##### edition  (gez) — Text of the EOTC printed Bible
=== chapter 1 ===
[Chapter 1]
1 ወኮነ፡ ቃለ፡ እግዚአብሔር፡ ኀበ፡ ሚኪያስ፡ ወልደ፡ ሞራት፡ በመዋዕለ፡ ኢዩአታ፡ ወአካዝ፡ ወሕዝቅስ፡ ነገስተ፡ ይሁዳ፡ ዘርእየ፡ በእንተ፡ ሰማርያ፡ ወበእንተ፡ ኢየሩሳሌም።
2 ስምዑ፡ አህዛብ፡ ወታጽምዕ፡ ምድር፡ ወኲሎሙ፡ እለ፡ ይነብሩ፡ ውስቴታ፡ ወይከውነክሙ፡ እግዚአብሔር፡ ሰማዕተክሙ፡ እግዚአብሔርሰ፡ ውስተ፡ ቤተ፡ መቅደሱ።
3 ናሁ፡ እግዚአብሔር፡ ይወፅአ፡ እምቤቱ፡ ወይወርድ፡ ወይነብር፡ ዲበ፡ መልዕልተ፡ ምድር።
4 ወያንቀለቅሉ፡ አድባ፡ ባታሕቱ፡ ወይትመሰው፡ አውግ፡ ከመ፡ ሰምዕ፡ እምቅድመ፡ ገጸ፡ እሳት፡ ወከመ፡ ማይ፡ ዘይውኀዝ፡ እምአድባር፡ በተታልዎ።
5 ዝንቱ፡ ኲሉ፡ ዜከውን፡ በእንተ፡ ኃጢአቱ፡ ለያቆብ፡ ወበእነተ፡ ጌጋዩሙ፡ ለቤተ፡ እስራኤል፡ ምንተኑ፡ ኃጢያቱ፡ ለያዕቆብ፡ አኮኑ፡ ሰማሪያ፡ ውትኑ፡ ጌጋዩሙ፡ ለቤተ፡ ይሁዳ፡ እኮኑ፡ ኢየሩሳሌም።
6 ወእርስያ፡ ላርያ፡ ከመለልገተ፡ ዓቃቤ፡ ለበቆ፡ በገዳም፡ ወከመ፡ ተክለ፡ ወይን፡ ተክለ፡ ወይን፡ ወአነስቶ፡ ለእበኒሓ፡ ወአንኀሎ፡ ለወእከስቶ፡ ለመሰረታቲሓ።
7 ወይሰብሩ፡ ኲሉ፡ ግልፎሃ፡ ወያውዕዩ፡ በእሳተ፡ ኲሎ፡ ደነሳ፡ ወአጠፍእ፡ ኲሎለ፡ ጣዖታ፡ እምደነሰ፡ ዝሙታ፡ እስመ፡ አስተጋብአቶሙ፡ በደነሰ፡ መሐዛኒሃ፡ ወተገበረት።
8 በእንተ፡ ዝንቱ፡ ትበኪ፡ ወትላሑ፡ ወተሐውር፡ ዕራቃ፡ ዘእነበለ፡ አሣእን፡ ዋትበኪ፡ ከመ፡ ከይሲ፡ ወትላሑ፡ ከመ፡ አዋልደ፡ ሴርኖን።
9 እስመ፡ ጸንዐ፡ መቅሠፍታ፡ እስመ፡ መጽአት፡ እስከ፡ ይሁዳ፡ ወበጽሐት፡ እስከ፡ አንቀጽ፡ ሕዝብየ፡ እስከ፡ ኢሩሳሌም።
10 ኢኬ፡ ትዜኀሩ፡ ሰብአ፡ ጌት፡ ወኢተሐንጹ፡ እለ፡ ውስተ፡ አቂም፡ ቤተ፡ ኃሳርክሙ፡ ሐመድ፡ ደዩ፡ ውስተ፡ ርእስክሙ፡ ለኃሳርክሙ።
11 እንተ፡ ትነብረ፡ ሰናየ፡ ውስተ፡ አህጉሪሃ፡ ወኢወፅእ፡ እንተ፡ ትነብር፡ ውስተ፡ ሰናኦር፡ ዋይበክዩ፡ ምስሌሃ፡ አብያተ፡ ዘጎራ፡ ወይነስእ፡ እምኔክሙ፡ መቅሠፍተ፡ ዋፃዕረ።
12 ምንተ፡ ብኪ፡ ምስለ፡ ሠናይት፡ ንተ፡ ትነብር፡ ውስተ፡ ማሕምም፡ እስመ፡ ዋርደት፡ እኪት፡ እምኀበ፡ እግዚአብሔር፡ ላዕለ፡ እናቀጸ፡ ኢየሩሳሌም።
