##### edition  (gez) — Text of the EOTC printed Bible
=== chapter 1 ===
[Chapter 1]
1 ተረፈ፡ ነነዌ፡ መጽሐፈ፡ ራእዩ፡ ለናሆም፡ ልደ፡ ሔልቂዮስ።
2 እግዚአብሔር፡ ቀናኢ፡ ወመስተበቅል፡ ወይትቤቀሎሙ፡ እግዚአብሔር፡ ወይትቤቀሎሙ፡ እግዚአብር፡ በመዐቱ፡ ለፅሩ፡ ወያጠፍኦሙ።
3 እግዚአብሔር፡ መስተዐግስ፡ ወዓቢይ፡ ኃይሉ፡ ወንጹሕኒ፡ አልቦ፡ ንጹሐ፡ በኀቤሁ። እግዚአብሔር፡ በፍጽም፡ ወበድልቅልቅ፡ ፍኖቱ፡ ወደመና፡ ጸበለ፡ እገሪሁ።
4 ወያጠፍኦ፡ ለባሕር፡ ዋያየብሳ፡ ወያነፅፎሙ፡ ለኲሎሙ፡ አፍላግ፡ ኀልቁ፡ ባሳን፡ ወቀርሜሎስ፡ ወጠፍአ፡ ፍሬ፡ ሊባኖስ።
5 ወአንቀልቀሉ፡ አድባር፡ እምኔሁ፡ ወእለቅለቁ፡ አውግር፡ ወደንገፀት፡ ኲላ፡ ምድር፡ እምቅድመ፡ ገጹ፡ ወኲሎሙ፡ እለ፡ ይነብሩ፡ ውስቴታ።
6 ወመኑ፡ ይትቃወማ፡ ለመቅሠተ፡ መአቱ፡ ወመዐቱሂ፡ ይመስዎሙ፡ ለአርእስቲሆሙ፡ ወይትቀጠቀጥ፡ ኮኲሕ፡ እምኔሁ።
7 ኄር፡ እግዚአብሔር፡ ለእ፡ ይትዔገስዎ፡ በዕለተ፡ ምንዳቤሆሙ፡ ወየአምሮሙ፡ ለእ፡ ይፈርህዎ።
8 ወይሬስዮሙ፡ ለእለ፡ ትነስኡ፡ ከመ፡ ይኀልቁ፡ በፍኖተ፡ አይኀ፡ ወዴገኖሙ፡ ጽልመት፡ ለፀሩ።
9 ምንተ፡ ትሔልየ፡ ላዕለ፡ እግዚአብሔር፡ ናሁ፡ ለውእቱ፡ ይገብር፡ ማኀለቅተ፡ ወኢይትቤቀል፡ ካዕበ፡ ኀቡረ፡ በሕማም።
10 አወስከ፡ መሠረቶሙ፡ ማሰኑ፡ ወትትበላዕ፡ ከመ፡ ብልዐ፡ ፃፄ፡ ወመልአት፡ ከመ፡ ባሕሩስ፡ ይቡስ።
11 እስመ፡ እምኑከ፡ ይወፅእ፡ ሕሊና፡ እኩይ፡ ላዕለ፡ እግዚአብሔር፡ ወትመክር፡ ህሡመ።
12 ከመዝ፡ ይቤ፡ እግዚአብሁር፡ ዘያውኀዝ፡ ብዙሕ፡ ማየ፡ ወያፅፎ፡ ከማሁ፡ ወነገርከሂ፡ ኢይሰማፅ፡ እንከ።
13 ወይእዜኒ፡ እቀጠቅጣ፡ ለበርሩ፡ እምኔከ፡ ወእበትክ፡ ማኅሜከ።
14 ወይእዜዝ፡ እግዚአብሔር፡ በእንቲአከ፡ ከመ፡ ኢይሰማዕ፡ ስምከ፡ ወዓዲ፡ እሤርዎ፡ ለግልፎከ፡ ወለስብኮከ፡ እምቤተ፡ አምላክከ፡ ወፍጡነ፡ እሬስያ፡ መቃብሪከ።
15 ናሁ፡ ውስተ፡ አድባር፡ እገሪሆሙ፡ ለሰብአ፡ ዜና፡ ወይዜንው፡ ሰላመ፡ ገበር፡ በዐለከ፡ ይሁዳ፡ ወፍዲ፡ ብፅዓቲከ፡ እስመ፡ ኢይደግሙ፡ እንከ፡ ዋኢይመጽኡ፡ ይትጋደሉከ፡ ኀልቀ፡ ወተሥዕረ።
=== chapter 2 ===
[Chapter 2]
