ዘሚልክያስ፡ ነቢይ።

Text of the EOTC printed Bible

Chapter 1 ተረፈ፡ ቃለ፡ እግዚአብሔር፡ ላዕለ፡ እስራኤል፡ በእደ፡ መልአኩ።ሐለወይዎኬአ፡ በልብክሙ። አፍቀርኩክሙ፡ ይቤ፡ እግዚአብሔር። ወትብሉኒ፡ በበይነ፡ ምንት፡ አብቀርከነ፡ አኮኑ፡ ዔሳው፡ እኁሁ፡ ለያዕቆብ፡ ይበ፡ እግዚአብሔር፡ ያዕቆብሃ፡ አፍቀርኩ። ወዔሳውሃ፡ ጸላእኩ፡ ወኣሰንኩ፡ በሐውርቲሁ፡ ወመክፈልቶ፡ ረሰይክዎ፡ በድወ። እስመ፡ ይቤ፡ ናሁ፡ ወድቀተ፡ ኤዶምያስ፡ ንትመየጥ፡ ወንሕንጽ፡ መዝብራ። ከመዝ፡ ይመልክ፡ አንትመሙ፡ ተሐንጹ፡ ወአነ፡ አነስተ፡ ወይሰመይ፡ ብሔረ፡ ዓመፃ፡ ወይሬእያ፡ አዕይንቲክሙ፡ ሕዝበ፡ ዘሠርዐ፡ እግዚአብሔር፡ እስከ፡ ለዓለም። ወአንትሙሰ፡ ትበሉ፡ ዓቢይ፡ እግዚአብሔር፡ መልዕልተ፡ በሐውርተ፡ እስራኤል። ወልድኒአ፡ ያከብር፡ አባሁ፡ ወገብርኒ፡ የኀፍር፡ እዚኦ።እመሰኬ፡ አቡክሙ፡ አነ፡ ኤቴ፡ ዘአክበርክሙኒ፡ ወእመኒ፡ እግዚእክሙ፡ አነ፡ አይቴ፡ ዘፈራህክሙኒ፡ ይቤ፡ እግዚአብሔር፡ ዘኲሎ፡ ይመልክ። እስመ፡ አንትሙ፡ ካህናት፡ አርኮስክሙ፡ ስምየ፡ ወትብኒ፡ በምንት፡ አርኮስነ፡ ስመከ። እስመ፡ ወደይክሙ፡ ውስተ፡ ምስዋዕየ፡ ኀብስተ፡ ርኩሰ፡ ወትቤሉ፡ በምንትኑ፡ ኦርኮስነሁ፡ እስመ፡ ትብሉ፡ መእደ፡ እግዚአብሔር፡ ነውር፡ ውእቱ፡ ወእክሉሂ፡ ዘስሩዕ፡ ውስቴቱ፡ ምኑን፡ ውእቱ። እስመ፡ ታበውእ፡ ነቋረ፡ ለመስዋዕት፡ ወኢኮነ፡ ሠናየ፡ ከማሁ፡ ወእመሂ፡ አምጻእክሙ፡ ሐንካሰ፡ ወድውየ፡ ኢኮነ፡ ሠናየ፡ ሰድ፡ እስኩ፡ ለመልአክከ፡ ለእመ፡ ይትመጠወከ፡ ወለእመ፡ ያደሉ፡ ለገጽከ፡ ይቤ፡ ላእግዚአብሔር፡ ዘኲሎ፡ ይመልክ። ወይእዜኒ፡ ተጋነዩ፡ ለገጸ፡ እግዚአብሔር፡ አምላክሙ፡ ወሰአልዎ፡ እስመ፡ በእዴክመሙ፡ ተገብረ፡ ዝንቱ፡ ወትሬእዩ፡ ለእመ፡ አደሉ፡ ለገጽክሙ፡ ይቤ፡ እግዚአብሔር፡ ዘኲሎ፡ ይመልክ። እስመ፡ በእንቲአክሙ፡ ተዐጽወ፡ ኖኀት፡ ወኢታንድዱ፡ መስዋዕትየ፡ በከንቱ። ወኢይፈቅደክሙ፡ ይበ፡ እግዚአብሔር፡ ዘኲሎ፡ ይመልክ፡ ወኢይትሜጦ፡ መስዋዕተ፡ እምእዴክመሙ። እስመ፡ እምስራቀ፡ ፀሐይ፡ እስከነ፡ ዐረብ፡ ይሴባሕ፡ ስመየ፡ ውስተ፡ አሕዛብ፡ ወእምኲሉ፡ በሐውርት፡ ያመጽኡ፡ ዕታነ፡ ለስምየ፡ ወመስዋዕተ፡ ንጹሐ፡ እስመ፡ ዓቢይ፡ ስምየ፡ በውስተ፡ ኲሉ፡ አሕዛብ፡ ይቤ፡ እግዚአብሔር፡ ዘኲሎ፡ ይልክ። ወአንትሙሰ፡ ታረኲስዋ፡ እስመ፡ ትብሉ፡ ማዕደ፡ እግዚአብሔር፡ ነውር፡ ወእክሉሂ፡ ዘውስቴቱ፡ ምኑን፡ ውእቱ። ወትብሉ፡ ዝንቱ፡ እምእይ፡ ሕማም፡ ውእቱ፡ ወነፋኀክዎ፡ ይበ፡ እግዚአብሔር፡ ዘኲሎ፡ ይመልክ፡ እስመ፡ ታበውኡ፡ ዘሄድክ፡ ወሐንካሰ፡ ወድውየ፡ ውስተ፡ መስዋዕየ፡ ወእመሂ፡ አምጻእክሙ፡ መስዋዕተ፡ ኢይትሜጠዎ፡ እምእዴክመሙ፡ ይቤ፡ እግዚአብሔር፡ ዘኲሎ፡ ይመልክ። ርጉመ፡ ለይኩን፡ ኲሉ፡ ዘቦ፡ ተባዕተ፡ ወስተ፡ መራዕይሀሁ፡ ወቦ፡ በፅዓተ፡ ወእንዘ፡ ይትከሀሎ፡ ወሡዕ፡ ለእግዚአብሔር፡ ዘቦ፡ ነውረ፡ እስመ፡ ዓቢይ፡ ንጉስ፡ አነ፡ ይቤ፡ እግዚአብሔር፡ ዘኲሉ፡ ይመልክ፡ ወይሰማዕ፡ ስምየ፡ በውስተ፡ ኲሉ፡ አሕዛብ።

Chapter 2 ወይእዜኒ፡ ዛቲ፡ ትእዛዝ፡ ለክሙ፡ ካህናት። ለእ፡ ኢሰማዕክ፡ ወኢቦአ፡ ውስተ፡ ልብክመሙከመ፡ ተሀቡ፡ አኮቴተ፡ ለስምየ፡ ይቤ፡ እግዚአብሔር፡ ዘኲሎ፡ ይመልክ፡ ወእፌኑ፡ ላዕሌክሙ፡ መርገመ፡ ወእረግማ፡ ለበረከትክሙ፡ ወእመይጣ፡ ለበረከትክሙ፡ ወኢትሔለሉ፡ እንከ፡ ውስቴትክ፡ እስመ፡ ኢትሔልይዎ፡ በልብክሙ። ናሁ፡ አነ፡ እመይጠክሙ፡ ዘባቲክሙ፡ ወእዘሩ፡ ኃፍረተ፡ ውስተ፡ ገጽክሙ፡ ወአኀስር፡ ባዓላቲክሙ፡ እነስአክሙ፡ ኅቡረ። ወተአምሩ፡ ከመ፡ አነ፡ ፈነውኩ፡ ለክ፡ ዘንተ፡ ትእዛዘ፡ ከመ፡ የሀሉ፡ ስርዓትየ፡ ኀበ፡ ሌዋውያ፡ ይበ፡ እግዚብሔር፡ ዘኲሎ፡ ይመልክ። ወየሀሉ፡ ምስሌሁ፡ ስርዓትየ፡ ዘሕይወት፡ ዋሳላም፡ ወወህብክዎ፡ ፍርሀተ፡ ይፍርሀኒ፡ ቅድመ፡ ገጹ፡ ለስምየ። ወይሖር፡ ሕገ፡ ጽድቅየ፡ ውስተ፡ አፋሁ፡ ወኢይትረከብ፡ እንከ፡ ዓመፃ፡ ውስተ፡ ከናፍሪሁ፡ ዘእንበለ፡ ርትዕ፡ ወሰላም፡ ወይሖር፡ ምስሌየ፡ ወለብዙኃን፡ ይሚጦሙ፡ እምጌጋዩሙ። እስመ፡ ከናፍሪሁ፡ ለካህን፡ የዐቅብ፡ ምክረ፡ ዋያኃሥሥ፡ ሕገ፡ ወስተ፡ ልቡ፡ እስመ፡ መልአከ፡ እግዚአብሔር፡ ዘኲሎ፡ ይመልክ፡ ውእቱ። ወአንትሙሰ፡ ተግሕስክሙ፡ እምፍኖቱ፡ ወአስራሕክምዎሙ፡ ለብዙኃን፡ በሕግ፡ ወዐለወክሙ፡ ስርዓተ፡ ሌዊ፡ ይቤ፡ እግዚአብሔር፡ ዘኲሎ፡ ይመልክ። ወአነሂ፡ ረሰይኩክሙ፡ ኀሱራነ፡ ወዝርዋነ፡ ውስተ፡ ኲሉ፡ አሕዛብ፡ እስመ፡ ኢዐቀብክሙ፡ ፍናውየ፡ ወአድለክሙ፡ ለገጽ፡ እምሕግ። አኮኑ፡ አሐዱ፡ እግዚአብሔር፡ ዘፈጠረክሙ፡ ወአሐዱ፡ አቡክሙ፡ ለኲልክሙ፡ እስመ፡ ኲልክሙ፡ ኀድግሙ፡ ቢጸክሙ፡ ወአርኮስክሙ፡ ሕገ፡ አበዊክሙ። ወተኀድገ፡ ይሁዳ፡ ዋራኲሰ፡ እስራኤል፡ በኢየሩሳሌም፡ እስመ፡ ገመነ፡ ይሁዳ፡ መቅደስየ፡ በዘ፡ አፍቀረ፡ ወአጣዐወ፡ ወአምለክ፡ አማልክተ፡ ነኪር። ለይስርዎ፡ እግዚአብሔር፡ ለኲሉ፡ ሰብእ፡ ዘይገብሮ፡ ለዝንቱ፡ ግብር፡ ወይኀስር፡ እምአብተ፡ ያዕቆብ፡ ወእምዕለ፡ ምጽኡ፡ መስዋዕተ፡ ለእግዚአብሔር፡ ዘኲሎ፡ ይመል። ወዘንተ፡ ዘእጸልእ፡ ትገብሩ፡ ወደፈንክምዎ፡ በአንብዕ፡ ለምስዋዐ፡ እግዚአብሔር፡ ወብካይ፡ ወገዓር፡ ወላሕ፡ ዓዲ፡ ኢይከልወክሙ፡ እንጽር፡ እንከሰ፡ መስዋዕተ፡ ወእትሜጦ፡ ኄረ፡ እምእዴክሙ። ወትቤሉ፡ በእነተ፡ ምንት፡ እስመ፡ እግዚአብሔር፡ እስመዐ፡ ማዕከሌከ፡ ወማእለ፡ ብእሲትከ፡ እተ፡ እምንእስከ፡ እንተ፡ ኀደጋ፡ ወይእቲ፡ ሲታፌከ፡ ወብእሲት፡ እንተ፡ በሕግ፡ አውሰብከ። ወአኮ፡ ባዕድ፡ ዘብሮ፡ ለዝንቱ፡ ወተረፈ፡ መንፈሱ፡ ዋትቤሉ፡ ምንተ፡ ይፈቅድ፡ እግዚአብሔር፡ ዘእንበለ፡ ዘርእ፡ ወተዐቀቡ፡ በመንፈስክሙ፡ ወኢትኀድግ፡ ብእሲተከ፡ እንተ፡ አመ፡ ንእስከ። ወእመሰ፡ ጸላእካሃ፡ ፈንዋ፡ ይቤ፡ እግዚአብሔር፡ ዘኲሎ፡ ይመልክ፡ እግዚእ፡ አምላከ፡ እስራኤል፡ ወይከድን፡ ጽልሑተ፡ ዲበ፡ አልባሲሁ፡ ይቤ፡ እግዚአብሔር፡ ዘኲሎ፡ ይመልክ፡ ወተዐቀቡ፡ በመንፈስክሙ፡ ወአበይክሙ፡ ኀዲገ። እለ፡ ታምዕዕዎ፡ ለእግዚአብሔር፡ በነገረክሙ፡ ወትብ፡ በእንተ፡ ምንት፡ አምዐዕናሁ፡ እስመ፡ ትብሉ፡ ኲሉ፡ ዘይገብር፡ እኩየ፡ ይኤድሞ፡ ለእግዚአብሔር፡ ወኪያሆሙኒ፡ ይሠምር፡ ወአይቴኑ፡ እንከ፡ አምላክ፡ ጽድቅ።

Chapter 3 ናሁ፡ አነ፡ እፌኑ፡ መልአክየ፡ ወያርኢ፡ ፍትየ፡ ቅድመ፡ ገጽከ፡ ወይመጽእ፡ ብተ፡ ውስተ፡ ጽርሑ፡ እግዚአብሔር፡ ዘአንትሙ፡ ተኀሥሡ፡ መልአከ፡ ስርዓትየ፡ ዘአንትሙ፡ ትፈቅዱ፡ ናሁ። ይመጽእ፡ ይቤ፡ እግዚአብሔር፡ ዘኲሎ፡ ይልክ። ወመኑ፡ ይትዔገሣ፡ ለመዐተ፡ ምጽአቱ፡ ወመኑ፡ ይትቃወማ፡ ለእሳተ፡ ርእየቱ፡ እሰመ፡ ለሊሁ፡ የሐውር፡ ከመ፡ እሳተ፡ ምንሃብ፡ ዋካማ፡ ሣዕረ፡ እለ፡ የሐፅቡ። ወይነብር፡ ወይሰብክ፡ ወያጽሪ፡ ከመ፡ ብሩር፡ ወከመ፡ ወርቅ፡ ወይነጽፎሙ፡ ለደቂቀ፡ ሌዊ፡ ወይሠጠዎሙ፡ ከመ፡ ወርቅ፡ ወከመ፡ ብሩር፡ ወይከውንዎ፡ ለእግዚአብሔር፡ እለ፡ ያበአኡ፡ መስዋዕተ፡ ባጽድቅ። ወታሠምሮ፡ ለእግዚአብሔር፡ መስዋዕተ፡ ይሁዳ፡ ወኢየሩሳሌም፡ በአምጣነ፡ መዋዕለ፡ ዓለም፡ ወበከመ፡ ዐመተ፡ ቀዲመሙ። ወእመጽእ፡ ኀቤክሙ፡ በፍትሕ፡ ወእከውኖሙ፡ ሰማዕተ፡ ለሰብአ፡ ሥራይ፡ ወለዘማውያ፡ ወለእለ፡ ይምሕሉ፡ በሐሰት፡ በስምየ፡ ወለእለ፡ የሀይድዎ፡ ዓስቦ፡ ለዓሳብ፡ ወለእለ፡ ይኮርዕዎሙ፡ ለእቤራት፡ ወለእጓለ፡ ማውታ፡ ዋላእለ፡ ይመይጡ፡ ፍትሐ፡ ለፈላሲ፡ ወለእለ፡ ኢይፈርሀ፡ ስምየ፡ ይቤ፡ እግዚአብሔር፡ ዘኲሎ፡ ይመልክ። በከመ፡ አነ፡ እግዚአብሔር፡ አምላክክሙ፡ ኢይትዊለጥ። ከመሁ፡ አንትሙኒ፡ ደቂቀ፡ ያቆብ፡ ኢተኀድጉ፡ ዓመፃ፡ ዘአበዊክሙ፡ እለ፡ ዐለው፡ ህግየ፡ ወኢዐቀብዎ፡ ተመየጡ፡ ኀቤየ፡ ወእትመየጥ፡ ኀቤክሙ፡ ይቤ፡ ግዚአብሔር፡ ዘኲሎ፡ ይመልክ፡ ወአንትሙሰ፡ ትቤሉ፡ በምንትኑ፡ ንትመየጥ። ያዐቅጾኑ፡ ሰብእ፡ ለእግዚአብሔር፡ ናሁከ፡ አንትሙ፡ አዕቀጽክሙኒ፡ ወቀዳሚያቲክሙኒ፡ ኀቤክሙ፡ ውእቱ። ወተዐውሮ፡ ተዐወርክሙ፡ አንትሙ፡ አዕቅጽከሙኒ፡ ኪያየ፡ ወዓመቲሁኒ፡ ኀልቀ። ወአባእክሙ፡ ኲሎ፡ ማዕረረክሙ፡ ውስተ፡ መዛግብት፡ ወይከውን፡ በርበረ፡ ውስተ፡ ቤቱ። ሐልይዎኬ፡ ለዝንቱ፡ ይቤ፡ እግዚአብሔር፡ ዘኲሎ፡ ይመል። ለእመ፡ ኢያርኀውኩ፡ ለክሙ፡ አስራበ፡ ሰማይ፡ ወእሰውጥ፡ ለክሙ፡ አስራበ፡ ሰማይ፡ ወእሰውጥ፡ ለክሙ፡ በረከትየ፡ እስከ፡ ያአክለክሙ። ወእሁበክሙ፡ ለሲሳይክሙ፡ ወኢያማስን፡ ለክሙ፡ ፍሬ፡ ምድርክሙ፡ ወኢየዐብር፡ ወይንክ፡ ዘውስተ፡ ገዳም፡ ይቤ፡ እግዚአብሔር፡ ዘኲሎ፡ ይመልክ። ወየስተበፅዑክሙ፡ ኲሉ፡ አህዛብ፡ እስመ፡ ትከውኑ፡ አንትሙ፡ ከመ፡ ምድር፡ ስምርት፡ ይቤ፡ እግዚአብሔር፡ ዘኲሎ፡ ይመልክ። አክበድክሙ፡ ላዕሌየ፡ ነገረክሙ፡ ይቤ፡ እግዚአብሔር፡ ዘኲሎ፡ ይመልክ። አክበድክሙ፡ ላዕሌየ፡ ነገረክሙ፡ ይቤ፡ እግዚአብሔር፡ ወትብሉ፡ በምንት፡ ሐመይናከ። እስመ፡ ትቤሎ፡ ከንቶ፡ ዘተቀነይነ፡ ለእግዚአብሔር፡ ወምንተ፡ ረባሕነ። ዘዐቀብነ፡ ትእዛዞ፡ ናሁ፡ ተቀንዩሂ፡ ተቀነይነ፡ ቅድሜሁ፡ እግዚአብሔር፡ ዘኲሎ፡ ይመልክ። ወናሁ፡ ዮም፡ ናስተበፅዕ፡ ባዕደ፡ ወየኀንጹ፡ ወይገብሩ፡ ስመ፡ ሎሙ፡ ወይትቃወምዎ፡ ለእግዚአብሔር፡ ወድኁ። ከመዝ፡ ሐመይዎ፡ እለ፡ ይፈረህዎ፡ ለእግዚአብሔር፡ አሐዱ፡ አሐዱ፡ ምስለ፡ ካልኡ፡ ወርእየ፡ እግዚአብሔር፡ ወሰምዐ፡ ወጸሐፈ፡ መጽሐፈ፡ ተዝካር፡ ቅድሜሆሙ፡ ለእለ፡ ይፈርህዎ፡ ለእግዚአበሔር፡ ወለእለ፡ ይፈርሁ፡ ስሞ። ወይከውኑኒ፡ ይቤ፡ እግዚአብሔር፡ ዘኲሎ፡ ይመልክ፡ ለእ፡ እገብር፡ አነ፡ ሕይወተ፡ ወአኀርዮሙ፡ በከመ፡ ያበድር፡ ብእሲ፡ ወልዶ፡ ዘይትቀነይ፡ ሎቱ። ወትትመየጡ፡ ወትሬእዩ፡ ማእከለ፡ ጽድቅ፡ ወማእከለ፡ ኃጢአት፡ ወማእለ፡ ዜትቀነይ፡ ለእግዚአበሔር፡ ወማእከለ፡ ዘኢይትቀነይ።

Chapter 4 ወናሁ፡ ይመጽእ፡ መዋዕለ፡ እግዚአብሔር፡ እንዘ፡ ይነድድ፡ ከመ፡ እሳት፡ ዋያዕዮሙ፡ ወይከውኑ፡ ባዕዳነ፡ አሕዛበ፡ ወኲሎሙ፡ በርተ፡ ዓመፃ፡ ሐሠረ፡ ወተውዕዮሙ፡ ዕለተ፡ እንተ፡ ትመጽእ፡ ይበ፡ እግዚአብሔር፡ ዘኲሎ፡ ይመልክ፡ ወኢይተርፍ፡ ሥርዎሙ፡ ወኢዓጽቆሙ። ወይሠርቅ፡ ለክሙ፡ ለእለ፡ ትፈርሁ፡ ስምየ፡ ፀሐየ፡ ጽድቅ፡ ወሕይመት፡ ውስተ፡ ክነፊሁ፡ ወትወፅኡ፡ ወታንፈርዕጹ፡ ከመ፡ ጣዕዋ፡ ዘተፈትሐ፡ እማእሰሩ። ወትከይድዎሙ፡ ለኃጥኣን፡ ወይከወኑ፡ ሐመድ፡ በታሕተ፡ እገሪክሙ፡ በዕለት፡ እንተ፡ እገብር፡ አነ፡ ይቤ፡ እግዚአብሔር፡ ዘኲሎ፡ ይመልክ። ናሁ፡ አነ፡ እፌኑ፡ ለክ፡ ኤልሃስሃ፡ ተዝብያዌ፡ ዘእንበለ፡ ትብጻሕ፡ ዕለተ፡ እግዚአብሔር፡ ዓባ፡ እንተ፡ ታስተርኢ። ወይመይጥ፡ ልበ፡ አብ፡ ኀበ፡ ውሉድ፡ ወልበ፡ ብእሲ፡ ኀበ፡ ቢጹ፡ አመ፡ መጻኩን፡ ወቀሠፍክዋ፡ ለምድር። ተዘከሩ፡ ህገ፡ ሙሴ፡ ገብርየ፡ ዘአዘዝክዎ፡ በኮሬብ፡ ስርዓተ፡ ወኲነኔ፡ ለኲሉ፡ እስራኤል።