13 ድምጽ፡ ሠረገላ፡ ወአፍራስ፡ ላዕለ፡ እንተ፡ ተነብረ፡ ላኪስ፡ መልአከ፡ ኃጢአታ፡ ለውእቱ፡ ለወለተ፡ ጽዩን፡ እስመ፡ ላዕሌኪ፡ ተረክበ፡ ጣዖተ፡ እስራኤል።
14 በእንተ፡ ዘፈኖኪ፡ ሐዋርያተ፡ ውስተ፡ መክፈልተ፡ ጌት፡ ከነቶ፡ ኮኑ፡ ወዐረቁ፡ አብያተ፡ መንግስተ፡ እስራኤል።
15 ወይወስድሙ፡ ለሰብአ፡ ላኪስ፡ ኀበ፡ መዋስት፡ ወይወርስዎሙስከ፡ አዶላም፡ ወያመጽኡ፡ ክብረ፡ ለወለተ፡ እስራኤል።
16 ግምዒ፡ ርእሰኪ፡ ወተላጸዩ፡ ላዕለ፡ ደቂቅኪ፡ ልሕድ፡ አርሕቢ፡ ብርሐተኪ፡ ከመ፡ ንስር፡ እስመ፡ ፄወውዎሙ፡ እምኀቤኪ።
=== chapter 2 ===
[Chapter 2]
1 ወመከሩ፡ እኩያ፡ ወገብሩ፡ ኃጢአተ፡ በወስተ፡ ምስካቦሙ፡ ወነቂሆሙ፡ በጽባሕ፡ ይፌጽምዋ። ወኢያነስኡ፡ እደዊሆሙ፡ ኀበ፡ እግዚአብሔር።
2 ወፈት፡ ገራውሀ፡ ወሄዱ፡ አብያ፡ ወተዐገሉ፡ አጓለ፡ ማውታ፡ ወበርበርዎ፡ ለብእሲ፡ ምስለ፡ ቤቱ፡ ወመሠጡ፡ ብኤሴ፡ ምስለርስቱ።
3 በእንተ፡ ዝንቱ፡ ከመዝ፡ ይቤ፡ እግዚአብሔር፡ ናሁ፡ እነ፡ መከርኩ፡ ኩየ፡ ላዕለ፡ ዝንቱ፡ ህዝብ፡ በዘ፡ ኢያነስኡ፡ እከ፡ ካሳዶሙ፡ ወኢየሐውሩ፡ እንከ፡ ርቱዐ፡ ፍኖተ፡ እስመ፡ ታወግቦሙ፡ ዕለት፡ እኪት።
4 ይእተ፡ አሚረ፡ ይሜስ፡ ላዕሌክሙ፡ ምሳሌ፡ ወታስቆቅው፡ ሠቆቃወ፡ ወትበሉ፡ ኀሠርነ፡ ወሐርተምነ፡ ወይሰፍርዋ፡ በሐብል፡ ለምድር፡ ሕዝብየ፡ ወአልቦ፡ ዜከልእ፡ ወየኀድግ፡ ወይከፈሉ፡ ገራውሂክሙ።
5 በእንተ፡ ዝቱ፡ ኢትረክቢ፡ ዘያዐውድ፡ ለኪ፡ ሐብለ፡ ዲበ፡ መክፈልትኪ፡ ውስተ፡ ማኀበረ፡ እግዚአብሔር።
6 ኢትብክዩ፡ ወኢታንብኡ፡ በእንተ፡ ዝነቱ። እስመ፡ ኢያትኀደግ፡ ኃሳርክሙ።
7 ዘይቤ፡ ቤተ፡ ያእቆብ፡ እምዕኡ፡ መንፈሰ፡ እግዝአቤሔር፡ በዝንቱ፡ ጌጋዩሙ፡ እንዘ፡ ነገሩ፡ ሠናየ፡ ዘኀቤሁ፡ ወራትአን፡ የሀውሩ፡ ቦቱ፡ ወያሜልዑ፡ ቅድም።
8 ወሕዝብየስ፡ ተቃወምዋ፡ ቅድሃ፡ ለሰላሞሙ፡ ወይፃረርዋ። ወሰለብዎ፡ ኩናቶ፡ ወይትቀጠቀጥዎ፡ በውስተ፡ ቀትል።
9 ወበበይ፡ ዝንቱ፡ ይገድፍዎሙ፡ ለመላእክተ፡ ሕዝብየ፡ እምውስተ፡ ትርቲተ፡ አብያቶሙ፡ ወይሰደድዎሙ፡ እስመ፡ እኩ፡ ምግባሪሆሙ። ቅረቡ፡ አድባር፡ እለ፡ እምፍጥረተ፡ ዓለም።
