##### edition  (gez) — Text of the EOTC printed Bible
=== chapter 1 ===
[Chapter 1]
1 ቃለ፡ እግዚአብሔር፡ ዘኮነ፡ ኀበ፡ ኢዩኤል፡ ወልደ፡ ባቱኤል።
2 ስምዑ፡ ዘንተ፡ ሊቃውንት፡ ወአጽምዑ፡ ኮልክሙ፡ እለ፡ ትነብሩ፡ ውስተ፡ ምድር፡ ለእመ፡ ከዊነ፡ ኮነ፡ ከመዝ፡ በመዋዕሊክሙ፡ ወበመዋዕለ፡ አበዊክሙ።
3 ከመ፡ ትንግሩ፡ ለደቂቅክ፡ ወደቂቅክሙ፡ ለደቂቆሙ፡ ወደቂቆሙኒ፡ ለለካእ፡ ትውልድ።
4 ዘአትረፈ፡ ዕፄ፡ በልዐ፡ አንበጣ፡ ወዘአትረፈ፡ አንበጣ፡ ለበልዐ፡ ደጎብያ። ወዘአትረፈ፡ ደጎብያ፡ በልዐ፡ አናኩዕ።
5 ንዝሁ፡ እለ፡ ትሰትዩ፡ ወይነ፡ ብክዩ፡ ወላሕዉ፡ ኩልክሙ፡ እለ፡ ትሰትይዎ፡ ለወይን፡ ለስካር፡ እስመ፡ ትስዕረ፡ ኃሤት፡ ዋፍስሐ፡ እምአፋክሙ።
6 እስመ፡ ዐርጉ፡ አሕዛብ፡ ውስተ፡ ምድር፡ ክመሙ፡ ጽንዓን፡ ወአልቦሙ፡ ኁለወቄ፡ ስነኒሆሙ፡ ስናን፡ አናብስት፡ ወኲርናዓቲሆሙ፡ ዘእጓለ፡ አንበሳ።
7 ረሰይዎ፡ ምድረ፡ ለወይንየ፡ ወሰበሩ፡ በለስየ፡ ወኀሠሡ፡ ወፈተኑ፡ ወገደፋ፡ በዘ፡ አፃዕደወት፡ አዕጹቂሃ።
8 ብኪ፡ ሊተ፡ በእንተ፡ መርዓት፡ እንተ፡ ቀነተት፡ ሠቀ፡ በእንተ፡ ምታ፡ ዘእምድናግልናሃ።
9 ተሥዕት፡ ወሞጻሕት፡ እምቤተ፡ እግዚአብሔር፡ ላሕው፡ ካህናት፡ እለ፡ ትገብሩ፡ መስዋዕተ።
10 እስመ፡ ኀስራ፡ ገራውህ፡ ወትላሑ፡ ምድር፡ እስመ፡ ኀስረ፡ እክል፡ ወየብሰ፡ ዋይን፡ ወጥፍአ፡ ዘይት።
11 ተኅፍሩ፡ ሓረስት፡ ወበከዩ፡ ዓቀብተ፡ ወይን፡ በእንተ፡ ስርናይ፡ ወሰገም፡ እስመ፡ ጠፍአ፡ ማእረር፡ እምገራውህ።
12 ወየብሰ፡ ወይን፡ ወኅልቀ፡ በለስ፡ ሮማን፡ ወትምርት፡ ወኮል፡ ወኰሉ፡ አቅማሐ፡ ገዳም፡ የብሰ፡ ወተኀፍረ፡ ፍስሀሆሙ፡ ለደቂቀ፡ እጓለ፡ እመሕያው።
13 ላሕዉ፡ ወቅንቱ፡ ሠቀ፡ ካህናት፡ ወብክ፡ እለ፡ ትሠውዑ፡ መስዋዕተ፡ ሖሩ፡ ስክቡ፡ ውስተ፡ ሠቅ፡ እለ፡ ትሰውዑ፡ ለእግዚአብሔር፡ እስመ፡ ኀልቀ፡ መስዋዕት፡ ወሞጾህት፡ እምቤተ፡ እግዚአብሔር።
