# Vibhaṅga — root Pali (Mahāsaṅgīti) · suttacentral/bilara-data@da23a8afdd1b · seat EA-CORPORA-29/08

vb1:0.1	Vibhaṅga
vb1:0.2	Khandhavibhaṅga
vb1:1.0	1. Suttantabhājanīya
vb1:1.1	Namo tassa Bhagavato Arahato Sammāsambuddhassa.
vb1:2.1	Pañcakkhandhā—
vb1:2.2	rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
vb1:3.0	1.1. Rūpakkhandha
vb1:3.1	Tattha katamo rūpakkhandho?
vb1:3.2	Yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, tadekajjhaṁ abhisaññūhitvā abhisaṅkhipitvā—
vb1:3.3	ayaṁ vuccati rūpakkhandho.
vb1:4.1	Tattha katamaṁ rūpaṁ atītaṁ?
vb1:4.2	Yaṁ rūpaṁ atītaṁ niruddhaṁ vigataṁ vipariṇataṁ atthaṅgataṁ abbhatthaṅgataṁ uppajjitvā vigataṁ atītaṁ atītaṁsena saṅgahitaṁ, cattāro ca mahābhūtā catunnañca mahābhūtānaṁ upādāyarūpaṁ—
vb1:4.3	idaṁ vuccati rūpaṁ atītaṁ.
vb1:5.1	Tattha katamaṁ rūpaṁ anāgataṁ?
vb1:5.2	Yaṁ rūpaṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtaṁ anuppannaṁ asamuppannaṁ anuṭṭhitaṁ asamuṭṭhitaṁ anāgataṁ anāgataṁsena saṅgahitaṁ, cattāro ca mahābhūtā catunnañca mahābhūtānaṁ upādāyarūpaṁ—
vb1:5.3	idaṁ vuccati rūpaṁ anāgataṁ.
vb1:6.1	Tattha katamaṁ rūpaṁ paccuppannaṁ?
vb1:6.2	Yaṁ rūpaṁ jātaṁ bhūtaṁ sañjātaṁ nibbattaṁ abhinibbattaṁ pātubhūtaṁ uppannaṁ samuppannaṁ uṭṭhitaṁ samuṭṭhitaṁ paccuppannaṁ paccuppannaṁsena saṅgahitaṁ, cattāro ca mahābhūtā catunnañca mahābhūtānaṁ upādāyarūpaṁ—
vb1:6.3	idaṁ vuccati rūpaṁ paccuppannaṁ.
vb1:7.1	Tattha katamaṁ rūpaṁ ajjhattaṁ?
vb1:7.2	Yaṁ rūpaṁ tesaṁ tesaṁ sattānaṁ ajjhattaṁ paccattaṁ niyakaṁ pāṭipuggalikaṁ upādinnaṁ, cattāro ca mahābhūtā catunnañca mahābhūtānaṁ upādāyarūpaṁ—
vb1:7.3	idaṁ vuccati rūpaṁ ajjhattaṁ.
vb1:8.1	Tattha katamaṁ rūpaṁ bahiddhā?
vb1:8.2	Yaṁ rūpaṁ tesaṁ tesaṁ parasattānaṁ parapuggalānaṁ ajjhattaṁ paccattaṁ niyakaṁ pāṭipuggalikaṁ upādinnaṁ, cattāro ca mahābhūtā catunnañca mahābhūtānaṁ upādāyarūpaṁ—
vb1:8.3	idaṁ vuccati rūpaṁ bahiddhā.
vb1:9.1	Tattha katamaṁ rūpaṁ oḷārikaṁ?
vb1:9.2	Cakkhāyatanaṁ …pe… phoṭṭhabbāyatanaṁ—
vb1:9.3	idaṁ vuccati rūpaṁ oḷārikaṁ.
vb1:10.1	Tattha katamaṁ rūpaṁ sukhumaṁ?
vb1:10.2	Itthindriyaṁ …pe…
vb1:10.3	kabaḷīkāro āhāro—
vb1:10.4	idaṁ vuccati rūpaṁ sukhumaṁ.
vb1:11.1	Tattha katamaṁ rūpaṁ hīnaṁ?
vb1:11.2	Yaṁ rūpaṁ tesaṁ tesaṁ sattānaṁ uññātaṁ avaññātaṁ hīḷitaṁ paribhūtaṁ acittīkataṁ hīnaṁ hīnamataṁ hīnasammataṁ aniṭṭhaṁ akantaṁ amanāpaṁ, rūpā saddā gandhā rasā phoṭṭhabbā—
vb1:11.3	idaṁ vuccati rūpaṁ hīnaṁ.
vb1:12.1	Tattha katamaṁ rūpaṁ paṇītaṁ?
vb1:12.2	Yaṁ rūpaṁ tesaṁ tesaṁ sattānaṁ anuññātaṁ anavaññātaṁ ahīḷitaṁ aparibhūtaṁ cittīkataṁ paṇītaṁ paṇītamataṁ paṇītasammataṁ iṭṭhaṁ kantaṁ manāpaṁ, rūpā saddā gandhā rasā phoṭṭhabbā—
vb1:12.3	idaṁ vuccati rūpaṁ paṇītaṁ.
vb1:12.4	Taṁ taṁ vā pana rūpaṁ upādāyupādāya rūpaṁ hīnaṁ paṇītaṁ daṭṭhabbaṁ.
vb1:13.1	Tattha katamaṁ rūpaṁ dūre?
vb1:13.2	Itthindriyaṁ …pe… kabaḷīkāro āhāro, yaṁ vā panaññampi atthi rūpaṁ anāsanne anupakaṭṭhe dūre asantike—
vb1:13.3	idaṁ vuccati rūpaṁ dūre.
vb1:14.1	Tattha katamaṁ rūpaṁ santike?
vb1:14.2	Cakkhāyatanaṁ …pe… phoṭṭhabbāyatanaṁ, yaṁ vā panaññampi atthi rūpaṁ āsanne upakaṭṭhe avidūre santike—
vb1:14.3	idaṁ vuccati rūpaṁ santike.
vb1:14.4	Taṁ taṁ vā pana rūpaṁ upādāyupādāya rūpaṁ dūre santike daṭṭhabbaṁ.
vb1:15.0	1.2. Vedanākkhandha
vb1:15.1	Tattha katamo vedanākkhandho?
vb1:15.2	Yā kāci vedanā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, tadekajjhaṁ abhisaññūhitvā abhisaṅkhipitvā—
vb1:15.3	ayaṁ vuccati vedanākkhandho.
vb1:16.1	Tattha katamā vedanā atītā?
vb1:16.2	Yā vedanā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṁsena saṅgahitā, sukhā vedanā dukkhā vedanā adukkhamasukhā vedanā—
vb1:16.3	ayaṁ vuccati vedanā atītā.
vb1:17.1	Tattha katamā vedanā anāgatā?
vb1:17.2	Yā vedanā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṁsena saṅgahitā, sukhā vedanā dukkhā vedanā adukkhamasukhā vedanā—
vb1:17.3	ayaṁ vuccati vedanā anāgatā.
vb1:18.1	Tattha katamā vedanā paccuppannā?
vb1:18.2	Yā vedanā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṁsena saṅgahitā, sukhā vedanā dukkhā vedanā adukkhamasukhā vedanā—
vb1:18.3	ayaṁ vuccati vedanā paccuppannā.
vb1:19.1	Tattha katamā vedanā ajjhattā?
vb1:19.2	Yā vedanā tesaṁ tesaṁ sattānaṁ ajjhattaṁ paccattaṁ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā—
vb1:19.3	ayaṁ vuccati vedanā ajjhattā.
vb1:20.1	Tattha katamā vedanā bahiddhā?
vb1:20.2	Yā vedanā tesaṁ tesaṁ parasattānaṁ parapuggalānaṁ ajjhattaṁ paccattaṁ niyakā pāṭipuggalikā upādinnā, sukhā vedanā dukkhā vedanā adukkhamasukhā vedanā—
vb1:20.3	ayaṁ vuccati vedanā bahiddhā.
vb1:21.1	Tattha katamā vedanā oḷārikā sukhumā?
vb1:21.2	Akusalā vedanā oḷārikā, kusalābyākatā vedanā sukhumā.
vb1:21.3	Kusalākusalā vedanā oḷārikā, abyākatā vedanā sukhumā.
vb1:21.4	Dukkhā vedanā oḷārikā, sukhā ca adukkhamasukhā ca vedanā sukhumā.
vb1:21.5	Sukhadukkhā vedanā oḷārikā, adukkhamasukhā vedanā sukhumā.
vb1:21.6	Asamāpannassa vedanā oḷārikā, samāpannassa vedanā sukhumā.
vb1:21.7	Sāsavā vedanā oḷārikā, anāsavā vedanā sukhumā.
vb1:21.8	Taṁ taṁ vā pana vedanaṁ upādāyupādāya vedanā oḷārikā sukhumā daṭṭhabbā.
vb1:22.1	Tattha katamā vedanā hīnā paṇītā?
vb1:22.2	Akusalā vedanā hīnā, kusalābyākatā vedanā paṇītā.
vb1:22.3	Kusalākusalā vedanā hīnā, abyākatā vedanā paṇītā.
vb1:22.4	Dukkhā vedanā hīnā, sukhā ca adukkhamasukhā ca vedanā paṇītā.
vb1:22.5	Sukhadukkhā vedanā hīnā, adukkhamasukhā vedanā paṇītā.
vb1:22.6	Asamāpannassa vedanā hīnā, samāpannassa vedanā paṇītā.
vb1:22.7	Sāsavā vedanā hīnā, anāsavā vedanā paṇītā.
vb1:22.8	Taṁ taṁ vā pana vedanaṁ upādāyupādāya vedanā hīnā paṇītā daṭṭhabbā.
vb1:23.1	Tattha katamā vedanā dūre?
vb1:23.2	Akusalā vedanā kusalābyākatāhi vedanāhi dūre;
vb1:23.3	kusalābyākatā vedanā akusalāya vedanāya dūre;
vb1:23.4	kusalā vedanā akusalābyākatāhi vedanāhi dūre;
vb1:23.5	akusalābyākatā vedanā kusalāya vedanāya dūre;
vb1:23.6	abyākatā vedanā kusalākusalāhi vedanāhi dūre;
vb1:23.7	kusalākusalā vedanā abyākatāya vedanāya dūre.
vb1:23.8	Dukkhā vedanā sukhāya ca adukkhamasukhāya ca vedanāhi dūre;
vb1:23.9	sukhā ca adukkhamasukhā ca vedanā dukkhāya vedanāya dūre;
vb1:23.10	sukhā vedanā dukkhāya ca adukkhamasukhāya ca vedanāhi dūre;
vb1:23.11	dukkhā ca adukkhamasukhā ca vedanā sukhāya vedanāya dūre;
vb1:23.12	adukkhamasukhā vedanā sukhadukkhāhi vedanāhi dūre;
vb1:23.13	sukhadukkhā vedanā adukkhamasukhāya vedanāya dūre.
vb1:23.14	Asamāpannassa vedanā samāpannassa vedanāya dūre;
vb1:23.15	samāpannassa vedanā asamāpannassa vedanāya dūre.
vb1:23.16	Sāsavā vedanā anāsavāya vedanāya dūre;
vb1:23.17	anāsavā vedanā sāsavāya vedanāya dūre—
vb1:23.18	ayaṁ vuccati vedanā dūre.
vb1:24.1	Tattha katamā vedanā santike?
vb1:24.2	Akusalā vedanā akusalāya vedanāya santike;
vb1:24.3	kusalā vedanā kusalāya vedanāya santike;
vb1:24.4	abyākatā vedanā abyākatāya vedanāya santike.
vb1:24.5	Dukkhā vedanā dukkhāya vedanāya santike;
vb1:24.6	sukhā vedanā sukhāya vedanāya santike;
vb1:24.7	adukkhamasukhā vedanā adukkhamasukhāya vedanāya santike.
vb1:24.8	Asamāpannassa vedanā asamāpannassa vedanāya santike;
vb1:24.9	samāpannassa vedanā samāpannassa vedanāya santike.
vb1:24.10	Sāsavā vedanā sāsavāya vedanāya santike;
vb1:24.11	anāsavā vedanā anāsavāya vedanāya santike.
vb1:24.12	Ayaṁ vuccati vedanā santike.
vb1:24.13	Taṁ taṁ vā pana vedanaṁ upādāyupādāya vedanā dūre santike daṭṭhabbā.
vb1:25.0	1.3. Saññākkhandha
vb1:25.1	Tattha katamo saññākkhandho?
vb1:25.2	Yā kāci saññā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā tadekajjhaṁ abhisaññūhitvā abhisaṅkhipitvā—
vb1:25.3	ayaṁ vuccati saññākkhandho.
vb1:26.1	Tattha katamā saññā atītā?
vb1:26.2	Yā saññā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṁsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā—
vb1:26.3	ayaṁ vuccati saññā atītā.
vb1:27.1	Tattha katamā saññā anāgatā?
vb1:27.2	Yā saññā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṁsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā—
vb1:27.3	ayaṁ vuccati saññā anāgatā.
vb1:28.1	Tattha katamā saññā paccuppannā?
vb1:28.2	Yā saññā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṁsena saṅgahitā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā—
vb1:28.3	ayaṁ vuccati saññā paccuppannā.
vb1:29.1	Tattha katamā saññā ajjhattā?
vb1:29.2	Yā saññā tesaṁ tesaṁ sattānaṁ ajjhattaṁ paccattaṁ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā—
vb1:29.3	ayaṁ vuccati saññā ajjhattā.
vb1:30.1	Tattha katamā saññā bahiddhā?
vb1:30.2	Yā saññā tesaṁ tesaṁ parasattānaṁ parapuggalānaṁ ajjhattaṁ paccattaṁ niyakā pāṭipuggalikā upādinnā, cakkhusamphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manosamphassajā saññā—
vb1:30.3	ayaṁ vuccati saññā bahiddhā.
vb1:31.1	Tattha katamā saññā oḷārikā sukhumā?
vb1:31.2	Paṭighasamphassajā saññā oḷārikā, adhivacanasamphassajā saññā sukhumā.
vb1:31.3	Akusalā saññā oḷārikā, kusalābyākatā saññā sukhumā.
vb1:31.4	Kusalākusalā saññā oḷārikā, abyākatā saññā sukhumā.
vb1:31.5	Dukkhāya vedanāya sampayuttā saññā oḷārikā, sukhāya ca adukkhamasukhāya ca vedanāhi sampayuttā saññā sukhumā.
vb1:31.6	Sukhadukkhāhi vedanāhi sampayuttā saññā oḷārikā, adukkhamasukhāya vedanāya sampayuttā saññā sukhumā.
vb1:31.7	Asamāpannassa saññā oḷārikā, samāpannassa saññā sukhumā.
vb1:31.8	Sāsavā saññā oḷārikā, anāsavā saññā sukhumā.
vb1:31.9	Taṁ taṁ vā pana saññaṁ upādāyupādāya saññā oḷārikā sukhumā daṭṭhabbā.
vb1:32.1	Tattha katamā saññā hīnā paṇītā?
vb1:32.2	Akusalā saññā hīnā, kusalābyākatā saññā paṇītā.
vb1:32.3	Kusalākusalā saññā hīnā, abyākatā saññā paṇītā.
vb1:32.4	Dukkhāya vedanāya sampayuttā saññā hīnā, sukhāya ca adukkhamasukhāya ca vedanāhi sampayuttā saññā paṇītā.
vb1:32.5	Sukhadukkhāhi vedanāhi sampayuttā saññā hīnā, adukkhamasukhāya vedanāya sampayuttā saññā paṇītā.
vb1:32.6	Asamāpannassa saññā hīnā, samāpannassa saññā paṇītā.
vb1:32.7	Sāsavā saññā hīnā, anāsavā saññā paṇītā.
vb1:32.8	Taṁ taṁ vā pana saññaṁ upādāyupādāya saññā hīnā paṇītā daṭṭhabbā.
vb1:33.1	Tattha katamā saññā dūre?
vb1:33.2	Akusalā saññā kusalābyākatāhi saññāhi dūre;
vb1:33.3	kusalābyākatā saññā akusalāya saññāya dūre;
vb1:33.4	kusalā saññā akusalābyākatāhi saññāhi dūre;
vb1:33.5	akusalābyākatā saññā kusalāya saññāya dūre.
vb1:33.6	Abyākatā saññā kusalākusalāhi saññāhi dūre;
vb1:33.7	kusalākusalā saññā abyākatāya saññāya dūre.
vb1:33.8	Dukkhāya vedanāya sampayuttā saññā sukhāya ca adukkhamasukhāya ca vedanāhi sampayuttāhi saññāhi dūre;
vb1:33.9	sukhāya ca adukkhamasukhāya ca vedanāhi sampayuttā saññā dukkhāya vedanāya sampayuttāya saññāya dūre;
vb1:33.10	sukhāya vedanāya sampayuttā saññā dukkhāya ca adukkhamasukhāya ca vedanāhi sampayuttāhi saññāhi dūre;
vb1:33.11	dukkhāya ca adukkhamasukhāya ca vedanāhi sampayuttā saññā sukhāya vedanāya sampayuttāya saññāya dūre;
vb1:33.12	adukkhamasukhāya vedanāya sampayuttā saññā sukhadukkhāhi vedanāhi sampayuttāhi saññāhi dūre;
vb1:33.13	sukhadukkhāhi vedanāhi sampayuttā saññā adukkhamasukhāya vedanāya sampayuttāya saññāya dūre.
vb1:33.14	Asamāpannassa saññā samāpannassa saññāya dūre;
vb1:33.15	samāpannassa saññā asamāpannassa saññāya dūre.
vb1:33.16	Sāsavā saññā anāsavāya saññāya dūre;
vb1:33.17	anāsavā saññā sāsavāya saññāya dūre—
vb1:33.18	ayaṁ vuccati saññā dūre.
vb1:34.1	Tattha katamā saññā santike?
vb1:34.2	Akusalā saññā akusalāya saññāya santike;
vb1:34.3	kusalā saññā kusalāya saññāya santike;
vb1:34.4	abyākatā saññā abyākatāya saññāya santike.
vb1:34.5	Dukkhāya vedanāya sampayuttā saññā dukkhāya vedanāya sampayuttāya saññāya santike;
vb1:34.6	sukhāya vedanāya sampayuttā saññā sukhāya vedanāya sampayuttāya saññāya santike;
vb1:34.7	adukkhamasukhāya vedanāya sampayuttā saññā adukkhamasukhāya vedanāya sampayuttāya saññāya santike.
vb1:34.8	Asamāpannassa saññā asamāpannassa saññāya santike;
vb1:34.9	samāpannassa saññā samāpannassa saññāya santike.
vb1:34.10	Sāsavā saññā sāsavāya saññāya santike;
vb1:34.11	anāsavā saññā anāsavāya saññāya santike.
vb1:34.12	Ayaṁ vuccati saññā santike.
vb1:34.13	Taṁ taṁ vā pana saññaṁ upādāyupādāya saññā dūre santike daṭṭhabbā.
vb1:35.0	1.4. Saṅkhārakkhandha
vb1:35.1	Tattha katamo saṅkhārakkhandho?
vb1:35.2	Ye keci saṅkhārā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā ye dūre santike vā, tadekajjhaṁ abhisaññūhitvā abhisaṅkhipitvā—
vb1:35.3	ayaṁ vuccati saṅkhārakkhandho.
vb1:36.1	Tattha katame saṅkhārā atītā?
vb1:36.2	Ye saṅkhārā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṁsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā—
vb1:36.3	ime vuccanti saṅkhārā atītā.
vb1:37.1	Tattha katame saṅkhārā anāgatā?
vb1:37.2	Ye saṅkhārā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṁsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā—
vb1:37.3	ime vuccanti saṅkhārā anāgatā.
vb1:38.1	Tattha katame saṅkhārā paccuppannā?
vb1:38.2	Ye saṅkhārā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṁsena saṅgahitā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā—
vb1:38.3	ime vuccanti saṅkhārā paccuppannā.
vb1:39.1	Tattha katame saṅkhārā ajjhattā?
vb1:39.2	Ye saṅkhārā tesaṁ tesaṁ sattānaṁ ajjhattaṁ paccattaṁ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā—
vb1:39.3	ime vuccanti saṅkhārā ajjhattā.
vb1:40.1	Tattha katame saṅkhārā bahiddhā?
vb1:40.2	Ye saṅkhārā tesaṁ tesaṁ parasattānaṁ parapuggalānaṁ ajjhattaṁ paccattaṁ niyakā pāṭipuggalikā upādinnā, cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manosamphassajā cetanā—
vb1:40.3	ime vuccanti saṅkhārā bahiddhā.
vb1:41.1	Tattha katame saṅkhārā oḷārikā sukhumā?
vb1:41.2	Akusalā saṅkhārā oḷārikā, kusalābyākatā saṅkhārā sukhumā.
vb1:41.3	Kusalākusalā saṅkhārā oḷārikā, abyākatā saṅkhārā sukhumā.
vb1:41.4	Dukkhāya vedanāya sampayuttā saṅkhārā oḷārikā, sukhāya ca adukkhamasukhāya ca vedanāhi sampayuttā saṅkhārā sukhumā.
vb1:41.5	Sukhadukkhāhi vedanāhi sampayuttā saṅkhārā oḷārikā, adukkhamasukhāya vedanāya sampayuttā saṅkhārā sukhumā.
vb1:41.6	Asamāpannassa saṅkhārā oḷārikā, samāpannassa saṅkhārā sukhumā.
vb1:41.7	Sāsavā saṅkhārā oḷārikā, anāsavā saṅkhārā sukhumā.
vb1:41.8	Te te vā pana saṅkhāre upādāyupādāya saṅkhārā oḷārikā sukhumā daṭṭhabbā.
vb1:42.1	Tattha katame saṅkhārā hīnā paṇītā?
vb1:42.2	Akusalā saṅkhārā hīnā, kusalābyākatā saṅkhārā paṇītā.
vb1:42.3	Kusalākusalā saṅkhārā hīnā, abyākatā saṅkhārā paṇītā.
vb1:42.4	Dukkhāya vedanāya sampayuttā saṅkhārā hīnā, sukhāya ca adukkhamasukhāya ca vedanāhi sampayuttā saṅkhārā paṇītā.
vb1:42.5	Sukhadukkhāhi vedanāhi sampayuttā saṅkhārā hīnā, adukkhamasukhāya vedanāya sampayuttā saṅkhārā paṇītā.
vb1:42.6	Asamāpannassa saṅkhārā hīnā, samāpannassa saṅkhārā paṇītā.
vb1:42.7	Sāsavā saṅkhārā hīnā, anāsavā saṅkhārā paṇītā.
vb1:42.8	Te te vā pana saṅkhāre upādāyupādāya saṅkhārā hīnā paṇītā daṭṭhabbā.
vb1:43.1	Tattha katame saṅkhārā dūre?
vb1:43.2	Akusalā saṅkhārā kusalābyākatehi saṅkhārehi dūre;
vb1:43.3	kusalābyākatā saṅkhārā akusalehi saṅkhārehi dūre;
vb1:43.4	kusalā saṅkhārā akusalābyākatehi saṅkhārehi dūre;
vb1:43.5	akusalābyākatā saṅkhārā kusalehi saṅkhārehi dūre;
vb1:43.6	abyākatā saṅkhārā kusalākusalehi saṅkhārehi dūre;
vb1:43.7	kusalākusalā saṅkhārā abyākatehi saṅkhārehi dūre.
vb1:43.8	Dukkhāya vedanāya sampayuttā saṅkhārā sukhāya ca adukkhamasukhāya ca vedanāhi sampayuttehi saṅkhārehi dūre;
vb1:43.9	sukhāya ca adukkhamasukhāya ca vedanāhi sampayuttā saṅkhārā dukkhāya vedanāya sampayuttehi saṅkhārehi dūre;
vb1:43.10	sukhāya vedanāya sampayuttā saṅkhārā dukkhāya ca adukkhamasukhāya ca vedanāhi sampayuttehi saṅkhārehi dūre;
vb1:43.11	dukkhāya ca adukkhamasukhāya ca vedanāhi sampayuttā saṅkhārā sukhāya vedanāya sampayuttehi saṅkhārehi dūre;
vb1:43.12	adukkhamasukhāya vedanāya sampayuttā saṅkhārā sukhadukkhāhi vedanāhi sampayuttehi saṅkhārehi dūre;
vb1:43.13	sukhadukkhāhi vedanāhi sampayuttā saṅkhārā adukkhamasukhāya vedanāya sampayuttehi saṅkhārehi dūre.
vb1:43.14	Asamāpannassa saṅkhārā samāpannassa saṅkhārehi dūre;
vb1:43.15	samāpannassa saṅkhārā asamāpannassa saṅkhārehi dūre.
vb1:43.16	Sāsavā saṅkhārā anāsavehi saṅkhārehi dūre;
vb1:43.17	anāsavā saṅkhārā sāsavehi saṅkhārehi dūre.
vb1:43.18	Ime vuccanti saṅkhārā dūre.
vb1:44.1	Tattha katame saṅkhārā santike?
vb1:44.2	Akusalā saṅkhārā akusalānaṁ saṅkhārānaṁ santike;
vb1:44.3	kusalā saṅkhārā kusalānaṁ saṅkhārānaṁ santike;
vb1:44.4	abyākatā saṅkhārā abyākatānaṁ saṅkhārānaṁ santike.
vb1:44.5	Dukkhāya vedanāya sampayuttā saṅkhārā dukkhāya vedanāya sampayuttānaṁ saṅkhārānaṁ santike;
vb1:44.6	sukhāya vedanāya sampayuttā saṅkhārā sukhāya vedanāya sampayuttānaṁ saṅkhārānaṁ santike;
vb1:44.7	adukkhamasukhāya vedanāya sampayuttā saṅkhārā adukkhamasukhāya vedanāya sampayuttānaṁ saṅkhārānaṁ santike.
vb1:44.8	Asamāpannassa saṅkhārā asamāpannassa saṅkhārānaṁ santike;
vb1:44.9	samāpannassa saṅkhārā samāpannassa saṅkhārānaṁ santike.
vb1:44.10	Sāsavā saṅkhārā sāsavānaṁ saṅkhārānaṁ santike;
vb1:44.11	anāsavā saṅkhārā anāsavānaṁ saṅkhārānaṁ santike.
vb1:44.12	Ime vuccanti saṅkhārā santike.
vb1:44.13	Te te vā pana saṅkhāre upādāyupādāya saṅkhārā dūre santike daṭṭhabbā.
vb1:45.0	1.5. Viññāṇakkhandha
vb1:45.1	Tattha katamo viññāṇakkhandho?
vb1:45.2	Yaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, tadekajjhaṁ abhisaññūhitvā abhisaṅkhipitvā—
vb1:45.3	ayaṁ vuccati viññāṇakkhandho.
vb1:46.1	Tattha katamaṁ viññāṇaṁ atītaṁ?
vb1:46.2	Yaṁ viññāṇaṁ atītaṁ niruddhaṁ vigataṁ vipariṇataṁ atthaṅgataṁ abbhatthaṅgataṁ uppajjitvā vigataṁ atītaṁ atītaṁsena saṅgahitaṁ, cakkhuviññāṇaṁ sotaviññāṇaṁ ghānaviññāṇaṁ jivhāviññāṇaṁ kāyaviññāṇaṁ manoviññāṇaṁ—
vb1:46.3	idaṁ vuccati viññāṇaṁ atītaṁ.
vb1:47.1	Tattha katamaṁ viññāṇaṁ anāgataṁ?
vb1:47.2	Yaṁ viññāṇaṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtaṁ anuppannaṁ asamuppannaṁ anuṭṭhitaṁ asamuṭṭhitaṁ anāgataṁ anāgataṁsena saṅgahitaṁ, cakkhuviññāṇaṁ sotaviññāṇaṁ ghānaviññāṇaṁ jivhāviññāṇaṁ kāyaviññāṇaṁ manoviññāṇaṁ—
vb1:47.3	idaṁ vuccati viññāṇaṁ anāgataṁ.
vb1:48.1	Tattha katamaṁ viññāṇaṁ paccuppannaṁ?
vb1:48.2	Yaṁ viññāṇaṁ jātaṁ bhūtaṁ sañjātaṁ nibbattaṁ abhinibbattaṁ pātubhūtaṁ uppannaṁ samuppannaṁ uṭṭhitaṁ samuṭṭhitaṁ paccuppannaṁ paccuppannaṁsena saṅgahitaṁ, cakkhuviññāṇaṁ sotaviññāṇaṁ ghānaviññāṇaṁ jivhāviññāṇaṁ kāyaviññāṇaṁ manoviññāṇaṁ—
vb1:48.3	idaṁ vuccati viññāṇaṁ paccuppannaṁ.
vb1:49.1	Tattha katamaṁ viññāṇaṁ ajjhattaṁ?
vb1:49.2	Yaṁ viññāṇaṁ tesaṁ tesaṁ sattānaṁ ajjhattaṁ paccattaṁ niyakaṁ pāṭipuggalikaṁ upādinnaṁ, cakkhuviññāṇaṁ sotaviññāṇaṁ ghānaviññāṇaṁ jivhāviññāṇaṁ kāyaviññāṇaṁ manoviññāṇaṁ—
vb1:49.3	idaṁ vuccati viññāṇaṁ ajjhattaṁ.
vb1:50.1	Tattha katamaṁ viññāṇaṁ bahiddhā?
vb1:50.2	Yaṁ viññāṇaṁ tesaṁ tesaṁ parasattānaṁ parapuggalānaṁ ajjhattaṁ paccattaṁ niyakaṁ pāṭipuggalikaṁ upādinnaṁ, cakkhuviññāṇaṁ sotaviññāṇaṁ ghānaviññāṇaṁ jivhāviññāṇaṁ kāyaviññāṇaṁ manoviññāṇaṁ—
vb1:50.3	idaṁ vuccati viññāṇaṁ bahiddhā.
vb1:51.1	Tattha katamaṁ viññāṇaṁ oḷārikaṁ sukhumaṁ?
vb1:51.2	Akusalaṁ viññāṇaṁ oḷārikaṁ, kusalābyākatā viññāṇā sukhumā.
vb1:51.3	Kusalākusalā viññāṇā oḷārikā, abyākataṁ viññāṇaṁ sukhumaṁ.
vb1:51.4	Dukkhāya vedanāya sampayuttaṁ viññāṇaṁ oḷārikaṁ, sukhāya ca adukkhamasukhāya ca vedanāhi sampayuttā viññāṇā sukhumā.
vb1:51.5	Sukhadukkhāhi vedanāhi sampayuttā viññāṇā oḷārikā, adukkhamasukhāya vedanāya sampayuttaṁ viññāṇaṁ sukhumaṁ.
vb1:51.6	Asamāpannassa viññāṇaṁ oḷārikaṁ, samāpannassa viññāṇaṁ sukhumaṁ.
vb1:51.7	Sāsavaṁ viññāṇaṁ oḷārikaṁ, anāsavaṁ viññāṇaṁ sukhumaṁ.
vb1:51.8	Taṁ taṁ vā pana viññāṇaṁ upādāyupādāya viññāṇaṁ oḷārikaṁ sukhumaṁ daṭṭhabbaṁ.
vb1:52.1	Tattha katamaṁ viññāṇaṁ hīnaṁ paṇītaṁ?
vb1:52.2	Akusalaṁ viññāṇaṁ hīnaṁ, kusalābyākatā viññāṇā paṇītā.
vb1:52.3	Kusalākusalā viññāṇā hīnā, abyākataṁ viññāṇaṁ paṇītaṁ.
vb1:52.4	Dukkhāya vedanāya sampayuttaṁ viññāṇaṁ hīnaṁ, sukhāya ca adukkhamasukhāya ca vedanāhi sampayuttā viññāṇā paṇītā.
vb1:52.5	Sukhadukkhāhi vedanāhi sampayuttā viññāṇā hīnā, adukkhamasukhāya vedanāya sampayuttaṁ viññāṇaṁ paṇītaṁ.
vb1:52.6	Asamāpannassa viññāṇaṁ hīnaṁ, samāpannassa viññāṇaṁ paṇītaṁ.
vb1:52.7	Sāsavaṁ viññāṇaṁ hīnaṁ, anāsavaṁ viññāṇaṁ paṇītaṁ.
vb1:52.8	Taṁ taṁ vā pana viññāṇaṁ upādāyupādāya viññāṇaṁ hīnaṁ paṇītaṁ daṭṭhabbaṁ.
vb1:53.1	Tattha katamaṁ viññāṇaṁ dūre?
vb1:53.2	Akusalaṁ viññāṇaṁ kusalābyākatehi viññāṇehi dūre;
vb1:53.3	kusalābyākatā viññāṇā akusalā viññāṇā dūre;
vb1:53.4	kusalaṁ viññāṇaṁ akusalābyākatehi viññāṇehi dūre;
vb1:53.5	akusalābyākatā viññāṇā kusalā viññāṇā dūre;
vb1:53.6	abyākataṁ viññāṇaṁ kusalākusalehi viññāṇehi dūre;
vb1:53.7	kusalākusalā viññāṇā abyākatā viññāṇā dūre.
vb1:53.8	Dukkhāya vedanāya sampayuttaṁ viññāṇaṁ sukhāya ca adukkhamasukhāya ca vedanāhi sampayuttehi viññāṇehi dūre;
vb1:53.9	sukhāya ca adukkhamasukhāya ca vedanāhi sampayuttā viññāṇā dukkhāya vedanāya sampayuttā viññāṇā dūre;
vb1:53.10	sukhāya vedanāya sampayuttaṁ viññāṇaṁ dukkhāya ca adukkhamasukhāya ca vedanāhi sampayuttehi viññāṇehi dūre;
vb1:53.11	dukkhāya ca adukkhamasukhāya ca vedanāhi sampayuttā viññāṇā sukhāya vedanāya sampayuttā viññāṇā dūre;
vb1:53.12	adukkhamasukhāya vedanāya sampayuttaṁ viññāṇaṁ sukhadukkhāhi vedanāhi sampayuttehi viññāṇehi dūre;
vb1:53.13	sukhadukkhāhi vedanāhi sampayuttā viññāṇā adukkhamasukhāya vedanāya sampayuttā viññāṇā dūre.
vb1:53.14	Asamāpannassa viññāṇaṁ samāpannassa viññāṇā dūre;
vb1:53.15	samāpannassa viññāṇaṁ asamāpannassa viññāṇā dūre.
vb1:53.16	Sāsavaṁ viññāṇaṁ anāsavā viññāṇā dūre;
vb1:53.17	anāsavaṁ viññāṇaṁ sāsavā viññāṇā dūre—
vb1:53.18	idaṁ vuccati viññāṇaṁ dūre.
vb1:54.1	Tattha katamaṁ viññāṇaṁ santike?
vb1:54.2	Akusalaṁ viññāṇaṁ akusalassa viññāṇassa santike;
vb1:54.3	kusalaṁ viññāṇaṁ kusalassa viññāṇassa santike;
vb1:54.4	abyākataṁ viññāṇaṁ abyākatassa viññāṇassa santike.
vb1:54.5	Dukkhāya vedanāya sampayuttaṁ viññāṇaṁ dukkhāya vedanāya sampayuttassa viññāṇassa santike;
vb1:54.6	sukhāya vedanāya sampayuttaṁ viññāṇaṁ sukhāya vedanāya sampayuttassa viññāṇassa santike;
vb1:54.7	adukkhamasukhāya vedanāya sampayuttaṁ viññāṇaṁ adukkhamasukhāya vedanāya sampayuttassa viññāṇassa santike.
vb1:54.8	Asamāpannassa viññāṇaṁ asamāpannassa viññāṇassa santike;
vb1:54.9	samāpannassa viññāṇaṁ samāpannassa viññāṇassa santike.
vb1:54.10	Sāsavaṁ viññāṇaṁ sāsavassa viññāṇassa santike;
vb1:54.11	anāsavaṁ viññāṇaṁ anāsavassa viññāṇassa santike—
vb1:54.12	idaṁ vuccati viññāṇaṁ santike.
vb1:54.13	Taṁ taṁ vā pana viññāṇaṁ upādāyupādāya viññāṇaṁ dūre santike daṭṭhabbaṁ.
vb1:55.1	Suttantabhājanīyaṁ.
vb1:56.0	2. Abhidhammabhājanīya
vb1:56.1	Pañcakkhandhā—
vb1:56.2	rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
vb1:57.0	2.1. Rūpakkhandha
vb1:57.1	Tattha katamo rūpakkhandho?
vb1:57.2	Ekavidhena rūpakkhandho—
vb1:57.3	sabbaṁ rūpaṁ na hetu, ahetukaṁ, hetuvippayuttaṁ, sappaccayaṁ, saṅkhataṁ, rūpaṁ, lokiyaṁ, sāsavaṁ, saṁyojaniyaṁ, ganthaniyaṁ, oghaniyaṁ, yoganiyaṁ, nīvaraṇiyaṁ, parāmaṭṭhaṁ, upādāniyaṁ, saṅkilesikaṁ, abyākataṁ, anārammaṇaṁ, acetasikaṁ, cittavippayuttaṁ, nevavipākanavipākadhammadhammaṁ, asaṅkiliṭṭhasaṅkilesikaṁ, na savitakkasavicāraṁ, na avitakkavicāramattaṁ, avitakkaavicāraṁ, na pītisahagataṁ, na sukhasahagataṁ, na upekkhāsahagataṁ, neva dassanena na bhāvanāya pahātabbaṁ, neva dassanena na bhāvanāya pahātabbahetukaṁ, nevācayagāmināpacayagāmī, nevasekkhanāsekkhaṁ, parittaṁ, kāmāvacaraṁ, na rūpāvacaraṁ, na arūpāvacaraṁ, pariyāpannaṁ, no apariyāpannaṁ, aniyataṁ, aniyyānikaṁ, uppannaṁ, chahi viññāṇehi viññeyyaṁ, aniccaṁ, jarābhibhūtaṁ.
vb1:57.4	Evaṁ ekavidhena rūpakkhandho.
vb1:58.1	Duvidhena rūpakkhandho—
vb1:58.2	atthi rūpaṁ upādā, atthi rūpaṁ no upādā.
vb1:58.3	Atthi rūpaṁ upādinnaṁ, atthi rūpaṁ anupādinnaṁ.
vb1:58.4	Atthi rūpaṁ upādinnupādāniyaṁ, atthi rūpaṁ anupādinnupādāniyaṁ.
vb1:58.5	Atthi rūpaṁ sanidassanaṁ, atthi rūpaṁ anidassanaṁ.
vb1:58.6	Atthi rūpaṁ sappaṭighaṁ, atthi rūpaṁ appaṭighaṁ.
vb1:58.7	Atthi rūpaṁ indriyaṁ, atthi rūpaṁ na indriyaṁ.
vb1:58.8	Atthi rūpaṁ mahābhūtaṁ, atthi rūpaṁ na mahābhūtaṁ.
vb1:58.9	Atthi rūpaṁ viññatti, atthi rūpaṁ na viññatti.
vb1:58.10	Atthi rūpaṁ cittasamuṭṭhānaṁ, atthi rūpaṁ na cittasamuṭṭhānaṁ.
vb1:58.11	Atthi rūpaṁ cittasahabhu, atthi rūpaṁ na cittasahabhu.
vb1:58.12	Atthi rūpaṁ cittānuparivatti, atthi rūpaṁ na cittānuparivatti.
vb1:58.13	Atthi rūpaṁ ajjhattikaṁ, atthi rūpaṁ bāhiraṁ.
vb1:58.14	Atthi rūpaṁ oḷārikaṁ, atthi rūpaṁ sukhumaṁ.
vb1:58.15	Atthi rūpaṁ dūre, atthi rūpaṁ santike …pe… atthi rūpaṁ kabaḷīkāro āhāro, atthi rūpaṁ na kabaḷīkāro āhāro.
vb1:58.16	Evaṁ duvidhena rūpakkhandho.
vb1:59.1	(Yathā rūpakaṇḍe vibhattaṁ, tathā idha vibhajitabbaṁ.)
vb1:60.1	Tividhena rūpakkhandho—
vb1:60.2	yaṁ taṁ rūpaṁ ajjhattikaṁ taṁ upādā, yaṁ taṁ rūpaṁ bāhiraṁ taṁ atthi upādā, atthi no upādā.
vb1:60.3	Yaṁ taṁ rūpaṁ ajjhattikaṁ taṁ upādinnaṁ, yaṁ taṁ rūpaṁ bāhiraṁ taṁ atthi upādinnaṁ, atthi anupādinnaṁ.
vb1:60.4	Yaṁ taṁ rūpaṁ ajjhattikaṁ taṁ upādinnupādāniyaṁ, yaṁ taṁ rūpaṁ bāhiraṁ taṁ atthi upādinnupādāniyaṁ, atthi anupādinnupādāniyaṁ …pe…
vb1:60.5	yaṁ taṁ rūpaṁ ajjhattikaṁ taṁ na kabaḷīkāro āhāro, yaṁ taṁ rūpaṁ bāhiraṁ taṁ atthi kabaḷīkāro āhāro, atthi na kabaḷīkāro āhāro.
vb1:60.6	Evaṁ tividhena rūpakkhandho.
vb1:61.1	Catubbidhena rūpakkhandho—
vb1:61.2	yaṁ taṁ rūpaṁ upādā taṁ atthi upādinnaṁ, atthi anupādinnaṁ;
vb1:61.3	yaṁ taṁ rūpaṁ no upādā taṁ atthi upādinnaṁ, atthi anupādinnaṁ.
vb1:61.4	Yaṁ taṁ rūpaṁ upādā taṁ atthi upādinnupādāniyaṁ, atthi anupādinnupādāniyaṁ;
vb1:61.5	yaṁ taṁ rūpaṁ no upādā taṁ atthi upādinnupādāniyaṁ, atthi anupādinnupādāniyaṁ.
vb1:61.6	Yaṁ taṁ rūpaṁ upādā taṁ atthi sappaṭighaṁ, atthi appaṭighaṁ;
vb1:61.7	yaṁ taṁ rūpaṁ no upādā taṁ atthi sappaṭighaṁ, atthi appaṭighaṁ.
vb1:61.8	Yaṁ taṁ rūpaṁ upādā taṁ atthi oḷārikaṁ, atthi sukhumaṁ;
vb1:61.9	yaṁ taṁ rūpaṁ no upādā taṁ atthi oḷārikaṁ, atthi sukhumaṁ.
vb1:61.10	Yaṁ taṁ rūpaṁ upādā taṁ atthi dūre, atthi santike;
vb1:61.11	yaṁ taṁ rūpaṁ no upādā taṁ atthi dūre, atthi santike …pe…
vb1:61.12	diṭṭhaṁ, sutaṁ, mutaṁ, viññātaṁ rūpaṁ.
vb1:61.13	Evaṁ catubbidhena rūpakkhandho.
vb1:62.1	Pañcavidhena rūpakkhandho—
vb1:62.2	pathavīdhātu, āpodhātu, tejodhātu, vāyodhātu, yañca rūpaṁ upādā.
vb1:62.3	Evaṁ pañcavidhena rūpakkhandho.
vb1:63.1	Chabbidhena rūpakkhandho—
vb1:63.2	cakkhuviññeyyaṁ rūpaṁ, sotaviññeyyaṁ rūpaṁ, ghānaviññeyyaṁ rūpaṁ, jivhāviññeyyaṁ rūpaṁ, kāyaviññeyyaṁ rūpaṁ, manoviññeyyaṁ rūpaṁ.
vb1:63.3	Evaṁ chabbidhena rūpakkhandho.
vb1:64.1	Sattavidhena rūpakkhandho—
vb1:64.2	cakkhuviññeyyaṁ rūpaṁ, sotaviññeyyaṁ rūpaṁ, ghānaviññeyyaṁ rūpaṁ, jivhāviññeyyaṁ rūpaṁ, kāyaviññeyyaṁ rūpaṁ, manodhātuviññeyyaṁ rūpaṁ, manoviññāṇadhātuviññeyyaṁ rūpaṁ.
vb1:64.3	Evaṁ sattavidhena rūpakkhandho.
vb1:65.1	Aṭṭhavidhena rūpakkhandho—
vb1:65.2	cakkhuviññeyyaṁ rūpaṁ, sotaviññeyyaṁ rūpaṁ, ghānaviññeyyaṁ rūpaṁ, jivhāviññeyyaṁ rūpaṁ, kāyaviññeyyaṁ rūpaṁ atthi sukhasamphassaṁ, atthi dukkhasamphassaṁ, manodhātuviññeyyaṁ rūpaṁ, manoviññāṇadhātuviññeyyaṁ rūpaṁ.
vb1:65.3	Evaṁ aṭṭhavidhena rūpakkhandho.
vb1:66.1	Navavidhena rūpakkhandho—
vb1:66.2	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, itthindriyaṁ, purisindriyaṁ, jīvitindriyaṁ, yañca rūpaṁ na indriyaṁ.
vb1:66.3	Evaṁ navavidhena rūpakkhandho.
vb1:67.1	Dasavidhena rūpakkhandho—
vb1:67.2	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, itthindriyaṁ, purisindriyaṁ, jīvitindriyaṁ, na indriyaṁ rūpaṁ atthi sappaṭighaṁ, atthi appaṭighaṁ.
vb1:67.3	Evaṁ dasavidhena rūpakkhandho.
vb1:68.1	Ekādasavidhena rūpakkhandho—
vb1:68.2	cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, rūpāyatanaṁ, saddāyatanaṁ, gandhāyatanaṁ, rasāyatanaṁ, phoṭṭhabbāyatanaṁ, yañca rūpaṁ anidassanaappaṭighaṁ dhammāyatanapariyāpannaṁ.
vb1:68.3	Evaṁ ekādasavidhena rūpakkhandho.
vb1:69.1	Ayaṁ vuccati rūpakkhandho.
vb1:70.0	2.2. Vedanākkhandha
vb1:70.1	Tattha katamo vedanākkhandho?
vb1:70.2	Ekavidhena vedanākkhandho—
vb1:70.3	phassasampayutto.
vb1:71.1	Duvidhena vedanākkhandho—
vb1:71.2	atthi sahetuko, atthi ahetuko.
vb1:72.1	Tividhena vedanākkhandho—
vb1:72.2	atthi kusalo, atthi akusalo, atthi abyākato.
vb1:73.1	Catubbidhena vedanākkhandho—
vb1:73.2	atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:74.1	Pañcavidhena vedanākkhandho—
vb1:74.2	atthi sukhindriyaṁ, atthi dukkhindriyaṁ, atthi somanassindriyaṁ, atthi domanassindriyaṁ, atthi upekkhindriyaṁ.
vb1:74.3	Evaṁ pañcavidhena vedanākkhandho.
vb1:75.1	Chabbidhena vedanākkhandho—
vb1:75.2	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā.
vb1:75.3	Evaṁ chabbidhena vedanākkhandho.
vb1:76.1	Sattavidhena vedanākkhandho—
vb1:76.2	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā.
vb1:76.3	Evaṁ sattavidhena vedanākkhandho.
vb1:77.1	Aṭṭhavidhena vedanākkhandho—
vb1:77.2	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā.
vb1:77.3	Evaṁ aṭṭhavidhena vedanākkhandho.
vb1:78.1	Navavidhena vedanākkhandho—
vb1:78.2	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā.
vb1:78.3	Evaṁ navavidhena vedanākkhandho.
vb1:79.1	Dasavidhena vedanākkhandho—
vb1:79.2	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā atthi sukhā, atthi dukkhā, manodhātusamphassajā vedanā, manoviññāṇadhātusamphassajā vedanā atthi kusalā, atthi akusalā, atthi abyākatā.
vb1:79.3	Evaṁ dasavidhena vedanākkhandho.
vb1:80.1	Ekavidhena vedanākkhandho—
vb1:80.2	phassasampayutto.
vb1:81.1	Duvidhena vedanākkhandho—
vb1:81.2	atthi sahetuko, atthi ahetuko.
vb1:82.1	Tividhena vedanākkhandho—
vb1:82.2	atthi vipāko, atthi vipākadhammadhammo, atthi nevavipākanavipākadhammadhammo.
vb1:82.3	Atthi upādinnupādāniyo, atthi anupādinnupādāniyo, atthi anupādinnaanupādāniyo.
vb1:82.4	Atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko.
vb1:82.5	Atthi savitakkasavicāro, atthi avitakkavicāramatto, atthi avitakkaavicāro.
vb1:82.6	Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo.
vb1:82.7	Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko.
vb1:82.8	Atthi ācayagāmī, atthi apacayagāmī, atthi nevācayagāmināpacayagāmī.
vb1:82.9	Atthi sekkho, atthi asekkho, atthi nevasekkhanāsekkho.
vb1:82.10	Atthi paritto, atthi mahaggato, atthi appamāṇo.
vb1:82.11	Atthi parittārammaṇo, atthi mahaggatārammaṇo, atthi appamāṇārammaṇo.
vb1:82.12	Atthi hīno, atthi majjhimo, atthi paṇīto.
vb1:82.13	Atthi micchattaniyato, atthi sammattaniyato, atthi aniyato.
vb1:82.14	Atthi maggārammaṇo, atthi maggahetuko, atthi maggādhipati.
vb1:82.15	Atthi uppanno, atthi anuppanno, atthi uppādī.
vb1:82.16	Atthi atīto, atthi anāgato, atthi paccuppanno.
vb1:82.17	Atthi atītārammaṇo, atthi anāgatārammaṇo, atthi paccuppannārammaṇo.
vb1:82.18	Atthi ajjhatto, atthi bahiddho, atthi ajjhattabahiddho.
vb1:82.19	Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:82.20	Evaṁ dasavidhena vedanākkhandho.
vb1:83.1	Ekavidhena vedanākkhandho—
vb1:83.2	phassasampayutto.
vb1:84.1	Duvidhena vedanākkhandho—
vb1:84.2	atthi hetusampayutto, atthi hetuvippayutto …pe… atthi na hetusahetuko, atthi na hetuahetuko.
vb1:84.3	Atthi lokiyo, atthi lokuttaro.
vb1:84.4	Atthi kenaci viññeyyo, atthi kenaci na viññeyyo.
vb1:84.5	Atthi sāsavo, atthi anāsavo.
vb1:84.6	Atthi āsavasampayutto, atthi āsavavippayutto.
vb1:84.7	Atthi āsavavippayuttasāsavo, atthi āsavavippayuttaanāsavo.
vb1:84.8	Atthi saṁyojaniyo, atthi asaṁyojaniyo.
vb1:84.9	Atthi saṁyojanasampayutto, atthi saṁyojanavippayutto.
vb1:84.10	Atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:84.11	Atthi ganthaniyo, atthi aganthaniyo.
vb1:84.12	Atthi ganthasampayutto, atthi ganthavippayutto.
vb1:84.13	Atthi ganthavippayuttaganthaniyo, atthi ganthavippayuttaaganthaniyo.
vb1:84.14	Atthi oghaniyo, atthi anoghaniyo.
vb1:84.15	Atthi oghasampayutto, atthi oghavippayutto.
vb1:84.16	Atthi oghavippayuttaoghaniyo, atthi oghavippayuttaanoghaniyo.
vb1:84.17	Atthi yoganiyo, atthi ayoganiyo.
vb1:84.18	Atthi yogasampayutto, atthi yogavippayutto.
vb1:84.19	Atthi yogavippayuttayoganiyo, atthi yogavippayuttaayoganiyo.
vb1:84.20	Atthi nīvaraṇiyo, atthi anīvaraṇiyo.
vb1:84.21	Atthi nīvaraṇasampayutto, atthi nīvaraṇavippayutto.
vb1:84.22	Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
vb1:84.23	Atthi parāmaṭṭho, atthi aparāmaṭṭho.
vb1:84.24	Atthi parāmāsasampayutto, atthi parāmāsavippayutto.
vb1:84.25	Atthi parāmāsavippayuttaparāmaṭṭho, atthi parāmāsavippayuttaaparāmaṭṭho.
vb1:84.26	Atthi upādinno, atthi anupādinno.
vb1:84.27	Atthi upādāniyo, atthi anupādāniyo.
vb1:84.28	Atthi upādānasampayutto, atthi upādānavippayutto.
vb1:84.29	Atthi upādānavippayuttaupādāniyo, atthi upādānavippayuttaanupādāniyo.
vb1:84.30	Atthi saṅkilesiko, atthi asaṅkilesiko.
vb1:84.31	Atthi saṅkiliṭṭho, atthi asaṅkiliṭṭho.
vb1:84.32	Atthi kilesasampayutto, atthi kilesavippayutto.
vb1:84.33	Atthi kilesavippayuttasaṅkilesiko, atthi kilesavippayuttaasaṅkilesiko.
vb1:84.34	Atthi dassanena pahātabbo, atthi na dassanena pahātabbo.
vb1:84.35	Atthi bhāvanāya pahātabbo, atthi na bhāvanāya pahātabbo.
vb1:84.36	Atthi dassanena pahātabbahetuko, atthi na dassanena pahātabbahetuko.
vb1:84.37	Atthi bhāvanāya pahātabbahetuko, atthi na bhāvanāya pahātabbahetuko.
vb1:84.38	Atthi savitakko, atthi avitakko.
vb1:84.39	Atthi savicāro, atthi avicāro.
vb1:84.40	Atthi sappītiko, atthi appītiko.
vb1:84.41	Atthi pītisahagato, atthi na pītisahagato.
vb1:84.42	Atthi kāmāvacaro, atthi na kāmāvacaro.
vb1:84.43	Atthi rūpāvacaro, atthi na rūpāvacaro.
vb1:84.44	Atthi arūpāvacaro, atthi na arūpāvacaro.
vb1:84.45	Atthi pariyāpanno, atthi apariyāpanno.
vb1:84.46	Atthi niyyāniko, atthi aniyyāniko.
vb1:84.47	Atthi niyato, atthi aniyato.
vb1:84.48	Atthi sauttaro, atthi anuttaro.
vb1:84.49	Atthi saraṇo, atthi araṇo.
vb1:85.1	Tividhena vedanākkhandho—
vb1:85.2	atthi kusalo, atthi akusalo, atthi abyākato …pe….
vb1:85.3	Evaṁ dasavidhena vedanākkhandho.
vb1:86.1	Ekavidhena vedanākkhandho—
vb1:86.2	phassasampayutto.
vb1:87.1	Duvidhena vedanākkhandho—
vb1:87.2	atthi saraṇo, atthi araṇo.
vb1:88.1	Tividhena vedanākkhandho—
vb1:88.2	atthi vipāko, atthi vipākadhammadhammo, atthi nevavipākanavipākadhammadhammo.
vb1:88.3	Atthi upādinnupādāniyo …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:88.4	Evaṁ dasavidhena vedanākkhandho.
vb1:89.1	Dukamūlakaṁ.
vb1:90.1	Ekavidhena vedanākkhandho—
vb1:90.2	phassasampayutto.
vb1:91.1	Duvidhena vedanākkhandho—
vb1:91.2	atthi sahetuko, atthi ahetuko.
vb1:92.1	Tividhena vedanākkhandho—
vb1:92.2	atthi kusalo, atthi akusalo, atthi abyākato …pe….
vb1:92.3	Evaṁ dasavidhena vedanākkhandho.
vb1:93.1	Ekavidhena vedanākkhandho—
vb1:93.2	phassasampayutto.
vb1:94.1	Duvidhena vedanākkhandho—
vb1:94.2	atthi hetusampayutto, atthi hetuvippayutto.
vb1:95.1	Tividhena vedanākkhandho—
vb1:95.2	atthi kusalo, atthi akusalo, atthi abyākato …pe….
vb1:95.3	Evaṁ dasavidhena vedanākkhandho.
vb1:96.1	Ekavidhena vedanākkhandho—
vb1:96.2	phassasampayutto.
vb1:97.1	Duvidhena vedanākkhandho—
vb1:97.2	atthi na hetusahetuko, atthi na hetuahetuko.
vb1:97.3	Atthi lokiyo, atthi lokuttaro.
vb1:97.4	Atthi kenaci viññeyyo, atthi kenaci na viññeyyo.
vb1:97.5	Atthi sāsavo, atthi anāsavo.
vb1:97.6	Atthi āsavasampayutto, atthi āsavavippayutto.
vb1:97.7	Atthi āsavavippayuttasāsavo, atthi āsavavippayuttaanāsavo …pe… atthi saraṇo, atthi araṇo.
vb1:98.1	Tividhena vedanākkhandho—
vb1:98.2	atthi kusalo, atthi akusalo, atthi abyākato …pe….
vb1:98.3	Evaṁ dasavidhena vedanākkhandho.
vb1:99.1	Ekavidhena vedanākkhandho—
vb1:99.2	phassasampayutto.
vb1:100.1	Duvidhena vedanākkhandho—
vb1:100.2	atthi sahetuko, atthi ahetuko.
vb1:101.1	Tividhena vedanākkhandho—
vb1:101.2	atthi vipāko, atthi vipākadhammadhammo, atthi nevavipākanavipākadhammadhammo.
vb1:101.3	Atthi upādinnupādāniyo, atthi anupādinnupādāniyo, atthi anupādinnaanupādāniyo.
vb1:101.4	Atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko.
vb1:101.5	Atthi savitakkasavicāro, atthi avitakkavicāramatto, atthi avitakkaavicāro.
vb1:101.6	Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo.
vb1:101.7	Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko.
vb1:101.8	Atthi ācayagāmī, atthi apacayagāmī, atthi nevācayagāmināpacayagāmī.
vb1:101.9	Atthi sekkho, atthi asekkho, atthi nevasekkhanāsekkho.
vb1:101.10	Atthi paritto, atthi mahaggato, atthi appamāṇo.
vb1:101.11	Atthi parittārammaṇo, atthi mahaggatārammaṇo, atthi appamāṇārammaṇo.
vb1:101.12	Atthi hīno, atthi majjhimo, atthi paṇīto.
vb1:101.13	Atthi micchattaniyato, atthi sammattaniyato, atthi aniyato.
vb1:101.14	Atthi maggārammaṇo, atthi maggahetuko, atthi maggādhipati.
vb1:101.15	Atthi uppanno, atthi anuppanno, atthi uppādī.
vb1:101.16	Atthi atīto, atthi anāgato, atthi paccuppanno.
vb1:101.17	Atthi atītārammaṇo, atthi anāgatārammaṇo, atthi paccuppannārammaṇo.
vb1:101.18	Atthi ajjhatto, atthi bahiddho, atthi ajjhattabahiddho.
vb1:101.19	Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:101.20	Evaṁ dasavidhena vedanākkhandho.
vb1:102.1	Ekavidhena vedanākkhandho—
vb1:102.2	phassasampayutto.
vb1:103.1	Duvidhena vedanākkhandho—
vb1:103.2	atthi hetusampayutto, atthi hetuvippayutto.
vb1:103.3	Atthi na hetusahetuko, atthi na hetuahetuko.
vb1:103.4	Atthi lokiyo, atthi lokuttaro.
vb1:103.5	Atthi kenaci viññeyyo, atthi kenaci na viññeyyo.
vb1:103.6	Atthi sāsavo, atthi anāsavo.
vb1:103.7	Atthi āsavasampayutto, atthi āsavavippayutto.
vb1:103.8	Atthi āsavavippayuttasāsavo, atthi āsavavippayuttaanāsavo.
vb1:103.9	Atthi saṁyojaniyo, atthi asaṁyojaniyo …pe… atthi saraṇo, atthi araṇo.
vb1:104.1	Tividhena vedanākkhandho—
vb1:104.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:104.3	Evaṁ dasavidhena vedanākkhandho.
vb1:105.1	Tikamūlakaṁ.
vb1:106.1	Ekavidhena vedanākkhandho—
vb1:106.2	phassasampayutto.
vb1:107.1	Duvidhena vedanākkhandho—
vb1:107.2	atthi sahetuko, atthi ahetuko.
vb1:108.1	Tividhena vedanākkhandho—
vb1:108.2	atthi kusalo, atthi akusalo, atthi abyākato …pe….
vb1:108.3	Evaṁ dasavidhena vedanākkhandho.
vb1:109.1	Ekavidhena vedanākkhandho—
vb1:109.2	phassasampayutto.
vb1:110.1	Duvidhena vedanākkhandho—
vb1:110.2	atthi hetusampayutto, atthi hetuvippayutto.
vb1:111.1	Tividhena vedanākkhandho—
vb1:111.2	atthi vipāko, atthi vipākadhammadhammo, atthi nevavipākanavipākadhammadhammo …pe….
vb1:111.3	Evaṁ dasavidhena vedanākkhandho.
vb1:112.1	Ekavidhena vedanākkhandho—
vb1:112.2	phassasampayutto.
vb1:113.1	Duvidhena vedanākkhandho—
vb1:113.2	atthi na hetusahetuko, atthi na hetuahetuko.
vb1:114.1	Tividhena vedanākkhandho—
vb1:114.2	atthi upādinnupādāniyo, atthi anupādinnupādāniyo, atthi anupādinnaanupādāniyo …pe….
vb1:114.3	Evaṁ dasavidhena vedanākkhandho.
vb1:115.1	Ekavidhena vedanākkhandho—
vb1:115.2	phassasampayutto.
vb1:116.1	Duvidhena vedanākkhandho—
vb1:116.2	atthi lokiyo, atthi lokuttaro.
vb1:117.1	Tividhena vedanākkhandho—
vb1:117.2	atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko …pe….
vb1:117.3	Evaṁ dasavidhena vedanākkhandho.
vb1:118.1	Ekavidhena vedanākkhandho—
vb1:118.2	phassasampayutto.
vb1:119.1	Duvidhena vedanākkhandho—
vb1:119.2	atthi kenaci viññeyyo, atthi kenaci na viññeyyo.
vb1:120.1	Tividhena vedanākkhandho—
vb1:120.2	atthi savitakkasavicāro, atthi avitakkavicāramatto, atthi avitakkaavicāro …pe….
vb1:120.3	Evaṁ dasavidhena vedanākkhandho.
vb1:121.1	Ekavidhena vedanākkhandho—
vb1:121.2	phassasampayutto.
vb1:122.1	Duvidhena vedanākkhandho—
vb1:122.2	atthi sāsavo, atthi anāsavo.
vb1:123.1	Tividhena vedanākkhandho—
vb1:123.2	atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo …pe….
vb1:123.3	Evaṁ dasavidhena vedanākkhandho.
vb1:124.1	Ekavidhena vedanākkhandho—
vb1:124.2	phassasampayutto.
vb1:125.1	Duvidhena vedanākkhandho—
vb1:125.2	atthi āsavasampayutto, atthi āsavavippayutto.
vb1:126.1	Tividhena vedanākkhandho—
vb1:126.2	atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko …pe….
vb1:126.3	Evaṁ dasavidhena vedanākkhandho.
vb1:127.1	Ekavidhena vedanākkhandho—
vb1:127.2	phassasampayutto.
vb1:128.1	Duvidhena vedanākkhandho—
vb1:128.2	atthi āsavavippayuttasāsavo, atthi āsavavippayuttaanāsavo.
vb1:129.1	Tividhena vedanākkhandho—
vb1:129.2	atthi ācayagāmī, atthi apacayagāmī, atthi nevācayagāmināpacayagāmī …pe….
vb1:129.3	Evaṁ dasavidhena vedanākkhandho.
vb1:130.1	Ekavidhena vedanākkhandho—
vb1:130.2	phassasampayutto.
vb1:131.1	Duvidhena vedanākkhandho—
vb1:131.2	atthi saṁyojaniyo, atthi asaṁyojaniyo.
vb1:132.1	Tividhena vedanākkhandho—
vb1:132.2	atthi sekkho, atthi asekkho, atthi nevasekkhanāsekkho …pe….
vb1:132.3	Evaṁ dasavidhena vedanākkhandho.
vb1:133.1	Ekavidhena vedanākkhandho—
vb1:133.2	phassasampayutto.
vb1:134.1	Duvidhena vedanākkhandho—
vb1:134.2	atthi saṁyojanasampayutto, atthi saṁyojanavippayutto.
vb1:135.1	Tividhena vedanākkhandho—
vb1:135.2	atthi paritto, atthi mahaggato, atthi appamāṇo …pe….
vb1:135.3	Evaṁ dasavidhena vedanākkhandho.
vb1:136.1	Ekavidhena vedanākkhandho—
vb1:136.2	phassasampayutto.
vb1:137.1	Duvidhena vedanākkhandho—
vb1:137.2	atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:138.1	Tividhena vedanākkhandho—
vb1:138.2	atthi parittārammaṇo, atthi mahaggatārammaṇo, atthi appamāṇārammaṇo …pe….
vb1:138.3	Evaṁ dasavidhena vedanākkhandho.
vb1:139.1	Ekavidhena vedanākkhandho—
vb1:139.2	phassasampayutto.
vb1:140.1	Duvidhena vedanākkhandho—
vb1:140.2	atthi ganthaniyo, atthi aganthaniyo.
vb1:141.1	Tividhena vedanākkhandho—
vb1:141.2	atthi hīno, atthi majjhimo, atthi paṇīto …pe….
vb1:141.3	Evaṁ dasavidhena vedanākkhandho.
vb1:142.1	Ekavidhena vedanākkhandho—
vb1:142.2	phassasampayutto.
vb1:143.1	Duvidhena vedanākkhandho—
vb1:143.2	atthi ganthasampayutto, atthi ganthavippayutto.
vb1:144.1	Tividhena vedanākkhandho—
vb1:144.2	atthi micchattaniyato, atthi sammattaniyato, atthi aniyato …pe….
vb1:144.3	Evaṁ dasavidhena vedanākkhandho.
vb1:145.1	Ekavidhena vedanākkhandho—
vb1:145.2	phassasampayutto.
vb1:146.1	Duvidhena vedanākkhandho—
vb1:146.2	atthi ganthavippayuttaganthaniyo, atthi ganthavippayuttaaganthaniyo.
vb1:147.1	Tividhena vedanākkhandho—
vb1:147.2	atthi maggārammaṇo, atthi maggahetuko, atthi maggādhipati …pe….
vb1:147.3	Evaṁ dasavidhena vedanākkhandho.
vb1:148.1	Ekavidhena vedanākkhandho—
vb1:148.2	phassasampayutto.
vb1:149.1	Duvidhena vedanākkhandho—
vb1:149.2	atthi oghaniyo, atthi anoghaniyo.
vb1:150.1	Tividhena vedanākkhandho—
vb1:150.2	atthi uppanno, atthi anuppanno, atthi uppādī …pe….
vb1:150.3	Evaṁ dasavidhena vedanākkhandho.
vb1:151.1	Ekavidhena vedanākkhandho—
vb1:151.2	phassasampayutto.
vb1:152.1	Duvidhena vedanākkhandho—
vb1:152.2	atthi oghasampayutto, atthi oghavippayutto.
vb1:153.1	Tividhena vedanākkhandho—
vb1:153.2	atthi atīto, atthi anāgato, atthi paccuppanno …pe….
vb1:153.3	Evaṁ dasavidhena vedanākkhandho.
vb1:154.1	Ekavidhena vedanākkhandho—
vb1:154.2	phassasampayutto.
vb1:155.1	Duvidhena vedanākkhandho—
vb1:155.2	atthi oghavippayuttaoghaniyo, atthi oghavippayuttaanoghaniyo.
vb1:156.1	Tividhena vedanākkhandho—
vb1:156.2	atthi atītārammaṇo, atthi anāgatārammaṇo, atthi paccuppannārammaṇo …pe….
vb1:156.3	Evaṁ dasavidhena vedanākkhandho.
vb1:157.1	Ekavidhena vedanākkhandho—
vb1:157.2	phassasampayutto.
vb1:158.1	Duvidhena vedanākkhandho—
vb1:158.2	atthi yoganiyo, atthi ayoganiyo.
vb1:159.1	Tividhena vedanākkhandho—
vb1:159.2	atthi ajjhatto, atthi bahiddho, atthi ajjhattabahiddho …pe….
vb1:159.3	Evaṁ dasavidhena vedanākkhandho.
vb1:160.1	Ekavidhena vedanākkhandho—
vb1:160.2	phassasampayutto.
vb1:161.1	Duvidhena vedanākkhandho—
vb1:161.2	atthi yogasampayutto, atthi yogavippayutto.
vb1:162.1	Tividhena vedanākkhandho—
vb1:162.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:162.3	Evaṁ dasavidhena vedanākkhandho.
vb1:163.1	Ubhatovaḍḍhakaṁ.
vb1:164.1	Sattavidhena vedanākkhandho—
vb1:164.2	atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:164.3	Evaṁ sattavidhena vedanākkhandho.
vb1:165.1	Aparopi sattavidhena vedanākkhandho—
vb1:165.2	atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:165.3	Evaṁ sattavidhena vedanākkhandho.
vb1:166.1	Catuvīsatividhena vedanākkhandho—
vb1:166.2	cakkhusamphassapaccayā vedanākkhandho atthi kusalo, atthi akusalo, atthi abyākato;
vb1:166.3	sotasamphassapaccayā vedanākkhandho …pe…
vb1:166.4	ghānasamphassapaccayā vedanākkhandho …pe…
vb1:166.5	jivhāsamphassapaccayā vedanākkhandho …pe…
vb1:166.6	kāyasamphassapaccayā vedanākkhandho …pe…
vb1:166.7	manosamphassapaccayā vedanākkhandho atthi kusalo, atthi akusalo, atthi abyākato;
vb1:166.8	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā.
vb1:166.9	Evaṁ catuvīsatividhena vedanākkhandho.
vb1:167.1	Aparopi catuvīsatividhena vedanākkhandho—
vb1:167.2	cakkhusamphassapaccayā vedanākkhandho atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā …pe…
vb1:167.3	manosamphassajā vedanā;
vb1:167.4	sotasamphassapaccayā vedanākkhandho …pe…
vb1:167.5	ghānasamphassapaccayā vedanākkhandho …pe…
vb1:167.6	jivhāsamphassapaccayā vedanākkhandho …pe…
vb1:167.7	kāyasamphassapaccayā vedanākkhandho …pe…
vb1:167.8	manosamphassapaccayā vedanākkhandho atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā vedanā …pe…
vb1:167.9	manosamphassajā vedanā.
vb1:167.10	Evaṁ catuvīsatividhena vedanākkhandho.
vb1:168.1	Tiṁsavidhena vedanākkhandho—
vb1:168.2	cakkhusamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:168.3	sotasamphassapaccayā …pe…
vb1:168.4	ghānasamphassapaccayā …pe…
vb1:168.5	jivhāsamphassapaccayā …pe…
vb1:168.6	kāyasamphassapaccayā …pe…
vb1:168.7	manosamphassapaccayā vedanākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:168.8	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā.
vb1:168.9	Evaṁ tiṁsavidhena vedanākkhandho.
vb1:169.1	Bahuvidhena vedanākkhandho—
vb1:169.2	cakkhusamphassapaccayā vedanākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:169.3	sotasamphassapaccayā …pe…
vb1:169.4	ghānasamphassapaccayā …pe…
vb1:169.5	jivhāsamphassapaccayā …pe…
vb1:169.6	kāyasamphassapaccayā …pe…
vb1:169.7	manosamphassapaccayā vedanākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:169.8	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā.
vb1:169.9	Evaṁ bahuvidhena vedanākkhandho.
vb1:170.1	Aparopi bahuvidhena vedanākkhandho—
vb1:170.2	cakkhusamphassapaccayā vedanākkhandho atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:170.3	sotasamphassapaccayā vedanākkhandho …pe…
vb1:170.4	ghānasamphassapaccayā vedanākkhandho …pe…
vb1:170.5	jivhāsamphassapaccayā vedanākkhandho …pe…
vb1:170.6	kāyasamphassapaccayā vedanākkhandho …pe…
vb1:170.7	manosamphassapaccayā vedanākkhandho atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:170.8	cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā.
vb1:170.9	Evaṁ bahuvidhena vedanākkhandho.
vb1:171.1	Ayaṁ vuccati vedanākkhandho.
vb1:172.0	2.3. Saññākkhandha
vb1:172.1	Tattha katamo saññākkhandho?
vb1:172.2	Ekavidhena saññākkhandho—
vb1:172.3	phassasampayutto.
vb1:173.1	Duvidhena saññākkhandho—
vb1:173.2	atthi sahetuko, atthi ahetuko.
vb1:174.1	Tividhena saññākkhandho—
vb1:174.2	atthi kusalo, atthi akusalo, atthi abyākato.
vb1:175.1	Catubbidhena saññākkhandho—
vb1:175.2	atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:176.1	Pañcavidhena saññākkhandho—
vb1:176.2	atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto.
vb1:176.3	Evaṁ pañcavidhena saññākkhandho.
vb1:177.1	Chabbidhena saññākkhandho—
vb1:177.2	cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā.
vb1:177.3	Evaṁ chabbidhena saññākkhandho.
vb1:178.1	Sattavidhena saññākkhandho—
vb1:178.2	cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā.
vb1:178.3	Evaṁ sattavidhena saññākkhandho.
vb1:179.1	Aṭṭhavidhena saññākkhandho—
vb1:179.2	cakkhusamphassajā saññā …pe…
vb1:179.3	kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā.
vb1:179.4	Evaṁ aṭṭhavidhena saññākkhandho.
vb1:180.1	Navavidhena saññākkhandho—
vb1:180.2	cakkhusamphassajā saññā …pe…
vb1:180.3	kāyasamphassajā saññā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā.
vb1:180.4	Evaṁ navavidhena saññākkhandho.
vb1:181.1	Dasavidhena saññākkhandho—
vb1:181.2	cakkhusamphassajā saññā …pe…
vb1:181.3	kāyasamphassajā saññā atthi sukhasahagatā, atthi dukkhasahagatā, manodhātusamphassajā saññā, manoviññāṇadhātusamphassajā saññā atthi kusalā, atthi akusalā, atthi abyākatā.
vb1:181.4	Evaṁ dasavidhena saññākkhandho.
vb1:182.1	Ekavidhena saññākkhandho—
vb1:182.2	phassasampayutto.
vb1:183.1	Duvidhena saññākkhandho—
vb1:183.2	atthi sahetuko, atthi ahetuko.
vb1:184.1	Tividhena saññākkhandho—
vb1:184.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto …pe….
vb1:184.3	Evaṁ dasavidhena saññākkhandho.
vb1:185.1	Ekavidhena saññākkhandho—
vb1:185.2	phassasampayutto.
vb1:186.1	Duvidhena saññākkhandho—
vb1:186.2	atthi sahetuko, atthi ahetuko.
vb1:187.1	Tividhena saññākkhandho—
vb1:187.2	atthi vipāko, atthi vipākadhammadhammo, atthi nevavipākanavipākadhammadhammo.
vb1:187.3	Atthi upādinnupādāniyo, atthi anupādinnupādāniyo, atthi anupādinnaanupādāniyo.
vb1:187.4	Atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko.
vb1:187.5	Atthi savitakkasavicāro, atthi avitakkavicāramatto, atthi avitakkaavicāro.
vb1:187.6	Atthi pītisahagato, atthi sukhasahagato, atthi upekkhāsahagato.
vb1:187.7	Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo.
vb1:187.8	Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko.
vb1:187.9	Atthi ācayagāmī, atthi apacayagāmī, atthi nevācayagāmināpacayagāmī.
vb1:187.10	Atthi sekkho, atthi asekkho, atthi nevasekkhanāsekkho.
vb1:187.11	Atthi paritto, atthi mahaggato, atthi appamāṇo.
vb1:187.12	Atthi parittārammaṇo, atthi mahaggatārammaṇo, atthi appamāṇārammaṇo.
vb1:187.13	Atthi hīno, atthi majjhimo, atthi paṇīto.
vb1:187.14	Atthi micchattaniyato, atthi sammattaniyato, atthi aniyato.
vb1:187.15	Atthi maggārammaṇo, atthi maggahetuko, atthi maggādhipati.
vb1:187.16	Atthi uppanno, atthi anuppanno, atthi uppādī.
vb1:187.17	Atthi atīto, atthi anāgato, atthi paccuppanno.
vb1:187.18	Atthi atītārammaṇo, atthi anāgatārammaṇo, atthi paccuppannārammaṇo.
vb1:187.19	Atthi ajjhatto, atthi bahiddho, atthi ajjhattabahiddho.
vb1:187.20	Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:187.21	Evaṁ dasavidhena saññākkhandho.
vb1:188.1	Ekavidhena saññākkhandho—
vb1:188.2	phassasampayutto.
vb1:189.1	Duvidhena saññākkhandho—
vb1:189.2	atthi hetusampayutto, atthi hetuvippayutto.
vb1:189.3	Atthi na hetusahetuko, atthi na hetuahetuko.
vb1:189.4	Atthi lokiyo, atthi lokuttaro.
vb1:189.5	Atthi kenaci viññeyyo, atthi kenaci na viññeyyo.
vb1:189.6	Atthi sāsavo, atthi anāsavo.
vb1:189.7	Atthi āsavasampayutto, atthi āsavavippayutto.
vb1:189.8	Atthi āsavavippayuttasāsavo, atthi āsavavippayuttaanāsavo.
vb1:189.9	Atthi saṁyojaniyo, atthi asaṁyojaniyo.
vb1:189.10	Atthi saṁyojanasampayutto, atthi saṁyojanavippayutto.
vb1:189.11	Atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:189.12	Atthi ganthaniyo, atthi aganthaniyo.
vb1:189.13	Atthi ganthasampayutto, atthi ganthavippayutto.
vb1:189.14	Atthi ganthavippayuttaganthaniyo, atthi ganthavippayuttaaganthaniyo.
vb1:189.15	Atthi oghaniyo, atthi anoghaniyo.
vb1:189.16	Atthi oghasampayutto, atthi oghavippayutto.
vb1:189.17	Atthi oghavippayuttaoghaniyo, atthi oghavippayuttaanoghaniyo.
vb1:189.18	Atthi yoganiyo, atthi ayoganiyo.
vb1:189.19	Atthi yogasampayutto, atthi yogavippayutto.
vb1:189.20	Atthi yogavippayuttayoganiyo, atthi yogavippayuttaayoganiyo.
vb1:189.21	Atthi nīvaraṇiyo, atthi anīvaraṇiyo.
vb1:189.22	Atthi nīvaraṇasampayutto, atthi nīvaraṇavippayutto.
vb1:189.23	Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
vb1:189.24	Atthi parāmaṭṭho, atthi aparāmaṭṭho.
vb1:189.25	Atthi parāmāsasampayutto, atthi parāmāsavippayutto.
vb1:189.26	Atthi parāmāsavippayuttaparāmaṭṭho, atthi parāmāsavippayuttaaparāmaṭṭho.
vb1:189.27	Atthi upādinno, atthi anupādinno.
vb1:189.28	Atthi upādāniyo, atthi anupādāniyo.
vb1:189.29	Atthi upādānasampayutto, atthi upādānavippayutto.
vb1:189.30	Atthi upādānavippayuttaupādāniyo, atthi upādānavippayuttaanupādāniyo.
vb1:189.31	Atthi saṅkilesiko, atthi asaṅkilesiko.
vb1:189.32	Atthi saṅkiliṭṭho, atthi asaṅkiliṭṭho.
vb1:189.33	Atthi kilesasampayutto, atthi kilesavippayutto.
vb1:189.34	Atthi kilesavippayuttasaṅkilesiko, atthi kilesavippayuttaasaṅkilesiko.
vb1:189.35	Atthi dassanena pahātabbo, atthi na dassanena pahātabbo.
vb1:189.36	Atthi bhāvanāya pahātabbo, atthi na bhāvanāya pahātabbo.
vb1:189.37	Atthi dassanena pahātabbahetuko, atthi na dassanena pahātabbahetuko.
vb1:189.38	Atthi bhāvanāya pahātabbahetuko, atthi na bhāvanāya pahātabbahetuko.
vb1:189.39	Atthi savitakko, atthi avitakko.
vb1:189.40	Atthi savicāro, atthi avicāro.
vb1:189.41	Atthi sappītiko, atthi appītiko.
vb1:189.42	Atthi pītisahagato, atthi na pītisahagato.
vb1:189.43	Atthi sukhasahagato, atthi na sukhasahagato.
vb1:189.44	Atthi upekkhāsahagato, atthi na upekkhāsahagato.
vb1:189.45	Atthi kāmāvacaro, atthi na kāmāvacaro.
vb1:189.46	Atthi rūpāvacaro, atthi na rūpāvacaro.
vb1:189.47	Atthi arūpāvacaro, atthi na arūpāvacaro.
vb1:189.48	Atthi pariyāpanno, atthi apariyāpanno.
vb1:189.49	Atthi niyyāniko, atthi aniyyāniko.
vb1:189.50	Atthi niyato, atthi aniyato.
vb1:189.51	Atthi sauttaro, atthi anuttaro.
vb1:189.52	Atthi saraṇo, atthi araṇo.
vb1:190.1	Tividhena saññākkhandho—
vb1:190.2	atthi kusalo, atthi akusalo, atthi abyākato …pe….
vb1:190.3	Evaṁ dasavidhena saññākkhandho.
vb1:191.1	Ekavidhena saññākkhandho—
vb1:191.2	phassasampayutto.
vb1:192.1	Duvidhena saññākkhandho—
vb1:192.2	atthi saraṇo, atthi araṇo.
vb1:193.1	Tividhena saññākkhandho—
vb1:193.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto.
vb1:193.3	Atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:193.4	Evaṁ dasavidhena saññākkhandho.
vb1:194.1	(Yathā kusalattike vitthāro, evaṁ sabbepi tikā vitthāretabbā.)
vb1:195.1	Dukamūlakaṁ.
vb1:196.1	Ekavidhena saññākkhandho—
vb1:196.2	phassasampayutto.
vb1:197.1	Duvidhena saññākkhandho—
vb1:197.2	atthi sahetuko, atthi ahetuko.
vb1:198.1	Tividhena saññākkhandho—
vb1:198.2	atthi kusalo, atthi akusalo, atthi abyākato …pe….
vb1:198.3	Evaṁ dasavidhena saññākkhandho.
vb1:199.1	Ekavidhena saññākkhandho—
vb1:199.2	phassasampayutto.
vb1:200.1	Duvidhena saññākkhandho—
vb1:200.2	atthi hetusampayutto, atthi hetuvippayutto …pe… atthi saraṇo, atthi araṇo.
vb1:201.1	Tividhena saññākkhandho—
vb1:201.2	atthi kusalo, atthi akusalo, atthi abyākato …pe….
vb1:201.3	Evaṁ dasavidhena saññākkhandho.
vb1:202.1	Ekavidhena saññākkhandho—
vb1:202.2	phassasampayutto.
vb1:203.1	Duvidhena saññākkhandho—
vb1:203.2	atthi sahetuko, atthi ahetuko.
vb1:204.1	Tividhena saññākkhandho—
vb1:204.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto.
vb1:204.3	Atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:204.4	Evaṁ dasavidhena saññākkhandho.
vb1:205.1	Ekavidhena saññākkhandho—
vb1:205.2	phassasampayutto.
vb1:206.1	Duvidhena saññākkhandho—
vb1:206.2	atthi hetusampayutto, atthi hetuvippayutto …pe… atthi saraṇo, atthi araṇo.
vb1:207.1	Tividhena saññākkhandho …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:207.2	Evaṁ dasavidhena saññākkhandho.
vb1:208.1	Tikamūlakaṁ.
vb1:209.1	Ekavidhena saññākkhandho—
vb1:209.2	phassasampayutto.
vb1:210.1	Duvidhena saññākkhandho—
vb1:210.2	atthi sahetuko, atthi ahetuko.
vb1:211.1	Tividhena saññākkhandho—
vb1:211.2	atthi kusalo, atthi akusalo, atthi abyākato …pe….
vb1:211.3	Evaṁ dasavidhena saññākkhandho.
vb1:212.1	Ekavidhena saññākkhandho—
vb1:212.2	phassasampayutto.
vb1:213.1	Duvidhena saññākkhandho—
vb1:213.2	atthi hetusampayutto, atthi hetuvippayutto.
vb1:214.1	Tividhena saññākkhandho—
vb1:214.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto …pe….
vb1:214.3	Evaṁ dasavidhena saññākkhandho.
vb1:215.1	Ekavidhena saññākkhandho—
vb1:215.2	phassasampayutto.
vb1:216.1	Duvidhena saññākkhandho—
vb1:216.2	atthi na hetu sahetuko, atthi na hetu ahetuko.
vb1:217.1	Tividhena saññākkhandho—
vb1:217.2	atthi vipāko, atthi vipākadhammadhammo, atthi nevavipākanavipākadhammadhammo …pe….
vb1:217.3	Evaṁ dasavidhena saññākkhandho.
vb1:218.1	Ekavidhena saññākkhandho—
vb1:218.2	phassasampayutto.
vb1:219.1	Duvidhena saññākkhandho—
vb1:219.2	atthi lokiyo, atthi lokuttaro.
vb1:220.1	Tividhena saññākkhandho—
vb1:220.2	atthi upādinnupādāniyo, atthi anupādinnupādāniyo, atthi anupādinnaanupādāniyo …pe….
vb1:220.3	Evaṁ dasavidhena saññākkhandho.
vb1:221.1	Ekavidhena saññākkhandho—
vb1:221.2	phassasampayutto.
vb1:222.1	Duvidhena saññākkhandho—
vb1:222.2	atthi kenaci viññeyyo, atthi kenaci na viññeyyo.
vb1:223.1	Tividhena saññākkhandho—
vb1:223.2	atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko …pe….
vb1:223.3	Evaṁ dasavidhena saññākkhandho.
vb1:224.1	Ekavidhena saññākkhandho—
vb1:224.2	phassasampayutto.
vb1:225.1	Duvidhena saññākkhandho—
vb1:225.2	atthi sāsavo, atthi anāsavo.
vb1:226.1	Tividhena saññākkhandho—
vb1:226.2	atthi savitakkasavicāro, atthi avitakkavicāramatto, atthi avitakkaavicāro …pe….
vb1:226.3	Evaṁ dasavidhena saññākkhandho.
vb1:227.1	Ekavidhena saññākkhandho—
vb1:227.2	phassasampayutto.
vb1:228.1	Duvidhena saññākkhandho—
vb1:228.2	atthi āsavasampayutto, atthi āsavavippayutto.
vb1:229.1	Tividhena saññākkhandho—
vb1:229.2	atthi pītisahagato, atthi sukhasahagato, atthi upekkhāsahagato …pe….
vb1:229.3	Evaṁ dasavidhena saññākkhandho.
vb1:230.1	Ekavidhena saññākkhandho—
vb1:230.2	phassasampayutto.
vb1:231.1	Duvidhena saññākkhandho—
vb1:231.2	atthi āsavavippayuttasāsavo, atthi āsavavippayuttaanāsavo.
vb1:232.1	Tividhena saññākkhandho—
vb1:232.2	atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo …pe….
vb1:232.3	Evaṁ dasavidhena saññākkhandho.
vb1:233.1	Ekavidhena saññākkhandho—
vb1:233.2	phassasampayutto.
vb1:234.1	Duvidhena saññākkhandho—
vb1:234.2	atthi saṁyojaniyo, atthi asaṁyojaniyo.
vb1:235.1	Tividhena saññākkhandho—
vb1:235.2	atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko …pe….
vb1:235.3	Evaṁ dasavidhena saññākkhandho.
vb1:236.1	Ekavidhena saññākkhandho—
vb1:236.2	phassasampayutto.
vb1:237.1	Duvidhena saññākkhandho—
vb1:237.2	atthi saṁyojanasampayutto, atthi saṁyojanavippayutto.
vb1:238.1	Tividhena saññākkhandho—
vb1:238.2	atthi ācayagāmī, atthi apacayagāmī, atthi nevācayagāmināpacayagāmī …pe….
vb1:238.3	Evaṁ dasavidhena saññākkhandho.
vb1:239.1	Ekavidhena saññākkhandho—
vb1:239.2	phassasampayutto.
vb1:240.1	Duvidhena saññākkhandho—
vb1:240.2	atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:241.1	Tividhena saññākkhandho—
vb1:241.2	atthi sekkho, atthi asekkho, atthi nevasekkhanāsekkho …pe….
vb1:241.3	Evaṁ dasavidhena saññākkhandho.
vb1:242.1	Ekavidhena saññākkhandho—
vb1:242.2	phassasampayutto.
vb1:243.1	Duvidhena saññākkhandho—
vb1:243.2	atthi ganthaniyo, atthi aganthaniyo.
vb1:244.1	Tividhena saññākkhandho—
vb1:244.2	atthi paritto, atthi mahaggato, atthi appamāṇo …pe….
vb1:244.3	Evaṁ dasavidhena saññākkhandho.
vb1:245.1	Ekavidhena saññākkhandho—
vb1:245.2	phassasampayutto.
vb1:246.1	Duvidhena saññākkhandho—
vb1:246.2	atthi ganthasampayutto, atthi ganthavippayutto.
vb1:247.1	Tividhena saññākkhandho—
vb1:247.2	atthi parittārammaṇo, atthi mahaggatārammaṇo, atthi appamāṇārammaṇo …pe….
vb1:247.3	Evaṁ dasavidhena saññākkhandho.
vb1:248.1	Ekavidhena saññākkhandho—
vb1:248.2	phassasampayutto.
vb1:249.1	Duvidhena saññākkhandho—
vb1:249.2	atthi ganthavippayuttaganthaniyo, atthi ganthavippayuttaaganthaniyo.
vb1:250.1	Tividhena saññākkhandho—
vb1:250.2	atthi hīno, atthi majjhimo, atthi paṇīto …pe….
vb1:250.3	Evaṁ dasavidhena saññākkhandho.
vb1:251.1	Ekavidhena saññākkhandho—
vb1:251.2	phassasampayutto.
vb1:252.1	Duvidhena saññākkhandho—
vb1:252.2	atthi oghaniyo, atthi anoghaniyo.
vb1:253.1	Tividhena saññākkhandho—
vb1:253.2	atthi micchattaniyato, atthi sammattaniyato, atthi aniyato …pe….
vb1:253.3	Evaṁ dasavidhena saññākkhandho.
vb1:254.1	Ekavidhena saññākkhandho—
vb1:254.2	phassasampayutto.
vb1:255.1	Duvidhena saññākkhandho—
vb1:255.2	atthi oghasampayutto, atthi oghavippayutto.
vb1:256.1	Tividhena saññākkhandho—
vb1:256.2	atthi maggārammaṇo, atthi maggahetuko, atthi maggādhipati …pe….
vb1:256.3	Evaṁ dasavidhena saññākkhandho.
vb1:257.1	Ekavidhena saññākkhandho—
vb1:257.2	phassasampayutto.
vb1:258.1	Duvidhena saññākkhandho—
vb1:258.2	atthi oghavippayuttaoghaniyo, atthi oghavippayuttaanoghaniyo.
vb1:259.1	Tividhena saññākkhandho—
vb1:259.2	atthi uppanno, atthi anuppanno, atthi uppādī …pe….
vb1:259.3	Evaṁ dasavidhena saññākkhandho.
vb1:260.1	Ekavidhena saññākkhandho—
vb1:260.2	phassasampayutto.
vb1:261.1	Duvidhena saññākkhandho—
vb1:261.2	atthi yoganiyo, atthi ayoganiyo.
vb1:262.1	Tividhena saññākkhandho—
vb1:262.2	atthi atīto, atthi anāgato, atthi paccuppanno …pe….
vb1:262.3	Evaṁ dasavidhena saññākkhandho.
vb1:263.1	Ekavidhena saññākkhandho—
vb1:263.2	phassasampayutto.
vb1:264.1	Duvidhena saññākkhandho—
vb1:264.2	atthi yogasampayutto, atthi yogavippayutto.
vb1:265.1	Tividhena saññākkhandho—
vb1:265.2	atthi atītārammaṇo, atthi anāgatārammaṇo, atthi paccuppannārammaṇo …pe….
vb1:265.3	Evaṁ dasavidhena saññākkhandho.
vb1:266.1	Ekavidhena saññākkhandho—
vb1:266.2	phassasampayutto.
vb1:267.1	Duvidhena saññākkhandho—
vb1:267.2	atthi yogavippayuttayoganiyo, atthi yogavippayuttaayoganiyo.
vb1:268.1	Tividhena saññākkhandho—
vb1:268.2	atthi ajjhatto, atthi bahiddho, atthi ajjhattabahiddho …pe….
vb1:268.3	Evaṁ dasavidhena saññākkhandho.
vb1:269.1	Ekavidhena saññākkhandho—
vb1:269.2	phassasampayutto.
vb1:270.1	Duvidhena saññākkhandho—
vb1:270.2	atthi nīvaraṇiyo, atthi anīvaraṇiyo.
vb1:271.1	Tividhena saññākkhandho—
vb1:271.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:271.3	Evaṁ dasavidhena saññākkhandho.
vb1:272.1	Ubhatovaḍḍhakaṁ.
vb1:273.1	Sattavidhena saññākkhandho—
vb1:273.2	atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:273.3	Evaṁ sattavidhena saññākkhandho.
vb1:274.1	Aparopi sattavidhena saññākkhandho—
vb1:274.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:274.3	Evaṁ sattavidhena saññākkhandho.
vb1:275.1	Catuvīsatividhena saññākkhandho—
vb1:275.2	cakkhusamphassapaccayā saññākkhandho atthi kusalo, atthi akusalo, atthi abyākato;
vb1:275.3	sotasamphassapaccayā …pe…
vb1:275.4	ghānasamphassapaccayā …pe…
vb1:275.5	jivhāsamphassapaccayā …pe…
vb1:275.6	kāyasamphassapaccayā …pe…
vb1:275.7	manosamphassapaccayā saññākkhandho atthi kusalo, atthi akusalo, atthi abyākato;
vb1:275.8	cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā.
vb1:275.9	Evaṁ catuvīsatividhena saññākkhandho.
vb1:276.1	Aparopi catuvīsatividhena saññākkhandho—
vb1:276.2	cakkhusamphassapaccayā saññākkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, cakkhusamphassajā saññā …pe…
vb1:276.3	manosamphassajā saññā.
vb1:276.4	Sotasamphassapaccayā …pe…
vb1:276.5	ghānasamphassapaccayā …pe…
vb1:276.6	jivhāsamphassapaccayā …pe…
vb1:276.7	kāyasamphassapaccayā …pe…
vb1:276.8	manosamphassapaccayā saññākkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo;
vb1:276.9	cakkhusamphassajā saññā …pe…
vb1:276.10	manosamphassajā saññā.
vb1:276.11	Evaṁ catuvīsatividhena saññākkhandho.
vb1:277.1	Tiṁsatividhena saññākkhandho—
vb1:277.2	cakkhusamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā …pe…
vb1:277.3	ghānasamphassapaccayā …pe…
vb1:277.4	jivhāsamphassapaccayā …pe…
vb1:277.5	kāyasamphassapaccayā …pe…
vb1:277.6	manosamphassapaccayā saññākkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā …pe…
vb1:277.7	manosamphassajā saññā.
vb1:277.8	Evaṁ tiṁsatividhena saññākkhandho.
vb1:278.1	Bahuvidhena saññākkhandho—
vb1:278.2	cakkhusamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā …pe…
vb1:278.3	ghānasamphassapaccayā …pe…
vb1:278.4	jivhāsamphassapaccayā …pe…
vb1:278.5	kāyasamphassapaccayā …pe…
vb1:278.6	manosamphassapaccayā saññākkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā …pe…
vb1:278.7	manosamphassajā saññā.
vb1:278.8	Evaṁ bahuvidhena saññākkhandho.
vb1:279.1	Aparopi bahuvidhena saññākkhandho—
vb1:279.2	cakkhusamphassapaccayā saññākkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, sotasamphassapaccayā …pe…
vb1:279.3	ghānasamphassapaccayā …pe…
vb1:279.4	jivhāsamphassapaccayā …pe…
vb1:279.5	kāyasamphassapaccayā …pe…
vb1:279.6	manosamphassapaccayā saññākkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manosamphassajā saññā.
vb1:279.7	Evaṁ bahuvidhena saññākkhandho.
vb1:280.1	Ayaṁ vuccati saññākkhandho.
vb1:281.0	2.4. Saṅkhārakkhandha
vb1:281.1	Tattha katamo saṅkhārakkhandho?
vb1:281.2	Ekavidhena saṅkhārakkhandho—
vb1:281.3	cittasampayutto.
vb1:282.1	Duvidhena saṅkhārakkhandho—
vb1:282.2	atthi hetu, atthi na hetu.
vb1:283.1	Tividhena saṅkhārakkhandho—
vb1:283.2	atthi kusalo, atthi akusalo, atthi abyākato.
vb1:284.1	Catubbidhena saṅkhārakkhandho—
vb1:284.2	atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:285.1	Pañcavidhena saṅkhārakkhandho—
vb1:285.2	atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto.
vb1:285.3	Evaṁ pañcavidhena saṅkhārakkhandho.
vb1:286.1	Chabbidhena saṅkhārakkhandho—
vb1:286.2	cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā.
vb1:286.3	Evaṁ chabbidhena saṅkhārakkhandho.
vb1:287.1	Sattavidhena saṅkhārakkhandho—
vb1:287.2	cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā.
vb1:287.3	Evaṁ sattavidhena saṅkhārakkhandho.
vb1:288.1	Aṭṭhavidhena saṅkhārakkhandho—
vb1:288.2	cakkhusamphassajā cetanā …pe…
vb1:288.3	kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā.
vb1:288.4	Evaṁ aṭṭhavidhena saṅkhārakkhandho.
vb1:289.1	Navavidhena saṅkhārakkhandho—
vb1:289.2	cakkhusamphassajā cetanā …pe…
vb1:289.3	manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā.
vb1:289.4	Evaṁ navavidhena saṅkhārakkhandho.
vb1:290.1	Dasavidhena saṅkhārakkhandho—
vb1:290.2	cakkhusamphassajā cetanā …pe…
vb1:290.3	kāyasamphassajā cetanā atthi sukhasahagatā, atthi dukkhasahagatā, manodhātusamphassajā cetanā, manoviññāṇadhātusamphassajā cetanā atthi kusalā, atthi akusalā, atthi abyākatā.
vb1:290.4	Evaṁ dasavidhena saṅkhārakkhandho.
vb1:291.1	Ekavidhena saṅkhārakkhandho—
vb1:291.2	cittasampayutto.
vb1:292.1	Duvidhena saṅkhārakkhandho—
vb1:292.2	atthi hetu, atthi na hetu.
vb1:293.1	Tividhena saṅkhārakkhandho—
vb1:293.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto.
vb1:293.3	Atthi vipāko, atthi vipākadhammadhammo, atthi nevavipākanavipākadhammadhammo.
vb1:293.4	Atthi upādinnupādāniyo, atthi anupādinnupādāniyo, atthi anupādinnaanupādāniyo.
vb1:293.5	Atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko.
vb1:293.6	Atthi savitakkasavicāro, atthi avitakkavicāramatto, atthi avitakkaavicāro.
vb1:293.7	Atthi pītisahagato, atthi sukhasahagato, atthi upekkhāsahagato.
vb1:293.8	Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo.
vb1:293.9	Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko.
vb1:293.10	Atthi ācayagāmī, atthi apacayagāmī, atthi nevācayagāmināpacayagāmī.
vb1:293.11	Atthi sekkho, atthi asekkho, atthi nevasekkhanāsekkho.
vb1:293.12	Atthi paritto, atthi mahaggato, atthi appamāṇo.
vb1:293.13	Atthi parittārammaṇo, atthi mahaggatārammaṇo, atthi appamāṇārammaṇo.
vb1:293.14	Atthi hīno, atthi majjhimo, atthi paṇīto.
vb1:293.15	Atthi micchattaniyato, atthi sammattaniyato, atthi aniyato.
vb1:293.16	Atthi maggārammaṇo, atthi maggahetuko, atthi maggādhipati.
vb1:293.17	Atthi uppanno, atthi anuppanno, atthi uppādī.
vb1:293.18	Atthi atīto, atthi anāgato, atthi paccuppanno.
vb1:293.19	Atthi atītārammaṇo, atthi anāgatārammaṇo, atthi paccuppannārammaṇo.
vb1:293.20	Atthi ajjhatto, atthi bahiddho, atthi ajjhattabahiddho.
vb1:293.21	Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:293.22	Evaṁ dasavidhena saṅkhārakkhandho.
vb1:294.1	Ekavidhena saṅkhārakkhandho—
vb1:294.2	cittasampayutto.
vb1:295.1	Duvidhena saṅkhārakkhandho—
vb1:295.2	atthi sahetuko, atthi ahetuko.
vb1:295.3	Atthi hetusampayutto, atthi hetuvippayutto.
vb1:295.4	Atthi hetu ceva sahetuko ca, atthi sahetuko ceva na ca hetu.
vb1:295.5	Atthi hetu ceva hetusampayutto ca, atthi hetusampayutto ceva na ca hetu.
vb1:295.6	Atthi na hetu sahetuko, atthi na hetu ahetuko.
vb1:295.7	Atthi lokiyo, atthi lokuttaro.
vb1:295.8	Atthi kenaci viññeyyo, atthi kenaci na viññeyyo.
vb1:295.9	Atthi āsavo, atthi no āsavo.
vb1:295.10	Atthi sāsavo, atthi anāsavo.
vb1:295.11	Atthi āsavasampayutto, atthi āsavavippayutto.
vb1:295.12	Atthi āsavo ceva sāsavo ca, atthi sāsavo ceva no ca āsavo.
vb1:295.13	Atthi āsavo ceva āsavasampayutto ca, atthi āsavasampayutto ceva no ca āsavo.
vb1:295.14	Atthi āsavavippayuttasāsavo, atthi āsavavippayuttaanāsavo.
vb1:295.15	Atthi saṁyojanaṁ, atthi no saṁyojanaṁ.
vb1:295.16	Atthi saṁyojaniyo, atthi asaṁyojaniyo.
vb1:295.17	Atthi saṁyojanasampayutto, atthi saṁyojanavippayutto.
vb1:295.18	Atthi saṁyojanañceva saṁyojaniyo ca, atthi saṁyojaniyo ceva no ca saṁyojanaṁ.
vb1:295.19	Atthi saṁyojanañceva saṁyojanasampayutto ca, atthi saṁyojanasampayutto ceva no ca saṁyojanaṁ.
vb1:295.20	Atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:296.1	Atthi gantho, atthi no gantho.
vb1:296.2	Atthi ganthaniyo, atthi aganthaniyo.
vb1:296.3	Atthi ganthasampayutto, atthi ganthavippayutto.
vb1:296.4	Atthi gantho ceva ganthaniyo ca, atthi ganthaniyo ceva no ca gantho.
vb1:296.5	Atthi gantho ceva ganthasampayutto ca, atthi ganthasampayutto ceva no ca gantho.
vb1:296.6	Atthi ganthavippayuttaganthaniyo, atthi ganthavippayuttaaganthaniyo.
vb1:296.7	Atthi ogho, atthi no ogho.
vb1:296.8	Atthi oghaniyo, atthi anoghaniyo.
vb1:296.9	Atthi oghasampayutto, atthi oghavippayutto.
vb1:296.10	Atthi ogho ceva oghaniyo ca, atthi oghaniyo ceva no ca ogho.
vb1:296.11	Atthi ogho ceva oghasampayutto ca, atthi oghasampayutto ceva no ca ogho.
vb1:296.12	Atthi oghavippayuttaoghaniyo, atthi oghavippayuttaanoghaniyo.
vb1:296.13	Atthi yogo, atthi no yogo.
vb1:296.14	Atthi yoganiyo, atthi ayoganiyo.
vb1:296.15	Atthi yogasampayutto, atthi yogavippayutto.
vb1:296.16	Atthi yogo ceva yoganiyo ca, atthi yoganiyo ceva no ca yogo.
vb1:296.17	Atthi yogo ceva yogasampayutto ca, atthi yogasampayutto ceva no ca yogo.
vb1:296.18	Atthi yogavippayuttayoganiyo, atthi yogavippayuttaayoganiyo.
vb1:296.19	Atthi nīvaraṇaṁ, atthi no nīvaraṇaṁ.
vb1:296.20	Atthi nīvaraṇiyo, atthi anīvaraṇiyo.
vb1:296.21	Atthi nīvaraṇasampayutto, atthi nīvaraṇavippayutto.
vb1:296.22	Atthi nīvaraṇañceva nīvaraṇiyo ca, atthi nīvaraṇiyo ceva no ca nīvaraṇaṁ.
vb1:296.23	Atthi nīvaraṇañceva nīvaraṇasampayutto ca, atthi nīvaraṇasampayutto ceva no ca nīvaraṇaṁ.
vb1:296.24	Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
vb1:297.1	Atthi parāmāso, atthi no parāmāso.
vb1:297.2	Atthi parāmaṭṭho, atthi aparāmaṭṭho.
vb1:297.3	Atthi parāmāsasampayutto, atthi parāmāsavippayutto.
vb1:297.4	Atthi parāmāso ceva parāmaṭṭho ca, atthi parāmaṭṭho ceva no ca parāmāso.
vb1:297.5	Atthi parāmāsavippayuttaparāmaṭṭho, atthi parāmāsavippayuttaaparāmaṭṭho.
vb1:297.6	Atthi upādinno, atthi anupādinno.
vb1:297.7	Atthi upādānaṁ, atthi no upādānaṁ.
vb1:297.8	Atthi upādāniyo, atthi anupādāniyo.
vb1:297.9	Atthi upādānasampayutto, atthi upādānavippayutto.
vb1:297.10	Atthi upādānañceva upādāniyo ca, atthi upādāniyo ceva no ca upādānaṁ.
vb1:297.11	Atthi upādānañceva upādānasampayutto ca, atthi upādānasampayutto ceva no ca upādānaṁ.
vb1:297.12	Atthi upādānavippayuttaupādāniyo, atthi upādānavippayuttaanupādāniyo.
vb1:298.1	Atthi kileso, atthi no kileso.
vb1:298.2	Atthi saṅkilesiko, atthi asaṅkilesiko.
vb1:298.3	Atthi saṅkiliṭṭho, atthi asaṅkiliṭṭho.
vb1:298.4	Atthi kilesasampayutto, atthi kilesavippayutto.
vb1:298.5	Atthi kileso ceva saṅkilesiko ca, atthi saṅkilesiko ceva no ca kileso.
vb1:298.6	Atthi kileso ceva saṅkiliṭṭho ca, atthi saṅkiliṭṭho ceva no ca kileso.
vb1:298.7	Atthi kileso ceva kilesasampayutto ca, atthi kilesasampayutto ceva no ca kileso.
vb1:298.8	Atthi kilesavippayuttasaṅkilesiko, atthi kilesavippayuttaasaṅkilesiko.
vb1:298.9	Atthi dassanena pahātabbo, atthi na dassanena pahātabbo.
vb1:298.10	Atthi bhāvanāya pahātabbo, atthi na bhāvanāya pahātabbo.
vb1:298.11	Atthi dassanena pahātabbahetuko, atthi na dassanena pahātabbahetuko.
vb1:298.12	Atthi bhāvanāya pahātabbahetuko, atthi na bhāvanāya pahātabbahetuko.
vb1:299.1	Atthi savitakko, atthi avitakko.
vb1:299.2	Atthi savicāro, atthi avicāro.
vb1:299.3	Atthi sappītiko, atthi appītiko.
vb1:299.4	Atthi pītisahagato, atthi na pītisahagato.
vb1:299.5	Atthi sukhasahagato, atthi na sukhasahagato.
vb1:299.6	Atthi upekkhāsahagato, atthi na upekkhāsahagato.
vb1:299.7	Atthi kāmāvacaro, atthi na kāmāvacaro.
vb1:299.8	Atthi rūpāvacaro, atthi na rūpāvacaro.
vb1:299.9	Atthi arūpāvacaro, atthi na arūpāvacaro.
vb1:299.10	Atthi pariyāpanno, atthi apariyāpanno.
vb1:299.11	Atthi niyyāniko, atthi aniyyāniko.
vb1:299.12	Atthi niyato, atthi aniyato.
vb1:299.13	Atthi sauttaro, atthi anuttaro.
vb1:299.14	Atthi saraṇo, atthi araṇo.
vb1:300.1	Tividhena saṅkhārakkhandho—
vb1:300.2	atthi kusalo, atthi akusalo, atthi abyākato …pe….
vb1:300.3	Evaṁ dasavidhena saṅkhārakkhandho.
vb1:301.1	Ekavidhena saṅkhārakkhandho—
vb1:301.2	cittasampayutto.
vb1:302.1	Duvidhena saṅkhārakkhandho—
vb1:302.2	atthi saraṇo, atthi araṇo.
vb1:303.1	Tividhena saṅkhārakkhandho—
vb1:303.2	atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:303.3	Evaṁ dasavidhena saṅkhārakkhandho.
vb1:304.1	Dukamūlakaṁ.
vb1:305.1	Ekavidhena saṅkhārakkhandho—
vb1:305.2	cittasampayutto.
vb1:306.1	Duvidhena saṅkhārakkhandho—
vb1:306.2	atthi hetu, atthi na hetu.
vb1:307.1	Tividhena saṅkhārakkhandho—
vb1:307.2	atthi kusalo, atthi akusalo, atthi abyākato …pe….
vb1:307.3	Evaṁ dasavidhena saṅkhārakkhandho.
vb1:308.1	Ekavidhena saṅkhārakkhandho—
vb1:308.2	cittasampayutto.
vb1:309.1	Duvidhena saṅkhārakkhandho—
vb1:309.2	atthi saraṇo, atthi araṇo.
vb1:310.1	Tividhena saṅkhārakkhandho—
vb1:310.2	atthi kusalo, atthi akusalo, atthi abyākato …pe….
vb1:310.3	Evaṁ dasavidhena saṅkhārakkhandho.
vb1:311.1	Ekavidhena saṅkhārakkhandho—
vb1:311.2	cittasampayutto.
vb1:312.1	Duvidhena saṅkhārakkhandho—
vb1:312.2	atthi hetu, atthi na hetu.
vb1:313.1	Tividhena saṅkhārakkhandho—
vb1:313.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:313.3	Evaṁ dasavidhena saṅkhārakkhandho.
vb1:314.1	Ekavidhena saṅkhārakkhandho—
vb1:314.2	cittasampayutto.
vb1:315.1	Duvidhena saṅkhārakkhandho—
vb1:315.2	atthi saraṇo, atthi araṇo.
vb1:316.1	Tividhena saṅkhārakkhandho—
vb1:316.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:316.3	Evaṁ dasavidhena saṅkhārakkhandho.
vb1:317.1	Tikamūlakaṁ.
vb1:318.1	Ekavidhena saṅkhārakkhandho—
vb1:318.2	cittasampayutto.
vb1:319.1	Duvidhena saṅkhārakkhandho—
vb1:319.2	atthi hetu, atthi na hetu.
vb1:320.1	Tividhena saṅkhārakkhandho—
vb1:320.2	atthi kusalo, atthi akusalo, atthi abyākato …pe….
vb1:320.3	Evaṁ dasavidhena saṅkhārakkhandho.
vb1:321.1	Ekavidhena saṅkhārakkhandho cittasampayutto.
vb1:322.1	Duvidhena saṅkhārakkhandho—
vb1:322.2	atthi sahetuko, atthi ahetuko.
vb1:323.1	Tividhena saṅkhārakkhandho—
vb1:323.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto …pe….
vb1:323.3	Evaṁ dasavidhena saṅkhārakkhandho.
vb1:324.1	Ekavidhena saṅkhārakkhandho—
vb1:324.2	cittasampayutto.
vb1:325.1	Duvidhena saṅkhārakkhandho—
vb1:325.2	atthi hetusampayutto, atthi hetuvippayutto.
vb1:326.1	Tividhena saṅkhārakkhandho—
vb1:326.2	atthi vipāko, atthi vipākadhammadhammo, atthi nevavipākanavipākadhammadhammo …pe….
vb1:326.3	Evaṁ dasavidhena saṅkhārakkhandho.
vb1:327.1	Ekavidhena saṅkhārakkhandho—
vb1:327.2	cittasampayutto.
vb1:328.1	Duvidhena saṅkhārakkhandho—
vb1:328.2	atthi hetu ceva sahetuko ca, atthi sahetuko ceva na ca hetu.
vb1:329.1	Tividhena saṅkhārakkhandho—
vb1:329.2	atthi upādinnupādāniyo, atthi anupādinnupādāniyo, atthi anupādinnaanupādāniyo …pe….
vb1:329.3	Evaṁ dasavidhena saṅkhārakkhandho.
vb1:330.1	Ekavidhena saṅkhārakkhandho—
vb1:330.2	cittasampayutto.
vb1:331.1	Duvidhena saṅkhārakkhandho—
vb1:331.2	atthi hetu ceva hetusampayutto ca, atthi hetusampayutto ceva na ca hetu.
vb1:332.1	Tividhena saṅkhārakkhandho—
vb1:332.2	atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko …pe….
vb1:332.3	Evaṁ dasavidhena saṅkhārakkhandho.
vb1:333.1	Ekavidhena saṅkhārakkhandho—
vb1:333.2	cittasampayutto.
vb1:334.1	Duvidhena saṅkhārakkhandho—
vb1:334.2	atthi na hetu sahetuko, atthi na hetu ahetuko.
vb1:335.1	Tividhena saṅkhārakkhandho—
vb1:335.2	atthi savitakkasavicāro, atthi avitakkavicāramatto, atthi avitakkaavicāro …pe….
vb1:335.3	Evaṁ dasavidhena saṅkhārakkhandho.
vb1:336.1	Ekavidhena saṅkhārakkhandho—
vb1:336.2	cittasampayutto.
vb1:337.1	Duvidhena saṅkhārakkhandho—
vb1:337.2	atthi lokiyo, atthi lokuttaro.
vb1:338.1	Tividhena saṅkhārakkhandho—
vb1:338.2	atthi pītisahagato, atthi sukhasahagato, atthi upekkhāsahagato …pe….
vb1:338.3	Evaṁ dasavidhena saṅkhārakkhandho.
vb1:339.1	Ekavidhena saṅkhārakkhandho—
vb1:339.2	cittasampayutto.
vb1:340.1	Duvidhena saṅkhārakkhandho—
vb1:340.2	atthi kenaci viññeyyo, atthi kenaci na viññeyyo.
vb1:341.1	Tividhena saṅkhārakkhandho—
vb1:341.2	atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo …pe….
vb1:341.3	Evaṁ dasavidhena saṅkhārakkhandho.
vb1:342.1	Ekavidhena saṅkhārakkhandho—
vb1:342.2	cittasampayutto.
vb1:343.1	Duvidhena saṅkhārakkhandho—
vb1:343.2	atthi āsavo, atthi no āsavo.
vb1:344.1	Tividhena saṅkhārakkhandho—
vb1:344.2	atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko …pe….
vb1:344.3	Evaṁ dasavidhena saṅkhārakkhandho.
vb1:345.1	Ekavidhena saṅkhārakkhandho—
vb1:345.2	cittasampayutto.
vb1:346.1	Duvidhena saṅkhārakkhandho—
vb1:346.2	atthi sāsavo, atthi anāsavo.
vb1:347.1	Tividhena saṅkhārakkhandho—
vb1:347.2	atthi ācayagāmī, atthi apacayagāmī, atthi nevācayagāmināpacayagāmī …pe….
vb1:347.3	Evaṁ dasavidhena saṅkhārakkhandho.
vb1:348.1	Ekavidhena saṅkhārakkhandho—
vb1:348.2	cittasampayutto.
vb1:349.1	Duvidhena saṅkhārakkhandho—
vb1:349.2	atthi āsavasampayutto, atthi āsavavippayutto.
vb1:350.1	Tividhena saṅkhārakkhandho—
vb1:350.2	atthi sekkho, atthi asekkho, atthi nevasekkhanāsekkho …pe….
vb1:350.3	Evaṁ dasavidhena saṅkhārakkhandho.
vb1:351.1	Ekavidhena saṅkhārakkhandho—
vb1:351.2	cittasampayutto.
vb1:352.1	Duvidhena saṅkhārakkhandho—
vb1:352.2	atthi āsavo ceva sāsavo ca, atthi sāsavo ceva no ca āsavo.
vb1:353.1	Tividhena saṅkhārakkhandho—
vb1:353.2	atthi paritto, atthi mahaggato, atthi appamāṇo …pe….
vb1:353.3	Evaṁ dasavidhena saṅkhārakkhandho.
vb1:354.1	Ekavidhena saṅkhārakkhandho—
vb1:354.2	cittasampayutto.
vb1:355.1	Duvidhena saṅkhārakkhandho—
vb1:355.2	atthi āsavo ceva āsavasampayutto ca, atthi āsavasampayutto ceva no ca āsavo.
vb1:356.1	Tividhena saṅkhārakkhandho—
vb1:356.2	atthi parittārammaṇo, atthi mahaggatārammaṇo, atthi appamāṇārammaṇo …pe….
vb1:356.3	Evaṁ dasavidhena saṅkhārakkhandho.
vb1:357.1	Ekavidhena saṅkhārakkhandho—
vb1:357.2	cittasampayutto.
vb1:358.1	Duvidhena saṅkhārakkhandho—
vb1:358.2	atthi āsavavippayuttasāsavo, atthi āsavavippayuttaanāsavo.
vb1:359.1	Tividhena saṅkhārakkhandho—
vb1:359.2	atthi hīno, atthi majjhimo, atthi paṇīto …pe….
vb1:359.3	Evaṁ dasavidhena saṅkhārakkhandho.
vb1:360.1	Ekavidhena saṅkhārakkhandho—
vb1:360.2	cittasampayutto.
vb1:361.1	Duvidhena saṅkhārakkhandho—
vb1:361.2	atthi saṁyojanaṁ, atthi no saṁyojanaṁ.
vb1:362.1	Tividhena saṅkhārakkhandho—
vb1:362.2	atthi micchattaniyato, atthi sammattaniyato, atthi aniyato …pe….
vb1:362.3	Evaṁ dasavidhena saṅkhārakkhandho.
vb1:363.1	Ekavidhena saṅkhārakkhandho—
vb1:363.2	cittasampayutto.
vb1:364.1	Duvidhena saṅkhārakkhandho—
vb1:364.2	atthi saṁyojaniyo, atthi asaṁyojaniyo.
vb1:365.1	Tividhena saṅkhārakkhandho—
vb1:365.2	atthi maggārammaṇo, atthi maggahetuko, atthi maggādhipati …pe….
vb1:365.3	Evaṁ dasavidhena saṅkhārakkhandho.
vb1:366.1	Ekavidhena saṅkhārakkhandho—
vb1:366.2	cittasampayutto.
vb1:367.1	Duvidhena saṅkhārakkhandho—
vb1:367.2	atthi saṁyojanasampayutto, atthi saṁyojanavippayutto.
vb1:368.1	Tividhena saṅkhārakkhandho—
vb1:368.2	atthi uppanno, atthi anuppanno, atthi uppādī …pe….
vb1:368.3	Evaṁ dasavidhena saṅkhārakkhandho.
vb1:369.1	Ekavidhena saṅkhārakkhandho—
vb1:369.2	cittasampayutto.
vb1:370.1	Duvidhena saṅkhārakkhandho—
vb1:370.2	atthi saṁyojanañceva saṁyojaniyo ca, atthi saṁyojaniyo ceva no ca saṁyojanaṁ.
vb1:371.1	Tividhena saṅkhārakkhandho—
vb1:371.2	atthi atīto, atthi anāgato, atthi paccuppanno …pe….
vb1:371.3	Evaṁ dasavidhena saṅkhārakkhandho.
vb1:372.1	Ekavidhena saṅkhārakkhandho—
vb1:372.2	cittasampayutto.
vb1:373.1	Duvidhena saṅkhārakkhandho—
vb1:373.2	atthi saṁyojanañceva saṁyojanasampayutto ca, atthi saṁyojanasampayutto ceva no ca saṁyojanaṁ.
vb1:374.1	Tividhena saṅkhārakkhandho—
vb1:374.2	atthi atītārammaṇo, atthi anāgatārammaṇo, atthi paccuppannārammaṇo …pe….
vb1:374.3	Evaṁ dasavidhena saṅkhārakkhandho.
vb1:375.1	Ekavidhena saṅkhārakkhandho—
vb1:375.2	cittasampayutto.
vb1:376.1	Duvidhena saṅkhārakkhandho—
vb1:376.2	atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:377.1	Tividhena saṅkhārakkhandho—
vb1:377.2	atthi ajjhatto, atthi bahiddho, atthi ajjhattabahiddho …pe….
vb1:377.3	Evaṁ dasavidhena saṅkhārakkhandho.
vb1:378.1	Ekavidhena saṅkhārakkhandho—
vb1:378.2	cittasampayutto.
vb1:379.1	Duvidhena saṅkhārakkhandho—
vb1:379.2	atthi gantho, atthi no gantho.
vb1:380.1	Tividhena saṅkhārakkhandho—
vb1:380.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:380.3	Evaṁ dasavidhena saṅkhārakkhandho.
vb1:381.1	Ubhatovaḍḍhakaṁ.
vb1:382.1	Sattavidhena saṅkhārakkhandho—
vb1:382.2	atthi kusalo, atthi akusalo, atthi abyākato;
vb1:382.3	atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:382.4	Evaṁ sattavidhena saṅkhārakkhandho.
vb1:383.1	Aparopi sattavidhena saṅkhārakkhandho—
vb1:383.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto;
vb1:383.3	atthi kāmāvacaro, atthi rūpāvacaro, atthi arūpāvacaro, atthi apariyāpanno …pe… atthi ajjhattārammaṇo, atthi bahiddhārammaṇo atthi ajjhattabahiddhārammaṇo;
vb1:383.4	atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:383.5	Evaṁ sattavidhena saṅkhārakkhandho.
vb1:384.1	Catuvīsatividhena saṅkhārakkhandho—
vb1:384.2	cakkhusamphassapaccayā saṅkhārakkhandho atthi kusalo, atthi akusalo, atthi abyākato;
vb1:384.3	sotasamphassapaccayā …pe…
vb1:384.4	ghānasamphassapaccayā …pe…
vb1:384.5	jivhāsamphassapaccayā …pe…
vb1:384.6	kāyasamphassapaccayā …pe…
vb1:384.7	manosamphassapaccayā saṅkhārakkhandho atthi kusalo, atthi akusalo, atthi abyākato;
vb1:384.8	cakkhusamphassajā cetanā …pe…
vb1:384.9	manosamphassajā cetanā.
vb1:384.10	Evaṁ catuvīsatividhena saṅkhārakkhandho.
vb1:385.1	Aparopi catuvīsatividhena saṅkhārakkhandho—
vb1:385.2	cakkhusamphassapaccayā saṅkhārakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo;
vb1:385.3	cakkhusamphassajā cetanā …pe…
vb1:385.4	manosamphassajā cetanā;
vb1:385.5	sotasamphassapaccayā …pe…
vb1:385.6	ghānasamphassapaccayā …pe…
vb1:385.7	jivhāsamphassapaccayā …pe…
vb1:385.8	kāyasamphassapaccayā …pe…
vb1:385.9	manosamphassapaccayā saṅkhārakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo;
vb1:385.10	cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā.
vb1:385.11	Evaṁ catuvīsatividhena saṅkhārakkhandho.
vb1:386.1	Tiṁsatividhena saṅkhārakkhandho—
vb1:386.2	cakkhusamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:386.3	sotasamphassapaccayā …pe…
vb1:386.4	ghānasamphassapaccayā …pe…
vb1:386.5	jivhāsamphassapaccayā …pe…
vb1:386.6	kāyasamphassapaccayā …pe…
vb1:386.7	manosamphassapaccayā saṅkhārakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:386.8	cakkhusamphassajā cetanā …pe…
vb1:386.9	manosamphassajā cetanā.
vb1:386.10	Evaṁ tiṁsatividhena saṅkhārakkhandho.
vb1:387.1	Bahuvidhena saṅkhārakkhandho—
vb1:387.2	cakkhusamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:387.3	sotasamphassapaccayā …pe…
vb1:387.4	ghānasamphassapaccayā …pe…
vb1:387.5	jivhāsamphassapaccayā …pe…
vb1:387.6	kāyasamphassapaccayā …pe…
vb1:387.7	manosamphassapaccayā saṅkhārakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:387.8	cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā.
vb1:387.9	Evaṁ bahuvidhena saṅkhārakkhandho.
vb1:388.1	Aparopi bahuvidhena saṅkhārakkhandho—
vb1:388.2	cakkhusamphassapaccayā saṅkhārakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:388.3	sotasamphassapaccayā …pe…
vb1:388.4	ghānasamphassapaccayā …pe…
vb1:388.5	jivhāsamphassapaccayā …pe…
vb1:388.6	kāyasamphassapaccayā …pe…
vb1:388.7	manosamphassapaccayā saṅkhārakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:388.8	cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manosamphassajā cetanā.
vb1:388.9	Evaṁ bahuvidhena saṅkhārakkhandho.
vb1:389.1	Ayaṁ vuccati saṅkhārakkhandho.
vb1:390.0	2.5. Viññāṇakkhandha
vb1:390.1	Tattha katamo viññāṇakkhandho?
vb1:390.2	Ekavidhena viññāṇakkhandho—
vb1:390.3	phassasampayutto.
vb1:391.1	Duvidhena viññāṇakkhandho—
vb1:391.2	atthi sahetuko, atthi ahetuko.
vb1:392.1	Tividhena viññāṇakkhandho—
vb1:392.2	atthi kusalo, atthi akusalo, atthi abyākato.
vb1:393.1	Catubbidhena viññāṇakkhandho—
vb1:393.2	atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:394.1	Pañcavidhena viññāṇakkhandho—
vb1:394.2	atthi sukhindriyasampayutto, atthi dukkhindriyasampayutto, atthi somanassindriyasampayutto, atthi domanassindriyasampayutto, atthi upekkhindriyasampayutto.
vb1:394.3	Evaṁ pañcavidhena viññāṇakkhandho.
vb1:395.1	Chabbidhena viññāṇakkhandho—
vb1:395.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ.
vb1:395.3	Evaṁ chabbidhena viññāṇakkhandho.
vb1:396.1	Sattavidhena viññāṇakkhandho—
vb1:396.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu.
vb1:396.3	Evaṁ sattavidhena viññāṇakkhandho.
vb1:397.1	Aṭṭhavidhena viññāṇakkhandho—
vb1:397.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ atthi sukhasahagataṁ, atthi dukkhasahagataṁ, manodhātu, manoviññāṇadhātu.
vb1:397.3	Evaṁ aṭṭhavidhena viññāṇakkhandho.
vb1:398.1	Navavidhena viññāṇakkhandho—
vb1:398.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu atthi kusalo, atthi akusalo, atthi abyākato.
vb1:398.3	Evaṁ navavidhena viññāṇakkhandho.
vb1:399.1	Dasavidhena viññāṇakkhandho—
vb1:399.2	cakkhuviññāṇaṁ …pe…
vb1:399.3	kāyaviññāṇaṁ atthi sukhasahagataṁ, atthi dukkhasahagataṁ, manodhātu, manoviññāṇadhātu atthi kusalaṁ, atthi akusalaṁ, atthi abyākataṁ.
vb1:399.4	Evaṁ dasavidhena viññāṇakkhandho.
vb1:400.1	Ekavidhena viññāṇakkhandho—
vb1:400.2	phassasampayutto.
vb1:401.1	Duvidhena viññāṇakkhandho—
vb1:401.2	atthi sahetuko, atthi ahetuko.
vb1:402.1	Tividhena viññāṇakkhandho—
vb1:402.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto.
vb1:402.3	Atthi vipāko, atthi vipākadhammadhammo, atthi nevavipākanavipākadhammadhammo.
vb1:402.4	Atthi upādinnupādāniyo, atthi anupādinnupādāniyo, atthi anupādinnaanupādāniyo.
vb1:402.5	Atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko.
vb1:402.6	Atthi savitakkasavicāro, atthi avitakkavicāramatto, atthi avitakkaavicāro.
vb1:402.7	Atthi pītisahagato, atthi sukhasahagato, atthi upekkhāsahagato.
vb1:402.8	Atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo.
vb1:402.9	Atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko.
vb1:402.10	Atthi ācayagāmī, atthi apacayagāmī, atthi nevācayagāmināpacayagāmī.
vb1:402.11	Atthi sekkho, atthi asekkho, atthi nevasekkhanāsekkho.
vb1:402.12	Atthi paritto, atthi mahaggato, atthi appamāṇo.
vb1:402.13	Atthi parittārammaṇo, atthi mahaggatārammaṇo, atthi appamāṇārammaṇo.
vb1:402.14	Atthi hīno, atthi majjhimo, atthi paṇīto.
vb1:402.15	Atthi micchattaniyato, atthi sammattaniyato, atthi aniyato.
vb1:402.16	Atthi maggārammaṇo, atthi maggahetuko, atthi maggādhipati.
vb1:402.17	Atthi uppanno, atthi anuppanno, atthi uppādī.
vb1:402.18	Atthi atīto, atthi anāgato, atthi paccuppanno.
vb1:402.19	Atthi atītārammaṇo, atthi anāgatārammaṇo, atthi paccuppannārammaṇo.
vb1:402.20	Atthi ajjhatto, atthi bahiddho, atthi ajjhattabahiddho.
vb1:402.21	Atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:402.22	Evaṁ dasavidhena viññāṇakkhandho.
vb1:403.1	Ekavidhena viññāṇakkhandho—
vb1:403.2	phassasampayutto.
vb1:404.1	Duvidhena viññāṇakkhandho—
vb1:404.2	atthi hetusampayutto, atthi hetuvippayutto.
vb1:404.3	Atthi na hetu sahetuko, atthi na hetu ahetuko.
vb1:404.4	Atthi lokiyo, atthi lokuttaro.
vb1:404.5	Atthi kenaci viññeyyo, atthi kenaci na viññeyyo.
vb1:404.6	Atthi sāsavo, atthi anāsavo.
vb1:404.7	Atthi āsavasampayutto, atthi āsavavippayutto.
vb1:404.8	Atthi āsavavippayuttasāsavo, atthi āsavavippayuttaanāsavo.
vb1:404.9	Atthi saṁyojaniyo, atthi asaṁyojaniyo.
vb1:404.10	Atthi saṁyojanasampayutto, atthi saṁyojanavippayutto.
vb1:404.11	Atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:405.1	Atthi ganthaniyo, atthi aganthaniyo.
vb1:405.2	Atthi ganthasampayutto, atthi ganthavippayutto.
vb1:405.3	Atthi ganthavippayuttaganthaniyo, atthi ganthavippayuttaaganthaniyo.
vb1:405.4	Atthi oghaniyo, atthi anoghaniyo.
vb1:405.5	Atthi oghasampayutto, atthi oghavippayutto.
vb1:405.6	Atthi oghavippayuttaoghaniyo, atthi oghavippayuttaanoghaniyo.
vb1:405.7	Atthi yoganiyo, atthi ayoganiyo.
vb1:405.8	Atthi yogasampayutto, atthi yogavippayutto.
vb1:405.9	Atthi yogavippayuttayoganiyo, atthi yogavippayuttaayoganiyo.
vb1:405.10	Atthi nīvaraṇiyo, atthi anīvaraṇiyo.
vb1:405.11	Atthi nīvaraṇasampayutto, atthi nīvaraṇavippayutto.
vb1:405.12	Atthi nīvaraṇavippayuttanīvaraṇiyo, atthi nīvaraṇavippayuttaanīvaraṇiyo.
vb1:406.1	Atthi parāmaṭṭho, atthi aparāmaṭṭho.
vb1:406.2	Atthi parāmāsasampayutto, atthi parāmāsavippayutto.
vb1:406.3	Atthi parāmāsavippayuttaparāmaṭṭho, atthi parāmāsavippayuttaaparāmaṭṭho.
vb1:406.4	Atthi upādinno, atthi anupādinno.
vb1:406.5	Atthi upādāniyo, atthi anupādāniyo.
vb1:406.6	Atthi upādānasampayutto, atthi upādānavippayutto.
vb1:406.7	Atthi upādānavippayuttaupādāniyo, atthi upādānavippayuttaanupādāniyo.
vb1:406.8	Atthi saṅkilesiko, atthi asaṅkilesiko.
vb1:406.9	Atthi saṅkiliṭṭho, atthi asaṅkiliṭṭho.
vb1:406.10	Atthi kilesasampayutto, atthi kilesavippayutto.
vb1:406.11	Atthi kilesavippayuttasaṅkilesiko, atthi kilesavippayuttaasaṅkilesiko.
vb1:406.12	Atthi dassanena pahātabbo, atthi na dassanena pahātabbo.
vb1:406.13	Atthi bhāvanāya pahātabbo, atthi na bhāvanāya pahātabbo.
vb1:406.14	Atthi dassanena pahātabbahetuko, atthi na dassanena pahātabbahetuko.
vb1:406.15	Atthi bhāvanāya pahātabbahetuko, atthi na bhāvanāya pahātabbahetuko.
vb1:407.1	Atthi savitakko, atthi avitakko.
vb1:407.2	Atthi savicāro, atthi avicāro.
vb1:407.3	Atthi sappītiko, atthi appītiko.
vb1:407.4	Atthi pītisahagato, atthi na pītisahagato.
vb1:407.5	Atthi sukhasahagato, atthi na sukhasahagato.
vb1:407.6	Atthi upekkhāsahagato, atthi na upekkhāsahagato.
vb1:407.7	Atthi kāmāvacaro, atthi na kāmāvacaro.
vb1:407.8	Atthi rūpāvacaro, atthi na rūpāvacaro.
vb1:407.9	Atthi arūpāvacaro, atthi na arūpāvacaro, atthi pariyāpanno, atthi apariyāpanno.
vb1:407.10	Atthi niyyāniko, atthi aniyyāniko.
vb1:407.11	Atthi niyato, atthi aniyato.
vb1:407.12	Atthi sauttaro, atthi anuttaro.
vb1:407.13	Atthi saraṇo, atthi araṇo.
vb1:408.1	Tividhena viññāṇakkhandho—
vb1:408.2	atthi kusalo, atthi akusalo, atthi abyākato …pe….
vb1:408.3	Evaṁ dasavidhena viññāṇakkhandho.
vb1:409.1	Ekavidhena viññāṇakkhandho—
vb1:409.2	phassasampayutto.
vb1:410.1	Duvidhena viññāṇakkhandho—
vb1:410.2	atthi saraṇo, atthi araṇo.
vb1:411.1	Tividhena viññāṇakkhandho—
vb1:411.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto.
vb1:411.3	Atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:411.4	Evaṁ dasavidhena viññāṇakkhandho.
vb1:412.1	Dukamūlakaṁ.
vb1:413.1	Ekavidhena viññāṇakkhandho—
vb1:413.2	phassasampayutto.
vb1:414.1	Duvidhena viññāṇakkhandho—
vb1:414.2	atthi sahetuko, atthi ahetuko.
vb1:415.1	Tividhena viññāṇakkhandho—
vb1:415.2	atthi kusalo, atthi akusalo, atthi abyākato …pe….
vb1:415.3	Evaṁ dasavidhena viññāṇakkhandho.
vb1:416.1	Ekavidhena viññāṇakkhandho—
vb1:416.2	phassasampayutto.
vb1:417.1	Duvidhena viññāṇakkhandho—
vb1:417.2	atthi hetusampayutto, atthi hetuvippayutto …pe… atthi saraṇo, atthi araṇo.
vb1:418.1	Tividhena viññāṇakkhandho—
vb1:418.2	atthi kusalo, atthi akusalo, atthi abyākato …pe….
vb1:418.3	Evaṁ dasavidhena viññāṇakkhandho.
vb1:419.1	Ekavidhena viññāṇakkhandho—
vb1:419.2	phassasampayutto.
vb1:420.1	Duvidhena viññāṇakkhandho—
vb1:420.2	atthi sahetuko, atthi ahetuko.
vb1:421.1	Tividhena viññāṇakkhandho—
vb1:421.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto.
vb1:421.3	Atthi vipāko …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:421.4	Evaṁ dasavidhena viññāṇakkhandho.
vb1:422.1	Ekavidhena viññāṇakkhandho—
vb1:422.2	phassasampayutto.
vb1:423.1	Duvidhena viññāṇakkhandho—
vb1:423.2	atthi hetusampayutto, atthi hetuvippayutto …pe… atthi saraṇo, atthi araṇo.
vb1:424.1	Tividhena viññāṇakkhandho—
vb1:424.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:424.3	Evaṁ dasavidhena viññāṇakkhandho.
vb1:425.1	Tikamūlakaṁ.
vb1:426.1	Ekavidhena viññāṇakkhandho—
vb1:426.2	phassasampayutto.
vb1:427.1	Duvidhena viññāṇakkhandho—
vb1:427.2	atthi sahetuko, atthi ahetuko.
vb1:428.1	Tividhena viññāṇakkhandho—
vb1:428.2	atthi kusalo, atthi akusalo, atthi abyākato …pe….
vb1:428.3	Evaṁ dasavidhena viññāṇakkhandho.
vb1:429.1	Ekavidhena viññāṇakkhandho—
vb1:429.2	phassasampayutto.
vb1:430.1	Duvidhena viññāṇakkhandho—
vb1:430.2	atthi hetusampayutto, atthi hetuvippayutto.
vb1:431.1	Tividhena viññāṇakkhandho—
vb1:431.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto …pe….
vb1:431.3	Evaṁ dasavidhena viññāṇakkhandho.
vb1:432.1	Ekavidhena viññāṇakkhandho—
vb1:432.2	phassasampayutto.
vb1:433.1	Duvidhena viññāṇakkhandho—
vb1:433.2	atthi na hetu sahetuko, atthi na hetu ahetuko.
vb1:434.1	Tividhena viññāṇakkhandho—
vb1:434.2	atthi vipāko, atthi vipākadhammadhammo, atthi nevavipākanavipākadhammadhammo …pe….
vb1:434.3	Evaṁ dasavidhena viññāṇakkhandho.
vb1:435.1	Ekavidhena viññāṇakkhandho—
vb1:435.2	phassasampayutto.
vb1:436.1	Duvidhena viññāṇakkhandho—
vb1:436.2	atthi lokiyo, atthi lokuttaro.
vb1:437.1	Tividhena viññāṇakkhandho—
vb1:437.2	atthi upādinnupādāniyo, atthi anupādinnupādāniyo, atthi anupādinnaanupādāniyo …pe….
vb1:437.3	Evaṁ dasavidhena viññāṇakkhandho.
vb1:438.1	Ekavidhena viññāṇakkhandho—
vb1:438.2	phassasampayutto.
vb1:439.1	Duvidhena viññāṇakkhandho—
vb1:439.2	atthi kenaci viññeyyo, atthi kenaci na viññeyyo.
vb1:440.1	Tividhena viññāṇakkhandho—
vb1:440.2	atthi saṅkiliṭṭhasaṅkilesiko, atthi asaṅkiliṭṭhasaṅkilesiko, atthi asaṅkiliṭṭhaasaṅkilesiko …pe….
vb1:440.3	Evaṁ dasavidhena viññāṇakkhandho.
vb1:441.1	Ekavidhena viññāṇakkhandho—
vb1:441.2	phassasampayutto.
vb1:442.1	Duvidhena viññāṇakkhandho—
vb1:442.2	atthi sāsavo, atthi anāsavo.
vb1:443.1	Tividhena viññāṇakkhandho—
vb1:443.2	atthi savitakkasavicāro, atthi avitakkavicāramatto, atthi avitakkaavicāro …pe….
vb1:443.3	Evaṁ dasavidhena viññāṇakkhandho.
vb1:444.1	Ekavidhena viññāṇakkhandho—
vb1:444.2	phassasampayutto.
vb1:445.1	Duvidhena viññāṇakkhandho—
vb1:445.2	atthi āsavasampayutto, atthi āsavavippayutto.
vb1:446.1	Tividhena viññāṇakkhandho—
vb1:446.2	atthi pītisahagato, atthi sukhasahagato, atthi upekkhāsahagato …pe….
vb1:446.3	Evaṁ dasavidhena viññāṇakkhandho.
vb1:447.1	Ekavidhena viññāṇakkhandho—
vb1:447.2	phassasampayutto.
vb1:448.1	Duvidhena viññāṇakkhandho—
vb1:448.2	atthi āsavavippayuttasāsavo, atthi āsavavippayuttaanāsavo.
vb1:449.1	Tividhena viññāṇakkhandho—
vb1:449.2	atthi dassanena pahātabbo, atthi bhāvanāya pahātabbo, atthi neva dassanena na bhāvanāya pahātabbo …pe….
vb1:449.3	Evaṁ dasavidhena viññāṇakkhandho.
vb1:450.1	Ekavidhena viññāṇakkhandho—
vb1:450.2	phassasampayutto.
vb1:451.1	Duvidhena viññāṇakkhandho—
vb1:451.2	atthi saṁyojaniyo, atthi asaṁyojaniyo.
vb1:452.1	Tividhena viññāṇakkhandho—
vb1:452.2	atthi dassanena pahātabbahetuko, atthi bhāvanāya pahātabbahetuko, atthi neva dassanena na bhāvanāya pahātabbahetuko …pe….
vb1:452.3	Evaṁ dasavidhena viññāṇakkhandho.
vb1:453.1	Ekavidhena viññāṇakkhandho—
vb1:453.2	phassasampayutto.
vb1:454.1	Duvidhena viññāṇakkhandho—
vb1:454.2	atthi saṁyojanasampayutto, atthi saṁyojanavippayutto.
vb1:455.1	Tividhena viññāṇakkhandho—
vb1:455.2	atthi ācayagāmī, atthi apacayagāmī, atthi nevācayagāmināpacayagāmī …pe….
vb1:455.3	Evaṁ dasavidhena viññāṇakkhandho.
vb1:456.1	Ekavidhena viññāṇakkhandho—
vb1:456.2	phassasampayutto.
vb1:457.1	Duvidhena viññāṇakkhandho—
vb1:457.2	atthi saṁyojanavippayuttasaṁyojaniyo, atthi saṁyojanavippayuttaasaṁyojaniyo.
vb1:458.1	Tividhena viññāṇakkhandho—
vb1:458.2	atthi sekkho, atthi asekkho, atthi nevasekkhanāsekkho …pe….
vb1:458.3	Evaṁ dasavidhena viññāṇakkhandho.
vb1:459.1	Ekavidhena viññāṇakkhandho—
vb1:459.2	phassasampayutto.
vb1:460.1	Duvidhena viññāṇakkhandho—
vb1:460.2	atthi ganthaniyo, atthi aganthaniyo.
vb1:461.1	Tividhena viññāṇakkhandho—
vb1:461.2	atthi paritto, atthi mahaggato, atthi appamāṇo …pe….
vb1:461.3	Evaṁ dasavidhena viññāṇakkhandho.
vb1:462.1	Ekavidhena viññāṇakkhandho—
vb1:462.2	phassasampayutto.
vb1:463.1	Duvidhena viññāṇakkhandho—
vb1:463.2	atthi ganthasampayutto, atthi ganthavippayutto.
vb1:464.1	Tividhena viññāṇakkhandho—
vb1:464.2	atthi parittārammaṇo, atthi mahaggatārammaṇo, atthi appamāṇārammaṇo …pe….
vb1:464.3	Evaṁ dasavidhena viññāṇakkhandho.
vb1:465.1	Ekavidhena viññāṇakkhandho—
vb1:465.2	phassasampayutto.
vb1:466.1	Duvidhena viññāṇakkhandho—
vb1:466.2	atthi ganthavippayuttaganthaniyo, atthi ganthavippayuttaaganthaniyo.
vb1:467.1	Tividhena viññāṇakkhandho—
vb1:467.2	atthi hīno, atthi majjhimo, atthi paṇīto …pe….
vb1:467.3	Evaṁ dasavidhena viññāṇakkhandho.
vb1:468.1	Ekavidhena viññāṇakkhandho—
vb1:468.2	phassasampayutto.
vb1:469.1	Duvidhena viññāṇakkhandho—
vb1:469.2	atthi oghaniyo, atthi anoghaniyo.
vb1:470.1	Tividhena viññāṇakkhandho—
vb1:470.2	atthi micchattaniyato, atthi sammattaniyato, atthi aniyato …pe….
vb1:470.3	Evaṁ dasavidhena viññāṇakkhandho.
vb1:471.1	Ekavidhena viññāṇakkhandho—
vb1:471.2	phassasampayutto.
vb1:472.1	Duvidhena viññāṇakkhandho—
vb1:472.2	atthi oghasampayutto, atthi oghavippayutto.
vb1:473.1	Tividhena viññāṇakkhandho—
vb1:473.2	atthi maggārammaṇo, atthi maggahetuko, atthi maggādhipati …pe….
vb1:473.3	Evaṁ dasavidhena viññāṇakkhandho.
vb1:474.1	Ekavidhena viññāṇakkhandho—
vb1:474.2	phassasampayutto.
vb1:475.1	Duvidhena viññāṇakkhandho—
vb1:475.2	atthi oghavippayuttaoghaniyo, atthi oghavippayuttaanoghaniyo.
vb1:476.1	Tividhena viññāṇakkhandho—
vb1:476.2	atthi uppanno, atthi anuppanno, atthi uppādī …pe….
vb1:476.3	Evaṁ dasavidhena viññāṇakkhandho.
vb1:477.1	Ekavidhena viññāṇakkhandho—
vb1:477.2	phassasampayutto.
vb1:478.1	Duvidhena viññāṇakkhandho—
vb1:478.2	atthi yoganiyo, atthi ayoganiyo.
vb1:479.1	Tividhena viññāṇakkhandho—
vb1:479.2	atthi atīto, atthi anāgato, atthi paccuppanno …pe….
vb1:479.3	Evaṁ dasavidhena viññāṇakkhandho.
vb1:480.1	Ekavidhena viññāṇakkhandho—
vb1:480.2	phassasampayutto.
vb1:481.1	Duvidhena viññāṇakkhandho—
vb1:481.2	atthi yogasampayutto, atthi yogavippayutto.
vb1:482.1	Tividhena viññāṇakkhandho—
vb1:482.2	atthi atītārammaṇo, atthi anāgatārammaṇo, atthi paccuppannārammaṇo …pe….
vb1:482.3	Evaṁ dasavidhena viññāṇakkhandho.
vb1:483.1	Ekavidhena viññāṇakkhandho—
vb1:483.2	phassasampayutto.
vb1:484.1	Duvidhena viññāṇakkhandho—
vb1:484.2	atthi yogavippayuttayoganiyo, atthi yogavippayuttaayoganiyo.
vb1:485.1	Tividhena viññāṇakkhandho—
vb1:485.2	atthi ajjhatto, atthi bahiddho, atthi ajjhattabahiddho …pe….
vb1:485.3	Evaṁ dasavidhena viññāṇakkhandho.
vb1:486.1	Ekavidhena viññāṇakkhandho—
vb1:486.2	phassasampayutto.
vb1:487.1	Duvidhena viññāṇakkhandho—
vb1:487.2	atthi nīvaraṇiyo, atthi anīvaraṇiyo.
vb1:488.1	Tividhena viññāṇakkhandho—
vb1:488.2	atthi ajjhattārammaṇo, atthi bahiddhārammaṇo, atthi ajjhattabahiddhārammaṇo …pe….
vb1:488.3	Evaṁ dasavidhena viññāṇakkhandho.
vb1:489.1	Ubhatovaḍḍhakaṁ.
vb1:490.1	Sattavidhena viññāṇakkhandho—
vb1:490.2	atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:490.3	Evaṁ sattavidhena viññāṇakkhandho.