10 ተንስኦ፡ ወሖር፡ እስመ፡ ኢኮነት፡ እንቲአከ፡ ዛቲ፡ ዕረፍት፡ በእን፡ ርኩስክ፡ ጠፋእክሙ፡ ወኀለቅሙ።
11 ወጎየድክሙ፡ እንዘ፡ አልቦ፡ ዜዴግነክሙ፡ ጋኔን፡ አቀመ፡ ለከ፡ ሐሰት፡ ዋኣውጽሐ፡ ለከ፡ ወይነ፡ ወጼተሎ። ወይከውን፡ በነፍኒፎሙ፡ ለዝቱ፡ ሕዝብ።
12 ይትጋባእ፡ ያዕቆብ፡ ምስለ፡ ኰሎሙ፡ እለ፡ ይጸንሑ። እጸንሖ፡ ለተረፈ፡ እስራኤል፡ ወእሬስያ፡ ኀብረ፡ ለሚጠቶሙ። ከመ፡ አባግዕ፡ ውስተ፡ መጽብብ፡ ወከመ፡ መርዔት፡ ውስተ፡ ምብያቲሆሙ፡ ይትባልሑ፡ እምሰብእ።
13 በእንተ፡ ቅትለቶሙ፡ ዘተቃተሉ፡ በቅድመ፡ ገጾሙ፡ ወኀለፋ፡ እምአናቅጽ፡ ወወፅኡ፡ ንተ፡ ውስቴታ፡ ወሖረ፡ ንጉሶሙ፡ ቅደመ፡ ገጾሙ፡ ወእግዚአብሔር፡ ይመርሖሙ።
=== chapter 3 ===
[Chapter 3]
1 ወይብል፡ ስምዑ፡ ዘንተ፡ መኳንንት፡ ቤተ፡ ያዕቆብ፡ ወተረፈ፡ ቤተ፡ እስራኤል፡ አኮኑ፡ ለክሙ፡ አእምሮ፡ ፍትሕ።
2 እለ፡ ትጸልኡ፡ ሠናይ፡ ወተኀሥሱ፡ እኩየ፡ ወትመሥጥዎሙ፡ አምእስቲሆሙ፡ እምላዕሌሆሙ። ወስጋሆሙኒ፡ እምውስተ፡ አዕጽምቲሆሙ።
3 ወበከመ፡ በልዑ፡ ስጋሆሙ፡ ለሕዝብየ፡ ወአውፅኡ፡ አምእስቲሙ፡ እምስቲሆሙ፡ እምውስተ፡ አዕጽምቲሆሙ፡ ወገመዱ፡ መሌሊቶሙ፡ ከመ፡ ስጋ፡ ውስተ፡ ጽሕርት፡ ወከመ፡ አባል፡ ውስተ፡ መቅጹት።
4 ከማሁ፡ ይጸርሑ፡ ኀበ፡ እግዚአብሔር፡ ወኢይሰምዖሙ፡ ወይመይጥ፡ ገጾ፡ እምኔሆሙ፡ ይእተ፡ አቢረ፡ እስመ፡ አሕሠሙ፡ ገቢረ፡ ላዕለሌሆሙ።
5 ከመዝ፡ ይቤ፡ እግዚአብሔር፡ ላዕለ፡ ነቢያት፡ እለ፡ ስሕትዎሙ፡ ለሕዝብየ፡ እለ፡ ይኔዝርዎሙ፡ በስነኒሆሙ፡ ወይሰብኩ፡ ሎሙ፡ ሰላመ፡ ዘአልቦ፡ ዘአዘዞሙ፡ ወአንስኡ፡ ላዕሌሆሙ፡ ቀት።
6 በእንተ፡ ዝንቱ፡ ሌሊት፡ ይከውነክሙ፡ ራእይክሙ፡ ወጽልመተ፡ ይከውነክሙ፡ ሰገልከሙ፡ ወየዐርቦሙ፡ ፀሐይ፡ ለነቢያት፡ ወይጸልሞሙ፡ መዓልት።
7 ወይትኀፈሩ፡ ሐላምያነ፡ ህልመ፡ ሐሰት፡ ወይስሕቅዎሙ፡ ለሰብአ፡ ሰገል፡ ወየሐምይዎሙ፡ ለኰሎሙ፡ ወአልቦ፡ ዘያጸምዖሙ፡ እንከ።
8 ለእመ፡ አነ፡ ኢመላእ፡ ኃይለ፡ መንፈሰ፡ እግዚአብሔር፡ ወኃይለ፡ ወፍትሐ፡ ከመ፡ ይንግርዎ፡ ለያዕቆብ፡ ኃጢአቶ፡ ወልስራኤል፡ ጌጋዩ።
