##### edition  (gez)
=== chapter 1 ===
[Chapter 1]
1 አዳም፡ ሴት፡ ሄኖስ።
2 ቃይናን፡ መላልኤል፡ ያሬድ።
3 ሄኖክ፡ ማቱሳላ፡ ላሜህ፡ ኖኅ።
4 ወደቂቁ፡ ለኖኅ፡ ሴም፡ ወካም፡ ወያፌት።
5 ወደቂቁ፡ ለያፌት፡ ጋሜር፡ ወማጎግ፡ ወይሕያን፡ ወኤልሳ፡ ወቶቤል፡ ወሞሳክ፡ ወቲራም።
6 ወደቂቀ፡ ጋሜር፡ አስካናስ፡ ወራፍት፡ ወቶጋርማ።
7 ወደቂቀ፡ ይሕያን፡ ኤልሳ፡ ወተርሴስ፡ ቄጥይ፡ ወሮድእ።
8 ወደቂቀ፡ ካም፡ ኩሳ፡ ወመስርም፡ ወፉጥ፡ ወከነዓን።
9 ወደቂቀ፡ ኩሳ፡ ሴባዕ፡ ወኤውላን፡ ወሴበታ፡ ወሬግማን፡ ወሶቦን፡ ወደቂቀ፡ ሬግማን፡ ሴባዕ፡ ወዳዳን።
10 ወኩሳ፡ ወለዶ፡ ለናምሩድ፡ ዝንቱ፡ ቅድመ፡ ይኩን፡ ረዓይተ፡ ወነዓዌ፡ ዲበ፡ ምድር።
11 ወመስርም፡ ወለዶሙ፡ ለሎዲዓም፡ ወለአናኒም፡ ወለሎቢን፡ ወለንፍታሌም፡ ወለጴጥሳሮኒኤም፡ ወለከሰሎንኤም።
12 ወእምኔሁ፡ ወጽኡ፡ ፍልስጥኤም፡ ወከፋቱሪም፡ 13፡ ወከነአን፡ ወለዶሙ፡ ለሲዶን፡ በኵሩ፡ ወለኬጤዎን።
14 ወለኢያቡሴዎን፡ ወለአሞሬዎን፡ ወለጌርጌሴዎን።
15 ወለኤዌዎን፡ ወለአረቄዎን፡ ወለኤሴነምን።
16 ወለአራዴዎን፡ ወለሰማሬዎን፡ ወለአማቲ።
17 ወደቂቀ፡ ሴም፡ አይላም፡ ወአሱር፡ ወአርፋክስድወሉጥ፡ ወሉድ፡ ወአራም፡ ወደቂቀ፡ አራም፡ አስዑል፡ ወጋቲር፡ ወሞሳክ።
18 ወአርፋክስድ፡ ወለዶ፡ ለቃይናን፡ ወቃይናን፡ ወለዶ፡ ለሳላ፡ ወሳላ፡ ወለዶ፡ ለኤቦር።
19 ወለኤቦር፡ ተወልዱ፡ ሎቱ፡ ክልኤቱ፡ ደቂቅ፡ ስሙ፡ ለአሐዱ፡ ፋሌቅ፡ እስመ፡ በመዋዕሊሁ፡ ተከፍለት፡ ምድር፡ ወስሙ፡ ለእኁሁ፡ ዮቅጣን።
20 ወዮቅጣን፡ ወለዶሙ፡ ለኤልሞዳድ፡ ወለሴሌፍ፡ ወለኤራሞት፡ ወለሴሩክ።
21 ወለቄራድም፡ ወለኤዜል፡ ወለቄቃልም።
22 ወለጌማኤል፡ ወለአቢሜሄል፡ ወለሳባ።
23 ወለውፌር፡ ወለሔዊ፡ ወለአራም፡ ቀዑካብ፡ ወእሉተሎሙ፡ ደቂቀ፡ ዮቅጣን።
24 ወደቂቁ፡ ለሴም፡ አይላም፡ ወአሱር፡ ወአርፋክስድ፡ ወሳላን፡ ወቃይናን።
25 ወኤቦር፡ ወፋሌግ፡ ወራግው።
26 ወሴሩህ፡ ወናኮር፡ ወታራ።
27 ወአብራም፡ ዘውእቱ፡ አብርሃም።
28 ወደቂቀ፡ አብርሃም፡ ይስሐቅ፡ ወይስማኤል።
29 ወዝውእቱ፡ ልደቶሙ፡ በኵሩ፡ ለይስማኤል፡ ናቢዎት፡ ወቄዳር፡ ወናቢዲሄል፡ ወሙባሳን።
30 ወሚስማዕ፡ ወይዱማ፡ ወማሴ፡ ወኬዲድ፡ ወቴማን።
31 ወይጡር፡ ወናፌስ፡ ቄዳማ፡ እሉ፡ ውእቶሙ፡ ደቂቁ፡ ለይስማኤል።
32 ወደቂቃ፡ ለኬጡራ፡ ዕቅብቱ፡ ለአብርሃም፡ ዘወለደት፡ ሎቱዘምራን፡ ወዮቃጥን፡ ወሜዶን፡ ወምድያም፡ ወዮሳብቅ፡ ወሲሔ፡ ወደቂቀ፡ ዮቃጥን፡ ሳባ፡ ወዳዳን።
33 ወደቂቀ፡ ዳዳን፡ ራጉኤል፡ ወነበዱኤል፡ ወአሱራኤል፡ ወሉሱጡልሄል፡ ወለሜኒ፡ እሉ፡ ኵሎሙ፡ ደቂቀ፡ ኬጡራ።
34 ወደቂቀ፡ ሜዶን፡ ጌፋር፡ ወአፌር፡ ወሄኖክ፡ ወአቢዳን፡ ወኤልዳን፡ እሉ፡ ኵሎሙ፡ ደቂቃ፡ ለኬጡራ።
35 ወወለዶ፡ አብርሃም፡ ለይስሐቅ፡ ወደቂቁ፡ ለይስሐቅ፡ ኤሳው፡ ወያዕቆብ።
36 ወደቂቁ፡ ለኤሳው፡ ኤልፋዝ፡ ወራጉኤል፡ ወይዑል፡ ወይጎሎም፡ ወቆሬ።
37 ወደቂቁ፡ ለኤልፋዝ፡ ቴማን፡ ወአማር፡ ወሳፍር፡ ወጎታም፡ ወቄኔዝ፡ ወቴምናስ፡ ዕቅብቱ፡ ለኤልፋዝ፡ ወለደት፡ ሎቱ፡ አማሌቅሃ።
38 ወደቂቁ፡ ለራጉኤል፡ ናኬት፡ ወዘራ፡ ወሴይር፡ ወሞዛ።
39 ወደቂቀ፡ ሴይር፡ ሉጣን፡ ወሳባል፡ ወሴቤጎን፡ ወአናን፡ ወዲሶን፡ ወአሶር፡ ወሬሳን።
40 ወደቂቃ፡ ለሉጣን፡ ኩራ፡ ወኤማን፡ ወእኀታሰ፡ ለሉጣን፡ ታምናን።
41 ወደቂቀ፡ ሳባል፡ ጎለም፡ ወመተከት፡ ወኔባል፡ ወሳፍር፡ ወአናን፡ ወደቂቁ፡ ለሴቤጎን፡ ሀያን፡ ወአናንም፡ ወእሉ፡ ደቂቁ፡ ለአናን፡ ዲሶን፡ ወሬባማ፡ ወለቱ፡ ለአናም።
42 ወደቂቀ፡ አናን፡ ዲሶን፡ ወደቂቀ፡ ዲሶን፡ አምዳን፡ ወኤሴቦን፡ ወኢይትራን፡ ወከራን።
43 ወደቂቁ፡ ለአሶር፡ በለአን፡ ወአዝቃን፡ ወኢይአቃን፡ ወደቂቁ፡ ለሬሶን፡ ኦስ፡ ወአራን።
44 ወእሉ፡ እሙንቱ፡ ነገሥት፡ እለ፡ ነግሡ፡ በኤዶም፡ እምቅድመ፡ ይንግሥ፡ ንጉሥ፡ ለደቂቀ፡ እስራኤል፡ ባላቅ፡ ወልዱ፡ ለቤዖር፡ ወስመ፡ ሀገሩ፡ ዲናባ።
45 ወሞተ፡ ባላቅ፡ ወነግሠ፡ ህየንቴሁ፡ ኢዮባብ፡ ወልደ፡ ዛራ፡ ወእሙ፡ ባሱራ።
46 ወሞተ፡ ኢዮባብ፡ ወነግሠ፡ ህየንቴሁ፡ አሶም፡ ዘምድረ፡ ቴማን።
47 ወሞተ፡ አሶም፡ ወነግሠ፡ ህየንቴሁ፡ አዳድ፡ ወልደ፡ በራድ፡ ዘቀተሎሙ፡ ለምድያም፡ በሐቅለ፡ ሞአብ፡ ወስመ፡ ሀገሩ፡ ጌቴም።
48 ወሞተ፡ አዳድ፡ ወነግሠ፡ ህየንቴሁ፡ ስማዖ፡ እምነ፡ መስቃ።
49 ወሞተ፡ ስማዖ፡ ወነግሠ፡ ህየንቴሁ፡ ሳዑል፡ እምሮቦት፡ እንተ፡ ኀበ፡ ተከዚ።
50 ወሞተ፡ ሳዑል፡ ወነግሠ፡ ህየንቴሁ፡ በላኤኖን፡ ወልደ፡ አክቦር።
51 ወሞተ፡ በላኤኖን፡ ወልደ፡ አክቦር፡ ወነግሠ፡ ህየንቴሁ፡ አዳድ፡ ወልደ፡ በራድ፡ ወስመ፡ ብሔሩ፡ ፌጎር፡ ብእሲቱ፡ ሜጤቤኤል፡ ወለተ፡ ማጣድሮ፡ ወለተ፡ ሚሄዛብ።
52 ወሞተ፡ አዳድ፡ ወኮኑ፡ መሳፍንተ፡ ኤዶም፡ ቴምናን፡ መስፍን፡ ጎለም፡ መስፍን፡ ኢይቴት፡ መስፍን።
53 ኤልሳበባ፡ መስፍን፡ ኤልሳ፡ መስፍን፡ ፌኖን፡ መስፍን።
54 ቄኔዝ፡ መስፍን፡ ቴማን፡ መስፍን፡ መብሳር፡ መስፍን።
55 ማጌዴሄል፡ መስፍን፡ ዘፎሄል፡ መስፍን፡ ወእሎ፡ ኵሎሙ፡ መሳፍንተ፡ ኤዶም።
=== chapter 2 ===
[Chapter 2]
1 ወዝንቱ፡ አስማቲሆሙ፡ ለደቂቀ፡ እስራኤል፡ ሮቤል፡ ስምዖን፡ ሌዊ፡ ይሁዳ፡ ይሳኮር፡ ዛብሎን።
2 ዳን፡ ዮሴፍ፡ ብንያም፡ ንፍታሌም፡ ጋድ፡ ወአሴር።
3 ወደቂቁ፡ ለይሁዳ፡ ኤር፡ አውናን፡ ሴሎም፡ ሠልስቶ፡ ተወልዱ፡ እምወለተ፡ ሴዋ፡ ከነናዊት፡ ወኮነ፡ ኤር፡ በኵር፡ ለይሁዳ፡ እኩየ፡ በቅድመ፡ እግዚአብሄር፡ ወቀተሎ፡ እግዚአብሄር።
4 ወትእማር፡ መርዓቱ፡ ወለደት፡ ሎቱ፡ ፋሬስሃ፡ ወዛራሃ፡ ወኵሎሙ፡ ደቂቁ፡ ለይሁዳ፡ ኃምስቱ።
5 ወደቂቁ፡ ለፋሬስ፡ ኤስሮም፡ ወያሙሄል።
6 ወደቂቁ፡ ለዛሬ፡ ዘምሪ፡ ወኤታን፡ ወኤማን፡ ወክልክል፡ ወዳራወኵሎሙ፡ ኃምስቱ።
7 ወወልደ፡ ዘምሪ፡ ከርሚ፡ ወከርሚ፡ ወለዶ፡ ለአካን፡ ዘአጽርዐ፡ እስራኤል፡ ወዐለወ፡ በወግዝ።
8 ወልደ፡ ኤታን፡ አዛርያ።
9 ወደቂቀ፡ ኤስሮም፡ እለ፡ ተወልዱ፡ ሎቱ፡ ኢያሬሄም፡ ወአራም፡ ወካሌብ።
10 ወአራም፡ ወለዶ፡ ለአሚናዳብ፡ ወአሚናዳብ፡ ወለዶ፡ ለነአሶን፡ መልአኮሙ፡ ለቤተ፡ ይሁዳ።
11 ወነአሶን፡ ወለዶ፡ ለሰልሞን፡ ወሰልሞን፡ ወለዶ፡ ለቡኤዝ።
12 ወቡኤዝ፡ ወለዶ፡ ለኢዮቤድ፡ ወኢዮቤድ፡ ወለዶ፡ ለዕሤይ።
13 ወዕሤይ፡ ወለዶ፡ ለበኵሩ፡ ኤልያብ፡ ወካልእ፡ አሚናዳብ፡ ወሣልስ፡ ሳማይ፡ (ሻማ)።
14 ወራብዕ፡ ናትናኤል፡ ወሐምስ፡ ራዳይ።
15 ሣድስ፡ አሶን፡ ሳብዕ፡ ዳዊት።
16 ወአኃቲሆሙ፡ ሶርህያ፡ ወአቤግያ፡ ወደቂቀ፡ ሶርህያ፡ አቢሳ፡ ወኢዮአብ፡ ወአሳሄል፡ ሠለሰቱ።
17 ወአቤግያ፡ ወለደቶ፡ ለአሜሳይ፡ ወአቡሁ፡ ለአሜሳይ፡ ይትኤር፡ ይስማኤላዊ።
18 ወካሌብ፡ ወልደ፡ ኤስሮም፡ ነሥኣ፡ ለአዙባ፡ ብእሲተ፡ ወለአሬሃት፡ ወእሉ፡ ደቂቃ፡ ኢዩአስር፡ ወሶባብ፡ ወአርናን።
19 ወሞተት፡ አዙባ፡ ወነሥኣ፡ ሎቱ፡ ካሌብ፡ በኤፍራታ፡ ብእሲተ፡ ወወለደት፡ ሎቱ፡ ኦርሃ።
20 ወኦር፡ ወለዶ፡ ለኡሪ፡ ወኡሪ፡ ወለዶ፡ ለባሴልሄን።
21 ወእምድኀረዝ፡ ቦአ፡ ኤስሮም፡ ኀበ፡ ወለተ፡ ማኪር፡ አቡሁ፡ ለገለዓድ፡ ወከመዝ፡ ነሥኣ፡ ወዓመታቲሁ፡ ስሳ፡ ወወለደት፡ ሎቱ፡ ሴጉብሃ።
22 ወሴጉብ፡ ወለዶ፡ ለኢያኤር፡ ወኮና፡ ሎቱ፡ ዕሥራ፡ ወሰላስ፡ አህጉራት፡ በምድረ፡ ገለዓድ።
23 ወነሥአ፡ ኤስሮም፡ ጌሶርሃ፡ ወአራምሃ፡ አህጉሪሆሙ፡ ለኢያኢር፡ እምኔሆሙ፡ ለቄናት፡ ወለአዋልዲሃ፡ ስሳ፡ አህጉር፡ እሉ፡ ኵሎሙ፡ ደቂቁ፡ ለማኪር፡ አቡሁ፡ ለገለዓድ።
24 ወእምድኀረ፡ ሞተ፡ ኤስሮም፡ መጽአ፡ ካሌብ፡ ኀበ፡ ኤፍራታ፡ ወብእሲተ፡ ኤስሮም፡ አቢያ፡ ወወለደት፡ ሎቱ፡ አዳድሃ፡ አቡሁ፡ ለቴቁኤን።
25 ወኮኑ፡ ደቂቁ፡ ለኢያሬምሄል፡ በኵሩ፡ ለኤስሮም፡ አራን፡ በኵሩ፡ በአናን፡ ወአራም፡ ወአሳም፡ ወአሕያህ።
26 ወኮነት፡ ካልእት፡ ብእሲቱ፡ ለኢያሬምሄል፡ ስማ፡ አጥራ፡ ወይእቲ፡ እሙ፡ ለአናም።
27 ወኮኑ፡ ደቂቁ፡ ለአራም፡ በኵሩ፡ ለኢያሬምሄል፡ ማኦስ፡ ወኢያቢን፡ ወኤቄር።
28 ወኮኑ፡ ደቂቀ፡ አናን፡ ስማድን፡ ወያዳን፡ ወደቂቀ፡ ስማድን፡ ናዳብ፡ ወአቤሱር።
29 ወስመ፡ ብእሲቱ፡ ለአቤሱር፡ አቤግያ፡ ወወለደቶሙ፡ ሎቱ፡ ለአዛቡር፡ ወለሙሊድ።
30 ወደቂወ፡ ናዳብ፡ ሴሌጥ፡ ወአፓይን፡ ወሞተ፡ ሴሌጥ፡ እንዘ፡ አልቦ፡ ውሉድ።
31 ወወልደ፡ አፓይን፡ ይሲ፡ ወወልደ፡ ይሲ፡ ሶሳን፡ ወወልደ፡ ሶሳን፡ ኤሊ፡ ወወልደ፡ ኤሊ፡ ያዳይ።
32 ወወሉደ፡ ያዳይ፡ አክሴም፡ ወይቴር፡ ወዮናታን፡ ወሞተ፡ ይቴር፡ እንዘ፡ አልቦ፡ ውሉድ።
33 ወደቂቀ፡ ዮናታን፡ ፋሌት፡ ወአዛዝ፡ እሉ፡ ደቂቀ፡ ኢያሬምሄል።
34 ወለሶሳን፡ አልቦ፡ ደቂቀ፡ ዘእንበለ፡ አዋልድ፡ ወለሶሳን፡ ቦገብር፡ ግብፃዊ፡ ወስሙ፡ ኢዩሄል፡ ወወሀቦ፡ ሱሳንሃ፡ ወለቶ፡ ለኢዩሄል፡ ገብሩ፡ ትኩኖ፡ ብእሲተ፡ ወወለደቶ፡ ሎቱ፡ ለያቲ።
35 ወያቲ፡ ወለዶ፡ ለናታን፡ ወናታን፡ ወለዶ፡ ለዛቤት።
36 ወዛቤት፡ ወለዶ፡ ለአውፍልል፡ ወአውፍልል፡ ወለዶ፡ ለኦቤድ።
37 ወኦቤድ፡ ወለዶ፡ ለኢያሁ፡ ወኢያሁ፡ ወለዶ፡ ለአዛርያ።
38 ወአዛርያ፡ ወለዶ፡ ለአኪላሶን፡ ወአኪላሶን፡ ወለዶ፡ ለኤልያስ።
39 ወኤልያስ፡ ወለዶ፡ ለሴስማኤል፡ ወሰስማኤል፡ ወለዶ፡ ለሱላም።
40 ወሱላም፡ ወለዶ፡ ለኢጦቆም፡ ወኢዮቆም፡ ወለዶ፡ ለአቢሳም።
41 ወወልደ፡ ካሌብ፡ እኁሁ፡ ለኢያሬምሄል፡ ማርያስ፡ በኵሩ፡ ወውእቱ፡ አቡሁ፡ ለዚፋ፡ ወወለዶ፡ ማርያስ፡ አቡሁ፡ ለኬብሮን።
42 ወደቂቀ፡ ኬብሮን፡ ቆሬ፡ ወተፋ፡ ወሩቆም፡ ወሴማዓ።
43 ወሴማዓ፡ ወለዶ፡ ለራኤም፡ አቡሁ፡ ለኤርቃም፡ ወኤርቃም፡ ወለዶ፡ ለስማኤም።
44 ወስማኤም፡ ወለዶ፡ ለአማን፡ ወአማን፡ አቡሆሙ፡ ለቤተሱር።
45 ወኤጌሶን፡ ዕቅብቱ፡ ለካሌብ፡ ወለደቶሙ፡ ሎቱ፡ ለአራን፡ ወለዮሳዕ፡ ወለጌዜኢ፡ ወአራን፡ ወለዶ፡ ለጌዜኢ።
46 ወደቂቀ፡ ዮሳዕ፡ ሬጌም፡ ወዮታም፡ ወጌርሶም፡ ወፋሌጥ፡ ወጌፋዕ፡ ወሰገሞ።
47 ወሞካዕ፡ ዕቅብቱ፡ ለካሌብ፡ ወለደቶሙ፡ ለሴብር፡ ወለይት፡ ርካና።
48 ወወለደት፡ ሰጋብ፡ አባሆሙ፡ ለምድሜና፡ ወለሳኦል፡ አቡሁ፡ ለምክሜና፡ ወአቡሁ፡ ለጌባላን፡ ወወለቱ፡ ለካሌብ፡ አኪሳዕ።
49 እሉ፡ ደቂቁ፡ ለካሌብ፡ ወደቂቁ፡ ለኦር፡ በኵረ፡ ኤፍራታ፡ ሶባል፡ አቡሁ፡ ለቀርያታርም።
50 ወሰሎም፡ አበ፡ ቤተ፡ ልሔም፡ ወኦሪ፡ አበ፡ ቤተ፡ ጌዶር።
51 ወኮኑ፡ ደቂቁ፡ ለሶባል፡ አበ፡ ቀርያታርም፡ አራኢስ፡ ሐፄ፡ ወአማኒት፡ ወቴምናስዕ።
52 ወነገደ፡ ቀርያታርም፡ ኢታኢም፡ ቀኤፍትን፡ ወአስማቲን፡ ወኢማትናኤል፡ ወእምእሉ፡ ወጽኡ፡ ሠራውያን፡ ወይሱቱልያል።
53 ወደቂቀ፡ ሰሎም፡ ቤተ፡ ልሔም፡ ወአንፍጦ፡ ወአጥሮት፡ ቤተ፡ ኢዮኤል፡ ወንፍቃል፡ ወለምናት፡ ሠራውያን።
54 ወነገዶሙ፡ ለጸሐፍት፡ እለ፡ ይነብሩ፡ ውስተ፡ ጋዴስ፡ ወኤርታቸኤም፡ ወሱማቲኤም፡ እሉ፡ ቄኔዛውያን፡ እለ፡ ወጽኡ፡ እምኤማት፡ አቡሆሙ፡ ለቤተ፡ ራኬብ።
=== chapter 3 ===
[Chapter 3]
1 ወእሉ፡ ደቂቁ፡ ለዳዊት፡ እለ፡ ተወልዱ፡ በኬብሮን፡ በኵሩ፡ አምኖን፡ እምአኪናሆም፡ ኢይዝራኤላዊት፡ ወካልእ፡ ዶለህያ፡ እምአቤግያ፡ ቀርሜሎሳዊት።
2 ወሣልስ፡ አቤሴሎም፡ ወልደ፡ መዓክ፡ ወለተ፡ ቱምኤል፡ ንጉሠ፡ ጌድሶር፡ ወራብዕ፡ አዶንያስ፡ ወልደ፡ አጊት።
3 ኃምስ፡ ሰፋጥያስ፡ እምአቢጣል።
4 ሣድስ፡ ይትረሃም፡ እምኤግላ፡ ብእሲቱ፡ እሉ፡ ስድስቱ፡ ተወልዱ፡ ሎቱ፡ በኬብሮን፡ ወነግሠ፡ በህየ፡ ሰብዐት፡ ክረምተ፡ ወስድስተ፡ አውራኀ፡ ሠላሳ፡ ወሠለስተ፡ ክረምተ፡ ነግሠ፡ በኢየሩሳሌም።
5 ወእሉ፡ እለ፡ ተወልዱ፡ ሎቱ፡ በኢየሩሳሌም፡ ሳሚዓ፡ ወሶባብ፡ ወናታን፡ ወሰሎሞን፡ እለ፡ ተወልዱ፡ አርባዕቱ፡ እምቤ፡ ርሳቤህ፡ ወለተ፡ አሚሄል፡ ወልደ፡ ኤልያብ።
6 ወኢያቤሄር፡ ወኤልሳማ፡ ወኤልፋሌጥ።
7 ወናጌል፡ ወናፊግ፡ ወያፍያ።
8 ወኤልሳማ፡ ወኤልዳ፡ ወኤልፋጥ።
9 እሉ፡ ተስዐቱ፡ ኵሎሙ፡ ደቂቀ፡ ዳዊት፡ ዘእንበለ፡ ደቂቀ፡ ዕቁባቲሁ፡ ወትእማር፡ እኀቶሙ፡ እሉ፡ ተወልዱ፡ ሎቱ፡ በኢየሩሳሌም።
10 ወልደ፡ ሰሎሞን፡ ሮብዓም፡ አብያ፡ ወልዱ፡ አሳ፡ ወልዱ፡ ዮሳፍጥ፡ ወልዱ።
11 ኢዮራም፡ ወልዱ፡ አካዝያስ፡ ወልዱ፡ ዮአስ፡ ወልዱ።
12 አሜስያስ፡ ወልዱ፡ አዛርያስ፡ ወልዱ፡ ኢዮአታም፡ ወልዱ።
13 አካዝ፡ ወልዱ፡ ሕዝቅያስ፡ ወልዱ፡ ምናሴ፡ ወልዱ።
14 አሞፅ፡ ወልዱ፡ ኢዮስያስ፡ ወልዱ።
15 ወደቂቀ፡ ኢዮስያስ፡ በኵሩ፡ ዮአክስ፡ ወካልኡ፡ ኢዮአቄም፡ ወሣልስ፡ ሴዴቅያስ፡ ወራብዕ፡ ሰሎሞን።
16 ወደቂቀ፡ ኢዮአቄም፡ ኢኮንያን።
17 ወደቂቀ፡ ኢኮንያን፡ አሴር፡ ወሰላትያል።
18 ወመልኪራም፡ ወፈዳይያስ፡ ወሳንሳሮ፡ ወኢቄንያ፡ ወኢሳም፡ ወናዳብያ።
19 ወደቂቀ፡ ሰላትያል፡ ዘሩባቤል፡ ወሴማዕ።
20 ወደቂቀ፡ ዘሩባቤል፡ ሞስልሞስ፡ ወሐናንያ፡ ወሰሎሚት፡ እኀቶሙ።
21 ወኤሳባ፡ ወአኤል፡ ወበራክያ፡ ወአስዳድያ፡ ወአስቦሴድ፡ ሰመንቱ፡ ኵሎሙ።
22 ወደቂቀ፡ ሐናንያ፡ ፐለጥያ:፡ ወኢያሴያስ፡ ወልዱ:፡ ራፊእያ፡ ወልዱ፡ እስያ፡ ወልዱ፡ ኦርና፡ ወልዱ፡ አብድያ፡ ወልዱ፡ ሴኬንያ፡ ወልዱ።
23 ወሴኬንያ፡ ወለዶ፡ ለሴሜዕያ፡ ወደቂቀ፡ ሴሜዕያ፡ ኬጡስ፡ ወኢዩሄል፡ ወቤርያ፡ ወነዋድያ፡ ወሳፌጥ፡ ስድስቱ።
24 ወደቂቀ፡ ነዋድያ፡ ኤልዩናኢ፡ ወሕዝቅያስ፡ ወአሴርቃም፡ ሠለስቱ።
25 ወደቂቀ፡ ኤልዩናኢ፡ አዳይያ፡ ወኤልያሴብ፡ ወፈዳእያ፡ ወዓቁብ፡ ወኢዮአናም፡ ወዶላእያ፡ ወአናኒ፡ ሰብዓቱ።
=== chapter 4 ===
[Chapter 4]
1 ወደቂቀ፡ ይሁዳ፡ ፋሬስ፡ ወኤስሮም፡ ወካሬም፡ ወሆር፡ ወሱባል።
2 ወርእያያ፡ ወለዶ፡ ለሱባል፡ ወሱባል፡ ወለዶ፡ ለኢዮሄት፡ ወኢዮሄት፡ ወለዶሙ፡ ለአኪማኢ፡ ወለአድ፡ ወዝንቱ፡ ውዕቱ፡ ልደቱ፡ ለሰላትያል።
3 ወእሉ፡ ውእቶሙ፡ ደቂቁ፡ ለኤጣም፡ ኢይዝራኤል፡ ወኢስማዕ፡ ወኤጋቢስ፡ ወስመ፡ እኀቶሙ፡ ኤሴንፎን።
4 ወፋኑኤል፡ አቡሁ፡ ለጌዶር፡ ወአዜር፡ አቡሁ፡ ለአሶን፡ እሉ፡ ደቂቁ፡ ለአር፡ በኵሩ፡ ለኤፍራታ፡ አበ፡ ቤተ፡ ልሔም።
5 ወአሱር፡ አቡሁ፡ ለቴቁኤ፡ አውሰበ፡ ክልኤተ፡ አንስተ፡ እለ፡ አስማቲሆን፡ ኤላሃ፡ ወኑአራ።
6 ወወለደት፡ ሎቱ፡ ኑአራ፡ ውሉደ፡ እለ፡ አስማቲሆን፡ ሄኖራጣን፡ ወአሁዛም፡ ወኤፌር፡ ወቴማን፡ ወአስቴራ፡ እላንቱ፡ ኵሎን፡ ደቂቃ፡ ለኑአራ።
7 ወደቂቃ፡ ለኤላሃ፡ ሶረት፡ ወሰዓር፡ ወኤትናን።
8 ወቆስ፡ ወለዶሙ፡ ለኤኖብ፡ ወለሲባባ፡ ወተወልዱ፡ ሎቱ፡ ውሉድ፡ ለእኁሁ፡ ለኮሬብ፡ ወልደ፡ ኢያራም።
9 ወኮነ፡ ኤኖብ፡ ክቡረ፡ እምአኃዊሁ፡ ወሰመየቶ፡ እሙ፡ ያጌቢስ፡ እንዘ፡ ትብል፡ ወለድኩ፡ ጋቤሰ፡ ዘበትርጓሜሁ፡ በፃማ፡ ወበሕማም።
10 ወጸውዖ፡ ያጌቢስ፡ ለአምላከ፡ እስራኤል፡ ወይቤ፡ ለእመ፡ ባርኮ፡ ባረከኒ፡ ወአብዛኀከ፡ ኵሎ፡ ዘዓውድየ፡ ወኮነት፡ እዴከ፡ ምስሌየ፡ ወገበርከ፡ ትእምርተ፡ በዘኢታኃሥረኒ፡ ወወሀቦ፡ እግዚአብሔር፡ ኵሎ፡ ዘሰአለ።
11 ወካሌብ፡ እኀወ፡ አራም፡ ወለዶ፡ ለማኪር፡ ዘውእቱ፡ አቡሁ፡ ለኤስቶን።
12 ወኤስቶን፡ ወለዶሙ፡ ለቤተ፡ ራፋ፡ ወለሲፋ፡ ወለታና፡ አበ፡ ኤርናአስ፡ እኁሁ፡ ለኤሴሎም፡ ቄኔዛዊ፡ እሉ፡ እደው፡ ራፋን።
13 ወደቂቀ፡ ቄኔዝ፡ ጎቶኖሄል፡ ወሠራኢያ፡ ወደቂቀ፡ ጎቶኖሄል፡ አታት።
14 ወመናቲ፡ ወለዶ፡ ለጎፌር፡ ወሠራኢያ፡ ወለዶ፡ ለኢዮአብ፡ አቡሆሙ፡ ለጌርሳምስ፡ እስመ፡ ጸረብት፡ እሙንቱ።
15 ወደቂቁ፡ ለካሌብ፡ ወልደ፡ ዮፍኒ፡ ኢሩ፡ ኤላ፡ ወነአም፡ ወደቂቁ፡ ለኤላ፡ ቄኔዝ።
16 ወውሉደ፡ ኢያሌሳን፡ ዝፍሊ፡ ወዚፋ፡ ወቴርያ፡ ወኢስራሄል።
17 ወውሉደ፡ ኤዜራስ፡ ኢያቴር፡ ወሜሬድ፡ ወጋፌር፡ ወያሎን።
18 ወወለዶሙ፡ ኢያቴር፡ ለሜሬድ፡ ወለይስማኢ፡ ወለይስባኤል፡ አቡሆሙ፡ ለኤስቲሞን።
19 ወብእሲቱ፡ ሃይሄዳ፡ ወለደት፡ ሎቱ፡ ወልደ፡ በክቡት፡ ዘስሙ፡ ኢያቴር፡ አቡሆሙ፡ ለጌዶር፡ ወለአቤር፡ ወአበስኮር፡ ወለኢተክሂል፡ አቡሁ፡ ለዛኖን፡ ወእሉ፡ እሙንቱ፡ ደቂቃ፡ ለለፍትያ፡ ወለተ፡ ፈርዖን፡ እንተ፡ አውሰባ፡ ሜሬድ።
20 ወደቂቀ፡ ብእሲቱ፡ ኢያድያ፡ እኀቱ፡ ለኮኑብ፡ ወዶና፡ አቡሆሙ፡ ለቀይላ፡ ወለስዮን፡ አቡሁ፡ ለሳማን፡ ወደቂቀ፡ ናሄም፡ አቡሆሙ፡ ለቃይላን፡ አጣሬም፡ ወይስቴይም፡ ወቴማካቲ።
21 ወደቂቁ፡ ለሴምዮን፡ አምኖን፡ ወራኖን፡ ወአምኖን፡ ወለዶ፡ ለአናን፡ ወቲሎን፡ ወልደ፡ ይስቴም፡ ዘካት፡ ወወልደ፡ ዘካት፡ ሴሎም።
22 ወደቂቀ፡ ሴሎም፡ ወልደ፡ ይሁዳ፡ ኤር፡ አቡሁ፡ ለካድ፡ ወአዳ፡ አቡሁ፡ ለማርስ፡ ወነገደ፡ ቤቶሙ፡ ለአቡዳት፡ አቡሄስ፡ ዘቤተ፡ አቡሳ፡ እለ፡ የአንሙ፡ ፀምረ።
23 ወኢዮአቄም፡ ወእደወ፡ ኬዜብ፡ ወኢዮአስ፡ ወሥራፍ፡ እለ፡ የኀድሩ፡ ውስተ፡ ሞአብ፡ ወሜጦም፡ አብድሬናን፡ ወቶቄም።
24 ወእሉ፡ እሙንቱ፡ ለብሐውያን፡ እለ፡ የኀድሩ፡ ውስተ፡ ናጣኤም፡ ወጋዴራ፡ ምስለ፡ ንጉሥ፡ ወበመንግሥቱ፡ ፀንዑ፡ ወኀደሩ፡ ህየ።
25 ወደቂቀ፡ ስምዖን፡ ናሙኤል፡ ወኢያሚን፡ ወኢያብር፡ ወዝራኤ፡ ወሳኡል።
26 ወደቂቀ፡ ሳኡል፡ ሳሌም፡ ወልዱ፡ መብሳን፡ ምስማን፡ ወልዱ።
27 ወደቂቀ፡ ምስማን፡ አሙሄል፡ ወልዱ፡ ሳባድ፡ ወልዱ፡ ዝኩር፡ ወልዱ፡ ሳምዒን፡ ወልዱ።
28 ወደቂቁ፡ ለሳምዠዒን፡ ዓሠርቱ፡ ወስድስቱ፡ ወአዋልዲሁ፡ ሠላሳ፡ ወለአኃዊሁሰ፡ አልቦሙ፡ ውሉድ፡ ብዙኀን፡ ወኵሎሙ፡ ውሉዱ፡ ኢበዝኁ፡ ከመ፡ ውሉደ፡ ይሁዳ።
29 ወኀደሩ፡ ውስተ፡ ቤርሳባዕ፡ ወበሳምአ፡ ወሞላዳ፡ ወአርሱ፡ ባሱኤል።
30 ወውስተ፡ ብኤል፡ ወበአሶም፡ ወበቶላድ።
31 ወበባቱኤል፡ ወበኤርማ፡ ወበሰቄላቅ።