vb1:491.1	Aparopi sattavidhena viññāṇakkhandho—
vb1:491.2	atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto, atthi kāmāvacaro, atthi rūpāvacaro, atthi arūpāvacaro, atthi apariyāpanno …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno.
vb1:491.3	Evaṁ sattavidhena viññāṇakkhandho.
vb1:492.1	Catuvīsatividhena viññāṇakkhandho—
vb1:492.2	cakkhusamphassapaccayā viññāṇakkhandho atthi kusalo, atthi akusalo, atthi abyākato;
vb1:492.3	sotasamphassapaccayā …pe…
vb1:492.4	ghānasamphassapaccayā …pe…
vb1:492.5	jivhāsamphassapaccayā …pe…
vb1:492.6	kāyasamphassapaccayā …pe…
vb1:492.7	manosamphassapaccayā viññāṇakkhandho atthi kusalo, atthi akusalo, atthi abyākato;
vb1:492.8	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ.
vb1:492.9	Evaṁ catuvīsatividhena viññāṇakkhandho.
vb1:493.1	Aparopi catuvīsatividhena viññāṇakkhandho—
vb1:493.2	cakkhusamphassapaccayā viññāṇakkhandho atthi sukhāya vedanāya sampayutto, atthi dukkhāya vedanāya sampayutto, atthi adukkhamasukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo;
vb1:493.3	cakkhuviññāṇaṁ …pe…
vb1:493.4	kāyaviññāṇaṁ, manoviññāṇaṁ;
vb1:493.5	sotasamphassapaccayā …pe…
vb1:493.6	ghānasamphassapaccayā …pe…
vb1:493.7	jivhāsamphassapaccayā …pe…
vb1:493.8	kāyasamphassapaccayā …pe…
vb1:493.9	manosamphassapaccayā viññāṇakkhandho atthi ajjhattārammaṇo, atthi bahiddhārammaṇo, atthi ajjhattabahiddhārammaṇo;
vb1:493.10	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ.
vb1:493.11	Evaṁ catuvīsatividhena viññāṇakkhandho.
vb1:494.1	Tiṁsatividhena viññāṇakkhandho—
vb1:494.2	cakkhusamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:494.3	sotasamphassapaccayā …pe…
vb1:494.4	ghānasamphassapaccayā …pe…
vb1:494.5	jivhāsamphassapaccayā …pe…
vb1:494.6	kāyasamphassapaccayā …pe…
vb1:494.7	manosamphassapaccayā viññāṇakkhandho atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:494.8	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ.
vb1:494.9	Evaṁ tiṁsatividhena viññāṇakkhandho.
vb1:495.1	Bahuvidhena viññāṇakkhandho—
vb1:495.2	cakkhusamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṁ …pe…
vb1:495.3	manoviññāṇaṁ;
vb1:495.4	sotasamphassapaccayā …pe…
vb1:495.5	ghānasamphassapaccayā …pe…
vb1:495.6	jivhāsamphassapaccayā …pe…
vb1:495.7	kāyasamphassapaccayā …pe…
vb1:495.8	manosamphassapaccayā viññāṇakkhandho atthi kusalo, atthi akusalo, atthi abyākato, atthi kāmāvacaro, atthi rūpāvacaro, atthi arūpāvacaro, atthi apariyāpanno, cakkhuviññāṇaṁ …pe…
vb1:495.9	manoviññāṇaṁ.
vb1:495.10	Evaṁ bahuvidhena viññāṇakkhandho.
vb1:496.1	Aparopi bahuvidhena viññāṇakkhandho—
vb1:496.2	cakkhusamphassapaccayā viññāṇakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:496.3	sotasamphassapaccayā …pe…
vb1:496.4	ghānasamphassapaccayā …pe…
vb1:496.5	jivhāsamphassapaccayā …pe…
vb1:496.6	kāyasamphassapaccayā …pe…
vb1:496.7	manosamphassapaccayā viññāṇakkhandho atthi sukhāya vedanāya sampayutto …pe… atthi ajjhattārammaṇo, atthi bahiddhārammaṇo, atthi ajjhattabahiddhārammaṇo, atthi kāmāvacaro, atthi rūpāvacaro, atthi arūpāvacaro, atthi apariyāpanno;
vb1:496.8	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ.
vb1:496.9	Evaṁ bahuvidhena viññāṇakkhandho.
vb1:497.1	Ayaṁ vuccati viññāṇakkhandho.
vb1:497.2	Abhidhammabhājanīyaṁ.
vb1:498.0	3. Pañhāpucchaka
vb1:498.1	Pañcakkhandhā—
vb1:498.2	rūpakkhandho, vedanākkhandho, saññākkhandho, saṅkhārakkhandho, viññāṇakkhandho.
vb1:499.1	Pañcannaṁ khandhānaṁ kati kusalā, kati akusalā, kati abyākatā …pe… kati saraṇā, kati araṇā?
vb1:500.0.1	3.1. Tika
vb1:500.0.2	3.1.1. Kusalattika
vb1:500.1	Rūpakkhandho abyākato.
vb1:500.2	Cattāro khandhā siyā kusalā, siyā akusalā, siyā abyākatā.
vb1:501.0	3.1.2. Vedanāttika
vb1:501.1	Dve khandhā na vattabbā—
vb1:501.2	“sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb1:501.3	Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.
vb1:502.0	3.1.3. Vipākattika
vb1:502.1	Rūpakkhandho nevavipākanavipākadhammadhammo.
vb1:502.2	Cattāro khandhā siyā vipākā, siyā vipākadhammadhammā, siyā nevavipākanavipākadhammadhammā.
vb1:503.0	3.1.4. Upādinnattika
vb1:503.1	Rūpakkhandho siyā upādinnupādāniyo, siyā anupādinnupādāniyo.
vb1:503.2	Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā.
vb1:504.0	3.1.5. Saṅkiliṭṭhattika
vb1:504.1	Rūpakkhandho asaṅkiliṭṭhasaṅkilesiko.
vb1:504.2	Cattāro khandhā siyā saṅkiliṭṭhasaṅkilesikā, siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā.
vb1:505.0	3.1.6. Vitakkattika
vb1:505.1	Rūpakkhandho avitakkaavicāro.
vb1:505.2	Tayo khandhā siyā savitakkasavicārā, siyā avitakkavicāramattā, siyā avitakkaavicārā.
vb1:505.3	Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro, siyā na vattabbo—“savitakkasavicāro”tipi, “avitakkavicāramatto”tipi, “avitakkaavicāro”tipi.
vb1:506.0	3.1.7. Pītittika
vb1:506.1	Rūpakkhandho na vattabbo—
vb1:506.2	“pītisahagato”tipi, “sukhasahagato”tipi, “upekkhāsahagato”tipi.
vb1:506.3	Vedanākkhandho siyā pītisahagato na sukhasahagato na upekkhāsahagato, siyā na vattabbo—“pītisahagato”ti.
vb1:506.4	Tayo khandhā siyā pītisahagatā, siyā sukhasahagatā, siyā upekkhāsahagatā, siyā na vattabbā—“pītisahagatā”tipi, “sukhasahagatā”tipi, “upekkhāsahagatā”tipi.
vb1:507.0	3.1.8. Dassanenapahātabbattika
vb1:507.1	Rūpakkhandho neva dassanena na bhāvanāya pahātabbo.
vb1:507.2	Cattāro khandhā siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā.
vb1:508.0	3.1.9. Dassanenapahātabbahetukattika
vb1:508.1	Rūpakkhandho neva dassanena na bhāvanāya pahātabbahetuko.
vb1:508.2	Cattāro khandhā siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā.
vb1:509.0	3.1.10. Ācayagāmittika
vb1:509.1	Rūpakkhandho nevācayagāmināpacayagāmī.
vb1:509.2	Cattāro khandhā siyā ācayagāmino, siyā apacayagāmino, siyā nevācayagāmināpacayagāmino.
vb1:510.0	3.1.11. Sekkhattika
vb1:510.1	Rūpakkhandho nevasekkhanāsekkho.
vb1:510.2	Cattāro khandhā siyā sekkhā, siyā asekkhā, siyā nevasekkhanāsekkhā.
vb1:511.0	3.1.12. Parittattika
vb1:511.1	Rūpakkhandho paritto.
vb1:511.2	Cattāro khandhā siyā parittā, siyā mahaggatā, siyā appamāṇā.
vb1:512.0	3.1.13. Parittārammaṇattika
vb1:512.1	Rūpakkhandho anārammaṇo.
vb1:512.2	Cattāro khandhā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā—“parittārammaṇā”tipi, “mahaggatārammaṇā”tipi, “appamāṇārammaṇā”tipi.
vb1:513.0	3.1.14. Hīnattika
vb1:513.1	Rūpakkhandho majjhimo.
vb1:513.2	Cattāro khandhā siyā hīnā, siyā majjhimā, siyā paṇītā.
vb1:514.0	3.1.15. Micchattaniyatattika
vb1:514.1	Rūpakkhandho aniyato.
vb1:514.2	Cattāro khandhā siyā micchattaniyatā, siyā sammattaniyatā, siyā aniyatā.
vb1:515.0	3.1.16. Maggārammaṇattika
vb1:515.1	Rūpakkhandho anārammaṇo.
vb1:515.2	Cattāro khandhā siyā maggārammaṇā, siyā maggahetukā, siyā maggādhipatino, siyā na vattabbā—“maggārammaṇā”tipi, “maggahetukā”tipi, “maggādhipatino”tipi.
vb1:516.0	3.1.17. Uppannattika
vb1:516.1	Siyā uppannā, siyā anuppannā, siyā uppādino.
vb1:517.0	3.1.18. Atītattika
vb1:517.1	Siyā atītā, siyā anāgatā, siyā paccuppannā.
vb1:518.0	3.1.19. Atītārammaṇattika
vb1:518.1	Rūpakkhandho anārammaṇo.
vb1:518.2	Cattāro khandhā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā—“atītārammaṇā”tipi, “anāgatārammaṇā”tipi, “paccuppannārammaṇā”tipi.
vb1:519.0	3.1.20. Ajjhattattika
vb1:519.1	Siyā ajjhattā, siyā bahiddhā, siyā ajjhattabahiddhā.
vb1:520.0	3.1.21. Ajjhattārammaṇattika
vb1:520.1	Rūpakkhandho anārammaṇo.
vb1:520.2	Cattāro khandhā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā—“ajjhattārammaṇā”tipi, “bahiddhārammaṇā”tipi, “ajjhattabahiddhārammaṇā”tipi.
vb1:521.0	3.1.22. Sanidassanattika
vb1:521.1	Cattāro khandhā anidassanaappaṭighā.
vb1:521.2	Rūpakkhandho siyā sanidassanasappaṭigho, siyā anidassanasappaṭigho, siyā anidassanaappaṭigho.
vb1:522.0.1	3.2. Duka
vb1:522.0.2	3.2.1. Hetugocchaka
vb1:522.1	Cattāro khandhā na hetū.
vb1:522.2	Saṅkhārakkhandho siyā hetu, siyā na hetu.
vb1:522.3	Rūpakkhandho ahetuko.
vb1:522.4	Cattāro khandhā siyā sahetukā, siyā ahetukā.
vb1:522.5	Rūpakkhandho hetuvippayutto.
vb1:522.6	Cattāro khandhā siyā hetusampayuttā, siyā hetuvippayuttā.
vb1:522.7	Rūpakkhandho na vattabbo—
vb1:522.8	“hetu ceva sahetuko cā”tipi, “sahetuko ceva na ca hetū”tipi.
vb1:522.9	Tayo khandhā na vattabbā—
vb1:522.10	“hetū ceva sahetukā cā”ti, siyā sahetukā ceva na ca hetū, siyā na vattabbā—“sahetukā ceva na ca hetū”ti.
vb1:522.11	Saṅkhārakkhandho siyā hetu ceva sahetuko ca, siyā sahetuko ceva na ca hetu, siyā na vattabbo—“hetu ceva sahetuko cā”tipi, “sahetuko ceva na ca hetū”tipi.
vb1:522.12	Rūpakkhandho na vattabbo—
vb1:522.13	“hetu ceva hetusampayutto cā”tipi, “hetusampayutto ceva na ca hetū”tipi.
vb1:522.14	Tayo khandhā na vattabbā—
vb1:522.15	“hetū ceva hetusampayuttā cā”ti, siyā hetusampayuttā ceva na ca hetū, siyā na vattabbā—“hetusampayuttā ceva na ca hetū”ti.
vb1:522.16	Saṅkhārakkhandho siyā hetu ceva hetusampayutto ca, siyā hetusampayutto ceva na ca hetu, siyā na vattabbo—“hetu ceva hetusampayutto cā”tipi, “hetusampayutto ceva na ca hetū”tipi.
vb1:522.17	Rūpakkhandho na hetu ahetuko.
vb1:522.18	Tayo khandhā siyā na hetū sahetukā, siyā na hetū ahetukā.
vb1:522.19	Saṅkhārakkhandho siyā na hetu sahetuko, siyā na hetu ahetuko, siyā na vattabbo—“na hetu sahetuko”tipi, “na hetu ahetuko”tipi.
vb1:523.0	3.2.2. Cūḷantaraduka
vb1:523.1	Sappaccayā, saṅkhatā.
vb1:524.1	Cattāro khandhā anidassanā.
vb1:524.2	Rūpakkhandho siyā sanidassano, siyā anidassano.
vb1:524.3	Cattāro khandhā appaṭighā.
vb1:524.4	Rūpakkhandho siyā sappaṭigho, siyā appaṭigho.
vb1:524.5	Rūpakkhandho rūpaṁ.
vb1:524.6	Cattāro khandhā arūpā.
vb1:524.7	Rūpakkhandho lokiyo.
vb1:524.8	Cattāro khandhā siyā lokiyā, siyā lokuttarā;
vb1:524.9	kenaci viññeyyā, kenaci na viññeyyā.
vb1:525.0	3.2.3. Āsavagocchaka
vb1:525.1	Cattāro khandhā no āsavā.
vb1:525.2	Saṅkhārakkhandho siyā āsavo, siyā no āsavo.
vb1:525.3	Rūpakkhandho sāsavo.
vb1:525.4	Cattāro khandhā siyā sāsavā, siyā anāsavā.
vb1:525.5	Rūpakkhandho āsavavippayutto.
vb1:525.6	Cattāro khandhā siyā āsavasampayuttā, siyā āsavavippayuttā.
vb1:525.7	Rūpakkhandho na vattabbo—
vb1:525.8	“āsavo ceva sāsavo cā”ti, sāsavo ceva no ca āsavo.
vb1:525.9	Tayo khandhā na vattabbā—
vb1:525.10	“āsavā ceva sāsavā cā”ti, siyā sāsavā ceva no ca āsavā, siyā na vattabbā—“sāsavā ceva no ca āsavā”ti.
vb1:525.11	Saṅkhārakkhandho siyā āsavo ceva sāsavo ca, siyā sāsavo ceva no ca āsavo, siyā na vattabbo—“āsavo ceva sāsavo cā”tipi, “sāsavo ceva no ca āsavo”tipi.
vb1:525.12	Rūpakkhandho na vattabbo—
vb1:525.13	“āsavo ceva āsavasampayutto cā”tipi, “āsavasampayutto ceva no ca āsavo”tipi.
vb1:525.14	Tayo khandhā na vattabbā—
vb1:525.15	“āsavā ceva āsavasampayuttā cā”ti, siyā āsavasampayuttā ceva no ca āsavā, siyā na vattabbā—“āsavasampayuttā ceva no ca āsavā”ti.
vb1:525.16	Saṅkhārakkhandho siyā āsavo ceva āsavasampayutto ca, siyā āsavasampayutto ceva no ca āsavo, siyā na vattabbo—“āsavo ceva āsavasampayutto cā”tipi, “āsavasampayutto ceva no ca āsavo”tipi.
vb1:525.17	Rūpakkhandho āsavavippayuttasāsavo.
vb1:525.18	Cattāro khandhā siyā āsavavippayuttasāsavā, siyā āsavavippayuttaanāsavā, siyā na vattabbā—“āsavavippayuttasāsavā”tipi, “āsavavippayuttaanāsavā”tipi.
vb1:526.0	3.2.4. Saṁyojanagocchaka
vb1:526.1	Cattāro khandhā no saṁyojanā.
vb1:526.2	Saṅkhārakkhandho siyā saṁyojanaṁ, siyā no saṁyojanaṁ.
vb1:526.3	Rūpakkhandho saṁyojaniyo.
vb1:526.4	Cattāro khandhā siyā saṁyojaniyā, siyā asaṁyojaniyā.
vb1:526.5	Rūpakkhandho saṁyojanavippayutto.
vb1:526.6	Cattāro khandhā siyā saṁyojanasampayuttā, siyā saṁyojanavippayuttā.
vb1:526.7	Rūpakkhandho na vattabbo—
vb1:526.8	“saṁyojanañceva saṁyojaniyo cā”ti, saṁyojaniyo ceva no ca saṁyojanaṁ.
vb1:526.9	Tayo khandhā na vattabbā—
vb1:526.10	“saṁyojanā ceva saṁyojaniyā cā”ti, siyā saṁyojaniyā ceva no ca saṁyojanā, siyā na vattabbā—“saṁyojaniyā ceva no ca saṁyojanā”ti.
vb1:526.11	Saṅkhārakkhandho siyā saṁyojanañceva saṁyojaniyo ca, siyā saṁyojaniyo ceva no ca saṁyojanaṁ, siyā na vattabbo—“saṁyojanañceva saṁyojaniyo cā”tipi, “saṁyojaniyo ceva no ca saṁyojanan”tipi.
vb1:526.12	Rūpakkhandho na vattabbo—
vb1:526.13	“saṁyojanañceva saṁyojanasampayutto cā”tipi, “saṁyojanasampayutto ceva no ca saṁyojanan”tipi.
vb1:526.14	Tayo khandhā na vattabbā—
vb1:526.15	“saṁyojanā ceva saṁyojanasampayuttā cā”ti, siyā saṁyojanasampayuttā ceva no ca saṁyojanā, siyā na vattabbā—“saṁyojanasampayuttā ceva no ca saṁyojanā”ti.
vb1:526.16	Saṅkhārakkhandho siyā saṁyojanañceva saṁyojanasampayutto ca, siyā saṁyojanasampayutto ceva no ca saṁyojanaṁ, siyā na vattabbo—“saṁyojanañceva saṁyojanasampayutto cā”tipi, “saṁyojanasampayutto ceva no ca saṁyojanan”tipi.
vb1:526.17	Rūpakkhandho saṁyojanavippayuttasaṁyojaniyo.
vb1:526.18	Cattāro khandhā siyā saṁyojanavippayuttasaṁyojaniyā, siyā saṁyojanavippayuttaasaṁyojaniyā, siyā na vattabbā—“saṁyojanavippayuttasaṁyojaniyā”tipi, “saṁyojanavippayuttaasaṁyojaniyā”tipi.
vb1:527.0	3.2.5. Ganthagocchaka
vb1:527.1	Cattāro khandhā no ganthā.
vb1:527.2	Saṅkhārakkhandho siyā gantho, siyā no gantho.
vb1:527.3	Rūpakkhandho ganthaniyo.
vb1:527.4	Cattāro khandhā siyā ganthaniyā, siyā aganthaniyā.
vb1:527.5	Rūpakkhandho ganthavippayutto.
vb1:527.6	Cattāro khandhā siyā ganthasampayuttā, siyā ganthavippayuttā.
vb1:527.7	Rūpakkhandho na vattabbo—
vb1:527.8	“gantho ceva ganthaniyo cā”ti, ganthaniyo ceva no ca gantho.
vb1:527.9	Tayo khandhā na vattabbā—
vb1:527.10	“ganthā ceva ganthaniyā cā”ti, siyā ganthaniyā ceva no ca ganthā, siyā na vattabbā—“ganthaniyā ceva no ca ganthā”ti.
vb1:527.11	Saṅkhārakkhandho siyā gantho ceva ganthaniyo ca, siyā ganthaniyo ceva no ca gantho, siyā na vattabbo—“gantho ceva ganthaniyo cā”tipi, “ganthaniyo ceva no ca gantho”tipi.
vb1:527.12	Rūpakkhandho na vattabbo—
vb1:527.13	“gantho ceva ganthasampayutto cā”tipi, “ganthasampayutto ceva no ca gantho”tipi.
vb1:527.14	Tayo khandhā na vattabbā—
vb1:527.15	“ganthā ceva ganthasampayuttā cā”ti, siyā ganthasampayuttā ceva no ca ganthā, siyā na vattabbā—“ganthasampayuttā ceva no ca ganthā”ti.
vb1:527.16	Saṅkhārakkhandho siyā gantho ceva ganthasampayutto ca, siyā ganthasampayutto ceva no ca gantho, siyā na vattabbo—“gantho ceva ganthasampayutto cā”tipi, “ganthasampayutto ceva no ca gantho”tipi.
vb1:527.17	Rūpakkhandho ganthavippayuttaganthaniyo.
vb1:527.18	Cattāro khandhā siyā ganthavippayuttaganthaniyā, siyā ganthavippayuttaaganthaniyā, siyā na vattabbā—“ganthavippayuttaganthaniyā”tipi, “ganthavippayuttaaganthaniyā”tipi.
vb1:528.0	3.2.6. Oghayoganīvaraṇagocchaka
vb1:528.1	Cattāro khandhā no oghā …pe…
vb1:528.2	no yogā …pe…
vb1:528.3	no nīvaraṇā.
vb1:528.4	Saṅkhārakkhandho siyā nīvaraṇaṁ, siyā no nīvaraṇaṁ.
vb1:528.5	Rūpakkhandho nīvaraṇiyo.
vb1:528.6	Cattāro khandhā siyā nīvaraṇiyā, siyā anīvaraṇiyā.
vb1:528.7	Rūpakkhandho nīvaraṇavippayutto.
vb1:528.8	Cattāro khandhā siyā nīvaraṇasampayuttā, siyā nīvaraṇavippayuttā.
vb1:528.9	Rūpakkhandho na vattabbo—
vb1:528.10	“nīvaraṇañceva nīvaraṇiyo cā”ti, “nīvaraṇiyo ceva no ca nīvaraṇaṁ”.
vb1:528.11	Tayo khandhā na vattabbā—
vb1:528.12	“nīvaraṇā ceva nīvaraṇiyā cā”ti, siyā nīvaraṇiyā ceva no ca nīvaraṇā, siyā na vattabbā—“nīvaraṇiyā ceva no ca nīvaraṇā”ti.
vb1:528.13	Saṅkhārakkhandho siyā nīvaraṇañceva nīvaraṇiyo ca, siyā nīvaraṇiyo ceva no ca nīvaraṇaṁ, siyā na vattabbo—“nīvaraṇañceva nīvaraṇiyo cā”tipi, “nīvaraṇiyo ceva no ca nīvaraṇan”tipi.
vb1:528.14	Rūpakkhandho na vattabbo—
vb1:528.15	“nīvaraṇañceva nīvaraṇasampayutto cā”tipi, “nīvaraṇasampayutto ceva no ca nīvaraṇan”tipi.
vb1:528.16	Tayo khandhā na vattabbā—
vb1:528.17	“nīvaraṇā ceva nīvaraṇasampayuttā cā”ti, siyā nīvaraṇasampayuttā ceva no ca nīvaraṇā, siyā na vattabbā—“nīvaraṇasampayuttā ceva no ca nīvaraṇā”ti.
vb1:528.18	Saṅkhārakkhandho siyā nīvaraṇañceva nīvaraṇasampayutto ca, siyā nīvaraṇasampayutto ceva no ca nīvaraṇaṁ, siyā na vattabbo—“nīvaraṇañceva nīvaraṇasampayutto cā”tipi, “nīvaraṇasampayutto ceva no ca nīvaraṇan”tipi.
vb1:528.19	Rūpakkhandho nīvaraṇavippayuttanīvaraṇiyo.
vb1:528.20	Cattāro khandhā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā—“nīvaraṇavippayuttanīvaraṇiyā”tipi, “nīvaraṇavippayuttaanīvaraṇiyā”tipi.
vb1:529.0	3.2.9. Parāmāsagocchaka
vb1:529.1	Cattāro khandhā no parāmāsā.
vb1:529.2	Saṅkhārakkhandho siyā parāmāso, siyā no parāmāso.
vb1:529.3	Rūpakkhandho parāmaṭṭho.
vb1:529.4	Cattāro khandhā siyā parāmaṭṭhā, siyā aparāmaṭṭhā.
vb1:529.5	Rūpakkhandho parāmāsavippayutto.
vb1:529.6	Tayo khandhā siyā parāmāsasampayuttā, siyā parāmāsavippayuttā.
vb1:529.7	Saṅkhārakkhandho siyā parāmāsasampayutto, siyā parāmāsavippayutto, siyā na vattabbo—“parāmāsasampayutto”tipi, “parāmāsavippayutto”tipi.
vb1:529.8	Rūpakkhandho na vattabbo—
vb1:529.9	“parāmāso ceva parāmaṭṭho cā”ti, parāmaṭṭho ceva no ca parāmāso.
vb1:529.10	Tayo khandhā na vattabbā—
vb1:529.11	“parāmāsā ceva parāmaṭṭhā cā”ti, siyā parāmaṭṭhā ceva no ca parāmāsā, siyā na vattabbā—“parāmaṭṭhā ceva no ca parāmāsā”ti.
vb1:529.12	Saṅkhārakkhandho siyā parāmāso ceva parāmaṭṭho ca, siyā parāmaṭṭho ceva no ca parāmāso, siyā na vattabbo—“parāmāso ceva parāmaṭṭho cā”tipi, “parāmaṭṭho ceva no ca parāmāso”tipi.
vb1:529.13	Rūpakkhandho parāmāsavippayuttaparāmaṭṭho.
vb1:529.14	Cattāro khandhā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā, siyā na vattabbā—“parāmāsavippayuttaparāmaṭṭhā”tipi, “parāmāsavippayuttaaparāmaṭṭhā”tipi.
vb1:530.0	3.2.10. Mahantaraduka
vb1:530.1	Rūpakkhandho anārammaṇo.
vb1:530.2	Cattāro khandhā sārammaṇā.
vb1:530.3	Viññāṇakkhandho cittaṁ.
vb1:530.4	Cattāro khandhā no cittā.
vb1:530.5	Tayo khandhā cetasikā.
vb1:530.6	Dve khandhā acetasikā.
vb1:530.7	Tayo khandhā cittasampayuttā.
vb1:530.8	Rūpakkhandho cittavippayutto.
vb1:530.9	Viññāṇakkhandho na vattabbo—
vb1:530.10	“cittena sampayutto”tipi, “cittena vippayutto”tipi.
vb1:530.11	Tayo khandhā cittasaṁsaṭṭhā.
vb1:530.12	Rūpakkhandho cittavisaṁsaṭṭho.
vb1:530.13	Viññāṇakkhandho na vattabbo—
vb1:530.14	“cittena saṁsaṭṭho”tipi, “cittena visaṁsaṭṭho”tipi.
vb1:530.15	Tayo khandhā cittasamuṭṭhānā.
vb1:530.16	Viññāṇakkhandho no cittasamuṭṭhāno.
vb1:530.17	Rūpakkhandho siyā cittasamuṭṭhāno, siyā no cittasamuṭṭhāno.
vb1:530.18	Tayo khandhā cittasahabhuno.
vb1:530.19	Viññāṇakkhandho no cittasahabhū.
vb1:530.20	Rūpakkhandho siyā cittasahabhū, siyā no cittasahabhū.
vb1:530.21	Tayo khandhā cittānuparivattino.
vb1:530.22	Viññāṇakkhandho no cittānuparivatti.
vb1:530.23	Rūpakkhandho siyā cittānuparivatti, siyā no cittānuparivatti.
vb1:530.24	Tayo khandhā cittasaṁsaṭṭhasamuṭṭhānā.
vb1:530.25	Dve khandhā no cittasaṁsaṭṭhasamuṭṭhānā.
vb1:530.26	Tayo khandhā cittasaṁsaṭṭhasamuṭṭhānasahabhuno.
vb1:530.27	Dve khandhā no cittasaṁsaṭṭhasamuṭṭhānasahabhuno.
vb1:530.28	Tayo khandhā cittasaṁsaṭṭhasamuṭṭhānānuparivattino.
vb1:530.29	Dve khandhā no cittasaṁsaṭṭhasamuṭṭhānānuparivattino.
vb1:531.1	Viññāṇakkhandho ajjhattiko.
vb1:531.2	Tayo khandhā bāhirā.
vb1:531.3	Rūpakkhandho siyā ajjhattiko, siyā bāhiro.
vb1:532.0	3.2.11. Upādānagocchaka
vb1:532.1	Cattāro khandhā no upādā.
vb1:532.2	Rūpakkhandho siyā upādā, siyā no upādā, siyā upādinnā, siyā anupādinnā.
vb1:532.3	Cattāro khandhā no upādānā.
vb1:532.4	Saṅkhārakkhandho siyā upādānaṁ, siyā no upādānaṁ.
vb1:532.5	Rūpakkhandho upādāniyo.
vb1:532.6	Cattāro khandhā siyā upādāniyā, siyā anupādāniyā.
vb1:532.7	Rūpakkhandho upādānavippayutto.
vb1:532.8	Cattāro khandhā siyā upādānasampayuttā, siyā upādānavippayuttā.
vb1:532.9	Rūpakkhandho na vattabbo—
vb1:532.10	“upādānañceva upādāniyo cā”ti, upādāniyo ceva no ca upādānaṁ.
vb1:532.11	Tayo khandhā na vattabbā—
vb1:532.12	“upādānañceva upādāniyā cā”ti, siyā upādāniyā ceva no ca upādānā, siyā na vattabbā—“upādāniyā ceva no ca upādānā”ti.
vb1:532.13	Saṅkhārakkhandho siyā upādānañceva upādāniyo ca, siyā upādāniyo ceva no ca upādānaṁ, siyā na vattabbo—“upādānañceva upādāniyo cā”tipi, “upādāniyo ceva no ca upādānan”tipi.
vb1:532.14	Rūpakkhandho na vattabbo—
vb1:532.15	“upādānañceva upādānasampayutto cā”tipi, “upādānasampayutto ceva no ca upādānan”tipi.
vb1:532.16	Tayo khandhā na vattabbā—
vb1:532.17	“upādānā ceva upādānasampayuttā cā”ti, siyā upādānasampayuttā ceva no ca upādānā, siyā na vattabbā—“upādānasampayuttā ceva no ca upādānā”ti.
vb1:532.18	Saṅkhārakkhandho siyā upādānañceva upādānasampayutto ca, siyā upādānasampayutto ceva no ca upādānaṁ, siyā na vattabbo—“upādānañceva upādānasampayutto cā”tipi, “upādānasampayutto ceva no ca upādānan”tipi.
vb1:532.19	Rūpakkhandho upādānavippayuttaupādāniyo.
vb1:532.20	Cattāro khandhā siyā upādānavippayuttaupādāniyā, siyā upādānavippayuttaanupādāniyā, siyā na vattabbā—“upādānavippayuttaupādāniyā”tipi, “upādānavippayuttaanupādāniyā”tipi.
vb1:533.0	3.2.12. Kilesagocchaka
vb1:533.1	Cattāro khandhā no kilesā.
vb1:533.2	Saṅkhārakkhandho siyā kileso, siyā no kileso.
vb1:533.3	Rūpakkhandho saṅkilesiko.
vb1:533.4	Cattāro khandhā siyā saṅkilesikā, siyā asaṅkilesikā.
vb1:533.5	Rūpakkhandho asaṅkiliṭṭho.
vb1:533.6	Cattāro khandhā siyā saṅkiliṭṭhā, siyā asaṅkiliṭṭhā.
vb1:533.7	Rūpakkhandho kilesavippayutto.
vb1:533.8	Cattāro khandhā siyā kilesasampayuttā, siyā kilesavippayuttā.
vb1:533.9	Rūpakkhandho na vattabbo—
vb1:533.10	“kileso ceva saṅkilesiko cā”ti, saṅkilesiko ceva no ca kileso.
vb1:533.11	Tayo khandhā na vattabbā—
vb1:533.12	“kilesā ceva saṅkilesikā cā”ti, siyā saṅkilesikā ceva no ca kilesā, siyā na vattabbā—“saṅkilesikā ceva no ca kilesā”ti.
vb1:533.13	Saṅkhārakkhandho siyā kileso ceva saṅkilesiko ca, siyā saṅkilesiko ceva no ca kileso, siyā na vattabbo—“kileso ceva saṅkilesiko cā”tipi, “saṅkilesiko ceva no ca kileso”tipi.
vb1:533.14	Rūpakkhandho na vattabbo—
vb1:533.15	“kileso ceva saṅkiliṭṭho cā”tipi, “saṅkiliṭṭho ceva no ca kileso”tipi.
vb1:533.16	Tayo khandhā na vattabbā—
vb1:533.17	“kileso ceva saṅkiliṭṭhā cā”ti, siyā saṅkiliṭṭhā ceva no ca kilesā, siyā na vattabbā—“saṅkiliṭṭhā ceva no ca kilesā”ti.
vb1:533.18	Saṅkhārakkhandho siyā kileso ceva saṅkiliṭṭho ca, siyā saṅkiliṭṭho ceva no ca kileso, siyā na vattabbo—“kileso ceva saṅkiliṭṭho cā”tipi, “saṅkiliṭṭho ceva no ca kileso”tipi.
vb1:534.1	Rūpakkhandho na vattabbo—
vb1:534.2	“kileso ceva kilesasampayutto cā”tipi, “kilesasampayutto ceva no ca kileso”tipi.
vb1:534.3	Tayo khandhā na vattabbā—
vb1:534.4	“kilesā ceva kilesasampayuttā cā”ti, siyā kilesasampayuttā ceva no ca kilesā, siyā na vattabbā—“kilesasampayuttā ceva no ca kilesā”ti.
vb1:534.5	Saṅkhārakkhandho siyā kileso ceva kilesasampayutto ca, siyā kilesasampayutto ceva no ca kileso, siyā na vattabbo—“kileso ceva kilesasampayutto cā”tipi, “kilesasampayutto ceva no ca kileso”tipi.
vb1:534.6	Rūpakkhandho kilesavippayuttasaṅkilesiko.
vb1:534.7	Cattāro khandhā siyā kilesavippayuttasaṅkilesikā, siyā kilesavippayuttaasaṅkilesikā, siyā na vattabbā—“kilesavippayuttasaṅkilesikā”tipi, “kilesavippayuttaasaṅkilesikā”tipi.
vb1:535.0	3.2.13. Piṭṭhiduka
vb1:535.1	Rūpakkhandho na dassanena pahātabbo.
vb1:535.2	Cattāro khandhā siyā dassanena pahātabbā, siyā na dassanena pahātabbā.
vb1:535.3	Rūpakkhandho na bhāvanāya pahātabbo.
vb1:535.4	Cattāro khandhā siyā bhāvanāya pahātabbā, siyā na bhāvanāya pahātabbā.
vb1:535.5	Rūpakkhandho na dassanena pahātabbahetuko.
vb1:535.6	Cattāro khandhā siyā dassanena pahātabbahetukā, siyā na dassanena pahātabbahetukā.
vb1:535.7	Rūpakkhandho na bhāvanāya pahātabbahetuko.
vb1:535.8	Cattāro khandhā siyā bhāvanāya pahātabbahetukā, siyā na bhāvanāya pahātabbahetukā.
vb1:535.9	Rūpakkhandho avitakko.
vb1:535.10	Cattāro khandhā siyā savitakkā, siyā avitakkā.
vb1:535.11	Rūpakkhandho avicāro.
vb1:535.12	Cattāro khandhā siyā savicārā, siyā avicārā.
vb1:535.13	Rūpakkhandho appītiko, cattāro khandhā siyā sappītikā, siyā appītikā.
vb1:535.14	Rūpakkhandho na pītisahagato.
vb1:535.15	Cattāro khandhā siyā pītisahagatā, siyā na pītisahagatā.
vb1:535.16	Dve khandhā na sukhasahagatā.
vb1:535.17	Tayo khandhā siyā sukhasahagatā, siyā na sukhasahagatā.
vb1:535.18	Dve khandhā na upekkhāsahagatā.
vb1:535.19	Tayo khandhā siyā upekkhāsahagatā, siyā na upekkhāsahagatā.
vb1:536.1	Rūpakkhandho kāmāvacaro.
vb1:536.2	Cattāro khandhā siyā kāmāvacarā, siyā na kāmāvacarā.
vb1:536.3	Rūpakkhandho na rūpāvacaro.
vb1:536.4	Cattāro khandhā siyā rūpāvacarā, siyā na rūpāvacarā.
vb1:536.5	Rūpakkhandho na arūpāvacaro.
vb1:536.6	Cattāro khandhā siyā arūpāvacarā, siyā na arūpāvacarā.
vb1:536.7	Rūpakkhandho pariyāpanno.
vb1:536.8	Cattāro khandhā siyā pariyāpannā, siyā apariyāpannā.
vb1:536.9	Rūpakkhandho aniyyāniko.
vb1:536.10	Cattāro khandhā siyā niyyānikā, siyā aniyyānikā.
vb1:536.11	Rūpakkhandho aniyato.
vb1:536.12	Cattāro khandhā siyā niyatā, siyā aniyatā.
vb1:536.13	Rūpakkhandho sauttaro.
vb1:536.14	Cattāro khandhā siyā sauttarā, siyā anuttarā.
vb1:536.15	Rūpakkhandho araṇo.
vb1:536.16	Cattāro khandhā siyā saraṇā, siyā araṇāti.
vb1:537.1	Pañhāpucchakaṁ.
vb1:538.1	Khandhavibhaṅgo niṭṭhito.
vb2:0.1	Vibhaṅga
vb2:0.2	Āyatanavibhaṅga
vb2:1.0	1. Suttantabhājanīya
vb2:1.1	Dvādasāyatanāni—
vb2:1.2	cakkhāyatanaṁ, rūpāyatanaṁ, sotāyatanaṁ, saddāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
vb2:2.1	Cakkhuṁ aniccaṁ dukkhaṁ anattā vipariṇāmadhammaṁ.
vb2:2.2	Rūpā aniccā dukkhā anattā vipariṇāmadhammā.
vb2:2.3	Sotaṁ aniccaṁ dukkhaṁ anattā vipariṇāmadhammaṁ.
vb2:2.4	Saddā aniccā dukkhā anattā vipariṇāmadhammā.
vb2:2.5	Ghānaṁ aniccaṁ dukkhaṁ anattā vipariṇāmadhammaṁ.
vb2:2.6	Gandhā aniccā dukkhā anattā vipariṇāmadhammā.
vb2:2.7	Jivhā aniccā dukkhā anattā vipariṇāmadhammā.
vb2:2.8	Rasā aniccā dukkhā anattā vipariṇāmadhammā.
vb2:2.9	Kāyo anicco dukkho anattā vipariṇāmadhammo.
vb2:2.10	Phoṭṭhabbā aniccā dukkhā anattā vipariṇāmadhammā.
vb2:2.11	Mano anicco dukkho anattā vipariṇāmadhammo.
vb2:2.12	Dhammā aniccā dukkhā anattā vipariṇāmadhammā.
vb2:3.1	Suttantabhājanīyaṁ.
vb2:4.0	2. Abhidhammabhājanīya
vb2:4.1	Dvādasāyatanāni—
vb2:4.2	cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ, rūpāyatanaṁ, saddāyatanaṁ, gandhāyatanaṁ, rasāyatanaṁ, phoṭṭhabbāyatanaṁ, dhammāyatanaṁ.
vb2:5.1	Tattha katamaṁ cakkhāyatanaṁ?
vb2:5.2	Yaṁ cakkhu catunnaṁ mahābhūtānaṁ upādāya pasādo attabhāvapariyāpanno anidassano sappaṭigho, yena cakkhunā anidassanena sappaṭighena rūpaṁ sanidassanaṁ sappaṭighaṁ passi vā passati vā passissati vā passe vā, cakkhumpetaṁ cakkhāyatanampetaṁ cakkhudhātupesā cakkhundriyampetaṁ lokopeso dvārāpesā samuddopeso paṇḍarampetaṁ khettampetaṁ vatthumpetaṁ nettampetaṁ nayanampetaṁ orimaṁ tīrampetaṁ suñño gāmopeso.
vb2:5.3	Idaṁ vuccati “cakkhāyatanaṁ”.
vb2:6.1	Tattha katamaṁ sotāyatanaṁ?
vb2:6.2	Yaṁ sotaṁ catunnaṁ mahābhūtānaṁ upādāya pasādo attabhāvapariyāpanno anidassano sappaṭigho, yena sotena anidassanena sappaṭighena saddaṁ anidassanaṁ sappaṭighaṁ suṇi vā suṇāti vā suṇissati vā suṇe vā, sotampetaṁ sotāyatanampetaṁ sotadhātupesā sotindriyampetaṁ lokopeso dvārāpesā samuddopeso paṇḍarampetaṁ khettampetaṁ vatthumpetaṁ orimaṁ tīrampetaṁ suñño gāmopeso.
vb2:6.3	Idaṁ vuccati “sotāyatanaṁ”.
vb2:7.1	Tattha katamaṁ ghānāyatanaṁ?
vb2:7.2	Yaṁ ghānaṁ catunnaṁ mahābhūtānaṁ upādāya pasādo attabhāvapariyāpanno anidassano sappaṭigho, yena ghānena anidassanena sappaṭighena gandhaṁ anidassanaṁ sappaṭighaṁ ghāyi vā ghāyati vā ghāyissati vā ghāye vā, ghānampetaṁ ghānāyatanampetaṁ ghānadhātupesā ghānindriyampetaṁ lokopeso dvārāpesā samuddopeso paṇḍarampetaṁ khettampetaṁ vatthumpetaṁ orimaṁ tīrampetaṁ suñño gāmopeso.
vb2:7.3	Idaṁ vuccati “ghānāyatanaṁ”.
vb2:8.1	Tattha katamaṁ jivhāyatanaṁ?
vb2:8.2	Yā jivhā catunnaṁ mahābhūtānaṁ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya rasaṁ anidassanaṁ sappaṭighaṁ sāyi vā sāyati vā sāyissati vā sāye vā, jivhāpesā jivhāyatanampetaṁ jivhādhātupesā jivhindriyampetaṁ lokopeso dvārāpesā samuddopeso paṇḍarampetaṁ khettampetaṁ vatthumpetaṁ orimaṁ tīrampetaṁ suñño gāmopeso.
vb2:8.3	Idaṁ vuccati “jivhāyatanaṁ”.
vb2:9.1	Tattha katamaṁ kāyāyatanaṁ?
vb2:9.2	Yo kāyo catunnaṁ mahābhūtānaṁ upādāya pasādo attabhāvapariyāpanno anidassano sappaṭigho, yena kāyena anidassanena sappaṭighena phoṭṭhabbaṁ anidassanaṁ sappaṭighaṁ phusi vā phusati vā phusissati vā phuse vā, kāyopeso kāyāyatanampetaṁ kāyadhātupesā kāyindriyampetaṁ lokopeso dvārāpesā samuddopeso paṇḍarampetaṁ khettampetaṁ vatthumpetaṁ orimaṁ tīrampetaṁ suñño gāmopeso.
vb2:9.3	Idaṁ vuccati “kāyāyatanaṁ”.
vb2:10.1	Tattha katamaṁ manāyatanaṁ?
vb2:10.2	Ekavidhena manāyatanaṁ—
vb2:10.3	phassasampayuttaṁ.
vb2:11.1	Duvidhena manāyatanaṁ—
vb2:11.2	atthi sahetukaṁ, atthi ahetukaṁ.
vb2:12.1	Tividhena manāyatanaṁ—
vb2:12.2	atthi kusalaṁ, atthi akusalaṁ, atthi abyākataṁ.
vb2:13.1	Catubbidhena manāyatanaṁ—
vb2:13.2	atthi kāmāvacaraṁ, atthi rūpāvacaraṁ, atthi arūpāvacaraṁ, atthi apariyāpannaṁ.
vb2:14.1	Pañcavidhena manāyatanaṁ—
vb2:14.2	atthi sukhindriyasampayuttaṁ, atthi dukkhindriyasampayuttaṁ, atthi somanassindriyasampayuttaṁ, atthi domanassindriyasampayuttaṁ, atthi upekkhindriyasampayuttaṁ.
vb2:15.1	Chabbidhena manāyatanaṁ—
vb2:15.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ.
vb2:15.3	Evaṁ chabbidhena manāyatanaṁ.
vb2:16.1	Sattavidhena manāyatanaṁ—
vb2:16.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu.
vb2:16.3	Evaṁ sattavidhena manāyatanaṁ.
vb2:17.1	Aṭṭhavidhena manāyatanaṁ—
vb2:17.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ atthi sukhasahagataṁ, atthi dukkhasahagataṁ, manodhātu, manoviññāṇadhātu.
vb2:17.3	Evaṁ aṭṭhavidhena manāyatanaṁ.
vb2:18.1	Navavidhena manāyatanaṁ—
vb2:18.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu atthi kusalaṁ, atthi akusalaṁ, atthi abyākataṁ.
vb2:18.3	Evaṁ navavidhena manāyatanaṁ.
vb2:19.1	Dasavidhena manāyatanaṁ—
vb2:19.2	cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ atthi sukhasahagataṁ, atthi dukkhasahagataṁ, manodhātu, manoviññāṇadhātu atthi kusalaṁ, atthi akusalaṁ, atthi abyākataṁ.
vb2:19.3	Evaṁ dasavidhena manāyatanaṁ.
vb2:20.1	Ekavidhena manāyatanaṁ—
vb2:20.2	phassasampayuttaṁ.
vb2:21.1	Duvidhena manāyatanaṁ—
vb2:21.2	atthi sahetukaṁ, atthi ahetukaṁ.
vb2:22.1	Tividhena manāyatanaṁ—
vb2:22.2	atthi sukhāya vedanāya sampayuttaṁ, atthi dukkhāya vedanāya sampayuttaṁ, atthi adukkhamasukhāya vedanāya sampayuttaṁ …pe….
vb2:22.3	Evaṁ bahuvidhena manāyatanaṁ.
vb2:22.4	Idaṁ vuccati “manāyatanaṁ”.
vb2:23.1	Tattha katamaṁ rūpāyatanaṁ?
vb2:23.2	Yaṁ rūpaṁ catunnaṁ mahābhūtānaṁ upādāya vaṇṇanibhā sanidassanaṁ sappaṭighaṁ nīlaṁ pītakaṁ lohitakaṁ odātaṁ kāḷakaṁ mañjiṭṭhakaṁ hari harivaṇṇaṁ ambaṅkuravaṇṇaṁ dīghaṁ rassaṁ aṇuṁ thūlaṁ vaṭṭaṁ parimaṇḍalaṁ caturassaṁ chaḷaṁsaṁ aṭṭhaṁsaṁ soḷasaṁsaṁ ninnaṁ thalaṁ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṁ vaṇṇanibhā ādāsamaṇḍalassa vaṇṇanibhā maṇisaṅkhamuttaveḷuriyassa vaṇṇanibhā jātarūparajatassa vaṇṇanibhā, yaṁ vā panaññampi atthi rūpaṁ catunnaṁ mahābhūtānaṁ upādāya vaṇṇanibhā sanidassanaṁ sappaṭighaṁ, yaṁ rūpaṁ sanidassanaṁ sappaṭighaṁ cakkhunā anidassanena sappaṭighena passi vā passati vā passissati vā passe vā, rūpampetaṁ rūpāyatanampetaṁ rūpadhātupesā.
vb2:23.3	Idaṁ vuccati “rūpāyatanaṁ”.
vb2:24.1	Tattha katamaṁ saddāyatanaṁ?
vb2:24.2	Yo saddo catunnaṁ mahābhūtānaṁ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṁ nigghosasaddo dhātūnaṁ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṁ mahābhūtānaṁ upādāya anidassano sappaṭigho, yaṁ saddaṁ anidassanaṁ sappaṭighaṁ sotena anidassanena sappaṭighena suṇi vā suṇāti vā suṇissati vā suṇe vā, saddopeso saddāyatanampetaṁ saddadhātupesā.
vb2:24.3	Idaṁ vuccati “saddāyatanaṁ”.
vb2:25.1	Tattha katamaṁ gandhāyatanaṁ?
vb2:25.2	Yo gandho catunnaṁ mahābhūtānaṁ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmagandho vissagandho sugandho duggandho, yo vā panaññopi atthi gandho catunnaṁ mahābhūtānaṁ upādāya anidassano sappaṭigho, yaṁ gandhaṁ anidassanaṁ sappaṭighaṁ ghānena anidassanena sappaṭighena ghāyi vā ghāyati vā ghāyissati vā ghāye vā, gandhopeso gandhāyatanampetaṁ gandhadhātupesā.
vb2:25.3	Idaṁ vuccati “gandhāyatanaṁ”.
vb2:26.1	Tattha katamaṁ rasāyatanaṁ?
vb2:26.2	Yo raso catunnaṁ mahābhūtānaṁ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṁ madhuraṁ tittakaṁ kaṭukaṁ loṇikaṁ khārikaṁ lambikaṁ kasāvo sādu asādu, yo vā panaññopi atthi raso catunnaṁ mahābhūtānaṁ upādāya anidassano sappaṭigho, yaṁ rasaṁ anidassanaṁ sappaṭighaṁ jivhāya anidassanāya sappaṭighāya sāyi vā sāyati vā sāyissati vā sāye vā, rasopeso rasāyatanampetaṁ rasadhātupesā.
vb2:26.3	Idaṁ vuccati “rasāyatanaṁ”.
vb2:27.1	Tattha katamaṁ phoṭṭhabbāyatanaṁ?
vb2:27.2	Pathavīdhātu tejodhātu vāyodhātu kakkhaḷaṁ mudukaṁ saṇhaṁ pharusaṁ sukhasamphassaṁ dukkhasamphassaṁ garukaṁ lahukaṁ, yaṁ phoṭṭhabbaṁ anidassanaṁ sappaṭighaṁ kāyena anidassanena sappaṭighena phusi vā phusati vā phusissati vā phuse vā, phoṭṭhabbopeso phoṭṭhabbāyatanampetaṁ phoṭṭhabbadhātupesā.
vb2:27.3	Idaṁ vuccati “phoṭṭhabbāyatanaṁ”.
vb2:28.1	Tattha katamaṁ dhammāyatanaṁ?
vb2:28.2	Vedanākkhandho, saññākkhandho, saṅkhārakkhandho, yañca rūpaṁ anidassanaappaṭighaṁ dhammāyatanapariyāpannaṁ, asaṅkhatā ca dhātu.
vb2:29.1	Tattha katamo vedanākkhandho?
vb2:29.2	Ekavidhena vedanākkhandho—
vb2:29.3	phassasampayutto.
vb2:29.4	Duvidhena vedanākkhandho—
vb2:29.5	atthi sahetuko, atthi ahetuko.
vb2:29.6	Tividhena vedanākkhandho—
vb2:29.7	atthi kusalo, atthi akusalo, atthi abyākato …pe…
vb2:29.8	evaṁ dasavidhena vedanākkhandho …pe…
vb2:29.9	evaṁ bahuvidhena vedanākkhandho.
vb2:29.10	Ayaṁ vuccati “vedanākkhandho”.
vb2:30.1	Tattha katamo saññākkhandho?
vb2:30.2	Ekavidhena saññākkhandho—
vb2:30.3	phassasampayutto.
vb2:30.4	Duvidhena saññākkhandho—
vb2:30.5	atthi sahetuko, atthi ahetuko.
vb2:30.6	Tividhena saññākkhandho—
vb2:30.7	atthi kusalo, atthi akusalo, atthi abyākato …pe…
vb2:30.8	evaṁ dasavidhena saññākkhandho …pe…
vb2:30.9	evaṁ bahuvidhena saññākkhandho.
vb2:30.10	Ayaṁ vuccati “saññākkhandho”.
vb2:31.1	Tattha katamo saṅkhārakkhandho?
vb2:31.2	Ekavidhena saṅkhārakkhandho—
vb2:31.3	cittasampayutto.
vb2:31.4	Duvidhena saṅkhārakkhandho—
vb2:31.5	atthi hetu, atthi na hetu.
vb2:31.6	Tividhena saṅkhārakkhandho—
vb2:31.7	atthi kusalo, atthi akusalo, atthi abyākato …pe…
vb2:31.8	evaṁ dasavidhena saṅkhārakkhandho …pe…
vb2:31.9	evaṁ bahuvidhena saṅkhārakkhandho.
vb2:31.10	Ayaṁ vuccati “saṅkhārakkhandho”.
vb2:32.1	Tattha katamaṁ rūpaṁ anidassanaappaṭighaṁ dhammāyatanapariyāpannaṁ?
vb2:32.2	Itthindriyaṁ purisindriyaṁ …pe… kabaḷīkāro āhāro.
vb2:32.3	Idaṁ vuccati rūpaṁ “anidassanaappaṭighaṁ dhammāyatanapariyāpannaṁ”.
vb2:33.1	Tattha katamā asaṅkhatā dhātu?
vb2:33.2	Rāgakkhayo, dosakkhayo, mohakkhayo—
vb2:33.3	ayaṁ vuccati “asaṅkhatā dhātu”.
vb2:34.1	Idaṁ vuccati dhammāyatanaṁ.
vb2:34.2	Abhidhammabhājanīyaṁ.
vb2:35.0	3. Pañhāpucchaka
vb2:35.1	Dvādasāyatanāni—
vb2:35.2	cakkhāyatanaṁ, rūpāyatanaṁ, sotāyatanaṁ, saddāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
vb2:36.1	Dvādasannaṁ āyatanānaṁ kati kusalā, kati akusalā, kati abyākatā …pe… kati saraṇā, kati araṇā?
vb2:37.0	3.1. Tika
vb2:37.1	Dasāyatanā abyākatā.
vb2:37.2	Dvāyatanā siyā kusalā, siyā akusalā, siyā abyākatā.
vb2:38.1	Dasāyatanā na vattabbā—
vb2:38.2	“sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb2:38.3	Manāyatanaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ.
vb2:38.4	Dhammāyatanaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ, siyā na vattabbaṁ—“sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb2:39.1	Dasāyatanā nevavipākanavipākadhammadhammā.
vb2:39.2	Dvāyatanā siyā vipākā, siyā vipākadhammadhammā, siyā nevavipākanavipākadhammadhammā.
vb2:40.1	Pañcāyatanā upādinnupādāniyā.
vb2:40.2	Saddāyatanaṁ anupādinnupādāniyaṁ.
vb2:40.3	Cattāro āyatanā siyā upādinnupādāniyā, siyā anupādinnupādāniyā, siyā anupādāniyā.
vb2:40.4	Dvāyatanā siyā upādinnupādāniyā, siyā anupādinnupādāniyā, siyā anupādinnaanupādāniyā.
vb2:41.1	Dasāyatanā asaṅkiliṭṭhasaṅkilesikā.
vb2:41.2	Dvāyatanā siyā saṅkiliṭṭhasaṅkilesikā, siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā.
vb2:42.1	Dasāyatanā avitakkaavicārā.
vb2:42.2	Manāyatanaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ.
vb2:42.3	Dhammāyatanaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ, siyā na vattabbaṁ—“savitakkasavicāran”tipi, “avitakkavicāramattan”tipi, “avitakkaavicāran”tipi.
vb2:43.1	Dasāyatanā na vattabbā—
vb2:43.2	“pītisahagatā”tipi, “sukhasahagatā”tipi, “upekkhāsahagatā”tipi.
vb2:43.3	Dvāyatanā siyā pītisahagatā, siyā sukhasahagatā, siyā upekkhāsahagatā, siyā na vattabbā—“pītisahagatā”tipi, “sukhasahagatā”tipi, “upekkhāsahagatā”tipi.
vb2:44.1	Dasāyatanā neva dassanena na bhāvanāya pahātabbā.
vb2:44.2	Dvāyatanā siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā.
vb2:45.1	Dasāyatanā neva dassanena na bhāvanāya pahātabbahetukā.
vb2:45.2	Dvāyatanā siyā dassanena na pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā.
vb2:46.1	Dasāyatanā nevācayagāmināpacayagāmino.
vb2:46.2	Dvāyatanā siyā ācayagāmino, siyā apacayagāmino, siyā nevācayagāmināpacayagāmino.
vb2:47.1	Dasāyatanā nevasekkhanāsekkhā.
vb2:47.2	Dvāyatanā siyā sekkhā, siyā asekkhā, siyā nevasekkhanāsekkhā.
vb2:48.1	Dasāyatanā parittā.
vb2:48.2	Dvāyatanā siyā parittā, siyā mahaggatā, siyā appamāṇā.
vb2:49.1	Dasāyatanā anārammaṇā.
vb2:49.2	Dvāyatanā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā—“parittārammaṇā”tipi, “mahaggatārammaṇā”tipi, “appamāṇārammaṇā”tipi.
vb2:50.1	Dasāyatanā majjhimā.
vb2:50.2	Dvāyatanā siyā hīnā, siyā majjhimā, siyā paṇītā.
vb2:51.1	Dasāyatanā aniyatā.
vb2:51.2	Dvāyatanā siyā micchattaniyatā, siyā sammattaniyatā, siyā aniyatā.
vb2:52.1	Dasāyatanā anārammaṇā.
vb2:52.2	Dvāyatanā siyā maggārammaṇā, siyā maggahetukā, siyā maggādhipatino, siyā na vattabbā—“maggārammaṇā”tipi, “maggahetukā”tipi, “maggādhipatino”tipi.
vb2:53.1	Pañcāyatanā siyā uppannā, siyā uppādino, na vattabbā—
vb2:53.2	“anuppannā”ti.
vb2:53.3	Saddāyatanaṁ siyā uppannaṁ, siyā anuppannaṁ, na vattabbaṁ—
vb2:53.4	“uppādī”ti.
vb2:53.5	Pañcāyatanā siyā uppannā, siyā anuppannā, siyā uppādino.
vb2:53.6	Dhammāyatanaṁ siyā uppannaṁ, siyā anuppannaṁ, siyā uppādī, siyā na vattabbaṁ—“uppannan”tipi, “anuppannan”tipi, “uppādī”tipi.
vb2:54.1	Ekādasāyatanā siyā atītā, siyā anāgatā, siyā paccuppannā.
vb2:54.2	Dhammāyatanaṁ siyā atītaṁ, siyā anāgataṁ, siyā paccuppannaṁ, siyā na vattabbaṁ—“atītan”tipi, “anāgatan”tipi, “paccuppannan”tipi.
vb2:54.3	Dasāyatanā anārammaṇā.
vb2:55.1	Dvāyatanā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā—“atītārammaṇā”tipi, “anāgatārammaṇā”tipi, “paccuppannārammaṇā”tipi.
vb2:56.1	Siyā ajjhattā, siyā bahiddhā, siyā ajjhattabahiddhā.
vb2:57.1	Dasāyatanā anārammaṇā.
vb2:57.2	Dvāyatanā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā—“ajjhattārammaṇā”tipi, “bahiddhārammaṇā”tipi, “ajjhattabahiddhārammaṇā”tipi.
vb2:58.1	Rūpāyatanaṁ sanidassanasappaṭighaṁ.
vb2:58.2	Navāyatanā anidassanasappaṭighā.
vb2:58.3	Dvāyatanā anidassanaappaṭighā.
vb2:59.0.1	3.2. 3.2 Duka
vb2:59.0.2	3.2.1. Hetugocchaka
vb2:59.1	Ekādasāyatanā na hetū.
vb2:59.2	Dhammāyatanaṁ siyā hetu, siyā na hetu.
vb2:59.3	Dasāyatanā ahetukā.
vb2:59.4	Dvāyatanā siyā sahetukā, siyā ahetukā.
vb2:59.5	Dasāyatanā hetuvippayuttā.
vb2:59.6	Dvāyatanā siyā hetusampayuttā, siyā hetuvippayuttā.
vb2:59.7	Dasāyatanā na vattabbā—
vb2:59.8	“hetū ceva sahetukā cā”tipi, “sahetukā ceva na ca hetū”tipi.
vb2:59.9	Manāyatanaṁ na vattabbaṁ—
vb2:59.10	“hetu ceva sahetukañcā”ti, siyā sahetukañceva na ca hetu, siyā na vattabbaṁ—“sahetukañceva na ca hetū”ti.
vb2:59.11	Dhammāyatanaṁ siyā hetu ceva sahetukañca, siyā sahetukañceva na ca hetu, siyā na vattabbaṁ—“hetu ceva sahetukañcā”tipi, “sahetukañceva na ca hetū”tipi.
vb2:59.12	Dasāyatanā na vattabbā—
vb2:59.13	“hetū ceva hetusampayuttā cā”tipi, “hetusampayuttā ceva na ca hetū”tipi.
vb2:59.14	Manāyatanaṁ na vattabbaṁ—
vb2:59.15	“hetu ceva hetusampayuttañcā”ti, siyā hetusampayuttañceva na ca hetu, siyā na vattabbaṁ—“hetusampayuttañceva na ca hetū”ti.
vb2:59.16	Dhammāyatanaṁ siyā hetu ceva hetusampayuttañca, siyā hetusampayuttañceva na ca hetu, siyā na vattabbaṁ—“hetu ceva hetusampayuttañcā”tipi, “hetusampayuttañceva na ca hetū”tipi.
vb2:59.17	Dasāyatanā na hetuahetukā.
vb2:59.18	Manāyatanaṁ siyā na hetusahetukaṁ, siyā na hetuahetukaṁ.
vb2:59.19	Dhammāyatanaṁ siyā na hetusahetukaṁ, siyā na hetuahetukaṁ, siyā na vattabbaṁ—“na hetusahetukan”tipi, “na hetuahetukan”tipi.
vb2:60.0	3.2.2. Cūḷantaraduka
vb2:60.1	Ekādasāyatanā sappaccayā.
vb2:60.2	Dhammāyatanaṁ siyā sappaccayaṁ, siyā appaccayaṁ.
vb2:60.3	Ekādasāyatanā saṅkhatā.
vb2:60.4	Dhammāyatanaṁ siyā saṅkhataṁ, siyā asaṅkhataṁ.
vb2:60.5	Rūpāyatanaṁ sanidassanaṁ.
vb2:60.6	Ekādasāyatanā anidassanā.
vb2:60.7	Dasāyatanā sappaṭighā.
vb2:60.8	Dvāyatanā appaṭighā.
vb2:60.9	Dasāyatanā rūpā.
vb2:60.10	Manāyatanaṁ arūpaṁ.
vb2:60.11	Dhammāyatanaṁ siyā rūpaṁ, siyā arūpaṁ.
vb2:60.12	Dasāyatanā lokiyā.
vb2:60.13	Dvāyatanā siyā lokiyā, siyā lokuttarā;
vb2:60.14	kenaci viññeyyā, kenaci na viññeyyā.
vb2:61.0	3.2.3. Āsavagocchaka
vb2:61.1	Ekādasāyatanā no āsavā.
vb2:61.2	Dhammāyatanaṁ siyā āsavo, siyā no āsavo.
vb2:61.3	Dasāyatanā sāsavā.
vb2:61.4	Dvāyatanā siyā sāsavā, siyā anāsavā.
vb2:61.5	Dasāyatanā āsavavippayuttā.
vb2:61.6	Dvāyatanā siyā āsavasampayuttā, siyā āsavavippayuttā.
vb2:61.7	Dasāyatanā na vattabbā—
vb2:61.8	“āsavā ceva sāsavā cā”ti, sāsavā ceva no ca āsavā.
vb2:61.9	Manāyatanaṁ na vattabbaṁ—
vb2:61.10	“āsavo ceva sāsavañcā”ti, siyā sāsavañceva no ca āsavo, siyā na vattabbaṁ—“sāsavañceva no ca āsavo”ti.
vb2:61.11	Dhammāyatanaṁ siyā āsavo ceva sāsavañca, siyā sāsavañceva no ca āsavo, siyā na vattabbaṁ—“āsavo ceva sāsavañcā”tipi, “sāsavañceva no ca āsavo”tipi.
vb2:61.12	Dasāyatanā na vattabbā—
vb2:61.13	“āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb2:61.14	Manāyatanaṁ na vattabbaṁ—
vb2:61.15	“āsavo ceva āsavasampayuttañcā”ti, siyā āsavasampayuttañceva no ca āsavo, siyā na vattabbaṁ—“āsavasampayuttañceva no ca āsavo”ti.
vb2:61.16	Dhammāyatanaṁ siyā āsavo ceva āsavasampayuttañca, siyā āsavasampayuttañceva no ca āsavo, siyā na vattabbaṁ—“āsavo ceva āsavasampayuttañcā”tipi, “āsavasampayuttañceva no ca āsavo”tipi.
vb2:61.17	Dasāyatanā āsavavippayuttasāsavā.
vb2:61.18	Dvāyatanā siyā āsavavippayuttasāsavā, siyā āsavavippayuttaanāsavā, siyā na vattabbā—“āsavavippayuttasāsavā”tipi, “āsavavippayuttaanāsavā”tipi.
vb2:62.0	3.2.4. Saṁyojanagocchaka
vb2:62.1	Ekādasāyatanā no saṁyojanā.
vb2:62.2	Dhammāyatanaṁ siyā saṁyojanaṁ, siyā no saṁyojanaṁ.
vb2:62.3	Dasāyatanā saṁyojaniyā.
vb2:62.4	Dvāyatanā siyā saṁyojaniyā, siyā asaṁyojaniyā.
vb2:62.5	Dasāyatanā saṁyojanavippayuttā.
vb2:62.6	Dvāyatanā siyā saṁyojanasampayuttā, siyā saṁyojanavippayuttā.
vb2:62.7	Dasāyatanā na vattabbā—
vb2:62.8	“saṁyojanā ceva saṁyojaniyā cā”ti, saṁyojaniyā ceva no ca saṁyojanā.
vb2:62.9	Manāyatanaṁ na vattabbaṁ—
vb2:62.10	“saṁyojanañceva saṁyojaniyañcā”ti, siyā saṁyojaniyañceva no ca saṁyojanaṁ, siyā na vattabbaṁ—“saṁyojaniyañceva no ca saṁyojanan”ti.
vb2:62.11	Dhammāyatanaṁ siyā saṁyojanañceva saṁyojaniyañca, siyā saṁyojaniyañceva no ca saṁyojanaṁ, siyā na vattabbaṁ—“saṁyojanañceva saṁyojaniyan”tipi, “saṁyojaniyañceva no ca saṁyojanan”tipi.
vb2:62.12	Dasāyatanā na vattabbā—
vb2:62.13	“saṁyojanā ceva saṁyojanasampayuttā cā”tipi, “saṁyojanasampayuttā ceva no ca saṁyojanā”tipi.
vb2:62.14	Manāyatanaṁ na vattabbaṁ—
vb2:62.15	“saṁyojanañceva saṁyojanasampayuttañcā”ti, siyā saṁyojanasampayuttañceva no ca saṁyojanaṁ, siyā na vattabbaṁ—“saṁyojanasampayuttañceva no ca saṁyojanan”ti.
vb2:62.16	Dhammāyatanaṁ siyā saṁyojanañceva saṁyojanasampayuttañca, siyā saṁyojanasampayuttañceva no ca saṁyojanaṁ, siyā na vattabbaṁ—“saṁyojanañceva saṁyojanasampayuttañcā”tipi, “saṁyojanasampayuttañceva no ca saṁyojanan”tipi.
vb2:62.17	Dasāyatanā saṁyojanavippayuttasaṁyojaniyā.
vb2:62.18	Dvāyatanā siyā saṁyojanavippayuttasaṁyojaniyā, siyā saṁyojanavippayuttaasaṁyojaniyā, siyā na vattabbā—“saṁyojanavippayuttasaṁyojaniyā”tipi, “saṁyojanavippayuttaasaṁyojaniyā”tipi.
vb2:63.0	3.2.5. Ganthagocchaka
vb2:63.1	Ekādasāyatanā no ganthā.
vb2:63.2	Dhammāyatanaṁ siyā gantho, siyā no gantho.
vb2:63.3	Dasāyatanā ganthaniyā.
vb2:63.4	Dvāyatanā siyā ganthaniyā, siyā aganthaniyā.
vb2:63.5	Dasāyatanā ganthavippayuttā.
vb2:63.6	Dvāyatanā siyā ganthasampayuttā, siyā ganthavippayuttā.
vb2:63.7	Dasāyatanā na vattabbā—
vb2:63.8	“ganthā ceva ganthaniyā cā”ti, ganthaniyā ceva no ca ganthā.
vb2:63.9	Manāyatanaṁ na vattabbaṁ—
vb2:63.10	“gantho ceva ganthaniyañcā”ti, siyā ganthaniyañceva no ca gantho, siyā na vattabbaṁ—“ganthaniyañceva no ca gantho”ti.
vb2:63.11	Dhammāyatanaṁ siyā gantho ceva ganthaniyañca, siyā ganthaniyañceva no ca gantho, siyā na vattabbaṁ—“gantho ceva ganthaniyañcā”tipi, “ganthaniyañceva no ca gantho”tipi.
vb2:63.12	Dasāyatanā na vattabbā—
vb2:63.13	“ganthā ceva ganthasampayuttā cā”tipi, “ganthasampayuttā ceva no ca ganthā”tipi.
vb2:63.14	Manāyatanaṁ na vattabbaṁ—
vb2:63.15	“gantho ceva ganthasampayuttañcā”ti, siyā ganthasampayuttañceva no ca gantho, siyā na vattabbaṁ—“ganthasampayuttañceva no ca gantho”ti.
vb2:63.16	Dhammāyatanaṁ siyā gantho ceva ganthasampayuttañca, siyā ganthasampayuttañceva no ca gantho, siyā na vattabbaṁ—“gantho ceva ganthasampayuttañcā”tipi, “ganthasampayuttañceva no ca gantho”tipi.
vb2:63.17	Dasāyatanā ganthavippayuttaganthaniyā.
vb2:63.18	Dvāyatanā siyā ganthavippayuttaganthaniyā, siyā ganthavippayuttaaganthaniyā, siyā na vattabbā—“ganthavippayuttaganthaniyā”tipi, “ganthavippayuttaaganthaniyā”tipi.
vb2:64.0	2.3.2.6. Oghayoganīvaraṇagocchaka
vb2:64.1	Ekādasāyatanā no oghā …pe…
vb2:64.2	no yogā …pe…
vb2:64.3	no nīvaraṇā.
vb2:64.4	Dhammāyatanaṁ siyā nīvaraṇaṁ, siyā no nīvaraṇaṁ.
vb2:64.5	Dasāyatanā nīvaraṇiyā.
vb2:64.6	Dvāyatanā siyā nīvaraṇiyā, siyā anīvaraṇiyā.
vb2:64.7	Dasāyatanā nīvaraṇavippayuttā.
vb2:64.8	Dvāyatanā siyā nīvaraṇasampayuttā, siyā nīvaraṇavippayuttā.
vb2:64.9	Dasāyatanā na vattabbā—
vb2:64.10	“nīvaraṇā ceva nīvaraṇiyā cā”ti, nīvaraṇiyā ceva no ca nīvaraṇā.
vb2:64.11	Manāyatanaṁ na vattabbaṁ—
vb2:64.12	“nīvaraṇañceva nīvaraṇiyañcā”ti, siyā nīvaraṇiyañceva no ca nīvaraṇaṁ, siyā na vattabbaṁ—“nīvaraṇiyañceva no ca nīvaraṇan”ti.
vb2:64.13	Dhammāyatanaṁ siyā nīvaraṇañceva nīvaraṇiyañca, siyā nīvaraṇiyañceva no ca nīvaraṇaṁ, siyā na vattabbaṁ—“nīvaraṇañceva nīvaraṇiyañcā”tipi, “nīvaraṇiyañceva no ca nīvaraṇan”tipi.
vb2:64.14	Dasāyatanā na vattabbā—
vb2:64.15	“nīvaraṇā ceva nīvaraṇasampayuttā cā”tipi, nīvaraṇasampayuttā ceva no ca nīvaraṇātipi.
vb2:64.16	Manāyatanaṁ na vattabbaṁ—
vb2:64.17	“nīvaraṇañceva nīvaraṇasampayuttañcā”ti, siyā nīvaraṇasampayuttañceva no ca nīvaraṇaṁ, siyā na vattabbaṁ—“nīvaraṇasampayuttañceva no ca nīvaraṇan”ti.
vb2:64.18	Dhammāyatanaṁ siyā nīvaraṇañceva nīvaraṇasampayuttañca, siyā nīvaraṇasampayuttañceva no ca nīvaraṇaṁ, siyā na vattabbaṁ—“nīvaraṇañceva nīvaraṇasampayuttañcā”tipi, “nīvaraṇasampayuttañceva no ca nīvaraṇan”tipi.
vb2:64.19	Dasāyatanā nīvaraṇavippayuttanīvaraṇiyā.
vb2:64.20	Dvāyatanā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā—“nīvaraṇavippayuttanīvaraṇiyā”tipi, “nīvaraṇavippayuttaanīvaraṇiyā”tipi.
vb2:65.0	3.2.9. Parāmāsagocchaka
vb2:65.1	Ekādasāyatanā no parāmāsā.
vb2:65.2	Dhammāyatanaṁ siyā parāmāso, siyā no parāmāso.
vb2:65.3	Dasāyatanā parāmaṭṭhā.
vb2:65.4	Dvāyatanā siyā parāmaṭṭhā, siyā aparāmaṭṭhā.
vb2:65.5	Dasāyatanā parāmāsavippayuttā.
vb2:65.6	Manāyatanaṁ siyā parāmāsasampayuttaṁ, siyā parāmāsavippayuttaṁ.
vb2:65.7	Dhammāyatanaṁ siyā parāmāsasampayuttaṁ, siyā parāmāsavippayuttaṁ, siyā na vattabbaṁ—“parāmāsasampayuttan”tipi, “parāmāsavippayuttan”tipi.
vb2:65.8	Dasāyatanā na vattabbā—
vb2:65.9	“parāmāsā ceva parāmaṭṭhā cā”ti, “parāmaṭṭhā ceva no ca parāmāsā”.
vb2:65.10	Manāyatanaṁ na vattabbaṁ—
vb2:65.11	“parāmāso ceva parāmaṭṭhañcā”ti, siyā parāmaṭṭhañceva no ca parāmāso, siyā na vattabbaṁ—“parāmaṭṭhañceva no ca parāmāso”ti.
vb2:65.12	Dhammāyatanaṁ siyā parāmāso ceva parāmaṭṭhañca, siyā parāmaṭṭhañceva no ca parāmāso, siyā na vattabbaṁ—“parāmāso ceva parāmaṭṭhañcā”tipi, “parāmaṭṭhañceva no ca parāmāso”tipi.
vb2:65.13	Dasāyatanā parāmāsavippayuttaparāmaṭṭhā.
vb2:65.14	Dvāyatanā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā, siyā na vattabbā—“parāmāsavippayuttaparāmaṭṭhā”tipi, “parāmāsavippayuttaaparāmaṭṭhā”tipi.
vb2:66.0	3.2.10. Mahantaraduka
vb2:66.1	Dasāyatanā anārammaṇā.
vb2:66.2	Manāyatanaṁ sārammaṇaṁ.
vb2:66.3	Dhammāyatanaṁ siyā sārammaṇaṁ, siyā anārammaṇaṁ.
vb2:66.4	Manāyatanaṁ cittaṁ.
vb2:66.5	Ekādasāyatanā no cittā.
vb2:66.6	Ekādasāyatanā acetasikā.
vb2:66.7	Dhammāyatanaṁ siyā cetasikaṁ, siyā acetasikaṁ.
vb2:66.8	Dasāyatanā cittavippayuttā.
vb2:66.9	Dhammāyatanaṁ siyā cittasampayuttaṁ, siyā cittavippayuttaṁ.
vb2:66.10	Manāyatanaṁ na vattabbaṁ—
vb2:66.11	“cittena sampayuttan”tipi, “cittena vippayuttan”tipi.
vb2:66.12	Dasāyatanā cittavisaṁsaṭṭhā.
vb2:66.13	Dhammāyatanaṁ siyā cittasaṁsaṭṭhaṁ, siyā cittavisaṁsaṭṭhaṁ.
vb2:66.14	Manāyatanaṁ na vattabbaṁ—
vb2:66.15	“cittena saṁsaṭṭhan”tipi, “cittena visaṁsaṭṭhan”tipi.
vb2:66.16	Chāyatanā no cittasamuṭṭhānā.
vb2:66.17	Chāyatanā siyā cittasamuṭṭhānā, siyā no cittasamuṭṭhānā.
vb2:66.18	Ekādasāyatanā no cittasahabhuno.
vb2:66.19	Dhammāyatanaṁ siyā cittasahabhū, siyā no cittasahabhū.
vb2:66.20	Ekādasāyatanā no cittānuparivattino.
vb2:66.21	Dhammāyatanaṁ siyā cittānuparivatti, siyā no cittānuparivatti.
vb2:66.22	Ekādasāyatanā no cittasaṁsaṭṭhasamuṭṭhānā.
vb2:66.23	Dhammāyatanaṁ siyā cittasaṁsaṭṭhasamuṭṭhānaṁ, siyā no cittasaṁsaṭṭhasamuṭṭhānaṁ.
vb2:66.24	Ekādasāyatanā no cittasaṁsaṭṭhasamuṭṭhānasahabhuno.
vb2:66.25	Dhammāyatanaṁ siyā cittasaṁsaṭṭhasamuṭṭhānasahabhū, siyā no cittasaṁsaṭṭhasamuṭṭhānasahabhū.
vb2:66.26	Ekādasāyatanā no cittasaṁsaṭṭhasamuṭṭhānānuparivattino.
vb2:66.27	Dhammāyatanaṁ siyā cittasaṁsaṭṭhasamuṭṭhānānuparivatti, siyā no cittasaṁsaṭṭhasamuṭṭhānānuparivatti.
vb2:67.1	Chāyatanā ajjhattikā.
vb2:67.2	Chāyatanā bāhirā.
vb2:67.3	Navāyatanā upādā.
vb2:67.4	Dvāyatanā no upādā.
vb2:67.5	Dhammāyatanaṁ siyā upādā, siyā no upādā.
vb2:67.6	Pañcāyatanā upādinnā.
vb2:67.7	Saddāyatanaṁ anupādinnaṁ.
vb2:67.8	Chāyatanā siyā upādinnā, siyā anupādinnā.
vb2:68.0	3.2.11. Upādānagocchaka
vb2:68.1	Ekādasāyatanā no upādānā.
vb2:68.2	Dhammāyatanaṁ siyā upādānaṁ, siyā no upādānaṁ.
vb2:68.3	Dasāyatanā upādāniyā.
vb2:68.4	Dvāyatanā siyā upādāniyā, siyā anupādāniyā.
vb2:68.5	Dasāyatanā upādānavippayuttā.
vb2:68.6	Dvāyatanā siyā upādānasampayuttā, siyā upādānavippayuttā.
vb2:68.7	Dasāyatanā na vattabbā—
vb2:68.8	“upādānā ceva upādāniyā cā”ti, upādāniyā ceva no ca upādānā.
vb2:68.9	Manāyatanaṁ na vattabbaṁ—
vb2:68.10	“upādānañceva upādāniyañcā”ti, siyā upādāniyañceva no ca upādānaṁ, siyā na vattabbaṁ—“upādāniyañceva no ca upādānan”ti.
vb2:68.11	Dhammāyatanaṁ siyā upādānañceva upādāniyañca, siyā upādāniyañceva no ca upādānaṁ, siyā na vattabbaṁ—“upādānañceva upādāniyañcā”tipi, “upādāniyañceva no ca upādānan”tipi.
vb2:68.12	Dasāyatanā na vattabbā—
vb2:68.13	“upādānā ceva upādānasampayuttā cā”tipi, “upādānasampayuttā ceva no ca upādānā”tipi.
vb2:68.14	Manāyatanaṁ na vattabbaṁ—
vb2:68.15	“upādāniyañceva upādānasampayuttañcā”ti, siyā upādānasampayuttañceva no ca upādānaṁ, siyā na vattabbaṁ—“upādānasampayuttañceva no ca upādānan”ti.
vb2:68.16	Dhammāyatanaṁ siyā upādānañceva upādānasampayuttañca, siyā upādānasampayuttañceva no ca upādānaṁ, siyā na vattabbaṁ—“upādānañceva upādānasampayuttañcā”tipi, “upādānasampayuttañceva no ca upādānan”tipi.
vb2:68.17	Dasāyatanā upādānavippayuttaupādāniyā.
vb2:68.18	Dvāyatanā siyā upādānasampayuttaupādāniyā, siyā upādānavippayuttaanupādāniyā, siyā na vattabbā—“upādānavippayuttaupādāniyā”tipi, “upādānavippayuttaanupādāniyā”tipi.
vb2:69.0	3.2.12. Kilesagocchaka
vb2:69.1	Ekādasāyatanā no kilesā.
vb2:69.2	Dhammāyatanaṁ siyā kileso, siyā no kileso.
vb2:69.3	Dasāyatanā saṅkilesikā.
vb2:69.4	Dvāyatanā siyā saṅkilesikā, siyā asaṅkilesikā.
vb2:69.5	Dasāyatanā asaṅkiliṭṭhā.
vb2:69.6	Dvāyatanā siyā saṅkiliṭṭhā, siyā asaṅkiliṭṭhā.
vb2:69.7	Dasāyatanā kilesavippayuttā.
vb2:69.8	Dvāyatanā siyā kilesasampayuttā, siyā kilesavippayuttā.
vb2:69.9	Dasāyatanā na vattabbā—
vb2:69.10	“kilesā ceva saṅkilesikā cā”ti, saṅkilesikā ceva no ca kilesā.
vb2:69.11	Manāyatanaṁ na vattabbaṁ—
vb2:69.12	“kileso ceva saṅkilesikañcā”ti, siyā saṅkilesikañceva no ca kileso, siyā na vattabbaṁ—“saṅkilesikañceva no ca kileso”ti.
vb2:69.13	Dhammāyatanaṁ siyā kileso ceva saṅkilesikañca, siyā saṅkilesikañceva no ca kileso, siyā na vattabbaṁ—“kileso ceva saṅkilesikañcā”tipi, “saṅkilesikañceva no ca kileso”tipi.
vb2:69.14	Dasāyatanā na vattabbā—
vb2:69.15	“kilesā ceva saṅkiliṭṭhā cā”tipi, “saṅkiliṭṭhā ceva no ca kilesā”tipi.
vb2:69.16	Manāyatanaṁ na vattabbaṁ—
vb2:69.17	“kileso ceva saṅkiliṭṭhañcā”ti, siyā saṅkiliṭṭhañceva no ca kileso, siyā na vattabbaṁ—“saṅkiliṭṭhañceva no ca kileso”ti.
vb2:69.18	Dhammāyatanaṁ siyā kileso ceva saṅkiliṭṭhañca, siyā saṅkiliṭṭhañceva no ca kileso, siyā na vattabbaṁ—“kileso ceva saṅkiliṭṭhañcā”tipi, “saṅkiliṭṭhañceva no ca kileso”tipi.
vb2:70.1	Dasāyatanā na vattabbā—
vb2:70.2	“kilesā ceva kilesasampayuttā cā”tipi, “kilesasampayuttā ceva no ca kilesā”tipi.
vb2:70.3	Manāyatanaṁ na vattabbaṁ—
vb2:70.4	“kileso ceva kilesasampayuttañcā”ti, siyā kilesasampayuttañceva no ca kileso, siyā na vattabbaṁ—“kilesasampayuttañceva no ca kileso”ti.
vb2:70.5	Dhammāyatanaṁ siyā kileso ceva kilesasampayuttañca, siyā kilesasampayuttañceva no ca kileso, siyā na vattabbaṁ—“kileso ceva kilesasampayuttañcā”tipi, “kilesasampayuttañceva no ca kileso”tipi.
vb2:70.6	Dasāyatanā kilesavippayuttasaṅkilesikā.
vb2:70.7	Dvāyatanā siyā kilesavippayuttasaṅkilesikā, siyā kilesavippayuttaasaṅkilesikā, siyā na vattabbā—“kilesavippayuttasaṅkilesikā”tipi, “kilesavippayuttaasaṅkilesikā”tipi.
vb2:71.0	3.2.13. Piṭṭhiduka
vb2:71.1	Dasāyatanā na dassanena pahātabbā.
vb2:71.2	Dvāyatanā siyā dassanena pahātabbā, siyā na dassanena pahātabbā.
vb2:71.3	Dasāyatanā na bhāvanāya pahātabbā.
vb2:71.4	Dvāyatanā siyā bhāvanāya pahātabbā, siyā na bhāvanāya pahātabbā.
vb2:71.5	Dasāyatanā na dassanena pahātabbahetukā.
vb2:71.6	Dvāyatanā siyā dassanena pahātabbahetukā, siyā na dassanena pahātabbahetukā.
vb2:71.7	Dasāyatanā na bhāvanāya pahātabbahetukā.
vb2:71.8	Dvāyatanā siyā bhāvanāya pahātabbahetukā, siyā na bhāvanāya pahātabbahetukā.
vb2:71.9	Dasāyatanā avitakkā.
vb2:71.10	Dvāyatanā siyā savitakkā, siyā avitakkā.
vb2:71.11	Dasāyatanā avicārā.
vb2:71.12	Dvāyatanā siyā savicārā, siyā avicārā.
vb2:71.13	Dasāyatanā appītikā.
vb2:71.14	Dvāyatanā siyā sappītikā, siyā appītikā.
vb2:71.15	Dasāyatanā na pītisahagatā.
vb2:71.16	Dvāyatanā siyā pītisahagatā, siyā na pītisahagatā.
vb2:71.17	Dasāyatanā na sukhasahagatā.
vb2:71.18	Dvāyatanā siyā sukhasahagatā, siyā na sukhasahagatā.
vb2:71.19	Dasāyatanā na upekkhāsahagatā.
vb2:71.20	Dvāyatanā siyā upekkhāsahagatā, siyā na upekkhāsahagatā.
vb2:72.1	Dasāyatanā kāmāvacarā.
vb2:72.2	Dvāyatanā siyā kāmāvacarā, siyā na kāmāvacarā.
vb2:72.3	Dasāyatanā na rūpāvacarā.
vb2:72.4	Dvāyatanā siyā rūpāvacarā, siyā na rūpāvacarā.
vb2:72.5	Dasāyatanā na arūpāvacarā.
vb2:72.6	Dvāyatanā siyā arūpāvacarā, siyā na arūpāvacarā.
vb2:72.7	Dasāyatanā pariyāpannā.
vb2:72.8	Dvāyatanā siyā pariyāpannā, siyā apariyāpannā.
vb2:72.9	Dasāyatanā aniyyānikā.
vb2:72.10	Dvāyatanā siyā niyyānikā, siyā aniyyānikā.
vb2:72.11	Dasāyatanā aniyatā.
vb2:72.12	Dvāyatanā siyā niyatā, siyā aniyatā.
vb2:72.13	Dasāyatanā sauttarā.
vb2:72.14	Dvāyatanā siyā sauttarā, siyā anuttarā.
vb2:72.15	Dasāyatanā araṇā.
vb2:72.16	Dvāyatanā siyā saraṇā, siyā araṇāti.
vb2:73.1	Pañhāpucchakaṁ.
vb2:74.1	Āyatanavibhaṅgo niṭṭhito.
vb3:0.1	Vibhaṅga
vb3:0.2	Dhātuvibhaṅga
vb3:1.0	1. Suttantabhājanīya
vb3:1.1	Cha dhātuyo—
vb3:1.2	pathavīdhātu, āpodhātu, tejodhātu, vāyodhātu, ākāsadhātu, viññāṇadhātu.
vb3:2.1	Tattha katamā pathavīdhātu?
vb3:2.2	Pathavīdhātudvayaṁ—
vb3:2.3	atthi ajjhattikā, atthi bāhirā.
vb3:2.4	Tattha katamā ajjhattikā pathavīdhātu?
vb3:2.5	Yaṁ ajjhattaṁ paccattaṁ kakkhaḷaṁ kharigataṁ kakkhaḷattaṁ kakkhaḷabhāvo ajjhattaṁ upādinnaṁ, seyyathidaṁ—
vb3:2.6	kesā lomā nakhā dantā taco maṁsaṁ nhāru aṭṭhi aṭṭhimiñjaṁ vakkaṁ hadayaṁ yakanaṁ kilomakaṁ pihakaṁ papphāsaṁ antaṁ antaguṇaṁ udariyaṁ karīsaṁ, yaṁ vā panaññampi atthi ajjhattaṁ paccattaṁ kakkhaḷaṁ kharigataṁ kakkhaḷattaṁ kakkhaḷabhāvo ajjhattaṁ upādinnaṁ—
vb3:2.7	ayaṁ vuccati “ajjhattikā pathavīdhātu”.
vb3:3.1	Tattha katamā bāhirā pathavīdhātu?
vb3:3.2	Yaṁ bāhiraṁ kakkhaḷaṁ kharigataṁ kakkhaḷattaṁ kakkhaḷabhāvo bahiddhā anupādinnaṁ, seyyathidaṁ—
vb3:3.3	ayo lohaṁ tipu sīsaṁ sajjhaṁ muttā maṇi veḷuriyo saṅkho silā pavāḷaṁ rajataṁ jātarūpaṁ lohitaṅko masāragallaṁ tiṇaṁ kaṭṭhaṁ sakkharā kaṭhalaṁ bhūmi pāsāṇo pabbato, yaṁ vā panaññampi atthi bāhiraṁ kakkhaḷaṁ kharigataṁ kakkhaḷattaṁ kakkhaḷabhāvo bahiddhā anupādinnaṁ—
vb3:3.4	ayaṁ vuccati “bāhirā pathavīdhātu”.
vb3:3.5	Yā ca ajjhattikā pathavīdhātu yā ca bāhirā pathavīdhātu, tadekajjhaṁ abhisaññūhitvā abhisaṅkhipitvā—
vb3:3.6	ayaṁ vuccati “pathavīdhātu”.
vb3:4.1	Tattha katamā āpodhātu?
vb3:4.2	Āpodhātudvayaṁ—
vb3:4.3	atthi ajjhattikā, atthi bāhirā.
vb3:4.4	Tattha katamā ajjhattikā āpodhātu?
vb3:4.5	Yaṁ ajjhattaṁ paccattaṁ āpo āpogataṁ sineho sinehagataṁ bandhanattaṁ rūpassa ajjhattaṁ upādinnaṁ, seyyathidaṁ—
vb3:4.6	pittaṁ semhaṁ pubbo lohitaṁ sedo medo assu vasā kheḷo siṅghāṇikā lasikā muttaṁ, yaṁ vā panaññampi atthi ajjhattaṁ paccattaṁ āpo āpogataṁ sineho sinehagataṁ bandhanattaṁ rūpassa ajjhattaṁ upādinnaṁ—
vb3:4.7	ayaṁ vuccati “ajjhattikā āpodhātu”.
vb3:5.1	Tattha katamā bāhirā āpodhātu?
vb3:5.2	Yaṁ bāhiraṁ āpo āpogataṁ sineho sinehagataṁ bandhanattaṁ rūpassa bahiddhā anupādinnaṁ, seyyathidaṁ—
vb3:5.3	mūlaraso khandharaso tacaraso pattaraso puppharaso phalaraso khīraṁ dadhi sappi navanītaṁ telaṁ madhu phāṇitaṁ bhummāni vā udakāni antalikkhāni vā, yaṁ vā panaññampi atthi bāhiraṁ āpo āpogataṁ sineho sinehagataṁ bandhanattaṁ rūpassa bahiddhā anupādinnaṁ—
vb3:5.4	ayaṁ vuccati “bāhirā āpodhātu”.
vb3:5.5	Yā ca ajjhattikā āpodhātu yā ca bāhirā āpodhātu, tadekajjhaṁ abhisaññūhitvā abhisaṅkhipitvā—
vb3:5.6	ayaṁ vuccati “āpodhātu”.
vb3:6.1	Tattha katamā tejodhātu?
vb3:6.2	Tejodhātudvayaṁ—
vb3:6.3	atthi ajjhattikā, atthi bāhirā.
vb3:6.4	Tattha katamā ajjhattikā tejodhātu?
vb3:6.5	Yaṁ ajjhattaṁ paccattaṁ tejo tejogataṁ usmā usmāgataṁ usumaṁ usumagataṁ ajjhattaṁ upādinnaṁ, seyyathidaṁ—
vb3:6.6	yena ca santappati yena ca jīrīyati yena ca pariḍayhati yena ca asitapītakhāyitasāyitaṁ sammā pariṇāmaṁ gacchati, yaṁ vā panaññampi atthi ajjhattaṁ paccattaṁ tejo tejogataṁ usmā usmāgataṁ usumaṁ usumagataṁ ajjhattaṁ upādinnaṁ—
vb3:6.7	ayaṁ vuccati “ajjhattikā tejodhātu”.
vb3:7.1	Tattha katamā bāhirā tejodhātu?
vb3:7.2	Yaṁ bāhiraṁ tejo tejogataṁ usmā usmāgataṁ usumaṁ usumagataṁ bahiddhā anupādinnaṁ, seyyathidaṁ—
vb3:7.3	kaṭṭhaggi palālaggi tiṇaggi gomayaggi thusaggi saṅkāraggi indaggi aggisantāpo sūriyasantāpo kaṭṭhasannicayasantāpo tiṇasannicayasantāpo dhaññasannicayasantāpo bhaṇḍasannicayasantāpo, yaṁ vā panaññampi atthi bāhiraṁ tejo tejogataṁ usmā usmāgataṁ usumaṁ usumagataṁ bahiddhā anupādinnaṁ—
vb3:7.4	ayaṁ vuccati “bāhirā tejodhātu”.
vb3:7.5	Yā ca ajjhattikā tejodhātu yā ca bāhirā tejodhātu, tadekajjhaṁ abhisaññūhitvā abhisaṅkhipitvā—
vb3:7.6	ayaṁ vuccati “tejodhātu”.
vb3:8.1	Tattha katamā vāyodhātu?
vb3:8.2	Vāyodhātudvayaṁ—
vb3:8.3	atthi ajjhattikā, atthi bāhirā.
vb3:8.4	Tattha katamā ajjhattikā vāyodhātu?
vb3:8.5	Yaṁ ajjhattaṁ paccattaṁ vāyo vāyogataṁ thambhitattaṁ rūpassa ajjhattaṁ upādinnaṁ, seyyathidaṁ—
vb3:8.6	uddhaṅgamā vātā adhogamā vātā kucchisayā vātā koṭṭhāsayā vātā aṅgamaṅgānusārino vātā satthakavātā khurakavātā uppalakavātā assāso passāso iti vā, yaṁ vā panaññampi atthi ajjhattaṁ paccattaṁ vāyo vāyogataṁ thambhitattaṁ rūpassa ajjhattaṁ upādinnaṁ—
vb3:8.7	ayaṁ vuccati “ajjhattikā vāyodhātu”.
vb3:9.1	Tattha katamā bāhirā vāyodhātu?
vb3:9.2	Yaṁ bāhiraṁ vāyo vāyogataṁ thambhitattaṁ rūpassa bahiddhā anupādinnaṁ, seyyathidaṁ—
vb3:9.3	puratthimā vātā pacchimā vātā uttarā vātā dakkhiṇā vātā sarajā vātā arajā vātā sītā vātā uṇhā vātā parittā vātā adhimattā vātā kāḷavātā verambhavātā pakkhavātā supaṇṇavātā tālavaṇṭavātā vidhūpanavātā, yaṁ vā panaññampi atthi bāhiraṁ vāyo vāyogataṁ thambhitattaṁ rūpassa bahiddhā anupādinnaṁ—
vb3:9.4	ayaṁ vuccati “bāhirā vāyodhātu”.
vb3:9.5	Yā ca ajjhattikā vāyodhātu yā ca bāhirā vāyodhātu, tadekajjhaṁ abhisaññūhitvā abhisaṅkhipitvā—
vb3:9.6	ayaṁ vuccati “vāyodhātu”.
vb3:10.1	Tattha katamā ākāsadhātu?
vb3:10.2	Ākāsadhātudvayaṁ—
vb3:10.3	atthi ajjhattikā, atthi bāhirā.
vb3:10.4	Tattha katamā ajjhattikā ākāsadhātu?
vb3:10.5	Yaṁ ajjhattaṁ paccattaṁ ākāso ākāsagataṁ aghaṁ aghagataṁ vivaro vivaragataṁ asamphuṭṭhaṁ maṁsalohitehi ajjhattaṁ upādinnaṁ, seyyathidaṁ—
vb3:10.6	kaṇṇacchiddaṁ nāsacchiddaṁ mukhadvāraṁ, yena ca asitapītakhāyitasāyitaṁ ajjhoharati, yattha ca asitapītakhāyitasāyitaṁ santiṭṭhati, yena ca asitapītakhāyitasāyitaṁ adhobhāgaṁ nikkhamati, yaṁ vā panaññampi atthi ajjhattaṁ paccattaṁ ākāso ākāsagataṁ aghaṁ aghagataṁ vivaro vivaragataṁ asamphuṭṭhaṁ maṁsalohitehi ajjhattaṁ upādinnaṁ—
vb3:10.7	ayaṁ vuccati “ajjhattikā ākāsadhātu”.
vb3:11.1	Tattha katamā bāhirā ākāsadhātu?
vb3:11.2	Yaṁ bāhiraṁ ākāso ākāsagataṁ aghaṁ aghagataṁ vivaro vivaragataṁ asamphuṭṭhaṁ catūhi mahābhūtehi bahiddhā anupādinnaṁ—
vb3:11.3	ayaṁ vuccati “bāhirā ākāsadhātu”.
vb3:11.4	Yā ca ajjhattikā ākāsadhātu yā ca bāhirā ākāsadhātu, tadekajjhaṁ abhisaññūhitvā abhisaṅkhipitvā—
vb3:11.5	ayaṁ vuccati “ākāsadhātu”.
vb3:12.1	Tattha katamā viññāṇadhātu?
vb3:12.2	Cakkhuviññāṇadhātu, sotaviññāṇadhātu, ghānaviññāṇadhātu, jivhāviññāṇadhātu, kāyaviññāṇadhātu, manoviññāṇadhātu—
vb3:12.3	ayaṁ vuccati “viññāṇadhātu”.
vb3:13.1	Imā cha dhātuyo.
vb3:14.1	Aparāpi cha dhātuyo—
vb3:14.2	sukhadhātu, dukkhadhātu, somanassadhātu, domanassadhātu, upekkhādhātu, avijjādhātu.
vb3:15.1	Tattha katamā sukhadhātu?
vb3:15.2	Yaṁ kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—
vb3:15.3	ayaṁ vuccati “sukhadhātu”.
vb3:16.1	Tattha katamā dukkhadhātu?
vb3:16.2	Yaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—
vb3:16.3	ayaṁ vuccati “dukkhadhātu”.
vb3:17.1	Tattha katamā somanassadhātu?
vb3:17.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb3:17.3	ayaṁ vuccati “somanassadhātu”.
vb3:18.1	Tattha katamā domanassadhātu?
vb3:18.2	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb3:18.3	ayaṁ vuccati “domanassadhātu”.
vb3:19.1	Tattha katamā upekkhādhātu?
vb3:19.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb3:19.3	ayaṁ vuccati “upekkhādhātu”.
vb3:20.1	Tattha katamā avijjādhātu?
vb3:20.2	Yaṁ aññāṇaṁ adassanaṁ anabhisamayo ananubodho asambodho appaṭivedho asaṅgāhaṇā apariyogāhaṇā asamapekkhanā apaccavekkhaṇā apaccakkhakammaṁ dummejjhaṁ bālyaṁ asampajaññaṁ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṁ avijjālaṅgī moho akusalamūlaṁ—
vb3:20.3	ayaṁ vuccati “avijjādhātu”.
vb3:21.1	Imā cha dhātuyo.
vb3:22.1	Aparāpi cha dhātuyo—
vb3:22.2	kāmadhātu, byāpādadhātu, vihiṁsādhātu, nekkhammadhātu, abyāpādadhātu, avihiṁsādhātu.
vb3:23.1	Tattha katamā kāmadhātu?
vb3:23.2	Kāmapaṭisaṁyutto takko vitakko saṅkappo appanā byappanā cetaso abhiniropanā micchāsaṅkappo—
vb3:23.3	ayaṁ vuccati kāmadhātu.
vb3:23.4	Heṭṭhato avīcinirayaṁ pariyantaṁ karitvā uparito paranimmitavasavattī deve anto karitvā yaṁ etasmiṁ antare etthāvacarā ettha pariyāpannā khandhadhātuāyatanā rūpā vedanā saññā saṅkhārā viññāṇaṁ—
vb3:23.5	ayaṁ vuccati “kāmadhātu”.
vb3:24.1	Tattha katamā byāpādadhātu?
vb3:24.2	Byāpādapaṭisaṁyutto takko vitakko …pe… micchāsaṅkappo—
vb3:24.3	ayaṁ vuccati “byāpādadhātu”.
vb3:24.4	Dasasu vā āghātavatthūsu cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā virodho paṭivirodho caṇḍikkaṁ asuropo anattamanatā cittassa—
vb3:24.5	ayaṁ vuccati “byāpādadhātu”.
vb3:25.1	Tattha katamā vihiṁsādhātu?
vb3:25.2	Vihiṁsāpaṭisaṁyutto takko vitakko …pe… micchāsaṅkappo—
vb3:25.3	ayaṁ vuccati “vihiṁsādhātu”.
vb3:25.4	Idhekacco pāṇinā vā leḍḍunā vā daṇḍena vā satthena vā rajjuyā vā aññataraññatarena satte viheṭheti, yā evarūpā heṭhanā viheṭhanā hiṁsanā vihiṁsanā rosanā virosanā parūpaghāto—
vb3:25.5	ayaṁ vuccati “vihiṁsādhātu”.
vb3:26.1	Tattha katamā nekkhammadhātu?
vb3:26.2	Nekkhammapaṭisaṁyutto takko vitakko …pe… sammāsaṅkappo—
vb3:26.3	ayaṁ vuccati “nekkhammadhātu”.
vb3:26.4	Sabbepi kusalā dhammā “nekkhammadhātu”.
vb3:27.1	Tattha katamā abyāpādadhātu?
vb3:27.2	Abyāpādapaṭisaṁyutto takko vitakko …pe… sammāsaṅkappo—
vb3:27.3	ayaṁ vuccati “abyāpādadhātu”.
vb3:27.4	Yā sattesu metti mettāyanā mettāyitattaṁ mettācetovimutti—
vb3:27.5	ayaṁ vuccati “abyāpādadhātu”.
vb3:28.1	Tattha katamā avihiṁsādhātu?
vb3:28.2	Avihiṁsāpaṭisaṁyutto takko vitakko saṅkappo appanā byappanā cetaso abhiniropanā sammāsaṅkappo—
vb3:28.3	ayaṁ vuccati “avihiṁsādhātu”.
vb3:28.4	Yā sattesu karuṇā karuṇāyanā karuṇāyitattaṁ karuṇācetovimutti—
vb3:28.5	ayaṁ vuccati “avihiṁsādhātu”.
vb3:29.1	Imā cha dhātuyo.
vb3:30.1	Iti imāni tīṇi chakkāni tadekajjhaṁ abhisaññūhitvā abhisaṅkhipitvā aṭṭhārasa dhātuyo honti.
vb3:31.1	Suttantabhājanīyaṁ.
vb3:32.0	2. Abhidhammabhājanīya
vb3:32.1	Aṭṭhārasa dhātuyo—
vb3:32.2	cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu.
vb3:33.1	Tattha katamā cakkhudhātu?
vb3:33.2	Yaṁ cakkhu catunnaṁ mahābhūtānaṁ upādāya pasādo …pe… suñño gāmopeso—
vb3:33.3	ayaṁ vuccati “cakkhudhātu”.
vb3:34.1	Tattha katamā rūpadhātu?
vb3:34.2	Yaṁ rūpaṁ catunnaṁ mahābhūtānaṁ upādāya vaṇṇanibhā …pe… rūpadhātupesā—
vb3:34.3	ayaṁ vuccati “rūpadhātu”.
vb3:35.1	Tattha katamā cakkhuviññāṇadhātu?
vb3:35.2	Cakkhuñca paṭicca rūpe ca uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjācakkhuviññāṇadhātu—
vb3:35.3	ayaṁ vuccati “cakkhuviññāṇadhātu”.
vb3:36.1	Tattha katamā sotadhātu?
vb3:36.2	Yaṁ sotaṁ catunnaṁ mahābhūtānaṁ upādāya pasādo …pe… suñño gāmopeso—
vb3:36.3	ayaṁ vuccati “sotadhātu”.
vb3:37.1	Tattha katamā saddadhātu?
vb3:37.2	Yo saddo catunnaṁ mahābhūtānaṁ upādāya anidassano sappaṭigho …pe… saddadhātupesā—
vb3:37.3	ayaṁ vuccati “saddadhātu”.
vb3:38.1	Tattha katamā sotaviññāṇadhātu?
vb3:38.2	Sotañca paṭicca sadde ca uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāsotaviññāṇadhātu—
vb3:38.3	ayaṁ vuccati “sotaviññāṇadhātu”.
vb3:39.1	Tattha katamā ghānadhātu?
vb3:39.2	Yaṁ ghānaṁ catunnaṁ mahābhūtānaṁ upādāya pasādo …pe… suñño gāmopeso—
vb3:39.3	ayaṁ vuccati “ghānadhātu”.
vb3:40.1	Tattha katamā gandhadhātu?
vb3:40.2	Yo gandho catunnaṁ mahābhūtānaṁ upādāya anidassano sappaṭigho …pe… gandhadhātupesā—
vb3:40.3	ayaṁ vuccati “gandhadhātu”.
vb3:41.1	Tattha katamā ghānaviññāṇadhātu?
vb3:41.2	Ghānañca paṭicca gandhe ca uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāghānaviññāṇadhātu—
vb3:41.3	ayaṁ vuccati “ghānaviññāṇadhātu”.
vb3:42.1	Tattha katamā jivhādhātu?
vb3:42.2	Yā jivhā catunnaṁ mahābhūtānaṁ upādāya pasādo …pe… suñño gāmopeso—
vb3:42.3	ayaṁ vuccati “jivhādhātu”.
vb3:43.1	Tattha katamā rasadhātu?
vb3:43.2	Yo raso catunnaṁ mahābhūtānaṁ upādāya anidassano sappaṭigho …pe… rasadhātupesā—
vb3:43.3	ayaṁ vuccati “rasadhātu”.
vb3:44.1	Tattha katamā jivhāviññāṇadhātu?
vb3:44.2	Jivhañca paṭicca rase ca uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjājivhāviññāṇadhātu—
vb3:44.3	ayaṁ vuccati “jivhāviññāṇadhātu”.
vb3:45.1	Tattha katamā kāyadhātu?
vb3:45.2	Yo kāyo catunnaṁ mahābhūtānaṁ upādāya pasādo …pe… suñño gāmopeso—
vb3:45.3	ayaṁ vuccati “kāyadhātu”.
vb3:46.1	Tattha katamā phoṭṭhabbadhātu?
vb3:46.2	Pathavīdhātu …pe… phoṭṭhabbadhātupesā—
vb3:46.3	ayaṁ vuccati “phoṭṭhabbadhātu”.
vb3:47.1	Tattha katamā kāyaviññāṇadhātu?
vb3:47.2	Kāyañca paṭicca phoṭṭhabbe ca uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjākāyaviññāṇadhātu—
vb3:47.3	ayaṁ vuccati “kāyaviññāṇadhātu”.
vb3:48.1	Tattha katamā manodhātu?
vb3:48.2	Cakkhuviññāṇadhātuyā uppajjitvā niruddhasamanantarā uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanodhātu;
vb3:48.3	sotaviññāṇadhātuyā …pe…
vb3:48.4	ghānaviññāṇadhātuyā …pe…
vb3:48.5	jivhāviññāṇadhātuyā …pe…
vb3:48.6	kāyaviññāṇadhātuyā uppajjitvā niruddhasamanantarā uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanodhātu sabbadhammesu vā pana paṭhamasamannāhāro uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanodhātu—
vb3:48.7	ayaṁ vuccati “manodhātu”.
vb3:49.1	Tattha katamā dhammadhātu?
vb3:49.2	Vedanākkhandho, saññākkhandho, saṅkhārakkhandho, yañca rūpaṁ anidassanaappaṭighaṁ dhammāyatanapariyāpannaṁ, asaṅkhatā ca dhātu.
vb3:50.1	Tattha katamo vedanākkhandho?
vb3:50.2	Ekavidhena vedanākkhandho—
vb3:50.3	phassasampayutto.
vb3:50.4	Duvidhena vedanākkhandho—
vb3:50.5	atthi sahetuko, atthi ahetuko.
vb3:50.6	Tividhena vedanākkhandho—
vb3:50.7	atthi kusalo, atthi akusalo, atthi abyākato …pe…
vb3:50.8	evaṁ dasavidhena vedanākkhandho …pe…
vb3:50.9	evaṁ bahuvidhena vedanākkhandho.
vb3:50.10	Ayaṁ vuccati “vedanākkhandho”.
vb3:51.1	Tattha katamo saññākkhandho?
vb3:51.2	Ekavidhena saññākkhandho—
vb3:51.3	phassasampayutto.
vb3:51.4	Duvidhena saññākkhandho—
vb3:51.5	atthi sahetuko, atthi ahetuko.
vb3:51.6	Tividhena saññākkhandho—
vb3:51.7	atthi kusalo, atthi akusalo, atthi abyākato …pe…
vb3:51.8	evaṁ dasavidhena saññākkhandho …pe…
vb3:51.9	evaṁ bahuvidhena saññākkhandho.
vb3:51.10	Ayaṁ vuccati “saññākkhandho”.
vb3:52.1	Tattha katamo saṅkhārakkhandho?
vb3:52.2	Ekavidhena saṅkhārakkhandho—
vb3:52.3	cittasampayutto.
vb3:52.4	Duvidhena saṅkhārakkhandho—
vb3:52.5	atthi hetu, atthi ahetu.
vb3:52.6	Tividhena saṅkhārakkhandho—
vb3:52.7	atthi kusalo, atthi akusalo, atthi abyākato …pe…
vb3:52.8	evaṁ dasavidhena saṅkhārakkhandho …pe…
vb3:52.9	evaṁ bahuvidhena saṅkhārakkhandho—
vb3:52.10	ayaṁ vuccati “saṅkhārakkhandho”.
vb3:53.1	Tattha katamaṁ rūpaṁ anidassanaappaṭighaṁ dhammāyatanapariyāpannaṁ?
vb3:53.2	Itthindriyaṁ …pe… kabaḷīkāro āhāro—
vb3:53.3	idaṁ vuccati rūpaṁ “anidassanaappaṭighaṁ dhammāyatanapariyāpannaṁ”.
vb3:54.1	Tattha katamā asaṅkhatā dhātu?
vb3:54.2	Rāgakkhayo, dosakkhayo, mohakkhayo—
vb3:54.3	ayaṁ vuccati “asaṅkhatā dhātu”.
vb3:54.4	Ayaṁ vuccati “dhammadhātu”. –17
vb3:55.1	Tattha katamā manoviññāṇadhātu?
vb3:55.2	Cakkhuviññāṇadhātuyā uppajjitvā niruddhasamanantarā uppajjati manodhātu, manodhātuyā uppajjitvā niruddhasamanantarā uppajjati cittaṁ mano mānasaṁ …pe… tajjāmanoviññāṇadhātu;
vb3:55.3	sotaviññāṇadhātuyā …pe…
vb3:55.4	ghānaviññāṇadhātuyā …pe…
vb3:55.5	jivhāviññāṇadhātuyā …pe…
vb3:55.6	kāyaviññāṇadhātuyā uppajjitvā niruddhasamanantarā uppajjati manodhātu, manodhātuyāpi uppajjitvā niruddhasamanantarā uppajjati cittaṁ mano mānasaṁ …pe… tajjāmanoviññāṇadhātu manañca paṭicca dhamme ca uppajjati cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—
vb3:55.7	ayaṁ vuccati “manoviññāṇadhātu”.
vb3:56.1	Abhidhammabhājanīyaṁ.
vb3:57.0	3. Pañhāpucchaka
vb3:57.1	Aṭṭhārasa dhātuyo—
vb3:57.2	cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu.
vb3:58.1	Aṭṭhārasannaṁ dhātūnaṁ kati kusalā, kati akusalā, kati abyākatā …pe… kati saraṇā, kati araṇā?
vb3:59.0	3.1. Tika
vb3:59.1	Soḷasa dhātuyo abyākatā.
vb3:59.2	Dve dhātuyo siyā kusalā, siyā akusalā, siyā abyākatā.
vb3:60.1	Dasa dhātuyo na vattabbā—
vb3:60.2	“sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb3:60.3	Pañca dhātuyo adukkhamasukhāya vedanāya sampayuttā.
vb3:60.4	Kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā.
vb3:60.5	Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.
vb3:60.6	Dhammadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā, siyā na vattabbā—“sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb3:61.1	Dasa dhātuyo nevavipākanavipākadhammadhammā.
vb3:61.2	Pañca dhātuyo vipākā.
vb3:61.3	Manodhātu siyā vipākā, siyā nevavipākanavipākadhammadhammā.
vb3:61.4	Dve dhātuyo siyā vipākā, siyā vipākadhammadhammā, siyā nevavipākanavipākadhammadhammā.
vb3:62.1	Dasa dhātuyo upādinnupādāniyā.
vb3:62.2	Saddadhātu anupādinnupādāniyā.
vb3:62.3	Pañca dhātuyo siyā upādinnupādāniyā, siyā anupādinnupādāniyā.
vb3:62.4	Dve dhātuyo siyā upādinnupādāniyā, siyā anupādinnupādāniyā, siyā anupādinnaanupādāniyā.
vb3:63.1	Soḷasa dhātuyo asaṅkiliṭṭhasaṅkilesikā.
vb3:63.2	Dve dhātuyo siyā saṅkiliṭṭhasaṅkilesikā, siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā.
vb3:64.1	Pannarasa dhātuyo avitakkaavicārā.
vb3:64.2	Manodhātu savitakkasavicārā.
vb3:64.3	Manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā.
vb3:64.4	Dhammadhātu siyā savitakkasavicārā, siyā avitakkavicāramattā, siyā avitakkaavicārā, siyā na vattabbā—“savitakkasavicārā”tipi, “avitakkavicāramattā”tipi, “avitakkaavicārā”tipi.
vb3:65.1	Dasa dhātuyo na vattabbā—
vb3:65.2	“pītisahagatā”tipi, “sukhasahagatā”tipi, “upekkhāsahagatā”tipi.
vb3:65.3	Pañca dhātuyo upekkhāsahagatā.
vb3:65.4	Kāyaviññāṇadhātu na pītisahagatā, siyā sukhasahagatā, na upekkhāsahagatā, siyā na vattabbā—“sukhasahagatā”ti.
vb3:65.5	Dve dhātuyo siyā pītisahagatā, siyā sukhasahagatā, siyā upekkhāsahagatā, siyā na vattabbā—“pītisahagatā”tipi, “sukhasahagatā”tipi, “upekkhāsahagatā”tipi.
vb3:66.1	Soḷasa dhātuyo neva dassanena na bhāvanāya pahātabbā.
vb3:66.2	Dve dhātuyo siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā.
vb3:67.1	Soḷasa dhātuyo neva dassanena na bhāvanāya pahātabbahetukā.
vb3:67.2	Dve dhātuyo siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā.
vb3:68.1	Soḷasa dhātuyo nevācayagāmināpacayagāmino.
vb3:68.2	Dve dhātuyo siyā ācayagāmino, siyā apacayagāmino, siyā nevācayagāmināpacayagāmino.
vb3:69.1	Soḷasa dhātuyo nevasekkhanāsekkhā.
vb3:69.2	Dve dhātuyo siyā sekkhā, siyā asekkhā, siyā nevasekkhanāsekkhā.
vb3:70.1	Soḷasa dhātuyo parittā.
vb3:70.2	Dve dhātuyo siyā parittā, siyā mahaggatā, siyā appamāṇā.
vb3:71.1	Dasa dhātuyo anārammaṇā.
vb3:71.2	Cha dhātuyo parittārammaṇā.
vb3:71.3	Dve dhātuyo siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā—“parittārammaṇā”tipi, “mahaggatārammaṇā”tipi, “appamāṇārammaṇā”tipi.
vb3:72.1	Soḷasa dhātuyo majjhimā.
vb3:72.2	Dve dhātuyo siyā hīnā, siyā majjhimā, siyā paṇītā.
vb3:73.1	Soḷasa dhātuyo aniyatā.
vb3:73.2	Dve dhātuyo siyā micchattaniyatā, siyā sammattaniyatā, siyā aniyatā.
vb3:74.1	Dasa dhātuyo anārammaṇā.
vb3:74.2	Cha dhātuyo na vattabbā—
vb3:74.3	“maggārammaṇā”tipi, “maggahetukā”tipi, “maggādhipatino”tipi.
vb3:74.4	Dve dhātuyo siyā maggārammaṇā, siyā maggahetukā, siyā maggādhipatino, siyā na vattabbā—“maggārammaṇā”tipi, “maggahetukā”tipi, “maggādhipatino”tipi.
vb3:75.1	Dasa dhātuyo siyā uppannā, siyā uppādino, siyā na vattabbā—“anuppannā”ti.
vb3:75.2	Saddadhātu siyā uppannā, siyā anuppannā, siyā na vattabbā—“uppādinī”ti.
vb3:75.3	Cha dhātuyo siyā uppannā, siyā anuppannā, siyā uppādino.
vb3:75.4	Dhammadhātu siyā uppannā, siyā anuppannā, siyā uppādinī, siyā na vattabbā—“uppannā”tipi, “anuppannā”tipi, “uppādinī”tipi.
vb3:76.1	Sattarasa dhātuyo siyā atītā, siyā anāgatā, siyā paccuppannā.
vb3:76.2	Dhammadhātu siyā atītā, siyā anāgatā, siyā paccuppannā, siyā na vattabbā—“atītā”tipi, “anāgatā”tipi, “paccuppannā”tipi.
vb3:77.1	Dasa dhātuyo anārammaṇā.
vb3:77.2	Cha dhātuyo paccuppannārammaṇā.
vb3:77.3	Dve dhātuyo siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā—“atītārammaṇā”tipi, “anāgatārammaṇā”tipi, “paccuppannārammaṇā”tipi.
vb3:78.1	Siyā ajjhattā, siyā bahiddhā, siyā ajjhattabahiddhā.
vb3:79.1	Dasa dhātuyo anārammaṇā.
vb3:79.2	Cha dhātuyo siyā ajjhattārammaṇā, siyā bahiddhārammaṇā, siyā ajjhattabahiddhārammaṇā.
vb3:79.3	Dve dhātuyo siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā—“ajjhattārammaṇā”tipi, “bahiddhārammaṇā”tipi, “ajjhattabahiddhārammaṇā”tipi.
vb3:80.1	Rūpadhātu sanidassanasappaṭighā.
vb3:80.2	Nava dhātuyo anidassanaappaṭighā.
vb3:80.3	Aṭṭha dhātuyo anidassanaappaṭighā.
vb3:81.0.1	3.2. 3.2 Duka
vb3:81.0.2	3.2.1. Hetugocchaka
vb3:81.1	Sattarasa dhātuyo na hetū.
vb3:81.2	Dhammadhātu siyā hetu, siyā na hetu.
vb3:81.3	Soḷasa dhātuyo ahetukā.
vb3:81.4	Dve dhātuyo siyā sahetukā, siyā ahetukā.
vb3:81.5	Soḷasa dhātuyo hetuvippayuttā.
vb3:81.6	Dve dhātuyo siyā hetusampayuttā, siyā hetuvippayuttā.
vb3:81.7	Soḷasa dhātuyo na vattabbā—
vb3:81.8	“hetu ceva sahetukā cā”tipi, “sahetukā ceva na ca hetū”tipi.
vb3:81.9	Manoviññāṇadhātu na vattabbā—
vb3:81.10	“hetu ceva sahetukā cā”ti, siyā sahetukā ceva na ca hetu, siyā na vattabbā—“sahetukā ceva na ca hetū”ti.
vb3:81.11	Dhammadhātu siyā hetu ceva sahetukā ca, siyā sahetukā ceva na ca hetu, siyā na vattabbā—“hetu ceva sahetukā cā”tipi, “sahetukā ceva na ca hetū”tipi.
vb3:81.12	Soḷasa dhātuyo na vattabbā—
vb3:81.13	“hetū ceva hetusampayuttā cā”tipi, “hetusampayuttā ceva na ca hetū”tipi.
vb3:81.14	Manoviññāṇadhātu na vattabbā—
vb3:81.15	“hetu ceva hetusampayuttā cā”ti, siyā hetusampayuttā ceva na ca hetu, siyā na vattabbā—“hetusampayuttā ceva na ca hetū”ti.
vb3:81.16	Dhammadhātu siyā hetu ceva hetusampayuttā ca, siyā hetusampayuttā ceva na ca hetu, siyā na vattabbā—“hetu ceva hetusampayuttā cā”tipi, “hetusampayuttā ceva na ca hetū”tipi.
vb3:81.17	Soḷasa dhātuyo na hetuahetukā.
vb3:81.18	Manoviññāṇadhātu siyā na hetusahetukā, siyā na hetuahetukā.
vb3:81.19	Dhammadhātu siyā na hetusahetukā, siyā na hetuahetukā, siyā na vattabbā—“na hetusahetukā”tipi, “na hetuahetukā”tipi.
vb3:82.0	3.2.2. Cūḷantaraduka
vb3:82.1	Sattarasa dhātuyo sappaccayā.
vb3:82.2	Dhammadhātu siyā sappaccayā, siyā appaccayā.
vb3:82.3	Sattarasa dhātuyo saṅkhatā.
vb3:82.4	Dhammadhātu siyā saṅkhatā, siyā asaṅkhatā.
vb3:82.5	Rūpadhātu sanidassanā.
vb3:82.6	Sattarasa dhātuyo anidassanā.
vb3:82.7	Dasa dhātuyo sappaṭighā.
vb3:82.8	Aṭṭha dhātuyo appaṭighā.
vb3:82.9	Dasa dhātuyo rūpā.
vb3:82.10	Satta dhātuyo arūpā.
vb3:82.11	Dhammadhātu siyā rūpā, siyā arūpā.
vb3:82.12	Soḷasa dhātuyo lokiyā.
vb3:82.13	Dve dhātuyo siyā lokiyā, siyā lokuttarā;
vb3:82.14	kenaci viññeyyā, kenaci na viññeyyā.
vb3:83.0	3.2.3. Āsavagocchaka
vb3:83.1	Sattarasa dhātuyo no āsavā.
vb3:83.2	Dhammadhātu siyā āsavā, siyā no āsavā.
vb3:83.3	Soḷasa dhātuyo sāsavā.
vb3:83.4	Dve dhātuyo siyā sāsavā, siyā anāsavā.
vb3:83.5	Soḷasa dhātuyo āsavavippayuttā.
vb3:83.6	Dve dhātuyo siyā āsavasampayuttā, siyā āsavavippayuttā.
vb3:83.7	Soḷasa dhātuyo na vattabbā—
vb3:83.8	“āsavā ceva sāsavā cā”ti, sāsavā ceva no ca āsavā.
vb3:83.9	Manoviññāṇadhātu na vattabbā—
vb3:83.10	“āsavo ceva sāsavā cā”ti, siyā sāsavā ceva no ca āsavo, siyā na vattabbā—“sāsavā ceva no ca āsavo”ti.
vb3:83.11	Dhammadhātu siyā āsavo ceva sāsavā ca, siyā sāsavā ceva no ca āsavo, siyā na vattabbā—“āsavo ceva sāsavā cā”tipi, “sāsavā ceva no ca āsavo”tipi.
vb3:84.1	Soḷasa dhātuyo na vattabbā—
vb3:84.2	“āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb3:84.3	Manoviññāṇadhātu na vattabbā—
vb3:84.4	“āsavo ceva āsavasampayuttā cā”ti, siyā āsavasampayuttā ceva no ca āsavo, siyā na vattabbā—“āsavasampayuttā ceva no ca āsavo”ti.
vb3:84.5	Dhammadhātu siyā āsavo ceva āsavasampayuttā ca, siyā āsavasampayuttā ceva no ca āsavo, siyā na vattabbā—“āsavo ceva āsavasampayuttā cā”tipi, “āsavasampayuttā ceva no ca āsavo”tipi.
vb3:84.6	Soḷasa dhātuyo āsavavippayuttasāsavā.
vb3:84.7	Dve dhātuyo siyā āsavavippayuttasāsavā, siyā āsavavippayuttaanāsavā, siyā na vattabbā—“āsavavippayuttasāsavā”tipi, “āsavavippayuttaanāsavā”tipi.
vb3:85.0	3.2.4. Saṁyojanagocchaka
vb3:85.1	Sattarasa dhātuyo no saṁyojanā.
vb3:85.2	Dhammadhātu siyā saṁyojanaṁ, siyā no saṁyojanaṁ.
vb3:85.3	Soḷasa dhātuyo saṁyojaniyā.
vb3:85.4	Dve dhātuyo siyā saṁyojaniyā, siyā asaṁyojaniyā.
vb3:85.5	Soḷasa dhātuyo saṁyojanavippayuttā.
vb3:85.6	Dve dhātuyo siyā saṁyojanasampayuttā, siyā saṁyojanavippayuttā.
vb3:85.7	Soḷasa dhātuyo na vattabbā—
vb3:85.8	“saṁyojanā ceva saṁyojaniyā cā”ti, saṁyojaniyā ceva no ca saṁyojanā.
vb3:85.9	Manoviññāṇadhātu na vattabbā—
vb3:85.10	“saṁyojanañceva saṁyojaniyā cā”ti, siyā saṁyojaniyā ceva no ca saṁyojanaṁ, siyā na vattabbā—“saṁyojaniyā ceva no ca saṁyojanan”ti.
vb3:85.11	Dhammadhātu siyā saṁyojanañceva saṁyojaniyā ca, siyā saṁyojaniyā ceva no ca saṁyojanaṁ, siyā na vattabbā—“saṁyojanañceva saṁyojaniyā cā”tipi, “saṁyojaniyā ceva no ca saṁyojanan”tipi.
vb3:85.12	Soḷasa dhātuyo na vattabbā—
vb3:85.13	“saṁyojanā ceva saṁyojanasampayuttā cā”tipi, “saṁyojanasampayuttā ceva no ca saṁyojanā”tipi.
vb3:85.14	Manoviññāṇadhātu na vattabbā—
vb3:85.15	“saṁyojanañceva saṁyojanasampayuttā cā”ti, siyā saṁyojanasampayuttā ceva no ca saṁyojanaṁ, siyā na vattabbā—“saṁyojanasampayuttā ceva no ca saṁyojanan”ti.
vb3:85.16	Dhammadhātu siyā saṁyojanañceva saṁyojanasampayuttā ca, siyā saṁyojanasampayuttā ceva no ca saṁyojanaṁ, siyā na vattabbā—“saṁyojanañceva saṁyojanasampayuttā cā”tipi, “saṁyojanasampayuttā ceva no ca saṁyojanan”tipi.
vb3:85.17	Soḷasa dhātuyo saṁyojanavippayuttasaṁyojaniyā.
vb3:85.18	Dve dhātuyo siyā saṁyojanavippayuttasaṁyojaniyā, siyā saṁyojanavippayuttaasaṁyojaniyā, siyā na vattabbā—“saṁyojanavippayuttasaṁyojaniyā”tipi, “saṁyojanavippayuttaasaṁyojaniyā”tipi.
vb3:86.0	3.2.5. Ganthagocchaka
vb3:86.1	Sattarasa dhātuyo no ganthā.
vb3:86.2	Dhammadhātu siyā gantho, siyā no gantho.
vb3:86.3	Soḷasa dhātuyo ganthaniyā.
vb3:86.4	Dve dhātuyo siyā ganthaniyā, siyā aganthaniyā.
vb3:86.5	Soḷasa dhātuyo ganthavippayuttā.
vb3:86.6	Dve dhātuyo siyā ganthasampayuttā, siyā ganthavippayuttā.
vb3:86.7	Soḷasa dhātuyo na vattabbā—
vb3:86.8	“ganthā ceva ganthaniyā cā”ti, ganthaniyā ceva no ca ganthā.
vb3:86.9	Manoviññāṇadhātu na vattabbā—
vb3:86.10	“gantho ceva ganthaniyā cā”ti, siyā ganthaniyā ceva no ca gantho, siyā na vattabbā—“ganthaniyā ceva no ca gantho”ti.
vb3:86.11	Dhammadhātu siyā gantho ceva ganthaniyā ca, siyā ganthaniyā ceva no ca gantho, siyā na vattabbā—“gantho ceva ganthaniyā cā”tipi, “ganthaniyā ceva no ca gantho”tipi.
vb3:86.12	Soḷasa dhātuyo na vattabbā—
vb3:86.13	“ganthā ceva ganthasampayuttā cā”tipi, “ganthasampayuttā ceva no ca ganthā”tipi.
vb3:86.14	Manoviññāṇadhātu na vattabbā—
vb3:86.15	“gantho ceva ganthasampayuttā cā”ti, siyā ganthasampayuttā ceva no ca gantho, siyā na vattabbā—“ganthasampayuttā ceva no ca gantho”ti.
vb3:86.16	Dhammadhātu siyā gantho ceva ganthasampayuttā ca, siyā ganthasampayuttā ceva no ca gantho, siyā na vattabbā—“gantho ceva ganthasampayuttā cā”tipi, “ganthasampayuttā ceva no ca gantho”tipi.
vb3:86.17	Soḷasa dhātuyo ganthavippayuttaganthaniyā.
vb3:86.18	Dve dhātuyo siyā ganthavippayuttaganthaniyā, siyā ganthavippayuttaaganthaniyā, siyā na vattabbā—“ganthavippayuttaganthaniyā”tipi, “ganthavippayuttaaganthaniyā”tipi.
vb3:87.0	3.3.2.6. Oghayoganīvaraṇagocchaka
vb3:87.1	Sattarasa dhātuyo no oghā …pe…
vb3:87.2	no yogā …pe…
vb3:87.3	no nīvaraṇā.
vb3:87.4	Dhammadhātu siyā nīvaraṇaṁ, siyā no nīvaraṇaṁ.
vb3:87.5	Soḷasa dhātuyo nīvaraṇiyā.
vb3:87.6	Dve dhātuyo siyā nīvaraṇiyā, siyā anīvaraṇiyā.
vb3:87.7	Soḷasa dhātuyo nīvaraṇavippayuttā.
vb3:87.8	Dve dhātuyo siyā nīvaraṇasampayuttā, siyā nīvaraṇavippayuttā.
vb3:87.9	Soḷasa dhātuyo na vattabbā—
vb3:87.10	“nīvaraṇā ceva nīvaraṇiyā cā”ti, nīvaraṇiyā ceva no ca nīvaraṇā.
vb3:87.11	Manoviññāṇadhātu na vattabbā—
vb3:87.12	“nīvaraṇañceva nīvaraṇiyā cā”ti, siyā nīvaraṇiyā ceva no ca nīvaraṇaṁ, siyā na vattabbā—“nīvaraṇiyā ceva no ca nīvaraṇan”ti.
vb3:87.13	Dhammadhātu siyā nīvaraṇañceva nīvaraṇiyā ca, siyā nīvaraṇiyā ceva no ca nīvaraṇaṁ, siyā na vattabbā—“nīvaraṇañceva nīvaraṇiyā cā”tipi, “nīvaraṇiyā ceva no ca nīvaraṇan”tipi.
vb3:87.14	Soḷasa dhātuyo na vattabbā—
vb3:87.15	“nīvaraṇā ceva nīvaraṇasampayuttā cā”tipi, “nīvaraṇasampayuttā ceva no ca nīvaraṇā”tipi.
vb3:87.16	Manoviññāṇadhātu na vattabbā—
vb3:87.17	“nīvaraṇañceva nīvaraṇasampayuttā cā”ti, siyā nīvaraṇasampayuttā ceva no ca nīvaraṇaṁ, siyā na vattabbā—“nīvaraṇasampayuttā ceva no ca nīvaraṇan”ti.
vb3:87.18	Dhammadhātu siyā nīvaraṇañceva nīvaraṇasampayuttā ca, siyā nīvaraṇasampayuttā ceva no ca nīvaraṇaṁ, siyā na vattabbā—“nīvaraṇañceva nīvaraṇasampayuttā cā”tipi, “nīvaraṇasampayuttā ceva no ca nīvaraṇan”tipi.
vb3:87.19	Soḷasa dhātuyo nīvaraṇavippayuttanīvaraṇiyā.
vb3:87.20	Dve dhātuyo siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā—“nīvaraṇavippayuttanīvaraṇiyā”tipi, “nīvaraṇavippayuttaanīvaraṇiyā”tipi.
vb3:88.0	3.2.9. Parāmāsagocchaka
vb3:88.1	Sattarasa dhātuyo no parāmāsā.
vb3:88.2	Dhammadhātu siyā parāmāso, siyā no parāmāso.
vb3:88.3	Soḷasa dhātuyo parāmaṭṭhā.
vb3:88.4	Dve dhātuyo siyā parāmaṭṭhā, siyā aparāmaṭṭhā.
vb3:88.5	Soḷasa dhātuyo parāmāsavippayuttā.
vb3:88.6	Manoviññāṇadhātu siyā parāmāsasampayuttā, siyā parāmāsavippayuttā.
vb3:88.7	Dhammadhātu siyā parāmāsasampayuttā, siyā parāmāsavippayuttā, siyā na vattabbā—“parāmāsasampayuttā”tipi, “parāmāsavippayuttā”tipi.
vb3:88.8	Soḷasa dhātuyo na vattabbā—
vb3:88.9	“parāmāsā ceva parāmaṭṭhā cā”ti parāmaṭṭhā ceva no ca parāmāsā.
vb3:88.10	Manoviññāṇadhātu na vattabbā—
vb3:88.11	“parāmāso ceva parāmaṭṭhā cā”ti, siyā parāmaṭṭhā ceva no ca parāmāso, siyā na vattabbā—“parāmaṭṭhā ceva no ca parāmāso”ti.
vb3:88.12	Dhammadhātu siyā parāmāso ceva parāmaṭṭhā ca, siyā parāmaṭṭhā ceva no ca parāmāso, siyā na vattabbā—“parāmāso ceva parāmaṭṭhā cā”tipi, “parāmaṭṭhā ceva no ca parāmāso”tipi.
vb3:88.13	Soḷasa dhātuyo parāmāsavippayuttaparāmaṭṭhā.
vb3:88.14	Dve dhātuyo siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā, siyā na vattabbā—“parāmāsavippayuttaparāmaṭṭhā”tipi, “parāmāsavippayuttaaparāmaṭṭhā”tipi.
vb3:89.0	3.2.10. Mahantaraduka
vb3:89.1	Dasa dhātuyo anārammaṇā.
vb3:89.2	Satta dhātuyo sārammaṇā.
vb3:89.3	Dhammadhātu siyā sārammaṇā, siyā anārammaṇā.
vb3:89.4	Satta dhātuyo cittā.
vb3:89.5	Ekādasa dhātuyo no cittā.
vb3:89.6	Sattarasa dhātuyo acetasikā.
vb3:89.7	Dhammadhātu siyā cetasikā, siyā acetasikā.
vb3:89.8	Dasa dhātuyo cittavippayuttā.
vb3:89.9	Dhammadhātu siyā cittasampayuttā, siyā cittavippayuttā.
vb3:89.10	Satta dhātuyo na vattabbā—
vb3:89.11	“cittena sampayuttā”tipi, “cittena vippayuttā”tipi.
vb3:89.12	Dasa dhātuyo cittavisaṁsaṭṭhā.
vb3:89.13	Dhammadhātu siyā cittasaṁsaṭṭhā, siyā cittavisaṁsaṭṭhā.
vb3:89.14	Satta dhātuyo na vattabbā—
vb3:89.15	“cittena saṁsaṭṭhā”tipi, “cittena visaṁsaṭṭhā”tipi.
vb3:90.1	Dvādasa dhātuyo no cittasamuṭṭhānā.
vb3:90.2	Cha dhātuyo siyā cittasamuṭṭhānā, siyā no cittasamuṭṭhānā.
vb3:90.3	Sattarasa dhātuyo no cittasahabhuno.
vb3:90.4	Dhammadhātu siyā cittasahabhū, siyā no cittasahabhū.
vb3:90.5	Sattarasa dhātuyo no cittānuparivattino.
vb3:90.6	Dhammadhātu siyā cittānuparivattī, siyā no cittānuparivattī.
vb3:90.7	Sattarasa dhātuyo no cittasaṁsaṭṭhasamuṭṭhānā.
vb3:90.8	Dhammadhātu siyā cittasaṁsaṭṭhasamuṭṭhānā, siyā no cittasaṁsaṭṭhasamuṭṭhānā.
vb3:90.9	Sattarasa dhātuyo no cittasaṁsaṭṭhasamuṭṭhānasahabhuno.
vb3:90.10	Dhammadhātu siyā cittasaṁsaṭṭhasamuṭṭhānasahabhū, siyā no cittasaṁsaṭṭhasamuṭṭhānasahabhū.
vb3:90.11	Sattarasa dhātuyo no cittasaṁsaṭṭhasamuṭṭhānānuparivattino.
vb3:90.12	Dhammadhātu siyā cittasaṁsaṭṭhasamuṭṭhānānuparivattī, siyā no cittasaṁsaṭṭhasamuṭṭhānānuparivattī.
vb3:91.1	Dvādasa dhātuyo ajjhattikā.
vb3:91.2	Cha dhātuyo bāhirā.
vb3:92.1	Nava dhātuyo upādā.
vb3:92.2	Aṭṭha dhātuyo no upādā.
vb3:92.3	Dhammadhātu siyā upādā, siyā no upādā.
vb3:92.4	Dasa dhātuyo upādinnā.
vb3:92.5	Saddadhātu anupādinnā.
vb3:92.6	Sattadhātuyo siyā upādinnā, siyā anupādinnā.
vb3:93.0	3.2.11. Upādānagocchaka
vb3:93.1	Sattarasa dhātuyo no upādānā.
vb3:93.2	Dhammadhātu siyā upādānaṁ, siyā no upādānaṁ.
vb3:93.3	Soḷasa dhātuyo upādāniyā.
vb3:93.4	Dve dhātuyo siyā upādāniyā, siyā anupādāniyā.
vb3:93.5	Soḷasa dhātuyo upādānavippayuttā.
vb3:93.6	Dve dhātuyo siyā upādānasampayuttā, siyā upādānavippayuttā.
vb3:93.7	Soḷasa dhātuyo na vattabbā—
vb3:93.8	“upādānā ceva upādāniyā cā”ti, upādāniyā ceva no ca upādānā.
vb3:93.9	Manoviññāṇadhātu na vattabbā—
vb3:93.10	“upādānañceva upādāniyā cā”ti, siyā upādāniyā ceva no ca upādānaṁ, siyā na vattabbā—“upādāniyā ceva no ca upādānan”ti.
vb3:93.11	Dhammadhātu siyā upādānañceva upādāniyā ca, siyā upādāniyā ceva no ca upādānaṁ, siyā na vattabbā—“upādānañceva upādāniyā cā”tipi, “upādāniyā ceva no ca upādānan”tipi.
vb3:94.1	Soḷasa dhātuyo na vattabbā—
vb3:94.2	“upādānā ceva upādānasampayuttā cā”tipi, “upādānasampayuttā ceva no ca upādānā”tipi.
vb3:94.3	Manoviññāṇadhātu na vattabbā—
vb3:94.4	“upādānañceva upādānasampayuttā cā”ti, siyā upādānasampayuttā ceva no ca upādānaṁ, siyā na vattabbā—“upādānasampayuttā ceva no ca upādānan”ti.
vb3:94.5	Dhammadhātu siyā upādānañceva upādānasampayuttā ca, siyā upādānasampayuttā ceva no ca upādānaṁ, siyā na vattabbā—“upādānañceva upādānasampayuttā cā”tipi, “upādānasampayuttā ceva no ca upādānan”tipi.
vb3:94.6	Soḷasa dhātuyo upādānavippayuttaupādāniyā.
vb3:94.7	Dve dhātuyo siyā upādānavippayuttaupādāniyā, siyā upādānavippayuttaanupādāniyā, siyā na vattabbā—“upādānavippayuttaupādāniyā”tipi, “upādānavippayuttaanupādāniyā”tipi.
vb3:95.0	3.2.12. Kilesagocchaka
vb3:95.1	Sattarasa dhātuyo no kilesā.
vb3:95.2	Dhammadhātu siyā kilesā, siyā no kilesā.
vb3:95.3	Soḷasa dhātuyo saṅkilesikā.
vb3:95.4	Dve dhātuyo siyā saṅkilesikā, siyā asaṅkilesikā.
vb3:95.5	Soḷasa dhātuyo asaṅkiliṭṭhā.
vb3:95.6	Dve dhātuyo siyā saṅkiliṭṭhā, siyā asaṅkiliṭṭhā.
vb3:95.7	Soḷasa dhātuyo kilesavippayuttā.
vb3:95.8	Dve dhātuyo siyā kilesasampayuttā, siyā kilesavippayuttā.
vb3:95.9	Soḷasa dhātuyo na vattabbā—
vb3:95.10	“kilesā ceva saṅkilesikā cā”ti, saṅkilesikā ceva no ca kilesā.
vb3:95.11	Manoviññāṇadhātu na vattabbā—
vb3:95.12	“kileso ceva saṅkilesikā cā”ti, siyā saṅkilesikā ceva no ca kileso, siyā na vattabbā—“saṅkilesikā ceva no ca kileso”ti.
vb3:95.13	Dhammadhātu siyā kileso ceva saṅkilesikā ca, siyā saṅkilesikā ceva no ca kileso, siyā na vattabbā—“kileso ceva saṅkilesikā cā”tipi, “saṅkilesikā ceva no ca kileso”tipi.
vb3:96.1	Soḷasa dhātuyo na vattabbā—
vb3:96.2	“kilesā ceva saṅkiliṭṭhā cā”tipi, “saṅkiliṭṭhā ceva no ca kilesā”tipi.
vb3:96.3	Manoviññāṇadhātu na vattabbā—
vb3:96.4	“kileso ceva saṅkiliṭṭhā cā”ti, siyā saṅkiliṭṭhā ceva no ca kileso, siyā na vattabbā—“saṅkiliṭṭhā ceva no ca kileso”ti.
vb3:96.5	Dhammadhātu siyā kileso ceva saṅkiliṭṭhā ca, siyā saṅkiliṭṭhā ceva no ca kileso, siyā na vattabbā—“kileso ceva saṅkiliṭṭhā cā”tipi, “saṅkiliṭṭhā ceva no ca kileso”tipi.
vb3:96.6	Soḷasa dhātuyo na vattabbā—
vb3:96.7	“kilesā ceva kilesasampayuttā cā”tipi, “kilesasampayuttā ceva no ca kilesā”tipi.
vb3:96.8	Manoviññāṇadhātu na vattabbā—
vb3:96.9	“kileso ceva kilesasampayuttā cā”ti, siyā kilesasampayuttā ceva no ca kileso, siyā na vattabbā—“kilesasampayuttā ceva no ca kileso”ti.
vb3:96.10	Dhammadhātu siyā kileso ceva kilesasampayuttā ca, siyā kilesasampayuttā ceva no ca kileso, siyā na vattabbā—“kileso ceva kilesasampayuttā cā”tipi, “kilesasampayuttā ceva no ca kileso”tipi.
vb3:96.11	Soḷasa dhātuyo kilesavippayuttasaṅkilesikā.
vb3:96.12	Dve dhātuyo siyā kilesavippayuttasaṅkilesikā, siyā kilesavippayuttaasaṅkilesikā, siyā na vattabbā—“kilesavippayuttasaṅkilesikā”tipi, “kilesavippayuttaasaṅkilesikā”tipi.
vb3:97.0	3.2.13. Piṭṭhiduka
vb3:97.1	Soḷasa dhātuyo na dassanena pahātabbā.
vb3:97.2	Dve dhātuyo siyā dassanena pahātabbā, siyā na dassanena pahātabbā.
vb3:97.3	Soḷasa dhātuyo na bhāvanāya pahātabbā.
vb3:97.4	Dve dhātuyo siyā bhāvanāya pahātabbā, siyā na bhāvanāya pahātabbā.
vb3:97.5	Soḷasa dhātuyo na dassanena pahātabbahetukā.
vb3:97.6	Dve dhātuyo siyā dassanena pahātabbahetukā, siyā na dassanena pahātabbahetukā.
vb3:97.7	Soḷasa dhātuyo na bhāvanāya pahātabbahetukā.
vb3:97.8	Dve dhātuyo siyā bhāvanāya pahātabbahetukā, siyā na bhāvanāya pahātabbahetukā.
vb3:98.1	Pannarasa dhātuyo avitakkā.
vb3:98.2	Manodhātu savitakkā.
vb3:98.3	Dve dhātuyo siyā savitakkā, siyā avitakkā.
vb3:98.4	Pannarasa dhātuyo avicārā.
vb3:98.5	Manodhātu savicārā.
vb3:98.6	Dve dhātuyo siyā savicārā, siyā avicārā.
vb3:98.7	Soḷasa dhātuyo appītikā.
vb3:98.8	Dve dhātuyo siyā sappītikā, siyā appītikā.
vb3:98.9	Soḷasa dhātuyo na pītisahagatā.
vb3:98.10	Dve dhātuyo siyā pītisahagatā, siyā na pītisahagatā.
vb3:98.11	Pannarasa dhātuyo na sukhasahagatā.
vb3:98.12	Tisso dhātuyo siyā sukhasahagatā, siyā na sukhasahagatā.
vb3:98.13	Ekādasa dhātuyo na upekkhāsahagatā.
vb3:98.14	Pañca dhātuyo upekkhāsahagatā.
vb3:98.15	Dve dhātuyo siyā upekkhāsahagatā, siyā na upekkhāsahagatā.
vb3:99.1	Soḷasa dhātuyo kāmāvacarā.
vb3:99.2	Dve dhātuyo siyā kāmāvacarā, siyā na kāmāvacarā.
vb3:99.3	Soḷasa dhātuyo na rūpāvacarā.
vb3:99.4	Dve dhātuyo siyā rūpāvacarā, siyā na rūpāvacarā.
vb3:99.5	Soḷasa dhātuyo na arūpāvacarā.
vb3:99.6	Dve dhātuyo siyā arūpāvacarā, siyā na arūpāvacarā.
vb3:99.7	Soḷasa dhātuyo pariyāpannā.
vb3:99.8	Dve dhātuyo siyā pariyāpannā, siyā apariyāpannā.
vb3:99.9	Soḷasa dhātuyo aniyyānikā.
vb3:99.10	Dve dhātuyo siyā niyyānikā, siyā aniyyānikā.
vb3:99.11	Soḷasa dhātuyo aniyatā.
vb3:99.12	Dve dhātuyo siyā niyatā, siyā aniyatā.
vb3:99.13	Soḷasa dhātuyo sauttarā.
vb3:99.14	Dve dhātuyo siyā sauttarā, siyā anuttarā.
vb3:99.15	Soḷasa dhātuyo araṇā.
vb3:99.16	Dve dhātuyo siyā saraṇā, siyā araṇāti.
vb3:100.1	Pañhāpucchakaṁ.
vb3:101.1	Dhātuvibhaṅgo niṭṭhito.