9 ስምዕ፡ ዘንተ፡ መኳንንተ፡ ቤተ፡ ያዕቆብ፡ ዋታራፋ፡ ቤተ፡ እስራኤል፡ እለ፡ ታስቆርርዋ፡ ለጽድቅ፡ ወትገፈትዕዋ፡ ለርትዕ።
10 እለ፡ ተሐንጽዋ፡ ለጽዮን፡ በደም፡ ወለኢየሩሳሌም፡ በዐመፃ።
11 መኳንንቲሃኒ፡ በሕልያን፡ ይኬንኑ፡ ወካህናቲሃኒ፡ በዐስብ፡ ያወስኡ፡ ወነቢያቲሃኒ፡ በወርቅ፡ ያስግሉ፡ ወላዕለ፡ እግዚአብሔር፡ ያሰምኩ፡ ወይብ፡ አኮ፡ እግዚአብሔር፡ ምስሌነ፡ ወኢይረክበነ፡ አኩይ።
12 በእንተ፡ ዝንቱ፡ በበይነ፡ ዚአክሙ፡ የሐርስዋ፡ ለጽዩን፡ ከመ፡ ገራህት፡ ወትከውን፡ ኢየሩሳም፡ ከመ፡ ልገተ፡ ዓቃቤ፡ ቀምሕ፡ ወደብረ፡ ቤቱሂ፡ ከመ፡ ኦመ፡ ገዳም።
=== chapter 4 ===
[Chapter 4]
1 ወይከውን፡ ምደኃሪ፡ መዋዕል፡ ያስተርኢ፡ ደብረ፡ እግዚአብሔር፡ ድልው፡ ውስተ፡ አርእስተ፡ አድባ፡ ዌትሌዐል፡ መልዕልተ፡ አድባር፡ ዋይትሌዐል፡ መዕልተ፡ አውግር፡ ወይረውጹ፡ ኀቤሁ፡ አሕዛብ።
2 ወየሐውሩ፡ ብዙኃን፡ ወይብሉ፡ ንዑ፡ ንዕረግ፡ ደብረ፡ እግዚአብሔር፡ ወውስተ፡ ቤተ፡ አምላክ፡ ዕቆብ፡ ወያርእዩነ፡ ፍኖቶ፡ ወንሖር፡ በአሠሩ፡ እስመ፡ እምጽዩን፡ ይወፅእ፡ ህግ፡ ወቃለ፡ እግዚአብሔር፡ እምኢየሩሳም።
3 ወይኳንን፡ ማእከለ፡ ብዙኃን፡ አህዛብ፡ ወይዘልፎሙ፡ ለአሕዛብ፡ ጽኑዓን፡ እስከ፡ ነዋኀ፡ ብሔር፡ ወይመትሩ፡ ኮያንዊሆሙ፡ ለማህረስ፡ ወአስይፍቲሆሙ፡ ለማዓፅድ፡ ወኢያንስኡ፡ እንከ፡ ኩናተ፡ ሕዝብ፡ ላዕለ፡ ህዝብ፡ ወኢይትሜሀሩ፡ እንከ፡ ቀትለ።
4 ወየዐርፋ፡ ኲሎሙ፡ ታሕተ፡ ወይኖሙ፡ ወታህት፡ በለሶሙ፡ ወአልቦ፡ ዘይጌርሞሙ፡ እስመ፡ አፋሁ፡ ለእግዚአብሔር፡ ዘኲሎ፡ ይመልክ፡ ነበበ፡ ከመዝ።
5 እስመ፡ ኮለሙ፡ አህዛ፡ ሐውሩ፡ በፍኖቶሙ፡ ወንሕነስ፡ ነሐው፡ በስመ፡ እግኢአብሔር፡ አምላክነ፡ ለዓለም፡ ወዓዲ።
6 ይእተ፡ አሚረ፡ ይቤ፡ እግዚአብሔር፡ አስታኣ፡ ለቅጥቅጥ፡ ወእትዌከፋ፡ ለግድፍት፡ ለእንተ፡ አርኀቅዋ።
7 ወእሬስያ፡ ለቅጥቅጥ፡ ትርፍተ፡ ወለግድፍት፡ ህዝበ፡ ጽንዕተ፡ ወይነገስ፡ ሎሙ፡ እግዚአብሔር፡ በደብር፡ ጽለየን፡ እኤእዜ፡ ወእስከ፡ ለዐለም።
8 ወአንቲሂ፡ መኀፈደ፡ ኖሎት፡ ከመ፡ ጸበል፡ ወትመጽእ፡ ዋላታ፡ ጽዩን፡ ውስቴትኪ፡ ወትቀድም፡ በዊኦ፡ ቀዳሚተ፡ መንግስት፡ እምባቢሎን፡ ወለተ፡ ኢየሩሳሌም።
