[1a]༄༅། །དཀར་ཆག་བཞུགས་སོ།།
[1b.1]༄༅། །བཔཱུརཱུཔཾམདྷྱེདྭིགཎཛལ་ནིདྷྱབྲྀཏརུཙིཾ།།
[1b.2]༄༅། །ཚོགས་གཉིས་རྒྱ་མཚོ་འཁྱིལ་པའི་དབུས་སུ་བལྟ་བས་མི་ངོམས་གཟུགས་ཀྱི་སྐུ། །
[2a.1]སུ མེ རུ ཤྲཱི དཱི པྟཾ ཀུ སུ མ ཛ ལ སི ཀྟཾ བྷ བཏྲྀ ཥུ། །
[2a.2]མཚན་དཔེའི་དཔལ་འབར་གསེར་གྱི་རི་དབང་གུར་གུམ་ཆབ་ཀྱིས་བཀྲུས་པ་ལ། །
[2b.1]པྲ བྷཱུ སྭ དྦུ ཉྫནྱཾྲྲྲྲྲ རུ ཙི ར མ ཡུ ཏེ རླེ པི ཏ ས མཾ། ཤིརཿ ཿརཿ ཤཱ ཀྱ ཤྲཻ ཥྛཾ བྷ བ ཏི ཛ ཡ ཀེ ཏྭ རྩྩི ཏ བ དཾ། །
[2b.2]ཉི་གཞོན་འབུམ་གྱིས་བྱུག་པ་བཞིན་དུ་སྲིད་པ་གསུམ་ན་ལྷང་ངེ་བ། །རྒྱལ་བའི་ཏོག་གྱུར་ཤཱཀྱའི་གཙོ་བོའི་ཞབས་ཀྱི་པད་མོ་སྤྱི་བོས་མཆོད།
[3a.1]༄༅།། ཐོག་མཐའ་དབུས་བྲལ་རང་བཞིན་དག་པའི་ཆོས་ཀྱི་དབྱིངས་སུ་རྣམ་ཀུན་ཡོངས་རྫོགས་ལྷུན་གྲུབ་སྐུ། །གཞན་རྐྱེན་མཚན་མའི་ཡུལ་ལས་རིང་སོང་མཆོག་ཏུ་མི་འགྱུར་བདེ་བ་ཆེན་པོའི་གནས་བརྙེས་པས། །ས་བཅུའི་དབང་ཕྱུག་རྒྱལ་སྲས་རྣམས་ངོར་ངེས་པ་ལྔ་ལྡན་
[3a.2]ཀུན་ནས་ལོངས་སྤྱོད་ཡོངས་རྫོགས་གཟུགས། །ཉི་དང་འོད་བཞིན་མཐའ་ཀླས་ཞིང་དུ་སྤྲུལ་པ་དང་བཅས་སྤྲོ་མཛད་བདེར་གཤེགས་རྣམས་ལ་འདུད། །ཡོད་མེད་ལ་སོགས་མཐའ་བརྒྱ་ལས་གྲོལ་བསམ་བརྗོད་ཡུལ་མིན་གཟོད་ནས་རབ་ཞིའི་དབྱིངས་དེ་དང་། །དྲི་མེད་ཡེ་ཤེས་
[3a.3]རྟོག་བྲལ་འོད་ཅན་དམིགས་པའི་མུན་པ་ཀུན་ནས་འཇོམས་བྱེད་ཉི་མ་ཆེ། །དེ་དག་ཉིད་ཀྱང་ངོ་བོ་རྒྱུ་རྐྱེན་འབྲས་བུའི་ཚུལ་གྱིས་བརྗོད་བྱར་གནས་པའི་ལུང་དང་བཅས༑ །སྲིད་པའི་རིམས་ནད་འཕྲོག་པའི་རྩི་ཆེན་དམ་པའི་ཆོས་ལ་རྟག་ཏུ་གུས་པས་བསྙེན་པར་བགྱི། །རང་གི་
[3a.4]དོན་ལ་རིང་ནས་སྨོད་ཅིང་གཞན་དོན་ཁོ་ན་རྟག་པར་ལྷུར་ལེན་འཁོར་བ་ན། །སྲིད་མཐའི་བར་དུ་སྒྱུ་མའི་རོལ་བས་དམ་པའི་དོན་སྤྱོད་སྙིང་སྟོབས་ཆེན་པོའི་གོ་ཆ་ཅན། །རིག་དང་གྲོལ་བའི་ཡོན་ཏན་གྱིས་མཛེས་རྒྱལ་བའི་མྱུ་གུ་བྱང་ཆུབ་གདུང་འཛིན་ཐམས་ཅད་དང་། །རང་རྒྱལ་
[3a.5]ཉན་ཐོས་ཞུགས་གནས་བརྒྱད་བཅས་ཐེག་པ་གསུམ་གྱི་འཕགས་ཚོགས་རྒྱ་མཚོ་སྤྱི་བོས་མཆོད། །ཛམྦུས་མཚན་པའི་གླིང་མཆོག་འདི་ན་ཐུབ་པའི་བསྟན་པ་ཉིན་མོར་བྱེད་པའི་དཔལ་འཛིན་པ། །གང་གི་གྲགས་པ་ཟླ་རིས་གསར་པས་སླར་ཡང་མཛེས་བྱས་མུན་པའི་བརྟུལ་
[3a.6]ཞུགས་ཅན་རྣམས་ཀྱང་། །སྣང་བ་དམ་པའི་གོ་འཕང་ལ་སྦྱོར་རྒྱན་དྲུག་ཆེ་བཞི་རྨད་བྱུང་གཉིས་སོགས་ཟླ་མེད་པའི། །གཙུག་ལག་མཆོག་གི་ཤིང་རྟ་ཆེ་རྣམས་ཞབས་ཀྱི་པདྨོ་བྱང་ཆུབ་བར་དུ་སྤྱི་བོས་བརྟེན། །མ་སྨད་བློ་གྲོས་ལང་ཚོ་བརྟས་པས་ལེགས་བཤད་ལྷ་མོའི་འཇོ་
[3b.1]སྒེག་ལ་ཆགས་རོལ་རྩེད་ཀྱིས། །ཡང་ཡང་བསྐུལ་བའི་རིག་ལམ་མང་པོའི་ཟུར་མིག་གཡོ་ལྡན་སྨྲ་བའི་དབང་ཕྱུག་དཔལ་བརྩེགས་སོགས། །རྒྱལ་བའི་གསུང་རབ་ཡིད་བཞིན་ནོར་མཆོག་གངས་ཅན་བརྡ་ཡི་གཟིང་གི་འཁྲུལ་འཁོར་ལ་བརྟེན་ནས། །ན་ཡོངས་སུ་དྲངས་མཛད་འཇིག་རྟེན་
[3b.2]མིག་རྣམས་ཚེ་རབས་ཀུན་ཏུ་བཀའ་དྲིན་དྲན་པས་ཕྱག་བགྱིར་འོས། །བློ་ལྡན་འགའ་ཞིག་གཙུག་ལག་རྒྱ་མཚོ་རྣམ་དཔྱོད་ཧུབ་ཀྱིས་ངོམས་པ་མེད་པར་བཏུང་བ་ཡིས། །དགོངས་འགྲེལ་བྱེད་པའི་ཉམས་སྟོབས་རྫོགས་པས་ལོག་སྨྲའི་དཔུང་ཚོགས་ཁེངས་པའི་ཡན་ལག་འཕྲོག་རྣམས་དང་། །
[3b.3]འགའ་ཞིག་ཐོས་དོན་མཉམ་པར་བཞག་པས་ཏིང་འཛིན་མང་པོར་འཇུག་དང་ལྡང་བའི་རྣལ་འབྱོར་ཅན། །རབ་འབྱམས་རྒྱ་མཚོའི་ཤཱཀྱའི་སྲས་ཀྱི་སློབ་མ་རྣམས་ལ་སྤྱི་བོས་བཏུད་ནས་ཕྱག་བགྱིའོ། །ཀི་ལཱ་ཤ་ཡི་ར་བས་ཡོངས་བསྐོར་གངས་ཅན་འདི་ན་ལྷ་ཡི་རིགས་འཁྲུངས་ས་སྐྱོང་བ། །དགེ་
[3b.4]བཅུའི་ཁྲིམས་ཀྱིས་སྐྱེ་དགུ་རབ་སྲུང་རྒྱལ་བའི་བསྟན་པ་མི་ནུབ་རྒྱལ་མཚན་ཆེ་དེ་ཡང་། །ཕྲག་པར་ཁྱེར་ནུས་གསང་བའི་བདག་པོའི་སྙིང་སྟོབས་གྱིས་བརླིངས་རྒྱལ་བའི་མྱུ་གུ་དེ་དག་ལ། །རབ་ཏུ་དང་བའི་ག་བུར་རྡུལ་གྱིས་ཀུན་ནས་བྲན་པའི་ཡིད་ཀྱིས་མོས་པ་གཅིག་ཏུ་ཕྱོགས། །གང་
[3b.5]ཞིག་དོན་ཀུན་གྲུབ་པ་ཐུགས་རྗེ་ཅན། །གང་གི་གསུང་གསང་མི་ཤིགས་རྡོ་རྗེའི་སྒྲ། །གང་ཡང་བརྗོད་པ་ཀུན་བྲལ་ཆོས་ཀྱི་སྒོ། །གང་དག་བསྡུ་བར་ནུས་པ་སུ་ཞིག་ཡོད། །འོན་ཏང་གདུལ་བྱའི་སྣོད་དུ་ཉེར་འཚམས་པའི། །ལེགས་གསུང་རོ་མཆོག་དགྲ་བཅོམ་ཆེ་རྣམས་དང་། །གསང་བ་
[3b.6]འཛིན་ཐུགས་གཞལ་བྱར་འོངས་པ་ལས། །འཛམ་གླིང་འདི་ན་འབྱམས་སུ་ཀླས་པར་བཞུགས། །དེ་ལས་བྱང་ཕྱོགས་འདི་ན་བསོད་ནམས་ཀྱི། །ཟོད་ཅན་སྐྱེས་བུའི་སྙིང་སྟོབས་ལྷན་ཅིག་ཏུ། །དུས་ལས་མི་ཡོལ་རྒྱལ་བའི་ཐུགས་རྗེའི་རླབས། །གཡོས་པས་གསུང་རབ་རིན་ཆེན་ཉུང་ཤས་
[3b.7]ལོན། །དེ་ཉིད་མི་ཟད་ཆོས་ཀྱི་དགའ་སྟོན་དུ། །བཀྱེ་སླད་པར་གྱི་འཁྲུལ་འཁོར་ལ་དྲངས་པའི། །དཀར་ཆག་མུ་ཀ་ཏི་ཀ་ལྟར་མཛེས་པའི་ཕྲེང་། །སྡེབ་ལེགས་ཚིག་གི་སྲད་བུར་བརྒྱུ་བར་བྱ། །དེ་ཡང་ཐོག་མར་བདག་ཅག་གི་སྟོན་པ་འདིས་ཆོས་ཀྱི་འཁོར་ལོ་བསྐོར་ཚུལ་བཀའ་བསྡུའི་བྱུང་
[4a.1]བ་དང་བཅས་པ། དེ་ལས་འཕགས་བོད་ཀྱི་ཡུལ་དུ་ཇི་ཙམ་ཕེབས་ཤིང་བསྟན་པ་དེ་བསྐྱངས་ཚུལ་དང་བཅས་པ། དེ་མིའི་དབང་པོས་ཇི་ལྟར་པར་དུ་བསྒྲུབས་པའི་ཚུལ། བཞུགས་བྱང་དཀར་ཆག་དངོས། དེའི་དགོས་ཆེད་ཕན་ཡོན་
[4a.2]བསྔོ་སྨོན་དང་བཅས་པ་སྟེ་སྐབས་ལྔ་རིམ་པ་བཞིན་དུ་གླེང་བར་བྱའོ། །དེ་ལས་དང་པོ་ཆོས་ཀྱི་འཁོར་ལོའི་རྣམ་གཞག་བཀའ་བསྡུའི་བྱུང་བ་དང་བཅས་པ་འཆད་པ་འདི་ལ། སྤྱིར་དམ་པའི་ཆོས་ངོས་གཟུང་བ། ཁྱད་པར་ལུང་གི་ཆོས་འཁོར་བསྐོར་ཚུལ། ཡང་
[4a.3]སྒོས་གསང་ཆེན་རྡོ་རྗེ་ཐེག་པའི་ཆོས་འཁོར་བསྐོར་ཚུལ། དེ་དག་བསྡུ་བ་པོ་རྣམས་ཀྱིས་སོ་སོར་བསྡུས་ཚུལ་ལོ། །དང་པོ་ནི། ངོ་བོའི་སྒོ་ནས་མདོར་བསྟན། ངེས་ཚིག་དང་དབྱེ་བའི་སྒོ་ནས་རྒྱས་པར་འཆད་པ་གཉིས་ལས། དང་པོ་ནི་བདག་ཅག་གི་སྟོན་
[4a.4]པ་རྣམ་འདྲེན་ཤཱཀྱའི་དབང་པོ་འདི་ཉིད་ཀྱིས་གྲངས་མེད་དཔག་ཏུ་མེད་པའི་བསྐལ་པ་རྒྱ་མཚོ་རྣམས་སུ་སངས་རྒྱས་ཀྱི་ཞིང་རྒྱུ་མཚོ་ཡོངས་སུ་སྦྱངས་ཤིང་སེམས་ཅན་རྒྱ་མཚོ་ཡོངས་སུ་སྨིན་པ་དང་། སྨོན་ལམ་རྒྱ་མཚོ་རབ་ཏུ་རྫོགས་པར་མཛད་ནས་ཇི་སྙེད་པའི་ཆོས་ཐམས་
[4a.5]ཅད་ལུས་པ་མེད་པའི་ཚུལ་གྱིས་ཇི་ལྟ་བར་མཁྱེན་ནས་མངོན་པར་བྱང་ཆུབ་སྟེ་གདུལ་བར་བྱ་བ་རྣམས་ལ་རྣམ་པ་ཐམས་ཅད་དུ་དམ་པའི་ཆོས་ཀྱི་འཁོར་ལོ་བསྐོར་བ་ནི་ཕྲིན་ལས་ཐམས་ཅད་ལས་ཀྱང་ཆེས་ཁྱད་པར་དུ་འཕགས་པ་ཡིན་ནོ། །དེ་ལ་དམ་པའི་ཆོས་ཞེས་བྱ་
[4a.6]བ་དེ་ཉིད་གང་ཞེ་ན། ཇི་སྐད་དུ། སྡུག་བསྔལ་དག་ནི་ཐམས་ཅད་དང་། །སྒྲིབ་ཀུན་སེལ་བྱེད་དམ་པའི་ཆོས། །ཞེས་པ་ལྟར། གང་ལ་ཚུལ་བཞིན་དམིགས་ན་ལུས་ཅན་རྣམས་ཀྱི་སྒྲིབ་པ་ཟད་པའི་ཐབས་སུ་གྱུར་པའི་རྣམ་དཀར་གྱི་ཡོན་ཏན་ཞིག་སྟེ།
[4a.7]འགོག་ལམ་གྱིས་བསྡུས་པའི་ཟག་མེད་ཀྱི་ཆོས་རྣམས་དང་ཚད་ལྡན་གྱི་བཀའ་བསྟན་བཅོས་རྣམས་ཡིན་ཞིང་དེའང་སྔ་མ་ནི་བརྗོད་བྱ་དང་། ཕྱི་མ་ནི་རྗོད་བྱེད་ཀྱི་ཚུལ་གྱིས་སོ། །གཉིས་པ་ནི། སྤྱིར་ཆོས་ཞེས་བྱ་བའི་སྒྲ་ནི། དོན་བཅུ་ལ་འཇུག་སྟེ། རྣམ་
[4b.1]བཤད་རིགས་པར། ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཚེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་འབྱུང་བ་ལྟར་ཆོས་ཀྱི་སྒྲ་ཤེས་བྱ་ལ་འཇུག་པ་ནི་དཔེར་ན་མདོ་ལས། ཆོས་
[4b.2]གང་ལ་ལ་འདུས་བྱས་སམ། འདུས་མ་བྱས་སམ། ཞེས་དང་། ཆོས་རྣམས་ཐམས་ཅད་དེ་འདྲར་ཤེས་པར་གྱིས། ཞེས་པ་ལ་སོགས་པ་ལྟ་བུའོ། །ལམ་ལ་འཇུག་པ་ནི། དགེ་སློང་དག་ལོག་པའི་ལྟ་བ་ནི་ཆོས་མ་ཡིན་ལ་ཡང་དག་པའི་ལྟ་བ་ནི་ཆོས་
[4b.3]ཡིན་ནོ། །ཞེས་པ་ལྟ་བུ་དང་། མྱང་འདས་ལ་འཇུག་པ་ཆོས་ལ་སྐྱབས་སུ་སོང་བ་ཞེས་པ་ལྟ་བུ། ཡིད་ཀྱི་ཡུལ་ལ་འཇུག་པ་ཆོས་ཀྱི་ཁམས་དང་ཆོས་ཀྱི་སྐྱེ་མཆེད་ཅེས་པ་ལྟ་བུ། བསོད་ནམས་ལ་འཇུག་པ། བཙུན་མོའི་འཁོར་དང་གཞོན་ནུ་མ་རྣམས་དང་ལྷན་
[4b.4]ཅིག་ཏུ་ཆོས་སྤྱོད། ཅེས་པ་ལྟ་བུ། ཚེ་ལ་འཇུག་པ། བྱིས་པ་ནི་མཐོང་བའི་ཆོས་གཅེས་པར་འཛིན་པ་ཡིན། ཞེས་པ་ལྟ་བུ། གསུང་རབ་ལ་འཇུག་པ། དགེ་སློང་ཆོས་ཤེས་པ་ནི། འདི་ལྟ་སྟེ། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་། ཞེས་
[4b.5]པ་ལྟ་བུ། འབྱུང་འགྱུར་ལ་འཇུག་པ། འདུ་བྱེད་ཀྱི་རྫས་རྣམས་ནི་དེའི་ཆོས་སོ། །ཞེས་དང་། ང་ཡང་འཆི་བའི་ཆོས་དང་འཆི་བའི་ཆོས་ཉིད་ལས་མ་འདས་སམ། ཞེས་པ་ལྟ་བུ། ངེས་པ་ལ་འཇུག་པ། དགེ་སྦྱོང་གི་ཆོས་བཞི་ཞེས་དང་། དགེ་སློང་དག་
[4b.6]སྲོག་གཅོད་པ་ནི་ཆོས་མ་ཡིན་ལ། སྲོག་གཅོད་པ་སྤོང་བ་ནི་ཆོས་ཡིན་ནོ། །ཞེས་སོགས་འབྱུང་བ་ལྟ་བུ། ལུགས་ལ་འཇུག་པ། ཡུལ་ཆོས་དང་རིགས་ཆོས་ལྟ་བུ་རྣམས་སོ། །ཡང་ན་ཆོས་ཀྱི་སྒྲ། ལེགས་བྱས་དང་། གཤིན་རྗེ་དང་། རིགས་པ་དང་།
[4b.7]རང་བཞིན་དང་། ཀུན་སྤྱོད་དང་། མྱ་ངན་ལས་འདས་པ་སྟེ་དོན་དྲུག་ལ་འཇུག་སྟེ། ཨ་མཱ་ར་ཀོ་ཥ་ལས། དྷརྨ་བསོད་ནམས་གཤིན་རྗེ་རིགས། །རང་བཞིན་སྤྱོད་དང་ཟླ་བའི་བཏུང་། །ཞེས་བཤད་པས་སོ། །དེ་དག་ལ་ཅིའི་ཕྱིར་ཆོས་ཞེས་བྱ་ཞེ་ན།
[5a.1]ཌུདྷཱྀ྅་འཛིན་པ་ལའོ་ཞེས་པའི་བྱིངས་ཀྱི་ནུས་པས་འཛིན་པའི་ཕྱིར་དྷརྨ་སྟེ་ཆོས་ཞེས་བྱའོ། །དེའང་འདོད་འཇོ་ལས་ཐམས་ཅད་འཛིན་པས་ན་ཆོས་སོ་ཞེས་འབྱུང་ངོ་། །འོ་ན་དེ་དག་གིས་ཅི་ཞིག་འཛིན་པ་ཡིན་ཞེ་ན། ཤེས་བྱ་
[5a.2]རྣམས་ཀྱིས་ནི་རང་དང་སྤྱིའི་མཚན་ཉིད་འཛིན་པ་སྟེ། དཔེར་ན་ས་ནི་སྲ་བའོ། །ཆུ་ནི་གཤེར་བའོ། །མེ་ནི་ཚ་བའོ། །རླུང་ནི་ཡང་ཞིང་གཡོ་བའོ། །ཞེས་པ་ལྟ་བུ་རང་མཚན་དང་། འདུས་བྱས་ཐམས་ཅད་ནི་མི་རྟག་པའོ། །ཟག་བཅས་ཐམས་ཅད་
[5a.3]ནི་སྡུག་བསྔལ་བའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བའོ། །ཞེས་པ་ལྟ་བུ་སྤྱི་མཚན་འཛིན་པ་དང་། ལམ་དང་མྱང་འདས་ནི་འཁོར་བར་ལྟུང་བ་ལས་འཛིན་པ་དང་། ཡིད་ཡུལ་གྱིས་ནི་ཡིད་འཛིན་པ་དང་། བསོད་
[5a.4]ནམས་ཀྱིས་ངན་འགྲོར་ལྟུང་བ་ལས་འཛིན་པ་དང་། ཚེའམ་སྲོག་གིས་ནི་ལུས་སམ་རིས་མཐུན་འཛིན་པ་དང་། གསུང་རབ་ཀྱིས་ནི་དོན་ཕྱིན་ཅི་མ་ལོག་པར་འཛིན་པ་དང་། འབྱུང་འགྱུར་གྱིས་འབྱུང་རྒྱུའི་ཆོས་དེ་འཛིན་པ་དང་། ངེས་པས་ངེས་པར་བྱ་
[5a.5]བའི་གཞི་འཛིན་པ་དང་། ལུགས་ཀྱིས་ནི་རང་དང་མཚུངས་པའི་སྤྱོད་པ་འཛིན་པ་དང་། རིགས་པས་ནི་འཁྲུལ་པའི་ཕྱོགས་ལས་འཛིན་པ་རྣམས་ཏེ་གཞན་ཡང་ཇི་ལྟར་མཐུན་མཐུན་དུ་སྦྱར་རོ། །དེ་ལྟར་ཆོས་དེ་དག་གི་ནང་ནས་ཆེས་ཁྱད་པར་དུ་འཕགས་པའི་ཆོས་
[5a.6]ནི་གོང་དུ་མཚན་ཉིད་བསྟན་ནས་ངོས་བཟུང་བའི་ཆོས་དེ་དག་ཡིན་ཞིང་། དེ་དག་ལ་ནི་དམ་པའི་ཆོས་ཞེས་བྱ་སྟེ། ཆོས་ཐམས་ཅད་ཀྱི་མཆོག་ཡིན་པས་སམ། དམ་པ་ཞེས་བྱ་བ་རྫོགས་པའི་སངས་རྒྱས། །ཆོས་ནི་དེས་བསྟན་པ་ཡིན་པས་སམ།
[5a.7]ཡང་ན་སྐྱེས་བུ་དམ་པ་རྣམས་ཀྱིས་སྤྱད་པར་བྱ་བའི་ཆོས་ཡིན་པའི་ཕྱིར་དེ་སྐད་ཅེས་བྱའོ། །དམ་པའི་ཆོས་དེ་ལ་དབྱེ་ན་བརྗོད་བྱ་རྟོགས་པའི་དམ་པའི་ཆོས་དང་། རྗོད་བྱེད་ལུང་གི་དམ་པའི་ཆོས་གཉིས་ཏེ། མཛོད་ལས། སྟོན་པའི་དམ་ཆོས་རྣམ་
[5b.1]གཉིས་ཏེ། །ལུང་དང་རྟོགས་པའི་བདག་ཉིད་དོ། །ཞེས་སོ། །དེ་ལ་རྟོགས་པའི་དམ་པའི་ཆོས་ཀྱང་གཉིས་ཏེ། སྐྱེས་བུ་དམ་པ་རྣམས་གང་དུ་འགྲོ་བའི་འགོག་བདེན། བསམ་པའི་ཡུལ་ལས་འདས་པའི་ཞི་བ་ཆེན་པོ། གཉིས་སུ་མེད་པའི་
[5b.2]མཚན་ཉིད་ཅན་རྟོགས་པའི་སྟོབས་ཀྱིས་ཐོབ་པ་དང་། གང་གིས་འགྲོ་བའི་ལམ་བདེན་དྲི་མ་དག་ཅིང་རང་བཞིན་གྱིས་འོད་གསལ་བ། སྒྲིབ་པའི་གཉེན་པོར་གྱུར་པའི་ཟག་མེད་ཀྱི་ཡེ་ཤེས་འཁོར་བཅས་རྟོགས་པའི་ངོ་བོར་གྱུར་པའོ། །དེའང་སྔ་མ་ནི་འཕགས་
[5b.3]བཞིའི་ཐུགས་རྒྱུད་ཀྱི་གཉེན་པོས་སྤང་བྱ་སྤངས་པའི་ཆགས་བྲལ་ཉིད་ཀྱི་ངོ་བོ་དང་། ཕྱི་མ་ནི་གང་གིས་ཆགས་པ་དང་བྲལ་བར་བྱེད་པའི་གཉེན་པོའི་རང་བཞིན་ཉིད་དེ། འདི་དག་གི་ཚུལ་རྒྱུད་བླ་མ་ལས། བསམ་མེད་གཉིས་མེད་རྟོག་མེད་པ། །
[5b.4]དག་གསལ་གཉེན་པོའི་ཕྱོགས་ཉིད་ཀྱིས། །གང་ཞིག་གང་གིས་ཆགས་བྲལ་བ། །བདེན་གཉིས་མཚན་ཉིད་ཅན་དེ་ཆོས། །ཆགས་བྲལ་ཉིད་ནི་འགོག་པ་དང་། །ལམ་གྱི་བདེན་པ་དག་གིས་བསྡུས། །གོ་རིམ་ཇི་བཞིན་དེ་དག་ཀྱང་། །ཡོན་
[5b.5]ཏན་གསུམ་གསུམ་གྱིས་རིག་བྱ། །བརྟག་མིན་ཕྱིར་དང་བརྗོད་མིན་ཕྱིར། །འཕགས་པས་མཁྱེན་ཕྱིར་བསམ་མེད་ཉིད། །ཞི་ཉིད་གཉིས་མེད་རྟོག་མེད་དེ། །དག་སོགས་གསུམ་ནི་ཉི་བཞིན་ནོ། །ཞེས་པ་ལྟར་རོ། །ལུང་གི་དམ་པའི་ཆོས་ཀྱང་
[5b.6]ངོ་བོའི་སྒོ་ནས་དབྱེ་ན་ལེགས་པར་གསུངས་པའི་བཀའ་དང་། བཀའི་དགོངས་པ་འགྲེལ་བའི་བསྟན་བཅོས་གཉིས་ཏེ། ལྷའི་བུས་ཞུས་པའི་མདོ་ལས། ཆོས་རྣམས་ཐམས་ཅད་བཀའ་དང་བསྟན་བཅོས་གཉིས་སུ་འདུས། །ལེགས་པར་གསུངས་
[5b.7]དང་དེ་ཡི་དགོངས་འགྲེལ་བ། །ཞེས་གསུངས་སོ། དེ་ལས་དང་པོ་བཀའ་ནི་རྒྱུད་བླ་མ་ལས། གང་ཞིག་དོན་ལྡན་ཆོས་དང་ཉེར་འབྲེལ་ཞིང་། །ཁམས་གསུམ་ཀུན་ནས་ཉོན་མོངས་སྤོང་བྱེད་གསུངས། །ཞི་བའི་ཕན་ཡོན་སྟོན་པར་མཛད་པ་གང་། །
[6a.1]དེ་ནི་དྲང་སྲོང་གསུང་ཡིན་བཟློག་པ་གཞན། །ཞེས་པ་ལྟར། བརྗོད་བྱ་དོན་ལྡན་གི་ཆོས་དང་ཉེ་བར་འབྲེལ་ཞིང་། བྱེད་ལས་ཁམས་གསུམ་གྱི་ཉོན་མོངས་སྤོང་བའི་ཐབས་སུ་གྱུར་པ། འབྲས་བུ་མྱ་ངན་ལས་འདས་པ་ཞི་བའི་
[6a.2]ཕྱོགས་སུ་གཞོལ་ཞིང་འབབ་པའི་ངག །བདག་རྐྱེན་གཙོ་བོར་རྫོགས་པའི་སངས་རྒྱས་ལ་བརྟེན་ནས་བྱུང་བའོ། །ཡང་ན་འོད་ལྡན་ལས། བསླབ་པ་གསུམ་ནི་རབ་སྟོན་ཞིང་། །ཕྱག་རྒྱ་གསུམ་དང་ཡང་དག་ལྡན། །ཐོག་མ་བར་དང་མཐར་དགེ་
[6a.3]བ། །སངས་རྒྱས་གསུང་དུ་མཁས་པས་རྟོགས། །ཞེས་གསུངས་པ་ལྟར་རོ། དེའང་ངེས་ཚིག་གི་དབང་དུ་བྱས་ན། སུ་བྷཱཥི་ཏ། ཞེས་ལེགས་པར་གསུངས་པ་སྟེ། རྣམ་བཤད་རིགས་པར་དེ་ལ་ཕྱིན་ཅི་མ་ལོག་པར་ཡང་དག་པར་
[6a.4]གསུངས་པའི་ཕྱིར་ལེགས་པར་གསུངས་པའོ། །ཞེས་སོ། དེའང་ཇི་ལྟ་བུར་ལེགས་པར་གསུངས་སྙམ་ན། དེ་ཉིད་ལས། ཇི་ལྟར་ན་ལེགས་པར་གསུངས་པ་ཡིན་ཞེ་ན། རྣམ་པ་བཅུ་དག་གིས་སྟེ། ཡང་དག་པར་བསླང་བ་ཉིད་ཀྱིས་དང་།
[6a.5]དབང་དུ་མཛད་པ་ཉིད་ཀྱིས་དང་། འཇུག་པ་ཉིད་ཀྱིས་དང་། རབ་ཏུ་བསྟན་པ་ཉིད་ཀྱིས་དང་། རབ་ཏུ་དབྱེ་བ་ཉིད་ཀྱིས་དང་། རྟེན་ཉིད་ཀྱིས་དང་། གོ་བར་མཛད་པ་ཉིད་ཀྱིས་དང་། གདགས་པ་ཉིད་ཀྱིས་དང་། དུས་ཉིད་ཀྱིས་དང་། ཡོན་
[6a.6]ཏན་ཡོངས་སུ་འཛིན་པ་ཉིད་ཀྱིས་སོ། །ཞེས་བསྟན་པ་སྟེ། དེའང་རིམ་པ་བཞིན་ཡང་དག་པར་མངོན་པར་རྫོགས་པར་སངས་རྒྱས་ནས་གསུངས་པའི་ཕྱིར་དང་། སེམས་ཅན་ཐམས་ཅད་ཀྱི་དབང་དུ་མཛད་པའི་ཕྱིར་དང་། རེས་འགའ་བ་མ་ཡིན་
[6a.7]པར་རྒྱུན་དུ་གསུངས་པའི་ཕྱིར་དང་། སློབ་དཔོན་གྱི་དཔེ་མཁྱུད་མི་མངའ་བའི་ཕྱིར་དང་། སེམས་ཅན་གྱི་བསམ་པ་ཇི་ལྟ་བ་བཞིན་དུ་གསུངས་པའི་ཕྱིར་དང་། དབྱངས་ཀྱི་ཡན་ལག་ལྔ་དང་ལྡན་པར་གསུངས་པའི་ཕྱིར་དང་། དབྱངས་གཅིག་
[6b.1]གིས་འཇིག་རྟེན་མཐའ་ཡས་ཁྱབ་པར་མཛད་པའི་ཕྱིར་རམ། །འཁོར་གྱི་དཀྱིལ་འཁོར་ཇི་སྙེད་པས་གོ་བར་མཛད་དེ་གསུངས་པའི་ཕྱིར་དང་། མཐའ་གཉིས་སྤངས་པའི་ལམ་གསུངས་པའི་ཕྱིར་དང་། གདུལ་བྱ་ཡོངས་སུ་སྨིན་པ་རྣམས་ལ་གསུངས་པའི་
[6b.2]ཕྱིར་དང་། ཡོན་ཏན་དྲུག་ཅུ་དང་ལྡན་པ་རྣམས་ལ་གསུངས་པའི་ཕྱིར་རོ། །དེ་ལ་དབྱངས་ཀྱི་ཡན་ལག་ལྔ་ནི། འབྲུག་སྒྲ་ལྟར་ཟབ་པ་དང་། སྙན་ཅིང་འཇེབས་ལ་རྣར་སྙན་པ་དང་། ཡིད་དུ་འོང་ཞིང་དགའ་བར་བྱེད་པ་དང་། རྣམ་པར་གསལ་ཞིང་རྣམ་
[6b.3]པར་རིག་པར་བྱེད་པ་དང་། མཉན་པར་འོས་ཤིང་མི་མཐུན་པ་མེད་པ་རྣམས་ཏེ། དེ་དག་ལ་རྒྱ་ཆེ་བ་ལ་སོགས་པའི་ཡོན་ཏན་ལྔ་ཡོད་པས། མཉན་པ་ལ་སོགས་པའི་བྱ་བ་ལྔ་བྱེད་པ། ཇི་སྐད་དུ། སློབ་དཔོན་དབྱིག་གཉེན་གྱིས། ཡོན་ཏན་ལྔ་
[6b.4]ནི་རྒྱ་ཆེན་དང་། །སྙན་དང་རིགས་དོན་ལྡན་ཉིད་དང་། །གཟུང་སླ་སྣ་ཚོགས་ཅི་འདོད་ཉིད། །འདི་དག་ལྔ་ཡི་ཡན་ལག་སྟེ། །མཉན་དང་རྣམ་པར་མི་གཡེང་དང་། །རྣམ་གྲོལ་ཁོང་དུ་ཆུད་པ་དང་། །སྨིན་པར་བྱེད་པ་ཡིན་ཏེ་དེས། །ཐུབ་ཆེན་
[6b.5]གསུང་ནི་ཡན་ལག་ལྔ། །ཞེས་ལེགས་པར་བཤད་དོ། །གསུང་གི་ཡོན་ཏན་དྲུག་ཅུ་ནི། དེ་བཞིན་གཤེགས་པའི་གསང་བའི་མདོ་ལས་འབྱུང་བ་ཐུབ་པ་དགོངས་རྒྱན་དུ་འདི་ལྟར་འབྱུང་སྟེ། མཉེན་པ་ནི་སེམས་ཅན་གྱི་ཁམས་ལ་དགེ་བའི་རྩ་བ་
[6b.6]སྟོན་པར་བྱེད་པའི་ཕྱིར་རོ། །འཇམ་པ་ནི་མཐོང་བའི་ཆོས་ཁོ་ན་ལ་བདེ་བ་ལ་རེག་པར་བྱེད་པ་ཉིད་ཀྱི་ཕྱིར་རོ། །ཡིད་དུ་འོང་བ་ནི་དོན་བཟང་བ་ཉིད་ཀྱི་ཕྱིར་རོ། །ཡིད་དུ་འང་། མ་ནི་ཡི་གེ་བཟང་བ་ཉིད་ཀྱི་ཕྱིར་རོ། །དག་པ་ནི་འཇིག་རྟེན་ལས་འདས་པ་བླ་
[6b.7]ན་མེད་པའི་རྗེས་ལ་ཐོབ་པའི་ཕྱིར་རོ། །དྲི་མ་མེད་པ་ཉིད་ནི་ཉོན་མོངས་པའི་བག་ལ་ཉལ་དང་། བག་ཆགས་ཐམས་ཅད་དང་བྲལ་བ་ཉིད་ཀྱི་ཕྱིར་རོ། །གསལ་བ་ནི་ཚིག་དང་ཡི་གེ་སོ་སོར་གྲགས་པ་ཉིད་ཀྱི་ཕྱིར་རོ། །སྙན་ཞིང་འཇེབས་པ་ནི། མུ་སྟེགས་
[7a.1]ཅན་བློ་གྲོས་ངན་པ་ཅན་ཐམས་ཅད་ཀྱི་ལྟ་བ་འཇོམས་པའི་སྟོབས་ཀྱི་ཡོན་ཏན་དང་ལྡན་པའི་ཕྱིར་རོ། །མཉན་པར་འོས་པ་ནི་སྒྲུབ་པས་ངེས་པར་འབྱུང་བའི་ཕྱིར་རོ། །མི་ཚུགས་པ་ནི་ཕ་རོལ་གྱི་སྨྲ་བ་པོ་ཐམས་ཅད་ཀྱིས་དཔྱས་པར་བྱ་བ་མ་
[7a.2]ཡིན་པ་ཉིད་ཀྱི་ཕྱིར་རོ། །སྙན་པ་ནི་དགའ་བར་བྱེད་པ་ཉིད་ཀྱི་ཕྱིར་རོ། །འདུལ་བ་ནི་འདོད་ཆགས་ཀྱི་གཉེན་པོ་ཉིད་ཀྱི་ཕྱིར་རོ། །མི་རྩུབ་པ་ནི་བསླབ་པ་བཅའ་བའི་བདེ་བའི་ཐབས་ཉིད་ཀྱི་ཕྱིར་རོ། །མི་བརླང་བ་ནི་དེ་ལས་འདས་པ་ན་ཡང་དག་པར་ངེས་པར་འབྱུང་བ་ཉེ་བར་
[7a.3]སྟོན་པ་ཉིད་ཀྱི་ཕྱིར་རོ། །རབ་ཏུ་དུལ་བ་ནི་ཐེག་པ་གསུམ་གྱིས་འདུ་བ་ཉེ་བར་སྟོན་པ་ཉིད་ཀྱི་ཕྱིར་རོ། །རྣ་བར་སྙན་པ་ནི་རྣམ་པར་གཡེང་བའི་གཉེན་པོ་ཉིད་ཀྱི་ཕྱིར་རོ༑ །ལུས་ཚིམ་པར་བྱེད་པ་ནི་ཏིང་ངེ་འཛིན་སྐྱེད་པར་བྱེད་པ་ཉིད་ཀྱི་ཕྱིར་རོ། །སེམས་ཚིམ་པར་བྱེད་པ་ནི་