vb4:0.1	Vibhaṅga
vb4:0.2	Saccavibhaṅga
vb4:1.0	1. Suttantabhājanīya
vb4:1.1	Cattāri ariyasaccāni—
vb4:1.2	dukkhaṁ ariyasaccaṁ, dukkhasamudayaṁ ariyasaccaṁ, dukkhanirodhaṁ ariyasaccaṁ, dukkhanirodhagāminī paṭipadā ariyasaccaṁ.
vb4:2.0	1.1. Dukkhasacca
vb4:2.1	Tattha katamaṁ dukkhaṁ ariyasaccaṁ?
vb4:2.2	Jātipi dukkhā, jarāpi dukkhā, maraṇampi dukkhaṁ, sokaparidevadukkhadomanassupāyāsāpi dukkhā, appiyehi sampayogo dukkho, piyehi vippayogo dukkho, yampicchaṁ na labhati tampi dukkhaṁ, saṅkhittena pañcupādānakkhandhā dukkhā.
vb4:3.1	Tattha katamā jāti?
vb4:3.2	Yā tesaṁ tesaṁ sattānaṁ tamhi tamhi sattanikāye jāti sañjāti okkanti abhinibbatti khandhānaṁ pātubhāvo āyatanānaṁ paṭilābho—
vb4:3.3	ayaṁ vuccati “jāti”.
vb4:4.1	Tattha katamā jarā?
vb4:4.2	Yā tesaṁ tesaṁ sattānaṁ tamhi tamhi sattanikāye jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko—
vb4:4.3	ayaṁ vuccati “jarā”.
vb4:5.1	Tattha katamaṁ maraṇaṁ?
vb4:5.2	Yā tesaṁ tesaṁ sattānaṁ tamhā tamhā sattanikāyā cuti cavanatā bhedo antaradhānaṁ maccu maraṇaṁ kālakiriyā khandhānaṁ bhedo kaḷevarassa nikkhepo jīvitindriyassupacchedo—
vb4:5.3	idaṁ vuccati “maraṇaṁ”.
vb4:6.1	Tattha katamo soko?
vb4:6.2	Ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṁ antosoko antoparisoko cetaso parijjhāyanā domanassaṁ sokasallaṁ—
vb4:6.3	ayaṁ vuccati “soko”.
vb4:7.1	Tattha katamo paridevo?
vb4:7.2	Ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṁ paridevitattaṁ vācā palāpo vippalāpo lālappo lālappanā lālappitattaṁ—
vb4:7.3	ayaṁ vuccati “paridevo”.
vb4:8.1	Tattha katamaṁ dukkhaṁ?
vb4:8.2	Yaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—
vb4:8.3	idaṁ vuccati “dukkhaṁ”.
vb4:9.1	Tattha katamaṁ domanassaṁ?
vb4:9.2	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb4:9.3	idaṁ vuccati “domanassaṁ”.
vb4:10.1	Tattha katamo upāyāso?
vb4:10.2	Ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa āyāso upāyāso āyāsitattaṁ upāyāsitattaṁ—
vb4:10.3	ayaṁ vuccati “upāyāso”.
vb4:11.1	Tattha katamo appiyehi sampayogo dukkho?
vb4:11.2	Idha yassa te honti aniṭṭhā akantā amanāpā rūpā saddā gandhā rasā phoṭṭhabbā, ye vā panassa te honti anatthakāmā ahitakāmā aphāsukakāmā ayogakkhemakāmā;
vb4:11.3	yā tehi saṅgati samāgamo samodhānaṁ missībhāvo—
vb4:11.4	ayaṁ vuccati “appiyehi sampayogo dukkho”.
vb4:12.1	Tattha katamo piyehi vippayogo dukkho?
vb4:12.2	Idha yassa te honti iṭṭhā kantā manāpā rūpā saddā gandhā rasā phoṭṭhabbā, ye vā panassa te honti atthakāmā hitakāmā phāsukakāmā yogakkhemakāmā mātā vā pitā vā bhātā vā bhaginī vā mittā vā amaccā vā ñātī vā sālohitā vā;
vb4:12.3	yā tehi asaṅgati asamāgamo asamodhānaṁ amissībhāvo—
vb4:12.4	ayaṁ vuccati “piyehi vippayogo dukkho”.
vb4:13.1	Tattha katamaṁ yampicchaṁ na labhati tampi dukkhaṁ?
vb4:13.2	Jātidhammānaṁ sattānaṁ evaṁ icchā uppajjati—
vb4:13.3	“aho vata, mayaṁ na jātidhammā assāma;
vb4:13.4	na ca, vata, no jāti āgaccheyyā”ti.
vb4:13.5	Na kho panetaṁ icchāya pattabbaṁ.
vb4:13.6	Idampi “yampicchaṁ na labhati tampi dukkhaṁ”.
vb4:14.1	Jarādhammānaṁ sattānaṁ …pe…
vb4:14.2	byādhidhammānaṁ sattānaṁ …pe…
vb4:14.3	maraṇadhammānaṁ sattānaṁ …pe…
vb4:14.4	sokaparidevadukkhadomanassupāyāsadhammānaṁ sattānaṁ evaṁ icchā uppajjati—
vb4:14.5	“aho vata, mayaṁ na sokaparidevadukkhadomanassupāyāsadhammā assāma;
vb4:14.6	na ca, vata, no sokaparidevadukkhadomanassupāyāsā āgaccheyyun”ti.
vb4:14.7	Na kho panetaṁ icchāya pattabbaṁ.
vb4:14.8	Idampi “yampicchaṁ na labhati tampi dukkhaṁ”.
vb4:15.1	Tattha katame saṅkhittena pañcupādānakkhandhā dukkhā?
vb4:15.2	Seyyathidaṁ—
vb4:15.3	rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.
vb4:15.4	Ime vuccanti “saṅkhittena pañcupādānakkhandhā dukkhā”.
vb4:16.1	Idaṁ vuccati “dukkhaṁ ariyasaccaṁ”.
vb4:17.0	1.2. Samudayasacca
vb4:17.1	Tattha katamaṁ dukkhasamudayaṁ ariyasaccaṁ?
vb4:17.2	Yāyaṁ taṇhā ponobhavikā nandirāgasahagatā tatratatrābhinandinī, seyyathidaṁ—
vb4:17.3	kāmataṇhā, bhavataṇhā, vibhavataṇhā.
vb4:18.1	Sā kho panesā taṇhā kattha uppajjamānā uppajjati, kattha nivisamānā nivisati?
vb4:18.2	Yaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:19.1	Kiñca loke piyarūpaṁ sātarūpaṁ?
vb4:19.2	Cakkhuṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:19.3	Sotaṁ loke …pe…
vb4:19.4	ghānaṁ loke …
vb4:19.5	jivhā loke …
vb4:19.6	kāyo loke …
vb4:19.7	mano loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:20.1	Rūpā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:20.2	Saddā loke …pe…
vb4:20.3	gandhā loke …
vb4:20.4	rasā loke …
vb4:20.5	phoṭṭhabbā loke …
vb4:20.6	dhammā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:21.1	Cakkhuviññāṇaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:21.2	Sotaviññāṇaṁ loke …pe…
vb4:21.3	ghānaviññāṇaṁ loke …
vb4:21.4	jivhāviññāṇaṁ loke …
vb4:21.5	kāyaviññāṇaṁ loke …
vb4:21.6	manoviññāṇaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:22.1	Cakkhusamphasso loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:22.2	Sotasamphasso loke …pe…
vb4:22.3	ghānasamphasso loke …
vb4:22.4	jivhāsamphasso loke …
vb4:22.5	kāyasamphasso loke …
vb4:22.6	manosamphasso loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:23.1	Cakkhusamphassajā vedanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:23.2	Sotasamphassajā vedanā loke …pe…
vb4:23.3	ghānasamphassajā vedanā loke …
vb4:23.4	jivhāsamphassajā vedanā loke …
vb4:23.5	kāyasamphassajā vedanā loke …
vb4:23.6	manosamphassajā vedanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:24.1	Rūpasaññā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:24.2	Saddasaññā loke …pe…
vb4:24.3	gandhasaññā loke …
vb4:24.4	rasasaññā loke …
vb4:24.5	phoṭṭhabbasaññā loke …
vb4:24.6	dhammasaññā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:25.1	Rūpasañcetanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:25.2	Saddasañcetanā loke …pe…
vb4:25.3	gandhasañcetanā loke …
vb4:25.4	rasasañcetanā loke …
vb4:25.5	phoṭṭhabbasañcetanā loke …
vb4:25.6	dhammasañcetanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:26.1	Rūpataṇhā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:26.2	Saddataṇhā loke …pe…
vb4:26.3	gandhataṇhā loke …
vb4:26.4	rasataṇhā loke …
vb4:26.5	phoṭṭhabbataṇhā loke …
vb4:26.6	dhammataṇhā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:27.1	Rūpavitakko loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:27.2	Saddavitakko loke …pe…
vb4:27.3	gandhavitakko loke …
vb4:27.4	rasavitakko loke …
vb4:27.5	phoṭṭhabbavitakko loke …
vb4:27.6	dhammavitakko loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:28.1	Rūpavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:28.2	Saddavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:28.3	Gandhavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:28.4	Rasavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:28.5	Phoṭṭhabbavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:28.6	Dhammavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.
vb4:29.1	Idaṁ vuccati “dukkhasamudayaṁ ariyasaccaṁ”.
vb4:30.0	1.3. Nirodhasacca
vb4:30.1	Tattha katamaṁ dukkhanirodhaṁ ariyasaccaṁ?
vb4:30.2	Yo tassāyeva taṇhāya asesavirāganirodho cāgo paṭinissaggo mutti anālayo.
vb4:31.1	Sā kho panesā taṇhā kattha pahīyamānā pahīyati, kattha nirujjhamānā nirujjhati?
vb4:31.2	Yaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:32.1	Kiñca loke piyarūpaṁ sātarūpaṁ?
vb4:32.2	Cakkhuṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:32.3	Sotaṁ loke …pe…
vb4:32.4	ghānaṁ loke …
vb4:32.5	jivhā loke …
vb4:32.6	kāyo loke …
vb4:32.7	mano loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:33.1	Rūpā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:33.2	Saddā loke …pe…
vb4:33.3	gandhā loke …
vb4:33.4	rasā loke …
vb4:33.5	phoṭṭhabbā loke …
vb4:33.6	dhammā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:34.1	Cakkhuviññāṇaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:34.2	Sotaviññāṇaṁ loke …pe…
vb4:34.3	ghānaviññāṇaṁ loke …
vb4:34.4	jivhāviññāṇaṁ loke …
vb4:34.5	kāyaviññāṇaṁ loke …
vb4:34.6	manoviññāṇaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:35.1	Cakkhusamphasso loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:35.2	Sotasamphasso loke …pe…
vb4:35.3	ghānasamphasso loke …
vb4:35.4	jivhāsamphasso loke …
vb4:35.5	kāyasamphasso loke …
vb4:35.6	manosamphasso loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:36.1	Cakkhusamphassajā vedanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:36.2	Sotasamphassajā vedanā loke …pe…
vb4:36.3	ghānasamphassajā vedanā loke …
vb4:36.4	jivhāsamphassajā vedanā loke …
vb4:36.5	kāyasamphassajā vedanā loke …
vb4:36.6	manosamphassajā vedanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:37.1	Rūpasaññā loke …
vb4:37.2	saddasaññā loke …
vb4:37.3	gandhasaññā loke …
vb4:37.4	rasasaññā loke …
vb4:37.5	phoṭṭhabbasaññā loke …
vb4:37.6	dhammasaññā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:38.1	Rūpasañcetanā loke …
vb4:38.2	saddasañcetanā loke …
vb4:38.3	gandhasañcetanā loke …
vb4:38.4	rasasañcetanā loke …
vb4:38.5	phoṭṭhabbasañcetanā loke …
vb4:38.6	dhammasañcetanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:39.1	Rūpataṇhā loke …
vb4:39.2	saddataṇhā loke …
vb4:39.3	gandhataṇhā loke …
vb4:39.4	rasataṇhā loke …
vb4:39.5	phoṭṭhabbataṇhā loke …
vb4:39.6	dhammataṇhā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:40.1	Rūpavitakko loke …
vb4:40.2	saddavitakko loke …
vb4:40.3	gandhavitakko loke …
vb4:40.4	rasavitakko loke …
vb4:40.5	phoṭṭhabbavitakko loke …
vb4:40.6	dhammavitakko loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:41.1	Rūpavicāro loke …
vb4:41.2	saddavicāro loke …
vb4:41.3	gandhavicāro loke …
vb4:41.4	rasavicāro loke …
vb4:41.5	phoṭṭhabbavicāro loke …
vb4:41.6	dhammavicāro loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.
vb4:42.1	Idaṁ vuccati “dukkhanirodhaṁ ariyasaccaṁ”.
vb4:43.0	1.4. Maggasacca
vb4:43.1	Tattha katamaṁ dukkhanirodhagāminī paṭipadā ariyasaccaṁ?
vb4:43.2	Ayameva ariyo aṭṭhaṅgiko maggo, seyyathidaṁ—
vb4:43.3	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
vb4:44.1	Tattha katamā sammādiṭṭhi?
vb4:44.2	Dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ—
vb4:44.3	ayaṁ vuccati “sammādiṭṭhi”.
vb4:45.1	Tattha katamo sammāsaṅkappo?
vb4:45.2	Nekkhammasaṅkappo, abyāpādasaṅkappo, avihiṁsāsaṅkappo—
vb4:45.3	ayaṁ vuccati “sammāsaṅkappo”.
vb4:46.1	Tattha katamā sammāvācā?
vb4:46.2	Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī—
vb4:46.3	ayaṁ vuccati “sammāvācā”.
vb4:47.1	Tattha katamo sammākammanto?
vb4:47.2	Pāṇātipātā veramaṇī, adinnādānā veramaṇī, kāmesumicchācārā veramaṇī—
vb4:47.3	ayaṁ vuccati “sammākammanto”.
vb4:48.1	Tattha katamo sammāājīvo?
vb4:48.2	Idha ariyasāvako micchāājīvaṁ pahāya sammāājīvena jīvikaṁ kappeti—
vb4:48.3	ayaṁ vuccati “sammāājīvo”.
vb4:49.1	Tattha katamo sammāvāyāmo?
vb4:49.2	Idha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti, vāyamati, vīriyaṁ ārabhati, cittaṁ paggaṇhāti, padahati.
vb4:49.3	Uppannānaṁ pāpakānaṁ akusalānaṁ dhammānaṁ pahānāya chandaṁ janeti, vāyamati, vīriyaṁ ārabhati, cittaṁ paggaṇhāti, padahati.
vb4:49.4	Anuppannānaṁ kusalānaṁ dhammānaṁ uppādāya chandaṁ janeti, vāyamati, vīriyaṁ ārabhati, cittaṁ paggaṇhāti, padahati.
vb4:49.5	Uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti, vāyamati, vīriyaṁ ārabhati, cittaṁ paggaṇhāti, padahati.
vb4:49.6	Ayaṁ vuccati “sammāvāyāmo”.
vb4:50.1	Tattha katamā sammāsati?
vb4:50.2	Idha bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ.
vb4:50.3	Vedanāsu …pe…
vb4:50.4	citte …pe…
vb4:50.5	dhammesu dhammānupassī viharati ātāpī sampajāno satimā, vineyya loke abhijjhādomanassaṁ.
vb4:50.6	Ayaṁ vuccati “sammāsati”.
vb4:51.1	Tattha katamo sammāsamādhi?
vb4:51.2	Idha bhikkhu vivicceva kāmehi, vivicca akusalehi dhammehi, savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.
vb4:51.3	Vitakkavicārānaṁ vūpasamā, ajjhattaṁ sampasādanaṁ, cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.
vb4:51.4	Pītiyā ca virāgā, upekkhako ca viharati, sato ca sampajāno, sukhañca kāyena paṭisaṁvedeti, yaṁ taṁ ariyā ācikkhanti—“upekkhako satimā sukhavihārī”ti, tatiyaṁ jhānaṁ upasampajja viharati.
vb4:51.5	Sukhassa ca pahānā, dukkhassa ca pahānā, pubbeva somanassadomanassānaṁ atthaṅgamā, adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.
vb4:51.6	Ayaṁ vuccati “sammāsamādhi”.
vb4:52.1	Idaṁ vuccati “dukkhanirodhagāminī paṭipadā ariyasaccaṁ”.
vb4:53.1	Suttantabhājanīyaṁ.
vb4:54.0	2. Abhidhammabhājanīya
vb4:54.1	Cattāri saccāni—
vb4:54.2	dukkhaṁ, dukkhasamudayo, dukkhanirodho, dukkhanirodhagāminī paṭipadā.
vb4:55.1	Tattha katamo dukkhasamudayo?
vb4:55.2	Taṇhā—
vb4:55.3	ayaṁ vuccati “dukkhasamudayo”.
vb4:56.1	Tattha katamaṁ dukkhaṁ?
vb4:56.2	Avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:56.3	idaṁ vuccati “dukkhaṁ”.
vb4:57.1	Tattha katamo dukkhanirodho?
vb4:57.2	Taṇhāya pahānaṁ—
vb4:57.3	ayaṁ vuccati “dukkhanirodho”.
vb4:58.1	Tattha katamā dukkhanirodhagāminī paṭipadā?
vb4:58.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti sammādiṭṭhi …pe… sammāsamādhi.
vb4:59.1	Tattha katamā sammādiṭṭhi?
vb4:59.2	Yā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb4:59.3	ayaṁ vuccati “sammādiṭṭhi”.
vb4:60.1	Tattha katamo sammāsaṅkappo?
vb4:60.2	Yo takko vitakko …pe… sammāsaṅkappo maggaṅgaṁ maggapariyāpannaṁ—
vb4:60.3	ayaṁ vuccati “sammāsaṅkappo”.
vb4:61.1	Tattha katamā sammāvācā?
vb4:61.2	Yā catūhi vacīduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāvācā maggaṅgaṁ maggapariyāpannaṁ—
vb4:61.3	ayaṁ vuccati “sammāvācā”.
vb4:62.1	Tattha katamo sammākammanto?
vb4:62.2	Yā tīhi kāyaduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammākammanto maggaṅgaṁ maggapariyāpannaṁ—
vb4:62.3	ayaṁ vuccati “sammākammanto”.
vb4:63.1	Tattha katamo sammāājīvo?
vb4:63.2	Yā micchā ājīvā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāājīvo maggaṅgaṁ maggapariyāpannaṁ—
vb4:63.3	ayaṁ vuccati “sammāājīvo”.
vb4:64.1	Tattha katamo sammāvāyāmo?
vb4:64.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb4:64.3	ayaṁ vuccati “sammāvāyāmo”.
vb4:65.1	Tattha katamā sammāsati?
vb4:65.2	Yā sati anussati …pe… sammāsati satisambojjhaṅgo maggaṅgaṁ maggapariyāpannaṁ—
vb4:65.3	ayaṁ vuccati “sammāsati”.
vb4:66.1	Tattha katamo sammāsamādhi?
vb4:66.2	Yā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb4:66.3	ayaṁ vuccati “sammāsamādhi”.
vb4:66.4	Ayaṁ vuccati “dukkhanirodhagāminī paṭipadā”.
vb4:66.5	Avasesā dhammā dukkhanirodhagāminiyā paṭipadāya sampayuttā.
vb4:67.1	Tattha katamo dukkhasamudayo?
vb4:67.2	Taṇhā ca avasesā ca kilesā—
vb4:67.3	ayaṁ vuccati “dukkhasamudayo”.
vb4:68.1	Tattha katamaṁ dukkhaṁ?
vb4:68.2	Avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:68.3	idaṁ vuccati “dukkhaṁ”.
vb4:69.1	Tattha katamo dukkhanirodho?
vb4:69.2	Taṇhāya ca, avasesānañca kilesānaṁ pahānaṁ—
vb4:69.3	ayaṁ vuccati “dukkhanirodho”.
vb4:70.1	Tattha katamā dukkhanirodhagāminī paṭipadā?
vb4:70.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—
vb4:70.3	sammādiṭṭhi …pe… sammāsamādhi.
vb4:70.4	Ayaṁ vuccati—
vb4:70.5	“dukkhanirodhagāminī paṭipadā”.
vb4:70.6	Avasesā dhammā dukkhanirodhagāminiyā paṭipadāya sampayuttā.
vb4:71.1	Tattha katamo dukkhasamudayo?
vb4:71.2	Taṇhā ca avasesā ca kilesā, avasesā ca akusalā dhammā—
vb4:71.3	ayaṁ vuccati “dukkhasamudayo”.
vb4:72.1	Tattha katamaṁ dukkhaṁ?
vb4:72.2	Tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:72.3	idaṁ vuccati “dukkhaṁ”.
vb4:73.1	Tattha katamo dukkhanirodho?
vb4:73.2	Taṇhāya ca, avasesānañca kilesānaṁ, avasesānañca akusalānaṁ dhammānaṁ pahānaṁ—
vb4:73.3	ayaṁ vuccati “dukkhanirodho”.
vb4:74.1	Tattha katamā dukkhanirodhagāminī paṭipadā?
vb4:74.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—
vb4:74.3	sammādiṭṭhi …pe… sammāsamādhi.
vb4:74.4	Ayaṁ vuccati “dukkhanirodhagāminī paṭipadā”.
vb4:74.5	Avasesā dhammā dukkhanirodhagāminiyā paṭipadāya sampayuttā.
vb4:75.1	Tattha katamo dukkhasamudayo?
vb4:75.2	Taṇhā ca avasesā ca kilesā, avasesā ca akusalā dhammā, tīṇi ca kusalamūlāni sāsavāni—
vb4:75.3	ayaṁ vuccati “dukkhasamudayo”.
vb4:76.1	Tattha katamaṁ dukkhaṁ?
vb4:76.2	Avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:76.3	idaṁ vuccati “dukkhaṁ”.
vb4:77.1	Tattha katamo dukkhanirodho?
vb4:77.2	Taṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ pahānaṁ—
vb4:77.3	ayaṁ vuccati “dukkhanirodho”.
vb4:78.1	Tattha katamā dukkhanirodhagāminī paṭipadā?
vb4:78.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—
vb4:78.3	sammādiṭṭhi …pe… sammāsamādhi.
vb4:78.4	Ayaṁ vuccati “dukkhanirodhagāminī paṭipadā”.
vb4:78.5	Avasesā dhammā dukkhanirodhagāminiyā paṭipadāya sampayuttā.
vb4:79.1	Tattha katamo dukkhasamudayo?
vb4:79.2	Taṇhā ca, avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā—
vb4:79.3	ayaṁ vuccati “dukkhasamudayo”.
vb4:80.1	Tattha katamaṁ dukkhaṁ?
vb4:80.2	Sāsavā kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:80.3	idaṁ vuccati “dukkhaṁ”.
vb4:81.1	Tattha katamo dukkhanirodho?
vb4:81.2	Taṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ, avasesānañca sāsavānaṁ kusalānaṁ dhammānaṁ pahānaṁ—
vb4:81.3	ayaṁ vuccati “dukkhanirodho”.
vb4:82.1	Tattha katamā dukkhanirodhagāminī paṭipadā?
vb4:82.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—
vb4:82.3	sammādiṭṭhi …pe… sammāsamādhi.
vb4:82.4	Ayaṁ vuccati “dukkhanirodhagāminī paṭipadā”.
vb4:82.5	Avasesā dhammā dukkhanirodhagāminiyā paṭipadāya sampayuttā.
vb4:83.1	Cattāri saccāni—
vb4:83.2	dukkhaṁ, dukkhasamudayo, dukkhanirodho, dukkhanirodhagāminī paṭipadā.
vb4:84.1	Tattha katamo dukkhasamudayo?
vb4:84.2	Taṇhā—
vb4:84.3	ayaṁ vuccati “dukkhasamudayo”.
vb4:85.1	Tattha katamaṁ dukkhaṁ?
vb4:85.2	Avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:85.3	idaṁ vuccati “dukkhaṁ”.
vb4:86.1	Tattha katamo dukkhanirodho?
vb4:86.2	Taṇhāya pahānaṁ—
vb4:86.3	ayaṁ vuccati “dukkhanirodho”.
vb4:87.1	Tattha katamā dukkhanirodhagāminī paṭipadā?
vb4:87.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye pañcaṅgiko maggo hoti—
vb4:87.3	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb4:88.1	Tattha katamā sammādiṭṭhi?
vb4:88.2	Yā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb4:88.3	ayaṁ vuccati “sammādiṭṭhi”.
vb4:89.1	Tattha katamo sammāsaṅkappo?
vb4:89.2	Yo takko vitakko …pe… sammāsaṅkappo maggaṅgaṁ maggapariyāpannaṁ—
vb4:89.3	ayaṁ vuccati “sammāsaṅkappo”.
vb4:90.1	Tattha katamo sammāvāyāmo?
vb4:90.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb4:90.3	ayaṁ vuccati “sammāvāyāmo”.
vb4:91.1	Tattha katamā sammāsati?
vb4:91.2	Yā sati anussati …pe… sammāsati satisambojjhaṅgo maggaṅgaṁ maggapariyāpannaṁ—
vb4:91.3	ayaṁ vuccati “sammāsati”.
vb4:92.1	Tattha katamo sammāsamādhi?
vb4:92.2	Yā cittassa ṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb4:92.3	ayaṁ vuccati “sammāsamādhi”.
vb4:92.4	Ayaṁ vuccati “dukkhanirodhagāminī paṭipadā”.
vb4:92.5	Avasesā dhammā dukkhanirodhagāminiyā paṭipadāya sampayuttā.
vb4:93.1	Tattha katamo dukkhasamudayo?
vb4:93.2	Taṇhā ca, avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā—
vb4:93.3	ayaṁ vuccati “dukkhasamudayo”.
vb4:94.1	Tattha katamaṁ dukkhaṁ?
vb4:94.2	Sāsavā kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:94.3	idaṁ vuccati “dukkhaṁ”.
vb4:95.1	Tattha katamo dukkhanirodho?
vb4:95.2	Taṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ, avasesānañca sāsavānaṁ kusalānaṁ dhammānaṁ pahānaṁ—
vb4:95.3	ayaṁ vuccati “dukkhanirodho”.
vb4:96.1	Tattha katamā dukkhanirodhagāminī paṭipadā?
vb4:96.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye pañcaṅgiko maggo hoti—
vb4:96.3	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb4:96.4	Ayaṁ vuccati “dukkhanirodhagāminī paṭipadā”.
vb4:96.5	Avasesā dhammā dukkhanirodhagāminiyā paṭipadāya sampayuttā.
vb4:97.1	Cattāri saccāni—
vb4:97.2	dukkhaṁ, dukkhasamudayo, dukkhanirodho, dukkhanirodhagāminī paṭipadā.
vb4:98.1	Tattha katamo dukkhasamudayo?
vb4:98.2	Taṇhā—
vb4:98.3	ayaṁ vuccati “dukkhasamudayo”.
vb4:99.1	Tattha katamaṁ dukkhaṁ?
vb4:99.2	Avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:99.3	idaṁ vuccati “dukkhaṁ”.
vb4:100.1	Tattha katamo dukkhanirodho?
vb4:100.2	Taṇhāya pahānaṁ—
vb4:100.3	ayaṁ vuccati “dukkhanirodho”.
vb4:101.1	Tattha katamā dukkhanirodhagāminī paṭipadā?
vb4:101.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb4:101.3	Ayaṁ vuccati “dukkhanirodhagāminī paṭipadā”.
vb4:102.1	Tattha katamo dukkhasamudayo?
vb4:102.2	Taṇhā ca, avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā—
vb4:102.3	ayaṁ vuccati “dukkhasamudayo”.
vb4:103.1	Tattha katamaṁ dukkhaṁ?
vb4:103.2	Sāsavā kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—
vb4:103.3	idaṁ vuccati “dukkhaṁ”.
vb4:104.1	Tattha katamo dukkhanirodho?
vb4:104.2	Taṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ, avasesānañca sāsavānaṁ kusalānaṁ dhammānaṁ pahānaṁ—
vb4:104.3	ayaṁ vuccati “dukkhanirodho”.
vb4:105.1	Tattha katamā dukkhanirodhagāminī paṭipadā?
vb4:105.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb4:105.3	Ayaṁ vuccati “dukkhanirodhagāminī paṭipadā”.
vb4:106.1	Abhidhammabhājanīyaṁ.
vb4:107.0	3. Pañhāpucchaka
vb4:107.1	Cattāri ariyasaccāni—
vb4:107.2	dukkhaṁ ariyasaccaṁ, dukkhasamudayaṁ ariyasaccaṁ, dukkhanirodhaṁ ariyasaccaṁ, dukkhanirodhagāminī paṭipadā ariyasaccaṁ.
vb4:108.1	Catunnaṁ ariyasaccānaṁ kati kusalā, kati akusalā, kati abyākatā …pe… kati saraṇā, kati araṇā?
vb4:109.0	3.1. Tika
vb4:109.1	Samudayasaccaṁ akusalaṁ.
vb4:109.2	Maggasaccaṁ kusalaṁ.
vb4:109.3	Nirodhasaccaṁ abyākataṁ.
vb4:109.4	Dukkhasaccaṁ siyā kusalaṁ, siyā akusalaṁ, siyā abyākataṁ.
vb4:110.1	Dve saccā siyā sukhāya vedanāya sampayuttā, siyā adukkhamasukhāya vedanāya sampayuttā.
vb4:110.2	Nirodhasaccaṁ na vattabbaṁ—
vb4:110.3	“sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb4:110.4	Dukkhasaccaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ, siyā na vattabbaṁ—“sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb4:111.1	Dve saccā vipākadhammadhammā.
vb4:111.2	Nirodhasaccaṁ nevavipākanavipākadhammadhammaṁ.
vb4:111.3	Dukkhasaccaṁ siyā vipākaṁ, siyā vipākadhammadhammaṁ, siyā nevavipākanavipākadhammadhammaṁ.
vb4:112.1	Samudayasaccaṁ anupādinnupādāniyaṁ.
vb4:112.2	Dve saccā anupādinnaanupādāniyā.
vb4:112.3	Dukkhasaccaṁ siyā upādinnupādāniyaṁ, siyā anupādinnupādāniyaṁ.
vb4:113.1	Samudayasaccaṁ saṅkiliṭṭhasaṅkilesikaṁ.
vb4:113.2	Dve saccā asaṅkiliṭṭhaasaṅkilesikā.
vb4:113.3	Dukkhasaccaṁ siyā saṅkiliṭṭhasaṅkilesikaṁ, siyā asaṅkiliṭṭhasaṅkilesikaṁ.
vb4:114.1	Samudayasaccaṁ savitakkasavicāraṁ.
vb4:114.2	Nirodhasaccaṁ avitakkaavicāraṁ.
vb4:114.3	Maggasaccaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ.
vb4:114.4	Dukkhasaccaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ, siyā na vattabbaṁ—“savitakkasavicāran”tipi, “avitakkavicāramattan”tipi, “avitakkaavicāran”tipi.
vb4:115.1	Dve saccā siyā pītisahagatā, siyā sukhasahagatā, siyā upekkhāsahagatā.
vb4:115.2	Nirodhasaccaṁ na vattabbaṁ—
vb4:115.3	“pītisahagatan”tipi, “sukhasahagatan”tipi, “upekkhāsahagatan”tipi.
vb4:115.4	Dukkhasaccaṁ siyā pītisahagataṁ, siyā sukhasahagataṁ, siyā upekkhāsahagataṁ, siyā na vattabbaṁ—“pītisahagatan”tipi, “sukhasahagatan”tipi, “upekkhāsahagatan”tipi.
vb4:116.1	Dve saccā neva dassanena na bhāvanāya pahātabbā.
vb4:116.2	Samudayasaccaṁ siyā dassanena pahātabbaṁ, siyā bhāvanāya pahātabbaṁ.
vb4:116.3	Dukkhasaccaṁ siyā dassanena pahātabbaṁ, siyā bhāvanāya pahātabbaṁ, siyā neva dassanena na bhāvanāya pahātabbaṁ.
vb4:117.1	Dve saccā neva dassanena na bhāvanāya pahātabbahetukā.
vb4:117.2	Samudayasaccaṁ siyā dassanena pahātabbahetukaṁ, siyā bhāvanāya pahātabbahetukaṁ.
vb4:117.3	Dukkhasaccaṁ siyā dassanena pahātabbahetukaṁ, siyā bhāvanāya pahātabbahetukaṁ, siyā neva dassanena na bhāvanāya pahātabbahetukaṁ.
vb4:118.1	Samudayasaccaṁ ācayagāmi.
vb4:118.2	Maggasaccaṁ apacayagāmi.
vb4:118.3	Nirodhasaccaṁ nevācayagāmināpacayagāmi.
vb4:118.4	Dukkhasaccaṁ siyā ācayagāmi, siyā nevācayagāmināpacayagāmi.
vb4:119.1	Maggasaccaṁ sekkhaṁ.
vb4:119.2	Tīṇi saccāni nevasekkhanāsekkhā.
vb4:120.1	Samudayasaccaṁ parittaṁ.
vb4:120.2	Dve saccā appamāṇā.
vb4:120.3	Dukkhasaccaṁ siyā parittaṁ, siyā mahaggataṁ.
vb4:121.1	Nirodhasaccaṁ anārammaṇaṁ.
vb4:121.2	Maggasaccaṁ appamāṇārammaṇaṁ.
vb4:121.3	Samudayasaccaṁ siyā parittārammaṇaṁ, siyā mahaggatārammaṇaṁ na appamāṇārammaṇaṁ, siyā na vattabbaṁ—“parittārammaṇan”tipi, “mahaggatārammaṇan”tipi.
vb4:121.4	Dukkhasaccaṁ siyā parittārammaṇaṁ, siyā mahaggatārammaṇaṁ, siyā appamāṇārammaṇaṁ, siyā na vattabbaṁ—“parittārammaṇan”tipi, “mahaggatārammaṇan”tipi, “appamāṇārammaṇan”tipi.
vb4:122.1	Samudayasaccaṁ hīnaṁ.
vb4:122.2	Dve saccā paṇītā.
vb4:122.3	Dukkhasaccaṁ siyā hīnaṁ, siyā majjhimaṁ.
vb4:123.1	Nirodhasaccaṁ aniyataṁ.
vb4:123.2	Maggasaccaṁ sammattaniyataṁ.
vb4:123.3	Dve saccā siyā micchattaniyatā, siyā aniyatā.
vb4:124.1	Nirodhasaccaṁ anārammaṇaṁ.
vb4:124.2	Samudayasaccaṁ na vattabbaṁ—
vb4:124.3	“maggārammaṇan”tipi, “maggahetukan”tipi, “maggādhipatī”tipi.
vb4:124.4	Maggasaccaṁ na maggārammaṇaṁ maggahetukaṁ, siyā maggādhipati, siyā na vattabbaṁ—“maggādhipatī”ti.
vb4:124.5	Dukkhasaccaṁ siyā maggārammaṇaṁ na maggahetukaṁ, siyā maggādhipati, siyā na vattabbaṁ—“maggārammaṇan”tipi, “maggādhipatī”tipi.
vb4:125.1	Dve saccā siyā uppannā, siyā anuppannā, na vattabbā—
vb4:125.2	“uppādino”ti.
vb4:125.3	Nirodhasaccaṁ na vattabbaṁ—
vb4:125.4	“uppannan”tipi, “anuppannan”tipi, “uppādī”tipi.
vb4:125.5	Dukkhasaccaṁ siyā uppannaṁ, siyā anuppannaṁ, siyā uppādi.
vb4:126.1	Tīṇi saccāni siyā atītā, siyā anāgatā, siyā paccuppannā.
vb4:126.2	Nirodhasaccaṁ na vattabbaṁ—
vb4:126.3	“atītan”tipi, “anāgatan”tipi, “paccuppannan”tipi.
vb4:127.1	Nirodhasaccaṁ anārammaṇaṁ.
vb4:127.2	Maggasaccaṁ na vattabbaṁ—
vb4:127.3	“atītārammaṇan”tipi, “anāgatārammaṇan”tipi, “paccuppannārammaṇan”tipi.
vb4:127.4	Dve saccā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā—“atītārammaṇā”tipi, “anāgatārammaṇā”tipi, “paccuppannārammaṇā”tipi.
vb4:128.1	Nirodhasaccaṁ bahiddhā.
vb4:128.2	Tīṇi saccāni siyā ajjhattā, siyā bahiddhā, siyā ajjhattabahiddhā.
vb4:129.1	Nirodhasaccaṁ anārammaṇaṁ.
vb4:129.2	Maggasaccaṁ bahiddhārammaṇaṁ.
vb4:129.3	Samudayasaccaṁ siyā ajjhattārammaṇaṁ, siyā bahiddhārammaṇaṁ, siyā ajjhattabahiddhārammaṇaṁ.
vb4:129.4	Dukkhasaccaṁ siyā ajjhattārammaṇaṁ, siyā bahiddhārammaṇaṁ, siyā ajjhattabahiddhārammaṇaṁ, siyā na vattabbaṁ—“ajjhattārammaṇan”tipi, “bahiddhārammaṇan”tipi, “ajjhattabahiddhārammaṇan”tipi.
vb4:130.1	Tīṇi saccāni anidassanaappaṭighā.
vb4:130.2	Dukkhasaccaṁ siyā sanidassanasappaṭighaṁ, siyā anidassanasappaṭighaṁ, siyā anidassanaappaṭighaṁ.
vb4:131.0.1	3.2. 3.2 Duka
vb4:131.0.2	3.2.1. Hetugocchaka
vb4:131.1	Samudayasaccaṁ hetu.
vb4:131.2	Nirodhasaccaṁ na hetu.
vb4:131.3	Dve saccā siyā hetū, siyā na hetū.
vb4:131.4	Dve saccā sahetukā.
vb4:131.5	Nirodhasaccaṁ ahetukaṁ.
vb4:131.6	Dukkhasaccaṁ siyā sahetukaṁ, siyā ahetukaṁ.
vb4:131.7	Dve saccā hetusampayuttā.
vb4:131.8	Nirodhasaccaṁ hetuvippayuttaṁ.
vb4:131.9	Dukkhasaccaṁ siyā hetusampayuttaṁ, siyā hetuvippayuttaṁ.
vb4:131.10	Samudayasaccaṁ hetu ceva sahetukañca.
vb4:131.11	Nirodhasaccaṁ na vattabbaṁ—
vb4:131.12	“hetu ceva sahetukañcā”tipi, “sahetukañceva na ca hetū”tipi.
vb4:131.13	Maggasaccaṁ siyā hetu ceva sahetukañca, siyā sahetukañceva na ca hetu.
vb4:131.14	Dukkhasaccaṁ siyā hetu ceva sahetukañca, siyā sahetukañceva na ca hetu, siyā na vattabbaṁ—“hetu ceva sahetukañcā”tipi, “sahetukañceva na ca hetū”tipi.
vb4:131.15	Samudayasaccaṁ hetu ceva hetusampayuttañca.
vb4:131.16	Nirodhasaccaṁ na vattabbaṁ—
vb4:131.17	“hetu ceva hetusampayuttañcā”tipi, “hetusampayuttañceva na ca hetū”tipi.
vb4:131.18	Maggasaccaṁ siyā hetu ceva hetusampayuttañca, siyā hetusampayuttañceva na ca hetu.
vb4:131.19	Dukkhasaccaṁ siyā hetu ceva hetusampayuttañca, siyā hetusampayuttañceva na ca hetu, siyā na vattabbaṁ—“hetu ceva hetusampayuttañcā”tipi, “hetusampayuttañceva na ca hetū”tipi.
vb4:131.20	Nirodhasaccaṁ na hetuahetukaṁ.
vb4:131.21	Samudayasaccaṁ na vattabbaṁ—
vb4:131.22	“na hetusahetukan”tipi, “na hetuahetukan”tipi.
vb4:131.23	Maggasaccaṁ siyā na hetusahetukaṁ, siyā na vattabbaṁ—“na hetusahetukan”tipi, “na hetuahetukan”tipi.
vb4:131.24	Dukkhasaccaṁ siyā na hetusahetukaṁ, siyā na hetuahetukaṁ, siyā na vattabbaṁ—“na hetusahetukan”tipi, “na hetuahetukan”tipi.
vb4:132.0	3.2.2. Cūḷantaraduka
vb4:132.1	Tīṇi saccāni sappaccayā.
vb4:132.2	Nirodhasaccaṁ appaccayaṁ.
vb4:132.3	Tīṇi saccāni saṅkhatā.
vb4:132.4	Nirodhasaccaṁ asaṅkhataṁ.
vb4:132.5	Tīṇi saccāni anidassanā.
vb4:132.6	Dukkhasaccaṁ siyā sanidassanaṁ, siyā anidassanaṁ.
vb4:132.7	Tīṇi saccāni appaṭighā.
vb4:132.8	Dukkhasaccaṁ siyā sappaṭighaṁ, siyā appaṭighaṁ.
vb4:132.9	Tīṇi saccāni arūpāni.
vb4:132.10	Dukkhasaccaṁ siyā rūpaṁ, siyā arūpaṁ.
vb4:132.11	Dve saccā lokiyā.
vb4:132.12	Dve saccā lokuttarā;
vb4:132.13	kenaci viññeyyā, kenaci na viññeyyā.
vb4:133.0	3.2.3. Āsavagocchaka
vb4:133.1	Samudayasaccaṁ āsavo.
vb4:133.2	Dve saccā no āsavā.
vb4:133.3	Dukkhasaccaṁ siyā āsavo, siyā no āsavo.
vb4:133.4	Dve saccā sāsavā.
vb4:133.5	Dve saccā anāsavā.
vb4:133.6	Samudayasaccaṁ āsavasampayuttaṁ.
vb4:133.7	Dve saccā āsavavippayuttā.
vb4:133.8	Dukkhasaccaṁ siyā āsavasampayuttaṁ, siyā āsavavippayuttaṁ.
vb4:133.9	Samudayasaccaṁ āsavo ceva sāsavañca.
vb4:133.10	Dve saccā na vattabbā—
vb4:133.11	“āsavā ceva sāsavā cā”tipi, “sāsavā ceva no ca āsavā”tipi.
vb4:133.12	Dukkhasaccaṁ siyā āsavo ceva sāsavañca, siyā sāsavañceva no ca āsavo.
vb4:133.13	Samudayasaccaṁ āsavo ceva āsavasampayuttañca.
vb4:133.14	Dve saccā na vattabbā—
vb4:133.15	“āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb4:133.16	Dukkhasaccaṁ siyā āsavo ceva āsavasampayuttañca, siyā āsavasampayuttañceva no ca āsavo, siyā na vattabbaṁ—“āsavo ceva āsavasampayuttañcā”tipi, “āsavasampayuttañceva no ca āsavo”tipi.
vb4:133.17	Dve saccā āsavavippayuttaanāsavā.
vb4:133.18	Samudayasaccaṁ na vattabbaṁ—
vb4:133.19	“āsavavippayuttasāsavan”tipi, “āsavavippayuttaanāsavan”tipi.
vb4:133.20	Dukkhasaccaṁ siyā āsavavippayuttasāsavaṁ, siyā na vattabbaṁ—“āsavavippayuttasāsavan”tipi, “āsavavippayuttaanāsavan”tipi.
vb4:134.0	3.2.4. Saṁyojanagocchaka
vb4:134.1	Samudayasaccaṁ saṁyojanaṁ.
vb4:134.2	Dve saccā no saṁyojanā.
vb4:134.3	Dukkhasaccaṁ siyā saṁyojanaṁ, siyā no saṁyojanaṁ.
vb4:134.4	Dve saccā saṁyojaniyā.
vb4:134.5	Dve saccā asaṁyojaniyā.
vb4:134.6	Samudayasaccaṁ saṁyojanasampayuttaṁ.
vb4:134.7	Dve saccā saṁyojanavippayuttā.
vb4:134.8	Dukkhasaccaṁ siyā saṁyojanasampayuttaṁ, siyā saṁyojanavippayuttaṁ.
vb4:134.9	Samudayasaccaṁ saṁyojanañceva saṁyojaniyañca.
vb4:134.10	Dve saccā na vattabbā—
vb4:134.11	“saṁyojanā ceva saṁyojaniyā cā”tipi, “saṁyojaniyā ceva no ca saṁyojanā”tipi.
vb4:134.12	Dukkhasaccaṁ siyā saṁyojanañceva saṁyojaniyañca, siyā saṁyojaniyañceva no ca saṁyojanaṁ.
vb4:134.13	Samudayasaccaṁ saṁyojanañceva saṁyojanasampayuttañca.
vb4:134.14	Dve saccā na vattabbā—
vb4:134.15	“saṁyojanā ceva saṁyojanasampayuttā cā”tipi, “saṁyojanasampayuttā ceva no ca saṁyojanā”tipi.
vb4:134.16	Dukkhasaccaṁ siyā saṁyojanañceva saṁyojanasampayuttañca, siyā saṁyojanasampayuttañceva no ca saṁyojanaṁ, siyā na vattabbaṁ—“saṁyojanañceva saṁyojanasampayuttañcā”tipi, “saṁyojanasampayuttañceva no ca saṁyojanan”tipi.
vb4:134.17	Dve saccā saṁyojanavippayuttaasaṁyojaniyā.
vb4:134.18	Samudayasaccaṁ na vattabbaṁ—
vb4:134.19	“saṁyojanavippayuttasaṁyojaniyan”tipi, “saṁyojanavippayuttaasaṁyojaniyan”tipi.
vb4:134.20	Dukkhasaccaṁ siyā saṁyojanavippayuttasaṁyojaniyaṁ, siyā na vattabbaṁ—“saṁyojanavippayuttasaṁyojaniyan”tipi, “saṁyojanavippayuttaasaṁyojaniyan”tipi.
vb4:135.0	3.2.5. Ganthagocchaka
vb4:135.1	Samudayasaccaṁ gantho.
vb4:135.2	Dve saccā no ganthā.
vb4:135.3	Dukkhasaccaṁ siyā gantho, siyā no gantho.
vb4:135.4	Dve saccā ganthaniyā.
vb4:135.5	Dve saccā aganthaniyā.
vb4:135.6	Dve saccā ganthavippayuttā.
vb4:135.7	Dve saccā siyā ganthasampayuttā, siyā ganthavippayuttā.
vb4:135.8	Samudayasaccaṁ gantho ceva ganthaniyañca.
vb4:135.9	Dve saccā na vattabbā—
vb4:135.10	“ganthā ceva ganthaniyā cā”tipi, “ganthaniyā ceva no ca ganthā”tipi.
vb4:135.11	Dukkhasaccaṁ siyā gantho ceva ganthaniyañca, siyā ganthaniyañceva no ca gantho.
vb4:135.12	Samudayasaccaṁ gantho ceva ganthasampayuttañca, siyā na vattabbaṁ—“gantho ceva ganthasampayuttañcā”tipi, “ganthasampayuttañceva no ca gantho”tipi.
vb4:135.13	Dve saccā na vattabbā—
vb4:135.14	“ganthā ceva ganthasampayuttā cā”tipi, “ganthasampayuttā ceva no ca gantho”tipi.
vb4:135.15	Dukkhasaccaṁ siyā gantho ceva ganthasampayuttañca, siyā ganthasampayuttañceva no ca gantho, siyā na vattabbaṁ—“gantho ceva ganthasampayuttañcā”tipi, “ganthasampayuttañceva no ca gantho”tipi.
vb4:135.16	Dve saccā ganthavippayuttaaganthaniyā.
vb4:135.17	Dve saccā siyā ganthavippayuttaganthaniyā, siyā na vattabbā—“ganthavippayuttaganthaniyā”tipi, “ganthavippayuttaaganthaniyā”tipi.
vb4:136.0	4.3.2.6. Oghayoganīvaraṇagocchaka
vb4:136.1	Samudayasaccaṁ ogho …pe…
vb4:136.2	yogo …pe…
vb4:136.3	nīvaraṇaṁ.
vb4:136.4	Dve saccā no nīvaraṇā.
vb4:136.5	Dukkhasaccaṁ siyā nīvaraṇaṁ, siyā no nīvaraṇaṁ.
vb4:136.6	Dve saccā nīvaraṇiyā dve saccā anīvaraṇiyā.
vb4:136.7	Samudayasaccaṁ nīvaraṇasampayuttaṁ.
vb4:136.8	Dve saccā nīvaraṇavippayuttā.
vb4:136.9	Dukkhasaccaṁ siyā nīvaraṇasampayuttaṁ, siyā nīvaraṇavippayuttaṁ.
vb4:136.10	Samudayasaccaṁ nīvaraṇañceva nīvaraṇiyañca.
vb4:136.11	Dve saccā na vattabbā—
vb4:136.12	“nīvaraṇā ceva nīvaraṇiyā cā”tipi, “nīvaraṇiyā ceva no ca nīvaraṇā”tipi.
vb4:136.13	Dukkhasaccaṁ siyā nīvaraṇañceva nīvaraṇiyañca, siyā nīvaraṇiyañceva no ca nīvaraṇaṁ.
vb4:136.14	Samudayasaccaṁ nīvaraṇañceva nīvaraṇasampayuttañca.
vb4:136.15	Dve saccā na vattabbā—
vb4:136.16	“nīvaraṇā ceva nīvaraṇasampayuttā cā”tipi, “nīvaraṇasampayuttā ceva no ca nīvaraṇā”tipi.
vb4:136.17	Dukkhasaccaṁ siyā nīvaraṇañceva nīvaraṇasampayuttañca, siyā nīvaraṇasampayuttañceva no ca nīvaraṇaṁ, siyā na vattabbaṁ—“nīvaraṇañceva nīvaraṇasampayuttañcā”tipi, “nīvaraṇasampayuttañceva no ca nīvaraṇan”tipi.
vb4:136.18	Dve saccā nīvaraṇavippayuttaanīvaraṇiyā.
vb4:136.19	Samudayasaccaṁ na vattabbaṁ—
vb4:136.20	“nīvaraṇavippayuttanīvaraṇiyan”tipi, “nīvaraṇavippayuttaanīvaraṇiyan”tipi.
vb4:136.21	Dukkhasaccaṁ siyā nīvaraṇavippayuttanīvaraṇiyaṁ, siyā na vattabbaṁ—“nīvaraṇavippayuttanīvaraṇiyan”tipi, “nīvaraṇavippayuttaanīvaraṇiyan”tipi.
vb4:137.0	3.2.9. Parāmāsagocchaka
vb4:137.1	Tīṇi saccāni no parāmāsā.
vb4:137.2	Dukkhasaccaṁ siyā parāmāso, siyā no parāmāso.
vb4:137.3	Dve saccā parāmaṭṭhā.
vb4:137.4	Dve saccā aparāmaṭṭhā.
vb4:137.5	Dve saccā parāmāsavippayuttā.
vb4:137.6	Samudayasaccaṁ siyā parāmāsasampayuttaṁ, siyā parāmāsavippayuttaṁ.
vb4:137.7	Dukkhasaccaṁ siyā parāmāsasampayuttaṁ, siyā parāmāsavippayuttaṁ, siyā na vattabbaṁ—“parāmāsasampayuttan”tipi, “parāmāsavippayuttan”tipi.
vb4:137.8	Samudayasaccaṁ na vattabbaṁ—
vb4:137.9	“parāmāso ceva parāmaṭṭhañcā”ti, parāmaṭṭhañceva no ca parāmāso.
vb4:137.10	Dve saccā na vattabbā—
vb4:137.11	“parāmāsā ceva parāmaṭṭhā cā”tipi, “parāmaṭṭhā ceva no ca parāmāsā”tipi.
vb4:137.12	Dukkhasaccaṁ siyā parāmāso ceva parāmaṭṭhañca, siyā parāmaṭṭhañceva no ca parāmāso.
vb4:137.13	Dve saccā parāmāsavippayuttaaparāmaṭṭhā.
vb4:137.14	Dve saccā siyā parāmāsavippayuttaparāmaṭṭhā, siyā na vattabbā—“parāmāsavippayuttaparāmaṭṭhā”tipi, “parāmāsavippayuttaaparāmaṭṭhā”tipi.
vb4:138.0	3.2.10. Mahantaraduka
vb4:138.1	Dve saccā sārammaṇā.
vb4:138.2	Nirodhasaccaṁ anārammaṇaṁ.
vb4:138.3	Dukkhasaccaṁ siyā sārammaṇaṁ, siyā anārammaṇaṁ.
vb4:138.4	Tīṇi saccāni no cittā.
vb4:138.5	Dukkhasaccaṁ siyā cittaṁ, siyā no cittaṁ.
vb4:138.6	Dve saccā cetasikā.
vb4:138.7	Nirodhasaccaṁ acetasikaṁ.
vb4:138.8	Dukkhasaccaṁ siyā cetasikaṁ, siyā acetasikaṁ.
vb4:138.9	Dve saccā cittasampayuttā.
vb4:138.10	Nirodhasaccaṁ cittavippayuttaṁ.
vb4:138.11	Dukkhasaccaṁ siyā cittasampayuttaṁ, siyā cittavippayuttaṁ, siyā na vattabbaṁ—“cittena sampayuttan”tipi, “cittena vippayuttan”tipi.
vb4:138.12	Dve saccā cittasaṁsaṭṭhā.
vb4:138.13	Nirodhasaccaṁ cittavisaṁsaṭṭhaṁ.
vb4:138.14	Dukkhasaccaṁ siyā cittasaṁsaṭṭhaṁ, siyā cittavisaṁsaṭṭhaṁ, siyā na vattabbaṁ—“cittena saṁsaṭṭhan”tipi, “cittena visaṁsaṭṭhan”tipi.
vb4:138.15	Dve saccā cittasamuṭṭhānā.
vb4:138.16	Nirodhasaccaṁ no cittasamuṭṭhānaṁ.
vb4:138.17	Dukkhasaccaṁ siyā cittasamuṭṭhānaṁ, siyā no cittasamuṭṭhānaṁ.
vb4:138.18	Dve saccā cittasahabhuno.
vb4:138.19	Nirodhasaccaṁ no cittasahabhū.
vb4:138.20	Dukkhasaccaṁ siyā cittasahabhū, siyā no cittasahabhū.
vb4:138.21	Dve saccā cittānuparivattino.
vb4:138.22	Nirodhasaccaṁ no cittānuparivatti.
vb4:138.23	Dukkhasaccaṁ siyā cittānuparivatti, siyā no cittānuparivatti.
vb4:138.24	Dve saccā cittasaṁsaṭṭhasamuṭṭhānā.
vb4:138.25	Nirodhasaccaṁ no cittasaṁsaṭṭhasamuṭṭhānaṁ.
vb4:138.26	Dukkhasaccaṁ siyā cittasaṁsaṭṭhasamuṭṭhānaṁ, siyā no cittasaṁsaṭṭhasamuṭṭhānaṁ.
vb4:138.27	Dve saccā cittasaṁsaṭṭhasamuṭṭhānasahabhuno.
vb4:138.28	Nirodhasaccaṁ no cittasaṁsaṭṭhasamuṭṭhānasahabhū.
vb4:138.29	Dukkhasaccaṁ siyā cittasaṁsaṭṭhasamuṭṭhānasahabhū, siyā no cittasaṁsaṭṭhasamuṭṭhānasahabhū.
vb4:138.30	Dve saccā cittasaṁsaṭṭhasamuṭṭhānānuparivattino.
vb4:138.31	Nirodhasaccaṁ no cittasaṁsaṭṭhasamuṭṭhānānuparivatti.
vb4:138.32	Dukkhasaccaṁ siyā cittasaṁsaṭṭhasamuṭṭhānānuparivatti, siyā no cittasaṁsaṭṭhasamuṭṭhānānuparivatti.
vb4:139.1	Tīṇi saccāni bāhirā.
vb4:139.2	Dukkhasaccaṁ siyā ajjhattaṁ, siyā bāhiraṁ.
vb4:139.3	Tīṇi saccāni no upādā.
vb4:139.4	Dukkhasaccaṁ siyā upādā, siyā no upādā.
vb4:139.5	Tīṇi saccāni anupādinnā.
vb4:139.6	Dukkhasaccaṁ siyā upādinnaṁ, siyā anupādinnaṁ.
vb4:140.0	3.2.11. Upādānagocchaka
vb4:140.1	Samudayasaccaṁ upādānaṁ.
vb4:140.2	Dve saccā no upādānā.
vb4:140.3	Dukkhasaccaṁ siyā upādānaṁ, siyā no upādānaṁ.
vb4:140.4	Dve saccā upādāniyā.
vb4:140.5	Dve saccā anupādāniyā.
vb4:140.6	Dve saccā upādānavippayuttā.
vb4:140.7	Dve saccā siyā upādānasampayuttā, siyā upādānavippayuttā.
vb4:140.8	Samudayasaccaṁ upādānañceva upādāniyañca.
vb4:140.9	Dve saccā na vattabbā—
vb4:140.10	“upādānā ceva upādāniyā cā”tipi, “upādāniyā ceva no ca upādānā”tipi.
vb4:140.11	Dukkhasaccaṁ siyā upādānañceva upādāniyañca, siyā upādāniyañceva no ca upādānaṁ.
vb4:140.12	Samudayasaccaṁ siyā upādānañceva upādānasampayuttañca, siyā na vattabbaṁ—“upādānañceva upādānasampayuttañcā”tipi, “upādānasampayuttañceva no ca upādānan”tipi.
vb4:140.13	Dve saccā na vattabbā—
vb4:140.14	“upādānā ceva upādānasampayuttā cā”tipi, “upādānasampayuttā ceva no ca upādānā”tipi.
vb4:140.15	Dukkhasaccaṁ siyā upādānañceva upādānasampayuttañca, siyā upādānasampayuttañceva no ca upādānaṁ, siyā na vattabbaṁ—“upādānañceva upādānasampayuttañcā”tipi, “upādānasampayuttañceva no ca upādānan”tipi.
vb4:140.16	Dve saccā upādānavippayuttaanupādāniyā.
vb4:140.17	Dve saccā siyā upādānavippayuttaupādāniyā, siyā na vattabbā—“upādānavippayuttaupādāniyā”tipi, “upādānavippayuttaanupādāniyā”tipi.
vb4:141.0	3.2.12. Kilesagocchaka
vb4:141.1	Samudayasaccaṁ kileso.
vb4:141.2	Dve saccā no kilesā.
vb4:141.3	Dukkhasaccaṁ siyā kileso, siyā no kileso.
vb4:141.4	Dve saccā saṅkilesikā.
vb4:141.5	Dve saccā asaṅkilesikā.
vb4:141.6	Samudayasaccaṁ saṅkiliṭṭhaṁ.
vb4:141.7	Dve saccā asaṅkiliṭṭhā.
vb4:141.8	Dukkhasaccaṁ siyā saṅkiliṭṭhaṁ, siyā asaṅkiliṭṭhaṁ.
vb4:141.9	Samudayasaccaṁ kilesasampayuttaṁ.
vb4:141.10	Dve saccā kilesavippayuttā.
vb4:141.11	Dukkhasaccaṁ siyā kilesasampayuttaṁ, siyā kilesavippayuttaṁ.
vb4:141.12	Samudayasaccaṁ kileso ceva saṅkilesikañca.
vb4:141.13	Dve saccā na vattabbā—
vb4:141.14	“kilesā ceva saṅkilesikā cā”tipi, “saṅkilesikā ceva no ca kilesā”tipi.
vb4:141.15	Dukkhasaccaṁ siyā kileso ceva saṅkilesikañca, siyā saṅkilesikañceva no ca kileso.
vb4:141.16	Samudayasaccaṁ kileso ceva saṅkiliṭṭhañca.
vb4:141.17	Dve saccā na vattabbā—
vb4:141.18	“kilesā ceva saṅkiliṭṭhā cā”tipi, “saṅkiliṭṭhā ceva no ca kilesā”tipi.
vb4:141.19	Dukkhasaccaṁ siyā kileso ceva saṅkiliṭṭhañca, siyā saṅkiliṭṭhañceva no ca kileso, siyā na vattabbaṁ—“kileso ceva saṅkiliṭṭhañcā”tipi, “saṅkiliṭṭhañceva no ca kileso”tipi.
vb4:141.20	Samudayasaccaṁ kileso ceva kilesasampayuttañca.
vb4:141.21	Dve saccā na vattabbā—
vb4:141.22	“kilesā ceva kilesasampayuttā cā”tipi, “kilesasampayuttā ceva no ca kilesā”tipi.
vb4:141.23	Dukkhasaccaṁ siyā kileso ceva kilesasampayuttañca, siyā kilesasampayuttañceva no ca kileso, siyā na vattabbaṁ—“kileso ceva kilesasampayuttañcā”tipi, “kilesasampayuttañceva no ca kileso”tipi.
vb4:141.24	Dve saccā kilesavippayuttaasaṅkilesikā.
vb4:141.25	Samudayasaccaṁ na vattabbaṁ—
vb4:141.26	“kilesavippayuttasaṅkilesikan”tipi, “kilesavippayuttaasaṅkilesikan”tipi.
vb4:141.27	Dukkhasaccaṁ siyā kilesavippayuttasaṅkilesikaṁ, siyā na vattabbaṁ—“kilesavippayuttasaṅkilesikan”tipi, “kilesavippayuttaasaṅkilesikan”tipi.
vb4:142.0	3.2.13. Piṭṭhiduka
vb4:142.1	Dve saccā na dassanena pahātabbā.
vb4:142.2	Dve saccā siyā dassanena pahātabbā, siyā na dassanena pahātabbā.
vb4:142.3	Dve saccā na bhāvanāya pahātabbā.
vb4:142.4	Dve saccā siyā bhāvanāya pahātabbā, siyā na bhāvanāya pahātabbā.
vb4:142.5	Dve saccā na dassanena pahātabbahetukā.
vb4:142.6	Dve saccā siyā dassanena pahātabbahetukā, siyā na dassanena pahātabbahetukā.
vb4:142.7	Dve saccā na bhāvanāya pahātabbahetukā.
vb4:142.8	Dve saccā siyā bhāvanāya pahātabbahetukā, siyā na bhāvanāya pahātabbahetukā.
vb4:142.9	Samudayasaccaṁ savitakkaṁ.
vb4:142.10	Nirodhasaccaṁ avitakkaṁ.
vb4:142.11	Dve saccā siyā savitakkā, siyā avitakkā.
vb4:142.12	Samudayasaccaṁ savicāraṁ.
vb4:142.13	Nirodhasaccaṁ avicāraṁ.
vb4:142.14	Dve saccā siyā savicārā, siyā avicārā.
vb4:142.15	Nirodhasaccaṁ appītikaṁ.
vb4:142.16	Tīṇi saccāni siyā sappītikā, siyā appītikā.
vb4:142.17	Nirodhasaccaṁ na pītisahagataṁ.
vb4:142.18	Tīṇi saccāni siyā pītisahagatā, siyā na pītisahagatā.
vb4:142.19	Nirodhasaccaṁ na sukhasahagataṁ.
vb4:142.20	Tīṇi saccāni siyā sukhasahagatā, siyā na sukhasahagatā.
vb4:142.21	Nirodhasaccaṁ na upekkhāsahagataṁ.
vb4:142.22	Tīṇi saccāni siyā upekkhāsahagatā, siyā na upekkhāsahagatā.
vb4:143.1	Samudayasaccaṁ kāmāvacaraṁ.
vb4:143.2	Dve saccā na kāmāvacarā.
vb4:143.3	Dukkhasaccaṁ siyā kāmāvacaraṁ, siyā na kāmāvacaraṁ.
vb4:143.4	Tīṇi saccāni na rūpāvacarā.
vb4:143.5	Dukkhasaccaṁ siyā rūpāvacaraṁ, siyā na rūpāvacaraṁ.
vb4:143.6	Tīṇi saccāni na arūpāvacarā.
vb4:143.7	Dukkhasaccaṁ siyā arūpāvacaraṁ, siyā na arūpāvacaraṁ.
vb4:143.8	Dve saccā pariyāpannā.
vb4:143.9	Dve saccā apariyāpannā.
vb4:143.10	Maggasaccaṁ niyyānikaṁ.
vb4:143.11	Tīṇi saccāni aniyyānikā.
vb4:143.12	Maggasaccaṁ niyataṁ.
vb4:143.13	Nirodhasaccaṁ aniyataṁ.
vb4:143.14	Dve saccā siyā niyatā, siyā aniyatā.
vb4:143.15	Dve saccā sauttarā.
vb4:143.16	Dve saccā anuttarā.
vb4:143.17	Samudayasaccaṁ saraṇaṁ.
vb4:143.18	Dve saccā araṇā.
vb4:143.19	Dukkhasaccaṁ siyā saraṇaṁ, siyā araṇanti.
vb4:144.1	Pañhāpucchakaṁ.
vb4:145.1	Saccavibhaṅgo niṭṭhito.
vb5:0.1	Vibhaṅga
vb5:0.2	Indriyavibhaṅga
vb5:1.0	1. Abhidhammabhājanīya
vb5:1.1	Bāvīsatindriyāni—
vb5:1.2	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ, purisindriyaṁ, jīvitindriyaṁ, sukhindriyaṁ, dukkhindriyaṁ, somanassindriyaṁ, domanassindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, anaññātaññassāmītindriyaṁ, aññindriyaṁ, aññātāvindriyaṁ.
vb5:2.1	Tattha katamaṁ cakkhundriyaṁ?
vb5:2.2	Yaṁ cakkhu catunnaṁ mahābhūtānaṁ upādāya pasādo …pe… suñño gāmopeso—
vb5:2.3	idaṁ vuccati “cakkhundriyaṁ”.
vb5:3.1	Tattha katamaṁ sotindriyaṁ …pe…
vb5:3.2	ghānindriyaṁ …pe…
vb5:3.3	jivhindriyaṁ …pe…
vb5:3.4	kāyindriyaṁ?
vb5:3.5	Yo kāyo catunnaṁ mahābhūtānaṁ upādāya pasādo …pe… suñño gāmopeso—
vb5:3.6	idaṁ vuccati “kāyindriyaṁ”.
vb5:4.1	Tattha katamaṁ manindriyaṁ?
vb5:4.2	Ekavidhena manindriyaṁ—
vb5:4.3	phassasampayuttaṁ.
vb5:4.4	Duvidhena manindriyaṁ—
vb5:4.5	atthi sahetukaṁ, atthi ahetukaṁ.
vb5:4.6	Tividhena manindriyaṁ—
vb5:4.7	atthi kusalaṁ, atthi akusalaṁ, atthi abyākataṁ.
vb5:4.8	Catubbidhena manindriyaṁ—
vb5:4.9	atthi kāmāvacaraṁ, atthi rūpāvacaraṁ, atthi arūpāvacaraṁ, atthi apariyāpannaṁ.
vb5:4.10	Pañcavidhena manindriyaṁ—
vb5:4.11	atthi sukhindriyasampayuttaṁ, atthi dukkhindriyasampayuttaṁ, atthi somanassindriyasampayuttaṁ, atthi domanassindriyasampayuttaṁ, atthi upekkhindriyasampayuttaṁ.
vb5:4.12	Chabbidhena manindriyaṁ—
vb5:4.13	cakkhuviññāṇaṁ …pe… manoviññāṇaṁ.
vb5:4.14	Evaṁ chabbidhena manindriyaṁ.
vb5:5.1	Sattavidhena manindriyaṁ—
vb5:5.2	cakkhuviññāṇaṁ …pe… kāyaviññāṇaṁ, manodhātu, manoviññāṇadhātu.
vb5:5.3	Evaṁ sattavidhena manindriyaṁ.
vb5:6.1	Aṭṭhavidhena manindriyaṁ—
vb5:6.2	cakkhuviññāṇaṁ …pe… kāyaviññāṇaṁ atthi sukhasahagataṁ, atthi dukkhasahagataṁ, manodhātu, manoviññāṇadhātu.
vb5:6.3	Evaṁ aṭṭhavidhena manindriyaṁ.
vb5:7.1	Navavidhena manindriyaṁ—
vb5:7.2	cakkhuviññāṇaṁ …pe… kāyaviññāṇaṁ, manodhātu, manoviññāṇadhātu atthi kusalā, atthi akusalā, atthi abyākatā.
vb5:7.3	Evaṁ navavidhena manindriyaṁ.
vb5:8.1	Dasavidhena manindriyaṁ—
vb5:8.2	cakkhuviññāṇaṁ …pe… kāyaviññāṇaṁ atthi sukhasahagataṁ, atthi dukkhasahagataṁ, manodhātu, manoviññāṇadhātu atthi kusalā, atthi akusalā, atthi abyākatā.
vb5:8.3	Evaṁ dasavidhena manindriyaṁ …pe…
vb5:8.4	evaṁ bahuvidhena manindriyaṁ.
vb5:8.5	Idaṁ vuccati “manindriyaṁ”.
vb5:9.1	Tattha katamaṁ itthindriyaṁ?
vb5:9.2	Yaṁ itthiyā itthiliṅgaṁ itthinimittaṁ itthikuttaṁ itthākappo itthattaṁ itthibhāvo—
vb5:9.3	idaṁ vuccati “itthindriyaṁ”.
vb5:10.1	Tattha katamaṁ purisindriyaṁ?
vb5:10.2	Yaṁ purisassa purisaliṅgaṁ purisanimittaṁ purisakuttaṁ purisākappo purisattaṁ purisabhāvo—
vb5:10.3	idaṁ vuccati “purisindriyaṁ”.
vb5:11.1	Tattha katamaṁ jīvitindriyaṁ?
vb5:11.2	Jīvitindriyaṁ duvidhena—
vb5:11.3	atthi rūpajīvitindriyaṁ, atthi arūpajīvitindriyaṁ.
vb5:12.1	Tattha katamaṁ rūpajīvitindriyaṁ?
vb5:12.2	Yo tesaṁ rūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—
vb5:12.3	idaṁ vuccati “rūpajīvitindriyaṁ”.
vb5:13.1	Tattha katamaṁ arūpajīvitindriyaṁ?
vb5:13.2	Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—
vb5:13.3	idaṁ vuccati “arūpajīvitindriyaṁ”.
vb5:13.4	Idaṁ vuccati “jīvitindriyaṁ”.
vb5:14.1	Tattha katamaṁ sukhindriyaṁ?
vb5:14.2	Yaṁ kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—
vb5:14.3	idaṁ vuccati “sukhindriyaṁ”.
vb5:15.1	Tattha katamaṁ dukkhindriyaṁ?
vb5:15.2	Yaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—
vb5:15.3	idaṁ vuccati “dukkhindriyaṁ”.
vb5:16.1	Tattha katamaṁ somanassindriyaṁ?
vb5:16.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb5:16.3	idaṁ vuccati “somanassindriyaṁ”.
vb5:17.1	Tattha katamaṁ domanassindriyaṁ?
vb5:17.2	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb5:17.3	idaṁ vuccati “domanassindriyaṁ”.
vb5:18.1	Tattha katamaṁ upekkhindriyaṁ?
vb5:18.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb5:18.3	idaṁ vuccati “upekkhindriyaṁ”.
vb5:19.1	Tattha katamaṁ saddhindriyaṁ?
vb5:19.2	Yā saddhā saddahanā okappanā abhippasādo saddhā saddhindriyaṁ saddhābalaṁ—
vb5:19.3	idaṁ vuccati “saddhindriyaṁ”.
vb5:20.1	Tattha katamaṁ vīriyindriyaṁ?
vb5:20.2	Yo cetasiko vīriyārambho nikkamo parakkamo uyyāmo vāyāmo ussāho ussoḷhī thāmo ṭhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ—
vb5:20.3	idaṁ vuccati “vīriyindriyaṁ”.
vb5:21.1	Tattha katamaṁ satindriyaṁ?
vb5:21.2	Yā sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati—
vb5:21.3	idaṁ vuccati “satindriyaṁ”.
vb5:22.1	Tattha katamaṁ samādhindriyaṁ?
vb5:22.2	Yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—
vb5:22.3	idaṁ vuccati “samādhindriyaṁ”.
vb5:23.1	Tattha katamaṁ paññindriyaṁ?
vb5:23.2	Yā paññā pajānanā …pe… amoho dhammavicayo sammādiṭṭhi—
vb5:23.3	idaṁ vuccati “paññindriyaṁ”.
vb5:24.1	Tattha katamaṁ anaññātaññassāmītindriyaṁ?
vb5:24.2	Yā tesaṁ dhammānaṁ anaññātānaṁ adiṭṭhānaṁ appattānaṁ aviditānaṁ asacchikatānaṁ sacchikiriyāya paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb5:24.3	idaṁ vuccati “anaññātaññassāmītindriyaṁ”.
vb5:25.1	Tattha katamaṁ aññindriyaṁ?
vb5:25.2	Yā tesaṁ dhammānaṁ ñātānaṁ diṭṭhānaṁ pattānaṁ viditānaṁ sacchikatānaṁ sacchikiriyāya paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb5:25.3	idaṁ vuccati “aññindriyaṁ”.
vb5:26.1	Tattha katamaṁ aññātāvindriyaṁ?
vb5:26.2	Yā tesaṁ dhammānaṁ aññātāvīnaṁ diṭṭhānaṁ pattānaṁ viditānaṁ sacchikatānaṁ sacchikiriyāya paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb5:26.3	idaṁ vuccati “aññātāvindriyaṁ”.
vb5:27.1	Abhidhammabhājanīyaṁ.
vb5:28.0	2. Pañhāpucchaka
vb5:28.1	Bāvīsatindriyāni—
vb5:28.2	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ, purisindriyaṁ, jīvitindriyaṁ, sukhindriyaṁ, dukkhindriyaṁ, somanassindriyaṁ, domanassindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, anaññātaññassāmītindriyaṁ, aññindriyaṁ, aññātāvindriyaṁ.
vb5:29.1	Bāvīsatīnaṁ indriyānaṁ kati kusalā, kati akusalā, kati abyākatā …pe… kati saraṇā, kati araṇā?
vb5:30.0	2.1. Tika
vb5:30.1	Dasindriyā abyākatā.
vb5:30.2	Domanassindriyaṁ akusalaṁ.
vb5:30.3	Anaññātaññassāmītindriyaṁ kusalaṁ.
vb5:30.4	Cattārindriyā siyā kusalā, siyā abyākatā.
vb5:30.5	Cha indriyā siyā kusalā, siyā akusalā, siyā abyākatā.
vb5:31.1	Dvādasindriyā na vattabbā—“sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb5:31.2	Cha indriyā siyā sukhāya vedanāya sampayuttā, siyā adukkhamasukhāya vedanāya sampayuttā.
vb5:31.3	Tīṇindriyā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.
vb5:31.4	Jīvitindriyaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ, siyā na vattabbaṁ—“sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb5:32.1	Sattindriyā nevavipākanavipākadhammadhammā.
vb5:32.2	Tīṇindriyā vipākā.
vb5:32.3	Dvindriyā vipākadhammadhammā.
vb5:32.4	Aññindriyaṁ siyā vipākaṁ, siyā vipākadhammadhammaṁ.
vb5:32.5	Navindriyā siyā vipākā, siyā vipākadhammadhammā, siyā nevavipākanavipākadhammadhammā.
vb5:33.1	Navindriyā upādinnupādāniyā.
vb5:33.2	Domanassindriyaṁ anupādinnupādāniyaṁ.
vb5:33.3	Tīṇindriyā anupādinnaanupādāniyā.
vb5:33.4	Navindriyā siyā upādinnupādāniyā, siyā anupādinnupādāniyā, siyā anupādinnaanupādāniyā.
vb5:34.1	Navindriyā asaṅkiliṭṭhasaṅkilesikā.
vb5:34.2	Domanassindriyaṁ saṅkiliṭṭhasaṅkilesikaṁ.
vb5:34.3	Tīṇindriyā asaṅkiliṭṭhaasaṅkilesikā.
vb5:34.4	Tīṇindriyā siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā.
vb5:34.5	Cha indriyā siyā saṅkiliṭṭhasaṅkilesikā, siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā.
vb5:35.1	Navindriyā avitakkaavicārā.
vb5:35.2	Domanassindriyaṁ savitakkasavicāraṁ.
vb5:35.3	Upekkhindriyaṁ siyā savitakkasavicāraṁ, siyā avitakkaavicāraṁ.
vb5:35.4	Ekādasindriyā siyā savitakkasavicārā, siyā avitakkavicāramattā, siyā avitakkaavicārā.
vb5:36.1	Ekādasindriyā na vattabbā—“pītisahagatā”tipi, “sukhasahagatā”tipi, “upekkhāsahagatā”tipi.
vb5:36.2	Somanassindriyaṁ siyā pītisahagataṁ na sukhasahagataṁ na upekkhāsahagataṁ, siyā na vattabbaṁ—“pītisahagatan”ti.
vb5:36.3	Cha indriyā siyā pītisahagatā, siyā sukhasahagatā, siyā upekkhāsahagatā.
vb5:36.4	Cattārindriyā siyā pītisahagatā, siyā sukhasahagatā, siyā upekkhāsahagatā, siyā na vattabbā—“pītisahagatā”tipi, “sukhasahagatā”tipi, “upekkhāsahagatā”tipi.
vb5:37.1	Pannarasindriyā neva dassanena na bhāvanāya pahātabbā.
vb5:37.2	Domanassindriyaṁ siyā dassanena pahātabbaṁ, siyā bhāvanāya pahātabbaṁ.
vb5:37.3	Cha indriyā siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā.
vb5:38.1	Pannarasindriyā neva dassanena na bhāvanāya pahātabbahetukā.
vb5:38.2	Domanassindriyaṁ siyā dassanena pahātabbahetukaṁ, siyā bhāvanāya pahātabbahetukaṁ.
vb5:38.3	Cha indriyā siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā.
vb5:39.1	Dasindriyā nevācayagāmināpacayagāmino.
vb5:39.2	Domanassindriyaṁ ācayagāmi.
vb5:39.3	Anaññātaññassāmītindriyaṁ apacayagāmi.
vb5:39.4	Aññindriyaṁ siyā apacayagāmi, siyā nevācayagāmināpacayagāmi.
vb5:39.5	Navindriyā siyā ācayagāmino, siyā apacayagāmino, siyā nevācayagāmināpacayagāmino.
vb5:40.1	Dasindriyā nevasekkhanāsekkhā.
vb5:40.2	Dvindriyā sekkhā.
vb5:40.3	Aññātāvindriyaṁ asekkhaṁ.
vb5:40.4	Navindriyā siyā sekkhā, siyā asekkhā, siyā nevasekkhanāsekkhā.
vb5:41.1	Dasindriyā parittā.
vb5:41.2	Tīṇindriyā appamāṇā.
vb5:41.3	Navindriyā siyā parittā, siyā mahaggatā, siyā appamāṇā.
vb5:42.1	Sattindriyā anārammaṇā.
vb5:42.2	Dvindriyā parittārammaṇā.
vb5:42.3	Tīṇindriyā appamāṇārammaṇā.
vb5:42.4	Domanassindriyaṁ siyā parittārammaṇaṁ siyā mahaggatārammaṇaṁ, na appamāṇārammaṇaṁ, siyā na vattabbaṁ—“parittārammaṇan”tipi, “mahaggatārammaṇan”tipi.
vb5:42.5	Navindriyā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā—“parittārammaṇā”tipi, “mahaggatārammaṇā”tipi, “appamāṇārammaṇā”tipi.
vb5:43.1	Navindriyā majjhimā.
vb5:43.2	Domanassindriyaṁ hīnaṁ.
vb5:43.3	Tīṇindriyā paṇītā.
vb5:43.4	Tīṇindriyā siyā majjhimā, siyā paṇītā.
vb5:43.5	Cha indriyā siyā hīnā, siyā majjhimā, siyā paṇītā.
vb5:44.1	Dasindriyā aniyatā.
vb5:44.2	Anaññātaññassāmītindriyaṁ sammattaniyataṁ.
vb5:44.3	Cattārindriyā siyā sammattaniyatā, siyā aniyatā.
vb5:44.4	Domanassindriyaṁ siyā micchattaniyataṁ, siyā aniyataṁ.
vb5:44.5	Cha indriyā siyā micchattaniyatā, siyā sammattaniyatā, siyā aniyatā.
vb5:45.1	Sattindriyā anārammaṇā.
vb5:45.2	Cattārindriyā na vattabbā—“maggārammaṇā”tipi, “maggahetukā”tipi, “maggādhipatino”tipi.
vb5:45.3	Anaññātaññassāmītindriyaṁ na maggārammaṇaṁ, siyā maggahetukaṁ, siyā maggādhipati, siyā na vattabbaṁ—“maggahetukan”tipi, “maggādhipatī”tipi.
vb5:45.4	Aññindriyaṁ na maggārammaṇaṁ, siyā maggahetukaṁ, siyā maggādhipati, siyā na vattabbaṁ—“maggahetukan”tipi, “maggādhipatī”tipi.
vb5:45.5	Navindriyā siyā maggārammaṇā, siyā maggahetukā, siyā maggādhipatino, siyā na vattabbā—“maggārammaṇā”tipi, “maggahetukā”tipi, “maggādhipatino”tipi.
vb5:46.1	Dasindriyā siyā uppannā, siyā uppādino, na vattabbā—“anuppannā”ti.
vb5:46.2	Dvindriyā siyā uppannā, siyā anuppannā, na vattabbā—“uppādino”ti.
vb5:46.3	Dasindriyā siyā uppannā, siyā anuppannā, siyā uppādino.
vb5:47.1	Siyā atītā, siyā anāgatā, siyā paccuppannā.
vb5:48.1	Sattindriyā anārammaṇā.
vb5:48.2	Dvindriyā paccuppannārammaṇā.
vb5:48.3	Tīṇindriyā na vattabbā—“atītārammaṇā”tipi, “anāgatārammaṇā”tipi, “paccuppannārammaṇā”tipi.
vb5:48.4	Dasindriyā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā—“atītārammaṇā”tipi, “anāgatārammaṇā”tipi, “paccuppannārammaṇā”tipi.
vb5:49.1	Siyā ajjhattā, siyā bahiddhā, siyā ajjhattabahiddhā.
vb5:50.1	Sattindriyā anārammaṇā.
vb5:50.2	Tīṇindriyā bahiddhārammaṇā.
vb5:50.3	Cattārindriyā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, aṭṭhindriyā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā—“ajjhattārammaṇā”tipi, “bahiddhārammaṇā”tipi, “ajjhattabahiddhārammaṇā”tipi.
vb5:51.1	Pañcindriyā anidassanasappaṭighā.
vb5:51.2	Sattarasindriyā anidassanaappaṭighā.
vb5:52.0.1	2.2. 2.2 Duka
vb5:52.0.2	2.2.1. Hetugocchaka
vb5:52.1	Cattārindriyā hetū.
vb5:52.2	Aṭṭhārasindriyā na hetū.
vb5:52.3	Sattindriyā sahetukā.
vb5:52.4	Navindriyā ahetukā.
vb5:52.5	Cha indriyā siyā sahetukā, siyā ahetukā.
vb5:52.6	Sattindriyā hetusampayuttā.
vb5:52.7	Navindriyā hetuvippayuttā.
vb5:52.8	Cha indriyā siyā hetusampayuttā, siyā hetuvippayuttā.
vb5:52.9	Cattārindriyā hetū ceva sahetukā ca.
vb5:52.10	Navindriyā na vattabbā—“hetū ceva sahetukā cā”tipi, “sahetukā ceva na ca hetū”tipi.
vb5:52.11	Tīṇindriyā na vattabbā—“hetū ceva sahetukā cā”ti.
vb5:52.12	Sahetukā ceva na ca hetū.
vb5:52.13	Cha indriyā na vattabbā—“hetū ceva sahetukā cā”ti, siyā sahetukā ceva na ca hetū, siyā na vattabbā—“sahetukā ceva na ca hetū”ti.
vb5:53.1	Cattārindriyā hetū ceva hetusampayuttā ca.
vb5:53.2	Navindriyā na vattabbā—“hetū ceva hetusampayuttā cā”tipi, “hetusampayuttā ceva na ca hetū”tipi.
vb5:53.3	Tīṇindriyā na vattabbā—“hetū ceva hetusampayuttā cā”ti, hetusampayuttā ceva na ca hetū.
vb5:53.4	Cha indriyā na vattabbā—“hetū ceva hetusampayuttā cā”ti, siyā hetusampayuttā ceva na ca hetū, siyā na vattabbā—“hetusampayuttā ceva na ca hetū”ti.
vb5:54.1	Navindriyā na hetū ahetukā.
vb5:54.2	Tīṇindriyā na hetū sahetukā.
vb5:54.3	Cattārindriyā na vattabbā—“na hetū sahetukā”tipi, “na hetū ahetukā”tipi.
vb5:54.4	Cha indriyā siyā na hetū sahetukā, siyā na hetū ahetukā.
vb5:55.0	2.2.2. Cūḷantaraduka
vb5:55.1	Sappaccayā.
vb5:55.2	Saṅkhatā.
vb5:55.3	Anidassanā.
vb5:55.4	Pañcindriyā sappaṭighā.
vb5:55.5	Sattarasindriyā appaṭighā.
vb5:55.6	Sattindriyā rūpā.
vb5:55.7	Cuddasindriyā arūpā.
vb5:55.8	Jīvitindriyaṁ siyā rūpaṁ, siyā arūpaṁ.
vb5:55.9	Dasindriyā lokiyā.
vb5:55.10	Tīṇindriyā lokuttarā.
vb5:55.11	Navindriyā siyā lokiyā, siyā lokuttarā;
vb5:55.12	kenaci viññeyyā, kenaci na viññeyyā.
vb5:56.0	2.2.3. Āsavagocchaka
vb5:56.1	No āsavā.
vb5:56.2	Dasindriyā sāsavā.
vb5:56.3	Tīṇindriyā anāsavā.
vb5:56.4	Navindriyā siyā sāsavā, siyā anāsavā.
vb5:56.5	Pannarasindriyā āsavavippayuttā.
vb5:56.6	Domanassindriyaṁ āsavasampayuttaṁ.
vb5:56.7	Cha indriyā siyā āsavasampayuttā, siyā āsavavippayuttā.
vb5:56.8	Dasindriyā na vattabbā—“āsavā ceva sāsavā cā”ti, sāsavā ceva no ca āsavā.
vb5:56.9	Tīṇindriyā na vattabbā—“āsavā ceva sāsavā cā”tipi, “sāsavā ceva no ca āsavā”tipi.
vb5:56.10	Navindriyā na vattabbā—“āsavā ceva sāsavā cā”ti, siyā sāsavā ceva no ca āsavā, siyā na vattabbā—“sāsavā ceva no ca āsavā”ti.
vb5:57.1	Pannarasindriyā na vattabbā—“āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb5:57.2	Domanassindriyaṁ na vattabbaṁ—“āsavo ceva āsavasampayuttañcā”ti, āsavasampayuttañceva no ca āsavo.
vb5:57.3	Cha indriyā na vattabbā—“āsavā ceva āsavasampayuttā cā”ti, siyā āsavasampayuttā ceva no ca āsavā, siyā na vattabbā—“āsavasampayuttā ceva no ca āsavā”ti.
vb5:57.4	Navindriyā āsavavippayuttasāsavā.
vb5:57.5	Tīṇindriyā āsavavippayuttaanāsavā.
vb5:57.6	Domanassindriyaṁ na vattabbaṁ—“āsavavippayuttasāsavan”tipi, “āsavavippayuttaanāsavan”tipi.
vb5:57.7	Tīṇindriyā siyā āsavavippayuttasāsavā, siyā āsavavippayuttaanāsavā.
vb5:57.8	Cha indriyā siyā āsavavippayuttasāsavā, siyā āsavavippayuttaanāsavā, siyā na vattabbā—“āsavavippayuttasāsavā”tipi, “āsavavippayuttaanāsavā”tipi.
vb5:58.0	2.2.4. Saṁyojanagocchaka
vb5:58.1	No saṁyojanā.
vb5:58.2	Dasindriyā saṁyojaniyā.
vb5:58.3	Tīṇindriyā asaṁyojaniyā.
vb5:58.4	Navindriyā siyā saṁyojaniyā, siyā asaṁyojaniyā.
vb5:58.5	Pannarasindriyā saṁyojanavippayuttā.
vb5:58.6	Domanassindriyaṁ saṁyojanasampayuttaṁ.
vb5:58.7	Cha indriyā siyā saṁyojanasampayuttā, siyā saṁyojanavippayuttā.
vb5:58.8	Dasindriyā na vattabbā—“saṁyojanā ceva saṁyojaniyā cā”ti, saṁyojaniyā ceva no ca saṁyojanā.
vb5:58.9	Tīṇindriyā na vattabbā—“saṁyojanā ceva saṁyojaniyā cā”tipi, “saṁyojaniyā ceva no ca saṁyojanā”tipi.
vb5:58.10	Navindriyā na vattabbā—“saṁyojanā ceva saṁyojaniyā cā”ti, siyā saṁyojaniyā ceva no ca saṁyojanā, siyā na vattabbā—“saṁyojaniyā ceva no ca saṁyojanā”ti.
vb5:59.1	Pannarasindriyā na vattabbā—“saṁyojanā ceva saṁyojanasampayuttā cā”tipi, “saṁyojanasampayuttā ceva no ca saṁyojanā”tipi.
vb5:59.2	Domanassindriyaṁ na vattabbaṁ—“saṁyojanañceva saṁyojanasampayuttañcā”ti, saṁyojanasampayuttañceva no ca saṁyojanaṁ.
vb5:59.3	Cha indriyā na vattabbā—“saṁyojanā ceva saṁyojanasampayuttā cā”ti, siyā saṁyojanasampayuttā ceva no ca saṁyojanā, siyā na vattabbā—“saṁyojanasampayuttā ceva no ca saṁyojanā”ti.
vb5:60.1	Navindriyā saṁyojanavippayuttasaṁyojaniyā.
vb5:60.2	Tīṇindriyā saṁyojanavippayuttaasaṁyojaniyā.
vb5:60.3	Domanassindriyaṁ na vattabbaṁ—“saṁyojanavippayuttasaṁyojaniyan”tipi, “saṁyojanavippayuttaasaṁyojaniyan”tipi.
vb5:60.4	Tīṇindriyā siyā saṁyojanavippayuttasaṁyojaniyā, siyā saṁyojanavippayuttaasaṁyojaniyā.
vb5:60.5	Cha indriyā siyā saṁyojanavippayuttasaṁyojaniyā, siyā saṁyojanavippayuttaasaṁyojaniyā, siyā na vattabbā—“saṁyojanavippayuttasaṁyojaniyā”tipi, “saṁyojanavippayuttaasaṁyojaniyā”tipi.
vb5:61.0	2.2.5. Ganthagocchaka
vb5:61.1	No ganthā.
vb5:61.2	Dasindriyā ganthaniyā.
vb5:61.3	Tīṇindriyā aganthaniyā.
vb5:61.4	Navindriyā siyā ganthaniyā, siyā aganthaniyā.
vb5:61.5	Pannarasindriyā ganthavippayuttā.
vb5:61.6	Domanassindriyaṁ ganthasampayuttaṁ.
vb5:61.7	Cha indriyā siyā ganthasampayuttā, siyā ganthavippayuttā.
vb5:61.8	Dasindriyā na vattabbā—“ganthā ceva ganthaniyā cā”ti, ganthaniyā ceva no ca ganthā.
vb5:61.9	Tīṇindriyā na vattabbā—“ganthā ceva ganthaniyā cā”tipi, “ganthaniyā ceva no ca ganthā”tipi.
vb5:61.10	Navindriyā na vattabbā—“ganthā ceva ganthaniyā cā”ti, siyā ganthaniyā ceva no ca ganthā, siyā na vattabbā—“ganthaniyā ceva no ca ganthā”ti.
vb5:62.1	Pannarasindriyā na vattabbā—“ganthā ceva ganthasampayuttā cā”tipi, “ganthasampayuttā ceva no ca ganthā”tipi.
vb5:62.2	Domanassindriyaṁ na vattabbaṁ—“gantho ceva ganthasampayuttañcā”ti, ganthasampayuttañceva no ca gantho.
vb5:62.3	Cha indriyā na vattabbā—“ganthā ceva ganthasampayuttā cā”ti, siyā ganthasampayuttā ceva no ca ganthā, siyā na vattabbā—“ganthasampayuttā ceva no ca ganthā”ti.
vb5:63.1	Navindriyā ganthavippayuttaganthaniyā.
vb5:63.2	Tīṇindriyā ganthavippayuttaaganthaniyā.
vb5:63.3	Domanassindriyaṁ na vattabbaṁ—“ganthavippayuttaganthaniyan”tipi, “ganthavippayuttaaganthaniyan”tipi.
vb5:63.4	Tīṇindriyā siyā ganthavippayuttaganthaniyā, siyā ganthavippayuttaaganthaniyā.
vb5:63.5	Cha indriyā siyā ganthavippayuttaganthaniyā, siyā ganthavippayuttaaganthaniyā, siyā na vattabbā—“ganthavippayuttaganthaniyā”tipi, “ganthavippayuttaaganthaniyā”tipi.
vb5:64.0	5.2.2.6. Oghayoganīvaraṇagocchaka
vb5:64.1	No oghā …pe…
vb5:64.2	no yogā …pe…
vb5:64.3	no nīvaraṇā.
vb5:64.4	Dasindriyā nīvaraṇiyā.
vb5:64.5	Tīṇindriyā anīvaraṇiyā.
vb5:64.6	Navindriyā siyā nīvaraṇiyā, siyā anīvaraṇiyā.
vb5:64.7	Pannarasindriyā nīvaraṇavippayuttā.
vb5:64.8	Domanassindriyaṁ nīvaraṇasampayuttaṁ.
vb5:64.9	Cha indriyā siyā nīvaraṇasampayuttā, siyā nīvaraṇavippayuttā.
vb5:64.10	Dasindriyā na vattabbā—“nīvaraṇā ceva nīvaraṇiyā cā”ti, nīvaraṇiyā ceva no ca nīvaraṇā.
vb5:64.11	Tīṇindriyā na vattabbā—“nīvaraṇā ceva nīvaraṇiyā cā”tipi, “nīvaraṇiyā ceva no ca nīvaraṇā”tipi.
vb5:64.12	Navindriyā na vattabbā—“nīvaraṇā ceva nīvaraṇiyā cā”ti, siyā nīvaraṇiyā ceva no ca nīvaraṇā, siyā na vattabbā—“nīvaraṇiyā ceva no ca nīvaraṇā”ti.
vb5:65.1	Pannarasindriyā na vattabbā—“nīvaraṇā ceva nīvaraṇasampayuttā cā”tipi, “nīvaraṇasampayuttā ceva no ca nīvaraṇā”tipi.
vb5:65.2	Domanassindriyaṁ na vattabbaṁ—“nīvaraṇañceva nīvaraṇasampayuttañcā”ti, nīvaraṇasampayuttañceva no ca nīvaraṇaṁ.
vb5:65.3	Cha indriyā na vattabbā—“nīvaraṇā ceva nīvaraṇasampayuttā cā”ti, siyā nīvaraṇasampayuttā ceva no ca nīvaraṇā, siyā na vattabbā—“nīvaraṇasampayuttā ceva no ca nīvaraṇā”ti.
vb5:66.1	Navindriyā nīvaraṇavippayuttanīvaraṇiyā.
vb5:66.2	Tīṇindriyā nīvaraṇavippayuttaanīvaraṇiyā.
vb5:66.3	Domanassindriyaṁ na vattabbaṁ—“nīvaraṇavippayuttanīvaraṇiyan”tipi, “nīvaraṇavippayuttaanīvaraṇiyan”tipi.
vb5:66.4	Tīṇindriyā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā.
vb5:66.5	Cha indriyā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā, siyā na vattabbā—“nīvaraṇavippayuttanīvaraṇiyā”tipi, “nīvaraṇavippayuttaanīvaraṇiyā”tipi.
vb5:67.0	2.2.9. Parāmāsagocchaka
vb5:67.1	No parāmāsā.
vb5:67.2	Dasindriyā parāmaṭṭhā.
vb5:67.3	Tīṇindriyā aparāmaṭṭhā.
vb5:67.4	Navindriyā siyā parāmaṭṭhā, siyā aparāmaṭṭhā.
vb5:67.5	Soḷasindriyā parāmāsavippayuttā.
vb5:67.6	Cha indriyā siyā parāmāsasampayuttā, siyā parāmāsavippayuttā.
vb5:67.7	Dasindriyā na vattabbā—“parāmāsā ceva parāmaṭṭhā cā”ti, parāmaṭṭhā ceva no ca parāmāsā.
vb5:67.8	Tīṇindriyā na vattabbā—“parāmāsā ceva parāmaṭṭhā cā”tipi, “parāmaṭṭhā ceva no ca parāmāsā”tipi.
vb5:67.9	Navindriyā na vattabbā—“parāmāsā ceva parāmaṭṭhā cā”ti, siyā parāmaṭṭhā ceva no ca parāmāsā, siyā na vattabbā—“parāmaṭṭhā ceva no ca parāmāsā”ti.
vb5:67.10	Dasindriyā parāmāsavippayuttaparāmaṭṭhā.
vb5:67.11	Tīṇindriyā parāmāsavippayuttaaparāmaṭṭhā.
vb5:67.12	Tīṇindriyā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā.
vb5:67.13	Cha indriyā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā, siyā na vattabbā—“parāmāsavippayuttaparāmaṭṭhā”tipi, “parāmāsavippayuttaaparāmaṭṭhā”tipi.
vb5:68.0	2.2.10. Mahantaraduka
vb5:68.1	Sattindriyā anārammaṇā.
vb5:68.2	Cuddasindriyā sārammaṇā.
vb5:68.3	Jīvitindriyā siyā sārammaṇaṁ, siyā anārammaṇaṁ.
vb5:68.4	Ekavīsatindriyā no cittā.
vb5:68.5	Manindriyaṁ cittaṁ.
vb5:68.6	Terasindriyā cetasikā.
vb5:68.7	Aṭṭhindriyā acetasikā.
vb5:68.8	Jīvitindriyaṁ siyā cetasikaṁ, siyā acetasikaṁ.
vb5:68.9	Terasindriyā cittasampayuttā.
vb5:68.10	Sattindriyā cittavippayuttā.
vb5:68.11	Jīvitindriyaṁ siyā cittasampayuttaṁ, siyā cittavippayuttaṁ.
vb5:68.12	Manindriyaṁ na vattabbaṁ—“cittena sampayuttan”tipi, “cittena vippayuttan”tipi.
vb5:69.1	Terasindriyā cittasaṁsaṭṭhā.
vb5:69.2	Sattindriyā cittavisaṁsaṭṭhā.
vb5:69.3	Jīvitindriyaṁ siyā cittasaṁsaṭṭhaṁ, siyā cittavisaṁsaṭṭhaṁ.
vb5:69.4	Manindriyaṁ na vattabbaṁ—“cittena saṁsaṭṭhan”tipi, “cittena visaṁsaṭṭhan”tipi.
vb5:69.5	Terasindriyā cittasamuṭṭhānā.
vb5:69.6	Aṭṭhindriyā no cittasamuṭṭhānā.
vb5:69.7	Jīvitindriyaṁ siyā cittasamuṭṭhānaṁ, siyā no cittasamuṭṭhānaṁ.
vb5:70.1	Terasindriyā cittasahabhuno.
vb5:70.2	Aṭṭhindriyā no cittasahabhuno.
vb5:70.3	Jīvitindriyaṁ siyā cittasahabhū, siyā no cittasahabhū.
vb5:70.4	Terasindriyā cittānuparivattino.
vb5:70.5	Aṭṭhindriyā no cittānuparivattino.
vb5:70.6	Jīvitindriyaṁ siyā cittānuparivatti, siyā no cittānuparivatti.
vb5:71.1	Terasindriyā cittasaṁsaṭṭhasamuṭṭhānā.
vb5:71.2	Aṭṭhindriyā no cittasaṁsaṭṭhasamuṭṭhānā.
vb5:71.3	Jīvitindriyaṁ siyā cittasaṁsaṭṭhasamuṭṭhānaṁ, siyā no cittasaṁsaṭṭhasamuṭṭhānaṁ.
vb5:71.4	Terasindriyā cittasaṁsaṭṭhasamuṭṭhānasahabhuno.
vb5:71.5	Aṭṭhindriyā no cittasaṁsaṭṭhasamuṭṭhānasahabhuno.
vb5:71.6	Jīvitindriyaṁ siyā cittasaṁsaṭṭhasamuṭṭhānasahabhū, siyā no cittasaṁsaṭṭhasamuṭṭhānasahabhū.
vb5:71.7	Terasindriyā cittasaṁsaṭṭhasamuṭṭhānānuparivattino.
vb5:71.8	Aṭṭhindriyā no cittasaṁsaṭṭhasamuṭṭhānānuparivattino.
vb5:71.9	Jīvitindriyaṁ siyā cittasaṁsaṭṭhasamuṭṭhānānuparivatti, siyā no cittasaṁsaṭṭhasamuṭṭhānānuparivatti.
vb5:72.0	2.2.11. Upādānagocchaka
vb5:72.1	Cha indriyā ajjhattikā.
vb5:72.2	Soḷasindriyā bāhirā.
vb5:72.3	Sattindriyā upādā.
vb5:72.4	Cuddasindriyā no upādā.
vb5:72.5	Jīvitindriyaṁ siyā upādā, siyā no upādā.
vb5:72.6	Navindriyā upādinnā.
vb5:72.7	Cattārindriyā anupādinnā.
vb5:72.8	Navindriyā siyā upādinnā, siyā anupādinnā.
vb5:73.0	2.2.12. Kilesagocchaka
vb5:73.1	No upādānā.
vb5:73.2	Dasindriyā upādāniyā.
vb5:73.3	Tīṇindriyā anupādāniyā.
vb5:73.4	Navindriyā siyā upādāniyā, siyā anupādāniyā.
vb5:73.5	Soḷasindriyā upādānavippayuttā.
vb5:73.6	Cha indriyā siyā upādānasampayuttā, siyā upādānavippayuttā.
vb5:73.7	Dasindriyā na vattabbā—“upādānā ceva upādāniyā cā”ti, upādāniyā ceva no ca upādānā.
vb5:73.8	Tīṇindriyā na vattabbā—“upādānā ceva upādāniyā cā”tipi, “upādāniyā ceva no ca upādānā”tipi.
vb5:73.9	Navindriyā na vattabbā—“upādānā ceva upādāniyā cā”ti, siyā upādāniyā ceva no ca upādānā.
vb5:73.10	Dasindriyā siyā upādāniyā ceva no ca upādānā, siyā na vattabbā—“upādāniyā ceva no ca upādānā”ti.
vb5:74.1	Soḷasindriyā na vattabbā—“upādānā ceva upādānasampayuttā cā”tipi, “upādānasampayuttā ceva no ca upādānā”tipi.
vb5:74.2	Cha indriyā na vattabbā—“upādānā ceva upādānasampayuttā cā”ti, siyā upādānasampayuttā ceva no ca upādānā, siyā na vattabbā—“upādānasampayuttā ceva no ca upādānā”ti.
vb5:74.3	Dasindriyā upādānavippayuttaupādāniyā.
vb5:74.4	Tīṇindriyā upādānavippayuttaanupādāniyā.
vb5:74.5	Tīṇindriyā siyā upādānavippayuttaupādāniyā, siyā upādānavippayuttaanupādāniyā.
vb5:74.6	Cha indriyā siyā upādānavippayuttaupādāniyā, siyā upādānavippayuttaanupādāniyā, siyā na vattabbā—“upādānavippayuttaupādāniyā”tipi, “upādānavippayuttaanupādāniyā”tipi.
vb5:75.0	2.2.13. Piṭṭhiduka
vb5:75.1	No kilesā.
vb5:75.2	Dasindriyā saṅkilesikā.
vb5:75.3	Tīṇindriyā asaṅkilesikā.
vb5:75.4	Navindriyā siyā saṅkilesikā, siyā asaṅkilesikā.
vb5:75.5	Pannarasindriyā asaṅkiliṭṭhā.
vb5:75.6	Domanassindriyaṁ saṅkiliṭṭhaṁ.
vb5:75.7	Cha indriyā siyā saṅkiliṭṭhā, siyā asaṅkiliṭṭhā.
vb5:75.8	Pannarasindriyā kilesavippayuttā.
vb5:75.9	Domanassindriyaṁ kilesasampayuttaṁ.
vb5:75.10	Cha indriyā siyā kilesasampayuttā, siyā kilesavippayuttā.
vb5:75.11	Dasindriyā na vattabbā—“kilesā ceva saṅkilesikā cā”ti, saṅkilesikā ceva no ca kilesā.
vb5:75.12	Tīṇindriyā na vattabbā—“kilesā ceva saṅkilesikā cā”tipi, “saṅkilesikā ceva no ca kilesā”tipi.
vb5:75.13	Navindriyā na vattabbā—“kilesā ceva saṅkilesikā cā”ti, siyā saṅkilesikā ceva no ca kilesā, siyā na vattabbā—“saṅkilesikā ceva no ca kilesā”ti.
vb5:76.1	Pannarasindriyā na vattabbā—“kilesā ceva saṅkiliṭṭhā cā”tipi, “saṅkiliṭṭhā ceva no ca kilesā”tipi.
vb5:76.2	Domanassindriyaṁ na vattabbaṁ—“kileso ceva saṅkiliṭṭhañcā”ti, saṅkiliṭṭhañceva no ca kileso.
vb5:76.3	Cha indriyā na vattabbā—“kilesā ceva saṅkiliṭṭhā cā”ti, siyā saṅkiliṭṭhā ceva no ca kilesā, siyā na vattabbā—“saṅkiliṭṭhā ceva no ca kilesā”ti.
vb5:77.1	Pannarasindriyā na vattabbā—“kilesā ceva kilesasampayuttā cā”tipi, “kilesasampayuttā ceva no ca kilesā”tipi.
vb5:77.2	Domanassindriyaṁ na vattabbaṁ—“kileso ceva kilesasampayuttañcā”ti, kilesasampayuttañceva no ca kileso.
vb5:77.3	Cha indriyā na vattabbā—“kilesā ceva kilesasampayuttā cā”ti, siyā kilesasampayuttā ceva no ca kilesā, siyā na vattabbā—“kilesasampayuttā ceva no ca kilesā”ti.
vb5:77.4	Navindriyā kilesavippayuttasaṅkilesikā.
vb5:77.5	Tīṇindriyā kilesavippayuttaasaṅkilesikā.
vb5:77.6	Domanassindriyaṁ na vattabbaṁ—“kilesavippayuttasaṅkilesikan”tipi, “kilesavippayuttaasaṅkilesikan”tipi.
vb5:77.7	Tīṇindriyā siyā kilesavippayuttasaṅkilesikā, siyā kilesavippayuttaasaṅkilesikā.
vb5:77.8	Cha indriyā siyā kilesavippayuttasaṅkilesikā, siyā kilesavippayuttaasaṅkilesikā, siyā na vattabbā—“kilesavippayuttasaṅkilesikā”tipi, “kilesavippayuttaasaṅkilesikā”tipi.
vb5:78.1	Pannarasindriyā na dassanena pahātabbā.
vb5:78.2	Sattindriyā siyā dassanena pahātabbā, siyā na dassanena pahātabbā.
vb5:78.3	Pannarasindriyā na bhāvanāya pahātabbā.
vb5:78.4	Sattindriyā siyā bhāvanāya pahātabbā, siyā na bhāvanāya pahātabbā.
vb5:78.5	Pannarasindriyā na dassanena pahātabbahetukā.
vb5:78.6	Sattindriyā siyā dassanena pahātabbahetukā, siyā na dassanena pahātabbahetukā.
vb5:78.7	Pannarasindriyā na bhāvanāya pahātabbahetukā.
vb5:78.8	Sattindriyā siyā bhāvanāya pahātabbahetukā, siyā na bhāvanāya pahātabbahetukā.
vb5:79.1	Navindriyā avitakkā.
vb5:79.2	Domanassindriyaṁ savitakkaṁ.
vb5:79.3	Dvādasindriyā siyā savitakkā, siyā avitakkā.
vb5:79.4	Navindriyā avicārā.
vb5:79.5	Domanassindriyaṁ savicāraṁ.
vb5:79.6	Dvādasindriyā siyā savicārā, siyā avicārā.
vb5:79.7	Ekādasindriyā appītikā.
vb5:79.8	Ekādasindriyā siyā sappītikā, siyā appītikā.
vb5:79.9	Ekādasindriyā na pītisahagatā.
vb5:79.10	Ekādasindriyā siyā pītisahagatā, siyā na pītisahagatā.
vb5:79.11	Dvādasindriyā na sukhasahagatā.
vb5:79.12	Dasindriyā siyā sukhasahagatā, siyā na sukhasahagatā.
vb5:79.13	Dvādasindriyā na upekkhāsahagatā.
vb5:79.14	Dasindriyā siyā upekkhāsahagatā, siyā na upekkhāsahagatā.
vb5:80.1	Dasindriyā kāmāvacarā.
vb5:80.2	Tīṇindriyā na kāmāvacarā.
vb5:80.3	Navindriyā siyā kāmāvacarā, siyā na kāmāvacarā.
vb5:80.4	Terasindriyā na rūpāvacarā.
vb5:80.5	Navindriyā siyā rūpāvacarā, siyā na rūpāvacarā.
vb5:80.6	Cuddasindriyā na arūpāvacarā.
vb5:80.7	Aṭṭhindriyā siyā arūpāvacarā, siyā na arūpāvacarā.
vb5:80.8	Dasindriyā pariyāpannā.
vb5:80.9	Tīṇindriyā apariyāpannā.
vb5:80.10	Navindriyā siyā pariyāpannā, siyā apariyāpannā.
vb5:80.11	Ekādasindriyā aniyyānikā.
vb5:80.12	Anaññātaññassāmītindriyaṁ niyyānikaṁ.
vb5:80.13	Dasindriyā siyā niyyānikā, siyā aniyyānikā.
vb5:80.14	Dasindriyā aniyatā.
vb5:80.15	Anaññātaññassāmītindriyaṁ niyataṁ.
vb5:80.16	Ekādasindriyā siyā niyatā, siyā aniyatā.
vb5:80.17	Dasindriyā sauttarā.
vb5:80.18	Tīṇindriyā anuttarā.
vb5:80.19	Navindriyā siyā sauttarā, siyā anuttarā.
vb5:80.20	Pannarasindriyā araṇā.
vb5:80.21	Domanassindriyaṁ saraṇaṁ.
vb5:80.22	Cha indriyā siyā saraṇā, siyā araṇāti.
vb5:81.1	Pañhāpucchakaṁ.
vb5:82.1	Indriyavibhaṅgo niṭṭhito.
vb6:0.1	Vibhaṅga
vb6:0.2	Paṭiccasamuppādavibhaṅga
vb6:1.0	1. Suttantabhājanīya
vb6:1.1	Avijjāpaccayā saṅkhārā, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ sokaparidevadukkhadomanassupāyāsā sambhavanti.
vb6:1.2	Evametassa kevalassa dukkhakkhandhassa samudayo hoti.
vb6:2.1	Tattha katamā avijjā?
vb6:2.2	Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ—
vb6:2.3	ayaṁ vuccati “avijjā”.
vb6:3.1	Tattha katame avijjāpaccayā saṅkhārā?
vb6:3.2	Puññābhisaṅkhāro, apuññābhisaṅkhāro, āneñjābhisaṅkhāro, kāyasaṅkhāro, vacīsaṅkhāro, cittasaṅkhāro.
vb6:4.1	Tattha katamo puññābhisaṅkhāro?
vb6:4.2	Kusalā cetanā kāmāvacarā rūpāvacarā dānamayā sīlamayā bhāvanāmayā—
vb6:4.3	ayaṁ vuccati “puññābhisaṅkhāro”.
vb6:5.1	Tattha katamo apuññābhisaṅkhāro?
vb6:5.2	Akusalā cetanā kāmāvacarā—
vb6:5.3	ayaṁ vuccati “apuññābhisaṅkhāro”.
vb6:6.1	Tattha katamo āneñjābhisaṅkhāro?
vb6:6.2	Kusalā cetanā arūpāvacarā—
vb6:6.3	ayaṁ vuccati “āneñjābhisaṅkhāro”.
vb6:7.1	Tattha katamo kāyasaṅkhāro?
vb6:7.2	Kāyasañcetanā kāyasaṅkhāro, vacīsañcetanā vacīsaṅkhāro, manosañcetanā cittasaṅkhāro.
vb6:7.3	Ime vuccanti “avijjāpaccayā saṅkhārā”.
vb6:8.1	Tattha katamaṁ saṅkhārapaccayā viññāṇaṁ?
vb6:8.2	Cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ—
vb6:8.3	idaṁ vuccati “saṅkhārapaccayā viññāṇaṁ”.
vb6:9.1	Tattha katamaṁ viññāṇapaccayā nāmarūpaṁ?
vb6:9.2	Atthi nāmaṁ, atthi rūpaṁ.
vb6:9.3	Tattha katamaṁ nāmaṁ?
vb6:9.4	Vedanākkhandho, saññākkhandho, saṅkhārakkhandho—
vb6:9.5	idaṁ vuccati “nāmaṁ”.
vb6:9.6	Tattha katamaṁ rūpaṁ?
vb6:9.7	Cattāro mahābhūtā, catunnañca mahābhūtānaṁ upādāyarūpaṁ—
vb6:9.8	idaṁ vuccati “rūpaṁ”.
vb6:9.9	Iti idañca nāmaṁ, idañca rūpaṁ.
vb6:9.10	Idaṁ vuccati “viññāṇapaccayā nāmarūpaṁ”.
vb6:10.1	Tattha katamaṁ nāmarūpapaccayā saḷāyatanaṁ?
vb6:10.2	Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—
vb6:10.3	idaṁ vuccati “nāmarūpapaccayā saḷāyatanaṁ”.
vb6:11.1	Tattha katamo saḷāyatanapaccayā phasso?
vb6:11.2	Cakkhusamphasso sotasamphasso ghānasamphasso jivhāsamphasso kāyasamphasso manosamphasso—
vb6:11.3	ayaṁ vuccati “saḷāyatanapaccayā phasso”.
vb6:12.1	Tattha katamā phassapaccayā vedanā?
vb6:12.2	Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā—
vb6:12.3	ayaṁ vuccati “phassapaccayā vedanā”.
vb6:13.1	Tattha katamā vedanāpaccayā taṇhā?
vb6:13.2	Rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā—
vb6:13.3	ayaṁ vuccati “vedanāpaccayā taṇhā”.
vb6:14.1	Tattha katamaṁ taṇhāpaccayā upādānaṁ?
vb6:14.2	Kāmupādānaṁ, diṭṭhupādānaṁ, sīlabbatupādānaṁ, attavādupādānaṁ—
vb6:14.3	idaṁ vuccati “taṇhāpaccayā upādānaṁ”.
vb6:15.1	Tattha katamo upādānapaccayā bhavo?
vb6:15.2	Bhavo duvidhena—
vb6:15.3	atthi kammabhavo, atthi upapattibhavo.
vb6:15.4	Tattha katamo kammabhavo?
vb6:15.5	Puññābhisaṅkhāro, apuññābhisaṅkhāro, āneñjābhisaṅkhāro—
vb6:15.6	ayaṁ vuccati “kammabhavo”.
vb6:15.7	Sabbampi bhavagāmikammaṁ kammabhavo.
vb6:16.1	Tattha katamo upapattibhavo?
vb6:16.2	Kāmabhavo, rūpabhavo, arūpabhavo, saññābhavo, asaññābhavo, nevasaññānāsaññābhavo, ekavokārabhavo, catuvokārabhavo, pañcavokārabhavo—
vb6:16.3	ayaṁ vuccati “upapattibhavo”.
vb6:16.4	Ayaṁ vuccati “upādānapaccayā bhavo”.
vb6:17.1	Tattha katamā bhavapaccayā jāti?
vb6:17.2	Yā tesaṁ tesaṁ sattānaṁ tamhi tamhi sattanikāye jāti sañjāti okkanti abhinibbatti, khandhānaṁ pātubhāvo, āyatanānaṁ paṭilābho—
vb6:17.3	ayaṁ vuccati “bhavapaccayā jāti”.
vb6:18.1	Tattha katamaṁ jātipaccayā jarāmaraṇaṁ?
vb6:18.2	Atthi jarā, atthi maraṇaṁ.
vb6:18.3	Tattha katamā jarā?
vb6:18.4	Yā tesaṁ tesaṁ sattānaṁ tamhi tamhi sattanikāye jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko—
vb6:18.5	ayaṁ vuccati “jarā”.
vb6:19.1	Tattha katamaṁ maraṇaṁ?
vb6:19.2	Yā tesaṁ tesaṁ sattānaṁ tamhā tamhā sattanikāyā cuti cavanatā bhedo antaradhānaṁ maccu maraṇaṁ kālakiriyā khandhānaṁ bhedo kaḷevarassa nikkhepo jīvitindriyassupacchedo—
vb6:19.3	idaṁ vuccati “maraṇaṁ”.
vb6:19.4	Iti ayañca jarā, idañca maraṇaṁ.
vb6:19.5	Idaṁ vuccati “jātipaccayā jarāmaraṇaṁ”.
vb6:20.1	Tattha katamo soko?
vb6:20.2	Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa soko socanā socitattaṁ antosoko antoparisoko cetaso parijjhāyanā domanassaṁ sokasallaṁ—
vb6:20.3	ayaṁ vuccati “soko”.
vb6:21.1	Tattha katamo paridevo?
vb6:21.2	Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṁ paridevitattaṁ vācā palāpo vippalāpo lālappo lālappanā lālappitattaṁ—
vb6:21.3	ayaṁ vuccati “paridevo”.
vb6:22.1	Tattha katamaṁ dukkhaṁ?
vb6:22.2	Yaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—
vb6:22.3	idaṁ vuccati “dukkhaṁ”.
vb6:23.1	Tattha katamaṁ domanassaṁ?
vb6:23.2	Yaṁ cetasikaṁ asātaṁ, cetasikaṁ dukkhaṁ, cetosamphassajaṁ asātaṁ dukkhaṁ vedayitaṁ, cetosamphassajā asātā dukkhā vedanā—
vb6:23.3	idaṁ vuccati “domanassaṁ”.
vb6:24.1	Tattha katamo upāyāso?
vb6:24.2	Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa āyāso upāyāso āyāsitattaṁ upāyāsitattaṁ—
vb6:24.3	ayaṁ vuccati “upāyāso”.
vb6:25.1	Evametassa kevalassa dukkhakkhandhassa samudayo hotīti, evametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.
vb6:25.2	Tena vuccati “evametassa kevalassa dukkhakkhandhassa samudayo hotī”ti.
vb6:26.1	Suttantabhājanīyaṁ.
vb6:27.0.1	2. Abhidhammabhājanīya
vb6:27.0.2	2.1. Paccayacatukka
vb6:27.1	Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:27.2	Evametassa kevalassa dukkhakkhandhassa samudayo hoti.
vb6:28.1	Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:28.2	Evametassa kevalassa dukkhakkhandhassa samudayo hoti.
vb6:29.1	Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:29.2	Evametassa kevalassa dukkhakkhandhassa samudayo hoti.
vb6:30.1	Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:30.2	Evametassa kevalassa dukkhakkhandhassa samudayo hoti.
vb6:31.1	Paccayacatukkaṁ.
vb6:32.0	2.2. Hetucatukka
vb6:32.1	Avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā chaṭṭhāyatanaṁ nāmahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:32.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:32.3	Evametassa kevalassa dukkhakkhandhassa samudayo hoti.
vb6:33.1	Avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā phasso nāmahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:33.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:33.3	Evametassa kevalassa dukkhakkhandhassa samudayo hoti.
vb6:34.1	Avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmarūpaṁ viññāṇahetukaṁ, nāmarūpapaccayā chaṭṭhāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:34.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:34.3	Evametassa kevalassa dukkhakkhandhassa samudayo hoti.
vb6:35.1	Avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmarūpaṁ viññāṇahetukaṁ, nāmarūpapaccayā saḷāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:35.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:35.3	Evametassa kevalassa dukkhakkhandhassa samudayo hoti.
vb6:36.1	Hetucatukkaṁ.
vb6:37.0	2.3. Sampayuttacatukka
vb6:37.1	Avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:37.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:37.3	Evametassa kevalassa dukkhakkhandhassa samudayo hoti.
vb6:38.1	Avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā phasso nāmasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:38.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:38.3	Evametassa kevalassa dukkhakkhandhassa samudayo hoti.
vb6:39.1	Avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā chaṭṭhāyatanaṁ nāmarūpasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:39.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:39.3	Evametassa kevalassa dukkhakkhandhassa samudayo hoti.
vb6:40.1	Avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā saḷāyatanaṁ nāmasampayuttaṁ chaṭṭhāyatanaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:40.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:40.3	Evametassa kevalassa dukkhakkhandhassa samudayo hoti.
vb6:41.1	Sampayuttacatukkaṁ.
vb6:42.0	2.4. Aññamaññacatukka
vb6:42.1	Avijjāpaccayā saṅkhāro, saṅkhārapaccayāpi avijjā;
vb6:42.2	saṅkhārapaccayā viññāṇaṁ, viññāṇapaccayāpi saṅkhāro;
vb6:42.3	viññāṇapaccayā nāmaṁ, nāmapaccayāpi viññāṇaṁ;
vb6:42.4	nāmapaccayā chaṭṭhāyatanaṁ, chaṭṭhāyatanapaccayāpi nāmaṁ;
vb6:42.5	chaṭṭhāyatanapaccayā phasso, phassapaccayāpi chaṭṭhāyatanaṁ;
vb6:42.6	phassapaccayā vedanā, vedanāpaccayāpi phasso;
vb6:42.7	vedanāpaccayā taṇhā, taṇhāpaccayāpi vedanā;
vb6:42.8	taṇhāpaccayā upādānaṁ, upādānapaccayāpi taṇhā;
vb6:42.9	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:42.10	Evametassa kevalassa dukkhakkhandhassa samudayo hoti.
vb6:43.1	Avijjāpaccayā saṅkhāro, saṅkhārapaccayāpi avijjā;
vb6:43.2	saṅkhārapaccayā viññāṇaṁ, viññāṇapaccayāpi saṅkhāro;
vb6:43.3	viññāṇapaccayā nāmaṁ, nāmapaccayāpi viññāṇaṁ;
vb6:43.4	nāmapaccayā phasso, phassapaccayāpi nāmaṁ;
vb6:43.5	phassapaccayā vedanā, vedanāpaccayāpi phasso;
vb6:43.6	vedanāpaccayā taṇhā, taṇhāpaccayāpi vedanā;
vb6:43.7	taṇhāpaccayā upādānaṁ, upādānapaccayāpi taṇhā;
vb6:43.8	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:43.9	Evametassa kevalassa dukkhakkhandhassa samudayo hoti.
vb6:44.1	Avijjāpaccayā saṅkhāro, saṅkhārapaccayāpi avijjā;
vb6:44.2	saṅkhārapaccayā viññāṇaṁ, viññāṇapaccayāpi saṅkhāro;
vb6:44.3	viññāṇapaccayā nāmarūpaṁ, nāmarūpapaccayāpi viññāṇaṁ;
vb6:44.4	nāmarūpapaccayā chaṭṭhāyatanaṁ, chaṭṭhāyatanapaccayāpi nāmarūpaṁ;
vb6:44.5	chaṭṭhāyatanapaccayā phasso, phassapaccayāpi chaṭṭhāyatanaṁ;
vb6:44.6	phassapaccayā vedanā, vedanāpaccayāpi phasso;
vb6:44.7	vedanāpaccayā taṇhā, taṇhāpaccayāpi vedanā;
vb6:44.8	taṇhāpaccayā upādānaṁ, upādānapaccayāpi taṇhā;
vb6:44.9	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:44.10	Evametassa kevalassa dukkhakkhandhassa samudayo hoti.
vb6:45.1	Avijjāpaccayā saṅkhāro, saṅkhārapaccayāpi avijjā;
vb6:45.2	saṅkhārapaccayā viññāṇaṁ, viññāṇapaccayāpi saṅkhāro;
vb6:45.3	viññāṇapaccayā nāmarūpaṁ, nāmarūpapaccayāpi viññāṇaṁ;
vb6:45.4	nāmarūpapaccayā saḷāyatanaṁ, chaṭṭhāyatanapaccayāpi nāmarūpaṁ;
vb6:45.5	chaṭṭhāyatanapaccayā phasso, phassapaccayāpi chaṭṭhāyatanaṁ;
vb6:45.6	phassapaccayā vedanā, vedanāpaccayāpi phasso;
vb6:45.7	vedanāpaccayā taṇhā, taṇhāpaccayāpi vedanā;
vb6:45.8	taṇhāpaccayā upādānaṁ, upādānapaccayāpi taṇhā;
vb6:45.9	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:45.10	Evametassa kevalassa dukkhakkhandhassa samudayo hoti.
vb6:46.1	Aññamaññacatukkaṁ.
vb6:47.0	2.4.1. Mātikā
vb6:47.1	Saṅkhārapaccayā avijjā …pe…
vb6:47.2	viññāṇapaccayā avijjā …pe…
vb6:47.3	nāmapaccayā avijjā …pe…
vb6:47.4	chaṭṭhāyatanapaccayā avijjā …pe…
vb6:47.5	phassapaccayā avijjā …pe…
vb6:47.6	vedanāpaccayā avijjā …pe…
vb6:47.7	taṇhāpaccayā avijjā …pe…
vb6:47.8	upādānapaccayā avijjā …pe…
vb6:47.9	avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:47.10	Evametassa kevalassa dukkhakkhandhassa samudayo hoti.
vb6:48.1	Mātikā.
vb6:49.0	2.5.1. Akusalacitta
vb6:49.1	Katame dhammā akusalā?
vb6:49.2	Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:49.3	Evametassa kevalassa dukkhakkhandhassa samudayo hoti.
vb6:50.1	Tattha katamā avijjā?
vb6:50.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:50.3	ayaṁ vuccati “avijjā”.
vb6:51.1	Tattha katamo avijjāpaccayā saṅkhāro?
vb6:51.2	Yā cetanā sañcetanā sañcetayitattaṁ—
vb6:51.3	ayaṁ vuccati “avijjāpaccayā saṅkhāro”.
vb6:52.1	Tattha katamaṁ saṅkhārapaccayā viññāṇaṁ?
vb6:52.2	Yaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—
vb6:52.3	idaṁ vuccati “saṅkhārapaccayā viññāṇaṁ”.
vb6:53.1	Tattha katamaṁ viññāṇapaccayā nāmaṁ?
vb6:53.2	Vedanākkhandho, saññākkhandho, saṅkhārakkhandho—
vb6:53.3	idaṁ vuccati “viññāṇapaccayā nāmaṁ”.
vb6:54.1	Tattha katamaṁ nāmapaccayā chaṭṭhāyatanaṁ?
vb6:54.2	Yaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—
vb6:54.3	idaṁ vuccati “nāmapaccayā chaṭṭhāyatanaṁ”.
vb6:55.1	Tattha katamo chaṭṭhāyatanapaccayā phasso?
vb6:55.2	Yo phasso phusanā samphusanā samphusitattaṁ—
vb6:55.3	ayaṁ vuccati “chaṭṭhāyatanapaccayā phasso”.
vb6:56.1	Tattha katamā phassapaccayā vedanā?
vb6:56.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:56.3	ayaṁ vuccati “phassapaccayā vedanā”.
vb6:57.1	Tattha katamā vedanāpaccayā taṇhā?
vb6:57.2	Yo rāgo sārāgo anunayo anurodho nandī nandirāgo cittassa sārāgo—
vb6:57.3	ayaṁ vuccati “vedanāpaccayā taṇhā”.
vb6:58.1	Tattha katamaṁ taṇhāpaccayā upādānaṁ?
vb6:58.2	Yā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaṁyojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—
vb6:58.3	idaṁ vuccati “taṇhāpaccayā upādānaṁ”.
vb6:59.1	Tattha katamo upādānapaccayā bhavo?
vb6:59.2	Ṭhapetvā upādānaṁ, vedanākkhandho saññākkhandho saṅkhārakkhandho viññāṇakkhandho—
vb6:59.3	ayaṁ vuccati “upādānapaccayā bhavo”.
vb6:60.1	Tattha katamā bhavapaccayā jāti?
vb6:60.2	Yā tesaṁ tesaṁ dhammānaṁ jāti sañjāti nibbatti abhinibbatti pātubhāvo—
vb6:60.3	ayaṁ vuccati “bhavapaccayā jāti”.
vb6:61.1	Tattha katamaṁ jātipaccayā jarāmaraṇaṁ?
vb6:61.2	Atthi jarā, atthi maraṇaṁ.
vb6:61.3	Tattha katamā jarā?
vb6:61.4	Yā tesaṁ tesaṁ dhammānaṁ jarā jīraṇatā āyuno saṁhāni—
vb6:61.5	ayaṁ vuccati “jarā”.
vb6:61.6	Tattha katamaṁ maraṇaṁ?
vb6:61.7	Yo tesaṁ tesaṁ dhammānaṁ khayo vayo bhedo paribhedo aniccatā antaradhānaṁ—
vb6:61.8	idaṁ vuccati “maraṇaṁ”.
vb6:61.9	Iti ayañca jarā, idañca maraṇaṁ.
vb6:61.10	Idaṁ vuccati “jātipaccayā jarāmaraṇaṁ”.
vb6:62.1	Evametassa kevalassa dukkhakkhandhassa samudayo hotīti.
vb6:62.2	Evametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.
vb6:62.3	Tena vuccati “evametassa kevalassa dukkhakkhandhassa samudayo hotī”ti.
vb6:63.1	Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:63.2	Evametassa kevalassa dukkhakkhandhassa samudayo hoti.
vb6:64.1	Tattha katamā avijjā?
vb6:64.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:64.3	ayaṁ vuccati “avijjā”.
vb6:65.1	Tattha katamo avijjāpaccayā saṅkhāro?
vb6:65.2	Yā cetanā sañcetanā sañcetayitattaṁ—
vb6:65.3	ayaṁ vuccati “avijjāpaccayā saṅkhāro”.
vb6:66.1	Tattha katamaṁ saṅkhārapaccayā viññāṇaṁ?
vb6:66.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:66.3	idaṁ vuccati “saṅkhārapaccayā viññāṇaṁ”.
vb6:67.1	Tattha katamaṁ viññāṇapaccayā nāmaṁ?
vb6:67.2	Vedanākkhandho, saññākkhandho, saṅkhārakkhandho—
vb6:67.3	idaṁ vuccati “viññāṇapaccayā nāmaṁ”.
vb6:68.1	Nāmapaccayā phassoti.
vb6:68.2	Tattha katamaṁ nāmaṁ?
vb6:68.3	Ṭhapetvā phassaṁ, vedanākkhandho saññākkhandho saṅkhārakkhandho viññāṇakkhandho—
vb6:68.4	idaṁ vuccati “nāmaṁ”.
vb6:69.1	Tattha katamo nāmapaccayā phasso?
vb6:69.2	Yo phasso phusanā samphusanā samphusitattaṁ—
vb6:69.3	ayaṁ vuccati “nāmapaccayā phasso” …pe…
vb6:69.4	tena vuccati “evametassa kevalassa dukkhakkhandhassa samudayo hotī”ti.
vb6:70.1	Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:70.2	Evametassa kevalassa dukkhakkhandhassa samudayo hoti.
vb6:71.1	Tattha katamā avijjā?
vb6:71.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:71.3	ayaṁ vuccati “avijjā”.
vb6:72.1	Tattha katamo avijjāpaccayā saṅkhāro?
vb6:72.2	Yā cetanā sañcetanā sañcetayitattaṁ—
vb6:72.3	ayaṁ vuccati “avijjāpaccayā saṅkhāro”.
vb6:73.1	Tattha katamaṁ saṅkhārapaccayā viññāṇaṁ?
vb6:73.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:73.3	idaṁ vuccati “saṅkhārapaccayā viññāṇaṁ”.
vb6:74.1	Tattha katamaṁ viññāṇapaccayā nāmarūpaṁ?
vb6:74.2	Atthi nāmaṁ, atthi rūpaṁ.
vb6:74.3	Tattha katamaṁ nāmaṁ?
vb6:74.4	Vedanākkhandho, saññākkhandho, saṅkhārakkhandho—
vb6:74.5	idaṁ vuccati “nāmaṁ”.
vb6:74.6	Tattha katamaṁ rūpaṁ?
vb6:74.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:74.8	idaṁ vuccati “rūpaṁ”.
vb6:74.9	Iti idañca nāmaṁ, idañca rūpaṁ.
vb6:74.10	Idaṁ vuccati “viññāṇapaccayā nāmarūpaṁ”.
vb6:75.1	Nāmarūpapaccayā chaṭṭhāyatananti.
vb6:75.2	Atthi nāmaṁ, atthi rūpaṁ.
vb6:75.3	Tattha katamaṁ nāmaṁ?
vb6:75.4	Vedanākkhandho, saññākkhandho, saṅkhārakkhandho—
vb6:75.5	idaṁ vuccati “nāmaṁ”.
vb6:75.6	Tattha katamaṁ rūpaṁ?
vb6:75.7	Yaṁ rūpaṁ nissāya manoviññāṇadhātu vattati—
vb6:75.8	idaṁ vuccati “rūpaṁ”.
vb6:75.9	Iti idañca nāmaṁ, idañca rūpaṁ.
vb6:75.10	Idaṁ vuccati “nāmarūpaṁ”.
vb6:76.1	Tattha katamaṁ nāmarūpapaccayā chaṭṭhāyatanaṁ?
vb6:76.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:76.3	idaṁ vuccati “nāmarūpapaccayā chaṭṭhāyatanaṁ”.
vb6:77.1	Tattha katamo chaṭṭhāyatanapaccayā phasso?
vb6:77.2	Yo phasso phusanā samphusanā samphusitattaṁ—
vb6:77.3	ayaṁ vuccati “chaṭṭhāyatanapaccayā phasso” …pe…
vb6:77.4	tena vuccati “evametassa kevalassa dukkhakkhandhassa samudayo hotī”ti.
vb6:78.1	Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:78.2	Evametassa kevalassa dukkhakkhandhassa samudayo hoti.
vb6:79.1	Tattha katamā avijjā?
vb6:79.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:79.3	ayaṁ vuccati “avijjā”.
vb6:80.1	Tattha katamo avijjāpaccayā saṅkhāro?
vb6:80.2	Yā cetanā sañcetanā sañcetayitattaṁ—
vb6:80.3	ayaṁ vuccati “avijjāpaccayā saṅkhāro”.
vb6:81.1	Tattha katamaṁ saṅkhārapaccayā viññāṇaṁ?
vb6:81.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:81.3	idaṁ vuccati “saṅkhārapaccayā viññāṇaṁ”.
vb6:82.1	Tattha katamaṁ viññāṇapaccayā nāmarūpaṁ?
vb6:82.2	Atthi nāmaṁ, atthi rūpaṁ.
vb6:82.3	Tattha katamaṁ nāmaṁ?
vb6:82.4	Vedanākkhandho, saññākkhandho, saṅkhārakkhandho—
vb6:82.5	idaṁ vuccati “nāmaṁ”.
vb6:82.6	Tattha katamaṁ rūpaṁ?
vb6:82.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:82.8	idaṁ vuccati “rūpaṁ”.
vb6:82.9	Iti idañca nāmaṁ, idañca rūpaṁ.
vb6:82.10	Idaṁ vuccati “viññāṇapaccayā nāmarūpaṁ”.
vb6:83.1	Nāmarūpapaccayā saḷāyatananti.
vb6:83.2	Atthi nāmaṁ, atthi rūpaṁ.
vb6:83.3	Tattha katamaṁ nāmaṁ?
vb6:83.4	Vedanākkhandho, saññākkhandho, saṅkhārakkhandho—
vb6:83.5	idaṁ vuccati “nāmaṁ”.
vb6:83.6	Tattha katamaṁ rūpaṁ?
vb6:83.7	Cattāro ca mahābhūtā, yañca rūpaṁ nissāya manoviññāṇadhātu vattati—
vb6:83.8	idaṁ vuccati “rūpaṁ”.
vb6:83.9	Iti idañca nāmaṁ, idañca rūpaṁ.
vb6:83.10	Idaṁ vuccati “nāmarūpaṁ”.
vb6:84.1	Tattha katamaṁ nāmarūpapaccayā saḷāyatanaṁ?
vb6:84.2	Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—
vb6:84.3	idaṁ vuccati “nāmarūpapaccayā saḷāyatanaṁ”.
vb6:85.1	Tattha katamo chaṭṭhāyatanapaccayā phasso?
vb6:85.2	Yo phasso phusanā samphusanā samphusitattaṁ—
vb6:85.3	ayaṁ vuccati “chaṭṭhāyatanapaccayā phasso” …pe…
vb6:85.4	tena vuccati “evametassa kevalassa dukkhakkhandhassa samudayo hotī”ti.
vb6:86.1	Paccayacatukkaṁ.
vb6:87.0	2.6. Hetucatukka
vb6:87.1	Tasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā chaṭṭhāyatanaṁ nāmahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:87.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:87.3	Evametassa kevalassa dukkhakkhandhassa samudayo hoti.
vb6:88.1	Tattha katamā avijjā?
vb6:88.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:88.3	ayaṁ vuccati “avijjā”.
vb6:89.1	Tattha katamo avijjāpaccayā saṅkhāro avijjāhetuko?
vb6:89.2	Yā cetanā sañcetanā sañcetayitattaṁ—
vb6:89.3	ayaṁ vuccati “avijjāpaccayā saṅkhāro avijjāhetuko”.
vb6:90.1	Tattha katamaṁ saṅkhārapaccayā viññāṇaṁ saṅkhārahetukaṁ?
vb6:90.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:90.3	idaṁ vuccati “saṅkhārapaccayā viññāṇaṁ saṅkhārahetukaṁ”.
vb6:91.1	Tattha katamaṁ viññāṇapaccayā nāmaṁ viññāṇahetukaṁ?
vb6:91.2	Vedanākkhandho, saññākkhandho, saṅkhārakkhandho—
vb6:91.3	idaṁ vuccati “viññāṇapaccayā nāmaṁ viññāṇahetukaṁ”.
vb6:92.1	Tattha katamaṁ nāmapaccayā chaṭṭhāyatanaṁ nāmahetukaṁ?
vb6:92.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:92.3	idaṁ vuccati “nāmapaccayā chaṭṭhāyatanaṁ nāmahetukaṁ”.
vb6:93.1	Tattha katamo chaṭṭhāyatanapaccayā phasso chaṭṭhāyatanahetuko?
vb6:93.2	Yo phasso phusanā samphusanā samphusitattaṁ—
vb6:93.3	ayaṁ vuccati “chaṭṭhāyatanapaccayā phasso chaṭṭhāyatanahetuko”.
vb6:94.1	Tattha katamā phassapaccayā vedanā phassahetukā?
vb6:94.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:94.3	ayaṁ vuccati “phassapaccayā vedanā phassahetukā”.
vb6:95.1	Tattha katamā vedanāpaccayā taṇhā vedanāhetukā?
vb6:95.2	Yo rāgo sārāgo …pe… cittassa sārāgo—
vb6:95.3	ayaṁ vuccati “vedanāpaccayā taṇhā vedanāhetukā”.
vb6:96.1	Tattha katamaṁ taṇhāpaccayā upādānaṁ taṇhāhetukaṁ?
vb6:96.2	Yā diṭṭhi diṭṭhigataṁ …pe… titthāyatanaṁ vipariyāsaggāho—
vb6:96.3	idaṁ vuccati “taṇhāpaccayā upādānaṁ taṇhāhetukaṁ” …pe…
vb6:96.4	tena vuccati “evametassa kevalassa dukkhakkhandhassa samudayo hotī”ti.
vb6:97.1	Tasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā phasso nāmahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:97.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:97.3	Evametassa kevalassa dukkhakkhandhassa samudayo hoti.
vb6:98.1	Tattha katamā avijjā?
vb6:98.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:98.3	ayaṁ vuccati “avijjā”.
vb6:99.1	Tattha katamo avijjāpaccayā saṅkhāro avijjāhetuko?
vb6:99.2	Yā cetanā sañcetanā sañcetayitattaṁ—
vb6:99.3	ayaṁ vuccati “avijjāpaccayā saṅkhāro avijjāhetuko”.
vb6:100.1	Tattha katamaṁ saṅkhārapaccayā viññāṇaṁ saṅkhārahetukaṁ?
vb6:100.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:100.3	idaṁ vuccati saṅkhārapaccayā viññāṇaṁ saṅkhārahetukaṁ.
vb6:101.1	Tattha katamaṁ viññāṇapaccayā nāmaṁ viññāṇahetukaṁ?
vb6:101.2	Vedanākkhandho, saññākkhandho, saṅkhārakkhandho—
vb6:101.3	idaṁ vuccati “viññāṇapaccayā nāmaṁ viññāṇahetukaṁ”.
vb6:102.1	Nāmapaccayā phasso nāmahetukoti.
vb6:102.2	Tattha katamaṁ nāmaṁ?
vb6:102.3	Ṭhapetvā phassaṁ, vedanākkhandho saññākkhandho saṅkhārakkhandho viññāṇakkhandho—
vb6:102.4	idaṁ vuccati “nāmaṁ”.
vb6:103.1	Tattha katamo nāmapaccayā phasso nāmahetuko?
vb6:103.2	Yo phasso phusanā samphusanā samphusitattaṁ—
vb6:103.3	ayaṁ vuccati “nāmapaccayā phasso nāmahetuko” …pe…
vb6:103.4	tena vuccati “evametassa kevalassa dukkhakkhandhassa samudayo hotī”ti.
vb6:104.1	Tasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmarūpaṁ viññāṇahetukaṁ, nāmarūpapaccayā chaṭṭhāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:104.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:104.3	Evametassa kevalassa dukkhakkhandhassa samudayo hoti.
vb6:105.1	Tattha katamā avijjā?
vb6:105.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:105.3	ayaṁ vuccati “avijjā”.
vb6:106.1	Tattha katamo avijjāpaccayā saṅkhāro avijjāhetuko?
vb6:106.2	Yā cetanā sañcetanā sañcetayitattaṁ—
vb6:106.3	ayaṁ vuccati “avijjāpaccayā saṅkhāro avijjāhetuko”.
vb6:107.1	Tattha katamaṁ saṅkhārapaccayā viññāṇaṁ saṅkhārahetukaṁ?
vb6:107.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:107.3	idaṁ vuccati “saṅkhārapaccayā viññāṇaṁ saṅkhārahetukaṁ”.
vb6:108.1	Tattha katamaṁ viññāṇapaccayā nāmarūpaṁ viññāṇahetukaṁ?
vb6:108.2	Atthi nāmaṁ, atthi rūpaṁ.
vb6:108.3	Tattha katamaṁ nāmaṁ?
vb6:108.4	Vedanākkhandho, saññākkhandho, saṅkhārakkhandho—
vb6:108.5	idaṁ vuccati “nāmaṁ”.
vb6:108.6	Tattha katamaṁ rūpaṁ?
vb6:108.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:108.8	idaṁ vuccati “rūpaṁ”.
vb6:108.9	Iti idañca nāmaṁ, idañca rūpaṁ.
vb6:108.10	Idaṁ vuccati “viññāṇapaccayā nāmarūpaṁ viññāṇahetukaṁ”.
vb6:109.1	Nāmarūpapaccayā chaṭṭhāyatanaṁ nāmarūpahetukanti.
vb6:109.2	Atthi nāmaṁ, atthi rūpaṁ.
vb6:109.3	Tattha katamaṁ nāmaṁ?
vb6:109.4	Vedanākkhandho, saññākkhandho, saṅkhārakkhandho—
vb6:109.5	idaṁ vuccati “nāmaṁ”.
vb6:109.6	Tattha katamaṁ rūpaṁ?
vb6:109.7	Yaṁ rūpaṁ nissāya manoviññāṇadhātu vattati—
vb6:109.8	idaṁ vuccati “rūpaṁ”.
vb6:109.9	Iti idañca nāmaṁ, idañca rūpaṁ.
vb6:109.10	Idaṁ vuccati “nāmarūpaṁ”.
vb6:110.1	Tattha katamaṁ nāmarūpapaccayā chaṭṭhāyatanaṁ nāmarūpahetukaṁ?
vb6:110.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:110.3	idaṁ vuccati “nāmarūpapaccayā chaṭṭhāyatanaṁ nāmarūpahetukaṁ”.
vb6:111.1	Tattha katamo chaṭṭhāyatanapaccayā phasso chaṭṭhāyatanahetuko?
vb6:111.2	Yo phasso phusanā samphusanā samphusitattaṁ—
vb6:111.3	ayaṁ vuccati “chaṭṭhāyatanapaccayā phasso chaṭṭhāyatanahetuko” …pe…
vb6:111.4	tena vuccati “evametassa kevalassa dukkhakkhandhassa samudayo hotī”ti.
vb6:112.1	Tasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ viññāṇapaccayā nāmarūpaṁ viññāṇahetukaṁ, nāmarūpapaccayā saḷāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;
vb6:112.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:112.3	Evametassa kevalassa dukkhakkhandhassa samudayo hoti.
vb6:113.1	Tattha katamā avijjā?
vb6:113.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:113.3	ayaṁ vuccati “avijjā”.
vb6:114.1	Tattha katamo avijjāpaccayā saṅkhāro avijjāhetuko?
vb6:114.2	Yā cetanā sañcetanā sañcetayitattaṁ—
vb6:114.3	ayaṁ vuccati “avijjāpaccayā saṅkhāro avijjāhetuko”.
vb6:115.1	Tattha katamaṁ saṅkhārapaccayā viññāṇaṁ saṅkhārahetukaṁ?
vb6:115.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:115.3	idaṁ vuccati “saṅkhārapaccayā viññāṇaṁ saṅkhārahetukaṁ”.
vb6:116.1	Tattha katamaṁ viññāṇapaccayā nāmarūpaṁ viññāṇahetukaṁ?
vb6:116.2	Atthi nāmaṁ, atthi rūpaṁ.
vb6:116.3	Tattha katamaṁ nāmaṁ?
vb6:116.4	Vedanākkhandho, saññākkhandho, saṅkhārakkhandho—
vb6:116.5	idaṁ vuccati “nāmaṁ”.
vb6:116.6	Tattha katamaṁ rūpaṁ?
vb6:116.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:116.8	idaṁ vuccati “rūpaṁ”.
vb6:116.9	Iti idañca nāmaṁ, idañca rūpaṁ.
vb6:116.10	Idaṁ vuccati “viññāṇapaccayā nāmarūpaṁ viññāṇahetukaṁ”.
vb6:117.1	Nāmarūpapaccayā saḷāyatanaṁ nāmarūpahetukanti.
vb6:117.2	Atthi nāmaṁ, atthi rūpaṁ.
vb6:117.3	Tattha katamaṁ nāmaṁ?
vb6:117.4	Vedanākkhandho, saññākkhandho, saṅkhārakkhandho—
vb6:117.5	idaṁ vuccati “nāmaṁ”.
vb6:117.6	Tattha katamaṁ rūpaṁ?
vb6:117.7	Cattāro ca mahābhūtā, yañca rūpaṁ nissāya manoviññāṇadhātu vattati—
vb6:117.8	idaṁ vuccati “rūpaṁ”.
vb6:117.9	Iti idañca nāmaṁ, idañca rūpaṁ.
vb6:117.10	Idaṁ vuccati “nāmarūpaṁ”.
vb6:118.1	Tattha katamaṁ nāmarūpapaccayā saḷāyatanaṁ nāmarūpahetukaṁ?
