	2.6.8. Paṭisambhidāvāra
ps2.6:73.1	“‘Yāvatā atthapaṭisambhidāya atthapaṭisambhidaṭṭho, ñāto diṭṭho vidito sacchikato phassito paññāya.
ps2.6:73.2	Aphassito paññāya atthapaṭisambhidaṭṭho natthī’ti—
ps2.6:73.3	cakkhuṁ udapādi …pe…
ps2.6:73.4	āloko udapādi”.
ps2.6:73.5	Atthapaṭisambhidāya atthapaṭisambhidaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:74.1	“‘Yāvatā dhammapaṭisambhidāya dhammapaṭisambhidaṭṭho …pe…
ps2.6:74.2	yāvatā niruttipaṭisambhidāya niruttipaṭisambhidaṭṭho …pe…
ps2.6:74.3	yāvatā paṭibhānapaṭisambhidāya paṭibhānapaṭisambhidaṭṭho, ñāto diṭṭho vidito sacchikato phassito paññāya.
ps2.6:74.4	Aphassito paññāya paṭibhānapaṭisambhidaṭṭho natthī’ti—
ps2.6:74.5	cakkhuṁ udapādi …pe…
ps2.6:74.6	āloko udapādi”.
ps2.6:74.7	Paṭibhānapaṭisambhidaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:75.1	Catūsu paṭisambhidāsu sataṁ dhammā, sataṁ atthā, dve niruttisatāni, cattāri ñāṇasatāni.
ps2.6:76.0	2.6.9. Chabuddhadhammavāra
ps2.6:76.1	“‘Yāvatā indriyaparopariyattañāṇaṁ, ñātaṁ diṭṭhaṁ viditaṁ sacchikataṁ phassitaṁ paññāya.
ps2.6:76.2	Aphassitaṁ paññāya indriyaparopariyattañāṇaṁ natthī’ti—
ps2.6:76.3	cakkhuṁ udapādi …pe…
ps2.6:76.4	āloko udapādi”.
ps2.6:76.5	Indriyaparopariyattañāṇe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:77.1	“‘Yāvatā sattānaṁ āsayānusaye ñāṇaṁ …pe…
ps2.6:77.2	yāvatā yamakapāṭihīre ñāṇaṁ …pe…
ps2.6:77.3	yāvatā mahākaruṇāsamāpattiyā ñāṇaṁ …pe…
ps2.6:77.4	yāvatā sabbaññutaññāṇaṁ …pe…
ps2.6:77.5	yāvatā anāvaraṇaṁ ñāṇaṁ, ñātaṁ diṭṭhaṁ viditaṁ sacchikataṁ phassitaṁ paññāya.
ps2.6:77.6	Aphassitaṁ paññāya anāvaraṇaṁ ñāṇaṁ natthī’ti—
ps2.6:77.7	cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
ps2.6:77.8	Anāvaraṇe ñāṇe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
ps2.6:78.1	Chasu buddhadhammesu diyaḍḍhasataṁ dhammā, diyaḍḍhasataṁ atthā, tīṇi niruttisatāni, cha ñāṇasatāni.
ps2.6:79.1	Paṭisambhidādhikaraṇe aḍḍhanavadhammasatāni, aḍḍhanavaatthasatāni, niruttisahassañca satta ca niruttisatāni, tīṇi ca ñāṇasahassāni, cattāri ca ñāṇasatānīti.
ps2.6:79.2	Paṭisambhidākathā niṭṭhitā.
ps2.7:0.1	Paṭisambhidāmagga
ps2.7:0.2	2 Yuganaddhavagga
ps2.7:0.3	2.7. Dhammacakkakathā
ps2.7:1.0	2.7.1. Saccavāra
ps2.7:1.1	Ekaṁ samayaṁ bhagavā bārāṇasiyaṁ viharati …pe…
ps2.7:1.2	iti hidaṁ āyasmato koṇḍaññassa “aññāsikoṇḍañño” tveva nāmaṁ ahosi.
ps2.7:2.1	“Idaṁ dukkhaṁ ariyasaccan”ti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.7:3.1	Cakkhuṁ udapādīti—
ps2.7:3.2	kenaṭṭhena?
ps2.7:3.3	Ñāṇaṁ udapādīti—
ps2.7:3.4	kenaṭṭhena?
ps2.7:3.5	Paññā udapādīti—
ps2.7:3.6	kenaṭṭhena?
ps2.7:3.7	Vijjā udapādīti—
ps2.7:3.8	kenaṭṭhena?
ps2.7:3.9	Āloko udapādīti—
ps2.7:3.10	kenaṭṭhena?
ps2.7:3.11	<b>Cakkhuṁ udapādī</b>ti—
ps2.7:3.12	dassanaṭṭhena.
ps2.7:3.13	<b>Ñāṇaṁ udapādī</b>ti—
ps2.7:3.14	ñātaṭṭhena.
ps2.7:3.15	<b>Paññā udapādī</b>ti—
ps2.7:3.16	pajānanaṭṭhena.
ps2.7:3.17	<b>Vijjā udapādī</b>ti—
ps2.7:3.18	paṭivedhaṭṭhena.
ps2.7:3.19	<b>Āloko udapādī</b>ti—
ps2.7:3.20	obhāsaṭṭhena.
ps2.7:4.1	Cakkhuṁ dhammo, dassanaṭṭho attho.
ps2.7:4.2	Ñāṇaṁ dhammo, ñātaṭṭho attho.
ps2.7:4.3	Paññā dhammo, pajānanaṭṭho attho.
ps2.7:4.4	Vijjā dhammo, paṭivedhaṭṭho attho.
ps2.7:4.5	Āloko dhammo, obhāsaṭṭho attho.
ps2.7:4.6	Ime pañca dhammā pañca atthā dukkhavatthukā saccavatthukā saccārammaṇā saccagocarā saccasaṅgahitā saccapariyāpannā sacce samudāgatā sacce ṭhitā sacce patiṭṭhitā.
ps2.7:5.1	<b>Dhammacakkan</b>ti kenaṭṭhena dhammacakkaṁ?
ps2.7:5.2	Dhammañca pavatteti cakkañcāti—dhammacakkaṁ.
ps2.7:5.3	Cakkañca pavatteti dhammañcāti—dhammacakkaṁ.
ps2.7:5.4	Dhammena pavattetīti—dhammacakkaṁ.
ps2.7:5.5	Dhammacariyāya pavattetīti—dhammacakkaṁ.
ps2.7:5.6	Dhamme ṭhito pavattetīti—dhammacakkaṁ.
ps2.7:5.7	Dhamme patiṭṭhito pavattetīti—dhammacakkaṁ.
ps2.7:5.8	Dhamme patiṭṭhāpento pavattetīti—dhammacakkaṁ.
ps2.7:5.9	Dhamme vasippatto pavattetīti—dhammacakkaṁ.
ps2.7:5.10	Dhamme vasiṁ pāpento pavattetīti—dhammacakkaṁ.
ps2.7:5.11	Dhamme pāramippatto pavattetīti—dhammacakkaṁ.
ps2.7:5.12	Dhamme pāramiṁ pāpento pavattetīti—dhammacakkaṁ.
ps2.7:5.13	Dhamme vesārajjappatto pavattetīti—dhammacakkaṁ.
ps2.7:5.14	Dhamme vesārajjaṁ pāpento pavattetīti—dhammacakkaṁ.
ps2.7:5.15	Dhammaṁ sakkaronto pavattetīti—dhammacakkaṁ.
ps2.7:5.16	Dhammaṁ garuṁ karonto pavattetīti—dhammacakkaṁ.
ps2.7:5.17	Dhammaṁ mānento pavattetīti—dhammacakkaṁ.
ps2.7:5.18	Dhammaṁ pūjento pavattetīti—dhammacakkaṁ.
ps2.7:5.19	Dhammaṁ apacāyamāno pavattetīti—dhammacakkaṁ.
ps2.7:5.20	Dhammaddhajo pavattetīti—dhammacakkaṁ.
ps2.7:5.21	Dhammaketu pavattetīti—dhammacakkaṁ.
ps2.7:5.22	Dhammādhipateyyo pavattetīti—dhammacakkaṁ.
ps2.7:5.23	Taṁ kho pana dhammacakkaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasminti—dhammacakkaṁ.
ps2.7:6.1	Saddhindriyaṁ dhammo taṁ dhammaṁ pavattetīti—dhammacakkaṁ.
ps2.7:6.2	Vīriyindriyaṁ dhammo taṁ dhammaṁ pavattetīti—dhammacakkaṁ.
ps2.7:6.3	Satindriyaṁ dhammo taṁ dhammaṁ pavattetīti—dhammacakkaṁ.
ps2.7:6.4	Samādhindriyaṁ dhammo taṁ dhammaṁ pavattetīti—dhammacakkaṁ.
ps2.7:6.5	Paññindriyaṁ dhammo taṁ dhammaṁ pavattetīti—dhammacakkaṁ.
ps2.7:6.6	Saddhābalaṁ dhammo taṁ dhammaṁ pavattetīti—dhammacakkaṁ.
ps2.7:6.7	Vīriyabalaṁ dhammo taṁ dhammaṁ pavattetīti—dhammacakkaṁ.
ps2.7:6.8	Satibalaṁ dhammo taṁ dhammaṁ pavattetīti—dhammacakkaṁ.
ps2.7:6.9	Samādhibalaṁ dhammo taṁ dhammaṁ pavattetīti—dhammacakkaṁ.
ps2.7:6.10	Paññābalaṁ dhammo taṁ dhammaṁ pavattetīti—dhammacakkaṁ.
ps2.7:6.11	Satisambojjhaṅgo dhammo taṁ dhammaṁ pavattetīti—dhammacakkaṁ.
ps2.7:6.12	Dhammavicayasambojjhaṅgo dhammo taṁ dhammaṁ pavattetīti—dhammacakkaṁ.
ps2.7:6.13	Vīriyasambojjhaṅgo dhammo taṁ dhammaṁ pavattetīti—dhammacakkaṁ.
ps2.7:6.14	Pītisambojjhaṅgo dhammo taṁ dhammaṁ pavattetīti—dhammacakkaṁ.
ps2.7:6.15	Passaddhisambojjhaṅgo dhammo taṁ dhammaṁ pavattetīti—dhammacakkaṁ.
ps2.7:6.16	Samādhisambojjhaṅgo dhammo taṁ dhammaṁ pavattetīti—dhammacakkaṁ.
ps2.7:6.17	Upekkhāsambojjhaṅgo dhammo taṁ dhammaṁ pavattetīti—dhammacakkaṁ.
ps2.7:6.18	Sammādiṭṭhi dhammo taṁ dhammaṁ pavattetīti—dhammacakkaṁ.
ps2.7:6.19	Sammāsaṅkappo dhammo taṁ dhammaṁ pavattetīti—dhammacakkaṁ.
ps2.7:6.20	Sammāvācā dhammo taṁ dhammaṁ pavattetīti—dhammacakkaṁ.
ps2.7:6.21	Sammākammanto dhammo taṁ dhammaṁ pavattetīti—dhammacakkaṁ.
ps2.7:6.22	Sammāājīvo dhammo taṁ dhammaṁ pavattetīti—dhammacakkaṁ.
ps2.7:6.23	Sammāvāyāmo dhammo taṁ dhammaṁ pavattetīti—dhammacakkaṁ.
ps2.7:6.24	Sammāsati dhammo taṁ dhammaṁ pavattetīti—dhammacakkaṁ.
ps2.7:6.25	Sammāsamādhi dhammo taṁ dhammaṁ pavattetīti—dhammacakkaṁ.
ps2.7:7.1	Ādhipateyyaṭṭhena indriyaṁ dhammo taṁ dhammaṁ pavattetīti—dhammacakkaṁ.
ps2.7:7.2	Akampiyaṭṭhena balaṁ dhammo taṁ dhammaṁ pavattetīti—dhammacakkaṁ.
ps2.7:7.3	Niyyānikaṭṭhena bojjhaṅgo dhammo taṁ dhammaṁ pavattetīti—dhammacakkaṁ.
ps2.7:7.4	Hetuṭṭhena maggo dhammo taṁ dhammaṁ pavattetīti—dhammacakkaṁ.
ps2.7:7.5	Upaṭṭhānaṭṭhena satipaṭṭhānā dhammo taṁ dhammaṁ pavattetīti—dhammacakkaṁ.
ps2.7:7.6	Padahanaṭṭhena sammappadhānā dhammo taṁ dhammaṁ pavattetīti—dhammacakkaṁ.
ps2.7:7.7	Ijjhanaṭṭhena iddhipādā dhammo taṁ dhammaṁ pavattetīti—dhammacakkaṁ.
ps2.7:7.8	Tathaṭṭhena saccā dhammo taṁ dhammaṁ pavattetīti—dhammacakkaṁ.
ps2.7:7.9	Avikkhepaṭṭhena samatho dhammo taṁ dhammaṁ pavattetīti—dhammacakkaṁ.
ps2.7:7.10	Anupassanaṭṭhena vipassanā dhammo taṁ dhammaṁ pavattetīti—dhammacakkaṁ.
ps2.7:7.11	Ekarasaṭṭhena samathavipassanā dhammo taṁ dhammaṁ pavattetīti—dhammacakkaṁ.
ps2.7:7.12	Anativattanaṭṭhena yuganaddhaṁ dhammo taṁ dhammaṁ pavattetīti—dhammacakkaṁ.
ps2.7:7.13	Saṁvaraṭṭhena sīlavisuddhi dhammo taṁ dhammaṁ pavattetīti—dhammacakkaṁ.
ps2.7:7.14	Avikkhepaṭṭhena cittavisuddhi dhammo taṁ dhammaṁ pavattetīti—dhammacakkaṁ.
ps2.7:7.15	Dassanaṭṭhena diṭṭhivisuddhi dhammo taṁ dhammaṁ pavattetīti—dhammacakkaṁ.
ps2.7:7.16	Muttaṭṭhena vimokkho dhammo taṁ dhammaṁ pavattetīti—dhammacakkaṁ.
ps2.7:7.17	Paṭivedhaṭṭhena vijjā dhammo taṁ dhammaṁ pavattetīti—dhammacakkaṁ.
ps2.7:7.18	Pariccāgaṭṭhena vimutti dhammo taṁ dhammaṁ pavattetīti—dhammacakkaṁ.
ps2.7:7.19	Samucchedaṭṭhena khaye ñāṇaṁ dhammo taṁ dhammaṁ pavattetīti—dhammacakkaṁ.
ps2.7:7.20	Paṭippassaddhaṭṭhena anuppāde ñāṇaṁ dhammo taṁ dhammaṁ pavattetīti—dhammacakkaṁ.
ps2.7:7.21	Chando mūlaṭṭhena dhammo taṁ dhammaṁ pavattetīti—dhammacakkaṁ.
ps2.7:7.22	Manasikāro samuṭṭhānaṭṭhena dhammo taṁ dhammaṁ pavattetīti—dhammacakkaṁ.
ps2.7:7.23	Phasso samodhānaṭṭhena dhammo taṁ dhammaṁ pavattetīti—dhammacakkaṁ.
ps2.7:7.24	Vedanā samosaraṇaṭṭhena dhammo taṁ dhammaṁ pavattetīti—dhammacakkaṁ.
ps2.7:7.25	Samādhi pamukhaṭṭhena dhammo taṁ dhammaṁ pavattetīti—dhammacakkaṁ.
ps2.7:7.26	Sati ādhipateyyaṭṭhena dhammo taṁ dhammaṁ pavattetīti—dhammacakkaṁ.
ps2.7:7.27	Paññā taduttaraṭṭhena dhammo taṁ dhammaṁ pavattetīti—dhammacakkaṁ.
ps2.7:7.28	Vimutti sāraṭṭhena dhammo taṁ dhammaṁ pavattetīti—dhammacakkaṁ.
ps2.7:7.29	Amatogadhaṁ nibbānaṁ pariyosānaṭṭhena dhammo taṁ dhammaṁ pavattetīti—dhammacakkaṁ.
ps2.7:8.1	“Taṁ kho panidaṁ dukkhaṁ ariyasaccaṁ pariññeyyan”ti …pe…
ps2.7:8.2	pariññātanti pubbe ananussutesu dhammesu cakkhuṁ udapādi …pe…
ps2.7:8.3	āloko udapādi.
ps2.7:9.1	Cakkhuṁ udapādīti—
ps2.7:9.2	kenaṭṭhena …pe…
ps2.7:9.3	āloko udapādīti—
ps2.7:9.4	kenaṭṭhena?
ps2.7:9.5	<b>Cakkhuṁ udapādī</b>ti—
ps2.7:9.6	dassanaṭṭhena …pe…
ps2.7:9.7	<b>āloko udapādī</b>ti—
ps2.7:9.8	obhāsaṭṭhena.
ps2.7:9.9	Cakkhuṁ dhammo, dassanaṭṭho attho …pe…
ps2.7:9.10	āloko dhammo, obhāsaṭṭho attho.
ps2.7:9.11	Ime pañca dhammā pañca atthā dukkhavatthukā saccavatthukā saccārammaṇā saccagocarā saccasaṅgahitā saccapariyāpannā sacce samudāgatā sacce ṭhitā sacce patiṭṭhitā.
ps2.7:10.1	<b>Dhammacakkan</b>ti kenaṭṭhena dhammacakkaṁ?
ps2.7:10.2	Dhammañca pavatteti cakkañcāti—dhammacakkaṁ.
ps2.7:10.3	Cakkañca pavatteti dhammañcāti—dhammacakkaṁ.
ps2.7:10.4	Dhammena pavattetīti—dhammacakkaṁ.
ps2.7:10.5	Dhammacariyāya pavattetīti—dhammacakkaṁ.
ps2.7:10.6	Dhamme ṭhito pavattetīti—dhammacakkaṁ.
ps2.7:10.7	Dhamme patiṭṭhito pavattetīti—dhammacakkaṁ …pe…
ps2.7:10.8	amatogadhaṁ nibbānaṁ pariyosānaṭṭhena dhammo taṁ dhammaṁ pavattetīti—dhammacakkaṁ.
ps2.7:11.1	“Idaṁ dukkhasamudayaṁ ariyasaccan”ti pubbe ananussutesu dhammesu cakkhuṁ udapādi …pe…
ps2.7:11.2	āloko udapādi …pe…
ps2.7:11.3	“taṁ kho panidaṁ dukkhasamudayaṁ ariyasaccaṁ pahātabban”ti …pe…
ps2.7:11.4	“pahīnan”ti pubbe ananussutesu dhammesu cakkhuṁ udapādi …pe…
ps2.7:11.5	āloko udapādi.
ps2.7:12.1	Cakkhuṁ udapādīti—
ps2.7:12.2	kenaṭṭhena …pe…
ps2.7:12.3	āloko udapādīti—
ps2.7:12.4	kenaṭṭhena?
ps2.7:12.5	<b>Cakkhuṁ udapādī</b>ti—
ps2.7:12.6	dassanaṭṭhena …pe…
ps2.7:12.7	<b>āloko udapādī</b>ti—
ps2.7:12.8	obhāsaṭṭhena.
ps2.7:13.1	Cakkhuṁ dhammo, dassanaṭṭho attho …pe…
ps2.7:13.2	āloko dhammo, obhāsaṭṭho attho.
ps2.7:13.3	Ime pañca dhammā pañca atthā samudayavatthukā saccavatthukā …pe…
ps2.7:13.4	nirodhavatthukā saccavatthukā …pe…
ps2.7:13.5	maggavatthukā saccavatthukā saccārammaṇā saccagocarā saccasaṅgahitā saccapariyāpannā sacce samudāgatā sacce ṭhitā sacce patiṭṭhitā.
ps2.7:14.1	<b>Dhammacakkan</b>ti kenaṭṭhena dhammacakkaṁ?
ps2.7:14.2	Dhammañca pavatteti cakkañcāti—dhammacakkaṁ.
ps2.7:14.3	Cakkañca pavatteti dhammañcāti—dhammacakkaṁ.
ps2.7:14.4	Dhammena pavattetīti—dhammacakkaṁ.
ps2.7:14.5	Dhammacariyāya pavattetīti—dhammacakkaṁ.
ps2.7:14.6	Dhamme ṭhito pavattetīti—dhammacakkaṁ.
ps2.7:14.7	Dhamme patiṭṭhito pavattetīti—dhammacakkaṁ …pe…
ps2.7:14.8	amatogadhaṁ nibbānaṁ pariyosānaṭṭhena dhammo taṁ dhammaṁ pavattetīti—dhammacakkaṁ.
ps2.7:15.0	2.7.2. Satipaṭṭhānavāra
ps2.7:15.1	“‘Ayaṁ kāye kāyānupassanā’ti me, bhikkhave, pubbe ananussutesu dhammesu cakkhuṁ udapādi …pe…
ps2.7:15.2	āloko udapādi.
ps2.7:15.3	Sā kho panāyaṁ kāye kāyānupassanā bhāvetabbāti me, bhikkhave …pe…
ps2.7:15.4	bhāvitāti me, bhikkhave, pubbe ananussutesu dhammesu cakkhuṁ udapādi …pe…
ps2.7:15.5	āloko udapādi.
ps2.7:16.1	Ayaṁ vedanāsu …pe…
ps2.7:16.2	ayaṁ citte …
ps2.7:16.3	ayaṁ dhammesu dhammānupassanāti me, bhikkhave, pubbe ananussutesu dhammesu cakkhuṁ udapādi …pe…
ps2.7:16.4	āloko udapādi.
ps2.7:16.5	Sā kho panāyaṁ dhammesu dhammānupassanā bhāvetabbāti me, bhikkhave …pe…
ps2.7:16.6	bhāvitāti me, bhikkhave, pubbe ananussutesu dhammesu cakkhuṁ udapādi …pe…
ps2.7:16.7	āloko udapādi”.
ps2.7:17.1	“Ayaṁ kāye kāyānupassanā”ti pubbe ananussutesu dhammesu cakkhuṁ udapādi …pe…
ps2.7:17.2	āloko udapādi …pe…
ps2.7:17.3	sā kho panāyaṁ kāye kāyānupassanā bhāvetabbāti …pe…
ps2.7:17.4	bhāvitāti pubbe ananussutesu dhammesu cakkhuṁ udapādi …pe…
ps2.7:17.5	āloko udapādi.
ps2.7:18.1	Cakkhuṁ udapādīti—
ps2.7:18.2	kenaṭṭhena …pe…
ps2.7:18.3	āloko udapādīti—
ps2.7:18.4	kenaṭṭhena?
ps2.7:18.5	<b>Cakkhuṁ udapādī</b>ti—
ps2.7:18.6	dassanaṭṭhena …pe…
ps2.7:18.7	<b>āloko udapādī</b>ti—
ps2.7:18.8	obhāsaṭṭhena.
ps2.7:19.1	Cakkhuṁ dhammo, dassanaṭṭho attho …pe…
ps2.7:19.2	āloko dhammo, obhāsaṭṭho attho.
ps2.7:19.3	Ime pañca dhammā pañca atthā kāyavatthukā satipaṭṭhānavatthukā …pe…
ps2.7:19.4	vedanāvatthukā satipaṭṭhānavatthukā …
ps2.7:19.5	cittavatthukā satipaṭṭhānavatthukā …
ps2.7:19.6	dhammavatthukā satipaṭṭhānavatthukā satipaṭṭhānārammaṇā satipaṭṭhānagocarā satipaṭṭhānasaṅgahitā satipaṭṭhānapariyāpannā satipaṭṭhāne samudāgatā satipaṭṭhāne ṭhitā satipaṭṭhāne patiṭṭhitā.
ps2.7:20.1	<b>Dhammacakkan</b>ti kenaṭṭhena dhammacakkaṁ?
ps2.7:20.2	Dhammañca pavatteti cakkañcāti—dhammacakkaṁ.
ps2.7:20.3	Cakkañca pavatteti dhammañcāti—dhammacakkaṁ.
ps2.7:20.4	Dhammena pavattetīti—dhammacakkaṁ.
ps2.7:20.5	Dhammacariyāya pavattetīti—dhammacakkaṁ.
ps2.7:20.6	Dhamme ṭhito pavattetīti—dhammacakkaṁ.
ps2.7:20.7	Dhamme patiṭṭhito pavattetīti—dhammacakkaṁ …pe…
ps2.7:20.8	amatogadhaṁ nibbānaṁ pariyosānaṭṭhena dhammo taṁ dhammaṁ pavattetīti—dhammacakkaṁ.
ps2.7:21.0	2.7.3. Iddhipādavāra
ps2.7:21.1	“‘Ayaṁ chandasamādhipadhānasaṅkhārasamannāgato iddhipādo’ti me, bhikkhave pubbe ananussutesu dhammesu cakkhuṁ udapādi …pe…
ps2.7:21.2	āloko udapādi.
ps2.7:21.3	‘So kho panāyaṁ chandasamādhipadhānasaṅkhārasamannāgato iddhipādo bhāvetabbo’ti me, bhikkhave …pe…
ps2.7:21.4	bhāvitoti me, bhikkhave, pubbe ananussutesu dhammesu cakkhuṁ udapādi …pe…
ps2.7:21.5	āloko udapādi.
ps2.7:22.1	Ayaṁ vīriyasamādhi …pe…
ps2.7:22.2	ayaṁ cittasamādhi …pe…
ps2.7:22.3	ayaṁ vīmaṁsāsamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṁ udapādi …pe…
ps2.7:22.4	āloko udapādi.
ps2.7:22.5	So kho panāyaṁ vīmaṁsāsamādhipadhānasaṅkhārasamannāgato iddhipādo bhāvetabboti me, bhikkhave …pe…
ps2.7:22.6	bhāvitoti me, bhikkhave, pubbe ananussutesu dhammesu cakkhuṁ udapādi …pe…
ps2.7:22.7	āloko udapādi”.
ps2.7:23.1	“Ayaṁ chandasamādhipadhānasaṅkhārasamannāgato iddhipādo”ti pubbe ananussutesu dhammesu cakkhuṁ udapādi …pe…
ps2.7:23.2	āloko udapādi …pe…
ps2.7:23.3	so kho panāyaṁ chandasamādhipadhānasaṅkhārasamannāgato iddhipādo bhāvetabboti …pe…
ps2.7:23.4	bhāvitoti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
ps2.7:24.1	Cakkhuṁ udapādīti—
ps2.7:24.2	kenaṭṭhena?
ps2.7:24.3	Ñāṇaṁ udapādīti—
ps2.7:24.4	kenaṭṭhena?
ps2.7:24.5	Paññā udapādīti—
ps2.7:24.6	kenaṭṭhena?
ps2.7:24.7	Vijjā udapādīti—
ps2.7:24.8	kenaṭṭhena?
ps2.7:24.9	Āloko udapādīti—
ps2.7:24.10	kenaṭṭhena?
ps2.7:24.11	<b>Cakkhuṁ udapādī</b>ti—
ps2.7:24.12	dassanaṭṭhena.
ps2.7:24.13	<b>Ñāṇaṁ udapādī</b>ti—
ps2.7:24.14	ñātaṭṭhena.
ps2.7:24.15	<b>Paññā udapādī</b>ti—
ps2.7:24.16	pajānanaṭṭhena.
ps2.7:24.17	<b>Vijjā udapādī</b>ti—
ps2.7:24.18	paṭivedhaṭṭhena.
ps2.7:24.19	<b>Āloko udapādī</b>ti—
ps2.7:24.20	obhāsaṭṭhena.
ps2.7:25.1	Cakkhuṁ dhammo, dassanaṭṭho attho.
ps2.7:25.2	Ñāṇaṁ dhammo, ñātaṭṭho attho.
ps2.7:25.3	Paññā dhammo, pajānanaṭṭho attho.
ps2.7:25.4	Vijjā dhammo, paṭivedhaṭṭho attho.
ps2.7:25.5	Āloko dhammo, obhāsaṭṭho attho.
ps2.7:25.6	Ime pañca dhammā pañca atthā chandavatthukā iddhipādavatthukā iddhipādārammaṇā iddhipādagocarā iddhipādasaṅgahitā iddhipādapariyāpannā iddhipāde samudāgatā iddhipāde ṭhitā iddhipāde patiṭṭhitā.
ps2.7:26.1	<b>Dhammacakkan</b>ti kenaṭṭhena dhammacakkaṁ?
ps2.7:26.2	Dhammañca pavatteti cakkañcāti—dhammacakkaṁ.
ps2.7:26.3	Cakkañca pavatteti dhammañcāti—dhammacakkaṁ.
ps2.7:26.4	Dhammena pavattetīti—dhammacakkaṁ.
ps2.7:26.5	Dhammacariyāya pavattetīti—dhammacakkaṁ.
ps2.7:26.6	Dhamme ṭhito pavattetīti—dhammacakkaṁ.
ps2.7:26.7	Dhamme patiṭṭhito pavattetīti—dhammacakkaṁ.
ps2.7:26.8	Dhamme patiṭṭhāpento pavattetīti—dhammacakkaṁ.
ps2.7:26.9	Dhamme vasippatto pavattetīti—dhammacakkaṁ.
ps2.7:26.10	Dhamme vasiṁ pāpento pavattetīti—dhammacakkaṁ.
ps2.7:26.11	Dhamme pāramippatto pavattetīti—dhammacakkaṁ.
ps2.7:26.12	Dhamme pāramiṁ pāpento pavattetīti—dhammacakkaṁ …pe…
ps2.7:26.13	dhammaṁ apacāyamāno pavattetīti—dhammacakkaṁ.
ps2.7:26.14	Dhammaddhajo pavattetīti—dhammacakkaṁ.
ps2.7:26.15	Dhammaketu pavattetīti—dhammacakkaṁ.
ps2.7:26.16	Dhammādhipateyyo pavattetīti—dhammacakkaṁ.
ps2.7:26.17	Taṁ kho pana dhammacakkaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasminti—dhammacakkaṁ.
ps2.7:27.1	“Saddhindriyaṁ dhammo.
ps2.7:27.2	Taṁ dhammaṁ pavattetī”ti—dhammacakkaṁ …pe…
ps2.7:27.3	amatogadhaṁ nibbānaṁ pariyosānaṭṭhena dhammo.
ps2.7:27.4	Taṁ dhammaṁ pavattetīti—dhammacakkaṁ.
ps2.7:28.1	Ayaṁ vīriyasamādhipadhānasaṅkhārasamannāgato iddhipādoti pubbe ananussutesu dhammesu cakkhuṁ udapādi …pe…
ps2.7:28.2	āloko udapādi …pe…
ps2.7:28.3	so kho panāyaṁ vīriyasamādhipadhānasaṅkhārasamannāgato iddhipādo bhāvetabboti …pe…
ps2.7:28.4	bhāvitoti pubbe ananussutesu dhammesu cakkhuṁ udapādi …pe…
ps2.7:28.5	āloko udapādi.
ps2.7:29.1	Cakkhuṁ udapādīti—
ps2.7:29.2	kenaṭṭhena …pe…
ps2.7:29.3	āloko udapādīti—
ps2.7:29.4	kenaṭṭhena?
ps2.7:29.5	<b>Cakkhuṁ udapādī</b>ti—
ps2.7:29.6	dassanaṭṭhena …pe…
ps2.7:29.7	<b>āloko udapādī</b>ti—
ps2.7:29.8	obhāsaṭṭhena.
ps2.7:30.1	Cakkhuṁ dhammo, dassanaṭṭho attho …pe…
ps2.7:30.2	āloko dhammo, obhāsaṭṭho attho.
ps2.7:30.3	Ime pañca dhammā pañca atthā vīriyavatthukā iddhipādavatthukā …pe…
ps2.7:30.4	cittavatthukā iddhipādavatthukā …
ps2.7:30.5	vīmaṁsāvatthukā iddhipādavatthukā iddhipādārammaṇā iddhipādagocarā iddhipādasaṅgahitā iddhipādapariyāpannā iddhipāde samudāgatā iddhipāde ṭhitā iddhipāde patiṭṭhitā.
ps2.7:31.1	<b>Dhammacakkan</b>ti kenaṭṭhena dhammacakkaṁ?
ps2.7:31.2	Dhammañca pavatteti cakkañcāti—dhammacakkaṁ.
ps2.7:31.3	Cakkañca pavatteti dhammañcāti—dhammacakkaṁ.
ps2.7:31.4	Dhammena pavattetīti—dhammacakkaṁ.
ps2.7:31.5	Dhammacariyāya pavattetīti—dhammacakkaṁ.
ps2.7:31.6	Dhamme ṭhito pavattetīti—dhammacakkaṁ.
ps2.7:31.7	Dhamme patiṭṭhito pavattetīti—dhammacakkaṁ …pe…
ps2.7:31.8	amatogadhaṁ nibbānaṁ pariyosānaṭṭhena dhammo.
ps2.7:31.9	Taṁ dhammaṁ pavattetīti—dhammacakkanti.
ps2.7:31.10	Dhammacakkakathā niṭṭhitā.
ps2.8:0.1	Paṭisambhidāmagga
ps2.8:0.2	2 Yuganaddhavagga
ps2.8:0.3	2.8. Lokuttarakathā
ps2.8:1.1	Katame dhammā lokuttarā?
ps2.8:1.2	Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo, cattāro ariyamaggā, cattāri ca sāmaññaphalāni, nibbānañca—
ps2.8:1.3	ime dhammā lokuttarā.
ps2.8:2.1	<b>Lokuttarā</b>ti kenaṭṭhena lokuttarā?
ps2.8:2.2	Lokaṁ tarantīti—lokuttarā.
ps2.8:2.3	Lokā uttarantīti—lokuttarā.
ps2.8:2.4	Lokato uttarantīti—lokuttarā.
ps2.8:2.5	Lokamhā uttarantīti—lokuttarā.
ps2.8:2.6	Lokaṁ atikkamantīti—lokuttarā.
ps2.8:2.7	Lokaṁ samatikkamantīti—lokuttarā.
ps2.8:2.8	Lokaṁ samatikkantāti—lokuttarā.
ps2.8:2.9	Lokena atirekāti—lokuttarā.
ps2.8:2.10	Lokantaṁ tarantīti—lokuttarā.
ps2.8:2.11	Lokā nissarantīti—lokuttarā.
ps2.8:2.12	Lokato nissarantīti—lokuttarā.
ps2.8:2.13	Lokamhā nissarantīti—lokuttarā.
ps2.8:2.14	Lokā nissaṭāti—lokuttarā.
ps2.8:2.15	Lokena nissaṭāti—lokuttarā.
ps2.8:2.16	Lokamhā nissaṭāti—lokuttarā.
ps2.8:2.17	Loke na tiṭṭhantīti—lokuttarā.
ps2.8:2.18	Lokasmiṁ na tiṭṭhantīti—lokuttarā.
ps2.8:2.19	Loke na limpantīti—lokuttarā.
ps2.8:2.20	Lokena na limpantīti—lokuttarā.
ps2.8:2.21	Loke asaṁlittāti—lokuttarā.
ps2.8:2.22	Lokena asaṁlittāti—lokuttarā.
ps2.8:2.23	Loke anupalittāti—lokuttarā.
ps2.8:2.24	Lokena anupalittāti—lokuttarā.
ps2.8:2.25	Loke vippamuttāti—lokuttarā.
ps2.8:2.26	Lokena vippamuttāti—lokuttarā.
ps2.8:2.27	Lokā vippamuttāti—lokuttarā.
ps2.8:2.28	Lokato vippamuttāti—lokuttarā.
ps2.8:2.29	Lokamhā vippamuttāti—lokuttarā.
ps2.8:2.30	Loke visaññuttāti—lokuttarā.
ps2.8:2.31	Lokena visaññuttāti—lokuttarā.
ps2.8:2.32	Lokā visaññuttāti—lokuttarā.
ps2.8:2.33	Lokasmiṁ visaññuttāti—lokuttarā.
