DRN 1.1	Aeneadum genetrix, hominum divomque voluptas,
DRN 1.2	alma Venus, caeli subter labentia signa
DRN 1.3	quae mare navigerum, quae terras frugiferentis
DRN 1.4	concelebras, per te quoniam genus omne animantum
DRN 1.5	concipitur visitque exortum lumina solis:
DRN 1.6	te, dea, te fugiunt venti, te nubila caeli
DRN 1.7	adventumque tuum, tibi suavis daedala tellus
DRN 1.8	summittit flores, tibi rident aequora ponti
DRN 1.9	placatumque nitet diffuso lumine caelum.
DRN 1.10	nam simul ac species patefactast verna diei
DRN 1.11	et reserata viget genitabilis aura favoni,
DRN 1.12	aeriae primum volucris te, diva, tuumque
DRN 1.13	significant initum perculsae corda tua vi.
DRN 1.15	inde ferae pecudes persultant pabula laeta
DRN 1.14	et rapidos tranant amnis: ita capta lepore
DRN 1.16	te sequitur cupide quo quamque inducere pergis.
DRN 1.17	denique per maria ac montis fluviosque rapacis
DRN 1.18	frondiferasque domos avium camposque virentis
DRN 1.19	omnibus incutiens blandum per pectora amorem
DRN 1.20	efficis ut cupide generatim saecla propagent.
DRN 1.21	quae quoniam rerum naturam sola gubernas
DRN 1.22	nec sine te quicquam dias in luminis oras
DRN 1.23	exoritur neque fit laetum neque amabile quicquam,
DRN 1.24	te sociam studeo scribendis versibus esse,
DRN 1.25	quos ego de rerum natura pangere conor
DRN 1.26	Memmiadae nostro, quem tu, dea, tempore in omni
DRN 1.27	omnibus ornatum voluisti excellere rebus.
DRN 1.28	quo magis aeternum da dictis, diva, leporem.
DRN 1.29	effice ut interea fera moenera militiai
DRN 1.30	per maria ac terras omnis sopita quiescant;
DRN 1.31	nam tu sola potes tranquilla pace iuvare
DRN 1.32	mortalis, quoniam belli fera moenera Mavors
DRN 1.33	armipotens regit, in gremium qui saepe tuum se
DRN 1.34	reiicit aeterno devictus vulnere amoris,
DRN 1.35	atque ita suspiciens tereti cervice reposta
DRN 1.36	pascit amore avidos inhians in te, dea, visus
DRN 1.37	eque tuo pendet resupini spiritus ore.
DRN 1.38	hunc tu, diva, tuo recubantem corpore sancto
DRN 1.39	circum fusa super, suavis ex ore loquellas
DRN 1.40	funde petens placidam Romanis, incluta, pacem;
DRN 1.41	nam neque nos agere hoc patriai tempore iniquo
DRN 1.42	possumus aequo animo nec Memmi clara propago
DRN 1.43	talibus in rebus communi desse saluti.
DRN 1.44	omnis enim per se divum natura necessest
DRN 1.45	immortali aevo summa cum pace fruatur
DRN 1.46	semota ab nostris rebus seiunctaque longe;
DRN 1.47	nam privata dolore omni, privata periclis,
DRN 1.48	ipsa suis pollens opibus, nihil indiga nostri,
DRN 1.49	nec bene promeritis capitur nec tangitur ira.
DRN 1.50	Quod super est, vacuas auris animumque sagacem
DRN 1.51	semotum a curis adhibe veram ad rationem,
DRN 1.52	ne mea dona tibi studio disposta fideli,
DRN 1.53	intellecta prius quam sint, contempta relinquas.
DRN 1.54	nam tibi de summa caeli ratione deumque
DRN 1.55	disserere incipiam et rerum primordia pandam,
DRN 1.56	unde omnis natura creet res, auctet alatque,
DRN 1.57	quove eadem rursum natura perempta resolvat,
DRN 1.58	quae nos materiem et genitalia corpora rebus
DRN 1.59	reddunda in ratione vocare et semina rerum
DRN 1.60	appellare suemus et haec eadem usurpare
DRN 1.61	corpora prima, quod ex illis sunt omnia primis.
DRN 1.62	Humana ante oculos foede cum vita iaceret
DRN 1.63	in terris oppressa gravi sub religione,
DRN 1.64	quae caput a caeli regionibus ostendebat
DRN 1.65	horribili super aspectu mortalibus instans,
DRN 1.66	primum Graius homo mortalis tollere contra
DRN 1.67	est oculos ausus primusque obsistere contra;
DRN 1.68	quem neque fama deum nec fulmina nec minitanti
DRN 1.69	murmure compressit caelum, sed eo magis acrem
DRN 1.70	inritat animi virtutem, effringere ut arta
DRN 1.71	naturae primus portarum claustra cupiret.
DRN 1.72	ergo vivida vis animi pervicit et extra
DRN 1.73	processit longe flammantia moenia mundi
DRN 1.74	atque omne immensum peragravit mente animoque,
DRN 1.75	unde refert nobis victor quid possit oriri,
DRN 1.76	quid nequeat, finita potestas denique cuique
DRN 1.77	qua nam sit ratione atque alte terminus haerens.
DRN 1.78	quare religio pedibus subiecta vicissim
DRN 1.79	opteritur, nos exaequat victoria caelo.
DRN 1.80	Illud in his rebus vereor, ne forte rearis
DRN 1.81	impia te rationis inire elementa viamque
DRN 1.82	indugredi sceleris. quod contra saepius illa
DRN 1.83	religio peperit scelerosa atque impia facta.
DRN 1.84	Aulide quo pacto Triviai virginis aram
DRN 1.85	Iphianassai turparunt sanguine foede
DRN 1.86	ductores Danaum delecti, prima virorum.
DRN 1.87	cui simul infula virgineos circum data comptus
DRN 1.88	ex utraque pari malarum parte profusast,
DRN 1.89	et maestum simul ante aras adstare parentem
DRN 1.90	sensit et hunc propter ferrum celare ministros
DRN 1.91	aspectuque suo lacrimas effundere civis,
DRN 1.92	muta metu terram genibus summissa petebat.
DRN 1.93	nec miserae prodesse in tali tempore quibat,
DRN 1.94	quod patrio princeps donarat nomine regem;
DRN 1.95	nam sublata virum manibus tremibundaque ad aras
DRN 1.96	deductast, non ut sollemni more sacrorum
DRN 1.97	perfecto posset claro comitari Hymenaeo,
DRN 1.98	sed casta inceste nubendi tempore in ipso
DRN 1.99	hostia concideret mactatu maesta parentis,
DRN 1.100	exitus ut classi felix faustusque daretur.
DRN 1.101	tantum religio potuit suadere malorum.
DRN 1.102	Tutemet a nobis iam quovis tempore vatum
DRN 1.103	terriloquis victus dictis desciscere quaeres.
DRN 1.104	quippe etenim quam multa tibi iam fingere possunt
DRN 1.105	somnia, quae vitae rationes vertere possint
DRN 1.106	fortunasque tuas omnis turbare timore!
DRN 1.107	et merito; nam si certam finem esse viderent
DRN 1.108	aerumnarum homines, aliqua ratione valerent
DRN 1.109	religionibus atque minis obsistere vatum.
DRN 1.110	nunc ratio nulla est restandi, nulla facultas,
DRN 1.111	aeternas quoniam poenas in morte timendum.
DRN 1.112	ignoratur enim quae sit natura animai,
DRN 1.113	nata sit an contra nascentibus insinuetur
DRN 1.114	et simul intereat nobiscum morte dirempta
DRN 1.115	an tenebras Orci visat vastasque lacunas
DRN 1.116	an pecudes alias divinitus insinuet se,
DRN 1.117	Ennius ut noster cecinit, qui primus amoeno
DRN 1.118	detulit ex Helicone perenni fronde coronam,
DRN 1.119	per gentis Italas hominum quae clara clueret;
DRN 1.120	etsi praeterea tamen esse Acherusia templa
DRN 1.121	Ennius aeternis exponit versibus edens,
DRN 1.122	quo neque permaneant animae neque corpora nostra,
DRN 1.123	sed quaedam simulacra modis pallentia miris;
DRN 1.124	unde sibi exortam semper florentis Homeri
DRN 1.125	commemorat speciem lacrimas effundere salsas
DRN 1.126	coepisse et rerum naturam expandere dictis.
DRN 1.127	qua propter bene cum superis de rebus habenda
DRN 1.128	nobis est ratio, solis lunaeque meatus
DRN 1.129	qua fiant ratione, et qua vi quaeque gerantur
DRN 1.130	in terris, tunc cum primis ratione sagaci
DRN 1.131	unde anima atque animi constet natura videndum,
DRN 1.132	et quae res nobis vigilantibus obvia mentes
DRN 1.133	terrificet morbo adfectis somnoque sepultis,
DRN 1.134	cernere uti videamur eos audireque coram,
DRN 1.135	morte obita quorum tellus amplectitur ossa.
DRN 1.136	Nec me animi fallit Graiorum obscura reperta
DRN 1.137	difficile inlustrare Latinis versibus esse,
DRN 1.138	multa novis verbis praesertim cum sit agendum
DRN 1.139	propter egestatem linguae et rerum novitatem;
DRN 1.140	sed tua me virtus tamen et sperata voluptas
DRN 1.141	suavis amicitiae quemvis efferre laborem
DRN 1.142	suadet et inducit noctes vigilare serenas
DRN 1.143	quaerentem dictis quibus et quo carmine demum
DRN 1.144	clara tuae possim praepandere lumina menti,
DRN 1.145	res quibus occultas penitus convisere possis.
DRN 1.146	hunc igitur terrorem animi tenebrasque necessest
DRN 1.147	non radii solis neque lucida tela diei
DRN 1.148	discutiant, sed naturae species ratioque.
DRN 1.149	Principium cuius hinc nobis exordia sumet,
DRN 1.150	nullam rem e nihilo gigni divinitus umquam.
DRN 1.151	quippe ita formido mortalis continet omnis,
DRN 1.152	quod multa in terris fieri caeloque tuentur,
DRN 1.153	quorum operum causas nulla ratione videre
DRN 1.154	possunt ac fieri divino numine rentur.
DRN 1.156	quas ob res ubi viderimus nil posse creari
DRN 1.157	de nihilo, tum quod sequimur iam rectius inde
DRN 1.158	perspiciemus, et unde queat res quaeque creari
DRN 1.155	et quo quaeque modo fiant opera sine divom.
DRN 1.159	Nam si de nihilo fierent, ex omnibus rebus
DRN 1.160	omne genus nasci posset, nil semine egeret.
DRN 1.161	e mare primum homines, e terra posset oriri
DRN 1.162	squamigerum genus et volucres erumpere caelo;
DRN 1.163	armenta atque aliae pecudes, genus omne ferarum,
DRN 1.164	incerto partu culta ac deserta tenerent.
DRN 1.165	nec fructus idem arboribus constare solerent,
DRN 1.166	sed mutarentur, ferre omnes omnia possent.
DRN 1.167	quippe ubi non essent genitalia corpora cuique,
DRN 1.168	qui posset mater rebus consistere certa?
DRN 1.169	at nunc seminibus quia certis quaeque creantur,
DRN 1.170	inde enascitur atque oras in luminis exit,
DRN 1.171	materies ubi inest cuiusque et corpora prima;
DRN 1.172	atque hac re nequeunt ex omnibus omnia gigni,
DRN 1.173	quod certis in rebus inest secreta facultas.
DRN 1.174	Praeterea cur vere rosam, frumenta calore,
DRN 1.175	vites autumno fundi suadente videmus,
DRN 1.176	si non, certa suo quia tempore semina rerum
DRN 1.177	cum confluxerunt, patefit quod cumque creatur,
DRN 1.178	dum tempestates adsunt et vivida tellus
DRN 1.179	tuto res teneras effert in luminis oras?
DRN 1.180	quod si de nihilo fierent, subito exorerentur
DRN 1.181	incerto spatio atque alienis partibus anni,
DRN 1.182	quippe ubi nulla forent primordia, quae genitali
DRN 1.183	concilio possent arceri tempore iniquo.
DRN 1.184	Nec porro augendis rebus spatio foret usus
DRN 1.185	seminis ad coitum, si e nilo crescere possent;
DRN 1.186	nam fierent iuvenes subito ex infantibus parvis
DRN 1.187	e terraque exorta repente arbusta salirent.
DRN 1.188	quorum nil fieri manifestum est, omnia quando
DRN 1.189	paulatim crescunt, ut par est semine certo,
DRN 1.190	crescentesque genus servant; ut noscere possis
DRN 1.191	quicque sua de materia grandescere alique.
DRN 1.192	Huc accedit uti sine certis imbribus anni
DRN 1.193	laetificos nequeat fetus submittere tellus
DRN 1.194	nec porro secreta cibo natura animantum
DRN 1.195	propagare genus possit vitamque tueri;
DRN 1.196	ut potius multis communia corpora rebus
DRN 1.197	multa putes esse, ut verbis elementa videmus,
DRN 1.198	quam sine principiis ullam rem existere posse.
DRN 1.199	Denique cur homines tantos natura parare
DRN 1.200	non potuit, pedibus qui pontum per vada possent
DRN 1.201	transire et magnos manibus divellere montis
DRN 1.202	multaque vivendo vitalia vincere saecla,
DRN 1.203	si non, materies quia rebus reddita certast
DRN 1.204	gignundis, e qua constat quid possit oriri?
DRN 1.205	nil igitur fieri de nilo posse fatendumst,
DRN 1.206	semine quando opus est rebus, quo quaeque creatae
DRN 1.207	aeris in teneras possint proferrier auras.
DRN 1.208	Postremo quoniam incultis praestare videmus
DRN 1.209	culta loca et manibus melioris reddere fetus,
DRN 1.210	esse videlicet in terris primordia rerum
DRN 1.211	quae nos fecundas vertentes vomere glebas
DRN 1.212	terraique solum subigentes cimus ad ortus;
DRN 1.213	quod si nulla forent, nostro sine quaeque labore
DRN 1.214	sponte sua multo fieri meliora videres.
DRN 1.215	Huc accedit uti quicque in sua corpora rursum
DRN 1.216	dissoluat natura neque ad nihilum interemat res.
DRN 1.217	nam siquid mortale e cunctis partibus esset,
DRN 1.218	ex oculis res quaeque repente erepta periret;
DRN 1.219	nulla vi foret usus enim, quae partibus eius
DRN 1.220	discidium parere et nexus exsolvere posset.
DRN 1.221	quod nunc, aeterno quia constant semine quaeque,
DRN 1.222	donec vis obiit, quae res diverberet ictu
DRN 1.223	aut intus penetret per inania dissoluatque,
DRN 1.224	nullius exitium patitur natura videri.
DRN 1.225	Praeterea quae cumque vetustate amovet aetas,
DRN 1.226	si penitus peremit consumens materiem omnem,
DRN 1.227	unde animale genus generatim in lumina vitae
DRN 1.228	redducit Venus, aut redductum daedala tellus
DRN 1.229	unde alit atque auget generatim pabula praebens?
DRN 1.230	unde mare ingenuei fontes externaque longe
DRN 1.231	flumina suppeditant? unde aether sidera pascit?
DRN 1.232	omnia enim debet, mortali corpore quae sunt,
DRN 1.233	infinita aetas consumpse ante acta diesque.
DRN 1.234	quod si in eo spatio atque ante acta aetate fuere
DRN 1.235	e quibus haec rerum consistit summa refecta,
DRN 1.236	inmortali sunt natura praedita certe.
DRN 1.237	haud igitur possunt ad nilum quaeque reverti.
DRN 1.238	Denique res omnis eadem vis causaque volgo
DRN 1.239	conficeret, nisi materies aeterna teneret,
DRN 1.240	inter se nexus minus aut magis indupedita;
DRN 1.241	tactus enim leti satis esset causa profecto,
DRN 1.242	quippe ubi nulla forent aeterno corpore, quorum
DRN 1.243	contextum vis deberet dissolvere quaeque.
DRN 1.244	at nunc, inter se quia nexus principiorum
DRN 1.245	dissimiles constant aeternaque materies est,
DRN 1.246	incolumi remanent res corpore, dum satis acris
DRN 1.247	vis obeat pro textura cuiusque reperta.
DRN 1.248	haud igitur redit ad nihilum res ulla, sed omnes
DRN 1.249	discidio redeunt in corpora materiai.
DRN 1.250	postremo pereunt imbres, ubi eos pater aether
DRN 1.251	in gremium matris terrai praecipitavit;
DRN 1.252	at nitidae surgunt fruges ramique virescunt
DRN 1.253	arboribus, crescunt ipsae fetuque gravantur.
DRN 1.254	hinc alitur porro nostrum genus atque ferarum,
DRN 1.255	hinc laetas urbes pueris florere videmus
DRN 1.256	frondiferasque novis avibus canere undique silvas,
DRN 1.257	hinc fessae pecudes pinguis per pabula laeta
DRN 1.258	corpora deponunt et candens lacteus umor
DRN 1.259	uberibus manat distentis, hinc nova proles
DRN 1.260	artubus infirmis teneras lasciva per herbas
DRN 1.261	ludit lacte mero mentes perculsa novellas.
DRN 1.262	haud igitur penitus pereunt quaecumque videntur,
DRN 1.263	quando alit ex alio reficit natura nec ullam
DRN 1.264	rem gigni patitur nisi morte adiuta aliena.
DRN 1.265	Nunc age, res quoniam docui non posse creari
DRN 1.266	de nihilo neque item genitas ad nil revocari,
DRN 1.267	ne qua forte tamen coeptes diffidere dictis,
DRN 1.268	quod nequeunt oculis rerum primordia cerni,
DRN 1.269	accipe praeterea quae corpora tute necessest
DRN 1.270	confiteare esse in rebus nec posse videri.
DRN 1.271	Principio venti vis verberat incita corpus
DRN 1.272	ingentisque ruit navis et nubila differt,
DRN 1.273	inter dum rapido percurrens turbine campos
DRN 1.274	arboribus magnis sternit montisque supremos
DRN 1.275	silvifragis vexat flabris: ita perfurit acri
DRN 1.276	cum fremitu saevitque minaci murmure pontus.
DRN 1.277	sunt igitur venti ni mirum corpora caeca,
DRN 1.278	quae mare, quae terras, quae denique nubila caeli
DRN 1.279	verrunt ac subito vexantia turbine raptant,
DRN 1.280	nec ratione fluunt alia stragemque propagant
DRN 1.281	et cum mollis aquae fertur natura repente
DRN 1.282	flumine abundanti, quam largis imbribus auget
DRN 1.283	montibus ex altis magnus decursus aquai
DRN 1.284	fragmina coniciens silvarum arbustaque tota,
DRN 1.285	nec validi possunt pontes venientis aquai
DRN 1.286	vim subitam tolerare: ita magno turbidus imbri
DRN 1.287	molibus incurrit validis cum viribus amnis,
DRN 1.288	dat sonitu magno stragem volvitque sub undis
DRN 1.289	grandia saxa, ruit qua quidquid fluctibus obstat.
DRN 1.290	sic igitur debent venti quoque flamina ferri,
DRN 1.291	quae vel uti validum cum flumen procubuere
DRN 1.292	quam libet in partem, trudunt res ante ruuntque
DRN 1.293	impetibus crebris, inter dum vertice torto
DRN 1.294	corripiunt rapidique rotanti turbine portant.
DRN 1.295	quare etiam atque etiam sunt venti corpora caeca,
DRN 1.296	quandoquidem factis et moribus aemula magnis
DRN 1.297	amnibus inveniuntur, aperto corpore qui sunt.
DRN 1.298	Tum porro varios rerum sentimus odores
DRN 1.299	nec tamen ad naris venientis cernimus umquam
DRN 1.300	nec calidos aestus tuimur nec frigora quimus
DRN 1.301	usurpare oculis nec voces cernere suemus;
DRN 1.302	quae tamen omnia corporea constare necessest
DRN 1.303	natura, quoniam sensus inpellere possunt;
DRN 1.304	tangere enim et tangi, nisi corpus, nulla potest res.
DRN 1.305	Denique fluctifrago suspensae in litore vestis
DRN 1.306	uvescunt, eaedem dispansae in sole serescunt.
DRN 1.307	at neque quo pacto persederit umor aquai
DRN 1.308	visumst nec rursum quo pacto fugerit aestu.
DRN 1.309	in parvas igitur partis dispergitur umor,
DRN 1.310	quas oculi nulla possunt ratione videre.
DRN 1.311	quin etiam multis solis redeuntibus annis
DRN 1.312	anulus in digito subter tenuatur habendo,
DRN 1.313	stilicidi casus lapidem cavat, uncus aratri
DRN 1.314	ferreus occulte decrescit vomer in arvis,
DRN 1.315	strataque iam volgi pedibus detrita viarum
DRN 1.316	saxea conspicimus; tum portas propter aena
DRN 1.317	signa manus dextras ostendunt adtenuari
DRN 1.318	saepe salutantum tactu praeterque meantum.
DRN 1.319	haec igitur minui, cum sint detrita, videmus.
DRN 1.320	sed quae corpora decedant in tempore quoque,
DRN 1.321	invida praeclusit speciem natura videndi.
DRN 1.322	Postremo quae cumque dies naturaque rebus
DRN 1.323	paulatim tribuit moderatim crescere cogens,
DRN 1.324	nulla potest oculorum acies contenta tueri,
DRN 1.325	nec porro quae cumque aevo macieque senescunt,
DRN 1.326	nec, mare quae impendent, vesco sale saxa peresa
DRN 1.327	quid quoque amittant in tempore cernere possis.
DRN 1.328	corporibus caecis igitur natura gerit res.
DRN 1.329	Nec tamen undique corporea stipata tenentur
DRN 1.330	omnia natura; namque est in rebus inane.
DRN 1.331	quod tibi cognosse in multis erit utile rebus
DRN 1.332	nec sinet errantem dubitare et quaerere semper
DRN 1.333	de summa rerum et nostris diffidere dictis.
DRN 1.334	qua propter locus est intactus inane vacansque.
DRN 1.335	quod si non esset, nulla ratione moveri
DRN 1.336	res possent; namque officium quod corporis exstat,
DRN 1.337	officere atque obstare, id in omni tempore adesset
DRN 1.338	omnibus; haud igitur quicquam procedere posset,
DRN 1.339	principium quoniam cedendi nulla daret res.
DRN 1.340	at nunc per maria ac terras sublimaque caeli
DRN 1.341	multa modis multis varia ratione moveri
DRN 1.342	cernimus ante oculos, quae, si non esset inane,
DRN 1.343	non tam sollicito motu privata carerent
DRN 1.344	quam genita omnino nulla ratione fuissent,
DRN 1.345	undique materies quoniam stipata quiesset.
DRN 1.346	Praeterea quamvis solidae res esse putentur,
DRN 1.347	hinc tamen esse licet raro cum corpore cernas.
DRN 1.348	in saxis ac speluncis permanat aquarum
DRN 1.349	liquidus umor et uberibus flent omnia guttis.
DRN 1.350	dissipat in corpus sese cibus omne animantum;
DRN 1.351	crescunt arbusta et fetus in tempore fundunt,
DRN 1.352	quod cibus in totas usque ab radicibus imis
DRN 1.353	per truncos ac per ramos diffunditur omnis.
DRN 1.354	inter saepta meant voces et clausa domorum
DRN 1.355	transvolitant, rigidum permanat frigus ad ossa.
DRN 1.356	quod nisi inania sint, qua possent corpora quaeque
DRN 1.357	transire, haud ulla fieri ratione videres.
DRN 1.358	Denique cur alias aliis praestare videmus
DRN 1.359	pondere res rebus nihilo maiore figura?
DRN 1.360	nam si tantundemst in lanae glomere quantum
DRN 1.361	corporis in plumbo est, tantundem pendere par est,
DRN 1.362	corporis officiumst quoniam premere omnia deorsum,
DRN 1.363	contra autem natura manet sine pondere inanis.
DRN 1.364	ergo quod magnumst aeque leviusque videtur,
DRN 1.365	ni mirum plus esse sibi declarat inanis;
DRN 1.366	at contra gravius plus in se corporis esse
DRN 1.367	dedicat et multo vacui minus intus habere.
DRN 1.368	est igitur ni mirum id quod ratione sagaci
DRN 1.369	quaerimus, admixtum rebus, quod inane vocamus.
DRN 1.370	Illud in his rebus ne te deducere vero
DRN 1.371	possit, quod quidam fingunt, praecurrere cogor.
DRN 1.372	cedere squamigeris latices nitentibus aiunt
DRN 1.373	et liquidas aperire vias, quia post loca pisces
DRN 1.374	linquant, quo possint cedentes confluere undae;
DRN 1.375	sic alias quoque res inter se posse moveri
DRN 1.376	et mutare locum, quamvis sint omnia plena.
DRN 1.377	scilicet id falsa totum ratione receptumst.
DRN 1.378	nam quo squamigeri poterunt procedere tandem,
DRN 1.379	ni spatium dederint latices? concedere porro
DRN 1.380	quo poterunt undae, cum pisces ire nequibunt?
DRN 1.381	aut igitur motu privandumst corpora quaeque
DRN 1.382	aut esse admixtum dicundumst rebus inane,
DRN 1.383	unde initum primum capiat res quaeque movendi.
DRN 1.384	Postremo duo de concursu corpora lata
DRN 1.385	si cita dissiliant, nempe aer omne necessest,
DRN 1.386	inter corpora quod fiat, possidat inane.
DRN 1.387	is porro quamvis circum celerantibus auris
DRN 1.388	confluat, haud poterit tamen uno tempore totum
DRN 1.389	compleri spatium; nam primum quemque necessest
DRN 1.390	occupet ille locum, deinde omnia possideantur.
DRN 1.391	quod si forte aliquis, cum corpora dissiluere,
DRN 1.392	tum putat id fieri quia se condenseat aer,
DRN 1.393	errat; nam vacuum tum fit quod non fuit ante
DRN 1.394	et repletur item vacuum quod constitit ante,
DRN 1.395	nec tali ratione potest denserier aer
DRN 1.396	nec, si iam posset, sine inani posset, opinor,
DRN 1.397	ipse in se trahere et partis conducere in unum.
DRN 1.398	Qua propter, quamvis causando multa moreris,
DRN 1.399	esse in rebus inane tamen fateare necessest.
DRN 1.400	multaque praeterea tibi possum commemorando
DRN 1.401	argumenta fidem dictis conradere nostris.
DRN 1.402	verum animo satis haec vestigia parva sagaci
DRN 1.403	sunt, per quae possis cognoscere cetera tute.
DRN 1.404	namque canes ut montivagae persaepe ferai
DRN 1.405	naribus inveniunt intectas fronde quietes,
DRN 1.406	cum semel institerunt vestigia certa viai,
DRN 1.407	sic alid ex alio per te tute ipse videre
DRN 1.408	talibus in rebus poteris caecasque latebras
DRN 1.409	insinuare omnis et verum protrahere inde.
DRN 1.410	quod si pigraris paulumve recesseris ab re,
DRN 1.411	hoc tibi de plano possum promittere, Memmi:
DRN 1.412	usque adeo largos haustus e fontibus magnis
DRN 1.413	lingua meo suavis diti de pectore fundet,
DRN 1.414	ut verear ne tarda prius per membra senectus
DRN 1.415	serpat et in nobis vitai claustra resolvat,
DRN 1.416	quam tibi de quavis una re versibus omnis
DRN 1.417	argumentorum sit copia missa per auris.
DRN 1.418	Sed nunc ut repetam coeptum pertexere dictis,
DRN 1.419	omnis ut est igitur per se natura duabus
DRN 1.420	constitit in rebus; nam corpora sunt et inane,
DRN 1.421	haec in quo sita sunt et qua diversa moventur.
DRN 1.422	corpus enim per se communis dedicat esse
DRN 1.423	sensus; cui nisi prima fides fundata valebit,
DRN 1.424	haut erit occultis de rebus quo referentes
DRN 1.425	confirmare animi quicquam ratione queamus.
DRN 1.426	tum porro locus ac spatium, quod inane vocamus,
DRN 1.427	si nullum foret, haut usquam sita corpora possent
DRN 1.428	esse neque omnino quoquam diversa meare;
DRN 1.429	id quod iam supera tibi paulo ostendimus ante.
DRN 1.430	praeterea nihil est quod possis dicere ab omni
DRN 1.431	corpore seiunctum secretumque esse ab inani,
DRN 1.432	quod quasi tertia sit numero natura reperta.
DRN 1.433	nam quod cumque erit, esse aliquid debebit id ipsum
DRN 1.434	augmine vel grandi vel parvo denique, dum sit;
DRN 1.435	cui si tactus erit quamvis levis exiguusque,
DRN 1.436	corporis augebit numerum summamque sequetur;
DRN 1.437	sin intactile erit, nulla de parte quod ullam
DRN 1.438	rem prohibere queat per se transire meantem,
DRN 1.439	scilicet hoc id erit, vacuum quod inane vocamus.
DRN 1.440	Praeterea per se quod cumque erit, aut faciet quid
DRN 1.441	aut aliis fungi debebit agentibus ipsum
DRN 1.442	aut erit ut possint in eo res esse gerique.
DRN 1.443	at facere et fungi sine corpore nulla potest res
DRN 1.444	nec praebere locum porro nisi inane vacansque.
DRN 1.445	ergo praeter inane et corpora tertia per se
DRN 1.446	nulla potest rerum in numero natura relinqui,
DRN 1.447	nec quae sub sensus cadat ullo tempore nostros
DRN 1.448	nec ratione animi quam quisquam possit apisci.
DRN 1.449	Nam quae cumque cluent, aut his coniuncta duabus
DRN 1.450	rebus ea invenies aut horum eventa videbis.
DRN 1.451	coniunctum est id quod nusquam sine permitiali
DRN 1.452	discidio potis est seiungi seque gregari,
DRN 1.453	pondus uti saxis, calor ignis, liquor aquai,
DRN 1.454	tactus corporibus cunctis, intactus inani.
DRN 1.455	servitium contra paupertas divitiaeque,
DRN 1.456	libertas bellum concordia cetera quorum
DRN 1.457	adventu manet incolumis natura abituque,
DRN 1.458	haec soliti sumus, ut par est, eventa vocare.
DRN 1.459	tempus item per se non est, sed rebus ab ipsis
DRN 1.460	consequitur sensus, transactum quid sit in aevo,
DRN 1.461	tum quae res instet, quid porro deinde sequatur;
DRN 1.462	nec per se quemquam tempus sentire fatendumst
DRN 1.463	semotum ab rerum motu placidaque quiete.
DRN 1.464	denique Tyndaridem raptam belloque subactas
DRN 1.465	Troiiugenas gentis cum dicunt esse, videndumst
DRN 1.466	ne forte haec per se cogant nos esse fateri,
DRN 1.467	quando ea saecla hominum, quorum haec eventa fuerunt,
DRN 1.468	inrevocabilis abstulerit iam praeterita aetas;
DRN 1.469	namque aliud terris, aliud regionibus ipsis
DRN 1.470	eventum dici poterit quod cumque erit actum.
DRN 1.471	denique materies si rerum nulla fuisset
DRN 1.472	nec locus ac spatium, res in quo quaeque geruntur,
DRN 1.473	numquam Tyndaridis forma conflatus amore
DRN 1.474	ignis Alexandri Phrygio sub pectore gliscens
DRN 1.475	clara accendisset saevi certamina belli
DRN 1.476	nec clam durateus Troiianis Pergama partu
DRN 1.477	inflammasset equos nocturno Graiiugenarum;
DRN 1.478	perspicere ut possis res gestas funditus omnis
DRN 1.479	non ita uti corpus per se constare neque esse
DRN 1.480	nec ratione cluere eadem qua constet inane,
DRN 1.481	sed magis ut merito possis eventa vocare
DRN 1.482	corporis atque loci, res in quo quaeque gerantur.
DRN 1.483	Corpora sunt porro partim primordia rerum,
DRN 1.484	partim concilio quae constant principiorum.
DRN 1.485	sed quae sunt rerum primordia, nulla potest vis
DRN 1.486	stinguere; nam solido vincunt ea corpore demum.
DRN 1.487	etsi difficile esse videtur credere quicquam
DRN 1.488	in rebus solido reperiri corpore posse.
DRN 1.489	transit enim fulmen caeli per saepta domorum
DRN 1.490	clamor ut ac voces, ferrum candescit in igni
DRN 1.491	dissiliuntque fero ferventi saxa vapore;
DRN 1.492	cum labefactatus rigor auri solvitur aestu,
DRN 1.493	tum glacies aeris flamma devicta liquescit;
DRN 1.494	permanat calor argentum penetraleque frigus,
DRN 1.495	quando utrumque manu retinentes pocula rite
DRN 1.496	sensimus infuso lympharum rore superne.
DRN 1.497	usque adeo in rebus solidi nihil esse videtur.
DRN 1.498	sed quia vera tamen ratio naturaque rerum
DRN 1.499	cogit, ades, paucis dum versibus expediamus
DRN 1.500	esse ea quae solido atque aeterno corpore constent,
DRN 1.501	semina quae rerum primordiaque esse docemus,
DRN 1.502	unde omnis rerum nunc constet summa creata.
DRN 1.503	Principio quoniam duplex natura duarum
DRN 1.504	dissimilis rerum longe constare repertast,
DRN 1.505	corporis atque loci, res in quo quaeque geruntur,
DRN 1.506	esse utramque sibi per se puramque necessest.
DRN 1.507	nam qua cumque vacat spatium, quod inane vocamus,
DRN 1.508	corpus ea non est; qua porro cumque tenet se
DRN 1.509	corpus, ea vacuum nequaquam constat inane.
DRN 1.510	sunt igitur solida ac sine inani corpora prima.
DRN 1.511	Praeterea quoniam genitis in rebus inanest,
DRN 1.512	materiem circum solidam constare necessest;
DRN 1.513	nec res ulla potest vera ratione probari
DRN 1.514	corpore inane suo celare atque intus habere,
DRN 1.515	si non, quod cohibet, solidum constare relinquas.
DRN 1.516	id porro nihil esse potest nisi materiai
DRN 1.517	concilium, quod inane queat rerum cohibere.
DRN 1.518	materies igitur, solido quae corpore constat,
DRN 1.519	esse aeterna potest, cum cetera dissoluantur.
DRN 1.520	Tum porro si nil esset quod inane vocaret,
DRN 1.521	omne foret solidum; nisi contra corpora certa
DRN 1.522	essent quae loca complerent quae cumque tenerent
DRN 1.523	omne quod est spatium, vacuum constaret inane.
DRN 1.524	alternis igitur ni mirum corpus inani
DRN 1.525	distinctum, quoniam nec plenum naviter extat
DRN 1.526	nec porro vacuum; sunt ergo corpora certa,
DRN 1.527	quae spatium pleno possint distinguere inane.
DRN 1.528	haec neque dissolui plagis extrinsecus icta
DRN 1.529	possunt nec porro penitus penetrata retexi
DRN 1.530	nec ratione queunt alia temptata labare;
DRN 1.531	id quod iam supra tibi paulo ostendimus ante.
DRN 1.532	nam neque conlidi sine inani posse videtur
DRN 1.533	quicquam nec frangi nec findi in bina secando
DRN 1.534	nec capere umorem neque item manabile frigus
DRN 1.535	nec penetralem ignem, quibus omnia conficiuntur.
DRN 1.536	et quo quaeque magis cohibet res intus inane,
DRN 1.537	tam magis his rebus penitus temptata labascit.
DRN 1.538	ergo si solida ac sine inani corpora prima
DRN 1.539	sunt ita uti docui, sint haec aeterna necessest.
DRN 1.540	Praeterea nisi materies aeterna fuisset,
DRN 1.541	antehac ad nihilum penitus res quaeque redissent
DRN 1.542	de nihiloque renata forent quae cumque videmus.
DRN 1.543	at quoniam supra docui nil posse creari
DRN 1.544	de nihilo neque quod genitumst ad nil revocari,
DRN 1.545	esse inmortali primordia corpore debent,
DRN 1.546	dissolui quo quaeque supremo tempore possint,
DRN 1.547	materies ut subpeditet rebus reparandis.
DRN 1.548	sunt igitur solida primordia simplicitate
DRN 1.549	nec ratione queunt alia servata per aevom
DRN 1.550	ex infinito iam tempore res reparare.
DRN 1.551	denique si nullam finem natura parasset
DRN 1.552	frangendis rebus, iam corpora materiai
DRN 1.553	usque redacta forent aevo frangente priore,
DRN 1.554	ut nihil ex illis a certo tempore posset
DRN 1.555	conceptum summum aetatis pervadere finem.
DRN 1.556	nam quidvis citius dissolvi posse videmus
DRN 1.557	quam rursus refici; qua propter longa diei
DRN 1.558	infinita aetas ante acti temporis omnis
DRN 1.559	quod fregisset adhuc disturbans dissoluensque,
DRN 1.560	numquam relicuo reparari tempore posset.
DRN 1.561	at nunc ni mirum frangendi reddita finis
DRN 1.562	certa manet, quoniam refici rem quamque videmus
DRN 1.563	et finita simul generatim tempora rebus
DRN 1.564	stare, quibus possint aevi contingere florem.
DRN 1.565	Huc accedit uti, solidissima materiai
DRN 1.566	corpora cum constant, possint tamen omnia reddi,
DRN 1.567	mollia quae fiunt, aer aqua terra vapores,
DRN 1.568	quo pacto fiant et qua vi quaeque gerantur,
DRN 1.569	admixtum quoniam semel est in rebus inane.
DRN 1.570	at contra si mollia sint primordia rerum,
DRN 1.571	unde queant validi silices ferrumque creari,
DRN 1.572	non poterit ratio reddi; nam funditus omnis
DRN 1.573	principio fundamenti natura carebit.
DRN 1.574	sunt igitur solida pollentia simplicitate,
DRN 1.575	quorum condenso magis omnia conciliatu
DRN 1.576	artari possunt validasque ostendere viris.
DRN 1.577	porro si nullast frangendis reddita finis
DRN 1.578	corporibus, tamen ex aeterno tempore quaeque
DRN 1.579	nunc etiam superare necessest corpora rebus,
DRN 1.580	quae non dum clueant ullo temptata periclo.
DRN 1.581	at quoniam fragili natura praedita constant,
DRN 1.582	discrepat aeternum tempus potuisse manere
DRN 1.583	innumerabilibus plagis vexata per aevom.
DRN 1.584	Denique iam quoniam generatim reddita finis
DRN 1.585	crescendi rebus constat vitamque tenendi,
DRN 1.586	et quid quaeque queant per foedera naturai,
DRN 1.587	quid porro nequeant, sancitum quando quidem extat,
DRN 1.588	nec commutatur quicquam, quin omnia constant
DRN 1.589	usque adeo, variae volucres ut in ordine cunctae
DRN 1.590	ostendant maculas generalis corpore inesse,
DRN 1.591	inmutabilis materiae quoque corpus habere
DRN 1.592	debent ni mirum; nam si primordia rerum
DRN 1.593	commutari aliqua possent ratione revicta,
DRN 1.594	incertum quoque iam constet quid possit oriri,
DRN 1.595	quid nequeat, finita potestas denique cuique
DRN 1.596	qua nam sit ratione atque alte terminus haerens,
DRN 1.597	nec totiens possent generatim saecla referre
DRN 1.598	naturam mores victum motusque parentum.
DRN 1.599	Tum porro quoniam est extremum quodque cacumen
DRN 1.600	corporis illius, quod nostri cernere sensus
DRN 1.601	iam nequeunt, id ni mirum sine partibus extat
DRN 1.602	et minima constat natura nec fuit umquam
DRN 1.603	per se secretum neque post hac esse valebit,
DRN 1.604	alterius quoniamst ipsum pars primaque et una,
DRN 1.605	inde aliae atque aliae similes ex ordine partes
DRN 1.606	agmine condenso naturam corporis explent;
DRN 1.607	quae quoniam per se nequeunt constare, necessest
DRN 1.608	haerere unde queant nulla ratione revelli.
DRN 1.609	sunt igitur solida primordia simplicitate,
DRN 1.610	quae minimis stipata cohaerent partibus arte.
DRN 1.611	non ex illorum conventu conciliata,
DRN 1.612	sed magis aeterna pollentia simplicitate,
DRN 1.613	unde neque avelli quicquam neque deminui iam
DRN 1.614	concedit natura reservans semina rebus.
DRN 1.615	Praeterea nisi erit minimum, parvissima quaeque
DRN 1.616	corpora constabunt ex partibus infinitis,
DRN 1.617	quippe ubi dimidiae partis pars semper habebit
DRN 1.618	dimidiam partem nec res praefiniet ulla.
DRN 1.619	ergo rerum inter summam minimamque quod escit,
DRN 1.620	nil erit ut distet; nam quamvis funditus omnis
DRN 1.621	summa sit infinita, tamen, parvissima quae sunt,
DRN 1.622	ex infinitis constabunt partibus aeque.
DRN 1.623	quod quoniam ratio reclamat vera negatque
DRN 1.624	credere posse animum, victus fateare necessest
DRN 1.625	esse ea quae nullis iam praedita partibus extent
DRN 1.626	et minima constent natura. quae quoniam sunt,
DRN 1.627	illa quoque esse tibi solida atque aeterna fatendum.
DRN 1.628	Denique si minimas in partis cuncta resolvi
DRN 1.629	cogere consuesset rerum natura creatrix,
DRN 1.630	iam nihil ex illis eadem reparare valeret
DRN 1.631	propterea quia, quae nullis sunt partibus aucta,
DRN 1.632	non possunt ea quae debet genitalis habere
DRN 1.633	materies, varios conexus pondera plagas
DRN 1.634	concursus motus, per quas res quaeque geruntur.
DRN 1.635	Quapropter qui materiem rerum esse putarunt
DRN 1.636	ignem atque ex igni summam consistere solo,
DRN 1.637	magno opere a vera lapsi ratione videntur.
DRN 1.638	Heraclitus init quorum dux proelia primus,
DRN 1.639	clarus ob obscuram linguam magis inter inanis
DRN 1.640	quamde gravis inter Graios, qui vera requirunt;
DRN 1.641	omnia enim stolidi magis admirantur amantque,
DRN 1.642	inversis quae sub verbis latitantia cernunt,
DRN 1.643	veraque constituunt quae belle tangere possunt
DRN 1.644	auris et lepido quae sunt fucata sonore.
DRN 1.645	Nam cur tam variae res possent esse, requiro,
DRN 1.646	ex uno si sunt igni puroque creatae?
DRN 1.647	nil prodesset enim calidum denserier ignem
DRN 1.648	nec rare fieri, si partes ignis eandem
DRN 1.649	naturam quam totus habet super ignis haberent.
DRN 1.650	acrior ardor enim conductis partibus esset,
DRN 1.651	languidior porro disiectis disque supatis.
DRN 1.652	amplius hoc fieri nihil est quod posse rearis
DRN 1.653	talibus in causis, ne dum variantia rerum
DRN 1.654	tanta queat densis rarisque ex ignibus esse.
DRN 1.655	Id quoque: si faciant admixtum rebus inane,
DRN 1.656	denseri poterunt ignes rarique relinqui;
DRN 1.657	sed quia multa sibi cernunt contraria quae sint
DRN 1.658	et fugitant in rebus inane relinquere purum,
DRN 1.659	ardua dum metuunt, amittunt vera viai
DRN 1.660	nec rursum cernunt exempto rebus inane
DRN 1.661	omnia denseri fierique ex omnibus unum
DRN 1.662	corpus, nil ab se quod possit mittere raptim,
DRN 1.663	aestifer ignis uti lumen iacit atque vaporem,
DRN 1.664	ut videas non e stipatis partibus esse.
DRN 1.665	Quod si forte alia credunt ratione potesse
DRN 1.666	ignis in coetu stingui mutareque corpus,
DRN 1.667	scilicet ex nulla facere id si parte reparcent,
DRN 1.668	occidet ad nihilum ni mirum funditus ardor
DRN 1.669	omnis et e nihilo fient quae cumque creantur;
DRN 1.670	nam quod cumque suis mutatum finibus exit,
DRN 1.671	continuo hoc mors est illius quod fuit ante.
DRN 1.672	proinde aliquid superare necesse est incolume ollis,
DRN 1.673	ne tibi res redeant ad nilum funditus omnes
DRN 1.674	de nihiloque renata vigescat copia rerum.
DRN 1.675	Nunc igitur quoniam certissima corpora quaedam
DRN 1.676	sunt, quae conservant naturam semper eandem,
DRN 1.677	quorum abitu aut aditu mutatoque ordine mutant
DRN 1.678	naturam res et convertunt corpora sese,
DRN 1.679	scire licet non esse haec ignea corpora rerum.
DRN 1.680	nil referret enim quaedam decedere, abire
DRN 1.681	atque alia adtribui mutarique ordine quaedam,
DRN 1.682	si tamen ardoris naturam cuncta tenerent;
DRN 1.683	ignis enim foret omnimodis quod cumque crearet.
DRN 1.684	verum, ut opinor, itast: sunt quaedam corpora, quorum
DRN 1.685	concursus motus ordo positura figurae
DRN 1.686	efficiunt ignis mutatoque ordine mutant
DRN 1.687	naturam neque sunt igni simulata neque ulli
DRN 1.688	praeterea rei quae corpora mittere possit
DRN 1.689	sensibus et nostros adiectu tangere tactus.
DRN 1.690	dicere porro ignem res omnis esse neque ullam
DRN 1.691	rem veram in numero rerum constare nisi ignem,
DRN 1.692	quod facit hic idem, perdelirum esse videtur.
DRN 1.693	nam contra sensus ab sensibus ipse repugnat
DRN 1.694	et labefactat eos, unde omnia credita pendent,
DRN 1.695	unde hic cognitus est ipsi quem nominat ignem;
DRN 1.696	credit enim sensus ignem cognoscere vere,
DRN 1.697	cetera non credit, quae nilo clara minus sunt.
DRN 1.698	quod mihi cum vanum tum delirum esse videtur;
DRN 1.699	quo referemus enim? quid nobis certius ipsis
DRN 1.700	sensibus esse potest, qui vera ac falsa notemus?
DRN 1.701	Praeterea quare quisquam magis omnia tollat
DRN 1.702	et velit ardoris naturam linquere solam,
DRN 1.703	quam neget esse ignis, aliam tamen esse relinquat?
DRN 1.704	aequa videtur enim dementia dicere utrumque.
DRN 1.705	Quapropter qui materiem rerum esse putarunt
DRN 1.706	ignem atque ex igni summam consistere posse,
DRN 1.707	et qui principium gignundis aera rebus
DRN 1.708	constituere aut umorem qui cumque putarunt
DRN 1.709	fingere res ipsum per se terramve creare
DRN 1.710	omnia et in rerum naturas vertier omnis,
DRN 1.711	magno opere a vero longe derrasse videntur.
DRN 1.712	adde etiam qui conduplicant primordia rerum
DRN 1.713	aera iungentes igni terramque liquori,
DRN 1.714	et qui quattuor ex rebus posse omnia rentur
DRN 1.715	ex igni terra atque anima procrescere et imbri.
DRN 1.716	quorum Acragantinus cum primis Empedocles est,
DRN 1.717	insula quem triquetris terrarum gessit in oris,
DRN 1.718	quam fluitans circum magnis anfractibus aequor
DRN 1.719	Ionium glaucis aspargit virus ab undis
DRN 1.720	angustoque fretu rapidum mare dividit undis
DRN 1.721	Aeoliae terrarum oras a finibus eius.
DRN 1.722	hic est vasta Charybdis et hic Aetnaea minantur
DRN 1.723	murmura flammarum rursum se colligere iras,
DRN 1.724	faucibus eruptos iterum vis ut vomat ignis
DRN 1.725	ad caelumque ferat flammai fulgura rursum.
DRN 1.726	quae cum magna modis multis miranda videtur
DRN 1.727	gentibus humanis regio visendaque fertur
DRN 1.728	rebus opima bonis, multa munita virum vi,
DRN 1.729	nil tamen hoc habuisse viro praeclarius in se
DRN 1.730	nec sanctum magis et mirum carumque videtur.
DRN 1.731	carmina quin etiam divini pectoris eius
DRN 1.732	vociferantur et exponunt praeclara reperta,
DRN 1.733	ut vix humana videatur stirpe creatus.
DRN 1.734	Hic tamen et supra quos diximus inferiores
DRN 1.735	partibus egregie multis multoque minores,
DRN 1.736	quamquam multa bene ac divinitus invenientes
DRN 1.737	ex adyto tam quam cordis responsa dedere
DRN 1.738	sanctius et multo certa ratione magis quam
DRN 1.739	Pythia quae tripodi a Phoebi lauroque profatur,
DRN 1.740	principiis tamen in rerum fecere ruinas
DRN 1.741	et graviter magni magno cecidere ibi casu.
DRN 1.742	Primum quod motus exempto rebus inani
DRN 1.743	constituunt et res mollis rarasque relinquunt
DRN 1.744	aera solem ignem terras animalia frugis
DRN 1.745	nec tamen admiscent in eorum corpus inane;
DRN 1.746	deinde quod omnino finem non esse secandis
DRN 1.747	corporibus facient neque pausam stare fragori
DRN 1.748	nec prorsum in rebus minimum consistere quicquam,
DRN 1.749	cum videamus id extremum cuiusque cacumen
DRN 1.750	esse quod ad sensus nostros minimum esse videtur,
DRN 1.751	conicere ut possis ex hoc, quae cernere non quis
DRN 1.752	extremum quod habent, minimum consistere rerum.
DRN 1.753	Huc accedit item, quoniam primordia rerum
DRN 1.754	mollia constituunt, quae nos nativa videmus
DRN 1.755	esse et mortali cum corpore, funditus ut qui
DRN 1.756	debeat ad nihilum iam rerum summa reverti
DRN 1.757	de nihiloque renata vigescere copia rerum;
DRN 1.758	quorum utrumque quid a vero iam distet habebis.
DRN 1.759	Deinde inimica modis multis sunt atque veneno
DRN 1.760	ipsa sibi inter se; quare aut congressa peribunt
DRN 1.761	aut ita diffugient, ut tempestate coacta
DRN 1.762	fulmina diffugere atque imbris ventosque videmus.
DRN 1.763	Denique quattuor ex rebus si cuncta creantur
DRN 1.764	atque in eas rursum res omnia dissoluuntur,
DRN 1.765	qui magis illa queunt rerum primordia dici
DRN 1.766	quam contra res illorum retroque putari?
DRN 1.767	alternis gignuntur enim mutantque colorem
DRN 1.768	et totam inter se naturam tempore ab omni.
DRN 1.769	fulmina diffugere atque imbris ventosque videmus.
DRN 1.770	sin ita forte putas ignis terraeque coire
DRN 1.771	corpus et aerias auras roremque liquoris,
DRN 1.772	nil in concilio naturam ut mutet eorum,
DRN 1.773	nulla tibi ex illis poterit res esse creata,
DRN 1.774	non animans, non exanimo cum corpore, ut arbos;
DRN 1.775	quippe suam quicque in coetu variantis acervi
DRN 1.776	naturam ostendet mixtusque videbitur aer
DRN 1.777	cum terra simul et quodam cum rore manere.
DRN 1.778	at primordia gignundis in rebus oportet
DRN 1.779	naturam clandestinam caecamque adhibere,
DRN 1.780	emineat ne quid, quod contra pugnet et obstet
DRN 1.781	quo minus esse queat proprie quodcumque creatur.
DRN 1.782	Quin etiam repetunt a caelo atque ignibus eius
DRN 1.783	et primum faciunt ignem se vertere in auras
DRN 1.784	aeris, hinc imbrem gigni terramque creari
DRN 1.785	ex imbri retroque a terra cuncta reverti,
DRN 1.786	umorem primum, post aera, deinde calorem,
DRN 1.787	nec cessare haec inter se mutare, meare
DRN 1.788	a caelo ad terram, de terra ad sidera mundi.
DRN 1.789	quod facere haud ullo debent primordia pacto.
DRN 1.790	immutabile enim quiddam superare necessest,
DRN 1.791	ne res ad nihilum redigantur funditus omnes;
DRN 1.792	nam quod cumque suis mutatum finibus exit,
DRN 1.793	continuo hoc mors est illius quod fuit ante.
DRN 1.794	quapropter quoniam quae paulo diximus ante
DRN 1.795	in commutatum veniunt, constare necessest
DRN 1.796	ex aliis ea, quae nequeant convertier usquam,
DRN 1.797	ne tibi res redeant ad nilum funditus omnis;
DRN 1.798	quin potius tali natura praedita quaedam
DRN 1.799	corpora constituas, ignem si forte crearint,
DRN 1.800	posse eadem demptis paucis paucisque tributis,
DRN 1.801	ordine mutato et motu, facere aeris auras,
DRN 1.802	sic alias aliis rebus mutarier omnis?
DRN 1.803	'At manifesta palam res indicat' inquis 'in auras
DRN 1.804	aeris e terra res omnis crescere alique;
DRN 1.805	et nisi tempestas indulget tempore fausto
DRN 1.806	imbribus, ut tabe nimborum arbusta vacillent,
DRN 1.807	solque sua pro parte fovet tribuitque calorem,
DRN 1.808	crescere non possint fruges arbusta animantis.'
DRN 1.809	scilicet et nisi nos cibus aridus et tener umor
DRN 1.810	adiuvet, amisso iam corpore vita quoque omnis
DRN 1.811	omnibus e nervis atque ossibus exsoluatur;
DRN 1.812	adiutamur enim dubio procul atque alimur nos
DRN 1.813	certis ab rebus, certis aliae atque aliae res.
DRN 1.814	ni mirum quia multa modis communia multis
DRN 1.815	multarum rerum in rebus primordia mixta
DRN 1.816	sunt, ideo variis variae res rebus aluntur.
DRN 1.817	atque eadem magni refert primordia saepe
DRN 1.818	cum quibus et quali positura contineantur
DRN 1.819	et quos inter se dent motus accipiantque;
DRN 1.820	namque eadem caelum mare terras flumina solem
DRN 1.821	constituunt, eadem fruges arbusta animantis,
DRN 1.822	verum aliis alioque modo commixta moventur.
DRN 1.823	quin etiam passim nostris in versibus ipsis
DRN 1.824	multa elementa vides multis communia verbis,
DRN 1.825	cum tamen inter se versus ac verba necessest
DRN 1.826	confiteare et re et sonitu distare sonanti.
DRN 1.827	tantum elementa queunt permutato ordine solo;
DRN 1.828	at rerum quae sunt primordia, plura adhibere
DRN 1.829	possunt unde queant variae res quaeque creari.
DRN 1.830	Nunc et Anaxagorae scrutemur homoeomerian
DRN 1.831	quam Grai memorant nec nostra dicere lingua
DRN 1.832	concedit nobis patrii sermonis egestas,
DRN 1.833	sed tamen ipsam rem facilest exponere verbis.
DRN 1.834	principio, rerum quam dicit homoeomerian,
DRN 1.835	ossa videlicet e pauxillis atque minutis
DRN 1.836	ossibus hic et de pauxillis atque minutis
DRN 1.837	visceribus viscus gigni sanguenque creari
DRN 1.838	sanguinis inter se multis coeuntibus guttis
DRN 1.839	ex aurique putat micis consistere posse
DRN 1.840	aurum et de terris terram concrescere parvis,
DRN 1.841	ignibus ex ignis, umorem umoribus esse,
DRN 1.842	cetera consimili fingit ratione putatque.
DRN 1.843	nec tamen esse ulla de parte in rebus inane
DRN 1.844	concedit neque corporibus finem esse secandis.
DRN 1.845	quare in utraque mihi pariter ratione videtur
DRN 1.846	errare atque illi, supra quos diximus ante.
DRN 1.847	Adde quod inbecilla nimis primordia fingit;
DRN 1.848	si primordia sunt, simili quae praedita constant
DRN 1.849	natura atque ipsae res sunt aequeque laborant
DRN 1.850	et pereunt, neque ab exitio res ulla refrenat.
DRN 1.851	nam quid in oppressu valido durabit eorum,
DRN 1.852	ut mortem effugiat, leti sub dentibus ipsis?
DRN 1.853	ignis an umor an aura? quid horum? sanguen an ossa?
DRN 1.854	nil ut opinor, ubi ex aequo res funditus omnis
DRN 1.855	tam mortalis erit quam quae manifesta videmus
DRN 1.856	ex oculis nostris aliqua vi victa perire.
DRN 1.857	at neque reccidere ad nihilum res posse neque autem
DRN 1.858	crescere de nihilo testor res ante probatas.
DRN 1.859	Praeterea quoniam cibus auget corpus alitque,
DRN 1.860	scire licet nobis venas et sanguen et ossa
DRN 1.860a	* * *
DRN 1.861	sive cibos omnis commixto corpore dicent
DRN 1.862	esse et habere in se nervorum corpora parva
DRN 1.863	ossaque et omnino venas partisque cruoris,
DRN 1.864	fiet uti cibus omnis et aridus et liquor ipse
DRN 1.865	ex alienigenis rebus constare putetur,
DRN 1.866	ossibus et nervis sanieque et sanguine mixto.
DRN 1.867	Praeterea quae cumque e terra corpora crescunt,
DRN 1.868	si sunt in terris, terram constare necessest
DRN 1.869	ex alienigenis, quae terris exoriuntur.
DRN 1.870	transfer item, totidem verbis utare licebit:
DRN 1.871	in lignis si flamma latet fumusque cinisque,
DRN 1.872	ex alienigenis consistant ligna necessest,
DRN 1.873	praeterea tellus quae corpora cumque alit auget
DRN 1.874	ex alienigenis, quae lignis exoriuntur.
DRN 1.875	Linquitur hic quaedam latitandi copia tenvis,
DRN 1.876	id quod Anaxagoras sibi sumit, ut omnibus omnis
DRN 1.877	res putet inmixtas rebus latitare, sed illud
DRN 1.878	apparere unum, cuius sint plurima mixta
DRN 1.879	et magis in promptu primaque in fronte locata.
DRN 1.880	quod tamen a vera longe ratione repulsumst;
DRN 1.881	conveniebat enim fruges quoque saepe, minaci
DRN 1.882	robore cum in saxi franguntur, mittere signum
DRN 1.883	sanguinis aut aliquid, nostro quae corpore aluntur.
DRN 1.884	cum lapidi in lapidem terimus, manare cruorem
DRN 1.885	consimili ratione herbis quoque saepe decebat,
DRN 1.886	et latices dulcis guttas similique sapore
DRN 1.887	mittere, lanigerae quali sunt ubere lactis,
DRN 1.888	scilicet et glebis terrarum saepe friatis
DRN 1.889	herbarum genera et fruges frondesque videri
DRN 1.890	dispertita inter terram latitare minute,
DRN 1.891	postremo in lignis cinerem fumumque videri,
DRN 1.892	cum praefracta forent, ignisque latere minutos.
DRN 1.893	quorum nil fieri quoniam manifesta docet res,
DRN 1.894	scire licet non esse in rebus res ita mixtas,
DRN 1.895	verum semina multimodis inmixta latere
DRN 1.896	multarum rerum in rebus communia debent.
DRN 1.897	'At saepe in magnis fit montibus' inquis 'ut altis
DRN 1.898	arboribus vicina cacumina summa terantur
DRN 1.899	inter se validis facere id cogentibus austris,
DRN 1.900	donec flammai fulserunt flore coorto.'
DRN 1.901	scilicet et non est lignis tamen insitus ignis,
DRN 1.902	verum semina sunt ardoris multa, terendo
DRN 1.903	quae cum confluxere, creant incendia silvis.
DRN 1.904	quod si facta foret silvis abscondita flamma,
DRN 1.905	non possent ullum tempus celarier ignes,
DRN 1.906	conficerent volgo silvas, arbusta cremarent.
DRN 1.907	iamne vides igitur, paulo quod diximus ante,
DRN 1.908	permagni referre eadem primordia saepe
DRN 1.909	cum quibus et quali positura contineantur
DRN 1.910	et quos inter se dent motus accipiantque,
DRN 1.911	atque eadem paulo inter se mutata creare
DRN 1.912	ignes et lignum? quo pacto verba quoque ipsa
DRN 1.913	inter se paulo mutatis sunt elementis,
DRN 1.914	cum ligna atque ignes distincta voce notemus.
DRN 1.915	Denique iam quae cumque in rebus cernis apertis
DRN 1.916	si fieri non posse putas, quin materiai
DRN 1.917	corpora consimili natura praedita fingas,
DRN 1.918	hac ratione tibi pereunt primordia rerum:
DRN 1.919	fiet uti risu tremulo concussa cachinnent
DRN 1.920	et lacrimis salsis umectent ora genasque.
DRN 1.921	Nunc age, quod super est, cognosce et clarius audi.
DRN 1.922	nec me animi fallit quam sint obscura; sed acri
DRN 1.923	percussit thyrso laudis spes magna meum cor
DRN 1.924	et simul incussit suavem mi in pectus amorem
DRN 1.925	Musarum, quo nunc instinctus mente vigenti
DRN 1.926	avia Pieridum peragro loca nullius ante
DRN 1.927	trita solo. iuvat integros accedere fontis
DRN 1.928	atque haurire iuvatque novos decerpere flores
DRN 1.929	insignemque meo capiti petere inde coronam,
DRN 1.930	unde prius nulli velarint tempora Musae;
DRN 1.931	primum quod magnis doceo de rebus et artis
DRN 1.932	religionum animum nodis exsolvere pergo,
DRN 1.933	deinde quod obscura de re tam lucida pango
DRN 1.934	carmina musaeo contingens cuncta lepore.