[7a.4]ལྷག་མཐོང་གི་རབ་ཏུ་དགའ་བ་སྐྱེད་པར་བྱེད་པ་ཉིད་ཀྱི་ཕྱིར་རོ། །སྙིང་དགའ་བར་བྱེད་པ་ནི་ཐེ་ཚོམ་གཅོད་པར་བྱེད་པ་ཉིད་ཀྱི་ཕྱིར་རོ། །དགའ་བ་དང་བདེ་བ་བསྐྱེད་པ་ནི་ལོག་པར་ངེས་པ་སེལ་བའི་ཕྱིར་རོ། །ཡོངས་སུ་གདུལ་བ་མེད་པ་ནི་སྒྲུབ་པ་པོ་འགྱོད་པ་མེད་པའི་
[7a.5]ཕྱིར་རོ། །ཀུན་ཏུ་ཤེས་པར་བྱ་བ་ནི་ཐོས་པ་ལས་བྱུང་བའི་ཤེས་པ་ཕུན་སུམ་ཚོགས་པའི་རྟེན་ཉིད་ཀྱི་ཕྱིར་རོ། །རྣམ་པར་རིག་པར་བྱ་བ་ནི་བསམ་པ་ལས་བྱུང་བའི་ཤེས་པ་ཕུན་སུམ་ཚོགས་པའི་རྟེན་ཉིད་ཀྱི་ཕྱིར་རོ། །རྣམ་པར་གསལ་བ་ནི་སློབ་དཔོན་གྱི་དཔེ་
[7a.6]མཁྱུད་མེད་པར་ཆོས་སྟོན་པའི་ཕྱིར་རོ། །དགའ་བར་བྱ་བ་ནི་རང་གི་དོན་རྗེས་སུ་ཐོབ་པ་རྣམས་དགའ་བར་བྱེད་པ་ཉིད་ཀྱི་ཕྱིར་རོ། །མངོན་པར་དགའ་བར་འོས་པ་ནི་རང་གི་དོན་རྗེས་སུ་ཐོབ་པ་རྣམས་ཀྱིས་སྤྲོས་པར་བྱ་བ་ཉིད་ཀྱི་ཕྱིར་རོ། །ཀུན་ཤེས་པར་བྱ་བར་
[7a.7]གཞུག་ཏུ་འོས་པ་ནི་བསམ་གྱིས་མི་ཁྱབ་པའི་ཆོས་ཡང་དག་པར་སྟོན་པ་ཉིད་ཀྱིས་ཕྱིར་རོ། །རྣམ་པར་རིག་པར་བྱ་བ་གཞུག་ཏུ་འོས་པ་ནི་བསམ་པར་བྱ་བའི་ཆོས་ཡང་དག་པར་སྟོན་པ་ཉིད་ཀྱི་ཕྱིར་རོ། །རིགས་པ་ནི་ཚད་མ་དང་མི་འགལ་བའི་ཕྱིར་རོ། །འབྲེལ་པ་ནི་ཇི་ལྟར་
[7b.1]འོས་པ་གདུལ་བྱ་ལ་སྟོན་པ་ཉིད་ཀྱི་ཕྱིར་རོ། །ཟློས་པའི་སྐྱོན་མེད་པ་ནི་འབྲས་བུ་མེད་པ་མ་ཡིན་པའི་ཕྱིར་རོ། །སེང་གེའི་སྒྲའི་ཤུགས་ནི་མུ་སྟེགས་ཅན་གྱི་ཚོགས་ཐམས་ཅད་སྐྲག་པར་བྱེད་པའི་ཕྱིར་རོ། །གླང་པོ་ཆེའི་སྒྲ་སྐད་ནི་རྒྱ་ཆེ་བ་ཉིད་ཀྱི་ཕྱིར་རོ། །འབྲུག་གི་སྒྲ་དབྱངས་ནི་
[7b.2]ཟབ་པ་ཉིད་ཀྱི་ཕྱིར་རོ། །ཀླུའི་དབང་པོའི་སྒྲ་དབྱངས་ནི་གཟུང་བར་འོས་པ་ཉིད་ཀྱི་ཕྱིར་རོ། །དྲི་ཟའི་གླུ་དབྱངས་ནི་སྙན་པ་ཉིད་ཀྱི་ཕྱིར་རོ། །ཀ་ལ་པིངྐའི་སྒྲ་དབྱངས་ནི་རྒྱུན་མི་འཆད་པ་དང་འཇིག་པའི་ཕྱིར་རོ། །ཚངས་པའི་སྒྲ་དབྱངས་བསྒྲགས་པ་ནི་ཐག་རིང་པོར་གྲགས་པ་ཉིད་ཀྱི་ཕྱིར་
[7b.3]རོ། །ཤང་ཤང་ཏེའུའི་སྒྲ་དབྱངས་སུ་གྲགས་པ་ནི་གྲུབ་པ་ཐམས་ཅད་ལ་བཀྲ་ཤིས་པ་ཉིད་ཀྱིས་སྔོན་དུ་འགྲོ་བ་ཉིད་ཀྱི་ཕྱིར་རོ། །དེ་ལ་སྒྲ་བཟུང་བ་ནི་དོན་རྟོགས་པར་བྱེད་པའི་མཚན་ཉིད་ཅན་གྱི་སྒྲ་རྟོགས་པར་བྱ་བའི་དོན་དུའོ། །དབྱངས་བཟུང་བ་ནི་ཐག་རིང་པོར་དེ་དང་དེའི་བརྡ་རྟོགས་
[7b.4]པར་བྱེད་པའི་དོན་ཏོ། །གྲགས་པ་བཟུང་བ་ནི་དེ་དང་དེའི་དབྱངས་ཀྱི་བརྡ་རྗེས་སུ་སྟོན་པར་རྟོགས་པར་བྱེད་པའི་དོན་ཏོ། །ལྷའི་དབང་པོའི་དབྱངས་ལྟར་སྙན་པ་ནི་འདའ་བར་བྱ་བ་མ་ཡིན་པའི་ཕྱིར་རོ། །རྔའི་སྒྲ་ནི་བདུད་དང་གླགས་ཚོལ་བ་ཐམས་ཅད་ལས་རྒྱལ་བའི་སྔོན་དུ་འགྲོ་བ་ཉིད་ཀྱི་ཕྱིར་རོ། །མ་ཁེངས་
[7b.5]པ་ནི་བསྟོད་པས་ཀུན་ནས་ཉོན་མོངས་པ་མེད་པའི་ཕྱིར་རོ། །མི་དམའ་པ་ནི་ཀུན་ནས་ཉོན་མོངས་པ་མེད་པ་ཉིད་ཀྱི་ཕྱིར་རོ། །སྒྲ་ཐམས་ཅད་ཀྱི་རྗེས་སུ་ཞུགས་པ་ནི་ལུང་སྟོན་པ་ཐམས་ཅད་ལ་མཚན་ཉིད་རྣམ་པ་ཐམས་ཅད་ལ་རྗེས་སུ་ཞུགས་པ་ཉིད་ཀྱི་ཕྱིར་རོ། །སྒྲ་ཟུར་བཅག་པ་མེད་པ་ནི་དྲན་པ་
[7b.6]ཉམས་པས་དེ་མི་གསུང་བའི་ཕྱིར་རོ། །མ་ཚང་བ་མེད་པ་ནི་གདུལ་བྱའི་བྱ་བ་རྣམས་ལ་དུས་ཐམས་ཅད་དུ་ཉེ་བར་གནས་པའི་ཕྱིར་རོ། །མ་ཞུམ་པ་ནི་རྙེད་པ་དང་བཀུར་སྟི་ལ་མ་བརྟེན་པ་ཉིད་ཀྱི་ཕྱིར་རོ། །མ་ཞན་པ་ནི་འཇིགས་པ་དང་བྲལ་བ་ཉིད་ཀྱི་ཕྱིར་རོ། །རབ་ཏུ་དགའ་བ་ནི་མི་སྐྱོ་བའི་ཕྱིར་རོ། །ཁྱབ་པ་ནི་
[7b.7]རིག་པའི་གནས་ཐམས་ཅད་མཁས་པ་དང་ལྡན་པ་ཉིད་ཀྱི་ཕྱིར་རོ། །ཆུབ་པ་ནི་སེམས་ཅན་རྣམས་ཀྱི་དེའི་དོན་ཐམས་ཅད་ཕུན་སུམ་ཚོགས་པར་བྱེད་པ་ཉིད་ཀྱི་ཕྱིར་རོ། །རྒྱུན་ཆགས་པ་ནི་རྒྱུན་མི་འཆད་པ་ཉིད་ཀྱི་ཕྱིར་རོ། །འབྲེལ་པ་ནི་རྣམ་པ་སྣ་ཚོགས་སུ་ཉེ་བར་གནས་པ་ཉིད་ཀྱི་ཕྱིར་རོ། །
[8a.1]སྒྲ་ཐམས་ཅད་རྫོགས་པར་བྱེད་པ་ནི་སྒྲ་གཅིག་ལས་སྒྲའི་རྣམ་པར་རིག་པ་དུ་མ་ཉེ་བར་གནས་པའི་ཕྱིར་རོ། །དབང་པོ་ཐམས་ཅད་ཚིམ་པར་བྱེད་པ་ནི་གཅིག་ལས་དོན་དུ་མའི་རྣམ་པར་རིག་པ་ཉེ་བར་གནས་པའི་ཕྱིར་རོ། །མ་སྨད་པ་ནི་དམ་བཅའ་བ་ཇི་ལྟ་བ་བཞིན་པའི་ཕྱིར་རོ། །
[8a.2]མི་འགྱུར་བ་ནི་དུས་ལ་བབ་པར་རབ་ཏུ་སྦྱོར་བའི་ཕྱིར་རོ། །མ་བརྟབས་པ་ནི་རྟབ་རྟབ་པོར་མི་གསུང་བའི་ཕྱིར་རོ། །འཁོར་ཡུག་ཀུན་ཏུ་གྲག་པ་ནི་རིང་བ་དང་། ཉེ་བའི་འཁོར་དུ་མཚུངས་པར་ཐོས་པ་ཉིད་ཀྱི་ཕྱིར་རོ། །རྣམ་པ་ཐམས་ཅད་ཀྱི་མཆོག་དང་ལྡན་པ་ནི་འཇིག་རྟེན་པའི་དོན་ཐམས་ཅད་
[8a.3]དཔེའི་ཆོས་སུ་བསྒྱུར་བ་ཉིད་ཀྱི་ཕྱིར་རོ། །ཞེས་སོ། །ཡང་ན་ལེགས་པར་གསུངས་པ་ནི། མདོ་ལས། དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ།
[8a.4]ཡོངས་སུ་བྱང་བ། ཞེས་གསུངས་པའི་ཚུལ་གྱིས་ཏེ། དེའང་སློབ་དཔོན་ཐོགས་མེད་ཀྱིས། ཐོག་མར་དགེ་བ་ནི་ཉན་པ་རྣམས་རབ་ཏུ་དགའ་བ་བསྐྱེད་པའོ། །བར་དུ་དགེ་བ་ནི་རབ་ཏུ་སྦྱོར་བ་རྣམས་ཚེགས་ཆུང་ངུས་མཐའ་གཉིས་རྣམ་པ་སྤངས་པ་དབུ་མའི་ལམ་ལ་ཡང་དག་པར་བརྟེན་
[8a.5]པའོ། །ཐ་མར་དགེ་བ་ནི་ཤིན་ཏུ་དྲི་མ་མེད་པ་དང་། ཤིན་ཏུ་མཐར་ཕྱིན་པའི་ཕྱིར་དང་། ཐམས་ཅད་ལ་འདོད་ཆགས་དང་བྲལ་བ་དང་། ཤིན་ཏུ་འདོད་ཆགས་དང་བྲལ་བའི་མཐར་གྱུར་པའི་ཕྱིར་རོ། །དོན་བཟང་པོ་ནི་ཕན་པ་དང་བདེ་བ་དང་ལྡན་པའི་ཕྱིར་རོ། །ཚིག་འབྲུ་བཟང་
[8a.6]པོ་ནི་མིང་གི་ཚོགས་ལ་སོགས་པར་ལེགས་པར་སྦྱར་བ་དང་། ཚིག་ཏུ་འདོན་པ་ཟུར་ཕྱིན་པ་དང་ལྡན་པའོ། །མ་འདྲེས་པ་ནི་འདི་ལས་ཕྱི་རོལ་པ་རྣམས་དང་ཐུན་མོང་མ་ཡིན་པའོ། །ཡོངས་སུ་རྫོགས་པ་ནི་ཚད་མེད་པའི་ཕྱིར་ཐམས་ཅད་ཀྱི་མཆོག་ཏུ་བྱུང་བའོ། །ཡོངས་སུ་དག་པ་
[8a.7]ནི་རང་བཞིན་རྣམ་པར་གྲོལ་བའོ། །ཡོངས་སུ་བྱང་བ་ནི་རྒྱུད་རྣམ་པར་གྲོལ་བའོ། །ཞེས་སོ། །གཞན་ཡང་མདོ་ལས། བཅོམ་ལྡན་འདས་ཀྱི་ཆོས་ནི་ལེགས་པར་གསུངས་པ་ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་གཏོད་པ། འདི་མཐོང་བ་ལ་དོན་ཡོད་
[8b.1]པ། མཁས་པ་རྣམས་ཀྱི་རང་གིས་རིག་པར་བྱ་བའོ། །ཞེས་དང་། དགེ་སློང་དག་ངའི་ཆོས་ནི་ལེགས་པར་གསུངས་པ། གསལ་བ། ཕྱེ་བ། རྒྱུ་བ། བཅད་པ། ལྷ་དང་མིའི་བར་དག་ལ་ཡང་དག་པར་ཤིན་ཏུ་བསྟན་པའོ་ཞེས་གསུངས་པ་རྣམས་ཀྱང་དབྱིག་གཉེན་གྱིས་
[8b.2]རྣམ་བཤད་རིགས་པ་ལས་ལེགས་པར་གསུངས་པ་ཞེས་མདོར་བསྟན་ནས་ཡན་ལག་ཕྱི་མ་རྣམས་དེའི་ཚུལ་རྒྱས་པར་བཤད་པ་ཡིན་པར་གསུངས་སོ། །དེ་ལྟ་བུའི་གསུང་རབ་ལ་དབྱེ་སྒོ་དུ་མ་ཡོད་པ་ལས་བདག་རྐྱེན་གྱི་སྒོ་ནས་དབྱེ་ན་གསུམ་སྟེ། ཞལ་ནས་གསུངས་པའི་བཀའ་དང་།
[8b.3]བྱིན་གྱིས་བརླབས་པའི་བཀའ་དང་། རྗེས་སུ་གནང་བའི་བཀའོ། །དང་པོ་ནི་མདོ་སྡུད་པ་ལྟ་བུ་བཅོམ་ལྡན་འདས་ཉིད་ཀྱིས་ཞལ་ནས་གསུངས་པའི་ཚུལ་བསྟན་པ་དང་། གཉིས་པ་ནི་སྐུ་གསུང་ཐུགས་བྱིན་གྱིས་བརླབས་པ་གསུམ་སྟེ། སློབ་དཔོན་སེང་གེ་བཟང་པོས། འདི་ན་ལ་
[8b.4]ལར་ནི། དེ་བཞིན་གཤེགས་པ་རྣམས་ཀྱི་སྐུའི་མཛད་པའི་བདག་ཉིད་ཅན་ཕྱག་ལ་སོགས་པས་བྱིན་གྱིས་རློབ་སྟེ། དཔེར་ན་ས་བཅུ་བ་ལ་སོགས་པའི་མདོ་སྟོན་པར་མཛད་པ་ལྟ་བུའོ། །ལ་ལར་ནི་གསུང་གིས་བྱིན་གྱི་རློབ་སྟེ། དཔེར་ན་མ་སྐྱེས་དགྲའི་འགྱོད་པ་བསལ་བའི་མདོ་ལ་སོགས་
[8b.5]པ་ལྟ་བུའོ། །ལ་ལར་ནི་ཐུགས་ཀྱིས་བྱིན་གྱིས་རློབ་སྟེ། དཔེར་ན་ཀུན་ཏུ་བཟང་པོའི་སྤྱོད་པ་སྟོན་པའི་མདོ་ལ་སོགས་པ་ལྟ་བུའོ། །ཞེས་བཤད་པ་ལྟར་དང་། གསུམ་པ་ནི། བཀའ་བསྡུ་བ་པོ་རྣམས་ཀྱིས། མགོར་གླེང་གཞི། བར་དུ་མཚམས་སྦྱོར། མཐར་མཐུན་འགྱུར་
[8b.6]ལ་སོགས་པ་བཀོད་པ་རྣམས་ཏེ། སྙིང་རྗེ་ཆེན་པོ་པད་དཀར་ལས། ཀུན་དགའ་བོ། དེ་ན་དགེ་སློང་དག་གིས་ཁྱོད་ལ་དེ་སྐད་དྲིས་པ་དང་འདི་སྐད་ལུང་སྟོན་ཅིག །འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་དང་པོ་མངོན་པར་རྫོགས་པར་སངས་རྒྱས་ནས་ཡུལ་
[8b.7]མ་ག་དྷཱ་ན་བྱང་ཆུབ་ཀྱི་སྙིང་པོ་ལ་བཞུགས། ཞེས་སོགས་ནས། དོན་དང་ཚིག་དང་ཡི་གེ་གང་དང་གང་དག་གིས་རྣམ་གྲངས་གང་དང་གང་གསུངས་པ་དེ་ལ་ཁྱོད་ཀྱིས་གླེང་གཞི་དང་བཅས་པ་དང་། རྒྱུ་དང་བཅས་པ་དང་། རྐྱེན་དང་བཅས་པ་དང་། དོན་བཟང་པོ་དང་། ཚིག་འབྲུ་
[9a.1]བཟང་པོ་རྒྱས་པར་སྟོན་ཅིག །མདོ་སྡེའི་མཇུག་ཏུའང་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཐམས་ཅད་དང་ལྡན་པའི་འཁོར་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ་ཞེས་བྲིས་ཤིག། །ཀུན་དགའ་བོ་ཆོས་ཀྱི་ཚུལ་
[9a.2]འདི་དེ་ལྟར་ཡང་དག་པར་བསྡུ་བར་བྱའོ། །ཞེས་དང་ལུང་ལས་ཀྱང་། གནས་མ་དྲན་ན་གྲོང་ཁྱེར་དྲུག་པོ་གང་རུང་སྨྱོས་ཤིག །ཅེས་སོགས་རྗེས་སུ་གནང་བར་མཛད་པའོ། །བྱིན་གྱིས་བརླབས་པའི་སྐབས་སུ་ཐུགས་ཀྱིས་བྱིན་གྱིས་བརླབས་པ་ལ་བོད་ཀྱི་མཁས་པ་
[9a.3]རྣམས་ཐུགས་ཏིང་ངེ་འཛིན་གྱིས་བྱིན་གྱིས་བརླབས་པ། ཐུགས་ཐུགས་རྗེས་བྱིན་གྱིས་བརླབས་པ། ཐུགས་བདེན་པས་བྱིན་གྱིས་བརླབས་པ་སྟེ་གསུམ་དུ་དབྱེ་ཞིང་། རིམ་བཞིན་སོ་སོའི་མཚན་གཞིར། ཤེས་རབ་སྙིང་པོ་སོགས་དང་། གནོད་སྦྱིན་ལ་སོགས་པ་རྣམས་ཀྱིས་
[9a.4]རིག་སྔགས་སྨྲས་པ་སོགས་དང་། ནམ་མཁའ་དང་ལྗོན་ཤིང་སོགས་ལས་ཆོས་ཀྱི་སྒྲ་འབྱུང་བ་རྣམས་སུ་བཞག་པ་ནི་དོན་གྱིས་འཐད་མོད་ཀྱི། འཕགས་ཡུལ་པའི་མཁས་པ་དག་གིས་བཤད་པ་ནི་སྔར་མ་མཐོང་ངོ༌། །ཡང་ན་བཀའ་ཐམས་ཅད་བརྗོད་བྱ་བསླབ་པ་གསུམ་གཙོ་བོར་གྱུར་
[9a.5]པའི་སྒོ་ནས་རྗོད་བྱེད་སྡེ་སྣོད་གསུམ་དུ་དབྱེ་ན། མདོ་སྡེ། འདུལ་བ། མངོན་པ་གསུམ་མོ། །དེ་ཡང་། ལྷག་པ་སེམས་ཀྱི་བསླབ་པ་བརྗོད་བྱའི་གཙོ་བོར་སྟོན་པའི་རིགས་སུ་གནས་པའི་གསུང་རབ་ནི་མདོ་སྡེའི་སྡེ་སྣོད་ཀྱི་མཚན་ཉིད། དེ་བཞིན་དུ་ལྷག་པ་ཚུལ་ཁྲིམས་ཀྱི་བསླབ་པ་
[9a.6]བརྗོད་བྱའི་གཙོ་བོར་སྟོན་པའི་རིགས་སུ་གནས་པའི་གསུང་རབ་ནི་འདུལ་བའི་སྡེ་སྣོད། ལྷག་པ་ཤེས་རབ་ཀྱི་བསླབ་པ་བརྗོད་བྱའི་གཙོ་བོར་སྟོན་པའི་རིགས་སུ་གནས་པའི་གསུང་རབ་ནི་མངོན་པའི་སྡེ་སྣོད་ཀྱི་མཚན་ཉིད་དོ། །དེ་དག་གི་མཚན་གཞི་ནི་རིམ་པ་བཞིན། ཤེས་ཕྱིན་འབུམ་པ་
[9a.7]སོགས་དང་། ལུང་སྡེ་བཞི་སོགས་དང་།མངོན་པ་སྡེ་བདུན་སོགས་སོ། །དེ་དག་གི་མིང་དོན་ཡང་། སྤྱིར་སྡེ་སྣོད་ཅེས་བྱ་བ་ལེགས་སྦྱར་པི་ཊ་ཀ་སྟེ། དེ་གང་བུ་དང་། བྲེའོ་ཆེ་ལ་འཇུག་པའི་ཕྱིར། དོན་མང་པོ་འདུས་པས་བྲེའོ་ཆེ་ལྟ་བུ་སྟེ། བྲེའོ་ཆེ་ལ་བྲེའུ་ཆུང་མང་པོ་འདུས་པ་བཞིན་
[9b.1]ནོ། །དེ་ལྟར་ཡང་སློབ་དཔོན་ཐོགས་མེད་ཀྱིས། ཅིའི་ཕྱིར་སྡེ་སྣོད་ཅེས་བྱ་ཞེ་ན། སྨྲས་པ། བསྡུས་པའི་ཕྱིར་ཏེ་ཞེས་བྱ་བའི་དོན་ཐམས་ཅད་བསྡུས་པའི་ཕྱིར་རོ། །ཞེས་དང་། འགྲེལ་བཤད་དུ། ཅིའི་ཕྱིར་གསུམ་པོ་དང་གཉིས་པོ་དེ་དག་ལ་སྡེ་སྣོད་ཅེས་བྱ་ཞེ་ན། དེའི་ཕྱིར་བསྡུ་བའི་
[9b.2]ཕྱིར་ཏེ། དཔེར་ན་སྣོད་གང་དུ་འབྲུ་ཏྲེ་བཅུ་ཤོང་ཞིང་འདུས་པའི་སྣོད་དེ་ལ་སྣོད་ཅེས་བྱ་བ་དང་འདྲ་བར་གསུམ་པོ་དང་གཉིས་པོ་འདིར་ཡང་གསུང་རབ་ཡན་ལག་བཅུ་གཉིས་ཀྱི་དོན་དང་། ཚིག་ཐམས་ཅད་འདུས་པས་སྡེ་སྣོད་ཅེས་བྱའོ། །ཡང་ན་ཕུང་པོ་དང་ཁམས་དང་། སྐྱེ་མཆེད་ཀྱི་ཆོས་
[9b.3]ནས་སྐུ་དང་ཡེ་ཤེས་ལ་སོགས་པའི་བར་དུ་ཤེས་པར་བྱ་བའི་དོན་ཐམས་ཅད་འདུས་པས་ན་དེའི་ཕྱིར་སྡེ་སྣོད་ཅེས་བྱའོ། །ཞེས་གསུངས་སོ། །བྱེ་བྲག་ཏུ་མདོ་སྡེ་ཞེས་བྱ་བ་སཱུ་ཏྲ་སྟེ་དོན་གྱི་སྡོམ་སྨོས་པ་ཡིན་ལ་དེའང་རྣམ་པ་བཞི་སྟེ། མདོ་སྡེ་རྒྱན་ལས། གནས་རྣམས་དང་ནི་མཚན་ཉིད་
[9b.4]དང་། །ཆོས་དོན་སྨོས་ཕྱིར་མདོ་ཡིན་ནོ། །ཞེས་འབྱུང་བ་ལྟར་ཡུལ་གང་དུ་གང་ཟག་གང་གི་ཕྱིར་གསུངས་པ་སྨོས་པས་གནས་དང་། །ཀུན་རྫོབ་དང་དོན་དམ་པའི་བདེན་པའི་མཚན་ཉིད་སྨོས་པས་མཚན་ཉིད་དང་། ཕུང་ཁམས་སྐྱེ་མཆེད་ལ་སོགས་པ་སྨོས་པས་ཆོས་དང་དགོངས་
[9b.5]པའི་དོན་ཟབ་མོ་དག་སྟོན་པས་དོན་ནོ། །འདུལ་བ་ཞེས་བྱ་བ་ནི་བི་ན་ཡ་སྟེ། མདོ་རྒྱན་ལས། ལྟུང་དང་འབྱུང་དང་ལྡང་བ་དང་། །ངེས་པར་འབྱུང་དང་གང་ཟག་དང་། །བཅས་པ་དང་ནི་རབ་དབྱེ་དང་། །རྣམ་པར་ངེས་ཕྱིར་འདུལ་བ་ཉིད། །ཞེས་བཞི་ཚན་གཉིས་ཀྱིས་
[9b.6]བཤད་པ། ལྟུང་བ་ནི་ལྟུང་བ་སྡེ་ལྔ་དང་། ལྟུང་བ་དེ་དག་གང་ལས་འབྱུང་བ་ནི། མི་ཤེས་པ། བག་མེད་པ། ཉོན་མོངས་པ་མང་བ། །མ་གུས་པ་རྣམས་དང་། ལྟུང་བ་དེ་དག་ལས་ལྡང་བ་ནི་སྤོང་བའི་སེམས་པ་སོར་ཆུད་པ་དང་། ལྟུང་བ་ལས་ངེས་པར་འབྱུང་བ་ནི། །
[9b.7]ཆད་པའི་ལས་ཁས་ལེན་པ་དང་། རྗེས་ནས་གནང་བ་དང་། བག་ཡངས་སུ་བྱ་བ་དང་། རྟེན་གྱུར་པ་དང་། ཡང་དག་པར་སོ་སོར་རྟོག་པ་དང་། ཆོས་ཉིད་ཐོབ་པ་རྣམས་སོ། །དེ་ལྟར་གནས་བཞི་པོ་དེ་སྟོན་པས་འདུལ་བའི་ཕྱིར་རམ། གང་ལ་བརྟེན་ནས་བསླབ་པ་བཅའ་བ་
[10a.1]གང་ཟག །བསླབ་པ་བཅས་པ་དངོས། དེ་རབ་ཏུ་དབྱེ་བ། ལྟུང་བ་དང་ལྟུང་མེད་རྣམ་པར་ངེས་པ་སྟེ་རྣམ་པ་བཞི་སྨོས་པའི་ཕྱིར་རོ། །མངོན་པ་ཞེས་བྱ་བ་ནི། ཨ་བྷི་སྟེ། མདོ་རྒྱན་ལས། མངོན་དུའི་ཕྱིར་དང་ཡང་དང་ཡང་། །ཟིལ་གནོན་རྟོགས་
[10a.2]ཕྱིར་མངོན་པའི་ཆོས། །ཞེས་པ་ལྟར་རྒྱུ་མཚན་བཞིས་དེ་ལྟར་བརྗོད་དེ་མྱ་ངན་ལས་འདས་པ་ལ་མངོན་དུ་ཕྱོགས་པའི་བདེན་པ་ལ་སོགས་པ་སྟོན་པའི་ཕྱིར་དང་། ཆོས་རེ་རེ་ལའང་གཟུགས་ཅན་དང་གཟུགས་ཅན་མ་ཡིན་པ་སོགས་ཞིབ་མོར་ཕྱེ་ནས་ཡང་དང་ཡང་དུ་སྟོན་པའི་ཕྱིར་དང་། ཕས་
[10a.3]རྒོལ་ཟིལ་གྱིས་གནོན་པའི་ཆོས་ཡིན་པའི་ཕྱིར་དང་། འདིས་མདོ་སྡེའི་དོན་རྟོགས་པར་འགྱུར་བའི་ཕྱིར་རོ། །དེ་ལྟར་སྡེ་སྣོད་གསུམ་པོ་དེ་ཉིད་དུ་རྣམ་པར་བཞག་པའི་རྒྱུ་མཚན་ཅི་ཡིན་ཞེ་ན། ཐར་པ་སྒྲུབ་པ་རྣམས་ཀྱི་སྤང་བྱའི་གཙོ་བོ། ལམ་གོང་མ་ལ་ཐེ་ཚོམ་ཟ་བ་དང་།
[10a.4]རང་ལམ་ལ་སྤྱོད་པ་ཕྱིན་ཅི་ལོག་པ་དང་། ལྟ་བ་ཕྱིན་ཅི་ལོག་པ་སྟེ་གསུམ་ཡིན་པའི་ཕྱིར། དེ་དག་གི་གཉེན་པོ་སྡེ་སྣོད་གསུམ་གསུངས་པ་སྟེ། སྡེ་སྣོད་དང་པོ་ནི་གང་ཞིག་དོན་གང་ལ་ཐེ་ཚོམ་པ་དེ་ལ་ངེས་པར་བྱ་བའི་ཕྱིར་བཤད་པ་གང་ཞིག །གཉིས་པ་ནི། ཁ་ན་མ་
[10a.5]ཐོ་བ་དང་བཅས་པའི་ཡོངས་སུ་སྤྱད་པ་འདོད་སྲེད་ཀྱི་དབང་གིས་གསོག་འཇོག་བྱེད་པ་སོགས་བཀག་པའི་སྒོ་ནས་འདོད་པ་བསོད་ཉམས་ལ་རྗེས་སུ་སྦྱོར་བའི་མཐའ་སྤོང་བ་དང་། ཁ་ན་མ་ཐོ་བ་མེད་པའི་ཡོངས་སུ་སྤྱད་པ། ཚུལ་ཁྲིམས་དག་ཅིང་མ་ཞེན་པ་ལྷག་པར་རྙེད་ན། བརྒྱ་
[10a.6]སྟོང་རི་བའི་གོས་ལ་སོགས་པའང་རྗེས་སུ་གནང་བའི་སྒོ་ནས་བདག་ཉིད་དུབ་པ་ལ་སྦྱོར་བའི་མཐའ་སྤོང་བ་སྟེ་མཐའ་གཉིས་སྤོང་བའི་སྤྱོད་པ་སྟོན་པའི་ཕྱིར་དང་། གསུམ་པ་ནི། ཆོས་རྣམས་ཀྱི་རང་དང་སྤྱིའི་མཚན་ཉིད་ཕྱིན་ཅི་མ་ལོག་པར་སྟོན་པའི་ཕྱིར་བཤད་པ་ཡིན་པས་སོ། །ཡང་
[10a.7]ན་བརྗོད་བྱ་བསླབ་པ་གསུམ་དུ་ངེས་པས། རྗོད་བྱེད་སྡེ་སྣོད་གསུམ་དུ་འཇོག་སྟེ། གོང་དུ་མཚན་ཉིད་སྨོས་པའི་སྐབས་ལྟར་རམ། །སློབ་དཔོན་ཐོགས་མེད་ཞབས་ཀྱིས། མདོ་སྡེས་ནི་བསླབ་པ་གསུམ་བཤད་དོ། །འདུལ་བས་ནི་ལྷག་པའི་ཚུལ་ཁྲིམས་དང་། ལྷག་པའི་
[10b.1]སེམས་སྒྲུབ་པ་ཡིན་ཏེ། དེ་ཚུལ་ཁྲིམས་དང་ལྡན་པ་ནི་འགྱོད་པ་མེད་པ་ལ་སོགས་པ་རིམ་གྱིས་ཏིང་ངེ་འཛིན་འཐོབ་པའི་ཕྱིར་རོ། །ཆོས་མངོན་པས་ནི་ལྷག་པའི་ཤེས་རབ་སྒྲུབ་པ་ཡིན་ཏེ། དོན་ཕྱིན་ཅི་མ་ལོག་པ་རབ་ཏུ་འབྱེད་པའི་ཕྱིར་རོ། །ཞེས་བཤད་པ་ལྟར་རོ། །ཡང་
[10b.2]ན་ཤེས་པར་བྱ་བ་གསུམ་གྱི་ཕྱིར་སྡེ་སྣོད་གསུམ་དུ་འཇོག་སྟེ། ཆོས་དོན་བཤད་པ་དང་། ཆོས་དོན་སྒྲུབ་པ་དང་། ཆོས་དོན་འབེལ་བའི་གཏམ་གཏན་ལ་དབབ་པ་རྣམས་ཀྱི་ཆེད་དུ་རིམ་པ་བཞིན་དུ་གསུངས་པའི་ཕྱིར་རོ། །དེ་ལ་ཆོས་དང་དོན་ནི། མདོ་སྡེ་རྒྱན་གྱི་འགྲེལ་བཤད་
[10b.3]ལས། མིང་དང་ཚིག་དང་ཡི་གེ་རྣམས་ལ་ཆོས་ཞེས་བྱའོ། །དེས་བརྗོད་པར་བྱ་བ་ཕུང་པོ་དང་། ཁམས་དང་། སྐྱེ་མཆེད་རྣམས་ལ་ནི་དོན་ཞེས་བྱའོ། །ཡང་ན་ཕུང་པོ་དང་། ཁམས་དང་། སྐྱེ་མཆེད་ལ་སོགས་པ་ལ་ནི་ཆོས་ཞེས་བྱའོ། །དགོངས་པ་བཞི་དང་ལྡེམ་པོ་དག་
[10b.4]བཞི་ལ་ནི་དོན་ཞེས་བྱའོ། །ཡང་ན་མཐོ་རིས་ཐོབ་པར་བྱེད་པའི་རྒྱུ་དགེ་བ་བཅུ་ལ་ནི་ཆོས་ཞེས་བྱའོ། །མྱ་ངན་ལས་འདས་པ་ཐོབ་པར་བྱེད་པའི་རྒྱུ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པ་ལ་ནི་དོན་ཞེས་བྱ་སྟེ་ཞེས་འབྱུང་ཞིང་། གཞན་ནི་གོ་སླ་ལ། འདུལ་
[10b.5]བས་ཆོས་དོན་ཇི་ལྟར་སྒྲུབ་པ་ནི། དེ་ཉིད་ལས། འདུལ་བ་ལ་བརྟེན་ནས་མི་གཙང་བ་སྒོམ་པ་ལ་སོགས་པའི་སྒོ་ནས་ཉོན་མོངས་པ་འདུལ་བ་ལ་བརྩོན་པས་ན་ཚིག་དང་ཡི་གེའི་མཚན་ཉིད་ཀྱི་ཆོས་དང་། ཕུང་པོ་དང་། ཁམས་ལ་སོགས་པའི་མཚན་ཉིད་ཀྱི་དོན་ནམ།
[10b.6]མཐོ་རིས་ཀྱི་མཚན་ཉིད་ཀྱི་ཆོས་དང་མྱ་ངན་ལས་འདས་པའི་མཚན་ཉིད་ཀྱི་དོན་རྣམས་རྟོགས་པར་འགྱུར་བས་ན་འདུལ་བས་ནི་ཆོས་དང་དོན་མངོན་དུ་བྱེད་དོ། །ཞེས་གསུངས་སོ། །འདི་དག་ལ་དགོངས་ནས་མདོ་རྒྱན་དུ། །སྡེ་སྣོད་དག་ནི་གསུམ་མ་མ་གཉིས་ཀྱང་རུང་། །
[10b.7]བསྡུས་པའི་ཕྱིར་ཏེ་རྒྱུ་ནི་དགུར་འདོད་དོ། །ཞེས་འབྱུང་ངོ་། །ཡང་ན་བཀའ་ཐམས་ཅད་སྡེ་སྣོད་གཉིས་སུ་དབྱེར་རིགས་ཏེ། གདུལ་བྱའི་གང་ཟག་གི་དབང་དུ་བྱས་ན། །ཉན་ཐོས་ཀྱི་སྡེ་སྣོད་དང་། བྱང་ཆུབ་སེམས་དཔའི་སྡེ་སྣོད་གཉིས་སོ། །དེའང་བཤད་མ་ཐག་
[11a.1]པའི་སྡེ་སྣོད་གསུམ་སོ་སོ་ལ་གཉིས་གཉིས་སུ་དབྱེ་བ་སྟེ།་ དམན་པ་ལ་མོས་པ་རྣམས་ཀྱི་ངོར་གསུངས་པ་དང་། རྒྱ་ཆེན་པོ་ལ་མོས་པ་རྣམས་ཀྱི་ངོར་གསུངས་པའི་ཁྱད་པར་གྱིས་སོ། །དེ་ལ་ཐོགས་མེད་ཞབས་ཀྱིས། གསུམ་པོ་དེ་ཉིད་ཐེག་པ་དམན་
[11a.2]པ་དང་། ཐེག་པ་མཆོག་གི་བྱེ་བྲག་གིས་གཉིས་སུ་འགྱུར་ཏེ། ཉན་ཐོས་ཀྱི་སྡེ་སྣོད་དང་། བྱང་ཆུབ་སེམས་དཔའི་སྡེ་སྣོད་དོ། །ཞེས་གསུངས་པ་ལྟར། ཁྱད་པར་འབྱེད་བྱེད་དངོས་ནི་ཐེག་པ་ཆེ་ཆུང་གིས་ཏེ། ཐེག་ཆེན་ལ་ཞུགས་པའི་གང་ཟག་ལ་བྱང་ཆུབ་སེམས་དཔའ་