1 ዐርገ፡ ዘይነፍኀ፡ ውስተ፡ ገጽከ፡ ወኢያጠፍአከ፡ በሕማም። ወአስተሐይጽ፡ ፍኖዳዡ፡ ዋኣጽንዕ፡ ሐቃከ፡ አጥበርዕ፡ በኃይልከ፡ በሕቁ።
2 እስመ፡ ሜጠ፡ እግዚአብሔር፡ ጽዕለተ፡ ያዕቆብ፡ ከመ፡ ጽዕለተ፡ እስራኤል፡ እስመ፡ ነፂኀ፡ ነፅኖመ፡ ወአማሰኑ፡ አዕጹቂሆሙ።
3 በወልታ፡ ኃይሎሙ፡ እምሰብእ፡ ዕደው፡ ኃያላን፡ እለ፡ ይትዋነዩ፡ በእሳት፡ መስረ፡ ሠረገላሆሙ፡ ሶበ፡ ትሬሰዩ፡ ወእራኒ፡ ይትሀወኩ።
4 ውስተ፡ ፍናው፡ ወይደነግፁ፡ ሠረገላ፡ ወይትጓደኡ፡ በፍናው፡ ገጾሙ፡ ከመ፡ ነበልባለ፡ እሳት፡ ወከመ፡ መብረቀወ፡ ዜረውጽ።
5 ወይዘክሩ፡ መሳፍንቲሆሙ፡ ወይሜምኡ፡ መዓልተ፡ ወይደክሙ፡ በፍኖቶሙ፡ ወይረውጹ፡ ዲበ፡ አረፋቲሃ፡ ወያብሩ፡ መዓቅቢሆሙ።
6 ወተርኀወ፡ አናውጸ፡ አህጉር፡ ወወድቁ፡ አብያተ፡ መንገስት።
7 ወተከስተ፡ ኃይል፡ ወዐርገት፡ እቲኒ፡ ወአእማቲሃ፡ ይመርሖሃ፡ ከመ፡ ርግብ፡ ዋይኔቅዋ፡ በልቦን።
8 ወነነዌሰ፡ ከመ፡ ምጥማቃተ፡ ማይ፡ ወእሙንቱሂ፡ ጎዩ፡ ወኢቆሙ፡ ወአልቦ፡ ዘይትመየጥ።
9 በረበሩ፡ ብሩረ፡ ወወርቀ፡ ወአልቦ፡ ማኀለቅተ፡ ሠርጓ፡ ክቡድ፡ ላዕለ፡ ኲሉ፡ ንዋያ፡ መፍትው።
10 ተነግፈ፡ ወተነዝፈ፡ ወሐቅየ፡ ስነን፡ ወድንጋጼ፡ ልበ፡ ወርዕደ፡ ብርክ፡ ወይትቀጸዕ፡ ኲሉ፡ ሐቃ፡ ወገጸ፡ ኲሉ፡ ከመ፡ ጸለሎ፡ መቅጹት።
11 አይቴ፡ ውእቱ፡ ግበበቢሆሙ፡ ለአናብስት፡ ወአይቴ፡ ይርረዩ፡ እጉለ፡ አናብስት፡ አይቴ፡ ሖረ፡ አንበሳ፡ ከመ፡ ይባዕ፡ ህየ፡ እጓለ፡ አንበሳ፡ ወአልቦ፡ ዘይጌርሞ።
12 አንበሳ፡ መሠጠ፡ ዘየአክሎ፡ ለእጎሊሁ፡ ወሐነቃ፡ ለአንስቲያሁ፡ ወመልአ፡ ዘነዐወ፡ ለእጎሊሁ፡ ወግቦሂ፡ እምዘመሠጠ።
13 ናሁ፡ አነ፡ ላዕሌከ፡ ይቤ፡ እግዚአብሔር፡ ለኰሉ፡ ይመልክ፡ ወአንድዶመሙ፡ ከመ፡ ጢስ፡ ለብዝኀከ፡ ወትበልዖመ፡ ኲናት፡ ለአናብስቲከ፡ ወአጠፍኦ፡ እምድር፡ ለማዕገትከ፡ ወኢይሰማዕ፡ እንከ፡ ምግባሪከ።
=== chapter 3 ===
[Chapter 3]
1 አሌላ፡ ለሀገረ፡ ደም፡ እንተ፡ መልአት፡ ሐሰተ፡ ወጸግበት፡ ዓመፃ፡ ኢየትገሐስ፡ ማዕገት።
2 ድምፀ፡ መቅሠፍት፡ ወቃለ፡ መንኮራኲር፡ ወአፍራስ፡ ዘይረውድ፡ ወሠረገላ፡ ዘይረውጽ፡ ወመስተጽዕናን፡ ዘይጼአኑ።
3 ወኲናት፡ ዘይመልስ፡ ወወላትው፡ ዘይበርቅ፡ ወብዙኃን፡ አብድንት፡ ወክብድ፡ ድቀት፡ ወአልቦ፡ ጽንፈ፡ አህዛቢሓ፡ ወይደውዩ፡ በስጋሆሙ፡ እምብዝኀ፡ ዝሙቶሙ።