32 ወበቤተ፡ መርካቡት፡ ወበመንፈቀ፡ ሲአሊም፡ ወበቤተ፡ ቤሪም፡ ወበሳኢርም፡ እላንቱ፡ አህጉሪሆሙ፡ እስከ፡ አንገሥዎ፡ ለዳዊት።
33 ወቅፅራቲሆሙ፡ ኤጣን፡ ወኤን፡ ሬሞን፡ ወቶኬን፡ ወአሳን፡ ወኮና፡ አህጉሪሆሙ፡ ኃምስቱ።
34 ወኵሎ፡ ቅፅራቲሆሙ፡ ዘዐውዶን፡ ለእላንቱ፡ አህጉር፡ እስከ፡ በአል፡ ወዝንቱ፡ ማኀደሪሆሙ፡ ወመክፈልቶሙ።
35 ሞሳብብ፡ ወአማክ፡ ወኢዮስያ፡ ወልደ፡ አሜስያ።
36 ወኢዮሄል፡ ወያሕያ፡ ውሉደ፡ አስብያ፡ ወልደ፡ ሶርዕያ፡ ወልደ፡ አሳሄል።
37 ወኤልዮን፡ ወያዕቆባ፡ ወያስዕያ፡ ወአዲሄል፡ ወስማኤል፡ ወበናፅያ።
38 ወዙዛ፡ ወልደ፡ ሴፌ፡ ወልደ፡ ሐሎን፡ ወልደ፡ ኢዳእያ፡ ወልደ፡ ሰማርዩ፡ ወልደ፡ ስምዕው።
39 እሉ፡ ዘቦሙ፡ መላእክት፡ በበአስማማቲሆሙ፡ በበነገዶሙ፡ ወበበአብያተ፡ አበዊሆሙ፡ ወተባዝኁ፡ ፈድፋደ።
40 ወኀለፉ፡ እስከ፡ በጽሑ፡ ጌራራ፡ እስከ፡ ጽባሐ፡ ዘጋኢ፡ ከመይኀሥሡ፡ ምርዓየ፡ ለእንስሳሆሙ።
41 ወረከቡ፡ ጺዖታት፡ ብዙኀተ፡ ወሥሙራት፡ ወምድረ፡ ርኂበ፡ በቅድሜሆሙ፡ ወሰላም፡ ወጽማዌ፡ እስመ፡ እምደቂቀ፡ ካም፡ የኀድሩ፡ ዝየ፡ በቅድሜሆሙ።
42 ወመጽኡ፡ እሉ፡ እለ፡ ጽሑፋን፡ በበአስማቲሆሙ፡ በመዋዕለ፡ ሕዝቅያስ፡ ንጉሠ፡ ይሁዳ፡ ወቀተሉ፡ እለ፡ ኀዱራን፡ መነናውያነ፡ ህየ፡ ዘረከቡ፡ ወአውገዝዎሙ፡ እስከ፡ ዛቲ፡ ዕለተ፡ ወየኃድሩ፡ ህየንቴሆሙ፡ እስመ፡ መራዕየ፡ እንስሳ፡ ቦሙ።
43 ወአውገዝዎሙ፡ እምኔሆሙ፡ ለደቂቀ፡ ስምዖን፡ ወሖሩ፡ ውስተ፡ ደብረ፡ ሴይር፡ እደው፡ ኀምስቱ፡ ምእት፡ ወፈላጥያ፡ ወኑአድያ፡ ወራፍዕያ፡ ወዛፋኤል።
44 ወደቂቀ፡ ኢያሲ፡ ወመላእክተ፡ ዚአሆሙ፡ ቀተሉ፡ እለ፡ ተርፉ፡ እምተረፈ፡ አማሌቅ፡ ወኃደሩ፡ ህየ፡ እስከ፡ ዛቲ፡ ዕለት።
=== chapter 5 ===
[Chapter 5]
1 ወደቂቀ፡ ሮቤል፡ በኵሩ፡ ለእስራኤል፡ እስመ፡ ውእቱ፡ በኵር፡ እስመ፡ ዓርገ፡ ውስተ፡ ምስካበ፡ አቡሁ፡ ወወሀበ፡ እስራኤል፡ በረከቶ፡ ለዮሴፍ፡ ወልዱ፡ ወኢተኈለቈ፡ ሎጹ፡ ብኵርና።
2 እስመ፡ ይሁዳ፡ ኃያል፡ ወፅኑዕ፡ እምአኃዊሁ፡ ወመኰንነ፡ ኮነ፡ እምኔሆሙ፡ ወበረከትሰ፡ ለዮሴፍ።
3 ወደቂቀ፡ ሮቤል፡ በኵሩ፡ ለእስራኤል፡ ሄኖክ፡ ወፍሎስ፡ ወኤሳሎም፡ ወከርሚ።
4 ወደቂቀ፡ ሄኖክ፡ ሴማአህ፡ ወልዱ፡ ጎግ፡ ወልዱ፡ ሴሜኢ፡ ወልዱ።
5 ወልደ፡ ሴሜኢ፡ ሚካ፡ ወወልደ፡ ሚካ፡ ሬካ፡ ወወልደ፡ ሬካ፡ ቤአል።
6 ወቢኦር፡ ወልዱ፡ ዘአፍለሶ፡ ቴልጌልቴልፌልሶር፡ ንጉሠ፡ አሶር፡ ቢሖራ፡ ወውእቱ፡ መልአከ፡ ቤተ፡ ሮቤል።
7 ወአኃወ፡ ልደቱ፡ በበኍልቆሙ፡ ዘልደተ፡ መላእክቲሆሙ፡ ኢዮሄል፡ ወዘካርያስ።
8 ወቴባል፡ ወልደ፡ አዙዛ፡ ወልደ፡ ይስማዕ፤ ወልደ፡ ኢዮሄል፡ ወውዕቱ፡ ኃደረ፡ ውስተ፡ በርኖሄም፡ ወበናባው፡ ወበኤልማሆም።
9 ወበገጸ፡ ጽባሕ፡ ኃደረ፡ እስከ፡ ይበጽሕ፡ ደወለ፡ ተከዜ፡ ኤፍራጥስ፡ እስመ፡ እንስሳሆሙ፡ ብዙኀ፡ በገለአድ።
10 ወበመዋዕሊሁ፡ ለሳኦል፡ ገብሩ፡ ቀትለ፡ ምስለ፡ ፈላስያን፡ ወወድቁ፡ በእደዊሆሙ፡ ወኀደሩ፡ በትዕይንቶሙ፡ እስከ፡ ይበጽሑ፡ ጽባሐ፡ ገለዓድ።
11 ወደቂቀ፡ ጋድ፡ አንፃረ፡ ዚአሆሙ፡ የኃድሩ፡ በባሳን፡ እስከ፡ ሶልካ።
12 ኢዮሄል፡ በኵሩ፡ ወሳፋን፡ ካልኡ፡ ወኢዮናኢ፡ ጸሐፊ፡ ወሳፋጥበባሳን።
13 ወአኃዊሆሙ፡ በልደተ፡ አበዊሆሙ፡ ሚካኤል፡ ወሜሱላም፡ ወሳባል፡ ወኢዮራኤ፡ ወዮካኤን፡ ወዙኤ፡ ወኦቤድ፡ እሉ፡ ሰብዓቱ፡ እሙንቱ።
14 እሉ፡ ደቂቀ፡ አብያሄል፡ ወልደ፡ ኡሪ፡ ወልደ፡ ኢያዲ፡ ወልዱ፡ ገላዲ፡ ወልዱ፡ ሚካኤል፡ ወልዱ፡ ኢያሴኢ፡ ወልዱ፡ አኩዛብ።
15 ወልዱ፡ አብዱሄም፡ ወልዱ፡ አጉኒ፡ መልአከ፡ አበዊሆሙ።
16 ወኀደሩ፡ በገለአድ፡ ወበባሳን፡ ወበአሕቃሊሆሙ፡ ወበኵሉ፡ አዕፃዳቲሆሙ።
17 ወበኵሉ፡ አድያሚሆሙ፡ ለሳሮን፡ እስከ፡ ፀአቶሙ፡ ለኵሎሙ፡ እለ፡ ተኈለቁ፡ በመዋዕለ፡ ኢዮአታም፡ ወበመዋዕለ፡ ኢዮርብዓም፡ ንጉሥ፡ ይሁዳ፡ ወንጉሠ፡ እስራኤል።
18 ወደቂቀ፡ ሮቤል፡ ወጋድ፡ ወመንፈቀ፡ ነገደ፡ ምናሴ፡ እምነ፡ ደቂቀ፡ ኃይል፡ እደወ፡ ኃይሎሙ፡ እለ፡ ይእኀዙ፡ ወልታ፡ ወኵናተ፡ ወይዌስቁ፡ ቀስተ፡ ወምሁራነ፡ ቀትል፡ አርባዕቱ፡ እልፍ፡ ወአርባዓ፡ ምእት፡ ሰብዐቱ፡ ምዕት፡ ወስሳ፡ እለ፡ የሐውሩ፡ ለቀትል።
19 ወገብሩ፡ ቀትለ፡ ምስለ፡ ሰብአ፡ አጋርዮን፡ ወኢጣርዮን፡ ወምስለ፡ ሰብአ፡ ናፋስዮን፡ ወናዳብዮን።
20 ወጸንዕዎሙ፡ ወገብኡ፡ ውስተ፡ እደዊሆሙ፡ እለ፡ አጋርዮን፡ ወኵሉ፡ ተዓይኒሆሙ፡ እስመ፡ ጸርሑ፡ ኀበ፡ እግዚአብሄር፡ በውስተ፡ መራድ፡ ወአድኃኖሙ፡ እስመ፡ ተወከሉ፡ ቦቱ።
21 ወማህረኩ፡ ወነድኡ፡ ምህርካሆሙ፡ ወአግማሊሆሙ፡ ኃምስቱ፡ እልፍ፡ ወአባግዕ፡ ዕሥራ፡ ወኃምስቱ፡ እልፍለ፡ ወአእዱግ፡ ዕሥራ፡ ምዕት፡ ወነፍሰ፡ ሰብእ፡ ዓሠርቱ፡ እልፍ።
22 እስመ፡ በዝኀ፡ ዘወድቀ፡ በቀትል፡ እስመ፡ እምኀበ፡ እግዚአብሄር፡ ኮነ፡ ውእቱ፡ ፀብዖሙ፡ ወኀደሩ፡ ህየንቴሆሙ፡ እስከ፡ አመ፡ ፍልሰት።
23 ወደቂቀ፡ መንፈቀ፡ ነገደ፡ ምናሴ፡ የኃድሩ፡ ውስተ፡ ደወለ፡ ባሳን፡ ወእስከ፡ ደወለ፡ በአል፡ ወአርሞል፡ ወሳኔር፡ ደብረ፡ ኤርሞን፡ ወበሊባኖስ፡ ወእሎንቱ፡ ተባዝኁ።
24 ወእሉ፡ እሙንቱ፡ መሳፍንተ፡ ቤተ፡ አበዊሆሙ፡ ሄፌር፡ ወኢያሲ፡ ወኢያሄል፡ ወእንዝራሄል፡ ወኢያሬምያ፡ ወኢያይያ፡ ወኢያድሄል።
25 ወእሉ፡ እደው፡ ጸናዕት፡ ወስሙያን፡ እደው፡ መላእክተ፡ ቤተ፡ አበዊሆሙ፡ ወተለዉ፡ አማልክተ፡ አህዛብ፡ ምድር፡ እለ፡ አግኅሦ፡ አግኃሠ፡ እግዚአብሄር፡ እምገጾሙ።
26 ወአንሥአ፡ አምላከ፡ እስራኤል፡ መንፈሰ፡ ፋሎክ፡ ንጉሠ፡ አሶር፡ ወመንፈሰ፡ ቴልጌል፡ ወአፍለሶሙ፡ ለሮቤል፡ ወለጋድ፡ ወለመንፈቀ፡ ነገደ፡ ምናሴ፡ ወወሰዶሙ፡ ውስተ፡ ደወለ፡ ከላኤን፡ ወውስተ፡ ደወለ፡ አቦር፡ ወውስተ፡ ፈላገ፡ ጎዛን፡ ወሃራ፡ እስከ፡ ዛቲ፡ ዕለት።
=== chapter 6 ===
[Chapter 6]
1 ወደቂቀ፡ ሌዊ፡ ጌድሶን፡ ወቀዓት፡ ወሜራሪ።
2 ወደቂቀ፡ ቀዓት፡ እንበረም፡ ወይሰዓር፡ ወኬብሮን፡ ወኤዜሄል።
3 ወደቂቀ፡ እንበረም፡ አሮን፡ ወሙሴ፡ ወማርያም፡ ወደቂቀ፡ አሮን፡ ናዳብ፡ ወአብዩድ፡ ወአልአዛር፡ ወይታምር።
4 ወአልአዛር፡ ወለዶ፡ ለፊንሐስ፡ ወፊንሐስ፡ ወለዶ፡ ለአቤሱ።
5 ወአቤሱ፡ ወለዶ፡ ለበቋኢ፡ ወበቋኢ፡ ወለዶ፡ ለአዚ።
6 ወአዚ፡ ወለዶ፡ ለዘራእያስ፡ ወዘራእያስ፡ ወለዶ፡ ለማሪኦት።
7 ወማሪኦት፡ ወለዶ፡ ለአማርያ፡ ወአማርያ፡ ወለዶ፡ ለአኪጦብ።
8 ወአኪጦብ፡ ወለዶ፡ ለሳዶቅ፡ ወሳዶቅ፡ ወለዶ፡ ለአኪማኦስ።
9 ወአኪማኦስ፡ ወለዶ፡ ለአዛርያስ፡ ወአዛርያስ፡ ወለዶ፡ ለዮሐናን።
10 ወዮሐናን፡ ወለዶ፡ ለአዛርያ፡ ወውእቱኒ፡ ዘኮነ፡ ካህነ፡ በቤት፡ ዘሐነፀ፡ ሰሎሞን፡ በኢየሩሳሌም።
11 ወአዛርያ፡ ወለዶ፡ ለአማር፡ ወአማር፡ ወለዶ፡ ለአኪጦብ።
12 ወአኪጦብ፡ ወለዶ፡ ለሳዶቅ፡ ወሳዶቅ፡ ወለዶ፡ ለሳሎም።
13 ወሳሎም፡ ወለዶ፡ ለኬልቅዩ፡ ወኬልቅዩ፡ ወለዶ፡ ለአዛርያ።
14 ወአዛርያ፡ ወለዶ፡ ለሰራእያወሰራእያ፡ ወለዶ፡ ለዮሴዴቅ።
15 ወዮሴዴቅ፡ ሖረ፡ ውስተ፡ ፍልሰተ፡ ይሁዳ፡ ወኢየሩሳሌም፡ በእደ፡ ናቡከደነፆር።
16 ወደቂቀ፡ ሌዊ፡ ጌድሶን፡ ወቀዓት፡ ወሜራሪ።
17 ወከመዝ፡ ውእቱ፡ አስማቲሆሙ፡ ለደቂቀ፡ ገድሶን፡ ሎቤኒ፡ ወሴሚ።
18 ወደቂቀ፡ ቀዓት፡ እንበረም፡ ወይሰዓር፡ ወኬብሮን፡ ወኤዜሄል።
19 ወደቂቀ፡ ሜራሪ፡ ሙሐሊ፡ ወሐሙሲ።
20 ወዝንቱ፡ ልደቱ፡ ለሌዊ፡ በከመ፡ ልደቶሙ፡ ለደቂቀ፡ ጌድሶን፡ ሎቤኒ፡ ወልዱ፡ ኢኤት፡ ወልዱ፡ ወዛማ፡ ወልዱ።
21 ወዮአክ፡ ወልዱ፡ ዓዱዛራ፡ ወልዱ፡ ኢያቴር፡ ወልዱ።
22 ወደቂቀ፡ ቀዓት፡ ይሰዓር፡ ወልዱ፡ ቆሬ፡ ወልዱ፡ አሴር፡ ወልዱ።
23 እልቃና፡ ወልዱ፡ አቤሳፍ፡ ወልዱ።
24 ታሐት፡ ወልዱ፡ አራሄል፡ ወልዱ፡ አዝያስ፡ ወልዱ፡ ሳአል፡ ወልዱ።
25 ወደቂቀ፡ እልቃና፡ አማሲ፡ ወአክሞት።
26 እልቃና፡ ወልዱ፡ ሱፊናኢ፡ ወልዱ፡ ናሄት፡ ወልዱ።
27 ኤልያብ፡ ወልዱ፡ ኢያሬምያል፡ ወልዱ፡ ሕልቃና፡ ወልዱ፡ ሳሙኤል፡ ወልዱ።
28 ወደቂቁ፡ ለሳሙኤል፡ በኵሩ፡ ኢዮኤል፡ ወአብያ።
29 ወደቂቀ፡ ሜራሪ፡ ሙአሊ፡ ወሎቤኒ፡ ወልዱ።
30 ሳሚ፡ ወልዱ፡ ኦዛ፡ ወልዱ፡ ሴማ፡ ወልዱ፡ ሐግያስ፡ ወልዱ፡ አሳዕያ፡ ወልዱ።
31 ወእሉ፡ እለ፡ ሤመ፡ ዳዊት፡ በእደዊሁ፡ ከመ፡ ይዘምሩ፡ ወያንብቡ፡ በቤተ፡ እግዚአብሄር፡ ኀበ፡ ታዐርፍ፡ ታቦተ፡ እግዚአብሄር።
32 ወሀለዉ፡ ይትለአኩ፡ በቅድመ፡ ቤተ፡ ስምዕ፡ በአርጋኖን፡ እስከ፡ አመ፡ ሐነፀ፡ ሰሎሞን፡ ቤተ፡ እግዚአብሄር፡ በኢየሩሳሌም፡ ወቆሙ፡ በሥርዓቶሙ፡ በዲበ፡ መልእክቶሙ።
33 ወእሉ፡ ይትለአኩ፡ ለቤተ፡ እግዚአብሄር፡ ወይቀውሙ፡ ደቂቆሙ፡ ወእምውሉደ፡ ቀዓት፡ ኤማን፡ መዘምር፡ ወልደ፡ ኢዮሄል፡ ወልደ፡ ሳሙለ።
34 ወልደ፡ ሕልቃና፡ ወልደ፡ ኢያሬምያል፡ ወልደ፡ ኢዮሄል፡ ወልደ፡ ቱኤዊ፡ ወልደ፡ ሱፍ።
35 ወልደ፡ ሕልቃና፡ ወልደ፡ መአቲ፡ ወልደ፡ አማሲ፡ ወልደ፡ እልቃና፡ ወልደ፡ ዮሄል፡ ወልደ፡ አዛርያስ፡ ወልደ፡ ሳፎንያስ።
36 ወልደ፡ ታአቲ፡ ወልደ፡ አሴር፡ ወልደ፡ አብያሳፍ፡ ወልደ፡ ቆሬ።
37 ወልደ፡ ይሰዓር፡ ወልደ፡ ቀዓት፡ ወልደ፡ ሌዊ፡ ወልደ፡ እስራኤል።
38 ወእኁሁ፡ አሳፍ፡ ስሙ፡ ዘይቀውም፡ በየማኑ፡ አሳፍሰ፡ ወልደ፡ በራክያ፡ ወልደ፡ ስማዕ።
39 ወልደ፡ ሚካኤል፡ ወልደ፡ በዓስያ፡ ወልደ፡ መላክያ።
40 ወልደ፡ አተናኢ፡ ወልደ፡ አዛርያስ፡ ወልደ፡ ኢዳይ።
41 ወልደ፡ ኤታን፡ ወልደ፡ ዚማ፡ ወልደ፡ ሲማኢ።
42 ወልደ፡ ኢያኤት፡ ወልደ፡ ጌድሶን፡ ወልደ፡ ሌዊ።
43 ወደቂቀ፡ ሜራሪ፡ አኃዊሆሙ፡ ዘይቀውሙ፡ በጸጋሞሙ፡ ኤታን፡ ወልደ፡ ቂሳን፡ ወልደ፡ አብዲ፡ ወልደ፡ ማሎክ።
44 ወልደ፡ አሳቢ፡ ወልደ፡ አሜስያ፡ ወልደ፡ ኬልቅያ።
45 ወልደ፡ አማሰኢ፡ ወልደ፡ ቦአኒ፡ ወልደ፡ ሶማር።
46 ወልደ፡ ሙአሊ፡ ወልደ፡ ሐሙሲ፡ ወልደ፡ ሜራሪ፡ ወልደ፡ ሌዊ።
47 ወአኃዊሆሙ፡ በበአብያተ፡ ልደቶሙ፡ ሌዋውያን፡ ናታናውያን፡ ዘተሰይሙ፡ ውስተ፡ ኵሉ፡ ግብር፡ ወውስተ፡ ኵሉ፡ መልእክት፡ ዘግብረ፡ ቤተ፡ እግዚአብሔር።
48 አሮንሰ፡ ወደቂቁ፡ ያጠይሱ፡ ዲበ፡ ምሥዋዕ፡ ዘመሥዋዕት፡ ወዲበ፡ ምሥዋዕ፡ ዘማዕጠንት፡ በኵሉ፡ መልእክት፡ ዘቅድስተ፡ ቅዱሳን፡ ወሥርየተ፡ ላዕለ፡ እስራኤል፡ በኵሉ፡ ዘአዘዞ፡ ሙሴ፡ ገብረ፡ እግዚአብሄር።
49 ወዝንቱ፡ ውእቱ፡ አስማቲሆሙ፡ ለደቂቀ፡ አሮን፡ አልአዛር፡ ወልዱ፡ ፊንሐስ፡ ወልዱ፡ አቤሱ፡ ወልዱ።
50 ወልደ፡ ቢቃኢ፡ ወልደ፡ ኦዚ፡ ወልደ፡ ዛሬኢ።
51 ወልዱ፡ መራአት፡ ወልዱ፡ አማርያ፡ ወልዱ፡ አኪጦብ።
52 ወልዱ፡ ሳዶቅ፡ ወልዱ፡ አኪማኦስ።
53 ወእሉ፡ ማኅደሪሆሙ፡ በበሐውርቲሆሙ፡ ወበበአድዋሊሆሙ፡ ለደቂቀ፡ አሮን፡ ወለነገደ፡ ቀዓት።
54 እስመ፡ ሎሙ፡ ለከቦሙ፡ ዕፃ፡ ወወሀብዎሙ፡ ምድረ፡ ኬብሮን፡ በምድረ፡ ይሁዳ፡ ወኵሎ፡ ሙፋራቲሃ፡ ዘዓውዳ።
55 ወገራህታ፡ ለሀገር፡ ወኵሎ፡ አዕፃዲሃ፡ ወሀብዎ፡ ለካሌብ፡ ወልደ፡ ዮፍኒ።
56 ወለደቂቀ፡ አሮንሂ፡ ወሀብዎሙ፡ አህጉሪሆሙ፡ ለፈላስያን፡ ኬብሮንሃ፡ ወሙፋሪሃ፡ ወሎቤንሃ፡ ወኵሎሙ፡ ሙፋራቲሃ።
57 ወሀገረ፡ ሲታም፡ ወኵሎ፡ ሙፋራቲሃ፡ ወሀገረ፡ ኢያቴር፡ ወኵሎ፡ ገራውሂሃ፡ ወኤሎንሃ፡ ወኵሎ፡ ሙፋራቲሃ፡ ወዳቤር፡ ወኵሎ፡ ሙፋራቲሃ።
58 ወናሳን፡ ወኵሎን፡ ሙፋራቲሃ፡ ወቤተ፡ ሳሚስ፡ ወኵሎ፡ ሙፋራቲሃ፡ ወይጣ፡ ወኵሉ፡ ሙፋራቲሃ፡ ተሡዑ፡ አህጉር፡ እምክልኤ፡ ሕዝብ።
59 ወእምነገደ፡ ብንያምሂ፡ ወሀብዎሙ፡ ገባዖንሃ፡ ወኵሎ፡ ሙፋራቲሃ፡ ወገሚላተ፡ ወኵሎ፡ ሙፋራቲሃ፡ ወአናቶትሃ፡ ወኵሎ፡ ሙፋራቲሃ፡ ወኤላሞንሃ፡ ወኵሎ፡ ሙፋራቲሃ፡ ወኵሎን፡ አህጉር፡ ዐሡር፡ ወሠላስ።
60 ወለደቂቀ፡ ቀዓት፡ እለ፡ ተርፉ፡ እምነገደ፡ ኤፍሬም፡ ወዳን፡ ወእምነገደ፡ መንፈቀ፡ ምናሴ፡ ረከቦሙ፡ ወክፍለ፡ ዓሡሩ፡ አህጉር።
61 ወለደቂቀ፡ ጌድሶን፡ በከመ፡ ልደቶሙ፡ እምነገደ፡ ይሳኮር፡ ወአሴር፡ ወንፍታሌም፡ ወእመንፈቀ፡ ነገደ፡ ምናሴ፡ በደወለ፡ ባሳን፡ ዐሥር፡ ወሠላስ፡ አህጉር።
62 ወለደቂቀ፡ ሜራሪ፡ በከመ፡ ልደቶሙ፡ እምነገደ፡ ሮቤል፡ ወጋድ፡ ወዛብሎን፡ ረከቦሙ፡ በክፍለ፡ ዐሡር፡ ወክልኤ፡ አህጉር።
63 ወወሀብዎሙ፡ ደቂቀ፡ እስራኤል፡ ለሌዋውያን፡ አህጉረ፡ እለ፡ ተሰምያ፡ መፋራቲሆን።
64 ወወሀብዎሙ፡ ለክፍል፡ እምነገደ፡ ይሁዳ፡ ወስምዖን፡ ወብንያም፡ እላንተ፡ አህጉረ፡ እለ፡ ተሰምዖ፡ በበአስማቲሆሙ።
65 ወለደቂቀ፡ ቀዓት፡ እለ፡ ተርፉ፡ ኮና፡ አህጉሪሆሙ፡ እምነገደ፡ ኤፍሬም።
66 ወወሀብዎሙ፡ አህጉረ፡ ፈላስያን፡ ሴኬምሃ፡ ወኵሎ፡ ሙፋራቲሃ።
67 ወቤቶሮናሃ፡ ወሙፋራቲሃ፡ ወጋዜርሃ፡ ወሙፋራቲሃ፡ ወቴቤዳይምሃ፡ ወሙፋራቲሃ፡ አርባዕ፡ አህጉር።
68 ወእምነገደ፡ ዳን፡ ኤሎቅቴም፡ ወኵሎ፡ ሙፋራቲሃ፡ ወገባቶንሃ፡ ወሙፋራቲሃ፡ ወኤሎንሃ፡ ወሙፋራቲሃ፡ ወጌቴፌሞንሃ፡ ወሙፋራቲሃ፡ አርባዕ፡ አህጉር።
69 ወእመንፈቀ፡ ነገደ፡ ምናሴ፡ ሳኔር፡ ወሙፋራቲሃ፡ ወይብልዓም፡ ወሙፋራቲሃ፡ ክልኤቱ፡ አህጉር፡ ወኵሎን፡ አህጉር፡ ዐሥር፡ በከመ፡ ልደቶሙ፡ ለደቂቀ፡ ቀዓት፡ እለ፡ ተርፉ።
70 ወለደቂቀ፡ ጌድሶን፡ እመንፈቀ፡ ነገደ፡ ምናሴ፡ ወሀብዎሙ፡ ጎላን፡ በባሳን፡ ወኵሎ፡ ሙፋራቲሃ፡ ወአስጣሮትሃ፡ ወሙፋራቲሃ፡ እሉ፡ ክልኤቱ፡ አህጉር።
71 ወእምነገደ፡ ይሳኮር፡ ቄስዮንሃ፡ ወሙፋራቲሃ፡ ወዳቤራተ፡ ወሙፋራቲሃ።
72 ወያሬሞት፡ ወሙፋራቲሃ፡ ወአኖም፡ ወሙፋራቲሃ፡ እሉ፡ አርባዕቱ፡ አህጉር።
73 ወእምነገደ፡ አሴር፡ ማሳልሃ፡ ወሙፋራቲሃ፡ ወአብዶንሃ፡ ወሙፋራቲሃ።
74 ወያታቅሃ፡ ወሙፋራቲሃ፡ ወሮዓብሃ፡ ወሙፋራቲሃ፡ እሉ፡ አርባዕ፡ አህጉር።
75 ወእምነገደ፡ ንፍታሌም፡ ቃዴስ፡ በምድረ፡ ገሊላ፡ ወኵሎ፡ ሙፋራቲሃ፡ ወከሞን፡ ወኵሎ፡ ሙፋራቲሃ፡ ወቀርያታርም፡ ወኵሎ፡ ሙፋራቲሃ፡ እሉ፡ ሠላስ፡ አህጉር፡ ወኵሎን፡ አህጉረ፡ ጌድሶን፡ ዐሡሩ፡ ወሠላስ፡ አህጉር።
76 ወደቂቀ፡ ሜራሪ፡ እምነገደ፡ ዛብሎን፡ ኢያሜን፡ ወሙፋራቲሃ፡ ቃዴስ፡ ወሙፋራቲሃ፡ ወታቦር፡ ወኵሎ፡ ሙፋራቲሃ፡ ወሬሞን፡ ወኵሎን፡ ሙፋራቲሃ፡ ወእሉ፡ አህጉር፡ አርባዕ።
77 ወበማዕዶተ፡ ዮርዳኖስ፡ ዘኢያሪኮ፡ እምጽባሒሁ፡ እምነገደ፡ ሮቤል፡ ደወለ፡ ባሶር፡ ወኵሎ፡ ሙፋራቲሃ፡ ወደወለ፡ ያሶን፡ ወኵሎ፡ ሙፋራቲሃ።
78 ወቄዴሞት፡ ወኵሎ፡ ሙፋራቲሃ፡ ወሚፋኦት፡ ወሙፋራቲሃ፡ ወኵሎን፡ አርባዕ፡ አህጉር።
79 ወእምነገደ፡ ጋድ፡ ሬሞት፡ በገለዓድ፡ ወኮሎ፡ ሙፋራቲሃ፡ ወመናአም፡ ወኵሎ፡ ሙፋራቲሃ።
80 ወሐሴቦን፡ ወኵሎ፡ ሙፋራቲሃ፡ ወኢያዜር፡ ወኵሎ፡ ሙፋራቲሃ፡ እላ፡ አርባዕ፡ አህጉር፡ ወኵሎን፡ አህጉሪሆሙ፡ ለደቂቀ፡ ሜራሪ፡ ዐሠርቱ፡ ወክልኤቱ።
=== chapter 7 ===
[Chapter 7]
1 ወእሉ፡ ደቂቀ፡ ይሳኮር፡ ቶላ፡ ወፉሓ፡ ወያሱብ፡ ወሰምሪ፡ እሉ፡ አርባዕቱ፡ ደቂቀ፡ ይሳኮር።
2 ወደቂቀ፡ ቶላ፡ ኦዚ፡ ወራፋያ፡ ወኢያሬሃ፡ ወኢያአም፡ ወአባስም፡ ወሳሙኤል፡ እሉ፡ እሙንቱ፡ መላእክተ፡ ቤተ፡ አቡሆሙ፡ ወእሉ፡ ደቂቀ፡ ቶላ፡ ፅኑዓን፡ በኃይል፡ በኵሉ፡ ትውልዶሙ።
3 ወኮነ፡ ኍልቆሙ፡ በመዋዕለ፡ ዳዊት፡ ክልኤቱ፡ እልፍ፡ ወዕሥራ፡ ምእት፡ ወስድስቱ፡ ምእት።
4 ወደቂቀ፡ ኦዚ፡ ኢያዝያስ፡ ወሚካኤል፡ ወአብድዩ፡ ወኢያኤል፡ ወኤስያ፡ እሉ፡ ሐምስቱ፡ ደቂቁ፡ ለአዚ፡ መላእክት፡ ኵሎሙ።
5 ወምስሌሆሙ፡ በልደቶሙ፡ በቤተ፡ አቡሆሙ፡ ጽኑዓን፡ ወመስተቃትላን፡ በውስተ፡ ፀብዕ።
6 ወኮነ፡ ኍልቆሙ፡ ለደቂቀ፡ ኦዚ፡ ሠለስቱ፡ እልፍ፡ ወስሳ፡ ምእት፡ እስመ፡ አብዝኁ፡ አንስተ፡ ወውሉደ።
7 ወአኃዊሆሙ፡ ለኵሎሙ፡ ቤተ፡ ይሳኮር፡ ፅኑዓን፡ በኃይል፡ ሰመንተ፡ እልፈ፡ ወሰብዐ፡ ምእተ፡ ኮነ፡ መክብበ፡ ኍልቆሙ።
8 ወደቂቀ፡ ብንያምሰ፡ ቤላዕ፡ ወይቤኮር፡ ወኤድሄል፡ እሎንቱ፡ ሠለስቱ።
9 ወደቂቁ፡ ለቤላዕ፡ ሐሴቦን፡ ወኦዚ፡ ወአዝኤል፡ ወኢያሪሞት፡ ወኡሪ፡ እሉ፡ ሐምስቱ፡ መላእክተ፡ አበዊሆሙ፡ ፅኑዓን፡ በኃይል።
10 ወኮነ፡ ኍልቆሙ፡ ክልኤተ፡ እልፈ፡ ወዕሥራ፡ ምእተ፡ ሠላሳ፡ ወአርባዕተ።
11 ወደቂቀ፡ ቤኮር፡ ዘሚርያስ፡ ወኢዮአስ፡ ወኤልኤዜር፡ ወኤልአና፡ ሂናኢ፡ ወአማርያ፡ ወኢያሪሞት፡ ወአብያ፡ ወአናቶት፡ ወኤልማቴም፡ እሉ፡ ኵሎሙ፡ ደቂቀ፡ ቤኮር።
12 ወኮነ፡ ኍልቈ፡ ልደቶሙ፡ ለደቂቀ፡ ቤኮር፡ ወመላእክተ፡ ቤተ፡ አበዊሆሙ፡ እለ፡ ፅኑዓን፡ በኃይል፡ ክልኤተ፡ እልፈ፡ ወክልኤተ፡ ምእተ።
13 ወወልደ፡ ኤድሄል፡ በለአን፡ ወደቂቀ፡ በለአን፡ ኢዮኤስ፡ ወቤለማን፡ ወኤሁድ፡ ወከነአን፡ ወዜታን፡ ወተርሴስ፡ ወአኪሳኦር፡ እሉ፡ ሰብዐቱ።
14 እሉ፡ ኵሎሙ፡ ደቂቀ፡ ኤድሄል፡ መላእክተ፡ ቤተ፡ አበዊሆሙ፡ እለ፡ ፅኑዓን፡ በኃይል፡ አሐዱ፡ እልፍ፡ ወሰብዓ፡ ምእት፡ ወክልኤቱ፡ ምእት፡ እለ፡ ይወጽኡ፡ ለቀትል።
15 ወደቂቀ፡ ዳን፡ አሳም፡ ወአፊም፡ ወደቂቀ፡ አሳም፡ ሖራ፡ ወሶም፡ ወለዶ፡ ለአኤር።
16 ወደቂቀ፡ ንፍታሌም፡ አዝሄል፡ ወጎሄን፡ ወሰዓር፡ ወሰሎም፡ እሉ፡ ደቂቀ፡ ባላ፡ አርባዕቱ።
17 ወደቂቀ፡ ምናሴ፡ አስርኤል፡ ዘወለደት፡ ሎቱ፡ ዕቅብቱ፡ ሶርያዊት፡ ወወለደት፡ ሎቱ፡ ለማኪር፡ አቡሁ፡ ለገለዐድ።
18 ወማኪር፡ ነሥኣ፡ ለአፒን፡ ብእሲተ፡ ወለሰፒን፡ ወስማ፡ ለእኅቶን፡ ሞአካ፡ ወስማ፡ ለካልእታ፡ እኅቶን፡ እልፋድ፡ ወተወልዳ፡ ላቲ፡ ለእልፋድ፡ አዋልድ።
19 ወወለደት፡ ሞእካ፡ ብእሲቱ፡ ለማኪር፡ ወልደ፡ ወጸውዐ፡ ስሞ፡ ፋሬስ፡ ወስመ፡ እኁሁ፡ ሳሮስ፡ ወደቂቁ፡ ኡላም፡ ወራቄም።
20 ወወልዱ፡ ለኡላም፡ ባዳን፡ እሉ፡ እሙንቱ፡ ደቂቀ፡ ገለዓድ፡ ወልዱ፡ ለማኪር፡ ወልደ፡ ምናሴ።
21 ወእኅቱ፡ መለኬት፡ ወለደት፡ ወልደ፡ ወጸውዓቶ፡ ስሞ፡ ኤሱድ፡ ወዓዲ፡ ወለደቶሙ፡ ለአብያዝር፡ ወለማሕላን።