9 ወይእዜ፡ ለምንት፡ መከርኪ፡ እኩየ፡ ንጉሠኑ፡ አልብኪ፡ ዋጣፍአኑ፡ ልብከኪ፡ ከመ፡ የአኀዝኪ፡ ማህምም፡ ክም፡ እንተ፡ ተውልድ።
10 ሐመመኪሂ፡ ወተዐገስኪ፡ እንከ፡ ወቅረቢ፡ ወለተ፡ ጽዩን፡ ከመ፡ እተ፡ ትውልድ፡ እስመ፡ ናሁ፡ ይአዝዜ፡ ትወፅኢ፡ ምሀገር፡ ወታኃድሪ፡ ውስተ፡ ጋዳ፡ ዋትበጽሂ፡ እስከ፡ ባቢሎን፡ ወሀህየ፡ ያድኀነኪ፡ ወበሕየ፡ ነግፈኪ፡ እግዚኦብሔር፡ አምላክኪ፡ እምእደ፡ ፀርኪ።
11 ወናሁ፡ አእዜ፡ ይትጋብኡ፡ ብዙኃን፡ አህዛብ፡ ላዕሌኪ፡ እለ፡ ይብሉ፡ ንትፈሣሕ፡ ላዕሌኪ፡ ወይርአያኪ፡ አዕይንቲነ፡ ጽዩን።
12 ወእሙንቱሰ፡ ኢያእመሩ፡ ዘመከረ፡ እግዚአብሔር፡ ወኢያእመሩ፡ ዘየለየ፡ እስመ፡ አስተጋብኦሙ፡ ከመ፡ ከላስስት፡ ውስተ፡ ዐውደ፡ እክል።
13 ተንስኢ፡ አኪድዩሙ፡ ወለተ፡ ጽዩን፡ እስመ፡ እሬስዩ፡ ዘኃፂን፡ ለአቅርቲኪ፡ ወእሬስዩ፡ ዘብርት፡ ለወላትኪ፡ ወትመስዊዩሙ፡ ለብዙኃን፡ አሕዛብ፡ ወተሐርሚዩሙ፡ ለእግዚአብሔር፡ ብዝኖሙ፡ ወኃይሎሙ፡ ለእግዚአብሔር፡ በኲሉ፡ ምድር።
=== chapter 5 ===
[Chapter 5]
1 ናሁ፡ ይእዜ፡ የዐግትዋ፡ ለመለተ፡ ጽዩን፡ ወየሐጽርዋ፡ በበትር፡ ይዘብጡክሙ፡ ውስተ፡ መላትሒክሙ፡ ህዝበ፡ እስራኤል።
2 ወአንቲኒ፡ ቤተልሄም፡ መድረ፡ ኤፍራ፡ ውሕድ፡ አንቲ፡ ከመ፡ ትኪኒ፡ አእላፈ፡ ይሁዳ፡ እምኔኪ፡ ይወፅእ፡ ንጉሠ፡ ለእስራኤል፡ ወፍናዊሁኒ፡ ዘእምፍጥረተ፡ ዐለም።
3 በእንተ፡ ዝንቱ፡ ትሁቦሙ፡ እስከ፡ ጊዜ፡ ትውልድ፡ ትውልድ፡ ወእለ፡ ተርፋ፡ አኃዊሆሙ፡ ይትመየጡ፡ ኀበ፡ ደቂቀ፡ እስራኤል።
4 ወይቀውም፡ ወይሬዔቶ፡ በኃይለ፡ እግዚአብሔር፡ ወበስብሐተ፡ ስመ፡ እግዚአብሔር፡ አምላኮሙ፡ ይሄልው፡ እስመ፡ አጽናፈ፡ ምድር።
5 ወትከውን፡ ዛ፡ ሰላም፡ አመ፡ መጽኡ፡ ፋርስ፡ ውስተ፡ ምድርክሙ፡ ወአመ፡ ዕጉ፡ ውስተ፡ ብሔርክ፡ ወይትንስኡ
7 ኖሉት፡ ላእሌሁ፡ ወ
6 ወይርእይዎ፡ ለአሶር፡ በኩናት፡ ዋላምድረ፡ ነምሮድ፡ በውስተ፡ ኀዝአቱ፡ ወይድኃን፡ እምአሶር፡ እመ፡ መጽአ፡ ውስተ፡ ብሔርክሙ፡ ወአመ፡ ዐርገ፡ ውስተ፡ አድባሪክሙ።
7 ወይከውን፡ ተረፈ፡ ያእቆብ፡ ውስተ፡ አሕዛብ፡ በማእከለ፡ ብዙኃን፡ ህዝብ፡ ከመ፡ ጠል፡ ዘይወርድ፡ እምኀበ፡ እግዚአብሔር፡ ወከመ፡ አባግዕ፡ ውስተ፡ ተሐግ፡ ከመ፡ ኢይትጋባአ፡ ዋኢአሐዱ፡ ወኢይቀውም፡ ውስተ፡ ዳቂቀ፡ እጓለ፡ እመሕያው።