14 ቀድሱ፡ ጾመ፡ ወስብኩ፡ ምህላላ፡ ስተጋብኡ፡ ሊቃውነተ፡ ወኲሎ፡ ዘይነብር፡ ውስተ፡ ምድር፡ ውስተ፡ ቤተ፡ አምላክነ፡ ወጽርሑ፡ ኀበ፡ እግዚአብሔር፡ ኀቡረ።
15 አሌሊተ፡ አሌሊተ፡ ይእተ፡ ዕለተ፡ እስመ፡ አልጸቀት፡ ዕለት፡ እግዚአብሔር፡ ዋካማዝ፡ እምነ፡ መቅሠፍት፡ ውስተ፡ መቅሠፍት፡ ይመጽእ።
16 በቅድመ፡ አዕይንቲክሙ፡ ይጠፍእ፡ እክል፡ እምቤተ፡ አምላክክሙ፡ ፍስሐ፡ ወኃሴት።
17 እጎልት፡ በውስተ፡ ኀዝአቶን፡ ጠፍአ፡ ወኀልቁ፡ መዛግብት፡ ወተነስቱ፡ ምክያዳት፡ እስመ፡ ብሰ፡ እክል።
18 ምንተ፡ እንከ፡ ንሠይም፡ ነ፡ በከዩ፡ አዕዳደ፡ ላሕም፡ እስመ፡ ኀልቀ፡ መርዔቶሙ፡ ወጠፍአ፡ መራዕየ፡ አባግዕ።
19 ኀቤከ፡ እግዚኦ፡ እጸርሕ፡ እስመ፡ እሳት፡ አኀለቀ፡ ስነ፡ ገዳም፡ ወነበልባል፡ አውዐየ፡ ዕፀ፡ ዖእዋም።
20 ወአንቃዕደዉ፡ ኀቤከ፡ እንስሳ፡ ሐቅል፡ እስመ፡ የብስ፡ አንቅዕተ፡ ማያት፡ ወበልዐት፡ እሳት፡ ስነ፡ ገዳም።
=== chapter 2 ===
[Chapter 2]
1 ንፍኁ፡ ቀርነ፡ በጽዩን፡ ወስብኩ፡ በደብረ፡ መቅደስየ፡ ወይደንግፁ፡ ኲሎሙ፡ እለ፡ ይነብሩ፡ ውስተ፡ ምድር፡ እስመ፡ በጽሐት፡ ዕለተ፡ እግዚአብሔር፡ ወአልጸቀት።
2 ዕለተ፡ ጽልመት፡ ወዐውሎ፡ ዕለተ፡ ደመና፡ ወጊሜ፡ ከመ፡ ጎሕ፡ ይዘረዉ፡ ሕዝብ፡ ዙኅ፡ ውስተ፡ አድባር፡ ወጽኑዕ፡ ዘኢኮነ፡ ካማሁ፡ እምፍጥት፡ ዓም፡ ወኢይደግም፡ እንከ፡ እምድኀሬሁ፡ እስከ፡ ዓመተ፡ ትውልደ፡ ትልድ።
3 ፈብጽምሂ፡ እሳት፡ ይበልዕ፡ ወበከዋላሂ፡ ያውዒ፡ ነበልባል። ከመ፡ ገነተ፡ ትፍሥሕት፡ ምድር፡ ቀዳሚሁ፡ ወይገብዕ፡ ድኀሬሁ፡ ከመ፡ በድወ፡ ሐሩር፡ ወአልቦ፡ ዘያመስጥ፡ እምኔሁ።
4 ከመ፡ ገጸ፡ ፈረስ፡ ገጾሙ፡ ወረዋጽያን፡ ከመ፡ አፍራስ።