vb6:118.2	Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—
vb6:118.3	idaṁ vuccati “nāmarūpapaccayā saḷāyatanaṁ nāmarūpahetukaṁ”.
vb6:119.1	Tattha katamo chaṭṭhāyatanapaccayā phasso chaṭṭhāyatanahetuko?
vb6:119.2	Yo phasso phusanā samphusanā samphusitattaṁ—
vb6:119.3	ayaṁ vuccati “chaṭṭhāyatanapaccayā phasso chaṭṭhāyatanahetuko”.
vb6:120.1	Tattha katamā phassapaccayā vedanā phassahetukā?
vb6:120.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:120.3	ayaṁ vuccati “phassapaccayā vedanā phassahetukā”.
vb6:121.1	Tattha katamā vedanāpaccayā taṇhā vedanāhetukā?
vb6:121.2	Yo rāgo sārāgo …pe… cittassa sārāgo—
vb6:121.3	ayaṁ vuccati “vedanāpaccayā taṇhā vedanāhetukā”.
vb6:122.1	Tattha katamaṁ taṇhāpaccayā upādānaṁ taṇhāhetukaṁ?
vb6:122.2	Yā diṭṭhi diṭṭhigataṁ …pe… titthāyatanaṁ vipariyāsaggāho—
vb6:122.3	idaṁ vuccati “taṇhāpaccayā upādānaṁ taṇhāhetukaṁ” …pe…
vb6:122.4	tena vuccati “evametassa kevalassa dukkhakkhandhassa samudayo hotī”ti.
vb6:123.1	Hetucatukkaṁ.
vb6:124.0	2.7. Sampayuttacatukka
vb6:124.1	Tasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:124.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:124.3	Evametassa kevalassa dukkhakkhandhassa samudayo hoti.
vb6:125.1	Tattha katamā avijjā?
vb6:125.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:125.3	ayaṁ vuccati “avijjā”.
vb6:126.1	Tattha katamo avijjāpaccayā saṅkhāro avijjāsampayutto?
vb6:126.2	Yā cetanā sañcetanā sañcetayitattaṁ—
vb6:126.3	ayaṁ vuccati “avijjāpaccayā saṅkhāro avijjāsampayutto”.
vb6:127.1	Tattha katamaṁ saṅkhārapaccayā viññāṇaṁ saṅkhārasampayuttaṁ?
vb6:127.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:127.3	idaṁ vuccati “saṅkhārapaccayā viññāṇaṁ saṅkhārasampayuttaṁ”.
vb6:128.1	Tattha katamaṁ viññāṇapaccayā nāmaṁ viññāṇasampayuttaṁ?
vb6:128.2	Vedanākkhandho, saññākkhandho, saṅkhārakkhandho—
vb6:128.3	idaṁ vuccati “viññāṇapaccayā nāmaṁ viññāṇasampayuttaṁ”.
vb6:129.1	Tattha katamaṁ nāmapaccayā chaṭṭhāyatanaṁ …pe…
vb6:129.2	nāmasampayuttaṁ?
vb6:129.3	Yaṁ cittaṁ mano mānasaṁ …pe… tajjāmanoviññāṇadhātu—
vb6:129.4	idaṁ vuccati “nāmapaccayā chaṭṭhāyatanaṁ nāmasampayuttaṁ”.
vb6:130.1	Tattha katamo chaṭṭhāyatanapaccayā phasso chaṭṭhāyatanasampayutto?
vb6:130.2	Yo phasso phusanā samphusanā samphusitattaṁ—
vb6:130.3	ayaṁ vuccati “chaṭṭhāyatanapaccayā phasso chaṭṭhāyatanasampayutto”.
vb6:131.1	Tattha katamā phassapaccayā vedanā phassasampayuttā?
vb6:131.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:131.3	ayaṁ vuccati “phassapaccayā vedanā phassasampayuttā”.
vb6:132.1	Tattha katamā vedanāpaccayā taṇhā vedanāsampayuttā?
vb6:132.2	Yo rāgo sārāgo …pe… cittassa sārāgo—
vb6:132.3	ayaṁ vuccati “vedanāpaccayā taṇhā vedanāsampayuttā”.
vb6:133.1	Tattha katamaṁ taṇhāpaccayā upādānaṁ taṇhāsampayuttaṁ?
vb6:133.2	Yā diṭṭhi diṭṭhigataṁ …pe… titthāyatanaṁ vipariyāsaggāho—
vb6:133.3	idaṁ vuccati “taṇhāpaccayā upādānaṁ taṇhāsampayuttaṁ” …pe…
vb6:133.4	tena vuccati “evametassa kevalassa dukkhakkhandhassa samudayo hotī”ti.
vb6:134.1	Tasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā phasso nāmasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:134.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:134.3	Evametassa kevalassa dukkhakkhandhassa samudayo hoti.
vb6:135.1	Tattha katamā avijjā?
vb6:135.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:135.3	ayaṁ vuccati “avijjā”.
vb6:136.1	Tattha katamo avijjāpaccayā saṅkhāro avijjāsampayutto?
vb6:136.2	Yā cetanā sañcetanā sañcetayitattaṁ—
vb6:136.3	ayaṁ vuccati “avijjāpaccayā saṅkhāro avijjāsampayutto”.
vb6:137.1	Tattha katamaṁ saṅkhārapaccayā viññāṇaṁ saṅkhārasampayuttaṁ?
vb6:137.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:137.3	idaṁ vuccati “saṅkhārapaccayā viññāṇaṁ saṅkhārasampayuttaṁ”.
vb6:138.1	Tattha katamaṁ viññāṇapaccayā nāmaṁ viññāṇasampayuttaṁ?
vb6:138.2	Vedanākkhandho, saññākkhandho, saṅkhārakkhandho—
vb6:138.3	idaṁ vuccati “viññāṇapaccayā nāmaṁ viññāṇasampayuttaṁ”.
vb6:139.1	Nāmapaccayā phasso nāmasampayuttoti.
vb6:139.2	Tattha katamaṁ nāmaṁ?
vb6:139.3	Ṭhapetvā phassaṁ, vedanākkhandho saññākkhandho saṅkhārakkhandho viññāṇakkhandho—
vb6:139.4	idaṁ vuccati “nāmaṁ”.
vb6:140.1	Tattha katamo nāmapaccayā phasso nāmasampayutto?
vb6:140.2	Yo phasso phusanā samphusanā samphusitattaṁ—
vb6:140.3	ayaṁ vuccati “nāmapaccayā phasso nāmasampayutto” …pe…
vb6:140.4	tena vuccati “evametassa kevalassa dukkhakkhandhassa samudayo hotī”ti.
vb6:141.1	Tasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:141.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:141.3	Evametassa kevalassa dukkhakkhandhassa samudayo hoti.
vb6:142.1	Tattha katamā avijjā?
vb6:142.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:142.3	ayaṁ vuccati “avijjā”.
vb6:143.1	Tattha katamo avijjāpaccayā saṅkhāro avijjāsampayutto?
vb6:143.2	Yā cetanā sañcetanā sañcetayitattaṁ—
vb6:143.3	ayaṁ vuccati “avijjāpaccayā saṅkhāro avijjāsampayutto”.
vb6:144.1	Tattha katamaṁ saṅkhārapaccayā viññāṇaṁ saṅkhārasampayuttaṁ?
vb6:144.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:144.3	idaṁ vuccati “saṅkhārapaccayā viññāṇaṁ saṅkhārasampayuttaṁ”.
vb6:145.1	Tattha katamaṁ viññāṇapaccayā nāmarūpaṁ viññāṇasampayuttaṁ nāmaṁ?
vb6:145.2	Atthi nāmaṁ, atthi rūpaṁ.
vb6:145.3	Tattha katamaṁ nāmaṁ?
vb6:145.4	Vedanākkhandho, saññākkhandho, saṅkhārakkhandho—
vb6:145.5	idaṁ vuccati “nāmaṁ”.
vb6:145.6	Tattha katamaṁ rūpaṁ?
vb6:145.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:145.8	idaṁ vuccati “rūpaṁ”.
vb6:145.9	Iti idañca nāmaṁ, idañca rūpaṁ.
vb6:145.10	Idaṁ vuccati “viññāṇapaccayā nāmarūpaṁ viññāṇasampayuttaṁ nāmaṁ”.
vb6:146.1	Nāmarūpapaccayā chaṭṭhāyatanaṁ nāmasampayuttanti.
vb6:146.2	Atthi nāmaṁ, atthi rūpaṁ.
vb6:146.3	Tattha katamaṁ nāmaṁ?
vb6:146.4	Vedanākkhandho, saññākkhandho, saṅkhārakkhandho—
vb6:146.5	idaṁ vuccati “nāmaṁ”.
vb6:146.6	Tattha katamaṁ rūpaṁ?
vb6:146.7	Yaṁ rūpaṁ nissāya manoviññāṇadhātu vattati—
vb6:146.8	idaṁ vuccati “rūpaṁ”.
vb6:146.9	Iti idañca nāmaṁ, idañca rūpaṁ.
vb6:146.10	Idaṁ vuccati “nāmarūpaṁ”.
vb6:147.1	Tattha katamaṁ nāmarūpapaccayā chaṭṭhāyatanaṁ nāmasampayuttaṁ?
vb6:147.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:147.3	idaṁ vuccati “nāmarūpapaccayā chaṭṭhāyatanaṁ nāmasampayuttaṁ”.
vb6:148.1	Tattha katamo chaṭṭhāyatanapaccayā phasso chaṭṭhāyatanasampayutto?
vb6:148.2	Yo phasso phusanā samphusanā samphusitattaṁ—
vb6:148.3	ayaṁ vuccati “chaṭṭhāyatanapaccayā phasso chaṭṭhāyatanasampayutto” …pe…
vb6:148.4	tena vuccati “evametassa kevalassa dukkhakkhandhassa samudayo hotī”ti.
vb6:149.1	Tasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā saḷāyatanaṁ nāmasampayuttaṁ chaṭṭhāyatanaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;
vb6:149.2	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:149.3	Evametassa kevalassa dukkhakkhandhassa samudayo hoti.
vb6:150.1	Tattha katamā avijjā?
vb6:150.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:150.3	ayaṁ vuccati “avijjā”.
vb6:151.1	Tattha katamo avijjāpaccayā saṅkhāro avijjāsampayutto?
vb6:151.2	Yā cetanā sañcetanā sañcetayitattaṁ—
vb6:151.3	ayaṁ vuccati “avijjāpaccayā saṅkhāro avijjāsampayutto”.
vb6:152.1	Tattha katamaṁ saṅkhārapaccayā viññāṇaṁ saṅkhārasampayuttaṁ?
vb6:152.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:152.3	idaṁ vuccati “saṅkhārapaccayā viññāṇaṁ saṅkhārasampayuttaṁ”.
vb6:153.1	Tattha katamaṁ viññāṇapaccayā nāmarūpaṁ viññāṇasampayuttaṁ nāmaṁ?
vb6:153.2	Atthi nāmaṁ, atthi rūpaṁ.
vb6:153.3	Tattha katamaṁ nāmaṁ?
vb6:153.4	Vedanākkhandho, saññākkhandho, saṅkhārakkhandho—
vb6:153.5	idaṁ vuccati “nāmaṁ”.
vb6:153.6	Tattha katamaṁ rūpaṁ?
vb6:153.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:153.8	idaṁ vuccati “rūpaṁ”.
vb6:153.9	Iti idañca nāmaṁ, idañca rūpaṁ.
vb6:153.10	Idaṁ vuccati “viññāṇapaccayā nāmarūpaṁ viññāṇasampayuttaṁ nāmaṁ”.
vb6:154.1	Nāmarūpapaccayā saḷāyatanaṁ nāmasampayuttaṁ chaṭṭhāyatananti.
vb6:154.2	Atthi nāmaṁ, atthi rūpaṁ.
vb6:154.3	Tattha katamaṁ nāmaṁ?
vb6:154.4	Vedanākkhandho, saññākkhandho, saṅkhārakkhandho—
vb6:154.5	idaṁ vuccati “nāmaṁ”.
vb6:154.6	Tattha katamaṁ rūpaṁ?
vb6:154.7	Cattāro ca mahābhūtā, yañca rūpaṁ nissāya manoviññāṇadhātu vattati—
vb6:154.8	idaṁ vuccati “rūpaṁ”.
vb6:154.9	Iti idañca nāmaṁ, idañca rūpaṁ.
vb6:154.10	Idaṁ vuccati “nāmarūpaṁ”.
vb6:155.1	Tattha katamaṁ nāmarūpapaccayā saḷāyatanaṁ nāmasampayuttaṁ chaṭṭhāyatanaṁ?
vb6:155.2	Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—
vb6:155.3	idaṁ vuccati “nāmarūpapaccayā saḷāyatanaṁ nāmasampayuttaṁ chaṭṭhāyatanaṁ”.
vb6:156.1	Tattha katamo chaṭṭhāyatanapaccayā phasso chaṭṭhāyatanasampayutto?
vb6:156.2	Yo phasso phusanā samphusanā samphusitattaṁ—
vb6:156.3	ayaṁ vuccati “chaṭṭhāyatanapaccayā phasso chaṭṭhāyatanasampayutto” …pe…
vb6:156.4	tena vuccati “evametassa kevalassa dukkhakkhandhassa samudayo hotī”ti.
vb6:157.1	Sampayuttacatukkaṁ.
vb6:158.0	2.8. Aññamaññacatukka
vb6:158.1	Tasmiṁ samaye avijjāpaccayā saṅkhāro, saṅkhārapaccayāpi avijjā;
vb6:158.2	saṅkhārapaccayā viññāṇaṁ, viññāṇapaccayāpi saṅkhāro;
vb6:158.3	viññāṇapaccayā nāmaṁ, nāmapaccayāpi viññāṇaṁ;
vb6:158.4	nāmapaccayā chaṭṭhāyatanaṁ, chaṭṭhāyatanapaccayāpi nāmaṁ;
vb6:158.5	chaṭṭhāyatanapaccayā phasso, phassapaccayāpi chaṭṭhāyatanaṁ;
vb6:158.6	phassapaccayā vedanā, vedanāpaccayāpi phasso;
vb6:158.7	vedanāpaccayā taṇhā, taṇhāpaccayāpi vedanā;
vb6:158.8	taṇhāpaccayā upādānaṁ, upādānapaccayāpi taṇhā;
vb6:158.9	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:158.10	Evametassa kevalassa dukkhakkhandhassa samudayo hoti.
vb6:159.1	Tattha katamā avijjā?
vb6:159.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:159.3	ayaṁ vuccati “avijjā”.
vb6:160.1	Tattha katamo avijjāpaccayā saṅkhāro?
vb6:160.2	Yā cetanā sañcetanā sañcetayitattaṁ—
vb6:160.3	ayaṁ vuccati “avijjāpaccayā saṅkhāro”.
vb6:161.1	Tattha katamā saṅkhārapaccayāpi avijjā?
vb6:161.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:161.3	ayaṁ vuccati “saṅkhārapaccayāpi avijjā”.
vb6:162.1	Tattha katamaṁ saṅkhārapaccayā viññāṇaṁ?
vb6:162.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:162.3	idaṁ vuccati “saṅkhārapaccayā viññāṇaṁ”.
vb6:163.1	Tattha katamo viññāṇapaccayāpi saṅkhāro?
vb6:163.2	Yā cetanā sañcetanā sañcetayitattaṁ—
vb6:163.3	ayaṁ vuccati “viññāṇapaccayāpi saṅkhāro”.
vb6:164.1	Tattha katamaṁ viññāṇapaccayā nāmaṁ?
vb6:164.2	Vedanākkhandho, saññākkhandho, saṅkhārakkhandho—
vb6:164.3	idaṁ vuccati “viññāṇapaccayā nāmaṁ”.
vb6:165.1	Tattha katamaṁ nāmapaccayāpi viññāṇaṁ?
vb6:165.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:165.3	idaṁ vuccati “nāmapaccayāpi viññāṇaṁ”.
vb6:166.1	Tattha katamaṁ nāmapaccayā chaṭṭhāyatanaṁ?
vb6:166.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:166.3	idaṁ vuccati “nāmapaccayā chaṭṭhāyatanaṁ”.
vb6:167.1	Tattha katamaṁ chaṭṭhāyatanapaccayāpi nāmaṁ?
vb6:167.2	Vedanākkhandho, saññākkhandho, saṅkhārakkhandho—
vb6:167.3	idaṁ vuccati “chaṭṭhāyatanapaccayāpi nāmaṁ”.
vb6:168.1	Tattha katamo chaṭṭhāyatanapaccayā phasso?
vb6:168.2	Yo phasso phusanā samphusanā samphusitattaṁ—
vb6:168.3	ayaṁ vuccati “chaṭṭhāyatanapaccayā phasso”.
vb6:169.1	Tattha katamaṁ phassapaccayāpi chaṭṭhāyatanaṁ?
vb6:169.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:169.3	idaṁ vuccati “phassapaccayāpi chaṭṭhāyatanaṁ”.
vb6:170.1	Tattha katamā phassapaccayā vedanā?
vb6:170.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:170.3	ayaṁ vuccati “phassapaccayā vedanā”.
vb6:171.1	Tattha katamo vedanāpaccayāpi phasso?
vb6:171.2	Yo phasso phusanā samphusanā samphusitattaṁ—
vb6:171.3	ayaṁ vuccati “vedanāpaccayāpi phasso”.
vb6:172.1	Tattha katamā vedanāpaccayā taṇhā?
vb6:172.2	Yo rāgo sārāgo …pe… cittassa sārāgo—
vb6:172.3	ayaṁ vuccati “vedanāpaccayā taṇhā”.
vb6:173.1	Tattha katamā taṇhāpaccayāpi vedanā?
vb6:173.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:173.3	ayaṁ vuccati “taṇhāpaccayāpi vedanā”.
vb6:174.1	Tattha katamaṁ taṇhāpaccayā upādānaṁ?
vb6:174.2	Yā diṭṭhi diṭṭhigataṁ …pe… titthāyatanaṁ vipariyāsaggāho—
vb6:174.3	idaṁ vuccati “taṇhāpaccayā upādānaṁ”.
vb6:175.1	Tattha katamā upādānapaccayāpi taṇhā?
vb6:175.2	Yo rāgo …pe… cittassa sārāgo—
vb6:175.3	ayaṁ vuccati “upādānapaccayāpi taṇhā”.
vb6:176.1	Tattha katamo upādānapaccayā bhavo?
vb6:176.2	Ṭhapetvā upādānaṁ, vedanākkhandho saññākkhandho saṅkhārakkhandho viññāṇakkhandho—
vb6:176.3	ayaṁ vuccati “upādānapaccayā bhavo”.
vb6:177.1	Tattha katamā bhavapaccayā jāti?
vb6:177.2	Yā tesaṁ tesaṁ dhammānaṁ jāti sañjāti nibbatti abhinibbatti pātubhāvo—
vb6:177.3	ayaṁ vuccati “bhavapaccayā jāti”.
vb6:178.1	Tattha katamaṁ jātipaccayā jarāmaraṇaṁ?
vb6:178.2	Atthi jarā, atthi maraṇaṁ.
vb6:178.3	Tattha katamā jarā?
vb6:178.4	Yā tesaṁ tesaṁ dhammānaṁ jarā jīraṇatā āyuno saṁhāni—
vb6:178.5	ayaṁ vuccati “jarā”.
vb6:178.6	Tattha katamaṁ maraṇaṁ?
vb6:178.7	Yo tesaṁ tesaṁ dhammānaṁ khayo vayo bhedo paribhedo aniccatā antaradhānaṁ—
vb6:178.8	idaṁ vuccati “maraṇaṁ”.
vb6:178.9	Iti ayañca jarā, idañca maraṇaṁ.
vb6:178.10	Idaṁ vuccati “jātipaccayā jarāmaraṇaṁ”.
vb6:179.1	Evametassa kevalassa dukkhakkhandhassa samudayo hotīti.
vb6:179.2	Evametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.
vb6:179.3	Tena vuccati “evametassa kevalassa dukkhakkhandhassa samudayo hotī”ti.
vb6:180.1	Tasmiṁ samaye avijjāpaccayā saṅkhāro, saṅkhārapaccayāpi avijjā;
vb6:180.2	saṅkhārapaccayā viññāṇaṁ, viññāṇapaccayāpi saṅkhāro;
vb6:180.3	viññāṇapaccayā nāmaṁ, nāmapaccayāpi viññāṇaṁ;
vb6:180.4	nāmapaccayā phasso, phassapaccayāpi nāmaṁ;
vb6:180.5	phassapaccayā vedanā, vedanāpaccayāpi phasso;
vb6:180.6	vedanāpaccayā taṇhā, taṇhāpaccayāpi vedanā;
vb6:180.7	taṇhāpaccayā upādānaṁ, upādānapaccayāpi taṇhā;
vb6:180.8	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:180.9	Evametassa kevalassa dukkhakkhandhassa samudayo hoti.
vb6:181.1	Tattha katamā avijjā?
vb6:181.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:181.3	ayaṁ vuccati “avijjā”.
vb6:182.1	Tattha katamo avijjāpaccayā saṅkhāro?
vb6:182.2	Yā cetanā sañcetanā sañcetayitattaṁ—
vb6:182.3	ayaṁ vuccati “avijjāpaccayā saṅkhāro”.
vb6:183.1	Tattha katamā saṅkhārapaccayāpi avijjā?
vb6:183.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:183.3	ayaṁ vuccati “saṅkhārapaccayāpi avijjā”.
vb6:184.1	Tattha katamaṁ saṅkhārapaccayā viññāṇaṁ?
vb6:184.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:184.3	idaṁ vuccati “saṅkhārapaccayā viññāṇaṁ”.
vb6:185.1	Tattha katamo viññāṇapaccayāpi saṅkhāro?
vb6:185.2	Yā cetanā sañcetanā sañcetayitattaṁ—
vb6:185.3	ayaṁ vuccati “viññāṇapaccayāpi saṅkhāro”.
vb6:186.1	Tattha katamaṁ viññāṇapaccayā nāmaṁ?
vb6:186.2	Vedanākkhandho, saññākkhandho, saṅkhārakkhandho—
vb6:186.3	idaṁ vuccati “viññāṇapaccayā nāmaṁ”.
vb6:187.1	Tattha katamaṁ nāmapaccayāpi viññāṇaṁ?
vb6:187.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:187.3	idaṁ vuccati “nāmapaccayāpi viññāṇaṁ”.
vb6:188.1	Nāmapaccayā phassoti.
vb6:188.2	Tattha katamaṁ nāmaṁ?
vb6:188.3	Ṭhapetvā phassaṁ, vedanākkhandho saññākkhandho saṅkhārakkhandho viññāṇakkhandho—
vb6:188.4	idaṁ vuccati “nāmaṁ”.
vb6:189.1	Tattha katamo nāmapaccayā phasso?
vb6:189.2	Yo phasso phusanā samphusanā samphusitattaṁ—
vb6:189.3	ayaṁ vuccati “nāmapaccayā phasso”.
vb6:190.1	Tattha katamaṁ phassapaccayāpi nāmaṁ?
vb6:190.2	Vedanākkhandho, saññākkhandho, saṅkhārakkhandho, viññāṇakkhandho—
vb6:190.3	idaṁ vuccati “phassapaccayāpi nāmaṁ” …pe…
vb6:190.4	tena vuccati “evametassa kevalassa dukkhakkhandhassa samudayo hotī”ti.
vb6:191.1	Tasmiṁ samaye avijjāpaccayā saṅkhāro, saṅkhārapaccayāpi avijjā;
vb6:191.2	saṅkhārapaccayā viññāṇaṁ, viññāṇapaccayāpi saṅkhāro;
vb6:191.3	viññāṇapaccayā nāmarūpaṁ, nāmarūpapaccayāpi viññāṇaṁ;
vb6:191.4	nāmarūpapaccayā chaṭṭhāyatanaṁ, chaṭṭhāyatanapaccayāpi nāmarūpaṁ;
vb6:191.5	chaṭṭhāyatanapaccayā phasso, phassapaccayāpi chaṭṭhāyatanaṁ;
vb6:191.6	phassapaccayā vedanā, vedanāpaccayāpi phasso;
vb6:191.7	vedanāpaccayā taṇhā, taṇhāpaccayāpi vedanā;
vb6:191.8	taṇhāpaccayā upādānaṁ, upādānapaccayāpi taṇhā;
vb6:191.9	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:191.10	Evametassa kevalassa dukkhakkhandhassa samudayo hoti.
vb6:192.1	Tattha katamā avijjā?
vb6:192.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:192.3	ayaṁ vuccati “avijjā”.
vb6:193.1	Tattha katamo avijjāpaccayā saṅkhāro?
vb6:193.2	Yā cetanā sañcetanā sañcetayitattaṁ—
vb6:193.3	ayaṁ vuccati “avijjāpaccayā saṅkhāro”.
vb6:194.1	Tattha katamā saṅkhārapaccayāpi avijjā?
vb6:194.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:194.3	ayaṁ vuccati “saṅkhārapaccayāpi avijjā”.
vb6:195.1	Tattha katamaṁ saṅkhārapaccayā viññāṇaṁ?
vb6:195.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:195.3	idaṁ vuccati “saṅkhārapaccayā viññāṇaṁ”.
vb6:196.1	Tattha katamo viññāṇapaccayāpi saṅkhāro?
vb6:196.2	Yā cetanā sañcetanā sañcetayitattaṁ—
vb6:196.3	ayaṁ vuccati “viññāṇapaccayāpi saṅkhāro”.
vb6:197.1	Tattha katamaṁ viññāṇapaccayā nāmarūpaṁ?
vb6:197.2	Atthi nāmaṁ, atthi rūpaṁ.
vb6:197.3	Tattha katamaṁ nāmaṁ?
vb6:197.4	Vedanākkhandho, saññākkhandho, saṅkhārakkhandho—
vb6:197.5	idaṁ vuccati “nāmaṁ”.
vb6:197.6	Tattha katamaṁ rūpaṁ?
vb6:197.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:197.8	idaṁ vuccati “rūpaṁ”.
vb6:197.9	Iti idañca nāmaṁ, idañca rūpaṁ.
vb6:197.10	Idaṁ vuccati “viññāṇapaccayā nāmarūpaṁ”.
vb6:198.1	Nāmarūpapaccayāpi viññāṇanti.
vb6:198.2	Atthi nāmaṁ, atthi rūpaṁ.
vb6:198.3	Tattha katamaṁ nāmaṁ?
vb6:198.4	Vedanākkhandho, saññākkhandho, saṅkhārakkhandho—
vb6:198.5	idaṁ vuccati “nāmaṁ”.
vb6:198.6	Tattha katamaṁ rūpaṁ?
vb6:198.7	Yaṁ rūpaṁ nissāya manoviññāṇadhātu vattati—
vb6:198.8	idaṁ vuccati “rūpaṁ”.
vb6:198.9	Iti idañca nāmaṁ, idañca rūpaṁ.
vb6:198.10	Idaṁ vuccati “nāmarūpaṁ”.
vb6:199.1	Tattha katamaṁ nāmarūpapaccayāpi viññāṇaṁ?
vb6:199.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:199.3	idaṁ vuccati “nāmarūpapaccayāpi viññāṇaṁ”.
vb6:200.1	Nāmarūpapaccayā chaṭṭhāyatananti.
vb6:200.2	Atthi nāmaṁ, atthi rūpaṁ.
vb6:200.3	Tattha katamaṁ nāmaṁ?
vb6:200.4	Vedanākkhandho, saññākkhandho, saṅkhārakkhandho—
vb6:200.5	idaṁ vuccati “nāmaṁ”.
vb6:200.6	Tattha katamaṁ rūpaṁ?
vb6:200.7	Yaṁ rūpaṁ nissāya manoviññāṇadhātu vattati—
vb6:200.8	idaṁ vuccati “rūpaṁ”.
vb6:200.9	Iti idañca nāmaṁ, idañca rūpaṁ.
vb6:200.10	Idaṁ vuccati “nāmarūpaṁ”.
vb6:201.1	Tattha katamaṁ nāmarūpapaccayā chaṭṭhāyatanaṁ?
vb6:201.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:201.3	idaṁ vuccati “nāmarūpapaccayā chaṭṭhāyatanaṁ”.
vb6:202.1	Tattha katamaṁ chaṭṭhāyatanapaccayāpi nāmarūpaṁ?
vb6:202.2	Atthi nāmaṁ, atthi rūpaṁ.
vb6:202.3	Tattha katamaṁ nāmaṁ?
vb6:202.4	Vedanākkhandho, saññākkhandho, saṅkhārakkhandho—
vb6:202.5	idaṁ vuccati “nāmaṁ”.
vb6:202.6	Tattha katamaṁ rūpaṁ?
vb6:202.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:202.8	idaṁ vuccati “rūpaṁ”.
vb6:202.9	Iti idañca nāmaṁ, idañca rūpaṁ.
vb6:202.10	Idaṁ vuccati “chaṭṭhāyatanapaccayāpi nāmarūpaṁ”.
vb6:203.1	Tattha katamo chaṭṭhāyatanapaccayā phasso?
vb6:203.2	Yo phasso phusanā samphusanā samphusitattaṁ—
vb6:203.3	ayaṁ vuccati “chaṭṭhāyatanapaccayā phasso”.
vb6:204.1	Tattha katamaṁ phassapaccayāpi chaṭṭhāyatanaṁ?
vb6:204.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:204.3	idaṁ vuccati “phassapaccayāpi chaṭṭhāyatanaṁ” …pe…
vb6:204.4	tena vuccati “evametassa kevalassa dukkhakkhandhassa samudayo hotī”ti.
vb6:205.1	Tasmiṁ samaye avijjāpaccayā saṅkhāro, saṅkhārapaccayāpi avijjā;
vb6:205.2	saṅkhārapaccayā viññāṇaṁ, viññāṇapaccayāpi saṅkhāro;
vb6:205.3	viññāṇapaccayā nāmarūpaṁ, nāmarūpapaccayāpi viññāṇaṁ;
vb6:205.4	nāmarūpapaccayā saḷāyatanaṁ, chaṭṭhāyatanapaccayāpi nāmarūpaṁ;
vb6:205.5	chaṭṭhāyatanapaccayā phasso, phassapaccayāpi chaṭṭhāyatanaṁ;
vb6:205.6	phassapaccayā vedanā, vedanāpaccayāpi phasso;
vb6:205.7	vedanāpaccayā taṇhā, taṇhāpaccayāpi vedanā;
vb6:205.8	taṇhāpaccayā upādānaṁ, upādānapaccayāpi taṇhā;
vb6:205.9	upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:205.10	Evametassa kevalassa dukkhakkhandhassa samudayo hoti.
vb6:206.1	Tattha katamā avijjā?
vb6:206.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:206.3	ayaṁ vuccati “avijjā”.
vb6:207.1	Tattha katamo avijjāpaccayā saṅkhāro?
vb6:207.2	Yā cetanā sañcetanā sañcetayitattaṁ—
vb6:207.3	ayaṁ vuccati “avijjāpaccayā saṅkhāro”.
vb6:208.1	Tattha katamā saṅkhārapaccayāpi avijjā?
vb6:208.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:208.3	ayaṁ vuccati “saṅkhārapaccayāpi avijjā”.
vb6:209.1	Tattha katamaṁ saṅkhārapaccayā viññāṇaṁ?
vb6:209.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:209.3	idaṁ vuccati “saṅkhārapaccayā viññāṇaṁ”.
vb6:210.1	Tattha katamo viññāṇapaccayāpi saṅkhāro?
vb6:210.2	Yā cetanā sañcetanā sañcetayitattaṁ—
vb6:210.3	ayaṁ vuccati “viññāṇapaccayāpi saṅkhāro”.
vb6:211.1	Tattha katamaṁ viññāṇapaccayā nāmarūpaṁ?
vb6:211.2	Atthi nāmaṁ, atthi rūpaṁ.
vb6:211.3	Tattha katamaṁ nāmaṁ?
vb6:211.4	Vedanākkhandho, saññākkhandho, saṅkhārakkhandho—
vb6:211.5	idaṁ vuccati nāmaṁ.
vb6:211.6	Tattha katamaṁ rūpaṁ?
vb6:211.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:211.8	idaṁ vuccati “rūpaṁ”.
vb6:211.9	Iti idañca nāmaṁ, idañca rūpaṁ.
vb6:211.10	Idaṁ vuccati “viññāṇapaccayā nāmarūpaṁ”.
vb6:212.1	Nāmarūpapaccayāpi viññāṇanti.
vb6:212.2	Atthi nāmaṁ, atthi rūpaṁ.
vb6:212.3	Tattha katamaṁ nāmaṁ?
vb6:212.4	Vedanākkhandho, saññākkhandho, saṅkhārakkhandho—
vb6:212.5	idaṁ vuccati “nāmaṁ”.
vb6:212.6	Tattha katamaṁ rūpaṁ?
vb6:212.7	Yaṁ rūpaṁ nissāya manoviññāṇadhātu vattati—
vb6:212.8	idaṁ vuccati “rūpaṁ”.
vb6:212.9	Iti idañca nāmaṁ, idañca rūpaṁ.
vb6:212.10	Idaṁ vuccati “nāmarūpaṁ”.
vb6:213.1	Tattha katamaṁ nāmarūpapaccayāpi viññāṇaṁ?
vb6:213.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:213.3	idaṁ vuccati “nāmarūpapaccayāpi viññāṇaṁ”.
vb6:214.1	Nāmarūpapaccayā saḷāyatananti.
vb6:214.2	Atthi nāmaṁ, atthi rūpaṁ.
vb6:214.3	Tattha katamaṁ nāmaṁ?
vb6:214.4	Vedanākkhandho, saññākkhandho, saṅkhārakkhandho—
vb6:214.5	idaṁ vuccati “nāmaṁ”.
vb6:214.6	Tattha katamaṁ rūpaṁ?
vb6:214.7	Cattāro ca mahābhūtā, yañca rūpaṁ nissāya manoviññāṇadhātu vattati—
vb6:214.8	idaṁ vuccati “rūpaṁ”.
vb6:214.9	Iti idañca nāmaṁ, idañca rūpaṁ.
vb6:214.10	Idaṁ vuccati “nāmarūpaṁ”.
vb6:215.1	Tattha katamaṁ nāmarūpapaccayā saḷāyatanaṁ?
vb6:215.2	Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—
vb6:215.3	idaṁ vuccati “nāmarūpapaccayā saḷāyatanaṁ”.
vb6:216.1	Tattha katamaṁ chaṭṭhāyatanapaccayāpi nāmarūpaṁ?
vb6:216.2	Atthi nāmaṁ, atthi rūpaṁ.
vb6:216.3	Tattha katamaṁ nāmaṁ?
vb6:216.4	Vedanākkhandho, saññākkhandho, saṅkhārakkhandho—
vb6:216.5	idaṁ vuccati “nāmaṁ”.
vb6:216.6	Tattha katamaṁ rūpaṁ?
vb6:216.7	Cakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—
vb6:216.8	idaṁ vuccati “rūpaṁ”.
vb6:216.9	Iti idañca nāmaṁ, idañca rūpaṁ.
vb6:216.10	Idaṁ vuccati “chaṭṭhāyatanapaccayāpi nāmarūpaṁ”.
vb6:217.1	Tattha katamo chaṭṭhāyatanapaccayā phasso?
vb6:217.2	Yo phasso phusanā samphusanā samphusitattaṁ—
vb6:217.3	ayaṁ vuccati “chaṭṭhāyatanapaccayā phasso”.
vb6:218.1	Tattha katamaṁ phassapaccayāpi chaṭṭhāyatanaṁ?
vb6:218.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:218.3	idaṁ vuccati “phassapaccayāpi chaṭṭhāyatanaṁ”.
vb6:219.1	Tattha katamā phassapaccayā vedanā?
vb6:219.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:219.3	ayaṁ vuccati “phassapaccayā vedanā” …pe…
vb6:219.4	tena vuccati “evametassa kevalassa dukkhakkhandhassa samudayo hotī”ti.
vb6:220.1	Aññamaññacatukkaṁ.
vb6:221.0.1	2.9.  Akusalaniddesa
vb6:221.0.2	2.9.1 Akusalacitta
vb6:221.1	Katame dhammā akusalā?
vb6:221.2	Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ sasaṅkhārena …pe…
vb6:221.3	somanassasahagataṁ diṭṭhigatavippayuttaṁ rūpārammaṇaṁ vā …pe…
vb6:221.4	somanassasahagataṁ diṭṭhigatavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:221.5	Evametassa kevalassa dukkhakkhandhassa samudayo hoti.
vb6:222.1	Tattha katamā avijjā?
vb6:222.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:222.3	ayaṁ vuccati “avijjā”.
vb6:223.1	Tattha katamo avijjāpaccayā saṅkhāro?
vb6:223.2	Yā cetanā sañcetanā sañcetayitattaṁ—
vb6:223.3	ayaṁ vuccati avijjāpaccayā saṅkhāro …pe….
vb6:224.1	Tattha katamo taṇhāpaccayā adhimokkho?
vb6:224.2	Yo cittassa adhimokkho adhimuccanā tadadhimuttatā—
vb6:224.3	ayaṁ vuccati “taṇhāpaccayā adhimokkho”.
vb6:225.1	Tattha katamo adhimokkhapaccayā bhavo?
vb6:225.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:225.3	ayaṁ vuccati “adhimokkhapaccayā bhavo” …pe…
vb6:225.4	tena vuccati “evametassa kevalassa dukkhakkhandhassa samudayo hotī”ti.
vb6:226.0	2.9.2. Akusalacitta
vb6:226.1	Katame dhammā akusalā?
vb6:226.2	Yasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.
vb6:226.3	Evametassa kevalassa dukkhakkhandhassa samudayo hoti.
vb6:227.0	2.9.3. Akusalacitta
vb6:227.1	Tattha katamā avijjā?
vb6:227.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:227.3	ayaṁ vuccati avijjā …pe….
vb6:228.1	Tattha katamā phassapaccayā vedanā?
vb6:228.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:228.3	ayaṁ vuccati “phassapaccayā vedanā” …pe…
vb6:228.4	tena vuccati “evametassa kevalassa dukkhakkhandhassa samudayo hotī”ti.
vb6:229.1	Katame dhammā akusalā?
vb6:229.2	Yasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatasampayuttaṁ sasaṅkhārena …pe…
vb6:229.3	upekkhāsahagataṁ diṭṭhigatavippayuttaṁ rūpārammaṇaṁ vā …pe…
vb6:229.4	upekkhāsahagataṁ diṭṭhigatavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:229.5	Evametassa kevalassa dukkhakkhandhassa samudayo hoti.
vb6:230.1	Tattha katamā avijjā …pe…
vb6:230.2	tena vuccati “evametassa kevalassa dukkhakkhandhassa samudayo hotī”ti.
vb6:231.0	2.9.4. Akusalacitta
vb6:231.1	Katame dhammā akusalā?
vb6:231.2	Yasmiṁ samaye akusalaṁ cittaṁ uppannaṁ hoti domanassasahagataṁ paṭighasampayuttaṁ rūpārammaṇaṁ vā …pe…
vb6:231.3	domanassasahagataṁ paṭighasampayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā paṭighaṁ, paṭighapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:231.4	Evametassa kevalassa dukkhakkhandhassa samudayo hoti.
vb6:232.1	Tattha katamā avijjā?
vb6:232.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:232.3	ayaṁ vuccati “avijjā” …pe…
vb6:232.4	ayaṁ vuccati “chaṭṭhāyatanapaccayā phasso”.
vb6:233.1	Tattha katamā phassapaccayā vedanā?
vb6:233.2	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb6:233.3	ayaṁ vuccati “phassapaccayā vedanā”.
vb6:234.1	Tattha katamaṁ vedanāpaccayā paṭighaṁ?
vb6:234.2	Yo cittassa āghāto …pe…
vb6:234.3	caṇḍikkaṁ asuropo anattamanatā cittassa—
vb6:234.4	idaṁ vuccati “vedanāpaccayā paṭighaṁ”.
vb6:235.1	Tattha katamo paṭighapaccayā adhimokkho?
vb6:235.2	Yo cittassa adhimokkho adhimuccanā tadadhimuttatā—
vb6:235.3	ayaṁ vuccati “paṭighapaccayā adhimokkho”.
vb6:236.1	Tattha katamo adhimokkhapaccayā bhavo?
vb6:236.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:236.3	ayaṁ vuccati “adhimokkhapaccayā bhavo” …pe…
vb6:236.4	tena vuccati “evametassa kevalassa dukkhakkhandhassa samudayo hotī”ti.
vb6:237.0	2.9.5. Akusalacitta
vb6:237.1	Katame dhammā akusalā?
vb6:237.2	Yasmiṁ samaye akusalaṁ cittaṁ uppannaṁ hoti upekkhāsahagataṁ vicikicchāsampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā vicikicchā, vicikicchāpaccayā bhavo, bhavapaccayā jāti, jātipaccayā jarāmaraṇaṁ.
vb6:237.3	Evametassa kevalassa dukkhakkhandhassa samudayo hoti.
vb6:238.1	Tattha katamā avijjā?
vb6:238.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:238.3	ayaṁ vuccati “avijjā” …pe…
vb6:238.4	ayaṁ vuccati “chaṭṭhāyatanapaccayā phasso”.
vb6:239.1	Tattha katamā phassapaccayā vedanā?
vb6:239.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ, cetosamphassajā adukkhamasukhā vedanā—
vb6:239.3	ayaṁ vuccati “phassapaccayā vedanā”.
vb6:240.1	Tattha katamā vedanāpaccayā vicikicchā?
vb6:240.2	Yā kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvidhāpatho saṁsayo anekaṁsaggāho āsappanā parisappanā apariyogāhaṇā chambhitattaṁ cittassa manovilekho—
vb6:240.3	ayaṁ vuccati “vedanāpaccayā vicikicchā”.
vb6:241.1	Tattha katamo vicikicchāpaccayā bhavo?
vb6:241.2	Ṭhapetvā vicikicchaṁ, vedanākkhandho saññākkhandho saṅkhārakkhandho viññāṇakkhandho—
vb6:241.3	ayaṁ vuccati “vicikicchāpaccayā bhavo” …pe…
vb6:241.4	tena vuccati “evametassa kevalassa dukkhakkhandhassa samudayo hotī”ti.
vb6:242.0	2.9.6. Akusalacitta
vb6:242.1	Katame dhammā akusalā?
vb6:242.2	Yasmiṁ samaye akusalaṁ cittaṁ uppannaṁ hoti upekkhāsahagataṁ uddhaccasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā uddhaccaṁ, uddhaccapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:242.3	Evametassa kevalassa dukkhakkhandhassa samudayo hoti.
vb6:243.1	Tattha katamā avijjā?
vb6:243.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb6:243.3	ayaṁ vuccati “avijjā” …pe…
vb6:243.4	ayaṁ vuccati “chaṭṭhāyatanapaccayā phasso”.
vb6:244.1	Tattha katamā phassapaccayā vedanā?
vb6:244.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:244.3	ayaṁ vuccati “phassapaccayā vedanā”.
vb6:245.1	Tattha katamaṁ vedanāpaccayā uddhaccaṁ?
vb6:245.2	Yaṁ cittassa uddhaccaṁ avūpasamo cetaso vikkhepo bhantattaṁ cittassa—
vb6:245.3	idaṁ vuccati “vedanāpaccayā uddhaccaṁ”.
vb6:246.1	Tattha katamo uddhaccapaccayā adhimokkho?
vb6:246.2	Yo cittassa adhimokkho adhimuccanā tadadhimuttatā—
vb6:246.3	ayaṁ vuccati “uddhaccapaccayā adhimokkho”.
vb6:247.1	Tattha katamo adhimokkhapaccayā bhavo?
vb6:247.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:247.3	ayaṁ vuccati “adhimokkhapaccayā bhavo” …pe…
vb6:247.4	tena vuccati “evametassa kevalassa dukkhakkhandhassa samudayo hotī”ti.
vb6:248.1	Akusalaniddeso.
vb6:249.0.1	2. Kusalaniddesa
vb6:249.0.2	2.10.1. 2.10.1 Kāmāvacarakusalacitta
vb6:249.0.3	2.10.1.1. Mahākusalacitta
vb6:249.1	Katame dhammā kusalā?
vb6:249.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:249.3	Evametassa kevalassa dukkhakkhandhassa samudayo hoti.
vb6:250.1	Tattha katame kusalamūlā?
vb6:250.2	Alobho, adoso, amoho.
vb6:251.1	Tattha katamo alobho?
vb6:251.2	Yo alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—
vb6:251.3	ayaṁ vuccati “alobho”.
vb6:252.1	Tattha katamo adoso?
vb6:252.2	Yo adoso adussanā adussitattaṁ abyāpādo abyāpajjo adoso kusalamūlaṁ—
vb6:252.3	ayaṁ vuccati “adoso”.
vb6:253.1	Tattha katamo amoho?
vb6:253.2	Yā paññā pajānanā …pe… amoho dhammavicayo sammādiṭṭhi—
vb6:253.3	ayaṁ vuccati “amoho”.
vb6:253.4	Ime vuccanti “kusalamūlā”.
vb6:254.1	Tattha katamo kusalamūlapaccayā saṅkhāro?
vb6:254.2	Yā cetanā sañcetanā sañcetayitattaṁ—
vb6:254.3	ayaṁ vuccati “kusalamūlapaccayā saṅkhāro”.
vb6:255.1	Tattha katamaṁ saṅkhārapaccayā viññāṇaṁ …pe…
vb6:255.2	viññāṇapaccayā nāmaṁ …pe…
vb6:255.3	nāmapaccayā chaṭṭhāyatanaṁ …pe…
vb6:255.4	chaṭṭhāyatanapaccayā phasso …pe…
vb6:255.5	phassapaccayā vedanā …pe…
vb6:255.6	ayaṁ vuccati “phassapaccayā vedanā”.
vb6:256.1	Tattha katamo vedanāpaccayā pasādo?
vb6:256.2	Yā saddhā saddahanā okappanā abhippasādo—
vb6:256.3	ayaṁ vuccati “vedanāpaccayā pasādo”.
vb6:257.1	Tattha katamo pasādapaccayā adhimokkho?
vb6:257.2	Yo cittassa adhimokkho adhimuccanā tadadhimuttatā—
vb6:257.3	ayaṁ vuccati “pasādapaccayā adhimokkho”.
vb6:258.1	Tattha katamo adhimokkhapaccayā bhavo?
vb6:258.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:258.3	ayaṁ vuccati “adhimokkhapaccayā bhavo” …pe…
vb6:258.4	tena vuccati “evametassa kevalassa dukkhakkhandhassa samudayo hotī”ti.
vb6:259.0	2.10.1.2. Mahākusalacitta
vb6:259.1	Katame dhammā kusalā?
vb6:259.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena rūpārammaṇaṁ vā …pe…
vb6:259.3	somanassasahagataṁ ñāṇavippayuttaṁ rūpārammaṇaṁ vā …pe…
vb6:259.4	somanassasahagataṁ ñāṇavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:259.5	Evametassa kevalassa dukkhakkhandhassa samudayo hoti.
vb6:260.1	Tattha katame kusalamūlā?
vb6:260.2	Alobho, adoso.
vb6:261.1	Tattha katamo alobho?
vb6:261.2	Yo alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—
vb6:261.3	ayaṁ vuccati “alobho”.
vb6:262.1	Tattha katamo adoso?
vb6:262.2	Yo adoso adussanā adussitattaṁ abyāpādo abyāpajjo adoso kusalamūlaṁ—
vb6:262.3	ayaṁ vuccati “adoso”.
vb6:262.4	Ime vuccanti “kusalamūlā”.
vb6:263.1	Tattha katamo kusalamūlapaccayā saṅkhāro?
vb6:263.2	Yā cetanā sañcetanā sañcetayitattaṁ—
vb6:263.3	ayaṁ vuccati “kusalamūlapaccayā saṅkhāro” …pe…
vb6:263.4	ayaṁ vuccati “chaṭṭhāyatanapaccayā phasso”.
vb6:264.1	Tattha katamā phassapaccayā vedanā?
vb6:264.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:264.3	ayaṁ vuccati “phassapaccayā vedanā” …pe…
vb6:264.4	tena vuccati “evametassa kevalassa dukkhakkhandhassa samudayo hotī”ti.
vb6:265.0	2.10.1.3. Mahākusalacitta
vb6:265.1	Katame dhammā kusalā?
vb6:265.2	Yasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇasampayuttaṁ rūpārammaṇaṁ vā …pe…
vb6:265.3	upekkhāsahagataṁ ñāṇasampayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:265.4	Evametassa kevalassa dukkhakkhandhassa samudayo hoti.
vb6:266.1	Tattha katame kusalamūlā?
vb6:266.2	Alobho, adoso, amoho—
vb6:266.3	ime vuccanti “kusalamūlā”.
vb6:267.1	Tattha katamo kusalamūlapaccayā saṅkhāro?
vb6:267.2	Yā cetanā sañcetanā sañcetayitattaṁ—
vb6:267.3	ayaṁ vuccati “kusalamūlapaccayā saṅkhāro” …pe…
vb6:267.4	ayaṁ vuccati—
vb6:267.5	“chaṭṭhāyatanapaccayā phasso”.
vb6:268.1	Tattha katamā phassapaccayā vedanā?
vb6:268.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:268.3	ayaṁ vuccati “phassapaccayā vedanā” …pe…
vb6:268.4	tena vuccati “evametassa kevalassa dukkhakkhandhassa samudayo hotī”ti.
vb6:269.0	2.10.1.4. Mahākusalacitta
vb6:269.1	Katame dhammā kusalā?
vb6:269.2	Yasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ rūpārammaṇaṁ vā …pe…
vb6:269.3	upekkhāsahagataṁ ñāṇavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:269.4	Evametassa kevalassa dukkhakkhandhassa samudayo hoti.
vb6:270.1	Tattha katame kusalamūlā?
vb6:270.2	Alobho, adoso—
vb6:270.3	ime vuccanti “kusalamūlā”.
vb6:271.1	Tattha katamo kusalamūlapaccayā saṅkhāro?
vb6:271.2	Yā cetanā sañcetanā sañcetayitattaṁ—
vb6:271.3	ayaṁ vuccati “kusalamūlapaccayā saṅkhāro” …pe…
vb6:271.4	tena vuccati “evametassa kevalassa dukkhakkhandhassa samudayo hotī”ti.
vb6:272.0	2.10.2. Rūpāvacarakusalacitta
vb6:272.1	Katame dhammā kusalā?
vb6:272.2	Yasmiṁ samaye rūpūpapattiyā maggaṁ bhāveti vivicceva kāmehi …pe…
vb6:272.3	paṭhamaṁ jhānaṁ upasampajja viharati pathavīkasiṇaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:272.4	Evametassa kevalassa dukkhakkhandhassa samudayo hoti.
vb6:273.1	Tattha katame kusalamūlā?
vb6:273.2	Alobho, adoso, amoho—
vb6:273.3	ime vuccanti “kusalamūlā”.
vb6:274.1	Tattha katamo kusalamūlapaccayā saṅkhāro?
vb6:274.2	Yā cetanā sañcetanā sañcetayitattaṁ—
vb6:274.3	ayaṁ vuccati “kusalamūlapaccayā saṅkhāro” …pe…
vb6:274.4	tena vuccati “evametassa kevalassa dukkhakkhandhassa samudayo hotī”ti.
vb6:275.0	2.10.3. Arūpāvacarakusalacitta
vb6:275.1	Katame dhammā kusalā?
vb6:275.2	Yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:275.3	Evametassa kevalassa dukkhakkhandhassa samudayo hoti.
vb6:276.1	Tattha katame kusalamūlā?
vb6:276.2	Alobho, adoso, amoho—
vb6:276.3	ime vuccanti “kusalamūlā”.
vb6:277.1	Tattha katamo kusalamūlapaccayā saṅkhāro?
vb6:277.2	Yā cetanā sañcetanā sañcetayitattaṁ—
vb6:277.3	ayaṁ vuccati “kusalamūlapaccayā saṅkhāro” …pe…
vb6:277.4	ayaṁ vuccati “chaṭṭhāyatanapaccayā phasso”.
vb6:278.1	Tattha katamā phassapaccayā vedanā?
vb6:278.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:278.3	ayaṁ vuccati “phassapaccayā vedanā” …pe…
vb6:278.4	tena vuccati “evametassa kevalassa dukkhakkhandhassa samudayo hotī”ti.
vb6:279.0	2.10.4. Lokuttarakusalacitta
vb6:279.1	Katame dhammā kusalā?
vb6:279.2	Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:279.3	Evametesaṁ dhammānaṁ samudayo hoti.
vb6:280.1	Tattha katame kusalamūlā?
vb6:280.2	Alobho, adoso, amoho.
vb6:281.1	Tattha katamo alobho …pe…
vb6:281.2	adoso …pe…
vb6:281.3	amoho?
vb6:281.4	Yā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb6:281.5	ayaṁ vuccati “amoho”.
vb6:281.6	Ime vuccanti “kusalamūlā”.
vb6:282.1	Tattha katamo kusalamūlapaccayā saṅkhāro?
vb6:282.2	Yā cetanā sañcetanā sañcetayitattaṁ—
vb6:282.3	ayaṁ vuccati “kusalamūlapaccayā saṅkhāro” …pe…
vb6:282.4	ayaṁ vuccati “chaṭṭhāyatanapaccayā phasso”.
vb6:283.1	Tattha katamā phassapaccayā vedanā?
vb6:283.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:283.3	ayaṁ vuccati “phassapaccayā vedanā”.
vb6:284.1	Tattha katamo vedanāpaccayā pasādo?
vb6:284.2	Yā saddhā saddahanā okappanā abhippasādo—
vb6:284.3	ayaṁ vuccati “vedanāpaccayā pasādo”.
vb6:285.1	Tattha katamo pasādapaccayā adhimokkho?
vb6:285.2	Yo cittassa adhimokkho adhimuccanā tadadhimuttatā—
vb6:285.3	ayaṁ vuccati “pasādapaccayā adhimokkho”.
vb6:286.1	Tattha katamo adhimokkhapaccayā bhavo?
vb6:286.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:286.3	ayaṁ vuccati “adhimokkhapaccayā bhavo” …pe…
vb6:286.4	ayaṁ vuccati “jātipaccayā jarāmaraṇaṁ”.
vb6:287.1	Evametesaṁ dhammānaṁ samudayo hotīti.
vb6:287.2	Evametesaṁ dhammānaṁ saṅgati hoti, samāgamo hoti, samodhānaṁ hoti, pātubhāvo hoti.
vb6:287.3	Tena vuccati “evametesaṁ dhammānaṁ samudayo hotī”ti.
vb6:288.1	Kusalaniddeso.
vb6:289.0.1	2.11. Abyākataniddesa
vb6:289.0.2	2.11. 2.11 Ahetukakusalavipākacitta
vb6:289.0.3	2.11.1.1. 2.11.1.1 Ahetukakusalavipākacitta
vb6:289.0.4	2.11.1.1.1. Cakkhuviññāṇacitta
vb6:289.1	Katame dhammā abyākatā?
vb6:289.2	Yasmiṁ samaye kāmāvacarassa kusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:289.3	Evametassa kevalassa dukkhakkhandhassa samudayo hoti.
vb6:290.1	Tattha katamo saṅkhāro?
vb6:290.2	Yā cetanā sañcetanā sañcetayitattaṁ—
vb6:290.3	ayaṁ vuccati “saṅkhāro”.
vb6:291.1	Tattha katamaṁ saṅkhārapaccayā viññāṇaṁ?
vb6:291.2	Yaṁ cittaṁ mano mānasaṁ …pe…
vb6:291.3	tajjācakkhuviññāṇadhātu—
vb6:291.4	idaṁ vuccati “saṅkhārapaccayā viññāṇaṁ”.
vb6:292.1	Tattha katamaṁ viññāṇapaccayā nāmaṁ?
vb6:292.2	Vedanākkhandho, saññākkhandho, saṅkhārakkhandho—
vb6:292.3	idaṁ vuccati “viññāṇapaccayā nāmaṁ”.
vb6:293.1	Tattha katamaṁ nāmapaccayā chaṭṭhāyatanaṁ?
vb6:293.2	Yaṁ cittaṁ mano mānasaṁ …pe…
vb6:293.3	tajjācakkhuviññāṇadhātu—
vb6:293.4	idaṁ vuccati “nāmapaccayā chaṭṭhāyatanaṁ”.
vb6:294.1	Tattha katamo chaṭṭhāyatanapaccayā phasso?
vb6:294.2	Yo phasso phusanā samphusanā samphusitattaṁ—
vb6:294.3	ayaṁ vuccati “chaṭṭhāyatanapaccayā phasso”.
vb6:295.1	Tattha katamā phassapaccayā vedanā?
vb6:295.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:295.3	ayaṁ vuccati “phassapaccayā vedanā”.
vb6:296.1	Tattha katamo vedanāpaccayā bhavo?
vb6:296.2	Ṭhapetvā vedanaṁ, saññākkhandho saṅkhārakkhandho viññāṇakkhandho—
vb6:296.3	ayaṁ vuccati “vedanāpaccayā bhavo” …pe…
vb6:296.4	tena vuccati “evametassa kevalassa dukkhakkhandhassa samudayo hotī”ti.
vb6:297.1	Tasmiṁ samaye saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā chaṭṭhāyatanaṁ nāmahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:297.2	Evametassa kevalassa dukkhakkhandhassa samudayo hoti.
vb6:298.1	Tasmiṁ samaye saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:298.2	Evametassa kevalassa dukkhakkhandhassa samudayo hoti.
vb6:299.1	Tasmiṁ samaye saṅkhārapaccayā viññāṇaṁ, viññāṇapaccayāpi saṅkhāro;
vb6:299.2	viññāṇapaccayā nāmaṁ, nāmapaccayāpi viññāṇaṁ;
vb6:299.3	nāmapaccayā chaṭṭhāyatanaṁ, chaṭṭhāyatanapaccayāpi nāmaṁ;
vb6:299.4	chaṭṭhāyatanapaccayā phasso, phassapaccayāpi chaṭṭhāyatanaṁ;
vb6:299.5	phassapaccayā vedanā, vedanāpaccayāpi phasso;
vb6:299.6	vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:299.7	Evametassa kevalassa dukkhakkhandhassa samudayo hoti.
vb6:300.0	2.11.1.1.2. Sota-kāyaviññāṇacitta
vb6:300.1	Katame dhammā abyākatā?
vb6:300.2	Yasmiṁ samaye kāmāvacarassa kusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…
vb6:300.3	ghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…
vb6:300.4	jivhāviññāṇaṁ uppannaṁ hoti upekkhāsahagataṁ rasārammaṇaṁ …pe…
vb6:300.5	kāyaviññāṇaṁ uppannaṁ hoti sukhasahagataṁ phoṭṭhabbārammaṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:300.6	Evametassa kevalassa dukkhakkhandhassa samudayo hoti.
vb6:301.1	Tattha katamo saṅkhāro?
vb6:301.2	Yā cetanā sañcetanā sañcetayitattaṁ—
vb6:301.3	ayaṁ vuccati “saṅkhāro” …pe…
vb6:301.4	ayaṁ vuccati “chaṭṭhāyatanapaccayā phasso”.
vb6:302.1	Tattha katamā phassapaccayā vedanā?
vb6:302.2	Yaṁ kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—
vb6:302.3	ayaṁ vuccati “phassapaccayā vedanā”.
vb6:303.1	Tattha katamo vedanāpaccayā bhavo?
vb6:303.2	Ṭhapetvā vedanaṁ, saññākkhandho saṅkhārakkhandho viññāṇakkhandho—
vb6:303.3	ayaṁ vuccati “vedanāpaccayā bhavo” …pe…
vb6:303.4	tena vuccati “evametassa kevalassa dukkhakkhandhassa samudayo hotī”ti.
vb6:304.0	2.11.1.1.3. Sampaṭicchanacitta
vb6:304.1	Katame dhammā abyākatā?
vb6:304.2	Yasmiṁ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:304.3	Evametassa kevalassa dukkhakkhandhassa samudayo hoti.
vb6:305.1	Tattha katamo saṅkhāro?
vb6:305.2	Yā cetanā sañcetanā sañcetayitattaṁ—
vb6:305.3	ayaṁ vuccati “saṅkhāro”.
vb6:306.1	Tattha katamaṁ saṅkhārapaccayā viññāṇaṁ?
vb6:306.2	Yaṁ cittaṁ mano mānasaṁ …pe…
vb6:306.3	tajjāmanodhātu—
vb6:306.4	idaṁ vuccati “saṅkhārapaccayā viññāṇaṁ” …pe…
vb6:306.5	ayaṁ vuccati “chaṭṭhāyatanapaccayā phasso”.
vb6:307.1	Tattha katamā phassapaccayā vedanā?
vb6:307.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:307.3	ayaṁ vuccati “phassapaccayā vedanā”.
vb6:308.1	Tattha katamo vedanāpaccayā adhimokkho?
vb6:308.2	Yo cittassa adhimokkho adhimuccanā tadadhimuttatā—
vb6:308.3	ayaṁ vuccati “vedanāpaccayā adhimokkho”.
vb6:309.1	Tattha katamo adhimokkhapaccayā bhavo?
vb6:309.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:309.3	ayaṁ vuccati “adhimokkhapaccayā bhavo” …pe…
vb6:309.4	tena vuccati “evametassa kevalassa dukkhakkhandhassa samudayo hotī”ti.
vb6:310.0	2.11.1.1.4. Somanassantīraṇacitta
vb6:310.1	Katame dhammā abyākatā?
vb6:310.2	Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:310.3	Evametassa kevalassa dukkhakkhandhassa samudayo hoti.
vb6:311.1	Tattha katamo saṅkhāro?
vb6:311.2	Yā cetanā sañcetanā sañcetayitattaṁ—
vb6:311.3	ayaṁ vuccati “saṅkhāro”.
vb6:312.1	Tattha katamaṁ saṅkhārapaccayā viññāṇaṁ?
vb6:312.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:312.3	idaṁ vuccati “saṅkhārapaccayā viññāṇaṁ” …pe…
vb6:312.4	ayaṁ vuccati “chaṭṭhāyatanapaccayā phasso”.
vb6:313.1	Tattha katamā phassapaccayā vedanā?
vb6:313.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:313.3	ayaṁ vuccati “phassapaccayā vedanā”.
vb6:314.1	Tattha katamo vedanāpaccayā adhimokkho?
vb6:314.2	Yo cittassa adhimokkho adhimuccanā tadadhimuttatā—
vb6:314.3	ayaṁ vuccati “vedanāpaccayā adhimokkho”.
vb6:315.1	Tattha katamo adhimokkhapaccayā bhavo?
vb6:315.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:315.3	ayaṁ vuccati “adhimokkhapaccayā bhavo” …pe…
vb6:315.4	tena vuccati “evametassa kevalassa dukkhakkhandhassa samudayo hotī”ti.
vb6:316.0	2.11.1.1.5. Upekkhāsantīraṇacitta
vb6:316.1	Katame dhammā abyākatā?
vb6:316.2	Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:316.3	Evametassa kevalassa dukkhakkhandhassa samudayo hoti.
vb6:317.1	Tattha katamo saṅkhāro?
vb6:317.2	Yā cetanā sañcetanā sañcetayitattaṁ—
vb6:317.3	ayaṁ vuccati “saṅkhāro”.
vb6:318.1	Tattha katamaṁ saṅkhārapaccayā viññāṇaṁ?
vb6:318.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:318.3	idaṁ vuccati “saṅkhārapaccayā viññāṇaṁ” …pe…
vb6:318.4	ayaṁ vuccati “chaṭṭhāyatanapaccayā phasso”.
vb6:319.1	Tattha katamā phassapaccayā vedanā?
vb6:319.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:319.3	ayaṁ vuccati “phassapaccayā vedanā”.
vb6:320.1	Tattha katamo vedanāpaccayā adhimokkho?
vb6:320.2	Yo cittassa adhimokkho adhimuccanā tadadhimuttatā—
vb6:320.3	ayaṁ vuccati “vedanāpaccayā adhimokkho”.
vb6:321.1	Tattha katamo adhimokkhapaccayā bhavo?
vb6:321.2	Ṭhapetvā adhimokkhaṁ, vedanākkhandho saññākkhandho saṅkhārakkhandho, viññāṇakkhandho—
vb6:321.3	ayaṁ vuccati “adhimokkhapaccayā bhavo” …pe…
vb6:321.4	tena vuccati “evametassa kevalassa dukkhakkhandhassa samudayo hotī”ti.
vb6:322.0	2.11.1.2. Kāmāvacaravipākacitta
vb6:322.1	Katame dhammā abyākatā?
vb6:322.2	Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā …pe…
vb6:322.3	somanassasahagatā ñāṇasampayuttā sasaṅkhārena …pe…
vb6:322.4	somanassasahagatā ñāṇavippayuttā …pe…
vb6:322.5	somanassasahagatā ñāṇavippayuttā sasaṅkhārena …pe…
vb6:322.6	upekkhāsahagatā ñāṇasampayuttā …pe…
vb6:322.7	upekkhāsahagatā ñāṇasampayuttā sasaṅkhārena …pe…
vb6:322.8	upekkhāsahagatā ñāṇavippayuttā …pe…
vb6:322.9	upekkhāsahagatā ñāṇavippayuttā sasaṅkhārena rūpārammaṇā vā …pe…
vb6:322.10	dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:322.11	Evametassa kevalassa dukkhakkhandhassa samudayo hoti.
vb6:323.1	Tattha katamo saṅkhāro?
vb6:323.2	Yā cetanā sañcetanā sañcetayitattaṁ—
vb6:323.3	ayaṁ vuccati “saṅkhāro”.
vb6:324.1	Tattha katamaṁ saṅkhārapaccayā viññāṇaṁ?
vb6:324.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:324.3	idaṁ vuccati “saṅkhārapaccayā viññāṇaṁ” …pe…
vb6:324.4	ayaṁ vuccati “phassapaccayā vedanā”.
vb6:325.1	Tattha katamo vedanāpaccayā pasādo?
vb6:325.2	Yā saddhā saddahanā okappanā abhippasādo—
vb6:325.3	ayaṁ vuccati “vedanāpaccayā pasādo”.
vb6:326.1	Tattha katamo pasādapaccayā adhimokkho?
vb6:326.2	Yo cittassa adhimokkho adhimuccanā tadadhimuttatā—
vb6:326.3	ayaṁ vuccati “pasādapaccayā adhimokkho”.
vb6:327.1	Tattha katamo adhimokkhapaccayā bhavo?
vb6:327.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:327.3	ayaṁ vuccati “adhimokkhapaccayā bhavo” …pe…
vb6:327.4	tena vuccati “evametassa kevalassa dukkhakkhandhassa samudayo hotī”ti.
vb6:328.0	2.11.1.3. Rūpāvacaravipākacitta
vb6:328.1	Katame dhammā abyākatā?
vb6:328.2	Yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti—
vb6:328.3	ime dhammā kusalā.
vb6:329.1	Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:329.2	Evametassa kevalassa dukkhakkhandhassa samudayo hoti.
vb6:329.3	(…)
vb6:330.0	2.11.1.4. Arūpāvacaravipākacitta
vb6:330.1	Katame dhammā abyākatā?
vb6:330.2	Yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti—
vb6:330.3	ime dhammā kusalā.
vb6:331.1	Tasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:331.2	Evametassa kevalassa dukkhakkhandhassa samudayo hoti.
vb6:332.0	2.11.1.5. Lokuttaravipākacitta
vb6:332.1	Katame dhammā abyākatā?
vb6:332.2	Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti—
vb6:332.3	ime dhammā kusalā.
vb6:333.1	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:333.2	Evametesaṁ dhammānaṁ samudayo hoti.
vb6:333.3	(…)
vb6:334.0.1	2.11.2. 2.11.2 Akusalavipākacitta
vb6:334.0.2	2.11.2.1. Cakkhu-kāyaviññāṇacitta
vb6:334.1	Katame dhammā abyākatā?
vb6:334.2	Yasmiṁ samaye akusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ …pe…
vb6:334.3	sotaviññāṇaṁ uppannaṁ hoti upekkhāsahagataṁ saddārammaṇaṁ …pe…
vb6:334.4	ghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…
vb6:334.5	jivhāviññāṇaṁ uppannaṁ hoti upekkhāsahagataṁ rasārammaṇaṁ …pe…
vb6:334.6	kāyaviññāṇaṁ uppannaṁ hoti dukkhasahagataṁ phoṭṭhabbārammaṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:334.7	Evametassa kevalassa dukkhakkhandhassa samudayo hoti.
vb6:335.1	Tattha katamo saṅkhāro?
vb6:335.2	Yā cetanā sañcetanā sañcetayitattaṁ—
vb6:335.3	ayaṁ vuccati “saṅkhāro”.
vb6:336.1	Tattha katamaṁ saṅkhārapaccayā viññāṇaṁ?
vb6:336.2	Yaṁ cittaṁ mano mānasaṁ …pe…
vb6:336.3	tajjākāyaviññāṇadhātu—
vb6:336.4	idaṁ vuccati “saṅkhārapaccayā viññāṇaṁ” …pe…
vb6:336.5	ayaṁ vuccati “chaṭṭhāyatanapaccayā phasso”.
vb6:337.1	Tattha katamā phassapaccayā vedanā?
vb6:337.2	Yaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—
vb6:337.3	ayaṁ vuccati “phassapaccayā vedanā”.
vb6:338.1	Tattha katamo vedanāpaccayā bhavo?
vb6:338.2	Ṭhapetvā vedanaṁ, saññākkhandho saṅkhārakkhandho viññāṇakkhandho—
vb6:338.3	ayaṁ vuccati “vedanāpaccayā bhavo” …pe…
vb6:338.4	tena vuccati “evametassa kevalassa dukkhakkhandhassa samudayo hotī”ti.
vb6:339.0	2.11.2.2. Sampaṭicchanacitta
vb6:339.1	Katame dhammā abyākatā?
vb6:339.2	Yasmiṁ samaye akusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:339.3	Evametassa kevalassa dukkhakkhandhassa samudayo hoti.
vb6:340.1	Tattha katamo saṅkhāro?
vb6:340.2	Yā cetanā sañcetanā sañcetayitattaṁ—
vb6:340.3	ayaṁ vuccati “saṅkhāro”.
vb6:341.1	Tattha katamaṁ saṅkhārapaccayā viññāṇaṁ?
vb6:341.2	Yaṁ cittaṁ mano mānasaṁ …pe…
vb6:341.3	tajjāmanodhātu—
vb6:341.4	idaṁ vuccati “saṅkhārapaccayā viññāṇaṁ” …pe…
vb6:341.5	ayaṁ vuccati “chaṭṭhāyatanapaccayā phasso”.
vb6:342.1	Tattha katamā phassapaccayā vedanā?
vb6:342.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:342.3	ayaṁ vuccati “phassapaccayā vedanā”.
vb6:343.1	Tattha katamo vedanāpaccayā adhimokkho?
vb6:343.2	Yo cittassa adhimokkho adhimuccanā tadadhimuttatā—
vb6:343.3	ayaṁ vuccati “vedanāpaccayā adhimokkho”.
vb6:344.1	Tattha katamo adhimokkhapaccayā bhavo?
vb6:344.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:344.3	ayaṁ vuccati “adhimokkhapaccayā bhavo” …pe…
vb6:344.4	tena vuccati “evametassa kevalassa dukkhakkhandhassa samudayo hotī”ti.
vb6:345.0	2.11.2.3. Upekkhāsantīraṇacitta
vb6:345.1	Katame dhammā abyākatā?
vb6:345.2	Yasmiṁ samaye akusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā …pe…
vb6:345.3	dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:345.4	Evametassa kevalassa dukkhakkhandhassa samudayo hoti.
vb6:346.1	Tattha katamo saṅkhāro?
vb6:346.2	Yā cetanā sañcetanā sañcetayitattaṁ—
vb6:346.3	ayaṁ vuccati “saṅkhāro”.
vb6:347.1	Tattha katamaṁ saṅkhārapaccayā viññāṇaṁ?
vb6:347.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:347.3	idaṁ vuccati “saṅkhārapaccayā viññāṇaṁ” …pe…
vb6:347.4	tena vuccati “evametassa kevalassa dukkhakkhandhassa samudayo hotī”ti.
vb6:348.0.1	2.11.3. 2.11.3 Kiriyācitta
vb6:348.0.2	2.11.3.1. Ahetukakiriyācitta
vb6:348.1	Katame dhammā abyākatā?
vb6:348.2	Yasmiṁ samaye manodhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…
vb6:348.3	phoṭṭhabbārammaṇā vā …pe…
vb6:348.4	manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā rūpārammaṇā vā …pe…
vb6:348.5	dhammārammaṇā vā …pe…
vb6:348.6	manoviññāṇadhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…
vb6:348.7	dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:348.8	Evametassa kevalassa dukkhakkhandhassa samudayo hoti.
vb6:349.0	2.11.3.2. Kāmāvacarakiriyācitta
vb6:349.1	Katame dhammā abyākatā?
vb6:349.2	Yasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā ñāṇasampayuttā …pe…
vb6:349.3	somanassasahagatā ñāṇasampayuttā sasaṅkhārena …pe…
vb6:349.4	somanassasahagatā ñāṇavippayuttā …pe…
vb6:349.5	somanassasahagatā ñāṇavippayuttā sasaṅkhārena …pe…
vb6:349.6	upekkhāsahagatā ñāṇasampayuttā …pe…
vb6:349.7	upekkhāsahagatā ñāṇasampayuttā sasaṅkhārena …pe…
vb6:349.8	upekkhāsahagatā ñāṇavippayuttā …pe…
vb6:349.9	upekkhāsahagatā ñāṇavippayuttā sasaṅkhārena rūpārammaṇā vā …pe…
vb6:349.10	dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:349.11	Evametassa kevalassa dukkhakkhandhassa samudayo hoti.
vb6:350.0	2.11.3.3. Rūpāvacarakiriyācitta
vb6:350.1	Katame dhammā abyākatā?
vb6:350.2	Yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:350.3	Evametassa kevalassa dukkhakkhandhassa samudayo hoti.
vb6:351.0	2.11.3.4. Arūpāvacarakiriyācitta
vb6:351.1	Katame dhammā abyākatā?
vb6:351.2	Yasmiṁ samaye arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:351.3	Evametassa kevalassa dukkhakkhandhassa samudayo hoti.
vb6:351.4	(…)
vb6:352.1	Abyākataniddeso.
vb6:353.0.1	2.12.1. 2.12.1 Avijjāmūlakakusalaniddesa
vb6:353.0.2	2.12.1.1. Mahākusalacitta
vb6:353.1	Katame dhammā kusalā?
vb6:353.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā …pe…
vb6:353.3	dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:353.4	Evametassa kevalassa dukkhakkhandhassa samudayo hoti.
vb6:354.1	Tattha katamo avijjāpaccayā saṅkhāro?
vb6:354.2	Yā cetanā sañcetanā sañcetayitattaṁ—
vb6:354.3	ayaṁ vuccati “avijjāpaccayā saṅkhāro” …pe…
vb6:354.4	ayaṁ vuccati “chaṭṭhāyatanapaccayā phasso”.
vb6:355.1	Tattha katamā phassapaccayā vedanā?
vb6:355.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb6:355.3	ayaṁ vuccati “phassapaccayā vedanā”.
vb6:356.1	Tattha katamo vedanāpaccayā pasādo?
vb6:356.2	Yā saddhā saddahanā okappanā abhippasādo—
vb6:356.3	ayaṁ vuccati “vedanāpaccayā pasādo”.
vb6:357.1	Tattha katamo pasādapaccayā adhimokkho?
vb6:357.2	Yo cittassa adhimokkho adhimuccanā tadadhimuttatā—
vb6:357.3	ayaṁ vuccati “pasādapaccayā adhimokkho”.
vb6:358.1	Tattha katamo adhimokkhapaccayā bhavo?
vb6:358.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:358.3	ayaṁ vuccati “adhimokkhapaccayā bhavo” …pe…
vb6:358.4	tena vuccati “evametassa kevalassa dukkhakkhandhassa samudayo hotī”ti.
vb6:359.1	Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:359.2	Evametassa kevalassa dukkhakkhandhassa samudayo hoti.
vb6:360.1	Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:360.2	Evametassa kevalassa dukkhakkhandhassa samudayo hoti.
vb6:361.1	Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:361.2	Evametassa kevalassa dukkhakkhandhassa samudayo hoti.
vb6:362.0	2.12.1.2. Mahākusalacitta
vb6:362.1	Katame dhammā kusalā?
vb6:362.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…
vb6:362.3	somanassasahagataṁ ñāṇavippayuttaṁ …pe…
vb6:362.4	somanassasahagataṁ ñāṇavippayuttaṁ sasaṅkhārena …pe…
vb6:362.5	upekkhāsahagataṁ ñāṇasampayuttaṁ …pe…
vb6:362.6	upekkhāsahagataṁ ñāṇasampayuttaṁ sasaṅkhārena …pe…
vb6:362.7	upekkhāsahagataṁ ñāṇavippayuttaṁ …pe…
vb6:362.8	upekkhāsahagataṁ ñāṇavippayuttaṁ sasaṅkhārena rūpārammaṇaṁ vā …pe…
vb6:362.9	dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:362.10	Evametassa kevalassa dukkhakkhandhassa samudayo hoti.
vb6:363.0	2.12.2. Rūpāvacarakusalacitta
vb6:363.1	Katame dhammā kusalā?
vb6:363.2	Yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:363.3	Evametassa kevalassa dukkhakkhandhassa samudayo hoti.
vb6:363.4	(…)
vb6:364.0	2.12.3. Arūpāvacarakusalacitta
vb6:364.1	Katame dhammā kusalā?
vb6:364.2	Yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:364.3	Evametassa kevalassa dukkhakkhandhassa samudayo hoti.
vb6:365.0	2.12.4. Lokuttarakusalacitta
vb6:365.1	Katame dhammā kusalā?
vb6:365.2	Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:365.3	Evametesaṁ dhammānaṁ samudayo hoti.
vb6:366.1	Avijjāmūlakakusalaniddeso.
vb6:367.0.1	2.13.1. 2.13.1 Kusalamūlakavipākaniddesa
vb6:367.0.2	2.13.1.1. Cakkhuviññāṇacitta
vb6:367.1	Katame dhammā abyākatā?
vb6:367.2	Yasmiṁ samaye kāmāvacarassa kusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:367.3	Evametassa kevalassa dukkhakkhandhassa samudayo hoti.
vb6:368.1	Tattha katamo kusalamūlapaccayā saṅkhāro?
vb6:368.2	Yā cetanā sañcetanā sañcetayitattaṁ—
vb6:368.3	ayaṁ vuccati “kusalamūlapaccayā saṅkhāro” …pe…
vb6:368.4	tena vuccati “evametassa kevalassa dukkhakkhandhassa samudayo hotī”ti.
vb6:369.0	2.13.1.2. Sotaviññāṇa-upekkhāsantīraṇacitta
vb6:369.1	Katame dhammā abyākatā?
vb6:369.2	Yasmiṁ samaye kāmāvacarassa kusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…
vb6:369.3	ghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…
vb6:369.4	jivhāviññāṇaṁ uppannaṁ hoti upekkhāsahagataṁ rasārammaṇaṁ …pe…
vb6:369.5	kāyaviññāṇaṁ uppannaṁ hoti sukhasahagataṁ phoṭṭhabbārammaṇaṁ …pe…
vb6:369.6	manodhātu uppannā hoti upekkhāsahagatā rūpārammaṇā vā …pe…
vb6:369.7	phoṭṭhabbārammaṇā vā …pe…
vb6:369.8	manoviññāṇadhātu uppannā hoti somanassasahagatā rūpārammaṇā vā …pe…
vb6:369.9	dhammārammaṇā vā …pe…
vb6:369.10	manoviññāṇadhātu uppannā hoti upekkhāsahagatā rūpārammaṇā vā …pe…
vb6:369.11	dhammārammaṇā vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:369.12	Evametassa kevalassa dukkhakkhandhassa samudayo hoti.
vb6:369.13	(…)
vb6:370.0	2.13.2. Kāmāvacaravipākacitta
vb6:370.1	Katame dhammā abyākatā?
vb6:370.2	Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā …pe…
vb6:370.3	somanassasahagatā ñāṇasampayuttā sasaṅkhārena …pe…
vb6:370.4	somanassasahagatā ñāṇavippayuttā …pe…
vb6:370.5	somanassasahagatā ñāṇavippayuttā sasaṅkhārena …pe…
vb6:370.6	upekkhāsahagatā ñāṇasampayuttā …pe…
vb6:370.7	upekkhāsahagatā ñāṇasampayuttā sasaṅkhārena …pe…
vb6:370.8	upekkhāsahagatā ñāṇavippayuttā …pe…
vb6:370.9	upekkhāsahagatā ñāṇavippayuttā sasaṅkhārena rūpārammaṇā vā …pe…
vb6:370.10	dhammārammaṇā vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:370.11	Evametassa kevalassa dukkhakkhandhassa samudayo hoti.
vb6:371.0	2.13.3. Rūpāvacaravipākacitta
vb6:371.1	Katame dhammā abyākatā?
vb6:371.2	Yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti—
vb6:371.3	ime dhammā kusalā.
vb6:372.1	Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:372.2	Evametassa kevalassa dukkhakkhandhassa samudayo hoti.
vb6:373.0	2.13.4. Arūpāvacaravipākacitta
vb6:373.1	Katame dhammā abyākatā?
vb6:373.2	Yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti—
vb6:373.3	ime dhammā kusalā.
vb6:374.1	Tasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:374.2	Evametassa kevalassa dukkhakkhandhassa samudayo hoti.
vb6:375.0	2.13.5. Lokuttaravipākacitta
vb6:375.1	Katame dhammā abyākatā?
vb6:375.2	Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti—
vb6:375.3	ime dhammā kusalā.
vb6:376.1	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:376.2	Evametesaṁ dhammānaṁ samudayo hoti.
vb6:376.3	(…)
vb6:377.1	Kusalamūlakavipākaniddeso.
vb6:378.0.1	2.14. 2.14 Akusalamūlakavipākaniddesa
vb6:378.0.2	2.14.1. Cakkhuviññāṇacitta
vb6:378.1	Katame dhammā abyākatā?
vb6:378.2	Yasmiṁ samaye akusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye akusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.
vb6:378.3	Evametassa kevalassa dukkhakkhandhassa samudayo hoti.
vb6:379.1	Tattha katamo akusalamūlapaccayā saṅkhāro?
vb6:379.2	Yā cetanā sañcetanā sañcetayitattaṁ—
vb6:379.3	ayaṁ vuccati “akusalamūlapaccayā saṅkhāro” …pe…
vb6:379.4	tena vuccati “evametassa kevalassa dukkhakkhandhassa samudayo hotī”ti.
vb6:380.0	2.14.2. Sotaviññāṇa-sampaṭicchanacitta
vb6:380.1	Katame dhammā abyākatā?
vb6:380.2	Yasmiṁ samaye akusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…
vb6:380.3	ghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…
vb6:380.4	jivhāviññāṇaṁ uppannaṁ hoti upekkhāsahagataṁ rasārammaṇaṁ …pe…
vb6:380.5	kāyaviññāṇaṁ uppannaṁ hoti dukkhasahagataṁ phoṭṭhabbārammaṇaṁ …pe…
vb6:380.6	manodhātu uppannā hoti upekkhāsahagatā rūpārammaṇā vā …pe…
vb6:380.7	phoṭṭhabbārammaṇā vā yaṁ yaṁ vā panārabbha, tasmiṁ samaye akusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:380.8	Evametassa kevalassa dukkhakkhandhassa samudayo hoti.
vb6:381.0	2.14.3. Upekkhāsantīraṇacitta
vb6:381.1	Katame dhammā abyākatā?
vb6:381.2	Yasmiṁ samaye akusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā …pe…
vb6:381.3	dhammārammaṇā vā yaṁ yaṁ vā panārabbha, tasmiṁ samaye akusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.
vb6:381.4	Evametassa kevalassa dukkhakkhandhassa samudayo hoti.
vb6:382.1	Tattha katamo akusalamūlapaccayā saṅkhāro?
vb6:382.2	Yā cetanā sañcetanā sañcetayitattaṁ—
vb6:382.3	ayaṁ vuccati “akusalamūlapaccayā saṅkhāro”.
vb6:383.1	Tattha katamaṁ saṅkhārapaccayā viññāṇaṁ?
vb6:383.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:383.3	idaṁ vuccati “saṅkhārapaccayā viññāṇaṁ”.
vb6:384.1	Tattha katamaṁ viññāṇapaccayā nāmaṁ?
vb6:384.2	Vedanākkhandho, saññākkhandho, saṅkhārakkhandho—
vb6:384.3	idaṁ vuccati “viññāṇapaccayā nāmaṁ”.
vb6:385.1	Tattha katamaṁ nāmapaccayā chaṭṭhāyatanaṁ?
vb6:385.2	Yaṁ cittaṁ mano mānasaṁ …pe… tajjāmanoviññāṇadhātu—
vb6:385.3	idaṁ vuccati “nāmapaccayā chaṭṭhāyatanaṁ”.
vb6:386.1	Tattha katamo chaṭṭhāyatanapaccayā phasso?
vb6:386.2	Yo phasso phusanā samphusanā samphusitattaṁ—
vb6:386.3	ayaṁ vuccati “chaṭṭhāyatanapaccayā phasso”.
vb6:387.1	Tattha katamā phassapaccayā vedanā?
vb6:387.2	Yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb6:387.3	ayaṁ vuccati “phassapaccayā vedanā”.
vb6:388.1	Tattha katamo vedanāpaccayā adhimokkho?
vb6:388.2	Yo cittassa adhimokkho adhimuccanā tadadhimuttatā—
vb6:388.3	ayaṁ vuccati “vedanāpaccayā adhimokkho”.
vb6:389.1	Tattha katamo adhimokkhapaccayā bhavo?
vb6:389.2	Ṭhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—
vb6:389.3	ayaṁ vuccati “adhimokkhapaccayā bhavo”.
vb6:390.1	Tattha katamā bhavapaccayā jāti?
vb6:390.2	Yā tesaṁ tesaṁ dhammānaṁ jāti sañjāti nibbatti abhinibbatti pātubhāvo—
vb6:390.3	ayaṁ vuccati “bhavapaccayā jāti”.
vb6:391.1	Tattha katamaṁ jātipaccayā jarāmaraṇaṁ?
vb6:391.2	Atthi jarā, atthi maraṇaṁ.
vb6:391.3	Tattha katamā jarā?
vb6:391.4	Yā tesaṁ tesaṁ dhammānaṁ jarā jīraṇatā āyuno saṁhāni—
vb6:391.5	ayaṁ vuccati “jarā”.
vb6:391.6	Tattha katamaṁ maraṇaṁ?
vb6:391.7	Yo tesaṁ tesaṁ dhammānaṁ khayo vayo bhedo paribhedo aniccatā antaradhānaṁ—
vb6:391.8	idaṁ vuccati “maraṇaṁ”.
vb6:391.9	Iti ayañca jarā, idañca maraṇaṁ.
vb6:391.10	Idaṁ vuccati “jātipaccayā jarāmaraṇaṁ”.
vb6:392.1	Evametassa kevalassa dukkhakkhandhassa samudayo hotīti.
vb6:392.2	Evametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.
vb6:392.3	Tena vuccati “evametassa kevalassa dukkhakkhandhassa samudayo hotī”ti.
vb6:393.1	Akusalamūlakavipākaniddeso.
vb6:393.2	Abhidhammabhājanīyaṁ.
vb6:394.1	Paṭiccasamuppādavibhaṅgo niṭṭhito.
vb7:0.1	Vibhaṅga
vb7:0.2	Satipaṭṭhānavibhaṅga
vb7:1.0	1. Suttantabhājanīya
vb7:1.1	Cattāro satipaṭṭhānā—
vb7:1.2	idha bhikkhu ajjhattaṁ kāye kāyānupassī viharati bahiddhā kāye kāyānupassī viharati ajjhattabahiddhā kāye kāyānupassī viharati ātāpī sampajāno satimā vineyya loke abhijjhādomanassaṁ, ajjhattaṁ vedanāsu vedanānupassī viharati bahiddhā vedanāsu vedanānupassī viharati ajjhattabahiddhā vedanāsu vedanānupassī viharati ātāpī sampajāno satimā vineyya loke abhijjhādomanassaṁ, ajjhattaṁ citte cittānupassī viharati bahiddhā citte cittānupassī viharati ajjhattabahiddhā citte cittānupassī viharati ātāpī sampajāno satimā vineyya loke abhijjhādomanassaṁ, ajjhattaṁ dhammesu dhammānupassī viharati bahiddhā dhammesu dhammānupassī viharati ajjhattabahiddhā dhammesu dhammānupassī viharati ātāpī sampajāno satimā vineyya loke abhijjhādomanassaṁ.
vb7:2.0	1.1. Kāyānupassanāniddesa
vb7:2.1	Kathañca bhikkhu ajjhattaṁ kāye kāyānupassī viharati?
vb7:2.2	Idha bhikkhu ajjhattaṁ kāyaṁ uddhaṁ pādatalā adho kesamatthakā tacapariyantaṁ pūraṁ nānappakārassa asucino paccavekkhati—
vb7:2.3	“atthi imasmiṁ kāye kesā lomā nakhā dantā taco, maṁsaṁ nhāru aṭṭhi aṭṭhimiñjaṁ vakkaṁ, hadayaṁ yakanaṁ kilomakaṁ pihakaṁ papphāsaṁ, antaṁ antaguṇaṁ udariyaṁ karīsaṁ, pittaṁ semhaṁ pubbo lohitaṁ sedo medo, assu vasā kheḷo siṅghāṇikā lasikā muttan”ti.
vb7:2.4	So taṁ nimittaṁ āsevati bhāveti bahulīkaroti, svāvatthitaṁ vavatthapeti.
vb7:2.5	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā bahiddhā kāye cittaṁ upasaṁharati.
vb7:3.1	Kathañca bhikkhu bahiddhā kāye kāyānupassī viharati?
vb7:3.2	Idha bhikkhu bahiddhā kāyaṁ uddhaṁ pādatalā adho kesamatthakā tacapariyantaṁ pūraṁ nānappakārassa asucino paccavekkhati—
vb7:3.3	“atthissa kāye kesā lomā nakhā dantā taco, maṁsaṁ nhāru aṭṭhi aṭṭhimiñjaṁ vakkaṁ, hadayaṁ yakanaṁ kilomakaṁ pihakaṁ papphāsaṁ, antaṁ antaguṇaṁ udariyaṁ karīsaṁ, pittaṁ semhaṁ pubbo lohitaṁ sedo medo, assu vasā kheḷo siṅghāṇikā lasikā muttan”ti.
vb7:3.4	So taṁ nimittaṁ āsevati bhāveti bahulīkaroti, svāvatthitaṁ vavatthapeti.
vb7:3.5	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā ajjhattabahiddhā kāye cittaṁ upasaṁharati.
vb7:4.1	Kathañca bhikkhu ajjhattabahiddhā kāye kāyānupassī viharati?
vb7:4.2	Idha bhikkhu ajjhattabahiddhā kāyaṁ uddhaṁ pādatalā adho kesamatthakā tacapariyantaṁ pūraṁ nānappakārassa asucino paccavekkhati—
vb7:4.3	“atthi imasmiṁ kāye kesā lomā nakhā dantā taco, maṁsaṁ nhāru aṭṭhi aṭṭhimiñjaṁ vakkaṁ, hadayaṁ yakanaṁ kilomakaṁ pihakaṁ papphāsaṁ, antaṁ antaguṇaṁ udariyaṁ karīsaṁ, pittaṁ semhaṁ pubbo lohitaṁ sedo medo, assu vasā kheḷo siṅghāṇikā lasikā muttan”ti.
vb7:4.4	Evaṁ bhikkhu ajjhattabahiddhā kāye kāyānupassī viharati ātāpī sampajāno satimā vineyya loke abhijjhādomanassaṁ.
vb7:5.1	“Anupassī”ti.
vb7:5.2	Tattha katamā anupassanā?
vb7:5.3	Yā paññā pajānanā …pe… amoho dhammavicayo sammādiṭṭhi—
vb7:5.4	ayaṁ vuccati “anupassanā”.
vb7:5.5	Imāya anupassanāya upeto hoti samupeto upāgato samupāgato upapanno sampanno samannāgato.
vb7:5.6	Tena vuccati “anupassī”ti.
vb7:6.1	“Viharatī”ti.
vb7:6.2	Iriyati vattati pāleti yapeti yāpeti carati viharati.
vb7:6.3	Tena vuccati “viharatī”ti.
vb7:7.1	“Ātāpī”ti.
vb7:7.2	Tattha katamo ātāpo?
vb7:7.3	Yo cetasiko vīriyārambho …pe… sammāvāyāmo—
vb7:7.4	ayaṁ vuccati “ātāpo”.
vb7:7.5	Iminā ātāpena upeto hoti samupeto upāgato samupāgato upapanno sampanno samannāgato.
vb7:7.6	Tena vuccati “ātāpī”ti.
vb7:8.1	“Sampajāno”ti.
vb7:8.2	Tattha katamaṁ sampajaññaṁ?
vb7:8.3	Yā paññā pajānanā …pe… amoho dhammavicayo sammādiṭṭhi—
vb7:8.4	idaṁ vuccati “sampajaññaṁ”.
vb7:8.5	Iminā sampajaññena upeto hoti samupeto upāgato samupāgato upapanno sampanno samannāgato.
vb7:8.6	Tena vuccati “sampajāno”ti.
vb7:9.1	“Satimā”ti.
vb7:9.2	Tattha katamā sati?
vb7:9.3	Yā sati anussati …pe… sammāsati—
vb7:9.4	ayaṁ vuccati “sati”.
vb7:9.5	Imāya satiyā upeto hoti samupeto upāgato samupāgato upapanno sampanno samannāgato.
vb7:9.6	Tena vuccati “satimā”ti.
vb7:10.1	“Vineyya loke abhijjhādomanassan”ti.
vb7:10.2	Tattha katamo loko?
vb7:10.3	Sveva kāyo loko.
vb7:10.4	Pañcapi upādānakkhandhā loko.
vb7:10.5	Ayaṁ vuccati “loko”.
vb7:10.6	Tattha katamā abhijjhā?
vb7:10.7	Yo rāgo sārāgo …pe… cittassa sārāgo—
vb7:10.8	ayaṁ vuccati “abhijjhā”.
vb7:10.9	Tattha katamaṁ domanassaṁ?
vb7:10.10	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb7:10.11	idaṁ vuccati “domanassaṁ”.
vb7:10.12	Iti ayañca abhijjhā idañca domanassaṁ imamhi loke vinītā honti paṭivinītā santā samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb7:10.13	Tena vuccati “vineyya loke abhijjhādomanassan”ti.
vb7:11.1	Kāyānupassanāniddeso.
vb7:12.0	1.2. Vedanānupassanāniddesa
vb7:12.1	Kathañca bhikkhu ajjhattaṁ vedanāsu vedanānupassī viharati?
vb7:12.2	Idha bhikkhu sukhaṁ vedanaṁ vedayamāno “sukhaṁ vedanaṁ vedayāmī”ti pajānāti, dukkhaṁ vedanaṁ vedayamāno “dukkhaṁ vedanaṁ vedayāmī”ti pajānāti, adukkhamasukhaṁ vedanaṁ vedayamāno “adukkhamasukhaṁ vedanaṁ vedayāmī”ti pajānāti, sāmisaṁ vā sukhaṁ vedanaṁ vedayamāno “sāmisaṁ sukhaṁ vedanaṁ vedayāmī”ti pajānāti, nirāmisaṁ vā sukhaṁ vedanaṁ vedayamāno “nirāmisaṁ sukhaṁ vedanaṁ vedayāmī”ti pajānāti, sāmisaṁ vā dukkhaṁ vedanaṁ vedayamāno “sāmisaṁ dukkhaṁ vedanaṁ vedayāmī”ti pajānāti, nirāmisaṁ vā dukkhaṁ vedanaṁ vedayamāno “nirāmisaṁ dukkhaṁ vedanaṁ vedayāmī”ti pajānāti, sāmisaṁ vā adukkhamasukhaṁ vedanaṁ vedayamāno “sāmisaṁ adukkhamasukhaṁ vedanaṁ vedayāmī”ti pajānāti, nirāmisaṁ vā adukkhamasukhaṁ vedanaṁ vedayamāno “nirāmisaṁ adukkhamasukhaṁ vedanaṁ vedayāmī”ti pajānāti.
vb7:12.3	So taṁ nimittaṁ āsevati bhāveti bahulīkaroti svāvatthitaṁ vavatthapeti.
vb7:12.4	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā bahiddhā vedanāsu cittaṁ upasaṁharati.
vb7:13.1	Kathañca bhikkhu bahiddhā vedanāsu vedanānupassī viharati?
vb7:13.2	Idha bhikkhu sukhaṁ vedanaṁ vedayamānaṁ “sukhaṁ vedanaṁ vedayatī”ti pajānāti, dukkhaṁ vedanaṁ vedayamānaṁ “dukkhaṁ vedanaṁ vedayatī”ti pajānāti, adukkhamasukhaṁ vedanaṁ vedayamānaṁ “adukkhamasukhaṁ vedanaṁ vedayatī”ti pajānāti, sāmisaṁ vā sukhaṁ vedanaṁ vedayamānaṁ “sāmisaṁ sukhaṁ vedanaṁ vedayatī”ti pajānāti, nirāmisaṁ vā sukhaṁ vedanaṁ vedayamānaṁ “nirāmisaṁ sukhaṁ vedanaṁ vedayatī”ti pajānāti, sāmisaṁ vā dukkhaṁ vedanaṁ vedayamānaṁ “sāmisaṁ dukkhaṁ vedanaṁ vedayatī”ti pajānāti, nirāmisaṁ vā dukkhaṁ vedanaṁ vedayamānaṁ “nirāmisaṁ dukkhaṁ vedanaṁ vedayatī”ti pajānāti, sāmisaṁ vā adukkhamasukhaṁ vedanaṁ vedayamānaṁ “sāmisaṁ adukkhamasukhaṁ vedanaṁ vedayatī”ti pajānāti, nirāmisaṁ vā adukkhamasukhaṁ vedanaṁ vedayamānaṁ “nirāmisaṁ adukkhamasukhaṁ vedanaṁ vedayatī”ti pajānāti.
vb7:13.3	So taṁ nimittaṁ āsevati bhāveti bahulīkaroti svāvatthitaṁ vavatthapeti.
vb7:13.4	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā ajjhattabahiddhā vedanāsu cittaṁ upasaṁharati.
vb7:14.1	Kathañca bhikkhu ajjhattabahiddhā vedanāsu vedanānupassī viharati?
vb7:14.2	Idha bhikkhu sukhaṁ vedanaṁ “sukhā vedanā”ti pajānāti, dukkhaṁ vedanaṁ “dukkhā vedanā”ti pajānāti, adukkhamasukhaṁ vedanaṁ “adukkhamasukhā vedanā”ti pajānāti, sāmisaṁ vā sukhaṁ vedanaṁ “sāmisā sukhā vedanā”ti pajānāti, nirāmisaṁ vā sukhaṁ vedanaṁ “nirāmisā sukhā vedanā”ti pajānāti, sāmisaṁ vā dukkhaṁ vedanaṁ “sāmisā dukkhā vedanā”ti pajānāti, nirāmisaṁ vā dukkhaṁ vedanaṁ “nirāmisā dukkhā vedanā”ti pajānāti, sāmisaṁ vā adukkhamasukhaṁ vedanaṁ “sāmisā adukkhamasukhā vedanā”ti pajānāti, nirāmisaṁ vā adukkhamasukhaṁ vedanaṁ “nirāmisā adukkhamasukhā vedanā”ti pajānāti.
vb7:14.3	Evaṁ bhikkhu ajjhattabahiddhā vedanāsu vedanānupassī viharati ātāpī sampajāno satimā vineyya loke abhijjhādomanassaṁ.
vb7:15.1	“Anupassī”ti …pe…
vb7:15.2	“viharatī”ti …pe…
vb7:15.3	“ātāpī”ti …pe…
vb7:15.4	“sampajāno”ti …pe…
vb7:15.5	“satimā”ti …pe…
vb7:15.6	“vineyya loke abhijjhādomanassan”ti.
vb7:15.7	Tattha katamo loko?
vb7:15.8	Sāyeva vedanā loko.
vb7:15.9	Pañcapi upādānakkhandhā loko.
vb7:15.10	Ayaṁ vuccati “loko”.
vb7:15.11	Tattha katamā abhijjhā?
vb7:15.12	Yo rāgo sārāgo …pe… cittassa sārāgo—
vb7:15.13	ayaṁ vuccati “abhijjhā”.
vb7:15.14	Tattha katamaṁ domanassaṁ?
vb7:15.15	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb7:15.16	idaṁ vuccati “domanassaṁ”.
vb7:15.17	Iti ayañca abhijjhā idañca domanassaṁ imamhi loke vinītā honti paṭivinītā santā samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb7:15.18	Tena vuccati “vineyya loke abhijjhādomanassan”ti.
vb7:16.1	Vedanānupassanāniddeso.
vb7:17.0	1.3. Cittānupassanāniddesa
vb7:17.1	Kathañca bhikkhu ajjhattaṁ citte cittānupassī viharati?
vb7:17.2	Idha bhikkhu sarāgaṁ vā cittaṁ “sarāgaṁ me cittan”ti pajānāti, vītarāgaṁ vā cittaṁ “vītarāgaṁ me cittan”ti pajānāti, sadosaṁ vā cittaṁ “sadosaṁ me cittan”ti pajānāti, vītadosaṁ vā cittaṁ “vītadosaṁ me cittan”ti pajānāti, samohaṁ vā cittaṁ “samohaṁ me cittan”ti pajānāti, vītamohaṁ vā cittaṁ “vītamohaṁ me cittan”ti pajānāti, saṅkhittaṁ vā cittaṁ “saṅkhittaṁ me cittan”ti pajānāti, vikkhittaṁ vā cittaṁ “vikkhittaṁ me cittan”ti pajānāti, mahaggataṁ vā cittaṁ “mahaggataṁ me cittan”ti pajānāti, amahaggataṁ vā cittaṁ “amahaggataṁ me cittan”ti pajānāti, sauttaraṁ vā cittaṁ “sauttaraṁ me cittan”ti pajānāti, anuttaraṁ vā cittaṁ “anuttaraṁ me cittan”ti pajānāti, samāhitaṁ vā cittaṁ “samāhitaṁ me cittan”ti pajānāti, asamāhitaṁ vā cittaṁ “asamāhitaṁ me cittan”ti pajānāti, vimuttaṁ vā cittaṁ “vimuttaṁ me cittan”ti pajānāti, avimuttaṁ vā cittaṁ “avimuttaṁ me cittan”ti pajānāti.
vb7:17.3	So taṁ nimittaṁ āsevati bhāveti bahulīkaroti svāvatthitaṁ vavatthapeti.
vb7:17.4	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā bahiddhā citte cittaṁ upasaṁharati.
vb7:18.1	Kathañca bhikkhu bahiddhā citte cittānupassī viharati?
vb7:18.2	Idha bhikkhu sarāgaṁ vāssa cittaṁ “sarāgamassa cittan”ti pajānāti, vītarāgaṁ vāssa cittaṁ “vītarāgamassa cittan”ti pajānāti, sadosaṁ vāssa cittaṁ “sadosamassa cittan”ti pajānāti, vītadosaṁ vāssa cittaṁ “vītadosamassa cittan”ti pajānāti, samohaṁ vāssa cittaṁ “samohamassa cittan”ti pajānāti, vītamohaṁ vāssa cittaṁ “vītamohamassa cittan”ti pajānāti, saṅkhittaṁ vāssa cittaṁ “saṅkhittamassa cittan”ti pajānāti, vikkhittaṁ vāssa cittaṁ “vikkhittamassa cittan”ti pajānāti, mahaggataṁ vāssa cittaṁ “mahaggatamassa cittan”ti pajānāti, amahaggataṁ vāssa cittaṁ “amahaggatamassa cittan”ti pajānāti, sauttaraṁ vāssa cittaṁ “sauttaramassa cittan”ti pajānāti, anuttaraṁ vāssa cittaṁ “anuttaramassa cittan”ti pajānāti, samāhitaṁ vāssa cittaṁ “samāhitamassa cittan”ti pajānāti, asamāhitaṁ vāssa cittaṁ “asamāhitamassa cittan”ti pajānāti, vimuttaṁ vāssa cittaṁ “vimuttamassa cittan”ti pajānāti, avimuttaṁ vāssa cittaṁ “avimuttamassa cittan”ti pajānāti.
vb7:18.3	So taṁ nimittaṁ āsevati bhāveti bahulīkaroti svāvatthitaṁ vavatthapeti.
vb7:18.4	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā ajjhattabahiddhā citte cittaṁ upasaṁharati.
vb7:19.1	Kathañca bhikkhu ajjhattabahiddhā citte cittānupassī viharati?
vb7:19.2	Idha bhikkhu sarāgaṁ vā cittaṁ “sarāgaṁ cittan”ti pajānāti, vītarāgaṁ vā cittaṁ “vītarāgaṁ cittan”ti pajānāti, sadosaṁ vā cittaṁ “sadosaṁ cittan”ti pajānāti, vītadosaṁ vā cittaṁ “vītadosaṁ cittan”ti pajānāti, samohaṁ vā cittaṁ “samohaṁ cittan”ti pajānāti, vītamohaṁ vā cittaṁ “vītamohaṁ cittan”ti pajānāti, saṅkhittaṁ vā cittaṁ “saṅkhittaṁ cittan”ti pajānāti, vikkhittaṁ vā cittaṁ “vikkhittaṁ cittan”ti pajānāti, mahaggataṁ vā cittaṁ “mahaggataṁ cittan”ti pajānāti, amahaggataṁ vā cittaṁ “amahaggataṁ cittan”ti pajānāti, sauttaraṁ vā cittaṁ “sauttaraṁ cittan”ti pajānāti, anuttaraṁ vā cittaṁ “anuttaraṁ cittan”ti pajānāti, samāhitaṁ vā cittaṁ “samāhitaṁ cittan”ti pajānāti, asamāhitaṁ vā cittaṁ “asamāhitaṁ cittan”ti pajānāti, vimuttaṁ vā cittaṁ “vimuttaṁ cittan”ti pajānāti, avimuttaṁ vā cittaṁ “avimuttaṁ cittan”ti pajānāti.
vb7:19.3	Evaṁ bhikkhu ajjhattabahiddhā citte cittānupassī viharati ātāpī sampajāno satimā vineyya loke abhijjhādomanassaṁ.
vb7:20.1	“Anupassī”ti …pe…
vb7:20.2	“viharatī”ti …pe…
vb7:20.3	“ātāpī”ti …pe…
vb7:20.4	“sampajāno”ti …pe…
vb7:20.5	“satimā”ti …pe…
vb7:20.6	“vineyya loke abhijjhādomanassan”ti.
vb7:20.7	Tattha katamo loko?
vb7:20.8	Taṁyeva cittaṁ loko.
vb7:20.9	Pañcapi upādānakkhandhā loko.
vb7:20.10	Tattha katamā abhijjhā?
vb7:20.11	Yo rāgo sārāgo …pe… cittassa sārāgo—
vb7:20.12	ayaṁ vuccati “abhijjhā”.
vb7:20.13	Tattha katamaṁ domanassaṁ?
vb7:20.14	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb7:20.15	idaṁ vuccati “domanassaṁ”.
vb7:20.16	Iti ayañca abhijjhā idañca domanassaṁ imamhi loke vinītā honti paṭivinītā santā samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb7:20.17	Tena vuccati “vineyya loke abhijjhādomanassan”ti.
vb7:21.1	Cittānupassanāniddeso.
vb7:22.0	1.4. Dhammānupassanāniddesa
vb7:22.1	Kathañca bhikkhu ajjhattaṁ dhammesu dhammānupassī viharati?
vb7:22.2	Idha bhikkhu santaṁ vā ajjhattaṁ kāmacchandaṁ “atthi me ajjhattaṁ kāmacchando”ti pajānāti, asantaṁ vā ajjhattaṁ kāmacchandaṁ “natthi me ajjhattaṁ kāmacchando”ti pajānāti, yathā ca anuppannassa kāmacchandassa uppādo hoti tañca pajānāti, yathā ca uppannassa kāmacchandassa pahānaṁ hoti tañca pajānāti, yathā ca pahīnassa kāmacchandassa āyatiṁ anuppādo hoti tañca pajānāti.
vb7:22.3	Santaṁ vā ajjhattaṁ byāpādaṁ …pe…
vb7:22.4	santaṁ vā ajjhattaṁ thinamiddhaṁ …pe…
vb7:22.5	santaṁ vā ajjhattaṁ uddhaccakukkuccaṁ …pe…
vb7:22.6	santaṁ vā ajjhattaṁ vicikicchaṁ “atthi me ajjhattaṁ vicikicchā”ti pajānāti, asantaṁ vā ajjhattaṁ vicikicchaṁ “natthi me ajjhattaṁ vicikicchā”ti pajānāti, yathā ca anuppannāya vicikicchāya uppādo hoti tañca pajānāti, yathā ca uppannāya vicikicchāya pahānaṁ hoti tañca pajānāti, yathā ca pahīnāya vicikicchāya āyatiṁ anuppādo hoti tañca pajānāti.
vb7:23.1	Santaṁ vā ajjhattaṁ satisambojjhaṅgaṁ “atthi me ajjhattaṁ satisambojjhaṅgo”ti pajānāti, asantaṁ vā ajjhattaṁ satisambojjhaṅgaṁ “natthi me ajjhattaṁ satisambojjhaṅgo”ti pajānāti, yathā ca anuppannassa satisambojjhaṅgassa uppādo hoti tañca pajānāti, yathā ca uppannassa satisambojjhaṅgassa bhāvanāya pāripūrī hoti tañca pajānāti, santaṁ vā ajjhattaṁ dhammavicayasambojjhaṅgaṁ …pe…
vb7:23.2	santaṁ vā ajjhattaṁ vīriyasambojjhaṅgaṁ …pe…
vb7:23.3	santaṁ vā ajjhattaṁ pītisambojjhaṅgaṁ …pe…
vb7:23.4	santaṁ vā ajjhattaṁ passaddhisambojjhaṅgaṁ …pe…
vb7:23.5	santaṁ vā ajjhattaṁ samādhisambojjhaṅgaṁ …pe…
vb7:23.6	santaṁ vā ajjhattaṁ upekkhāsambojjhaṅgaṁ “atthi me ajjhattaṁ upekkhāsambojjhaṅgo”ti pajānāti, asantaṁ vā ajjhattaṁ upekkhāsambojjhaṅgaṁ “natthi me ajjhattaṁ upekkhāsambojjhaṅgo”ti pajānāti, yathā ca anuppannassa upekkhāsambojjhaṅgassa uppādo hoti tañca pajānāti, yathā ca uppannassa upekkhāsambojjhaṅgassa bhāvanāya pāripūrī hoti, tañca pajānāti.
vb7:23.7	So taṁ nimittaṁ āsevati bhāveti bahulīkaroti, svāvatthitaṁ vavatthapeti.
vb7:23.8	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā bahiddhā dhammesu cittaṁ upasaṁharati.
vb7:24.1	Kathañca bhikkhu bahiddhā dhammesu dhammānupassī viharati?
vb7:24.2	Idha bhikkhu santaṁ vāssa kāmacchandaṁ “atthissa kāmacchando”ti pajānāti, asantaṁ vāssa kāmacchandaṁ “natthissa kāmacchando”ti pajānāti, yathā ca anuppannassa kāmacchandassa uppādo hoti tañca pajānāti, yathā ca uppannassa kāmacchandassa pahānaṁ hoti tañca pajānāti, yathā ca pahīnassa kāmacchandassa āyatiṁ anuppādo hoti tañca pajānāti.
vb7:24.3	Santaṁ vāssa byāpādaṁ …pe…
vb7:24.4	santaṁ vāssa thinamiddhaṁ …pe…
vb7:24.5	santaṁ vāssa uddhaccakukkuccaṁ …pe…
vb7:24.6	santaṁ vāssa vicikicchaṁ “atthissa vicikicchā”ti pajānāti, asantaṁ vāssa vicikicchaṁ “natthissa vicikicchā”ti pajānāti, yathā ca anuppannāya vicikicchāya uppādo hoti tañca pajānāti, yathā ca uppannāya vicikicchāya pahānaṁ hoti tañca pajānāti, yathā ca pahīnāya vicikicchāya āyatiṁ anuppādo hoti tañca pajānāti.
vb7:25.1	Santaṁ vāssa satisambojjhaṅgaṁ “atthissa satisambojjhaṅgo”ti pajānāti, asantaṁ vāssa satisambojjhaṅgaṁ “natthissa satisambojjhaṅgo”ti pajānāti, yathā ca anuppannassa satisambojjhaṅgassa uppādo hoti tañca pajānāti, yathā ca uppannassa satisambojjhaṅgassa bhāvanāya pāripūrī hoti tañca pajānāti.
vb7:25.2	Santaṁ vāssa dhammavicayasambojjhaṅgaṁ …pe…
vb7:25.3	santaṁ vāssa vīriyasambojjhaṅgaṁ …pe…
vb7:25.4	santaṁ vāssa pītisambojjhaṅgaṁ …pe…
vb7:25.5	santaṁ vāssa passaddhisambojjhaṅgaṁ …pe…
vb7:25.6	santaṁ vāssa samādhisambojjhaṅgaṁ …pe…
vb7:25.7	santaṁ vāssa upekkhāsambojjhaṅgaṁ “atthissa upekkhāsambojjhaṅgo”ti pajānāti, asantaṁ vāssa upekkhāsambojjhaṅgaṁ “natthissa upekkhāsambojjhaṅgo”ti pajānāti, yathā ca anuppannassa upekkhāsambojjhaṅgassa uppādo hoti tañca pajānāti, yathā ca uppannassa upekkhāsambojjhaṅgassa bhāvanāya pāripūrī hoti tañca pajānāti.
vb7:25.8	So taṁ nimittaṁ āsevati bhāveti bahulīkaroti, svāvatthitaṁ vavatthapeti.
vb7:25.9	So taṁ nimittaṁ āsevitvā bhāvetvā bahulīkaritvā svāvatthitaṁ vavatthapetvā ajjhattabahiddhā dhammesu cittaṁ upasaṁharati.
vb7:26.1	Kathañca bhikkhu ajjhattabahiddhā dhammesu dhammānupassī viharati?
vb7:26.2	Idha bhikkhu santaṁ vā kāmacchandaṁ “atthi kāmacchando”ti pajānāti, asantaṁ vā kāmacchandaṁ “natthi kāmacchando”ti pajānāti, yathā ca anuppannassa kāmacchandassa uppādo hoti tañca pajānāti, yathā ca uppannassa kāmacchandassa pahānaṁ hoti tañca pajānāti, yathā ca pahīnassa kāmacchandassa āyatiṁ anuppādo hoti tañca pajānāti.
vb7:26.3	Santaṁ vā byāpādaṁ …pe…
vb7:26.4	santaṁ vā thinamiddhaṁ …pe…
vb7:26.5	santaṁ vā uddhaccakukkuccaṁ …pe…
vb7:26.6	santaṁ vā vicikicchaṁ “atthi vicikicchā”ti pajānāti, asantaṁ vā vicikicchaṁ “natthi vicikicchā”ti pajānāti, yathā ca anuppannāya vicikicchāya uppādo hoti tañca pajānāti, yathā ca uppannāya vicikicchāya pahānaṁ hoti tañca pajānāti, yathā ca pahīnāya vicikicchāya āyatiṁ anuppādo hoti tañca pajānāti.
vb7:27.1	Santaṁ vā satisambojjhaṅgaṁ “atthi satisambojjhaṅgo”ti pajānāti, asantaṁ vā satisambojjhaṅgaṁ “natthi satisambojjhaṅgo”ti pajānāti, yathā ca anuppannassa satisambojjhaṅgassa uppādo hoti tañca pajānāti, yathā ca uppannassa satisambojjhaṅgassa bhāvanāya pāripūrī hoti tañca pajānāti.
vb7:27.2	Santaṁ vā dhammavicayasambojjhaṅgaṁ …pe…
vb7:27.3	santaṁ vā vīriyasambojjhaṅgaṁ …pe…
vb7:27.4	santaṁ vā pītisambojjhaṅgaṁ …pe…
vb7:27.5	santaṁ vā passaddhisambojjhaṅgaṁ …pe…
vb7:27.6	santaṁ vā samādhisambojjhaṅgaṁ …pe…
vb7:27.7	santaṁ vā upekkhāsambojjhaṅgaṁ “atthi upekkhāsambojjhaṅgo”ti pajānāti, asantaṁ vā upekkhāsambojjhaṅgaṁ “natthi upekkhāsambojjhaṅgo”ti pajānāti, yathā ca anuppannassa upekkhāsambojjhaṅgassa uppādo hoti tañca pajānāti, yathā ca uppannassa upekkhāsambojjhaṅgassa bhāvanāya pāripūrī hoti tañca pajānāti.
vb7:27.8	Evaṁ bhikkhu ajjhattabahiddhā dhammesu dhammānupassī viharati ātāpī sampajāno satimā vineyya loke abhijjhādomanassaṁ.
vb7:28.1	“Anupassī”ti.
vb7:28.2	Tattha katamā anupassanā?
vb7:28.3	Yā paññā pajānanā …pe… amoho dhammavicayo sammādiṭṭhi—
vb7:28.4	ayaṁ vuccati “anupassanā”.
vb7:28.5	Imāya anupassanāya upeto hoti samupeto upāgato samupāgato upapanno sampanno samannāgato.
vb7:28.6	Tena vuccati “anupassī”ti.
vb7:29.1	“Viharatī”ti.
vb7:29.2	Iriyati vattati pāleti yapeti yāpeti carati viharati.
vb7:29.3	Tena vuccati “viharatī”ti.
vb7:30.1	“Ātāpī”ti.
vb7:30.2	Tattha katamo ātāpo?
vb7:30.3	Yo cetasiko vīriyārambho …pe… sammāvāyāmo—
vb7:30.4	ayaṁ vuccati “ātāpo”.
vb7:30.5	Iminā ātāpena upeto hoti …pe… samannāgato.
vb7:30.6	Tena vuccati “ātāpī”ti.
vb7:31.1	“Sampajāno”ti.
vb7:31.2	Tattha katamaṁ sampajaññaṁ?
vb7:31.3	Yā paññā pajānanā …pe… amoho dhammavicayo sammādiṭṭhi—
vb7:31.4	idaṁ vuccati “sampajaññaṁ”.
vb7:31.5	Iminā sampajaññena upeto hoti …pe… samannāgato.
vb7:31.6	Tena vuccati “sampajāno”ti.
vb7:32.1	“Satimā”ti.
vb7:32.2	Tattha katamā sati?
vb7:32.3	Yā sati anussati …pe… sammāsati—
vb7:32.4	ayaṁ vuccati “sati”.
vb7:32.5	Imāya satiyā upeto hoti …pe… samannāgato.
vb7:32.6	Tena vuccati “satimā”ti.
vb7:33.1	“Vineyya loke abhijjhādomanassan”ti.
vb7:33.2	Tattha katamo loko?
vb7:33.3	Teva dhammā loko.
vb7:33.4	Pañcapi upādānakkhandhā loko.
vb7:33.5	Ayaṁ vuccati “loko”.
vb7:33.6	Tattha katamā abhijjhā?
vb7:33.7	Yo rāgo sārāgo …pe… cittassa sārāgo—
vb7:33.8	ayaṁ vuccati “abhijjhā”.
vb7:33.9	Tattha katamaṁ domanassaṁ?
vb7:33.10	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb7:33.11	idaṁ vuccati “domanassaṁ”.
vb7:33.12	Iti ayañca abhijjhā idañca domanassaṁ imamhi loke vinītā honti paṭivinītā santā samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb7:33.13	Tena vuccati “vineyya loke abhijjhādomanassan”ti.
vb7:34.1	Dhammānupassanāniddeso.
vb7:34.2	Suttantabhājanīyaṁ.
vb7:35.0	2. Abhidhammabhājanīya
vb7:35.1	Cattāro satipaṭṭhānā—
vb7:35.2	idha bhikkhu kāye kāyānupassī viharati, vedanāsu vedanānupassī viharati, citte cittānupassī viharati, dhammesu dhammānupassī viharati.
vb7:36.1	Kathañca bhikkhu kāye kāyānupassī viharati?
vb7:36.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ kāye kāyānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:36.3	idaṁ vuccati “satipaṭṭhānaṁ”.
vb7:36.4	Avasesā dhammā satipaṭṭhānasampayuttā.
vb7:37.1	Kathañca bhikkhu vedanāsu vedanānupassī viharati?
vb7:37.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ vedanāsu vedanānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:37.3	idaṁ vuccati “satipaṭṭhānaṁ”.
vb7:37.4	Avasesā dhammā satipaṭṭhānasampayuttā.
vb7:38.1	Kathañca bhikkhu citte cittānupassī viharati?
vb7:38.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ citte cittānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:38.3	idaṁ vuccati “satipaṭṭhānaṁ”.
vb7:38.4	Avasesā dhammā satipaṭṭhānasampayuttā.
vb7:39.1	Kathañca bhikkhu dhammesu dhammānupassī viharati?
vb7:39.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ dhammesu dhammānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:39.3	idaṁ vuccati “satipaṭṭhānaṁ”.
vb7:39.4	Avasesā dhammā satipaṭṭhānasampayuttā.
vb7:40.1	Tattha katamaṁ satipaṭṭhānaṁ?
vb7:40.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ dhammesu dhammānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:40.3	idaṁ vuccati “satipaṭṭhānaṁ”.
vb7:40.4	Avasesā dhammā satipaṭṭhānasampayuttā.
vb7:41.1	Cattāro satipaṭṭhānā—
vb7:41.2	idha bhikkhu kāye kāyānupassī viharati, vedanāsu vedanānupassī viharati, citte cittānupassī viharati, dhammesu dhammānupassī viharati.
vb7:42.1	Kathañca bhikkhu kāye kāyānupassī viharati?
vb7:42.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb7:42.3	Ime dhammā kusalā.
vb7:42.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ kāye kāyānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:42.5	idaṁ vuccati “satipaṭṭhānaṁ”.
vb7:42.6	Avasesā dhammā satipaṭṭhānasampayuttā.
vb7:43.1	Kathañca bhikkhu vedanāsu vedanānupassī viharati?
vb7:43.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb7:43.3	Ime dhammā kusalā.
vb7:43.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ vedanāsu vedanānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:43.5	idaṁ vuccati “satipaṭṭhānaṁ”.
vb7:43.6	Avasesā dhammā satipaṭṭhānasampayuttā.
vb7:44.1	Kathañca bhikkhu citte cittānupassī viharati?
vb7:44.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb7:44.3	Ime dhammā kusalā.
vb7:44.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ citte cittānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:44.5	idaṁ vuccati “satipaṭṭhānaṁ”.
vb7:44.6	Avasesā dhammā satipaṭṭhānasampayuttā.
vb7:45.1	Kathañca bhikkhu dhammesu dhammānupassī viharati?
vb7:45.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb7:45.3	Ime dhammā kusalā.
vb7:45.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ dhammesu dhammānupassī, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:45.5	idaṁ vuccati “satipaṭṭhānaṁ”.
vb7:45.6	Avasesā dhammā satipaṭṭhānasampayuttā.
vb7:46.1	Tattha katamaṁ satipaṭṭhānaṁ?
vb7:46.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb7:46.3	Ime dhammā kusalā.
vb7:46.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb7:46.5	idaṁ vuccati “satipaṭṭhānaṁ”.
vb7:46.6	Avasesā dhammā satipaṭṭhānasampayuttā.
vb7:47.1	Abhidhammabhājanīyaṁ.
vb7:48.0	3. Pañhāpucchaka
vb7:48.1	Cattāro satipaṭṭhānā—
vb7:48.2	idha bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ, vedanāsu vedanānupassī viharati ātāpī sampajāno satimā vineyya loke abhijjhādomanassaṁ, citte cittānupassī viharati ātāpī sampajāno satimā vineyya loke abhijjhādomanassaṁ, dhammesu dhammānupassī viharati ātāpī sampajāno satimā vineyya loke abhijjhādomanassaṁ.
vb7:49.1	Catunnaṁ satipaṭṭhānānaṁ kati kusalā, kati akusalā, kati abyākatā …pe… kati saraṇā, kati araṇā?
vb7:50.0	3.1. Tika
vb7:50.1	Siyā kusalā, siyā abyākatā …pe….
vb7:50.2	Siyā sukhāya vedanāya sampayuttā, siyā adukkhamasukhāya vedanāya sampayuttā.
vb7:50.3	Siyā vipākā siyā vipākadhammadhammā.
vb7:50.4	Anupādinnaanupādāniyā.
vb7:50.5	Asaṅkiliṭṭhaasaṅkilesikā.
vb7:50.6	Siyā savitakkasavicārā, siyā avitakkavicāramattā, siyā avitakkaavicārā.
vb7:50.7	Siyā pītisahagatā, siyā sukhasahagatā, siyā upekkhāsahagatā.
vb7:50.8	Neva dassanena na bhāvanāya pahātabbā.
vb7:50.9	Neva dassanena na bhāvanāya pahātabbahetukā.
vb7:50.10	Siyā apacayagāmino, siyā nevācayagāmināpacayagāmino.
vb7:50.11	Siyā sekkhā, siyā asekkhā.
vb7:50.12	Appamāṇā.
vb7:50.13	Appamāṇārammaṇā.
vb7:50.14	Paṇītā.
vb7:50.15	Siyā sammattaniyatā, siyā aniyatā.
vb7:50.16	Na maggārammaṇā, siyā maggahetukā, siyā maggādhipatino, siyā na vattabbā “maggahetukā”tipi, “maggādhipatino”tipi.
vb7:50.17	Siyā uppannā, siyā anuppannā, siyā uppādino.
vb7:50.18	Siyā atītā, siyā anāgatā, siyā paccuppannā.
vb7:50.19	Na vattabbā “atītārammaṇā”tipi, “anāgatārammaṇā”tipi, “paccuppannārammaṇā”tipi.
vb7:50.20	Siyā ajjhattā, siyā bahiddhā, siyā ajjhattabahiddhā.
vb7:50.21	Bahiddhārammaṇā.
vb7:50.22	Anidassanaappaṭighā.
vb7:51.0	3.2. Duka
vb7:51.1	Na hetū.
vb7:51.2	Sahetukā.
vb7:51.3	Hetusampayuttā.
vb7:51.4	Na vattabbā hetū ceva sahetukā cāti, sahetukā ceva na ca hetū.
vb7:51.5	Na vattabbā hetū ceva hetusampayuttā cāti, hetusampayuttā ceva na ca hetū.
vb7:51.6	Na hetū sahetukā.
vb7:52.1	Sappaccayā.
vb7:52.2	Saṅkhatā.
vb7:52.3	Anidassanā.
vb7:52.4	Appaṭighā.
vb7:52.5	Arūpā.
vb7:52.6	Lokuttarā.
vb7:52.7	Kenaci viññeyyā, kenaci na viññeyyā.
vb7:52.8	No āsavā.
vb7:52.9	Anāsavā.
vb7:52.10	Āsavavippayuttā.
vb7:52.11	Na vattabbā “āsavā ceva sāsavā cā”tipi, “sāsavā ceva no ca āsavā”tipi.
vb7:52.12	Na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb7:52.13	Āsavavippayuttā.
vb7:52.14	Anāsavā.
vb7:52.15	No saṁyojanā …pe…
vb7:52.16	no ganthā …pe…
vb7:52.17	no oghā …pe…
vb7:52.18	no yogā …pe…
vb7:52.19	no nīvaraṇā …pe…
vb7:52.20	no parāmāsā …pe…
vb7:52.21	sārammaṇā.
vb7:52.22	No cittā.
vb7:52.23	Cetasikā.
vb7:52.24	Cittasampayuttā.
vb7:52.25	Cittasaṁsaṭṭhā.
vb7:52.26	Cittasamuṭṭhānā.
vb7:52.27	Cittasahabhuno.
vb7:52.28	Cittānuparivattino.
vb7:52.29	Cittasaṁsaṭṭhasamuṭṭhānā.
vb7:52.30	Cittasaṁsaṭṭhasamuṭṭhānasahabhuno.
vb7:52.31	Cittasaṁsaṭṭhasamuṭṭhānānuparivattino.
vb7:52.32	Bāhirā.
vb7:52.33	No upādā.
vb7:52.34	Anupādinnā.
vb7:52.35	No upādānā …pe…
vb7:52.36	no kilesā …pe…
vb7:52.37	na dassanena pahātabbā, na bhāvanāya pahātabbā.
vb7:52.38	Na dassanena pahātabbahetukā.
vb7:52.39	Na bhāvanāya pahātabbahetukā.
vb7:53.1	Siyā savitakkā, siyā avitakkā.
vb7:53.2	Siyā savicārā, siyā avicārā.
vb7:53.3	Siyā sappītikā, siyā appītikā.
vb7:53.4	Siyā pītisahagatā, siyā na pītisahagatā.
vb7:53.5	Siyā sukhasahagatā, siyā na sukhasahagatā.
vb7:53.6	Siyā upekkhāsahagatā, siyā na upekkhāsahagatā.
vb7:53.7	Na kāmāvacarā.
vb7:53.8	Na rūpāvacarā.
vb7:53.9	Na arūpāvacarā.
vb7:53.10	Apariyāpannā.
vb7:53.11	Siyā niyyānikā, siyā aniyyānikā.
vb7:53.12	Siyā niyatā, siyā aniyatā.
vb7:53.13	Anuttarā.
vb7:53.14	Araṇāti.
vb7:54.1	Pañhāpucchakaṁ.
vb7:55.1	Satipaṭṭhānavibhaṅgo niṭṭhito.
vb8:0.1	Vibhaṅga
vb8:0.2	Sammappadhānavibhaṅga
vb8:1.0	1. Suttantabhājanīya
vb8:1.1	Cattāro sammappadhānā—
vb8:1.2	idha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati, anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:2.1	Kathañca bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:2.2	Tattha katame anuppannā pāpakā akusalā dhammā?
vb8:2.3	Tīṇi akusalamūlāni—
vb8:2.4	lobho, doso, moho.
vb8:2.5	Tadekaṭṭhā ca kilesā.
vb8:2.6	Taṁsampayutto vedanākkhandho, saññākkhandho, saṅkhārakkhandho, viññāṇakkhandho;
vb8:2.7	taṁsamuṭṭhānaṁ kāyakammaṁ vacīkammaṁ manokammaṁ—
vb8:2.8	ime vuccanti “anuppannā pāpakā akusalā dhammā”.
vb8:2.9	Iti imesaṁ anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:3.1	“Chandaṁ janetī”ti.
vb8:3.2	Tattha katamo chando?
vb8:3.3	Yo chando chandikatā kattukamyatā kusalo dhammacchando—
vb8:3.4	ayaṁ vuccati “chando”.
vb8:3.5	Imaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.
vb8:3.6	Tena vuccati “chandaṁ janetī”ti.
vb8:4.1	“Vāyamatī”ti.
vb8:4.2	Tattha katamo vāyāmo?
vb8:4.3	Yo cetasiko vīriyārambho …pe… sammāvāyāmo—
vb8:4.4	ayaṁ vuccati “vāyāmo”.
vb8:4.5	Iminā vāyāmena upeto hoti samupeto upāgato samupāgato upapanno sampanno samannāgato.
vb8:4.6	Tena vuccati “vāyamatī”ti.
vb8:5.1	“Vīriyaṁ ārabhatī”ti.
vb8:5.2	Tattha katamaṁ vīriyaṁ?
vb8:5.3	Yo cetasiko vīriyārambho …pe… sammāvāyāmo—
vb8:5.4	idaṁ vuccati “vīriyaṁ”.
vb8:5.5	Imaṁ vīriyaṁ ārabhati samārabhati āsevati bhāveti bahulīkaroti.
vb8:5.6	Tena vuccati “vīriyaṁ ārabhatī”ti.
vb8:6.1	“Cittaṁ paggaṇhātī”ti.
vb8:6.2	Tattha katamaṁ cittaṁ?
vb8:6.3	Yaṁ cittaṁ mano mānasaṁ …pe… tajjāmanoviññāṇadhātu—
vb8:6.4	idaṁ vuccati “cittaṁ”.
vb8:6.5	Imaṁ cittaṁ paggaṇhāti sampaggaṇhāti upatthambheti paccupatthambheti.
vb8:6.6	Tena vuccati “cittaṁ paggaṇhātī”ti.
vb8:7.1	“Padahatī”ti.
vb8:7.2	Tattha katamaṁ padhānaṁ?
vb8:7.3	Yo cetasiko vīriyārambho …pe… sammāvāyāmo—
vb8:7.4	idaṁ vuccati “padhānaṁ”.
vb8:7.5	Iminā padhānena upeto hoti …pe… samannāgato.
vb8:7.6	Tena vuccati “padahatī”ti.
vb8:8.1	Kathañca bhikkhu uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:8.2	Tattha katame uppannā pāpakā akusalā dhammā?
vb8:8.3	Tīṇi akusalamūlāni—
vb8:8.4	lobho, doso, moho.
vb8:8.5	Tadekaṭṭhā ca kilesā.
vb8:8.6	Taṁsampayutto vedanākkhandho, saññākkhandho, saṅkhārakkhandho, viññāṇakkhandho, taṁsamuṭṭhānaṁ kāyakammaṁ vacīkammaṁ manokammaṁ—
vb8:8.7	ime vuccanti “uppannā pāpakā akusalā dhammā”.
vb8:8.8	Iti imesaṁ uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:9.1	“Chandaṁ janetī”ti.
vb8:9.2	Tattha katamo chando?
vb8:9.3	Yo chando chandikatā kattukamyatā kusalo dhammacchando—
vb8:9.4	ayaṁ vuccati “chando”.
vb8:9.5	Imaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.
vb8:9.6	Tena vuccati “chandaṁ janetī”ti.
vb8:10.1	“Vāyamatī”ti.
vb8:10.2	Tattha katamo vāyāmo?
vb8:10.3	Yo cetasiko vīriyārambho …pe… sammāvāyāmo—
vb8:10.4	ayaṁ vuccati “vāyāmo”.
vb8:10.5	Iminā vāyāmena upeto hoti …pe… samannāgato.
vb8:10.6	Tena vuccati “vāyamatī”ti.
vb8:11.1	“Vīriyaṁ ārabhatī”ti.
vb8:11.2	Tattha katamaṁ vīriyaṁ?
vb8:11.3	Yo cetasiko vīriyārambho …pe… sammāvāyāmo—
vb8:11.4	idaṁ vuccati “vīriyaṁ”.
vb8:11.5	Imaṁ vīriyaṁ ārabhati samārabhati āsevati bhāveti bahulīkaroti.
vb8:11.6	Tena vuccati “vīriyaṁ ārabhatī”ti.
vb8:12.1	“Cittaṁ paggaṇhātī”ti.
vb8:12.2	Tattha katamaṁ cittaṁ?
vb8:12.3	Yaṁ cittaṁ mano mānasaṁ …pe… tajjāmanoviññāṇadhātu—
vb8:12.4	idaṁ vuccati “cittaṁ”.
vb8:12.5	Imaṁ cittaṁ paggaṇhāti sampaggaṇhāti upatthambheti paccupatthambheti.
vb8:12.6	Tena vuccati “cittaṁ paggaṇhātī”ti.
vb8:13.1	“Padahatī”ti.
vb8:13.2	Tattha katamaṁ padhānaṁ?
vb8:13.3	Yo cetasiko vīriyārambho …pe… sammāvāyāmo—
vb8:13.4	idaṁ vuccati “padhānaṁ”.
vb8:13.5	Iminā padhānena upeto hoti …pe… samannāgato.
vb8:13.6	Tena vuccati “padahatī”ti.
vb8:14.1	Kathañca bhikkhu anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:14.2	Tattha katame anuppannā kusalā dhammā?
vb8:14.3	Tīṇi kusalamūlāni—
vb8:14.4	alobho, adoso, amoho.
vb8:14.5	Taṁsampayutto vedanākkhandho, saññākkhandho, saṅkhārakkhandho, viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ—
vb8:14.6	ime vuccanti “anuppannā kusalā dhammā”.
vb8:14.7	Iti imesaṁ anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:15.1	“Chandaṁ janetī”ti …pe…
vb8:15.2	“vāyamatī”ti …pe…
vb8:15.3	“vīriyaṁ ārabhatī”ti …pe…
vb8:15.4	“cittaṁ paggaṇhātī”ti …pe…
vb8:15.5	“padahatī”ti.
vb8:15.6	Tattha katamaṁ padhānaṁ?
vb8:15.7	Yo cetasiko vīriyārambho …pe… sammāvāyāmo—
vb8:15.8	idaṁ vuccati “padhānaṁ”.
vb8:15.9	Iminā padhānena upeto hoti …pe… samannāgato.
vb8:15.10	Tena vuccati “padahatī”ti.
vb8:16.1	Kathañca bhikkhu uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:16.2	Tattha katame uppannā kusalā dhammā?
vb8:16.3	Tīṇi kusalamūlāni—
vb8:16.4	alobho, adoso, amoho.
vb8:16.5	Taṁsampayutto vedanākkhandho, saññākkhandho, saṅkhārakkhandho, viññāṇakkhandho, taṁsamuṭṭhānaṁ kāyakammaṁ vacīkammaṁ manokammaṁ—
vb8:16.6	ime vuccanti “uppannā kusalā dhammā”.
vb8:16.7	Iti imesaṁ uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:17.1	“Ṭhitiyā”ti.
vb8:17.2	Yā ṭhiti so asammoso, yo asammoso so bhiyyobhāvo, yo bhiyyobhāvo taṁ vepullaṁ, yaṁ vepullaṁ sā bhāvanā, yā bhāvanā sā pāripūrī.
vb8:18.1	“Chandaṁ janetī”ti …pe…
vb8:18.2	“vāyamatī”ti …pe…
vb8:18.3	“vīriyaṁ ārabhatī”ti …pe…
vb8:18.4	“cittaṁ paggaṇhātī”ti …pe…
vb8:18.5	padahatīti.
vb8:18.6	Tattha katamaṁ padhānaṁ?
vb8:18.7	Yo cetasiko vīriyārambho …pe… sammāvāyāmo—
vb8:18.8	idaṁ vuccati “padhānaṁ”.
vb8:18.9	Iminā padhānena upeto hoti …pe… samannāgato.
vb8:18.10	Tena vuccati “padahatī”ti.
vb8:19.1	Suttantabhājanīyaṁ.
vb8:20.0	2. Abhidhammabhājanīya
vb8:20.1	Cattāro sammappadhānā—
vb8:20.2	idha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati, anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:21.1	Kathañca bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:21.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:22.1	“Chandaṁ janetī”ti.
vb8:22.2	Tattha katamo chando?
vb8:22.3	Yo chando chandikatā kattukamyatā kusalo dhammacchando—
vb8:22.4	ayaṁ vuccati “chando”.
vb8:22.5	Imaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.
vb8:22.6	Tena vuccati “chandaṁ janetī”ti.
vb8:23.1	“Vāyamatī”ti.
vb8:23.2	Tattha katamo vāyāmo?
vb8:23.3	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:23.4	ayaṁ vuccati “vāyāmo”.
vb8:23.5	Iminā vāyāmena upeto hoti samupeto upāgato samupāgato upapanno sampanno samannāgato.
vb8:23.6	Tena vuccati “vāyamatī”ti.
vb8:24.1	“Vīriyaṁ ārabhatī”ti.
vb8:24.2	Tattha katamaṁ vīriyaṁ?
vb8:24.3	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:24.4	idaṁ vuccati “vīriyaṁ”.
vb8:24.5	Imaṁ vīriyaṁ ārabhati samārabhati āsevati bhāveti bahulīkaroti.
vb8:24.6	Tena vuccati “vīriyaṁ ārabhatī”ti.
vb8:25.1	“Cittaṁ paggaṇhātī”ti.
vb8:25.2	Tattha katamaṁ cittaṁ?
vb8:25.3	Yaṁ cittaṁ mano mānasaṁ …pe… tajjāmanoviññāṇadhātu—
vb8:25.4	idaṁ vuccati “cittaṁ”.
vb8:25.5	Imaṁ cittaṁ paggaṇhāti sampaggaṇhāti upatthambheti paccupatthambheti.
vb8:25.6	Tena vuccati “cittaṁ paggaṇhātī”ti.
vb8:26.1	“Padahatī”ti.
vb8:26.2	Tattha katamaṁ sammappadhānaṁ?
vb8:26.3	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:26.4	idaṁ vuccati “sammappadhānaṁ”.
vb8:26.5	Avasesā dhammā sammappadhānasampayuttā.
vb8:27.1	Kathañca bhikkhu uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:27.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:28.1	“Chandaṁ janetī”ti …pe…
vb8:28.2	“vāyamatī”ti …pe…
vb8:28.3	“vīriyaṁ ārabhatī”ti …pe…
vb8:28.4	“cittaṁ paggaṇhātī”ti …pe…
vb8:28.5	“padahatī”ti.
vb8:28.6	Tattha katamaṁ sammappadhānaṁ?
vb8:28.7	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:28.8	idaṁ vuccati “sammappadhānaṁ”.
vb8:28.9	Avasesā dhammā sammappadhānasampayuttā.
vb8:29.1	Kathañca bhikkhu anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:29.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:30.1	“Chandaṁ janetī”ti …pe…
vb8:30.2	“vāyamatī”ti …pe…
vb8:30.3	“vīriyaṁ ārabhatī”ti …pe…
vb8:30.4	“cittaṁ paggaṇhātī”ti …pe…
vb8:30.5	“padahatī”ti.
vb8:30.6	Tattha katamaṁ sammappadhānaṁ?
vb8:30.7	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:30.8	idaṁ vuccati “sammappadhānaṁ”.
vb8:30.9	Avasesā dhammā sammappadhānasampayuttā.
vb8:31.1	Kathañca bhikkhu uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati?
vb8:31.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:32.1	“Ṭhitiyā”ti.
vb8:32.2	Yā ṭhiti so asammoso, yo asammoso so bhiyyobhāvo, yo bhiyyobhāvo taṁ vepullaṁ, yaṁ vepullaṁ sā bhāvanā, yā bhāvanā sā pāripūrī.
vb8:33.1	“Chandaṁ janetī”ti.
vb8:33.2	Tattha katamo chando?
vb8:33.3	Yo chando chandikatā kattukamyatā kusalo dhammacchando—
vb8:33.4	ayaṁ vuccati “chando”.
vb8:33.5	Imaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.
vb8:33.6	Tena vuccati “chandaṁ janetī”ti.
vb8:34.1	“Vāyamatī”ti.
vb8:34.2	Tattha katamo vāyāmo?
vb8:34.3	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:34.4	ayaṁ vuccati “vāyāmo”.
vb8:34.5	Iminā vāyāmena upeto hoti …pe… samannāgato.
vb8:34.6	Tena vuccati “vāyamatī”ti.
vb8:35.1	“Vīriyaṁ ārabhatī”ti.
vb8:35.2	Tattha katamaṁ vīriyaṁ?
vb8:35.3	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:35.4	idaṁ vuccati “vīriyaṁ”.
vb8:35.5	Imaṁ vīriyaṁ ārabhati samārabhati āsevati bhāveti bahulīkaroti.
vb8:35.6	Tena vuccati “vīriyaṁ ārabhatī”ti.
vb8:36.1	“Cittaṁ paggaṇhātī”ti.
vb8:36.2	Tattha katamaṁ cittaṁ?
vb8:36.3	Yaṁ cittaṁ mano mānasaṁ …pe… tajjāmanoviññāṇadhātu—
vb8:36.4	idaṁ vuccati “cittaṁ”.
vb8:36.5	Imaṁ cittaṁ paggaṇhāti sampaggaṇhāti upatthambheti paccupatthambheti.
vb8:36.6	Tena vuccati “cittaṁ paggaṇhātī”ti.
vb8:37.1	“Padahatī”ti.
vb8:37.2	Tattha katamaṁ sammappadhānaṁ?
vb8:37.3	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:37.4	idaṁ vuccati “sammappadhānaṁ”.
vb8:37.5	Avasesā dhammā sammappadhānasampayuttā.
vb8:38.1	Tattha katamaṁ sammappadhānaṁ?
vb8:38.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yo tasmiṁ samaye cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb8:38.3	idaṁ vuccati “sammappadhānaṁ”.
vb8:38.4	Avasesā dhammā sammappadhānasampayuttā.
vb8:39.1	Abhidhammabhājanīyaṁ.
vb8:40.0	3. Pañhāpucchaka
vb8:40.1	Cattāro sammappadhānā—
vb8:40.2	idha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…
vb8:40.3	anuppannānaṁ kusalānaṁ dhammānaṁ uppādāya …pe…
vb8:40.4	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb8:41.1	Catunnaṁ sammappadhānānaṁ kati kusalā, kati akusalā, kati abyākatā …pe… kati saraṇā, kati araṇā?
vb8:42.0	3.1. Tika
vb8:42.1	Kusalāyeva.
vb8:43.1	Siyā sukhāya vedanāya sampayuttā, siyā adukkhamasukhāya vedanāya sampayuttā.
vb8:44.1	Vipākadhammadhammā.
vb8:45.1	Anupādinnaanupādāniyā.
vb8:46.1	Asaṅkiliṭṭhaasaṅkilesikā.
vb8:47.1	Siyā savitakkasavicārā, siyā avitakkavicāramattā, siyā avitakkaavicārā.
vb8:48.1	Siyā pītisahagatā, siyā sukhasahagatā, siyā upekkhāsahagatā.
vb8:49.1	Neva dassanena na bhāvanāya pahātabbā.
vb8:50.1	Neva dassanena na bhāvanāya pahātabbahetukā.
vb8:51.1	Apacayagāmino.
vb8:52.1	Sekkhā.
vb8:53.1	Appamāṇā.
vb8:54.1	Appamāṇārammaṇā.
vb8:55.1	Paṇītā.
vb8:56.1	Sammattaniyatā.
vb8:57.1	Na maggārammaṇā, maggahetukā, siyā maggādhipatino, siyā na vattabbā “maggādhipatino”ti.
vb8:58.1	Siyā uppannā, siyā anuppannā, na vattabbā “uppādino”ti.
vb8:59.1	Siyā atītā, siyā anāgatā, siyā paccuppannā.
vb8:60.1	Na vattabbā “atītārammaṇā”tipi, “anāgatārammaṇā”tipi, “paccuppannārammaṇā”tipi.
vb8:61.1	Siyā ajjhattā, siyā bahiddhā, siyā ajjhattabahiddhā.
vb8:62.1	Bahiddhārammaṇā.
vb8:63.1	Anidassanaappaṭighā.
vb8:64.0.1	3.2. 3.2 Duka
vb8:64.0.2	3.2.1. Hetugocchaka
vb8:64.1	Na hetū.
vb8:64.2	Sahetukā.
vb8:64.3	Hetusampayuttā.
vb8:64.4	Na vattabbā hetū ceva sahetukā cāti, sahetukā ceva na ca hetū.
vb8:64.5	Na vattabbā hetū ceva hetusampayuttā cāti, hetusampayuttā ceva na ca hetū.