DRN 1.935	id quoque enim non ab nulla ratione videtur;
DRN 1.936	sed vel uti pueris absinthia taetra medentes
DRN 1.937	cum dare conantur, prius oras pocula circum
DRN 1.938	contingunt mellis dulci flavoque liquore,
DRN 1.939	ut puerorum aetas inprovida ludificetur
DRN 1.940	labrorum tenus, interea perpotet amarum
DRN 1.941	absinthi laticem deceptaque non capiatur,
DRN 1.942	sed potius tali facto recreata valescat,
DRN 1.943	sic ego nunc, quoniam haec ratio plerumque videtur
DRN 1.944	tristior esse quibus non est tractata, retroque
DRN 1.945	volgus abhorret ab hac, volui tibi suaviloquenti
DRN 1.946	carmine Pierio rationem exponere nostram
DRN 1.947	et quasi musaeo dulci contingere melle,
DRN 1.948	si tibi forte animum tali ratione tenere
DRN 1.949	versibus in nostris possem, dum perspicis omnem
DRN 1.950	naturam rerum, qua constet compta figura.
DRN 1.951	Sed quoniam docui solidissima materiai
DRN 1.952	corpora perpetuo volitare invicta per aevom,
DRN 1.953	nunc age, summai quaedam sit finis eorum
DRN 1.954	necne sit, evolvamus; item quod inane repertumst
DRN 1.955	seu locus ac spatium, res in quo quaeque gerantur,
DRN 1.956	pervideamus utrum finitum funditus omne
DRN 1.957	constet an immensum pateat vasteque profundum.
DRN 1.958	Omne quod est igitur nulla regione viarum
DRN 1.959	finitumst; namque extremum debebat habere.
DRN 1.960	extremum porro nullius posse videtur
DRN 1.961	esse, nisi ultra sit quod finiat, ut videatur
DRN 1.962	quo non longius haec sensus natura sequatur.
DRN 1.963	nunc extra summam quoniam nihil esse fatendum,
DRN 1.964	non habet extremum, caret ergo fine modoque.
DRN 1.965	nec refert quibus adsistas regionibus eius;
DRN 1.966	usque adeo, quem quisque locum possedit, in omnis
DRN 1.967	tantundem partis infinitum omne relinquit.
DRN 1.968	Praeterea si iam finitum constituatur
DRN 1.969	omne quod est spatium, si quis procurrat ad oras
DRN 1.970	ultimus extremas iaciatque volatile telum,
DRN 1.971	id validis utrum contortum viribus ire
DRN 1.972	quo fuerit missum mavis longeque volare,
DRN 1.973	an prohibere aliquid censes obstareque posse?
DRN 1.974	alterutrum fatearis enim sumasque necessest.
DRN 1.975	quorum utrumque tibi effugium praecludit et omne
DRN 1.976	cogit ut exempta concedas fine patere.
DRN 1.977	nam sive est aliquid quod probeat efficiatque
DRN 1.978	quo minus quo missum est veniat finique locet se,
DRN 1.979	sive foras fertur, non est a fine profectum.
DRN 1.980	hoc pacto sequar atque, oras ubi cumque locaris
DRN 1.981	extremas, quaeram: quid telo denique fiet?
DRN 1.982	fiet uti nusquam possit consistere finis
DRN 1.983	effugiumque fugae prolatet copia semper.
DRN 1.984	Praeterea spatium summai totius omne
DRN 1.985	undique si inclusum certis consisteret oris
DRN 1.986	finitumque foret, iam copia materiai
DRN 1.987	undique ponderibus solidis confluxet ad imum
DRN 1.988	nec res ulla geri sub caeli tegmine posset
DRN 1.989	nec foret omnino caelum neque lumina solis,
DRN 1.990	quippe ubi materies omnis cumulata iaceret
DRN 1.991	ex infinito iam tempore subsidendo.
DRN 1.992	at nunc ni mirum requies data principiorum
DRN 1.993	corporibus nullast, quia nil est funditus imum,
DRN 1.994	quo quasi confluere et sedes ubi ponere possint.
DRN 1.995	semper in adsiduo motu res quaeque geruntur
DRN 1.996	partibus in cunctis, infernaque suppeditantur
DRN 1.997	ex infinito cita corpora materiai.
DRN 1.998	Postremo ante oculos res rem finire videtur;
DRN 1.999	aer dissaepit collis atque aera montes,
DRN 1.1000	terra mare et contra mare terras terminat omnis;
DRN 1.1001	omne quidem vero nihil est quod finiat extra.
DRN 1.1002	est igitur natura loci spatiumque profundi,
DRN 1.1003	quod neque clara suo percurrere fulmina cursu
DRN 1.1004	perpetuo possint aevi labentia tractu
DRN 1.1005	nec prorsum facere ut restet minus ire meando;
DRN 1.1006	usque adeo passim patet ingens copia rebus
DRN 1.1007	finibus exemptis in cunctas undique partis.
DRN 1.1008	Ipsa modum porro sibi rerum summa parare
DRN 1.1009	ne possit, natura tenet, quae corpus inane
DRN 1.1010	et quod inane autem est finiri corpore cogit,
DRN 1.1011	ut sic alternis infinita omnia reddat,
DRN 1.1012	aut etiam alterutrum, nisi terminet alterum eorum,
DRN 1.1013	simplice natura pateat tamen inmoderatum,
DRN 1.1014	nec mare nec tellus neque caeli lucida templa
DRN 1.1015	nec mortale genus nec divum corpora sancta
DRN 1.1016	exiguum possent horai sistere tempus;
DRN 1.1017	nam dispulsa suo de coetu materiai
DRN 1.1018	copia ferretur magnum per inane soluta,
DRN 1.1019	sive adeo potius numquam concreta creasset
DRN 1.1020	ullam rem, quoniam cogi disiecta nequisset.
DRN 1.1021	nam certe neque consilio primordia rerum
DRN 1.1022	ordine se suo quaeque sagaci mente locarunt
DRN 1.1023	nec quos quaeque darent motus pepigere profecto
DRN 1.1024	sed quia multa modis multis mutata per omne
DRN 1.1025	ex infinito vexantur percita plagis,
DRN 1.1026	omne genus motus et coetus experiundo
DRN 1.1027	tandem deveniunt in talis disposituras,
DRN 1.1028	qualibus haec rerum consistit summa creata,
DRN 1.1029	et multos etiam magnos servata per annos
DRN 1.1030	ut semel in motus coniectast convenientis,
DRN 1.1031	efficit ut largis avidum mare fluminis undis
DRN 1.1032	integrent amnes et solis terra vapore
DRN 1.1033	fota novet fetus summissaque gens animantum
DRN 1.1034	floreat et vivant labentis aetheris ignes.
DRN 1.1035	quod nullo facerent pacto, nisi materiai
DRN 1.1036	ex infinito suboriri copia posset,
DRN 1.1037	unde amissa solent reparare in tempore quaeque.
DRN 1.1038	nam vel uti privata cibo natura animantum
DRN 1.1039	diffluit amittens corpus, sic omnia debent
DRN 1.1040	dissolui simul ac defecit suppeditare
DRN 1.1041	materies aliqua ratione aversa viai.
DRN 1.1042	nec plagae possunt extrinsecus undique summam
DRN 1.1043	conservare omnem, quae cumque est conciliata.
DRN 1.1044	cudere enim crebro possunt partemque morari,
DRN 1.1045	dum veniant aliae ac suppleri summa queatur;
DRN 1.1046	inter dum resilire tamen coguntur et una
DRN 1.1047	principiis rerum spatium tempusque fugai
DRN 1.1048	largiri, ut possint a coetu libera ferri.
DRN 1.1049	quare etiam atque etiam suboriri multa necessest,
DRN 1.1050	et tamen ut plagae quoque possint suppetere ipsae,
DRN 1.1051	infinita opus est vis undique materiai.
DRN 1.1052	Illud in his rebus longe fuge credere, Memmi,
DRN 1.1053	in medium summae quod dicunt omnia niti
DRN 1.1054	atque ideo mundi naturam stare sine ullis
DRN 1.1055	ictibus externis neque quoquam posse resolvi
DRN 1.1056	summa atque ima, quod in medium sint omnia nixa,
DRN 1.1057	ipsum si quicquam posse in se sistere credis,
DRN 1.1058	et quae pondera sunt sub terris omnia sursum
DRN 1.1059	nitier in terraque retro requiescere posta,
DRN 1.1060	ut per aquas quae nunc rerum simulacra videmus;
DRN 1.1061	et simili ratione animalia suppa vagari
DRN 1.1062	contendunt neque posse e terris in loca caeli
DRN 1.1063	reccidere inferiora magis quam corpora nostra
DRN 1.1064	sponte sua possint in caeli templa volare;
DRN 1.1065	illi cum videant solem, nos sidera noctis
DRN 1.1066	cernere et alternis nobiscum tempora caeli
DRN 1.1067	dividere et noctes parilis agitare diebus.
DRN 1.1068	sed vanus stolidis haec * * *
DRN 1.1069	amplexi quod habent perv * * *
DRN 1.1070	nam medium nihil esse potest * * *
DRN 1.1071	infinita; neque omnino, si iam medium sit,
DRN 1.1072	possit ibi quicquam consistere * * *
DRN 1.1073	quam quavis alia longe ratione * * *
DRN 1.1074	omnis enim locus ac spatium, quod inane vocamus,
DRN 1.1075	per medium, per non medium, concedere debet
DRN 1.1076	aeque ponderibus, motus qua cumque feruntur.
DRN 1.1077	nec quisquam locus est, quo corpora cum venerunt,
DRN 1.1078	ponderis amissa vi possint stare in inani;
DRN 1.1079	nec quod inane autem est ulli subsistere debet,
DRN 1.1080	quin, sua quod natura petit, concedere pergat.
DRN 1.1081	haud igitur possunt tali ratione teneri
DRN 1.1082	res in concilium medii cuppedine victae.
DRN 1.1083	Praeterea quoniam non omnia corpora fingunt
DRN 1.1084	in medium niti, sed terrarum atque liquoris
DRN 1.1086	umorem ponti magnasque e montibus undas,
DRN 1.1085	et quasi terreno quae corpore contineantur,
DRN 1.1087	at contra tenuis exponunt aeris auras
DRN 1.1088	et calidos simul a medio differrier ignis,
DRN 1.1089	atque ideo totum circum tremere aethera signis
DRN 1.1090	et solis flammam per caeli caerula pasci,
DRN 1.1091	quod calor a medio fugiens se ibi conligat omnis,
DRN 1.1092	nec prorsum arboribus summos frondescere ramos
DRN 1.1093	posse, nisi a terris paulatim cuique cibatum
DRN 1.1102	ne volucri ritu flammarum moenia mundi
DRN 1.1103	diffugiant subito magnum per inane soluta
DRN 1.1104	et ne cetera consimili ratione sequantur
DRN 1.1105	neve ruant caeli tonitralia templa superne
DRN 1.1106	terraque se pedibus raptim subducat et omnis
DRN 1.1107	inter permixtas rerum caelique ruinas
DRN 1.1108	corpora solventes abeat per inane profundum,
DRN 1.1109	temporis ut puncto nihil extet reliquiarum
DRN 1.1110	desertum praeter spatium et primordia caeca.
DRN 1.1111	nam qua cumque prius de parti corpora desse
DRN 1.1112	constitues, haec rebus erit pars ianua leti,
DRN 1.1113	hac se turba foras dabit omnis materiai.
DRN 1.1114	Haec sic pernosces parva perductus opella;
DRN 1.1115	namque alid ex alio clarescet nec tibi caeca
DRN 1.1116	nox iter eripiet, quin ultima naturai
DRN 1.1117	pervideas: ita res accendent lumina rebus.
DRN 2.1	Suave, mari magno turbantibus aequora ventis
DRN 2.2	e terra magnum alterius spectare laborem;
DRN 2.3	non quia vexari quemquamst iucunda voluptas,
DRN 2.4	sed quibus ipse malis careas quia cernere suavest.
DRN 2.6	suave etiam belli certamina magna tueri
DRN 2.5	per campos instructa tua sine parte pericli;
DRN 2.7	sed nihil dulcius est, bene quam munita tenere
DRN 2.8	edita doctrina sapientum templa serena,
DRN 2.9	despicere unde queas alios passimque videre
DRN 2.10	errare atque viam palantis quaerere vitae,
DRN 2.11	certare ingenio, contendere nobilitate,
DRN 2.12	noctes atque dies niti praestante labore
DRN 2.13	ad summas emergere opes rerumque potiri.
DRN 2.14	o miseras hominum mentes, o pectora caeca!
DRN 2.15	qualibus in tenebris vitae quantisque periclis
DRN 2.16	degitur hoc aevi quod cumquest! nonne videre
DRN 2.17	nihil aliud sibi naturam latrare, nisi ut qui
DRN 2.18	corpore seiunctus dolor absit, mente fruatur
DRN 2.19	iucundo sensu cura semota metuque?
DRN 2.20	ergo corpoream ad naturam pauca videmus
DRN 2.21	esse opus omnino: quae demant cumque dolorem,
DRN 2.22	delicias quoque uti multas substernere possint
DRN 2.23	gratius inter dum, neque natura ipsa requirit,
DRN 2.24	si non aurea sunt iuvenum simulacra per aedes
DRN 2.25	lampadas igniferas manibus retinentia dextris,
DRN 2.26	lumina nocturnis epulis ut suppeditentur,
DRN 2.27	nec domus argento fulget auroque renidet
DRN 2.28	nec citharae reboant laqueata aurataque templa,
DRN 2.29	cum tamen inter se prostrati in gramine molli
DRN 2.30	propter aquae rivum sub ramis arboris altae
DRN 2.31	non magnis opibus iucunde corpora curant,
DRN 2.32	praesertim cum tempestas adridet et anni
DRN 2.33	tempora conspergunt viridantis floribus herbas.
DRN 2.34	nec calidae citius decedunt corpore febres,
DRN 2.35	textilibus si in picturis ostroque rubenti
DRN 2.36	iacteris, quam si in plebeia veste cubandum est.
DRN 2.37	quapropter quoniam nihil nostro in corpore gazae
DRN 2.38	proficiunt neque nobilitas nec gloria regni,
DRN 2.39	quod super est, animo quoque nil prodesse putandum;
DRN 2.40	si non forte tuas legiones per loca campi
DRN 2.41	fervere cum videas belli simulacra cientis,
DRN 2.42	subsidiis magnis et opum vi constabilitas,
DRN 2.43	ornatas armis stlattas pariterque animatas,
DRN 2.44	his tibi tum rebus timefactae religiones
DRN 2.45	effugiunt animo pavidae mortisque timores
DRN 2.46	tum vacuum pectus lincunt curaque solutum.
DRN 2.47	quod si ridicula haec ludibriaque esse videmus,
DRN 2.48	re veraque metus hominum curaeque sequaces
DRN 2.49	nec metuunt sonitus armorum nec fera tela
DRN 2.50	audacterque inter reges rerumque potentis
DRN 2.51	versantur neque fulgorem reverentur ab auro
DRN 2.52	nec clarum vestis splendorem purpureai,
DRN 2.53	quid dubitas quin omnis sit haec rationis potestas,
DRN 2.54	omnis cum in tenebris praesertim vita laboret?
DRN 2.55	nam vel uti pueri trepidant atque omnia caecis
DRN 2.56	in tenebris metuunt, sic nos in luce timemus
DRN 2.57	inter dum, nihilo quae sunt metuenda magis quam
DRN 2.58	quae pueri in tenebris pavitant finguntque futura.
DRN 2.59	hunc igitur terrorem animi tenebrasque necessest
DRN 2.60	non radii solis neque lucida tela diei
DRN 2.61	discutiant, sed naturae species ratioque.
DRN 2.62	Nunc age, quo motu genitalia materiai
DRN 2.63	corpora res varias gignant genitasque resolvant
DRN 2.64	et qua vi facere id cogantur quaeque sit ollis
DRN 2.65	reddita mobilitas magnum per inane meandi,
DRN 2.66	expediam: tu te dictis praebere memento.
DRN 2.67	nam certe non inter se stipata cohaeret
DRN 2.68	materies, quoniam minui rem quamque videmus
DRN 2.69	et quasi longinquo fluere omnia cernimus aevo
DRN 2.70	ex oculisque vetustatem subducere nostris,
DRN 2.71	cum tamen incolumis videatur summa manere
DRN 2.72	propterea quia, quae decedunt corpora cuique,
DRN 2.73	unde abeunt minuunt, quo venere augmine donant.
DRN 2.74	illa senescere, at haec contra florescere cogunt,
DRN 2.75	nec remorantur ibi. sic rerum summa novatur
DRN 2.76	semper, et inter se mortales mutua vivunt.
DRN 2.77	augescunt aliae gentes, aliae minuuntur,
DRN 2.78	inque brevi spatio mutantur saecla animantum
DRN 2.79	et quasi cursores vitai lampada tradunt.
DRN 2.80	Si cessare putas rerum primordia posse
DRN 2.81	cessandoque novos rerum progignere motus,
DRN 2.82	avius a vera longe ratione vagaris.
DRN 2.83	nam quoniam per inane vagantur, cuncta necessest
DRN 2.84	aut gravitate sua ferri primordia rerum
DRN 2.85	aut ictu forte alterius. nam cum cita saepe
DRN 2.86	obvia conflixere, fit ut diversa repente
DRN 2.87	dissiliant; neque enim mirum, durissima quae sint
DRN 2.88	ponderibus solidis neque quicquam a tergibus obstet.
DRN 2.89	et quo iactari magis omnia materiai
DRN 2.90	corpora pervideas, reminiscere totius imum
DRN 2.91	nil esse in summa, neque habere ubi corpora prima
DRN 2.92	consistant, quoniam spatium sine fine modoquest
DRN 2.93	inmensumque patere in cunctas undique partis
DRN 2.94	pluribus ostendi et certa ratione probatumst.
DRN 2.95	quod quoniam constat, ni mirum nulla quies est
DRN 2.96	reddita corporibus primis per inane profundum,
DRN 2.97	sed magis adsiduo varioque exercita motu
DRN 2.98	partim intervallis magnis confulta resultant,
DRN 2.99	pars etiam brevibus spatiis vexantur ab ictu.
DRN 2.100	et quae cumque magis condenso conciliatu
DRN 2.101	exiguis intervallis convecta resultant,
DRN 2.102	indupedita suis perplexis ipsa figuris,
DRN 2.103	haec validas saxi radices et fera ferri
DRN 2.104	corpora constituunt et cetera de genere horum.
DRN 2.105	paucula quae porro magnum per inane vagantur,
DRN 2.106	cetera dissiliunt longe longeque recursant
DRN 2.107	in magnis intervallis; haec aera rarum
DRN 2.108	sufficiunt nobis et splendida lumina solis.
DRN 2.109	multaque praeterea magnum per inane vagantur,
DRN 2.110	conciliis rerum quae sunt reiecta nec usquam
DRN 2.111	consociare etiam motus potuere recepta.
DRN 2.112	Cuius, uti memoro, rei simulacrum et imago
DRN 2.113	ante oculos semper nobis versatur et instat.
DRN 2.114	contemplator enim, cum solis lumina cumque
DRN 2.115	inserti fundunt radii per opaca domorum:
DRN 2.116	multa minuta modis multis per inane videbis
DRN 2.117	corpora misceri radiorum lumine in ipso
DRN 2.118	et vel ut aeterno certamine proelia pugnas
DRN 2.119	edere turmatim certantia nec dare pausam,
DRN 2.120	conciliis et discidiis exercita crebris;
DRN 2.121	conicere ut possis ex hoc, primordia rerum
DRN 2.122	quale sit in magno iactari semper inani.
DRN 2.123	dum taxat, rerum magnarum parva potest res
DRN 2.124	exemplare dare et vestigia notitiai.
DRN 2.125	Hoc etiam magis haec animum te advertere par est
DRN 2.126	corpora quae in solis radiis turbare videntur,
DRN 2.127	quod tales turbae motus quoque materiai
DRN 2.128	significant clandestinos caecosque subesse.
DRN 2.129	multa videbis enim plagis ibi percita caecis
DRN 2.130	commutare viam retroque repulsa reverti
DRN 2.131	nunc huc nunc illuc in cunctas undique partis.
DRN 2.132	scilicet hic a principiis est omnibus error.
DRN 2.133	prima moventur enim per se primordia rerum,
DRN 2.134	inde ea quae parvo sunt corpora conciliatu
DRN 2.135	et quasi proxima sunt ad viris principiorum,
DRN 2.136	ictibus illorum caecis inpulsa cientur,
DRN 2.137	ipsaque proporro paulo maiora lacessunt.
DRN 2.138	sic a principiis ascendit motus et exit
DRN 2.139	paulatim nostros ad sensus, ut moveantur
DRN 2.140	illa quoque, in solis quae lumine cernere quimus
DRN 2.141	nec quibus id faciant plagis apparet aperte.
DRN 2.142	Nunc quae mobilitas sit reddita materiai
DRN 2.143	corporibus, paucis licet hinc cognoscere, Memmi.
DRN 2.144	primum aurora novo cum spargit lumine terras
DRN 2.145	et variae volucres nemora avia pervolitantes
DRN 2.146	aera per tenerum liquidis loca vocibus opplent,
DRN 2.147	quam subito soleat sol ortus tempore tali
DRN 2.148	convestire sua perfundens omnia luce,
DRN 2.149	omnibus in promptu manifestumque esse videmus.
DRN 2.150	at vapor is, quem sol mittit, lumenque serenum
DRN 2.151	non per inane meat vacuum; quo tardius ire
DRN 2.152	cogitur, aerias quasi dum diverberat undas;
DRN 2.153	nec singillatim corpuscula quaeque vaporis
DRN 2.154	sed complexa meant inter se conque globata;
DRN 2.155	qua propter simul inter se retrahuntur et extra
DRN 2.156	officiuntur, uti cogantur tardius ire.
DRN 2.157	at quae sunt solida primordia simplicitate,
DRN 2.158	cum per inane meant vacuum nec res remoratur
DRN 2.159	ulla foris atque ipsa suis e partibus unum,
DRN 2.160	unum, in quem coepere, locum conixa feruntur,
DRN 2.161	debent ni mirum praecellere mobilitate
DRN 2.162	et multo citius ferri quam lumina solis
DRN 2.163	multiplexque loci spatium transcurrere eodem
DRN 2.164	tempore quo solis pervolgant fulgura caelum.
DRN 2.164a	* * *
DRN 2.165	nec persectari primordia singula quaeque,
DRN 2.166	ut videant qua quicque geratur cum ratione.
DRN 2.167	At quidam contra haec, ignari materiai,
DRN 2.168	naturam non posse deum sine numine reddunt
DRN 2.169	tanto opere humanis rationibus atmoderate
DRN 2.170	tempora mutare annorum frugesque creare
DRN 2.171	et iam cetera, mortalis quae suadet adire
DRN 2.172	ipsaque deducit dux vitae dia voluptas
DRN 2.173	et res per Veneris blanditur saecla propagent,
DRN 2.174	ne genus occidat humanum. quorum omnia causa
DRN 2.175	constituisse deos cum fingunt, omnibus rebus
DRN 2.176	magno opere a vera lapsi ratione videntur.
DRN 2.177	nam quamvis rerum ignorem primordia quae sint,
DRN 2.178	hoc tamen ex ipsis caeli rationibus ausim
DRN 2.179	confirmare aliisque ex rebus reddere multis,
DRN 2.180	nequaquam nobis divinitus esse creatam
DRN 2.181	naturam mundi: tanta stat praedita culpa.
DRN 2.182	quae tibi posterius, Memmi, faciemus aperta;
DRN 2.183	nunc id quod super est de motibus expediemus.
DRN 2.184	Nunc locus est, ut opinor, in his illud quoque rebus
DRN 2.185	confirmare tibi, nullam rem posse sua vi
DRN 2.186	corpoream sursum ferri sursumque meare.
DRN 2.187	ne tibi dent in eo flammarum corpora frudem;
DRN 2.188	sursus enim versus gignuntur et augmina sumunt
DRN 2.189	et sursum nitidae fruges arbustaque crescunt,
DRN 2.190	pondera, quantum in se est, cum deorsum cuncta ferantur.
DRN 2.191	nec cum subsiliunt ignes ad tecta domorum
DRN 2.192	et celeri flamma degustant tigna trabesque,
DRN 2.193	sponte sua facere id sine vi subiecta putandum est.
DRN 2.194	quod genus e nostro com missus corpore sanguis
DRN 2.195	emicat exultans alte spargitque cruorem.
DRN 2.196	nonne vides etiam quanta vi tigna trabesque
DRN 2.197	respuat umor aquae? nam quo magis ursimus altum
DRN 2.198	derecta et magna vi multi pressimus aegre,
DRN 2.199	tam cupide sursum removet magis atque remittit,
DRN 2.200	plus ut parte foras emergant exiliantque.
DRN 2.201	nec tamen haec, quantum est in se, dubitamus, opinor,
DRN 2.202	quin vacuum per inane deorsum cuncta ferantur.
DRN 2.203	sic igitur debent flammae quoque posse per auras
DRN 2.204	aeris expressae sursum succedere, quamquam
DRN 2.205	pondera, quantum in se est, deorsum deducere pugnent.
DRN 2.206	nocturnasque faces caeli sublime volantis
DRN 2.207	nonne vides longos flammarum ducere tractus
DRN 2.208	in quas cumque dedit partis natura meatum?
DRN 2.209	non cadere in terras stellas et sidera cernis?
DRN 2.210	sol etiam caeli de vertice dissipat omnis
DRN 2.211	ardorem in partis et lumine conserit arva;
DRN 2.212	in terras igitur quoque solis vergitur ardor.
DRN 2.213	transversosque volare per imbris fulmina cernis,
DRN 2.214	nunc hinc nunc illinc abrupti nubibus ignes
DRN 2.215	concursant; cadit in terras vis flammea volgo.
DRN 2.216	Illud in his quoque te rebus cognoscere avemus,
DRN 2.217	corpora cum deorsum rectum per inane feruntur
DRN 2.218	ponderibus propriis, incerto tempore ferme
DRN 2.219	incertisque locis spatio depellere paulum,
DRN 2.220	tantum quod momen mutatum dicere possis.
DRN 2.221	quod nisi declinare solerent, omnia deorsum
DRN 2.222	imbris uti guttae caderent per inane profundum
DRN 2.223	nec foret offensus natus nec plaga creata
DRN 2.224	principiis; ita nihil umquam natura creasset.
DRN 2.225	Quod si forte aliquis credit graviora potesse
DRN 2.226	corpora, quo citius rectum per inane feruntur,
DRN 2.227	incidere ex supero levioribus atque ita plagas
DRN 2.228	gignere, quae possint genitalis reddere motus,
DRN 2.229	avius a vera longe ratione recedit.
DRN 2.230	nam per aquas quae cumque cadunt atque aera rarum,
DRN 2.231	haec pro ponderibus casus celerare necessest
DRN 2.232	propterea quia corpus aquae naturaque tenvis
DRN 2.233	aeris haud possunt aeque rem quamque morari,
DRN 2.234	sed citius cedunt gravioribus exsuperata;
DRN 2.235	at contra nulli de nulla parte neque ullo
DRN 2.236	tempore inane potest vacuum subsistere rei,
DRN 2.237	quin, sua quod natura petit, concedere pergat;
DRN 2.238	omnia qua propter debent per inane quietum
DRN 2.239	aeque ponderibus non aequis concita ferri.
DRN 2.240	haud igitur poterunt levioribus incidere umquam
DRN 2.241	ex supero graviora neque ictus gignere per se,
DRN 2.242	qui varient motus, per quos natura gerat res.
DRN 2.243	quare etiam atque etiam paulum inclinare necessest
DRN 2.244	corpora; nec plus quam minimum, ne fingere motus
DRN 2.245	obliquos videamur et id res vera refutet.
DRN 2.246	namque hoc in promptu manifestumque esse videmus,
DRN 2.247	pondera, quantum in se est, non posse obliqua meare,
DRN 2.248	ex supero cum praecipitant, quod cernere possis;
DRN 2.249	sed nihil omnino recta regione viai
DRN 2.250	declinare quis est qui possit cernere sese?
DRN 2.251	Denique si semper motu conectitur omnis
DRN 2.252	et vetere exoritur motus novus ordine certo
DRN 2.253	nec declinando faciunt primordia motus
DRN 2.254	principium quoddam, quod fati foedera rumpat,
DRN 2.255	ex infinito ne causam causa sequatur,
DRN 2.256	libera per terras unde haec animantibus exstat,
DRN 2.257	unde est haec, inquam, fatis avolsa voluntas,
DRN 2.258	per quam progredimur quo ducit quemque voluptas,
DRN 2.259	declinamus item motus nec tempore certo
DRN 2.260	nec regione loci certa, sed ubi ipsa tulit mens?
DRN 2.261	nam dubio procul his rebus sua cuique voluntas
DRN 2.262	principium dat et hinc motus per membra rigantur.
DRN 2.263	nonne vides etiam patefactis tempore puncto
DRN 2.264	carceribus non posse tamen prorumpere equorum
DRN 2.265	vim cupidam tam de subito quam mens avet ipsa?
DRN 2.266	omnis enim totum per corpus materiai
DRN 2.267	copia conciri debet, concita per artus
DRN 2.268	omnis ut studium mentis conixa sequatur;
DRN 2.269	ut videas initum motus a corde creari
DRN 2.270	ex animique voluntate id procedere primum,
DRN 2.271	inde dari porro per totum corpus et artus.
DRN 2.272	nec similest ut cum inpulsi procedimus ictu
DRN 2.273	viribus alterius magnis magnoque coactu;
DRN 2.274	nam tum materiem totius corporis omnem
DRN 2.275	perspicuumst nobis invitis ire rapique,
DRN 2.276	donec eam refrenavit per membra voluntas.
DRN 2.277	iamne vides igitur, quamquam vis extera multos
DRN 2.278	pellat et invitos cogat procedere saepe
DRN 2.279	praecipitesque rapi, tamen esse in pectore nostro
DRN 2.280	quiddam quod contra pugnare obstareque possit?
DRN 2.281	cuius ad arbitrium quoque copia materiai
DRN 2.282	cogitur inter dum flecti per membra per artus
DRN 2.283	et proiecta refrenatur retroque residit.
DRN 2.284	quare in seminibus quoque idem fateare necessest,
DRN 2.285	esse aliam praeter plagas et pondera causam
DRN 2.286	motibus, unde haec est nobis innata potestas,
DRN 2.287	de nihilo quoniam fieri nihil posse videmus.
DRN 2.288	pondus enim prohibet ne plagis omnia fiant
DRN 2.289	externa quasi vi; sed ne res ipsa necessum
DRN 2.290	intestinum habeat cunctis in rebus agendis
DRN 2.291	et devicta quasi cogatur ferre patique,
DRN 2.292	id facit exiguum clinamen principiorum
DRN 2.293	nec regione loci certa nec tempore certo.
DRN 2.294	Nec stipata magis fuit umquam materiai
DRN 2.295	copia nec porro maioribus intervallis;
DRN 2.296	nam neque adaugescit quicquam neque deperit inde.
DRN 2.297	qua propter quo nunc in motu principiorum
DRN 2.298	corpora sunt, in eodem ante acta aetate fuere
DRN 2.299	et post haec semper simili ratione ferentur,
DRN 2.300	et quae consuerint gigni gignentur eadem
DRN 2.301	condicione et erunt et crescent vique valebunt,
DRN 2.302	quantum cuique datum est per foedera naturai.
DRN 2.303	nec rerum summam commutare ulla potest vis;
DRN 2.304	nam neque quo possit genus ullum materiai
DRN 2.305	effugere ex omni quicquam est extra, neque in omne
DRN 2.306	unde coorta queat nova vis inrumpere et omnem
DRN 2.307	naturam rerum mutare et vertere motus.
DRN 2.308	Illud in his rebus non est mirabile, quare,
DRN 2.309	omnia cum rerum primordia sint in motu,
DRN 2.310	summa tamen summa videatur stare quiete,
DRN 2.311	praeter quam siquid proprio dat corpore motus.
DRN 2.312	omnis enim longe nostris ab sensibus infra
DRN 2.313	primorum natura iacet; qua propter, ubi ipsa
DRN 2.314	cernere iam nequeas, motus quoque surpere debent;
DRN 2.315	praesertim cum, quae possimus cernere, celent
DRN 2.316	saepe tamen motus spatio diducta locorum.
DRN 2.317	nam saepe in colli tondentes pabula laeta
DRN 2.318	lanigerae reptant pecudes, quo quamque vocantes
DRN 2.319	invitant herbae gemmantes rore recenti,
DRN 2.320	et satiati agni ludunt blandeque coruscant;
DRN 2.321	omnia quae nobis longe confusa videntur
DRN 2.322	et velut in viridi candor consistere colli.
DRN 2.323	praeterea magnae legiones cum loca cursu
DRN 2.324	camporum complent belli simulacra cientes,
DRN 2.325	fulgor ubi ad caelum se tollit totaque circum
DRN 2.326	aere renidescit tellus supterque virum vi
DRN 2.327	excitur pedibus sonitus clamoreque montes
DRN 2.328	icti reiectant voces ad sidera mundi
DRN 2.329	et circum volitant equites mediosque repente
DRN 2.330	tramittunt valido quatientes impete campos;
DRN 2.331	et tamen est quidam locus altis montibus, unde
DRN 2.332	stare videntur et in campis consistere fulgor.
DRN 2.333	Nunc age, iam deinceps cunctarum exordia rerum
DRN 2.334	qualia sint et quam longe distantia formis,
DRN 2.335	percipe, multigenis quam sint variata figuris;
DRN 2.336	non quo multa parum simili sint praedita forma,
DRN 2.337	sed quia non volgo paria omnibus omnia constant.
DRN 2.338	nec mirum; nam cum sit eorum copia tanta,
DRN 2.339	ut neque finis, uti docui, neque summa sit ulla,
DRN 2.340	debent ni mirum non omnibus omnia prorsum
DRN 2.341	esse pari filo similique adfecta figura.
DRN 2.342	Praeterea genus humanum mutaeque natantes
DRN 2.343	squamigerum pecudes et laeta armenta feraeque
DRN 2.344	et variae volucres, laetantia quae loca aquarum
DRN 2.345	concelebrant circum ripas fontisque lacusque,
DRN 2.346	et quae pervolgant nemora avia pervolitantes,
DRN 2.347	quorum unum quidvis generatim sumere perge;
DRN 2.348	invenies tamen inter se differre figuris.
DRN 2.349	nec ratione alia proles cognoscere matrem
DRN 2.350	nec mater posset prolem; quod posse videmus
DRN 2.351	nec minus atque homines inter se nota cluere.
DRN 2.352	nam saepe ante deum vitulus delubra decora
DRN 2.353	turicremas propter mactatus concidit aras
DRN 2.354	sanguinis expirans calidum de pectore flumen;
DRN 2.355	at mater viridis saltus orbata peragrans
DRN 2.356	novit humi pedibus vestigia pressa bisulcis,
DRN 2.357	omnia convisens oculis loca, si queat usquam
DRN 2.358	conspicere amissum fetum, completque querellis
DRN 2.359	frondiferum nemus adsistens et crebra revisit
DRN 2.360	ad stabulum desiderio perfixa iuvenci,
DRN 2.361	nec tenerae salices atque herbae rore vigentes
DRN 2.362	fluminaque ulla queunt summis labentia ripis
DRN 2.363	oblectare animum subitamque avertere curam,
DRN 2.364	nec vitulorum aliae species per pabula laeta
DRN 2.365	derivare queunt animum curaque levare;
DRN 2.366	usque adeo quiddam proprium notumque requirit.
DRN 2.367	praeterea teneri tremulis cum vocibus haedi
DRN 2.368	cornigeras norunt matres agnique petulci
DRN 2.369	balantum pecudes; ita, quod natura resposcit,
DRN 2.370	ad sua quisque fere decurrunt ubera lactis.
DRN 2.371	Postremo quodvis frumentum non tamen omne
DRN 2.372	quidque suo genere inter se simile esse videbis,
DRN 2.373	quin intercurrat quaedam distantia formis.
DRN 2.374	concharumque genus parili ratione videmus
DRN 2.375	pingere telluris gremium, qua mollibus undis
DRN 2.376	litoris incurvi bibulam pavit aequor harenam.
DRN 2.377	quare etiam atque etiam simili ratione necessest,
DRN 2.378	natura quoniam constant neque facta manu sunt
DRN 2.379	unius ad certam formam primordia rerum,
DRN 2.380	dissimili inter se quaedam volitare figura.
DRN 2.381	Perfacile est animi ratione exsolvere nobis
DRN 2.382	quare fulmineus multo penetralior ignis
DRN 2.383	quam noster fluat e taedis terrestribus ortus;
DRN 2.384	dicere enim possis caelestem fulminis ignem
DRN 2.385	subtilem magis e parvis constare figuris
DRN 2.386	atque ideo transire foramina quae nequit ignis
DRN 2.387	noster hic e lignis ortus taedaque creatus.
DRN 2.388	praeterea lumen per cornum transit, at imber
DRN 2.389	respuitur. quare, nisi luminis illa minora
DRN 2.390	corpora sunt quam de quibus est liquor almus aquarum?
DRN 2.391	et quamvis subito per colum vina videmus
DRN 2.392	perfluere, at contra tardum cunctatur olivom,
DRN 2.393	aut quia ni mirum maioribus est elementis
DRN 2.394	aut magis hamatis inter se perque plicatis,
DRN 2.395	atque ideo fit uti non tam diducta repente
DRN 2.396	inter se possint primordia singula quaeque
DRN 2.397	singula per cuiusque foramina permanare.
DRN 2.398	Huc accedit uti mellis lactisque liquores
DRN 2.399	iucundo sensu linguae tractentur in ore;
DRN 2.400	at contra taetra absinthi natura ferique
DRN 2.401	centauri foedo pertorquent ora sapore;
DRN 2.402	ut facile agnoscas e levibus atque rutundis
DRN 2.403	esse ea quae sensus iucunde tangere possunt,
DRN 2.404	at contra quae amara atque aspera cumque videntur,
DRN 2.405	haec magis hamatis inter se nexa teneri
DRN 2.406	proptereaque solere vias rescindere nostris
DRN 2.407	sensibus introituque suo perrumpere corpus.
DRN 2.408	omnia postremo bona sensibus et mala tactu
DRN 2.409	dissimili inter se pugnant perfecta figura;
DRN 2.410	ne tu forte putes serrae stridentis acerbum
DRN 2.411	horrorem constare elementis levibus aeque
DRN 2.412	ac musaea mele, per chordas organici quae
DRN 2.413	mobilibus digitis expergefacta figurant;
DRN 2.414	neu simili penetrare putes primordia forma
DRN 2.415	in nares hominum, cum taetra cadavera torrent,
DRN 2.416	et cum scena croco Cilici perfusa recens est
DRN 2.417	araque Panchaeos exhalat propter odores;
DRN 2.418	neve bonos rerum simili constare colores
DRN 2.419	semine constituas, oculos qui pascere possunt,
DRN 2.420	et qui conpungunt aciem lacrimareque cogunt
DRN 2.421	aut foeda specie foedi turpesque videntur.
DRN 2.422	omnis enim, sensus quae mulcet cumque, tibi res
DRN 2.423	haut sine principiali aliquo levore creatast;
DRN 2.424	at contra quae cumque molesta atque aspera constat,
DRN 2.425	non aliquo sine materiae squalore repertast.
DRN 2.426	Sunt etiam quae iam nec levia iure putantur
DRN 2.427	esse neque omnino flexis mucronibus unca,
DRN 2.428	sed magis angellis paulum prostantibus, ut quae
DRN 2.429	titillare magis sensus quam laedere possint,
DRN 2.430	fecula iam quo de genere est inulaeque sapores.
DRN 2.431	Denique iam calidos ignis gelidamque pruinam
DRN 2.432	dissimili dentata modo conpungere sensus
DRN 2.433	corporis, indicio nobis est tactus uterque.
DRN 2.434	tactus enim, tactus, pro divum numina sancta,
DRN 2.435	corporis est sensus, vel cum res extera sese
DRN 2.436	insinuat, vel cum laedit quae in corpore natast
DRN 2.437	aut iuvat egrediens genitalis per Veneris res,
DRN 2.438	aut ex offensu cum turbant corpore in ipso,
DRN 2.439	semina confundunt inter se concita sensum;
DRN 2.440	ut si forte manu quamvis iam corporis ipse
DRN 2.441	tute tibi partem ferias atque experiare.
DRN 2.442	qua propter longe formas distare necessest
DRN 2.443	principiis, varios quae possint edere sensus.
DRN 2.444	Denique quae nobis durata ac spissa videntur,
DRN 2.445	haec magis hamatis inter sese esse necessest
DRN 2.446	et quasi ramosis alte compacta teneri.
DRN 2.447	in quo iam genere in primis adamantina saxa
DRN 2.448	prima acie constant ictus contemnere sueta
DRN 2.449	et validi silices ac duri robora ferri
DRN 2.450	aeraque quae claustris restantia vociferantur.
DRN 2.451	illa quidem debent e levibus atque rutundis
DRN 2.452	esse magis, fluvido quae corpore liquida constant.
DRN 2.453	namque papaveris haustus itemst facilis quod aquarum;
DRN 2.454	nec retinentur enim inter se glomeramina quaeque
DRN 2.455	et perculsus item proclive volubilis exstat.
DRN 2.456	omnia postremo quae puncto tempore cernis
DRN 2.457	diffugere ut fumum nebulas flammasque, necessest,
DRN 2.458	si minus omnia sunt e levibus atque rotundis,
DRN 2.459	at non esse tamen perplexis indupedita,
DRN 2.460	pungere uti possint corpus penetrareque saxa,
DRN 2.461	nec tamen haerere inter se; quod cumque videmus
DRN 2.462	sensibus dentatum, facile ut cognoscere possis
DRN 2.463	non e perplexis, sed acutis esse elementis.
DRN 2.464	sed quod amara vides eadem quae fluvida constant,
DRN 2.465	sudor uti maris est, minime mirabile debet
DRN 2.465a	* * *
DRN 2.466	nam quod fluvidus est, e levibus atque rotundis
DRN 2.467	est, sed levibus sunt hamata admixta doloris
DRN 2.468	corpora. nec tamen haec retineri hamata necessust:
DRN 2.469	scilicet esse globosa tamen, cum squalida constent,
DRN 2.470	provolvi simul ut possint et laedere sensus.
DRN 2.471	et quo mixta putes magis aspera levibus esse
DRN 2.472	principiis, unde est Neptuni corpus acerbum,
DRN 2.473	est ratio secernendi seorsumque videndi,
DRN 2.474	umor dulcis ubi per terras crebrius idem
DRN 2.475	percolatur, ut in foveam fluat ac mansuescat;
DRN 2.476	linquit enim supera taetri primordia viri,
DRN 2.477	aspera quo magis in terris haerescere possint.
DRN 2.478	Quod quoniam docui, pergam conectere rem quae
DRN 2.479	ex hoc apta fidem ducat, primordia rerum
DRN 2.480	finita variare figurarum ratione.
DRN 2.481	quod si non ita sit, rursum iam semina quaedam
DRN 2.482	esse infinito debebunt corporis auctu.
DRN 2.483	namque in eadem una cuiusvis iam brevitate
DRN 2.484	corporis inter se multum variare figurae
DRN 2.485	non possunt. fac enim minimis e partibus esse
DRN 2.486	corpora prima tribus, vel paulo pluribus auge;
DRN 2.487	nempe ubi eas partis unius corporis omnis,
DRN 2.488	summa atque ima locans, transmutans dextera laevis,
DRN 2.489	omnimodis expertus eris, quam quisque det ordo
DRN 2.490	formai speciem totius corporis eius,
DRN 2.491	quod super est, si forte voles variare figuras,
DRN 2.492	addendum partis alias erit. inde sequetur,
DRN 2.493	adsimili ratione alias ut postulet ordo,
DRN 2.494	si tu forte voles etiam variare figuras.
DRN 2.495	ergo formarum novitatem corporis augmen
DRN 2.496	subsequitur. quare non est ut credere possis
DRN 2.497	esse infinitis distantia semina formis,
DRN 2.498	ne quaedam cogas inmani maximitate
DRN 2.499	esse, supra quod iam docui non posse probari.
DRN 2.500	iam tibi barbaricae vestes Meliboeaque fulgens
DRN 2.501	purpura Thessalico concharum tacta colore,
DRN 2.502	aurea pavonum ridenti imbuta lepore
DRN 2.503	saecla novo rerum superata colore iacerent
DRN 2.504	et contemptus odor smyrnae mellisque sapores,
DRN 2.505	et cycnea mele Phoebeaque daedala chordis
DRN 2.506	carmina consimili ratione oppressa silerent;
DRN 2.507	namque aliis aliud praestantius exoreretur.
DRN 2.508	cedere item retro possent in deteriores
DRN 2.509	omnia sic partis, ut diximus in melioris;
DRN 2.510	namque aliis aliud retro quoque taetrius esset
DRN 2.511	naribus auribus atque oculis orisque sapori.
DRN 2.512	quae quoniam non sunt, sed rebus reddita certa
DRN 2.513	finis utrimque tenet summam, fateare necessest
DRN 2.514	materiem quoque finitis differe figuris.
DRN 2.515	denique ab ignibus ad gelidas hiemum usque pruinas
DRN 2.516	finitumst retroque pari ratione remensumst.
DRN 2.517	omnis enim calor ac frigus mediique tepores
DRN 2.518	interutrasque iacent explentes ordine summam.
DRN 2.519	ergo finita distant ratione creata,
DRN 2.520	ancipiti quoniam mucroni utrimque notantur,
DRN 2.521	hinc flammis illinc rigidis infesta pruinis.
DRN 2.522	Quod quoniam docui, pergam conectere rem quae
DRN 2.523	ex hoc apta fidem ducat, primordia rerum,
DRN 2.524	inter se simili quae sunt perfecta figura,
DRN 2.525	infinita cluere. etenim distantia cum sit
DRN 2.526	formarum finita, necesse est quae similes sint
DRN 2.527	esse infinitas aut summam materiai
DRN 2.528	finitam constare, id quod non esse probavi.
DRN 2.528a	* * *
DRN 2.529	versibus ostendam corpuscula materiai
DRN 2.530	ex infinito summam rerum usque tenere
DRN 2.531	undique protelo plagarum continuato.
DRN 2.532	nam quod rara vides magis esse animalia quaedam
DRN 2.533	fecundamque magis naturam cernis in illis,
DRN 2.534	at regione locoque alio terrisque remotis
DRN 2.535	multa licet genere esse in eo numerumque repleri;
DRN 2.536	sicut quadripedum cum primis esse videmus
DRN 2.537	in genere anguimanus elephantos, India quorum
DRN 2.538	milibus e multis vallo munitur eburno,
DRN 2.539	ut penitus nequeat penetrari: tanta ferarum
DRN 2.540	vis est, quarum nos perpauca exempla videmus.
DRN 2.541	sed tamen id quoque uti concedam, quam lubet esto
DRN 2.542	unica res quaedem nativo corpore sola,
DRN 2.543	cui similis toto terrarum non sit, in orbi;
DRN 2.544	infinita tamen nisi erit vis materiai,
DRN 2.545	unde ea progigni possit concepta, creari
DRN 2.546	non poterit neque, quod super est, procrescere alique.
DRN 2.547	quippe etenim sumant alii finita per omne
DRN 2.548	corpora iactari unius genitalia rei,
DRN 2.549	unde ubi qua vi et quo pacto congressa coibunt
DRN 2.550	materiae tanto in pelago turbaque aliena?
DRN 2.551	non, ut opinor, habent rationem conciliandi:
DRN 2.552	sed quasi naufragiis magnis multisque coortis
DRN 2.553	disiactare solet magnum mare transtra cavernas
DRN 2.554	antemnas prorem malos tonsasque natantis,
DRN 2.555	per terrarum omnis oras fluitantia aplustra
DRN 2.556	ut videantur et indicium mortalibus edant,
DRN 2.557	infidi maris insidias virisque dolumque
DRN 2.558	ut vitare velint, neve ullo tempore credant,
DRN 2.559	subdola cum ridet placidi pellacia ponti,
DRN 2.560	sic tibi si finita semel primordia quaedam
DRN 2.561	constitues, aevom debebunt sparsa per omnem
DRN 2.562	disiectare aestus diversi materiai,
DRN 2.563	numquam in concilium ut possint compulsa coire
DRN 2.564	nec remorari in concilio nec crescere adaucta;
DRN 2.565	quorum utrumque palam fieri manifesta docet res,
DRN 2.566	et res progigni et genitas procrescere posse.
DRN 2.567	esse igitur genere in quovis primordia rerum
DRN 2.568	infinita palam est, unde omnia suppeditantur.
DRN 2.569	Nec superare queunt motus itaque exitiales
DRN 2.570	perpetuo neque in aeternum sepelire salutem,
DRN 2.571	nec porro rerum genitales auctificique
DRN 2.572	motus perpetuo possunt servare creata.
DRN 2.573	sic aequo geritur certamine principiorum
DRN 2.574	ex infinito contractum tempore bellum.
DRN 2.575	nunc hic nunc illic superant vitalia rerum
DRN 2.576	et superantur item. miscetur funere vagor,
DRN 2.577	quem pueri tollunt visentis luminis oras;
DRN 2.578	nec nox ulla diem neque noctem aurora secutast,
DRN 2.579	quae non audierit mixtos vagitibus aegris
DRN 2.580	ploratus, mortis comites et funeris atri.
DRN 2.581	Illud in his obsignatum quoque rebus habere
DRN 2.582	convenit et memori mandatum mente tenere,
DRN 2.583	nil esse, in promptu quorum natura videtur,
DRN 2.584	quod genere ex uno consistat principiorum,
DRN 2.585	nec quicquam quod non permixto semine constet.
DRN 2.586	et quod cumque magis vis multas possidet in se
DRN 2.587	atque potestates, ita plurima principiorum
DRN 2.588	in sese genera ac varias docet esse figuras.
DRN 2.589	Principio tellus habet in se corpora prima,
DRN 2.590	unde mare inmensum volventes frigora fontes
DRN 2.591	adsidue renovent, habet ignes unde oriantur;
DRN 2.592	nam multis succensa locis ardent sola terrae,
DRN 2.593	ex imis vero furit ignibus impetus Aetnae.
DRN 2.594	tum porro nitidas fruges arbustaque laeta
DRN 2.595	gentibus humanis habet unde extollere possit,
DRN 2.596	unde etiam fluvios frondes et pabula laeta
DRN 2.597	montivago generi possit praebere ferarum.
DRN 2.598	quare magna deum mater materque ferarum
DRN 2.599	et nostri genetrix haec dicta est corporis una.
DRN 2.600	Hanc veteres Graium docti cecinere poetae
DRN 2.601	sedibus in curru biiugos agitare leones,
DRN 2.602	aeris in spatio magnam pendere docentes
DRN 2.603	tellurem neque posse in terra sistere terram.
DRN 2.604	adiunxere feras, quia quamvis effera proles
DRN 2.605	officiis debet molliri victa parentum.
DRN 2.606	muralique caput summum cinxere corona,
DRN 2.607	eximiis munita locis quia sustinet urbes.
DRN 2.608	quo nunc insigni per magnas praedita terras
DRN 2.609	horrifice fertur divinae matris imago.
DRN 2.610	hanc variae gentes antiquo more sacrorum
DRN 2.611	Idaeam vocitant matrem Phrygiasque catervas
DRN 2.612	dant comites, quia primum ex illis finibus edunt
DRN 2.613	per terrarum orbes fruges coepisse creari.
DRN 2.614	Gallos attribuunt, quia, numen qui violarint
DRN 2.615	Matris et ingrati genitoribus inventi sint,
DRN 2.616	significare volunt indignos esse putandos,
DRN 2.617	vivam progeniem qui in oras luminis edant.
DRN 2.618	tympana tenta tonant palmis et cymbala circum
DRN 2.619	concava, raucisonoque minantur cornua cantu,
DRN 2.620	et Phrygio stimulat numero cava tibia mentis,
DRN 2.621	telaque praeportant, violenti signa furoris,
DRN 2.622	ingratos animos atque impia pectora volgi
DRN 2.623	conterrere metu quae possint numine divae.
DRN 2.624	ergo cum primum magnas invecta per urbis
DRN 2.625	munificat tacita mortalis muta salute,
DRN 2.626	aere atque argento sternunt iter omne viarum
DRN 2.627	largifica stipe ditantes ninguntque rosarum
DRN 2.628	floribus umbrantes matrem comitumque catervam.
DRN 2.629	hic armata manus, Curetas nomine Grai
DRN 2.630	quos memorant, Phrygias inter si forte catervas
DRN 2.631	ludunt in numerumque exultant sanguine laeti
DRN 2.632	terrificas capitum quatientes numine cristas,
DRN 2.633	Dictaeos referunt Curetas, qui Iovis illum
DRN 2.634	vagitum in Creta quondam occultasse feruntur,
DRN 2.635	cum pueri circum puerum pernice chorea
DRN 2.636	armat et in numerum pernice chorea
DRN 2.637	armati in numerum pulsarent aeribus aera,
DRN 2.638	ne Saturnus eum malis mandaret adeptus
DRN 2.639	aeternumque daret matri sub pectore volnus.
DRN 2.640	propterea magnam armati matrem comitantur,
DRN 2.641	aut quia significant divam praedicere ut armis
DRN 2.642	ac virtute velint patriam defendere terram
DRN 2.643	praesidioque parent decorique parentibus esse.
DRN 2.644	quae bene et eximie quamvis disposta ferantur,
DRN 2.645	longe sunt tamen a vera ratione repulsa.
DRN 2.646	omnis enim per se divom natura necessest
DRN 2.647	inmortali aevo summa cum pace fruatur
DRN 2.648	semota ab nostris rebus seiunctaque longe;
DRN 2.649	nam privata dolore omni, privata periclis,
DRN 2.650	ipsa suis pollens opibus, nihil indiga nostri,
DRN 2.651	nec bene promeritis capitur neque tangitur ira.
DRN 2.652	terra quidem vero caret omni tempore sensu,
DRN 2.653	et quia multarum potitur primordia rerum,
DRN 2.654	multa modis multis effert in lumina solis.
DRN 2.655	hic siquis mare Neptunum Cereremque vocare
DRN 2.656	constituet fruges et Bacchi nomine abuti
DRN 2.657	mavolt quam laticis proprium proferre vocamen,
DRN 2.658	concedamus ut hic terrarum dictitet orbem
DRN 2.659	esse deum matrem, dum vera re tamen ipse
DRN 2.680	religione animum turpi contingere parcat.
DRN 2.660	Saepe itaque ex uno tondentes gramina campo
DRN 2.661	lanigerae pecudes et equorum duellica proles
DRN 2.662	buceriaeque greges eodem sub tegmine caeli
DRN 2.663	ex unoque sitim sedantes flumine aquai
DRN 2.664	dissimili vivont specie retinentque parentum
DRN 2.665	naturam et mores generatim quaeque imitantur.
DRN 2.666	tanta est in quovis genere herbae materiai
DRN 2.667	dissimilis ratio, tanta est in flumine quoque.
DRN 2.668	Hinc porro quamvis animantem ex omnibus unam
DRN 2.669	ossa cruor venae calor umor viscera nervi
DRN 2.670	constituunt, quae sunt porro distantia longe,
DRN 2.671	dissimili perfecta figura principiorum.
DRN 2.672	Tum porro quae cumque igni flammata cremantur.
DRN 2.673	si nil praeterea, tamen haec in corpore tradunt,
DRN 2.674	unde ignem iacere et lumen submittere possint
DRN 2.675	scintillasque agere ac late differre favillam.
DRN 2.676	cetera consimili mentis ratione peragrans
DRN 2.677	invenies igitur multarum semina rerum
DRN 2.678	corpore celare et varias cohibere figuras.
DRN 2.679	Denique multa vides, quibus et color et sapor una
DRN 2.681	reddita sunt cum odore in primis pleraque poma.
DRN 2.682	haec igitur variis debent constare figuris;
DRN 2.683	nidor enim penetrat qua fucus non it in artus,
DRN 2.684	fucus item sorsum, sorsum sapor insinuatur
DRN 2.685	sensibus; ut noscas primis differre figuris.
DRN 2.686	dissimiles igitur formae glomeramen in unum
DRN 2.687	conveniunt et res permixto semine constant.
DRN 2.688	Quin etiam passim nostris in versibus ipsis
DRN 2.689	multa elementa vides multis communia verbis,
DRN 2.690	cum tamen inter se versus ac verba necesse est
DRN 2.691	confiteare alia ex aliis constare elementis;
DRN 2.692	non quo multa parum communis littera currat
DRN 2.693	aut nulla inter se duo sint ex omnibus isdem,
DRN 2.694	sed quia non volgo paria omnibus omnia constant.
DRN 2.695	sic aliis in rebus item communia multa
DRN 2.696	multarum rerum cum sint, primordia rerum
DRN 2.697	dissimili tamen inter se consistere summa
DRN 2.698	possunt; ut merito ex aliis constare feratur
DRN 2.699	humanum genus et fruges arbustaque laeta.
DRN 2.700	Nec tamen omnimodis conecti posse putandum est
DRN 2.701	omnia; nam volgo fieri portenta videres,
DRN 2.702	semiferas hominum species existere et altos
DRN 2.703	inter dum ramos egigni corpore vivo
DRN 2.704	multaque conecti terrestria membra marinis,
DRN 2.705	tum flammam taetro spirantis ore Chimaeras
DRN 2.706	pascere naturam per terras omniparentis.
DRN 2.707	quorum nil fieri manifestum est, omnia quando
DRN 2.708	seminibus certis certa genetrice creata
DRN 2.709	conservare genus crescentia posse videmus.
DRN 2.710	scilicet id certa fieri ratione necessust.
DRN 2.711	nam sua cuique cibis ex omnibus intus in artus
DRN 2.712	corpora discedunt conexaque convenientis
DRN 2.713	efficiunt motus; at contra aliena videmus
DRN 2.714	reicere in terras naturam, multaque caecis
DRN 2.715	corporibus fugiunt e corpore percita plagis,
DRN 2.716	quae neque conecti quoquam potuere neque intus
DRN 2.717	vitalis motus consentire atque imitari.
DRN 2.718	sed ne forte putes animalia sola teneri
DRN 2.719	legibus his, quaedam ratio res terminat omnis
DRN 2.720	nam vel uti tota natura dissimiles sunt
DRN 2.721	inter se genitae res quaeque, ita quamque necessest
DRN 2.722	dissimili constare figura principiorum;
DRN 2.723	non quo multa parum simili sint praedita forma,
DRN 2.724	sed quia non volgo paria omnibus omnia constant.
DRN 2.725	semina cum porro distent, differre necessust
DRN 2.726	intervalla vias conexus pondera plagas
DRN 2.727	concursus motus; quae non animalia solum
DRN 2.728	corpora seiungunt, sed terras ac mare totum
DRN 2.729	secernunt caelumque a terris omne retentant.
DRN 2.730	Nunc age dicta meo dulci quaesita labore
DRN 2.731	percipe, ne forte haec albis ex alba rearis
DRN 2.732	principiis esse, ante oculos quae candida cernis,
DRN 2.733	aut ea quae nigrant nigro de semine nata;
DRN 2.734	nive alium quemvis quae sunt inbuta colorem,
DRN 2.735	propterea gerere hunc credas, quod materiai
DRN 2.736	corpora consimili sint eius tincta colore;
DRN 2.737	nullus enim color est omnino materiai
DRN 2.738	corporibus, neque par rebus neque denique dispar.
DRN 2.739	in quae corpora si nullus tibi forte videtur
DRN 2.740	posse animi iniectus fieri, procul avius erras.
DRN 2.741	nam cum caecigeni, solis qui lumina numquam
DRN 2.742	dispexere, tamen cognoscant corpora tactu
DRN 2.743	ex ineunte aevo nullo coniuncta colore,
DRN 2.744	scire licet nostrae quoque menti corpora posse
DRN 2.745	vorti in notitiam nullo circum lita fuco.
DRN 2.746	denique nos ipsi caecis quaecumque tenebris
DRN 2.747	tangimus, haud ullo sentimus tincta colore.
DRN 2.748	Quod quoniam vinco fieri, nunc esse docebo.
DRN 2.749	omnis enim color omnino mutatur in omnis;
DRN 2.750	quod facere haud ullo debent primordia pacto;
DRN 2.751	immutabile enim quiddam superare necessest,
DRN 2.752	ne res ad nihilum redigantur funditus omnes;
DRN 2.753	nam quod cumque suis mutatum finibus exit,
DRN 2.754	continuo hoc mors est illius quod fuit ante.
DRN 2.755	proinde colore cave contingas semina rerum,
DRN 2.756	ne tibi res redeant ad nihilum funditus omnes.
DRN 2.757	Praeterea si nulla coloris principiis est
DRN 2.758	reddita natura et variis sunt praedita formis,
DRN 2.759	e quibus omnigenus gignunt variantque colores,
DRN 2.760	propterea magni quod refert, semina quaeque
DRN 2.761	cum quibus et quali positura contineantur
DRN 2.762	et quos inter se dent motus accipiantque,
DRN 2.763	perfacile extemplo rationem reddere possis,
DRN 2.764	cur ea quae nigro fuerint paulo ante colore,
DRN 2.765	marmoreo fieri possint candore repente,
DRN 2.766	ut mare, cum magni commorunt aequora venti,
DRN 2.767	vertitur in canos candenti marmore fluctus;
DRN 2.768	dicere enim possis, nigrum quod saepe videmus,
DRN 2.769	materies ubi permixta est illius et ordo
DRN 2.770	principiis mutatus et addita demptaque quaedam,
DRN 2.771	continuo id fieri ut candens videatur et album.
DRN 2.772	quod si caeruleis constarent aequora ponti
DRN 2.773	seminibus, nullo possent albescere pacto;
DRN 2.774	nam quo cumque modo perturbes caerula quae sint,
DRN 2.775	numquam in marmoreum possunt migrare colorem.