5 ወከመ፡ ድምፅ፡ ሠረገላ፡ ውስተ፡ አርእስተ፡ አድባር፡ ይሜርዱ፡ ወከመ፤ደምፀ፡ ነበልባ፡ እንተ፡ ትበልዕ፡ ብርዐ፡ ወከመ፡ ሠራዊት፡ ብዙኃን፡ ዋጽኑዓን፡ እለ፡ ይታቃተሉ፡ ውስተ፡ መራድ።
6 ወይትቀጠቀጡ፡ አሕዛብ፡ እምቅድመ፡ ገጹ፡ ወይከውን፡ ገጸ፡ ወይከውን፡ ገጸ፡ ኲሎሙ፡ ከመ፡ ላሽበ፡ መቅጹት።
7 ወይረውጹ፡ ከመ፡ መስተቃላን፡ ዋካማ፡ ዕደው፡ ተባዕያን፡ የዐርጉ፡ አረፍተ፡ ወኲሎሙ፡ እንከ፡ የሐውሩ፡ በፍኖቶሙ፡ ወኢይትገሐሱ፡ እምፍኖቶሙ።
8 ወኢይትራኀቁ፡ አሐዱ፡ እምካኡ፡ ጽውራኒሆሙ፡ ንዋየ፡ ሐቅሎሙ፡ ይረውጹ፡ ዋያኀልቁ፡ በሐዖሙ።
9 ወያስተጋብኡ፡ አህጉረ፡ ወይረውጹ፡ ዲበ፡ አረፍት፡ ወየዐርጉ፡ ውስተ፡ አብያ፡ ወይበውኡ፡ እንተ፡ መሳክው፡ ከመ፡ ሰረቅት።
10 ወትደነግፅ፡ ምድር፡ እምቅድመ፡ ገጾሙ፡ ወታድለቀልቅ፡ ሰማይ፡ ወትጸልም፡ ፀሐይ፡ ወወርኀ፡ ወትጠፍእ፡ ብርሃኖሙ፡ ለከመዋክብት።
11 ወይሁብ፡ እግዚአብሔር፡ ቃሎ፡ ቅድመ፡ ገጸ፡ ኀይሉ፡ እስመ፡ ብዙኀ፡ ፈድፋደ፡ ትዕይንቱ፡ ወጽኑዑ፡ ምግባረ፡ ቃሉ፡ እስመ፡ ዓባይ፡ እለተ፡ እግዚአብሔር፡ ወግርመት፡ ወታስተርኢ፡ ፈድፋደ፡ ወምንት፡ መጠና፡ መኑ፡ ይክላ።
12 ይእዜኒ፡ ይቤ፡ እግዚአብሔር፡ አምላክ፡ ተመየጡ፡ ኀቤየ፡ በኲሉ፡ ልብክሙ፡ በጾም፡ ወበላሕ፡ ወበብካይ።
13 ወሥጥጡ፡ ልበክሙ፡ ወአኮ፡ አልባሲክሙ፡ ወተመየጡ፡ ኀበ፡ እግዚአብሔር፡ አምላክክሙ፡ እስመ፡ መሐሪ፡ ወመስተሣህል፡ ውእቱ፡ ርኁቀ፡ መዐት፡ ወብዙኀ፡ ምሕረት፡ ወይኔስሕ፡ በእንተ፡ እኪት።
14 መኑ፡ የአምር፡ እመ፡ ይትመየጥ፡ ወይኔስሕ፡ ወያተርፍ፡ ድኀሬሁ፡ በረከተ፡ ወመሥዋዕተ፡ ወሞጻሕተ፡ ለእግዚአብሔር፡ አምላክነ።
15 ንፍኁ፡ ቀርነ፡ በጽዩን፡ ቀድሱ፡ ጾመ፡ ወስበኩ፡ ምህልላ።
16 አስተብኡ፡ ሕዝበ፡ ዋቃድሱ፡ ማኀበረክሙ፡ ኀርዩ፡ ሊቃውነተ፡ አስተጋብኡ፡ ሕፃናተ፡ እለ፡ ይጠብዉ፡ ጥበ፡ ይፃእ፡ መርዓዊ፡ እምጽርሑ፡ ወመርዓት፡ እመንጦላዕታ።
