##### edition  (gez) — Text of the EOTC printed Bible
=== chapter 1 ===
[Chapter 1]
1 በካልእ፡ ዓመተ፡ መንግሥቱ፡ ለዳርዩስ፡ ንጉሥ፡ በሳድስ፡ ወርኃ፡ አመ፡ ሠርቅ፡ ኮነ፡ ቃለ፡ እግዚአብሔር፡ በእደ፡ ሐጌ፡ ነቢይ፡ ወይቤ፡ በሎ፡ ለዘሩባቤል፡ ወልደ፡ ሳላያል፡ ዘሕዝብ፡ ይሁዳ፡ ወለዮሴዕለ፡ ወልደ፡ ዮሴዴቅ፡ ካህን፡ ዓቢይ፡ ወበሎም።
2 ከመዝ፡ ይቤ፡ እግዚአብሔር፡ ዘኩሉ፡ ይመልክ፡ ዝንቱ፡ ሕዝብ፡ ይብሉ፡ ኢብጽሐ፡ ጊዜ፡ ለሐኒፆ፡ ቤተ፡ እግዚአብሔር።
3 ወኮነ፡ ቃለ፡ እግዚአብሔር፡ በእዶ፡ ሐጌ፡ ነብይ፡ ወይበሌ።
4 እመ፡ ጊዜሁ፡ ለክሙ፡ ትንበሩ፡ ዉስተ፡ ልገታተ፡ ቀላያት፡ ወዝኒ፡ ቤትየ፡ ይመዘብር።
5 ወይእዜኒ፡ ከመዝ፡ ይቤ፡ እግዚአብሔር፡ ዘኩሎ፡ ይመልክ፡ ሐልዩ፡ እስኩ፡ በልብክሙ፡ ፍናዊክሙ።
6 ዘሪኩም፡ ብዙኀ፡ ወአእተዉክሙ፡ ኀዳጠ፡ ትበልዑ፡ ወኢትጸግቡ፡ ትስትዩ፡ ወኢትረዉዩ፡ ትትከደኑ፡ ወኢትመዉቅ፡ ወዘያስተጋብዕ፡ ዓስቦ፡ አስተጋብኦ፡ ዉሰተ፡ ዕቁር፡ ስቁር።
7 ከመዝ፡ ይቤ፡ እግዚአብሔር፡ ዘኩሉ፡ ይመልክ፡ ሐልዩ፡ ፍናዊክሙ።
8 ዕርጉ፡ ደብረ፡ ወግዝሙ፡ ዕፀወ፡ ወሕንጹ፡ ቤተ፡ ወእሠምሮ፡ ወእሴባሕ፡ ይቤ፡ እግዚአብሔር።
9 ርኢክሙ፡ ብዙኀ፡ ወኮነ፡ ኀዳጠ፡ ወአባእከሙ፡ ቤተ፡ ወነፈኀክዋ፡ በእንተ፡ ዝንቱ፡ ከመዝ፡ ይቤ፡ እግዚአብሔር፡ ዘኩሎ፡ ይመልክ፡ እስመ፡ ቤትየ፡ መዝበረ፡ ወአንትሙስ፡ ታጸንዑ፡ አብያቲክሙ፡ ኩልከሙ።
10 በእንተ፡ ዝንቱ፡ ታቀዉም፡ ሰማይ፡ ዝናመ፡ ምላዕሉ፡ ወምድርኒ፡ ኢትሁብ፡ ፍሬሃ።
11 ወአመጽእ፡ ኩናተ፡ ላዕለ፡ በሐዉርት፡ ወላዕለ፡ አድባር፡ ወላዕለ፡ እክለ፡ ወወይን፡ ወቅብአ፡ ወላዕለ፡ ሰብእ፡ ወእንስሳ፡ ወላዕለ፡ ኩሉ፡ ተግባረ፡ እደዊሆም።
12 ወስምዐ፡ ዘሩባቤል፡ ወልደ፡ ሰላትያል፡ ዘሕዝበ፡ ይሁዳ፡ ወዬሴዕ፡ ወልደ፡ ዬሴዴቅ፡ ካህን፡ ዓቢይ፡ ወኩሉኦም፡ ሕዝብ፡ እለ፡ ተርፉ፡ ቃለ፡ እግዚአብሔር፡ አምላኮሙ፡ ወቃለ፡ ሐጌ፡ ነቢይ፡ ዘከመ፡ ለአኮ፡ እግዚአብሔር፡ እምላኮሙ፡ ኀቤሆሙ፡ ወፈርሁ፡ ሕዝብ፡ እምቅድም፡ ገጹ፡ ለእግዚአብሔር።
13 ወይቤ፡ ሐጌ፡ መልክ፡ እግዚአብሔር፡ ለሕዝብ፡ አነ፡ ምስሌክሙ፡ ይቤ፡ እግዝያብሔር።