DRN 2.776	sin alio atque alio sunt semina tincta colore,
DRN 2.777	quae maris efficiunt unum purumque nitorem,
DRN 2.778	ut saepe ex aliis formis variisque figuris
DRN 2.779	efficitur quiddam quadratum unaque figura,
DRN 2.780	conveniebat, ut in quadrato cernimus esse
DRN 2.781	dissimiles formas, ita cernere in aequore ponti
DRN 2.782	aut alio in quovis uno puroque nitore
DRN 2.783	dissimiles longe inter se variosque colores.
DRN 2.784	praeterea nihil officiunt obstantque figurae
DRN 2.785	dissimiles, quo quadratum minus omne sit extra;
DRN 2.786	at varii rerum inpediunt prohibentque colores,
DRN 2.787	quo minus esse uno possit res tota nitore.
DRN 2.788	Tum porro quae ducit et inlicit ut tribuamus
DRN 2.789	principiis rerum non numquam causa colores,
DRN 2.790	occidit, ex albis quoniam non alba creantur,
DRN 2.791	nec quae nigra cluent de nigris, sed variis ex.
DRN 2.792	quippe etenim multo proclivius exorientur
DRN 2.793	candida de nullo quam nigro nata colore
DRN 2.794	aut alio quovis, qui contra pugnet et obstet.
DRN 2.795	Praeterea quoniam nequeunt sine luce colores
DRN 2.796	esse neque in lucem existunt primordia rerum,
DRN 2.797	scire licet quam sint nullo velata colore;
DRN 2.798	qualis enim caecis poterit color esse tenebris?
DRN 2.799	lumine quin ipso mutatur propterea quod
DRN 2.800	recta aut obliqua percussus luce refulget;
DRN 2.801	pluma columbarum quo pacto in sole videtur,
DRN 2.802	quae sita cervices circum collumque coronat;
DRN 2.803	namque alias fit uti claro sit rubra pyropo,
DRN 2.804	inter dum quodam sensu fit uti videatur
DRN 2.805	inter caeruleum viridis miscere zmaragdos.
DRN 2.806	caudaque pavonis, larga cum luce repleta est,
DRN 2.807	consimili mutat ratione obversa colores;
DRN 2.808	qui quoniam quodam gignuntur luminis ictu,
DRN 2.809	scire licet, sine eo fieri non posse putandum est.
DRN 2.810	Et quoniam plagae quoddam genus excipit in se
DRN 2.811	pupula, cum sentire colorem dicitur album,
DRN 2.812	atque aliud porro, nigrum cum et cetera sentit,
DRN 2.813	nec refert ea quae tangas quo forte colore
DRN 2.814	praedita sint, verum quali magis apta figura,
DRN 2.815	scire licet nihil principiis opus esse colore,
DRN 2.816	sed variis formis variantes edere tactus.
DRN 2.817	Praeterea quoniam non certis certa figuris
DRN 2.818	est natura coloris et omnia principiorum
DRN 2.819	formamenta queunt in quovis esse nitore,
DRN 2.820	cur ea quae constant ex illis non pariter sunt
DRN 2.821	omnigenus perfusa coloribus in genere omni?
DRN 2.822	conveniebat enim corvos quoque saepe volantis
DRN 2.823	ex albis album pinnis iactare colorem
DRN 2.824	et nigros fieri nigro de semine cycnos
DRN 2.825	aut alio quovis uno varioque colore.
DRN 2.826	Quin etiam quanto in partes res quaeque minutas
DRN 2.827	distrahitur magis, hoc magis est ut cernere possis
DRN 2.828	evanescere paulatim stinguique colorem;
DRN 2.829	ut fit ubi in parvas partis discerpitur austrum:
DRN 2.830	purpura poeniceusque color clarissimus multo,
DRN 2.831	filatim cum distractum est, disperditur omnis;
DRN 2.832	noscere ut hinc possis prius omnem efflare colorem
DRN 2.833	particulas, quam discedant ad semina rerum.
DRN 2.834	Postremo quoniam non omnia corpora vocem
DRN 2.835	mittere concedis neque odorem, propterea fit
DRN 2.836	ut non omnibus adtribuas sonitus et odores:
DRN 2.837	sic oculis quoniam non omnia cernere quimus,
DRN 2.838	scire licet quaedam tam constare orba colore
DRN 2.839	quam sine odore ullo quaedam sonituque remota,
DRN 2.840	nec minus haec animum cognoscere posse sagacem
DRN 2.841	quam quae sunt aliis rebus privata notare.
DRN 2.842	Sed ne forte putes solo spoliata colore
DRN 2.843	corpora prima manere, etiam secreta teporis
DRN 2.844	sunt ac frigoris omnino calidique vaporis,
DRN 2.845	et sonitu sterila et suco ieiuna feruntur,
DRN 2.846	nec iaciunt ullum proprium de corpore odorem.
DRN 2.847	sicut amaracini blandum stactaeque liquorem
DRN 2.848	et nardi florem, nectar qui naribus halat,
DRN 2.849	cum facere instituas, cum primis quaerere par est,
DRN 2.850	quod licet ac possis reperire, inolentis olivi
DRN 2.851	naturam, nullam quae mittat naribus auram,
DRN 2.852	quam minime ut possit mixtos in corpore odores
DRN 2.853	concoctosque suo contractans perdere viro,
DRN 2.854	propter eandem rem debent primordia rerum
DRN 2.855	non adhibere suum gignundis rebus odorem
DRN 2.856	nec sonitum, quoniam nihil ab se mittere possunt,
DRN 2.857	nec simili ratione saporem denique quemquam
DRN 2.858	nec frigus neque item calidum tepidumque vaporem,
DRN 2.859	cetera, quae cum ita sunt tamen ut mortalia constent,
DRN 2.860	molli lenta, fragosa putri, cava corpore raro,
DRN 2.861	omnia sint a principiis seiuncta necessest,
DRN 2.862	inmortalia si volumus subiungere rebus
DRN 2.863	fundamenta, quibus nitatur summa salutis;
DRN 2.864	ne tibi res redeant ad nihilum funditus omnes.
DRN 2.865	Nunc ea quae sentire videmus cumque necessest
DRN 2.866	ex insensilibus tamen omnia confiteare
DRN 2.867	principiis constare. neque id manufesta refutant
DRN 2.868	nec contra pugnant, in promptu cognita quae sunt,
DRN 2.869	sed magis ipsa manu ducunt et credere cogunt
DRN 2.870	ex insensilibus, quod dico, animalia gigni.
DRN 2.871	quippe videre licet vivos existere vermes
DRN 2.872	stercore de taetro, putorem cum sibi nacta est
DRN 2.873	intempestivis ex imbribus umida tellus.
DRN 2.874	Praeterea cunctas itidem res vertere sese.
DRN 2.875	vertunt se fluvii in frondes et pabula laeta
DRN 2.876	in pecudes, vertunt pecudes in corpora nostra
DRN 2.877	naturam, et nostro de corpore saepe ferarum
DRN 2.878	augescunt vires et corpora pennipotentum.
DRN 2.879	ergo omnes natura cibos in corpora viva
DRN 2.880	vertit et hinc sensus animantum procreat omnes,
DRN 2.881	non alia longe ratione atque arida ligna
DRN 2.882	explicat in flammas et in ignis omnia versat.
DRN 2.883	iamne vides igitur magni primordia rerum
DRN 2.884	referre in quali sint ordine quaeque locata
DRN 2.885	et commixta quibus dent motus accipiantque?
DRN 2.886	Tum porro, quid id est, animum quod percutit, ipsum,
DRN 2.887	quod movet et varios sensus expromere cogit,
DRN 2.888	ex insensilibus ne credas sensile gigni?
DRN 2.889	ni mirum lapides et ligna et terra quod una
DRN 2.890	mixta tamen nequeunt vitalem reddere sensum.
DRN 2.891	illud in his igitur rebus meminisse decebit,
DRN 2.892	non ex omnibus omnino, quaecumque creant res
DRN 2.893	sensilia, extemplo me gigni dicere sensus,
DRN 2.894	sed magni referre ea primum quantula constent,
DRN 2.895	sensile quae faciunt, et qua sint praedita forma,
DRN 2.896	motibus ordinibus posituris denique quae sint.
DRN 2.897	quarum nil rerum in lignis glaebisque videmus;
DRN 2.898	et tamen haec, cum sunt quasi putrefacta per imbres,
DRN 2.899	vermiculos pariunt, quia corpora materiai
DRN 2.900	antiquis ex ordinibus permota nova re
DRN 2.901	conciliantur ita ut debent animalia gigni.
DRN 2.902	Deinde ex sensilibus qui sensile posse creari
DRN 2.903	constituunt, porro ex aliis sentire sueti
DRN 2.903a	* * *
DRN 2.904	mollia cum faciunt; nam sensus iungitur omnis
DRN 2.905	visceribus nervis venis, quae cumque videmus
DRN 2.906	mollia mortali consistere corpore creta.
DRN 2.907	sed tamen esto iam posse haec aeterna manere;
DRN 2.908	nempe tamen debent aut sensum partis habere
DRN 2.909	aut similis totis animalibus esse putari.
DRN 2.910	at nequeant per se partes sentire necesse est:
DRN 2.911	namque animus sensus membrorum respuit omnis,
DRN 2.912	nec manus a nobis potis est secreta neque ulla
DRN 2.913	corporis omnino sensum pars sola tenere.
DRN 2.914	linquitur ut totis animantibus adsimulentur,
DRN 2.915	vitali ut possint consentire undique sensu.
DRN 2.916	qui poterunt igitur rerum primordia dici
DRN 2.917	et leti vitare vias, animalia cum sint,
DRN 2.918	atque animalia sint mortalibus una eademque?
DRN 2.919	quod tamen ut possint, at coetu concilioque
DRN 2.920	nil facient praeter volgum turbamque animantum,
DRN 2.921	scilicet ut nequeant homines armenta feraeque
DRN 2.922	inter sese ullam rem gignere conveniundo.
DRN 2.923	sic itidem quae sentimus sentire necessest.
DRN 2.924	quod si forte suum dimittunt corpore sensum
DRN 2.925	atque alium capiunt, quid opus fuit adtribui id quod
DRN 2.926	detrahitur? tum praeterea, quod fudimus ante,
DRN 2.927	quatinus in pullos animalis vertier ova
DRN 2.928	cernimus alituum vermisque effervere terra,
DRN 2.929	intempestivos quam putor cepit ob imbris,
DRN 2.930	scire licet gigni posse ex non sensibus sensus.
DRN 2.931	Quod si forte aliquis dicet, dum taxat oriri
DRN 2.932	posse ex non sensu sensus mutabilitate,
DRN 2.933	aut aliquo tamquam partu quod proditur extra,
DRN 2.934	huic satis illud erit planum facere atque probare,
DRN 2.935	non fieri partum nisi concilio ante coacto,
DRN 2.936	nec quicquam commutari sine conciliatu.
DRN 2.937	Principio nequeunt ullius corporis esse
DRN 2.938	sensus ante ipsam genitam naturam animantis,
DRN 2.939	ni mirum quia materies disiecta tenetur
DRN 2.940	aere fluminibus terris terraque creatis,
DRN 2.941	nec congressa modo vitalis convenientes
DRN 2.942	contulit inter se motus, quibus omnituentes
DRN 2.943	accensi sensus animantem quamque tuentur.
DRN 2.944	Praeterea quamvis animantem grandior ictus,
DRN 2.945	quam patitur natura, repente adfligit et omnis
DRN 2.946	corporis atque animi pergit confundere sensus.
DRN 2.947	dissoluuntur enim positurae principiorum
DRN 2.948	et penitus motus vitales inpediuntur,
DRN 2.949	donec materies omnis concussa per artus
DRN 2.950	vitalis animae nodos a corpore solvit
DRN 2.951	dispersamque foras per caulas eiecit omnis;
DRN 2.952	nam quid praeterea facere ictum posse reamur
DRN 2.953	oblatum, nisi discutere ac dissolvere quaeque?
DRN 2.954	fit quoque uti soleant minus oblato acriter ictu
DRN 2.955	reliqui motus vitalis vincere saepe,
DRN 2.956	vincere et ingentis plagae sedare tumultus
DRN 2.957	inque suos quicquid rursus revocare meatus
DRN 2.958	et quasi iam leti dominantem in corpore motum
DRN 2.959	discutere ac paene amissos accendere sensus;
DRN 2.960	nam qua re potius leti iam limine ab ipso
DRN 2.961	ad vitam possint conlecta mente reverti,
DRN 2.962	quam quo decursum prope iam siet ire et abire?
DRN 2.963	Praeterea, quoniam dolor est, ubi materiai
DRN 2.964	corpora vi quadam per viscera viva per artus
DRN 2.965	sollicitata suis trepidant in sedibus intus,
DRN 2.966	inque locum quando remigrant, fit blanda voluptas,
DRN 2.967	scire licet nullo primordia posse dolore
DRN 2.968	temptari nullamque voluptatem capere ex se;
DRN 2.969	quandoquidem non sunt ex ullis principiorum
DRN 2.970	corporibus, quorum motus novitate laborent
DRN 2.971	aut aliquem fructum capiant dulcedinis almae.
DRN 2.972	haut igitur debent esse ullo praedita sensu.
DRN 2.973	Denique uti possint sentire animalia quaeque,
DRN 2.974	principiis si iam est sensus tribuendus eorum,
DRN 2.975	quid, genus humanum propritim de quibus auctumst?
DRN 2.976	scilicet et risu tremulo concussa cachinnant
DRN 2.977	et lacrimis spargunt rorantibus ora genasque
DRN 2.978	multaque de rerum mixtura dicere callent
DRN 2.979	et sibi proporro quae sint primordia quaerunt;
DRN 2.980	quando quidem totis mortalibus adsimulata
DRN 2.981	ipsa quoque ex aliis debent constare elementis,
DRN 2.982	inde alia ex aliis, nusquam consistere ut ausis;
DRN 2.983	quippe sequar, quod cumque loqui ridereque dices
DRN 2.984	et sapere, ex aliis eadem haec facientibus ut sit.
DRN 2.985	quod si delira haec furiosaque cernimus esse
DRN 2.986	et ridere potest non ex ridentibus auctus,
DRN 2.987	et sapere et doctis rationem reddere dictis
DRN 2.988	non ex seminibus sapientibus atque disertis,
DRN 2.989	qui minus esse queant ea quae sentire videmus
DRN 2.990	seminibus permixta carentibus undique sensu?
DRN 2.991	Denique caelesti sumus omnes semine oriundi;
DRN 2.992	omnibus ille idem pater est, unde alma liquentis
DRN 2.993	umoris guttas mater cum terra recepit,
DRN 2.994	feta parit nitidas fruges arbustaque laeta
DRN 2.995	et genus humanum, parit omnia saecla ferarum,
DRN 2.996	pabula cum praebet, quibus omnes corpora pascunt
DRN 2.997	et dulcem ducunt vitam prolemque propagant;
DRN 2.998	qua propter merito maternum nomen adepta est.
DRN 2.999	cedit item retro, de terra quod fuit ante,
DRN 2.1000	in terras, et quod missumst ex aetheris oris,
DRN 2.1001	id rursum caeli rellatum templa receptant.
DRN 2.1002	nec sic interemit mors res ut materiai
DRN 2.1003	corpora conficiat, sed coetum dissupat ollis;
DRN 2.1004	inde aliis aliud coniungit et efficit, omnis
DRN 2.1005	res ut convertant formas mutentque colores
DRN 2.1006	et capiant sensus et puncto tempore reddant;
DRN 2.1007	ut noscas referre earum primordia rerum
DRN 2.1008	cum quibus et quali positura contineantur
DRN 2.1009	et quos inter se dent motus accipiantque,
DRN 2.1010	neve putes aeterna penes residere potesse
DRN 2.1011	corpora prima quod in summis fluitare videmus
DRN 2.1012	rebus et interdum nasci subitoque perire.
DRN 2.1013	quin etiam refert nostris in versibus ipsis
DRN 2.1014	cum quibus et quali sint ordine quaeque locata;
DRN 2.1015	namque eadem caelum mare terras flumina solem
DRN 2.1016	significant, eadem fruges arbusta animantis;
DRN 2.1017	si non omnia sunt, at multo maxima pars est
DRN 2.1018	consimilis; verum positura discrepitant res.
DRN 2.1019	sic ipsis in rebus item iam materiai
DRN 2.1020	intervalla vias conexus pondera plagas
DRN 2.1021	concursus motus ordo positura figurae
DRN 2.1022	cum permutantur, mutari res quoque debent.
DRN 2.1023	Nunc animum nobis adhibe veram ad rationem.
DRN 2.1024	nam tibi vehementer nova res molitur ad auris
DRN 2.1025	accedere et nova se species ostendere rerum.
DRN 2.1026	sed neque tam facilis res ulla est, quin ea primum
DRN 2.1027	difficilis magis ad credendum constet, itemque
DRN 2.1028	nil adeo magnum neque tam mirabile quicquam,
DRN 2.1029	quod non paulatim minuant mirarier omnes,
DRN 2.1030	principio caeli clarum purumque colorem
DRN 2.1031	quaeque in se cohibet, palantia sidera passim,
DRN 2.1032	lunamque et solis praeclara luce nitorem;
DRN 2.1033	omnia quae nunc si primum mortalibus essent
DRN 2.1034	ex improviso si sint obiecta repente,
DRN 2.1035	quid magis his rebus poterat mirabile dici,
DRN 2.1036	aut minus ante quod auderent fore credere gentes?
DRN 2.1037	nil, ut opinor; ita haec species miranda fuisset.
DRN 2.1038	quam tibi iam nemo fessus satiate videndi,
DRN 2.1039	suspicere in caeli dignatur lucida templa.
DRN 2.1040	desine qua propter novitate exterritus ipsa
DRN 2.1041	expuere ex animo rationem, sed magis acri
DRN 2.1042	iudicio perpende, et si tibi vera videntur,
DRN 2.1043	dede manus, aut, si falsum est, accingere contra.
DRN 2.1044	quaerit enim rationem animus, cum summa loci sit
DRN 2.1045	infinita foris haec extra moenia mundi,
DRN 2.1046	quid sit ibi porro, quo prospicere usque velit mens
DRN 2.1047	atque animi iactus liber quo pervolet ipse.
DRN 2.1048	Principio nobis in cunctas undique partis
DRN 2.1049	et latere ex utroque supra supterque per omne
DRN 2.1050	nulla est finis; uti docui, res ipsaque per se
DRN 2.1051	vociferatur, et elucet natura profundi.
DRN 2.1052	nullo iam pacto veri simile esse putandumst,
DRN 2.1053	undique cum vorsum spatium vacet infinitum
DRN 2.1054	seminaque innumero numero summaque profunda
DRN 2.1055	multimodis volitent aeterno percita motu,
DRN 2.1056	hunc unum terrarum orbem caelumque creatum,
DRN 2.1057	nil agere illa foris tot corpora materiai;
DRN 2.1058	cum praesertim hic sit natura factus et ipsa
DRN 2.1059	sponte sua forte offensando semina rerum
DRN 2.1060	multimodis temere in cassum frustraque coacta
DRN 2.1061	tandem coluerunt ea quae coniecta repente
DRN 2.1062	magnarum rerum fierent exordia semper,
DRN 2.1063	terrai maris et caeli generisque animantum.
DRN 2.1064	quare etiam atque etiam talis fateare necesse est
DRN 2.1065	esse alios alibi congressus materiai,
DRN 2.1066	qualis hic est, avido complexu quem tenet aether.
DRN 2.1067	Praeterea cum materies est multa parata,
DRN 2.1068	cum locus est praesto nec res nec causa moratur
DRN 2.1069	ulla, geri debent ni mirum et confieri res.
DRN 2.1070	nunc et seminibus si tanta est copia, quantam
DRN 2.1071	enumerare aetas animantum non queat omnis,
DRN 2.1072	quis eadem natura manet, quae semina rerum
DRN 2.1073	conicere in loca quaeque queat simili ratione
DRN 2.1074	atque huc sunt coniecta, necesse est confiteare
DRN 2.1075	esse alios aliis terrarum in partibus orbis
DRN 2.1076	et varias hominum gentis et saecla ferarum.
DRN 2.1077	Huc accedit ut in summa res nulla sit una,
DRN 2.1078	unica quae gignatur et unica solaque crescat,
DRN 2.1079	quin aliquoius siet saecli permultaque eodem
DRN 2.1080	sint genere. in primis animalibus indice mente
DRN 2.1081	invenies sic montivagum genus esse ferarum,
DRN 2.1082	sic hominum geminam prolem, sic denique mutas
DRN 2.1083	squamigerum pecudes et corpora cuncta volantum.
DRN 2.1084	qua propter caelum simili ratione fatendumst
DRN 2.1085	terramque et solem, lunam mare cetera quae sunt,
DRN 2.1086	non esse unica, sed numero magis innumerali;
DRN 2.1087	quando quidem vitae depactus terminus alte
DRN 2.1088	tam manet haec et tam nativo corpore constant
DRN 2.1089	quam genus omne, quod his generatimst rebus abundans.
DRN 2.1090	Quae bene cognita si teneas, natura videtur
DRN 2.1091	libera continuo, dominis privata superbis,
DRN 2.1092	ipsa sua per se sponte omnia dis agere expers.
DRN 2.1093	nam pro sancta deum tranquilla pectora pace
DRN 2.1094	quae placidum degunt aevom vitamque serenam,
DRN 2.1095	quis regere immensi summam, quis habere profundi
DRN 2.1096	indu manu validas potis est moderanter habenas,
DRN 2.1097	quis pariter caelos omnis convertere et omnis
DRN 2.1098	ignibus aetheriis terras suffire feracis,
DRN 2.1099	omnibus inve locis esse omni tempore praesto,
DRN 2.1100	nubibus ut tenebras faciat caelique serena
DRN 2.1101	concutiat sonitu, tum fulmina mittat et aedis
DRN 2.1102	saepe suas disturbet et in deserta recedens
DRN 2.1103	saeviat exercens telum, quod saepe nocentes
DRN 2.1104	praeterit exanimatque indignos inque merentes?
DRN 2.1105	Multaque post mundi tempus genitale diemque
DRN 2.1106	primigenum maris et terrae solisque coortum
DRN 2.1107	addita corpora sunt extrinsecus, addita circum
DRN 2.1108	semina, quae magnum iaculando contulit omne,
DRN 2.1109	unde mare et terrae possent augescere et unde
DRN 2.1110	appareret spatium caeli domus altaque tecta
DRN 2.1111	tolleret a terris procul et consurgeret aer.
DRN 2.1112	nam sua cuique, locis ex omnibus, omnia plagis
DRN 2.1113	corpora distribuuntur et ad sua saecla recedunt,
DRN 2.1114	umor ad umorem, terreno corpore terra
DRN 2.1115	crescit et ignem ignes procudunt aetheraque aether,
DRN 2.1116	donique ad extremum crescendi perfica finem
DRN 2.1117	omnia perduxit rerum natura creatrix;
DRN 2.1118	ut fit ubi nihilo iam plus est quod datur intra
DRN 2.1119	vitalis venas quam quod fluit atque recedit.
DRN 2.1120	omnibus hic aetas debet consistere rebus,
DRN 2.1121	hic natura suis refrenat viribus auctum.
DRN 2.1122	nam quae cumque vides hilaro grandescere adauctu
DRN 2.1123	paulatimque gradus aetatis scandere adultae,
DRN 2.1124	plura sibi adsumunt quam de se corpora mittunt,
DRN 2.1125	dum facile in venas cibus omnis inditur et dum
DRN 2.1126	non ita sunt late dispessa, ut multa remittant
DRN 2.1127	et plus dispendi faciant quam vescitur aetas.
DRN 2.1128	nam certe fluere atque recedere corpora rebus
DRN 2.1129	multa manus dandum est; sed plura accedere debent,
DRN 2.1130	donec alescendi summum tetigere cacumen.
DRN 2.1131	inde minutatim vires et robur adultum
DRN 2.1132	frangit et in partem peiorem liquitur aetas.
DRN 2.1133	quippe etenim quanto est res amplior, augmine adempto,
DRN 2.1134	et quo latior est, in cunctas undique partis
DRN 2.1135	plura modo dispargit et a se corpora mittit,
DRN 2.1136	nec facile in venas cibus omnis diditur ei
DRN 2.1137	nec satis est, pro quam largos exaestuat aestus,
DRN 2.1138	unde queat tantum suboriri ac subpeditare.
DRN 2.1139	iure igitur pereunt, cum rarefacta fluendo
DRN 2.1140	sunt et cum externis succumbunt omnia plagis,
DRN 2.1141	quando quidem grandi cibus aevo denique defit,
DRN 2.1142	nec tuditantia rem cessant extrinsecus ullam
DRN 2.1143	corpora conficere et plagis infesta domare.
DRN 2.1144	Sic igitur magni quoque circum moenia mundi
DRN 2.1145	expugnata dabunt labem putrisque ruinas;
DRN 2.1146	omnia debet enim cibus integrare novando
DRN 2.1147	et fulcire cibus, cibus omnia sustentare,
DRN 2.1148	ne quiquam, quoniam nec venae perpetiuntur
DRN 2.1149	quod satis est, neque quantum opus est natura ministrat.
DRN 2.1150	Iamque adeo fracta est aetas effetaque tellus
DRN 2.1151	vix animalia parva creat, quae cuncta creavit
DRN 2.1152	saecla deditque ferarum ingentia corpora partu.
DRN 2.1153	haud, ut opinor, enim mortalia saecla superne
DRN 2.1154	aurea de caelo demisit funis in arva
DRN 2.1155	nec mare nec fluctus plangentis saxa crearunt,
DRN 2.1156	sed genuit tellus eadem quae nunc alit ex se.
DRN 2.1157	praeterea nitidas fruges vinetaque laeta
DRN 2.1158	sponte sua primum mortalibus ipsa creavit,
DRN 2.1159	ipsa dedit dulcis fetus et pabula laeta;
DRN 2.1160	quae nunc vix nostro grandescunt aucta labore,
DRN 2.1161	conterimusque boves et viris agricolarum,
DRN 2.1162	conficimus ferrum vix arvis suppeditati:
DRN 2.1163	usque adeo parcunt fetus augentque laborem.
DRN 2.1164	iamque caput quassans grandis suspirat arator
DRN 2.1165	crebrius, in cassum magnos cecidisse labores,
DRN 2.1166	et cum tempora temporibus praesentia confert
DRN 2.1167	praeteritis, laudat fortunas saepe parentis.
DRN 2.1168	tristis item vetulae vitis sator atque vietae
DRN 2.1169	temporis incusat momen saeclumque fatigat,
DRN 2.1170	et crepat, antiquum genus ut pietate repletum
DRN 2.1171	perfacile angustis tolerarit finibus aevom,
DRN 2.1172	cum minor esset agri multo modus ante viritim;
DRN 2.1173	nec tenet omnia paulatim tabescere et ire
DRN 2.1174	ad capulum spatio aetatis defessa vetusto.
DRN 3.1	E tenebris tantis tam clarum extollere lumen
DRN 3.2	qui primus potuisti inlustrans commoda vitae,
DRN 3.3	te sequor, o Graiae gentis decus, inque tuis nunc
DRN 3.4	ficta pedum pono pressis vestigia signis,
DRN 3.5	non ita certandi cupidus quam propter amorem
DRN 3.6	quod te imitari aveo; quid enim contendat hirundo
DRN 3.7	cycnis, aut quid nam tremulis facere artubus haedi
DRN 3.8	consimile in cursu possint et fortis equi vis?
DRN 3.9	tu, pater, es rerum inventor, tu patria nobis
DRN 3.10	suppeditas praecepta, tuisque ex, inclute, chartis,
DRN 3.11	floriferis ut apes in saltibus omnia libant,
DRN 3.12	omnia nos itidem depascimur aurea dicta,
DRN 3.13	aurea, perpetua semper dignissima vita.
DRN 3.14	nam simul ac ratio tua coepit vociferari
DRN 3.15	naturam rerum divina mente coorta
DRN 3.16	diffugiunt animi terrores, moenia mundi
DRN 3.17	discedunt. totum video per inane geri res.
DRN 3.18	apparet divum numen sedesque quietae,
DRN 3.19	quas neque concutiunt venti nec nubila nimbis
DRN 3.20	aspergunt neque nix acri concreta pruina
DRN 3.21	cana cadens violat semperque innubilus aether
DRN 3.22	integit et large diffuso lumine ridet:
DRN 3.23	omnia suppeditat porro natura neque ulla
DRN 3.24	res animi pacem delibat tempore in ullo.
DRN 3.25	at contra nusquam apparent Acherusia templa,
DRN 3.26	nec tellus obstat quin omnia dispiciantur,
DRN 3.27	sub pedibus quae cumque infra per inane geruntur.
DRN 3.28	his ibi me rebus quaedam divina voluptas
DRN 3.29	percipit atque horror, quod sic natura tua vi
DRN 3.30	tam manifesta patens ex omni parte retecta est.
DRN 3.31	Et quoniam docui, cunctarum exordia rerum
DRN 3.32	qualia sint et quam variis distantia formis
DRN 3.33	sponte sua volitent aeterno percita motu,
DRN 3.34	quove modo possint res ex his quaeque creari,
DRN 3.35	hasce secundum res animi natura videtur
DRN 3.36	atque animae claranda meis iam versibus esse
DRN 3.37	et metus ille foras praeceps Acheruntis agendus,
DRN 3.38	funditus humanam qui vitam turbat ab imo
DRN 3.39	omnia suffundens mortis nigrore neque ullam
DRN 3.40	esse voluptatem liquidam puramque relinquit.
DRN 3.41	nam quod saepe homines morbos magis esse timendos
DRN 3.42	infamemque ferunt vitam quam Tartara leti
DRN 3.43	et se scire animi naturam sanguinis esse,
DRN 3.44	aut etiam venti, si fert ita forte voluntas,
DRN 3.45	nec prosum quicquam nostrae rationis egere,
DRN 3.46	hinc licet advertas animum magis omnia laudis
DRN 3.47	iactari causa quam quod res ipsa probetur.
DRN 3.48	extorres idem patria longeque fugati
DRN 3.49	conspectu ex hominum, foedati crimine turpi,
DRN 3.50	omnibus aerumnis adfecti denique vivunt,
DRN 3.51	et quo cumque tamen miseri venere parentant
DRN 3.52	et nigras mactant pecudes et manibus divis
DRN 3.53	inferias mittunt multoque in rebus acerbis
DRN 3.54	acrius advertunt animos ad religionem.
DRN 3.55	quo magis in dubiis hominem spectare periclis
DRN 3.56	convenit adversisque in rebus noscere qui sit;
DRN 3.57	nam verae voces tum demum pectore ab imo
DRN 3.58	eliciuntur et eripitur persona amanare.
DRN 3.59	denique avarities et honorum caeca cupido,
DRN 3.60	quae miseros homines cogunt transcendere fines
DRN 3.61	iuris et inter dum socios scelerum atque ministros
DRN 3.62	noctes atque dies niti praestante labore
DRN 3.63	ad summas emergere opes, haec vulnera vitae
DRN 3.64	non minimam partem mortis formidine aluntur.
DRN 3.65	turpis enim ferme contemptus et acris egestas
DRN 3.66	semota ab dulci vita stabilique videtur
DRN 3.67	et quasi iam leti portas cunctarier ante;
DRN 3.68	unde homines dum se falso terrore coacti
DRN 3.69	effugisse volunt longe longeque remosse,
DRN 3.70	sanguine civili rem conflant divitiasque
DRN 3.71	conduplicant avidi, caedem caede accumulantes,
DRN 3.72	crudeles gaudent in tristi funere fratris
DRN 3.73	et consanguineum mensas odere timentque.
DRN 3.74	consimili ratione ab eodem saepe timore
DRN 3.75	macerat invidia ante oculos illum esse potentem,
DRN 3.76	illum aspectari, claro qui incedit honore,
DRN 3.77	ipsi se in tenebris volvi caenoque queruntur.
DRN 3.78	intereunt partim statuarum et nominis ergo.
DRN 3.79	et saepe usque adeo, mortis formidine, vitae
DRN 3.80	percipit humanos odium lucisque videndae,
DRN 3.81	ut sibi consciscant maerenti pectore letum
DRN 3.82	obliti fontem curarum hunc esse timorem:
DRN 3.83	hunc vexare pudorem, hunc vincula amicitiai
DRN 3.84	rumpere et in summa pietate evertere suadet:
DRN 3.85	nam iam saepe homines patriam carosque parentis
DRN 3.86	prodiderunt vitare Acherusia templa petentes.
DRN 3.87	nam vel uti pueri trepidant atque omnia caecis
DRN 3.88	in tenebris metuunt, sic nos in luce timemus
DRN 3.89	inter dum, nihilo quae sunt metuenda magis quam
DRN 3.90	quae pueri in tenebris pavitant finguntque futura.
DRN 3.91	hunc igitur terrorem animi tenebrasque necessest
DRN 3.92	non radii solis neque lucida tela diei
DRN 3.93	discutiant, sed naturae species ratioque.
DRN 3.94	Primum animum dico, mentem quem saepe vocamus,
DRN 3.95	in quo consilium vitae regimenque locatum est,
DRN 3.96	esse hominis partem nihilo minus ac manus et pes
DRN 3.97	atque oculei partes animantis totius extant.
DRN 3.98	sensum animi certa non esse in parte locatum,
DRN 3.99	verum habitum quendam vitalem corporis esse,
DRN 3.100	harmoniam Grai quam dicunt, quod faciat nos
DRN 3.101	vivere cum sensu, nulla cum in parte siet mens;
DRN 3.102	ut bona saepe valetudo cum dicitur esse
DRN 3.103	corporis, et non est tamen haec pars ulla valentis,
DRN 3.104	sic animi sensum non certa parte reponunt;
DRN 3.105	magno opere in quo mi diversi errare videntur.
DRN 3.106	Saepe itaque, in promptu corpus quod cernitur, aegret,
DRN 3.107	cum tamen ex alia laetamur parte latenti;
DRN 3.108	et retro fit ubi contra sit saepe vicissim,
DRN 3.109	cum miser ex animo laetatur corpore toto;
DRN 3.110	non alio pacto quam si, pes cum dolet aegri,
DRN 3.111	in nullo caput interea sit forte dolore.
DRN 3.112	Praeterea molli cum somno dedita membra
DRN 3.113	effusumque iacet sine sensu corpus honustum,
DRN 3.114	est aliud tamen in nobis quod tempore in illo
DRN 3.115	multimodis agitatur et omnis accipit in se
DRN 3.116	laetitiae motus et curas cordis inanis.
DRN 3.117	Nunc animam quoque ut in membris cognoscere possis
DRN 3.118	esse neque harmonia corpus sentire solere,
DRN 3.119	principio fit uti detracto corpore multo
DRN 3.120	saepe tamen nobis in membris vita moretur.
DRN 3.121	Atque eadem rursum, cum corpora pauca caloris
DRN 3.122	diffugere forasque per os est editus aegaër,
DRN 3.123	deserit extemplo venas atque ossa relinquit;
DRN 3.124	noscere ut hinc possis non aequas omnia partis
DRN 3.125	corpora habere neque ex aequo fulcire salutem,
DRN 3.126	sed magis haec, venti quae sunt calidique vaporis
DRN 3.127	semina, curare in membris ut vita moretur.
DRN 3.128	est igitur calor ac ventus vitalis in ipso
DRN 3.129	corpore, qui nobis moribundos deserit artus.
DRN 3.130	quapropter quoniam est animi natura reperta
DRN 3.131	atque animae quasi pars hominis, redde harmoniai
DRN 3.132	nomen, ad organicos alto delatum Heliconi,
DRN 3.133	sive aliunde ipsi porro traxere et in illam
DRN 3.134	transtulerunt, proprio quae tum res nomine egebat.
DRN 3.135	quidquid id est, habeant: tu cetera percipe dicta.
DRN 3.136	Nunc animum atque animam dico coniuncta teneri
DRN 3.137	inter se atque unam naturam conficere ex se,
DRN 3.138	sed caput esse quasi et dominari in corpore toto
DRN 3.139	consilium, quod nos animum mentemque vocamus.
DRN 3.140	idque situm media regione in pectoris haeret.
DRN 3.141	hic exultat enim pavor ac metus, haec loca circum
DRN 3.142	laetitiae mulcent: hic ergo mens animusquest.
DRN 3.143	cetera pars animae per totum dissita corpus
DRN 3.144	paret et ad numen mentis momenque movetur.
DRN 3.145	idque sibi solum per se sapit et sibi gaudet,
DRN 3.146	cum neque res animam neque corpus commovet una.
DRN 3.147	et quasi, cum caput aut oculus temptante dolore
DRN 3.148	laeditur in nobis, non omni concruciamur
DRN 3.149	corpore, sic animus nonnumquam laeditur ipse
DRN 3.150	laetitiaque viget, cum cetera pars animai
DRN 3.151	per membra atque artus nulla novitate cietur;
DRN 3.152	verum ubi vementi magis est commota metu mens,
DRN 3.153	consentire animam totam per membra videmus
DRN 3.154	sudoresque ita palloremque existere toto
DRN 3.155	corpore et infringi linguam vocemque aboriri,
DRN 3.156	caligare oculos, sonere auris, succidere artus,
DRN 3.157	denique concidere ex animi terrore videmus
DRN 3.158	saepe homines; facile ut quivis hinc noscere possit
DRN 3.159	esse animam cum animo coniunctam, quae cum animi vi
DRN 3.160	percussa est, exim corpus propellit et icit.
DRN 3.161	Haec eadem ratio naturam animi atque animai
DRN 3.162	corpoream docet esse; ubi enim propellere membra,
DRN 3.163	corripere ex somno corpus mutareque vultum
DRN 3.164	atque hominem totum regere ac versare videtur,
DRN 3.165	quorum nil fieri sine tactu posse videmus
DRN 3.166	nec tactum porro sine corpore, nonne fatendumst
DRN 3.167	corporea natura animum constare animamque?
DRN 3.168	praeterea pariter fungi cum corpore et una
DRN 3.169	consentire animum nobis in corpore cernis.
DRN 3.170	si minus offendit vitam vis horrida teli
DRN 3.171	ossibus ac nervis disclusis intus adacta,
DRN 3.172	at tamen insequitur languor terraeque petitus
DRN 3.173	suavis et in terra mentis qui gignitur aestus
DRN 3.174	inter dumque quasi exsurgendi incerta voluntas.
DRN 3.175	ergo corpoream naturam animi esse necessest,
DRN 3.176	corporeis quoniam telis ictuque laborat.
DRN 3.177	Is tibi nunc animus quali sit corpore et unde
DRN 3.178	constiterit pergam rationem reddere dictis.
DRN 3.179	principio esse aio persuptilem atque minutis
DRN 3.180	perquam corporibus factum constare. id ita esse
DRN 3.181	hinc licet advertas animum, ut pernoscere possis.
DRN 3.182	Nil adeo fieri celeri ratione videtur,
DRN 3.183	quam si mens fieri proponit et inchoat ipsa;
DRN 3.184	ocius ergo animus quam res se perciet ulla,
DRN 3.185	ante oculos quorum in promptu natura videtur.
DRN 3.186	at quod mobile tanto operest, constare rutundis
DRN 3.187	perquam seminibus debet perquamque minutis,
DRN 3.188	momine uti parvo possint inpulsa moveri.
DRN 3.189	namque movetur aqua et tantillo momine flutat,
DRN 3.190	quippe volubilibus parvisque creata figuris.
DRN 3.191	at contra mellis constantior est natura
DRN 3.192	et pigri latices magis et cunctantior actus:
DRN 3.193	haeret enim inter se magis omnis materiai
DRN 3.194	copia, ni mirum quia non tam levibus extat
DRN 3.195	corporibus neque tam suptilibus atque rutundis.
DRN 3.196	namque papaveris aura potest suspensa levisque
DRN 3.197	cogere ut ab summo tibi diffluat altus acervus,
DRN 3.198	at contra lapidum coniectum spicarumque
DRN 3.199	noenu potest. igitur parvissima corpora pro quam
DRN 3.200	et levissima sunt, ita mobilitate fruuntur;
DRN 3.201	at contra quae cumque magis cum pondere magno
DRN 3.202	asperaque inveniuntur, eo stabilita magis sunt.
DRN 3.203	nunc igitur quoniamst animi natura reperta
DRN 3.204	mobilis egregie, perquam constare necessest
DRN 3.205	corporibus parvis et levibus atque rutundis.
DRN 3.206	quae tibi cognita res in multis, o bone, rebus
DRN 3.207	utilis invenietur et opportuna cluebit.
DRN 3.208	Haec quoque res etiam naturam dedicat eius,
DRN 3.209	quam tenui constet textura quamque loco se
DRN 3.210	contineat parvo, si possit conglomerari,
DRN 3.211	quod simul atque hominem leti secura quies est
DRN 3.212	indepta atque animi natura animaeque recessit,
DRN 3.213	nil ibi libatum de toto corpore cernas
DRN 3.214	ad speciem, nihil ad pondus: mors omnia praestat,
DRN 3.215	vitalem praeter sensum calidumque vaporem.
DRN 3.216	ergo animam totam perparvis esse necessest
DRN 3.217	seminibus nexam per venas viscera nervos,
DRN 3.218	qua tenus, omnis ubi e toto iam corpore cessit,
DRN 3.219	extima membrorum circumcaesura tamen se
DRN 3.220	incolumem praestat nec defit ponderis hilum.
DRN 3.221	quod genus est, Bacchi cum flos evanuit aut cum
DRN 3.222	spiritus unguenti suavis diffugit in auras
DRN 3.223	aut aliquo cum iam sucus de corpore cessit;
DRN 3.224	nil oculis tamen esse minor res ipsa videtur
DRN 3.225	propterea neque detractum de pondere quicquam,
DRN 3.226	ni mirum quia multa minutaque semina sucos
DRN 3.227	efficiunt et odorem in toto corpore rerum.
DRN 3.228	quare etiam atque etiam mentis naturam animaeque
DRN 3.229	scire licet perquam pauxillis esse creatam
DRN 3.230	seminibus, quoniam fugiens nil ponderis aufert.
DRN 3.231	Nec tamen haec simplex nobis natura putanda est.
DRN 3.232	tenvis enim quaedam moribundos deserit aura
DRN 3.233	mixta vapore, vapor porro trahit aeraaëra secum;
DRN 3.234	nec calor est quisquam, cui non sit mixtus et aeraër;
DRN 3.235	rara quod eius enim constat natura, necessest
DRN 3.236	aerisaëris inter eum primordia multa moveri.
DRN 3.237	iam triplex animi est igitur natura reperta;
DRN 3.238	nec tamen haec sat sunt ad sensum cuncta creandum,
DRN 3.239	nil horum quoniam recipit mens posse creare
DRN 3.240	sensiferos motus, quae denique mente volutat.
DRN 3.241	quarta quoque his igitur quaedam natura necessest
DRN 3.242	adtribuatur; east omnino nominis expers;
DRN 3.243	qua neque mobilius quicquam neque tenvius extat
DRN 3.244	nec magis e parvis et levibus ex elementis;
DRN 3.245	sensiferos motus quae didit prima per artus.
DRN 3.246	prima cietur enim, parvis perfecta figuris,
DRN 3.247	inde calor motus et venti caeca potestas
DRN 3.248	accipit, inde aeraër, inde omnia mobilitantur:
DRN 3.249	concutitur sanguis, tum viscera persentiscunt
DRN 3.250	omnia, postremis datur ossibus atque medullis
DRN 3.251	sive voluptas est sive est contrarius ardor.
DRN 3.252	nec temere huc dolor usque potest penetrare neque acre
DRN 3.253	permanare malum, quin omnia perturbentur
DRN 3.254	usque adeo ut vitae desit locus atque animai
DRN 3.255	diffugiant partes per caulas corporis omnis.
DRN 3.256	sed plerumque fit in summo quasi corpore finis
DRN 3.257	motibus: hanc ob rem vitam retinere valemus.
DRN 3.258	Nunc ea quo pacto inter sese mixta quibusque
DRN 3.259	compta modis vigeant rationem reddere aventem
DRN 3.260	abstrahit invitum patrii sermonis egestas;
DRN 3.261	sed tamen, ut potero summatim attingere, tangam.
DRN 3.262	inter enim cursant primordia principiorum
DRN 3.263	motibus inter se, nihil ut secernier unum
DRN 3.264	possit nec spatio fieri divisa potestas,
DRN 3.265	sed quasi multae vis unius corporis extant.
DRN 3.266	quod genus in quovis animantum viscere volgo
DRN 3.267	est odor et quidam color et sapor, et tamen ex his
DRN 3.268	omnibus est unum perfectum corporis augmen,
DRN 3.269	sic calor atque aeraër et venti caeca potestas
DRN 3.270	mixta creant unam naturam et mobilis illa
DRN 3.271	vis, initum motus ab se quae dividit ollis,
DRN 3.272	sensifer unde oritur primum per viscera motus.
DRN 3.273	nam penitus prorsum latet haec natura subestque
DRN 3.274	nec magis hac infra quicquam est in corpore nostro
DRN 3.275	atque anima est animae proporro totius ipsa.
DRN 3.276	quod genus in nostris membris et corpore toto
DRN 3.277	mixta latens animi vis est animaeque potestas,
DRN 3.278	corporibus quia de parvis paucisque creatast,
DRN 3.279	sic tibi nominis haec expers vis, facta minutis
DRN 3.280	corporibus, latet atque animae quasi totius ipsa
DRN 3.281	proporrost anima et dominatur corpore toto.
DRN 3.282	consimili ratione necessest ventus et aeraër
DRN 3.283	et calor inter se vigeant commixta per artus
DRN 3.284	atque aliis aliud subsit magis emineatque,
DRN 3.285	ut quiddam fieri videatur ab omnibus unum,
DRN 3.286	ni calor ac ventus seorsum seorsumque potestas
DRN 3.287	aerisaëris interemant sensum diductaque solvant.
DRN 3.288	est etiam calor ille animo, quem sumit, in ira
DRN 3.289	cum fervescit et ex oculis micat acrius ardor;
DRN 3.290	est et frigida multa, comes formidinis, aura,
DRN 3.291	quae ciet horrorem membris et concitat artus;
DRN 3.292	est etiam quoque pacati status aerisaëris ille,
DRN 3.293	pectore tranquillo fit qui voltuque sereno.
DRN 3.294	sed calidi plus est illis quibus acria corda
DRN 3.295	iracundaque mens facile effervescit in ira,
DRN 3.296	quo genere in primis vis est violenta leonum,
DRN 3.297	pectora qui fremitu rumpunt plerumque gementes
DRN 3.298	nec capere irarum fluctus in pectore possunt.
DRN 3.299	at ventosa magis cervorum frigida mens est
DRN 3.300	et gelidas citius per viscera concitat auras,
DRN 3.301	quae tremulum faciunt membris existere motum.
DRN 3.302	at natura boum placido magis aereaëre vivit
DRN 3.303	nec nimis irai fax umquam subdita percit
DRN 3.304	fumida, suffundens caecae caliginis umbra,
DRN 3.305	nec gelidis torpet telis perfixa pavoris;
DRN 3.306	interutrasque sitast cervos saevosque leones.
DRN 3.307	sic hominum genus est: quamvis doctrina politos
DRN 3.308	constituat pariter quosdam, tamen illa relinquit
DRN 3.309	naturae cuiusque animi vestigia prima.
DRN 3.310	nec radicitus evelli mala posse putandumst,
DRN 3.311	quin proclivius hic iras decurrat ad acris,
DRN 3.312	ille metu citius paulo temptetur, at ille
DRN 3.313	tertius accipiat quaedam clementius aequo.
DRN 3.314	inque aliis rebus multis differre necessest
DRN 3.315	naturas hominum varias moresque sequacis;
DRN 3.316	quorum ego nunc nequeo caecas exponere causas
DRN 3.317	nec reperire figurarum tot nomina quot sunt
DRN 3.318	principiis, unde haec oritur variantia rerum.
DRN 3.319	illud in his rebus video firmare potesse,
DRN 3.320	usque adeo naturarum vestigia linqui
DRN 3.321	parvola, quae nequeat ratio depellere nobis,
DRN 3.322	ut nihil inpediat dignam dis degere vitam.
DRN 3.323	Haec igitur natura tenetur corpore ab omni
DRN 3.324	ipsaque corporis est custos et causa salutis;
DRN 3.325	nam communibus inter se radicibus haerent
DRN 3.326	nec sine pernicie divelli posse videntur.
DRN 3.327	quod genus e thuris glaebis evellere odorem
DRN 3.328	haud facile est, quin intereat natura quoque eius,
DRN 3.329	sic animi atque animae naturam corpore toto
DRN 3.330	extrahere haut facile est, quin omnia dissoluantur.
DRN 3.331	inplexis ita principiis ab origine prima
DRN 3.332	inter se fiunt consorti praedita vita,
DRN 3.333	nec sibi quaeque sine alterius vi posse videtur
DRN 3.334	corporis atque animi seorsum sentire potestas,
DRN 3.335	sed communibus inter eas conflatur utrimque
DRN 3.336	motibus accensus nobis per viscera sensus.
DRN 3.337	Praeterea corpus per se nec gignitur umquam
DRN 3.338	nec crescit neque post mortem durare videtur.
DRN 3.339	non enim, ut umor aquae dimittit saepe vaporem,
DRN 3.340	qui datus est, neque ea causa convellitur ipse,
DRN 3.341	sed manet incolumis, non, inquam, sic animai
DRN 3.342	discidium possunt artus perferre relicti,
DRN 3.343	sed penitus pereunt convulsi conque putrescunt.
DRN 3.344	ex ineunte aevo sic corporis atque animai
DRN 3.345	mutua vitalis discunt contagia motus,
DRN 3.346	maternis etiam membris alvoque reposta,
DRN 3.347	discidium ut nequeat fieri sine peste maloque;
DRN 3.348	ut videas, quoniam coniunctast causa salutis,
DRN 3.349	coniunctam quoque naturam consistere eorum.
DRN 3.350	Quod super est, siquis corpus sentire refutat
DRN 3.351	atque animam credit permixtam corpore toto
DRN 3.352	suscipere hunc motum quem sensum nominitamus,
DRN 3.353	vel manifestas res contra verasque repugnat.
DRN 3.354	quid sit enim corpus sentire quis adferet umquam,
DRN 3.355	si non ipsa palam quod res dedit ac docuit nos?
DRN 3.356	'at dimissa anima corpus caret undique sensu.'
DRN 3.357	perdit enim quod non proprium fuit eius in aevo
DRN 3.358	multaque praeterea perdit quom expellitur aevo.
DRN 3.359	Dicere porro oculos nullam rem cernere posse,
DRN 3.360	sed per eos animum ut foribus spectare reclusis,
DRN 3.361	difficilest, contra cum sensus ducat eorum;
DRN 3.362	sensus enim trahit atque acies detrudit ad ipsas,
DRN 3.363	fulgida praesertim cum cernere saepe nequimus,
DRN 3.364	lumina luminibus quia nobis praepediuntur.
DRN 3.365	quod foribus non fit; neque enim, qua cernimus ipsi,
DRN 3.366	ostia suscipiunt ullum reclusa laborem.
DRN 3.367	praeterea si pro foribus sunt lumina nostra,
DRN 3.368	iam magis exemptis oculis debere videtur
DRN 3.369	cernere res animus sublatis postibus ipsis.
DRN 3.370	Illud in his rebus nequaquam sumere possis,
DRN 3.371	Democriti quod sancta viri sententia ponit,
DRN 3.372	corporis atque animi primordia singula primis
DRN 3.373	adposita alternis, variare ac nectere membra.
DRN 3.374	nam cum multo sunt animae elementa minora
DRN 3.375	quam quibus e corpus nobis et viscera constant,
DRN 3.376	tum numero quoque concedunt et rara per artus
DRN 3.377	dissita sunt, dum taxat ut hoc promittere possis,
DRN 3.378	quantula prima queant nobis iniecta ciere
DRN 3.379	corpora sensiferos motus in corpore, tanta
DRN 3.380	intervalla tenere exordia prima animai.
DRN 3.381	nam neque pulveris inter dum sentimus adhaesum
DRN 3.382	corpore nec membris incussam sidere cretam,
DRN 3.383	nec nebulam noctu neque arani tenvia fila
DRN 3.384	obvia sentimus, quando obretimur euntes,
DRN 3.385	nec supera caput eiusdem cecidisse vietam
DRN 3.386	vestem nec plumas avium papposque volantis,
DRN 3.387	qui nimia levitate cadunt plerumque gravatim,
DRN 3.388	nec repentis itum cuiusvis cumque animantis
DRN 3.389	sentimus nec priva pedum vestigia quaeque,
DRN 3.390	corpore quae in nostro culices et cetera ponunt.
DRN 3.391	usque adeo prius est in nobis multa ciendum
DRN 3.392	quam primordia sentiscant concussa animai,
DRN 3.393	semina corporibus nostris inmixta per artus,
DRN 3.394	et quam in his intervallis tuditantia possint
DRN 3.395	concursare coire et dissultare vicissim.
DRN 3.396	Et magis est animus vitai claustra coercenscoërcens
DRN 3.397	et dominantior ad vitam quam vis animai.
DRN 3.398	nam sine mente animoque nequit residere per artus
DRN 3.399	temporis exiguam partem pars ulla animai,
DRN 3.400	sed comes insequitur facile et discedit in auras
DRN 3.401	et gelidos artus in leti frigore linquit.
DRN 3.402	at manet in vita cui mens animusque remansit,
DRN 3.403	quamvis est circum caesis lacer undique membris;
DRN 3.404	truncus adempta anima circum membrisque remota
DRN 3.405	vivit et aetherias vitalis suscipit auras;
DRN 3.406	si non omnimodis, at magna parte animai
DRN 3.407	privatus, tamen in vita cunctatur et haeret;
DRN 3.408	ut, lacerato oculo circum si pupula mansit
DRN 3.409	incolumis, stat cernundi vivata potestas,
DRN 3.410	dum modo ne totum corrumpas luminis orbem
DRN 3.411	et circum caedas aciem solamque relinquas;
DRN 3.412	id quoque enim sine pernicie non fiet eorum.
DRN 3.413	at si tantula pars oculi media illa peresa est,
DRN 3.414	occidit extemplo lumen tenebraeque secuntur,
DRN 3.415	incolumis quamvis alioqui splendidus orbis.
DRN 3.416	hoc anima atque animus vincti sunt foedere semper.
DRN 3.417	Nunc age, nativos animantibus et mortalis
DRN 3.418	esse animos animasque levis ut noscere possis,
DRN 3.419	conquisita diu dulcique reperta labore
DRN 3.420	digna tua pergam disponere carmina vita.
DRN 3.421	tu fac utrumque uno subiungas nomine eorum
DRN 3.422	atque animam verbi causa cum dicere pergam,
DRN 3.423	mortalem esse docens, animum quoque dicere credas,
DRN 3.424	qua tenus est unum inter se coniunctaque res est.
DRN 3.425	Principio quoniam tenuem constare minutis
DRN 3.426	corporibus docui multoque minoribus esse
DRN 3.427	principiis factam quam liquidus umor aquai
DRN 3.428	aut nebula aut fumus —; nam longe mobilitate
DRN 3.429	praestat et a tenui causa magis icta movetur,
DRN 3.430	quippe ubi imaginibus fumi nebulaeque movetur;
DRN 3.431	quod genus in somnis sopiti ubi cernimus alte
DRN 3.432	exhalare vaporem altaria ferreque fumum;
DRN 3.433	nam procul haec dubio nobis simulacra gerunturaegerunturæ
DRN 3.434	nunc igitur quoniam quassatis undique vasis
DRN 3.435	diffluere umorem et laticem discedere cernis,
DRN 3.436	et nebula ac fumus quoniam discedit in auras,
DRN 3.437	crede animam quoque diffundi multoque perire
DRN 3.438	ocius et citius dissolvi in corpora prima,
DRN 3.439	cum semel ex hominis membris ablata recessit;
DRN 3.440	quippe etenim corpus, quod vas quasi constitit eius,
DRN 3.441	cum cohibere nequit conquassatum ex aliqua re
DRN 3.442	ac rarefactum detracto sanguine venis,
DRN 3.443	aereaëre qui credas posse hanc cohiberier ullo,
DRN 3.444	corpore qui nostro rarus magis incohibens sit?
DRN 3.445	Praeterea gigni pariter cum corpore et una
DRN 3.446	crescere sentimus pariterque senescere mentem.
DRN 3.447	nam vel ut infirmo pueri teneroque vagantur
DRN 3.448	corpore, sic animi sequitur sententia tenvis.
DRN 3.449	inde ubi robustis adolevit viribus aetas,
DRN 3.450	consilium quoque maius et auctior est animi vis.
DRN 3.451	post ubi iam validis quassatum est viribus aevi
DRN 3.452	corpus et obtusis ceciderunt viribus artus,
DRN 3.453	claudicat ingenium, delirat lingua labat mens,
DRN 3.454	omnia deficiunt atque uno tempore desunt.
DRN 3.455	ergo dissolui quoque convenit omnem animai
DRN 3.456	naturam, ceu fumus, in altas aerisaëris auras;
DRN 3.457	quando quidem gigni pariter pariterque videmus
DRN 3.458	crescere et, ut docui, simul aevo fessa fatisci.
DRN 3.459	Huc accedit uti videamus, corpus ut ipsum
DRN 3.460	suscipere inmanis morbos durumque dolorem,
DRN 3.461	sic animum curas acris luctumque metumque;
DRN 3.462	quare participem leti quoque convenit esse.
DRN 3.463	quin etiam morbis in corporis avius errat
DRN 3.464	saepe animus; dementit enim deliraque fatur,
DRN 3.465	inter dumque gravi lethargo fertur in altum
DRN 3.466	aeternumque soporem oculis nutuque cadenti;
DRN 3.467	unde neque exaudit voces nec noscere voltus
DRN 3.468	illorum potis est, ad vitam qui revocantes
DRN 3.469	circum stant lacrimis rorantes ora genasque.
DRN 3.470	quare animum quoque dissolui fateare necessest,
DRN 3.471	quandoquidem penetrant in eum contagia morbi;
DRN 3.472	nam dolor ac morbus leti fabricator uterquest,
DRN 3.473	multorum exitio perdocti quod sumus ante.
DRN 3.474	et quoniam mentem sanari corpus ut aegrum
DRN 3.475	et pariter mentem sanari corpus inani
DRN 3.476	denique cor, hominem cum vini vis penetravit
DRN 3.477	acris et in venas discessit diditus ardor,
DRN 3.478	consequitur gravitas membrorum, praepediuntur
DRN 3.479	crura vacillanti, tardescit lingua, madet mens,
DRN 3.480	nant oculi, clamor singultus iurgia gliscunt,
DRN 3.481	et iam cetera de genere hoc quae cumque secuntur,
DRN 3.482	cur ea sunt, nisi quod vehemens violentia vini
DRN 3.483	conturbare animam consuevit corpore in ipso?
DRN 3.484	at quae cumque queunt conturbari inque pediri,
DRN 3.485	significant, paulo si durior insinuarit
DRN 3.486	causa, fore ut pereant aevo privata futuro.
DRN 3.487	Quin etiam subito vi morbi saepe coactus
DRN 3.488	ante oculos aliquis nostros, ut fulminis ictu,
DRN 3.489	concidit et spumas agit, ingemit et tremit artus,
DRN 3.490	desipit, extentat nervos, torquetur, anhelat
DRN 3.491	inconstanter, et in iactando membra fatigat,
DRN 3.492	ni mirum quia vis morbi distracta per artus
DRN 3.493	turbat agens animam, spumans ut in aequore salso
DRN 3.494	ventorum validis fervescunt viribus undae.
DRN 3.495	exprimitur porro gemitus, quia membra dolore
DRN 3.496	adficiuntur et omnino quod semina vocis
DRN 3.497	eliciuntur et ore foras glomerata feruntur
DRN 3.498	qua quasi consuerunt et sunt munita viai.
DRN 3.499	desipientia fit, quia vis animi atque animai
DRN 3.500	conturbatur et, ut docui, divisa seorsum
DRN 3.501	disiectatur eodem illo distracta veneno.
DRN 3.502	inde ubi iam morbi reflexit causa, reditque
DRN 3.503	in latebras acer corrupti corporis umor,
DRN 3.504	tum quasi vaccillans primum consurgit et omnis
DRN 3.505	paulatim redit in sensus animamque receptat.
DRN 3.506	haec igitur tantis ubi morbis corpore in ipso
DRN 3.507	iactentur miserisque modis distracta laborent,
DRN 3.508	cur eadem credis sine corpore in aereaëre aperto
DRN 3.509	cum validis ventis aetatem degere posse?
DRN 3.510	Et quoniam mentem sanari corpus ut aegrum
DRN 3.511	cernimus et flecti medicina posse videmus,
DRN 3.512	id quoque praesagit mortalem vivere mentem.
DRN 3.513	addere enim partis aut ordine traiecere aecumst
DRN 3.514	aut aliquid prosum de summa detrahere hilum,
DRN 3.515	commutare animum qui cumque adoritur et infit
DRN 3.516	aut aliam quamvis naturam flectere quaerit.
DRN 3.517	at neque transferri sibi partis nec tribui vult
DRN 3.518	inmortale quod est quicquam neque defluere hilum;
DRN 3.519	nam quod cumque suis mutatum finibus exit,
DRN 3.520	continuo hoc mors est illius quod fuit ante.
DRN 3.521	ergo animus sive aegrescit, mortalia signa
DRN 3.522	mittit, uti docui, seu flectitur a medicina.
DRN 3.523	usque adeo falsae rationi vera videtur
DRN 3.524	res occurrere et effugium praecludere eunti
DRN 3.525	ancipitique refutatu convincere falsum.
DRN 3.526	Denique saepe hominem paulatim cernimus ire
DRN 3.527	et membratim vitalem deperdere sensum;
DRN 3.528	in pedibus primum digitos livescere et unguis,
DRN 3.529	inde pedes et crura mori, post inde per artus
DRN 3.530	ire alios tractim gelidi vestigia leti.