17 ወይብክከየ፡ ካህነት፡ እ፡ ላይሠውዑ፡ ለእግዚአብሔር፡ በማእከለ፡ አቅርንተ፡ መስዋዕ፡ ወይበሉ፡ መሐክ፡ እግዚኦ፡ ሕዝበከ፡ ወኢታኀስር፡ ርስተከ፡ ከመ፡ ኢይንፅኅዎሙ፡ አሕዛብ፡ ዋካማ፡ ኢይበሉ፡ አሕዛብ፡ አይቴ፡ ውእቱ፡ አምላኮሙ።
18 ወቀንአ፡ እግዚአብሔር፡ ለምድሩ፡ ወመሐኮሙ፡ ለሕዝቡ።
19 ወተሠጥዎሙ፡ እግዚብሔር፡ ወይቤሎሙ፡ ለሕዝቡ፡ ናሁ፡ እነ፡ እፌኑ፡ ለክሙ፡ እክለ፡ ወወይነ፡ ወዘይተ፡ ወትጸግቡ፡ ወኢይሬስየክሙ፡ ጽዕለተ፡ ለአህዛብ።
20 ወእሰድዶሙ፡ እምኔክሙ፡ ለእለ፡ መንገለ፡ ደብብ፡ ወእሰድዶሙ፡ ውስተ፡ ምድር፡ በድው፡ ወአጠፍኦሙ፡ ፍጽሞሙ፡ ውስተ፡ ቀዳሚት፡ ባሕር፡ ወየዐርግ፡ ጺአቱ፡ ወየዐርግ፡ ንስሐቱ፡ እስመ፡ አዕበየ፡ ምግባሮ።
21 ተአመኒ፡ ምድር፡ ወተፈሥሒ፡ ወተኀሠዩ፡ እስመ፡ አዕበየ፡ እግዚአብሔር፡ ከከመ፡ ይገበር።
22 ተአመኑ፡ እንስሳ፡ ገዳም፡ እስመ፡ ብዕላ፡ አሕቃላተ፡ በድው፡ ወፈርየ፡ ዕፅ፡ ወወይን፡ ወበለስ፡ ዋሀቡ፡ ኃይሎሙ።
23 ተፈስሑ፡ ወተኀሠዩ፡ በእግዚአብሔር፡ አምላክክሙ፡ ደቂቀ፡ ጽዩን፡ እስመ፡ ወሀበክሙ፡ ሲሳየ፡ ጽድቅ፡ ወያዘንመ፡ ላክሙ፡ ጸደየ፡ ወመጸወ፡ ከመ፡ ትካት።
24 ወይመልዕ፡ ዐውደ፡ እክል፡ ወይትከዐው፡ ምክያደ፡ ወይን፡ ወዘይት።
25 ወእፈድየክሙ፡ ህየንተ፡ ዓመት፡ ዘበልዓ፡ አንበጣ፡ ወዕፄ፡ ወዳጎብያ፡ ወአናኲዕ፡ ኃይልየ፡ ዘፈነውኩ፡ ላዕሌክሙ።
26 ወተሴሰዩ፡ ወብልዑ፡ ወጽገቡ፡ ወሰበሑ፡ ስመ፡ እግዚአብሔር፡ አምላክነ፡ ስመ፡ ገብረ፡ ለክሙ፡ መንክረ፡ ወኢይትኀፈሩ፡ እንከ፡ ሕዝብየ፡ ለዓለም።
27 ወተአምሩ፡ እከ፡ ከመከ፡ ሀሎኩ፡ አነ፡ ማእከለ፡ እስራኤል፡ ወአነ፡ እግዚአብሔር፡ አምላክክሙ፡ ወአልቦ፡ ባዕደ፡ ዘእንቤለየ፡ ወኢይትኀፈሩ፡ እንከ፡ ሕዝብየ፡ ለዓለም።
28 ወእምድኅረ፡ ዝንቱ፡ አክዑ፡ እምነ፡ መንፈስየ፡ ላዕለከ፡ ኲሉ፡ ዘስጋ፡ ወይትኔበዩ፡ ደቂቅክሙ፡ ወአዋድክሙ፡ ወሊቃውንቲክሙኒ፡ ሕልመ፡ የሐለወሙ፡ ወወራሲትክሙ፡ ራእየ፡ ይሬእዩ።