4 ዘማ፡ ሠናይት፡ ወፍስሕት፡ ልህቀቶ፡ ለሰብአ፡ ስራይ፡ እንተ፡ ትሠይጥ፡ አሕዛበ፡ በዝሙታ፡ ወሕዝበ፡ በስራያቲሃ።
5 ናሁ፡ አነ፡ ላዕሌኪ፡ ይቤ፡ እግዚአብሔር፡ አምላክ፡ ዘኲሎ፡ መልክ፡ ወእቀፍጸኪ፡ ድኅሬኪ፡ ውስተ፡ ገጽኪ፡ ወአርአዩሙ፡ ለአህዛብ፡ ኃፍረተኪ፡ ወለነገስት፡ ኃሳረኪ።
6 ወእገድፍ፡ ላዕኪ፡ ርኲሰ፡ ዘከመ፡ ረኮሲኪ፡ ወእሰጥሐኪ፡ ወእሬስየኪ፡ ኀስርተ።
7 ወኲሉ፡ ዘርአየኪ፡ ይወርድ፡ እምኔኪ፡ ወይብል፡ ደንገፀት፡ ነነዌ፡ መኑ፡ ይግዕር፡ ላዕሌኪ፡ እምአይቴ፡ ተኀስስ፡ ዘይናዝዛ።
8 ታስተዳሉ፡ መክፈልታ፡ ወትቃኒ፡ አውታሪሃ፡ ወታስተዳሉ፡ መክፈልተ፡ አሞን፡ እንተ፡ ትነብር፡ ውሰውተ፡ አፍላግ፡ ማይ፡ ሐፁራ፡ ወጽንፋ፡ ውስተ፡ ባሕር፡ ወማይ፡ አረፋሂ።
9 ወኢትዩጲያ፡ ኃይላ፡ ወግብፄልቦ፡ ጽንፈ፡ ለምጉያያ፡ ወሊቢዩ፡ ይረድእዋ።
10 ወለይእቲኒ፡ እምነ፡ ምንባሃ፡ ፄወውዋ፡ ወወሰድዋ፡ ወነጽኀዎሙ፡ ለሕፃናቲሃ፡ ውስተ፡ ኲሉ፡ ክብራ፡ ወይሞቅያዎሙ፡ ለኲሉ፡ መኳንንቲሃ።
11 ወአንቲሂ፡ ትሰክሪ፡ ወትከውኒ፡ እብደ፡ ወተኀስሲ፡ ለኪ፡ ዘይባሐኪ፡ አምፀርኪ።
12 ወኢያድኀኒኪ፡ አጽዋንኪ፡ ወይሜምዑ፡ ማዓቅባንኪ፡ ወይወድቁ፡ ውስተ፡ አፈ፡ በላኢ።
13 ናሁ፡ ለሕዛብኪ፡ ከመ፡ አንስት፡ በውስቴትኪ፡ ወይትረኀዋ፡ ለፀርኪ፡ አናቅጻ፡ ብሔርኪ፡ ወይቤልኦ፡ እሳት፡ ለመናስግትኪ።
14 ናሁ፡ ማይ፡ ዐገተኪ፡ ፃኢ፡ ወአጽንኢ፡ አጽዋነኪ፡ ዕርጊ፡ ውስተ፡ ጽቡር፡ ወአጽብሪ፡ በሐሰር፡ ዋኣይብስዩ፡ በግልፋል።
15 እስመ፡ በህየ፡ ይበልአኪ፡ እሳት፡ ወታጠፍአኪ፡ ኲናት፡ ወይበልዐኪ፡ ከመ፡ አንበጣ፡ ወትከብዲ፡ እምደጎብያ።
16 አብዛኀኪ፡ ተግባረኪ፡ እምዶከበ፡ ሰማይ፡ ደጎብያ፡ ነበረ፡ ወሰረረሂ።
17 ወአምሠጡ፡ ድሙራንኪ፡ ከመ፡ አንበጣ፡ ዜነብር፡ ዲበ፡ ጥቅ፡ በዕለተ፡ ጊሜ፡ ወሠረቀ፡ ፀሐይ፡ ትገሐስ፡ ወኢእመረት፡ ብሔራ፡ አሌሎሙ።
18 እስመ፡ ደቀሱ፡ ኖሎት፡ ንጉሠ፡ ፋርስ፡ አኖሞሙ፡ ለኃያላንኪ፡ ግዑዙ፡ አሕዛብ፡ ውስተ፡ አድባር፡ ወአልቦ፡ ዘይጸንሕ።
19 ወአልቦ፡ ፈውሰ፡ ለቁስልኪ፡ ኲሕሠ፡ ጸልዕኪ፡ ኲሎሙ፡ እለ፡ ይሰምዑ፡ ዜና፡ ይጠፍሑ፡ እደዊሆሙ፡ ላዕሌኪ፡ እስመ፡ ላእለ፡ ኲሉ፡ በጽሐት፡ እኪትኪ፡ በኲሉ፡ ጊዜ።