14 ወአንሥአ፡ እግዚአብሔር፡ መንፈስ፡ ዘሩባቤል፡ ዋልደ፡ ሰላትያል፡ ዘሕዝበ፡ ይሁዳ፡ ወመንፈሰ፡ የሴዕ፡ ወልደ፡ ዩሴዴቅ፡ ካህን፡ ዓቢይ፡ ወመንፈሶሙ፡ ለኩሉም፡ እለ፡ ተርፉ፡ ሕዝብ፡ ወቦኦ፡ ይግበሩ፡ ግብረ፡ ቤተ፡ እግዚአብሔር፡ አምላክሙ፡ ዘኩሎ፡ ይመልክ።
=== chapter 2 ===
[Chapter 2]
1 አመ፡ ዕሥራ፡ ወአርባዕቱ፡ ለሳድስ፡ ወርኀ፡ በሰዱስ፡ ዓመት።
2 በሳብዕ፡ ወርኀ፡ በሰዱስ፡ ለጽልበት፡ ነበበ፡ እግዚአብሔር፡ በእደ፡ ሐጌ፡ ነቢይ፡ ወይቤሎ።
3 በሎ፡ ለዘሩባቤል፡ ወልደ፡ ሰላትያል፡ ዘሕዝበ፡ ይሁዳ፡ ወለዩሴዕ፡ ወልደ፡ ዩሴዴቅ፡ ካህን፡ ዓቢይ፡ ወለኩሎሙ፡ እለ፡ ተርፉ፡ ሕዝብ፡ ወይቤ።
4 መኑ፡ እምኔክሙ፡ ዘርአዩ፡ ለዝንቱ፡ ቤት፡ ትርሲቶ፡ ዘትካት፡ ወእፎ፡ ትሬእይዎ፡ ይእዜ፡ እንትሙከመ፡ ዘኢሀሎ፡ ቅድሜክሙ።
5 ወይአዜኒ፡ ጽናዕ፡ ዘሩባቤል፡ ይቤ፡ እግዚአብሔር፡ ወይጽናዕ፡ ዩሴዕ፡ ወልደ፡ ዩሴዴቅ፡ ካህን፡ ዓቢይ፡ ወይጽንዑ፡ አሕዛብ፡ ምድር፡ ይቤ፡ እግዚአብሔር፡ ወግብሩ፡ ወአነ፡ ሀሎኩ፡ ምስሌክሙ፡ ይቤ፡ እግዚአቤሔር፡ ዘኩሉ፡ ይመልክ።
6 ወመንፈስየ፡ ይቀዉም፡ ምእከሌክሙ፡ ተአመኑ።
7 ከመዝ፡ የቤ፡ እግዚአብሔር፡ ዘኩሉ፡ ይመልክ፡ ዓዲ፡ ምዕረ፡ ወአነ፡ አድለቀልቃ፡ ለሰማይ፡ ወለምድር፡ ወለባሕር፡ ወለየብሰ።
8 ወድለቀልቆም፡ ለኩሎሙ፡ አሕዛብ፡ ወየመጹእ፡ ኀሩሆሙ፡ ለኩሎሙ፡ አሕዛብ፡ ወእመልሎ፡ ለዝንቱ፡ ቤት፡ ትርሲተ፡ ይቤ፡ እግዚአብሔር፡ ዘኩሉ፡ ይመልክ።
9 ዚአየ፡ ዉእቱ፡ ወርቅ፡ ዉብሩር፡ ይቤ፡ እግዚአብሄር፡ ዘኩሉ፡ ይመልክ።
10 ወይኄይስ፡ ትርሲቱ፡ ላዝንቱ፡ ቤት፡ ደኃሪቱ፡ ምቀዳሚቱ፡ ይቤ፡ እግዚአብሔር፡ ዘኩሉ፡ ይመልክ። ወእሁብ፡ ስላመ፡ ለዝንቴ፡ ብሔር፡ ይቤ፡ እዚአብሔር፡ ዘኩሉ፡ ይመልክ፡ ወሰላመ፡ ለኩሉ፡ ነፍስ፡ እንተ፡ ትትጌበር፡ ወየትነሣእ፡ ዝንቱ፡ ቤት።
11 አመ፡ ዕሥራ፡ ወአርባዕቱ፡ ለታስዕ፡ ወርኀ፡ በካልእት፡ ዓመተ፡ መንግሥቱ፡ ለዳርዩስ፡ ኮነ፡ ቃለ፡ እግዚአብሔር፡ ኀበ፡ ሐጌ፡ ነቢይ፡ ወይቤሉ።
12 ከመዝ፡ ይቤ፡ እግዚአብሔር፡ ዘኩሉ፡ ያማልክ፡ ታስአሎሙአ፡ ለካህናቲክ፡ ሕገ፡ ወበሎሙ።