DRN 3.531	scinditur atque animae haec quoniam natura nec uno
DRN 3.532	tempore sincera existit, mortalis habendast.
DRN 3.533	quod si forte putas ipsam se posse per artus
DRN 3.534	introsum trahere et partis conducere in unum
DRN 3.535	atque ideo cunctis sensum diducere membris,
DRN 3.536	at locus ille tamen, quo copia tanta animai
DRN 3.537	cogitur, in sensu debet maiore videri;
DRN 3.538	qui quoniam nusquamst, ni mirum, ut diximus ante,
DRN 3.539	dilaniata foras dispargitur, interit ergo.
DRN 3.540	quin etiam si iam libeat concedere falsum
DRN 3.541	et dare posse animam glomerari in corpore eorum,
DRN 3.542	lumina qui lincunt moribundi particulatim,
DRN 3.543	mortalem tamen esse animam fateare necesse
DRN 3.544	nec refert utrum pereat dispersa per auras
DRN 3.545	an contracta suis e partibus obbrutescat,
DRN 3.546	quando hominem totum magis ac magis undique sensus
DRN 3.547	deficit et vitae minus et minus undique restat.
DRN 3.548	Et quoniam mens est hominis pars una locoque
DRN 3.549	fixa manet certo, vel ut aures atque oculi sunt
DRN 3.550	atque alii sensus qui vitam cumque gubernant,
DRN 3.551	et vel uti manus atque oculus naresve seorsum
DRN 3.552	secreta ab nobis nequeunt sentire neque esse,
DRN 3.553	sed tamen in parvo lincuntur tempore tali,
DRN 3.554	sic animus per se non quit sine corpore et ipso
DRN 3.555	esse homine, illius quasi quod vas esse videtur,
DRN 3.556	sive aliud quid vis potius coniunctius ei
DRN 3.557	fingere, quandoquidem conexu corpus adhaeret.
DRN 3.558	Denique corporis atque animi vivata potestas
DRN 3.559	inter se coniuncta valent vitaque fruuntur;
DRN 3.560	nec sine corpore enim vitalis edere motus
DRN 3.561	sola potest animi per se natura nec autem
DRN 3.562	cassum anima corpus durare et sensibus uti.
DRN 3.563	scilicet avolsus radicibus ut nequit ullam
DRN 3.564	dispicere ipse oculus rem seorsum corpore toto,
DRN 3.565	sic anima atque animus per se nil posse videtur.
DRN 3.566	ni mirum quia per venas et viscera mixtim,
DRN 3.567	per nervos atque ossa tenentur corpore ab omni
DRN 3.568	nec magnis intervallis primordia possunt
DRN 3.569	libera dissultare, ideo conclusa moventur
DRN 3.570	sensiferos motus, quos extra corpus in auras
DRN 3.571	aerisaëris haut possunt post mortem eiecta moveri
DRN 3.572	propterea quia non simili ratione tenentur;
DRN 3.573	corpus enim atque animans erit aeraër, si cohibere
DRN 3.574	sese anima atque in eos poterit concludere motus,
DRN 3.575	quos ante in nervis et in ipso corpore agebat.
DRN 3.576	quare etiam atque etiam resoluto corporis omni
DRN 3.577	tegmine et eiectis extra vitalibus auris
DRN 3.578	dissolui sensus animi fateare necessest
DRN 3.579	atque animam, quoniam coniunctast causa duobus.
DRN 3.580	Denique cum corpus nequeat perferre animai
DRN 3.581	discidium, quin in taetro tabescat odore,
DRN 3.582	quid dubitas quin ex imo penitusque coorta
DRN 3.583	emanarit uti fumus diffusa animae vis,
DRN 3.584	atque ideo tanta mutatum putre ruina
DRN 3.585	conciderit corpus, penitus quia mota loco sunt
DRN 3.586	fundamenta foras manant animaeque per artus
DRN 3.587	perque viarum omnis flexus, in corpore qui sunt,
DRN 3.588	atque foramina? multimodis ut noscere possis
DRN 3.589	dispertitam animae naturam exisse per artus
DRN 3.590	et prius esse sibi distractam corpore in ipso,
DRN 3.591	quam prolapsa foras enaret in aerisaëris auras.
DRN 3.592	Quin etiam finis dum vitae vertitur intra,
DRN 3.593	saepe aliqua tamen e causa labefacta videtur
DRN 3.594	ire anima ac toto solui de corpore tota
DRN 3.595	et quasi supremo languescere tempore voltus
DRN 3.596	molliaque exsangui cadere omnia corpore membra.
DRN 3.597	quod genus est, animo male factum cum perhibetur
DRN 3.598	aut animam liquisse; ubi iam trepidatur et omnes
DRN 3.599	extremum cupiunt vitae reprehendere vinclum;
DRN 3.600	conquassatur enim tum mens animaeque potestas
DRN 3.601	omnis. et haec ipso cum corpore conlabefiunt,
DRN 3.602	ut gravior paulo possit dissolvere causa.
DRN 3.603	Quid dubitas tandem quin extra prodita corpus
DRN 3.604	inbecilla foras in aperto, tegmine dempto,
DRN 3.605	non modo non omnem possit durare per aevom,
DRN 3.606	sed minimum quodvis nequeat consistere tempus?
DRN 3.607	nec sibi enim quisquam moriens sentire videtur
DRN 3.608	ire foras animam incolumem de corpore toto,
DRN 3.609	nec prius ad iugulum et supera succedere fauces,
DRN 3.610	verum deficere in certa regione locatam;
DRN 3.611	ut sensus alios in parti quemque sua scit
DRN 3.612	dissolui. quod si inmortalis nostra foret mens,
DRN 3.613	non tam se moriens dissolvi conquereretur,
DRN 3.614	sed magis ire foras vestemque relinquere, ut anguis.
DRN 3.615	Denique cur animi numquam mens consiliumque
DRN 3.616	gignitur in capite aut pedibus manibusve, sed unis
DRN 3.617	sedibus et certis regionibus omnibus haeret,
DRN 3.618	si non certa loca ad nascendum reddita cuique
DRN 3.619	sunt, et ubi quicquid possit durare creatum
DRN 3.620	atque ita multimodis partitis artubus esse,
DRN 3.621	membrorum ut numquam existat praeposterus ordo?
DRN 3.622	usque adeo sequitur res rem, neque flamma creari
DRN 3.623	fluminibus solitast neque in igni gignier algor.
DRN 3.624	Praeterea si inmortalis natura animaist
DRN 3.625	et sentire potest secreta a corpore nostro,
DRN 3.626	quinque, ut opinor, eam faciundum est sensibus auctam.
DRN 3.627	nec ratione alia nosmet proponere nobis
DRN 3.628	possumus infernas animas Acherunte vagare.
DRN 3.629	pictores itaque et scriptorum saecla priora
DRN 3.630	sic animas intro duxerunt sensibus auctas.
DRN 3.631	at neque sorsum oculi neque nares nec manus ipsa
DRN 3.632	esse potest animae neque sorsum lingua neque aures;
DRN 3.633	haud igitur per se possunt sentire neque esse.
DRN 3.634	Et quoniam toto sentimus corpore inesse
DRN 3.635	vitalem sensum et totum esse animale videmus,
DRN 3.636	si subito medium celeri praeciderit ictu
DRN 3.637	vis aliqua, ut sorsum partem secernat utramque,
DRN 3.638	dispertita procul dubio quoque vis animai
DRN 3.639	et discissa simul cum corpore dissicietur.
DRN 3.640	at quod scinditur et partis discedit in ullas,
DRN 3.641	scilicet aeternam sibi naturam abnuit esse.
DRN 3.642	falciferos memorant currus abscidere membra
DRN 3.643	saepe ita de subito permixta caede calentis,
DRN 3.644	ut tremere in terra videatur ab artubus id quod
DRN 3.645	decidit abscisum, cum mens tamen atque hominis vis
DRN 3.646	mobilitate mali non quit sentire dolorem;
DRN 3.647	et simul in pugnae studio quod dedita mens est,
DRN 3.648	corpore relicuo pugnam caedesque petessit,
DRN 3.649	nec tenet amissam laevam cum tegmine saepe
DRN 3.650	inter equos abstraxe rotas falcesque rapaces,
DRN 3.651	nec cecidisse alius dextram, cum scandit et instat.
DRN 3.652	inde alius conatur adempto surgere crure,
DRN 3.653	cum digitos agitat propter moribundus humi pes.
DRN 3.654	et caput abscisum calido viventeque trunco
DRN 3.655	servat humi voltum vitalem oculosque patentis,
DRN 3.656	donec reliquias animai reddidit omnes.
DRN 3.657	quin etiam tibi si, lingua vibrante, minanti
DRN 3.658	serpentis cauda, procero corpore, utrumque
DRN 3.659	sit libitum in multas partis discidere ferro,
DRN 3.660	omnia iam sorsum cernes ancisa recenti
DRN 3.661	volnere tortari et terram conspargere tabo,
DRN 3.662	ipsam seque retro partem petere ore priorem,
DRN 3.663	volneris ardenti ut morsu premat icta dolore.
DRN 3.664	omnibus esse igitur totas dicemus in illis
DRN 3.665	particulis animas? at ea ratione sequetur
DRN 3.666	unam animantem animas habuisse in corpore multas.
DRN 3.667	ergo divisast ea quae fuit una simul cum
DRN 3.668	corpore; quapropter mortale utrumque putandumst,
DRN 3.669	in multas quoniam partis disciditur aeque.
DRN 3.670	Praeterea si inmortalis natura animai
DRN 3.671	constat et in corpus nascentibus insinuatur,
DRN 3.672	cur super ante actam aetatem meminisse nequimus
DRN 3.673	nec vestigia gestarum rerum ulla tenemus?
DRN 3.674	nam si tanto operest animi mutata potestas,
DRN 3.675	omnis ut actarum exciderit retinentia rerum,
DRN 3.676	non, ut opinor, id ab leto iam longius errat;
DRN 3.677	qua propter fateare necessest quae fuit ante
DRN 3.678	interiisse, et quae nunc est nunc esse creatam.
DRN 3.679	Praeterea si iam perfecto corpore nobis
DRN 3.680	inferri solitast animi vivata potestas
DRN 3.681	tum cum gignimur et vitae cum limen inimus,
DRN 3.682	haud ita conveniebat uti cum corpore et una
DRN 3.683	cum membris videatur in ipso sanguine cresse,
DRN 3.684	sed vel ut in cavea per se sibi vivere solam
DRN 3.685	convenit, ut sensu corpus tamen affluat omne.
DRN 3.686	quare etiam atque etiam neque originis esse putandumst
DRN 3.687	expertis animas nec leti lege solutas;
DRN 3.688	nam neque tanto opere adnecti potuisse putandumst
DRN 3.689	corporibus nostris extrinsecus insinuatas,
DRN 3.690	quod fieri totum contra manifesta docet res
DRN 3.691	aenamqueænamque ita conexa est per venas viscera nervos
DRN 3.692	ossaque, uti dentes quoque sensu participentur;
DRN 3.693	morbus ut indicat et gelidai stringor aquai
DRN 3.694	et lapis oppressus subitis e frugibus asperaeasperæ
DRN 3.695	nec, tam contextae cum sint, exire videntur
DRN 3.696	incolumes posse et salvas exsolvere sese
DRN 3.697	omnibus e nervis atque ossibus articulisque,
DRN 3.698	quod si forte putas extrinsecus insinuatam
DRN 3.699	permanare animam nobis per membra solere,
DRN 3.700	tanto quique magis cum corpore fusa peribit;
DRN 3.701	quod permanat enim, dissolvitur, interit ergo;
DRN 3.702	dispertitur enim per caulas corporis omnis.
DRN 3.703	ut cibus, in membra atque artus cum diditur omnis,
DRN 3.704	disperit atque aliam naturam sufficit ex se,
DRN 3.705	sic anima atque animus quamvis est integra recens in
DRN 3.706	corpus eunt, tamen in manando dissoluuntur,
DRN 3.707	dum quasi per caulas omnis diduntur in artus
DRN 3.708	particulae quibus haec animi natura creatur,
DRN 3.709	quae nunc in nostro dominatur corpore nata
DRN 3.710	ex illa quae tunc periit partita per artus.
DRN 3.711	quapropter neque natali privata videtur
DRN 3.712	esse die natura animae nec funeris expers.
DRN 3.713	Semina praeterea linquontur necne animai
DRN 3.714	corpore in exanimo? quod si lincuntur et insunt,
DRN 3.715	haut erit ut merito inmortalis possit haberi,
DRN 3.716	partibus amissis quoniam libata recessit.
DRN 3.717	sin ita sinceris membris ablata profugit,
DRN 3.718	ut nullas partis in corpore liquerit ex se,
DRN 3.719	unde cadavera rancenti iam viscere vermes
DRN 3.720	expirant atque unde animantum copia tanta
DRN 3.721	exos et exanguis tumidos perfluctuat artus?
DRN 3.722	quod si forte animas extrinsecus insinuari?
DRN 3.723	vermibus et privas in corpora posse venire
DRN 3.724	credis nec reputas cur milia multa animarum
DRN 3.725	conveniant unde una recesserit, hoc tamen est ut
DRN 3.726	quaerendum videatur et in discrimen agendum,
DRN 3.727	utrum tandem animae venentur semina quaeque
DRN 3.728	vermiculorum ipsaeque sibi fabricentur ubi sint,
DRN 3.729	an quasi corporibus perfectis insinuentur.
DRN 3.730	at neque cur faciant ipsae quareve laborent
DRN 3.731	dicere suppeditat. neque enim, sine corpore cum sunt,
DRN 3.732	sollicitae volitant morbis alguque fameque;
DRN 3.733	corpus enim magis his vitiis adfine laborat,
DRN 3.734	et mala multa animus contage fungitur eius.
DRN 3.735	sed tamen his esto quamvis facere utile corpus,
DRN 3.736	cum subeant; at qua possint via nulla videtur.
DRN 3.737	haut igitur faciunt animae sibi corpora et artus.
DRN 3.738	nec tamen est ut qui cum perfectis insinuentur
DRN 3.739	corporibus; neque enim poterunt suptiliter esse
DRN 3.740	conexae neque consensu contagia fient.
DRN 3.741	Denique cur acris violentia triste leonum
DRN 3.742	seminium sequitur, volpes dolus, et fuga cervos?
DRN 3.743	a patribus datur et a patrius pavor incitat artus,
DRN 3.744	et iam cetera de genere hoc cur omnia membris
DRN 3.745	ex ineunte aevo generascunt ingenioque,
DRN 3.746	si non, certa suo quia semine seminioque
DRN 3.747	vis animi pariter crescit cum corpore quoque?
DRN 3.748	quod si inmortalis foret et mutare soleret
DRN 3.749	corpora, permixtis animantes moribus essent,
DRN 3.750	effugeret canis Hyrcano de semine saepe
DRN 3.751	cornigeri incursum cervi tremeretque per auras
DRN 3.752	aerisaëris accipiter fugiens veniente columba,
DRN 3.753	desiperent homines, saperent fera saecla ferarum.
DRN 3.754	illud enim falsa fertur ratione, quod aiunt
DRN 3.755	inmortalem animam mutato corpore flecti;
DRN 3.756	quod mutatur enim, dissolvitur, interit ergo;
DRN 3.757	traiciuntur enim partes atque ordine migrant;
DRN 3.758	quare dissolui quoque debent posse per artus,
DRN 3.759	denique ut intereant una cum corpore cunctae.
DRN 3.760	sin animas hominum dicent in corpora semper
DRN 3.761	ire humana, tamen quaeram cur e sapienti
DRN 3.762	stulta queat fieri, nec prudens sit puer ullus,
DRN 3.763	si non, certa suo quia semine seminioque
DRN 3.764	nec tam doctus equae pullus quam fortis equi vis.
DRN 3.765	scilicet in tenero tenerascere corpore mentem
DRN 3.766	confugient. quod si iam fit, fateare necessest
DRN 3.767	mortalem esse animam, quoniam mutata per artus
DRN 3.768	tanto opere amittit vitam sensumque priorem.
DRN 3.769	quove modo poterit pariter cum corpore quoque
DRN 3.770	confirmata cupitum aetatis tangere florem
DRN 3.771	vis animi, nisi erit consors in origine prima?
DRN 3.772	quidve foras sibi vult membris exire senectis?
DRN 3.773	an metuit conclusa manere in corpore putri
DRN 3.774	et domus aetatis spatio ne fessa vetusto
DRN 3.775	obruat? at non sunt immortali ulla pericla.
DRN 3.776	Denique conubia ad Veneris partusque ferarum
DRN 3.777	esse animas praesto deridiculum esse videtur,
DRN 3.778	expectare immortalis mortalia membra
DRN 3.779	innumero numero certareque praeproperanter
DRN 3.780	inter se quae prima potissimaque insinuetur;
DRN 3.781	si non forte ita sunt animarum foedera pacta,
DRN 3.782	ut quae prima volans advenerit insinuetur
DRN 3.783	prima neque inter se contendant viribus hilum.
DRN 3.784	Denique in aethere non arbor, non aequore in alto
DRN 3.785	nubes esse queunt nec pisces vivere in arvis
DRN 3.786	nec cruor in lignis neque saxis sucus inesse.
DRN 3.787	certum ac dispositumst ubi quicquid crescat et insit.
DRN 3.788	sic animi natura nequit sine corpore oriri
DRN 3.789	sola neque a nervis et sanguine longius esse.
DRN 3.790	quod si posset enim, multo prius ipsa animi vis
DRN 3.791	in capite aut umeris aut imis calcibus esse
DRN 3.792	posset et innasci quavis in parte soleret,
DRN 3.793	tandem in eodem homine atque in eodem vase manere.
DRN 3.794	quod quoniam nostro quoque constat corpore certum
DRN 3.795	dispositumque videtur ubi esse et crescere possit
DRN 3.796	sorsum anima atque animus, tanto magis infitiandum
DRN 3.797	totum posse extra corpus durare genique.
DRN 3.798	quare, corpus ubi interiit, periisse necessest
DRN 3.799	confiteare animam distractam in corpore toto.
DRN 3.800	quippe etenim mortale aeterno iungere et una
DRN 3.801	consentire putare et fungi mutua posse
DRN 3.802	desiperest; quid enim diversius esse putandumst
DRN 3.803	aut magis inter se disiunctum discrepitansque,
DRN 3.804	quam mortale quod est inmortali atque perenni
DRN 3.805	iunctum in concilio saevas tolerare procellas?
DRN 3.806	praeterea quaecumque manent aeterna necessest
DRN 3.807	aut quia sunt solido cum corpore respuere ictus
DRN 3.808	nec penetrare pati sibi quicquam quod queat artas
DRN 3.809	dissociare intus partis, ut materiai
DRN 3.810	corpora sunt, quorum naturam ostendimus ante,
DRN 3.811	aut ideo durare aetatem posse per omnem,
DRN 3.812	plagarum quia sunt expertia sicut inanest,
DRN 3.813	quod manet intactum neque ab ictu fungitur hilum,
DRN 3.814	aut etiam quia nulla loci sit copia circum,
DRN 3.815	quo quasi res possint discedere dissoluique,
DRN 3.816	sicut summarum summast aeterna, neque extra
DRN 3.817	quis locus est quo diffugiant neque corpora sunt quae
DRN 3.818	possint incidere et valida dissolvere plaga.
DRN 3.819	Quod si forte ideo magis inmortalis habendast,
DRN 3.820	quod vitalibus ab rebus munita tenetur,
DRN 3.821	aut quia non veniunt omnino aliena salutis,
DRN 3.822	aut quia quae veniunt aliqua ratione recedunt
DRN 3.823	pulsa prius quam quid noceant sentire queamus,
DRN 3.824	praeter enim quam quod morbis cum corporis aegret,
DRN 3.825	advenit id quod eam de rebus saepe futuris
DRN 3.826	macerat inque metu male habet curisque fatigat,
DRN 3.827	praeteritisque male admissis peccata remordent.
DRN 3.828	adde furorem animi proprium atque oblivia rerum,
DRN 3.829	adde quod in nigras lethargi mergitur undas.
DRN 3.830	Nil igitur mors est ad nos neque pertinet hilum,
DRN 3.831	quandoquidem natura animi mortalis habetur.
DRN 3.832	et vel ut ante acto nihil tempore sensimus aegri,
DRN 3.833	ad confligendum venientibus undique Poenis,
DRN 3.834	omnia cum belli trepido concussa tumultu
DRN 3.835	horrida contremuere sub altis aetheris auris,
DRN 3.836	in dubioque fuere utrorum ad regna cadendum
DRN 3.837	omnibus humanis esset terraque marique,
DRN 3.838	sic, ubi non erimus, cum corporis atque animai
DRN 3.839	discidium fuerit, quibus e sumus uniter apti,
DRN 3.840	scilicet haud nobis quicquam, qui non erimus tum,
DRN 3.841	accidere omnino poterit sensumque movere,
DRN 3.842	non si terra mari miscebitur et mare caelo.
DRN 3.843	et si iam nostro sentit de corpore postquam
DRN 3.844	distractast animi natura animaeque potestas,
DRN 3.845	nil tamen est ad nos, qui comptu coniugioque
DRN 3.846	corporis atque animae consistimus uniter apti.
DRN 3.847	nec, si materiem nostram collegerit aetas
DRN 3.848	post obitum rursumque redegerit ut sita nunc est,
DRN 3.849	atque iterum nobis fuerint data lumina vitae,
DRN 3.850	pertineat quicquam tamen ad nos id quoque factum,
DRN 3.851	interrupta semel cum sit repetentia nostri.
DRN 3.852	et nunc nil ad nos de nobis attinet, ante
DRN 3.853	qui fuimus, neque iam de illis nos adficit angor.
DRN 3.854	nam cum respicias inmensi temporis omne
DRN 3.855	praeteritum spatium, tum motus materiai
DRN 3.856	multimodi quam sint, facile hoc adcredere possis,
DRN 3.857	semina saepe in eodem, ut nunc sunt, ordine posta
DRN 3.858	haec eadem, quibus e nunc nos sumus, ante fuisse.
DRN 3.859	nec memori tamen id quimus reprehendere mente;
DRN 3.860	inter enim iectast vitai pausa vageque
DRN 3.861	deerrarunt passim motus ab sensibus omnes.
DRN 3.862	debet enim, misere si forte aegreque futurumst;
DRN 3.863	ipse quoque esse in eo tum tempore, cui male possit
DRN 3.864	accidere. id quoniam mors eximit, esseque prohibet
DRN 3.865	illum cui possint incommoda conciliari,
DRN 3.866	scire licet nobis nihil esse in morte timendum
DRN 3.867	nec miserum fieri qui non est posse, neque hilum
DRN 3.868	differre an nullo fuerit iam tempore natus,
DRN 3.869	mortalem vitam mors cum inmortalis ademit.
DRN 3.870	Proinde ubi se videas hominem indignarier ipsum,
DRN 3.871	post mortem fore ut aut putescat corpore posto
DRN 3.872	aut flammis interfiat malisve ferarum,
DRN 3.873	scire licet non sincerum sonere atque subesse
DRN 3.874	caecum aliquem cordi stimulum, quamvis neget ipse
DRN 3.875	credere se quemquam sibi sensum in morte futurum;
DRN 3.876	non, ut opinor, enim dat quod promittit et unde
DRN 3.877	nec radicitus e vita se tollit et eicit,
DRN 3.878	sed facit esse sui quiddam super inscius ipse.
DRN 3.879	vivus enim sibi cum proponit quisque futurum,
DRN 3.880	corpus uti volucres lacerent in morte feraeque,
DRN 3.881	ipse sui miseret; neque enim se dividit illim
DRN 3.882	nec removet satis a proiecto corpore et illum
DRN 3.883	se fingit sensuque suo contaminat astans.
DRN 3.884	hinc indignatur se mortalem esse creatum
DRN 3.885	nec videt in vera nullum fore morte alium se,
DRN 3.886	qui possit vivus sibi se lugere peremptum
DRN 3.887	stansque iacentem se lacerari urive dolere.
DRN 3.888	nam si in morte malumst malis morsuque ferarum
DRN 3.889	tractari, non invenio qui non sit acerbum
DRN 3.890	ignibus inpositum calidis torrescere flammis
DRN 3.891	aut in melle situm suffocari atque rigere
DRN 3.892	frigore, cum summo gelidi cubat aequore saxi,
DRN 3.893	urgerive superne obrutum pondere terrae.
DRN 3.894	'Iam iam non domus accipiet te laeta neque uxor
DRN 3.895	optima, nec dulces occurrent oscula nati
DRN 3.896	praeripere et tacita pectus dulcedine tangent.
DRN 3.897	non poteris factis florentibus esse tuisque
DRN 3.898	praesidium. misero misere' aiunt 'omnia ademit
DRN 3.899	una dies infesta tibi tot praemia vitae.'
DRN 3.900	illud in his rebus non addunt 'nec tibi earum
DRN 3.901	iam desiderium rerum super insidet una.'
DRN 3.902	quod bene si videant animo dictisque sequantur,
DRN 3.903	dissoluant animi magno se angore metuque.
DRN 3.904	'tu quidem ut es leto sopitus, sic eris aevi
DRN 3.905	quod super est cunctis privatus doloribus aegris;
DRN 3.906	at nos horrifico cinefactum te prope busto
DRN 3.907	insatiabiliter deflevimus, aeternumque
DRN 3.908	nulla dies nobis maerorem e pectore demet.'
DRN 3.909	illud ab hoc igitur quaerendum est, quid sit amari
DRN 3.910	tanto opere, ad somnum si res redit atque quietem,
DRN 3.911	cur quisquam aeterno possit tabescere luctu.
DRN 3.912	Hoc etiam faciunt ubi discubuere tenentque
DRN 3.913	pocula saepe homines et inumbrant ora coronis,
DRN 3.914	ex animo ut dicant: 'brevis hic est fructus homullis;
DRN 3.915	iam fuerit neque post umquam revocare licebit.'
DRN 3.916	tam quam in morte mali cum primis hoc sit eorum,
DRN 3.917	quod sitis exurat miseros atque arida torrat,
DRN 3.918	aut aliae cuius desiderium insideat rei.
DRN 3.919	nec sibi enim quisquam tum se vitamque requiret,
DRN 3.920	cum pariter mens et corpus sopita quiescunt;
DRN 3.921	nam licet aeternum per nos sic esse soporem,
DRN 3.922	nec desiderium nostri nos adficit ullum,
DRN 3.923	et tamen haud quaquam nostros tunc illa per artus
DRN 3.924	longe ab sensiferis primordia motibus errant,
DRN 3.925	cum correptus homo ex somno se colligit ipse.
DRN 3.926	multo igitur mortem minus ad nos esse putandumst,
DRN 3.927	si minus esse potest quam quod nihil esse videmus;
DRN 3.928	maior enim turbae disiectus materiai
DRN 3.929	consequitur leto nec quisquam expergitus extat,
DRN 3.930	frigida quem semel est vitai pausa secuta.
DRN 3.931	Denique si vocem rerum natura repente.
DRN 3.932	mittat et hoc alicui nostrum sic increpet ipsa:
DRN 3.933	'quid tibi tanto operest, mortalis, quod nimis aegris
DRN 3.934	luctibus indulges? quid mortem congemis ac fles?
DRN 3.935	nam si grata fuit tibi vita ante acta priorque
DRN 3.936	et non omnia pertusum congesta quasi in vas
DRN 3.937	commoda perfluxere atque ingrata interiere;
DRN 3.938	cur non ut plenus vitae conviva recedis
DRN 3.939	aequo animoque capis securam, stulte, quietem?
DRN 3.940	sin ea quae fructus cumque es periere profusa
DRN 3.941	vitaque in offensost, cur amplius addere quaeris,
DRN 3.942	rursum quod pereat male et ingratum occidat omne,
DRN 3.943	non potius vitae finem facis atque laboris?
DRN 3.944	nam tibi praeterea quod machiner inveniamque,
DRN 3.945	quod placeat, nihil est; eadem sunt omnia semper.
DRN 3.946	si tibi non annis corpus iam marcet et artus
DRN 3.947	confecti languent, eadem tamen omnia restant,
DRN 3.948	omnia si perges vivendo vincere saecla,
DRN 3.949	atque etiam potius, si numquam sis moriturus',
DRN 3.950	quid respondemus, nisi iustam intendere litem
DRN 3.951	naturam et veram verbis exponere causam?
DRN 3.952	grandior hic vero si iam seniorque queratur
DRN 3.953	atque obitum lamentetur miser amplius aequo,
DRN 3.954	non merito inclamet magis et voce increpet acri:
DRN 3.955	'aufer abhinc lacrimas, baratre, et compesce querellas.
DRN 3.956	omnia perfunctus vitai praemia marces;
DRN 3.957	sed quia semper aves quod abest, praesentia temnis,
DRN 3.958	inperfecta tibi elapsast ingrataque vita,
DRN 3.959	et nec opinanti mors ad caput adstitit ante
DRN 3.960	quam satur ac plenus possis discedere rerum.
DRN 3.961	nunc aliena tua tamen aetate omnia mitte
DRN 3.962	aequo animoque, age dum, magnis concede necessis?'
DRN 3.963	iure, ut opinor, agat, iure increpet inciletque;
DRN 3.964	cedit enim rerum novitate extrusa vetustas
DRN 3.965	semper, et ex aliis aliud reparare necessest.
DRN 3.966	Nec quisquam in barathrum nec Tartara deditur atra;
DRN 3.967	materies opus est, ut crescant postera saecla;
DRN 3.968	quae tamen omnia te vita perfuncta sequentur;
DRN 3.969	nec minus ergo ante haec quam tu cecidere cadentque.
DRN 3.970	sic alid ex alio numquam desistet oriri
DRN 3.971	vitaque mancipio nulli datur, omnibus usu.
DRN 3.972	respice item quam nil ad nos ante acta vetustas
DRN 3.973	temporis aeterni fuerit, quam nascimur ante.
DRN 3.974	hoc igitur speculum nobis natura futuri
DRN 3.975	temporis exponit post mortem denique nostram.
DRN 3.976	numquid ibi horribile apparet, num triste videtur
DRN 3.977	quicquam, non omni somno securius exstat?
DRN 3.978	Atque ea ni mirum quae cumque Acherunte profundo
DRN 3.979	prodita sunt esse, in vita sunt omnia nobis.
DRN 3.980	nec miser inpendens magnum timet aereaëre saxum
DRN 3.981	Tantalus, ut famast, cassa formidine torpens;
DRN 3.982	sed magis in vita divom metus urget inanis
DRN 3.983	mortalis casumque timent quem cuique ferat fors.
DRN 3.984	nec Tityon volucres ineunt Acherunte iacentem
DRN 3.985	nec quod sub magno scrutentur pectore quicquam
DRN 3.986	perpetuam aetatem possunt reperire profecto.
DRN 3.987	quam libet immani proiectu corporis exstet,
DRN 3.988	qui non sola novem dispessis iugera membris
DRN 3.989	optineat, sed qui terrai totius orbem,
DRN 3.990	non tamen aeternum poterit perferre dolorem
DRN 3.991	nec praebere cibum proprio de corpore semper.
DRN 3.992	sed Tityos nobis hic est, in amore iacentem
DRN 3.993	quem volucres lacerant atque exest anxius angor
DRN 3.994	aut alia quavis scindunt cuppedine curae.
DRN 3.995	Sisyphus in vita quoque nobis ante oculos est,
DRN 3.996	qui petere a populo fasces saevasque secures
DRN 3.997	imbibit et semper victus tristisque recedit.
DRN 3.998	nam petere imperium, quod inanest nec datur umquam,
DRN 3.999	atque in eo semper durum sufferre laborem,
DRN 3.1000	hoc est adverso nixantem trudere monte
DRN 3.1001	saxum, quod tamen e summo iam vertice rusum
DRN 3.1002	volvitur et plani raptim petit aequora campi.
DRN 3.1003	deinde animi ingratam naturam pascere semper
DRN 3.1004	atque explere bonis rebus satiareque numquam,
DRN 3.1005	quod faciunt nobis annorum tempora, circum
DRN 3.1006	cum redeunt fetusque ferunt variosque lepores,
DRN 3.1007	nec tamen explemur vitai fructibus umquam,
DRN 3.1008	hoc, ut opinor, id est, aevo florente puellas
DRN 3.1009	quod memorant laticem pertusum congerere in vas,
DRN 3.1010	quod tamen expleri nulla ratione potestur.
DRN 3.1011	Cerberus et Furiae iam vero et lucis egestas,
DRN 3.1012	Tartarus horriferos eructans faucibus aestus!
DRN 3.1013	qui neque sunt usquam nec possunt esse profecto;
DRN 3.1014	sed metus in vita poenarum pro male factis
DRN 3.1015	est insignibus insignis scelerisque luela,
DRN 3.1016	carcer et horribilis de saxo iactus deorsum,
DRN 3.1017	verbera carnifices robur pix lammina taedae;
DRN 3.1018	quae tamen etsi absunt, at mens sibi conscia factis
DRN 3.1019	praemetuens adhibet stimulos torretque flagellis,
DRN 3.1020	nec videt interea qui terminus esse malorum
DRN 3.1021	possit nec quae sit poenarum denique finis,
DRN 3.1022	atque eadem metuit magis haec ne in morte gravescant.
DRN 3.1023	hic Acherusia fit stultorum denique vita.
DRN 3.1024	Hoc etiam tibi tute interdum dicere possis.
DRN 3.1025	'lumina sis oculis etiam bonus Ancus reliquit,
DRN 3.1026	qui melior multis quam tu fuit, improbe, rebus.
DRN 3.1027	inde alii multi reges rerumque potentes
DRN 3.1028	occiderunt, magnis qui gentibus imperitarunt.
DRN 3.1029	ille quoque ipse, viam qui quondam per mare magnum
DRN 3.1030	stravit iterque dedit legionibus ire per altum
DRN 3.1031	ac pedibus salsas docuit super ire lucunas
DRN 3.1032	et contempsit equis insultans murmura ponti,
DRN 3.1033	lumine adempto animam moribundo corpore fudit.
DRN 3.1034	Scipiadas, belli fulmen, Carthaginis horror,
DRN 3.1035	ossa dedit terrae proinde ac famul infimus esset.
DRN 3.1036	adde repertores doctrinarum atque leporum,
DRN 3.1037	adde Heliconiadum comites; quorum unus Homerus
DRN 3.1038	sceptra potitus eadem aliis sopitus quietest.
DRN 3.1039	denique Democritum post quam matura vetustas
DRN 3.1040	admonuit memores motus languescere mentis,
DRN 3.1041	sponte sua leto caput obvius optulit ipse.
DRN 3.1042	ipse Epicurus obit decurso lumine vitae,
DRN 3.1043	qui genus humanum ingenio superavit et omnis
DRN 3.1044	restinxit stellas exortus ut aetherius sol.
DRN 3.1045	tu vero dubitabis et indignabere obire?
DRN 3.1046	mortua cui vita est prope iam vivo atque videnti,
DRN 3.1047	qui somno partem maiorem conteris aevi,
DRN 3.1048	et viligans stertis nec somnia cernere cessas
DRN 3.1049	sollicitamque geris cassa formidine mentem
DRN 3.1050	nec reperire potes tibi quid sit saepe mali, cum
DRN 3.1051	ebrius urgeris multis miser undique curis
DRN 3.1052	atque animo incerto fluitans errore vagaris.'
DRN 3.1053	Si possent homines, proinde ac sentire videntur
DRN 3.1054	pondus inesse animo, quod se gravitate fatiget,
DRN 3.1055	e quibus id fiat causis quoque noscere et unde
DRN 3.1056	tanta mali tam quam moles in pectore constet,
DRN 3.1057	haut ita vitam agerent, ut nunc plerumque videmus
DRN 3.1058	quid sibi quisque velit nescire et quaerere semper,
DRN 3.1059	commutare locum, quasi onus deponere possit.
DRN 3.1060	exit saepe foras magnis ex aedibus ille,
DRN 3.1061	esse domi quem pertaesumst, subitoque revertit,
DRN 3.1062	quippe foris nihilo melius qui sentiat esse.
DRN 3.1063	currit agens mannos ad villam praecipitanter
DRN 3.1064	auxilium tectis quasi ferre ardentibus instans;
DRN 3.1065	oscitat extemplo, tetigit cum limina villae,
DRN 3.1066	aut abit in somnum gravis atque oblivia quaerit,
DRN 3.1067	aut etiam properans urbem petit atque revisit.
DRN 3.1068	hoc se quisque modo fugit, at quem scilicet, ut fit,
DRN 3.1069	effugere haut potis est: ingratius haeret et odit
DRN 3.1070	propterea, morbi quia causam non tenet aeger;
DRN 3.1071	quam bene si videat, iam rebus quisque relictis
DRN 3.1072	naturam primum studeat cognoscere rerum,
DRN 3.1073	temporis aeterni quoniam, non unius horae,
DRN 3.1074	ambigitur status, in quo sit mortalibus omnis
DRN 3.1075	aetas, post mortem quae restat cumque manendo.
DRN 3.1076	Denique tanto opere in dubiis trepidare periclis
DRN 3.1077	quae mala nos subigit vitai tanta cupido?
DRN 3.1078	certe equidem finis vitae mortalibus adstat
DRN 3.1079	nec devitari letum pote, quin obeamus.
DRN 3.1080	praeterea versamur ibidem atque insumus usque
DRN 3.1081	nec nova vivendo procuditur ulla voluptas;
DRN 3.1082	sed dum abest quod avemus, id exsuperare videtur
DRN 3.1083	cetera; post aliud, cum contigit illud, avemus
DRN 3.1084	et sitis aequa tenet vitai semper hiantis.
DRN 3.1085	posteraque in dubiost fortunam quam vehat aetas,
DRN 3.1086	quidve ferat nobis casus quive exitus instet.
DRN 3.1087	nec prorsum vitam ducendo demimus hilum
DRN 3.1088	tempore de mortis nec delibare valemus,
DRN 3.1089	quo minus esse diu possimus forte perempti.
DRN 3.1090	proinde licet quod vis vivendo condere saecla,
DRN 3.1091	mors aeterna tamen nihilo minus illa manebit,
DRN 3.1092	nec minus ille diu iam non erit, ex hodierno
DRN 3.1093	lumine qui finem vitai fecit, et ille,
DRN 3.1094	mensibus atque annis qui multis occidit ante.
DRN 4.1	Avia Pieridum peragro loca nullius ante
DRN 4.2	trita solo. iuvat integros accedere fontis
DRN 4.3	atque haurire, iuvatque novos decerpere flores
DRN 4.4	insignemque meo capiti petere inde coronam,
DRN 4.5	unde prius nulli velarint tempora musae;
DRN 4.6	primum quod magnis doceo de rebus et artis
DRN 4.7	religionum animum nodis exsolvere pergo,
DRN 4.8	deinde quod obscura de re tam lucida pango
DRN 4.9	carmina musaeo contingens cuncta lepore.
DRN 4.10	id quoque enim non ab nulla ratione videtur;
DRN 4.11	nam vel uti pueris absinthia taetra medentes
DRN 4.12	cum dare conantur, prius oras pocula circum
DRN 4.13	contingunt mellis dulci flavoque liquore,
DRN 4.14	ut puerorum aetas inprovida ludificetur
DRN 4.15	labrorum tenus, interea perpotet amarum
DRN 4.16	absinthi laticem deceptaque non capiatur,
DRN 4.17	sed potius tali facto recreata valescat,
DRN 4.18	sic ego nunc, quoniam haec ratio plerumque videtur
DRN 4.19	tristior esse quibus non est tractata, retroque
DRN 4.20	volgus abhorret ab hac, volui tibi suaviloquenti
DRN 4.21	carmine Pierio rationem exponere nostram
DRN 4.22	et quasi musaeo dulci contingere melle;
DRN 4.23	si tibi forte animum tali ratione tenere
DRN 4.24	versibus in nostris possem, dum percipis omnem
DRN 4.25	naturam rerum ac persentis utilitatem.
DRN 4.26	Sed quoniam docui cunctarum exordia rerum
DRN 4.27	qualia sint et quam variis distantia formis
DRN 4.28	sponte sua volitent aeterno percita motu
DRN 4.29	quoque modo possit res ex his quaeque creari,
DRN 4.30	nunc agere incipiam tibi quod vehementer ad has res
DRN 4.31	attinet esse ea quae rerum simulacra vocamus,
DRN 4.32	quae quasi membranae vel cortex nominitandast,
DRN 4.33	atque animi quoniam docui natura quid esset
DRN 4.34	et quibus e rebus cum corpore compta vigeret
DRN 4.35	quove modo distracta rediret in ordia prima,
DRN 4.36	nunc agere incipiam tibi, quod vehementer ad has res
DRN 4.37	attinet esse ea quae rerum simulacra vocamus,
DRN 4.38	quod speciem ac formam similem gerit eius imago,
DRN 4.39	cuius cumque cluet de corpore fusa vagari;
DRN 4.40	quae quasi membranae summo de corpore rerum
DRN 4.41	dereptae volitant ultroque citroque per auras,
DRN 4.42	atque eadem nobis vigilantibus obvia mentes
DRN 4.43	terrificant atque in somnis, cum saepe figuras
DRN 4.44	contuimur miras simulacraque luce carentum,
DRN 4.45	quae nos horrifice languentis saepe sopore
DRN 4.46	excierunt ne forte animas Acherunte reamur
DRN 4.47	effugere aut umbras inter vivos volitare
DRN 4.48	neve aliquid nostri post mortem posse relinqui,
DRN 4.49	cum corpus simul atque animi natura perempta
DRN 4.50	in sua discessum dederint primordia quaeque.
DRN 4.51	dico igitur rerum effigias tenuisque figuras
DRN 4.52	mittier ab rebus summo de cortice eorum;
DRN 4.53	id licet hinc quamvis hebeti cognoscere corde.
DRN 4.54	Principio quoniam mittunt in rebus apertis
DRN 4.55	corpora res multae, partim diffusa solute,
DRN 4.56	robora ceu fumum mittunt ignesque vaporem,
DRN 4.57	et partim contexta magis condensaque, ut olim
DRN 4.58	cum teretis ponunt tunicas aestate cicadae,
DRN 4.59	et vituli cum membranas de corpore summo
DRN 4.60	nascentes mittunt, et item cum lubrica serpens
DRN 4.61	exuit in spinis vestem; nam saepe videmus
DRN 4.62	illorum spoliis vepres volitantibus auctas.
DRN 4.63	quae quoniam fiunt, tenuis quoque debet imago
DRN 4.64	ab rebus mitti summo de corpore rerum.
DRN 4.65	nam cur illa cadant magis ab rebusque recedant
DRN 4.66	quam quae tenvia sunt, hiscendist nulla potestas;
DRN 4.67	praesertim cum sint in summis corpora rebus
DRN 4.68	multa minuta, iaci quae possint ordine eodem
DRN 4.69	quo fuerint et formai servare figuram,
DRN 4.70	et multo citius, quanto minus indupediri
DRN 4.71	pauca queunt et quae sunt prima fronte locata.
DRN 4.72	nam certe iacere ac largiri multa videmus,
DRN 4.73	non solum ex alto penitusque, ut diximus ante,
DRN 4.74	verum de summis ipsum quoque saepe colorem.
DRN 4.75	et volgo faciunt id lutea russaque vela
DRN 4.76	et ferrugina, cum magnis intenta theatris
DRN 4.77	per malos volgata trabesque trementia flutant;
DRN 4.78	namque ibi consessum caveai supter et omnem
DRN 4.79	scaenai speciem patrum matrumque deorsum
DRN 4.80	inficiunt coguntque suo fluitare colore.
DRN 4.81	et quanto circum mage sunt inclusa theatri
DRN 4.82	moenia, tam magis haec intus perfusa lepore
DRN 4.83	omnia conrident correpta luce diei.
DRN 4.84	ergo lintea de summo cum corpore fucum
DRN 4.85	mittunt, effigias quoque debent mittere tenvis
DRN 4.86	res quaeque, ex summo quoniam iaculantur utraque.
DRN 4.87	sunt igitur iam formarum vestigia certa,
DRN 4.88	quae volgo volitant subtili praedita filo
DRN 4.89	nec singillatim possunt secreta videri.
DRN 4.90	Praeterea omnis odor fumus vapor atque aliae res
DRN 4.91	consimiles ideo diffusae rebus abundant,
DRN 4.92	ex alto quia dum veniunt extrinsecus ortae
DRN 4.93	scinduntur per iter flexum, nec recta viarum
DRN 4.94	ostia sunt, qua contendant exire coortae.
DRN 4.95	at contra tenuis summi membrana coloris
DRN 4.96	cum iacitur, nihil est quod eam discerpere possit,
DRN 4.97	in promptu quoniam est in prima fronte locata.
DRN 4.98	Postremo speculis in aqua splendoreque in omni
DRN 4.99	quae cumque apparent nobis simulacra, necessest,
DRN 4.100	quandoquidem simili specie sunt praedita rerum,
DRN 4.101	exin imaginibus missis consistere eorum.
DRN 4.102	nam cur illa cadant magis ab rebusque recedant
DRN 4.103	quam quae tenuia sunt, hiscendist nulla potestas.
DRN 4.104	sunt igitur tenues formarum illis similesque
DRN 4.105	effigiae, singillatim quas cernere nemo
DRN 4.106	cum possit, tamen adsiduo crebroque repulsu
DRN 4.107	reiectae reddunt speculorum ex aequore visum,
DRN 4.108	nec ratione alia servari posse videntur,
DRN 4.109	tanto opere ut similes reddantur cuique figurae.
DRN 4.110	Nunc age, quam tenui natura constet imago
DRN 4.111	percipe. et in primis, quoniam primordia tantum
DRN 4.112	sunt infra nostros sensus tantoque minora
DRN 4.113	quam quae primum oculi coeptant non posse tueri,
DRN 4.114	nunc tamen id quoque uti confirmem, exordia rerum
DRN 4.115	cunctarum quam sint subtilia percipe paucis.
DRN 4.116	primum animalia sunt iam partim tantula, corum
DRN 4.117	tertia pars nulla possit ratione videri.
DRN 4.118	horum intestinum quodvis quale esse putandumst!
DRN 4.119	quid cordis globus aut oculi? quid membra? quid artus?
DRN 4.120	quantula sunt! quid praeterea primordia quaeque,
DRN 4.121	unde anima atque animi constet natura necessumst,
DRN 4.122	nonne vides quam sint subtilia quamque minuta?
DRN 4.123	praeterea quaecumque suo de corpore odorem
DRN 4.124	expirant acrem, panaces absinthia taetra
DRN 4.125	habrotonique graves et tristia centaurea,
DRN 4.126	quorum unum quidvis leviter si forte duobus
DRN 4.127	quin potius noscas rerum simulacra vagari
DRN 4.128	multa modis multis, nulla vi cassaque sensu?
DRN 4.129	Sed ne forte putes ea demum sola vagari,
DRN 4.130	quae cumque ab rebus rerum simulacra recedunt,
DRN 4.131	sunt etiam quae sponte sua gignuntur et ipsa
DRN 4.132	constituuntur in hoc caelo, qui dicitur aer,
DRN 4.133	quae multis formata modis sublime feruntur,
DRN 4.134	ut nubes facile inter dum concrescere in alto
DRN 4.135	cernimus et mundi speciem violare serenam
DRN 4.136	aeraaëra mulcentes motu; nam saepe Gigantum
DRN 4.137	ora volare videntur et umbram ducere late,
DRN 4.138	inter dum magni montes avolsaque saxa
DRN 4.139	montibus ante ire et solem succedere praeter,
DRN 4.140	inde alios trahere atque inducere belua nimbos.
DRN 4.141	nec speciem mutare suam liquentia cessant
DRN 4.142	et cuiusque modi formarum vertere in oras.
DRN 4.143	Nunc ea quam facili et celeri ratione genantur
DRN 4.144	perpetuoque fluant ab rebus lapsaque cedant
DRN 4.145	semper enim summum quicquid de rebus abundat,
DRN 4.146	quod iaculentur. et hoc alias cum pervenit in res,
DRN 4.147	transit, ut in primis vestem; sed ubi aspera saxa
DRN 4.148	aut in materiam ligni pervenit, ibi iam
DRN 4.149	scinditur, ut nullum simulacrum reddere possit.
DRN 4.150	at cum splendida quae constant opposta fuerunt
DRN 4.151	densaque, ut in primis speculum est, nihil accidit horum;
DRN 4.152	nam neque, uti vestem, possunt transire, neque autem
DRN 4.153	scindi; quam meminit levor praestare salutem.
DRN 4.154	qua propter fit ut hinc nobis simulacra redundent.
DRN 4.155	et quamvis subito quovis in tempore quamque
DRN 4.156	rem contra speculum ponas, apparet imago;
DRN 4.157	perpetuo fluere ut noscas e corpore summo
DRN 4.158	texturas rerum tenuis tenuisque figuras.
DRN 4.159	ergo multa brevi spatio simulacra genuntur,
DRN 4.160	ut merito celer his rebus dicatur origo.
DRN 4.161	et quasi multa brevi spatio summittere debet
DRN 4.162	lumina sol, ut perpetuo sint omnia plena,
DRN 4.163	sic ab rebus item simili ratione necessest
DRN 4.164	temporis in puncto rerum simulacra ferantur
DRN 4.165	multa modis multis in cunctas undique partis;
DRN 4.166	quandoquidem speculum quo cumque obvertimus oris,
DRN 4.167	res ibi respondent simili forma atque colore.
DRN 4.168	Praeterea modo cum fuerit liquidissima caeli
DRN 4.169	tempestas, perquam subito fit turbida foede,
DRN 4.170	undique uti tenebras omnis Acherunta rearis
DRN 4.171	liquisse et magnas caeli complesse cavernas.
DRN 4.172	usque adeo taetra nimborum nocte coorta
DRN 4.173	inpendent atrae Formidinis ora superne;
DRN 4.174	quorum quantula pars sit imago dicere nemost
DRN 4.175	qui possit neque eam rationem reddere dictis.
DRN 4.176	Nunc age, quam celeri motu simulacra ferantur,
DRN 4.177	et quae mobilitas ollis tranantibus auras
DRN 4.178	reddita sit, longo spatio ut brevis hora teratur,
DRN 4.179	in quem quaeque locum diverso numine tendunt,
DRN 4.180	suavidicis potius quam multis versibus edam;
DRN 4.181	parvus ut est cycni melior canor, ille gruum quam
DRN 4.182	clamor in aetheriis dispersus nubibus austri.
DRN 4.183	Principio persaepe levis res atque minutis
DRN 4.184	corporibus factas celeris licet esse videre.
DRN 4.185	in quo iam genere est solis lux et vapor eius,
DRN 4.186	propterea quia sunt e primis facta minutis,
DRN 4.187	quae quasi cuduntur perque aerisaëris intervallum
DRN 4.188	non dubitant transire sequenti concita plaga;
DRN 4.189	suppeditatur enim confestim lumine lumen
DRN 4.190	et quasi protelo stimulatur fulgere fulgur.
DRN 4.191	qua propter simulacra pari ratione necessest
DRN 4.192	inmemorabile per spatium transcurrere posse
DRN 4.193	temporis in puncto, primum quod parvola causa
DRN 4.194	est procul a tergo quae provehat atque propellat,
DRN 4.195	quod super est, ubi tam volucri levitate ferantur,
DRN 4.196	deinde quod usque adeo textura praedita rara
DRN 4.197	mittuntur, facile ut quasvis penetrare queant res
DRN 4.198	et quasi permanare per aerisaëris intervallum.
DRN 4.199	Praeterea si quae penitus corpuscula rerum
DRN 4.200	ex altoque foras mittuntur, solis uti lux
DRN 4.201	ac vapor, haec puncto cernuntur lapsa diei
DRN 4.202	per totum caeli spatium diffundere sese
DRN 4.203	perque volare mare ac terras caelumque rigare.
DRN 4.204	quid quae sunt igitur iam prima fronte parata,
DRN 4.205	cum iaciuntur et emissum res nulla moratur?
DRN 4.206	quone vides citius debere et longius ire
DRN 4.207	multiplexque loci spatium transcurrere eodem
DRN 4.208	tempore quo solis pervolgant lumina caelum?
DRN 4.209	Hoc etiam in primis specimen verum esse videtur,
DRN 4.210	quam celeri motu rerum simulacra ferantur,
DRN 4.211	quod simul ac primum sub diu splendor aquai
DRN 4.212	ponitur, extemplo caelo stellante serena
DRN 4.213	sidera respondent in aqua radiantia mundi.
DRN 4.214	iamne vides igitur quam puncto tempore imago
DRN 4.215	aetheris ex oris in terrarum accidat oras?
DRN 4.216	quare etiam atque etiam mitti fateare necessest
DRN 4.217	corpora quae feriant oculos visumque lacessant.
DRN 4.218	perpetuoque fluunt certis ab rebus odores,
DRN 4.219	frigus ut a fluviis, calor ab sole, aestus ab undis
DRN 4.220	aequoris, exesor moerorum litora circum,
DRN 4.221	nec variae cessant voces volitare per auras.
DRN 4.222	denique in os salsi venit umor saepe saporis,
DRN 4.223	cum mare versamur propter, dilutaque contra
DRN 4.224	cum tuimur misceri absinthia, tangit amaror.
DRN 4.225	usque adeo omnibus ab rebus res quaeque fluenter
DRN 4.226	fertur et in cunctas dimittitur undique partis
DRN 4.227	nec mora nec requies interdatur ulla fluendi,
DRN 4.228	perpetuo quoniam sentimus et omnia semper
DRN 4.229	cernere odorari licet et sentire sonare.
DRN 4.230	Praeterea quoniam manibus tractata figura
DRN 4.231	in tenebris quaedam cognoscitur esse eadem quae
DRN 4.232	cernitur in luce et claro candore, necessest
DRN 4.233	consimili causa tactum visumque moveri.
DRN 4.234	nunc igitur si quadratum temptamus et id nos
DRN 4.235	commovet in tenebris, in luci quae poterit res
DRN 4.236	accidere ad speciem quadrata, nisi eius imago?
DRN 4.237	esse in imaginibus qua propter causa videtur
DRN 4.238	cernundi neque posse sine his res ulla videri.
DRN 4.239	Nunc ea quae dico rerum simulacra feruntur
DRN 4.240	undique et in cunctas iaciuntur didita partis;
DRN 4.241	verum nos oculis quia solis cernere quimus,
DRN 4.242	propterea fit uti, speciem quo vertimus, omnes
DRN 4.243	res ibi eam contra feriant forma atque colore.
DRN 4.244	et quantum quaeque ab nobis res absit, imago
DRN 4.245	efficit ut videamus et internoscere curat;
DRN 4.246	nam cum mittitur, extemplo protrudit agitque
DRN 4.247	aeraaëra qui inter se cumque est oculosque locatus,
DRN 4.248	isque ita per nostras acies perlabitur omnis
DRN 4.249	et quasi perterget pupillas atque ita transit.
DRN 4.250	propterea fit uti videamus quam procul absit
DRN 4.251	res quaeque. et quanto plus aerisaëris ante agitatur
DRN 4.252	et nostros oculos perterget longior aura,
DRN 4.253	tam procul esse magis res quaeque remota videtur.
DRN 4.254	scilicet haec summe celeri ratione geruntur,
DRN 4.255	quale sit ut videamus, et una quam procul absit.
DRN 4.256	Illud in his rebus minime mirabile habendumst,
DRN 4.257	cur, ea quae feriant oculos simulacra videri
DRN 4.258	singula cum nequeant, res ipsae perspiciantur.
DRN 4.259	ventus enim quoque paulatim cum verberat et cum
DRN 4.260	acre fluit frigus, non privam quamque solemus
DRN 4.261	particulam venti sentire et frigoris eius,
DRN 4.262	sed magis unorsum, fierique perinde videmus
DRN 4.263	corpore tum plagas in nostro tam quam aliquae res
DRN 4.264	verberet atque sui det sensum corporis extra.
DRN 4.265	praeterea lapidem digito cum tundimus, ipsum
DRN 4.266	tangimus extremum saxi summumque colorem
DRN 4.267	nec sentimus eum tactu, verum magis ipsam
DRN 4.268	duritiem penitus saxi sentimus in alto.
DRN 4.269	Nunc age, cur ultra speculum videatur imago
DRN 4.270	percipe: nam certe penitus remmota videtur.
DRN 4.271	quod genus illa foris quae vere transpiciuntur,
DRN 4.272	ianua cum per se transpectum praebet apertum,
DRN 4.273	multa facitque foris ex aedibus ut videantur;
DRN 4.274	is quoque enim duplici geminoque fit aereaëre visus.
DRN 4.275	primus enim citra postes tum cernitur aeraër,
DRN 4.276	inde fores ipsae dextra laevaque secuntur,
DRN 4.277	post extraria lux oculos perterget et aeraër
DRN 4.278	alter, et illa foris quae vere transpiciuntur.
DRN 4.279	sic ubi se primum speculi proiecit imago,
DRN 4.280	dum venit ad nostras acies, protrudit agitque
DRN 4.281	aeraaëra qui inter se cumquest oculosque locatus,
DRN 4.282	et facit, ut prius hunc omnem sentire queamus
DRN 4.283	quam speculum; sed ubi in speculum quoque sensimus ipsum,
DRN 4.284	continuo a nobis in eum quae fertur imago
DRN 4.285	pervenit, et nostros oculos reiecta revisit
DRN 4.286	atque alium prae se propellens aeraaëra volvit,
DRN 4.287	et facit ut prius hunc quam se videamus, eoque
DRN 4.288	distare ab speculo tantum semota videtur.
DRN 4.289	quare etiam atque etiam minime mirarier est par
DRN 4.290	illis quae reddunt speculorum ex aequore visum,
DRN 4.291	aeribusaëribus binis quoniam res confit utraque.
DRN 4.292	Nunc ea quae nobis membrorum dextera pars est,
DRN 4.293	in speculis fit ut in laeva videatur eo quod
DRN 4.294	planitiem ad speculi veniens cum offendit imago,
DRN 4.295	non convertitur incolumis, sed recta retrorsum
DRN 4.296	sic eliditur, ut siquis, prius arida quam sit
DRN 4.297	cretea persona, adlidat pilaeve trabive,
DRN 4.298	atque ea continuo rectam si fronte figuram
DRN 4.299	servet et elisam retro sese exprimat ipsa.
DRN 4.300	fiet ut, ante oculus fuerit qui dexter, ut idem
DRN 4.301	nunc sit laevus et e laevo sit mutua dexter.
DRN 4.302	Fit quoque de speculo in speculum ut tradatur imago,
DRN 4.303	quinque etiam aut sex ut fieri simulacra suerintsuërint.
DRN 4.304	nam quae cumque retro parte interiore latebunt,
DRN 4.305	inde tamen, quamvis torte penitusque remota,
DRN 4.306	omnia per flexos aditus educta licebit
DRN 4.307	pluribus haec speculis videantur in aedibus esse.
DRN 4.308	usque adeo speculo in speculum translucet imago,
DRN 4.309	et cum laeva data est, fit rusum ut dextera fiat,
DRN 4.310	inde retro rursum redit et convertit eodem.
DRN 4.311	Quin etiam quae cumque latuscula sunt speculorum
DRN 4.312	adsimili lateris flexura praedita nostri,
DRN 4.313	dextera ea propter nobis simulacra remittunt,
DRN 4.314	aut quia de speculo in speculum transfertur imago,
DRN 4.315	inde ad nos elisa bis advolat, aut etiam quod
DRN 4.316	circum agitur, cum venit, imago propterea quod
DRN 4.317	flexa figura docet speculi convertier ad nos.
DRN 4.318	Indugredi porro pariter simulacra pedemque
DRN 4.319	ponere nobiscum credas gestumque imitari
DRN 4.320	propterea quia, de speculi qua parte recedas,
DRN 4.321	continuo nequeunt illinc simulacra reverti;
DRN 4.322	omnia quandoquidem cogit natura referri
DRN 4.323	ac resilire ab rebus ad aequos reddita flexus.
DRN 4.324	Splendida porro oculi fugitant vitantque tueri.
DRN 4.325	sol etiam caecat, contra si tendere pergas,
DRN 4.326	propterea quia vis magnast ipsius et alte
DRN 4.327	aeraaëra per purum simulacra feruntur
DRN 4.328	et feriunt oculos turbantia composituras.
DRN 4.329	Praeterea splendor qui cumque est acer adurit
DRN 4.330	saepe oculos ideo quod semina possidet ignis
DRN 4.331	multa, dolorem oculis quae gignunt insinuando.
DRN 4.332	lurida praeterea fiunt quae cumque tuentur
DRN 4.333	arquati, quia luroris de corpore eorum
DRN 4.334	semina multa fluunt simulacris obvia rerum,
DRN 4.335	multaque sunt oculis in eorum denique mixta,
DRN 4.336	quae contage sua palloribus omnia pingunt.
DRN 4.337	E tenebris autem quae sunt in luce tuemur
DRN 4.338	propterea quia, cum propior caliginis aeraër
DRN 4.339	ater init oculos prior et possedit apertos,
DRN 4.340	insequitur candens confestim lucidus aeraër,
DRN 4.341	qui quasi purgat eos ac nigras discutit umbras
DRN 4.342	aerisaëris illius; nam multis partibus hic est
DRN 4.343	mobilior multisque minutior et mage pollens.
DRN 4.344	qui simul atque vias oculorum luce replevit
DRN 4.345	atque pate fecit, quas ante obsederat aeraër
DRN 4.346	ATER, continuo rerum simulacra secuntur,
DRN 4.347	quae sita sunt in luce, lacessuntque ut videamus.
DRN 4.348	quod contra facere in tenebris e luce nequimus
DRN 4.349	propterea quia posterior caliginis aeraër
DRN 4.350	crassior insequitur, qui cuncta foramina complet
DRN 4.351	obsiditque vias oculorum, ne simulacra
DRN 4.352	possint ullarum rerum coniecta moveri.