ps2.8:2.34	Lokato visaññuttāti—lokuttarā.
ps2.8:2.35	Lokamhā visaññuttāti—lokuttarā.
ps2.8:2.36	Lokā sujjhantīti—lokuttarā.
ps2.8:2.37	Lokato sujjhantīti—lokuttarā.
ps2.8:2.38	Lokamhā sujjhantīti—lokuttarā.
ps2.8:2.39	Lokā visujjhantīti—lokuttarā.
ps2.8:2.40	Lokato visujjhantīti—lokuttarā.
ps2.8:2.41	Lokamhā visujjhantīti—lokuttarā.
ps2.8:2.42	Lokā vuṭṭhahantīti—lokuttarā.
ps2.8:2.43	Lokato vuṭṭhahantīti—lokuttarā.
ps2.8:2.44	Lokamhā vuṭṭhahantīti—lokuttarā.
ps2.8:2.45	Lokā vivaṭṭantīti—lokuttarā.
ps2.8:2.46	Lokato vivaṭṭantīti—lokuttarā.
ps2.8:2.47	Lokamhā vivaṭṭantīti—lokuttarā.
ps2.8:2.48	Loke na sajjantīti—lokuttarā.
ps2.8:2.49	Loke na gayhantīti—lokuttarā.
ps2.8:2.50	Loke na bajjhantīti—lokuttarā.
ps2.8:2.51	Lokaṁ samucchindantīti—lokuttarā.
ps2.8:2.52	Lokaṁ samucchinnattāti—lokuttarā.
ps2.8:2.53	Lokaṁ paṭippassambhentīti—lokuttarā.
ps2.8:2.54	Lokaṁ paṭippassambhitattāti—lokuttarā.
ps2.8:2.55	Lokassa apathāti—lokuttarā.
ps2.8:2.56	Lokassa agatīti—lokuttarā.
ps2.8:2.57	Lokassa avisayāti—lokuttarā.
ps2.8:2.58	Lokassa asādhāraṇāti—lokuttarā.
ps2.8:2.59	Lokaṁ vamantīti—lokuttarā.
ps2.8:2.60	Lokaṁ na paccāvamantīti—lokuttarā.
ps2.8:2.61	Lokaṁ pajahantīti—lokuttarā.
ps2.8:2.62	Lokaṁ na upādiyantīti—lokuttarā.
ps2.8:2.63	Lokaṁ visinentīti—lokuttarā.
ps2.8:2.64	Lokaṁ na ussinentīti—lokuttarā.
ps2.8:2.65	Lokaṁ vidhūpentīti—lokuttarā.
ps2.8:2.66	Lokaṁ na sandhūpentīti—lokuttarā.
ps2.8:2.67	Lokaṁ samatikkamma abhibhuyya tiṭṭhantīti—lokuttarā.
ps2.8:2.68	Lokuttarakathā niṭṭhitā.
ps2.9:0.1	Paṭisambhidāmagga
ps2.9:0.2	Yuganaddhavagga
ps2.9:0.3	2.9. Balakathā
ps2.9:1.1	Sāvatthinidānaṁ.
ps2.9:1.2	“Pañcimāni, bhikkhave, balāni.
ps2.9:1.3	Katamāni pañca?
ps2.9:1.4	Saddhābalaṁ, vīriyabalaṁ, satibalaṁ, samādhibalaṁ, paññābalaṁ—
ps2.9:1.5	imāni kho, bhikkhave, pañca balāni.
ps2.9:2.1	Api ca aṭṭhasaṭṭhi balāni—
ps2.9:2.2	saddhābalaṁ, vīriyabalaṁ, satibalaṁ, samādhibalaṁ, paññābalaṁ, hiribalaṁ, ottappabalaṁ, paṭisaṅkhānabalaṁ, bhāvanābalaṁ, anavajjabalaṁ, saṅgahabalaṁ, khantibalaṁ, paññattibalaṁ, nijjhattibalaṁ, issariyabalaṁ, adhiṭṭhānabalaṁ, samathabalaṁ, vipassanābalaṁ, dasa sekhabalāni, dasa asekhabalāni, dasa khīṇāsavabalāni, dasa iddhibalāni, dasa tathāgatabalāni”.
ps2.9:3.1	Katamaṁ <b>saddhābalaṁ?</b>
ps2.9:3.2	Assaddhiye na kampatīti—saddhābalaṁ.
ps2.9:3.3	Sahajātānaṁ dhammānaṁ upatthambhanaṭṭhena saddhābalaṁ, kilesānaṁ pariyādānaṭṭhena saddhābalaṁ, paṭivedhādivisodhanaṭṭhena saddhābalaṁ, cittassa adhiṭṭhānaṭṭhena saddhābalaṁ, cittassa vodānaṭṭhena saddhābalaṁ, visesādhigamaṭṭhena saddhābalaṁ, uttaripaṭivedhaṭṭhena saddhābalaṁ, saccābhisamayaṭṭhena saddhābalaṁ, nirodhe patiṭṭhāpakaṭṭhena saddhābalaṁ.
ps2.9:3.4	Idaṁ saddhābalaṁ.
ps2.9:4.1	Katamaṁ <b>vīriyabalaṁ?</b>
ps2.9:4.2	Kosajje na kampatīti—vīriyabalaṁ.
ps2.9:4.3	Sahajātānaṁ dhammānaṁ upatthambhanaṭṭhena vīriyabalaṁ, kilesānaṁ pariyādānaṭṭhena vīriyabalaṁ, paṭivedhādivisodhanaṭṭhena vīriyabalaṁ, cittassa adhiṭṭhānaṭṭhena vīriyabalaṁ, cittassa vodānaṭṭhena vīriyabalaṁ, visesādhigamaṭṭhena vīriyabalaṁ, uttaripaṭivedhaṭṭhena vīriyabalaṁ, saccābhisamayaṭṭhena vīriyabalaṁ, nirodhe patiṭṭhāpakaṭṭhena vīriyabalaṁ.
ps2.9:4.4	Idaṁ vīriyabalaṁ.
ps2.9:5.1	Katamaṁ <b>satibalaṁ?</b>
ps2.9:5.2	Pamāde na kampatīti—satibalaṁ.
ps2.9:5.3	Sahajātānaṁ dhammānaṁ upatthambhanaṭṭhena satibalaṁ …pe…
ps2.9:5.4	nirodhe patiṭṭhāpakaṭṭhena satibalaṁ.
ps2.9:5.5	Idaṁ satibalaṁ.
ps2.9:6.1	Katamaṁ <b>samādhibalaṁ?</b>
ps2.9:6.2	Uddhacce na kampatīti—samādhibalaṁ.
ps2.9:6.3	Sahajātānaṁ dhammānaṁ upatthambhanaṭṭhena samādhibalaṁ …pe…
ps2.9:6.4	nirodhe patiṭṭhāpakaṭṭhena samādhibalaṁ.
ps2.9:6.5	Idaṁ samādhibalaṁ.
ps2.9:7.1	Katamaṁ <b>paññābalaṁ?</b>
ps2.9:7.2	Avijjāya na kampatīti—paññābalaṁ.
ps2.9:7.3	Sahajātānaṁ dhammānaṁ upatthambhanaṭṭhena paññābalaṁ …pe…
ps2.9:7.4	nirodhe patiṭṭhāpakaṭṭhena paññābalaṁ.
ps2.9:7.5	Idaṁ paññābalaṁ.
ps2.9:8.1	Katamaṁ <b>hiribalaṁ?</b>
ps2.9:8.2	Nekkhammena kāmacchandaṁ hirīyatīti—
ps2.9:8.3	hiribalaṁ.
ps2.9:8.4	Abyāpādena byāpādaṁ hirīyatīti—hiribalaṁ.
ps2.9:8.5	Ālokasaññāya thinamiddhaṁ hirīyatīti—hiribalaṁ.
ps2.9:8.6	Avikkhepena uddhaccaṁ hirīyatīti—hiribalaṁ.
ps2.9:8.7	Dhammavavatthānena vicikicchaṁ hirīyatīti—hiribalaṁ.
ps2.9:8.8	Ñāṇena avijjaṁ hirīyatīti—hiribalaṁ.
ps2.9:8.9	Pāmojjena aratiṁ hirīyatīti—hiribalaṁ.
ps2.9:8.10	Paṭhamena jhānena nīvaraṇe hirīyatīti—hiribalaṁ …pe…
ps2.9:8.11	arahattamaggena sabbakilese hirīyatīti—hiribalaṁ.
ps2.9:8.12	Idaṁ hiribalaṁ.
ps2.9:9.1	Katamaṁ <b>ottappabalaṁ?</b>
ps2.9:9.2	Nekkhammena kāmacchandaṁ ottappatīti—ottappabalaṁ.
ps2.9:9.3	Abyāpādena byāpādaṁ ottappatīti—ottappabalaṁ.
ps2.9:9.4	Ālokasaññāya thinamiddhaṁ ottappatīti— ottappabalaṁ.
ps2.9:9.5	Avikkhepena uddhaccaṁ ottappatīti—ottappabalaṁ.
ps2.9:9.6	Dhammavavatthānena vicikicchaṁ ottappatīti—ottappabalaṁ.
ps2.9:9.7	Ñāṇena avijjaṁ ottappatīti—ottappabalaṁ.
ps2.9:9.8	Pāmojjena aratiṁ ottappatīti—ottappabalaṁ.
ps2.9:9.9	Paṭhamena jhānena nīvaraṇe ottappatīti—ottappabalaṁ …pe…
ps2.9:9.10	arahattamaggena sabbakilese ottappatīti—ottappabalaṁ.
ps2.9:9.11	Idaṁ ottappabalaṁ.
ps2.9:10.1	Katamaṁ <b>paṭisaṅkhānabalaṁ?</b>
ps2.9:10.2	Nekkhammena kāmacchandaṁ paṭisaṅkhātīti—paṭisaṅkhānabalaṁ.
ps2.9:10.3	Abyāpādena byāpādaṁ paṭisaṅkhātīti—paṭisaṅkhānabalaṁ.
ps2.9:10.4	Ālokasaññāya thinamiddhaṁ paṭisaṅkhātīti—paṭisaṅkhānabalaṁ.
ps2.9:10.5	Avikkhepena uddhaccaṁ paṭisaṅkhātīti— paṭisaṅkhānabalaṁ.
ps2.9:10.6	Dhammavavatthānena vicikicchaṁ paṭisaṅkhātīti— paṭisaṅkhānabalaṁ.
ps2.9:10.7	Ñāṇena avijjaṁ paṭisaṅkhātīti—paṭisaṅkhānabalaṁ.
ps2.9:10.8	Pāmojjena aratiṁ paṭisaṅkhātīti—paṭisaṅkhānabalaṁ.
ps2.9:10.9	Paṭhamena jhānena nīvaraṇe paṭisaṅkhātīti—paṭisaṅkhānabalaṁ …pe…
ps2.9:10.10	arahattamaggena sabbakilese paṭisaṅkhātīti—paṭisaṅkhānabalaṁ.
ps2.9:10.11	Idaṁ paṭisaṅkhānabalaṁ.
ps2.9:11.1	Katamaṁ <b>bhāvanābalaṁ?</b>
ps2.9:11.2	Kāmacchandaṁ pajahanto nekkhammaṁ bhāvetīti—bhāvanābalaṁ.
ps2.9:11.3	Byāpādaṁ pajahanto abyāpādaṁ bhāvetīti—bhāvanābalaṁ.
ps2.9:11.4	Thinamiddhaṁ pajahanto ālokasaññaṁ bhāvetīti—bhāvanābalaṁ.
ps2.9:11.5	Uddhaccaṁ pajahanto avikkhepaṁ bhāvetīti— bhāvanābalaṁ.
ps2.9:11.6	Vicikicchaṁ pajahanto dhammavavatthānaṁ bhāvetīti—bhāvanābalaṁ.
ps2.9:11.7	Avijjaṁ pajahanto ñāṇaṁ bhāvetīti—bhāvanābalaṁ.
ps2.9:11.8	Aratiṁ pajahanto pāmojjaṁ bhāvetīti—bhāvanābalaṁ.
ps2.9:11.9	Nīvaraṇe pajahanto paṭhamaṁ jhānaṁ bhāvetīti— bhāvanābalaṁ …pe…
ps2.9:11.10	sabbakilese pajahanto arahattamaggaṁ bhāvetīti— bhāvanābalaṁ.
ps2.9:11.11	Idaṁ bhāvanābalaṁ.
ps2.9:12.1	Katamaṁ <b>anavajjabalaṁ?</b>
ps2.9:12.2	Kāmacchandassa pahīnattā nekkhamme natthi kiñci vajjanti—anavajjabalaṁ.
ps2.9:12.3	Byāpādassa pahīnattā abyāpāde natthi kiñci vajjanti—anavajjabalaṁ.
ps2.9:12.4	Thinamiddhassa pahīnattā ālokasaññāya natthi kiñci vajjanti—anavajjabalaṁ.
ps2.9:12.5	Uddhaccassa pahīnattā avikkhepe natthi kiñci vajjanti—anavajjabalaṁ.
ps2.9:12.6	Vicikicchāya pahīnattā dhammavavatthāne natthi kiñci vajjanti—anavajjabalaṁ.
ps2.9:12.7	Avijjāya pahīnattā ñāṇe natthi kiñci vajjanti—anavajjabalaṁ.
ps2.9:12.8	Aratiyā pahīnattā pāmojje natthi kiñci vajjanti anavajjabalaṁ.
ps2.9:12.9	Nīvaraṇānaṁ pahīnattā paṭhamajjhāne natthi kiñci vajjanti—anavajjabalaṁ …pe…
ps2.9:12.10	sabbakilesānaṁ pahīnattā arahattamagge natthi kiñci vajjanti—anavajjabalaṁ.
ps2.9:12.11	Idaṁ anavajjabalaṁ.
ps2.9:13.1	Katamaṁ <b>saṅgahabalaṁ?</b>
ps2.9:13.2	Kāmacchandaṁ pajahanto nekkhammavasena cittaṁ saṅgaṇhātīti—saṅgahabalaṁ.
ps2.9:13.3	Byāpādaṁ pajahanto abyāpādavasena cittaṁ saṅgaṇhātīti—saṅgahabalaṁ.
ps2.9:13.4	Thinamiddhaṁ pajahanto ālokasaññāvasena cittaṁ saṅgaṇhātīti—saṅgahabalaṁ …pe…
ps2.9:13.5	sabbakilese pajahanto arahattamaggavasena cittaṁ saṅgaṇhātīti—saṅgahabalaṁ.
ps2.9:13.6	Idaṁ saṅgahabalaṁ.
ps2.9:14.1	Katamaṁ <b>khantibalaṁ?</b>
ps2.9:14.2	Kāmacchandassa pahīnattā nekkhammaṁ khamatīti—khantibalaṁ.
ps2.9:14.3	Byāpādassa pahīnattā abyāpādo khamatīti—khantibalaṁ.
ps2.9:14.4	Thinamiddhassa pahīnattā ālokasaññā khamatīti—khantibalaṁ.
ps2.9:14.5	Uddhaccassa pahīnattā avikkhepo khamatīti— khantibalaṁ.
ps2.9:14.6	Vicikicchāya pahīnattā dhammavavatthānaṁ khamatīti—khantibalaṁ.
ps2.9:14.7	Avijjāya pahīnattā ñāṇaṁ khamatīti—khantibalaṁ.
ps2.9:14.8	Aratiyā pahīnattā pāmojjaṁ khamatīti—khantibalaṁ.
ps2.9:14.9	Nīvaraṇānaṁ pahīnattā paṭhamaṁ jhānaṁ khamatīti— khantibalaṁ …pe…
ps2.9:14.10	sabbakilesānaṁ pahīnattā arahattamaggo khamatīti— khantibalaṁ.
ps2.9:14.11	Idaṁ khantibalaṁ.
ps2.9:15.1	Katamaṁ <b>paññattibalaṁ?</b>
ps2.9:15.2	Kāmacchandaṁ pajahanto nekkhammavasena cittaṁ paññāpetīti—
ps2.9:15.3	paññattibalaṁ.
ps2.9:15.4	Byāpādaṁ pajahanto abyāpādavasena cittaṁ paññāpetīti—paññattibalaṁ.
ps2.9:15.5	Thinamiddhaṁ pajahanto ālokasaññāvasena cittaṁ paññāpetīti—paññattibalaṁ …pe…
ps2.9:15.6	sabbakilese pajahanto arahattamaggavasena cittaṁ paññāpetīti—paññattibalaṁ.
ps2.9:15.7	Idaṁ paññattibalaṁ.
ps2.9:16.1	Katamaṁ <b>nijjhattibalaṁ?</b>
ps2.9:16.2	Kāmacchandaṁ pajahanto nekkhammavasena cittaṁ nijjhāpetīti—nijjhattibalaṁ.
ps2.9:16.3	Byāpādaṁ pajahanto abyāpādavasena cittaṁ nijjhāpetīti—nijjhattibalaṁ.
ps2.9:16.4	Thinamiddhaṁ pajahanto ālokasaññāvasena cittaṁ nijjhāpetīti— nijjhattibalaṁ …pe…
ps2.9:16.5	sabbakilese pajahanto arahattamaggavasena cittaṁ nijjhāpetīti—nijjhattibalaṁ.
ps2.9:16.6	Idaṁ nijjhattibalaṁ.
ps2.9:17.1	Katamaṁ <b>issariyabalaṁ?</b>
ps2.9:17.2	Kāmacchandaṁ pajahanto nekkhammavasena cittaṁ vasaṁ vattetīti—issariyabalaṁ.
ps2.9:17.3	Byāpādaṁ pajahanto abyāpādavasena cittaṁ vasaṁ vattetīti—issariyabalaṁ.
ps2.9:17.4	Thinamiddhaṁ pajahanto ālokasaññāvasena cittaṁ vasaṁ vattetīti— issariyabalaṁ …pe…
ps2.9:17.5	sabbakilese pajahanto arahattamaggavasena cittaṁ vasaṁ vattetīti—issariyabalaṁ.
ps2.9:17.6	Idaṁ issariyabalaṁ.
ps2.9:18.1	Katamaṁ <b>adhiṭṭhānabalaṁ?</b>
ps2.9:18.2	Kāmacchandaṁ pajahanto nekkhammavasena cittaṁ adhiṭṭhātīti—adhiṭṭhānabalaṁ.
ps2.9:18.3	Byāpādaṁ pajahanto abyāpādavasena cittaṁ adhiṭṭhātīti—adhiṭṭhānabalaṁ.
ps2.9:18.4	Thinamiddhaṁ pajahanto ālokasaññāvasena cittaṁ adhiṭṭhātīti— adhiṭṭhānabalaṁ …pe…
ps2.9:18.5	sabbakilese pajahanto arahattamaggavasena cittaṁ adhiṭṭhātīti—adhiṭṭhānabalaṁ.
ps2.9:18.6	Idaṁ adhiṭṭhānabalaṁ.
ps2.9:19.1	Katamaṁ <b>samathabalaṁ?</b>
ps2.9:19.2	Nekkhammavasena cittassa ekaggatā avikkhepo samathabalaṁ, abyāpādavasena cittassa ekaggatā avikkhepo samathabalaṁ, ālokasaññāvasena cittassa ekaggatā avikkhepo samathabalaṁ …pe…
ps2.9:19.3	paṭinissaggānupassī assāsavasena cittassa ekaggatā avikkhepo samathabalaṁ, paṭinissaggānupassī passāsavasena cittassa ekaggatā avikkhepo samathabalaṁ.
ps2.9:20.1	<b>Samathabalan</b>ti kenaṭṭhena samathabalaṁ?
ps2.9:20.2	Paṭhamena jhānena nīvaraṇe na kampatīti— samathabalaṁ.
ps2.9:20.3	Dutiyena jhānena vitakkavicāre na kampatīti—samathabalaṁ.
ps2.9:20.4	Tatiyena jhānena pītiyā na kampatīti—samathabalaṁ.
ps2.9:20.5	Catutthena jhānena sukhadukkhe na kampatīti—samathabalaṁ.
ps2.9:20.6	Ākāsānañcāyatanasamāpattiyā rūpasaññāya paṭighasaññāya nānattasaññāya na kampatīti—samathabalaṁ.
ps2.9:20.7	Viññāṇañcāyatanasamāpattiyā ākāsānañcāyatanasaññāya na kampatīti— samathabalaṁ.
ps2.9:20.8	Ākiñcaññāyatanasamāpattiyā viññāṇañcāyatanasaññāya na kampatīti— samathabalaṁ.
ps2.9:20.9	Nevasaññānāsaññāyatanasamāpattiyā ākiñcaññāyatanasaññāya na kampatīti—samathabalaṁ.
ps2.9:20.10	Uddhacce ca uddhaccasahagatakilese ca khandhe ca na kampati na calati na vedhatīti—samathabalaṁ.
ps2.9:20.11	Idaṁ samathabalaṁ.
ps2.9:21.1	Katamaṁ <b>vipassanābalaṁ</b>?
ps2.9:21.2	Aniccānupassanā vipassanābalaṁ, dukkhānupassanā vipassanābalaṁ …pe…
ps2.9:21.3	paṭinissaggānupassanā vipassanābalaṁ, rūpe aniccānupassanā vipassanābalaṁ, rūpe dukkhānupassanā vipassanābalaṁ …pe…
ps2.9:21.4	rūpe paṭinissaggānupassanā vipassanābalaṁ, vedanāya …pe…
ps2.9:21.5	saññāya …
ps2.9:21.6	saṅkhāresu …
ps2.9:21.7	viññāṇe …
ps2.9:21.8	cakkhusmiṁ …pe…
ps2.9:21.9	jarāmaraṇe aniccānupassanā vipassanābalaṁ, jarāmaraṇe dukkhānupassanā vipassanābalaṁ …pe…
ps2.9:21.10	jarāmaraṇe paṭinissaggānupassanā vipassanābalaṁ.
ps2.9:21.11	<b>Vipassanābalan</b>ti kenaṭṭhena vipassanābalaṁ?
ps2.9:21.12	Aniccānupassanāya niccasaññāya na kampatīti— vipassanābalaṁ.
ps2.9:21.13	Dukkhānupassanāya sukhasaññāya na kampatīti—vipassanābalaṁ.
ps2.9:21.14	Anattānupassanāya attasaññāya kampatīti—vipassanābalaṁ.
ps2.9:21.15	Nibbidānupassanāya nandiyā na kampatīti—vipassanābalaṁ.
ps2.9:21.16	Virāgānupassanāya rāge na kampatīti— vipassanābalaṁ.
ps2.9:21.17	Nirodhānupassanāya samudaye na kampatīti—vipassanābalaṁ.
ps2.9:21.18	Paṭinissaggānupassanāya ādāne na kampatīti—vipassanābalaṁ.
ps2.9:21.19	Avijjāya ca avijjāsahagatakilese ca khandhe ca na kampati na calati na vedhatīti— vipassanābalaṁ.
ps2.9:21.20	Idaṁ vipassanābalaṁ.
ps2.9:22.1	Katamāni <b>dasa sekhabalāni, dasa asekhabalāni?</b>
ps2.9:22.2	Sammādiṭṭhiṁ sikkhatīti—sekhabalaṁ.
ps2.9:22.3	Tattha sikkhitattā asekhabalaṁ.
ps2.9:22.4	Sammāsaṅkappaṁ sikkhatīti—sekhabalaṁ.
ps2.9:22.5	Tattha sikkhitattā—
ps2.9:22.6	asekhabalaṁ.
ps2.9:22.7	Sammāvācaṁ …pe…
ps2.9:22.8	sammākammantaṁ …
ps2.9:22.9	sammāājīvaṁ …
ps2.9:22.10	sammāvāyāmaṁ …
ps2.9:22.11	sammāsatiṁ …
ps2.9:22.12	sammāsamādhiṁ …
ps2.9:22.13	sammāñāṇaṁ …pe…
ps2.9:22.14	sammāvimuttiṁ sikkhatīti—sekhabalaṁ.
ps2.9:22.15	Tattha sikkhitattā—
ps2.9:22.16	asekhabalaṁ.
ps2.9:22.17	Imāni dasa sekhabalāni, dasa asekhabalāni.
ps2.9:23.1	Katamāni <b>dasa khīṇāsavabalāni?</b>
ps2.9:23.2	Idha khīṇāsavassa bhikkhuno aniccato sabbe saṅkhārā yathābhūtaṁ sammappaññāya sudiṭṭhā honti.
ps2.9:23.3	Yampi khīṇāsavassa bhikkhuno aniccato sabbe saṅkhārā yathābhūtaṁ sammappaññāya sudiṭṭhā honti, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti.
ps2.9:24.1	Puna caparaṁ khīṇāsavassa bhikkhuno aṅgārakāsūpamā kāmā yathābhūtaṁ sammappaññāya sudiṭṭhā honti.
ps2.9:24.2	Yampi khīṇāsavassa bhikkhuno aṅgārakāsūpamā kāmā yathābhūtaṁ sammappaññāya sudiṭṭhā honti, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti.
ps2.9:25.1	Puna caparaṁ khīṇāsavassa bhikkhuno vivekaninnaṁ cittaṁ hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ byantībhūtaṁ sabbaso āsavaṭṭhāniyehi dhammehi.
ps2.9:25.2	Yampi khīṇāsavassa bhikkhuno vivekaninnaṁ cittaṁ hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ byantībhūtaṁ sabbaso āsavaṭṭhāniyehi dhammehi, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti.
ps2.9:26.1	Puna caparaṁ khīṇāsavassa bhikkhuno cattāro satipaṭṭhānā bhāvitā honti subhāvitā.
ps2.9:26.2	Yampi khīṇāsavassa bhikkhuno cattāro satipaṭṭhānā bhāvitā honti subhāvitā, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti.
ps2.9:27.1	Puna caparaṁ khīṇāsavassa bhikkhuno cattāro sammappadhānā bhāvitā honti subhāvitā …pe…
ps2.9:27.2	cattāro iddhipādā bhāvitā honti subhāvitā …
ps2.9:27.3	pañcindriyāni bhāvitāni honti subhāvitāni …
ps2.9:27.4	pañca balāni bhāvitāni honti subhāvitāni …
ps2.9:27.5	satta bojjhaṅgā bhāvitā honti subhāvitā …pe…
ps2.9:27.6	ariyo aṭṭhaṅgiko maggo bhāvito hoti subhāvito.
ps2.9:27.7	Yampi khīṇāsavassa bhikkhuno aṭṭhaṅgiko maggo bhāvito hoti subhāvito, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti.
ps2.9:27.8	Imāni dasa khīṇāsavabalāni.
ps2.9:28.1	Katamāni <b>dasa iddhibalāni?</b>
ps2.9:28.2	Adhiṭṭhānā iddhi, vikubbanā iddhi, manomayā iddhi, ñāṇavipphārā iddhi, samādhivipphārā iddhi, ariyā iddhi, kammavipākajā iddhi, puññavato iddhi, vijjāmayā iddhi, tattha tattha sammā payogappaccayā ijjhanaṭṭhena iddhi—
ps2.9:28.3	imāni dasa iddhibalāni.
ps2.9:29.1	Katamāni <b>dasa tathāgatabalāni?</b>
ps2.9:29.2	Idha tathāgato ṭhānañca ṭhānato aṭṭhānañca aṭṭhānato yathābhūtaṁ pajānāti.
ps2.9:29.3	Yampi tathāgato ṭhānañca ṭhānato aṭṭhānañca aṭṭhānato yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti parisāsu sīhanādaṁ nadati, brahmacakkaṁ pavatteti.
ps2.9:30.1	Puna caparaṁ tathāgato atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ pajānāti.
ps2.9:30.2	Yampi tathāgato atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ, nadati, brahmacakkaṁ pavatteti.
ps2.9:31.1	Puna caparaṁ tathāgato sabbatthagāminiṁ paṭipadaṁ yathābhūtaṁ pajānāti.
ps2.9:31.2	Yampi tathāgato sabbatthagāminiṁ paṭipadaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
ps2.9:32.1	Puna caparaṁ tathāgato anekadhātuṁ nānādhātuṁ lokaṁ yathābhūtaṁ pajānāti.
ps2.9:32.2	Yampi tathāgato anekadhātuṁ nānādhātuṁ lokaṁ yathābhūtaṁ pajānāti, idampi tathāgatassa …pe….
ps2.9:33.1	Puna caparaṁ tathāgato sattānaṁ nānādhimuttikataṁ yathābhūtaṁ pajānāti.
ps2.9:33.2	Yampi tathāgato sattānaṁ nānādhimuttikataṁ yathābhūtaṁ pajānāti, idampi tathāgatassa …pe….
ps2.9:34.1	Puna caparaṁ tathāgato parasattānaṁ parapuggalānaṁ indriyaparopariyattaṁ yathābhūtaṁ pajānāti.
ps2.9:34.2	Yampi tathāgato parasattānaṁ parapuggalānaṁ indriyaparopariyattaṁ yathābhūtaṁ pajānāti, idampi tathāgatassa …pe….
ps2.9:35.1	Puna caparaṁ tathāgato jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ pajānāti.
ps2.9:35.2	Yampi tathāgato jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ pajānāti, idampi tathāgatassa …pe….
ps2.9:36.1	Puna caparaṁ tathāgato anekavihitaṁ pubbenivāsaṁ anussarati, seyyathidaṁ—
ps2.9:36.2	ekampi jātiṁ dvepi jātiyo …pe…
ps2.9:36.3	iti sākāraṁ sauddesaṁ anekavihitaṁ pubbenivāsaṁ anussarati.
ps2.9:36.4	Yampi tathāgato anekavihitaṁ pubbenivāsaṁ anussarati.
ps2.9:36.5	Seyyathidaṁ—
ps2.9:36.6	ekampi jātiṁ dvepi jātiyo …pe…
ps2.9:36.7	idampi tathāgatassa …pe….
ps2.9:37.1	Puna caparaṁ tathāgato dibbena cakkhunā visuddhena atikkantamānusakena satte passati cavamāne upapajjamāne …pe…
ps2.9:37.2	yampi tathāgato dibbena cakkhunā visuddhena atikkantamānusakena satte passati cavamāne upapajjamāne …pe…
ps2.9:37.3	idampi tathāgatassa …pe….
ps2.9:38.1	Puna caparaṁ tathāgato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
ps2.9:38.2	Yampi tathāgato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
ps2.9:38.3	Imāni dasa tathāgatabalāni.
ps2.9:39.1	Kenaṭṭhena saddhābalaṁ?
ps2.9:39.2	Kenaṭṭhena vīriyabalaṁ?
ps2.9:39.3	Kenaṭṭhena satibalaṁ?
ps2.9:39.4	Kenaṭṭhena samādhibalaṁ?
ps2.9:39.5	Kenaṭṭhena paññābalaṁ?
ps2.9:39.6	Kenaṭṭhena hiribalaṁ?
ps2.9:39.7	Kenaṭṭhena ottappabalaṁ?
ps2.9:39.8	Kenaṭṭhena paṭisaṅkhānabalaṁ …pe…
ps2.9:39.9	kenaṭṭhena tathāgatabalaṁ?
ps2.9:40.1	Assaddhiye akampiyaṭṭhena saddhābalaṁ.
ps2.9:40.2	Kosajje akampiyaṭṭhena vīriyabalaṁ.
ps2.9:40.3	Pamāde akampiyaṭṭhena satibalaṁ.
ps2.9:40.4	Uddhacce akampiyaṭṭhena samādhibalaṁ.
ps2.9:40.5	Avijjāya akampiyaṭṭhena paññābalaṁ.
ps2.9:40.6	Hirīyati pāpake akusale dhammeti—hiribalaṁ.
ps2.9:40.7	Ottappati pāpake akusale dhammeti—ottappabalaṁ.
ps2.9:40.8	Ñāṇena kilese paṭisaṅkhātīti—paṭisaṅkhānabalaṁ.
ps2.9:40.9	Tattha jātā dhammā ekarasā hontīti— bhāvanābalaṁ.
ps2.9:40.10	Tattha natthi kiñci vajjanti—anavajjabalaṁ.
ps2.9:40.11	Tena cittaṁ saṅgaṇhātīti—saṅgahabalaṁ.
ps2.9:40.12	Taṁ tassa khamatīti—
ps2.9:40.13	khantibalaṁ.
ps2.9:40.14	Tena cittaṁ paññapetīti—paññattibalaṁ.
ps2.9:40.15	Tena cittaṁ nijjhāpetīti—nijjhattibalaṁ.
ps2.9:40.16	Tena cittaṁ vasaṁ vattetīti—issariyabalaṁ.
ps2.9:40.17	Tena cittaṁ adhiṭṭhātīti— adhiṭṭhānabalaṁ.
ps2.9:40.18	Tena cittaṁ ekagganti—samathabalaṁ.
ps2.9:40.19	Tattha jāte dhamme anupassatīti—vipassanābalaṁ.
ps2.9:40.20	Tattha sikkhatīti—sekhabalaṁ.
ps2.9:40.21	Tattha sikkhitattā—
ps2.9:40.22	asekhabalaṁ.
ps2.9:40.23	Tena āsavā khīṇāti—khīṇāsavabalaṁ.
ps2.9:40.24	Tassa ijjhatīti—iddhibalaṁ.
ps2.9:40.25	Appameyyaṭṭhena tathāgatabalanti.
ps2.9:40.26	Balakathā niṭṭhitā.
ps2.10:0.1	Paṭisambhidāmagga
ps2.10:0.2	2 Yuganaddhavagga
ps2.10:0.3	2.10. Suññakathā
ps2.10:1.1	Evaṁ me sutaṁ—
ps2.10:1.2	ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ps2.10:1.3	Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.
ps2.10:1.4	Ekamantaṁ nisinno kho āyasmā ānando bhagavantaṁ etadavoca—
ps2.10:2.1	“‘Suñño loko, suñño loko’ti, bhante, vuccati.
ps2.10:2.2	Kittāvatā nu kho, bhante, ‘suñño loko’ti vuccatī”ti?
ps2.10:2.3	“Yasmā kho, ānanda, suññaṁ attena vā attaniyena vā, tasmā ‘suñño loko’ti vuccati.
ps2.10:2.4	Kiñcānanda, suññaṁ attena vā attaniyena vā?
ps2.10:2.5	Cakkhu kho, ānanda, suññaṁ attena vā attaniyena vā.
ps2.10:2.6	Rūpā suññā attena vā attaniyena vā.
ps2.10:2.7	Cakkhuviññāṇaṁ suññaṁ attena vā attaniyena vā.
ps2.10:2.8	Cakkhusamphasso suñño attena vā attaniyena vā.
ps2.10:2.9	Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi suññaṁ attena vā attaniyena vā.
ps2.10:3.1	Sotaṁ suññaṁ …pe…
ps2.10:3.2	saddā suññā …
ps2.10:3.3	ghānaṁ suññaṁ …
ps2.10:3.4	gandhā suññā …
ps2.10:3.5	jivhā suññā …
ps2.10:3.6	rasā suññā …
ps2.10:3.7	kāyo suñño …
ps2.10:3.8	phoṭṭhabbā suññā …
ps2.10:3.9	mano suñño attena vā attaniyena vā.
ps2.10:3.10	Dhammā suññā attena vā attaniyena vā.
ps2.10:3.11	Manoviññāṇaṁ suññaṁ attena vā attaniyena vā.
ps2.10:3.12	Manosamphasso suñño attena vā attaniyena vā.
ps2.10:3.13	Yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi suññaṁ attena vā attaniyena vā.
ps2.10:3.14	Yasmā kho, ānanda, suññaṁ attena vā attaniyena vā tasmā ‘suñño loko’ti vuccatī”ti.