22 ወኮኑ፡ ደቂቀ፡ ሳሚራ፡ አኢን፡ ወሰኮን፡ ቂኢያ፡ ወአኒዓም፡ እሉ፡ አርባዕቱ።
23 ወደቂቀ፡ ኤፍሬም፡ ሱታላ፡ ወበሬድ፡ ወልዱ፡ ወታኢት፡ ወልዱ፡ ወኤልአዳ፡ ወልዱ።
24 ታክት፡ ወልዱ፡ ወዛባድወልዱ፡ ወሱታሌ፡ ወልዱ፡ ወኤዛር፡ ወልዱ፡ ወኢለዓድ፡ ወልዱ፡ ወቀተልዎሙ፡ ሰብአ፡ ጌት፡ እለ፡ ተወልዱ፡ ውስተ፡ ምድር፡ እስመ፡ ወረዱ፡ ከመ፡ ይማህርኩ፡ እንስሳሆሙ።
25 ወለሀወ፡ ኤፍሬም፡ አቡሆሙ፡ ብዙኀ፡ መዋዕለ፡ ወመጽኡ፡ አኃዊሁ፡ ከመ፡ ይናዝዝዎ፡ በእንተ፡ ውሉዱ፡ እለ፡ ተቀትሉ።
26 ወቦአ፡ ወተደመረ፡ ምስለ፡ ብእሲቱ፡ ወፀንሰት፡ ወወለደት፡ ወልደ፡ ወጸውዐት፡ ስሞ፡ ቤሪአ፡ እስመ፡ በእኪት፡ ተወልደ፡ በቤትየ።
27 ወወለቱ፡ እንተ፡ ስማ፡ ሰዓራ፡ ወበእልክቱ፡ እለ፡ ተርፉ፡ አሕነፀ፡ ቤተሮን፡ ሀገረ፡ ታሕታዊተ፡ ወላዕላዊተ፡ ወደቂቀ፡ አዛን፡ ሲአራ፡ ወልዱ።
28 ወራፋኢ፡ ወልዱ፡ ወሬሴፍ፡ ወልዱ፡ ወታሌ፡ ወልዱ፡ ወታሐን፡ ወልዱ።
29 ወለአዳን፡ ወልዱ፡ አሜሁድ፡ ወልዱ፡ ኤልሳማ፡ ወልዱ።
30 ወኖን፡ ወልዱ፡ ወይሳኢ፡ ወልዱ።
31 ምንባሪሆሙ፡ ወማኅደሪሆሙ፡ ለእሉ፡ ቤቴል፡ ወኵሉ፡ አዕፃዳቲሃ፡ እለ፡ ዓውዳ፡ ዘመንገለ፡ ጽባሕ፡ ዘስሙ፡ ነዓራን፡ መንገለ፡ ዓረብ፡ ሀገር፡ እንተ፡ ስማ፡ ጋዜር፡ ወሴኬም፡ ወኵሉ፡ አዕፃዳቲሃ፡ እስከ፡ ደወለ፡ ጋዛ።
32 ወኵሉ፡ አህጉሪሃ፡ እስከ፡ ደወለ፡ ምናሴ፡ ወቤተ፡ ሳን፡ ወኵሉ፡ አዕፃዳቲሃ፡ ወሀገረ፡ ታናክ፡ ወኵሉ፡ አዕፃዲሃ፡ መግደላ፡ ወኵሉ፡ አዕፃዲሃ፡ ወዶር፡ ወኵሉ፡ አዕፃዲሃ፡ ወበለድ፡ ወኵሉ፡ አዕፃዲሃ።
33 በእላንቱ፡ አህጉር፡ ወአዕፃዲሆን፡ ኃደሩ፡ ደቂቀ፡ ዮሴፍ፡ ወልዱ፡ ለእስራኤል፡ ዘተሰምየ፡ ያዕቆብ።
34 ወደቂቀ፡ አሴር፡ ኢያምና፡ ወኢያሱአ፡ ወኢያሱኢ፡ ወበሪአ፡ ወሤሬሕ፡ እኅቶሙ።
35 ወደቂቀ፡ በሪአ፡ ኬቤር፡ ወመልኪኤል፡ ወዝንቱ፡ መልኪኤል፡ አቡሁ፡ ለቤርዜት።
36 ወኬቤር፡ ወለዶሙ፡ ለኢያፌሌጥ፡ ወለሴሜር፡ ወለኮቴም፡ ወለሶላ፡ እኅቶሙ።
37 ወደቂቁ፡ ለኢያፌሌጥ፡ ፓሴክ፡ ወመብሄል፡ ወአሴት፡ እሉ፡ ደቂቁ፡ ለኢያፌሌጥ።
38 ወደቂቀ፡ ሴሜር፡ አኪ፡ ኡራ፡ ወአጋ፡ ወኦባዕ፡ ወአራም።
39 ወደቂቀ፡ ኤላም፡ እኁሁ፡ ለሴሜር፡ ሳፍር፡ ወይምና፡ ወሰሌስ፡ ወአማን።
40 ወደቂቀ፡ ሳፈር፡ አርፋሄ፡ ወሱአን፡ ወቤሪ።
41 ወይምርእ፡ ወባሶር፡ ወኦድ፡ ወሳማዕ፡ ወሴሊስ፡ ወኢያቴር፡ ወባኤራ።
42 ወደቂቀ፡ ኢያቴር፡ ኢያፌና፡ ወሳፋኢ፡ ወአራ።
43 ወደቂቀ፡ ኡላ፡ አራክ፡ ወኢንሄል፡ ወራስያ።
44 እሉ፡ ኵሎሙ፡ ደቂቀ፡ አሴር፡ መላእክተ፡ ቤተ፡ አበዊሆሙ፡ ኅሩያን፡ ወፅኑአን፡ በኃይል፡ መላእክት፡ ወመሳፍንት፡ ወኍሉቃን፡ ለቀትል፡ ከመ፡ ይትቃተሉ፡ እደው፡ ፅኑአን፡ ክልኤቱ፡ እልፍ፡ ወስሳ፡ ምእት።
=== chapter 8 ===
[Chapter 8]
1 ወብንያም፡ ወለዶ፡ ለቤኤላን፡ በኵሩ፡ ወአሴቤል፡ ካልኡ፡ ወአኤራ፡ ሣልሱ።
2 ወኖአ፡ ራብዑ፡ ወራፌስ፡ ኃምሱ።
3 ወተወልዱ፡ ሎቱ፡ ደቂቅ፡ ለቤኤላ፡ ኤራድ፡ ወጌራ፡ ወአቢሁድ።
4 ወአብላዕ፡ ወናኢማን፡ አሆዋ።
5 ወጌራ፡ ወሳፍን፡ ወአኪራ፡ እሉ፡ ደቂቀ፡ ኦድ።
6 ወእሉ፡ እሙንቱ፡ መላእክተ፡ ቤተ፡ አበዊሆሙ፡ ለእለ፡ የኃድሩ፡ ብሔረ፡ ገባዖን፡ ወአፍለስዎሙ፡ ውስተ፡ ብሔር፡ ዘስሙ፡ መንካቲ።
7 ወለብሔረ፡ ኖእማን፡ ወለብሔረ፡ አኪያ፡ ወለብሔረ፡ ጌራ፡ ወዝንቱ፡ ይግላኦም፡ ወለዶሙ፡ ለአዛ፡ ወለኢያአኪድ።
8 ወሰዓሪም፡ ወለዶ፡ ለሞአብ፡ በገዳም፡ እምድኅረ፡ ፈነዎን፡ ለዓሲን፡ ወለበዓሪ፡ አንስትያሁ።
9 ወወለዶሙ፡ እምነ፡ ኦድ፡ ብእሲቱ፡ ለኢዮባብ፡ ወለሴቤን፡ ወለምሱብ፡ ወለመልከም።
10 ወለኢያሱብ፡ ወለሰባዕ፡ ወለምርማዕ፡ ወእሉ፡ እሙንቱ፡ መላእክተ፡ ቤተ፡ አበዊሆሙ።
11 ወእምአሴብ፡ ብእሲቱ፡ ወለዶሙ፡ ለአኪጦብ፡ ወለአልፋኤል።
12 ወደቂቀ፡ አልፋኤል፡ ኦቤድ፡ ወአብያ፡ ወማሳኤል፡ ወሳሜር፡ እሉ፡ እሙንቱ፡ እለ፡ ሐነፁ፡ ሀገረ፡ እንተ፡ ስማ፡ ኦን፡ ወለሎድ፡ ወኵሎ፡ አዕፃዲሃ።
13 ወባሪኮ፡ ወሤማዕ፡ እሉ፡ እሙንቱ፡ መላእክተ፡ ቤተ፡ አበዊሆሙ፡ እለ፡ የኃድሩ፡ ቤተ፡ ኤዶላም፡ ወእሉ፡ ሰደድዎሙ፡ ለእለ፡ የኃድሩ፡ ብሔረ፡ ጌት።
14 ወአኃዊሁ፡ ሳቂቅ፡ ወዮሴዴቅ፡ ወኢያርሞት።
15 ወአዛብድያ፡ ወአሮድ፡ ወአዴር።
16 ወሚካኤል፡ ወኤሳፌር፡ ወኢእካ፡ ወኤያዝያእሉ፡ እሙንቱ፡ ደቂቀ፡ በሪዓ።
17 ወዝባዲያ፡ ወመሰሎም፡ ወአዛቂ፡ ወአቦር።
18 ወኢያሳሜር፡ ወኢያዝልያ፡ ኢዮባብ፡ እሉ፡ ደቂቀ፡ ኤልፋአል።
19 ወደቂቀ፡ አልፋአል፡ ኢያቄም፡ ወዝክሪ፡ ወዝብዲ።
20 ወኤላሄናን፡ ወሰላቲ፡ ወኤልሄል።
21 ወላዕያ፡ ወቤሪጋ፡ ወሪዓ፡ ወሰማሪት።
22 ወደቂቀ፡ ስማዒ፡ ኢያሳፋን፡ ወኦቤድ፡ ወኤልሄል።
23 ወአቢዳን፡ ወዝክሪ።
24 ወአናን፡ ወአናንያ፡ ወአንበሪ፡ ወኤላሄም።
25 ወአናቶቲአ፡ ወአቲ፡ ወአፍትያ፡ ወፋኑሄል።
26 እሉ፡ እሙንቱ፡ ደቂቀ፡ ሶሴቅ፡ ወሰማስርይ፡ ወሰዓርያ፡ ወጎቶልያ፡ ወኢያርእ፡ ሄልያስ፡ ወዝክሪ።
27 ወእሉ፡ እሙንቱ፡ ደቂቀ፡ ኢዮራአም፡ መላእክተ፡ ቤተ፡ አበዊሆሙ፡ በከመ፡ ልደቶሙ፡ ወመሳፍንት።
28 ወእሉ፡ እሙንቱ፡ እለ፡ የኃድሩ፡ ብሔረ፡ ኢየሩሳሌም።
29 ወአበ፡ ገባኦን፡ ኃደረ፡ ብሔረ፡ ገባኦን፡ ወስማ፡ ለብእሲቱ፡ መአክ።
30 ወወልዱ፡ ቢኮር፡ ወወለደት፡ ወልደ፡ ዘበኵራ፡ ወጸውዓት፡ ስሞ፡ አብያ፡ ወኤዱር፡ ወቂስ፡ ወበአል፡ ወኦር፡ ወናዳል።
31 ወጌዶር፡ ወአሂዮ፡ ወዜቁር፡ ወመቃሉት።
32 ወመቃሉት፡ ወለዶ፡ ለሴማዕ፡ ወእሉ፡ የኃድሩ፡ አንፃረ፡ አኃዊሆሙ፡ በደወለ፡ ኢየሩሳሌም፡ ምስለ፡ አኃዊሆሙ።
33 ወኦር፡ ወለዶ፡ ለቂስ፡ ወቂስ፡ ወለዶ፡ ለሳኦል።
34 ወሳኦል፡ ወለዶሙ፡ ለዮናታን፡ ወለመልክሱዕ፡ ወለአሚናዳብ፡ ወለኢመሳባዕ።
35 ወዮናታን፡ ወለዶ፡ ለፈባኤል፡ ወፈባኤል፡ ወለዶ፡ ለሚካ።
36 ወደቂቁ፡ ለሚካ፡ ፒቶን፡ ወሜሎክ፡ ወታሪአ፡ ወአካዝ።
37 ወአካዝ፡ ወለዶ፡ ለኢዮአዳ፡ ወኢዮአዳ፡ ወለዶሙ፡ ለኪማኦት፡ ወለአዝማት፡ ወለዚሜራ፡ ወዚሜራ፡ ወለዶ፡ ለማሴዕ።
38 ወማሴዕ፡ ወለዶሙ፡ ለባኢናን፡ ወለራፋኢ፡ ወራፋኢ፡ ወለዶ፡ ለሊአስ፡ ወሊአስ፡ ወለዶ፡ ለኤሴል።
39 ወለኤሴል፡ ተወልዱ፡ ሎቱ፡ ሐምስቱ፡ ደቂቅ፡ ወከመዝ፡ ውእቱ፡ አስማቲሆሙ፡ አዝሪቃም፡ በኵሩ፡ ወእስማኤል፡ ወሰአርያ፡ ወአብድያ፡ ወአናንያ፡ ወእሉ፡ ኵሎሙ፡ ደቂቀ፡ ኤሴል።
40 ወደቂቀ፡ አኁሁ፡ ለኤሴል፡ ኡላም፡ በኵሩ፡ ወኢያሴእያ፡ ካዕብ፡ ወኤልፋሌጥ፡ ሣልስ።
41 ወኮኑ፡ ደቂቀ፡ ኡላም፡ እደው፡ ጽኑዓን፡ በኃይል፡ ወይዌስቁ፡ ቀስተ፡ ወያበዝኁ፡ አዋልደ፡ ወደቂቀ፡ ወለለ፡ አሐዱ፡ እምኔሆሙ፡ ይወልዱ፡ በበምእት፡ ወበበኃምሳ፡ ወእሉ፡ ኵሎሙ፡ ደቂቀ፡ ብንያም።
=== chapter 9 ===
[Chapter 9]
1 ወተኈለቁ፡ ኵሎሙ፡ ደቂቀ፡ እስራኤል፡ ወጽሑፋን፡ በመጽሐፈ፡ ነገሥተ፡ ይሁዳ፡ ወእስራኤል፡ ወእምድኅረ፡ ተፄወዉ፡ ወፈለሱ፡ ብሔረ፡ ባቢሎን፡ በእንተ፡ ኃጢአቶሙ።
2 ወእለኒ፡ የኃድሩ፡ እምቅድም፡ ውስተ፡ አድዋሊሆሙ፡ በአህጉረ፡ እስራኤል፡ ካህናትኒ፡ ወሌዋውያንኒ፡ ወእለ፡ ተውህቡ፡ ይኅድሩ፡ በኢየሩሳሌም።
3 እም፡ ደቂቀ፡ ይሁዳ፡ ወእም፡ ደቂቀ፡ ብንያም፡ ወእምደቂቀ፡ ኤፍሬም፡ ወእምደቂቀ፡ ምናሴ።
4 ወኡታይ፡ ወልደ፡ አምዩድ፡ ወልደ፡ አምሪ፡ ወልደ፡ ቡኒ፡ ወልደ፡ ውሉዱ፡ ለፋሬስ፡ ወልደ፡ ይሁዳ።
5 ወእምሴሎኒ፡ ተወልደ፡ ወልድ፡ በኵሩ፡ ወሰመየ፡ ስሞዓሤያ።
6 ወተወልዱ፡ እምደቂቀ፡ ዛራ፡ ኢያሄል፡ ወአኃዊሁ፡ ስድስቱ፡ ምእት፡ ወተስዓ።
7 ወእምደቂቀ፡ ብንያም፡ ሳሊ፡ ወልዱ፡ ወሙሳላም፡ ወልዱ፡ አዶይያ፡ ወልዱ፡ አሱናኦ፡ ወልዱ።
8 ወኢያብንኣ፡ ወልዱ፡ ኢየአሩአም፡ ወልዱ፡ ኢዝ፡ ወልዱ፡ ሞካሪ፡ ወልዱ፡ ወመሰሎም፡ ወልዱ፡ ሰፋጥያ፡ ወልዱ፡ ራጉኤል፡ ወልዱ፡ ያብናኢ፡ ወልዱ።
9 ወአኃዊሆሙ፡ በበልደቶሙ፡ ተስዓቱ፡ ምእት፡ ወኃምሳ፡ ወስድስቱ፡ ወእሉ፡ ኵሎሙ፡ እደው፡ መላእክተ፡ ቤተ፡ አበዊሆሙ።
10 ወእምካህናት፡ መላእክተ፡ ቤተ፡ አበዊሆሙ፡ ዮዳኤ፡ ወዮአሪብ፡ ወያኪን።
11 ወአዛርያስ፡ ወልደ፡ ኬልቅዩስ፡ ወልደ፡ ሜሱላም፡ ወልደ፡ ሳዶቅ፡ ወልደ፡ መራዮት፡ ወልደ፡ አኪጦብ፡ መጋቤ፡ ቤተ፡ እግዚአብሄር።
12 ወአኪጦብ፡ ወልደ፡ አብድያስ፡ ወልደ፡ ኢዮራም፡ ወልደ፡ ፓስካር፡ ወልደ፡ ሚልክዩስ፡ ወልደ፡ ማሴ፡ ወልደ፡ ኤድሄል፡ ወልደ፡ አዛርያስ፡ ወልደ፡ ሜሱላም፡ ወልዱ፡ ለሜሱላሞት፡ ወልደ፡ አሚር።
13 ወአኊኆሙ፡ መላእክተ፡ ቤተ፡ አበዊሆሙ፡ ዓሠርቱ፡ ምእት፡ ወሰብዓቱ፡ ምእት፡ ወሰብዐ፡ እደው፡ ጽኑዓን፡ በኃይል፡ በግብረ፡ ቤተ፡ እግዚአብሄር።
14 ወእምደቂቀ፡ ሌዋውያን፡ ሳምያ፡ ወልደ፡ አሳብ፡ ወልሰ፡ አዝሪቃም፡ ወልደ፡ አሳብያ።
15 ወእምደቂቀ፡ ሜራሪ፡ ወበቅበቃር፡ ወአርሳ፡ ወጎልያል፡ ወምንታንያስ፡ ወልዱ፡ ለሚካ፡ ወልደ፡ ዝክሪ፡ ወልደ፡ አሳፍ።
16 ወአሳፍ፡ ወልደ፡ አብድያ፡ ወልደ፡ ሰማኢዩ፡ ወልደ፡ ጋላል፡ ወልደ፡ ኤዱታን፡ ወልደ፡ በራክያ፡ ወልደ፡ አሣ፡ ወልደ፡ እልቃና፡ ዘኃደረ፡ በአዕፃዳተ፡ ናጡፋጢ።
17 ወዓቀብተ፡ አናቅጽ፡ ሰሎም፡ ወዓቁብ፡ ወጤልሞን፡ ወአሒማን።
18 ወእኁሆሙ፡ ሳሎን፡ መልአክ፡ እስከ፡ ይበጽሕ፡ አንቀጸ፡ ቤተ፡ ንጉሥ፡ መንገለ፡ ጽባሕ፡ ወእሉ፡ እሙንቱ፡ አንቀጸ፡ ትዕይንተ፡ ደቂቀ፡ ሌዊ።
19 ወሰሎም፡ ወልደ፡ ቆሬ:፡ ወልደ፡ አብያሳፍ፡ ወልደ፡ ቆሬ፡ ወአኃዊሁ፡ በቤተ፡ አበዊሆሙ፡ ቆራውያን፡ በዲበ፡ ግብረ፡ ክህነት፡ እንዘ፡ የዓቅቡ፡ ዓቀብተ፡ ማኅደር፡ ወአበዊሆሙ፡ ዲበ፡ ትዕይንተ፡ እግዚአብሄር፡ የዓቅቡ፡ መባአ።
20 ወፊንሐስ፡ ወልደ፡ አልአዛር፡ ኮነ፡ ላዕሌሆሙ፡ መጋቤ፡ በቅድመ፡ እግዚአብሄር።
21 ወእሉኒ፡ ምስሌሁ፡ ዘካርያስ፡ ወወልደ፡ መሰሎም፡ ዓቃቤ፡ አንቀጸ፡ ማኅደር፡ ዘቤተ፡ ስምዕ።
22 ወኵሎሙ፡ ኅሩያን፡ በአንቀጸ፡ ክልኤቱ፡ ምእት፡ ወዓሠርቱ፡ ወክልኤቱ፡ ወበበኍልቆሙ፡ ወእሎንተ፡ ዓቀሙ፡ ዳዊት፡ ወሳሙኤል፡ ራአይ፡ ዘበትርጓሜሁ፡ ነቢይ፡ እስመ፡ ምእመናን፡ እሙንቱ፡ ወእሉ፡ ስሙያን።
23 ወእሉ፡ ደቂቆሙ፡ ዲበ፡ አንቀጸ፡ ቤተ፡ እግዚአብሄር፡ በቤተ፡ ስምዕ፡ ከመ፡ ይዕቀቡ።
24 ወበኍልቈ፡ አርባዕቱ፡ ነፋሳት፡ ዓቀሙ፡ አንቀጸ፡ መንገለ፡ ጽባሕ፡ ወዘመንገለ፡ ባሕር፡ ወምዕራብ፡ ወሰሜን፡ ወዘመንገለ፡ ደቡብ።
25 ወአኃዊሆሙ፡ በበአዕፃዲሆሙ፡ ከመ፡ ይባኡ፡ በበሰናብት፡ ወበበመዋዕላት፡ እምጊዜ፡ ኀበ፡ ጊዜያት፡ ምስሌሆሙ።
26 እስመ፡ ምእመናን፡ እሙንቱ፡ በአርባዕቱ፡ አናቅጽ፡ እለ፡ የዓቅብዎሙ፡ ለአናቅጽ፡ ጽኑዓን፡ ወሌዋውያንስ፡ ይቀውሙ፡ ዲበ፡ መንጦላዕተ፡ ታቦት፡ ወዲበ፡ መዛግብተ፡ ቤተ፡ እግዚአብሄር፡ እንዘ፡ የዓቅቡ።
27 እስመ፡ እሙንቱ፡ እለ፡ ይእኅዙ፡ መራኁተ፡ ቤተ፡ እግዚአብሄር፡ ወያርኅወ፡ ኃዋኅወ፡ ቤት፡ በበጽባሕ።
28 ወእምኔሆሙ፡ ሥዩማን፡ ለንዋየ፡ ቤተ፡ ግብር፡ እስመ፡ በኍልቁ፡ ያበውኡ፡ ወበኍልቁ፡ ያወጽኡ፡ ለንዋየ፡ ግብር።
29 ወእምኔሆሙ፡ ሥዩማን፡ ለንዋየ፡ ግብር፡ ወዲበ፡ ንዋየ፡ ቅድሳት፡ ወዲበ፡ ሥንዳሌ፡ ወዲበ፡ ወይን፡ ወዲበ፡ ቅብዕ፡ ወዲበ፡ አፈው፡ ወዲበ፡ ዕጣናት።
30 ወእምነደቂቀ፡ ካህናት፡ እሙንቱ፡ ገበርተ፡ ዕጣን፡ ወአፈው።
31 ወምንትንያስ፡ እምደቂቀ፡ ሌዋዊ፡ በኵሩ፡ ለሰሎም፡ ወልደ፡ ቆሬ፡ ዘእሙን፡ ዲበ፡ ንዋየ፡ ግብር፡ ዘጤገን፡ ዓቢይ፡ ለቀ፡ ካህናት።
32 ወብንያስ፡ ዘብሔረ፡ ቀዓት፡ ወአኃዊሆሙኒ፡ ሥዩማን፡ እሙንቱ፡ ዲበ፡ ኅብስተ፡ ቊርባን፡ ከመ፡ ያስተዳልዉ፡ ለለሰንበት።
33 ወእሉ፡ እሙንቱ፡ መዘምራን፡ መላእክተ፡ ቤተ፡ አበዊሆሙ፡ ለሌዋውያን፡ ወሥዩማን፡ በበመዋዕሊሆሙ፡ እስመ፡ መዓልተ፡ ወሌሊተ፡ ሎሙ፡ ኮነ፡ ግብር።
34 ወእሉ፡ መላእክተ፡ ቤተ፡ አበዊሆሙ፡ በከመ፡ ልደቶሙ፡ ወእሉ፡ የኃድሩ፡ ውስተ፡ ኢየሩሳሌም።
35 ወብሔረ፡ ገባዖን፡ የኃድር፡ አቡሁ፡ ለገባዖን፡ ዘስሙ፡ ኢዮሄል፡ ወስመ፡ ብእሲቱ፡ ሞአካ።
36 ወስመ፡ ወልዱ፡ በኵሩ፡ አብዶን፡ ወካልኡ፡ አሴር፡ ወሣልሱ፡ ቂስ፡ ወራብዑ፡ ቦአል፡ ወኃምሱ፡ ኔር፡ ወሳዱስ፡ ናባው።
37 ወግዱር፡ ወአሒዮ፡ ወዝኩር፡ ወመቃሎት።
38 ወመቃሎት፡ ወለዶ፡ ለሳምዓ፡ ወእሉ፡ ማእከለ፡ አኃዊሆሙ፡ ውስተ፡ ኢየሩሳሌም፡ ምስለ፡ አኃዊሆሙ።
39 ወኔር፡ ወለዶ፡ ለቂስ፡ ወቂስ፡ ወለዶ፡ ለሳኦል፡ ወሳኦል፡ ወለዶሙ፡ ለዮናታን፡ ወለመልክሱዕ፡ ወለአሚናዳብ፡ ወለባኦል።
40 ወዮናታን፡ ወለዶ፡ ለመርፍባኦል፡ ወመርፍባኦል፡ ወለዶ፡ ለሚካ።
41 ወለደቂቀ፡ ሚካ፡ ከመዝ፡ አስማቲሆሙ፡ ፒቶን፡ ወምሉክ፡ ወታራ።
42 ወአካዝ፡ ወለዶ፡ ለኢዮአዳዕ፡ ወኢዮአዳዕ፡ ወለዶሙ፡ ለመጋሊት፡ ወለአዝሞት፡ ወለዘምሪ፡ ወዘምሪ፡ ወለዶ፡ ለመዓሣዕ።
43 ወመዓሣዕ፡ ወለዶሙ፡ ለበአና፡ ወለራፉዕያ፡ ወለኤልዓሣ፡ ወለኤሴል።
44 ወለኤሴልኒ፡ ቦቱ፡ ኃምስቱ፡ ደቂቅ፡ ወከመዝ፡ ውእቱ፡ አስማቲሆሙ፡ አዝሪቃም፡ በኵሩ፡ ወእስማኤል፡ ካልኡ፡ ወሳሪያ፡ ወአባድያ፡ ወአናን፡ እሉ፡ እሙንቱ፡ ደቂቀ፡ ኤሴል።
=== chapter 10 ===
[Chapter 10]
1 ወኢሎፍሊ፡ በውእቱ፡ መዋዕል፡ ገብሩ፡ ቀትለ፡ ምስለ፡ እስራኤል፡ ወእስራኤልኒ፡ ጐዩ፡ እምቅድመ፡ ገጾሙ፡ ለኢሎፍሊ፡ ወወድቁ፡ ቅቱላን፡ እምእስራኤል፡ በደብረ፡ ጌላቡሄ።
2 ወሰደድዎሙ፡ ኢሎፍሊ፡ ለሳኦል፡ ወለደቂቁ፡ ወቀተልዎሙ፡ ኢሎፍሊ፡ ለዮናታን፡ ወለአሚናዳብ፡ ወለመልክሱዕ፡ ደቂቀ፡ ሳኦል።
3 ወከብደ፡ ጥቀ፡ ቀትል፡ ላዕለ፡ ሳኦል፡ ወረከብዎ፡ ነዳፍያን፡ በነዲፈ፡ ወሐመ፡ ጥቀ፡ እምኃይለ፡ አቅስስቲሆሙ።
4 ወአውሥአ፡ ሳኦል፡ ወይቤሎ፡ ለዘይፀውር፡ ንዋየ፡ ሐቅሉ፡ ምላሕ፡ ሰይፈክ፡ ወርግዘኒ፡ ባቲ፡ ወኢይምጽኡ፡ እሉ፡ ቆላፋን፡ ወኢይሣለቁ፡ ላዕሌየ፡ ወኢፈቀደ፡ ብእሲ፡ ዘይፀውር፡ ንዋየ፡ ሐቅሉ፡ ከመ፡ ይቅትሎ፡ እስመ፡ ይጌርም፡ ቀቲሎቶ፡ ወመልሐ፡ ሰይፎ፡ ሳኦል፡ ወአቀማ፡ ወወድቀ፡ ላዕሌሃ።
5 ወርእዩ፡ ዝኩ፡ ብእሲ፡ ዘይፀውር፡ ንዋየ፡ ሐቅሉ፡ ከመ፡ ሞተ፡ ሳኦል፡ ወድቀ፡ ውእቱኒ፡ ዲበ፡ ሰይፉ።
6 ወሞተ፡ ሳኦል፡ ወሠለስቱ፡ ደቂቁ፡ በይእቲ፡ ዕለት፡ ወኵሉ፡ ሰብኡ፡ ወደቂቁ፡ ወድቆ፡ አሜሃ።
7 ወርእዩ፡ ኵሉ፡ እደወ፡ እስራኤል፡ እለ፡ ሀለዉ፡ በቈላት፡ ከመ፡ ጐዩ፡ እስራኤል፡ ወከመ፡ ሞተ፡ ሳኦል፡ ወደቂቁኒ፡ ሞቱ፡ ኃደጉ፡ አህጉሪሆሙ፡ ወጐዩ፡ ወመጽኡ፡ ኢሎፍሊ፡ ወኃደሩ፡ ውስቴቶሙ።
8 ወኮነ፡ አመ፡ ሣኒታ፡ መጽኡ፡ ኢሎፍሊ፡ ከመ፡ ይስልቡ፡ ቅቱላነ፡ ወረከብዎሙ፡ ለሳኦል፡ ወለሠለስቱ፡ ደቂቁ፡ ውዱቃነ፡ ውስተ፡ ደብረ፡ ጌላቡሄ።
9 ወሰለብዎሙ፡ ወለሳኦልኒ፡ መተርዎ፡ ርእሶ፡ ወነሥኡ፡ ምስለ፡ ንዋየ፡ ሐቅሉ፡ ወፈነዉ፡ በበሐውርቲሆሙ፡ ከመ፡ ይዜንዉ፡ ለአማልክቲሆሙ፡ ወለአሕዛቢሆሙ።
10 ወአንበሩ፡ ንዋየ፡ ሐቅሉ፡ ለሳኦል፡ ውስተ፡ ቤተ፡ አማልክቲሆሙ፡ ርእሶኒ፡ ውስተ፡ ቤተ፡ አምላኮሙ፡ ዳጎን።
11 ወሰምዑ፡ ኵሎሙ፡ እለ፡ ይነብሩ፡ ብሔረ፡ ገለዓድ፡ ኵሎ፡ ዘገብረ፡ ኢሎፍሊ፡ ላዕለ፡ እስራኤል፡ ወላዕለ፡ ሳኦል።
12 ወተንስኡ፡ እምበሐውርተ፡ ገለዓድ፡ ኵሎሙ፡ እደው፡ ጽኑዓን፡ ወነሥኡ፡ በድኖ፡ ለሳኦል፡ ወአብድንተ፡ ደቂቁ፡ ወአብጽሕዎሙ፡ ብሔረ፡ ኢያቢስ፡ ወቀበሩ፡ አዕፅምቲሆሙ፡ መትሕተ፡ ዘግባ፡ በኢያቢስ፡ ወበከይዎ፡ ለሳኦል፡ ወጾሙ፡ ሰቡዐ፡ መዋዕለ።
13 ወሳኦልሰ፡ ሞተ፡ በኃጣውኢሁ፡ ዘአበሰ፡ ቅድመ፡ እግዚአብሄር፡ በከመ፡ ይቤሎ፡ እግዚአብሄር፡ እስመ፡ ኢዓቀበ፡ ቃለ፡ እግዚአብሄር፡ እስመ፡ ተሰአለ፡ ማሬታተ፡ ካዕበ፡ ወአውሥኦ፡ ሳሙኤል፡ ነቢይ፡ ከመ፡ ይትመየጥ፡ ኀበ፡ እግዚአብሄር።
14 ወኢሰምዖ፡ ወቀተሎ፡ ለሳኦል፡ ወገብአ፡ መንግስቱ፡ ለዳዊት፡ ወልደ፡ ዕሤይ።
=== chapter 11 ===
[Chapter 11]
1 ወተጋብኡ፡ ኵሉ፡ እስራኤል፡ ኀበ፡ ዳዊት፡ በኬብሮን፡ ወይቤልዎ፡ ነዋኬ፡ አፅምከ፡ ወሥጋከ፡ ንሕነ።
2 ትማልምኒ፡ ወሣልስትኒ፡ እንዘ፡ ሀሎ፡ ሳኦል፡ ንጉሥ፡ አንተ፡ ውእቱ፡ ዘትኤዝዝ፡ ለበዊእ፡ ወለወጺእ፡ ወአንተ፡ አባእኮ፡ ለእስራኤል፡ ወይቤለከ፡ እግዚአብሄር፡ አምላክከ፡ አንተ፡ ትርዕዮሙ፡ ለእሰስራኤል፡ ሕዝብየ።
3 ወመጽኡ፡ ኵሎሙ፡ መላእክተ፡ እስራኤል፡ ኀበ፡ ንጉሥ፡ ዳዊት፡ ወተካየዱ፡ በኪዳነ፡ ንጉሥ፡ ዳዊት፡ በቅድመ፡ እግዚአብሄር፡ በኬብሮን፡ ወቀብዕም፡ ለዳዊት፡ ከመ፡ ይኩን፡ ንጉሠ፡ ላዕለ፡ እስራኤል፡ በከመ፡ ቃለ፡ እግዚአብሄር፡ ዘኮነ፡ በእዴሁ፡ ለሳሙኤል።
4 ወሖረ፡ ዳዊት፡ ወኵሉ፡ እደወ፡ እስራኤል፡ ኢየሩሳሌም፡ ወከመዝ፡ ስማ፡ ኢያቡስ፡ ወህየ፡ ኢያቡሳውያን፡ እለ፡ የኃድሩ፡ በምድሮሙ።
5 ወአውሥኡ፡ እለ፡ የኃድሩ፡ ኢያቡስ፡ ወይቤልዎ፡ ኢትበውእ፡ ዝየ፡ ወአቅደሙ፡ እኂዘ፡ ፀወነ፡ ጽዮን፡ ወዛቲ፡ ይእቲ፡ ሀገረ፡ ዳዊት።
6 ወይቤ፡ ዳዊት፡ ኵሉ፡ ዘቀደመ፡ ቀቲለ፡ ኢያቡሳዌ፡ እሠይሞ፡ መልአከ፡ ወሊቀ፡ ሕዝብ፡ ወቦአ፡ ወቀስተወ፡ ፍጽመ፡ ኢዮአብ፡ ወልደ፡ ሶርህያ፡ ወሤሞ፡ መልአከ።
7 ወነበረ፡ ዳዊት፡ ውስተ፡ ፀወን፡ ወበእንተዝ፡ ተሰምየ፡ ዝኩ፡ ፀወነ፡ ጽዮን፡ ሀገረ፡ ዳዊት።
8 ወሐነፀ፡ ዳዊት፡ ዓውዳ፡ ለይእቲ፡ ሀገር፡ ወተቃተላ፡ ወአስተጋብኣ፡ ለሀገር።
9 ወሖረ፡ ወዐብየ፡ ዳዊት፡ ወጸንዐ፡ በእግዚአብሄር፡ አኃዜ፡ ኵሉ፡ እስመ፡ እግዚአብሄር፡ ፀባዖት፡ ሀሎ፡ ምስሌሁ።
10 ወእሉ፡ እሙንቱ፡ መላእክት፡ ጽኑዓን፡ እለ፡ ምስለ፡ ዳዊት፡ እለ፡ ጽኑዓን፡ ምስሌሁ፡ በመንግሥቱ፡ ምስለ፡ ኵሉ፡ እስራኤል፡ ከመ፡ ያንግሥዎ፡ በቃለ፡ እግዚአብሄር፡ ላዕለ፡ እስራኤል።
11 ወዝንቱ፡ ኍልቆሙ፡ ለኃያላን፡ እለ፡ ኮኑ፡ ምስለ፡ ዳዊት፡ ኢያቡስቴ፡ ወልደ፡ አኪማን፡ ርእሰ፡ ሠላሳ፡ ወውእቱኒ፡ ኢያቡስቴ፡ መልሐ፡ ሰይፎ፡ በአሐቲ፡ ዕለት፡ ወቀተሎሙ፡ ለሠለስቱ፡ ምእት።
