Kings 2 = (Ethiopic) Book of Kings 4

IV Regum 1 <ref target="http://www.sacred-texts.com/bib/poly/kg2001.htm"/> 1 ወእምድኅረ፡ ሞተ፡ አካአብ፡ አፅረሩ፡ ሞአብ። ወደወየ፡ አካዝያስ፡ ወሰከበ፡ ውስተ፡ ጽርሑ፡ በሰማርያ፡ ወለአከ፡ ሐዋርያተ፡ ወይቤሎሙ፡ ሑሩ፡ ተሰአሉ፡ ሊተ፡ ኀበ፡ በዓለ፡ ጽንጽንያ፡ አምላከ፡ አቃሮን፡ ለእመ፡ አሐዩ፡ እምዛቲ፡ ደዌ፡ ወሖሩ፡ ይስአሉ፡ ሎቱ። ወጸውዖ፡ መልአከ፡ እግዚአብሔር፡ ለኤልያስ፡ ትስብያዊ፡ ወይቤሎ፡ ተንሥእ፡ ሖር፡ ተቀበሎሙ፡ ለሐዋርያቲሁ፡ ለንጉሠ፡ ሰማርያ፡ ወበሎሙ፡ ኢሀሎኑአ፡ አምላከ፡ እስራኤልአ፡ ከመአ፡ ትሖሩአ፡ አንትሙ፡ ትስአሉ፡ ኀበ፡ በዓለ፡ ጽንጽንያ፡ አምላከ፡ አቃሮን ፤ አኮኬ፡ ከማሁ። ከመዝ፡ ይቤ፡ እግዚአብሔር፡ ምስካብከ፡ ዘውስቴቱ፡ ሰከብከ፡ ወኢትትነሣእ፡ እምውስቴቱ፡ በህየአ፡ ሞተአ፡ ትመውትአ፡ ወሖረ፡ ኤልያስ፡ ወይቤሎሙ፡ ከማሁ። ወተመይጡ፡ እሙንቱ፡ ሐዋርያቲሁ፡ ኀቤሁ፡ ወይቤሎሙ፡ ምንተ፡ አግብአክሙ። ወይቤልዎ፡ ተቅበለነ፡ ፩በእሲ፡ ወይቤለነ፡ ሖሩ፡ ግብኡ፡ ኀበ፡ ንጉሥ፡ ዘፈነወክሙ፡ ወበልዎ፡ ከመዝአ፡ ይቤአ፡ እግዚአብሔርአ፡ ኢሀሎኑአ፡ አምላከ፡ እስራኤል፡ ከመ፡ ትሖር፡ ኀበ፡ በዓለ፡ ጽንጽንያ፡ አምላከ፡ አቃሮን፡ ትስአል ፡ አኮኬ፡ ከማሁ ፤ ምስካብከ፡ ዘውስቴቱ፡ ሰከብከ፡ ኢትትነሣአ፡ እምኔሁአ ፤ ሞተአ፡ ትመውትአ። ወይቤሎሙ፡ ምንተ፡ ይመስል፡ ብእሲሁ፡ ዘተቀበለክሙ፡ ወዘንተ፡ ነገረ፡ ዘነገረክሙ። ወይቤልዎ፡ ጸጓር፡ ብእሲሁ፡ ወቅናት፡ ዘአዲም፡ ውስተ፡ ሐቌሁ፡ ወይቤሎሙ፡ ኤልያስ፡ ትስብያዊ፡ ውእቱ። ወለአከ፡ ኀቤሁ፡ ይጸውዕዎ፡ ፶ብእሴ፡ ምስለ፡ መስፍኖሙ፡ ወሖሩ፡ ኀቤሁ፡ ወረከብዎ፡ ይነብር፡ ውስተ፡ ርእሰ፡ ደብር፡ ወይቤሎ፡ ዝክቱ፡ መስፍኖሙ፡ ብእሴ፡ እግዚአብሔር፡ ንጉሥ፡ ይጺውዐከ፡ ረድ። ወአውሥኦ፡ ኤልያስ፡ ለውእቱ፡ መስፍኖሙ፡ ወይቤሎ፡ ለእመ፡ ብእሴ፡ እግዚአብሔርኑ፡ አነ፡ ለትረድ፡ እሳት፡ እምሰማይ፡ ወትብላዕከ፡ ለከ፡ ወለ፶እለ፡ ምስሌከ፡ ወወረደት፡ እሳት፡ እምሰማይ፡ ወበልዐቶሙ፡ ሎቱ፡ ወለ፶እለ፡ ምስሌሁ። ወደገመ፡ ንጉሥ፡ ፈንዎ፡ ፶ብእሴ፡ ምስለ፡ መስፍኖሙ፡ ወጸውዖ፡ መስፍኖሙ፡ ወይቤሎ፡ ብእሴ፡ እግዚአብሔር፡ ይጼውዐከ፡ ንጉሥ ፤ ፍጡነ፡ ረድ። ወአውሥአ፡ ኤልያስ፡ ወይቤሎ፡ እመሰ፡ ብእሴ፡ እግዚአብሔር፡ አነ፡ ትረድ፡ እሳት፡ እምሰማይ፡ ወትብላዕክሙ፡ ለከ፡ ወለ፶እለ፡ ምስሌከ፡ ወወረደት፡ እሳት፡ እምሰማይ፡ ወበልዐቶ፡ ሎቱ፡ ወለ፶፡ እለ፡ ምስሌሁ። ወሠለስ፡ ዓዲ፡ ንጉሥ፡ ፈንዎ፡ ፶ብእሴ፡ ምስለ፡ መስፍኖሙ፡ ወሖረ፡ ኀቤሁ፡ ዝኩ፡ መስፍኖሙ፡ ሣልስ፡ ወእስተብረከ፡ በብረኪሁ፡ ቅድሜሁ፡ ለኤልያስ፡ ወይቤሎ፡ ብእሴ፡ እግዚአብሔር፡ ገነይኩ፡ ለከ፡ ትክበር፡ ነፍስየ፡ ወነፍሶሙ፡ ለአግብርቲከ፡ በቅድመ፡ አዕይንቲከ ፤ ናሁ፡ ወረደ፡ እሳት፡ እምሰማይ፡ ወበልዐቶሙ፡ ለእልክቱ፡ ፪መሳፍንት፡ ቀደምት፡ ወለሰብኦሙ፡ በበ፶ወይእዜኒ፡ ትክበር፡ ነፍስየ፡ በቀድመ፡ አዕይነቲከ። ወነበቦ፡ መልእከ፡ እግዚአብሔር፡ ለኤልያስ፡ ወይቤሎ፡ ረድ፡ ምስሌሁ፡ ወኢትፍራህ፡ እምቅድመ፡ ገጾሙ፡ ወተንሥአ፡ ኤልያስ፡ ወወረደ፡ ምስሌሁ፡ ወሖረ፡ ኀበ፡ ንጉሥ። ወተናገሮ፡ ወይቤሎ፡ ኤልያስ፡ ከመዝ፡ ይቤ፡ እግዚአብሔር፡ በእፎአ፡ ከመአ፡ ለአከ፡ ኀበ፡ በዓለ፡ ጽንጽንያ፡ አምላከ፡ አቃሮን ፤ አኮኬ፡ ከማሁ ፤ እምስካብከ፡ ዘውስቴቱ፡ ሰከብከ፡ ኢትትነሣእ፡ እምኔሁ፡ እስመአ፡ ሞተአ፡ ትመውትአ። ወሞተ፡ በቃለ፡ እግዚአብሔር፡ ዘይቤሎ፡ ኤልያስ። ወኵሉ፡ ነገሩ፡ ለእካዝያስ፡ ወኵሉ፡ ዘገብረ፡ ናሁ፡ ዝንቱ፡ ውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ መዋዕሊሆሙ፡ ለነገሥተ፡ እስራኤል። ወኢዮራም፡ ወልደ፡ አካአብ፡ ነግሠ፡ ለእስራኤል፡ በሰማርያ፡ ፲ወ፪ዓመተ፡ አመ፡ ፲ወ፰ዓመተ፡ መንግሥቱ፡ ለዮሳፍጥ፡ ንጉሠ፡ ይሁዳ፡ ወገብረ፡ እኩየ፡ ቅድመ፡ እግዚአብሔር፡ ወባሕቱ፡ አኮ፡ ከመ፡ እኀዊሁ፡ ወአኮ፡ ከመ፡ እሙ፡ ወአሰሰለ፡ አምሳሊሁ፡ ለበዓል፡ ዘገብረ፡ አቡሁ፡ [ወ]ሰበሮሙ፡ ወባሕቱ፡ ተለወ፡ ኀጢአተ፡ ቤቱ፡ ለኢዮርብዓም፡ ዘአስሐቶሙ፡ ለእስራኤል፡ ወኢኀደገ፡ ኪያሁ፡ ወተምዕዐ፡ መዐተ፡ እግዚአብሔር፡ ላዕለ፡ ቤተ፡ አካአብ።

IV Regum 2 <ref target="http://www.sacred-texts.com/bib/poly/kg2002.htm"/> 2 ወእምዝ፡ አመ፡ ያዐርጎ፡ እግዚአብሔር፡ ለኤልያስ፡ ውስተ፡ ሰማይ፡ ሖሩ፡ ኤልያስ፡ ወኤልሳዕ፡ እምነ፡ ኢያሪኮ። ወይቤሎ፡ ኤልያስ፡ ለኤልሳዕ፡ ንበር፡ ዝየ፡ እስመ፡ ለአከኒ፡ እግዚአብሔር፡ እስከ፡ ቤቴል፡ ወይቤሎ፡ ኤልሳዕ፡ ለኤልያስ፡ ሕያው፡ እግዚአብሔር፡ ወሕያው፡ ነፍስከ፡ ከመ፡ ኢየኀድገከ፡ ወበጽሐ፡ ቤቴል። ወመጽኡ፡ ደቂቀ፡ ነቢያት፡ እለ፡ ውስተ፡ ቤቴል፡ ኀቤሁ፡ ወይቤልዎ፡ ለኤልሳዕ፡ ሶበ፡ ታአምርኑ፡ ከመ፡ ዮም፡ ይነሥኦ፡ እግዚአብሔር፡ ለእግዚእከ፡ እመልዕልተ፡ ርእስከ፡ ወይቤሎሙ፡ አንሰ፡ አእመርኩ፡ አርምሙ። ወይቤሎ፡ ኤልያስ፡ ለኤልሳዕ፡ ንበር፡ ዝየ፡ እስመ፡ እግዚአብሔር፡ ለአከኒ፡ ኢያሪኮ፡ ወይቤሎ፡ ኤልሳዕ፡ ሕያው፡ እግዚአብሔር፡ ወሕያው፡ ነፍስከ፡ ከመ፡ ኢየኀድገከ ፤ ወበጽሑ፡ ኢያሪኮ። ወመጽኡ፡ ደቂቀ፡ ነቢያት፡ እለ፡ ውስተ፡ ኢያሪኮ፡ ኀበ፡ ኤልሳዕ፡ ወይቤልዎ፡ ሶበ፡ ታአምርኑ፡ ከመ፡ ዮም፡ ይነሥኦ፡ እግዚአብሔር፡ ለእግዚእከ፡ እመልዕልተ፡ ርእስከ፡ ወይቤሎሙ፡ አእመርኩ፡ እርምሙ። ወይቤሎ፡ ኤልያስ፡ ለኤልሳዕ፡ ንበር፡ ዝየ፡ እስመ፡ እግዚአብሔር፡ ለአከኒ፡ መንገለ፡ ዮርዳኖስ፡ ወይቤሎ፡ ኤልሳዕ፡ ሕያው፡ እግዚአብሔር፡ ወሕያው፡ ነፍስከ፡ ከመ፡ ኢየኀድገከ፡ ወሖሩ፡ ክልኤሆሙ። ወ፶ዕደው፡ እምነ፡ ደቂቀ፡ ነቢያት፡ ምስሌሆሙ፡ ወቆሙ፡ [እልክቱ] እምርሑቅ፡ አንጻሮሙ፡ ወእሙንቱሰ፡ ቆሙ፡ ክልኤሆሙ፡ ኀበ፡ ዮርዳኖስ። ወነሥአ፡ ኤልያስ፡ ሐሜላቶ፡ ወጦማ፡ ወዘበጣ፡ ለማየ፡ ዮርዳኖስ፡ ወቆመ፡ ማይ፡ እምለፌኒ፡ ወእምለፌኒ፡ ወኀለፉ፡ ክልኤሆሙ፡ ወቆሙ፡ በድወ፡ ወጺኦሙ። ወእምዝ፡ ሶበ፡ ኀለፉ፡ ክልኤሆሙ፡ ይቤሎ፡ ኤልያስ፡ ለኤልሳዕ፡ ሰአለኒ፡ ዘትፈቅድ፡ እግበር፡ ለከ፡ ዘእንበለ፡ እዕርግ፡ እምኀቤከ፡ ወይቤሎ፡ ኤልሳዕ፡ ለኤልያስ፡ ለይኩን፡ ከዕበተ፡ ላዕሌየ፡ መንፈስ፡ ቅዱስ፡ ዘዲቤከ። ወይቤሎ፡ ኤልያስ፡ ዕጹበ፡ ሰአልከ፡ ወባሕቱ፡ ለእመ፡ ርኢከኒ፡ እንዘ፡ አዐርግ፡ እምኀቤከ፡ ለይኩንከ፡ ከማሁ፡ ወእመሰ፡ ኢርኢከኒ፡ ኢይኩንከ። ወእንዘ፡ የሐውሩ፡ ክልኤሆሙ፡ ወይትናገሩ፡ መጽአ፡ ሰረገላ፡ ዘእሳት፡ ወአፍራስ፡ ዘእሳት፡ ወቦአ፡ ማእከለ፡ ክልኤሆሙ፡ ወአስተራሐቆሙ፡ ወዐርገ፡ ኤልያስ፡ ከመ፡ ዘበድልቅልቅ፡ ወከመ፡ ዘውስተ፡ ሰማይ። ወርእዮ፡ ኤልሳዕ፡ ወይቤሎ፡ አባ፡ አባ፡ ኀይሎሙ፡ ለእስራኤል፡ ወጽንዖሙ፡ ወእምዝ፡ ኢርእዮ፡ እንከ፡ ዳግመ፡ ወሠጠጠ፡ አልባሲሁ፡ ወረሰዮሙ፡ ለ፪። ወአውረደ፡ ሎቱ፡ ኤልያስ፡ ሐሜላቶ፡ ወወረደ፡ ላዕለ፡ ርእሱ፡ ለኤልሳዕ፡ ወገብአ፡ ኤልሳዕ፡ ወቆመ፡ ኀበ፡ ድንጋገ፡ ማየ፡ ዮርዳኖስ። ወነሥአ፡ ሐሜላቶ፡ ለኤልያስ፡ እንተ፡ ወረደት፡ መልዕልተ፡ ርእሱ፡ ወዘበጠ፡ ማየ፡ ባቲ፡ ወአበየ፡ ተግሕሦ፡ ወይቤ፡ አይቴ፡ ውእቱ፡ አምላከ፡ ኤልያስ፡ ወእፎ፡ ወእምዝ፡ ዘበጦ፡ ለማይ፡ ወተግሕሠ፡ ወቆመ፡ እንተ፡ ለፌኒ፡ ወእንተ፡ ለፌኒ፡ ወኀለፈ፡ ኤልሳዕ። ወርእይዎ፡ ደቂቀ፡ ነቢያት፡ እለ፡ ውስተ፡ ኢያሪኮ፡ እንዘ፡ ይመጽእ፡ ቅድሜሆሙ፡ ወይቤሉ፡ ገብአ፡ መንፈስ፡ ቅዱስ፡ ዘላዕለ፡ ኤልያስ፡ [ዲበ፡] ኤልሳዕ፡ ወተቀበልዎ፡ ወሰገዱ፡ ሎቱ፡ ውስተ፡ ምድር። ወይቤልዎ፡ ናሁ፡ ሀለዉ፡ ዝየ፡ ምስለ፡ አግብርቲከ፡ ፶ዕደው፡ ደቂቀ፡ ኀይል፡ ይሖሩ፡ ይኅሥሥዎ፡ ለእግዚእከ፡ ዮጊ፡ ረከቦ፡ መንፈሰ፡ እግዚአብሔር፡ ወአውረዶ፡ ውስተ፡ ዮርዳኖስ፡ ወእመ፡ አኮ፡ ውስተ፡ ፩እምነ፡ አድባር፡ ወእመ፡ አኮ፡ ውስተ፡ ፩እምነ፡ አውግር፡ ወይቤሎሙ፡ ኤልሳዕ፡ ኢትፈንዉ። ወአገበርዎ፡ እስከ፡ ኀፈሮሙ፡ ወፈነዉ፡ ፶ዕደወ፡ ወኀሠሥዎ፡ ሠሉሰ፡ መዋዕለ፡ ወኢረከብዎ። ወኤልሳዕሰ፡ ሀለወ፡ ኢያሪኮ፡ ይነብር፡ ወይቤሎሙ፡ ኤልሳዕ፡ ኢይቤለክሙኑ፡ ኢትፈንዉ፡ ወኢትሖሩ። ወይቤልዎ፡ ለኤልሳዕ፡ ሰብአ፡ ይእቲ፡ ሀገር፡ ናሁ፡ ንብረታ፡ ለዛቲ፡ ሀገር፡ ሠናይ፡ በከመ፡ ይሬኢ፡ እግዚአብሔር፡ ወማየ፡ ብሔሩሰ፡ እኩይ፡ ወአንስትኒ፡ ይመክና። ወይቤሎሙ፡ ኤልሳዕ፡ እምጽኡ፡ ሊተ፡ መሳብከ፡ ሐዲሰ፡ ወደዩ፡ ውስቴቱ፡ ፄወ፡ ወአምጽኡ፡ ሎቱ። ወሖረ፡ ኤልሳዕ፡ ኀበ፡ ነቀዐ፡ ማይ፡ ወሶጠ፡ ውስቴቱ፡ ዝኩ፡ ፄወ፡ ወይቤ፡ ከመዝ፡ ይቤ፡ እግዚአብሔር፡ ፈወስክዎአ፡ ለዝአ፡ ማይአ፡ ከመአ፡ አልቦአ፡ ዘይመውትአ፡ እምኔሁአ፡ ወአልቦአ፡ ዘይመክንአ፡ እምኔሁአ። ወእምይእቲ፡ አሚረ፡ ተፈወስ፡ ውእቱ፡ ማይ፡ እስከ፡ ዮም፡ በከመ፡ ነበበ፡ ኤልሳዕ። ወዐርገ፡ እምህየ፡ ውስተ፡ ቤቴል፡ ወእንዘ፡ የዕርግ፡ በፍኖት፡ ረከበ፡ ደቀ፡ ንኡሳነ፡ እንዘ፡ ይወጽኡ፡ እምሀገር፡ ወአኀዙ፡ ይሳለቁ፡ ላዕሌሁ፡ ወይቤልዎ፡ ዕርግ፡ ዕርግ፡ በራሕ። ወሶበ፡ ተመይጠ፡ ድኅሬሁ፡ ወርእዮ[ሙ]፡ ረገሞሙ፡ በስመ፡ እግዚአብሔር፡ ወእምዝ፡ መጽኡ፡ ፪ድብ፡ እምገዳም፡ ወቀተሉ፡ እምውስቴቶሙ፡ ፵ወ፪ደቀ። ወእምህየ፡ ሖረ፡ ደብረ፡ ቀርሜሎስ፡ ወእምህየ፡ ገብአ፡ ሰማርያ።

IV Regum 3 <ref target="http://www.sacred-texts.com/bib/poly/kg2003.htm"/> 3 ወኢዮራም፡ ወልደ፡ አካአብ፡ ነግሠ፡ ላዕለ፡ እስራኤል፡ አመ፡ ፲ወ፰ዓመተ፡ መንግሥቱ፡ ለኢዮሳፍጥ፡ ንጉሠ፡ ይሁዳ፡ ወነግሠ፡ ፲ወ፪ዓመተ። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ ወባሕቱ፡ አኮ፡ ከመ፡ አቡሁ፡ ወአኮ፡ ከመ፡ እሙ፡ ወእሰሰለ፡ አምሳሊሁ፡ ለበዓል፡ ዘገብረ፡ አቡሁ። ዳእሙ፡ ተለወ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል፡ ወኪያሁሰ፡ ኢኀደገ። ወሞ[ሳ]፡ ንጉሠ፡ ሞአብ፡ ሀገረ፡ ሜኖቅት፡ ወሀቦ፡ ፲፼አባግዐ፡ ፀምር፡ ወ፲፼ሐራጊተ፡ ጠሊ። ወእምዝ፡ እምድኅረ፡ ሞተ፡ አካአብ፡ ወዐለውዎ፡ ሞአብ፡ ለንጉሠ፡ እስራኤል። ወወፅአ፡ ኢዮራም፡ ንጉሥ፡ ውእተ፡ አሚረ፡ እምነ፡ ሰማርያ፡ ወአንሥኦሙ፡ ለእስራኤል። ወሖረ፡ ወለአከ፡ ኀበ፡ ዮሳፍጥ፡ ንጉሠ፡ ይሁዳ፡ እንዘ፡ ይብል፡ ንጉሠ፡ ሞአብ፡ ዐለወኒአ፡ ትመጽእኑአ፡ ምስሌየ፡ ንጽብኦሙ፡ ለሞአብአ ፤ ወይቤሎ፡ ኦሆአ፡ አዐርግአ፡ ምስሌከአ ፤ አነኒአ፡ ከማከአ፡ ወአንተኒአ፡ ከማየ ፤ ሕዝብየኒአ፡ ከመ፡ ሕዝብከአ፡ ወአፍራስየኒአ፡ ከመ፡ አፍራሲከአ። ወይቤሎ፡ እንተ፡ አይ፡ ፍኖትአ፡ ነዐርግአ፡ ወይቤሎ፡ እንተ፡ ፍኖተ፡ በድውአ፡ ዘኤዶምአ። ወሖሩ፡ ንጉሠ፡ እስራኤል፡ ወንጉሠ፡ ይሁዳ፡ ወንጉሠ፡ ኤዶም፡ ወዖዱ፡ ሰቡዐ፡ መዋዕለ፡ እንዘ፡ የሐውሩ፡ ወኀጥኡ፡ ማየ፡ ለትዕይንት፡ ወለእንስሳሆሙ፡ ዘይጼዐኑ። ወይቤ፡ ንጉሠ፡ እስራኤል፡ አሌ፡ ለነ፡ አምጽአነኑ፡ እግዚአብሔር፡ ለ፫ነገሥት፡ ያግብአነ፡ ውስተ፡ እዴሆሙ፡ ለሞአብ። ወይቤ፡ ዮሳፍጥ፡ አልቦኑ፡ ዝየ፡ ነቢየ፡ እግዚአብሔር፡ ወንስአል፡ ቃለ፡ እግዚአብሔር፡ በኀቤሁ፡ ወአውሥአ፡ ፩እምውስተ፡ ደቁ፡ ለንጉሠ፡ እስራኤል፡ ወይቤ፡ ሀለወ፡ ዝየ፡ ኤልሳዕ፡ ወልደ፡ ሳፋጥ፡ ኀሃቤ፡ እዴሁ፡ ለኤልያስ። ወይቤ፡ ዮሳፍጥ፡ ቦኑ፡ ቃለ፡ እግዚአብሔር፡ ላዕሌሁ፡ ወወረዱ፡ ኀቤሁ፡ ንጉሠ፡ እስራኤል፡ ወዮሳፍጥ፡ ንጉሠ፡ ይሁዳ፡ ወንጉሠ፡ ኤዶም። ወይቤ፡ ኤልሳዕ፡ ለንጉሠ፡ እስራኤል፡ ምንተ፡ ብየ፡ ምስሌከ ፤ሖር፡ ኀበ፡ ነቢያቲሁ፡ ለአቡከ፡ ወይቤ፡ ንጉሠ፡ እስራኤል፡ አምጽአነኑ፡ እግዚአብሔር፡ ለ፫ነገሥት፡ ከመ፡ ያግብአነ፡ ውስተ፡ እዴሆሙ፡ ለሞአብ። ወይቤሎሙ፡ ኤልሳዕ፡ ሕያው፡ እግዚአብሔር፡ አምላከ፡ ኀይል፡ ዘቆምኩ፡ ቅድሜሁ፡ ሶበ፡ አኮ፡ ገጸ፡ ዮሳፍጥ፡ ንጉሠ፡ ይሁዳ፡ ዘኀፈርኩ፡ እምኢነጸርኩ። ወይእዜኒ፡ አምጽኡ፡ ሊተ፡ ዘይዜምር፡ ወእምዝ፡ ሶበ፡ ዘመረ፡ ዘይዜምር፡ መጽአ፡ እደ፡ እግዚአብሔር፡ ላዕሌሁ። ወይቤ፡ ከመዝ፡ ይቤ፡ እግዚአብሔር፡ ግበሩአ፡ ዐዘቃተ፡ ውስተ፡ ዝንቱአ፡ ፈለግአ። እስመ፡ ከመዝአ፡ ይቤአ፡ እግዚአብሔርአ፡ እንዘ፡ ኢትሬእዩአ፡ ነፋሰአ፡ ወኢትሬእዩአ፡ ዝናመአ፡ ወይመልእአ፡ ዝአ፡ ፈለግአ፡ ወትሰትዩአ፡ አንትሙአ፡ ወጥሪትክሙአ፡ ወእንስሳክሙአ። እስመአ፡ ቀሊል፡ ውእቱ፡ በቅድመ፡ አዕይንቲሁ፡ ለእግዚአብሔር ፤ ወኣገብኦሙ፡ ለሞአብ፡ ውስተ፡ እዴክሙ። ወቅትሉ፡ ኵሎ፡ አህጉሪሆሙ፡ ዐበይተ፡ ወኵሎ፡ ዕፀዊሆሙ፡ ዘሠናይ፡ ግዝሙ፡ ወኵሎ፡ አንቅዕተ፡ ማያቲሆሙ፡ ድፍኑ፡ ወኵሎአ፡ ንዋዮሙአ፡ ሠናየ፡ ስብሩአ፡ በእብንአ። ወሶበ፡ ጸብሐ፡ ብሔር፡ ጊዜ፡ ይሠውዑ፡ መሥዋዕተ፡ ወመጽአ፡ ማይ፡ እምፍኖተ፡ ኤዶም፡ ወመልአ፡ ኵሎ፡ ውእተ፡ ምድረ፡ ማይ። ወሶበ፡ ሰምዑ፡ ሞአብ፡ ኵሎሙ፡ ከመ፡ ዐርጉ፡ እልክቱ፡ ነገሥት፡ ይጽብእዎሙ፡ አንሥኡ፡ ዐውያተ፡ ውስተ፡ ኵሉ፡ በሓውርቲሆሙ፡ እንዘ፡ ይብሉ፡ ርድኡአ፡ ኵልክሙአ፡ በንዋየ፡ ሐቅልክሙአ፡ ወተጋብኡ፡ ወቆሙ፡ ውስተ፡ ርእሰ፡ ደብር። ወጌሱ፡ በጽባሕ፡ ወሶበ፡ ሠረቀ፡ ፀሓይ፡ ዲበ፡ ውእቱ፡ ማይ፡ ወርእዩ፡ ሞአብ፡ ቅድሜሆሙ፡ ቄሐ፡ ከመ፡ ደም፡ ውእቱ፡ ማይ። ወይቤሎ፡ ተቃተሉ፡ እሉ፡ ነገሥት፡ በበይናቲሆሙ ፤ ደመ፡ ኲናት፡ ውእቱ፡ ዝንቱ ፤ ወቀተሉ፡ ቢጾሙ፡ ወይእዜኒ፡ ሀቡነ፡ ንረድ፡ ንበርብሮሙ። ወቦኡ፡ ትዕይንቶሙ፡ ለእስራኤል፡ ወተንሥኡ፡ እስራኤል፡ ወቀተልዎሙ፡ ለሞአብ፡ ወጐዩ፡ ሞአብ፡ እምቅድመ፡ ገጸሙ፡ ለእስራኤል፡ ወቦኡ፡ ወእንዘ፡ ይበውኡ፡ ቀተልዎሙ፡ ለሞአብ። ወነሠቱ፡ ፭አህጉሪሆሙ፡ ወውስተ፡ ኵሉ፡ ገራውሂሆሙ፡ ሠናይ፡ ወገሩ፡ እብነ፡ ኵሉ፡ ሰብአ፡ እስራኤል፡ ወመልእዎ፡ ወደፈኑ፡ ዐዘቃቲሆሙ፡ ኵሎ፡ ወኵሎ፡ ዖሞሙ፡ ወዕፀዎሙ፡ ሠናየ፡ ገዘሙ፡ ወነሠቱ፡ ቅጽረ፡ ሀገሮሙ፡ ወዐገትዎሙ፡ ሰብአ፡ ሞፀፍ፡ ወቀተልዎሙ። ወሶበ፡ ርእየ፡ ንጉሠ፡ ሞአብ፡ ከመ፡ ቀተልዎሙ፡ ወሶበ፡ ርእየ፡ ከመ፡ ሞእዎሙ፡ ነሥአ፡ ምስሌሁ፡ ፯፻ብእሴ፡ ወሖረ፡ ይትቃተሎ፡ ለንጉሠ፡ ኤዶም፡ ወስእኖ። ወእምዝ፡ ነሥኦ፡ ለወልዱ፡ ዘበኵሩ፡ ዘይነግሥ፡ ህየንቴሁ፡ ወሦዖ፡ በዲበ፡ አረፍት፡ ወነስሑ፡ እስራኤል፡ ዐቢየ፡ ንስሓ፡ ወግዕዙ፡ ወአተዉ፡ ብሔሮሙ።