ps2.10:4.0	10.1. Mātikā
ps2.10:4.1	Suññasuññaṁ, saṅkhārasuññaṁ, vipariṇāmasuññaṁ, aggasuññaṁ, lakkhaṇasuññaṁ, vikkhambhanasuññaṁ, tadaṅgasuññaṁ, samucchedasuññaṁ, paṭippassaddhisuññaṁ, nissaraṇasuññaṁ, ajjhattasuññaṁ, bahiddhāsuññaṁ, dubhatosuññaṁ, sabhāgasuññaṁ, visabhāgasuññaṁ, esanāsuññaṁ, pariggahasuññaṁ, paṭilābhasuññaṁ, paṭivedhasuññaṁ, ekattasuññaṁ, nānattasuññaṁ, khantisuññaṁ, adhiṭṭhānasuññaṁ, pariyogāhaṇasuññaṁ, sampajānassa pavattapariyādānaṁ sabbasuññatānaṁ paramatthasuññaṁ. [25]
ps2.10:5.0	10.2. Niddesa
ps2.10:5.1	Katamaṁ <b>suññasuññaṁ?</b>
ps2.10:5.2	Cakkhu suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
ps2.10:5.3	Sotaṁ suññaṁ …pe…
ps2.10:5.4	ghānaṁ suññaṁ …
ps2.10:5.5	jivhā suññā …
ps2.10:5.6	kāyo suñño …
ps2.10:5.7	mano suñño attena vā attaniyena vā niccena vā dhuvena vā sassatena vā avipariṇāmadhammena vā.
ps2.10:5.8	Idaṁ suññasuññaṁ.
ps2.10:6.1	Katamaṁ <b>saṅkhārasuññaṁ?</b>
ps2.10:6.2	Tayo saṅkhārā—
ps2.10:6.3	puññābhisaṅkhāro, apuññābhisaṅkhāro, āneñjābhisaṅkhāro.
ps2.10:6.4	Puññābhisaṅkhāro apuññābhisaṅkhārena ca āneñjābhisaṅkhārena ca suñño.
ps2.10:6.5	Apuññābhisaṅkhāro puññābhisaṅkhārena ca āneñjābhisaṅkhārena ca suñño.
ps2.10:6.6	Āneñjābhisaṅkhāro puññābhisaṅkhārena ca apuññābhisaṅkhārena ca suñño.
ps2.10:6.7	Ime tayo saṅkhārā.
ps2.10:7.1	Aparepi tayo saṅkhārā—
ps2.10:7.2	kāyasaṅkhāro, vacīsaṅkhāro, cittasaṅkhāro.
ps2.10:7.3	Kāyasaṅkhāro vacīsaṅkhārena ca cittasaṅkhārena ca suñño.
ps2.10:7.4	Vacīsaṅkhāro kāyasaṅkhārena ca cittasaṅkhārena ca suñño.
ps2.10:7.5	Cittasaṅkhāro kāyasaṅkhārena ca vacīsaṅkhārena ca suñño.
ps2.10:7.6	Ime tayo saṅkhārā.
ps2.10:8.1	Aparepi tayo saṅkhārā—
ps2.10:8.2	atītā saṅkhārā, anāgatā saṅkhārā, paccuppannā saṅkhārā.
ps2.10:8.3	Atītā saṅkhārā anāgatehi ca paccuppannehi ca saṅkhārehi suññā.
ps2.10:8.4	Anāgatā saṅkhārā atītehi ca paccuppannehi ca saṅkhārehi suññā paccuppannā saṅkhārā atītehi ca anāgatehi ca saṅkhārehi suññā.
ps2.10:8.5	Ime tayo saṅkhārā;
ps2.10:8.6	idaṁ saṅkhārasuññaṁ.
ps2.10:9.1	Katamaṁ <b>vipariṇāmasuññaṁ?</b>
ps2.10:9.2	Jātaṁ rūpaṁ sabhāvena suññaṁ.
ps2.10:9.3	Vigataṁ rūpaṁ vipariṇatañceva suññañca.
ps2.10:9.4	Jātā vedanā sabhāvena suññā.
ps2.10:9.5	Vigatā vedanā vipariṇatā ceva suññā ca …pe…
ps2.10:9.6	jātā saññā …
ps2.10:9.7	jātā saṅkhārā …
ps2.10:9.8	jātaṁ viññāṇaṁ …
ps2.10:9.9	jātaṁ cakkhu …pe…
ps2.10:9.10	jāto bhavo sabhāvena suñño.
ps2.10:9.11	Vigato bhavo vipariṇato ceva suñño ca.
ps2.10:9.12	Idaṁ vipariṇāmasuññaṁ.
ps2.10:10.1	Katamaṁ <b>aggasuññaṁ?</b>
ps2.10:10.2	Aggametaṁ padaṁ seṭṭhametaṁ padaṁ visiṭṭhametaṁ padaṁ yadidaṁ sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.
ps2.10:10.3	Idaṁ aggasuññaṁ.
ps2.10:11.1	Katamaṁ <b>lakkhaṇasuññaṁ?</b>
ps2.10:11.2	Dve lakkhaṇāni—
ps2.10:11.3	bālalakkhaṇañca paṇḍitalakkhaṇañca.
ps2.10:11.4	Bālalakkhaṇaṁ paṇḍitalakkhaṇena suññaṁ.
ps2.10:11.5	Paṇḍitalakkhaṇaṁ bālalakkhaṇena suññaṁ.
ps2.10:11.6	Tīṇi lakkhaṇāni—
ps2.10:11.7	uppādalakkhaṇaṁ, vayalakkhaṇaṁ, ṭhitaññathattalakkhaṇaṁ.
ps2.10:11.8	Uppādalakkhaṇaṁ vayalakkhaṇena ca ṭhitaññathattalakkhaṇena ca suññaṁ.
ps2.10:11.9	Vayalakkhaṇaṁ uppādalakkhaṇena ca ṭhitaññathattalakkhaṇena ca suññaṁ, ṭhitaññathattalakkhaṇaṁ uppādalakkhaṇena ca vayalakkhaṇena ca suññaṁ.
ps2.10:12.1	Rūpassa uppādalakkhaṇaṁ vayalakkhaṇena ca ṭhitaññathattalakkhaṇena ca suññaṁ.
ps2.10:12.2	Rūpassa vayalakkhaṇaṁ uppādalakkhaṇena ca ṭhitaññathattalakkhaṇena ca suññaṁ.
ps2.10:12.3	Rūpassa ṭhitaññathattalakkhaṇaṁ uppādalakkhaṇena ca vayalakkhaṇena ca suññaṁ.
ps2.10:12.4	Vedanāya …pe…
ps2.10:12.5	saññāya …
ps2.10:12.6	saṅkhārānaṁ …
ps2.10:12.7	viññāṇassa …
ps2.10:12.8	cakkhussa …
ps2.10:12.9	jarāmaraṇassa uppādalakkhaṇaṁ vayalakkhaṇena ca ṭhitaññathattalakkhaṇena ca suññaṁ.
ps2.10:12.10	Jarāmaraṇassa vayalakkhaṇaṁ uppādalakkhaṇena ca ṭhitaññathattalakkhaṇena ca suññaṁ.
ps2.10:12.11	Jarāmaraṇassa ṭhitaññathattalakkhaṇaṁ uppādalakkhaṇena ca vayalakkhaṇena ca suññaṁ.
ps2.10:12.12	Idaṁ lakkhaṇasuññaṁ.
ps2.10:13.1	Katamaṁ <b>vikkhambhanasuññaṁ?</b>
ps2.10:13.2	Nekkhammena kāmacchando vikkhambhito ceva suñño ca.
ps2.10:13.3	Abyāpādena byāpādo vikkhambhito ceva suñño ca.
ps2.10:13.4	Ālokasaññāya thinamiddhaṁ vikkhambhitañceva suññañca.
ps2.10:13.5	Avikkhepena uddhaccaṁ vikkhambhitañceva suññañca.
ps2.10:13.6	Dhammavavatthānena vicikicchā vikkhambhitā ceva suññā ca.
ps2.10:13.7	Ñāṇena avijjā vikkhambhitā ceva suññā ca.
ps2.10:13.8	Pāmojjena arati vikkhambhitā ceva suññā ca.
ps2.10:13.9	Paṭhamena jhānena nīvaraṇā vikkhambhitā ceva suññā ca …pe…
ps2.10:13.10	arahattamaggena sabbakilesā vikkhambhitā ceva suññā ca.
ps2.10:13.11	Idaṁ vikkhambhanasuññaṁ.
ps2.10:14.1	Katamaṁ <b>tadaṅgasuññaṁ?</b>
ps2.10:14.2	Nekkhammena kāmacchando tadaṅgasuñño.
ps2.10:14.3	Abyāpādena byāpādo tadaṅgasuñño.
ps2.10:14.4	Ālokasaññāya thinamiddhaṁ tadaṅgasuññaṁ.
ps2.10:14.5	Avikkhepena uddhaccaṁ tadaṅgasuññaṁ.
ps2.10:14.6	Dhammavavatthānena vicikicchā tadaṅgasuññā.
ps2.10:14.7	Ñāṇena avijjā tadaṅgasuññā.
ps2.10:14.8	Pāmojjena arati tadaṅgasuññā.
ps2.10:14.9	Paṭhamena jhānena nīvaraṇā tadaṅgasuññā …pe…
ps2.10:14.10	vivaṭṭanānupassanāya saññogābhiniveso tadaṅgasuñño.
ps2.10:14.11	Idaṁ tadaṅgasuññaṁ.
ps2.10:15.1	Katamaṁ <b>samucchedasuññaṁ?</b>
ps2.10:15.2	Nekkhammena kāmacchando samucchinno ceva suñño ca.
ps2.10:15.3	Abyāpādena byāpādo samucchinno ceva suñño ca.
ps2.10:15.4	Ālokasaññāya thinamiddhaṁ samucchinnañceva suññañca.
ps2.10:15.5	Avikkhepena uddhaccaṁ samucchinnañceva suññañca.
ps2.10:15.6	Dhammavavatthānena vicikicchā samucchinnā ceva suññā ca.
ps2.10:15.7	Ñāṇena avijjā samucchinnā ceva suññā ca.
ps2.10:15.8	Pāmojjena arati samucchinnā ceva suññā ca.
ps2.10:15.9	Paṭhamena jhānena nīvaraṇā samucchinnā ceva suññā ca …pe…
ps2.10:15.10	arahattamaggena sabbakilesā samucchinnā ceva suññā ca.
ps2.10:15.11	Idaṁ samucchedasuññaṁ.
ps2.10:16.1	Katamaṁ <b>paṭippassaddhisuññaṁ?</b>
ps2.10:16.2	Nekkhammena kāmacchando paṭippassaddho ceva suñño ca.
ps2.10:16.3	Abyāpādena byāpādo paṭippassaddho ceva suñño ca.
ps2.10:16.4	Ālokasaññāya thinamiddhaṁ paṭippassaddhañceva suññañca.
ps2.10:16.5	Avikkhepena uddhaccaṁ paṭippassaddhañceva suññañca.
ps2.10:16.6	Dhammavavatthānena vicikicchā paṭippassaddhā ceva suññā ca.
ps2.10:16.7	Ñāṇena avijjā paṭippassaddhā ceva suññā ca.
ps2.10:16.8	Pāmojjena arati paṭippassaddhā ceva suññā ca.
ps2.10:16.9	Paṭhamena jhānena nīvaraṇā paṭippassaddhā ceva suññā ca …pe…
ps2.10:16.10	arahattamaggena sabbakilesā paṭippassaddhā ceva suññā ca.
ps2.10:16.11	Idaṁ paṭippassaddhisuññaṁ.
ps2.10:17.1	Katamaṁ <b>nissaraṇasuññaṁ?</b>
ps2.10:17.2	Nekkhammena kāmacchando nissaṭo ceva suñño ca.
ps2.10:17.3	Abyāpādena byāpādo nissaṭo ceva suñño ca.
ps2.10:17.4	Ālokasaññāya thinamiddhaṁ nissaṭañceva suññañca.
ps2.10:17.5	Avikkhepena uddhaccaṁ nissaṭañceva suññañca.
ps2.10:17.6	Dhammavavatthānena vicikicchā nissaṭā ceva suññā ca.
ps2.10:17.7	Ñāṇena avijjā nissaṭā ceva suññā ca.
ps2.10:17.8	Pāmojjena arati nissaṭā ceva suññā ca.
ps2.10:17.9	Paṭhamena jhānena nīvaraṇā nissaṭā ceva suññā ca …pe…
ps2.10:17.10	arahattamaggena sabbakilesā nissaṭā ceva suññā ca.
ps2.10:17.11	Idaṁ nissaraṇasuññaṁ.
ps2.10:18.1	Katamaṁ <b>ajjhattasuññaṁ?</b>
ps2.10:18.2	Ajjhattaṁ cakkhuṁ suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
ps2.10:18.3	Ajjhattaṁ sotaṁ suññaṁ …
ps2.10:18.4	ajjhattaṁ ghānaṁ suññaṁ …
ps2.10:18.5	ajjhattaṁ jivhā suññā …
ps2.10:18.6	ajjhattaṁ kāyo suñño …
ps2.10:18.7	ajjhattaṁ mano suñño attena vā attaniyena vā niccena vā dhuvena vā sassatena vā avipariṇāmadhammena vā.
ps2.10:18.8	Idaṁ ajjhattasuññaṁ.
ps2.10:19.1	Katamaṁ <b>bahiddhāsuññaṁ?</b>
ps2.10:19.2	Bahiddhā rūpā suññā …pe…
ps2.10:19.3	bahiddhā dhammā suññā attena vā attaniyena vā niccena vā dhuvena vā sassatena vā avipariṇāmadhammena vā.
ps2.10:19.4	Idaṁ bahiddhāsuññaṁ.
ps2.10:20.1	Katamaṁ <b>dubhatosuññaṁ?</b>
ps2.10:20.2	Yañca ajjhattaṁ cakkhu ye ca bahiddhā rūpā ubhayametaṁ suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
ps2.10:20.3	Yañca ajjhattaṁ sotaṁ ye ca bahiddhā saddā …pe…
ps2.10:20.4	yañca ajjhattaṁ ghānaṁ ye ca bahiddhā gandhā …
ps2.10:20.5	yā ca ajjhattaṁ jivhā ye ca bahiddhā rasā …
ps2.10:20.6	yo ca ajjhattaṁ kāyo ye ca bahiddhā phoṭṭhabbā …
ps2.10:20.7	yo ca ajjhattaṁ mano ye ca bahiddhā dhammā ubhayametaṁ suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
ps2.10:20.8	Idaṁ dubhatosuññaṁ.
ps2.10:21.1	Katamaṁ <b>sabhāgasuññaṁ?</b>
ps2.10:21.2	Cha ajjhattikāni āyatanāni sabhāgāni ceva suññāni ca.
ps2.10:21.3	Cha bāhirāni āyatanāni sabhāgāni ceva suññāni ca.
ps2.10:21.4	Cha viññāṇakāyā sabhāgā ceva suññā ca.
ps2.10:21.5	Cha phassakāyā sabhāgā ceva suññā ca.
ps2.10:21.6	Cha vedanākāyā sabhāgā ceva suññā ca.
ps2.10:21.7	Cha saññākāyā sabhāgā ceva suññā ca.
ps2.10:21.8	Cha cetanākāyā sabhāgā ceva suññā ca.
ps2.10:21.9	Idaṁ sabhāgasuññaṁ.
ps2.10:22.1	Katamaṁ <b>visabhāgasuññaṁ?</b>
ps2.10:22.2	Cha ajjhattikāni āyatanāni chahi bāhirehi āyatanehi visabhāgāni ceva suññāni ca.
ps2.10:22.3	Cha bāhirāni āyatanāni chahi viññāṇakāyehi visabhāgāni ceva suññāni ca.
ps2.10:22.4	Cha viññāṇakāyā chahi phassakāyehi visabhāgā ceva suññā ca.
ps2.10:22.5	Cha phassakāyā chahi vedanākāyehi visabhāgā ceva suññā ca.
ps2.10:22.6	Cha vedanākāyā chahi saññākāyehi visabhāgā ceva suññā ca.
ps2.10:22.7	Cha saññākāyā chahi cetanākāyehi visabhāgā ceva suññā ca.
ps2.10:22.8	Idaṁ visabhāgasuññaṁ.
ps2.10:23.1	Katamaṁ <b>esanāsuññaṁ?</b>
ps2.10:23.2	Nekkhammesanā kāmacchandena suññā.
ps2.10:23.3	Abyāpādesanā byāpādena suññā.
ps2.10:23.4	Ālokasaññesanā thinamiddhena suññā.
ps2.10:23.5	Avikkhepesanā uddhaccena suññā.
ps2.10:23.6	Dhammavavatthānesanā vicikicchāya suññā.
ps2.10:23.7	Ñāṇesanā avijjāya suññā.
ps2.10:23.8	Pāmojjesanā aratiyā suññā.
ps2.10:23.9	Paṭhamajjhānesanā nīvaraṇehi suññā …pe…
ps2.10:23.10	arahattamaggesanā sabbakilesehi suññā.
ps2.10:23.11	Idaṁ esanāsuññaṁ.
ps2.10:24.1	Katamaṁ <b>pariggahasuññaṁ?</b>
ps2.10:24.2	Nekkhammapariggaho kāmacchandena suñño.
ps2.10:24.3	Abyāpādapariggaho byāpādena suñño.
ps2.10:24.4	Ālokasaññāpariggaho thinamiddhena suñño.
ps2.10:24.5	Avikkhepapariggaho uddhaccena suñño.
ps2.10:24.6	Dhammavavatthānapariggaho vicikicchāya suñño.
ps2.10:24.7	Ñāṇapariggaho avijjāya suñño.
ps2.10:24.8	Pāmojjapariggaho aratiyā suñño.
ps2.10:24.9	Paṭhamajjhānapariggaho nīvaraṇehi suñño …pe…
ps2.10:24.10	arahattamaggapariggaho sabbakilesehi suñño.
ps2.10:24.11	Idaṁ pariggahasuññaṁ.
ps2.10:25.1	Katamaṁ <b>paṭilābhasuññaṁ?</b>
ps2.10:25.2	Nekkhammapaṭilābho kāmacchandena suñño.
ps2.10:25.3	Abyāpādapaṭilābho byāpādena suñño.
ps2.10:25.4	Ālokasaññāpaṭilābho thinamiddhena suñño.
ps2.10:25.5	Avikkhepapaṭilābho uddhaccena suñño.
ps2.10:25.6	Dhammavavatthānapaṭilābho vicikicchāya suñño.
ps2.10:25.7	Ñāṇapaṭilābho avijjāya suñño.
ps2.10:25.8	Pāmojjapaṭilābho aratiyā suñño.
ps2.10:25.9	Paṭhamajjhānapaṭilābho nīvaraṇehi suñño …pe…
ps2.10:25.10	arahattamaggapaṭilābho sabbakilesehi suñño.
ps2.10:25.11	Idaṁ paṭilābhasuññaṁ.
ps2.10:26.1	Katamaṁ <b>paṭivedhasuññaṁ?</b>
ps2.10:26.2	Nekkhammappaṭivedho kāmacchandena suñño.
ps2.10:26.3	Abyāpādappaṭivedho byāpādena suñño.
ps2.10:26.4	Ālokasaññāppaṭivedho thinamiddhena suñño.
ps2.10:26.5	Avikkhepappaṭivedho uddhaccena suñño.
ps2.10:26.6	Dhammavavatthānappaṭivedho vicikicchāya suñño.
ps2.10:26.7	Ñāṇappaṭivedho avijjāya suñño.
ps2.10:26.8	Pāmojjappaṭivedho aratiyā suñño.
ps2.10:26.9	Paṭhamajjhānappaṭivedho nīvaraṇehi suñño …pe…
ps2.10:26.10	arahattamaggappaṭivedho sabbakilesehi suñño.
ps2.10:26.11	Idaṁ paṭivedhasuññaṁ.
ps2.10:27.1	Katamaṁ <b>ekattasuññaṁ, nānattasuññaṁ?</b>
ps2.10:27.2	Kāmacchando nānattaṁ, nekkhammaṁ ekattaṁ.
ps2.10:27.3	Nekkhammekattaṁ cetayato kāmacchandena suññaṁ.
ps2.10:27.4	Byāpādo nānattaṁ, abyāpādo ekattaṁ.
ps2.10:27.5	Abyāpādekattaṁ cetayato byāpādena suññaṁ.
ps2.10:27.6	Thinamiddhaṁ nānattaṁ, ālokasaññā ekattaṁ.
ps2.10:27.7	Ālokasaññekattaṁ cetayato thinamiddhena suññaṁ.
ps2.10:27.8	Uddhaccaṁ nānattaṁ, avikkhepo ekattaṁ.
ps2.10:27.9	Avikkhepekattaṁ cetayato uddhaccena suññaṁ.
ps2.10:27.10	Vicikicchā nānattaṁ, dhammavavatthānaṁ ekattaṁ.
ps2.10:27.11	Dhammavavatthānekattaṁ cetayato vicikicchāya suññaṁ.
ps2.10:27.12	Avijjā nānattaṁ, ñāṇaṁ ekattaṁ.
ps2.10:27.13	Ñāṇekattaṁ cetayato avijjāya suññaṁ.
ps2.10:27.14	Arati nānattaṁ, pāmojjaṁ ekattaṁ.
ps2.10:27.15	Pāmojjekattaṁ cetayato aratiyā suññaṁ.
ps2.10:27.16	Nīvaraṇā nānattaṁ, paṭhamajjhānaṁ ekattaṁ.
ps2.10:27.17	Paṭhamajjhānekattaṁ cetayato nīvaraṇehi suññaṁ …pe…
ps2.10:27.18	sabbakilesā nānattaṁ, arahattamaggo ekattaṁ.
ps2.10:27.19	Arahattamaggekattaṁ cetayato sabbakilesehi suññaṁ.
ps2.10:27.20	Idaṁ ekattasuññaṁ nānattasuññaṁ.
ps2.10:28.1	Katamaṁ <b>khantisuññaṁ?</b>
ps2.10:28.2	Nekkhammakhanti kāmacchandena suññā.
ps2.10:28.3	Abyāpādakhanti byāpādena suññā.
ps2.10:28.4	Ālokasaññākhanti thinamiddhena suññā.
ps2.10:28.5	Avikkhepakhanti uddhaccena suññā.
ps2.10:28.6	Dhammavavatthānakhanti vicikicchāya suññā.
ps2.10:28.7	Ñāṇakhanti avijjāya suññā.
ps2.10:28.8	Pāmojjakhanti aratiyā suññā.
ps2.10:28.9	Paṭhamajjhānakhanti nīvaraṇehi suññā …pe…
ps2.10:28.10	arahattamaggakhanti sabbakilesehi suññā.
ps2.10:28.11	Idaṁ khantisuññaṁ.
ps2.10:29.1	Katamaṁ <b>adhiṭṭhānasuññaṁ?</b>
ps2.10:29.2	Nekkhammādhiṭṭhānaṁ kāmacchandena suññaṁ.
ps2.10:29.3	Abyāpādādhiṭṭhānaṁ byāpādena suññaṁ.
ps2.10:29.4	Ālokasaññādhiṭṭhānaṁ thinamiddhena suññaṁ.
ps2.10:29.5	Avikkhepādhiṭṭhānaṁ uddhaccena suññaṁ.
ps2.10:29.6	Dhammavavatthānādhiṭṭhānaṁ vicikicchāya suññaṁ.
ps2.10:29.7	Ñāṇādhiṭṭhānaṁ avijjāya suññaṁ.
ps2.10:29.8	Pāmojjādhiṭṭhānaṁ aratiyā suññaṁ.
ps2.10:29.9	Paṭhamajjhānādhiṭṭhānaṁ nīvaraṇehi suññaṁ …pe…
ps2.10:29.10	arahattamaggādhiṭṭhānaṁ sabbakilesehi suññaṁ.
ps2.10:29.11	Idaṁ adhiṭṭhānasuññaṁ.
ps2.10:30.1	Katamaṁ <b>pariyogāhaṇasuññaṁ?</b>
ps2.10:30.2	Nekkhammapariyogāhaṇaṁ kāmacchandena suññaṁ.
ps2.10:30.3	Abyāpādapariyogāhaṇaṁ byāpādena suññaṁ.
ps2.10:30.4	Ālokasaññāpariyogāhaṇaṁ thinamiddhena suññaṁ.
ps2.10:30.5	Avikkhepapariyogāhaṇaṁ uddhaccena suññaṁ.
ps2.10:30.6	Dhammavavatthānapariyogāhaṇaṁ vicikicchāya suññaṁ.
ps2.10:30.7	Ñāṇapariyogāhaṇaṁ avijjāya suññaṁ.
ps2.10:30.8	Pāmojjapariyogāhaṇaṁ aratiyā suññaṁ.
ps2.10:30.9	Paṭhamajjhānapariyogāhaṇaṁ nīvaraṇehi suññaṁ …pe…
ps2.10:30.10	arahattamaggapariyogāhaṇaṁ sabbakilesehi suññaṁ.
ps2.10:30.11	Idaṁ pariyogāhaṇasuññaṁ.
ps2.10:31.1	Katamaṁ <b>sampajānassa pavattapariyādānaṁ sabbasuññatānaṁ paramatthasuññaṁ?</b>
ps2.10:31.2	Idha sampajāno nekkhammena kāmacchandassa pavattaṁ pariyādiyati, abyāpādena byāpādassa pavattaṁ pariyādiyati, ālokasaññāya thinamiddhassa pavattaṁ pariyādiyati, avikkhepena uddhaccassa pavattaṁ pariyādiyati, dhammavavatthānena vicikicchāya pavattaṁ pariyādiyati, ñāṇena avijjāya pavattaṁ pariyādiyati, pāmojjena aratiyā pavattaṁ pariyādiyati, paṭhamena jhānena nīvaraṇānaṁ pavattaṁ pariyādiyati …pe…
ps2.10:31.3	arahattamaggena sabbakilesānaṁ pavattaṁ pariyādiyati.
ps2.10:31.4	Atha vā pana sampajānassa anupādisesāya nibbānadhātuyā parinibbāyantassa idaṁ ceva cakkhupavattaṁ pariyādiyati, aññañca cakkhupavattaṁ na uppajjati.
ps2.10:31.5	Idañceva sotapavattaṁ …pe…
ps2.10:31.6	ghānapavattaṁ …
ps2.10:31.7	jivhāpavattaṁ …
ps2.10:31.8	kāyapavattaṁ …
ps2.10:31.9	manopavattaṁ pariyādiyati, aññañca manopavattaṁ na uppajjati.
ps2.10:31.10	Idaṁ sampajānassa pavattapariyādānaṁ sabbasuññatānaṁ paramatthasuññanti.
ps2.10:31.11	Suññakathā niṭṭhitā.
ps2.10:31.12	Yuganaddhavaggo dutiyo.
ps2.10:31.13	Tassuddānaṁ
ps2.10:32.1	Yuganaddhā saccabojjhaṅgā,
ps2.10:32.2	mettā virāgapañcamā;
ps2.10:32.3	Paṭisambhidā dhammacakkaṁ,
ps2.10:32.4	lokuttarabalasuññāti.
ps2.10:32.5	Esa nikāyadharehi ṭhapito, asamo dutiyo pavaro varavaggoti.
ps3.1:0.1	Paṭisambhidāmagga
ps3.1:0.2	3 Paññāvagga
ps3.1:0.3	3.1. Mahāpaññākathā
ps3.1:1.1	Aniccānupassanā bhāvitā bahulīkatā katamaṁ paññaṁ paripūreti?
ps3.1:1.2	Dukkhānupassanā bhāvitā bahulīkatā katamaṁ paññaṁ paripūreti?
ps3.1:1.3	Anattānupassanā bhāvitā bahulīkatā katamaṁ paññaṁ paripūreti …pe…
ps3.1:1.4	paṭinissaggānupassanā bhāvitā bahulīkatā katamaṁ paññaṁ paripūreti?
ps3.1:2.1	Aniccānupassanā bhāvitā bahulīkatā javanapaññaṁ paripūreti.
ps3.1:2.2	Dukkhānupassanā bhāvitā bahulīkatā nibbedhikapaññaṁ paripūreti.
ps3.1:2.3	Anattānupassanā bhāvitā bahulīkatā mahāpaññaṁ paripūreti.
ps3.1:2.4	Nibbidānupassanā bhāvitā bahulīkatā tikkhapaññaṁ paripūreti.
ps3.1:2.5	Virāgānupassanā bhāvitā bahulīkatā vipulapaññaṁ paripūreti.
ps3.1:2.6	Nirodhānupassanā bhāvitā bahulīkatā gambhīrapaññaṁ paripūreti.
ps3.1:2.7	Paṭinissaggānupassanā bhāvitā bahulīkatā asāmantapaññaṁ paripūreti.
ps3.1:2.8	Imā satta paññā bhāvitā bahulīkatā paṇḍiccaṁ paripūrenti.
ps3.1:2.9	Imā aṭṭha paññā bhāvitā bahulīkatā puthupaññaṁ paripūrenti.
ps3.1:2.10	Imā nava paññā bhāvitā bahulīkatā hāsapaññaṁ paripūrenti.
ps3.1:3.1	Hāsapaññā paṭibhānapaṭisambhidā.
ps3.1:3.2	Tassā atthavavatthānato atthapaṭisambhidā adhigatā hoti sacchikatā phassitā paññāya.
ps3.1:3.3	Dhammavavatthānato dhammapaṭisambhidā adhigatā hoti sacchikatā phassitā paññāya.
ps3.1:3.4	Niruttivavatthānato niruttipaṭisambhidā adhigatā hoti sacchikatā phassitā paññāya.
ps3.1:3.5	Paṭibhānavavatthānato paṭibhānapaṭisambhidā adhigatā hoti sacchikatā phassitā paññāya.
ps3.1:3.6	Tassimā catasso paṭisambhidāyo adhigatā honti sacchikatā phassitā paññāya.
ps3.1:4.1	Rūpe aniccānupassanā bhāvitā bahulīkatā katamaṁ paññaṁ paripūreti …pe…
ps3.1:4.2	rūpe paṭinissaggānupassanā bhāvitā bahulīkatā katamaṁ paññaṁ paripūreti?
ps3.1:4.3	Rūpe aniccānupassanā bhāvitā bahulīkatā javanapaññaṁ paripūreti …pe…
ps3.1:4.4	rūpe paṭinissaggānupassanā bhāvitā bahulīkatā asāmantapaññaṁ paripūreti.
ps3.1:4.5	Imā satta paññā bhāvitā bahulīkatā paṇḍiccaṁ paripūrenti.
ps3.1:4.6	Imā aṭṭha paññā bhāvitā bahulīkatā puthupaññaṁ paripūrenti.
ps3.1:4.7	Imā nava paññā bhāvitā bahulīkatā hāsapaññaṁ paripūrenti.
ps3.1:5.1	Hāsapaññā paṭibhānapaṭisambhidā.
ps3.1:5.2	Tassā atthavavatthānato atthapaṭisambhidā adhigatā hoti sacchikatā phassitā paññāya.
ps3.1:5.3	Dhammavavatthānato dhammapaṭisambhidā adhigatā hoti sacchikatā phassitā paññāya.
ps3.1:5.4	Niruttivavatthānato niruttipaṭisambhidā adhigatā hoti sacchikatā phassitā paññāya.
ps3.1:5.5	Paṭibhānavavatthānato paṭibhānapaṭisambhidā adhigatā hoti, sacchikatā phassitā paññāya.
ps3.1:5.6	Tassimā catasso paṭisambhidāyo adhigatā honti sacchikatā phassitā paññāya.
ps3.1:6.1	Vedanāya …pe…
ps3.1:6.2	saññāya …
ps3.1:6.3	saṅkhāresu …
ps3.1:6.4	viññāṇe …
ps3.1:6.5	cakkhusmiṁ …pe…
ps3.1:6.6	jarāmaraṇe aniccānupassanā bhāvitā bahulīkatā katamaṁ paññaṁ paripūreti …pe…
ps3.1:6.7	jarāmaraṇe paṭinissaggānupassanā bhāvitā bahulīkatā katamaṁ paññaṁ paripūreti?
ps3.1:6.8	Jarāmaraṇe aniccānupassanā bhāvitā bahulīkatā javanapaññaṁ paripūreti …pe…
ps3.1:6.9	jarāmaraṇe paṭinissaggānupassanā bhāvitā bahulīkatā asāmantapaññaṁ paripūreti.
ps3.1:6.10	Imā satta paññā bhāvitā bahulīkatā paṇḍiccaṁ paripūrenti.
ps3.1:6.11	Imā aṭṭha paññā bhāvitā bahulīkatā puthupaññaṁ paripūrenti.
ps3.1:6.12	Imā nava paññā bhāvitā bahulīkatā hāsapaññaṁ paripūrenti.
ps3.1:7.1	Hāsapaññā paṭibhānapaṭisambhidā.
ps3.1:7.2	Tassā atthavavatthānato atthapaṭisambhidā adhigatā hoti sacchikatā phassitā paññāya.
ps3.1:7.3	Dhammavavatthānato dhammapaṭisambhidā adhigatā hoti sacchikatā phassitā paññāya.
ps3.1:7.4	Niruttivavatthānato niruttipaṭisambhidā adhigatā hoti sacchikatā phassitā paññāya.
ps3.1:7.5	Paṭibhānavavatthānato paṭibhānapaṭisambhidā adhigatā hoti sacchikatā phassitā paññāya.
ps3.1:7.6	Tassimā catasso paṭisambhidāyo adhigatā honti sacchikatā phassitā paññāya.
ps3.1:8.1	Rūpe aniccānupassanā bhāvitā bahulīkatā katamaṁ paññaṁ paripūreti?
ps3.1:8.2	Atītānāgatapaccuppanne rūpe aniccānupassanā bhāvitā bahulīkatā katamaṁ paññaṁ paripūreti?
ps3.1:8.3	Rūpe dukkhānupassanā bhāvitā bahulīkatā katamaṁ paññaṁ paripūreti?
ps3.1:8.4	Atītānāgatapaccuppanne rūpe dukkhānupassanā bhāvitā bahulīkatā katamaṁ paññaṁ paripūreti?
ps3.1:8.5	Rūpe anattānupassanā bhāvitā bahulīkatā katamaṁ paññaṁ paripūreti?
ps3.1:8.6	Atītānāgatapaccuppanne rūpe anattānupassanā bhāvitā bahulīkatā katamaṁ paññaṁ paripūreti?
ps3.1:8.7	Rūpe nibbidānupassanā bhāvitā bahulīkatā katamaṁ paññaṁ paripūreti?
ps3.1:8.8	Atītānāgatapaccuppanne rūpe nibbidānupassanā bhāvitā bahulīkatā katamaṁ paññaṁ paripūreti?
ps3.1:8.9	Rūpe virāgānupassanā bhāvitā bahulīkatā katamaṁ paññaṁ paripūreti?
ps3.1:8.10	Atītānāgatapaccuppanne rūpe virāgānupassanā bhāvitā bahulīkatā katamaṁ paññaṁ paripūreti?
ps3.1:8.11	Rūpe nirodhānupassanā bhāvitā bahulīkatā katamaṁ paññaṁ paripūreti?
ps3.1:8.12	Atītānāgatapaccuppanne rūpe nirodhānupassanā bhāvitā bahulīkatā katamaṁ paññaṁ paripūreti?
ps3.1:8.13	Rūpe paṭinissaggānupassanā bhāvitā bahulīkatā katamaṁ paññaṁ paripūreti?
ps3.1:8.14	Atītānāgatapaccuppanne rūpe paṭinissaggānupassanā bhāvitā bahulīkatā katamaṁ paññaṁ paripūreti?
ps3.1:9.1	Rūpe aniccānupassanā bhāvitā bahulīkatā javanapaññaṁ paripūreti.