[11a.3]ཞེས་དང་། །དམན་པའི་ཐེག་པ་ལ་ཞུགས་པའི་གང་ཟག་ལ་ཉན་ཐོས་ཞེས་བྱ་བའི་ཕྱིར་རོ། །རང་རྒྱལ་ལ་ཡང་འགའ་ཞིག་ཏུ་ཐེག་པ་འབྲིང་ལ་ཞུགས་པའི་གང་ཟག་ཏུ་གསུངས་ཀྱང་འདིར་ནི་ཐེག་དམན་པ་ཉིད་དུ་སྡུད་དོ། །དེ་ལ་སྤྱིར་ཐེག་པ་ཞེས་བྱ་བ་ནི་ཡཱ་ན་སྟེ། ཁྱོགས་
[11a.4]དང་བཞོན་པ་དང་། ལམ་སོགས་ལའང་འཇུག་པས་ན་འགྲོ་བའི་དོན་ཅན་ཡིན་ཞིང་། །ལམ་བདེན་འཁོར་བཅས་ལ་དེའི་སྒྲ་འཇུག་སྟེ། སློབ་པའི་གང་ཟག་གི་ལམ་བདེན་ནི། འདིས་འདོང་བར་བྱེད་པས་ཐེག་པ། མི་སློབ་པའི་ལམ་བདེན་ནི་འདིས་འདོངས་པས་ཐེག་པ་
[11a.5]ཞེས་བྱ་བ་ཉིད་ཀྱི་ཕྱིར་རོ། །ཐེག་པ་དམན་པ་ཞེས་བྱ་བ་ནི། ཐེག་པ་འདིས་གང་ཞིག་སྒྲིབ་གཉིས་ལྷག་མེད་དུ་འཇོམས་མི་ནུས་པའི་ཕྱིར་ནུས་པ་དམན་པའམ། ཆེན་པོ་བདུན་གྱི་ལྡོག་ཕྱོགས་སུ་གྱུར་པས་དམན་པའོ། །ཐེག་ཆེན་ཞེས་བརྗོད་པ་ནི་ཆེན་པོ་བདུན་དང་ལྡན་པའི་
[11a.6]ཕྱིར་ཏེ། རྗེ་བཙུན་མ་ཕམ་པས། དམིགས་པ་ཆེ་བ་ཉིད་དང་ནི། །དེ་བཞིན་སྒྲུབ་པ་གཉིས་དག་དང་། །ཡེ་ཤེས་བརྩོན་འགྲུས་རྩོམ་པ་དང་། །ཐབས་ལ་མཁས་པར་གྱུར་པ་དང་། །ཡང་དག་གྲུབ་པ་ཆེན་པོ་དང་། །སངས་རྒྱས་ཕྲིན་ལས་ཆེན་པོ་སྟེ། །
[11a.7]ཆེན་པོ་འདི་དང་ལྡན་པའི་ཕྱིར། །ཐེག་ཆེན་ཞེས་ནི་ངེས་པར་བརྗོད། །ཅེས་གསུངས་པ་ལྟར་ཏེ། །དེའང་མདོ་སྡེ་ལ་སོགས་པའི་ཆོས་རྒྱ་ཆེན་པོ་དཔག་ཏུ་མེད་པའི་དོན་དང་ལྡན་པའི་ཕྱིར་དམིགས་པ་ཆེན་པོ་དང་། རང་གཞན་གྱི་དོན་གཉིས་སྒྲུབ་པའི་ཕྱིར་སྒྲུབ་པ་ཆེན་པོ་
[11b.1]དང་། འདི་རྟོགས་པའི་དུས་ན་གང་ཟག་དང་ཆོས་ཀྱི་བདག་མེད་རྣམ་གཉིས་ཤེས་པའི་ཕྱིར་ཡེ་ཤེས་ཆེན་པོ་དང་། བསྐལ་པ་གྲངས་མེད་གསུམ་སོགས་སུ་རྟགས་སྦྱོར་དང་གུས་སྦྱོར་གྱི་བརྩོན་འགྲུས་ཀྱིས་སྒྲུབ་པའི་ཕྱིར་བརྩོན་པ་ཆེན་པོ་དང་། ཐུགས་རྗེ་ཆེན་པོས་སྲིད་པ་ཡོངས་
[11b.2]སུ་མི་གཏོང་བཞིན་དུ་ཉོན་མོངས་པས་མ་གོས་པའི་ཕྱིར་ཐབས་ལ་མཁས་པ་ཆེན་པོ་དང་། སྟོབས་དང་མི་འཇིགས་པ་དང་མ་འདྲེས་པ་སོགས་འདིས་འགྲུབ་པས་གྲུབ་པ་ཆེན་པོ་དང་། ཡང་ནས་ཡང་དུ་རྫོགས་པར་བྱང་ཆུབ་པོ་དང་མྱ་ངན་ལས་འདས་པ་ཆེན་པོ་ལ་སོགས་པའི་མཛད་པ་
[11b.3]སྟོན་པས་སམ། ལྷུན་གྲུབ་དང་རྒྱུན་མི་འཆད་པའི་ཕྲིན་ལས་སྟོན་པའི་ཕྱིར་ཕྲིན་ལས་ཆེན་པོ་ཞེས་བརྗོད་པ་ཡིན་ནོ། །འདིར་སྡེ་སྣོད་ཀྱི་སྐབས་སུ་རིག་པ་འཛིན་པའི་སྡེ་སྣོད་དང་། ཐེག་པའི་སྐབས་སུ་རྡོ་རྗེ་ཐེག་པ་མ་འདུས་སོ་ཞེ་ན། དེ་དག་བྱང་ཆུབ་སེམས་དཔའི་སྡེ་སྣོད་
[11b.4]དང་། ཐེག་པ་ཆེན་པོར་དོན་གྱིས་འདུས་མོད་ཀྱི། ཐུན་མོང་གི་དེ་ལས་ཆེས་ཁྱད་པར་དུ་འཕགས་པའི་གནད་གསང་ཡོད་པའི་ཕྱིར་ཟུར་དུ་བཀོལ་ནས་དེ་དག་གི་ཚུལ་རྒྱས་པ་འོག་ཏུ་བརྗོད་པར་བྱའོ། །ཡང་ན་བདེ་བར་གཤེགས་པའི་བཀའ་རྣམས་རྗོད་བྱེད་ཀྱི་སྒོ་ནས་གསུང་རབ་
[11b.5]ཡན་ལག་བཅུ་གཉིས་སུ་དབྱེ་རིགས་ཏེ། ཇི་སྐད་དུ། མདོ་སྡེ་དབྱངས་བསྙད་ལུང་དུ་བསྟན། །ཚིགས་བཅད་ཆེད་བརྗོད་གླེང་གཞི་དང་། །རྟོགས་བརྗོད་དེ་ལྟ་བུ་བྱུང་དང་། །སྐྱེས་རབས་ཤིན་ཏུ་རྒྱས་པ་དང་། །རྨད་བྱུང་གཏན་ལ་དབབ་པའི་སྡེ། །གསུང་རབ་
[11b.6]ཡན་ལག་བཅུ་གཉིས་སོ། །ཞེས་པ་ལྟར་ཏེ། དེ་ལ་དང་པོ་མདོ་སྡེ་ནི་འདུས་བྱས་འདུས་མ་བྱས་རྣམ་ངེས་སུ། དེ་ལ་ཚིག་རྐྱང་ལྷུག་གིས་མདོ་མདོར་བརྗོད་པ་དེ་ནི་མདོའོ། །ཞེས་བཤད་པ་བཞིན་དུ་སྨོས་པའི་ཚུལ་གྱིས་ཚིག་ལྷུག་པས་དོན་མདོར་བསྟན་པའི་གསུང་རབ་
[11b.7]ཡིན་ཞིང་། སྨོས་པའི་ཚུལ་གྱིས་གསུངས་པའང་། ཕན་ཡོན་བཅུའི་ཕྱིར་དུ་སྟེ། ཀུན་བཏུས་ལས། ཕན་ཡོན་བཅུ་གཟིགས་ནས་དེ་བཞིན་གཤེགས་པས་སྨོས་པའི་ཚུལ་གྱིས་ཆོས་སྟོན་ཏེ། རྣམ་པར་བཞག་པར་སླ་བ་དང་། བཤད་སླ་བ་དང་། གཟུང་
[12a.1]སླ་བ་དང་། ཆོས་ལ་གུས་པས་མྱུར་དུ་ཚོགས་ཡོངས་སུ་རྫོགས་པར་བྱེད་པ་དང་། མྱུར་དུ་ཆོས་ཉིད་རྟོགས་པར་འགྱུར་བ་དང་། སངས་རྒྱས་ལ་ཤེས་ནས་དད་པ་ཐོབ་པ་དང་། ཆོས་དང་དགེ་འདུན་ལ་ཤེས་ནས་དད་པ་ཐོབ་པ་དང་། མཐོང་
[12a.2]བའི་ཆོས་ལ་བདེ་བར་གནས་པའི་མཆོག་ལ་རེག་པ་དང་། །འབེལ་བའི་གཏམ་གྱིས་གཏན་ལ་འབེབས་པས་དམ་པ་རྣམས་ཀྱི་སེམས་མགུ་བར་བྱེད་དེ་མཁས་པ་མཁས་པ་ཞེས་བྱ་བའི་གྲངས་སུ་འགྲོ་བའོ། །ཞེས་སོ། །དབྱངས་ཀྱིས་བསྙད་པའི་སྡེ་ནི། མདོའི་
[12a.3]སྡེ་དེ་ཉིད་ཀྱི་བར་མཐའ་རྣམས་སུ་ཚིགས་སུ་བཅད་པའི་དབྱངས་ཀྱིས་བསྙད་པ་དག་དང་། བརྟག་པར་བྱ་བ་གཞན་ཡོད་པའི་ཕྱིར་དྲང་བའི་དོན་གྱི་མདོ་སྡེ་གང་ཡིན་པ་རྣམས་སོ། །ལུང་དུ་བསྟན་པའི་སྡེ་ནི། ཉན་ཐོས་ལ་སོགས་པ་འདས་པ་དང་སྐྱེ་བ་ལུང་སྟོན་པ་རྣམས་དང་།
[12a.4]བྱེ་བྲག་ཏུ་དགོངས་པ་གསལ་བར་བསྟན་པའི་ཕྱིར་ངེས་དོན་གྱི་མདོ་སྡེ་རྣམས་སོ། །ཚིགས་སུ་བཅད་པའི་སྡེ་ནི། ཚིགས་བཅད་རྐང་པ་གཉིས་ནས་དྲུག་པའི་བར་གྱིས་གསུངས་པ་རྣམས་སོ། །ཆེད་དུ་བརྗོད་པའི་སྡེ་ནི་གཞན་གྱིས་མ་བསྐུལ་བར་ཐུགས་དགྱེས་
[12a.5]པའི་ཚུལ་གྱིས་ཆེད་དུ་གསུངས་པར་སྣང་བ་སྟེ། སྒྲ་སྦྱོར་བམ་གཉིས་སུ། གང་ཟག་འགའ་ཞིག་གི་ཕྱིར་བཤད་པ་མ་ཡིན་གྱི། སངས་རྒྱས་ཀྱི་བསྟན་པ་ཡུན་རིང་དུ་གཞག་པའི་ཕྱིར་གཞན་གྱིས་མ་བསྐུལ་མ་གསོལ་བར་ཆེད་དུ་བརྗོད་ཅིང་གསུངས་པ་ལ་བྱ་སྟེ།
[12a.6]དཔེར་ན་ཕྱི་དྲོའི་དུས་ཀྱི་ཚེ་བཅོམ་ལྡན་འདས་ནང་དུ་ཡང་དག་པར་འཇོག་ལས་བཞེངས་ཏེ་གདན་ལ་བཞུགས་ནས་དགེ་སློང་གི་དགེ་འདུན་རྣམས་ལ་ཆེད་དུ་རྗོད་པ་འདི་ཆེད་དུ་བརྗོད་དོ། །ཞེས་མདོ་ལས་གསུངས་པ་ལྟ་བུ་སྟེ་ཆེད་དུ་རྗོད་པའི་སྡེ་ཞེས་བྱ་ཞེས་དང་། གཞན་ཡང་རྣམ་
[12a.7]བཤད་རིགས་པར། གང་ཟག་གི་ཆེད་དུ་མ་ཡིན་གྱི། བསྟན་པ་གནས་པར་བྱ་བ་འབའ་ཞིག་གི་ཕྱིར་གང་ཡིན་པ་སྟེ། ཞེས་གསུངས་པ་ལྟར་རོ། །གླེང་གཞིའི་སྡེ་ནི་གང་ཟག་གི་ཆེད་དུ་གསུངས་པ་དང་། བྱུང་བ་དང་བཅས་པའི་བསླབ་པ་གསུངས་པ་རྣམས་ཏེ།
[12b.1]སྟོབས་བཅུ་དཔལ་བཤེས་གཉེན་གྱིས། གང་ཅུང་ཟད་གཞིར་བྱས་ནས་གསུངས་པ་དེ་ནི་གླེང་གཞིའི་སྡེའོ་ཞེས་བཤད་དོ། །རྟོགས་པ་བརྗོད་པའི་སྡེ་ནི་དཔེ་དང་བཅས་ཏེ་གསུངས་པ་རྣམས་ཏེ། བམ་གཉིས་ལས། ཆོས་ཉན་པ་རྣམས་ཀྱིས་གོ་ཞིང་རྟོགས་པར་
[12b.2]བྱ་བའི་ཕྱིར་སྔོན་བཏགས་པར་བྱ་བ་གཞན་ལས་དྲངས་ཏེ་དཔེ་རྒྱས་པར་བསྟན་པས་ན་རྟོགས་པར་བརྗོད་པའི་སྡེ་ཞེས་བྱ་ཞེས་སོ། །དེ་ལྟ་བུ་བྱུང་བའི་སྡེ་ནི་སྔོན་གྱི་གཏམ་རྒྱུད་སོགས་གསུངས་པ་རྣམས་སོ། །སྐྱེས་རབས་ཀྱི་སྡེ་ནི་བྱང་ཆུབ་སེམས་དཔའི་སྤྱོད་པ་སྟོན་པ་རྣམས་ཏེ་
[12b.3]ཐམས་ཅད་སྒྲོལ་གྱི་སྐྱེས་རབས་ལྟ་བུའོ། །ཤིན་ཏུ་རྒྱས་པའི་སྡེ་ནི། བྱང་ཆུབ་སེམས་དཔའི་སྡེ་སྣོད་ཐེག་ཆེན་འབའ་ཞིག་སྟོན་པ་རྣམས་ཏེ། དེ་ལ་རྣམ་པར་འཐག་པའི་སྡེ་དང་མཚུངས་པ་དང་བྲལ་བའི་སྡེ་ཞེས་ཀྱང་བྱའོ། །དེའང་ཀུན་བཏུས་ལས། སེམས་ཅན་
[12b.4]ཐམས་ཅད་ལ་ཕན་པ་དང་བདེ་བའི་གནས་ཡིན་པ་དང་། རྒྱས་པ་དང་། རྒྱ་ཆེ་བ་དང་། ཟབ་པའི་རྣམ་པར་ཆོས་སྟོན་པའི་ཕྱིར་རོ། །ཅིའི་ཕྱིར་རྣམ་པར་འཐག་པ་ཞེས་བྱ་ཞེ་ན། སྒྲིབ་པ་ཐམས་ཅད་རྣམ་པར་འཐག་པའི་ཕྱིར་རོ། །ཅིའི་ཕྱིར་མཚུངས་བྲལ་ཞེས་བྱ་ཞེ་ན།
[12b.5]མཚུངས་པ་མེད་པའི་ཕྱིར་རོ། །ཞེས་སོ། །འདི་སྐབས་ཐེག་དམན་པ་དག་མདོ་སྡེའི་ལེའུ་གྲངས་རྒྱས་པ་རྣམས་ནི་ཤིན་ཏུ་རྒྱས་པའི་མདོ་ཡིན་གྱི་ཐེག་པ་ཆེན་པོ་ནི་མ་ཡིན་ནོ་ཞེས་འདོད་པའང་ཡོད་དོ། །རྨད་དུ་བྱུང་བའི་སྡེ་ནི། ཉན་ཐོས་དང་བྱང་ཆུབ་སེམས་དཔའ་དང་སངས་
[12b.6]རྒྱས་རྣམས་ཀྱི་མཁྱེན་པ་དང་རྫུ་འཕྲུལ་དང་བྱིན་རླབས་སོགས་ངོ་མཚར་རྨད་དུ་བྱུང་བའི་ཆོས་བསྟན་པ་རྣམས་སོ། །གཏན་ལ་དབབ་པའི་སྡེ་ནི། གོང་དུ་ཆོས་རྣམས་ཀྱི་མཚན་ཉིད་ཅི་ལྟ་བར་གཏན་ལ་ཕབ་ནས་མདོ་སྡེ་ལ་སོགས་པའི་དོན་གསལ་བར་གསུངས་པ་རྣམས་སོ། །དེ་
[12b.7]ལྟར་གསུང་རབ་ཡན་ལག་བཅུ་གཉིས་པོ་སྔར་བཤད་པའི་སྡེ་སྣོད་རྣམས་སུ་སོ་སོར་བསྡུ་ན་འདི་ལྟར་ཤེས་དགོས་ཏེ། མདོའི་སྡེ་ནས་ཆེད་དུ་བརྗོད་པའི་བར་ལྔ་ནི་ཉན་ཐོས་ཀྱི་མདོ་སྡེའི་སྡེ་སྣོད་དོ། །དེ་ནས་གླེང་གཞིའི་སྡེ་ལ་སོགས་པ་བཞི་ནི་འདུལ་བའི་སྡེ་སྣོད་དེ།
[13a.1]དེ་ལ་དང་པོ་ནི་ལྟུང་བ་བསླབ་བྱ་དང་བཅས་པ་སྟོན་པ་གཙོ་བོ་ཡིན་ལ། ཕྱི་མ་རྣམས་ནི་དེའི་འཁོར་རོ། །དེ་ནས་ཤིན་ཏུ་རྒྱས་པའི་སྡེ་སོགས་གཉིས་ནི་བྱང་ཆུབ་སེམས་དཔའི་མདོ་སྡེའི་སྡེ་སྣོད་ཡིན་ཏེ་བསམ་གྱིས་མི་ཁྱབ་ཅིང་རྒྱ་ཆེ་བའི་ཁྱད་པར་
[13a.2]དང་ལྡན་པའི་ཕྱིར་རོ། །དེ་ནས་གཏན་ལ་དབབ་པའི་སྡེ་གཅིག་པུ་ནི་གཉིས་ཀའི་མངོན་པའི་སྡེ་སྣོད་དུ་ཤེས་པར་བྱའོ། །ཡང་ན་བཀའ་ཐམས་ཅད་གདུལ་བྱའི་དབང་པོའི་རིམ་པས་ཆོས་ཀྱི་འཁོར་ལོ་རྣམ་པ་གསུམ་དུ་དབྱེར་རིགས་ཏེ། མདོ་སྡེ་དགོངས་པ་ངེས་
[13a.3]འགྲེལ་ལས། བཅོམ་ལྡན་འདས་ཀྱིས་དང་པོ་ཡུལ་ཝཱ་རཱ་ཎ་སི་དྲང་སྲོང་ལྷུང་བ་རི་དྭགས་ཀྱི་ནགས་སུ་ཐེག་པ་ལ་ཡང་དག་པར་ཞུགས་པ་རྣམས་ལ་འཕགས་པའི་བདེན་པ་བཞིའི་རྣམ་པར་བསྟན་པས་ཆོས་ཀྱི་འཁོར་ལོ་ངོ་མཚར་རྨད་དུ་བྱུང་བ། སྔོན་ལྷར་གྱུར་པའམ།
[13a.4]མིར་གྱུར་པ་སུས་ཀྱང་ཆོས་དང་མཐུན་པར་འཇིག་རྟེན་དུ་མ་བསྐོར་བ་གཅིག་རབ་ཏུ་བསྐོར་ཏེ། ཞེས་དང་། བཅོམ་ལྡན་འདས་ཀྱིས་ཆོས་རྣམས་ཀྱི་ངོ་བོ་ཉིད་མ་མཆིས་པ་ལས་བརྩམས། སྐྱེ་བ་མ་མཆིས་པ་དང་། འགག་པ་མ་མཆིས་པ་དང་། གཟོད་
[13a.5]མ་ནས་ཞི་བ་དང་། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ལས་བརྩམས་ནས་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་ས་སྟོང་པ་ཉིད་སྨོས་པའི་རྣམ་པས་ཆེས་ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་གཉིས་པ་བསྐོར་ཏེ། ཞེས་དང་།
[13a.6]བཅོམ་ལྡན་འདས་ཀྱིས་ཆོས་རྣམས་ཀྱི་ངོ་བོ་ཉིད་མ་མཆིས་པ་ཉིད་ལས་བརྩམས། སྐྱེ་བ་མ་མཆིས་པ་དང་། འགག་པ་མ་མཆིས་པ་དང་། གཟོད་མ་ནས་ཞི་བ་དང་། རང་བཞིན་གྱིས་ཡོངས་སུ་མྱ་ངན་ལས་འདས་པ་ཉིད་ལས་བརྩམས་ནས། ཐེག་པ་ཐམས་
[13a.7]ཅད་ལ་ཡང་དག་པར་ཞུགས་པ་རྣམས་ལ་ལེགས་པར་རྣམ་པར་ཕྱེ་བ་དང་ལྡན་པ། ཤིན་ཏུ་ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་གསུམ་པ་བསྐོར་ཏེ་ཞེས་གསུངས་པའི་ཕྱིར་རོ། །གཉིས་པ་བསྟན་བཅོས་ནི། སྤྱིར་ལེགས་སྦྱར་གྱི་སྐད་དུ་ཤཱསྡུ་ཞེས་པ།
[13b.1]ཨ་མཱ་ར་ཀོ་ཥར། ནིརྡེ་ཤ་གྲནྠ་ཡོཿཤཱསྟྲཿ། ཞེས་ངེས་པར་བསྟན་པ་དང་། གཞུང་ལུགས་ལ་འཇུག་པར་བཤད་པ་ལྟར། ས་སྡེ་ལས། དོན་མེད་དོན་ལོག་དོན་དང་ལྡན། །ངན་གཡོ་སྙིང་བྲལ་སྡུག་བསྔལ་སྤོང་། །ཐོས་རྩོད་སྒྲུབ་པ་ལྷུ་རུ་ལེན། །
[13b.2]བསྟན་བཅོས་རྣམ་པ་དགུ་ཡིན་ནོ། །ཞེས་བསྟན་བཅོས་རྣམ་པ་དགུའི་རྣམ་གཞག་མཛད་པ་ལས། དོན་དང་ལྡན་པའི་བསྟན་བཅོས། སྡུག་བསྔལ་སྤོང་བའི་བསྟན་བཅོས། སྒྲུབ་པ་ལྷུར་ལེན་གྱི་བསྟན་བཅོས་རྣམ་གསུམ་ནི་འདིར་བཤད་བྱ་ཡིན་པས། དེའི་དབང་དུ་
[13b.3]བྱས་ནས་བསྟན་བཅོས་ཀྱི་མཚན་ཉིད་ནི། རྒྱུད་བླ་མ་ལས། གང་ཞིག་རྒྱལ་བའི་བསྟན་པ་འབའ་ཞིག་གི། །དབང་བྱས་རྣམ་གཡེང་མེད་ཡིད་ཅན་གྱིས་བཤད། །ཐར་བ་ཐོབ་པའི་ལམ་དང་རྗེས་མཐུན་པ། །དེ་ཡང་དྲང་སྲོང་བཀའ་བཞིན་སྤྱི་བོས་བླང་། །
[13b.4]ཞེས་བཤད་པ་ལྟར། བདེ་བར་གཤེགས་པའི་བཀའི་དབང་དུ་བྱས་ནས་རྩོམ་པ་པོ་རྣམ་གཡེང་མེད་པའི་བློ་གྲོས་ཅན་གྱིས་བཤད་པའི་ངག་གང་ཞིག །ཐར་བ་ཐོབ་པའི་ལམ་དང་རྗེས་སུ་མཐུན་པའོ། །འོ་ན་མཚན་ཉིད་དེ་དང་ལྡན་པའི་བསྟན་བཅོས་ཀྱི་ངེས་ཚིག་ཅི་ལྟ་བུ་ཞེ་
[13b.5]ན། ཤཱ་ས་ན་འཆོས་པ༑ ཏྲ་ཡ་སྐྱོབ་པ་བསྡུས་པས་ཤཱསྟྲ་སྟེ་ཉན་པ་པོའི་རྒྱུད་ཀྱི་ཉོན་མོངས་པ་འཆོས་པ་དང་། ངན་འགྲོར་ལྟུང་བ་ལས་སྐྱོབ་པའི་ཕྱིར་བསྟན་བཅོས་ཞེས་བྱ་སྟེ། རྣམ་བཤད་རིགས་པར། ཉོན་མོངས་དགྲ་རྣམས་མ་ལུས་འཆོས་པ་དང་། །
[13b.6]འཁོར་བའི་འཇིགས་ལས་སྐྱོབ་བྱེད་གང་ཡིན་པ། །འཆོས་སྐྱོབ་ཡོན་ཏན་ཕྱིར་ན་བསྟན་བཅོས་ཏེ། །གཉིས་པོ་འདི་དག་གཞན་གྱི་ལུགས་ལ་མེད།།ཞེས་སོ། །སྒྲ་བཤད་འདི་གསུང་རབ་ལའང་དོན་གྱིས་འཇུག་སྟེ། དེ་ཉིད་ལས། དེ་ལྟ་བས་ན་སངས་
[13b.7]རྒྱས་ཀྱི་གསུང་ཁོ་ན་དོན་དམ་པར་བསྟན་བཅོས་ཡིན་པས་འཆོས་པ་དང་སྐྱོབ་པའི་ས་ཡོན་ཏན་གྱི་ཕྱིར་ཡང་དོན་གཟུང་བ་ལ་འབད་པར་བྱའོ། །ཞེས་འབྱུང་ངོ༌། །དེ་ལྟར་བསྟན་བཅོས་དེ་ལ། བྱེད་ལས་ཀྱི་སྒོ་ནས་དབྱེ་ན། རྒྱ་ཆེན་པོ་སྡུད་པའི་བསྟན་བཅོས་དང་།
[14a.1]ཟབ་མོ་རྣམ་པར་འབྱེད་པའི་བསྟན་བཅོས་དང་། འཁྲུགས་པ་{གོ་རིམས་སུ་,གོ་རིམ་དུ་}སྡེབ་པའི་བསྟན་བཅོས་དང་གསུམ་དུ་བཤད་པ་ལས། དང་པོ་ནི། མངོན་པ་མཛོད་ལྟ་བུ། གཉིས་པ་མངོན་རྟོགས་རྒྱན་ལྟ་བུ། གསུམ་པ་མདོ་སྡེ་རྒྱན་ལྟ་བུའོ། །བཤད་བྱ་བཀའི་སྒོ་ནས་
[14a.2]བསྟན་བཅོས་ཀྱི་དབྱེ་བ་གཉིས་སུ་འགྱུར་ཏེ། བཀའ་སྤྱིའི་དགོངས་འགྲེལ་དང་། བྱེ་བྲག་གི་དགོངས་འགྲེལ་ལོ། །དང་པོ་ནི་ཀ་ཙན་ལ་སོགས་བརྡ་སྤྲོད་པ་དང་། སྡེ་བདུན་སོགས་ཚད་མ་རིག་པའི་བསྟན་བཅོས་རྣམས་སོ། །གཉིས་པ་ནི། འཁོར་ལོ་དང་པོའི་ལྟ་བའི་ཆ་འགྲེལ་བ་
[14a.3]བྱེ་བྲག་ཏུ་བཤད་པ་སོགས་མངོན་པའི་བསྟན་བཅོས་རྣམས་དང་། སྤྱོད་པའི་ཆེ་འགྲེལ་བ་མདོ་རྩ་སོགས་འདུལ་བའི་བསྟན་བཅོས་རྣམས་དང་། འཁོར་ལོ་བར་པའི་ལྟ་བའི་ཆ་འགྲེལ་བ་ལ། དངོས་བསྟན་སྟོང་ཉིད་ཀྱི་རིམ་པ་གསལ་བར་བྱེད་པ་དབུ་མ་རིགས་ཚོགས་དྲུག་སོགས་དང་།
[14a.4]སྦས་དོན་མངོན་རྟོགས་ཀྱི་རིམ་པ་གསལ་བར་བྱེད་པ་མངོན་རྟོགས་རྒྱན་སོགས་སོ། །སྤྱོད་པའི་ཆ་འགྲེལ་པ་བསླབ་པ་ཀུན་བཏུས་སོགས་དང་། ལྟ་སྤྱོད་གཉིས་ཆར་འགྲེལ་པ། བྱང་ཆུབ་སེམས་དཔའི་སྤྱོད་པ་ལ་འཇུག་པ་སོགས་སོ། །འཁོར་ལོ་ཐ་མའི་ལྟ་བའི་ཆ་འགྲེལ་པ་
[14a.5]མདོ་སྡེ་རྒྱན་དང་རྣམ་འབྱེད་གཉིས། རྒྱུད་བླ་སོགས་དང་། སྤྱོད་པའི་ཆ་འགྲེལ་བ་སྡོམ་པ་ཉི་ཤུ་པ་སོགས་སོ། །ཡང་ན་བསྟན་བཅོས་རྣམས་བརྗོད་བྱའི་སྒོ་ནས་དབྱེ་བས་གསུམ་སྟེ། ཇི་སྙེད་པ་སྟོན་པ་དང་། ཇི་ལྟ་བ་སྟོན་པ་དང་། ཐར་པ་དང་ཐམས་ཅད་མཁྱེན་པ་སྟོན་པའོ། །ཇི་སྙེད་
[14a.6]པ་སྟོན་པའང་ཕལ་པ་དང་མཆོག་གཉིས་ལས་སྔ་མ་ནི་ལུགས་ཀྱི་བསྟན་བཅོས་སོགས་དང་། ཕྱི་མ་ནི་རིག་པའི་གནས་ལྔའི་བསྟན་བཅོས་རྣམས་ཏེ། དེ་ལས་ནང་རིག་པ་སྟོན་པ་ནི་ཕུང་པོ་ལྔ་ཡི་རབ་བྱེད་སོགས་སོ། །ཇི་ལྟ་བ་སྟོན་པ་བདེན་པ་རྣམ་ངེས་དང་། སུམ་ཅུ་པ་དང་། དབུ་
[14a.7]མ་རྒྱན་སོགས་དང་། ཐར་པ་དང་ཐམས་ཅད་མཁྱེན་པ་སྟོན་པ་བྱང་ས་དང་དགོངས་རྒྱུན་སོགས་སོ། །ལུང་གི་ཆོས་འཁོར་བསྐོར་ཚུལ་བྱེ་བྲག་ཏུ་འཆད་པ། ཆོས་འཁོར་གྱི་ངོ་བོ། ངེས་ཚིག །དབྱེ་ཚུལ་གྱི་སྒོ་ནས་རྒྱས་པར་འཆད་པ་དང་གསུམ་གྱི་དང་པོ་ནི། །སྤྱིར་ཆོས་ཀྱི་
[14b.1]འཁོར་ལོ་ཞེས་བྱ་བ་སྟོན་པས་གསུངས་པའི་དམ་པའི་ཆོས་ཡིན་པ་གང་ཞིག །མི་མཐུན་ཕྱོགས་འཇོམས་ནུས་པ་སྟེ། དེའང་བྱེ་བྲག་ཏུ་སྨྲ་བ་རྣམས་ཀྱིས་མཐོང་ལམ་ཁོ་ན་ཆོས་འཁོར་དུ་འདོད་དེ། མཛོད་ལས། ཆོས་ཀྱི་འཁོར་ལོ་མཐོང་བའི་ལམ། །མྱུར་བར་འགྲོ་སོགས། ཞེས་བཤད་
[14b.2]པ་ལྟར། འཁོར་ལོས་སྒྱུར་བའི་འཁོར་ལོ་རིན་པོ་ཆེ་ནི་འདོང་བར་འདོད་པའི་སར་མྱུར་དུ་འགྲོ་བ་དང་། ཡུལ་གཞན་དུ་འདོར་ཞིང་གཞན་དུ་འཇུག་པ་དང་། གྲོང་དང་གྲོང་རྡལ་སོགས། མ་རྒྱལ་བ་ལས་རྒྱལ་བ་དང་། རྒྱལ་བ་རྣལ་དུ་འགོད་པ་དང་། གནས་ལ་ལར་འཕར་ཞིང་ལ་ལར་
[14b.3]འབབ་པ་ལྟར། སྐད་ཅིག་བཅོ་ལྔས་བདེན་པ་རྟོགས་པའི་ཕྱིར་མྱུར་དུ་འགྲོ་བ་དང་། བར་ཆད་མེད་ལམ་འདོར་བ་དང་། རྣམ་གྲོལ་ལམ་མངོན་དུ་བྱ་བའི་ཕྱིར་འཇུག་པའམ། བདེན་པའི་དམིགས་པ་གཞན་འདོར་ཞིང་། གཞན་དུ་འཇུག་པ་དང་། བར་ཆད་མེད་ལམ་གྱིས་འཇིག་
[14b.4]ལྟ་སོགས་ཉོན་མོངས་པ་མ་རྒྱལ་བ་རྣམས་ལས་ཐོབ་པ་གཅོད་པའི་སྒོ་ནས་རྒྱལ་བར་བྱེད་པ་དང་། རྣམ་གྲོལ་ལམ་གྱིས་ཉོན་མོངས་བྲལ་བའི་ཐོབ་པ་དང་། ལྷན་ཅིག་སྐྱེས་པའི་སྒོ་ནས་རྒྱལ་བ་རྣལ་དུ་དགོད་པ་དང་། གཟུགས་དང་གཟུགས་མེད་པའི་ཁམས་ལ་དམིགས་ནས་
[14b.5]འཕར་བ་དང་། འདོད་པའི་ཁམས་ལ་དམིགས་ནས་འབབ་པ་ལ་སོགས་པ་རྣམས་ཀྱི་ཕྱིར། ཆོས་འཁོར་ནི་མཐོང་ལམ་ཁོ་ནའོ་ཞེས་སོ། །དེའི་ཁུངས་ཀྱང་། མཛོད་འགྲེལ་ལས་མཐོང་བའི་ལམ་ཆོས་ཀྱི་འཁོར་ལོ་ཞེས་བྱ་བ་འདི་ག་ལས་ཞེ་ན། འཕགས་པ་ཀཽཎྜི་ནྱ་
[14b.6]ལ་དེ་སྐྱེས་པ་ན་ཆོས་ཀྱི་འཁོར་ལོ་བསྐོར་ཏོ་ཞེས་གསུངས་པའི་ཕྱིར་རོ། །ཞེས་བཤད་དོ། །ཡང་ན་མཛོད་ལས། ཚིག་རྐང་སྔ་མའི་འཕྲོར་རྩིབས་སོགས་ཀྱིས་ཞེས་པ་བཙུན་པ་དབྱངས་སྒྲོགས་ཀྱི་འདོད་པ་སྟེ། དེས་ནི་འཕགས་ལམ་ཡན་ལག་བརྒྱད་འཁོར་ལོ་དང་མཚུངས་
[14b.7]པས་མཐོང་ལམ་ཆོས་འཁོར་ཞེས་བྱ་སྟེ། ཡང་དག་པའི་ལྟ་བ་དང་། རྟོགས་པ་དང་།རྩོལ་བ་དང་། དྲན་པ་རྣམས་ནི་རྩིབས་ལྟ་བུ། ཡང་དག་པའི་ངག་དང་། ལས་ཀྱི་མཐའ་དང་། འཚོ་བ་རྣམས་ནི་ལྟེ་བ་ལྟ་བུ། ཏིང་འཛིན་ནི་མུ་ཁྱུད་ལྟ་བུ་ཡིན་པའི་ཕྱིར་རོ། །
[15a.1]ཞེས་བཤད་པ་མཛོད་ཊཱི་ཀ་ལས་འབྱུང་ངོ་། །མདོ་སྡེ་པ་རྣམས་ཀྱིས་ནི། མཐོང་སྒོམ་མི་སློབ་ལམ་གསུམ་ག་དེ་སྟོན་པར་བྱེད་པའི་ཆོས་ཀྱི་རྣམ་གྲངས་དང་བཅས་པ་ཆོས་འཁོར་དུ་འདོད་དེ། སློབ་དཔོན་རྒྱལ་པོའི་སྲས་ཀྱིས། དེ་ལྟ་བས་ན་ཆོས་ཀྱི་རྣམ་གྲངས་དེ་ཉིད་
[15a.2]ཆོས་ཀྱི་འཁོར་ལོ་ཡང་ཡིན་ཏེ། ཆོས་ཀྱི་འཁོར་ལོ་རབ་ཏུ་སྟོན་པའི་ཕྱིར་རོ། ཞེས་དང་། མཐོང་བ་དང་སྒོམ་པ་དང་མི་སློབ་པའི་ལམ་ཡང་ཆོས་ཀྱི་འཁོར་ལོ་ཡིན་ཏེ། གདུལ་བའི་སྐྱེ་བོའི་རྒྱུད་ལ་འཇུག་པས་འཁོར་ལོ་ཞེས་བྱ་བའི་ཕྱིར་རོ། །ཞེས་བཤད་པས་སོ། །རང་ལུགས་
[15a.3]ཐེག་ཆེན་པ་ལྟར་ན། ཚོགས་ལམ་ནས་མི་སློབ་ལམ་གྱི་བར་ལམ་ལྔ་པོ་ཐམས་ཅད་ཆོས་ཀྱི་འཁོར་ལོ་ཡིན་ཏེ། དབུ་མ་པ་ཆོས་བཤེས་ཀྱིས། ཆོས་ཀྱི་འཁོར་ལོ་ཁ་ཅིག་ནི་ཚོགས་ཀྱི་ལམ་མོ། །ཁ་ཅིག་ནི་སྦྱོར་བའི་ལམ་མོ། །ཁ་ཅིག་ནི་བར་ཆད་མེད་པའི་ལམ་གྱི་བར་རོ། །ཞེས་