29 ወላዕለ፡ አግብርትየ፡ ወላዕለ፡ አእማትየ፡ ይእተ፡ አሚረ፡ እክኡ፡ እምነ፡ መንፈስየ።
30 ወእገብር፡ ተአምረ፡ በሰማይ፡ በላእሌ፡ ወበምድር፡ በታሕቱ፡ ደመ፡ ወእሳተ፡ ወተነ፡ ጢስ።
31 ፀሐይኒ፡ ይጸልም፡ ወወርኅኒ፡ ደመ፡ ይከውን፡ ዝንበለ፡ ትብጻሕ፡ ዕለተ፡ እግዚአብሔር፡ ዓባይ፡ እንተ፡ ታስተርኢ።
32 ወኲሉ፡ ዘጸውዐ፡ ህቋ፡ እግዚአብሔር፡ ይድኅን። እስመ፡ በውስተ፡ ደብረ፡ ጽዩን፡ ወኢየሩሳሌም፡ ይድኅኑ፡ በከመ፡ ይቤ፡ እግዚአብሔር፡ ውለ፡ ይሜህሩ፡ እለ፡ እግዚአብሔር፡ ጸውዖሙ።
=== chapter 3 ===
[Chapter 3]
1 እስመ፡ ይእተ፡ አሚረ፡ አነ፡ በእማንቱ፡ መዋዕል፡ እመይጥ፡ ፄዋ፡ ይሁዳ፡ ወኢየሩሳሌም።
2 ወአስተጋብኦሙ፡ ለኲሉ፡ አሕዛብ፡ ዋኣዋርዶሙ፡ ቆላት፡ ዩሳፍጥ፡ ወእትዋቀሦሙ፡ በሕየ፡ በእንተ፡ ሕዝብየ፡ ወበእንተ፡ ርስትየ፡ እስራኤል፡ በኀበ፡ ተዘርዉ፡ ውስተ፡ ኣሕዛብ፡ ወተካፈሉ፡ ምድርየ።
3 ወተዐጸዉ፡ ዲበ፡ ሕዝብየ፡ ወወሀቡ፡ ደቂቆሙ፡ ለዘማት፡ ወሤጡ፡ አዋዲሆሙ፡ ለወይን፡ ወሰትዩ።
4 ምንተ፡ ብየ፡ ምስሌክን፡ ጢሮስ፡ ወዲዶና፡ ወኲሉ፡ ገሊላ፡ ዘኢሎፍሊ፡ በቀለኑ፡ ትትቤቀላኒ፡ ወቂመኑ፡ ትትቀየማኒ፡ ፍጡነ፡ ወጉጉአ፡ እፈድየክሙ፡ ርእስክመሙ።
5 ናሁ፡ ነሳእክሙ፡ ወርቅየ፡ ወብሩርየ፡ ወዓስራትየ፡ ወመሠንዩ፡ አባእክሙ፡ ቤተክሙ።
6 ወሤጥክምዎሙ፡ ለደቂቀ፡ ይሁዳ፡ ወለደቂቀ፡ እየሩሳሌም፡ ኀበ፡ ደቂቀ፡ አረሚ፡ ከመ፡ ታጥፍእዎሙ፡ እምብሔሮሙ።
7 ናሁ፡ አነ፡ አነስኦሙ፡ እምውእቱ፡ ብሔር፡ ኀበ፡ ሤትክምዎሙ፡ ህየ፡ ወእፈድየክሙ፡ ፍዳክሙ፡ ዲበ፡ ርእስክሙ።
8 ወእትቤቀሎሙ፡ ለደቂቅክሙ፡ ወለአዋልዲክሙ፡ በእዴሆሙ፡ ለደቂቀ፡ ይሁዳ፡ ወእትቤቀለክሙ፡ በኀበ፡ ተፄወውክሙ፡ በውስተ፡ አሕዛብ፡ ርኁቃን፡ ነዋኀ፡ እስመ፡ እግዚአብሔር፡ ነበበ።