vb8:64.6	Na hetū sahetukā.
vb8:65.0	3.2.2. Cūḷantaraduka
vb8:65.1	Sappaccayā.
vb8:65.2	Saṅkhatā.
vb8:65.3	Anidassanā.
vb8:65.4	Appaṭighā.
vb8:65.5	Arūpā.
vb8:65.6	Lokuttarā.
vb8:65.7	Kenaci viññeyyā, kenaci na viññeyyā.
vb8:66.0	3.2.3. Āsavagocchaka
vb8:66.1	No āsavā.
vb8:66.2	Anāsavā.
vb8:66.3	Āsavavippayuttā.
vb8:66.4	Na vattabbā āsavā ceva sāsavā cātipi, sāsavā ceva no ca āsavātipi.
vb8:66.5	Na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb8:66.6	Āsavavippayuttā.
vb8:66.7	Anāsavā.
vb8:67.0	8.3.2.4. Saṁyojanagocchakādi
vb8:67.1	No saṁyojanā …pe…
vb8:67.2	no ganthā …pe…
vb8:67.3	no oghā …pe…
vb8:67.4	no yogā …pe…
vb8:67.5	no nīvaraṇā …pe…
vb8:67.6	no parāmāsā …pe…
vb8:67.7	sārammaṇā.
vb8:67.8	No cittā.
vb8:67.9	Cetasikā.
vb8:67.10	Cittasampayuttā.
vb8:67.11	Cittasaṁsaṭṭhā.
vb8:67.12	Cittasamuṭṭhānā.
vb8:67.13	Cittasahabhuno.
vb8:67.14	Cittānuparivattino.
vb8:67.15	Cittasaṁsaṭṭhasamuṭṭhānā.
vb8:67.16	Cittasaṁsaṭṭhasamuṭṭhānasahabhuno.
vb8:67.17	Cittasaṁsaṭṭhasamuṭṭhānānuparivattino.
vb8:67.18	Bāhirā.
vb8:67.19	No upādā.
vb8:67.20	Anupādinnā.
vb8:68.0	8.3.2.11. Upādānagocchakādi
vb8:68.1	No upādānā …pe…
vb8:68.2	no kilesā …pe…
vb8:68.3	na dassanena pahātabbā.
vb8:68.4	Na bhāvanāya pahātabbā.
vb8:68.5	Na dassanena pahātabbahetukā.
vb8:68.6	Na bhāvanāya pahātabbahetukā.
vb8:68.7	Siyā savitakkā, siyā avitakkā.
vb8:68.8	Siyā savicārā, siyā avicārā.
vb8:68.9	Siyā sappītikā, siyā appītikā.
vb8:68.10	Siyā pītisahagatā, siyā na pītisahagatā.
vb8:68.11	Siyā sukhasahagatā, siyā na sukhasahagatā.
vb8:68.12	Siyā upekkhāsahagatā, siyā na upekkhāsahagatā.
vb8:68.13	Na kāmāvacarā.
vb8:68.14	Na rūpāvacarā.
vb8:68.15	Na arūpāvacarā.
vb8:68.16	Apariyāpannā.
vb8:68.17	Niyyānikā.
vb8:68.18	Niyatā.
vb8:68.19	Anuttarā.
vb8:68.20	Araṇāti.
vb8:69.1	Pañhāpucchakaṁ.
vb8:70.1	Sammappadhānavibhaṅgo niṭṭhito.
vb9:0.1	Vibhaṅga
vb9:0.2	Iddhipādavibhaṅga
vb9:1.0	1. Suttantabhājanīya
vb9:1.1	Cattāro iddhipādā—
vb9:1.2	idha bhikkhu chandasamādhipadhānasaṅkhārasamannāgataṁ iddhipādaṁ bhāveti,
vb9:1.3	vīriyasamādhipadhānasaṅkhārasamannāgataṁ iddhipādaṁ bhāveti,
vb9:1.4	cittasamādhipadhānasaṅkhārasamannāgataṁ iddhipādaṁ bhāveti,
vb9:1.5	vīmaṁsāsamādhipadhānasaṅkhārasamannāgataṁ iddhipādaṁ bhāveti.
vb9:2.0	1.1. Chandiddhipāda
vb9:2.1	Kathañca bhikkhu chandasamādhipadhānasaṅkhārasamannāgataṁ iddhipādaṁ bhāveti?
vb9:2.2	Chandañce bhikkhu adhipatiṁ karitvā labhati samādhiṁ, labhati cittassekaggataṁ—
vb9:2.3	ayaṁ vuccati “chandasamādhi”.
vb9:2.4	So anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati, anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb9:2.5	Ime vuccanti “padhānasaṅkhārā”.
vb9:2.6	Iti ayañca chandasamādhi, ime ca padhānasaṅkhārā.
vb9:2.7	Tadekajjhaṁ abhisaññūhitvā abhisaṅkhipitvā chandasamādhipadhānasaṅkhārotveva saṅkhyaṁ gacchati.
vb9:3.1	Tattha katamo chando?
vb9:3.2	Yo chando chandikatā kattukamyatā kusalo dhammacchando—
vb9:3.3	ayaṁ vuccati “chando”.
vb9:4.1	Tattha katamo samādhi?
vb9:4.2	Yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—
vb9:4.3	ayaṁ vuccati “samādhi”.
vb9:5.1	Tattha katamo padhānasaṅkhāro?
vb9:5.2	Yo cetasiko vīriyārambho nikkamo parakkamo uyyāmo vāyāmo ussāho ussoḷhī thāmo ṭhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo—
vb9:5.3	ayaṁ vuccati “padhānasaṅkhāro”.
vb9:5.4	Iti iminā ca chandena, iminā ca samādhinā, iminā ca padhānasaṅkhārena upeto hoti samupeto upāgato samupāgato upapanno sampanno samannāgato.
vb9:5.5	Tena vuccati “chandasamādhipadhānasaṅkhārasamannāgato”ti.
vb9:6.1	“Iddhī”ti.
vb9:6.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:7.1	“Iddhipādo”ti.
vb9:7.2	Tathābhūtassa vedanākkhandho, saññākkhandho, saṅkhārakkhandho, viññāṇakkhandho.
vb9:8.1	“Iddhipādaṁ bhāvetī”ti.
vb9:8.2	Te dhamme āsevati bhāveti bahulīkaroti.
vb9:8.3	Tena vuccati “iddhipādaṁ bhāvetī”ti.
vb9:9.0	1.2. Vīriyiddhipāda
vb9:9.1	Kathañca bhikkhu vīriyasamādhipadhānasaṅkhārasamannāgataṁ iddhipādaṁ bhāveti?
vb9:9.2	Vīriyañce bhikkhu adhipatiṁ karitvā labhati samādhiṁ labhati cittassekaggataṁ—
vb9:9.3	ayaṁ vuccati “vīriyasamādhi”.
vb9:9.4	So anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…
vb9:9.5	anuppannānaṁ kusalānaṁ dhammānaṁ uppādāya …pe…
vb9:9.6	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb9:9.7	Ime vuccanti “padhānasaṅkhārā”.
vb9:9.8	Iti ayañca vīriyasamādhi, ime ca padhānasaṅkhārā;
vb9:9.9	tadekajjhaṁ abhisaññūhitvā abhisaṅkhipitvā vīriyasamādhipadhānasaṅkhārotveva saṅkhyaṁ gacchati.
vb9:10.1	Tattha katamaṁ vīriyaṁ?
vb9:10.2	Yo cetasiko vīriyārambho …pe… sammāvāyāmo—
vb9:10.3	idaṁ vuccati “vīriyaṁ”.
vb9:11.1	Tattha katamo samādhi?
vb9:11.2	Yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—
vb9:11.3	ayaṁ vuccati “samādhi”.
vb9:12.1	Tattha katamo padhānasaṅkhāro?
vb9:12.2	Yo cetasiko vīriyārambho …pe… sammāvāyāmo—
vb9:12.3	ayaṁ vuccati “padhānasaṅkhāro”.
vb9:12.4	Iti iminā ca vīriyena, iminā ca samādhinā, iminā ca padhānasaṅkhārena upeto hoti …pe… samannāgato.
vb9:12.5	Tena vuccati “vīriyasamādhipadhānasaṅkhārasamannāgato”ti.
vb9:13.1	“Iddhī”ti.
vb9:13.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:14.1	“Iddhipādo”ti.
vb9:14.2	Tathābhūtassa vedanākkhandho …pe… viññāṇakkhandho.
vb9:15.1	“Iddhipādaṁ bhāvetī”ti.
vb9:15.2	Te dhamme āsevati bhāveti bahulīkaroti.
vb9:15.3	Tena vuccati “iddhipādaṁ bhāvetī”ti.
vb9:16.0	1.3. Cittiddhipāda
vb9:16.1	Kathañca bhikkhu cittasamādhipadhānasaṅkhārasamannāgataṁ iddhipādaṁ bhāveti?
vb9:16.2	Cittañce bhikkhu adhipatiṁ karitvā labhati samādhiṁ labhati cittassekaggataṁ—
vb9:16.3	ayaṁ vuccati “cittasamādhi”.
vb9:16.4	So anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…
vb9:16.5	anuppannānaṁ kusalānaṁ dhammānaṁ uppādāya …pe…
vb9:16.6	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb9:16.7	Ime vuccanti “padhānasaṅkhārā”.
vb9:16.8	Iti ayañca cittasamādhi, ime ca padhānasaṅkhārā;
vb9:16.9	tadekajjhaṁ abhisaññūhitvā abhisaṅkhipitvā cittasamādhipadhānasaṅkhārotveva saṅkhyaṁ gacchati.
vb9:17.1	Tattha katamaṁ cittaṁ?
vb9:17.2	Yaṁ cittaṁ mano mānasaṁ …pe… tajjāmanoviññāṇadhātu—
vb9:17.3	idaṁ vuccati “cittaṁ”.
vb9:18.1	Tattha katamo samādhi?
vb9:18.2	Yā cittassa ṭhiti saṇṭhiti …pe… sammāsamādhi—
vb9:18.3	ayaṁ vuccati “samādhi”.
vb9:19.1	Tattha katamo padhānasaṅkhāro?
vb9:19.2	Yo cetasiko vīriyārambho …pe… sammāvāyāmo—
vb9:19.3	ayaṁ vuccati “padhānasaṅkhāro”.
vb9:19.4	Iti iminā ca cittena, iminā ca samādhinā, iminā ca padhānasaṅkhārena upeto hoti …pe… samannāgato.
vb9:19.5	Tena vuccati “cittasamādhipadhānasaṅkhārasamannāgato”ti.
vb9:20.1	“Iddhī”ti.
vb9:20.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:21.1	“Iddhipādo”ti.
vb9:21.2	Tathābhūtassa vedanākkhandho …pe… viññāṇakkhandho.
vb9:22.1	“Iddhipādaṁ bhāvetī”ti.
vb9:22.2	Te dhamme āsevati bhāveti bahulīkaroti.
vb9:22.3	Tena vuccati “iddhipādaṁ bhāvetī”ti.
vb9:23.0	1.4. Vīmaṁsiddhipāda
vb9:23.1	Kathañca bhikkhu vīmaṁsāsamādhipadhānasaṅkhārasamannāgataṁ iddhipādaṁ bhāveti?
vb9:23.2	Vīmaṁsañce bhikkhu adhipatiṁ karitvā labhati samādhiṁ labhati cittassekaggataṁ—
vb9:23.3	ayaṁ vuccati “vīmaṁsāsamādhi”.
vb9:23.4	So anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…
vb9:23.5	anuppannānaṁ kusalānaṁ dhammānaṁ uppādāya …pe…
vb9:23.6	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
vb9:23.7	Ime vuccanti “padhānasaṅkhārā”.
vb9:23.8	Iti ayañca vīmaṁsāsamādhi, ime ca padhānasaṅkhārā;
vb9:23.9	tadekajjhaṁ abhisaññūhitvā abhisaṅkhipitvā vīmaṁsāsamādhipadhānasaṅkhārotveva saṅkhyaṁ gacchati.
vb9:24.1	Tattha katamā vīmaṁsā?
vb9:24.2	Yā paññā pajānanā …pe… amoho dhammavicayo sammādiṭṭhi—
vb9:24.3	ayaṁ vuccati “vīmaṁsā”.
vb9:25.1	Tattha katamo samādhi?
vb9:25.2	Yā cittassa ṭhiti saṇṭhiti …pe… sammāsamādhi—
vb9:25.3	ayaṁ vuccati “samādhi”.
vb9:26.1	Tattha katamo padhānasaṅkhāro?
vb9:26.2	Yo cetasiko vīriyārambho …pe… sammāvāyāmo—
vb9:26.3	ayaṁ vuccati “padhānasaṅkhāro”.
vb9:26.4	Iti imāya ca vīmaṁsāya, iminā ca samādhinā, iminā ca padhānasaṅkhārena upeto hoti …pe… samannāgato.
vb9:26.5	Tena vuccati “vīmaṁsāsamādhipadhānasaṅkhārasamannāgato”ti.
vb9:27.1	“Iddhī”ti.
vb9:27.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:28.1	“Iddhipādo”ti.
vb9:28.2	Tathābhūtassa vedanākkhandho, saññākkhandho, saṅkhārakkhandho, viññāṇakkhandho.
vb9:29.1	“Iddhipādaṁ bhāvetī”ti.
vb9:29.2	Te dhamme āsevati bhāveti bahulīkaroti.
vb9:29.3	Tena vuccati “iddhipādaṁ bhāvetī”ti.
vb9:30.1	Suttantabhājanīyaṁ.
vb9:31.0	2. Abhidhammabhājanīya
vb9:31.1	Cattāro iddhipādā—
vb9:31.2	idha bhikkhu chandasamādhipadhānasaṅkhārasamannāgataṁ iddhipādaṁ bhāveti,
vb9:31.3	vīriyasamādhipadhānasaṅkhārasamannāgataṁ iddhipādaṁ bhāveti,
vb9:31.4	cittasamādhipadhānasaṅkhārasamannāgataṁ iddhipādaṁ bhāveti,
vb9:31.5	vīmaṁsāsamādhipadhānasaṅkhārasamannāgataṁ iddhipādaṁ bhāveti.
vb9:32.0	2.1. Chandiddhipāda
vb9:32.1	Kathañca bhikkhu chandasamādhipadhānasaṅkhārasamannāgataṁ iddhipādaṁ bhāveti?
vb9:32.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye chandasamādhipadhānasaṅkhārasamannāgataṁ iddhipādaṁ bhāveti.
vb9:33.1	Tattha katamo chando?
vb9:33.2	Yo chando chandikatā kattukamyatā kusalo dhammacchando—
vb9:33.3	ayaṁ vuccati “chando”.
vb9:34.1	Tattha katamo samādhi?
vb9:34.2	Yā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb9:34.3	ayaṁ vuccati “samādhi”.
vb9:35.1	Tattha katamo padhānasaṅkhāro?
vb9:35.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb9:35.3	ayaṁ vuccati “padhānasaṅkhāro”.
vb9:35.4	Iti iminā ca chandena, iminā ca samādhinā, iminā ca padhānasaṅkhārena upeto hoti …pe… samannāgato.
vb9:35.5	Tena vuccati “chandasamādhipadhānasaṅkhārasamannāgato”ti.
vb9:36.1	“Iddhī”ti.
vb9:36.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:37.1	“Iddhipādo”ti.
vb9:37.2	Tathābhūtassa phasso …pe… paggāho avikkhepo.
vb9:38.1	“Iddhipādaṁ bhāvetī”ti.
vb9:38.2	Te dhamme āsevati bhāveti bahulīkaroti.
vb9:38.3	Tena vuccati “iddhipādaṁ bhāvetī”ti.
vb9:39.0	2.2. Vīriyiddhipāda
vb9:39.1	Kathañca bhikkhu vīriyasamādhipadhānasaṅkhārasamannāgataṁ iddhipādaṁ bhāveti?
vb9:39.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye vīriyasamādhipadhānasaṅkhārasamannāgataṁ iddhipādaṁ bhāveti.
vb9:40.1	Tattha katamaṁ vīriyaṁ?
vb9:40.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb9:40.3	idaṁ vuccati “vīriyaṁ”.
vb9:41.1	Tattha katamo samādhi?
vb9:41.2	Yā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb9:41.3	ayaṁ vuccati “samādhi”.
vb9:42.1	Tattha katamo padhānasaṅkhāro?
vb9:42.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb9:42.3	ayaṁ vuccati “padhānasaṅkhāro”.
vb9:42.4	Iti iminā ca vīriyena, iminā ca samādhinā, iminā ca padhānasaṅkhārena upeto hoti …pe… samannāgato.
vb9:42.5	Tena vuccati “vīriyasamādhipadhānasaṅkhārasamannāgato”ti.
vb9:43.1	“Iddhī”ti.
vb9:43.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:44.1	“Iddhipādo”ti.
vb9:44.2	Tathābhūtassa phasso …pe… paggāho avikkhepo.
vb9:45.1	“Iddhipādaṁ bhāvetī”ti.
vb9:45.2	Te dhamme āsevati bhāveti bahulīkaroti.
vb9:45.3	Tena vuccati “iddhipādaṁ bhāvetī”ti.
vb9:46.0	2.3. Cittiddhipāda
vb9:46.1	Kathañca bhikkhu cittasamādhipadhānasaṅkhārasamannāgataṁ iddhipādaṁ bhāveti?
vb9:46.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye cittasamādhipadhānasaṅkhārasamannāgataṁ iddhipādaṁ bhāveti.
vb9:47.1	Tattha katamaṁ cittaṁ?
vb9:47.2	Yaṁ cittaṁ mano mānasaṁ …pe… tajjāmanoviññāṇadhātu—
vb9:47.3	idaṁ vuccati “cittaṁ”.
vb9:48.1	Tattha katamo samādhi?
vb9:48.2	Yā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb9:48.3	ayaṁ vuccati “samādhi”.
vb9:49.1	Tattha katamo padhānasaṅkhāro?
vb9:49.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb9:49.3	ayaṁ vuccati “padhānasaṅkhāro”.
vb9:49.4	Iti iminā ca cittena, iminā ca samādhinā, iminā ca padhānasaṅkhārena upeto hoti …pe… samannāgato.
vb9:49.5	Tena vuccati “cittasamādhipadhānasaṅkhārasamannāgato”ti.
vb9:50.1	“Iddhī”ti.
vb9:50.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:51.1	“Iddhipādo”ti.
vb9:51.2	Tathābhūtassa phasso …pe… paggāho avikkhepo.
vb9:52.1	“Iddhipādaṁ bhāvetī”ti.
vb9:52.2	Te dhamme āsevati bhāveti bahulīkaroti.
vb9:52.3	Tena vuccati “iddhipādaṁ bhāvetī”ti.
vb9:53.0	2.4. Vīmaṁsiddhipāda
vb9:53.1	Kathañca bhikkhu vīmaṁsāsamādhipadhānasaṅkhārasamannāgataṁ iddhipādaṁ bhāveti?
vb9:53.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye vīmaṁsāsamādhipadhānasaṅkhārasamannāgataṁ iddhipādaṁ bhāveti.
vb9:54.1	Tattha katamā vīmaṁsā?
vb9:54.2	Yā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb9:54.3	ayaṁ vuccati “vīmaṁsā”.
vb9:55.1	Tattha katamo samādhi?
vb9:55.2	Yā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb9:55.3	ayaṁ vuccati “samādhi”.
vb9:56.1	Tattha katamo padhānasaṅkhāro?
vb9:56.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb9:56.3	ayaṁ vuccati “padhānasaṅkhāro”.
vb9:56.4	Iti imāya ca vīmaṁsāya, iminā ca samādhinā, iminā ca padhānasaṅkhārena upeto hoti samupeto upāgato samupāgato upapanno sampanno samannāgato.
vb9:56.5	Tena vuccati “vīmaṁsāsamādhipadhānasaṅkhārasamannāgato”ti
vb9:57.1	“Iddhī”ti.
vb9:57.2	Yā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā.
vb9:58.1	“Iddhipādo”ti.
vb9:58.2	Tathābhūtassa phasso …pe… paggāho avikkhepo.
vb9:59.1	“Iddhipādaṁ bhāvetī”ti.
vb9:59.2	Te dhamme āsevati bhāveti bahulīkaroti.
vb9:59.3	Tena vuccati “iddhipādaṁ bhāvetī”ti.
vb9:60.1	Cattāro iddhipādā—
vb9:60.2	chandiddhipādo, vīriyiddhipādo, cittiddhipādo, vīmaṁsiddhipādo.
vb9:61.1	Tattha katamo chandiddhipādo?
vb9:61.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yo tasmiṁ samaye chando chandikatā kattukamyatā kusalo dhammacchando—
vb9:61.3	ayaṁ vuccati “chandiddhipādo”.
vb9:61.4	Avasesā dhammā chandiddhipādasampayuttā.
vb9:62.1	Tattha katamo vīriyiddhipādo?
vb9:62.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yo tasmiṁ samaye cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb9:62.3	ayaṁ vuccati “vīriyiddhipādo”.
vb9:62.4	Avasesā dhammā vīriyiddhipādasampayuttā.
vb9:63.1	Tattha katamo cittiddhipādo?
vb9:63.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yaṁ tasmiṁ samaye cittaṁ mano mānasaṁ …pe… tajjāmanoviññāṇadhātu—
vb9:63.3	ayaṁ vuccati “cittiddhipādo”.
vb9:63.4	Avasesā dhammā cittiddhipādasampayuttā.
vb9:64.1	Tattha katamo vīmaṁsiddhipādo?
vb9:64.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yā tasmiṁ samaye paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb9:64.3	ayaṁ vuccati “vīmaṁsiddhipādo”.
vb9:64.4	Avasesā dhammā vīmaṁsiddhipādasampayuttā.
vb9:65.1	Abhidhammabhājanīyaṁ.
vb9:66.0	3. Pañhāpucchaka
vb9:66.1	Cattāro iddhipādā—
vb9:66.2	idha bhikkhu chandasamādhipadhānasaṅkhārasamannāgataṁ iddhipādaṁ bhāveti, vīriyasamādhi …pe…
vb9:66.3	cittasamādhi …pe…
vb9:66.4	vīmaṁsāsamādhipadhānasaṅkhārasamannāgataṁ iddhipādaṁ bhāveti.
vb9:67.1	Catunnaṁ iddhipādānaṁ kati kusalā, kati akusalā, kati abyākatā …pe… kati saraṇā, kati araṇā?
vb9:68.0	3.1. Tika
vb9:68.1	Kusalāyeva.
vb9:69.1	Siyā sukhāya vedanāya sampayuttā, siyā adukkhamasukhāya vedanāya sampayuttā.
vb9:70.1	Vipākadhammadhammā.
vb9:71.1	Anupādinnaanupādāniyā.
vb9:72.1	Asaṅkiliṭṭhaasaṅkilesikā.
vb9:73.1	Siyā savitakkasavicārā, siyā avitakkavicāramattā, siyā avitakkaavicārā.
vb9:74.1	Siyā pītisahagatā, siyā sukhasahagatā, siyā upekkhāsahagatā.
vb9:75.1	Neva dassanena na bhāvanāya pahātabbā.
vb9:76.1	Neva dassanena na bhāvanāya pahātabbahetukā.
vb9:77.1	Apacayagāmino.
vb9:78.1	Sekkhā.
vb9:79.1	Appamāṇā.
vb9:80.1	Appamāṇārammaṇā.
vb9:81.1	Paṇītā.
vb9:82.1	Sammattaniyatā.
vb9:83.1	Na maggārammaṇā, maggahetukā, na maggādhipatino.
vb9:84.1	Siyā uppannā, siyā anuppannā, na vattabbā uppādinoti.
vb9:85.1	Siyā atītā, siyā anāgatā, siyā paccuppannā.
vb9:86.1	Na vattabbā atītārammaṇātipi, anāgatārammaṇātipi, paccuppannārammaṇātipi.
vb9:87.1	Siyā ajjhattā, siyā bahiddhā, siyā ajjhattabahiddhā.
vb9:88.1	Bahiddhārammaṇā.
vb9:89.1	Anidassanaappaṭighā.
vb9:90.0.1	3.2. 3.2 Duka
vb9:90.0.2	3.2.1. Hetugocchaka
vb9:90.1	Vīmaṁsiddhipādo hetu, tayo iddhipādā na hetū.
vb9:90.2	Sahetukā.
vb9:90.3	Hetusampayuttā.
vb9:90.4	Vīmaṁsiddhipādo hetu ceva sahetuko ca, tayo iddhipādā na vattabbā “hetū ceva sahetukā cā”ti, sahetukā ceva na ca hetū.
vb9:90.5	Vīmaṁsiddhipādo hetu ceva hetusampayutto ca, tayo iddhipādā na vattabbā “hetū ceva hetusampayuttā cā”ti, hetusampayuttā ceva na ca hetū.
vb9:90.6	Tayo iddhipādā na hetū sahetukā, vīmaṁsiddhipādo na vattabbo “na hetu sahetuko”tipi, “na hetu ahetuko”tipi.
vb9:91.0	9.3.2.2. Cūḷantaradukādi
vb9:91.1	Sappaccayā.
vb9:91.2	Saṅkhatā.
vb9:91.3	Anidassanā.
vb9:91.4	Appaṭighā.
vb9:91.5	Arūpā.
vb9:91.6	Lokuttarā.
vb9:91.7	Kenaci viññeyyā, kenaci na viññeyyā.
vb9:91.8	No āsavā.
vb9:91.9	Anāsavā.
vb9:91.10	Āsavavippayuttā.
vb9:91.11	Na vattabbā āsavā ceva sāsavā cātipi, sāsavā ceva no ca āsavātipi.
vb9:91.12	Na vattabbā āsavā ceva āsavasampayuttā cātipi, āsavasampayuttā ceva no ca āsavātipi.
vb9:91.13	Āsavavippayuttāanāsavā.
vb9:92.1	No saṁyojanā …pe…
vb9:92.2	no ganthā …pe…
vb9:92.3	no oghā …pe…
vb9:92.4	no yogā …pe…
vb9:92.5	no nīvaraṇā …pe…
vb9:92.6	no parāmāsā …pe…
vb9:92.7	sārammaṇā.
vb9:92.8	Tayo iddhipādā no cittā, cittiddhipādo cittaṁ.
vb9:92.9	Tayo iddhipādā cetasikā, cittiddhipādo acetasiko.
vb9:92.10	Tayo iddhipādā cittasampayuttā, cittiddhipādo na vattabbo “cittena sampayutto”tipi, “cittena vippayutto”tipi.
vb9:92.11	Tayo iddhipādā cittasaṁsaṭṭhā, cittiddhipādo na vattabbo “cittena saṁsaṭṭho”tipi, “cittena visaṁsaṭṭho”tipi.
vb9:92.12	Tayo iddhipādā cittasamuṭṭhānā, cittiddhipādo no cittasamuṭṭhāno.
vb9:92.13	Tayo iddhipādā cittasahabhuno, cittiddhipādo no cittasahabhū.
vb9:92.14	Tayo iddhipādā cittānuparivattino, cittiddhipādo no cittānuparivatti.
vb9:92.15	Tayo iddhipādā cittasaṁsaṭṭhasamuṭṭhānā, cittiddhipādo no cittasaṁsaṭṭhasamuṭṭhāno.
vb9:92.16	Tayo iddhipādā cittasaṁsaṭṭhasamuṭṭhānasahabhuno, cittiddhipādo no cittasaṁsaṭṭhasamuṭṭhānasahabhū.
vb9:92.17	Tayo iddhipādā cittasaṁsaṭṭhasamuṭṭhānānuparivattino, cittiddhipādo no cittasaṁsaṭṭhasamuṭṭhānānuparivatti.
vb9:92.18	Tayo iddhipādā bāhirā, cittiddhipādo ajjhattiko.
vb9:93.0	9.3.2.11. Upādānagocchakādi
vb9:93.1	No upādā.
vb9:93.2	Anupādinnā.
vb9:93.3	No upādānā …pe…
vb9:93.4	no kilesā …pe…
vb9:93.5	na dassanena pahātabbā.
vb9:93.6	Na bhāvanāya pahātabbā.
vb9:93.7	Na dassanena pahātabbahetukā.
vb9:93.8	Na bhāvanāya pahātabbahetukā.
vb9:93.9	Siyā savitakkā, siyā avitakkā.
vb9:93.10	Siyā savicārā, siyā avicārā.
vb9:93.11	Siyā sappītikā, siyā appītikā.
vb9:93.12	Siyā pītisahagatā, siyā na pītisahagatā.
vb9:93.13	Siyā sukhasahagatā, siyā na sukhasahagatā.
vb9:93.14	Siyā upekkhāsahagatā, siyā na upekkhāsahagatā.
vb9:93.15	Na kāmāvacarā.
vb9:93.16	Na rūpāvacarā.
vb9:93.17	Na arūpāvacarā.
vb9:93.18	Apariyāpannā.
vb9:93.19	Niyyānikā.
vb9:93.20	Niyatā.
vb9:93.21	Anuttarā.
vb9:93.22	Araṇāti.
vb9:94.1	Pañhāpucchakaṁ.
vb9:95.1	Iddhipādavibhaṅgo niṭṭhito.
vb10:0.1	Vibhaṅga
vb10:0.2	Bojjhaṅgavibhaṅga
vb10:1.0	1. Suttantabhājanīya
vb10:1.1	Satta bojjhaṅgā—
vb10:1.2	satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
vb10:2.1	Tattha katamo satisambojjhaṅgo?
vb10:2.2	Idha bhikkhu satimā hoti paramena satinepakkena samannāgato, cirakatampi cirabhāsitampi saritā hoti anussaritā—
vb10:2.3	ayaṁ vuccati “satisambojjhaṅgo”.
vb10:3.1	So tathā sato viharanto taṁ dhammaṁ paññāya pavicinati pavicarati parivīmaṁsamāpajjati—
vb10:3.2	ayaṁ vuccati “dhammavicayasambojjhaṅgo”.
vb10:4.1	Tassa taṁ dhammaṁ paññāya pavicinato pavicarato parivīmaṁsamāpajjato āraddhaṁ hoti vīriyaṁ asallīnaṁ—
vb10:4.2	ayaṁ vuccati “vīriyasambojjhaṅgo”.
vb10:5.1	Āraddhavīriyassa uppajjati pīti nirāmisā—
vb10:5.2	ayaṁ vuccati “pītisambojjhaṅgo”.
vb10:6.1	Pītimanassa kāyopi passambhati, cittampi passambhati—
vb10:6.2	ayaṁ vuccati “passaddhisambojjhaṅgo”.
vb10:7.1	Passaddhakāyassa sukhino cittaṁ samādhiyati—
vb10:7.2	ayaṁ vuccati “samādhisambojjhaṅgo”.
vb10:8.1	So tathā samāhitaṁ cittaṁ sādhukaṁ ajjhupekkhitā hoti—
vb10:8.2	ayaṁ vuccati “upekkhāsambojjhaṅgo”.
vb10:9.1	Satta bojjhaṅgā—
vb10:9.2	satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
vb10:10.1	Tattha katamo satisambojjhaṅgo?
vb10:10.2	Atthi ajjhattaṁ dhammesu sati, atthi bahiddhā dhammesu sati.
vb10:10.3	Yadapi ajjhattaṁ dhammesu sati tadapi satisambojjhaṅgo abhiññāya sambodhāya nibbānāya saṁvattati.
vb10:10.4	Yadapi bahiddhā dhammesu sati tadapi satisambojjhaṅgo abhiññāya sambodhāya nibbānāya saṁvattati.
vb10:11.1	Tattha katamo dhammavicayasambojjhaṅgo?
vb10:11.2	Atthi ajjhattaṁ dhammesu pavicayo, atthi bahiddhā dhammesu pavicayo.
vb10:11.3	Yadapi ajjhattaṁ dhammesu pavicayo tadapi dhammavicayasambojjhaṅgo abhiññāya sambodhāya nibbānāya saṁvattati.
vb10:11.4	Yadapi bahiddhā dhammesu pavicayo tadapi dhammavicayasambojjhaṅgo abhiññāya sambodhāya nibbānāya saṁvattati.
vb10:12.1	Tattha katamo vīriyasambojjhaṅgo?
vb10:12.2	Atthi kāyikaṁ vīriyaṁ, atthi cetasikaṁ vīriyaṁ.
vb10:12.3	Yadapi kāyikaṁ vīriyaṁ tadapi vīriyasambojjhaṅgo abhiññāya sambodhāya nibbānāya saṁvattati.
vb10:12.4	Yadapi cetasikaṁ vīriyaṁ tadapi vīriyasambojjhaṅgo abhiññāya sambodhāya nibbānāya saṁvattati.
vb10:13.1	Tattha katamo pītisambojjhaṅgo?
vb10:13.2	Atthi savitakkasavicārā pīti, atthi avitakkaavicārā pīti.
vb10:13.3	Yadapi savitakkasavicārā pīti tadapi pītisambojjhaṅgo abhiññāya sambodhāya nibbānāya saṁvattati.
vb10:13.4	Yadapi avitakkaavicārā pīti tadapi pītisambojjhaṅgo abhiññāya sambodhāya nibbānāya saṁvattati.
vb10:14.1	Tattha katamo passaddhisambojjhaṅgo?
vb10:14.2	Atthi kāyapassaddhi, atthi cittapassaddhi.
vb10:14.3	Yadapi kāyapassaddhi tadapi passaddhisambojjhaṅgo abhiññāya sambodhāya nibbānāya saṁvattati.
vb10:14.4	Yadapi cittapassaddhi tadapi passaddhisambojjhaṅgo abhiññāya sambodhāya nibbānāya saṁvattati.
vb10:15.1	Tattha katamo samādhisambojjhaṅgo?
vb10:15.2	Atthi savitakko savicāro samādhi, atthi avitakko avicāro samādhi.
vb10:15.3	Yadapi savitakko savicāro samādhi tadapi samādhisambojjhaṅgo abhiññāya sambodhāya nibbānāya saṁvattati.
vb10:15.4	Yadapi avitakko avicāro samādhi tadapi samādhisambojjhaṅgo abhiññāya sambodhāya nibbānāya saṁvattati.
vb10:16.1	Tattha katamo upekkhāsambojjhaṅgo?
vb10:16.2	Atthi ajjhattaṁ dhammesu upekkhā, atthi bahiddhā dhammesu upekkhā.
vb10:16.3	Yadapi ajjhattaṁ dhammesu upekkhā tadapi upekkhāsambojjhaṅgo abhiññāya sambodhāya nibbānāya saṁvattati.
vb10:16.4	Yadapi bahiddhā dhammesu upekkhā tadapi upekkhāsambojjhaṅgo abhiññāya sambodhāya nibbānāya saṁvattati.
vb10:17.1	Satta bojjhaṅgā—
vb10:17.2	satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
vb10:18.1	Tattha katamo satisambojjhaṅgo?
vb10:18.2	Idha bhikkhu satisambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ,
vb10:18.3	dhammavicayasambojjhaṅgaṁ bhāveti …pe…
vb10:18.4	vīriyasambojjhaṅgaṁ bhāveti …
vb10:18.5	pītisambojjhaṅgaṁ bhāveti …
vb10:18.6	passaddhisambojjhaṅgaṁ bhāveti …
vb10:18.7	samādhisambojjhaṅgaṁ bhāveti …
vb10:18.8	upekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.
vb10:19.1	Suttantabhājanīyaṁ.
vb10:20.0	2. Abhidhammabhājanīya
vb10:20.1	Satta bojjhaṅgā—
vb10:20.2	satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
vb10:21.1	Tattha katame satta bojjhaṅgā?
vb10:21.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye satta bojjhaṅgā honti—
vb10:21.3	satisambojjhaṅgo …pe… upekkhāsambojjhaṅgo.
vb10:22.1	Tattha katamo satisambojjhaṅgo?
vb10:22.2	Yā sati anussati …pe… sammāsati satisambojjhaṅgo maggaṅgaṁ maggapariyāpannaṁ—
vb10:22.3	ayaṁ vuccati “satisambojjhaṅgo”.
vb10:23.1	Tattha katamo dhammavicayasambojjhaṅgo?
vb10:23.2	Yā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb10:23.3	ayaṁ vuccati “dhammavicayasambojjhaṅgo”.
vb10:24.1	Tattha katamo vīriyasambojjhaṅgo?
vb10:24.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb10:24.3	ayaṁ vuccati “vīriyasambojjhaṅgo”.
vb10:25.1	Tattha katamo pītisambojjhaṅgo?
vb10:25.2	Yā pīti pāmojjaṁ āmodanā pamodanā hāso pahāso vitti odagyaṁ attamanatā cittassa pītisambojjhaṅgo—
vb10:25.3	ayaṁ vuccati “pītisambojjhaṅgo”.
vb10:26.1	Tattha katamo passaddhisambojjhaṅgo?
vb10:26.2	Yā vedanākkhandhassa saññākkhandhassa saṅkhārakkhandhassa viññāṇakkhandhassa passaddhi paṭippassaddhi passambhanā paṭippassambhanā paṭippassambhitattaṁ passaddhisambojjhaṅgo—
vb10:26.3	ayaṁ vuccati “passaddhisambojjhaṅgo”.
vb10:27.1	Tattha katamo samādhisambojjhaṅgo?
vb10:27.2	Yā cittassa ṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb10:27.3	ayaṁ vuccati “samādhisambojjhaṅgo”.
vb10:28.1	Tattha katamo upekkhāsambojjhaṅgo?
vb10:28.2	Yā upekkhā upekkhanā ajjhupekkhanā majjhattatā cittassa upekkhāsambojjhaṅgo—
vb10:28.3	ayaṁ vuccati “upekkhāsambojjhaṅgo”.
vb10:28.4	Ime vuccanti satta bojjhaṅgā.
vb10:28.5	Avasesā dhammā sattahi bojjhaṅgehi sampayuttā.
vb10:29.1	Satta bojjhaṅgā—
vb10:29.2	satisambojjhaṅgo …pe… upekkhāsambojjhaṅgo.
vb10:30.1	Tattha katamo satisambojjhaṅgo?
vb10:30.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb10:30.3	ayaṁ vuccati “satisambojjhaṅgo”.
vb10:30.4	Avasesā dhammā satisambojjhaṅgasampayuttā …pe…
vb10:30.5	avasesā dhammā dhammavicayasambojjhaṅgasampayuttā …pe…
vb10:30.6	avasesā dhammā vīriyasambojjhaṅgasampayuttā …pe…
vb10:30.7	avasesā dhammā pītisambojjhaṅgasampayuttā …pe…
vb10:30.8	avasesā dhammā passaddhisambojjhaṅgasampayuttā …pe…
vb10:30.9	avasesā dhammā samādhisambojjhaṅgasampayuttā.
vb10:31.1	Tattha katamo upekkhāsambojjhaṅgo?
vb10:31.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yā tasmiṁ samaye upekkhā upekkhanā ajjhupekkhanā majjhattatā cittassa upekkhāsambojjhaṅgo—
vb10:31.3	ayaṁ vuccati “upekkhāsambojjhaṅgo”.
vb10:31.4	Avasesā dhammā upekkhāsambojjhaṅgasampayuttā.
vb10:32.1	Satta bojjhaṅgā—
vb10:32.2	satisambojjhaṅgo …pe… upekkhāsambojjhaṅgo.
vb10:33.1	Tattha katame satta bojjhaṅgā?
vb10:33.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yo tasmiṁ samaye phasso hoti …pe… avikkhepo hoti—
vb10:33.3	ime dhammā kusalā.
vb10:33.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye satta bojjhaṅgā honti—
vb10:33.5	satisambojjhaṅgo …pe… upekkhāsambojjhaṅgo.
vb10:34.1	Tattha katamo satisambojjhaṅgo?
vb10:34.2	Yā sati anussati …pe… sammāsati satisambojjhaṅgo maggaṅgaṁ maggapariyāpannaṁ—
vb10:34.3	ayaṁ vuccati “satisambojjhaṅgo” …pe….
vb10:35.1	Tattha katamo upekkhāsambojjhaṅgo?
vb10:35.2	Yā upekkhā upekkhanā ajjhupekkhanā majjhattatā cittassa upekkhāsambojjhaṅgo—
vb10:35.3	ayaṁ vuccati “upekkhāsambojjhaṅgo”.
vb10:35.4	Ime vuccanti “satta bojjhaṅgā”.
vb10:35.5	Avasesā dhammā sattahi bojjhaṅgehi sampayuttā.
vb10:36.1	Satta bojjhaṅgā—
vb10:36.2	satisambojjhaṅgo …pe… upekkhāsambojjhaṅgo.
vb10:37.1	Tattha katamo satisambojjhaṅgo?
vb10:37.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb10:37.3	Ime dhammā kusalā.
vb10:37.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yā tasmiṁ samaye sati anussati sammāsati satisambojjhaṅgo maggaṅgaṁ maggapariyāpannaṁ—
vb10:37.5	ayaṁ vuccati “satisambojjhaṅgo”.
vb10:37.6	Avasesā dhammā satisambojjhaṅgasampayuttā …pe…
vb10:37.7	avasesā dhammā dhammavicayasambojjhaṅgasampayuttā …pe…
vb10:37.8	avasesā dhammā vīriyasambojjhaṅgasampayuttā …pe…
vb10:37.9	avasesā dhammā pītisambojjhaṅgasampayuttā …pe…
vb10:37.10	avasesā dhammā passaddhisambojjhaṅgasampayuttā …pe…
vb10:37.11	avasesā dhammā samādhisambojjhaṅgasampayuttā.
vb10:38.1	Tattha katamo upekkhāsambojjhaṅgo?
vb10:38.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb10:38.3	Ime dhammā kusalā.
vb10:38.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, yā tasmiṁ samaye upekkhā upekkhanā ajjhupekkhanā majjhattatā cittassa upekkhāsambojjhaṅgo—
vb10:38.5	ayaṁ vuccati “upekkhāsambojjhaṅgo”.
vb10:38.6	Avasesā dhammā upekkhāsambojjhaṅgasampayuttā.
vb10:39.1	Abhidhammabhājanīyaṁ.
vb10:40.0	3. Pañhāpucchaka
vb10:40.1	Satta bojjhaṅgā—
vb10:40.2	satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
vb10:41.1	Sattannaṁ bojjhaṅgānaṁ kati kusalā, kati akusalā, kati abyākatā …pe… kati saraṇā, kati araṇā?
vb10:42.0	3.1. Tika
vb10:42.1	Siyā kusalā, siyā abyākatā.
vb10:43.1	Pītisambojjhaṅgo sukhāya vedanāya sampayutto;
vb10:43.2	cha bojjhaṅgā siyā sukhāya vedanāya sampayuttā, siyā adukkhamasukhāya vedanāya sampayuttā.
vb10:44.1	Siyā vipākā, siyā vipākadhammadhammā.
vb10:45.1	Anupādinnaanupādāniyā.
vb10:46.1	Asaṅkiliṭṭhaasaṅkilesikā.
vb10:47.1	Siyā savitakkasavicārā, siyā avitakkavicāramattā, siyā avitakkaavicārā.
vb10:48.1	Pītisambojjhaṅgo na pītisahagato, sukhasahagato, na upekkhāsahagato;
vb10:48.2	cha bojjhaṅgā siyā pītisahagatā, siyā sukhasahagatā, siyā upekkhāsahagatā.
vb10:49.1	Neva dassanena na bhāvanāya pahātabbā.
vb10:50.1	Neva dassanena na bhāvanāya pahātabbahetukā.
vb10:51.1	Siyā apacayagāmino, siyā nevācayagāmināpacayagāmino.
vb10:52.1	Siyā sekkhā, siyā asekkhā.
vb10:53.1	Appamāṇā.
vb10:54.1	Appamāṇārammaṇā.
vb10:55.1	Paṇītā.
vb10:56.1	Siyā sammattaniyatā, siyā aniyatā.
vb10:57.1	Na maggārammaṇā, siyā maggahetukā, siyā maggādhipatino;
vb10:57.2	siyā na vattabbā “maggahetukā”tipi, “maggādhipatino”tipi.
vb10:58.1	Siyā uppannā, siyā anuppannā, siyā uppādino.
vb10:59.1	Siyā atītā, siyā anāgatā, siyā paccuppannā.
vb10:60.1	Na vattabbā “atītārammaṇā”tipi, “anāgatārammaṇā”tipi, “paccuppannārammaṇā”tipi.
vb10:61.1	Siyā ajjhattā, siyā bahiddhā, siyā ajjhattabahiddhā.
vb10:62.1	Bahiddhārammaṇā.
vb10:63.1	Anidassanaappaṭighā.
vb10:64.0.1	3.2. 3.2 Duka
vb10:64.0.2	3.2.1. Hetugocchaka
vb10:64.1	Dhammavicayasambojjhaṅgo hetu, cha bojjhaṅgā hetusampayuttā.
vb10:64.2	Dhammavicayasambojjhaṅgo hetu ceva sahetuko ca, cha bojjhaṅgā na vattabbā “hetū ceva sahetukā cā”ti, sahetukā ceva na ca hetū.
vb10:64.3	Dhammavicayasambojjhaṅgo hetu ceva hetusampayutto ca, cha bojjhaṅgā na vattabbā “hetū ceva hetusampayuttā cā”ti, hetusampayuttā ceva na ca hetū.
vb10:64.4	Cha bojjhaṅgā na hetū sahetukā, dhammavicayasambojjhaṅgo na vattabbo “na hetusahetuko”tipi, “na hetuahetuko”tipi.
vb10:65.0	3.2.2. Cūḷantaraduka
vb10:65.1	Sappaccayā.
vb10:65.2	Saṅkhatā.
vb10:65.3	Anidassanā.
vb10:65.4	Appaṭighā.
vb10:65.5	Arūpā.
vb10:65.6	Lokuttarā.
vb10:65.7	Kenaci viññeyyā, kenaci na viññeyyā.
vb10:66.0	3.2.3. Āsavagocchaka
vb10:66.1	No āsavā.
vb10:66.2	Anāsavā.
vb10:66.3	Āsavavippayuttā.
vb10:66.4	Na vattabbā “āsavā ceva sāsavā cā”tipi, sāsavā ceva no ca āsavātipi.
vb10:66.5	Na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb10:66.6	Āsavavippayuttā.
vb10:66.7	Anāsavā.
vb10:67.0	10.3.2.4. Saṁyojanagocchakādi
vb10:67.1	No saṁyojanā …pe…
vb10:67.2	no ganthā …pe…
vb10:67.3	no oghā …pe…
vb10:67.4	no yogā …pe…
vb10:67.5	no nīvaraṇā …pe…
vb10:67.6	no parāmāsā …pe…
vb10:68.0	3.2.10. Mahantaraduka
vb10:68.1	Sārammaṇā.
vb10:68.2	No cittā.
vb10:68.3	Cetasikā.
vb10:68.4	Cittasampayuttā.
vb10:68.5	Cittasaṁsaṭṭhā.
vb10:68.6	Cittasamuṭṭhānā.
vb10:68.7	Cittasahabhuno.
vb10:68.8	Cittānuparivattino.
vb10:68.9	Cittasaṁsaṭṭhasamuṭṭhānā.
vb10:68.10	Cittasaṁsaṭṭhasamuṭṭhānasahabhuno.
vb10:68.11	Cittasaṁsaṭṭhasamuṭṭhānānuparivattino.
vb10:68.12	Bāhirā.
vb10:68.13	No upādā.
vb10:68.14	Anupādinnā.
vb10:69.0	10.3.2.11. Upādānagocchakādi
vb10:69.1	No upādānā …pe…
vb10:69.2	no kilesā …pe….
vb10:69.3	Na dassanena pahātabbā.
vb10:69.4	Na bhāvanāya pahātabbā.
vb10:69.5	Na dassanena pahātabbahetukā.
vb10:69.6	Na bhāvanāya pahātabbahetukā.
vb10:69.7	Siyā savitakkā, siyā avitakkā.
vb10:69.8	Siyā savicārā, siyā avicārā.
vb10:70.1	Pītisambojjhaṅgo appītiko, cha bojjhaṅgā siyā sappītikā, siyā appītikā.
vb10:70.2	Pītisambojjhaṅgo na pītisahagato, cha bojjhaṅgā siyā pītisahagatā, siyā na pītisahagatā.
vb10:70.3	Pītisambojjhaṅgo sukhasahagato, cha bojjhaṅgā siyā sukhasahagatā, siyā na sukhasahagatā.
vb10:70.4	Pītisambojjhaṅgo na upekkhāsahagato, cha bojjhaṅgā siyā upekkhāsahagatā, siyā na upekkhāsahagatā.
vb10:70.5	Na kāmāvacarā.
vb10:70.6	Na rūpāvacarā.
vb10:70.7	Na arūpāvacarā.
vb10:70.8	Apariyāpannā.
vb10:70.9	Siyā niyyānikā, siyā aniyyānikā.
vb10:70.10	Siyā niyatā, siyā aniyatā.
vb10:70.11	Anuttarā.
vb10:70.12	Araṇāti.
vb10:71.1	Pañhāpucchakaṁ.
vb10:72.1	Bojjhaṅgavibhaṅgo niṭṭhito.
vb11:0.1	Vibhaṅga
vb11:0.2	Maggaṅgavibhaṅga
vb11:1.0	1. Suttantabhājanīya
vb11:1.1	Ariyo aṭṭhaṅgiko maggo, seyyathidaṁ—
vb11:1.2	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
vb11:2.1	Tattha katamā sammādiṭṭhi?
vb11:2.2	Dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ—
vb11:2.3	ayaṁ vuccati “sammādiṭṭhi”.
vb11:3.1	Tattha katamo sammāsaṅkappo?
vb11:3.2	Nekkhammasaṅkappo, abyāpādasaṅkappo, avihiṁsāsaṅkappo—
vb11:3.3	ayaṁ vuccati “sammāsaṅkappo”.
vb11:4.1	Tattha katamā sammāvācā?
vb11:4.2	Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī—
vb11:4.3	ayaṁ vuccati “sammāvācā”.
vb11:5.1	Tattha katamo sammākammanto?
vb11:5.2	Pāṇātipātā veramaṇī, adinnādānā veramaṇī, kāmesumicchācārā veramaṇī—
vb11:5.3	ayaṁ vuccati “sammākammanto”.
vb11:6.1	Tattha katamo sammāājīvo?
vb11:6.2	Idha ariyasāvako micchāājīvaṁ pahāya sammāājīvena jīvikaṁ kappeti—
vb11:6.3	ayaṁ vuccati “sammāājīvo”.
vb11:7.1	Tattha katamo sammāvāyāmo?
vb11:7.2	Idha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati,
vb11:7.3	uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati,
vb11:7.4	anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati,
vb11:7.5	uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati—
vb11:7.6	ayaṁ vuccati “sammāvāyāmo”.
vb11:8.1	Tattha katamā sammāsati?
vb11:8.2	Idha bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ,
vb11:8.3	vedanāsu vedanānupassī viharati ātāpī sampajāno satimā vineyya loke abhijjhādomanassaṁ,
vb11:8.4	citte cittānupassī viharati ātāpī sampajāno satimā vineyya loke abhijjhādomanassaṁ,
vb11:8.5	dhammesu dhammānupassī viharati ātāpī sampajāno satimā vineyya loke abhijjhādomanassaṁ—
vb11:8.6	ayaṁ vuccati “sammāsati”.
vb11:9.1	Tattha katamo sammāsamādhi?
vb11:9.2	Idha bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati;
vb11:9.3	vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati;
vb11:9.4	pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti “upekkhako satimā sukhavihārī”ti tatiyaṁ jhānaṁ upasampajja viharati;
vb11:9.5	sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati—
vb11:9.6	ayaṁ vuccati “sammāsamādhi”.
vb11:10.1	Ariyo aṭṭhaṅgiko maggo, seyyathidaṁ—
vb11:10.2	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
vb11:11.1	Tattha katamā sammādiṭṭhi?
vb11:11.2	Idha bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ,
vb11:11.3	sammāsaṅkappaṁ bhāveti …pe…
vb11:11.4	sammāvācaṁ bhāveti …pe…
vb11:11.5	sammākammantaṁ bhāveti …pe…
vb11:11.6	sammāājīvaṁ bhāveti …pe…
vb11:11.7	sammāvāyāmaṁ bhāveti …pe…
vb11:11.8	sammāsatiṁ bhāveti …pe…
vb11:11.9	sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.
vb11:12.1	Suttantabhājanīyaṁ.
vb11:13.0	2. Abhidhammabhājanīya
vb11:13.1	Aṭṭhaṅgiko maggo—
vb11:13.2	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
vb11:14.1	Tattha katamo aṭṭhaṅgiko maggo?
vb11:14.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—
vb11:14.3	sammādiṭṭhi …pe… sammāsamādhi.
vb11:15.1	Tattha katamā sammādiṭṭhi?
vb11:15.2	Yā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb11:15.3	ayaṁ vuccati “sammādiṭṭhi”.
vb11:16.1	Tattha katamo sammāsaṅkappo?
vb11:16.2	Yo takko vitakko saṅkappo appanā byappanā cetaso abhiniropanā sammāsaṅkappo maggaṅgaṁ maggapariyāpannaṁ—
vb11:16.3	ayaṁ vuccati “sammāsaṅkappo”.
vb11:17.1	Tattha katamā sammāvācā?
vb11:17.2	Yā catūhi vacīduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāvācā maggaṅgaṁ maggapariyāpannaṁ—
vb11:17.3	ayaṁ vuccati “sammāvācā”.
vb11:18.1	Tattha katamo sammākammanto?
vb11:18.2	Yā tīhi kāyaduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammākammanto maggaṅgaṁ maggapariyāpannaṁ—
vb11:18.3	ayaṁ vuccati “sammākammanto”.
vb11:19.1	Tattha katamo sammāājīvo?
vb11:19.2	Yā micchāājīvā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāājīvo maggaṅgaṁ maggapariyāpannaṁ—
vb11:19.3	ayaṁ vuccati “sammāājīvo”.
vb11:20.1	Tattha katamo sammāvāyāmo?
vb11:20.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb11:20.3	ayaṁ vuccati “sammāvāyāmo”.
vb11:21.1	Tattha katamā sammāsati?
vb11:21.2	Yā sati anussati …pe… sammāsati satisambojjhaṅgo maggaṅgaṁ maggapariyāpannaṁ—
vb11:21.3	ayaṁ vuccati “sammāsati”.
vb11:22.1	Tattha katamo sammāsamādhi?
vb11:22.2	Yā cittassa ṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb11:22.3	ayaṁ vuccati “sammāsamādhi”.
vb11:22.4	Ayaṁ vuccati “aṭṭhaṅgiko maggo”.
vb11:22.5	Avasesā dhammā aṭṭhaṅgikena maggena sampayuttā.
vb11:23.1	Pañcaṅgiko maggo—
vb11:23.2	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb11:24.1	Tattha katamo pañcaṅgiko maggo?
vb11:24.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye pañcaṅgiko maggo hoti—
vb11:24.3	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb11:25.1	Tattha katamā sammādiṭṭhi?
vb11:25.2	Yā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb11:25.3	ayaṁ vuccati “sammādiṭṭhi”.
vb11:26.1	Tattha katamo sammāsaṅkappo?
vb11:26.2	Yo takko vitakko …pe… sammāsaṅkappo maggaṅgaṁ maggapariyāpannaṁ—
vb11:26.3	ayaṁ vuccati “sammāsaṅkappo”.
vb11:27.1	Tattha katamo sammāvāyāmo?
vb11:27.2	Yo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—
vb11:27.3	ayaṁ vuccati “sammāvāyāmo”.
vb11:28.1	Tattha katamā sammāsati?
vb11:28.2	Yā sati anussati …pe… sammāsati satisambojjhaṅgo maggaṅgaṁ maggapariyāpannaṁ—
vb11:28.3	ayaṁ vuccati “sammāsati”.
vb11:29.1	Tattha katamo sammāsamādhi?
vb11:29.2	Yā cittassa ṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb11:29.3	ayaṁ vuccati “sammāsamādhi”.
vb11:29.4	Ayaṁ vuccati “pañcaṅgiko maggo”.
vb11:29.5	Avasesā dhammā pañcaṅgikena maggena sampayuttā.
vb11:30.1	Pañcaṅgiko maggo—
vb11:30.2	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb11:31.1	Tattha katamā sammādiṭṭhi?
vb11:31.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yā tasmiṁ samaye paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb11:31.3	ayaṁ vuccati “sammādiṭṭhi”.
vb11:31.4	Avasesā dhammā sammādiṭṭhiyā sampayuttā …pe…
vb11:31.5	avasesā dhammā sammāsaṅkappena sampayuttā …pe…
vb11:31.6	avasesā dhammā sammāvāyāmena sampayuttā …pe…
vb11:31.7	avasesā dhammā sammāsatiyā sampayuttā.
vb11:32.1	Tattha katamo sammāsamādhi?
vb11:32.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yā tasmiṁ samaye cittassa ṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—
vb11:32.3	ayaṁ vuccati “sammāsamādhi”.
vb11:32.4	Avasesā dhammā sammāsamādhinā sampayuttā.
vb11:33.1	Aṭṭhaṅgiko maggo—
vb11:33.2	sammādiṭṭhi …pe… sammāsamādhi.
vb11:34.1	Tattha katamo aṭṭhaṅgiko maggo?
vb11:34.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb11:34.3	Ime dhammā kusalā.
vb11:34.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye aṭṭhaṅgiko maggo hoti—
vb11:34.5	sammādiṭṭhi …pe… sammāsamādhi.
vb11:34.6	Ayaṁ vuccati “aṭṭhaṅgiko maggo”.
vb11:34.7	Avasesā dhammā aṭṭhaṅgikena maggena sampayuttā.
vb11:35.1	Pañcaṅgiko maggo—
vb11:35.2	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb11:36.1	Tattha katamo pañcaṅgiko maggo?
vb11:36.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb11:36.3	Ime dhammā kusalā.
vb11:36.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye pañcaṅgiko maggo hoti—
vb11:36.5	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb11:36.6	Ayaṁ vuccati “pañcaṅgiko maggo”.
vb11:36.7	Avasesā dhammā pañcaṅgikena maggena sampayuttā.
vb11:37.1	Pañcaṅgiko maggo—
vb11:37.2	sammādiṭṭhi, sammāsaṅkappo, sammāvāyāmo, sammāsati, sammāsamādhi.
vb11:38.1	Tattha katamā sammādiṭṭhi?
vb11:38.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb11:38.3	Ime dhammā kusalā.
vb11:38.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, yā tasmiṁ samaye paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—
vb11:38.5	ayaṁ vuccati “sammādiṭṭhi”.
vb11:38.6	Avasesā dhammā sammādiṭṭhiyā sampayuttā …pe…
vb11:38.7	avasesā dhammā sammāsaṅkappena sampayuttā …pe…
vb11:38.8	avasesā dhammā sammāvāyāmena sampayuttā …pe…
vb11:38.9	avasesā dhammā sammāsatiyā sampayuttā.
vb11:39.1	Tattha katamo sammāsamādhi?
vb11:39.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb11:39.3	Ime dhammā kusalā.
vb11:39.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi samādhisambojjhaṅgo maggaṅgaṁ maggapariyāpannaṁ—
vb11:39.5	ayaṁ vuccati “sammāsamādhi”.
vb11:39.6	Avasesā dhammā sammāsamādhinā sampayuttā.
vb11:40.1	Abhidhammabhājanīyaṁ.
vb11:41.0	3. Pañhāpucchaka
vb11:41.1	Ariyo aṭṭhaṅgiko maggo, seyyathidaṁ—
vb11:41.2	sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
vb11:42.1	Aṭṭhannaṁ maggaṅgānaṁ kati kusalā, kati akusalā, kati abyākatā …pe… kati saraṇā, kati araṇā?
vb11:43.0	3.1. Tika
vb11:43.1	Siyā kusalā, siyā abyākatā.
vb11:44.1	Sammāsaṅkappo sukhāya vedanāya sampayutto;
vb11:44.2	satta maggaṅgā siyā sukhāya vedanāya sampayuttā, siyā adukkhamasukhāya vedanāya sampayuttā.
vb11:45.1	Siyā vipākā, siyā vipākadhammadhammā.
vb11:46.1	Anupādinnaanupādāniyā.
vb11:47.1	Asaṅkiliṭṭhaasaṅkilesikā.
vb11:48.1	Sammāsaṅkappo avitakkavicāramatto;
vb11:48.2	satta maggaṅgā siyā savitakkasavicārā, siyā avitakkavicāramattā, siyā avitakkaavicārā.
vb11:49.1	Sammāsaṅkappo pītisahagato, sukhasahagato, na upekkhāsahagato;
vb11:49.2	satta maggaṅgā siyā pītisahagatā, siyā sukhasahagatā, siyā upekkhāsahagatā.
vb11:50.1	Neva dassanena na bhāvanāya pahātabbā.
vb11:51.1	Neva dassanena na bhāvanāya pahātabbahetukā.
vb11:52.1	Siyā apacayagāmino, siyā nevācayagāmināpacayagāmino.
vb11:53.1	Siyā sekkhā, siyā asekkhā.
vb11:54.1	Appamāṇā.
vb11:55.1	Appamāṇārammaṇā.
vb11:56.1	Paṇītā.
vb11:57.1	Siyā sammattaniyatā, siyā aniyatā.
vb11:58.1	Na maggārammaṇā, siyā maggahetukā, siyā maggādhipatino;
vb11:58.2	siyā na vattabbā “maggahetukā”tipi, “maggādhipatino”tipi.
vb11:59.1	Siyā uppannā, siyā anuppannā, siyā uppādino.
vb11:60.1	Siyā atītā, siyā anāgatā, siyā paccuppannā.
vb11:61.1	Na vattabbā “atītārammaṇā”tipi, “anāgatārammaṇā”tipi, “paccuppannārammaṇā”tipi.
vb11:62.1	Siyā ajjhattā, siyā bahiddhā, siyā ajjhattabahiddhā.
vb11:63.1	Bahiddhārammaṇā.
vb11:64.1	Anidassanaappaṭighā.
vb11:65.0.1	3.2. 3.2 Duka
vb11:65.0.2	3.2.1. Hetugocchaka
vb11:65.1	Sammādiṭṭhi hetu, satta maggaṅgā na hetū, sahetukā, hetusampayuttā.
vb11:65.2	Sammādiṭṭhi hetu ceva sahetukā ca, satta maggaṅgā na vattabbā “hetū ceva sahetukā cā”ti, sahetukā ceva na ca hetū.
vb11:65.3	Sammādiṭṭhi hetu ceva hetusampayuttā ca, satta maggaṅgā na vattabbā “hetū ceva hetusampayuttā cā”ti, hetusampayuttā ceva na ca hetū.
vb11:65.4	Satta maggaṅgā na hetū sahetukā, sammādiṭṭhi na vattabbā “na hetu sahetukā”tipi, “na hetu ahetukā”tipi.
vb11:66.0	3.2.2. Cūḷantaraduka
vb11:66.1	Sappaccayā.
vb11:66.2	Saṅkhatā.
vb11:66.3	Anidassanā.
vb11:66.4	Appaṭighā.
vb11:66.5	Arūpā.
vb11:66.6	Lokuttarā.
vb11:66.7	Kenaci viññeyyā, kenaci na viññeyyā.
vb11:67.0	3.2.3. Āsavagocchaka
vb11:67.1	No āsavā.
vb11:67.2	Anāsavā.
vb11:67.3	Āsavavippayuttā.
vb11:67.4	Na vattabbā “āsavā ceva sāsavā cā”tipi, “sāsavā ceva no ca āsavā”tipi.
vb11:67.5	Na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb11:67.6	Āsavavippayuttā.
vb11:67.7	Anāsavā.
vb11:68.0	11.3.2.4. Saṁyojanagocchakādi
vb11:68.1	No saṁyojanā …pe…
vb11:68.2	no ganthā …pe…
vb11:68.3	no oghā …pe…
vb11:68.4	no yogā …pe…
vb11:68.5	no nīvaraṇā …pe…
vb11:68.6	no parāmāsā …pe….
vb11:69.0	3.2.10. Mahantaraduka
vb11:69.1	Sārammaṇā.
vb11:69.2	No cittā.
vb11:69.3	Cetasikā.
vb11:69.4	Cittasampayuttā.
vb11:69.5	Cittasaṁsaṭṭhā.
vb11:69.6	Cittasamuṭṭhānā.
vb11:69.7	Cittasahabhuno.
vb11:69.8	Cittānuparivattino.
vb11:69.9	Cittasaṁsaṭṭhasamuṭṭhānā.
vb11:69.10	Cittasaṁsaṭṭhasamuṭṭhānasahabhuno.
vb11:69.11	Cittasaṁsaṭṭhasamuṭṭhānānuparivattino.
vb11:69.12	Bāhirā.
vb11:69.13	No upādā.
vb11:69.14	Anupādinnā.
vb11:70.0	11.3.2.11. Upādānagocchakādi
vb11:70.1	No upādānā …pe…
vb11:70.2	no kilesā …pe…
vb11:70.3	na dassanena pahātabbā.
vb11:70.4	Na bhāvanāya pahātabbā.
vb11:70.5	Na dassanena pahātabbahetukā.
vb11:70.6	Na bhāvanāya pahātabbahetukā.
vb11:70.7	Sammāsaṅkappo avitakko, satta maggaṅgā siyā savitakkā, siyā avitakkā.
vb11:70.8	Sammāsaṅkappo savicāro, satta maggaṅgā siyā savicārā, siyā avicārā.
vb11:70.9	Sammāsaṅkappo sappītiko, satta maggaṅgā siyā sappītikā, siyā appītikā.
vb11:70.10	Sammāsaṅkappo pītisahagato, satta maggaṅgā siyā pītisahagatā, siyā na pītisahagatā.
vb11:70.11	Sammāsaṅkappo sukhasahagato, satta maggaṅgā siyā sukhasahagatā, siyā na sukhasahagatā.
vb11:70.12	Sammāsaṅkappo na upekkhāsahagato, satta maggaṅgā siyā upekkhāsahagatā, siyā na upekkhāsahagatā.
vb11:70.13	Na kāmāvacarā.
vb11:70.14	Na rūpāvacarā.
vb11:70.15	Na arūpāvacarā.
vb11:70.16	Apariyāpannā.
vb11:70.17	Siyā niyyānikā, siyā aniyyānikā.
vb11:70.18	Siyā niyatā, siyā aniyatā.
vb11:70.19	Anuttarā.
vb11:70.20	Araṇāti.
vb11:71.1	Pañhāpucchakaṁ.
vb11:72.1	Maggaṅgavibhaṅgo niṭṭhito.
vb12:0.1	Vibhaṅga
vb12:0.2	Jhānavibhaṅga
vb12:1.0	1. Suttantabhājanīya
vb12:1.1	Idha bhikkhu pātimokkhasaṁvarasaṁvuto viharati, ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu indriyesu guttadvāro bhojane mattaññū pubbarattāpararattaṁ jāgariyānuyogamanuyutto sātaccaṁ nepakkaṁ bodhipakkhikānaṁ dhammānaṁ bhāvanānuyogamanuyutto.
vb12:2.1	So abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.
vb12:3.1	So vivittaṁ senāsanaṁ bhajati araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ abbhokāsaṁ palālapuñjaṁ appasaddaṁ appanigghosaṁ vijanavātaṁ manussarāhasseyyakaṁ paṭisallānasāruppaṁ.
vb12:3.2	So araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
vb12:4.1	So abhijjhaṁ loke pahāya vigatābhijjhena cetasā viharati, abhijjhāya cittaṁ parisodheti.
vb12:4.2	Byāpādapadosaṁ pahāya abyāpannacitto viharati sabbapāṇabhūtahitānukampī, byāpādapadosā cittaṁ parisodheti.
vb12:4.3	Thinamiddhaṁ pahāya vigatathinamiddho viharati ālokasaññī sato sampajāno, thinamiddhā cittaṁ parisodheti.
vb12:4.4	Uddhaccakukkuccaṁ pahāya anuddhato viharati ajjhattaṁ vūpasantacitto, uddhaccakukkuccā cittaṁ parisodheti.
vb12:4.5	Vicikicchaṁ pahāya tiṇṇavicikiccho viharati akathaṅkathī kusalesu dhammesu, vicikicchāya cittaṁ parisodheti.
vb12:5.1	So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati;
vb12:5.2	vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati;
vb12:5.3	pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti—“upekkhako satimā sukhavihārī”ti tatiyaṁ jhānaṁ upasampajja viharati;
vb12:5.4	sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati;
vb12:5.5	sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā “ananto ākāso”ti ākāsānañcāyatanaṁ upasampajja viharati;
vb12:5.6	sabbaso ākāsānañcāyatanaṁ samatikkamma “anantaṁ viññāṇan”ti viññāṇañcāyatanaṁ upasampajja viharati;
vb12:5.7	sabbaso viññāṇañcāyatanaṁ samatikkamma “natthi kiñcī”ti ākiñcaññāyatanaṁ upasampajja viharati;
vb12:5.8	sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati.
vb12:6.1	Mātikā.
vb12:7.1	“Idhā”ti imissā diṭṭhiyā, imissā khantiyā, imissā ruciyā, imasmiṁ ādāye, imasmiṁ dhamme, imasmiṁ vinaye, imasmiṁ dhammavinaye, imasmiṁ pāvacane, imasmiṁ brahmacariye, imasmiṁ satthusāsane.
vb12:7.2	Tena vuccati “idhā”ti.
vb12:8.1	“Bhikkhū”ti samaññāya bhikkhu, paṭiññāya bhikkhu, bhikkhatīti bhikkhu, bhikkhakoti bhikkhu, bhikkhācariyaṁ ajjhupagatoti bhikkhu, bhinnapaṭadharoti bhikkhu, bhindati pāpake akusale dhammeti bhikkhu, bhinnattā pāpakānaṁ akusalānaṁ dhammānaṁ bhikkhu, odhiso kilesānaṁ pahānā bhikkhu, anodhiso kilesānaṁ pahānā bhikkhu, sekkho bhikkhu, asekkho bhikkhu, nevasekkhanāsekkho bhikkhu, aggo bhikkhu, bhadro bhikkhu, maṇḍo bhikkhu, sāro bhikkhu, samaggena saṅghena ñatticatutthena kammena akuppena ṭhānārahena upasampanno bhikkhu.
vb12:9.1	“Pātimokkhan”ti sīlaṁ patiṭṭhā ādi caraṇaṁ saṁyamo saṁvaro mokkhaṁ pāmokkhaṁ kusalānaṁ dhammānaṁ samāpattiyā.
vb12:9.2	“Saṁvaro”ti kāyiko avītikkamo, vācasiko avītikkamo, kāyikavācasiko avītikkamo.
vb12:9.3	“Saṁvuto”ti iminā pātimokkhasaṁvarena upeto hoti samupeto upāgato samupāgato upapanno sampanno samannāgato.
vb12:9.4	Tena vuccati “pātimokkhasaṁvarasaṁvuto”ti.
vb12:10.1	“Viharatī”ti iriyati vattati pāleti yapeti yāpeti carati viharati.
vb12:10.2	Tena vuccati “viharatī”ti.
vb12:11.1	“Ācāragocarasampanno”ti atthi ācāro, atthi anācāro.
vb12:12.1	Tattha katamo anācāro?
vb12:12.2	Kāyiko vītikkamo, vācasiko vītikkamo, kāyikavācasiko vītikkamo—
vb12:12.3	ayaṁ vuccati “anācāro”.
vb12:12.4	Sabbampi dussīlyaṁ anācāro.
vb12:12.5	Idhekacco veḷudānena vā pattadānena vā pupphadānena vā phaladānena vā sinānadānena vā dantakaṭṭhadānena vā cāṭukamyatāya vā muggasūpyatāya vā pāribhaṭyatāya vā jaṅghapesanikena vā aññataraññatarena vā buddhapaṭikuṭṭhena micchāājīvena jīvikaṁ kappeti—
vb12:12.6	ayaṁ vuccati “anācāro”.
vb12:13.1	Tattha katamo ācāro?
vb12:13.2	Kāyiko avītikkamo, vācasiko avītikkamo, kāyikavācasiko avītikkamo—
vb12:13.3	ayaṁ vuccati “ācāro”.
vb12:13.4	Sabbopi sīlasaṁvaro ācāro.
vb12:13.5	Idhekacco na veḷudānena na pattadānena na pupphadānena na phaladānena na sinānadānena na dantakaṭṭhadānena na cāṭukamyatāya na muggasūpyatāya na pāribhaṭyatāya na jaṅghapesanikena na aññataraññatarena buddhapaṭikuṭṭhena micchāājīvena jīvikaṁ kappeti—
vb12:13.6	ayaṁ vuccati “ācāro”.
vb12:14.1	“Gocaro”ti atthi gocaro, atthi agocaro.
vb12:15.1	Tattha katamo agocaro?
vb12:15.2	Idhekacco vesiyāgocaro vā hoti vidhavāgocaro vā thullakumārigocaro vā paṇḍakagocaro vā bhikkhunigocaro vā pānāgāragocaro vā, saṁsaṭṭho viharati rājūhi rājamahāmattehi titthiyehi titthiyasāvakehi ananulomikena saṁsaggena;
vb12:15.3	yāni vā pana tāni kulāni assaddhāni appasannāni anopānabhūtāni akkosakaparibhāsakāni anatthakāmāni ahitakāmāni aphāsukakāmāni ayogakkhemakāmāni bhikkhūnaṁ bhikkhunīnaṁ upāsakānaṁ upāsikānaṁ, tathārūpāni kulāni sevati bhajati payirupāsati—
vb12:15.4	ayaṁ vuccati “agocaro”.
vb12:16.1	Tattha katamo gocaro?
vb12:16.2	Idhekacco na vesiyāgocaro hoti na vidhavāgocaro na thullakumārigocaro na paṇḍakagocaro na bhikkhunigocaro na pānāgāragocaro, asaṁsaṭṭho viharati rājūhi rājamahāmattehi titthiyehi titthiyasāvakehi ananulomikena saṁsaggena;
vb12:16.3	yāni vā pana tāni kulāni saddhāni pasannāni opānabhūtāni kāsāvapajjotāni isivātapaṭivātāni atthakāmāni hitakāmāni phāsukakāmāni yogakkhemakāmāni bhikkhūnaṁ bhikkhunīnaṁ upāsakānaṁ upāsikānaṁ, tathārūpāni kulāni sevati bhajati payirupāsati—
vb12:16.4	ayaṁ vuccati “gocaro”.
vb12:16.5	Iti iminā ca ācārena iminā ca gocarena upeto hoti …pe… samannāgato.
vb12:16.6	Tena vuccati “ācāragocarasampanno”ti.
vb12:17.1	“Aṇumattesu vajjesu bhayadassāvī”ti.
vb12:17.2	Tattha katame aṇumattā vajjā?
vb12:17.3	Yāni tāni vajjāni appamattakāni oramattakāni lahusāni lahusammatāni saṁyamakaraṇīyāni saṁvarakaraṇīyāni cittuppādakaraṇīyāni manasikārapaṭibaddhāni—
vb12:17.4	ime vuccanti “aṇumattā vajjā”.
vb12:17.5	Iti imesu aṇumattesu vajjesu vajjadassāvī ca hoti bhayadassāvī ca ādīnavadassāvī ca nissaraṇadassāvī ca.
vb12:17.6	Tena vuccati “aṇumattesu vajjesu bhayadassāvī”ti.
vb12:18.1	“Samādāya sikkhati sikkhāpadesū”ti.
vb12:18.2	Tattha katamā sikkhā?
vb12:18.3	Catasso sikkhā—
vb12:18.4	bhikkhūnaṁ bhikkhusikkhā, bhikkhunīnaṁ bhikkhunisikkhā, upāsakānaṁ upāsakasikkhā, upāsikānaṁ upāsikasikkhā.
vb12:18.5	Imā vuccanti “sikkhāyo”.
vb12:18.6	Iti imāsu sikkhāsu sabbena sabbaṁ sabbathā sabbaṁ asesaṁ nissesaṁ samādāya vattati.
vb12:18.7	Tena vuccati “samādāya sikkhati sikkhāpadesū”ti.
vb12:19.1	“Indriyesu guttadvāro”ti atthi indriyesu guttadvāratā, atthi aguttadvāratā.
vb12:20.1	Tattha katamā indriyesu aguttadvāratā?
vb12:20.2	Idhekacco cakkhunā rūpaṁ disvā nimittaggāhī hoti anubyañjanaggāhī.
vb12:20.3	Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati cakkhundriyaṁ, cakkhundriye na saṁvaraṁ āpajjati.
vb12:20.4	Sotena saddaṁ sutvā …pe…
vb12:20.5	ghānena gandhaṁ ghāyitvā …pe…
vb12:20.6	jivhāya rasaṁ sāyitvā …pe…
vb12:20.7	kāyena phoṭṭhabbaṁ phusitvā …pe…
vb12:20.8	manasā dhammaṁ viññāya nimittaggāhī hoti anubyañjanaggāhī.
vb12:20.9	Yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati manindriyaṁ, manindriye na saṁvaraṁ āpajjati.
vb12:20.10	Yā imesaṁ channaṁ indriyānaṁ agutti agopanā anārakkho asaṁvaro—
vb12:20.11	ayaṁ vuccati “indriyesu aguttadvāratā”.
vb12:21.1	Tattha katamā indriyesu guttadvāratā?
vb12:21.2	Idhekacco cakkhunā rūpaṁ disvā na nimittaggāhī hoti nānubyañjanaggāhī.
vb12:21.3	Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati cakkhundriyaṁ, cakkhundriye saṁvaraṁ āpajjati.
vb12:21.4	Sotena saddaṁ sutvā …pe…
vb12:21.5	ghānena gandhaṁ ghāyitvā …pe…
vb12:21.6	jivhāya rasaṁ sāyitvā …pe…
vb12:21.7	kāyena phoṭṭhabbaṁ phusitvā …pe…
vb12:21.8	manasā dhammaṁ viññāya na nimittaggāhī hoti nānubyañjanaggāhī.
vb12:21.9	Ñatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati manindriyaṁ, manindriye saṁvaraṁ āpajjati.
vb12:21.10	Yā imesaṁ channaṁ indriyānaṁ gutti gopanā ārakkho saṁvaro—
vb12:21.11	ayaṁ vuccati “indriyesu guttadvāratā”.
vb12:21.12	Imāya indriyesu guttadvāratāya upeto hoti samupeto …pe…
vb12:21.13	samannāgato.
vb12:21.14	Tena vuccati “indriyesu guttadvāro”ti.
vb12:22.1	“Bhojane mattaññū”ti atthi bhojane mattaññutā, atthi bhojane amattaññutā.
vb12:23.1	Tattha katamā bhojane amattaññutā?
vb12:23.2	Idhekacco appaṭisaṅkhā ayoniso āhāraṁ āhāreti davāya madāya maṇḍanāya vibhūsanāya.
vb12:23.3	Yā tattha asantuṭṭhitā amattaññutā appaṭisaṅkhā bhojane—
vb12:23.4	ayaṁ vuccati “bhojane amattaññutā”ti.
vb12:24.1	Tattha katamā bhojane mattaññutā?
vb12:24.2	Idhekacco paṭisaṅkhā yoniso āhāraṁ āhāreti—
vb12:24.3	“neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṁsūparatiyā brahmacariyānuggahāya, iti purāṇañca vedanaṁ paṭihaṅkhāmi navañca vedanaṁ na uppādessāmi yātrā ca me bhavissati anavajjatā ca phāsu vihāro cā”ti.
vb12:24.4	Yā tattha santuṭṭhitā mattaññutā paṭisaṅkhā bhojane—
vb12:24.5	ayaṁ vuccati “bhojane mattaññutā”.
vb12:24.6	Imāya bhojane mattaññutāya upeto hoti …pe… samannāgato.
vb12:24.7	Tena vuccati “bhojane mattaññū”ti.
vb12:25.1	Kathañca bhikkhu pubbarattāpararattaṁ jāgariyānuyogamanuyutto hoti?
vb12:25.2	Idha bhikkhu divasaṁ caṅkamena nisajjāya āvaraṇīyehi dhammehi cittaṁ parisodheti, rattiyā paṭhamayāmaṁ caṅkamena nisajjāya āvaraṇīyehi dhammehi cittaṁ parisodheti, rattiyā majjhimayāmaṁ dakkhiṇena passena sīhaseyyaṁ kappeti pāde pādaṁ accādhāya sato sampajāno uṭṭhānasaññaṁ manasikaritvā, rattiyā pacchimayāmaṁ paccuṭṭhāya caṅkamena nisajjāya āvaraṇīyehi dhammehi cittaṁ parisodheti.
vb12:25.3	Evaṁ bhikkhu pubbarattāpararattaṁ jāgariyānuyogamanuyutto.
vb12:26.1	“Sātaccan”ti.
vb12:26.2	Yo cetasiko vīriyārambho …pe… sammāvāyāmo.
vb12:27.1	“Nepakkan”ti.
vb12:27.2	Yā paññā pajānanā …pe… amoho dhammavicayo sammādiṭṭhi.
vb12:28.1	“Bodhipakkhikānaṁ dhammānaṁ bhāvanānuyogamanuyutto”ti.
vb12:28.2	Tattha katame bodhipakkhikā dhammā?
vb12:28.3	Satta bojjhaṅgā—
vb12:28.4	satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
vb12:28.5	Ime vuccanti “bodhipakkhikā dhammā”.
vb12:28.6	Iti te bodhipakkhike dhamme āsevati bhāveti bahulīkaroti.
vb12:28.7	Tena vuccati “bodhipakkhikānaṁ dhammānaṁ bhāvanānuyogamanuyutto”ti.
vb12:29.1	Kathañca bhikkhu abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti;
vb12:29.2	gate ṭhite nisinne sutte jāgarite bhāsite tuṇhībhāve sampajānakārī hoti?
vb12:29.3	Idha bhikkhu sato sampajāno abhikkamati, sato sampajāno paṭikkamati, sato sampajāno āloketi, sato sampajāno viloketi, sato sampajāno samiñjeti, sato sampajāno pasāreti, sato sampajānakārī hoti, saṅghāṭipattacīvaradhāraṇe sato sampajānakārī hoti, asite pīte khāyite sāyite sato sampajānakārī hoti, uccārapassāvakamme sato sampajānakārī hoti, gate ṭhite nisinne sutte jāgarite bhāsite tuṇhībhāve sato sampajānakārī hotīti.
vb12:30.1	Tattha katamā sati?
vb12:30.2	Yā sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati—
vb12:30.3	ayaṁ vuccati “sati”.
vb12:31.1	“Sampajāno”ti tattha katamaṁ sampajaññaṁ?
vb12:31.2	Yā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrīmedhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi—
vb12:31.3	idaṁ vuccati “sampajaññaṁ”.
vb12:31.4	Iti imāya ca satiyā iminā ca sampajaññena upeto hoti …pe… samannāgato.
vb12:31.5	Evaṁ bhikkhu sato sampajāno abhikkamati, sato sampajāno paṭikkamati, sato sampajāno āloketi, sato sampajāno viloketi, sato sampajāno samiñjeti, sato sampajāno pasāreti, sato sampajānakārī hoti, saṅghāṭipattacīvaradhāraṇe sato sampajānakārī hoti, asite pīte khāyite sāyite sato sampajānakārī hoti, uccārapassāvakamme sato sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.
vb12:32.1	“Vivittan”ti santike cepi senāsanaṁ hoti, tañca anākiṇṇaṁ gahaṭṭhehi pabbajitehi.
vb12:32.2	Tena taṁ vivittaṁ.
vb12:32.3	Dūre cepi senāsanaṁ hoti, tañca anākiṇṇaṁ gahaṭṭhehi pabbajitehi.
vb12:32.4	Tena taṁ vivittaṁ.
vb12:33.1	“Senāsanan”ti mañcopi senāsanaṁ, pīṭhampi senāsanaṁ, bhisipi senāsanaṁ, bibbohanampi senāsanaṁ, vihāropi senāsanaṁ, aḍḍhayogopi senāsanaṁ, pāsādopi senāsanaṁ, aṭṭopi senāsanaṁ, māḷopi senāsanaṁ, leṇampi senāsanaṁ, guhāpi senāsanaṁ, rukkhamūlampi senāsanaṁ, veḷugumbopi senāsanaṁ.
vb12:33.2	Yattha vā pana bhikkhū paṭikkamanti sabbametaṁ senāsanaṁ.
vb12:34.1	“Vivittaṁ senāsanaṁ bhajatī”ti imaṁ vivittaṁ senāsanaṁ bhajati sambhajati sevati nisevati saṁsevati.
vb12:34.2	Tena vuccati “vivittaṁ senāsanaṁ bhajatī”ti.
vb12:35.1	“Araññan”ti nikkhamitvā bahi indakhīlā sabbametaṁ araññaṁ.
vb12:36.1	“Rukkhamūlan”ti rukkhamūlaṁyeva rukkhamūlaṁ.
vb12:36.2	Pabbatoyeva pabbato.
vb12:36.3	Kandarāyeva kandarā.
vb12:36.4	Giriguhāyeva giriguhā.
vb12:36.5	Susānaṁyeva susānaṁ.
vb12:36.6	Abbhokāsoyeva abbhokāso.
vb12:36.7	Palālapuñjoyeva palālapuñjo.
vb12:37.1	“Vanapatthan”ti dūrānametaṁ senāsanānaṁ adhivacanaṁ.
vb12:37.2	“Vanapatthan”ti vanasaṇḍānametaṁ senāsanānaṁ adhivacanaṁ.
vb12:37.3	“Vanapatthan”ti bhīsanakānametaṁ senāsanānaṁ adhivacanaṁ.
vb12:37.4	“Vanapatthan”ti salomahaṁsānametaṁ senāsanānaṁ adhivacanaṁ.
vb12:37.5	“Vanapatthan”ti pariyantānametaṁ senāsanānaṁ adhivacanaṁ.
vb12:37.6	“Vanapatthan”ti na manussūpacārānametaṁ senāsanānaṁ adhivacanaṁ.
vb12:37.7	“Vanapatthan”ti durabhisambhavānametaṁ senāsanānaṁ adhivacanaṁ.
vb12:38.1	“Appasaddan”ti santike cepi senāsanaṁ hoti, tañca anākiṇṇaṁ gahaṭṭhehi pabbajitehi.
vb12:38.2	Tena taṁ appasaddaṁ.
vb12:38.3	Dūre cepi senāsanaṁ hoti, tañca anākiṇṇaṁ gahaṭṭhehi pabbajitehi.
vb12:38.4	Tena taṁ appasaddaṁ.
vb12:39.1	“Appanigghosan”ti yadeva taṁ appasaddaṁ tadeva taṁ appanigghosaṁ.
vb12:39.2	Yadeva taṁ appanigghosaṁ tadeva taṁ vijanavātaṁ.
vb12:39.3	Yadeva taṁ vijanavātaṁ tadeva taṁ manussarāhasseyyakaṁ.
vb12:39.4	Yadeva taṁ manussarāhasseyyakaṁ tadeva taṁ paṭisallānasāruppaṁ.
vb12:40.1	“Araññagato vā rukkhamūlagato vā suññāgāragato vā”ti araññagato vā hoti rukkhamūlagato vā suññāgāragato vā.
vb12:41.1	“Nisīdati pallaṅkaṁ ābhujitvā”ti nisinno hoti pallaṅkaṁ ābhujitvā.
vb12:42.1	“Ujuṁ kāyaṁ paṇidhāyā”ti ujuko hoti kāyo ṭhito paṇihito.
vb12:43.1	“Parimukhaṁ satiṁ upaṭṭhapetvā”ti tattha katamā sati?
vb12:43.2	Yā sati anussati paṭissati …pe… sammāsati—
vb12:43.3	ayaṁ vuccati “sati”.
vb12:43.4	Ayaṁ sati upaṭṭhitā hoti supaṭṭhitā nāsikagge vā mukhanimitte vā.
vb12:43.5	Tena vuccati “parimukhaṁ satiṁ upaṭṭhapetvā”ti.
vb12:44.1	“Abhijjhaṁ loke pahāyā”ti tattha katamā abhijjhā?
vb12:44.2	Yo rāgo sārāgo …pe… cittassa sārāgo—
vb12:44.3	ayaṁ vuccati “abhijjhā”.
vb12:45.1	Tattha katamo loko?
vb12:45.2	Pañcupādānakkhandhā loko—
vb12:45.3	ayaṁ vuccati “loko”.
vb12:45.4	Ayaṁ abhijjhā imamhi loke santā hoti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:45.5	Tena vuccati “abhijjhaṁ loke pahāyā”ti.
vb12:46.1	“Vigatābhijjhena cetasā”ti tattha katamaṁ cittaṁ?
vb12:46.2	Yaṁ cittaṁ mano mānasaṁ …pe… tajjāmanoviññāṇadhātu—
vb12:46.3	idaṁ vuccati “cittaṁ”.
vb12:46.4	Idaṁ cittaṁ vigatābhijjhaṁ hoti.
vb12:46.5	Tena vuccati “vigatābhijjhena cetasā”ti.
vb12:47.1	“Viharatī”ti iriyati vattati pāleti yapeti yāpeti carati viharati.
vb12:47.2	Tena vuccati “viharatī”ti.
vb12:48.1	“Abhijjhāya cittaṁ parisodhetī”ti tattha katamā abhijjhā?
vb12:48.2	Yo rāgo sārāgo …pe… cittassa sārāgo—
vb12:48.3	ayaṁ vuccati “abhijjhā”.
vb12:49.1	Tattha katamaṁ cittaṁ?
vb12:49.2	Yaṁ cittaṁ mano mānasaṁ …pe… tajjāmanoviññāṇadhātu—
vb12:49.3	idaṁ vuccati “cittaṁ”.
vb12:49.4	Idaṁ cittaṁ imāya abhijjhāya sodheti visodheti parisodheti moceti vimoceti parimoceti.
vb12:49.5	Tena vuccati “abhijjhāya cittaṁ parisodhetī”ti.
vb12:50.1	“Byāpādapadosaṁ pahāyā”ti atthi byāpādo, atthi padoso.
vb12:51.1	Tattha katamo byāpādo?
vb12:51.2	Yo cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—
vb12:51.3	ayaṁ vuccati “byāpādo”.
vb12:52.1	Tattha katamo padoso?
vb12:52.2	Yo byāpādo so padoso, yo padoso so byāpādo.
vb12:52.3	Iti ayañca byāpādo ayañca padoso santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:52.4	Tena vuccati “byāpādapadosaṁ pahāyā”ti.
vb12:53.1	“Abyāpannacitto”ti tattha katamaṁ cittaṁ?
vb12:53.2	Yaṁ cittaṁ mano mānasaṁ …pe… tajjāmanoviññāṇadhātu—
vb12:53.3	idaṁ vuccati “cittaṁ”.
vb12:53.4	Idaṁ cittaṁ abyāpannaṁ hoti.
vb12:53.5	Tena vuccati “abyāpannacitto”ti.
vb12:54.1	“Viharatī”ti …pe…
vb12:54.2	tena vuccati “viharatī”ti.
vb12:55.1	“Byāpādapadosā cittaṁ parisodhetī”ti.
vb12:55.2	Atthi byāpādo atthi padoso.
vb12:56.1	Tattha katamo byāpādo?
vb12:56.2	Yo cittassa āghāto …pe…
vb12:56.3	caṇḍikkaṁ asuropo anattamanatā cittassa—
vb12:56.4	ayaṁ vuccati “byāpādo”.
vb12:57.1	Tattha katamo padoso?
vb12:57.2	Yo byāpādo so padoso, yo padoso so byāpādo.
vb12:58.1	Tattha katamaṁ cittaṁ?
vb12:58.2	Yaṁ cittaṁ mano mānasaṁ …pe… tajjāmanoviññāṇadhātu—
vb12:58.3	idaṁ vuccati “cittaṁ”.
vb12:58.4	Idaṁ cittaṁ imamhā byāpādapadosā sodheti visodheti parisodheti moceti vimoceti parimoceti.
vb12:58.5	Tena vuccati “byāpādapadosā cittaṁ parisodhetī”ti.
vb12:59.1	“Thinamiddhaṁ pahāyā”ti atthi thinaṁ, atthi middhaṁ.
vb12:60.1	Tattha katamaṁ thinaṁ?
vb12:60.2	Yā cittassa akalyatā akammaññatā olīyanā sallīyanā līnaṁ līyanā līyitattaṁ thinaṁ thiyanā thiyitattaṁ cittassa—
vb12:60.3	idaṁ vuccati “thinaṁ”.
vb12:61.1	Tattha katamaṁ middhaṁ?
vb12:61.2	Yā kāyassa akalyatā akammaññatā onāho pariyonāho antosamorodho middhaṁ suppaṁ pacalāyikā suppaṁ suppanā suppitattaṁ—
vb12:61.3	idaṁ vuccati “middhaṁ”.
vb12:61.4	Iti idañca thinaṁ idañca middhaṁ santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:61.5	Tena vuccati “thinamiddhaṁ pahāyā”ti.
vb12:62.1	“Vigatathinamiddho”ti.
vb12:62.2	Tassa thinamiddhassa cattattā vantattā muttattā pahīnattā paṭinissaṭṭhattā pahīnapaṭinissaṭṭhattā.
vb12:62.3	Tena vuccati “vigatathinamiddho”ti.
vb12:63.1	“Viharatī”ti …pe…
vb12:63.2	tena vuccati “viharatī”ti.
vb12:64.1	“Ālokasaññī”ti.
vb12:64.2	Tattha katamā saññā?
vb12:64.3	Yā saññā sañjānanā sañjānitattaṁ—
vb12:64.4	ayaṁ vuccati “saññā”.
vb12:64.5	Ayaṁ saññā ālokā hoti vivaṭā parisuddhā pariyodātā.
vb12:64.6	Tena vuccati “ālokasaññī”ti.
vb12:65.1	“Sato sampajāno”ti.
vb12:65.2	Tattha katamā sati?
vb12:65.3	Yā sati anussati …pe… sammāsati—
vb12:65.4	ayaṁ vuccati “sati”.
vb12:66.1	Tattha katamaṁ sampajaññaṁ?
vb12:66.2	Yā paññā pajānanā …pe… amoho dhammavicayo sammādiṭṭhi—
vb12:66.3	idaṁ vuccati “sampajaññaṁ”.
vb12:66.4	Iti imāya ca satiyā iminā ca sampajaññena upeto hoti …pe… samannāgato.
vb12:66.5	Tena vuccati “sato sampajāno”ti.
vb12:67.1	“Thinamiddhā cittaṁ parisodhetī”ti.
vb12:67.2	Atthi thinaṁ, atthi middhaṁ.
vb12:68.1	Tattha katamaṁ thinaṁ …pe…
vb12:68.2	idaṁ vuccati “thinaṁ”.
vb12:69.1	Tattha katamaṁ middhaṁ …pe…
vb12:69.2	idaṁ vuccati “middhaṁ”.
vb12:70.1	Tattha katamaṁ cittaṁ …pe…
vb12:70.2	idaṁ vuccati “cittaṁ”.
vb12:70.3	Idaṁ cittaṁ imamhā thinamiddhā sodheti visodheti parisodheti moceti vimoceti parimoceti.
vb12:70.4	Tena vuccati “thinamiddhā cittaṁ parisodhetī”ti.
vb12:71.1	“Uddhaccakukkuccaṁ pahāyā”ti atthi uddhaccaṁ, atthi kukkuccaṁ.
vb12:72.1	Tattha katamaṁ uddhaccaṁ?
vb12:72.2	Yaṁ cittassa uddhaccaṁ avūpasamo cetaso vikkhepo bhantattaṁ cittassa—
vb12:72.3	idaṁ vuccati “uddhaccaṁ”.
vb12:73.1	Tattha katamaṁ kukkuccaṁ?
vb12:73.2	Akappiye kappiyasaññitā, kappiye akappiyasaññitā, avajje vajjasaññitā, vajje avajjasaññitā, yaṁ evarūpaṁ kukkuccaṁ kukkuccāyanā kukkuccāyitattaṁ cetaso vippaṭisāro manovilekhā—
vb12:73.3	idaṁ vuccati “kukkuccaṁ”.
vb12:73.4	Iti idañca uddhaccaṁ idañca kukkuccaṁ santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:73.5	Tena vuccati “uddhaccakukkuccaṁ pahāyā”ti.
vb12:74.1	“Anuddhato”ti tassa uddhaccakukkuccassa cattattā vantattā muttattā pahīnattā paṭinissaṭṭhattā pahīnapaṭinissaṭṭhattā.
vb12:74.2	Tena vuccati “anuddhato”ti.
vb12:75.1	“Viharatī”ti …pe…
vb12:75.2	tena vuccati “viharatī”ti.
vb12:75.3	(…)
vb12:76.1	“Vūpasantacitto”ti.
vb12:76.2	Tattha katamaṁ cittaṁ?
vb12:76.3	Yaṁ cittaṁ mano mānasaṁ …pe… tajjāmanoviññāṇadhātu—
vb12:76.4	idaṁ vuccati “cittaṁ”.
vb12:76.5	Idaṁ cittaṁ ajjhattaṁ santaṁ hoti samitaṁ vūpasantaṁ.
vb12:76.6	Tena vuccati “ajjhattaṁ vūpasantacitto”ti.
vb12:77.1	“Uddhaccakukkuccā cittaṁ parisodhetī”ti atthi uddhaccaṁ, atthi kukkuccaṁ.
vb12:78.1	Tattha katamaṁ uddhaccaṁ?
vb12:78.2	Yaṁ cittassa uddhaccaṁ avūpasamo cetaso vikkhepo bhantattaṁ cittassa—
vb12:78.3	idaṁ vuccati “uddhaccaṁ”.
vb12:79.1	Tattha katamaṁ kukkuccaṁ …pe…
vb12:79.2	idaṁ vuccati “kukkuccaṁ”.
vb12:80.1	Tattha katamaṁ cittaṁ …pe…
vb12:80.2	idaṁ vuccati “cittaṁ”.
vb12:80.3	Idaṁ cittaṁ imamhā uddhaccakukkuccā sodheti visodheti parisodheti moceti vimoceti parimoceti.
vb12:80.4	Tena vuccati “uddhaccakukkuccā cittaṁ parisodhetī”ti.
vb12:81.1	“Vicikicchaṁ pahāyā”ti, tattha katamā vicikicchā?
vb12:81.2	Yā kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvidhāpatho saṁsayo anekaṁsaggāho āsappanā parisappanā apariyogāhaṇā chambhitattaṁ cittassa manovilekho—
vb12:81.3	ayaṁ vuccati “vicikicchā”.
vb12:81.4	Ayaṁ vicikicchā santā hoti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:81.5	Tena vuccati “vicikicchaṁ pahāyā”ti.
vb12:82.1	“Tiṇṇavicikiccho”ti, imaṁ vicikicchaṁ tiṇṇo hoti uttiṇṇo nittiṇṇo pāraṅgato pāramanuppatto.
vb12:82.2	Tena vuccati “tiṇṇavicikiccho”ti.
vb12:83.1	“Akathaṅkathī kusalesu dhammesū”ti imāya vicikicchāya kusalesu dhammesu na kaṅkhati na vicikicchati akathaṅkathī hoti nikkathaṅkathī vikathaṅkatho.
vb12:83.2	Tena vuccati “akathaṅkathī kusalesu dhammesū”ti.
vb12:84.1	“Vicikicchāya cittaṁ parisodhetī”ti, tattha katamā vicikicchā?
vb12:84.2	Yā kaṅkhā kaṅkhāyanā kaṅkhāyitattaṁ chambhitattaṁ cittassa manovilekho—
vb12:84.3	ayaṁ vuccati “vicikicchā”.
vb12:85.1	Tattha katamaṁ cittaṁ?
vb12:85.2	Yaṁ cittaṁ mano mānasaṁ …pe… tajjāmanoviññāṇadhātu—
vb12:85.3	idaṁ vuccati “cittaṁ”.
vb12:85.4	Idaṁ cittaṁ imāya vicikicchāya sodheti visodheti parisodheti moceti vimoceti parimoceti.
vb12:85.5	Tena vuccati “vicikicchāya cittaṁ parisodhetī”ti.
vb12:86.1	“Ime pañca nīvaraṇe pahāyā”ti ime pañca nīvaraṇā santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:86.2	Tena vuccati “ime pañca nīvaraṇe pahāyā”ti.
vb12:87.1	“Cetaso upakkilese”ti ime pañca nīvaraṇā cittassa upakkilesā.
vb12:88.1	“Paññāya dubbalīkaraṇe”ti imehi pañcahi nīvaraṇehi anuppannā ceva paññā na uppajjati uppannā ca paññā nirujjhati.
vb12:88.2	Tena vuccati “paññāya dubbalīkaraṇe”ti.
vb12:89.1	“Vivicceva kāmehi vivicca akusalehi dhammehī”ti tattha katame kāmā?
vb12:89.2	Chando kāmo, rāgo kāmo, chandarāgo kāmo, saṅkappo kāmo, rāgo kāmo, saṅkapparāgo kāmo—
vb12:89.3	ime vuccanti “kāmā”.
vb12:90.1	Tattha katame akusalā dhammā?
vb12:90.2	Kāmacchando, byāpādo, thinaṁ, middhaṁ, uddhaccaṁ, kukkuccaṁ, vicikicchā—
vb12:90.3	ime vuccanti “akusalā dhammā”.
vb12:90.4	Iti imehi ca kāmehi imehi ca akusalehi dhammehi vivitto hoti.
vb12:90.5	Tena vuccati “vivicceva kāmehi vivicca akusalehi dhammehī”ti.
vb12:91.1	“Savitakkaṁ savicāran”ti atthi vitakko, atthi vicāro.
vb12:92.1	Tattha katamo vitakko?
vb12:92.2	Yo takko vitakko saṅkappo appanā byappanā cetaso abhiniropanā sammāsaṅkappo—
vb12:92.3	ayaṁ vuccati “vitakko”.
vb12:93.1	Tattha katamo vicāro?
vb12:93.2	Yo cāro vicāro anuvicāro upavicāro cittassa anusandhanatā anupekkhanatā—
vb12:93.3	ayaṁ vuccati “vicāro”.
vb12:93.4	Iti iminā ca vitakkena iminā ca vicārena upeto hoti …pe… samannāgato.
vb12:93.5	Tena vuccati “savitakkaṁ savicāran”ti.
vb12:94.1	“Vivekajan”ti vitakko, vicāro, pīti, sukhaṁ, cittassekaggatā—
vb12:94.2	te imasmiṁ viveke jātā honti sañjātā nibbattā abhinibbattā pātubhūtā.
vb12:94.3	Tena vuccati “vivekajan”ti.
vb12:95.1	“Pītisukhan”ti atthi pīti, atthi sukhaṁ.
vb12:96.1	Tattha katamā pīti?
vb12:96.2	Yā pīti pāmojjaṁ āmodanā pamodanā hāso pahāso vitti odagyaṁ attamanatā cittassa—
vb12:96.3	ayaṁ vuccati “pīti”.
vb12:97.1	Tattha katamaṁ sukhaṁ?
vb12:97.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb12:97.3	idaṁ vuccati “sukhaṁ”.
vb12:97.4	Idaṁ sukhaṁ imāya pītiyā sahagataṁ hoti sahajātaṁ saṁsaṭṭhaṁ sampayuttaṁ.
vb12:97.5	Tena vuccati “pītisukhan”ti.
vb12:98.1	“Paṭhaman”ti gaṇanānupubbatā paṭhamaṁ.
vb12:98.2	Idaṁ paṭhamaṁ samāpajjatīti paṭhamaṁ.
vb12:99.1	“Jhānan”ti vitakko, vicāro, pīti, sukhaṁ, cittassekaggatā.
vb12:100.1	“Upasampajjā”ti yo paṭhamassa jhānassa lābho paṭilābho patti sampatti phusanā sacchikiriyā upasampadā.
vb12:101.1	“Viharatī”ti …pe…
vb12:101.2	tena vuccati “viharatī”ti.
vb12:102.1	“Vitakkavicārānaṁ vūpasamā”ti, atthi vitakko, atthi vicāro.
vb12:103.1	Tattha katamo vitakko?
vb12:103.2	Yo takko vitakko …pe… sammāsaṅkappo—
vb12:103.3	ayaṁ vuccati “vitakko”.
vb12:104.1	Tattha katamo vicāro?
vb12:104.2	Yo cāro vicāro anuvicāro upavicāro cittassa anusandhanatā anupekkhanatā—
vb12:104.3	ayaṁ vuccati “vicāro”.
vb12:104.4	Iti ayañca vitakko ayañca vicāro santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:104.5	Tena vuccati “vitakkavicārānaṁ vūpasamā”ti.
vb12:105.1	“Ajjhattan”ti yaṁ ajjhattaṁ paccattaṁ.
vb12:106.1	“Sampasādanan”ti yā saddhā saddahanā okappanā abhippasādo.
vb12:107.1	“Cetaso ekodibhāvan”ti yā cittassa ṭhiti …pe… sammāsamādhi.
vb12:108.1	“Avitakkaṁ avicāran”ti atthi vitakko, atthi vicāro.
vb12:109.1	Tattha katamo vitakko?
vb12:109.2	Yo takko vitakko …pe… sammāsaṅkappo—
vb12:109.3	ayaṁ vuccati “vitakko”.
vb12:110.1	Tattha katamo vicāro?
vb12:110.2	Yo cāro anucāro vicāro anuvicāro upavicāro cittassa anusandhanatā anupekkhanatā—
vb12:110.3	ayaṁ vuccati “vicāro”.
vb12:110.4	Iti ayañca vitakko ayañca vicāro santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:110.5	Tena vuccati “avitakkaṁ avicāran”ti.
vb12:111.1	“Samādhijan”ti sampasādo pītisukhaṁ—
vb12:111.2	te imasmiṁ samādhimhi jātā honti sañjātā nibbattā abhinibbattā pātubhūtā.
vb12:111.3	Tena vuccati “samādhijan”ti.
vb12:112.1	“Pītisukhan”ti atthi pīti, atthi sukhaṁ.
vb12:113.1	Tattha katamā pīti …pe…
vb12:113.2	ayaṁ vuccati “pīti”.
vb12:114.1	Tattha katamaṁ sukhaṁ …pe…
vb12:114.2	idaṁ vuccati “sukhaṁ”.
vb12:114.3	Idaṁ sukhaṁ imāya pītiyā sahagataṁ hoti sahajātaṁ saṁsaṭṭhaṁ sampayuttaṁ.
vb12:114.4	Tena vuccati “pītisukhan”ti.
vb12:115.1	“Dutiyan”ti gaṇanānupubbatā dutiyaṁ.
vb12:115.2	Idaṁ dutiyaṁ samāpajjatīti dutiyaṁ.
vb12:116.1	“Jhānan”ti sampasādo, pītisukhaṁ, cittassekaggatā.
vb12:117.1	“Upasampajjā”ti yo dutiyassa jhānassa lābho paṭilābho patti sampatti phusanā sacchikiriyā upasampadā.
vb12:118.1	“Viharatī”ti …pe…
vb12:118.2	tena vuccati “viharatī”ti.
vb12:119.1	“Pītiyā ca virāgā”ti tattha katamā pīti?
vb12:119.2	Yā pīti pāmojjaṁ āmodanā pamodanā hāso pahāso vitti odagyaṁ attamanatā cittassa—
vb12:119.3	ayaṁ vuccati “pīti”.
vb12:119.4	Ayaṁ pīti santā hoti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:119.5	Tena vuccati “pītiyā ca virāgā”ti.
vb12:120.1	“Upekkhako”ti tattha katamā upekkhā?
vb12:120.2	Yā upekkhā upekkhanā ajjhupekkhanā majjhattatā cittassa—
vb12:120.3	ayaṁ vuccati “upekkhā”.
vb12:120.4	Imāya upekkhāya upeto hoti …pe… samannāgato.
vb12:120.5	Tena vuccati “upekkhako”ti.
vb12:121.1	“Viharatī”ti …pe…
vb12:121.2	tena vuccati “viharatī”ti.
vb12:122.1	“Sato ca sampajāno”ti tattha katamā sati?
vb12:122.2	Yā sati anussati …pe… sammāsati—
vb12:122.3	ayaṁ vuccati “sati”.
vb12:123.1	Tattha katamaṁ sampajaññaṁ?
vb12:123.2	Yā paññā pajānanā …pe… amoho dhammavicayo sammādiṭṭhi—
vb12:123.3	idaṁ vuccati “sampajaññaṁ”.
vb12:123.4	Iti imāya ca satiyā iminā ca sampajaññena upeto hoti …pe… samannāgato.
vb12:123.5	Tena vuccati “sato ca sampajāno”ti.
vb12:124.1	“Sukhañca kāyena paṭisaṁvedetī”ti tattha katamaṁ sukhaṁ?
vb12:124.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb12:124.3	idaṁ vuccati “sukhaṁ”.
vb12:125.1	Tattha katamo kāyo?
vb12:125.2	Saññākkhandho, saṅkhārakkhandho, viññāṇakkhandho—
vb12:125.3	ayaṁ vuccati “kāyo”.
vb12:125.4	Idaṁ sukhaṁ iminā kāyena paṭisaṁvedeti.
vb12:125.5	Tena vuccati “sukhañca kāyena paṭisaṁvedetī”ti.
vb12:126.1	“Yaṁ taṁ ariyā ācikkhantī”ti tattha katame ariyā?
vb12:126.2	Ariyā vuccanti buddhā ca buddhasāvakā ca.
vb12:126.3	Te imaṁ ācikkhanti desenti paññapenti paṭṭhapenti vivaranti vibhajanti uttāniṁ karonti pakāsenti.
vb12:126.4	Tena vuccati “yaṁ taṁ ariyā ācikkhantī”ti.
vb12:127.1	“Upekkhako satimā sukhavihārī”ti tattha katamā upekkhā?
vb12:127.2	Yā upekkhā upekkhanā ajjhupekkhanā majjhattatā cittassa—
vb12:127.3	ayaṁ vuccati “upekkhā”.
vb12:128.1	Tattha katamā sati?
vb12:128.2	Yā sati anussati …pe… sammāsati—
vb12:128.3	ayaṁ vuccati “sati”.
vb12:129.1	Tattha katamaṁ sukhaṁ?
vb12:129.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb12:129.3	idaṁ vuccati “sukhaṁ”.
vb12:129.4	Iti imāya ca upekkhāya imāya ca satiyā iminā ca sukhena samannāgato iriyati vattati pāleti yapeti yāpeti carati viharati.
vb12:129.5	Tena vuccati “upekkhako satimā sukhavihārī”ti.
vb12:130.1	“Tatiyan”ti gaṇanānupubbatā tatiyaṁ.
vb12:130.2	Idaṁ tatiyaṁ samāpajjatīti tatiyaṁ.
vb12:131.1	“Jhānan”ti upekkhā, sati, sampajaññaṁ, sukhaṁ, cittassekaggatā.
vb12:132.1	“Upasampajjā”ti yo tatiyassa jhānassa lābho paṭilābho patti sampatti phusanā sacchikiriyā upasampadā.
vb12:133.1	“Viharatī”ti …pe…
vb12:133.2	tena vuccati “viharatī”ti.
vb12:134.1	“Sukhassa ca pahānā dukkhassa ca pahānā”ti, atthi sukhaṁ, atthi dukkhaṁ.
vb12:135.1	Tattha katamaṁ sukhaṁ?
vb12:135.2	Yaṁ kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—
vb12:135.3	idaṁ vuccati “sukhaṁ”.
vb12:136.1	Tattha katamaṁ dukkhaṁ?
vb12:136.2	Yaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—
vb12:136.3	idaṁ vuccati “dukkhaṁ”.
vb12:136.4	Iti idañca sukhaṁ idañca dukkhaṁ santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:136.5	Tena vuccati “sukhassa ca pahānā dukkhassa ca pahānā”ti.
vb12:137.1	“Pubbeva somanassadomanassānaṁ atthaṅgamā”ti atthi somanassaṁ, atthi domanassaṁ.
vb12:138.1	Tattha katamaṁ somanassaṁ?
vb12:138.2	Yaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb12:138.3	idaṁ vuccati “somanassaṁ”.
vb12:139.1	Tattha katamaṁ domanassaṁ?
vb12:139.2	Yaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb12:139.3	idaṁ vuccati “domanassaṁ”.
vb12:139.4	Iti idañca somanassaṁ idañca domanassaṁ pubbeva santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:139.5	Tena vuccati “pubbeva somanassadomanassānaṁ atthaṅgamā”ti.
vb12:140.1	“Adukkhamasukhan”ti yaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā.
vb12:140.2	Tena vuccati “adukkhamasukhan”ti.
vb12:141.1	“Upekkhāsatipārisuddhin”ti, tattha katamā upekkhā?
vb12:141.2	Yā upekkhā upekkhanā ajjhupekkhanā majjhattatā cittassa—
vb12:141.3	ayaṁ vuccati “upekkhā”.
vb12:142.1	Tattha katamā sati?
vb12:142.2	Yā sati anussati …pe… sammāsati—
vb12:142.3	ayaṁ vuccati “sati”.
vb12:142.4	Ayaṁ sati imāya upekkhāya vivaṭā hoti parisuddhā pariyodātā.
vb12:142.5	Tena vuccati “upekkhāsatipārisuddhin”ti.
vb12:143.1	“Catutthan”ti gaṇanānupubbatā catutthaṁ, idaṁ catutthaṁ samāpajjatīti catutthaṁ.
vb12:144.1	“Jhānan”ti upekkhā, sati, cittassekaggatā.
vb12:145.1	“Upasampajjā”ti yo catutthassa jhānassa lābho paṭilābho patti sampatti phusanā sacchikiriyā upasampadā.
vb12:146.1	“Viharatī”ti …pe…
vb12:146.2	tena vuccati “viharatī”ti.
vb12:147.1	“Sabbaso rūpasaññānaṁ samatikkamā”ti tattha katamā rūpasaññā?
vb12:147.2	Rūpāvacarasamāpattiṁ samāpannassa vā upapannassa vā diṭṭhadhammasukhavihārissa vā saññā sañjānanā sañjānitattaṁ—
vb12:147.3	imā vuccanti “rūpasaññāyo”.
vb12:147.4	Imā rūpasaññāyo atikkanto hoti vītikkanto samatikkanto.
vb12:147.5	Tena vuccati “sabbaso rūpasaññānaṁ samatikkamā”ti.
vb12:148.1	“Paṭighasaññānaṁ atthaṅgamā”ti tattha katamā paṭighasaññā?
vb12:148.2	Rūpasaññā saddasaññā …pe…
vb12:148.3	phoṭṭhabbasaññā—
vb12:148.4	imā vuccanti “paṭighasaññāyo”.
vb12:148.5	Imā paṭighasaññāyo santā honti samitā vūpasantā atthaṅgatā abbhatthaṅgatā appitā byappitā sositā visositā byantīkatā.
vb12:148.6	Tena vuccati “paṭighasaññānaṁ atthaṅgamā”ti.
vb12:149.1	“Nānattasaññānaṁ amanasikārā”ti tattha katamā nānattasaññā?
vb12:149.2	Asamāpannassa manodhātu samaṅgissa vā manoviññāṇadhātu samaṅgissa vā saññā sañjānanā sañjānitattaṁ—
vb12:149.3	imā vuccanti “nānattasaññāyo”.
vb12:149.4	Imā nānattasaññāyo na manasi karoti.
vb12:149.5	Tena vuccati “nānattasaññānaṁ amanasikārā”ti.
vb12:150.1	“Ananto ākāso”ti, tattha katamo ākāso?
vb12:150.2	Yo ākāso ākāsagataṁ aghaṁ aghagataṁ vivaro vivaragataṁ asamphuṭṭhaṁ catūhi mahābhūtehi—
vb12:150.3	ayaṁ vuccati “ākāso”.
vb12:150.4	Tasmiṁ ākāse cittaṁ ṭhapeti saṇṭhapeti anantaṁ pharati.
vb12:150.5	Tena vuccati “ananto ākāso”ti.
vb12:151.1	“Ākāsānañcāyatanan”ti ākāsānañcāyatanaṁ samāpannassa vā upapannassa vā diṭṭhadhammasukhavihārissa vā cittacetasikā dhammā.
vb12:152.1	“Upasampajjā”ti yo ākāsānañcāyatanassa lābho paṭilābho patti sampatti phusanā sacchikiriyā upasampadā.
vb12:153.1	“Viharatī”ti …pe…
vb12:153.2	tena vuccati “viharatī”ti.
vb12:154.1	“Sabbaso ākāsānañcāyatanaṁ samatikkammā”ti imaṁ ākāsānañcāyatanaṁ atikkanto hoti vītikkanto samatikkanto.
vb12:154.2	Tena vuccati “sabbaso ākāsānañcāyatanaṁ samatikkammā”ti.
vb12:155.1	“Anantaṁ viññāṇan”ti taṁyeva ākāsaṁ viññāṇena phuṭṭhaṁ manasi karoti anantaṁ pharati.
vb12:155.2	Tena vuccati “anantaṁ viññāṇan”ti.
vb12:156.1	“Viññāṇañcāyatanan”ti viññāṇañcāyatanaṁ samāpannassa vā upapannassa vā diṭṭhadhammasukhavihārissa vā cittacetasikā dhammā.
vb12:157.1	“Upasampajjā”ti yo viññāṇañcāyatanassa lābho paṭilābho patti sampatti phusanā sacchikiriyā upasampadā.
vb12:158.1	“Viharatī”ti …pe…
vb12:158.2	tena vuccati “viharatī”ti.
vb12:159.1	“Sabbaso viññāṇañcāyatanaṁ samatikkammā”ti imaṁ viññāṇañcāyatanaṁ atikkanto hoti vītikkanto samatikkanto.
vb12:159.2	Tena vuccati “sabbaso viññāṇañcāyatanaṁ samatikkammā”ti.
vb12:160.1	“Natthi kiñcī”ti taṁyeva viññāṇaṁ bhāveti vibhāveti antaradhāpeti, “natthi kiñcī”ti passati.
vb12:160.2	Tena vuccati “natthi kiñcī”ti.
vb12:161.1	“Ākiñcaññāyatanan”ti ākiñcaññāyatanaṁ samāpannassa vā upapannassa vā diṭṭhadhammasukhavihārissa vā cittacetasikā dhammā.
vb12:162.1	“Upasampajjā”ti yo ākiñcaññāyatanassa lābho paṭilābho patti sampatti phusanā sacchikiriyā upasampadā.
vb12:163.1	“Viharatī”ti …pe…
vb12:163.2	tena vuccati “viharatī”ti.
vb12:164.1	“Sabbaso ākiñcaññāyatanaṁ samatikkammā”ti imaṁ ākiñcaññāyatanaṁ atikkanto hoti vītikkanto samatikkanto.
vb12:164.2	Tena vuccati “sabbaso ākiñcaññāyatanaṁ samatikkammā”ti.
vb12:165.1	“Nevasaññīnāsaññī”ti taṁyeva ākiñcaññāyatanaṁ santato manasi karoti saṅkhārāvasesasamāpattiṁ bhāveti.
vb12:165.2	Tena vuccati “nevasaññīnāsaññī”ti.
vb12:166.1	“Nevasaññānāsaññāyatanan”ti nevasaññānāsaññāyatanaṁ samāpannassa vā upapannassa vā diṭṭhadhammasukhavihārissa vā cittacetasikā dhammā.
vb12:167.1	“Upasampajjā”ti yo nevasaññānāsaññāyatanassa lābho paṭilābho patti sampatti phusanā sacchikiriyā upasampadā.
vb12:168.1	“Viharatī”ti iriyati vattati pāleti yapeti yāpeti carati viharati.
vb12:168.2	Tena vuccati “viharatī”ti.
vb12:169.1	Suttantabhājanīyaṁ.
vb12:170.0.1	2. Abhidhammabhājanīya
vb12:170.0.2	2.1. Rūpāvacarakusala
vb12:170.1	Cattāri jhānāni—
vb12:170.2	paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ.
vb12:171.1	Tattha katamaṁ paṭhamaṁ jhānaṁ?
vb12:171.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye pañcaṅgikaṁ jhānaṁ hoti—
vb12:171.3	vitakko, vicāro, pīti, sukhaṁ, cittassekaggatā.
vb12:171.4	Idaṁ vuccati “paṭhamaṁ jhānaṁ”.
vb12:171.5	Avasesā dhammā jhānasampayuttā.
vb12:172.1	Tattha katamaṁ dutiyaṁ jhānaṁ?
vb12:172.2	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ upasampajja viharati pathavīkasiṇaṁ, tasmiṁ samaye tivaṅgikaṁ jhānaṁ hoti—
vb12:172.3	pīti, sukhaṁ, cittassekaggatā.
vb12:172.4	Idaṁ vuccati “dutiyaṁ jhānaṁ”.
vb12:172.5	Avasesā dhammā jhānasampayuttā.
vb12:173.1	Tattha katamaṁ tatiyaṁ jhānaṁ?
vb12:173.2	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe…
vb12:173.3	tatiyaṁ jhānaṁ upasampajja viharati pathavīkasiṇaṁ, tasmiṁ samaye duvaṅgikaṁ jhānaṁ hoti—
vb12:173.4	sukhaṁ, cittassekaggatā.
vb12:173.5	Idaṁ vuccati “tatiyaṁ jhānaṁ”.
vb12:173.6	Avasesā dhammā jhānasampayuttā.
vb12:174.1	Tattha katamaṁ catutthaṁ jhānaṁ?
vb12:174.2	Idha bhikkhu yasmiṁ samaye rūpūpapattiyā maggaṁ bhāveti sukhassa ca pahānā …pe… catutthaṁ jhānaṁ upasampajja viharati pathavīkasiṇaṁ, tasmiṁ samaye duvaṅgikaṁ jhānaṁ hoti—
vb12:174.3	upekkhā, cittassekaggatā.
vb12:174.4	Idaṁ vuccati “catutthaṁ jhānaṁ”.
vb12:174.5	Avasesā dhammā jhānasampayuttā.
vb12:175.1	Catukkaṁ.
vb12:176.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye pañcaṅgikaṁ jhānaṁ hoti—
vb12:176.2	vitakko, vicāro, pīti, sukhaṁ, cittassekaggatā.
vb12:176.3	Idaṁ vuccati “paṭhamaṁ jhānaṁ”.
vb12:176.4	Avasesā dhammā jhānasampayuttā.
vb12:177.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi vivicca akusalehi dhammehi avitakkaṁ vicāramattaṁ vivekajaṁ pītisukhaṁ dutiyaṁ jhānaṁ upasampajja viharati pathavīkasiṇaṁ, tasmiṁ samaye caturaṅgikaṁ jhānaṁ hoti—
vb12:177.2	vicāro, pīti, sukhaṁ, cittassekaggatā.
vb12:177.3	Idaṁ vuccati “dutiyaṁ jhānaṁ”.
vb12:177.4	Avasesā dhammā jhānasampayuttā.
vb12:178.1	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… tatiyaṁ jhānaṁ upasampajja viharati pathavīkasiṇaṁ, tasmiṁ samaye tivaṅgikaṁ jhānaṁ hoti—
vb12:178.2	pīti, sukhaṁ, cittassekaggatā.
vb12:178.3	Idaṁ vuccati “tatiyaṁ jhānaṁ”.
vb12:178.4	Avasesā dhammā jhānasampayuttā.
vb12:179.1	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe… catutthaṁ jhānaṁ upasampajja viharati pathavīkasiṇaṁ, tasmiṁ samaye duvaṅgikaṁ jhānaṁ hoti—
vb12:179.2	sukhaṁ, cittassekaggatā.
vb12:179.3	Idaṁ vuccati “catutthaṁ jhānaṁ”.
vb12:179.4	Avasesā dhammā jhānasampayuttā.
vb12:180.1	Idha bhikkhu yasmiṁ samaye rūpūpapattiyā maggaṁ bhāveti sukhassa ca pahānā …pe… pañcamaṁ jhānaṁ upasampajja viharati pathavīkasiṇaṁ, tasmiṁ samaye duvaṅgikaṁ jhānaṁ hoti—
vb12:180.2	upekkhā, cittassekaggatā.
vb12:180.3	Idaṁ vuccati “pañcamaṁ jhānaṁ”.
vb12:180.4	Avasesā dhammā jhānasampayuttā.
vb12:181.1	Pañcakaṁ.
vb12:182.0	2.2. Arūpāvacarakusala
vb12:182.1	Idha bhikkhu yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye duvaṅgikaṁ jhānaṁ hoti—
vb12:182.2	upekkhā, cittassekaggatā.
vb12:182.3	Idaṁ vuccati “catutthaṁ jhānaṁ”.
vb12:182.4	Avasesā dhammā jhānasampayuttā.
vb12:183.0	2.3. Lokuttarakusala
vb12:183.1	Cattāri jhānāni—
vb12:183.2	paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ.
vb12:184.1	Tattha katamaṁ paṭhamaṁ jhānaṁ?
vb12:184.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye pañcaṅgikaṁ jhānaṁ hoti—
vb12:184.3	vitakko, vicāro, pīti, sukhaṁ, cittassekaggatā.
vb12:184.4	Idaṁ vuccati “paṭhamaṁ jhānaṁ”.
vb12:184.5	Avasesā dhammā jhānasampayuttā.
vb12:185.1	Tattha katamaṁ dutiyaṁ jhānaṁ?
vb12:185.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye tivaṅgikaṁ jhānaṁ hoti—
vb12:185.3	pīti, sukhaṁ, cittassekaggatā.
vb12:185.4	Idaṁ vuccati “dutiyaṁ jhānaṁ”.
vb12:185.5	Avasesā dhammā jhānasampayuttā.
vb12:186.1	Tattha katamaṁ tatiyaṁ jhānaṁ?
vb12:186.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā pītiyā ca virāgā …pe…
vb12:186.3	tatiyaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye duvaṅgikaṁ jhānaṁ hoti—
vb12:186.4	sukhaṁ, cittassekaggatā.
vb12:186.5	Idaṁ vuccati “tatiyaṁ jhānaṁ”.
vb12:186.6	Avasesā dhammā jhānasampayuttā.
vb12:187.1	Tattha katamaṁ catutthaṁ jhānaṁ?
vb12:187.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā sukhassa ca pahānā …pe… catutthaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye duvaṅgikaṁ jhānaṁ hoti—
vb12:187.3	upekkhā, cittassekaggatā.
vb12:187.4	Idaṁ vuccati “catutthaṁ jhānaṁ”.
vb12:187.5	Avasesā dhammā jhānasampayuttā.
vb12:188.1	Catukkaṁ.
vb12:189.1	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye pañcaṅgikaṁ jhānaṁ hoti—
vb12:189.2	vitakko, vicāro, pīti, sukhaṁ, cittassekaggatā.
vb12:189.3	Idaṁ vuccati “paṭhamaṁ jhānaṁ”.
vb12:189.4	Avasesā dhammā jhānasampayuttā.
vb12:190.1	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi vivicca akusalehi dhammehi avitakkaṁ vicāramattaṁ vivekajaṁ pītisukhaṁ dutiyaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye caturaṅgikaṁ jhānaṁ hoti vicāro pīti sukhaṁ cittassekaggatā.
vb12:190.2	Idaṁ vuccati “dutiyaṁ jhānaṁ”.
vb12:190.3	Avasesā dhammā jhānasampayuttā.
vb12:191.1	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… tatiyaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye tivaṅgikaṁ jhānaṁ hoti—
vb12:191.2	pīti, sukhaṁ, cittassekaggatā.
vb12:191.3	Idaṁ vuccati “tatiyaṁ jhānaṁ”.
vb12:191.4	Avasesā dhammā jhānasampayuttā.
vb12:192.1	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā pītiyā ca virāgā …pe… catutthaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye duvaṅgikaṁ jhānaṁ hoti—
vb12:192.2	sukhaṁ, cittassekaggatā.
vb12:192.3	Idaṁ vuccati “catutthaṁ jhānaṁ”.
vb12:192.4	Avasesā dhammā jhānasampayuttā.
vb12:193.1	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā sukhassa ca pahānā …pe… pañcamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye duvaṅgikaṁ jhānaṁ hoti—
vb12:193.2	upekkhā, cittassekaggatā.
vb12:193.3	Idaṁ vuccati “pañcamaṁ jhānaṁ”.
vb12:193.4	Avasesā dhammā jhānasampayuttā.
vb12:194.1	Pañcakaṁ.
vb12:195.0	2.4. Rūpāvacaravipāka
vb12:195.1	Cattāri jhānāni—
vb12:195.2	paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ.
vb12:196.1	Tattha katamaṁ paṭhamaṁ jhānaṁ?
vb12:196.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.
vb12:196.3	Ime dhammā kusalā.
vb12:196.4	Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye pañcaṅgikaṁ jhānaṁ hoti—
vb12:196.5	vitakko, vicāro, pīti, sukhaṁ, cittassekaggatā.
vb12:196.6	Idaṁ vuccati “paṭhamaṁ jhānaṁ”.
vb12:196.7	Avasesā dhammā jhānasampayuttā.
vb12:197.1	Tattha katamaṁ dutiyaṁ jhānaṁ?
vb12:197.2	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.
vb12:197.3	Ime dhammā kusalā.
vb12:197.4	Tasseva rūpāvacarassa kusalassa kammassa katattā upacitattā vipākaṁ vitakkavicārānaṁ vūpasamā …pe… dutiyaṁ jhānaṁ …pe…
vb12:197.5	tatiyaṁ jhānaṁ …pe…
vb12:197.6	catutthaṁ jhānaṁ …pe…
vb12:197.7	paṭhamaṁ jhānaṁ …pe…
vb12:197.8	pañcamaṁ jhānaṁ upasampajja viharati pathavīkasiṇaṁ, tasmiṁ samaye duvaṅgikaṁ jhānaṁ hoti—
vb12:197.9	upekkhā, cittassekaggatā.
vb12:197.10	Idaṁ vuccati “pañcamaṁ jhānaṁ”.
vb12:197.11	Avasesā dhammā jhānasampayuttā …pe….
vb12:198.0	2.5. Arūpāvacaravipāka
vb12:198.1	Idha bhikkhu yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.
vb12:198.2	Ime dhammā kusalā.
vb12:198.3	Tasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye duvaṅgikaṁ jhānaṁ hoti—
vb12:198.4	upekkhā, cittassekaggatā.
vb12:198.5	Idaṁ vuccati “catutthaṁ jhānaṁ”.
vb12:198.6	Avasesā dhammā jhānasampayuttā.
vb12:199.0	2.6. Lokuttaravipāka
vb12:199.1	Cattāri jhānāni—
vb12:199.2	paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ.
vb12:200.1	Tattha katamaṁ paṭhamaṁ jhānaṁ?
vb12:200.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb12:200.3	Ime dhammā kusalā.
vb12:200.4	Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye pañcaṅgikaṁ jhānaṁ hoti—
vb12:200.5	vitakko, vicāro, pīti, sukhaṁ, cittassekaggatā.
vb12:200.6	Idaṁ vuccati “paṭhamaṁ jhānaṁ”.
vb12:200.7	Avasesā dhammā jhānasampayuttā.
vb12:201.1	Tattha katamaṁ dutiyaṁ jhānaṁ?
vb12:201.2	Idha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb12:201.3	Ime dhammā kusalā.
vb12:201.4	Tasseva lokuttarassa kusalassa jhānassa katattā bhāvitattā vipākaṁ vitakkavicārānaṁ vūpasamā …pe… dutiyaṁ jhānaṁ …pe…
vb12:201.5	tatiyaṁ jhānaṁ …pe…
vb12:201.6	catutthaṁ jhānaṁ …pe…
vb12:201.7	paṭhamaṁ jhānaṁ …pe…
vb12:201.8	pañcamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye duvaṅgikaṁ jhānaṁ hoti—
vb12:201.9	upekkhā, cittassekaggatā.
vb12:201.10	Idaṁ vuccati “pañcamaṁ jhānaṁ”.
vb12:201.11	Avasesā dhammā jhānasampayuttā.
vb12:202.0	2.7. Rūpārūpāvacarakiriya
vb12:202.1	Cattāri jhānāni—
vb12:202.2	paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ.
vb12:203.1	Tattha katamaṁ paṭhamaṁ jhānaṁ?
vb12:203.2	Idha bhikkhu yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye pañcaṅgikaṁ jhānaṁ hoti—
vb12:203.3	vitakko, vicāro, pīti, sukhaṁ, cittassekaggatā.
vb12:203.4	Idaṁ vuccati “paṭhamaṁ jhānaṁ”.
vb12:203.5	Avasesā dhammā jhānasampayuttā.
vb12:204.1	Tattha katamaṁ dutiyaṁ jhānaṁ?
vb12:204.2	Idha bhikkhu yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vitakkavicārānaṁ vūpasamā …pe… dutiyaṁ jhānaṁ …pe…
vb12:204.3	tatiyaṁ jhānaṁ …pe…
vb12:204.4	catutthaṁ jhānaṁ …pe…
vb12:204.5	paṭhamaṁ jhānaṁ …pe…
vb12:204.6	pañcamaṁ jhānaṁ upasampajja viharati pathavīkasiṇaṁ, tasmiṁ samaye duvaṅgikaṁ jhānaṁ hoti—
vb12:204.7	upekkhā, cittassekaggatā.
vb12:204.8	Idaṁ vuccati “pañcamaṁ jhānaṁ”.
vb12:204.9	Avasesā dhammā jhānasampayuttā.
vb12:205.1	Idha bhikkhu yasmiṁ samaye arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye duvaṅgikaṁ jhānaṁ hoti—
vb12:205.2	upekkhā, cittassekaggatā.
vb12:205.3	Idaṁ vuccati “catutthaṁ jhānaṁ”.
vb12:205.4	Avasesā dhammā jhānasampayuttāti.
vb12:206.1	Abhidhammabhājanīyaṁ.
vb12:207.0	3. Pañhāpucchaka
vb12:207.1	Cattāri jhānāni—
vb12:207.2	idha bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati …pe…
vb12:207.3	vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati …pe…
vb12:207.4	pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti—“upekkhako satimā sukhavihārī”ti tatiyaṁ jhānaṁ upasampajja viharati …pe…
vb12:207.5	sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.
vb12:208.1	Catunnaṁ jhānānaṁ kati kusalā, kati akusalā, kati abyākatā …pe… kati saraṇā, kati araṇā?
vb12:209.0	3.1. Tika
vb12:209.1	Siyā kusalā, siyā abyākatā.
vb12:210.1	Tīṇi jhānāni—
vb12:210.2	etthuppannaṁ sukhaṁ vedanaṁ ṭhapetvā sukhāya vedanāya sampayuttā, catutthaṁ jhānaṁ—
vb12:210.3	etthuppannaṁ adukkhamasukhaṁ vedanaṁ ṭhapetvā adukkhamasukhāya vedanāya sampayuttaṁ.
vb12:211.1	Siyā vipākā, siyā vipākadhammadhammā, siyā nevavipākanavipākadhammadhammā.
vb12:212.1	Siyā upādinnupādāniyā, siyā anupādinnupādāniyā, siyā anupādinnaanupādāniyā.
vb12:213.1	Siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā.
vb12:214.1	Paṭhamaṁ jhānaṁ—
vb12:214.2	etthuppanne vitakkavicāre ṭhapetvā savitakkaṁ savicāraṁ, tīṇi jhānāni avitakkaavicārā.
vb12:215.1	Dve jhānāni—
vb12:215.2	etthuppannaṁ pītiṁ ṭhapetvā pītisahagatā, tīṇi jhānāni—
vb12:215.3	etthuppannaṁ sukhaṁ ṭhapetvā sukhasahagatā, catutthaṁ jhānaṁ—
vb12:215.4	etthuppannaṁ upekkhaṁ ṭhapetvā upekkhāsahagataṁ.
vb12:216.1	Neva dassanena na bhāvanāya pahātabbā.
vb12:217.1	Neva dassanena na bhāvanāya pahātabbahetukā.
vb12:218.1	Siyā ācayagāmino, siyā apacayagāmino, siyā nevācayagāmināpacayagāmino.
vb12:219.1	Siyā sekkhā, siyā asekkhā, siyā nevasekkhanāsekkhā.
vb12:220.1	Siyā mahaggatā, siyā appamāṇā.
vb12:221.1	Tīṇi jhānāni na vattabbā “parittārammaṇā”tipi, “mahaggatārammaṇā”tipi, siyā appamāṇārammaṇā, siyā na vattabbā “appamāṇārammaṇā”ti;
vb12:221.2	catutthaṁ jhānaṁ siyā parittārammaṇaṁ, siyā mahaggatārammaṇaṁ, siyā appamāṇārammaṇaṁ;
vb12:221.3	siyā na vattabbaṁ “parittārammaṇan”tipi, “mahaggatārammaṇan”tipi, “appamāṇārammaṇan”tipi.
vb12:222.1	Siyā majjhimā, siyā paṇītā.
vb12:223.1	Siyā sammattaniyatā, siyā aniyatā.
vb12:224.1	Tīṇi jhānāni na maggārammaṇā, siyā maggahetukā, siyā maggādhipatino, siyā na vattabbā “maggahetukā”tipi, “maggādhipatino”tipi;
vb12:224.2	catutthaṁ jhānaṁ siyā maggārammaṇaṁ, siyā maggahetukaṁ, siyā maggādhipati, siyā na vattabbaṁ “maggārammaṇan”tipi, “maggahetukan”tipi “maggādhipatī”tipi.
vb12:225.1	Siyā uppannā, siyā anuppannā, siyā uppādino.
vb12:226.1	Siyā atītā, siyā anāgatā, siyā paccuppannā.
vb12:227.1	Tīṇi jhānāni na vattabbā “atītārammaṇā”tipi, “anāgatārammaṇā”tipi, “paccuppannārammaṇā”tipi;
vb12:227.2	catutthaṁ jhānaṁ siyā atītārammaṇaṁ, siyā anāgatārammaṇaṁ, siyā paccuppannārammaṇaṁ, siyā na vattabbaṁ “atītārammaṇan”tipi, “anāgatārammaṇan”tipi, “paccuppannārammaṇan”tipi.
vb12:228.1	Siyā ajjhattā, siyā bahiddhā, siyā ajjhattabahiddhā.
vb12:229.1	Tīṇi jhānāni bahiddhārammaṇā, catutthaṁ jhānaṁ siyā ajjhattārammaṇaṁ, siyā bahiddhārammaṇaṁ, siyā ajjhattabahiddhārammaṇaṁ, siyā na vattabbaṁ “ajjhattārammaṇan”tipi, “bahiddhārammaṇan”tipi, “ajjhattabahiddhārammaṇan”tipi.
vb12:230.1	Anidassanaappaṭighā.
vb12:231.0	3.2. Duka
vb12:231.1	Na hetū, sahetukā, hetusampayuttā, na vattabbā “hetū ceva sahetukā cā”ti, sahetukā ceva na ca hetū, na vattabbā “hetū ceva hetusampayuttā cā”ti, hetusampayuttā ceva na ca hetū, na hetū sahetukā.
vb12:232.1	Sappaccayā, saṅkhatā, anidassanā, appaṭighā, arūpā, siyā lokiyā, siyā lokuttarā, kenaci viññeyyā, kenaci na viññeyyā.
vb12:233.1	No āsavā, siyā sāsavā, siyā anāsavā, āsavavippayuttā, na vattabbā “āsavā ceva sāsavā cā”ti, siyā sāsavā ceva no ca āsavā, siyā na vattabbā “sāsavā ceva no ca āsavā”ti.
vb12:233.2	Na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb12:233.3	Siyā āsavavippayuttā sāsavā, siyā āsavavippayuttā anāsavā.
vb12:234.1	No saṁyojanā …pe…
vb12:234.2	no ganthā …pe…
vb12:234.3	no oghā …pe…
vb12:234.4	no yogā …pe…
vb12:234.5	no nīvaraṇā …pe…
vb12:234.6	no parāmāsā …pe…
vb12:234.7	sārammaṇā, no cittā, cetasikā, cittasampayuttā, cittasaṁsaṭṭhā, cittasamuṭṭhānā, cittasahabhuno, cittānuparivattino, cittasaṁsaṭṭhasamuṭṭhānā, cittasaṁsaṭṭhasamuṭṭhānasahabhuno, cittasaṁsaṭṭhasamuṭṭhānānuparivattino, bāhirā, no upādā, siyā upādinnā, siyā anupādinnā.
vb12:235.1	No upādānā …pe…
vb12:235.2	no kilesā …pe…
vb12:235.3	na dassanena pahātabbā, na bhāvanāya pahātabbā, na dassanena pahātabbahetukā, na bhāvanāya pahātabbahetukā.
vb12:235.4	Paṭhamaṁ jhānaṁ—
vb12:235.5	etthuppannaṁ vitakkaṁ ṭhapetvā savitakkaṁ, tīṇi jhānāni avitakkā.
vb12:235.6	Paṭhamaṁ jhānaṁ—
vb12:235.7	etthuppannaṁ vicāraṁ ṭhapetvā savicāraṁ, tīṇi jhānāni avicārā.
vb12:235.8	Dve jhānāni—
vb12:235.9	etthuppannaṁ pītiṁ ṭhapetvā sappītikā, dve jhānāni appītikā.
vb12:235.10	Dve jhānāni—
vb12:235.11	etthuppannaṁ pītiṁ ṭhapetvā pītisahagatā, dve jhānāni na pītisahagatā.
vb12:235.12	Tīṇi jhānāni—
vb12:235.13	etthuppannaṁ sukhaṁ ṭhapetvā sukhasahagatā, catutthaṁ jhānaṁ na sukhasahagataṁ.
vb12:235.14	Catutthaṁ jhānaṁ—
vb12:235.15	etthuppannaṁ upekkhaṁ ṭhapetvā upekkhāsahagataṁ, tīṇi jhānāni upekkhāsahagatā, na kāmāvacarā, siyā rūpāvacarā, siyā na rūpāvacarā, tīṇi jhānāni na arūpāvacarā, catutthaṁ jhānaṁ siyā arūpāvacaraṁ, siyā na arūpāvacaraṁ, siyā pariyāpannā, siyā apariyāpannā, siyā niyyānikā, siyā aniyyānikā, siyā niyatā, siyā aniyatā, siyā sauttarā, siyā anuttarā, araṇāti.
vb12:236.1	Pañhāpucchakaṁ.
vb12:237.1	Jhānavibhaṅgo niṭṭhito.
vb13:0.1	Vibhaṅga
vb13:0.2	Appamaññāvibhaṅga
vb13:1.0	1. Suttantabhājanīya
vb13:1.1	Catasso appamaññāyo—
vb13:1.2	idha bhikkhu mettāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ.
vb13:1.3	Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.
vb13:1.4	Karuṇāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ.
vb13:1.5	Iti uddhamadho tiriyaṁ sabbadhi sabbattatāya sabbāvantaṁ lokaṁ karuṇāsahagatena cetasā vipulena mahaggatena appamāṇena averena abyāpajjena pharitvā viharati.
vb13:1.6	Muditāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ.
vb13:1.7	Iti uddhamadho tiriyaṁ sabbadhi sabbattatāya sabbāvantaṁ lokaṁ muditāsahagatena cetasā vipulena mahaggatena appamāṇena averena abyāpajjena pharitvā viharati.
vb13:1.8	Upekkhāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ.
vb13:1.9	Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.
vb13:2.0	1.1. Mettā
vb13:2.1	Kathañca bhikkhu mettāsahagatena cetasā ekaṁ disaṁ pharitvā viharati?
vb13:2.2	Seyyathāpi nāma ekaṁ puggalaṁ piyaṁ manāpaṁ disvā mettāyeyya;
vb13:2.3	evameva sabbe satte mettāya pharati.
vb13:3.1	Tattha katamā mettā?
vb13:3.2	Yā sattesu metti mettāyanā mettāyitattaṁ mettācetovimutti—
vb13:3.3	ayaṁ vuccati “mettā”.
vb13:4.1	Tattha katamaṁ cittaṁ?
vb13:4.2	Yaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—
vb13:4.3	idaṁ vuccati “cittaṁ”.
vb13:4.4	Idaṁ cittaṁ imāya mettāya sahagataṁ hoti sahajātaṁ saṁsaṭṭhaṁ sampayuttaṁ.
vb13:4.5	Tena vuccati “mettāsahagatena cetasā”ti.
vb13:5.1	“Ekaṁ disan”ti puratthimaṁ vā disaṁ pacchimaṁ vā disaṁ uttaraṁ vā disaṁ dakkhiṇaṁ vā disaṁ uddhaṁ vā adho vā tiriyaṁ vā vidisaṁ vā.
vb13:6.1	“Pharitvā”ti pharitvā adhimuccitvā.
vb13:7.1	“Viharatī”ti iriyati vattati pāleti yapeti yāpeti carati viharati.
vb13:7.2	Tena vuccati “viharatī”ti.
vb13:8.1	“Tathā dutiyan”ti yatheva ekaṁ disaṁ tathā dutiyaṁ disaṁ tathā tatiyaṁ disaṁ tathā catutthaṁ disaṁ tathā uddhaṁ tathā adho tathā tiriyaṁ tathā vidisaṁ.
vb13:9.1	“Sabbadhi sabbattatāya sabbāvantaṁ lokan”ti sabbena sabbaṁ sabbathā sabbaṁ asesaṁ nissesaṁ.
vb13:9.2	Pariyādāyavacanametaṁ—
vb13:9.3	“sabbadhi sabbattatāya sabbāvantaṁ lokan”ti.
vb13:10.1	“Mettāsahagatena cetasā”ti tattha katamā mettā?
vb13:10.2	Yā sattesu metti mettāyanā mettāyitattaṁ mettācetovimutti—
vb13:10.3	ayaṁ vuccati “mettā”.
vb13:11.1	Tattha katamaṁ cittaṁ?
vb13:11.2	Yaṁ cittaṁ mano mānasaṁ …pe… tajjāmanoviññāṇadhātu—
vb13:11.3	idaṁ vuccati “cittaṁ”.
vb13:11.4	Idaṁ cittaṁ imāya mettāya sahagataṁ hoti sahajātaṁ saṁsaṭṭhaṁ sampayuttaṁ.
vb13:11.5	Tena vuccati “mettāsahagatena cetasā”ti.
vb13:12.1	“Vipulenā”ti yaṁ vipulaṁ taṁ mahaggataṁ, yaṁ mahaggataṁ taṁ appamāṇaṁ, yaṁ appamāṇaṁ so avero, yo avero so abyāpajjo.
vb13:13.1	“Pharitvā”ti pharitvā adhimuccitvā.
vb13:14.1	“Viharatī”ti …pe…
vb13:14.2	tena vuccati “viharatī”ti.
vb13:15.0	1.2. Karuṇā
vb13:15.1	Kathañca bhikkhu karuṇāsahagatena cetasā ekaṁ disaṁ pharitvā viharati?
vb13:15.2	Seyyathāpi nāma ekaṁ puggalaṁ duggataṁ durūpetaṁ disvā karuṇāyeyya;
vb13:15.3	evameva sabbe satte karuṇāya pharati.
vb13:16.1	Tattha katamā karuṇā?
vb13:16.2	Yā sattesu karuṇā karuṇāyanā karuṇāyitattaṁ karuṇācetovimutti—
vb13:16.3	ayaṁ vuccati “karuṇā”.
vb13:17.1	Tattha katamaṁ cittaṁ?
vb13:17.2	Yaṁ cittaṁ mano mānasaṁ …pe… tajjāmanoviññāṇadhātu—
vb13:17.3	idaṁ vuccati “cittaṁ”.