[15a.4]བཤད་ཅིང་རྣམ་གྲོལ་གྱི་ལམ་ཡང་ཆོས་ཀྱི་འཁོར་ལོ་ཐམས་ཅད་གྱི་མཆོག་ཏུ་གྱུར་པ་སྟེ། རྒྱ་ཆེ་རོལ་པའི་མདོར། བྱམས་པ་ཆོས་ཀྱི་འཁོར་ལོ་དེ་ནི་གཏིང་མི་དམིགས་པའི་ཕྱིར་ཟབ་པའོ། །འཁོར་ལོ་དེ་ནི་གཉིས་དང་བྲལ་བའི་ཕྱིར་བལྟ་དཀའ་བའོ། །འཁོར་ལོ་དེ་ནི་ཡིད་ལ་བྱེད་པས་
[15a.5]ཡིད་ལ་བྱ་བ་མ་ཡིན་པའི་ཕྱིར། ཁོང་དུ་ཆུད་པར་དཀའ་བའོ། འཁོར་ལོ་དེ་ནི་ཡེ་ཤེས་དང་རྣམ་པར་ཤེས་པ་མཉམ་པ་ཉིད་དུ་རྟོགས་པའི་ཕྱིར་རྣམ་པར་ཤེས་པ་དཀའ་བའོ། །འཁོར་ལོ་དེ་ནི་སྒྲིབ་པ་མེད་པའི་རྣམ་པར་ཐར་པས་ཐོབ་པའི་ཕྱིར་རྙོག་པ་མེད་པའོ། །འཁོར་ལོ་དེ་ནི་དཔེ་གཞག་
[15a.6]པ་དང་བྲལ་བའི་ཕྱིར་ཕྲ་བའོ། །འཁོར་ལོ་དེ་ནི་རྡོ་རྗེ་ལྟ་བུའི་ཡེ་ཤེས་ཀྱིས་ཐོབ་པའི་ཕྱིར་སྙིང་པོའོ། །འཁོར་ལོ་དེ་ནི་སྔོན་གྱི་མཐར་མ་བྱུང་བའི་ཕྱིར་མི་ཕྱེད་པའོ། །འཁོར་ལོ་དེ་ནི་སྤྲོས་པའི་སྐྱོན་ཐམས་ཅད་དང་བྲལ་བའི་ཕྱིར་སྤྲོས་པ་མེད་པའོ། །འཁོར་ལོ་དེ་ནི་ཤིན་ཏུ་མཐར་ཐུག་པའི་
[15a.7]ཕྱིར་མི་འཁྲུགས་པའོ། །འཁོར་ལོ་དེ་ནི་ནམ་མཁའ་དང་མཚུངས་པའི་ཕྱིར་ཐམས་ཅད་ཀྱི་རྗེས་སུ་སོང་བའོ། །བྱམས་པ་ཆོས་ཀྱི་འཁོར་ལོ་དེ་ནི་ཆོས་ཐམས་ཅད་ཀྱི་རང་བཞིན་དང་། ངོ་བོ་ཉིད་ཀུན་ཏུ་བསྟན་པ་འཇིག་པའི་འཁོར་ལོའོ། །སྐྱེ་བ་མེད་པ་དང་། འགག་པ་མེད་པ་དང་།
[15b.1]འབྱུང་བ་མེད་པའི་འཁོར་ལོའོ། །ཀུན་གཞི་མེད་པའི་འཁོར་ལོའོ། །རྟོག་པ་མེད་པ་དང་། རྣམ་པར་རྟོག་པ་མེད་པའི་ཆོས་ཀྱི་ཚུལ་ལ་རྟོག་པའི་འཁོར་ལོའོ། །སྟོང་པ་ཉིད་ཀྱི་འཁོར་ལོའོ། །མཚན་མ་མེད་པའི་འཁོར་ལོའོ། །སྨོན་པ་མེད་པའི་འཁོར་ལོའོ། །མངོན་པར་འདུ་བྱ་བ་མེད་པའི་
[15b.2]འཁོར་ལོའོ། །དབེན་པའི་འཁོར་ལོའོ། །འདོད་ཆགས་དང་བྲལ་བའི་འཁོར་ལོའོ། །འགོག་པའི་འཁོར་ལོའོ། །དེ་བཞིན་གཤེགས་པས་ཐུགས་སུ་ཆུད་པའི་འཁོར་ལོའོ། །ཆོས་ཀྱི་དབྱིངས་འདྲེས་པ་མེད་པའི་འཁོར་ལོའོ། །ཡང་དག་པའི་མཐའ་རྣམ་པར་མི་འཁྲུགས་པའི་
[15b.3]འཁོར་ལོའོ། །ཆགས་པ་མེད་ཅིང་སྒྲིབ་པ་མེད་པའི་འཁོར་ལོའོ། །རྟེན་ལ་འཇུག་ཅིང་གཉིས་སུ་ལྟ་བ་ལས་ཡང་དག་པར་འདས་པའི་འཁོར་ལོའོ། །ཆོས་ཀྱི་དབྱིངས་མཐའ་དང་དབུས་མེད་པ་རྣམ་པར་མི་འཁྲུགས་པའི་འཁོར་ལོའོ། །སངས་རྒྱས་མཛད་པ་ལྷུན་གྱིས་གྲུབ་པར་རྒྱུན་མི་
[15b.4]གཅོད་པའི་འཁོར་ལོའོ། །འཇུག་པ་མེད་ཅིང་མངོན་པར་འགྲུབ་པ་མེད་པའི་འཁོར་ལོའོ། །ཤིན་ཏུ་དམིགས་སུ་མེད་པའི་འཁོར་ལོའོ། །བླང་བ་མེད་པ་དང་དོར་བ་མེད་པའི་འཁོར་ལོའོ། །བརྗོད་དུ་མེད་པའི་འཁོར་ལོའོ། །རང་བཞིན་གྱིས་ཇི་ལྟ་བ་བཞིན་གྱི་འཁོར་ལོའོ། །ཡུལ་གཅིག་
[15b.5]ལ་ཆོས་ཐམས་ཅད་མཉམ་པ་ཉིད་དུ་འཇུག་པའི་འཁོར་ལོའོ། །སེམས་ཅན་གདུལ་བའི་ཕྱིར་ཕྱད་པར་བྱིན་གྱིས་རློབ་ཅིང་ལྡོག་པ་མེད་པའི་འཁོར་ལོའོ། །གཉིས་སུ་མེད་ཅིང་སྒྲོ་བཏགས་པ་མེད་པ་དོན་དམ་པའི་ཚུལ་ལ་འཇུག་པའི་འཁོར་ལོའོ། །ཆོས་ཀྱི་དབྱིངས་སུ་ཡང་དག་
[15b.6]པར་འདུ་བའི་འཁོར་ལོའོ། །འཁོར་ལོ་དེ་ནི་ཚད་ཐམས་ཅད་ལས་ཤིན་ཏུ་འདས་པས་དཔག་ཏུ་མེད་པའོ། །འཁོར་ལོ་དེ་ནི་གྲངས་ཐམས་ཅད་དང་བྲལ་བས་གྲངས་མེད་པའོ། །འཁོར་ལོ་དེ་ནི་སེམས་ཀྱི་ལམ་ལས་ཡང་དག་པར་འདས་པས་བསམ་གྱིས་མི་ཁྱབ་པའོ། །འཁོར་
[15b.7]ལོ་དེ་ནི་གཞལ་བ་དང་བྲལ་བས་མཚུངས་པ་མེད་པའོ། །འཁོར་ལོ་དེ་ནི་སྒྲ་སྐད་ཀྱི་ཚིག་གི་ལམ་ཐམས་ཅད་དང་བྲལ་བས་བརྗོད་དུ་མེད་པ་སྟེ། ཚད་མེད་པ། དཔེ་མེད་པ། དཔེ་དང་བྲལ་བ། ནམ་མཁའ་དང་མཚུངས་ཤིང་འདྲ་བ། ཆད་པ་མེད་པ། རྟོག་པ་མེད་པ། རྟེན་
[16a.1]པ་ལ་འཇུག་པ་དང་མི་འགལ་བ། ཞི་བ། ཤིན་ཏུ་ཉེ་བར་ཞི་བ། དེ་ཁོ་ན། དེ་བཞིན་ཉིད། མ་ནོར་བ་དེ་བཞིན་ཉིད། གཞན་མ་ཡིན་པ། གཞན་དུ་མི་འགྱུར་བ། སེམས་ཅན་ཐམས་ཅད་ཀྱི་སྒྲར་བརྗོད་པ། བདུད་ཚར་གཅོད་པ། མུ་སྟེགས་
[16a.2]ཅན་རྣམས་ཕམ་པར་བྱེད་པ། འཁོར་བའི་ཡུལ་ལས་ཤིན་ཏུ་འདས་པ། སངས་རྒྱས་ཀྱི་ཡུལ་ལ་འཇུག་པ། འཕགས་པའི་གང་ཟག་རྣམས་ཀྱིས་ཡོངས་སུ་ཤེས་པ། རང་སངས་རྒྱས་རྣམས་ཀྱིས་རྟོགས་པ། བྱང་ཆུབ་སེམས་དཔའ་རྣམས་ཀྱིས་ཡོངས་སུ་
[16a.3]བཟུང་བ། དེ་བཞིན་གཤེགས་པ་ཐམས་ཅད་དང་དབྱེར་མེད་པའོ། །ཞེས་རྒྱ་ཆེར་གསུངས་པའི་ཕྱིར་རོ། །ལམ་དེ་དག་བརྗོད་བྱར་སྟོན་པའི་གསུང་རབ་ཆོས་འཁོར་ཡིན་པ་ནི་གོང་དུ་དྲངས་པའི་མདོ་སྡེ་དགོངས་པ་ངེས་འགྲེལ་གྱི་ལུང་གིས་ཀྱང་གྲུབ་ལ། སློབ་དཔོན་
[16a.4]དབྱིག་གཉེན་གྱིས་ཀུན་རྫོབ་ཀྱི་ཆོས་ཀྱི་ངོ་བོ་བསྟན་པའི་རང་བཞིན་གྱི་འཁོར་ལོ་ནི་ཆོས་ཀྱི་འཁོར་ལོ་ཡིན་ནོ། །ཞེས་དང་། མཁས་པ་ཆོས་ཀྱི་བཤེས་གཉེན་གྱིས་ཀྱང་། ཐུབ་པ་ཆེན་པོའི་ཆོས་ཀྱི་འཁོར་ལོ་མ་ལུས་པ་སྟེ། ཆོས་ནི་བསྟན་པའི་ཆོས་གཙོ་བོར་བྱས་པའོ། །ཞེས་
[16a.5]བཤད་པའི་ཕྱིར་དང་། ཤེས་ཕྱིན་དང་མངོན་པ་སོགས་ཀྱི་མིང་ཡང་གཞུང་ལུགས་ལ་འཇུག་པ་མི་འགལ་བ་བཞིན་དུ་འདིར་ཡང་རིགས་པའི་ཕྱིར་རོ། །ཡང་ན་ཆོས་འཁོར་དངོས་རྟོགས་པའི་ཆོས་དང་ཚོགས་སྦྱོར་གྱི་ལམ་དེའི་ཡན་ལག་ཡིན་ཞིང་། གསུང་རབ་ནི་དེ་དག་
[16a.6]གཞན་རྒྱུད་ལ་གོ་བར་བྱེད་པའི་ཕྱིར་ཆོས་འཁོར་བསྐོར་བ་ཞེས་བྱ་བར་བཤད་ཀྱང་ལེགས་པའི་ཕྱོགས་གཅིག་ཡིན་ནོ། །དེ་ལ་འདིར་བསྟན་བྱར་གྱུར་པའི་ལུང་གི་ཆོས་འཁོར་གྱི་མཚན་ཉིད་ནི། སྟོན་པས་གསུངས་པའི་དམ་ཆོས་གང་ཞིག་ །མྱ་ངན་ལས་འདས་པའི་རྒྱུ་འབྲས་
[16a.7]ངོ་བོ་ཉིད་གསུམ་གང་རུང་བརྗོད་བྱའི་གཙོ་བོར་གྱུར་པའི་ངག་གི་རྣམ་པར་སྣང་བའི་རྣམ་རིག་གོ། །དེའི་མཚན་གཞིའང་། བདག་རྐྱེན་སངས་རྒྱས་ཀྱི་ཡེ་ཤེས་དང་། རྒྱུའི་རྐྱེན་གདུལ་བྱའི་རྒྱུད་དག་པ་གཉིས་ལ་བརྟེན་ནས། གདུལ་བྱ་དེའི་ཤེས་པ་མིང་ཚིག་ཡི་གེའི་
[16b.1]རྣམ་པར་སྣང་བ་ཉིད་ཡིན་གྱི། བཅོམ་ལྡན་འདས་ལ་ངག་ཀུན་ནས་སློང་བའི་བག་ཆགས་མི་མངའ་བའི་ཕྱིར་དང་། ནང་གི་ཤེས་པ་ཕྱི་རོལ་གྱི་སྒྲར་ཞེན་པའི་མ་རིག་པ་མེད་པའི་ཕྱིར་དོན་དམ་པར་དེ་བཞིན་གཤེགས་པས་བཞེད་པའི་དབང་གིས་བསྟན་པ་ནི་མ་ཡིན་ནོ། །དེ་ལྟ་
[16b.2]བས་ན་ཐེག་ཆེན་གྱི་མདོ་སྡེ་འགའ་ཞིག་ལས། བདེ་བར་གཤེགས་པས་ཆོས་ཚིག་འབྲུ་གཅིག་ཀྱང་མ་བསྟན་པར་བཤད་པའང་དོན་འདི་ལ་དགོངས་ཤིང་། རྒྱན་སྣང་ལས་ཀྱང་། སངས་རྒྱས་ཀྱིས་ཆོས་བསྟན་པ་ནི་ཞེས་བྱ་བ་ནི། གང་གི་ཕྱིར་རྣམ་པར་རྟོག་པ་རང་གི་རྣམ་པ་ལ་ཕྱི་རོལ་
[16b.3]གྱི་རང་བཞིན་དུ་སྒོ་བཏགས་ནས་འཇུག་པའི་ཕྱིར། དེ་མ་ཡིན་པ་ལ་དེར་འཛིན་པས་རང་ཉིད་མ་རིག་པའི་རང་བཞིན་ཡོད་ན་སྒྲིབ་པ་མ་ལུས་པ་སྤངས་པ་མི་སྲིད་པ་དེ་བས་ན་རྟག་ཏུ་མཉམ་པར་བཞག་པའི་སངས་རྒྱས་བཅོམ་ལྡན་འདས་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པའི་ཡེ་
[16b.4]ཤེས་ཀྱི་མཐུས་མོས་པ་ཇི་ལྟ་བ་བཞིན་དུ་སྐལ་བ་དང་ལྡན་པ་རྣམས་ལ་མ་འཆོལ་བར་རང་གི་ཤེས་པའི་སྣང་བ་སྟོན་པར་སྣང་བ་ཉེ་བར་སྐྱེ་སྟེ། དེ་བས་ན་དེ་ལྟ་བུའི་རྟོགས་པའི་རྗེས་སུ་འབྲངས་ནས་དེ་རྣམས་ལས་སངས་རྒྱས་བཅོམ་ལྡན་འདས་ཀྱིས་བསྟན་པ་རྣམ་པར་གཞག་གོ། །
[16b.5]ཞེས་དང་། དེ་བས་ན་གདུལ་བྱའི་ཤེས་པ་སྒྲར་སྣང་བའི་རང་བཞིན་ཉིད་ཡིན་པས་བསྟན་པ་ཉན་པ་པོའི་སྐྱེ་བོ་དང་འབྲེལ་བ་ཡིན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་ཡེ་ཤེས་ཀྱི་བདག་པོ་ལས་སྐྱེས་པའི་ཕྱིར་སངས་རྒྱས་རྣམས་ཀྱིས་ཆོས་བསྟན་པ་ཡིན་ནོ་ཞེས་བྱ་ནས་མཆོད་པར་བྱ་བ་དེ་བཞིན་དུ།
[16b.6]ད་ལྟར་བའི་ཆོས་སྨྲ་བ་རྣམས་ཀྱི་སྟོན་པའང་བཅོམ་ལྡན་འདས་ལས་བརྒྱུད་ནས་འོངས་པ་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལས་ངེས་པར་སྐྱེས་པའི་ཕྱིར་མཆོད་པར་བྱ་བ་ཡིན་ནོ་ཞེས་བྱ་བའི་དོན་ཏོ། །ཞེས་འབྱུང་ངོ༌།། །འདི་སྐབས་ཐེག་དམན་བྱེ་མདོ་དག་གིས་མཚན་ཉིད་དེ་ལྟར་མི་འདོད་དེ། མཛོད་
[16b.7]ལས། གང་རྣམས་ཐུབ་པས་གསུངས་དེ་དག །ཚིག་གམ་མིང་ཡིན་དེ་དག་ནི། །གཟུགས་དང་འདུ་བྱེད་དག་ཏུ་འདུས། །ཞེས་བཤད་པ་ལྟར། བྱེ་སྨྲས་གསུང་རབ་ཀྱི་ངོ་བོ་མིང་ཚིག་ཡི་གེའི་ཚོགས་སྒྲ་སྤྱིའི་ཕྲེང་བར་འདོད་པས་ལྡན་མིན་འདུ་བྱེད་དང་། མདོ་སྡེ་པས་དེ་སྒྲ་རང་མཚན་པར་འདོད་པས་
[17a.1]གཟུགས་ཕུང་དུ་སྨྲ་བར་བྱེད་དོ། །གཉིས་པ་ངེས་ཚིག་ནི། ལེགས་སྦྱར་གྱི་སྐད་དུ་དྷརྨ་ཙ་ཀྲ་ཞེས་བྱ་སྟེ་དྷརྨ་སྒྲ་ནི་དམ་པའི་ཆོས་ལུང་དང་རྟོགས་པའི་བདག་ཉིད་ལ་འཇུག་སྟེ་དེའི་སྒྲ་བཤད་གོང་དུ་སོང་། ཙ་ཀྲ་ཞེས་པ་འཕོ་བ་དང་། ཚོགས་པ་ལའང་འཇུག་པས། རྟོགས་པའི་ཆོས་འཁོར་གདུལ་
[17a.2]བྱའི་རྒྱུད་ལ་འཕོ་བ་ལྟར་སྣང་བའི་ཕྱིར་དང་། ལུང་གི་ཆོས་འཁོར་ཆོས་ཀྱི་ཕུང་པོ་མང་པོའི་བདག་ཉིད་ཡིན་པའི་ཕྱིར་དེ་སྐད་ཅེས་བྱ་སྟེ། ཆོས་བཤེས་ཀྱིས་ཀྱང་། འཁོར་ལོ་ནི་གདུལ་བྱའི་རྒྱུད་ལ་འཕོ་བར་སྣང་བས་ནའམ། ཚོགས་ཀྱི་དོན་གྱི་ཕྱིར་འཁོར་ལོ་སྟེ་སྒྲ་དོན་ནི་དེ་དག་དང་ཉེ་བའི་
[17a.3]ཕྱིར་རོ་ཞེས་སོ། །ཡང་མིང་གི་རྣམ་གྲངས་ཚངས་པའི་འཁོར་ལོ་ཞེས་བྱ་བའང་། མཛོད་ལས། དེ་ཉིད་ཚངས་ཚུལ་ཚངས་པ་ཡི། །འཁོར་ལོ་ཚངས་པས་བསྐོར་ཕྱིར་རོ། །ཞེས་འབྱུང་བ་ལྟར་ཏེ། མདོ་ལས། བཅོམ་ལྡན་འདས་དེ་ནི་ཚངས་པ་ཞེས་ཀྱང་བྱ། ཞི་བ་དང་བསིལ་བར་གྱུར་པ་ཞེས་ཀྱང་བྱ། ཞེས་
[17a.4]གསུངས་པས་བཅོམ་ལྡན་འདས་ཉིད་ལ་ཚངས་པ་ཞེས་བྱ་ཞིང་། །མཚན་དེ་འབྲེལ་པའི་རྒྱུ་མཚན་ཡང་། བྲཧྨ་ཞེས་པ། སྒྲ་སྦྱོར་བམ་གཉིས་ལས། བྲཧྨ་ཙཱརྱ་ཞེས་བྱ་བ་བྲཧྨ་བྷཱུ་ཏ་ཤཱི་ཏ་བྷཱུ་ཏ་ཞེས་བྱ་སྟེ། ཚངས་པའམ་བསིལ་བར་གྱུར་པས་ཏེ་དོན་དུ་ན་མྱ་ངན་ལས་འདས་པ་ལ་བྱ། ཞེས་བཤད་
[17a.5]པ་དང་། དེ་མཐུན་མཛོད་ཊཱི་ཀ་ལས་ཀྱང་བཅོམ་ལྡན་འདས་ནི་ཚངས་པའི་ཚུལ་བླ་ན་མེད་པའང་ལྡན་པའི་ཕྱིར་ཚངས་པ་ཡིན་ཏེ། ཞེས་བཤད་ཅིང་། སློབ་དཔོན་རྒྱལ་པོའི་སྲས་ཀྱིས་ཀྱང་ཚངས་པའི་ཚུལ་དེ་ཟག་པ་མེད་པའི་ལམ་དུ་བཤད་པའི་ཕྱིར་ཏེ། ཚངས་པ་ཆེན་པོ་དེས་བསྐོར་བའི་འཁོར་ལོ་ཡིན་
[17a.6]པའི་ཕྱིར་དེ་སྐད་ཅེས་བྱའོ། །གསུམ་པ་དབྱེ་བའི་ཚུལ་གྱི་སྒོ་ནས་རྒྱས་པར་འཆད་པ་ལ། །ཆོས་འཁོར་གསུམ་དུ་དབྱེ་ཞིང་བཤད་པ། དེ་ལ་ཆོས་ཕུང་དུ་རྣམ་པར་གཞག་པ། དེ་དག་དྲང་ངེས་གཉིས་སུ་བསྡུ་བའོ། །དང་པོ་ལ་སྤྱི་དང་སོ་སོའི་རྣམ་གཞག་གཉིས་ཀྱི་དང་པོ་ནི། གོང་དུ་དྲངས་པ་ལྟར་
[17a.7]དགོངས་པ་ངེས་འགྲེལ་ནས་གསུངས་པའི་ལུང་གི་ཆོས་འཁོར་བསྐོར་བའི་རྣམ་གཞག་གསུམ་པོ་དེ་ཉིད་ཡིན་ཏེ། བཀའ་དང་པོ་བདེན་པ་བཞིའི་ཆོས་འཁོར། བར་པ་མཚན་ཉིད་མེད་པའི་ཆོས་འཁོར། ཐ་མ་ལེགས་པར་རྣམ་པར་ཕྱེ་བའི་ཆོས་འཁོར་ལོ། །དེ་ལྟར་གསུམ་དུ་དབྱེ་རིགས་པའི་རྒྱུ་
[17b.1]མཚན་ཡང་། གདུལ་བྱའི་གང་ཟག་ལ་ཐེག་དམན་གྱི་རིགས་སུ་ངེས་པ་དང་། ཐེག་ཆེན་གྱི་རིགས་སུ་ངེས་པ་དང་། རྐྱེན་གྱིས་འགྱུར་བས་རིགས་མ་ངེས་པ་དང་གསུམ་དུ་དབྱེ་བ། དབྱེ་བ་གྲངས་ངེས་མཚན་ཉིད་པ་ཡིན་ཞིང་དེ་ལྟར་འཐད་པའི་ཕྱིར། དེའི་དབང་གིས་སྔ་མ་དག་གི་ངོར་བདེན་པ་བཞི་དང་
[17b.2]རྟེན་འབྲེལ་བཅུ་གཉིས་སོགས་སྟོན་པ་འཁོར་ལོ་དང་པོ་དང་། གཉིས་པ་དག་གི་ངོར་ཤིན་ཏུ་ཟབ་པའི་སྟོང་པ་ཉིད་ཀྱི་གནས་སྟོན་པ་འཁོར་ལོ་བར་པ་དང་། མ་ངེས་པ་དག་གི་ངོར་ཟབ་མོའི་གནས་ལ་སྐྲག་པ་སྤོང་བའི་ཕྱིར་ཆོས་རྣམས་རྣམ་རིག་ཙམ་དུ་སྟོན་ཞིང་ཡོངས་གྲུབ་དོན་དམ་བདེན་པར་
[17b.3]གསུངས་པ་འཁོར་ལོ་ཐ་མ་སྟེ་འདུལ་བྱེད་ཀྱི་ཐབས་ཀྱང་གསུམ་དུ་འདུས་པར་འཐད་ཅིང་ངེས་པའི་ཕྱིར་རོ། །ཡང་ན་གཟུངས་ཀྱི་དབང་ཕྱུག་རྒྱལ་པོས་ཞུས་པའི་མདོ་ལས། རིགས་ཀྱི་བུ་དེ་བཞིན་དུ། དེ་བཞིན་གཤེགས་པས་ཡོངས་སུ་མ་དག་པའི་སེམས་ཅན་གྱི་ཁམས་རིག་ནས། མི་རྟག་
[17b.4]པ་དང་། སྡུག་བསྔལ་བ་དང་།། བདག་མེད་པ་དང་། མི་སྡུག་པ་ཡིད་འབྱུང་བར་འགྱུར་བའི་གཏམ་གྱིས་འཁོར་བ་ལ་མངོན་པར་དགའ་བའི་སེམས་ཅན་རྣམས་ཡིད་འབྱུང་བར་བྱེད། འཕགས་པའི་ཆོས་འདུལ་བ་ལ་འཇུག་པར་བྱེད་དོ། །དེ་ཙམ་གྱིས་དེ་བཞིན་གཤེགས་པ་བརྩོན་འགྲུས་
[17b.5]རྒྱན་མི་གཅོད་ཅིང་། དེའི་འོག་ཏུ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་གཏམ་གྱིས་དེ་བཞིན་གཤེགས་པའི་ཚུལ་ཁོང་དུ་ཆུད་པར་བྱེད་དོ། །དེ་ཙམ་གྱིས་ཀྱང་དེ་བཞིན་གཤེགས་པ་བརྩོན་འགྲུས་རྒྱུན་མི་གཅོད་ཀྱི། དེའི་འོག་ཏུ་ཕྱིར་མི་ལྡོག་པའི་འཁོར་
[17b.6]ལོའི་གཏམ་དང་། འཁོར་གསུམ་ཡོངས་སུ་དག་པའི་གཏམ་གྱིས་སེམས་ཅན་དེ་དག་དེ་བཞིན་གཤེགས་པའི་ཡུལ་ལ་འཛུད་དོ། །ཞེས་ཆོས་འཁོར་གསུམ་ལ་གཏམ་གསུམ་གྱིས་བསྟན་པར་མཛད་དེ། དང་པོ་འཁོར་བ་ལས་ཡིད་འབྱུང་བའི་གཏམ་དང་། གཉིས་པ་རྣམ་
[17b.7]ཐར་སྒོ་གསུམ་གྱི་གཏམ་དང་། གསུམ་པ་ཕྱིར་མི་ལྡོག་པའི་འཁོར་ལོའི་གཏམ་མོ། །དེ་ལྟར་འཇོག་པའི་རྒྱུ་མཚན་ནི། མདོ་དེ་ཉིད་ལས། ནོར་བུ་མཁན་མཁས་པས་ནོར་བུ་སྦྱོང་བའི་དཔེས་གསུངས་པ་ལྟར། གདུལ་བྱ་བྱང་ཆུབ་མཆོག་ཏུ་བཀྲི་བའི་རིམ་པས་བཞག་པ་
[18a.1]སྟེ། རྒྱུད་བླ་ལས། འཇིག་རྟེན་ཞི་བའི་ལམ་ལ་འཇུག་པ་དང་། །རབ་ཏུ་སྨིན་དང་ལུང་སྟོན་རྒྱུ་ཡི་གཟུགས། །ཞེས་བཤད་པ་ལྟར། དང་པོ་གདུལ་བྱ་འཁོར་བ་ལ་ཆགས་པ་རྣམས་ཡིད་འབྱུང་བའི་གཏམ་གྱིས་བསྐུལ་ནས་ཞི་བའི་ལམ་ལ་འཇུག་པ་དང་།
[18a.2]དེ་ནས་སྟོང་པ་ཉིད་ཀྱི་གཏམ་གྱིས་ཐེག་པ་ཆེན་པོར་ཡོངས་སུ་སྨིན་པ་དང་། དེ་ནས་ཕྱིར་མི་ལྡོག་པའི་འཁོར་ལོའི་གཏམ་གྱིས་དེ་བཞིན་གཤེགས་པའི་ཡུལ་ལ་འཇུག་ཅིང་ལུང་སྟོན་པ་ཆེན་པོ་འཐོབ་པར་བྱེད་པའི་ཕྱིར་རོ། །ཡང་ན་སློབ་དཔོན་ཀླུ་སྒྲུབ་ཀྱིས། དང་པོ་བདག་སྟོན་པའི་
[18a.3]འཁོར་ལོ། བར་དུ་བདག་མེད་སྟོན་པའི་འཁོར་ལོ། ཐ་མར་ལྟ་བ་ཀུན་ཟློག་གི་འཁོར་ལོ་ཞེས་ཐ་སྙད་མཛད་ཅིང་། འཕགས་པ་ལྷས་དེའི་དོན་འགྲེལ་པ་ན། བསོད་ནམས་མ་ཡིན་དང་པོར་བཟློག །བར་དུ་བདག་ནི་བཟློག་པ་དང་། །ཐ་མར་ལྟ་གཞི་ཀུན་བཟློག་པ། །གང་གིས་ཤེས་
[18a.4]དེ་མཁས་པ་ཡིན། །ཞེས་བཤད་པ་སྟེ།དེ་ལྟར་འཕགས་པ་ཡབ་སྲས་ཀྱིས། ཀུན་རྫོབ་ཀྱི་བདེན་པ་ལ་བླང་དོར་ཕྱིན་ཅི་མ་ལོག་པར་ཞུགས་ནས། དོན་དམ་བདེན་པ་མཐོང་རུང་དུ་བསྒྲུབ་པའི་ཕྱིར་དང་པོ། །བདག་འཛིན་བཟློག་པའི་ཕྱིར་སྤྲོས་པའི་ཕྱོགས་གཅིག་འགོག་པའི་རྣམ་
[18a.5]གྲངས་པའི་དོན་དམ་བདེན་པ་བསྟན་པས་ཡོད་མེད་ལ་སོགས་པའི་ལྟ་བའི་གཞི་ཐམས་ཅད་བ་ཟློག་པའི་ཕྱིར་སྤྲོས་པ་ཐམས་ཅད་དང་བྲལ་བའི་དོན་དམ་བདེན་པ་དངོས་སྟོན་པ་གསུམ་པར་བཞེད་པ་ཡིན་ཞིང་། འདིའང་གདུལ་བྱ་ལ་ལྟོས་ནས་འདུལ་བྱེད་ཐབས་ཀྱི་དབྱེ་བ་དང་གོ་རིམ་བྱས་པ་ཡིནནོ།།
[18a.6]དེས་ན་སྔ་མ་དགོངས་འགྲེལ་དང་གཟུངས་དབང་གི་མདོ་ལས་འབྱུང་བ་དང་གི་དབྱེ་བ་དང་གོ་རིམ་ནི། འཁོར་ལོ་ཐ་མ་ངེས་དོན་མཐར་ཐུག་ཏུ་དགོངས་པས་བཤད་པའི་དབང་གིས་ཡིན་ལ། ལུགས་ཕྱི་མ་ལྟར་གྱི་ཚེ། སྔར་གྱི་འཁོར་ལོ་བར་པ་དེ་ཉིད་ཐ་མར་བསྟན་པ་ཡིན་ཏེ། དེ་ལྟ་བ་ཀུན་བཟློག་
[18a.7]གི་འཁོར་ལོར་སློབ་དཔོན་དེ་ཉིད་བཞེད་པའི་ཕྱིར་རོ། །གཉིས་པ་སོ་སོའི་རྣམ་གཞག་ལ་གསུམ་ལས། དང་པོ་བདེན་བཞི་ཆོས་འཁོར་གྱི་མཚན་ཉིད་ནི། སྟོན་པས་གསུངས་པའི་དམ་ཆོས་གང་ཞིག །ཐེག་ཆེན་གྱི་ལམ་སྟེགས་སུ་དགོངས་ནས། གཙོ་བོར་ཐེག་དམན་གྱི་རིགས་ཅན་
[18b.1]རྣམས་ལ་བསྟན་པའོ། །དེའི་མཚན་གཞི་ནི། ཉན་ཐོས་རྣམས་ལ་གྲགས་པའི་འདུལ་མངོན་མདོ་སྡེའི་གསུང་རབ་རྣམས་ཏེ། ལུང་སྡེ་བཞི་སོགས་སོ། །དེ་དག་ལ་ཅིའི་ཕྱིར་བདེན་བཞིའི་ཆོས་འཁོར་ཞེས་བྱ་ཞེ་ན། གཙོ་བོར་བདེན་པ་བཞི་ལས་བརྩམས་ཏེ་དམན་
[18b.2]པ་ལ་མོས་པ་རྣམས་དྲང་བའི་ཕྱིར་ལྟ་སྤྱོད་ཡང་དག་པར་སྟོན་པས་ན་དེ་སྐད་ཅེས་བྱའོ། །དེ་ལ་འཇིག་རྟེན་འདི་ཉིད་དུ་དམན་པའི་གདུལ་བྱ་རྣམས་ཀྱི་ཐུན་མོང་གི་སྣང་ངོ་ཙམ་དུ་འཁོར་ལོ་དང་པོའི་དངོས་གཞི་ནི་ཝཱ་རཱ་ཎ་སི་དྲང་སྲོང་ལྷུང་བ་རི་དྭགས་ཀྱི་ནགས་སུ་སྟོན་པས་ཆུ་སྟོད་
[18b.3]ཟླ་བའི་ཚེས་བཞིའི་དུས་སུ་ལྔ་སྟེ་བཟང་པོ་ལ་ལན་གསུམ་དུ་བཟླས་པ་རྣམ་པ་བཅུ་གཉིས་ཀྱི་ཆོས་ཀྱི་འཁོར་ལོ་བསྐོར་བའི་ཚུལ་བསྟན་པ་དེ་ཡིན་ཏེ། དེའི་ཚུལ་ནི་བྱེ་སྨྲ་དག་འདི་ལྟར་འདོད་དེ། བདེན་པ་བཞི་བོ་སོ་སོར་འདི་དང་འདིའོ་ཞེས་བསྟན་པ་བཟླས་པ་དང་པོ། སྡུག་
[18b.4]བསྔལ་ཤེས་པར་བྱ། ཀུན་འབྱུང་སྤང་བར་བྱ། འགོག་པ་མངོན་དུ་བྱ། ལམ་བསྒོམ་པར་བྱ་ཞེས་བསྟན་པ་བཟླས་པ་གཉིས་པ། སྡུག་བསྔལ་ཡོངས་སུ་ཤེས་སོ། །ཀུན་འབྱུང་སྤངས་སོ། །འགོག་པ་མངོན་དུ་བྱས་སོ། །ལམ་བསྒོམས་སོ། །
[18b.5]ཞེས་བསྟན་པ་བཟླས་པ་གསུམ་པ། དེ་ལྟར་བཟླས་པ་རེ་རེ་ལ་མིག་སྐྱེས་སོ། ཤེས་པ་དང༌རིག་པ་དང་། བློ་སྐྱེས་སོ། །ཞེས་བཞི་བཞིས་རྣམ་པ་བཅུ་གཉིས་སུ་འགྱུར་བ་ཡིན་ནོ། །དེ་ལ་འཁོར་བའི་འབྲས་བུ་སྡུག་བསྔལ། དེའི་རྒྱུ་ཀུན་འབྱུང་། མྱ་
[18b.6]ངན་ལས་འདས་པ་བྲལ་བའི་འབྲས་བུ་འགོག་བདེན། དེའི་བྱེད་རྒྱུ་ལམ་བདེན་ཏེ། འདི་བཞིས་འཁོར་འདས་ཀྱི་ཆོས་མཐའ་དག་བསྡུས་ཤིང་། དེ་དག་བཟླས་པ་དང་པོས་ངོ་བོ་སོ་སོར་ངེས་པའི་སྒོ་ནས་མཐོང་ལམ་བསྟན། གཉིས་པས་དེ་དག་ལ་བླང་དོར་བྱེད་
[18b.7]པའི་སྒོ་ནས་སྒོམ་ལམ་བསྟན། གསུམ་པས་བླང་དོར་ཟིན་པའི་སྒོ་ནས་མི་སློབ་ལམ་བསྟན་ཅིང་། དེ་དག་སོ་སོར་བདེན་པ་རེ་རེ་ལའང་བཞི་བཞི་གསུངས་པ། མིག་ཅེས་བྱ་བ་ཟག་མེད་ཀྱི་ཤེས་རབ། ཤེས་པ་ཞེས་པ་ཐེ་ཚོམ་མེད་པ། རིག་པ་ཞེས་པ་ཡང་
[19a.1]དག་པའི་དོན། བློ་ཞེས་པ་རྣམ་པར་དག་པའི་བློ་སྟེ། རིམ་པ་བཞིན་ཕྱི་རོལ་པའི་བདེན་པ་མཐོང་བར་རློམ་པ་ནི་ལོག་ལྟ། ཐེ་ཚོམ། མ་རིག་པ། ཟག་བཅས་བཞི་ལས་མ་འདས་པས། དེ་དག་ལས་ཁྱད་པར་དུ་བྱ་བའི་ཕྱིར་སྨོས་པ་ཡིན་པར་
[19a.2]མཛོད་འགྲེལ་རྣམས་ལས་བཤད་དོ། །དེ་ལྟ་ན་རྣམ་པ་བཞི་བཅུ་རྩ་བརྒྱད་དུ་འགྱུར་ཏེ། བཟླས་པ་གསུམ་ལ་བདེན་པ་རེ་རེ་ནས་བགྲངས་ན་བཅུ་གཉིས་སུ་འགྱུར་བ་གང་ཞིག །དེ་བཞིས་བསྒྱུར་བས་དེ་ལྟར་འགྲུབ་པའི་ཕྱིར་རོ་ཞེ་ན་སྐྱོན་མེད་དེ། བཅུ་གཉིས་ཚན་