12 ወሀሎ፡ ምስሌሁ፡ አልአዛር፡ ወልደ፡ እኅወ፡ አቡሁ፡ ዘእምብሔረ፡ አኬኪ፡ ወውእቱ፡ ሀሎ፡ ምስለ፡ ሠለስቱ፡ ጽኑዓን።
13 ወሀሎ፡ ምስለ፡ ዳዊት፡ በፋስዶሚስ፡ አመ፡ ተጋብኡ፡ በህየ፡ ኢሎፍሊ፡ ለተቃትሎ፡ ወሀለዋ፡ መንፈቀ፡ ገራውህ፡ ምሉአተ፡ ሰገም።
14 ወጐዩ፡ ሰብአ፡ እስራኤል፡ እምቅድመ፡ ገጾሙ፡ ለኢሎፍሊ፡ ወቆሙ፡ ማእከለ፡ መክፈልት፡ ወለይእቲ፡ ብሔረ፡ አድኃና፡ ወቀተሎሙ፡ ለኢሎፍሊ፡ ወገብረ፡ እግዚአብሄር፡ መድኃኒተ፡ ለእስራኤል፡ በእደ፡ ዳዊት።
15 ወወረዱ፡ ሠለስቱ፡ ስሙያን፡ እምሠላሳ፡ መላእክት፡ መንገለከ፡ ኰኵሕ፡ ኀበ፡ ዳዊት፡ ኀበ፡ በዓተ፡ ደወለ፡ ኤዶላም፡ ወትዕይንቶሙ፡ ለኢሎፍሊ፡ ሀለወ፡ በፈለገ፡ ሶርታማት።
16 ወዳዊትስ፡ አሜሃ፡ ሀሎ፡ ውስተ፡ ፀወን፡ ወኵሉ፡ ሠራዊቶሙ፡ ለኢሎፍሊ፡ ውስተ፡ ቤተ፡ ልሔም።
17 ወአፍተዎ፡ ለዳዊት፡ ወይቤ፡ መኑ፡ ያሰትየኒ፡ ማየ፡ እምዓዘቅተ፡ ቤተ፡ ልሔም፡ ዘማእከለ፡ አንቀጽ።
18 ወሠጠጡ፡ እልክቱ፡ ስሙያን፡ ሠለስቱ፡ ጸናዕት፡ ማእከለ፡ ትዕይንቶሙ፡ ለኢሎፍሊ፡ ወቀድሑ፡ ማየ፡ እምዓዘቅተ፡ ቤተ፡ ልሔም፡ እንተ፡ ሀለወት፡ ውስተ፡ አንቀጽ፡ ወነሢኦሙ፡ ማየ፡ አምጽኡ፡ ኀበ፡ ዳዊት፡ ወኢፈቀደ፡ ዳዊት፡ ከመ፡ ይስተይ፡ ወነዝኆ፡ ለእግዚአብሄር።
19 ወይቤ፡ ሐሰ፡ ሊተ፡ አምላኪየ፡ ከመ፡ እግበር፡ ዘንተ፡ ነገረ፡ ወኢይሰቲ፡ ደመ፡ ሰብእ፡ ዘቦቱ፡ ወጽአት፡ ነፍሶሙ፡ እስመ፡ ተሀቢሎሙ፡ በነፍሶሙ፡ አምጽእዎ፡ ወኢፈቀደ፡ ዳዊት፡ ከመ፡ ይስተዮ፡ ወዝንቱ፡ ውእቱ፡ ዘገብሩ፡ ሠለስቱ፡ ኃያላኒሁ፡ ለዳዊት።
20 ወአቢሳ፡ እኁሁ፡ ለኢዮአብ፡ ወእቱ፡ መልአክ፡ ሠለስቲሁሙ፡ ወውእቱ፡ መልሐ፡ ሰይፈ፡ በአሐቲ፡ ሰዓት፡ ወቀተሎሙ፡ ለሠለስቱ፡ ምእት፡ ወውእቱ፡ ስሙይ፡ በውስተ፡ ሠለስቱ፡ እሉ፡ መላእክት።
21 ወኅሩይ፡ ወጽኑዕ፡ እምእልክቱ፡ ካልአኒሁ፡ ወኮኖሙ፡ ርኡሰ፡ ወመልአከ፡ ወኢተፈልጠ፡ እምኔሆሙ።
22 ወብንያስ፡ ወልደ፡ ኢዮዳኢ፡ ወልደ፡ ብእሲ፡ ጽኑዕ፡ ወብዙኅ፡ ግብሩ፡ ወውእቱ፡ ብንያስ፡ ቀተሎሙ፡ ለክልአቱ፡ ደወለ፡ ሞአብ፡ ወውእቱ፡ ወረደ፡ ወቀተለ፡ አንበሳ፡ በዐዘቅት፡ በዕለተ፡ በረድ።
23 ወውእቱ፡ ቀተሎ፡ ለግብፃዊ፡ ብእሲ፡ ጽኑዕ፡ ወዓቢይ፡ በራእዩ፡ ወኃምስ፡ ቆሙ፡ በእመት፡ ወውስተ፡ እዴሁ፡ ለዝኩ፡ ግብፃዊ፡ ረምሕ፡ በአምጣነ፡ ሠርዌሆሙ፡ ለአነምት፡ ወወረደ፡ ላዕሌሁ፡ ብንያስ፡ በበትር፡ ወሰለበ፡ ረምኀ፡ እምእዴሁ፡ ወቀተለ፡ ቦቱ።
24 ወዝንቱ፡ ውእቱ፡ ግብሩ፡ ለብንያስ፡ ወልደ፡ ኢዮዳኢ።
25 ወስሙይ፡ በሠለቱ፡ ጸናዕት፡ ፈድፋደ፡ እምሠላሳ፡ ጽኑዓን፡ ወተባዕ፡ ወአልቦ፡ ዘይከውን፡ መጠነ፡ እልክቱ፡ ሠለስቱ።
26 ወሤሞ፡ ዳዊት፡ ለውእቱ፡ ብንያስ፡ ላዕለ፡ ብሔሩ፡ ወዲበ፡ እልክቱ፡ ጸናዕት፡ ወኃያላነ፡ እስራኤል፡ ወእሳሄል፡ እኁሁ፡ ለኢዮአብ፡ ወለኤልአናን፡ ወልደ፡ እኅወ፡ አቡሁ፡ ዘእምቤተልሔም።
27 ወሳሞት፡ ሃሮራዊ፡ ወሄልስ፡ ፌሎናዊ።
28 ወኦሪ፡ ወልደ፡ አቂስ፡ ዘእምብሔረ፡ ቴቁሔ፡ ወአብያዛር፡ አናቶታዊ።
29 ወሴቤኮይ፡ አሴታዊ፡ ወልደ፡ አናቲ፡ ወሄሊ፡ ኣሆሃዊ።
30 ወአሞራዊ፡ ጣፍጣዊ፡ ወሄልዳ፡ ወልደ፡ በአኒ፡ በፍታዊ።
31 ወኤታይ፡ ወልደ፡ ሪባይ፡ እምወግረ፡ ብንያም።
32 ወብንያስ፡ ኤፍራታዊ፡ ወኦሪ፡ ወምናሄል፡ ወጋዕስ፡ ወአብሄል፡ ሳርፍታውያን።
33 ወአዝሞት፡ በርሳባዊ፡ ወኤልያአብ፡ ዘእምብሔረ፡ ሰሪቦት።
34 ወደቂቀ፡ ኤሳም፡ አሳሄን፡ ዮናታን፡ ወልደ፡ ሐጌ፡ ዘእምብሔረ፡ አራሮት።
35 ወአህያ፡ ወልደ፡ ሳኮር፡ ዘእምአራሮት፡ ወኤልፋአሎ፡ ወልደ፡ አራፌር፡ መከራዊታዊ።
36 ወአኪያ፡ ዘእምብሔረ፡ ፋሎት።
37 ወሠራኢ፡ ቀርሜሎሳዊ፡ ወኖራኢ፡ ወልደ፡ አዝቢ።
38 ወኢዮኤል፡ እኁሁ፡ ለናታን፡ ወናበሪ፡ ወልደ፡ አጊራዊ።
39 ወሴላቅ፡ ዘእምብሔረ፡ አሞን፡ ወኖራኢ፡ ቤሮታዊ፡ ፀዋሬ፡ ንዋየ፡ ሐቅሉ፡ ለኢዮአብ፡ ወልደ፡ ሶርህያ።
40 ወኢያሬስ፡ ዘእምብሔረ፡ አቶሄል፡ መጋሬብ፡ ኤታናዊ።
41 ወኡርያስ፡ ኬጥያዊ።
42 ወባድ፡ ወልዱ፡ ለኤሎሊ፡ ወሐዲና፡ ወልደ፡ ሲካዕ፡ ወልደ፡ ሮቤል፡ መልአክ፡ ወምስሌሁ፡ ሠላሳ።
43 ወአናን፡ ወልደ፡ ሚካ፡ ወኢዮሳፍጥ፡ ምንተናዊ።
44 ወኤዝያስ፡ አስጥሮታዊ፡ ወሰማኢ፡ ወልደ፡ ኢዮሄል፡ ወልደ፡ ኮታን፡ ወልደ፡ አራሪ።
45 ወኤዶሄል፡ ወልደ፡ ሰማሪ፡ ወኢዮዛሂ፡ እኁሁ፡ ዘእምብሔረ፡ ቆሳኢ።
46 ወኢልሄል፡ መዓዊያዊ፡ ወኢያሪባኢ፡ ወኢዮሳኢ፡ ወልዱ፡ ለኤልዓም፡ ወኢዮቲም፡ ሞዓባዊ፡ ወልሄል፡ ወኦቤድ፡ ወኢያሳሂ፡ መሶበዊያን።
=== chapter 12 ===
[Chapter 12]
1 ወእሉ፡ እሙንቱ፡ እለ፡ መጽኡ፡ ኀበ፡ ዳዊት፡ ከመ፡ ይርድ፡ እዎ፡ እንዘ፡ ሀለወ፡ በሴቄላቅ፡ እንዘ፡ ኅጡእ፡ ውእቱ፡ እምገጸ፡ ሳኦል፡ ወልደ፡ ቂስ፡ ወእሉ፡ በኍልቆሙ፡ ጽኑዓን፡ ወረዳእያን፡ በቀትል።
2 ወነዳፍያን፡ በየማኖሙ፡ ወበፀጋሞሙ፡ ወወፃፍያን፡ በሞፀፈ፡ እብን፡ ወነዳፍያን፡ ጥቀ፡ እምአኀዊሁ፡ ለሳኦል።
3 ወእምብንያምኒ፡ መልአክ፡ አግዳዜር፡ ወኢዮአስ፡ ወልደ፡ ስማዕ፡ ሞአባዊ፡ ወአዝሄል፡ ወፋሌጥ፡ ደቀቂ፡ አዝሞት፡ ወኢዮሄል፡ አናቶታዊ።
4 ወሳምያስ፡ ዘእምብሔረ፡ ገባኦን፡ ብእሲ፡ ጽኑዕ፡ ወርኡስ፡ በዲበ፡ ሠላስ፡ እደው፡ ወኤርምያስ፡ ወኢዮሄል፡ ወኢዮናን፡ ወኢዮዛብት፡ ገድሮታዊ።
5 ወኤልዮዝ፡ ወኢያሪሙት፡ ወበዓልያ፡ ወሰማርያ፡ ወሰፋጥያስ፡ ዘእምብሔረ፡ አርፋት።
6 ወኤልቃና፡ ወኤስያ፡ ወኤልሄልያ፡ ወኢዮዛር፡ ወይስምብዓም፡ ቆሮራውያን።
7 ወኢያሄል፡ ወዝብድያ፡ ደቂቀ፡ ኢያርአም፡ ወልደ፡ ጌዶር።
8 ወእምጋድ፡ ተፈልጡ፡ ወፈለሱ፡ ኀበ፡ ዳዊት፡ በገዳም፡ እደው፡ ጽኑዓን፡ በኃይል፡ እደው፡ መስተቃትላን፡ ወቀትል፡ ወይክሉ፡ ፀዊረ፡ ወልታ፡ ወኵናት፡ ወገጾሙኒ፡ ግሩም፡ ከመ፡ ገጸ፡ አንበሳ፡ ወገይዳን፡ ከመ፡ ወይጠል፡ ወይረውፁ፡ ውስተ፡ አድባር፡ ወያፈጥኑ።
9 ወአዝርኒ፡ ቀዳማዊ፡ መልአክ፡ ወአብዱያን፡ ካልእ፡ መልአክ፡ ወኤልያብ፡ ሣልስ፡ መልአክ።
10 መስማን፡ መልአክ፡ ራብዕ፡ ኤርምያስ፡ መልአክ፡ ኃምስ።
11 ኤቲ፡ መልአክ፡ ሳድስ፡ ኤልሄል፡ መልአክ፡ ሳብዕ።
12 ዮሐናን፡ መልአክ፡ ሳምን፡ ኤልዛባድ፡ መልአክ፡ ታስዕ፡ ኤርምያስ፡ መልአክ፡ ዐሥር።
13 መክበናዒ፡ መልአክ፡ ዐሥር፡ ወአሐዱ።
14 እሉ፡ እሙንቱ፡ መልአክት፡ እምደቂቀ፡ ጋድ፡ መላእክተ፡ ሐራ፡ ወአሐዱ፡ እምኔሆሙ፡ ዘይንእስ፡ ለምእት፡ ወዘየዓቢ፡ ለዓሠርቱ፡ ምእት።
15 እሉ፡ እሙንቱ፡ እለ፡ ዓደዉ፡ ፈለገ፡ ዮርዳኖስ፡ በቀዳሚ፡ ወርኅ፡ እንዘ፡ ምሉእ፡ ውእቱ፡ እስከ፡ ጽንፋ፡ ወጐዩ፡ ኵሉ፡ ቈላት፡ ዘምሥራቅ፡ ወምዕራብ፡ ወዝንቱ፡ ፍጽመ፡ ዲበ፡ ኵሉ፡ ርእሶሙ፡ ወሰደድዎሙ፡ ለኵሎሙ፡ እለ፡ የኃድሩ፡ አፍላጉእመንገለ፡ ጽባሕ፡ እስከ፡ ዓረብ።
16 ወመጽኡ፡ እደው፡ እምደቂቀ፡ ብንያም፡ ወእምደቂቀ፡ ይሁዳ፡ ለረድኤቱ፡ ለዳዊት።
17 ወዳዊትኒ፡ ወጽአ፡ ወተቀበሎሙ፡ ወተአምኆሙ፡ ወይቤሎሙ፡ እመ፡ በሰላም፡ መጻእክሙ፡ ኀቤየ፡ ለረዲኦትየ፡ ይከውን፡ ዕሩፈ፡ በላዕሌክሙ፡ ልብየ፡ እመሰ፡ ኢታገብኡኒ፡ ኀበ፡ ጸላእትየ፡ ወለእመ፡ አመንክሙ፡ ኮንክሙ፡ ረድኤተ፡ ወአንጻሕክሙኒ፡ ሊተ፡ ይርአይ፡ አምላከ፡ አበዊነ፡ ወእመሰ፡ ትትጐሐለዉ፡ ለተፃርሮትየ፡ በዘአልቦ፡ ዓመፃ፡ ውስተ፡ እዴየ፡ ይርአይ፡ አምላከ፡ አበዊነ፡ ወይገሥፅ፡ ወረድእዎ፡ በጌዱዱ።
18 ወመንፈስ፡ አጽንዖ፡ ለአማሳይ፡ አሐዱ፡ እምእልኩ፡ ርእሰ፡ ሠላሳ፡ መላእክት፡ ወይቤሎ፡ ሑር፡ ዳዊት፡ ወልደ፡ ዕሤይ፡ ወሕዝብከ፡ ሰላም፡ ለከ፡ ወሰላም፡ ለረድኤትከ፡ እስመ፡ ረድአከ፡ አምላክከ፡ ወተወክፎሙ፡ ዳዊት፡ ወሤሞሙ፡ መላእክተ፡ ለፅኑዓን።
19 ወእምናሴ፡ ተፈልጡ፡ ወገብዑ፡ ኀበ፡ ዳዊት፡ ወአመ፡ ይመጽኡ፡ ኢሎፍሊ፡ ይትቃተልዎ፡ ለሳኦል፡ ኢረድኦሙ፡ እስመ፡ በምክር፡ ተገብረ፡ በኀበ፡ ርኡሳኒሆሙ፡ ለኢሎፍሊ፡ እንዘ፡ ይብሉ፡ ለአርእስተ፡ እደው፡ እልክቱ፡ ይትመየጥ፡ ኀበ፡ እግዚኡ፡ ሳኦል።
20 ወአመ፡ የሐውር፡ ብሔረ፡ ሴቄላቅ፡ ተፈልጡ፡ ምስሌሁ፡ እምናሴ፡ አዳና፡ ወኢዮዛብድ፡ ወኤድሄል፡ ወሚካኤል፡ ወዮዛብድ፡ ወኤልዩ፡ ወሳሊሳል፡ እሉ፡ እሙንቱ፡ ርኡሳነ፡ አእላፈ፡ ምናሴ።
21 ወእሉኒ፡ ተባአሱ፡ ምስለ፡ ዳዊት፡ በደወለ፡ ጌዱር፡ እስመ፡ ጽኑዓን፡ በኃይል፡ ኵሎሙ፡ ወኮኑ፡ ርኡሳነ፡ ዲበ፡ ሠራዊት።
22 እስመ፡ ለለዕለቱ፡ ይመጽኡ፡ ኀበ፡ ዳዊት፡ ለረድኤት፡ እስከ፡ ትዕይንት፡ ዓቢይ፡ ከመ፡ ትዕይንት፡ እግዚአብሄር።
23 ወከመዝ፡ ውእቱ፡ አስማቲሆሙ፡ ለመላእክተ፡ አሕዛብ፡ እለ፡ መጽኡ፡ ኀበ፡ ዳዊት፡ ኀበ፡ ኬብሮን፡ ከመ፡ ያግብኡ፡ መንግሥተ፡ ሳኦል፡ ኀበ፡ ዳዊት፡ በከመ፡ ቃለ፡ እግዚአብሄር።
24 ወደቂቀ፡ ይሁዳ፡ ሥርግዋን፡ በንዋየ፡ ሐቅሎሙ፡ ወእለ፡ አርማስ፡ ስሳ፡ ምእት፡ ወሰመንቱ፡ ምእት፡ ፅኑዓን፡ ለቀትል።
25 ወእምነገደ፡ ስምዖን፡ እለ፡ ፅኑዓን፡ በኃይል፡ ወበተቃትሎ፡ ሰብዓ፡ ምእት፡ ወአሐዱ፡ ምእት።
26 ወእምደቂቀ፡ ሌዊ፡ አርባዓ፡ ምእት፡ ወስድስቱ፡ ምእት።
27 ወኢዮዳኢኒ፡ መስፍን፡ ለቤተ፡ አሮን፡ ወምስሌሆሙ፡ እደው፡ ሠላሳ፡ ምእት፡ ወሰብዓቱ፡ ምእት።
28 ወሳዶቅኒ፡ ወሬዛ፡ ዕኑፅ፡ በኃይል፡ ወመላእክትኒ፡ እለ፡ ተሰይሙ፡ ዲበ፡ ልደተ፡ አቡሁ፡ ዕሥራ፡ ወክልኤቱ።
29 ወእምደቂቀ፡ ብንያም፡ አኃዊሁ፡ ለሳኦል፡ ሠላሳ፡ ምእት፡ ወዓዲ፡ መብዝኅቶሙ፡ የዓቅቡ፡ ቤተ፡ ሳኦል።
30 ወእምደቂቀ፡ ኤፍሬም፡ ክልኤቱ፡ እልፍ፡ ወሰማንያ፡ ምእት፡ እደው-----------------ወባዕያን፡ በልደተ፡ አበዊሆሙ።
31 ወእመን-----------ምናሴ፡ አሐዱ፡ እልፍ፡ ወሰማንያ፡ ምእት፡ እለ፡ ተሰም--------ዳዊት፡ ከመ፡ ያንግሥዎ።
32 ወእምደቂቀ፡ ይሳኮር፡ እደው፡ ጠበብት፡ በእማንቱ፡ መዋዕል፡ ወዘየአምሩ፡ ዘይገብሩ፡ እስራኤል፡ ለቀደምቶሙ፡ ክልኤቱ፡ ምእት፡ መላእክት፡ ወኵሎሙ፡ አኃዊሆሙ፡ ምስሌሆሙ።
33 ወእምዛብሎን፡ እለ፡ ወጽኡ፡ ለቀትል፡ ወእለ፡ ፅኑአን፡ ለፀዊረ፡ ንዋየ፡ ሐቅል፡ ኃምስቱ፡ እልፍ፡ ወእሉ፡ እሙንቱ፡ እለ፡ ወጽኡ፡ ለረድኤት፡ ምስለ፡ ዳዊት፡ ወኢተረክበ፡ ፅቡሰ፡ አሐዱ፡ እምኔሆሙ።
34 ወእምነገደ፡ ንፍታሌም፡ መላእክተ፡ ርኡሳን፡ ዓሠርቱ፡ ምእት፡ ወምስሌሆሙ፡ እደው፡ ርሡያን፡ በንዋየ፡ ሐቅል፡ ወበወላትው፡ ወበኵያንው፡ ሠለስቱ፡ እልፍ፡ ወሰብዓ፡ ምእት።
35 ወእምደቂቀ፡ ዳን፡ እለ፡ ይክሉ፡ ቀትለ፡ ክልኤቱ፡ እልፍ፡ ወሰማንያ፡ ምእት፡ ወሰብዐቱ፡ ምእት።
36 ወእምነገደ፡ አሴር፡ እለ፡ ይወጽኡ፡ ረድኤተ፡ ለቀትል፡ አርባዕቱ፡ እልፍ።
37 ወእማዕዶተ፡ ዮርዳኖስ፡ እምነ፡ ሮቤል፡ ወጋድ፡ ወእመንፈቀ፡ ነገደ፡ ምናሴ፡ እለ፡ ይፀውሩ፡ ንዋየ፡ ሐቅል፡ ዓሠርቱ፡ ወክልኤቱ፡ እልፍ።
38 ወእሉ፡ ኵሎሙ፡ እደው፡ ጸናዕት፡ ወመስተቃትላን፡ በአሐቲ፡ ነፍስ፡ ወበአሐቲ፡ ምክር፡ መጽኡ፡ ውስተ፡ ኬብሮን፡ ከመያንግሥዎ፡ ለዳዊት፡ ላዕለ፡ ኵሉ፡ እስራኤል፡ ወኢተርፈት፡ አሐቲ፡ ነፍስ፡ እምእስራኤል፡ እንተ፡ ኢገብአት፡ ኀበ፡ ዳዊት፡ ከመታንሦ፡ ለዳዊት።
39 ወነበሩ፡ ህየ፡ ሠሉስ፡ መዋዕለ፡ እንዘ፡ ይበልዑ፡ ወይሰትዩ፡ እስመ፡ አስተዳለዉ፡ ሎሙ፡ አኃዊሆሙ፡ ወቅሩባኒሆሙ፡ እስከ፡ ይሳኮር፡ ወዛብሎን፡ ወንፍታሌም።
40 እሉ፡ እሙንቱ፡ አምጽኡ፡ ሎሙ፡ ዲበ፡ አግማሊሆሙ፡ ወዲበ፡ አእዱጊሆሙ፡ ወዲበ፡ አብቅሊሆሙ፡ ወዲበ፡ አልሕምቲሆሙ፡ መባልዕተ፡ ወሐሪፀ፡ ወዳቤላ፡ ወአስፌሬዳተ፡ አስካለ፡ ወይን፡ ወዘይት፡ ወአልሕምተ፡ ወአባግዐ፡ ወአጣሌ፡ ብዙኀን፡ እስመ፡ ፍትሓ፡ ወኃሤት፡ ኮነ፡ ለእስራኤል።
=== chapter 13 ===
[Chapter 13]
1 ወተማከረ፡ ዳዊትምስለ፡ ርኡሳን፡ ዓሠርቱ፡ ምእት፡ ወምስለ፡ ርኡሳን፡ ምእት፡ ወምስለ፡ ኵሎሙ፡ መሳፍንት።
2 ወይቤ፡ ዳዊት፡ ለኵሉ፡ ማኅበረ፡ እስራኤል፡ እመሰ፡ ሠናይ፡ ወርቱዕ፡ ወለእመ፡ ሠርኀ፡ እግዚአብሄር፡ አምላክነ፡ ንልእክ፡ ኀበ፡ አኃዊነ፡ እለ፡ ተርፉ፡ በኵሉ፡ ምድረ፡ እስራኤል፡ ወኀበ፡ ካህናት፡ ወሌዋውያን፡ በኵሉ፡ አህጉር፡ ወበኵሉ፡ በሐውርቲሆሙ፡ ወያስተጋብኡ፡ ኀቤነ።
3 ወናግብኣ፡ ለታቦተ፡ እግዚአብሄር፡ አምላክነ፡ እስመ፡ ኢኃሠሥዋ፡ እምአመ፡ መዋዕሊሁ፡ ለሳኦል።
4 ወይቤሉ፡ ኵሉ፡ ማኅበረ፡ እስራኤል፡ ለይኩን፡ ከመዝ፡ እስመ፡ ርቱዕ፡ ዝንቱ፡ ቃል፡ በኀበ፡ አዕይንተ፡ ኵሉ፡ ሕዝብ።
5 ወአሰተጋብአ፡ ዳዊት፡ ኵሎ፡ እምደወለ፡ ግብፅ፡ እስከ፡ ደወለ፡ ኤማት፡ ከመ፡ ያግብኣ፡ ለታቦተ፡ እግዚአብሄር፡ እምቀርያታርም።
6 ወዓርገ፡ ዳዊት፡ ወኵሉ፡ እስራኤል፡ ኀበ፡ ቀርያታርም፡ እንተ፡ ይሁዳ፡ ከመ፡ ያዕርግዋ፡ እምህየ፡ ለታቦት፡ ዘእግዚአብሄር፡ አምላክ፡ ዘይነብር፡ ዲበ፡ ኪሩቤል፡ ኀበ፡ ተጸውዓ፡ ስመ፡ እግዚአብሄር።
7 ወአንበርዋ፡ ለታቦት፡ እግዚአብሄር፡ ዲበ፡ ሠረገላ፡ ሐዲስ፡ ዘእምቤተ፡ አሚናዳብ፡ ወኦዛ፡ ወአኃዊሁ፡ ይመርሑ፡ ወአብጽሕዎ፡ ለሠረገላ።
8 ወዳዊትኒ፡ ወኵሉ፡ እስራኤል፡ እንዘ፡ ይትዋነዩ፡ ወይትፌሥሑ፡ በቅድመ፡ እግዚአብሄር፡ በኵሉ፡ ኃይል፡ ወምስሌሁ፡ መዘምራን፡ ወእለኒ፡ በጸናጽል፡ ወእለኒ፡ በከበሮ፡ ወበእንዚራ፡ ወእለኒ፡ በብዕዛ፡ ወበአቅርንት፡ በጽሑ፡ ኀበ፡ ጽንፈ፡ ምክያድ።
9 ወሰፍሐ፡ እዴሁ፡ ኦዛ፡ ከመ፡ የአኃዛ፡ ለታቦተ፡ እግዚአብሄር፡ እስመ፡ አጽነነት፡ እንዘ፡ ይስሕብዋ፡ በሠረገላ፡ አልሕምት።
10 ወተምዐ፡ እግዚአብሄር፡ ላዕለ፡ ኦዛ፡ ወቀተሎ፡ በህየ፡ እስመ፡ ሰፍሐ፡ እዴሁ፡ ታቦተ፡ እግዚአብሄር፡ ወሞተ፡ በህየ፡ ቅድመ፡ ታቦተ፡ እግዚአብሄር።
11 ወተከዘ፡ ዳዊት፡ በእንተ፡ ዘመከረ፡ እግዚአብሄር፡ ምትረተ፡ ኦዛ፡ ወጸውዐ፡ ስሞ፡ ለውእቱ፡ መካን፡ ምትረተ፡ ኦዛ፡ እስከ፡ ዛቲ፡ ዕለት።
12 ወፈርሆ፡ ዳዊት፡ ለእግዚአብሄር፡ አምላኩ፡ በይእቲ፡ ዕለት፡ እንዘ፡ ይብል፡ እፎኑ፡ አበውኣ፡ ለታቦተ፡ እግዚአብሔር፡ ኀቤየ።
13 ወኢያእተዋ፡ ለታቦተ፡ እግዚአብሄር፡ ኀቤሁ፡ ወሜጣ፡ ወአብኣ፡ ቤተ፡ አቢዳራ፡ ጌትያዊ።
14 ወነበረት፡ ታቦተ፡ እግዚአብሄር፡ ውስተ፡ ቤተ፡ አቢዳራ፡ ሠለስተ፡ አውራኀ፡ ወባረኮ፡ እግዚአብሄር፡ ለአቢዳራ፡ ወለኵሉ፡ ቤቱ።
=== chapter 14 ===
[Chapter 14]
1 ወፈነወ፡ ኪራም፡ ንጉሠ፡ ጢሮስ፡ ላእካነ፡ ኀበ፡ ዳዊት፡ ወዓዲ፡ ፈነወ፡ ለዳዊት፡ ዕፀወ፡ አርዝ፡ ወነደቅተ፡ አረፍት፡ ወፀረብተ፡ ዕፀው፡ ከመ፡ ይሕንፁ፡ ሎቱ፡ ቤተ።
2 ወአእመረ፡ ወጠየቅ፡ ዳዊት፡ ከመ፡ አስተዳለወ፡ ሎቱ፡ እግዚአብሄር፡ መንግስተ፡ ላዕለ፡ እስራኤል፡ ወከመ፡ ተለዓለ፡ እስከ፡ አርያም፡ መንግሥቱ፡ ለዳዊት፡ በእንተ፡ ሕዝበ፡ ዚአሁ፡ እስራኤል።
3 ወነሥአ፡ ዳዊት፡ ዓዲ፡ አንስተ፡ እምኢየሩሳሌም፡ ወተወልዱ፡ ሎቱ፡ ደቂቅ፡ ወአዋልድ።
4 ወከመዝ፡ ውእቱ፡ አስማቲሆሙ፡ ለእለ፡ ተወልዱ፡ ወኮኑ፡ ወተኈለቁ፡ ሎቱ፡ ለዳዊት፡ በኢየሩሳሌም፡ ሰማቲ፡ ወሰባብ፡ ወናታን፡ ወሰሎሞን።
5 ወኢያባኦር፡ ወኤልሳው፡ ወኤልሳፋጥ።
6 ወናጌት፡ ወናፌት፡ ወኢያፌኡ።
7 ወኤልሳማ፡ ወበለዓዳ፡ ወኤልፋጥ።
8 ወሰምዑ፡ ኢሎፍሊ፡ ከመ፡ ተቀብዐ፡ ዳዊት፡ ይንግሥ፡ ላዕለ፡ እስራኤል፡ ወዓርጉ፡ ኵሎሙ፡ ኢሎፍሊ፡ ኃቢሮሙ፡ ከመ፡ ይኅሥሥዎ፡ ለዳዊት፡ ወሰሚዖ፡ ዳዊት፡ ወጽአ፡ ለቀበላ፡ ኢሎፍሊ።
9 ወኢሎፍሊ፡ ወፅኡ፡ ወተአየኑ፡ ውስተ፡ ፈለገ፡ ሶርትማት።
10 ወተስእሎ፡ ዳዊት፡ ለእግዚአብሄር፡ እንዘ፡ ይብል፡ እሑርኑ፡ ኀበ፡ ኢሎፍሊ፡ ወታገብኦሙኑ፡ ውስተ፡ እዴየ፡ ወይቤሎ፡ እግዚአብሔር፡ ተንሥእ፡ ወሑር፡ ኀቤሆሙ፡ ወአነ፡ አገብኦሙ፡ ውስተ፡ እዴከ።
11 ወተንሥአ፡ ዳዊት፡ ወሖረ፡ ውስተ፡ ብሔር፡ ዘስሙ፡ ፓራሲን፡ ወቀተሎሙ፡ ዳዊት፡ በህየ፡ ለኢሎፍሊ።
12 ወይቤ፡ ዳዊት፡ አሜሃ፡ መተረ፡ እግዚአብሄር፡ ወአግብአ፡ ጸላእትየ፡ ውስተ፡ እደውየ፡ በከመ፡ ምትረተ፡ ማይ፡ ወበእንተዝ፡ ተሰምየ፡ ስሙ፡ ለውእቱ፡ ብሔር፡ ፓትረተ፡ ምራሲን።
13 ወኃደጉ፡ በህየ፡ ኢሎፍሊ፡ አማልክቲሆሙ፡ ወይቤ፡ ዳዊት፡ አስተጋቢአክሙ፡ አውዕይዎሙ፡ በእሳት።
14 ወዓዲ፡ ደገሙ፡ ኢሎፍሊ፡ ወኃደሩ፡ ውስተ፡ ፈለገ፡ ሶርትማት።
15 ወተስእሉ፡ ዓዲ፡ ዳዊት፡ ለእግዚአብሄር፡ እንዘ፡ ይብል፡ ዮምኒ፡ እሑርኑ፡ ኀቤሆሙ፡ ወይቤሎ፡ እግዚአብሄር፡ ኢትሑር፡ ወኢትትልዎሙ፡ እምድኅሬሆሙ፡ አላ፡ ተመየጥ፡ እምኔሆሙ፡ ወኩን፡ ቅሩቦሙ።
16 ወይከውን፡ አመ፡ ሰማዕከ፡ ድምፀ፡ ሀከኮሙ፡ እምፍጽም፡ መጽብዕቶሙ፡ አሜሃ፡ ትወጽእ፡ ለተቃትሎቶሙ፡ እስመ፡ ወጽአ፡ እግዚአብሄር፡ ቅድሜከ፡ ከመ፡ ይቅትል፡ ተዓይኒሆሙ፡ ለኢሎፍሊ።
17 ወተሰምዐ፡ ዜናሁ፡ ለዳዊት፡ በኵሉ፡ ምድር፡ ወእግዚአብሄር፡ እንበረ፡ ግርማሁ፡ ዲበ፡ ኵሉ፡ አሕዛብ።
=== chapter 15 ===
[Chapter 15]
1 ወገብረ፡ ዳዊት፡ ማኅፈደ፡ በሀገሩ፡ ወአስተዳለወ፡ መካነ፡ ለታቦተ፡ እግዚአብሄር፡ ወገብረ፡ ላቲ፡ ትዕይንተ።
2 ወአሜሃ፡ ይቤ፡ ዳዊት፡ ኢኮነ፡ ሠናየ፡ ወኢኮነ፡ አዳመ፡ ትኩን፡ ታቦተ፡ እግዚአብሄር፡ ኀበ፡ ባዕዳን፡ አላ፡ ኀበ፡ ሌዋውያን፡ እስመ፡ ኪያሆሙ፡ ኃረየ፡ እግዚአብሄር፡ ያንሥእዋ፡ ወያንብርዋ፡ ለታቦተ፡ እግዚአብሄር፡ ወእሙንቱ፡ ሌዋውያን፡ ይትቀነዩ፡ ሎቱ፡ እስከ፡ ለዓለም።
3 ወአስተጋብኦሙ፡ ዳዊት፡ ለኵሎሙ፡ እስራኤል፡ በኢየሩሳሌም፡ ከመ፡ ያዕርጋ፡ ለታቦተ፡ እግዚአብሄር፡ ውስተ፡ መካን፡ ዘአተስተዳለወ፡ ላቲ።
4 ወአስተጋብአ፡ ዳዊት፡ ኵሎ፡ ደቂቀ፡ አሮን፡ ወሌዋውያነሂ።
5 ወለደቂቀ፡ ቀዓት፡ አርሄል፡ መልአከ፡ ወአኃዊሁ፡ ምእት፡ ወዕስራ፡ በኍልቆሙ።
6 ወለደቂቀ፡ ሜራሪ፡ አሳያህ፡ መልአክ፡ ወአኃዊሁ፡ ክልኤቱ፡ ምእት፡ ወኃምሳ።