IV Regum 4 <ref target="http://www.sacred-texts.com/bib/poly/kg2004.htm"/> 4 ወአሐቲ፡ ብእሲት፡ እምውስተ፡ እዋልደ፡ ነቢያት፡ ጸርኀት፡ ኀበ፡ ኤልሳዕ፡ ወትቤ፡ ገብርከ፡ ፈራሄ፡ እግዚአብሔር፡ ምትየ፡ ውእቱ፡ ወሞተ፡ ወመጽአ፡ በዓለ፡ ዕዳ፡ ይንሥኦሙ፡ ለ፪ደቂቅየ፡ ይቅንዮሙ። ወይቤላ፡ ኤልሳዕ፡ ምንተ፡ ትፈቅዲ፡ እግበር፡ ለኪ፡ ንግርኒ፡ ወምንት፡ ብኪ፡ በውስተ፡ ቤትኪ ፤ ወትቤሎ፡ አልባቲ፡ ለአመትከ፡ ውስተ፡ ቤታ፡ ወኢምንተኒ፡ ዘእንበለ፡ ልኵንተ፡ ቅብእ፡ ዘእትቀባእ። ወይቤላ፡ ሖሪ፡ ተዋሐሲ፡ ለኪ፡ ንዋየ፡ ልሕኵት፡ እምኀበ፡ ጎርኪ። ወባኢ፡ ቤተኪ፡ ወዕጸዊ፡ ኆኅተኪ፡ ላዕሌኪ፡ ወላዕለ፡ ደቂቅኪ፡ ወሱጢ፡ ውስተ፡ ውእቱ፡ ንዋየ፡ ልሕኵት፡ ወዘመልአ፡ አግሕሚ። ወአተወት፡ ቤታ፡ ወዐጸወት፡ ኆኅተ፡ ላዕሌሃ፡ ወላዕለ፡ ደቂቃ፡ ወእሙንቱ፡ ያቀርቡ፡ ላቲ፡ ወይእቲ፡ ትሰውጥ። ወይእቲ፡ ትቤሎሙ፡ ለደቂቃ፡ አቅርቡ፡ ሊተ፡ ዓዲ፡ ንዋየ፡ ልሕኵት፡ ወይቤልዋ፡ ኅልቀ፡ ኵሉ፡ ንዋየ፡ ልሕኵት፡ ወእምዝ፡ ቆመ፡ ዝክቱኒ፡ ቅብእ። ወሖረት፡ ወነገረቶ፡ ለብእሴ፡ እግዚአብሔር፡ ወይቤላ፡ ኤልሳዕ፡ ሖሪ፡ ሢጢ፡ ወፍድዪ፡ ዕዳኪ፡ ወሰልጢ፡ ሲሳየኒ፡ ወበዘተረፈ፡ ቅብእ፡ እሕይዊ፡ ርእሰኪ፡ ወእሕይዊ፡ ውሉደሊ። ወእምዝ፡ ኀለፈ፡ ኤልሳዕ፡ አሐተ፡ ዕለተ፡ እንተ፡ ሱማን፡ ወሀለወት፡ ህየ፡ ብእሲት፡ ዐባይ፡ ወአቀመቶ፡ ይብላዕ፡ እክለ፡ እስመ፡ ጐንደየ፡ ግሒሠ፡ ህየ፡ ወተግሕሠ፡ ህየ፡ ይብላዕ፡ እክለ። ወትቤሎ፡ ይእቲ፡ ብእሲት፡ ለምታ፡ ብእሴ፡ እግዚአብሔር፡ ቅዱስ፡ ውእቱ፡ ወዘልፈ፡ የኀልፍ፡ እንተ፡ ኀቤነ። ወንግበር፡ ሎቱ፡ ጽርሐ፡ አሐተኔ፡ ንስቲተ፡ መካነ፡ ወንንጽፍ፡ ሎቱ፡ ዐራተ፡ ወመንበረ፡ ወተቅዋመ፡ ማኅቶት፡ ወማእደኒ፡ እንተ፡ ጊዜ፡ ኀለፈ፡ ኀቤነ፡ ይግሐስ፡ ህየ። ወእምዝ፡ አሐተ፡ ዕለተ፡ ቦአ፡ ህየ፡ ወቤተ፡ ውስተ፡ ጽርሑ። ወይቤሎ፡ ለግያዝ፡ ወልዱ፡ ጸውዓ፡ ሊተ፡ ለዛቲ፡ ሰሜናዊት፡ ወጸውዓ፡ ወቆመት፡ ቅድሜሁ። ወይቤሎ፡ በላ፡ ናሁ፡ አክበርክኒ፡ ኵሎ፡ ዘንተ፡ ክብረ፡ ምንተ፡ እግበር፡ ለኪ ፤ እመቦ፡ ዘብኪ፡ ትካዘ፡ ኀበ፡ ንጉሥ፡ ወእመኒ፡ ኀበ፡ መልአክ ፤ ወትቤሎ፡ አንሰ፡ ሀለውኩ፡ ማእከለ፡ ሕዝብየ፡ እነብር። ወይቤ፡ ምንተ፡ ንግበር፡ ላቲ፡ ወይቤሎ፡ ግያዝ፡ ወልዱ፡ መምህርት፡ ይእቲ፡ እስመ፡ ውሉደ፡ አልባቲ፡ ወምታኒ፡ ልሂቅ። ወጸውዓ፡ ወቆመት፡ ኀበ፡ ኆኅት። ወይቤላ፡ ኤልሳዕ፡ ዓመ፡ ከመ፡ ዮም፡ በሕይወትኪ፡ ትረክቢ፡ ውሉደ፡ ወትቤሎ፡ እግዚእየ፡ ኢተሐስዋ፡ ለአመትከ። ወእምዝ፡ ፀንሰት፡ ይእቲ፡ ብእሲት፡ ወወለደት፡ ወልደ፡ በዓመት፡ ሕይወታ፡ በዕለተ፡ ይቤላ፡ ኤልሳዕ። ወልህቀ፡ ውእቱ፡ ሕፃን፡ ወወፈረ፡ ኀበ፡ አቡሁ፡ ውስተ፡ ማእረር። ወይቤሎ፡ ለአቡሁ፡ ርእስየ፡ ርእስየ፡ ወይቤሎ፡ ለቍልዔሁ፡ አእትዎ፡ ኀበ፡ እሙ። ወአስከበቶ፡ ውስተ፡ ሕፅና፡ ላዕለ፡ ብረኪሃ፡ እስከ፡ ቀትር። ወእምዝ፡ ሶበ፡ ሞተ፡ አዕረገቶ፡ ወእስከበቶ፡ ውስተ፡ ዐራቱ፡ ለብእሴ፡ እግዚአብሔር፡ ወዐጸወት፡ ላዕሌሁ፡ ወወፅአት። ወጸውዐቶ፡ ለምታ፡ ወትቤሎ፡ ጸውዕ፡ ወፈኑ፡ ሊተ፡ አሐደ፡ እምውስተ፡ ደቅ፡ ወአሐደ፡ አድገ፡ እስመ፡ እሐውር፡ ኀበ፡ ብእሴ፡ እግዚአብሔር፡ ወእገብእ። ወይቤላ፡ ምንተ፡ ተሐውሪ፡ ዮም፡ ኀቤሁ፡ እንዘ፡ ኢኮነ፡ ሠርቀ፡ ወርኅ፡ ወኢኮነ፡ ሰንበት፡ ወትቤለመ፡ ከመ፡ አአምኆ። ወረሐኑ፡ ላቲ፡ አድገ፡ ወትቤሎ፡ ለገብራ፡ ተንሥእ፡ ንሖር፡ ወኢትክልአኒ፡ ሐዊረ፡ እምከመ፡ እቤለከ ፤ ነዓ፡ ትልወኒ፡ ወንሖር፡ ኀበ፡ ብእሲ፡ እግዚአብሔር፡ ውስተ፡ ደብረ፡ ቀርሜሎስ። ወሶበ፡ ርእያ፡ ኤልሳዕ፡ ለይእቲ፡ ብእሲት፡ እንዘ፡ ትመጽእ፡ ወይቤሎ፡ ለግያዝ፡ ቍልዔሁ፡ ነያ፡ እንታክቲ፡ ብእሲት፡ ሰሜናዊት። ሩጽ፡ ይእዜኒ፡ ወተቀበላ፡ ወበላ፡ ሰላም፡ ለኪ፡ ዳኅንኑ፡ ምትኪ፡ ወዳኅንኑ፡ ሕፃንኪ፡ ወትቤሎ፡ ዳኅን። ወበጽሐት፡ ኀበ፡ ኤልሳዕ፡ ውስተ፡ ደብር፡ ወአኀዘቶ፡ እገሪሁ፡ ወመጽአ፡ ግያዝ፡ ይክልኣ፡ ወይቤሎ፡ ኤልሳዕ፡ ኅድጋ፡ እስመ፡ ትክዝት፡ ነፍሳ፡ ወኀብአኒ፡ እግዚአብሔር፡ ወኢነገረኒ። ወትቤሎ፡ ቦኑ፡ ዘሰአልኩ፡ ወልደ፡ በኀበ፡ እግዚእየ ፤ አኮኑ፡ እቤለከ፡ ኢተሐስወኒ። ወይቤሎ፡ ኤልሳዕ፡ ለግያዝ፡ ቅንት፡ ሐቌ፡ ከ፡ ወንሣእ፡ በትርየ፡ ወጾር፡ ውስተ፡ እዴከ፡ ወሖር፡ ወእመ፡ ረከብከ፡ ሰብአ፡ ኢታጻብሖ፡ ወእመቦ፡ ዘተጻብሐከ፡ ኢታውሥኦ፡ ወአንብራ፡ ለበትርየ፡ ውስተ፡ ገጹ፡ ለሕፃን። ወትቤሎ፡ እሙ፡ ለውእቱ፡ ሕፃን፡ ሕያው፡ እግዚአብሔር፡ ወሕያው፡ ነፍስከ፡ ከመ፡ ኢየኀድገከ፡ ወተንሥአ፡ ኤልሳዕ፡ ወሖረ፡ ምስሌሃ። ወግያዝ፡ የሐውር፡ ቅድሜሆሙ፡ ወበደሮ፡ በጺሐ፡ ግያዝ፡ ወአንበራ፡ ለበትሩ፡ ላዕለ፡ ገጹ፡ ለውእቱ፡ ሕፃን፡ ወኢነበቦ፡ ወኢሰምዖ፡ ወገብእ፡ ወተቀበሎ፡ ወነገሮ፡ ወይቤሎ፡ ኢተንሥአ፡ ሕፃን። ወቦአ፡ ኤልሳዕ፡ ቤተ፡ ወረከቦ፡ ለሕፃን፡ ምውተ፡ ወይሰክብ፡ ውስተ፡ ዐራት። ወቦእ፡ ኤልሳዕ፡ ቤተ፡ ወዐጸወ፡ ኆኅተ፡ ላዕለ፡ ክልኤሆሙ፡ ወጸለየ፡ ኀበ፡ እግዚአብሔር። ወዐርገ፡ ወሰከበ፡ ላዕለ፡ ውእቱ፡ ሕፃን፡ ወወደየ፡ አፉሁ፡ ውስተ፡ አፉሁ፡ ወአዕይንቲሁ፡ ውስተ፡ አዕይንቲሁ፡ ወእደዊሁ፡ ዲበ፡ እደዊሁ፡ ወሰከበ፡ ላዕሌሁ፡ ወሞቀ፡ ሥጋሁ፡ ለውእቱ፡ ሕፃን። ወተንሥአ፡ ወዖደ፡ ውስተ፡ ውእቱ፡ ቤት፡ ለፌኒ፡ ወለፌኒ፡ ወዐርገ፡ ካዕበ፡ ወሰከበ፡ ላዕለ፡ ውእቱ፡ ሕፃን፡ ወከማሁ፡ ገብረ፡ እስከ፡ ስብዕ፡ ወእምዝ፡ ከሠተ፡ አዕይንቲሁ፡ ውእቱ፡ ሕፃን። ወጸውዖ፡ ኤልሳዕ፡ ለግያዝ፡ ወይቤሎ፡ ጸውዓ፡ ለዛቲ፡ ብእሲት፡ ሰሜናዊት፡ ወጸውዓ፡ ወቦአት፡ ኀቤሁ፡ ወይቤላ፡ ኤልሳዕ፡ ንሥኢ፡ ናሁ፡ ወልድኪ። ወቦአት፡ ይእቲ፡ ብእሲት፡ ወሰገደት፡ ሎቱ፡ ወገነየት፡ ሎቱ፡ ታሕት፡ እገሪሁ፡ ወነሥአት፡ ሕፃና፡ ወወፅአት። ወገብአ፡ ኤልሳዕ፡ ብሔረ፡ ገልገላ፡ ወረኃብ፡ ው[ስተ]፡ ብሔር፡ ወመጽኡ፡ ደቂቀ፡ ነቢያት፡ ወነበሩ፡ ቅድሜሁ፡ ወይቤሎ፡ ኤልሳዕ፡ ለቍልዔሁ፡ አፍልሕ፡ ጽህርተ፡ ዐቢየ፡ ወአብስል፡ ሎሙ፡ ተብሲለ፡ ለደቂቀ፡ ነቢያት። ወወፈረ፡ ገዳመ፡ ይሕመል፡ ሐምለ፡ ምድር፡ ወረከበ፡ ዐጸደ፡ ወይን፡ በገዳም፡ ወቦአ፡ ወአረየ፡ በህየ፡ ሐምለ፡ ምድር፡ ወመልአ፡ ልብሶ፡ ወወደየ፡ ውስተ፡ ጽህርት፡ ወአብሰለ፡ ወኢያእመረ፡ ምንት፡ ውስቴቱ። ወእምዝ፡ አቅረበ፡ ሎሙ፡ ይብልዑ፡ ለእሙንቱ፡ ወሶበ፡ በልዑ፡ ውእተ፡ ተብሲለ፡ ጸርኁ፡ ኅቡረ፡ ኵሎሙ፡ ወይቤሉ፡ ሕምዘ፡ ባቲ፡ ውስቴታ፡ ለዛቲ፡ ጽህርት፡ እንተ፡ ብእሲ፡ እግዚአብሔር፡ ወስእኑ፡ በሊዐ። ወይቤ፡ ኤልሳዕ፡ እምጽኡ፡ ሐሪጸ፡ ወደዩ፡ ውስተ፡ ጽህርት፡ ወይቤሎ፡ ኤልሳዕ፡ ለግያዝ፡ ሱጥ፡ ሎሙ፡ ለሕዝብ፡ ወይብልዑ፡ ወእምዝ፡ እንከ፡ አልቦ፡ እኩየ፡ ዘተረክበ፡ ውስተ፡ ይእቲ፡ ጽህርት። ወመጽአ፡ ፩ብእሲ፡ እምነ፡ ሳሪራ፡ ወአምጽአ፡ ሎቱ፡ ለብእሴ፡ እግዚአብሔር፡ እምነ፡ ቀዳሜ፡ እክሉ፡ ፳ኅብስተ፡ ሰገም፡ ወ፪ተመርተ፡ ወይቤሎ፡ ለቍልዔሁ፡ ሀቦሙ፡ ለእሉ፡ ዕደው፡ ወይብልዑ። ወይቤሎ፡ ቍልዔሁ፡ ምንትኑ፡ አቀርብ፡ እሎንተ፡ ለ፻ብእሲ፡ ወይቤሎ፡ አቅርብ፡ ሎሙ፡ ለሕዝብ፡ ይብልዑ፡ እስመ፡ ከመዝ፡ ይቤ፡ እግዚአብሔር፡ ይብልዑአ፡ ወያትርፉአ። ወበልዑ፡ ወአትረፉ፡ በከመ፡ ይቤ፡ እግዚአብሔር።

IV Regum 5 <ref target="http://www.sacred-texts.com/bib/poly/kg2005.htm"/> 5 ወንእማን፡ መልአከ፡ ስራዊሆሙ፡ ለሶርያ፡ ብእሲ፡ ዕቢይ፡ በቅድመ፡ እግዚኡ፡ ወክቡር፡ ውእቱ፡ ወያከብሮ፡ እስመ፡ በእደ፡ ዚአሁ፡ አድኀኖሙ፡ እግዚአብሔር፡ ለሶርያ፡ ወብእሲ፡ ጽኑዕ፡ ውእቱ፡ ወኀያል፡ ወአኀዞ፡ ለምጽ። ወአመ፡ መጽአ፡ ምስለ፡ ሶርያ፡ ጸብአ፡ ወፄወወ፡ እምነ፡ ምድረ፡ እስራኤል፡ አሐተ፡ ወለተ፡ ነኣሳ፡ ወአንበራ፡ ኀበ፡ ብእሲቱ። ወትቤላ፡ ለእግዝእታ፡ ርቱዕ፡ ይሖር፡ እግዚእየ፡ ኀበ፡ ብእሴ፡ እግዚአብሔር፡ ነቢይ፡ ዘውስተ፡ ሰማርያ፡ ወይፌውሶ፡ እምዝንቱ፡ ለምጹ። ወቦአት፡ ብእሲቱ፡ ኀቤሁ፡ ወነገረቶ፡ ወትቤሎ፡ ከመዝ፡ ትቤ፡ ዛቲ፡ ወለት፡ እንተ፡ እምብሔረ፡ እስራኤል። ወይቤሎ፡ ንጉሠ፡ ሶርያ፡ ለንእማን፡ ነዓ፡ ሖር፡ እፌኑ፡ ለከ፡ መጽሐፈ፡ ኀበ፡ ንጉሠ፡ እስራኤል፡ ወሖረ፡ ወነሥአ፡ ምስሌሁ፡ ፲መክሊተ፡ ብሩረ፡ ወ፰፻ወርቀ፡ ወ፲ዐራዘ፡ አልባስ። ወአብጽሐ፡ መጽሐፈ፡ ኀበ፡ ንጉሠ፡ እስራኤል፡ ወይብል፡ መጽሐፉ፡ ይእዜኒአ፡ እምከመአ፡ በጽሐት፡ ዛቲ፡ መጽሐፍ፡ ኀቤከ፡ ናሁ፡ ፈነውኩ፡ ኀቤከ፡ ንእማን፡ ቍልዔየ፡ ወፈውሶ፡ እምነአ፡ ለምጹአ። ወእምዝ፡ ሶበ፡ አንበባ፡ ንጉሠ፡ እስራኤል፡ ለይእቲ፡ መጽሐፍ፡ ሠጠጠ፡ አልባሲሁ፡ ወይቤ፡ ቦኑ፡ እግዚአብሔር፡ አነ፡ ከመ፡ እክል፡ ቀቲለ፡ ወአሕይዎ፡ ከመ፡ ይፈኑ፡ ኀቤየ፡ ዝንቱ፡ ብእ[ሴ]፡ ዘለምጽ፡ ወእፈውሶ፡ እምነ፡ ለምጹ ፤ ናሁ፡ ርእዩ፡ ከመ፡ ምክንያተ፡ የኀሥሥ፡ ዝንቱ፡ ለነ። ወእምዝ፡ ሶበ፡ ሰምዐ፡ ኤልሳዕ፡ ከመ፡ ሠጠጠ፡ አልባሲሁ፡ ንጉሠ፡ እስራኤል፡ ለአከ፡ ኀበ፡ ንጉሥ፡ ወይቤሎ፡ ለምንትአ፡ ሠጠጥከአ፡ አልባሲከ ፤ ለይምጻእ፡ ኀቤየ፡ ንእማን፡ ወታአምር፡ ከመ፡ ቦቱ፡ ነቢየ፡ ውስተአ፡ እስራኤልአ። ወሖረ፡ ንእማን፡ በአፍራስ፡ ወበሰረገላት፡ ወቆመ፡ ኀበ፡ ኆኅተ፡ ቤቱ፡ ለኤልሳዕ። ወለአከ፡ ኀቤሁ፡ ኤልሳዕ፡ እንዘ፡ ይብል፡ ሖርአ፡ ተጠመቅአ፡ ውስተ፡ ተከዚ፡ ዮርዳኖስ፡ ስብዕ፡ ወይገብእ፡ ኅብረ፡ ሥጋከ፡ ወተሐዩአ፡ እምለምጽከአ። ወተምዕዐ፡ ንእማን፡ ወአተወ፡ ወይቤ፡ መሰለኒ፡ ሊተሰ፡ ዘይወፅእ፡ ወይቀውም፡ ኀቤየ፡ ወይጼውዕ፡ ስመ፡ እግዚአብሔር፡ አምላኩ፡ ወይወዲ፡ እዴሁ፡ ዲቤየ፡ ወይፌውሰኒ። ኢይኄይስኑ፡ ማያተ፡ ደማስቆ፡ እምነ፡ ኵሉ፡ ማያቲሆሙ፡ ለእስራኤል፡ ይኄይሱ፡ ፈለገ፡ አበና፡ ወፈለገ፡ ፈርፋ ፤ ኢየሐውርኑ፡ እትኀፀብ፡ ውስቴቶሙ፡ ወእሕየሡ፡ እምነ፡ ለምጽየ፡ ወተግሕሠ፡ ወሖረ፡ እንዘ፡ ይትመዓዕ። ወመጽኡ፡ ደቁ፡ ኀቤሁ፡ ወይቤልዎ፡ ዐቢየ፡ ነገረ፡ ይቤለከ፡ ነቢይ ፤ ግበር፡ በከመ፡ ይቤለከ፡ ሖር፡ ተኀፀብ፡ ወተሐዩ። ወሖረ፡ ንእማን፡ ወወረደ፡ ወተጠምቀ፡ ውስተ፡ ፈለገ፡ ዮርዳኖስ፡ ስብዕ፡ በከመ፡ ይቤሎ፡ ኤልሳዕ፡ ወሐይወ፡ ወኮነ፡ ሥጋሁ፡ ከመ፡ ሥጋ፡ ሕፃን፡ ንኡስ። ወገብአ፡ ኀበ፡ ኤልሳ፡ ዕ፡ ለሊሁ፡ ምስለ፡ ኵሉ፡ ትዕይንቱ፡ ወበጽሐ፡ ኀቤሁ፡ ወቆመ፡ ቅድሜሁ፡ ወይቤሎ፡ ናሁ፡ አእመርኩ፡ ከመ፡ አልቦቱ፡ አምላከ፡ በኵሉ፡ ምድር፡ እንበለ፡ በውስተ፡ እስራኤል፡ ወይእዜኒ፡ ንሣእ፡ አምኃሁ፡ እምነ፡ እዴሁ፡ ለገብርከ። ወይቤሎ፡ ኤልሳዕ፡ ሕያው፡ እግዚአብሔር፡ ዘቆምኩ፡ ቅድሜሁ፡ ከመ፡ ኢይነሥእ፡ ወአስተብቍዖ፡ ይንሣእ፡ ወኦሆ፡ ኢይቤ። ወይቤሎ፡ ንእማን፡ ወእመ፡ አኮ፡ የሀብዎ፡ ለገብርከ፡ በመስፈርተ፡ ጎሞር፡ ጾረ፡ ፪አብቅል፡ እስመ፡ ኢይገብር፡ ገብርከ፡ እምይእዜ፡ እንከ፡ መሥዋዕተ፡ ለባዕድ፡ አማልክት፡ ዘእንበለ፡ ለግዚአብሔር፡ ለባሕቲቱ፡ በቃለ፡ ዚአከ። ወበእንተ፡ ዝንቱ፡ ይሰሪ፡ ሎቱ፡ እግዚአብሔር፡ ለገብርከ፡ ሶበ፡ ይበውእ፡ እግዚእየ፡ ቤተ፡ ሬማን፡ ይሰግድ፡ ሎቱ፡ በህየ፡ ያሰምክ፡ ዲበ፡ እዴየ፡ ወእሰግድ፡ አነኒ፡ ምስሌሁ፡ በቤተ፡ ሬማን፡ ሶበ፡ ሰገደ፡ ውእቱ፡ ውስተ፡ ቤተ፡ ራማን፡ ወይስሪ፡ ሎቱ፡ እግዚአብሔር፡ ለገብርከ፡ እንበይነ፡ ዝንቱ፡ ነገር። ወይቤሎ፡ ኤልሳዕ፡ ለንእማን፡ እቱ፡ እንከሰ፡ በሰላም፡ ወአተወ፡ በሰላም፡ እምኀቤሁ፡ ውስተ፡ ብሔሩ፡ ዴብላታ። ወይቤ፡ ግያዝ፡ ቍልዔሁ፡ ለኤልሳዕ፡ ናሁ፡ ምሕኮ፡ እግዚእየ፡ ለንእማን፡ ሶርያዊ፡ ወኢነሥአ፡ እምኔሁ፡ ወኢምንተኒ፡ እምውስተ፡ ዘአምጽአ፡ ሎቱ ፤ ሕያው፡ እግዚአብሔር፡ ከመ፡ እረውጽ፡ እትልዎ፡ ወእነሥእ፡ እምኔሁ፡ ዘኮነ። ወዴገኖ፡ ግያዝ፡ ወተለዎ፡ ለንእማን፡ ወተመይጠ፡ ንእማን፡ ወርእዮ፡ እንዘ፡ ይተልዎ፡ እምድኅሬሁ፡ ወወረደ፡ እምውስተ፡ ሰረገላሁ፡ ወገብአ፡ ወተቀበሎ። ወይቤሎ፡ ሰላም፡ ለከ ፤ እግዚእየ፡ ለአከኒ፡ ኀቤከ፡ ወይቤለከ፡ እስመአ፡ በጽሑአ፡ ኀቤየ፡ ፪ዕደው፡ እምነ፡ ደብረ፡ ኤፍራም፡ እምውስተ፡ ደቀ፡ ነቢያት፡ ወሀቦሙ፡ መክሊተ፡ ብሩርአ፡ ወ፪አልባስ፡ ዐራዞሙአ። ወይቤሎ፡ ንእማን፡ ንሣእ፡ ፪መክሊተ፡ ወነሥአ፡ ወወደዮ፡ ውስተ፡ መሥንቅ፡ ፪ወአልባሰ፡ ዐራዝ፡ ፪ወአጾረ፡ ሎቱ፡ ፪እምውስተ፡ ደቁ፡ ወሖሩ፡ ቅድሜሁ። ወቦኡ፡ ውስተ፡ ጽልመት፡ ወእምዝ፡ ተመጠዎሙ፡ ወአብአ፡ ቤቶ፡ ወፈነዎሙ፡ ለእሙንቱ፡ ዕደው። ወእምዝ፡ ቦአ፡ ወቆመ፡ ቅድመ፡ እግዚኡ፡ ወይቤሎ፡ ኤልሳዕ፡ ለግያዝ፡ እምአይቴ፡ አንተ፡ ወይቤሎ፡ ግያዝ፡ አልቦ፡ ኀበ፡ ሖረ፡ ገብርከ፡ ወኢአይቴኒ። ወይቤሎ፡ ኤልሳዕ፡ አኮኑ፡ ልብየ፡ ሖረ፡ ምስሌከ፡ ወሶበ፡ ተመይጠ፡ ብእሲ፡ እምላዕለ፡ ሰረገላሁ፡ ወተቀበለከ፡ ወይእዜኒ፡ ወርቅስ፡ ነሣእከ፡ ወይእዜኒ፡ አልባስ፡ ነሣእከ፡ ወይኩንከ፡ ለዐጸደ፡ ወይን፡ ወለዐጸደ፡ ወፍር፡ ወለዐጸደ፡ ቅብእ፡ ወለአልህምትኒ፡ ወለአባግዕኒ፡ ወለአግብርትኒ፡ ወለአእማትኒ። ወባሕቱ፡ ለምጹ፡ ለንእማን፡ ይግባእ፡ ላዕሌከ፡ ወላዕለ፡ ውሉድከ፡ እስከ፡ ለዓለም ፤ወበጊዜሃ፡ አኀዞ፡ ለምጸ፡ ንእማን፡ ለግያዝ፡ ወወፅአ፡ እምቅድመ፡ ገጹ፡ ለኤልሳዕ፡ ግያዝ፡ እንዘ፡ ኵለንታሁ፡ ለምጽ፡ ጸዐዳ፡ ከመ፡ በረድ።

IV Regum 6 <ref target="http://www.sacred-texts.com/bib/poly/kg2006.htm"/> 6 ወይቤልዎ፡ ደቂቀ፡ ነቢያት፡ ለኤልሳዕ፡ ናሁ፡ ዝንቱ፡ ማኅደርነ፡ ኀበ፡ ነኀድር፡ ቅድሚከ፡ ይጸብበነ። ንሖርኑ፡ መንገለ፡ ዮርዳኖስ፡ ወንግዝም፡ ለነ፡ ፩ሠርዌ፡ እምህየ፡ ወንግበር፡ ለነ፡ ማኅደረዖ፡ ህየ፡ ኀበ፡ ነኀድር፡ ወይቤሎሙ፡ ሖሩ። ወይቤሎ፡ ፩እምውስቴቶሙ፡ ነዓ፡ አንተ፡ ምስለ፡ አግብርቲከ፡ ወይቤሎ፡ አሆ፡ እመጽእ፡ እነኒ። ወሖረ፡ ምስሌሆሙ፡ ወበጽሑ፡ ተከዜ፡ ዮርዳኖስ፡ ወገዘሙ፡ ዕፀወ። ወ፩እንዘ፡ ይገዝም፡ ሠርዌ፡ ተነጽለ፡ ማኅፄሁ፡ ወወድቀ፡ ውስተ፡ ማይ፡ ወአኀዘ፡ ርእሶ፡ ወጸርኀ፡ ወይቤ፡ እግዚኦ፡ ወዝንቱኒ፡ ሕቡይ፡ ውእቱ። ወይቤሎ፡ ብእሴ፡ እግዚአብሔር፡ አይቴ፡ ወድቀ፡ ወአርአዮ፡ ኀበ፡ ወድቀ፡ ወነቀፈ፡ ቅርፍተ፡ ዕፅ፡ ወወገረ፡ ህየ፡ ወጸለለ፡ ዝክቱ፡ ኀጺን፡ ማኅጼ። ወይቤ፡ ንሣእ፡ ናሁ፡ ንዋየከ፡ ወአውረደ፡ እዴሁ፡ ወነሥኦ። ወጸብኦሙ፡ ንጉሠ፡ ሶርያ፡ ለእስራኤል፡ ወተማከረ፡ ምስለ፡ ደቁ፡ ወይቤሎሙ፡ ብሔረ፡ ፌልሞን፡ ነኀድር። ወለአከ፡ ኤልሳዕ፡ ኀበ፡ ንጉሠ፡ እስራኤል፡ እንዘ፡ ይብል፡ ዑቅአ፡ ኢትሖርአ፡ ውስተአ፡ ብሔርአ፡ እስመአ፡ ሀለዉአ፡ ህየአ፡ ሶርያአ፡ ተኀብኡአ። ወለአከ፡ ንጉሠ፡ እስራኤል፡ ይዕቀቡ፡ ሎቱ፡ ውእተ፡ ብሔረ፡ ኀበ፡ ይቤሎ፡ ኤልሳዕ፡ ምዕረ፡ ወካዕበ። ወረሐፀት፡ ነፍሱ፡ ለንጉሠ፡ ሶርያ፡ እንበይነ፡ ዝንቱ፡ ነገር፡ ወጸውዖሙ፡ ለደቁ፡ ወይቤሎሙ፡ ኢታየድዑኒኑ፡ መኑ፡ ይነግሮ፡ ለንጉሠ፡ እስራኤል። ወይቤሎ፡ ፩እምውስተ፡ ደቁ፡ አኮኑ፡ እግዚኦ፡ ኤልሳዕ፡ ነቢይ፡ በውስተ፡ እስራኤል፡ ውእቱ፡ ይነግሮ፡ ለንጉሠ፡ እስራኤል፡ ኵሎ፡ ቃለከ፡ ወኵሎ፡ ዘተናገርከ፡ በውስተ፡ ጽርሐ፡ ቤትከ። ወይቤሎሙ፡ ሖሩ፡ አእሞሩ፡ ኀበ፡ ሀለወ፡ ወእፈኑ፡ ያምጽእዎ፡ ወይቤልዎ፡ ውስተ፡ ዶታይን። ወፈነወ፡ ህየ፡ አፍራሰ፡ ወሰረገላተ፡ ወሰራዊተ፡ ወበጽሑ፡ ህየ፡ ሌሊተ፡ ወዐገትዋ፡ ለይእቲ፡ ሀገር። ወነቅሀ፡ ቍልዔሁ፡ ለኤልሳዕ፡ ወተንሥአ፡ ወወፅአ፡ ወርእየ፡ ሰራዊት፡ የዐግትዋ፡ ለሀገር፡ አፍራስ፡ ወሰረገላት፡ ወይቤሎ፡ ቍልዔሁ፡ እግዚኦ፡ ምንተ፡ ንግበር። ወይቤሎ፡ ኤልሳዕ፡ ኢትፍራህ ፤ ይበዝኁ፡ እለ፡ ሀለዉ፡ ምስሌነ፡ እምኔሆሙ። ወጸለየ፡ ኤልሳዕ፡ ወይቤ፡ እግዚኦ፡ ክሥት፡ አዕይንቲሁ፡ ለዝ፡ ወልድ፡ ወይርአይ፡ ወከሠቶ፡ እግዚአብሔር፡ አዕይንቲሁ፡ ወርእየ፡ ኵለንታሁ፡ ደብረ፡ አፍራስ፡ ወሰረገላተ፡ እሳት፡ ሐጸሮ፡ ላዕለ፡ ኤልሳዕ። ወወረዱ፡ ኀበ፡ ኤልሳዕ፡ ወጸለየ፡ ኤልሳዕ፡ ኀበ፡ እግዚአብሔር፡ ወይቤ፡ እግዚኦ፡ አዑሮሙ፡ ለዝንቱ፡ ሕዝብ፡ ወአዖሮሙ፡ በከመ፡ ይቤ፡ ኤልሳዕ። ወይቤሎሙ፡ ኤልሳዕ፡ አኮ፡ ዝየ፡ ሀገሩ፡ ወአኮ፡ ዝየ፡ ፍኖቱ፡ ንዑ፡ ትልዉኒ፡ ኀበ፡ ውእቱ፡ ብእሲ፡ ዘተኀሥሡ፡ አነ፡ እወስደክሙ፡ ወነሥኦሙ፡ ወወሰዶሙ፡ ሀገረ፡ ሰማርያ። ወይቤ፡ ኤልሳዕ፡ ክሥቶሙ፡ እግዚኦ፡ አዕይንቲሆሙ፡ ወይርአዩ፡ ወከሠቶሙ፡ አዕይንቲሆሙ፡ ወርእዩ፡ ወአእመሩ፡ ከመ፡ ማእከለ፡ ሰማርያ፡ ሀለዉ። ወይቤሎ፡ ንጉሠ፡ እስራኤል፡ ለኤልሳዕ፡ ሶበ፡ ርእዮሙ፡ እቅትሎሙኑ፡ እባእ። ወይቤሎ፡ ኢትቅትሎሙ፡ ዘአኮ፡ በኲናትከ፡ ፄወውኮሙ፡ ወዘአኮ፡ በቀስትከ ፤ አላ፡ በኲናትከ፡ ወበቀስትከ፡ ዘፄወውከ፡ ኪያሆሙ፡ ትቀትል ፤ ወአቅርብ፡ ሎሙ፡ እክለ፡ ወማየ፡ ቅድሜሆሙ፡ ወይብልዑ፡ ወይስተዩ፡ ወይእተዉ፡ ኀበ፡ እግዚእሙ። ወአቅረበ፡ ሎሙ፡ ብዘመነ፡ ወበልዑ፡ ወሰትዩ፡ ወፈነዎሙ፡ ወአተዉ፡ ኀበ፡ እግዚኦሙ፡ ወኢደገሙ፡ እንከ፡ ሶርያ፡ ጸቢኦቶሙ፡ ለብሔረ፡ እስራኤል። ወእምዝ፡ አስተጋብአ፡ ወልደ፡ አዴር፡ ንጉሠ፡ ሶርያ፡ ኵሎ፡ ተዓይኒሁ፡ ወሖረ፡ ወዐገታ፡ ለሰማርያ፡ ወነበረ፡ ህየ። ወኮነ፡ ዐቢይ፡ ረኃብ፡ ውስተ፡ ሰማርያ፡ ወነበሩ፡ ሶርያ፡ ላዕሌሆሙ፡ እስከ፡ ኮነ፡ ርእሰ፡ አድግ፡ ፶ሰቅለ፡ ብሩር፡ ወራብዕተ፡ እዴሃ፡ ለመስፈርተ፡ ቃቡ፡ ኵስሐ፡ ርግብ፡ በ፶ሰቅለ፡ ብሩር። ወንጉሠ፡ እስራኤል፡ እንዘ፡ ያንሶሱ፡ ውስተ፡ ናሕስ፡ ወሐወጸ፡ እንተ፡ ተድባብ፡ ወጸርኀት፡ አሐቲ፡ ብእሲት፡ ወትቤሎ፡ አድኅን፡ እግዚኦ፡ ንጉሠ፡ እስራኤል። ወይቤላ፡ ኢያድኅነኪ፡ እግዚአብሔር፡ እምአይቴኑ፡ ኣድኅነኪ፡ እምነ፡ ምክያደ፡ ወይንኑ፡ ወአው፡ እምነ፡ ዐጸደ፡ እክልኑ ። ወይቤላ፡ ንጉሥ፡ ምንተ፡ ኮንኪ፡ ወትቤሎ፡ ትቤለኒ፡ ዛቲ፡ ብእሲት፡ አምጽኢዮ፡ ለወልድኪ፡ ንብልዖ፡ ዮም። ወአብሰልናሁ፡ ለወልድየ፡ ወበላዕናሁ፡ ወእምዝ፡ እቤላ፡ በሳኒታ፡ አምጽኢዩ፡ ለወልድኪኒ፡ ንብልዖ፡ ወኀብአቶ፡ ለወልዳ። ወሶበ፡ ሰምዐ፡ ንጉሥ፡ በከመ፡ ትቤሎ፡ ይእቲ፡ ብእሲት፡ ሠጠጠ፡ አልባሲሁ፡ እንዘ፡ የሐውር፡ ውስተ፡ ናሕስ፡ መንገለ፡ ተድባብ፡ ወርእዩ፡ ሕዝብ፡ ሠቀ፡ ዘይለብስ፡ ንጉሥ፡ ውስተ፡ ሥጋሁ፡ ውስጠ። ወይቤ፡ ከመዝ፡ ለይረስየኒ፡ እግዚአብሔር፡ ወከመዝ፡ ለይቅትለኒ፡ እመ፡ ቤተ፡ ርእሱ፡ ለኤልሳዕ፡ ውስተ፡ ክሳዱ፡ ዮም ። ወኤልሳዕሰ፡ ሀሎ፡ ይነብር፡ ውስተ፡ ቤቱ፡ ወሊቃውንት፡ ይነብሩ፡ ምስሌሁ፡ ወፈነወ፡ ንጉሥ፡ ፩ብእሴ፡ እምውስተ፡ እለ፡ ይቀውሙ፡ ቅድሜሁ፡ ወእንበለ፡ ይብጻሕ፡ ዝክቱ፡ ዘለአከ፡ ንጉሥ፡ ኀቤሁ፡ ወይቤሎሙ፡ ኤልሳዕ፡ ለሊቃናት፡ ሶበ፡ ታአምሩ፡ ከመ፡ ፈነወ፡ ወልደ፡ ቀታሊ፡ ከመ፡ ይምትሩ፡ ርእስየ፡ ዑቁ፡ እምከመ፡ በጽሐ፡ ዕጽዉ፡ ኆኅተ፡ ወቀትሩ፡ ወኅድግዎ፡ ይቁም፡ ኀበ፡ ኆኅት፡ እስመ፡ ድምፀ፡ እገሪሁ፡ ለእግዚኤ፡ ድኅሬሁ። ወእንዘ፡ ይትናገር፡ ምስሌሆሙ፡ በጽሐ፡ ዘለአከ፡ ንጉሥ፡ ወወረደ፡ ኀቤሁ፡ ወይቤ፡ ኤልሳዕ፡ ናሁ፡ ዛቲ፡ እኪት፡ እምኀበ፡ እግዚአብሔር፡ መጽአተኒ፡ ወምንት፡ እንከ፡ እጸንሖ፡ ለእግዚአብሔር።