DRN 4.353	Quadratasque procul turris cum cernimus urbis,
DRN 4.354	propterea fit uti videantur saepe rutundae,
DRN 4.355	angulus optusus quia longe cernitur omnis
DRN 4.356	sive etiam potius non cernitur ac perit eius
DRN 4.357	plaga nec ad nostras acies perlabitur ictus,
DRN 4.358	aeraaëra per multum quia dum simulacra feruntur,
DRN 4.359	cogit hebescere eum crebris offensibus aeraër.
DRN 4.360	hoc ubi suffugit sensum simul angulus omnis.
DRN 4.361	fit quasi ut ad turnum saxorum structa tuantur;
DRN 4.362	non tamen ut coram quae sunt vereque rutunda,
DRN 4.363	sed quasi adumbratim paulum simulata videntur.
DRN 4.364	Umbra videtur item nobis in sole moveri
DRN 4.365	et vestigia nostra sequi gestumque imitari,
DRN 4.366	aeraaëra si credis privatum lumine posse
DRN 4.367	indugredi, motus hominum gestumque sequentem;
DRN 4.368	nam nihil esse potest aliud nisi lumine cassus
DRN 4.369	aeraër id quod nos umbram perhibere suemussuëmus.
DRN 4.370	ni mirum, quia terra locis ex ordine certis
DRN 4.371	lumine privatur solis qua cumque meantes
DRN 4.372	officimus, repletur item quod liquimus eius,
DRN 4.373	propterea fit uti videatur, quae fuit umbra
DRN 4.374	corporis, e regione eadem nos usque secuta.
DRN 4.375	semper enim nova se radiorum lumina fundunt
DRN 4.376	primaque dispereunt, quasi in ignem lana trahatur.
DRN 4.377	propterea facile et spoliatur lumine terra
DRN 4.378	et repletur item nigrasque sibi abluit umbras.
DRN 4.379	Nec tamen hic oculos falli concedimus hilum.
DRN 4.380	nam quo cumque loco sit lux atque umbra tueri
DRN 4.381	illorum est; eadem vero sint lumina necne,
DRN 4.382	umbraque quae fuit hic eadem nunc transeat illuc,
DRN 4.383	an potius fiat paulo quod diximus ante,
DRN 4.384	hoc animi demum ratio discernere debet,
DRN 4.385	nec possunt oculi naturam noscere rerum.
DRN 4.386	proinde animi vitium hoc oculis adfingere noli.
DRN 4.387	Qua vehimur navi, fertur, cum stare videtur;
DRN 4.388	quae manet in statione, ea praeter creditur ire.
DRN 4.389	et fugere ad puppim colles campique videntur,
DRN 4.390	quos agimus praeter navem velisque volamus.
DRN 4.391	Sidera cessare aetheriis adfixa cavernis
DRN 4.392	cuncta videntur, et adsiduo sunt omnia motu,
DRN 4.393	quandoquidem longos obitus exorta revisunt,
DRN 4.394	cum permensa suo sunt caelum corpore claro.
DRN 4.395	solque pari ratione manere et luna videtur
DRN 4.396	in statione, ea quae ferri res indicat ipsa.
DRN 4.397	Exstantisque procul medio de gurgite montis
DRN 4.398	classibus inter quos liber patet exitus ingens,
DRN 4.399	insula coniunctis tamen ex his una videtur.
DRN 4.400	atria versari et circum cursare columnae
DRN 4.401	usque adeo fit uti pueris videantur, ubi ipsi
DRN 4.402	desierunt verti, vix ut iam credere possint
DRN 4.403	non supra sese ruere omnia tecta minari.
DRN 4.404	Iamque rubrum tremulis iubar ignibus erigere alte
DRN 4.405	cum coeptat natura supraque extollere montes,
DRN 4.406	quos tibi tum supra sol montis esse videtur
DRN 4.407	comminus ipse suo contingens fervidus igni,
DRN 4.408	vix absunt nobis missus bis mille sagittae,
DRN 4.409	vix etiam cursus quingentos saepe veruti;
DRN 4.410	inter eos solemque iacent immania ponti
DRN 4.411	aequora substrata aetheriis ingentibus oris,
DRN 4.412	interiectaque sunt terrarum milia multa,
DRN 4.413	quae variae retinent gentes et saecla ferarum.
DRN 4.414	At coniectus aquae digitum non altior unum,
DRN 4.415	qui lapides inter sistit per strata viarum,
DRN 4.416	despectum praebet sub terras inpete tanto,
DRN 4.417	a terris quantum caeli patet altus hiatus,
DRN 4.418	nubila despicere et caelum ut videare videre,
DRN 4.419	corpora mirande sub terras abdita caelo.
DRN 4.420	Denique ubi in medio nobis ecus acer obhaesit
DRN 4.421	flumine et in rapidas amnis despeximus undas,
DRN 4.422	stantis equi corpus transversum ferre videtur
DRN 4.423	vis et in adversum flumen contrudere raptim,
DRN 4.424	et quo cumque oculos traiecimus omnia ferri
DRN 4.425	et fluere adsimili nobis ratione videntur.
DRN 4.426	Porticus aequali quamvis est denique ductu
DRN 4.427	stansque in perpetuum paribus suffulta columnis,
DRN 4.428	longa tamen parte ab summa cum tota videtur,
DRN 4.429	paulatim trahit angusti fastigia coni,
DRN 4.430	tecta solo iungens atque omnia dextera laevis
DRN 4.431	donec in obscurum coni conduxit acumen.
DRN 4.432	In pelago nautis ex undis ortus in undis
DRN 4.433	sol fit uti videatur obire et condere lumen;
DRN 4.434	quippe ubi nil aliud nisi aquam caelumque tuentur;
DRN 4.435	ne leviter credas labefactari undique sensus.
DRN 4.436	at maris ignaris in portu clauda videntur
DRN 4.437	navigia aplustris fractis obnitier undis.
DRN 4.438	nam quae cumque supra rorem salis edita pars est
DRN 4.439	remorum, recta est, et recta superne guberna;
DRN 4.440	quae demersa liquore obeunt, refracta videntur
DRN 4.441	omnia converti sursumque supina reverti
DRN 4.442	et reflexa prope in summo fluitare liquore.
DRN 4.443	Raraque per caelum cum venti nubila portant
DRN 4.444	tempore nocturno, tum splendida signa videntur
DRN 4.445	labier adversum nimbos atque ire superne
DRN 4.446	longe aliam in partem ac vera ratione feruntur
DRN 4.447	At si forte oculo manus uni subdita supter
DRN 4.448	pressit eum, quodam sensu fit uti videantur
DRN 4.449	omnia quae tuimur fieri tum bina tuendo,
DRN 4.450	bina lucernarum florentia lumina flammis
DRN 4.451	binaque per totas aedis geminare supellex
DRN 4.452	et duplicis hominum facies et corpora bina.
DRN 4.453	Denique cum suavi devinxit membra sopore
DRN 4.454	somnus et in summa corpus iacet omne quiete,
DRN 4.455	tum vigilare tamen nobis et membra movere
DRN 4.456	nostra videmur, et in noctis caligine caeca
DRN 4.457	cernere censemus solem lumenque diurnum,
DRN 4.458	conclusoque loco caelum mare flumina montis
DRN 4.459	mutare et campos pedibus transire videmur,
DRN 4.460	et sonitus audire, severa silentia noctis
DRN 4.461	undique cum constent, et reddere dicta tacentes.
DRN 4.462	Cetera de genere hoc mirande multa videmus,
DRN 4.463	quae violare fidem quasi sensibus omnia quaerunt,
DRN 4.464	ne quiquam, quoniam pars horum maxima fallit
DRN 4.465	propter opinatus animi, quos addimus ipsi,
DRN 4.466	pro visis ut sint quae non sunt sensibus visa;
DRN 4.467	nam nihil aegrius est quam res secernere apertas
DRN 4.468	ab dubiis, animus quas ab se protinus addit.
DRN 4.469	Denique nil sciri siquis putat, id quoque nescit
DRN 4.470	an sciri possit, quoniam nil scire fatetur.
DRN 4.471	hunc igitur contra minuam contendere causam,
DRN 4.472	qui capite ipse suo in statuit vestigia sese.
DRN 4.473	et tamen hoc quoque uti concedam scire, at id ipsum
DRN 4.474	quaeram, cum in rebus veri nil viderit ante,
DRN 4.475	unde sciat quid sit scire et nescire vicissim,
DRN 4.476	notitiam veri quae res falsique crearit
DRN 4.477	et dubium certo quae res differre probarit.
DRN 4.478	invenies primis ab sensibus esse creatam
DRN 4.479	notitiem veri neque sensus posse refelli.
DRN 4.480	nam maiore fide debet reperirier illud,
DRN 4.481	sponte sua veris quod possit vincere falsa.
DRN 4.482	quid maiore fide porro quam sensus haberi
DRN 4.483	debet? an ab sensu falso ratio orta valebit
DRN 4.484	dicere eos contra, quae tota ab sensibus orta est?
DRN 4.485	qui nisi sunt veri, ratio quoque falsa fit omnis.
DRN 4.486	An poterunt oculos aures reprehendere, an aures
DRN 4.487	tactus? an hunc porro tactum sapor arguet oris,
DRN 4.488	an confutabunt nares oculive revincent?
DRN 4.489	non, ut opinor, ita est. nam seorsum cuique potestas
DRN 4.490	divisast, sua vis cuiquest, ideoque necesse est
DRN 4.491	et quod molle sit et gelidum fervensve videre
DRN 4.492	et seorsum varios rerum sentire colores
DRN 4.493	et quae cumque coloribus sint coniuncta necessest.
DRN 4.494	seorsus item sapor oris habet vim, seorsus odores
DRN 4.495	nascuntur, seorsum sonitus. ideoque necesse est
DRN 4.496	non possint alios alii convincere sensus.
DRN 4.497	nec porro poterunt ipsi reprehendere sese,
DRN 4.498	aequa fides quoniam debebit semper haberi.
DRN 4.499	proinde quod in quoquest his visum tempore, verumst.
DRN 4.500	Et si non poterit ratio dissolvere causam,
DRN 4.501	cur ea quae fuerint iuxtim quadrata, procul sint
DRN 4.502	visa rutunda, tamen praestat rationis egentem
DRN 4.503	reddere mendose causas utriusque figurae,
DRN 4.504	quam manibus manifesta suis emittere quoquam
DRN 4.505	et violare fidem primam et convellere tota
DRN 4.506	fundamenta quibus nixatur vita salusque.
DRN 4.507	non modo enim ratio ruat omnis, vita quoque ipsa
DRN 4.508	concidat extemplo, nisi credere sensibus ausis
DRN 4.509	praecipitisque locos vitare et cetera quae sint
DRN 4.510	in genere hoc fugienda, sequi contraria quae sint.
DRN 4.511	illa tibi est igitur verborum copia cassa
DRN 4.512	omnis, quae contra sensus instructa paratast.
DRN 4.513	Denique ut in fabrica, si pravast regula prima,
DRN 4.514	normaque si fallax rectis regionibus exit,
DRN 4.515	et libella aliqua si ex parti claudicat hilum,
DRN 4.516	omnia mendose fieri atque obstipa necessu est
DRN 4.517	prava cubantia prona supina atque absona tecta,
DRN 4.518	iam ruere ut quaedam videantur velle, ruantque
DRN 4.519	prodita iudiciis fallacibus omnia primis,
DRN 4.520	sic igitur ratio tibi rerum prava necessest
DRN 4.521	falsaque sit, falsis quae cumque ab sensibus ortast.
DRN 4.522	Nunc alii sensus quo pacto quisque suam rem
DRN 4.523	sentiat, haud quaquam ratio scruposa relicta est.
DRN 4.524	Principio auditur sonus et vox omnis, in auris
DRN 4.525	insinuata suo pepulere ubi corpore sensum.
DRN 4.526	corpoream quoque enim vocem constare fatendumst
DRN 4.527	et sonitum, quoniam possunt inpellere sensus.
DRN 4.528	Praeterea radit vox fauces saepe facitque
DRN 4.529	asperiora foras gradiens arteria clamor,
DRN 4.530	quippe per angustum turba maiore coorta
DRN 4.531	ire foras ubi coeperunt primordia vocum.
DRN 4.532	scilicet expletis quoque ianua raditur oris.
DRN 4.533	haud igitur dubiumst quin voces verbaque constent
DRN 4.534	corporeis e principiis, ut laedere possint.
DRN 4.535	nec te fallit item quid corporis auferat et quid
DRN 4.536	detrahat ex hominum nervis ac viribus ipsis
DRN 4.537	perpetuus sermo nigrai noctis ad umbram
DRN 4.538	aurorae perductus ab exoriente nitore,
DRN 4.539	praesertim si cum summost clamore profusus.
DRN 4.540	ergo corpoream vocem constare necessest,
DRN 4.541	multa loquens quoniam amittit de corpore partem.
DRN 4.542	Asperitas autem vocis fit ab asperitate
DRN 4.543	principiorum et item levor levore creatur;
DRN 4.544	nec simili penetrant auris primordia forma,
DRN 4.545	cum tuba depresso graviter sub murmure mugit
DRN 4.546	et reboat raucum retro cita barbita bombum,
DRN 4.547	et iam Dauliades natae hortis ex Heliconis
DRN 4.548	cum liquidam tollunt lugubri voce querellam.
DRN 4.549	Hasce igitur penitus voces cum corpore nostro
DRN 4.550	exprimimus rectoque foras emittimus ore,
DRN 4.551	mobilis articulat nervorum daedala lingua,
DRN 4.552	formaturaque labrorum pro parte figurat.
DRN 4.553	hoc ubi non longum spatiumst unde illa profecta
DRN 4.554	perveniat vox quaeque, necessest verba quoque ipsa
DRN 4.555	plane exaudiri discernique articulatim;
DRN 4.556	servat enim formaturam servatque figuram.
DRN 4.557	at si inter positum spatium sit longius aequo,
DRN 4.558	aeraaëra per multum confundi verba necessest
DRN 4.559	et conturbari vocem, dum transvolat auras.
DRN 4.560	ergo fit, sonitum ut possis sentire neque illam
DRN 4.561	internoscere, verborum sententia quae sit;
DRN 4.562	usque adeo confusa venit vox inque pedita.
DRN 4.563	Praeterea verbum saepe unum perciet auris
DRN 4.564	omnibus in populo missum praeconis ab ore.
DRN 4.565	in multas igitur voces vox una repente
DRN 4.566	diffugit, in privas quoniam se dividit auris
DRN 4.567	obsignans formam verbis clarumque sonorem.
DRN 4.568	at quae pars vocum non auris incidit ipsas,
DRN 4.569	praeter lata perit frustra diffusa per auras.
DRN 4.570	pars solidis adlisa locis reiecta sonorem
DRN 4.571	reddit et inter dum frustratur imagine verbi.
DRN 4.572	Quae bene cum videas, rationem reddere possis
DRN 4.573	tute tibi atque aliis, quo pacto per loca sola
DRN 4.574	saxa paris formas verborum ex ordine reddant.
DRN 4.575	palantis comites com montis inter opacos
DRN 4.576	quaerimus et magna dispersos voce ciemus.
DRN 4.577	sex etiam aut septem loca vidi reddere vocis,
DRN 4.578	unam cum iaceres: ita colles collibus ipsi
DRN 4.579	verba repulsantes iterabant dicta referri.
DRN 4.580	haec loca capripedes Satyros Nymphasque tenere
DRN 4.581	finitimi fingunt et Faunos esse locuntur,
DRN 4.582	quorum noctivago strepitu ludoque iocanti
DRN 4.583	adfirmant volgo taciturna silentia rumpi
DRN 4.584	chordarumque sonos fieri dulcisque querellas,
DRN 4.585	tibia quas fundit digitis pulsata canentum,
DRN 4.586	et genus agricolum late sentiscere, quom Pan
DRN 4.587	pinea semiferi capitis velamina quassans
DRN 4.588	unco saepe labro calamos percurrit hiantis,
DRN 4.589	fistula silvestrem ne cesset fundere musam.
DRN 4.590	cetera de genere hoc monstra ac portenta loquontur,
DRN 4.591	ne loca deserta ab divis quoque forte putentur
DRN 4.592	sola tenere. ideo iactant miracula dictis
DRN 4.593	aut aliqua ratione alia ducuntur, ut omne
DRN 4.594	humanum genus est avidum nimis auricularum.
DRN 4.595	Quod super est, non est mirandum qua ratione,
DRN 4.596	per loca quae nequeunt oculi res cernere apertas,
DRN 4.597	haec loca per voces veniant aurisque lacessant,
DRN 4.598	conloquium clausis foribus quoque saepe videmus;
DRN 4.599	ni mirum quia vox per flexa foramina rerum
DRN 4.600	incolumis transire potest, simulacra renutant;
DRN 4.601	perscinduntur enim, nisi recta foramina tranant,
DRN 4.602	qualia sunt vitrei, species qua travolat omnis.
DRN 4.603	praeterea partis in cunctas dividitur vox,
DRN 4.604	ex aliis aliae quoniam gignuntur, ubi una
DRN 4.605	dissuluit semel in multas exorta, quasi ignis
DRN 4.606	saepe solet scintilla suos se spargere in ignis.
DRN 4.607	ergo replentur loca vocibus abdita retro,
DRN 4.608	omnia quae circum fervunt sonituque cientur.
DRN 4.609	at simulacra viis derectis omnia tendunt,
DRN 4.610	ut sunt missa semel; qua propter cernere nemo
DRN 4.611	saepe supra potis est, at voces accipere extra.
DRN 4.612	et tamen ipsa quoque haec, dum transit clausa domorum
DRN 4.613	vox optunditur atque auris confusa penetrat
DRN 4.614	et sonitum potius quam verba audire videmur.
DRN 4.615	Hoc, qui sentimus sucum, lingua atque palatum
DRN 4.616	plusculum habent in se rationis, plus operai.
DRN 4.617	principio sucum sentimus in ore, cibum cum
DRN 4.618	mandendo exprimimus, ceu plenam spongiam aquai
DRN 4.619	siquis forte manu premere ac siccare coepitcoëpit.
DRN 4.620	inde quod exprimimus per caulas omne palati
DRN 4.621	diditur et rarae per flexa foramina linguae,
DRN 4.622	hoc ubi levia sunt manantis corpora suci,
DRN 4.623	suaviter attingunt et suaviter omnia tractant
DRN 4.624	umida linguai circum sudantia templa;
DRN 4.625	at contra pungunt sensum lacerantque coorta,
DRN 4.626	quanto quaeque magis sunt asperitate repleta.
DRN 4.627	deinde voluptas est e suco fine palati;
DRN 4.628	cum vero deorsum per fauces praecipitavit,
DRN 4.629	nulla voluptas est, dum diditur omnis in artus;
DRN 4.630	nec refert quicquam quo victu corpus alatur,
DRN 4.631	dum modo quod capias concoctum didere possis
DRN 4.632	artubus et stomachi tumidum servare tenorem.
DRN 4.633	Nunc aliis alius qui sit cibus ut videamus,
DRN 4.634	expediam, quareve, aliis quod triste et amarumst,
DRN 4.635	hoc tamen esse aliis possit perdulce videri,
DRN 4.636	tantaque in his rebus distantia differitasque est,
DRN 4.637	ut quod aliis cibus est aliis fuat acre venenum;
DRN 4.638	est itaque ut serpens, hominis quae tacta salivis
DRN 4.639	disperit ac sese mandendo conficit ipsa.
DRN 4.640	praeterea nobis veratrum est acre venenum,
DRN 4.641	at capris adipes et cocturnicibus auget.
DRN 4.642	id quibus ut fiat rebus cognoscere possis,
DRN 4.643	principio meminisse decet quae diximus ante,
DRN 4.644	semina multimodis in rebus mixta teneri.
DRN 4.645	porro omnes quae cumque cibum capiunt animantes,
DRN 4.646	ut sunt dissimiles extrinsecus et generatim
DRN 4.647	extima membrorum circumcaesura coercetcoërcet,
DRN 4.648	proinde et seminibus constant variantque figura.
DRN 4.649	semina cum porro distent, differre necessest
DRN 4.650	intervalla viasque, foramina quae perhibemus,
DRN 4.651	omnibus in membris et in ore ipsoque palato.
DRN 4.652	esse minora igitur quaedam maioraque debent,
DRN 4.653	esse triquetra aliis, aliis quadrata necessest,
DRN 4.654	multa rutunda, modis multis multangula quaedam.
DRN 4.655	namque figurarum ratio ut motusque reposcunt,
DRN 4.656	proinde foraminibus debent differe figurae
DRN 4.657	et variare viae proinde ac textura coercetcoërcet.
DRN 4.658	hoc ubi quod suave est aliis aliis fit amarum,
DRN 4.659	illi, cui suave est, levissima corpora debent
DRN 4.660	contractabiliter caulas intrare palati,
DRN 4.661	at contra quibus est eadem res intus acerba,
DRN 4.662	aspera ni mirum penetrant hamataque fauces.
DRN 4.663	nunc facile est ex his rebus cognoscere quaeque.
DRN 4.664	quippe ubi cui febris bili superante coorta est
DRN 4.665	aut alia ratione aliquast vis excita morbi,
DRN 4.666	perturbatur ibi iam totum corpus et omnes
DRN 4.667	commutantur ibi positurae principiorum;
DRN 4.668	fit prius ad sensum ut quae corpora conveniebant
DRN 4.669	nunc non conveniant, et cetera sint magis apta,
DRN 4.670	quae penetrata queunt sensum progignere acerbum;
DRN 4.671	utraque enim sunt in mellis commixta sapore;
DRN 4.672	id quod iam supera tibi saepe ostendimus ante.
DRN 4.673	Nunc age, quo pacto naris adiectus odoris
DRN 4.674	tangat agam. primum res multas esse necessest
DRN 4.675	unde fluens volvat varius se fluctus odorum,
DRN 4.676	et fluere et mitti volgo spargique putandumst;
DRN 4.677	verum aliis alius magis est animantibus aptus,
DRN 4.678	dissimilis propter formas. ideoque per auras
DRN 4.679	mellis apes quamvis longe ducuntur odore,
DRN 4.680	volturiique cadaveribus; tum fissa ferarum
DRN 4.681	ungula quo tulerit gressum promissa canum vis
DRN 4.682	ducit, et humanum longe praesentit odorem
DRN 4.683	Romulidarum arcis servator, candidus anser.
DRN 4.684	sic aliis alius nidor datus ad sua quemque
DRN 4.685	pabula ducit et a taetro resilire veneno
DRN 4.686	cogit, eoque modo servantur saecla ferarum.
DRN 4.687	Hic odor ipse igitur, naris qui cumque lacessit,
DRN 4.688	est alio ut possit permitti longius alter;
DRN 4.689	sed tamen haud quisquam tam longe fertur eorum
DRN 4.690	quam sonitus, quam vox, mitto iam dicere quam res
DRN 4.691	quae feriunt oculorum acies visumque lacessunt.
DRN 4.692	errabundus enim tarde venit ac perit ante
DRN 4.693	paulatim facilis distractus in aerisaëris auras;
DRN 4.694	ex alto primum quia vix emittitur ex re;
DRN 4.695	nam penitus fluere atque recedere rebus odores
DRN 4.696	significat quod fracta magis redolere videntur
DRN 4.697	omnia, quod contrita, quod igni conlabefacta.
DRN 4.698	deinde videre licet maioribus esse creatum
DRN 4.699	principiis quam vox, quoniam per saxea saepta
DRN 4.700	non penetrat, qua vox volgo sonitusque feruntur.
DRN 4.701	quare etiam quod olet non tam facile esse videbis
DRN 4.702	investigare in qua sit regione locatum;
DRN 4.703	refrigescit enim cunctando plaga per auras
DRN 4.704	nec calida ad sensum decurrunt nuntia rerum.
DRN 4.705	errant saepe canes itaque et vestigia quaerunt.
DRN 4.706	Nec tamen hoc solis in odoribus atque saporum
DRN 4.707	in generest, sed item species rerum atque colores
DRN 4.708	non ita conveniunt ad sensus omnibus omnes,
DRN 4.709	ut non sint aliis quaedam magis acria visu.
DRN 4.710	quin etiam gallum noctem explaudentibus alis
DRN 4.711	auroram clara consuetum voce vocare,
DRN 4.712	noenu queunt rapidi contra constare leones
DRN 4.713	inque tueri: ita continuo meminere fugai.
DRN 4.714	ni mirum quia sunt gallorum in corpore quaedam
DRN 4.715	semina, quae cum sunt oculis inmissa leonum,
DRN 4.716	pupillas interfodiunt acremque dolorem
DRN 4.717	praebent, ut nequeant contra durare feroces,
DRN 4.718	cum tamen haec nostras acies nil laedere possint,
DRN 4.719	aut quia non penetrant aut quod penetrantibus illis
DRN 4.720	exitus ex oculis liber datur, in remorando
DRN 4.721	laedere ne possint ex ulla lumina parte.
DRN 4.722	Nunc age, quae moveant animum res accipe, et unde
DRN 4.723	quae veniunt veniant in mentem percipe paucis.
DRN 4.724	principio hoc dico, rerum simulacra vagari
DRN 4.725	multa modis multis in cunctas undique partis
DRN 4.726	tenvia, quae facile inter se iunguntur in auris,
DRN 4.727	obvia cum veniunt, ut aranea bratteaque auri.
DRN 4.728	quippe etenim multo magis haec sunt tenvia textu
DRN 4.729	quam quae percipiunt oculos visumque lacessunt,
DRN 4.730	corporis haec quoniam penetrant per rara cientque
DRN 4.731	tenvem animi naturam intus sensumque lacessunt.
DRN 4.732	Centauros itaque et Scyllarum membra videmus
DRN 4.733	Cerbereasque canum facies simulacraque eorum
DRN 4.734	quorum morte obita tellus amplectitur ossa;
DRN 4.735	omnigenus quoniam passim simulacra feruntur,
DRN 4.736	partim sponte sua quae fiunt aereaëre in ipso,
DRN 4.737	partim quae variis ab rebus cumque recedunt
DRN 4.738	et quae confiunt ex horum facta figuris.
DRN 4.739	nam certe ex vivo Centauri non fit imago,
DRN 4.740	nulla fuit quoniam talis natura animata;
DRN 4.741	verum ubi equi atque hominis casu convenit imago,
DRN 4.742	haerescit facile extemplo, quod diximus ante,
DRN 4.743	propter subtilem naturam et tenvia texta.
DRN 4.744	cetera de genere hoc eadem ratione creantur.
DRN 4.745	quae cum mobiliter summa levitate feruntur,
DRN 4.746	ut prius ostendi, facile uno commovet ictu
DRN 4.747	quae libet una animum nobis subtilis imago;
DRN 4.748	tenvis enim mens est et mire mobilis ipsa.
DRN 4.749	haec fieri ut memoro, facile hinc cognoscere possis.
DRN 4.750	quatinus hoc simile est illi, quod mente videmus
DRN 4.751	atque oculis, simili fieri ratione necessest.
DRN 4.752	Nunc igitur docui quoniam me forte leonum
DRN 4.753	cernere per simulacra, oculos quae cumque lacessunt,
DRN 4.754	scire licet mentem simili ratione moveri
DRN 4.755	per simulacra leonum et cetera quae videt aeque
DRN 4.756	nec minus atque oculi, nisi quod mage tenvia cernit.
DRN 4.757	nec ratione alia, cum somnus membra profudit,
DRN 4.758	mens animi vigilat, nisi quod simulacra lacessunt
DRN 4.759	haec eadem nostros animos quae cum vigilamus,
DRN 4.760	usque adeo, certe ut videamur cernere eum quem
DRN 4.761	rellicta vita iam mors et terra potitast.
DRN 4.762	hoc ideo fieri cogit natura, quod omnes
DRN 4.763	corporis offecti sensus per membra quiescunt
DRN 4.764	nec possunt falsum veris convincere rebus.
DRN 4.765	praeterea meminisse iacet languetque sopore,
DRN 4.766	nec dissentit eum mortis letique potitum
DRN 4.767	iam pridem, quem mens vivom se cernere credit.
DRN 4.768	quod super est, non est mirum simulacra moveri
DRN 4.769	bracchiaque in numerum iactare et cetera membra;
DRN 4.770	nam fit ut in somnis facere hoc videatur imago.
DRN 4.771	quippe, ubi prima perit alioque est altera nata
DRN 4.772	inde statu, prior hic gestum mutasse videtur.
DRN 4.773	scilicet id fieri celeri ratione putandumst:
DRN 4.774	tanta est mobilitas et rerum copia tanta
DRN 4.775	tantaque sensibili quovis est tempore in uno
DRN 4.776	copia particularum, ut possit suppeditare.
DRN 4.777	Multaque in his rebus quaeruntur multaque nobis
DRN 4.778	clarandumst, plane si res exponere avemus.
DRN 4.779	quaeritur in primis quare, quod cuique libido
DRN 4.780	venerit, extemplo mens cogitet eius id ipsum.
DRN 4.781	anne voluntatem nostram simulacra tuentur
DRN 4.782	et simul ac volumus nobis occurrit imago,
DRN 4.783	si mare, si terram cordist, si denique caelum?
DRN 4.784	conventus hominum, pompam, convivia, pugnas,
DRN 4.785	omnia sub verbone creat natura paratque?
DRN 4.786	cum praesertim aliis eadem in regione locoque
DRN 4.787	longe dissimilis animus res cogitet omnis.
DRN 4.788	quid porro, in numerum procedere cum simulacra
DRN 4.789	cernimus in somnis et mollia membra movere,
DRN 4.790	mollia mobiliter cum alternis bracchia mittunt
DRN 4.791	et repetunt oculis gestum pede convenienti?
DRN 4.792	scilicet arte madent simulacra et docta vagantur,
DRN 4.793	nocturno facere ut possint in tempore ludos.
DRN 4.794	an magis illud erit verum? quia tempore in uno,
DRN 4.795	cum sentimus, id est cum vox emittitur una,
DRN 4.796	tempora multa latent, ratio quae comperit esse,
DRN 4.797	propterea fit uti quovis in tempore quaeque
DRN 4.798	praesto sint simulacra locis in quisque parata.
DRN 4.799	tanta est mobilitas et rerum copia tanta.
DRN 4.800	hoc ubi prima perit alioque est altera nata
DRN 4.801	inde statu, prior hic gestum mutasse videtur.
DRN 4.802	et quia tenvia sunt, nisi quae contendit, acute
DRN 4.803	cernere non potis est animus; proinde omnia quae sunt
DRN 4.804	praeterea pereunt, nisi quae ex sese ipse paravit.
DRN 4.805	ipse parat sese porro speratque futurum
DRN 4.806	ut videat quod consequitur rem quamque: fit ergo.
DRN 4.807	nonne vides oculos etiam, cum tenvia quae sunt
DRN 4.808	praeterea pereunt, nisi quae ex se ipse paravit
DRN 4.809	cernere coeperunt, contendere se atque parare,
DRN 4.810	nec sine eo fieri posse ut cernamus acute?
DRN 4.811	et tamen in rebus quoque apertis noscere possis,
DRN 4.812	si non advertas animum, proinde esse quasi omni
DRN 4.813	tempore semotum fuerit longeque remotum.
DRN 4.814	cur igitur mirumst, animus si cetera perdit
DRN 4.815	praeter quam quibus est in rebus deditus ipse?
DRN 4.816	deinde adopinamur de signis maxima parvis
DRN 4.817	ac nos in fraudem induimus frustraminis ipsi.
DRN 4.818	Fit quoque ut inter dum non suppeditetur imago
DRN 4.819	eiusdem generis, sed femina quae fuit ante,
DRN 4.820	in manibus vir uti factus videatur adesse,
DRN 4.821	aut alia ex alia facies aetasque sequatur.
DRN 4.822	quod ne miremur sopor atque oblivia curant.
DRN 4.823	Illud in his rebus vitium vehementer ainesseäinesse
DRN 4.824	effugere errorem vitareque praemetuenter,
DRN 4.825	lumina ne facias oculorum clara creata,
DRN 4.826	prospicere ut possimus, et ut proferre queamus
DRN 4.827	proceros passus, ideo fastigia posse
DRN 4.828	surarum ac feminum pedibus fundata plicari,
DRN 4.829	bracchia tum porro validis ex apta lacertis
DRN 4.830	esse manusque datas utraque ex parte ministras,
DRN 4.831	ut facere ad vitam possemus quae foret usus.
DRN 4.832	cetera de genere hoc inter quae cumque pretantur,
DRN 4.833	omnia perversa praepostera sunt ratione,
DRN 4.834	nil ideo quoniam natumst in corpore ut uti
DRN 4.835	possemus, sed quod natumst id procreat usum.
DRN 4.836	nec fuit ante videre oculorum lumina nata,
DRN 4.837	nec dictis orare prius quam lingua creatast,
DRN 4.838	sed potius longe linguae praecessit origo
DRN 4.839	sermonem multoque creatae sunt prius aures
DRN 4.840	quam sonus est auditus, et omnia denique membra
DRN 4.841	ante fuere, ut opinor, eorum quam foret usus;
DRN 4.842	haud igitur potuere utendi crescere causa.
DRN 4.843	at contra conferre manu certamina pugnae
DRN 4.844	et lacerare artus foedareque membra cruore
DRN 4.845	ante fuit multo quam lucida tela volarent,
DRN 4.846	et volnus vitare prius natura coegitcoëgit
DRN 4.847	quam daret obiectum parmai laeva per artem.
DRN 4.848	scilicet et fessum corpus mandare quieti
DRN 4.849	multo antiquius est quam lecti mollia strata,
DRN 4.850	et sedare sitim prius est quam pocula natum.
DRN 4.851	haec igitur possunt utendi cognita causa
DRN 4.852	credier, ex usu quae sunt vitaque reperta.
DRN 4.853	illa quidem seorsum sunt omnia, quae prius ipsa
DRN 4.854	nata dedere suae post notitiam utilitatis.
DRN 4.855	quo genere in primis sensus et membra videmus;
DRN 4.856	quare etiam atque etiam procul est ut credere possis
DRN 4.857	utilitatis ob officium potuisse creari.
DRN 4.858	Illud item non est mirandum, corporis ipsa
DRN 4.859	quod natura cibum quaerit cuiusque animantis.
DRN 4.860	quippe etenim fluere atque recedere corpora rebus
DRN 4.861	multa modis multis docui, sed plurima debent
DRN 4.862	ex animalibus; quae quia sunt exercita motu,
DRN 4.863	multa per os exhalantur, cum languida anhelant,
DRN 4.864	multaque per sudorem ex alto pressa feruntur.
DRN 4.865	his igitur rebus rarescit corpus et omnis
DRN 4.866	subruitur natura, dolor quam consequitur rem.
DRN 4.867	propterea capitur cibus, ut suffulciat artus
DRN 4.868	et recreet vires inter datus, atque patentem
DRN 4.869	per membra ac venas ut amorem opturet edendi.
DRN 4.870	umor item discedit in omnia quae loca cumque
DRN 4.871	poscunt umorem; glomerataque multa vaporis
DRN 4.872	corpora, quae stomacho praebent incendia nostro,
DRN 4.873	dissupat adveniens liquor ac restinguit ut ignem,
DRN 4.874	urere ne possit calor amplius aridus artus.
DRN 4.875	sic igitur tibi anhela sitis de corpore nostro
DRN 4.876	abluitur, sic expletur ieiuna cupido.
DRN 4.877	Nunc qui fiat uti passus proferre queamus,
DRN 4.878	cum volumus, quareque datum sit membra movere
DRN 4.879	et quae res tantum hoc oneris protrudere nostri
DRN 4.880	corporis insuerit, dicam: tu percipe dicta.
DRN 4.881	dico animo nostro primum simulacra meandi
DRN 4.882	accidere atque animum pulsare, ut diximus ante.
DRN 4.883	inde voluntas fit; neque enim facere incipit ullam
DRN 4.884	rem quisquam, quam mens providit quid velit ante.
DRN 4.885	id quod providet, illius rei constat imago,
DRN 4.886	ergo animus cum sese ita commovet ut velit ire
DRN 4.887	inque gredi, ferit extemplo quae in corpore toto
DRN 4.888	per membra atque artus animai dissita vis est;
DRN 4.889	et facilest factu, quoniam coniuncta tenetur.
DRN 4.890	inde ea proporro corpus ferit, atque ita tota
DRN 4.891	paulatim moles protruditur atque movetur.
DRN 4.892	praeterea tum rarescit quoque corpus et aeraër,
DRN 4.893	scilicet ut debet qui semper mobilis extat,
DRN 4.894	per patefacta venit penetratque foramina largus,
DRN 4.895	et dispargitur ad partis ita quasque minutas
DRN 4.896	corporis. hic igitur rebus fit utrimque duabus,
DRN 4.897	corpus ut ac navis velis ventoque feratur.
DRN 4.898	nec tamen illud in his rebus mirabile constat,
DRN 4.899	tantula quod tantum corpus corpuscula possunt
DRN 4.900	contorquere et onus totum convertere nostrum;
DRN 4.901	quippe etenim ventus subtili corpore tenvis
DRN 4.902	trudit agens magnam magno molimine navem
DRN 4.903	et manus una regit quanto vis impete euntem
DRN 4.904	atque gubernaclum contorquet quo libet unum,
DRN 4.905	multaque per trocleas et tympana pondere magno
DRN 4.906	commovet atque levi sustollit machina nisu.
DRN 4.907	Nunc quibus ille modis somnus per membra quietem
DRN 4.908	inriget atque animi curas e pectore solvat,
DRN 4.909	suavidicis potius quom multis versibus edam,
DRN 4.910	parvus ut est cycni melior canor, ille gruum quam
DRN 4.911	clamor in aetheriis dispersus nubibus austri.
DRN 4.912	tu mihi da tenuis auris animumque sagacem,
DRN 4.913	ne fieri negites quae dicam posse retroque
DRN 4.914	vera repulsanti discedas pectore dicta,
DRN 4.915	tutemet in culpa cum sis neque cernere possis.
DRN 4.916	Principio somnus fit ubi est distracta per artus
DRN 4.917	vis animae partimque foras eiecta recessit
DRN 4.918	et partim contrusa magis concessit in altum;
DRN 4.919	dissoluuntur enim tum demum membra fluuntque.
DRN 4.920	nam dubium non est, animai quin opera sit
DRN 4.921	sensus hic in nobis, quem cum sopor inpedit esse,
DRN 4.922	tum nobis animam perturbatam esse putandumst
DRN 4.923	eiectamque foras, non omnem; namque iaceret
DRN 4.924	aeterno corpus perfusum frigore leti.
DRN 4.925	quippe ubi nulla latens animai pars remaneret
DRN 4.926	in membris, cinere ut multa latet obrutus ignis,
DRN 4.927	unde reconflari sensus per membra repente
DRN 4.928	possit, ut ex igni caeco consurgere flamma?
DRN 4.929	Sed quibus haec rebus novitas confiat et unde
DRN 4.930	perturbari anima et corpus languescere possit,
DRN 4.931	expediam: tu fac ne ventis verba profundam.
DRN 4.932	Principio externa corpus de parte necessum est,
DRN 4.933	aeriisaëriis quoniam vicinum tangitur auris,
DRN 4.934	tundier atque eius crebro pulsarier ictu,
DRN 4.935	proptereaque fere res omnes aut corio sunt
DRN 4.936	aut etiam conchis aut callo aut cortice tectae.
DRN 4.937	interiorem etiam partem spirantibus aeraër
DRN 4.938	verberat hic idem, cum ducitur atque reflatur.
DRN 4.939	quare utrimque secus cum corpus vapulet et cum
DRN 4.940	perveniant plagae per parva foramina nobis
DRN 4.941	corporis ad primas partis elementaque prima,
DRN 4.942	fit quasi paulatim nobis per membra ruina.
DRN 4.943	conturbantur enim positurae principiorum
DRN 4.944	corporis atque animi. fit uti pars inde animai
DRN 4.945	eliciatur et introrsum pars abdita cedat,
DRN 4.946	pars etiam distracta per artus non queat esse
DRN 4.947	coniuncta inter se neque motu mutua fungi;
DRN 4.948	inter enim saepit coetus natura viasque.
DRN 4.949	ergo sensus abit mutatis motibus alte.
DRN 4.950	et quoniam non est quasi quod suffulciat artus,
DRN 4.951	debile fit corpus languescuntque omnia membra,
DRN 4.952	bracchia palpebraeque cadunt poplitesque cubanti
DRN 4.953	saepe tamen summittuntur virisque resolvunt.
DRN 4.954	Deinde cibum sequitur somnus, quia, quae facit aeraër,
DRN 4.955	haec eadem cibus, in venas dum diditur omnis,
DRN 4.956	efficit. et multo sopor ille gravissimus exstat,
DRN 4.957	quem satur aut lassus capias, quia plurima tum se
DRN 4.958	corpora conturbant magno contusa labore.
DRN 4.959	fit ratione eadem coniectus parte animai
DRN 4.960	altior atque foras eiectus largior eius,
DRN 4.961	et divisior inter se ac distractior intus.
DRN 4.962	Et quo quisque fere studio devinctus adhaeret
DRN 4.963	aut quibus in rebus multum sumus ante morati
DRN 4.964	atque in ea ratione fuit contenta magis mens,
DRN 4.965	in somnis eadem plerumque videmur obire:
DRN 4.966	causidici causas agere et componere leges,
DRN 4.967	induperatores pugnare ac proelia obire,
DRN 4.968	nautae contractum cum ventis degere bellum,
DRN 4.969	nos agere hoc autem et naturam quaerere rerum
DRN 4.970	semper et inventam patriis exponere chartis.
DRN 4.971	cetera sic studia atque artes plerumque videntur
DRN 4.972	in somnis animos hominum frustrata tenere.
DRN 4.973	et qui cumque dies multos ex ordine ludis
DRN 4.974	adsiduas dederunt operas, plerumque videmus,
DRN 4.975	cum iam destiterunt ea sensibus usurpare,
DRN 4.976	relicuas tamen esse vias in mente patentis,
DRN 4.977	qua possint eadem rerum simulacra venire;
DRN 4.978	per multos itaque illa dies eadem obversantur
DRN 4.979	ante oculos, etiam vigilantes ut videantur
DRN 4.980	cernere saltantis et mollia membra moventis
DRN 4.981	et citharae liquidum carmen chordasque loquentis
DRN 4.982	auribus accipere et consessum cernere eundem
DRN 4.983	scenaique simul varios splendere decores.
DRN 4.984	usque adeo magni refert studium atque voluntas,
DRN 4.985	et quibus in rebus consuerint esse operati
DRN 4.986	non homines solum sed vero animalia cuncta.
DRN 4.987	quippe videbis equos fortis, cum membra iacebunt,
DRN 4.988	in somnis sudare tamen spirareque semper
DRN 4.989	et quasi de palma summas contendere viris
DRN 4.990	aut quasi carceribus patefactis edere voces
DRN 4.991	venantumque canes in molli saepe quiete
DRN 4.992	iactant crura tamen subito vocisque repente
DRN 4.993	mittunt et crebro redducunt naribus auras.
DRN 4.994	ut vestigia si teneant inventa ferarum,
DRN 4.995	expergefactique secuntur inania saepe
DRN 4.996	cervorum simulacra, fugae quasi dedita cernant,
DRN 4.997	donec discussis redeant erroribus ad se.
DRN 4.998	at consueta domi catulorum blanda propago
DRN 4.999	discutere et corpus de terra corripere instant,
DRN 4.1000	iactant crura tamen subito vocisque repente
DRN 4.1001	mittunt et crebro redducunt naribus auras
DRN 4.1002	ut vestigia si teneant inventa ferarum
DRN 4.1003	expergefactique secuntur inania saepe
DRN 4.1004	proinde quasi ignotas facies atque ora tuantur.
DRN 4.1005	et quo quaeque magis sunt aspera seminiorum,
DRN 4.1006	tam magis in somnis eadem saevire necessust.
DRN 4.1007	at variae fugiunt volucres pinnisque repente
DRN 4.1008	sollicitant divom nocturno tempore lucos,
DRN 4.1009	accipitres somno in leni si proelia pugnas
DRN 4.1010	edere sunt persectantes visaeque volantes.
DRN 4.1011	porro hominum mentes, magnis quae motibus edunt
DRN 4.1012	magna, itidem saepe in somnis faciuntque geruntque,
DRN 4.1013	reges expugnant, capiuntur, proelia miscent,
DRN 4.1014	tollunt clamorem, quasi si iugulentur ibidem.
DRN 4.1015	multi depugnant gemitusque doloribus edunt
DRN 4.1016	et quasi pantherae morsu saevive leonis
DRN 4.1017	mandantur, magnis clamoribus omnia complent.
DRN 4.1018	multi de magnis per somnum rebus loquuntur
DRN 4.1019	indicioque sui facti persaepe fuere.
DRN 4.1020	multi mortem obeunt. multi, de montibus altis
DRN 4.1021	ut quasi praecipitent ad terram corpore toto,
DRN 4.1022	exterruntur et ex somno quasi mentibus capti
DRN 4.1023	vix ad se redeunt permoti corporis aestu.
DRN 4.1024	flumen item sitiens aut fontem propter amoenum
DRN 4.1025	adsidet et totum prope faucibus occupat amnem.
DRN 4.1026	puri saepe lacum propter si ac dolia curta
DRN 4.1027	somno devincti credunt se extollere vestem,
DRN 4.1028	totius umorem saccatum corporis fundunt,
DRN 4.1029	cum Babylonica magnifico splendore rigantur.
DRN 4.1030	tum quibus aetatis freta primitus insinuatur
DRN 4.1031	semen, ubi ipsa dies membris matura creavit,
DRN 4.1032	conveniunt simulacra foris e corpore quoque,
DRN 4.1033	nuntia praeclari voltus pulchrique coloris,
DRN 4.1034	qui ciet inritans loca turgida semine multo,
DRN 4.1035	ut quasi transactis saepe omnibus rebus profundant
DRN 4.1036	fluminis ingentis fluctus vestemque cruentent.
DRN 4.1037	Sollicitatur id in nobis, quod diximus ante,
DRN 4.1038	semen, adulta aetas cum primum roborat artus.
DRN 4.1039	namque alias aliud res commovet atque lacessit;
DRN 4.1040	ex homine humanum semen ciet una hominis vis.
DRN 4.1041	quod simul atque suis eiectum sedibus exit,
DRN 4.1042	per membra atque artus decedit corpore toto,
DRN 4.1043	in loca conveniens nervorum certa cietque
DRN 4.1044	continuo partis genitalis corporis ipsas.
DRN 4.1045	inritata tument loca semine fitque voluntas
DRN 4.1046	eicere id quo se contendit dira lubido,
DRN 4.1047	incitat inritans loca turgida semine multo
DRN 4.1048	idque petit corpus, mens unde est saucia amore;
DRN 4.1049	namque omnes plerumque cadunt in vulnus et illam
DRN 4.1050	emicat in partem sanguis, unde icimur ictu,
DRN 4.1051	et si comminus est, hostem ruber occupat umor.
DRN 4.1052	sic igitur Veneris qui telis accipit ictus,
DRN 4.1053	sive puer membris muliebribus hunc iaculatur
DRN 4.1054	seu mulier toto iactans e corpore amorem,
DRN 4.1055	unde feritur, eo tendit gestitque coire
DRN 4.1056	et iacere umorem in corpus de corpore ductum;
DRN 4.1057	namque voluptatem praesagit muta cupido.
DRN 4.1058	Haec Venus est nobis; hinc autemst nomen Amoris,
DRN 4.1059	hinc illaec primum Veneris dulcedinis in cor
DRN 4.1060	stillavit gutta et successit frigida cura;
DRN 4.1061	nam si abest quod ames, praesto simulacra tamen sunt
DRN 4.1062	illius et nomen dulce obversatur ad auris.
DRN 4.1063	sed fugitare decet simulacra et pabula amoris
DRN 4.1064	absterrere sibi atque alio convertere mentem
DRN 4.1065	et iacere umorem coniectum in corpora quaeque
DRN 4.1066	nec retinere semel conversum unius amore
DRN 4.1067	et servare sibi curam certumque dolorem;
DRN 4.1068	ulcus enim vivescit et inveterascit alendo
DRN 4.1069	inque dies gliscit furor atque aerumna gravescit,
DRN 4.1070	si non prima novis conturbes volnera plagis
DRN 4.1071	volgivagaque vagus Venere ante recentia cures
DRN 4.1072	aut alio possis animi traducere motus.
DRN 4.1073	Nec Veneris fructu caret is qui vitat amorem,
DRN 4.1074	sed potius quae sunt sine poena commoda sumit;
DRN 4.1075	nam certe purast sanis magis inde voluptas
DRN 4.1076	quam miseris; etenim potiundi tempore in ipso
DRN 4.1077	fluctuat incertis erroribus ardor amantum
DRN 4.1078	nec constat quid primum oculis manibusque fruantur.
DRN 4.1079	quod petiere, premunt arte faciuntque dolorem
DRN 4.1080	corporis et dentes inlidunt saepe labellis
DRN 4.1081	osculaque adfigunt, quia non est pura voluptas
DRN 4.1082	et stimuli subsunt, qui instigant laedere id ipsum,
DRN 4.1083	quod cumque est, rabies unde illaec germina surgunt.
DRN 4.1084	sed leviter poenas frangit Venus inter amorem
DRN 4.1085	blandaque refrenat morsus admixta voluptas.
DRN 4.1086	namque in eo spes est, unde est ardoris origo,
DRN 4.1087	restingui quoque posse ab eodem corpore flammam.
DRN 4.1088	quod fieri contra totum natura repugnat;
DRN 4.1089	unaque res haec est, cuius quam plurima habemus,
DRN 4.1090	tam magis ardescit dira cuppedine pectus.
DRN 4.1091	nam cibus atque umor membris adsumitur intus;
DRN 4.1092	quae quoniam certas possunt obsidere partis,
DRN 4.1093	hoc facile expletur laticum frugumque cupido.
DRN 4.1094	ex hominis vero facie pulchroque colore
DRN 4.1095	nil datur in corpus praeter simulacra fruendum
DRN 4.1096	tenvia; quae vento spes raptast saepe misella.
DRN 4.1097	ut bibere in somnis sitiens quom quaerit et umor
DRN 4.1098	non datur, ardorem qui membris stinguere possit,
DRN 4.1099	sed laticum simulacra petit frustraque laborat
DRN 4.1100	in medioque sitit torrenti flumine potans,
DRN 4.1101	sic in amore Venus simulacris ludit amantis,
DRN 4.1102	nec satiare queunt spectando corpora coram
DRN 4.1103	nec manibus quicquam teneris abradere membris
DRN 4.1104	possunt errantes incerti corpore toto.
DRN 4.1105	denique cum membris conlatis flore fruuntur
DRN 4.1106	aetatis, iam cum praesagit gaudia corpus
DRN 4.1107	atque in eost Venus ut muliebria conserat arva,
DRN 4.1108	adfigunt avide corpus iunguntque salivas
DRN 4.1109	oris et inspirant pressantes dentibus ora,
DRN 4.1110	ne quiquam, quoniam nihil inde abradere possunt
DRN 4.1111	nec penetrare et abire in corpus corpore toto;
DRN 4.1112	nam facere inter dum velle et certare videntur.
DRN 4.1113	usque adeo cupide in Veneris compagibus haerent,
DRN 4.1114	membra voluptatis dum vi labefacta liquescunt.
DRN 4.1115	tandem ubi se erupit nervis coniecta cupido,
DRN 4.1116	parva fit ardoris violenti pausa parumper.
DRN 4.1117	inde redit rabies eadem et furor ille revisit,
DRN 4.1118	cum sibi quod cupiant ipsi contingere quaerunt,
DRN 4.1119	nec reperire malum id possunt quae machina vincat.
DRN 4.1120	usque adeo incerti tabescunt volnere caeco.
DRN 4.1121	Adde quod absumunt viris pereuntque labore,
DRN 4.1122	adde quod alterius sub nutu degitur aetas,
DRN 4.1123	languent officia atque aegrotat fama vacillans.
DRN 4.1124	labitur interea res et Babylonia fiunt
DRN 4.1125	unguenta et pulchra in pedibus Sicyonia rident,
DRN 4.1126	scilicet et grandes viridi cum luce zmaragdi
DRN 4.1127	auro includuntur teriturque thalassina vestis
DRN 4.1128	adsidue et Veneris sudorem exercita potat.
DRN 4.1129	et bene parta patrum fiunt anademata, mitrae,
DRN 4.1130	inter dum in pallam atque Alidensia Ciaque vertunt.
DRN 4.1131	eximia veste et victu convivia, ludi,
DRN 4.1132	pocula crebra, unguenta, coronae, serta parantur,
DRN 4.1133	ne quiquam, quoniam medio de fonte leporum
DRN 4.1134	surgit amari aliquid, quod in ipsis floribus angat,
DRN 4.1135	aut cum conscius ipse animus se forte remordet
DRN 4.1136	desidiose agere aetatem lustrisque perire,
DRN 4.1137	aut quod in ambiguo verbum iaculata reliquit,
DRN 4.1138	quod cupido adfixum cordi vivescit ut ignis,
DRN 4.1139	aut nimium iactare oculos aliumve tueri
DRN 4.1140	quod putat in voltuque videt vestigia risus.
DRN 4.1141	Atque in amore mala haec proprio summeque secundo
DRN 4.1142	inveniuntur; in adverso vero atque inopi sunt,
DRN 4.1143	prendere quae possis oculorum lumine operto.
DRN 4.1144	innumerabilia; ut melius vigilare sit ante,
DRN 4.1145	qua docui ratione, cavereque, ne inliciaris.
DRN 4.1146	nam vitare, plagas in amoris ne iaciamur,
DRN 4.1147	non ita difficile est quam captum retibus ipsis
DRN 4.1148	exire et validos Veneris perrumpere nodos.
DRN 4.1149	et tamen implicitus quoque possis inque peditus
DRN 4.1150	effugere infestum, nisi tute tibi obvius obstes
DRN 4.1151	et praetermittas animi vitia omnia primum
DRN 4.1152	aut quae corporis sunt eius, quam praepetis ac vis.
DRN 4.1153	nam faciunt homines plerumque cupidine caeci
DRN 4.1154	et tribuunt ea quae non sunt his commoda vere.
DRN 4.1155	multimodis igitur pravas turpisque videmus
DRN 4.1156	esse in deliciis summoque in honore vigere.
DRN 4.1157	atque alios alii inrident Veneremque suadent
DRN 4.1158	ut placent, quoniam foedo adflictentur amore,
DRN 4.1159	nec sua respiciunt miseri mala maxima saepe.
DRN 4.1160	nigra melichrus est, inmunda et fetida acosmos,
DRN 4.1161	caesia Palladium, nervosa et lignea dorcas,
DRN 4.1162	parvula, pumilio, chariton mia, tota merum sal,
DRN 4.1163	magna atque inmanis cataplexis plenaque honoris.
DRN 4.1164	balba loqui non quit, traulizi, muta pudens est;
DRN 4.1165	at flagrans, odiosa, loquacula Lampadium fit.
DRN 4.1166	ischnon eromenion tum fit, cum vivere non quit
DRN 4.1167	prae macie; rhadine verost iam mortua tussi.
DRN 4.1168	at nimia et mammosa Ceres est ipsa ab Iaccho,
DRN 4.1169	simula Silena ac Saturast, labeosa philema.
DRN 4.1170	cetera de genere hoc longum est si dicere coner.
DRN 4.1171	sed tamen esto iam quantovis oris honore,
DRN 4.1172	cui Veneris membris vis omnibus exoriatur;
DRN 4.1173	nempe aliae quoque sunt; nempe hac sine viximus ante;
DRN 4.1174	nempe eadem facit et scimus facere omnia turpi
DRN 4.1175	et miseram taetris se suffit odoribus ipsa,
DRN 4.1176	quam famulae longe fugitant furtimque cachinnant.
DRN 4.1177	at lacrimans exclusus amator limina saepe
DRN 4.1178	floribus et sertis operit postisque superbos
DRN 4.1179	unguit amaracino et foribus miser oscula figit;
DRN 4.1180	quem si iam ammissum venientem offenderit aura
DRN 4.1181	una modo, causas abeundi quaerat honestas
DRN 4.1182	et meditata diu cadat alte sumpta querella
DRN 4.1183	stultitiaque ibi se damnet, tribuisse quod illi
DRN 4.1184	plus videat quam mortali concedere par est.
DRN 4.1185	nec Veneres nostras hoc fallit; quo magis ipsae
DRN 4.1186	omnia summo opere hos vitae poscaenia celant,
DRN 4.1187	quos retinere volunt adstrictosque esse in amore,
DRN 4.1188	ne quiquam, quoniam tu animo tamen omnia possis
DRN 4.1189	protrahere in lucem atque omnis inquirere risus
DRN 4.1190	et, si bello animost et non odiosa, vicissim
DRN 4.1191	praetermittere et humanis concedere rebus.
DRN 4.1192	Nec mulier semper ficto suspirat amore,
DRN 4.1193	quae conplexa viri corpus cum corpore iungit
DRN 4.1194	et tenet adsuctis umectans oscula labris;
DRN 4.1195	nam facit ex animo saepe et communia quaerens
DRN 4.1196	gaudia sollicitat spatium decurrere amoris.
DRN 4.1197	nec ratione alia volucres armenta feraeque
DRN 4.1198	et pecudes et equae maribus subsidere possent,
DRN 4.1199	si non, ipsa quod illarum subat, ardet abundans
DRN 4.1200	natura et Venerem salientum laeta retractat.
DRN 4.1201	nonne vides etiam quos mutua saepe voluptas
DRN 4.1202	vinxit, ut in vinclis communibus excrucientur,
DRN 4.1203	in triviis cum saepe canes discedere aventis
DRN 4.1204	divorsi cupide summis ex viribus tendunt,
DRN 4.1205	quom interea validis Veneris compagibus haerent?
DRN 4.1206	quod facerent numquam, nisi mutua gaudia nossent,
DRN 4.1207	quae iacere in fraudem possent vinctosque tenere.
DRN 4.1208	quare etiam atque etiam, ut dico, est communis voluptas.
DRN 4.1209	Et commiscendo quom semine forte virilem
DRN 4.1210	femina vim vicit subita vi corripuitque,
DRN 4.1211	tum similes matrum materno semine fiunt,
DRN 4.1212	ut patribus patrio. sed quos utriusque figurae
DRN 4.1213	esse vides, iuxtim miscentes vulta parentum,
DRN 4.1214	corpore de patrio et materno sanguine crescunt,
DRN 4.1215	semina cum Veneris stimulis excita per artus
DRN 4.1216	obvia conflixit conspirans mutuus ardor,
DRN 4.1217	et neque utrum superavit eorum nec superatumst.
DRN 4.1218	fit quoque ut inter dum similes existere avorum
DRN 4.1219	possint et referant proavorum saepe figuras,
DRN 4.1220	propterea quia multa modis primordia multis
DRN 4.1221	mixta suo celant in corpore saepe parentis,
DRN 4.1222	quae patribus patres tradunt a stirpe profecta.
DRN 4.1223	inde Venus varia producit sorte figuras,
DRN 4.1224	maiorumque refert voltus vocesque comasque;
DRN 4.1225	quandoquidem nihilo magis haec de semine certo
DRN 4.1226	fiunt quam facies et corpora membraque nobis.
DRN 4.1227	et muliebre oritur patrio de semine saeclum
DRN 4.1228	maternoque mares existunt corpore creti;
DRN 4.1229	semper enim partus duplici de semine constat,
DRN 4.1230	atque utri similest magis id quod cumque creatur,
DRN 4.1231	eius habet plus parte aequa; quod cernere possis,
DRN 4.1232	sive virum suboles sivest muliebris origo.
DRN 4.1233	Nec divina satum genitalem numina cuiquam
DRN 4.1234	absterrent, pater a gnatis ne dulcibus umquam
DRN 4.1235	appelletur et ut sterili Venere exigat aevom;
DRN 4.1236	quod plerumque putant et multo sanguine maesti
DRN 4.1237	conspergunt aras adolentque altaria donis,
DRN 4.1238	ut gravidas reddant uxores semine largo;
DRN 4.1239	ne quiquam divom numen sortisque fatigant;
DRN 4.1240	nam steriles nimium crasso sunt semine partim,
DRN 4.1241	et liquido praeter iustum tenuique vicissim.
DRN 4.1242	tenve locis quia non potis est adfigere adhaesum,
DRN 4.1243	liquitur extemplo et revocatum cedit abortu.
DRN 4.1244	crassius hinc porro quoniam concretius aequo
DRN 4.1245	mittitur, aut non tam prolixo provolat ictu
DRN 4.1246	aut penetrare locos aeque nequit aut penetratum
DRN 4.1247	aegre admiscetur muliebri semine semen.
DRN 4.1248	nam multum harmoniae Veneris differre videntur.
DRN 4.1249	atque alias alii complent magis ex aliisque
DRN 4.1250	succipiunt aliae pondus magis inque gravescunt.
DRN 4.1251	et multae steriles Hymenaeis ante fuerunt
DRN 4.1252	pluribus et nactae post sunt tamen unde puellos
DRN 4.1253	suscipere et partu possent ditescere dulci.
DRN 4.1254	et quibus ante domi fecundae saepe nequissent
DRN 4.1255	uxoris parere, inventast illis quoque compar
DRN 4.1256	natura, ut possent gnatis munire senectam.
DRN 4.1257	usque adeo magni refert, ut semina possint
DRN 4.1258	seminibus commisceri genitaliter apta
DRN 4.1259	crassaque conveniant liquidis et liquida crassis.
DRN 4.1260	atque in eo refert quo victu vita colatur;
DRN 4.1261	namque aliis rebus concrescunt semina membris
DRN 4.1262	atque aliis extenvantur tabentque vicissim.
DRN 4.1263	et quibus ipsa modis tractetur blanda voluptas.
DRN 4.1264	id quoque permagni refert; nam more ferarum
DRN 4.1265	quadrupedumque magis ritu plerumque putantur
DRN 4.1266	concipere uxores, quia sic loca sumere possunt
DRN 4.1267	pectoribus positis sublatis semina lumbis.