8 ወይከውን፡ ተረፈ፡ ያዕቆብ፡ ማእከለ፡ ብዙኃን፡ አሕዛብ፡ ከመ፡ አንበሳ፡ ውስተ፡ እንስሳ፡ በገዳም፡ ወከመ፡ እጓለ፡ አንበሳ፡ ውስተ፡ መርዔተ፡ አባግዕ፡ ከመ፡ ሶበ፡ ይመጽእ፡ ወይሰርር፡ ወይመስጥ፡ ወአልቦ፡ ዘያነግፎ።
9 ከማኁ፡ ትትሌዐል፡ እዴከ፡ ዲበ፡ እለ፡ ይሣቅከ፡ ወይሴረው፡ ኰሎሙ፡ ፀረከ።
10 ወይከውን፡ ይእቲ፡ ኣሚረ፡ ይቤ፡ እግዚአብሔር፡ እሴርዎሙ፡ ለአፍራሲከ፡ በማእከልከ፡ ወአጠፍእ፡ ሠረገላከ።
11 ወእሤርዎን፡ ለአህጉረ፡ ብሔርከ፡ ወአንኅ፡ ኮሎ፡ አጽዋኒከ።
12 ወእስዕር፡ ኮሎ፡ ስራያቲከ፡ እምእደዊክ፡ ወአልቦ፡ ዘይትዋሳእ፡ ላከ።
13 ወእሤሩ፡ ግልፎከ፡ ወአምሳሊከ፡ እማእከልከ፡ ወኢትሰግድ፡ እንከ፡ ግብረ፡ እደዊከ።
14 ወእገዝም፡ ምህራማቲከ፡ እማእከልከ፡ ወአጠፍኦን፡ ለአህጉሪከ።
15 ወእገብር፡ በቀለ፡ ውስተ፡ አህዛብ፡ በመዐትየ፡ ወበመቅሠፍትየ፡ እስመ፡ ኢሰምኡ።
=== chapter 6 ===
[Chapter 6]
1 ስምኡ፡ ቃለ፡ እግዚአብሔር፡ ዘይቤ፡ ተንስእ፡ ተዋቀስሙ፡ ለአድባር፡ ወይስምኡ፡ አውግር፡ ቃለከ።
2 ስምኡ፡ አድባር፡ ቅስተ፡ እግዚአብሔር፡ ወቆላተ፡ መሠረተ፡ ምድር፡ እስመ፡ ይትዋቀሶሙ፡ እግዚአብሑር፡ ለህዝብ፡ ወይዛፎሙ፡ ለእስራኤል።
3 እንዘ፡ ይብል፡ ሕዝብየ፡ ምተ፡ ረሰይኩክ፡ ወምንተ፡ አተከዝኩከ፡ ወምነተ፡ አጽሐብኩከ፡ ንግረኒ።
4 ናሁ፡ አውፃእኩከ፡ እምድረ፡ ግብጽ፡ ወባለሕኩከ፡ አምቤተ፡ ቅኔ፡ ወፈነውኩ፡ ቅድሜከ፡ ሙሴሃ፡ ወአሮንሃ፡ ወማርያሃ።
5 ተዘከር፡ ህዝብየ፡ ዘመከረ፡ ላዕሌከ፡ ባላቅ፡ ንጉሰ፡ ሞአብ፡ ወምንተ፡ አውስኦ፡ በለዓም፡ ወልደቤኦር፡ እምነ፡ ሰኪኖን፡ እስከ፡ ገላገላ። ከመ፡ ይትዐወቅ፡ ጽድቁ፡ ለእግዜአብሔር።
6 በምንትኑ፡ እንጋ፡ እረክቦ፡ ለእግዚአብሔር፡ ወእትዌከፎ፡ ለአምላኪየ፡ ልዑል፡ እረክቦኑ፡ እንጋ፡ በመስዋዕተ፡ አልህምት፡ ዘዓመት።
7 ይትዌከፍኑ፡ እንጋ፡ እግዚአብሔር፡ በእልፍ፡ አባግዕ፡ ወእመ፡ አኮ፡ በአእላፍ፡ ሐራጊት፡ ስቡሖን፡ ወእመ፡ አኮ፡ በበኩርየ፡ በፍሬ፡ ከርስየ፡ በእንተ፡ ኃጢተ፡ ነፍስየ።