IV Regum 7 <ref target="http://www.sacred-texts.com/bib/poly/kg2007.htm"/> 7 ወይቤሎ፡ ኤልሳዕ፡ ስማዕ፡ ቃለ፡ እግዚአብሔር፡ ከመዝ፡ ይቤ፡ እግዚአብሔር፡ ጌሰመአ፡ ዘጊዜአ፡ መስፈርተ፡ ስንዳሌአ፡ በሰቅልአ፡ ትከውንአ፡ ወ፪መስፈርተ፡ ሰገምአ፡ በሰቅልአ፡ ይትወሀብአ፡ በአንቀጸ፡ ሰማርያ። ወአውሥአ፡ ዝክቱ፡ ዘያሰምክ፡ ንጉሥ፡ ላዕለ፡ እዴሁ፡ ወይቤሎ፡ ለኤልሳዕ፡ ለእመ፡ አውሐዘ፡ እግዚአብሔር፡ አስራበ፡ እክል፡ እምሰማይ፡ ኢይከውን፡ ከመዝ፡ ነገር፡ ዘትብል፡ ወይቤሎ፡ ኤልሳዕ፡ ሀለወከ፡ ትርአዮ፡ በአዕይንቲከ፡ ወኢትጥዐሞ። ወሀለዉ፡ ፬ዕደው፡ እለ፡ ለምጽ፡ ኀበ፡ አንቀጸ፡ ሀገር፡ ወተባሀሉ፡ በበይናቲሆሙ፡ ምንት፡ ያነብረነ፡ ዝየ፡ ለነ፡ እስከ፡ ንመውት። እመኒ፡ ቦእነ፡ ሀገረ፡ ንመውት፡ በረኃብ፡ በህያ፡ እስመ፡ ርኁብ፡ ሀገር፡ ወእመኒ፡ ነበርነ፡ ዝየ፡ ንመውት፡ ወይእዜኒ፡ ንዑ፡ ንሖር፡ ውስተ፡ ተዓይኒሆሙ፡ ለሶርያ ፤ እመ፡ አሕየዉነ፡ ነሐዩ፡ ወእመኒ፡ ቀተሉነ፡ ንመውት። ወተንሥኡ፡ በውስተ፡ ጽልመት፡ ወቦኡ፡ ውስተ፡ ተዓይነ፡ ሶርያ፡ ወበጽሑ፡ ሶርያ፡ ወአልቦ፡ ዘረከቡ፡ በህየ። እስመ፡ አስምዖሙ፡ እግዚአብሔር፡ ለተዓይነ፡ ሶርያ፡ ድምፀ፡ ሰረገላት፡ ወድምፀ፡ አፍራስ፡ ወድምፀ፡ ሰራዊት፡ ብዙኅ፡ ወይቤሉ፡ ሶርያ፡ በበይናቲሆሙ፡ ይእዜ፡ ዐሰቦሙ፡ ላዕሌነ፡ ንጉሠ፡ እስራኤል፡ ለንጉሠ፡ ኬጤዎን፡ ወንጉሠ፡ ግብጽ፡ ከመ፡ ይሩዱነ። ወመምሁ፡ ወተንሥኡ፡ ወጐዩ፡ በውስተ፡ ጽልመት፡ ወኀደጉ፡ ተዓይኒሆሙ፡ ወአፍራሲሆሙኒ፡ ወአእዱጊሆሙኒ፡ በከመ፡ ሀለወ፡ ወአምሰጡ፡ በነፍሶሙ። ወቦኡ፡ እልክቱ፡ እለ፡ ለምጽ፡ ውስተ፡ ትዕይንት፡ ወቦኡ፡ ውስተ፡ አሐቲ፡ ደብተራ፡ ወበልዑ፡ ወሰትዩ፡ ወነሥኡ፡ እምህየ፡ ወርቀ፡ ወብሩረ፡ ወአልባሰ፡ ወሖሩ፡ ወቦኡ፡ ውስተ፡ ካልእት፡ ትዕይንት፡ ወነሥኡ፡ እምህየኒ፡ ወሖሩ፡ ወኀብኡ። ወተባሀሉ፡ በበይናቲሆሙ፡ አኮ፡ ከመዝ፡ ዘንገብር፡ ንሕነ ፤ ዛቲ፡ ዕለት፡ ቡርክት፡ ይእቲ ፤ ወለእመ፡ አርመምነ፡ ወጸናሕነ፡ እስከ፡ ይጸብሕ፡ ጌጋየ፡ ይከውነነ ፤ ንዑ፡ ይእዜ፡ ንባእ፡ ወንዜኑ፡ ለቤተ፡ ንጉሥ። ወቦኡ፡ ወዐውየዉ፡ ኀበ፡ አንቀጸ፡ ሀገር፡ ወዜነዉ፡ ወይቤሉ፡ ቦእነ፡ ውስተ፡ ትዕይንቶሙ፡ ለሶርያ፡ ወአልቦ፡ ዘረከብነ፡ በህየ፡ ሰብአ፡ ወአልቦ፡ ድምፀ፡ ሰብእ፡ በህየ፡ ዘእንበለ፡ አፍራስ፡ ወአእዱግ፡ ወተዓይኒሆሙ፡ ከማሁ፡ ሀለወ ። ወቦኡ፡ በጸውት፡ ውስጠ፡ ወዜነዉ፡ ለቤተ፡ ንጉሥ። ወተንሥአ፡ ንጉሥ፡ በሌሊት፡ ወይቤሎሙ፡ ለደቁ፡ እንግርክሙኑ፡ ዘከመ፡ ይሬስዩነ፡ ሶርያ ፤ አእመሩነ፡ ዘከመ፡ ርኅብነ፡ ወወፅኡ፡ እምውስተ፡ ተዓይኒሆሙ፡ ወተኀብኡ፡ ውስተ፡ ገዳም፡ እንዘ፡ ይብሉ፡ ይወዕኡ፡ እምሀገሮሙ፡ ወንእኅዞሙ፡ ሕያዋኒሆሙ፡ ወእምዝ፡ ንበውእ፡ ሀገሮሙ። ወአውሥአ፡ ፩እምውስተ፡ ደቁ፡ ወይቤሎ፡ ይንሥኡ፡ ፭አፍራሰ፡ እምውስተ፡ እለ፡ ተርፉ፡ ዝየ፡ እምኀበ፡ ኵሎ፡ እስራኤል፡ ወይሖሩ፡ ህየ፡ ወይርአዩ። ወነሥኡ፡ ፪መስተጽዕናነ፡ አፍራስ፡ ወፈነዎሙ፡ ንጉሠ፡ እስራኤል፡ ይዴግንዎ፡ ለንጉሠ፡ ሶርያ፡ ወይቤሎሙ፡ ሖሩ፡ ርእዩ ። ወሖሩ፡ ወዴገንዎሙ፡ እስከ፡ ተከዜ፡ ዮርዳኖስ፡ ወረከቡ፡ ኵሎ፡ ፍኖቶሙ፡ ምሉአ፡ አልባሰ፡ ወንዋየ፡ ዘገደፉ፡ ሶርያ፡ ሶበ፡ ደንገፁ ፤ ወገብኡ፡ እልክቱ፡ እለ፡ ተፈነዉ፡ ወዜነውዎ፡ ለንጉሠ፡ እስራኤል። ወወፅኡ፡ ሕዝብ፡ ወበርበሩ፡ ተዓይኒሆሙ፡ ለሶርያ፡ ወተሠይጠ፡ መስፈርተ፡ ስንዳሌ፡ በሰቅል፡ አሐቲ፡ በከመ፡ ይቤ፡ እግዚአብሔር፡ ወካዕባ፡ ለይእቲ፡ በአ፡ አሕቲ፡ ሰቅል። ወፈነዎ፡ ንጉሥ፡ ለዝክቱ፡ ወዓሊሁ፡ ዘያሰምክ፡ ንጉሥ፡ ላዕለ፡ እዴሁ፡ ከመ፡ ይቁም፡ ውስተ፡ አንቀጽ፡ ወአጠቅዎ፡ ሕዝብ፡ በውስተ፡ አንቀጽ፡ ወኬድዎ፡ ወሞተ፡ በከመ፡ ነበበ፡ ብእሴ፡ እግዚአብሔር፡ በከመ፡ ይቤሎ፡ ሶበ፡ ለአክዎ፡ ኀቤሁ ። ወኮነ፡ በከመ፡ ይቤሎ፡ ኤልሳዕ፡ ለንጉሥ፡ ካዕባ፡ ለይእቲ፡ መስፈርተ፡ ሰገም፡ በአሐቲ፡ ሰቅል፡ ወምዕሬሃ፡ ለይእቲ፡ መስፈርተ፡ ስንዳሌ፡ በአሐቲ፡ ሰቅል፡ ዘይቤሎ፡ ጌሰመ፡ ዘጊዜ፡ ይሠየጥ፡ በአንቀጸ፡ ሰማርያ። ወአውሥአ፡ ውእቱ፡ ወዓሌ፡ ንጉሥ፡ ወይቤሎ፡ ለእመ፡ አውሐዘ፡ እግዚአብሔር፡ አስራበ፡ ሰማይ፡ እክለ፡ ኢይከውን፡ ከመዝ፡ ነገር፡ ዘትብል፡ ወይቤሎ፡ ኤልሳዕ፡ ሀለወከ፡ ትርአዮ፡ በአዕይንቲከ፡ ወኢትጥዕሞ። ወኮነ፡ ከማሁ፡ ወኬድዎ፡ ሕዝብ፡ በውስተ፡ አንቀጽ፡ ወሞተ።

IV Regum 8 <ref target="http://www.sacred-texts.com/bib/poly/kg2008.htm"/> 8 ወይቤላ፡ ኤልሳዕ፡ ለእንታክቲ፡ ብእሲት፡ እንተ፡ አሕየወ፡ ላቲ፡ ወልዳ፡ ተንሥኢ፡ ወሖሪ፡ አንቲኒ፡ ወቤትኪ፡ ወንበሪ፡ ኀበ፡ ነበርኪ፡ ትካት፡ እስመ፡ ረኃበ፡ ይፌኑ፡ እግዚአብሔር፡ ውስተ፡ ምድር፡ ወእምዝ፡ መጽአ፡ ረኃብ፡ ውስተ፡ ምድር፡ ፯ዓመተ። ወተንሥአት፡ ይእቲ፡ ብእሲት፡ ወገብረት፡ በከመ፡ ይቤላ፡ ኤልሳዕ፡ ወሖረት፡ ብሔረ፡ ኢሎፍሊ፡ ወነበረት፡ ፯ዓመተ። ወእምድኅረ፡ ኀለፈ፡ ፯ዓመት፡ አተወት፡ ይእቲ፡ ብእሲት፡ ወገብአት፡ እምብሔረ፡ ኢሎፍሊ፡ ወሖረት፡ ወዐውየወት፡ ኀበ፡ ንጉሥ፡ በእንተ፡ ቤታ፡ ወበእንተ፡ አዕጻዳቲሃ። ወተስእሎ፡ ንጉሥ፡ ለግያዝ፡ ወልዱ፡ ለኤልሳዕ፡ ለብእሴ፡ እግዚአብሔር፡ ወይቤሎ፡ ንግረኒ፡ ኵሎ፡ ነገረ፡ ነኪር፡ ዘገብረ፡ ኤልሳዕ። ወእምዝ፡ እንዘ፡ ይነግሮ፡ ለንጉሥ፡ ዘከመ፡ አሕየወ፡ ሕፃነ፡ ዘሞተ፡ ወመጽአት፡ ይእቲ፡ ብእሲት፡ እንተ፡ አሕየወ፡ ላቲ፡ ኤልሳዕ፡ ሕፃና፡ ዐውየወት፡ ኀበ፡ ንጉሥ፡ በእንተ፡ ቤታ፡ ወበእንተ፡ አዕጻዳቲሃ፡ ወይቤሎ፡ ግያዝ፡ እግዚኦ፡ ንጉሥ፡ ነያ፡ ይእቲ፡ ብእሲት፡ ወነዋ፡ ሕፃናሂ፡ ዘአሕየወ፡ ኤልሳዕ። ወተስእለ፡ ንጉሥ፡ ወነገረቶ፡ ወወሀባ፡ ንጉሥ፡ ፩እምውስተ፡ ኅጽዋኑ፡ ወይቤሎ፡ አግብእ፡ ላቲ፡ ኵሎ፡ ንዋያ፡ ወኵሎ፡ እክለ፡ አዕጻዳቲሃ፡ ዘእምአመ፡ ኀደገት፡ ብሔራ፡ ወእስከ፡ ዘይእዜ። ወሖረ፡ ኤልሳዕ፡ ብሔረ፡ ደማስቆ፡ ወደወየ፡ ወልደ፡ አዴር፡ ንጉሠ፡ ሶርያ፡ ወነገርዎ፡ ወይቤልዎ፡ መጽአ፡ ብእሴ፡ እግዚአብሔር፡ ዝየ። ወይቤሎ፡ ለአዛሔል፡ ንሣእ፡ መና፡ ምስሌከ፡ ወሖር፡ ተቀበሎ፡ ለብእሴ፡ እግዚአብሔር፡ ወተሰአሎ፡ ቃለ፡ እግዚአብሔር፡ እመ፡ አሐዩ፡ እምነ፡ ዝንቱ፡ ደዌየ። ወሖረ፡ አዛሔል፡ ወተቀበሎ፡ ወነሥአ፡ መና፡ ምስሌሁ፡ ወእምውስተ፡ ኵሉ፡ ሠናይ፡ ዘብሔረ፡ ደማስቆ፡ ወ፵ገምል፡ ይጸውሩ፡ አርሶን፡ ወሖረ፡ ወበጽሐ፡ ኀቤሁ፡ ወይቤሎ፡ ለኤልሳዕ፡ ወልድከ፡ ወልደ፡ አዴር፡ ንጉሠ፡ ሶርያ፡ ፈነወኒ፡ ኀቤከ፡ እንዘ፡ ይብል፡ አሐዩኑአ፡ እምነአ፡ ዝአ፡ ደዌየአ። ወይቤሎ፡ ኤልሳዕ፡ ሖር፡ በሎ፡ ሐዪወሰአ፡ ኢተሐዩአ፡ አንተአ፡ ወአርአየኒ፡ እግዚአብሔር፡ ከመ፡ ሞተ፡ ትመውት። ወበጽሐ፡ ቅድመ፡ ገጹ፡ ወኀፈረ፡ ብእሴ፡ እግዚአብሔር፡ ወበከየ። ወይቤሎ፡ አዛሔል፡ ምንተ፡ ያበኪዮ፡ ለእግዚእየ፡ ወይቤሎ፡ ኤልሳዕ፡ ኣአምር፡ መጠነ፡ ሀለወከ፡ ትረስዮሙ፡ ለደቂቀ፡ እስራኤል ፤ አህጉሪሆሙ፡ ታውዒ፡ በእሳት፡ ወትቀትል፡ ኄሮሙ፡ በኲናት፡ ወትነፅር፡ ሕፃናቲሆሙ፡ ወታነ[ቅ]ዖን፡ ለፅኑሳቲሆሙ። ወይቤሎ፡ አዛሔል፡ ምንትኑ፡ አነ፡ ገብርከ፡ ዘከመ፡ ከልብ፡ ምውት፡ ከመ፡ እግበሮ፡ ለዝንቱ፡ ነገር፡ ወይቤሎ፡ ኤልሳዕ፡ አርአየኒ፡ እግዚአብሔር፡ ኪያከ፡ እንዘ፡ ትነግሥ፡ ለሶርያ። ወእምዝ፡ አተወ፡ እምኀበ፡ ኤልሳዕ፡ ወቦአ፡ ኀበ፡ እግዚኡ፡ ወይቤሎ፡ ምንተ፡ ይቤለከ፡ ኤልሳዕ፡ ወይቤ፡ ይቤለኒ፡ ሐዪወአ፡ ተሐዩአ። ወእምዝ፡ በሳኒታ፡ ነሥአ፡ ክዳነ፡ ወጠምዐ፡ ውስተ፡ ማይ፡ ወተገልበበ፡ ገጻ፡ ወሞተ፡ ወነግሠ፡ አዛሔል፡ ህየንቴሁ ፤ አመ፡ ፭ዓመተ፡ መንግሥቱ፡ ለኢዮራም፡ ወልደ፡ አካአብ፡ ንጉሠ፡ እስራኤል፡ ወኢዮሳፍጥ፡ ንጉሠ፡ ይሁዳ። [ወኢዮራም፡ ንጉሠ፡ ይሁዳ፡] ፴ወ፪ዓመቱ፡ ሎቱ፡ አመ፡ ይነግሥ፡ ወ፰ክረምተ፡ ነግሠ፡ በኢየሩሳሌም። ወሖረ፡ በፍኖቶሙ፡ ለነገሥተ፡ እስራኤል፡ በከመ፡ ገብረ፡ ቤተ፡ አካአብ፡ እስመ፡ ወለተ፡ አካአብ፡ ያወስብ፡ ወገብረ፡ እኩየ፡ ቅድመ፡ እግዚአብሔር። ወኢፈቀደ፡ እግዚአብሔር፡ ያማስኖሙ፡ ለይሁዳ፡ እንበይነ፡ ዳዊት፡ ገብሩ፡ በከመ፡ ይቤሎ፡ የሀቦ፡ ማኅቶተ፡ ለወልዱ፡ በኵሉ፡ መዋዕል። ወበመዋዕሊሁ፡ አፅረሩ፡ ኤዶም፡ ወዐለውዎሙ፡ ለይሁዳ፡ ወአንገሡ፡ ሎሙ፡ ለሊሆሙ፡ ንጉሠ። ወዐርገ፡ ኢዮራም፡ ውስተ፡ ሲሆር፡ ወኵሉ፡ ሰረገላቲሁ፡ ምስሌሁ፡ ወተንሥአ፡ ወቀተሎሙ፡ ለኤዶም፡ እለ፡ ዐገትዎ፡ ወለመላእክተ፡ ሰረገላቲሆሙ፡ ወእምዝ፡ ጐዩ፡ ወአተዉ፡ አብያቲሆሙ። ወአፅረሩ፡ ኤዶም፡ ወዐለውዎሙ፡ ለይሁዳ፡ እስከ፡ ዮም፡ ወይእተ፡ አሚረ፡ አፅረሩ፡ ሎምና፡ በእማንቱ፡ መዋዕል። ወኵሉ፡ ነገሩ፡ ለኢዮራም፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ ። ወሰከበ፡ ኢዮራም፡ ምስለ፡ አበዊሁ፡ ውስተ፡ ሀገረ፡ ዳዊት፡ አቡሁ፡ ወነግሠ፡ አካዝያስ፡ ወልዱ፡ ህየንቴሁ። አመ፡ ፲ወ፪ዓመተ፡ መንግሥቱ፡ ለኢዮራም፡ ወልደ፡ አካአብ፡ ንጉሠ፡ እስራኤል፡ ነግሠ፡ አካዝያስ፡ ወልደ፡ ኢዮራም። እንዘ፡ ፳ወ፪ክራማቲሁ፡ እምዘ፡ ተወልደ፡ አመ፡ ይነግሥ፡ ወ፩ክረምተ፡ ነግሠ፡ ለእስራኤል፡ ወስማ፡ ለእሙ፡ ጎቶልያ፡ ወለተ፡ ዘንበሪ፡ ንጉሠ፡ እስራኤል። ወሖረ፡ በፍኖቶሙ፡ ለቤተ፡ አካአብ፡ ወገብረ፡ እኩየ፡ ቅድመ፡ እግዚአብሔር፡ ከመ፡ ቤተ፡ አካአብ። ወሖረ፡ ምስለ፡ ኢዮራም፡ ወልደ፡ አካአብ፡ ጸብአ፡ ከመ፡ ይቅትልዎ፡ ለአዛሔል፡ ንጉሠ፡ ሶርያ፡ ኢሎፍሊ፡ በሬማት፡ ዘገለዓድ፡ ወአቍስልዎ፡ ሶርያ፡ ለኢዮራም። ወገብአ፡ ኢዮራም፡ ንጉሥ፡ ውስተ፡ እስራኤል፡ ከመ፡ ይትፈወስ፡ ቍስሎ፡ ዘአቍሰልዎ፡ በሬማት፡ አመ፡ ተቃተለ፡ ምስለ፡ አዛሔል፡ ንጉሠ፡ ሶርያ፡ ወአካዝየስ፡ ወልደ፡ ኢዮራም፡ ወረደ፡ ይርአዮ፡ ለኢዮራም፡ ወልደ፡ አካአብ፡ ውስተ፡ እስራኤል፡ እስመ፡ ይደዊ።

IV Regum 9 <ref target="http://www.sacred-texts.com/bib/poly/kg2009.htm"/> 9 ወጸውዐ፡ ኤልሳዕ፡ ነቢይ፡ ፩እምውስተ፡ ደቀ፡ ነቢያት፡ ወይቤሎ፡ ቅንት፡ ሐቇከ፡ ወንሣእ፡ ቀርነ፡ ቅብእ፡ ምስሌከ፡ ወሖር፡ ሬማተ፡ ዘገለአድ። ወባእ፡ ህየ፡ ወኅሥሦ፡ በህየ፡ ለኢዩ፡ ወልደ፡ ኢዮሳፍጥ፡ ወልደ፡ ናሜሲ፡ ወባእ፡ ወአንሥኦ፡ እማእከለ፡ አኀዊሁ፡ ወአብኦ፡ ውስተ፡ ውሳጢተ፡ ጽርሕ። ወንሣእ፡ ቀርነ፡ ቅብእ፡ ወሱጥ፡ ውስተ፡ ርእሱ፡ ወበሎ፡ ከመዝ፡ ይቤ፡ እግዚአብሔር፡ ቀባእኩከአ፡ ትንግሥአ፡ ላዕለ፡ እስራኤልአ፡ ወእምዝ፡ አርኁ፡ ኆኅተ፡ ወጕየይ፡ ወኢትቁም። ወሖረ፡ ውእቱ፡ ወልደ፡ ነቢይ፡ ውስተ፡ ሬማት፡ ዘገለአድ። ወረከበ፡ መላእክተ፡ ሰራዊት፡ ይነብሩ፡ ወይቤ፡ ብየ፡ ዘእነግረከ፡ መልአክ፡ ወይቤ፡ ኢዩ፡ መኑ፡ እምውስቴትነ፡ ወይቤሎ፡ ኪያከ፡ መልአክ። ወተንሥአ፡ ወቦአ፡ ቤተ፡ ወሶጠ፡ ቅብአ፡ ውስተ፡ ርእሱ፡ ወይቤሎ፡ ከመዝ፡ ይቤ፡ እግዚአብሔር፡ አምላከ፡ እስራኤል፡ ቀባእኩከአ፡ ትንግሥአ፡ ለሕዝበአ፡ እግዚአብሔር፡ ለእስራኤልአ ፤ ከመአ፡ ትሠርዎአ፡ ለቤተአ፡ አካአብ፡ እግዚእከ፡ እምቅድመ፡ ገጽየ፡ ወትትበቀል፡ ደሞሙ፡ ለነቢያት፡ ለአግብርትየ፡ ወደመ፡ ኵሎሙ፡ አግብርተ፡ እግዚአብሔር፡ እምነ፡ እዴሃ፡ ለኤልዛቤል ፤ ወእምእደ፡ ኵሉ፡ ቤቱ፡ ለአካአብ፡ ወትሤርዎ፡ ለቤተ፡ አካአብ፡ እስከ፡ ዘያስተአዝብ፡ በኀበ፡ አረፍት፡ ወኵሎ፡ ቅሩበ፡ ዘይከውን፡ ወኵሎ፡ ዘተረፈ፡ እምኔሆሙ፡ ውስተ፡ እስራኤል። ወእሬስዮ፡ ለቤተ፡ አካአብ፡ ከመ፡ ቤተ፡ ኢዮራብአም፡ ወልደ፡ ናባጥ፡ ወከመ፡ ቤተ፡ በአስ፡ ወልደ፡ አኪያ። ወለኢያዛቤል፡ ከለባት፡ ይበልዕዋ፡ በብሔረ፡ እስራኤልአ፡ ወኢትረክብአ፡ ዘይቀብራአ ፤ ወእምዝ፡ አርኀወ፡ ኆኅተ፡ ወጐየ። ወወፅአ፡ ኢዩ፡ ኀበ፡ ደቀ፡ እግዚኡ፡ ወይቤልዎ፡ ሰላም፡ ለከ፡ ምንትኑ፡ መጽአ፡ ዝብእሲ፡ ኀቤከ፡ ወይቤሎሙ፡ ኢታአምርዎኑ፡ ዝብእሲ፡ ከመ፡ በከ፡ ይዛዋዕ። ወይቤልዎ፡ ሐሰውከ ፤ ንግረነ፡ ዳእሙ፡ ወይቤሎሙ፡ ኢዩ፡ ለደቁ፡ ከመዝ፡ ወከመዝ፡ ይቤለኒ፡ ወይቤለኒ፡ ከመዝ፡ ይቤ፡ እግዚአብሔር፡ ቀባእኩከአ፡ ትንግሥአ፡ ለእስራኤልአ። ወሶበ፡ ሰምዑ፡ አስተፋጠኑ፡ ወነጸፉ፡ አልባሲሆሙ፡ ኵሎሙ፡ ወነጸፉ፡ ሎቱ፡ ኀበ፡ ይነብር፡ ውስተ፡ መዓርግ፡ ወነፍኁ፡ ቀርነ፡ ወይቤሉ፡ ነግሠ፡ ኢዩ። ወጸብአ፡ ኢዩ፡ ወልደ፡ ዮሳፍጥ፡ ወልደ፡ ናሜስ፡ ለኢዮራም፡ ወኢዮራምሰ፡ ሀሎ፡ ውስተ፡ ሬማት፡ ዘገለዓድ፡ የዐቅብዎ፡ ኵሎሙ፡ እስራኤል፡ እምነ፡ አዛሔል፡ ንጉሠ፡ ሶርያ። ወገብአ፡ ኢዮራም፡ ንጉሥ፡ ኀበ፡ እስራኤል፡ ይትፈወስ፡ እምነ፡ ቍስሉ፡ ዘአቍሰልዎ፡ ሶርያ፡ አመ፡ ተቃተለ፡ ምስለ፡ አዛሔል፡ ንጉሠ፡ ሶርያ፡ ወይቤሎሙ፡ ኢዩ፡ ለእለ፡ ምስሌሁ፡ ትክሉኑ፡ መጥዎ፡ ነፍስክሙ፡ ምስሌየ፡ ዑቁ፡ እንከ፡ ወአልቦ፡ ዘያመስጠክሙ፡ ወአልቦ፡ ዘይወፅእ፡ እምነ፡ ሀገርክሙ፡ ኢይዜንውዎሙ፡ ለእስራኤል። ወእምዝ፡ ሖረ፡ ኢዩ፡ ፍጡነ፡ ኀበ፡ እስራኤል፡ ወወረደ፡ ወኢዮራምሰ፡ ንጉሠ፡ እስራኤል፡ ሀለወ፡ ውስተ፡ እስራኤል፡ ይትፌወስ፡ ንድፈቶ፡ ኀበ፡ ነደፍዎ፡ ሶርያ፡ አረማዊያን፡ በሬማት፡ አመ፡ ተቃተለ፡ ምስለ፡ አዛሔል፡ ንጉሠ፡ ሶርያ፡ እስመ፡ ጽኑዕ፡ ብእሲ፡ ውእቱ፡ ወኀያል፡ ውእቱ ፤ ወአካዝያስ፡ ንጉሠ፡ ይሁዳ፡ ወረደ፡ ይርአዮ፡ ለኢዮራም። ወዐርገ፡ ሰብአ፡ ዐይን፡ ውስተ፡ ማኅፈድ፡ ይርአዮሙ፡ ለእስራኤል፡ ወርእየ፡ ጸበሎሙ፡ ለእለ፡ ኢዩ፡ እንዘ፡ ይመጽኡ፡ ወይቤ፡ ናሁ፡ ጸበለ፡ እሬኢ፡ አንሰ ፤ ወይቤ፡ ኢዮራም፡ ይሖር፡ ፩ያሩጽ፡ ፈረሰ፡ ይትቀበሎሙ፡ ወይበሎሙ፡ ሰላም፡ ለክሙ። ወሖረ፡ ፩አሮጸ፡ ፈረሰ፡ ወተቀበሎሙ፡ ወይቤሎሙ፡ ሰላም፡ ለክሙ፡ ይቤለክሙ፡ ንጉሥ፡ ወይቤሎ፡ ኢዩ፡ ምንተ፡ ብከ፡ ምስለ፡ ሰላም ፤ ግባእ፡ ድኅሬየ ፤ ወነገሮሙ፡ ዝኩ፡ ሰብእ፡ ዐይን፡ ወይቤሎሙ፡ በጽሐ፡ ዘለአክሙ፡ ኀቤሆሙ፡ ወኢገብአ። ወፈነወ፡ ካዕበ፡ ካልአ፡ ያሩጽ፡ ፈረሰ፡ ወበጽሐ፡ ኀቤሆሙ፡ ወይቤሎሙ፡ ሰላምአ፡ ለክሙአ፡ ይቤ፡ ንጉሥ፡ ወይቤሎ፡ ኢዩ፡ ምንተ፡ ብከ፡ ምስለ፡ ሰላም ፤ ግባእ፡ ድኅሬየ። ወነገሮ፡ ዝኩ፡ ሰብአ፡ ዐይን፡ ወይቤሎ፡ በጽሐ፡ ዘለአክሙ፡ ኀቤሆሙ፡ ወኢተመይጠ ፤ መሪሐ፡ ይመርሖ፡ ለኢዩ፡ ወልደ፡ ናሜሴ፡ እስመ፡ ካልእት፡ ፍኖቶሙ። ወይቤ፡ ኢዮራም፡ ንዑ፡ ንሖር፡ ወአሖሩ፡ ሰረገላቲሆሙ፡ ወወፅአ፡ ኢዮራም፡ ንጉሠ፡ እስራኤል፡ ወአካዝያስ፡ ንጉሠ፡ ይሁዳ፡ ክልኤሆሙ፡ በሰረገላቲሆሙ፡ ወሖሩ፡ ወተቀበልዎ፡ ለኢዩ፡ ወረከብዎ፡ ውስተ፡ ዐጸደ፡ ናቡቴ፡ እስራኤላዊ። ወይቤሎ፡ ሰላም፡ ለኢዩ፡ ወይቤሎ፡ እንከ፡ ኢዩ፡ ምንተ፡ ብከ፡ ምስለ፡ ሰላም፡ አኮኑ፡ ዝሙታ፡ ለእምካ፡ ኢያዛቤል፡ ወሥራያቲሃ፡ በዝኀ። ወተመይጠ፡ ኢዮራም፡ ከመ፡ ይጕየይ፡ ወይቤሎ፡ ለአካዝ፡ ተጓሐለወነ፡ አካዝ። ወወሰቀ፡ ወመሰከ፡ ቀስቶ፡ በኀይሉ፡ ወነደፎ፡ ለኢዮራም፡ ማእከለ፡ ተኬሳሁ፡ ወወፅአ፡ ሐጹ፡ እንተ፡ ውስተ፡ ልቡ፡ ወወድቀ፡ በብረኪሁ። ወይቤሎ፡ ኢዩ፡ ለበዴቃ፡ ወዓሊሁ፡ ግድፎ፡ ውስተ፡ ዐጸደ፡ ናቡቴ፡ እስራኤላዊ፡ እስመ፡ አነ፡ እዜከር፡ ወለሊከ፡ ታአምር፡ አመ፡ ንጼዐን፡ አእዱገ፡ ወንተልዎ፡ ለአካአብ፡ አቡሁ፡ ወአምጽአ፡ ላዕሌሁ፡ እግዚአብሔር፡ ዘይቤ ፤ ደሞ፡ ለናቡቴ፡ ወደመ፡ ደቂቁ፡ ርኢኩ፡ ትማልም፡ ይቤ፡ እግዚአብሔር፡ ወእትበቀሎ፡ በዝ፡ ዐጸድ፡ ይቤ፡ እግዚአብሔር፡ ወይእዜኒ፡ ንሥኦ፡ ወግድፎ፡ ውስተዝ፡ ዐጸድ፡ በከመ፡ ይቤ፡ እግዚአብሔር። ወሶበ፡ ርእየ፡ አካዝያስ፡ ንጉሠ፡ ይሁዳ፡ ጐየ፡ እንተ፡ ፍኖተ፡ ቤታን፡ ወተለዎ፡ ኢዩ፡ ወዴገኖ፡ ወይቤ፡ ኢየኀድጎ፡ ኪያሁኒ፡ ወቀተሎ፡ በውስተ፡ ሰረገላቲሁ፡ እንዘ፡ የዐርግ፡ መንገለ፡ ጋይ፡ አንተ፡ ኤብላሔም፡ ወእምህየ፡ ጐየ፡ ውስተ፡ መጌዶን፡ ወበህየ፡ ወፅአት፡ ነፍሱ። ወጸዐንዎ፡ ደቁ፡ ውስተ፡ ሰረገላቲሁ፡ ወአእተውዎ፡ ውስተ፡ ኢየሩሳሌም፡ ወቀበርዎ፡ ውስተ፡ መቃብሩ፡ ውስተ፡ ሀገረ፡ ዳዊት። ወአመ፡ ፲ወ፩ክረምት፡ መንግሥቱ፡ ለኢዮራም፡ ንጉሠ፡ እስራኤል፡ ነግሠ፡ አካዝያስ፡ ለይሁዳ። ወሖረ፡ ኢዩ፡ ውስተ፡ እስራኤል፡ ወሰምዐት፡ ኢያዛቤል፡ ወተኵሕለት፡ አዕይንቲሃ፡ ወተሠነየት፡ ወተፀፍረት፡ ርእሳ፡ ወሐወጸት፡ እንተ፡ ውስተ፡ መስኮት። ወቦአ፡ ኢዩ፡ ውስተ፡ ሀገር፡ ወትቤሎ፡ ስላም፡ ለዝንበሪ፡ ለቀታሌ፡ እግዚኡ። ወአንሥአ፡ ገጾ፡ ወርእያ፡ ውስተ፡ መስኮት፡ ወይቤላ፡ መኑ፡ አንቲ፡ ረዲ፡ ዝየ፡ ኀቤየ፡ ወእምዝ፡ ሐወጹ፡ ክልኤቱ፡ ኅጽዋን። ወይቤሎሙ፡ አጽድፍዋ፡ ወአጽደፍዋ፡ ወተነዝኀ፡ ደማ፡ ኀበ፡ አረፍት፡ ወኀበ፡ አፍራስ፡ ወኬድዋ። ወቦአ፡ ኢዩ፡ ወበልዐ፡ ወሰትየ፡ ወእምዝ፡ ይቤ፡ ሖሩ፡ ርእይዋ፡ ለዛቲ፡ ርግምት፡ ወቅብርዋ፡ እስመ፡ ወለተ፡ ንጉሥ፡ ይእቲ። ወሖሩ፡ ይቅብርዋ፡ ወኢረከቡ፡ ዘእንበለ፡ ናላሃ፡ ወሰሎና፡ እገሪሃ፡ ወእራኃተ፡ እደዊሃ። ወገብኡ፡ ወነገርዎ፡ ወይቤ፡ ዝክቱ፡ ቃለ፡ እግዚአብሔር፡ ዘነበለ፡ በእደ፡ ኤልያስ፡ ትስብያዊ፡ ወይቤ፡ በውስተ፡ ዐጸደ፡ እስራኤል፡ ይበልዕዋ፡ ከለባት፡ ለኤልዛቤል ፤ [ወይከውን፡ በድና፡ ለኤልዛቤል፡] ከመ፡ መሬት፡ ውስተ፡ ገጸ፡ ገዳም፡ በደወለ፡ እስራኤል፡ ከመ፡ ኢይበልዋ፡ እንከ፡ ኢያዜቤል።

