##### edition  (gez) — Text of the EOTC printed Bible
=== chapter 1 ===
[Chapter 1]
1 ወኮነ፡ ቃለ፡ እግዚአብሔር፡ ኀበ፡ ዩናስ፡ ወልደ፡ አማቴ፡ ወይቤሎ።
2 ተንስእ፡ ወሖር፡ ኀበ፡ ነነዌ፡ ሀገር፡ ዓባይ፡ ወስብክ፡ ሎሙ፡ እስመ፡ ዐርገ፡ ገዓረ፡ እከዩሙ፡ ኀቤየ።
3 ወሖረ፡ ዩናስ፡ ወተኀጥአ፡ ብሔር፡ ተርሴስ፡ እምገጸ፡ እግዚአብሄር፡ ወወረደ፡ ሀገር፡ ኢዩጴ፡ ወረከበ፡ ሐመረ፡ ዜነግድ፡ ብሔር፡ ተርስስ፡ ዋታዓሳ፡ ሐመረ፡ ርገ፡ ውስቴቱ፡ ይነግድ፡ መስሌሆሙ፡ ተርሴስ፡ እምገጸ፡ እግዚአብሔር።
4 ወአምጽአ፡ እግዚአብሔር፡ ነፋሰ፡ ዓቢየ፡ ውስተ፡ ባሕር፡ ወዐብየ፡ ማዕበለ፡ ባሕር፡ ወተመነደበ፡ ሐመሮሙ፡ ከመ፡ ይሰበር።
5 ወፈርሁ፡ ኖትያ፡ ወአውየዉ፡ ኮሎሙ፡ ኀበ፡ አማልክቲሆሙ፡ ወአስተዋፅኡ፡ ወገደፈውስተ፡ ባሕር፡ ንሙ፡ ከመ፡ ይቅልል፡ ሐመሮሙ፡ ወወረደ፡ ዮናስ፡ ውስተ፡ ከርሠ፡ ሐመር፡ ወኖመ፡ ወንኀረ።
6 ወወረደ፡ ኀቤሁ፡ ዘይሔድፍ፡ ወይቤሎ፡ ምንት፡ ያነውመከ፡ ተንስእ፡ ወጸውዕ፡ አምላከ፡ ከመ፡ ያድኀነነ፡ ጦፋዚአብሔር፡ ወኢነሙት።
7 ወተበሃሎ፡ በበይናቲሆሙ፡ ንዑ፡ ንትዐፀዉ፡ ወወረደ፡ ፅፃ፡ ላዕለ፡ ዮናስ።
8 ወይቤልዎ፡ ንግረነ፡ በበይነ፡ ሙኑ፡ ረከበተነ፡ ዛቲ፡ እኪት፡ ወምንት፡ ተግባርከ፡ ወእምአይቴ፡ መጻእከ፡ ወአይቴ፡ ተሐውር፡ ወአይቴ፡ ብሔርክ፡ ወምንት፡ ሕዝብከ።
9 ወይቤሎሙ፡ ገብረ፡ እግዚአብሔር፡ አምላከ፡ ሰማይ፡ ዝገብረ፡ ባሕረ፡ ወየብስ።
10 ወፈርሁ፡ እሙንቱ፡ ዕደው፡ ዓቢየ፡ ፍርሃተ፡ ወይቤልዎ፡ ምን፡ ገበርክ፡ ወአእመርዎ፡ እንቱ፡ ዕደው፡ ከመ፡ እምገጸ፡ እግዚአብሔር፡ ተኀጥአ፡ እስመ፡ ነገሮሙ።
11 ወይቤልዎ፡ ምነተ፡ እንከ፡ ንረሲከ፡ ወይኀድገነ፡ ባሕር፡ ስመ፡ ይትሀወክ፡ ባሕር፡ ወይትነሣእ፡ መዕበል፡ ዓቢይ።
