##### edition  (gez) — Text of the EOTC printed Bible
1 ራእይ፡ ዘርእየ፡ አብድዩ። ከመዝ፡ ይቤ፡ እግዚአብሔር፡ በእንተ፡ ኤዶምያስ፡ ሰሚዐ፡ ሰማዕኩ፡ እምኀበ፡ እግዚአብሔር፡ ወፈነወ፡ ማዕገተ፡ ላዕለ፡ አሕዛብ፡ ታንስኡ፡ ወንትነሳእ፡ ላዕሌሃ፡ ወንትቃተላ።
2 ናሁ፡ ውሑድ፡ ልብከ፡ አስተዐበይከ፡ ዘይነብር፡ ስተ፡ ግበበ፡ ኰኲሕ፡ ወአንኀ፡ ቤቶ፡ ወይበል፡ በልቡ፡ መኑ፡ ያወርደኒ፡ ውስተ፡ ምድር።
4 ወእመሂ፡ ሰረርከ፡ ከመ፡ ንስር፡ ወአንበርከ፡ እጎሊከ፡ ማእከለ፡ ላካዋክብት፡ እምህየ፡ አጸድፈከ፡ ይቤ፡ እግዚአብሔር።
5 እመሂ፡ ሰረቅት፡ ቦኡ፡ ላዕሌከ፡ ወእመኒ፡ ጒሕልያ፡ በሌሊት፡ አይቴኒ፡ ወረዉከ፡ እምኢሰረቁኒ፡ ዘየአክሎሙ፡ ወሶበሂ፡ ቀሳም፡ ቦኡ፡ ላዕሌከ፡ እምኢያትርፋ፡ ለከ፡ ተቅራመ።
6 እፎኑ፡ ፈተንዎ፡ ለዔሳው፡ ዋናስእዎ፡ ዘየኀብዑእ።
7 ወደዱከ፡ እስከ፡ ወሰንከ፡ ወተቃተሉከ፡ እደው፡ እለ፡ ተማሐሉከ፡ ወጸብኡከ፡ ስንእከ፡ ዋሞኡከ፡ ዋዓጋቱከ፡ እምታሕቴከ፡ እለ፡ ላኢይምሕኩከ።
8 ይእተ፡ አሚረ፡ ይቤ፡ እግዚአብሔር፡ አጠፍኦሙ፡ ለጠቢባን፡ እምኤዶምያስ፡ ወእስዕር፡ ምክረ፡ እብብሔር፡ ዔሳው።
9 ወይደነግፁ፡ መስተቃትላኒከ፡ እለ፡ ቴማን፡ ከመ፡ ይጥፋእ፡ ሳብእ፡ እምደወለ፡ ኤሳው።
10 በእንተ፡ ኃጢአተ፡ ቀትሉ፡ ዘምስለ፡ ያዕቆብ፡ እኁሁ፡ ይደፍነከ፡ ኃፍረት፡ ዋትደመሰስ፡ ለዓለመ፡ ዓለም።
11 እስመ፡ ተቃወምከ፡ ፍጽመ፡ አመ፡ ይፄውውዎሙ፡ ካእ፡ ሕዝብ፡ አመ፡ ኀየሉ፡ ወቦኡ፡ ፀር፡ ውስተ፡ አናቅ፡ ጺሃ፡ ወተካፈልዋ፡ ለኢየሩሳሌም፡ ወአንተሂ፡ ከመ፡ ለሐዱ፡ እንኔሆሙ።
12 ወኢምሕኮ፡ ለእኅከ፡ ይእተ፡ አሚረ፡ በዕለተ፡ ፀር፡ ዋኢተፈሳሕክ፡ ላዕለ፡ ደቂቀ፡ ይሁዳ፡ አመ፡ አጥፍእዎሙ፡ ወኢታዕቢ፡ አፋከ፡ በዕለተ፡ ምንዳቤከ።
13 ወኢቦእከ፡ አንቀጸ፡ ህዝብየ፡ አመ፡ ሐፀሮሙ፡ ወኢምሕከ፡ አንተሂ፡ ተዓይኒሆሙ፡ አመ፡ ሠረውዎሙ፡ ወኢወሰከ፡ ዲበ፡ ሠራዊቶመሙአመ፡ አህለቅሙ።
14 ወኢተበቀልካሆሙ፡ ለእለ፡ አምሠጡ፡ ታጥፍኦሙ፡ ላዋኢዐገትኮሙ፡ ለእለ፡ ድኁ፡ ከመ፡ ታመንድቦሙ፡ በዕለተ፡ ተሰብሩ።
15 እስመ፡ አልጸቀት፡ ዕለተ፡ እግዚአብሔር፡ ላዕለ፡ ኰሉ፡ አሕዛብ፡ ወበከመ፡ ገበርከ፡ ከማሁ፡ ይከውን፡ ፍዳከ፡ ዘእፈድየከ፡ ዲበ፡ ርእስከ።
16 ወበከመ፡ ሰተይኮ፡ በደብረ፡ መቅደስየ፡ ከማሁ፡ ይሰትዩ፡ ኲሎሙ፡ አሕዛብ፡ ዋይነ፡ ወይሰትዩ፡ ወይወርዱ፡ ወይከውኑ፡ ከመ፡ ዘኢተፈጥሩ።
17 ወይከውን፡ መድኃኒተ፡ በደብረ፡ ጽዩን፡ ወይከውን፡ ቅድሱ፡ ወይወርስዎሙ፡ ቤተ፡ ያዕቆብ፡ ለእለ፡ ወረስዎሙ።
18 ወይከውን፡ እሳተ፡ ቤተ፡ ያዕቆብ፡ ወቤተ፡ ዩሴፍ፡ ነበልባ፡ ወቤተ፡ ዔሳው፡ ብርዐ፡ ወይነድዱ፡ ዋይበልዕዎሙ፡ ወአልቦ፡ ዜተርፍ፡ በቤ፡ ዔሳው፡ እስመ፡ እግዚአብሔር፡ ነበበ።
19 ወይወርስዎ፡ ለሰብአ፡ ናጌብ፡ ለደብረ፡ ዔሳው፡ ወለእለ፡ ሴፌላ፡ ዘኢሎፍ፡ ወይወርስዎ፡ ለደብረ፡ እፍሬም፡ ወአሕቃላተ፡ ሳማርያ፡ ወብንያም፡ ወገለአድ፡ ወበሐውርቲሆሙ።
20 ወዛቲ፡ ቀዳሚት፡ ፍልሰቶሙ፡ ለደቂቀ፡ እስራኤል፡ በምድረ፡ ከናአን፡ እስከ፡ ሰራጵጣ፡ ወፍልሰተ፡ ኢየሩሳም፡ እስከ፡ ኤፍራ፡ ወይወርሱ፡ አህጉረ፡ ናጌብ።
21 ወእለ፡ ድኀኑ፡ የዐርጉ፡ እምደብረ፡ ጽዩን፡ ከመ፡ ይትበቀልዎ፡ ለደብረ፡ ዔሳው፡ ወይከውን፡ መንግስት፡ ለእግዚአብሔር።