IV Regum 10 <ref target="http://www.sacred-texts.com/bib/poly/kg2010.htm"/> 10 ወቦቱ፡ አካአብ፡ ፸ደቂቀ፡ ውስተ፡ ሰማርያ፡ ወጸሐፈ፡ [ኢዩ፡] መጽሐፈ፡ ወፈነወ፡ ውስተ፡ ሰማርያ፡ ኀበ፡ መላእክተ፡ ሰማርያ፡ ወኀበ፡ ሊቃናት፡ ወኀበ፡ ሐፀንቶሙ፡ ለደቂቀ፡ አካአብ፡ ወጸሐፈ፡ እንዘ፡ ይብል ፤ ይእዜኒአ፡ እምከመ፡ በጽሐት፡ ዛቲአ፡ መጽሐፍአ፡ ኀቤክሙ፡ ናሁ፡ ሀለዉ፡ ደቂቁ፡ ለእግዚእክሙ፡ ኀቤክሙ፡ ወአፍራሲሁኒ፡ ኀቤክሙ፡ ወሰረገላቲሁኒ፡ ወአህጉሪሁኒ፡ ጽኑዓት፡ ወንዋየ፡ ሐቅሉኒ። ወርእዩ፡ ለክሙ፡ ዘይኄይስ፡ ዘትፈቅዱ፡ እምውስተ፡ ደቁ፡ ለእግዚእክሙ፡ አንብርዎ፡ ላዕለ፡ መንበረ፡ አቡሁ፡ ወተቃተሉአ፡ ለቤተ፡ እግዚእክሙአ። ወፈርሁ፡ ፈድፋደ፡ ወይቤሉ፡ ዘ፪ነገሥት፡ ስእኑ፡ ቀዊመ፡ ቅድመ፡ ገጹ፡ እፎ፡ እንከ፡ ንሕነ፡ ንክል፡ ቀዊመ፡ ቅድመ፡ ገጹ። ወለአኩ፡ መገብተ፡ ቤቱ፡ ወመገብተ፡ ሀገር፡ ወሊቃናት፡ ወሐፀንቶሙ፡ ኀበ፡ ኢዩ፡ እንዘ፡ ይብሉ፡ ንሕነሰአ፡ አግብርቲከአ፡ ንሕነ፡ ወዘአዘዝከነ፡ ንገብር፡ ወአልቦ፡ ብእሲ፡ ዘናነግሥ ፤ ዘትፈቅድአ፡ ግበርአ። ወእምዝ፡ ጸሐፈ፡ ሎሙ፡ ኢዩ፡ ካልእተ፡ መጽሐፈ፡ እንዘ፡ ይብል፡ እመሰኬአ፡ እሊአየአ፡ አንትሙ፡ ትሰምዑኒ፡ ቃልየ፡ ምትሩ፡ አርእስቲሆሙ፡ ለደቂቀ፡ እግዚእክሙ፡ ወፈንዉ፡ ኀቤየ፡ ውስተ፡ እስራኤል፡ ጌሠምአ፡ ዘጊዜ ፤ ወደቂቀ፡ ንጉሥ፡ ፸ዕደው፡ እሙንቱ፡ ጽኑዓነ፡ ሀገር። ወሶበ፡ በጽሐት፡ መጽሐፍ፡ ኀቤሆሙ፡ ነሥእዎሙ፡ ለደቂቀ፡ ንጉሥ፡ ወረገዝዎሙ፡ ፸ዕደው፡ ወሰቀሉ፡ አርእስቲሆሙ፡ ውስተ፡ ዕፀወ፡ ቀርጣልስ፡ ወፈነውዎሙ፡ ኀቤሁ፡ ውስተ፡ እስራኤል። ወበጽሐ፡ ሐዋርያሁ፡ ወነገሮ፡ ወይቤሎ፡ አምጻእኩ፡ አርእስቲሆሙ፡ ለደቂቀ፡ ንጉሥ፡ ወይቤሎ፡ ንጉሥ፡ ወጥኅዎሙ፡ ምክዕቢተ፡ በጽባሕ፡ ኀበ፡ አንቀጸ፡ ሀገር። ወሶበ፡ ጸብሐ፡ ወጽአ፡ ንጉሥ፡ ኀበ፡ አንቀጸ፡ ሀገር፡ ወይቤሎሙ፡ ለኵሉ፡ ሕዝብ፡ ድኅንክሙ፡ አንትሙ፡ ናሁ፡ አነ፡ ዐለውኩ፡ ቤተ፡ አጋእዝትየ፡ ወቀተልክዎሙ መኑ፡ ቀተሎሙ፡ እንከ፡ ለእሉ፡ ኵሎሙ። ናሁ፡ ርእይዎ፡ በእፎ፡ ከመ፡ ኢይወድቅ፡ እምነ፡ ቃሉ፡ ለእግዚአብሔር፡ ውስተ፡ ምድር፡ ዘነበበ፡ እግዚአብሔር፡ ላዕለ፡ ቤተ፡ አካአብ፡ በውስተ፡ እስራኤል፡ ወገብረ፡ እግዚአብሔር፡ ኵሎ፡ ዘነበበ፡ በእደ፡ ገብሩ፡ ኤልያስ። ወቀተሎሙ፡ ኢዩ፡ ለኵሎሙ፡ ሰብአ፡ ቤቱ፡ ለአካአብ፡ እለ፡ ተርፉ፡ ውስተ፡ እስራኤል፡ ወለኵሎሙ፡ ጽኑዓኒሁ፡ ወለኵሉ፡ ማኅፈሩ፡ ወለኵሉ፡ ካህናቲሁ፡ ወኢያትረፈ፡ እምኔሆሙ፡ ወኢ፩። ወተንሥአ፡ ወሖረ፡ ሰማርያ፡ ወበጽሐ፡ ቤተ፡ ቃት፡ ኀበ፡ ኖሎት፡ እለ፡ ውስተ፡ ፍኖት። ወረከቦሙ፡ ኢዩ፡ ለአኀዊሁ፡ ለአካዝያስ፡ ንጉሠ፡ ይሁዳ፡ ወይቤሎሙ፡ መኑ፡ አንትሙ፡ ወይቤልዎ፡ አኀዊሁ፡ ለአካዝያስ፡ ንጉሠ፡ ይሁዳ፡ ንሕነ፡ ወወረድነ፡ ንዜንዎሙ፡ ዳኅናሆሙ፡ ለዶቂቀ፡ ንጉሥ፡ ወለደቂቀ፡ ኀያላኑ። ወአዘዘ፡ የአኀዝዎሙ፡ ሕያዋኒሆሙ፡ ወረገዝዎሙ፡ በቤተ፡ ቃት፡ ፵ወ፪ዕደው፡ እሙንቱ፡ ወኢያትረፈ፡ እምኔሆሙ፡ ወኢ፩ብእሌ ። ወሖረ፡ እምህየ፡ ወረከቦ፡ ለኢዮናዳብ፡ ወልደ፡ ሬካብ፡ በፍኖት፡ ተቀበሎ፡ ወባረኮ፡ ወይቤሎ፡ ኢዩ፡ ርቱዕኑ፡ ልብከ፡ ምስሌየ፡ ከመ፡ ርቱዕ፡ ልብየ፡ ምስሌከ፡ ወይቤሎ፡ ኢዮናዳብ፡ እወ፡ ወይቤሎ፡ ኢዩ፡ እመሰኬ፡ አማንከ፡ መጥወኒ፡ እዴከ፡ ወመጠዎ፡ እዴሁ፡ ወአዕረጎ፡ ኀቤሁ፡ ውስተ፡ ሰረገላሁ። ወይቤሎ፡ ነዓ፡ ምስሌየ፡ ወትሬኢ፡ ዘከመ፡ እቀንእ፡ ለእግዚአብሔር፡ ጻባኦት፡ ወአጽዐኖ፡ ምስሌሁ፡ ውስተ፡ ሰረገላሁ። ወቦአ፡ ሰማርያ፡ ወቀተለ፡ ኵሎ፡ ዘተረፈ፡ ሰብኡ፡ ለአካአብ፡ ዘውስተ፡ ሰማርያ፡ እስከ፡ ደምሰሶሙ፡ በከመ፡ ቃለ፡ እግዚአብሔር፡ ዘይቤሎ፡ ለኤልያስ። ወወሐኮሙ፡ ኢዩ፡ ለኵሉ፡ ሕዝብ፡ ወይቤሎሙ፡ አካአብሰ፡ ውኁደ፡ ተቀንየ፡ ለበዓል፡ ወኢዩስ፡ ብዙኀ፡ ይትቀነይ፡ ሎቱ ። ወይእዜኒ፡ ጸውዑ፡ [ሊተ፡] ኵሎ፡ ነቢያቲሁ፡ ለበዓል፡ ወኵሎ፡ አግብርቲሁ፡ ወኵሎ፡ ማርያቶ፡ ወአልቦ፡ ዘተኀድጉ፡ እስመ፡ ዐቢይ፡ መሥዋዕቱ፡ ለበዓል፡ ወኵሉ፡ ዘኢመጽአ፡ ይመውት ፤ ወኢዩሰ፡ ተመየኖሙ፡ ከመ፡ ይቅትሎሙ፡ ለኵሉ፡ አግብርተ፡ በዓል። ወይቤሎሙ፡ ኢዩ፡ አንጽሑ፡ መሥዋዕተክሙ፡ ለበዓል፡ ወሰበኩ፡ ሎሙ። ወለአከ፡ ኢዩ፡ ውሰተ፡ ኵሉ፡ በሓውርተ፡ እስራኤል፡ ወመጽኡ፡ ኵሎሙ፡ አግብርተ፡ በዓል፡ ወኵሎሙ፡ ነቢያቲሁ፡ ወኢተኅደገ፡ ወኢ፩እምውስቴቶሙ፡ ብእሲ፡ ዘኢመጽአ፡ ወቦኡ፡ ኵሎሙ፡ ቤተ፡ በዓል፡ ወመልእዎ፡ ለቤተ፡ በዓል፡ ኵለንታሁ። ወይቤሎ፡ ኢዩ፡ ለመጋቤ፡ ቤተ፡ መስተዓድ፡ አውጽእ፡ አልባሰ፡ ለኵሉ፡ አግብርተ፡ በዓል፡ ወአውፅአ፡ ሎሙ፡ ዘይዔርዘሙ ። ወቦኡ፡ ኢዩ፡ ወኢዩናዳብ፡ ወልዴ፡ ሬካብ፡ ውስተ፡ ቤተ፡ በዓል፡ ወይቤሎሙ፡ ለአግብርተ፡ በዓል፡ ተፋቀዱ፡ ወአእምሩ፡ እመበ፡ ውስቴትክሙ፡ እምነ፡ አግብርተ፡ እግዚአብሔር፡ ዘእንበለ፡ ባሕቲትክሙ፡ አንትሙ፡ ዳእሙ፡ አግብርተ፡ በዓል፡ ወመሥዋዕትክሙ፡ አልቦ፡ ዘየሀሉ፡ ዝየ። ወአዘዘ፡ ኢዩ፡ ፹ብእሴ፡ ይቁሙ፡ አፍአ፡ ወይቤሎሙ፡ ፩ብእሲ፡ እመቦ፡ ዘአምሠጠክሙ፡ እምእሉ፡ ዕደው፡ እለ፡ ኣወፅእ፡ ኀቤክሙ፡ አነ፡ ነፍስክሙ፡ ትመውት፡ ህየንተ፡ ነፍሱ፡ ለውእቱ፡ ዘአምሠጠክሙ። ወእምዝ፡ ሶበ፡ አኅለቁ፡ ገቢረ፡ መሥዋዕት፡ ወይቤሎሙ፡ ኢዩ፡ ለወዓሊሁ፡ ወለሐራሁ፡ ባኡ፡ ወቅትልዎሙ፡ ወአልበ፡ ዘያመሥጠክሙ፡ እምኔሆሙ፡ ወቀተልዎሙ፡ በኀጺን፡ ወገደፍዎሙ፡ ወዓሊሁ፡ ወሐራሁ፡ ወቦኡ፡ ሀገረ። ወአውዐዩ፡ ቤተ፡ በዓል፡ ወኵሎ፡ ንዋዮ፡ ወኵሎ፡ አልባሲሁ። ወአውደቁ፡ ኵሎ፡ አምሳሊሁ፡ ለበዓል። ወእማሰኖ፡ ኢዩ፡ ለበዓል፡ ይእተ፡ አሚረ፡ እምነ፡ እስራኤል። ወባሕቱ፡ ኢዩ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል፡ ኢየኀድጎሙ፡ ኢዩ፡ እምቅድሜሆሙ፡ ለእልክቱ፡ እጐልት፡ እለ፡ ወርቅ፡ አሐቲ፡ እንተ፡ ውስተ፡ ቤቴል፡ ወአሐቲ፡ እንተ፡ ውስተ፡ ዳን። ወይቤሎ፡ እግዚአብሔር፡ ለኢዩ፡ እስመ፡ አሠነይከ፡ ገቢረ፡ ቅድመ፡ አዕይንትየ፡ ወኵሎ፡ ዘኀለይኩ፡ በልብየ፡ ገበርከ፡ ላዕለ፡ ቤተ፡ አካአብ፡ እስከ፡ ራብዕ፡ ትውልድከ፡ ይነብሩ፡ ላዕለ፡ መንበረ፡ እስራኤል። ወኢተዐቀበ፡ ኢዩ፡ ከመ፡ ይሖር፡ በሕገ፡ እግዚአብሔር፡ አምላከ፡ እስራኤል፡ በኵሉ፡ ልቡ ፤ ኢኀደገ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል። ወይእተ፡ አሚረ፡ አኀዘ፡ ይቅትሎሙ፡ እግዚአብሔር፡ ለእስራኤል፡ ወቀተሎሙ፡ አዛሔል፡ በውስተ፡ ኵሉ፡ በሓውርቲሆሙ፡ ለእስራኤል ፤ እምጽባሐ፡ ዮርዳኖስ፡ ወኵሉ፡ ብሔረ፡ ገለአድ፡ ዘጋድ፡ ወዘሮቤል፡ ወዘምናሴ፡ እምአሮኤር፡ እንተ፡ ውስተ፡ ከንፈረ፡ አርኖን፡ ዘገለአድ፡ ወባሳን። ወኵሉ፡ ነገሩ፡ ለኢዩ፡ ወኵሉ፡ ዘገብረ፡ ወኵሉ፡ ኀይሉ፡ ወኵሉ፡ ዘቀተለ፡ ዝውእቱ፡ ዝንቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። ወሰከበ፡ ኢዩ፡ ምስለ፡ አበዊሁ፡ ወተቀብረ፡ ውስተ፡ ሰማርያ፡ ወነግሠ፡ ኢዮአካስ፡ ወልዱ፡ ህየንቴሁ። ወ፳ወ፰ክራማተ፡ ነግሠ፡ ኢዩ፡ ለእስራኤል፡ በሰማርያ።

IV Regum 11 <ref target="http://www.sacred-texts.com/bib/poly/kg2011.htm"/> 11 ወጎቶልያ፡ እሙ፡ ለአካዝያስ፡ ሶበ፡ ርእየት፡ ከመ፡ ሞተ፡ ወልዳ፡ ወጠፍአ፡ ዘመደ፡ መንግሥት ፤ ነሥአ[ቶ]፡ ኢዮሰቡሔ፡ ወለተ፡ ንጉሥ፡ [ኢዮራም፡ እኅቱ፡ ለአካዝያስ፡ ለኢዮአስ፡ ወልደ፡ አካዝያስ፡] ሰረቀቶ፡ እማእከለ፡ ደቀቀ፡ ንጉሥ፡ እለ፡ ቀተሉ፡ ወለሐፃኒቱ፡ ወኀብአቶ፡ ውሳጢተ፡ ጽርሕ፡ እምጎቶልያ፡ ወኢቀተለቶ። ወኀብአቶ፡ ፮ዓመተ፡ ወጎቶልያ፡ ለሊሃ፡ ነግሠት፡ ለብሔር፡ ፮ዓመተ። ወአመ፡ ሳብዕ፡ ዓም፡ ለአከ፡ ዮዳሔ፡ ወአምጽኦሙ፡ ለመሳፍንት፡ ለኮሪ፡ ወለራሲን፡ ወአብኦሙ፡ ኀቤሁ፡ ውስተ፡ ቤተ፡ እግዚአብሔር፡ ወተካየዶሙ፡ ኪዳነ፡ እግዚአብሔር፡ ወአምሐሎሙ፡ በቅድመ፡ እግዚአብሔር፡ ወአርአዮሙ፡ ዮዳሔ፡ ወልደ፡ ንጉሥ። ወይቤሎሙ፡ ከመዝ፡ ግበሩ ፤ ሣልስተ፡ እዴክሙ፡ ባኡ፡ በዕለተ፡ ሰንበት፡ ወዕቀቡ፡ ቤተ፡ ንጉሥ፡ ወንበሩ፡ ውስተ፡ አንቀጽ ፤ ወሣልስተ፡ እዴክሙ፡ ውስተ፡ ስፍሐተ፡ ፍናዌ፡ ንበሩ፡ መንገለ፡ አንቀጽ፡ ዘዐውደ፡ ድኅሬሆሙ፡ ለወዐልተ፡ ንጉሥ፡ ወዕቀቡ፡ ወአጽንዑ፡ ቤተ። ወ፪እድ፡ እምውስቴትክሙ፡ ለኵሉ፡ ዘይወጽእ፡ በዕለተ፡ ሰንበት፡ ወዕቀቡ፡ ቤተ፡ እግዚአብሔር፡ ኀበ፡ ንጉሥ፡ ሀለወ። ወዕግትዎ፡ ለንጉሥ፡ ኵልክሙ፡ እንዘ፡ ትጸውሩ፡ ንዋየ፡ ሐቅልክሙ፡ ወኵሉ፡ ዘቦአ፡ ውስተ፡ አዴሮታ፡ ቅትሉ፡ ወእለኒ፡ ምስለ፡ ንጉሥ፡ ይበውኡ፡ ወይወፅኡ። ወገብሩ፡ መሳፍንት፡ ኵሎ፡ ዘአዘዞሙ፡ ዮዳሔ፡ ጠቢብ፡ ወነሥኡ፡ ኵሎሙ፡ ሰብኦሙ፡ ወአስተጋብኡ፡ ኵሎሙ፡ እለ፡ ቦኡ፡ በዕለተ፡ ሰንበት፡ ወሖሩ፡ ኀበ፡ ዮዳሔ፡ ካህን። ወወሀቦሙ፡ ዮዳሔ፡ ለመሳፍንት፡ አርማሒሁ፡ ለዳዊት፡ ወንዋየ፡ ሐቅሉ፡ ዘሀሎ፡ ውስተ፡ ቤተ፡ እግዚአብሔር። ወቆሙ፡ ወዓሊሁ፡ ምስለ፡ ንዋየ፡ ሐቅሎሙ፡ መንገለ፡ የማነ፡ ቤት፡ እስከ፡ መንገለ፡ ፀጋመ፡ ቤት፡ ዘምሥዋዕ፡ ወዐገትዎ፡ ለንጉሥ። ወአውፅእዎ፡ ለወልደ፡ ንጉሥ፡ ወአልበሶ፡ ልብሰ፡ ኢያዜር፡ ዘስምዕ፡ ወአንገሦ፡ ወቀብኦ፡ ወጠፍሑ፡ እደዊሆሙ፡ ወይቤሉ፡ ሕያው፡ አበ፡ ነጋሢ። ወሰምዐት፡ ጎቶልያ፡ ድምፀ፡ ሕዝብ፡ እንዘ፡ ይረውጹ፡ ወቦአት፡ ኀበ፡ ሕዝብ፡ ቤተ፡ እግዚአብሔር። ሪጋረከበቶ፡ ለንጉሥ፡ ይቀውም፡ ወያሰምክ፡ ውስተ፡ ዐምድ፡ በከመ፡ ሕጎሙ፡ ወቅድሜሁ፡ ይነፍሑ፡ ቀርነ፡ ወመዝሙራተኒ፡ ወኵሉ፡ ሕዝበ፡ ምድር፡ ይትፌሥሑ፡ ወይነፍሑ፡ ቀርነ፡ ወሠጠጠት፡ አልባሲሃ፡ ጎቶልያ፡ ወዐውየወት፡ ወትቤ፡ ማዕሌት፡ መዕሌት። ወአዘዞሙ፡ ዮዳሔ፡ ካህን፡ ለመሳፍንት፡ ወይቤሎሙ፡ ለመላእክተ፡ ሰራዊት፡ አውፅእዋ፡ እምውስተ፡ አዴሮታ፡ ወኵሉ፡ ዘተለዋ፡ ቅትልዎ፡ በኀጺን፡ እስመ፡ ካህን፡ አዘዘ፡ ከመ፡ ኢይቅትልዋ፡ በቤተ፡ እግዚአብሔር። ወአኀዝዋ፡ ወወሰድዋ፡ ፍኖተ፡ አፍራስ፡ ዘቤተ፡ ንጉሥ፡ ወቀተልዋ፡ በህየ። ወአስተካየደ፡ ዮዳሔ፡ ኪዳነ፡ ማእካለ፡ ቤተ፡ እግዚአብሔር፡ ወማእከለ፡ ቤተ፡ ንጉሥ፡ ወማእከለ፡ ሕዝብ፡ ከመ፡ ይኩኑ፡ ሕዝበ፡ እግዚአብሔር። ወቦኡ፡ ኵሉ፡ ሕዝብ፡ ዘብሔር፡ ቤተ፡ በዓል፡ ወሰበርዎ፡ ወነሰቱ፡ ምሥዋዓቲሁ፡ ወቀጥቀጡ፡ አምሳሊሁ፡ በሕቁ፡ ወቀተልዎ፡ ለማታን፡ ለማሬ፡ በዓል፡ በቀድመ፡ ምሥዋዕ፡ ወሤመ፡ ካህን፡ መገብተ፡ ለቤተ፡ እግዚአብሔር። ወነሥኦሙ፡ ለመሳፍንት፡ ለኮሪ፡ ወለራሲን፡ ወለኵሉ፡ ሕዝበ፡ ምድር፡ ወአውጽእዎ፡ ለንጉሥ፡ እምቤተ፡ እግዚአብሔር፡ ወወሰዶ፡ እንተ፡ አንቀጸ፡ ፍኖቶሙ፡ ለ[ወዐልተ]፡ ቤተ፡ ንጉሥ፡ ወአንበሮ፡ ውስተ፡ መንበረ፡ ነገሥት። ወተፈሥሑ፡ ኵሉ፡ ሕዝበ፡ ምድር፡ ወነበረት፡ እንከ፡ ሀገርኒ፡ ዳኅና፡ ወለጎቶልያሰ፡ ቀተልዋ፡ በኀጺን፡ በቤተ፡ ንጉሥ ። ወ፯ክረምቱ፡ ለኢዮአስ፡ አመ፡ ይነግሥ።

IV Regum 12 <ref target="http://www.sacred-texts.com/bib/poly/kg2012.htm"/> 12 አመ፡ ሳብዕ፡ ዓመተ፡ መንግሥቱ፡ ለኢዩ፡ ነግሠ፡ ኢዮአስ፡ ወ፵ክረምተ፡ ነግሠ፡ በኢየሩሳሌም፡ ወስማ፡ ለእሙ፡ አብያ፡ ወለተ፡ ቤርሳቤሕ። ወገብረ፡ ኢዮአስ፡ ጽድቀ፡ ቅድመ፡ እግዚአብሔር፡ በኵሉ፡ መዋዕል፡ ዘመሀሮ፡ ዮዳሔ፡ ካህን። ወባሕቱ፡ አብያተ፡ አማልክት፡ ኢያሰሰለ፡ ወሕዝብኒ፡ ህየ፡ ዳእሙ፡ የዐጥኑ፡ ወይሠውዑ፡ ውስተ፡ ቤተ፡ አማልክት። ወይቤሎሙ፡ ኢዮአስ፡ ለካህናት፡ ኵሎ፡ ወርቀ፡ ዘይቄድሱ፡ ወያበውኡ፡ ለቤተ፡ እግዚአብሔር፡ ወወርቀኒ፡ ዘቤዘ፡ ወኵሎ፡ ወርቀ፡ ዘበፈቃዱ፡ ያበውእ፡ ሰብእ፡ ለቤተ፡ እግዚአብሔር ፤ ለይንሥኡ፡ ካህናት፡ ለርእሶሙ፡ ኵሉ፡ ብእሲ፡ እምውስተ፡ ተግባሩ፡ ወለሊሆሙ፡ ይዕቀቡ፡ ቤዴቀ፡ ዘበቤቱ። ወእምዝ፡ አመ፡ ፴ወ፫ዓመተ፡ መንግሥቱ፡ ለኢዮአስ፡ ሶበ፡ ርእየ፡ ኢዮአስ፡ ካህናት፡ ከመ፡ ኢዐቀቡ፡ ቤዴቀ፡ ዘውስተ፡ ቤቱ ፤ ጸውዖ፡ ኢዮአስ፡ ንጉሥ፡ ለዮዳሔ፡ ካህን፡ ወለካህናትኒ፡ ወይቤሎሙ፡ በእፎ፡ ኢዐቀብክሙ፡ ቤዴቀ፡ ዘውስተ፡ ቤት ፤ እምይእዜ፡ እንከ፡ ኢትንሥኡ፡ ወርቆ፡ ለተግባርክሙ ፤ ለቤዴቅ፡ ዘውስተ፡ ቤት፡ ያብእዎ። ወተካየዱ፡ ካህናት፡ ከመ፡ ኢይንሥኡ፡ እንከ፡ ወርቀ፡ መባእ፡ ዘሕዝብ፡ ወከመ፡ ይዕቀቡ፡ ቤዴቀ፡ ዘውስተ፡ ቤት። ወነሥአ፡ ዮዳሔ፡ ካህን፡ አሐተ፡ ታቦተ፡ ወሰቈራ፡ ውስተ፡ ሰሌዳሃ፡ ወአንበራ፡ ኀበ፡ አሚቢን፡ ውስተ፡ ቤቱ፡ ለመጋቤ፡ ቤተ፡ እግዚአብሔር፡ ወአግብኡ፡ ካህናት፡ ኵሎ፡ ወርቆ፡ ዘተረክበ፡ ውስተ፡ ቤተ፡ እግዚአብሔር፡ በመድሎቱ። ወሶበ፡ ርእዩ፡ ከመ፡ ብዙኅ፡ ወርቁ፡ ዘተረክበ፡ ውስተ፡ ታቦት፡ ዐርገ፡ ጸሓፌ፡ ንጉሥ፡ ወካህናት፡ ወኈለቍዎ፡ ወርቆ፡ ወአስርዎ፡ ዐቍሮሙ፡ ኵሎ፡ ወርቀ፡ ዘረከቡ፡ ውስተ፡ ቤተ፡ እግዚአብሔር። ወአዘዘ፡ ይንሥኡ፡ መገብተ፡ ቤተ፡ እግዚአብሔር፡ ወርቀ፡ ዘይበውእ፡ ለፃእፃእ፡ ይኩኖሙ፡ ዘይሁቡ፡ ለጸረብተ፡ ዕፅ፡ ወለነደቅት፡ እለ፡ የሐንጹ፡ ቤተ፡ እግዚአብሔር ፤ ወለመገይራን፡ ወለወቀርተ፡ እብን፡ በዘ፡ ይሣየጡ፡ እብነ፡ ውቁረ፡ ወዕፀ፡ ጽሩበ፡ በዘየዐቅቡ፡ ቤዴቀ፡ ዘውስተ፡ ቤተ፡ እግዚአብሔር፡ ወለኵሉ፡ ፃእፃአ፡ ቤተ፡ እግዚአብሔር፡ በዘ፡ የዐቅቡ ፤ እንበለ፡ መዓጹት፡ ዘብሩር፡ ዘይገብሩ፡ ለቤተ፡ እግዚአብሔር፡ ወፍያላትኒ፡ ወአቅርንትኒ፡ ወኵሉ፡ ንዋየ፡ ወርቅ፡ ወብሩር፡ ዘይበውእ፡ ለቤተ፡ እግዚአብሔር ፤ አዘዘ፡ ይመጥውዎሙ፡ ለእለ፡ ይገብሩ፡ ግብሮ፡ ወቦቱ፡ ይዕቀቡ፡ ቤተ፡ እግዚአብሔር። ወኢትትሓሰብዎሙ፡ ለእሙንቱ፡ ዕደው፡ እለ፡ ይነሥኡ፡ ወርቆ፡ ወያስተዋፅእዎ፡ ለግብሮሙ፡ በሃይማኖቶሙ። ወወርቅሰ፡ ዘበእንተ፡ ኀጢአት፡ ወዘበእንተ፡ ንስሓኒ፡ ዘይበውእ፡ ለቤተ፡ እግዚአብሔር፡ ለካህናት፡ ውእቱ። ወበውእቱ፡ መዋዕል፡ ዐርገ፡ አዛሔል፡ ንጉሠ፡ ሶርያ፡ ወተቃተሎሙ፡ ለጌት፡ ወነሥኣ፡ ለጌት፡ ወአስተጋብኣ፡ ወፈነወ፡ አዛሔል፡ ሰራዊት፡ ይዕርጉ፡ ኢየሩሳሌም፡ አቅዲሞ፡ እምኔሁ። ወነሥአ፡ ኢዮአስ፡ ንጉሠ፡ ይሁዳ፡ ዘቅድሳ[ት]፡ ኵሎ፡ ዘቀደሱ፡ አበዊሁ፡ ዮሳፍጥ፡ ወኢዮራም፡ ወአካዝያስ፡ ነገሥተ፡ ይሁዳ፡ ወዚአሁኒ፡ ዘቀደሰ፡ ለሊሁ፡ ወኵሎ፡ ወርቀ፡ ዘተረክበ፡ ውስተ፡ መዝገበ፡ ቤተ፡ እግዚአብሔር፡ ወዘቤተ፡ ንጉሥኒ፡ ወፈነወ፡ ለአዛሔል፡ ንጉሠ፡ ሶርያ፡ ወገብአ፡ አዛሔል፡ ወኀደጋ፡ ለኢየሩሳሌም። ወኵሉ፡ ነገሩ፡ ለኢዮአስ፡ ወኵሉ፡ ዘገብረ፡ ናሁ፡ ዝንቱ፡ ውእቱ፡ ዘጽሑፍ፡ ውስተ፡ መጽሐፈ፡ መዋዕሊሆሙ፡ ለነገሥተ፡ ይሁዳ። ወተንሥኡ፡ አግብርቲሁ፡ ወአስተቋጸሩ፡ ሎቱ፡ በኵለሄ፡ ማዕሌተ፡ ወቀተልዎ፡ ለኢዮአስ፡ በቤተ፡ ማኅሎ፡ ዘውስተ፡ ገዳም ። ኢያዜክር፡ ወኢያሙሐድ፡ ወኢያዛብድ፡ ወልዱ፡ እሉ፡ አግብርቲሁ፡ እለ፡ ቀተልዎ፡ ወሞተ፡ ወቀበርዎ፡ ምስለ፡ አበዊሁ፡ ውስተ፡ ሀገረ፡ ዳዊት፡ ወነግሠ፡ አሜስያስ፡ ወልዱ፡ ህየንቴሁ።