DRN 4.1268	nec molles opus sunt motus uxoribus hilum.
DRN 4.1269	nam mulier prohibet se concipere atque repugnat,
DRN 4.1270	clunibus ipsa viri Venerem si laeta retractat
DRN 4.1271	atque exossato ciet omni pectore fluctus;
DRN 4.1272	eicit enim sulcum recta regione viaque
DRN 4.1273	vomeris atque locis avertit seminis ictum.
DRN 4.1274	idque sua causa consuerunt scorta moveri,
DRN 4.1275	ne complerentur crebro gravidaeque iacerent,
DRN 4.1276	et simul ipsa viris Venus ut concinnior esset;
DRN 4.1277	coniugibus quod nil nostris opus esse videtur.
DRN 4.1278	Nec divinitus inter dum Venerisque sagittis
DRN 4.1279	deteriore fit ut forma muliercula ametur;
DRN 4.1280	nam facit ipsa suis inter dum femina factis
DRN 4.1281	morigerisque modis et munde corpore culto,
DRN 4.1282	ut facile insuescat secum te degere vitam.
DRN 4.1283	quod super est, consuetudo concinnat amorem;
DRN 4.1284	nam leviter quamvis quod crebro tunditur ictu,
DRN 4.1285	vincitur in longo spatio tamen atque labascit.
DRN 4.1286	nonne vides etiam guttas in saxa cadentis
DRN 4.1287	umoris longo in spatio pertundere saxa?
DRN 5.1	Quis potis est dignum pollenti pectore carmen
DRN 5.2	condere pro rerum maiestate hisque repertis?
DRN 5.3	quisve valet verbis tantum, qui fingere laudes
DRN 5.4	pro meritis eius possit, qui talia nobis
DRN 5.5	pectore parta suo quaesitaque praemia liquit?
DRN 5.6	nemo, ut opinor, erit mortali corpore cretus.
DRN 5.7	nam si, ut ipsa petit maiestas cognita rerum,
DRN 5.8	dicendum est, deus ille fuit, deus, inclyte Memmi,
DRN 5.9	qui princeps vitae rationem invenit eam quae
DRN 5.10	nunc appellatur sapientia, quique per artem
DRN 5.11	fluctibus et tantis vitam tantisque tenebris
DRN 5.12	in tam tranquillo et tam clara luce locavit.
DRN 5.13	confer enim divina aliorum antiqua reperta.
DRN 5.14	namque Ceres fertur fruges Liberque liquoris
DRN 5.15	vitigeni laticem mortalibus instituisse;
DRN 5.16	cum tamen his posset sine rebus vita manere,
DRN 5.17	ut fama est aliquas etiam nunc vivere gentis.
DRN 5.18	at bene non poterat sine puro pectore vivi;
DRN 5.19	quo magis hic merito nobis deus esse videtur,
DRN 5.20	ex quo nunc etiam per magnas didita gentis
DRN 5.21	dulcia permulcent animos solacia vitae.
DRN 5.22	Herculis antistare autem si facta putabis,
DRN 5.23	longius a vera multo ratione ferere.
DRN 5.24	quid Nemeaeus enim nobis nunc magnus hiatus
DRN 5.25	ille leonis obesset et horrens Arcadius sus,
DRN 5.26	tanto opere officerent nobis Stymphala colentes?
DRN 5.27	denique quid Cretae taurus Lernaeaque pestis
DRN 5.28	hydra venenatis posset vallata colubris?
DRN 5.29	quidve tripectora tergemini vis Geryonai
DRN 5.30	et Diomedis equi spirantes naribus ignem
DRN 5.31	Thracia Bistoniasque plagas atque Ismara propter
DRN 5.32	aureaque Hesperidum servans fulgentia mala,
DRN 5.33	asper, acerba tuens, immani corpore serpens
DRN 5.34	arboris amplexus stirpes? quid denique obesset
DRN 5.35	propter Atlanteum litus pelagique severa,
DRN 5.36	quo neque noster adit quisquam nec barbarus audet?
DRN 5.37	cetera de genere hoc quae sunt portenta perempta,
DRN 5.38	si non victa forent, quid tandem viva nocerent?
DRN 5.39	nil, ut opinor: ita ad satiatem terra ferarum
DRN 5.40	nunc etiam scatit et trepido terrore repleta est
DRN 5.41	per nemora ac montes magnos silvasque profundas;
DRN 5.42	quae loca vitandi plerumque est nostra potestas.
DRN 5.43	at nisi purgatumst pectus, quae proelia nobis
DRN 5.44	atque pericula tumst ingratis insinuandum!
DRN 5.45	quantae tum scindunt hominem cuppedinis acres
DRN 5.46	sollicitum curae quantique perinde timores!
DRN 5.47	quidve superbia spurcitia ac petulantia? quantas
DRN 5.48	efficiunt clades! quid luxus desidiaeque?
DRN 5.49	haec igitur qui cuncta subegerit ex animoque
DRN 5.50	expulerit dictis, non armis, nonne decebit
DRN 5.51	hunc hominem numero divom dignarier esse?
DRN 5.52	cum bene praesertim multa ac divinitus ipsis
DRN 5.53	iam mortalibus e divis dare dicta suerit
DRN 5.54	atque omnem rerum naturam pandere dictis.
DRN 5.55	Cuius ego ingressus vestigia dum rationes
DRN 5.56	persequor ac doceo dictis, quo quaeque creata
DRN 5.57	foedere sint, in eo quam sit durare necessum
DRN 5.58	nec validas valeant aevi rescindere leges,
DRN 5.59	quo genere in primis animi natura reperta est
DRN 5.60	nativo primum consistere corpore creta,
DRN 5.61	nec posse incolumem magnum durare per aevum,
DRN 5.62	sed simulacra solere in somnis fallere mentem,
DRN 5.63	cernere cum videamur eum quem vita reliquit,
DRN 5.64	quod super est, nunc huc rationis detulit ordo,
DRN 5.65	ut mihi mortali consistere corpore mundum
DRN 5.66	nativomque simul ratio reddunda sit esse;
DRN 5.67	et quibus ille modis congressus materiai
DRN 5.68	fundarit terram caelum mare sidera solem
DRN 5.69	lunaique globum; tum quae tellure animantes
DRN 5.70	extiterint, et quae nullo sint tempore natae;
DRN 5.71	quove modo genus humanum variante loquella
DRN 5.72	coeperit inter se vesci per nomina rerum;
DRN 5.73	et quibus ille modis divom metus insinuarit
DRN 5.74	pectora, terrarum qui in orbi sancta tuetur
DRN 5.75	fana lacus lucos aras simulacraque divom.
DRN 5.76	praeterea solis cursus lunaeque meatus
DRN 5.77	expediam qua vi flectat natura gubernans;
DRN 5.78	ne forte haec inter caelum terramque reamur
DRN 5.79	libera sponte sua cursus lustrare perennis,
DRN 5.80	morigera ad fruges augendas atque animantis,
DRN 5.81	neve aliqua divom volvi ratione putemus.
DRN 5.82	nam bene qui didicere deos securum agere aevom,
DRN 5.83	si tamen interea mirantur qua ratione
DRN 5.84	quaeque geri possint, praesertim rebus in illis
DRN 5.85	quae supera caput aetheriis cernuntur in oris,
DRN 5.86	rursus in antiquas referuntur religiones
DRN 5.87	et dominos acris adsciscunt, omnia posse
DRN 5.88	quos miseri credunt, ignari quid queat esse,
DRN 5.89	quid nequeat, finita potestas denique cuique
DRN 5.90	qua nam sit ratione atque alte terminus haerens.
DRN 5.91	Quod super est, ne te in promissis plura moremur,
DRN 5.92	principio maria ac terras caelumque tuere;
DRN 5.93	quorum naturam triplicem, tria corpora, Memmi,
DRN 5.94	tris species tam dissimilis, tria talia texta,
DRN 5.95	una dies dabit exitio, multosque per annos
DRN 5.96	sustentata ruet moles et machina mundi.
DRN 5.97	nec me animi fallit quam res nova miraque menti
DRN 5.98	accidat exitium caeli terraeque futurum,
DRN 5.99	et quam difficile id mihi sit pervincere dictis;
DRN 5.100	ut fit ubi insolitam rem adportes auribus ante
DRN 5.101	nec tamen hanc possis oculorum subdere visu
DRN 5.102	nec iacere indu manus, via qua munita fidei
DRN 5.103	proxima fert humanum in pectus templaque mentis.
DRN 5.104	sed tamen effabor. dictis dabit ipsa fidem res
DRN 5.105	forsitan et graviter terrarum motibus ortis
DRN 5.106	omnia conquassari in parvo tempore cernes.
DRN 5.107	quod procul a nobis flectat fortuna gubernans,
DRN 5.108	et ratio potius quam res persuadeat ipsa
DRN 5.109	succidere horrisono posse omnia victa fragore.
DRN 5.110	Qua prius adgrediar quam de re fundere fata
DRN 5.111	sanctius et multo certa ratione magis quam
DRN 5.112	Pythia quae tripode a Phoebi lauroque profatur,
DRN 5.113	multa tibi expediam doctis solacia dictis;
DRN 5.114	religione refrenatus ne forte rearis
DRN 5.115	terras et solem et caelum, mare sidera lunam,
DRN 5.116	corpore divino debere aeterna manere,
DRN 5.117	proptereaque putes ritu par esse Gigantum
DRN 5.118	pendere eos poenas inmani pro scelere omnis,
DRN 5.119	qui ratione sua disturbent moenia mundi
DRN 5.120	praeclarumque velint caeli restinguere solem
DRN 5.121	inmortalia mortali sermone notantes;
DRN 5.122	quae procul usque adeo divino a numine distent
DRN 5.123	inque deum numero quae sint indigna videri,
DRN 5.124	notitiam potius praebere ut posse putentur
DRN 5.125	quid sit vitali motu sensuque remotum.
DRN 5.126	quippe etenim non est, cum quovis corpore ut esse
DRN 5.127	posse animi natura putetur consiliumque.
DRN 5.128	sicut in aethere non arbor, non aequore salso
DRN 5.129	nubes esse queunt neque pisces vivere in arvis
DRN 5.130	nec cruor in lignis neque saxis sucus inesse,
DRN 5.131	certum ac dispositumst ubi quicquid crescat et insit,
DRN 5.132	sic animi natura nequit sine corpore oriri
DRN 5.133	sola neque a nervis et sanguine longius esse.
DRN 5.134	quod si posset enim, multo prius ipsa animi vis
DRN 5.135	in capite aut umeris aut imis calcibus esse
DRN 5.136	posset et innasci quavis in parte soleret,
DRN 5.137	tandem in eodem homine atque in eodem vase manere.
DRN 5.138	quod quoniam nostro quoque constat corpore certum
DRN 5.139	dispositumque videtur ubi esse et crescere possit
DRN 5.140	seorsum anima atque animus, tanto magis infitiandum
DRN 5.141	totum posse extra corpus formamque animalem
DRN 5.142	putribus in glebis terrarum aut solis in igni
DRN 5.143	aut in aqua durare aut altis aetheris oris.
DRN 5.144	haud igitur constant divino praedita sensu,
DRN 5.145	quandoquidem nequeunt vitaliter esse animata.
DRN 5.146	Illud item non est ut possis credere, sedes
DRN 5.147	esse deum sanctas in mundi partibus ullis.
DRN 5.148	tenvis enim natura deum longeque remota
DRN 5.149	sensibus ab nostris animi vix mente videtur;
DRN 5.150	quae quoniam manuum tactum suffugit et ictum,
DRN 5.151	tactile nil nobis quod sit contingere debet;
DRN 5.152	tangere enim non quit quod tangi non licet ipsum.
DRN 5.153	quare etiam sedes quoque nostris sedibus esse
DRN 5.154	dissimiles debent, tenues de corpore eorum;
DRN 5.155	quae tibi posterius largo sermone probabo.
DRN 5.156	Dicere porro hominum causa voluisse parare
DRN 5.157	praeclaram mundi naturam proptereaque
DRN 5.158	adlaudabile opus divom laudare decere
DRN 5.159	aeternumque putare atque inmortale futurum,
DRN 5.160	nec fas esse, deum quod sit ratione vetusta
DRN 5.161	gentibus humanis fundatum perpetuo aevo,
DRN 5.162	sollicitare suis ulla vi ex sedibus umquam
DRN 5.163	nec verbis vexare et ab imo evertere summa,
DRN 5.164	cetera de genere hoc adfingere et addere, Memmi,
DRN 5.165	desiperest. quid enim inmortalibus atque beatis
DRN 5.166	gratia nostra queat largirier emolumenti,
DRN 5.167	ut nostra quicquam causa gerere adgrediantur?
DRN 5.168	quidve novi potuit tanto post ante quietos
DRN 5.169	inlicere ut cuperent vitam mutare priorem?
DRN 5.170	nam gaudere novis rebus debere videtur
DRN 5.171	cui veteres obsunt; sed cui nihil accidit aegri
DRN 5.172	tempore in ante acto, cum pulchre degeret aevom,
DRN 5.173	quid potuit novitatis amorem accendere tali?
DRN 5.174	quidve mali fuerat nobis non esse creatis?
DRN 5.175	an, credo, in tenebris vita ac maerore iacebat,
DRN 5.176	donec diluxit rerum genitalis origo?
DRN 5.177	natus enim debet qui cumque est velle manere
DRN 5.178	in vita, donec retinebit blanda voluptas;
DRN 5.179	qui numquam vero vitae gustavit amorem
DRN 5.180	nec fuit in numero, quid obest non esse creatum?
DRN 5.181	exemplum porro gignundis rebus et ipsa
DRN 5.182	notities hominum divis unde insita primum est,
DRN 5.183	quid vellent facere ut scirent animoque viderent,
DRN 5.184	quove modost umquam vis cognita principiorum
DRN 5.185	quidque inter sese permutato ordine possent.
DRN 5.186	si non ipsa dedit speciem natura creandi?
DRN 5.187	namque ita multa modis multis primordia rerum
DRN 5.188	ex infinito iam tempore percita plagis
DRN 5.189	ponderibusque suis consuerunt concita ferri
DRN 5.190	omnimodisque coire atque omnia pertemptare,
DRN 5.191	quae cumque inter se possint congressa creare,
DRN 5.192	ut non sit mirum, si in talis disposituras
DRN 5.193	deciderunt quoque et in talis venere meatus,
DRN 5.194	qualibus haec rerum geritur nunc summa novando.
DRN 5.195	Quod si iam rerum ignorem primordia quae sint,
DRN 5.196	hoc tamen ex ipsis caeli rationibus ausim
DRN 5.197	confirmare aliisque ex rebus reddere multis,
DRN 5.198	nequaquam nobis divinitus esse paratam
DRN 5.199	naturam rerum: tanta stat praedita culpa.
DRN 5.200	principio quantum caeli tegit impetus ingens,
DRN 5.201	inde avidam partem montes silvaeque ferarum
DRN 5.202	possedere, tenent rupes vastaeque paludes
DRN 5.203	et mare, quod late terrarum distinet oras.
DRN 5.204	inde duas porro prope partis fervidus ardor
DRN 5.205	adsiduusque geli casus mortalibus aufert.
DRN 5.206	quod super est arvi, tamen id natura sua vi
DRN 5.207	sentibus obducat, ni vis humana resistat
DRN 5.208	vitai causa valido consueta bidenti
DRN 5.209	ingemere et terram pressis proscindere aratris.
DRN 5.210	si non fecundas vertentes vomere glebas
DRN 5.211	terraique solum subigentes cimus ad ortus.
DRN 5.212	sponte sua nequeant liquidas existere in auras.
DRN 5.213	et tamen inter dum magno quaesita labore
DRN 5.214	cum iam per terras frondent atque omnia florent,
DRN 5.215	aut nimiis torret fervoribus aetherius sol
DRN 5.216	aut subiti peremunt imbris gelidaeque pruinae
DRN 5.217	flabraque ventorum violento turbine vexant.
DRN 5.218	praeterea genus horriferum natura ferarum
DRN 5.219	humanae genti infestum terraque marique
DRN 5.220	cur alit atque auget? cur anni tempora morbos
DRN 5.221	adportant? quare mors inmatura vagatur?
DRN 5.222	tum porro puer, ut saevis proiectus ab undis
DRN 5.223	navita, nudus humi iacet infans indigus omni
DRN 5.224	vitali auxilio, cum primum in luminis oras
DRN 5.225	nixibus ex alvo matris natura profudit,
DRN 5.226	vagituque locum lugubri complet, ut aequumst
DRN 5.227	cui tantum in vita restet transire malorum.
DRN 5.228	at variae crescunt pecudes armenta feraeque
DRN 5.229	nec crepitacillis opus est nec cuiquam adhibendast
DRN 5.230	almae nutricis blanda atque infracta loquella
DRN 5.231	nec varias quaerunt vestes pro tempore caeli,
DRN 5.232	denique non armis opus est, non moenibus altis,
DRN 5.233	qui sua tutentur, quando omnibus omnia large
DRN 5.234	tellus ipsa parit naturaque daedala rerum.
DRN 5.235	Principio quoniam terrai corpus et umor
DRN 5.236	aurarumque leves animae calidique vapores,
DRN 5.237	e quibus haec rerum consistere summa videtur,
DRN 5.238	omnia nativo ac mortali corpore constant,
DRN 5.239	debet eodem omnis mundi natura putari.
DRN 5.240	quippe etenim, quorum partis et membra videmus
DRN 5.241	corpore nativo mortalibus esse figuris,
DRN 5.242	haec eadem ferme mortalia cernimus esse
DRN 5.243	et nativa simul. qua propter maxima mundi
DRN 5.244	cum videam membra ac partis consumpta regigni,
DRN 5.245	scire licet caeli quoque item terraeque fuisse
DRN 5.246	principiale aliquod tempus clademque futuram.
DRN 5.247	Illud in his rebus ne corripuisse rearis
DRN 5.248	me mihi, quod terram atque ignem mortalia sumpsi
DRN 5.249	esse neque umorem dubitavi aurasque perire
DRN 5.250	atque eadem gigni rursusque augescere dixi.
DRN 5.251	principio pars terrai non nulla, perusta
DRN 5.252	solibus adsiduis, multa pulsata pedum vi,
DRN 5.253	pulveris exhalat nebulam nubesque volantis,
DRN 5.254	quas validi toto dispergunt aereaëre venti.
DRN 5.255	pars etiam glebarum ad diluviem revocatur
DRN 5.256	imbribus et ripas radentia flumina rodunt.
DRN 5.257	praeterea pro parte sua, quod cumque alit auget,
DRN 5.258	redditur; et quoniam dubio procul esse videtur
DRN 5.259	omniparens eadem rerum commune sepulcrum.
DRN 5.260	ergo terra tibi libatur et aucta recrescit.
DRN 5.261	Quod super est, umore novo mare flumina fontes
DRN 5.262	semper abundare et latices manare perennis
DRN 5.263	nil opus est verbis: magnus decursus aquarum
DRN 5.264	undique declarat. sed primum quicquid aquai
DRN 5.265	tollitur in summaque fit ut nihil umor abundet,
DRN 5.266	partim quod validi verrentes aequora venti
DRN 5.267	deminuunt radiisque retexens aetherius sol,
DRN 5.268	partim quod supter per terras diditur omnis;
DRN 5.269	percolatur enim virus retroque remanat
DRN 5.270	materies umoris et ad caput amnibus omnis
DRN 5.271	convenit, inde super terras fluit agmine dulci
DRN 5.272	qua via secta semel liquido pede detulit undas.
DRN 5.273	AeraAëra nunc igitur dicam, qui corpore toto
DRN 5.274	innumerabiliter privas mutatur in horas.
DRN 5.275	semper enim, quod cumque fluit de rebus, id omne
DRN 5.276	aerisaëris in magnum fertur mare; qui nisi contra
DRN 5.277	corpora retribuat rebus recreetque fluentis,
DRN 5.278	omnia iam resoluta forent et in aeraaëra versa.
DRN 5.279	haut igitur cessat gigni de rebus et in res
DRN 5.280	reccidere, adsidue quoniam fluere omnia constat.
DRN 5.281	Largus item liquidi fons luminis, aetherius sol,
DRN 5.282	inrigat adsidue caelum candore recenti
DRN 5.283	suppeditatque novo confestim lumine lumen.
DRN 5.284	nam primum quicquid fulgoris disperit ei,
DRN 5.285	quo cumque accidit. id licet hinc cognoscere possis,
DRN 5.286	quod simul ac primum nubes succedere soli
DRN 5.287	coepere et radios inter quasi rumpere lucis,
DRN 5.288	extemplo inferior pars horum disperit omnis
DRN 5.289	terraque inumbratur qua nimbi cumque feruntur;
DRN 5.290	ut noscas splendore novo res semper egere
DRN 5.291	et primum iactum fulgoris quemque perire
DRN 5.292	nec ratione alia res posse in sole videri,
DRN 5.293	perpetuo ni suppeditet lucis caput ipsum.
DRN 5.294	quin etiam nocturna tibi, terrestria quae sunt,
DRN 5.295	lumina, pendentes lychni claraeque coruscis
DRN 5.296	fulguribus pingues multa caligine taedae
DRN 5.297	consimili properant ratione, ardore ministro,
DRN 5.298	suppeditare novom lumen, tremere ignibus instant,
DRN 5.299	instant, nec loca lux inter quasi rupta relinquit:
DRN 5.300	usque adeo properanter ab omnibus ignibus ei
DRN 5.301	exitium celeri celeratur origine flammae.
DRN 5.302	sic igitur solem lunam stellasque putandum
DRN 5.303	ex alio atque alio lucem iactare subortu
DRN 5.304	et primum quicquid flammarum perdere semper,
DRN 5.305	inviolabilia haec ne credas forte vigere.
DRN 5.306	Denique non lapides quoque vinci cernis ab aevo,
DRN 5.307	non altas turris ruere et putrescere saxa,
DRN 5.308	non delubra deum simulacraque fessa fatisci
DRN 5.309	nec sanctum numen fati protollere finis
DRN 5.310	posse neque adversus naturae foedera niti?
DRN 5.311	denique non monimenta virum dilapsa videmus,
DRN 5.312	quaerere proporro, sibi cumque senescere credas,
DRN 5.313	non ruere avolsos silices a montibus altis
DRN 5.314	nec validas aevi vires perferre patique
DRN 5.315	finiti? neque enim caderent avolsa repente,
DRN 5.316	ex infinito quae tempore pertolerassent
DRN 5.317	omnia tormenta aetatis, privata fragore.
DRN 5.318	Denique iam tuere hoc, circum supraque quod omne
DRN 5.319	continet amplexu terram: si procreat ex se
DRN 5.320	omnia, quod quidam memorant, recipitque perempta,
DRN 5.321	totum nativum mortali corpore constat.
DRN 5.322	nam quod cumque alias ex se res auget alitque,
DRN 5.323	deminui debet, recreari, cum recipit res.
DRN 5.324	Praeterea si nulla fuit genitalis origo
DRN 5.325	terrarum et caeli semperque aeterna fuere,
DRN 5.326	cur supera bellum Thebanum et funera Troiae
DRN 5.327	non alias alii quoque res cecinere poetaepoëtae?
DRN 5.328	quo tot facta virum totiens cecidere neque usquam
DRN 5.329	aeternis famae monimentis insita florent?
DRN 5.330	verum, ut opinor, habet novitatem summa recensque
DRN 5.331	naturast mundi neque pridem exordia cepit.
DRN 5.332	quare etiam quaedam nunc artes expoliuntur,
DRN 5.333	nunc etiam augescunt; nunc addita navigiis sunt
DRN 5.334	multa, modo organici melicos peperere sonores,
DRN 5.335	denique natura haec rerum ratioque repertast
DRN 5.336	nuper, et hanc primus cum primis ipse repertus
DRN 5.337	nunc ego sum in patrias qui possim vertere voces.
DRN 5.338	Quod si forte fuisse ante hac eadem omnia credis,
DRN 5.339	sed periise hominum torrenti saecla vapore,
DRN 5.340	aut cecidisse urbis magno vexamine mundi,
DRN 5.341	aut ex imbribus adsiduis exisse rapaces
DRN 5.342	per terras amnes atque oppida coperuisse.
DRN 5.343	tanto quique magis victus fateare necessest
DRN 5.344	exitium quoque terrarum caelique futurum;
DRN 5.345	nam cum res tantis morbis tantisque periclis
DRN 5.346	temptarentur, ibi si tristior incubuisset
DRN 5.347	causa, darent late cladem magnasque ruinas.
DRN 5.348	nec ratione alia mortales esse videmur,
DRN 5.349	inter nos nisi quod morbis aegrescimus isdem
DRN 5.350	atque illi quos a vita natura removit.
DRN 5.351	Praeterea quae cumque manent aeterna necessust
DRN 5.352	aut, quia sunt solido cum corpore, respuere ictus
DRN 5.353	nec penetrare pati sibi quicquam quod queat artas
DRN 5.354	dissociare intus partis, ut materiai
DRN 5.355	corpora sunt, quorum naturam ostendimus ante,
DRN 5.356	aut ideo durare aetatem posse per omnem,
DRN 5.357	plagarum quia sunt expertia, sicut inane est,
DRN 5.358	quod manet intactum neque ab ictu fungitur hilum,
DRN 5.359	aut etiam quia nulla loci sit copia circum,
DRN 5.360	quo quasi res possint discedere dissoluique,
DRN 5.361	sicut summarum summa est aeterna, neque extra
DRN 5.362	qui locus est quo dissiliant neque corpora sunt quae
DRN 5.363	possint incidere et valida dissolvere plaga.
DRN 5.364	at neque, uti docui, solido cum corpore mundi
DRN 5.365	naturast, quoniam admixtumst in rebus inane,
DRN 5.366	nec tamen est ut inane, neque autem corpora desunt,
DRN 5.367	ex infinito quae possint forte coorta
DRN 5.368	corruere hanc rerum violento turbine summam
DRN 5.369	aut aliam quamvis cladem inportare pericli,
DRN 5.370	nec porro natura loci spatiumque profundi
DRN 5.371	deficit, exspargi quo possint moenia mundi,
DRN 5.372	aut alia quavis possunt vi pulsa perire.
DRN 5.373	haut igitur leti praeclusa est ianua caelo
DRN 5.374	nec soli terraeque neque altis aequoris undis,
DRN 5.375	sed patet immani et vasto respectat hiatu.
DRN 5.376	quare etiam nativa necessumst confiteare
DRN 5.377	haec eadem; neque enim, mortali corpore quae sunt,
DRN 5.378	ex infinito iam tempore adhuc potuissent
DRN 5.379	inmensi validas aevi contemnere vires.
DRN 5.380	Denique tantopere inter se cum maxima mundi
DRN 5.381	pugnent membra, pio nequaquam concita bello,
DRN 5.382	nonne vides aliquam longi certaminis ollis
DRN 5.383	posse dari finem, vel cum sol et vapor omnis
DRN 5.384	omnibus epotis umoribus exsuperarint?
DRN 5.385	quod facere intendunt, neque adhuc conata patrantur;
DRN 5.386	tantum suppeditant amnes ultraque minantur
DRN 5.387	omnia diluviare ex alto gurgite ponti:
DRN 5.388	ne quiquam, quoniam verrentes aequora venti
DRN 5.389	deminuunt radiisque retexens aetherius sol,
DRN 5.390	et siccare prius confidunt omnia posse
DRN 5.391	quam liquor incepti possit contingere finem.
DRN 5.392	tantum spirantes aequo certamine bellum
DRN 5.393	magnis inter se de rebus cernere certant,
DRN 5.394	cum semel interea fuerit superantior ignis
DRN 5.395	et semel, ut fama est, umor regnarit in arvis.
DRN 5.396	ignis enim superavit et ambiens multa perussit,
DRN 5.397	avia cum Phaethonta rapax vis solis equorum
DRN 5.398	aethere raptavit toto terrasque per omnis.
DRN 5.399	at pater omnipotens ira tum percitus acri
DRN 5.400	magnanimum Phaethonta repenti fulminis ictu
DRN 5.401	deturbavit equis in terram, Solque cadenti
DRN 5.402	obvius aeternam succepit lampada mundi
DRN 5.403	disiectosque redegit equos iunxitque trementis,
DRN 5.404	inde suum per iter recreavit cuncta gubernans,
DRN 5.405	scilicet ut veteres Graium cecinere poetaepoëtae.
DRN 5.406	quod procul a vera nimis est ratione repulsum.
DRN 5.407	ignis enim superare potest ubi materiai
DRN 5.408	ex infinito sunt corpora plura coorta;
DRN 5.409	inde cadunt vires aliqua ratione revictae,
DRN 5.410	aut pereunt res exustae torrentibus auris.
DRN 5.411	umor item quondam coepit superare coortus,
DRN 5.412	ut fama est, hominum vitas quando obruit undis;
DRN 5.413	inde ubi vis aliqua ratione aversa recessit,
DRN 5.414	ex infinito fuerat quae cumque coorta,
DRN 5.415	constiterunt imbres et flumina vim minuerunt.
DRN 5.416	Sed quibus ille modis coniectus materiai
DRN 5.417	fundarit terram et caelum pontique profunda,
DRN 5.418	solis lunai cursus, ex ordine ponam.
DRN 5.419	nam certe neque consilio primordia rerum
DRN 5.420	ordine se suo quaeque sagaci mente locarunt
DRN 5.421	nec quos quaeque darent motus pepigere profecto;
DRN 5.422	sed quia multa modis multis primordia rerum
DRN 5.423	ex infinito iam tempore percita plagis
DRN 5.424	ponderibusque suis consuerunt concita ferri
DRN 5.425	omnimodisque coire atque omnia pertemptare,
DRN 5.426	quae cumque inter se possent congressa creare,
DRN 5.427	propterea fit uti magnum volgata per aevom
DRN 5.428	omnigenus coetus et motus experiundo
DRN 5.429	tandem conveniant ea quae coniecta repente
DRN 5.430	magnarum rerum fiunt exordia saepe,
DRN 5.431	terrai maris et caeli generisque animantum.
DRN 5.432	Hic neque tum solis rota cerni lumine largo
DRN 5.433	altivolans poterat nec magni sidera mundi
DRN 5.434	nec mare nec caelum nec denique terra neque aeraër
DRN 5.435	nec similis nostris rebus res ulla videri,
DRN 5.436	sed nova tempestas quaedam molesque coorta.
DRN 5.437	diffugere inde loci partes coepere paresque
DRN 5.438	cum paribus iungi res et discludere mundum
DRN 5.439	membraque dividere et magnas disponere partes
DRN 5.440	omnigenis e principiis, discordia quorum
DRN 5.441	intervalla vias conexus pondera plagas
DRN 5.442	concursus motus turbabat proelia miscens
DRN 5.443	propter dissimilis formas variasque figuras,
DRN 5.444	quod non omnia sic poterant coniuncta manere
DRN 5.445	nec motus inter sese dare convenientis,
DRN 5.446	hoc est, a terris altum secernere caelum,
DRN 5.447	et sorsum mare, uti secreto umore pateret,
DRN 5.448	seorsus item puri secretique aetheris ignes.
DRN 5.449	Quippe etenim primum terrai corpora quaeque,
DRN 5.450	propterea quod erant gravia et perplexa, coibant
DRN 5.451	in medio atque imas capiebant omnia sedes;
DRN 5.452	quae quanto magis inter se perplexa coibant,
DRN 5.453	tam magis expressere ea quae mare sidera solem
DRN 5.454	lunamque efficerent et magni moenia mundi;
DRN 5.455	omnia enim magis haec e levibus atque rutundis
DRN 5.456	seminibus multoque minoribus sunt elementis
DRN 5.457	quam tellus. ideo per rara foramina terrae
DRN 5.458	partibus erumpens primus se sustulit aether
DRN 5.459	ignifer et multos secum levis abstulit ignis,
DRN 5.460	non alia longe ratione ac saepe videmus,
DRN 5.461	aurea cum primum gemmantis rore per herbas
DRN 5.462	matutina rubent radiati lumina solis
DRN 5.463	exhalantque lacus nebulam fluviique perennes
DRN 5.464	ipsaque ut inter dum tellus fumare videtur;
DRN 5.465	omnia quae sursum cum conciliantur, in alto
DRN 5.466	corpore concreto subtexunt nubila caelum.
DRN 5.467	sic igitur tum se levis ac diffusilis aether
DRN 5.468	corpore concreto circum datus undique saepsit
DRN 5.469	et late diffusus in omnis undique partis
DRN 5.470	omnia sic avido complexu cetera saepsit.
DRN 5.471	hunc exordia sunt solis lunaeque secuta,
DRN 5.472	interutrasque globi quorum vertuntur in auris;
DRN 5.473	quae neque terra sibi adscivit nec maximus aether,
DRN 5.474	quod neque tam fuerunt gravia ut depressa sederent,
DRN 5.475	nec levia ut possent per summas labier oras,
DRN 5.476	et tamen interutrasque ita sunt, ut corpora viva
DRN 5.477	versent et partes ut mundi totius extent;
DRN 5.478	quod genus in nobis quaedam licet in statione
DRN 5.479	membra manere, tamen cum sint ea quae moveantur.
DRN 5.480	his igitur rebus retractis terra repente,
DRN 5.481	maxuma qua nunc se ponti plaga caerula tendit,
DRN 5.482	succidit et salso suffudit gurgite fossas.
DRN 5.483	inque dies quanto circum magis aetheris aestus
DRN 5.484	et radii solis cogebant undique terram
DRN 5.485	verberibus crebris extrema ad limina fartam
DRN 5.486	in medio ut propulsa suo condensa coiret,
DRN 5.487	tam magis expressus salsus de corpore sudor
DRN 5.488	augebat mare manando camposque natantis,
DRN 5.489	et tanto magis illa foras elapsa volabant
DRN 5.490	corpora multa vaporis et aerisaëris altaque caeli
DRN 5.491	densabant procul a terris fulgentia templa.
DRN 5.492	sidebant campi, crescebant montibus altis
DRN 5.493	ascensus; neque enim poterant subsidere saxa
DRN 5.494	nec pariter tantundem omnes succumbere partis.
DRN 5.495	Sic igitur terrae concreto corpore pondus
DRN 5.496	constitit atque omnis mundi quasi limus in imum
DRN 5.497	confluxit gravis et subsedit funditus ut faex;
DRN 5.498	inde mare, inde aeraër, inde aether ignifer ipse
DRN 5.499	corporibus liquidis sunt omnia pura relicta
DRN 5.500	et leviora aliis alia, et liquidissimus aether
DRN 5.501	atque levissimus aeriasaërias super influit auras
DRN 5.502	nec liquidum corpus turbantibus aerisaëris auris
DRN 5.503	commiscet; sinit haec violentis omnia verti
DRN 5.504	turbinibus, sinit incertis turbare procellis,
DRN 5.505	ipse suos ignis certo fert impete labens.
DRN 5.506	nam modice fluere atque uno posse aethera nisu
DRN 5.507	significat Pontos, mare certo quod fluit aestu
DRN 5.508	unum labendi conservans usque tenorem.
DRN 5.509	Motibus astrorum nunc quae sit causa canamus.
DRN 5.510	principio magnus caeli si vortitur orbis,
DRN 5.511	ex utraque polum parti premere aeraaëra nobis
DRN 5.512	dicendum est extraque tenere et claudere utrimque;
DRN 5.513	inde alium supra fluere atque intendere eodem
DRN 5.514	quo volvenda micant aeterni sidera mundi;
DRN 5.515	aut alium supter, contra qui subvehat orbem,
DRN 5.516	ut fluvios versare rotas atque austra videmus.
DRN 5.517	est etiam quoque uti possit caelum omne manere
DRN 5.518	in statione, tamen cum lucida signa ferantur,
DRN 5.519	sive quod inclusi rapidi sunt aetheris aestus
DRN 5.520	quaerentesque viam circum versantur et ignes
DRN 5.521	passim per caeli volvunt summania templa,
DRN 5.522	sive aliunde fluens alicunde extrinsecus aeraër
DRN 5.523	versat agens ignis, sive ipsi serpere possunt,
DRN 5.524	quo cuiusque cibus vocat atque invitat euntis,
DRN 5.525	flammea per caelum pascentis corpora passim.
DRN 5.526	nam quid in hoc mundo sit eorum ponere certum
DRN 5.527	difficilest; sed quid possit fiatque per omne
DRN 5.528	in variis mundis varia ratione creatis,
DRN 5.529	id doceo plurisque sequor disponere causas,
DRN 5.530	motibus astrorum quae possint esse per omne;
DRN 5.531	e quibus una tamen sit et haec quoque causa necessest,
DRN 5.532	quae vegeat motum signis; sed quae sit earum
DRN 5.533	praecipere haud quaquamst pedetemptim progredientis.
DRN 5.534	Terraque ut in media mundi regione quiescat,
DRN 5.535	evanescere paulatim et decrescere pondus
DRN 5.536	convenit atque aliam naturam supter habere
DRN 5.537	ex ineunte aevo coniunctam atque uniter aptam
DRN 5.538	partibus aeriisaëriis mundi, quibus insita vivit.
DRN 5.539	propterea non est oneri neque deprimit auras,
DRN 5.540	ut sua cuique homini nullo sunt pondere membra
DRN 5.541	nec caput est oneri collo nec denique totum
DRN 5.542	corporis in pedibus pondus sentimus inesse;
DRN 5.543	at quae cumque foris veniunt inpostaque nobis
DRN 5.544	pondera sunt laedunt, permulto saepe minora.
DRN 5.545	usque adeo magni refert quid quaeque queat res.
DRN 5.546	sic igitur tellus non est aliena repente
DRN 5.547	allata atque auris aliunde obiecta alienis,
DRN 5.548	sed pariter prima concepta ab origine mundi
DRN 5.549	certaque pars eius, quasi nobis membra videntur.
DRN 5.550	Praeterea grandi tonitru concussa repente
DRN 5.551	terra supra quae se sunt concutit omnia motu;
DRN 5.552	quod facere haut ulla posset ratione, nisi esset
DRN 5.553	partibus aeriisaëriis mundi caeloque revincta;
DRN 5.554	nam communibus inter se radicibus haerent
DRN 5.555	ex ineunte aevo coniuncta atque uniter aucta.
DRN 5.556	Nonne vides etiam quam magno pondere nobis
DRN 5.557	sustineat corpus tenuissima vis animai,
DRN 5.558	propterea quia tam coniuncta atque uniter apta est?
DRN 5.559	Denique iam saltu pernici tollere corpus
DRN 5.560	quid potis est nisi vis animae, quae membra gubernat?
DRN 5.561	iamne vides quantum tenuis natura valere
DRN 5.562	possit, ubi est coniuncta gravi cum corpore, ut aeraër
DRN 5.563	coniunctus terris et nobis est animi vis?
DRN 5.564	Nec nimio solis maior rota nec minor ardor
DRN 5.565	esse potest, nostris quam sensibus esse videtur.
DRN 5.566	nam quibus e spatiis cumque ignes lumina possunt
DRN 5.567	adiicere et calidum membris adflare vaporem,
DRN 5.568	nil magnis intervallis de corpore libant
DRN 5.569	flammarum, nihil ad speciem est contractior ignis.
DRN 5.570	proinde, calor quoniam solis lumenque profusum
DRN 5.571	perveniunt nostros ad sensus et loca fulgent,
DRN 5.572	forma quoque hinc solis debet filumque videri,
DRN 5.573	nil adeo ut possis plus aut minus addere vere.
DRN 5.574	perveniunt nostros ad sensus et loca fulgent
DRN 5.575	lunaque sive notho fertur loca lumine lustrans,
DRN 5.576	sive suam proprio iactat de corpore lucem,
DRN 5.577	quidquid id est, nihilo fertur maiore figura
DRN 5.578	quam, nostris oculis qua cernimus, esse videtur.
DRN 5.579	nam prius omnia, quae longe semota tuemur
DRN 5.580	aeraaëra per multum, specie confusa videntur
DRN 5.581	quam minui filum. quapropter luna necesse est,
DRN 5.582	quandoquidem claram speciem certamque figuram
DRN 5.583	praebet, ut est oris extremis cumque notata,
DRN 5.584	quanta quoquest, tanta hinc nobis videatur in alto.
DRN 5.585	postremo quos cumque vides hinc aetheris ignes,
DRN 5.586	scire licet perquam pauxillo posse minores
DRN 5.587	esse vel exigua maioris parte brevique.
DRN 5.588	quandoquidem quos cumque in terris cernimus ignes,
DRN 5.589	dum tremor et clarus dum cernitur ardor eorum,
DRN 5.590	perparvom quiddam inter dum mutare videntur
DRN 5.591	alteram utram in partem filum, quo longius absunt.
DRN 5.592	Illud item non est mirandum, qua ratione
DRN 5.593	tantulus ille queat tantum sol mittere lumen,
DRN 5.594	quod maria ac terras omnis caelumque rigando
DRN 5.595	compleat et calido perfundat cuncta vapore.
DRN 5.596	quanta quoquest tanta hinc nobis videatur in alto
DRN 5.597	nam licet hinc mundi patefactum totius unum
DRN 5.598	largifluum fontem scatere atque erumpere lumen,
DRN 5.599	ex omni mundo quia sic elementa vaporis
DRN 5.600	undique conveniunt et sic coniectus eorum
DRN 5.601	confluit, ex uno capite hic ut profluat ardor.
DRN 5.602	nonne vides etiam quam late parvus aquai
DRN 5.603	prata riget fons inter dum campisque redundet?
DRN 5.604	est etiam quoque uti non magno solis ab igni
DRN 5.605	aeraaëra percipiat calidis fervoribus ardor,
DRN 5.606	opportunus ita est si forte et idoneus aeraër,
DRN 5.607	ut queat accendi parvis ardoribus ictus;
DRN 5.608	quod genus inter dum segetes stipulamque videmus
DRN 5.609	accidere ex una scintilla incendia passim.
DRN 5.610	forsitan et rosea sol alte lampade lucens
DRN 5.611	possideat multum caecis fervoribus ignem
DRN 5.612	circum se, nullo qui sit fulgore notatus,
DRN 5.613	aestifer ut tantum radiorum exaugeat ictum.
DRN 5.614	Nec ratio solis simplex et recta patescit,
DRN 5.615	quo pacto aestivis e partibus aegocerotis
DRN 5.616	brumalis adeat flexus atque inde revertens
DRN 5.617	canceris ut vertat metas ad solstitialis,
DRN 5.618	lunaque mensibus id spatium videatur obire,
DRN 5.619	annua sol in quo consumit tempora cursu.
DRN 5.620	non, inquam, simplex his rebus reddita causast.
DRN 5.621	nam fieri vel cum primis id posse videtur,
DRN 5.622	Democriti quod sancta viri sententia ponit,
DRN 5.623	quanto quaeque magis sint terram sidera propter,
DRN 5.624	tanto posse minus cum caeli turbine ferri;
DRN 5.625	evanescere enim rapidas illius et acris
DRN 5.626	imminui supter viris, ideoque relinqui
DRN 5.627	paulatim solem cum posterioribus signis,
DRN 5.628	inferior multo quod sit quam fervida signa.
DRN 5.629	et magis hoc lunam: quanto demissior eius
DRN 5.630	cursus abest procul a caelo terrisque propinquat,
DRN 5.631	tanto posse minus cum signis tendere cursum.
DRN 5.632	flaccidiore etiam quanto iam turbine fertur
DRN 5.633	inferior quam sol, tanto magis omnia signa
DRN 5.634	hanc adipiscuntur circum praeterque feruntur.
DRN 5.635	propterea fit ut haec ad signum quodque reverti
DRN 5.636	mobilius videatur, ad hanc quia signa revisunt.
DRN 5.637	fit quoque ut e mundi transversis partibus aeraër
DRN 5.638	alternis certo fluere alter tempore possit,
DRN 5.639	qui queat aestivis solem detrudere signis
DRN 5.640	brumalis usque ad flexus gelidumque rigorem,
DRN 5.641	et qui reiciat gelidis a frigoris umbris
DRN 5.642	aestiferas usque in partis et fervida signa.
DRN 5.643	et ratione pari lunam stellasque putandumst,
DRN 5.644	quae volvunt magnos in magnis orbibus annos,
DRN 5.645	aeribusaëribus posse alternis e partibus ire.
DRN 5.646	nonne vides etiam diversis nubila ventis
DRN 5.647	diversas ire in partis inferna supernis?
DRN 5.648	qui minus illa queant per magnos aetheris orbis
DRN 5.649	aestibus inter se diversis sidera ferri?
DRN 5.650	At nox obruit ingenti caligine terras,
DRN 5.651	aut ubi de longo cursu sol ultima caeli
DRN 5.652	impulit atque suos efflavit languidus ignis
DRN 5.653	concussos itere et labefactos aereaëre multo,
DRN 5.654	aut quia sub terras cursum convortere cogit
DRN 5.655	vis eadem, supra quae terras pertulit orbem.
DRN 5.656	Tempore item certo roseam Matuta per oras
DRN 5.657	aetheris auroram differt et lumina pandit,
DRN 5.658	aut quia sol idem, sub terras ille revertens,
DRN 5.659	anticipat caelum radiis accendere temptans,
DRN 5.660	aut quia conveniunt ignes et semina multa
DRN 5.661	confluere ardoris consuerunt tempore certo,
DRN 5.662	quae faciunt solis nova semper lumina gigni;
DRN 5.663	quod genus Idaeis fama est e montibus altis
DRN 5.664	dispersos ignis orienti lumine cerni,
DRN 5.665	inde coire globum quasi in unum et conficere orbem.
DRN 5.666	nec tamen illud in his rebus mirabile debet
DRN 5.667	esse, quod haec ignis tam certo tempore possint
DRN 5.668	semina confluere et solis reparare nitorem.
DRN 5.669	multa videmus enim, certo quae tempore fiunt
DRN 5.670	omnibus in rebus. florescunt tempore certo
DRN 5.671	arbusta et certo dimittunt tempore florem.
DRN 5.672	nec minus in certo dentes cadere imperat aetas
DRN 5.673	tempore et inpubem molli pubescere veste
DRN 5.674	et pariter mollem malis demittere barbam.
DRN 5.675	fulmina postremo nix imbres nubila venti
DRN 5.676	non nimis incertis fiunt in partibus anni.
DRN 5.677	namque ubi sic fuerunt causarum exordia prima
DRN 5.678	atque ita res mundi cecidere ab origine prima,
DRN 5.679	conseque quoque iam redeunt ex ordine certo.
DRN 5.680	Crescere itemque dies licet et tabescere noctes,
DRN 5.681	et minui luces, cum sumant augmina noctis,
DRN 5.682	aut quia sol idem sub terras atque superne
DRN 5.683	imparibus currens amfractibus aetheris oras
DRN 5.684	partit et in partis non aequas dividit orbem,
DRN 5.685	et quod ab alterutra detraxit parte, reponit
DRN 5.686	eius in adversa tanto plus parte relatus,
DRN 5.687	donec ad id signum caeli pervenit, ubi anni
DRN 5.688	nodus nocturnas exaequat lucibus umbras;
DRN 5.689	nam medio cursu flatus aquilonis et austri
DRN 5.690	distinet aequato caelum discrimine metas
DRN 5.691	propter signiferi posituram totius orbis,
DRN 5.692	annua sol in quo concludit tempora serpens,
DRN 5.693	obliquo terras et caelum lumine lustrans,
DRN 5.694	ut ratio declarat eorum qui loca caeli
DRN 5.695	omnia dispositis signis ornata notarunt.
DRN 5.696	aut quia crassior est certis in partibus aeraër,
DRN 5.697	sub terris ideo tremulum iubar haesitat ignis
DRN 5.698	nec penetrare potest facile atque emergere ad ortus;
DRN 5.699	propterea noctes hiberno tempore longae
DRN 5.700	cessant, dum veniat radiatum insigne diei.
DRN 5.701	aut etiam, quia sic alternis partibus anni
DRN 5.702	tardius et citius consuerunt confluere ignes,
DRN 5.703	qui faciunt solem certa de surgere parte,
DRN 5.704	propterea fit uti videantur dicere verum.
DRN 5.705	Luna potest solis radiis percussa nitere
DRN 5.706	inque dies magis id lumen convertere nobis
DRN 5.707	ad speciem, quantum solis secedit ab orbi,
DRN 5.708	donique eum contra pleno bene lumine fulsit
DRN 5.709	atque oriens obitus eius super edita vidit;
DRN 5.710	inde minutatim retro quasi condere lumen
DRN 5.711	debet item, quanto propius iam solis ad ignem
DRN 5.712	labitur ex alia signorum parte per orbem;
DRN 5.713	ut faciunt, lunam qui fingunt esse pilai
DRN 5.714	consimilem cursusque viam sub sole tenere.
DRN 5.715	est etiam quare proprio cum lumine possit
DRN 5.716	volvier et varias splendoris reddere formas;
DRN 5.717	corpus enim licet esse aliud, quod fertur et una
DRN 5.718	labitur omnimodis occursans officiensque,
DRN 5.719	nec potis est cerni, quia cassum lumine fertur.
DRN 5.720	versarique potest, globus ut, si forte, pilai
DRN 5.721	dimidia ex parti candenti lumine tinctus,
DRN 5.722	versandoque globum variantis edere formas,
DRN 5.723	donique eam partem, quae cumque est ignibus aucta,
DRN 5.724	ad speciem vertit nobis oculosque patentis;
DRN 5.725	inde minutatim retro contorquet et aufert
DRN 5.726	luciferam partem glomeraminis atque pilai;
DRN 5.727	ut Babylonica Chaldaeum doctrina refutans
DRN 5.728	astrologorum artem contra convincere tendit,
DRN 5.729	proinde quasi id fieri nequeat quod pugnat uterque
DRN 5.730	aut minus hoc illo sit cur amplectier ausis.
DRN 5.731	denique cur nequeat semper nova luna creari
DRN 5.732	ordine formarum certo certisque figuris
DRN 5.733	inque dies privos aborisci quaeque creata
DRN 5.734	atque alia illius reparari in parte locoque,
DRN 5.735	difficilest ratione docere et vincere verbis,
DRN 5.736	ordine cum videas tam certo multa creari.
DRN 5.737	it Ver et Venus et Veneris praenuntius ante
DRN 5.738	pennatus graditur, Zephyri vestigia propter
DRN 5.739	Flora quibus mater praespargens ante viai
DRN 5.740	cuncta coloribus egregiis et odoribus opplet.
DRN 5.741	inde loci sequitur Calor aridus et comes una
DRN 5.742	pulverulenta Ceres et etesia flabra aquilonum.
DRN 5.743	inde Autumnus adit, graditur simul Euhius Euan.
DRN 5.744	inde aliae tempestates ventique secuntur,
DRN 5.745	altitonans Volturnus et Auster fulmine pollens.
DRN 5.746	tandem Bruma nives adfert pigrumque rigorem
DRN 5.747	reddit. Hiemps sequitur crepitans hanc dentibus algu.
DRN 5.748	quo minus est mirum, si certo tempore luna
DRN 5.749	gignitur et certo deletur tempore rusus,
DRN 5.750	cum fieri possint tam certo tempore multa.
DRN 5.751	Solis item quoque defectus lunaeque latebras
DRN 5.752	pluribus e causis fieri tibi posse putandumst.
DRN 5.753	nam cur luna queat terram secludere solis
DRN 5.754	lumine et a terris altum caput obstruere ei,
DRN 5.755	obiciens caecum radiis ardentibus orbem,
DRN 5.756	tempore eodem aliut facere id non posse putetur
DRN 5.757	corpus, quod cassum labatur lumine semper?
DRN 5.758	solque suos etiam dimittere languidus ignis
DRN 5.759	tempore cur certo nequeat recreareque lumen,
DRN 5.760	cum loca praeteriit flammis infesta per auras,
DRN 5.761	quae faciunt ignis interstingui atque perire?
DRN 5.762	et cur terra queat lunam spoliare vicissim
DRN 5.763	lumine et oppressum solem super ipsa tenere,
DRN 5.764	menstrua dum rigidas coni perlabitur umbras,
DRN 5.765	tempore eodem aliud nequeat succurrere lunae
DRN 5.766	corpus vel supra solis perlabier orbem,
DRN 5.767	quod radios inter rumpat lumenque profusum?
DRN 5.768	et tamen ipsa suo si fulget luna nitore,
DRN 5.769	cur nequeat certa mundi languescere parte,
DRN 5.770	dum loca luminibus propriis inimica per exit?
DRN 5.771	menstrua dum rigidas coni perlabitur umbras.
DRN 5.772	Quod superest, quoniam magni per caerula mundi
DRN 5.773	qua fieri quicquid posset ratione resolvi,
DRN 5.774	solis uti varios cursus lunaeque meatus
DRN 5.775	noscere possemus quae vis et causa cieret,
DRN 5.776	quove modo possent offecto lumine obire
DRN 5.777	et neque opinantis tenebris obducere terras,
DRN 5.778	cum quasi conivent et aperto lumine rursum
DRN 5.779	omnia convisunt clara loca candida luce,
DRN 5.780	nunc redeo ad mundi novitatem et mollia terrae
DRN 5.781	arva, novo fetu quid primum in luminis oras
DRN 5.782	tollere et incertis crerint committere ventis.
DRN 5.783	Principio genus herbarum viridemque nitorem
DRN 5.784	terra dedit circum collis camposque per omnis,
DRN 5.785	florida fulserunt viridanti prata colore,
DRN 5.786	arboribusque datumst variis exinde per auras
DRN 5.787	crescendi magnum inmissis certamen habenis.
DRN 5.788	ut pluma atque pili primum saetaeque creantur
DRN 5.789	quadripedum membris et corpore pennipotentum,
DRN 5.790	sic nova tum tellus herbas virgultaque primum
DRN 5.791	sustulit, inde loci mortalia saecla creavit
DRN 5.792	multa modis multis varia ratione coorta.
DRN 5.793	nam neque de caelo cecidisse animalia possunt,
DRN 5.794	nec terrestria de salsis exisse lacunis.
DRN 5.795	linquitur ut merito maternum nomen adepta
DRN 5.796	terra sit, e terra quoniam sunt cuncta creata.
DRN 5.797	multaque nunc etiam existunt animalia terris
DRN 5.798	imbribus et calido solis concreta vapore;
DRN 5.799	quo minus est mirum, si tum sunt plura coorta
DRN 5.800	et maiora, nova tellure atque aethere adulta.
DRN 5.801	principio genus alituum variaeque volucres
DRN 5.802	ova relinquebant exclusae tempore verno,
DRN 5.803	folliculos ut nunc teretis aestate cicadae
DRN 5.804	lincunt sponte sua victum vitamque petentes.
DRN 5.805	tum tibi terra dedit primum mortalia saecla.
DRN 5.806	multus enim calor atque umor superabat in arvis.
DRN 5.807	hoc ubi quaeque loci regio opportuna dabatur,
DRN 5.808	crescebant uteri terram radicibus apti;
DRN 5.809	quos ubi tempore maturo pate fecerat aetas
DRN 5.810	infantum, fugiens umorem aurasque petessens,
DRN 5.811	convertebat ibi natura foramina terrae
DRN 5.812	et sucum venis cogebat fundere apertis
DRN 5.813	consimilem lactis, sicut nunc femina quaeque
DRN 5.814	cum peperit, dulci repletur lacte, quod omnis
DRN 5.815	impetus in mammas convertitur ille alimenti.
DRN 5.816	terra cibum pueris, vestem vapor, herba cubile
DRN 5.817	praebebat multa et molli lanugine abundans.
DRN 5.818	at novitas mundi nec frigora dura ciebat
DRN 5.819	nec nimios aestus nec magnis viribus auras.
DRN 5.820	omnia enim pariter crescunt et robora sumunt.
DRN 5.821	Quare etiam atque etiam maternum nomen adepta
DRN 5.822	terra tenet merito, quoniam genus ipsa creavit
DRN 5.823	humanum atque animal prope certo tempore fudit
DRN 5.824	omne quod in magnis bacchatur montibus passim,
DRN 5.825	aeriasqueaëriasque simul volucres variantibus formis.
DRN 5.826	sed quia finem aliquam pariendi debet habere,
DRN 5.827	destitit, ut mulier spatio defessa vetusto.
DRN 5.828	mutat enim mundi naturam totius aetas
DRN 5.829	ex alioque alius status excipere omnia debet
DRN 5.830	nec manet ulla sui similis res: omnia migrant,
DRN 5.831	omnia commutat natura et vertere cogit.
DRN 5.832	namque aliud putrescit et aevo debile languet,
DRN 5.833	porro aliud succrescit et e contemptibus exit.
DRN 5.834	sic igitur mundi naturam totius aetas
DRN 5.835	mutat, et ex alio terram status excipit alter,
DRN 5.836	quod potuit nequeat, possit quod non tulit ante.
DRN 5.837	Multaque tum tellus etiam portenta creare
DRN 5.838	conatast mira facie membrisque coorta,
DRN 5.839	androgynem, interutras necutrumque utrimque remotum,
DRN 5.840	orba pedum partim, manuum viduata vicissim,
DRN 5.841	muta sine ore etiam, sine voltu caeca reperta,
DRN 5.842	vinctaque membrorum per totum corpus adhaesu,
DRN 5.843	nec facere ut possent quicquam nec cedere quoquam
DRN 5.844	nec vitare malum nec sumere quod volet usus.
DRN 5.845	cetera de genere hoc monstra ac portenta creabat,
DRN 5.846	ne quiquam, quoniam natura absterruit auctum
DRN 5.847	nec potuere cupitum aetatis tangere florem
DRN 5.848	nec reperire cibum nec iungi per Veneris res.
DRN 5.849	multa videmus enim rebus concurrere debere,
DRN 5.850	ut propagando possint procudere saecla;
DRN 5.851	pabula primum ut sint, genitalia deinde per artus
DRN 5.852	semina qua possint membris manare remissis,
DRN 5.853	feminaque ut maribus coniungi possit, habere,
DRN 5.854	mutua qui mutent inter se gaudia uterque.
DRN 5.855	Multaque tum interiisse animantum saecla necessest
DRN 5.856	nec potuisse propagando procudere prolem.
DRN 5.857	nam quae cumque vides vesci vitalibus auris,
DRN 5.858	aut dolus aut virtus aut denique mobilitas est
DRN 5.859	ex ineunte aevo genus id tutaTA reservans.
DRN 5.860	multaque sunt, nobis ex utilitate sua quae
DRN 5.861	commendata manent, tutelae tradita nostrae.
DRN 5.862	principio genus acre leonum saevaque saecla
DRN 5.863	tutatast virtus, volpes dolus et fuga cervos.
DRN 5.864	at levisomna canum fido cum pectore corda,
DRN 5.865	et genus omne quod est veterino semine partum
DRN 5.866	lanigeraeque simul pecudes et bucera saecla
DRN 5.867	omnia sunt hominum tutelae tradita, Memmi;
DRN 5.868	nam cupide fugere feras pacemque secuta
DRN 5.869	sunt et larga suo sine pabula parta labore,
DRN 5.870	quae damus utilitatis eorum praemia causa.
DRN 5.871	at quis nil horum tribuit natura, nec ipsa
DRN 5.872	sponte sua possent ut vivere nec dare nobis
DRN 5.873	utilitatem aliquam, quare pateremur eorum
DRN 5.874	praesidio nostro pasci genus esseque tutum,
DRN 5.875	scilicet haec aliis praedae lucroque iacebant
DRN 5.876	indupedita suis fatalibus omnia vinclis,
DRN 5.877	donec ad interitum genus id natura redegit.
DRN 5.878	Sed neque Centauri fuerunt nec tempore in ullo
DRN 5.879	esse queunt duplici natura et corpore bino
DRN 5.880	ex alienigenis membris compacta, potestas
DRN 5.881	hinc illinc partis ut sat par esse potissit.
DRN 5.882	id licet hinc quamvis hebeti cognoscere corde.
DRN 5.883	principio circum tribus actis impiger annis
DRN 5.884	floret equus, puer haut quaquam; nam saepe etiam nunc
DRN 5.885	ubera mammarum in somnis lactantia quaeret.
DRN 5.886	post ubi equum validae vires aetate senecta
DRN 5.887	membraque deficiunt fugienti languida vita,
DRN 5.888	tum demum puerili aevo florenta iuventas
DRN 5.889	officit et molli vestit lanugine malas;
DRN 5.890	ne forte ex homine et veterino semine equorum
DRN 5.891	confieri credas Centauros posse neque esse,
DRN 5.892	aut rapidis canibus succinctas semimarinis
DRN 5.893	corporibus Scyllas et cetera de genere horum,
DRN 5.894	inter se quorum discordia membra videmus;
DRN 5.895	quae neque florescunt pariter nec robora sumunt
DRN 5.896	corporibus neque proiciunt aetate senecta
DRN 5.897	nec simili Venere ardescunt nec moribus unis
DRN 5.898	conveniunt neque sunt eadem iucunda per artus.
DRN 5.899	quippe videre licet pinguescere saepe cicuta
DRN 5.900	barbigeras pecudes, homini quae est acre venenum.
DRN 5.901	flamma quidem vero cum corpora fulva leonum
DRN 5.902	tam soleat torrere atque urere quam genus omne
DRN 5.903	visceris in terris quod cumque et sanguinis extet,
DRN 5.904	qui fieri potuit, triplici cum corpore ut una,
DRN 5.905	prima leo, postrema draco, media ipsa, Chimaera
DRN 5.906	ore foras acrem flaret de corpore flammam?
DRN 5.907	quare etiam tellure nova caeloque recenti
DRN 5.908	talia qui fingit potuisse animalia gigni,
DRN 5.909	nixus in hoc uno novitatis nomine inani,
DRN 5.910	multa licet simili ratione effutiat ore,
DRN 5.911	aurea tum dicat per terras flumina vulgo
DRN 5.912	fluxisse et gemmis florere arbusta suessesuësse
DRN 5.913	aut hominem tanto membrorum esse impete natum,
DRN 5.914	trans maria alta pedum nisus ut ponere posset
DRN 5.915	et manibus totum circum se vertere caelum.