[19a.3]དུ་ཆོས་མཐུན་པའི་ཕྱིར་ཏེ། དཔེར་ན་མདོ་ལས། དགེ་སློང་དག །དེའི་ཕྱིར་ཁྱེད་ལ་གཉིས་ཤིག་བསྟན་པར་བྱས་ཏེ། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་ངས་བཤད་དོ། །གཉིས་གང་ཞེ་ན། མིག་དང་གཟུགས་རྣམས་ཞེས་བྱ་བ་ནས། ཡིད་
[19a.4]དང་ཆོས་རྣམས་སོ་ཞེས་བྱ་བའི་བར་གསུངས་པ་ལྟ་བུའོ། །ཞེས་འདོད་དོ། །མདོ་སྡེ་པ་དག་གིས་ནི་ལན་གསུམ་དུ་བཟླས་པའི་ཚུལ་དེ་ལྟ་བུ་ཡིན་ན་ཆོས་ཀྱི་འཁོར་ལོ་ལན་གསུམ་དུ་བཟླས་པར་མི་འགྲུབ་སྟེ། ཁྱེད་ཀྱིས་མཐོང་ལམ་ཁོ་ན་ཆོས་འཁོར་དུ་འདོད་པ་གང་ཞིག་
[19a.5]དེ་དང་པོར་ལོན་གཅིག་ལས་མ་སྨོས་པའི་ཕྱིར། དེ་ལ་རྣམ་པ་བཅུ་གཉིས་ཡིན་པའང་མི་འགྲུབ་སྟེ། མཐོང་ལམ་ལ་ལྟོས་པའི་མིག་སོགས་བཞི་ཚན་གཅིག་ཏུ་ཁྱེད་རང་གིས་ཁས་བླངས་པའི་ཕྱིར་རོ། །ཞེས་བྱེ་སྨྲའི་རྣམ་གཞག་དེ་དག་སུན་ཕྱུང་ནས་རང་
[19a.6]ལུགས་འཇོག་པའི་ཚེ། བདེན་བཞི་རང་གི་ངོ་བོ་ལ་དམིགས་པའི་ཚུལ་གྱིས་བཟླས་པ་དང་པོ། བྱ་བའི་ངོ་བོ་ལ་དམིགས་པའི་ཚུལ་གྱིས་བཟླས་པ་གཉིས་པ། མཐར་ཐུག་ལ་དམིགས་པའི་ཚུལ་གྱིས་གསུམ་པ་སྟེ། བཟླས་བྱ་ནི་བདེན་བཞིའི་ཆོས་ཀྱི་
[19a.7]རྣམ་གྲངས་ཉིད་ཡིན་ཞིང་། བཟླས་པ་གསུམ་ལ་བདེན་པ་བཞི་སོ་སོར་ངོ་བོ་བྱ་བ་འབྲས་བུ་རྣམས་ལ་དམིགས་པའི་རྣམ་པ་བཞི་བཞིར་འགྱུར་བའི་ཕྱིར་རྣམ་པ་བཅུ་གཉིས་ཡིན་ནོ་ཞེས་འདོད་དོ། །དེ་ལྟ་བས་ན་མདོ་སྡེ་པའི་འདོད་པ་འདི་ཉིད་འཐད་པའི་ཕྱོགས་
[19b.1]སུ་གཟུང་བར་བྱའོ། །དེ་ལྟ་བུའི་ཆོས་འཁོར་བསྐོར་བ་འདིའི་དངོས་ཀྱི་དགོས་པ་ནི། ལྔ་སྡེ་བཟང་པོས་དགྲ་བཅོམ་པ་ཐོབ་པ་དང་། ལྷ་བརྒྱད་ཁྲིས་མཐོང་ལམ་ཐོབ་པ་རྣམས་ཡིན་ཞིང་། ཁྱད་པར་གྱི་དགོས་པ་ནི། གདུལ་བྱ་རྣམས་གང་ཟག་ཏུ་འཛིན་
[19b.2]པ་ལས་བཟློག་ནས་རྒྱུན་ཞུགས། ཕྱིར་འོང་། ཕྱིར་མི་འོང་། དགྲ་བཅོམ་སྟེ་འབྲས་བུ་བཞི་ལ་ཅི་རིགས་པར་འགོད་པ་རྣམས་སོ། །འདི་ལས་གཞན་བདེན་བཞིའི་ཆོས་འཁོར་དུ་གཏོགས་པ་རྣམས་ནི་འདུལ་བ་ལུང་། གྲོང་ཁྱེར་དྲུག་སོགས་སུ་ཐོར་བུར་
[19b.3]གསུངས་པ་སོགས་གནས་དང་དུས་མ་ངེས་པ་སྣ་ཚོགས་པའོ། །གཉིས་པ་འཁོར་ལོ་བར་པའི་མཚན་ཉིད་ནི། སྟོན་པས་གསུངས་པའི་དམ་པའི་ཆོས་གང་ཞིག །ཐེག་པ་ཆེན་པོའི་ལམ་དངོས་ལ་དགོངས་ནས་གཙོ་བོར་བྱང་ཆུབ་སེམས་དཔའ་རྣམས་ལ་ཟབ་མོ་སྟོང་པ་ཉིད་
[19b.4]ཀྱི་ཚུལ་ལས་བརྩམས་ཏེ་བསྟན་པ་སྟེ། དེའང་རྒྱ་རོལ་ལས། ཀུན་གཞི་མེད་ཅིང་སྤྲོས་མེད་པ། །སྐྱེ་བ་མེད་ཅིང་འབྱུང་མེད་ལ། །དབེན་ཞིང་རང་བཞིན་སྟོང་པ་ཡི། །ཆོས་ཀྱི་འཁོར་ལོ་རབ་བསྐོར་ཏོ། །བླང་བ་མེད་ཅིང་དོར་མེད་ལ། །མཚན་མ་མེད་
[19b.5]ཅིང་མཚན་ཉིད་མེད། །མཉམ་པ་ཉིད་ཀྱི་ཆོས་བསྟན་པའི། །འཁོར་ལོ་སངས་རྒྱས་ཀྱིས་བསྐོར་ཏོ། །ཞེས་གསུངས་སོ། །དེའི་མཚན་གཞི་ནི། ཤེས་ཕྱིན་གྱི་མདོ་སྡེ་ལ་སོགས་པ་རྣམས་སོ། །དེ་དག་ལ་ཅིའི་ཕྱིར་མཚན་ཉིད་མེད་པའི་ཆོས་ཀྱི་འཁོར་
[19b.6]ལོ་ཞེས་བྱ་ཞེ་ན།གཟུགས་ནས་རྣམ་མཁྱེན་གྱི་བར་གྱི་ཆོས་ཐམས་ཅད་རང་རང་གི་མཚན་ཉིད་ཤིན་ཏུ་དབེན་པའི་སྨྲ་བསམ་བརྗོད་བྲལ་གྱི་དེ་ཁོ་ན་ཉིད་སྟོན་པར་སྣང་བའི་ཕྱིར་དེ་སྐད་ཅེས་བྱའོ། །དེ་ལ་འཁོར་ལོ་བར་པའི་དངོས་གཞི་ནི། དུས་ལ་བོད་རྣམས་ཀྱི་འཆད་
[19b.7]ཚུལ་སྣ་ཚོགས་ཞིག་སྣང་ཡང་། ཁུངས་འདི་ཡིན་གྱིས་ངེས་གསལ་མ་མཐོང་བས་ཀྲིག་ཅར་སྨྲ་མ་བཏུབ་ལ། གནས་ནི་གྲོང་ཁྱེར་རྒྱལ་པོའི་ཁྱབ་ཀྱི། བྱ་རྒོད་ཕུང་པོའི་རིར་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་སོགས་ཉན་ཐོས་
[20a.1]ཀྱི་འཁོར་བཞིའི་ཚོགས་ཆེན་པོ་དང་། བྱང་ཆུབ་སེམས་དཔའི་དགེ་འདུན་བྱེ་བ་ཁྲག་ཁྲིག་དཔག་ཏུ་མེད་པ་རྣམས་ལ། །ཟབ་མོ་སྟོང་པ་ཉིད་ཀྱི་ཚུལ་བསྟན་པས་མངོན་རྟོགས་བརྒྱད་གདུལ་བྱའི་རྒྱུད་ལ་ཇི་ལྟར་སྐྱེ་བའི་རིམ་པ་དོན་བདུན་ཅུ་དང་བཅས་པ་
[20a.2]སྦས་དོན་དུ་ཡོད་པ་དེ་ཉིད་དངོས་བསྟན་ཆོས་ཐམས་ཅད་སྟོང་ཉིད་ཀྱི་ཚུལ་དུ་སྒོ་གསུམ་རྣམས་གྲངས་བཅུ་གཅིག་གི་སྒོ་ནས་བསྟན་པར་མཛད་པ་དེ་ཡིན་ནོ། །དེ་ལ་སྦས་དོན་མངོན་རྟོགས་བརྒྱད་ནི། མངོན་རྟོགས་རྒྱན་ལས། ཤེས་རབ་ཕ་རོལ་ཕྱིན་པ་ནི། །དངོས་པོ་
[20a.3]བརྒྱད་ཀྱིས་ཡང་དག་བཤད། །རྣམ་ཀུན་མཁྱེན་ཉིད་ལམ་ཤེས་ཉིད། །དེ་ནས་ཐམས་ཅད་ཤེས་པ་ཉིད། །རྣམ་ཀུན་མངོན་རྫོགས་རྟོགས་པ་དང་། །རྩེ་མོར་ཕྱིན་དང་མཐར་གྱིས་པ། །སྐད་ཅིག་གཅིག་མངོན་རྫོགས་བྱང་ཆུབ། །ཆོས་ཀྱི་སྐུ་དང་དེ་རྣམ་
[20a.4]བརྒྱད། །ཞེས་པ་ལྟར་དང་། ཡན་ལག་གི་དོན་བདུན་ཅུའང་། དེ་ཉིད་ལས། སེམས་བསྐྱེད་པ་དང་གདམས་ངག་དང་། །ངེས་འབྱེད་ཡན་ལག་རྣམ་བཞི་དང་། །སྒྲུབ་པ་ཡི་ནི་རྟེན་གྱུར་པ། །ཆོས་ཀྱི་དབྱིངས་ཀྱི་རང་བཞིན་དང་། །དམིགས་པ་དག་
[20a.5]དང་ཆེད་དང་ནི། །གོ་ཆ་འཇུག་པའི་བྱ་བ་དང་། །ཚོགས་ནི་ངེས་པར་འབྱུང་བཅས་རྣམས། །ཐུབ་པའི་རྣམ་ཀུན་མཁྱེན་པ་ཉིད། །ཞེས་རྣམ་མཁྱེན་མཚོན་བྱེད་ཀྱི་ཆོས་བཅུ་དང་། མོག་མོག་པོར་བྱེད་ལ་སོགས་དང་། །སློབ་མ་བསེ་རུའི་ལམ་གང་
[20a.6]དང་། །འདི་དང་གཞན་པའི་ཡོན་ཏན་གྱིས། །ཕན་ཡོན་ཆེ་བ་མཐོང་བའི་ལམ། །བྱེད་པ་དང་ནི་མོས་པ་དང་། །བསྟོད་དང་བཀུར་དང་བསྔགས་པ་དང་། །བསྔོ་དང་རྗེས་སུ་ཡི་རང་བ། །ཡིད་ལ་བྱེད་པ་བླ་མེད་དག །སྒྲུབ་དང་ཤིན་ཏུ་དག་པ་ཞེས། །
[20a.7]བྱ་བ་འདི་ནི་བསྒོམ་པའི་ལམ། །བྱང་ཆུབ་སེམས་དཔའ་མཁས་རྣམས་ཀྱི། །ལམ་ཤེས་ཉིད་ནི་དེ་འདྲར་བཤད། །ཞེས་ལམ་ཤེས་མཚོན་བྱེད་ཀྱི་ཆོས་བཅུ་གཅིག་དང་། ཤེས་པས་སྲིད་ལ་མི་གནས་ཤིང་། །སྙིང་རྗེས་ཞི་ལ་མི་གནས་དང་། །ཐབས་
[20b.1]མ་ཡིན་པས་རིང་བ་དང་། །ཐབས་ཀྱིས་རིང་བ་མ་ཡིན་ཉིད། །མི་མཐུན་གཉེན་པོའི་ཕྱོགས་དག་དང་། །སྦྱོར་དང་དེ་ཡི་མཉམ་ཉིད་དང་། །ཉན་ཐོས་ལ་སོགས་མཐོང་བའི་ལམ། །དེ་འདྲ་ཀུན་ཤེས་ཉིད་དུ་འདོད། །ཞེས་གཞི་ཤེས་མཚོན་བྱེད་ཀྱི་ཆོས་
[20b.2]དགུ་དང་། རྣམ་པ་སྦྱོར་བར་བཅས་རྣམས་དང་། །ཡོན་ཏན་སྐྱོན་ནི་མཚན་ཉིད་བཅས། །ཐར་དང་ངེས་འབྱེད་ཆ་མཐུན་དང་། སློབ་པ་ཕྱིར་མི་ལྡོག་པའི་ཚོགས། །སྲིད་དང་ཞི་བ་མཉམ་ཉིད་དང་། །ཞིང་དག་བླ་ན་མེད་པ་ནི། །རྣམ་ཀུན་མངོན་རྫོགས་
[20b.3]རྟོགས་པ་སྟེ། །འདི་ནི་ཐབས་མཁས་བཅས་པ་ཡིན། །ཞེས་རྣམ་རྫོགས་སྦྱོར་བ་མཚོན་བྱེད་ཀྱི་ཆོས་བཅུ་གཅིག་དང་། དེ་ཡི་རྟགས་དང་རྣམ་འཕེལ་དང་། །བརྟན་དང་སེམས་ཀུན་གནས་པ་དང་། །མཐོང་ཞེས་བྱ་དང་སྒོམ་པ་ཞེས། །བྱ་བའི་ལམ་ནི་
[20b.4]སོ་སོ་ལ། །རྣམ་པར་རྟོག་པ་རྣམ་བཞི་ཡི། །གཉེན་པོ་རྣམ་པ་བཞི་དང་ནི། །བར་ཆད་མེད་པའི་ཏིང་ངེ་འཛིན། །ལོག་པར་སྒྲུབ་དང་བཅས་པ་ནི། །རྩེ་མོའི་མངོན་རྟོགས། །ཞེས་རྩེ་སྦྱོར་མཚོན་བྱེད་ཀྱི་ཆོས་བརྒྱད་དང་། མཐར་གྱིས་པ། རྣམ་
[20b.5]གསུམ། རྣམ་བཅུ། ཞེས་མཐར་གྱིས་པའི་སྦྱོར་བ་མཚོན་བྱེད་ཀྱི་ཆོས་བཅུ་གསུམ་དང་། སྐད་ཅིག་མ། གཅིག་གིས་མངོན་རྫོགས་བྱང་ཆུབ་པ། །མཚན་ཉིད་ཀྱིས་ནི་རྣམ་པ་བཞི། །ཞེས་སྐད་ཅིག་མའི་སྦྱོར་བ་མཚོན་བྱེད་ཀྱི་ཆོས་བཞི། ངོ་བོ་ཉིད་ལོངས་
[20b.6]རྫོགས་བཅས་དང་། །དེ་བཞིན་གཞན་པ་སྤྲུལ་པ་ནི། །ཆོས་སྐུ་མཛད་པ་དང་བཅས་པ། །རྣམ་པ་བཞིར་ནི་ཡང་དག་བརྗོད། །ཞེས་འབྲས་བུ་ཆོས་སྐུ་མཚོན་བྱེད་ཀྱི་ཆོས་བཞི་རྣམས་སོ། །དེ་དག་སྒོ་གསུམ་རྣམ་གྲངས་བཅུ་གཅིག་གི་སྒོ་ནས་བསྟན་པའི་སྒོ་
[20b.7]གསུམ་ནི། མགོ་སྨོས་པས་གོ་བ་རྣམས་ཀྱི་ངོར་བསྡུས་ཏེ་བསྟན་པའི་སྒོ། སྤྲོས་པ་ཙམ་གྱིས་གོ་བ་རྣམས་ཀྱི་ངོར་འབྲིང་དུ་བསྟན་པའི་སྒོ། ཚིག་ལ་འཆེལ་བ་རྣམས་ཀྱི་ངོར་རྒྱས་པར་བཤད་པའི་སྒོ་རྣམས་སོ། །རྣམ་གྲངས་བཅུ་གཅིག་ནི། ཤཱ་རིའི་བུ། རབ་
[21a.1]འབྱོར། བརྒྱ་བྱིན། ཡང་རབ་འབྱོར། བྱམས་པ། ཡང་རབ་འབྱོར། བརྒྱ་བྱིན། རབ་འབྱོར། བྱམས་པ། རབ་འབྱོར། ཀུན་དགའ་བོ་རྣམས་དང་གོ་རིམ་བཞིན་དུ་དྲི་ལན་སོགས་ཀྱིས་བསྟན་པ་རྣམས་སོ། །དེ་ལྟ་བུའི་བརྗོད་
[21a.2]བྱ་དང་རྗོད་བྱེད་མ་ཚང་བ་མེད་པ་ནི། རྒྱས་པ་ཤེས་ཕྱིན་བྱེ་བ་ཕྲག་བརྒྱ་པ་དང་། འབུམ་པ་སོགས་དང་། འབྲིང་པོ་ཉི་ཁྲི་ལྔ་སྟོང་པ་སོགས་དང་། །བསྡུས་པ་བརྒྱད་སྟོང་པ་སོགས་ཡིན་ཞིང་། དེ་དག་ལས་འཕྲོས་པའི་མདོ་སྡེའང་དཔག་ཏུ་མེད་པས། ཕལ་ཆེར།
[21a.3]གསུང་གཅིག་ཉིད་དུ་གསུངས་མོད་ཀྱང་། །དུ་མ་ཉིད་དུ་སོ་སོར་གོ། །ཞེས་གསུངས་པ་ལྟར། དུས་དང་གནས་གཅིག་ཉིད་དུ་གསུངས་པ་རྒྱལ་བ་ཉིད་ཀྱི་མཐུས་སྡུད་པ་པོ་རྣམས་ཀྱིས་སོ་སོ་ལ་ཇི་ལྟར་སྣང་ཞིང་གདུལ་བྱ་དང་ཉེ་བར་འཚམ་པའི་སྒོ་ནས་རྒྱས་འབྲིང་བསྡུས་
[21a.4]གསུམ་སྣ་ཚོགས་སུ་བསྡུས་པ་ཡིན་ནོ། །ཁ་ཅིག་གིས་དེ་ལྟ་ན་བཅོམ་ལྡན་འདས་ཀྱིས་ཤེས་ཕྱིན་གྱི་ཆོས་གནས་དང་དུས་གཅིག་ལས་གཞན་དུ་མ་བསྟན་ན། གནས་གཞན་དང་གཞན་དུ་དང་། དུས་གཞན་དང་གཞན་དུ་བསྟན་པར་གསུངས་པ་དག་ཀྱང་ཡོད་
[21a.5]པས་ཇི་ལྟར་མི་འགལ་ཞེ་ན། སྐྱོན་མེད་དེ། མདོ་ལས། ཀྱེ་མ་རྒྱལ་སྲས་ཁྱོད་ལྟོས་ཤིག །ཛམྦུའི་གླིང་རྣམས་ཐམས་ཅད་ན། །བདེ་གཤེགས་འདི་ན་བཞུགས་སྙམ་བྱེད། །བདག་ཅག་རྣམས་ནི་འདི་སྙམ་དུ། །རི་རབ་རྩེ་ལ་བདེ་གཤེགས་སྙམ། །འཇིག་
[21a.6]རྟེན་ཁམས་རྣམས་གཞན་ན་ཡང་། །སངས་རྒྱས་ངོ་མཚར་རྨད་རེ་ཆེ། །ཞེས་འབྱུང་བ་ལྟར་དང་། གོང་དུ་སྨྲས་ཟིན་པ་ལྟར། སྐད་ཅིག་བསྐལ་པར་བྱིན་གྱིས་རློབ་པ་སོགས། རྫོགས་པའི་སངས་རྒྱས་ཀྱི་མཐུ་ལ་ལྟ་སྨོས་ཅི་དགོས། བྱང་འཕགས་
[21a.7]སོགས་ཀྱི་རྣམ་པར་འཕྲུལ་པའང་བསམ་གྱིས་མི་ཁྱབ་པའི་གནས་ཡིན་པའི་ཕྱིར་དང་། ཁྱད་པར་སངས་རྒྱས་འཕགས་པ་རྣམས་ཤིན་ཏུ་དྲི་མ་མེད་པའི་ཆོས་ཀྱི་དབྱིངས་རྟག་པ་དམ་པའི་གནས་སུ་མཉམ་པར་གཞག་པ་ལས་ནམ་ཡང་མི་གཡོ་བར། དུས་ཐམས་ཅད་
[21b.1]དང་བྲལ་བ་མཉམ་པ་ཉིད་ཀྱི་དུས་གཅིག་ཉིད་དུ་བརྗོད་པ་ཐམས་ཅད་དང་བྲལ་བའི་ཆོས་ཀྱི་འཁོར་ལོ་བསྐོར་བའི་ཚུལ་འདི་ལྟ་བུ་ཇི་ལྟ་བ་བཞིན་མཉན་པའི་སྣོད་དུ་མ་གྱུར་ནའང་། རང་རེ་ཐེག་ཆེན་པ་དག་གིས། ཐེག་ཆེན་འཆད་པའི་སྐབས་སུ་མོས་པ་
[21b.2]ཙམ་གྱིས་འདི་བཞིན་དུ་བཤད་ན་ལེགས་པའི་ཕྱིར་རོ། །དེ་ལྟ་ན་བྱ་རྒོད་ཕུང་པོའི་རི་སོགས་ཀྱི་གནས་སྨོས་པའི་ངལ་བས་ཅི་ཞིག་བྱ་ཞེ་ན། འོ་སྐོལ་གླིང་བཞི་བའི་འཇིག་རྟེན་འདིར་བྱིས་པ་མཐའ་གཅིག་ཏུ་འཛིན་པ་ཅན་རྣམས་ཀྱིས་མཐོང་བ་ནི་དེ་ཙམ་དུ་ཟད་པའི་
[21b.3]ཕྱིར་མདོ་རྣམས་ལས་ཀྱང་དེ་དག་རྗེས་སུ་འཛིན་པའི་ཕྱིར་དེ་དག་དང་མཐུན་པར་གསུངས་ཤིང་སྣང་ངོ༌། །དེ་ལྟ་བུའི་འཁོར་ལོ་བར་པ་བསྐོར་བ་འདིའི་དགོས་པ་ནི་དངོས་སུ་བསྐོར་ཚུལ་བསྟན་ཡུལ་གྱི་གདུལ་བྱ་ངེས་པར་རྒྱུད་གྲོལ་བ་འདི་ལ་ལྟོས་དགོས་པ་རྣམས། དེ་བཞིན་
[21b.4]གཤེགས་པའི་ཡུལ་ལ་འཇུག་པ་དང་། རྒྱུད་ནས་སེམས་ཅན་ཐམས་ཅད་ཀྱི་ལྟ་བ་ངན་པའི་སྒྲིབ་གཡོགས་བསལ་ནས་ཆོས་ཐམས་ཅད་ཀྱི་གནས་ལུགས་ཕྱིན་ཅི་མ་ལོག་པར་མངོན་སུམ་དུ་རྟོགས་ནས་མཐའ་གཉིས་སུ་རབ་ཏུ་མི་གནས་པའི་མྱ་ངན་ལས་འདས་པ་ཆེན་པོ་འཐོབ་
[21b.5]པའོ། །གསུམ་པ་འཁོར་ལོ་ཐ་མའི་མཚན་ཉིད་ནི། སྟོན་པས་གསུངས་པའི་དམ་ཆོས་གང་ཞིག །མ་ངེས་པའི་རིགས་ཅན་ཐེག་པ་ཆེན་པོའི་ཚུལ་གྱིས་རྗེས་སུ་འཛིན་པའི་ཕྱིར་འཁོར་གསུམ་རྣམ་དག་གི་གཏམ་གཙོ་བོར་སྟོན་པ་སྟེ། དེའི་མཚན་གཞི་ནི། ཕལ་
[21b.6]པོ་ཆེ་དང་ལང་ཀར་གཤེགས་པ་ལ་སོགས་དེ་བཞིན་གཤེགས་པའི་སྙིང་པོའི་གཏམ་གཙོ་བོར་སྟོན་པའི་ཕྱོགས་ཀྱིས་གསུང་རབ་རྣམས་ཡིན་ནོ། །དེ་དག་ལ་ཅིའི་ཕྱིར་ལེགས་པར་རྣམ་པར་ཕྱེ་བའི་ཆོས་འཁོར་ཞེས་བྱ་ཞེ་ན། གཟུགས་ནས་རྣམ་མཁྱེན་གྱི་བར་གྱི་ཆོས་ཐམས་
[21b.7]ཅད་ཀུན་བརྟགས་གཞན་དབང་ཡོངས་གྲུབ་གསུམ་དུ་ལེགས་པར་ཕྱེས་ནས་གསུངས་པའི་ཕྱིར་དེ་སྐད་ཅེས་བྱའོ། །དེ་ལ་འཁོར་ལོ་ཐ་མའི་དངོས་གཞི་ནི། དོན་དམ་པར་ཚད་གཟུང་ཅི་ཞིག་ཀྱང་། རང་རེ་བྱིས་པ་རྣམས་ཀྱི་མཐོང་ཐོས་ཀྱི་ཡུལ་ཙམ་དུའང་། རི་མ་
[22a.1]ལ་ཡ་དང་། བྱང་ཆུབ་ཀྱི་སྙིང་པོ་དང་། ཡངས་པ་ཅན་སོགས་སུ་དུས་མ་ངེས་པར་གསུངས་པས་འདི་ཁོ་ན་ཉིད་དོ་ཞེས་མཐའ་གཅིག་ཏུ་གཞིག་དཀའ་མོད་ཀྱི། གོང་དུ་མཚན་གཞིར་བཞག་པ་དག་དང་། གཞན་ཡང་དཀོན་མཆོག་བརྩེགས་པ།
[22a.2]རྒྱན་སྟུག་པོ་བཀོད་པ། མྱ་ངན་འདས་མདོ་སོགས། དོན་དང་ཚིག་གཉི་གི་རྒྱས་པའི་ལུགས་སུ་སྣང་བས་གཞིག་ཏུ་རུང་ངོ༌། །དེ་ཡང་ཐེག་པ་ཆེ་ཆུང་གི་མདོ་སྡེ་ཕལ་ཆེ་བ་ཞིག་ལས་དགོངས་པ་ཅན་དུ་གསུངས་པ་མང་པོ་འདི་དག་ཏུ་གསལ་བར་བསྟན་པ་ཤས་ཆེ་སྟེ།
[22a.3]དཔེར་ན་འདུལ་བའི་མདོར། །དགེ་སློང་དག་གིས་རུང་བའི་ཤ་བཟའ་བར་གནང་བ། རྣམ་གསུམ་དག་པའི་ཤ་འདི་ནི། །མ་བརྟགས་པ་དང་མ་བསླངས་དང་། །མ་བསྐུལ་བ་ནི་ཡོང་མེད་པས། །དེ་ཕྱིར་ཤ་ནི་མི་ཟའོ། །ཞེས་སོགས་ཀྱིས་དགོངས་པ་
[22a.4]ཅན་དུ་བསྟན་པ་མང་བའི་ཕྱིར་རོ། །གཉིས་པ་དེ་ལ་ཆོས་ཕུང་དུ་རྣམ་པར་གཞག་པ་ནི། དེ་ལྟར་ལུང་གི་ཆོས་ཐམས་ཅད་ལ་སྤྱིར་ཆོས་ཀྱི་ཕུང་པོ་ཞེས་བྱ་སྟེ། བརྗོད་བྱ་དོན་དང་རྗོད་བྱེད་ཀྱི་ཚིག་དུ་མ་སྤུངས་པའི་ཕུང་པོར་སྣང་བའི་ཕྱིར་རོ། །
[22a.5]དེའང་ཉན་ཐོས་པ་དག་གི་འདོད་པ་ལྟར་ན། མཛོད་ལས། ཆོས་ཀྱི་ཕུང་པོ་བརྒྱད་ཁྲི་དག །ཅེས་དང་། ཁ་ཅིག་བསྟན་བཅོས་ཚད་ཅེས་ཟེར། །ཕུང་པོ་ལ་སོགས་གཏམ་རེ་ཡིན། །སྤྱོད་པ་རྣམས་ཀྱི་གཉེན་པོར་ནི། །ཆོས་ཀྱི་ཕུང་པོ་མཐུན་
[22a.6]པར་གསུངས། །ཞེས་བཤད་པ་ལྟར། སྟོན་པས་གསུངས་པའི་ཆོས་ཐམས་ཅད་ཆོས་ཕུང་བརྒྱད་ཁྲིར་འདུས་ལ་དེའང་། སྡེ་པ་ཁ་ཅིག་གིས་ནི་བྱེ་སྨྲས་བཀའ་དང་། མདོ་སྡེ་པས་བསྟན་བཅོས་སུ་འདོད་པའི་མངོན་པ་སྡེ་བདུན་གྱི་ནང་ཚན། ཆོས་ཀྱི་
[22a.7]ཕུང་པོ་ཤཱ་རིའི་བུས། །ཞེས་བཤད་པ་དེ་ལ་གཞུང་ཚད་ཤློ་ཀ་དྲུག་སྟོང་ཡོད་པས། དེ་ཆོས་ཕུང་གཅིག་གི་ཚད་ཡིན་ཞིང་བརྒྱད་ཁྲིའི་ནང་ནས་དེ་ཙམ་ཞིག་ལུས་ཀྱི་གཞན་ནི་ནུབ་བོ་ཞེས་ཟེར་རོ། །ཡང་སྡེ་པ་ཁ་ཅིག་གིས་ནི། ཕུང་པོ་ཁམས་དང་སྐྱེ་མཆེད་དང་། །
[22b.1]རྟེན་འབྲེལ་ལ་སོགས་པའི་རྣམ་གྲངས་རེ་རེའི་གཏམ་རྫོགས་པ་ནི་ཆོས་ཕུང་རེ་རེའི་ཚད་དུ་འགྱུར་ཞིང་དབྱེ་བའང་དེ་ལྟར་བྱས་པར་འདོད་དོ། །ཡང་ཁ་ཅིག་ཉོན་མོངས་པ་འདོད་ཆགས། ཞེ་སྡང་། གཏི་མུག །ང་རྒྱལ། ལོག་ལྟ། ཐེ་ཚོམ་རྣམས་ནང་
[22b.2]གསེས་སུ་དབྱེ་བ་དང་། ཕན་ཚུན་སྦྱོར་བ་སོགས་ཀྱིས་བརྒྱད་ཁྲིར་འགྱུར་ལ། དེ་དག་རེ་རེའི་གཉེན་པོར་ཆོས་ཕུང་རེ་རེ་བསྟན་ཅིང་། རང་རང་གི་གཉེན་པོའི་བྱ་བ་ཡོངས་སུ་རྫོགས་པ་སྟོན་པའི་གཏམ་ནི་དེའི་ཚད་དུ་འདོད་དོ། །ཡང་སྡེ་པ་ཁ་ཅིག་ཀུན་དགའ་བོའི་
[22b.3]མདོ་ལས་ཀུན་དགའ་བོས་བཅོམ་ལྡན་འདས་ཀྱི་ཞལ་ལས་ཐོས་པ་ཆོས་ཕུང་བརྒྱད་ཁྲི་ལྷག་ཅིག་དང་། ཉན་ཐོས་རྣམས་ལས་ཐོས་པ་གཉིས་ཤིན་ཏུ་བཤད་དོ་ཞེས་དེ་ལྟར་འདོད་པ་དང་། སྡེ་པ་ཁ་ཅིག་བརྒྱད་ཁྲི་བཞི་སྟོང་དུ་འདོད་པ་མཛོད་ཊཱིཀ་སོགས་
[22b.4]སུ་འབྱུང་ངོ༌། །ཀུན་བཏུས་ཀྱི་འགྲེལ་པ་དང་། ཚིག་གསལ་གཉིས་མཐུན་པར་ཐེག་པ་ཐུན་མོང་བ་དག་གི་ལུགས་ཀྱིས། ཆོས་ཕུང་གཅིག་གི་ཚད་ཡི་གེ་བརྒྱད་པ་རྗེས་བསྔགས་ཀྱི་སྡེབ་སྦྱོར་ལྟར་བྱས་པའི་བློ་ཀ་སྟོང་ཡིན་ཞིང་། དེ་ལྟ་བུ་བརྒྱད་ཁྲི་
[22b.5]བཞི་སྟོང་ཡོད་པ་བསྡོམས་པས་བྱེ་བ་ཕྲག་བརྒྱད་དང་འབུམ་ཕྲག་བཞི་བཅུར་འགྱུར་བར་འདོད་དོ། །ཐེག་ཆེན་ཉིད་ཀྱི་དབང་དུ་བྱས་ན། ཚིག་གསལ་ལས། ཐེག་པ་བླ་ན་མེད་པའི་དབང་དུ་བྱས་ཏེ། དབང་པོའི་གླང་པོ་ཆེ་རབ་བརྟན་གྱིས་བཀུར་བར་འོས་
[22b.6]པའི་སྣག་ཚས་ནི་ཆོས་ཀྱི་ཕུང་པོ་གཅིག་འབྲི་བར་ནུས་སོ་ཞེས་གསུངས་ཏེ། དེ་ལྟར་བྱས་ན་མདོ་གང་དག་ལས་འཕགས་པ་ལྷས་བྱིན་གྱིས་གླང་པོ་ཆེ་ལྔ་སྟོང་གིས་བཀུར་བར་བྱ་བའི་གླེགས་བམ་རྣམས་ཁ་ཏོན་དུ་རྗོད་པར་བྱེད་དོ་ཞེས་གསུངས་པ་འདི་ཡང་རིགས་
[22b.7]པར་འགྱུར་རོ། །ཞེས་བཤད་ཅིང་མདོ་གང་དག་ལས་ཞེས་པའི་མདོ་ནི་དྲིན་ལན་བསབ་པའི་མདོར་གྲགས་པའོ། །དེས་ན་འདི་ལྟར་གྱི་ཚེ་ཆོས་ཕུང་གི་གྲངས་ཀྱང་བརྒྱད་ཁྲི་བཞི་སྟོང་དུ་འདོད་ཅིང་། དེ་ལྟར་འབྱེད་པའི་ཚུལ་ཡང་། ཉོན་
[23a.1]མོངས་པ་འདོད་ཆགས་ལ་གཙོ་བོར་སྤྱོད་པ་ཉི་ཁྲི་ཆིག་སྟོང་གི་གཉེན་པོར་འདུལ་བའི་སྡེ་སྣོད་དུ་གཏོགས་པའི་ཆོས་ཕུང་ཉི་ཁྲི་ཆིག་སྟོང་། དེ་བཞིན་དུ་སྦྱར་ཏེ་ཞེ་སྡང་ལ་སྤྱོད་པའི་གཉེན་པོར་མདོ་སྡེའི་ཆོས་ཕུང་ཉི་ཁྲི་ཆིག་སྟོང་། གཏི་
[23a.2]མུག་ལ་སྤྱོད་པའི་གཉེན་པོར་མངོན་པའི་ཆོས་ཕུང་ཉི་ཁྲི་ཆིག་སྟོང་། དུག་གསུམ་ཆ་སྙོམ་ལ་སྤྱོད་པ་ཉི་ཁྲི་ཆིག་སྟོང་གི་གཉེན་པོར་སྡེ་སྣོད་གསུམ་ཆ་སྙོམ་དུ་སྟོན་པའི་ཆོས་ཕུང་ཉི་ཁྲི་ཆིག་སྟོང་དུ་བོད་སྔ་རབས་པ་ཁ་ཅིག་འདོད་ཀྱང་། ཁུངས་ངེས་
[23a.3]གསལ་གྱི་བཤད་པ་མ་མཐོང་ཞིང་། གང་ལྟར་ཡང་ཉོན་མོངས་པ་བརྒྱད་ཁྲི་བཞི་སྟོང་གི་གཉེན་པོར་གྱུར་པའི་སྒོ་ནས་དབྱེ་བ་བྱས་པ་ཉིད་དོ། །དེ་ལྟ་མ་ཡིན་ན་ཤློ་ཀ་ལ་སོགས་པའི་གྲངས་ཀྱིས་ཚད་འཛིན་པ་ནི་ནམ་ཡང་མི་རིགས་པའི་ཚུལ་ཟབ་མོའི་མདོ་སྡེ་རྣམས་
[23a.4]སུ་རྒྱ་ཆེར་གསུངས་པ་མ་ཟད། ཉན་ཐོས་པ་ཉིད་ལ་གྲགས་པའི་མདོ་སྡེ་རྣམས་དང་ཡང་འགལ་ཏེ། རྣམ་བཤད་རིགས་པར། ཀུན་དགའ་བོའི་མདོ་དང་བླ་མའི་མདོ་དྲངས་ནས་བཤད་པ། སངས་རྒྱས་བཅོམ་ལྡན་འདས་མྱ་ངན་ལས་འདས་
[23a.5]ནས་རིང་པོ་མ་ལོན་ཞིང་འཕགས་པ་ཀུན་དགའ་བོའང་བཞུགས་བཞིན་དུ་སངས་རྒྱས་ཀྱི་གསུང་མཐའ་དག་མི་སྣང་ན། དེང་སང་ནི་ལྟ་སྨོས་ཀྱང་ཅི་དགོས། ཀུན་དགའ་བོའི་མདོ་ལས་བཅོམ་ལྡན་འདས་བགྲེས་པའི་གནས་སྐབས་ན་ངའི་བསྟན་པ་ཡང་
[23a.6]འཛིན་པར་འགྱུར་རོ་སྙམ་ནས་འཕགས་པ་ཀུན་དགའ་བོ་རིམ་གྲོ་བར་བསྐོས་ཞེས་བྱ་བ་དང་། སེམས་ཀྱང་སྨྲས་པ། བདག་གིས་ལོ་ཉི་ཤུ་ལྷག་ཅིག་བཙུན་པ་ལ་རིམ་གྲོ་བགྱིད་དོ་ཞེས་བྱ་བ་དང་། དེ་ཉིད་ལས་ཡང་སྨྲས་པ། བདག་གིས་ཆོས་ཀྱི་