8 እመ፡ ቦ፡ ዘነገረከ፡ ሰብእ፡ ምንት፡ ሠናይ፡ ወምንተ፡ ይፈቅድ፡ እግዚአብሔር፡ እምኔከ፡ ዘእነነለ፡ ከመ፡ ትግበር፡ ጽድቀ፡ ወታፍቅር፡ ምጽዋተ፡ ወትኩን፡ ጥቡዐ፡ ከመ፡ ትትልዎ፡ ለእግዚአብሔር፡ አምላክከ።
9 ቃለ፡ እግዚአብሔር፡ ትስማሚ፡ በሀገርከ፡ ከመ፡ ያድኀኖሙ፡ ለእለ፡ ይፈርሁ፡ ስሞ። ስማዕ፡ ሕዝብየ፡ መኑ፡ ያስተሬሲ፡ ሀገረ።
10 እሳትኑ፡ ወቤተ፡ ዓማፅያን፡ እለ፡ ይዘግቡ፡ መዛግብተ፡ ዓመፃ፡ ወይገፍዑ፡ ወየኀስሩ።
11 ለእመ፡ ይጠድቁ፡ በመዳልወ፡ ዓመፃ፡ ወቁናማተ፡ ተምያን።
12 እለ፡ መልእዎ፡ ለብዕለሎሙ፡ በዓመፃ፡ ወእለኒ፡ ይነብሩ፡ ውስቴታ፡ ሐሰተ፡ ይትናገሩ፡ ወልሳኖሙኒ፡ ዘጐሕሉት፡ ውስተ፡ አፋሆሙ።
13 ወአነሂ፡ እኀዘ፡ እቅትልኪ፡ ወአጥፍእኪ፡ በእንተ፡ ኃጢአትኪ።
14 ትበልኢ፡ ወኢትጸግቢ፡ ወይጸልመኪ፡ ወትመውቲ፡ ወኢተሐይዊ፡ ወኮሎሙ፡ እለ፡ ድኀኑ፡ በኪናት፡ ይወድቁ።
15 ትዘርኢ፡ ወኢተአርሪ፡ ትተክሊ፡ ዘይተ፡ ወኢትትቀብኢ፡ ቅብአ፡ ትተክሊ፡ ለወይነ፡ ወኢትሰትዩ፡ ወይነኪ፡ ወይማስን፡ ስርዓቶሙ፡ ለሕዝብየ።
16 መአቀብኪ፡ ህጎ፡ ለዘንበሪ፡ ወኮሎ፡ ምባረለቤተ፡ አካአብ፡ ወሖርክሙ፡ በምባሮሙ፡ ከመ፡ ያብእ፡ ውስተ፡ ሙስና። ወለእለሂ፡ ይነብሩ፡ ውስቴታ፡ ኃሳር፡ ወጽዕለተ፡ አሕዛብ፡ ረክቦሙ።
=== chapter 7 ===
[Chapter 7]
1 አሌሊተ፡ እስመ፡ ኮንኩ፡ ከመ፡ ዜስተጋብእ፡ ቀሪመ፡ በማእረር፡ ወከመ፡ ተቅራም፡ እመ፡ ቀስም፡ ዘአልቦ፡ አስካ፡ ዘይበልኡ። አሌላ፡ ለነፍስየ።
2 እስመ፡ ኀልቀ፡ ኄር፡ እምድር፡ ወአልቦ፡ ሰብእ፡ ዘይረትዕ፡ ኩሉ፡ ለለለነፍሱ፡ ይሴነን፡ ወክሉ፡ ለያጠውቅ፡ ቢጾ፡ ወያመነደብ።
3 ወያነስኡ፡ እደውሆሙ፡ ለእኩይ፡ መልአክኒ፡ ይስእል፡ ወመኮንንኒ፡ ይየውህ፡ ከመ፡ ይርከብ፡ ፍትወተ፡ ነፍሱ፡ ወአጠፍኦ፡ ለበረከቶሙ።
4 ከመ፡ ጻፄ፡ ዘይበልዕ፡ ወየዐርግ፡ ዲበ፡ ንዋይ፡ በዕለተ፡ ጽልመት። አሌለኪ፡ በጽሒኪ፡ ፍዳኪ፡ ይእዜ፡ ይበጽሖሙ፡ ግዓር።
5 ኢትትአመንዎሙ፡ እንከ፡ ለአዕርክቲክሙ፡ ወኢትትወከልዎሙ፡ ለመላእክት፡ ወእምብእሲትከ፡ ብስተ፡ ምስካብከ፡ ተዐቀብ፡ ከመ፡ ትእበያ።