IV Regum 13 <ref target="http://www.sacred-texts.com/bib/poly/kg2013.htm"/> 13 አመ፡ ፳ወ፫ዓመተ፡ መንግሥቱ፡ ለኢዮያስ፡ ወልደ፡ አካዝያስ፡ ንጉሠ፡ ይሁዳ፡ ነግሠ፡ ዮአካስ፡ ወልደ፡ ኢዩ፡ በሰማርያ፡ ፲ወ፯ክረምተ። ወገብረ፡ እኩየ፡ ቅድመ፡ እግዚአብሔር፡ ወሖረ፡ ወተለወ፡ ኀጢአተ፡ ኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል፡ ወኢኀደገ፡ ኪያሃ። ወተምዕዐ፡ እግዚአብሔር፡ መዐተ፡ ላዕለ፡ እስራኤል፡ ወአግብኦሙ፡ ውስተ፡ እዴሁ፡ ለአዛሔል፡ ንጉሠ፡ ሶርያ፡ ወውስተ፡ እዴሁ፡ ለወልደ፡ አዴር፡ ወልደ፡ አዛሔል፡ በኵሉ፡ መዋዕል። ወተጋነየ፡ ዮአካዝ፡ ለገጸ፡ እግዚአብሔር፡ እስመ፡ ርእየ፡ ሕማሞሙ፡ ለእስራኤል፡ እስመ፡ ሣቀዮሙ፡ ንጉሠ፡ ሶርያ። ወፈነወ፡ እግዚአብሔር፡ መድኀኒተ፡ ለእስራኤል፡ ወአውፅኦሙ፡ እምውስተ፡ እዴሆሙ፡ ለሶርያ፡ ወነበሩ፡ ደቂቀ፡ እስራኤል፡ ውስተ፡ አብያቲሆሙ፡ ከመ፡ ዘልፈ። ወባሕቱ፡ ኢኀደጉ፡ ኀጢአተ፡ ቤተ፡ ኢዮርብዓም፡ ዘአስሐቶሙ፡ ለእስራኤል፡ ወተለዉ፡ ኪያሃ፡ ወምሕራመ፡ ዖምኒ፡ ቆመ፡ ውስተ፡ ስማርያ። እስመ፡ አልቦ፡ ሕዝብ፡ ዘተረፈ፡ ለኢዮአክስ፡ ዘእንበለ፡ ፶አፍራስ፡ ወ፲ሰረገላት፡ ወ[፼]ብእሲ፡ አጋር፡ እስመ፡ ቀተሎሙ፡ ለኵሎሙ፡ ንጉሠ፡ ሶርያ፡ ወረሰዮሙ፡ ወኬዶሙ፡ ከመ፡ መሬት። ወኵሉ፡ ነገሩ፡ ለኢዮአክስ፡ ወኵሉ፡ ዘገብረ፡ ወኵሉ፡ ኀይሉ፡ ናሁ፡ ዝንቱ፡ ዘጽሑፍ፡ ውስተ፡ መጽሐፈ፡ ነቢያት፡ መዋዕሊሆሙ፡ ለነገሥተ፡ እስራኤል። ወሰከበ፡ ዮአክስ፡ ምስለ፡ አበዊሁ፡ ወቀበርዎ፡ ውስተ፡ ሰማርያ፡ ወነግሠ፡ ዮአስ፡ ወልዱ፡ ህየንቴሁ። አመ፡ ፴ወ፯ዓመተ፡ መንግሥቱ፡ ለኢዮአስ፡ ንጉሠ፡ ይሁዳ፡ ነግሠ፡ ዮአስ፡ ወልደ፡ ዮአክስ፡ ለእስራኤል፡ በሰማርያ፡ ፲ወ፮ዓመተ። ወገብረ፡ እኩየ፡ ቅድመ፡ እግዚአብሔር፡ ወኢኀደገ፡ ኵሎ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል፡ ወኪያሃ፡ ተለወ። ወኵሉ፡ ነገሩ፡ ለዮአስ፡ ወኵሉ፡ ዘገብረ፡ ወኵሎ፡ ኀይሉ፡ ናሁ፡ ዝንቱ፡ ዘጽሑፍ፡ ውስተ፡ መጽሐፈ፡ ነቢያት፡ መዋዕሊሆሙ፡ ለነገሥተ፡ [እስራኤል]። ወሰከበ፡ ምስለ፡ አበዊሁ፡ ወካልእ፡ ኢዮርብዓም፡ ነግሠ፡ ወነበረ፡ ውስተ፡ መንበሩ፡ በሰማርያ፡ ምስለ፡ ደቂቀ፡ እስራኤል። ወኤልሳዕኒ፡ ደወየ፡ ደዌሁ፡ ዘዘልፈ፡ እንተ፡ ባቲ፡ ይመውት፡ ወወረደ፡ ኀቤሁ፡ ኢዮአስ፡ ንጉሠ፡ እስራኤል፡ ወበከየ፡ በቅድሜሁ፡ ወይቤለመ፡ አባ፡ አባ፡ ሰረገላቲሆሙ፡ ለእስራኤል፡ ወአፍራሲሆሙ። ወይቤሎ፡ ኤልሳዕ፡ ንሣእ፡ ቀስተከ፡ ወሐጸከ። ወይቤሎ፡ ለንጉሥ፡ ምስክ፡ ቀስተከ፡ ወወስቅ፡ ሐጸከ፡ ወወሰቀ፡ ዮአስ፡ ወመሰከ፡ ቀስቶ፡ በእዴሁ፡ ወወደየ፡ ኤልሳዕ፡ እዴሁ፡ ላዕለ፡ እዴሁ፡ ለንጉሥ። ወይቤሎ፡ አርኁ፡ መሰኮተ፡ መንገለ፡ ጽባሕ፡ ወአርኀወ፡ ወይቤሎ፡ ኤልሳዕ፡ ንድፍ፡ ወነደፈ፡ ወይቤሎ፡ ኤልሳዕ፡ ሐጸ፡ መድኀኒቱ፡ ለእግዚአብሔር፡ ወሐጸ፡ ተምውእቶሙ፡ ለሶርያ፡ ወትቀትሎሙ፡ ለሶርያ፡ እምነ፡ አፌቅ፡ እስከ፡ ጽንፋ። ወይቤሎ፡ ኤልሳዕ፡ ንሣእ፡ ቀስተ፡ ወንድፍ፡ ውስተ፡ ምድር፡ ወነደፈ፡ ንጉሥ፡ ሥልሰ፡ ወኀደገ። ወተከዘ፡ ብእሴ፡ እግዚአብሔር፡ ወይቤሎ፡ ሶበ፡ ነደፍከ፡ ስብዐ፡ ወእመ፡ አኮ፡ ስድሰ፡ እምቀተልኮሙ፡ ለሶርያ፡ ወእምአኅለቆሙ፡ ወይእዜሰ፡ ሥልሰ፡ ትቀትሎሙ፡ ለሶርያ። ወሞተ፡ ኤልሳዕ፡ ወቀበርዎ፡ ወበውእቱ፡ ዓመት፡ ሮድዎሙ፡ ብሔሮሙ፡ ሞአብ። ወእንዘ፡ ይቀብርዎ፡ በኤልሳዕ፡ አምጽኡ፡ ካልአ፡ ብእሴ፡ ይቅብሩ፡ ወሶበ፡ ይሬእዩ፡ ይረውድዎሙ፡ ገደፍዎ፡ በድኖ፡ ለውእቱ፡ ብእሲ፡ ውስተ፡ መቃብረ፡ ኤልሳዕ፡ ወወረደ፡ ውእቱ፡ በድን፡ ላዕሰ፡ ኤልሳዕ፡ ወለከፎ፡ ውእቱ፡ በድን፡ ለበድነ፡ ኤልሳዕ፡ ወሐይወ፡ ውእቱ፡ ብእሲ፡ ወተንሥአ፡ ወቆመ፡ በእገሪሁ። ወሣቀዮሙ፡ አዛሔል፡ ለእስራኤል፡ በኵሉ፡ መዋዕሊሁ፡ ለዮአስ። ወመሐሮሙ፡ እግዚአብሔር፡ ወተሣሀሎሙ፡ በእንተ፡ ማሕላሁ፡ ዘመሐለ፡ ለአብርሃም፡ ወለይስሐቅ፡ ወለያዕቆብ፡ ወኢፈቀደ፡ እግዚአብሔር፡ ያጥፍኦሙ፡ ወኢገደፎሙ፡ እምቅድመ፡ ገጹ። ወሞተ፡ አዛሔል፡ ንጉሠ፡ ሶርያ፡ ወነግሠ፡ ወልደ፡ አዴር፡ ወልዱ፡ ህየንቴሁ። ወተመይጠ፡ ዮአስ፡ ወልደ፡ ዮአክስ፡ ወሄደ፡ አህጉሪሁ፡ ለወልደ፡ አዴር፡ ወልደ፡ አዛሔል፡ እለ፡ ነሥአ፡ እምኀበ፡ ዮአክስ፡ አቡሁ፡ ወአመ፡ ተቃተሎ፡ ሥልሰ፡ ቀተሎ፡ ዮአስ፡ ወሄደ፡ አህጉሪሆሙ፡ ለእስራኤል።

IV Regum 14 <ref target="http://www.sacred-texts.com/bib/poly/kg2014.htm"/> 14 ወአመ፡ ካልእት፡ ዓመተ፡ መንግሥቱ፡ ለዮአስ፡ ወልደ፡ ዮአክስ፡ ንጉሠ፡ እስራኤል፡ ወነግሠ፡ አሜስያስ፡ ወልደ፡ ዮአስ፡ ንጉሠ፡ ይሁዳ። ፳ወ፭ክረምቱ፡ አመ፡ ይነግሥ፡ ወ፳ወ፱ክረምተ፡ ነግሠ፡ በኢየሩሳሌም፡ ወስማ፡ ለእሙ፡ ዮአድሞ፡ እንተ፡ እምኢየሩሳሌም። ወገብረ፡ ጽድቀ፡ ቅድመ፡ አዕይንቲሁ፡ ለእግዚአብሔር፡ ወባሕቱ፡ አኮ፡ ከመ፡ ዳዊት፡ አቡሁ፡ ወኵሎ፡ ዘከመ፡ ገብረ፡ ዮአስ፡ አቡሁ፡ ገብረ። ወአብያተ፡ አማልክትሰ፡ ኢያሰሰለ፡ ወሕዝብኒ፡ ህየ፡ ዓዲሆሙ፡ የዐጥኑ፡ ወይሠውዑ፡ ውስተ፡ አብያተ፡ አማልክት። ወሶበ፡ ጸንዐት፡ መንግሥቱ፡ ቀተሎሙ፡ ለአግብርቲሁ፡ እለ፡ ቀተልዎ፡ ለአቡሁ። ወደቂቆሙ፡ ለእለ፡ ቀተልዎ፡ ኢቀተሎሙ፡ እስመ፡ ከማሁ፡ ጽሑፍ፡ ውስተ፡ መጽሐፈ፡ ሕጉ፡ ለሙሴ፡ ዘከመ፡ አዘዘ፡ እግዚአብሔር፡ ወይቤ፡ ኢይመውቱ፡ አበው፡ በጌጋየ፡ ውሉዶሙ፡ ወኢይመውቱ፡ ውሉድ፡ በጌጋየ፡ አበዊሆሙ ፤ ኵሉ፡ በጌጋየ፡ ዚአሁ፡ ይመውት። ወውእቱ፡ ቀተሎሙ፡ ለኤዶም፡ በርዴ፡ ፼ ብእሴ፡ ወበጽሐ፡ እስከ፡ ጸወኖሙ፡ እንዘ፡ ይቀትሎሙ፡ ወሰመዮ፡ ቀቶሔል፡ እስከ፡ ዮም። ወእምዝ፡ ፈነወ፡ አሜስያስ፡ ሐዋርያተ፡ ኀበ፡ ዮአስ፡ ወልድ፡ ዮአክስ፡ ወልደ፡ ኢዩ፡ ንጉሠ፡ እስራኤል፡ እንዘ፡ ይብል፡ ነዓአ፡ ንትራአይአ፡ ገጸአ፡ በገጽአ። ወለአከ፡ ዮአስ፡ ኀበ፡ አሜስያስ፡ ንጉሠ፡ ይሁዳ፡ እንዘ፡ ይብል፡ እቃንአ፡ ዘውስተ፡ ዕፀ፡ ሊባኖስአ፡ ለአከ፡ ኀበ፡ ዕፀ፡ ቄድሮስ፡ ዘውስተ፡ ሊባኖስ፡ እንዘ፡ ይብል፡ ሀቦአ፡ ለወልድየአ፡ ወለተከአ፡ ያውስብአ፡ ወመጽኡአ፡ አራዊተ፡ ገዳምአ፡ ዘውስተ፡ ሊባኖስአ፡ ወቀተልዎአ፡ ለአቃንአ። እስመሁአ፡ ቀተልኮሙአ፡ ለኢዶምያስ፡ አዕበይከ፡ ልበከ፡ ወትዜኀር፡ ንቡረከ፡ ውስተ፡ ቤትከ፡ ለምንት፡ ትትዐበይ፡ በእከይከ፡ እንዘእ፡ ሀለውክሙአ፡ ትደቁአ፡ አንተኒአ፡ ወይሁዳአ፡ ምስሌከአ። ወአበየ፡ ሰሚዐ፡ አሜስያስ፡ ወዐርገ፡ ዮአስ፡ ንጉሠ፡ እስራኤል፡ ወተራከበ፡ ምስለ፡ አሜስያስ፡ ንጉሠ፡ ይሁዳ፡ በቤተ፡ ሳሚስ፡ በምድረ፡ ይሁዳ፡ ወተራአዩ፡ ገጸ፡ በገጽ። ወወድቁ፡ ይሁዳ፡ ቅድመ፡ እስራኤል፡ ወጐዩ፡ ወአተዉ፡ አብያቲሆሙ። ወለአሜስያስሰ፡ ወልደ፡ ዮአ[ስ]፡ አኀዞ፡ ዮአስ፡ ንጉሠ፡ እስራኤል፡ በቤተ፡ ሳሚስ፡ ወአተወ፡ ኢየሩሳሌም፡ ወሰቀሎ፡ ውስተ፡ አረፍተ፡ ኢየሩሳሌም፡ ውስተ፡ አንቀጸ፡ ኤፍሬም፡ ወሰሐበ፡ እስከ፡ አንቀጸ፡ መኣዝንት፡ ፬፻በእመት። ወነሥአ፡ ወርቀ፡ ወብሩረ፡ ወኵሎ፡ ንዋየ፡ ዘተረክበ፡ ውስተ፡ ቤተ፡ እግዚአብሔር፡ ወዘውስተ፡ መዝገበ፡ ቤተ፡ ንጉሥ፡ ወነሥአ፡ ደቀ፡ ፈላስያን፡ እለ፡ ተደመሩ፡ ምስሌሁ፡ ወአተወ፡ ወተመይጠ፡ ሰማርያ። ወኵሉ፡ ነገሩ፡ ለዮአስ፡ ወኵሉ፡ ኀይሉ፡ ወዘከመ፡ ተቃተለ፡ ምስለ፡ አሜስያስ፡ ንጉሠ፡ ይሁዳ፡ ናሁ፡ ዝንቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። ወስከበ፡ ዮአስ፡ ምስለ፡ አበዊሁ፡ ወተቀብረ፡ ውስተ፡ ሰማርያ፡ ምስለ፡ ነገሥተ፡ እስራኤል፡ ወነግሠ፡ ኢዮራብዓም፡ ወልዱ፡ ህየንቴሁ። ወሐይወ፡ አሜስያስ፡ ወልደ፡ ዮአስ፡ ንጉሠ፡ ይሁዳ፡ ወእምድኅረ፡ ሞተ፡ ወልደ፡ ዮአክስ፡ ንጉሠ፡ እስራኤል፡ ፲ወ፭ዓመተ። ወኵሉ፡ ነገሩ፡ በአሜስያስ፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ። ወዐለውዎ፡ ማዕሌተ፡ ሰብአ፡ ኢየሩሳሌም፡ ወተኀጥአ፡ እምህየ፡ ውስተ፡ ለኪስ፡ ወለአከ፡ ንጉሠ፡ ለኪስ፡ ወአዴገኖ፡ ወቀተሎ፡ በህየ። ወጸዐንዎ፡ በድኖ፡ ውስተ፡ አፍራስ፡ ወቀበርዎ፡ ውስተ፡ ኢየሩሳልም፡ ምስለ፡ አበዊሁ፡ ውስተ፡ ሀገረ፡ ዳዊት። ወአኀዝዎ፡ ኵሎሙ፡ ሕዝበ፡ ይሁዳ፡ ለአዛርያስ፡ አሜሃ፡ እንዘ፡ ፲ወ፮ክረምቱ፡ ወአንገሥዎ፡ ህየንተ፡ አሜስያስ፡ አቡሁ ። ወውእቱ፡ ሐነጻ፡ ለኤላም፡ ወአስተጋብኣ፡ ለይሁዳ፡ እምድኅረ፡ ሰከበ፡ ንጉሥ፡ ምስለ፡ አበዊሁ። ወአመ፡ ፲ወ፭ዓመተ፡ መንግሥቱ፡ ለአሜስያስ፡ ወልደ፡ ዮአስ፡ ንጉሠ፡ ይሁዳ፡ ነግሠ፡ ኢዮርብዓም፡ ወልደ፡ ዮአስ፡ ለእስራኤል፡ በሰማርያ፡ ፵ወ፩ክረምተ፡ ነግሠ። ወገብረ፡ እኩየ፡ ቅድመ፡ እግዚአብሔር፡ ወኢኀደገ፡ ኵሎ፡ ኀጢአቶ፡ ለኢዮራብዓም፡ ወልደ፡ ናባጥ፡ ዘአስሐቶሙ፡ ለእስራኤል። ውእቱ፡ አቀመ፡ ደወሎሙ፡ ለእስራኤል፡ እምፍኖተ፡ ኤማት፡ እስከ፡ ባሕር፡ ዘዐረብ፡ በከመ፡ ይቤ፡ እግዚአብሔር፡ አምላከ፡ እስራኤል፡ ዘከመ፡ ነበበ፡ በእደ፡ ገብሩ፡ ዮሐና፡ ወልደ፡ አማቴ፡ ነቢይ፡ ዘውስተ፡ ጌድ፡ ዘኮቤር። እስመ፡ ርእየ፡ ሕማሞሙ፡ እግዚአብሔር፡ ለእስራኤል፡ መራር፡ ፈድፋደ፡ ወውኅዱሂ፡ ወተገድፉሂ፡ ወኀጥኡ፡ ዘይረድኦሙ፡ ለእስራኤል። ወኢነበበ፡ እግዚአብሔር፡ ከመ፡ ይደምስስ፡ ዘርኦሙ፡ ለእስራኤል፡ እምታሕተ፡ ሰማይ፡ ወአድኀኖሙ፡ [በ]እደ፡ ኢዮርብዓም፡ ወልደ፡ ዮአስ። ወኵሉ፡ ነንሩ፡ ለኢዮራብዓም፡ ወኵሉ፡ ዘንብረ፡ ወኵሉ፡ ኀይሉ፡ ወኵሉ፡ ፀብኡ፡ ወዘከመ፡ አስተጋብኦሙ፡ ለኤማት፡ ወለደማስቆ፡ አምእስራኤል፡ ለይሁዳ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። ወሰከበ፡ ኢዮርብዓም፡ ምስለ፡ አበዊሁ፡ ምስለ፡ ነገሥተ፡ እስራኤል፡ ወነግሠ፡ አዜከርያስ፡ ወልዱ፡ ህየንቴሁ።

IV Regum 15 <ref target="http://www.sacred-texts.com/bib/poly/kg2015.htm"/> 15 አመ፡ ፳ወ፯ዓመተ፡ መንግሥቱ፡ ለኢዮርብዓም፡ ንጉሠ፡ እስራኤል፡ [ነግሠ፡ አዛርያስ፡ ወልደ፡ አሜስያስ፡ ንጉሠ፡ ይሁዳ ።] ወ፲ወ፮ክረምቱ፡ ለአዛርያስ፡ አመ፡ ይነግሥ ፤ ፶ወ፪ክረምተ፡ ነግሠ፡ በኢየሩሳሌም፡ ወስማ፡ ለእሙ፡ ከልያ፡ እንተ፡ ኢየሩሳሌም። ወገብረ፡ ጽድቀ፡ በቅድመ፡ አዕይንቲሁ፡ ለእግዚአብሔር፡ ዘከመ፡ ገብረ፡ አሜስያስ፡ አቡሁ። ወአብያተ፡ አማልክትሰ፡ ኢያሰሰለ ፤ ዓዲሆሙ፡ ሕዝብ፡ ህየ፡ የዐጥኑ፡ ወይሠውዑ፡ ውስተ፡ አብያተ፡ አማልክት። ወገሰሶ፡ እግዚአብሔር፡ ለንጉሥ፡ ወአኀዞ፡ ለምጽ፡ እስከ፡ አመ፡ ሞተ፡ ወነግሠ፡ እምቤተ፡ አፍሶት፡ ወዮናታን፡ ወልደ፡ ንጉሥ፡ የዐቅብ፡ ቤቶ፡ ወይኴንን፡ አሕዛበ፡ ምድር። ወኵሉ፡ ነገሩ፡ ለአዛርያስ፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ። ወስከበ፡ አዛርያስ፡ ምሰለ፡ አበዊሁ፡ ውስተ፡ ሀገረ፡ ዳዊት፡ ወነግሠ፡ ዮናታን፡ ወልዱ፡ ህየንቴሁ። ወአመ፡ ፴ወ፰ዓመተ፡ መንግሥቱ፡ ለአዛርያስ፡ ንጉሠ፡ ይሁዳ፡ ነግሠ፡ አዜኬርያስ፡ ወልደ፡ ኢዮርብዓም፡ ለእስራኤል፡ በሰማርያ፡ ፮አውራኀ። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ በከመ፡ ገብሩ፡ አበዊሁ፡ ወኢኀደገ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል። ወዐለውዎ፡ ሴሎም፡ ወልደ፡ ኢያቢሶ፡ ወበላዓን፡ ወሴሎም፡ አቡሁ፡ ቀተልዎ፡ ወነግሠ፡ ሴሎም፡ ህየንቴሁ። ወኵሉ፡ ነገሩ፡ ለአዜኬርያስ፡ ናሁ፡ ዝንቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። ወዝውእቱ፡ ቃለ፡ እግዚአብሔር፡ ለኢዩ፡ ዘይቤለመ፡ እስከ፡ ራብዕ፡ ትውልድከ፡ ይነብሩ፡ ውስተ፡ መንበረ፡ እስራኤል፡ ወከማሁ፡ ኮነ። ወነግሠ፡ ሴሎም፡ ወልደ፡ ያቤሳ ፤ አመ፡ ፴ወ፱ዓመተ፡ መንግሥቱ፡ ለአዛርያ፡ ንጉሠ፡ ይሁዳ፡ ነግሠ፡ ሴሎም፡ ፴መዋዕለ፡ በሰማርያ። ወዐርገ፡ ምናሔም፡ ወልደ፡ ጌዱ፡ እምተርሲላቅ፡ ወሖረ፡ ሰማርያ፡ ወቀተሎ፡ ለሴሎም፡ ወልደ፡ ያቤሶ፡ በሰማርያ። ወኵሉ፡ ነገሩ፡ ለሴሎም፡ ወማዕሌቱኒ፡ ዘዐለወ፡ ናሁ፡ ዝንቱ፡ ውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። ወእምዝ፡ ቀተሎሙ፡ ምናሔም፡ ለቴርሳ፡ ወኵሎሙ፡ ዘውስተ፡ ቴርሳ፡ ወለኵሉ፡ አድያሚሆሙ፡ ወዘእምቴርሳ፡ እስመ፡ [ኢያ]ርኀውዎ፡ ወኵሎሙ፡ እለ፡ ሀለዉ፡ ውስቴታ፡ ወፅኑሳቲሆሙኒ፡ ነፀሮን። ወአመ፡ ፴ወ፱ዓመተ፡ መንግሥቱ፡ ለአዛርያስ፡ ንጉሠ፡ ይሁዳ፡ ነግሠ፡ ምናሔም፡ ወልደ፡ ጊዱ፡ ለእስራኤል፡ ፲ክረምተ፡ በሰማርያ። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ ወኢኀደገ፡ ኵሎ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል። ወበመዋዕሊሁ፡ ዐርገ፡ ፎሐ፡ ንጉሠ፡ ፋርስ፡ ውስተ፡ ውእቱ፡ ብሔር፡ ወወሀቦ፡ ምናሔም፡ ለፉሐ፡ ፲፻መካልየ፡ ብሩር፡ ከመ፡ ይኅበር፡ ምስሌሁ። ወአዘዞሙ፡ ምናሔም፡ ለእስራኤል፡ የሀብዎ፡ ብዙኀ፡ ብሩረ፡ ለንጉሠ፡ ፋርስ፡ ያስተዋፅኡ፡ ሎቱ፡ ብእሲ፡ ብእሲ፡ በበ፶ሰቅሎን፡ ወኢቦአ፡ ንጉሠ፡ ፋርስ፡ ወኢነበረ፡ ውስተ፡ ውእቱ፡ ብሔር። ወኵሉ፡ ነገሩ፡ ለምናሔም፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። ወሰከበ፡ ምናሔም፡ ምስለ፡ አበዊሁ። ወአመ፡ ኀምሳ፡ ዓመተ፡ መንግሥቱ፡ ለአዛርያስ፡ ንጉሠ፡ ይሁዳ፡ ነግሠ፡ ፋቄስያስ፡ ወልደ፡ ምናሔም፡ ለእስራኤል፡ በሰማርያ፡ ፪ዓመተ። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ ወኢኀደገ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል። ወዐለዎ፡ ፋቂሔ፡ ወልደ፡ ሮሜልዩ፡ ወዓሊሁ፡ ወቀተስመ፡ በሰማርያ፡ በቅድመ፡ ቤተ፡ ንጉሥ፡ ምስለ፡ አርጎብ፡ ወምስለ፡ አርያ፡ ወምስሌሁ፡ ፶ብእሲ፡ እምውስተ፡ ፬፻ወቀተሎ፡ ወነግሠ፡ ህየንቴሁ። ወኵሉ፡ ነገሩ፡ ለፋቄስያስ፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። ወአመ፡ ፶ወ፪ዓመተ፡ መንግሥቱ፡ ለአዛርያስ፡ ንጉሠ፡ ይሁዳ፡ ነግሠ፡ ፋቁሔ፡ ወልደ፡ ሮሜልዩ፡ ለእስራኤል፡ በሰማርያ፡ ፳ክረምተ። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ ወኢኀደገ፡ ኀጢአቶ፡ ለኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል። በመዋዕሊሁ፡ ለፋቁሔ፡ መጽአ፡ ተልገተፌለሰር፡ ንጉሠ፡ ፋርስ፡ ወነሥኦ፡ ለናይን፡ ወለአቤል፡ ወለዘምሕኮ፡ ወለዘአንዮኅ፡ ወለቄኔዝ፡ ወለአሶር፡ ወለገለአድ፡ እንተ፡ ገሊላ፡ ወኵሎ፡ ምድረ፡ ንፍታሌም፡ ወአፍለሶሙ፡ ብሔረ፡ ፋርስ። ወዐለዎ፡ ማዕሌተ፡ ሆሴዕ፡ ወልደ፡ ኤላ፡ ለፋቁሔ፡ ወልደ፡ ሮሜልዩ፡ ወቀተሎ፡ ወነግሠ፡ ህየንቴሁ፡ አመ፡ ፳ዓመቱ፡ ለዮናታን፡ ወልደ፡ አዛርያስ። ወኵሉ፡ ነገሩ፡ ለፋቁሔ፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ እስራኤል። አመ፡ ፪ዓመተ፡ መንግሥቱ፡ ለፋቁሔ፡ ወልደ፡ ሮሜልዩ፡ ንጉሠ፡ እስራኤል፡ ነግሠ፡ ዮአታም፡ ወልደ፡ አዘርያስ፡ ንጉሠ፡ ይሁዳ። እንዘ፡ ፳ወ፭ክረምቱ፡ አመ፡ ይነግሥ ፤ ወ፲ወ፮ክረምተ፡ ነግሁ፡ በኢየሩሳሌም፡ ወስማ፡ ለእሙ፡ ዔሩሳ፡ ወለተ፡ ሳዱቅ። ወገብረ፡ ሠናየ፡ ቅድመ፡ አዕይንቲሁ፡ ለእግዚአብሔር፡ ኵሎ፡ ዘከመ፡ ገብረ፡ አዛርያስ፡ አቡሁ። ወባሕቱ፡ ቤተ፡ አማልክት፡ ኢያሰሰለ፡ ወዓዲሆሙ፡ ሕዝብ፡ ይሠውዑ፡ ወየዐጥኑ፡ ውስተ፡ አብያተ፡ አማልክት፡ ወውእቱ፡ ሐነጸ፡ አንቀጸ፡ ቤተ፡ እግዚአብሔር፡ ላዕሌየ። ወኵሉ፡ ነገሩ፡ ለዮአታም፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነዚያቲሆሙ፡ ለነገሥተ፡ ይሁዳ ። ወይእተ፡ አሚረ፡ አኀዘ፡ ይፈንዎ፡ እግዚአብሔር፡ ለረዐሶን፡ ንጉሠ፡ ሶርያ፡ ወፋቁሔ፡ ወልደ፡ ሮሜልዩ፡ ውስተ፡ ኢየሩሳሌም። ወሰከበ፡ ኢዮአታም፡ ምስለ፡ አበዊሁ፡ ውስተ፡ ሀገረ፡ ዳዊት፡ አቡሁ፡ ወነግሠ፡ አካዝ፡ ወልዱ፡ ህየንቴሁ።

IV Regum 16 <ref target="http://www.sacred-texts.com/bib/poly/kg2016.htm"/> 16 አመ፡ ፲ወ፯ዓመተ፡ መንግሥቱ፡ ለፋቁሔ፡ ወልደ፡ ሮሜልዩ፡ ነግሠ፡ አካዝ፡ ወልደ፡ ዮአታም፡ ንጉሠ፡ ይሁዳ። ወ፳ክረምቱ፡ አመ፡ ይነግሥ፡ አካዝ፡ ወ፲ወ፮ክረምተ፡ ነግሠ፡ በኢየሩሳሌም፡ ወኢገብረ፡ ሠናየ፡ ቅድመ፡ አዕይንቲሁ፡ ለእግዚአብሔር፡ አምላኩ፡ ወኢኮነ፡ ምእመነ፡ ከመ፡ ዳዊት፡ አቡሁ። ወሖረ፡ በፍኖተ፡ ኢዮርብዓም፡ ወልደ፡ ናባጥ፡ ንጉሠ፡ እስራኤል፡ ወወልዶ፡ ሦዐ፡ በእሳት፡ ለርኵሶሙ፡ ለአሕዛብ፡ እለ፡ አሰሰለ፡ እግዚአብሔር፡ እምቅድመ፡ ገጾሙ፡ ለእስራኤል። ወሦዐ፡ ወዐጠነ፡ ሎሙ፡ ውስተ፡ አብያተ፡ አማልክት፡ ወውስተ፡ አውግር፡ ወታሕተ፡ ኵሉ፡ ዖም፡ ጽፉቅ። ወይእተ፡ አሚረ፡ ዐርጉ፡ ረአሶን፡ ንጉሠ፡ [ሶርያ፡] ወፋቁሔኒ፡ ወልደ፡ ሮሜልዩ፡ ንጉሠ፡ እስራኤል፡ ላዕለ፡ ኢየሩሳሌም፡ ከመ፡ ይትቃተልዎሙ፡ ወተቃተልዎ፡ ለአካዝ፡ ወስእኑ፡ መዊኦቶ። ወይእተ፡ ዕለተ፡ አግብአ፡ ሎሙ፡ ረአሶን፡ ንጉሠ፡ [ሶርያ፡] ኤላተ፡ ለሶርያ፡ ወአውፅኦሙ፡ በአይሁድ፡ እምኤላት፡ ወሰብአ፡ ኤዶምያስ፡ ገብኡ፡ ውስተ፡ ኤላት፡ ወነበፋ፡ ህየ፡ እስከ፡ ዮም። ወለአከ፡ አካዝ፡ ሐዋርያተ፡ ኀበ፡ ተልጌልፌልሶር፡ ንጉሠ፡ ፋርስ፡ እንዘ፡ ይብል፡ ገብርከኒአ፡ ወወልድከኒአ፡ አነአ ፤ ዕረግአ፡ ወአድኅነኒአ፡ እምነ፡ እዴሁ፡ ለንጉሠ፡ ሶርያ፡ ወእምእዴሁ፡ ለንጉሠ፡ እስራኤልአ፡ እለ፡ ተንሥኡ፡ ሳዕሌየአ። ወነሥአ፡ አካዝ፡ ወርቀ፡ ወብሩረ፡ ዘተረክበ፡ ውስተ፡ መዛግብተ፡ ቤተ፡ እግዚአብሔር፡ ወዘቤተ፡ ንጉሥ፡ ወፈነወ፡ ሎቱ፡ ለንጉሥ፡ አምኃሁ። ወአሆ፡ ይቤሎ፡ ንጉሠ፡ ፋርስ፡ ወዐርገ፡ ንጉሠ፡ ፋርስ፡ ውስተ፡ ደማስቆ፡ ወነሥኦሙ፡ ወአፍለሶሙ፡ ወቀተሎ፡ ለረአሶን ። ወሖረ፡ አካዝ፡ ንጉሥ፡ ወተቀበሎ፡ ለቴልገፌልሶር፡ ንጉሠ፡ ፋርስ፡ ውስተ፡ ደማስቆ፡ ወርእየ፡ በህየ፡ መሥዋዕተ፡ በደማስቆ፡ ወፈነወ፡ አካዝ፡ ንጉሥ፡ ኀበ፡ አርያ፡ ካህን፡ አርአያሁ፡ ለውእቱ፡ መሥዋዕት፡ ወሥርዐተ፡ ኵሉ፡ ግብረቱ። ወሐነጸ፡ አርያ፡ ካህን፡ ምሥዋዐ፡ ኵሎ፡ ዘከመ፡ ፈነወ፡ ሎቱ፡ ንጉሥ፡ አካዝ፡ እምደማስቆ። ወርእዮ፡ ንጉሥ፡ ለውእቱ፡ ምሥዋዕ፡ ወዐርገ፡ ውስቴቱ። ወዐጠነ፡ ወሦዐ፡ ወአውጽሐ፡ ወከዐወ፡ ደመ፡ መሥዋዕተ፡ ሰላም፡ ውስተ፡ ምሥዋዕ። ምሥዋዕኒ፡ ዘብርት፡ ዘቅድመ፡ እግዚአብሔር፡ አሰሰለ፡ እምቅድመ፡ ቤተ፡ እግዚአብሔር፡ እማእከለ፡ ምሥዋዕ፡ ወአንበሮ፡ መንገለ፡ ደቡቡ፡ ለምሥዋዕ። ወአዘዞ፡ አካዝ፡ ንጉሥ፡ ለእርያ፡ ካህን፡ ወይቤሎ፡ ውስተ፡ ምሥዋዕ፡ ዘየዐቢ፡ ሡዕ፡ መሥዋዕተ፡ ነግህ፡ ወመሥዋዕተ፡ ሰርክ፡ ወመባአ፡ ንጉሥሰ፡ ወመሥዋዕቶ፡ ወመሥዋዕተ፡ ኵሉ፡ ሕዝብ፡ ወመባኦሙ፡ ወሞጻሕቶሙ፡ ወኵሎ፡ ደመ፡ መሥዋዕት፡ ወኵሎ፡ ደመ፡ መባኦሙ፡ ትክዑ፡ ዲቤሁ፡ ወምሥዋዕሰ፡ ዘብርት፡ ይኩነነ፡ ለነግሀ፡ ነግህ። ወገብረ፡ አርያ፡ ካህን፡ ኵሎ፡ ዘከመ፡ አዘዞ፡ አካዝ፡ ንጉሥ። ወዐጸወ፡ ንጉሥ፡ ኵሎ፡ መብዐለ፡ ሜክኖት፡ ወአሰሰለ፡ እምኔሆሙ፡ ማዕከከ፡ ወባሕረኒ፡ ነሠተ፡ ወአውረዶ፡ እምላዕለ፡ አልህምተ፡ ብርት፡ እለ፡ መትሕታ፡ ወገብረ፡ ዘእብን፡ ምንባራ። መሰረተ፡ ምንባራኒ፡ ሐነጸ፡ ውስተ፡ ቤተ፡ እግዚአብሔር፡ ወሙባኡ፡ ለንጉሥ፡ ወዘአፍአኒ፡ አግብአ፡ ውስተ፡ ቤተ፡ እግዚአብሔር፡ እምቅድመ፡ ገጹ፡ ለንጉሠ፡ ፋርስ። ወኵሉ፡ ነገሩ፡ ለአካዝ፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ ። ወሰከበ፡ አካዝ፡ ምስለ፡ አበዊሁ፡ ወቀበርዎ፡ ውስተ፡ ሀገረ፡ ዳዊት፡ ወነግሠ፡ ሕዝቅያስ፡ ወልዱ፡ ህየንቴሁ።