vb13:17.4	Idaṁ cittaṁ imāya karuṇāya sahagataṁ hoti sahajātaṁ saṁsaṭṭhaṁ sampayuttaṁ.
vb13:17.5	Tena vuccati “karuṇāsahagatena cetasā”ti.
vb13:18.1	“Ekaṁ disan”ti puratthimaṁ vā disaṁ pacchimaṁ vā disaṁ uttaraṁ vā disaṁ dakkhiṇaṁ vā disaṁ uddhaṁ vā adho vā tiriyaṁ vā vidisaṁ vā.
vb13:19.1	“Pharitvā”ti pharitvā adhimuccitvā.
vb13:20.1	“Viharatī”ti iriyati vattati pāleti yapeti yāpeti carati viharati.
vb13:20.2	Tena vuccati “viharatī”ti.
vb13:21.1	“Tathā dutiyan”ti yatheva ekaṁ disaṁ tathā dutiyaṁ disaṁ tathā tatiyaṁ disaṁ tathā catutthaṁ disaṁ tathā uddhaṁ tathā adho tathā tiriyaṁ tathā vidisaṁ.
vb13:22.1	“Sabbadhi sabbattatāya sabbāvantaṁ lokan”ti sabbena sabbaṁ sabbathā sabbaṁ asesaṁ nissesaṁ.
vb13:22.2	Pariyādāyavacanametaṁ—
vb13:22.3	“sabbadhi sabbattatāya sabbāvantaṁ lokan”ti.
vb13:23.1	“Karuṇāsahagatena cetasā”ti tattha katamā karuṇā?
vb13:23.2	Yā sattesu karuṇā karuṇāyanā karuṇāyitattaṁ karuṇācetovimutti—
vb13:23.3	ayaṁ vuccati “karuṇā”.
vb13:24.1	Tattha katamaṁ cittaṁ?
vb13:24.2	Yaṁ cittaṁ mano mānasaṁ …pe… tajjāmanoviññāṇadhātu—
vb13:24.3	idaṁ vuccati “cittaṁ”.
vb13:24.4	Idaṁ cittaṁ imāya karuṇāya sahagataṁ hoti sahajātaṁ saṁsaṭṭhaṁ sampayuttaṁ.
vb13:24.5	Tena vuccati “karuṇāsahagatena cetasā”ti.
vb13:25.1	“Vipulenā”ti yaṁ vipulaṁ taṁ mahaggataṁ, yaṁ mahaggataṁ taṁ appamāṇaṁ, yaṁ appamāṇaṁ so avero, yo avero so abyāpajjo.
vb13:26.1	“Pharitvā”ti pharitvā adhimuccitvā.
vb13:27.1	“Viharatī”ti …pe…
vb13:27.2	tena vuccati “viharatī”ti.
vb13:28.0	1.3. Muditā
vb13:28.1	Kathañca bhikkhu muditāsahagatena cetasā ekaṁ disaṁ pharitvā viharati?
vb13:28.2	Seyyathāpi nāma ekaṁ puggalaṁ piyaṁ manāpaṁ disvā mudito assa;
vb13:28.3	evameva sabbe satte muditāya pharati.
vb13:29.1	Tattha katamā muditā?
vb13:29.2	Yā sattesu muditā muditāyanā muditāyitattaṁ muditācetovimutti—
vb13:29.3	ayaṁ vuccati “muditā”.
vb13:30.1	Tattha katamaṁ cittaṁ?
vb13:30.2	Yaṁ cittaṁ mano mānasaṁ …pe… tajjāmanoviññāṇadhātu—
vb13:30.3	idaṁ vuccati “cittaṁ”.
vb13:30.4	Idaṁ cittaṁ imāya muditāya sahagataṁ hoti sahajātaṁ saṁsaṭṭhaṁ sampayuttaṁ.
vb13:30.5	Tena vuccati “muditāsahagatena cetasā”ti.
vb13:31.1	“Ekaṁ disan”ti puratthimaṁ vā disaṁ pacchimaṁ vā disaṁ uttaraṁ vā disaṁ dakkhiṇaṁ vā disaṁ uddhaṁ vā adho vā tiriyaṁ vā vidisaṁ vā.
vb13:32.1	“Pharitvā”ti pharitvā adhimuccitvā.
vb13:33.1	“Viharatī”ti …pe…
vb13:33.2	tena vuccati “viharatī”ti.
vb13:34.1	“Tathā dutiyan”ti yatheva ekaṁ disaṁ tathā dutiyaṁ disaṁ tathā tatiyaṁ disaṁ tathā catutthaṁ disaṁ tathā uddhaṁ tathā adho tathā tiriyaṁ tathā vidisaṁ.
vb13:35.1	“Sabbadhi sabbattatāya sabbāvantaṁ lokan”ti sabbena sabbaṁ sabbathā sabbaṁ asesaṁ nissesaṁ.
vb13:35.2	Pariyādāyavacanametaṁ—
vb13:35.3	“sabbadhi sabbattatāya sabbāvantaṁ lokan”ti.
vb13:36.1	“Muditāsahagatena cetasā”ti tattha katamā muditā?
vb13:36.2	Yā sattesu muditā muditāyanā muditāyitattaṁ muditācetovimutti—
vb13:36.3	ayaṁ vuccati “muditā”.
vb13:37.1	Tattha katamaṁ cittaṁ?
vb13:37.2	Yaṁ cittaṁ mano mānasaṁ …pe… tajjāmanoviññāṇadhātu—
vb13:37.3	idaṁ vuccati “cittaṁ”.
vb13:37.4	Idaṁ cittaṁ imāya muditāya sahagataṁ hoti sahajātaṁ saṁsaṭṭhaṁ sampayuttaṁ.
vb13:37.5	Tena vuccati “muditāsahagatena cetasā”ti.
vb13:38.1	“Vipulenā”ti yaṁ vipulaṁ taṁ mahaggataṁ, yaṁ mahaggataṁ taṁ appamāṇaṁ, yaṁ appamāṇaṁ so avero, yo avero so abyāpajjo.
vb13:39.1	“Pharitvā”ti pharitvā adhimuccitvā.
vb13:40.1	“Viharatī”ti …pe…
vb13:40.2	tena vuccati “viharatī”ti.
vb13:41.0	1.4. Upekkhā
vb13:41.1	Kathañca bhikkhu upekkhāsahagatena cetasā ekaṁ disaṁ pharitvā viharati?
vb13:41.2	Seyyathāpi nāma ekaṁ puggalaṁ neva manāpaṁ na amanāpaṁ disvā upekkhako assa;
vb13:41.3	evameva sabbe satte upekkhāya pharati.
vb13:42.1	Tattha katamā upekkhā?
vb13:42.2	Yā sattesu upekkhā upekkhāyanā upekkhāyitattaṁ upekkhācetovimutti—
vb13:42.3	ayaṁ vuccati “upekkhā”.
vb13:43.1	Tattha katamaṁ cittaṁ?
vb13:43.2	Yaṁ cittaṁ mano mānasaṁ …pe… tajjāmanoviññāṇadhātu—
vb13:43.3	idaṁ vuccati “cittaṁ”.
vb13:43.4	Idaṁ cittaṁ imāya upekkhāya sahagataṁ hoti sahajātaṁ saṁsaṭṭhaṁ sampayuttaṁ.
vb13:43.5	Tena vuccati “upekkhāsahagatena cetasā”ti.
vb13:44.1	“Ekaṁ disan”ti puratthimaṁ vā disaṁ pacchimaṁ vā disaṁ uttaraṁ vā disaṁ dakkhiṇaṁ vā disaṁ uddhaṁ vā adho vā tiriyaṁ vā vidisaṁ vā.
vb13:45.1	“Pharitvā”ti pharitvā adhimuccitvā.
vb13:46.1	“Viharatī”ti …pe…
vb13:46.2	tena vuccati “viharatī”ti.
vb13:47.1	“Tathā dutiyan”ti yatheva ekaṁ disaṁ tathā dutiyaṁ disaṁ tathā tatiyaṁ disaṁ tathā catutthaṁ disaṁ tathā uddhaṁ tathā adho tathā tiriyaṁ tathā vidisaṁ.
vb13:48.1	“Sabbadhi sabbattatāya sabbāvantaṁ lokan”ti sabbena sabbaṁ sabbathā sabbaṁ asesaṁ nissesaṁ.
vb13:48.2	Pariyādāyavacanametaṁ—
vb13:48.3	“sabbadhi sabbattatāya sabbāvantaṁ lokan”ti.
vb13:49.1	“Upekkhāsahagatena cetasā”ti, tattha katamā upekkhā?
vb13:49.2	Yā sattesu upekkhā upekkhāyanā upekkhāyitattaṁ upekkhācetovimutti—
vb13:49.3	ayaṁ vuccati “upekkhā”.
vb13:50.1	Tattha katamaṁ cittaṁ?
vb13:50.2	Yaṁ cittaṁ mano mānasaṁ …pe… tajjāmanoviññāṇadhātu—
vb13:50.3	idaṁ vuccati “cittaṁ”.
vb13:50.4	Idaṁ cittaṁ imāya upekkhāya sahagataṁ hoti sahajātaṁ saṁsaṭṭhaṁ sampayuttaṁ.
vb13:50.5	Tena vuccati “upekkhāsahagatena cetasā”ti.
vb13:51.1	“Vipulenā”ti yaṁ vipulaṁ taṁ mahaggataṁ, yaṁ mahaggataṁ taṁ appamāṇaṁ, yaṁ appamāṇaṁ so avero, yo avero so abyāpajjo.
vb13:52.1	“Pharitvā”ti pharitvā adhimuccitvā.
vb13:53.1	“Viharatī”ti …pe…
vb13:53.2	tena vuccati “viharatī”ti.
vb13:54.1	Suttantabhājanīyaṁ.
vb13:55.0.1	2. Abhidhammabhājanīya
vb13:55.0.2	2.1. Kusala
vb13:55.1	Catasso appamaññāyo—
vb13:55.2	mettā, karuṇā, muditā, upekkhā.
vb13:56.1	Tattha katamā mettā?
vb13:56.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:56.3	ayaṁ vuccati “mettā”.
vb13:56.4	Avasesā dhammā mettāya sampayuttā.
vb13:57.1	Tattha katamā mettā?
vb13:57.2	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:57.3	ayaṁ vuccati “mettā”.
vb13:57.4	Avasesā dhammā mettāya sampayuttā.
vb13:58.1	Tattha katamā mettā?
vb13:58.2	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe…
vb13:58.3	tatiyaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:58.4	ayaṁ vuccati “mettā”.
vb13:58.5	Avasesā dhammā mettāya sampayuttā.
vb13:59.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:59.2	ayaṁ vuccati “mettā”.
vb13:59.3	Avasesā dhammā mettāya sampayuttā.
vb13:60.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi vivicca akusalehi dhammehi avitakkaṁ vicāramattaṁ vivekajaṁ pītisukhaṁ dutiyaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:60.2	ayaṁ vuccati “mettā”.
vb13:60.3	Avasesā dhammā mettāya sampayuttā.
vb13:61.1	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… tatiyaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:61.2	ayaṁ vuccati “mettā”.
vb13:61.3	Avasesā dhammā mettāya sampayuttā.
vb13:62.1	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe… catutthaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:62.2	ayaṁ vuccati “mettā”.
vb13:62.3	Avasesā dhammā mettāya sampayuttā.
vb13:63.1	Tattha katamā karuṇā?
vb13:63.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:63.3	ayaṁ vuccati “karuṇā”.
vb13:63.4	Avasesā dhammā karuṇāya sampayuttā.
vb13:64.1	Tattha katamā karuṇā?
vb13:64.2	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe…
vb13:64.3	dutiyaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:64.4	ayaṁ vuccati “karuṇā”.
vb13:64.5	Avasesā dhammā karuṇāya sampayuttā.
vb13:65.1	Tattha katamā karuṇā?
vb13:65.2	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe…
vb13:65.3	tatiyaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:65.4	ayaṁ vuccati “karuṇā”.
vb13:65.5	Avasesā dhammā karuṇāya sampayuttā.
vb13:66.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:66.2	ayaṁ vuccati “karuṇā”.
vb13:66.3	Avasesā dhammā karuṇāya sampayuttā.
vb13:67.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi vivicca akusalehi dhammehi avitakkaṁ vicāramattaṁ vivekajaṁ pītisukhaṁ dutiyaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:67.2	ayaṁ vuccati “karuṇā”.
vb13:67.3	Avasesā dhammā karuṇāya sampayuttā.
vb13:68.1	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… tatiyaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:68.2	ayaṁ vuccati “karuṇā”.
vb13:68.3	Avasesā dhammā karuṇāya sampayuttā.
vb13:69.1	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe… catutthaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:69.2	ayaṁ vuccati “karuṇā”.
vb13:69.3	Avasesā dhammā karuṇāya sampayuttā.
vb13:70.1	Tattha katamā muditā?
vb13:70.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:70.3	ayaṁ vuccati “muditā”.
vb13:70.4	Avasesā dhammā muditāya sampayuttā.
vb13:71.1	Tattha katamā muditā?
vb13:71.2	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:71.3	ayaṁ vuccati “muditā”.
vb13:71.4	Avasesā dhammā muditāya sampayuttā.
vb13:72.1	Tattha katamā muditā?
vb13:72.2	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe…
vb13:72.3	tatiyaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:72.4	ayaṁ vuccati “muditā”.
vb13:72.5	Avasesā dhammā muditāya sampayuttā.
vb13:73.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:73.2	ayaṁ vuccati “muditā”.
vb13:73.3	Avasesā dhammā muditāya sampayuttā.
vb13:74.1	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi vivicca akusalehi dhammehi avitakkaṁ vicāramattaṁ vivekajaṁ pītisukhaṁ dutiyaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:74.2	ayaṁ vuccati “muditā”.
vb13:74.3	Avasesā dhammā muditāya sampayuttā.
vb13:75.1	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… tatiyaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:75.2	ayaṁ vuccati “muditā”.
vb13:75.3	Avasesā dhammā muditāya sampayuttā.
vb13:76.1	Idha bhikkhu yasmiṁ samaye rūpūpapattiyā maggaṁ bhāveti pītiyā ca virāgā …pe… catutthaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:76.2	ayaṁ vuccati “muditā”.
vb13:76.3	Avasesā dhammā muditāya sampayuttā.
vb13:77.1	Tattha katamā upekkhā?
vb13:77.2	Idha bhikkhu yasmiṁ samaye rūpūpapattiyā maggaṁ bhāveti sukhassa ca pahānā …pe… catutthaṁ jhānaṁ upasampajja viharati upekkhāsahagataṁ, yā tasmiṁ samaye upekkhā upekkhāyanā upekkhāyitattaṁ upekkhācetovimutti—
vb13:77.3	ayaṁ vuccati “upekkhā”.
vb13:77.4	Avasesā dhammā upekkhāya sampayuttā.
vb13:78.0	2.2. Vipāka
vb13:78.1	Catasso appamaññāyo—
vb13:78.2	mettā, karuṇā, muditā, upekkhā.
vb13:79.1	Tattha katamā mettā?
vb13:79.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati mettāsahagataṁ, tasmiṁ samaye phasso hoti …pe… avikkhepo hoti.
vb13:79.3	Ime dhammā kusalā.
vb13:79.4	Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:79.5	ayaṁ vuccati “mettā”.
vb13:79.6	Avasesā dhammā mettāya sampayuttā.
vb13:80.1	Tattha katamā mettā?
vb13:80.2	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ upasampajja viharati mettāsahagataṁ, tasmiṁ samaye phasso hoti …pe… avikkhepo hoti.
vb13:80.3	Ime dhammā kusalā.
vb13:80.4	Tasseva rūpāvacarassa kusalassa kammassa katattā upacitattā vipākaṁ vitakkavicārānaṁ vūpasamā …pe… dutiyaṁ jhānaṁ …pe…
vb13:80.5	tatiyaṁ jhānaṁ …pe…
vb13:80.6	paṭhamaṁ jhānaṁ …pe…
vb13:80.7	dutiyaṁ jhānaṁ …pe…
vb13:80.8	tatiyaṁ jhānaṁ …pe…
vb13:80.9	catutthaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:80.10	ayaṁ vuccati “mettā”.
vb13:80.11	Avasesā dhammā mettāya sampayuttā.
vb13:81.1	Tattha katamā karuṇā?
vb13:81.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati karuṇāsahagataṁ, tasmiṁ samaye phasso hoti …pe… avikkhepo hoti.
vb13:81.3	Ime dhammā kusalā.
vb13:81.4	Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:81.5	ayaṁ vuccati “karuṇā”.
vb13:81.6	Avasesā dhammā karuṇāya sampayuttā.
vb13:82.1	Tattha katamā karuṇā?
vb13:82.2	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ upasampajja viharati karuṇāsahagataṁ, tasmiṁ samaye phasso hoti …pe… avikkhepo hoti.
vb13:82.3	Ime dhammā kusalā.
vb13:82.4	Tasseva rūpāvacarassa kusalassa kammassa katattā upacitattā vipākaṁ vitakkavicārānaṁ vūpasamā …pe… dutiyaṁ jhānaṁ …pe…
vb13:82.5	tatiyaṁ jhānaṁ …pe…
vb13:82.6	paṭhamaṁ jhānaṁ …pe…
vb13:82.7	dutiyaṁ jhānaṁ …pe…
vb13:82.8	tatiyaṁ jhānaṁ …pe…
vb13:82.9	catutthaṁ jhānaṁ upasampajja viharati karuṇāsahagataṁ, yā tasmiṁ samaye karuṇā karuṇāyanā karuṇāyitattaṁ karuṇācetovimutti—
vb13:82.10	ayaṁ vuccati “karuṇā”.
vb13:82.11	Avasesā dhammā karuṇāya sampayuttā.
vb13:83.1	Tattha katamā muditā?
vb13:83.2	Idha bhikkhu yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati muditāsahagataṁ, tasmiṁ samaye phasso hoti …pe… avikkhepo hoti.
vb13:83.3	Ime dhammā kusalā.
vb13:83.4	Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:83.5	ayaṁ vuccati “muditā”.
vb13:83.6	Avasesā dhammā muditāya sampayuttā.
vb13:84.1	Tattha katamā muditā?
vb13:84.2	Idha bhikkhu yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ upasampajja viharati muditāsahagataṁ, tasmiṁ samaye phasso hoti …pe… avikkhepo hoti.
vb13:84.3	Ime dhammā kusalā.
vb13:84.4	Tasseva rūpāvacarassa kusalassa kammassa katattā upacitattā vipākaṁ vitakkavicārānaṁ vūpasamā …pe… dutiyaṁ jhānaṁ …pe…
vb13:84.5	tatiyaṁ jhānaṁ …pe…
vb13:84.6	paṭhamaṁ jhānaṁ …pe…
vb13:84.7	dutiyaṁ jhānaṁ …pe…
vb13:84.8	tatiyaṁ jhānaṁ …pe…
vb13:84.9	catutthaṁ jhānaṁ upasampajja viharati muditāsahagataṁ, yā tasmiṁ samaye muditā muditāyanā muditāyitattaṁ muditācetovimutti—
vb13:84.10	ayaṁ vuccati “muditā”.
vb13:84.11	Avasesā dhammā muditāya sampayuttā.
vb13:85.1	Tattha katamā upekkhā?
vb13:85.2	Idha bhikkhu yasmiṁ samaye rūpūpapattiyā maggaṁ bhāveti sukhassa ca pahānā …pe… catutthaṁ jhānaṁ upasampajja viharati upekkhāsahagataṁ, tasmiṁ samaye phasso hoti …pe… avikkhepo hoti.
vb13:85.3	Ime dhammā kusalā.
vb13:85.4	Tasseva rūpāvacarassa kusalassa kammassa katattā upacitattā vipākaṁ sukhassa ca pahānā dukkhassa ca pahānā …pe… catutthaṁ jhānaṁ upasampajja viharati upekkhāsahagataṁ, yā tasmiṁ samaye upekkhā upekkhāyanā upekkhāyitattaṁ upekkhācetovimutti—
vb13:85.5	ayaṁ vuccati “upekkhā”.
vb13:85.6	Avasesā dhammā upekkhāya sampayuttā.
vb13:86.0	2.3. Kiriyā
vb13:86.1	Catasso appamaññāyo—
vb13:86.2	mettā, karuṇā, muditā, upekkhā.
vb13:87.1	Tattha katamā mettā?
vb13:87.2	Idha bhikkhu yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vivicceva kāmehi …pe… paṭhamaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:87.3	ayaṁ vuccati “mettā”.
vb13:87.4	Avasesā dhammā mettāya sampayuttā.
vb13:88.1	Tattha katamā mettā?
vb13:88.2	Idha bhikkhu yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vitakkavicārānaṁ vūpasamā …pe… dutiyaṁ jhānaṁ …pe…
vb13:88.3	tatiyaṁ jhānaṁ …pe…
vb13:88.4	paṭhamaṁ jhānaṁ …pe…
vb13:88.5	dutiyaṁ jhānaṁ …pe…
vb13:88.6	tatiyaṁ jhānaṁ …pe…
vb13:88.7	catutthaṁ jhānaṁ upasampajja viharati mettāsahagataṁ, yā tasmiṁ samaye metti mettāyanā mettāyitattaṁ mettācetovimutti—
vb13:88.8	ayaṁ vuccati “mettā”.
vb13:88.9	Avasesā dhammā mettāya sampayuttā.
vb13:89.1	Tattha katamā karuṇā …pe…
vb13:89.2	tattha katamā muditā …pe…
vb13:89.3	tattha katamā upekkhā?
vb13:89.4	Idha bhikkhu yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sukhassa ca pahānā dukkhassa ca pahānā …pe… catutthaṁ jhānaṁ upasampajja viharati upekkhāsahagataṁ, yā tasmiṁ samaye upekkhā upekkhāyanā upekkhāyitattaṁ upekkhācetovimutti—
vb13:89.5	ayaṁ vuccati “upekkhā”.
vb13:89.6	Avasesā dhammā upekkhāya sampayuttā.
vb13:90.1	Abhidhammabhājanīyaṁ.
vb13:91.0	3. Pañhāpucchaka
vb13:91.1	Catasso appamaññāyo—
vb13:92.1	Idha bhikkhu mettāsahagatena cetasā ekaṁ disaṁ pharitvā viharati tathā dutiyaṁ tathā tatiyaṁ tathā catutthaṁ, iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.
vb13:93.1	Karuṇāsahagatena cetasā ekaṁ disaṁ pharitvā viharati tathā dutiyaṁ tathā tatiyaṁ tathā catutthaṁ, iti uddhamadho tiriyaṁ sabbadhi sabbattatāya sabbāvantaṁ lokaṁ karuṇāsahagatena cetasā vipulena mahaggatena appamāṇena averena abyāpajjena pharitvā viharati.
vb13:94.1	Muditāsahagatena cetasā ekaṁ disaṁ pharitvā viharati tathā dutiyaṁ tathā tatiyaṁ tathā catutthaṁ, iti uddhamadho tiriyaṁ sabbadhi sabbattatāya sabbāvantaṁ lokaṁ muditāsahagatena cetasā vipulena mahaggatena appamāṇena averena abyāpajjena pharitvā viharati.
vb13:95.1	Upekkhāsahagatena cetasā ekaṁ disaṁ pharitvā viharati tathā dutiyaṁ tathā tatiyaṁ tathā catutthaṁ, iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.
vb13:96.1	Catunnaṁ appamaññānaṁ kati kusalā, kati akusalā, kati abyākatā …pe… kati saraṇā, kati araṇā?
vb13:97.0	3.1. Tika
vb13:97.1	Siyā kusalā, siyā abyākatā.
vb13:98.1	Tisso appamaññāyo sukhāya vedanāya sampayuttā, upekkhā adukkhamasukhāya vedanāya sampayuttā.
vb13:99.1	Siyā vipākā, siyā vipākadhammadhammā, siyā nevavipākanavipākadhammadhammā.
vb13:100.1	Siyā upādinnupādāniyā, siyā anupādinnupādāniyā.
vb13:101.1	Asaṅkiliṭṭhasaṅkilesikā.
vb13:102.1	Tisso appamaññāyo siyā savitakkasavicārā, siyā avitakkavicāramattā, siyā avitakkaavicārā;
vb13:102.2	upekkhā avitakkaavicārā.
vb13:103.1	Tisso appamaññāyo siyā pītisahagatā, siyā sukhasahagatā, na upekkhāsahagatā, siyā na vattabbā pītisahagatāti;
vb13:103.2	upekkhā upekkhāsahagatā.
vb13:104.1	Neva dassanena na bhāvanāya pahātabbā.
vb13:105.1	Neva dassanena na bhāvanāya pahātabbahetukā.
vb13:106.1	Siyā ācayagāmino, siyā nevācayagāmināpacayagāmino.
vb13:107.1	Nevasekkhanāsekkhā.
vb13:108.1	Mahaggatā.
vb13:109.1	Na vattabbā “parittārammaṇā”tipi, “mahaggatārammaṇā”tipi, “appamāṇārammaṇā”tipi.
vb13:110.1	Majjhimā.
vb13:111.1	Aniyatā.
vb13:112.1	Na vattabbā “maggārammaṇā”tipi, “maggahetukā”tipi, “maggādhipatino”tipi.
vb13:113.1	Siyā uppannā, siyā anuppannā, siyā uppādino.
vb13:114.1	Siyā atītā, siyā anāgatā, siyā paccuppannā.
vb13:115.1	Na vattabbā “atītārammaṇā”tipi, “anāgatārammaṇā”tipi, “paccuppannārammaṇā”tipi.
vb13:116.1	Siyā ajjhattā, siyā bahiddhā, siyā ajjhattabahiddhā.
vb13:117.1	Bahiddhārammaṇā.
vb13:118.1	Anidassanaappaṭighā.
vb13:119.0.1	3.2. 3.2 Duka
vb13:119.0.2	3.2.1. Hetugocchaka
vb13:119.1	Mettā hetu, tisso appamaññāyo na hetū, sahetukā, hetusampayuttā.
vb13:119.2	Mettā hetu ceva sahetukā ca;
vb13:119.3	tisso appamaññāyo na vattabbā “hetū ceva sahetukā cā”ti, sahetukā ceva na ca hetū.
vb13:119.4	Mettā hetu ceva hetusampayuttā ca;
vb13:119.5	tisso appamaññāyo na vattabbā “hetū ceva hetusampayuttā cā”ti, hetusampayuttā ceva na ca hetū.
vb13:119.6	Tisso appamaññāyo na hetū sahetukā;
vb13:119.7	mettā na vattabbā “na hetu sahetukā”tipi, “na hetu ahetukā”tipi.
vb13:120.0	3.2.2. Cūḷantaraduka
vb13:120.1	Sappaccayā, saṅkhatā, anidassanā, appaṭighā, arūpā, lokiyā, kenaci viññeyyā, kenaci na viññeyyā.
vb13:121.0	3.2.3. Āsavagocchaka
vb13:121.1	No āsavā, sāsavā, āsavavippayuttā, na vattabbā “āsavā ceva sāsavā cā”ti, sāsavā ceva no ca āsavā, na vattabbā āsavā ceva “āsavasampayuttā cā”tipi, “āsavasampayuttā ceva no ca āsavā”tipi.
vb13:121.2	Āsavavippayuttā sāsavā.
vb13:122.0	13.3.2.4. Saṁyojanagocchakādi
vb13:122.1	No saṁyojanā …pe…
vb13:122.2	no ganthā …pe…
vb13:122.3	no oghā …pe…
vb13:122.4	no yogā …pe…
vb13:122.5	no nīvaraṇā …pe…
vb13:122.6	no parāmāsā …pe….
vb13:123.0	3.2.10. Mahantaraduka
vb13:123.1	Sārammaṇā, no cittā, cetasikā, cittasampayuttā, cittasaṁsaṭṭhā, cittasamuṭṭhānā, cittasahabhuno, cittānuparivattino, cittasaṁsaṭṭhasamuṭṭhānā, cittasaṁsaṭṭhasamuṭṭhānasahabhuno, cittasaṁsaṭṭhasamuṭṭhānānuparivattino, bāhirā, no upādā, siyā upādinnā, siyā anupādinnā.
vb13:124.0	13.3.2.11. Upādānagocchakādi
vb13:124.1	No upādānā …pe…
vb13:124.2	no kilesā …pe…
vb13:124.3	na dassanena pahātabbā, na bhāvanāya pahātabbā, na dassanena pahātabbahetukā, na bhāvanāya pahātabbahetukā.
vb13:124.4	Tisso appamaññāyo siyā savitakkā, siyā avitakkā;
vb13:124.5	upekkhā avitakkā.
vb13:124.6	Tisso appamaññāyo siyā savicārā, siyā avicārā;
vb13:124.7	upekkhā avicārā.
vb13:124.8	Tisso appamaññāyo siyā sappītikā, siyā appītikā;
vb13:124.9	upekkhā appītikā.
vb13:124.10	Tisso appamaññāyo siyā pītisahagatā, siyā na pītisahagatā;
vb13:124.11	upekkhā na pītisahagatā.
vb13:124.12	Tisso appamaññāyo sukhasahagatā, upekkhā na sukhasahagatā.
vb13:124.13	Upekkhā upekkhāsahagatā, tisso appamaññāyo na upekkhāsahagatā, na kāmāvacarā, rūpāvacarā, na arūpāvacarā, pariyāpannā, aniyyānikā, aniyatā, sauttarā, araṇāti.
vb13:125.1	Pañhāpucchakaṁ.
vb13:126.1	Appamaññāvibhaṅgo niṭṭhito.
vb14:0.1	Vibhaṅga
vb14:0.2	Sikkhāpadavibhaṅga
vb14:1.0	1. Abhidhammabhājanīya
vb14:1.1	Pañca sikkhāpadāni—
vb14:1.2	pāṇātipātā veramaṇī sikkhāpadaṁ, adinnādānā veramaṇī sikkhāpadaṁ, kāmesumicchācārā veramaṇī sikkhāpadaṁ, musāvādā veramaṇī sikkhāpadaṁ, surāmerayamajjapamādaṭṭhānā veramaṇī sikkhāpadaṁ.
vb14:2.1	Tattha katamaṁ pāṇātipātā veramaṇī sikkhāpadaṁ?
vb14:2.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:2.3	idaṁ vuccati “pāṇātipātā veramaṇī sikkhāpadaṁ”.
vb14:2.4	Avasesā dhammā veramaṇiyā sampayuttā.
vb14:3.1	Tattha katamaṁ pāṇātipātā veramaṇī sikkhāpadaṁ?
vb14:3.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ pāṇātipātā viramantassa, yā tasmiṁ samaye cetanā sañcetanā sañcetayitattaṁ—
vb14:3.3	idaṁ vuccati “pāṇātipātā veramaṇī sikkhāpadaṁ”.
vb14:3.4	Avasesā dhammā cetanāya sampayuttā.
vb14:4.1	Tattha katamaṁ pāṇātipātā veramaṇī sikkhāpadaṁ?
vb14:4.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ pāṇātipātā viramantassa, yo tasmiṁ samaye phasso …pe… paggāho avikkhepo—
vb14:4.3	idaṁ vuccati “pāṇātipātā veramaṇī sikkhāpadaṁ”.
vb14:5.1	Tattha katamaṁ pāṇātipātā veramaṇī sikkhāpadaṁ?
vb14:5.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…
vb14:5.3	somanassasahagataṁ ñāṇavippayuttaṁ …pe…
vb14:5.4	somanassasahagataṁ ñāṇavippayuttaṁ sasaṅkhārena …pe…
vb14:5.5	upekkhāsahagataṁ ñāṇasampayuttaṁ …pe…
vb14:5.6	upekkhāsahagataṁ ñāṇasampayuttaṁ sasaṅkhārena …pe…
vb14:5.7	upekkhāsahagataṁ ñāṇavippayuttaṁ …pe…
vb14:5.8	upekkhāsahagataṁ ñāṇavippayuttaṁ sasaṅkhārena pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:5.9	idaṁ vuccati “pāṇātipātā veramaṇī sikkhāpadaṁ”.
vb14:5.10	Avasesā dhammā veramaṇiyā sampayuttā.
vb14:6.1	Tattha katamaṁ pāṇātipātā veramaṇī sikkhāpadaṁ?
vb14:6.2	Yasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena pāṇātipātā viramantassa, yā tasmiṁ samaye cetanā sañcetanā sañcetayitattaṁ—
vb14:6.3	idaṁ vuccati “pāṇātipātā veramaṇī sikkhāpadaṁ”.
vb14:6.4	Avasesā dhammā cetanāya sampayuttā.
vb14:7.1	Tattha katamaṁ pāṇātipātā veramaṇī sikkhāpadaṁ?
vb14:7.2	Yasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena pāṇātipātā viramantassa phasso …pe… paggāho avikkhepo—
vb14:7.3	idaṁ vuccati “pāṇātipātā veramaṇī sikkhāpadaṁ”.
vb14:8.1	Tattha katamaṁ adinnādānā veramaṇī sikkhāpadaṁ …pe…
vb14:8.2	kāmesumicchācārā veramaṇī sikkhāpadaṁ …pe…
vb14:8.3	musāvādā veramaṇī sikkhāpadaṁ …pe…
vb14:8.4	surāmerayamajjapamādaṭṭhānā veramaṇī sikkhāpadaṁ?
vb14:8.5	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:8.6	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:8.7	Avasesā dhammā veramaṇiyā sampayuttā.
vb14:9.1	Tattha katamaṁ surāmerayamajjapamādaṭṭhānā veramaṇī sikkhāpadaṁ, yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ surāmerayamajjapamādaṭṭhānā viramantassa, yā tasmiṁ samaye cetanā sañcetanā sañcetayitattaṁ—
vb14:9.2	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:9.3	Avasesā dhammā cetanāya sampayuttā.
vb14:10.1	Tattha katamaṁ surāmerayamajjapamādaṭṭhānā veramaṇī sikkhāpadaṁ?
vb14:10.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ surāmerayamajjapamādaṭṭhānā viramantassa, yo tasmiṁ samaye phasso …pe… paggāho avikkhepo—
vb14:10.3	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:11.1	Tattha katamaṁ surāmerayamajjapamādaṭṭhānā veramaṇī sikkhāpadaṁ?
vb14:11.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…
vb14:11.3	somanassasahagataṁ ñāṇavippayuttaṁ …pe…
vb14:11.4	somanassasahagataṁ ñāṇavippayuttaṁ sasaṅkhārena …pe…
vb14:11.5	upekkhāsahagataṁ ñāṇasampayuttaṁ …pe…
vb14:11.6	upekkhāsahagataṁ ñāṇasampayuttaṁ sasaṅkhārena …pe…
vb14:11.7	upekkhāsahagataṁ ñāṇavippayuttaṁ …pe…
vb14:11.8	upekkhāsahagataṁ ñāṇavippayuttaṁ sasaṅkhārena surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:11.9	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:11.10	Avasesā dhammā veramaṇiyā sampayuttā.
vb14:12.1	Tattha katamaṁ surāmerayamajjapamādaṭṭhānā veramaṇī sikkhāpadaṁ?
vb14:12.2	Yasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena surāmerayamajjapamādaṭṭhānā viramantassa, yā tasmiṁ samaye cetanā sañcetanā sañcetayitattaṁ—
vb14:12.3	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:12.4	Avasesā dhammā cetanāya sampayuttā.
vb14:13.1	Tattha katamaṁ surāmerayamajjapamādaṭṭhānā veramaṇī sikkhāpadaṁ?
vb14:13.2	Yasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena surāmerayamajjapamādaṭṭhānā viramantassa, yo tasmiṁ samaye phasso …pe… paggāho avikkhepo—
vb14:13.3	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:14.1	Pañca sikkhāpadāni—
vb14:14.2	pāṇātipātā veramaṇī sikkhāpadaṁ, adinnādānā veramaṇī sikkhāpadaṁ, kāmesumicchācārā veramaṇī sikkhāpadaṁ, musāvādā veramaṇī sikkhāpadaṁ, surāmerayamajjapamādaṭṭhānā veramaṇī sikkhāpadaṁ.
vb14:15.1	Tattha katamaṁ pāṇātipātā veramaṇī sikkhāpadaṁ?
vb14:15.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:15.3	idaṁ vuccati “pāṇātipātā veramaṇī sikkhāpadaṁ”.
vb14:15.4	Avasesā dhammā veramaṇiyā sampayuttā.
vb14:16.1	Tattha katamaṁ pāṇātipātā veramaṇī sikkhāpadaṁ?
vb14:16.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yā tasmiṁ samaye cetanā sañcetanā sañcetayitattaṁ—
vb14:16.3	idaṁ vuccati “pāṇātipātā veramaṇī sikkhāpadaṁ”.
vb14:16.4	Avasesā dhammā cetanāya sampayuttā.
vb14:17.1	Tattha katamaṁ pāṇātipātā veramaṇī sikkhāpadaṁ?
vb14:17.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yo tasmiṁ samaye phasso …pe… paggāho avikkhepo—
vb14:17.3	idaṁ vuccati “pāṇātipātā veramaṇī sikkhāpadaṁ”.
vb14:18.1	Tattha katamaṁ pāṇātipātā veramaṇī sikkhāpadaṁ?
vb14:18.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…
vb14:18.3	somanassasahagataṁ ñāṇavippayuttaṁ …pe…
vb14:18.4	somanassasahagataṁ ñāṇavippayuttaṁ sasaṅkhārena …pe…
vb14:18.5	upekkhāsahagataṁ ñāṇasampayuttaṁ …pe…
vb14:18.6	upekkhāsahagataṁ ñāṇasampayuttaṁ sasaṅkhārena …pe…
vb14:18.7	upekkhāsahagataṁ ñāṇavippayuttaṁ …pe…
vb14:18.8	upekkhāsahagataṁ ñāṇavippayuttaṁ sasaṅkhārena hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:18.9	idaṁ vuccati “pāṇātipātā veramaṇī sikkhāpadaṁ”.
vb14:18.10	Avasesā dhammā veramaṇiyā sampayuttā …pe…
vb14:18.11	avasesā dhammā cetanāya sampayuttā …pe…
vb14:18.12	phasso …pe… paggāho avikkhepo—
vb14:18.13	idaṁ vuccati “pāṇātipātā veramaṇī sikkhāpadaṁ”.
vb14:19.1	Tattha katamaṁ adinnādānā veramaṇī sikkhāpadaṁ …pe…
vb14:19.2	kāmesumicchācārā veramaṇī sikkhāpadaṁ …pe…
vb14:19.3	musāvādā veramaṇī sikkhāpadaṁ …pe…
vb14:19.4	surāmerayamajjapamādaṭṭhānā veramaṇī sikkhāpadaṁ?
vb14:19.5	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:19.6	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:19.7	Avasesā dhammā veramaṇiyā sampayuttā …pe…
vb14:19.8	avasesā dhammā cetanāya sampayuttā …pe…
vb14:19.9	phasso …pe… paggāho avikkhepo—
vb14:19.10	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:20.1	Tattha katamaṁ surāmerayamajjapamādaṭṭhānā veramaṇī sikkhāpadaṁ?
vb14:20.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…
vb14:20.3	somanassasahagataṁ ñāṇavippayuttaṁ …pe…
vb14:20.4	somanassasahagataṁ ñāṇavippayuttaṁ sasaṅkhārena …pe…
vb14:20.5	upekkhāsahagataṁ ñāṇasampayuttaṁ …pe…
vb14:20.6	upekkhāsahagataṁ ñāṇasampayuttaṁ sasaṅkhārena …pe…
vb14:20.7	upekkhāsahagataṁ ñāṇavippayuttaṁ …pe…
vb14:20.8	upekkhāsahagataṁ ñāṇavippayuttaṁ sasaṅkhārena hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ paṇītaṁ surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—
vb14:20.9	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:20.10	Avasesā dhammā veramaṇiyā sampayuttā …pe…
vb14:20.11	avasesā dhammā cetanāya sampayuttā …pe…
vb14:20.12	phasso …pe… paggāho avikkhepo—
vb14:20.13	idaṁ vuccati “surāmerayamajjapamādaṭṭhānā veramaṇī sikkhāpadaṁ”.
vb14:21.1	Katame dhammā sikkhā?
vb14:21.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā …pe…
vb14:21.3	dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.
vb14:21.4	Ime dhammā sikkhā.
vb14:22.1	Katame dhammā sikkhā?
vb14:22.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…
vb14:22.3	somanassasahagataṁ ñāṇavippayuttaṁ …pe…
vb14:22.4	somanassasahagataṁ ñāṇavippayuttaṁ sasaṅkhārena …pe…
vb14:22.5	upekkhāsahagataṁ ñāṇasampayuttaṁ …pe…
vb14:22.6	upekkhāsahagataṁ ñāṇasampayuttaṁ sasaṅkhārena …pe…
vb14:22.7	upekkhāsahagataṁ ñāṇavippayuttaṁ …pe…
vb14:22.8	upekkhāsahagataṁ ñāṇavippayuttaṁ sasaṅkhārena rūpārammaṇaṁ vā …pe…
vb14:22.9	dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.
vb14:22.10	Ime dhammā sikkhā.
vb14:23.1	Katame dhammā sikkhā?
vb14:23.2	Yasmiṁ samaye rūpūpapattiyā maggaṁ bhāveti …pe…
vb14:23.3	arūpūpapattiyā maggaṁ bhāveti …pe…
vb14:23.4	lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb14:23.5	Ime dhammā sikkhā.
vb14:24.1	Abhidhammabhājanīyaṁ.
vb14:25.0	2. Pañhāpucchaka
vb14:25.1	Pañca sikkhāpadāni—
vb14:25.2	pāṇātipātā veramaṇī sikkhāpadaṁ, adinnādānā veramaṇī sikkhāpadaṁ, kāmesumicchācārā veramaṇī sikkhāpadaṁ, musāvādā veramaṇī sikkhāpadaṁ, surāmerayamajjapamādaṭṭhānā veramaṇī sikkhāpadaṁ.
vb14:26.1	Pañcannaṁ sikkhāpadānaṁ kati kusalā, kati akusalā, kati abyākatā …pe… kati saraṇā, kati araṇā?
vb14:27.0	2.1. Tika
vb14:27.1	Kusalāyeva.
vb14:28.1	Siyā sukhāya vedanāya sampayuttā, siyā adukkhamasukhāya vedanāya sampayuttā.
vb14:29.1	Vipākadhammadhammā.
vb14:30.1	Anupādinnupādāniyā.
vb14:31.1	Asaṅkiliṭṭhasaṅkilesikā.
vb14:32.1	Savitakkasavicārā.
vb14:33.1	Siyā pītisahagatā, siyā sukhasahagatā, siyā upekkhāsahagatā.
vb14:34.1	Neva dassanena na bhāvanāya pahātabbā.
vb14:35.1	Neva dassanena na bhāvanāya pahātabbahetukā.
vb14:36.1	Ācayagāmino.
vb14:37.1	Nevasekkhanāsekkhā.
vb14:38.1	Parittā.
vb14:39.1	Parittārammaṇā.
vb14:40.1	Majjhimā.
vb14:41.1	Aniyatā.
vb14:42.1	Na vattabbā maggārammaṇātipi, maggahetukātipi, maggādhipatinotipi.
vb14:43.1	Siyā uppannā, siyā anuppannā, na vattabbā uppādinoti.
vb14:44.1	Siyā atītā, siyā anāgatā, siyā paccuppannā.
vb14:45.1	Paccuppannārammaṇā.
vb14:46.1	Siyā ajjhattā, siyā bahiddhā, siyā ajjhattabahiddhā.
vb14:47.1	Bahiddhārammaṇā.
vb14:48.1	Anidassanaappaṭighā.
vb14:49.0.1	2.2. 2.2 Duka
vb14:49.0.2	2.2.1. Hetugocchaka
vb14:49.1	Na hetū sahetukā, hetusampayuttā.
vb14:49.2	Na vattabbā “hetū ceva sahetukā cā”ti, sahetukā ceva na ca hetū, na vattabbā “hetū ceva hetusampayuttā cā”ti, hetusampayuttā ceva na ca hetū, na hetusahetukā.
vb14:50.0	2.2.2. Cūḷantaraduka
vb14:50.1	Sappaccayā, saṅkhatā, anidassanā, appaṭighā, arūpā, lokiyā, kenaci viññeyyā, kenaci na viññeyyā.
vb14:51.0	2.2.3. Āsavagocchaka
vb14:51.1	No āsavā, sāsavā, āsavavippayuttā, na vattabbā “āsavā ceva sāsavā cā”ti, sāsavā ceva no ca āsavā, na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb14:51.2	Āsavavippayuttā sāsavā.
vb14:52.0	14.2.2.4. Saṁyojanagocchakādi
vb14:52.1	No saṁyojanā …pe…
vb14:52.2	no ganthā …pe…
vb14:52.3	no oghā …pe…
vb14:52.4	no yogā …pe…
vb14:52.5	no nīvaraṇā …pe…
vb14:52.6	no parāmāsā …pe….
vb14:53.0	2.2.10. Mahantaraduka
vb14:53.1	Sārammaṇā, no cittā, cetasikā, cittasampayuttā, cittasaṁsaṭṭhā, cittasamuṭṭhānā, cittasahabhuno, cittānuparivattino, cittasaṁsaṭṭhasamuṭṭhānā, cittasaṁsaṭṭhasamuṭṭhānasahabhuno, cittasaṁsaṭṭhasamuṭṭhānānuparivattino, bāhirā, no upādā, anupādinnā.
vb14:54.0	14.2.2.11. Upādānagocchakādi
vb14:54.1	No upādānā …pe…
vb14:54.2	no kilesā …pe…
vb14:54.3	na dassanena pahātabbā, na bhāvanāya pahātabbā, na dassanena pahātabbahetukā, na bhāvanāya pahātabbahetukā, savitakkā, savicārā, siyā sappītikā, siyā appītikā, siyā pītisahagatā, siyā na pītisahagatā, siyā sukhasahagatā, siyā na sukhasahagatā, siyā upekkhāsahagatā, siyā na upekkhāsahagatā, kāmāvacarā, na rūpāvacarā, na arūpāvacarā, pariyāpannā, aniyyānikā, aniyatā, sauttarā, araṇāti.
vb14:55.1	Pañhāpucchakaṁ.
vb14:56.1	Sikkhāpadavibhaṅgo niṭṭhito.
vb15:0.1	Vibhaṅga
vb15:0.2	Paṭisambhidāvibhaṅga
vb15:1.0.1	Suttantabhājanīya
vb15:1.0.2	1. Saṅgahavāra
vb15:1.1	Catasso paṭisambhidā—
vb15:1.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:1.3	Atthe ñāṇaṁ atthapaṭisambhidā, dhamme ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb15:1.4	Ayaṁ saṅgahavāro.
vb15:2.0	2. Saccavāra
vb15:2.1	Catasso paṭisambhidā—
vb15:2.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:2.3	Dukkhe ñāṇaṁ atthapaṭisambhidā, dukkhasamudaye ñāṇaṁ dhammapaṭisambhidā, dukkhanirodhe ñāṇaṁ atthapaṭisambhidā, dukkhanirodhagāminiyā paṭipadāya ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb15:2.4	Ayaṁ saccavāro.
vb15:3.0	3. Hetuvāra
vb15:3.1	Catasso paṭisambhidā—
vb15:3.2	atthapaṭisambhidā, dhammapaṭisambhidā niruttipaṭisambhidā, paṭibhānapaṭisambhidā.
vb15:3.3	Hetumhi ñāṇaṁ dhammapaṭisambhidā, hetuphale ñāṇaṁ atthapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb15:3.4	Ayaṁ hetuvāro.
vb15:4.0	4. Dhammavāra
vb15:4.1	Catasso paṭisambhidā—
vb15:4.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:4.3	Ye dhammā jātā bhūtā sañjātā nibbattā abhinibbattā pātubhūtā, imesu dhammesu ñāṇaṁ atthapaṭisambhidā;
vb15:4.4	yamhā dhammā te dhammā jātā bhūtā sañjātā nibbattā abhinibbattā pātubhūtā, tesu dhammesu ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb15:4.5	Ayaṁ dhammavāro.
vb15:5.0	5. Paṭiccasamuppādavāra
vb15:5.1	Catasso paṭisambhidā—
vb15:5.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:5.3	Jarāmaraṇe ñāṇaṁ atthapaṭisambhidā, jarāmaraṇasamudaye ñāṇaṁ dhammapaṭisambhidā, jarāmaraṇanirodhe ñāṇaṁ atthapaṭisambhidā, jarāmaraṇanirodhagāminiyā paṭipadāya ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb15:6.1	Catasso paṭisambhidā—
vb15:6.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:6.3	Jātiyā ñāṇaṁ …pe…
vb15:6.4	bhave ñāṇaṁ …pe…
vb15:6.5	upādāne ñāṇaṁ …pe…
vb15:6.6	taṇhāya ñāṇaṁ …pe…
vb15:6.7	vedanāya ñāṇaṁ …pe…
vb15:6.8	phasse ñāṇaṁ …pe…
vb15:6.9	saḷāyatane ñāṇaṁ …pe…
vb15:6.10	nāmarūpe ñāṇaṁ …pe…
vb15:6.11	viññāṇe ñāṇaṁ …pe…
vb15:6.12	saṅkhāresu ñāṇaṁ atthapaṭisambhidā, saṅkhārasamudaye ñāṇaṁ dhammapaṭisambhidā, saṅkhāranirodhe ñāṇaṁ atthapaṭisambhidā, saṅkhāranirodhagāminiyā paṭipadāya ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb15:6.13	Ayaṁ paṭiccasamuppādavāro.
vb15:7.0	6. Pariyattivāra
vb15:7.1	Catasso paṭisambhidā—
vb15:7.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:8.1	Tattha katamā dhammapaṭisambhidā?
vb15:8.2	Idha bhikkhu dhammaṁ jānāti—
vb15:8.3	suttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.
vb15:8.4	Ayaṁ vuccati “dhammapaṭisambhidā”.
vb15:8.5	So tassa tasseva bhāsitassa atthaṁ jānāti—
vb15:8.6	“ayaṁ imassa bhāsitassa attho, ayaṁ imassa bhāsitassa attho”ti.
vb15:8.7	Ayaṁ vuccati “atthapaṭisambhidā”, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb15:8.8	Ayaṁ pariyattivāro.
vb15:9.1	Suttantabhājanīyaṁ.
vb15:10.0.1	Abhidhammabhājanīya
vb15:10.0.2	1. Kusalavāra
vb15:10.0.3	1.1. Kāmāvacara
vb15:10.1	Catasso paṭisambhidā—
vb15:10.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:11.1	Katame dhammā kusalā?
vb15:11.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā …pe…
vb15:11.3	dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.
vb15:11.4	Ime dhammā kusalā.
vb15:11.5	Imesu dhammesu ñāṇaṁ dhammapaṭisambhidā.
vb15:11.6	Tesaṁ vipāke ñāṇaṁ atthapaṭisambhidā, yāya niruttiyā tesaṁ dhammānaṁ paññatti hoti, tatra dhammaniruttābhilāpe ñāṇaṁ niruttipaṭisambhidā.
vb15:11.7	Yena ñāṇena tāni ñāṇāni jānāti—
vb15:11.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:12.1	Catasso paṭisambhidā—
vb15:12.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:13.1	Katame dhammā kusalā?
vb15:13.2	Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…
vb15:13.3	somanassasahagataṁ ñāṇavippayuttaṁ …pe…
vb15:13.4	somanassasahagataṁ ñāṇavippayuttaṁ sasaṅkhārena …pe…
vb15:13.5	upekkhāsahagataṁ ñāṇasampayuttaṁ …pe…
vb15:13.6	upekkhāsahagataṁ ñāṇasampayuttaṁ sasaṅkhārena …pe…
vb15:13.7	upekkhāsahagataṁ ñāṇavippayuttaṁ …pe…
vb15:13.8	upekkhāsahagataṁ ñāṇavippayuttaṁ sasaṅkhārena rūpārammaṇaṁ vā …pe…
vb15:13.9	dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.
vb15:13.10	Ime dhammā kusalā.
vb15:13.11	Imesu dhammesu ñāṇaṁ dhammapaṭisambhidā.
vb15:13.12	Tesaṁ vipāke ñāṇaṁ atthapaṭisambhidā.
vb15:13.13	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:13.14	Yena ñāṇena tāni ñāṇāni jānāti—
vb15:13.15	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:14.0	1.2. Rūpāvacara
vb15:14.1	Catasso paṭisambhidā—
vb15:14.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:15.1	Katame dhammā kusalā?
vb15:15.2	Yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.
vb15:15.3	Ime dhammā kusalā.
vb15:15.4	Imesu dhammesu ñāṇaṁ dhammapaṭisambhidā.
vb15:15.5	Tesaṁ vipāke ñāṇaṁ atthapaṭisambhidā.
vb15:15.6	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:15.7	Yena ñāṇena tāni ñāṇāni jānāti—
vb15:15.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:16.0	1.3. Arūpāvacara
vb15:16.1	Catasso paṭisambhidā—
vb15:16.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:17.1	Katame dhammā kusalā?
vb15:17.2	Yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.
vb15:17.3	Ime dhammā kusalā.
vb15:17.4	Imesu dhammesu ñāṇaṁ dhammapaṭisambhidā.
vb15:17.5	Tesaṁ vipāke ñāṇaṁ atthapaṭisambhidā.
vb15:17.6	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:17.7	Yena ñāṇena tāni ñāṇāni jānāti—
vb15:17.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:18.0	1.4. Lokuttara
vb15:18.1	Catasso paṭisambhidā—
vb15:18.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:19.1	Katame dhammā kusalā?
vb15:19.2	Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb15:19.3	Ime dhammā kusalā.
vb15:19.4	Imesu dhammesu ñāṇaṁ dhammapaṭisambhidā.
vb15:19.5	Tesaṁ vipāke ñāṇaṁ atthapaṭisambhidā.
vb15:19.6	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:19.7	Yena ñāṇena tāni ñāṇāni jānāti—
vb15:19.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:20.0	2. Akusalavāra
vb15:20.1	Catasso paṭisambhidā—
vb15:20.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:21.1	Katame dhammā akusalā?
vb15:21.2	Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ rūpārammaṇaṁ vā …pe…
vb15:21.3	dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.
vb15:21.4	Ime dhammā akusalā.
vb15:21.5	Imesu dhammesu ñāṇaṁ dhammapaṭisambhidā.
vb15:21.6	Tesaṁ vipāke ñāṇaṁ atthapaṭisambhidā.
vb15:21.7	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:21.8	Yena ñāṇena tāni ñāṇāni jānāti—
vb15:21.9	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:22.1	Catasso paṭisambhidā—
vb15:22.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:23.1	Katame dhammā akusalā?
vb15:23.2	Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ sasaṅkhārena …pe…
vb15:23.3	somanassasahagataṁ diṭṭhigatavippayuttaṁ …pe…
vb15:23.4	somanassasahagataṁ diṭṭhigatavippayuttaṁ sasaṅkhārena …pe…
vb15:23.5	upekkhāsahagataṁ diṭṭhigatasampayuttaṁ …pe…
vb15:23.6	upekkhāsahagataṁ diṭṭhigatasampayuttaṁ sasaṅkhārena …pe…
vb15:23.7	upekkhāsahagataṁ diṭṭhigatavippayuttaṁ …pe…
vb15:23.8	upekkhāsahagataṁ diṭṭhigatavippayuttaṁ sasaṅkhārena …pe…
vb15:23.9	domanassasahagataṁ paṭighasampayuttaṁ …pe…
vb15:23.10	domanassasahagataṁ paṭighasampayuttaṁ sasaṅkhārena …pe…
vb15:23.11	upekkhāsahagataṁ vicikicchāsampayuttaṁ …pe…
vb15:23.12	upekkhāsahagataṁ uddhaccasampayuttaṁ rūpārammaṇaṁ vā …pe…
vb15:23.13	dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.
vb15:23.14	Ime dhammā akusalā.
vb15:23.15	Imesu dhammesu ñāṇaṁ dhammapaṭisambhidā.
vb15:23.16	Tesaṁ vipāke ñāṇaṁ atthapaṭisambhidā.
vb15:23.17	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:23.18	Yena ñāṇena tāni ñāṇāni jānāti—
vb15:23.19	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:24.0.1	3. Vipākavāra
vb15:24.0.2	3.1. Kusalavipāka
vb15:24.0.3	3.1.1. Ahetukakusala
vb15:24.1	Tisso paṭisambhidā—
vb15:24.2	atthapaṭisambhidā, niruttipaṭisambhidā, paṭibhānapaṭisambhidā.
vb15:25.1	Katame dhammā abyākatā?
vb15:25.2	Yasmiṁ samaye kāmāvacarassa kusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:25.3	Ime dhammā abyākatā.
vb15:25.4	Imesu dhammesu ñāṇaṁ atthapaṭisambhidā.
vb15:25.5	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:25.6	Yena ñāṇena tāni ñāṇāni jānāti—
vb15:25.7	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:26.1	Tisso paṭisambhidā—
vb15:26.2	atthapaṭisambhidā, niruttipaṭisambhidā, paṭibhānapaṭisambhidā.
vb15:27.1	Katame dhammā abyākatā?
vb15:27.2	Yasmiṁ samaye kāmāvacarassa kusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…
vb15:27.3	ghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…
vb15:27.4	jivhāviññāṇaṁ uppannaṁ hoti upekkhāsahagataṁ rasārammaṇaṁ …pe…
vb15:27.5	kāyaviññāṇaṁ uppannaṁ hoti sukhasahagataṁ phoṭṭhabbārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, sukhaṁ hoti, cittassekaggatā hoti, manindriyaṁ hoti, sukhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:27.6	Ime dhammā abyākatā.
vb15:27.7	Imesu dhammesu ñāṇaṁ atthapaṭisambhidā.
vb15:27.8	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:27.9	Yena ñāṇena tāni ñāṇāni jānāti—
vb15:27.10	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:28.1	Tisso paṭisambhidā—
vb15:28.2	atthapaṭisambhidā, niruttipaṭisambhidā, paṭibhānapaṭisambhidā.
vb15:29.1	Katame dhammā abyākatā?
vb15:29.2	Yasmiṁ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā …pe…
vb15:29.3	phoṭṭhabbārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:29.4	Ime dhammā abyākatā.
vb15:29.5	Imesu dhammesu ñāṇaṁ atthapaṭisambhidā.
vb15:29.6	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:29.7	Yena ñāṇena tāni ñāṇāni jānāti—
vb15:29.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:30.1	Tisso paṭisambhidā—
vb15:30.2	atthapaṭisambhidā, niruttipaṭisambhidā, paṭibhānapaṭisambhidā.
vb15:31.1	Katame dhammā abyākatā?
vb15:31.2	Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā rūpārammaṇā vā …pe…
vb15:31.3	dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, manindriyaṁ hoti, somanassindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:31.4	Ime dhammā abyākatā.
vb15:31.5	Imesu dhammesu ñāṇaṁ atthapaṭisambhidā.
vb15:31.6	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:31.7	Yena ñāṇena tāni ñāṇāni jānāti—
vb15:31.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:32.1	Tisso paṭisambhidā—
vb15:32.2	atthapaṭisambhidā, niruttipaṭisambhidā, paṭibhānapaṭisambhidā.
vb15:33.1	Katame dhammā abyākatā?
vb15:33.2	Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā …pe…
vb15:33.3	dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:33.4	Ime dhammā abyākatā.
vb15:33.5	Imesu dhammesu ñāṇaṁ atthapaṭisambhidā.
vb15:33.6	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:33.7	Yena ñāṇena tāni ñāṇāni jānāti—
vb15:33.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:34.0	3.1.2. Kāmāvacara
vb15:34.1	Tisso paṭisambhidā—
vb15:34.2	atthapaṭisambhidā, niruttipaṭisambhidā, paṭibhānapaṭisambhidā.
vb15:35.1	Katame dhammā abyākatā?
vb15:35.2	Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā …pe…
vb15:35.3	somanassasahagatā ñāṇasampayuttā sasaṅkhārena …pe…
vb15:35.4	somanassasahagatā ñāṇavippayuttā …pe…
vb15:35.5	somanassasahagatā ñāṇavippayuttā sasaṅkhārena …pe…
vb15:35.6	upekkhāsahagatā ñāṇasampayuttā …pe…
vb15:35.7	upekkhāsahagatā ñāṇasampayuttā sasaṅkhārena …pe…
vb15:35.8	upekkhāsahagatā ñāṇavippayuttā …pe…
vb15:35.9	upekkhāsahagatā ñāṇavippayuttā sasaṅkhārena rūpārammaṇā vā …pe…
vb15:35.10	dhammārammaṇā vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.
vb15:35.11	Ime dhammā abyākatā.
vb15:35.12	Imesu dhammesu ñāṇaṁ atthapaṭisambhidā.
vb15:35.13	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:35.14	Yena ñāṇena tāni ñāṇāni jānāti—
vb15:35.15	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:36.1	Tisso paṭisambhidā—
vb15:36.2	atthapaṭisambhidā, niruttipaṭisambhidā, paṭibhānapaṭisambhidā.
vb15:37.1	Katame dhammā abyākatā?
vb15:37.2	Yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.
vb15:37.3	Ime dhammā kusalā.
vb15:37.4	Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.
vb15:37.5	Ime dhammā abyākatā.
vb15:37.6	Imesu dhammesu ñāṇaṁ atthapaṭisambhidā.
vb15:37.7	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:37.8	Yena ñāṇena tāni ñāṇāni jānāti—
vb15:37.9	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:38.0	3.1.3. Arūpāvacara
vb15:38.1	Tisso paṭisambhidā—
vb15:38.2	atthapaṭisambhidā, niruttipaṭisambhidā, paṭibhānapaṭisambhidā.
vb15:39.1	Katame dhammā abyākatā?
vb15:39.2	Yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.
vb15:39.3	Ime dhammā kusalā.
vb15:39.4	Tasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.
vb15:39.5	Ime dhammā abyākatā.
vb15:39.6	Imesu dhammesu ñāṇaṁ atthapaṭisambhidā.
vb15:39.7	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:39.8	Yena ñāṇena tāni ñāṇāni jānāti—
vb15:39.9	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:40.0	3.1.4. Lokuttara
vb15:40.1	Tisso paṭisambhidā—
vb15:40.2	atthapaṭisambhidā, niruttipaṭisambhidā, paṭibhānapaṭisambhidā.
vb15:41.1	Katame dhammā abyākatā?
vb15:41.2	Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.
vb15:41.3	Ime dhammā kusalā.
vb15:41.4	Tasseva lokuttarassa kusalassa kammassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye phasso hoti …pe… avikkhepo hoti.
vb15:41.5	Ime dhammā abyākatā.
vb15:41.6	Imesu dhammesu ñāṇaṁ atthapaṭisambhidā.
vb15:41.7	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:41.8	Yena ñāṇena tāni ñāṇāni jānāti—
vb15:41.9	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:42.0	3.2. Akusalavipāka
vb15:42.1	Tisso paṭisambhidā—
vb15:42.2	atthapaṭisambhidā, niruttipaṭisambhidā, paṭibhānapaṭisambhidā.
vb15:43.1	Katame dhammā abyākatā?
vb15:43.2	Yasmiṁ samaye akusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ …pe…
vb15:43.3	sotaviññāṇaṁ uppannaṁ hoti upekkhāsahagataṁ saddārammaṇaṁ …pe…
vb15:43.4	ghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…
vb15:43.5	jivhāviññāṇaṁ uppannaṁ hoti upekkhāsahagataṁ rasārammaṇaṁ …pe…
vb15:43.6	kāyaviññāṇaṁ uppannaṁ hoti dukkhasahagataṁ phoṭṭhabbārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, dukkhaṁ hoti, cittassekaggatā hoti, manindriyaṁ hoti, dukkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:43.7	Ime dhammā abyākatā.
vb15:43.8	Imesu dhammesu ñāṇaṁ atthapaṭisambhidā.
vb15:43.9	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:43.10	Yena ñāṇena tāni ñāṇāni jānāti—
vb15:43.11	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:44.1	Tisso paṭisambhidā—
vb15:44.2	atthapaṭisambhidā, niruttipaṭisambhidā, paṭibhānapaṭisambhidā.
vb15:45.1	Katame dhammā abyākatā?
vb15:45.2	Yasmiṁ samaye akusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā …pe…
vb15:45.3	phoṭṭhabbārammaṇā vā …pe…
vb15:45.4	manoviññāṇadhātu uppannā hoti upekkhāsahagatā rūpārammaṇā vā …pe…
vb15:45.5	dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:45.6	Ime dhammā abyākatā.
vb15:45.7	Imesu dhammesu ñāṇaṁ atthapaṭisambhidā.
vb15:45.8	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:45.9	Yena ñāṇena tāni ñāṇāni jānāti—
vb15:45.10	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:46.0	4. Kiriyavāra
vb15:46.1	Tisso paṭisambhidā—
vb15:46.2	atthapaṭisambhidā, niruttipaṭisambhidā, paṭibhānapaṭisambhidā.
vb15:47.1	Katame dhammā abyākatā?
vb15:47.2	Yasmiṁ samaye manodhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…
vb15:47.3	phoṭṭhabbārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:47.4	Ime dhammā abyākatā.
vb15:47.5	Imesu dhammesu ñāṇaṁ atthapaṭisambhidā.
vb15:47.6	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:47.7	Yena ñāṇena tāni ñāṇāni jānāti—
vb15:47.8	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:48.1	Tisso paṭisambhidā—
vb15:48.2	atthapaṭisambhidā, niruttipaṭisambhidā, paṭibhānapaṭisambhidā.
vb15:49.1	Katame dhammā abyākatā?
vb15:49.2	Yasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā rūpārammaṇā vā …pe…
vb15:49.3	dhammārammaṇā vā …pe…
vb15:49.4	manoviññāṇadhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…
vb15:49.5	dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.
vb15:49.6	Ime dhammā abyākatā.
vb15:49.7	Imesu dhammesu ñāṇaṁ atthapaṭisambhidā.
vb15:49.8	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:49.9	Yena ñāṇena tāni ñāṇāni jānāti—
vb15:49.10	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:50.1	Tisso paṭisambhidā—
vb15:50.2	atthapaṭisambhidā, niruttipaṭisambhidā, paṭibhānapaṭisambhidā.
vb15:51.1	Katame dhammā abyākatā?
vb15:51.2	Yasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā ñāṇasampayuttā …pe…
vb15:51.3	somanassasahagatā ñāṇasampayuttā sasaṅkhārena …pe…
vb15:51.4	somanassasahagatā ñāṇavippayuttā …pe…
vb15:51.5	somanassasahagatā ñāṇavippayuttā sasaṅkhārena …pe…
vb15:51.6	upekkhāsahagatā ñāṇasampayuttā …pe…
vb15:51.7	upekkhāsahagatā ñāṇasampayuttā sasaṅkhārena …pe…
vb15:51.8	upekkhāsahagatā ñāṇavippayuttā …pe…
vb15:51.9	upekkhāsahagatā ñāṇavippayuttā sasaṅkhārena …pe…
vb15:51.10	rūpāvacaraṁ jhānaṁ bhāveti …pe…
vb15:51.11	arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ …pe…
vb15:51.12	sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.
vb15:51.13	Ime dhammā abyākatā.
vb15:51.14	Imesu dhammesu ñāṇaṁ atthapaṭisambhidā.
vb15:51.15	Yāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.
vb15:51.16	Yena ñāṇena tāni ñāṇāni jānāti—
vb15:51.17	“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā.
vb15:52.1	Catasso paṭisambhidā—
vb15:52.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:52.3	Tisso paṭisambhidā kāmāvacarakusalato catūsu ñāṇasampayuttesu cittuppādesu, kiriyato catūsu ñāṇasampayuttesu cittuppādesu uppajjanti.
vb15:52.4	Atthapaṭisambhidā etesu ceva uppajjati, catūsu maggesu catūsu phalesu ca uppajjati.
vb15:53.1	Abhidhammabhājanīyaṁ.
vb15:54.0	Pañhāpucchaka
vb15:54.1	Catasso paṭisambhidā—
vb15:54.2	atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb15:55.1	Catunnaṁ paṭisambhidānaṁ kati kusalā, kati akusalā, kati abyākatā …pe… kati saraṇā, kati araṇā?
vb15:56.0	1. Tika
vb15:56.1	Siyā kusalā, siyā abyākatā.
vb15:57.1	Siyā sukhāya vedanāya sampayuttā, siyā adukkhamasukhāya vedanāya sampayuttā.
vb15:58.1	Tisso paṭisambhidā siyā vipākadhammadhammā, siyā nevavipākanavipākadhammadhammā;
vb15:58.2	atthapaṭisambhidā siyā vipākā, siyā vipākadhammadhammā, siyā nevavipākanavipākadhammadhammā.
vb15:59.1	Tisso paṭisambhidā anupādinnupādāniyā;
vb15:59.2	atthapaṭisambhidā siyā anupādinnupādāniyā, siyā anupādinnaanupādāniyā.
vb15:60.1	Tisso paṭisambhidā asaṅkiliṭṭhaasaṅkilesikā;
vb15:60.2	atthapaṭisambhidā siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā.
vb15:61.1	Tisso paṭisambhidā savitakkasavicārā;
vb15:61.2	atthapaṭisambhidā siyā savitakkasavicārā, siyā avitakkavicāramattā, siyā avitakkaavicārā.
vb15:62.1	Siyā pītisahagatā, siyā sukhasahagatā, siyā upekkhāsahagatā.
vb15:63.1	Neva dassanena na bhāvanāya pahātabbā.
vb15:64.1	Neva dassanena na bhāvanāya pahātabbahetukā.
vb15:65.1	Tisso paṭisambhidā siyā ācayagāmino, siyā nevācayagāmināpacayagāmino;
vb15:65.2	atthapaṭisambhidā siyā ācayagāminī, siyā apacayagāminī, siyā nevācayagāmināpacayagāminī.
vb15:66.1	Tisso paṭisambhidā nevasekkhanāsekkhā, atthapaṭisambhidā siyā sekkhā, siyā asekkhā, siyā nevasekkhanāsekkhā.
vb15:67.1	Tisso paṭisambhidā parittā;
vb15:67.2	atthapaṭisambhidā siyā parittā, siyā appamāṇā.
vb15:68.1	Niruttipaṭisambhidā parittārammaṇā;
vb15:68.2	tisso paṭisambhidā siyā parittārammaṇā, siyā mahaggatārammaṇā, siyā appamāṇārammaṇā.
vb15:69.1	Tisso paṭisambhidā majjhimā;
vb15:69.2	atthapaṭisambhidā siyā majjhimā, siyā paṇītā.
vb15:70.1	Tisso paṭisambhidā aniyatā;
vb15:70.2	atthapaṭisambhidā siyā sammattaniyatā, siyā aniyatā.
vb15:71.1	Niruttipaṭisambhidā na vattabbā “maggārammaṇā”tipi, “maggahetukā”tipi, “maggādhipatinī”tipi;
vb15:71.2	atthapaṭisambhidā na maggārammaṇā, siyā maggahetukā, siyā maggādhipatinī, siyā na vattabbā “maggahetukā”tipi, “maggādhipatinī”tipi;
vb15:71.3	dve paṭisambhidā siyā maggārammaṇā, na maggahetukā, siyā maggādhipatino, siyā na vattabbā “maggārammaṇā”tipi, “maggādhipatino”tipi.
vb15:72.1	Tisso paṭisambhidā siyā uppannā, siyā anuppannā, na vattabbā “uppādino”ti;
vb15:72.2	atthapaṭisambhidā siyā uppannā, siyā anuppannā, siyā uppādinī.
vb15:73.1	Siyā atītā, siyā anāgatā, siyā paccuppannā.
vb15:74.1	Niruttipaṭisambhidā paccuppannārammaṇā;
vb15:74.2	dve paṭisambhidā siyā atītārammaṇā, siyā anāgatārammaṇā, siyā paccuppannārammaṇā;
vb15:74.3	atthapaṭisambhidā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā “atītārammaṇā”tipi, “anāgatārammaṇā”tipi, paccuppannārammaṇātipi.
vb15:75.1	Siyā ajjhattā, siyā bahiddhā, siyā ajjhattabahiddhā.
vb15:76.1	Niruttipaṭisambhidā bahiddhārammaṇā;
vb15:76.2	tisso paṭisambhidā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā.
vb15:77.1	Anidassanaappaṭighā.
vb15:78.0.1	2. Duka
vb15:78.0.2	2.1. Hetugocchaka
vb15:78.1	Hetū, sahetukā, hetusampayuttā, hetū ceva sahetukā ca, hetū ceva hetusampayuttā ca, na vattabbā “na hetusahetukā”tipi, nahetuahetukātipi.
vb15:79.0	2.2. Cūḷantaraduka
vb15:79.1	Sappaccayā, saṅkhatā, anidassanā, appaṭighā, arūpā, tisso paṭisambhidā lokiyā, atthapaṭisambhidā siyā lokiyā, siyā lokuttarā, kenaci viññeyyā, kenaci na viññeyyā.
vb15:80.0	2.3. Āsavagocchaka
vb15:80.1	No āsavā.
vb15:80.2	Tisso paṭisambhidā sāsavā;
vb15:80.3	atthapaṭisambhidā siyā sāsavā, siyā anāsavā.
vb15:80.4	Āsavavippayuttā.
vb15:80.5	Tisso paṭisambhidā na vattabbā “āsavā ceva sāsavā cā”ti, sāsavā ceva no ca āsavā;
vb15:80.6	atthapaṭisambhidā na vattabbā “āsavo ceva sāsavā cā”ti, siyā sāsavā ceva no ca āsavo, siyā na vattabbā “sāsavā ceva no ca āsavo”ti.
vb15:80.7	Na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.
vb15:80.8	Tisso paṭisambhidā āsavavippayuttā sāsavā;
vb15:80.9	atthapaṭisambhidā siyā āsavavippayuttā sāsavā, siyā āsavavippayuttā anāsavā.
vb15:81.0	2.4. Saṁyojanagocchakādi
vb15:81.1	No saṁyojanā …pe…
vb15:81.2	no ganthā …pe…
vb15:81.3	no oghā …pe…
vb15:81.4	no yogā …pe…
vb15:81.5	no nīvaraṇā …pe…
vb15:81.6	no parāmāsā …pe….
vb15:82.0	2.10. Mahantaraduka
vb15:82.1	Sārammaṇā.
vb15:82.2	No cittā, cetasikā, cittasampayuttā, cittasaṁsaṭṭhā, cittasamuṭṭhānā, cittasahabhuno, cittānuparivattino.
vb15:82.3	Cittasaṁsaṭṭhasamuṭṭhānā, cittasaṁsaṭṭhasamuṭṭhānasahabhuno, cittasaṁsaṭṭhasamuṭṭhānānuparivattino, bāhirā, no upādā, anupādinnā.
vb15:83.0	2.11. Upādānagocchakādi
vb15:83.1	No upādānā …pe…
vb15:83.2	no kilesā …pe…
vb15:83.3	na dassanena pahātabbā.
vb15:83.4	Na bhāvanāya pahātabbā.
vb15:83.5	Na dassanena pahātabbahetukā.
vb15:83.6	Na bhāvanāya pahātabbahetukā.
vb15:83.7	Tisso paṭisambhidā savitakkā;
vb15:83.8	atthapaṭisambhidā siyā savitakkā, siyā avitakkā.
vb15:83.9	Tisso paṭisambhidā savicārā;
vb15:83.10	atthapaṭisambhidā siyā savicārā, siyā avicārā.
vb15:83.11	Siyā sappītikā, siyā appītikā.
vb15:83.12	Siyā pītisahagatā, siyā na pītisahagatā.
vb15:83.13	Siyā sukhasahagatā, siyā na sukhasahagatā.
vb15:83.14	Siyā upekkhāsahagatā, siyā na upekkhāsahagatā.
vb15:83.15	Tisso paṭisambhidā kāmāvacarā;
vb15:83.16	atthapaṭisambhidā siyā kāmāvacarā, siyā na kāmāvacarā.
vb15:83.17	Na rūpāvacarā.
vb15:83.18	Na arūpāvacarā.
vb15:83.19	Tisso paṭisambhidā pariyāpannā;
vb15:83.20	atthapaṭisambhidā siyā pariyāpannā, siyā apariyāpannā.
vb15:83.21	Tisso paṭisambhidā aniyyānikā;
vb15:83.22	atthapaṭisambhidā siyā niyyānikā, siyā aniyyānikā.
vb15:83.23	Tisso paṭisambhidā aniyatā;
vb15:83.24	atthapaṭisambhidā siyā niyatā, siyā aniyatā.
vb15:83.25	Tisso paṭisambhidā sauttarā;
vb15:83.26	atthapaṭisambhidā siyā sauttarā, siyā anuttarā.
vb15:83.27	Araṇāti.
vb15:84.1	Pañhāpucchakaṁ.
vb15:85.1	Paṭisambhidāvibhaṅgo niṭṭhito.
vb16:0.1	Vibhaṅga
vb16:0.2	Ñāṇavibhaṅga
vb16:1.0	1. Ekakamātikā
vb16:1.1	Ekavidhena ñāṇavatthu—
vb16:1.2	pañca viññāṇā na hetū, ahetukā, hetuvippayuttā, sappaccayā, saṅkhatā, arūpā, lokiyā, sāsavā, saṁyojaniyā, ganthaniyā, oghaniyā, yoganiyā, nīvaraṇiyā, parāmaṭṭhā, upādāniyā, saṅkilesikā, abyākatā, sārammaṇā, acetasikā, vipākā, upādinnupādāniyā, asaṅkiliṭṭhasaṅkilesikā, na savitakkasavicārā, na avitakkavicāramattā, avitakkaavicārā, na pītisahagatā, neva dassanena na bhāvanāya pahātabbā, neva dassanena na bhāvanāya pahātabbahetukā, nevācayagāmināpacayagāmino, nevasekkhanāsekkhā, parittā, kāmāvacarā, na rūpāvacarā, na arūpāvacarā, pariyāpannā, no apariyāpannā, aniyatā, aniyyānikā.
vb16:2.1	Uppannavatthukā uppannārammaṇā.
vb16:3.1	Purejātavatthukā purejātārammaṇā.
vb16:4.1	Ajjhattikavatthukā bāhirārammaṇā.
vb16:5.1	Asambhinnavatthukā asambhinnārammaṇā.
vb16:6.1	Nānāvatthukā nānārammaṇā.
vb16:7.1	Na aññamaññassa gocaravisayaṁ paccanubhonti.
vb16:8.1	Na asamannāhārā uppajjanti.
vb16:9.1	Na amanasikārā uppajjanti.
vb16:10.1	Na abbokiṇṇā uppajjanti.
vb16:11.1	Na apubbaṁ acarimaṁ uppajjanti.
vb16:12.1	Na aññamaññassa samanantarā uppajjanti.
vb16:13.1	Pañca viññāṇā anābhogā.
vb16:14.1	Pañcahi viññāṇehi na kañci dhammaṁ paṭivijānāti aññatra abhinipātamattā.
vb16:15.1	Pañcannaṁ viññāṇānaṁ samanantarāpi na kañci dhammaṁ paṭivijānāti.
vb16:16.1	Pañcahi viññāṇehi na kañci iriyāpathaṁ kappeti.
vb16:17.1	Pañcannaṁ viññāṇānaṁ samanantarāpi na kañci iriyāpathaṁ kappeti.
vb16:18.1	Pañcahi viññāṇehi na kāyakammaṁ na vacīkammaṁ paṭṭhapeti.
vb16:19.1	Pañcannaṁ viññāṇānaṁ samanantarāpi na kāyakammaṁ na vacīkammaṁ paṭṭhapeti.
vb16:20.1	Pañcahi viññāṇehi na kusalākusalaṁ dhammaṁ samādiyati.
vb16:21.1	Pañcannaṁ viññāṇānaṁ samanantarāpi na kusalākusalaṁ dhammaṁ samādiyati.
vb16:22.1	Pañcahi viññāṇehi na samāpajjati na vuṭṭhāti.
vb16:23.1	Pañcannaṁ viññāṇānaṁ samanantarāpi na samāpajjati na vuṭṭhāti.
vb16:24.1	Pañcahi viññāṇehi na cavati na uppajjati.
vb16:25.1	Pañcannaṁ viññāṇānaṁ samanantarāpi na cavati na uppajjati.
vb16:26.1	Pañcahi viññāṇehi na supati na paṭibujjhati na supinaṁ passati.
vb16:27.1	Pañcannaṁ viññāṇānaṁ samanantarāpi na supati na paṭibujjhati na supinaṁ passati, yāthāvakavatthuvibhāvanā paññā.
vb16:28.1	Evaṁ ekavidhena ñāṇavatthu.
vb16:29.0	2. Dukamātikā
vb16:29.1	Duvidhena ñāṇavatthu—
vb16:30.1	Lokiyā paññā, lokuttarā paññā.
vb16:31.1	Kenaci viññeyyā paññā, kenaci na viññeyyā paññā.
vb16:32.1	Sāsavā paññā, anāsavā paññā.
vb16:33.1	Āsavavippayuttā sāsavā paññā, āsavavippayuttā anāsavā paññā.
vb16:34.1	Saṁyojaniyā paññā, asaṁyojaniyā paññā.
vb16:35.1	Saṁyojanavippayuttā saṁyojaniyā paññā, saṁyojanavippayuttā asaṁyojaniyā paññā.
vb16:36.1	Ganthaniyā paññā, aganthaniyā paññā.
vb16:37.1	Ganthavippayuttā ganthaniyā paññā, ganthavippayuttā aganthaniyā paññā.
vb16:38.1	Oghaniyā paññā, anoghaniyā paññā.
vb16:39.1	Oghavippayuttā oghaniyā paññā, oghavippayuttā anoghaniyā paññā.
vb16:40.1	Yoganiyā paññā, ayoganiyā paññā.
vb16:41.1	Yogavippayuttā yoganiyā paññā, yogavippayuttā ayoganiyā paññā.
vb16:42.1	Nīvaraṇiyā paññā, anīvaraṇiyā paññā.
vb16:43.1	Nīvaraṇavippayuttā nīvaraṇiyā paññā, nīvaraṇavippayuttā anīvaraṇiyā paññā.
vb16:44.1	Parāmaṭṭhā paññā, aparāmaṭṭhā paññā.
vb16:45.1	Parāmāsavippayuttā parāmaṭṭhā paññā, parāmāsavippayuttā aparāmaṭṭhā paññā.
vb16:46.1	Upādinnā paññā, anupādinnā paññā.
vb16:47.1	Upādāniyā paññā, anupādāniyā paññā.
vb16:48.1	Upādānavippayuttā upādāniyā paññā, upādānavippayuttā anupādāniyā paññā.
vb16:49.1	Saṅkilesikā paññā, asaṅkilesikā paññā.
vb16:50.1	Kilesavippayuttā saṅkilesikā paññā, kilesavippayuttā asaṅkilesikā paññā.
vb16:51.1	Savitakkā paññā, avitakkā paññā.
vb16:52.1	Savicārā paññā, avicārā paññā.
vb16:53.1	Sappītikā paññā, appītikā paññā.
vb16:54.1	Pītisahagatā paññā, na pītisahagatā paññā.
vb16:55.1	Sukhasahagatā paññā, na sukhasahagatā paññā.
vb16:56.1	Upekkhāsahagatā paññā, na upekkhāsahagatā paññā.
vb16:57.1	Kāmāvacarā paññā, na kāmāvacarā paññā.
vb16:58.1	Rūpāvacarā paññā, na rūpāvacarā paññā.
vb16:59.1	Arūpāvacarā paññā, na arūpāvacarā paññā.
vb16:60.1	Pariyāpannā paññā, apariyāpannā paññā.
vb16:61.1	Niyyānikā paññā, aniyyānikā paññā.
vb16:62.1	Niyatā paññā, aniyatā paññā.
vb16:63.1	Sauttarā paññā, anuttarā paññā.
vb16:64.1	Atthajāpikā paññā, jāpitatthā paññā.
vb16:65.1	Evaṁ duvidhena ñāṇavatthu.
vb16:66.0	3. Tikamātikā
vb16:66.1	Tividhena ñāṇavatthu—
vb16:67.1	Cintāmayā paññā, sutamayā paññā, bhāvanāmayā paññā.
vb16:68.1	Dānamayā paññā, sīlamayā paññā, bhāvanāmayā paññā.
vb16:69.1	Adhisīle paññā, adhicitte paññā, adhipaññāya paññā.
vb16:70.1	Āyakosallaṁ, apāyakosallaṁ, upāyakosallaṁ.
vb16:71.1	Vipākā paññā, vipākadhammadhammā paññā, nevavipākanavipākadhammadhammā paññā.
vb16:72.1	Upādinnupādāniyā paññā, anupādinnupādāniyā paññā, anupādinnaanupādāniyā paññā.
vb16:73.1	Savitakkasavicārā paññā, avitakkavicāramattā paññā, avitakkaavicārā paññā.
vb16:74.1	Pītisahagatā paññā, sukhasahagatā paññā, upekkhāsahagatā paññā.
vb16:75.1	Ācayagāminī paññā, apacayagāminī paññā, nevācayagāmināpacayagāminī paññā.
vb16:76.1	Sekkhā paññā, asekkhā paññā, nevasekkhanāsekkhā paññā.
vb16:77.1	Parittā paññā, mahaggatā paññā, appamāṇā paññā.
vb16:78.1	Parittārammaṇā paññā, mahaggatārammaṇā paññā, appamāṇārammaṇā paññā.
vb16:79.1	Maggārammaṇā paññā, maggahetukā paññā, maggādhipatinī paññā.
vb16:80.1	Uppannā paññā, anuppannā paññā, uppādinī paññā.
vb16:81.1	Atītā paññā, anāgatā paññā, paccuppannā paññā.
vb16:82.1	Atītārammaṇā paññā, anāgatārammaṇā paññā, paccuppannārammaṇā paññā.
vb16:83.1	Ajjhattā paññā, bahiddhā paññā, ajjhattabahiddhā paññā.
vb16:84.1	Ajjhattārammaṇā paññā, bahiddhārammaṇā paññā, ajjhattabahiddhārammaṇā paññā.
vb16:85.1	Savitakkasavicārā paññā atthi vipākā, atthi vipākadhammadhammā, atthi nevavipākanavipākadhammadhammā.
vb16:86.1	Atthi upādinnupādāniyā, atthi anupādinnupādāniyā, atthi anupādinnaanupādāniyā.
vb16:87.1	Atthi pītisahagatā, atthi sukhasahagatā, atthi upekkhāsahagatā.
vb16:88.1	Atthi ācayagāminī, atthi apacayagāminī, atthi nevācayagāmināpacayagāminī.
vb16:89.1	Atthi sekkhā, atthi asekkhā, atthi nevasekkhanāsekkhā.
vb16:90.1	Atthi parittā, atthi mahaggatā, atthi appamāṇā.
vb16:91.1	Atthi parittārammaṇā, atthi mahaggatārammaṇā, atthi appamāṇārammaṇā.
vb16:92.1	Atthi maggārammaṇā, atthi maggahetukā, atthi maggādhipatinī.
vb16:93.1	Atthi uppannā, atthi anuppannā, atthi uppādinī.
vb16:94.1	Atthi atītā, atthi anāgatā, atthi paccuppannā.
vb16:95.1	Atthi atītārammaṇā, atthi anāgatārammaṇā, atthi paccuppannārammaṇā.
vb16:96.1	Atthi ajjhattā, atthi bahiddhā, atthi ajjhattabahiddhā.
vb16:97.1	Atthi ajjhattārammaṇā, atthi bahiddhārammaṇā, atthi ajjhattabahiddhārammaṇā.
vb16:98.1	Avitakkavicāramattā paññā atthi vipākā, atthi vipākadhammadhammā, atthi nevavipākanavipākadhammadhammā.
vb16:99.1	Atthi upādinnupādāniyā, atthi anupādinnupādāniyā, atthi anupādinnaanupādāniyā.
vb16:100.1	Atthi ācayagāminī, atthi apacayagāminī, atthi nevācayagāmināpacayagāminī.
vb16:101.1	Atthi sekkhā, atthi asekkhā, atthi nevasekkhanāsekkhā.
vb16:102.1	Atthi uppannā, atthi anuppannā, atthi uppādinī.
vb16:103.1	Atthi atītā, atthi anāgatā, atthi paccuppannā.
vb16:104.1	Atthi ajjhattā, atthi bahiddhā, atthi ajjhattabahiddhā.
vb16:105.1	Avitakkaavicārā paññā atthi vipākā, atthi vipākadhammadhammā, atthi nevavipākanavipākadhammadhammā.
vb16:106.1	Atthi upādinnupādāniyā, atthi anupādinnupādāniyā, atthi anupādinnaanupādāniyā.
vb16:107.1	Atthi pītisahagatā, atthi sukhasahagatā, atthi upekkhāsahagatā.
vb16:108.1	Atthi ācayagāminī, atthi apacayagāminī, atthi nevācayagāmināpacayagāminī.
vb16:109.1	Atthi sekkhā, atthi asekkhā, atthi nevasekkhanāsekkhā.
vb16:110.1	Atthi parittārammaṇā, atthi mahaggatārammaṇā, atthi appamāṇārammaṇā.
vb16:111.1	Atthi maggārammaṇā, atthi maggahetukā, atthi maggādhipatinī.
vb16:112.1	Atthi uppannā, atthi anuppannā, atthi uppādinī.
vb16:113.1	Atthi atītā, atthi anāgatā, atthi paccuppannā.
vb16:114.1	Atthi atītārammaṇā, atthi anāgatārammaṇā, atthi paccuppannārammaṇā.
vb16:115.1	Atthi ajjhattā, atthi bahiddhā, atthi ajjhattabahiddhā.
vb16:116.1	Atthi ajjhattārammaṇā, atthi bahiddhārammaṇā, atthi ajjhattabahiddhārammaṇā.
vb16:117.1	Pītisahagatā paññā sukhasahagatā paññā atthi vipākā, atthi vipākadhammadhammā, atthi nevavipākanavipākadhammadhammā.
vb16:118.1	Atthi upādinnupādāniyā, atthi anupādinnupādāniyā, atthi anupādinnaanupādāniyā.
vb16:119.1	Atthi savitakkasavicārā, atthi avitakkavicāramattā, atthi avitakkaavicārā.
vb16:120.1	Atthi ācayagāminī, atthi apacayagāminī, atthi nevācayagāmināpacayagāminī.
vb16:121.1	Atthi sekkhā, atthi asekkhā, atthi nevasekkhanāsekkhā.
vb16:122.1	Atthi parittā, atthi mahaggatā, atthi appamāṇā.
vb16:123.1	Atthi parittārammaṇā, atthi mahaggatārammaṇā, atthi appamāṇārammaṇā.
vb16:124.1	Atthi maggārammaṇā, atthi maggahetukā, atthi maggādhipatinī.
vb16:125.1	Atthi uppannā, atthi anuppannā, atthi uppādinī.
vb16:126.1	Atthi atītā, atthi anāgatā, atthi paccuppannā.
vb16:127.1	Atthi atītārammaṇā, atthi anāgatārammaṇā, atthi paccuppannārammaṇā.
vb16:128.1	Atthi ajjhattā, atthi bahiddhā, atthi ajjhattabahiddhā.
vb16:129.1	Atthi ajjhattārammaṇā, atthi bahiddhārammaṇā, atthi ajjhattabahiddhārammaṇā.
vb16:130.1	Upekkhāsahagatā paññā atthi vipākā, atthi vipākadhammadhammā, atthi nevavipākanavipākadhammadhammā.
vb16:131.1	Atthi upādinnupādāniyā, atthi anupādinnupādāniyā, atthi anupādinnaanupādāniyā.
vb16:132.1	Atthi ācayagāminī, atthi apacayagāminī, atthi nevācayagāmināpacayagāminī.
vb16:133.1	Atthi sekkhā, atthi asekkhā, atthi nevasekkhanāsekkhā.
vb16:134.1	Atthi parittā, atthi mahaggatā, atthi appamāṇā.
vb16:135.1	Atthi parittārammaṇā, atthi mahaggatārammaṇā, atthi appamāṇārammaṇā.
vb16:136.1	Atthi maggārammaṇā, atthi maggahetukā, atthi maggādhipatinī.
vb16:137.1	Atthi uppannā, atthi anuppannā, atthi uppādinī.
vb16:138.1	Atthi atītā, atthi anāgatā, atthi paccuppannā.
vb16:139.1	Atthi atītārammaṇā, atthi anāgatārammaṇā, atthi paccuppannārammaṇā.
vb16:140.1	Atthi ajjhattā, atthi bahiddhā, atthi ajjhattabahiddhā.
vb16:141.1	Atthi ajjhattārammaṇā, atthi bahiddhārammaṇā, atthi ajjhattabahiddhārammaṇā.
vb16:142.1	Evaṁ tividhena ñāṇavatthu.
vb16:143.0	4. Catukkamātikā
vb16:143.1	Catubbidhena ñāṇavatthu—
vb16:144.1	Kammassakatañāṇaṁ, saccānulomikaṁ ñāṇaṁ, maggasamaṅgissa ñāṇaṁ, phalasamaṅgissa ñāṇaṁ.
vb16:145.1	Dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ.
vb16:146.1	Kāmāvacarā paññā, rūpāvacarā paññā, arūpāvacarā paññā, apariyāpannā paññā.
vb16:147.1	Dhamme ñāṇaṁ, anvaye ñāṇaṁ, pariye ñāṇaṁ, sammutiñāṇaṁ.
vb16:148.1	Atthi paññā ācayāya no apacayāya, atthi paññā apacayāya no ācayāya, atthi paññā ācayāya ceva apacayāya ca, atthi paññā nevācayāya no apacayāya.
vb16:149.1	Atthi paññā nibbidāya no paṭivedhāya, atthi paññā paṭivedhāya no nibbidāya, atthi paññā nibbidāya ceva paṭivedhāya ca, atthi paññā neva nibbidāya no paṭivedhāya.
vb16:150.1	Hānabhāginī paññā, ṭhitibhāginī paññā, visesabhāginī paññā, nibbedhabhāginī paññā.
vb16:151.1	Catasso paṭisambhidā.
vb16:152.1	Catasso paṭipadā.
vb16:153.1	Cattāri ārammaṇāni.
vb16:154.1	Jarāmaraṇe ñāṇaṁ, jarāmaraṇasamudaye ñāṇaṁ, jarāmaraṇanirodhe ñāṇaṁ, jarāmaraṇanirodhagāminiyā paṭipadāya ñāṇaṁ.
vb16:155.1	Jātiyā ñāṇaṁ …pe…
vb16:155.2	bhave ñāṇaṁ …pe…
vb16:155.3	upādāne ñāṇaṁ …pe…
vb16:155.4	taṇhāya ñāṇaṁ …pe…
vb16:155.5	vedanāya ñāṇaṁ …pe…
vb16:155.6	phasse ñāṇaṁ …pe…
vb16:155.7	saḷāyatane ñāṇaṁ …pe…
vb16:155.8	nāmarūpe ñāṇaṁ …pe…
vb16:155.9	viññāṇe ñāṇaṁ …pe…
vb16:155.10	saṅkhāresu ñāṇaṁ, saṅkhārasamudaye ñāṇaṁ, saṅkhāranirodhe ñāṇaṁ, saṅkhāranirodhagāminiyā paṭipadāya ñāṇaṁ.
vb16:155.11	Evaṁ catubbidhena ñāṇavatthu.
vb16:156.0	5. Pañcakamātikā
vb16:156.1	Pañcavidhena ñāṇavatthu—
vb16:157.1	Pañcaṅgiko sammāsamādhi, pañcañāṇiko sammāsamādhi.
vb16:158.1	Evaṁ pañcavidhena ñāṇavatthu.
vb16:159.0	6. Chakkamātikā
vb16:159.1	Chabbidhena ñāṇavatthu—
vb16:160.1	Chasu abhiññāsu paññā.
vb16:161.1	Evaṁ chabbidhena ñāṇavatthu.
vb16:162.0	7. Sattakamātikā
vb16:162.1	Sattavidhena ñāṇavatthu—
vb16:163.1	Sattasattati ñāṇavatthūni.
vb16:164.1	Evaṁ sattavidhena ñāṇavatthu.
vb16:165.0	8. Aṭṭhakamātikā
vb16:165.1	Aṭṭhavidhena ñāṇavatthu—
vb16:166.1	Catūsu maggesu, catūsu phalesu paññā.
vb16:167.1	Evaṁ aṭṭhavidhena ñāṇavatthu.
vb16:168.0	9. Navakamātikā
vb16:168.1	Navavidhena ñāṇavatthu—
vb16:169.1	Navasu anupubbavihārasamāpattīsu paññā.
vb16:170.1	Evaṁ navavidhena ñāṇavatthu.
vb16:171.0	10. Dasakamātikā
vb16:171.1	Dasavidhena ñāṇavatthu—
vb16:171.2	dasa tathāgatassa tathāgatabalāni yehi balehi samannāgato tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:171.3	Katamāni dasa?
vb16:172.1	Idha tathāgato ṭhānañca ṭhānato aṭṭhānañca aṭṭhānato yathābhūtaṁ pajānāti.
vb16:172.2	Yampi tathāgato ṭhānañca ṭhānato aṭṭhānañca aṭṭhānato yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:173.1	Puna caparaṁ tathāgato atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ pajānāti.
vb16:173.2	Yampi tathāgato atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:174.1	Puna caparaṁ tathāgato sabbatthagāminiṁ paṭipadaṁ yathābhūtaṁ pajānāti.
vb16:174.2	Yampi tathāgato sabbatthagāminiṁ paṭipadaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:175.1	Puna caparaṁ tathāgato anekadhātu nānādhātulokaṁ yathābhūtaṁ pajānāti.
vb16:175.2	Yampi tathāgato anekadhātu nānādhātulokaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:176.1	Puna caparaṁ tathāgato sattānaṁ nānādhimuttikataṁ yathābhūtaṁ pajānāti.
vb16:176.2	Yampi tathāgato sattānaṁ nānādhimuttikataṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:177.1	Puna caparaṁ tathāgato parasattānaṁ parapuggalānaṁ indriyaparopariyattaṁ yathābhūtaṁ pajānāti.
vb16:177.2	Yampi tathāgato parasattānaṁ parapuggalānaṁ indriyaparopariyattaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:178.1	Puna caparaṁ tathāgato jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ pajānāti.
vb16:178.2	Yampi tathāgato jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:179.1	Puna caparaṁ tathāgato pubbenivāsānussatiṁ yathābhūtaṁ pajānāti.
vb16:179.2	Yampi tathāgato pubbenivāsānussatiṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:180.1	Puna caparaṁ tathāgato sattānaṁ cutūpapātaṁ yathābhūtaṁ pajānāti.
vb16:180.2	Yampi tathāgato sattānaṁ cutūpapātaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:181.1	Puna caparaṁ tathāgato āsavānaṁ khayaṁ yathābhūtaṁ pajānāti.
vb16:181.2	Yampi tathāgato āsavānaṁ khayaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:181.3	Imāni dasa tathāgatassa tathāgatabalāni, yehi balehi samannāgato tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.
vb16:182.1	Evaṁ dasavidhena ñāṇavatthu.
vb16:182.2	Mātikā.
vb16:183.0.1	Niddesa
vb16:183.0.2	1. Ekakaniddesa
vb16:183.1	Pañca viññāṇā na hetumeva, ahetukameva, hetuvippayuttameva, sappaccayameva, saṅkhatameva, arūpameva, lokiyameva, sāsavameva, saṁyojaniyameva, ganthaniyameva, oghaniyameva, yoganiyameva, nīvaraṇiyameva, parāmaṭṭhameva, upādāniyameva, saṅkilesikameva, abyākatameva, sārammaṇameva, acetasikameva, vipākameva, upādinnupādāniyameva, asaṅkiliṭṭhasaṅkilesikameva, na savitakkasavicārameva, na avitakkavicāramattameva, avitakkaavicārameva, na pītisahagatameva, neva dassanena na bhāvanāya pahātabbameva, neva dassanena na bhāvanāya pahātabbahetukameva, nevācayagāmināpacayagāmimeva, nevasekkhanāsekkhameva, parittameva, kāmāvacarameva, na rūpāvacarameva, na arūpāvacarameva, pariyāpannameva, no apariyāpannameva, aniyatameva, aniyyānikameva, uppannaṁ manoviññāṇaviññeyyameva, aniccameva, jarābhibhūtameva.
vb16:184.1	Pañca viññāṇā uppannavatthukā, uppannārammaṇāti uppannasmiṁ vatthusmiṁ uppanne ārammaṇe uppajjanti.
vb16:185.1	Purejātavatthukā, purejātārammaṇāti purejātasmiṁ vatthusmiṁ purejāte ārammaṇe uppajjanti.
vb16:186.1	Ajjhattikavatthukā, bāhirārammaṇāti pañcannaṁ viññāṇānaṁ vatthu ajjhattikā, ārammaṇā bāhirā.
vb16:187.1	Asambhinnavatthukā, asambhinnārammaṇāti asambhinnasmiṁ vatthusmiṁ asambhinne ārammaṇe uppajjanti.
vb16:188.1	Nānāvatthukā, nānārammaṇāti aññaṁ cakkhuviññāṇassa vatthu ca ārammaṇañca, aññaṁ sotaviññāṇassa vatthu ca ārammaṇañca, aññaṁ ghānaviññāṇassa vatthu ca ārammaṇañca, aññaṁ jivhāviññāṇassa vatthu ca ārammaṇañca, aññaṁ kāyaviññāṇassa vatthu ca ārammaṇañca.
vb16:189.1	Na aññamaññassa gocaravisayaṁ paccanubhontīti cakkhuviññāṇassa gocaravisayaṁ sotaviññāṇaṁ na paccanubhoti, sotaviññāṇassa gocaravisayampi cakkhuviññāṇaṁ na paccanubhoti.
vb16:189.2	Cakkhuviññāṇassa gocaravisayaṁ ghānaviññāṇaṁ na paccanubhoti, ghānaviññāṇassa gocaravisayampi cakkhuviññāṇaṁ na paccanubhoti.
vb16:189.3	Cakkhuviññāṇassa gocaravisayaṁ jivhāviññāṇaṁ na paccanubhoti, jivhāviññāṇassa gocaravisayampi cakkhuviññāṇaṁ na paccanubhoti.
vb16:189.4	Cakkhuviññāṇassa gocaravisayaṁ kāyaviññāṇaṁ na paccanubhoti, kāyaviññāṇassa gocaravisayampi cakkhuviññāṇaṁ na paccanubhoti.
vb16:189.5	Sotaviññāṇassa …pe…
vb16:189.6	ghānaviññāṇassa …pe…
vb16:189.7	jivhāviññāṇassa …pe…
vb16:189.8	kāyaviññāṇassa gocaravisayaṁ cakkhuviññāṇaṁ na paccanubhoti, cakkhuviññāṇassa gocaravisayampi kāyaviññāṇaṁ na paccanubhoti.
vb16:189.9	Kāyaviññāṇassa gocaravisayaṁ sotaviññāṇaṁ na paccanubhoti, sotaviññāṇassa gocaravisayampi kāyaviññāṇaṁ na paccanubhoti.
vb16:189.10	Kāyaviññāṇassa gocaravisayaṁ ghānaviññāṇaṁ na paccanubhoti, ghānaviññāṇassa gocaravisayampi kāyaviññāṇaṁ na paccanubhoti.
vb16:189.11	Kāyaviññāṇassa gocaravisayaṁ jivhāviññāṇaṁ na paccanubhoti, jivhāviññāṇassa gocaravisayampi kāyaviññāṇaṁ na paccanubhoti.
vb16:190.1	Na asamannāhārā uppajjantīti samannāharantassa uppajjanti.
vb16:191.1	Na amanasikārā uppajjantīti manasikarontassa uppajjanti.
vb16:192.1	Na abbokiṇṇā uppajjantīti na paṭipāṭiyā uppajjanti.
vb16:193.1	Na apubbaṁ acarimaṁ uppajjantīti na ekakkhaṇe uppajjanti.
vb16:194.1	Na aññamaññassa samanantarā uppajjantīti cakkhuviññāṇassa uppannasamanantarā sotaviññāṇaṁ na uppajjati, sotaviññāṇassa uppannasamanantarāpi cakkhuviññāṇaṁ na uppajjati.
vb16:194.2	Cakkhuviññāṇassa uppannasamanantarā ghānaviññāṇaṁ na uppajjati, ghānaviññāṇassa uppannasamanantarāpi cakkhuviññāṇaṁ na uppajjati.
vb16:194.3	Cakkhuviññāṇassa uppannasamanantarā jivhāviññāṇaṁ na uppajjati, jivhāviññāṇassa uppannasamanantarāpi cakkhuviññāṇaṁ na uppajjati.
vb16:194.4	Cakkhuviññāṇassa uppannasamanantarā kāyaviññāṇaṁ na uppajjati, kāyaviññāṇassa uppannasamanantarāpi cakkhuviññāṇaṁ na uppajjati.
vb16:194.5	Sotaviññāṇassa …pe…
vb16:194.6	ghānaviññāṇassa …pe…
vb16:194.7	jivhāviññāṇassa …pe…
vb16:194.8	kāyaviññāṇassa uppannasamanantarā cakkhuviññāṇaṁ na uppajjati, cakkhuviññāṇassa uppannasamanantarāpi kāyaviññāṇaṁ na uppajjati.
vb16:194.9	Kāyaviññāṇassa uppannasamanantarā sotaviññāṇaṁ na uppajjati, sotaviññāṇassa uppannasamanantarāpi kāyaviññāṇaṁ na uppajjati.
vb16:194.10	Kāyaviññāṇassa uppannasamanantarā ghānaviññāṇaṁ na uppajjati, ghānaviññāṇassa uppannasamanantarāpi kāyaviññāṇaṁ na uppajjati.
vb16:194.11	Kāyaviññāṇassa uppannasamanantarā jivhāviññāṇaṁ na uppajjati, jivhāviññāṇassa uppannasamanantarāpi kāyaviññāṇaṁ na uppajjati.
vb16:195.1	Pañca viññāṇā anābhogāti pañcannaṁ viññāṇānaṁ natthi āvaṭṭanā vā ābhogo vā samannāhāro vā manasikāro vā.
vb16:196.1	Pañcahi viññāṇehi na kañci dhammaṁ paṭivijānātīti pañcahi viññāṇehi na kañci dhammaṁ paṭivijānāti.
vb16:197.1	Aññatra abhinipātamattāti aññatra āpātamattā.
vb16:198.1	Pañcannaṁ viññāṇānaṁ samanantarāpi na kañci dhammaṁ paṭivijānātīti pañcannaṁ viññāṇānaṁ samanantarā manodhātuyāpi na kañci dhammaṁ paṭivijānāti.
vb16:199.1	Pañcahi viññāṇehi na kañci iriyāpathaṁ kappetīti pañcahi viññāṇehi na kañci iriyāpathaṁ kappeti—
vb16:199.2	gamanaṁ vā ṭhānaṁ vā nisajjaṁ vā seyyaṁ vā.
vb16:200.1	Pañcannaṁ viññāṇānaṁ samanantarāpi na kañci iriyāpathaṁ kappetīti pañcannaṁ viññāṇānaṁ samanantarā manodhātuyāpi na kañci iriyāpathaṁ kappeti—
vb16:200.2	gamanaṁ vā ṭhānaṁ vā nisajjaṁ vā seyyaṁ vā.
vb16:201.1	Pañcahi viññāṇehi na kāyakammaṁ na vacīkammaṁ paṭṭhapetīti pañcahi viññāṇehi na kāyakammaṁ na vacīkammaṁ paṭṭhapeti.
vb16:202.1	Pañcannaṁ viññāṇānaṁ samanantarāpi na kāyakammaṁ na vacīkammaṁ paṭṭhapetīti pañcannaṁ viññāṇānaṁ samanantarā manodhātuyāpi na kāyakammaṁ na vacīkammaṁ paṭṭhapeti.
vb16:203.1	Pañcahi viññāṇehi na kusalākusalaṁ dhammaṁ samādiyatīti pañcahi viññāṇehi na kusalākusalaṁ dhammaṁ samādiyati.
vb16:204.1	Pañcannaṁ viññāṇānaṁ samanantarāpi na kusalākusalaṁ dhammaṁ samādiyatīti pañcannaṁ viññāṇānaṁ samanantarā manodhātuyāpi na kusalākusalaṁ dhammaṁ samādiyati.
vb16:205.1	Pañcahi viññāṇehi na samāpajjati na vuṭṭhātīti pañcahi viññāṇehi na samāpajjati na vuṭṭhāti.
vb16:206.1	Pañcannaṁ viññāṇānaṁ samanantarāpi na samāpajjati na vuṭṭhātīti pañcannaṁ viññāṇānaṁ samanantarā manodhātuyāpi na samāpajjati na vuṭṭhāti.
vb16:207.1	Pañcahi viññāṇehi na cavati na uppajjatīti pañcahi viññāṇehi na cavati na uppajjati.
vb16:208.1	Pañcannaṁ viññāṇānaṁ samanantarāpi na cavati na uppajjatīti pañcannaṁ viññāṇānaṁ samanantarā manodhātuyāpi na cavati na uppajjati.
vb16:209.1	Pañcahi viññāṇehi na supati na paṭibujjhati na supinaṁ passatīti pañcahi viññāṇehi na supati na paṭibujjhati na supinaṁ passati.
vb16:210.1	Pañcannaṁ viññāṇānaṁ samanantarāpi na supati na paṭibujjhati na supinaṁ passatīti pañcannaṁ viññāṇānaṁ samanantarā manodhātuyāpi na supati na paṭibujjhati na supinaṁ passati.
vb16:211.1	Evaṁ yāthāvakavatthuvibhāvanā paññā.
vb16:212.1	Evaṁ ekavidhena ñāṇavatthu.
vb16:212.2	Ekakaṁ.
vb16:213.0	2. Dukaniddesa
vb16:213.1	Tīsu bhūmīsu kusalābyākate paññā lokiyā paññā, catūsu maggesu catūsu phalesu paññā lokuttarā paññā.
vb16:214.1	Sabbāva paññā kenaci viññeyyā, kenaci na viññeyyā.
vb16:215.1	Tīsu bhūmīsu kusalābyākate paññā sāsavā paññā, catūsu maggesu catūsu phalesu paññā anāsavā paññā.
vb16:216.1	Tīsu bhūmīsu kusalābyākate paññā āsavavippayuttā sāsavā paññā, catūsu maggesu catūsu phalesu paññā āsavavippayuttā anāsavā paññā.
vb16:217.1	Tīsu bhūmīsu kusalābyākate paññā saṁyojaniyā paññā, catūsu maggesu catūsu phalesu paññā asaṁyojaniyā paññā.
vb16:218.1	Tīsu bhūmīsu kusalābyākate paññā saṁyojanavippayuttā saṁyojaniyā paññā, catūsu maggesu catūsu phalesu paññā saṁyojanavippayuttā asaṁyojaniyā paññā.
vb16:219.1	Tīsu bhūmīsu kusalābyākate paññā ganthaniyā paññā, catūsu maggesu catūsu phalesu paññā aganthaniyā paññā.
vb16:220.1	Tīsu bhūmīsu kusalābyākate paññā ganthavippayuttā ganthaniyā paññā, catūsu maggesu catūsu phalesu paññā ganthavippayuttā aganthaniyā paññā.
vb16:221.1	Tīsu bhūmīsu kusalābyākate paññā oghaniyā paññā, catūsu maggesu catūsu phalesu paññā anoghaniyā paññā.
vb16:222.1	Tīsu bhūmīsu kusalābyākate paññā oghavippayuttā oghaniyā paññā, catūsu maggesu catūsu phalesu paññā oghavippayuttā anoghaniyā paññā.
vb16:223.1	Tīsu bhūmīsu kusalābyākate paññā yoganiyā paññā, catūsu maggesu catūsu phalesu paññā ayoganiyā paññā.
vb16:224.1	Tīsu bhūmīsu kusalābyākate paññā yogavippayuttā yoganiyā paññā, catūsu maggesu catūsu phalesu paññā yogavippayuttā ayoganiyā paññā.
vb16:225.1	Tīsu bhūmīsu kusalābyākate paññā nīvaraṇiyā paññā, catūsu maggesu catūsu phalesu paññā anīvaraṇiyā paññā.
vb16:226.1	Tīsu bhūmīsu kusalābyākate paññā nīvaraṇavippayuttā nīvaraṇiyā paññā, catūsu maggesu catūsu phalesu paññā nīvaraṇavippayuttā anīvaraṇiyā paññā.
vb16:227.1	Tīsu bhūmīsu kusalābyākate paññā parāmaṭṭhā paññā, catūsu maggesu catūsu phalesu paññā aparāmaṭṭhā paññā.
vb16:228.1	Tīsu bhūmīsu kusalābyākate paññā parāmāsavippayuttā parāmaṭṭhā paññā, catūsu maggesu catūsu phalesu paññā parāmāsavippayuttā aparāmaṭṭhā paññā.
vb16:229.1	Tīsu bhūmīsu vipāke paññā upādinnā paññā, tīsu bhūmīsu kusale tīsu bhūmīsu kiriyābyākate catūsu maggesu catūsu phalesu paññā anupādinnā paññā.
vb16:230.1	Tīsu bhūmīsu kusalābyākate paññā upādāniyā paññā, catūsu maggesu catūsu phalesu paññā anupādāniyā paññā.
vb16:231.1	Tīsu bhūmīsu kusalābyākate paññā upādānavippayuttā upādāniyā paññā, catūsu maggesu catūsu phalesu paññā upādānavippayuttā anupādāniyā paññā.
vb16:232.1	Tīsu bhūmīsu kusalābyākate paññā saṅkilesikā paññā, catūsu maggesu catūsu phalesu paññā asaṅkilesikā paññā.
vb16:233.1	Tīsu bhūmīsu kusalābyākate paññā kilesavippayuttā saṅkilesikā paññā, catūsu maggesu catūsu phalesu paññā kilesavippayuttā asaṅkilesikā paññā.
vb16:234.1	Vitakkasampayuttā paññā savitakkā paññā, vitakkavippayuttā paññā avitakkā paññā.
vb16:235.1	Vicārasampayuttā paññā savicārā paññā, vicāravippayuttā paññā avicārā paññā.
vb16:236.1	Pītisampayuttā paññā sappītikā paññā, pītivippayuttā paññā appītikā paññā.
vb16:237.1	Pītisampayuttā paññā pītisahagatā paññā, pītivippayuttā paññā na pītisahagatā paññā.
vb16:238.1	Sukhasampayuttā paññā sukhasahagatā paññā, sukhavippayuttā paññā na sukhasahagatā paññā.
vb16:239.1	Upekkhāsampayuttā paññā upekkhāsahagatā paññā, upekkhāvippayuttā paññā na upekkhāsahagatā paññā.
vb16:240.1	Kāmāvacarakusalābyākate paññā kāmāvacarā paññā, rūpāvacarā paññā arūpāvacarā paññā, apariyāpannā paññā na kāmāvacarā paññā.
vb16:241.1	Rūpāvacarakusalābyākate paññā rūpāvacarā paññā, kāmāvacarā paññā arūpāvacarā paññā apariyāpannā paññā na rūpāvacarā paññā.
vb16:242.1	Arūpāvacarakusalābyākate paññā arūpāvacarā paññā, kāmāvacarā paññā rūpāvacarā paññā apariyāpannā paññā na arūpāvacarā paññā.
vb16:243.1	Tīsu bhūmīsu kusalābyākate paññā pariyāpannā paññā, catūsu maggesu catūsu phalesu paññā apariyāpannā paññā.
vb16:244.1	Catūsu maggesu paññā niyyānikā paññā, tīsu bhūmīsu kusale catūsu bhūmīsu vipāke tīsu bhūmīsu kiriyābyākate paññā aniyyānikā paññā.
vb16:245.1	Catūsu maggesu paññā niyatā paññā, tīsu bhūmīsu kusale catūsu bhūmīsu vipāke tīsu bhūmīsu kiriyābyākate paññā aniyatā paññā.
vb16:246.1	Tīsu bhūmīsu kusalābyākate paññā sauttarā paññā, catūsu maggesu catūsu phalesu paññā anuttarā paññā.
vb16:247.1	Tattha katamā atthajāpikā paññā?
vb16:248.1	Catūsu bhūmīsu kusale arahato abhiññaṁ uppādentassa samāpattiṁ uppādentassa kiriyābyākate paññā atthajāpikā paññā, catūsu bhūmīsu vipāke arahato uppannāya abhiññāya uppannāya samāpattiyā kiriyābyākate paññā jāpitatthā paññā.
vb16:249.1	Evaṁ duvidhena ñāṇavatthu.
vb16:249.2	Dukaṁ.
vb16:250.0	3. Tikaniddesa
vb16:250.1	Tattha katamā cintāmayā paññā?
vb16:250.2	Yogavihitesu vā kammāyatanesu yogavihitesu vā sippāyatanesu yogavihitesu vā vijjāṭṭhānesu kammassakataṁ vā saccānulomikaṁ vā rūpaṁ aniccanti vā vedanā …pe…
vb16:250.3	saññā … saṅkhārā … viññāṇaṁ aniccanti vā, yaṁ evarūpiṁ anulomikaṁ khantiṁ diṭṭhiṁ ruciṁ mudiṁ pekkhaṁ dhammanijjhānakkhantiṁ parato assutvā paṭilabhati—
vb16:250.4	ayaṁ vuccati “cintāmayā paññā”.
vb16:251.1	Tattha katamā sutamayā paññā?
vb16:251.2	Yogavihitesu vā kammāyatanesu yogavihitesu vā sippāyatanesu yogavihitesu vā vijjāṭṭhānesu kammassakataṁ vā saccānulomikaṁ vā rūpaṁ aniccanti vā vedanā …pe…
vb16:251.3	saññā … saṅkhārā … viññāṇaṁ aniccanti vā, yaṁ evarūpiṁ anulomikaṁ khantiṁ diṭṭhiṁ ruciṁ mudiṁ pekkhaṁ dhammanijjhānakkhantiṁ parato sutvā paṭilabhati—
vb16:251.4	ayaṁ vuccati “sutamayā paññā”.
vb16:252.1	Sabbāpi samāpannassa paññā bhāvanāmayā paññā.
vb16:253.1	Tattha katamā dānamayā paññā?
vb16:253.2	Dānaṁ ārabbha dānādhigaccha yā uppajjati paññā pajānanā …pe… amoho dhammavicayo sammādiṭṭhi—
vb16:253.3	ayaṁ vuccati “dānamayā paññā”.
vb16:254.1	Tattha katamā sīlamayā paññā?
vb16:254.2	Sīlaṁ ārabbha sīlādhigaccha yā uppajjati paññā pajānanā …pe… amoho dhammavicayo sammādiṭṭhi—
vb16:254.3	ayaṁ vuccati “sīlamayā paññā”.
vb16:255.1	Sabbāpi samāpannassa paññā bhāvanāmayā paññā.
vb16:256.1	Tattha katamā adhisīle paññā?
vb16:256.2	Pātimokkhasaṁvaraṁ saṁvarantassa yā uppajjati paññā pajānanā …pe… amoho dhammavicayo sammādiṭṭhi—
vb16:256.3	ayaṁ vuccati “adhisīle paññā”.
vb16:257.1	Tattha katamā adhicitte paññā?
vb16:257.2	Rūpāvacarārūpāvacarasamāpattiṁ samāpajjantassa yā uppajjati paññā pajānanā …pe… amoho dhammavicayo sammādiṭṭhi—
vb16:257.3	ayaṁ vuccati “adhicitte paññā”.
vb16:258.1	Tattha katamā adhipaññāya paññā?
vb16:258.2	Catūsu maggesu catūsu phalesu paññā—
vb16:258.3	ayaṁ vuccati “adhipaññāya paññā”.
vb16:259.1	Tattha katamaṁ āyakosallaṁ?
vb16:259.2	“Ime dhamme manasikaroto anuppannā ceva akusalā dhammā na uppajjanti, uppannā ca akusalā dhammā pahīyanti.
vb16:259.3	Ime vā panime dhamme manasikaroto anuppannā ceva kusalā dhammā uppajjanti, uppannā ca kusalā dhammā bhiyyobhāvāya vepullāya bhāvanāya pāripūriyā saṁvattantī”ti—
vb16:259.4	yā tattha paññā pajānanā …pe… amoho dhammavicayo sammādiṭṭhi—
vb16:259.5	idaṁ vuccati “āyakosallaṁ”.
vb16:260.1	Tattha katamaṁ apāyakosallaṁ?
vb16:260.2	“Ime dhamme manasikaroto anuppannā ceva kusalā dhammā na uppajjanti, uppannā ca kusalā dhammā nirujjhanti.
vb16:260.3	Ime vā panime dhamme manasikaroto anuppannā ceva akusalā dhammā uppajjanti, uppannā ca akusalā dhammā bhiyyobhāvāya vepullāya saṁvattantī”ti—
vb16:260.4	yā tattha paññā pajānanā …pe… amoho dhammavicayo sammādiṭṭhi—
vb16:260.5	idaṁ vuccati “apāyakosallaṁ”.
vb16:261.1	Sabbāpi tatrupāyā paññā upāyakosallaṁ.
vb16:262.1	Catūsu bhūmīsu vipāke paññā vipākā paññā.
vb16:263.1	Catūsu bhūmīsu kusale paññā vipākadhammadhammā paññā.
vb16:264.1	Tīsu bhūmīsu kiriyābyākate paññā nevavipākanavipākadhammadhammā paññā.
vb16:265.1	Tīsu bhūmīsu vipāke paññā upādinnupādāniyā paññā.
vb16:266.1	Tīsu bhūmīsu kusale tīsu bhūmīsu kiriyābyākate paññā anupādinnupādāniyā paññā.
vb16:267.1	Catūsu maggesu catūsu phalesu paññā anupādinnaanupādāniyā paññā.
vb16:268.1	Vitakkavicārasampayuttā paññā savitakkasavicārā paññā.
vb16:269.1	Vitakkavippayuttā vicārasampayuttā paññā avitakkavicāramattā paññā.
vb16:270.1	Vitakkavicāravippayuttā paññā avitakkaavicārā paññā.
vb16:271.1	Pītisampayuttā paññā pītisahagatā paññā.
vb16:272.1	Sukhasampayuttā paññā sukhasahagatā paññā.
vb16:273.1	Upekkhāsampayuttā paññā upekkhāsahagatā paññā.
vb16:274.1	Tīsu bhūmīsu kusale paññā ācayagāminī paññā.
vb16:275.1	Catūsu maggesu paññā apacayagāminī paññā.
vb16:276.1	Catūsu bhūmīsu vipāke tīsu bhūmīsu kiriyābyākate paññā nevācayagāmināpacayagāminī paññā.
vb16:277.1	Catūsu maggesu tīsu phalesu paññā sekkhā paññā.
vb16:278.1	Upariṭṭhimā arahattaphale paññā asekkhā paññā.
vb16:279.1	Tīsu bhūmīsu kusale tīsu bhūmīsu vipāke tīsu bhūmīsu kiriyābyākate paññā nevasekkhanāsekkhā paññā.
vb16:280.1	Kāmāvacarakusalābyākate paññā parittā paññā.
vb16:281.1	Rūpāvacarārūpāvacarakusalābyākate paññā mahaggatā paññā.
vb16:282.1	Catūsu maggesu catūsu phalesu paññā appamāṇā paññā.
vb16:283.1	Tattha katamā parittārammaṇā paññā?
vb16:283.2	Paritte dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:283.3	ayaṁ vuccati “parittārammaṇā paññā”.
vb16:284.1	Tattha katamā mahaggatārammaṇā paññā?
vb16:284.2	Mahaggate dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:284.3	ayaṁ vuccati “mahaggatārammaṇā paññā”.
vb16:285.1	Tattha katamā appamāṇārammaṇā paññā?
vb16:285.2	Appamāṇe dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:285.3	ayaṁ vuccati “appamāṇārammaṇā paññā”.
vb16:286.1	Tattha katamā maggārammaṇā paññā?
vb16:286.2	Ariyamaggaṁ ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:286.3	ayaṁ vuccati “maggārammaṇā paññā”.
vb16:287.1	Catūsu maggesu paññā maggahetukā paññā.
vb16:288.1	Tattha katamā maggādhipatinī paññā?
vb16:288.2	Ariyamaggaṁ adhipatiṁ karitvā yā uppajjati paññā pajānanā …pe… amoho dhammavicayo sammādiṭṭhi—
vb16:288.3	ayaṁ vuccati “maggādhipatinī paññā”.
vb16:289.1	Catūsu bhūmīsu vipāke paññā siyā uppannā, siyā uppādinī, na vattabbā anuppannāti.
vb16:289.2	Catūsu bhūmīsu kusale tīsu bhūmīsu kiriyābyākate paññā siyā uppannā, siyā anuppannā, na vattabbā uppādinīti.
vb16:290.1	Sabbāva paññā siyā atītā, siyā anāgatā, siyā paccuppannā.
vb16:291.1	Tattha katamā atītārammaṇā paññā?
vb16:291.2	Atīte dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:291.3	ayaṁ vuccati “atītārammaṇā paññā”.
vb16:292.1	Tattha katamā anāgatārammaṇā paññā?
vb16:292.2	Anāgate dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:292.3	ayaṁ vuccati “anāgatārammaṇā paññā”.
vb16:293.1	Tattha katamā paccuppannārammaṇā paññā?
vb16:293.2	Paccuppanne dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:293.3	ayaṁ vuccati “paccuppannārammaṇā paññā”.
vb16:294.1	Sabbāva paññā siyā ajjhattā, siyā bahiddhā, siyā ajjhattabahiddhā.
vb16:295.1	Tattha katamā ajjhattārammaṇā paññā?
vb16:295.2	Ajjhatte dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:295.3	ayaṁ vuccati “ajjhattārammaṇā paññā”.
vb16:296.1	Tattha katamā bahiddhārammaṇā paññā?
vb16:296.2	Bahiddhādhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:296.3	ayaṁ vuccati “bahiddhārammaṇā paññā”.
vb16:297.1	Tattha katamā ajjhattabahiddhārammaṇā paññā?
vb16:297.2	Ajjhattabahiddhā dhamme ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:297.3	ayaṁ vuccati “ajjhattabahiddhārammaṇā paññā”.
vb16:298.1	Evaṁ tividhena ñāṇavatthu.
vb16:298.2	Tikaṁ.
vb16:299.0	4. Catukkaniddesa
vb16:299.1	Tattha katamaṁ kammassakatañāṇaṁ?
vb16:299.2	“Atthi dinnaṁ, atthi yiṭṭhaṁ, atthi hutaṁ, atthi sukatadukkaṭānaṁ kammānaṁ phalaṁ vipāko, atthi ayaṁ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṁ parañca lokaṁ sayaṁ abhiññā sacchikatvā pavedentī”ti—
vb16:299.3	yā evarūpā paññā pajānanā …pe… amoho dhammavicayo sammādiṭṭhi—
vb16:299.4	idaṁ vuccati “kammassakatañāṇaṁ”.
vb16:299.5	Ṭhapetvā saccānulomikaṁ ñāṇaṁ, sabbāpi sāsavā kusalā paññā kammassakatañāṇaṁ.
vb16:300.1	Tattha katamaṁ saccānulomikaṁ ñāṇaṁ?
vb16:300.2	“Rūpaṁ aniccan”ti vā vedanā …pe…
vb16:300.3	saññā … saṅkhārā … “viññāṇaṁ aniccan”ti vā yā evarūpī anulomikā khanti diṭṭhi ruci mudi pekkhā dhammanijjhānakkhanti—
vb16:300.4	idaṁ vuccati “saccānulomikaṁ ñāṇaṁ”.
vb16:301.1	Catūsu maggesu paññā maggasamaṅgissa ñāṇaṁ.
vb16:302.1	Catūsu phalesu paññā phalasamaṅgissa ñāṇaṁ.
vb16:303.1	Maggasamaṅgissa ñāṇaṁ dukkhepetaṁ ñāṇaṁ, dukkhasamudayepetaṁ ñāṇaṁ, dukkhanirodhepetaṁ ñāṇaṁ, dukkhanirodhagāminiyā paṭipadāyapetaṁ ñāṇaṁ.
vb16:304.1	Tattha katamaṁ dukkhe ñāṇaṁ?
vb16:304.2	Dukkhaṁ ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:304.3	idaṁ vuccati “dukkhe ñāṇaṁ”.
vb16:305.1	Dukkhasamudayaṁ ārabbha …pe…
vb16:305.2	dukkhanirodhaṁ ārabbha …pe…
vb16:305.3	dukkhanirodhagāminiṁ paṭipadaṁ ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:305.4	idaṁ vuccati “dukkhanirodhagāminiyā paṭipadāya ñāṇaṁ”.
vb16:306.1	Kāmāvacarakusalābyākate paññā kāmāvacarā paññā, rūpāvacarakusalābyākate paññā rūpāvacarā paññā, arūpāvacarakusalābyākate paññā arūpāvacarā paññā, catūsu maggesu catūsu phalesu paññā apariyāpannā paññā.
vb16:307.1	Tattha katamaṁ dhamme ñāṇaṁ?
vb16:307.2	Catūsu maggesu catūsu phalesu paññā dhamme ñāṇaṁ.
vb16:308.1	So iminā dhammena ñātena diṭṭhena pattena viditena pariyogāḷhena atītānāgatena nayaṁ neti.
vb16:308.2	“Ye hi keci atītamaddhānaṁ samaṇā vā brāhmaṇā vā dukkhaṁ abbhaññaṁsu, dukkhasamudayaṁ abbhaññaṁsu, dukkhanirodhaṁ abbhaññaṁsu, dukkhanirodhagāminiṁ paṭipadaṁ abbhaññaṁsu, imaññeva te dukkhaṁ abbhaññaṁsu, imaññeva te dukkhasamudayaṁ abbhaññaṁsu, imaññeva te dukkhanirodhaṁ abbhaññaṁsu, imaññeva te dukkhanirodhagāminiṁ paṭipadaṁ abbhaññaṁsu.
vb16:308.3	Ye hi keci anāgatamaddhānaṁ samaṇā vā brāhmaṇā vā dukkhaṁ abhijānissanti, dukkhasamudayaṁ abhijānissanti, dukkhanirodhaṁ abhijānissanti, dukkhanirodhagāminiṁ paṭipadaṁ abhijānissanti, imaññeva te dukkhaṁ abhijānissanti, imaññeva te dukkhasamudayaṁ abhijānissanti, imaññeva te dukkhanirodhaṁ abhijānissanti, imaññeva te dukkhanirodhagāminiṁ paṭipadaṁ abhijānissantī”ti—
vb16:308.4	yā tattha paññā pajānanā …pe… amoho dhammavicayo sammādiṭṭhi—
vb16:308.5	idaṁ vuccati “anvaye ñāṇaṁ”.
vb16:309.1	Tattha katamaṁ pariye ñāṇaṁ?
vb16:309.2	Idha bhikkhu parasattānaṁ parapuggalānaṁ cetasā ceto paricca pajānāti.
vb16:309.3	Sarāgaṁ vā cittaṁ “sarāgaṁ cittan”ti pajānāti, vītarāgaṁ vā cittaṁ “vītarāgaṁ cittan”ti pajānāti, sadosaṁ vā cittaṁ “sadosaṁ cittan”ti pajānāti, vītadosaṁ vā cittaṁ “vītadosaṁ cittan”ti pajānāti, samohaṁ vā cittaṁ “samohaṁ cittan”ti pajānāti, vītamohaṁ vā cittaṁ “vītamohaṁ cittan”ti pajānāti, saṅkhittaṁ vā cittaṁ “saṅkhittaṁ cittan”ti pajānāti, vikkhittaṁ vā cittaṁ “vikkhittaṁ cittan”ti pajānāti, mahaggataṁ vā cittaṁ “mahaggataṁ cittan”ti pajānāti, amahaggataṁ vā cittaṁ “amahaggataṁ cittan”ti pajānāti, sauttaraṁ vā cittaṁ “sauttaraṁ cittan”ti pajānāti, anuttaraṁ vā cittaṁ “anuttaraṁ cittan”ti pajānāti, samāhitaṁ vā cittaṁ “samāhitaṁ cittan”ti pajānāti, asamāhitaṁ vā cittaṁ “asamāhitaṁ cittan”ti pajānāti, vimuttaṁ vā cittaṁ “vimuttaṁ cittan”ti pajānāti, avimuttaṁ vā cittaṁ “avimuttaṁ cittan”ti pajānātīti—
vb16:309.4	yā tattha paññā pajānanā …pe… amoho dhammavicayo sammādiṭṭhi—
vb16:309.5	idaṁ vuccati “pariye ñāṇaṁ”.
vb16:310.1	Ṭhapetvā dhamme ñāṇaṁ anvaye ñāṇaṁ pariye ñāṇaṁ, avasesā paññā sammutiñāṇaṁ.
vb16:311.1	Tattha katamā paññā ācayāya no apacayāya?
vb16:311.2	Kāmāvacarakusale paññā ācayāya no apacayāya.
vb16:312.1	Catūsu maggesu paññā apacayāya no ācayāya.
vb16:313.1	Rūpāvacarārūpāvacarakusale paññā ācayāya ceva apacayāya ca.
vb16:314.1	Avasesā paññā neva ācayāya no apacayāya.
vb16:315.1	Tattha katamā paññā nibbidāya no paṭivedhāya?
vb16:315.2	Yāya paññāya kāmesu vītarāgo hoti, na ca abhiññāyo paṭivijjhati na ca saccāni—
vb16:315.3	ayaṁ vuccati “paññā nibbidāya no paṭivedhāya”.
vb16:316.1	Sveva paññāya kāmesu vītarāgo samāno abhiññāyo paṭivijjhati na ca saccāni—
vb16:316.2	ayaṁ vuccati “paññā paṭivedhāya no nibbidāya”.
vb16:317.1	Catūsu maggesu paññā nibbidāya ceva paṭivedhāya ca.
vb16:318.1	Avasesā paññā neva nibbidāya no paṭivedhāya.
vb16:319.1	Tattha katamā hānabhāginī paññā?
vb16:319.2	Paṭhamassa jhānassa lābhiṁ kāmasahagatā saññāmanasikārā samudācaranti hānabhāginī paññā.
vb16:320.1	Tadanudhammatā sati santiṭṭhati ṭhitibhāginī paññā.
vb16:321.1	Avitakkasahagatā saññāmanasikārā samudācaranti visesabhāginī paññā.
vb16:322.1	Nibbidāsahagatā saññāmanasikārā samudācaranti virāgūpasañhitā nibbedhabhāginī paññā.
vb16:322.2	Dutiyassa jhānassa lābhiṁ vitakkasahagatā saññāmanasikārā samudācaranti hānabhāginī paññā.
vb16:322.3	Tadanudhammatā sati santiṭṭhati ṭhitibhāginī paññā.
vb16:322.4	Upekkhāsahagatā saññāmanasikārā samudācaranti visesabhāginī paññā.
vb16:322.5	Nibbidāsahagatā saññāmanasikārā samudācaranti virāgūpasañhitā nibbedhabhāginī paññā.
vb16:322.6	Tatiyassa jhānassa lābhiṁ pītisukhasahagatā saññāmanasikārā samudācaranti hānabhāginī paññā.
vb16:322.7	Tadanudhammatā sati santiṭṭhati ṭhitibhāginī paññā.
vb16:322.8	Adukkhamasukhasahagatā saññāmanasikārā samudācaranti visesabhāginī paññā.
vb16:322.9	Nibbidāsahagatā saññāmanasikārā samudācaranti virāgūpasañhitā nibbedhabhāginī paññā.
vb16:322.10	Catutthassa jhānassa lābhiṁ upekkhāsahagatā saññāmanasikārā samudācaranti hānabhāginī paññā.
vb16:322.11	Tadanudhammatā sati santiṭṭhati ṭhitibhāginī paññā.
vb16:322.12	Ākāsānañcāyatanasahagatā saññāmanasikārā samudācaranti visesabhāginī paññā.
vb16:322.13	Nibbidāsahagatā saññāmanasikārā samudācaranti virāgūpasañhitā nibbedhabhāginī paññā.
vb16:322.14	Ākāsānañcāyatanassa lābhiṁ rūpasahagatā saññāmanasikārā samudācaranti hānabhāginī paññā.
vb16:322.15	Tadanudhammatā sati santiṭṭhati ṭhitibhāginī paññā.
vb16:322.16	Viññāṇañcāyatanasahagatā saññāmanasikārā samudācaranti visesabhāginī paññā.
vb16:322.17	Nibbidāsahagatā saññāmanasikārā samudācaranti virāgūpasañhitā nibbedhabhāginī paññā.
vb16:322.18	Viññāṇañcāyatanassa lābhiṁ ākāsānañcāyatanasahagatā saññāmanasikārā samudācaranti hānabhāginī paññā.
vb16:322.19	Tadanudhammatā sati santiṭṭhati ṭhitibhāginī paññā.
vb16:322.20	Ākiñcaññāyatanasahagatā saññāmanasikārā samudācaranti visesabhāginī paññā.
vb16:322.21	Nibbidāsahagatā saññāmanasikārā samudācaranti virāgūpasañhitā nibbedhabhāginī paññā.
vb16:322.22	Ākiñcaññāyatanassa lābhiṁ viññāṇañcāyatanasahagatā saññāmanasikārā samudācaranti hānabhāginī paññā.
vb16:322.23	Tadanudhammatā sati santiṭṭhati ṭhitibhāginī paññā.
vb16:322.24	Nevasaññānāsaññāyatanasahagatā saññāmanasikārā samudācaranti visesabhāginī paññā.
vb16:322.25	Nibbidāsahagatā saññāmanasikārā samudācaranti virāgūpasañhitā nibbedhabhāginī paññā.
vb16:323.1	Tattha katamā catasso paṭisambhidā?
vb16:323.2	Atthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.
vb16:323.3	Atthe ñāṇaṁ atthapaṭisambhidā, dhamme ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.
vb16:323.4	Imā catasso paṭisambhidā.
vb16:324.1	Tattha katamā catasso paṭipadā?
vb16:324.2	Dukkhapaṭipadā dandhābhiññā paññā, dukkhapaṭipadā khippābhiññā paññā, sukhapaṭipadā dandhābhiññā paññā, sukhapaṭipadā khippābhiññā paññā.
vb16:325.1	Tattha katamā dukkhapaṭipadā dandhābhiññā paññā?
vb16:325.2	Kicchena kasirena samādhiṁ uppādentassa dandhaṁ taṇṭhānaṁ abhijānantassa yā uppajjati paññā pajānanā …pe… amoho dhammavicayo sammādiṭṭhi—
vb16:325.3	ayaṁ vuccati “dukkhapaṭipadā dandhābhiññā paññā”.
vb16:326.1	Tattha katamā dukkhapaṭipadā khippābhiññā paññā?
vb16:326.2	Kicchena kasirena samādhiṁ uppādentassa khippaṁ taṇṭhānaṁ abhijānantassa yā uppajjati paññā pajānanā …pe… amoho dhammavicayo sammādiṭṭhi—
vb16:326.3	ayaṁ vuccati “dukkhapaṭipadā khippābhiññā paññā”.
vb16:327.1	Tattha katamā sukhapaṭipadā dandhābhiññā paññā?
vb16:327.2	Akicchena akasirena samādhiṁ uppādentassa dandhaṁ taṇṭhānaṁ abhijānantassa yā uppajjati paññā pajānanā …pe… amoho dhammavicayo sammādiṭṭhi—
vb16:327.3	ayaṁ vuccati “sukhapaṭipadā dandhābhiññā paññā”.
vb16:328.1	Tattha katamā sukhapaṭipadā khippābhiññā paññā?
vb16:328.2	Akicchena akasirena samādhiṁ uppādentassa khippaṁ taṇṭhānaṁ abhijānantassa yā uppajjati paññā pajānanā …pe… amoho dhammavicayo sammādiṭṭhi—
vb16:328.3	ayaṁ vuccati “sukhapaṭipadā khippābhiññā paññā”.
vb16:328.4	Imā catasso paṭipadā.
vb16:329.1	Tattha katamāni cattāri ārammaṇāni?
vb16:329.2	Parittā parittārammaṇā paññā, parittā appamāṇārammaṇā paññā, appamāṇā parittārammaṇā paññā, appamāṇā appamāṇārammaṇā paññā.
vb16:330.1	Tattha katamā parittā parittārammaṇā paññā?
vb16:330.2	Samādhissa na nikāmalābhissa ārammaṇaṁ thokaṁ pharantassa yā uppajjati paññā pajānanā …pe… amoho dhammavicayo sammādiṭṭhi—
vb16:330.3	ayaṁ vuccati “parittā parittārammaṇā paññā”.
vb16:331.1	Tattha katamā parittā appamāṇārammaṇā paññā?
vb16:331.2	Samādhissa na nikāmalābhissa ārammaṇaṁ vipulaṁ pharantassa yā uppajjati paññā pajānanā …pe… amoho dhammavicayo sammādiṭṭhi—
vb16:331.3	ayaṁ vuccati “parittā appamāṇārammaṇā paññā”.
vb16:332.1	Tattha katamā appamāṇā parittārammaṇā paññā?
vb16:332.2	Samādhissa nikāmalābhissa ārammaṇaṁ thokaṁ pharantassa yā uppajjati paññā pajānanā …pe… amoho dhammavicayo sammādiṭṭhi—
vb16:332.3	ayaṁ vuccati “appamāṇā parittārammaṇā paññā”.
vb16:333.1	Tattha katamā appamāṇā appamāṇārammaṇā paññā?
vb16:333.2	Samādhissa nikāmalābhissa ārammaṇaṁ vipulaṁ pharantassa yā uppajjati paññā pajānanā …pe… amoho dhammavicayo sammādiṭṭhi—
vb16:333.3	ayaṁ vuccati “appamāṇā appamāṇārammaṇā paññā”.
vb16:333.4	Imāni cattāri ārammaṇāni.
vb16:334.1	Maggasamaṅgissa ñāṇaṁ jarāmaraṇepetaṁ ñāṇaṁ, jarāmaraṇasamudayepetaṁ ñāṇaṁ, jarāmaraṇanirodhepetaṁ ñāṇaṁ, jarāmaraṇanirodhagāminiyā paṭipadāyapetaṁ ñāṇaṁ.
vb16:335.1	Tattha katamaṁ jarāmaraṇe ñāṇaṁ?
vb16:335.2	Jarāmaraṇaṁ ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:335.3	idaṁ vuccati “jarāmaraṇe ñāṇaṁ”.
vb16:336.1	Jarāmaraṇasamudayaṁ ārabbha …pe…
vb16:336.2	jarāmaraṇanirodhaṁ ārabbha …pe…
vb16:336.3	jarāmaraṇanirodhagāminiṁ paṭipadaṁ ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:336.4	idaṁ vuccati “jarāmaraṇanirodhagāminiyā paṭipadāya ñāṇaṁ”.
vb16:337.1	Dhammasamaṅgissa ñāṇaṁ jātiyāpetaṁ ñāṇaṁ …pe…
vb16:337.2	bhavepetaṁ ñāṇaṁ …pe…
vb16:337.3	upādānepetaṁ ñāṇaṁ …pe…
vb16:337.4	taṇhāyapetaṁ ñāṇaṁ …pe…
vb16:337.5	vedanāyapetaṁ ñāṇaṁ …pe…
vb16:337.6	phassepetaṁ ñāṇaṁ …pe…
vb16:337.7	saḷāyatanepetaṁ ñāṇaṁ …pe…
vb16:337.8	nāmarūpepetaṁ ñāṇaṁ …pe…
vb16:337.9	viññāṇepetaṁ ñāṇaṁ …pe…
vb16:337.10	saṅkhāresupetaṁ ñāṇaṁ, saṅkhārasamudayepetaṁ ñāṇaṁ, saṅkhāranirodhepetaṁ ñāṇaṁ, saṅkhāranirodhagāminiyā paṭipadāyapetaṁ ñāṇaṁ.
vb16:338.1	Tattha katamaṁ saṅkhāresu ñāṇaṁ?
vb16:338.2	Saṅkhāre ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:338.3	idaṁ vuccati “saṅkhāresu ñāṇaṁ”.
vb16:339.1	Saṅkhārasamudayaṁ ārabbha …pe…
vb16:339.2	saṅkhāranirodhaṁ ārabbha …pe…
vb16:339.3	saṅkhāranirodhagāminiṁ paṭipadaṁ ārabbha yā uppajjati paññā pajānanā …pe… amoho dhammavicayo sammādiṭṭhi—
vb16:339.4	idaṁ vuccati “saṅkhāranirodhagāminiyā paṭipadāya ñāṇaṁ”. –24
vb16:340.1	Evaṁ catubbidhena ñāṇavatthu.
vb16:341.1	Catukkaṁ.
vb16:342.0	5. Pañcakaniddesa
vb16:342.1	Tattha katamo pañcaṅgiko sammāsamādhi?
vb16:342.2	Pītipharaṇatā, sukhapharaṇatā, cetopharaṇatā, ālokapharaṇatā, paccavekkhaṇānimittaṁ.
vb16:342.3	Dvīsu jhānesu paññā pītipharaṇatā.
vb16:342.4	Tīsu jhānesu paññā sukhapharaṇatā.
vb16:342.5	Paracitte ñāṇaṁ cetopharaṇatā.
vb16:342.6	Dibbacakkhu ālokapharaṇatā.
vb16:342.7	Tamhā tamhā samādhimhā vuṭṭhitassa paccavekkhaṇāñāṇaṁ paccavekkhaṇānimittaṁ.
vb16:342.8	Ayaṁ vuccati “pañcaṅgiko sammāsamādhi”.
vb16:343.1	Tattha katamo pañcañāṇiko sammāsamādhi?
vb16:343.2	“Ayaṁ samādhi paccuppannasukho ceva āyatiñca sukhavipāko”ti paccattaññeva ñāṇaṁ uppajjati.
vb16:343.3	“Ayaṁ samādhi ariyo nirāmiso”ti paccattaññeva ñāṇaṁ uppajjati.
vb16:343.4	“Ayaṁ samādhi akāpurisasevito”ti paccattaññeva ñāṇaṁ uppajjati.
vb16:343.5	“Ayaṁ samādhi santo paṇīto paṭippassaddhaladdho ekodibhāvādhigato na sasaṅkhāraniggayhavāritagato”ti paccattaññeva ñāṇaṁ uppajjati.
vb16:343.6	“So kho panāhaṁ imaṁ samādhiṁ sato samāpajjāmi sato vuṭṭhahāmī”ti paccattaññeva ñāṇaṁ uppajjati.
vb16:343.7	Ayaṁ pañcañāṇiko sammāsamādhi.
vb16:343.8	Evaṁ pañcavidhena ñāṇavatthu.
vb16:344.1	Pañcakaṁ.
vb16:345.0	6. Chakkaniddesa
vb16:345.1	Tattha katamā chasu abhiññāsu paññā?
vb16:345.2	Iddhividhe ñāṇaṁ, sotadhātuvisuddhiyā ñāṇaṁ, paracitte ñāṇaṁ, pubbenivāsānussatiyā ñāṇaṁ, sattānaṁ cutūpapāte ñāṇaṁ, āsavānaṁ khaye ñāṇaṁ—
vb16:345.3	imā chasu abhiññāsu paññā.
vb16:345.4	Evaṁ chabbidhena ñāṇavatthu.
vb16:346.1	Chakkaṁ.