DRN 5.916	nam quod multa fuere in terris semina rerum,
DRN 5.917	tempore quo primum tellus animalia fudit,
DRN 5.918	nil tamen est signi mixtas potuisse creari
DRN 5.919	inter se pecudes compactaque membra animantum,
DRN 5.920	propterea quia quae de terris nunc quoque abundant
DRN 5.921	herbarum genera ac fruges arbustaque laeta
DRN 5.922	non tamen inter se possunt complexa creari,
DRN 5.923	sed res quaeque suo ritu procedit et omnes
DRN 5.924	foedere naturae certo discrimina servant.
DRN 5.925	Et genus humanum multo fuit illud in arvis
DRN 5.926	durius, ut decuit, tellus quod dura creasset,
DRN 5.927	et maioribus et solidis magis ossibus intus
DRN 5.928	fundatum, validis aptum per viscera nervis,
DRN 5.929	nec facile ex aestu nec frigore quod caperetur
DRN 5.930	nec novitate cibi nec labi corporis ulla.
DRN 5.931	multaque per caelum solis volventia lustra
DRN 5.932	volgivago vitam tractabant more ferarum.
DRN 5.933	nec robustus erat curvi moderator aratri
DRN 5.934	quisquam, nec scibat ferro molirier arva
DRN 5.935	nec nova defodere in terram virgulta neque altis
DRN 5.936	arboribus veteres decidere falcibus ramos.
DRN 5.937	quod sol atque imbres dederant, quod terra crearat
DRN 5.938	sponte sua, satis id placabat pectora donum.
DRN 5.939	glandiferas inter curabant corpora quercus
DRN 5.940	plerumque; et quae nunc hiberno tempore cernis
DRN 5.941	arbita puniceo fieri matura colore,
DRN 5.942	plurima tum tellus etiam maiora ferebat.
DRN 5.943	multaque praeterea novitas tum florida mundi
DRN 5.944	pabula dura tulit, miseris mortalibus ampla.
DRN 5.945	at sedare sitim fluvii fontesque vocabant,
DRN 5.946	ut nunc montibus e magnis decursus aquai
DRN 5.947	claricitat late sitientia saecla ferarum.
DRN 5.948	denique nota vagis silvestria templa tenebant
DRN 5.949	nympharum, quibus e scibant umore fluenta
DRN 5.950	lubrica proluvie larga lavere umida saxa,
DRN 5.951	umida saxa, super viridi stillantia musco,
DRN 5.952	et partim plano scatere atque erumpere campo.
DRN 5.953	necdum res igni scibant tractare neque uti
DRN 5.954	pellibus et spoliis corpus vestire ferarum,
DRN 5.955	sed nemora atque cavos montis silvasque colebant
DRN 5.956	et frutices inter condebant squalida membra
DRN 5.957	verbera ventorum vitare imbrisque coacti.
DRN 5.958	nec commune bonum poterant spectare neque ullis
DRN 5.959	moribus inter se scibant nec legibus uti.
DRN 5.960	quod cuique obtulerat praedae fortuna, ferebat
DRN 5.961	sponte sua sibi quisque valere et vivere doctus.
DRN 5.962	et Venus in silvis iungebat corpora amantum;
DRN 5.963	conciliabat enim vel mutua quamque cupido
DRN 5.964	vel violenta viri vis atque inpensa libido
DRN 5.965	vel pretium, glandes atque arbita vel pira lecta.
DRN 5.966	et manuum mira freti virtute pedumque
DRN 5.967	consectabantur silvestria saecla ferarum
DRN 5.968	missilibus saxis et magno pondere clavae.
DRN 5.969	multaque vincebant, vitabant pauca latebris;
DRN 5.970	saetigerisque pares subus silvestria membra
DRN 5.971	nuda dabant terrae nocturno tempore capti,
DRN 5.972	circum se foliis ac frondibus involventes.
DRN 5.973	nec plangore diem magno solemque per agros
DRN 5.974	quaerebant pavidi palantes noctis in umbris,
DRN 5.975	sed taciti respectabant somnoque sepulti,
DRN 5.976	dum rosea face sol inferret lumina caelo.
DRN 5.977	a parvis quod enim consuerant cernere semper
DRN 5.978	alterno tenebras et lucem tempore gigni,
DRN 5.979	non erat ut fieri posset mirarier umquam
DRN 5.980	nec diffidere, ne terras aeterna teneret
DRN 5.981	nox in perpetuum detracto lumine solis.
DRN 5.982	sed magis illud erat curae, quod saecla ferarum
DRN 5.983	infestam miseris faciebant saepe quietem.
DRN 5.984	eiectique domo fugiebant saxea tecta
DRN 5.985	spumigeri suis adventu validique leonis
DRN 5.986	atque intempesta cedebant nocte paventes
DRN 5.987	hospitibus saevis instrata cubilia fronde.
DRN 5.988	Nec nimio tum plus quam nunc mortalia saecla
DRN 5.989	dulcia linquebant lamentis lumina vitae.
DRN 5.990	unus enim tum quisque magis deprensus eorum
DRN 5.991	pabula viva feris praebebat, dentibus haustus,
DRN 5.992	et nemora ac montis gemitu silvasque replebat
DRN 5.993	viva videns vivo sepeliri viscera busto.
DRN 5.994	at quos effugium servarat corpore adeso,
DRN 5.995	posterius tremulas super ulcera tetra tenentes
DRN 5.996	palmas horriferis accibant vocibus Orcum,
DRN 5.997	donique eos vita privarant vermina saeva
DRN 5.998	expertis opis, ignaros quid volnera vellent.
DRN 5.999	at non multa virum sub signis milia ducta
DRN 5.1000	una dies dabat exitio nec turbida ponti
DRN 5.1001	aequora lidebant navis ad saxa virosque.
DRN 5.1002	nam temere in cassum frustra mare saepe coortum
DRN 5.1003	saevibat leviterque minas ponebat inanis,
DRN 5.1004	nec poterat quemquam placidi pellacia ponti
DRN 5.1005	subdola pellicere in fraudem ridentibus undis.
DRN 5.1006	improba navigii ratio tum caeca iacebat.
DRN 5.1007	tum penuria deinde cibi languentia leto
DRN 5.1008	membra dabat, contra nunc rerum copia mersat.
DRN 5.1009	illi inprudentes ipsi sibi saepe venenum
DRN 5.1010	vergebant, nunc dant aliis sollertius ipsi.
DRN 5.1011	Inde casas postquam ac pellis ignemque pararunt
DRN 5.1012	et mulier coniuncta viro concessit in unum
DRN 5.1013	cognita sunt, prolemque ex se videre creatam,
DRN 5.1014	tum genus humanum primum mollescere coepit.
DRN 5.1015	ignis enim curavit, ut alsia corpora frigus
DRN 5.1016	non ita iam possent caeli sub tegmine ferre,
DRN 5.1017	et Venus inminuit viris puerique parentum
DRN 5.1018	blanditiis facile ingenium fregere superbum.
DRN 5.1019	tunc et amicitiem coeperunt iungere aventes
DRN 5.1020	finitimi inter se nec laedere nec violari,
DRN 5.1021	et pueros commendarunt muliebreque saeclum,
DRN 5.1022	vocibus et gestu cum balbe significarent
DRN 5.1023	imbecillorum esse aequum misererier omnis.
DRN 5.1024	nec tamen omnimodis poterat concordia gigni,
DRN 5.1025	sed bona magnaque pars servabat foedera caste;
DRN 5.1026	aut genus humanum iam tum foret omne peremptum
DRN 5.1027	nec potuisset adhuc perducere saecla propago.
DRN 5.1028	At varios linguae sonitus natura subegit
DRN 5.1029	mittere et utilitas expressit nomina rerum,
DRN 5.1030	non alia longe ratione atque ipsa videtur
DRN 5.1031	protrahere ad gestum pueros infantia linguae,
DRN 5.1032	cum facit ut digito quae sint praesentia monstrent.
DRN 5.1033	sentit enim vim quisque suam quod possit abuti.
DRN 5.1034	cornua nata prius vitulo quam frontibus extent,
DRN 5.1035	illis iratus petit atque infestus inurget.
DRN 5.1036	at catuli pantherarum scymnique leonum
DRN 5.1037	unguibus ac pedibus iam tum morsuque repugnant,
DRN 5.1038	vix etiam cum sunt dentes unguesque creati.
DRN 5.1039	alituum porro genus alis omne videmus
DRN 5.1040	fidere et a pennis tremulum petere auxiliatum.
DRN 5.1041	proinde putare aliquem tum nomina distribuisse
DRN 5.1042	rebus et inde homines didicisse vocabula prima,
DRN 5.1043	desiperest. nam cur hic posset cuncta notare
DRN 5.1044	vocibus et varios sonitus emittere linguae,
DRN 5.1045	tempore eodem alii facere id non quisse putentur?
DRN 5.1046	praeterea si non alii quoque vocibus usi
DRN 5.1047	inter se fuerant, unde insita notities est
DRN 5.1048	utilitatis et unde data est huic prima potestas,
DRN 5.1049	quid vellet facere ut sciret animoque videret?
DRN 5.1050	cogere item pluris unus victosque domare
DRN 5.1051	non poterat, rerum ut perdiscere nomina vellent.
DRN 5.1052	nec ratione docere ulla suadereque surdis,
DRN 5.1053	quid sit opus facto, facilest; neque enim paterentur
DRN 5.1054	nec ratione ulla sibi ferrent amplius auris
DRN 5.1055	vocis inauditos sonitus obtundere frustra.
DRN 5.1056	postremo quid in hac mirabile tantoperest re,
DRN 5.1057	si genus humanum, cui vox et lingua vigeret,
DRN 5.1058	pro vario sensu varia res voce notaret?
DRN 5.1059	cum pecudes mutae, cum denique saecla ferarum
DRN 5.1060	dissimilis soleant voces variasque ciere,
DRN 5.1061	cum metus aut dolor est et cum iam gaudia gliscunt.
DRN 5.1062	quippe etenim licet id rebus cognoscere apertis.
DRN 5.1063	inritata canum cum primum magna Molossum
DRN 5.1064	mollia ricta fremunt duros nudantia dentes,
DRN 5.1065	longe alio sonitu rabies restricta minatur,
DRN 5.1066	et cum iam latrant et vocibus omnia complent;
DRN 5.1067	at catulos blande cum lingua lambere temptant
DRN 5.1068	aut ubi eos lactant, pedibus morsuque potentes
DRN 5.1069	suspensis teneros imitantur dentibus haustus,
DRN 5.1070	longe alio pacto gannitu vocis adulant,
DRN 5.1071	et cum deserti baubantur in aedibus, aut cum
DRN 5.1072	plorantis fugiunt summisso corpore plagas.
DRN 5.1073	denique non hinnitus item differre videtur,
DRN 5.1074	inter equas ubi equus florenti aetate iuvencus
DRN 5.1075	pinnigeri saevit calcaribus ictus Amoris
DRN 5.1076	et fremitum patulis sub naribus edit ad arma,
DRN 5.1077	et cum sic alias concussis artibus hinnit?
DRN 5.1078	postremo genus alituum variaeque volucres,
DRN 5.1079	accipitres atque ossifragae mergique marinis
DRN 5.1080	fluctibus in salso victum vitamque petentes,
DRN 5.1081	longe alias alio iaciunt in tempore voces,
DRN 5.1082	et quom de victu certant praedaque repugnant.
DRN 5.1083	et partim mutant cum tempestatibus una
DRN 5.1084	raucisonos cantus, cornicum ut saecla vetusta
DRN 5.1085	corvorumque gregis ubi aquam dicuntur et imbris
DRN 5.1086	poscere et inter dum ventos aurasque vocare.
DRN 5.1087	ergo si varii sensus animalia cogunt,
DRN 5.1088	muta tamen cum sint, varias emittere voces,
DRN 5.1089	quanto mortalis magis aequumst tum potuisse
DRN 5.1090	dissimilis alia atque alia res voce notare!
DRN 5.1091	Illud in his rebus tacitus ne forte requiras,
DRN 5.1092	fulmen detulit in terram mortalibus ignem
DRN 5.1093	primitus, inde omnis flammarum diditur ardor;
DRN 5.1094	multa videmus enim caelestibus insita flammis
DRN 5.1095	fulgere, cum caeli donavit plaga vaporis.
DRN 5.1096	et ramosa tamen cum ventis pulsa vacillans
DRN 5.1097	aestuat in ramos incumbens arboris arbor,
DRN 5.1098	exprimitur validis extritus viribus ignis,
DRN 5.1099	emicat inter dum flammai fervidus ardor,
DRN 5.1100	mutua dum inter se rami stirpesque teruntur.
DRN 5.1101	quorum utrumque dedisse potest mortalibus ignem.
DRN 5.1102	inde cibum quoquere ac flammae mollire vapore
DRN 5.1103	sol docuit, quoniam mitescere multa videbant
DRN 5.1104	verberibus radiorum atque aestu victa per agros.
DRN 5.1105	Inque dies magis hi victum vitamque priorem
DRN 5.1106	commutare novis monstrabant rebus et igni,
DRN 5.1107	ingenio qui praestabant et corde vigebant.
DRN 5.1108	condere coeperunt urbis arcemque locare
DRN 5.1109	praesidium reges ipsi sibi perfugiumque,
DRN 5.1110	et pecudes et agros divisere atque dedere
DRN 5.1111	pro facie cuiusque et viribus ingenioque;
DRN 5.1112	nam facies multum valuit viresque vigebant.
DRN 5.1113	posterius res inventast aurumque repertum,
DRN 5.1114	quod facile et validis et pulchris dempsit honorem;
DRN 5.1115	divitioris enim sectam plerumque secuntur
DRN 5.1116	quam lubet et fortes et pulchro corpore creti.
DRN 5.1117	quod siquis vera vitam ratione gubernet,
DRN 5.1118	divitiae grandes homini sunt vivere parce
DRN 5.1119	aequo animo; neque enim est umquam penuria parvi.
DRN 5.1120	at claros homines voluerunt se atque potentes,
DRN 5.1121	ut fundamento stabili fortuna maneret
DRN 5.1122	et placidam possent opulenti degere vitam,
DRN 5.1123	ne quiquam, quoniam ad summum succedere honorem
DRN 5.1124	certantes iter infestum fecere viai,
DRN 5.1125	et tamen e summo, quasi fulmen, deicit ictos
DRN 5.1126	invidia inter dum contemptim in Tartara taetra;
DRN 5.1127	invidia quoniam ceu fulmine summa vaporant
DRN 5.1128	plerumque et quae sunt aliis magis edita cumque;
DRN 5.1129	ut satius multo iam sit parere quietum
DRN 5.1130	quam regere imperio res velle et regna tenere.
DRN 5.1131	proinde sine in cassum defessi sanguine sudent,
DRN 5.1132	angustum per iter luctantes ambitionis;
DRN 5.1133	quandoquidem sapiunt alieno ex ore petuntque
DRN 5.1134	res ex auditis potius quam sensibus ipsis,
DRN 5.1135	nec magis id nunc est neque erit mox quam fuit ante.
DRN 5.1136	Ergo regibus occisis subversa iacebat
DRN 5.1137	pristina maiestas soliorum et sceptra superba,
DRN 5.1138	et capitis summi praeclarum insigne cruentum
DRN 5.1139	sub pedibus vulgi magnum lugebat honorem;
DRN 5.1140	nam cupide conculcatur nimis ante metutum.
DRN 5.1141	res itaque ad summam faecem turbasque redibat,
DRN 5.1142	imperium sibi cum ac summatum quisque petebat.
DRN 5.1143	inde magistratum partim docuere creare
DRN 5.1144	iuraque constituere, ut vellent legibus uti.
DRN 5.1145	nam genus humanum, defessum vi colere aevom,
DRN 5.1146	ex inimicitiis languebat; quo magis ipsum
DRN 5.1147	sponte sua cecidit sub leges artaque iura.
DRN 5.1148	acrius ex ira quod enim se quisque parabat
DRN 5.1149	ulcisci quam nunc concessumst legibus aequis,
DRN 5.1150	hanc ob rem est homines pertaesum vi colere aevom.
DRN 5.1151	inde metus maculat poenarum praemia vitae.
DRN 5.1152	circumretit enim vis atque iniuria quemque
DRN 5.1153	atque unde exortast, ad eum plerumque revertit,
DRN 5.1154	nec facilest placidam ac pacatam degere vitam
DRN 5.1155	qui violat factis communia foedera pacis.
DRN 5.1156	etsi fallit enim divom genus humanumque,
DRN 5.1157	perpetuo tamen id fore clam diffidere debet;
DRN 5.1158	quippe ubi se multi per somnia saepe loquentes
DRN 5.1159	aut morbo delirantes protraxe ferantur
DRN 5.1160	et celata mala in medium et peccata dedisse.
DRN 5.1161	Nunc quae causa deum per magnas numina gentis
DRN 5.1162	pervulgarit et ararum compleverit urbis
DRN 5.1163	suscipiendaque curarit sollemnia sacra,
DRN 5.1164	quae nunc in magnis florent sacra rebus locisque,
DRN 5.1165	unde etiam nunc est mortalibus insitus horror,
DRN 5.1166	qui delubra deum nova toto suscitat orbi
DRN 5.1167	terrarum et festis cogit celebrare diebus,
DRN 5.1168	non ita difficilest rationem reddere verbis.
DRN 5.1169	quippe etenim iam tum divom mortalia saecla
DRN 5.1170	egregias animo facies vigilante videbant
DRN 5.1171	et magis in somnis mirando corporis auctu.
DRN 5.1172	his igitur sensum tribuebant propterea quod
DRN 5.1173	membra movere videbantur vocesque superbas
DRN 5.1174	mittere pro facie praeclara et viribus amplis.
DRN 5.1175	aeternamque dabant vitam, quia semper eorum
DRN 5.1176	subpeditabatur facies et forma manebat,
DRN 5.1177	et tamen omnino quod tantis viribus auctos
DRN 5.1178	non temere ulla vi convinci posse putabant.
DRN 5.1179	fortunisque ideo longe praestare putabant,
DRN 5.1180	quod mortis timor haut quemquam vexaret eorum,
DRN 5.1181	et simul in somnis quia multa et mira videbant
DRN 5.1182	efficere et nullum capere ipsos inde laborem.
DRN 5.1183	praeterea caeli rationes ordine certo
DRN 5.1184	et varia annorum cernebant tempora verti
DRN 5.1185	nec poterant quibus id fieret cognoscere causis.
DRN 5.1186	ergo perfugium sibi habebant omnia divis
DRN 5.1187	tradere et illorum nutu facere omnia flecti.
DRN 5.1188	in caeloque deum sedes et templa locarunt,
DRN 5.1189	per caelum volvi quia nox et luna videtur,
DRN 5.1190	luna dies et nox et noctis signa severa
DRN 5.1191	noctivagaeque faces caeli flammaeque volantes,
DRN 5.1192	nubila sol imbres nix venti fulmina grando
DRN 5.1193	et rapidi fremitus et murmura magna minarum.
DRN 5.1194	O genus infelix humanum, talia divis
DRN 5.1195	cum tribuit facta atque iras adiunxit acerbas!
DRN 5.1196	quantos tum gemitus ipsi sibi, quantaque nobis
DRN 5.1197	volnera, quas lacrimas peperere minoribus nostris!
DRN 5.1198	nec pietas ullast velatum saepe videri
DRN 5.1199	vertier ad lapidem atque omnis accedere ad aras
DRN 5.1200	nec procumbere humi prostratum et pandere palmas
DRN 5.1201	ante deum delubra nec aras sanguine multo
DRN 5.1202	spargere quadrupedum nec votis nectere vota,
DRN 5.1203	sed mage pacata posse omnia mente tueri.
DRN 5.1204	nam cum suspicimus magni caelestia mundi
DRN 5.1205	templa super stellisque micantibus aethera fixum,
DRN 5.1206	et venit in mentem solis lunaeque viarum,
DRN 5.1207	tunc aliis oppressa malis in pectora cura
DRN 5.1208	illa quoque expergefactum caput erigere infit,
DRN 5.1209	ne quae forte deum nobis inmensa potestas
DRN 5.1210	sit, vario motu quae candida sidera verset;
DRN 5.1211	temptat enim dubiam mentem rationis egestas,
DRN 5.1212	ecquae nam fuerit mundi genitalis origo,
DRN 5.1213	et simul ecquae sit finis, quoad moenia mundi
DRN 5.1214	et taciti motus hunc possint ferre laborem,
DRN 5.1215	an divinitus aeterna donata salute
DRN 5.1216	perpetuo possint aevi labentia tractu
DRN 5.1217	inmensi validas aevi contemnere viris.
DRN 5.1218	praeterea cui non animus formidine divum
DRN 5.1219	contrahitur, cui non correpunt membra pavore,
DRN 5.1220	fulminis horribili cum plaga torrida tellus
DRN 5.1221	contremit et magnum percurrunt murmura caelum?
DRN 5.1222	non populi gentesque tremunt, regesque superbi
DRN 5.1223	corripiunt divum percussi membra timore,
DRN 5.1224	ne quod ob admissum foede dictumve superbe
DRN 5.1225	poenarum grave sit solvendi tempus adauctum?
DRN 5.1226	summa etiam cum vis violenti per mare venti
DRN 5.1227	induperatorem classis super aequora verrit
DRN 5.1228	cum validis pariter legionibus atque elephantis,
DRN 5.1229	non divom pacem votis adit ac prece quaesit
DRN 5.1230	ventorum pavidus paces animasque secundas?
DRN 5.1231	ne quiquam, quoniam violento turbine saepe
DRN 5.1232	correptus nihilo fertur minus ad vada leti.
DRN 5.1233	usque adeo res humanas vis abdita quaedam
DRN 5.1234	opterit et pulchros fascis saevasque secures
DRN 5.1235	proculcare ac ludibrio sibi habere videtur.
DRN 5.1236	denique sub pedibus tellus cum tota vacillat
DRN 5.1237	concussaeque cadunt urbes dubiaeque minantur,
DRN 5.1238	quid mirum si se temnunt mortalia saecla
DRN 5.1239	atque potestatis magnas mirasque relinquunt
DRN 5.1240	in rebus viris divum, quae cuncta gubernent?
DRN 5.1241	Quod super est, aes atque aurum ferrumque repertumst
DRN 5.1242	et simul argenti pondus plumbique potestas,
DRN 5.1243	ignis ubi ingentis silvas ardore cremarat
DRN 5.1244	montibus in magnis, seu caelo fulmine misso,
DRN 5.1245	sive quod inter se bellum silvestre gerentes
DRN 5.1246	hostibus intulerant ignem formidinis ergo,
DRN 5.1247	sive quod inducti terrae bonitate volebant
DRN 5.1248	pandere agros pinguis et pascua reddere rura,
DRN 5.1249	sive feras interficere et ditescere praeda;
DRN 5.1250	nam fovea atque igni prius est venarier ortum
DRN 5.1251	quam saepire plagis saltum canibusque ciere.
DRN 5.1252	quicquid id est, qua cumque e causa flammeus ardor
DRN 5.1253	horribili sonitu silvas exederat altis
DRN 5.1254	a radicibus et terram percoxerat igni,
DRN 5.1255	manabat venis ferventibus in loca terrae
DRN 5.1256	concava conveniens argenti rivus et auri,
DRN 5.1257	aeris item et plumbi. quae cum concreta videbant
DRN 5.1258	posterius claro in terra splendere colore,
DRN 5.1259	tollebant nitido capti levique lepore,
DRN 5.1260	et simili formata videbant esse figura
DRN 5.1261	atque lacunarum fuerant vestigia cuique.
DRN 5.1262	tum penetrabat eos posse haec liquefacta calore
DRN 5.1263	quamlibet in formam et faciem decurrere rerum,
DRN 5.1264	et prorsum quamvis in acuta ac tenvia posse
DRN 5.1265	mucronum duci fastigia procudendo,
DRN 5.1266	ut sibi tela parent silvasque ut caedere possint
DRN 5.1267	materiemque dolare et levia radere tigna
DRN 5.1268	et terebrare etiam ac pertundere perque forare.
DRN 5.1269	nec minus argento facere haec auroque parabant
DRN 5.1270	quam validi primum violentis viribus aeris,
DRN 5.1271	ne quiquam, quoniam cedebat victa potestas
DRN 5.1272	nec poterant pariter durum sufferre laborem.
DRN 5.1273	nam fuit in pretio magis aes aurumque iacebat
DRN 5.1274	propter inutilitatem hebeti mucrone retusum;
DRN 5.1275	nunc iacet aes, aurum in summum successit honorem.
DRN 5.1276	sic volvenda aetas commutat tempora rerum.
DRN 5.1277	quod fuit in pretio, fit nullo denique honore;
DRN 5.1278	porro aliud succedit et e contemptibus exit
DRN 5.1279	inque dies magis adpetitur floretque repertum
DRN 5.1280	laudibus et miro est mortalis inter honore.
DRN 5.1281	Nunc tibi quo pacto ferri natura reperta
DRN 5.1282	sit facilest ipsi per te cognoscere, Memmi.
DRN 5.1283	arma antiqua manus ungues dentesque fuerunt
DRN 5.1284	et lapides et item silvarum fragmina rami
DRN 5.1285	et flamma atque ignes, post quam sunt cognita primum.
DRN 5.1286	posterius ferri vis est aerisque reperta.
DRN 5.1287	et prior aeris erat quam ferri cognitus usus,
DRN 5.1288	quo facilis magis est natura et copia maior.
DRN 5.1289	aere solum terrae tractabant, aereque belli
DRN 5.1290	miscebant fluctus et vulnera vasta serebant
DRN 5.1291	et pecus atque agros adimebant; nam facile ollis
DRN 5.1292	omnia cedebant armatis nuda et inerma.
DRN 5.1293	inde minutatim processit ferreus ensis
DRN 5.1294	versaque in obprobrium species est falcis ahenae,
DRN 5.1295	et ferro coepere solum proscindere terrae
DRN 5.1296	exaequataque sunt creperi certamina belli.
DRN 5.1297	et prius est armatum in equi conscendere costas
DRN 5.1298	et moderarier hunc frenis dextraque vigere
DRN 5.1299	quam biiugo curru belli temptare pericla.
DRN 5.1300	et biiugo prius est quam bis coniungere binos
DRN 5.1301	et quam falciferos armatum escendere currus.
DRN 5.1302	inde boves Lucas turrito corpore, tetras,
DRN 5.1303	anguimanus, belli docuerunt volnera Poeni
DRN 5.1304	sufferre et magnas Martis turbare catervas.
DRN 5.1305	sic alid ex alio peperit discordia tristis,
DRN 5.1306	horribile humanis quod gentibus esset in armis,
DRN 5.1307	inque dies belli terroribus addidit augmen.
DRN 5.1308	Temptarunt etiam tauros in moenere belli
DRN 5.1309	expertique sues saevos sunt mittere in hostis.
DRN 5.1310	et validos partim prae se misere leones
DRN 5.1311	cum doctoribus armatis saevisque magistris,
DRN 5.1312	qui moderarier his possent vinclisque tenere,
DRN 5.1313	ne quiquam, quoniam permixta caede calentes
DRN 5.1314	turbabant saevi nullo discrimine turmas,
DRN 5.1315	terrificas capitum quatientis undique cristas,
DRN 5.1316	nec poterant equites fremitu perterrita equorum
DRN 5.1317	pectora mulcere et frenis convertere in hostis.
DRN 5.1318	inritata leae iaciebant corpora saltu
DRN 5.1319	undique et adversum venientibus ora patebant
DRN 5.1320	et nec opinantis a tergo deripiebant
DRN 5.1321	deplexaeque dabant in terram volnere victos,
DRN 5.1322	morsibus adfixae validis atque unguibus uncis.
DRN 5.1323	iactabantque suos tauri pedibusque terebant
DRN 5.1324	et latera ac ventres hauribant supter equorum
DRN 5.1325	cornibus et terram minitanti mente ruebant.
DRN 5.1326	et validis socios caedebant dentibus apri
DRN 5.1327	tela infracta suo tinguentes sanguine saevi
DRN 5.1328	in se fracta suo tinguentes sanguine tela,
DRN 5.1329	permixtasque dabant equitum peditumque ruinas.
DRN 5.1330	nam transversa feros exibant dentis adactus
DRN 5.1331	iumenta aut pedibus ventos erecta petebant,
DRN 5.1332	ne quiquam, quoniam ab nervis succisa videres
DRN 5.1333	concidere atque gravi terram consternere casu.
DRN 5.1334	si quos ante domi domitos satis esse putabant,
DRN 5.1335	effervescere cernebant in rebus agundis
DRN 5.1336	volneribus clamore fuga terrore tumultu,
DRN 5.1337	nec poterant ullam partem redducere eorum;
DRN 5.1338	diffugiebat enim varium genus omne ferarum,
DRN 5.1339	ut nunc saepe boves Lucae ferro male mactae
DRN 5.1340	diffugiunt, fera facta suis cum multa dedere.
DRN 5.1341	Sed facere id non tam vincendi spe voluerunt;
DRN 5.1342	quam dare quod gemerent hostes, ipsique perire,
DRN 5.1343	qui numero diffidebant armisque vacabant,
DRN 5.1344	si fuit ut facerent. sed vix adducor ut ante
DRN 5.1345	non quierint animo praesentire atque videre,
DRN 5.1346	quam commune malum fieret foedumque, futurum.
DRN 5.1347	et magis id possis factum contendere in omni
DRN 5.1348	in variis mundis varia ratione creatis,
DRN 5.1349	quam certo atque uno terrarum quolibet orbi.
DRN 5.1350	Nexilis ante fuit vestis quam textile tegmen.
DRN 5.1351	textile post ferrumst, quia ferro tela paratur,
DRN 5.1352	nec ratione alia possunt tam levia gigni
DRN 5.1353	insilia ac fusi, radii, scapique sonantes.
DRN 5.1354	et facere ante viros lanam natura coegitcoëgit
DRN 5.1355	quam muliebre genus; nam longe praestat in arte
DRN 5.1356	et sollertius est multo genus omne virile;
DRN 5.1357	agricolae donec vitio vertere severi,
DRN 5.1358	ut muliebribus id manibus concedere vellent
DRN 5.1359	atque ipsi pariter durum sufferre laborem
DRN 5.1360	atque opere in duro durarent membra manusque.
DRN 5.1361	At specimen sationis et insitionis origo
DRN 5.1362	ipsa fuit rerum primum natura creatrix,
DRN 5.1363	arboribus quoniam bacae glandesque caducae
DRN 5.1364	tempestiva dabant pullorum examina supter;
DRN 5.1365	unde etiam libitumst stirpis committere ramis
DRN 5.1366	et nova defodere in terram virgulta per agros.
DRN 5.1367	inde aliam atque aliam culturam dulcis agelli
DRN 5.1368	temptabant fructusque feros mansuescere terra
DRN 5.1369	cernebant indulgendo blandeque colendo.
DRN 5.1370	inque dies magis in montem succedere silvas
DRN 5.1371	cogebant infraque locum concedere cultis,
DRN 5.1372	prata lacus rivos segetes vinetaque laeta
DRN 5.1373	collibus et campis ut haberent, atque olearum
DRN 5.1374	caerula distinguens inter plaga currere posset
DRN 5.1375	per tumulos et convallis camposque profusa;
DRN 5.1376	ut nunc esse vides vario distincta lepore
DRN 5.1377	omnia, quae pomis intersita dulcibus ornant
DRN 5.1378	arbustisque tenent felicibus opsita circum.
DRN 5.1379	At liquidas avium voces imitarier ore
DRN 5.1380	ante fuit multo quam levia carmina cantu
DRN 5.1381	concelebrare homines possent aurisque iuvare.
DRN 5.1382	et zephyri cava per calamorum sibila primum
DRN 5.1383	agrestis docuere cavas inflare cicutas.
DRN 5.1384	inde minutatim dulcis didicere querellas,
DRN 5.1385	tibia quas fundit digitis pulsata canentum,
DRN 5.1386	avia per nemora ac silvas saltusque reperta,
DRN 5.1387	per loca pastorum deserta atque otia dia.
DRN 5.1388	sic unum quicquid paulatim protrahit aetas
DRN 5.1389	in medium ratioque in luminis eruit oras.
DRN 5.1390	haec animos ollis mulcebant atque iuvabant
DRN 5.1391	cum satiate cibi; nam tum sunt omnia cordi.
DRN 5.1392	saepe itaque inter se prostrati in gramine molli
DRN 5.1393	propter aquae rivom sub ramis arboris altae.
DRN 5.1394	non magnis opibus iucunde corpora habebant,
DRN 5.1395	praesertim cum tempestas ridebat et anni
DRN 5.1396	tempora pingebant viridantis floribus herbas.
DRN 5.1397	tum ioca, tum sermo, tum dulces esse cachinni
DRN 5.1398	consuerant; agrestis enim tum musa vigebat.
DRN 5.1399	tum caput atque umeros plexis redimire coronis
DRN 5.1400	floribus et foliis lascivia laeta movebat,
DRN 5.1401	atque extra numerum procedere membra moventes
DRN 5.1402	duriter et duro terram pede pellere matrem;
DRN 5.1403	unde oriebantur risus dulcesque cachinni,
DRN 5.1404	omnia quod nova tum magis haec et mira vigebant.
DRN 5.1405	et vigilantibus hinc aderant solacia somno
DRN 5.1406	ducere multimodis voces et flectere cantus
DRN 5.1407	et supera calamos unco percurrere labro;
DRN 5.1408	unde etiam vigiles nunc haec accepta tuentur.
DRN 5.1409	et numerum servare genus didicere, neque hilo
DRN 5.1410	maiore interea capiunt dulcedine fructum
DRN 5.1411	quam silvestre genus capiebat terrigenarum.
DRN 5.1412	nam quod adest praesto, nisi quid cognovimus ante
DRN 5.1413	suavius, in primis placet et pollere videtur,
DRN 5.1414	posteriorque fere melior res illa reperta
DRN 5.1415	perdit et immutat sensus ad pristina quaeque.
DRN 5.1416	sic odium coepit glandis, sic illa relicta
DRN 5.1417	strata cubilia sunt herbis et frondibus aucta.
DRN 5.1418	pellis item cecidit vestis contempta ferina;
DRN 5.1419	quam reor invidia tali tunc esse repertam,
DRN 5.1420	ut letum insidiis qui gessit primus obiret,
DRN 5.1421	et tamen inter eos distractam sanguine multo
DRN 5.1422	disperiise neque in fructum convertere quisse.
DRN 5.1423	tunc igitur pelles, nunc aurum et purpura curis
DRN 5.1424	exercent hominum vitam belloque fatigant;
DRN 5.1425	quo magis in nobis, ut opinor, culpa resedit.
DRN 5.1426	frigus enim nudos sine pellibus excruciabat
DRN 5.1427	terrigenas; at nos nil laedit veste carere
DRN 5.1428	purpurea atque auro signisque ingentibus apta,
DRN 5.1429	dum plebeia tamen sit, quae defendere possit.
DRN 5.1430	Ergo hominum genus in cassum frustraque laborat
DRN 5.1431	semper et in curis consumit inanibus aevom,
DRN 5.1432	ni mirum quia non cognovit quae sit habendi
DRN 5.1433	finis et omnino quoad crescat vera voluptas;
DRN 5.1434	idque minutatim vitam provexit in altum
DRN 5.1435	et belli magnos commovit funditus aestus.
DRN 5.1436	at vigiles mundi magnum versatile templum
DRN 5.1437	sol et luna suo lustrantes lumine circum
DRN 5.1438	perdocuere homines annorum tempora verti
DRN 5.1439	et certa ratione geri rem atque ordine certo.
DRN 5.1440	Iam validis saepti degebant turribus aevom,
DRN 5.1441	et divisa colebatur discretaque tellus,
DRN 5.1442	tum mare velivolis florebat navibus ponti,
DRN 5.1443	auxilia ac socios iam pacto foedere habebant,
DRN 5.1444	carminibus cum res gestas coepere poetaepoëtae
DRN 5.1445	tradere; nec multo prius sunt elementa reperta.
DRN 5.1446	propterea quid sit prius actum respicere aetas
DRN 5.1447	nostra nequit, nisi qua ratio vestigia monstrat.
DRN 5.1448	Navigia atque agri culturas moenia leges
DRN 5.1449	arma vias vestes et cetera de genere horum,
DRN 5.1450	praemia, delicias quoque vitae funditus omnis,
DRN 5.1451	carmina, picturas et daedala signa polita
DRN 5.1452	usus et impigrae simul experientia mentis
DRN 5.1453	paulatim docuit pedetemptim progredientis.
DRN 5.1454	sic unum quicquid paulatim protrahit aetas
DRN 5.1455	in medium ratioque in luminis erigit oras;
DRN 5.1456	namque alid ex alio clarescere corde videbant,
DRN 5.1457	artibus ad summum donec venere cacumen.
DRN 6.1	Primae frugiparos fetus mortalibus aegris
DRN 6.2	dididerunt quondam praeclaro nomine Athenae
DRN 6.3	et recreaverunt vitam legesque rogarunt
DRN 6.4	et primae dederunt solacia dulcia vitae,
DRN 6.5	cum genuere virum tali cum corde repertum,
DRN 6.6	omnia veridico qui quondam ex ore profudit;
DRN 6.7	cuius et extincti propter divina reperta
DRN 6.8	divolgata vetus iam ad caelum gloria fertur.
DRN 6.9	nam cum vidit hic ad victum quae flagitat usus
DRN 6.10	omnia iam ferme mortalibus esse parata
DRN 6.11	et, pro quam possent, vitam consistere tutam,
DRN 6.12	divitiis homines et honore et laude potentis
DRN 6.13	affluere atque bona gnatorum excellere fama,
DRN 6.14	nec minus esse domi cuiquam tamen anxia cordi,
DRN 6.15	atque animi ingratis vitam vexare sine ulla
DRN 6.16	pausa atque infestis cogi saevire querellis,
DRN 6.17	intellegit ibi vitium vas efficere ipsum
DRN 6.18	omniaque illius vitio corrumpier intus,
DRN 6.19	quae conlata foris et commoda cumque venirent;
DRN 6.20	partim quod fluxum pertusumque esse videbat,
DRN 6.21	ut nulla posset ratione explerier umquam,
DRN 6.22	partim quod taetro quasi conspurcare sapore
DRN 6.23	omnia cernebat, quae cumque receperat, intus.
DRN 6.24	veridicis igitur purgavit pectora dictis
DRN 6.25	et finem statuit cuppedinis atque timoris
DRN 6.26	exposuitque bonum summum, quo tendimus omnes,
DRN 6.27	quid foret, atque viam monstravit, tramite parvo
DRN 6.28	qua possemus ad id recto contendere cursu,
DRN 6.29	quidve mali foret in rebus mortalibus passim,
DRN 6.30	quod fieret naturali varieque volaret
DRN 6.31	seu casu seu vi, quod sic natura parasset,
DRN 6.32	et quibus e portis occurri cuique deceret,
DRN 6.33	et genus humanum frustra plerumque probavit
DRN 6.34	volvere curarum tristis in pectore fluctus.
DRN 6.35	nam vel uti pueri trepidant atque omnia caecis
DRN 6.36	in tenebris metuunt, sic nos in luce timemus
DRN 6.37	inter dum, nihilo quae sunt metuenda magis quam
DRN 6.38	quae pueri in tenebris pavitant finguntque futura.
DRN 6.39	hunc igitur terrorem animi tenebrasque necessest
DRN 6.40	non radii solis nec lucida tela diei
DRN 6.41	discutiant, sed naturae species ratioque.
DRN 6.42	quo magis inceptum pergam pertexere dictis.
DRN 6.43	Et quoniam docui mundi mortalia templa
DRN 6.44	esse et nativo consistere corpore caelum,
DRN 6.45	et quae cumque in eo fiunt fierique necessest
DRN 6.46	pleraque dissolui, qui restant percipe porro,
DRN 6.47	quandoquidem semel insignem conscendere currum
DRN 6.48	tu mihi supremae praescripta ad candida callis
DRN 6.49	currenti spatium praemonstra, callida musa
DRN 6.50	Calliope, requies hominum divomque voluptas,
DRN 6.51	te duce ut insigni capiam cum laude coronam.
DRN 6.52	ventorum existant, placentur ut omnia rursum
DRN 6.53	quae fuerint, sint placato conversa furore.
DRN 6.54	cetera quae fieri in terris caeloque tuentur
DRN 6.55	mortales, pavidis cum pendent mentibus saepe
DRN 6.56	et faciunt animos humilis formidine divom
DRN 6.57	depressosque premunt ad terram propterea quod
DRN 6.58	ignorantia causarum conferre deorum
DRN 6.59	cogit ad imperium res et concedere regnum.
DRN 6.60	quorum operum causas nulla ratione videre
DRN 6.61	possunt ac fieri divino numine rentur.
DRN 6.62	nam bene qui didicere deos securum agere aevom,
DRN 6.63	si tamen interea mirantur qua ratione
DRN 6.64	quaeque geri possint, praesertim rebus in illis
DRN 6.65	quae supera caput aetheriis cernuntur in oris,
DRN 6.66	rursus in antiquas referuntur religionis
DRN 6.67	et dominos acris adsciscunt, omnia posse
DRN 6.68	quos miseri credunt, ignari quid queat esse,
DRN 6.69	quid nequeat, finita potestas denique cuique
DRN 6.70	qua nam sit ratione atque alte terminus haerens;
DRN 6.71	quo magis errantes caeca ratione feruntur.
DRN 6.72	quae nisi respuis ex animo longeque remittis
DRN 6.73	dis indigna putare alienaque pacis eorum,
DRN 6.74	delibata deum per te tibi numina sancta
DRN 6.75	saepe oberunt; non quo violari summa deum vis
DRN 6.76	possit, ut ex ira poenas petere inbibat acris,
DRN 6.77	sed quia tute tibi placida cum pace quietos
DRN 6.78	constitues magnos irarum volvere fluctus,
DRN 6.79	nec delubra deum placido cum pectore adibis,
DRN 6.80	nec de corpore quae sancto simulacra feruntur
DRN 6.81	in mentes hominum divinae nuntia formae,
DRN 6.82	suscipere haec animi tranquilla pace valebis.
DRN 6.83	inde videre licet qualis iam vita sequatur.
DRN 6.84	quam quidem ut a nobis ratio verissima longe
DRN 6.85	reiciat, quamquam sunt a me multa profecta,
DRN 6.86	multa tamen restant et sunt ornanda politis
DRN 6.87	versibus; est ratio caeliQUE ignisque tenenda,
DRN 6.88	sunt tempestates et fulmina clara canenda,
DRN 6.89	quid faciant et qua de causa cumque ferantur;
DRN 6.90	ne trepides caeli divisis partibus amens,
DRN 6.91	unde volans ignis pervenerit aut in utram se
DRN 6.92	verterit hinc partim, quo pacto per loca saepta
DRN 6.93	insinuarit, et hinc dominatus ut extulerit se.
DRN 6.94	quorum operum causas nulla ratione videre
DRN 6.95	possunt ac fieri divino numine rentur.
DRN 6.96	Principio tonitru quatiuntur caerula caeli
DRN 6.97	propterea quia concurrunt sublime volantes
DRN 6.98	aetheriae nubes contra pugnantibus ventis.
DRN 6.99	nec fit enim sonitus caeli de parte serena,
DRN 6.100	verum ubi cumque magis denso sunt agmine nubes,
DRN 6.101	tam magis hinc magno fremitus fit murmure saepe.
DRN 6.102	praeterea neque tam condenso corpore nubes
DRN 6.103	esse queunt quam sunt lapides ac ligna, neque autem
DRN 6.104	tam tenues quam sunt nebulae fumique volantes;
DRN 6.105	nam cadere aut bruto deberent pondere pressae
DRN 6.106	ut lapides, aut ut fumus constare nequirent
DRN 6.107	nec cohibere nives gelidas et grandinis imbris.
DRN 6.108	Dant etiam sonitum patuli super aequora mundi,
DRN 6.109	carbasus ut quondam magnis intenta theatris
DRN 6.110	dat crepitum malos inter iactata trabesque,
DRN 6.111	inter dum perscissa furit petulantibus auris
DRN 6.112	et fragilis sonitus chartarum commeditatur;
DRN 6.113	id quoque enim genus in tonitru cognoscere possis,
DRN 6.114	aut ubi suspensam vestem chartasque volantis
DRN 6.115	verberibus venti versant planguntque per auras.
DRN 6.116	fit quoque enim inter dum ut non tam concurrere nubes
DRN 6.117	frontibus adversis possint quam de latere ire
DRN 6.118	diverso motu radentes corpora tractim,
DRN 6.119	aridus unde auris terget sonus ille diuque
DRN 6.120	ducitur, exierunt donec regionibus artis.
DRN 6.121	Hoc etiam pacto tonitru concussa videntur
DRN 6.122	omnia saepe gravi tremere et divolsa repente
DRN 6.123	maxima dissiluisse capacis moenia mundi,
DRN 6.124	cum subito validi venti conlecta procella
DRN 6.125	nubibus intorsit sese conclusaque ibidem
DRN 6.126	turbine versanti magis ac magis undique nubem
DRN 6.127	cogit uti fiat spisso cava corpore circum,
DRN 6.128	post ubi conminuit vis eius et impetus acer,
DRN 6.129	tum perterricrepo sonitu dat scissa fragorem.
DRN 6.130	nec mirum, cum plena animae vensicula parva
DRN 6.131	saepe haud dat parvum sonitum displosa repente.
DRN 6.132	Est etiam ratio, cum venti nubila perflant,
DRN 6.133	ut sonitus faciant; etenim ramosa videmus
DRN 6.134	nubila saepe modis multis atque aspera ferri;
DRN 6.135	scilicet ut, crebram silvam cum flamina cauri
DRN 6.136	perflant, dant sonitum frondes ramique fragorem.
DRN 6.137	Fit quoque ut inter dum validi vis incita venti
DRN 6.138	perscindat nubem perfringens impete recto;
DRN 6.139	nam quid possit ibi flatus manifesta docet res,
DRN 6.140	hic, ubi lenior est, in terra cum tamen alta
DRN 6.141	arbusta evolvens radicibus haurit ab imis.
DRN 6.142	sunt etiam fluctus per nubila, qui quasi murmur
DRN 6.143	dant in frangendo graviter; quod item fit in altis
DRN 6.144	fluminibus magnoque mari, cum frangitur aestus.
DRN 6.145	Fit quoque, ubi e nubi in nubem vis incidit ardens
DRN 6.146	fulminis; haec multo si forte umore recepit
DRN 6.147	ignem, continuo magno clamore trucidat;
DRN 6.148	ut calidis candens ferrum e fornacibus olim
DRN 6.149	stridit, ubi in gelidum propter demersimus imbrem.
DRN 6.150	Aridior porro si nubes accipit ignem,
DRN 6.151	uritur ingenti sonitu succensa repente,
DRN 6.152	lauricomos ut si per montis flamma vagetur
DRN 6.153	turbine ventorum comburens impete magno;
DRN 6.154	nec res ulla magis quam Phoebi Delphica laurus
DRN 6.155	terribili sonitu flamma crepitante crematur.
DRN 6.156	Denique saepe geli multus fragor atque ruina
DRN 6.157	grandinis in magnis sonitum dat nubibus alte;
DRN 6.158	ventus enim cum confercit, franguntur in artum
DRN 6.159	concreti montes nimborum et grandine mixti.
DRN 6.160	Fulgit item, nubes ignis cum semina multa
DRN 6.161	excussere suo concursu, ceu lapidem si
DRN 6.162	percutiat lapis aut ferrum; nam tum quoque lumen
DRN 6.163	exilit et claras scintillas dissipat ignis.
DRN 6.164	sed tonitrum fit uti post auribus accipiamus,
DRN 6.165	fulgere quam cernant oculi, quia semper ad auris
DRN 6.166	tardius adveniunt quam visum quae moveant res.
DRN 6.167	id licet hinc etiam cognoscere: caedere si quem
DRN 6.168	ancipiti videas ferro procul arboris auctum,
DRN 6.169	ante fit ut cernas ictum quam plaga per auris
DRN 6.170	det sonitum; sic fulgorem quoque cernimus ante
DRN 6.171	quam tonitrum accipimus, pariter qui mittitur igni
DRN 6.172	e simili causa, concursu natus eodem.
DRN 6.173	Hoc etiam pacto volucri loca lumine tingunt
DRN 6.174	nubes et tremulo tempestas impete fulgit.
DRN 6.175	ventus ubi invasit nubem et versatus ibidem
DRN 6.176	fecit ut ante cavam docui spissescere nubem,
DRN 6.177	mobilitate sua fervescit; ut omnia motu
DRN 6.178	percalefacta vides ardescere, plumbea vero
DRN 6.179	glans etiam longo cursu volvenda liquescit.
DRN 6.180	ergo fervidus hic nubem cum perscidit atram,
DRN 6.181	dissipat ardoris quasi per vim expressa repente
DRN 6.182	semina, quae faciunt nictantia fulgura flammae;
DRN 6.183	inde sonus sequitur, qui tardius adlicit auris
DRN 6.184	quam quae perveniunt oculorum ad lumina nostra.
DRN 6.185	scilicet hoc densis fit nubibus et simul alte
DRN 6.186	extructis aliis alias super impete miro.
DRN 6.187	ne tibi sit frudi quod nos inferne videmus
DRN 6.188	quam sint lata magis quam sursum extructa quid extent.
DRN 6.189	contemplator enim, cum montibus adsimulata
DRN 6.190	nubila portabunt venti transversa per auras,
DRN 6.191	aut ubi per magnos montis cumulata videbis
DRN 6.192	insuper esse aliis alia atque urguere superna
DRN 6.193	in statione locata sepultis undique ventis;
DRN 6.194	tum poteris magnas moles cognoscere eorum
DRN 6.195	speluncasque vel ut saxis pendentibus structas
DRN 6.196	cernere, quas venti cum tempestate coorta
DRN 6.197	conplerunt, magno indignantur murmure clausi
DRN 6.198	nubibus in caveisque ferarum more minantur,
DRN 6.199	nunc hinc nunc illinc fremitus per nubila mittunt,
DRN 6.200	quaerentesque viam circum versantur et ignis
DRN 6.201	semina convolvunt e nubibus atque ita cogunt
DRN 6.202	multa rotantque cavis flammam fornacibus intus,
DRN 6.203	donec divolsa fulserunt nube corusci.
DRN 6.204	Hac etiam fit uti de causa mobilis ille
DRN 6.205	devolet in terram liquidi color aureus ignis,
DRN 6.206	semina quod nubes ipsas permulta necessust
DRN 6.207	ignis habere; etenim cum sunt umore sine ullo,
DRN 6.208	flammeus est plerumque colos et splendidus ollis.
DRN 6.209	quippe etenim solis de lumine multa necessest
DRN 6.210	concipere, ut merito rubeant ignesque profundant.
DRN 6.211	hasce igitur cum ventus agens contrusit in unum
DRN 6.212	compressitque locum cogens, expressa profundunt
DRN 6.213	semina, quae faciunt flammae fulgere colores.
DRN 6.214	Fulgit item, cum rarescunt quoque nubila caeli;
DRN 6.215	nam cum ventus eas leviter diducit euntis
DRN 6.216	dissoluitque, cadant ingratius illa necessest
DRN 6.217	semina quae faciunt fulgorem. tum sine taetro
DRN 6.218	terrore atque sonis fulgit nulloque tumultu.
DRN 6.219	Quod superest, quali natura praedita constent
DRN 6.220	fulmina, declarant ictus et inusta vaporis
DRN 6.221	signa notaeque gravis halantis sulpuris auras;
DRN 6.222	ignis enim sunt haec non venti signa neque imbris.
DRN 6.223	praeterea saepe accendunt quoque tecta domorum
DRN 6.224	et celeri flamma dominantur in aedibus ipsis.
DRN 6.225	hunc tibi subtilem cum primis ignibus ignem
DRN 6.226	constituit natura minutis mobilibusque
DRN 6.227	corporibus, cui nil omnino obsistere possit.
DRN 6.228	transit enim validum fulmen per saepta domorum
DRN 6.229	clamor ut ac voces, transit per saxa, per aera
DRN 6.230	et liquidum puncto facit aes in tempore et aurum.
DRN 6.231	curat item vasis integris vina repente
DRN 6.232	diffugiant, quia ni mirum facile omnia circum
DRN 6.233	conlaxat rareque facit lateramina vasis
DRN 6.234	adveniens calor eius et insinuatus in ipsum
DRN 6.235	mobiliter soluens differt primordia vini.
DRN 6.236	quod solis vapor aetatem non posse videtur
DRN 6.237	efficere usque adeo pollens fervore corusco.
DRN 6.238	tanto mobilior vis et dominantior haec est.
DRN 6.239	Nunc ea quo pacto gignantur et impete tanto
DRN 6.240	fiant ut possint ictu discludere turris,
DRN 6.241	disturbare domos, avellere tigna trabesque
DRN 6.242	et monimenta virum commoliri atque ciere,
DRN 6.243	exanimare homines, pecudes prosternere passim,
DRN 6.244	cetera de genere hoc qua vi facere omnia possint,
DRN 6.245	expediam neque te in promissis plura morabor.
DRN 6.246	Fulmina gignier e crassis alteque putandumst
DRN 6.247	nubibus extructis; nam caelo nulla sereno
DRN 6.248	nec leviter densis mittuntur nubibus umquam.
DRN 6.249	nam dubio procul hoc fieri manifesta docet res;
DRN 6.250	quod tunc per totum concrescunt aeeraaeëra nubes,
DRN 6.251	undique uti tenebras omnis Acherunta reamur
DRN 6.252	liquisse et magnas caeli complesse cavernas,
DRN 6.253	aeusqueæusque adeo tetra nimborum nocte coorta
DRN 6.254	inpendent atrae formidinis ora superne,aeæ
DRN 6.255	cum commoliri tempestas fulmina coeptat.
DRN 6.256	praeterea persaepe niger quoque per mare nimbus,
DRN 6.257	ut picis e caelo demissum flumen, in undas
DRN 6.258	sic cadit effertus tenebris procul et trahit atram
DRN 6.259	fulminibus gravidam tempestatem atque procellis,
DRN 6.260	ignibus ac ventis cum primis ipse repletus,
DRN 6.261	in terra quoque ut horrescant ac tecta requirant.
DRN 6.262	sic igitur supera nostrum caput esse putandumst
DRN 6.263	tempestatem altam; neque enim caligine tanta
DRN 6.264	obruerent terras, nisi inaedificata superne
DRN 6.265	multa forent multis exempto nubila sole;
DRN 6.266	nec tanto possent venientes opprimere imbri,
DRN 6.267	flumina abundare ut facerent camposque natare,
DRN 6.268	si non extructis foret alte nubibus aether.
DRN 6.269	hic igitur ventis atque ignibus omnia plena
DRN 6.270	sunt; ideo passim fremitus et fulgura fiunt.
DRN 6.271	quippe etenim supra docui permulta vaporis
DRN 6.272	semina habere cavas nubes et multa necessest
DRN 6.273	concipere ex solis radiis ardoreque eorum.
DRN 6.274	hoc ubi ventus eas idem qui cogit in unum
DRN 6.275	forte locum quemvis, expressit multa vaporis
DRN 6.276	semina seque simul cum eo commiscuit igni,
DRN 6.277	insinuatus ibi vortex versatur in arto
DRN 6.278	et calidis acuit fulmen fornacibus intus;
DRN 6.279	nam duplici ratione accenditur: ipse sua cum
DRN 6.280	mobilitate calescit et e contagibus ignis.
DRN 6.281	inde ubi percaluit venti vis et gravis ignis
DRN 6.282	impetus incessit, maturum tum quasi fulmen
DRN 6.283	perscindit subito nubem ferturque coruscis
DRN 6.284	omnia luminibus lustrans loca percitus ardor.
DRN 6.285	quem gravis insequitur sonitus, displosa repente
DRN 6.286	opprimere ut caeli videantur templa superne.
DRN 6.287	inde tremor terras graviter pertemptat et altum
DRN 6.288	murmura percurrunt caelum; nam tota fere tum
DRN 6.289	tempestas concussa tremit fremitusque moventur.
DRN 6.290	quo de concussu sequitur gravis imber et uber,
DRN 6.291	omnis uti videatur in imbrem vertier aether
DRN 6.292	atque ita praecipitans ad diluviem revocare;
DRN 6.293	tantus discidio nubis ventique procella
DRN 6.294	mittitur, ardenti sonitus cum provolat ictu.
DRN 6.295	Est etiam cum vis extrinsecus incita venti
DRN 6.296	incidit in validam maturo culmine nubem;
DRN 6.297	quam cum perscidit, extemplo cadit igneus ille
DRN 6.298	vertex, quem patrio vocitamus nomine fulmen.
DRN 6.299	hoc fit idem in partis alias, quo cumque tulit vis.
DRN 6.300	Fit quoque ut inter dum venti vis missa sine igni
DRN 6.301	igniscat tamen in spatio longoque meatu,
DRN 6.302	dum venit amittens in cursu corpora quaedam
DRN 6.303	grandia, quae nequeunt pariter penetrare per auras,
DRN 6.304	atque alia ex ipso conradens aeereaeëre portat
DRN 6.305	parvola, quae faciunt ignem commixta volando;
DRN 6.306	non alia longe ratione ac plumbea saepe
DRN 6.307	fervida fit glans in cursu, cum multa rigoris
DRN 6.308	corpora dimittens ignem concepit in auris.
DRN 6.309	Fit quoque ut ipsius plagae vis excitet ignem,
DRN 6.310	frigida cum venti pepulit vis missa sine igni,
DRN 6.311	ni mirum quia, cum vehementi perculit ictu,
DRN 6.312	confluere ex ipso possunt elementa vaporis
DRN 6.313	et simul ex illa quae tum res excipit ictum;
DRN 6.314	ut, lapidem ferro cum caedimus, evolat ignis,
DRN 6.315	nec, quod frigida vis ferrist, hoc setius illi
DRN 6.316	semina concurrunt calidi fulgoris ad ictum.
DRN 6.317	sic igitur quoque res accendi fulmine debet,
DRN 6.318	opportuna fuit si forte et idonea flammis.
DRN 6.319	nec temere omnino plane vis frigida venti
DRN 6.320	esse potest, ea quae tanta vi missa supernest,
DRN 6.321	quin, prius in cursu si non accenditur igni,
DRN 6.322	at tepefacta tamen veniat commixta calore.
DRN 6.323	Mobilitas autem fit fulminis et gravis ictus
DRN 6.324	et celeri ferme percurrunt fulmina lapsu,
DRN 6.325	nubibus ipsa quod omnino prius incita se vis
DRN 6.326	colligit et magnum conamen sumit eundi,
DRN 6.327	inde ubi non potuit nubes capere inpetis auctum,
DRN 6.328	exprimitur vis atque ideo volat impete miro,
DRN 6.329	ut validis quae de tormentis missa feruntur.
DRN 6.330	Adde quod e parvis et levibus est elementis,
DRN 6.331	nec facilest tali naturae obsistere quicquam;
DRN 6.332	inter enim fugit ac penetrat per rara viarum,
DRN 6.333	non igitur multis offensibus in remorando
DRN 6.334	haesitat, hanc ob rem celeri volat impete labens.
DRN 6.335	Deinde, quod omnino natura pondera deorsum
DRN 6.336	omnia nituntur, cum plagast addita vero,
DRN 6.337	mobilitas duplicatur et impetus ille gravescit,
DRN 6.338	ut vehementius et citius quae cumque morantur
DRN 6.339	obvia discutiat plagis itinerque sequatur.
DRN 6.340	Denique quod longo venit impete, sumere debet
DRN 6.341	mobilitatem etiam atque etiam, quae crescit eundo
DRN 6.342	et validas auget viris et roborat ictum;
DRN 6.343	nam facit ut quae sint illius semina cumque
DRN 6.344	e regione locum quasi in unum cuncta ferantur,
DRN 6.345	omnia coniciens in eum volventia cursum.
DRN 6.346	Forsitan ex ipso veniens trahat aeereaeëre quaedam
DRN 6.347	corpora, quae plagis incendunt mobilitatem.
DRN 6.348	incolumisque venit per res atque integra transit
DRN 6.349	multa, foraminibus liquidus quia transviat ignis.
DRN 6.350	multaque perfringit, cum corpora fulminis ipsa
DRN 6.351	corporibus rerum inciderunt, qua texta tenentur.
DRN 6.352	dissoluit porro facile aes aurumque repente
DRN 6.353	conferve facit, e parvis quia facta minute
DRN 6.354	corporibus vis est et levibus ex elementis,
DRN 6.355	quae facile insinuantur et insinuata repente
DRN 6.356	dissoluont nodos omnis et vincla relaxant.
DRN 6.357	Autumnoque magis stellis fulgentibus alta
DRN 6.358	concutitur caeli domus undique totaque tellus,
DRN 6.359	et cum tempora se veris florentia pandunt.
DRN 6.360	frigore enim desunt ignes ventique calore
DRN 6.361	deficiunt neque sunt tam denso corpore nubes.
DRN 6.362	interutrasque igitur cum caeli tempora constant,
DRN 6.363	tum variae causae concurrunt fulminis omnes.
DRN 6.364	nam fretus ipse anni permiscet frigus ad aestum.
DRN 6.365	quorum utrumque opus est fabricanda ad fulmina nubi,
DRN 6.366	ut discordia sit rerum magnoque tumultu
DRN 6.367	ignibus et ventis furibundus fluctuet aeeraeër.
DRN 6.368	prima caloris enim pars est postrema rigoris;
DRN 6.369	tempus id est vernum; quare pugnare necessest
DRN 6.370	dissimilis res inter se turbareque mixtas.