ps3.1:9.2	Atītānāgatapaccuppanne rūpe aniccānupassanā bhāvitā bahulīkatā javanapaññaṁ paripūreti.
ps3.1:9.3	Rūpe dukkhānupassanā bhāvitā bahulīkatā nibbedhikapaññaṁ paripūreti.
ps3.1:9.4	Atītānāgatapaccuppanne rūpe dukkhānupassanā bhāvitā bahulīkatā javanapaññaṁ paripūreti.
ps3.1:9.5	Rūpe anattānupassanā bhāvitā bahulīkatā mahāpaññaṁ paripūreti.
ps3.1:9.6	Atītānāgatapaccuppanne rūpe anattānupassanā bhāvitā bahulīkatā javanapaññaṁ paripūreti.
ps3.1:9.7	Rūpe nibbidānupassanā bhāvitā bahulīkatā tikkhapaññaṁ paripūreti.
ps3.1:9.8	Atītānāgatapaccuppanne rūpe nibbidānupassanā bhāvitā bahulīkatā javanapaññaṁ paripūreti.
ps3.1:9.9	Rūpe virāgānupassanā bhāvitā bahulīkatā vipulapaññaṁ paripūreti.
ps3.1:9.10	Atītānāgatapaccuppanne rūpe virāgānupassanā bhāvitā bahulīkatā javanapaññaṁ paripūreti.
ps3.1:9.11	Rūpe nirodhānupassanā bhāvitā bahulīkatā gambhīrapaññaṁ paripūreti.
ps3.1:9.12	Atītānāgatapaccuppanne rūpe nirodhānupassanā bhāvitā bahulīkatā javanapaññaṁ paripūreti.
ps3.1:9.13	Rūpe paṭinissaggānupassanā bhāvitā bahulīkatā asāmantapaññaṁ paripūreti.
ps3.1:9.14	Atītānāgatapaccuppanne rūpe paṭinissaggānupassanā bhāvitā bahulīkatā javanapaññaṁ paripūreti.
ps3.1:9.15	Imā satta paññā bhāvitā bahulīkatā paṇḍiccaṁ paripūrenti.
ps3.1:9.16	Imā aṭṭha paññā bhāvitā bahulīkatā puthupaññaṁ paripūrenti.
ps3.1:9.17	Imā nava paññā bhāvitā bahulīkatā hāsapaññaṁ paripūrenti.
ps3.1:10.1	Hāsapaññā paṭibhānapaṭisambhidā.
ps3.1:10.2	Tassā atthavavatthānato atthapaṭisambhidā adhigatā hoti sacchikatā phassitā paññāya.
ps3.1:10.3	Dhammavavatthānato dhammapaṭisambhidā adhigatā hoti sacchikatā phassitā paññāya.
ps3.1:10.4	Niruttivavatthānato niruttipaṭisambhidā adhigatā hoti sacchikatā phassitā paññāya.
ps3.1:10.5	Paṭibhānavavatthānato paṭibhānapaṭisambhidā adhigatā hoti sacchikatā phassitā paññāya.
ps3.1:10.6	Tassimā catasso paṭisambhidāyo adhigatā honti sacchikatā phassitā paññāya.
ps3.1:11.1	Vedanāya …pe…
ps3.1:11.2	saññāya …
ps3.1:11.3	saṅkhāresu …
ps3.1:11.4	viññāṇe …
ps3.1:11.5	cakkhusmiṁ …pe…
ps3.1:11.6	jarāmaraṇe aniccānupassanā bhāvitā bahulīkatā katamaṁ paññaṁ paripūreti?
ps3.1:11.7	Atītānāgatapaccuppanne jarāmaraṇe aniccānupassanā bhāvitā bahulīkatā katamaṁ paññaṁ paripūreti …pe…
ps3.1:11.8	jarāmaraṇe paṭinissaggānupassanā bhāvitā bahulīkatā katamaṁ paññaṁ paripūreti?
ps3.1:11.9	Atītānāgatapaccuppanne jarāmaraṇe paṭinissaggānupassanā bhāvitā bahulīkatā katamaṁ paññaṁ paripūreti?
ps3.1:11.10	Jarāmaraṇe aniccānupassanā bhāvitā bahulīkatā javanapaññaṁ paripūreti.
ps3.1:11.11	Atītānāgatapaccuppanne jarāmaraṇe aniccānupassanā bhāvitā bahulīkatā javanapaññaṁ paripūreti …pe…
ps3.1:11.12	tassimā catasso paṭisambhidāyo adhigatā honti sacchikatā phassitā paññāya.
ps3.1:12.1	“Cattārome, bhikkhave, dhammā bhāvitā bahulīkatā sotāpattiphalasacchikiriyāya saṁvattanti.
ps3.1:12.2	Katame cattāro?
ps3.1:12.3	Sappurisasaṁsevo, saddhammassavanaṁ, yonisomanasikāro, dhammānudhammapaṭipatti—
ps3.1:12.4	ime kho, bhikkhave, cattāro dhammā bhāvitā bahulīkatā sotāpattiphalasacchikiriyāya saṁvattanti.
ps3.1:13.1	Cattārome, bhikkhave, dhammā bhāvitā bahulīkatā sakadāgāmiphalasacchikiriyāya saṁvattanti …pe…
ps3.1:13.2	anāgāmiphalasacchikiriyāya saṁvattanti …pe…
ps3.1:13.3	arahattaphalasacchikiriyāya saṁvattanti.
ps3.1:13.4	Katame cattāro?
ps3.1:13.5	Sappurisasaṁsevo, saddhammassavanaṁ, yonisomanasikāro, dhammānudhammapaṭipatti—
ps3.1:13.6	ime kho, bhikkhave, cattāro dhammā bhāvitā bahulīkatā arahattamaggaphalasacchikiriyāya saṁvattanti.
ps3.1:14.1	Cattārome, bhikkhave, dhammā bhāvitā bahulīkatā paññāpaṭilābhāya saṁvattanti …pe…
ps3.1:14.2	paññābuddhiyā saṁvattanti, paññāvepullāya saṁvattanti, mahāpaññatāya saṁvattanti, puthupaññatāya saṁvattanti, vipulapaññatāya saṁvattanti, gambhīrapaññatāya saṁvattanti, asāmantapaññatāya saṁvattanti, bhūripaññatāya saṁvattanti, paññābāhullāya saṁvattanti, sīghapaññatāya saṁvattanti, lahupaññatāya saṁvattanti, hāsapaññatāya saṁvattanti, javanapaññatāya saṁvattanti, tikkhapaññatāya saṁvattanti, nibbedhikapaññatāya saṁvattanti.
ps3.1:14.3	Katame cattāro?
ps3.1:14.4	Sappurisasaṁsevo, saddhammassavanaṁ, yonisomanasikāro, dhammānudhammapaṭipatti—
ps3.1:14.5	ime kho, bhikkhave, cattāro dhammā bhāvitā bahulīkatā paññāpaṭilābhāya saṁvattanti, paññābuddhiyā saṁvattanti …pe…
ps3.1:14.6	nibbedhikapaññatāya saṁvattanti”.
ps3.1:15.0	3.1.1. Soḷasapaññāniddesa
ps3.1:15.1	<b>Paññāpaṭilābhāya saṁvattantī</b>ti katamo paññāpaṭilābho?
ps3.1:15.2	Catunnaṁ maggañāṇānaṁ, catunnaṁ phalañāṇānaṁ, catunnaṁ paṭisambhidāñāṇānaṁ, channaṁ abhiññāñāṇānaṁ, tesattatīnaṁ ñāṇānaṁ, sattasattatīnaṁ ñāṇānaṁ lābho paṭilābho patti sampatti phassanā sacchikiriyā upasampadā.
ps3.1:15.3	Paññāpaṭilābhāya saṁvattantīti—
ps3.1:15.4	ayaṁ paññā paṭilābho.
ps3.1:16.1	<b>Paññābuddhiyā saṁvattantī</b>ti katamā paññābuddhi?
ps3.1:16.2	Sattannañca sekkhānaṁ puthujjanakalyāṇakassa ca paññā vaḍḍhati, arahato paññā vaḍḍhati.
ps3.1:16.3	Vaḍḍhitavaḍḍhanā paññābuddhiyā saṁvattantīti—
ps3.1:16.4	ayaṁ paññābuddhi.
ps3.1:17.1	<b>Paññāvepullāya saṁvattantī</b>ti katamaṁ paññāvepullaṁ?
ps3.1:17.2	Sattannaṁ sekkhānaṁ puthujjanakalyāṇakassa ca paññāvepullaṁ gacchati.
ps3.1:17.3	Arahato paññā vepullagatā paññāvepullāya saṁvattantīti—
ps3.1:17.4	idaṁ paññāvepullaṁ.
ps3.1:18.1	<b>Mahāpaññatāya saṁvattantī</b>ti katamā mahāpaññā?
ps3.1:18.2	Mahante atthe pariggaṇhātīti—mahāpaññā.
ps3.1:18.3	Mahante dhamme pariggaṇhātīti—mahāpaññā.
ps3.1:18.4	Mahantā niruttiyo pariggaṇhātīti—mahāpaññā.
ps3.1:18.5	Mahantāni paṭibhānāni pariggaṇhātīti—mahāpaññā.
ps3.1:18.6	Mahante sīlakkhandhe pariggaṇhātīti—mahāpaññā.
ps3.1:18.7	Mahante samādhikkhandhe pariggaṇhātīti—mahāpaññā.
ps3.1:18.8	Mahante paññākkhandhe pariggaṇhātīti—mahāpaññā.
ps3.1:18.9	Mahante vimuttikkhandhe pariggaṇhātīti—mahāpaññā.
ps3.1:18.10	Mahante vimuttiñāṇadassanakkhandhe pariggaṇhātīti—mahāpaññā.
ps3.1:18.11	Mahantāni ṭhānāṭṭhānāni pariggaṇhātīti—mahāpaññā.
ps3.1:18.12	Mahantā vihārasamāpattiyo pariggaṇhātīti—mahāpaññā.
ps3.1:18.13	Mahantāni ariyasaccāni pariggaṇhātīti—mahāpaññā.
ps3.1:18.14	Mahante satipaṭṭhāne pariggaṇhātīti—mahāpaññā.
ps3.1:18.15	Mahante sammappadhāne pariggaṇhātīti—mahāpaññā.
ps3.1:18.16	Mahante iddhipāde pariggaṇhātīti—mahāpaññā.
ps3.1:18.17	Mahantāni indriyāni pariggaṇhātīti—mahāpaññā.
ps3.1:18.18	Mahantāni balāni pariggaṇhātīti—mahāpaññā.
ps3.1:18.19	Mahante bojjhaṅge pariggaṇhātīti—mahāpaññā.
ps3.1:18.20	Mahantaṁ ariyamaggaṁ pariggaṇhātīti—mahāpaññā.
ps3.1:18.21	Mahantāni sāmaññaphalāni pariggaṇhātīti—mahāpaññā.
ps3.1:18.22	Mahantā abhiññāyo pariggaṇhātīti—mahāpaññā.
ps3.1:18.23	Mahantaṁ paramatthaṁ nibbānaṁ pariggaṇhātīti—mahāpaññā.
ps3.1:18.24	Mahāpaññatāya saṁvattantīti—
ps3.1:18.25	ayaṁ mahāpaññā.
ps3.1:19.1	<b>Puthupaññatāya saṁvattantī</b>ti katamā puthupaññā?
ps3.1:19.2	Puthunānākhandhesu ñāṇaṁ pavattatīti—puthupaññā.
ps3.1:19.3	Puthunānādhātūsu ñāṇaṁ pavattatīti—puthupaññā.
ps3.1:19.4	Puthunānāāyatanesu ñāṇaṁ pavattatīti—puthupaññā.
ps3.1:19.5	Puthunānāpaṭiccasamuppādesu ñāṇaṁ pavattatīti—puthupaññā.
ps3.1:19.6	Puthunānāsuññatamanupalabbhesu ñāṇaṁ pavattatīti—puthupaññā.
ps3.1:19.7	Puthunānāatthesu ñāṇaṁ pavattatīti—puthupaññā.
ps3.1:19.8	Puthunānādhammesu ñāṇaṁ pavattatīti—puthupaññā.
ps3.1:19.9	Puthunānāniruttīsu ñāṇaṁ pavattatīti—puthupaññā.
ps3.1:19.10	Puthunānāpaṭibhānesu ñāṇaṁ pavattatīti—puthupaññā.
ps3.1:19.11	Puthunānāsīlakkhandhesu ñāṇaṁ pavattatīti—puthupaññā.
ps3.1:19.12	Puthunānāsamādhikkhandhesu ñāṇaṁ pavattatīti—puthupaññā.
ps3.1:19.13	Puthunānāpaññākkhandhesu ñāṇaṁ pavattatīti—puthupaññā.
ps3.1:19.14	Puthunānāvimuttikkhandhesu ñāṇaṁ pavattatīti—puthupaññā.
ps3.1:19.15	Puthunānāvimuttiñāṇadassanakkhandhesu ñāṇaṁ pavattatīti—puthupaññā.
ps3.1:19.16	Puthunānāṭhānāṭṭhānesu ñāṇaṁ pavattatīti—puthupaññā.
ps3.1:19.17	Puthunānāvihārasamāpattīsu ñāṇaṁ pavattatīti—puthupaññā.
ps3.1:19.18	Puthunānāariyasaccesu ñāṇaṁ pavattatīti—puthupaññā.
ps3.1:19.19	Puthunānāsatipaṭṭhānesu ñāṇaṁ pavattatīti—puthupaññā.
ps3.1:19.20	Puthunānāsammappadhānesu ñāṇaṁ pavattatīti—puthupaññā.
ps3.1:19.21	Puthunānāiddhipādesu ñāṇaṁ pavattatīti—puthupaññā.
ps3.1:19.22	Puthunānāindriyesu ñāṇaṁ pavattatīti—puthupaññā.
ps3.1:19.23	Puthunānābalesu ñāṇaṁ pavattatīti—puthupaññā.
ps3.1:19.24	Puthunānābojjhaṅgesu ñāṇaṁ pavattatīti—puthupaññā.
ps3.1:19.25	Puthunānāariyamagge ñāṇaṁ pavattatīti—puthupaññā.
ps3.1:19.26	Puthunānāsāmaññaphalesu ñāṇaṁ pavattatīti—puthupaññā.
ps3.1:19.27	Puthunānāabhiññāsu ñāṇaṁ pavattatīti—puthupaññā.
ps3.1:19.28	Puthujjanasādhāraṇe dhamme atikkamma paramatthe nibbāne ñāṇaṁ pavattatīti—puthupaññā.
ps3.1:19.29	Puthupaññatāya saṁvattantīti—
ps3.1:19.30	ayaṁ puthupaññā.
ps3.1:20.1	<b>Vipulapaññatāya saṁvattantī</b>ti katamā vipulapaññā?
ps3.1:20.2	Vipule atthe pariggaṇhātīti—vipulapaññā.
ps3.1:20.3	Vipule dhamme pariggaṇhātīti—vipulapaññā.
ps3.1:20.4	Vipulā niruttiyo pariggaṇhātīti—vipulapaññā.
ps3.1:20.5	Vipulāni paṭibhānāni pariggaṇhātīti—vipulapaññā.
ps3.1:20.6	Vipule sīlakkhandhe pariggaṇhātīti—vipulapaññā.
ps3.1:20.7	Vipule samādhikkhandhe pariggaṇhātīti—vipulapaññā.
ps3.1:20.8	Vipule paññākkhandhe pariggaṇhātīti—vipulapaññā.
ps3.1:20.9	Vipule vimuttikkhandhe pariggaṇhātīti—vipulapaññā.
ps3.1:20.10	Vipule vimuttiñāṇadassanakkhandhe pariggaṇhātīti—vipulapaññā.
ps3.1:20.11	Vipulāni ṭhānāṭṭhānāni pariggaṇhātīti—vipulapaññā.
ps3.1:20.12	Vipulā vihārasamāpattiyo pariggaṇhātīti—vipulapaññā.
ps3.1:20.13	Vipulāni ariyasaccāni pariggaṇhātīti—vipulapaññā.
ps3.1:20.14	Vipule satipaṭṭhāne pariggaṇhātīti—vipulapaññā.
ps3.1:20.15	Vipule sammappadhāne pariggaṇhātīti—vipulapaññā.
ps3.1:20.16	Vipule iddhipāde pariggaṇhātīti—vipulapaññā.
ps3.1:20.17	Vipulāni indriyāni pariggaṇhātīti—vipulapaññā.
ps3.1:20.18	Vipulāni balāni pariggaṇhātīti—vipulapaññā.
ps3.1:20.19	Vipule bojjhaṅge pariggaṇhātīti—vipulapaññā.
ps3.1:20.20	Vipulaṁ ariyamaggaṁ pariggaṇhātīti—vipulapaññā.
ps3.1:20.21	Vipulāni sāmaññaphalāni pariggaṇhātīti—vipulapaññā.
ps3.1:20.22	Vipulā abhiññāyo pariggaṇhātīti—vipulapaññā.
ps3.1:20.23	Vipulaṁ paramatthaṁ nibbānaṁ pariggaṇhātīti—vipulapaññā.
ps3.1:20.24	Vipulapaññatāya saṁvattantīti—
ps3.1:20.25	ayaṁ vipulapaññā.
ps3.1:21.1	<b>Gambhīrapaññatāya saṁvattantī</b>ti katamā gambhīrapaññā?
ps3.1:21.2	Gambhīresu khandhesu ñāṇaṁ pavattatīti—gambhīrapaññā.
ps3.1:21.3	Gambhīrāsu dhātūsu ñāṇaṁ pavattatīti—gambhīrapaññā.
ps3.1:21.4	Gambhīresu āyatanesu ñāṇaṁ pavattatīti—gambhīrapaññā.
ps3.1:21.5	Gambhīresu paṭiccasamuppādesu ñāṇaṁ pavattatīti—gambhīrapaññā.
ps3.1:21.6	Gambhīresu suññatamanupalabbhesu ñāṇaṁ pavattatīti—gambhīrapaññā.
ps3.1:21.7	Gambhīresu atthesu ñāṇaṁ pavattatīti—gambhīrapaññā.
ps3.1:21.8	Gambhīresu dhammesu ñāṇaṁ pavattatīti—gambhīrapaññā.
ps3.1:21.9	Gambhīrāsu niruttīsu ñāṇaṁ pavattatīti—gambhīrapaññā.
ps3.1:21.10	Gambhīresu paṭibhānesu ñāṇaṁ pavattatīti—gambhīrapaññā.
ps3.1:21.11	Gambhīresu sīlakkhandhesu ñāṇaṁ pavattatīti—gambhīrapaññā.
ps3.1:21.12	Gambhīresu samādhikkhandhesu ñāṇaṁ pavattatīti—gambhīrapaññā.
ps3.1:21.13	Gambhīresu paññākkhandhesu ñāṇaṁ pavattatīti—gambhīrapaññā.
ps3.1:21.14	Gambhīresu vimuttikkhandhesu ñāṇaṁ pavattatīti—gambhīrapaññā.
ps3.1:21.15	Gambhīresu vimuttiñāṇadassanakkhandhesu ñāṇaṁ pavattatīti—gambhīrapaññā.
ps3.1:21.16	Gambhīresu ṭhānāṭṭhānesu ñāṇaṁ pavattatīti—gambhīrapaññā.
ps3.1:21.17	Gambhīrāsu vihārasamāpattīsu ñāṇaṁ pavattatīti—gambhīrapaññā.
ps3.1:21.18	Gambhīresu ariyasaccesu ñāṇaṁ pavattatīti—gambhīrapaññā.
ps3.1:21.19	Gambhīresu satipaṭṭhānesu ñāṇaṁ pavattatīti—gambhīrapaññā.
ps3.1:21.20	Gambhīresu sammappadhānesu ñāṇaṁ pavattatīti—gambhīrapaññā.
ps3.1:21.21	Gambhīresu iddhipādesu ñāṇaṁ pavattatīti—gambhīrapaññā.
ps3.1:21.22	Gambhīresu indriyesu ñāṇaṁ pavattatīti—gambhīrapaññā.
ps3.1:21.23	Gambhīresu balesu ñāṇaṁ pavattatīti—gambhīrapaññā.
ps3.1:21.24	Gambhīresu bojjhaṅgesu ñāṇaṁ pavattatīti—gambhīrapaññā.
ps3.1:21.25	Gambhīre ariyamagge ñāṇaṁ pavattatīti—gambhīrapaññā.
ps3.1:21.26	Gambhīresu sāmaññaphalesu ñāṇaṁ pavattatīti—gambhīrapaññā.
ps3.1:21.27	Gambhīrāsu abhiññāsu ñāṇaṁ pavattatīti—gambhīrapaññā.
ps3.1:21.28	Gambhīre paramatthe nibbāne ñāṇaṁ pavattatīti—gambhīrapaññā.
ps3.1:21.29	Gambhīrapaññatāya saṁvattantīti—
ps3.1:21.30	ayaṁ gambhīrapaññā.
ps3.1:22.1	<b>Asāmantapaññatāya saṁvattantī</b>ti katamā asāmantapaññā?
ps3.1:22.2	Yassa puggalassa atthavavatthānato atthapaṭisambhidā adhigatā hoti sacchikatā phassitā paññāya, dhammavavatthānato dhammapaṭisambhidā adhigatā hoti sacchikatā phassitā paññāya, niruttivavatthānato niruttipaṭisambhidā adhigatā hoti sacchikatā phassitā paññāya, paṭibhānavavatthānato paṭibhānapaṭisambhidā adhigatā hoti sacchikatā phassitā paññāya, tassa atthe ca dhamme ca niruttiyā ca paṭibhāne ca na añño koci sakkoti abhisambhavituṁ.
ps3.1:22.3	Anabhisambhavanīyo ca so aññehīti—
ps3.1:22.4	asāmantapañño.
ps3.1:23.1	Puthujjanakalyāṇakassa paññā aṭṭhamakassa paññāya dūre vidūre suvidūre na santike na sāmantā.
ps3.1:23.2	Puthujjanakalyāṇakaṁ upādāya aṭṭhamako asāmantapañño.
ps3.1:23.3	Aṭṭhamakassa paññā sotāpannassa paññāya dūre vidūre suvidūre na santike na sāmantā.
ps3.1:23.4	Aṭṭhamakaṁ upādāya sotāpanno asāmantapañño.
ps3.1:23.5	Sotāpannassa paññā sakadāgāmissa paññāya dūre vidūre suvidūre na santike na sāmantā.
ps3.1:23.6	Sotāpannaṁ upādāya sakadāgāmī asāmantapañño.
ps3.1:23.7	Sakadāgāmissa paññā anāgāmissa paññāya dūre vidūre suvidūre na santike na sāmantā.
ps3.1:23.8	Sakadāgāmiṁ upādāya anāgāmī asāmantapañño.
ps3.1:23.9	Anāgāmissa paññā arahato paññāya dūre vidūre suvidūre na santike na sāmantā.
ps3.1:23.10	Anāgāmiṁ upādāya arahā asāmantapañño.
ps3.1:23.11	Arahato paññā paccekasambuddhassa paññāya dūre vidūre suvidūre na santike na sāmantā.
ps3.1:23.12	Arahantaṁ upādāya paccekabuddho asāmantapañño.
ps3.1:23.13	Paccekabuddhañca sadevakañca lokaṁ upādāya tathāgato arahaṁ sammāsambuddho aggo asāmantapañño.
ps3.1:24.1	Paññāpabhedakusalo pabhinnañāṇo adhigatappaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhorayho anantañāṇo anantatejo anantayaso aḍḍho mahaddhano dhanavā netā vinetā anunetā paññāpetā nijjhāpetā pekkhetā pasādetā.
ps3.1:24.2	“So hi bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido maggānugāmī ca panassa etarahi sāvakā viharanti pacchā samannāgatā”.
ps3.1:25.1	“So hi bhagavā jānaṁ jānāti, passaṁ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.
ps3.1:25.2	Natthi tassa bhagavato aññātaṁ adiṭṭhaṁ aviditaṁ asacchikataṁ aphassitaṁ paññāya.
ps3.1:25.3	Atītaṁ anāgataṁ paccuppannaṁ upādāya sabbe dhammā sabbākārena buddhassa bhagavato ñāṇamukhe āpāthaṁ āgacchanti.
ps3.1:25.4	Yaṁ kiñci neyyaṁ nāma atthi taṁ sabbaṁ jānitabbaṁ.
ps3.1:25.5	Attattho vā parattho vā ubhayattho vā diṭṭhadhammiko vā attho samparāyiko vā attho uttāno vā attho gambhīro vā attho gūḷho vā attho paṭicchanno vā attho neyyo vā attho nīto vā attho anavajjo vā attho nikkileso vā attho vodāno vā attho paramattho vā attho, sabbaṁ taṁ antobuddhañāṇe parivattati.
ps3.1:26.1	Sabbaṁ kāyakammaṁ buddhassa bhagavato ñāṇānuparivatti.
ps3.1:26.2	Sabbaṁ vacīkammaṁ buddhassa bhagavato ñāṇānuparivatti.
ps3.1:26.3	Sabbaṁ manokammaṁ buddhassa bhagavato ñāṇānuparivatti.
ps3.1:26.4	Atīte buddhassa bhagavato appaṭihataṁ ñāṇaṁ.
ps3.1:26.5	Anāgate buddhassa bhagavato appaṭihataṁ ñāṇaṁ.
ps3.1:26.6	Paccuppanne buddhassa bhagavato appaṭihataṁ ñāṇaṁ.
ps3.1:26.7	Yāvatakaṁ neyyaṁ tāvatakaṁ ñāṇaṁ, yāvatakaṁ ñāṇaṁ tāvatakaṁ neyyaṁ.
ps3.1:26.8	Neyyapariyantikaṁ ñāṇaṁ, ñāṇapariyantikaṁ neyyaṁ.
ps3.1:26.9	Neyyaṁ atikkamitvā ñāṇaṁ nappavattati.
ps3.1:26.10	Ñāṇaṁ atikkamitvā neyyapatho natthi.
ps3.1:26.11	Aññamaññapariyantaṭṭhāyino te dhammā.
ps3.1:26.12	Yathā dvinnaṁ samuggapaṭalānaṁ sammā phusitānaṁ heṭṭhimaṁ samuggapaṭalaṁ uparimaṁ nātivattati, uparimaṁ samuggapaṭalaṁ heṭṭhimaṁ nātivattati, aññamaññapariyantaṭṭhāyino;
ps3.1:26.13	evameva buddhassa bhagavato neyyañca ñāṇañca aññamaññapariyantaṭṭhāyino.
ps3.1:26.14	Yāvatakaṁ neyyaṁ tāvatakaṁ ñāṇaṁ, yāvatakaṁ ñāṇaṁ tāvatakaṁ neyyaṁ.
ps3.1:26.15	Neyyapariyantikaṁ ñāṇaṁ, ñāṇapariyantikaṁ neyyaṁ.
ps3.1:26.16	Neyyaṁ atikkamitvā ñāṇaṁ nappavattati.
ps3.1:26.17	Ñāṇaṁ atikkamitvā neyyapatho natthi.
ps3.1:26.18	Aññamaññapariyantaṭṭhāyino te dhammā.
ps3.1:26.19	Sabbadhammesu buddhassa bhagavato ñāṇaṁ pavattati.
ps3.1:27.1	Sabbe dhammā buddhassa bhagavato āvajjanappaṭibaddhā ākaṅkhappaṭibaddhā manasikārappaṭibaddhā cittuppādappaṭibaddhā.
ps3.1:27.2	Sabbasattesu buddhassa bhagavato ñāṇaṁ pavattati.
ps3.1:27.3	Sabbesaṁ sattānaṁ buddho āsayaṁ jānāti, anusayaṁ jānāti, caritaṁ jānāti, adhimuttiṁ jānāti.
ps3.1:27.4	Apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte pajānāti.
ps3.1:27.5	Sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati.
ps3.1:28.1	Yathā ye keci macchakacchapā, antamaso timitimiṅgalaṁ upādāya, antomahāsamudde parivattanti, evamevaṁ sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati.
ps3.1:28.2	Yathā ye keci pakkhino, antamaso garuḷaṁ venateyyaṁ upādāya, ākāsassa padese parivattanti;
ps3.1:28.3	evameva yepi te sāriputtasamā paññāya tepi buddhañāṇassa padese parivattanti.
ps3.1:28.4	Buddhañāṇaṁ devamanussānaṁ paññaṁ pharitvā atighaṁsitvā tiṭṭhati.
ps3.1:29.1	Yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā maññe caranti paññāgatena diṭṭhigatāni, te pañhaṁ abhisaṅkharitvā abhisaṅkharitvā tathāgataṁ upasaṅkamitvā pucchanti gūḷhāni ca paṭicchannāni ca.
ps3.1:29.2	Kathitā visajjitā ca te pañhā bhagavatā honti niddiṭṭhakāraṇā.
ps3.1:29.3	Upakkhittakā ca te bhagavato sampajjanti.
ps3.1:29.4	Atha kho bhagavā tattha atirocati yadidaṁ paññāyā”ti.
ps3.1:29.5	Aggo asāmantapañño, asāmantapaññatāya saṁvattantīti—
ps3.1:29.6	ayaṁ asāmantapaññā.
ps3.1:30.1	<b>Bhūripaññatāya saṁvattantī</b>ti katamā bhūripaññā?
ps3.1:30.2	Rāgaṁ abhibhuyyatīti—bhūripaññā.
ps3.1:30.3	Abhibhavitāti—bhūripaññā.
ps3.1:30.4	Dosaṁ abhibhuyyatīti—bhūripaññā.
ps3.1:30.5	Abhibhavitāti—bhūripaññā.
ps3.1:30.6	Mohaṁ abhibhuyyatīti—bhūripaññā.
ps3.1:30.7	Abhibhavitāti—bhūripaññā.
ps3.1:30.8	Kodhaṁ …pe…
ps3.1:30.9	upanāhaṁ …
ps3.1:30.10	makkhaṁ …
ps3.1:30.11	paḷāsaṁ …
ps3.1:30.12	issaṁ …
ps3.1:30.13	macchariyaṁ …
ps3.1:30.14	māyaṁ …
ps3.1:30.15	sāṭheyyaṁ …
ps3.1:30.16	thambhaṁ …
ps3.1:30.17	sārambhaṁ …
ps3.1:30.18	mānaṁ …
ps3.1:30.19	atimānaṁ …
ps3.1:30.20	madaṁ …
ps3.1:30.21	pamādaṁ …
ps3.1:30.22	sabbe kilese …
ps3.1:30.23	sabbe duccarite …
ps3.1:30.24	sabbe abhisaṅkhāre …pe…
ps3.1:30.25	sabbe bhavagāmikamme abhibhuyyatīti—bhūripaññā.
ps3.1:30.26	Abhibhavitāti—bhūripaññā.
ps3.1:30.27	Rāgo ari taṁ ariṁ maddanipaññāti—bhūripaññā.
ps3.1:30.28	Doso ari taṁ ariṁ maddanipaññāti—bhūripaññā.
ps3.1:30.29	Moho ari taṁ ariṁ maddanipaññāti—bhūripaññā.
ps3.1:30.30	Kodho …pe…
ps3.1:30.31	upanāho …
ps3.1:30.32	makkho …
ps3.1:30.33	paḷāso …
ps3.1:30.34	issā …
ps3.1:30.35	macchariyaṁ …
ps3.1:30.36	māyā …
ps3.1:30.37	sāṭheyyaṁ …
ps3.1:30.38	thambho …
ps3.1:30.39	sārambho …
ps3.1:30.40	māno …
ps3.1:30.41	atimāno …
ps3.1:30.42	mado …
ps3.1:30.43	pamādo …
ps3.1:30.44	sabbe kilesā …
ps3.1:30.45	sabbe duccaritā …
ps3.1:30.46	sabbe abhisaṅkhārā …pe…
ps3.1:30.47	sabbe bhavagāmikammā ari taṁ ariṁ maddanipaññāti—bhūripaññā.
ps3.1:30.48	Bhūri vuccati pathavī.
ps3.1:30.49	Tāya pathavisamāya vitthatāya vipulāya paññāya samannāgatoti—bhūripaññā.
ps3.1:30.50	Api ca paññāya metaṁ adhivacanaṁ.
ps3.1:30.51	Bhūri medhā pariṇāyikāti—bhūripaññā.
ps3.1:30.52	Bhūripaññatāya saṁvattantīti—
ps3.1:30.53	ayaṁ bhūripaññā.
ps3.1:31.1	<b>Paññābāhullāya saṁvattantī</b>ti katamaṁ paññābāhullaṁ?
ps3.1:31.2	Idhekacco paññāgaruko hoti paññācarito paññāsayo paññādhimutto paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo sampekkhāyanadhammo vibhūtavihārī taccarito taggaruko tabbahulo tanninno tappoṇo tappabbhāro tadadhimutto tadadhipateyyo.
ps3.1:31.3	Yathā gaṇagaruko vuccati “gaṇabāhuliko”ti, cīvaragaruko vuccati “cīvarabāhuliko”ti, pattagaruko vuccati “pattabāhuliko”ti, senāsanagaruko vuccati “senāsanabāhuliko”ti;
ps3.1:31.4	evamevaṁ idhekacco paññāgaruko hoti paññācarito paññāsayo paññādhimutto paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo sampekkhāyanadhammo vibhūtavihārī taccarito taggaruko tabbahulo tanninno tappoṇo tappabbhāro tadadhimutto tadadhipateyyo.
ps3.1:31.5	Paññābāhullāya saṁvattantīti—
ps3.1:31.6	idaṁ paññābāhullaṁ.
ps3.1:32.1	<b>Sīghapaññatāya saṁvattantī</b>ti katamā sīghapaññā?
ps3.1:32.2	Sīghaṁ sīghaṁ sīlāni paripūretīti—sīghapaññā.
ps3.1:32.3	Sīghaṁ sīghaṁ indriyasaṁvaraṁ paripūretīti—sīghapaññā.
ps3.1:32.4	Sīghaṁ sīghaṁ bhojane mattaññutaṁ paripūretīti—sīghapaññā.
ps3.1:32.5	Sīghaṁ sīghaṁ jāgariyānuyogaṁ paripūretīti—sīghapaññā.
ps3.1:32.6	Sīghaṁ sīghaṁ sīlakkhandhaṁ paripūretīti—sīghapaññā.
ps3.1:32.7	Sīghaṁ sīghaṁ samādhikkhandhaṁ paripūretīti—sīghapaññā.
ps3.1:32.8	Sīghaṁ sīghaṁ paññākkhandhaṁ paripūretīti—sīghapaññā.
ps3.1:32.9	Sīghaṁ sīghaṁ vimuttikkhandhaṁ paripūretīti—sīghapaññā.
ps3.1:32.10	Sīghaṁ sīghaṁ vimuttiñāṇadassanakkhandhaṁ paripūretīti—sīghapaññā.
ps3.1:32.11	Sīghaṁ sīghaṁ ṭhānāṭṭhānāni paṭivijjhatīti—sīghapaññā.
ps3.1:32.12	Sīghaṁ sīghaṁ vihārasamāpattiyo paripūretīti—sīghapaññā.
ps3.1:32.13	Sīghaṁ sīghaṁ ariyasaccāni paṭivijjhatīti—sīghapaññā.
ps3.1:32.14	Sīghaṁ sīghaṁ satipaṭṭhāne bhāvetīti—sīghapaññā.
ps3.1:32.15	Sīghaṁ sīghaṁ sammappadhāne bhāvetīti—sīghapaññā.
ps3.1:32.16	Sīghaṁ sīghaṁ iddhipāde bhāvetīti—sīghapaññā.
ps3.1:32.17	Sīghaṁ sīghaṁ indriyāni bhāvetīti—sīghapaññā.