IV Regum 17 <ref target="http://www.sacred-texts.com/bib/poly/kg2017.htm"/> 17 አመ፡ ፲ወ፪ዓመተ፡ መንግሥቱ፡ ለአካዝ፡ ንጉሠ፡ ይሁደ፡ ነግሠ፡ ሆሴዕ፡ ወልደ፡ ኤላ፡ በሰማርያ፡ ለእስራኤል፡ ፱ክረምተ። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ ወባሕቱ፡ ኢከመ፡ ነገሥተ፡ እስራኤል፡ እለ፡ እምቅድሜሁ። ወዐርገ፡ ስልምናሶር፡ ንጉሠ፡ ፋርስ፡ ወኮኖ፡ ሆሴዕ፡ ገብረ፡ ወአግብአ፡ ሎቱ፡ መሀና። ወብእሶ፡ ለንጉሠ፡ ፋርስ፡ እስመ፡ ፈነወ፡ ሐዋርያተ፡ ኀበ፡ ሰጎል፡ ንጉሠ፡ ግብጽ፡ ወኢያምጽአ፡ ሎቱ፡ መሀና፡ ለንጉሠ፡ ፋርስ፡ በውእቱ፡ ዓመት፡ ወተቃተሎ፡ ንጉሠ፡ ፋርስ፡ ወአሰሮ፡ ውስተ፡ ቤተ፡ ሞቅሕ። ወዐርገ፡ ንጉሠ፡ ፋርስ፡ ውስተ፡ ኵሉ፡ ምድር፡ ወዐርገ፡ ውስተ፡ ሰማርያ፡ ወተቃተለ፡ ፫ዓመተ። ወአመ፡ ፱፡ ዓመተ፡ መንግሥቱ፡ ለሆሴዕ፡ ነሥኣ፡ ንጉሠ፡ ፋርስ፡ ለሰማርያ፡ ወአፍለሶሙ፡ ለእስራኤል፡ ብሔረ፡ ፋርስ፡ ወአንበሮሙ፡ ውስተ፡ አላሔ፡ ወውስተ፡ አቦር፡ አፍላገ፡ ጎዛን፡ ወውስተ፡ አድባረ፡ ሜዶን። ወአመ፡ ይኤብሱ፡ ደቂቀ፡ እስራኤል፡ ለእግዚአብሔር፡ አምላኮሙ፡ ዘአውፅኦሙ፡ አምድረ፡ ግብጽ፡ እምታሕተ፡ እዴሁ፡ ለፈርዖን፡ ንጉሠ፡ ግብጽ፡ ወኢፈርህዎ፡ ለእግዚአብሔር፡ ወአምላኩ፡ ባዕደ፡ አማልክተ። ወሖሩ፡ በሕገ፡ አሕዛብ፡ እለ፡ አሰሰለ፡ እግዚአብሔር፡ እምቅድመ፡ ገጾሙ፡ ለደቂቀ፡ እስራኤል፡ ወኵሉ፡ ዘገብሩ፡ ነገሥተ፡ እስራኤል ፤ ወኵሉ፡ ዘፈጠሩ፡ ነገረ፡ ደቂቀ፡ እስራኤል፡ ዘኢይፈቅድ፡ እግዚአብሔር፡ አምላኮሙ፡ ወሐነጹ፡ ሎሙ፡ አብያተ፡ አማልክት፡ ውስተ፡ ኵሉ፡ አህጉሪሆሙ፡ እምነ፡ ማኅፈዶሙ፡ ለሰብአ፡ ዐይን፡ እስከ፡ አህጉረ፡ ቅጽር። ወገብሩ፡ ሎሙ፡ ምስለ፡ ወአምለኩ፡ ወአሕረሙ፡ ዖመ፡ ውስተ፡ ኵሉ፡ አድባር፡ ነዋኅት፡ ወአውግር፡ ወታሕተ፡ ኵሉ፡ ዖም፡ ጽፉቅ። ወዐጠኑ፡ ህየ፡ ውስተ፡ ኵሉ፡ አብያተ፡ አማልክቲሆሙ፡ በከመ፡ አሕዛብ፡ እለ፡ አሰሰለ፡ እግዚአብሔር፡ እምቅድመ፡ ገጾሙ፡ ወገብሩ፡ ምሕራማተ፡ ወጸቈኑ፡ ከመ፡ ያምዕዕዎ፡ ለእግዚአብሔር። ወተቀንዩ፡ ለአማልክት፡ ዘይቤሎሙ፡ እግዚአብሔር፡ ዑቁ፡ ኢትግበሩ፡ ዘነገረ፡ ለእግዚአብሔር። ወተካየዶሙ፡ እግዚአብሔር፡ ለእስራኤል፡ ወለይሁዳ፡ በአደ፡ ኵሎሙ፡ ነቢያቲሁ፡ እንዘ፡ ኵሎሙ፡ ይሰምዑ፡ ወይቤሎሙ፡ ተመየጡ፡ እምፍኖትክሙ፡ እኪት፡ ወዕቀቡ፡ ፍናውየ፡ ወትእዛዝየ፡ ወኵነኔየ፡ ወኵሎ፡ ሕግየ፡ ዘአዘዝክዎሙ፡ ለአበዊክሙ፡ ወኵሎ፡ ዘለአኩ፡ ሎሙ፡ ምስለ፡ አግብርትየ፡ ነቢያት። ወኢሰምዑ፡ ወአጽንዑ፡ ዘባናቲሆሙ፡ እምዘባናተ፡ አበዊሆሙ። ወኵሎ፡ ኪዳነ፡ ዘተካየዶሙ፡ ኢዐቀቡ፡ ወተለዉ፡ ከንቶ፡ ወኮኑ፡ ከንቶ፡ ወተለዉ፡ አሕዛበ፡ እለ፡ ዐውዶሙ፡ ዘአዘዞሙ፡ እግዚአብሔር፡ ከመ፡ ኢይግበሩ፡ ከማሆሙ። ወኀደጉ፡ ትእዛዘ፡ እግዚአብሔር፡ አምላኮሙ፡ ወገብሩ፡ ሎሙ፡ ስብኮ፡ ፪እጐልተ፡ ወገብሩ፡ ሎሙ፡ ምሕራማተ፡ ዖም፡ ወሰገዱ፡ ለኵሉ፡ ኀይለ፡ ሰማይ፡ ወአምላክዎ፡ ለበዓል። ወሦዑ፡ ሎሙ፡ ደቂቆሙ፡ ወአዋልዲሆሙ፡ በእሳት፡ ወያስተቃስሙ፡ ወያሰግሉ፡ ወተሠየጡ፡ ከመ፡ ይግበሩ፡ እኩየ፡ ቅድመ፡ እግዚአብሔር፡ ወከመ፡ ያምዕዕዎ። ወተምዐ፡ እግዚአብሔር፡ ፈድፋደ፡ ላዕለ፡ እስራኤል፡ ወገደፎሙ፡ እምቅድመ፡ ገጹ፡ ወኢተርፉ፡ እንበለ፡ ነገደ፡ ይሁዳ፡ ባሕቲቶሙ። ወይሁዳኒ፡ ኢዐቀቡ፡ ትእዛዘ፡ እግዚአብሔር፡ አምላኮሙ፡ ወሖሩ፡ በግዕዞሙ፡ ለእስራኤል፡ ዘገብሩ፡ ወኀደግዎ፡ ለእግዚአብሔር። ወተምዕዐ፡ እግዚአብሔር፡ ላዕለ፡ ኵሉ፡ ዘርአ፡ እስራኤል፡ ወሆኮሙ፡ ወአግብኦሙ፡ ውስተ፡ እዴሆሙ፡ ለእለ፡ ይትማሠጥዎሙ፡ እስከ፡ ገደፎሙ፡ እምቅድመ፡ ገጹ። ወአልቦ፡ እምቤተ፡ ዳዊት፡ ዘእንበለ፡ እስራኤል፡ ወአንገሥዎ፡ ለኢዮርብዓም፡ ወልደ፡ ናባጥ፡ ወአኅደጎሙ፡ ለእስራኤል፡ ተሊዎቶ፡ ለእግዚአብሔር፡ ወአስሐቶሙ፡ በዐቢይ፡ ጌጋይ። ወተለዉ፡ ደቂቀ፡ እስራኤል፡ ኵሎ፡ ኀጢአቶ፡ ለኢዮርብንም፡ ዘገብረ፡ ወኢኀዶጉ፡ ኪያሁ ፤ እስከ፡ ገደፎሙ፡ እግዚአብሔር፡ ለእስራኤል፡ እምቅድመ፡ ገጹ፡ በከመ፡ ነበበ፡ እግዚአብሔር፡ በእደ፡ ኵሉ፡ አግብርቲሁ፡ ነቢያት ፤ ወፈለሱ፡ እስራኤል፡ እምብሔሮሙ፡ ለብሔረ፡ ፋርስ፡ እስከ፡ ዮም። ወወሰዶሙ፡ ንጉሠ፡ ፋርስ፡ እምባቢሎን፡ ለአኩንታ፡ ወእምነ፡ ኤላ፡ ወእምኤማት፡ ወሴፋራሔም፡ ወአንበሮሙ፡ ውስተ፡ አህጉረ፡ ሰማርያ፡ ህየንቴሆሙ፡ ለደቂቀ፡ እስራኤል፡ ወወረስዋ፡ ለሰማርያ፡ ወተካፈልዋ፡ ወነበሩ፡ ውስተ፡ አህጉሪሃ። ወእምዝ፡ በቀዳሚ፡ ንብረቶሙ፡ ኢፈርህዎ፡ ለእግዚአብሔር፡ ወፈነወ፡ እግዚአብሔር፡ ዐናብስተ፡ ላዕሌሆሙ፡ ወቀተልዎሙ። ወይቤ፡ ልዎ፡ ለንጉሠ፡ ፋርስ፡ እልክቱ፡ አሕዛብ፡ እለ፡ አፍለስከ፡ ወአንበርከ፡ ውስተ፡ አህጉረ፡ ሰማርያ፡ ወኢያእመሩ፡ ሕጎ፡ ለአምላ[ከ]፡ ውእቱ፡ ብሔር፡ ወፈነወ፡ ዐናብስተ፡ ላዕሌሆሙ፡ ወበልዕዎሙ፡ ወቀተልዎሙ፡ እስመ፡ ኢያእመሩ፡ ሕጎ፡ ለአምላ[ከ]፡ ውእቱ፡ ብሔር። ወአዘዘ፡ ንጉሠ፡ ፋርስ፡ ይንሥኡ፡ እምውስተ፡ አይሁድ፡ ፩ካህነ፡ ወይሰዱ፡ ወያንብሮ፡ ምስሌሆሙ፡ ወይምሀ[ሮ]ሙ፡ ሕጎ፡ ለአምላ[ከ]፡ ብሔር። ወወሰዱ፡ ፩ካህነ፡ እምውስተ፡ እለ፡ አፍለሱ፡ እምሰማርያ፡ ወአንበርዎ፡ ውስተ፡ ቤቴል፡ ወመሀሮሙ፡ ውእቱ፡ ካህን፡ ከመ፡ ይፍርህዎ፡ ለእግዚአብሔር። ወገብሩ፡ በበሕዘቢሆሙ፡ አማልክቲሆሙ፡ ወአንበርዎሙ፡ ውስተ፡ አብያተ፡ አማልክት፡ ዘገብሩ፡ ሰብአ፡ ሰማርያ፡ ወበበ፡ ሕዘቢሆሙ፡ ወአህጉሪሆሙ፡ እለ፡ ውስቴቶን፡ ይነብሩ። ወሰብአ፡ ባቢሎን፡ ገብርዋ፡ ለሰከተቤናሆን፡ ወሰብአ፡ ኵቱ፡ ገብርዋ፡ ለኤርጌት፡ ወሰብአ፡ ኤማት፡ ገብርዋ፡ ለኤሴማት ። ወሰብአ፡ ኤዌዎን፡ ገብርዋ፡ ለኤብላዘር፡ ወለትርቃት፡ ወለሌፍሮን፡ በኀበ፡ ሦዑ፡ ውሉዶሙ፡ ባእሳት፡ ለአድራሜሌክ፡ ወእኔሜሌክ፡ አማልክተ፡ ሴፋርም። ወተፀምዱ፡ ለእግዚአብሔር፡ እሙንቱ፡ ወአማልክቲሆሙ፡ አንበሩ፡ ውስተ፡ አብያት፡ ዘሰማርያ፡ ዘአማልክቲሆሙ፡ በበሕዘቢሆሙ፡ ለለአህጉሪሆሙ። ወፈርሁ፡ እግዚአብሔር፡ እንዘ፡ አማልክቲሆሙ፡ ያመልኩ፡ በሕገ፡ አሕዛብ፡ እለ፡ አፍለሱ፡ በህየ፡ እስከ፡ ዮም። ወይፈርህዎ፡ እሙንቱ፡ ወለሊሆሙ፡ ይገብሩ፡ በሕጎሙ፡ ዘያለምዱ፡ ወበሕገ፡ እግዚአብሔር፡ ወበትእዛዙ፡ ዘአዘዞሙ፡ ለደቂቀ፡ ያዕቆብ፡ ወሰመዮ፡ ስሞ፡ እስራኤል። ወተካየደ፡ እግዚአብሔር፡ ኪዳነ፡ ምስሌሆሙ፡ ወአዘዞሙ፡ ወይቤሎሙ፡ ኢትፍርሁ፡ ባዕደ፡ አማልክተ፡ ወኢትስግዱ፡ ሎሙ፡ ወኢታምልክዎሙ፡ ወኢትሡቡ፡ ሎሙ። ዘእንበለ፡ ለእግዚአብሔር፡ ዘአውፅአክሙ፡ እምድረ፡ ግብጽ፡ በዐቢይ፡ ኀይል፡ ወበመዝራዕቱ፡ ልዑል፡ ሎቱ፡ ፍርህዎ፡ ወሎቱ፡ ስግዱ፡ ወሎቱ፡ ሡዑ። ወዕቀቡ፡ ኵሎ፡ ኵነኔሁ፡ ወሕጎ፡ ወትእዛዞ፡ ዘጸሐፈ፡ ለክሙ፡ ከመ፡ ትግበርዎ፡ ኵሎ፡ መዋዕሊክሙ፡ ወኢትፍርሁ፡ ባዕደ፡ አማልክተ። ወኢትርስዑ፡ ኪዳነ፡ ዘተካየደክሙ፡ ወኢትፍርሁ፡ ባዕደ፡ አማልክተ። ዘእንበለ፡ ለእግዚአብሔር፡ አምላክክሙ፡ ኪያሁ፡ ፍርህዎ፡ ወውእቱ፡ ያድኅነክሙ፡ እምነ፡ ኵሉ፡ ፀርክሙ። ወኢታፅምእዎሙ፡ ሕጎሙ፡ ዘከመ፡ ይገብሩ፡ እሙንቱ። ወነበሩ፡ እሉ፡ ሕዝብ፡ እንዘ፡ ይፈርህዎ፡ ለእግዚአብሔር፡ ወለአማልክቲሆሙ፡ ይትቀነዩ፡ ወውሉዶሙኒ፡ ወውሉደ፡ ውሉዶሙኒ፡ በከመ፡ ገብሩ፡ አበዊሆሙ፡ ገብሩ፡ እሙንቱ፡ እስከ፡ ዮም።

IV Regum 18 <ref target="http://www.sacred-texts.com/bib/poly/kg2018.htm"/> 18 ወአመ፡ ፫ዓመተ፡ መንግሥቱ፡ ለሆሴዕ፡ ወልደ፡ ኤላ፡ ንጉሠ፡ እስራኤል፡ ነግሠ፡ ሕዝቅያስ፡ ወልደ፡ አካዝ፡ ንጉሠ፡ ይሁዳ። እንዘ፡ ፳ወ፭ክረምቱ፡ አመ፡ ነግሠ፡ ወ፳ወ፱ክረምተ፡ ነግሠ፡ በኢየሩሳሌም፡ ወስማ፡ ለእሙ፡ ሀቡ፡ ወለተ፡ ዘካርያ። ወገብረ፡ ጽድቀ፡ በቅድመ፡ አዕይንቲሁ፡ ለእግዚአብሔር፡ ወኵሎ፡ ዘከመ፡ ገብረ፡ ዳዊት፡ አቡሁ። ወውእቱ፡ ነሠተ፡ አብያተ፡ አማልክት፡ ወሰበረ፡ ኵሎ፡ ምስለ፡ ወሠረወ፡ ምሕራማቲሆሙ፡ ወአርዌ፡ ምድርኒ፡ ዘገብረ፡ ሙሴ፡ እስመ፡ እስከ፡ ይእቲ፡ ዕለት፡ ነበሩ፡ እንዘ፡ የዐጥኑ፡ ሎቱ፡ ደቂቀ፡ እስራኤል፡ ወሰመይዎ፡ ኔስታሊ፡ በእግዚአብሔር፡ አምላከ፡ እስራኤል። ወውእቱሰ፡ ተአመነ፡ በእግዚአብሔር፡ ወአልቦ፡ ዘኮነ፡ ከማሁ፡ በውስተ፡ ነገሥተ፡ ይሁዳ፡ ወኢእለ፡ እምቅድሜሁ። ወተለዎ፡ ለእግዚአብሔር፡ ወኢኀይጎ፡ ወዐቀበ፡ ትእዛዞ፡ ዘአዘዘ፡ ሙሌ። ወሀለወ፡ እግዚአብሔር፡ ምስሌሁ፡ በኵሉ፡ ዘገብረ፡ ወአፅረርዎ፡ ለንጉሠ፡ ፋርስ፡ ወኢተቀንዩ፡ ሎቱ። ወውእቱ፡ ቀተሎሙ፡ ለኢሎፍሊ፡ እስከ፡ ጋዛ፡ ወእስከ፡ አድያሚሃ፡ እማኅፈደ፡ ሰብአ፡ ዐይን፡ እስከ፡ ሀገረ፡ ቅጽር። ወአመ፡ ራብዕ፡ ዓመተ፡ መንግሥቱ፡ ለሕዝቅያስ፡ ወሰቡዑ፡ ለሆሴዕ፡ ወልደ፡ ኤላ፡ ንጉሠ፡ እስራኤል፡ ወዐርገ፡ ስልምናሶር፡ ንጉሠ፡ ፋርስ፡ ላዕለ፡ ሰማርያ። ወአግረሮሙ፡ በ፫ዓመት፡ አመ፡ [፮]ዓመተ፡ መንግሥቱ፡ ለሕዝቅያስ፡ ወ[በ፱]ዓመተ፡ መንግሥቱ፡ ለሆሴዕ፡ ንጉሠ፡ እስራኤል፡ ነሥኦሙ፡ ለሰማርያ። ወአፍለሶሙ፡ ንጉሠ፡ ፋርስ፡ ለሰማርያ፡ ብሔረ፡ ፋርስ፡ ወአንበሮሙ፡ ውስተ፡ ኤላ፡ ወውስተ፡ አብዮር፡ አፍላገ፡ ጎዞር፡ ወውስተ፡ በሓውርተ፡ ሜዶን። እስመ፡ ኢሰምዑ፡ ቃለ፡ እግዚአብሔር፡ አምላኮሙ፡ ወኀደጉ፡ ኪዳኖ፡ ኵሎ፡ ዘአዘዞ፡ ለሙሴ፡ ቍልዔሁ፡ ለእግዚአብሔር፡ ወአበዩ፡ ገቢረ። ወአመ፡ ፲ወ፬ዓመተ፡ መንግሥቱ፡ ለሕዝቅያስ፡ ዐርገ፡ ሰናክሬም፡ ንጉሠ፡ ፋርስ፡ ላዕለ፡ አህጉረ፡ ይሁዳ፡ ዐበይት፡ ወነሥአ። ወለአከ፡ ሕዝቅያስ፡ ንጉሠ፡ ይሁዳ፡ ሐዋርያተ፡ ኀበ፡ ንጉሠ፡ ፋርስ፡ ውስተ፡ ለኪስ፡ እንዘ፡ ይብል፡ ምንተአ፡ አበስኩ፡ እቱአ፡ ወኅድገኒአ ፤ ዘአጾርከኒአ፡ እጸውርአ፡ ወአገበሮ፡ ንጉሠ፡ ፋርስ፡ ለሕዝቅያስ፡ ንጉሠ፡ ይሁዳ፡ ፫፻መክሊተ፡ ብሩር፡ ወ፴መክሊተ፡ ወርቅ። ወወሀበ፡ ሕዝቅያስ፡ ኵሎ፡ ወርቀ፡ ዘተረክበ፡ ውስተ፡ ቤተ፡ እግዚአብሔር፡ ወዘውስተ፡ መዛግብተ፡ ቤተ፡ ንጉሥ። ወይእተ፡ አሚረ፡ ሰበረ፡ ሕዝቅያስ፡ ኆኅተ፡ ቤተ፡ እግዚአብሔር፡ ወአቅፈለ፡ በወርቁ፡ መናብርተ፡ ምስማክ፡ ወወሀቦ፡ ለንጉሠ፡ ፋርስ። ወፈነዎሙ፡ ንጉሠ፡ ፋርስ፡ ተንተንሃ፡ ወረፋርሶሃ፡ ወረፋስቃንሃ፡ እምለኪስ፡ ምስለ፡ ብዙኅ፡ ሰራዊቱ፡ ኀበ፡ ሕዝቅያስ፡ ንጉሥ፡ ውስተ፡ ኢየሩሳሌም፡ ወዐርጉ፡ ወበጽሑ፡ ኢየሩሳሌም፡ ወቆሙ፡ ኀበ፡ ሙሓዘ፡ ማይ፡ ዘምጥማቃት፡ ላዕላይ፡ መንገለ፡ ፍኖተ፡ ዐጸዱ፡ ለገናፊ። ወጸውዕዎ፡ ለሕዝቅያስ፡ ወወጽኡ፡ ኀቤሆሙ፡ ኤልያቄም፡ ወልደ፡ ኬልቅዩ፡ መጋቢ፡ ወሳምናስ፡ ጸሓፊ፡ ወዮሳፍጥ፡ መዘክር ። ወይቤሎሙ፡ ራፍስቂስ፡ በልዎ፡ ለሕዝቅያስ፡ ከመዝአ፡ ይቤአ፡ ንጉሥአ፡ ዐቢይ፡ ንጉሠ፡ ፋርስ፡ ምንት፡ ዝንቱ፡ በዘ፡ ተአመንከ ፤ በነገርከ፡ ወምክርከ፡ ወአኮ፡ በኀይላ፡ ቀትል፡ ወይእዜ፡ በመኑ፡ ተአሚነከ፡ ዐለውከኒ። ወይእዜሰ፡ ተአመንከ፡ በበትር፡ ባሕሩስ፡ ቅጥቁጥ፡ በግብጽ፡ እንተ፡ እመ፡ ተመርጐዘ፡ ባቲ፡ ብእሲ፡ ይሰበር፡ ወይበውእ፡ ስርዋጽ፡ ውስተ፡ እዴሁ፡ ወያቁስሎ ፤ ከማሁ፡ ውእቱ፡ ፈርዖን፡ ንጉሠ፡ ግብጽ፡ ለኵሎሙ፡ እለ፡ ይትዌከሉ፡ ቦቱ ። ወዝኒ፡ ዘትብል፡ በእግዚአብሔር፡ አምላኪየ፡ ተወከልኩ፡ አኮኑ፡ ውእቱ፡ ዘነሠተ፡ ሕዝቅያስ፡ አብያቲሁ፡ ወምሥዋዓቲሁኒ፡ ወይቤሎሙ፡ ለአይሁድ፡ ወለኢየሩሳሌም፡ ቅድመዝ፡ ምሥዋዕ፡ ስግዱ፡ በኢየሩሳሌም። ወይእዜኒአ፡ ነዓ፡ ኀበ፡ እግዚእየ፡ ንጉሠ፡ ፋርስ፡ ወእሁበከ፡ ፳፻አፍራሰ፡ ወአምጽኡ፡ ዘይክል፡ ተጽዕኖቶን። ወእፎ፡ እንከ፡ ትመይጡ፡ ገጸ፡ ፩መልአክ፡ ገብረ፡ እግዚእየ፡ እምውስተ፡ እለ፡ ይትነአሱ፡ ወተአመንከ፡ በግብጽ፡ በሰረገላት፡ ወበአፍራስ። ወይእዜኒ፡ ቦኑ፡ ዘእንበለ፡ ትአዛዘ፡ እግዚአብሔር፡ ዐረግነ፡ ውስተዝ፡ ብሔር፡ ንትቃተሎ ፤ እግዚአብሔር፡ ይቤለነ፡ ዕረጉ፡ ውስተዝ፡ ብሔር፡ ወቅትልዎ። ወይቤልዎ፡ ኤልያቂም፡ ወልደ፡ ኬልቅዩ፡ ወሰምናስ፡ ወዮሳፍጥ፡ ለራፍስቂስ፡ ሱርስተ፡ ተናገር፡ ምስለ፡ አግብርቲከ፡ እስመ፡ ንሰምዕ፡ ንሕነ፡ ወኢትትናገረነ፡ ዕብራይስጥ፡ ለምንት፡ ትትናገር፡ በዘይሰምዑ፡ ሕዝብ፡ እለ፡ ውስተ፡ አረፍት። ወይቤሎሙ፡ ረፋስቂስ፡ ቦኑ፡ ኀበ፡ እግዚእክሙ፡ ፈነወኒ፡ እግዚእየ፡ እንግሮ፡ ዘነገረ፡ አኮኑ፡ ኀበ፡ እሉ፡ ዕደው፡ እለ፡ ይነብሩ፡ ውስተ፡ አረፍት፡ ከመ፡ ይብልዑ፡ ኵስሖሙ፡ ወይስተዩ፡ ሥንቶሙ፡ ምስሌክሙ። ወቆመ፡ ረፋስቂስ፡ ወጸርኀ፡ ሎሙ፡ በነገረ፡ ዕብራይስጥ፡ ወይቤሎሙ፡ ስምዑ፡ ቃሎ፡ ለዐቢይ፡ ንጉሠ፡ ፋርስ። ከመዝ፡ ይቤ፡ ንጉሥ፡ ኢያስሕትክሙአ፡ ሕዝቅያስአ፡ በነገርአ ፤ ኢይክልአ፡ አድኅኖተክሙአ፡ እምእዴየ። ወኢያስተሰፉክሙአ፡ ሕዝቅያስአ፡ ኀበ፡ እግዚአብሔርአ፡ እንዘ፡ ይብል፡ ያድኀነክሙአ፡ እግዚአብሔር፡ ወኢይክል፡ ንጉሠ፡ ፋርስአ፡ ነሢኦታአ፡ ለዛቲ፡ ሀገር። ኢትስምዕዎአ፡ ለሕዝቅያስ ፤ ከመዝ፡ ይቤ፡ ንጉሠ፡ ፋርስ፡ ምስሌየ፡ ግበሩ፡ ስንዓአ፡ ወፃኡአ፡ ኀቤየአ፡ ወኵልከሙአ፡ ትሰትዩአ፡ ወይነክሙአ ፤ ወትበልዑ፡ በለስክሙአ፡ ወትሰትዩ፡ ማየ፡ ዐዘቃቲክሙ ፤ እስከ፡ እመጽእ፡ ወእወስደክሙ፡ ውስተ፡ ብሔርአ፡ ዘከመ፡ ብሔርክሙ፡ ብሔረ፡ ሥርናይ፡ ወወይን፡ ወእክል፡ ወቅብእ፡ ወመዓር፡ ወተሐይዉ፡ ወኢትመውቱ፡ ወኢትስምዕዎአ፡ ለሕዝቅያስአ፡ እስመ፡ ያስሕተክሙአ፡ ወይብለክሙ፡ እግዚአብሔር፡ ያድኅነክሙአ ። ቦኑ፡ እምውስተ፡ አማልክተ፡ አሕዛብ፡ ዘአድኀንዎሙ፡ ብሔሮሙ፡ እምእዴሁ፡ ለንጉሠ፡ ፋርስ። አይቴ፡ እሙንቱ፡ አምላከ፡ ኤመት፡ ወአርፍድ፡ ወአይቴ፡ ውእቱ፡ አምላከ፡ ሴፋርሔም፡ ከመ፡ እፎ፡ ዘኢያድኀና፡ ለሰማርያ፡ እምእዴየ። መኑ፡ እምውስተ፡ ኵሉ፡ አማልክት፡ ዘአድኀነ፡ ብሔር፡ እምእዴየ። ወአርመሙ፡ ወኢያውሥእዎ፡ ቃለ፡ እስመ፡ አዘዞሙ፡ ንጉሥ፡ ከመ፡ ኢያውሥእዎ። ወቦአ፡ ኤልያቄም፡ ወልደ፡ ኬልቅዩ፡ መጋቢ፡ ወሳምናስ፡ ጸሓፊ፡ ወዮአስ፡ ወልደ፡ ሳፍን፡ መዘክር፡ ኀበ፡ ሕዝቅያስ፡ እንዘ፡ ሥጡጥ፡ አልባሲሆሙ፡ ወነገርዎ፡ ቃለ፡ ረፋስቂስ።