12 ወይቤሎሙ፡ ዮናስ፡ ንሥኡኒ፡ ወውርዉኒ፡ ውስተ፡ ባሕር፡ ወየኀድገክሙ፡ ባሕ፡ እነ፡ አአምር፡ ከመ፡ በእንቲአየ፡ መጽአክሙ፡ ዝንቱ፡ ማዕበል፡ ዐቢይ።
13 ወተባአሱ፡ ይትመየጡ፡ መንገለ፡ ምድር፡ እሙንቱ፡ ዕደው፡ ወስእኑ፡ እስመ፡ ትትሀወክ፡ ባሕር፡ ወትትነሣእ፡ ላዕሌሆሙ።
14 ወአውየዉ፡ ኰሎሙ፡ ኀቡረ፡ ኀበ፡ እግዚአብሔር፡ ወይቤሉ፡ ሐሰ፡ ለከ፡ እግዚኦ፡ ኢታጥፍአነ፡ በበይነ፡ ነፍሱ፡ ለዝንቱ፡ ብእሲ፡ ኢትረሲ፡ ላዕሌነ፡ ከመ፡ ጻድቅ፡ እስመ፡ አንተ፡ እግዚኦ፡ ዘከመ፡ ፈቀድከ፡ ገበርከ።
15 ወነስእዎ፡ ሌነስ፡ ወወረውዎ፡ ውስተ፡ ባሕረ፡ ወአርመመት፡ ባሕር።
16 ወፈርህዎ፡ ለእግዚአብሔር፡ እሙንቱ፡ ዕደው፡ ዓቢየ፡ ፍርሃተ፡ ወሦዑ፡ እግዝአብሔር፡ መስዋዕተ፡ ወበፅዑ፡ ብፅዓተ።
=== chapter 2 ===
[Chapter 2]
1 ወአዘዘ፡ እግዚአብሔር፡ ዓንበሬ፡ ዓቢየ፡ የሐቶ፡ ለዮናስ፡ ወነበረ፡ ዮናስ፡ ውስተ፡ ከርሠ፡ ዐንበሪ፡ ሠሉሰ፡ ዕለተ፡ ወሠሉሰ፡ ሌሊተ።
2 ወጸለየ፡ ዮናስ፡ በውስተ፡ ከርሰ፡ ዐንበሪ፡ ኀበ፡ እግዚአብሔር፡ አምላኩ።
3 ወይቤ፡ አውየውኩ፡ በምንዳቤየ፡ ኀበ፡ እግዚአብሔር፡ አምላኪየ፡ ወሰምዐኒ፡ በውስተ፡ ከርሠ፡ ለሲኦል፡ ጽራኀየ፡ ወሰምዐኒ፡ ቃልየ።
4 ወወሮከኒ፡ ውስተ፡ ልበ፡ ቀላየ፡ ባሕር፡ ወዐጉኒ፡ አፍላግ፡ ወመጽአ፡ ኲሎ፡ ማዕበልከ፡ ወሞገድከ፡ እንተ፡ ላዕሌየ፡ ኀለፈ።
5 አንሰ፡ እቤ፡ ገደፍከኒኑ፡ እንጋ፡ እምቅድመ፡ አዕይንቲከ፡ እደግምኑ፡ ርእየ፡ ቤተ፡ መቅደስከ።
6 ውኀዘ፡ ማይ፡ እስከ፡ ነፍስየ፡ ወዐገተኒ፡ ቀላይ፡ በታሕቱ፡ ወተሠጥመ፡ ርአስየ።
7 ውስተ፡ ንቅዓታተ፡ ደብር፡ ዋዋራድ፡ ውስተ፡ ምድር፡ እንተ፡ ዕጽው፡ መናስግቲሃ፡ እምፍጥረተ፡ ዓለም፡ ትዕርግ፡ ሕይወትየ፡ ዘእንበለ፡ ሙስና፡ ኀቤከ፡ እግዚኦ፡ አምላኪየ።
