መቅድመ፡ ወንጌል፡

The following division in textual sub-units is based on 147-160 and on 14-15 while the incipits and explicits are taken from

Preface

በስመ፡ አብ፡ ወወልድ፡ ወመንፈስ፡ ቅዱስ፡ ፩፡ አምላክ። ንቀድም፡ በረድኤተ፡ እግዚኣብሔር፡ ሎቱ፡ ስብሐት፡ ወይትለዓል፡ ዝክሩ፡ ወፍጽምናሁ፡ ዘእምኔሁ፡ ሢመተ፡ ኵሉ፡ ኃይል፡ ወቦቱ፡ ተፍጻሜተ፡ ኵሉ፡ ስእለት። ወኀቤሁ፡ ምብጻሓ፡ ኵሉ፡ ኣስተብቍዖት፡ በጽሒፈ፡ መቅድመ፡ ፬፡ ወንጌላት፡ ቅዱሳት፡ ወ፲፡ አቅማራት፡ በሰላመ፡ እግዚአብሔር፡ አሜን።

ወናሁ፡ ጸውዓተኒ፡ መፍቅድ፡ ኀበ፡ ኃሢሠ፡ ዘክሮታ፡ ወጽሕፈቱ፡ ውስተ፡ ዝንቱ፡ መጽሐፍ፡ ንጹሕ፡ ከመ፡ ይኩን፡ ብጽሓተ፡ ለረባሕ። ወመርሓ፡ ለዘየኃሥሥ፡ ዘይፈቅድ። ወዛቲ፡ ይእቲ፡ ግብር፡ ቀዳማዊት፡ ወካልኡ፡ ብቍዔት። ወሣልሱ፡ ሥርዓት። ወራብዑ፡ ትእምርት፡ ወኃምሱ፡ እምአይቴ። ወሳድሱ፡ ምስማክ። ወሳብዑ፡ ኣርእስተ፡ ነገር።

Preface

ግብር፡ ቀዳማዊ፡

ወግብሩሰ፡ ለዝንቱ፡ መጽሓፍ፡ ማሕየዊ፡ ከመ፡ ይርባሕ፡ ቦቱ፡ ሕይወት፡ ዘለዓለም፡ ለደቂቀ፡ እጓለ፡ እመሕያው። ወበጺሖቶሙ፡ ኀበ፡ ፈጣሪሆሙ፡ በቃል፡ ወበምግባር።

ወበተግሣጻቲሁ፡ ወበተካይዶቱ፡ ወበነጊሮቱ፡ ረሰዮሙ፡ ለደቂቀ፡ እጓለ፡ እመሕያው፡ ልጹቃን፡ ኀበ፡ ፈጣሪሆሙ፡ ይግበሩ፡ ምግባራቲሁ፡ ወይረሱ፡ መንግሥቶ።

Preface

ወካልኡ፡ በቍዔት፡

ወበቍዔተ፡ ዝንቱ፡ መጽሓፍ፡ ብጹሕ፡ ካዕበ፡ እስመ፡ ውእቱ፡ ዘይትነበብ፡ እምኔሁ፡ ወይጤየቅ፡ ግብረ፡ መድኃኒቱ፡ ለአዳም፡ ወለዘርኡ፡ እምፂዋዌ፡ ሰይጣን።

ወናሁ፡ ጸንዓ፡ በቍዔተ፡ ዝንቱ፡ መጽሐፍ፡ ንጹሕ፡ ወብዙኅ፡ ወባሕቱ፡ ተኃሥሦ፡ መፍቅድ፡ ኀበ፡ አንብቦቱ፡ ለዘኮነ፡ ልብወ፡ ወማእምረ።

Preface

ወሣልስ፡ ሥርዓት፡

ወሥርዓተ፡ ዝንቱ፡ መጽሐፍ፡ ክቡር፡ ወይእቲኬ፡ አንብቦቱ፡ ኵሎ፡ ጊዜ፡ ወኀዲገ፡ ሕሊናት፡ ለዓቂበ፡ አቅማሪሁ፡ ወተአምራቲሁ፡ ወትእኅዘ፡ ቦቱ።

ወናሁ፡ ተጠየቀት፡ ሥርዓት፡ ወጸንዓት፡ ንብረቱ።

Preface

ወራብዕ፡ ትእምርት፡

ወትእምርተ፡ ዝንቱ፡ መጽሐፍ፡ ክቡር፡ ወንጌል፡ ወወንጌል፡ ብሂል፡ በልሳነ፡ ፅርዕ፡ ወትርጓሜሁ፡ ስብከት፡ እንተ፡ ወሰከ፡ ውእቱ።

ወናሁ፡ ተበየነ፡ ትምህርቱ። ወምክንያተ፡ ስሙ።

Preface

ወኃምስ፡ እምአይቴ፡

ወመሠረተ፡ ዝንቱ፡ መጽሓፍ፡ ክቡር፡ በኀበ፡ እግዚኣብሔር፡ ዓቢይ፡ ወዓዚዝ።

ወናሁ፡ ነበረት፡ መሠረቱ፡ ኀበ፡ ላዕሉ፡ ወጸሓፍቲሁ።

Preface

ወሳድስ፡ ምስማክ፡

ወውእቱ፡ ለአይ፡ ግብር፡ ይሴኒ ወለኣይ፡ ገጽ፡ መክፈልተ፡ ጥበብ፡ ዘይትፈቀድ።

ወናሁ፡ ተበየነ፡ ምስማከ፡ ዝንቱ፡ መጽሓፍ፡ ወለአይ፡ ግብር፡ ይኄይስ።

Preface

ወሳብዕ፡ አርእስተ፡ ነገር፡

ወአርእስተ፡ ነገረ፡ ዝንቱ፡ መጽሓፍ፡ ክቡር፡ እስመ፡ ይእቲ፡ ብይንት፡ ወውስቴታ፡ ብያኔ፡ ክሡት፡ በቃል፡ ወበገቢር።

ቀመር፡ ዓሥር፡ በዘተሌለዩ፡ ቦቱ። ኵሉ፡ ለለ፩፡ እምሰባክያን፡ ፪፻፶፬፡ መስመር፡ ማቴዎስ፡ ፷፪፡ መስመር። ማርቆስ፡ ፳፩፡ መስመር። ሉቃስ፡ ፸፪፡ መስመር፡ ዮሓንስ፡ ፺፱፡ መስመር።