IV Regum 19 <ref target="http://www.sacred-texts.com/bib/poly/kg2019.htm"/> 19 ወሶበ፡ ሰምዐ፡ ንጉሥ፡ ሕዝቅያስ፡ ሠጠጠ፡ አልባሲሁ፡ ወለብበ፡ ሠቀ፡ ወቦአ፡ ቤተ፡ እግዚአብሔር። ወለአኮሙ፡ ለኤልያቄም፡ መጋቢ፡ ወለስምናስ፡ ጸሓፊ፡ ወለሊቃነ፡ ካህናት፡ እንዘ፡ ልቡስ፡ ሠቀ፡ ኀበ፡ ኢሳይያስ፡ ነቢይ፡ ወልደ፡ አሞጽ። ወይቤሎ፡ ዕለተ፡ ምንዳቤ፡ ዮምአ፡ ወዕለተ፡ መንሱትአ፡ ወመቅሠፍትአ፡ ዛቲ፡ ዕለት፡ እስመ፡ አኀዛ፡ ማሕምም፡ ለእንተ፡ ትወልድ፡ ወኀይለ፡ አልባቲ። እመ፡ ከመ፡ ቦአ፡ ከመአ፡ ይስማዕ፡ እግዚአብሔር፡ አምላክ፡ ንባቦ፡ ለረፋስቂስ፡ ኵሎ፡ ዘነበበ፡ ዘለአከ፡ ንጉሠ፡ ፋርስ፡ እግዚኡ፡ ከመ፡ ይፀርፍ፡ ላዕለ፡ እግዚአብሔር፡ ሕያውአ፡ ወያስተሐቅሮአ፡ በነገር፡ ዘሰምዐ፡ እግዚአብሔር፡ አምላክከ፡ ወጸሊ፡ ላዕሌነአ፡ ለእለአ፡ ተረፍነአ። ወበጽሑ፡ ደቀ፡ ንጉሥ፡ ኀበ፡ ኢሳይያስ። ወይቤሎሙ፡ ኢሳይያስ፡ በልዎ፡ ለእግዚእክሙ፡ ከመዝ፡ ይቤ፡ እግዚአብሔር፡ ኢትፍራህአ፡ እምቅድመ፡ ገጹ፡ ለዝአ፡ ነገርአ፡ ዘሰማዕከ፡ ዘፀረፋ፡ ደቁ፡ ለንጉሠ፡ ፋርስአ። ናሁ፡ አነ፡ እፌኑ፡ መንፈሰ፡ ላዕሌሆሙ፡ ወይሰምዑ፡ ዜና፡ ወይገብኡ፡ ብሔሮሙአ፡ ወእቀትሎሙ፡ በብሔሮሙአ፡ በኲናትአ። ወገብአ፡ ረፋስቂስ፡ ወረከቦ፡ ለንጉሥ፡ ይትቃተል፡ ምስለ፡ ሎምና፡ እስመ፡ ሰምዐ፡ ከመ፡ አፅረሩ፡ እምነ፡ ለኪስ። ወሰምዐ፡ በእንተ፡ ታራ፡ ንጉሠ፡ ኢትዮጵያ፡ ወይቤልዎ፡ ናሁ፡ ወፅአ፡ ይትቃተል፡ ምስሌከ፡ ወተመይጠ፡ ወለአከ፡ ሐዋርያተ፡ ኀበ፡ ሕዝቅያስ፡ እንዘ፡ ይብል ፤ ኢያስሕትከ፡ አምላክከ፡ ዘቦቱአ፡ ተአመንከ፡ እስመ፡ ይቤለከ፡ ኢትገብእ፡ ኢየሩሳሌም፡ ውስተ፡ እደ፡ ንጉሠ፡ ፋርስ። ለሊከአ፡ ሰማዕከ፡ ኵሎአ፡ ዘገብሩ፡ ነገሥተ፡ ፋርስ፡ ወኵሎ፡ በሓውርተ፡ ዘከመ፡ ይምሰስዎ። ቦኑአ፡ እምውስተ፡ አማልክቲሆሙ፡ ለአሕዛብ፡ እለ፡ ቀተልናሆሙ፡ ቦኑ፡ ዘአድኀኖሙ፡ ወእለኒ፡ ቀተሉ፡ አበውየ፡ ጎዘን፡ ወካራን፡ ወራፌስ፡ ወልደ፡ ሴዴቄን፡ እለ፡ ውስተ፡ ታኤሴቴም። አይቴአ፡ ውእቱአ፡ ንጉሠ፡ አርፋት፡ ወንጉሠ፡ ኤማት ፤ ኦይቴአ፡ ሌፋሩ፡ ወኤናን፡ ወአጉገዌ። ወነሥአ፡ ሕዝቅያስ፡ እምእዴሆሙ፡ ለሐዋርያት፡ መጽሐፈ፡ ወአንበባ፡ ወዐርገ፡ ውስተ፡ ቤተ፡ እግዚአብሔር፡ ወከሠታ፡ ሕዝቅያስ፡ ቅድመ፡ እግዚአብሔር። ወይቤ፡ እግዚኦ፡ አምላከ፡ እስራኤል፡ ዘትነብር፡ ላዕለ፡ ኪሩቤል፡ አንተ፡ እግዚአብሔር፡ ባሕቲትከ፡ ላዕለ፡ ኵሉ፡ መንግሥታተ፡ ዓለም፡ ወአንተ፡ ገበርከ፡ ሰማየ፡ ወምድረ። አፅምእ፡ እዝነከ፡ ወስምዐኒ፡ ወክሥት፡ አዕይንቲከ፡ ወርኢ፡ ወስማዕ፡ ቃሎ፡ ለሰናክሬም፡ ዘለአከ፡ እንዘ፡ ያስተሐቅሮ፡ ለእግዚአብሔር፡ ሕያው። እስመ፡ አማን፡ እግዚኦ፡ አጥፍእዎሙ፡ ነገሥተ፡ ፋርስ፡ ለአሕዛብ ፤ ወአውዐይዎሙ፡ ለአማልክቲሆሙ፡ በእሳት፡ እስመ፡ ኢኮኑ፡ አማልክተ፡ እስመ፡ ግብረ፡ እደ፡ ሰብእ፡ እሙንቱ ፤ ዕፀው፡ ወእብን፡ እሙንቱ ፤ ወአጥፍእዎሙ። ወይእዜኒ፡ እግዚኦ፡ አምላክነ፡ አድኅነነ፡ እምእዴሁ፡ ወያእምሩ፡ ኵሎሙ፡ ነገሥተ፡ ምድር፡ ከመ፡ አንተ፡ ውእቱ፡ እግዚአብሔር፡ ባሕቲትከ። ወለአከ፡ ኢሳይያስ፡ ወልደ፡ አሞጽ፡ ኀበ፡ ሕዝቅያስ፡ እንዘ፡ ይብል፡ ከመዝአ፡ ይቤአ፡ እግዚአብሔር፡ አምላከ፡ ኀይልአ፡ አምላከ፡ እስራኤል፡ ሰማዕኩ፡ ዘጸለይከ፡ ኀቤየ፡ በእንተ፡ ሰናክሬምአ፡ ንጉሠ፡ ፋርስአ። ወዝውእቱአ፡ ቃልአ፡ ዘነበበ፡ እግዚአብሔርአ፡ ላዕሌሁ፡ ጸዐለኪአ፡ ወአስተሐቅረኪአ፡ ወለተ፡ ጽዮንአ፡ ወአሖሰ፡ ርእሶ፡ ላዕሌኪ፡ ወለተ፡ ኢየሩሳሌምአ። መነ፡ ጸዐልከ፡ ወላዕለ፡ መኑ፡ አዕበይከ፡ አፉከአ ፤ ነጽር፡ ሰማያተ፡ በአዕይንቲከ፡ ኀበ፡ ቅዱስ፡ እስራኤል፡ ዘበእዴሆሙ፡ ለመላእክቲሁ። ወአንተሰ፡ ጸዐልከ፡ እግዚእከ፡ ወትቤ፡ በብዝኀ፡ ሰረገላትየ፡ አዐርግ፡ ሰማያተ፡ ወውስተ፡ አድባር፡ ነዋኃት፡ አድባረ፡ ሊባኖስ፡ ወገዘምኩ፡ ዐበይተ፡ ቄድሮስ፡ ወሠናየ፡ ቄጶረስስ፡ ወበጻሕኩ፡ ማእከለ፡ ገዳም። ወአዕረፍኩ፡ አንሰ፡ ወሰተይኩ፡ ማየ፡ ነኪር፡ ወአይበስኩ፡ ኵሎ፡ ዐውደ፡ ወአፍላገ፡ በመከየደ፡ እገርየ። ወገበርክዎሂ፡ ወአምጻእክዎሂ፡ ወከንቶ፡ ለአንሥኦ፡ እምኀበ፡ ኤቄሴዮም፡ ዘማኪሞን፡ አህጉር፡ ጽኑዓት። ወእለኒ፡ ይነብሩ፡ ውስቴቶን፡ ደክማ፡ እደዊሆሙ፡ ወተመውኡ፡ ወተኀፈሩ፡ ወከኑ፡ ከመ፡ ሣዕረ፡ ገዳም፡ ወከመ፡ ሐመልማለ፡ ሐምል፡ ወከመ፡ ሣዕረ፡ አንሕስት፡ ወሴዴማ፡ ቅድመ፡ ዘይቀውም፡ መንበርከ። ወበአትከኒ፡ ወፀአትከኒ፡ ወአእመርኩ፡ መዐትከኒ፡ ዘተመዓዕከ፡ ላዕሌየ። ወፍሒሎትከኒ፡ ዐርገ፡ ውስተ፡ እዘንየ፡ ወእወዲ፡ መሣግርየ፡ ውስተ፡ አንፍከ፡ ወልጓመ፡ ማእከለ፡ ከናፍሪከ፡ ወእመይጠከ፡ ፍኖተ፡ እንተ፡ ባቲ፡ መጻእከ። ወዝአ፡ ተኣምሪሁአ ፤ ብላዕአ፡ ዘዓመተ፡ እክልሰ፡ ዘለሊሁ፡ ይበቍል፡ ወካልአኒ፡ ዓመተ፡ ዘበቈለ፡ ወአመ፡ ፫ዓመት፡ ዝራእ፡ ወእረር፡ ወትክል፡ ወይነ፡ ወብላዕ፡ ፍሬሁ። ወይበዝኅአ፡ ቤተአ፡ ይሁዳአ፡ ዘተረፈ፡ ሥርዉ፡ በታሕቱ፡ ወይገብር፡ ፍሬሁ፡ በላዕሌሁ። እስመ፡ እምኢየሩሳሌም፡ ይወዕእ፡ ተረፎሙ፡ ዘድኅነ፡ እምደብረ፡ ጽዮን ፤ ቅንኡ፡ ለእግዚአብሔርአ፡ ይገብሮአ፡ ለዝንቱአ። ወአኮ፡ ከማሁአ ፤ ከመዝ፡ ይቤ፡ እግዚአብሔር፡ በእንተ፡ ንጉሠ፡ ፋርስ፡ ኢይበውእ፡ ውስተዝ፡ ሀገር፡ ይቤ፡ እግዚአብሔር፡ ኢይነድፍ፡ በህየ፡ ሐጸ፡ ወኢይቀርብ፡ ንዋየ፡ ሐቅሉ፡ ወኢይከይድ፡ ምድረ። በፍኖት፡ እንተ፡ መጽአ፡ ይገብእ፡ ወኢይበውእ፡ ውስተ፡ ዛቲ፡ ሀገር፡ ይቤ፡ እግዚአብሔር። ወአጸንዓ፡ ለዛቲ፡ ሀገር፡ በእንተ፡ ዳዊት፡ ገብርየ። ወእምዝ፡ ወፅአ፡ መልአከ፡ እግዚአብሔር፡ ወቀተለ፡ እምውስተ፡ ተዓይኒሆሙ፡ ለፋርስ፡ ፲ወ፰፼ወ፶፻፡ ወሶበ፡ ነቅሁ፡ በጽባሕ፡ ረከቡ፡ አብድንተ፡ ኵሎሙ። ወተንሥኡ፡ ወገዐዙ፡ ወሖሩ፡ ወአተወ፡ ንጉሠ፡ ፋርስ፡ ወነበረ፡ ውስተ፡ ነነዌ። ወእንዘ፡ ይሰግድ፡ ውስተ፡ ቤተ፡ አምላኩ፡ ሲድራክ፡ አድራሜሌክ፡ ወሰሮሰር፡ ደቂቁ፡ ቀተልዎ፡ በኀጺን፡ ወአምሠጡ፡ እሙንቱ፡ ብሔረ፡ አሮራት፡ ወነግሠ፡ ሆናሕርጻን፡ ወልዱ፡ ህየንቴሁ።

IV Regum 20 <ref target="http://www.sacred-texts.com/bib/poly/kg2020.htm"/> 20 ወውእተ፡ አሚረ፡ ደወየ፡ ሕዝቅያስ፡ ወበጽሐ፡ ለመዊት፡ ወቦአ፡ ኢሳይያስ፡ ነቢይ፡ ወልደ፡ አሞጽ፡ ኀቤሁ፡ ወይቤሎ፡ ከመዝ፡ ይቤ፡ እግዚአብሔር፡ ሥራዕ፡ ቤተከአ፡ እስመ፡ ትመውትአ፡ ወኢተሐዩእ። ወሜጠ፡ ገጾ፡ ሕዝቅያስ፡ ኀበ፡ አረፍት፡ ወጸለየ፡ ኀበ፡ እግዚአብሔር፡ እንዘ፡ ይሴብሕ ፤ እግዚኦ፡ ተዘከር፡ ከመ፡ በጽድቅ፡ ሖርኩ፡ ቅድሜከ፡ ወበፍጹም፡ ልብ፡ ገበርክዋ፡ ለሠናይት፡ ወበከየ፡ ሕዝቅያስ፡ ዐቢየ፡ ብካየ። ወበጽሐ፡ ኢሳይያስ፡ ውስተ፡ ማእከላዊ፡ በጸድ፡ ወነበቦ፡ እግዚአብሔር፡ ወይቤሎ ፤ ግባእ፡ ወበሎ፡ ለሕዝቅያስ፡ ንጉሦሙ፡ ለሕዝብየ፡ ከመዝ፡ ይቤ፡ እግዚአብሔር፡ አምላከ፡ ዳዊት፡ አቡከ፡ ሰማዕኩአ፡ ጸሎተከአ፡ ወርኢኩከአ፡ አንብዕከ ፤ ናሁ፡ እፌውሰከ፡ አነ ፤ እስከ፡ ሠሉስ፡ መዋዕል፡ ተዐርግ፡ ቤተ፡ እግዚአብሔርአ። ወእዌስከከ፡ ላዕለ፡ ክራማቲከአ፡ ፲ወ፭ዓመተ፡ ወአድኅነከ፡ እምእዴሁ፡ ለንጉሠ፡ ፋርስ፡ ወለዛኒ፡ ሀገርአ፡ ኣጸንዓ፡ በእንቲአየ፡ [ወበ]በይነ፡ ዳዊት፡ ገብርየአ። ወይቤሎ፡ ንሣእ፡ ዐጽቀ፡ በለስ፡ ወጢእ፡ ቦቱ፡ ኀበ፡ ተሐምም፡ ውተሐዩ። ወይቤሎ፡ ሕዝቅያስ፡ ለኢሳይያስ፡ ምንት፡ ትእምርቱ፡ ከመ፡ ያሕይወኒ፡ እግዚአብሔር፡ ወአዐርግ፡ ቤተ፡ እግዚአብሔር፡ እስከ፡ ሠሉስ። ወይቤሎ፡ ኢሳይያስ፡ ዝውእቱ፡ ትእምርቱ፡ ዘእምኀበ፡ እግዚአብሔር፡ ከመ፡ ይግበር፡ እግዚአብሔር፡ ቃሎ፡ ዘነበበ ፤ ይወርድ፡ ጽላሎት፡ ውስተ፡ ፲መዓርጋት፡ አመ፡ ይገብእ፡ ፲መዓርጋተ። ወይቤሎ፡ ሕዝቅያስ፡ ይገብእ፡ ጽላሎት፡ ድኅሬሁ፡ ፲መዐርጋተ። ወጸርኀ፡ ኢሳይያስ፡ ነቢይ፡ ኀበ፡ እግዚአብሔር፡ ወገብአ፡ ጽላሎት፡ ድኅሬሁ፡ ፲መዐርጋተ። ወይእተ፡ አሚረ፡ ለአከ፡ መሮዳኅ፡ ወልደ፡ በለዓን፡ ንጉሠ፡ ባቢሎን፡ መጻሕፍተ፡ ወመሐና፡ ኀበ፡ ሕዝቅያስ፡ እስመ፡ ስምዐ፡ ከመ፡ ደወየ፡ ሕዝቅያስ። ወተፈሥሐ፡ ሕዝቅያስ፡ በእንቲአሁ፡ ወአርአዮሙ፡ ኵሎ፡ ቤተ፡ ኒቆታሁ፡ ወርቀ፡ ወብሩረ፡ ወአፈዋተኒ፡ ወቅብአኒ፡ ቡሩከ፡ ወቤተ፡ ንዋይኒ፡ ወኵሎ፡ ዘተረክበ፡ ውስተ፡ ቤተ፡ መዝገቡ፡ ወአልቦ፡ ኀበ፡ ኢያርአዮሙ፡ ሕዝቅያስ፡ ዘውስተ፡ ቤቱ፡ ወኵሉ፡ ምኵናኑ። ወቦአ፡ ኢሳይያስ፡ ነቢይ፡ ኀበ፡ ሕዝቅያስ፡ ንጉሥ፡ ወይቤሎ፡ ምንተኑ፡ ተናገሩ፡ እሉ፡ ዕደው፡ ወእምአይቴ፡ መጽኡ፡ ኀቤከ፡ ወይቤሎ፡ ሕዝቅያስ፡ እምርሑቅ፡ ብሔር፡ መጽኡ፡ ኀቤየ፡ እምባቢሎን። ወይቤሎ፡ ምንተ፡ አርአይኮሙ፡ ወይቤሎ፡ ኵሎ፡ ዘውስተ፡ ቤትየ፡ ርእዩ፡ ወዓዲ፡ ዘውስተ፡ መዘግብትየኒ፡ ርእዩ። ወይቤሎ፡ ኢሳይያስ፡ ለሕዝቅያስ፡ ስማዕ፡ ቃለ፡ እግዚአብሔር። ናሁ፡ ይበጽሕ፡ መዋዕል፡ ይቤ፡ እግዚአብሔር፡ ወይነሥኡ፡ ኵሎ፡ ዘውስተ፡ ቤትከ፡ ወኵሎ፡ ዘዘገቡ፡ አበዊከ፡ እስከ፡ ዮም፡ ወይወስዱ፡ ባቢሎን፡ ወአልቦ፡ ዘያተርፉ፡ ይቤ፡ እግዚአብሔር። ወይነሥእዎሙ፡ ለውሉድከ፡ ለእለ፡ ወለድከ፡ ወይሬስይዎሙ፡ ኅጽዋነ፡ ለቤተ፡ ንጉሠ፡ ባቢሎን። ወይቤሎ፡ ሕዝቅያስ፡ ሠናየ፡ ነበበ፡ እግዚአብሔር፡ ወይኩን፡ ሰላም፡ በመዋዕልየ። ወኵሉ፡ ነገሩ፡ ለሕዝቅያስ፡ ወኵሉ፡ ኀይሉ፡ ወኵሉ፡ ዘገብረ፡ በቄርኔ፡ ወበሙሓዘ፡ ማይ፡ ወዘአብአ፡ ማየ፡ ውስተ፡ ሀገር፡ ዝንቱ፡ ውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ። ወሰከበ፡ ሕዝቅያስ፡ ምስለ፡ አበዊሁ፡ ወቀበርዎ፡ ውስተ፡ ሀገረ፡ ዳዊት፡ ወነግሠ፡ ምናሴ፡ ወልዱ፡ ህየንቴሁ።

IV Regum 21 <ref target="http://www.sacred-texts.com/bib/poly/kg2021.htm"/> 21 እንዘ፡ ፲ወ፪ክረምቱ፡ ለምናሴ፡ አመ፡ ይነግሥ፡ ወ፶ወ፭ክረምተ፡ ነግሠ፡ በኢየሩሳሌም፡ ወስማ፡ ለእሙ፡ ሐፍሴባ። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ ከመ፡ ርኵሶሙ፡ ለአሕዛብ፡ እለ፡ አሰሰለ፡ እግዚአብሔር፡ እምቅድመ፡ ገጸሙ፡ ለደቂቀ፡ እስራኤል። ወሖነጸ፡ አብያተ፡ አማልክት፡ ዘነሠተ፡ ሕዝቅያስ፡ አቡሁ፡ ወገብረ፡ ምሥዋበ፡ ለበዓል፡ ወገብረ፡ ምሕራማተ፡ ዖም፡ ዘከመ፡ ገብረ፡ አካአብ፡ ንጉሠ፡ እስራኤል፡ ወሰገደ፡ ለኵሉ፡ ኀይለ፡ ሰማይ፡ ወተቀንየ፡ ሎሙ። ወሐነጸ፡ ምሥዋዐ፡ ውስተ፡ ቤተ፡ እግዚአብሔር፡ ዘይቤ፡ እግዚአብሔር፡ ውስተ፡ ኢየሩሳሌም፡ እሠይም፡ ስምየ። ወሐነጸ፡ ምሥዋዐ፡ ለኀይለ፡ ሰማይ፡ ውስተ፡ ክልኤሆሙ፡ ዐጸደ፡ ቤተ፡ እግዚአብሔር። ወሦዐ፡ ወልዶ፡ በእሳት፡ ወያስተቃስም፡ ወያሰግል፡ ወገብረ፡ ቴሌም፡ ወማእምራነ፡ ወአብዝኀ፡ ገቢሮታ፡ ለእኪት፡ ቅድመ፡ አዕይንቲሁ፡ ለእግዚአብሔር፡ ወአምዕዖ። ወአንበረ፡ ግልፎ፡ ምሕራም፡ ውስተ፡ ቤት፡ ዘይቤሎ፡ እግዚአብሔር፡ ለዳዊት፡ ወለሰሎሞን፡ ወልዱ፡ ውስተዝ፡ ቤት፡ ዘኢየሩሳሌም፡ ዘኀረይኩ፡ እምነ፡ ኵሉ፡ ሕዝበ፡ እስራኤል፡ ኣቀውም፡ ስምየ፡ ለዓለም። ወኢይደግም፡ አደኅዖቶሙ፡ እግሮሙ፡ ለእስራኤል፡ እምነ፡ ምድር፡ እንተ፡ ወሀብክዎሙ፡ ለአበዊሆሙ፡ ለእመ፡ ሰምዑ፡ ኵሎ፡ ዘአዘዝክዎሙ፡ ዘነገሮሙ፡ ሙሴ፡ ገብርየ። ወኢሰምዑኒ፡ ወአስሐቶሙ፡ ምናሴ፡ ከመ፡ ይግበሩ፡ እኩየ፡ ቅድመ፡ አዕይንቲሁ፡ ለእግዚአብሔር፡ ወአምዕዕዎ፡ ፈድፋደ፡ እምአሕዛብ፡ እለ፡ አማሰኖሙ፡ እግዚአብሔር፡ እምቅድመ፡ ገጾሙ፡ ለደቂቀ፡ እስራኤል። ወነበበ፡ እግዚአብሔር፡ በእደ፡ አግብርቲሁ፡ ነቢያት፡ ወይቤ ፤ እስመ፡ ገብረ፡ ምናሴ፡ ንጉሠ፡ ይሁዳ፡ ዘርኵሰ፡ እኩየ፡ እምኵሉ፡ ዘገብሩ፡ አሞሬዎን፡ ቀደምት፡ ወአበሱ፡ ወይሁዳኒ፡ ምስለ፡ አግብርቲሆሙ። ወአኮአ፡ ከመዝአ፡ ይቤአ፡ እግዚአብሔርአ፡ አምላከ፡ እስራኤልአ፡ ናሁ፡ አነአ፡ ኣመጽእአ፡ እኪተ፡ ላዕለ፡ ኢየሩሳሌም፡ ወላዕለ፡ ይሁዳ፡ ከመ፡ ኵሉአ፡ ዘሰምዐ፡ ይእኅዝ፡ ክልኤሆን፡ አእዛኒሀ፡። ወኣገብእ፡ ላዕለ፡ ኢየሩሳሌም፡ መስፈርተ፡ ሰማርያ፡ ወመዳልወ፡ ዘቤተ፡ አካአብ፡ ወእደመስሳ፡ ለኢየሩሳሌም፡ ከመ፡ ይትመዘመዝ፡ ዕፍረት፡ እምከመ፡ መዝመዝዎ፡ ወትትገፈታእ፡ በገጻ። ወኣጠፍኦሙ፡ ተረፎሙ፡ ለሕዝብየአ፡ ወኣገብኦሙ፡ ውስተ፡ እዴሆሙ፡ ስፀሮሙ፡ ወይፄውዎሙአ፡ ወይበርብሮሙአ፡ ፀሮሙ። እስመ፡ እኩየ፡ ገብሩ፡ ቅድመ፡ አዕይንትየ፡ ወአምዕዑኒአ፡ እምአመ፡ አውፃእክዎሙ፡ ለአበዊሆሙ፡ እምግብጽአ፡ እስከ፡ ዮም። ወደመኒ፡ ንጹሐ፡ ከዐወ፡ ምናሴ፡ ዘሦዐ፡ እስከ፡ መልኣ፡ ለኢየሩሳሌም፡ እምበአታ፡ እስከ፡ ጽንፋ፡ በኀጢአቱ፡ ዘአስሐቶሙ፡ ለይሁዳ፡ ወገብረ፡ ኀጢአተ፡ ቅድመ፡ አዕይንቲሁ፡ ለእግዚአብሔር። ወኵሉ፡ ነገሩ፡ ለምናሴ፡ ወኵሉ፡ ዘገብረ፡ ወኀጢአቱኒ፡ ዘአበሰ፡ ናሁ፡ ዝንቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ። ወሰከበ፡ ምናሴ፡ ምስለ፡ አበዊሁ፡ ወተቀብረ፡ ውስተ፡ ገነት፡ ዘቤተ፡ ዖዛ፡ ወነግሠ፡ አሞጽ፡ ወልዱ፡ ህየንቴሁ። እንዘ፡ ፳ወ፪ክረምቱ፡ ለአሞጽ፡ አመ፡ ይነግሥ፡ ወክልኤተ፡ ክረምተ፡ ነግሠ፡ በኢየሩሳሌም፡ ወስማ፡ ለእሙ፡ ሜሰለም፡ ወለተ፡ አሩሳ፡ እንተ፡ እምሔሴባል። ወገብረ፡ እኩየ፡ ቅድመ፡ አዕይንቲሁ፡ ለእግዚአብሔር፡ በከመ፡ ገብረ፡ ምናሌ፡ አቡሁ። ወሖረ፡ በፍኖት፡ በኵሉ፡ እንተ፡ ሖረ፡ አቡሁ፡ ወአምለከ፡ አማልክተ፡ ዘአምለከ፡ አቡሁ፡ ወሰገደ፡ ሎሙ። ወኀደጎ፡ ለእግዚአብሔር፡ አምላከ፡ አበዊሁ፡ ወኢሖረ፡ በፍኖተ፡ እግዚአብሔር። ወዐለውዎ፡ ደቁ፡ ለአሞጽ፡ ወቀተልዎ፡ ለንጉሥ፡ በቤቱ። ወቀተልዎሙ፡ አሕዛበ፡ ምድር፡ ለኵሎሙ፡ እለ፡ ዐለውዎ፡ ለንጉሥ፡ በሞጽ፡ ወአንጉሠዎ፡ አሕዛበ፡ ምድር፡ ለዮስያስ፡ ወልዱ፡ ህየንቴሁ። ወኵሉ፡ ነገሩ፡ ለዐሞጽ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ። ወቀበርዎ፡ ውስተ፡ መቃብሩ፡ ውስተ፡ ገነተ፡ ዖዛ፡ ወነግሠ፡ ዮስያስ፡ ወልዱ፡ ህየንቴሁ።

IV Regum 22 <ref target="http://www.sacred-texts.com/bib/poly/kg2022.htm"/> 22 ወሰማኒ፡ ክረምቱ፡ ለዮስያስ፡ አመ፡ ይነግሥ፡ ወ፡ ፴ወ፩ክረምተ፡ ነግሠ፡ በኢየሩሳሌም፡ ወስማ፡ ለእሙ፡ ይሄድያ፡ ወለተ፡ ኤዶና፡ እንተ፡ እምባሱሮት። ወገብረ፡ ጽድቀ፡ ቅድመ፡ እግዚአብሔር፡ በቅድመ፡ አዕይንቲሁ፡ ወሖረ፡ በኵሉ፡ ፍኖተ፡ ዳዊት፡ አቡሁ፡ ወኢተግሕሠ፡ ኢለየማን፡ ወኢለፀጋም። ወአመ፡ ፲ወ፰ዓመተ፡ መንግሥቱ፡ ለዮስያስ፡ አመ፡ ሳምን፡ ወርኅ፡ ፈነዎ፡ ንጉሥ፡ ለሶፋን፡ ወልደ፡ ኤሴልዩ፡ ወልደ፡ ሜሰላም፡ ጸሓፌ፡ ቤተ፡ እግዚአብሔር፡ እንዘ፡ ይብል ፤ ዕርግአ፡ ኀበ፡ ኬልቅዩአ፡ ካህን፡ ዐቢይ፡ ወኅትም፡ ወርቀ፡ ዘቦኦ፡ ለቤተ፡ እግዚአብሔር፡ ዘአስተጋብኡ፡ እለ፡ የዐቅቡ፡ መዳልዎሙ፡ ለሕዝብ። ወአወፍይዎሙ፡ ለእለ፡ ያገብሩ፡ ግብረ፡ ቤተ፡ እግዚአብሔር፡ በዘይጼንዑ፡ ቤዴቀ፡ ዘውስተ፡ ቤት ፤ ለጸረብት፡ ወለነደቅት፡ ወለእስ፡ ይገብሩ፡ አረፍተ፡ በዘ፡ ይሣየጡ፡ ዕፀወ፡ ወእብነ፡ ውቅሮ፡ በዘይጼንዕዎ፡ ለቤዴቅ፡ ለቤቱ። ወኢይትሓሰብዎሙ፡ ወርቆ፡ ዘወሀብውሙ፡ እስመ፡ በሃይማኖት፡ ይገብሩ። ወይቤሎ፡ ኬልቅዩ፡ ካህን፡ ዐቢይ፡ ለሳፋን፡ ጸሓፊ፡ አንብብ፡ ሎቱ። ወቦአ፡ ቤተ፡ እግዚአብሔር፡ ኀበ፡ ንጉሥ፡ ወአግብአ፡ ሎቱ፡ መልእክቶ፡ ለንጉሥ፡ ወይቤ[ሎ]፡ ሰበክዎ፡ አግብርቲከ፡ ለውእቱ፡ ብሩር፡ ዘተረክበ፡ ውስተ፡ ቤተ፡ እግዚአብሔር፡ ወወሀብዎሙ፡ ለእለ፡ ይገብሩ፡ ግብረ፡ ቤተ፡ እግዚአብሔር። ወይቤሎ፡ ሳፋን፡ ለንጉሥ፡ መጽሐፈ፡ ሕግ፡ ወሀበኒ፡ ኬልቅዩ፡ ካህን፡ ወአንበባ፡ ሳፋን፡ በቅድመ፡ ንጉሥ። ወሶበ፡ ሰምዓ፡ ንጉሥ፡ ለይእቲ፡ መጽሐፍ፡ ዘሕግ፡ ሠጠጠ፡ አልባሲሁ። ወአዘዞ፡ ንጉሥ፡ ለኬልቅያስ፡ ካህን፡ ወለአኪቃም፡ ወልደ፡ ሳፋን፡ ወለአክባር፡ ወልደ፡ ሚክዩ፡ ወለሶፋን፡ ጸሓፊ፡ ወለአስያ፡ ገብረ፡ ንጉሥ፡ ወይቤሎሙ ፤ ንዑ፡ አስተብቍዕዎ፡ ለእግዚአብሔር፡ በእንቲአየ፡ ወበእንተ፡ ኵሉ፡ ሕዝበ፡ ይሁዳ፡ ወእንበይነ፡ ኵሉ፡ ቃላ፡ ለዛቲ፡ መጽሐፍ፡ እስመ፡ ዐቢይ፡ መዐተ፡ እግዚአብሔር፡ ዘተረክበ፡ ላዕሌነ፡ ይነድድ፡ እሳት ፤ ኢሰምዑ፡ አበዊነ፡ ቃላ፡ ለዛቲ፡ መጽሐፍ፡ ወኢገብሩ፡ ሕጎሙ፡ ዘጽሑፍ። ወሖረ፡ ኬልቅያስ፡ ካህን፡ ወአኪቃም፡ ወአክባር፡ ወሶፋን፡ ወአሶያስ፡ ኀበ፡ ሕልደና፡ ነቢይት፡ እሙ፡ ለሴሌም፡ ወልደ፡ ቴቄሀው፡ ወልደ፡ አድራስ፡ ዐቃቤ፡ አልባስ፡ ወውስተ፡ ኢየሩሳሌም፡ ሀለወት፡ ህየ፡ ምንባራ፡ ውስተ፡ ምናሴ፡ ወነገርዋ ። ወትቤሎሙ፡ ከመዝ፡ ይቤ፡ እግዚአብሔር፡ አምላከ፡ እስራኤል፡ በልዎ፡ ለብእሲ፡ ዘፈነወክሙ፡ ኀቤየ ፤ ከመዝ፡ ይቤ፡ እግዚአብሔርአ፡ ናሁ፡ አነአ፡ ኣመጽእአ፡ እኪተ፡ ላዕለ፡ ዝብሔር፡ ወላዕለ፡ እለ፡ ይነብሩ፡ ውስቴቱ፡ ኵሎአ፡ ቃለአ፡ ዘሀሎ፡ ውስተ፡ መጽሐፍ፡ ዘአንበበ፡ ንጉሠ፡ ይሁዳ። እስመ፡ ኀደግሙኒ፡ ወዐጠንክሙ፡ ለባዕድ፡ አማልክት፡ ከመ፡ ታምዕዑኒ፡ በግብረ፡ እደዊክሙ፡ ወትነድድአ፡ መዐትየ፡ ውስተዝ፡ ብሔር፡ ወኢያጠፍእአ። ወላዕለ፡ ንጉሠ፡ ይሁዳ፡ ዘፈነወክሙ፡ ከመ፡ ትሰእሉ፡ ለእግዚአብሔርአ፡ ከመዝ፡ በልዎአ፡ ከመዝ፡ ይቤ፡ እግዚአብሔር፡ አምላከ፡ እስራኤል፡ ዝቃል፡ ዘሰማዕከ ፤ እስመ፡ ኢያግዘፍከ፡ ልበከ፡ ወፈራህከ፡ እምገጸ፡ እግዚአብሔር፡ ዘሰማዕከ፡ ዘነበብኩ፡ ላዕለዝ፡ ብሔር፡ ወላዕለ፡ እለ፡ ይነብሩ፡ ውስቴቱ፡ ከመ፡ ኣማስኖሙ፡ ወይኩኑአ፡ ለመርገምአ፡ ወሠጠጥከአ፡ አልባሲከ፡ ወበከይከ፡ ቅድሜየ፡ ሰማዕኩአ፡ አነአ፡ ይቤአ፡ እግዚአብሔርአ። ወአኮአ፡ ከመዝአ ፤ ናሁ፡ አነ፡ እቀትለከ፡ ወትመውት፡ ወተአቱ፡ ኀበ፡ አበዊከ፡ ወትበውእ፡ ውስተ፡ መቃብሪከ፡ በሰላም፡ ወኢትሬእያ፡ በዐይንከ፡ ለኵሉ፡ እኪት፡ እንተ፡ ኣመጽእ፡ አነ፡ ውስተዝ፡ ብሔርአ፡ ወላዕለ፡ እለ፡ ይነብርዎአ።