[23a.7]ཕུང་པོ་བརྒྱད་ཁྲི་ལྷག་ནི་བཅོམ་ལྡན་འདས་ལས་བཟུང་། གཉིས་ནི་དགེ་སློང་དག་ལས་སོ་ཞེས་འབྱུང་བས་དེའི་ཕྱིར་སྔར་བཅོམ་ལྡན་འདས་ཀྱིས་བཤད་པ་གང་ཡིན་པ་དེ་ནི་ངེས་མ་བཟུང་བར་ཤེས་པར་བྱའོ། །དེ་ནི་དགེ་སློང་རྣམས་ལས་བཟུང་བ་གང་
[23b.1]ཡིན་པ་དེ་ཁོ་ནར་ཟད་དོ་ཞེས་བྱ་བར་རིགས་པ་ནི་མ་ཡིན་ཏེ། དུས་དེ་སྲིད་དུ་བཞི་བཅུ་ཆ་བས་ཀྱང་ཉུང་བའི་ཆོས་བཤད་པ་ནི་མི་རུང་བས་སོ། །གལ་ཏེ་འཕགས་པ་ཀུན་དགའ་བོས་ཐམས་ཅད་རྟོགས་པར་གྱུར་ན་ནི། བླ་མའི་མདོ་ལས་ལྷ་རྣམས་ཀྱི་དབང་
[23b.2]པོ་བརྒྱ་བྱིན་གྱིས་དགེ་སློང་གཅིག་ཀྱང་ཆོས་ཀྱི་རྣམ་གྲངས་འདི་འཛིན་པ་མེད་དོ་ཞེས་དེ་སྐད་སྨོས་པ་ཡང་མི་འགྱུར་རོ། །དེ་ལྟ་བས་ན་དེ་ཐམས་ཅད་གཟུང་བ་མ་ཡིན་ལ། དེས་སྨྲས་པ་གང་ཡིན་པ་དེ་ཡང་དག་པར་སྡུད་པར་བྱེད་པ་རྣམས་ཀྱིས་ཡང་དག་
[23b.3]པར་བསྡུས་པ་ཡིན་ནོ། །ཞེས་སོ། །གསུམ་པ་དེ་དག་དྲང་ངེས་གཉིས་སུ་བསྡུ་བ་ལ། དངོས་དང་ཞར་བྱུང་། དེ་ལ་ཐེག་པ་ཆེ་ཆུང་དབྱེ་ཞིང་རྩོད་པ་སྤོང་བའོ། །དང་པོ་ནི། དེ་ལྟར་འཁོར་ལོ་གསུམ་པོ་དེ་ཉིད་དྲང་ངེས་སུ་སོ་སོར་ཕྱེ་ན་ཇི་ལྟར་
[23b.4]འགྱུར་འདྲི་ན། སློབ་དཔོན་ཐོགས་མེད་སྐུ་མཆེད་སོགས་ཀྱིས་འདི་ལྟར་བཞེད་དེ། མདོ་སྡེ་དགོངས་པ་ངེས་འགྲེལ་ལས། འཁོར་ལོ་དང་པོ་ལ། ཆོས་ཀྱི་འཁོར་ལོ་བསྐོར་བ་དེ་ཡང་བླ་ན་མཆིས་པ། སྐབས་མཆིས་པ། དྲང་བའི་དོན་
[23b.5]རྩོད་པའི་གཞིར་གྱུར་པ་ཞེས་དང་། གཉིས་པར་ཡང་དེ་བཞིན་དང་། ལོ་གསུམ་པར་ཆོས་ཀྱི་འཁོར་ལོ་བསྐོར་བ་འདི་ནི་བླ་ན་མ་མཆིས་པ། སྐབས་མ་མཆིས་པ། ངེས་པའི་དོན་ལགས་ཏེ། རྩོད་པའི་གཞིའི་གནས་སུ་གྱུར་པ་མ་ལགས་སོ། །
[23b.6]ཞེས་གསུངས་པ་དང་། གཟུང་དབང་གི་མདོ་ལས་ཀྱང་གོང་དུ་དྲངས་པ་སོགས་དང་། གཞན་ཡང་འཁོར་ལོ་ཐ་མའི་མདོ་སྡེ་ཕལ་ཆེར་ལས། འཁོར་ལོ་བར་པར་ཆོས་ཐམས་ཅད་ངོ་བོ་ཉིད་མེད་པ། མ་སྐྱེས་པ། མ་འགགས་
[23b.7]པ་སོགས་གསུངས་པ་རྣམས་དགོངས་པ་ཅན་དུ་བསྟན་པའི་ཕྱིར་འཁོར་ལོ་ཐ་མ་ཉིད་ངེས་དོན་མཐར་ཐུག་ཡིན་གྱི། གཞན་ནི་མ་ཡིན་ནོ་ཞེས་སོ། །དེ་པའི་ལུགས་ཀྱི་འཁོར་ལོ་བར་པ་དྲང་དོན་དུ་འཇོག་པའི་རིགས་པའང་མདོ་དང་བསྟན་
[24a.1]བཅོས་རྣམས་སུ་ཤིན་ཏུ་རྒྱས་པར་འབྱུང་མོད་ཀྱི་གཙོ་བོར་ནི་ཆོས་རྣམས་ཐམས་ཅད་ངོ་བོ་ཉིད་མེད་པར་བསྟན་པ་སྒྲ་ཇི་བཞིན་པར་བཟུང་ན་གཞན་གྱི་དབང་དང་ཡོངས་སུ་གྲུབ་པའི་ངོ་བོ་ཉིད་ཀྱང་མེད་པར་ཐལ་བས། དེ་ལྟ་ན་ཀུན་ནས་ཉོན་
[24a.2]མོངས་པ་དང་རྣམ་པར་བྱང་བ་དག་ཀྱང་མི་དམིགས་པར་ཐལ་ལོ། །ཅིའི་ཕྱིར་ཞེ་ན། ས་བོན་ཐམས་ཅད་པའི་ཀུན་གཞིའི་རྣམ་ཤེས་དེ་ཉིད་ཡང་དག་པ་མ་ཡིན་པའི་ཀུན་རྟོག་གིས་བསྡུས་པའི་རྣམ་པར་རིག་པའི་མཚན་ཉིད་ཅན་གཞན་དབང་དུ་གྱུར་
[24a.3]པ་དེ་ལ་དོན་དུ་བཟུང་བས་ལས་དང་ཉོན་མོངས་པ་དག་དམིགས་པ་ཡིན་གྱི། གཞན་དབང་དེ་ངོ་བོ་ཉིད་ཀྱིས་མེད་པ་ཡིན་ན་ཀུན་རྫོབ་ཙམ་དུའང་ཡོད་པ་མི་རིགས་པས། །དེ་ལྟ་ན་དེ་ལས་དམིགས་པའི་ལས་དང་ཉོན་མོངས་པའང་འབྱུང་བར་མི་རིགས་
[24a.4]སོ། དེས་ན་གཞན་དབང་སྒྱུ་མའི་དཔེ་བརྒྱད་ལྟ་བུར་ཀུན་རྫོབ་ཏུ་ཡོད་ཅིང་། ཀུན་རྫོབ་ཏུ་དོན་བྱེད་ལ། དེ་ཉིད་དོན་དུ་སྣང་བའི་རྣམ་རིག་ཀུན་བརྟགས་ཀྱི་ངོ་བོ་ཉིད་ནི་ཀུན་རྫོབ་ཏུའང་མེད་པ་ཁོ་ནའོ། །གཞན་དབང་ཀུན་བརྟགས་ཀྱིས་སྟོངས་
[24a.5]པ་ཡོངས་གྲུབ་དེ་བཞིན་ཉིད་གཟུང་འཛིན་གཉིས་མེད་ཀྱི་ཡེ་ཤེས་དེ་བཞིན་གཤེགས་པའི་སྙིང་པོའམ་རིགས་སུ་བརྗོད་པ་སྟེ། དེ་མེད་དུ་ཟིན་ན། དེ་ལ་བརྟེན་ནས་སྣང་བའི་ཚོགས་བསགས་ཤིང་སྒྲིབ་པ་སྦྱང་བ་ལས་མཐར་བྱང་ཆུབ་ཐོབ་པ་སོགས་
[24a.6]རྣམ་བྱང་གི་ལམ་འབྲས་བུ་དང་བཅས་པའི་རྣམ་གཞག་དགོས་པ་མེད་པར་ཐལ་བས་དེ་ནི་ངེས་པར་དོན་དམ་བདེན་གྲུབ་ཏུ་ཡོད་དོ། །འོ་ན་ཅིའི་ཕྱིར་ངོ་བོ་ཉིད་མེད་པར་གསུངས་ཤེ་ན། རྒྱུ་མཚན་ཡོད་དེ། ཀུན་བརྟགས་པའི་ཆོས་རྣམས་མཚན་
[24a.7]ཉིད་ངོ་བོ་ཉིད་མེད་པ། གཞན་དབང་གི་ཆོས་རྣམས་སྐྱེ་བ་ངོ་བོ་ཉིད་མེད་པ།ཡོངས་གྲུབ་ཀྱི་ཆོས་ནི་དོན་དམ་ངོ་བོ་ཉིད་མེད་པ་ཡིན་པར་དགོངས་ཏེ་བསྟན་པའི་ཕྱིར་རོ། །དགོས་པ་ནི་གཙོ་བོར་ཆོས་ལ་བདག་ཏུ་འཛིན་པའི་ལྟ་བ་ངན་པ་གཞོམ་པའི་
[24b.1]གཉེན་པོར་སས་གསུངས་པ་ཡིན་ནོ། །ཞེས་སོགས་ཀྱིས་ལེགས་པར་བཤད་དོ། །ཁྱད་པར་སློབ་དཔོན་ཀླུ་སྒྲུབ་ཡབ་སྲས་རྣམས་ཀྱིས་ནི། ཡུམ་ལས། བརྒྱ་བྱིན་གྱིས་གསོལ་པ། བཅོམ་ལྡན་འདས་ཅི་སྲིད་དུ་གང་གིས་ཤེས་རབ་
[24b.2]ཀྱི་ཕ་རོལ་ཏུ་ཕྱིན་པ་འདིས་ཆོས་གང་ཡང་མི་སྐྱེ་མི་འགོག་པ་དང་། ཆོས་ཐམས་ཅད་སྐྱེ་བ་མ་མཆིས་པ་དང༌འགོག་པ་མ་མཆིས་པའི་སླད་དུ་ཉེ་བར་གནས་ལ་གནས་པའང་མ་ལགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ངོ་མཚར་ཏོ། །ཞེས་
[24b.3]དང་། རབ་འབྱོར་གྱིས་གསོལ་པ། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་ཆེན་པོ་དེ་ལྟར་ཡང་འདུ་ཤེས་པར་བགྱིད་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་རིང་དུ་བགྱིད། ཤེས་རབ་ཀྱི་ཕ་རོལ་ཏུ་ཕྱིན་པ་འདི་གསོག་ཏུ་བགྱིད།
[24b.4]ཤེས་རབ་ཀྱི་ཕ་རོལ་ཏུ་ཕྱིན་པ་འདི་གསོབ་ཏུ་བགྱིད་དེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་མི་བགྱིད་པ་ལགས་སོ། །ཞེས་དང་། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡོངས་སུ་
[24b.5]གསལ་བར་བྱས་ན། གཟུགས་ཡོངས་སུ་གསལ་བར་བྱས་པ་མ་ཡིན། ཚོར་བ་མ་ཡིན། འདུ་ཤེས་མ་ཡིན། །འདུ་བྱེད་རྣམས་མ་ཡིན། རྣམ་པར་ཤེས་པ་ཡོངས་སུ་གསལ་བར་བྱས་པ་མ། རྒྱུན་དུ་ཞུགས་པའི་འབྲས་
[24b.6]བུ་ཡོངས་སུ་གསལ་བར་བྱས་པ་མ་ཡིན། ལན་ཅིག་ཕྱིར་འོང་བའི་འབྲས་བུ་ཡོངས་སུ་གསལ་བར་བྱས་པ་མ་ཡིན། ཕྱིར་མི་འོང་བའི་འབྲས་བུ་ཡོངས་སུ་གསལ་བར་བྱས་པ་མ་ཡིན། དགྲ་བཅོམ་པ་ཉིད་ཡོངས་སུ་གསལ་བར་བྱས་
[24b.7]པ་མ་ཡིན། རང་སངས་རྒྱས་ཉིད་ཡོངས་སུ་གསལ་བར་བྱས་པ་མ་ཡིན། །སངས་རྒྱས་ཉིད་ཡོངས་སུ་གསལ་བར་བྱས་པ་མ་ཡིན་ནོ། །ཞེས་དང་། སྡུད་པ་ཚིགས་སུ་བཅད་པ་ལས་ཀྱང་། འདྲེན་པ་རྣམས་ཀྱིས་ཆོས་འདི་ཟབ་སྟེ་མཐོང་
[25a.1]བར་དཀའ། །སུས་ཀྱང་རྟོགས་པ་མེད་ཅིང་འཐོབ་པར་འགྱུར་མེད་པ། །དེ་ཕྱིར་ཕན་མཛད་བརྩེར་ལྡན་བྱང་ཆུབ་བརྙེས་ནས་འདི། །སེམས་ཅན་ཚོགས་སུས་ཤེས་སྙམ་ཐུགས་ཁྲལ་ཆུང་བར་མཛད། །སེམས་ཅན་རྣམས་
[25a.2]ནི་གནས་ལ་དགའ་ཞིང་ཡུལ་རྣམས་འདོད། །འཛིན་ལ་གནས་ཤིང་མི་མཁས་བླུན་རྨོངས་མུན་པ་བཞིན། །ཐོབ་པར་བྱ་བའི་ཆོས་ནི་གནས་མེད་འཛིན་མེད་དེ། །དེས་ན་འཇིག་རྟེན་དག་དང་རྩོད་པར་འབྱུང་བ་ཡིན། །ནམ་མཁའི་ཁམས་ནི་ཤར་གྱི་
[25a.3]ཕྱོགས་དང་ལྷོ་ཕྱོགས་དང་། །དེ་བཞིན་ནུབ་ཀྱི་ཕྱོགས་དང་བྱང་ཕྱོགས་ཕ་མཐའ་ཡས། །སྟེང་དང་འོག་དང་ཕྱོགས་བཅུ་ཇི་སྙེད་རྣམས་ན་འང་ཡོད། །ཐ་དད་གྱུར་པ་མེད་ཅིང་བྱེ་བྲག་གྱུར་པ་མེད། །འདས་པའི་དེ་བཞིན་ཉིད་གང་མ་བྱོན་དེ་བཞིན་
[25a.4]ཉིད། །ད་ལྟར་དེ་བཞིན་ཉིད་གང་དགྲ་བཅོམ་དེ་བཞིན་ཉིད། །ཆོས་ཀུན་དེ་བཞིན་ཉིད་གང་རྒྱལ་བའི་དེ་བཞིན་ཉིད། །ཆོས་ཀྱི་དེ་བཞིན་ཉིད་འདི་ཐམས་ཅད་བྱེ་བྲག་མེད། བདེ་གཤེགས་བྱང་ཆུབ་ཐ་དད་ཆོས་དང་བྲལ་གྱུར་པ། །འདི་ནི་བྱང་
[25a.5]ཆུབ་སེམས་དཔའ་གང་ཞིག་ཐོབ་འདོད་པ། །ཐབས་དང་ལྡན་པས་ཤེས་རབ་ཕ་རོལ་ཕྱིན་ལ་སྦྱོར། །འདྲེན་པའི་ཤེས་རབ་མེད་ན་ཐོབ་པར་འགྱུར་མ་ཡིན། །ཞེས་གསུངས་པ་སོགས། ངེས་དོན་མཐར་ཐུག་ཏུ་བཤད་པའི་ལུང་མཐའ་ཡས་པའི་
[25a.6]ཕྱིར་དང་། །ཤིན་ཏུ་ཟབ་པའི་སྟོང་པ་ཉིད་ཀྱི་ཚུལ་བསྟན་པ་འདི་ལ་རིགས་པའི་གནོད་བྱེད་གང་ཡང་མི་འཇུག་པའི་ཕྱིར་འཁོར་ལོ་བར་པ་ངེས་དོན་མཐའ་ཐུག་ཏུ་བཞེད་དོ། །ལུགས་འདིས་བཀའ་ཐ་མ་དྲང་དོན་དུ་འཇུག་སྟེ་རྒྱུ་མཚན་ནི། ཡོངས་གྲུབ་
[25a.7]དོན་དམ་བདེན་པར་ངོ་བོ་ཉིད་ཀྱིས་ཡོད་པ་སོགས་འདོད་ན། རྩ་ཤེ་ལས། གལ་ཏེ་སྟོང་མིན་ཅུང་ཟད་ཡོད། །སྟོང་པའང་ཅུང་ཟད་ཡོད་པར་འགྱུར། །མི་སྟོང་ཅུང་ཟད་ཡོད་མིན་ན། །སྟོང་པའང་ཡོད་པར་ག་ལ་འགྱུར། །རྒྱལ་བ་རྣམས་ཀྱིས་
[25b.1]སྟོང་པ་ཉིད། །ལྟ་ཀུན་ངེས་པར་འབྱུང་བར་གསུངས། །གང་དག་སྟོང་པ་ཉིད་ལྟ་བ། །དེ་དག་བསྒྲུབ་ཏུ་མེད་པར་གསུངས། །ཞེས་འབྱུང་བ་སོགས་རིགས་པ་མང་པོའི་སྐྱོན་འབབ་པར་འགྱུར་བའི་ཕྱིར་རོ། །འོ་ན་བཅོམ་ལྡན་འདས་ཀྱིས་དེ་
[25b.2]ལྟར་བསྟན་པའི་དགོས་པ་ཅི་ཞེ་ན། ཟབ་མོའི་སྟོང་པ་ཉིད་ཀྱི་ཚུལ་བསྟན་པ་ལ་ལོག་པར་བརྟགས་ནས་ཚོད་ལྟའི་ཕྱོགས་སུ་གཞོལ་བ་རྣམས་དྲང་བའི་ཕྱིར་རམ། ཡང་ན་ཟབ་མོ་ཉིད་ལ་མི་མོས་པ་དག་དྲང་བའི་ཕྱིར་ཏེ་གོང་དུ་སྨོས་ཟིན་ཏོ། །རྣམ་གཞག་
[25b.3]འདི་ལ་རྣམ་རིག་སྨྲ་བ་དག་གིས་མདོའི་ལུང་དང་བཅས་ཏེ་རྩོད་པ་བཀོད་པ་དག་ལ་མདོའི་ལུང་རྣམས་ནི་བཤད་མ་ཐག་པ་ལྟར་དགོངས་པ་ཅན་ཡིན་པའི་ཕྱིར་དང་། རིགས་པ་བརྗོད་པ་རྣམས་ཀྱིས་ཀྱང་སྐྱོན་མེད་དེ་གཞུང་སྔ་མ་དེ་ཉིད་ལས། །གང་ལ་སྟོང་
[25b.4]པ་ཉིད་རུང་བ། །དེ་ལ་ཐམས་ཅད་རུང་བར་འགྱུར། །གང་ལ་སྟོང་ཉིད་མི་རུང་བ། །དེ་ལ་ཐམས་ཅད་རུང་མི་འགྱུར། ཞེས་དང་། གལ་ཏེ་འདི་ཀུན་མ་སྟོང་ན། །འབྱུང་བ་མེད་ཅིང་འཇིག་པ་མེད། །འཕགས་པའི་བདེན་པ་བཞི་པོ་
[25b.5]རྣམས། །ཁྱོད་ལ་མེད་པར་ཐལ་བར་འགྱུར། །ཞེས་གསུངས་པ་སོགས་ཀྱི་རིགས་པ་དུ་མས་སྒྲུབ་པར་མཛད་དོ། །དེས་ན་འཁོར་ལོ་དང་པོ་དྲང་དོན་ཡིན་པར་ནི་ཐེག་ཆེན་གྱི་གྲུབ་མཐའ་དབུ་སེམས་གཉི་ག་བཞེད་པ་མཐུན་ཞིང་། བར་ཐོ་ལ་བཞེད་
[25b.6]ཚུལ་ཐ་དད་པ་དེ་བཞིན་ཡང་། འདིར་ལུགས་ཕྱི་མ་གཙོ་བོར་གཟུང་སྟེ། བར་པ་ངེས་དོན་མཐར་ཐུག་དང་། ཐ་མ་ལ་དྲང་ངེས་ཅི་རིགས་ཀྱི་ཆ་ཡོད་པར་ཤེས་པར་བྱའོ། །དེ་ལྟར་དྲང་ངེས་གཉིས་སུ་དབྱེ་བའི་ཆོས་ནི། བློ་གྲོས་མི་ཟད་པས་
[25b.7]བསྟན་པ་ལས། ཀུན་རྫོབ་སྒྲུབ་པ་སྟོན་པ་ནི་དྲང་བའི་དོན་ནོ། །དོན་དམ་སྒྲུབ་པ་སྟོན་པ་ནི་ངེས་པའི་དོན་ནོ། །ཞེས་གསུངས་པ་ལྟར་ཀུན་རྫོབ་ཀྱི་བདེན་པ་ལས་བརྩམས་ཏེ་རྒྱུ་ལམ་འབྲས་བུའི་ཚུལ་ལ་སོགས་པ་སྟོན་པ་རྣམས་དྲང་བའི་དོན་ཏེ།
[26a.1]དེས་དོན་དམ་པའི་དེ་ཁོ་ན་ཉིད་ལ་རིམ་གྱིས་བཀྲི་བར་བྱེད་པའི་ཕྱིར་རོ། །དོན་དམ་པའི་བདེན་པ་ལས་བརྩམས་ཏེ་གཞི་ལམ་འབྲས་བུའི་གནས་ལུགས་སོགས་ཕྱིན་ཅི་མ་ལོག་པར་སྟོན་པ་ནི་ངེས་དོན་ཏེ་སྒྲོ་སྐུར་དང་བྲལ་བའི་དེ་ཁོ་ན་ཉིད་ཀྱི་དོན་ངེས་པར་
[26a.2]སྟོན་པས་སོ། །དེའང་སློབ་དཔོན་ཀླུ་སྒྲུབ་ཀྱིས། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། །འཇིག་རྟེན་ཀུན་རྫོབ་བདེན་པ་དང་། །དམ་པའི་དོན་གྱི་བདེན་པའོ། །ཞེས་དང་། ཐ་སྙད་ལ་ནི་མ་བརྟེན་
[26a.3]པར། །དམ་པའི་ཆོས་ནི་བསྟན་མི་ནུས། །དམ་པའི་ཆོས་ལ་མ་བརྟེན་པར། །མྱ་ངན་འདས་པ་འཐོབ་མི་འགྱུར། །ཞེས་ལེགས་པར་གསུངས་ཤིང་བདེན་པ་གཉིས་སོ་སོའི་ཚུལ་ཡང་། ག་ལས་འཇིགས་མེད་དུ། འཇིག་རྟེན་པའི་ཀུན་
[26a.4]རྫོབ་ཀྱི་བདེན་པ་ཞེས་བྱ་བ་ནི། ཆོས་རྣམས་ངོ་བོ་ཉིད་ཀྱིས་སྟོང་པ་དག་ལ། འཇིག་རྟེན་གྱི་ཕྱིན་ཅི་ལོག་མ་རྟོགས་པས་ཆོས་ཐམས་ཅད་སྐྱེ་བར་སྣང་བ་གང་ཡིན་པ་སྟེ། དེ་ནི་དེ་དག་ཉིད་ལ་ཀུན་རྫོབ་ཏུ་བདེན་པ་ཉིད་ཡིན་པས་ཀུན་རྫོབ་ཀྱི་བདེན་
[26a.5]པའོ། །དོན་དམ་པའི་བདེན་པ་ནི་འཕགས་པ་རྣམས་ཀྱིས་ཕྱིན་ཅི་མ་ལོག་པར་ཐུགས་སུ་ཆུད་པས་ཆོས་ཐམས་ཅད་སྐྱེ་བ་མེད་པར་གཟིགས་པ་གང་ཡིན་པ་སྟེ། དེ་ནི་དེ་དག་ཉིད་ལས་དོན་དམ་པར་བདེན་པ་ཉིད་ཡིན་པས་དོན་དམ་པའི་བདེན་པའོ། །
[26a.6]དེ་ལ་གང་དག་ཀུན་རྫོབ་ཀྱི་བདེན་པ་དང་དོན་དམ་པའི་བདེན་པ་དེ་གཉིས་ཀྱི་རྣམ་པར་དབྱེ་བ་དེ་ལྟར་རྣམ་པར་མི་ས་ཤེས་པ་དེ་དག་ནི། སངས་རྒྱས་ཀྱི་བསྟན་པ་ཟབ་མོའི་དེ་ཉིད་རྣམ་པར་མི་ཤེས་པ་ཡིན་ནོ། །ཞེས་པ་ལྟར་རོ། །གཉིས་པ་ནི། དེ་
[26a.7]ལྟར་ངེས་པའི་དྲང་དོན་གྱིས་བརྗོད་པ་ཡོད་པའི་མདོ་སྡེ་ཡིན་ན་ཐེག་དམན་གྱི་མདོ་སྡེ་ཡིན་པས་ཁྱབ་བམ་ཞེ་ན་མ་ཁྱབ་སྟེ། འཁོར་ལོ་དང་པོ་ཕལ་ཆེར་ཐེག་དམན་གྱི་ཚུལ་སྟོན་པ་ཤས་ཆེ་ནའང་། ཐ་མ་ལས་གསུངས་པའི་དྲང་དོན་རྣམས་ཀྱིས་དེ་ཐེག་
[26b.1]དམན་སྟོན་བྱེད་ཀྱི་མདོ་སྡེར་བསྒྲུབ་མི་ནུས་པའི་ཕྱིར་ཏེ། དེའི་དོན་ཐེག་ཆེན་ཉིད་དུ་ངེས་པའི་ཕྱིར་རོ། །འོ་ན་ངེས་དོན་གྱི་དོན་སྟོན་པ་ཡོད་ན་ཐེག་ཆེན་གྱི་མདོ་སྡེ་ཡིན་པས་ཁྱབ་བམ་ཞེ་ན། དེའང་མ་ཁྱབ་ཏེ། ལུང་ལས། ཟབ་ཞི་སྤྲོས་བྲལ་
[26b.2]འོད་གསལ་འདུས་མ་བྱས། །ཞེས་སོགས་ངེས་དོན་མཐར་ཐུག་སྟོན་པའི་སྐབས་ཀྱང་ཡོད་མོད་ཀྱི། དེས་འདུལ་ལུང་ཐེག་ཆེན་དུ་བསྒྲུབ་མི་ནུས་པ་བཞིན་ནོ། །དེས་ན་དྲང་ངེས་ཙམ་གྱིས་ཐེག་པ་ཆེ་ཆུང་འབྱེད་མི་ནུས་ཏེ། ཐེག་ཆེན་
[26b.3]མདོ་དང་རྒྱུད་གཉི་གར་དྲང་དོན་དགོངས་པ་ཅན་མང་དུ་གསུངས་པའི་ཕྱིར་རོ། །འོ་ན་འཁོར་ལོ་གསུམ་སོ་སོར་དྲང་ངེས་འབྱེད་པ་ཅི་ཞེ་ན། དེ་ནི་གཙོ་ཆེ་ཆུང་གི་དབང་ལས་ཡིན་པས་ནོངས་པ་མེད་དོ། །དེ་བས་ན་ཐེག་པ་ཆེ་ཆུང་གི་ཁྱད་པར་
[26b.4]ནི་རྣམ་རིག་སྨྲ་བ་དག་གི་ལྟར་ན་ཁྱད་པར་གྱི་ཆོས་བཅུས་འབྱེད་དེ། ཐེག་བསྡུས་ལས། ཤེས་བྱའི་གནས་དང་མཚན་ཉིད་དེར་འཇུག་དང་། །དེ་ཡི་རྒྱུ་འབྲས་དེ་རབ་དབྱེ་བ་དང་། །བསླབ་པ་གསུམ་དང་དེ་འབྲས་སྤངས་པ་དང་། །
[26b.5]ཡེ་ཤེས་ཐེག་པ་མཆོག་གྱུར་ཁྱད་པར་འཕགས། །ཞེས་འབྱུང་ངོ་། །དེའང་ཤེས་བྱའི་གནས་ཀུན་གཞིའི་རྣམ་ཤེས། ཤེས་བྱའི་མཚན་ཉིད་ཀུན་བཏགས། གཞན་དབང་། ཡོངས་གྲུབ་གསུམ། མཚན་ཉིད་དེར་འཇུག་པ་རྣམ་
[26b.6]ཞིག །དེར་འཇུག་པའི་རྒྱུ་འབྲས་ཕར་ཕྱིན་དྲུག །དེ་བསྒོམས་པའི་རབ་ཏུ་དབྱེ་བ་ནི་ས་བཅུ། ལྷག་པའི་ཚུལ་ཁྲིམས་ནི་བྱང་སྡོམ། ལྷག་པའི་སེམས་ནི་དཔའ་བར་འགྲོ་བ་སོགས་ཀྱི་ཏིང་ངེ་འཛིན། ལྷག་པའི་ཤེས་རབ་ནི་རྟོག་
[26b.7]མེད་ཀྱི་ཡེ་ཤེས། དེ་འབྲས་སྤངས་པ་ནི་མི་གནས་པའི་མྱང་འདས། དེ་འབྲས་ཡེ་ཤེས་ནི་སྐུ་གསུམ་མོ། །དེས་ན་ཁྱད་པར་བཅུ་པོ་འདི་དག་དང་ལྡན་ན་ཐེག་ཆེན། མི་ལྡན་ན་ཐེག་དམན་དུ་ཤེས་པར་བྱ་ཞིང་། དེ་བཞིན་དུ་ཁྱད་པར་
[27a.1]བཅུ་པོ་དེ་དག་ཐམས་ཅད་དམ་གང་རུང་དང་འབྲེལ་བའི་བརྗོད་བྱ་ཅན་གྱི་གསུང་རབ་ནི་ཐེག་ཆེན་གྱི་སྡེ་སྣོད་དུ་བཞེད་དོ། །ཡང་ན་དབུ་སེམས་ཐམས་ཅད་ཀྱི་འདོད་པ་ལྟར། གོང་དུ་བཤད་པའི་ཆེན་པོ་བདུན་གྱི་ཚུལ་དང་ལྡན་
[27a.2]མི་ལྡན་དང་། བརྗོད་བྱ་དེ་དག་དང་འབྲེལ་མི་འབྲེལ་སོགས་ཀྱིས་སོ། །འདི་སྐབས་སྡུད་པ་ལས། གང་དག་བདེ་གཤེགས་ཉན་ཐོས་འགྱུར་བར་བྱ་སྙམ་དང་། །རང་སངས་རྒྱས་དང་དེ་བཞིན་ཆོས་རྒྱལ་འགྱུར་འདོད་པ། །བཟོད་
[27a.3]པ་འདི་ལ་མ་བརྟེན་ཐོབ་པར་མི་ནུས་ཏེ། །དཔེར་ན་ཕ་རོལ་ཚུ་རོལ་འགྲོ་ངོགས་མི་མཐོང་བཞིན། །ཞེས་གསུངས་པ་དང་། སློབ་དཔོན་ཀླུས། བཅོམ་ལྡན་དངོས་དང་དངོས་མེད་པ། །མཁྱེན་པས་ཀཱ་ཏྱཱ་ཡ་ན་ཡི། །གདམས་ངག་ལས་
[27a.4]ནི་ཡོད་པ་དང་། །མེད་པ་གཉི་ག་དགག་པར་གསུངས། །ཞེས་གསུངས་པ་སོགས་ཀྱིས་ཉན་རང་རྣམས་ཀྱིས་ཀྱང་དངོས་པོའི་དེ་ཁོ་ན་ཉིད་རྟོགས་པས་འཁོར་བ་ལས་རྒལ་ཏེ། རང་རང་གི་ལྷག་མེད་མྱང་འདས་མངོན་དུ་བྱེད་པ་ཡིན་པའི་
[27a.5]ཕྱིར་ལྟ་བ་རྐྱང་པས་ནི་ཐེག་པ་ཆེ་ཆུང་དབྱེ་བར་དཀའ་བས་གཙོ་བོར་ཐབས་ལ་མཁས་པའི་སྤྱོད་པ་སོགས་ཀྱི་སྒོ་ནས་དབྱེ་བར་ཤེས་དགོས་ཏེ། རིན་ཆེན་ཕྲེང་བ་ལས། ཉན་ཐོས་ཐེག་པ་དེ་ལ་ནི། །བྱང་ཆུབ་སེམས་དཔའི་སྨོན་ལམ་
[27a.6]དང་། །སྤྱོད་པ་ཡོངས་བསྔོ་མ་བཤད་དེས། །བྱང་ཆུབ་སེམས་དཔར་ག་ལ་འགྱུར། །བྱང་ཆུབ་སྤྱོད་ལ་གནས་པའི་དོན། །མདོ་སྡེ་ལས་ནི་བཀའ་མ་སྩལ། །ཐེག་པ་ཆེ་ལས་བཀའ་སྩལ་པ། །དེ་ཕྱིར་མཁས་པ་རྣམས་
[27a.7]ཀྱིས་གཟུང་། །ཞེས་གསུངས་པའི་ཕྱིར་རོ། །ཐེག་པ་ཆུང་ངུ་དེ་ལ། དམན་པ་ཉན་ཐོས་ཀྱི་ཐེག་པ་དང་། འབྲིང་རང་རྒྱལ་གྱི་ཐེག་པ་སྟེ་གཉིས་སུ་དབང་པོ་དང་འབྲས་བུ་མཆོག་དམན་གྱིས་དབྱེ་མོད་ཀྱི། དེ་གཉིས་ལམ་ཕལ་
[27b.1]ཆེར་རྣམ་གཞག་མཚུངས་པར་སའི་དངོས་གཞི་ལས་བཤད་དོ། །ཐེག་ཆེན་ལ་རྒྱུ་ལམ་དུ་བྱེད་པ་མཚན་ཉིད་ཀྱི་ཐེག་པ། འབྲས་བུ་ལམ་དུ་བྱེད་པ་གསང་སྔགས་རྡོ་རྗེ་ཐེག་པ་ཞེས་གཉིས་སུ་ཕྱེ་ཞིང་། སྔ་མ་ལ་དབུ་སེམས་གཉིས་
[27b.2]སུ་འབྱེད་ཀྱང་དེ་དག་ལ་ཐེག་པ་ཐ་དད་པའི་རྣམ་གཞག་བྱར་མེད་དེ། ལྟ་བ་ལ་ཅུང་ཟད་ཁྱད་ཞུགས་ཀྱང་འབྲས་བུ་ལ་ཁྱད་པར་མེད་པའི་ཕྱིར་དང་། ལམ་མྱུར་བུལ་ཙམ་གྱིས་ནི་ཐེག་པ་སོ་སོར་ཆེ་ཆུང་འབྱེད་མི་ནུས་པའི་ཕྱིར་རོ། །ཐེག་པ་
[27b.3]ཐམས་ཅད་ཀྱང་སྤྱིའི་མཐར་ཐུག །ཐེག་པ་གཅིག་ཏུ་ངེས་ཏེ་ཉན་རང་གི་ཐེག་པའི་མྱང་འདས་དེ་གནས་སྐབས་མྱང་འདས་ཙམ་དུ་བཞག་གི །མཐར་ཐུག་གི་མྱང་འདས་མཚན་ཉིད་པ་མ་ཡིན་པའི་ཕྱིར་ཏེ། མྱང་འདས་དེ་དག་
[27b.4]ལ་སླར་དེ་བཞིན་གཤེགས་པས་འོད་ཟེར་གྱིས་བསྐུལ་ནས་བྱང་ཆུབ་ཆེན་པོའི་གནས་སུ་འཁྲིད་དགོས་པའི་ཕྱིར་རོ། །གནས་སྐབས་བྱེ་བྲག་ཏུ་ཐེག་པ་སོ་སོར་གཞག་དགོས་ཏེ། སོ་སོ་ལ་ལམ་དང་འབྲས་བུ་སོགས་ཀྱི་ཚུལ་རང་
[27b.5]རྐང་པ་རེ་ཡོད་པའི་ཕྱིར་རོ། །འདི་སྐབས་ཉན་ཐོས་པ་དག་གིས་ཐེག་ཆེན་གྱི་ཆོས་འཁོར་ཕྱི་མ་གཉིས་ཁས་མི་ལེན་ཞིང་། དེ་གཉིས་ཀྱི་མདོ་སྡེ་རྣམས། བཀའ་རྟགས་ཀྱི་ཕྱག་རྒྱ་བཞི་དང་འགལ་བ་དང་། འདུལ་བ་ལ་མི་
[27b.6]སྣང་། མདོ་སྡེ་ལ་མི་འཇུག །ཆོས་ཉིད་དང་འགལ་བ་དང་། སྔགས་བཟླ་བ་དང་། ཁྲུས་དང་། སྨྱུང་བར་གནས་པས་སྡིག་པ་འདག་པ་སོགས་ཕྱི་རོལ་པའི་ལམ་བསྟན་པ་དང་། སངས་རྒྱས་ཀྱི་བསྟན་པ་
[27b.7]སྡེ་པ་བཅོ་བརྒྱད་དུ་འདུས་པར་གསུངས་པ་ལས། དེར་མ་འདུས་པ་དང་། གཞན་ཡང་གྲགས་པ་དང་འགལ་བ་སོགས་སྐྱོན་མང་པོ་བརྗོད་པར་བྱེད་དོ། །དེ་ལ་དོགས་པའི་གནས་དང་པོ་དེ་ནི།
[28a.1]འདུས་བྱས་མི་རྟག་པར་གསུངས་པ་དང་འགལ་བ་ལོངས་སྐུ་རྟག་པར་བཤད་པ་དང་། ཟག་བཅས་སྡུག་བསྔལ་དང་འགལ་བ། བྱང་སེམས་བདེ་འགྲོར་བཤད་པ་དང་། ཆོས་རྣམས་བདག་མེད་པ་དང་འགལ་བ་