ps3.1:32.18	Sīghaṁ sīghaṁ balāni bhāvetīti—sīghapaññā.
ps3.1:32.19	Sīghaṁ sīghaṁ bojjhaṅge bhāvetīti—sīghapaññā.
ps3.1:32.20	Sīghaṁ sīghaṁ ariyamaggaṁ bhāvetīti—sīghapaññā.
ps3.1:32.21	Sīghaṁ sīghaṁ sāmaññaphalāni sacchikarotīti—sīghapaññā.
ps3.1:32.22	Sīghaṁ sīghaṁ abhiññāyo paṭivijjhatīti—sīghapaññā.
ps3.1:32.23	Sīghaṁ sīghaṁ paramatthaṁ nibbānaṁ sacchikarotīti—sīghapaññā.
ps3.1:32.24	Sīghapaññatāya saṁvattantīti—
ps3.1:32.25	ayaṁ sīghapaññā.
ps3.1:33.1	<b>Lahupaññatāya saṁvattantī</b>ti katamā lahupaññā?
ps3.1:33.2	Lahuṁ lahuṁ sīlāni paripūretīti—lahupaññā.
ps3.1:33.3	Lahuṁ lahuṁ indriyasaṁvaraṁ paripūretīti—lahupaññā.
ps3.1:33.4	Lahuṁ lahuṁ bhojane mattaññutaṁ paripūretīti—lahupaññā.
ps3.1:33.5	Lahuṁ lahuṁ jāgariyānuyogaṁ paripūretīti—lahupaññā.
ps3.1:33.6	Lahuṁ lahuṁ sīlakkhandhaṁ …pe…
ps3.1:33.7	samādhikkhandhaṁ …
ps3.1:33.8	paññākkhandhaṁ …
ps3.1:33.9	vimuttikkhandhaṁ …
ps3.1:33.10	vimuttiñāṇadassanakkhandhaṁ paripūretīti—lahupaññā.
ps3.1:33.11	Lahuṁ lahuṁ ṭhānāṭṭhānāni paṭivijjhatīti—lahupaññā.
ps3.1:33.12	Lahuṁ lahuṁ vihārasamāpattiyo paripūretīti—lahupaññā.
ps3.1:33.13	Lahuṁ lahuṁ ariyasaccāni paṭivijjhatīti—lahupaññā.
ps3.1:33.14	Lahuṁ lahuṁ satipaṭṭhāne bhāvetīti—lahupaññā.
ps3.1:33.15	Lahuṁ lahuṁ sammappadhāne bhāvetīti—lahupaññā.
ps3.1:33.16	Lahuṁ lahuṁ iddhipāde bhāvetīti—lahupaññā.
ps3.1:33.17	Lahuṁ lahuṁ indriyāni bhāvetīti—lahupaññā.
ps3.1:33.18	Lahuṁ lahuṁ balāni bhāvetīti—lahupaññā.
ps3.1:33.19	Lahuṁ lahuṁ bojjhaṅge bhāvetīti—lahupaññā.
ps3.1:33.20	Lahuṁ lahuṁ ariyamaggaṁ bhāvetīti—lahupaññā.
ps3.1:33.21	Lahuṁ lahuṁ sāmaññaphalāni sacchikarotīti—lahupaññā.
ps3.1:33.22	Lahuṁ lahuṁ abhiññāyo paṭivijjhatīti—lahupaññā.
ps3.1:33.23	Lahuṁ lahuṁ paramatthaṁ nibbānaṁ sacchikarotīti—lahupaññā.
ps3.1:33.24	Lahupaññatāya saṁvattantīti—
ps3.1:33.25	ayaṁ lahupaññā.
ps3.1:34.1	<b>Hāsapaññatāya saṁvattantī</b>ti katamā hāsapaññā?
ps3.1:34.2	Idhekacco hāsabahulo vedabahulo tuṭṭhibahulo pāmojjabahulo sīlāni paripūretīti—hāsapaññā.
ps3.1:34.3	Hāsabahulo vedabahulo tuṭṭhibahulo pāmojjabahulo indriyasaṁvaraṁ paripūretīti—hāsapaññā.
ps3.1:34.4	Hāsabahulo vedabahulo tuṭṭhibahulo pāmojjabahulo bhojane mattaññutaṁ paripūretīti—hāsapaññā.
ps3.1:34.5	Hāsabahulo vedabahulo tuṭṭhibahulo pāmojjabahulo jāgariyānuyogaṁ paripūretīti—hāsapaññā.
ps3.1:34.6	Hāsabahulo vedabahulo tuṭṭhibahulo pāmojjabahulo sīlakkhandhaṁ …pe…
ps3.1:34.7	samādhikkhandhaṁ …
ps3.1:34.8	paññākkhandhaṁ …
ps3.1:34.9	vimuttikkhandhaṁ …
ps3.1:34.10	vimuttiñāṇadassanakkhandhaṁ paripūretīti …pe…
ps3.1:34.11	ṭhānāṭṭhānāni paṭivijjhatīti …
ps3.1:34.12	vihārasamāpattiyo paripūretīti …
ps3.1:34.13	ariyasaccāni paṭivijjhatīti …
ps3.1:34.14	satipaṭṭhāne bhāvetīti …
ps3.1:34.15	sammappadhāne bhāvetīti …
ps3.1:34.16	iddhipāde bhāvetīti …
ps3.1:34.17	indriyāni bhāvetīti …
ps3.1:34.18	balāni bhāvetīti …
ps3.1:34.19	bojjhaṅge bhāvetīti …
ps3.1:34.20	ariyamaggaṁ bhāvetīti …pe…
ps3.1:34.21	sāmaññaphalāni sacchikarotīti—hāsapaññā.
ps3.1:34.22	Hāsabahulo vedabahulo tuṭṭhibahulo pāmojjabahulo abhiññāyo paṭivijjhatīti—hāsapaññā.
ps3.1:34.23	Hāsabahulo vedabahulo tuṭṭhibahulo pāmojjabahulo paramatthaṁ nibbānaṁ sacchikarotīti—hāsapaññā.
ps3.1:34.24	Hāsapaññatāya saṁvattantīti—
ps3.1:34.25	ayaṁ hāsapaññā.
ps3.1:35.1	<b>Javanapaññatāya saṁvattantī</b>ti katamā javanapaññā?
ps3.1:35.2	Yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ aniccato khippaṁ javatīti—javanapaññā.
ps3.1:35.3	Dukkhato khippaṁ javatīti—javanapaññā.
ps3.1:35.4	Anattato khippaṁ javatīti—javanapaññā.
ps3.1:35.5	Yā kāci vedanā …pe…
ps3.1:35.6	yā kāci saññā …
ps3.1:35.7	ye keci saṅkhārā …
ps3.1:35.8	yaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ aniccato khippaṁ javatīti—javanapaññā.
ps3.1:35.9	Dukkhato khippaṁ javatīti—javanapaññā.
ps3.1:35.10	Anattato khippaṁ javatīti—javanapaññā.
ps3.1:35.11	Cakkhu …pe…
ps3.1:35.12	jarāmaraṇaṁ atītānāgatapaccuppannaṁ aniccato khippaṁ javatīti—javanapaññā.
ps3.1:35.13	Dukkhato khippaṁ javatīti—javanapaññā.
ps3.1:35.14	Anattato khippaṁ javatīti—javanapaññā.
ps3.1:36.1	Rūpaṁ atītānāgatapaccuppannaṁ aniccaṁ khayaṭṭhena dukkhaṁ bhayaṭṭhena anattā asārakaṭṭhenāti tulayitvā tīrayitvā vibhāvayitvā vibhūtaṁ katvā rūpanirodhe nibbāne khippaṁ javatīti—javanapaññā.
ps3.1:36.2	Vedanā …pe…
ps3.1:36.3	saññā …
ps3.1:36.4	saṅkhārā …
ps3.1:36.5	viññāṇaṁ …
ps3.1:36.6	cakkhu …pe…
ps3.1:36.7	jarāmaraṇaṁ atītānāgatapaccuppannaṁ aniccaṁ khayaṭṭhena dukkhaṁ bhayaṭṭhena anattā asārakaṭṭhenāti tulayitvā tīrayitvā vibhāvayitvā vibhūtaṁ katvā jarāmaraṇanirodhe nibbāne khippaṁ javatīti—javanapaññā.
ps3.1:37.1	Rūpaṁ atītānāgatapaccuppannaṁ aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammanti tulayitvā tīrayitvā vibhāvayitvā vibhūtaṁ katvā rūpanirodhe nibbāne khippaṁ javatīti—javanapaññā.
ps3.1:37.2	Vedanā …pe…
ps3.1:37.3	saññā …
ps3.1:37.4	saṅkhārā …
ps3.1:37.5	viññāṇaṁ …
ps3.1:37.6	cakkhu …pe…
ps3.1:37.7	jarāmaraṇaṁ atītānāgatapaccuppannaṁ aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammanti tulayitvā tīrayitvā vibhāvayitvā vibhūtaṁ katvā jarāmaraṇanirodhe nibbāne khippaṁ javatīti—javanapaññā.
ps3.1:37.8	Javanapaññatāya saṁvattantīti—
ps3.1:37.9	ayaṁ javanapaññā.
ps3.1:38.1	<b>Tikkhapaññatāya saṁvattantī</b>ti katamā tikkhapaññā?
ps3.1:38.2	Khippaṁ kilese chindatīti—tikkhapaññā.
ps3.1:38.3	Uppannaṁ kāmavitakkaṁ nādhivāseti pajahati vinodeti byantīkaroti anabhāvaṁ gametīti—tikkhapaññā.
ps3.1:38.4	Uppannaṁ byāpādavitakkaṁ nādhivāseti pajahati vinodeti byantīkaroti anabhāvaṁ gametīti—tikkhapaññā.
ps3.1:38.5	Uppannaṁ vihiṁsāvitakkaṁ nādhivāseti …pe…
ps3.1:38.6	uppannuppanne pāpake akusale dhamme nādhivāseti pajahati vinodeti byantīkaroti anabhāvaṁ gametīti—tikkhapaññā.
ps3.1:38.7	Uppannaṁ rāgaṁ nādhivāseti pajahati vinodeti byantīkaroti anabhāvaṁ gametīti—tikkhapaññā.
ps3.1:38.8	Uppannaṁ dosaṁ …pe…
ps3.1:38.9	uppannaṁ mohaṁ …
ps3.1:38.10	uppannaṁ kodhaṁ …
ps3.1:38.11	uppannaṁ upanāhaṁ …
ps3.1:38.12	makkhaṁ …
ps3.1:38.13	paḷāsaṁ …
ps3.1:38.14	issaṁ …
ps3.1:38.15	macchariyaṁ …
ps3.1:38.16	māyaṁ …
ps3.1:38.17	sāṭheyyaṁ …
ps3.1:38.18	thambhaṁ …
ps3.1:38.19	sārambhaṁ …
ps3.1:38.20	mānaṁ …
ps3.1:38.21	atimānaṁ …
ps3.1:38.22	madaṁ …
ps3.1:38.23	pamādaṁ …
ps3.1:38.24	sabbe kilese …
ps3.1:38.25	sabbe duccarite …
ps3.1:38.26	sabbe abhisaṅkhāre …pe…
ps3.1:38.27	sabbe bhavagāmikamme nādhivāseti pajahati vinodeti byantīkaroti anabhāvaṁ gametīti—tikkhapaññā.
ps3.1:38.28	Ekasmiṁ āsane cattāro ca ariyamaggā cattāri ca sāmaññaphalāni catasso paṭisambhidāyo cha abhiññāyo adhigatā honti sacchikatā phassitā paññāyāti—tikkhapaññā.
ps3.1:38.29	Tikkhapaññatāya saṁvattantīti—
ps3.1:38.30	ayaṁ tikkhapaññā.
ps3.1:39.1	<b>Nibbedhikapaññatāya saṁvattantī</b>ti katamā nibbedhikapaññā?
ps3.1:39.2	Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo.
ps3.1:39.3	Bahimukho na ramati sabbasaṅkhāresu.
ps3.1:39.4	Anibbiddhapubbaṁ appadālitapubbaṁ lobhakkhandhaṁ nibbijjhati padāletīti—nibbedhikapaññā.
ps3.1:39.5	Anibbiddhapubbaṁ appadālitapubbaṁ dosakkhandhaṁ nibbijjhati padāletīti—nibbedhikapaññā.
ps3.1:39.6	Anibbiddhapubbaṁ appadālitapubbaṁ mohakkhandhaṁ nibbijjhati padāletīti—nibbedhikapaññā.
ps3.1:39.7	Anibbiddhapubbaṁ appadālitapubbaṁ kodhaṁ …pe…
ps3.1:39.8	upanāhaṁ …
ps3.1:39.9	makkhaṁ …
ps3.1:39.10	paḷāsaṁ …
ps3.1:39.11	issaṁ …
ps3.1:39.12	macchariyaṁ …
ps3.1:39.13	māyaṁ …
ps3.1:39.14	sāṭheyyaṁ …
ps3.1:39.15	thambhaṁ …
ps3.1:39.16	sārambhaṁ …
ps3.1:39.17	mānaṁ …
ps3.1:39.18	atimānaṁ …
ps3.1:39.19	madaṁ …
ps3.1:39.20	pamādaṁ …
ps3.1:39.21	sabbe kilese …
ps3.1:39.22	sabbe duccarite …
ps3.1:39.23	sabbe abhisaṅkhāre …pe…
ps3.1:39.24	sabbe bhavagāmikamme nibbijjhati padāletīti—nibbedhikapaññā.
ps3.1:39.25	Nibbedhikapaññatāya saṁvattantīti—
ps3.1:39.26	ayaṁ nibbedhikapaññā.
ps3.1:40.1	Imā soḷasa paññāyo.
ps3.1:40.2	Imāhi soḷasahi paññāhi samannāgato puggalo paṭisambhidappatto.
ps3.1:41.0	3.1.2. Puggalavisesaniddesa
ps3.1:41.1	Dve puggalā paṭisambhidappattā—
ps3.1:41.2	eko pubbayogasampanno, eko na pubbayogasampanno.
ps3.1:41.3	Yo pubbayogasampanno so tena atireko hoti, adhiko hoti, viseso hoti.
ps3.1:41.4	Tassa ñāṇaṁ pabhijjati.
ps3.1:42.1	Dve puggalā paṭisambhidappattā, dvepi pubbayogasampannā—
ps3.1:42.2	eko bahussuto, eko na bahussuto.
ps3.1:42.3	Yo bahussuto, so tena atireko hoti, adhiko hoti, viseso hoti.
ps3.1:42.4	Tassa ñāṇaṁ pabhijjati.
ps3.1:43.1	Dve puggalā paṭisambhidappattā, dvepi pubbayogasampannā, dvepi bahussutā—
ps3.1:43.2	eko desanābahulo, eko na desanābahulo.
ps3.1:43.3	Yo desanābahulo, so tena atireko hoti, adhiko hoti, viseso hoti.
ps3.1:43.4	Tassa ñāṇaṁ pabhijjati.
ps3.1:44.1	Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā—
ps3.1:44.2	eko garūpanissito, eko na garūpanissito.
ps3.1:44.3	Yo garūpanissito, so tena atireko hoti, adhiko hoti, viseso hoti.
ps3.1:44.4	Tassa ñāṇaṁ pabhijjati.
ps3.1:45.1	Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā—
ps3.1:45.2	eko vihārabahulo, eko na vihārabahulo.
ps3.1:45.3	Yo vihārabahulo, so tena atireko hoti, adhiko hoti, viseso hoti.
ps3.1:45.4	Tassa ñāṇaṁ pabhijjati.
ps3.1:46.1	Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā—
ps3.1:46.2	eko paccavekkhaṇābahulo, eko na paccavekkhaṇābahulo.
ps3.1:46.3	Yo paccavekkhaṇābahulo, so tena atireko hoti, adhiko hoti, viseso hoti.
ps3.1:46.4	Tassa ñāṇaṁ pabhijjati.
ps3.1:47.1	Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā—
ps3.1:47.2	eko sekhapaṭisambhidappatto, eko asekhapaṭisambhidappatto.
ps3.1:47.3	Yo asekhapaṭisambhidappatto, so tena atireko hoti, adhiko hoti, viseso hoti.
ps3.1:47.4	Tassa ñāṇaṁ pabhijjati.
ps3.1:48.1	Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā, dvepi asekhapaṭisambhidappattā—
ps3.1:48.2	eko sāvakapāramippatto, eko na sāvakapāramippatto.
ps3.1:48.3	Yo sāvakapāramippatto, so tena atireko hoti, adhiko hoti, viseso hoti.
ps3.1:48.4	Tassa ñāṇaṁ pabhijjati.
ps3.1:49.1	Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā, dvepi asekhapaṭisambhidappattā—
ps3.1:49.2	eko sāvakapāramippatto, eko paccekasambuddho.
ps3.1:49.3	Yo paccekasambuddho, so tena atireko hoti, adhiko hoti, viseso hoti.
ps3.1:49.4	Tassa ñāṇaṁ pabhijjati.
ps3.1:50.1	Paccekabuddhañca sadevakañca lokaṁ upādāya tathāgato arahaṁ sammāsambuddho aggo paṭisambhidappatto paññāpabhedakusalo pabhinnañāṇo adhigatapaṭisambhido catuvesārajjappatto dasabaladhārī purisāsabho purisasīho …pe…
ps3.1:50.2	yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā maññe caranti paññāgatena diṭṭhigatāni, te pañhaṁ abhisaṅkharitvā abhisaṅkharitvā tathāgataṁ upasaṅkamitvā pucchanti gūḷhāni ca paṭicchannāni ca.
ps3.1:50.3	Kathitā visajjitā ca te pañhā bhagavatā honti niddiṭṭhakāraṇā, upakkhittakā ca te bhagavato sampajjanti.
ps3.1:50.4	Atha kho bhagavā tattha atirocati, yadidaṁ paññāyāti aggo paṭisambhidappattoti.
ps3.1:50.5	Mahāpaññākathā niṭṭhitā.
ps3.2:0.1	Paṭisambhidāmagga
ps3.2:0.2	3 Paññāvagga
ps3.2:0.3	3.2. Iddhikathā
ps3.2:1.1	Kā iddhi?
ps3.2:1.2	Kati iddhiyo?
ps3.2:1.3	Iddhiyā kati bhūmiyo, kati pādā, kati padāni, kati mūlāni?
ps3.2:1.4	<b>Kā iddhī</b>ti?
ps3.2:1.5	Ijjhanaṭṭhena iddhi.
ps3.2:1.6	<b>Kati iddhiyo</b>ti?
ps3.2:1.7	Dasa iddhiyo.
ps3.2:1.8	<b>Iddhiyā kati bhūmiyo</b>ti?
ps3.2:1.9	Iddhiyā catasso bhūmiyo, cattāro pādā, aṭṭha padāni, soḷasa mūlāni.
ps3.2:2.1	Katamā <b>dasa iddhiyo?</b>
ps3.2:2.2	Adhiṭṭhānā iddhi, vikubbanā iddhi, manomayā iddhi, ñāṇavipphārā iddhi, samādhivipphārā iddhi, ariyā iddhi, kammavipākajā iddhi, puññavato iddhi, vijjāmayā iddhi, tattha tattha sammāpayogapaccayā ijjhanaṭṭhena iddhi.
ps3.2:3.1	<b>Iddhiyā katamā catasso bhūmiyo?</b>
ps3.2:3.2	Vivekajābhūmi paṭhamaṁ jhānaṁ, pītisukhabhūmi dutiyaṁ jhānaṁ, upekkhāsukhabhūmi tatiyaṁ jhānaṁ, adukkhamasukhābhūmi catutthaṁ jhānaṁ.
ps3.2:3.3	Iddhiyā imā catasso bhūmiyo iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṁvattantīti.
ps3.2:4.1	<b>Iddhiyā katame cattāro pādā?</b>
ps3.2:4.2	Idha bhikkhu chandasamādhipadhānasaṅkhārasamannāgataṁ iddhipādaṁ bhāveti, cittasamādhipadhānasaṅkhārasamannāgataṁ iddhipādaṁ bhāveti, vīriyasamādhipadhānasaṅkhārasamannāgataṁ iddhipādaṁ bhāveti, vīmaṁsāsamādhipadhānasaṅkhārasamannāgataṁ iddhipādaṁ bhāveti.
ps3.2:4.3	Iddhiyā ime cattāro pādā iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṁvattantīti.
ps3.2:5.1	<b>Iddhiyā katamāni aṭṭha padāni?</b>
ps3.2:5.2	Chandañce bhikkhu nissāya labhati samādhiṁ, labhati cittassa ekaggataṁ.
ps3.2:5.3	Chando na samādhi, samādhi na chando.
ps3.2:5.4	Añño chando, añño samādhi.
ps3.2:5.5	Vīriyañce bhikkhu nissāya labhati samādhiṁ, labhati cittassa ekaggataṁ.
ps3.2:5.6	Vīriyaṁ na samādhi, samādhi na vīriyaṁ.
ps3.2:5.7	Aññaṁ vīriyaṁ, añño samādhi.
ps3.2:5.8	Cittañce bhikkhu nissāya labhati samādhiṁ, labhati cittassa ekaggataṁ.
ps3.2:5.9	Cittaṁ na samādhi, samādhi na cittaṁ.
ps3.2:5.10	Aññaṁ cittaṁ, añño samādhi.
ps3.2:5.11	Vīmaṁsañce bhikkhu nissāya labhati samādhiṁ, labhati cittassa ekaggataṁ.
ps3.2:5.12	Vīmaṁsā na samādhi, samādhi na vīmaṁsā.
ps3.2:5.13	Aññā vīmaṁsā, añño samādhi.
ps3.2:5.14	Iddhiyā imāni aṭṭha padāni iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṁvattantīti.
ps3.2:6.1	<b>Iddhiyā katamāni soḷasa mūlāni?</b>
ps3.2:6.2	Anonataṁ cittaṁ kosajje na iñjatīti—āneñjaṁ.
ps3.2:6.3	Anunnataṁ cittaṁ uddhacce na iñjatīti—āneñjaṁ.
ps3.2:6.4	Anabhinataṁ cittaṁ rāge na iñjatīti—āneñjaṁ.
ps3.2:6.5	Anapanataṁ cittaṁ byāpāde na iñjatīti—āneñjaṁ.
ps3.2:6.6	Anissitaṁ cittaṁ diṭṭhiyā na iñjatīti—āneñjaṁ.
ps3.2:6.7	Appaṭibaddhaṁ cittaṁ chandarāge na iñjatīti—āneñjaṁ.
ps3.2:6.8	Vippamuttaṁ cittaṁ kāmarāge na iñjatīti—āneñjaṁ.
ps3.2:6.9	Visaññuttaṁ cittaṁ kilese na iñjatīti—āneñjaṁ.
ps3.2:6.10	Vimariyādikataṁ cittaṁ kilesamariyāde na iñjatīti—āneñjaṁ.
ps3.2:6.11	Ekattagataṁ cittaṁ nānattakilesehi na iñjatīti—āneñjaṁ.
ps3.2:6.12	Saddhāya pariggahitaṁ cittaṁ assaddhiye na iñjatīti—āneñjaṁ.
ps3.2:6.13	Vīriyena pariggahitaṁ cittaṁ kosajje na iñjatīti—āneñjaṁ.
ps3.2:6.14	Satiyā pariggahitaṁ cittaṁ pamāde na iñjatīti—āneñjaṁ.
ps3.2:6.15	Samādhinā pariggahitaṁ cittaṁ uddhacce na iñjatīti—āneñjaṁ.
ps3.2:6.16	Paññāya pariggahitaṁ cittaṁ avijjāya na iñjatīti—āneñjaṁ.
ps3.2:6.17	Obhāsagataṁ cittaṁ avijjandhakāre na iñjatīti—āneñjaṁ.
ps3.2:6.18	Iddhiyā imāni soḷasa mūlāni iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṁvattantīti.
ps3.2:7.0	3.2.1. Dasaiddhiniddesa
ps3.2:7.1	Katamā <b>adhiṭṭhānā iddhi?</b>
ps3.2:7.2	Idha bhikkhu anekavihitaṁ iddhividhaṁ paccanubhoti—
ps3.2:7.3	ekopi hutvā bahudhā hoti, bahudhāpi hutvā eko hoti;
ps3.2:7.4	āvibhāvaṁ tirobhāvaṁ;
ps3.2:7.5	tirokuṭṭaṁ tiropākāraṁ tiropabbataṁ asajjamāno gacchati, seyyathāpi ākāse;
ps3.2:7.6	pathaviyāpi ummujjanimujjaṁ karoti, seyyathāpi udake;
ps3.2:7.7	udakepi abhijjamāne gacchati, seyyathāpi pathaviyaṁ;
ps3.2:7.8	ākāsepi pallaṅkena kamati, seyyathāpi pakkhī sakuṇo;
ps3.2:7.9	imepi candimasūriye evaṁmahiddhike evaṁmahānubhāve pāṇinā parāmasati parimajjati;
ps3.2:7.10	yāva brahmalokāpi kāyena vasaṁ vattetīti.
ps3.2:8.1	<b>Idhā</b>ti imissā diṭṭhiyā imissā khantiyā imissā ruciyā imasmiṁ ādāye imasmiṁ dhamme imasmiṁ vinaye imasmiṁ dhammavinaye imasmiṁ pāvacane imasmiṁ brahmacariye imasmiṁ satthusāsane.
ps3.2:8.2	Tena vuccati—
ps3.2:8.3	“idhā”ti.
ps3.2:8.4	<b>Bhikkhū</b>ti puthujjanakalyāṇako vā hoti bhikkhu sekho vā arahā vā akuppadhammo.
ps3.2:8.5	<b>Anekavihitaṁ iddhividhaṁ paccanubhotī</b>ti nānappakāraṁ iddhividhaṁ paccanubhoti.
ps3.2:8.6	<b>Ekopi hutvā bahudhā hotī</b>ti pakatiyā eko bahukaṁ āvajjati, sataṁ vā sahassaṁ vā satasahassaṁ vā āvajjati.
ps3.2:8.7	Āvajjitvā ñāṇena adhiṭṭhāti—
ps3.2:8.8	“bahulo homī”ti.
ps3.2:8.9	Bahulo hoti.
ps3.2:8.10	Yathāyasmā cūḷapanthako ekopi hutvā bahudhā hoti, evamevaṁ so iddhimā cetovasippatto ekopi hutvā bahudhā hoti.
ps3.2:8.11	<b>Bahudhāpi hutvā eko hotī</b>ti pakatiyā bahuko ekaṁ āvajjati;
ps3.2:8.12	āvajjitvā ñāṇena adhiṭṭhāti—
ps3.2:8.13	“eko homī”ti.
ps3.2:8.14	Eko hoti.
ps3.2:8.15	Yathāyasmā cūḷapanthako bahudhāpi hutvā eko hoti, evamevaṁ so iddhimā cetovasippatto bahudhāpi hutvā eko hoti.
ps3.2:9.1	<b>Āvibhāvan</b>ti kenaci anāvaṭaṁ hoti appaṭicchannaṁ vivaṭaṁ pākaṭaṁ.
ps3.2:9.2	<b>Tirobhāvan</b>ti kenaci āvaṭaṁ hoti paṭicchannaṁ pihitaṁ paṭikujjitaṁ.
ps3.2:9.3	<b>Tirokuṭṭaṁ tiropākāraṁ tiropabbataṁ asajjamāno gacchati, seyyathāpi ākāse</b>ti pakatiyā ākāsakasiṇasamāpattiyā lābhī hoti.
ps3.2:9.4	Tirokuṭṭaṁ tiropākāraṁ tiropabbataṁ āvajjati.
ps3.2:9.5	Āvajjitvā ñāṇena adhiṭṭhāti—
ps3.2:9.6	“ākāso hotū”ti.
ps3.2:9.7	Ākāso hoti.
ps3.2:9.8	Tirokuṭṭaṁ tiropākāraṁ tiropabbataṁ asajjamāno gacchati.
ps3.2:9.9	Yathā manussā pakatiyā aniddhimanto kenaci anāvaṭe aparikkhitte asajjamānā gacchanti, evamevaṁ so iddhimā cetovasippatto tirokuṭṭaṁ tiropākāraṁ tiropabbataṁ asajjamāno gacchati, seyyathāpi ākāse.
ps3.2:10.1	<b>Pathaviyāpi ummujjanimujjaṁ karoti, seyyathāpi udake</b>ti pakatiyā āpokasiṇasamāpattiyā lābhī hoti.
ps3.2:10.2	Pathaviṁ āvajjati.
ps3.2:10.3	Āvajjitvā ñāṇena adhiṭṭhāti—
ps3.2:10.4	“udakaṁ hotū”ti.
ps3.2:10.5	Udakaṁ hoti.
ps3.2:10.6	So pathaviyā ummujjanimujjaṁ karoti.
ps3.2:10.7	Yathā manussā pakatiyā aniddhimanto udake ummujjanimujjaṁ karonti, evamevaṁ so iddhimā cetovasippatto pathaviyā ummujjanimujjaṁ karoti, seyyathāpi udake.
ps3.2:11.1	<b>Udakepi abhijjamāne gacchati, seyyathāpi pathaviyan</b>ti pakatiyā pathavīkasiṇasamāpattiyā lābhī hoti.
ps3.2:11.2	Udakaṁ āvajjati.
ps3.2:11.3	Āvajjitvā ñāṇena adhiṭṭhāti—
ps3.2:11.4	“pathavī hotū”ti.
ps3.2:11.5	Pathavī hoti.
ps3.2:11.6	So abhijjamāne udake gacchati.
ps3.2:11.7	Yathā manussā pakatiyā aniddhimanto abhijjamānāya pathaviyā gacchanti, evamevaṁ so iddhimā cetovasippatto abhijjamāne udake gacchati, seyyathāpi pathaviyaṁ.
ps3.2:12.1	<b>Ākāsepi pallaṅkena kamati, seyyathāpi pakkhī sakuṇo</b>ti pakatiyā pathavīkasiṇasamāpattiyā lābhī hoti.
ps3.2:12.2	Ākāsaṁ āvajjati.
ps3.2:12.3	Āvajjitvā ñāṇena adhiṭṭhāti—
ps3.2:12.4	“pathavī hotū”ti.
ps3.2:12.5	Pathavī hoti.
ps3.2:12.6	So ākāse antalikkhe caṅkamatipi tiṭṭhatipi nisīdatipi seyyampi kappeti.
ps3.2:12.7	Yathā manussā pakatiyā aniddhimanto pathaviyā caṅkamantipi tiṭṭhantipi nisīdantipi seyyampi kappenti, evamevaṁ so iddhimā cetovasippatto ākāse antalikkhe caṅkamatipi tiṭṭhatipi nisīdatipi seyyampi kappeti, seyyathāpi pakkhī sakuṇo.
ps3.2:13.1	<b>Imepi candimasūriye evaṁmahiddhike evaṁmahānubhāve pāṇinā parāmasati parimajjatī</b>ti idha so iddhimā cetovasippatto nisinnako vā nipannako vā candimasūriye āvajjati.
ps3.2:13.2	Āvajjitvā ñāṇena adhiṭṭhāti—
ps3.2:13.3	“hatthapāse hotū”ti.
ps3.2:13.4	Hatthapāse hoti.
ps3.2:13.5	So nisinnako vā nipannako vā candimasūriye pāṇinā āmasati parāmasati parimajjati.
ps3.2:13.6	Yathā manussā pakatiyā aniddhimanto kiñcideva rūpagataṁ hatthapāse āmasanti parāmasanti parimajjanti, evamevaṁ so iddhimā cetovasippatto nisinnako vā nipannako vā candimasūriye pāṇinā āmasati parāmasati parimajjati.
ps3.2:14.1	<b>Yāva brahmalokāpi kāyena vasaṁ vattetī</b>ti sace so iddhimā cetovasippatto brahmalokaṁ gantukāmo hoti, dūrepi santike adhiṭṭhāti—
ps3.2:14.2	“santike hotū”ti.
ps3.2:14.3	Santike hoti.
ps3.2:14.4	Santikepi dūre adhiṭṭhāti—
ps3.2:14.5	“dūre hotū”ti.
ps3.2:14.6	Dūre hoti.
ps3.2:14.7	Bahukampi thokaṁ adhiṭṭhāti—
ps3.2:14.8	“thokaṁ hotū”ti.
ps3.2:14.9	Thokaṁ hoti.
ps3.2:14.10	Thokampi bahukaṁ adhiṭṭhāti—
ps3.2:14.11	“bahukaṁ hotū”ti.
ps3.2:14.12	Bahukaṁ hoti.
ps3.2:14.13	Dibbena cakkhunā tassa brahmuno rūpaṁ passati.
ps3.2:14.14	Dibbāya sotadhātuyā tassa brahmuno saddaṁ suṇāti.
ps3.2:14.15	Cetopariyañāṇena tassa brahmuno cittaṁ pajānāti.
ps3.2:14.16	Sace so iddhimā cetovasippatto dissamānena kāyena brahmalokaṁ gantukāmo hoti, kāyavasena cittaṁ pariṇāmeti, kāyavasena cittaṁ adhiṭṭhāti.
ps3.2:14.17	Kāyavasena cittaṁ pariṇāmetvā, kāyavasena cittaṁ adhiṭṭhahitvā, sukhasaññañca lahusaññañca okkamitvā dissamānena kāyena brahmalokaṁ gacchati.
ps3.2:14.18	Sace so iddhimā cetovasippatto adissamānena kāyena brahmalokaṁ gantukāmo hoti, cittavasena kāyaṁ pariṇāmeti, cittavasena kāyaṁ adhiṭṭhāti.
ps3.2:14.19	Cittavasena kāyaṁ pariṇāmetvā, cittavasena kāyaṁ adhiṭṭhahitvā sukhasaññañca lahusaññañca okkamitvā adissamānena kāyena brahmalokaṁ gacchati.
ps3.2:14.20	So tassa brahmuno purato rūpiṁ abhinimmināti manomayaṁ sabbaṅgapaccaṅgiṁ ahīnindriyaṁ.
ps3.2:14.21	Sace so iddhimā caṅkamati, nimmitopi tattha caṅkamati.
ps3.2:14.22	Sace so iddhimā tiṭṭhati, nimmitopi tattha tiṭṭhati.
ps3.2:14.23	Sace so iddhimā nisīdati, nimmitopi tattha nisīdati.
ps3.2:14.24	Sace so iddhimā seyyaṁ kappeti, nimmitopi tattha seyyaṁ kappeti.
ps3.2:14.25	Sace so iddhimā dhūmāyati, nimmitopi tattha dhūmāyati.
ps3.2:14.26	Sace so iddhimā pajjalati, nimmitopi tattha pajjalati.
ps3.2:14.27	Sace so iddhimā dhammaṁ bhāsati, nimmitopi tattha dhammaṁ bhāsati.
ps3.2:14.28	Sace so iddhimā pañhaṁ pucchati, nimmitopi tattha pañhaṁ pucchati.
ps3.2:14.29	Sace so iddhimā pañhaṁ puṭṭho visajjeti, nimmitopi tattha pañhaṁ puṭṭho visajjeti.
ps3.2:14.30	Sace so iddhimā tena brahmunā saddhiṁ santiṭṭhati sallapati sākacchaṁ samāpajjati, nimmitopi tattha tena brahmunā saddhiṁ santiṭṭhati sallapati sākacchaṁ samāpajjati.
ps3.2:14.31	Yaññadeva so iddhimā karoti, taṁtadeva hi so nimmito karotīti—
ps3.2:14.32	ayaṁ adhiṭṭhānā iddhi.
ps3.2:15.1	Katamā <b>vikubbanā iddhi?</b>
ps3.2:15.2	Sikhissa bhagavato arahato sammāsambuddhassa abhibhū nāma sāvako brahmaloke ṭhito sahassilokadhātuṁ sarena viññāpesi.