7 ወለደቂቀ፡ ጌድሶን፡ ኢዮሄት፡ መልአክ፡ ወአኃዊሁ፡ ምእት፡ ወሠላሳ።
8 ወለደቂቀ፡ ኤልሳፋን፡ ስምዖን፡ መልአክ፡ ወአኃዊሁ፡ ክልኤቱ፡ ምእት።
9 ወለደቂቀ፡ ኬብሮን፡ ኢዩሄል፡ መልአክ፡ ወአኃዊሁ፡ ሰማንያ።
10 ወለደቂቀ፡ አዝሄል፡ አሚናዳብ፡ መልአክ፡ ምእት፡ ዓሠርቱ፡ ወክልኤቱ።
11 ወጸውዖሙ፡ ዳዊት፡ ለሳዶቅ፡ ወለአብያታር፡ ካህናት፡ ወለሌዋውያን፡ ወለኡርኤል፡ ወለሳሳያህ፡ ወለኢዮሄል፡ ወለአሚናዳብ።
12 ወይቤሎሙ፡ ዳዊት፡ አንትሙኬ፡ መላእክተ፡ ቤተ፡ አበዊሆሙ፡ ለሌዋውያን፡ ተቀደሱ፡ አንትሙ፡ ወአኃዊክሙ፡ ከመ፡ ታዕርግዋ፡ ለታቦተ፡ እግዚአብሄር፡ አምላክ፡ እስራኤል፡ ወአብጽሕዋ፡ ውስተ፡ መካና፡ ዘአስተዳለውኩ፡ ላቲ።
13 እስመ፡ በቀደምትነ፡ ኢመተረነ፡ እግዚአብሄር፡ አምላክ፡ እስራኤል፡ በበይናቲነ፡ ወኢኃሠሠነ፡ በቅድስት።
14 ወአንጽሑ፡ ርእሶሙ፡ ካህናት፡ ወሴዋውያን፡ ወተደለዉ፡ ከመ፡ ያዕርግዋ፡ ለታቦተ፡ እግዚአብሄር፡ አምላክ፡ እስራኤል።
15 ወነሥእዋ፡ ሌዋውያን፡ ለታቦት፡ በከመ፡ አዘዞሙ፡ ሙሴ፡ በቃለ፡ እግዚአብሄር፡ በመትከፍቶሙ፡ በመፃውርት፡ በከመ፡ ጽሑፍ፡ መባእኒ፡ ወቊርባንኒ፡ ምስሌሆሙ።
16 ወይቤ፡ ዳዊት፡ ለመላእክተ፡ ቤተ፡ ሌዊውያን፡ አቅምዎሙ፡ ለአኃዊክሙ፡ መዘምራን፡ በጸናጽል፡ ወበከበሮ፡ ወእንዚራ፡ ወበቃለ፡ ቀርን፡ ከመ፡ ይጽርሑ፡ ወያልዕሉ፡ ቃላቲሆሙ፡ በአርያም፡ በፍሥሓ፡ ወበኃሤት።
17 ወአቀምዎሙ፡ ሌዋውያን፡ ለኤማን፡ ወልደ፡ ኢዮሄል፡ እምአኃዊሁ፡ ወለአሳፍ፡ ወልደ፡ በራኪያ፡ እምደቂቀ፡ ሜራራ፡ እምአኀዊሁ።
18 ወለኤታን፡ ወልደ፡ ቂሳን፡ ወምስሌሆሙ፡ አኃዊሆሙ፡ ወካልአኒሆሙ፡ ዘካርያስ፡ ወኢያሄል፡ ወሰናኒ፡ ወኤልያብ፡ ወበናኢያ፡ ወበዓስያ፡ ወመተንያስ፡ ወኤልፋል፡ ወመቃድያ፡ ወአብዲዳም፡ ወኢያሄል፡ ወኤዝያስ፡ ዓቀብተ፡ አናቅጽ።
19 ወመዘምራን፡ ኤማን፡ ወአሳፍ፡ ወኤታን፡ ይዜምሩ፡ በጸናጽለ፡ ብርት፡ ከመ፡ ያድምፁ፡ ልዑለ።
20 ወዘካርያስ፡ ወኤዝሄል፡ ወሴምራሞት፡ ወኢያሄል፡ ወአናኒ፡ ወኤልያብ፡ ወመዓስያስ፡ ወብንያስ፡ በእንዚራ፡ ላዕለ፡ ኤልማት።
21 ወኤልፋልያስ፡ ወማትያስ፡ ወማቄያንስ፡ ወአብዲዶም፡ ወኤልሄል፡ ወአዝያስ፡ በመሰንቆ፡ ወአማሰኒት፡ ከመ፡ ያስተጻንዕ።
22 ወኮነኒያ፡ መልአከ፡ ሌዋውያን፡ ወመልአከ፡ መኃልይ፡ እስመ፡ ጠቢብ፡ ውእቱ።
23 ወበራክያስ፡ ወእልቃና፡ ዓቀብተ፡ አናቅጸ፡ ታቦት።
24 ወሰበኒያ፡ ወኢዮሳፍጥ፡ ወናትናሄል፡ ወስማዒ፡ ወዘካርያስ፡ ወበናኢያ፡ ወአልአዛር፡ ካህናት፡ ይዜምሩ፡ በአቅርንት፡ በቅድመ፡ ታቦተ፡ ቸረገረዚአበረሄር፡ ወአብዲዶም፡ ወኢያኢያ፡ ዓቀብተ፡ አናቅጸ፡ ታቦተ፡ እግዚአብሄር።
25 ወሀሎ፡ ዳዊት፡ ወአእሩገ፡ እስራኤል፡ ወአርእስተ፡ ዓሠርቱ፡ ምእት፡ የሐውሩ፡ ወይተልዉ፡ ድኅረ፡ ታቦተ፡ ትእዛዙ፡ ለእግዚአብሔር፡ እምቤተ፡ አብዲዶም፡ በትፍሥሕት።
26 ወኮነ፡ አሜሃ፡ በከመ፡ አጽንዖሙ፡ እግዚአብሔር፡ ለሌዋውያን፡ ከመ፡ ይፁሩ፡ ታቦተ፡ እግዚአብሄር፡ ወሦዑ፡ ሰብዐተ፡ አልሕምተ፡ ወሰብዐተ፡ ሐራጊተ።
27 ወዳዊትኒ፡ ቅኑት፡ በዐጽፍ፡ ዘዕፁብ፡ ሤጡ፡ ወኵሎሙ፡ ሌዋውያን፡ ይፀውሩ፡ ታቦተ፡ ትእዛዘ፡ እግዚአብሄር፡ ወሀለዉ፡ ምስሌሆሙ፡ መዘምራን፡ ወኮኖንያስ፡ መልአከ፡ መኃልይ፡ ለኀለይት፡ ወሀሎ፡ ዐጽፍ፡ ክቡር፡ ዲቤሁ፡ ለዳዊት።
28 ወኵሎሙ፡ እስራኤል፡ አዕረግዋ፡ ለታቦተ፡ ኪዳነ፡ እግዚአብሔር፡ በውውዓ፡ ወበቃለ፡ ቀርን፡ ወበመዝሙር፡ ወበጸናጽላት፡ ለአስምዖ፡ በናብሊስ፡ ወበእንዚራ።
29 ወኮነ፡ ሶበ፡ በጽሐት፡ ታቦተ፡ ኪዳኑ፡ ለእግዚአብሄር፡ ሀገረ፡ ዳዊት፡ ወሜልኮል፡ ወለተ፡ ሳኦል፡ እንዘ፡ ትሔውጽ፡ ውስተ፡ መስኮት፡ ርእየቶ፡ ለዳዊት፡ ንጉሥ፡ እንዘ፡ ይዘፍን፡ ወይትፌሣሕ፡ አስተሐቀረቶ፡ በልባ።
=== chapter 16 ===
[Chapter 16]
1 ወአብእዋ፡ ለታቦተ፡ እግዚአብሄር፡ ወአንበርዋ፡ ማእከለ፡ ደብተራ፡ ዘተከለ፡ ላቲ፡ ዳዊት፡ ወአቅረቡ፡ መሥዋዕተ፡ ዘሰላም፡ በቅድመ፡ እግዚአብሄር።
2 ወሶበ፡ ፈጸመ፡ ዳዊት፡ አዕርጎ፡ መሥዋዕት፡ ዘሰላም፡ ባረኮሙ፡ ለሕዝብ፡ በስመ፡ እግዚአብሄር።
3 ወከፈለ፡ ለኵሉ፡ እስራኤል፡ እምብእሲ፡ እስከ፡ ብእሲትፍተ፡ ኅብስት፡ ግቡረ፡ ላሕም፡ ወግቡረ፡ በግፅ፡ ወአስካለ፡ ወይን።
4 ወአንበረ፡ ቅድመ፡ ታቦተ፡ እግዚአብሄር፡ አምላከ፡ እስራኤል፡ እምነ፡ ሌዋውያን፡ ልኡካን፡ ለአዘክሮ፡ ከመ፡ ይግነዩ፡ ወይሰብሕዎ፡ ለእግዚአብሄር፡ አምላከ፡ እስራኤል።
5 አሳፍ፡ ቀዳማዊ፡ ወካልአኒሁ፡ ዘካርያስ፡ ወኢያሄል፡ ወሰሜራሞት፡ ወይህኤል፡ ወማታትያ፡ ወኤልያብ፡ ወብንያስ፡ ወአብዲዶም፡ ወዩኤኤል፡ በንዋየ፡ ናብሊስ፡ ወበእንዚራ፡ ወአሳፍ፡ በጸናጽል፡ ዘይሰማዕ።
6 ወብንያስ፡ ወአዛሄል፡ ካህናት፡ በአቅርንት፡ ወትረ፡ በቅድመ፡ ታቦተ፡ ኪዳኑ፡ ለእግዚአብሄር።
7 ወበውእቱ፡ ዕለት፡ ሶቤሃ፡ ወሀበ፡ ዳዊት፡ ቅድመ፡ ከመ፡ ይግነዩ፡ ለእግዚአብሄር፡ በእደ፡ አሳፍ፡ ወአኃዊሁ።
8 ወዛቲ፡ መዝሙር፡ ዘዘመሩ፡ ደቂቀ፡ እስራኤል፡ በቅድመ፡ ታቦተ፡ እግዚአብሄር፡ ወይቤሉ፡ ኵሉ፡ እስራኤል፡ አርአዩ፡ ለአሕዛብ፡ ምግባሮ፡ ወዓዲ፡ ዛተ፡ መዝሙረ፡ ኀለዩ፡ ደቂቀ፡ እስራኤል፡ ቅድመ፡ ታቦተ፡ እግዚአብሄር፡ ወይቤሉ።
9 ግነዩ፡ ለእግዚአብሄር፡ ወጸውዑ፡ ስሞ፡ ወንግርዎሙ፡ ለአሕዛብ፡ ምግባሮ።
10 ሰብሑ፡ ወዘምሩ፡ ሎቱ፡ ወንግሩ፡ ኵሎ፡ መንክሮ።
11 ወትከብሩ፡ በስሙ፡ ቅዱስ፡ ለይትፌሣሕ፡ ልብ፡ ዘየኃሥሦ፡ ለእግዚአብሄር።
12 ኅሥዎ፡ ለእግዚአብሄር፡ ወትጸንዑ፡ ወኅሡ፡ ገጾ፡ በኵሉ፡ ጊዜ።
13 ወተዘከሩ፡ መንክሮ፡ ዘገብረ፡ ተአምሪሁ፡ ወኵነኔ፡ አፉሁ።
14 ዘርአ፡ አብርሃም፡ አግብርቲሁ፡ ወደቂቀ፡ ያዕቆብ፡ ኅሩያኒሁ።
15 ውእቱ፡ እግዚአብሄር፡ አምላክነ፡ ውስተ፡ ኵሉ፡ ምድር፡ ኵነኔሁ።
16 ወተዘከረ፡ ሥርዓቶ፡ ዘለዓለም፡ ቃሎ፡ ዘአዘዘ፡ ለዓሠርቱ፡ ምእት፡ ትውልድ።
17 ዘሠርዐ፡ ለአብርሃም፡ ወመሐለ፡ ለይስሐቅ።
18 ወአቀመ፡ ስምዐ፡ ለያዕቆብ፡ ወለእስራኤል፡ ኪዳኖ፡ ዘለዓለም።
19 ወይቤሎ፡ ለከ፡ እሁበከ፡ ምድረ፡ ከነአን፡ ትኩንክሙ፡ ሐብለ፡ ርስትክሙ።
20 እንዘ፡ ውኁዳን፡ ጥቀ፡ እሙንቱ፡ ወፈላስያን፡ ውስቴታ።
21 ወኃለፋ፡ እምሕዝብ፡ ውስተ፡ ሕዝብ፡ ወእምነገሥት፡ ውስተ፡ ካልእ፡ ሕዝብ።
22 ወኢኃደገ፡ ይስሐጦሙ፡ ስብእ፡ ወገሠፀ፡ ነገሥተ፡ በእንቲአሆሙ።
23 እንዘ፡ ይብል፡ ኢትግሥሡ፡ መሲሐንየ፡ ወኢታኅስሙ፡ ዲበ፡ ነቢያትየ።
24 ሰብሕዎ፡ ለእግዚአብሄር፡ ስብሐተ፡ ሐዲሰ፡ ሰብሕዎ፡ ለእግዚአብሄር፡ ኵላ፡ ምድር።
25 ሰብሕዎ፡ ለእግዚአብሄር፡ ወባርኩ፡ ለስሙ፡ ወተዜያነው፡ እምዕለት፡ ዕለት፡ አድኅኖቶ።
26 እስመ፡ ዓቢይ፡ እግዚአብሄር፡ ወብዙኃ፡ አኰቴቱ፡ ወግሩም፡ ውእቱ፡ ላዕለ፡ ኵሉ፡ አማልክት።
27 እስመ፡ አማልክት፡ አሕዛብ፡ አጋንንት፡ እግዚአብሔርሰ፡ ሰማያተ፡ ገብረ።
28 አሚን፡ ወሠናይት፡ ቅድሜሁ፡ ቅድሳት፡ ወዕበየ፡ ስብሐት፡ ውስተ፡ መቅደሱ።
29 አምጽኡ፡ ለእግዚአብሄር፡ በሐውርተ፡ አሕዛብ፡ አምጽኡ፡ ለእግዚአብሄር፡ ክብረ፡ ወስብሐተ።
30 ወአምጽኡ፡ ለእግዚአብሄር፡ ስብሐተ፡ ለስሙ፡ ንሥኡ፡ መሥዋዕተ፡ ወባኡ፡ ውስተ፡ አዕፃዲሁ።
31 ስግዱ፡ ለእግዚአብሄር፡ በዓፀደ፡ መቅደሱ፡ ታድለቀልቅ፡ እምቅመ፡ ገጹ፡ ለእግዚአብሄር፡ ኵላ፡ ምድር።
32 በልዎሙ፡ ለአሕዛብ፡ ከመ፡ እግዚአብሄር፡ ነግሠ፡ ወአጽንዓ፡ ለዓለም፡ ከመ፡ ኢታንቀልቅል።
33 ወይኴንኖሙ፡ ለአሕዛብ፡ በርትዕ፡ ይትፌሥሓ፡ ሰማያት፡ ወትትኃሠይ፡ ምድር።
34 ወትትከወስ፡ ባሕር፡ በምልኣ፡ ትትኃሠይ፡ ገዳም፡ ወኵሉ፡ ዘውስቴታ።
35 ውእተ፡ አሚረ፡ ይትፌሥሑ፡ ኵሉ፡ ስፀወ፡ ገዳም፡ እምቅድመ፡ ገጹ፡ ለእግዚአብሄር፡ እስመ፡ ይመጽእ።
36 ይመጽእ፡ ወይኴንና፡ ለምድር፡ ወይኴንና፡ ለዓለም፡ በጽድቅ፡ ወለአሕዛብኒ፡ በርትዕ።
37 ግነዩ፡ ለእግዚአብሄር፡ እስመ፡ ኄር፡ እስመ፡ ለዓለም፡ ምሕረቱ።
38 ወበሉ፡ አድኅነነ፡ እግዚኦ፡ አምላክነ፡ ወአስተጋብአነ፡ እምአሕዛብ።
39 ከመ፡ ንግነይ፡ ለስምከ፡ ቅዱስ፡ ወከመ፡ ናትመካሕ፡ በስብብሐቲከ።
40 ይትባረክ፡ እግዚአብሄር፡ አምላከ፡ እስራኤል፡ እምቅድመ፡ ዓለም፡ ወእስከ፡ ለዓለም።
41 ለይበል፡ ኵሉ፡ ሕዝብ፡ ለይኩን፡ ለይኩን፡ ወሰብሕዎ፡ ለእግዚአብሄር።
42 ወኃደግዎሙ፡ ህየ፡ ቅድመ፡ ታቦተ፡ ትእዛዙ፡ ለእግዚአብሄር፡ ለአሳፍ፡ ወለአኃዊሁ፡ ከመ፡ ይትቀነዩ፡ በቅድመ፡ ታቦት፡ በኵሉ፡ መዋዕለ፡ ሕይወቶሙ፡ ዘለለዕለት።
43 ወአብዲዶም፡ ወአኃዊሁ፡ ስሳ፡ ወሰመንቱ፡ ወለአብዲዶም፡ ወልደ፡ ኤዲቱን፡ ወለአሤዕ፡ ሤሞሙ፡ ዓቀብተ፡ አናቅጽ።
44 ወሳዶቅ፡ ካህን፡ ወአኃዊሁ፡ እሙንቱሰ፡ ይቀውሙ፡ ውስተባማ፡ ዘብሔረ፡ ገባኦን፡ በቅድመ፡ ቤተ፡ እግዚአብሄር።
45 ከመ፡ ያዕርጉ፡ ቊርባነ፡ ለእግዚአብሄር፡ በላዕለ፡ ምሥዋዕ፡ ዘመሥዋዕት፡ ለለ፡ ነግህ፡ ወለለ፡ ሠርክ፡ በከመ፡ ኵሉ፡ ጽሑፍ፡ ውስተ፡ ሕገ፡ እግዚአብሄር፡ በከመ፡ አዘዞ፡ ለሙሴ፡ ነቢይ፡ ቊልዔሁ፡ ከመ፡ ይንግሮሙ፡ ለደቂቀ፡ እስራኤል።
46 ወምስሌሁ፡ ለሳዶቅ፡ ወምስለ፡ አኀዊሁኒ፡ ኤሜን፡ ወኤዶትም፡ ወካልአን፡ እለ፡ ተኀርዩ፡ ወተሠይሙ፡ ከመ፡ ይሰብሕዎ፡ ለእግዚአብሄር፡ እስመ፡ ለዓለም፡ ምህረቱ።
47 ወምስሌሆሙኒ፡ ካህናት፡ ይፀውሩ፡ አቅርንተ፡ ወጸናጽለ፡ ከመ፡ ይጽርሑ፡ ወዓዲ፡ ምስሌሆሙ፡ አርጋኖነ፡ ለመኃልየ፡ እግዚአብሄር፡ ወደቂቀ፡ ኤዲቱንሰ፡ ይቀውሙ፡ በአናቅጽ።
48 ወሖረ፡ ኵሉ፡ ሕዝብ፡ ወአተወ፡ ኵሉ፡ አሐዱ፡ አሐዱ፡ ውስተ፡ ቤቱ፡ ወተመይጠ፡ ዳዊት፡ ከመ፡ ይባርክ፡ ቤቶ።
=== chapter 17 ===
[Chapter 17]
1 ወኮነ፡ ሶበ፡ ቦአ፡ ዳዊት፡ ቤቶ፡ ወአውሥአ፡ ወይቤሎ፡ ለናታን፡ ነቢይ፡ ናሁኬ፡ አኀድር፡ አነ፡ ውስተ፡ ቤተ፡ ዘግባት፡ ወታቦተ፡ ትእዛዙሰ፡ ለእግዚአብሄር፡ ትነብር፡ ታሕተ፡ ደብተራ፡ ሠቅ።
2 ወይቤሎ፡ ናታን፡ ለዳዊት፡ ኵሎ፡ ዘሐለይከ፡ በነፍስከ፡ ግበር፡ እስመ፡ እግዚአብሄር፡ ምስሌከ።
3 ወኮነ፡ በይእቲ፡ ሌሊት፡ ቃለ፡ እግዚአብሄር፡ ኀበ፡ ናታን፡ ነቢይ።
4 ወይቤሎ፡ ሑር፡ በሎ፡ ለቊልዔየ፡ ዳዊት፡ ከመዝ፡ ይቤ፡ እግዚአብሄር፡ አኮ፡ አንተ፡ ዘተሐንጽ፡ ሊተ፡ ቤተ፡ ከመ፡ እኅድር፡ ውስቴቱ።
5 እስመ፡ እምአመ፡ ዕለት፡ እንተ፡ አዕረግዎሙ፡ ለሕዝብየ፡ እስራኤል፡ እምድረ፡ ግብፅ፡ እስከ፡ ዛቲ፡ ዕለት፡ ኢኀደርኩ፡ ውስተ፡ ቤተ፡ ወሀለውኩ፡ ውስተ፡ ደብተራ፡ ወትራፈ፡ በኵሉ፡ ዘአንሶሰውኩ፡ ወተኃለፍኩ፡ በኵሉ፡ እስራኤል።
6 ቦኑ፡ ዘተናገርኩ፡ በኀበ፡ አሐዱ፡ እምነገደ፡ እስራኤል፡ ወእመ፡ አኮ፡ በኀበ፡ አሐዱ፡ እመኳንንተ፡ እስራኤል፡ እለ፡ አዘዝክዎሙ፡ ይርዐይዎሙ፡ ለሕዝብየ፡ እንዘ፡ እብል፡ ለምንት፡ ኢሐነፅክሙ፡ ሊተ፡ ቤተ፡ ዘግባት።
7 ወይእዜኒ፡ ከመዝ፡ በሎ፡ ለቊልዔየ፡ ዳዊት፡ ከመዝ፡ ይቤ፡ እግዚአብሄር፡ አኃዜ፡ ኵሉ፡ ዓለም፡ ኃረይኩከ፡ ወነሣእኩከ፡ እምድኅረ፡ አባግዕ፡ ከመ፡ ትኩን፡ መራሔ፡ ወመልአከ፡ ላዕለ፡ እስራኤል፡ ሕዝብየ።
8 ወሀለውኩ፡ ምስሌከ፡ በኵሉ፡ ዘገበርከ፡ ወደምሰስኩ፡ ወአኅለቁ፡ ጸላእተከ፡ እምቅድመ፡ ገጽከ፡ ወረሰይኩ፡ ለከ፡ ስመ፡ በከመ፡ ስሞሙ፡ ለጽኑዓን፡ እለ፡ ይነብሩ፡ ዲበ፡ ምድር።
9 ወእሠይም፡ ለሕዝብየ፡ እስራኤል፡ መካነ፡ ወእተክሎሙ፡ በህየ፡ ወየኃድሩ፡ ባሕቲቶሙ፡ ወኢይቴክዝ፡ ዳግመ፡ ወኢይደግም፡ እንከ፡ ዓዲ፡ ረኪበ፡ ዝንጓጔ፡ ከመ፡ ያኅሥሮሙ፡ በከመ፡ መዋዕለ፡ ትካት፡ ወበከመ፡ መዋዕል፡ ዘሠራዕኩ፡ መኳንንተ፡ ዲበ፡ ሕዝብየ፡ እስራኤል።
10 ወአኅሠርኩ፡ ጸላእተከ፡ ወአልሀቁከ፡ ወቤተ፡ የሐንፀከ፡ እግዚአብሄር።
11 ወይከውን፡ አመ፡ በጽሐ፡ መዋዕሊከ፡ ወትነውም፡ ኀበ፡ አበዊከ፡ ወአቀውም፡ ዘርአከ፡ እምድኅሬከ፡ ዘውእቱ፡ እም፡ ሐቌከ፡ ወአስተዳሎ፡ ሎቱ፡ መንግሥተ።
12 ወውእቱ፡ የሐንጽ፡ ሊተ፡ ቤተ፡ ወአረትዕ፡ መንበሮ፡ እስከ፡ ለዓለም።
13 ወአነ፡ እከውኖ፡ አበ፡ ወውእቱ፡ ይከውነኒ፡ ወልድየ፡ ወሣህልየሰ፡ ኢያርኅቅ፡ እምኔሁ፡ ከመ፡ ኢያርኅቁ፡ እምእለ፡ ቅድድሜከ።
14 ወመሃይምነ፡ እሬስዮ፡ ለቤትየ፡ ወመንግስቱኒ፡ እስከ፡ ለዓለም፡ ወመንበሩሂ፡ እስከ፡ ለዓለም።
15 በከመ፡ እላ፡ ኵሎን፡ ቃላት፡ ወበከመ፡ ኵሉ፡ ራእይ፡ ዘርእየ፡ ተናገረ፡ ናታን፡ ነቢይ፡ ኀበ፡ ዳዊት።
16 ወመጽአ፡ ወቦአ፡ ዳዊት፡ ንጉሥ፡ ወነበረ፡ ቅድመ፡ እግዚአብሄር፡ ወይቤ፡ መኑ፡ አነ፡ እግዚኦ፡ አምላኪየ፡ ወምንትኑ፡ ቤትየ፡ ዘአፍቀርከኒ፡ እስከ፡ ለዓለም።
17 ወኅዳጥ፡ ዝንቱ፡ በቅድሜከ፡ እግዚኦ፡ አምላኪየ፡ ወተናገርከ፡ ላዕለ፡ ቤተ፡ ቊልዔከ፡ እምርኁቅወነጸርከኒ፡ በከመ፡ አርአያ፡ ብእሲ፡ ወአልዓልከኒ፡ ወአዕበይከኒ፡ እግዚኦ፡ አምላኪየ።
18 ምንትኑ፡ እንከ፡ ይደግም፡ ዳዊት፡ ከመ፡ ይሰብሕከ፡ ወአንተኒ፡ አእመርከ፡ ወጠየቀ፡ ቊልዔከ።
19 ወበከመ፡ ልብከ፡ ገበርከ፡ ዓቢያተ፡ ምስሌየ።
20 እግዚኦ፡ አልቦ፡ ዘይመስለከ፡ ወአልቦ፡ ባዕድ፡ ዘእንበሌከ፡ እግዚኦ፡ ከመ፡ በኵሉ፡ ዘሰማዕነ፡ በዕዘኒነ።
21 ወአልቦ፡ ዘከመ፡ ሕዝብከ፡ እስራኤል፡ ባዕድ፡ በዲበ፡ ምድር፡ ዘመርሖ፡ እግዚአብሄር፡ ወዓቀቦ፡ ሎቱ፡ ለሕዝብ፡ ከመ፡ ይሢምስመ፡ ዓቢየ፡ ወግሁድ፡ ላዕሌሁ፡ ወከመ፡ ታሰስል፡ እምቅድመ፡ ገጸ፡ ሕዝብየ፡ ዘባላሕከ፡ ወአዕረገ፡ እምግብፅ፡ ወአድኃንከ፡ እም፡ አሕዛብ፡ ወአንበርከ።
22 ወረሰይከ፡ ሕዝበ፡ እስራኤል፡ ለከ፡ ሕዝበ፡ እስከ፡ ለዓለም፡ ወአንተኒ፡ እግዚኦ፡ ኮንኮሙ፡ አምላኮሙ።
23 ወይእዜኒ፡ እግዚኦ፡ ቃልከ፡ ዘነበብከ፡ ላዕለ፡ ቊልዔከ፡ ወላዕለ፡ ቤቱ፡ ይኩን፡ እሙነ፡ እስከ፡ ለዓለም።
24 ወግበር፡ በከመ፡ ነበብከ፡ አኃዜ፡ ኵሉ፡ ዓለም፡ አምላከ፡ እስራኤል፡ ወቤቱኒ፡ ለዳዊት፡ ቊልዔከ፡ ይኩን፡ ርቱዕ፡ በቅድሜከ።
25 እስመ፡ አንተ፡ እግዚኦ፡ ከሠትከ፡ ዕዝኖ፡ ለቊልዔከ፡ ከመ፡ ይትሐነፅ፡ ሎቱ፡ ቤት፡ ወበእንተ፡ ዝንቱ፡ ረከበ፡ ቊልዔከ፡ ሞገሰ፡ ከመ፡ ይጸሊ፡ ኀቤከ።
26 ወይእዜኒ፡ አምላክየ፡ አንተ፡ ውእቱ፡ ተናገርከ፡ ላዕለ፡ ቊልዔከ፡ ኵሎ፡ ሠናያተ።
27 ወይእዜኒ፡ አኃዝከ፡ ከመ፡ ትባርክ፡ ቤተ፡ ቊልዔከ፡ ከመ፡ ይኩን፡ ለዓለም፡ ቅድሜከ፡ እስመ፡ አንተ፡ እግዚኦ፡ ባርኮ፡ ትባርክ፡ እስከ፡ ለዓለም።
=== chapter 18 ===
[Chapter 18]
1 ወኮነ፡ እምድኅረ፡ ዝንቱ፡ ስእለቱ፡ ቀተሎሙ፡ ዳዊት፡ ለኢሎፍሊ፡ ወአውደቆሙ፡ ወነሥኣ፡ ለብሔረ፡ ጌት፡ ወለኵሉ፡ አህጉሪሃ፡ እምእዴሆሙ፡ ለኢሎፍሊ።
2 ወዓዲ፡ ቀተሎሙ፡ ዳዊት፡ ለሞአብ፡ ወኮንዎ፡ ሰብአ፡ ሞአብ፡ አግብርተ፡ ለዳዊት፡ ወያገብኡ፡ ሎቱ፡ ግብረ።
3 ወቀተሎ፡ ዳዊት፡ ለአድርአዛር፡ ንጉሠ፡ ሱባ፡ ሔሜታዊ፡ እንዘ፡ የሐውር፡ ከመ፡ ያቅም፡ እዴሁ፡ ላዕለ፡ ተከዜ፡ ኤፍራጥስ።
4 ወማህረከ፡ ዳዊት፡ ወነሥአ፡ መስተጽዕናነ፡ ዓሠርቱ፡ ምእት፡ ሠረገላት፡ ወሰብዐ፡ ምእተ፡ አፍራሰ፡ ወአጋራነ፡ ክልኤተ፡ እልፈ፡ ወነሠተ፡ ኵሎ፡ ሠረገላት፡ ወአትረፈ፡ ሎቱ፡ ዳዊት፡ እምኔሆሙ፡ ምእተ፡ ሠረገላተ።
5 ወበጽሐ፡ አሐዱ፡ ሠርዌ፡ እምደማስቆ፡ ከመ፡ ይርድኦ፡ ለአድአርአዛር፡ ንጉሠ፡ ሱባ፡ ወደገመ፡ ዳዊት፡ ሎቱኒ፡ ቀቲሎቶ፡ ወቀተለ፡ እምኔሁ፡ ለውእቱ፡ ሠርዌ፡ ክልኤተ፡ እልፈ፡ ወዕሥራ፡ ምእተ።
6 ወአንበረ፡ ዳዊት፡ ወረሰየ፡ ፀወነ፡ መንገለ፡ ሶርያ፡ ዘደማስቆ፡ ወሀለዉ፡ ህየ፡ አግብርቲሁ፡ ለዳዊት፡ ወያገብኡ፡ ሎቱ፡ ግብረ፡ ወእግዚአብሄርኒ፡ ያድኅኖ፡ ለዳዊት፡ በኀበ፡ ኵሉ፡ ዘሖረ።
7 ወነሥአ፡ ዳዊት፡ ኵሎ፡ ባዝግናተ፡ ወርቅ፡ ዘሀሎ፡ ላዕሌሆሙ፡ ለአግብርቲሁ፡ ለአድርአዛር፡ ወአብኦሙ፡ ውስተ፡ ኢየሩሳሌም።
8 ወእምብሔረ፡ ማጤቤት፡ ወእምኅሩያት፡ አህጉሪሁ፡ ለአድርአዛር፡ ንጉሠ፡ ሱባ፡ ነሥአ፡ ዳዊት፡ ብዙኀ፡ ንዋየ፡ ብርት፡ ዘአልቦ፡ ኍልቊ፡ ወእምኔሁ፡ አግበረ፡ ሰሎሞን፡ ባሕረ፡ ብርት፡ ወአዕማደ፡ ወኵሎ፡ ንዋየ፡ ብርት።
9 ወሰሚዖ፡ ቶኡ፡ ንጉሠ፡ ኤማት፡ ከመ፡ ቀተሎ፡ ዳዊት፡ ለአድርአዛር፡ ወለሠርዊቱ፡ ፈነዎ፡ ኀበ፡ ዳዊት፡ ለአዲራም፡ ወልዱ።
10 ወሰአሎ፡ ከመ፡ ይሰነዓው፡ ወይኩን፡ ሰላም፡ ማእከሎሙ፡ ወከመ፡ ይባርኮሙ፡ እስመ፡ ቀተሎ፡ ለአድርአዛር፡ ወለሠራዊቱ፡ እስመ፡ ዝክቱ፡ ቶኡ፡ ኮነ፡ መስተቃትልቶ፡ ለአድርአዛር።
11 ወኵሎ፡ ንዋየ፡ ወርቅ፡ ወብሩር፡ አብአ፡ ዳዊት፡ ወቀደሶ፡ ለእግዚአብሄር፡ ምስለ፡ ቀርቅ፡ ወብሩር፡ ዘአስተጋብአ፡ እምኵሉ፡ አሕዛብ፡ ወእምብሔረ፡ ኤዶምያስ፡ ወእምብሔረ፡ ሞአብ፡ ወእምደቂቀ፡ አሞን፡ ወእምኢሎፍሊ፡ ወአማሌቅ።
12 ወአቢሳ፡ ወልደ፡ ሶርህያ፡ ቀተለ፡ ብሔረ፡ ኤዶምያስ፡ በፈለገ፡ አጉራን፡ እልፈ፡ ወሰማንያ፡ ምእተ።
13 ወአንበረ፡ ወረሰየ፡ ውስተ፡ ውእቱ፡ ፈለግ፡ አጽዋነ፡ ወሤመ፡ በኤዶምያስ፡ እለ፡ ይቀውሙ፡ ወኮኑ፡ ሰብአ፡ ኤዶምያስ፡ አግብርተ፡ ለዳዊት፡ ወእግዚአብሄር፡ ያድኅኖ፡ ለዳዊት፡ በኀበ፡ ኵሉ፡ ዘሖረ።
14 ወዳዊት፡ ንጉሥ፡ ነግሠ፡ ላዕለ፡ እስራኤል፡ ወነበረ፡ እንዘ፡ ይገብር፡ ፍትሐ፡ ወጽድቀ፡ በቅድመ፡ ኵሉ፡ ሕዝብ።
15 ወኢዮአብ፡ ወልደ፡ ሶርህያ፡ ሥዩም፡ ዲበ፡ ሠራዊት፡ ወኢዮሳፍጥ፡ ወልደ፡ ሄሎት፡ ዓቃቤ፡ ሥርዓት።
16 ወሳዶቅ፡ ወልደ፡ አኪጦብ፡ ወአኪሜሌክ፡ ወልደ፡ አብያታር፡ ካህናት፡ ወሱባ፡ ጸሐፊ።
17 ወብንያስ፡ ወልደ፡ ኢዮዳኢ፡ ሥዩም፡ ላዕለ፡ ብሔረ፡ ኬሬቲ፡ ወላዕለ፡ ብሔረ፡ ፔላቲ፡ ወደቂቀ፡ ዳዊት፡ ቀዳማውያን፡ ዓቃብያነ፡ መንግሥቱ።
=== chapter 19 ===
[Chapter 19]
1 ወኮነ፡ እምድኅረ፡ ዝንቱ፡ ሞተ፡ ናኦስ፡ ንጉሠ፡ ደቂቀ፡ አሞን፡ ወነግሠ፡ ህየንቴሁ፡ ወልዱ።