IV Regum 23 <ref target="http://www.sacred-texts.com/bib/poly/kg2023.htm"/> 23 ወአግብኡ፡ ሎቱ፡ መልእክቶ፡ ለንጉሥ፡ ወለአከ፡ ንጉሥ፡ ወአስተጋብኦሙ፡ ኀቤሁ፡ ለኵሎሙ፡ ሊቃናተ፡ ይሁዳ፡ ወኢየሩሳሌም ። ወዐርገ፡ ንጉሥ፡ ውስተ፡ ቤተ፡ እግዚአብሔር፡ ወኵሉ፡ ሰብአ፡ ይሁዳ፡ ወኵሉ፡ እለ፡ ይነብሩ፡ ውስተ፡ ኢየሩሳሌም፡ ምስሌሁ፡ ወካህናትኒ፡ ወነቢያትኒ፡ ወኵሉ፡ ሕዝብ፡ ንኡሶሙ፡ ወዐቢዮሙ፡ ወአንበበ፡ ቅድሜሆሙ፡ ኵ ሎ፡ ቃለ፡ መጽሐፈ፡ ሕግ፡ ዘተረክበ፡ ውስተ፡ ቤተ፡ እግዚአብሔር። ወቆመ፡ ንጉሥ፡ ኀበ፡ ዐምድ፡ ወተካየደ፡ ኪዳነ፡ ቅድመ፡ እግዚአብሔር፡ ወይዕቀቡ፡ ትእዛዞ፡ ወኵነኔሁ፡ ወሕጎ፡ በኵሉ፡ ልቦሙ፡ ወበኵሉ፡ ነፍሶሙ፡ ከመ፡ ያቅሙ፡ በዝ፡ ነገር፡ ኪዳኖሙ። ወአዘዞ፡ ንጉሥ፡ ለኬልቅያስ፡ ለዐቢይ፡ ካህን፡ ወለካህናትኒ፡ እለ፡ እምታሕቴሁ፡ ወለእለ፡ የዐቅቡ፡ መዳልወ፡ ከመ፡ ያውፅኡ፡ ኵሎ፡ ንዋየ፡ በዓል፡ ወዘምሕራማት፡ ወዘኵሉ፡ ኀይለ፡ ሰማይ፡ ወአውፀይዎ፡ በአፍአ፡ እምኢየሩሳሌም፡ በሰዴሞተ፡ ቄድሮን፡ ወነሥኡ፡ ሐመዶ፡ ወወሰዱ፡ ቤቴል። ወአውዐዮሙ፡ ለከማርም፡ እለ፡ ወሀበ፡ ንጉሠ፡ ይሁዳ፡ ወየዐጥኑ፡ በአብያተ፡ አማልክት፡ ወውስተ፡ አህጉረ፡ ይሁዳ፡ ወውስተ፡ ዐውደ፡ ኢየሩሳሌም፡ ወለእለ፡ የዐጥኑ፡ ለበዓል፡ ወለፀሓይ፡ ወለወርኅ፡ ወለማዙሮት፡ ወለኵሉ፡ ኀይለ፡ ሰማያት። ወአውፅኦሙ፡ ምስለ፡ አማልክቲሆሙ፡ እምቤተ፡ እግዚአብሔር፡ አፍአ፡ እምኢየሩሳሌም፡ ውስተ፡ ፈለገ፡ ቄድሮን፡ ወአውዐይዎሙ፡ በፈለገ፡ ቄድሮን፡ ወቀጥቀጥዎሙ፡ ወወደየ፡ ስባራቲሆሙ፡ ውስተ፡ መቃብረ፡ ደቂቀ፡ ሕዝብ። ወነሠተ፡ ቤተ፡ ቃዴስም፡ ዘውስተ፡ ቤተ፡ እግዚአብሔር፡ ኀበ፡ የአንማ፡ አንስት፡ ለአምላከ፡ ኬጣእም። ወአውፅኦሙ፡ ለገነውት፡ እምአህጉረ፡ ይሁዳ፡ ወአርኰሰ፡ አብያተ፡ አማልክት፡ ኀበ፡ የዐጥኑ፡ ህየ፡ ገነውት፡ እምጌባል፡ እስከ፡ ቤርሳቤሕ፡ ወነሠተ፡ አጽርሕ፡ ዴዴያት፡ ዘኀበ፡ ዴዴ፡ አንቀጽ፡ ዘሆሴዕ፡ መልአከ፡ ሀገር፡ ብእሲ፡ ዘኀበ፡ የማነ፡ አንቀጸ፡ ሀገር፡ አንቀጽ፡ ዘያበውእ፡ መንገለ፡ ወግዕ። ወባሕቱ፡ ኢያንበሩ፡ ገነውተ፡ አማልክት፡ በኀበ፡ ምሥዋዐ፡ እግዚአብሔር፡ በኢየሩሳሌም፡ እንበለ፡ ሶበ፡ ይበልዑ፡ ምስለ፡ ቢጾሙ። ወአርኰስዎ፡ ለጤፌጣ፡ በቈላተ፡ ወልደ፡ ሄኖም፡ ከመ፡ ይሡዑ፡ ኵሉ፡ ብእሲ፡ ወልዶ፡ ወኵሉ፡ ብእሲ፡ ወለቶ፡ ለሞሎሕ፡ በእሳት። ወአውዐየ፡ አፍራሰ፡ ዘወሀቡ፡ ነገሥተ፡ ይሁዳ፡ ለፀሓይ፡ በውስተ፡ አንቀጸ፡ ቤተ፡ እግዚአብሔር፡ ውስተ፡ ሙዳየ፡ ምጽዋት፡ ዘናታን፡ ኅጽው፡ በፈሩርም፡ ወሰረገላተ፡ ዘፀሓይ፡ አውዐየ፡ በእሳት። ወምሥዋዓተኒ፡ ዘውስተ፡ አንሕስት፡ ዘአጽራሕ፡ አካዝ፡ ዘገብረ፡ ንጉሠ፡ ይሁዳ ፤ ምሥዋዕኒ፡ ዘገብረ፡ ምናሴ፡ ውስተ፡ ፪ዐጸደ፡ ቤተ፡ እግዚአብሔር፡ ወነሠቶ፡ ንጉሥ፡ ወአውረዶሙ፡ እምህየ፡ ወሰበሮሙ፡ ወስባራቲሆሙ፡ ገደፈ፡ ውስተ፡ ፈለገ፡ ቄድሮን። ወቤተኒ፡ ዘቅድመ፡ ኢየሩሳሌም፡ ዘመንገለ፡ የማነ፡ ደብር፡ መስኅት፡ ዘሐነጸ፡ ንጉሠ፡ እስራኤል፡ ሰሎሞን፡ ለአስጠርጤ፡ ኀሳሮሙ፡ ለሲዶና፡ ወለኮሞስ፡ ኀሳሮሙ፡ ለሞአብ፡ ወለሜልኮል፡ ርኵሶሙ፡ ለደቂቀ፡ አሞን፡ አርኰሰ፡ ንጉሥ። ወቀጥቀጠ፡ አምሳሊሆሙ፡ ወሠረወ፡ ምሕራማቲሆሙ፡ ወመልአ፡ ውስተ፡ መካናቲሆሙ፡ አዕፅምተ፡ ሰብእ። ወምሥዋዐኒ፡ ዘውስተ፡ ቤቴል፡ ዘቤተ፡ አማልክቲሆሙ፡ ዘገብረ፡ ኢዮርብዓም፡ ወልደ፡ ናባጥ፡ ዘአስሐቶሙ፡ ለእስራኤል፡ ወውእተኒ፡ ምሥዋዐ፡ ዘቤተ፡ አምላኮሙ፡ ነሠተ፡ ወሰበረ፡ ወቀጥቀጠ፡ እበኒሁ፡ ወሐረፀ፡ ወአውዐየ፡ ምሕራሞሙ። ወሖረ፡ ኢዮስያስ፡ ወርእየ፡ መቃብረ፡ ዘውስተ፡ ውእቱ፡ ሀገር፡ ወፈነወ፡ ወአውፅኡ፡ ኵሎ፡ አዕፅምቺ፡ ዘውስተ፡ ውእቱ፡ መቃብር፡ ወአውዐዮ፡ በውስተ፡ ምሥዋዕ፡ ወአርኰሶ፡ በከመ፡ ይቤ፡ እግዚአብሔር፡ ዘነበበ፡ ብእሴ፡ እግዚአብሔር፡ አመ፡ በዓል፡ ዘገብረ፡ ኢዮርብዓም ፤ ወተመይጠ፡ ወርእየ፡ መቃብሮ፡ ለብእሴ፡ እግዚአብሔር፡ ዘነበቦ፡ ለዝ፡ ቃል። ወይቤሎሙ፡ ምንትኑ፡ ዝንቱ፡ መድፍን፡ ዘእሬኢ፡ ወይቤልዎ፡ ሰብአ፡ ውእቱ፡ ብሔር፡ መቃብሩ፡ ለብእሴ፡ እግዚአብሔር፡ ውእቱ፡ ዘመጽአ፡ እምይሁዳ፡ ዘነበበ፡ በቃል፡ ከመዝ፡ በኀበ፡ ምሥዋዕ፡ ቤቴል። ወይቤሎሙ፡ ኅድግዎ፡ አልቦ፡ ዘይገስስ፡ አዕፅምቲሁ ፤ ወድኅነ፡ አዕፅምቲሁ፡ ምስለ፡ አዕፅምተ፡ ነቢይ፡ ዘመጽአ፡ እምሰማርያ። ወኵሎ፡ አብያተ፡ አማልክቲሆሙ፡ ዘውስተ፡ ሰማርያ፡ ዘንብሩ፡ ነገሥተ፡ እስራኤል፡ ከመ፡ ያምዕዕዎ፡ ለእግዚአብሔር፡ ነሠተ፡ ኢዮስያስ፡ ወገብረ፡ ቤተ፡ ኵሉ፡ ግብረ፡ ዘገብረ፡ በቤቴል። ወሦዖሙ፡ ለኵሎሙ፡ ገነውተ፡ አማልክት፡ እለ፡ ሀለዉ፡ ህየ፡ ውስተ፡ ምሥዋዓቲሆሙ፡ ወአንደዱ፡ አዕፅምተ፡ እጓለ፡ እመሕያው፡ ውስቴቱ፡ ወአተወ፡ ኢየሩሳሌም። ወአዘዞሙ፡ ንጉሥ፡ ለኵሎሙ፡ አሕዛብ፡ ከመ፡ ይግበሩ፡ ፋሲካሁ፡ ለእግዚአብሔር፡ አምላኮሙ፡ በከመ፡ ጽሑፍ፡ ውስተ፡ ውእቱ፡ መጽሐፈ፡ ሕግ። እስመ፡ ኢተገብረ፡ ውእቱ፡ ፋሲካ፡ እምአመ፡ መሳፍንት፡ እለ፡ ኰነንዎሙ፡ ለእስራኤል፡ በኵሉ፡ መዋዕለ፡ ነገሥተ፡ እስራኤል፡ ወነገሥተ፡ ይሁዳ። እንበለ፡ አመ፡ ፲ወ፰ክረምተ፡ መንግሥቱ፡ ለኢዮስያስ፡ ተገብረ፡ ፋሲካሁ፡ ለእግዚአብሔር፡ በኢየሩሳሌም። ለማእምራን፡ ወለፈቃድያን፡ ወለቴርፋን፡ ኵሉ፡ ዘአማልክቲሆሙ፡ ወኵሉ፡ ኀሳሮሙ፡ ዘገብሩ፡ በይሁዳ፡ ወበኢየሩሳሌም፡ አሰሰለ፡ ኢዮስያስ፡ ከመ፡ ይብጻሕ፡ ቃለ፡ ሕጎሙ፡ ዘጽሑፍ፡ ዘረከበ፡ ኬልቅያስ፡ ካህን፡ ውስተ፡ ቤተ፡ እግዚአብሔር። ወከማሁ፡ አልቦ፡ ዘኮነ፡ እምእለ፡ ቅድሜሁ፡ ነገሥት፡ ዘገብአ፡ በኵሉ፡ ልቡ፡ ኀበ፡ እግዚአብሔር፡ ወበኵሉ፡ ኀይሉ፡ ወበኵሉ፡ ነፍሱ፡ በከመ፡ ኵሉ፡ ሕገ፡ ሙሴ፡ ወእምድኅሬሁኒ፡ አልቦ፡ ዘቆመ፡ ዘከማሁ። ወባሕቱ፡ ኢሜጠ፡ እግዚአብሔር፡ መዐቶ፡ ዘተምዐ፡ ላዕለ፡ ይሁዳ፡ መዐተ፡ ዘአምዕዖ፡ ምናሴ። ወይቤ፡ እግዚአብሔር፡ ለይሁዳኒ፡ እገድፎሙ፡ እምቅድመ፡ ገጽየ፡ በከመ፡ ገዴፍክዎሙ፡ ለእስራኤል፡ ወእደመስሳ፡ ለዛቲ፡ ሀገር፡ ኢየሩሳሌም፡ እንተ፡ ኀረይኩ፡ ወዝኒ፡ ቤት፡ ዘእቤ፡ ይሄሉ፡ ስምየ፡ ህየ። ወኵሉ፡ ነገሩ፡ ለኢዮስያስ፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ። ወበመዋዕሊሁ፡ ዐርገ፡ ፈርዖን፡ ኒካዑ፡ ንጉሠ፡ ግብጽ፡ ላዕለ፡ ንጉሠ፡ ፋርስ፡ እንተ፡ ፈለገ፡ አፍራጤን፡ ወሖረ፡ ኢዮስያስ፡ ወተቀበሎ፡ ወቀተሎ፡ ኒካዑ፡ በመጌዱ፡ ሶበ፡ ተራከቦ። ወአጽዐንዎ፡ በድኖ፡ አግብርቲሁ፡ እመጌዱ፡ ወአእተውዎ፡ ኢየሩሳሌም፡ ወቀበርዎ፡ ውስተ፡ መቃብር፡ ወነሥእዎ፡ አሕዛበ፡ ምድር፡ ለዮአክስ፡ ወልዱ፡ ወቀብእዎ፡ ወአንገሥዎ፡ ህየንተ፡ አቡሁ። ፳ወ፫ክረምቱ፡ አመ፡ ይነግሥ፡ ዮአክስ፡ ወ፫አውራኀ፡ ነግሠ፡ በኢየሩሳሌም፡ ወስማ፡ ለእሙ፡ አሚጣል፡ ወለተ፡ ኤርምያስ፡ ዘእምሌምና። ወገብረ፡ እኩየ፡ ቅድመ፡ እግዚአብሔር፡ ከመ፡ ኵሉ፡ ዘገብሩ፡ አበዊሁ። ወአፍለሶ፡ ፈርዖን፡ ኒካዑ፡ በኤብለታ፡ በምድረ፡ ኤመጤ፡ ከመ፡ ኢይንግሥ፡ በኢየሩሳሌም፡ ወአገበሮሙ፡ ጸባሕተ፡ ለኵሉ፡ ብሔሮሙ፡ ወአዘዞሙ፡ ፻መክሊተ፡ ወርቅ፡ ወ፻መክሊተ፡ ብሩር። ወአንገሠ፡ ፈርዖን፡ ኒካዑ፡ ኤልያቄምሃ፡ ወልደ፡ ኢዮስያስ፡ ንጉሠ፡ ይሁዳ፡ ህየንተ፡ ኢዮስያስ፡ አቡሁ፡ ወሜጠ፡ ስሞ፡ ዮአቂም፡ ወነሥኦ፡ ለዮአክዝ፡ ወወሰዶ፡ ብሔረ፡ ግብጽ፡ ወበህየ፡ ሞተ። ወወሀቦ፡ ዮአቂም፡ ለፈርዖን፡ ወርቆ፡ ወብሩሮ፡ ወአጽሐፈ፡ ኵሎ፡ ብሔሮ፡ ከመ፡ የሀቡ፡ ጸባሕተ፡ ወርቅ፡ ለፈርዖን ፤ ኵሉ፡ ብእሲ፡ በአምጣነ፡ ንዋዩ፡ የሀቡ፡ ጸባሕተ፡ ለፈረዖን፡ ኒካዑ። ፳ወ፭ ክረምቱ፡ ለዮአቂም፡ አመ፡ ይነግሥ፡ ወ፲ወ፩ክረምቱ፡ ነግሠ፡ በኢየሩሳሌም፡ ወስማ፡ ለእሙ፡ ሄልድፍ፡ ወለተ፡ ፌደየ፡ ቅሩማ። ወገብረ፡ እኩየ፡ ቅድመ፡ እግዚአብሔር፡ ከመ፡ ኵሉ፡ ዘገብሩ፡ አበዊሁ።

IV Regum 24 <ref target="http://www.sacred-texts.com/bib/poly/kg2024.htm"/> 24 ወበመዋዕሊሁ፡ ዐርገ፡ ናቡክድናጾር፡ ንጉሠ፡ ባቢሎን፡ ውስተ፡ ውእቱ፡ ብሔር፡ ወተቀንየ፡ ሎቱ፡ ዮአቂም፡ ፫ዓመተ፡ ወእምዝ፡ አፅረረ፡ ወዐለዎ። ወፈነዎሙ፡ እግዚአብሔር፡ ለጸባኢተ፡ ሶርያ፡ ወለጸባኢተ፡ ሞአብ፡ ወለጸባኢተ፡ ደቂቀ፡ ዐሞን፡ ወፈነዎሙ፡ ብሔረ፡ ይሁዳ፡ ከመ፡ ይቅንይዎሙ፡ በከመ፡ ነበበ፡ እግዚአብሔር፡ በእዶ፡ አግብርቲሁ፡ ነቢያት። ወባሕቱ፡ መዐቱ፡ ለእግዚአብሔር፡ ላዕለ፡ ይሁዳ፡ ወከመ፡ ያውፅእ፡ እምቅድመ፡ ገጹ፡ በኀጢአተ፡ ምናሴ፡ ወኵሉ፡ ዘገብረ። ወቀተለ፡ ነፍሰ፡ ጻድቅ፡ ወመልኣ፡ ለኢየሩሳሌም፡ ደመ፡ ንጹሐ፡ ወአበየ፡ እግዚአብሔር፡ ተሣህሎቶሙ። ወኵሉ፡ ነገሩ፡ ለዮአቄም፡ ወኵሉ፡ ዘገብረ፡ ናሁ፡ ዝውእቱ፡ ዘጽሑፍ፡ ውስተ፡ መጽሐፈ፡ ነቢያቲሆሙ፡ ለነገሥተ፡ ይሁዳ ። ወሰከበ፡ ኢዮአቄም፡ ምስለ፡ አበዊሁ፡ ወቀበርዎ፡ ውስተ፡ ገራሀተ፡ ዖዛ፡ ወነግሠ፡ ኢዮአቄም፡ ወልዱ፡ ህየንቴሁ። ወኢደገመ፡ እንከ፡ ንጉሠ፡ ግብጽ፡ ወፂአ፡ እምነ፡ ብሔሩ፡ እስመ፡ አስተጋብአ፡ ንጉሠ፡ ባቢሎን፡ እምፈለገ፡ ግብጽ፡ እስከ፡ ፈለገ፡ አፍራጢስ፡ ወኵሎ፡ ዘንጉሠ፡ ግብጽ። ወ፲ወ፰ክረምቱ፡ ለኢዮአቂም፡ አመ፡ ይነግሥ፡ ወ፫አውራኀ፡ ነግሠ፡ በኢየሩሳሌም፡ ወስማ፡ ለእሙ፡ ኔስተ፡ ወለተ፡ ኤላናታን፡ እንተ፡ እምኢየሩሳሌም። ወገብረ፡ እኩየ፡ ቅድመ፡ እግዚአብሔር፡ ከመ፡ ኵሉ፡ ዘገብሩ፡ አበዊሁ። ወውእተ፡ አሚረ፡ ዐርገ፡ ናቡከደናጾር፡ ንጉሠ፡ ባቢሎን፡ ውስተ፡ ኢየሩሳሌም፡ ወተጸወነት፡ ሀገር፡ ወተጸወኑ። ወናቡከደነጾር፡ ንጉሠ፡ ባቢሎን፡ መጽአ፡ ኀበ፡ ሀገር፡ ይትቃተሎሙ፡ ምስለ፡ አሕዛቢሁ። ወወፅአ፡ ኢዮአቄም፡ ንጉሠ፡ ይሁዳ፡ ኀባ፡ ንጉሠ፡ ባቢሎን፡ ምስለ፡ ደቂቁ፡ ወመላእክቲሁ፡ ወኅጽዋኒሁ፡ ወአኀዞ፡ ንጉሠ፡ ባቢሎን፡ ወአስተጋብአ፡ አመ፡ ፰ዓመተ፡ መንግሥቱ። ወአውፅአ፡ ኵሎ፡ መዛግብተ፡ ቤተ፡ እግዚአብሔር፡ ወመዛግብተ፡ ቤተ፡ ንጉሥኒ፡ ወሰበረ፡ ኵሎ፡ ንዋየ፡ ወርቅ፡ ዘገብረ፡ ሰሎሞን፡ ንጉሠ፡ እስራኤል፡ ለቤተ፡ እግዚአብሔር፡ በከመ፡ ይቤ፡ እግዚአብሔር። ወአፍለሳ፡ ለኢየሩሳሌም፡ ወለኵሉ፡ መላእክቲሆሙ፡ ወዐበይቶሙ፡ ወጽኑዓኒሆሙ፡ ኵሎ፡ ፄዋሁ፡ ፼ወኵሎ፡ ኬነቶሙ፡ ወጸረብቶሙኒ፡ ወአልቦ፡ ዘአትረፈ፡ ዘእንበለ፡ ቢጸ፡ ነዳያን። ወአፍለሶ፡ ለኢዮአቄም፡ ባቢሎን፡ ወለእሙ፡ ለንጉሥ፡ ወአንስትያ፡ ንጉሥ፡ ወኅጽዋኒሁ፡ ወዐበይተ፡ ብሔር፡ እፍለሶሙ፡ ኵሎሙ፡ ባቢሎን። ወኵሎ፡ መላእክተ፡ ሰራዊቶሙ፡ ፸፻ብእሴ፡ ወኬነቶሙሰ፡ ወጸረብቶሙ፡ ፲፻ኵሎ፡ ጽኑዓነ፡ እለ፡ ይክሉ፡ ተቃትሎ፡ አፍለሶሙ፡ ለኵሎሙ፡ ንጉሥ፡ ውስተ፡ ባቢሎን። ወእንገሦ፡ ንጉሠ፡ ባቢሎን፡ ለናታንያን፡ እኁሁ፡ ለአቡሁ፡ ህየንቴሁ፡ ወወለጠ፡ ስሞ፡ ሴዴቅያስ፡ ሰመዮ። ፳ወ፩ክረምቱ፡ ለሴዴቄያን፡ አመ፡ ይነግሥ፡ ወ፲ወ፩ክረምተ፡ ነግሠ፡ በኢየሩሳሌም፡ ወስማ፡ ለእሙ፡ አሚጠል፡ ወለተ፡ ኤርምያስ። ወገብረ፡ እኩየ፡ ቅድመ፡ እግዚአብሔር፡ ከመ፡ ኵሉ፡ ዘገብረ፡ ኢዮአቄም። እስመ፡ ኮነ፡ መዐተ፡ እግዚአብሔር፡ ላዕለ፡ ኢየሩሳሌም፡ ወላዕለ፡ ይሁዳ፡ እስከ፡ አውፅኦሙ፡ እምቅድመ፡ ገጹ፡ ወአፅረሮ፡ ሴዴቅያን፡ ለንጉሠ፡ ባቢሎን።

IV Regum 25 <ref target="http://www.sacred-texts.com/bib/poly/kg2025.htm"/> 25 ወአመ፡ ታስዕ፡ ክረምተ፡ መንግሥቱ፡ በዓሥር፡ ወርኅ፡ መጽአ፡ ናቡከደናጾር፡ ንጉሠ፡ ባቢሎን፡ ምስለ፡ ሰራዊቱ፡ ላዕለ፡ ኢየሩሳሌም፡ ወተዐየነ፡ ላዕሌሃ፡ ወሐጸራ። ወተጸወነት፡ ሀገር፡ እስከ፡ አመ፡ ፲ወ፩ዓመተ፡ መንግሥቱ፡ ለሴዴቅያን፡ እስከ፡ ፱ሠረቀ፡ ወርኅ። ወኮነ፡ ዐቢየ፡ ረኃብ፡ ወአልቦ፡ እክለ፡ ለአሕዛበ፡ ምድር። ወተገፍትአት፡ ሀገር፡ ወኵሉ፡ ዕደው፡ መስተቃትላን፡ ወፅኡ፡ በሌሊት፡ በፍኖተ፡ አንቀጽ፡ ማእከላዊ፡ እንተ፡ መንገለ፡ ገነቱ፡ ለንጉሥ፡ ወዐገትዋ፡ ፋርስ፡ ለሀገር፡ ወእሙንቱሰ፡ ወፅኡ፡ እንተ፡ ዐረቦት። ወዴገንዎ፡ ሰራዊተ፡ ፋርስ፡ ወተለውዎ፡ ለንጉሥ፡ ወአኀዝዎ፡ በዐረቦት፡ ዘኢያሪኮ፡ ወጐዩ፡ ኵሉ፡ ሰብኡ፡ ወኀደግዎ። ወአኀዝዎ፡ ለንጉሥ፡ ወወሰድዎ፡ ኀበ፡ ንጉሠ፡ ባቢሎን፡ ዴብለታ፡ ወተናገሮ። ወረገዞሙ፡ ለደቂቁ፡ በቅድሜሁ፡ ወአዕወሮ፡ ለሴዴቅያን፡ ወሞቅሖ፡ ወወሰዶ፡ ባቢሎን። ወአመ፡ ሰቡዑ፡ ለሠርቀ፡ ሳብዕ፡ ወርኅ፡ አመ፡ ፲ወ፱ዓመተ፡ መንግሥቱ፡ ለናቡከደናጾር፡ ንጉሠ፡ ባቢሎን፡ መጽአ፡ ናቡዛርዳን፡ ሊቀ፡ መብስላኑ፡ ለንጉሥ፡ ዘይቀውም፡ ቅድሜሁ፡ መጽአ፡ ኢየሩሳሌም። ወአውዐየ፡ ቤተ፡ እግዚአብሔር፡ ወቤተ፡ ንጉሥኒ፡ ወኵሎ፡ አብያተ፡ ኢየሩሳሌም፡ ወአውዐየ፡ ሊቀ፡ መብስላኒሁ፡ ለንጉሥ ። ወነሠቱ፡ አረፍተ፡ ጥቅማ፡ ለኢየሩሳሌም፡ ሰራዊቶሙ፡ ለፋርስ። ወዘተረፈሂ፡ ሕዝብ፡ ውስተ፡ ሀገር፡ ወእለኒ፡ ሖሩ፡ ኀበ፡ ንጉሠ፡ ባቢሎን፡ ወባዕደኒ፡ ኵሎ፡ ዘተረፈ፡ እፍለሶሙ፡ ናቡዛርዳን፡ ሊቀ፡ መብስላን፡ ውስተ፡ ከራሜ፡ ወውስተ፡ ኤሬቢ። ወእምውስተ፡ ነዳያነ፡ ብሔር፡ አትረፈ፡ ሊቀ፡ መብስላን፡ ለዐጸደ፡ ወይን፡ ወለማሕረስ። ወአዕማደ፡ ብርትኒ፡ ዘቤተ፡ እግዚአብሔር፡ ወሜኬኖተ፡ ወባሕረ፡ ብርት፡ ዘቤተ፡ እግዚአብሔር፡ ሰበርዎ፡ ፋርስ፡ ወአእተውዎ፡ ብርቶ፡ ባቢሎን። ወጸሀርትኒ፡ ወኢያሚን፡ ወፍያላትኒ፡ ኵሎ፡ ንዋየ፡ ብርት፡ ዘቦቱ፡ ይገብሩ፡ ነሥኡ። ወመዓጥነ፡ ወፍያላተ፡ ወርቅ፡ ወዘብሩር፡ ነሥአ፡ ሊቀ፡ መብስላን። አዕማድ፡ ክልኤ፡ ወባሕር፡ አሐቲ፡ ወሜኬኖት፡ ዘገብረ፡ ሰሎሞን፡ ንጉሥ፡ ለቤተ፡ እግዚአብሔር፡ ወአልቦ፡ መድሎተ፡ ብርቱ። ፲ወ፰በእመት፡ ኑኁ፡ ለለ፩፡ ዐምድ፡ ወከታር፡ ዘብርት፡ መልዕልቱ፡ ወቆሙ፡ ለከታር፡ ፫በእመት፡ ወሰቃራር፡ ላዕለ፡ ከታር፡ ወ፩ኵሉ፡ ዘብርት፡ ወከማሁ፡ ዘካልኡኒ፡ ዐምድ፡ ወ፻ጽጌያት፡ ላዕለ፡ ሰባኬ፡ ዐውዱ። ወነሥኦ፡ ሊቀ፡ መብስላን፡ ለሴሬያ፡ ለዐቢይ፡ ካህን፡ ወሰፎንያስ፡ ወልዱ፡ ዘእምታሕቴሁ፡ ወለደላዊያን። ወነሥአ፡ እምውስተ፡ ሀገር፡ ፩ኅጽወ፡ መልአከ፡ ስረዊሆሙ፡ ለመስተቃትላን፡ ወ፮ዕደው፡ እምእለ፡ ይቀውሙ፡ ቅድመ፡ ንጉሥ፡ እለ፡ ተረክቡ፡ ውስተ፡ ሀገር፡ ወጻሓፊሁ፡ ለመልአክ፡ ስረዊሆሙ፡ ዘይኤዝዞሙ፡ ለአሕዛበ፡ ምድር፡ ወ፷ብእሲ፡ እምውስተ፡ አሕዛበ፡ ምድር፡ እለ፡ ተረክቡ፡ ውስተ፡ ሀገር። ወነሥኦሙ፡ ናቡዛርዳን፡ ሊቀ፡ መብስላን፡ ወወሰዶሙ፡ ኀበ፡ ንጉሠ፡ ባቢሎን፡ ዴብለታ። ወቀተሎሙ፡ ንጉሠ፡ ባቢሎን፡ በዴብለታ፡ በምድረ፡ ኤማት፡ ወአፍለሶሙ፡ ለይሁዳ፡ እምነ፡ ብሔሮሙ። ወለሕዝብሰ፡ እለ፡ ተርፉ፡ ውስተ፡ ብሔረ፡ ይሁዳ፡ እለ፡ አትረፈ፡ ናቡከደነጾር፡ ንጉሠ፡ ባቢሎን፡ ወሤሞ፡ ላዕሌሆሙ፡ ጎዶልያን፡ ወልደ፡ አኪቃም፡ ወልደ፡ ሳፍን። ወሰምዑ፡ ኵሎሙ፡ መላእክተ፡ ሰራዊቶሙ፡ ወአሕዛቢሆሙ፡ ከመ፡ ሤሞ፡ ንጉሠ፡ ባቢሎን፡ ለጎዶልያ፡ ወሖሩ፡ ኀበ፡ ጎዶልያ፡ ውስተ፡ መሴፋ፡ ወይስማኤል፡ ወልደ፡ ናታንዩ፡ ወዮሐናን፡ ወልደ፡ ቃሬሄ፡ ወሴሬያ፡ ወልደ፡ ቴንሄሜት፡ ፍትያዊ፡ ወዖዝንያስ፡ ወልደ፡ መካት፡ እሙንቱኒ፡ ምስለ፡ ሰብአሙ። ወመሐለ፡ ጎዶልያ፡ ሎሙ፡ ወለሰብኦሙ፡ ወይቤሎሙ፡ ኢትፍርሁ፡ እምነ፡ ፋርስ ፤ ንበሩ፡ ውስተ፡ ብሔር፡ ወተቀነዩ፡ ለንጉሠ፡ ባቢሎን፡ ወያሤኒ፡ ላዕሌክሙ። ወአመ፡ ሳብዕ፡ ወርኅ፡ መጽአ፡ ይስማዔል፡ ወልደ፡ ናታንዩ፡ ወልዶ፡ ኤልስማ፡ ወእምዘመደ፡ መንግሥት፡ ወ፲ዕደው፡ ምስሌሁ፡ ወቀተሎ፡ ለጎዶልያ፡ ወሞተ፡ ወለአይሁድኒ፡ ወለፋርስኒ፡ እለ፡ ሀለዉ፡ ምስሌሁ፡ ውስተ፡ መሴፋት። ወተንሥኡ፡ ኵሉ፡ ሕዝብ፡ ንኡሶሙ፡ ወዐቢዮሙ፡ ወመላእክተ፡ ሰራዊቶሙኒ፡ ወቦኡ፡ ብሔረ፡ ግብጽ፡ እስመ፡ ፈርህዎሙ፡ ለፋርስ። ወአመ፡ ፴ወ፯ዓመት፡ እምዘ፡ ፈለሰ፡ ኢዮአቄም፡ ንጉሠ፡ ይሁዳ፡ አመ፡ ዐሡሩ፡ ወስኑዩ፡ ለጽልመት፡ በዓሥር፡ ወርኅ፡ አክበሮ፡ ኤዌያል፡ ማርዴቅ፡ ንጉሠ፡ ባቢሎን፡ አመ፡ ፩ዓመተ፡ መንግሥቱ፡ አክባሮ፡ ለኢዮእቄም፡ ንጉሠ፡ ይሁዳ፡ ወአውፅኦ፡ እምነ፡ ቤተ፡ ሞቅሕ። ወተናገሮ፡ ሠናየ፡ ወአዕበየ፡ መንበሮ፡ እመናብርተ፡ ነገሥት፡ እለ፡ ምስሌሁ፡ ውስተ፡ ባቢሎን። ወአልበሶ፡ ሠናየ፡ አልባሰ፡ ወይመስሕ፡ ምስሌሁ፡ ዘልፈ። ወሲሳዮ፡ ኵሎ፡ አሚረ፡ ይነሥእ፡ እምነ፡ ቤተ፡ ንጉሥ፡ ወይሁብዎ፡ እንተ፡ ጸብሐት፡ በኵሉ፡ መዋዕለ፡ ሕይወቱ።