ps3.2:15.3	So dissamānenapi kāyena dhammaṁ desesi;
ps3.2:15.4	adissamānenapi kāyena dhammaṁ desesi;
ps3.2:15.5	dissamānenapi heṭṭhimena upaḍḍhakāyena adissamānenapi uparimena upaḍḍhakāyena dhammaṁ desesi.
ps3.2:15.6	Dissamānenapi uparimena upaḍḍhakāyena, adissamānenapi heṭṭhimena upaḍḍhakāyena dhammaṁ desesi.
ps3.2:15.7	So pakativaṇṇaṁ vijahitvā kumārakavaṇṇaṁ vā dasseti, nāgavaṇṇaṁ vā dasseti, supaṇṇavaṇṇaṁ vā dasseti, yakkhavaṇṇaṁ vā dasseti, indavaṇṇaṁ vā dasseti, devavaṇṇaṁ vā dasseti, brahmavaṇṇaṁ vā dasseti, samuddavaṇṇaṁ vā dasseti, pabbatavaṇṇaṁ vā dasseti, vanavaṇṇaṁ vā dasseti, sīhavaṇṇaṁ vā dasseti, byagghavaṇṇaṁ vā dasseti, dīpivaṇṇaṁ vā dasseti, hatthimpi dasseti, assampi dasseti, rathampi dasseti, pattimpi dasseti, vividhampi senābyūhaṁ dassetīti—
ps3.2:15.8	ayaṁ vikubbanā iddhi.
ps3.2:16.1	Katamā <b>manomayā iddhi?</b>
ps3.2:16.2	Idha bhikkhu imamhā kāyā aññaṁ kāyaṁ abhinimmināti rūpiṁ manomayaṁ sabbaṅgapaccaṅgiṁ ahīnindriyaṁ.
ps3.2:16.3	Seyyathāpi puriso muñjamhā īsikaṁ pavāheyya.
ps3.2:16.4	Tassa evamassa—
ps3.2:16.5	“ayaṁ muñjo, ayaṁ īsikā.
ps3.2:16.6	Añño muñjo, aññā īsikā.
ps3.2:16.7	Muñjamhā tveva īsikā pavāḷhā”ti.
ps3.2:16.8	Seyyathā vā pana puriso asiṁ kosiyā pavāheyya.
ps3.2:16.9	Tassa evamassa—
ps3.2:16.10	“ayaṁ asi, ayaṁ kosi.
ps3.2:16.11	Añño asi, aññā kosi.
ps3.2:16.12	Kosiyā tveva asi pavāḷho”ti.
ps3.2:16.13	Seyyathā vā pana puriso ahiṁ karaṇḍā uddhareyya.
ps3.2:16.14	Tassa evamassa—
ps3.2:16.15	“ayaṁ ahi, ayaṁ karaṇḍo.
ps3.2:16.16	Añño ahi, añño karaṇḍo.
ps3.2:16.17	Karaṇḍā tveva ahi ubbhato”ti.
ps3.2:16.18	Evamevaṁ bhikkhu imamhā kāyā aññaṁ kāyaṁ abhinimmināti rūpiṁ manomayaṁ sabbaṅgapaccaṅgiṁ ahīnindriyaṁ.
ps3.2:16.19	Ayaṁ manomayā iddhi.
ps3.2:17.1	Katamā <b>ñāṇavipphārā iddhi?</b>
ps3.2:17.2	Aniccānupassanāya niccasaññāya pahānaṭṭho ijjhatīti—
ps3.2:17.3	ñāṇavipphārā iddhi.
ps3.2:17.4	Dukkhānupassanāya sukhasaññāya …
ps3.2:17.5	anattānupassanāya attasaññāya …
ps3.2:17.6	nibbidānupassanāya nandiyā …
ps3.2:17.7	virāgānupassanāya rāgassa …
ps3.2:17.8	nirodhānupassanāya samudayassa …
ps3.2:17.9	paṭinissaggānupassanāya ādānassa pahānaṭṭho ijjhatīti—
ps3.2:17.10	ñāṇavipphārā iddhi.
ps3.2:17.11	Āyasmato bākulassa ñāṇavipphārā iddhi, āyasmato saṅkiccassa ñāṇavipphārā iddhi, āyasmato bhūtapālassa ñāṇavipphārā iddhi.
ps3.2:17.12	Ayaṁ ñāṇavipphārā iddhi.
ps3.2:18.1	Katamā <b>samādhivipphārā iddhi?</b>
ps3.2:18.2	Paṭhamena jhānena nīvaraṇānaṁ pahānaṭṭho ijjhatīti—
ps3.2:18.3	samādhivipphārā iddhi.
ps3.2:18.4	Dutiyena jhānena vitakkavicārānaṁ pahānaṭṭho ijjhatīti—
ps3.2:18.5	samādhivipphārā iddhi.
ps3.2:18.6	Tatiyena jhānena pītiyā pahānaṭṭho ijjhatīti …pe…
ps3.2:18.7	catutthena jhānena sukhadukkhānaṁ pahānaṭṭho ijjhatīti …pe…
ps3.2:18.8	ākāsānañcāyatanasamāpattiyā rūpasaññāya paṭighasaññāya nānattasaññāya pahānaṭṭho ijjhatīti …pe…
ps3.2:18.9	viññāṇañcāyatanasamāpattiyā ākāsānañcāyatanasaññāya pahānaṭṭho ijjhatīti …pe…
ps3.2:18.10	ākiñcaññāyatanasamāpattiyā viññāṇañcāyatanasaññāya pahānaṭṭho ijjhatīti …pe…
ps3.2:18.11	nevasaññānāsaññāyatanasamāpattiyā ākiñcaññāyatanasaññāya pahānaṭṭho ijjhatīti—
ps3.2:18.12	samādhivipphārā iddhi.
ps3.2:18.13	Āyasmato sāriputtassa samādhivipphārā iddhi, āyasmato sañjīvassa samādhivipphārā iddhi, āyasmato khāṇukoṇḍaññassa samādhivipphārā iddhi, uttarāya upāsikāya samādhivipphārā iddhi, sāmāvatiyā upāsikāya samādhivipphārā iddhi.
ps3.2:18.14	Ayaṁ samādhivipphārā iddhi.
ps3.2:19.1	Katamā <b>ariyā iddhi?</b>
ps3.2:19.2	Idha bhikkhu sace ākaṅkhati—
ps3.2:19.3	“paṭikūle appaṭikūlasaññī vihareyyan”ti, appaṭikūlasaññī tattha viharati.
ps3.2:19.4	Sace ākaṅkhati—
ps3.2:19.5	“appaṭikūle paṭikūlasaññī vihareyyan”ti, paṭikūlasaññī tattha viharati.
ps3.2:19.6	Sace ākaṅkhati—
ps3.2:19.7	“paṭikūle ca appaṭikūle ca appaṭikūlasaññī vihareyyan”ti, appaṭikūlasaññī tattha viharati.
ps3.2:19.8	Sace ākaṅkhati—
ps3.2:19.9	“appaṭikūle ca paṭikūle ca paṭikūlasaññī vihareyyan”ti, paṭikūlasaññī tattha viharati.
ps3.2:19.10	Sace ākaṅkhati—
ps3.2:19.11	“paṭikūle ca appaṭikūle ca tadubhayaṁ abhinivajjetvā upekkhako vihareyyaṁ sato sampajāno”ti, upekkhako tattha viharati sato sampajāno.
ps3.2:20.1	Kathaṁ <b>paṭikūle appaṭikūlasaññī viharati?</b>
ps3.2:20.2	Aniṭṭhasmiṁ vatthusmiṁ mettāya vā pharati, dhātuto vā upasaṁharati.
ps3.2:20.3	Evaṁ paṭikūle appaṭikūlasaññī viharati.
ps3.2:21.1	Kathaṁ <b>appaṭikūle paṭikūlasaññī viharati?</b>
ps3.2:21.2	Iṭṭhasmiṁ vatthusmiṁ asubhāya vā pharati, aniccato vā upasaṁharati.
ps3.2:21.3	Evaṁ appaṭikūle paṭikūlasaññī viharati.
ps3.2:22.1	Kathaṁ <b>paṭikūle ca appaṭikūle ca appaṭikūlasaññī viharati?</b>
ps3.2:22.2	Aniṭṭhasmiñca iṭṭhasmiñca vatthusmiṁ mettāya vā pharati, dhātuto vā upasaṁharati.
ps3.2:22.3	Evaṁ paṭikūle ca appaṭikūle ca appaṭikūlasaññī viharati.
ps3.2:23.1	Kathaṁ <b>appaṭikūle ca paṭikūle ca paṭikūlasaññī viharati?</b>
ps3.2:23.2	Iṭṭhasmiñca aniṭṭhasmiñca vatthusmiṁ asubhāya vā pharati, aniccato vā upasaṁharati.
ps3.2:23.3	Evaṁ appaṭikūle ca paṭikūle ca paṭikūlasaññī viharati.
ps3.2:24.1	Kathaṁ <b>paṭikūle ca appaṭikūle ca tadubhayaṁ abhinivajjetvā upekkhako viharati sato sampajāno?</b>
ps3.2:24.2	Idha bhikkhu cakkhunā rūpaṁ disvā neva sumano hoti na dummano, upekkhako viharati sato sampajāno.
ps3.2:24.3	Sotena saddaṁ sutvā …pe…
ps3.2:24.4	ghānena gandhaṁ ghāyitvā …
ps3.2:24.5	jivhāya rasaṁ sāyitvā …
ps3.2:24.6	kāyena phoṭṭhabbaṁ phusitvā …
ps3.2:24.7	manasā dhammaṁ viññāya neva sumano hoti na dummano, upekkhako viharati sato sampajāno.
ps3.2:24.8	Evaṁ paṭikūle ca appaṭikūle ca tadubhayaṁ abhinivajjetvā upekkhako viharati sato sampajāno.
ps3.2:24.9	Ayaṁ ariyā iddhi.
ps3.2:25.1	Katamā <b>kammavipākajā iddhi?</b>
ps3.2:25.2	Sabbesaṁ pakkhīnaṁ, sabbesaṁ devānaṁ, ekaccānaṁ manussānaṁ, ekaccānaṁ vinipātikānaṁ.
ps3.2:25.3	Ayaṁ kammavipākajā iddhi.
ps3.2:26.1	Katamā <b>puññavato iddhi?</b>
ps3.2:26.2	Rājā cakkavattī vehāsaṁ gacchati saddhiṁ caturaṅginiyā senāya, antamaso assabandhagopurise upādāya.
ps3.2:26.3	Jotikassa gahapatissa puññavato iddhi, jaṭilassa gahapatissa puññavato iddhi, meṇḍakassa gahapatissa puññavato iddhi, ghositassa gahapatissa puññavato iddhi, pañcannaṁ mahāpuññānaṁ puññavato iddhi.
ps3.2:26.4	Ayaṁ puññavato iddhi.
ps3.2:27.1	Katamā <b>vijjāmayā iddhi?</b>
ps3.2:27.2	Vijjādharā vijjaṁ parijappetvā vehāsaṁ gacchanti, ākāse antalikkhe hatthimpi dassenti, assampi dassenti, rathampi dassenti, pattimpi dassenti, vividhampi senābyūhaṁ dassenti.
ps3.2:27.3	Ayaṁ vijjāmayā iddhi.
ps3.2:28.1	Kathaṁ <b>tattha tattha sammāpayogapaccayā ijjhanaṭṭhena iddhi?</b>
ps3.2:28.2	Nekkhammena kāmacchandassa pahānaṭṭho ijjhatīti—
ps3.2:28.3	tattha tattha sammāpayogapaccayā ijjhanaṭṭhena iddhi.
ps3.2:28.4	Abyāpādena byāpādassa pahānaṭṭho ijjhatīti—
ps3.2:28.5	tattha tattha sammāpayogapaccayā ijjhanaṭṭhena iddhi …pe…
ps3.2:28.6	arahattamaggena sabbakilesānaṁ pahānaṭṭho ijjhatīti—
ps3.2:28.7	tattha tattha sammāpayogapaccayā ijjhanaṭṭhena iddhi.
ps3.2:28.8	Evaṁ tattha tattha sammāpayogapaccayā ijjhanaṭṭhena iddhi.
ps3.2:28.9	Imā dasa iddhiyo.
ps3.2:28.10	Iddhikathā niṭṭhitā.
ps3.3:0.1	Paṭisambhidāmagga
ps3.3:0.2	3 Paññāvagga
ps3.3:0.3	3.3. Abhisamayakathā
ps3.3:1.1	<b>Abhisamayo</b>ti.
ps3.3:1.2	Kena abhisameti?
ps3.3:1.3	Cittena abhisameti.
ps3.3:2.1	Hañci cittena abhisameti, tena hi aññāṇī abhisameti?
ps3.3:2.2	Na aññāṇī abhisameti.
ps3.3:2.3	Ñāṇena abhisameti.
ps3.3:3.1	Hañci ñāṇena abhisameti, tena hi acittena ca ñāṇena ca acittako abhisameti?
ps3.3:3.2	Na acittako abhisameti.
ps3.3:3.3	Cittena ca ñāṇena ca abhisameti.
ps3.3:4.1	Hañci cittena ca ñāṇena ca abhisameti, tena hi kāmāvacaracittena ca ñāṇena ca abhisameti?
ps3.3:4.2	Na kāmāvacaracittena ca ñāṇena ca abhisameti.
ps3.3:5.1	Tena hi rūpāvacaracittena ca ñāṇena ca abhisameti?
ps3.3:5.2	Na rūpāvacaracittena ca ñāṇena ca abhisameti.
ps3.3:6.1	Tena hi arūpāvacaracittena ca ñāṇena ca abhisameti?
ps3.3:6.2	Na arūpāvacaracittena ca ñāṇena ca abhisameti.
ps3.3:7.1	Tena hi kammassakatacittena ca ñāṇena ca abhisameti?
ps3.3:7.2	Na kammassakatacittena ca ñāṇena ca abhisameti.
ps3.3:8.1	Tena hi saccānulomikacittena ca ñāṇena ca abhisameti?
ps3.3:8.2	Na saccānulomikacittena ca ñāṇena ca abhisameti.
ps3.3:9.1	Tena hi atītacittena ca ñāṇena ca abhisameti?
ps3.3:9.2	Na atītacittena ca ñāṇena ca abhisameti.
ps3.3:10.1	Tena hi anāgatacittena ca ñāṇena ca abhisameti?
ps3.3:10.2	Na anāgatacittena ca ñāṇena ca abhisameti.
ps3.3:11.1	Tena hi paccuppannalokiyacittena ca ñāṇena ca abhisameti?
ps3.3:11.2	Na paccuppannalokiyacittena ca ñāṇena ca abhisameti.
ps3.3:11.3	Lokuttaramaggakkhaṇe paccuppannacittena ca ñāṇena ca abhisameti.
ps3.3:12.1	Kathaṁ lokuttaramaggakkhaṇe paccuppannacittena ca ñāṇena ca abhisameti?
ps3.3:12.2	Lokuttaramaggakkhaṇe uppādādhipateyyaṁ cittaṁ ñāṇassa hetu paccayo ca taṁsampayuttaṁ nirodhagocaraṁ dassanādhipateyyaṁ ñāṇaṁ cittassa hetu paccayo ca taṁsampayuttaṁ ñāṇaṁ nirodhagocaraṁ.
ps3.3:12.3	Evaṁ lokuttaramaggakkhaṇe paccuppannacittena ca ñāṇena ca abhisameti.
ps3.3:13.1	Kiṁ nu ettakoyeva abhisamayoti?
ps3.3:13.2	Na hi.
ps3.3:13.3	Lokuttaramaggakkhaṇe dassanābhisamayo sammādiṭṭhi, abhiniropanābhisamayo sammāsaṅkappo, pariggahābhisamayo sammāvācā, samuṭṭhānābhisamayo sammākammanto, vodānābhisamayo sammāājīvo, paggahābhisamayo sammāvāyāmo, upaṭṭhānābhisamayo sammāsati, avikkhepābhisamayo sammāsamādhi;
ps3.3:13.4	upaṭṭhānābhisamayo satisambojjhaṅgo, pavicayābhisamayo dhammavicayasambojjhaṅgo, paggahābhisamayo vīriyasambojjhaṅgo, pharaṇābhisamayo pītisambojjhaṅgo, upasamābhisamayo passaddhisambojjhaṅgo, avikkhepābhisamayo samādhisambojjhaṅgo, paṭisaṅkhānābhisamayo upekkhāsambojjhaṅgo;
ps3.3:13.5	assaddhiye akampiyābhisamayo saddhābalaṁ, kosajje akampiyābhisamayo vīriyabalaṁ, pamāde akampiyābhisamayo satibalaṁ, uddhacce akampiyābhisamayo samādhibalaṁ, avijjāya akampiyābhisamayo paññābalaṁ;
ps3.3:13.6	adhimokkhābhisamayo saddhindriyaṁ, paggahābhisamayo vīriyindriyaṁ, upaṭṭhānābhisamayo satindriyaṁ, avikkhepābhisamayo samādhindriyaṁ, dassanābhisamayo paññindriyaṁ.
ps3.3:13.7	Ādhipateyyaṭṭhena indriyābhisamayo, akampiyaṭṭhena balābhisamayo, niyyānaṭṭhena bojjhaṅgābhisamayo, hetuṭṭhena maggābhisamayo, upaṭṭhānaṭṭhena satipaṭṭhānābhisamayo, padahaṭṭhena sammappadhānābhisamayo, ijjhanaṭṭhena iddhipādābhisamayo, tathaṭṭhena saccābhisamayo, avikkhepaṭṭhena samathābhisamayo, anupassanaṭṭhena vipassanābhisamayo, ekarasaṭṭhena samathavipassanābhisamayo, anativattanaṭṭhena yuganaddhābhisamayo, saṁvaraṭṭhena sīlavisuddhiabhisamayo, avikkhepaṭṭhena visuddhiabhisamayo, dassanaṭṭhena diṭṭhivisuddhiabhisamayo, muttaṭṭhena vimokkhābhisamayo, paṭivedhaṭṭhena vijjābhisamayo, pariccāgaṭṭhena vimuttiabhisamayo, samucchedaṭṭhena khaye ñāṇaṁ abhisamayo.
ps3.3:13.8	Chando mūlaṭṭhena abhisamayo, manasikāro samuṭṭhānaṭṭhena abhisamayo, phasso samodhānaṭṭhena abhisamayo, vedanā samosaraṇaṭṭhena abhisamayo, samādhi pamukhaṭṭhena abhisamayo, sati ādhipateyyaṭṭhena abhisamayo, paññā taduttaraṭṭhena abhisamayo, vimutti sāraṭṭhena abhisamayo, amatogadhaṁ nibbānaṁ pariyosānaṭṭhena abhisamayo.
ps3.3:14.1	Kiṁ nu ettakoyeva abhisamayoti?
ps3.3:14.2	Na hi.
ps3.3:14.3	Sotāpattimaggakkhaṇe dassanābhisamayo sammādiṭṭhi …pe…
ps3.3:14.4	amatogadhaṁ nibbānaṁ pariyosānaṭṭhena abhisamayo.
ps3.3:15.1	Kiṁ nu ettakoyeva abhisamayoti?
ps3.3:15.2	Na hi.
ps3.3:15.3	Sotāpattiphalakkhaṇe dassanābhisamayo sammādiṭṭhi …pe…
ps3.3:15.4	paṭippassaddhaṭṭhena anuppāde ñāṇaṁ abhisamayo.
ps3.3:15.5	Chando mūlaṭṭhena abhisamayo …pe…
ps3.3:15.6	amatogadhaṁ nibbānaṁ pariyosānaṭṭhena abhisamayo.
ps3.3:16.1	Kiṁ nu ettakoyeva abhisamayoti?
ps3.3:16.2	Na hi.
ps3.3:16.3	Sakadāgāmimaggakkhaṇe …pe…
ps3.3:16.4	sakadāgāmiphalakkhaṇe …
ps3.3:16.5	anāgāmimaggakkhaṇe …
ps3.3:16.6	anāgāmiphalakkhaṇe …
ps3.3:16.7	arahattamaggakkhaṇe …pe…
ps3.3:16.8	arahattaphalakkhaṇe dassanābhisamayo sammādiṭṭhi, abhiniropanābhisamayo sammāsaṅkappo …pe…
ps3.3:16.9	paṭippassaddhaṭṭhena anuppāde ñāṇaṁ abhisamayo.
ps3.3:16.10	Chando mūlaṭṭhena abhisamayo …pe…
ps3.3:16.11	amatogadhaṁ nibbānaṁ pariyosānaṭṭhena abhisamayo.
ps3.3:17.1	Yvāyaṁ kilese pajahati, atīte kilese pajahati …pe…
ps3.3:17.2	anāgate kilese pajahati, paccuppanne kilese pajahati, atīte kilese pajahatīti.
ps3.3:17.3	Hañci atīte kilese pajahati, tena hi khīṇaṁ khepeti, niruddhaṁ nirodheti, vigataṁ vigameti, atthaṅgataṁ atthaṅgameti, atītaṁ yaṁ na atthi taṁ pajahatīti?
ps3.3:17.4	Na atīte kilese pajahatīti.
ps3.3:17.5	Anāgate kilese pajahatīti.
ps3.3:17.6	Hañci anāgate kilese pajahati, tena hi ajātaṁ pajahati, anibbattaṁ pajahati, anuppannaṁ pajahati, apātubhūtaṁ pajahati, anāgataṁ yaṁ na atthi taṁ pajahatīti?
ps3.3:17.7	Na anāgate kilese pajahatīti.
ps3.3:17.8	Paccuppanne kilese pajahatīti.
ps3.3:17.9	Hañci paccuppanne kilese pajahati, tena hi ratto rāgaṁ pajahati, duṭṭho dosaṁ pajahati, mūḷho mohaṁ pajahati, vinibaddho mānaṁ pajahati, parāmaṭṭho diṭṭhiṁ pajahati, vikkhepagato uddhaccaṁ pajahati, aniṭṭhaṅgato vicikicchaṁ pajahati, thāmagato anusayaṁ pajahati, kaṇhasukkadhammā yuganaddhā samameva vattanti, saṅkilesikā maggabhāvanā hoti?
ps3.3:18.1	Na hi atīte kilese pajahati, na anāgate kilese pajahati, na paccuppanne kilese pajahatīti.
ps3.3:18.2	Hañci na atīte kilese pajahati, na anāgate …pe…
ps3.3:18.3	na paccuppanne kilese pajahati, tena hi natthi maggabhāvanā, natthi phalasacchikiriyā, natthi kilesappahānaṁ, natthi dhammābhisamayoti?
ps3.3:18.4	Atthi maggabhāvanā, atthi phalasacchikiriyā, atthi kilesappahānaṁ, atthi dhammābhisamayo.
ps3.3:18.5	Yathā kathaṁ viya?
ps3.3:18.6	Seyyathāpi taruṇo rukkho ajātaphalo.
ps3.3:18.7	Tamenaṁ puriso mūlaṁ chindeyya.
ps3.3:18.8	Ye tassa rukkhassa ajātaphalā, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti.
ps3.3:18.9	Evamevaṁ uppādo hetu, uppādo paccayo kilesānaṁ nibbattiyāti.
ps3.3:18.10	Uppāde ādīnavaṁ disvā anuppāde cittaṁ pakkhandati.
ps3.3:18.11	Anuppāde cittassa pakkhandattā ye uppādapaccayā kilesā nibbatteyyuṁ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti.
ps3.3:18.12	Evaṁ hetunirodhā dukkhanirodho.
ps3.3:18.13	Pavattaṁ hetu, nimittaṁ hetu, āyūhanā hetu.
ps3.3:18.14	Āyūhanā paccayo kilesānaṁ nibbattiyāti.
ps3.3:18.15	Āyūhane ādīnavaṁ disvā anāyūhane cittaṁ pakkhandati.
ps3.3:18.16	Anāyūhane cittassa pakkhandattā, ye āyūhanapaccayā kilesā nibbatteyyuṁ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti.
ps3.3:18.17	Evaṁ hetunirodhā dukkhanirodho.
ps3.3:18.18	Evaṁ atthi maggabhāvanā, atthi phalasacchikiriyā, atthi kilesappahānaṁ, atthi dhammābhisamayoti.
ps3.3:18.19	Abhisamayakathā niṭṭhitā.
ps3.4:0.1	Paṭisambhidāmagga
ps3.4:0.2	3 Paññāvagga
ps3.4:0.3	3.4. Vivekakathā
ps3.4:1.1	Sāvatthinidānaṁ.
ps3.4:1.2	“Seyyathāpi, bhikkhave, ye keci balakaraṇīyā kammantā karīyanti, sabbe te pathaviṁ nissāya pathaviyaṁ patiṭṭhāya evamete balakaraṇīyā kammantā karīyanti;
ps3.4:1.3	evamevaṁ, bhikkhave, bhikkhu sīlaṁ nissāya sīle patiṭṭhāya ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti.
ps3.4:2.1	Kathañca, bhikkhave, bhikkhu sīlaṁ nissāya sīle patiṭṭhāya ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti?
ps3.4:2.2	Idha, bhikkhave, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.
ps3.4:2.3	Sammāsaṅkappaṁ …pe…
ps3.4:2.4	sammāvācaṁ …
ps3.4:2.5	sammākammantaṁ …
ps3.4:2.6	sammāājīvaṁ …
ps3.4:2.7	sammāvāyāmaṁ …
ps3.4:2.8	sammāsatiṁ …
ps3.4:2.9	sammāsamādhiṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.
ps3.4:2.10	Evaṁ kho, bhikkhave, bhikkhu sīlaṁ nissāya sīle patiṭṭhāya ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti.
ps3.4:3.1	Seyyathāpi, bhikkhave, ye keci bījagāmabhūtagāmā vuddhiṁ viruḷhiṁ vepullaṁ āpajjanti, sabbe te pathaviṁ nissāya pathaviyaṁ patiṭṭhāya evamete bījagāmabhūtagāmā vuddhiṁ viruḷhiṁ vepullaṁ āpajjanti;
ps3.4:3.2	evamevaṁ kho, bhikkhave, bhikkhu sīlaṁ nissāya sīle patiṭṭhāya ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ bahulīkaronto vuddhiṁ viruḷhiṁ vepullaṁ pāpuṇāti dhammesu.
ps3.4:4.1	Kathañca, bhikkhave, bhikkhu sīlaṁ nissāya sīle patiṭṭhāya ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ bahulīkaronto vuddhiṁ viruḷhiṁ vepullaṁ pāpuṇāti dhammesu?
ps3.4:4.2	Idha, bhikkhave, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.
ps3.4:4.3	Sammāsaṅkappaṁ bhāveti …pe…
ps3.4:4.4	sammāvācaṁ bhāveti …
ps3.4:4.5	sammākammantaṁ bhāveti …
ps3.4:4.6	sammāājīvaṁ bhāveti …
ps3.4:4.7	sammāvāyāmaṁ bhāveti …
ps3.4:4.8	sammāsatiṁ bhāveti …
ps3.4:4.9	sammāsamādhiṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.
ps3.4:4.10	Evaṁ kho, bhikkhave, bhikkhu sīlaṁ nissāya sīle patiṭṭhāya ariyaṁ aṭṭhaṅgikaṁ maggaṁ bhāvento ariyaṁ aṭṭhaṅgikaṁ maggaṁ bahulīkaronto vuddhiṁ viruḷhiṁ vepullaṁ pāpuṇāti dhammesū”ti.
ps3.4:5.0	3.4.1. Maggaṅganiddesa
ps3.4:5.1	Sammādiṭṭhiyā pañca vivekā, pañca virāgā, pañca nirodhā, pañca vosaggā, dvādasa nissayā.
ps3.4:5.2	Sammāsaṅkappassa …pe…
ps3.4:5.3	sammāvācāya …
ps3.4:5.4	sammākammantassa …
ps3.4:5.5	sammāājīvassa …
ps3.4:5.6	sammāvāyāmassa …
ps3.4:5.7	sammāsatiyā …
ps3.4:5.8	sammāsamādhissa pañca vivekā, pañca virāgā, pañca nirodhā, pañca vosaggā, dvādasa nissayā.
ps3.4:6.1	<b>Sammādiṭṭhiyā katame pañca vivekā?</b>
ps3.4:6.2	Vikkhambhanaviveko, tadaṅgaviveko samucchedaviveko, paṭippassaddhiviveko, nissaraṇaviveko.
ps3.4:6.3	Vikkhambhanaviveko ca nīvaraṇānaṁ paṭhamajjhānaṁ bhāvayato, tadaṅgaviveko ca diṭṭhigatānaṁ nibbedhabhāgiyaṁ samādhiṁ bhāvayato, samucchedaviveko ca lokuttaraṁ khayagāmimaggaṁ bhāvayato, paṭippassaddhiviveko ca phalakkhaṇe, nissaraṇaviveko ca nirodho nibbānaṁ.
ps3.4:6.4	Sammādiṭṭhiyā ime pañca vivekā.
ps3.4:6.5	Imesu pañcasu vivekesu chandajāto hoti saddhādhimutto, cittañcassa svādhiṭṭhitaṁ.
ps3.4:7.1	<b>Sammādiṭṭhiyā katame pañca virāgā?</b>
ps3.4:7.2	Vikkhambhanavirāgo, tadaṅgavirāgo, samucchedavirāgo, paṭippassaddhivirāgo, nissaraṇavirāgo.
ps3.4:7.3	Vikkhambhanavirāgo ca nīvaraṇānaṁ paṭhamajjhānaṁ bhāvayato, tadaṅgavirāgo ca diṭṭhigatānaṁ nibbedhabhāgiyaṁ samādhiṁ bhāvayato, samucchedavirāgo ca lokuttaraṁ khayagāmimaggaṁ bhāvayato, paṭippassaddhivirāgo ca phalakkhaṇe, nissaraṇavirāgo ca nirodho nibbānaṁ.
ps3.4:7.4	Sammādiṭṭhiyā ime pañca virāgā.
ps3.4:7.5	Imesu pañcasu virāgesu chandajāto hoti saddhādhimutto, cittañcassa svādhiṭṭhitaṁ.
ps3.4:8.1	<b>Sammādiṭṭhiyā katame pañca nirodhā?</b>
ps3.4:8.2	Vikkhambhananirodho, tadaṅganirodho, samucchedanirodho, paṭippassaddhinirodho, nissaraṇanirodho.
ps3.4:8.3	Vikkhambhananirodho ca nīvaraṇānaṁ paṭhamajjhānaṁ bhāvayato, tadaṅganirodho ca diṭṭhigatānaṁ nibbedhabhāgiyaṁ samādhiṁ bhāvayato, samucchedanirodho ca lokuttaraṁ khayagāmimaggaṁ bhāvayato, paṭippassaddhinirodho ca phalakkhaṇe, nissaraṇanirodho ca amatā dhātu.
ps3.4:8.4	Sammādiṭṭhiyā ime pañca nirodhā.
ps3.4:8.5	Imesu pañcasu nirodhesu chandajāto hoti saddhādhimutto, cittañcassa svādhiṭṭhitaṁ.
ps3.4:9.1	<b>Sammādiṭṭhiyā katame pañca vosaggā?</b>
ps3.4:9.2	Vikkhambhanavosaggo, tadaṅgavosaggo, samucchedavosaggo, paṭippassaddhivosaggo, nissaraṇavosaggo.
ps3.4:9.3	Vikkhambhanavosaggo ca nīvaraṇānaṁ paṭhamajjhānaṁ bhāvayato, tadaṅgavosaggo ca diṭṭhigatānaṁ nibbedhabhāgiyaṁ samādhiṁ bhāvayato, samucchedavosaggo ca lokuttaraṁ khayagāmimaggaṁ bhāvayato, paṭippassaddhivosaggo ca phalakkhaṇe, nissaraṇavosaggo ca nirodho nibbānaṁ.
ps3.4:9.4	Sammādiṭṭhiyā ime pañca vosaggā.
ps3.4:9.5	Imesu pañcasu vosaggesu chandajāto hoti saddhādhimutto, cittañcassa svādhiṭṭhitaṁ.
ps3.4:9.6	Sammādiṭṭhiyā ime pañca vivekā, pañca virāgā, pañca nirodhā, pañca vosaggā, dvādasa nissayā.
ps3.4:10.1	<b>Sammāsaṅkappassa …pe…</b>
ps3.4:10.2	<b>sammāvācāya …</b>
ps3.4:10.3	<b>sammākammantassa …</b>
ps3.4:10.4	<b>sammāājīvassa …</b>
ps3.4:10.5	<b>sammāvāyāmassa …</b>
ps3.4:10.6	<b>sammāsatiyā …</b>
ps3.4:10.7	<b>sammāsamādhissa katame pañca vivekā?</b>
ps3.4:10.8	Vikkhambhanaviveko, tadaṅgaviveko, samucchedaviveko, paṭippassaddhiviveko, nissaraṇaviveko.
ps3.4:10.9	Vikkhambhanaviveko ca nīvaraṇānaṁ paṭhamajjhānaṁ bhāvayato, tadaṅgaviveko ca diṭṭhigatānaṁ nibbedhabhāgiyaṁ samādhiṁ bhāvayato, samucchedaviveko ca lokuttaraṁ khayagāmimaggaṁ bhāvayato, paṭippassaddhiviveko ca phalakkhaṇe nissaraṇaviveko ca nirodho nibbānaṁ.
ps3.4:10.10	Sammāsamādhissa ime pañca vivekā.
ps3.4:10.11	Imesu pañcasu vivekesu chandajāto hoti saddhādhimutto, cittañcassa svādhiṭṭhitaṁ.
ps3.4:11.1	<b>Sammāsamādhissa katame pañca virāgā?</b>
ps3.4:11.2	Vikkhambhanavirāgo, tadaṅgavirāgo, samucchedavirāgo, paṭippassaddhivirāgo, nissaraṇavirāgo.
ps3.4:11.3	Vikkhambhanavirāgo ca nīvaraṇānaṁ paṭhamajjhānaṁ bhāvayato, tadaṅgavirāgo ca diṭṭhigatānaṁ nibbedhabhāgiyaṁ samādhiṁ bhāvayato, samucchedavirāgo ca lokuttaraṁ khayagāmimaggaṁ bhāvayato, paṭippassaddhivirāgo ca phalakkhaṇe, nissaraṇavirāgo ca nirodho nibbānaṁ.
ps3.4:11.4	Sammāsamādhissa ime pañca virāgā.
ps3.4:11.5	Imesu pañcasu virāgesu chandajāto hoti saddhādhimutto, cittañcassa svādhiṭṭhitaṁ.
ps3.4:12.1	<b>Sammāsamādhissa katame pañca nirodhā?</b>
ps3.4:12.2	Vikkhambhananirodho, tadaṅganirodho, samucchedanirodho, paṭippassaddhinirodho, nissaraṇanirodho.
ps3.4:12.3	Vikkhambhananirodho ca nīvaraṇānaṁ paṭhamajjhānaṁ bhāvayato, tadaṅganirodho ca diṭṭhigatānaṁ nibbedhabhāgiyaṁ samādhiṁ bhāvayato, samucchedanirodho ca lokuttaraṁ khayagāmimaggaṁ bhāvayato, paṭippassaddhinirodho ca phalakkhaṇe, nissaraṇanirodho ca amatā dhātu.
ps3.4:12.4	Sammāsamādhissa ime pañca nirodhā.
ps3.4:12.5	Imesu pañcasu nirodhesu chandajāto hoti saddhādhimutto, cittañcassa svādhiṭṭhitaṁ.