8 ሶበ፡ ኀልቀት፡ ነፍስየ፡ ትዝክርክዎ፡ ለእግዚአብሔር፡ ትብጻሕ፡ ጸሎትየ፡ ቅድሜከ፡ ጽርሐ፡ መቅደስከ።
9 እለሰ፡ ዐቀቡ፡ ከንቶ፡ ወሐሰተ፡ ገደፋ፡ ሣህሎሙ።
10 አንሰ፡ ምስለ፡ ቃለ፡ ስብሐት፡ ወተጋኝ፡ እሠውዕ፡ ለከ፡ መጠነ፡ ጸለይኩ፡ በሕይወትየ፡ አዐስዮ፡ ለእግዚአብሔር።
11 ወአዘዞ፡ እግዚአብሔር፡ ለውእቱ፡ ዓንበሪ፡ ወአውፅኦ፡ ሌናስ፡ ውስተ፡ ምድር።
=== chapter 3 ===
[Chapter 3]
1 ወኮነ፡ ቃለ፡ እግዚአብሔር፤ዳመ፡ ኀበ፡ ነስ፡ ወይቤሎ።
2 ተንስእ፡ ወሖር፡ ነነዌ፡ ሀገር፡ ዓባይ፡ ወስብክ፡ ሎሙ፡ በከመ፡ ቀዳሚ፡ ስብከት፡ ዘእቤለከ፡ አነ።
3 ወተንስአ፡ ነስ፡ ወሖረ፡ ነነዌ፡ በከመ፡ ይቤሎ፡ እግዚአብሔር፡ ወነነዌሰ፡ ሀገር፡ ዓባይ፡ እቲ፡ ለእግዚአብሔር፡ መጠነ፡ ምሕዋረ፡ ሠሉስ፡ ወዋዕል፡ ለአጋር።
4 ወአልጺቆ፡ ይባዕ፡ ለሀገረ፡ ሰበከ፡ እምሕዋረ፡ ዕለት፡ ወይቤ፡ እስከ፡ ሠሉስ፡ ወዋዕል፡ ትትገፈታዕ፡ ነነዌ።
5 ወተአመኑ፡ ሰብአ፡ ነነዌ፡ በቃለ፡ እግዚአብሔር፡ ወሰበኩ፡ ጾመ፡ ወለብሱ፡ ሠቀ፡ ንኡሶሙ፡ ወዐቢዩሙ።
6 ወሰምዐ፡ ንጉሠ፡ ነነዌ፡ ወተንስአ፡ እምነ፡ መንበሩ፡ ወእተተ፡ አልባሲሁ፡ ወለብሰ፡ ሠቀ፡ ወነበረ፡ ውስተ፡ ሐመድ።
7 ወሰበከ፡ ንጉስ፡ ለነነዌ፡ ለንኦሶሙ፡ ወለዐበይቶሙ፡ ወይቤ፡ ሰብእ፡ ወእንስሳ፡ ወአልህምት፡ ወአባግዕ፡ ኢይብልኡ፡ ወኢምንንተኒ፡ ወኢይትረዐዩ፡ ማየ።
8 ወለብሱ፡ ሠቀ፡ ሰብእ፡ ወእንስሳ፡ ወእውየው፡ ኀበ፡ እግዚአብሔር፡ ኀቡረ፡ ወኀደጉ፡ ኲሎ፡ እከየ፡ ምግባሮሙ፡ ወዓመፃ፡ ዘውስተ፡ እዴሆሙ፡ ወይቤሉ።
9 መኑ፡ የአምር፡ እመ፡ ይኔስሕ፡ እግዚብሔር፡ ወይመይጥ፡ መቅሠፍተ፡ መዐቱ፡ ወኢንሙት፡ እንከ።