DRN 6.371	et calor extremus primo cum frigore mixtus
DRN 6.372	volvitur, autumni quod fertur nomine tempus,
DRN 6.373	hic quoque confligunt hiemes aestatibus acres.
DRN 6.374	propterea freta sunt haec anni nominitanda,
DRN 6.375	nec mirumst, in eo si tempore plurima fiunt
DRN 6.376	fulmina tempestasque cietur turbida caelo,
DRN 6.377	ancipiti quoniam bello turbatur utrimque,
DRN 6.378	hinc flammis, illinc ventis umoreque mixto.
DRN 6.379	Hoc est igniferi naturam fulminis ipsam
DRN 6.380	perspicere et qua vi faciat rem quamque videre,
DRN 6.381	non Tyrrhena retro volventem carmina frustra
DRN 6.382	indicia occultae divum perquirere mentis,
DRN 6.383	unde volans ignis pervenerit aut in utram se
DRN 6.384	verterit hinc partim, quo pacto per loca saepta
DRN 6.385	insinuarit, et hinc dominatus ut extulerit se,
DRN 6.386	quidve nocere queat de caelo fulminis ictus.
DRN 6.387	quod si Iuppiter atque alii fulgentia divi
DRN 6.388	terrifico quatiunt sonitu caelestia templa
DRN 6.389	et iaciunt ignem quo cuiquest cumque voluntas,
DRN 6.390	cur quibus incautum scelus aversabile cumquest
DRN 6.391	non faciunt icti flammas ut fulguris halent
DRN 6.392	pectore perfixo, documen mortalibus acre,
DRN 6.393	et potius nulla sibi turpi conscius in re
DRN 6.394	volvitur in flammis innoxius inque peditur
DRN 6.395	turbine caelesti subito correptus et igni?
DRN 6.396	cur etiam loca sola petunt frustraque laborant?
DRN 6.397	an tum bracchia consuescunt firmantque lacertos?
DRN 6.398	in terraque patris cur telum perpetiuntur
DRN 6.399	optundi? cur ipse sinit neque parcit in hostis?
DRN 6.400	denique cur numquam caelo iacit undique puro
DRN 6.401	Iuppiter in terras fulmen sonitusque profundit?
DRN 6.402	an simul ac nubes successere, ipse in eas tum
DRN 6.403	descendit, prope ut hinc teli determinet ictus?
DRN 6.404	in mare qua porro mittit ratione? quid undas
DRN 6.405	arguit et liquidam molem camposque natantis?
DRN 6.406	praeterea si vult caveamus fulminis ictum,
DRN 6.407	cur dubitat facere ut possimus cernere missum?
DRN 6.408	si nec opinantis autem volt opprimere igni,
DRN 6.409	cur tonat ex illa parte, ut vitare queamus,
DRN 6.410	cur tenebras ante et fremitus et murmura concit?
DRN 6.411	et simul in multas partis qui credere possis
DRN 6.412	mittere? an hoc ausis numquam contendere factum,
DRN 6.413	ut fierent ictus uno sub tempore plures?
DRN 6.414	at saepest numero factum fierique necessest,
DRN 6.415	ut pluere in multis regionibus et cadere imbris,
DRN 6.416	fulmina sic uno fieri sub tempore multa.
DRN 6.417	postremo cur sancta deum delubra suasque
DRN 6.418	discutit infesto praeclaras fulmine sedes
DRN 6.419	et bene facta deum frangit simulacra suisque
DRN 6.420	demit imaginibus violento volnere honorem?
DRN 6.421	altaque cur plerumque petit loca plurimaque eius
DRN 6.422	montibus in summis vestigia cernimus ignis?
DRN 6.423	Quod super est, facilest ex his cognoscere rebus,
DRN 6.424	presteras Graii quos ab re nominitarunt,
DRN 6.425	in mare qua missi veniant ratione superne.
DRN 6.426	nam fit ut inter dum tam quam demissa columna
DRN 6.427	in mare de caelo descendat, quam freta circum
DRN 6.428	fervescunt graviter spirantibus incita flabris,
DRN 6.429	et quae cumque in eo tum sint deprensa tumultu
DRN 6.430	navigia in summum veniant vexata periclum.
DRN 6.431	hoc fit ubi inter dum non quit vis incita venti
DRN 6.432	rumpere quam coepit nubem, sed deprimit, ut sit
DRN 6.433	in mare de caelo tam quam demissa columna,
DRN 6.434	paulatim, quasi quid pugno bracchique superne
DRN 6.435	coniectu trudatur et extendatur in undas;
DRN 6.436	quam cum discidit, hinc prorumpitur in mare venti
DRN 6.437	vis et fervorem mirum concinnat in undis;
DRN 6.438	versabundus enim turbo descendit et illam
DRN 6.439	deducit pariter lento cum corpore nubem;
DRN 6.440	quam simul ac gravidam detrusit ad aequora ponti,
DRN 6.441	ille in aquam subito totum se inmittit et omne
DRN 6.442	excitat ingenti sonitu mare fervere cogens.
DRN 6.443	Fit quoque ut involvat venti se nubibus ipse
DRN 6.444	vertex conradens ex aeereaeëre semina nubis
DRN 6.445	et quasi demissum caelo prestera imitetur;
DRN 6.446	hic ubi se in terras demisit dissoluitque,
DRN 6.447	turbinis immanem vim provomit atque procellae.
DRN 6.448	sed quia fit raro omnino montisque necessest
DRN 6.449	officere in terris, apparet crebrius idem
DRN 6.450	prospectu maris in magno caeloque patenti.
DRN 6.451	Nubila concrescunt, ubi corpora multa volando
DRN 6.452	hoc super in caeli spatio coiere repente
DRN 6.453	asperiora, modis quae possint indupedita
DRN 6.454	exiguis tamen inter se compressa teneri.
DRN 6.455	haec faciunt primum parvas consistere nubes;
DRN 6.456	inde ea comprendunt inter se conque gregantur
DRN 6.457	et coniungendo crescunt ventisque feruntur
DRN 6.458	usque adeo donec tempestas saeva coortast.
DRN 6.459	Fit quoque uti montis vicina cacumina caelo
DRN 6.460	quam sint quoque magis, tanto magis edita fument
DRN 6.461	adsidue fulvae nubis caligine crassa
DRN 6.462	propterea quia, cum consistunt nubila primum,
DRN 6.463	ante videre oculi quam possint tenvia, venti
DRN 6.464	portantes cogunt ad summa cacumina montis;
DRN 6.465	hic demum fit uti turba maiore coorta
DRN 6.466	et condensa queant apparere et simul ipso
DRN 6.467	vertice de montis videantur surgere in aethram.
DRN 6.468	nam loca declarat sursum ventosa patere
DRN 6.469	res ipsa et sensus, montis cum ascendimus altos.
DRN 6.470	Praeterea permulta mari quoque tollere toto
DRN 6.471	corpora naturam declarant litore vestis
DRN 6.472	suspensae, cum concipiunt umoris adhaesum.
DRN 6.473	quo magis ad nubis augendas multa videntur
DRN 6.474	posse quoque e salso consurgere momine ponti;
DRN 6.475	nam ratio consanguineast umoribus omnis.
DRN 6.476	Praeterea fluviis ex omnibus et simul ipsa
DRN 6.477	surgere de terra nebulas aestumque videmus,
DRN 6.478	quae vel ut halitus hinc ita sursum expressa feruntur
DRN 6.479	suffunduntque sua caelum caligine et altas
DRN 6.480	sufficiunt nubis paulatim conveniundo;
DRN 6.481	urget enim quoque signiferi super aetheris aestus
DRN 6.482	et quasi densendo subtexit caerula nimbis.
DRN 6.483	Fit quoque ut hunc veniant in caelum extrinsecus illa
DRN 6.484	corpora quae faciunt nubis nimbosque volantis;
DRN 6.485	innumerabilem enim numerum summamque profundi
DRN 6.486	esse infinitam docui, quantaque volarent
DRN 6.487	corpora mobilitate ostendi quamque repente
DRN 6.488	immemorabile per spatium transire solerent.
DRN 6.489	haut igitur mirumst, si parvo tempore saepe
DRN 6.490	tam magnis ventis tempestas atque tenebrae
DRN 6.491	coperiant maria ac terras inpensa superne,
DRN 6.492	undique quandoquidem per caulas aetheris omnis
DRN 6.493	et quasi per magni circum spiracula mundi
DRN 6.494	exitus introitusque elementis redditus extat.
DRN 6.495	Nunc age, quo pacto pluvius concrescat in altis
DRN 6.496	nubibus umor et in terras demissus ut imber
DRN 6.497	decidat, expediam. primum iam semina aquai
DRN 6.498	multa simul vincam consurgere nubibus ipsis
DRN 6.499	omnibus ex rebus pariterque ita crescere utrumque
DRN 6.500	et nubis et aquam, quae cumque in nubibus extat,
DRN 6.501	ut pariter nobis corpus cum sanguine crescit,
DRN 6.502	sudor item atque umor qui cumque est denique membris.
DRN 6.503	concipiunt etiam multum quoque saepe marinum
DRN 6.504	umorem, vel uti pendentia vellera lanae,
DRN 6.505	cum supera magnum mare venti nubila portant.
DRN 6.506	consimili ratione ex omnibus amnibus umor
DRN 6.507	tollitur in nubis. quo cum bene semina aquarum
DRN 6.508	multa modis multis convenere undique adaucta,
DRN 6.509	confertae nubes umorem mittere certant
DRN 6.510	dupliciter; nam vis venti contrudit et ipsa
DRN 6.511	copia nimborum turba maiore coacta
DRN 6.512	urget et e supero premit ac facit effluere imbris.
DRN 6.513	praeterea cum rarescunt quoque nubila ventis
DRN 6.514	aut dissolvuntur solis super icta calore,
DRN 6.515	mittunt umorem pluvium stillantque, quasi igni
DRN 6.516	cera super calido tabescens multa liquescat.
DRN 6.517	sed vehemens imber fit, ubi vehementer utraque
DRN 6.518	nubila vi cumulata premuntur et impete venti.
DRN 6.519	at retinere diu pluviae longumque morari
DRN 6.520	consuerunt, ubi multa cientur semina aquarum
DRN 6.521	atque aliis aliae nubes nimbique rigantes
DRN 6.522	insuper atque omni vulgo de parte feruntur,
DRN 6.523	terraque cum fumans umorem tota redhalat.
DRN 6.524	hic ubi sol radiis tempestatem inter opacam
DRN 6.525	adversa fulsit nimborum aspargine contra,
DRN 6.526	tum color in nigris existit nubibus arqui.
DRN 6.527	Cetera quae sursum crescunt sursumque creantur,
DRN 6.528	et quae concrescunt in nubibus, omnia, prorsum
DRN 6.529	omnia, nix venti grando gelidaeque pruinae
DRN 6.530	et vis magna geli, magnum duramen aquarum,
DRN 6.531	et mora quae fluvios passim refrenat aventis,
DRN 6.532	perfacilest tamen haec reperire animoque videre,
DRN 6.533	omnia quo pacto fiant quareve creentur,
DRN 6.534	cum bene cognoris elementis reddita quae sint.
DRN 6.535	Nunc age, quae ratio terrai motibus extet
DRN 6.536	percipe. et in primis terram fac ut esse rearis
DRN 6.537	supter item ut supera ventosis undique plenam
DRN 6.538	speluncis multosque lacus multasque lucunas
DRN 6.539	in gremio gerere et rupes deruptaque saxa;
DRN 6.540	multaque sub tergo terrai flumina tecta
DRN 6.541	volvere vi fluctus summersos caeca putandumst;
DRN 6.542	undique enim similem esse sui res postulat ipsa.
DRN 6.543	his igitur rebus subiunctis suppositisque
DRN 6.544	terra superne tremit magnis concussa ruinis,
DRN 6.545	subter ubi ingentis speluncas subruit aetas;
DRN 6.546	quippe cadunt toti montes magnoque repente
DRN 6.547	concussu late disserpunt inde tremores.
DRN 6.548	et merito, quoniam plaustris concussa tremescunt
DRN 6.549	tecta viam propter non magno pondere tota,
DRN 6.550	nec minus exultant, si quidvis cumque viai
DRN 6.551	ferratos utrimque rotarum succutit orbes.
DRN 6.552	Fit quoque, ubi in magnas aquae vastasque lucunas
DRN 6.553	gleba vetustate e terra provolvitur ingens,
DRN 6.554	ut iactetur aquae fluctu quoque terra vacillans;
DRN 6.555	ut vas inter aquas non quit constare, nisi umor
DRN 6.556	destitit in dubio fluctu iactarier intus.
DRN 6.557	Praeterea ventus cum per loca subcava terrae
DRN 6.558	collectus parte ex una procumbit et urget
DRN 6.559	obnixus magnis speluncas viribus altas,
DRN 6.560	incumbit tellus quo venti prona premit vis.
DRN 6.561	tum supera terram quae sunt extructa domorum
DRN 6.562	ad caelumque magis quanto sunt edita quaeque,
DRN 6.563	inclinata minent in eandem prodita partem
DRN 6.564	protractaeque trabes inpendent ire paratae.
DRN 6.565	et metuunt magni naturam credere mundi
DRN 6.566	exitiale aliquod tempus clademque manere,
DRN 6.567	cum videant tantam terrarum incumbere molem!
DRN 6.568	quod nisi respirent venti, vis nulla refrenet
DRN 6.569	res neque ab exitio possit reprehendere euntis;
DRN 6.570	nunc quia respirant alternis inque gravescunt
DRN 6.571	et quasi collecti redeunt ceduntque repulsi,
DRN 6.572	saepius hanc ob rem minitatur terra ruinas
DRN 6.573	quam facit; inclinatur enim retroque recellit
DRN 6.574	et recipit prolapsa suas in pondere sedes.
DRN 6.575	hac igitur ratione vacillant omnia tecta,
DRN 6.576	summa magis mediis, media imis, ima perhilum.
DRN 6.577	Est haec eiusdem quoque magni causa tremoris.
DRN 6.578	ventus ubi atque animae subito vis maxima quaedam
DRN 6.579	aut extrinsecus aut ipsa tellure coorta
DRN 6.580	in loca se cava terrai coniecit ibique
DRN 6.581	speluncas inter magnas fremit ante tumultu
DRN 6.582	versabundaQUE portatur, post incita cum vis
DRN 6.583	exagitata foras erumpitur et simul altam
DRN 6.584	diffindens terram magnum concinnat hiatum.
DRN 6.585	in Syria Sidone quod accidit et fuit Aegi
DRN 6.586	in Peloponneso, quas exitus hic animai
DRN 6.587	disturbat urbes et terrae motus obortus.
DRN 6.588	multaque praeterea ceciderunt moenia magnis
DRN 6.589	motibus in terris et multae per mare pessum
DRN 6.590	subsedere suis pariter cum civibus urbes.
DRN 6.591	quod nisi prorumpit, tamen impetus ipse animai
DRN 6.592	et fera vis venti per crebra foramina terrae
DRN 6.593	dispertitur ut horror et incutit inde tremorem;
DRN 6.594	frigus uti nostros penitus cum venit in artus,
DRN 6.595	concutit invitos cogens tremere atque movere.
DRN 6.596	ancipiti trepidant igitur terrore per urbis,
DRN 6.597	tecta superne timent, metuunt inferne cavernas
DRN 6.598	terrai ne dissoluat natura repente,
DRN 6.599	neu distracta suum late dispandat hiatum
DRN 6.600	idque suis confusa velit complere ruinis.
DRN 6.601	proinde licet quamvis caelum terramque reantur
DRN 6.602	incorrupta fore aeternae mandata saluti:
DRN 6.603	et tamen inter dum praesens vis ipsa pericli
DRN 6.604	subdit et hunc stimulum quadam de parte timoris,
DRN 6.605	ne pedibus raptim tellus subtracta feratur
DRN 6.606	in barathrum rerumque sequatur prodita summa
DRN 6.607	funditus et fiat mundi confusa ruina.
DRN 6.608	Principio mare mirantur non reddere maius
DRN 6.609	naturam, quo sit tantus decursus aquarum,
DRN 6.610	omnia quo veniant ex omni flumina parte.
DRN 6.611	adde vagos imbris tempestatesque volantes,
DRN 6.612	omnia quae maria ac terras sparguntque rigantque;
DRN 6.613	adde suos fontis; tamen ad maris omnia summam
DRN 6.614	guttai vix instar erunt unius adaugmen;
DRN 6.615	quo minus est mirum mare non augescere magnum.
DRN 6.616	Praeterea magnam sol partem detrahit aestu.
DRN 6.617	quippe videmus enim vestis umore madentis
DRN 6.618	exsiccare suis radiis ardentibus solem;
DRN 6.619	at pelage multa et late substrata videmus.
DRN 6.620	proinde licet quamvis ex uno quoque loco sol
DRN 6.621	umoris parvam delibet ab aequore partem,
DRN 6.622	largiter in tanto spatio tamen auferet undis.
DRN 6.623	Tum porro venti quoque magnam tollere partem
DRN 6.624	umoris possunt verrentes aequora, ventis
DRN 6.625	una nocte vias quoniam persaepe videmus
DRN 6.626	siccari mollisque luti concrescere crustas.
DRN 6.627	Praeterea docui multum quoque tollere nubes
DRN 6.628	umorem magno conceptum ex aequore ponti
DRN 6.629	et passim toto terrarum spargere in orbi,
DRN 6.630	cum pluit in terris et venti nubila portant.
DRN 6.631	Postremo quoniam raro cum corpore tellus
DRN 6.632	est et coniunctast oras maris undique cingens,
DRN 6.633	debet, ut in mare de terris venit umor aquai,
DRN 6.634	in terras itidem manare ex aequore salso;
DRN 6.635	percolatur enim virus retroque remanat
DRN 6.636	materies umoris et ad caput amnibus omnis
DRN 6.637	confluit, inde super terras redit agmine dulci
DRN 6.638	qua via secta semel liquido pede detulit undas.
DRN 6.639	Nunc ratio quae sit, per fauces montis ut Aetnae
DRN 6.640	expirent ignes inter dum turbine tanto,
DRN 6.641	expediam; neque enim mediocri clade coorta
DRN 6.642	flammae tempestas Siculum dominata per agros
DRN 6.643	finitimis ad se convertit gentibus ora,
DRN 6.644	fumida cum caeli scintillare omnia templa
DRN 6.645	cernentes pavida complebant pectora cura,
DRN 6.646	quid moliretur rerum natura novarum.
DRN 6.647	Hisce tibi in rebus latest alteque videndum
DRN 6.648	et longe cunctas in partis dispiciendum,
DRN 6.649	ut reminiscaris summam rerum esse profundam
DRN 6.650	et videas caelum summai totius unum
DRN 6.651	quam sit parvula pars et quam multesima constet
DRN 6.652	nec tota pars, homo terrai quota totius unus.
DRN 6.653	quod bene propositum si plane contueare
DRN 6.654	ac videas plane, mirari multa relinquas.
DRN 6.655	numquis enim nostrum miratur, siquis in artus
DRN 6.656	accepit calido febrim fervore coortam
DRN 6.657	aut alium quemvis morbi per membra dolorem?
DRN 6.658	opturgescit enim subito pes, arripit acer
DRN 6.659	saepe dolor dentes, oculos invadit in ipsos,
DRN 6.660	existit sacer ignis et urit corpore serpens
DRN 6.661	quam cumque arripuit partem repitque per artus,
DRN 6.662	ni mirum quia sunt multarum semina rerum
DRN 6.663	et satis haec tellus morbi caelumque mali fert,
DRN 6.664	unde queat vis immensi procrescere morbi.
DRN 6.665	sic igitur toti caelo terraeque putandumst
DRN 6.666	ex infinito satis omnia suppeditare,
DRN 6.667	unde repente queat tellus concussa moveri
DRN 6.668	perque mare ac terras rapidus percurrere turbo,
DRN 6.669	ignis abundare Aetnaeus, flammescere caelum;
DRN 6.670	id quoque enim fit et ardescunt caelestia templa
DRN 6.671	et tempestates pluviae graviore coortu
DRN 6.672	sunt, ubi forte ita se tetulerunt semina aquarum.
DRN 6.673	'at nimis est ingens incendi turbidus ardor.'
DRN 6.674	scilicet et fluvius qui visus maximus ei,
DRN 6.675	qui non ante aliquem maiorem vidit, et ingens
DRN 6.676	arbor homoque videtur et omnia de genere omni
DRN 6.677	maxima quae vidit quisque, haec ingentia fingit,
DRN 6.678	cum tamen omnia cum caelo terraque marique
DRN 6.679	nil sint ad summam summai totius omnem.
DRN 6.680	Nunc tamen illa modis quibus inritata repente
DRN 6.681	flamma foras vastis Aetnae fornacibus efflet,
DRN 6.682	expediam. primum totius subcava montis
DRN 6.683	est natura fere silicum suffulta cavernis.
DRN 6.684	omnibus est porro in speluncis ventus et aeeraeër.
DRN 6.685	ventus enim fit, ubi est agitando percitus aeeraeër.
DRN 6.686	hic ubi percaluit cale fecitque omnia circum
DRN 6.687	saxa furens, qua contingit, terramque et ab ollis
DRN 6.688	excussit calidum flammis velocibus ignem,
DRN 6.689	tollit se ac rectis ita faucibus eicit alte.
DRN 6.690	fert itaque ardorem longe longeque favillam
DRN 6.691	differt et crassa volvit caligine fumum
DRN 6.692	extruditque simul mirando pondere saxa;
DRN 6.693	ne dubites quin haec animai turbida sit vis.
DRN 6.694	praeterea magna ex parti mare montis ad eius
DRN 6.695	radices frangit fluctus aestumque resolvit.
DRN 6.696	ex hoc usque mari speluncae montis ad altas
DRN 6.697	perveniunt subter fauces. hac ire fatendumst
DRN 6.698	et penetrare mari penitus res cogit aperto
DRN 6.699	atque efflare foras ideoque extollere flammam
DRN 6.700	saxaque subiectare et arenae tollere nimbos.
DRN 6.701	in summo sunt vertice enim crateres, ut ipsi
DRN 6.702	nominitant, nos quod fauces perhibemus et ora.
DRN 6.703	Sunt aliquot quoque res quarum unam dicere causam
DRN 6.704	non satis est, verum pluris, unde una tamen sit;
DRN 6.705	corpus ut exanimum siquod procul ipse iacere
DRN 6.706	conspicias hominis, fit ut omnis dicere causas
DRN 6.707	conveniat leti, dicatur ut illius una;
DRN 6.708	nam neque eum ferro nec frigore vincere possis
DRN 6.709	interiisse neque a morbo neque forte veneno,
DRN 6.710	verum aliquid genere esse ex hoc quod contigit ei
DRN 6.711	scimus. item in multis hoc rebus dicere habemus.
DRN 6.712	Nilus in aestatem crescit campisque redundat
DRN 6.713	unicus in terris, Aegypti totius amnis.
DRN 6.714	is rigat Aegyptum medium per saepe calorem,
DRN 6.715	aut quia sunt aestate aquilones ostia contra,
DRN 6.716	anni tempore eo, qui etesiae esse feruntur,
DRN 6.717	et contra fluvium flantes remorantur et undas
DRN 6.718	cogentes sursus replent coguntque manere.
DRN 6.719	nam dubio procul haec adverso flabra feruntur
DRN 6.720	flumine, quae gelidis ab stellis axis aguntur;
DRN 6.721	ille ex aestifera parti venit amnis ab austro
DRN 6.722	inter nigra virum percocto saecla colore
DRN 6.723	exoriens penitus media ab regione diei.
DRN 6.724	est quoque uti possit magnus congestus harenae
DRN 6.725	fluctibus adversis oppilare ostia contra,
DRN 6.726	cum mare permotum ventis ruit intus harenam;
DRN 6.727	quo fit uti pacto liber minus exitus amnis
DRN 6.728	et proclivis item fiat minus impetus undis.
DRN 6.729	fit quoque uti pluviae forsan magis ad caput ei
DRN 6.730	tempore eo fiant, quo etesia flabra aquilonum
DRN 6.731	nubila coniciunt in eas tunc omnia partis.
DRN 6.732	scilicet, ad mediam regionem eiecta diei
DRN 6.733	cum convenerunt, ibi ad altos denique montis
DRN 6.734	contrusae nubes coguntur vique premuntur.
DRN 6.735	forsitan Aethiopum penitus de montibus altis
DRN 6.736	crescat, ubi in campos albas descendere ningues
DRN 6.737	tabificis subigit radiis sol omnia lustrans.
DRN 6.738	Nunc age, Averna tibi quae sint loca cumque lacusque,
DRN 6.739	expediam, quali natura praedita constent.
DRN 6.740	principio, quod Averna vocantur nomine, id ab re
DRN 6.741	inpositumst, quia sunt avibus contraria cunctis,
DRN 6.742	e regione ea quod loca cum venere volantes,
DRN 6.743	remigii oblitae pennarum vela remittunt
DRN 6.744	praecipitesque cadunt molli cervice profusae
DRN 6.745	in terram, si forte ita fert natura locorum,
DRN 6.746	aut in aquam, si forte lacus substratus Averni.
DRN 6.747	is locus est Cumas aput, acri sulpure montis
DRN 6.748	oppleti calidis ubi fumant fontibus aucti.
DRN 6.749	est et Athenaeis in moenibus, arcis in ipso
DRN 6.750	vertice, Palladis ad templum Tritonidis almae,
DRN 6.751	quo numquam pennis appellunt corpora raucae
DRN 6.752	cornices, non cum fumant altaria donis;
DRN 6.753	usque adeo fugitant non iras Palladis acris
DRN 6.754	pervigili causa, Graium ut cecinere poeetaepoeëtae,
DRN 6.755	sed natura loci opus efficit ipsa suapte.
DRN 6.756	in Syria quoque fertur item locus esse videri,
DRN 6.757	quadripedes quoque quo simul ac vestigia primum
DRN 6.758	intulerint, graviter vis cogat concidere ipsa,
DRN 6.759	manibus ut si sint divis mactata repente.
DRN 6.760	omnia quae naturali ratione geruntur,
DRN 6.761	et quibus e fiant causis apparet origo;
DRN 6.762	ianua ne pote eis Orci regionibus esse
DRN 6.763	credatur, post hinc animas Acheruntis in oras
DRN 6.764	ducere forte deos manis inferne reamur,
DRN 6.765	naribus alipedes ut cervi saepe putantur
DRN 6.766	ducere de latebris serpentia saecla ferarum.
DRN 6.767	quod procul a vera quam sit ratione repulsum
DRN 6.768	percipe; nam de re nunc ipsa dicere conor.
DRN 6.769	Principio hoc dico, quod dixi saepe quoque ante,
DRN 6.770	in terra cuiusque modi rerum esse figuras;
DRN 6.771	multa, cibo quae sunt, vitalia multaque, morbos
DRN 6.772	incutere et mortem quae possint adcelerare.
DRN 6.773	et magis esse aliis alias animantibus aptas
DRN 6.774	res ad vitai rationem ostendimus ante
DRN 6.775	propter dissimilem naturam dissimilisque
DRN 6.776	texturas inter sese primasque figuras.
DRN 6.777	multa meant inimica per auris, multa per ipsas
DRN 6.778	insinuant naris infesta atque aspera tactu,
DRN 6.779	nec sunt multa parum tactu vitanda neque autem
DRN 6.780	aspectu fugienda saporeque tristia quae sint.
DRN 6.781	Deinde videre licet quam multae sint homini res
DRN 6.782	acriter infesto sensu spurcaeque gravisque;
DRN 6.783	arboribus primum certis gravis umbra tributa
DRN 6.784	usque adeo, capitis faciant ut saepe dolores,
DRN 6.785	siquis eas subter iacuit prostratus in herbis.
DRN 6.786	est etiam magnis Heliconis montibus arbos
DRN 6.787	floris odore hominem taetro consueta necare.
DRN 6.788	scilicet haec ideo terris ex omnia surgunt,
DRN 6.789	multa modis multis multarum semina rerum
DRN 6.790	quod permixta gerit tellus discretaque tradit.
DRN 6.791	nocturnumque recens extinctum lumen ubi acri
DRN 6.792	nidore offendit nares, consopit ibidem,
DRN 6.793	concidere et spumas qui morbo mittere suevit.
DRN 6.794	castoreoque gravi mulier sopita recumbit,
DRN 6.795	et manibus nitidum teneris opus effluit ei,
DRN 6.796	tempore eo si odoratast quo menstrua solvit.
DRN 6.797	multaque praeterea languentia membra per artus
DRN 6.798	solvunt atque animam labefactant sedibus intus.
DRN 6.799	denique si calidis etiam cunctere lavabris
DRN 6.800	plenior et lueris, solio ferventis aquai
DRN 6.801	quam facile in medio fit uti des saepe ruinas!
DRN 6.802	carbonumque gravis vis atque odor insinuatur
DRN 6.803	quam facile in cerebrum, nisi aqua praecepimus ante!
DRN 6.804	at cum membra domans percepit fervida febris,
DRN 6.805	tum fit odor vini plagae mactabilis instar.
DRN 6.806	nonne vides etiam terra quoque sulpur in ipsa
DRN 6.807	gignier et taetro concrescere odore bitumen,
DRN 6.808	denique ubi argenti venas aurique secuntur,
DRN 6.809	terrai penitus scrutantes abdita ferro,
DRN 6.810	qualis expiret Scaptensula subter odores?
DRN 6.811	quidve mali fit ut exalent aurata metalla!
DRN 6.812	quas hominum reddunt facies qualisque colores!
DRN 6.813	nonne vides audisve perire in tempore parvo
DRN 6.814	quam soleant et quam vitai copia desit,
DRN 6.815	quos opere in tali cohibet vis magna necessis?
DRN 6.816	hos igitur tellus omnis exaestuat aestus
DRN 6.817	expiratque foras in apertum promptaque caeli.
DRN 6.818	Sic et Averna loca alitibus summittere debent
DRN 6.819	mortiferam vim. de terra quae surgit in auras,
DRN 6.820	ut spatium caeli quadam de parte venenet;
DRN 6.821	quo simul ac primum pennis delata sit ales,
DRN 6.822	impediatur ibi caeco correpta veneno,
DRN 6.823	ut cadat e regione loci, qua derigit aestus.
DRN 6.824	quo cum conruit, hic eadem vis illius aestus
DRN 6.825	reliquias vitae membris ex omnibus aufert.
DRN 6.826	quippe etenim primo quasi quendam conciet aestum;
DRN 6.827	posterius fit uti. cum iam cecidere veneni
DRN 6.828	in fontis ipsos, ibi sit quoque vita vomenda,
DRN 6.829	propterea quod magna mali fit copia circum.
DRN 6.830	Fit quoque ut inter dum vis haec atque aestus Averni
DRN 6.831	aeeraaeëra, qui inter avis cumquest terramque locatus.
DRN 6.832	discutiat, prope uti locus hic linquatur inanis.
DRN 6.833	cuius ubi e regione loci venere volantis,
DRN 6.834	claudicat extemplo pinnarum nisus inanis
DRN 6.835	et conamen utrimque alarum proditur omne.
DRN 6.836	hic ubi nixari nequeunt insistereque alis,
DRN 6.837	scilicet in terram delabi pondere cogit
DRN 6.838	natura, et vacuum prope iam per inane iacentes
DRN 6.839	dispergunt animas per caulas corporis omnis.
DRN 6.840	frigidior porro in puteis aestate fit umor,
DRN 6.841	arescit quia terra calore et semina si qua
DRN 6.842	forte vaporis habet proprie, dimittit in auras.
DRN 6.843	quo magis est igitur tellus effeta calore,
DRN 6.844	fit quoque frigidior qui in terrast abditus umor.
DRN 6.845	frigore cum premitur porro omnis terra coitque
DRN 6.846	et quasi concrescit, fit scilicet ut coeundo
DRN 6.847	exprimat in puteos si quem gerit ipsa calorem.
DRN 6.848	Esse apud Hammonis fanum fons luce diurna
DRN 6.849	frigidus et calidus nocturno tempore fertur.
DRN 6.850	hunc homines fontem nimis admirantur et acri
DRN 6.851	sole putant subter terras fervescere partim,
DRN 6.852	nox ubi terribili terras caligine texit.
DRN 6.853	quod nimis a verast longe ratione remotum.
DRN 6.854	quippe ubi sol nudum contractans corpus aquai
DRN 6.855	non quierit calidum supera de reddere parte,
DRN 6.856	cum superum lumen tanto fervore fruatur,
DRN 6.857	qui queat hic supter tam crasso corpore terram
DRN 6.858	perquoquere umorem et calido focilare vapore?
DRN 6.859	praesertim cum vix possit per saepta domorum
DRN 6.860	insinuare suum radiis ardentibus aestum.
DRN 6.861	quae ratiost igitur? ni mirum terra magis quod
DRN 6.862	rara tenet circum fontem quam cetera tellus
DRN 6.863	multaque sunt ignis prope semina corpus aquai.
DRN 6.864	hoc ubi roriferis terram nox obruit undis,
DRN 6.865	extemplo penitus frigescit terra coitque.
DRN 6.866	hac ratione fit ut, tam quam compressa manu sit,
DRN 6.867	exprimat in fontem quae semina cumque habet ignis,
DRN 6.868	quae calidum faciunt laticis tactum atque vaporem.
DRN 6.869	inde ubi sol radiis terram dimovit obortus
DRN 6.870	et rare fecit calido miscente vapore,
DRN 6.871	rursus in antiquas redeunt primordia sedes
DRN 6.872	ignis et in terram cedit calor omnis aquai.
DRN 6.873	frigidus hanc ob rem fit fons in luce diurna.
DRN 6.874	praeterea solis radiis iactatur aquai
DRN 6.875	umor et in lucem tremulo rarescit ab aestu;
DRN 6.876	propterea fit uti quae semina cumque habet ignis
DRN 6.877	dimittat; quasi saepe gelum, quod continet in se,
DRN 6.878	mittit et exsolvit glaciem nodosque relaxat.
DRN 6.879	Frigidus est etiam fons, supra quem sita saepe
DRN 6.880	stuppa iacit flammam concepto protinus igni,
DRN 6.881	taedaque consimili ratione accensa per undas
DRN 6.882	conlucet, quo cumque natans impellitur auris.
DRN 6.883	ni mirum quia sunt in aqua permulta vaporis
DRN 6.884	semina de terraque necessest funditus ipsa
DRN 6.885	ignis corpora per totum consurgere fontem
DRN 6.886	et simul exspirare foras exireque in auras,
DRN 6.887	non ita multa tamen, calidus queat ut fieri fons;
DRN 6.888	praeterea dispersa foras erumpere cogit
DRN 6.889	vis per aquam subito sursumque ea conciliari.
DRN 6.890	quod genus endo marist Aradi fons, dulcis aquai
DRN 6.891	qui scatit et salsas circum se dimovet undas;
DRN 6.892	et multis aliis praebet regionibus aequor
DRN 6.893	utilitatem opportunam sitientibus nautis,
DRN 6.894	quod dulcis inter salsas intervomit undas.
DRN 6.895	sic igitur per eum possunt erumpere fontem
DRN 6.896	et scatere illa foras; in stuppam semina quae cum
DRN 6.897	conveniunt aut in taedai corpore adhaerent,
DRN 6.898	ardescunt facile extemplo, quia multa quoque in se
DRN 6.899	semina habent ignis stuppae taedaeque tenentes.
DRN 6.900	nonne vides etiam, nocturna ad lumina linum
DRN 6.901	nuper ubi extinctum admoveas, accendier ante
DRN 6.902	quam tetigit flammam, taedamque pari ratione?
DRN 6.903	multaque praeterea prius ipso tacta vapore
DRN 6.904	eminus ardescunt quam comminus imbuat ignis.
DRN 6.905	hoc igitur fieri quoque in illo fonte putandumst.
DRN 6.906	Quod super est, agere incipiam quo foedere fiat
DRN 6.907	naturae, lapis hic ut ferrum ducere possit,
DRN 6.908	quem Magneta vocant patrio de nomine Grai,
DRN 6.909	Magnetum quia sit patriis in finibus ortus.
DRN 6.910	hunc homines lapidem mirantur; quippe catenam
DRN 6.911	saepe ex anellis reddit pendentibus ex se.
DRN 6.912	quinque etenim licet inter dum pluresque videre
DRN 6.913	ordine demisso levibus iactarier auris,
DRN 6.914	unus ubi ex uno dependet supter adhaerens
DRN 6.915	ex alioque alius lapidis vim vinclaque noscit;
DRN 6.916	usque adeo permananter vis pervalet eius.
DRN 6.917	Hoc genus in rebus firmandumst multa prius quam
DRN 6.918	ipsius rei rationem reddere possis,
DRN 6.919	et nimium longis ambagibus est adeundum;
DRN 6.920	quo magis attentas auris animumque reposco.
DRN 6.921	Principio omnibus ab rebus, quas cumque videmus,
DRN 6.922	perpetuo fluere ac mitti spargique necessest
DRN 6.923	corpora quae feriant oculos visumque lacessant.
DRN 6.924	perpetuoque fluunt certis ab rebus odores;
DRN 6.925	frigus ut a fluviis, calor a sole, aestus ab undis
DRN 6.926	aequoris, exesor moerorum, litora propter;
DRN 6.927	nec varii cessant sonitus manare per auras;
DRN 6.928	denique in os salsi venit umor saepe saporis,
DRN 6.929	cum mare versamur propter, dilutaque contra
DRN 6.930	cum tuimur misceri absinthia, tangit amaror.
DRN 6.931	usque adeo omnibus ab rebus res quaeque fluenter
DRN 6.932	fertur et in cunctas dimittitur undique partis
DRN 6.933	nec mora nec requies interdatur ulla fluendi,
DRN 6.934	perpetuo quoniam sentimus et omnia semper
DRN 6.935	cernere odorari licet et sentire sonare.
DRN 6.936	Nunc omnis repetam quam raro corpore sint res
DRN 6.937	commemorare; quod in primo quoque carmine claret.
DRN 6.938	quippe etenim, quamquam multas hoc pertinet ad res
DRN 6.939	noscere, cum primis hanc ad rem protinus ipsam,
DRN 6.940	qua de disserere adgredior, firmare necessest
DRN 6.941	nil esse in promptu nisi mixtum corpus inani.
DRN 6.942	principio fit ut in speluncis saxa superna
DRN 6.943	sudent umore et guttis manantibus stillent.
DRN 6.944	manat item nobis e toto corpore sudor,
DRN 6.945	crescit barba pilique per omnia membra, per artus.
DRN 6.946	diditur in venas cibus omnis, auget alitque
DRN 6.947	corporis extremas quoque partis unguiculosque.
DRN 6.948	frigus item transire per aes calidumque vaporem
DRN 6.949	sentimus, sentimus item transire per aurum
DRN 6.950	atque per argentum, cum pocula plena tenemus.
DRN 6.951	denique per dissaepta domorum saxea voces
DRN 6.952	pervolitant, permanat odor frigusque vaposque
DRN 6.953	ignis, qui ferri quoque vim penetrare sueevitsueëvit,
DRN 6.954	denique qua circum caeli lorica coeercetcoeërcet,
DRN 6.955	morbida visque simul, cum extrinsecus insinuatur;
DRN 6.956	et tempestate in terra caeloque coorta
DRN 6.957	in caelum terrasque remotae iure facessunt;
DRN 6.958	quandoquidem nihil est nisi raro corpore nexum.
DRN 6.959	Huc accedit uti non omnia, quae iaciuntur
DRN 6.960	corpora cumque ab rebus, eodem praedita sensu
DRN 6.961	atque eodem pacto rebus sint omnibus apta.
DRN 6.962	principio terram sol excoquit et facit are,
DRN 6.963	at glaciem dissolvit et altis montibus altas
DRN 6.964	extructasque nives radiis tabescere cogit;
DRN 6.965	denique cera lique fit in eius posta vapore.
DRN 6.966	ignis item liquidum facit aes aurumque resolvit,
DRN 6.967	at coria et carnem trahit et conducit in unum.
DRN 6.968	umor aquae porro ferrum condurat ab igni,
DRN 6.969	at coria et carnem mollit durata calore.
DRN 6.970	barbigeras oleaster eo iuvat usque capellas,
DRN 6.971	effluat ambrosias quasi vero et nectare tinctus;
DRN 6.972	qua nihil est homini quod amarius fronde acida extet.
DRN 6.973	denique amaracinum fugitat sus et timet omne
DRN 6.974	unguentum; nam saetigeris subus acre venenumst;
DRN 6.975	quod nos inter dum tam quam recreare videtur.
DRN 6.976	at contra nobis caenum taeterrima cum sit
DRN 6.977	spurcities, eadem subus haec iucunda videtur,
DRN 6.978	insatiabiliter toti ut volvantur ibidem.
DRN 6.979	Hoc etiam super est, ipsa quam dicere de re
DRN 6.980	adgredior, quod dicendum prius esse videtur.
DRN 6.981	multa foramina cum variis sint reddita rebus,
DRN 6.982	dissimili inter se natura praedita debent
DRN 6.983	esse et habere suam naturam quaeque viasque.
DRN 6.984	quippe etenim varii sensus animantibus insunt,
DRN 6.985	quorum quisque suam proprie rem percipit in se;
DRN 6.986	nam penetrare alio sonitus alioque saporem
DRN 6.987	cernimus e sucis, alio nidoris odores.
DRN 6.988	scilicet id fieri cogit natura viarum
DRN 6.989	multimodis varians, ut paulo ostendimus ante.
DRN 6.990	praeterea manare aliud per saxa videtur,
DRN 6.991	atque aliud lignis, aliud transire per aurum,
DRN 6.992	argentoque foras aliud vitroque meare;
DRN 6.993	nam fluere hac species, illac calor ire videtur,
DRN 6.994	atque aliis aliud citius transmittere eadem.
DRN 6.995	scilicet id fieri cogit natura viarum
DRN 6.996	multimodis varians, ut paulo ostendimus ante,
DRN 6.997	propter dissimilem naturam textaque rerum.
DRN 6.998	Qua propter, bene ubi haec confirmata atque locata
DRN 6.999	omnia constiterint nobis praeposta parata,
DRN 6.1000	quod super est, facile hinc ratio reddetur et omnis
DRN 6.1001	causa pate fiet, quae ferri pelliciat vim.
DRN 6.1002	Principio fluere e lapide hoc permulta necessest
DRN 6.1003	semina sive aestum, qui discutit aeeraaeëra plagis,
DRN 6.1004	inter qui lapidem ferrumque est cumque locatus.
DRN 6.1005	hoc ubi inanitur spatium multusque vace fit
DRN 6.1006	in medio locus, extemplo primordia ferri
DRN 6.1007	in vacuum prolapsa cadunt coniuncta, fit utque
DRN 6.1008	anulus ipse sequatur eatque ita corpore toto.
DRN 6.1009	nec res ulla magis primoribus ex elementis
DRN 6.1010	indupedita suis arte conexa cohaeret
DRN 6.1011	quam validi ferri natura et frigidus horror.
DRN 6.1012	quo minus est mirum, quod dicitur esse alienum,
DRN 6.1013	corpora si nequeunt e ferro plura coorta
DRN 6.1014	in vacuum ferri, quin anulus ipse sequatur;
DRN 6.1015	quod facit et sequitur, donec pervenit ad ipsum
DRN 6.1016	iam lapidem caecisque in eo compagibus haesit.
DRN 6.1017	hoc fit idem cunctas in partis; unde vace fit
DRN 6.1018	cumque locus, sive e transverso sive superne,
DRN 6.1019	corpora continuo in vacuum vicina feruntur;
DRN 6.1020	quippe agitantur enim plagis aliunde nec ipsa
DRN 6.1021	sponte sua sursum possunt consurgere in auras.
DRN 6.1022	huc accedit item, quare queat id magis esse,
DRN 6.1023	haec quoque res adiumento motuque iuvatur,
DRN 6.1024	quod, simul a fronte est anelli rarior aeeraeër
DRN 6.1025	factus inanitusque locus magis ac vacuatus,
DRN 6.1026	continuo fit uti qui post est cumque locatus
DRN 6.1027	aeeraeër a tergo quasi provehat atque propellat.
DRN 6.1028	semper enim circum positus res verberat aeeraeër;
DRN 6.1029	sed tali fit uti propellat tempore ferrum,
DRN 6.1030	parte quod ex una spatium vacat et capit in se.
DRN 6.1031	hic, tibi quem memoro, per crebra foramina ferri
DRN 6.1032	parvas ad partis subtiliter insinuatus
DRN 6.1033	trudit et inpellit, quasi navem velaque ventus.
DRN 6.1034	denique res omnes debent in corpore habere
DRN 6.1035	aeeraaeëra, quandoquidem raro sunt corpore et aeeraeër
DRN 6.1036	omnibus est rebus circum datus adpositusque.
DRN 6.1037	hic igitur, penitus qui in ferrost abditus aeeraeër,
DRN 6.1038	sollicito motu semper iactatur eoque
DRN 6.1039	verberat anellum dubio procul et ciet intus,
DRN 6.1040	scilicet illo eodem fertur, quo praecipitavit
DRN 6.1041	iam semel et partem in vacuam conamina sumpsit.
DRN 6.1042	Fit quoque ut a lapide hoc ferri natura recedat
DRN 6.1043	inter dum, fugere atque sequi consueta vicissim.
DRN 6.1044	exultare etiam Samothracia ferrea vidi
DRN 6.1045	et ramenta simul ferri furere intus ahenis
DRN 6.1046	in scaphiis, lapis hic Magnes cum subditus esset;
DRN 6.1047	usque adeo fugere a saxo gestire videtur.
DRN 6.1048	aere interposito discordia tanta creatur
DRN 6.1049	propterea quia ni mirum prius aestus ubi aeris
DRN 6.1050	praecepit ferrique vias possedit apertas,
DRN 6.1051	posterior lapidis venit aestus et omnia plena
DRN 6.1052	invenit in ferro neque habet qua tranet ut ante;
DRN 6.1053	cogitur offensare igitur pulsareque fluctu
DRN 6.1054	ferrea texta suo; quo pacto respuit ab se
DRN 6.1055	atque per aes agitat, sine eo quod saepe resorbet.
DRN 6.1056	Illud in his rebus mirari mitte, quod aestus
DRN 6.1057	non valet e lapide hoc alias impellere item res.
DRN 6.1058	pondere enim fretae partim stant, quod genus aurum;
DRN 6.1059	at partim raro quia sunt cum corpore, ut aestus
DRN 6.1060	pervolet intactus, nequeunt inpellier usquam,
DRN 6.1061	lignea materies in quo genere esse videtur.
DRN 6.1062	interutrasque igitur ferri natura locata
DRN 6.1063	aeris ubi accepit quaedam corpuscula, tum fit,
DRN 6.1064	inpellant ut eo Magnesia flumine saxa.
DRN 6.1065	nec tamen haec ita sunt aliarum rerum aliena,
DRN 6.1066	ut mihi multa parum genere ex hoc suppeditentur,
DRN 6.1067	quae memorare queam inter se singlariter apta.
DRN 6.1068	saxa vides primum sola colescere calce.
DRN 6.1069	glutine materies taurino iungitur una,
DRN 6.1070	ut vitio venae tabularum saepius hiscant
DRN 6.1071	quam laxare queant compages taurea vincla.
DRN 6.1072	vitigeni latices aquai fontibus audent
DRN 6.1073	misceri, cum pix nequeat gravis et leve olivom.
DRN 6.1074	purpureusque colos conchyli iungitur uno
DRN 6.1075	corpore cum lanae, dirimi qui non queat usquam,
DRN 6.1076	non si Neptuni fluctu renovare operam des,
DRN 6.1077	non mare si totum velit eluere omnibus undis.
DRN 6.1078	denique res auro non aurum copulat una,
DRN 6.1079	aerique aes plumbo fit uti iungatur ab albo?
DRN 6.1080	cetera iam quam multa licet reperire! quid ergo?
DRN 6.1081	nec tibi tam longis opus est ambagibus usquam
DRN 6.1082	nec me tam multam hic operam consumere par est,
DRN 6.1083	sed breviter paucis praestat comprendere multa.
DRN 6.1084	quorum ita texturae ceciderunt mutua contra,
DRN 6.1085	ut cava conveniant plenis haec illius illa
DRN 6.1086	huiusque inter se, iunctura haec optima constat.
DRN 6.1087	est etiam, quasi ut anellis hamisque plicata
DRN 6.1088	inter se quaedam possint coplata teneri;
DRN 6.1089	quod magis in lapide hoc fieri ferroque videtur.
DRN 6.1090	Nunc ratio quae sit morbis aut unde repente
DRN 6.1091	mortiferam possit cladem conflare coorta
DRN 6.1092	morbida vis hominum generi pecudumque catervis,
DRN 6.1093	expediam, primum multarum semina rerum
DRN 6.1094	esse supra docui quae sint vitalia nobis,
DRN 6.1095	et contra quae sint morbo mortique necessest
DRN 6.1096	multa volare; ea cum casu sunt forte coorta
DRN 6.1097	et perturbarunt caelum, fit morbidus aeeraeër.
DRN 6.1098	atque ea vis omnis morborum pestilitasque
DRN 6.1099	aut extrinsecus ut nubes nebulaeque superne
DRN 6.1100	per caelum veniunt aut ipsa saepe coorta
DRN 6.1101	de terra surgunt, ubi putorem umida nactast
DRN 6.1102	intempestivis pluviisque et solibus icta.
DRN 6.1103	nonne vides etiam caeli novitate et aquarum
DRN 6.1104	temptari procul a patria qui cumque domoque
DRN 6.1105	adveniunt ideo quia longe discrepitant res?
DRN 6.1106	nam quid Brittannis caelum differre putamus,
DRN 6.1107	et quod in Aegypto est, qua mundi claudicat axis,
DRN 6.1108	quidve quod in Ponto est differre et Gadibus atque
DRN 6.1109	usque ad nigra virum percocto saecla colore?
DRN 6.1110	quae cum quattuor inter se diversa videmus
DRN 6.1111	quattuor a ventis et caeli partibus esse,
DRN 6.1112	tum color et facies hominum distare videntur
DRN 6.1113	largiter et morbi generatim saecla tenere.
DRN 6.1114	est elephas morbus qui propter flumina Nili
DRN 6.1115	gignitur Aegypto in media neque praeterea usquam.
DRN 6.1116	Atthide temptantur gressus oculique in Achaeis
DRN 6.1117	finibus. inde aliis alius locus est inimicus
DRN 6.1118	partibus ac membris; varius concinnat id aeeraeër.
DRN 6.1119	proinde ubi se caelum, quod nobis forte alienum,
DRN 6.1120	commovet atque aeeraeër inimicus serpere coepit,
DRN 6.1121	ut nebula ac nubes paulatim repit et omne
DRN 6.1122	qua graditur conturbat et immutare coactat,
DRN 6.1123	fit quoque ut, in nostrum cum venit denique caelum,
DRN 6.1124	corrumpat reddatque sui simile atque alienum.
DRN 6.1125	haec igitur subito clades nova pestilitasque
DRN 6.1126	aut in aquas cadit aut fruges persidit in ipsas
DRN 6.1127	aut alios hominum pastus pecudumque cibatus,
DRN 6.1128	aut etiam suspensa manet vis aeereaeëre in ipso
DRN 6.1129	et, cum spirantes mixtas hinc ducimus auras,
DRN 6.1130	illa quoque in corpus pariter sorbere necessest.
DRN 6.1131	consimili ratione venit bubus quoque saepe
DRN 6.1132	pestilitas et iam pigris balantibus aegror.
DRN 6.1133	nec refert utrum nos in loca deveniamus
DRN 6.1134	nobis adversa et caeli mutemus amictum,
DRN 6.1135	an caelum nobis ultro natura corumptum
DRN 6.1136	deferat aut aliquid quo non consuevimus uti,
DRN 6.1137	quod nos adventu possit temptare recenti.
DRN 6.1138	Haec ratio quondam morborum et mortifer aestus
DRN 6.1139	finibus in Cecropis funestos reddidit agros
DRN 6.1140	vastavitque vias, exhausit civibus urbem.
DRN 6.1141	nam penitus veniens Aegypti finibus ortus,
DRN 6.1142	aeeraaeëra permensus multum camposque natantis,
DRN 6.1143	incubuit tandem populo Pandionis omni.
DRN 6.1144	inde catervatim morbo mortique dabantur.
DRN 6.1145	principio caput incensum fervore gerebant
DRN 6.1146	et duplicis oculos suffusa luce rubentes.
DRN 6.1147	sudabant etiam fauces intrinsecus atrae
DRN 6.1148	sanguine et ulceribus vocis via saepta coibat
DRN 6.1149	atque animi interpres manabat lingua cruore
DRN 6.1150	debilitata malis, motu gravis, aspera tactu.
DRN 6.1151	inde ubi per fauces pectus complerat et ipsum
DRN 6.1152	morbida vis in cor maestum confluxerat aegris,
DRN 6.1153	omnia tum vero vitai claustra lababant.
DRN 6.1154	spiritus ore foras taetrum volvebat odorem,
DRN 6.1155	rancida quo perolent proiecta cadavera ritu.
DRN 6.1156	atque animi prorsum tum vires totius, omne
DRN 6.1157	languebat corpus leti iam limine in ipso.
DRN 6.1158	intolerabilibusque malis erat anxius angor
DRN 6.1159	adsidue comes et gemitu commixta querella,
DRN 6.1160	singultusque frequens noctem per saepe diemque
DRN 6.1161	corripere adsidue nervos et membra coactans
DRN 6.1162	dissoluebat eos, defessos ante, fatigans.
DRN 6.1163	nec nimio cuiquam posses ardore tueri
DRN 6.1164	corporis in summo summam fervescere partem,
DRN 6.1165	sed potius tepidum manibus proponere tactum
DRN 6.1166	et simul ulceribus quasi inustis omne rubere
DRN 6.1167	corpus, ut est per membra sacer dum diditur ignis.
DRN 6.1168	intima pars hominum vero flagrabat ad ossa,
DRN 6.1169	flagrabat stomacho flamma ut fornacibus intus.
DRN 6.1170	nil adeo posses cuiquam leve tenveque membris
DRN 6.1171	vertere in utilitatem, at ventum et frigora semper.
DRN 6.1172	in fluvios partim gelidos ardentia morbo
DRN 6.1173	membra dabant nudum iacientes corpus in undas.
DRN 6.1174	multi praecipites nymphis putealibus alte
DRN 6.1175	inciderunt ipso venientes ore patente:
DRN 6.1176	insedabiliter sitis arida corpora mersans
DRN 6.1177	aequabat multum parvis umoribus imbrem.
DRN 6.1178	nec requies erat ulla mali: defessa iacebant
DRN 6.1179	corpora. mussabat tacito medicina timore,
DRN 6.1180	quippe patentia cum totiens ardentia morbis
DRN 6.1181	lumina versarent oculorum expertia somno.
DRN 6.1182	multaque praeterea mortis tum signa dabantur:
DRN 6.1183	perturbata animi mens in maerore metuque,
DRN 6.1184	triste supercilium, furiosus voltus et acer,
DRN 6.1185	sollicitae porro plenaeque sonoribus aures,
DRN 6.1186	creber spiritus aut ingens raroque coortus,
DRN 6.1187	sudorisque madens per collum splendidus umor,
DRN 6.1188	tenvia sputa minuta, croci contacta colore
DRN 6.1189	salsaque per fauces rauca vix edita tussi.
DRN 6.1190	in manibus vero nervi trahere et tremere artus
DRN 6.1191	a pedibusque minutatim succedere frigus
DRN 6.1192	non dubitabat. item ad supremum denique tempus
DRN 6.1193	conpressae nares, nasi primoris acumen
DRN 6.1194	tenve, cavati oculi, cava tempora, frigida pellis
DRN 6.1195	duraque in ore, iacens rictu, frons tenta manebat.
DRN 6.1196	nec nimio rigida post artus morte iacebant.
DRN 6.1197	octavoque fere candenti lumine solis
DRN 6.1198	aut etiam nona reddebant lampade vitam.
DRN 6.1199	quorum siquis, ut est, vitarat funera leti,
DRN 6.1200	ulceribus taetris et nigra proluvie alvi
DRN 6.1201	posterius tamen hunc tabes letumque manebat,
DRN 6.1202	aut etiam multus capitis cum saepe dolore
DRN 6.1203	corruptus sanguis expletis naribus ibat.
DRN 6.1204	huc hominis totae vires corpusque fluebat.
DRN 6.1205	profluvium porro qui taetri sanguinis acre
DRN 6.1206	exierat, tamen in nervos huic morbus et artus
DRN 6.1207	ibat et in partis genitalis corporis ipsas.
DRN 6.1208	et graviter partim metuentes limina leti
DRN 6.1209	vivebant ferro privati parte virili,
DRN 6.1210	et manibus sine non nulli pedibusque manebant
DRN 6.1211	in vita tamen et perdebant lumina partim.
DRN 6.1212	usque adeo mortis metus iis incesserat acer.
DRN 6.1213	atque etiam quosdam cepere oblivia rerum
DRN 6.1214	cunctarum, neque se possent cognoscere ut ipsi.
DRN 6.1215	multaque humi cum inhumata iacerent corpora supra
DRN 6.1216	corporibus, tamen alituum genus atque ferarum
DRN 6.1217	aut procul absiliebat, ut acrem exiret odorem,
DRN 6.1218	aut, ubi gustarat, languebat morte propinqua.
DRN 6.1219	nec tamen omnino temere illis solibus ulla
DRN 6.1220	comparebat avis, nec tristia saecla ferarum
DRN 6.1221	exibant silvis. languebant pleraque morbo
DRN 6.1222	et moriebantur. cum primis fida canum vis
DRN 6.1223	strata viis animam ponebat in omnibus aegre;
DRN 6.1224	extorquebat enim vitam vis morbida membris.
DRN 6.1225	incomitata rapi certabant funera vasta
DRN 6.1226	nec ratio remedii communis certa dabatur;
DRN 6.1227	nam quod ali dederat vitalis aeerisaeëris auras
DRN 6.1228	volvere in ore licere et caeli templa tueri,
DRN 6.1229	hoc aliis erat exitio letumque parabat.
DRN 6.1230	Illud in his rebus miserandum magnopere unum
DRN 6.1231	aerumnabile erat, quod ubi se quisque videbat
DRN 6.1232	implicitum morbo, morti damnatus ut esset,
DRN 6.1233	deficiens animo maesto cum corde iacebat,
DRN 6.1234	funera respectans animam amittebat ibidem.
DRN 6.1235	quippe etenim nullo cessabant tempore apisci
DRN 6.1236	ex aliis alios avidi contagia morbi,
DRN 6.1237	lanigeras tam quam pecudes et bucera saecla,
DRN 6.1238	idque vel in primis cumulabat funere funus
DRN 6.1239	nam qui cumque suos fugitabant visere ad aegros,
DRN 6.1240	vitai nimium cupidos mortisque timentis
DRN 6.1241	poenibat paulo post turpi morte malaque,
DRN 6.1242	desertos, opis expertis, incuria mactans.
DRN 6.1243	qui fuerant autem praesto, contagibus ibant
DRN 6.1244	atque labore, pudor quem tum cogebat obire
DRN 6.1245	blandaque lassorum vox mixta voce querellae.
DRN 6.1246	optimus hoc leti genus ergo quisque subibat.
DRN 6.1247	Praeterea iam pastor et armentarius omnis
DRN 6.1248	et robustus item curvi moderator aratri
DRN 6.1249	languebat, penitusque casa contrusa iacebant
DRN 6.1250	corpora paupertate et morbo dedita morti.
DRN 6.1251	exanimis pueris super exanimata parentum
DRN 6.1252	corpora non numquam posses retroque videre
DRN 6.1253	matribus et patribus natos super edere vitam.
DRN 6.1254	nec minimam partem ex agris maeror is in urbem
DRN 6.1255	confluxit, languens quem contulit agricolarum
DRN 6.1256	copia conveniens ex omni morbida parte.
DRN 6.1257	omnia conplebant loca tectaque quo magis aestu,
DRN 6.1258	confertos ita acervatim mors accumulabat.
DRN 6.1259	multa siti prostrata viam per proque voluta
DRN 6.1260	corpora silanos ad aquarum strata iacebant
DRN 6.1261	interclusa anima nimia ab dulcedine aquarum,
DRN 6.1262	multaque per populi passim loca prompta viasque
DRN 6.1263	languida semanimo cum corpore membra videres
DRN 6.1264	horrida paedore et pannis cooperta perire,
DRN 6.1265	corporis inluvie, pelli super ossibus una,
DRN 6.1266	ulceribus taetris prope iam sordeque sepulta.
DRN 6.1267	omnia denique sancta deum delubra replerat
DRN 6.1268	corporibus mors exanimis onerataque passim
DRN 6.1269	cuncta cadaveribus caelestum templa manebant,
DRN 6.1270	hospitibus loca quae complerant aedituentes.
DRN 6.1271	nec iam religio divom nec numina magni
DRN 6.1272	pendebantur enim: praesens dolor exsuperabat.
DRN 6.1273	nec mos ille sepulturae remanebat in urbe,
DRN 6.1274	quo prius hic populus semper consuerat humari;
DRN 6.1275	perturbatus enim totus trepidabat et unus
DRN 6.1276	quisque suum pro re cognatum maestus humabat.
DRN 6.1277	multaque res subita et paupertas horrida suasit;
DRN 6.1278	namque suos consanguineos aliena rogorum
DRN 6.1279	insuper extructa ingenti clamore locabant
DRN 6.1280	subdebantque faces, multo cum sanguine saepe
DRN 6.1281	rixantes, potius quam corpora desererentur,
DRN 6.1282	inque aliis alium populum sepelire suorum
DRN 6.1283	certantes; lacrimis lassi luctuque redibant;
DRN 6.1284	inde bonam partem in lectum maerore dabantur;
DRN 6.1285	nec poterat quisquam reperiri, quem neque morbus
DRN 6.1286	nec mors nec luctus temptaret tempore tali.