ps3.4:13.1	<b>Sammāsamādhissa katame pañca vosaggā?</b>
ps3.4:13.2	Vikkhambhanavosaggo, tadaṅgavosaggo, samucchedavosaggo, paṭippassaddhivosaggo, nissaraṇavosaggo.
ps3.4:13.3	Vikkhambhanavosaggo ca nīvaraṇānaṁ paṭhamajjhānaṁ bhāvayato, tadaṅgavosaggo ca diṭṭhigatānaṁ nibbedhabhāgiyaṁ samādhiṁ bhāvayato, samucchedavosaggo ca lokuttaraṁ khayagāmimaggaṁ bhāvayato, paṭippassaddhivosaggo ca phalakkhaṇe, nissaraṇavosaggo ca nirodho nibbānaṁ.
ps3.4:13.4	Sammāsamādhissa ime pañca vosaggā.
ps3.4:13.5	Imesu pañcasu vosaggesu chandajāto hoti saddhādhimutto, cittañcassa svādhiṭṭhitaṁ.
ps3.4:13.6	Sammāsamādhissa ime pañca vivekā, pañca virāgā, pañca nirodhā, pañca vosaggā, dvādasa nissayā.
ps3.4:14.1	“Seyyathāpi, bhikkhave, ye keci balakaraṇīyā kammantā karīyanti, sabbe te pathaviṁ nissāya pathaviyaṁ patiṭṭhāya evamete balakaraṇīyā kammantā karīyanti;
ps3.4:14.2	evamevaṁ kho, bhikkhave, bhikkhu sīlaṁ nissāya sīle patiṭṭhāya satta bojjhaṅge bhāveti, satta bojjhaṅge bahulīkaroti …pe…
ps3.4:14.3	satta bojjhaṅge bhāvento satta bojjhaṅge bahulīkaronto vuddhiṁ virūḷhiṁ vepullaṁ pāpuṇāti dhammesu …pe…
ps3.4:14.4	pañca balāni bhāveti, pañca balāni bahulīkaroti …pe…
ps3.4:14.5	pañca balāni bhāvento pañca balāni bahulīkaronto vuddhiṁ virūḷhiṁ vepullaṁ pāpuṇāti dhammesu …pe…
ps3.4:14.6	pañcindriyāni bhāveti, pañcindriyāni bahulīkaroti …pe….
ps3.4:15.1	Seyyathāpi, bhikkhave, ye keci bījagāmabhūtagāmā vuddhiṁ virūḷhiṁ vepullaṁ āpajjanti, sabbe te pathaviṁ nissāya pathaviyaṁ patiṭṭhāya evamete bījagāmabhūtagāmā vuddhiṁ virūḷhiṁ vepullaṁ āpajjanti;
ps3.4:15.2	evamevaṁ kho, bhikkhave, bhikkhu sīlaṁ nissāya sīle patiṭṭhāya pañcindriyāni bhāvento pañcindriyāni bahulīkaronto vuddhiṁ virūḷhiṁ vepullaṁ pāpuṇāti dhammesu.
ps3.4:16.1	Kathañca, bhikkhave, bhikkhu sīlaṁ nissāya sīle patiṭṭhāya pañcindriyāni bhāvento pañcindriyāni bahulīkaronto vuddhiṁ virūḷhiṁ vepullaṁ pāpuṇāti dhammesu?
ps3.4:16.2	Idha, bhikkhave, bhikkhu saddhindriyaṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.
ps3.4:16.3	Vīriyindriyaṁ bhāveti …pe…
ps3.4:16.4	satindriyaṁ bhāveti …pe…
ps3.4:16.5	samādhindriyaṁ bhāveti …pe…
ps3.4:16.6	paññindriyaṁ bhāveti vivekanissitaṁ virāganissitaṁ nirodhanissitaṁ vosaggapariṇāmiṁ.
ps3.4:16.7	Evaṁ kho, bhikkhave, bhikkhu sīlaṁ nissāya …pe…
ps3.4:16.8	pāpuṇāti dhammesū”ti.
ps3.4:17.0	3.4.2. Indriyaniddesa
ps3.4:17.1	Saddhindriyassa pañca vivekā, pañca virāgā, pañca nirodhā, pañca vosaggā, dvādasa nissayā.
ps3.4:17.2	Vīriyindriyassa …pe…
ps3.4:17.3	satindriyassa …pe…
ps3.4:17.4	samādhindriyassa …pe…
ps3.4:17.5	paññindriyassa pañca vivekā, pañca virāgā, pañca nirodhā, pañca vosaggā, dvādasa nissayā.
ps3.4:18.1	<b>Saddhindriyassa katame pañca vivekā?</b>
ps3.4:18.2	Vikkhambhanaviveko, tadaṅgaviveko, samucchedaviveko, paṭippassaddhiviveko, nissaraṇaviveko.
ps3.4:18.3	Vikkhambhanaviveko ca nīvaraṇānaṁ paṭhamajjhānaṁ bhāvayato, tadaṅgaviveko ca diṭṭhigatānaṁ nibbedhabhāgiyaṁ samādhiṁ bhāvayato, samucchedaviveko ca lokuttaraṁ khayagāmimaggaṁ bhāvayato, paṭippassaddhiviveko ca phalakkhaṇe, nissaraṇaviveko ca nirodho nibbānaṁ.
ps3.4:18.4	Saddhindriyassa ime pañca vivekā.
ps3.4:18.5	Imesu pañcasu vivekesu chandajāto hoti saddhādhimutto, cittañcassa svādhiṭṭhitaṁ …pe…
ps3.4:18.6	saddhindriyassa ime pañca vivekā, pañca virāgā, pañca nirodhā, pañca vosaggā, dvādasa nissayā.
ps3.4:19.1	Vīriyindriyassa …pe…
ps3.4:19.2	satindriyassa …pe…
ps3.4:19.3	samādhindriyassa …
ps3.4:19.4	paññindriyassa katame pañca vivekā?
ps3.4:19.5	Vikkhambhanaviveko, tadaṅgaviveko, samucchedaviveko, paṭippassaddhiviveko, nissaraṇaviveko …pe…
ps3.4:19.6	paññindriyassa ime pañca vivekā, pañca virāgā, pañca nirodhā, pañca vosaggā, dvādasa nissayāti.
ps3.4:19.7	Vivekakathā niṭṭhitā.
ps3.5:0.1	Paṭisambhidāmagga
ps3.5:0.2	3 Paññāvagga
ps3.5:0.3	3.5. Cariyākathā
ps3.5:1.1	<b>Cariyā</b>ti, aṭṭha cariyāyo—
ps3.5:1.2	iriyāpathacariyā, āyatanacariyā, saticariyā, samādhicariyā, ñāṇacariyā, maggacariyā, patticariyā, lokatthacariyāti.
ps3.5:2.1	<b>Iriyāpathacariyā</b>ti catūsu iriyāpathesu.
ps3.5:2.2	<b>Āyatanacariyā</b>ti chasu ajjhattikabāhiresu āyatanesu.
ps3.5:2.3	<b>Saticariyā</b>ti catūsu satipaṭṭhānesu.
ps3.5:2.4	<b>Samādhicariyā</b>ti catūsu jhānesu.
ps3.5:2.5	<b>Ñāṇacariyā</b>ti catūsu ariyasaccesu.
ps3.5:2.6	<b>Maggacariyā</b>ti catūsu ariyamaggesu.
ps3.5:2.7	<b>Patticariyā</b>ti catūsu sāmaññaphalesu.
ps3.5:2.8	<b>Lokatthacariyā</b>ti tathāgatesu arahantesu sammāsambuddhesu padese paccekabuddhesu padese sāvakesu.
ps3.5:3.1	Iriyāpathacariyā ca paṇidhisampannānaṁ.
ps3.5:3.2	Āyatanacariyā ca indriyesu guttadvārānaṁ.
ps3.5:3.3	Saticariyā ca appamādavihārīnaṁ.
ps3.5:3.4	Samādhicariyā ca adhicittamanuyuttānaṁ.
ps3.5:3.5	Ñāṇacariyā ca buddhisampannānaṁ.
ps3.5:3.6	Maggacariyā ca sammāpaṭipannānaṁ.
ps3.5:3.7	Patticariyā ca adhigataphalānaṁ.
ps3.5:3.8	Lokatthacariyā ca tathāgatānaṁ arahantānaṁ sammāsambuddhānaṁ padese paccekabuddhānaṁ padese sāvakānaṁ.
ps3.5:3.9	Imā aṭṭha cariyāyo.
ps3.5:4.1	Aparāpi aṭṭha cariyāyo.
ps3.5:4.2	Adhimuccanto saddhāya carati, paggaṇhanto vīriyena carati, upaṭṭhāpento satiyā carati, avikkhepaṁ karonto samādhinā carati, pajānanto paññāya carati, vijānanto viññāṇacariyāya carati, evaṁ paṭipannassa kusalā dhammā āyāpentīti āyatanacariyāya carati, evaṁ paṭipanno visesamadhigacchatīti visesacariyāya carati.
ps3.5:4.3	Imā aṭṭha cariyāyo.
ps3.5:5.1	Aparāpi aṭṭha cariyāyo.
ps3.5:5.2	Dassanacariyā ca sammādiṭṭhiyā, abhiniropanacariyā ca sammāsaṅkappassa, pariggahacariyā ca sammāvācāya, samuṭṭhānacariyā ca sammākammantassa, vodānacariyā ca sammāājīvassa, paggahacariyā ca sammāvāyāmassa, upaṭṭhānacariyā ca sammāsatiyā, avikkhepacariyā ca sammāsamādhissa.
ps3.5:5.3	Imā aṭṭha cariyāyoti.
ps3.5:5.4	Cariyākathā niṭṭhitā.
ps3.6:0.1	Paṭisambhidāmagga
ps3.6:0.2	3 Paññāvagga
ps3.6:0.3	3.6. Pāṭihāriyakathā
ps3.6:1.1	“Tīṇimāni, bhikkhave, pāṭihāriyāni.
ps3.6:1.2	Katamāni tīṇi?
ps3.6:1.3	Iddhipāṭihāriyaṁ, ādesanāpāṭihāriyaṁ, anusāsanīpāṭihāriyaṁ.
ps3.6:2.1	<b>Katamañca, bhikkhave, iddhipāṭihāriyaṁ?</b>
ps3.6:2.2	Idha, bhikkhave, ekacco anekavihitaṁ iddhividhaṁ paccanubhoti—
ps3.6:2.3	ekopi hutvā bahudhā hoti, bahudhāpi hutvā eko hoti;
ps3.6:2.4	āvibhāvaṁ tirobhāvaṁ …pe…
ps3.6:2.5	yāva brahmalokāpi kāyena vasaṁ vatteti.
ps3.6:2.6	Idaṁ vuccati, bhikkhave, iddhipāṭihāriyaṁ.
ps3.6:3.1	<b>Katamañca</b>, <b>bhikkhave, ādesanāpāṭihāriyaṁ?</b>
ps3.6:3.2	Idha, bhikkhave, ekacco nimittena ādisati—
ps3.6:3.3	‘evampi te mano, itthampi te mano, itipi te cittan’ti.
ps3.6:3.4	So bahuñcepi ādisati, tatheva taṁ hoti, no aññathā.
ps3.6:3.5	Idha pana, bhikkhave, ekacco na heva kho nimittena ādisati, api ca kho manussānaṁ vā amanussānaṁ vā devatānaṁ vā saddaṁ sutvā ādisati—
ps3.6:3.6	‘evampi te mano, itthampi te mano, itipi te cittan’ti.
ps3.6:3.7	So bahuñcepi ādisati, tatheva taṁ hoti, no aññathā.
ps3.6:3.8	Idha pana, bhikkhave, ekacco na heva kho nimittena ādisati, napi manussānaṁ vā amanussānaṁ vā devatānaṁ vā saddaṁ sutvā ādisati, api ca kho vitakkayato vicārayato vitakkavipphārasaddaṁ sutvā ādisati—
ps3.6:3.9	‘evampi te mano, itthampi te mano, itipi te cittan’ti.
ps3.6:3.10	So bahuñcepi ādisati, tatheva taṁ hoti, no aññathā.
ps3.6:3.11	Idha pana, bhikkhave, ekacco na heva kho nimittena ādisati, napi manussānaṁ vā amanussānaṁ vā devatānaṁ vā saddaṁ sutvā ādisati, napi vitakkayato vicārayato vitakkavipphārasaddaṁ sutvā ādisati, api ca kho avitakkaṁ avicāraṁ samādhiṁ samāpannassa cetasā ceto paricca pajānāti—
ps3.6:3.12	‘yathā imassa bhoto manosaṅkhārā paṇihitā imassa cittassa anantarā amukaṁ nāma vitakkaṁ vitakkayissatī’ti.
ps3.6:3.13	So bahuñcepi ādisati, tatheva taṁ hoti, no aññathā.
ps3.6:3.14	Idaṁ vuccati, bhikkhave, ādesanāpāṭihāriyaṁ.
ps3.6:4.1	<b>Katamañca, bhikkhave, anusāsanīpāṭihāriyaṁ?</b>
ps3.6:4.2	Idha, bhikkhave, ekacco evamanusāsati—
ps3.6:4.3	‘evaṁ vitakketha, mā evaṁ vitakkayittha.
ps3.6:4.4	Evaṁ manasi karotha, mā evaṁ manasākattha.
ps3.6:4.5	Idaṁ pajahatha, idaṁ upasampajja viharathā’ti.
ps3.6:4.6	Idaṁ vuccati, bhikkhave, anusāsanīpāṭihāriyaṁ.
ps3.6:4.7	Imāni kho, bhikkhave, tīṇi pāṭihāriyāni”.
ps3.6:5.1	Nekkhammaṁ ijjhatīti—iddhi.
ps3.6:5.2	Kāmacchandaṁ paṭiharatīti—pāṭihāriyaṁ.
ps3.6:5.3	Ye tena nekkhammena samannāgatā, sabbe te visuddhacittā anāvilasaṅkappāti—
ps3.6:5.4	ādesanāpāṭihāriyaṁ.
ps3.6:5.5	“Taṁ kho pana nekkhammaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti—
ps3.6:5.6	anusāsanīpāṭihāriyaṁ.
ps3.6:6.1	Abyāpādo ijjhatīti—iddhi.
ps3.6:6.2	Byāpādaṁ paṭiharatīti—pāṭihāriyaṁ.
ps3.6:6.3	Ye tena abyāpādena samannāgatā, sabbe te visuddhacittā anāvilasaṅkappāti—
ps3.6:6.4	ādesanāpāṭihāriyaṁ.
ps3.6:6.5	“So kho pana abyāpādo evaṁ āsevitabbo, evaṁ bhāvetabbo, evaṁ bahulīkātabbo, evaṁ tadanudhammatā sati upaṭṭhāpetabbā”ti—
ps3.6:6.6	anusāsanīpāṭihāriyaṁ.
ps3.6:7.1	Ālokasaññā ijjhatīti—iddhi.
ps3.6:7.2	Thinamiddhaṁ paṭiharatīti—pāṭihāriyaṁ.
ps3.6:7.3	Ye tāya ālokasaññāya samannāgatā, sabbe te visuddhacittā anāvilasaṅkappāti—
ps3.6:7.4	ādesanāpāṭihāriyaṁ.
ps3.6:7.5	“Sā kho pana ālokasaññā evaṁ āsevitabbā, evaṁ bhāvetabbā, evaṁ bahulīkātabbā, evaṁ tadanudhammatā sati upaṭṭhāpetabbā”ti—
ps3.6:7.6	anusāsanīpāṭihāriyaṁ.
ps3.6:8.1	Avikkhepo ijjhatīti—iddhi.
ps3.6:8.2	Uddhaccaṁ paṭiharatīti—pāṭihāriyaṁ.
ps3.6:8.3	Ye tena avikkhepena samannāgatā, sabbe te visuddhacittā anāvilasaṅkappāti—
ps3.6:8.4	ādesanāpāṭihāriyaṁ.
ps3.6:8.5	“So kho pana avikkhepo evaṁ āsevitabbo, evaṁ bhāvetabbo, evaṁ bahulīkātabbo, evaṁ tadanudhammatā sati upaṭṭhāpetabbā”ti—
ps3.6:8.6	anusāsanīpāṭihāriyaṁ.
ps3.6:9.1	Dhammavavatthānaṁ ijjhatīti—iddhi.
ps3.6:9.2	Vicikicchaṁ paṭiharatīti—pāṭihāriyaṁ.
ps3.6:9.3	Ye tena dhammavavatthānena samannāgatā, sabbe te visuddhacittā anāvilasaṅkappāti—
ps3.6:9.4	ādesanāpāṭihāriyaṁ.
ps3.6:9.5	“Taṁ kho pana dhammavavatthānaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā, sati upaṭṭhāpetabbā”ti—
ps3.6:9.6	anusāsanīpāṭihāriyaṁ.
ps3.6:10.1	Ñāṇaṁ ijjhatīti—iddhi.
ps3.6:10.2	Avijjaṁ paṭiharatīti—pāṭihāriyaṁ.
ps3.6:10.3	Ye tena ñāṇena samannāgatā, sabbe te visuddhacittā anāvilasaṅkappāti—
ps3.6:10.4	ādesanāpāṭihāriyaṁ.
ps3.6:10.5	“Taṁ kho pana ñāṇaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti—
ps3.6:10.6	anusāsanīpāṭihāriyaṁ.
ps3.6:11.1	Pāmojjaṁ ijjhatīti—iddhi.
ps3.6:11.2	Aratiṁ paṭiharatīti—pāṭihāriyaṁ.
ps3.6:11.3	Ye tena pāmojjena samannāgatā, sabbe te visuddhacittā anāvilasaṅkappāti—
ps3.6:11.4	ādesanāpāṭihāriyaṁ.
ps3.6:11.5	“Taṁ kho pana pāmojjaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti—
ps3.6:11.6	anusāsanīpāṭihāriyaṁ …pe….
ps3.6:12.1	Paṭhamaṁ jhānaṁ ijjhatīti—iddhi.
ps3.6:12.2	Nīvaraṇe paṭiharatīti—pāṭihāriyaṁ.
ps3.6:12.3	Ye tena paṭhamena jhānena samannāgatā, sabbe te visuddhacittā anāvilasaṅkappāti—
ps3.6:12.4	ādesanāpāṭihāriyaṁ.
ps3.6:12.5	“Taṁ kho pana paṭhamaṁ jhānaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti—
ps3.6:12.6	anusāsanīpāṭihāriyaṁ …pe….
ps3.6:13.1	Arahattamaggo ijjhatīti—iddhi.
ps3.6:13.2	Sabbakilese paṭiharatīti—pāṭihāriyaṁ.
ps3.6:13.3	Ye tena arahattamaggena samannāgatā, sabbe te visuddhacittā anāvilasaṅkappāti—
ps3.6:13.4	ādesanāpāṭihāriyaṁ.
ps3.6:13.5	“So kho pana arahattamaggo evaṁ āsevitabbo, evaṁ bhāvetabbo, evaṁ bahulīkātabbo, evaṁ tadanudhammatā sati upaṭṭhāpetabbā”ti—
ps3.6:13.6	anusāsanīpāṭihāriyaṁ.
ps3.6:14.1	Nekkhammaṁ ijjhatīti—iddhi.
ps3.6:14.2	Kāmacchandaṁ paṭiharatīti—pāṭihāriyaṁ.
ps3.6:14.3	Yā ca iddhi yañca pāṭihāriyaṁ, idaṁ vuccati iddhipāṭihāriyaṁ.
ps3.6:14.4	Abyāpādo ijjhatīti—iddhi.
ps3.6:14.5	Byāpādaṁ paṭiharatīti—pāṭihāriyaṁ.
ps3.6:14.6	Yā ca iddhi yañca pāṭihāriyaṁ, idaṁ vuccati iddhipāṭihāriyaṁ.
ps3.6:14.7	Ālokasaññā ijjhatīti—iddhi.
ps3.6:14.8	Thinamiddhaṁ paṭiharatīti—pāṭihāriyaṁ …pe…
ps3.6:14.9	arahattamaggo ijjhatīti—iddhi.
ps3.6:14.10	Sabbakilese paṭiharatīti—pāṭihāriyaṁ.
ps3.6:14.11	Yā ca iddhi yañca pāṭihāriyaṁ, idaṁ vuccati iddhipāṭihāriyanti.
ps3.6:14.12	Pāṭihāriyakathā niṭṭhitā.
ps3.7:0.1	Paṭisambhidāmagga
ps3.7:0.2	3 Paññāvagga
ps3.7:0.3	3.7. Samasīsakathā
ps3.7:1.1	Sabbadhammānaṁ sammāsamucchede nirodhe ca anupaṭṭhānatā paññā samasīsaṭṭhe ñāṇaṁ.
ps3.7:2.1	<b>Sabbadhammānan</b>ti pañcakkhandhā, dvādasāyatanāni, aṭṭhārasa dhātuyo, kusalā dhammā, akusalā dhammā, abyākatā dhammā, kāmāvacarā dhammā, rūpāvacarā dhammā, arūpāvacarā dhammā, apariyāpannā dhammā.
ps3.7:2.2	<b>Sammā samucchede</b>ti nekkhammena kāmacchandaṁ sammā samucchindati, abyāpādena byāpādaṁ sammā samucchindati, ālokasaññāya thinamiddhaṁ sammā samucchindati, avikkhepena uddhaccaṁ sammā samucchindati, dhammavavatthānena vicikicchaṁ sammā samucchindati, ñāṇena avijjaṁ sammā samucchindati, pāmojjena aratiṁ sammā samucchindati, paṭhamena jhānena nīvaraṇe sammā samucchindati …pe…
ps3.7:2.3	arahattamaggena sabbakilese sammā samucchindati.
ps3.7:3.1	<b>Nirodhe</b>ti nekkhammena kāmacchandaṁ nirodheti, abyāpādena byāpādaṁ nirodheti, ālokasaññāya thinamiddhaṁ nirodheti, avikkhepena uddhaccaṁ nirodheti, dhammavavatthānena vicikicchaṁ nirodheti, ñāṇena avijjaṁ nirodheti, pāmojjena aratiṁ nirodheti, paṭhamena jhānena nīvaraṇe nirodheti …pe…
ps3.7:3.2	arahattamaggena sabbakilese nirodheti.
ps3.7:4.1	<b>Anupaṭṭhānatā</b>ti nekkhammaṁ paṭiladdhassa kāmacchando na upaṭṭhāti, abyāpādaṁ paṭiladdhassa byāpādo na upaṭṭhāti, ālokasaññaṁ paṭiladdhassa thinamiddhaṁ na upaṭṭhāti, avikkhepaṁ paṭiladdhassa uddhaccaṁ na upaṭṭhāti, dhammavavatthānaṁ paṭiladdhassa vicikicchā na upaṭṭhāti, ñāṇaṁ paṭiladdhassa avijjā na upaṭṭhāti, pāmojjaṁ paṭiladdhassa arati na upaṭṭhāti, paṭhamaṁ jhānaṁ paṭiladdhassa nīvaraṇā na upaṭṭhanti …pe…
ps3.7:4.2	arahattamaggaṁ paṭiladdhassa sabbakilesā na upaṭṭhanti.
ps3.7:5.1	<b>Saman</b>ti kāmacchandassa pahīnattā nekkhammaṁ samaṁ, byāpādassa pahīnattā abyāpādo samaṁ, thinamiddhassa pahīnattā ālokasaññā samaṁ, uddhaccassa pahīnattā avikkhepo samaṁ, vicikicchāya pahīnattā dhammavavatthānaṁ samaṁ, avijjāya pahīnattā ñāṇaṁ samaṁ, aratiyā pahīnattā pāmojjaṁ samaṁ, nīvaraṇānaṁ pahīnattā paṭhamaṁ jhānaṁ samaṁ …pe…
ps3.7:5.2	sabbakilesānaṁ pahīnattā arahattamaggo samaṁ.
ps3.7:6.1	<b>Sīsan</b>ti terasa sīsāni—
ps3.7:6.2	palibodhasīsañca taṇhā, vinibandhanasīsañca māno, parāmāsasīsañca diṭṭhi, vikkhepasīsañca uddhaccaṁ, saṅkilesasīsañca avijjā, adhimokkhasīsañca saddhā, paggahasīsañca vīriyaṁ, upaṭṭhānasīsañca sati, avikkhepasīsañca samādhi, dassanasīsañca paññā, pavattasīsañca jīvitindriyaṁ, gocarasīsañca vimokkho, saṅkhārasīsañca nirodhoti.
ps3.7:6.3	Samasīsakathā niṭṭhitā.
ps3.8:0.1	Paṭisambhidāmagga
ps3.8:0.2	3 Paññāvagga
ps3.8:0.3	3.8. Satipaṭṭhānakathā
ps3.8:1.1	Sāvatthinidānaṁ.
ps3.8:1.2	“Cattārome, bhikkhave, satipaṭṭhānā.
ps3.8:1.3	Katame cattāro?
ps3.8:1.4	Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ.
ps3.8:1.5	Vedanāsu …
ps3.8:1.6	citte …
ps3.8:1.7	dhammesu dhammānupassī viharati ātāpī sampajāno satimā, vineyya loke abhijjhādomanassaṁ.
ps3.8:1.8	Ime kho, bhikkhave, cattāro satipaṭṭhānā”ti.
ps3.8:2.1	Kathaṁ <b>kāye kāyānupassī viharati?</b>
ps3.8:2.2	Idhekacco pathavīkāyaṁ aniccato anupassati, no niccato;
ps3.8:2.3	dukkhato anupassati, no sukhato;
ps3.8:2.4	anattato anupassati, no attato;
ps3.8:2.5	nibbindati, no nandati;
ps3.8:2.6	virajjati, no rajjati;
ps3.8:2.7	nirodheti, no samudeti, paṭinissajjati, no ādiyati.
ps3.8:2.8	Aniccato anupassanto niccasaññaṁ pajahati, dukkhato anupassanto sukhasaññaṁ pajahati, anattato anupassanto attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati.
ps3.8:2.9	Imehi sattahi ākārehi kāyaṁ anupassati.
ps3.8:2.10	Kāyo upaṭṭhānaṁ, no sati.
ps3.8:2.11	Sati upaṭṭhānañceva sati ca.
ps3.8:2.12	Tāya satiyā tena ñāṇena taṁ kāyaṁ anupassati.
ps3.8:2.13	Tena vuccati—
ps3.8:2.14	“kāye kāyānupassanāsatipaṭṭhānā”.
ps3.8:3.1	<b>Bhāvanā</b>ti catasso bhāvanā—
ps3.8:3.2	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps3.8:4.1	Idhekacco āpokāyaṁ …pe…
ps3.8:4.2	tejokāyaṁ …
ps3.8:4.3	vāyokāyaṁ …
ps3.8:4.4	kesakāyaṁ …
ps3.8:4.5	lomakāyaṁ …
ps3.8:4.6	chavikāyaṁ …
ps3.8:4.7	cammakāyaṁ …
ps3.8:4.8	maṁsakāyaṁ …
ps3.8:4.9	rudhirakāyaṁ …
ps3.8:4.10	nhārukāyaṁ …
ps3.8:4.11	aṭṭhikāyaṁ …
ps3.8:4.12	aṭṭhimiñjakāyaṁ aniccato anupassati, no niccato;
ps3.8:4.13	dukkhato anupassati, no sukhato;
ps3.8:4.14	anattato anupassati, no attato;
ps3.8:4.15	nibbindati, no nandati;
ps3.8:4.16	virajjati, no rajjati, nirodheti, no samudeti;
ps3.8:4.17	paṭinissajjati, no ādiyati.
ps3.8:4.18	Aniccato anupassanto niccasaññaṁ pajahati, dukkhato anupassanto sukhasaññaṁ pajahati, anattato anupassanto attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati.
ps3.8:4.19	Imehi sattahi ākārehi kāyaṁ anupassati.
ps3.8:4.20	Kāyo upaṭṭhānaṁ, no sati.
ps3.8:4.21	Sati upaṭṭhānañceva sati ca.
ps3.8:4.22	Tāya satiyā tena ñāṇena taṁ kāyaṁ anupassati.
ps3.8:4.23	Tena vuccati—
ps3.8:4.24	“kāye kāyānupassanāsatipaṭṭhānā”.
ps3.8:5.1	<b>Bhāvanā</b>ti catasso bhāvanā—
ps3.8:5.2	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps3.8:5.3	Evaṁ kāye kāyānupassī viharati.
ps3.8:6.1	Kathaṁ <b>vedanāsu vedanānupassī viharati?</b>
ps3.8:6.2	Idhekacco sukhaṁ vedanaṁ aniccato anupassati, no niccato …pe…
ps3.8:6.3	paṭinissajjati, no ādiyati.
ps3.8:6.4	Aniccato anupassanto niccasaññaṁ pajahati …pe…
ps3.8:6.5	paṭinissajjanto ādānaṁ pajahati.
ps3.8:6.6	Imehi sattahi ākārehi vedanaṁ anupassati.
ps3.8:6.7	Vedanā upaṭṭhānaṁ, no sati.
ps3.8:6.8	Sati upaṭṭhānañceva sati ca.
ps3.8:6.9	Tāya satiyā tena ñāṇena taṁ vedanaṁ anupassati.
ps3.8:6.10	Tena vuccati—
ps3.8:6.11	“vedanāsu vedanānupassanāsatipaṭṭhānā”.
ps3.8:7.1	<b>Bhāvanā</b>ti catasso bhāvanā …pe…
ps3.8:7.2	āsevanaṭṭhena bhāvanā …pe…
ps3.8:7.3	idhekacco dukkhaṁ vedanaṁ …pe…
ps3.8:7.4	adukkhamasukhaṁ vedanaṁ …
ps3.8:7.5	sāmisaṁ sukhaṁ vedanaṁ …
ps3.8:7.6	nirāmisaṁ sukhaṁ vedanaṁ …
ps3.8:7.7	sāmisaṁ dukkhaṁ vedanaṁ …
ps3.8:7.8	nirāmisaṁ dukkhaṁ vedanaṁ …
ps3.8:7.9	sāmisaṁ adukkhamasukhaṁ vedanaṁ …
ps3.8:7.10	nirāmisaṁ adukkhamasukhaṁ vedanaṁ …
ps3.8:7.11	cakkhusamphassajaṁ vedanaṁ …
ps3.8:7.12	sotasamphassajaṁ vedanaṁ …
ps3.8:7.13	ghānasamphassajaṁ vedanaṁ …
ps3.8:7.14	jivhāsamphassajaṁ vedanaṁ …
ps3.8:7.15	kāyasamphassajaṁ vedanaṁ …
ps3.8:7.16	manosamphassajaṁ vedanaṁ aniccato anupassati, no niccato …pe…
ps3.8:7.17	paṭinissajjati, no ādiyati.
ps3.8:7.18	Aniccato anupassanto niccasaññaṁ pajahati …pe…
ps3.8:7.19	paṭinissajjanto ādānaṁ pajahati.
ps3.8:7.20	Imehi sattahi ākārehi vedanaṁ anupassati.
ps3.8:7.21	Vedanā upaṭṭhānaṁ, no sati.
ps3.8:7.22	Sati upaṭṭhānañceva sati ca.
ps3.8:7.23	Tāya satiyā tena ñāṇena taṁ vedanaṁ anupassati.
ps3.8:7.24	Tena vuccati—
ps3.8:7.25	“vedanāsu vedanānupassanāsatipaṭṭhānā”.
ps3.8:8.1	<b>Bhāvanā</b>ti catasso bhāvanā …pe…
ps3.8:8.2	evaṁ vedanāsu vedanānupassī viharati.
ps3.8:9.1	Kathaṁ <b>citte cittānupassī viharati?</b>
ps3.8:9.2	Idhekacco sarāgaṁ cittaṁ aniccato anupassati, no niccato …pe…
ps3.8:9.3	paṭinissajjati, no ādiyati.
ps3.8:9.4	Aniccato anupassanto niccasaññaṁ pajahati …pe…
ps3.8:9.5	paṭinissajjanto ādānaṁ pajahati.
ps3.8:9.6	Imehi sattahi ākārehi cittaṁ anupassati.
ps3.8:9.7	Cittaṁ upaṭṭhānaṁ, no sati.
ps3.8:9.8	Sati upaṭṭhānañceva sati ca.
ps3.8:9.9	Tāya satiyā tena ñāṇena taṁ cittaṁ anupassati.
ps3.8:9.10	Tena vuccati—
ps3.8:9.11	“citte cittānupassanāsatipaṭṭhānā”.
ps3.8:10.1	<b>Bhāvanā</b>ti catasso bhāvanā …pe…
ps3.8:10.2	āsevanaṭṭhena bhāvanā.
ps3.8:11.1	Idhekacco vītarāgaṁ cittaṁ …pe…
ps3.8:11.2	sadosaṁ cittaṁ …
ps3.8:11.3	vītadosaṁ cittaṁ …
ps3.8:11.4	samohaṁ cittaṁ …
ps3.8:11.5	vītamohaṁ cittaṁ …
ps3.8:11.6	saṅkhittaṁ cittaṁ …
ps3.8:11.7	vikkhittaṁ cittaṁ …
ps3.8:11.8	mahaggataṁ cittaṁ …
ps3.8:11.9	amahaggataṁ cittaṁ …
ps3.8:11.10	sauttaraṁ cittaṁ …
ps3.8:11.11	anuttaraṁ cittaṁ …
ps3.8:11.12	samāhitaṁ cittaṁ …
ps3.8:11.13	asamāhitaṁ cittaṁ …
ps3.8:11.14	vimuttaṁ cittaṁ …
ps3.8:11.15	avimuttaṁ cittaṁ …
ps3.8:11.16	cakkhuviññāṇaṁ …
ps3.8:11.17	sotaviññāṇaṁ …
ps3.8:11.18	ghānaviññāṇaṁ …
ps3.8:11.19	jivhāviññāṇaṁ …
ps3.8:11.20	kāyaviññāṇaṁ …
ps3.8:11.21	manoviññāṇaṁ aniccato anupassati, no niccato …pe…
ps3.8:11.22	paṭinissajjati, no ādiyati.
ps3.8:11.23	Aniccato anupassanto niccasaññaṁ pajahati …pe…
ps3.8:11.24	paṭinissajjanto ādānaṁ pajahati.
ps3.8:11.25	Imehi sattahi ākārehi cittaṁ anupassati.
ps3.8:11.26	Cittaṁ upaṭṭhānaṁ, no sati.
ps3.8:11.27	Sati upaṭṭhānañceva sati ca.
ps3.8:11.28	Tāya satiyā tena ñāṇena taṁ cittaṁ anupassati.
ps3.8:11.29	Tena vuccati—
ps3.8:11.30	“citte cittānupassanāsatipaṭṭhānā”.
ps3.8:12.1	<b>Bhāvanā</b>ti catasso bhāvanā …pe…
ps3.8:12.2	āsevanaṭṭhena bhāvanā.
ps3.8:12.3	Evaṁ citte cittānupassī viharati.
ps3.8:13.1	Kathaṁ <b>dhammesu dhammānupassī viharati?</b>
ps3.8:13.2	Idhekacco ṭhapetvā kāyaṁ ṭhapetvā vedanaṁ ṭhapetvā cittaṁ tadavasese dhamme aniccato anupassati, no niccato;
ps3.8:13.3	dukkhato anupassati, no sukhato;
ps3.8:13.4	anattato anupassati, no attato;
ps3.8:13.5	nibbindati, no nandati;
ps3.8:13.6	virajjati, no rajjati;
ps3.8:13.7	nirodheti, no samudeti;
ps3.8:13.8	paṭinissajjati, no ādiyati.
ps3.8:13.9	Aniccato anupassanto niccasaññaṁ pajahati, dukkhato anupassanto sukhasaññaṁ pajahati, anattato anupassanto attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati.
ps3.8:13.10	Imehi sattahi ākārehi te dhamme anupassati.