2 ወይቤ፡ ዳዊት፡ እገብር፡ ሣህለ፡ ወምሕረተ፡ ለአናን፡ ወልደ፡ ናአስ፡ በከመ፡ ገብረ፡ አቡሁ፡ ምስሌየ፡ ሣህለ፡ ወፈነወ፡ ዳዊት፡ ተንባላተ፡ ኀቤሁ፡ ከመ፡ ይናዝዝዎ፡ በእንተ፡ አቡሁ፡ ወበጽሑ፡ አግብርተ፡ ዳዊት፡ ኀበ፡ ንጉሠ፡ ደቂቀ፡ አሞን፡ ከመ፡ ይናዝዝዎ፡ በእንተ፡ አቡሁ።
3 ወይቤልዎ፡ መላእከተ፡ ደቂቀ፡ አሞን፡ ለአናን፡ አኮ፡ በአንእዶ፡ አቡከ፡ ዘፈነወ፡ ኀቤከ፡ ዳዊት፡ ከመ፡ ይናዝዙከ፡ አኮኑ፡ ከመ፡ ይርአዩ፡ ሀገረ፡ ወይፍትኑ፡ ብሔረ፡ መጽኡ፡ አግብርቲሁ፡ ኀቤከ።
4 ወአኃዞሙ፡ አናን፡ ለአግብርተ፡ ዳዊት፡ ወላፀዮሙ፡ መንፈቀ፡ ጽሕሞሙ፡ ወመተረ፡ አልባሰ፡ ድርዖሙ፡ ሐቌሆሙ፡ ወፈነዎሙ።
5 ወሖሩ፡ ወዜነውዎ፡ ለዳዊት፡ ዘገብሩ፡ ላዕለ፡ እልክቱ፡ እደው፡ ወፈነወ፡ ዳዊት፡ ወተቀበልዎሙ፡ እስመ፡ አኅሠርዎሙ፡ ይሙነ፡ ወይቤ፡ ዳዊት፡ ንበሩ፡ ውስተ፡ ኢያሪሆ፡ ሀገር፡ እስከ፡ ይልህቅ፡ ወይዔሪ፡ ጽሕምክሙ፡ ወእምዝ፡ ብጽሑ።
6 ወርእዮሙ፡ ደቂቀ፡ አሞን፡ ከመ፡ ተኃፍሩ፡ ሕዝበ፡ ዳዊት፡ ወፈነወ፡ አናን፡ ንጉሦሙ፡ ለደቂቀ፡ አሞን፡ ዓሠርተ፡ ምእተ፡ መክሊተ፡ ብሩር፡ ከመ፡ ያዓስቡ፡ ሎቱ፡ እምብሔረ፡ ሶርያ፡ ዘመስጴጦምያ፡ እምብሔረ፡ ሞካዕ፡ ወእምብሔረ፡ ሱባ፡ ሠረገላተ፡ ወመስተጽዕናነ።
7 ወዓሰቡ፡ ሎሙ፡ ሠለስተ፡ እልፈ፡ ወዕሥራ፡ ምእተ፡ መስተፅዕናነ፡ ወሠረገላተ፡ ወንጉሠ፡ ሞካዕ፡ ወሠራዊቱ፡ በጽሑ፡ ወተዓየኑ፡ መንገለ፡ ባሕር፡ ዘስሙ፡ ሜድባዕ፡ ወደቂቀ፡ አሞን፡ ተጋብኡ፡ እምበሐውርቲሆሙ፡ ወመጽኡ፡ ከመ፡ ይትቃተሉ።
8 ወሰሚዖ፡ ዳዊት፡ ፈነዎ፡ ለኢዮአብ፡ ወለኵሎሙ፡ ሠራዊቱ፡ ጸናዕት።
9 ወወፅኡ፡ ደቂቀ፡ አሞን፡ ወተራከቡ፡ ለቀትል፡ መንገለ፡ አንቀጸ፡ ሀገር፡ ወነገሥትኒ፡ አለ፡ መጽኡ፡ ዘዘዚአሆሙ፡ ተዓየኑ፡ በገዳም።
10 ወርእዮ፡ ኢዮአብ፡ ከመ፡ ዓገትዎ፡ ለቀቲል፡ እምቅድሜሁ፡ ወእምድኅሬሁ፡ ኃረየ፡ እምኵሎሙ፡ ወራዙተ፡ እስራኤል፡ ተቃተሉ፡ ምስለ፡ ሰብአ፡ ሶርያ።
11 ወዘተርፈ፡ እምሕዝብ፡ መጠዎ፡ ለአቢሳ፡ እኁሁ፡ ወተቃተልዎሙ፡ ለደቂቀ፡ አሞን።
12 ወይቤ፡ ኢዮአብ፡ ለእመ፡ ጸንዑኒ፡ ነገሥተ፡ ሶርያ፡ ትከዉኑኒ፡ መድኃኒተ፡ ወለእመሰ፡ ፀንዑ፡ ደቂቀ፡ አሞን፡ ንረክድአሙ።
13 ጽንዑ፡ ወወርዝዉ፡ በእንተ፡ ሕዝበ፡ ዚአነ፡ ወበእንተ፡ ሀገረ፡ እግዚአብሄር፡ ይገብር፡ ዘይደሉ፡ ወዘይረትዕ፡ ቅድመ፡ አዕይንቲሁ።
14 ወተቃተሉ፡ ኢዮአብ፡ ወሠራዊቱ፡ ዘምስሌሁ፡ ምስለ፡ ሠራዊተ፡ ሶርያ፡ ወሰበርዎሙ፡ ወጐዩ፡ እምቅድመ፡ ገጾሙ።
15 ወርእዮሙ፡ ደቂቀ፡ አሞን፡ ከመ፡ ተሰብሩ፡ ወጐዩ፡ ሰብአ፡ ሶርያ፡ እምቅድመ፡ ገጹ፡ ለኢዮአብ፡ እሙንቱኒ፡ ጐዩ፡ እምቅድመ፡ ገጹ፡ ለአቢሳ፡ እኁሁ፡ ወቦኡ፡ ወተፀወኑ፡ ሀገረ፡ ወበጽሐ፡ ኢዮአብ፡ ኢየሩሳሌም።
16 ወርእዮሙ፡ ሰብአ፡ ሶርያ፡ ከመ፡ ብዙኃን፡ ወድቁ፡ ወቈስሉ፡ እምኔሆሙ፡ ፈነዉ፡ ተናብልተ፡ ወአውጽእዎሙ፡ ለሶርያ፡ እማዕዶተ፡ ተከዚ፡ ወሳፋክ፡ መልአከ፡ ሥረዊሆሙ፡ ለጽኑዓነ፡ አድርአዛር፡ ፍጽሞሙ።
17 ወዜነውዎ፡ ለዳዊት፡ ወተጋብኡ፡ ኵሉ፡ እስራኤል፡ ወዓደዉ፡ ፈለገ፡ ዮርዳኖስ፡ ወበጽሕዎሙ፡ ወተቃተልዎሙ፡ ሰብአ፡ አሞን፡ ወዳዊትኒ፡ ተቃተለ፡ ምስለ፡ ሠራዊተ፡ ሶርያ።
18 ወጐዩ፡ ሶርያውያን፡ እምቅድመ፡ ገጹ፡ ለዳዊት፡ ወቀተለ፡ ዳዊት፡ እምሠራዊተ፡ ሶርያውያን፡ ሰብዐ፡ ምእተ፡ ሠረገላተ፡ ወአርባዕተ፡ እልፈ፡ እደወ፡ እለ፡ ንዋየ፡ ሐቅል፡ ወቀተሎ፡ ለሳፋክ፡ መልአከ፡ ሥረዊሆሙ፡ ብእሲ፡ ጽኑዕ።
19 ወርእዮሙ፡ ደቂቀ፡ አድርአዛር፡ ከመ፡ ወድቁ፡ ሶርያውያን፡ እምቅድመ፡ ገጸ፡ እስራኤል፡ ተካየዱ፡ ምስለ፡ ዳዊት፡ ወተቀንዩ፡ ሎቱ፡ ወፈርሁ፡ ሰብአ፡ ሶርያ፡ ተራድኦቶሙ፡ ለደቂቀ፡ አሞን።
=== chapter 20 ===
[Chapter 20]
1 ወኮነ፡ በካልእት፡ ዓመት፡ ጊዜ፡ ይወጽኡ፡ ነገሥት፡ ፈነዎ፡ ለኢዮአብ፡ ወለኵሉ፡ ሠራዊቱ፡ ወአኅለቁ፡ ኵሎ፡ በሐውርተ፡ አሞን፡ ወበጽሑ፡ ወቦኡ፡ ብሔረ፡ ራቦት፡ ወዳዊትሰ፡ ነበረ፡ ውስተ፡ ኢየሩሳሌም፡ ወቀተለ፡ ኢዮአብ፡ ኵሎ፡ በሐውርተ፡ ራቦት፡ ወገፍትዐ።
2 ወነሥአ፡ ዳዊት፡ አክሊሎ፡ ለሜልኮል፡ ንጉሦሙ፡ እምርእሱ፡ ወተረክበ፡ ድልወቱ፡ ለውእቱ፡ አክሊል፡ መክሊተ፡ ወርቅ፡ ወረከበ፡ ላዕሌሁ፡ ለውእቱ፡ አክሊል፡ ዕንቈ፡ ክቡረ፡ ወሀሎ፡ ዲበ፡ ርእሱ፡ ለዳዊት፡ ወብዙኅ፡ ንዋይ፡ ዘአልቦ፡ ኍልቊ፡ ዘረከቡ፡ ምህርካ፡ እምውእቱ፡ በሐውርት።
3 ወለአሕዛብኒ፡ እለ፡ ረከብዎሙ፡ በህየ፡ አውጽእዎሙ፡ ወወሠርዎሙ፡ በሞሠርተ፡ ሐፂን፡ ወፀረባሙ፡ በምሻራጸ፡ ሐፂን፡ ወከመዝ፡ ረሰየ፡ ዳዊት፡ ዲበ፡ ኵሉ፡ አህጉሪሆሙ፡ ለደቂቀ፡ አሞን፡ ወተመይጠ፡ ዳዊት፡ ወኵሉ፡ ሠራዊቱ፡ ውስተ፡ ኢየሩሳሌም።
4 ወኮነ፡ እምድኅረ፡ ዝንቱ፡ ካዕበ፡ ቀትል፡ በብሔረ፡ ጋዜር፡ ምስለ፡ ኢሎፍሊ፡ ወአሜሃ፡ ቀተሎ፡ ዳዊት፡ ለሶበቃይ፡ ወልደ፡ ዮሳቲ፡ ወልደ፡ ፒሶ፡ ብእሲ፡ ዘእምደቂቀ፡ ሶርቶማት፡ ወአኅሠሮ።
5 ወኮነ፡ ካዕበ፡ ቀትል፡ ምስለ፡ ኢሎፍሊ፡ ወካዕበ፡ ቀተሎ፡ ኤልአናን፡ ወልደ፡ ኢያኢር፡ ለኤሚ፡ እኁሁ፡ ለጎልያድ፡ ዘእምብሔረ፡ ጌት፡ ወተረክበ፡ ዕፀ፡ ለምሑ፡ ግዘፉ፡ በአምጣነ፡ ዕፀ፡ አነምት።
6 ወኮነ፡ ካዕበ፡ ቀትል፡ በብሔረ፡ ጌት፡ ወሀሎ፡ ብእሲ፡ ተባዕጥቀ፡ ወላህይ፡ በራእዩ፡ ወአፃብዐ፡ እገሪሁ፡ ወእደዊሁ፡ በበስሱ፡ ወኮነ፡ መክብበ፡ አፃብዒሁ፡ ዕሥራ፡ ወአርባዕተ፡ ውእቱኒ፡ እምደቂቀ፡ ሰርቶማት።
7 ወብዙኀ፡ ይጼእሎሙ፡ ለእስራኤል፡ ለውእቱኒ፡ ቀተሎ፡ ዮናታን፡ ወልደ፡ ሰማዕስ፡ እኁሁ፡ ለዳዊት፡ ወዝንቱ፡ ተወልደ፡ ውስተ፡ ብሔረ፡ ራፋዕ፡ ዘብሔረ፡ ጌት፡ ወእሉ፡ እሙንቱ፡ አርባዕቱ፡ ሶርቶማት፡ እለ፡ ወድቁ፡ በእደዊሁ፡ ለዳዊት፡ ወበእደ፡ አግብርቲሁ።
=== chapter 21 ===
[Chapter 21]
1 ወቆመ፡ ሰይጣን፡ አሜሃ፡ ላዕለ፡ እስራኤል፡ ወአሕለዮ፡ ለዳዊት፡ ከመ፡ ይኈልቆሙ፡ ለእስራኤል።
2 ወይቤሎ፡ ዳዊት፡ ለኢዮአብ፡ ወለኵሎሙ፡ መላእክተ፡ ጸናዕት፡ ሑሩ፡ ወኈልቊዎሙ፡ ለእስራኤል፡ እምደወለ፡ ቤርሳቤህ፡ እስከ፡ ብሔረ፡ ዳን፡ ወአጠይቁኒ፡ አእምር፡ መጠነ፡ ኍልቆሙ፡ ለእስራኤል።
3 ወይቤሎ፡ ኢዮአብ፡ ለይወስክ፡ እግዚአብሄር፡ ላዕለ፡ ሕዝቡ፡ በከመ፡ ሀሎ፡ ምእተ፡ ምክዕቢተ፡ ወአዕይንተ፡ እግዚእየ፡ ንጉሥ፡ ይርአያ፡ ወኵሎሙ፡ አግብርቲከ፡ እሙንቱ፡ በእንተ፡ ምንት፡ ኃሠሠ፡ እግዚእየ፡ ዘንተ፡ ነገረ፡ ከመ፡ ይኩን፡ አበሳ፡ ለሕዝበ፡ እስራኤል።
4 ወቃለ፡ ንጉሥ፡ ፀንዐ፡ ፈድፋደ፡ እምቃለ፡ ኢዮአብ፡ ወወጽአ፡ ኢዮአብ፡ በከመ፡ አዘዞሙ፡ ዳዊት፡ ንጉሥ፡ ወበጽሐ፡ ኵሎ፡ ደወለ፡ እስራኤል፡ ወተመይጠ፡ ወበጽሐ፡ ኢዮሩሳሌም።
5 ወአጠየቆ፡ ኢዮአብ፡ ለንጉሥ፡ ዳዊት፡ በመጽሐፉ፡ ኍልቈ፡ ኵሉ፡ ሕዝበ፡ እስራኤል፡ ወተረክበ፡ ኍልቈ፡ ኵሉ፡ እስራኤል፡ ዓሠርቱ፡ እልፍ፡ ወሰብዓ፡ ምእት፡ እደው፡ ጸናዕት፡ እለ፡ ይክሉ፡ መሊሐ፡ ሰይፍ፡ ወለደቂቀ፡ ይሁዳኒ፡ ተረከበ፡ ኍልቆሙ፡ አሮባን፡ ወሰብዓቱ፡ እልፍ፡ እደው፡ እለ፡ ይክሉ፡ መሊሐ፡ ሰይፍ።
6 ወለደቂቀ፡ ሌዊሰ፡ ወለደቂቀ፡ ብንያም፡ ኢኈለቆሙ፡ ውስተ፡ እሉ፡ ሕዝብ፡ እስመ፡ ኃደገ፡ ቃለ፡ ንጉሥ፡ ዘተናገረ፡ ኢዮአብ።
7 ወእኩየ፡ ኮነ፡ ዝንቱ፡ ነገር፡ ቅድመ፡ አዕይንቲሁ፡ ለእግዚአብሄር፡ ወአምጽአ፡ ሞተ፡ ላዕለ፡ እስራኤል።
8 ወይቤ፡ ዳዊት፡ ኀበ፡ እግዚአብሄር፡ ይሙነ፡ አበስኩ፡ እስመ፡ ገበርክዎ፡ ለዝንቱ፡ ግብር፡ ቅድመ፡ ወይእዜኒ፡ አእትትዛተ፡ እኪተ፡ እምላዕለ፡ ቊልዔከ፡ እስመ፡ ኃሠርኩ፡ ወከንቶ፡ ሐለይኩ።
9 ወተናገሮ፡ እግዚአብሄር፡ ለጋድ፡ ነቢይ፡ ወይቤሎ፡ ከመዝበሎ፡ ለዳዊት፡ ከመዝ፡ ይቤ፡ እግዚአብሄር።
10 ሠለስተ፡ ቃላተ፡ አነ፡ እነብብ፡ ላዕሌከ፡ ወኅረይ፡ ለከ፡ አሐደ፡ እምኔሆሙ፡ ወእንተ፡ ኃረይከ፡ እምእልክቱ፡ ሠለስቱ፡ እሬሲለከ።
11 ወቦአ፡ ጋድ፡ ኀበ፡ ዳዊት፡ ወይቤሎ፡ ከመዝ፡ ይቤ፡ እግዚአብሄር፡ ኅረይ፡ ለከ፡ አሐደ፡ እምእላንቱ፡ ሠለስቱ፡ ቃላት።
12 አሐዱ፡ እምይኩን፡ ረኃብ፡ ውስተ፡ ኵሉ፡ በሐውርቲከ፡ ሠለስተ፡ ዓመተ፡ ወካልእ፡ ትጐይይ፡ እምቅድመ፡ ገጸ፡ ጸላእትከ፡ ሠለስተ፡ አውራኀ፡ ወያኀልቀከ፡ መጥባሕተ፡ ጸላእትከ፡ ወሣልስ፡ ሠሉሰ፡ ዕለተ፡ ይረድ፡ መቅሠፍተ፡ እግዚአብሄር፡ ወሞት፡ ውስተ፡ ምድር፡ ወይደምስስ፡ መልአክ፡ በኵሉ፡ ርስተ፡ እስራኤል፡ ወይእዜኒ፡ አጠይቀኒ፡ ምንተ፡ አወሥኦ፡ ለዘፈነወኒ።
13 ወይቤሎ፡ ዳዊት፡ ለጋድ፡ ይሙነ፡ ይከብዳኒ፡ እላ፡ ሠላስ፡ ቃላት፡ ወይእዜኒ፡ ይኄይሰኒ፡ እደቅ፡ ውስተ፡ እደ፡ እግዚአብሄር፡ እምእደቅ፡ ውስተ፡ እደ፡ ሰብእ፡ እስመ፡ ብዙኅ፡ ምሕረቱ፡ ፈድፋደ።
14 ወፈነወ፡ እግዚአብሄር፡ ሞተ፡ በውስተ፡ እስራኤል፡ ወወድቁ፡ እምእስራኤል፡ ሰብዐቱ፡ እልፍ፡ እደው።
15 ወፈነወ፡ እግዚአብሄር፡ መልአከ፡ ውስተ፡ ኢየሩሳሌም፡ ከመ፡ ይደምስሳ፡ ወይወጽእ፡ በሞት፡ ወርእየ፡ እግዚአብሄር፡ ወአናሕሰየ፡ በእንተ፡ እኪት፡ ወይቤሎ፡ እግዚአብሄር፡ ለውእቱ፡ መልአክ፡ መደስስ፡ መጠንከ፡ አቅም፡ ወአዕርፍ፡ እዴከ፡ ወቆመ፡ መልአከ፡ እግዚአብሄር፡ ዲበ፡ ዓውደ፡ ኦርና፡ ኢያቡሳዊ።
16 ወአልዓለ፡ ዳዊት፡ አዕይንቲሁ፡ ወርእዮ፡ ለመልአከ፡ እግዚአብሄር፡ እንዘ፡ ይቀውም፡ ማእከለ፡ ሰማይ፡ ወምድር፡ ወሰይፉኒ፡ ምልሕት፡ ውስተ፡ እዴሁ፡ ወስፍሕት፡ ዲበ፡ ኢየሩሳሌም፡ ወወድቀ፡ ዳዊት፡ በገጹ፡ ወሊቃናተ፡ ሕዝብ፡ ለቢሶሙ፡ ሠቀ፡ ወድቁ፡ በገጾሙ።
17 ወይቤ፡ ዳዊት፡ ኀበ፡ እግዚአብሔር፡ አኮኑ፡ አነ፡ እቤ፡ ከመ፡ ይኈልቊዎሙ፡ ለእሎንቱ፡ ሕዝብ፡ ወአነ፡ ውእቱ፡ ገፋዒ፡ ወዝንቱ፡ ውእቱ፡ እኩይ፡ ግብረ፡ ዚአየ፡ ወእሉ፡ አባግዕ፡ ምንተ፡ ገብሩ፡ ወምንተ፡ አበሱ፡ እግዚኦ፡ አምላኪየ፡ ወትኩን፡ እዴከ፡ ላዕሌየ፡ ወዲበ፡ ቤተ፡ አቡየ፡ ወኢትኩን፡ እዴከ፡ ዲበ፡ ሕዝብከ፡ ለኃጒል፡ እግዚኦ።
18 ወተናገሮ፡ መልአከ፡ እግዚአብሄር፡ ለጋድ፡ ከመ፡ ይንግሮ፡ ለዳዊት፡ ከመ፡ ያዕርግ፡ ወይሕንዕ፡ ለእግዚአብሄር፡ ቤተ፡ ምሥዋዕ፡ በጎርነ፡ ኦርና፡ ኢያቡሳዊ።
19 ወዓርገ፡ ዳዊት፡ በከመ፡ ይቤሎ፡ ጋድ፡ ነቢይ፡ ዘተናገረ፡ በስመ፡ እግዚአብሄር።
20 ወተመይጠ፡ ኦርና፡ ወርእዮ፡ ለንጉሥ፡ ዳዊት፡ ወለአርባዕቱ፡ ደቂቁ፡ ምስሌሁ፡ ኅቡአን፡ ወኦርናሰ፡ ሀሎ፡ ውስተ፡ ምክያደእክል።
21 ወሖረ፡ ወበጽሐ፡ ዳዊት፡ ኀበ፡ ኦርና፡ ወወጽአ፡ ኦርና፡ እምውእቱ፡ ጎርን፡ ወተቀበሎ፡ ለዳዊት፡ ወሰገደ፡ ሎቱ፡ ዳዊት፡ በገጹ፡ ውስተ፡ ምድር።
22 ወይቤሎ፡ ዳዊት፡ ለኦርና፡ ሀበኒ፡ እንከ፡ መካነ፡ ጎርንከ፡ ከመ፡ እሕንጽ፡ በህየ፡ ቤተ፡ ምሥዋዕ፡ ለእግዚአብሄር፡ ወሀበኒ፡ ወአሠይጠኒ፡ ኪያሁ፡ መካነ፡ በብዙኅ፡ ሤጥ፡ ወተዐርፍ፡ ዛቲ፡ መቅሠፍት፡ እምሕዝብየ።
23 ወይቤሎ፡ ኦርና፡ ለዳዊት፡ ንሣእ፡ ለከ፡ ወይሬሲ፡ እግዚእየ፡ ንጉሥ፡ ዘይረትዕ፡ በቅድመ፡ አዕይንቲሁ፡ ወነዋ፡ አነ፡ ወሀብኩከ፡ አልሕምተ፡ ለቊርባናት፡ ወዕርፈ፡ ወመንኰራኵረ፡ ከመ፡ ይኩኑከ፡ ዕፀወ፡ ወካዕበ፡ ወሀብኩከ፡ ሥርናየ፡ ለመሥዋዕት፡ ነዋኬ፡ ኵሎ፡ ወሀብኩከ፡ እግዚእየ።
24 ወይቤሎ፡ ዳዊት፡ ንጉሥ፡ ለኦርና፡ ኢኮነ፡ ከመዝ፡ እስመ፡ በሤጥ፡ ብዙኅ፡ እሣየጠከ፡ ወኢይነሥአከ፡ ወኢምንተኒ፡ ዘእንበለ፡ ሤጥ፡ ከመ፡ አብአ፡ ቊርባነ፡ ለእግዚአብሄር።
25 ወወሀቦ፡ ዳዊት፡ ንጉሥ፡ ለኦርና፡ ሤጠ፡ ውእቱ፡ መካን፡ ሰቅለ፡ ወርቅ፡ በመዳልው፡ ስድስተ፡ ምእተ።
26 ወሐነፀ፡ ዳዊት፡ በህየ፡ ቤተ፡ ምሥዋዕ፡ ለእግዚአብሄር፡ ወአዕረገ፡ በህየ፡ ቊርባናተ፡ ዘበእንተ፡ መድኃኒት፡ ወጸርሐ፡ ዳዊት፡ ወጸለየ፡ ኀበ፡ እግዚአብሄር፡ ወሰምዖ፡ እግዚአብሄር፡ በነደ፡ እሳት፡ እምሰማይ፡ ወወረደ፡ ውእቱ፡ እሳት፡ ዲበ፡ ቤተ፡ ምሥዋዕ፡ ኀበ፡ ሀሎ፡ ቊርባን፡ ወበልዖ፡ ወአህለቆ፡ ለውእቱ፡ ቊርባን።
27 ወይቤሎ፡ እግዚአብሄር፡ ለውእቱ፡ መልአከ፡ ዘሀሎ፡ ሰይፍ፡ ምልሕት፡ ውስተ፡ እዴሁ፡ አግብእ፡ ሰይፈከ፡ ወሲም፡ ውስተ፡ ቤታ።
28 ወበውእቱ፡ ጊዜ፡ ሶበ፡ ርእየ፡ ዳዊት፡ ከመ፡ ሰምዖ፡ እግዚአብሄር፡ በጎርነ፡ ኦርና፡ ኢያቡሳዊ፡ ሦዐ፡ መሥዋዕተ፡ በህየ።
29 ወደብተራ፡ እግዚአብሄር፡ እንተ፡ ገብረ፡ ሙሴ፡ ወቤተ፡ ምሥዋዕ፡ ዘቊርባናት፡ ወበውእቱ፡ መዋዕል፡ ሀለወት፡ በብሔረ፡ ባማ፡ እንተ፡ ደወለ፡ ገባኦን።
30 ወኢክህለ፡ ዳዊት፡ አቅድሞ፡ ሐዊረ፡ ከመ፡ ይኅሥሦ፡ ለእግዚአብሄር፡ በህየ፡ እስመ፡ ፈርሀ፡ ወደንገፀ፡ እምገጸ፡ ሰይፉ፡ ለመልአከ፡ እግዚአብሄር።
=== chapter 22 ===
[Chapter 22]
1 ወይቤ፡ ዳዊት፡ ዝንቱ፡ ቤተ፡ እግዚአብሄር፡ አምላኪየ፡ ውእቱ፡ ወዝንቱ፡ ምሥዋዕ፡ ለቊርባናት፡ ለይኩን፡ ለእስራኤል።
2 ወይቤ፡ ዳዊት፡ አስተጋኡ፡ ኵሎ፡ ፈላስያነ፡ እለ፡ ሀለዉ፡ ውስተ፡ ምድረ፡ እስራኤል፡ ወሤመ፡ እምኔሆሙ፡ ወቀርተ፡ እብን፡ ወፈሐቅተ፡ ከመ፡ ይሕንጽ፡ ቤተ፡ እግዚአብሄር።
3 ወብዙኅ፡ ሐፂን፡ ዘአምጽኡ፡ ቅትራተ፡ ለኀዋኅው፡ ወለአናቅጽ፡ ወካዕበ፡ አስተዳለወ፡ ንጉሥ፡ ዳዊት፡ ብርተ፡ ብዙኀ፡ ዘአልቦ፡ መድሎት፡ ለገርሶት፡ ለግብረ፡ ኀዋኅው፡ ወለባዕድኒ፡ ግብር።
4 ወዕፀወ፡ ዘግባት፡ ዘአልቦ፡ ኍልቊ፡ እስመ፡ አምጽኡ፡ ሎቱ፡ ዕፀወ፡ ዘግባት፡ ሰብአ፡ ጠሮስ፡ ወሰብአ፡ ሲዶና፡ ዘአልቦ፡ ኍልቊ፡ ለዳዊት።
5 ወይቤ፡ ዳዊት፡ ሰሎሞን፡ ወልድየ፡ ዓዲሁ፡ ደቂቅ፡ ውእቱ፡ ወአጽንዐ፡ ከመ፡ ይሕንጽ፡ ቤተ፡ ለእግዚአብሄር፡ ለዕበዩ፡ ወለስሙ፡ ዓቢይ፡ ወለስብሐት፡ በውስተ፡ ኵሉ፡ ምድር፡ ናሁ፡ አስተዳለወ፡ ሎቱ፡ ወአስተዳለወ፡ ዳዊት፡ ብዙኀ፡ ንዋየ፡ ብርት፡ ወሐፂን፡ ወዕፀ፡ ዘግባት፡ ወእብነ፡ ውቁረ፡ ዘአልቦ፡ ኍልቊ፡ ዘእንበለ፡ ይሙት።
6 ወጸውዖ፡ ዳዊት፡ ለሰሎሞን፡ ወልዱ፡ ወነገሮ፡ ከመ፡ ይሕንጽ፡ ቤተ፡ ለስመ፡ እግዚአብሄር፡ አምላከ፡ እስራኤል።
7 ወይቤ፡ ዳዊት፡ ሰሎሞን፡ ወልድየ፡ አንሰ፡ ሐለይኩ፡ በነፍስየ፡ ከመ፡ እሕንጽ፡ ቤተ፡ ለስመ፡ እግዚአብሄር፡ አምላከ፡ እስራኤል።
8 ወኮነ፡ ቃለ፡ እግዚአብሄር፡ ኀቤየ፡ እንዘ፡ ይብል፡ ብዙኅ፡ ደመ፡ ከዓውከ፡ ወዓበይተ፡ ጸብዓተ፡ ገበርከ፡ ወአንተ፡ ኢተሐንጽ፡ ቤተ፡ ለስምየ፡ እስመ፡ ብዙኀ፡ ደመ፡ ከዓውከ፡ በዲበ፡ ምድር፡ ቅድሜየ።
9 ወናሁ፡ ወልድ፡ ይትወለድ፡ ለከ፡ ወዝንቱ፡ ይከውን፡ ብእሴ፡ ዕሩፈ፡ ወአዐርፎ፡ እምኵሉ፡ ጸላእቱ፡ እለ፡ ዓውዱ፡ እስመ፡ ሰሎሞን፡ ይሰመይ፡ ስሙ፡ ወሰላመ፡ ብዙኅ፡ ወጽማዌ፡ እሁብ፡ ለእስራኤል፡ በመዋዕሊሁ።
10 ወውእቱ፡ የሐንጽ፡ ሊተ፡ ቤተ፡ ለስምየ፡ ወውእቱ፡ ይከውነኒ፡ ወልድየ፡ ወአነኒ፡ እከውኖ፡ አባሁ፡ ወአረትዕ፡ መንበረ፡ መንግሥቱ፡ በውስተ፡ እስራኤል፡ እስከ፡ ለዓለም።
11 ወይእዜኒ፡ ወልድየ፡ ይኩን፡ እግዚአብሄር፡ ምስሌከ፡ ወይሠርኅ፡ ለከ፡ ወተሐንጽ፡ ቤተ፡ እግዚአብሄር፡ አምላክከ፡ በከመ፡ ነበበ፡ በእንቲአከ።
12 ወየሀብከ፡ እግዚአብሄር፡ ጥበበ፡ ወልቡና፡ ወያጽንዕ፡ መንግሥተከ፡ ላዕለ፡ እስራኤል፡ ከመ፡ ትዕቀብ፡ ወትግበር፡ ሕገ፡ እግዚአብሄር፡ አምላክከ።
13 አሜሃ፡ ይሠርኅ፡ ለከ፡ አመ፡ ሐለይከ፡ ትዕቀብ፡ ወትግበር፡ ትእዛዘ፡ ወፍትሐ፡ ዘአዘዞ፡ እግዚአብሄር፡ ለሙሴ፡ በእስራኤል፡ ጽናዕ፡ ወትባዕ፡ ወኢትፍራህ፡ ወኢትደንግፅ።
14 ወነየ፡ አነ፡ በከመ፡ ንዴትየ፡ አስተዳሎኩ፡ ለቤተ፡ እግዚአብሄር፡ መካልየ፡ ወርቅ፡ ዓሠርተ፡ እልፈ፡ ወመካልየ፡ ብሩር፡ ምእተ፡ እልፈ፡ ወብርተሰ፡ ወሐፂነ፡ ዘአልቦ፡ መድሎት፡ እስመ፡ ዘእንበለ፡ መሥፈርት፡ ውእቱ፡ ወዕፀወ፡ ዘግባ፡ ወእብንኒ፡ ዘአስተዳሎኩ፡ ብዙኅ፡ ዘአልቦ፡ ኍልቊ፡ ወአንተኒ፡ ወልድየ፡ ወስክ፡ በላዕሌሁ፡ ከመዝ።
15 ወአንተኒ፡ ወስክ፡ ብዙኀ፡ ገባረ፡ ወኬንያ፡ ወነደቅተ፡ እብን፡ ወፀረብተ፡ ዕፀው።
16 ወኵሎ፡ ጠቢበ፡ ዘቦቱ፡ ኪን፡ በወርቅኒ፡ ወበብሩር፡ ወበብርት፡ ወበሐፂን፡ ዘአልቦ፡ ኍልቊ፡ ተንሥእ፡ ወግበር፡ ወፈጽም፡ እስመ፡ እግዚአብሄር፡ ምስሌከ።
17 ወነገሮሙ፡ ዳዊት፡ ለመላእክት፡ እስራኤል፡ ከመ፡ ይርድእዎ፡ ወይትወከፍዎ፡ ለሰሎሞን፡ ወልዱ።
18 ወይቤሎሙ፡ ዳዊት፡ አኮኑ፡ እግዚአብሄር፡ ሀለወ፡ ምስሌክሙ፡ ወአዕረፈክሙ፡ እምኵሎሙ፡ ጸላእትክሙ፡ እለ፡ ዓውድክሙ፡ ወመጠወክሙ፡ ውስተ፡ እደዊክሙ፡ ኵሎሙ፡ እለ፡ ይነብሩ፡ ዲበ፡ ምድር፡ ወተአዘዘት፡ ኵላ፡ ምድር፡ ወገረረት፡ በቅድመ፡ እግዚአብሄር፡ ወበቅድመ፡ ሕዝበ፡ ዚአሁ።
19 ወይእዜኒ፡ ሢሙ፡ አልባቢክሙ፡ ወነፍሰክሙ፡ ከመ፡ ትኅሥሥዎ፡ ለእግዚአብሄር፡ አምላክክሙ፡ ወተንሥኡ፡ ትሕንፁ፡ ቤተ፡ ቅድሳት፡ ለእግዚአብሄር፡ አምላክክሙ፡ ታብኡ፡ ታቦተ፡ ትእዛዙ፡ ለእግዚአብሄር፡ ወንዋየ፡ ቅድሳት፡ ዘእግዚአብሄር፡ በቤተ፡ ዘተሐንፁ፡ ለስመ፡ እግዚአብሄር።
=== chapter 23 ===
[Chapter 23]
1 ወልህቀ፡ ዳዊት፡ ወበጽሐ፡ መዋዕሊሁ፡ ወአንገሦ፡ ለሰሎሞን፡ ወልዱ፡ እምድኅሬሁ፡ በላዕለ፡ እስራኤል።
2 ወአስተጋብኡ፡ ዳዊት፡ ኵሎ፡ መላእክተ፡ እስራኤል፡ ወካህናተ፡ ወሌዋውያነ።
3 ወተፋቀዱ፡ ሌዋውያን፡ እደው፡ ብፁሐን፡ ዘዕሥራ፡ ወሐምስቱ፡ ዓም፡ ወከሓ፡ እምኔሁ፡ ወኮነ፡ ኍልቆሙ፡ በበአርእስቲሆሙ፡ ሠለስቱ፡ እልፍ፡ ወሰማንያ፡ ምእት።
4 ወእምእሉ፡ እለ፡ ይቀውሙ፡ ወይገብሩ፡ ወያስተፋጥኑ፡ ግብረ፡ ቤተ፡ እግዚአብሄር፡ ክልኤቱ፡ እልፍ፡ ወአርባዐ፡ ምእት፡ ወጸሐፍት፡ ወመኳንንት፡ ስሳ፡ ምእት፡ ወዓቀብተ፡ አናቅጽ፡ አርባዓ፡ ምእት።
5 ወካዕበ፡ እለ፡ ይሴብሑ፡ ወይዜምሩ፡ አርባዓ፡ ምእት፡ በእንዚራት፡ እለ፡ ገብሩ፡ ከመ፡ ይሰብሑ፡ ቦሙ፡ ለእግዚአብሄር፡ አምላከ፡ እስራኤል።
6 ወሤሞሙ፡ ዳዊት፡ በበዕብሬቶሙ፡ ለደቂቀ፡ ሌዊ፡ ወለጌድሶን፡ ወለቀአት፡ ወለሜራሪ።