[28a.2]དམ་པའི་བདག་གྲུབ་པར་བཤད་པ་དང་། མྱང་འདས་ཞི་བ་དང་འགལ་བ། ཉན་རང་གི་མྱང་འདས་སླར་སྐྱེ་བ་བླངས་ནས་འཚང་རྒྱ་དགོས་པ་རྣམས་ཏེ། དེ་དག་རིམ་པ་བཞིན་དུ། སྐྱོན་དང་པོ་མེད་དེ། ལོངས་སྐུ་ནི་ས་བཅུ་བ་དག་གི་ངོར་
[28a.3]རྒྱུན་གྱིས་རྟག་པར་སྣང་བ་ཡིན་གྱི། ངོ་བོ་ཉིད་ཀྱིས་རྟག་པ་མ་ཡིན་པའི་ཕྱིར་དང་། སྐྱོན་གཉིས་པ་མེད་དེ། ཉན་ཐོས་རྣམས་ཀྱིས་གང་སྡུག་བསྔལ་དུ་བལྟ་བའི་དངོས་པོ་དག་ལ་བྱང་ཆུབ་སེམས་དཔའ་རྣམས་ཀྱིས་ཤེས་རབ་མཆོག་གིས་
[28a.4]བརྟགས་པས་དེར་མི་ལྟ་བའི་ཕྱིར་དང་། །སྐྱོན་གསུམ་པ་མེད་དེ། བདག་དང་བདག་གིའི་མཚན་མ་ཐམས་ཅད་དང་བྲལ་བའི་དེ་བཞིན་ཉིད་ལ་མི་འགྱུར་མི་འཕོ་མི་ཤིགས་པའི་ཕྱིར་དམ་པའི་བདག་གི་སྒྲས་བསྟན་པའི་ཕྱིར་དང་། སྐྱོན་བཞི་བ་
[28a.5]མེད་དེ། ཉན་རང་གི་མྱང་འདས་ནི་རེ་ཞིག་དགོངས་པས་མྱང་འདས་སུ་བཞག་གི་ར། གཏན་དུ་མྱ་ངན་ལས་འདས་པ་ཆེན་པོར་མ་བཞག་པའི་ཕྱིར་རོ། །དོགས་པའི་གནས་གཉིས་པ་དེ་དག་ཀྱང་ཉན་ཐོས་པ་ཉིད་ལ་གྲགས་པའི་ཐུན་མོང་གི་ཡ་འདུལ་བ་
[28a.6]སོགས་ལ་མི་སྣང་བ་སོགས་དོན་ཉི་ཚེ་བ་ལ་བསམ་པར་ཟད་པས། དེས་སྐྱོན་མེད་པའི་ཚུལ་མདོ་རྒྱན་ལས། རང་གི་ཉིད་ལ་འཇུག་པ་དང་། །རང་གི་འདུལ་ལའང་སྣང་ཕྱིར་དང་། །ཟབ་པའི་ཕྱིར་དང་རྒྱ་ཆེའི་ཕྱིར། །ཆོས་ཉིད་དང་ནི་
[28a.7]འགལ་བ་མེད། །ཅེས་དང་། རྟོག་གེ་འབར་བ་ལས་ཀྱང་། ཐེག་པ་ཆེན་པོ་ནི་སངས་རྒྱས་ཀྱིས་གསུངས་པ་ཉིད་ཡིན་ཏེ། ཆོས་ཀྱི་ཕྱག་རྒྱ་དང་མི་འགལ་བའི་ཕྱིར་དང་། གང་འཕགས་པའི་བདེན་པའི་མདོ་སྡེ་ལའང་འཇུག །ཉོན་མོངས་
[28b.1]པ་འདུལ་བ་ལའང་ཡང་དག་པར་མཐོང་། རྟེན་ཅིང་འབྲེལ་བར་འབྱུང་བའི་ཆོས་ཉིད་དང་ཡང་མི་འགལ་བ་ཉིད་ནི་སངས་རྒྱས་ཀྱི་གསུང་ཡིན་ནོ། །ཞེས་བྱ་བ་དེ་ཐམས་ཅད་ཐེག་པ་ཆེན་པོ་ལ་འགྲུབ་པའི་ཕྱིར་རོ། །ཡང་ན་སྡེ་པ་བཅོ་བརྒྱད་པོ་
[28b.2]རྣམས་ཀུན་གྱིའང་རང་རང་གི་མདོ་སྡེ་ལ་སོགས་པ་ལ་འཇུག་པ་ཡིན་གྱི་ཕན་ཚུན་ནི་འགལ་བ་ཆེར་ཡོད་པ་ཡིན་ནོ། །ཐེག་པ་ཆེན་པོའང་གཞན་ལ་ཕན་པའི་དབང་དུ་བྱས་པའི་ཟབ་པ་དང་རྒྱ་ཆེ་བའི་ཚུལ་གྱིས་ཉན་ཐོས་ཀྱི་མདོ་སྡེ་ལ་སོགས་པའི་སྡེ་སྣོད་ལ་
[28b.3]འགའ་ཞིག་མི་འཇུག་ཏུ་ཟིན་ཀྱང་། ཐེག་པ་ཆེན་པོའི་མདོ་སྡེ་ལའང་འཇུག །བྱང་ཆུབ་སེམས་དཔའི་བསླབ་པའི་གནས་བདུན་བརྒྱ་ལའང་སྣང་། སྟོང་པ་ཉིད་དུ་བསྟན་པའི་ཆོས་ཉིད་དང་ཡང་མི་འགལ་བའི་ཕྱིར་རོ། །དེ་ལྟར་ན་ཆོས་ཀྱི་ཕྱག་
[28b.4]རྒྱ་དང་འགལ་བ་མེད་དོ། །ཞེས་གསུངས་པ་སོགས་མཐའ་ཡས་སོ། །དོགས་གནས་གསུམ་པའང་སྐྱོན་མེད་དེ། སྔགས་བཟླ་བ་བཤད་པའང་གཟུངས་སྔགས་རྣམས་ནི་བསྒོམ་པའི་རྣམ་པ་ཅན་ཡིན་པ་དང་། གསང་སྔགས་རྣམས་
[28b.5]ནི་དེ་བཞིན་གཤེགས་པའི་ཡེ་ཤེས་ཀྱི་གསང་བ་སྟོན་པར་བྱེད་པའི་སྦས་པའི་ཡི་གེའི་སྦྱོར་བ་ཇི་ལྟར་འདོད་པའི་བསམ་པ་སྒྲུབ་པའི་ནུས་པ་ཅན་ཡིན་པ་དང་། རིགས་སྔགས་རྣམས་ནི་བྱང་ཕྱོགས་སོགས་ཀྱི་ཆོས་སྟོན་པའི་བདག་ཉིད་ཅན་ཡིན་པའི་
[28b.6]ཕྱིར་དང་། །ཁྲུས་ཀྱང་ཀླུའི་རྒྱལ་པོ་མ་དྲོས་པས་མཚེའུ་ཞིག་ཏུ་སྐྱེ་བ་བླངས་ནས། གང་སྲོག་ཆགས་གང་དང་གང་གིས་བདག་མཚེའུ་འདི་ལས་འབབ་པར་གྱུར་པའི་ཆུ་ཀླུང་རྣམས་ལ་ཁྲུས་བྱས་པ་དང་། འཐུངས་པ་དང་ཞུགས་
[28b.7]ནས་གནས་པར་བྱེད་པ་དེ་རྣམས་ལ། དེ་དག་ཉིད་དེ་རྣམས་ཀྱི་བྱང་ཆུབ་ཀྱི་རྒྱུར་གྱུར་ལ། དེ་དག་ཐམས་ཅད་ཀྱང་རིམ་གྱིས་བདག་གིས་སངས་རྒྱས་ཉིད་ལ་འགོད་པར་གྱུར་ཅིག་ཅེས་སྨོན་ལམ་བཏབ་པ་ལྟར། ཆུ་ལ་སྡིག་པ་སྦྱོང་བའི་
[29a.1]ནུས་པ་མེད་ཀྱང་སྨོན་ལམ་གྱི་དབང་གིས་དེ་ལྟར་མི་འགལ་བའི་ཕྱིར་དང་། སྨྱུང་གནས་ཀྱང་དེས་གྲོལ་བར་འདོད་ནས་མ་ཡིན་གྱི། རིགས་སྔགས་བསྒྲུབ་པའི་ཕྱིར་གསུངས་པ་ཡིན་པའི་པའི་ཕྱིར་རོ། །དོགས་གནས་བཞི་
[29a.2]པའང་སྐྱོན་མེད་དེ་རྟོག་གེ་འབར་བ་ལས། ཐེག་པ་ཆེན་པོ་ནི་ངེས་པར་ཟབ་ཅིང་རྒྱ་ཆེ་བ་ལ་མོས་པའི་སེམས་ཅན་གྱི་བསམ་པ་དང་ལྷག་པའི་བསམ་པའི་དབང་དུ་བྱས་ནས་སྡེ་བ་བཅོ་བརྒྱད་ལ་ཐུན་མོང་དུ་བསྟན་པ་ཡིན་ཏེ། གཙུག་ལག་གི་གསུང་རབ་
[29a.3]རྣམས་ལས་སྐྱེ་བ་དང་། ན་ཚོད་དང་། མདོག་དང་། ཡུལ་དང་། དུས་ཐ་དད་པ་མེད་པར་བསྟན་པ་བཞིན་ནོ། །ཡང་ན་སངས་རྒྱས་ཐམས་ཅད་ཀྱི་བསྟན་པ་ལ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་།
[29a.4]ཐེག་པ་ཆེན་པོའི་དབྱེ་བ་ནི་ཡོད་པ་ཁོ་ན་ཡིན་ལ། བསྟན་པ་ཐམས་ཅད་ཀྱི་དབྱེ་བ་ནི་ཤཱཀྱ་ཐུབ་པ་ཁོ་ན་ལ་ཡོད་ཀྱི་གཞན་ལ་ནི་ཡོད་པ་མ་ཡིན་ཞིང་། ལོག་པར་དད་སེལ་ལ་སོགས་པའི་དེ་བཞིན་གཤེགས་པ་རྣམས་ཀྱིས་ཀྱང་ཐེག་པ་ཐ་དད་དུ་དབྱེ་བ་
[29a.5]མཛད་པ་ནི་ཡོད་པ་ཡིན་པས་འོད་སྲུང་གིས་མ་བསྟན་པ་ཡིན་ནོ། །ཞེས་སོགས་རྒྱ་ཆེར་བཤད་པ་ལྟར་འཐད་པའི་ཕྱིར་རོ། །དོགས་གནས་ལྔ་བའང་སྐྱོན་མེད་དེ། རབ་བྱུང་གིས་ཁྱིམ་པ་བྱང་ཆུབ་སེམས་དཔའ་ལ་ཕྱག་བྱེད་པར་བཤད་པ་སོགས་
[29a.6]གྲགས་པ་དང་འགལ་བ་རྣམས་ཀྱང་ཕལ་ཆེན་པ་སོགས་སྡེ་པ་ཐ་དད་པ་དག་གི་མདོ་ལས་ཀྱང་དེ་ལྟར་འབྱུང་བ་དང་། ཡང་དག་རྫོགས་པའི་བྱང་ཆུབ་རྒྱུ། །སེམས་ནི་རིན་ཆེན་དེ་ཉིད་ཀྱང་། །དཔའ་བོ་ཁྱོད་ཀྱིས་སྙིང་པོར་མཁྱེན། །དེ་ལས་
[29a.7]གཞན་པས་རིང་བར་གྱུར། །དང་པོར་ཁྱོད་ལ་ཕྱག་བགྱིའམ། འོན་ཏེ་གང་གིས་འཁོར་བ་ཁྱོད། །སྐྱོན་མཁྱེན་ཡུན་རིང་དེ་ལྟ་བུར། །བཞུགས་མཛད་ཐུགས་རྗེ་ཆེ་ལ་བགྱི། །ཞེས་སོགས་བཤད་པ་དག་གིས་ལེགས་པར་སེལ་ནུས་
[29b.1]པའི་ཕྱིར་རོ། །གཞན་ཡང་ཐེག་པ་ཆེན་པོའི་ཆོས་ཤིན་ཏུ་རྒྱས་པའི་མདོ་སྡེ་འདི་དག་ལ་ཤིན་ཏུ་རྒྱས་པའི་མདོ་སྡེར་མི་འདོད་པ་དང་། །བྱང་ཆུབ་ཆེན་པོ་སྒྲུབ་པའི་ཐབས་ཉན་ཐོས་ལ་གྲགས་པའི་མདོ་སྡེ་རྣམས་ཉིད་ཀྱིས་སྟོན་པས་ཐེག་ཆེན་གཞན་མི་དགོས་
[29b.2]པར་འདོད་པ་སོགས་རྒྱུ་མཚན་གྱི་རྣམ་གྲངས་ཤིན་ཏུ་མང་པོས་ཐེག་པ་ཆེན་པོ་སངས་རྒྱས་ཀྱི་བཀའ་མ་ཡིན་པར་སྒྲུབ་པ་དག །མདོ་སྡེ་རྒྱུན་དུ། སྔར་ལུང་མ་བསྟན་ལྷན་ཅིག་བྱུང་། །སྤྱོད་ཡུལ་མ་ཡིན་གྲུབ་པ་དང་། །ཡོད་དང་མེད་ན་ཡོད་མེད་
[29b.3]དང་། །གཉེན་པོ་དང་ནི་སྒྲ་གཞན་ཕྱིར།། །སངས་རྒྱས་རྣམས་ནི་མངོན་སུམ་སྤྱན། །བསྟན་པ་དག་ཀྱང་སྲུང་བར་མཛད། །དུས་ལའང་ཡེ་ཤེས་མ་བསྒྲིབས་པས། །དེ་ཕྱིར་བཏང་སྙོམས་མི་རུང་ངོ་། །མ་ཚང་བ་དང་འགལ་བ་དང་། །
[29b.4]ཐབས་མིན་དེ་ལྟར་མ་བསྟན་ཕྱིར། །ཉན་ཐོས་ཀྱི་ནི་ཐེག་པ་འདི། །ཐེག་ཆེན་ཆོས་ཞེས་བྱ་བ་མིན། །བསམ་པ་དང་ནི་བསྟན་པ་དང་། །སྦྱོར་བ་དང་ནི་རྟོན་པ་དང་། །དུས་འགལ་ཕྱིར་ན་དམན་པ་གང་། །དེ་ནི་དམན་པ་ཁོ་ན་ཡིན། །ཞེས་
[29b.5]སོགས་འབྱུང་བ་ལྟ་བུ། གཞན་ཡང་སློབ་དཔོན་ཀླུ་སྒྲུབ་དང་། ཐོགས་མེད་དང་། དབྱིག་གཉེན་དང་། ཞི་བ་ལྷ་ལ་སོགས་པ་མང་པོས་མཛད་པའི་གཞུང་འགྲེལ་རྣམས་སུ་ལེགས་པར་སུན་ཕྱུང་ནས་ལུང་དང་རིགས་པ་བཟང་པོས་
[29b.6]ཐེག་པ་ཆེན་པོ་རྒྱ་ཆེར་བསྒྲུབས་པའི་ཚུལ་ཡོད་པས། དེ་དང་དེར་བལྟ་བར་བྱའོ། །གསུམ་པ་ཡང་སྒོས་སུ་གསང་ཆེན་རྡོ་རྗེ་ཐེག་པའི་ཆོས་འཁོར་བསྐོར་ཚུལ་ལའང་། སྤྱིའི་ངོ་བོ་ངོས་བཟུང་བ་དང་། ངེས་ཚིག་སྨོས་པའི་སྒོ་ནས་མདོར་
[29b.7]བསྟན། དེ་ཕ་རོལ་ཏུ་ཕྱིན་པའི་ཐེག་པ་ལས་ཁྱད་པར་དུ་འཕགས་ཚུལ་དང་། དབྱེ་བ་སོ་སོས་རྒྱས་པར་འཆད་པའོ། །དང་པོ་ནི། སྟོན་པས་གསུངས་པའི་ལུང་གི་དམ་ཆོས་གང་ཞིག །ཡུལ་མི་སྤོང་བར་ལམ་དུ་བྱེད་པའི་མྱུར་བ་དེའི་
[30a.1]ཐབས་ཁྱད་པར་དུ་འཕགས་ཤིང་རྒྱུ་འབྲས་ལྷུན་གྲུབ་ཏུ་སྤྱོད་པའི་ཚུལ་གཙོ་བོར་སྟོན་པའི་རིགས་སུ་གནས་པ། རྗོད་བྱེད་བརྗོད་བྱ་ཟག་མེད་ཀྱི་བདེ་བའི་རྒྱུ་ལམ་འབྲས་བུ་དང་བཅས་པ་རྣམས་དང་། དེའི་ཕྱོགས་སུ་གཏོགས་པ་རྣམས་ཀྱང་སྟེ་
[30a.2]དེ་དག་ལ། གསང་སྔགས་ཀྱི་ཚུལ་དང་། རྒྱུད་སྡེ་དང་། རྡོ་རྗེ་ཐེག་པ་དང་། རིག་པ་འཛིན་པའི་སྡེ་སྣོད་དང་། འབྲས་བུའི་ཐེག་པ་ཞེས་ཀྱང་བྱའོ། །དེ་ལ་གསང་སྔགས་ཀྱི་ཚུལ་ཞེས་བྱ་བ་ནི་སློབ་དཔོན་ཏྲི་པི་ཊ་ཀ་མ་ལས་ཚུལ་གསུམ་སྒྲོན་མར། བདེན་
[30a.3]པའི་དེ་ཉིད་ཚུལ་དོན་གང་། །ཕ་རོལ་ཕྱིན་ཚུལ་དོན་གང་ཡིན། །གསང་སྔགས་ཆེན་པོའི་ཚུལ་དོན་ཡང་། །བསྡུས་ནས་འདིར་ནི་བཤད་པ་ཡིན། །ཞེས་བདེ་བར་གཤེགས་པའི་གསུང་རབ་ལ་ཚུལ་གསུམ་དུ་དབྱེ་བ་མཛད་པ་ལྟར་ཏེ། དེའི་སྒྲ་དོན་ཡང་
[30a.4]ལེགས་སྦྱར་གྱི་སྐད་དུ་མན་ཞེས་པ། འདུས་པ་རྒྱུད་ཕྱི་མ་ལས། དབང་པོ་དང་ནི་ཡུལ་རྣམས་ཀྱི། །རྐྱེན་གྱིས་གང་དང་གང་བྱུང་ཡིད། །ཡིད་དེ་མན་ཞེས་བྱ་བར་བཤད། །ཏྲ་ནི་སྐྱོབ་པར་བྱེད་པའི་དོན། །འཇིག་རྟེན་སྤྱོད་ལས་རྣམ་གྲོལ་བར། །
[30a.5]གང་བཤད་དམ་ཚིག་སྡོམ་པ་སྟེ། །རྡོ་རྗེ་ཀུན་གྱིས་བསྲུང་བ་ནི། །སྔགས་ཀྱི་སྤྱོད་པ་ཞེས་བཤད་དོ། །ཞེས་གསུངས་པས་ན་ཡིད་འཁོར་བ་དང་ཉོན་མོངས་པའི་ཚ་གདུང་ལས་སྐྱོབ་པའི་ཕྱིར་གསང་སྔགས་སམ། ཡང་ན་སྣོད་མིན་རྣམས་ལ་གསང་ནས་ཚུལ་བཞིན་
[30a.6]དུ་སྤྱད་པས་འགྲུབ་པར་འགྱུར་བའི་ཕྱིར་གསང་སྔགས་སུ་བརྗོད་དེ། དུས་ཀྱི་འཁོར་ལོ་ལས། གསང་བས་འགྲུབ་ཕྱིར་གསང་སྔགས་ཏེ། །རྡོ་རྗེ་ཐེག་པ་འབྲས་བུ་ཆེ། །ཞེས་གསུངས་ཤིང་འདི་སྐབས་གང་ལ་གསང་བའི་ཡུལ་སྣོད་མིན་དེའང་ཕྱི་ནང་གི་རྟོག་གེ་པ་
[30a.7]ཚིག་ཙམ་ལ་འཆེལ་ཞིང་ཕྱོགས་རེ་ལ་མངོན་པར་ཞེན་པ་འདི་ནས་བཤད་པའི་ལྟ་སྤྱོད་ཁྱད་པར་ཅན་བློར་མི་ཤོང་བ་དག་གོ། །ཚུལ་ནི་རྣམ་བཤད་རིགས་པར། །ཚུལ་གྱི་སྒྲ་ནི་བདེན་པ་དང་། །ལམ་དང་འབྲེལ་འབྱུང་རིག་པ་དང་། །ངེས་འབྱེད་ཆ་དང་མྱ་ངན་འདའ། །ཐབས་
[30b.1]དང་རིགས་པ་ཉིད་ལ་ཡོད། །ཞེས་དོན་བརྒྱུད་ལ་འཇུག་པར་བཤད་པ་ལས་འདིར་ནི་ཐབས་དང་ལམ་དག་གཟུང་ངོ༌། །རྒྱུད་སྡེ་ཞེས་བྱ་བ་ནི། དཀའ་འགྲེལ་ཡེ་ཤེས་ལྡན་ལས། དེས་སེམས་རྣམ་པར་རྟོག་པ་ལས་སྐྱོབ་པར་བྱེད་པས་ན་རྒྱུད་དོ། །རྒྱུད་ཀྱི་
[30b.2]ཚོགས་སམ་རིགས་སུ་གྱུར་པས་ན་རྒྱུད་སྡེའོ། །ཞེས་འབྱུང་བ་ལྟར་ལེགས་སྦྱར་དུ་ཏནྟྲ་ཞེས་པ་ཡི་གེ་ཕྱིས་བསྣན་གྱི་ངེས་པས་ཙི་ཏནྲ་སེམས། ཏྲ་ཡ་སྐྱོབ་པ་ལ་འཇུག་པའི་ཕྱིར་དེ་སྐད་ཅེས་བྱ་བའམ། །ཡང་ན་འཇིག་རྟེན་གྱི་གྲགས་པ་ལྟར་རྒྱུད་ཅེས་བྱ་བ་
[30b.3]རྒྱུན་ཆགས་པར་བཤད་པའི་དོན་ཅན་ཏེ། བམ་གཉིས་ལས། ཏནྟྲ་པྲ་བནྡྷ་ཁྱ་ཞེས་འབྱུང་ཞིང་། དེ་ཐུན་མོང་མ་ཡིན་པའི་དོན་དུ། གསང་འདུས་ལས། རྒྱུད་ནི་རྒྱུན་ཅེས་བྱ་བར་གྲགས། །དེ་ནི་རྣམ་པ་གསུམ་དུ་འགྱུར། །གཞི་དང་དེ་བཞིན་རང་བཞིན་དང་། །
[30b.4]མི་འཕྲོག་པ་ཡི་རབ་ཕྱེ་བ། །གཞི་དང་རང་བཞིན་རྒྱུ་ཡིན་ཏེ། །དེ་བཞིན་མི་འཕྲོག་འབྲས་བུའོ། །ཞེས་གསུངས་པ་ལྟར་རྒྱུ་ལམ་འབྲས་བུའི་རྒྱུད་གསུམ་དུ་རྒྱུན་ཆགས་པའི་ཕྱིར་རྒྱུད་ཅེས་བྱ་བར་བཤད་དོ། །རྡོ་རྗེ་ཐེག་པ་ཞེས་བྱ་བ་ནི་སྔགས་དང་ཕར་ཕྱིན་ཐེག་
[30b.5]པར་འབྲས་བུ་དང་རྒྱུ་ལམ་དུ་བྱེད་པའི་ཚུལ་བསྟན་པའི་གྲུབ་དོན་མཐར་ཐུག་རོ་མཉམ་དུ་གྱུར་པ་ནི། མི་ཕྱེད་དང་མི་ཤིགས་པའི་ཕྱིར་རྡོ་རྗེ་ཡིན་ལ། དེ་ར་རྒྱུ་འབྲས་ལྷུན་གྲུབ་ཏུ་སྐྱེད་པའི་ཚུལ་འདིས་བགྲོད་པས་ན་དེ་སྐད་ཅེས་བྱ་སྟེ། དུས་འཁོར་འགྲེལ་ཆེན་
[30b.6]ལས། རྡོ་རྗེ་ནི་མི་ཕྱེད་པ་དང་མི་ཆོད་པ་ཆེན་པོ་ཡིན་ལ། དེ་ཉིད་ཐེག་པ་ཡིན་པ་ནི་རྡོ་རྗེ་ཐེག་པ་སྟེ། སྔགས་ཀྱི་ཚུལ་དང་ཕ་རོལ་ཏུ་ཕྱིན་པའི་ཚུལ། འབྲས་བུ་དང་རྒྱུའི་བདག་ཉིད་གཅིག་ཏུ་འདྲེས་པར་གྱུར་པའོ། །ཞེས་འབྱུང་བའི་ཕྱིར་རོ། །རིག་པ་
[30b.7]འཛིན་པའི་སྡེ་སྣོད་ཅེས་པའང་། བདེ་བར་གཤེགས་པའི་རིག་སྔགས་འཆང་བའི་ཕྱིར་རིག་པ་འཛིན་པ་སྟེ། དེའི་དབྱེ་བ་མཉམ་སྦྱོར་གྱི་འགྲེལ་པ་བརྒྱ་བྱིན་སྡོང་པོས་མཛད་པ་ལས། མོས་སྤྱོད་ཀྱི། ལས་ལ་སྦྱོར་བའི། སར་ཆུད་པའི། ལམ་ལ་སྦྱོར་བའི།
[31a.1]ལམ་སྨིན་པའི། ཕྱག་རྒྱ་ཆེན་པོའི། བྱ་བ་མཐར་ཕྱིན་པའི་རིག་འཛིན་ཏེ་བདུན་དུ་བཤད་པ་དག་གི་ཚུལ་དང་མཐུན་པའི་གསང་སྔགས་ཀྱི་སྤྱོད་པ་ཁྱད་པར་ཅན་འདིས་རྫོགས་པར་བྱས་ནས་སངས་རྒྱས་ཉིད་སྟེར་བའི་ཕྱིར་དེ་སྐད་བྱ་སྟེ། མཉམ་སྦྱོར་
[31a.2]འགྲེལ་པར་ལུང་དྲངས་པ། །རིག་འཛིན་རྣམ་པ་བདུན་གྱིས་ནི། །རང་གི་ཡེ་ཤེས་གནས་སྦྱོང་ཞིང་། །གསང་སྔགས་མཐུན་པའི་ཁྱད་པར་གྱིས། །མོས་པའི་བློ་དང་དོན་མཐུན་སྟོན། །རྣམ་གྲོལ་ཟག་མེད་སངས་རྒྱས་ལ། །མཐར་ཕྱིན་འདི་ཡིས་ཐོབ་
[31a.3]པར་བྱེད། །ཅེས་དང་དཔུང་བཟང་གི་འགྲེལ་པ་ལས། རིག་འཛིན་གྱི་སྡེ་སྣོད་ཅེས་བྱ་བ་ནི་རིག་སྔགས་འཆང་རྣམས་ཀྱི་བསླབ་པའི་གཞི་དང་། ལྟ་བའི་ཀླུང་གི་གྲུབ་པའི་མཐའ་འདི་ཉིད་ཀྱིས་སྟོན་པའི་དོན་ཏོ། །ཞེས་སོ། །འབྲས་བུའི་ཐེག་པ་ཞེས་བྱ་བ་
[31a.4]ནི། འབྲས་བུའི་སྐུ་དང་ཡེ་ཤེས་ཀྱི་ཚུལ་འགྱུར་མེད་ཀྱི་བདེ་བ་ཆེན་པོར་གྲགས་པ་དེ་ཉིད་འདིར་མངོན་སུམ་དུ་ལམ་དུ་བྱས་ནས་བསྒོམ་པའི་ཕྱིར་ཏེ། རྣལ་འབྱོར་བླ་ན་མེད་པའི་རྒྱུད་ཀྱི་དོན་ལ་འཇུག་པ་ལས། དེ་ནི་སྐུ་དང་། ལོངས་སྤྱོད་དང་། གནས་དང་
[31a.5]མཛད་པ་ཡོངས་སུ་དག་པའི་ཚུལ་ཀྱིས་འཇུག་པས་ན་འབྲས་བུ་སྟེ། ལམ་ཐམས་ཅད་ཀྱི་འབྲས་བུ་ཕྱག་རྒྱ་ཆེན་པོའི་དངོས་གྲུབ་ཡིན་པའི་ཕྱིར་རོ། །དེ་ཉིད་འཚེ་བ་མེད་ཅིང་ཡང་དག་པའི་དོན་ཐོགས་པ་མེད་པར་ཐོབ་པར་བྱེད་པས་ན་རྡོ་རྗེའོ། །དེ་ནི་ཐེག་
[31a.6]པའང་ཡིན་ཏེ། ལམ་དེས་དཀའ་བ་མེད་པར་མྱུར་དུ་ཡིད་ལ་བྱེད་པའི་ཕྱིར་རོ། །ཞེས་འབྱུང་ངོ་། །དེ་ལྟར་ན། མཚན་ཉིད་དེ་དག་གི་དོན་གསུངས་པ་རྣམས་བརྗོད་བྱ་དང་རྗོད་བྱེད་གང་གི་དབང་ལས་ཡིན་ཞེ་ན། རིག་འཛིན་གྱི་སྡེ་སྣོད་ཀྱི་དོན་ནི་གཙོ་བོར་རྗོད་བྱེད་ཀྱི་
[31a.7]དབང་ལས་ཡིན་པར་ཡང་རུང་གི །གཞན་ནི་གཙོ་བོར་བརྗོད་བྱའི་དབང་གིས་ཡིན་པས་བརྗོད་བྱ་ཉིད་ལ་མཚན་དེ་དང་དེ་དག་གི་དོན་ངེས་པར་གནས་ཤིང་། བརྗོད་བྱ་དེ་སྟོན་བྱེད་ནི་རྗོད་པའི་ངག་ཡིན་པས་རྒྱུད་གཞུང་རྣམས་ཀྱང་དེ་དང་འབྲེལ་བའི་སྒོ་ནས་དེར་བརྗོད་པ་ཙམ་
[31b.1]ནི་མི་འགལ་ལོ། །འདི་སྐབས་རྡོ་རྗེ་ཐེག་པ་ཞེས་བྱ་བ་ཐེག་པ་ཆེན་པོ་ཉིད་ལས་རང་རྐང་ཚུགས་པར་ལོགས་སུ་བཀོལ་དུ་མི་བཏུབ་སྟེ། དེ་དག་སྤྱི་བྱེ་བྲག་ཡིན་པའི་ཕྱིར་དང་། རྒྱུའི་ཐེག་ཆེན་དང་ལམ་མྱུར་བུལ་གྱི་ཁྱད་ཙམ་ལས་འབྲས་བུ་ལ་ཁྱད་མ་ཞུགས་པའི་ཕྱིར་
[31b.2]དང་། རྡོ་རྗེ་སྙིང་འགྲེལ་ལས། ཉན་ཐོས་རང་སངས་རྒྱས་དང་འདིར། །ཐེག་པ་ཆེན་པོ་གསུམ་པ་ཡིན། །སངས་རྒྱས་པ་ལ་བཞི་བ་དང་། །ལྔ་བ་ཐུབ་པའི་དགོངས་པ་མེད། །ཅེས་ཐེག་པ་བཞི་བ་དང་། གྲུབ་མཐའ་སྨྲ་བ་ལྔ་བ་མེད་པར་གསུངས་
[31b.3]པའི་ཕྱིར་རོ། །སྡེ་སྣོད་ཀྱི་དབང་དུ་བྱས་ཀྱང་སྡེ་སྣོད་གསུམ་གའི་ཆར་གཏོགས་པར་འཇིགས་མེད་འབྱུང་གནས་སྦས་པ་སོགས་བཞེད་པ་ལྟར་ལེགས་པ་ཡིན་མོད་ཀྱི། གསུམ་ག་དང་མཐུན་པ་ལས་ཀྱང་འདི་ཆེས་ཟབ་ཅིང་ཁྱད་པར་དུ་མས་འཕགས་
[31b.4]པའི་སྒོ་ནས་རིག་པ་འཛིན་པའི་སྡེ་སྣོད་བྱེ་བྲག་ཏུ་ཕྱེ་ནའང་མི་འགལ་ཏེ། ཤཱནྡྷ་ཀ་རས། དེ་ལ་གསང་སྔགས་ཀྱི་ཐེག་པ་སྡེ་སྣོད་གསུམ་དུ་མ་གཏོགས་པར་འདོད་དེ། དེ་ནི་རིག་འཛིན་གྱི་སྡེ་སྣོད་ཅེས་བྱ་བར་གྲགས་པ་བྱང་ཆུབ་སེམས་
[31b.5]དཔའི་སྡེ་སྣོད་གཞན་ཡིན་ནོ། །ཞེས་དང་། སངས་རྒྱས་གསང་བས། སངས་རྒྱས་མཆོག་གིས་ཆོས་གསུངས་པ། །འདུལ་བ་མདོ་སྡེ་མངོན་པ་དང་། །རིག་པ་འཛིན་པའི་སྡེ་བཞིར་གནས། །ཞེས་བཤད་པའི་ཕྱིར་རོ། །
[31b.6]གསུང་རབ་ཡན་ལག་བཅུ་གཉིས་ཀྱི་དབང་གིས་ཀྱང་། ཐེག་ཆེན་གྱི་སྡེ་སྣོད་གང་དུ་སྡུད་པ་དེར་འདུས་སོ། །གཉིས་པ་ལ་གཉིས་ལས། དང་པོ་གསང་སྔགས་རྡོ་རྗེ་ཐེག་པ་ཕར་ཕྱིན་ཐེག་པ་ལས་ཁྱད་པར་འཕགས་ཚུལ་ནི། ཁྱད་པར་བཞིས་
[31b.7]རིག་པར་བྱ་སྟེ། ཚུལ་གསུམ་སྒྲོན་མ་ལས། དོན་གཅིག་ཉིད་ནའང་མ་རྨོངས་དང་། །ཐབས་མང་དཀའ་བ་མེད་ཕྱིར་དང་། །དབང་པོ་རྣོན་པོའི་དབང་བྱས་པས། །སྔགས་ཀྱི་བསྟན་བཅོས་ཁྱད་པར་འཕགས། །ཞེས་གསུངས་པའི་ཕྱིར་རོ། །
[32a.1]དེ་བས་ན་མདོ་སྔགས་གཉིས་ཀྱི་ཁྱད་པར་དངོས་ནི་ཐབས་དང་སྤྱོད་པ་དག་ལ་ཡོད་པ་ཡིན་གྱི་ལྟ་བ་ནི་མཚུངས་སོ། །དེའང་ཅིས་ཤེས་ཤེ་ན། དོན་གཅིག་ཅེས་པའང་འབྲས་བུའི་ཚུལ་གཅིག་པ་ལ་བཤད་ཅིང་། གནས་ལུགས་ཇི་ལྟ་བ་བཞིན་རྟོགས་པའི་ལྟ་བ་ནི་འབྲས་
[32a.2]བུ་ཡིན་པའི་ཕྱིར་དང་། ཕར་ཕྱིན་ཐེག་པའི་ལྟ་བ་མཆོག་ནི་དབུ་མ་ཡིན་པ་གང་ཞིག །དབུ་མ་ལས་ལྷག་ལྟ་ཡོད་ན། །ལྟ་དེ་སྤྲོས་པ་ཅན་དུ་འགྱུར། །ཞེས་ཀྱང་གསུངས་པའི་ཕྱིར་རོ། །ཡང་ཁ་ཅིག་ཐབས་དང་སྤྱོད་པའི་ཚུལ་དྲངས་པ་དེ་ཙམ་ཞིག་གིས་ནི་ཁྱད་པར་འབྱེད་མི་ནུས་ཏེ།
[32a.3]ཕར་ཕྱིན་ཐེག་པར་སྦྱིན་སོགས་འཁོར་གསུམ་མི་དམིགས་པར་སྤྱོད་པའི་ཚུལ་སོགས་མ་རྨོངས་པའི་ཤེས་རབ་བསྟན་པས། དེར་ཐབས་ལ་མ་རྨོངས་པ་ཡོད་པ་གང་ཞིག །བདེན་པ་གཉིས་དང་། མཚན་ཉིད་གསུམ་དང་། ཕར་ཕྱིན་དྲུག་དང་། བྱང་ཕྱོགས་སོ་བདུན་སོགས་དེ་ཁོ་ན་ཉིད་རྟོགས་
[32a.4]པའི་ཐབས་ཚུལ་དུ་མས་བསྟན་པ་ཡོད་པས་ཐབས་ཀྱང་མང་བར་མཚུངས་ཤིང་། དཔེར་ན་གྲོང་ཁྱེར་རྣམས་ཀྱི་མི་གཙང་ལུད། །དེ་ནི་བུ་རམ་ཤིང་གི་ཞིང་ལ་ཕན། །དེ་བཞིན་བྱང་ཆུབ་སེམས་དཔའི་ཉོན་མོངས་ལུད། །དེ་ནི་རྒྱལ་བའི་ཆོས་ལ་ཕན་པར་བྱེད། །ཅེས་སོགས་གསུངས་པ་ལྟར་འདོད་པ་ལ་སྤྱོད་པའི་
[32a.5]ཐབས་མཁས་ཀྱང་བསྟན་པས་དཀའ་བ་མེད་པར་ཡང་གྲུབ། སྤྲོས་པའི་མཐའ་བརྒྱད་དང་བྲལ་བ་སོགས་ཀྱི་ལྟ་བ་ཟབ་པ་དང་དེ་ལ་བརྟེན་པའི་མཚན་མ་མེད་པའི་སྤྱོད་པ་རབ་འབྱམས་བསྟན་པ་རྣམས་གང་ཟག་དབང་པོ་ཆེས་ཤིན་ཏུ་རྣོན་པོའི་དབང་དུ་བྱས་པར་མདོ་རྣམས་སུ་གསལ་བ་དང་། འདོད་ན་ཞག་བདུན་
[32a.6]གྱིས་ཀྱང་འཚང་རྒྱ་བ་སོགས་ལམ་མྱུར་བའི་ཚུལ་ཡང་ཡོད་པ་སོགས་མཚུངས་པའི་ཕྱིར་རོ། །ཞེས་དོགས་པ་སྐྱེ་སྲིད་ཀྱང་སྐྱོན་མེད་དེ། ཁྱོད་ཀྱིས་བཤད་པ་དེ་ལྟ་ན་མ་རྨོངས་པ་དང་ཐབས་མང་བ་སོགས་ཀྱི་མིང་ཙམ་མཚུངས་པར་ཟད་ཀྱི། །ལུང་དེ་ལས་བཤད་པའི་དོན་ནི། རིམ་པ་གཉིས་དང་ཟུང་འཇུག་གི་རྣལ་