10 ወርእየ፡ እግዚአብሔር፡ ምግባሮሙ፡ ከመ፡ ነስሑ፡ እምንኖቶሙ፡ እኩይ፡ ወእግዚአብሔርኒ፡ ነስሐ፡ እምነ፡ ዘነበበ፡ እኩየ። ከመ፡ ይግበር፡ ላዕሌሆሙ፡ ወኢገብረ፡ እኩየ።
=== chapter 4 ===
[Chapter 4]
1 ወተከዘ፡ ዮናስ፡ ዓቢየ፡ ትካዘ፡ ወኀዘነ።
2 ወጸለየ፡ ኀበ፡ እግዚብሔር፡ ወይቤ፡ እግዚኦ፡ አኮኑ፡ ከመዝ፡ እቤ፡ በብሔርየ፡ በእንተ፡ ዝንተ፡ ተኀጣእኩ፡ ቴርሴስ፡ እስመ፡ አአምር፡ ከመ፡ መሐሪ፡ አንተ፡ ዋማስተሣህል፡ ርኁቀ፡ መዐት፡ ወብዙኀ፡ ምሕረት፡ ወትኔስሕ፡ በእንተ፡ እኪት።
3 ወይአዜኒ፡ እገዚኦ፡ ንስኦ፡ ለነፍስየ፡ እምኔየ፡ እስመ፡ ይኄይሰኒ፡ ሚት፡ እምሐይው።
4 ወይቤሎ፡ እግዚአብሔር፡ ለዮነስ፡ ጥቀኑ፡ ትቴክዝ፡ አንተ።
5 ወእምዝ፡ ወጽአ፡ ዮናስ፡ እምሀገር፡ ዋናባራ፡ አንቀጸ፡ ሀገር፡ ዋጋብረ፡ ሎቱ፡ ልገተ፡ ዋናባራ፡ ታሕተ፡ ጽላሎታ፡ እስከ፡ ይሬኢ፡ ዘይከውን፡ ሀገር።
6 ወአዘዘ፡ እግዚአብሔር፡ ሐምሐመ፡ ወበቆለ፡ ወጸለሎ፡ መልዕልተ፡ ርእሱ፡ ለዮነስ፡ ከመ፡ ይጸልሎ፡ እምሕማሙ። ወተፈስሐ፡ ዮናስ፡ ዓቢየ፡ ፍስሐ፡ በእንተ፡ ሐምሐም።
7 ወአዘዘ፡ እግዚአብሔር፡ በሳኒታ፡ ዕፄ፡ ወቀተሎ፡ ለዝ፡ ሐምሐም፡ ወየብሰ።
8 ወሠሪቆ፡ ፀሐይ፡ አዘዘ፡ እግዚአብሔር፡ ነፋሰ፡ ሐሩር፡ ዘያውዒ፡ ወአሕመሞ፡ ፀሐይ፡ ርእሶ፡ ለዮናስ፡ ወዐነንበዘ፡ ወተቆጥዐ፡ ነፍሱ፡ ወይቤ፡ ይኄይሰኒ፡ መዊት፡ እምሐይው።
9 ወይቤሎ፡ እግዚአብሔር፡ ለዮናስ፡ ጥቀኑ፡ ተከዝከ፡ በእንተ፡ ሐምሐም፡ ይቤ፡ ጥቀ፡ ተከዝ፡ እሰከ፡ ለሞት።
10 ወይቤሎ፡ እግዚአብሔር፡ አንተሰ፡ ትምሕክ፡ ሐምሐመ፡ ዘኢፃመውከ፡ ወኢሰቀይከ፡ ዘሌሊተ፡ ወቆለት፡ ወሌሊተ፡ ሞተት።
11 ወአንሰ፡ ኢይምሕካኑ፡ ለነነዌ፡ ሀገር፡ ዓባይ፡ ዘሀለዉ፡ ወስቴታ፡ ሰብእ፡ ፋድፋደ፡ አምዐሠርቱ፡ ክልኤቱ፡ እልፍ፡ እለ፡ ኢፈለጡ፡ ፀጋሞሙ፡ ወየማኖሙ፡ ወእንስሳ፡ ቡዙኀ።