7 ወእምደቂቀ፡ ጌድሶን፡ ለሌያዳን፡ ወለሴሚ።
8 ወደቂቁ፡ ለሌያዳን፡ መልአክ፡ ኢያሄኤል፡ ወዜቶም፡ ወዮሄል፡ ሠለስቱ።
9 ወደቂቀ፡ ሴሚ፡ ሰሎሚት፡ ወአዛሄል፡ ወአራን፡ እሉ፡ ሠለስቱ፡ መላእክተ፡ ቤተ፡ አበዊሆሙ፡ ለደቂቀ፡ ሌያዳን።
10 ወደቂቀ፡ ሴሚ፡ ኢያኤት፡ ወዚዛ፡ ወኢያአስ፡ ወቤሬኣ፡ እሉ፡ እሙንቱ፡ አርባዕቱ፡ ደቂቀ፡ ሴሚ።
11 ወኢያኤት፡ መልአክ፡ ወዚዛ፡ ካልኡ፡ ወኢያአስ፡ ወበሬኣ፡ ወኢያብዝኁ፡ ውሉደ፡ ወኮነ፡ ቤተ፡ አበዊሆሙ፡ በአሐዱ፡ ኍልቊ።
12 ወደቂቀ፡ ቀአት፡ እንበረም፡ ወይሰዓር፡ ወኬብሮን፡ ወአዝሄል፡ እሉ፡ እሙንቱ፡ አርባዕቱ።
13 ወደቂቀ፡ እንበረም፡ አሮን፡ ወሙሴ፡ ወተኀርየ፡ አሮን፡ ከመ፡ ይትቀደስ፡ ለቅድስተ፡ ቅዱሳን፡ ወደቂቁኒ፡ እምድኅሬሁ፡ እስከ፡ ለዓለም፡ ከመ፡ ይዕጥኑ፡ በቅድመ፡ እግዚአብሄር፡ ወይትለአኩ፡ ወይጸልዩ፡ ወይጸውዑ፡ ስመ፡ እግዚአብሄር፡ እስከ፡ ለዓለም።
14 ወሙሴ፡ ገብረ፡ እግዚአብሄር፡ ወደቂቁኒ፡ ተሠይሙ፡ በደቂቀ፡ ሌዊ።
15 ወደቂቀ፡ ሙሴ፡ ጌርሳም፡ ወአልአዛር።
16 ወደቂቀ፡ ጌርሳም፡ ሱባሄል፡ መልአክ።
17 ወተወልደ፡ ለአልአዛር፡ ረዓብያ፡ መልአክ፡ ወእምድኅሬሁ፡ ኢተወልዱ፡ ለአልአዛር፡ ውሉድ፡ ወደቂቀ፡ ረዓብያ፡ በዝኁ፡ ወልኅቁ።
18 ወደቂቀ፡ ይሰዓር፡ ሰሎሞት፡ መልአክ።
19 ወደቂቀ፡ ኬብሮን፡ ኢያኤርያ፡ መልአክ፡ አማርያ፡ ካልእ፡ ኢያዜሄል፡ ሣልስ፡ ኢያቄምያስ፡ ራብዕ።
20 ወደቂቀ፡ አዝሄል፡ ሚካ፡ መልአክ፡ ወኢያስ፡ ካዕብ።
21 ወደቂቀ፡ ሜራሪ፡ ሞዓሊ፡ ወሐሙሲ፡ ወደቂቀ፡ ሞዓሊ፡ አልአዛር፡ ወቂስ።
22 ወሞተ፡ አልአዛር፡ ወኢተወልደ፡ ሎቱ፡ ወልድ፡ ተባዕት፡ ዘእንበለ፡ አዋልድ፡ ወአውሰብዎን፡ ደቂቀ፡ ቂስ፡ አኃዊሆን።
23 ወደቂቀ፡ ሐሙሲ፡ ሞዓሊ፡ ወአዴር፡ ወኢያሪሞት፡ ሠለስቱ፡ እሙንቱ።
24 እሉ፡ ደቂቀ፡ ሌዊ፡ በቤተ፡ አበዊሆሙ፡ ወመላእክተ፡ ቤተ፡ አበዊሆሙ፡ በከመ፡ ኍልቆሙ፡ በበአርእስቲሆሙ፡ ወበበአስማቲሆሙ፡ እንዘ፡ ይገብሩ፡ ወይፌጽሙ፡ ግብረ፡ መልእክተ፡ ቤተ፡ እግዚአብሄር፡ ብፁሐነ፡ አምጣን፡ ዘእምዕሥራ፡ ወኃምስቱ፡ ዓመት፡ ወከሓ፡ እምኔሁ።
25 እስመ፡ ይቤ፡ ዳዊት፡ አዕረፈ፡ እግዚአብሄር፡ አምላከ፡ እስራኤል፡ ሕዝበ፡ ዚአሁ፡ ወአኅደሮ፡ ወአንበሮ፡ ኢየሩሳሌም፡ እስከ፡ ለዓለም።
26 ወሌዋውያንሰ፡ አልቦሙ፡ አልዕሎ፡ ደብተራ፡ ወኵሎ፡ ንዋየ፡ ግብር፡ ዘቦቱ፡ ይትለአኩ።
27 እስመ፡ በቃላተ፡ ዳዊት፡ ደኃርት፡ ጽሑፍ፡ ኍልቆሙ፡ ለደቂቀ፡ ሌዊ፡ ዘእምዕሥራ፡ ወሐምስቱ፡ ዓም፡ ወከሓ፡ እምኔሁ።
28 እስመ፡ አቀሞሙ፡ በእደ፡ ደቂቀ፡ አሮን፡ ከመ፡ ይትለአኩ፡ ለቤተ፡ እግዚአብሄር፡ ወከመ፡ ይሢም፡ እምኔሆሙ፡ ለዓፀደ፡ ቤተ፡ እግዚአብሄር፡ ወዲበ፡ መንጠዋልዕ፡ ወዲበ፡ ንጽሕት፡ ወዲበ፡ ንዋየ፡ ግብረ፡ ቅድሳት፡ ዘቤተ፡ እግዚአብሄር።
29 ወዲበ፡ ምሥያመ፡ ኅብስት፡ ወዲበ፡ ሥንዳሌ፡ ዘምሥዋዕ፡ ወዲበ፡ ገባትው፡ በዘይገብሩ፡ ናእተ፡ ወዲበ፡ ጤገናት፡ ወዲበ፡ ብኁእ፡ ወዲበ፡ ኵሉ፡ መስፈርት።
30 ወዲበ፡ ኵሉ፡ እለ፡ ይቀውሙ፡ ለለጽባሑ፡ ከመ፡ ይሰብሑ፡ ወይግነዩ፡ ለስመ፡ እግዚአብሄር፡ ወከመ፡ ዝኒ፡ ይገብሩ፡ ሠርከ።
31 ወዲበ፡ ኵሉ፡ ለለያዓርጉ፡ ቊርባናተ፡ ለእግዚአብሄር፡ ለለሰናብት፡ ወለለሠርቀ፡ ወርኅ፡ ወለለበዓላት፡ በከመ፡ ኍልቈ፡ ፍትሕ፡ ወኵነኔ፡ ዘአዘዞሙ፡ እግዚአብሄር፡ በአፈ፡ ሙሴ፡ ቊልዔሁ።
32 ወከመ፡ ይዕቀቡ፡ ሰዓታተ፡ ደብተራ፡ ዘቤተ፡ ስምዕ፡ ወሱብሬተ፡ ሰዓታት፡ ዘደቂቀ፡ አሮን፡ አኃዊሆሙ፡ ከመ፡ ይትለአኩ፡ በቤተ፡ እግዚአብሄር።
=== chapter 24 ===
[Chapter 24]
1 ወደቂቀ፡ አሮን፡ ብሑታን፡ በዕብሬቶሙ፡ ወደቂቀ፡ አሮን፡ ናዳብ፡ ወአብዩድ፡ ወአልአዛር፡ ወይታምር።
2 ወሞቱ፡ ናዳብ፡ ወአብዩድ፡ እንዘ፡ ሀሎ፡ አቡሆሙ፡ ወአልቦሙ፡ ዘተረክቡ፡ ሎሙ፡ ውሉድ፡ ወተልእኩ፡ አልአዛር፡ ወይታምር፡ ደቂቀ፡ አሮን፡ በመልእክተ፡ ካህናት።
3 ወኃረዮሙ፡ ዳዊት፡ ለሳዶቅ፡ እምደቂቀ፡ አልአዛር፡ ወለአቤሜሌክ፡ እምደቂቀ፡ ይታምር፡ በከመ፡ ኍልቆሙ፡ ወበከመ፡ መልእክቶሙ፡ ወበቤተ፡ አበዊሆሙ።
4 ወኮኑ፡ ደቂቀ፡ አልአዛር፡ ብዙኀነ፡ መላእከተ፡ ኃይል፡ እምደቂቀ፡ ይታምር፡ ወኃረይዎሙ፡ ለደቂቀ፡ አልአዛር፡ መላእክተ፡ ቤተ፡ አበዊሆሙ፡ ዓሠርቱ፡ ወስድስቱ፡ ወለደቂቀ፡ ይታምር፡ ሰመንቱ፡ ኍልቈ፡ ልደተ፡ አበዊሆሙ።
5 ወኃረዮሙ፡ በዕፃ፡ ለእሉ፡ ምስለ፡ እልክቱ፡ እስመ፡ ተሠይሙ፡ መላእክተ፡ ቅድሳት፡ ወመላእክተ፡ ቤተ፡ እግዚአብሄር፡ እምደቂቀ፡ አልአዛር፡ ወእምደቂቀ፡ ይታምር።
6 ወጸሐፈ፡ ሎሙ፡ ሳምያስ፡ ወልደ፡ ናትናሄል፡ ጸሐፊ፡ እምደቂቀ፡ ሌዊ፡ በቅድመ፡ ንጉሥ፡ ወበቅድመ፡ መላእክት፡ ወሳዶቅ፡ ካህን፡ ወአቤሜሌክ፡ ወልደ፡ አብያታር፡ ወመላእክተ፡ ቤተ፡ አበዊሆሙ፡ ለካህናት፡ ወሌዋውያን፡ በቤተ፡ አበዊሆሙ፡ አሐደ፡ ለአልአዛር፡ ወአሐደ፡ ለይታምር።
7 ወተዓፀዉ፡ እለ፡ ይከውኑ፡ ለቤተ፡ መቅደስ፡ ወዝ፡ ውእቱ፡ አስማቲሆሙ፡ ለካህናት፡ እለ፡ ተሠይሙ፡ ለቤተ፡ መቅደስ።
8 ወወፅአ፡ ቀዳማዊ፡ ዕፃ፡ ለኢያሬብ፡ ወካዕብ፡ ዕፃ፡ ለኢያዲያ።
9 ወለካሬም፡ ሣልስ፡ ወለሴአሪን፡ ራብዕ።
10 ወለመልኪያ፡ ኃምስ፡ ወለሜኢያኢም፡ ሳድስ።
11 ወለአቆዉስ፡ ሳብዕ፡ ወለአብያ፡ ሳምን።
12 ወለኢያሱእ፡ ታስዕ፡ ወለኤሴኬንያ፡ ዐሥር።
13 ወለኤልያሴብ፡ ዓሠርቱ፡ ወአሐዱ፡ ወለኤልያቄም፡ ዐሠርቱ፡ ወክልኤቱ።
14 ወለኦፓዕ፡ ዓሠርቱ፡ ወሠለስቱ፡ ወለኤሰባዕ፡ ዓሠርቱ፡ ወአርባዕቱ።
15 ወለቤልጋዕ፡ ዓሠርቱ፡ ወሐምስቱ፡ ወለኤሜር፡ ዓሠርቱ፡ ወስድስቱ።
16 ወለኢያዜር፡ ዓሠርቱ፡ ወሰብዐቱ፡ ወለአፋሲ፡ ዓሠርቱ፡ ወሰመንቱ።
17 ወለአፒቱ፡ ዓሠርቱ፡ ወተስዐቱ፡ ወለኤዜቄል፡ ዕሥራ።
18 ወለአኬኖ፡ ዕሥራ፡ ወአሐዱ፡ ወለጋሙሄል፡ ዕሥራ፡ ወክልኤቱ።
19 ወለደላኢያ፡ ዕሥራ፡ ወሠለስቱ፡ ወለሞአዚ፡ ዕሥራ፡ ወአርባዕቱ።
20 ወዝንቱ፡ ውእቱ፡ ኍልቆሙ፡ በመልእክቶሙ፡ ከመ፡ ይባኡ፡ ውስተ፡ ቤተ፡ እግዚአብሄር፡ በከመ፡ ሥርዓት፡ ዘረከቡ፡ በእደ፡ አሮን፡ አቡሆሙ፡ በከመ፡ አዘዘ፡ እግዚአብሄር፡ አምላከ፡ እስራኤል።
21 ወደቂቀ፡ ሌዊ፡ እለ፡ ተርፉ፡ እምደቂቀ፡ እንበረም፡ ስባሄል።
22 ወእምደቂቀ፡ ስባሄል፡ ኢያዳዕያ፡ አራድያ፡ ወልደ፡ ዓረብያ፡ ኢያስያስ፡ መልአክ።
23 ወለኢሰዓራ፡ ሰሎሞት፡ ወደቂቀ፡ ሰሎሞት፡ ኤናት።
24 ወለደቂቀ፡ ኢዩድዩ፡ አሐዱ፡ አማርያስ፡ ኢያዜሄል፡ ካዕብ፡ ኢያቄምያ፡ ሣልስ።
25 ወለደቂቀ፡ ኢያዜሄል፡ ሚካ።
26 ወለደቂቀ፡ ሚካ፡ ሳሜር፡ እኁሁ፡ ለሚካ፡ ኢሳእያ፡ ወደቂቀ፡ ኢሳእያ፡ ዘካርያስ።
27 ወደቂቀ፡ ሜራራ፡ ሞዓሊ፡ ወሐሙሲ፡ ወደቂቀ፡ ኦዝያስ፡ ባኒ።
28 ወለደቂቀ፡ ሜራሪ፡ ኦዝያስ፡ ወደቂቀ፡ ይስዓም፡ ዝኩር፡ ወአባዲ።
29 ወለወልደ፡ ሞዓሊ፡ አልአዛር፡ ዘአልቦቱ፡ ውሉድ።
30 ወለደቂቀ፡ ቂስ፡ አራሜሄል።
31 ወደቂቀ፡ ሐሙሲ፡ ሞዓሊ፡ ኤዳር፡ ወኢያሪሞት፡ እሉ፡ እሙንቱ፡ ደቂቀ፡ ሌዋውያን፡ በኍልቈ፡ ልደተ፡ ቤተ፡ አበዊሆሙ።
32 ወውእቶሙ፡ ካዕበ፡ ተዓፀዉ፡ በከመ፡ አኃዊሆሙ፡ ደቂቀ፡ አሮን፡ በቅድመ፡ ዳዊት፡ ንጉሥ፡ ወሳዶቅ፡ ወአቤሌክ፡ ወመላእክተ፡ ቤተ፡ አበዊሆሙ፡ ለካህናት፡ ወሌዋውያን፡ በልደቶሙ፡ ነሥኡ፡ በከመ፡ ነሥኡ፡ አኃዊሆሙ።
=== chapter 25 ===
[Chapter 25]
1 ወአቀመ፡ ዳዊት፡ ንጉሥ፡ ወራዙት፡ ወመላእክተ፡ ኃይል፡ ዲበ፡ ግብር፡ ወደቂቀ፡ አሳፍ፡ ወኤማን፡ ወኤዶትም፡ እለ፡ ይዬብቡ፡ በጸናጽል፡ ወበእንዚራ፡ ወበቃለ፡ ቀርን፡ ወበብዕዛ፡ ወኮነ፡ ኍልቆሙ፡ በበአርእስቲሆሙ፡ እለ፡ ይትቀነዩ፡ በውስተም፡ ሥያሞሙ።
2 ወደቂቀ፡ አሳፍ፡ ዝኩር፡ ወዮሴፍ፡ ወናታንያስ፡ ወአስራሄል፡ ወደቂቀ፡ አሳፍሰ፡ ቅሩባነ፡ ንጉሥ።
3 ወደቂቀ፡ ኤዶትም፡ ጎዶልያስ፡ ወሱሪ፡ ወኢያእያ፡ ወኢሳይያስ፡ ወሴምያስ፡ ወአሳፍያስ፡ እሉ፡ ሰብዐቱ፡ ምስለ፡ አቡሆሙ፡ ኤዶትም፡ በእንዚራ፡ የአነዝሩ፡ ወይገንዩ፡ ወይሴብሑ፡ ለእግዚአብሄር።
4 ወለኤማን፡ ደቂቁ፡ ቡቂያስ፡ ወመንተንያስ፡ ወአዛሄል፡ ወሱባሄል፡ ወኤርሞት፡ ወአናንያስ፡ ወአናኒ፡ ወኤልያታዕ፡ ወጌዶላቲ፡ ወሮሜም፡ ወአዜር፡ ወሴቤቃጥን፡ ወሜኤላቲ፡ ወኢዮኤቱር፡ ወመዓዝዮት።
5 እሉ፡ ኵሎሙ፡ እሙንቱ፡ ደቂቀ፡ ኤማን፡ ዘየአነዝሩ፡ ወያነብቡ፡ በቅድመ፡ ንጉሥ፡ በቃላተ፡ እግዚአብሄር፡ ወይነፍሑ፡ ቀርነ፡ ወወሀቦ፡ እግዚአብሄር፡ ለኤማን፡ ደቂቀ፡ ተባዕተ፡ ዓሠርተ፡ ወአርባዕተ፡ ወሠላሰ፡ አዋልደ።
6 ወእሉ፡ ኵሎሙ፡ ምስለ፡ አቡሆሙ፡ ይሴብሑ፡ ወያነብቡ፡ በቤተ፡ እግዚአብሄር፡ በጸናጽል፡ ወበብዕዛ፡ ወበአቅርንት፡ ለቅኔ፡ ቤተ፡ እግዚአብሄር፡ እለ፡ ቅሩባን፡ ኀበ፡ ንጉሥ፡ ወአሳፍኒ፡ ወኤዶትም፡ ወኤማን።
7 ወኮነ፡ ኍልቆሙ፡ ምስለ፡ አበዊሆሙ፡ ምሁራን፡ ወልብዋን፡ ከመ፡ ይሰብሑ፡ ወይዘምሩ፡ ለእግዚአብሄር፡ ክልኤቱ፡ ምእት፡ ወሰማንያ፡ ወሰመንቱ።
8 ወውእቶሙ፡ ካዕበ፡ ተዓፀዉ፡ ዕፃ፡ ዘሰዓት፡ በበዕብሬቶሙ፡ ንኡሳን፡ ወዓቢያንሂ፡ ወእሉ፡ ፍጹማን፡ ወምሁራን።
9 ወወፅአ፡ ቀዳማዊ፡ ዕፃ፡ ለአሳፍ፡ ወለዮሴፍ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ፡ ወካልእ፡ ለጎዶልያስ፡ ወአኃዊሁ፡ ወለደቂቁ፡ ዓሠርቱ፡ ወክልኤቱ።
10 ወሣልስ፡ ለዝኩር፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
11 ወራብዕ፡ ለኢያዝሪ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
12 ወኃምስ፡ ለናታንያስ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
13 ወሳድስ፡ ለቡቂያስ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
14 ወሳብዕ፡ ለእስራሄል፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
15 ወሳምን፡ ለኢያስያ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
16 ወታስዕ፡ ለማንተንያስ፡ ወለደቂቁ፡ ወለአኃዊሁ፡ ዐሠርቱ፡ ወክልኤቱ።
17 ወዐሥር፡ ለሲማን፡ ወለደቂቁ፡ ወለአኃዊሁ፡ ዐሠርቱ፡ ወክልኤቱ።
18 ወዓሠርቱ፡ ወአሐዱ፡ ለአዝርሄል፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
19 ወዓሠርቱ፡ ወክልኤቱ፡ ለአሳብያ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
20 ወዓሠርቱ፡ ወሠለስቱ፡ ለሱባሄል፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
21 ወዓሠርቱ፡ ወአርባዕቱ፡ ለማንተንያስ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
22 ወዓሠርቱ፡ ወሐምስቱ፡ ለኢያሪሞት፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
23 ወዓሠርቱ፡ ወስድስቱ፡ ለአናንያስ፡ ወለደቂቁ፡ ወለኃዊሁ፡ ዓሠርቱ፡ ወክልኤቱ።
24 ወዓሠርቱ፡ ወሰብዓቱ፡ ለኢያሳቦቃጥን፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
25 ወዓሠርቱ፡ ወሰመንቱ፡ ለአናኒ፡ ወለደቂቁ፡ ወለአኀዊሁ፡ ዓሠርቱ፡ ወክልኤቱ።
26 ወዓሠርቱ፡ ወተስዓቱ፡ ለሜሊቲ፡ ወለደቂቁ፡ ወለአኀዊሁ፡ ዓሠርቱ፡ ወክልኤቱ።
27 ወዕሥራ፡ ለኤልያት፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
28 ወዕሥራ፡ ወአሐዱ፡ ለኢያቴር፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
29 ወዕሥራ፡ ወክልኤቱ፡ ለጊዶልቲ፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
30 ወዕስራ፡ ወሠለስቱ፡ ለመዓዝዮት፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
31 ወዕሥራ፡ ወአርባዕቱ፡ ለሮሜኖቴዜር፡ ወለደቂቁ፡ ወለአኃዊሁ፡ ዓሠርቱ፡ ወክልኤቱ።
=== chapter 26 ===
[Chapter 26]
1 ወዝ፡ ክፍላት፡ አቀብተ፡ አናቅጽ፡ ደቂቀ፡ ቆሬ፡ ሙሴሊም፡ እምደቂቀ፡ ቀሬ፡ ወኒቀም፡ እምደቂቀ፡ አሳፍ።
2 ወለምስልምያስ፡ ሎቱ፡ ደቂቀ፡ ዘካርያስ፡ በኵሩ፡ ካልኡ፡ ኢያዲሄል፡ ሣልስ፡ ዘብድያስ፡ ራብዕ፡ ናታን።
3 ኃምስ፡ ኢዶነሄልም፡ ሳድስ፡ ዮናን፡ ሳብዕ፡ አድናኢ።
4 ወለአብዲዶም፡ ደቂቀ፡ ሰማኢያስ፡ በኵሩ፡ ዮዛብድ፡ ካዕብ፡ ኢዮአር፡ ሣልስ፡ ሳኮር፡ ራብዕ፡ ናትናሄል።
5 ኃምስ፡ አሜሄል፡ ሳድስ፡ ይሳኮር፡ ሳብዕ፡ ፒላቲ፡ ሳምን፡ ዮብዲ፡ እስመ፡ ባረኮ፡ እግዚአብሄር፡ አምላክ።
6 ወለሰማኢያስ፡ ተወልዱ፡ ሎቱ፡ ደቂቅ፡ ሮሲኢ፡ በኵሩ፡ እስመ፡ ሥሉጥ፡ በቤተ፡ አቡሁ፡ እስመ፡ ጽኑዓን፡ እሙንቱ።
7 ወደቂቀ፡ ሴሜኢያ፡ ጉታን፡ ወራፋኤል፡ ወዖቤድ፡ ወኤልዛብድ፡ ወአኪያ፡ እሉ፡ እሙንቱ፡ ደቂቀ፡ ሴምያስ፡ ጽኑዓን፡ በኃይል፡ ወሄልዩ፡ ወሰማኪያስ፡ ወይስባቆም።
8 እሉ፡ ኵሎሙ፡ ደቂቀ፡ አብዲዶም፡ ውእቶሙ፡ ወአኃዊሁ፡ ሙኒ፡ ወደቂቆሙ፡ ጽኑዓን፡ ወይትቀነዩ፡ በቅኔ፡ ወኮነ፡ ኍልቆሙ፡ በመክብቦሙ፡ ለአብዲዶም፡ ስሳ፡ ወክልኤቱ።
9 ወለምስልምያስ፡ ደቂቁ፡ ወአኃዊሁ፡ ዓሠርቱ፡ ወሰመንቱ፡ ጽኑዓን፡ ወለኦሳዕ፡ እምደቂቀ፡ ሜራሪ፡ ደቂቅ፡ እለ፡ የዓቅቡ፡ ፍጽመ፡ እስመ፡ ተወልደ፡ ኮቱ፡ በኵር።
10 ወሤሞ፡ መልአከ፡ ክፍላተ፡ ካዕበት።
11 ወኬልቅያስ፡ ካዕብ፡ ወጤቤርያስ፡ ሣልስ፡ ዘካርያስ፡ ራብዕ፡ እሉ፡ እሙንቱ፡ ደቂቁ፡ ወአኃዊሁ፡ ለኦሳዕ፡ ዓሠርቱ፡ ወሠለስቱ።
12 እሉ፡ ክፍላተ፡ ዓቀብተ፡ አናቅጽ፡ ለመልእክተ፡ ኃይል፡ ለእለ፡ በበዕብሬቶሙ፡ በከመ፡ አኃዊሆሙ፡ ከመ፡ ይትቀነዩ፡ ለቤተ፡ እግዚአብሄር።
13 ወተዓፀዉ፡ ዕፃ፡ ዘሰዓት፡ ንኡስ፡ ወዓቢይ፡ በከመ፡ ልደተ፡ ቤተ፡ አበዊሆሙ፡ ለዓቀብተ፡ አናቅጽ።
14 ወወፅአ፡ ዕፃ፡ ዘመንገለ፡ ጽባሕ፡ ለሴሎምያስ፡ ወለዘካርያስ፡ ወልደ፡ ዮአስ፡ ወለመልክያስ፡ አንበሩ፡ ሎቱ፡ ዕፃ፡ ወወጽአ፡ ዕፃሁ፡ ዘመንገለ፡ ሰሜን።
15 ወለአብዲዶም፡ መንገለ፡ ደቡብ፡ አንፃረ፡ ቤተ፡ አሳፌም፡ ወልደ፡ ሴፌኢም።
16 ወለኦሳዕ፡ ረከቦ፡ ዕፃ፡ መንገለ፡ ዓረብ፡ መንገለ፡ አንቀጸ፡ ቤተ፡ መንጠዋልዕ፡ እንተ፡ ምዕራጋት፡ እንዘ፡ የዓቅቡ፡ መንጸረ፡ መንገለ፡ ጽባሕ፡ ስድስቱ፡ ለለዕለት።
17 ወመንገለ፡ ሰሜን፡ አርባዕቱ፡ ለለዕለት፡ ወዘመንገለ፡ ደቡብ፡ አርባዕቱ፡ ለለዕለት፡ ወመንገለ፡ አስፌም፡ በበክልኤቱ፡ ይትናፀሩ፡ ወይትቃረቡ።
18 ወለኦሳዕኒ፡ መንገለ፡ ዓረብ፡ ምስለ፡ አንቀጸ፡ ቤተ፡ መንጠዋልዕ፡ ሠለስተ፡ ሰዓት፡ ዕርገት፡ ዘመንገለ፡ ጽባሕ፡ ዘለለዕለቱ፡ ስድስቱ፡ ወዘመንገለ፡ ሰሜን፡ አርባዕቱ፡ ወዘመንገለ፡ ደቡብ፡ አርባዕቱ፡ ወዘመንገለ፡ አስፌም፡ በበክልኤቱ፡ ይትቃረቡ፡ ወይትናፀሩ፡ መንገለ፡ ዓረብ፡ አርባዕቱ፡ ወበፍኖት፡ ክልኤቱ፡ መስተወክፋን።
19 ወዛቲ፡ ይእቲ፡ ክፍላተ፡ ዓቀብተ፡ አናቅጽ፡ ዘደቂቀ፡ ቆሬ፡ ወዘደቂቀ፡ ሜራሪ።
20 ወሌዋውያንሰ፡ አኃዊሆሙ፡ ላዕለ፡ መዛግብተ፡ ቤተ፡ እግዚአብሄር፡ ወላዕለ፡ መዛግብተ፡ ንዋየ፡ ቅድሳት።
21 ወደቂቀ፡ ሊዳን፡ ደቂቀ፡ ገርሶን፡ ወልደ፡ ሌሮን፡ መልእክተ፡ ቤተ፡ አበዊሆሙ፡ ወለሊአዳን፡ ወለገርሶን፡ ኢዩሄል።
22 ወደቂቀ፡ ኢዩሄል፡ ዜቶም፡ ወኢዩሄል፡ እኁሁ፡ ላዕለ፡ መዛግብተ፡ ቤተ፡ እግዚአብሄር።
23 ወለእንበረም፡ ወለይሰዐር፡ ወለኬብሮን፡ ወለኡዚሄል።
24 ወለሱባሄል፡ ወልደ፡ ጌርሶም፡ ወልደ፡ ሙሴ፡ መጋቢ፡ ላዕለ፡ መዛግብት።
25 ወለእኁሁ፡ ለኤልዛር፡ ረዓብያስ፡ ወልዱ፡ ወኢሳይያስ፡ ወኢዮራም፡ ወዝክሪ፡ ወሰሎሞት።
26 ወውእቱኒ፡ ሰሎሞት፡ ወአኃዊሁ፡ ላዕለ፡ ኵሉ፡ መዛግብተ፡ ንዋየ፡ ቅድሳት፡ እለ፡ ቀደሰ፡ ዳዊት፡ ንጉሥ፡ ወመላእክተ፡ ቤተ፡ አበዊሆሙ፡ ወርኡሳነ፡ እልፍ፡ ወርኡሳነ፡ ምእት፡ ወመሳፍንተ፡ ኃይል።
27 እለ፡ ነሥአ፡ ወአስተጋብአ፡ ዳዊት፡ እምኵሉ፡ አህጉር፡ ወምህርካ፡ ወቀደሰ፡ እምኔሆሙ፡ ኢይደኃር፡ ሕንፃ፡ ቤተ፡ እግዚአብሄር::፡ 28፡ ወላዕለ፡ ኵሉ፡ ቅዱሳነ፡ እግዚአብሄር፡ ሳሙኤል፡ ነቢይ፡ ወሳኦል፡ ወልደ፡ ቂስ፡ ወአቤኔር፡ ወልደ፡ ኔር፡ ወኢዮአብ፡ ወልደ፡ ሶርህያ፡ ወኵሎሙ፡ እለ፡ ቀደሰ፡ በእደ፡ ሰሎሞት፡ ወአኃዊሁ።
29 ወለኢሶሪ፡ ወለከኪንያ፡ ወለኮንያስ፡ ካህናት፡ ወደቂቁኒ፡ ላዕለ፡ ግብረ፡ አፍኣ፡ ላዕለ፡ እስራኤል፡ ከመ፡ ይኩኑ፡ ጸሐፍትቲ፡ ወፈታሕተ።
30 ወለኬብሮን፡ አስብያስ፡ ወአኃዊሁ፡ እደው፡ ጸናሕት፡ ዓሠርቱ፡ ምእት፡ ወሰብዐቱ፡ ምእት፡ ላዕለ፡ እስራኤል፡ ከመ፡ ያስተፋቅድዎሙ፡ ወከመ፡ ይሑሩ፡ ማዕዶተ፡ ዮርዳኖስ፡ ዘመንገለ፡ ዓረብ፡ ወላዕለ፡ ኵሉ፡ ግብረ፡ ቤተ፡ እግዚአብሄር፡ ወላዕለ፡ ኵሉ፡ ቅኔ፡ ቤተ፡ ንጉሥ።
31 ወለኬብሮን፡ ኤርያስ፡ መልአከ፡ በከመ፡ ልደተ፡ ቤተ፡ አበዊሆሙ፡ ወበሠላሳ፡ ወሰመንቱ፡ ዓመተ፡ መንግሥቱ፡ ለዳዊት፡ ተኃሠሡ፡ በበይናቲሆሙ፡ ወተለክበ፡ አሐዱ፡ ብእሲ፡ ጽኑዕ፡ ውስቴቶሙ፡ ዘስሙ፡ ኢያዜር፡ ዘብሔረ፡ ገለዓድ።
32 ወአኃዊሁኒ፡ እደው፡ ጸናዕት፡ ዕሥራ፡ ምእት፡ ወሰብዓቱ፡ ምእት፡ መልእክተ፡ ቤተ፡ አበዊሆሙ፡ ወሤሞሙ፡ ዳዊት፡ ንጉሥ፡ ላዕለ፡ ነገደ፡ ሮቤል፡ ወላዕለ፡ ነገደ፡ ጋድ፡ ወላዕለ፡ መንፈቀ፡ ነገደ፡ ምናሴ፡ በኵሉ፡ ቃላተ፡ እግዚአብሄር፡ ወበኵሉ፡ ትእዛዝ፡ ንጉሥ።
=== chapter 27 ===
[Chapter 27]