9 ስብኩ፡ ዘንተ፡ ውስተ፡ አሕዛብ፡ ወዐስሩ፡ ጸብአ፡ ወአንስኡ፡ መስተቃትላነ፡ አውፅእዎሙ፡ ወይዕርጉ፡ ኲሉ፡ ዕደው፡ መስተቃትላን።
10 ወማሕረሰክሙኒ፡ አግብሩ፡ ኮያንወ፡ ወማዕፅደክመሂ፡ አግብሩ፡ ረምሐ፡ ድኩምኒ፡ ይበል፡ ጽኑዕ፡ አነ።
11 ወይትጋብኡ፡ ኲሉ፡ አሕዛብ፡ ወይሖሩ፡ ይዕግቱ፡ መስተባእሳነ።
12 ወይትነስኡ፡ ኩሉ፡ አሕዛብ፡ ወይዕርጉ፡ ቆላተ፡ ዩሳፍጥ፡ ለእስመ፡ ሕየ፡ እነብር፡ ወአስተዋቅሶሙ፡ ለኩሉ፡ አሕዛብ፡ ወእ፡ አድያም።
13 ፈንዉ፡ ማዕፅደ፡ እስመ፡ በጽሐ፡ ማእረር፡ ባኡ፡ ኪዱ፡ እስመ፡ መልአ፡ ምክያድ፡ ወተክዕወ፡ እምነ፡ ምክያዳት፡ ናሁ፡ በዝኀ፡ እከዩሙ።
14 ወውዑ፡ በቆላተ፡ ቅስት፡ ወደምፁ፡ እስመ፡ አልጸቀት፡ ዕለተ፡ እግዚአብሔር፡ በውስተ፡ ቆላተ፡ ቅስት።
15 ፀሐይ፡ ወወርኀ፡ ይጸልሙ፡ ወለከዋብትኒ፡ የዐርብ፡ ብርሃኖሙ።
16 ወይኬልሕ፡ እግዚአብሔር፡ እምጽየን፡ ወእምኢየሩሳም፡ ይሁብ፡ ቃለ፡ ወያድለቀልቅ፡ ሰማይ፡ ወምድር፡ ወእግዚአብሔር፡ ይምሕክ፡ ሕዝቦ፡ ወያጸንዖሙ፡ እግዚአብሔር፡ ለደቂቀ፡ እስራኤል።
17 ወተአምሩ፡ እንከ፡ ከመ፡ አነ፡ እግዚአብሔር፡ አምላክሙ፡ ዘአኀድር፡ ውስተ፡ ጽየን፡ በደብረ፡ መቅደስየ፡ ወትከውን፡ ኢየሩሳሌም፡ ሀገረ፡ ቅድስት፡ ወኢየኀልፍ፡ እንከ፡ እንተ፡ ውስቴታ፡ ዝእምካልእ፡ ህዝብ።
18 ወይከውን፡ ይእተ፡ አሚረ፡ ያንጸፈጽፍ፡ መዐር፡ እምአድባር፡ ወይውኀዝ፡ ሐሊበ፡ እምአውግር፡ ዋይነቅዕ፡ ማይ፡ በኩሎ፡ በሐውር፡ ይሁዳ፡ ወይፈልፍል፡ ነቅዕ፡ ወይወፅእ፡ ፈለገ፡ ሰኪኖን።
19 ወይማስን፡ ብሔረ፡ ግብፅ፡ ወይከውን፡ በድወ፡ ኤዶምያስ፡ ወይጠፍኡ፡ በኃጢአቶሙ፡ ለደቂቀ፡ ይሁዳ፡ እስመ፡ ከዐዉ፡ ደመ፡ ጻድቅ፡ ውስተ፡ ምድሮሙ።
20 ወይዳሰ፡ ለዓለም፡ ትነብር፡ ወኢየሩሳምኒ፡ ለትውልደ፡ ትውልድ።
21 ወእትቤቀል፡ ደሞሙ፡ ወኢነጽህ፡ እስመ፡ እግዚአብሔር፡ የኀድር፡ ውስተ፡ ጽዩን።