vb16:347.0	7. Sattakaniddesa
vb16:347.1	Tattha katamāni sattasattati ñāṇavatthūni?
vb16:347.2	Jātipaccayā jarāmaraṇanti ñāṇaṁ, asati jātiyā natthi jarāmaraṇanti ñāṇaṁ, atītampi addhānaṁ jātipaccayā jarāmaraṇanti ñāṇaṁ, asati jātiyā natthi jarāmaraṇanti ñāṇaṁ, anāgatampi addhānaṁ jātipaccayā jarāmaraṇanti ñāṇaṁ, asati jātiyā natthi jarāmaraṇanti ñāṇaṁ.
vb16:347.3	Yampissa taṁ dhammaṭṭhitiñāṇaṁ tampi khayadhammaṁ vayadhammaṁ virāgadhammaṁ nirodhadhammanti ñāṇaṁ;
vb16:347.4	bhavapaccayā jātīti ñāṇaṁ …pe…
vb16:347.5	upādānapaccayā bhavoti ñāṇaṁ …pe…
vb16:347.6	taṇhāpaccayā upādānanti ñāṇaṁ …pe…
vb16:347.7	vedanāpaccayā taṇhāti ñāṇaṁ …pe…
vb16:347.8	phassapaccayā vedanāti ñāṇaṁ …pe…
vb16:347.9	saḷāyatanapaccayā phassoti ñāṇaṁ …pe…
vb16:347.10	nāmarūpapaccayā saḷāyatananti ñāṇaṁ …pe…
vb16:347.11	viññāṇapaccayā nāmarūpanti ñāṇaṁ …pe…
vb16:347.12	saṅkhārapaccayā viññāṇanti ñāṇaṁ …pe…
vb16:347.13	avijjāpaccayā saṅkhārāti ñāṇaṁ, asati avijjāya natthi saṅkhārāti ñāṇaṁ, atītampi addhānaṁ avijjāpaccayā saṅkhārāti ñāṇaṁ, asati avijjāya natthi saṅkhārāti ñāṇaṁ, anāgatampi addhānaṁ avijjāpaccayā saṅkhārāti ñāṇaṁ, asati avijjāya natthi saṅkhārāti ñāṇaṁ.
vb16:347.14	Yampissa taṁ dhammaṭṭhitiñāṇaṁ tampi khayadhammaṁ vayadhammaṁ virāgadhammaṁ nirodhadhammanti ñāṇaṁ.
vb16:347.15	Imāni sattasattati ñāṇavatthūni.
vb16:347.16	Evaṁ sattavidhena ñāṇavatthu.
vb16:348.1	Sattakaṁ.
vb16:349.0	8. Aṭṭhakaniddesa
vb16:349.1	Tattha katamā catūsu maggesu catūsu phalesu paññā?
vb16:349.2	Sotāpattimagge paññā, sotāpattiphale paññā, sakadāgāmimagge paññā, sakadāgāmiphale paññā, anāgāmimagge paññā, anāgāmiphale paññā, arahattamagge paññā, arahattaphale paññā—
vb16:349.3	imā catūsu maggesu catūsu phalesu paññā.
vb16:349.4	Evaṁ aṭṭhavidhena ñāṇavatthu.
vb16:350.1	Aṭṭhakaṁ.
vb16:351.0	9. Navakaniddesa
vb16:351.1	Tattha katamā navasu anupubbavihārasamāpattīsu paññā?
vb16:351.2	Paṭhamajjhānasamāpattiyā paññā, dutiyajjhānasamāpattiyā paññā, tatiyajjhānasamāpattiyā paññā, catutthajjhānasamāpattiyā paññā, ākāsānañcāyatanasamāpattiyā paññā, viññāṇañcāyatanasamāpattiyā paññā, ākiñcaññāyatanasamāpattiyā paññā, nevasaññānāsaññāyatanasamāpattiyā paññā, saññāvedayitanirodhasamāpattiyā vuṭṭhitassa paccavekkhaṇāñāṇaṁ—
vb16:351.3	imā navasu anupubbavihārasamāpattīsu paññā.
vb16:351.4	Evaṁ navavidhena ñāṇavatthu.
vb16:352.1	Navakaṁ.
vb16:353.0	10. Dasakaniddesa
vb16:353.1	Tattha katamaṁ tathāgatassa ṭhānañca ṭhānato aṭṭhānañca aṭṭhānato yathābhūtaṁ ñāṇaṁ?
vb16:353.2	Idha tathāgato “aṭṭhānametaṁ anavakāso yaṁ diṭṭhisampanno puggalo kañci saṅkhāraṁ niccato upagaccheyya, netaṁ ṭhānaṁ vijjatī”ti pajānāti.
vb16:353.3	“Ṭhānañca kho etaṁ vijjati yaṁ puthujjano kañci saṅkhāraṁ niccato upagaccheyya, ṭhānametaṁ vijjatī”ti pajānāti.
vb16:353.4	“Aṭṭhānametaṁ anavakāso yaṁ diṭṭhisampanno puggalo kañci saṅkhāraṁ sukhato upagaccheyya, netaṁ ṭhānaṁ vijjatī”ti pajānāti.
vb16:353.5	“Ṭhānañca kho etaṁ vijjati yaṁ puthujjano kañci saṅkhāraṁ sukhato upagaccheyya, ṭhānametaṁ vijjatī”ti pajānāti.
vb16:353.6	“Aṭṭhānametaṁ anavakāso yaṁ diṭṭhisampanno puggalo kañci dhammaṁ atthato upagaccheyya, netaṁ ṭhānaṁ vijjatī”ti pajānāti.
vb16:353.7	“Ṭhānañca kho etaṁ vijjati yaṁ puthujjano kañci dhammaṁ atthato upagaccheyya, ṭhānametaṁ vijjatī”ti pajānāti.
vb16:353.8	“Aṭṭhānametaṁ anavakāso yaṁ diṭṭhisampanno puggalo mātaraṁ jīvitā voropeyya, netaṁ ṭhānaṁ vijjatī”ti pajānāti.
vb16:353.9	“Ṭhānañca kho etaṁ vijjati yaṁ puthujjano mātaraṁ jīvitā voropeyya, ṭhānametaṁ vijjatī”ti pajānāti.
vb16:354.1	“Aṭṭhānametaṁ anavakāso yaṁ diṭṭhisampanno puggalo pitaraṁ jīvitā voropeyya …pe…
vb16:354.2	arahantaṁ jīvitā voropeyya …pe…
vb16:354.3	paduṭṭhena cittena tathāgatassa lohitaṁ uppādeyya …pe…
vb16:354.4	saṅghaṁ bhindeyya …pe…
vb16:354.5	aññaṁ satthāraṁ uddiseyya …pe…
vb16:354.6	aṭṭhamaṁ bhavaṁ nibbatteyya, netaṁ ṭhānaṁ vijjatī”ti pajānāti.
vb16:354.7	“Ṭhānañca kho etaṁ vijjati yaṁ puthujjano aṭṭhamaṁ bhavaṁ nibbatteyya, ṭhānametaṁ vijjatī”ti pajānāti.
vb16:355.1	“Aṭṭhānametaṁ anavakāso yaṁ ekissā lokadhātuyā dve arahanto sammāsambuddhā apubbaṁ acarimaṁ uppajjeyyuṁ, netaṁ ṭhānaṁ vijjatī”ti pajānāti.
vb16:355.2	“Ṭhānañca kho etaṁ vijjati yaṁ ekissā lokadhātuyā eko arahaṁ sammāsambuddho uppajjeyya, ṭhānametaṁ vijjatī”ti pajānāti.
vb16:355.3	“Aṭṭhānametaṁ anavakāso yaṁ ekissā lokadhātuyā dve rājāno cakkavattī apubbaṁ acarimaṁ uppajjeyyuṁ, netaṁ ṭhānaṁ vijjatī”ti pajānāti.
vb16:355.4	“Ṭhānañca kho etaṁ vijjati yaṁ ekissā lokadhātuyā eko rājā cakkavattī uppajjeyya, ṭhānametaṁ vijjatī”ti pajānāti.
vb16:356.1	“Aṭṭhānametaṁ anavakāso yaṁ itthī arahaṁ assa sammāsambuddho, netaṁ ṭhānaṁ vijjatī”ti pajānāti.
vb16:356.2	“Ṭhānañca kho etaṁ vijjati yaṁ puriso arahaṁ assa sammāsambuddho, ṭhānametaṁ vijjatī”ti pajānāti.
vb16:356.3	“Aṭṭhānametaṁ anavakāso yaṁ itthī rājā assa cakkavattī, netaṁ ṭhānaṁ vijjatī”ti pajānāti.
vb16:356.4	“Ṭhānañca kho etaṁ vijjati yaṁ puriso rājā assa cakkavattī, ṭhānametaṁ vijjatī”ti pajānāti.
vb16:356.5	“Aṭṭhānametaṁ anavakāso yaṁ itthī sakkattaṁ kareyya, mārattaṁ kareyya, brahmattaṁ kareyya, netaṁ ṭhānaṁ vijjatī”ti pajānāti.
vb16:356.6	“Ṭhānañca kho etaṁ vijjati yaṁ puriso sakkattaṁ kareyya, mārattaṁ kareyya, brahmattaṁ kareyya, ṭhānametaṁ vijjatī”ti pajānāti.
vb16:357.1	“Aṭṭhānametaṁ anavakāso yaṁ kāyaduccaritassa iṭṭho kanto manāpo vipāko nibbatteyya, netaṁ ṭhānaṁ vijjatī”ti pajānāti.
vb16:357.2	“Ṭhānañca kho etaṁ vijjati yaṁ kāyaduccaritassa aniṭṭho akanto amanāpo vipāko nibbatteyya, ṭhānametaṁ vijjatī”ti pajānāti.
vb16:357.3	“Aṭṭhānametaṁ anavakāso yaṁ vacīduccaritassa …pe…
vb16:357.4	yaṁ manoduccaritassa iṭṭho kanto manāpo vipāko nibbatteyya, netaṁ ṭhānaṁ vijjatī”ti pajānāti.
vb16:357.5	“Ṭhānañca kho etaṁ vijjati yaṁ vacīduccaritassa …pe…
vb16:357.6	yaṁ manoduccaritassa aniṭṭho akanto amanāpo vipāko nibbatteyya, ṭhānametaṁ vijjatī”ti pajānāti.
vb16:358.1	“Aṭṭhānametaṁ anavakāso yaṁ kāyasucaritassa aniṭṭho akanto amanāpo vipāko nibbatteyya, netaṁ ṭhānaṁ vijjatī”ti pajānāti.
vb16:358.2	“Ṭhānañca kho etaṁ vijjati yaṁ kāyasucaritassa iṭṭho kanto manāpo vipāko nibbatteyya, ṭhānametaṁ vijjatī”ti pajānāti.
vb16:358.3	“Aṭṭhānametaṁ anavakāso yaṁ vacīsucaritassa …pe…
vb16:358.4	yaṁ manosucaritassa aniṭṭho akanto amanāpo vipāko nibbatteyya, netaṁ ṭhānaṁ vijjatī”ti pajānāti.
vb16:358.5	“Ṭhānañca kho etaṁ vijjati yaṁ vacīsucaritassa …pe…
vb16:358.6	yaṁ manosucaritassa iṭṭho kanto manāpo vipāko nibbatteyya, ṭhānametaṁ vijjatī”ti pajānāti.
vb16:359.1	“Aṭṭhānametaṁ anavakāso yaṁ kāyaduccaritasamaṅgī tannidānaṁ tappaccayā kāyassa bhedā paraṁ maraṇā sugatiṁ saggaṁ lokaṁ upapajjeyya, netaṁ ṭhānaṁ vijjatī”ti pajānāti.
vb16:359.2	“Ṭhānañca kho etaṁ vijjati yaṁ kāyaduccaritasamaṅgī tannidānaṁ tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya, ṭhānametaṁ vijjatī”ti pajānāti.
vb16:359.3	“Aṭṭhānametaṁ anavakāso yaṁ vacīduccaritasamaṅgī …pe…
vb16:359.4	yaṁ manoduccaritasamaṅgī tannidānaṁ tappaccayā kāyassa bhedā paraṁ maraṇā sugatiṁ saggaṁ lokaṁ upapajjeyya, netaṁ ṭhānaṁ vijjatī”ti pajānāti.
vb16:359.5	“Ṭhānañca kho etaṁ vijjati yaṁ vacīduccaritasamaṅgī …pe…
vb16:359.6	yaṁ manoduccaritasamaṅgī tannidānaṁ tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya, ṭhānametaṁ vijjatī”ti pajānāti.
vb16:360.1	“Aṭṭhānametaṁ anavakāso yaṁ kāyasucaritasamaṅgī tannidānaṁ tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya, netaṁ ṭhānaṁ vijjatī”ti pajānāti.
vb16:360.2	“Ṭhānañca kho etaṁ vijjati yaṁ kāyasucaritasamaṅgī tannidānaṁ tappaccayā kāyassa bhedā paraṁ maraṇā sugatiṁ saggaṁ lokaṁ upapajjeyya, ṭhānametaṁ vijjatī”ti pajānāti.
vb16:360.3	“Aṭṭhānametaṁ anavakāso yaṁ vacīsucaritasamaṅgī …pe…
vb16:360.4	yaṁ manosucaritasamaṅgī tannidānaṁ tappaccayā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyya, netaṁ ṭhānaṁ vijjatī”ti pajānāti.
vb16:360.5	“Ṭhānañca kho etaṁ vijjati yaṁ vacīsucaritasamaṅgī …pe…
vb16:360.6	yaṁ manosucaritasamaṅgī tannidānaṁ tappaccayā kāyassa bhedā paraṁ maraṇā sugatiṁ saggaṁ lokaṁ upapajjeyya, ṭhānametaṁ vijjatī”ti pajānāti.
vb16:360.7	“Ye ye dhammā yesaṁ yesaṁ dhammānaṁ hetū paccayā upādāya taṁ taṁ ṭhānaṁ, ye ye dhammā yesaṁ yesaṁ dhammānaṁ na hetū appaccayā upādāya taṁ taṁ aṭṭhānan”ti.
vb16:360.8	Yā tattha paññā pajānanā …pe… amoho dhammavicayo sammādiṭṭhi—
vb16:360.9	idaṁ tathāgatassa ṭhānañca ṭhānato aṭṭhānañca aṭṭhānato yathābhūtaṁ ñāṇaṁ.
vb16:361.1	Tattha katamaṁ tathāgatassa atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ ñāṇaṁ?
vb16:361.2	Idha tathāgato pajānāti—
vb16:361.3	“atthekaccāni pāpakāni kammasamādānāni gatisampattipaṭibāḷhāni na vipaccanti.
vb16:361.4	Atthekaccāni pāpakāni kammasamādānāni upadhisampattipaṭibāḷhāni na vipaccanti.
vb16:361.5	Atthekaccāni pāpakāni kammasamādānāni kālasampattipaṭibāḷhāni na vipaccanti.
vb16:361.6	Atthekaccāni pāpakāni kammasamādānāni payogasampattipaṭibāḷhāni na vipaccanti.
vb16:362.1	Atthekaccāni pāpakāni kammasamādānāni gativipattiṁ āgamma vipaccanti.
vb16:362.2	Atthekaccāni pāpakāni kammasamādānāni upadhivipattiṁ āgamma vipaccanti.
vb16:362.3	Atthekaccāni pāpakāni kammasamādānāni kālavipattiṁ āgamma vipaccanti.
vb16:362.4	Atthekaccāni pāpakāni kammasamādānāni payogavipattiṁ āgamma vipaccanti.
vb16:363.1	Atthekaccāni kalyāṇāni kammasamādānāni gativipattipaṭibāḷhāni na vipaccanti.
vb16:363.2	Atthekaccāni kalyāṇāni kammasamādānāni upadhivipattipaṭibāḷhāni na vipaccanti.
vb16:363.3	Atthekaccāni kalyāṇāni kammasamādānāni kālavipattipaṭibāḷhāni na vipaccanti.
vb16:363.4	Atthekaccāni kalyāṇāni kammasamādānāni payogavipattipaṭibāḷhāni na vipaccanti.
vb16:364.1	Atthekaccāni kalyāṇāni kammasamādānāni gatisampattiṁ āgamma vipaccanti.
vb16:364.2	Atthekaccāni kalyāṇāni kammasamādānāni upadhisampattiṁ āgamma vipaccanti.
vb16:364.3	Atthekaccāni kalyāṇāni kammasamādānāni kālasampattiṁ āgamma vipaccanti.
vb16:364.4	Atthekaccāni kalyāṇāni kammasamādānāni payogasampattiṁ āgamma vipaccantī”ti.
vb16:364.5	Yā tattha paññā pajānanā …pe… amoho dhammavicayo sammādiṭṭhi—
vb16:364.6	idaṁ tathāgatassa atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ ñāṇaṁ.
vb16:365.1	Tattha katamaṁ tathāgatassa sabbatthagāminiṁ paṭipadaṁ yathābhūtaṁ ñāṇaṁ?
vb16:365.2	Idha tathāgato “ayaṁ maggo ayaṁ paṭipadā nirayagāmī”ti pajānāti, “ayaṁ maggo ayaṁ paṭipadā tiracchānayonigāmī”ti pajānāti, “ayaṁ maggo ayaṁ paṭipadā pettivisayagāmī”ti pajānāti, “ayaṁ maggo ayaṁ paṭipadā manussalokagāmī”ti pajānāti, “ayaṁ maggo ayaṁ paṭipadā devalokagāmī”ti pajānāti, “ayaṁ maggo ayaṁ paṭipadā nibbānagāmī”ti pajānātīti.
vb16:365.3	Yā tattha paññā pajānanā …pe… amoho dhammavicayo sammādiṭṭhi—
vb16:365.4	idaṁ tathāgatassa sabbatthagāminiṁ paṭipadaṁ yathābhūtaṁ ñāṇaṁ.
vb16:366.1	Tattha katamaṁ tathāgatassa anekadhātunānādhātulokaṁ yathābhūtaṁ ñāṇaṁ?
vb16:366.2	Idha tathāgato khandhanānattaṁ pajānāti, āyatananānattaṁ pajānāti, dhātunānattaṁ pajānāti, anekadhātunānādhātulokanānattaṁ pajānātīti.
vb16:366.3	Yā tattha paññā pajānanā …pe… amoho dhammavicayo sammādiṭṭhi—
vb16:366.4	idaṁ tathāgatassa anekadhātunānādhātulokaṁ yathābhūtaṁ ñāṇaṁ.
vb16:367.1	Tattha katamaṁ tathāgatassa sattānaṁ nānādhimuttikataṁ yathābhūtaṁ ñāṇaṁ?
vb16:367.2	Idha tathāgato pajānāti—
vb16:367.3	“santi sattā hīnādhimuttikā, santi sattā paṇītādhimuttikā.
vb16:367.4	Hīnādhimuttikā sattā hīnādhimuttike satte sevanti bhajanti payirupāsanti.
vb16:367.5	Paṇītādhimuttikā sattā paṇītādhimuttike satte sevanti bhajanti payirupāsanti.
vb16:368.1	Atītampi addhānaṁ hīnādhimuttikā sattā hīnādhimuttike satte seviṁsu bhajiṁsu payirupāsiṁsu, paṇītādhimuttikā sattā paṇītādhimuttike satte seviṁsu bhajiṁsu payirupāsiṁsu.
vb16:369.1	Anāgatampi addhānaṁ hīnādhimuttikā sattā hīnādhimuttike satte sevissanti bhajissanti payirupāsissanti, paṇītādhimuttikā sattā paṇītādhimuttike satte sevissanti bhajissanti payirupāsissantī”ti.
vb16:369.2	Yā tattha paññā pajānanā …pe… amoho dhammavicayo sammādiṭṭhi—
vb16:369.3	idaṁ tathāgatassa sattānaṁ nānādhimuttikataṁ yathābhūtaṁ ñāṇaṁ.
vb16:370.1	Tattha katamaṁ tathāgatassa parasattānaṁ parapuggalānaṁ indriyaparopariyattaṁ yathābhūtaṁ ñāṇaṁ?
vb16:370.2	Idha tathāgato sattānaṁ āsayaṁ pajānāti, anusayaṁ pajānāti, caritaṁ pajānāti, adhimuttiṁ pajānāti, apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte pajānāti.
vb16:371.1	Katamo ca sattānaṁ āsayo?
vb16:371.2	“Sassato loko”ti vā, “asassato loko”ti vā, “antavā loko”ti vā, “anantavā loko”ti vā, “taṁ jīvaṁ taṁ sarīran”ti vā, “aññaṁ jīvaṁ aññaṁ sarīran”ti vā, “hoti tathāgato paraṁ maraṇā”ti vā, “na hoti tathāgato paraṁ maraṇā”ti vā, “hoti ca na ca hoti tathāgato paraṁ maraṇā”ti vā, “neva hoti na na hoti tathāgato paraṁ maraṇā”ti vā, iti bhavadiṭṭhisannissitā vā sattā honti vibhavadiṭṭhisannissitā vā.
vb16:371.3	Ete vā pana ubho ante anupagamma idappaccayatā paṭiccasamuppannesu dhammesu anulomikā khanti paṭiladdhā hoti yathābhūtaṁ ñāṇaṁ.
vb16:371.4	Ayaṁ sattānaṁ āsayo.
vb16:372.1	Katamo ca sattānaṁ anusayo?
vb16:372.2	Sattānusayā—
vb16:372.3	kāmarāgānusayo, paṭighānusayo, mānānusayo, diṭṭhānusayo, vicikicchānusayo, bhavarāgānusayo, avijjānusayo.
vb16:372.4	Yaṁ loke piyarūpaṁ sātarūpaṁ ettha sattānaṁ rāgānusayo anuseti.
vb16:372.5	Yaṁ loke appiyarūpaṁ asātarūpaṁ ettha sattānaṁ paṭighānusayo anuseti.
vb16:372.6	Iti imesu dvīsu dhammesu avijjānupatitā.
vb16:372.7	Tadekaṭṭho māno ca diṭṭhi ca vicikicchā ca daṭṭhabbā.
vb16:372.8	Ayaṁ sattānaṁ anusayo.
vb16:373.1	Katamañca sattānaṁ caritaṁ?
vb16:373.2	Puññābhisaṅkhāro, apuññābhisaṅkhāro, āneñjābhisaṅkhāro, parittabhūmako vā mahābhūmako vā—
vb16:373.3	idaṁ sattānaṁ caritaṁ.
vb16:374.1	Katamā ca sattānaṁ adhimutti?
vb16:374.2	Santi sattā hīnādhimuttikā, santi sattā paṇītādhimuttikā.
vb16:374.3	Hīnādhimuttikā sattā hīnādhimuttike satte sevanti bhajanti payirupāsanti.
vb16:374.4	Paṇītādhimuttikā sattā paṇītādhimuttike satte sevanti bhajanti payirupāsanti.
vb16:375.1	Atītampi addhānaṁ hīnādhimuttikā sattā hīnādhimuttike satte seviṁsu bhajiṁsu payirupāsiṁsu.
vb16:375.2	Paṇītādhimuttikā sattā paṇītādhimuttike satte seviṁsu bhajiṁsu payirupāsiṁsu.
vb16:376.1	Anāgatampi addhānaṁ hīnādhimuttikā sattā hīnādhimuttike satte sevissanti bhajissanti payirupāsissanti.
vb16:376.2	Paṇītādhimuttikā sattā paṇītādhimuttike satte sevissanti bhajissanti payirupāsissanti.
vb16:376.3	Ayaṁ sattānaṁ adhimutti.
vb16:377.1	Katame te sattā mahārajakkhā?
vb16:377.2	Dasa kilesavatthūni—
vb16:377.3	lobho, doso, moho, māno, diṭṭhi, vicikicchā, thinaṁ, uddhaccaṁ, ahirikaṁ, anottappaṁ.
vb16:377.4	Yesaṁ sattānaṁ imāni dasa kilesavatthūni āsevitāni bhāvitāni bahulīkatāni ussadagatāni, ime te sattā mahārajakkhā.
vb16:378.1	Katame te sattā apparajakkhā?
vb16:378.2	Yesaṁ sattānaṁ imāni dasa kilesavatthūni anāsevitāni abhāvitāni abahulīkatāni anussadagatāni, ime te sattā apparajakkhā.
vb16:379.1	Katame te sattā mudindriyā?
vb16:379.2	Pañcindriyāni—
vb16:379.3	saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.
vb16:379.4	Yesaṁ sattānaṁ imāni pañcindriyāni anāsevitāni abhāvitāni abahulīkatāni anussadagatāni, ime te sattā mudindriyā.
vb16:380.1	Katame te sattā tikkhindriyā?
vb16:380.2	Yesaṁ sattānaṁ imāni pañcindriyāni āsevitāni bhāvitāni bahulīkatāni ussadagatāni, ime te sattā tikkhindriyā.
vb16:381.1	Katame te sattā dvākārā?
vb16:381.2	Ye te sattā pāpāsayā pāpānusayā pāpacaritā pāpādhimuttikā mahārajakkhā mudindriyā, ime te sattā dvākārā.
vb16:382.1	Katame te sattā svākārā?
vb16:382.2	Ye te sattā kalyāṇāsayā kalyāṇacaritā kalyāṇādhimuttikā apparajakkhā tikkhindriyā, ime te sattā svākārā.
vb16:383.1	Katame te sattā duviññāpayā?
vb16:383.2	Ye ca te sattā dvākārā, teva te sattā duviññāpayā.
vb16:383.3	Ye ca te sattā svākārā, teva te sattā suviññāpayā.
vb16:384.1	Katame te sattā abhabbā?
vb16:384.2	Ye te sattā kammāvaraṇena samannāgatā kilesāvaraṇena samannāgatā vipākāvaraṇena samannāgatā assaddhā acchandikā duppaññā abhabbā niyāmaṁ okkamituṁ kusalesu dhammesu sammattaṁ, ime te sattā abhabbā.
vb16:385.1	Katame te sattā bhabbā?
vb16:385.2	Ye te sattā na kammāvaraṇena samannāgatā na kilesāvaraṇena samannāgatā na vipākāvaraṇena samannāgatā saddhā chandikā paññavanto bhabbā niyāmaṁ okkamituṁ kusalesu dhammesu sammattaṁ, ime te sattā bhabbāti.
vb16:385.3	Yā tattha paññā pajānanā …pe… amoho dhammavicayo sammādiṭṭhi—
vb16:385.4	idaṁ tathāgatassa parasattānaṁ parapuggalānaṁ indriyaparopariyattaṁ yathābhūtaṁ ñāṇaṁ.
vb16:386.1	Tattha katamaṁ tathāgatassa jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ ñāṇaṁ?
vb16:386.2	Jhāyīti cattāro jhāyī.
vb16:386.3	Atthekacco jhāyī sampattiṁyeva samānaṁ vipattīti pacceti, atthekacco jhāyī vipattiṁyeva samānaṁ sampattīti pacceti, atthekacco jhāyī sampattiṁyeva samānaṁ sampattīti pacceti, atthekacco jhāyī vipattiṁyeva samānaṁ vipattīti pacceti—
vb16:386.4	ime cattāro jhāyī.
vb16:387.1	Aparepi cattāro jhāyī.
vb16:387.2	Atthekacco jhāyī dandhaṁ samāpajjati khippaṁ vuṭṭhāti, atthekacco jhāyī khippaṁ samāpajjati dandhaṁ vuṭṭhāti, atthekacco jhāyī dandhaṁ samāpajjati dandhaṁ vuṭṭhāti, atthekacco jhāyī khippaṁ samāpajjati khippaṁ vuṭṭhāti—
vb16:387.3	ime cattāro jhāyī.
vb16:388.1	Aparepi cattāro jhāyī.
vb16:388.2	Atthekacco jhāyī samādhismiṁ samādhikusalo hoti, na samādhismiṁ samāpattikusalo;
vb16:388.3	atthekacco jhāyī samādhismiṁ samāpattikusalo hoti, na samādhismiṁ samādhikusalo;
vb16:388.4	atthekacco jhāyī samādhismiṁ samādhikusalo ca hoti, samādhismiṁ samāpattikusalo ca;
vb16:388.5	atthekacco jhāyī neva samādhismiṁ samādhikusalo hoti, na samādhismiṁ samāpattikusalo—
vb16:388.6	ime cattāro jhāyī.
vb16:389.1	“Jhānan”ti.
vb16:389.2	Cattāri jhānāni—
vb16:389.3	paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ.
vb16:390.1	“Vimokkho”ti.
vb16:390.2	Aṭṭha vimokkhā.
vb16:390.3	Rūpī rūpāni passati—
vb16:390.4	ayaṁ paṭhamo vimokkho.
vb16:391.1	Ajjhattaṁ arūpasaññī bahiddhā rūpāni passati—
vb16:391.2	ayaṁ dutiyo vimokkho.
vb16:392.1	Subhanteva adhimutto hoti—
vb16:392.2	ayaṁ tatiyo vimokkho.
vb16:393.1	Sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā “ananto ākāso”ti ākāsānañcāyatanaṁ upasampajja viharati—
vb16:393.2	ayaṁ catuttho vimokkho.
vb16:394.1	Sabbaso ākāsānañcāyatanaṁ samatikkamma “anantaṁ viññāṇan”ti viññāṇañcāyatanaṁ upasampajja viharati—
vb16:394.2	ayaṁ pañcamo vimokkho.
vb16:395.1	Sabbaso viññāṇañcāyatanaṁ samatikkamma “natthi kiñcī”ti ākiñcaññāyatanaṁ upasampajja viharati—
vb16:395.2	ayaṁ chaṭṭho vimokkho.
vb16:396.1	Sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati—
vb16:396.2	ayaṁ sattamo vimokkho.
vb16:397.1	Sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati—
vb16:397.2	ayaṁ aṭṭhamo vimokkho.
vb16:398.1	“Samādhī”ti.
vb16:398.2	Tayo samādhī—
vb16:398.3	savitakkasavicāro samādhi, avitakkavicāramatto samādhi, avitakkaavicāro samādhi.
vb16:399.1	“Samāpattī”ti.
vb16:399.2	Nava anupubbavihārasamāpattiyo—
vb16:399.3	paṭhamajjhānasamāpatti, dutiyajjhānasamāpatti, tatiyajjhānasamāpatti, catutthajjhānasamāpatti, ākāsānañcāyatanasamāpatti, viññāṇañcāyatanasamāpatti, ākiñcaññāyatanasamāpatti, nevasaññānāsaññāyatanasamāpatti, saññāvedayitanirodhasamāpatti.
vb16:400.1	“Saṅkilesan”ti hānabhāgiyo dhammo.
vb16:400.2	“Vodānan”ti visesabhāgiyo dhammo.
vb16:400.3	“Vuṭṭhānan”ti.
vb16:400.4	Vodānampi vuṭṭhānaṁ, tamhā tamhā samādhimhā vuṭṭhānampi vuṭṭhānanti.
vb16:400.5	Yā tattha paññā pajānanā …pe… amoho dhammavicayo sammādiṭṭhi—
vb16:400.6	idaṁ tathāgatassa jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ ñāṇaṁ.
vb16:401.1	Tattha katamaṁ tathāgatassa pubbenivāsānussati yathābhūtaṁ ñāṇaṁ?
vb16:401.2	Idha tathāgato anekavihitaṁ pubbenivāsaṁ anussarati, seyyathidaṁ—
vb16:401.3	ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe “amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto amutra udapādiṁ;
vb16:401.4	tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhappaṭisaṁvedī evamāyupariyanto, so tato cuto idhūpapanno”ti.
vb16:401.5	Iti sākāraṁ sauddesaṁ anekavihitaṁ pubbenivāsaṁ anussaratīti.
vb16:401.6	Yā tattha paññā pajānanā …pe… amoho dhammavicayo sammādiṭṭhi—
vb16:401.7	idaṁ tathāgatassa pubbenivāsānussati yathābhūtaṁ ñāṇaṁ.
vb16:402.1	Tattha katamaṁ tathāgatassa sattānaṁ cutūpapātaṁ yathābhūtaṁ ñāṇaṁ?
vb16:402.2	Idha tathāgato dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti—
vb16:402.3	“ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā.
vb16:402.4	Te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā.
vb16:402.5	Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā.
vb16:402.6	Te kāyassa bhedā paraṁ maraṇā sugatiṁ saggaṁ lokaṁ upapannā”ti.
vb16:402.7	Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānātīti.
vb16:402.8	Yā tattha paññā pajānanā …pe… amoho dhammavicayo sammādiṭṭhi—
vb16:402.9	idaṁ tathāgatassa sattānaṁ cutūpapātaṁ yathābhūtaṁ ñāṇaṁ.
vb16:403.1	Tattha katamaṁ tathāgatassa āsavānaṁ khayaṁ yathābhūtaṁ ñāṇaṁ?
vb16:403.2	Idha tathāgato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatīti.
vb16:403.3	Yā tattha paññā pajānanā …pe… amoho dhammavicayo sammādiṭṭhi—
vb16:403.4	idaṁ tathāgatassa āsavānaṁ khayaṁ yathābhūtaṁ ñāṇanti.
vb16:404.1	Dasakaṁ.
vb16:405.1	Ñāṇavibhaṅgo niṭṭhito.
vb17:0.1	Vibhaṅga
vb17:0.2	Khuddakavatthuvibhaṅga
vb17:1.0	1. Ekakamātikā
vb17:1.1	Jātimado
vb17:1.2	gottamado
vb17:1.3	ārogyamado
vb17:1.4	yobbanamado
vb17:1.5	jīvitamado
vb17:1.6	lābhamado
vb17:1.7	sakkāramado
vb17:1.8	garukāramado
vb17:1.9	purekkhāramado
vb17:1.10	parivāramado
vb17:1.11	bhogamado
vb17:1.12	vaṇṇamado
vb17:1.13	sutamado
vb17:1.14	paṭibhānamado
vb17:1.15	rattaññumado
vb17:1.16	piṇḍapātikamado
vb17:1.17	anavaññātamado
vb17:1.18	iriyāpathamado
vb17:1.19	iddhimado
vb17:1.20	yasamado
vb17:1.21	sīlamado
vb17:1.22	jhānamado
vb17:1.23	sippamado
vb17:1.24	ārohamado
vb17:1.25	pariṇāhamado
vb17:1.26	saṇṭhānamado
vb17:1.27	pāripūrimado
vb17:1.28	mado
vb17:1.29	pamādo
vb17:1.30	thambho
vb17:1.31	sārambho
vb17:1.32	atricchatā
vb17:1.33	mahicchatā
vb17:1.34	pāpicchatā
vb17:1.35	siṅgaṁ
vb17:1.36	tintiṇaṁ
vb17:1.37	cāpalyaṁ
vb17:1.38	asabhāgavutti
vb17:1.39	arati
vb17:1.40	tandī
vb17:1.41	vijambhitā
vb17:1.42	bhattasammado
vb17:1.43	cetaso ca līnattaṁ
vb17:1.44	kuhanā
vb17:1.45	lapanā
vb17:1.46	nemittikatā
vb17:1.47	nippesikatā
vb17:1.48	lābhena lābhaṁ nijigīsanatā
vb17:1.49	seyyohamasmīti māno
vb17:1.50	sadisohamasmīti māno
vb17:1.51	hīnohamasmīti māno
vb17:1.52	seyyassa seyyohamasmīti māno
vb17:1.53	seyyassa sadisohamasmīti māno
vb17:1.54	seyyassa hīnohamasmīti māno
vb17:1.55	sadisassa seyyohamasmīti māno
vb17:1.56	sadisassa sadisohamasmīti māno
vb17:1.57	sadisassa hīnohamasmīti māno
vb17:1.58	hīnassa seyyohamasmīti māno
vb17:1.59	hīnassa sadisohamasmīti māno
vb17:1.60	hīnassa hīnohamasmīti māno
vb17:1.61	māno
vb17:1.62	atimāno
vb17:1.63	mānātimāno
vb17:1.64	omāno
vb17:1.65	adhimāno
vb17:1.66	asmimāno
vb17:1.67	micchāmāno
vb17:1.68	ñātivitakko
vb17:1.69	janapadavitakko
vb17:1.70	amaravitakko
vb17:1.71	parānuddayatāpaṭisaṁyutto vitakko
vb17:1.72	lābhasakkārasilokapaṭisaṁyutto vitakko
vb17:1.73	anavaññattipaṭisaṁyutto vitakko.
vb17:2.1	Ekakaṁ.
vb17:3.0	2. Dukamātikā
vb17:3.1	Kodho ca upanāho ca
vb17:3.2	makkho ca paḷāso ca
vb17:3.3	issā ca macchariyañca
vb17:3.4	māyā ca sāṭheyyañca
vb17:3.5	avijjā ca bhavataṇhā ca
vb17:3.6	bhavadiṭṭhi ca vibhavadiṭṭhi ca
vb17:3.7	sassatadiṭṭhi ca ucchedadiṭṭhi ca
vb17:3.8	antavādiṭṭhi ca anantavādiṭṭhi ca
vb17:3.9	pubbantānudiṭṭhi ca aparantānudiṭṭhi ca
vb17:3.10	ahirikañca anottappañca
vb17:3.11	dovacassatā ca pāpamittatā ca
vb17:3.12	anajjavo ca amaddavo ca
vb17:3.13	akkhanti ca asoraccañca
vb17:3.14	asākhalyañca appaṭisanthāro ca
vb17:3.15	indriyesu aguttadvāratā ca bhojane amattaññutā ca
vb17:3.16	muṭṭhassaccañca asampajaññañca
vb17:3.17	sīlavipatti ca diṭṭhivipatti ca
vb17:3.18	ajjhattasaṁyojanañca bahiddhāsaṁyojanañca.
vb17:4.1	Dukaṁ.
vb17:5.0	3. Tikamātikā
vb17:5.1	Tīṇi akusalamūlāni
vb17:5.2	tayo akusalavitakkā
vb17:5.3	tisso akusalasaññā
vb17:5.4	tisso akusaladhātuyo
vb17:5.5	tīṇi duccaritāni
vb17:5.6	tayo āsavā
vb17:5.7	tīṇi saṁyojanāni
vb17:5.8	tisso taṇhā
vb17:5.9	aparāpi tisso taṇhā
vb17:5.10	aparāpi tisso taṇhā
vb17:5.11	tisso esanā
vb17:5.12	tisso vidhā
vb17:5.13	tīṇi bhayāni
vb17:5.14	tīṇi tamāni
vb17:5.15	tīṇi titthāyatanāni
vb17:5.16	tayo kiñcanā
vb17:5.17	tīṇi aṅgaṇāni
vb17:5.18	tīṇi malāni
vb17:5.19	tīṇi visamāni
vb17:5.20	aparānipi tīṇi visamāni
vb17:5.21	tayo aggī
vb17:5.22	tayo kasāvā
vb17:5.23	aparepi tayo kasāvā
vb17:5.24	assādadiṭṭhi, attānudiṭṭhi, micchādiṭṭhi
vb17:5.25	arati, vihesā, adhammacariyā
vb17:5.26	dovacassatā, pāpamittatā, nānattasaññā
vb17:5.27	uddhaccaṁ, kosajjaṁ, pamādo
vb17:5.28	asantuṭṭhitā, asampajaññatā, mahicchatā
vb17:5.29	ahirikaṁ, anottappaṁ, pamādo
vb17:5.30	anādariyaṁ, dovacassatā, pāpamittatā
vb17:5.31	assaddhiyaṁ, avadaññutā, kosajjaṁ
vb17:5.32	uddhaccaṁ, asaṁvaro, dussīlyaṁ
vb17:5.33	ariyānaṁ adassanakamyatā, saddhammaṁ asotukamyatā, upārambhacittatā
vb17:5.34	muṭṭhassaccaṁ, asampajaññaṁ, cetaso vikkhepo
vb17:5.35	ayoniso manasikāro, kummaggasevanā, cetaso ca līnattaṁ.
vb17:6.1	Tikaṁ.
vb17:7.0	4. Catukkamātikā
vb17:7.1	Cattāro āsavā
vb17:7.2	cattāro ganthā
vb17:7.3	cattāro oghā
vb17:7.4	cattāro yogā
vb17:7.5	cattāri upādānāni
vb17:7.6	cattāro taṇhuppādā
vb17:7.7	cattāri agatigamanāni
vb17:7.8	cattāro vipariyāsā
vb17:7.9	cattāro anariyavohārā
vb17:7.10	aparepi cattāro anariyavohārā
vb17:7.11	cattāri duccaritāni
vb17:7.12	aparānipi cattāri duccaritāni
vb17:7.13	cattāri bhayāni
vb17:7.14	aparānipi cattāri bhayāni
vb17:7.15	catasso diṭṭhiyo.
vb17:8.1	Catukkaṁ.
vb17:9.0	5. Pañcakamātikā
vb17:9.1	Pañcorambhāgiyāni saṁyojanāni
vb17:9.2	pañcuddhambhāgiyāni saṁyojanāni
vb17:9.3	pañca macchariyāni
vb17:9.4	pañca saṅgā
vb17:9.5	pañca sallā
vb17:9.6	pañca cetokhilā
vb17:9.7	pañca cetasovinibandhā
vb17:9.8	pañca nīvaraṇāni
vb17:9.9	pañca kammāni ānantarikāni
vb17:9.10	pañca diṭṭhiyo
vb17:9.11	pañca verā
vb17:9.12	pañca byasanā
vb17:9.13	pañca akkhantiyā ādīnavā
vb17:9.14	pañca bhayāni
vb17:9.15	pañca diṭṭhadhammanibbānavādā.
vb17:10.1	Pañcakaṁ.
vb17:11.0	6. Chakkamātikā
vb17:11.1	Cha vivādamūlāni
vb17:11.2	cha chandarāgā
vb17:11.3	cha virodhavatthūni
vb17:11.4	cha taṇhākāyā
vb17:11.5	cha agāravā
vb17:11.6	cha parihāniyā dhammā
vb17:11.7	aparepi cha parihāniyā dhammā
vb17:11.8	cha somanassupavicārā
vb17:11.9	cha domanassupavicārā
vb17:11.10	cha upekkhupavicārā
vb17:11.11	cha gehasitāni somanassāni
vb17:11.12	cha gehasitāni domanassāni
vb17:11.13	cha gehasitā upekkhā
vb17:11.14	cha diṭṭhiyo.
vb17:12.1	Chakkaṁ.
vb17:13.0	7. Sattakamātikā
vb17:13.1	Satta anusayā
vb17:13.2	satta saṁyojanāni
vb17:13.3	satta pariyuṭṭhānāni
vb17:13.4	satta asaddhammā
vb17:13.5	satta duccaritāni
vb17:13.6	satta mānā
vb17:13.7	satta diṭṭhiyo.
vb17:14.1	Sattakaṁ.
vb17:15.0	8. Aṭṭhakamātikā
vb17:15.1	Aṭṭha kilesavatthūni
vb17:15.2	aṭṭha kusītavatthūni
vb17:15.3	aṭṭhasu lokadhammesu cittassa paṭighāto
vb17:15.4	aṭṭha anariyavohārā
vb17:15.5	aṭṭha micchattā
vb17:15.6	aṭṭha purisadosā
vb17:15.7	aṭṭha asaññivādā
vb17:15.8	aṭṭha nevasaññināsaññivādā.
vb17:16.1	Aṭṭhakaṁ.
vb17:17.0	9. Navakamātikā
vb17:17.1	Nava āghātavatthūni
vb17:17.2	nava purisamalāni
vb17:17.3	navavidhā mānā
vb17:17.4	nava taṇhāmūlakā dhammā
vb17:17.5	nava iñjitāni
vb17:17.6	nava maññitāni
vb17:17.7	nava phanditāni
vb17:17.8	nava papañcitāni
vb17:17.9	nava saṅkhatāni.
vb17:18.1	Navakaṁ.
vb17:19.0	10. Dasakamātikā
vb17:19.1	Dasa kilesavatthūni
vb17:19.2	dasa āghātavatthūni
vb17:19.3	dasa akusalakammapathā
vb17:19.4	dasa saṁyojanāni
vb17:19.5	dasa micchattā
vb17:19.6	dasavatthukā micchādiṭṭhi
vb17:19.7	dasavatthukā antaggāhikā diṭṭhi.
vb17:20.1	Dasakaṁ.
vb17:21.1	Aṭṭhārasa taṇhāvicaritāni ajjhattikassa upādāya, aṭṭhārasa taṇhāvicaritāni bāhirassa upādāya, tadekajjhaṁ abhisaññūhitvā abhisaṅkhipitvā chattiṁsa taṇhāvicaritāni honti.
vb17:21.2	Iti atītāni chattiṁsa taṇhāvicaritāni, anāgatāni chattiṁsa taṇhāvicaritāni, paccuppannāni chattiṁsa taṇhāvicaritāni, tadekajjhaṁ abhisaññūhitvā abhisaṅkhipitvā aṭṭha taṇhāvicaritasataṁ hoti.
vb17:21.3	Yāni ca dvāsaṭṭhi diṭṭhigatāni brahmajāle veyyākaraṇe vuttāni bhagavatā.
vb17:22.1	Mātikā.
vb17:23.0.1	Niddesa
vb17:23.0.2	1. Ekakaniddesa
vb17:23.1	Tattha katamo jātimado?
vb17:23.2	Jātiṁ paṭicca mado majjanā majjitattaṁ māno maññanā maññitattaṁ unnati unnāmo dhajo sampaggāho ketukamyatā cittassa—
vb17:23.3	ayaṁ vuccati “jātimado”.
vb17:24.1	Tattha katamo gottamado?
vb17:24.2	Gottaṁ paṭicca …pe…
vb17:24.3	ārogyaṁ paṭicca …pe…
vb17:24.4	yobbanaṁ paṭicca …pe…
vb17:24.5	jīvitaṁ paṭicca …pe…
vb17:24.6	lābhaṁ paṭicca …pe…
vb17:24.7	sakkāraṁ paṭicca …pe…
vb17:24.8	garukāraṁ paṭicca …pe…
vb17:24.9	purekkhāraṁ paṭicca …pe…
vb17:24.10	parivāraṁ paṭicca …pe…
vb17:24.11	bhogaṁ paṭicca …pe…
vb17:24.12	vaṇṇaṁ paṭicca …pe…
vb17:24.13	sutaṁ paṭicca …pe…
vb17:24.14	paṭibhānaṁ paṭicca …pe…
vb17:24.15	rattaññutaṁ paṭicca …pe…
vb17:24.16	piṇḍapātikattaṁ paṭicca …pe…
vb17:24.17	anavaññātaṁ paṭicca …pe…
vb17:24.18	iriyāpathaṁ paṭicca …pe…
vb17:24.19	iddhiṁ paṭicca …pe…
vb17:24.20	yasaṁ paṭicca …pe…
vb17:24.21	sīlaṁ paṭicca …pe…
vb17:24.22	jhānaṁ paṭicca …pe…
vb17:24.23	sippaṁ paṭicca …pe…
vb17:24.24	ārohaṁ paṭicca …pe…
vb17:24.25	pariṇāhaṁ paṭicca …pe…
vb17:24.26	saṇṭhānaṁ paṭicca …pe…
vb17:24.27	pāripūriṁ paṭicca mado majjanā majjitattaṁ māno ca maññanā maññitattaṁ unnati unnāmo dhajo sampaggāho ketukamyatā cittassa—
vb17:24.28	ayaṁ vuccati “pāripūrimado”.
vb17:25.1	Tattha katamo mado?
vb17:25.2	Yo mado majjanā majjitattaṁ māno maññanā maññitattaṁ unnati unnāmo dhajo sampaggāho ketukamyatā cittassa—
vb17:25.3	ayaṁ vuccati “mado”.
vb17:26.1	Tattha katamo pamādo?
vb17:26.2	Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo vossaggānuppadānaṁ kusalānaṁ vā dhammānaṁ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anāsevanā abhāvanā abahulīkammaṁ anadhiṭṭhānaṁ ananuyogo pamādo, yo evarūpo pamādo pamajjanā pamajjitattaṁ—
vb17:26.3	ayaṁ vuccati “pamādo”.
vb17:27.1	Tattha katamo thambho?
vb17:27.2	Yo thambho thambhanā thambhitattaṁ kakkhaḷiyaṁ phārusiyaṁ ujucittatā amudutā—
vb17:27.3	ayaṁ vuccati “thambho”.
vb17:28.1	Tattha katamo sārambho?
vb17:28.2	Yo sārambho paṭisārambho sārambhanā paṭisārambhanā paṭisārambhitattaṁ—
vb17:28.3	ayaṁ vuccati “sārambho”.
vb17:29.1	Tattha katamā atricchatā?
vb17:29.2	Itarītaracīvarapiṇḍapātasenāsanagilānappaccayabhesajjaparikkhārehi pañcahi vā kāmaguṇehi asantuṭṭhassa bhiyyokamyatā, yā evarūpā icchā icchāgatā atricchatā rāgo sārāgo cittassa sārāgo—
vb17:29.3	ayaṁ vuccati “atricchatā”.
vb17:30.1	Tattha katamā mahicchatā?
vb17:30.2	Itarītaracīvarapiṇḍapātasenāsanagilānappaccayabhesajjaparikkhārehi pañcahi vā kāmaguṇehi asantuṭṭhassa bhiyyokamyatā, yā evarūpā icchā icchāgatā mahicchatā rāgo sārāgo cittassa sārāgo—
vb17:30.3	ayaṁ vuccati “mahicchatā”.
vb17:31.1	Tattha katamā pāpicchatā?
vb17:31.2	Idhekacco assaddho samāno “saddhoti maṁ jano jānātū”ti icchati, dussīlo samāno “sīlavāti maṁ jano jānātū”ti icchati, appassuto samāno “bahussutoti maṁ jano jānātū”ti icchati, saṅgaṇikārāmo samāno “pavivittoti maṁ jano jānātū”ti icchati, kusīto samāno “āraddhavīriyoti maṁ jano jānātū”ti icchati, muṭṭhassatī samāno “upaṭṭhitassatīti maṁ jano jānātū”ti icchati, asamāhito samāno “samāhitoti maṁ jano jānātū”ti icchati, duppañño samāno “paññavāti maṁ jano jānātū”ti icchati, akhīṇāsavo samāno “khīṇāsavoti maṁ jano jānātū”ti icchati—
vb17:31.3	yā evarūpā icchā icchāgatā pāpicchatā rāgo sārāgo cittassa sārāgo—
vb17:31.4	ayaṁ vuccati “pāpicchatā”.
vb17:32.1	Tattha katamaṁ siṅgaṁ?
vb17:32.2	Yaṁ siṅgaṁ siṅgāratā cāturatā cāturiyaṁ parikkhattatā pārikkhattiyaṁ—
vb17:32.3	idaṁ vuccati “siṅgaṁ”.
vb17:33.1	Tattha katamaṁ tintiṇaṁ?
vb17:33.2	Yaṁ tintiṇaṁ tintiṇāyanā tintiṇāyitattaṁ loluppaṁ loluppāyanā loluppāyitattaṁ pucchañjikatā sādhukamyatā—
vb17:33.3	idaṁ vuccati “tintiṇaṁ”.
vb17:34.1	Tattha katamaṁ cāpalyaṁ?
vb17:34.2	Cīvaramaṇḍanā pattamaṇḍanā senāsanamaṇḍanā imassa vā pūtikāyassa bāhirānaṁ vā parikkhārānaṁ maṇḍanā vibhūsanā keḷanā parikeḷanā giddhikatā giddhikattaṁ capalatā cāpalyaṁ—
vb17:34.3	idaṁ vuccati “cāpalyaṁ”.
vb17:35.1	Tattha katamaṁ asabhāgavutti?
vb17:35.2	Mātari vā pitari vā jeṭṭhe vā bhātari vā ācariyesu vā upajjhāye vā buddhe vā sāvakesu vā aññataraññataresu garuṭṭhāniyesu vippaṭikūlaggāhitā vipaccanīkasātatā anādariyaṁ anādariyatā agāravatā appatissavatā—
vb17:35.3	ayaṁ vuccati “asabhāgavutti”.
vb17:36.1	Tattha katamā arati?
vb17:36.2	Pantesu vā senāsanesu aññataraññataresu vā adhikusalesu dhammesu arati aratitā anabhirati anabhiramaṇā ukkaṇṭhitā paritassitā—
vb17:36.3	ayaṁ vuccati “arati”.
vb17:37.1	Tattha katamā tandī?
vb17:37.2	Yā tandī tandiyanā tandimanakatā ālasyaṁ ālasyāyanā ālasyāyitattaṁ—
vb17:37.3	ayaṁ vuccati “tandī”.
vb17:38.1	Tattha katamā vijambhitā?
vb17:38.2	Yā kāyassa jambhanā vijambhanā ānamanā vinamanā sannamanā paṇamanā byādhiyakaṁ—
vb17:38.3	ayaṁ vuccati “vijambhitā”.
vb17:39.1	Tattha katamo bhattasammado?
vb17:39.2	Yā bhuttāvissa bhattamucchā bhattakilamatho bhattapariḷāho kāyaduṭṭhullaṁ—
vb17:39.3	ayaṁ vuccati “bhattasammado”.
vb17:40.1	Tattha katamaṁ cetaso ca līnattaṁ?
vb17:40.2	Yā cittassa akalyatā akammaññatā olīyanā sallīyanā līnaṁ līyanā līyitattaṁ thinaṁ thiyanā thiyitattaṁ cittassa—
vb17:40.3	idaṁ vuccati “cetaso ca līnattaṁ”.
vb17:41.1	Tattha katamā kuhanā?
vb17:41.2	Lābhasakkārasilokasannissitassa pāpicchassa icchāpakatassa paccayapaṭisevanasaṅkhātena vā sāmantajappitena vā iriyāpathassa vā aṭhapanā ṭhapanā saṇṭhapanā bhākuṭitā bhākuṭiyaṁ kuhanā kuhāyanā kuhitattaṁ—
vb17:41.3	ayaṁ vuccati “kuhanā”.
vb17:42.1	Tattha katamā lapanā?
vb17:42.2	Lābhasakkārasilokasannissitassa pāpicchassa icchāpakatassa yā paresaṁ ālapanā lapanā sallapanā ullapanā samullapanā unnahanā samunnahanā ukkācanā samukkācanā anuppiyabhāṇitā cāṭukamyatā muggasūpyatā pāribhaṭayatā—
vb17:42.3	ayaṁ vuccati “lapanā”.
vb17:43.1	Tattha katamā nemittikatā?
vb17:43.2	Lābhasakkārasilokasannissitassa pāpicchassa icchāpakatassa yaṁ paresaṁ nimittaṁ nimittakammaṁ obhāso obhāsakammaṁ sāmantajappā parikathā—
vb17:43.3	ayaṁ vuccati “nemittikatā”.
vb17:44.1	Tattha katamā nippesikatā?
vb17:44.2	Lābhasakkārasilokasannissitassa pāpicchassa icchāpakatassa yā paresaṁ akkosanā vambhanā garahaṇā ukkhepanā samukkhepanā khipanā saṅkhipanā pāpanā sampāpanā avaṇṇahārikā parapiṭṭhimaṁsikatā—
vb17:44.3	ayaṁ vuccati “nippesikatā”.
vb17:45.1	Tattha katamā lābhena lābhaṁ nijigīsanatā?
vb17:45.2	Lābhasakkārasilokasannissito pāpiccho icchāpakato ito laddhaṁ āmisaṁ amutra harati amutra vā laddhaṁ āmisaṁ idha āharati, yā evarūpā āmisassa eṭṭhi gaveṭṭhi pariyeṭṭhi esanā gavesanā pariyesanā—
vb17:45.3	ayaṁ vuccati “lābhena lābhaṁ nijigīsanatā”.
vb17:46.1	Tattha katamo seyyohamasmīti māno?
vb17:46.2	Idhekacco jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā mānaṁ jappeti, yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:46.3	ayaṁ vuccati “seyyohamasmīti māno”.
vb17:47.1	Tattha katamo sadisohamasmīti māno?
vb17:47.2	Idhekacco jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā mānaṁ jappeti, yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:47.3	ayaṁ vuccati “sadisohamasmīti māno”.
vb17:48.1	Tattha katamo hīnohamasmīti māno?
vb17:48.2	Idhekacco jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā omānaṁ jappeti, yo evarūpo omāno omaññanā omaññitattaṁ hīḷanā ohīḷanā ohīḷitattaṁ attuññā attavaññā attaparibhavo—
vb17:48.3	ayaṁ vuccati “hīnohamasmīti māno”.
vb17:49.1	Tattha katamo seyyassa seyyohamasmīti māno?
vb17:49.2	Idhekacco seyyo hoti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā parehi seyyaṁ attānaṁ dahati;
vb17:49.3	so taṁ nissāya mānaṁ jappeti.
vb17:49.4	Yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:49.5	ayaṁ vuccati “seyyassa seyyohamasmīti māno”.
vb17:50.1	Tattha katamo seyyassa sadisohamasmīti māno?
vb17:50.2	Idhekacco seyyo hoti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā parehi sadisaṁ attānaṁ dahati;
vb17:50.3	so taṁ nissāya mānaṁ jappeti.
vb17:50.4	Yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:50.5	ayaṁ vuccati “seyyassa sadisohamasmīti māno”.
vb17:51.1	Tattha katamo seyyassa hīnohamasmīti māno?
vb17:51.2	Idhekacco seyyo hoti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā parehi hīnaṁ attānaṁ dahati;
vb17:51.3	so taṁ nissāya omānaṁ jappeti.
vb17:51.4	Yo evarūpo omāno omaññanā omaññitattaṁ hīḷanā ohīḷanā ohīḷitattaṁ attuññā attavaññā attaparibhavo—
vb17:51.5	ayaṁ vuccati “seyyassa hīnohamasmīti māno”.
vb17:52.1	Tattha katamo sadisassa seyyohamasmīti māno?
vb17:52.2	Idhekacco sadiso hoti jātiyā vā gottena vā kolaputtiyena vā …pe… aññataraññatarena vatthunā parehi seyyaṁ attānaṁ dahati;
vb17:52.3	so taṁ nissāya mānaṁ jappeti.
vb17:52.4	Yo evarūpo māno maññanā maññitattaṁ …pe… ketukamyatā cittassa—
vb17:52.5	ayaṁ vuccati “sadisassa seyyohamasmīti māno”.
vb17:53.1	Tattha katamo sadisassa sadisohamasmīti māno?
vb17:53.2	Idhekacco sadiso hoti jātiyā vā gottena vā kolaputtiyena vā …pe… aññataraññatarena vatthunā parehi sadisaṁ attānaṁ dahati;
vb17:53.3	so taṁ nissāya mānaṁ jappeti.
vb17:53.4	Yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:53.5	ayaṁ vuccati “sadisassa sadisohamasmīti māno”.
vb17:54.1	Tattha katamo sadisassa hīnohamasmīti māno?
vb17:54.2	Idhekacco sadiso hoti jātiyā vā gottena vā kolaputtiyena vā …pe… aññataraññatarena vatthunā parehi hīnaṁ attānaṁ dahati;
vb17:54.3	so taṁ nissāya omānaṁ jappeti.
vb17:54.4	Yo evarūpo omāno omaññanā omaññitattaṁ hīḷanā ohīḷanā ohīḷitattaṁ attuññā attavaññā attaparibhavo—
vb17:54.5	ayaṁ vuccati “sadisassa hīnohamasmīti māno”.
vb17:55.1	Tattha katamo hīnassa seyyohamasmīti māno?
vb17:55.2	Idhekacco hīno hoti jātiyā vā gottena vā kolaputtiyena vā …pe… aññataraññatarena vatthunā parehi seyyaṁ attānaṁ dahati;
vb17:55.3	so taṁ nissāya mānaṁ jappeti.
vb17:55.4	Yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:55.5	ayaṁ vuccati “hīnassa seyyohamasmīti māno”.
vb17:56.1	Tattha katamo hīnassa sadisohamasmīti māno?
vb17:56.2	Idhekacco hīno hoti jātiyā vā gottena vā kolaputtiyena vā …pe… aññataraññatarena vatthunā parehi sadisaṁ attānaṁ dahati;
vb17:56.3	so taṁ nissāya mānaṁ jappeti.
vb17:56.4	Yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:56.5	ayaṁ vuccati “hīnassa sadisohamasmīti māno”.
vb17:57.1	Tattha katamo hīnassa hīnohamasmīti māno?
vb17:57.2	Idhekacco hīno hoti jātiyā vā gottena vā kolaputtiyena vā …pe… aññataraññatarena vatthunā parehi sadisaṁ attānaṁ dahati;
vb17:57.3	so taṁ nissāya omānaṁ jappeti.
vb17:57.4	Yo evarūpo omāno omaññanā omaññitattaṁ hīḷanā ohīḷanā ohīḷitattaṁ attuññā attavaññā attaparibhavo—
vb17:57.5	ayaṁ vuccati “hīnassa hīnohamasmīti māno”.
vb17:58.1	Tattha katamo māno?
vb17:58.2	Yo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:58.3	ayaṁ vuccati “māno”.
vb17:59.1	Tattha katamo atimāno?
vb17:59.2	Idhekacco jātiyā vā gottena vā kolaputtiyena vā …pe… aññataraññatarena vatthunā parehi attānaṁ atimaññati.
vb17:59.3	Yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:59.4	ayaṁ vuccati “atimāno”.
vb17:60.1	Tattha katamo mānātimāno?
vb17:60.2	Idhekacco jātiyā vā gottena vā kolaputtiyena vā …pe… aññataraññatarena vatthunā pubbakālaṁ parehi sadisaṁ attānaṁ dahati, aparakālaṁ attānaṁ seyyaṁ dahati.
vb17:60.3	Yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:60.4	ayaṁ vuccati “mānātimāno”.
vb17:61.1	Tattha katamo omāno?
vb17:61.2	Idhekacco jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā omānaṁ jappeti.
vb17:61.3	Yo evarūpo omāno omaññanā omaññitattaṁ hīḷanā ohīḷanā ohīḷitattaṁ attuññā attavaññā attaparibhavo—
vb17:61.4	ayaṁ vuccati “omāno”.
vb17:62.1	Tattha katamo adhimāno?
vb17:62.2	Appatte pattasaññitā, akate katasaññitā, anadhigate adhigatasaññitā, asacchikate sacchikatasaññitā, yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:62.3	ayaṁ vuccati “adhimāno”.
vb17:63.1	Tattha katamo asmimāno?
vb17:63.2	Rūpaṁ asmīti māno, asmīti chando, asmīti anusayo,
vb17:63.3	vedanā …pe…
vb17:63.4	saññā …pe…
vb17:63.5	saṅkhārā …pe…
vb17:63.6	viññāṇaṁ asmīti māno, asmīti chando, asmīti anusayo,
vb17:63.7	yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:63.8	ayaṁ vuccati “asmimāno”.
vb17:64.1	Tattha katamo micchāmāno?
vb17:64.2	Idhekacco pāpakena vā kammāyatanena pāpakena vā sippāyatanena pāpakena vā vijjāṭṭhānena pāpakena vā sutena pāpakena vā paṭibhānena pāpakena vā sīlena pāpakena vā vatena pāpakena vā sīlabbatena pāpikāya vā diṭṭhiyā aññataraññatarena vatthunā mānaṁ jappeti, yo evarūpo māno maññanā maññitattaṁ unnati unnāmo dhajo sampaggāho ketukamyatā cittassa—
vb17:64.3	ayaṁ vuccati “micchāmāno”.
vb17:65.1	Tattha katamo ñātivitakko?
vb17:65.2	Ñātake ārabbha gehasito takko vitakko micchāsaṅkappo—
vb17:65.3	ayaṁ vuccati “ñātivitakko”.
vb17:66.1	Tattha katamo janapadavitakko?
vb17:66.2	Janapadaṁ ārabbha gehasito takko vitakko micchāsaṅkappo—
vb17:66.3	ayaṁ vuccati “janapadavitakko”.
vb17:67.1	Tattha katamo amaravitakko?
vb17:67.2	Dukkarakārikāpaṭisaṁyutto vā diṭṭhigatapaṭisaṁyutto vā gehasito takko vitakko micchāsaṅkappo—
vb17:67.3	ayaṁ vuccati “amaravitakko”.
vb17:68.1	Tattha katamo parānuddayatāpaṭisaṁyutto vitakko?
vb17:68.2	Idhekacco gihīhi saṁsaṭṭho viharati sahanandī sahasokī, sukhitesu sukhito, dukkhitesu dukkhito, uppannesu kiccakaraṇīyesu attanā vā yogaṁ āpajjati.
vb17:68.3	Yo tattha gehasito takko vitakko micchāsaṅkappo—
vb17:68.4	ayaṁ vuccati “parānuddayatāpaṭisaṁyutto vitakko”.
vb17:69.1	Tattha katamo lābhasakkārasilokapaṭisaṁyutto vitakko?
vb17:69.2	Lābhasakkārasilokaṁ ārabbha gehasito takko vitakko micchāsaṅkappo—
vb17:69.3	ayaṁ vuccati “lābhasakkārasilokapaṭisaṁyutto vitakko”.
vb17:70.1	Tattha katamo anavaññattipaṭisaṁyutto vitakko?
vb17:70.2	Idhekacco jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vatthunā mā maṁ pare avajāniṁsūti.
vb17:70.3	Yo tattha gehasito takko vitakko micchāsaṅkappo—
vb17:70.4	ayaṁ vuccati “anavaññattipaṭisaṁyutto vitakko”.
vb17:71.1	Ekakaṁ.
vb17:72.0	2. Dukaniddesa
vb17:72.1	Tattha katamo kodho?
vb17:72.2	Yo kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—
vb17:72.3	ayaṁ vuccati “kodho”.
vb17:73.1	Tattha katamo upanāho?
vb17:73.2	Pubbakālaṁ kodho, aparakālaṁ upanāho.
vb17:73.3	Yo evarūpo upanāho upanayhanā upanayhitattaṁ aṭṭhapanā ṭhapanā saṇṭhapanā anusaṁsandanā anuppabandhanā daḷhīkammaṁ kodhassa—
vb17:73.4	ayaṁ vuccati “upanāho”.
vb17:74.1	Tattha katamo makkho?
vb17:74.2	Yo makkho makkhāyanā makkhāyitattaṁ niṭṭhuriyaṁ niṭṭhuriyakammaṁ—
vb17:74.3	ayaṁ vuccati “makkho”.
vb17:75.1	Tattha katamo paḷāso?
vb17:75.2	Yo paḷāso paḷāsāyanā paḷāsāhāro vivādaṭṭhānaṁ yugaggāho appaṭinissaggo—
vb17:75.3	ayaṁ vuccati “paḷāso”.
vb17:76.1	Tattha katamā issā?
vb17:76.2	Yā paralābhasakkāragarukāramānanavandanapūjanāsu issā issāyanā issāyitattaṁ usūyā usūyanā usūyitattaṁ—
vb17:76.3	ayaṁ vuccati “issā”.
vb17:77.1	Tattha katamaṁ macchariyaṁ?
vb17:77.2	Pañca macchariyāni—
vb17:77.3	āvāsamacchariyaṁ, kulamacchariyaṁ, lābhamacchariyaṁ, vaṇṇamacchariyaṁ, dhammamacchariyaṁ.
vb17:77.4	Yaṁ evarūpaṁ maccheraṁ maccharāyanā maccharāyitattaṁ vevicchaṁ kadariyaṁ kaṭukañcukatā aggahitattaṁ cittassa—
vb17:77.5	idaṁ vuccati “macchariyaṁ”.
vb17:78.1	Tattha katamā māyā?
vb17:78.2	Idhekacco kāyena duccaritaṁ caritvā, vācāya duccaritaṁ caritvā, manasā duccaritaṁ caritvā tassa paṭicchādanahetuṁ pāpikaṁ icchaṁ paṇidahati.
vb17:78.3	“Mā maṁ jaññā”ti icchati.
vb17:78.4	“Mā maṁ jaññā”ti saṅkappeti.
vb17:78.5	“Mā maṁ jaññā”ti vācaṁ bhāsati.
vb17:78.6	“Mā maṁ jaññā”ti kāyena parakkamati.
vb17:78.7	Yā evarūpā māyā māyāvitā accāsarā vañcanā nikati vikiraṇā pariharaṇā gūhanā parigūhanā chādanā paṭicchādanā anuttānīkammaṁ anāvikammaṁ vocchādanā pāpakiriyā—
vb17:78.8	ayaṁ vuccati “māyā”.
vb17:79.1	Tattha katamaṁ sāṭheyyaṁ?
vb17:79.2	Idhekacco saṭho hoti parisaṭho.
vb17:79.3	Yaṁ tattha saṭhaṁ saṭhatā sāṭheyyaṁ kakkaratā kakkariyaṁ parikkhattatā pārikkhattiyaṁ—
vb17:79.4	idaṁ vuccati “sāṭheyyaṁ”.
vb17:80.1	Tattha katamā avijjā?
vb17:80.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb17:80.3	ayaṁ vuccati “avijjā”.
vb17:81.1	Tattha katamā bhavataṇhā?
vb17:81.2	Yo bhavesu bhavacchando bhavarāgo bhavanandī bhavataṇhā bhavasineho bhavapariḷāho bhavamucchā bhavajjhosānaṁ—
vb17:81.3	ayaṁ vuccati “bhavataṇhā”.
vb17:82.1	Tattha katamā bhavadiṭṭhi?
vb17:82.2	“Bhavissati attā ca loko cā”ti—
vb17:82.3	yā evarūpā diṭṭhi diṭṭhigataṁ …pe… vipariyāsaggāho—
vb17:82.4	ayaṁ vuccati “bhavadiṭṭhi”.
vb17:83.1	Tattha katamā vibhavadiṭṭhi?
vb17:83.2	“Na bhavissati attā ca loko cā”ti—
vb17:83.3	yā evarūpā diṭṭhi diṭṭhigataṁ …pe… vipariyāsaggāho—
vb17:83.4	ayaṁ vuccati “vibhavadiṭṭhi”.
vb17:84.1	Tattha katamā sassatadiṭṭhi?
vb17:84.2	“Sassato attā ca loko cā”ti—
vb17:84.3	yā evarūpā diṭṭhi diṭṭhigataṁ …pe… vipariyāsaggāho—
vb17:84.4	ayaṁ vuccati “sassatadiṭṭhi”.
vb17:85.1	Tattha katamā ucchedadiṭṭhi?
vb17:85.2	“Ucchijjissati attā ca loko cā”ti—
vb17:85.3	yā evarūpā diṭṭhi diṭṭhigataṁ …pe… vipariyāsaggāho—
vb17:85.4	ayaṁ vuccati “ucchedadiṭṭhi”.
vb17:86.1	Tattha katamā antavādiṭṭhi?
vb17:86.2	“Antavā attā ca loko cā”ti—
vb17:86.3	yā evarūpā diṭṭhi diṭṭhigataṁ …pe… vipariyāsaggāho—
vb17:86.4	ayaṁ vuccati “antavādiṭṭhi”.
vb17:87.1	Tattha katamā anantavādiṭṭhi?
vb17:87.2	“Anantavā attā ca loko cā”ti—
vb17:87.3	yā evarūpā diṭṭhi diṭṭhigataṁ …pe… vipariyāsaggāho—
vb17:87.4	ayaṁ vuccati “anantavādiṭṭhi”.
vb17:88.1	Tattha katamā pubbantānudiṭṭhi?
vb17:88.2	Pubbantaṁ ārabbha yā uppajjati diṭṭhi diṭṭhigataṁ …pe… vipariyāsaggāho—
vb17:88.3	ayaṁ vuccati “pubbantānudiṭṭhi”.
vb17:89.1	Tattha katamā aparantānudiṭṭhi?
vb17:89.2	Aparantaṁ ārabbha yā uppajjati diṭṭhi diṭṭhigataṁ …pe… vipariyāsaggāho—
vb17:89.3	ayaṁ vuccati “aparantānudiṭṭhi”.
vb17:90.1	Tattha katamaṁ ahirikaṁ?
vb17:90.2	Yaṁ na hirīyati hiriyitabbena, na hirīyati pāpakānaṁ akusalānaṁ dhammānaṁ samāpattiyā—
vb17:90.3	idaṁ vuccati “ahirikaṁ”.
vb17:91.1	Tattha katamaṁ anottappaṁ?
vb17:91.2	Yaṁ na ottappati ottappitabbena na ottappati pāpakānaṁ akusalānaṁ dhammānaṁ samāpattiyā—
vb17:91.3	idaṁ vuccati “anottappaṁ”.
vb17:92.1	Tattha katamā dovacassatā?
vb17:92.2	Sahadhammike vuccamāne dovacassāyaṁ dovacassiyaṁ dovacassatā vippaṭikulaggāhitā vipaccanīkasātatā anādariyaṁ anādaratā agāravatā appatissavatā—
vb17:92.3	ayaṁ vuccati “dovacassatā”.
vb17:93.1	Tattha katamā pāpamittatā?
vb17:93.2	Ye te puggalā assaddhā dussīlā appassutā maccharino duppaññā, yā tesaṁ sevanā nisevanā saṁsevanā bhajanā sambhajanā bhatti sambhatti sampavaṅkatā—
vb17:93.3	ayaṁ vuccati “pāpamittatā”.
vb17:94.1	Tattha katamo anajjavo?
vb17:94.2	Yo anajjavo anajjavatā jimhatā vaṅkatā kuṭilatā—
vb17:94.3	ayaṁ vuccati “anajjavo”.
vb17:95.1	Tattha katamo amaddavo?
vb17:95.2	Yā amudutā amaddavatā kakkhaḷiyaṁ phārusiyaṁ kakkhaḷatā kaṭhinatā ujucittatā amudutā—
vb17:95.3	ayaṁ vuccati “amaddavo”.
vb17:96.1	Tattha katamā akkhanti?
vb17:96.2	Yā akkhanti akkhamanatā anadhivāsanatā caṇḍikkaṁ asuropo anattamanatā cittassa—
vb17:96.3	ayaṁ vuccati “akkhanti”.
vb17:97.1	Tattha katamaṁ asoraccaṁ?
vb17:97.2	Kāyiko vītikkamo vācasiko vītikkamo kāyikavācasiko vītikkamo—
vb17:97.3	idaṁ vuccati “asoraccaṁ”.
vb17:97.4	Sabbampi dussīlyaṁ asoraccaṁ.
vb17:98.1	Tattha katamaṁ asākhalyaṁ?
vb17:98.2	Yā sā vācā kaṇḍakā kakkasā parakaṭukā parābhisajjanī kodhasāmantā asamādhisaṁvattanikā tathārūpiṁ vācaṁ bhāsitā hoti.
vb17:98.3	Yā tattha asaṇhavācatā asakhilavācatā pharusavācatā—
vb17:98.4	idaṁ vuccati “asākhalyaṁ”.
vb17:99.1	Tattha katamo appaṭisanthāro?
vb17:99.2	Dve paṭisanthārā—
vb17:99.3	āmisapaṭisanthāro ca dhammapaṭisanthāro ca.
vb17:99.4	Idhekacco appaṭisanthārako hoti āmisapaṭisanthārena vā dhammapaṭisanthārena vā—
vb17:99.5	ayaṁ vuccati “appaṭisanthāro”.
vb17:100.1	Tattha katamā indriyesu aguttadvāratā?
vb17:100.2	Idhekacco cakkhunā rūpaṁ disvā nimittaggāhī hoti anubyañjanaggāhī.
vb17:100.3	Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati cakkhundriyaṁ, cakkhundriye na saṁvaraṁ āpajjati.
vb17:100.4	Sotena saddaṁ sutvā …pe…
vb17:100.5	ghānena gandhaṁ ghāyitvā …pe…
vb17:100.6	jivhāya rasaṁ sāyitvā …pe…
vb17:100.7	kāyena phoṭṭhabbaṁ phusitvā …pe…
vb17:100.8	manasā dhammaṁ viññāya nimittaggāhī hoti anubyañjanaggāhī.
vb17:100.9	Yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati manindriyaṁ, manindriye na saṁvaraṁ āpajjati.
vb17:100.10	Yā imesaṁ channaṁ indriyānaṁ agutti agopanā anārakkho asaṁvaro—
vb17:100.11	ayaṁ vuccati “indriyesu aguttadvāratā”.
vb17:101.1	Tattha katamā bhojane amattaññutā?
vb17:101.2	Idhekacco appaṭisaṅkhā ayoniso āhāraṁ āhāreti davāya madāya maṇḍanāya vibhūsanāya.
vb17:101.3	Yā tattha asantuṭṭhitā amattaññutā appaṭisaṅkhā bhojane—
vb17:101.4	ayaṁ vuccati “bhojane amattaññutā”.
vb17:102.1	Tattha katamaṁ muṭṭhassaccaṁ?
vb17:102.2	Yā assati ananussati appaṭissati assati assaraṇatā adhāraṇatā pilāpanatā sammussanatā—
vb17:102.3	idaṁ vuccati “muṭṭhassaccaṁ”.
vb17:103.1	Tattha katamaṁ asampajaññaṁ?
vb17:103.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb17:103.3	idaṁ vuccati “asampajaññaṁ”.
vb17:104.1	Tattha katamā sīlavipatti?
vb17:104.2	Yo kāyiko vītikkamo vācasiko vītikkamo kāyikavācasiko vītikkamo—
vb17:104.3	ayaṁ vuccati “sīlavipatti”.
vb17:104.4	Sabbampi dussīlyaṁ sīlavipatti.
vb17:105.1	Tattha katamā diṭṭhivipatti?
vb17:105.2	“Natthi dinnaṁ, natthi yiṭṭhaṁ …pe…
vb17:105.3	ye imañca lokaṁ parañca lokaṁ sayaṁ abhiññā sacchikatvā pavedentī”ti—
vb17:105.4	yā evarūpā diṭṭhi diṭṭhigataṁ …pe… vipariyāsaggāho—
vb17:105.5	ayaṁ vuccati “diṭṭhivipatti”.
vb17:105.6	Sabbāpi micchādiṭṭhi diṭṭhivipatti.
vb17:106.1	Tattha katamaṁ ajjhattasaṁyojanaṁ?
vb17:106.2	Pañcorambhāgiyāni saṁyojanāni—
vb17:106.3	ajjhattasaṁyojanaṁ.
vb17:106.4	Pañcuddhambhāgiyāni saṁyojanāni—
vb17:106.5	bahiddhāsaṁyojanaṁ.
vb17:107.1	Dukaṁ.
vb17:108.0	3. Tikaniddesa
vb17:108.1	Tattha katamāni tīṇi akusalamūlāni?
vb17:108.2	Lobho, doso, moho.
vb17:109.1	Tattha katamo lobho?
vb17:109.2	Yo rāgo sārāgo anunayo anurodho nandī nandirāgo cittassa sārāgo icchā mucchā ajjhosānaṁ gedho parigedho saṅgo paṅko ejā māyā janikā sañjananī sibbinī jālinī saritā visattikā sotaṁ visaṭā āyūhanī dutiyā paṇidhi bhavanetti vanaṁ vanatho santhavo sineho apekkhā paṭibandhu āsā āsīsanā āsīsitattaṁ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā jappā abhijappā jappanā jappitattaṁ loluppaṁ loluppāyanā loluppāyitattaṁ pucchañjikatā sādhukamyatā adhammarāgo visamalobho nikanti nikāmanā patthanā pihanā sampatthanā kāmataṇhā bhavataṇhā vibhavataṇhā rūpataṇhā arūpataṇhā nirodhataṇhā saddataṇhā gandhataṇhā rasataṇhā phoṭṭhabbataṇhā dhammataṇhā ogho yogo gantho upādānaṁ āvaraṇaṁ nīvaraṇaṁ chadanaṁ bandhanaṁ upakkileso anusayo pariyuṭṭhānaṁ latā vevicchaṁ dukkhamūlaṁ dukkhanidānaṁ dukkhappabhavo mārapāso mārabaḷisaṁ māravisayo taṇhānadī taṇhājālaṁ taṇhāgaddulaṁ taṇhāsamuddo abhijjhā lobho akusalamūlaṁ—
vb17:109.3	ayaṁ vuccati “lobho”.
vb17:110.1	Tattha katamo doso?
vb17:110.2	“Anatthaṁ me acarī”ti āghāto jāyati, “anatthaṁ me caratī”ti āghāto jāyati, “anatthaṁ me carissatī”ti āghāto jāyati, “piyassa me manāpassa anatthaṁ acari …pe…
vb17:110.3	anatthaṁ carati …pe…
vb17:110.4	anatthaṁ carissatī”ti āghāto jāyati, “appiyassa me amanāpassa atthaṁ acari …pe…
vb17:110.5	atthaṁ carati …pe…
vb17:110.6	atthaṁ carissatī”ti āghāto jāyati, aṭṭhāne vā pana āghāto jāyati.
vb17:110.7	Yo evarūpo cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—
vb17:110.8	ayaṁ vuccati “doso”.
vb17:111.1	Tattha katamo moho?
vb17:111.2	Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ, pubbante aññāṇaṁ, aparante aññāṇaṁ, pubbantāparante aññāṇaṁ, idappaccayatā paṭiccasamuppannesu dhammesu aññāṇaṁ, yaṁ evarūpaṁ aññāṇaṁ adassanaṁ …pe… avijjālaṅgī moho akusalamūlaṁ—
vb17:111.3	ayaṁ vuccati “moho”.
vb17:111.4	Imāni tīṇi akusalamūlāni.
vb17:112.1	Tattha katame tayo akusalavitakkā?
vb17:112.2	Kāmavitakko, byāpādavitakko, vihiṁsāvitakko.
vb17:113.1	Tattha katamo kāmavitakko?
vb17:113.2	Kāmapaṭisaṁyutto takko vitakko micchāsaṅkappo—
vb17:113.3	ayaṁ vuccati “kāmavitakko”.
vb17:114.1	Tattha katamo byāpādavitakko?
vb17:114.2	Byāpādapaṭisaṁyutto takko vitakko micchāsaṅkappo—
vb17:114.3	ayaṁ vuccati “byāpādavitakko”.
vb17:115.1	Tattha katamo vihiṁsāvitakko?
vb17:115.2	Vihiṁsāpaṭisaṁyutto takko vitakko micchāsaṅkappo—
vb17:115.3	ayaṁ vuccati “vihiṁsāvitakko”.
vb17:115.4	Ime tayo akusalavitakkā.
vb17:116.1	Tattha katamā tisso akusalasaññā?
vb17:116.2	Kāmasaññā, byāpādasaññā, vihiṁsāsaññā.
vb17:117.1	Tattha katamā kāmasaññā?
vb17:117.2	Kāmapaṭisaṁyuttā saññā sañjānanā sañjānitattaṁ—
vb17:117.3	ayaṁ vuccati “kāmasaññā”.
vb17:118.1	Tattha katamā byāpādasaññā?
vb17:118.2	Byāpādapaṭisaṁyuttā saññā sañjānanā sañjānitattaṁ—
vb17:118.3	ayaṁ vuccati “byāpādasaññā”.
vb17:119.1	Tattha katamā vihiṁsāsaññā?
vb17:119.2	Vihiṁsāpaṭisaṁyuttā saññā sañjānanā sañjānitattaṁ—
vb17:119.3	ayaṁ vuccati “vihiṁsāsaññā”.
vb17:119.4	Imā tisso akusalasaññā.
vb17:120.1	Tattha katamā tisso akusaladhātuyo?
vb17:120.2	Kāmadhātu, byāpādadhātu, vihiṁsādhātu.
vb17:121.1	Tattha katamā kāmadhātu?
vb17:121.2	Kāmavitakko kāmadhātu.
vb17:121.3	Byāpādavitakko byāpādadhātu.
vb17:121.4	Vihiṁsāvitakko vihiṁsādhātu.
vb17:122.1	Tattha katamo kāmavitakko?
vb17:122.2	Kāmapaṭisaṁyutto takko vitakko micchāsaṅkappo—
vb17:122.3	ayaṁ vuccati “kāmavitakko”.
vb17:123.1	Tattha katamo byāpādavitakko?
vb17:123.2	Byāpādapaṭisaṁyutto takko vitakko micchāsaṅkappo—
vb17:123.3	ayaṁ vuccati “byāpādavitakko”.
vb17:124.1	Tattha katamo vihiṁsāvitakko?
vb17:124.2	Vihiṁsāpaṭisaṁyutto takko vitakko micchāsaṅkappo—
vb17:124.3	ayaṁ vuccati “vihiṁsāvitakko”.
vb17:124.4	Imā tisso akusaladhātuyo.
vb17:125.1	Tattha katamāni tīṇi duccaritāni?
vb17:125.2	Kāyaduccaritaṁ, vacīduccaritaṁ, manoduccaritaṁ.
vb17:126.1	Tattha katamaṁ kāyaduccaritaṁ?
vb17:126.2	Pāṇātipāto, adinnādānaṁ, kāmesumicchācāro—
vb17:126.3	idaṁ vuccati “kāyaduccaritaṁ”.
vb17:127.1	Tattha katamaṁ vacīduccaritaṁ?
vb17:127.2	Musāvādo, pisuṇā vācā, pharusā vācā, samphappalāpo—
vb17:127.3	idaṁ vuccati “vacīduccaritaṁ”.
vb17:128.1	Tattha katamaṁ manoduccaritaṁ?
vb17:128.2	Abhijjhā, byāpādo, micchādiṭṭhi—
vb17:128.3	idaṁ vuccati “manoduccaritaṁ”.
vb17:129.1	Tattha katamaṁ kāyaduccaritaṁ?
vb17:129.2	Akusalaṁ kāyakammaṁ kāyaduccaritaṁ, akusalaṁ vacīkammaṁ vacīduccaritaṁ, akusalaṁ manokammaṁ manoduccaritaṁ.
vb17:130.1	Tattha katamaṁ akusalaṁ kāyakammaṁ?
vb17:130.2	Akusalā kāyasañcetanā akusalaṁ kāyakammaṁ, akusalā vacīsañcetanā akusalaṁ vacīkammaṁ, akusalā manosañcetanā akusalaṁ manokammaṁ.
vb17:130.3	Imāni tīṇi duccaritāni.
vb17:131.1	Tattha katame tayo āsavā?
vb17:131.2	Kāmāsavo, bhavāsavo, avijjāsavo.
vb17:132.1	Tattha katamo kāmāsavo?
vb17:132.2	Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṁ—
vb17:132.3	ayaṁ vuccati “kāmāsavo”.
vb17:133.1	Tattha katamo bhavāsavo?
vb17:133.2	Yo bhavesu bhavacchando …pe…
vb17:133.3	bhavajjhosānaṁ—
vb17:133.4	ayaṁ vuccati “bhavāsavo”.
vb17:134.1	Tattha katamo avijjāsavo?
vb17:134.2	Dukkhe aññāṇaṁ …pe…
vb17:134.3	avijjālaṅgī moho akusalamūlaṁ—
vb17:134.4	ayaṁ vuccati “avijjāsavo”.
vb17:134.5	Ime tayo āsavā.
vb17:135.1	Tattha katamāni tīṇi saṁyojanāni?
vb17:135.2	Sakkāyadiṭṭhi, vicikicchā, sīlabbataparāmāso.
vb17:136.1	Tattha katamā sakkāyadiṭṭhi?
vb17:136.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto—
vb17:136.3	rūpaṁ attato samanupassati rūpavantaṁ vā attānaṁ attani vā rūpaṁ rūpasmiṁ vā attānaṁ.
vb17:136.4	Vedanaṁ …pe…
vb17:136.5	saññaṁ …pe…
vb17:136.6	saṅkhāre …pe…
vb17:136.7	viññāṇaṁ attato samanupassati viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ.
vb17:136.8	Yā evarūpā diṭṭhi diṭṭhigataṁ …pe… vipariyāsaggāho—
vb17:136.9	ayaṁ vuccati “sakkāyadiṭṭhi”.
vb17:137.1	Tattha katamā vicikicchā?
vb17:137.2	Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati, sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatāpaṭiccasamuppannesu dhammesu kaṅkhati vicikicchati.
vb17:137.3	Yā evarūpā kaṅkhā kaṅkhāyanā kaṅkhāyitattaṁ thambhitattaṁ cittassa manovilekho—
vb17:137.4	ayaṁ vuccati “vicikicchā”.
vb17:138.1	Tattha katamo sīlabbataparāmāso?
vb17:138.2	“Ito bahiddhā samaṇabrāhmaṇānaṁ sīlena suddhi vatena suddhi sīlabbatena suddhī”ti—
vb17:138.3	yā evarūpā diṭṭhi diṭṭhigataṁ …pe… vipariyāsaggāho—
vb17:138.4	ayaṁ vuccati “sīlabbataparāmāso”.
vb17:138.5	Imāni tīṇi saṁyojanāni.
vb17:139.1	Tattha katamā tisso taṇhā?
vb17:139.2	Kāmataṇhā, bhavataṇhā, vibhavataṇhā.
vb17:140.1	Tattha katamā bhavataṇhā?
vb17:140.2	Bhavadiṭṭhisahagato rāgo sārāgo cittassa sārāgo—
vb17:140.3	ayaṁ vuccati “bhavataṇhā”.
vb17:141.1	Tattha katamā vibhavataṇhā?
vb17:141.2	Ucchedadiṭṭhisahagato rāgo sārāgo cittassa sārāgo—
vb17:141.3	ayaṁ vuccati “vibhavataṇhā”.
vb17:141.4	Avasesā taṇhā kāmataṇhā.
vb17:142.1	Tattha katamā kāmataṇhā?
vb17:142.2	Kāmadhātupaṭisaṁyutto rāgo sārāgo cittassa sārāgo—
vb17:142.3	ayaṁ vuccati “kāmataṇhā”.
vb17:143.1	(…) Rūpadhātuarūpadhātupaṭisaṁyutto rāgo sārāgo cittassa sārāgo—
vb17:143.2	ayaṁ vuccati “bhavataṇhā”.
vb17:144.1	(…) Ucchedadiṭṭhisahagato rāgo sārāgo cittassa sārāgo—
vb17:144.2	ayaṁ vuccati “vibhavataṇhā”.
vb17:144.3	Imā tisso taṇhā.
vb17:145.1	Tattha katamā aparāpi tisso taṇhā?
vb17:145.2	Kāmataṇhā, rūpataṇhā, arūpataṇhā.
vb17:146.1	Tattha katamā kāmataṇhā?
vb17:146.2	Kāmadhātupaṭisaṁyutto rāgo sārāgo cittassa sārāgo—
vb17:146.3	ayaṁ vuccati “kāmataṇhā”.
vb17:147.1	Tattha katamā rūpataṇhā?
vb17:147.2	Rūpadhātupaṭisaṁyutto rāgo sārāgo cittassa sārāgo—
vb17:147.3	ayaṁ vuccati “rūpataṇhā”.
vb17:148.1	Tattha katamā arūpataṇhā?
vb17:148.2	Arūpadhātupaṭisaṁyutto rāgo sārāgo cittassa sārāgo—
vb17:148.3	ayaṁ vuccati “arūpataṇhā”.
vb17:148.4	Imā tisso taṇhā.
vb17:149.1	Tattha katamā aparāpi tisso taṇhā?
vb17:149.2	Rūpataṇhā, arūpataṇhā, nirodhataṇhā.
vb17:150.1	Tattha katamā rūpataṇhā?
vb17:150.2	Rūpadhātupaṭisaṁyutto rāgo sārāgo cittassa sārāgo—
vb17:150.3	ayaṁ vuccati “rūpataṇhā”.
vb17:151.1	Tattha katamā arūpataṇhā?
vb17:151.2	Arūpadhātupaṭisaṁyutto rāgo sārāgo cittassa sārāgo—
vb17:151.3	ayaṁ vuccati “arūpataṇhā”.
vb17:152.1	Tattha katamā nirodhataṇhā?
vb17:152.2	Ucchedadiṭṭhisahagato rāgo sārāgo cittassa sārāgo—
vb17:152.3	ayaṁ vuccati “nirodhataṇhā”.
vb17:152.4	Imā tisso taṇhā.
vb17:153.1	Tattha katamā tisso esanā?
vb17:153.2	Kāmesanā, bhavesanā, brahmacariyesanā.
vb17:154.1	Tattha katamā kāmesanā?
vb17:154.2	Yo kāmesu kāmacchando …pe…
vb17:154.3	kāmajjhosānaṁ—
vb17:154.4	ayaṁ vuccati “kāmesanā”.
vb17:155.1	Tattha katamā bhavesanā?
vb17:155.2	Yo bhavesu bhavacchando …pe…
vb17:155.3	bhavajjhosānaṁ—
vb17:155.4	ayaṁ vuccati “bhavesanā”.
vb17:156.1	Tattha katamā brahmacariyesanā?
vb17:156.2	“Sassato loko”ti vā, “asassato loko”ti vā …pe…
vb17:156.3	“neva hoti na na hoti tathāgato paraṁ maraṇā”ti vā yā evarūpā diṭṭhi diṭṭhigataṁ …pe… vipariyāsaggāho—
vb17:156.4	ayaṁ vuccati “brahmacariyesanā”.
vb17:157.1	Tattha katamā kāmesanā?
vb17:157.2	Kāmarāgo, tadekaṭṭhaṁ akusalaṁ kāyakammaṁ vacīkammaṁ manokammaṁ—
vb17:157.3	ayaṁ vuccati “kāmesanā”.
vb17:158.1	Tattha katamā bhavesanā?
vb17:158.2	Bhavarāgo tadekaṭṭhaṁ akusalaṁ kāyakammaṁ vacīkammaṁ manokammaṁ—
vb17:158.3	ayaṁ vuccati “bhavesanā”.
vb17:159.1	Tattha katamā brahmacariyesanā?
vb17:159.2	Antaggāhikā diṭṭhi tadekaṭṭhaṁ akusalaṁ kāyakammaṁ vacīkammaṁ manokammaṁ—
vb17:159.3	ayaṁ vuccati “brahmacariyesanā”.
vb17:159.4	Imā tisso esanā.
vb17:160.1	Tattha katamā tisso vidhā?
vb17:160.2	“Seyyohamasmī”ti vidhā, “sadisohamasmī”ti vidhā, “hīnohamasmī”ti vidhā—
vb17:160.3	imā tisso vidhā.
vb17:161.1	Tattha katamāni tīṇi bhayāni?
vb17:161.2	Jātibhayaṁ, jarābhayaṁ, maraṇabhayaṁ.
vb17:162.1	Tattha katamaṁ jātibhayaṁ?
vb17:162.2	Jātiṁ paṭicca bhayaṁ bhayānakaṁ chambhitattaṁ lomahaṁso cetaso utrāso—
vb17:162.3	idaṁ vuccati “jātibhayaṁ”.
vb17:163.1	Tattha katamaṁ jarābhayaṁ?
vb17:163.2	Jaraṁ paṭicca bhayaṁ bhayānakaṁ chambhitattaṁ lomahaṁso cetaso utrāso—
vb17:163.3	idaṁ vuccati “jarābhayaṁ”.
vb17:164.1	Tattha katamaṁ maraṇabhayaṁ?
vb17:164.2	Maraṇaṁ paṭicca bhayaṁ bhayānakaṁ chambhitattaṁ lomahaṁso cetaso utrāso—
vb17:164.3	idaṁ vuccati “maraṇabhayaṁ”.
vb17:164.4	Imāni tīṇi bhayāni.
vb17:165.1	Tattha katamāni tīṇi tamāni?
vb17:165.2	Atītaṁ vā addhānaṁ ārabbha kaṅkhati vicikicchati nādhimuccati na sampasīdati, anāgataṁ vā addhānaṁ ārabbha kaṅkhati vicikicchati nādhimuccati na sampasīdati, etarahi vā paccuppannaṁ addhānaṁ ārabbha kaṅkhati vicikicchati nādhimuccati na sampasīdati—
vb17:165.3	imāni tīṇi tamāni.
vb17:166.1	Tattha katamāni tīṇi titthāyatanāni?
vb17:166.2	Idhekacco samaṇo vā brāhmaṇo vā evaṁvādī hoti evaṁdiṭṭhī—
vb17:166.3	“yaṁ kiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ vā, sabbaṁ taṁ pubbe katahetū”ti;
vb17:166.4	idha panekacco samaṇo vā brāhmaṇo vā evaṁvādī hoti evaṁdiṭṭhī—
vb17:166.5	“yaṁ kiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ vā, sabbaṁ taṁ issaranimmānahetū”ti;
vb17:166.6	idha panekacco samaṇo vā brāhmaṇo vā evaṁvādī hoti evaṁdiṭṭhī—
vb17:166.7	“yaṁ kiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ vā, sabbaṁ taṁ ahetu appaccayā”ti—
vb17:166.8	imāni tīṇi titthāyatanāni.
vb17:167.1	Tattha katame tayo kiñcanā?
vb17:167.2	Rāgo kiñcanaṁ, doso kiñcanaṁ, moho kiñcanaṁ—
vb17:167.3	ime tayo kiñcanā.
vb17:168.1	Tattha katamāni tīṇi aṅgaṇāni?
vb17:168.2	Rāgo aṅgaṇaṁ, doso aṅgaṇaṁ, moho aṅgaṇaṁ—
vb17:168.3	imāni tīṇi aṅgaṇāni.
vb17:169.1	Tattha katamāni tīṇi malāni?
vb17:169.2	Rāgo malaṁ, doso malaṁ, moho malaṁ—
vb17:169.3	imāni tīṇi malāni.
vb17:170.1	Tattha katamāni tīṇi visamāni?
vb17:170.2	Rāgo visamaṁ, doso visamaṁ, moho visamaṁ—
vb17:170.3	imāni tīṇi visamāni.
vb17:171.1	Tattha katamāni aparānipi tīṇi visamāni?
vb17:171.2	Kāyavisamaṁ, vacīvisamaṁ, manovisamaṁ—
vb17:171.3	imāni tīṇi visamāni.
vb17:172.1	Tattha katame tayo aggī?
vb17:172.2	Rāgaggi, dosaggi, mohaggi—
vb17:172.3	ime tayo aggī.
vb17:173.1	Tattha katame tayo kasāvā?
vb17:173.2	Rāgakasāvo, dosakasāvo, mohakasāvo—
vb17:173.3	ime tayo kasāvā.
vb17:174.1	Tattha katame aparepi tayo kasāvā?
vb17:174.2	Kāyakasāvo, vacīkasāvo, manokasāvo—
vb17:174.3	ime tayo kasāvā.
vb17:175.1	Tattha katamā assādadiṭṭhi?
vb17:175.2	Idhekacco samaṇo vā brāhmaṇo vā evaṁvādī hoti evaṁdiṭṭhī—
vb17:175.3	“natthi kāmesu doso”ti.
vb17:175.4	So kāmesu pātabyataṁ āpajjati.
vb17:175.5	Ayaṁ vuccati “assādadiṭṭhi”.
vb17:176.1	Tattha katamā attānudiṭṭhi?
vb17:176.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto—
vb17:176.3	rūpaṁ attato samanupassati rūpavantaṁ vā attānaṁ attani vā rūpaṁ rūpasmiṁ vā attānaṁ.
vb17:176.4	Vedanaṁ …pe…
vb17:176.5	saññaṁ …pe…
vb17:176.6	saṅkhāre …pe…
vb17:176.7	viññāṇaṁ attato samanupassati viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ.
vb17:176.8	Yā evarūpā diṭṭhi diṭṭhigataṁ …pe… vipariyāsaggāho—
vb17:176.9	ayaṁ vuccati “attānudiṭṭhi”.
vb17:177.1	Tattha katamā micchādiṭṭhi?
vb17:177.2	“Natthi dinnaṁ, natthi yiṭṭhaṁ …pe…
vb17:177.3	ye imañca lokaṁ parañca lokaṁ sayaṁ abhiññā sacchikatvā pavedentī”ti—
vb17:177.4	yā evarūpā diṭṭhi diṭṭhigataṁ …pe… vipariyāsaggāho—
vb17:177.5	ayaṁ vuccati “micchādiṭṭhi”.
vb17:177.6	Sassatadiṭṭhi assādadiṭṭhi, sakkāyadiṭṭhi attānudiṭṭhi, ucchedadiṭṭhi micchādiṭṭhi.
vb17:178.1	Tattha katamā arati?
vb17:178.2	Pantesu vā senāsanesu aññataraññataresu vā adhikusalesu dhammesu arati aratitā anabhirati anabhiramaṇā ukkaṇṭhitā paritassitā—
vb17:178.3	ayaṁ vuccati “arati”.
vb17:179.1	Tattha katamā vihesā?
vb17:179.2	Idhekacco pāṇinā vā leḍḍunā vā daṇḍena vā satthena vā rajjuyā vā aññataraññatarena satte viheṭheti, yā evarūpā heṭhanā viheṭhanā hiṁsanā vihiṁsanā rosanā virosanā parūpaghāto—
vb17:179.3	ayaṁ vuccati “vihesā”.
vb17:180.1	Tattha katamā adhammacariyā?
vb17:180.2	Kāyena adhammacariyāvisamacariyā, vācāya adhammacariyāvisamacariyā, manasā adhammacariyāvisamacariyā—
vb17:180.3	ayaṁ vuccati “adhammacariyā”.
vb17:181.1	Tattha katamā dovacassatā?
vb17:181.2	Sahadhammike vuccamāne dovacassāyaṁ dovacassiyaṁ dovacassatā vippaṭikulaggāhitā vipaccanīkasātatā anādariyaṁ anādaratā agāravatā appatissavatā—
vb17:181.3	ayaṁ vuccati “dovacassatā”.
vb17:182.1	Tattha katamā pāpamittatā?
vb17:182.2	Ye te puggalā assaddhā dussīlā appassutā maccharino duppaññā, yā tesaṁ sevanā nisevanā saṁsevanā bhajanā sambhajanā bhatti sambhatti taṁsampavaṅkatā—
vb17:182.3	ayaṁ vuccati “pāpamittatā”.
vb17:183.1	Tattha katamā nānattasaññā?
vb17:183.2	Kāmasaññā, byāpādasaññā, vihiṁsāsaññā—
vb17:183.3	ayaṁ vuccati “nānattasaññā”.
vb17:183.4	Sabbāpi akusalā saññā nānattasaññā.
vb17:184.1	Tattha katamaṁ uddhaccaṁ?
vb17:184.2	Yaṁ cittassa uddhaccaṁ avūpasamo cetaso vikkhepo bhantattaṁ cittassa—
vb17:184.3	idaṁ vuccati “uddhaccaṁ”.
vb17:185.1	Tattha katamaṁ kosajjaṁ?
vb17:185.2	Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo vossaggānuppadānaṁ kusalānaṁ dhammānaṁ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anāsevanā abhāvanā abahulīkammaṁ anadhiṭṭhānaṁ ananuyogo pamādo—
vb17:185.3	idaṁ vuccati “kosajjaṁ”.
vb17:186.1	Tattha katamo pamādo?
vb17:186.2	Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo vossaggānuppadānaṁ kusalānaṁ dhammānaṁ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anāsevanā abhāvanā abahulīkammaṁ anadhiṭṭhānaṁ ananuyogo pamādo, yo evarūpo pamādo pamajjanā pamajjitattaṁ—
vb17:186.3	ayaṁ vuccati “pamādo”.
vb17:187.1	Tattha katamā asantuṭṭhitā?
vb17:187.2	Itarītaracīvarapiṇḍapātasenāsanagilānapaccayabhesajjaparikkhārehi pañcahi vā kāmaguṇehi asantuṭṭhassa bhiyyokamyatā, yā evarūpā icchā icchāgatā asantuṭṭhitā rāgo sārāgo cittassa sārāgo—
vb17:187.3	ayaṁ vuccati “asantuṭṭhitā”.
vb17:188.1	Tattha katamā asampajaññatā?
vb17:188.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb17:188.3	ayaṁ vuccati “asampajaññatā”.
vb17:189.1	Tattha katamā mahicchatā?
vb17:189.2	Itarītaracīvarapiṇḍapātasenāsanagilānapaccayabhesajjaparikkhārehi pañcahi vā kāmaguṇehi asantuṭṭhassa bhiyyokamyatā, yā evarūpā icchā icchāgatā mahicchatā rāgo sārāgo cittassa sārāgo—
vb17:189.3	ayaṁ vuccati “mahicchatā”.
vb17:190.1	Tattha katamaṁ ahirikaṁ?
vb17:190.2	Yaṁ na hirīyati hirīyitabbena, na hirīyati pāpakānaṁ akusalānaṁ dhammānaṁ samāpattiyā—
vb17:190.3	idaṁ vuccati “ahirikaṁ”.
vb17:191.1	Tattha katamaṁ anottappaṁ?
vb17:191.2	Yaṁ na ottappati ottappitabbena, na ottappati pāpakānaṁ akusalānaṁ dhammānaṁ samāpattiyā—
vb17:191.3	idaṁ vuccati “anottappaṁ”.
vb17:192.1	Tattha katamo pamādo?
vb17:192.2	Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo vossaggānuppadānaṁ kusalānaṁ dhammānaṁ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anāsevanā abhāvanā abahulīkammaṁ anadhiṭṭhānaṁ ananuyogo pamādo, yo evarūpo pamādo pamajjanā pamajjitattaṁ—
vb17:192.3	ayaṁ vuccati “pamādo”.
vb17:193.1	Tattha katamaṁ anādariyaṁ?
vb17:193.2	Yaṁ anādariyaṁ anādaratā agāravatā appatissavatā anaddā anaddāyanā anaddāyitattaṁ asīlyaṁ acittīkāro—
vb17:193.3	idaṁ vuccati “anādariyaṁ”.
vb17:194.1	Tattha katamā dovacassatā?
vb17:194.2	Sahadhammike vuccamāne dovacassāyaṁ dovacassiyaṁ dovacassatā vippaṭikulaggāhitā vipaccanīkasātatā anādariyaṁ anādaratā agāravatā appatissavatā—
vb17:194.3	ayaṁ vuccati “dovacassatā”.
vb17:195.1	Tattha katamā pāpamittatā?
vb17:195.2	Ye te puggalā assaddhā dussīlā appassutā maccharino duppaññā, yā tesaṁ sevanā nisevanā saṁsevanā paṭisevanā bhajanā sambhajanā bhatti sambhatti taṁsampavaṅkatā—
vb17:195.3	ayaṁ vuccati “pāpamittatā”.
vb17:196.1	Tattha katamaṁ assaddhiyaṁ?
vb17:196.2	Idhekacco assaddho hoti, na saddahati buddhaṁ vā dhammaṁ vā saṅghaṁ vā, yaṁ evarūpaṁ assaddhiyaṁ assaddahanā anokappanā anabhippasādo—
vb17:196.3	idaṁ vuccati “assaddhiyaṁ”.
vb17:197.1	Tattha katamā avadaññutā?
vb17:197.2	Pañca macchariyāni—
vb17:197.3	āvāsamacchariyaṁ, kulamacchariyaṁ, lābhamacchariyaṁ, vaṇṇamacchariyaṁ, dhammamacchariyaṁ.
vb17:197.4	Yaṁ evarūpaṁ maccheraṁ maccharāyanā maccharāyitattaṁ vevicchaṁ kadariyaṁ kaṭukañcukatā aggahitattaṁ cittassa—
vb17:197.5	ayaṁ vuccati “avadaññutā”.
vb17:198.1	Tattha katamaṁ kosajjaṁ?
vb17:198.2	Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo, vossaggānuppadānaṁ kusalānaṁ dhammānaṁ, bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anāsevanā abhāvanā abahulīkammaṁ anadhiṭṭhānaṁ ananuyogo pamādo—
vb17:198.3	idaṁ vuccati “kosajjaṁ”.
vb17:199.1	Tattha katamaṁ uddhaccaṁ?
vb17:199.2	Yaṁ cittassa uddhaccaṁ avūpasamo cetaso vikkhepo bhantattaṁ cittassa—
vb17:199.3	idaṁ vuccati “uddhaccaṁ”.
vb17:200.1	Tattha katamo asaṁvaro?
vb17:200.2	Idhekacco cakkhunā rūpaṁ disvā nimittaggāhī hoti anubyañjanaggāhī.
vb17:200.3	Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati cakkhundriyaṁ, cakkhundriye na saṁvaraṁ āpajjati.
vb17:200.4	Sotena saddaṁ sutvā …pe…
vb17:200.5	ghānena gandhaṁ ghāyitvā …pe…
vb17:200.6	jivhāya rasaṁ sāyitvā …pe…
vb17:200.7	kāyena phoṭṭhabbaṁ phusitvā …pe…
vb17:200.8	manasā dhammaṁ viññāya nimittaggāhī hoti anubyañjanaggāhī.
vb17:200.9	Yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati manindriyaṁ, manindriye na saṁvaraṁ āpajjati—
vb17:200.10	ayaṁ vuccati “asaṁvaro”.
vb17:201.1	Tattha katamaṁ dussīlyaṁ?
vb17:201.2	Kāyiko vītikkamo, vācasiko vītikkamo, kāyikavācasiko vītikkamo—
vb17:201.3	idaṁ vuccati “dussīlyaṁ”.
vb17:202.1	Tattha katamā ariyānaṁ adassanakamyatā?
vb17:202.2	Tattha katame ariyā?
vb17:202.3	Ariyā vuccanti buddhā ca buddhasāvakā ca.
vb17:202.4	Yā imesaṁ ariyānaṁ adassanakamyatā adaṭṭhukamyatā asametukamyatā asamāgantukamyatā—
vb17:202.5	ayaṁ vuccati “ariyānaṁ adassanakamyatā”.
vb17:203.1	Tattha katamā saddhammaṁ asotukamyatā?
vb17:203.2	Tattha katamo saddhammo?
vb17:203.3	Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo—
vb17:203.4	ayaṁ vuccati “saddhammo”.
vb17:203.5	Yā imassa saddhammassa asotukamyatā asavanakamyatā anuggahetukamyatā adhāretukamyatā—
vb17:203.6	ayaṁ vuccati “saddhammaṁ asotukamyatā”.
vb17:204.1	Tattha katamā upārambhacittatā?
vb17:204.2	Tattha katamo upārambho?
vb17:204.3	Yo upārambho anupārambho upārambhanā anupārambhanā anupārambhitattaṁ uññā avaññā paribhavo randhagavesitā—
vb17:204.4	ayaṁ vuccati “upārambhacittatā”.
vb17:205.1	Tattha katamaṁ muṭṭhassaccaṁ?
vb17:205.2	Yā assati ananussati appaṭissati assati assaraṇatā adhāraṇatā pilāpanatā sammussanatā—
vb17:205.3	idaṁ vuccati “muṭṭhassaccaṁ”.
vb17:206.1	Tattha katamaṁ asampajaññaṁ?
vb17:206.2	Yaṁ aññāṇaṁ adassanaṁ …pe… avijjālaṅgī moho akusalamūlaṁ—
vb17:206.3	idaṁ vuccati “asampajaññaṁ”.
vb17:207.1	Tattha katamo cetaso vikkhepo?
vb17:207.2	Yaṁ cittassa uddhaccaṁ avūpasamo cetaso vikkhepo bhantattaṁ cittassa—
vb17:207.3	ayaṁ vuccati “cetaso vikkhepo”.
vb17:208.1	Tattha katamo ayoniso manasikāro?
vb17:208.2	Anicce “niccan”ti ayoniso manasikāro, dukkhe “sukhan”ti ayoniso manasikāro, anattani “attā”ti ayoniso manasikāro, asubhe “subhan”ti ayoniso manasikāro, saccavippaṭikulena vā cittassa āvaṭṭanā anāvaṭṭanā ābhogo samannāhāro manasikāro—
vb17:208.3	ayaṁ vuccati “ayoniso manasikāro”.
vb17:209.1	Tattha katamā kummaggasevanā?
vb17:209.2	Tattha katamo kummaggo?
vb17:209.3	Micchādiṭṭhi, micchāsaṅkappo, micchāvācā, micchākammanto, micchāājīvo, micchāvāyāmo, micchāsati, micchāsamādhi—
vb17:209.4	ayaṁ vuccati “kummaggo”.
vb17:209.5	Yā imassa kummaggassa sevanā nisevanā saṁsevanā bhajanā sambhajanā bhatti sambhatti taṁsampavaṅkatā—
vb17:209.6	ayaṁ vuccati “kummaggasevanā”.
vb17:210.1	Tattha katamaṁ cetaso ca līnattaṁ?
vb17:210.2	Yā cittassa akalyatā akammaññatā olīyanā sallīyanā līnaṁ līyanā līyitattaṁ thinaṁ thiyanā thiyitattaṁ cittassa—
vb17:210.3	idaṁ vuccati “cetaso ca līnattaṁ”.
vb17:211.1	Tikaṁ.
vb17:212.0	4. Catukkaniddesa
vb17:212.1	Tattha katame cattāro āsavā?
vb17:212.2	Kāmāsavo, bhavāsavo, diṭṭhāsavo, avijjāsavo.
vb17:213.1	Tattha katamo kāmāsavo?
vb17:213.2	Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṁ—
vb17:213.3	ayaṁ vuccati “kāmāsavo”.
vb17:214.1	Tattha katamo bhavāsavo?
vb17:214.2	Yo bhavesu bhavacchando …pe…
vb17:214.3	bhavajjhosānaṁ—
vb17:214.4	ayaṁ vuccati “bhavāsavo”.
vb17:215.1	Tattha katamo diṭṭhāsavo?
vb17:215.2	“Sassato loko”ti vā, “asassato loko”ti vā, “antavā loko”ti vā, “anantavā loko”ti vā, “taṁ jīvaṁ taṁ sarīran”ti vā, “aññaṁ jīvaṁ aññaṁ sarīran”ti vā, “hoti tathāgato paraṁ maraṇā”ti vā, “na hoti tathāgato paraṁ maraṇā”ti vā, “hoti ca na ca hoti tathāgato paraṁ maraṇā”ti vā, “neva hoti na na hoti tathāgato paraṁ maraṇā”ti vā.
vb17:215.3	Yā evarūpā diṭṭhi diṭṭhigataṁ …pe… vipariyāsaggāho—
vb17:215.4	ayaṁ vuccati “diṭṭhāsavo”.
vb17:215.5	Sabbāpi micchādiṭṭhi diṭṭhāsavo.
vb17:216.1	Tattha katamo avijjāsavo?
vb17:216.2	Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ, pubbante aññāṇaṁ, aparante aññāṇaṁ, pubbantāparante aññāṇaṁ, idappaccayatā paṭiccasamuppannesu dhammesu aññāṇaṁ.
vb17:216.3	Yaṁ evarūpaṁ aññāṇaṁ adassanaṁ …pe… avijjālaṅgī moho akusalamūlaṁ—
vb17:216.4	ayaṁ vuccati “avijjāsavo”.
vb17:216.5	Ime cattāro āsavā.
vb17:217.1	Tattha katame cattāro ganthā …pe…
vb17:217.2	cattāro oghā …pe…
vb17:217.3	cattāro yogā …pe…
vb17:217.4	cattāri upādānāni?
vb17:217.5	Kāmupādānaṁ, diṭṭhupādānaṁ, sīlabbatupādānaṁ, attavādupādānaṁ.
vb17:218.1	Tattha katamaṁ kāmupādānaṁ?
vb17:218.2	Yo kāmesu kāmacchando …pe…
vb17:218.3	kāmajjhosānaṁ—
vb17:218.4	idaṁ vuccati “kāmupādānaṁ”.
vb17:219.1	Tattha katamaṁ diṭṭhupādānaṁ?
vb17:219.2	“Natthi dinnaṁ, natthi yiṭṭhaṁ …pe…
vb17:219.3	ye imañca lokaṁ parañca lokaṁ sayaṁ abhiññā sacchikatvā pavedentī”ti.
vb17:219.4	Yā evarūpā diṭṭhi diṭṭhigataṁ …pe… vipariyāsaggāho—
vb17:219.5	idaṁ vuccati “diṭṭhupādānaṁ”.
vb17:219.6	Ṭhapetvā sīlabbatupādānañca attavādupādānañca sabbāpi micchādiṭṭhi diṭṭhupādānaṁ.
vb17:220.1	Tattha katamaṁ sīlabbatupādānaṁ?
vb17:220.2	Ito bahiddhā samaṇabrāhmaṇānaṁ sīlena suddhi vatena suddhi sīlabbatena suddhīti.
vb17:220.3	Yā evarūpā diṭṭhi diṭṭhigataṁ …pe… vipariyāsaggāho—
vb17:220.4	idaṁ vuccati “sīlabbatupādānaṁ”.
vb17:221.1	Tattha katamaṁ attavādupādānaṁ?
vb17:221.2	Idha assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto—
vb17:221.3	rūpaṁ attato samanupassati rūpavantaṁ vā attānaṁ attani vā rūpaṁ rūpasmiṁ vā attānaṁ.
vb17:221.4	Vedanaṁ …pe…
vb17:221.5	saññaṁ …pe…
vb17:221.6	saṅkhāre …pe…
vb17:221.7	viññāṇaṁ attato samanupassati viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ.
vb17:221.8	Yā evarūpā diṭṭhi diṭṭhigataṁ …pe… vipariyāsaggāho—
vb17:221.9	idaṁ vuccati “attavādupādānaṁ”.
vb17:221.10	Imāni cattāri upādānāni.
vb17:222.1	Tattha katame cattāro taṇhuppādā?
vb17:222.2	Cīvarahetu vā bhikkhuno taṇhā uppajjamānā uppajjati, piṇḍapātahetu vā bhikkhuno taṇhā uppajjamānā uppajjati, senāsanahetu vā bhikkhuno taṇhā uppajjamānā uppajjati, itibhavābhavahetu vā bhikkhuno taṇhā uppajjamānā uppajjati—
vb17:222.3	ime cattāro taṇhuppādā.
vb17:223.1	Tattha katamāni cattāri agatigamanāni?
vb17:223.2	Chandāgatiṁ gacchati, dosāgatiṁ gacchati, mohāgatiṁ gacchati, bhayāgatiṁ gacchati.
vb17:223.3	Yā evarūpā agati agatigamanaṁ chandagamanaṁ vaggagamanaṁ vārigamanaṁ—
vb17:223.4	imāni cattāri agatigamanāni.
vb17:224.1	Tattha katame cattāro vipariyāsā?
vb17:224.2	Anicce “niccan”ti saññāvipariyāso cittavipariyāso diṭṭhivipariyāso, dukkhe “sukhan”ti saññāvipariyāso cittavipariyāso diṭṭhivipariyāso, anattani “attā”ti saññāvipariyāso cittavipariyāso diṭṭhivipariyāso, asubhe “subhan”ti saññāvipariyāso cittavipariyāso diṭṭhivipariyāso—
vb17:224.3	ime cattāro vipariyāsā.
vb17:225.1	Tattha katame cattāro anariyavohārā?
vb17:225.2	Adiṭṭhe diṭṭhavāditā, assute sutavāditā, amute mutavāditā, aviññāte viññātavāditā—
vb17:225.3	ime cattāro anariyavohārā.
vb17:226.1	Tattha katame aparepi cattāro anariyavohārā?
vb17:226.2	Diṭṭhe adiṭṭhavāditā, sute assutavāditā, mute amutavāditā, viññāte aviññātavāditā—
vb17:226.3	ime cattāro anariyavohārā.
vb17:227.1	Tattha katamāni cattāri duccaritāni?
vb17:227.2	Pāṇātipāto, adinnādānaṁ, kāmesumicchācāro, musāvādo—
vb17:227.3	imāni cattāri duccaritāni.
vb17:228.1	Tattha katamāni aparānipi cattāri duccaritāni?
vb17:228.2	Musāvādo, pisuṇā vācā, pharusā vācā, samphappalāpo—
vb17:228.3	imāni cattāri duccaritāni.
vb17:229.1	Tattha katamāni cattāri bhayāni?
vb17:229.2	Jātibhayaṁ, jarābhayaṁ, byādhibhayaṁ, maraṇabhayaṁ—
vb17:229.3	imāni cattāri bhayāni.
vb17:230.1	Tattha katamāni aparānipi cattāri bhayāni?
vb17:230.2	Rājabhayaṁ, corabhayaṁ, aggibhayaṁ, udakabhayaṁ—
vb17:230.3	imāni cattāri bhayāni.
vb17:231.1	Tattha katamāni aparānipi cattāri bhayāni?
vb17:231.2	Ūmibhayaṁ, kumbhīlabhayaṁ, āvaṭṭabhayaṁ, susukābhayaṁ—
vb17:231.3	imāni cattāri bhayāni.
vb17:232.1	Tattha katamāni aparānipi cattāri bhayāni?
vb17:232.2	Attānuvādabhayaṁ, parānuvādabhayaṁ, daṇḍabhayaṁ, duggatibhayaṁ—
vb17:232.3	imāni cattāri bhayāni.
vb17:233.1	Tattha katamā catasso diṭṭhiyo?
vb17:233.2	“Sayaṅkataṁ sukhadukkhan”ti saccato thetato diṭṭhi uppajjati, “paraṅkataṁ sukhadukkhan”ti saccato thetato diṭṭhi uppajjati, “sayaṅkatañca paraṅkatañca sukhadukkhan”ti saccato thetato diṭṭhi uppajjati, “asayaṅkāraṁ aparaṅkāraṁ adhiccasamuppannaṁ sukhadukkhan”ti saccato thetato diṭṭhi uppajjati—
vb17:233.3	imā catasso diṭṭhiyo.
vb17:234.1	Catukkaṁ.
vb17:235.0	5. Pañcakaniddesa
vb17:235.1	Tattha katamāni pañcorambhāgiyāni saṁyojanāni?
vb17:235.2	Sakkāyadiṭṭhi, vicikicchā, sīlabbataparāmāso, kāmacchando, byāpādo—
vb17:235.3	imāni pañcorambhāgiyāni saṁyojanāni.
vb17:236.1	Tattha katamāni pañcuddhambhāgiyāni saṁyojanāni?
vb17:236.2	Rūparāgo, arūparāgo, māno, uddhaccaṁ, avijjā—
vb17:236.3	imāni pañcuddhambhāgiyāni saṁyojanāni.
vb17:237.1	Tattha katamāni pañca macchariyāni?
vb17:237.2	Āvāsamacchariyaṁ, kulamacchariyaṁ, lābhamacchariyaṁ, vaṇṇamacchariyaṁ, dhammamacchariyaṁ—
vb17:237.3	imāni pañca macchariyāni.
vb17:238.1	Tattha katame pañca saṅgā?
vb17:238.2	Rāgasaṅgo, dosasaṅgo, mohasaṅgo, mānasaṅgo, diṭṭhisaṅgo—
vb17:238.3	ime pañca saṅgā.
vb17:239.1	Tattha katame pañca sallā?
vb17:239.2	Rāgasallaṁ, dosasallaṁ, mohasallaṁ, mānasallaṁ, diṭṭhisallaṁ—
vb17:239.3	ime pañca sallā.
vb17:240.1	Tattha katame pañca cetokhilā?
vb17:240.2	Satthari kaṅkhati vicikicchati nādhimuccati na sampasīdati, dhamme kaṅkhati vicikicchati nādhimuccati na sampasīdati, saṅghe kaṅkhati vicikicchati nādhimuccati na sampasīdati, sikkhāya kaṅkhati vicikicchati nādhimuccati na sampasīdati, sabrahmacārīsu kupito hoti anattamano āhatacitto khilajāto—
vb17:240.3	ime pañca cetokhilā.
vb17:241.1	Tattha katame pañca cetaso vinibandhā?
vb17:241.2	Kāme avītarāgo hoti avigatacchando avigatapemo avigatapipāso avigatapariḷāho avigatataṇho;
vb17:241.3	kāye avītarāgo hoti …
vb17:241.4	rūpe avītarāgo hoti …
vb17:241.5	yāvadatthaṁ udarāvadehakaṁ bhuñjitvā seyyasukhaṁ passasukhaṁ middhasukhaṁ anuyutto viharati;
vb17:241.6	aññataraṁ devanikāyaṁ paṇidhāya brahmacariyaṁ carati—“imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā”ti—
vb17:241.7	ime pañca cetasovinibandhā.
vb17:242.1	Tattha katamāni pañca nīvaraṇāni?
vb17:242.2	Kāmacchandanīvaraṇaṁ, byāpādanīvaraṇaṁ, thinamiddhanīvaraṇaṁ, uddhaccakukkuccanīvaraṇaṁ, vicikicchānīvaraṇaṁ—
vb17:242.3	imāni pañca nīvaraṇāni.
vb17:243.1	Tattha katamāni pañca kammāni ānantarikāni?
vb17:243.2	Mātā jīvitā voropitā hoti, pitā jīvitā voropito hoti, arahanto jīvitā voropito hoti, duṭṭhena cittena tathāgatassa lohitaṁ uppāditaṁ hoti, saṅgho bhinno hoti—
vb17:243.3	imāni pañca kammāni ānantarikāni.
vb17:244.1	Tattha katamā pañca diṭṭhiyo?
vb17:244.2	“Saññī attā hoti arogo paraṁ maraṇā”ti ittheke abhivadanti, “asaññī attā hoti arogo paraṁ maraṇā”ti ittheke abhivadanti, “nevasaññīnāsaññī attā hoti arogo paraṁ maraṇā”ti ittheke abhivadanti, sato vā pana sattassa ucchedaṁ vināsaṁ vibhavaṁ paññapenti, diṭṭhadhammanibbānaṁ vā paneke abhivadanti—
vb17:244.3	imā pañca diṭṭhiyo.
vb17:245.1	Tattha katame pañca verā?
vb17:245.2	Pāṇātipāto, adinnādānaṁ, kāmesumicchācāro, musāvādo, surāmerayamajjapamādaṭṭhānā—
vb17:245.3	ime pañca verā.
vb17:246.1	Tattha katame pañca byasanā?
vb17:246.2	Ñātibyasanaṁ, bhogabyasanaṁ, rogabyasanaṁ, sīlabyasanaṁ, diṭṭhibyasanaṁ—
vb17:246.3	ime pañca byasanā.
vb17:247.1	Tattha katame pañca akkhantiyā ādīnavā?
vb17:247.2	Bahuno janassa appiyo hoti amanāpo, verabahulo ca hoti, vajjabahulo ca, sammūḷho kālaṁ karoti, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati—
vb17:247.3	ime pañca akkhantiyā ādīnavā.
vb17:248.1	Tattha katamāni pañca bhayāni?
vb17:248.2	Ājīvakabhayaṁ, asilokabhayaṁ, parisasārajjabhayaṁ, maraṇabhayaṁ, duggatibhayaṁ—
vb17:248.3	imāni pañca bhayāni.
vb17:249.1	Tattha katame pañca diṭṭhadhammanibbānavādā?
vb17:249.2	Idhekacco samaṇo vā brāhmaṇo vā evaṁvādī hoti evaṁdiṭṭhī—
vb17:249.3	“yato kho, bho, ayaṁ attā pañcahi kāmaguṇehi samappito samaṅgībhūto paricāreti, ettāvatā kho, bho, ayaṁ attā paramadiṭṭhadhammanibbānappatto hotī”ti.
vb17:249.4	Ittheke sato sattassa paramadiṭṭhadhammanibbānaṁ paññapenti.
vb17:250.1	Tamañño evamāha—
vb17:250.2	“atthi kho, bho, eso attā yaṁ tvaṁ vadesi ‘neso natthī’ti vadāmi.
vb17:250.3	No ca kho, bho, ayaṁ attā ettāvatā paramadiṭṭhadhammanibbānappatto hoti.
vb17:250.4	Taṁ kissa hetu?
vb17:250.5	Kāmā hi, bho, aniccā dukkhā vipariṇāmadhammā.
vb17:250.6	Tesaṁ vipariṇāmaññathābhāvā uppajjanti sokaparidevadukkhadomanassupāyāsā.
vb17:250.7	Yato kho, bho, ayaṁ attā vivicceva kāmehi …pe… paṭhamaṁ jhānaṁ upasampajja viharati, ettāvatā kho, bho, ayaṁ attā paramadiṭṭhadhammanibbānappatto hotī”ti.
vb17:250.8	Ittheke sato sattassa paramadiṭṭhadhammanibbānaṁ paññapenti.
vb17:251.1	Tamañño evamāha—
vb17:251.2	“atthi kho, bho, eso attā yaṁ tvaṁ vadesi.
vb17:251.3	‘Neso natthī’ti vadāmi.
vb17:251.4	No ca kho, bho, ayaṁ attā ettāvatā paramadiṭṭhadhammanibbānappatto hoti.
vb17:251.5	Taṁ kissa hetu?
vb17:251.6	Yadeva tattha vitakkitaṁ vicāritaṁ etena etaṁ oḷārikaṁ akkhāyati.
vb17:251.7	Yato kho, bho, ayaṁ attā vitakkavicārānaṁ vūpasamā …pe… dutiyaṁ jhānaṁ upasampajja viharati, ettāvatā kho, bho, ayaṁ attā paramadiṭṭhadhammanibbānappatto hotī”ti.
vb17:251.8	Ittheke sato sattassa paramadiṭṭhadhammanibbānaṁ paññapenti.
vb17:252.1	Tamañño evamāha—
vb17:252.2	“atthi kho, bho, eso attā yaṁ tvaṁ vadesi.
vb17:252.3	‘Neso natthī’ti vadāmi.
vb17:252.4	No ca kho, bho, ayaṁ attā ettāvatā paramadiṭṭhadhammanibbānappatto hoti.
vb17:252.5	Taṁ kissa hetu?
vb17:252.6	Yadeva tattha pītigataṁ cetaso uppilāvitaṁ, etena etaṁ oḷārikaṁ akkhāyati.
vb17:252.7	Yato kho, bho, ayaṁ attā pītiyā ca virāgā …pe…
vb17:252.8	tatiyaṁ jhānaṁ upasampajja viharati, ettāvatā kho, bho, ayaṁ attā paramadiṭṭhadhammanibbānappatto hotī”ti.
vb17:252.9	Ittheke sato sattassa paramadiṭṭhadhammanibbānaṁ paññapenti.
vb17:253.1	Tamañño evamāha—
vb17:253.2	“atthi kho, bho, eso attā yaṁ tvaṁ vadesi.
vb17:253.3	‘Neso natthī’ti vadāmi.
vb17:253.4	No ca kho, bho, ayaṁ attā ettāvatā paramadiṭṭhadhammanibbānappatto hoti.
vb17:253.5	Taṁ kissa hetu?
vb17:253.6	Yadeva tattha sukhapīti cetaso ābhogo, etena etaṁ oḷārikaṁ akkhāyati.
vb17:253.7	Yato kho, bho, ayaṁ attā sukhassa ca pahānā …pe… catutthaṁ jhānaṁ upasampajja viharati, ettāvatā kho, bho, ayaṁ attā paramadiṭṭhadhammanibbānappatto hotī”ti.
vb17:253.8	Ittheke sato sattassa paramadiṭṭhadhammanibbānaṁ paññapenti.
vb17:253.9	Ime pañca diṭṭhadhammanibbānavādā.
vb17:254.1	Pañcakaṁ.
vb17:255.0	6. Chakkaniddesa
vb17:255.1	Tattha katamāni cha vivādamūlāni?
vb17:255.2	Kodho, makkho, issā, sāṭheyyaṁ, pāpicchatā, sandiṭṭhiparāmāsitā—
vb17:255.3	imāni cha vivādamūlāni.
vb17:256.1	Tattha katame cha chandarāgā?
vb17:256.2	Chandarāgā gehasitā dhammā.
vb17:256.3	Manāpiyesu rūpesu gehasito rāgo sārāgo cittassa sārāgo, manāpiyesu saddesu …pe…
vb17:256.4	manāpiyesu gandhesu …pe…
vb17:256.5	manāpiyesu rasesu …pe…
vb17:256.6	manāpiyesu phoṭṭhabbesu …pe…
vb17:256.7	manāpiyesu dhammesu gehasito rāgo sārāgo cittassa sārāgo—
vb17:256.8	ime cha chandarāgā.
vb17:257.1	Tattha katamāni cha virodhavatthūni?
vb17:257.2	Amanāpiyesu rūpesu cittassa āghāto paṭighāto caṇḍikkaṁ asuropo anattamanatā cittassa, amanāpiyesu saddesu …pe…
vb17:257.3	amanāpiyesu gandhesu …pe…
vb17:257.4	amanāpiyesu rasesu …pe…
vb17:257.5	amanāpiyesu phoṭṭhabbesu …pe…
vb17:257.6	amanāpiyesu dhammesu cittassa āghāto paṭighāto caṇḍikkaṁ asuropo anattamanatā cittassa—
vb17:257.7	imāni cha virodhavatthūni.
vb17:258.1	Tattha katame cha taṇhākāyā?
vb17:258.2	Rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā—
vb17:258.3	ime cha taṇhākāyā.
vb17:259.1	Tattha katame cha agāravā?
vb17:259.2	Satthari agāravo viharati appatisso, dhamme agāravo viharati appatisso, saṅghe agāravo viharati appatisso, sikkhāya agāravo viharati appatisso, appamāde agāravo viharati appatisso, paṭisanthāre agāravo viharati appatisso—
vb17:259.3	ime cha agāravā.
vb17:260.1	Tattha katame cha parihāniyā dhammā?
vb17:260.2	Kammārāmatā, bhassārāmatā, niddārāmatā, saṅgaṇikārāmatā, saṁsaggārāmatā, papañcārāmatā—
vb17:260.3	ime cha parihāniyā dhammā.
vb17:261.1	Tattha katame aparepi cha parihāniyā dhammā?
vb17:261.2	Kammārāmatā, bhassārāmatā, niddārāmatā, saṅgaṇikārāmatā, dovacassatā, pāpamittatā—
vb17:261.3	ime cha parihāniyā dhammā.
vb17:262.1	Tattha katame cha somanassupavicārā?
vb17:262.2	Cakkhunā rūpaṁ disvā somanassaṭṭhāniyaṁ rūpaṁ upavicarati, sotena saddaṁ sutvā …pe…
vb17:262.3	ghānena gandhaṁ ghāyitvā …pe…
vb17:262.4	jivhāya rasaṁ sāyitvā …pe…
vb17:262.5	kāyena phoṭṭhabbaṁ phusitvā …pe…
vb17:262.6	manasā dhammaṁ viññāya somanassaṭṭhāniyaṁ dhammaṁ upavicarati—
vb17:262.7	ime cha somanassupavicārā.
vb17:263.1	Tattha katame cha domanassupavicārā?
vb17:263.2	Cakkhunā rūpaṁ disvā domanassaṭṭhāniyaṁ rūpaṁ upavicarati, sotena saddaṁ sutvā …pe…
vb17:263.3	ghānena gandhaṁ ghāyitvā …pe…
vb17:263.4	jivhāya rasaṁ sāyitvā …pe…
vb17:263.5	kāyena phoṭṭhabbaṁ phusitvā …pe…
vb17:263.6	manasā dhammaṁ viññāya domanassaṭṭhāniyaṁ dhammaṁ upavicarati—
vb17:263.7	ime cha domanassupavicārā.
vb17:264.1	Tattha katame cha upekkhupavicārā?
vb17:264.2	Cakkhunā rūpaṁ disvā upekkhāṭṭhāniyaṁ rūpaṁ upavicarati, sotena saddaṁ sutvā …pe…
vb17:264.3	ghānena gandhaṁ ghāyitvā …pe…
vb17:264.4	jivhāya rasaṁ sāyitvā …pe…
vb17:264.5	kāyena phoṭṭhabbaṁ phusitvā …pe…
vb17:264.6	manasā dhammaṁ viññāya upekkhāṭṭhāniyaṁ dhammaṁ upavicarati—
vb17:264.7	ime cha upekkhupavicārā.
vb17:265.1	Tattha katamāni cha gehasitāni somanassāni?
vb17:265.2	Manāpiyesu rūpesu gehasitaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā, manāpiyesu saddesu …pe…
vb17:265.3	manāpiyesu gandhesu …pe…
vb17:265.4	manāpiyesu rasesu …pe…
vb17:265.5	manāpiyesu phoṭṭhabbesu …pe…
vb17:265.6	manāpiyesu dhammesu gehasitaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
vb17:265.7	imāni cha gehasitāni somanassāni.
vb17:266.1	Tattha katamāni cha gehasitāni domanassāni?
vb17:266.2	Amanāpiyesu rūpesu gehasitaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā, amanāpiyesu saddesu …pe…
vb17:266.3	amanāpiyesu gandhesu …pe…
vb17:266.4	amanāpiyesu rasesu …pe…
vb17:266.5	amanāpiyesu phoṭṭhabbesu …pe…
vb17:266.6	amanāpiyesu dhammesu gehasitaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
vb17:266.7	imāni cha gehasitāni domanassāni.
vb17:267.1	Tattha katamā cha gehasitā upekkhā?
vb17:267.2	Upekkhāṭṭhāniyesu rūpesu gehasitaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā, upekkhāṭṭhāniyesu saddesu …pe…
vb17:267.3	upekkhāṭṭhāniyesu gandhesu …pe…
vb17:267.4	upekkhāṭṭhāniyesu rasesu …pe…
vb17:267.5	upekkhāṭṭhāniyesu phoṭṭhabbesu …pe…
vb17:267.6	upekkhāṭṭhāniyesu dhammesu gehasitaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
vb17:267.7	imā cha gehasitā upekkhā.
vb17:268.1	Tattha katamā cha diṭṭhiyo?
vb17:268.2	“Atthi me attā”ti vā assa saccato thetato diṭṭhi uppajjati,
vb17:268.3	“natthi me attā”ti vā assa saccato thetato diṭṭhi uppajjati,
vb17:268.4	“attanā vā attānaṁ sañjānāmī”ti vā assa saccato thetato diṭṭhi uppajjati,
vb17:268.5	“attanā vā anattānaṁ sañjānāmī”ti vā assa saccato thetato diṭṭhi uppajjati,
vb17:268.6	“anattanā vā attānaṁ sañjānāmī”ti vā assa saccato thetato diṭṭhi uppajjati;
vb17:268.7	atha vā panassa evaṁdiṭṭhi hoti—“so me ayaṁ attā vado vedeyyo tatra tatra dīgharattaṁ kalyāṇapāpakānaṁ kammānaṁ vipākaṁ paccanubhoti.
vb17:268.8	Na so jāto nāhosi, na so jāto na bhavissati, nicco dhuvo sassato avipariṇāmadhammo”ti vā panassa saccato thetato diṭṭhi uppajjati.
vb17:268.9	Imā cha diṭṭhiyo.
vb17:269.1	Chakkaṁ.
vb17:270.0	7. Sattakaniddesa
vb17:270.1	Tattha katame sattānusayā?
vb17:270.2	Kāmarāgānusayo, paṭighānusayo, mānānusayo, diṭṭhānusayo, vicikicchānusayo, bhavarāgānusayo, avijjānusayo—
vb17:270.3	ime satta anusayā.
vb17:271.1	Tattha katamāni satta saṁyojanāni?
vb17:271.2	Kāmarāgasaṁyojanaṁ, paṭighasaṁyojanaṁ, mānasaṁyojanaṁ, diṭṭhisaṁyojanaṁ, vicikicchāsaṁyojanaṁ, bhavarāgasaṁyojanaṁ, avijjāsaṁyojanaṁ—
vb17:271.3	imāni satta saṁyojanāni.
vb17:272.1	Tattha katamāni satta pariyuṭṭhānāni?
vb17:272.2	Kāmarāgapariyuṭṭhānaṁ, paṭighapariyuṭṭhānaṁ, mānapariyuṭṭhānaṁ, diṭṭhipariyuṭṭhānaṁ, vicikicchāpariyuṭṭhānaṁ, bhavarāgapariyuṭṭhānaṁ, avijjāpariyuṭṭhānaṁ—
vb17:272.3	imāni satta pariyuṭṭhānāni.
vb17:273.1	Tattha katame satta asaddhammā?
vb17:273.2	Assaddho hoti, ahiriko hoti, anottappī hoti, appassuto hoti, kusīto hoti, muṭṭhassatī hoti, duppañño hoti—
vb17:273.3	ime satta asaddhammā.
vb17:274.1	Tattha katamāni satta duccaritāni?
vb17:274.2	Pāṇātipāto, adinnādānaṁ, kāmesumicchācāro, musāvādo, pisuṇā vācā, pharusā vācā, samphappalāpo—
vb17:274.3	imāni satta duccaritāni.
vb17:275.1	Tattha katame satta mānā?
vb17:275.2	Māno, atimāno, mānātimāno, omāno, adhimāno, asmimāno, micchāmāno—
vb17:275.3	ime satta mānā.
vb17:276.1	Tattha katamā satta diṭṭhiyo?
vb17:276.2	Idhekacco samaṇo vā brāhmaṇo vā evaṁvādī hoti evaṁdiṭṭhī—
vb17:276.3	“yato kho, bho, ayaṁ attā rūpī cātumahābhūtiko mātāpettikasambhavo kāyassa bhedā ucchijjati vinassati na hoti paraṁ maraṇā, ettāvatā kho bho, ayaṁ attā sammā samucchinno hotī”ti.
vb17:276.4	Ittheke sato sattassa ucchedaṁ vināsaṁ vibhavaṁ paññapenti.
vb17:277.1	Tamañño evamāha—
vb17:277.2	“atthi kho, bho, eso attā yaṁ tvaṁ vadesi.
vb17:277.3	‘Neso natthī’ti vadāmi.
vb17:277.4	No ca kho, bho, ayaṁ attā ettāvatā sammā samucchinno hoti.
vb17:277.5	Atthi kho bho añño attā dibbo rūpī kāmāvacaro kabaḷīkārabhakkho.
vb17:277.6	Taṁ tvaṁ na jānāsi na passasi.
vb17:277.7	Tamahaṁ jānāmi passāmi.
vb17:277.8	So kho, bho, attā yato kāyassa bhedā ucchijjati vinassati na hoti paraṁ maraṇā, ettāvatā kho, bho, ayaṁ attā sammāsamucchinno hotī”ti.
vb17:277.9	Ittheke bho sattassa ucchedaṁ vināsaṁ vibhavaṁ paññapenti.
vb17:278.1	Tamañño evamāha—
vb17:278.2	“atthi kho, bho, eso attā yaṁ tvaṁ vadesi.
vb17:278.3	‘Neso natthī’ti vadāmi.
vb17:278.4	No ca kho, bho, ayaṁ attā ettāvatā sammā samucchinno hoti.
vb17:278.5	Atthi kho, bho, añño attā dibbo rūpī manomayo sabbaṅgapaccaṅgī ahīnindriyo.
vb17:278.6	Taṁ tvaṁ na jānāsi na passasi.
vb17:278.7	Tamahaṁ jānāmi passāmi.
vb17:278.8	So kho, bho, attā yato kāyassa bhedā ucchijjati vinassati na hoti paraṁ maraṇā, ettāvatā kho, bho, ayaṁ attā sammā samucchinno hotī”ti.
vb17:278.9	Ittheke sato sattassa ucchedaṁ vināsaṁ vibhavaṁ paññapenti.
vb17:279.1	Tamañño evamāha—
vb17:279.2	“atthi kho, bho, eso attā yaṁ tvaṁ vadesi.
vb17:279.3	‘Neso natthī’ti vadāmi.
vb17:279.4	No ca kho, bho, ayaṁ attā ettāvatā sammā samucchinno hoti.
vb17:279.5	Atthi kho, bho, añño attā sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ananto ākāsoti ākāsānañcāyatanūpago.
vb17:279.6	Taṁ tvaṁ na jānāsi na passasi.
vb17:279.7	Tamahaṁ jānāmi passāmi.
vb17:279.8	So kho, bho, attā yato kāyassa bhedā ucchijjati vinassati na hoti paraṁ maraṇā, ettāvatā kho, bho, ayaṁ attā sammā samucchinno hotī”ti.
vb17:279.9	Ittheke sato sattassa ucchedaṁ vināsaṁ vibhavaṁ paññapenti.
vb17:280.1	Tamañño evamāha—
vb17:280.2	“atthi kho, bho, eso attā yaṁ tvaṁ vadesi.
vb17:280.3	‘Neso natthī’ti vadāmi.
vb17:280.4	No ca kho, bho, ayaṁ attā ettāvatā sammā samucchinno hoti.
vb17:280.5	Atthi kho, bho, añño attā sabbaso ākāsānañcāyatanaṁ samatikkamma anantaṁ viññāṇanti viññāṇañcāyatanūpago.
vb17:280.6	Taṁ tvaṁ na jānāsi na passasi.
vb17:280.7	Tamahaṁ jānāmi passāmi.
vb17:280.8	So kho, bho, attā yato kāyassa bhedā ucchijjati vinassati na hoti paraṁ maraṇā, ettāvatā kho, bho, ayaṁ attā sammā samucchinno hotī”ti.
vb17:280.9	Ittheke sato sattassa ucchedaṁ vināsaṁ vibhavaṁ paññapenti.
vb17:281.1	Tamañño evamāha—
vb17:281.2	“atthi kho, bho, eso attā yaṁ tvaṁ vadesi.
vb17:281.3	‘Neso natthī’ti vadāmi.
vb17:281.4	No ca kho, bho, ayaṁ attā ettāvatā sammā samucchinno hoti.
vb17:281.5	Atthi kho, bho, añño attā sabbaso viññāṇañcāyatanaṁ samatikkamma natthi kiñcīti ākiñcaññāyatanūpago.
vb17:281.6	Taṁ tvaṁ na jānāsi na passasi.
vb17:281.7	Tamahaṁ jānāmi passāmi.
vb17:281.8	So kho, bho, attā yato kāyassa bhedā ucchijjati vinassati na hoti paraṁ maraṇā, ettāvatā kho, bho, ayaṁ attā sammā samucchinno hotī”ti.
vb17:281.9	Ittheke sato sattassa ucchedaṁ vināsaṁ vibhavaṁ paññapenti.
vb17:282.1	Tamañño evamāha—
vb17:282.2	“atthi kho pana eso attā yaṁ tvaṁ vadesi.
vb17:282.3	‘Neso natthī’ti vadāmi.
vb17:282.4	No ca kho, bho, ayaṁ attā ettāvatā sammā samucchinno hoti.
vb17:282.5	Atthi kho, bho, añño attā sabbaso ākiñcaññāyatanaṁ samatikkamma nevasaññānāsaññāyatanūpago.
vb17:282.6	Taṁ tvaṁ na jānāsi na passasi.
vb17:282.7	Tamahaṁ jānāmi passāmi.
vb17:282.8	So kho, bho, attā yato kāyassa bhedā ucchijjati vinassati na hoti paraṁ maraṇā, ettāvatā kho, bho, ayaṁ attā sammā samucchinno hotī”ti.
vb17:282.9	Ittheke sato sattassa ucchedaṁ vināsaṁ vibhavaṁ paññapenti.
vb17:282.10	Imā satta diṭṭhiyo.
vb17:283.1	Sattakaṁ.
vb17:284.0	8. Aṭṭhakaniddesa
vb17:284.1	Tattha katamāni aṭṭha kilesavatthūni?
vb17:284.2	Lobho, doso, moho, māno, diṭṭhi, vicikicchā, thinaṁ, uddhaccaṁ—
vb17:284.3	imāni aṭṭha kilesavatthūni.
vb17:285.1	Tattha katamāni aṭṭha kusītavatthūni?
vb17:286.1	Idha bhikkhunā kammaṁ kātabbaṁ hoti.
vb17:286.2	Tassa evaṁ hoti—
vb17:286.3	“kammaṁ kho me kātabbaṁ bhavissati.
vb17:286.4	Kammaṁ kho pana me karontassa kāyo kilamissati.
vb17:286.5	Handāhaṁ nipajjāmī”ti.
vb17:286.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:286.7	Idaṁ paṭhamaṁ kusītavatthu.