6 እስመ፡ ወልድኒ፡ ያኀስር፡ አባሁ፡ ወወለትኒ፡ ትትነሣእ፡ ዲበ፡ እማ፡ ወመርዓትኒ፡ ትትነሣእ፡ ዲበ፡ እማ፡ ወመርዓት፡ ላዕለ፡ ሐማታ፡ ወኲሉ፡ ሰብ፡ ቤቱ፡ ይጻረሮ፡ ለሰብእ።
7 ወአንሰ፡ ዲበ፡ እግዚአብሔር፡ አዐርፍ፡ ወእሴፈዎ፡ ለአምላኪየ፡ ወመድኃንየ፡ ወይሰምዐኒ፡ አምላኪየ።
8 ወኢይከውን፡ ስላተ፡ ጸላእየ፡ እኒ፡ ድኀጽኩ፡ እትነሳእ፡ ወእመኒ፡ ነበርኩ፡ ስተ፡ ጽልመጽ፡ እግዚአብሔር፡ በርህ፡ ሊተ።
9 ተግሳጽ፡ እግዚአብሔር፡ አንሰ፡ ተዐገስኩ፡ እስመ፡ አበስኩ፡ ሎቱ፡ እስከ፡ ያጸድቂ፡ ፍትሕየ። ወይገብሮ፡ ሊተ፡ ቅስትየ፡ ወያገብአኒ፡ ውስተ፡ ብርሃን፡ ወእሬእያ፡ ለጽድቁ።
10 ወትሬኢ፡ ጸላእትየ፡ ወትለብስ፡ ኃፍረተ፡ እንተ፡ ትብለኒ፡ አይቴ፡ ውእቱ፡ እግዚአብሔር፡ አምላክከ። ወይሬእያ፡ አዕይንትየ፡ ይእዜ፡ ትከውን፡ ከመ፡ ጽንጒን፡ ዜከይዱ፡ ውስተ፡ ፍኖት።
11 ወታጠፍአኪ፡ ይእተ፡ ዕለተ፡ ወትማስን፡ ህግኪ፡ ይእተ፡ ዕለተ።
12 ወትዐጸው፡ አህጉሪኪ፡ ወይትካፈልዎን፡ ፋርስ፡ ለአህጉሪኪ፡ ጽኑዓት፡ እምጢስ፡ እስከ፡ ፈለገ፡ ሶርያ፡ ወእምባሕር፡ እስከ፡ ባሕር፡ ወእምአድባር፡ እስከ፡ አድባር።
13 ወትማስን፡ ምድር፡ ምስለ፡ ኩሉ፡ ዘይነብራ፡ እምፍሬ፡ እከየ፡ ምግባሮሙ።
14 ረዐይ፡ ሕዝብከ፡ በበትርከ፡ ወነገደ፡ አባግዐ፡ ርስትከ፡ ወይኀድሩ፡ ባሕቲቶሙ፡ ወይትረዐዩ፡ ውስተ፡ ዖም፡ ዘማእከለ፡ ቀርሜሎስ፡ ወባሳን፡ ወገለአድ፡ በከመ፡ መዋዕለ፡ ዓለም።
15 ወከመ፡ መዋዕክ፡ ዘአመ፡ ዐርጉ፡ እምግብጽ፡ ወትሬእዩ፡ መንክረ።
16 ወይርአዩ፡ አሕዛብ፡ ወይትኀፈሩ፡ በኩሉ፡ ኃይሎሙ፡ ይወድዩ፡ እደዊሆሙ፡ ዲበ፡ አፋሆሙ፡ ወይጠይዑ፡ እዘኒሆሙ።
17 ወይልሕሱ፡ መሬተ፡ ከመ፡ አርዌ፡ ምድር፡ ወይትከውሱ፡ በውስተ፡ መዕገቶሙ፡ ወይደነግፁ፡ እምእግዚአብሔር፡ አምላክነ፡ ወይፈርሁ፡ እምኔሁ።
18 መኑ፡ አምላክ፡ ከማከ፡ ዘያአትት፡ ኃጢአተ፡ ወይትዐደው፡ አበሳሆሙ፡ ለርስቱ፡ ለእለ፡ ተርፋ፡ ወኢያጽንዐ፡ ስምዐ፡ መዐቱ፡ እስመ፡ ፈቃዴ፡ ምሕረት፡ ውእቱ።
19 ይትመየጠነ፡ ዋይሠሀለነ፡ ወያሠጥሞን፡ ለኃጣውኢነ፡ ወይዌርዎን፡ ውስተ፡ ቀላየ፡ ባሕር፡ ለአበሳነ።
20 ወትሁብ፡ ጽድቀ፡ ለያዕቆብ፡ መሳህ፡ ለአብርሃም፡ በከመ፡ መሐልከ፡ ለአበዊነ፡ በመዋዕለ፡ ትካት።