1 ወደቂቁ፡ እስራኤል፡ በከመ፡ ኍልቆሙ፡ ለመላእክተ፡ ቤተ፡ አበዊሆሙ፡ ርኡሳን፡ ዓሠርቱ፡ ምእት፡ ወርኡሳነ፡ ምእት፡ ወጸሐፍት፡ እለ፡ ይትቀነዩ፡ ወይትለአኩ፡ ቅድመ፡ ሕዝብ፡ ወላዕለ፡ ኵሉ፡ ትእዛዘ፡ ንጉሥ፡ በከመ፡ ኵሉ፡ ክፍላት፡ ወኵሉ፡ ቃላት፡ ዘይበውእ፡ ወዘይወጽእ፡ ለለወርኅ፡ ወሠርቀ፡ አውራኀ፡ ዓመት፡ አሐቲ፡ ክፍላት፡ ክልኤቱ፡ እልፍ፡ ወአርባዓ፡ ምእት።
2 ወበላዕለ፡ ክፍል፡ ቀዳማዊ፡ እንተ፡ ቀዳማዊ፡ አስብያስ፡ ወልደ፡ ዘብዲሄል፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ እልፍ።
3 ወእምደቂቀ፡ ፋሬስ፡ አሳብያስ፡ መልአክ፡ ወላዕለ፡ ኵሉ፡ መላእክተ፡ ኃይል፡ ዘወርኅ፡ ቀዳማይ።
4 ወላዕለ፡ ክፍላተ፡ ወርኅ፡ ካልእ፡ ዶአይ፡ ወልደ፡ ኤኤቲ፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት፡ መላእክተ፡ ኃይል።
5 ወበሣልስ፡ ወርኅ፡ ሣልሶሙ፡ ብንዕያ፡ ወልደ፡ ኢዮዳእ፡ ካህን፡ መልአክ፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
6 ቀዝንቱ፡ ብናዕያ፡ ብእሲ፡ ኃያል፡ ወይፀንዕ፡ እምሠላሳ፡ ወዲበ፡ ሠላሳ፡ ወላዕለ፡ ክፍላተ፡ ዚአሁ፡ አሜከብድ፡ ወልደ፡ ዚአሁ።
7 ወበራብዕ፡ ወርኅ፡ አሳሄል፡ እኁሁ፡ ለኢዮአብ፡ ወዝብድያስ፡ ወልዱ፡ ወአኃዊሁ፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
8 ወበኃምስ፡ ወርኅ፡ ኃምስ፡ ዘኮነ፡ መጋቤ፡ ብእሲ፡ ዘስሙ፡ ሰማዖት፡ ወልዱ፡ ለኢይዝራኢ፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
9 ወሳድስ፡ ወርኅ፡ ሳድስ፡ ኢይዝራኤል፡ ወልዱ፡ ለአቄስ፡ ዘእምብሔረ፡ ተቆኤ፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
10 ወበሳብዕ፡ ወርኅ፡ ሳብዕ፡ ከለስ፡ ፓላሳዊ፡ ዘእምደቂቀ፡ ኤፍሬም፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
11 ወበሳምን፡ ወርኅ፡ ሳምን፡ ሰበካይ፡ ወልደ፡ አሳቲ፡ ወልዱ፡ ለዘራኢ፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
12 ወታስዕ፡ በወርኅ፡ ታስዕ፡ አቢያዜር፡ አናቶታዊ፡ ዘእምብሔረ፡ ብንያም፡ ወላዕለ፡ ክፍላተ፡ ዘአሁ፡ ክልኤቱ፡ እልፍ፡ ወአርባዓ፡ ምእት።
13 ወዓሥር፡ በወርኅ፡ ዓሥር፡ መዓርኢ፡ ዘእምብሔረ፡ ኔጢፋጥ፡ ወልዱ፡ ለዘራኢ፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
14 ወዓሠርቱ፡ ወአሐዱ፡ በወርኅ፡ ዓሠርቱ፡ ወአሐዱ፡ ብናዕያ፡ ፍሮታዊ፡ እምደቂቀ፡ ኤፍሬም፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
15 ወዓሠርቱ፡ ወክልኤቱ፡ በወርኅ፡ ዓሠርቱ፡ ወክልኤቱ፡ ከልዳኢ፡ ዘእምብሔረ፡ መጥፋጥ፡ ወልደ፡ ጎቶንኤል፡ ወላዕለ፡ ክፍላተ፡ ዚአሁ፡ ክልኤቱ፡ እልፍ፡ ወአርባዓ፡ ምእት።
16 ወላዕለ፡ ነገደ፡ እስራኤል፡ ሮቤል፡ መጋቤ፡ ዚአሁ፡ ለእልያዝር፡ ወልደ፡ ዝክሪ፡ ወለስምዖ፡ ሰፋጢያስ፡ ወልደ፡ መዓካዕ።
17 ወለሌዊ፡ አስብያስ፡ ወልደ፡ ቃሙሄል፡ ወልደ፡ አሮን፡ ሳዶቅ።
18 ወለይሁዳ፡ ኤልያብ፡ ዘእምአኀወ፡ ዳዊት፡ ወለይሳኮር፡ አማሪ፡ ወልደ፡ ሚካኤል።
19 ወለዛብሎን፡ ሰማኢያስ፡ ወልዱ፡ ለአብድያስ፡ ወለንፍታሌም፡ ኢያሪሞት፡ ወልዱ፡ ለአዚሄል።
20 ወለኤፍሬም፡ አሲ፡ ወልዱ፡ ለኦዝያስ፡ ወለመንፈቀ፡ ነገደ፡ ምናሴ፡ ኢዮሄል፡ ወልደ፡ ፐልዳእያ።
21 ወለመንፈቀ፡ ነገደ፡ ምናሴ፡ ኢዮዳኢ፡ ወልዱ፡ ለዘብድያስ፡ ዘእምብሔረ፡ ገለዓድ፡ ወለደቂቀ፡ ብንያም፡ አሳሄል፡ ወልዱ፡ ለአቤኔር።
22 ወለዳን፡ ኢያዛሪሄል፡ ወልደ፡ ኢዮራም፡ እሉ፡ እሙንቱ፡ መላእክተ፡ ነገደ፡ እስራኤል።
23 ወኢሐሰበ፡ ወኢኈለቈ፡ ዳዊት፡ ንጉሥ፡ ኍልቆሙ፡ ለዘእምዕሥራ፡ ዓም፡ ወታሕቱ፡ እምኔሆሙ፡ እስመ፡ እግዚአብሄር፡ ነበበ፡ ወይቤ፡ ከመ፡ ያብዝኆ፡ ለሕዝበ፡ ዚአሁ፡ እስራኤል፡ ከመ፡ ኮከበ፡ ሰማይ።
24 ወኢዮአብኒ፡ ወልደ፡ ሶርህያ፡ አኀዘ፡ ይኈልቊ፡ ወየሐስብ፡ በውስተ፡ ሕዝበ፡ እስራኤል፡ ወኢፈጸመ፡ ወኮነ፡ መቅሠፍት፡ ላዕለ፡ እስራኤል፡ በእንተ፡ ዝንቱ፡ ነገር፡ ወኢተኈለቈ፡ ወኢተጽሕፈ፡ ኍልቆሙ፡ ውስተ፡ መጽሐፈ፡ ነገሥተ፡ በመዋዕሊሁ፡ ለዳዊት፡ ንጉሥ።
25 ወላዕለ፡ መዛግብተ፡ ቤተ፡ ንጉሥ፡ አዝሙት፡ ወልዱ፡ ለአዲሄል፡ ወላዕለ፡ መዛግብት፡ እለ፡ ሀለዉ፡ ውስተ፡ ሐቅል፡ ወውስተ፡ አዕፃዳት፡ ወአብያት፡ እለ፡ ይከውኑ፡ ለንጉሥ፡ በብሔረ፡ ሕቅል፡ ወላዕለ፡ ማኅፈድ፡ ዮናታን፡ ወልዱ፡ ለኡዝሄል።
26 ወላዕለ፡ እለ፡ የሐርስዋ፡ ለምድር፡ ወላዕለ፡ እለ፡ ይትቀነዩ፡ ተሠይመ፡ እዝራኢ፡ ወልደ፡ ኬሉብ።
27 ወላዕለ፡ ዓፀደ፡ ወይን፡ ሴሜኢ፡ ዘእምብሔረ፡ ራምያት፡ ወላዕለ፡ መዛግብት፡ እለ፡ ሀለዉ፡ በውስተ፡ አዕፃዳተ፡ ወይን፡ ዘብዲ፡ ወልደ፡ ሳፍኒ።
28 ወላዕለ፡ ዕፀው፡ ዘዘይት፡ ወላዕለ፡ ሰጋልው፡ እለ፡ ሀለዉ፡ ውስተ፡ ፈለግ፡ ባላና፡ ጌዶራዊ፡ እስመ፡ ላዕለ፡ መዛግብተ፡ ዘይትሰ፡ ኢዮአስ፡ ተሠይመ።
29 ወላዕለ፡ መራዕየ፡ አልሕምት፡ እለ፡ ሀለዉ፡ ውስተ፡ ቈላተ፡ ሳሮን፡ ሰጥራኢ፡ ሰሮናጣዊ፡ ወላዕለ፡ አልሕምት፡ እለ፡ ሀለዉ፡ ውስተ፡ አፍላግ፡ ሳፋጥ፡ ወልዱ፡ ለአዶላ።
30 እስመ፡ ላዕለ፡ አግማልሰ፡ ኡቢያስ፡ እስማኤላዊ፡ ተሠይመ፡ ወላዕለ፡ አእዱግሰ፡ ኢያድያስ፡ ዘእምብሔረ፡ መራቶን።
31 ወላዕለ፡ አባግዕ፡ ወአጣሊኒ፡ ዮዝዝ፡ አጋራዊ፡ እሉ፡ ኵሎሙ፡ ተሠይሙ፡ መገብተ፡ ላዕለ፡ ኵሉ፡ ጥሪቱ፡ ለዳዊት፡ ንጉሥ።
32 ወዮናታን፡ እኅወ፡ አቡሁ፡ ለዳዊት፡ ብእሲ፡ ዘምክሩ፡ ጽኑዕ፡ ወጠቢብ፡ ወጸሐፊ፡ ውእቱ፡ ወኢያሄል፡ ወልዱ፡ ለአኪማኒ፡ ምስለ፡ ደቂቀ፡ ንጉሥ።
33 ወአኪጦፌል፡ ብእሲ፡ መምከሪሁ፡ ለንጉሥ፡ ወኩሲ፡ ቀዳማዊ፡ ወዓርኩ፡ ለንጉሥ።
34 ወምስሌሁ፡ አኪጦፌል፡ ወመትልወ፡ ዚአሁ፡ ኢዮአዳኢ፡ ወልዱ፡ ለበናዕያስ፡ ወአብያታር፡ ወኢዮአብ፡ መልአከ፡ ሥረዊሁ፡ ለንጉሥ።
=== chapter 28 ===
[Chapter 28]
1 ወአስተጋብአ፡ ዳዊት፡ ኵሎ፡ መላእክተ፡ እስራኤል፡ ወመላእክተ፡ ወመኳንንት፡ ወኵሎ፡ መላእክተ፡ እሉ፡ በዕብሬቶሙ፡ የዓቅብዎ፡ ለንጉሥ፡ ወለኵሉ፡ መላእክተ፡ አእላፍ፡ ወአምአት፡ ወለኵሉ፡ እለ፡ ይከውኑ፡ ላዕለ፡ መዛግብተ፡ ቊርባናት፡ ወለኵሉ፡ እለ፡ ተሠይሙ፡ ላዕለ፡ ኵሉ፡ ጥሪቱ፡ ወላዕለ፡ ኵሉ፡ ንዋዩ፡ ወላዕለ፡ ኵሉ፡ ደቂቁ፡ ወላዕለ፡ ሰብአ፡ ቤቱ፡ ወለጽኑዓን፡ ወለመስተቃትላን፡ እለ፡ ሕሱባን፡ ውስተ፡ ኵሉ፡ ሠራዊት፡ በኢየሩሳሌም።
2 ወቆመ፡ ዳዊት፡ ንጉሥ፡ ውስተ፡ ማእከሎሙ፡ ወይቤ፡ ስምዑኒ፡ እንከ፡ አኃውየ፡ ወሕዝብየ፡ ሊተሰ፡ ዓርገኒ፡ ሕሊናየ፡ ውስተ፡ ልብየ፡ ወሐለይኩ፡ ከመ፡ እሕንጽ፡ ቤተ፡ ምዕራፈ፡ ታቦተ፡ ትእዛዙ፡ ለእግዚአብሄር፡ ኀበ፡ ይቀውማ፡ እገሪሁ፡ ለእግዚአብሄር፡ አምላክነ፡ ወአስተዳሎኩ፡ ለዝንቱ፡ ሕንፃ፡ ኵሎ፡ ዘመፍትው።
3 ወይቤለኒ፡ እግዚአብሄር፡ አምላክነ፡ ኢትሕንጽ፡ ቤተ፡ ሊተ፡ ከመ፡ ይሰመይ፡ ስመ፡ ዚአየ፡ ላዕሌሁ፡ እስመ፡ ብእሲ፡ መስተቃትል፡ አንተ፡ ወብዙኀ፡ ደመ፡ ከዓውከ።
4 ወኃረየኒ፡ እግዚአብሄር፡ አምላከ፡ እስራኤል፡ እምኵሉ፡ ቤተ፡ አቡየ፡ ከመ፡ እኩን፡ ወእሠየም፡ ንጉሠ፡ ላዕለ፡ ሕዝበ፡ ዚአሁ፡ እስራኤል፡ ለዓለም፡ ወላዕለ፡ ይሁዳ፡ ንጉሥ፡ ወእምቤተ፡ ይሁዳ፡ ቤቱ፡ ለአቡየ፡ እምኵሉ፡ ደቂቀ፡ አቡየ፡ ኪያየ፡ ሠምረ፡ ወኃረየ፡ ከመ፡ እኩን፡ ንጉሠ፡ ላዕለ፡ ኵሉ፡ እስራኤል።
5 ወብዙኀ፡ ውሉደ፡ ጸገወኒ፡ እግዚአብሄር፡ ወእምኵሎሙ፡ ደቂቅየ፡ ኃረዮ፡ ለሰሎሞን፡ ወልድየ፡ ከመ፡ ያንብሮ፡ ዲበ፡ መንበረ፡ መንግሥት፡ ላዕለ፡ እስራኤል።
6 ወይቤላኒ፡ እግዚአብሄር፡ ሰሎሞን፡ ወልድከ፡ የሐንጽ፡ ሊተ፡ ቤተ፡ ወቅጽራቲሁ፡ እስመ፡ ኃረክዎ፡ ከመ፡ ይኩነኒ፡ ወልደ፡ ወአነኒ፡ እከውኖ፡ አበ።
7 ወአጸንዕ፡ ወአረትዕ፡ መንበረ፡ መንግስቱ፡ ለዓለም፡ ወለእመሰ፡ ክህለ፡ አቂበ፡ ትእዛዝየ፡ ወፍትሕየ፡ በከመ፡ ዛቲ፡ ዕለት።
8 ወይእዜኒ፡ በገጸ፡ ኵሉ፡ ሕዝበ፡ እግዚአብሄር፡ ወበስምዐ፡ አምላክነ፡ ዕቀቡ፡ ወኅሡ፡ ኵሎ፡ ትእዛዘ፡ እግዚአብሄር፡ አምላክነ፡ ከመ፡ ትረሱ፡ ምድረ፡ ቡርክተ፡ ወእምድኅሬክሙ፡ ታወርሱ፡ ለደቂቅክሙ፡ እስከ፡ ለዓለም።
9 ወይእዜኒ፡ ሰሎሞን፡ ወልድየ፡ አእምሮ፡ ወፍርሆ፡ ለእግዚአብሄር፡ አምላከ፡ አበዊከ፡ ወተቀነይ፡ ሎቱ፡ በልብ፡ ፍጹም፡ ወበነፍስ፡ ሥምርት፡ እስመ፡ ልበ፡ ይፈትን፡ እግዚአብሄር፡ ወኵሎ፡ ሕሊና፡ የአምር፡ ወይጤይቅ፡ ወለእመኒ፡ ኃሠሥኮ፡ ፍጡነ፡ ይትረከብ፡ ለከ፡ ወለእመኒ፡ ኃደጎ፡ የገድፈከ፡ ለዝሉፉ።
10 ወይእዜኒ፡ ሰሎሞን፡ ወልድየ፡ አእምር፡ ወጠይቅ፡ ከመ፡ እግዚአብሄር፡ ኃረየከ፡ ትሕንጽ፡ ሎቱ፡ ቤተ፡ ቅድሳት፡ ጽናዕ፡ ወግበር።
11 ወመጠዎ፡ ወወሀቦ፡ ዳዊት፡ ለሰሎሞን፡ ወልዱ፡ አርአያ፡ ቤተ፡ ምሥዋዕ፡ ወአዕፃዲሁ፡ ወኵሎ፡ ዓውዶ፡ ወአጽራሒሁ፡ ወመዛግብቲሁ፡ ወውሳጥያቲሁ፡ ወቤተ፡ ሙባአቱ።
12 ወአርአዮ፡ ዘሐለየ፡ በመንፈሰ፡ ዚአሁ፡ አዕፃዳተ፡ ቤተ፡ እግዚአብሄር፡ ወለኵሉ፡ ቤተ፡ መንጠዋልዕ፡ እለ፡ ዓውዱ፡ ወእለ፡ ላዕለ፡ መዛግብተ፡ ቤተ፡ እግዚአብሄር፡ ወላዕለ፡ መዛግብተ፡ ቤተ፡ ቅድሳት፡ ወላዕለ፡ ትሩፋት።
13 ወክፍላተ፡ ካህናት፡ ወሌዋውያን፡ ወኵሉ፡ ቅኔ፡ መልእክተ፡ ቤተ፡ እግዚአብሄር፡ ወላዕለ፡ መዛግብተ፡ ንዋያተ፡ ግብር፡ ዘይትቀነዩ፡ ቦሙ፡ በቤተ፡ ምሥዋዕ፡ ወበቤተ፡ እግዚአብሄር።
14 ወላዕለ፡ መድሎተ፡ ንዋየ፡ ቅድሳት፡ ዘመንገለ፡ ወርቅኒ፡ ወዘመንገለ፡ ብሩር።
15 ወዘመንገለ፡ መኃትው፡ ኍልቈ፡ መድሎተ፡ ንዋየ፡ ወርቅ፡ ወብሩር፡ ወሀቦ፡ ወመጠዎ፡ መኃትወ።
16 ወካዕበ፡ መድሎተ፡ ማእዳት፡ ዘምሥያም፡ ለለአሐቲ፡ አሐቲ፡ ማእድ፡ እንተ፡ ወርቅ፡ ወከማሁ፡ ዘብሩርኒ።
17 ወመኆሰሰ፡ ሥጋ፡ ወምሥዋዕ፡ ወጽዋዓተ፡ ወርቅ፡ ወብሩር፡ በበመድሎቶሙ፡ ለለአሐቲ፡ መጠነ፡ ኮነ፡ ድልወቱ።
18 ወዘቤተ፡ ምሥዋዕ፡ ወሙዳየ፡ ዕጣናት፡ ግቡር፡ በወርቅ፡ ጽሩይ፡ ወፍቱን፡ ዘኢኮነ፡ ተምያነ፡ አርአዮ፡ ወአርአያ፡ ሠረገላተ፡ ኪሩቤል፡ እለ፡ ስፉሐት፡ ክነፊሆሙ፡ ወይጼልሉ፡ ወልዕልተ፡ ታቦተ፡ ትእዛዘ፡ እግዚአብሄር።
19 ወኵሎ፡ ዘጽሑፍ፡ ውስተ፡ ሕገ፡ እግዚአብሄር፡ ወሀቦ፡ ወመጠዎ፡ ዳዊት፡ ለሰሎሞን፡ ወልዱ፡ በከመ፡ እንተ፡ ተውህበቶ፡ ጥበብ፡ ወአርአዮ፡ ከመ፡ ይግበር፡ ወይሕንጽ፡ ቤተ፡ እግዚአብሄር፡ አምላከ፡ እስራኤል።
20 ወይቤ፡ ዳዊት፡ ሰሎሞን፡ ወልድየ፡ ጽናዕ፡ ወትባዕ፡ ወግበር፡ ወኢትፍራህ፡ ወኢትደንግጽ፡ እስመ፡ እግዚአብሄር፡ አምላኪየ፡ ምስሌከ፡ ወኢይገድፈከ፡ ወኢይረስዓከ፡ እስከ፡ ሶበ፡ ትፌጽም፡ ኵሎ፡ ቅኔ፡ ቤተ፡ ምሥዋዒሁ፡ ለእግዚአብሄር፡ ወንዋየ፡ አርአያ፡ ሕንፃ፡ ቤተ፡ እግዚአብሄር፡ ወአዕፃዲሁ፡ ወዓውዶ፡ ወአጽራሒሁ፡ ወመዛግብቲሁ፡ ወውሳጥያቲሁ፡ ወቤተ፡ ሥርየተ፡ በዓል፡ ወአርአያ፡ ቤተ፡ እግዚአብሄር።
21 ወናሁ፡ በበዕብሬቶሙ፡ ካህናት፡ ወሌዋውያን፡ በላዕለ፡ ኵሉ፡ ግብረ፡ ቤተ፡ እግዚአብሄር፡ ወእምላዕሌከኒ፡ በኵሉ፡ ዘትገብር፡ ወዘተውህበከ፡ ለከ፡ ወዘይትወፈየከ፡ በጥበብ፡ ላዕለ፡ ኵሉ፡ ኪን፡ ወመላእክትኒ፡ ወኵሉ፡ ሕዝብ፡ ይሰምዑ፡ ኵሎ፡ ቃላቲከ።
=== chapter 29 ===
[Chapter 29]
1 ወይቤ፡ ዳዊት፡ ንጉሥ፡ ለኵሉ፡ ማኅበረ፡ እስራኤል፡ ሰሎሞን፡ ወልድየ፡ ኪያሁ፡ ኃረየ፡ ሎቱ፡ እግዚአብሄር፡ ወሬዛ፡ ወሕፃን፡ ወግብሩሰ፡ ዓቢይ፡ እስመ፡ አኮ፡ ለሰብአ፡ ዛቲ፡ ሕንፃ፡ ዘእንበለ፡ ለእግዚአብሄር፡ አምላክነ።
2 ወበከመ፡ አምጣነ፡ ኃይልየ፡ አስተዳሎኩ፡ ለቤተ፡ እግዚአብሄር፡ አምላኪየ፡ ወርቀ፡ ወብሩረ፡ ወብርተ፡ ወሐፂነ፡ ወዕፀወ፡ ወእብነ፡ ሦም፡ በበመክብቡ፡ ወአእባነ፡ ክቡራተ፡ በበኅበሪሁ፡ ወኵሎ፡ እበነ፡ ክቡረ፡ ወዕንቈ፡ ወወራውሬ፡ ብዙኀ።
3 ወዓዲ፡ እንከ፡ እፈቅድ፡ እግበር፡ ለቤተ፡ እግዚአብሄር፡ አምላኪየ፡ ዘዘገብኩ፡ ንዋያተ፡ ወርቅ፡ ወብሩረ፡ ወናሁ፡ ወሀብኩ፡ ለቤተ፡ እግዚአብሄር፡ አምላኪየ፡ ብዙኀ፡ ዘእንበለ፡ ዘአስተዳሎኩ፡ ለቤተ፡ ቅድሳት፡ ሠላሳ፡ ምእተ፡ መካልየ፡ ወርቅ፡ ዘእምብሔረ፡ አፌር።
4 ወሰብዐ፡ ምእተ፡ መካልየ፡ ብሩር፡ ጽሩየ፡ ወፍቱነ፡ ከመ፡ ይልብጡ፡ ወይቅብዑ፡ አረፍተ፡ ቤተ፡ እግዚአብሄር።
5 በወርቅ፡ ለዘይደሉ፡ በወርቅ፡ ወበብሩር፡ ለዘይደሉ፡ በብሩር፡ በእደ፡ ኬንያ፡ ወመኑ፡ እንከ፡ ዘያጠብዕ፡ ከመ፡ ይፈጽም፡ እደዊሁ፡ በዛቲ፡ ዕለት፡ ለእግዚአብሄር።
6 ወጠብዑ፡ መላእክተ፡ አበው፡ ወመላእክተ፡ ደቂቀ፡ እስራኤል፡ ወአርእስተ፡ እልፍ፡ ወአርእስተ፡ ምእት፡ ወመገብት፡ እለ፡ ይሰፍኑ፡ ላዕለ፡ ቅኔ፡ ቤተ፡ እግዚአብሄር፡ ወመገብተ፡ ቤተ፡ ንጉሥ።
7 ወወሀቡ፡ ወወሰኩ፡ ለግብረ፡ ቤተ፡ እግዚአብሄር፡ መካልየ፡ ወርቅ፡ ሐምሳ፡ ምእተ፡ ወዲናረ፡ አሐተ፡ እልፈ፡ ወመካልየ፡ ብሩር፡ አሐተ፡ እልፈ፡ ወመካልየ፡ ብርት፡ አሐተ፡ እልፈ፡ ወሰማንያ፡ ምእተ፡ ወመካልየ፡ ሐፂን፡ ዓሠርተ፡ እልፈ።
8 ወኵሎ፡ ዘተረክበ፡ ውስተ፡ አብያቲሆሙ፡ ዕንቈ፡ ክቡረ፡ አብኡ፡ ወመጠዉ፡ ለመዛግብተ፡ ቤተ፡ እግዚአብሄር፡ በዕብሬቱ፡ ለኢዮሄል፡ ሶርያዊ።
9 ወተፈሥሑ፡ ወተኃሠዩ፡ ሕዝብ፡ ፈድፋደ፡ እምዘጠብዑ፡ እስመ፡ በልብ፡ ፍጹም፡ ጠብዑ፡ ወአብኡ፡ ለእግዚአብሄር፡ አምላኮሙ፡ ወዳዊትኒ፡ ንጉሥ፡ ተፈሥሐ፡ ዓቢየ፡ ፍሥሐ፡ ጥቀ።
10 ወባረኮ፡ ዳዊት፡ ንጉሥ፡ ለእግዚአብሄር፡ በቅድመ፡ ኵሉ፡ ሕዝበ፡ እስራኤል፡ እንዘ፡ ይብል፡ ይትባረክ፡ እግዚአብሄር፡ አምላከ፡ እስራኤል፡ አበ፡ ዚአነ፡ እምቅድመ፡ ዓለም፡ ወእስከ፡ ለዓለም።
11 ለከ፡ እግዚኦ፡ ዕበይ፡ ወክብር፡ ወኃይል፡ ወመዊዕ፡ ወጽንዕ፡ እስመ፡ አንተ፡ እግዚኦ፡ ትሰፍን፡ ላዕለ፡ ኵሉ፡ ዘበሰማይኒ፡ ወዘበምድርኒ፡ ወእምገጽከ፡ ይደነግፁ፡ ወይትሀወኩ፡ ኵሎሙ፡ ነገሥት፡ ወሕዝብ።
12 ወእምኀቤክ፡ ውእቱ፡ ብዕል፡ ወክብር፡ ወአንተ፡ እግዚኦ፡ ትኴንን፡ ወትሰፍን፡ ላዕለ፡ ኵሉ፡ ወትኴንን፡ ኵሎ፡ ሢመተ፡ ወውስተ፡ እዴከኒ፡ ኃይል፡ ወፅንዕ፡ ወበእዴከኒ፡ አኃዜኵሉ፡ ዓለም፡ አዕብዮ፡ ወአጽንዖ፡ በኵሉ፡ ኃይል።
13 ወይእዜኒ፡ እግዚኦ፡ ንገኒ፡ ለከ፡ ኅቡረ፡ ወንሴብሕ፡ ለስምከ፡ ጽኑዕ።
14 ወምንትኑ፡ አነ፡ ወምንትኑ፡ ሕዝብከ፡ እስመ፡ ጠባዕነ፡ ወክህልነ፡ መጠነዝ፡ እስመ፡ ዘዚአከ፡ ኵሉ፡ ወእምዚአከ፡ አቀረብነ፡ ወአባእነ፡ ለከ።
15 እስመ፡ ፈላስያን፡ ንሕነ፡ በቅድሜከ፡ ወነግድ፡ ከመ፡ ኵሉ፡ አበዊነ፡ ወመዋዕሊነኒ፡ ከመ፡ ጽላሎት፡ በዲበ፡ ምድር፡ ወአልቦ፡ ተስፋ፡ ዘይነብር፡ ለዝለፉ።
16 እግዚኦ፡ አምላክነ፡ በአምጣነ፡ ዝንቱ፡ ብዙኅ፡ ዘአስተዳሎኩ፡ ከመ፡ እሕንፅ፡ ቤተ፡ ለስመ፡ ዚአከ፡ ቅዱስ፡ እምእደ፡ ዚአከ፡ ወኵሉ፡ ዘዚአከ፡ እግዚኦ።
17 ወአእመርኩ፡ ወጠየቁ፡ እግዚኦ፡ እስመ፡ አንተ፡ ዘትፈትን፡ ልበ፡ ወታፈቅር፡ ጽድቀ፡ እስመ፡ በየዋህ፡ ልብ፡ ጠባዕኩ፡ በዝንቱ፡ ኵሉ፡ ወይእዜኒ፡ እግዚኦ፡ እለ፡ ተረክቡ፡ እምሕዝብከ፡ ዝየርኢክዎሙ፡ በኃሤት፡ ጠብዑ፡ ወአብኡ፡ ለከ።
18 እግዚኦ፡ አምላከ፡ አብርሃም፡ ወይስሐቅ፡ ወእስራኤል፡ አምላከ፡ አበዊነ፡ ዘንተ፡ ዕቀብ፡ በውስተ፡ አልባቢሆሙ፡ ለሕዝበ፡ ዚአነ፡ ለዓለም፡ ወአርትዕ፡ አልባቢሆሙ፡ ኀቤከ።
19 ወለሰሎሞንሂ፡ ወልድየ፡ ሀቦ፡ ልበ፡ ርቱዐ፡ ከመ፡ ይግበር፡ ኵሎ፡ ትእዛዛቲከ፡ ወስምዐከ፡ ወሥርዓተከ፡ ከመ፡ ለፍጻሜ፡ ያብጽሕ፡ ወይግበር፡ ሠርጐ፡ ቤትከ።
20 ወይቤሎሙ፡ ዳዊት፡ ለኵሎሙ፡ ማኅበረ፡ እስራኤል፡ ባርክዎ፡ ለእግዚአብሄር፡ አምላክነ፡ ወባረኩ፡ ኵሎ፡ ማኅበረ፡ እግዚአብሄር፡ አምላከ፡ አበዊሆሙ፡ ወሰገዱ፡ በብረኪሆሙ፡ ለእግዚአብሄር፡ ወለንጉሥ።
21 ወሦዐ፡ ዳዊት፡ ለእግዚአብሄር፡ መሥዋዕተ፡ ወአዕረገ፡ ቊርባነ፡ ለእግዚአብሄር፡ አምላኩ፡ ወበሣኒታ፡ ዕለት፡ ሦዐ፡ ዳዊት፡ አልሕምተ፡ ዓሠርተ፡ ምእተ፡ ወሐራጊተ፡ ዓሠርተ፡ ምእተ፡ ወመሐስዐ፡ ዓሠርተ፡ ምእተ፡ ወጽንሐሐቲሆሙ፡ ወመሥዋዕተ፡ ብዙኀ፡ ለኵሉ፡ ሕዝበ፡ እስራኤል።
22 ወበልዑ፡ ወሰትዩ፡ በቅድመ፡ እግዚአብሄር፡ በይእቲ፡ ዕለት፡ በዓቢይ፡ ትፍሥሕት፡ ወአንገሥዎ፡ ካዕበ፡ ለሰሎሞን፡ ወልዱ፡ ለዳዊት፡ ወቀብዕዎ፡ ከመ፡ ይኩን፡ ንጉሠ፡ ላዕለ፡ ሕዝበ፡ እግዚአብሄር፡ ወሳዶቅኒ፡ ተሠይመ፡ በውስተ፡ ካህናት።
23 ወነበረ፡ ሰሎሞን፡ በዲበ፡ መንበረ፡ መንግሥቱ፡ ለዳዊት፡ አቡሁ፡ ወተፈቅረ፡ በኀበ፡ ኵሉ፡ ወይሰምዕዎ፡ ኵሉ፡ ሕዝበ፡ እስራኤል።
24 መላእክትኒ፡ ወጸናዕት፡ ወኵሎሙ፡ ደቂቀ፡ ዳዊት፡ ንጉሥ፡ አቡሁ፡ ገረሩ፡ ሎቱ፡ ወአዕበዮ፡ እግዚአብሄር፡ ለሰሎሞን፡ ላዕለ፡ ኵሉ፡ ሕዝበ፡ እስራኤል።
25 ወወሀቦ፡ እግዚአብሄር፡ ከብረ፡ ንግሥ፡ ዘኢኮነ፡ ከመ፡ ነገሥት፡ ቀደምት፡ አላ፡ አፈድፈደ፡ እምኔሆሙ።
26 ወዳዊትኒ፡ ወልደ፡ ዕሤይ፡ ነግሠ፡ ላዕለ፡ እስራኤል፡ አርባዓ፡ ዓመተ።
27 ወበብሔረ፡ ኬብሮን፡ ሰብዐተ፡ ዓመተ፡ ወበኢየሩሳሌም፡ ሠላሳ፡ ወሠለስተ፡ ዓመተ።
28 ወኮነ፡ መክብበ፡ ንግሡ፡ ለዳዊት፡ አርባዐ፡ ዓመተ፡ ወአዕረፈ፡ ዳዊት፡ በሠናይ፡ ርስዓን፡ ወበጽሐ፡ በመዋዕለ፡ ወበክብር፡ ወበብዕል፡ ወበስብሐት፡ ወነግሠ፡ ሰሎሞን፡ ወልዱ፡ ህየንቴሁ፡ እምድኅሬሁ።
29 ወዘሰ፡ ተርፈ፡ እምቃላተ፡ ዳዊት፡ ንጉሥ፡ እምቀደምት፡ ወእምደኃርት፡ ጽሑፋን፡ እሙንቱ፡ በቃላተ፡ ሳሙኤል፡ ራዕይ፡ ዘበትርጓሜሁ፡ ነቢይ፡ ብሂል፡ ወበቃላተ፡ ናታን፡ ነቢይ፡ ወበቃላተ፡ ጋድ፡ ነቢይ።
30 ወበእንተ፡ ኵሉ፡ ንጉሡ፡ ለዳዊት፡ ወበእንተ፡ ጽንዑ፡ ወበእንተ፡ መዋዕል፡ ዘኮነ፡ በዕብሬተ፡ ንጉሡ፡ ለዳዊት፡ ላዕለ፡ ኵሉ፡ እስራኤል፡ ወላዕለ፡ ኵሉ፡ ነገሥተ፡ ምድር።