vb17:287.1	Puna caparaṁ bhikkhunā kammaṁ kataṁ hoti.
vb17:287.2	Tassa evaṁ hoti—
vb17:287.3	“ahaṁ kho kammaṁ akāsiṁ.
vb17:287.4	Kammaṁ kho pana me karontassa kāyo kilanto.
vb17:287.5	Handāhaṁ nipajjāmī”ti.
vb17:287.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:287.7	Idaṁ dutiyaṁ kusītavatthu.
vb17:288.1	Puna caparaṁ bhikkhunā maggo gantabbo hoti.
vb17:288.2	Tassa evaṁ hoti—
vb17:288.3	“maggo kho me gantabbo bhavissati.
vb17:288.4	Maggaṁ kho pana me gacchantassa kāyo kilamissati.
vb17:288.5	Handāhaṁ nipajjāmī”ti.
vb17:288.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:288.7	Idaṁ tatiyaṁ kusītavatthu.
vb17:289.1	Puna caparaṁ bhikkhunā maggo gato hoti.
vb17:289.2	Tassa evaṁ hoti—
vb17:289.3	“ahaṁ kho maggaṁ agamāsiṁ.
vb17:289.4	Maggaṁ kho pana me gacchantassa kāyo kilanto.
vb17:289.5	Handāhaṁ nipajjāmī”ti.
vb17:289.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:289.7	Idaṁ catutthaṁ kusītavatthu.
vb17:290.1	Puna caparaṁ bhikkhu gāmaṁ vā nigamaṁ vā piṇḍāya caranto na labhati lūkhassa vā paṇītassa vā bhojanassa yāvadatthaṁ pāripūriṁ.
vb17:290.2	Tassa evaṁ hoti—
vb17:290.3	“ahaṁ kho gāmaṁ vā nigamaṁ vā piṇḍāya caranto nālatthaṁ lūkhassa vā paṇītassa vā bhojanassa yāvadatthaṁ pāripūriṁ.
vb17:290.4	Tassa me kāyo kilanto akammañño.
vb17:290.5	Handāhaṁ nipajjāmī”ti.
vb17:290.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:290.7	Idaṁ pañcamaṁ kusītavatthu.
vb17:291.1	Puna caparaṁ bhikkhu gāmaṁ vā nigamaṁ vā piṇḍāya caranto labhati lūkhassa vā paṇītassa vā bhojanassa yāvadatthaṁ pāripūriṁ.
vb17:291.2	Tassa evaṁ hoti—
vb17:291.3	“ahaṁ kho gāmaṁ vā nigamaṁ vā piṇḍāya caranto alatthaṁ lūkhassa vā paṇītassa vā bhojanassa yāvadatthaṁ pāripūriṁ.
vb17:291.4	Tassa me kāyo kilanto akammañño māsācitaṁ maññe.
vb17:291.5	Handāhaṁ nipajjāmī”ti.
vb17:291.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:291.7	Idaṁ chaṭṭhaṁ kusītavatthu.
vb17:292.1	Puna caparaṁ bhikkhuno uppanno hoti appamattako ābādho.
vb17:292.2	Tassa evaṁ hoti—
vb17:292.3	“uppanno kho me ayaṁ appamattako ābādho.
vb17:292.4	Atthi kappo nipajjituṁ.
vb17:292.5	Handāhaṁ nipajjāmī”ti.
vb17:292.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:292.7	Idaṁ sattamaṁ kusītavatthu.
vb17:293.1	Puna caparaṁ bhikkhu gilānā vuṭṭhito hoti aciravuṭṭhito gelaññā.
vb17:293.2	Tassa evaṁ hoti—
vb17:293.3	“ahaṁ kho gilānā vuṭṭhito aciravuṭṭhito gelaññā.
vb17:293.4	Tassa me kāyo dubbalo akammañño.
vb17:293.5	Handāhaṁ nipajjāmī”ti.
vb17:293.6	So nipajjati; na vīriyaṁ ārabhati appattassa pattiyā, anadhigatassa adhigamāya, asacchikatassa sacchikiriyāya.
vb17:293.7	Idaṁ aṭṭhamaṁ kusītavatthu.
vb17:293.8	Imāni aṭṭha kusītavatthūni.
vb17:294.1	Tattha katamesu aṭṭhasu lokadhammesu cittassa paṭighāto?
vb17:294.2	Lābhe sārāgo, alābhe paṭivirodho, yase sārāgo, ayase paṭivirodho, pasaṁsāya sārāgo, nindāya paṭivirodho, sukhe sārāgo, dukkhe paṭivirodho—
vb17:294.3	imesu aṭṭhasu lokadhammesu cittassa paṭighāto.
vb17:295.1	Tattha katame aṭṭha anariyavohārā?
vb17:295.2	Adiṭṭhe diṭṭhavāditā, assute sutavāditā, amute mutavāditā, aviññāte viññātavāditā, diṭṭhe adiṭṭhavāditā, sute assutavāditā, mute amutavāditā, viññāte aviññātavāditā—
vb17:295.3	ime aṭṭha anariyavohārā.
vb17:296.1	Tattha katame aṭṭha micchattā?
vb17:296.2	Micchādiṭṭhi, micchāsaṅkappo, micchāvācā, micchākammanto, micchāājīvo, micchāvāyāmo, micchāsati, micchāsamādhi—
vb17:296.3	ime aṭṭha micchattā.
vb17:297.1	Tattha katame aṭṭha purisadosā?
vb17:297.2	Idha bhikkhū bhikkhuṁ āpattiyā codenti.
vb17:297.3	So bhikkhu bhikkhūhi āpattiyā codīyamāno “na sarāmi na sarāmī”ti assatiyāva nibbeṭheti.
vb17:297.4	Ayaṁ paṭhamo purisadoso.
vb17:298.1	Puna caparaṁ bhikkhū bhikkhuṁ āpattiyā codenti.
vb17:298.2	So bhikkhu bhikkhūhi āpattiyā codīyamāno codakaṁyeva paṭippharati—
vb17:298.3	“kiṁ nu kho tuyhaṁ bālassa abyattassa bhaṇitena.
vb17:298.4	Tvampi nāma maṁ bhaṇitabbaṁ maññasī”ti.
vb17:298.5	Ayaṁ dutiyo purisadoso.
vb17:299.1	Puna caparaṁ bhikkhū bhikkhuṁ āpattiyā codenti.
vb17:299.2	So bhikkhu bhikkhūhi āpattiyā codīyamāno codakaṁyeva paccāropeti—
vb17:299.3	“tvampi khosi itthannāmaṁ āpattiṁ āpanno.
vb17:299.4	Tvaṁ tāva paṭhamaṁ paṭikarohī”ti.
vb17:299.5	Ayaṁ tatiyo purisadoso.
vb17:300.1	Puna caparaṁ bhikkhū bhikkhuṁ āpattiyā codenti.
vb17:300.2	So bhikkhu bhikkhūhi āpattiyā codīyamāno aññenāññaṁ paṭicarati, bahiddhā kathaṁ apanāmeti, kopañca dosañca appaccayañca pātukaroti.
vb17:300.3	Ayaṁ catuttho purisadoso.
vb17:301.1	Puna caparaṁ bhikkhū bhikkhuṁ āpattiyā codenti.
vb17:301.2	So bhikkhu bhikkhūhi āpattiyā codīyamāno saṅghamajjhe bāhāvikkhepakaṁ bhaṇati.
vb17:301.3	Ayaṁ pañcamo purisadoso.
vb17:302.1	Puna caparaṁ bhikkhū bhikkhuṁ āpattiyā codenti.
vb17:302.2	So bhikkhu bhikkhūhi āpattiyā codīyamāno “nevāhaṁ āpannomhi, na panāhaṁ anāpannomhī”ti tuṇhībhūto saṅghaṁ viheseti.
vb17:302.3	Ayaṁ chaṭṭho purisadoso.
vb17:303.1	Puna caparaṁ bhikkhū bhikkhuṁ āpattiyā codenti.
vb17:303.2	So bhikkhu bhikkhūhi āpattiyā codīyamāno anādiyitvā saṅghaṁ, anādiyitvā codakaṁ, sāpattikova yenakāmaṁ pakkamati.
vb17:303.3	Ayaṁ sattamo purisadoso.
vb17:304.1	Puna caparaṁ bhikkhū bhikkhuṁ āpattiyā codenti.
vb17:304.2	So bhikkhu bhikkhūhi āpattiyā codīyamāno evamāha—
vb17:304.3	“kiṁ nu kho tumhe āyasmanto atibāḷhaṁ mayi byāvaṭā.
vb17:304.4	Idānāhaṁ sikkhaṁ paccakkhāya hīnāyāvattissāmī”ti.
vb17:304.5	So sikkhaṁ paccakkhāya hīnāyāvattitvā evamāha—
vb17:304.6	“idāni kho tumhe āyasmanto attamanā hothā”ti.
vb17:304.7	Ayaṁ aṭṭhamo purisadoso.
vb17:304.8	Ime aṭṭha purisadosā.
vb17:305.1	Tattha katame aṭṭha asaññīvādā?
vb17:305.2	“Rūpī attā hoti arogo paraṁ maraṇā”ti—
vb17:305.3	asaññīti naṁ paññapenti;
vb17:305.4	arūpī attā …pe…
vb17:305.5	rūpī ca arūpī ca …pe…
vb17:305.6	nevarūpīnārūpī …pe…
vb17:305.7	“antavā attā hoti arogo paraṁ maraṇā”ti—
vb17:305.8	asaññīti naṁ paññapenti;
vb17:305.9	“anantavā attā hoti arogo paraṁ maraṇā”ti—
vb17:305.10	asaññīti naṁ paññapenti;
vb17:305.11	“antavā ca anantavā ca attā hoti arogo paraṁ maraṇā”ti—
vb17:305.12	asaññīti naṁ paññapenti;
vb17:305.13	“nevantavā nānantavā attā hoti arogo paraṁ maraṇā”ti—
vb17:305.14	asaññīti naṁ paññapenti.
vb17:305.15	Ime aṭṭha asaññīvādā.
vb17:306.1	Tattha katame aṭṭha nevasaññīnāsaññīvādā?
vb17:306.2	“Rūpī attā hoti arogo paraṁ maraṇā”ti—
vb17:306.3	nevasaññīnāsaññīti naṁ paññapenti;
vb17:306.4	“arūpī attā hoti arogo paraṁ maraṇā”ti—
vb17:306.5	nevasaññīnāsaññīti naṁ paññapenti;
vb17:306.6	“rūpī ca arūpī ca attā hoti arogo paraṁ maraṇā”ti—
vb17:306.7	nevasaññīnāsaññīti naṁ paññapenti;
vb17:306.8	“nevarūpīnārūpī attā hoti arogo paraṁ maraṇā”ti—
vb17:306.9	nevasaññīnāsaññīti naṁ paññapenti;
vb17:306.10	“antavā attā hoti arogo paraṁ maraṇā”ti—
vb17:306.11	nevasaññīnāsaññīti naṁ paññapenti;
vb17:306.12	“anantavā attā hoti arogo paraṁ maraṇā”ti—
vb17:306.13	nevasaññīnāsaññīti naṁ paññapenti;
vb17:306.14	“antavā ca anantavā ca attā hoti arogo paraṁ maraṇā”ti—
vb17:306.15	nevasaññīnāsaññīti naṁ paññapenti;
vb17:306.16	“nevantavā nānantavā attā hoti arogo paraṁ maraṇā”ti—
vb17:306.17	nevasaññīnāsaññīti naṁ paññapenti.
vb17:306.18	Ime aṭṭha nevasaññīnāsaññīvādā.
vb17:307.1	Aṭṭhakaṁ.
vb17:308.0	9. Navakaniddesa
vb17:308.1	Tattha katamāni nava āghātavatthūni?
vb17:308.2	“Anatthaṁ me acarī”ti āghāto jāyati;
vb17:308.3	“anatthaṁ me caratī”ti āghāto jāyati;
vb17:308.4	“anatthaṁ me carissatī”ti āghāto jāyati;
vb17:308.5	“piyassa me manāpassa anatthaṁ acari …pe…
vb17:308.6	anatthaṁ carati …pe…
vb17:308.7	anatthaṁ carissatī”ti āghāto jāyati;
vb17:308.8	“appiyassa me amanāpassa atthaṁ acari …pe…
vb17:308.9	atthaṁ carati …pe…
vb17:308.10	atthaṁ carissatī”ti āghāto jāyati.
vb17:308.11	Imāni nava āghātavatthūni.
vb17:309.1	Tattha katamāni nava purisamalāni?
vb17:309.2	Kodho, makkho, issā, macchariyaṁ, māyā, sāṭheyyaṁ, musāvādo, pāpicchatā, micchādiṭṭhi—
vb17:309.3	imāni nava purisamalāni.
vb17:310.1	Tattha katame navavidhā mānā?
vb17:310.2	“Seyyassa seyyohamasmī”ti māno, “seyyassa sadisohamasmī”ti māno, “seyyassa hīnohamasmī”ti māno, “sadisassa seyyohamasmī”ti māno, “sadisassa sadisohamasmī”ti māno, “sadisassa hīnohamasmī”ti māno, “hīnassa seyyohamasmī”ti māno, “hīnassa sadisohamasmī”ti māno, “hīnassa hīnohamasmī”ti māno—
vb17:310.3	ime navavidhā mānā.
vb17:311.1	Tattha katame nava taṇhāmūlakā dhammā?
vb17:311.2	Taṇhaṁ paṭicca pariyesanā, pariyesanaṁ paṭicca lābho, lābhaṁ paṭicca vinicchayo, vinicchayaṁ paṭicca chandarāgo, chandarāgaṁ paṭicca ajjhosānaṁ, ajjhosānaṁ paṭicca pariggaho, pariggahaṁ paṭicca macchariyaṁ, macchariyaṁ paṭicca ārakkho, ārakkhādhikaraṇaṁ daṇḍādānasatthādānakalahaviggahavivādatuvaṁtuvaṁpesuññamusāvādā aneke pāpakā akusalā dhammā sambhavanti—
vb17:311.3	ime nava taṇhāmūlakā dhammā.
vb17:312.1	Tattha katamāni nava iñjitāni?
vb17:312.2	“Asmī”ti iñjitametaṁ, “ahamasmī”ti iñjitametaṁ, “ayamahamasmī”ti iñjitametaṁ “bhavissan”ti iñjitametaṁ, “rūpī bhavissan”ti iñjitametaṁ, “arūpī bhavissan”ti iñjitametaṁ, “saññī bhavissan”ti iñjitametaṁ, “asaññī bhavissan”ti iñjitametaṁ, “nevasaññīnāsaññī bhavissan”ti iñjitametaṁ—
vb17:312.3	imāni nava iñjitāni.
vb17:313.1	Tattha katamāni nava maññitāni …pe…
vb17:313.2	nava phanditāni …pe…
vb17:313.3	nava papañcitāni …pe…
vb17:313.4	nava saṅkhatāni?
vb17:313.5	“Asmī”ti saṅkhatametaṁ, “ahamasmī”ti saṅkhatametaṁ, “ayamahamasmī”ti saṅkhatametaṁ, “bhavissan”ti saṅkhatametaṁ, “rūpī bhavissan”ti saṅkhatametaṁ, “arūpī bhavissan”ti saṅkhatametaṁ, “saññī bhavissan”ti saṅkhatametaṁ, “asaññī bhavissan”ti saṅkhatametaṁ, “nevasaññīnāsaññī bhavissan”ti saṅkhatametaṁ—
vb17:313.6	imāni nava saṅkhatāni. –9
vb17:314.1	Navakaṁ.
vb17:315.0	10. Dasakaniddesa
vb17:315.1	Tattha katamāni dasa kilesavatthūni?
vb17:315.2	Lobho, doso, moho, māno, diṭṭhi, vicikicchā, thinaṁ, uddhaccaṁ, ahirikaṁ, anottappaṁ—
vb17:315.3	imāni dasa kilesavatthūni.
vb17:316.1	Tattha katamāni dasa āghātavatthūni?
vb17:316.2	“Anatthaṁ me acarī”ti āghāto jāyati, “anatthaṁ me caratī”ti āghāto jāyati, “anatthaṁ me carissatī”ti āghāto jāyati, “piyassa me manāpassa anatthaṁ acari …pe…
vb17:316.3	anatthaṁ carati …pe…
vb17:316.4	anatthaṁ carissatī”ti āghāto jāyati, “appiyassa me amanāpassa atthaṁ acari …pe…
vb17:316.5	atthaṁ carati …pe…
vb17:316.6	atthaṁ carissatī”ti āghāto jāyati, aṭṭhāne vā pana āghāto jāyati—
vb17:316.7	imāni dasa āghātavatthūni.
vb17:317.1	Tattha katame dasa akusalakammapathā?
vb17:317.2	Pāṇātipāto, adinnādānaṁ, kāmesumicchācāro, musāvādo, pisuṇā vācā, pharusā vācā, samphappalāpo, abhijjhā, byāpādo, micchādiṭṭhi—
vb17:317.3	ime dasa akusalakammapathā.
vb17:318.1	Tattha katamāni dasa saṁyojanāni?
vb17:318.2	Kāmarāgasaṁyojanaṁ, paṭighasaṁyojanaṁ, mānasaṁyojanaṁ, diṭṭhisaṁyojanaṁ, vicikicchāsaṁyojanaṁ, sīlabbataparāmāsasaṁyojanaṁ, bhavarāgasaṁyojanaṁ, issāsaṁyojanaṁ, macchariyasaṁyojanaṁ, avijjāsaṁyojanaṁ—
vb17:318.3	imāni dasa saṁyojanāni.
vb17:319.1	Tattha katame dasa micchattā?
vb17:319.2	Micchādiṭṭhi, micchāsaṅkappo, micchāvācā, micchākammanto, micchāājīvo, micchāvāyāmo, micchāsati, micchāsamādhi, micchāñāṇaṁ, micchāvimutti—
vb17:319.3	ime dasa micchattā.
vb17:320.1	Tattha katamā dasavatthukā micchādiṭṭhi?
vb17:320.2	“Natthi dinnaṁ, natthi yiṭṭhaṁ, natthi hutaṁ, natthi sukatadukkaṭānaṁ kammānaṁ phalaṁ vipāko, natthi ayaṁ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammā paṭipannā ye imañca lokaṁ parañca lokaṁ sayaṁ abhiññā sacchikatvā pavedentī”ti—
vb17:320.3	ayaṁ dasavatthukā micchādiṭṭhi.
vb17:321.1	Tattha katamā dasavatthukā antaggāhikā diṭṭhi?
vb17:321.2	Sassato lokoti vā, asassato lokoti vā, antavā lokoti vā, anantavā lokoti vā, taṁ jīvaṁ taṁ sarīranti vā, aññaṁ jīvaṁ aññaṁ sarīranti vā, hoti tathāgato paraṁ maraṇāti vā, na hoti tathāgato paraṁ maraṇāti vā, hoti ca na ca hoti tathāgato paraṁ maraṇāti vā, neva hoti na na hoti tathāgato paraṁ maraṇāti vā—
vb17:321.3	ayaṁ dasavatthukā antaggāhikā diṭṭhi.
vb17:322.1	Dasakaṁ.
vb17:323.0	11. Taṇhāvicaritaniddesa
vb17:323.1	Tattha katamāni aṭṭhārasa taṇhāvicaritāni ajjhattikassa upādāya?
vb17:323.2	Asmīti hoti, itthasmīti hoti, evasmīti hoti, aññathāsmīti hoti, bhavissanti hoti, itthaṁ bhavissanti hoti, evaṁ bhavissanti hoti, aññathā bhavissanti hoti, asasmīti hoti, sātasmīti hoti, siyanti hoti, itthaṁ siyanti hoti, evaṁ siyanti hoti, aññathā siyanti hoti, apāhaṁ siyanti hoti, apāhaṁ itthaṁ siyanti hoti, apāhaṁ evaṁ siyanti hoti, apāhaṁ aññathā siyanti hoti.
vb17:324.1	Kathañca asmīti hoti?
vb17:324.2	Kañci dhammaṁ anavakāriṁ karitvā rūpaṁ …pe…
vb17:324.3	vedanaṁ …pe…
vb17:324.4	saññaṁ …pe…
vb17:324.5	saṅkhāre …pe…
vb17:324.6	viññāṇaṁ asmīti chandaṁ paṭilabhati, asmīti mānaṁ paṭilabhati, asmīti diṭṭhiṁ paṭilabhati.
vb17:324.7	Tasmiṁ sati imāni papañcitāni honti—
vb17:324.8	itthasmīti vā evasmīti vā aññathāsmīti vā.
vb17:325.1	Kathañca itthasmīti hoti?
vb17:325.2	Khattiyosmīti vā, brāhmaṇosmīti vā, vessosmīti vā, suddosmīti vā, gahaṭṭhosmīti vā, pabbajitosmīti vā, devosmīti vā, manussosmīti vā, rūpīsmīti vā, arūpīsmīti vā, saññīsmīti vā, asaññīsmīti vā, nevasaññīnāsaññīsmīti vā—
vb17:325.3	evaṁ itthasmīti hoti.
vb17:326.1	Kathañca evasmīti hoti?
vb17:326.2	Parapuggalaṁ upanidhāya yathā so khattiyo tathāhaṁ khattiyosmīti vā, yathā so brāhmaṇo tathāhaṁ brāhmaṇosmīti vā, yathā so vesso tathāhaṁ vessosmīti vā yathā so suddo tathāhaṁ suddosmīti vā, yathā so gahaṭṭho tathāhaṁ gahaṭṭhosmīti vā, yathā so pabbajito tathāhaṁ pabbajitosmīti vā, yathā so devo tathāhaṁ devosmīti vā, yathā so manusso tathāhaṁ manussosmīti vā, yathā so rūpī tathāhaṁ rūpīsmīti vā, yathā so arūpī tathāhaṁ arūpīsmīti vā, yathā so saññī tathāhaṁ saññīsmīti vā, yathā so asaññī tathāhaṁ asaññīsmīti vā, yathā so nevasaññīnāsaññī tathāhaṁ nevasaññīnāsaññīsmīti vā—
vb17:326.3	evaṁ evasmīti hoti.
vb17:327.1	Kathañca aññathāsmīti hoti?
vb17:327.2	Parapuggalaṁ upanidhāya yathā so khattiyo nāhaṁ tathā khattiyosmīti vā yathā so brāhmaṇo nāhaṁ tathā brāhmaṇosmīti vā, yathā so vesso nāhaṁ tathā vessosmīti vā, yathā so suddo nāhaṁ tathā suddosmīti vā, yathā so gahaṭṭho nāhaṁ tathā gahaṭṭhosmīti vā, yathā so pabbajito nāhaṁ tathā pabbajitosmīti vā, yathā so devo nāhaṁ tathā devosmīti vā, yathā so manusso nāhaṁ tathā manussosmīti vā, yathā so rūpī nāhaṁ tathā rūpīsmīti vā, yathā so arūpī nāhaṁ tathā arūpīsmīti vā, yathā so saññī nāhaṁ tathā saññīsmīti vā, yathā so asaññī nāhaṁ tathā asaññīsmīti vā, yathā so nevasaññīnāsaññī nāhaṁ tathā nevasaññīnāsaññīsmīti vā—
vb17:327.3	evaṁ aññathāsmīti hoti.
vb17:328.1	Kathañca bhavissanti hoti?
vb17:328.2	Kañci dhammaṁ anavakāriṁ karitvā rūpaṁ …pe…
vb17:328.3	vedanaṁ …pe…
vb17:328.4	saññaṁ …pe…
vb17:328.5	saṅkhāre …pe…
vb17:328.6	viññāṇaṁ bhavissanti chandaṁ paṭilabhati, bhavissanti mānaṁ paṭilabhati, bhavissanti diṭṭhiṁ paṭilabhati.
vb17:328.7	Tasmiṁ sati imāni papañcitāni honti—
vb17:328.8	itthaṁ bhavissanti vā, evaṁ bhavissanti vā, aññathā bhavissanti vā.
vb17:329.1	Kathañca itthaṁ bhavissanti hoti?
vb17:329.2	Khattiyo bhavissanti vā, brāhmaṇo bhavissanti vā, vesso bhavissanti vā, suddo bhavissanti vā, gahaṭṭho bhavissanti vā, pabbajito bhavissanti vā, devo bhavissanti vā, manusso bhavissanti vā, rūpī bhavissanti vā, arūpī bhavissanti vā, saññī bhavissanti vā, asaññī bhavissanti vā, nevasaññīnāsaññī bhavissanti vā—
vb17:329.3	evaṁ itthaṁ bhavissanti hoti.
vb17:330.1	Kathañca evaṁ bhavissanti hoti?
vb17:330.2	Parapuggalaṁ upanidhāya yathā so khattiyo tathāhaṁ khattiyo bhavissanti vā, yathā so brāhmaṇo tathāhaṁ brāhmaṇo bhavissanti vā …pe…
vb17:330.3	yathā so nevasaññīnāsaññī tathāhaṁ nevasaññīnāsaññī bhavissanti vā—
vb17:330.4	evaṁ bhavissanti hoti.
vb17:331.1	Kathañca aññathā bhavissanti hoti?
vb17:331.2	Parapuggalaṁ upanidhāya yathā so khattiyo nāhaṁ tathā khattiyo bhavissanti vā, yathā so brāhmaṇo nāhaṁ tathā brāhmaṇo bhavissanti vā …pe…
vb17:331.3	yathā so nevasaññīnāsaññī nāhaṁ tathā nevasaññīnāsaññī bhavissanti vā—
vb17:331.4	evaṁ aññathā bhavissanti hoti.
vb17:332.1	Kathañca asasmīti hoti?
vb17:332.2	Kañci dhammaṁ anavakāriṁ karitvā rūpaṁ …pe…
vb17:332.3	vedanaṁ … saññaṁ … saṅkhāre … viññāṇaṁ niccosmi dhuvosmi sassatosmi avipariṇāmadhammosmīti—
vb17:332.4	evaṁ asasmīti hoti.
vb17:333.1	Kathañca sātasmīti hoti?
vb17:333.2	Kañci dhammaṁ anavakāriṁ karitvā rūpaṁ …pe…
vb17:333.3	vedanaṁ … saññaṁ … saṅkhāre … viññāṇaṁ ucchijjissāmi vinassissāmi na bhavissāmīti—
vb17:333.4	evaṁ sātasmīti hoti.
vb17:334.1	Kathañca siyanti hoti?
vb17:334.2	Kañci dhammaṁ anavakāriṁ karitvā rūpaṁ …pe…
vb17:334.3	vedanaṁ … saññaṁ … saṅkhāre … viññāṇaṁ siyanti chandaṁ paṭilabhati, siyanti mānaṁ paṭilabhati, siyanti diṭṭhiṁ paṭilabhati.
vb17:334.4	Tasmiṁ sati imāni papañcitāni honti—
vb17:334.5	itthaṁ siyanti vā, evaṁ siyanti vā, aññathā siyanti vā.
vb17:335.1	Kathañca itthaṁ siyanti hoti?
vb17:335.2	Khattiyo siyanti vā, brāhmaṇo siyanti vā, vesso siyanti vā, suddo siyanti vā, gahaṭṭho siyanti vā, pabbajito siyanti vā, devo siyanti vā, manusso siyanti vā, rūpī siyanti vā, arūpī siyanti vā, saññī siyanti vā, asaññī siyanti vā, nevasaññīnāsaññī siyanti vā—
vb17:335.3	evaṁ itthaṁ siyanti hoti.
vb17:336.1	Kathañca evaṁ siyanti hoti?
vb17:336.2	Parapuggalaṁ upanidhāya yathā so khattiyo tathāhaṁ khattiyo siyanti vā, yathā so brāhmaṇo tathāhaṁ brāhmaṇo siyanti vā …pe…
vb17:336.3	yathā so nevasaññīnāsaññī tathāhaṁ nevasaññīnāsaññī siyanti vā—
vb17:336.4	evaṁ evaṁ siyanti hoti.
vb17:337.1	Kathañca aññathā siyanti hoti?
vb17:337.2	Parapuggalaṁ upanidhāya yathā so khattiyo nāhaṁ tathā khattiyo siyanti vā, yathā so brāhmaṇo nāhaṁ tathā brāhmaṇo siyanti vā …pe…
vb17:337.3	yathā so nevasaññīnāsaññī nāhaṁ tathā nevasaññīnāsaññī siyanti vā—
vb17:337.4	evaṁ aññathā siyanti hoti.
vb17:338.1	Kathañca apāhaṁ siyanti hoti?
vb17:338.2	Kañci dhammaṁ anavakāriṁ karitvā rūpaṁ …pe…
vb17:338.3	vedanaṁ …pe…
vb17:338.4	saññaṁ …pe…
vb17:338.5	saṅkhāre …pe…
vb17:338.6	viññāṇaṁ apāhaṁ siyanti chandaṁ paṭilabhati, apāhaṁ siyanti mānaṁ paṭilabhati, apāhaṁ siyanti diṭṭhiṁ paṭilabhati.
vb17:338.7	Tasmiṁ sati imāni papañcitāni honti—
vb17:338.8	apāhaṁ itthaṁ siyanti vā, apāhaṁ evaṁ siyanti vā, apāhaṁ aññathā siyanti vā.
vb17:339.1	Kathañca apāhaṁ itthaṁ siyanti hoti?
vb17:339.2	Apāhaṁ khattiyo siyanti vā, apāhaṁ brāhmaṇo siyanti vā, apāhaṁ vesso siyanti vā, apāhaṁ suddo siyanti vā, apāhaṁ gahaṭṭho siyanti vā, apāhaṁ pabbajito siyanti vā, apāhaṁ devo siyanti vā, apāhaṁ manusso siyanti vā, apāhaṁ rūpī siyanti vā, apāhaṁ arūpī siyanti vā, apāhaṁ saññī siyanti vā, apāhaṁ asaññī siyanti vā, apāhaṁ nevasaññīnāsaññī siyanti vā—
vb17:339.3	evaṁ apāhaṁ itthaṁ siyanti hoti.
vb17:340.1	Kathañca apāhaṁ evaṁ siyanti hoti?
vb17:340.2	Parapuggalaṁ upanidhāya yathā so khattiyo apāhaṁ tathā khattiyo siyanti vā, yathā so brāhmaṇo apāhaṁ tathā brāhmaṇo siyanti vā …pe…
vb17:340.3	yathā so nevasaññīnāsaññī apāhaṁ tathā nevasaññīnāsaññī siyanti vā—
vb17:340.4	evaṁ apāhaṁ evaṁ siyanti hoti.
vb17:341.1	Kathañca apāhaṁ aññathā siyanti hoti?
vb17:341.2	Parapuggalaṁ upanidhāya yathā so khattiyo apāhaṁ na tathā khattiyo siyanti vā, yathā so brāhmaṇo apāhaṁ na tathā brāhmaṇo siyanti vā …pe…
vb17:341.3	yathā so nevasaññīnāsaññī apāhaṁ na tathā nevasaññīnāsaññī siyanti vā—
vb17:341.4	evaṁ apāhaṁ aññathā siyanti hoti.
vb17:342.1	Imāni aṭṭhārasa taṇhāvicaritāni ajjhattikassa upādāya.
vb17:343.1	Tattha katamāni aṭṭhārasa taṇhāvicaritāni bāhirassa upādāya?
vb17:343.2	Iminā asmīti hoti, iminā itthasmīti hoti, iminā evasmīti hoti, iminā aññathāsmīti hoti, iminā bhavissanti hoti, iminā itthaṁ bhavissanti hoti, iminā evaṁ bhavissanti hoti, iminā aññathā bhavissanti hoti, iminā asasmīti hoti, iminā sātasmīti hoti, iminā siyanti hoti, iminā itthaṁ siyanti hoti, iminā evaṁ siyanti hoti, iminā aññathā siyanti hoti, iminā apāhaṁ siyanti hoti, iminā apāhaṁ itthaṁ siyanti hoti, iminā apāhaṁ evaṁ siyanti hoti, iminā apāhaṁ aññathā siyanti hoti.
vb17:344.1	Kathañca iminā asmīti hoti?
vb17:344.2	Kañci dhammaṁ avakāriṁ karitvā rūpaṁ …pe…
vb17:344.3	vedanaṁ …pe…
vb17:344.4	saññaṁ …pe…
vb17:344.5	saṅkhāre …pe…
vb17:344.6	viññāṇaṁ iminā asmīti chandaṁ paṭilabhati, iminā asmīti mānaṁ paṭilabhati, iminā asmīti diṭṭhiṁ paṭilabhati.
vb17:344.7	Tasmiṁ sati imāni papañcitāni honti—
vb17:344.8	iminā itthasmīti vā, iminā evasmīti vā, iminā aññathāsmīti vā.
vb17:345.1	Kathañca iminā itthasmīti hoti?
vb17:345.2	Iminā khattiyosmīti vā, iminā brāhmaṇosmīti vā, iminā vessosmīti vā, iminā suddosmīti vā, iminā gahaṭṭhosmīti vā, iminā pabbajitosmīti vā, iminā devosmīti vā, iminā manussosmīti vā, iminā rūpīsmīti vā, iminā arūpīsmīti vā, iminā saññīsmīti vā, iminā asaññīsmīti vā, iminā nevasaññīnāsaññīsmīti vā—
vb17:345.3	evaṁ iminā itthasmīti hoti.
vb17:346.1	Kathañca iminā evasmīti hoti?
vb17:346.2	Parapuggalaṁ upanidhāya yathā so khattiyo iminā tathāhaṁ khattiyosmīti vā, yathā so brāhmaṇo iminā tathāhaṁ brāhmaṇosmīti vā …pe…
vb17:346.3	yathā so nevasaññīnāsaññī iminā tathāhaṁ nevasaññīnāsaññīsmīti vā—
vb17:346.4	evaṁ iminā evasmīti hoti.
vb17:347.1	Kathañca iminā aññathāsmīti hoti?
vb17:347.2	Parapuggalaṁ upanidhāya yathā so khattiyo iminā nāhaṁ tathā khattiyosmīti vā, yathā so brāhmaṇo iminā nāhaṁ tathā brāhmaṇosmīti vā …pe…
vb17:347.3	yathā so nevasaññīnāsaññī iminā nāhaṁ tathā nevasaññīnāsaññīsmīti vā—
vb17:347.4	evaṁ iminā aññathāsmīti hoti.
vb17:348.1	Kathañca iminā bhavissanti hoti?
vb17:348.2	Kañci dhammaṁ avakāriṁ karitvā rūpaṁ …
vb17:348.3	vedanaṁ …
vb17:348.4	saññaṁ …
vb17:348.5	saṅkhāre …
vb17:348.6	viññāṇaṁ iminā bhavissanti chandaṁ paṭilabhati, iminā bhavissanti mānaṁ paṭilabhati, iminā bhavissanti diṭṭhiṁ paṭilabhati.
vb17:348.7	Tasmiṁ sati imāni papañcitāni honti—
vb17:348.8	iminā itthaṁ bhavissanti vā, iminā evaṁ bhavissanti vā, iminā aññathā bhavissanti vā.
vb17:349.1	Kathañca iminā itthaṁ bhavissanti hoti?
vb17:349.2	Iminā khattiyo bhavissanti vā …pe… iminā arūpī bhavissanti vā, iminā saññī bhavissanti vā, iminā asaññī bhavissanti vā, iminā nevasaññīnāsaññī bhavissanti vā—
vb17:349.3	evaṁ iminā itthaṁ bhavissanti hoti.
vb17:350.1	Kathañca iminā evaṁ bhavissanti hoti?
vb17:350.2	Parapuggalaṁ upanidhāya yathā so khattiyo iminā tathāhaṁ khattiyo bhavissanti vā, yathā so brāhmaṇo iminā tathāhaṁ brāhmaṇo bhavissanti vā …pe…
vb17:350.3	yathā so nevasaññīnāsaññī iminā tathāhaṁ nevasaññīnāsaññī bhavissanti vā—
vb17:350.4	evaṁ iminā evaṁ bhavissanti hoti.
vb17:351.1	Kathañca iminā aññathā bhavissanti hoti?
vb17:351.2	Parapuggalaṁ upanidhāya yathā so khattiyo iminā nāhaṁ tathā khattiyo bhavissanti vā, yathā so brāhmaṇo iminā nāhaṁ tathā brāhmaṇo bhavissanti vā …pe…
vb17:351.3	yathā so nevasaññīnāsaññī iminā nāhaṁ tathā nevasaññīnāsaññī bhavissanti vā—
vb17:351.4	evaṁ iminā aññathā bhavissanti hoti.
vb17:352.1	Kathañca iminā asasmīti hoti?
vb17:352.2	Kañci dhammaṁ avakāriṁ karitvā rūpaṁ …pe…
vb17:352.3	vedanaṁ …pe…
vb17:352.4	saññaṁ …pe…
vb17:352.5	saṅkhāre …pe…
vb17:352.6	viññāṇaṁ iminā niccosmi dhuvosmi sassatosmi avipariṇāmadhammosmīti—
vb17:352.7	evaṁ iminā asasmīti hoti.
vb17:353.1	Kathañca iminā sātasmīti hoti?
vb17:353.2	Kañci dhammaṁ avakāriṁ karitvā rūpaṁ …pe…
vb17:353.3	vedanaṁ … saññaṁ … saṅkhāre … viññāṇaṁ iminā ucchijjissāmi vinassissāmi na bhavissāmīti—
vb17:353.4	evaṁ iminā sātasmīti hoti.
vb17:354.1	Kathañca iminā siyanti hoti?
vb17:354.2	Kañci dhammaṁ avakāriṁ karitvā rūpaṁ …pe…
vb17:354.3	vedanaṁ …pe…
vb17:354.4	saññaṁ …pe…
vb17:354.5	saṅkhāre …pe…
vb17:354.6	viññāṇaṁ iminā siyanti chandaṁ paṭilabhati, iminā siyanti mānaṁ paṭilabhati, iminā siyanti diṭṭhiṁ paṭilabhati.
vb17:354.7	Tasmiṁ sati imāni papañcitāni honti—
vb17:354.8	iminā itthaṁ siyanti vā, iminā evaṁ siyanti vā, iminā aññathā siyanti vā.
vb17:355.1	Kathañca iminā itthaṁ siyanti hoti?
vb17:355.2	Iminā khattiyo siyanti vā, iminā brāhmaṇo siyanti vā, iminā vesso siyanti vā, iminā suddo siyanti vā, iminā gahaṭṭho siyanti vā, iminā pabbajito siyanti vā, iminā devo siyanti vā, iminā manusso siyanti vā, iminā rūpī siyanti vā, iminā arūpī siyanti vā, iminā saññī siyanti vā, iminā asaññī siyanti vā, iminā nevasaññīnāsaññī siyanti vā—
vb17:355.3	evaṁ iminā itthaṁ siyanti hoti.
vb17:356.1	Kathañca iminā evaṁ siyanti hoti?
vb17:356.2	Parapuggalaṁ upanidhāya yathā so khattiyo iminā tathāhaṁ khattiyo siyanti vā, yathā so brāhmaṇo iminā tathāhaṁ brāhmaṇo siyanti vā …pe…
vb17:356.3	yathā so nevasaññīnāsaññī iminā tathāhaṁ nevasaññīnāsaññī siyanti vā—
vb17:356.4	evaṁ iminā evaṁ siyanti hoti.
vb17:357.1	Kathañca iminā aññathā siyanti hoti?
vb17:357.2	Parapuggalaṁ upanidhāya yathā so khattiyo iminā nāhaṁ tathā khattiyo siyanti vā, yathā so brāhmaṇo iminā nāhaṁ tathā brāhmaṇo siyanti vā …pe…
vb17:357.3	yathā so nevasaññīnāsaññī iminā nāhaṁ tathā nevasaññīnāsaññī siyanti vā—
vb17:357.4	evaṁ iminā aññathā siyanti hoti.
vb17:358.1	Kathañca iminā apāhaṁ siyanti hoti?
vb17:358.2	Kañci dhammaṁ avakāriṁ karitvā rūpaṁ …pe…
vb17:358.3	vedanaṁ …
vb17:358.4	saññaṁ …
vb17:358.5	saṅkhāre …
vb17:358.6	viññāṇaṁ iminā apāhaṁ siyanti chandaṁ paṭilabhati, iminā apāhaṁ siyanti mānaṁ paṭilabhati, iminā apāhaṁ siyanti diṭṭhiṁ paṭilabhati.
vb17:358.7	Tasmiṁ sati imāni papañcitāni honti—
vb17:358.8	iminā apāhaṁ itthaṁ siyanti vā, iminā apāhaṁ evaṁ siyanti vā, iminā apāhaṁ aññathā siyanti vā.
vb17:359.1	Kathañca iminā apāhaṁ itthaṁ siyanti hoti?
vb17:359.2	Iminā apāhaṁ khattiyo siyanti vā, iminā apāhaṁ brāhmaṇo siyanti vā, iminā apāhaṁ vesso siyanti vā, iminā apāhaṁ suddo siyanti vā, iminā apāhaṁ gahaṭṭho siyanti vā, iminā apāhaṁ pabbajito siyanti vā, iminā apāhaṁ devo siyanti vā, iminā apāhaṁ manusso siyanti vā, iminā apāhaṁ rūpī siyanti vā, iminā apāhaṁ arūpī siyanti vā, iminā apāhaṁ saññī siyanti vā, iminā apāhaṁ asaññī siyanti vā, iminā apāhaṁ nevasaññīnāsaññī siyanti vā—
vb17:359.3	evaṁ iminā apāhaṁ itthaṁ siyanti hoti.
vb17:360.1	Kathañca iminā apāhaṁ evaṁ siyanti hoti?
vb17:360.2	Parapuggalaṁ upanidhāya yathā so khattiyo iminā apāhaṁ tathā khattiyo siyanti vā, yathā so brāhmaṇo iminā apāhaṁ tathā brāhmaṇo siyanti vā …pe…
vb17:360.3	yathā so nevasaññīnāsaññī iminā apāhaṁ tathā nevasaññīnāsaññī siyanti vā—
vb17:360.4	evaṁ iminā apāhaṁ evaṁ siyanti hoti.
vb17:361.1	Kathañca iminā apāhaṁ aññathā siyanti hoti?
vb17:361.2	Parapuggalaṁ upanidhāya yathā so khattiyo iminā apāhaṁ na tathā khattiyo siyanti vā, yathā so brāhmaṇo iminā apāhaṁ na tathā brāhmaṇo siyanti vā …pe…
vb17:361.3	yathā so nevasaññīnāsaññī iminā apāhaṁ na tathā nevasaññīnāsaññī siyanti vā—
vb17:361.4	evaṁ iminā apāhaṁ aññathā siyanti hoti.
vb17:362.1	Imāni aṭṭhārasa taṇhāvicaritāni bāhirassa upādāya.
vb17:363.1	Iti imāni aṭṭhārasa taṇhāvicaritāni ajjhattikassa upādāya, imāni aṭṭhārasa taṇhāvicaritāni bāhirassa upādāya, tadekajjhaṁ abhisaññūhitvā abhisaṅkhipitvā chattiṁsa taṇhāvicaritāni honti.
vb17:363.2	Iti evarūpāni atītāni chattiṁsa taṇhāvicaritāni, anāgatāni chattiṁsa taṇhāvicaritāni, paccuppannāni chattiṁsa taṇhāvicaritāni, tadekajjhaṁ abhisaññūhitvā abhisaṅkhipitvā aṭṭhataṇhāvicaritasataṁ hoti.
vb17:364.1	Tattha katamāni dvāsaṭṭhi diṭṭhigatāni brahmajāle veyyākaraṇe vuttāni bhagavatā?
vb17:364.2	Cattāro sassatavādā, cattāro ekaccasassatikā, cattāro antānantikā, cattāro amarāvikkhepikā, dve adhiccasamuppannikā, soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca diṭṭhadhammanibbānavādā—
vb17:364.3	imāni dvāsaṭṭhi diṭṭhigatāni brahmajāle veyyākaraṇe vuttāni bhagavatāti.
vb17:365.1	Khuddakavatthuvibhaṅgo niṭṭhito.
vb18:0.1	Vibhaṅga
vb18:0.2	Dhammahadayavibhaṅga
vb18:1.0	1. Sabbasaṅgāhikavāra
vb18:1.1	Kati khandhā, kati āyatanāni, kati dhātuyo, kati saccāni, kati indriyāni, kati hetū, kati āhārā, kati phassā, kati vedanā, kati saññā, kati cetanā, kati cittāni?
vb18:2.1	Pañcakkhandhā, dvādasāyatanāni, aṭṭhārasa dhātuyo, cattāri saccāni, bāvīsatindriyāni, nava hetū, cattāro āhārā, satta phassā, satta vedanā, satta saññā, satta cetanā, satta cittāni.
vb18:3.1	Tattha katame pañcakkhandhā?
vb18:3.2	Rūpakkhandho, vedanākkhandho, saññākkhandho, saṅkhārakkhandho, viññāṇakkhandho—
vb18:3.3	ime vuccanti “pañcakkhandhā”.
vb18:4.1	Tattha katamāni dvādasāyatanāni?
vb18:4.2	Cakkhāyatanaṁ, rūpāyatanaṁ, sotāyatanaṁ, saddāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ—
vb18:4.3	imāni vuccanti “dvādasāyatanāni”.
vb18:5.1	Tattha katamā aṭṭhārasa dhātuyo?
vb18:5.2	Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu—
vb18:5.3	imā vuccanti “aṭṭhārasa dhātuyo”.
vb18:6.1	Tattha katamāni cattāri saccāni?
vb18:6.2	Dukkhasaccaṁ, samudayasaccaṁ, nirodhasaccaṁ, maggasaccaṁ—
vb18:6.3	imāni vuccanti “cattāri saccāni”.
vb18:7.1	Tattha katamāni bāvīsatindriyāni?
vb18:7.2	Cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ, purisindriyaṁ, jīvitindriyaṁ, sukhindriyaṁ, dukkhindriyaṁ, somanassindriyaṁ, domanassindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, anaññātaññassāmītindriyaṁ, aññindriyaṁ, aññātāvindriyaṁ—
vb18:7.3	imāni vuccanti “bāvīsatindriyāni”.
vb18:8.1	Tattha katame nava hetū?
vb18:8.2	Tayo kusalahetū, tayo akusalahetū, tayo abyākatahetū.
vb18:9.1	Tattha katame tayo kusalahetū?
vb18:9.2	Alobho kusalahetu, adoso kusalahetu, amoho kusalahetu—
vb18:9.3	ime tayo kusalahetū.
vb18:10.1	Tattha katame tayo akusalahetū?
vb18:10.2	Lobho akusalahetu, doso akusalahetu, moho akusalahetu—
vb18:10.3	ime tayo akusalahetū.
vb18:11.1	Tattha katame tayo abyākatahetū?
vb18:11.2	Kusalānaṁ vā dhammānaṁ vipākato kiriyābyākatesu vā dhammesu alobho, adoso, amoho—
vb18:11.3	ime tayo abyākatahetū.
vb18:11.4	Ime vuccanti “nava hetū”.
vb18:12.1	Tattha katame cattāro āhārā?
vb18:12.2	Kabaḷīkārāhāro, phassāhāro, manosañcetanāhāro, viññāṇāhāro—
vb18:12.3	ime vuccanti “cattāro āhārā”.
vb18:13.1	Tattha katame satta phassā?
vb18:13.2	Cakkhusamphasso, sotasamphasso, ghānasamphasso, jivhāsamphasso, kāyasamphasso, manodhātusamphasso, manoviññāṇadhātusamphasso—
vb18:13.3	ime vuccanti “satta phassā”.
vb18:14.1	Tattha katamā satta vedanā?
vb18:14.2	Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā—
vb18:14.3	imā vuccanti “satta vedanā”.
vb18:15.1	Tattha katamā satta saññā?
vb18:15.2	Cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā—
vb18:15.3	imā vuccanti “satta saññā”.
vb18:16.1	Tattha katamā satta cetanā?
vb18:16.2	Cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā—
vb18:16.3	imā vuccanti “satta cetanā”.
vb18:17.1	Tattha katamāni satta cittāni?
vb18:17.2	Cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu—
vb18:17.3	imāni vuccanti “satta cittāni”.
vb18:18.0.1	2. Uppattānuppattivāra
vb18:18.0.2	2.1. Kāmadhātu
vb18:18.1	Kāmadhātuyā kati khandhā, kati āyatanāni, kati dhātuyo, kati saccāni, kati indriyāni, kati hetū, kati āhārā, kati phassā, kati vedanā, kati saññā, kati cetanā, kati cittāni?
vb18:19.1	Kāmadhātuyā pañcakkhandhā, dvādasāyatanāni, aṭṭhārasa dhātuyo, tīṇi saccāni, bāvīsatindriyāni, nava hetū, cattāro āhārā, satta phassā, satta vedanā, satta saññā, satta cetanā, satta cittāni.
vb18:20.1	Tattha katame kāmadhātuyā pañcakkhandhā?
vb18:20.2	Rūpakkhandho, vedanākkhandho, saññākkhandho, saṅkhārakkhandho, viññāṇakkhandho—
vb18:20.3	ime vuccanti “kāmadhātuyā pañcakkhandhā”.
vb18:21.1	Tattha katamāni kāmadhātuyā dvādasāyatanāni?
vb18:21.2	Cakkhāyatanaṁ, rūpāyatanaṁ, sotāyatanaṁ, saddāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ—
vb18:21.3	imāni vuccanti “kāmadhātuyā dvādasāyatanāni”.
vb18:22.1	Tattha katamā kāmadhātuyā aṭṭhārasa dhātuyo?
vb18:22.2	Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, ghānadhātu, gandhadhātu, ghānaviññāṇadhātu, jivhādhātu, rasadhātu, jivhāviññāṇadhātu, kāyadhātu, phoṭṭhabbadhātu, kāyaviññāṇadhātu, manodhātu, dhammadhātu, manoviññāṇadhātu—
vb18:22.3	imā vuccanti “kāmadhātuyā aṭṭhārasa dhātuyo”.
vb18:23.1	Tattha katamāni kāmadhātuyā tīṇi saccāni?
vb18:23.2	Dukkhasaccaṁ, samudayasaccaṁ, maggasaccaṁ—
vb18:23.3	imāni vuccanti “kāmadhātuyā tīṇi saccāni”.
vb18:24.1	Tattha katamāni kāmadhātuyā bāvīsatindriyāni?
vb18:24.2	Cakkhundriyaṁ, sotindriyaṁ …pe… aññātāvindriyaṁ—
vb18:24.3	imāni vuccanti “kāmadhātuyā bāvīsatindriyāni”.
vb18:25.1	Tattha katame kāmadhātuyā nava hetū?
vb18:25.2	Tayo kusalahetū, tayo akusalahetū, tayo abyākatahetū …pe…
vb18:25.3	ime vuccanti “kāmadhātuyā nava hetū”.
vb18:26.1	Tattha katame kāmadhātuyā cattāro āhārā?
vb18:26.2	Kabaḷīkārāhāro, phassāhāro, manosañcetanāhāro, viññāṇāhāro—
vb18:26.3	ime vuccanti “kāmadhātuyā cattāro āhārā”.
vb18:27.1	Tattha katame kāmadhātuyā satta phassā?
vb18:27.2	Cakkhusamphasso sotasamphasso, ghānasamphasso, jivhāsamphasso, kāyasamphasso, manodhātusamphasso, manoviññāṇadhātusamphasso—
vb18:27.3	ime vuccanti “kāmadhātuyā satta phassā”.
vb18:28.1	Tattha katamā kāmadhātuyā satta vedanā?
vb18:28.2	Cakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manodhātusamphassajā vedanā, manoviññāṇadhātusamphassajā vedanā—
vb18:28.3	imā vuccanti “kāmadhātuyā satta vedanā”.
vb18:29.1	Tattha katamā kāmadhātuyā satta saññā?
vb18:29.2	Cakkhusamphassajā saññā, sotasamphassajā saññā, ghānasamphassajā saññā, jivhāsamphassajā saññā, kāyasamphassajā saññā, manodhātusamphassajā saññā, manoviññāṇadhātusamphassajā saññā—
vb18:29.3	imā vuccanti “kāmadhātuyā satta saññā”.
vb18:30.1	Tattha katamā kāmadhātuyā satta cetanā?
vb18:30.2	Cakkhusamphassajā cetanā, sotasamphassajā cetanā, ghānasamphassajā cetanā, jivhāsamphassajā cetanā, kāyasamphassajā cetanā, manodhātusamphassajā cetanā, manoviññāṇadhātusamphassajā cetanā—
vb18:30.3	imā vuccanti “kāmadhātuyā satta cetanā”.
vb18:31.1	Tattha katamāni kāmadhātuyā satta cittāni?
vb18:31.2	Cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu—
vb18:31.3	imāni vuccanti “kāmadhātuyā satta cittāni”.
vb18:32.0	2.2. Rūpadhātu
vb18:32.1	Rūpadhātuyā kati khandhā, kati āyatanā, kati dhātuyo, kati saccāni, kati indriyāni …pe… kati cittāni?
vb18:33.1	Rūpadhātuyā pañcakkhandhā, cha āyatanāni, nava dhātuyo, tīṇi saccāni, cuddasindriyāni, aṭṭha hetū, tayo āhārā, cattāro phassā, catasso vedanā, catasso saññā, catasso cetanā, cattāri cittāni.
vb18:34.1	Tattha katame rūpadhātuyā pañcakkhandhā?
vb18:34.2	Rūpakkhandho, vedanākkhandho, saññākkhandho, saṅkhārakkhandho, viññāṇakkhandho—
vb18:34.3	ime vuccanti “rūpadhātuyā pañcakkhandhā”.
vb18:35.1	Tattha katamāni rūpadhātuyā cha āyatanāni?
vb18:35.2	Cakkhāyatanaṁ, rūpāyatanaṁ, sotāyatanaṁ, saddāyatanaṁ, manāyatanaṁ, dhammāyatanaṁ—
vb18:35.3	imāni vuccanti “rūpadhātuyā cha āyatanāni”.
vb18:36.1	Tattha katamā rūpadhātuyā nava dhātuyo?
vb18:36.2	Cakkhudhātu, rūpadhātu, cakkhuviññāṇadhātu, sotadhātu, saddadhātu, sotaviññāṇadhātu, manodhātu, dhammadhātu, manoviññāṇadhātu—
vb18:36.3	imā vuccanti “rūpadhātuyā nava dhātuyo”.
vb18:37.1	Tattha katamāni rūpadhātuyā tīṇi saccāni?
vb18:37.2	Dukkhasaccaṁ, samudayasaccaṁ, maggasaccaṁ—
vb18:37.3	imāni vuccanti “rūpadhātuyā tīṇi saccāni”.
vb18:38.1	Tattha katamāni rūpadhātuyā cuddasindriyāni?
vb18:38.2	Cakkhundriyaṁ, sotindriyaṁ, manindriyaṁ, jīvitindriyaṁ, somanassindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, anaññātaññassāmītindriyaṁ, aññindriyaṁ, aññātāvindriyaṁ—
vb18:38.3	imāni vuccanti “rūpadhātuyā cuddasindriyāni”.
vb18:39.1	Tattha katame rūpadhātuyā aṭṭha hetū?
vb18:39.2	Tayo kusalahetū, dve akusalahetū, tayo abyākatahetū.
vb18:40.1	Tattha katame tayo kusalahetū?
vb18:40.2	Alobho kusalahetu, adoso kusalahetu, amoho kusalahetu—
vb18:40.3	ime tayo kusalahetū.
vb18:41.1	Tattha katame dve akusalahetū?
vb18:41.2	Lobho akusalahetu, moho akusalahetu—
vb18:41.3	ime dve akusalahetū.
vb18:42.1	Tattha katame tayo abyākatahetū?
vb18:42.2	Kusalānaṁ vā dhammānaṁ vipākato kiriyābyākatesu vā dhammesu alobho, adoso, amoho—
vb18:42.3	ime tayo abyākatahetū.
vb18:42.4	Ime vuccanti rūpadhātuyā aṭṭha hetū.
vb18:43.1	Tattha katame rūpadhātuyā tayo āhārā?
vb18:43.2	Phassāhāro, manosañcetanāhāro, viññāṇāhāro—
vb18:43.3	ime vuccanti “rūpadhātuyā tayo āhārā”.
vb18:44.1	Tattha katame rūpadhātuyā cattāro phassā?
vb18:44.2	Cakkhusamphasso, sotasamphasso, manodhātusamphasso, manoviññāṇadhātusamphasso—
vb18:44.3	ime vuccanti “rūpadhātuyā cattāro phassā”.
vb18:45.1	Tattha katamā rūpadhātuyā catasso vedanā …pe…
vb18:45.2	catasso saññā …pe…
vb18:45.3	catasso cetanā …pe…
vb18:45.4	cattāri cittāni?
vb18:45.5	Cakkhuviññāṇaṁ, sotaviññāṇaṁ, manodhātu, manoviññāṇadhātu—
vb18:45.6	imāni vuccanti “rūpadhātuyā cattāri cittāni”. –12
vb18:46.0	2.3. Arūpadhātu
vb18:46.1	Arūpadhātuyā kati khandhā …pe… kati cittāni?
vb18:47.1	Arūpadhātuyā cattāro khandhā, dve āyatanāni, dve dhātuyo, tīṇi saccāni, ekādasindriyāni, aṭṭha hetū, tayo āhārā, eko phasso, ekā vedanā, ekā saññā, ekā cetanā, ekaṁ cittaṁ.
vb18:48.1	Tattha katame arūpadhātuyā cattāro khandhā?
vb18:48.2	Vedanākkhandho, saññākkhandho, saṅkhārakkhandho, viññāṇakkhandho—
vb18:48.3	ime vuccanti “arūpadhātuyā cattāro khandhā”.
vb18:49.1	Tattha katamāni arūpadhātuyā dve āyatanāni?
vb18:49.2	Manāyatanaṁ, dhammāyatanaṁ—
vb18:49.3	imāni vuccanti “arūpadhātuyā dve āyatanāni”.
vb18:50.1	Tattha katamā arūpadhātuyā dve dhātuyo?
vb18:50.2	Manoviññāṇadhātu, dhammadhātu—
vb18:50.3	imā vuccanti “arūpadhātuyā dve dhātuyo”.
vb18:51.1	Tattha katamāni arūpadhātuyā tīṇi saccāni?
vb18:51.2	Dukkhasaccaṁ, samudayasaccaṁ, maggasaccaṁ—
vb18:51.3	imāni vuccanti “arūpadhātuyā tīṇi saccāni”.
vb18:52.1	Tattha katamāni arūpadhātuyā ekādasindriyāni?
vb18:52.2	Manindriyaṁ, jīvitindriyaṁ, somanassindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, aññindriyaṁ, aññātāvindriyaṁ—
vb18:52.3	imāni vuccanti “arūpadhātuyā ekādasindriyāni”.
vb18:53.1	Tattha katame arūpadhātuyā aṭṭha hetū?
vb18:53.2	Tayo kusalahetū, dve akusalahetū, tayo abyākatahetū …pe…
vb18:53.3	ime vuccanti “arūpadhātuyā aṭṭha hetū”.
vb18:54.1	Tattha katame arūpadhātuyā tayo āhārā?
vb18:54.2	Phassāhāro, manosañcetanāhāro, viññāṇāhāro—
vb18:54.3	ime vuccanti “arūpadhātuyā tayo āhārā”.
vb18:55.1	Tattha katamo arūpadhātuyā eko phasso?
vb18:55.2	Manoviññāṇadhātusamphasso—
vb18:55.3	ayaṁ vuccati “arūpadhātuyā eko phasso”.
vb18:56.1	Tattha katamā arūpadhātuyā ekā vedanā …pe…
vb18:56.2	ekā saññā …pe…
vb18:56.3	ekā cetanā …pe…
vb18:56.4	ekaṁ cittaṁ?
vb18:56.5	Manoviññāṇadhātu—
vb18:56.6	idaṁ vuccati “arūpadhātuyā ekaṁ cittaṁ”. –12
vb18:57.0	2.4. Apariyāpanna
vb18:57.1	Apariyāpanne kati khandhā …pe… kati cittāni?
vb18:58.1	Apariyāpanne cattāro khandhā, dve āyatanāni, dve dhātuyo, dve saccāni, dvādasindriyāni, cha hetū, tayo āhārā, eko phasso, ekā vedanā, ekā saññā, ekā cetanā, ekaṁ cittaṁ.
vb18:59.1	Tattha katame apariyāpanne cattāro khandhā?
vb18:59.2	Vedanākkhandho, saññākkhandho, saṅkhārakkhandho, viññāṇakkhandho—
vb18:59.3	ime vuccanti “apariyāpanne cattāro khandhā”.
vb18:60.1	Tattha katamāni apariyāpanne dve āyatanāni?
vb18:60.2	Manāyatanaṁ, dhammāyatanaṁ—
vb18:60.3	imāni vuccanti “apariyāpanne dve āyatanāni”.
vb18:61.1	Tattha katamā apariyāpanne dve dhātuyo?
vb18:61.2	Manoviññāṇadhātu, dhammadhātu—
vb18:61.3	imā vuccanti “apariyāpanne dve dhātuyo”.
vb18:62.1	Tattha katamāni apariyāpanne dve saccāni?
vb18:62.2	Maggasaccaṁ, nirodhasaccaṁ—
vb18:62.3	imāni vuccanti “apariyāpanne dve saccāni”.
vb18:63.1	Tattha katamāni apariyāpanne dvādasindriyāni?
vb18:63.2	Manindriyaṁ, jīvitindriyaṁ, somanassindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, anaññātaññassāmītindriyaṁ, aññindriyaṁ, aññātāvindriyaṁ—
vb18:63.3	imāni vuccanti “apariyāpanne dvādasindriyāni”.
vb18:64.1	Tattha katame apariyāpanne cha hetū?
vb18:64.2	Tayo kusalahetū, tayo abyākatahetū.
vb18:65.1	Tattha katame tayo kusalahetū?
vb18:65.2	Alobho kusalahetu, adoso kusalahetu, amoho kusalahetu—
vb18:65.3	ime tayo kusalahetū.
vb18:66.1	Tattha katame tayo abyākatahetū?
vb18:66.2	Kusalānaṁ dhammānaṁ vipākato alobho, adoso, amoho—
vb18:66.3	ime tayo abyākatahetū.
vb18:66.4	Ime vuccanti “apariyāpanne cha hetū”.
vb18:67.1	Tattha katame apariyāpanne tayo āhārā?
vb18:67.2	Phassāhāro, manosañcetanāhāro, viññāṇāhāro—
vb18:67.3	ime vuccanti “apariyāpanne tayo āhārā”.
vb18:68.1	Tattha katamo apariyāpanne eko phasso?
vb18:68.2	Manoviññāṇadhātusamphasso—
vb18:68.3	ayaṁ vuccati “apariyāpanne eko phasso”.
vb18:69.1	Tattha katamā apariyāpanne ekā vedanā …pe…
vb18:69.2	ekā saññā …pe…
vb18:69.3	ekā cetanā …pe…
vb18:69.4	ekaṁ cittaṁ?
vb18:69.5	Manoviññāṇadhātu—
vb18:69.6	idaṁ vuccati “apariyāpanne ekaṁ cittaṁ”. –12
vb18:70.0.1	3. Pariyāpannāpariyāpannavāra
vb18:70.0.2	3.1. Kāmadhātu
vb18:70.1	Pañcannaṁ khandhānaṁ kati kāmadhātupariyāpannā, kati na kāmadhātupariyāpannā …pe…
vb18:70.2	sattannaṁ cittānaṁ kati kāmadhātupariyāpannā, kati na kāmadhātupariyāpannā?
vb18:71.1	Rūpakkhandho kāmadhātupariyāpanno;
vb18:71.2	cattāro khandhā siyā kāmadhātupariyāpannā, siyā na kāmadhātupariyāpannā.
vb18:72.1	Dasāyatanā kāmadhātupariyāpannā;
vb18:72.2	dve āyatanā siyā kāmadhātupariyāpannā, siyā na kāmadhātupariyāpannā.
vb18:73.1	Soḷasa dhātuyo kāmadhātupariyāpannā;
vb18:73.2	dve dhātuyo siyā kāmadhātupariyāpannā, siyā na kāmadhātupariyāpannā.
vb18:74.1	Samudayasaccaṁ kāmadhātupariyāpannaṁ;
vb18:74.2	dve saccā na kāmadhātupariyāpannā;
vb18:74.3	dukkhasaccaṁ siyā kāmadhātupariyāpannaṁ, siyā na kāmadhātupariyāpannaṁ.
vb18:75.1	Dasindriyā kāmadhātupariyāpannā;
vb18:75.2	tīṇindriyā na kāmadhātupariyāpannā;
vb18:75.3	navindriyā siyā kāmadhātupariyāpannā, siyā na kāmadhātupariyāpannā.
vb18:76.1	Tayo akusalahetū kāmadhātupariyāpannā;
vb18:76.2	cha hetū siyā kāmadhātupariyāpannā, siyā na kāmadhātupariyāpannā.
vb18:77.1	Kabaḷīkāro āhāro kāmadhātupariyāpanno;
vb18:77.2	tayo āhārā siyā kāmadhātupariyāpannā, siyā na kāmadhātupariyāpannā.
vb18:78.1	Cha phassā kāmadhātupariyāpannā;
vb18:78.2	manoviññāṇadhātusamphasso siyā kāmadhātu pariyāpanno, siyā na kāmadhātupariyāpanno.
vb18:79.1	Cha vedanā …pe…
vb18:79.2	cha saññā …pe…
vb18:79.3	cha cetanā …pe…
vb18:79.4	cha cittā kāmadhātupariyāpannā;
vb18:79.5	manoviññāṇadhātu siyā kāmadhātupariyāpannā, siyā na kāmadhātupariyāpannā.
vb18:80.0	3.2. Rūpadhātu
vb18:80.1	Pañcannaṁ khandhānaṁ kati rūpadhātupariyāpannā, kati na rūpadhātupariyāpannā …pe…
vb18:80.2	sattannaṁ cittānaṁ kati rūpadhātupariyāpannā, kati na rūpadhātupariyāpannā?
vb18:81.1	Rūpakkhandho na rūpadhātupariyāpanno;
vb18:81.2	cattāro khandhā siyā rūpadhātupariyāpannā, siyā na rūpadhātupariyāpannā.
vb18:82.1	Dasāyatanā na rūpadhātupariyāpannā;
vb18:82.2	dve āyatanā siyā rūpadhātupariyāpannā, siyā na rūpadhātupariyāpannā.
vb18:83.1	Soḷasa dhātuyo na rūpadhātupariyāpannā;
vb18:83.2	dve dhātuyo siyā rūpadhātupariyāpannā, siyā na rūpadhātupariyāpannā.
vb18:84.1	Tīṇi saccāni na rūpadhātupariyāpannā;
vb18:84.2	dukkhasaccaṁ siyā rūpadhātupariyāpannaṁ, siyā na rūpadhātupariyāpannaṁ.
vb18:85.1	Terasindriyā na rūpadhātupariyāpannā;
vb18:85.2	navindriyā siyā rūpadhātupariyāpannā, siyā na rūpadhātupariyāpannā.
vb18:86.1	Tayo akusalahetū na rūpadhātupariyāpannā;
vb18:86.2	cha hetū siyā rūpadhātupariyāpannā, siyā na rūpadhātupariyāpannā.
vb18:87.1	Kabaḷīkāro āhāro na rūpadhātupariyāpanno;
vb18:87.2	tayo āhārā siyā rūpadhātupariyāpannā, siyā na rūpadhātupariyāpannā.
vb18:88.1	Cha phassā na rūpadhātupariyāpannā;
vb18:88.2	manoviññāṇadhātusamphasso siyā rūpadhātupariyāpanno, siyā na rūpadhātupariyāpanno.
vb18:89.1	Cha vedanā …pe…
vb18:89.2	cha saññā …pe…
vb18:89.3	cha cetanā …pe…
vb18:89.4	cha cittā na rūpadhātupariyāpannā;
vb18:89.5	manoviññāṇadhātu siyā rūpadhātupariyāpannā, siyā na rūpadhātupariyāpannā.
vb18:90.0	3.3. Arūpadhātu
vb18:90.1	Pañcannaṁ khandhānaṁ kati arūpadhātupariyāpannā, kati na arūpadhātupariyāpannā …pe…
vb18:90.2	sattannaṁ cittānaṁ kati arūpadhātupariyāpannā, kati na arūpadhātupariyāpannā?
vb18:91.1	Rūpakkhandho na arūpadhātupariyāpanno;
vb18:91.2	cattāro khandhā siyā arūpadhātupariyāpannā, siyā na arūpadhātupariyāpannā.
vb18:92.1	Dasāyatanā na arūpadhātupariyāpannā;
vb18:92.2	dve āyatanā siyā arūpadhātupariyāpannā, siyā na arūpadhātupariyāpannā.
vb18:93.1	Soḷasa dhātuyo na arūpadhātupariyāpannā;
vb18:93.2	dve dhātuyo siyā arūpadhātupariyāpannā, siyā na arūpadhātupariyāpannā.
vb18:94.1	Tīṇi saccāni na arūpadhātupariyāpannāni.
vb18:95.1	Dukkhasaccaṁ siyā arūpadhātupariyāpannaṁ, siyā na arūpadhātupariyāpannaṁ.
vb18:96.1	Cuddasindriyā na arūpadhātupariyāpannā;
vb18:96.2	aṭṭhindriyā siyā arūpadhātupariyāpannā, siyā na arūpadhātupariyāpannā.
vb18:97.1	Tayo akusalahetū na arūpadhātupariyāpannā;
vb18:97.2	cha hetū siyā arūpadhātupariyāpannā, siyā na arūpadhātupariyāpannā.
vb18:98.1	Kabaḷīkāro āhāro na arūpadhātupariyāpanno;
vb18:98.2	tayo āhārā siyā arūpadhātupariyāpannā, siyā na arūpadhātupariyāpannā.
vb18:99.1	Cha phassā na arūpadhātupariyāpannā;
vb18:99.2	manoviññāṇadhātusamphasso siyā arūpadhātupariyāpanno, siyā na arūpadhātupariyāpanno.
vb18:100.1	Cha vedanā …pe…
vb18:100.2	cha saññā …pe…
vb18:100.3	cha cetanā …pe…
vb18:100.4	cha cittā na arūpadhātupariyāpannā;
vb18:100.5	manoviññāṇadhātu siyā arūpadhātupariyāpannā, siyā na arūpadhātupariyāpannā.
vb18:101.0	3.4. Pariyāpannāpariyāpanna
vb18:101.1	Pañcannaṁ khandhānaṁ kati pariyāpannā, kati apariyāpannā …pe…
vb18:101.2	sattannaṁ cittānaṁ kati pariyāpannā, kati apariyāpannā?
vb18:102.1	Rūpakkhandho pariyāpanno;
vb18:102.2	cattāro khandhā siyā pariyāpannā, siyā apariyāpannā.
vb18:103.1	Dasāyatanā pariyāpannā;
vb18:103.2	dve āyatanā siyā pariyāpannā, siyā apariyāpannā.
vb18:104.1	Soḷasa dhātuyo pariyāpannā;
vb18:104.2	dve dhātuyo siyā pariyāpannā, siyā apariyāpannā.
vb18:105.1	Dve saccā pariyāpannā;
vb18:105.2	dve saccā apariyāpannā.
vb18:106.1	Dasindriyā pariyāpannā, tīṇindriyā apariyāpannā;
vb18:106.2	navindriyā siyā pariyāpannā, siyā apariyāpannā.
vb18:107.1	Tayo akusalahetū pariyāpannā;
vb18:107.2	cha hetū siyā pariyāpannā, siyā apariyāpannā.
vb18:108.1	Kabaḷīkāro āhāro pariyāpanno;
vb18:108.2	tayo āhārā siyā pariyāpannā, siyā apariyāpannā.
vb18:109.1	Cha phassā pariyāpannā;
vb18:109.2	manoviññāṇadhātusamphasso siyā pariyāpanno, siyā apariyāpanno.
vb18:110.1	Cha vedanā …pe…
vb18:110.2	cha saññā …pe…
vb18:110.3	cha cetanā …pe…
vb18:110.4	cha cittā pariyāpannā;
vb18:110.5	manoviññāṇadhātu siyā pariyāpannā, siyā apariyāpannā.
vb18:111.0.1	4. Dhammadassanavāra
vb18:111.0.2	4.1. Kāmadhātu
vb18:111.1	Kāmadhātuyā upapattikkhaṇe kati khandhā pātubhavanti …pe… kati cittāni pātubhavanti?
vb18:112.1	Kāmadhātuyā upapattikkhaṇe sabbesaṁ pañcakkhandhā pātubhavanti;
vb18:112.2	kassaci ekādasāyatanāni pātubhavanti;
vb18:112.3	kassaci dasāyatanāni pātubhavanti;
vb18:112.4	kassaci aparāni dasāyatanāni pātubhavanti;
vb18:112.5	kassaci navāyatanāni pātubhavanti;
vb18:112.6	kassaci sattāyatanāni pātubhavanti;
vb18:112.7	kassaci ekādasa dhātuyo pātubhavanti;
vb18:112.8	kassaci dasa dhātuyo pātubhavanti;
vb18:112.9	kassaci aparā dasa dhātuyo pātubhavanti;
vb18:112.10	kassaci nava dhātuyo pātubhavanti;
vb18:112.11	kassaci satta dhātuyo pātubhavanti;
vb18:112.12	sabbesaṁ ekaṁ saccaṁ pātubhavati;
vb18:112.13	kassaci cuddasindriyāni pātubhavanti;
vb18:112.14	kassaci terasindriyāni pātubhavanti;
vb18:112.15	kassaci aparāni terasindriyāni pātubhavanti;
vb18:112.16	kassaci dvādasindriyāni pātubhavanti;
vb18:112.17	kassaci dasindriyāni pātubhavanti;
vb18:112.18	kassaci navindriyāni pātubhavanti;
vb18:112.19	kassaci aparāni navindriyāni pātubhavanti;
vb18:112.20	kassaci aṭṭhindriyāni pātubhavanti;
vb18:112.21	kassaci aparāni aṭṭhindriyāni pātubhavanti;
vb18:112.22	kassaci sattindriyāni pātubhavanti;
vb18:112.23	kassaci pañcindriyāni pātubhavanti;
vb18:112.24	kassaci cattārindriyāni pātubhavanti;
vb18:112.25	kassaci tayo hetū pātubhavanti;
vb18:112.26	kassaci dve hetū pātubhavanti;
vb18:112.27	kassaci ahetukā pātubhavanti;
vb18:112.28	sabbesaṁ cattāro āhārā pātubhavanti;
vb18:112.29	sabbesaṁ eko phasso pātubhavati;
vb18:112.30	sabbesaṁ ekā vedanā …pe…
vb18:112.31	ekā saññā …pe…
vb18:112.32	ekā cetanā …pe…
vb18:112.33	ekaṁ cittaṁ pātubhavati.
vb18:113.1	Kāmadhātuyā upapattikkhaṇe sabbesaṁ katame pañcakkhandhā pātubhavanti?
vb18:113.2	Rūpakkhandho …pe…
vb18:113.3	viññāṇakkhandho—
vb18:113.4	kāmadhātuyā upapattikkhaṇe sabbesaṁ ime pañcakkhandhā pātubhavanti.
vb18:114.1	Kāmadhātuyā upapattikkhaṇe kassa ekādasāyatanāni pātubhavanti?
vb18:114.2	Kāmāvacarānaṁ devānaṁ, paṭhamakappikānaṁ manussānaṁ, opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ, nerayikānaṁ paripuṇṇāyatanānaṁ upapattikkhaṇe ekādasāyatanāni pātubhavanti—
vb18:114.3	cakkhāyatanaṁ, rūpāyatanaṁ, sotāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
vb18:114.4	Kāmadhātuyā upapattikkhaṇe etesaṁ imāni ekādasāyatanāni pātubhavanti.
vb18:115.1	Kāmadhātuyā upapattikkhaṇe kassa dasāyatanāni pātubhavanti?
vb18:115.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccandhānaṁ upapattikkhaṇe dasāyatanāni pātubhavanti—
vb18:115.3	rūpāyatanaṁ, sotāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
vb18:115.4	Kāmadhātuyā upapattikkhaṇe etesaṁ imāni dasāyatanāni pātubhavanti.
vb18:116.1	Kāmadhātuyā upapattikkhaṇe kassa aparāni dasāyatanāni pātubhavanti?
vb18:116.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccabadhirānaṁ upapattikkhaṇe dasāyatanāni pātubhavanti—
vb18:116.3	cakkhāyatanaṁ, rūpāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
vb18:116.4	Kāmadhātuyā upapattikkhaṇe etesaṁ imāni dasāyatanāni pātubhavanti.
vb18:117.1	Kāmadhātuyā upapattikkhaṇe kassa navāyatanāni pātubhavanti?
vb18:117.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccandhabadhirānaṁ upapattikkhaṇe navāyatanāni pātubhavanti—
vb18:117.3	rūpāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
vb18:117.4	Kāmadhātuyā upapattikkhaṇe etesaṁ imāni navāyatanāni pātubhavanti.
vb18:118.1	Kāmadhātuyā upapattikkhaṇe kassa sattāyatanāni pātubhavanti?
vb18:118.2	Gabbhaseyyakānaṁ sattānaṁ upapattikkhaṇe sattāyatanāni pātubhavanti—
vb18:118.3	rūpāyatanaṁ, gandhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
vb18:118.4	Kāmadhātuyā upapattikkhaṇe etesaṁ imāni sattāyatanāni pātubhavanti.
vb18:119.1	Kāmadhātuyā upapattikkhaṇe kassa ekādasa dhātuyo pātubhavanti?
vb18:119.2	Kāmāvacarānaṁ devānaṁ, paṭhamakappikānaṁ manussānaṁ, opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ paripuṇṇāyatanānaṁ upapattikkhaṇe ekādasa dhātuyo pātubhavanti—
vb18:119.3	cakkhudhātu, rūpadhātu, sotadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu.
vb18:119.4	Kāmadhātuyā upapattikkhaṇe etesaṁ imā ekādasa dhātuyo pātubhavanti.
vb18:120.1	Kāmadhātuyā upapattikkhaṇe kassa dasa dhātuyo pātubhavanti?
vb18:120.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccandhānaṁ upapattikkhaṇe dasa dhātuyo pātubhavanti—
vb18:120.3	rūpadhātu, sotadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu.
vb18:120.4	Kāmadhātuyā upapattikkhaṇe etesaṁ imā dasa dhātuyo pātubhavanti.
vb18:121.1	Kāmadhātuyā upapattikkhaṇe kassa aparā dasa dhātuyo pātubhavanti?
vb18:121.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccabadhirānaṁ upapattikkhaṇe dasa dhātuyo pātubhavanti—
vb18:121.3	cakkhudhātu, rūpadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu.
vb18:121.4	Kāmadhātuyā upapattikkhaṇe etesaṁ imā dasa dhātuyo pātubhavanti.
vb18:122.1	Kāmadhātuyā upapattikkhaṇe kassa nava dhātuyo pātubhavanti?
vb18:122.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccandhabadhirānaṁ upapattikkhaṇe nava dhātuyo pātubhavanti—
vb18:122.3	rūpadhātu, ghānadhātu, gandhadhātu, jivhādhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu.
vb18:122.4	Kāmadhātuyā upapattikkhaṇe etesaṁ imā nava dhātuyo pātubhavanti.
vb18:123.1	Kāmadhātuyā upapattikkhaṇe kassa satta dhātuyo pātubhavanti?
vb18:123.2	Gabbhaseyyakānaṁ sattānaṁ upapattikkhaṇe satta dhātuyo pātubhavanti—
vb18:123.3	rūpadhātu, gandhadhātu, rasadhātu, kāyadhātu, phoṭṭhabbadhātu, manoviññāṇadhātu, dhammadhātu.
vb18:123.4	Kāmadhātuyā upapattikkhaṇe etesaṁ imā satta dhātuyo pātubhavanti.
vb18:124.1	Kāmadhātuyā upapattikkhaṇe sabbesaṁ katamaṁ ekaṁ saccaṁ pātubhavati?
vb18:124.2	Dukkhasaccaṁ—
vb18:124.3	kāmadhātuyā upapattikkhaṇe sabbesaṁ idaṁ ekaṁ saccaṁ pātubhavati.
vb18:125.1	Kāmadhātuyā upapattikkhaṇe kassa cuddasindriyāni pātubhavanti?
vb18:125.2	Kāmāvacarānaṁ devānaṁ, sahetukānaṁ ñāṇasampayuttānaṁ upapattikkhaṇe cuddasindriyāni pātubhavanti—
vb18:125.3	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, somanassindriyaṁ vā upekkhindriyaṁ vā, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.
vb18:125.4	Kāmadhātuyā upapattikkhaṇe etesaṁ imāni cuddasindriyāni pātubhavanti.
vb18:126.1	Kāmadhātuyā upapattikkhaṇe kassa terasindriyāni pātubhavanti?
vb18:126.2	Kāmāvacarānaṁ devānaṁ sahetukānaṁ ñāṇavippayuttānaṁ upapattikkhaṇe terasindriyāni pātubhavanti—
vb18:126.3	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, somanassindriyaṁ vā upekkhindriyaṁ vā, saddhindriyaṁ, vīriyindriyaṁ, satindriyaṁ, samādhindriyaṁ.
vb18:126.4	Kāmadhātuyā upapattikkhaṇe etesaṁ imāni terasindriyāni pātubhavanti.
vb18:127.1	Kāmadhātuyā upapattikkhaṇe kassa aparāni terasindriyāni pātubhavanti?
vb18:127.2	Paṭhamakappikānaṁ manussānaṁ sahetukānaṁ ñāṇasampayuttānaṁ upapattikkhaṇe terasindriyāni pātubhavanti—
vb18:127.3	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, jīvitindriyaṁ, somanassindriyaṁ vā upekkhindriyaṁ vā, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.
vb18:127.4	Kāmadhātuyā upapattikkhaṇe etesaṁ imāni terasindriyāni pātubhavanti.
vb18:128.1	Kāmadhātuyā upapattikkhaṇe kassa dvādasindriyāni pātubhavanti?
vb18:128.2	Paṭhamakappikānaṁ manussānaṁ sahetukānaṁ ñāṇavippayuttānaṁ upapattikkhaṇe dvādasindriyāni pātubhavanti—
vb18:128.3	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, jīvitindriyaṁ, somanassindriyaṁ vā upekkhindriyaṁ vā, saddhindriyaṁ, vīriyindriyaṁ, satindriyaṁ, samādhindriyaṁ.
vb18:128.4	Kāmadhātuyā upapattikkhaṇe etesaṁ imāni dvādasindriyāni pātubhavanti.
vb18:129.1	Kāmadhātuyā upapattikkhaṇe kassa dasindriyāni pātubhavanti?
vb18:129.2	Gabbhaseyyakānaṁ sattānaṁ sahetukānaṁ ñāṇasampayuttānaṁ upapattikkhaṇe dasindriyāni pātubhavanti—
vb18:129.3	kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, somanassindriyaṁ vā upekkhindriyaṁ vā, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.
vb18:129.4	Kāmadhātuyā upapattikkhaṇe etesaṁ imāni dasindriyāni pātubhavanti.
vb18:130.1	Kāmadhātuyā upapattikkhaṇe kassa navindriyāni pātubhavanti?
vb18:130.2	Gabbhaseyyakānaṁ sattānaṁ sahetukānaṁ ñāṇavippayuttānaṁ upapattikkhaṇe navindriyāni pātubhavanti—
vb18:130.3	kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, somanassindriyaṁ vā upekkhindriyaṁ vā, saddhindriyaṁ, vīriyindriyaṁ, satindriyaṁ, samādhindriyaṁ.
vb18:130.4	Kāmadhātuyā upapattikkhaṇe etesaṁ imāni navindriyāni pātubhavanti.
vb18:131.1	Kāmadhātuyā upapattikkhaṇe kassa aparāni navindriyāni pātubhavanti?
vb18:131.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ paripuṇṇāyatanānaṁ upapattikkhaṇe navindriyāni pātubhavanti—
vb18:131.3	cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, upekkhindriyaṁ.
vb18:131.4	Kāmadhātuyā upapattikkhaṇe etesaṁ imāni navindriyāni pātubhavanti.
vb18:132.1	Kāmadhātuyā upapattikkhaṇe kassa aṭṭhindriyāni pātubhavanti?
vb18:132.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccandhānaṁ upapattikkhaṇe aṭṭhindriyāni pātubhavanti—
vb18:132.3	sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, upekkhindriyaṁ.
vb18:132.4	Kāmadhātuyā upapattikkhaṇe etesaṁ imāni aṭṭhindriyāni pātubhavanti.
vb18:133.1	Kāmadhātuyā upapattikkhaṇe kassa aparāni aṭṭhindriyāni pātubhavanti?
vb18:133.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccabadhirānaṁ upapattikkhaṇe aṭṭhindriyāni pātubhavanti—
vb18:133.3	cakkhundriyaṁ, ghānindriyaṁ, jivhindriyaṁ, kāyindriyaṁ manindriyaṁ, itthindriyaṁ vā purisindriyaṁ vā, jīvitindriyaṁ, upekkhindriyaṁ.
vb18:133.4	Kāmadhātuyā upapattikkhaṇe etesaṁ imāni aṭṭhindriyāni pātubhavanti.
vb18:134.1	Kāmadhātuyā upapattikkhaṇe kassa sattindriyāni pātubhavanti?
vb18:134.2	Opapātikānaṁ petānaṁ, opapātikānaṁ asurānaṁ, opapātikānaṁ tiracchānagatānaṁ nerayikānaṁ, jaccandhabadhirānaṁ upapattikkhaṇe sattindriyāni pātubhavanti—
vb18:134.3	ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, upekkhindriyaṁ.
vb18:134.4	Kāmadhātuyā upapattikkhaṇe etesaṁ imāni sattindriyāni pātubhavanti.
vb18:135.1	Kāmadhātuyā upapattikkhaṇe kassa pañcindriyāni pātubhavanti?
vb18:135.2	Gabbhaseyyakānaṁ sattānaṁ ahetukānaṁ, ṭhapetvā napuṁsakānaṁ, upapattikkhaṇe pañcindriyāni pātubhavanti—
vb18:135.3	kāyindriyaṁ, manindriyaṁ, itthindriyaṁ vā purisindriyaṁ vā, jīvitindriyaṁ, upekkhindriyaṁ.
vb18:135.4	Kāmadhātuyā upapattikkhaṇe etesaṁ imāni pañcindriyāni pātubhavanti.
vb18:136.1	Kāmadhātuyā upapattikkhaṇe kassa cattārindriyāni pātubhavanti?
vb18:136.2	Gabbhaseyyakānaṁ sattānaṁ ahetukānaṁ, napuṁsakānaṁ upapattikkhaṇe cattārindriyāni pātubhavanti—
vb18:136.3	kāyindriyaṁ, manindriyaṁ, jīvitindriyaṁ, upekkhindriyaṁ.
vb18:136.4	Kāmadhātuyā upapattikkhaṇe etesaṁ imāni cattārindriyāni pātubhavanti.
vb18:137.1	Kāmadhātuyā upapattikkhaṇe kassa tayo hetū pātubhavanti?
vb18:137.2	Kāmāvacarānaṁ devānaṁ, paṭhamakappikānaṁ manussānaṁ, gabbhaseyyakānaṁ sattānaṁ sahetukānaṁ ñāṇasampayuttānaṁ upapattikkhaṇe tayo hetū pātubhavanti—
vb18:137.3	alobho vipākahetu, adoso vipākahetu, amoho vipākahetu.
vb18:137.4	Kāmadhātuyā upapattikkhaṇe etesaṁ ime tayo hetū pātubhavanti.
vb18:138.1	Kāmadhātuyā upapattikkhaṇe kassa dve hetū pātubhavanti?
vb18:138.2	Kāmāvacarānaṁ devānaṁ, paṭhamakappikānaṁ manussānaṁ, gabbhaseyyakānaṁ sattānaṁ sahetukānaṁ ñāṇavippayuttānaṁ upapattikkhaṇe dve hetū pātubhavanti—
vb18:138.3	alobho vipākahetu, adoso vipākahetu.
vb18:138.4	Kāmadhātuyā upapattikkhaṇe etesaṁ ime dve hetū pātubhavanti.
vb18:138.5	Avasesānaṁ sattānaṁ ahetukā pātubhavanti.
vb18:139.1	Kāmadhātuyā upapattikkhaṇe sabbesaṁ katame cattāro āhārā pātubhavanti?
vb18:139.2	Kabaḷīkāro āhāro, phassāhāro, manosañcetanāhāro, viññāṇāhāro—
vb18:139.3	kāmadhātuyā upapattikkhaṇe sabbesaṁ ime cattāro āhārā pātubhavanti.
vb18:140.1	Kāmadhātuyā upapattikkhaṇe sabbesaṁ katamo eko phasso pātubhavati?
vb18:140.2	Manoviññāṇadhātusamphasso—
vb18:140.3	kāmadhātuyā upapattikkhaṇe sabbesaṁ ayaṁ eko phasso pātubhavati.
vb18:141.1	Kāmadhātuyā upapattikkhaṇe sabbesaṁ katamā ekā vedanā …pe…
vb18:141.2	ekā saññā …pe…
vb18:141.3	ekā cetanā …pe…
vb18:141.4	ekaṁ cittaṁ pātubhavati?
vb18:141.5	Manoviññāṇadhātu—
vb18:141.6	kāmadhātuyā upapattikkhaṇe sabbesaṁ idaṁ ekaṁ cittaṁ pātubhavati. –12
vb18:142.0	4.2. Rūpadhātu
vb18:142.1	Rūpadhātuyā upapattikkhaṇe kati khandhā pātubhavanti …pe… kati cittāni pātubhavanti?
vb18:143.1	Rūpadhātuyā upapattikkhaṇe, ṭhapetvā asaññasattānaṁ devānaṁ, pañcakkhandhā pātubhavanti, pañcāyatanāni pātubhavanti, pañca dhātuyo pātubhavanti, ekaṁ saccaṁ pātubhavati, dasindriyāni pātubhavanti, tayo hetū pātubhavanti, tayo āhārā pātubhavanti, eko phasso pātubhavati, ekā vedanā …pe…
vb18:143.2	ekā saññā …pe…
vb18:143.3	ekā cetanā …pe…
vb18:143.4	ekaṁ cittaṁ pātubhavati.
vb18:144.1	Rūpadhātuyā upapattikkhaṇe katame pañcakkhandhā pātubhavanti?
vb18:144.2	Rūpakkhandho, vedanākkhandho, saññākkhandho, saṅkhārakkhandho, viññāṇakkhandho—
vb18:144.3	rūpadhātuyā upapattikkhaṇe ime pañcakkhandhā pātubhavanti.
vb18:145.1	Rūpadhātuyā upapattikkhaṇe katamāni pañcāyatanāni pātubhavanti?
vb18:145.2	Cakkhāyatanaṁ, rūpāyatanaṁ, sotāyatanaṁ, manāyatanaṁ, dhammāyatanaṁ—
vb18:145.3	rūpadhātuyā upapattikkhaṇe imāni pañcāyatanāni pātubhavanti.
vb18:146.1	Rūpadhātuyā upapattikkhaṇe katamā pañca dhātuyo pātubhavanti?
vb18:146.2	Cakkhudhātu, rūpadhātu, sotadhātu, manoviññāṇadhātu, dhammadhātu—
vb18:146.3	rūpadhātuyā upapattikkhaṇe imā pañca dhātuyo pātubhavanti.
vb18:147.1	Rūpadhātuyā upapattikkhaṇe katamaṁ ekaṁ saccaṁ pātubhavati?
vb18:147.2	Dukkhasaccaṁ—
vb18:147.3	rūpadhātuyā upapattikkhaṇe idaṁ ekaṁ saccaṁ pātubhavati.
vb18:148.1	Rūpadhātuyā upapattikkhaṇe katamāni dasindriyāni pātubhavanti?
vb18:148.2	Cakkhundriyaṁ, sotindriyaṁ, manindriyaṁ, jīvitindriyaṁ, somanassindriyaṁ vā upekkhindriyaṁ vā, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—
vb18:148.3	rūpadhātuyā upapattikkhaṇe imāni dasindriyāni pātubhavanti.
vb18:149.1	Rūpadhātuyā upapattikkhaṇe katame tayo hetū pātubhavanti?
vb18:149.2	Alobho vipākahetu, adoso vipākahetu, amoho vipākahetu—
vb18:149.3	rūpadhātuyā upapattikkhaṇe ime tayo hetū pātubhavanti.
vb18:150.1	Rūpadhātuyā upapattikkhaṇe katame tayo āhārā pātubhavanti?
vb18:150.2	Phassāhāro, manosañcetanāhāro, viññāṇāhāro—
vb18:150.3	rūpadhātuyā upapattikkhaṇe ime tayo āhārā pātubhavanti.
vb18:151.1	Rūpadhātuyā upapattikkhaṇe katamo eko phasso pātubhavati?
vb18:151.2	Manoviññāṇadhātusamphasso—
vb18:151.3	rūpadhātuyā upapattikkhaṇe ayaṁ eko phasso pātubhavati.
vb18:152.1	Rūpadhātuyā upapattikkhaṇe katamā ekā vedanā …pe…
vb18:152.2	ekā saññā …pe…
vb18:152.3	ekā cetanā …pe…
vb18:152.4	ekaṁ cittaṁ pātubhavati?
vb18:152.5	Manoviññāṇadhātu—
vb18:152.6	rūpadhātuyā upapattikkhaṇe idaṁ ekaṁ cittaṁ pātubhavati. –12
vb18:153.0	4.3. Asaññasatta
vb18:153.1	Asaññasattānaṁ devānaṁ upapattikkhaṇe kati khandhā pātubhavanti …pe… kati cittāni pātubhavanti?
vb18:154.1	Asaññasattānaṁ devānaṁ upapattikkhaṇe eko khandho pātubhavati—
vb18:154.2	rūpakkhandho;
vb18:154.3	dve āyatanāni pātubhavanti—
vb18:154.4	rūpāyatanaṁ, dhammāyatanaṁ;
vb18:154.5	dve dhātuyo pātubhavanti—
vb18:154.6	rūpadhātu, dhammadhātu;
vb18:154.7	ekaṁ saccaṁ pātubhavati—
vb18:154.8	dukkhasaccaṁ;
vb18:154.9	ekindriyaṁ pātubhavati—
vb18:154.10	rūpajīvitindriyaṁ.
vb18:154.11	Asaññasattā devā ahetukā anāhārā aphassakā avedanakā asaññakā acetanakā acittakā pātubhavanti.
vb18:155.0	4.4. Arūpadhātu
vb18:155.1	Arūpadhātuyā upapattikkhaṇe kati khandhā pātubhavanti …pe… kati cittāni pātubhavanti?
vb18:156.1	Arūpadhātuyā upapattikkhaṇe cattāro khandhā pātubhavanti, dve āyatanāni pātubhavanti, dve dhātuyo pātubhavanti, ekaṁ saccaṁ pātubhavati, aṭṭhindriyāni pātubhavanti, tayo hetū pātubhavanti, tayo āhārā pātubhavanti, eko phasso pātubhavati, ekā vedanā …pe…
vb18:156.2	ekā saññā …pe…
vb18:156.3	ekā cetanā …pe…
vb18:156.4	ekaṁ cittaṁ pātubhavati.
vb18:157.1	Arūpadhātuyā upapattikkhaṇe katame cattāro khandhā pātubhavanti?
vb18:157.2	Vedanākkhandho, saññākkhandho, saṅkhārakkhandho, viññāṇakkhandho—
vb18:157.3	arūpadhātuyā upapattikkhaṇe ime cattāro khandhā pātubhavanti.
vb18:158.1	Arūpadhātuyā upapattikkhaṇe katamāni dve āyatanāni pātubhavanti?
vb18:158.2	Manāyatanaṁ, dhammāyatanaṁ—
vb18:158.3	arūpadhātuyā upapattikkhaṇe imāni dve āyatanāni pātubhavanti.
vb18:159.1	Arūpadhātuyā upapattikkhaṇe katamā dve dhātuyo pātubhavanti?
vb18:159.2	Manoviññāṇadhātu, dhammadhātu—
vb18:159.3	arūpadhātuyā upapattikkhaṇe imā dve dhātuyo pātubhavanti.
vb18:160.1	Arūpadhātuyā upapattikkhaṇe katamaṁ ekaṁ saccaṁ pātubhavati?
vb18:160.2	Dukkhasaccaṁ—
vb18:160.3	arūpadhātuyā upapattikkhaṇe idaṁ ekaṁ saccaṁ pātubhavati.
vb18:161.1	Arūpadhātuyā upapattikkhaṇe katamāni aṭṭhindriyāni pātubhavanti?
vb18:161.2	Manindriyaṁ, jīvitindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—
vb18:161.3	arūpadhātuyā upapattikkhaṇe imāni aṭṭhindriyāni pātubhavanti.
vb18:162.1	Arūpadhātuyā upapattikkhaṇe katame tayo hetū pātubhavanti?
vb18:162.2	Alobho vipākahetu, adoso vipākahetu, amoho vipākahetu—
vb18:162.3	arūpadhātuyā upapattikkhaṇe ime tayo hetū pātubhavanti.
vb18:163.1	Arūpadhātuyā upapattikkhaṇe katame tayo āhārā pātubhavanti?
vb18:163.2	Phassāhāro, manosañcetanāhāro, viññāṇāhāro—
vb18:163.3	arūpadhātuyā upapattikkhaṇe ime tayo āhārā pātubhavanti.
vb18:164.1	Arūpadhātuyā upapattikkhaṇe katamo eko phasso pātubhavati?
vb18:164.2	Manoviññāṇadhātusamphasso—
vb18:164.3	arūpadhātuyā upapattikkhaṇe ayaṁ eko phasso pātubhavati.
vb18:165.1	Arūpadhātuyā upapattikkhaṇe katamā ekā vedanā …pe…
vb18:165.2	ekā saññā …pe…
vb18:165.3	ekā cetanā …pe…
vb18:165.4	ekaṁ cittaṁ pātubhavati?
vb18:165.5	Manoviññāṇadhātu—
vb18:165.6	arūpadhātuyā upapattikkhaṇe idaṁ ekaṁ cittaṁ pātubhavati. –12
vb18:166.0	5. Bhūmantaradassanavāra
vb18:166.1	Kāmāvacarā dhammā, na kāmāvacarā dhammā, rūpāvacarā dhammā, na rūpāvacarā dhammā, arūpāvacarā dhammā, na arūpāvacarā dhammā, pariyāpannā dhammā, apariyāpannā dhammā.
vb18:167.1	Katame dhammā kāmāvacarā?
vb18:167.2	Heṭṭhato avīcinirayaṁ pariyantaṁ karitvā, uparito paranimmitavasavattī deve antokaritvā, yaṁ etasmiṁ antare etthāvacarā ettha pariyāpannā khandhadhātuāyatanā;
vb18:167.3	rūpaṁ, vedanā, saññā, saṅkhārā, viññāṇaṁ—
vb18:167.4	ime dhammā kāmāvacarā.
vb18:168.1	Katame dhammā na kāmāvacarā?
vb18:168.2	Rūpāvacarā, arūpāvacarā, apariyāpannā—
vb18:168.3	ime dhammā na kāmāvacarā.
vb18:169.1	Katame dhammā rūpāvacarā?
vb18:169.2	Heṭṭhato brahmalokaṁ pariyantaṁ karitvā, uparito akaniṭṭhe deve antokaritvā, yaṁ etasmiṁ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā—
vb18:169.3	ime dhammā rūpāvacarā.
vb18:170.1	Katame dhammā na rūpāvacarā?
vb18:170.2	Kāmāvacarā, arūpāvacarā, apariyāpannā—
vb18:170.3	ime dhammā na rūpāvacarā.
vb18:171.1	Katame dhammā arūpāvacarā?
vb18:171.2	Heṭṭhato ākāsānañcāyatanūpage deve pariyantaṁ karitvā, uparito nevasaññānāsaññāyatanūpage deve antokaritvā, yaṁ etasmiṁ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā—
vb18:171.3	ime dhammā arūpāvacarā.
vb18:172.1	Katame dhammā na arūpāvacarā?
vb18:172.2	Kāmāvacarā, rūpāvacarā, apariyāpannā—
vb18:172.3	ime dhammā na arūpāvacarā.
vb18:173.1	Katame dhammā pariyāpannā?
vb18:173.2	Sāsavā kusalākusalābyākatā dhammā kāmāvacarā, rūpāvacarā, arūpāvacarā, rūpakkhandho, vedanākkhandho, saññākkhandho, saṅkhārakkhandho, viññāṇakkhandho—
vb18:173.3	ime dhammā pariyāpannā.
vb18:174.1	Katame dhammā apariyāpannā?
vb18:174.2	Maggā ca, maggaphalāni ca, asaṅkhatā ca dhātu—
vb18:174.3	ime dhammā apariyāpannā.
vb18:175.0.1	6. Uppādakakammaāyuppamāṇavāra
vb18:175.0.2	6.1. Uppādakakamma
vb18:175.1	Devāti.
vb18:175.2	Tayo devā—
vb18:175.3	sammutidevā, upapattidevā, visuddhidevā.
vb18:176.1	Sammutidevā nāma—
vb18:176.2	rājāno, deviyo, kumārā.
vb18:177.1	Upapattidevā nāma—
vb18:177.2	cātumahārājike deve upādāya tadupari devā.
vb18:178.1	Visuddhidevā nāma—
vb18:178.2	arahanto vuccanti.
vb18:179.1	Dānaṁ datvā, sīlaṁ samādiyitvā, uposathakammaṁ katvā kattha upapajjanti?
vb18:179.2	Dānaṁ datvā, sīlaṁ samādiyitvā, uposathakammaṁ katvā appekacce khattiyamahāsālānaṁ sahabyataṁ upapajjanti, appekacce brāhmaṇamahāsālānaṁ sahabyataṁ upapajjanti, appekacce gahapatimahāsālānaṁ sahabyataṁ upapajjanti, appekacce cātumahārājikānaṁ devānaṁ sahabyataṁ upapajjanti, appekacce tāvatiṁsānaṁ devānaṁ sahabyataṁ upapajjanti, appekacce yāmānaṁ devānaṁ sahabyataṁ upapajjanti, appekacce tusitānaṁ devānaṁ sahabyataṁ upapajjanti, appekacce nimmānaratīnaṁ devānaṁ sahabyataṁ upapajjanti, appekacce paranimmitavasavattīnaṁ devānaṁ sahabyataṁ upapajjanti.
vb18:180.0	6.2. Āyuppamāṇa
vb18:180.1	Manussānaṁ kittakaṁ āyuppamāṇaṁ?
vb18:180.2	Vassasataṁ, appaṁ vā bhiyyo.
vb18:181.1	Cātumahārājikānaṁ devānaṁ kittakaṁ āyuppamāṇaṁ?
vb18:181.2	Yāni mānusakāni paññāsa vassāni, cātumahārājikānaṁ devānaṁ eso eko rattindivo.
vb18:181.3	Tāya rattiyā tiṁsa rattiyo māso.
vb18:181.4	Tena māsena dvādasamāsiyo saṁvaccharo.
vb18:181.5	Tena saṁvaccharena dibbāni pañca vassasatāni cātumahārājikānaṁ devānaṁ āyuppamāṇaṁ.
vb18:181.6	Manussānaṁ gaṇanāya kittakaṁ hoti?
vb18:181.7	Navuti vassasatasahassāni.
vb18:182.1	Tāvatiṁsānaṁ devānaṁ kittakaṁ āyuppamāṇaṁ?
vb18:182.2	Yaṁ mānusakaṁ vassasataṁ, tāvatiṁsānaṁ devānaṁ eso eko rattindivo.
vb18:182.3	Tāya rattiyā tiṁsa rattiyo māso.
vb18:182.4	Tena māsena dvādasamāsiyo saṁvaccharo.
vb18:182.5	Tena saṁvaccharena dibbaṁ vassasahassaṁ tāvatiṁsānaṁ devānaṁ āyuppamāṇaṁ.
vb18:182.6	Manussānaṁ gaṇanāya kittakaṁ hoti?
vb18:182.7	Tisso ca vassakoṭiyo saṭṭhi ca vassasatasahassāni.
vb18:183.1	Yāmānaṁ devānaṁ kittakaṁ āyuppamāṇaṁ?
vb18:183.2	Yāni mānusakāni dve vassasatāni, yāmānaṁ devānaṁ eso eko rattindivo.
vb18:183.3	Tāya rattiyā tiṁsarattiyo māso.
vb18:183.4	Tena māsena dvādasamāsiyo saṁvaccharo.
vb18:183.5	Tena saṁvaccharena dibbāni dve vassasahassāni yāmānaṁ devānaṁ āyuppamāṇaṁ.
vb18:183.6	Manussānaṁ gaṇanāya kittakaṁ hoti?
vb18:183.7	Cuddasañca vassakoṭiyo cattārīsañca vassasatasahassāni.
vb18:184.1	Tusitānaṁ devānaṁ kittakaṁ āyuppamāṇaṁ?
vb18:184.2	Yāni mānusakāni cattāri vassasatāni, tusitānaṁ devānaṁ eso eko rattindivo.
vb18:184.3	Tāya rattiyā tiṁsarattiyo māso.
vb18:184.4	Tena māsena dvādasamāsiyo saṁvaccharo.
vb18:184.5	Tena saṁvaccharena dibbāni cattāri vassasahassāni tusitānaṁ devānaṁ āyuppamāṇaṁ.
vb18:184.6	Manussānaṁ gaṇanāya kittakaṁ hoti?
vb18:184.7	Sattapaññāsa vassakoṭiyo saṭṭhi ca vassasatasahassāni.
vb18:185.1	Nimmānaratīnaṁ devānaṁ kittakaṁ āyuppamāṇaṁ?
vb18:185.2	Yāni mānusakāni aṭṭha vassasatāni, nimmānaratīnaṁ devānaṁ eso eko rattindivo.
vb18:185.3	Tāya rattiyā tiṁsarattiyo māso.
vb18:185.4	Tena māsena dvādasamāsiyo saṁvaccharo.
vb18:185.5	Tena saṁvaccharena dibbāni aṭṭha vassasahassāni nimmānaratīnaṁ devānaṁ āyuppamāṇaṁ.
vb18:185.6	Manussānaṁ gaṇanāya kittakaṁ hoti?
vb18:185.7	Dve vassakoṭisatāni tiṁsañca vassakoṭiyo cattārīsañca vassasatasahassāni.
vb18:186.1	Paranimmitavasavattīnaṁ devānaṁ kittakaṁ āyuppamāṇaṁ?
vb18:186.2	Yāni mānusakāni soḷasa vassasatāni, paranimmitavasavattīnaṁ devānaṁ eso eko rattindivo.
vb18:186.3	Tāya rattiyā tiṁsarattiyo māso.
vb18:186.4	Tena māsena dvādasamāsiyo saṁvaccharo.
vb18:186.5	Tena saṁvaccharena dibbāni soḷasa vassasahassāni paranimmitavasavattīnaṁ devānaṁ āyuppamāṇaṁ.
vb18:186.6	Manussānaṁ gaṇanāya kittakaṁ hoti?
vb18:186.7	Nava ca vassakoṭisatāni ekavīsañca vassakoṭiyo saṭṭhi ca vassasatasahassānīti.
vb18:187.1	Cha ete kāmāvacarā,
vb18:187.2	sabbakāmasamiddhino;
vb18:187.3	Sabbesaṁ ekasaṅkhāto,
vb18:187.4	āyu bhavati kittako.
vb18:188.1	Dvādasa koṭisataṁ tesaṁ,
vb18:188.2	aṭṭhavīsañca koṭiyo;
vb18:188.3	Paññāsa satasahassāni,
vb18:188.4	vassaggena pakāsitāti.
vb18:189.1	Paṭhamaṁ jhānaṁ parittaṁ bhāvetvā kattha upapajjanti?
vb18:189.2	Paṭhamaṁ jhānaṁ parittaṁ bhāvetvā brahmapārisajjānaṁ devānaṁ sahabyataṁ upapajjanti.
vb18:189.3	Tesaṁ kittakaṁ āyuppamāṇaṁ?
vb18:189.4	Kappassa tatiyo bhāgo.
vb18:190.1	Paṭhamaṁ jhānaṁ majjhimaṁ bhāvetvā kattha upapajjanti?
vb18:190.2	Paṭhamaṁ jhānaṁ majjhimaṁ bhāvetvā brahmapurohitānaṁ devānaṁ sahabyataṁ upapajjanti.
vb18:190.3	Tesaṁ kittakaṁ āyuppamāṇaṁ?
vb18:190.4	Upaḍḍhakappo.
vb18:191.1	Paṭhamaṁ jhānaṁ paṇītaṁ bhāvetvā kattha upapajjanti?
vb18:191.2	Paṭhamaṁ jhānaṁ paṇītaṁ bhāvetvā mahābrahmānaṁ devānaṁ sahabyataṁ upapajjanti.
vb18:191.3	Tesaṁ kittakaṁ āyuppamāṇaṁ?
vb18:191.4	Kappo.
vb18:192.1	Dutiyaṁ jhānaṁ parittaṁ bhāvetvā kattha upapajjanti?
vb18:192.2	Dutiyaṁ jhānaṁ parittaṁ bhāvetvā parittābhānaṁ devānaṁ sahabyataṁ upapajjanti.
vb18:192.3	Tesaṁ kittakaṁ āyuppamāṇaṁ?
vb18:192.4	Dve kappā.
vb18:193.1	Dutiyaṁ jhānaṁ majjhimaṁ bhāvetvā kattha upapajjanti?
vb18:193.2	Dutiyaṁ jhānaṁ majjhimaṁ bhāvetvā appamāṇābhānaṁ devānaṁ sahabyataṁ upapajjanti.
vb18:193.3	Tesaṁ kittakaṁ āyuppamāṇaṁ?
vb18:193.4	Cattāro kappā.
vb18:194.1	Dutiyaṁ jhānaṁ paṇītaṁ bhāvetvā kattha upapajjanti?
vb18:194.2	Dutiyaṁ jhānaṁ paṇītaṁ bhāvetvā ābhassarānaṁ devānaṁ sahabyataṁ upapajjanti.
vb18:194.3	Tesaṁ kittakaṁ āyuppamāṇaṁ?
vb18:194.4	Aṭṭha kappā.
vb18:195.1	Tatiyaṁ jhānaṁ parittaṁ bhāvetvā kattha upapajjanti?
vb18:195.2	Tatiyaṁ jhānaṁ parittaṁ bhāvetvā parittasubhānaṁ devānaṁ sahabyataṁ upapajjanti.
vb18:195.3	Tesaṁ kittakaṁ āyuppamāṇaṁ?
vb18:195.4	Soḷasa kappā.
vb18:196.1	Tatiyaṁ jhānaṁ majjhimaṁ bhāvetvā kattha upapajjanti?
vb18:196.2	Tatiyaṁ jhānaṁ majjhimaṁ bhāvetvā appamāṇasubhānaṁ devānaṁ sahabyataṁ upapajjanti.
vb18:196.3	Tesaṁ kittakaṁ āyuppamāṇaṁ?
vb18:196.4	Bāttiṁsa kappā.
vb18:197.1	Tatiyaṁ jhānaṁ paṇītaṁ bhāvetvā kattha upapajjanti?
vb18:197.2	Tatiyaṁ jhānaṁ paṇītaṁ bhāvetvā subhakiṇhānaṁ devānaṁ sahabyataṁ upapajjanti.
vb18:197.3	Tesaṁ kittakaṁ āyuppamāṇaṁ?
vb18:197.4	Catusaṭṭhi kappā.
vb18:198.1	Catutthaṁ jhānaṁ bhāvetvā ārammaṇanānattatā manasikāranānattatā chandanānattatā paṇidhinānattatā adhimokkhanānattatā abhinīhāranānattatā paññānānattatā appekacce asaññasattānaṁ devānaṁ sahabyataṁ upapajjanti, appekacce vehapphalānaṁ devānaṁ sahabyataṁ upapajjanti, appekacce avihānaṁ devānaṁ sahabyataṁ upapajjanti, appekacce atappānaṁ devānaṁ sahabyataṁ upapajjanti, appekacce sudassānaṁ devānaṁ sahabyataṁ upapajjanti, appekacce sudassīnaṁ devānaṁ sahabyataṁ upapajjanti, appekacce akaniṭṭhānaṁ devānaṁ sahabyataṁ upapajjanti, appekacce ākāsānañcāyatanūpagānaṁ devānaṁ sahabyataṁ upapajjanti, appekacce viññāṇañcāyatanūpagānaṁ devānaṁ sahabyataṁ upapajjanti, appekacce ākiñcaññāyatanūpagānaṁ devānaṁ sahabyataṁ upapajjanti, appekacce nevasaññānāsaññāyatanūpagānaṁ devānaṁ sahabyataṁ upapajjanti.
vb18:199.1	Asaññasattānañca vehapphalānañca devānaṁ kittakaṁ āyuppamāṇaṁ?
vb18:199.2	Pañcakappasatāni.
vb18:200.1	Avihānaṁ devānaṁ kittakaṁ āyuppamāṇaṁ?
vb18:200.2	Kappasahassaṁ.
vb18:201.1	Atappānaṁ devānaṁ kittakaṁ āyuppamāṇaṁ?
vb18:201.2	Dve kappasahassāni.
vb18:202.1	Sudassānaṁ devānaṁ kittakaṁ āyuppamāṇaṁ?
vb18:202.2	Cattāri kappasahassāni.
vb18:203.1	Sudassīnaṁ devānaṁ kittakaṁ āyuppamāṇaṁ?
vb18:203.2	Aṭṭha kappasahassāni.
vb18:204.1	Akaniṭṭhānaṁ devānaṁ kittakaṁ āyuppamāṇaṁ?
vb18:204.2	Soḷasa kappasahassāni.
vb18:205.1	Ākāsānañcāyatanūpagānaṁ devānaṁ kittakaṁ āyuppamāṇaṁ?
vb18:205.2	Vīsati kappasahassāni.
vb18:206.1	Viññāṇañcāyatanūpagānaṁ devānaṁ kittakaṁ āyuppamāṇaṁ?
vb18:206.2	Cattārīsa kappasahassāni.
vb18:207.1	Ākiñcaññāyatanūpagānaṁ devānaṁ kittakaṁ āyuppamāṇaṁ?
vb18:207.2	Saṭṭhi kappasahassāni.
vb18:208.1	Nevasaññānāsaññāyatanūpagānaṁ devānaṁ kittakaṁ āyuppamāṇaṁ?
vb18:208.2	Caturāsīti kappasahassānīti.
vb18:209.1	Ukkhittā puññatejena,
vb18:209.2	kāmarūpagatiṁ gatā;
vb18:209.3	Bhavaggatampi sampattā,
vb18:209.4	punāgacchanti duggatiṁ.
vb18:210.1	Tāva dīghāyukā sattā,
vb18:210.2	cavanti āyusaṅkhayā;
vb18:210.3	Natthi koci bhavo nicco,
vb18:210.4	iti vuttaṁ mahesinā.
vb18:211.1	Tasmā hi dhīrā nipakā,
vb18:211.2	nipuṇā atthacintakā;
vb18:211.3	Jarāmaraṇamokkhāya,
vb18:211.4	bhāventi maggamuttamaṁ.
vb18:212.1	Bhāvayitvā suciṁ maggaṁ,
vb18:212.2	Nibbānogadhagāminaṁ;
vb18:212.3	Sabbāsave pariññāya,
vb18:212.4	Parinibbanti anāsavāti.
vb18:213.0	7. Abhiññeyyādivāra
vb18:213.1	Pañcannaṁ khandhānaṁ kati abhiññeyyā, kati pariññeyyā, kati pahātabbā, kati bhāvetabbā, kati sacchikātabbā, kati na pahātabbā, na bhāvetabbā, na sacchikātabbā …pe…
vb18:213.2	sattannaṁ cittānaṁ kati abhiññeyyā, kati pariññeyyā, kati pahātabbā, kati bhāvetabbā, kati sacchikātabbā, kati na pahātabbā na bhāvetabbā na sacchikātabbā?
vb18:214.1	Rūpakkhandho abhiññeyyo pariññeyyo na pahātabbo na bhāvetabbo na sacchikātabbo.
vb18:214.2	Cattāro khandhā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.
vb18:215.1	Dasāyatanā abhiññeyyā pariññeyyā na pahātabbā na bhāvetabbā na sacchikātabbā.
vb18:215.2	Dve āyatanā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.
vb18:216.1	Soḷasa dhātuyo abhiññeyyā pariññeyyā na pahātabbā na bhāvetabbā na sacchikātabbā.
vb18:216.2	Dve dhātuyo abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.
vb18:217.1	Samudayasaccaṁ abhiññeyyaṁ pariññeyyaṁ pahātabbaṁ na bhāvetabbaṁ na sacchikātabbaṁ.
vb18:217.2	Maggasaccaṁ abhiññeyyaṁ pariññeyyaṁ na pahātabbaṁ bhāvetabbaṁ na sacchikātabbaṁ.
vb18:217.3	Nirodhasaccaṁ abhiññeyyaṁ pariññeyyaṁ na pahātabbaṁ na bhāvetabbaṁ sacchikātabbaṁ.
vb18:217.4	Dukkhasaccaṁ abhiññeyyaṁ pariññeyyaṁ, siyā pahātabbaṁ, na bhāvetabbaṁ, na sacchikātabbaṁ, siyā na pahātabbaṁ.
vb18:218.1	Navindriyā abhiññeyyā pariññeyyā na pahātabbā na bhāvetabbā na sacchikātabbā.
vb18:218.2	Domanassindriyaṁ abhiññeyyaṁ pariññeyyaṁ pahātabbaṁ na bhāvetabbaṁ na sacchikātabbaṁ.
vb18:218.3	Anaññātaññassāmītindriyaṁ abhiññeyyaṁ pariññeyyaṁ na pahātabbaṁ bhāvetabbaṁ na sacchikātabbaṁ.
vb18:218.4	Aññindriyaṁ abhiññeyyaṁ pariññeyyaṁ na pahātabbaṁ, siyā bhāvetabbaṁ, siyā sacchikātabbaṁ.
vb18:218.5	Aññātāvindriyaṁ abhiññeyyaṁ pariññeyyaṁ na pahātabbaṁ na bhāvetabbaṁ sacchikātabbaṁ.
vb18:218.6	Tīṇindriyā abhiññeyyā pariññeyyā na pahātabbā, siyā bhāvetabbā, siyā sacchikātabbā, siyā na bhāvetabbā, sacchikātabbā.
vb18:218.7	Cha indriyā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.
vb18:219.1	Tayo akusalahetū abhiññeyyā pariññeyyā pahātabbā na bhāvetabbā na sacchikātabbā.
vb18:219.2	Tayo kusalahetū abhiññeyyā pariññeyyā na pahātabbā, siyā bhāvetabbā, na sacchikātabbā, siyā na bhāvetabbā.
vb18:219.3	Tayo abyākatahetū abhiññeyyā pariññeyyā na pahātabbā na bhāvetabbā, siyā sacchikātabbā, siyā na sacchikātabbā.
vb18:220.1	Kabaḷīkāro āhāro abhiññeyyo pariññeyyo na pahātabbo na bhāvetabbo na sacchikātabbo.
vb18:220.2	Tayo āhārā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā.
vb18:221.1	Cha phassā abhiññeyyā pariññeyyā na pahātabbā na bhāvetabbā na sacchikātabbā.
vb18:221.2	Manoviññāṇadhātusamphasso abhiññeyyo pariññeyyo, siyā pahātabbo, siyā bhāvetabbo, siyā sacchikātabbo, siyā na pahātabbo na bhāvetabbo na sacchikātabbo.
vb18:222.1	Cha vedanā …pe…
vb18:222.2	cha saññā …pe…
vb18:222.3	cha cetanā …pe…
vb18:222.4	cha cittā abhiññeyyā pariññeyyā na pahātabbā na bhāvetabbā na sacchikātabbā.
vb18:222.5	Manoviññāṇadhātu abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā na bhāvetabbā na sacchikātabbā. –12
vb18:223.0	8. Sārammaṇānārammaṇavāra
vb18:223.1	Pañcannaṁ khandhānaṁ kati sārammaṇā, kati anārammaṇā …pe…
vb18:223.2	sattannaṁ cittānaṁ kati sārammaṇā, kati anārammaṇā?
vb18:224.1	Rūpakkhandho anārammaṇo.
vb18:224.2	Cattāro khandhā sārammaṇā.
vb18:225.1	Dasāyatanā anārammaṇā.
vb18:225.2	Manāyatanaṁ sārammaṇaṁ.
vb18:225.3	Dhammāyatanaṁ siyā sārammaṇaṁ, siyā anārammaṇaṁ.
vb18:226.1	Dasa dhātuyo anārammaṇā.
vb18:226.2	Satta dhātuyo sārammaṇā.
vb18:226.3	Dhammadhātu siyā sārammaṇā, siyā anārammaṇā.
vb18:227.1	Dve saccā sārammaṇā.
vb18:227.2	Nirodhasaccaṁ anārammaṇaṁ.
vb18:227.3	Dukkhasaccaṁ siyā sārammaṇaṁ, siyā anārammaṇaṁ.
vb18:228.1	Sattindriyā anārammaṇā.
vb18:228.2	Cuddasindriyā sārammaṇā.
vb18:228.3	Jīvitindriyaṁ siyā sārammaṇaṁ, siyā anārammaṇaṁ.
vb18:228.4	Nava hetū sārammaṇā.
vb18:228.5	Kabaḷīkāro āhāro anārammaṇo.
vb18:228.6	Tayo āhārā sārammaṇā.
vb18:228.7	Satta phassā …pe…
vb18:228.8	satta vedanā …pe…
vb18:228.9	satta saññā …pe…
vb18:228.10	satta cetanā …pe…
vb18:228.11	satta cittā sārammaṇā.
vb18:229.1	Pañcannaṁ khandhānaṁ kati sārammaṇārammaṇā, kati anārammaṇārammaṇā …pe…
vb18:229.2	sattannaṁ cittānaṁ kati sārammaṇārammaṇā, kati anārammaṇārammaṇā?
vb18:230.1	Rūpakkhandho anārammaṇo.
vb18:230.2	Cattāro khandhā siyā sārammaṇārammaṇā, siyā anārammaṇārammaṇā.
vb18:231.1	Dasāyatanā anārammaṇā.
vb18:231.2	Manāyatanaṁ siyā sārammaṇārammaṇaṁ, siyā anārammaṇārammaṇaṁ.
vb18:231.3	Dhammāyatanaṁ siyā sārammaṇārammaṇaṁ, siyā anārammaṇārammaṇaṁ, siyā anārammaṇaṁ.
vb18:232.1	Dasa dhātuyo anārammaṇā.
vb18:232.2	Cha dhātuyo anārammaṇārammaṇā.
vb18:232.3	Manoviññāṇadhātu siyā sārammaṇārammaṇā, siyā anārammaṇārammaṇā.
vb18:232.4	Dhammadhātu siyā sārammaṇārammaṇā, siyā anārammaṇārammaṇā, siyā anārammaṇā.
vb18:233.1	Nirodhasaccaṁ anārammaṇaṁ.
vb18:233.2	Maggasaccaṁ anārammaṇārammaṇaṁ.
vb18:233.3	Samudayasaccaṁ siyā sārammaṇārammaṇaṁ, siyā anārammaṇārammaṇaṁ.
vb18:233.4	Dukkhasaccaṁ siyā sārammaṇārammaṇaṁ, siyā anārammaṇārammaṇaṁ, siyā anārammaṇaṁ.
vb18:234.1	Sattindriyā anārammaṇā.
vb18:234.2	Pañcindriyā anārammaṇārammaṇā.
vb18:234.3	Navindriyā siyā sārammaṇārammaṇā, siyā anārammaṇārammaṇā.
vb18:234.4	Jīvitindriyaṁ siyā sārammaṇārammaṇaṁ, siyā anārammaṇārammaṇaṁ, siyā anārammaṇaṁ.
vb18:235.1	Nava hetū siyā sārammaṇārammaṇā, siyā anārammaṇārammaṇā.
vb18:235.2	Kabaḷīkāro āhāro anārammaṇo.
vb18:235.3	Tayo āhārā siyā sārammaṇārammaṇā, siyā anārammaṇārammaṇā.
vb18:235.4	Cha phassā anārammaṇārammaṇā.
vb18:235.5	Manoviññāṇadhātusamphasso siyā sārammaṇārammaṇo siyā anārammaṇārammaṇo.
vb18:235.6	Cha vedanā …pe…
vb18:235.7	cha saññā …pe…
vb18:235.8	cha cetanā …pe…
vb18:235.9	cha cittā anārammaṇārammaṇā.
vb18:235.10	Manoviññāṇadhātu siyā sārammaṇārammaṇā, siyā anārammaṇārammaṇā.
vb18:236.0	9. Diṭṭhasutādidassanavāra
vb18:236.1	Pañcannaṁ khandhānaṁ kati diṭṭhā, kati sutā, kati mutā, kati viññātā, kati na diṭṭhā na sutā na mutā na viññātā …pe…
vb18:236.2	sattannaṁ cittānaṁ kati diṭṭhā, kati sutā, kati mutā, kati viññātā, kati na diṭṭhā na sutā na mutā na viññātā?
vb18:237.1	Rūpakkhandho siyā diṭṭho, siyā suto, siyā muto, siyā viññāto, siyā na diṭṭho na suto na muto, viññāto.
vb18:237.2	Cattāro khandhā na diṭṭhā na sutā na mutā, viññātā.
vb18:238.1	Rūpāyatanaṁ diṭṭhaṁ, na sutaṁ na mutaṁ, viññātaṁ.
vb18:238.2	Saddāyatanaṁ na diṭṭhaṁ, sutaṁ, na mutaṁ, viññātaṁ.
vb18:238.3	Gandhāyatanaṁ …pe…
vb18:238.4	rasāyatanaṁ …pe…
vb18:238.5	phoṭṭhabbāyatanaṁ na diṭṭhaṁ na sutaṁ, mutaṁ, viññātaṁ.
vb18:238.6	Sattāyatanā na diṭṭhā na sutā na mutā, viññātā.
vb18:239.1	Rūpadhātu diṭṭhā, na sutā na mutā, viññātā.
vb18:239.2	Saddadhātu na diṭṭhā, sutā, na mutā, viññātā.
vb18:239.3	Gandhadhātu …pe…
vb18:239.4	rasadhātu …pe…
vb18:239.5	phoṭṭhabbadhātu na diṭṭhā na sutā, mutā, viññātā.
vb18:239.6	Terasa dhātuyo na diṭṭhā na sutā na mutā, viññātā.
vb18:240.1	Tīṇi saccāni na diṭṭhā na sutā na mutā, viññātā.
vb18:240.2	Dukkhasaccaṁ siyā diṭṭhaṁ, siyā sutaṁ, siyā mutaṁ, siyā viññātaṁ, siyā na diṭṭhaṁ na sutaṁ na mutaṁ, viññātaṁ.
vb18:241.1	Bāvīsatindriyā na diṭṭhā na sutā na mutā, viññātā.
vb18:241.2	Nava hetū na diṭṭhā na sutā na mutā, viññātā.
vb18:241.3	Cattāro āhārā na diṭṭhā na sutā na mutā, viññātā.
vb18:241.4	Satta phassā na diṭṭhā na sutā na mutā, viññātā.
vb18:241.5	Satta vedanā …pe…
vb18:241.6	satta saññā …pe…
vb18:241.7	satta cetanā …pe…
vb18:241.8	satta cittā na diṭṭhā na sutā na mutā, viññātā.
vb18:242.0.1	10. Tikādidassanavāra
vb18:242.0.2	10.1. Kusalattika
vb18:242.1	Pañcannaṁ khandhānaṁ kati kusalā, kati akusalā, kati abyākatā …pe…
vb18:242.2	sattannaṁ cittānaṁ kati kusalā, kati akusalā, kati abyākatā?
vb18:243.1	Rūpakkhandho abyākato.
vb18:243.2	Cattāro khandhā siyā kusalā, siyā akusalā, siyā abyākatā.
vb18:243.3	Dasāyatanā abyākatā.
vb18:243.4	Dvāyatanā siyā kusalā, siyā akusalā, siyā abyākatā.
vb18:243.5	Soḷasa dhātuyo abyākatā.
vb18:243.6	Dve dhātuyo siyā kusalā, siyā akusalā, siyā abyākatā.
vb18:243.7	Samudayasaccaṁ akusalaṁ.
vb18:243.8	Maggasaccaṁ kusalaṁ.
vb18:243.9	Nirodhasaccaṁ abyākataṁ.
vb18:243.10	Dukkhasaccaṁ siyā kusalaṁ, siyā akusalaṁ, siyā abyākataṁ.
vb18:244.1	Dasindriyā abyākatā.
vb18:244.2	Domanassindriyaṁ akusalaṁ.
vb18:244.3	Anaññātaññassāmītindriyaṁ kusalaṁ.
vb18:244.4	Cattārindriyā siyā kusalā, siyā abyākatā.
vb18:244.5	Cha indriyā siyā kusalā, siyā akusalā, siyā abyākatā.
vb18:245.1	Tayo kusalahetū kusalā.
vb18:245.2	Tayo akusalahetū akusalā.
vb18:245.3	Tayo abyākatahetū abyākatā.
vb18:245.4	Kabaḷīkāro āhāro abyākato.
vb18:245.5	Tayo āhārā siyā kusalā, siyā akusalā, siyā abyākatā.
vb18:245.6	Cha phassā abyākatā.
vb18:245.7	Manoviññāṇadhātusamphasso siyā kusalo, siyā akusalo, siyā abyākato.
vb18:245.8	Cha vedanā …pe…
vb18:245.9	cha saññā …pe…
vb18:245.10	cha cetanā …pe…
vb18:245.11	cha cittā abyākatā.
vb18:245.12	Manoviññāṇadhātu siyā kusalā, siyā akusalā, siyā abyākatā.
vb18:246.0	10.2. Vedanāttika
vb18:246.1	Pañcannaṁ khandhānaṁ kati sukhāya vedanāya sampayuttā, kati dukkhāya vedanāya sampayuttā, kati adukkhamasukhāya vedanāya sampayuttā …pe… sattannaṁ cittānaṁ kati sukhāya vedanāya sampayuttā, kati dukkhāya vedanāya sampayuttā, kati adukkhamasukhāya vedanāya sampayuttā?
vb18:247.1	Dve khandhā na vattabbā “sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb18:247.2	Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.
vb18:248.1	Dasāyatanā na vattabbā “sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb18:248.2	Manāyatanaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ.
vb18:248.3	Dhammāyatanaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ, siyā na vattabbaṁ “sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb18:249.1	Dasa dhātuyo na vattabbā “sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb18:249.2	Pañca dhātuyo adukkhamasukhāya vedanāya sampayuttā, kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā.
vb18:249.3	Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.
vb18:249.4	Dhammadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā, siyā na vattabbā “sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb18:250.1	Dve saccā siyā sukhāya vedanāya sampayuttā, siyā adukkhamasukhāya vedanāya sampayuttā.
vb18:250.2	Nirodhasaccaṁ na vattabbaṁ “sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb18:250.3	Dukkhasaccaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ, siyā na vattabbaṁ “sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb18:251.1	Dvādasindriyā na vattabbā “sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb18:251.2	Cha indriyā siyā sukhāya vedanāya sampayuttā, siyā adukkhamasukhāya vedanāya sampayuttā.
vb18:251.3	Tīṇindriyā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.
vb18:251.4	Jīvitindriyaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ, siyā na vattabbaṁ “sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.
vb18:252.1	Doso akusalahetu dukkhāya vedanāya sampayutto.
vb18:252.2	Satta hetū siyā sukhāya vedanāya sampayuttā, siyā adukkhamasukhāya vedanāya sampayuttā.
vb18:252.3	Moho akusalahetu siyā sukhāya vedanāya sampayutto, siyā dukkhāya vedanāya sampayutto, siyā adukkhamasukhāya vedanāya sampayutto.
vb18:253.1	Kabaḷīkāro āhāro na vattabbo “sukhāya vedanāya sampayutto”tipi, “dukkhāya vedanāya sampayutto”tipi, “adukkhamasukhāya vedanāya sampayutto”tipi.
vb18:253.2	Tayo āhārā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā.
vb18:254.1	Pañca phassā adukkhamasukhāya vedanāya sampayuttā.
vb18:254.2	Kāyaviññāṇadhātusamphasso siyā sukhāya vedanāya sampayutto, siyā dukkhāya vedanāya sampayutto.
vb18:254.3	Manoviññāṇadhātusamphasso siyā sukhāya vedanāya sampayutto, siyā dukkhāya vedanāya sampayutto, siyā adukkhamasukhāya vedanāya sampayutto.
vb18:255.1	Satta vedanā na vattabbā “sukhāya vedanāya sampayuttā”tipi, “dukkhāya vedanāya sampayuttā”tipi, “adukkhamasukhāya vedanāya sampayuttā”tipi.
vb18:255.2	Pañca saññā …pe…
vb18:255.3	pañca cetanā …pe…
vb18:255.4	pañca cittā adukkhamasukhāya vedanāya sampayuttā, kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā.
vb18:255.5	Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. –12
vb18:256.0	10.3. Vipākattika
vb18:256.1	Pañcannaṁ khandhānaṁ kati vipākā, kati vipākadhammadhammā, kati nevavipākanavipākadhammadhammā …pe…
vb18:256.2	sattannaṁ cittānaṁ kati vipākā, kati vipākadhammadhammā, kati nevavipākanavipākadhammadhammā?
vb18:257.1	Rūpakkhandho nevavipākanavipākadhammadhammo.
vb18:257.2	Cattāro khandhā siyā vipākā, siyā vipākadhammadhammā, siyā nevavipākanavipākadhammadhammā.
vb18:258.1	Dasāyatanā nevavipākanavipākadhammadhammā.
vb18:258.2	Dvāyatanā siyā vipākā, siyā vipākadhammadhammā, siyā nevavipākanavipākadhammadhammā.
vb18:259.1	Dasa dhātuyo nevavipākanavipākadhammadhammā.
vb18:259.2	Pañca dhātuyo vipākā.
vb18:259.3	Manodhātu siyā vipākā, siyā nevavipākanavipākadhammadhammā.
vb18:259.4	Dve dhātuyo siyā vipākā siyā vipākadhammadhammā, siyā nevavipākanavipākadhammadhammā.
vb18:260.1	Dve saccā vipākadhammadhammā.
vb18:260.2	Nirodhasaccaṁ nevavipākanavipākadhammadhammaṁ.
vb18:260.3	Dukkhasaccaṁ siyā vipākaṁ, siyā vipākadhammadhammaṁ, siyā nevavipākanavipākadhammadhammaṁ.
vb18:261.1	Sattindriyā nevavipākanavipākadhammadhammā.
vb18:261.2	Tīṇindriyā vipākā.
vb18:261.3	Dvindriyā vipākadhammadhammā.
vb18:261.4	Aññindriyaṁ siyā vipākaṁ, siyā vipākadhammadhammaṁ.
vb18:261.5	Navindriyā siyā vipākā, siyā vipākadhammadhammā, siyā nevavipākanavipākadhammadhammā.
vb18:262.1	Cha hetū vipākadhammadhammā.
vb18:262.2	Tayo abyākatahetū siyā vipākā, siyā nevavipākanavipākadhammadhammā.
vb18:263.1	Kabaḷīkāro āhāro nevavipākanavipākadhammadhammo.
vb18:263.2	Tayo āhārā siyā vipākā, siyā vipākadhammadhammā, siyā nevavipākanavipākadhammadhammā.
vb18:263.3	Pañca phassā vipākā.
vb18:263.4	Manodhātusamphasso siyā vipāko, siyā nevavipākanavipākadhammadhammo.
vb18:263.5	Manoviññāṇadhātusamphasso siyā vipāko, siyā vipākadhammadhammo, siyā nevavipākanavipākadhammadhammo.
vb18:263.6	Pañca vedanā …pe…
vb18:263.7	pañca saññā …pe…
vb18:263.8	pañca cetanā …pe…
vb18:263.9	pañca cittā vipākā.
vb18:263.10	Manodhātu siyā vipākā, siyā nevavipākanavipākadhammadhammā.
vb18:263.11	Manoviññāṇadhātu siyā vipākā, siyā vipākadhammadhammā, siyā nevavipākanavipākadhammadhammā.
vb18:264.0	10.4. Upādinnattika
vb18:264.1	Pañcannaṁ khandhānaṁ kati upādinnupādāniyā, kati anupādinnupādāniyā, kati anupādinnaanupādāniyā …pe…
vb18:264.2	sattannaṁ cittānaṁ kati upādinnupādāniyā, kati anupādinnupādāniyā, kati anupādinnaanupādāniyā?
vb18:265.1	Rūpakkhandho siyā upādinnupādāniyo, siyā anupādinnupādāniyo.
vb18:265.2	Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā.
vb18:266.1	Pañcāyatanā upādinnupādāniyā.
vb18:266.2	Saddāyatanaṁ anupādinnupādāniyaṁ.
vb18:266.3	Cattāro āyatanā siyā upādinnupādāniyā, siyā anupādinnupādāniyā.
vb18:266.4	Dvāyatanā siyā upādinnupādāniyā, siyā anupādinnupādāniyā, siyā anupādinnaanupādāniyā.
vb18:267.1	Dasa dhātuyo upādinnupādāniyā.
vb18:267.2	Saddadhātu anupādinnupādāniyā.
vb18:267.3	Pañca dhātuyo siyā upādinnupādāniyā, siyā anupādinnupādāniyā.
vb18:267.4	Dve dhātuyo siyā upādinnupādāniyā, siyā anupādinnupādāniyā, siyā anupādinnaanupādāniyā.
vb18:268.1	Samudayasaccaṁ anupādinnupādāniyaṁ.
vb18:268.2	Dve saccā anupādinnaanupādāniyā.
vb18:268.3	Dukkhasaccaṁ siyā upādinnupādāniyaṁ, siyā anupādinnupādāniyaṁ.
vb18:269.1	Navindriyā upādinnupādāniyā.
vb18:269.2	Domanassindriyaṁ anupādinnupādāniyaṁ.
vb18:269.3	Tīṇindriyā anupādinnaanupādāniyā.
vb18:269.4	Navindriyā siyā upādinnupādāniyā, siyā anupādinnupādāniyā, siyā anupādinnaanupādāniyā.
vb18:269.5	Tayo akusalahetū anupādinnupādāniyā.
vb18:269.6	Tayo kusalahetū siyā anupādinnupādāniyā, siyā anupādinnaanupādāniyā.
vb18:269.7	Tayo abyākatahetū siyā upādinnupādāniyā, siyā anupādinnupādāniyā, siyā anupādinnaanupādāniyā.
vb18:270.1	Kabaḷīkāro āhāro siyā upādinnupādāniyo, siyā anupādinnupādāniyo.
vb18:270.2	Tayo āhārā siyā upādinnupādāniyā, siyā anupādinnupādāniyā, siyā anupādinnaanupādāniyā.
vb18:271.1	Pañca phassā upādinnupādāniyā.
vb18:271.2	Manodhātusamphasso siyā upādinnupādāniyo, siyā anupādinnupādāniyo.
vb18:271.3	Manoviññāṇadhātusamphasso siyā upādinnupādāniyo, siyā anupādinnupādāniyo, siyā anupādinnaanupādāniyo.
vb18:271.4	Pañca vedanā …pe…
vb18:271.5	pañca saññā …pe…
vb18:271.6	pañca cetanā …pe…
vb18:271.7	pañca cittā upādinnupādāniyā.
vb18:271.8	Manodhātu siyā upādinnupādāniyā, siyā anupādinnupādāniyā.
vb18:271.9	Manoviññāṇadhātu siyā upādinnupādāniyā, siyā anupādinnupādāniyā, siyā anupādinnaanupādāniyā.
vb18:272.0	10.5. Vitakkattika
vb18:272.1	Pañcannaṁ khandhānaṁ kati savitakkasavicārā, kati avitakkavicāramattā, kati avitakkaavicārā …pe…
vb18:272.2	sattannaṁ cittānaṁ kati savitakkasavicārā, kati avitakkavicāramattā, kati avitakkaavicārā?
vb18:273.1	Rūpakkhandho avitakkaavicāro.
vb18:273.2	Tayo khandhā siyā savitakkasavicārā, siyā avitakkavicāramattā, siyā avitakkaavicārā.
vb18:273.3	Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro siyā na vattabbo “savitakkasavicāro”tipi, “avitakkavicāramatto”tipi, “avitakkaavicāro”tipi.
vb18:274.1	Dasāyatanā avitakkaavicārā.
vb18:274.2	Manāyatanaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ.
vb18:274.3	Dhammāyatanaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ, siyā na vattabbaṁ “savitakkasavicāran”tipi, “avitakkavicāramattan”tipi, “avitakkaavicāran”tipi.
vb18:275.1	Pannarasa dhātuyo avitakkaavicārā.
vb18:275.2	Manodhātu savitakkasavicārā.
vb18:275.3	Manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā.
vb18:275.4	Dhammadhātu siyā savitakkasavicārā, siyā avitakkavicāramattā, siyā avitakkaavicārā, siyā na vattabbā “savitakkasavicārā”tipi, “avitakkavicāramattā”tipi, “avitakkaavicārā”tipi.
vb18:276.1	Samudayasaccaṁ savitakkasavicāraṁ.
vb18:276.2	Nirodhasaccaṁ avitakkaavicāraṁ.
vb18:276.3	Maggasaccaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ.
vb18:276.4	Dukkhasaccaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ, siyā na vattabbaṁ “savitakkasavicāran”tipi, “avitakkavicāramattan”tipi, “avitakkaavicāran”tipi.
vb18:277.1	Navindriyā avitakkaavicārā.
vb18:277.2	Domanassindriyaṁ savitakkasavicāraṁ.
vb18:277.3	Upekkhindriyaṁ siyā savitakkasavicāraṁ, siyā avitakkaavicāraṁ.
vb18:277.4	Ekādasindriyā siyā savitakkasavicārā, siyā avitakkavicāramattā, siyā avitakkaavicārā.
vb18:278.1	Tayo akusalahetū savitakkasavicārā.
vb18:278.2	Cha hetū siyā savitakkasavicārā, siyā avitakkavicāramattā, siyā avitakkaavicārā.
vb18:278.3	Kabaḷīkāro āhāro avitakkaavicāro.
vb18:278.4	Tayo āhārā siyā savitakkasavicārā, siyā avitakkavicāramattā, siyā avitakkaavicārā.
vb18:278.5	Pañca phassā avitakkaavicārā.
vb18:278.6	Manodhātusamphasso savitakkasavicāro.
vb18:278.7	Manoviññāṇadhātusamphasso siyā savitakkasavicāro, siyā avitakkavicāramatto, siyā avitakkaavicāro.
vb18:278.8	Pañca vedanā …pe…
vb18:278.9	pañca saññā …pe…
vb18:278.10	pañca cetanā …pe…
vb18:278.11	pañca cittā avitakkaavicārā manodhātu savitakkasavicārā, manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā.
vb18:279.0	11. Rūpaduka
vb18:279.1	Pañcannaṁ khandhānaṁ kati rūpā, kati arūpā …pe…
vb18:279.2	sattannaṁ cittānaṁ kati rūpā, kati arūpā?
vb18:280.1	Rūpakkhandho rūpaṁ.
vb18:280.2	Cattāro khandhā arūpā.
vb18:280.3	Dasāyatanā rūpā.
vb18:280.4	Manāyatanaṁ arūpaṁ.
vb18:280.5	Dhammāyatanaṁ siyā rūpaṁ, siyā arūpaṁ.
vb18:280.6	Dasa dhātuyo rūpā.
vb18:280.7	Satta dhātuyo arūpā.
vb18:280.8	Dhammadhātu siyā rūpā, siyā arūpā.
vb18:280.9	Tīṇi saccāni arūpā.
vb18:280.10	Dukkhasaccaṁ siyā rūpaṁ, siyā arūpaṁ.
vb18:280.11	Sattindriyā rūpā.
vb18:280.12	Cuddasindriyā arūpā.
vb18:280.13	Jīvitindriyaṁ siyā rūpaṁ, siyā arūpaṁ.
vb18:280.14	Nava hetū arūpā.
vb18:280.15	Kabaḷīkāro āhāro rūpaṁ.
vb18:280.16	Tayo āhārā arūpā.
vb18:280.17	Satta phassā arūpā.
vb18:280.18	Satta vedanā …pe…
vb18:280.19	satta saññā …pe…
vb18:280.20	satta cetanā satta cittā arūpā.
vb18:281.0	12. Lokiyaduka
vb18:281.1	Pañcannaṁ khandhānaṁ kati lokiyā, kati lokuttarā?
vb18:281.2	Dvādasannaṁ āyatanānaṁ kati lokiyā, kati lokuttarā?
vb18:281.3	Aṭṭhārasannaṁ dhātūnaṁ kati lokiyā, kati lokuttarā?
vb18:281.4	Catunnaṁ saccānaṁ kati lokiyā, kati lokuttarā …pe…
vb18:281.5	sattannaṁ cittānaṁ kati lokiyā, kati lokuttarā?
vb18:282.1	Rūpakkhandho lokiyo.
vb18:282.2	Cattāro khandhā siyā lokiyā, siyā lokuttarā.
vb18:282.3	Dasāyatanā lokiyā.
vb18:282.4	Dve āyatanā siyā lokiyā, siyā lokuttarā.
vb18:282.5	Soḷasa dhātuyo lokiyā.
vb18:282.6	Dve dhātuyo siyā lokiyā, siyā lokuttarā.
vb18:282.7	Dve saccā lokiyā.
vb18:282.8	Dve saccā lokuttarā.
vb18:283.1	Dasindriyā lokiyā.
vb18:283.2	Tīṇindriyā lokuttarā.
vb18:283.3	Navindriyā siyā lokiyā, siyā lokuttarā.
vb18:283.4	Tayo akusalahetū lokiyā.
vb18:283.5	Cha hetū siyā lokiyā, siyā lokuttarā.
vb18:283.6	Kabaḷīkāro āhāro lokiyo.
vb18:283.7	Tayo āhārā siyā lokiyā, siyā lokuttarā.
vb18:283.8	Cha phassā lokiyā.
vb18:283.9	Manoviññāṇadhātusamphasso siyā lokiyo, siyā lokuttaro.
vb18:283.10	Cha vedanā lokiyā.
vb18:283.11	Manoviññāṇadhātusamphassajā vedanā siyā lokiyā, siyā lokuttarā.
vb18:283.12	Cha saññā lokiyā.
vb18:283.13	Manoviññāṇadhātusamphassajā saññā siyā lokiyā, siyā lokuttarā.
vb18:283.14	Cha cetanā lokiyā.
vb18:283.15	Manoviññāṇadhātusamphassajā cetanā siyā lokiyā, siyā lokuttarā.
vb18:283.16	Cha cittā lokiyā.
vb18:283.17	Manoviññāṇadhātu siyā lokiyā, siyā lokuttarāti.
vb18:284.1	Abhiññā dve sārammaṇā,
vb18:284.2	diṭṭhā kusalavedanā;
vb18:284.3	Vipākā ca upādinnā,
vb18:284.4	vitakkaṁ rūpalokiyāti.
vb18:285.1	Dhammahadayavibhaṅgo niṭṭhito.
vb18:286.1	Vibhaṅgapakaraṇaṁ niṭṭhitaṁ.