13 እመአ፡ ለከፎ፡ ለሰብአ፡ ሥጋ፡ ቅዱስ፡ ጽንፈ፡ ልብሱ፡ ወለከፎ፡ በዘፈረ፡ ልብሱ፡ እመሂ፡ ኀብስተ፡ ወእመሂ፡ ወይነ፡ ወእመሂ፡ ብሱለ፡ ወእመሂ፡ ዛኮነ፡ እክል፡ ወእመሂ፡ ቅብእ፡ ቅዱስ፡ ይትቄደሰኑ፡ ዋይቤሉ፡ ካህናት፡ ኢይትቄደስ።
14 ወይሌሎሙ፡ ሐጌ፡ ከማሁ፡ እመኬ፡ ለክፎ፡ ርኩስ፡ ወሥኡ፡ በነፍስ፡ ይረኩሰኑአ፡ እምኩሉ፡ ዝንቱ፡ ወይቤሉ፡ ካህናት፡ ይረኩስ።
15 ወይቤሎሙ፡ ሐጌ፡ ከማሁኬአ፡ ዝንቱ፡ ሕዝብ፡ ወነገደ፡ ቅድመየ፡ ይቤ፡ እግዚአቤሔር፡ ወከማሁ፡ ኩሉ፡ ግብረ፡ እደዊሆሙ፡ ወኩሉ፡ ግብረ፡ እደዊሆሙ፡ ወኩሉ፡ ዘቀረቦሙ፡ ይረኩስ፡ በአንተ፡ ዘተረፎሙ፡ በጽባሕ፡ ይሣቀዩ፡ በቅድመ፡ ሕማሞሙ፡ ወይጸልእዎሙ፡ ለእለ፡ ይጌሥጽዎሙ፡ በኅበ፡ አናቅጽ።
16 ወይእዘኒ፡ ሐልዩ፡ በልብክሙ፡ ዘእምአሜ፡ ቀዳሚት፡ ዕለት፡ ወዘእምቅድሜሁ፡ ዘእንበለ፡ ያንብሩ፡ እብነ፡ ዲበ፡ እብን፡ ዉስተ፡ ቤተ፡ እግዚአብሔር፡ መኑ፡ አንትሙ።
17 አመ፡ ትዘርኡ፡ ዕሥራ፡ ሰገመ፡ ወታትዉ፡ ዐሠርተ፡ ሰገመ፡ ወትበዉኡ፡ ኀበ፡ ምክያድ፡ ትቅድሑ፡ ኃምሳ፡ ጻሕበ፡ ወትቀድሑ፡ ዕሥራ።
18 ቀሠፍኩክሙ፡ በዓባር፡ ወበበረድ፡ በኩሉ፡ ተግባረ፡ እደዊክሙ፡ ወኢነሳሕክሙ፡ ወኢተመየጥክሙ፡ ኀቤየ፡ ይቤ፡ እግዚአብሔር፡ ዘኩሉ፡ ይመልክ።
19 ሐልዩ፡ በልብክም፡ ዘእምአሜ፡ ቀዳሚት፡ ዕለት፡ ወዘእምድኀሬሃ፡ ዘእመ፡ ተሱዑ፡ ለጽልመት፡ ታስዕ፡ ወርኀ፡ ዘእምአመ፡ ሣረሩ፡ ቤተ፡ እግዚአብሔር፡ ተዘከርዎ፡ ብልክሙ።
20 ወትሬእዩ፡ በዉሰተ፡ ምክያደ፡ ክል፡ ወወይን፡ ወበለስ፡ ወሮማን፡ ወዘይት፡ ወኩሉ፡ ዕፅ፡ ዘኢያፈሪ፡ እባርኮሙ፡ እምዩም።
21 ወኮነ፡ ቃለ፡ እግዚአብሔር፡ በዳግም፡ ኀበ፡ ሐጌ፡ ነቢይ፡ አመ፡ ዕሥራ፡ ወአርባዕቱ፡ ለጋስዕ፡ ወርኀ፡ ወይቤሎ።
22 በሎ፡ ለዘሩባቤል፡ ወልደ፡ ሰላትያል፡ ዘሕዝበ፡ ይሁዳ፡ ናሁ፡ አነ፡ አድለቀልቃ፡ ለሰማይ፡ ለምድር፡ ወለበህር፡ ወለየብስ።
23 ወእገፈትዕ፡ መናብርተ፡ ነገሥ፡ ወእገፈትዕ፡ ሠረገላ፡ ወመስተጽዕናነ፡ ወይወርዱ፡ መስተጽዕናን፡ በአፍራሲሆሙ፡ ምስለ፡ አስይፍቲሆሙ፡ ኀበ፡ ቢጾሙ።
24 ይእተ፡ አሚረ፡ ይቤ፡ እግዚአብሔር፡ ዘኩሉ፡ ይመልክ፡ አነሥአከ፡ ዘሩባቤል፡ ወልደ፡ ሰላትያል፡ ውሬስየክ፡ ከመ፡ ማዕተብ፡ እስመ፡ ኪያክ፡ ኀረይኩ፡ ይቤ፡ እግዚአብሔር፡ ዘኩሉ፡ ይመልክ።