ps3.8:13.11	Dhammā upaṭṭhānaṁ, no sati.
ps3.8:13.12	Sati upaṭṭhānañceva sati ca.
ps3.8:13.13	Tāya satiyā tena ñāṇena te dhamme anupassati.
ps3.8:13.14	Tena vuccati—
ps3.8:13.15	“dhammesu dhammānupassanāsatipaṭṭhānā”.
ps3.8:14.1	<b>Bhāvanā</b>ti catasso bhāvanā—
ps3.8:14.2	tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
ps3.8:14.3	Evaṁ dhammesu dhammānupassī viharatīti.
ps3.8:14.4	Satipaṭṭhānakathā niṭṭhitā.
ps3.9:0.1	Paṭisambhidāmagga
ps3.9:0.2	Paññāvagga
ps3.9:0.3	3.9. Vipassanākathā
ps3.9:1.1	Evaṁ me sutaṁ—
ps3.9:1.2	ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ps3.9:1.3	Tatra kho bhagavā bhikkhū āmantesi—
ps3.9:1.4	“bhikkhavo”ti.
ps3.9:1.5	“Bhadante”ti te bhikkhū bhagavato paccassosuṁ.
ps3.9:1.6	Bhagavā etadavoca—
ps3.9:2.1	“So vata, bhikkhave, bhikkhu kañci saṅkhāraṁ niccato samanupassanto anulomikāya khantiyā samannāgato bhavissatīti—
ps3.9:2.2	netaṁ ṭhānaṁ vijjati;
ps3.9:2.3	anulomikāya khantiyā asamannāgato sammattaniyāmaṁ okkamissatīti—
ps3.9:2.4	netaṁ ṭhānaṁ vijjati;
ps3.9:2.5	sammattaniyāmaṁ anokkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:2.6	netaṁ ṭhānaṁ vijjati.
ps3.9:3.1	So vata, bhikkhave, bhikkhu sabbasaṅkhāre aniccato samanupassanto anulomikāya khantiyā samannāgato bhavissatīti—
ps3.9:3.2	ṭhānametaṁ vijjati;
ps3.9:3.3	anulomikāya khantiyā samannāgato sammattaniyāmaṁ okkamissatīti—
ps3.9:3.4	ṭhānametaṁ vijjati, sammattaniyāmaṁ okkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:3.5	ṭhānametaṁ vijjati.
ps3.9:4.1	So vata, bhikkhave, bhikkhu kañci saṅkhāraṁ sukhato samanupassanto anulomikāya khantiyā samannāgato bhavissatīti—
ps3.9:4.2	netaṁ ṭhānaṁ vijjati;
ps3.9:4.3	anulomikāya khantiyā asamannāgato sammattaniyāmaṁ okkamissatīti—
ps3.9:4.4	netaṁ ṭhānaṁ vijjati;
ps3.9:4.5	sammattaniyāmaṁ anokkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:4.6	netaṁ ṭhānaṁ vijjati.
ps3.9:5.1	So vata, bhikkhave, bhikkhu sabbasaṅkhāre dukkhato samanupassanto anulomikāya khantiyā samannāgato bhavissatīti—
ps3.9:5.2	ṭhānametaṁ vijjati;
ps3.9:5.3	anulomikāya khantiyā samannāgato sammattaniyāmaṁ okkamissatīti—
ps3.9:5.4	ṭhānametaṁ vijjati;
ps3.9:5.5	sammattaniyāmaṁ okkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:5.6	ṭhānametaṁ vijjati.
ps3.9:6.1	So vata, bhikkhave, bhikkhu kañci dhammaṁ attato samanupassanto anulomikāya khantiyā samannāgato bhavissatīti—
ps3.9:6.2	netaṁ ṭhānaṁ vijjati;
ps3.9:6.3	anulomikāya khantiyā asamannāgato sammattaniyāmaṁ okkamissatīti—
ps3.9:6.4	netaṁ ṭhānaṁ vijjati;
ps3.9:6.5	sammattaniyāmaṁ anokkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:6.6	netaṁ ṭhānaṁ vijjati.
ps3.9:7.1	So vata, bhikkhave, bhikkhu sabbadhamme anattato samanupassanto anulomikāya khantiyā samannāgato bhavissatīti—
ps3.9:7.2	ṭhānametaṁ vijjati;
ps3.9:7.3	anulomikāya khantiyā samannāgato sammattaniyāmaṁ okkamissatīti—
ps3.9:7.4	ṭhānametaṁ vijjati;
ps3.9:7.5	sammattaniyāmaṁ okkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:7.6	ṭhānametaṁ vijjati.
ps3.9:8.1	So vata, bhikkhave, bhikkhu nibbānaṁ dukkhato samanupassanto anulomikāya khantiyā samannāgato bhavissatīti—
ps3.9:8.2	netaṁ ṭhānaṁ vijjati;
ps3.9:8.3	anulomikāya khantiyā asamannāgato sammattaniyāmaṁ okkamissatīti—
ps3.9:8.4	netaṁ ṭhānaṁ vijjati;
ps3.9:8.5	sammattaniyāmaṁ anokkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:8.6	netaṁ ṭhānaṁ vijjati.
ps3.9:9.1	So vata, bhikkhave, bhikkhu nibbānaṁ sukhato samanupassanto anulomikāya khantiyā samannāgato bhavissatīti—
ps3.9:9.2	ṭhānametaṁ vijjati;
ps3.9:9.3	anulomikāya khantiyā samannāgato sammattaniyāmaṁ okkamissatīti—
ps3.9:9.4	ṭhānametaṁ vijjati;
ps3.9:9.5	sammattaniyāmaṁ okkamamāno sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā sacchikarissatīti—
ps3.9:9.6	ṭhānametaṁ vijjati”.
ps3.9:10.1	Katihākārehi anulomikaṁ khantiṁ paṭilabhati, katihākārehi sammattaniyāmaṁ okkamati?
ps3.9:10.2	Cattārīsāya ākārehi anulomikaṁ khantiṁ paṭilabhati, cattārīsāya ākārehi sammattaniyāmaṁ okkamati.
ps3.9:11.1	Katamehi cattārīsāya ākārehi anulomikaṁ khantiṁ paṭilabhati, katamehi cattārīsāya ākārehi sammattaniyāmaṁ okkamati?
ps3.9:11.2	Pañcakkhandhe aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅguto addhuvato atāṇato aleṇato asaraṇato rittato tucchato suññato anattato ādīnavato vipariṇāmadhammato asārakato aghamūlato vadhakato vibhavato sāsavato saṅkhatato mārāmisato jātidhammato jarādhammato byādhidhammato maraṇadhammato sokadhammato paridevadhammato upāyāsadhammato saṅkilesikadhammato.
ps3.9:12.1	Pañcakkhandhe aniccato passanto anulomikaṁ khantiṁ paṭilabhati.
ps3.9:12.2	Pañcannaṁ khandhānaṁ nirodho niccaṁ nibbānanti passanto sammattaniyāmaṁ okkamati.
ps3.9:12.3	Pañcakkhandhe dukkhato passanto anulomikaṁ khantiṁ paṭilabhati.
ps3.9:12.4	Pañcannaṁ khandhānaṁ nirodho sukhaṁ nibbānanti passanto sammattaniyāmaṁ okkamati.
ps3.9:12.5	Pañcakkhandhe rogato passanto anulomikaṁ khantiṁ paṭilabhati.
ps3.9:12.6	Pañcannaṁ khandhānaṁ nirodho ārogyaṁ nibbānanti passanto sammattaniyāmaṁ okkamati.
ps3.9:12.7	Pañcakkhandhe gaṇḍato passanto anulomikaṁ khantiṁ paṭilabhati.
ps3.9:12.8	Pañcannaṁ khandhānaṁ nirodho agaṇḍaṁ nibbānanti passanto sammattaniyāmaṁ okkamati.
ps3.9:12.9	Pañcakkhandhe sallato passanto anulomikaṁ khantiṁ paṭilabhati.
ps3.9:12.10	Pañcannaṁ khandhānaṁ nirodho visallaṁ nibbānanti passanto sammattaniyāmaṁ okkamati.
ps3.9:13.1	Pañcakkhandhe aghato passanto anulomikaṁ khantiṁ paṭilabhati.
ps3.9:13.2	Pañcannaṁ khandhānaṁ nirodho anagho nibbānanti passanto sammattaniyāmaṁ okkamati.
ps3.9:13.3	Pañcakkhandhe ābādhato passanto anulomikaṁ khantiṁ paṭilabhati.
ps3.9:13.4	Pañcannaṁ khandhānaṁ nirodho anābādhaṁ nibbānanti passanto sammattaniyāmaṁ okkamati.
ps3.9:13.5	Pañcakkhandhe parato passanto anulomikaṁ khantiṁ paṭilabhati.
ps3.9:13.6	Pañcannaṁ khandhānaṁ nirodho aparappaccayaṁ nibbānanti passanto sammattaniyāmaṁ okkamati.
ps3.9:13.7	Pañcakkhandhe palokato passanto anulomikaṁ khantiṁ paṭilabhati.
ps3.9:13.8	Pañcannaṁ khandhānaṁ nirodho apalokadhammo nibbānanti passanto sammattaniyāmaṁ okkamati.
ps3.9:13.9	Pañcakkhandhe ītito passanto anulomikaṁ khantiṁ paṭilabhati.
ps3.9:13.10	Pañcannaṁ khandhānaṁ nirodho anītikaṁ nibbānanti passanto sammattaniyāmaṁ okkamati.
ps3.9:14.1	Pañcakkhandhe upaddavato passanto anulomikaṁ khantiṁ paṭilabhati.
ps3.9:14.2	Pañcannaṁ khandhānaṁ nirodho anupaddavaṁ nibbānanti passanto sammattaniyāmaṁ okkamati.
ps3.9:14.3	Pañcakkhandhe bhayato passanto anulomikaṁ khantiṁ paṭilabhati.
ps3.9:14.4	Pañcannaṁ khandhānaṁ nirodho abhayaṁ nibbānanti passanto sammattaniyāmaṁ okkamati.
ps3.9:14.5	Pañcakkhandhe upasaggato passanto anulomikaṁ khantiṁ paṭilabhati.
ps3.9:14.6	Pañcannaṁ khandhānaṁ nirodho anupasaggaṁ nibbānanti passanto sammattaniyāmaṁ okkamati.
ps3.9:14.7	Pañcakkhandhe calato passanto anulomikaṁ khantiṁ paṭilabhati.
ps3.9:14.8	Pañcannaṁ khandhānaṁ nirodho acalaṁ nibbānanti passanto sammattaniyāmaṁ okkamati.
ps3.9:14.9	Pañcakkhandhe pabhaṅguto passanto anulomikaṁ khantiṁ paṭilabhati.
ps3.9:14.10	Pañcannaṁ khandhānaṁ nirodho apabhaṅgu nibbānanti passanto sammattaniyāmaṁ okkamati.
ps3.9:15.1	Pañcakkhandhe addhuvato passanto anulomikaṁ khantiṁ paṭilabhati.
ps3.9:15.2	Pañcannaṁ khandhānaṁ nirodho dhuvaṁ nibbānanti passanto sammattaniyāmaṁ okkamati.
ps3.9:15.3	Pañcakkhandhe atāṇato passanto anulomikaṁ khantiṁ paṭilabhati.
ps3.9:15.4	Pañcannaṁ khandhānaṁ nirodho tāṇaṁ nibbānanti passanto sammattaniyāmaṁ okkamati.
ps3.9:15.5	Pañcakkhandhe aleṇato passanto anulomikaṁ khantiṁ paṭilabhati.
ps3.9:15.6	Pañcannaṁ khandhānaṁ nirodho leṇaṁ nibbānanti passanto sammattaniyāmaṁ okkamati.
ps3.9:15.7	Pañcakkhandhe asaraṇato passanto anulomikaṁ khantiṁ paṭilabhati.
ps3.9:15.8	Pañcannaṁ khandhānaṁ nirodho saraṇaṁ nibbānanti passanto sammattaniyāmaṁ okkamati.
ps3.9:15.9	Pañcakkhandhe rittato passanto anulomikaṁ khantiṁ paṭilabhati.
ps3.9:15.10	Pañcannaṁ khandhānaṁ nirodho arittaṁ nibbānanti passanto sammattaniyāmaṁ okkamati.
ps3.9:16.1	Pañcakkhandhe tucchato passanto anulomikaṁ khantiṁ paṭilabhati.
ps3.9:16.2	Pañcannaṁ khandhānaṁ nirodho atucchaṁ nibbānanti passanto sammattaniyāmaṁ okkamati.
ps3.9:16.3	Pañcakkhandhe suññato passanto anulomikaṁ khantiṁ paṭilabhati.
ps3.9:16.4	Pañcannaṁ khandhānaṁ nirodho paramasuññaṁ nibbānanti passanto sammattaniyāmaṁ okkamati.
ps3.9:16.5	Pañcakkhandhe anattato passanto anulomikaṁ khantiṁ paṭilabhati.
ps3.9:16.6	Pañcannaṁ khandhānaṁ nirodho paramatthaṁ nibbānanti passanto sammattaniyāmaṁ okkamati.
ps3.9:16.7	Pañcakkhandhe ādīnavato passanto anulomikaṁ khantiṁ paṭilabhati.
ps3.9:16.8	Pañcannaṁ khandhānaṁ nirodho anādīnavaṁ nibbānanti passanto sammattaniyāmaṁ okkamati.
ps3.9:16.9	Pañcakkhandhe vipariṇāmadhammato passanto anulomikaṁ khantiṁ paṭilabhati.
ps3.9:16.10	Pañcannaṁ khandhānaṁ nirodho avipariṇāmadhammaṁ nibbānanti passanto sammattaniyāmaṁ okkamati.
ps3.9:17.1	Pañcakkhandhe asārakato passanto anulomikaṁ khantiṁ paṭilabhati.
ps3.9:17.2	Pañcannaṁ khandhānaṁ nirodho sāraṁ nibbānanti passanto sammattaniyāmaṁ okkamati.
ps3.9:17.3	Pañcakkhandhe aghamūlato passanto anulomikaṁ khantiṁ paṭilabhati.
ps3.9:17.4	Pañcannaṁ khandhānaṁ nirodho anaghamūlaṁ nibbānanti passanto sammattaniyāmaṁ okkamati.
ps3.9:17.5	Pañcakkhandhe vadhakato passanto anulomikaṁ khantiṁ paṭilabhati.
ps3.9:17.6	Pañcannaṁ khandhānaṁ nirodho avadhakaṁ nibbānanti passanto sammattaniyāmaṁ okkamati.
ps3.9:17.7	Pañcakkhandhe vibhavato passanto anulomikaṁ khantiṁ paṭilabhati.
ps3.9:17.8	Pañcannaṁ khandhānaṁ nirodho avibhavaṁ nibbānanti passanto sammattaniyāmaṁ okkamati.
ps3.9:17.9	Pañcakkhandhe sāsavato passanto anulomikaṁ khantiṁ paṭilabhati.
ps3.9:17.10	Pañcannaṁ khandhānaṁ nirodho anāsavaṁ nibbānanti passanto sammattaniyāmaṁ okkamati.
ps3.9:18.1	Pañcakkhandhe saṅkhatato passanto anulomikaṁ khantiṁ paṭilabhati.
ps3.9:18.2	Pañcannaṁ khandhānaṁ nirodho asaṅkhataṁ nibbānanti passanto sammattaniyāmaṁ okkamati.
ps3.9:18.3	Pañcakkhandhe mārāmisato passanto anulomikaṁ khantiṁ paṭilabhati.
ps3.9:18.4	Pañcannaṁ khandhānaṁ nirodho nirāmisaṁ nibbānanti passanto sammattaniyāmaṁ okkamati.
ps3.9:18.5	Pañcakkhandhe jātidhammato passanto anulomikaṁ khantiṁ paṭilabhati.
ps3.9:18.6	Pañcannaṁ khandhānaṁ nirodho ajātaṁ nibbānanti passanto sammattaniyāmaṁ okkamati.
ps3.9:18.7	Pañcakkhandhe jarādhammato passanto anulomikaṁ khantiṁ paṭilabhati.
ps3.9:18.8	Pañcannaṁ khandhānaṁ nirodho ajaraṁ nibbānanti passanto sammattaniyāmaṁ okkamati.
ps3.9:18.9	Pañcakkhandhe byādhidhammato passanto anulomikaṁ khantiṁ paṭilabhati.
ps3.9:18.10	Pañcannaṁ khandhānaṁ nirodho abyādhi nibbānanti passanto sammattaniyāmaṁ okkamati.
ps3.9:19.1	Pañcakkhandhe maraṇadhammato passanto anulomikaṁ khantiṁ paṭilabhati.
ps3.9:19.2	Pañcannaṁ khandhānaṁ nirodho amataṁ nibbānanti passanto sammattaniyāmaṁ okkamati.
ps3.9:19.3	Pañcakkhandhe sokadhammato passanto anulomikaṁ khantiṁ paṭilabhati.
ps3.9:19.4	Pañcannaṁ khandhānaṁ nirodho asokaṁ nibbānanti passanto sammattaniyāmaṁ okkamati.
ps3.9:19.5	Pañcakkhandhe paridevadhammato passanto anulomikaṁ khantiṁ paṭilabhati.
ps3.9:19.6	Pañcannaṁ khandhānaṁ nirodho aparidevaṁ nibbānanti passanto sammattaniyāmaṁ okkamati.
ps3.9:19.7	Pañcakkhandhe upāyāsadhammato passanto anulomikaṁ khantiṁ paṭilabhati.
ps3.9:19.8	Pañcannaṁ khandhānaṁ nirodho anupāyāsaṁ nibbānanti passanto sammattaniyāmaṁ okkamati.
ps3.9:19.9	Pañcakkhandhe saṅkilesikadhammato passanto anulomikaṁ khantiṁ paṭilabhati.
ps3.9:19.10	Pañcannaṁ khandhānaṁ nirodho asaṅkiliṭṭhaṁ nibbānanti passanto sammattaniyāmaṁ okkamati.
ps3.9:20.1	Aniccatoti, aniccānupassanā.
ps3.9:20.2	Dukkhatoti, dukkhānupassanā.
ps3.9:20.3	Rogatoti, dukkhānupassanā.
ps3.9:20.4	Gaṇḍatoti, dukkhānupassanā.
ps3.9:20.5	Sallatoti, dukkhānupassanā.
ps3.9:20.6	Aghatoti, dukkhānupassanā.
ps3.9:20.7	Ābādhatoti, dukkhānupassanā.
ps3.9:20.8	Paratoti, anattānupassanā.
ps3.9:20.9	Palokatoti, aniccānupassanā.
ps3.9:20.10	Ītitoti, dukkhānupassanā. [10]
ps3.9:21.1	Upaddavatoti, dukkhānupassanā.
ps3.9:21.2	Bhayatoti, dukkhānupassanā.
ps3.9:21.3	Upasaggatoti, dukkhānupassanā.
ps3.9:21.4	Calatoti, aniccānupassanā.
ps3.9:21.5	Pabhaṅgutoti, aniccānupassanā.
ps3.9:21.6	Addhuvatoti, aniccānupassanā.
ps3.9:21.7	Atāṇatoti, dukkhānupassanā.
ps3.9:21.8	Aleṇatoti, dukkhānupassanā.
ps3.9:21.9	Asaraṇatoti, dukkhānupassanā.
ps3.9:21.10	Rittatoti, anattānupassanā.
ps3.9:22.1	Tucchatoti, anattānupassanā.
ps3.9:22.2	Suññatoti, anattānupassanā.
ps3.9:22.3	Anattatoti, anattānupassanā.
ps3.9:22.4	Ādīnavatoti, dukkhānupassanā.
ps3.9:22.5	Vipariṇāmadhammatoti, aniccānupassanā.
ps3.9:22.6	Asārakatoti, anattānupassanā.
ps3.9:22.7	Aghamūlatoti, dukkhānupassanā.
ps3.9:22.8	Vadhakatoti, dukkhānupassanā.
ps3.9:22.9	Vibhavatoti, aniccānupassanā.
ps3.9:22.10	Sāsavatoti, dukkhānupassanā.
ps3.9:23.1	Saṅkhatatoti, aniccānupassanā.
ps3.9:23.2	Mārāmisatoti, dukkhānupassanā.
ps3.9:23.3	Jātidhammatoti, dukkhānupassanā.
ps3.9:23.4	Jarādhammatoti, dukkhānupassanā.
ps3.9:23.5	Byādhidhammatoti, dukkhānupassanā.
ps3.9:23.6	Maraṇadhammatoti, aniccānupassanā.
ps3.9:23.7	Sokadhammatoti, dukkhānupassanā.
ps3.9:23.8	Paridevadhammatoti, dukkhānupassanā.
ps3.9:23.9	Upāyāsadhammatoti, dukkhānupassanā.
ps3.9:23.10	Saṅkilesikadhammatoti, dukkhānupassanā.
ps3.9:24.1	Imehi cattālīsāya ākārehi anulomikaṁ khantiṁ paṭilabhati.
ps3.9:24.2	Imehi cattālīsāya ākārehi sammattaniyāmaṁ okkamati.
ps3.9:25.1	Imehi cattālīsāya ākārehi anulomikaṁ khantiṁ paṭilabhantassa, imehi cattālīsāya ākārehi sammattaniyāmaṁ okkamantassa kati aniccānupassanā, kati dukkhānupassanā, kati anattānupassanā?
ps3.9:26.1	Pañcavīsati anattānupassanā,
ps3.9:26.2	Paññāsa aniccānupassanā;
ps3.9:26.3	Sataṁ pañcavīsati ceva,
ps3.9:26.4	Yāni dukkhe pavuccareti.
ps3.9:26.5	Vipassanākathā niṭṭhitā.
ps3.10:0.1	Paṭisambhidāmagga
ps3.10:0.2	3 Paññāvagga
ps3.10:0.3	3.10. Mātikākathā
ps3.10:1.1	Nicchāto, mokkho vimokkho, vijjāvimutti, adhisīlaṁ, adhicittaṁ, adhipaññā, passaddhi, ñāṇaṁ, dassanaṁ, visuddhi, nekkhammaṁ, nissaraṇaṁ, paviveko, vosaggo, cariyā, jhānavimokkho, bhāvanā, adhiṭṭhānaṁ, jīvitaṁ. [19]
ps3.10:2.1	<b>Nicchāto</b>ti nekkhammena kāmacchandato nicchāto, abyāpādena byāpādato nicchāto …pe…
ps3.10:2.2	paṭhamena jhānena nīvaraṇehi nicchāto …pe…
ps3.10:2.3	arahattamaggena sabbakilesehi nicchāto.
ps3.10:3.1	<b>Mokkho vimokkho</b>ti nekkhammena kāmacchandato muccatīti—
ps3.10:3.2	mokkho vimokkho.
ps3.10:3.3	Abyāpādena byāpādato muccatīti—
ps3.10:3.4	mokkho vimokkho …pe…
ps3.10:3.5	paṭhamena jhānena nīvaraṇehi muccatīti—
ps3.10:3.6	mokkho vimokkho …pe…
ps3.10:3.7	arahattamaggena sabbakilesehi muccatīti—
ps3.10:3.8	mokkho vimokkho.
ps3.10:4.1	<b>Vijjāvimuttī</b>ti nekkhammaṁ vijjatīti vijjā, kāmacchandato muccatīti vimutti.
ps3.10:4.2	Vijjanto muccati, muccanto vijjatīti—
ps3.10:4.3	vijjāvimutti.
ps3.10:4.4	Abyāpādo vijjatīti vijjā, byāpādato vimuccatīti vimutti.
ps3.10:4.5	Vijjanto muccati, muccanto vijjatīti—
ps3.10:4.6	vijjāvimutti …pe…
ps3.10:4.7	arahattamaggo vijjatīti vijjā, sabbakilesehi muccatīti vimutti.
ps3.10:4.8	Vijjanto muccati, muccanto vijjatīti—
ps3.10:4.9	vijjāvimutti.
ps3.10:5.1	<b>Adhisīlaṁ adhicittaṁ adhipaññā</b>ti nekkhammena kāmacchandaṁ, saṁvaraṭṭhena sīlavisuddhi, avikkhepaṭṭhena cittavisuddhi, dassanaṭṭhena diṭṭhivisuddhi.
ps3.10:5.2	Yo tattha saṁvaraṭṭho, ayaṁ adhisīlasikkhā.
ps3.10:5.3	Yo tattha avikkhepaṭṭho, ayaṁ adhicittasikkhā.
ps3.10:5.4	Yo tattha dassanaṭṭho, ayaṁ adhipaññāsikkhā.
ps3.10:5.5	Abyāpādena byāpādaṁ saṁvaraṭṭhena sīlavisuddhi …pe…
ps3.10:5.6	arahattamaggena sabbakilese saṁvaraṭṭhena sīlavisuddhi, avikkhepaṭṭhena cittavisuddhi.
ps3.10:5.7	Dassanaṭṭhena diṭṭhivisuddhi.
ps3.10:5.8	Yo tattha saṁvaraṭṭho, ayaṁ adhisīlasikkhā.
ps3.10:5.9	Yo tattha avikkhepaṭṭho, ayaṁ adhicittasikkhā.
ps3.10:5.10	Yo tattha dassanaṭṭho, ayaṁ adhipaññāsikkhā.
ps3.10:6.1	<b>Passaddhī</b>ti nekkhammena kāmacchandaṁ paṭippassambheti, abyāpādena byāpādaṁ paṭippassambheti …pe…
ps3.10:6.2	arahattamaggena sabbakilese paṭippassambheti.
ps3.10:7.1	<b>Ñāṇan</b>ti kāmacchandassa pahīnattā nekkhammaṁ ñātaṭṭhena ñāṇaṁ;
ps3.10:7.2	byāpādassa pahīnattā abyāpādo ñātaṭṭhena ñāṇaṁ …pe…
ps3.10:7.3	sabbakilesānaṁ pahīnattā arahattamaggo ñātaṭṭhena ñāṇaṁ.
ps3.10:8.1	<b>Dassanan</b>ti kāmacchandassa pahīnattā nekkhammaṁ diṭṭhattā dassanaṁ.
ps3.10:8.2	Byāpādassa pahīnattā abyāpādo diṭṭhattā dassanaṁ …pe…
ps3.10:8.3	sabbakilesānaṁ pahīnattā arahattamaggo diṭṭhattā dassanaṁ.
ps3.10:9.1	<b>Visuddhī</b>ti kāmacchandaṁ pajahanto nekkhammena visujjhati.
ps3.10:9.2	Byāpādaṁ pajahanto abyāpādena visujjhati …pe…
ps3.10:9.3	sabbakilese pajahanto arahattamaggena visujjhati.
ps3.10:10.1	<b>Nekkhamman</b>ti kāmānametaṁ nissaraṇaṁ, yadidaṁ nekkhammaṁ.
ps3.10:10.2	Rūpānametaṁ nissaraṇaṁ, yadidaṁ āruppaṁ.
ps3.10:10.3	Yaṁ kho pana kiñci bhūtaṁ saṅkhataṁ paṭiccasamuppannaṁ, nirodho tassa nekkhammaṁ.
ps3.10:10.4	Byāpādassa abyāpādo nekkhammaṁ.
ps3.10:10.5	Thinamiddhassa ālokasaññā nekkhammaṁ …pe…
ps3.10:10.6	sabbakilesānaṁ arahattamaggo nekkhammaṁ.
ps3.10:11.1	<b>Nissaraṇan</b>ti kāmānametaṁ nissaraṇaṁ, yadidaṁ nekkhammaṁ.
ps3.10:11.2	Rūpānametaṁ nissaraṇaṁ, yadidaṁ āruppaṁ.
ps3.10:11.3	Yaṁ kho pana kiñci bhūtaṁ saṅkhataṁ paṭiccasamuppannaṁ, nirodho tassa nissaraṇaṁ.
ps3.10:11.4	Kāmacchandassa nekkhammaṁ nissaraṇaṁ.
ps3.10:11.5	Byāpādassa abyāpādo nissaraṇaṁ …pe…
ps3.10:11.6	sabbakilesānaṁ arahattamaggo nissaraṇaṁ.
ps3.10:12.1	<b>Paviveko</b>ti kāmacchandassa nekkhammaṁ paviveko …pe…
ps3.10:12.2	sabbakilesānaṁ arahattamaggo paviveko.
ps3.10:13.1	<b>Vosaggo</b>ti nekkhammena kāmacchandaṁ vosajjatīti—
ps3.10:13.2	vosaggo.
ps3.10:13.3	Abyāpādena byāpādaṁ vosajjatīti—
ps3.10:13.4	vosaggo …pe…
ps3.10:13.5	arahattamaggena sabbakilese vosajjatīti—
ps3.10:13.6	vosaggo.
ps3.10:14.1	<b>Cariyā</b>ti kāmacchandaṁ pajahanto nekkhammena carati.
ps3.10:14.2	Byāpādaṁ pajahanto abyāpādena carati …pe…
ps3.10:14.3	sabbakilese pajahanto arahattamaggena carati.
ps3.10:15.1	<b>Jhānavimokkho</b>ti nekkhammaṁ jhāyatīti—
ps3.10:15.2	jhānaṁ.
ps3.10:15.3	Kāmacchandaṁ jhāpetīti—
ps3.10:15.4	jhānaṁ.
ps3.10:15.5	Jhāyanto muccatīti—
ps3.10:15.6	jhānavimokkho.
ps3.10:15.7	Jhāpento muccatīti—
ps3.10:15.8	jhānavimokkho.
ps3.10:15.9	Jhāyantīti dhammā.
ps3.10:15.10	Jhāpentīti kilese.
ps3.10:15.11	Jhāte ca jhāpe ca jānātīti—
ps3.10:15.12	jhānajhāyī.
ps3.10:15.13	Abyāpādo jhāyatīti jhānaṁ.
ps3.10:15.14	Byāpādaṁ jhāpetīti—
ps3.10:15.15	jhānaṁ …pe…
ps3.10:15.16	ālokasaññā jhāyatīti—
ps3.10:15.17	jhānaṁ.
ps3.10:15.18	Thinamiddhaṁ jhāpetīti—
ps3.10:15.19	jhānaṁ …pe…
ps3.10:15.20	arahattamaggo jhāyatīti—
ps3.10:15.21	jhānaṁ.
ps3.10:15.22	Sabbakilese jhāpetīti—
ps3.10:15.23	jhānaṁ.
ps3.10:15.24	Jhāyanto muccatīti—
ps3.10:15.25	jhānavimokkho.
ps3.10:15.26	Jhāpento muccatīti—
ps3.10:15.27	jhānavimokkho.
ps3.10:15.28	Jhāyantīti—
ps3.10:15.29	dhammā.
ps3.10:15.30	Jhāpentīti—
ps3.10:15.31	kilese.
ps3.10:15.32	Jhāte ca jhāpe ca jānātīti—
ps3.10:15.33	jhānajhāyī.
ps3.10:16.1	<b>Bhāvanā adhiṭṭhānaṁ jīvitan</b>ti kāmacchandaṁ pajahanto nekkhammaṁ bhāvetīti—
ps3.10:16.2	bhāvanāsampanno.
ps3.10:16.3	Nekkhammavasena cittaṁ adhiṭṭhātīti—
ps3.10:16.4	adhiṭṭhānasampanno.
ps3.10:16.5	Svāyaṁ evaṁ bhāvanāsampanno adhiṭṭhānasampanno samaṁ jīvati, no visamaṁ;
ps3.10:16.6	sammā jīvati, no micchā;
ps3.10:16.7	visuddhaṁ jīvati, no kiliṭṭhanti—
ps3.10:16.8	ājīvasampanno.
ps3.10:16.9	Svāyaṁ evaṁ bhāvanāsampanno adhiṭṭhānasampanno ājīvasampanno yaññadeva parisaṁ upasaṅkamati—
ps3.10:16.10	yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—
ps3.10:16.11	visārado upasaṅkamati amaṅkubhūto.
ps3.10:16.12	Taṁ kissa hetu?
ps3.10:16.13	Tathā hi so bhāvanāsampanno adhiṭṭhānasampanno ājīvasampanno.
ps3.10:17.1	Byāpādaṁ pajahanto abyāpādaṁ bhāvetīti—
ps3.10:17.2	bhāvanāsampanno …pe…
ps3.10:17.3	thinamiddhaṁ pajahanto ālokasaññaṁ bhāvetīti—
ps3.10:17.4	bhāvanāsampanno …pe…
ps3.10:17.5	uddhaccaṁ pajahanto avikkhepaṁ bhāvetīti—
ps3.10:17.6	bhāvanāsampanno …pe…
ps3.10:17.7	vicikicchaṁ pajahanto dhammavavatthānaṁ bhāvetīti—
ps3.10:17.8	bhāvanāsampanno …pe…
ps3.10:17.9	avijjaṁ pajahanto vijjaṁ bhāvetīti—
ps3.10:17.10	bhāvanāsampanno …pe…
ps3.10:17.11	aratiṁ pajahanto pāmojjaṁ bhāvetīti—
ps3.10:17.12	bhāvanāsampanno …pe…
ps3.10:17.13	nīvaraṇe pajahanto paṭhamaṁ jhānaṁ bhāvetīti—
ps3.10:17.14	bhāvanāsampanno …pe…
ps3.10:17.15	sabbakilese pajahanto arahattamaggaṁ bhāvetīti—
ps3.10:17.16	bhāvanāsampanno.
ps3.10:17.17	Arahattamaggavasena cittaṁ adhiṭṭhātīti—
ps3.10:17.18	adhiṭṭhānasampanno.
ps3.10:17.19	Svāyaṁ evaṁ bhāvanāsampanno adhiṭṭhānasampanno samaṁ jīvati, no visamaṁ;
ps3.10:17.20	sammā jīvati, no micchā;
ps3.10:17.21	visuddhaṁ jīvati, no kiliṭṭhanti—
ps3.10:17.22	ājīvasampanno.
ps3.10:17.23	Svāyaṁ evaṁ bhāvanāsampanno adhiṭṭhānasampanno ājīvasampanno yaññadeva parisaṁ upasaṅkamati—
ps3.10:17.24	yadi khattiyaparisaṁ yadi brāhmaṇaparisaṁ yadi gahapatiparisaṁ yadi samaṇaparisaṁ—
ps3.10:17.25	visārado upasaṅkamati amaṅkubhūto.
ps3.10:17.26	Taṁ kissa hetu?
ps3.10:17.27	Tathā hi so bhāvanāsampanno adhiṭṭhānasampanno ājīvasampannoti.
ps3.10:17.28	Mātikākathā niṭṭhitā.
ps3.10:17.29	Paññāvaggo tatiyo.
ps3.10:17.30	Tassuddānaṁ
ps3.10:18.1	Paññā iddhi abhisamayo,
ps3.10:18.2	viveko cariyapañcamo;
ps3.10:18.3	Pāṭihāri samasīsi,
ps3.10:18.4	satipaṭṭhānā vipassanā;
ps3.10:18.5	Tatiye paññāvaggamhi,
ps3.10:18.6	mātikāya ca te dasāti.
ps3.10:19.1	Mahāvaggo yuganaddho,
ps3.10:19.2	paññāvaggo ca nāmato;
ps3.10:19.3	Tayova vaggā imamhi,
ps3.10:19.4	paṭisambhidāpakaraṇe.
ps3.10:20.1	Anantanayamaggesu,
ps3.10:20.2	gambhīro sāgarūpamo;
ps3.10:20.3	Nabhañca tārakākiṇṇaṁ,
ps3.10:20.4	thūlo jātassaro yathā;
ps3.10:20.5	Kathikānaṁ visālāya,
ps3.10:20.6	yogīnaṁ ñāṇajotananti.
ps3.10:20.7	Paṭisambhidāmaggapāḷi niṭṭhitā.