[32a.7]འབྱོར་ཁྱད་པར་ཅན་དང་། འཕོ་མེད་ཀྱི་ཚུལ་ཁྲིམས་དང་། །འགྱུར་མེད་ལྷན་སྐྱེས་ཀྱི་བདེ་བ་སོགས་ཕར་ཕྱིན་ཐེག་པར་མིང་ཙམ་ཡང་མ་གྲགས་པའི་ཁྱད་པར་གྱི། ཟབ་མོའི་གནད་གསང་འབྱམ་ཀླས་པ་འདི་ལ་ཡོད་པའི་རྒྱུ་མཚན་གྱིས་མ་རྨོངས་པ་སོགས་བཞག་པ་སྟེ་དེ་ཉིད་ལས། མཁས་པ་སྙིང་རྗེ་ཆེར་
[32b.1]ལྡན་པས། །དཔྱད་དེ་ཐབས་ཀྱི་མཆོག་ལེན་ཅིང་། །ཐ་མལ་པ་ཡི་ཐབས་སྨད་ནས། །མི་འཕོ་བ་ཡི་གནས་འཐོབ་བོ། །ཞེས་སེམས་ཅན་མང་པོ་ལ་ཕན་གདགས་པར་མི་ནུས་པའི་མགོ་ལ་སོགས་པ་སྦྱིན་པ་སོགས་ཐ་མལ་གྱི་ཐབས་སྨད་ནས་སེམས་ཅན་ཐམས་ཅད་ཀྱི་རེ་བ་ཅིག་
[32b.2]ཅར་དུ་ས་སྐོང་བར་བྱེད་པའི་ཐབས་མཆོག རིམ་གཉིས་དང་ཟུང་འཇུག་གི་ཏིང་ངེ་འཛིན་གྱི་འབྲས་བུ་ཁྱད་པར་དུ་འཕགས་པ་བསྒྲུབས་ཏེ་མྱུར་དུ་མི་འགྱུར་མི་འཕོ་པའི་གནས་ཐོབ་ནས་ལྷུན་གྲུབ་ཀྱི་ཕྲིན་ལས་འབྱུང་བ་ཐབས་ལ་མ་རྨོངས་པར་བཤད་པའི་ཕྱིར་དང་། སེམས་ཅན་
[32b.3]ཀུན་དོན་ལེགས་བསྒྲུབ་ཕྱིར། །བློ་ཆེན་ལ་ནི་ཐབས་ཐམས་ཅད། །དབྱེ་བ་རྣམ་བཞིར་ཚུལ་གྱི་མཆོག །འགྲོ་བའི་སྟོན་པས་གསུངས་པ་ཡིན། །ཞེས་དཀའ་ཐུབ་དང་སྡོམ་པ་སོགས་ཕྱོགས་རེ་བའི་ཐབས་ཀྱིས་གདུལ་བྱ་མཐའ་དག་རྗེས་སུ་འཛིན་པར་མི་ནུས་པས།
[32b.4]འདིར་ཕར་ཕྱིན་དྲུག་སོགས་ཀྱི་ཐབས་དེ་ཡོད་པ་གཞིར་བཞག་ནས་དེའི་སྟེང་དུ་གདུལ་བྱ་ཐམས་ཅད་ལ་རྗེས་སུ་འགྲོ་བའི་ཐབས་དཔེར་ན་དང་པོར་རང་རིག་དང་ལྷག་ལྷ་སོགས་ངེས་པར་བྱས་ནས་འདོད་ཆགས་ཆེ་བའི་རིགས་ཅན་གྱིས་འདོད་ཆགས་རྡོ་རྗེའི་ལྷ་སྔགས་ཕྱག་རྒྱ་ཏིང་
[32b.5]ངེ་འཛིན་བསྒོམ་པ་སོགས་མང་པོ་གསུངས་པ་དག་རྒྱུད་སྡེ་བཞིའི་ཚུལ་དུ་བསྟན་པས་ཐབས་མང་བ་ཡིན་པའི་ཕྱིར་དང་། གང་ཞིག་གང་དུ་ཇི་ལྟར་འདོད། །དེ་ཉིད་དེ་ལ་ངེས་སྦྱོར་ཞིང་། །འདོད་པའི་དོན་ནི་ཐོབ་མཛད་པའི། །དམ་པའི་དོན་ནི་ཐུབ་པས་གསུངས། །
[32b.6]ཞེས་ཉོན་མོངས་པ་ཤས་ཆེ་བ་རྣམས་དང་པོར་ཐབས་གཞན་གྱི་མགོ་སྨད་ནས་རིམ་པས་སྟོང་པ་ཉིད་སྒོམ་པ་སོགས་དུས་རིང་པོར་གོམས་མི་དགོས་པར་ཐོག་མ་ཉིད་ནས་སེམས་ཅན་རྣམས་རང་རང་གིས་ཇི་ལྟར་འདོད་པ་དེ་དང་མཐུན་པའི་ཐབས་ཀྱང་སྟོན་པ། དཔེར་ན་དབང་རྣོན་གྱི་
[32b.7]དབང་རྟུལ་ཆགས་པས་ཤིན་ཏུ་གདུངས་པའི་སྐྱེ་བོ་ལ་ལས་རྒྱ། ཆགས་པ་དེ་ལས་ཤས་ཆུང་བ་ལ་དམ་རྒྱ། འདོད་པའི་བག་ཆགས་ཀྱི་རྣམ་རྟོག་མ་སྤངས་པ་ཙམ་ལ་ཡེ་རྒྱ། དབང་རྣོན་གྱི་དབང་རྣོན་གཉིས་མེད་ཀྱི་དེ་ཁོ་ན་ཉིད་ལ་མོས་པ་རྣམས་ལ་ཕྱག་ཆེན་སོགས་རང་འདོད་ཀྱི་རྗེས་སུ་འཇུག་པའི་
[33a.1]ཐབས་དང་རྣལ་འབྱོར་ཡོད་པས་དཀའ་བ་མེད་པར་བཤད་དེ། རང་གི་མོས་པ་བཞིན་དུ་སྤྱོད་པ་ནི་དཀའ་བ་མེད་པར་གྲུབ་པའི་ཕྱིར་དང་། ཚུལ་སྒྲོན་ལས། འདིར་བདེན་པའི་དེ་ཁོ་ན་ཉིད་ཀྱི་རྣལ་འབྱོར་པ་ནི་དེ་ཁོ་ན་ཉིད་ཀྱི་ཐབས་མ་ཤེས་པའི་ཕྱིར་དབང་པོ་
[33a.2]རྟུལ་པོ་ཡིན་པར་ཤེས་པར་བྱའོ། །ཕ་རོལ་ཏུ་ཕྱིན་པའི་དེ་ཁོ་ན་ཉིད་ཀྱི་རྣལ་འབྱོར་ནི་ཐབས་ཉིད་ལ་འཁྲུལ་པ་ཡིན་པའི་ཕྱིར་དབང་པོ་འབྲིང་པོ་ཡིན་ནོ། །གསང་སྔགས་ཀྱི་སྒོར་སྤྱད་པ་སྤྱོད་པ་རྣམས་ནི་གང་དུའང་རྣམ་པར་རྨོངས་པ་མེད་པས་ན་དབང་པོ་རྣོན་པོ་ཡིན་ནོ། །དེ་
[33a.3]བས་ན་དབང་པོ་རྣོན་པོ་རྣམས་ནི་གང་གཞན་དགུ་བྱེད་ན་ངན་འགྲོར་འགྲོ་བར་འགྱུར་བ་དེ་ཉིད་ཀྱི་ཕྱིན་ཅི་མ་ལོག་པའི་ཐབས་ལ་མཁས་པས་ཀུན་ཏུ་སྤྱོད་པའི་སྔགས་ཀྱི་བརྟུལ་ཞུགས་ཅན་ནི་རྣམ་པར་དག་པའི་གནས་ཐོབ་པར་འགྱུར་རོ་ཞེས་སྔར་བཤད་པའི་ཚུལ་དེ་དག་དང་ལྡན་པས་དབང་
[33a.4]པོ་རྣོན་པོའི་དབང་དུ་བྱས་པར་ཡང་འགྲུབ་པར་བཤད་ཅིང་། ཕར་ཕྱིན་ཐེག་པའི་དབང་རྣོན་དེ་ལ་སྔགས་ཀྱི་བརྟུལ་ཞུགས་འདི་མ་བསྟན་པའི་ཕྱིར་འདི་ལ་ལྟོས་ནས་དབང་འབྲིང་དུ་གྲུབ་པའི་ཕྱིར་དང་། ཕར་ཕྱིན་ཐེག་པར་འདོད་ན་ཞག་བདུན་གྱིས་འགྲུབ་པའང་ས་བརྒྱད་པ་ཐོབ་
[33a.5]ནས་ཡིན་པའི་ཕྱིར། །དེ་ཚུན་ཆད་མྱུར་ནའང་གྲངས་མེད་གཉིས་འགོར་བས་ལམ་བགྲོད་ཐོག་རིང་ལ། འདིར་དེ་ལྟར་འགོར་བ་མེད་པའི་ཕྱིར་རོ། །སློབ་དཔོན་བཛྲ་པཱ་ཎིས་ཀྱང་། དོན་དེ་ཁོ་ན་ཉིད་ལ་དབྱེ་བ་མེད་ཀྱང་ཕ་རོལ་ཏུ་ཕྱིན་པའི་ཐེག་པ་ནི་རྨོངས་པ་སྟེ། ལུང་དང་
[33a.6]རིགས་པས་གཏན་ལ་ཕབ་སྟེ་རྟོགས་པའོ། །རྡོ་རྗེ་ཐེག་པ་ནི་མ་རྨོངས་པ་སྟེ། ལུང་དང་། རིགས་པ་དང་། བླ་མའི་མན་ངག་གིས་ཉམས་སུ་མྱོང་བའོ། །གཞན་ཡང་དཀའ་བ་མེད་པ་སྟེ། བདེ་བ་ཆེན་པོ་ལམ་དུ་བྱེད་པའོ། །ཕ་རོལ་ཏུ་ཕྱིན་པ་ནི་བཏང་སྙོམས་པ་
[33a.7]དང་ཉམས་སུ་མྱོང་བ་མེད་པའོ། །རྒྱུ་ལམ་དུ་བྱེད་པས་ན་རྒྱུའི་ཐེག་པའོ། །འབྲས་བུ་ལམ་དུ་བྱེད་པས་ན་འབྲས་བུའི་ཐེག་པ་ཁྱད་དུ་འཕགས་སོ་ཞེས་བཀྲལ་ཞིང་། དེ་ལྟར་བཀྲལ་བས་ཐབས་མང་བ་དང་ཆེས་དབང་པོ་རྣོན་པོའི་དབང་དུ་བྱས་པར་ཡང་ཤུགས་ཀྱིས་གསལ་ལོ། །
[33b.1]ཡང་ན་ཐབས་ལ་མཁས་པ་རྣམ་པ་བཅུ་གཅིག་གིས་ཁྱད་པར་དུ་འཕགས་ཏེ། སློབ་དཔོན་ཛྙཱ་ན་ཤཱིས། གསང་སྔགས་ཀྱི་ཐེག་པ་འདི་ཕ་རོལ་ཏུ་ཕྱིན་པའི་ཐེག་པ་ཆེན་པོ། དབུ་མ་ལས་ཀྱང་ཁྱད་པར་ཅི་ཡོད་པ་བསྟན་ཏེ། དམིགས་པ་བླ་ན་མེད་པ་ལ་དམིགས་པའི་
[33b.2]ཐབས་དང་། སྒྲུབ་པ་བླ་ན་མེད་པ་དང་། ཡེ་ཤེས་བླ་ན་མེད་པ་དང་། བརྩོན་འགྲུས་བླ་ན་མེད་པ་དང་། གདུལ་བྱ་མ་ལུས་པ་འཛིན་པར་ནུས་པ་དང་། ཉོན་མོངས་པ་བྱིན་གྱིས་རློབ་པ་དང་། བྱིན་གྱི་རློབ་པ་མྱུར་བ་དང་། མྱུར་དུ་འབྱུང་བ་དང་། ཉོན་
[33b.3]མོངས་པ་སྤོང་བ་དང་། བསམ་པ་བླ་ན་མེད་པ་དང་། སྤྱོད་པ་བླ་ན་མེད་པའི་ཐབས་མཁས་པ་སྟེ། དེ་ལྟར་ཐབས་མཁས་པ་ཉིད་རྣམ་པ་བཅུ་གཅིག་གིས་ཁྱད་པར་དུ་འཕགས་སོ། །ཞེས་པ་ལྟར་རོ། །དེ་དག་ཀྱང་རིམ་པ་བཞིན་ཕར་ཕྱིན་ཐེག་པར་མ་གྲགས་
[33b.4]པའམ། དམན་པ་ཐམས་ཅད་ལ་གཞིར་བཞག་ནས་དགྱེས་རྡོར་འབུམ་ལྔ་ལ་སོགས་པ་གཞུང་རྒྱ་ཆེན་པོ་ལམ་འདིར་དམིགས་པའི་ཕྱིར་དང་། ཏིང་ངེ་འཛིན་ཐོབ་ནས་མངོན་སུམ་མ་ཡིན་པའི་དོན་བྱེད་ནུས་པའི་ཕྱིར་དང་། ཏིང་འཛིན་ཁྱད་པར་ཅན་ལ་བསྟེན་པས་རྒྱུ་
[33b.5]དང་ངོ་བོ་ཉིད་དང་ལས་དག་ལས་ཡེ་ཤེས་ཀྱི་རྒྱུ་ཤིན་ཏུ་མྱུར་བའི་ཕྱིར་དང་། དམ་ཚིག་གི་དབང་གིས་བརྩོན་འགྲུས་ཆེན་པོ་རང་དབང་མེད་པར་རྩོམ་པའི་ཕྱིར་དང་། མཚམས་མེད་བྱེད་པ་སོགས་ཐེག་པ་གཞན་ལས་སྤངས་པ་རྣམས་ཀྱང་ལམ་འདིའི་གདུལ་བྱར་གསུངས་
[33b.6]པའི་ཕྱིར་དང་། ཉོན་མོངས་པ་མ་སྤངས་པར་ཡུལ་ཁྱད་པར་ཅན་དུ་བྱས་ནས། རང་བཞིན་གྱིས་གནས་སུ་དག་པའི་ཚུལ་གྱིས་སྤོང་བའི་ཕྱིར་དང་། མཆོད་པའི་རང་བཞིན་དང་བདེ་བ་ལ་བརྟེན་པའི་རྫོགས་རིམ་གྱིས་ཉོན་མོངས་པ་བྱིན་གྱིས་རློབ་པའི་ཕྱིར་དང་།
[33b.7]དེ་བཞིན་གཤེགས་པས་དབང་བསྐུར་བ། །ས་ལ་ཞུགས་ནས་ཐོབ་པར་འགྱུར། །ཞེས་པ་ལྟ་བུ་མ་ཡིན་པར་ད་ལྟ་ཉིད་དུ་དེ་བཞིན་གཤེགས་པ་རྣམས་ཀྱིས་བྱིན་གྱིས་རློབ་པའི་ཕྱིར་དང་། ཟུང་འཇུག་གི་གོ་འཕང་ཚེ་གཅིག་ཉིད་ལ་ཐོབ་པ་སོགས་འདི་ལ་ཡོད་པའི་ཕྱིར་
[34a.1]དང་། སངས་རྒྱས་རྣམས་ཀྱི་སྐུ་ལྷ་སྒོམ་པ་དང་། གསུང་སྔགས་བཟླ་བ་དང་། ཐུགས་ཏིང་ངེ་འཛིན་སྒོམ་པ་སྟེ་སྦྱོར་བ་གསུམ་དང་ལྡན་པའི་ཕྱིར་དང་། མི་མཐུན་པའི་སྤྱོད་པ་གསུམ་སྟེ། ནུས་པ་དམན་པའི་སྤྱོད་པ་ཕྱི་རོལ་གྱི་དཀའ་ཐུབ་སྡོམ་པ་
[34a.2]སོགས་དང་། གཡེང་བྱེད་ཀྱི་སྤྱོད་པ་དེ་བཞིན་ཉིད་ལ་བརྟན་པ་མ་ཐོབ་པར་རྩོལ་བའི་ལུས་ངག་གི་དགེ་སྦྱོར་སོགས་དང་། དངོས་འཛིན་གྱི་སྤྱོད་པ་གཙང་སྨེའི་རྟོག་པ་སོགས་ཏེ། དེ་རྣམས་ལས་བཟློག་པའི་སྤྱོད་པ། དཀའ་ཐུབ་སྡོམ་པ་མི་བཟད་པ། །བསྟེན་པས་
[34a.3]འགྲུབ་པར་མི་འགྱུར་གྱི། །འདོད་པའི་ལོངས་སྤྱོད་ཐམས་ཅད་ལ། །བརྟེན་ནས་མྱུར་དུ་འགྲུབ་པར་འགྱུར། །ཞེས་སོགས་དང་། གལ་ཏེ་བྱང་ཆུབ་མཆོག་འདོད་ན། །གླེགས་བམ་བཀླག་པར་མི་བྱ་ཞིང་། །མཆོད་རྟེན་བསྐོར་བ་མི་བྱའོ། །བྱས་ན་བྱང་
[34a.4]ཆུབ་རྙེད་པར་དཀའ། །ཞེས་སོགས་དང་། ཤ་ལྔ་དང་ནི་བདུད་རྩི་ལྔ། །རྣམ་རྟོག་སྤང་ཕྱིར་ཅི་རིགས་བསྟེན། །ཞེས་སོགས་རྡོ་རྗེ་འཆང་གི་ངེས་པས་བསྟན་པའི་ཚུལ་གསུམ་པོ་དེ་འདི་ལ་ཡོད་པའི་ཕྱིར་རོ། །དེས་ན་ཐབས་མཁས་ཕྱི་མའི་སྐབས་ལུས་ངག་གི་
[34a.5]དགེ་སྦྱོར་འགོག་པ་ཅི་ཞེ་ན། ལས་དང་པོ་པ་དག་ལ་དགོངས་ནས་གསུངས་པ་སྟེ། སློབ་དཔོན་ཛྙཱ་ན་ཤྲཱིས་མཐའ་གཉིས་སེལ་བར། འདོད་པའི་འབྲས་བུ་བྱང་ཆུབ་སྒྲུབ་པ་ལ་རྒྱུའི་གཙོ་བོ་ནི་སེམས་ཡིན་པས། དང་པོར་ནི་སེམས་ཚར་གཅད་ཅིང་བྱ་བ་གཞན་
[34a.6]གཙོར་མི་བྱའོ། །སེམས་ལ་དབང་མ་ཐོབ་པ་དག་ནི་གླེགས་བམ་བཀླག་པ་ལ་སོགས་པ་ལུས་དང་ངག་གི་བྱ་བ་སྤྱོད་པ་ན་སེམས་གཡེང་བར་འགྱུར་བས་བྱ་བ་ཐམས་ཅད་བཏང་སྟེ། ཅི་བདེར་གནས་པས་སེམས་ལེགས་པར་བལྟ་སྟེ། སེམས་ཀྱི་དམིགས་པ་ཐོབ་ནས་
[34a.7]ཉོན་མོངས་པ་རགས་པ་གཅོད་པའི་དབང་ཐོབ་པ་ན་བྱ་བ་པ་ཕྱི་རོལ་པ་སྤྱད་པའམ། ཡང་ན་སེམས་སྟོང་པ་ཉིད་འབའ་ཞིག་བསྒོམ་པས་ཆོག་གི་ལུས་དང༌ངག་གི་བྱ་བ་མི་དགོས་ཏེ། རྣམ་པར་སྣང་མཛད་མངོན་པར་བྱང་ཆུབ་པ་ལས། མཚན་མར་བཅས་པས་མཚན་བཅས་
[34b.1]ཀྱི། །དངོས་གྲུབ་རྒྱལ་བ་དམ་པ་བཞེད། །མཚན་མ་མེད་ལ་གནས་པ་ནི། །མཚན་མར་བཅས་པའང་འགྲུབ་ཏུ་རུང་། །དེ་བས་རྣམ་པ་ཐམས་ཅད་དུ། །མཚན་མ་མེད་ལ་གནས་པར་བྱ། །ཞེས་གསུངས་སོ། །སློབ་དཔོན་ཡེ་ཤེས་སྙིང་པོས་ཀྱང་བདེན་པ་
[34b.2]གཉིས་རྣམ་པར་འབྱེད་པའི་འགྲེལ་པ་ལས། ཆོས་ཀྱི་དབྱིངས་རྟོགས་ན་འཇིག་རྟེན་དང་འཇིག་རྟེན་ལས་འདས་པའི་ཆོས་ཐམས་ཅད་བོས་པ་བཞིན་དུ་འདུ་སྟེ། ཟད་པ་ཤེས་པ་ཟག་བཅས་ཀྱང་། །ཞེས་པའི་ལུང་དང་ལྡན་པར་བཤད་དོ། །དེ་བས་ན། བདག་གི་ཉོན་
[34b.3]མོངས་པ་སྤང་བ་དང་། གཞན་གྱི་དོན་རྩོལ་བ་དང་བཅས་པ་འབྱུང་བར་བྱ་བ་ལ་ནི་སྟོང་པ་ཉིད་འབའ་ཞིག་བསྒོམ་པའམ། དང་པོར་སེམས་འབའ་ཞིག་དབང་དུ་བྱས་ལ་དེའི་རྗེས་ལ་བྱ་བ་གཞན་སྤྱད་པ་འདི་ནི་ཐབས་ཀྱི་མཆོག་གོ། །ཞེས་ལེགས་པར་བཤད་དོ། །གཞན་
[34b.4]ཡང་སློབ་དཔོན་ཌོཾ་བི་པས། འདི་ནི་སྣོད་ཀྱི་ཁྱད་པར་དང་། །སྣོད་དུ་བྱེད་པའི་ཆོས་དང་ནི། །གཞུང་དང་ལམ་གྱི་ཁྱད་པར་དང་། །འབྲས་བུ་དག་གི་ཁྱད་པར་གྱིས། །སྔགས་ཀྱི་ཐེག་པ་ཁྱད་པར་འཕགས། །ཞེས་གསུངས་པ་སོགས་ཁྱད་པར་འབྱེད་པའི་ཚུལ་
[34b.5]མིང་དུ་འབྱུང་བར་སྣང་ངོ་། །འདི་སྐབས་བོད་ཀྱི་མཁས་པ་འགའ་ཞིག་ཌོཾ་བི་པས་གསུངས་པའི་ལུང་དེ་དང་། སློབ་དཔོན་ཡེ་ཤེས་ཞབས་ཀྱིས། ཐེག་པ་འདི་ནི་རྣམ་པ་གསུམ་གྱི་ཐུན་མོང་མ་ཡིན་ཏེ། འདི་ལྟར་སྒྲུབ་པ་པོ་དང་། ལམ་དང་། འབྲས་བུ་གསུམ་
[34b.6]མོ། །ཞེས་དང་། ཨིནྡྲ་བྷཱུ་ཏིས། བླ་མའི་ཁྱད་པར་དང་། སྣོད་ཀྱི་ཁྱད་པར་དང་། ཆོ་གའི་ཁྱད་པར་དང་། ལས་ཀྱི་ཁྱད་པར་དང་། དམ་ཚིག་གི་ཁྱད་པར་དང་། ལྟ་བའི་ཁྱད་པར་དང་། སྤྱོད་པའི་ཁྱད་པར་ཏེ་བདུན་གྱིས་འཕགས་སོ། །ཞེས་སོགས་
[34b.7]ཀྱི་ལུང་གིས་ལྟ་བ་དང་འབྲས་བུ་གཉིས་ཅར་ལ་ཁྱད་ཞུགས་པར་བཞེད་ཅིང་། འཆད་ཚུལ་འདི་ལ་རྡོ་རྗེ་ཐེག་པའི་གནད་གསང་ཁྱད་པར་བ་མང་དུ་ཡོད་པར་སྣང་ཡང་། རེ་ཞིག་ཡོངས་གྲགས་ལྟར་བྱས་པའོ། །གཉིས་པ་དབྱེ་བའི་ཚུལ་ལ། སློབ་དཔོན་ཨ་ཏི་ཤས། །
[35a.1]བྱ་བ་སྤྱོད་སོགས་རྒྱུད་ཅེས་བྱ་བ་ནི། བྱ་བའི་རྒྱུད་དང་། སྤྱོད་པའི་རྒྱུད་དང་། རྟོག་པའི་རྒྱུད་དང་། གཉི་གའི་རྒྱུད་དང་། རྣལ་འབྱོར་གྱི་རྒྱུད་དང་། རྣལ་འབྱོར་ཆེན་པོའི་རྒྱུད་དང་། རྣལ་འབྱོར་བླ་ན་མེད་པའི་རྒྱུད་དོ། །ཞེས་བདུན་དུ་ཕྱེས་ཤིང་།
[35a.2]སློབ་དཔོན་བཛྲ་པཱ་ཎིས། ཐབས་ཀྱི་རྒྱུད་ལ་ལྔ་སྟེ། བྱ་བའི་རྒྱུད་དང་། སྤྱོད་པའི་རྒྱུད་དང་། རྣལ་འབྱོར་གྱི་རྒྱུད་དང་། རྣལ་འབྱོར་བླ་ན་མེད་པའི་རྒྱུད་དང་། རྣལ་འབྱོར་གོང་ན་མེད་པའི་རྒྱུད་དོ། །ཞེས་དང་། རབ་ཏུ་སྒྲོན་གསལ་ལས། རྡོ་རྗེ་འཆང་ཆེན་
[35a.3]པོས་བསམ་པ་དང་བག་ལ་ཉལ་བ་དང་ཁམས་དང་བག་ཆགས་ཀྱི་དབྱེ་བ་ལས་སྔགས་ཀྱི་བསྟན་བཅོས་རྣམ་པ་ལྔ་རུ་གསུངས་ཏེ། བྱ་བ་དང་། སྤྱོད་པ་དང་། རྣལ་འབྱོར་དང་། རྣལ་འབྱོར་གྱི་བླ་མ་དང་། རྣལ་འབྱོར་མའི་རྒྱུད་ཀྱི་དབྱེ་བས་སོ། །ཞེས་དང་། ཤཱནྟི་
[35a.4]པས། ཟབ་ཅིང་རྒྱ་ཆེ་བ་དང་ལྡན་པའི་ཐེག་པ་ནི། བྱ་བ་དང་། སྤྱོད་པ་དང་། རྣལ་འབྱོར་དང་། རྣལ་འབྱོར་ཆེན་པོ་དང་། རྣལ་འབྱོར་བླ་ན་མེད་པ་ཞེས་བྱ་བ་རྣམ་པ་ལྔར་འགྱུར་རོ་ཞེས་དང་། རྒྱུད་མཁའ་འགྲོ་རྒྱ་མཚོ་ལས། བྷ་ག་རྣམས་སུ་རྒྱུད་ལྔ་རྣམས། །
[35a.5]བྱ་བ་ལ་སོགས་བླ་མེད་མཐར། །ཞེས་གསུངས་པ་སོགས་ལྔར་དབྱེ་བའི་ཚུལ་དང་། བདེ་མཆོག་ཉུང་ངུའི་རྒྱུད་དུ། ཇི་སྲིད་མདོ་བྱ་སྤྱོད་པ་དང་། །རྣལ་འབྱོར་གསང་མཐའི་དབྱེ་བ་ལས། །སེམས་ཅན་མོས་པ་སྣ་ཚོགས་པ། །དེ་དང་དེ་ལ་དགའ་བ་སྦྱིན། །
[35a.6]ཞེས་དང་། ཡེ་ཤེས་རྡོ་རྗེ་ཀུན་ལས་བཏུས་སུ། རྣལ་འབྱོར་ཆེན་པོའི་རྒྱུད་དང་། གཉི་ག་འི་དང་། སྤྱོད་པའི་དང་། བྱ་བའི་དང་། རྟོག་པའི་རྒྱུད་ཅེས་གསུངས་པ་སོགས་ལྔར་ཕྱེ་ཚུལ་སྔ་མ་དང་མི་འདྲ་བ་དང་། སྔགས་དོན་རྣམ་གཟིགས་ལས། རྣལ་
[35a.7]འབྱོར་སྤྱོད་དང་བྱ་བའི་རྒྱུད། །ཅེས་དང་། རྡོ་རྗེ་བདུད་རྩིའི་འགྲེལ་པ་ལས། རྒྱུད་ཐམས་ཅད་ནི་བྱ་བའི་རྒྱུད་དང་། སྦྱོར་བའི་རྒྱུད་དང་། གསང་བའི་རྒྱུད་ཁ་ཅིག་གོ། །ཞེས་གསུངས་པ་སོགས་གསུམ་དུ་དབྱེ་བ་དང་། ཨ་བྷ་ཡས། རྡོ་རྗེ་འཆང་གི་ཕྱི་ནང་རྡོ་
[35b.1]རྗེ་བཞིན། ཞེས་དང་། དཀྱིལ་འཁོར་ལ་སོགས་ཆོ་ག་ནི། །སྟོན་པས་རྒྱུད་སྡེ་གཉིས་སུ་སྤྲོས། །ཞེས་བཤད་པ་ལྟ་བུ་གསང་སྔགས་ཕྱི་ནང་གཉིས་ཀྱི་དབྱེ་བ་སོགས་མང་ནའང་། གཙོ་བོར་དེང་སང་གྲགས་ཆེ་བ་ལྟར་རྒྱུད་སྡེ་བཞིར་དབྱེ་ན། བྱ་བ་དང་། སྤྱོད་
[35b.2]པ་དང་། རྣལ་འབྱོར་དང་། རྣལ་འབྱོར་བླ་མེད་ཀྱི་རྒྱུད་རྣམས་ཏེ། དང་པོ་ནི། དགྱེས་རྡོར་དོན་བསྡུས་ཀྱི་འགྲེལ་པ་ལས་དེ་ཁོ་ན་ཉིད་བསྒོམ་པའི་ནུས་པ་ཆུང་བ་མཚན་མ་ཅན་གྱི་སྤྱོད་པ་ལ་མངོན་པར་དགའ་བ་རྣམས་ལ་ཕྱིའི་སྤྱོད་པ་དེ་དག་ཤས་ཆེར་སྟོན་པ་བྱ་བའི་རྒྱུད་ཅེས་
[35b.3]ཕྱིའི་བྱ་བ་གཙོ་བོར་སྟོན་པས་བྱ་བའི་རྒྱུད་དེ། དེའང་རབ་ཏུ་སྒྲོན་གསལ་ལས། ཁྲུས་དང་གོང་དུས་གསུམ་དུ་བརྗེ་བ་དང་། སྨྱུང་བར་གནས་པ་ལ་སོགས་པ་རྗོད་པར་བྱེད་པའི་རྒྱུད་ནི་བྱ་བའི་རྒྱུད་དེ། སྒྲོལ་མ་འབྱུང་བ་ལ་སོགས་པའོ། །ཞེས་དང་། ཨ་བྷ་ཡས།
[35b.4]དམ་པའི་ཆོས་ཕྱིའི་ནི་བྱ་བའི་རྒྱུད་ལ་སོགས་པའོ། །དེ་ལ་བྱ་བའི་རྒྱུད་ནི་དམ་ཚིག་གསུམ་གྱི་རྒྱལ་པོ་དང་། འབྱུང་པོ་འདུལ་བྱེད་ལ་སོགས་པ་སྟེ། གང་དུ་ཁྲུས་དང་སྨྲ་བཅད་ལ་སོགས་པ་རྣམས་ཀྱི་བྱ་བ་ཕྱི་རོལ་གྱི་ལུགས་མ་དང་བྲིས་སྐུ་ལ་སོགས་པ་ལྷ་རུ་དམིགས་
[35b.5]པའོ། །ཞེས་སོ། །གཉིས་པ་ནི། རབ་ཏུ་སྒྲོན་གསལ་ལས། བརྟུལ་ཞུགས་དང་། དངོས་གྲུབ་དང་། རྫུ་འཕྲུལ་གཙོ་བོར་གྱུར་པ་ལ་སོགས་པ་སྤྱོད་པའི་རྒྱུད་དེ་ཞེས་པས་བརྟུལ་ཞུགས་ཀྱི་སྤྱོད་པ་གཙོ་བོར་སྟོན་པའི་ཕྱིར་རམ། དགྱེས་རྡོར་དོན་བསྡུས་
[35b.6]ཀྱི་འགྲེལ་པར། གང་ཞིག་བྱ་བའི་ཁྱད་པར་ལའང་མོས་ཤིང་། ཐབས་ཤེས་རབ་ཀྱི་སྤྱོད་པ་རྒྱ་ཆེན་པོ་ལའང་སྦྱོར་བའི་ནང་གི་བདག་ཉིད་ཅན་གྱི་ཚུལ་ཡང་མི་འདོར་བར་སྤྲོ་བ་དེ་དག་ལ་ནི། བྱ་བ་དང་རྣལ་འབྱོར་གྱི་རྒྱུད་ཆ་གཉིས་ལས་མཐུན་པའི་གཉི་གའི་རྒྱུད་ཅེས་
[35b.7]སོགས་འབྱུང་བའི་ཕྱིར། ཕྱིའི་བྱ་བ་དང་། ནང་གི་ཏིང་ངེ་འཛིན་ཆ་མཉམ་དུ་སྤྱོད་པས་སྤྱོད་པའི་རྒྱུད་དེ། དེའང་ཨ་བྷ་ཡས། སྤྱོད་པའི་རྒྱུད་ནི་རྣམ་པར་སྣང་མཛད་མངོན་པར་བྱང་ཆུབ་པ་ལ་སོགས་པའོ། །ཞེས་སོ། །གསུམ་པ་ནི་འཇིག་རྟེན་གསུམ་རྒྱལ་གྱི་
[36a.1]རྟོག་པའི་འགྲེལ་པ་ལས། དེ་ལ་རྣལ་འབྱོར་ཞེས་བྱ་བ་ནི་སེམས་མཉམ་པར་བཞག་པའོ། །དེའི་མཐུས་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་དགོས་པ་སྒྲུབ་པའི་ཕྱིར་སྔགས་དང་། ཕྱག་རྒྱ་དང་། དཀྱིལ་འཁོར་དང་། དབང་
[36a.2]སྦྱིན་པ་ལ་སོགས་པ་སྣ་ཚོགས་སྦྲེལ་ཞིང་བརྒྱུས་པས་རྣལ་འབྱོར་གྱི་རྒྱུད་ཅེས་བྱའོ། །ཞེས་དང་། རྣམ་སྣང་མངོན་བྱང་གི་འགྲེལ་པ་ལས། འཕགས་པ་དེ་ཉིད་བསྡུས་པ་ལ་སོགས་པ་ནང་གི་སྦྱོར་བ་གཙོ་བོར་གྱུར་པ་ཡིན་མོད་ཀྱི། ཕྱིའི་སྤྱོད་པ་རྣམས་ཀྱང་མེད་པ་
[36a.3]མ་ཡིན་ནོ། །ཞེས་ནང་གི་རྣལ་འབྱོར་སྒོམ་པ་གཙོ་བོར་སྟོན་པས་རྣལ་འབྱོར་རྒྱུད་དེ། དེའང་ཨ་བྷ་ཡས། གསང་བ་ནི་རྣལ་འབྱོར་གྱི་རྒྱུད་ལ་སོགས་པ་སྟེ། རྣལ་འབྱོར་གྱི་རྒྱུད་ནི་དེ་ཁོ་ན་ཉིད་བསྡུས་པ་ལ་སོགས་པའོ་ཞེས་སོ། །བཞི་བ་ནི། འདུས་པ་ཕྱི་མ་
[36a.4]ལས། ཐབས་དང་ཤེས་རབ་སྙོམས་འཇུག་པ། །རྣལ་འབྱོར་ཞེས་ནི་བཤད་པ་ཡིན། །གང་གི་དངོས་མེད་ཤེས་རབ་སྟེ། །ཐབས་ནི་དངོས་པོའི་མཚན་ཉིད་དོ། །ཞེས་དང་། གུར་ལས། ཨེ་མའོ་མཁའ་འགྲོ་མ་ཡི་རྒྱུད། །རྒྱུད་རྣམས་ཀུན་ལ་
[36a.5]དམ་པ་སྟེ། །ཞེས་གསུངས་པ་ལྟར། ཐབས་ཤེས་གཉིས་སུ་མེད་པའི་རྣལ་འབྱོར་གྱི་ཚུལ་ཁྱད་པ་ཅན་བསྟན་པས་རྒྱུད་ཀུན་གྱི་བླ་ན་མེད་པར་གྱུར་པའི་ཕྱིར་རྣལ་འབྱོར་བླ་ན་མེད་པའི་རྒྱུད་དེ། དེའང་ཨ་བྷ་ཡས། རྣལ་འབྱོར་བླ་མའི་རྒྱུད་ནི་འདུས་པ་ལ་སོགས་
[36a.6]པའོ། །ཞེས་བཤད་དོ། །དེ་ལྟར་དབྱེ་བ་རྣམ་པ་བཞིར་འབྱེད་པའི་རྒྱུ་མཚན་ཡང་། སཾ་བུ་ཊ་ལས། རྒོད་དང་ལྟ་དང་ལག་བཅངས་དང་། །གཉིས་གཉིས་འཁྱུད་དང་རྣམ་པ་བཞི། །སྲིན་བུའི་ཚུལ་གྱིས་རྒྱུད་བཞིར་གནས། །ཞེས་དང་། རྡོ་རྗེ་སྙིང་རྒྱན་
[36a.7]ལས། འདི་ནི་གཉིས་པོ་འཁྱུད་པ་ཡིས། །རྒྱུད་ཀྱི་དབྱེ་བ་བསྟན་པའོ། །དེ་བཞིན་དུ་ནི་ལག་བཅངས་དང་། །རྒོད་དང་བལྟས་པས་ཤེས་པར་བྱ། །ཞེས་འདོད་ཆགས་རིགས་བཞི་དང་ལྡན་པའི་འདུལ་བྱ་རྣམས་འདུལ་བའི་ཕྱིར། ཆགས་པ་དེ་དག་ལས་
[36b.1]འདུ་བྱེད་པའི་རྒྱུད་སྡེ་བཞིར་གསུངས་པ་དང་། རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལ། །སེམས་ཅན་མཆོག་ལ་རྣལ་འབྱོར་མཆོག །རྣལ་འབྱོར་བླ་མེད་དེ་ལྟག་ལ། །ཞེས་དང་། ཚུལ་གསུམ་སྒྲོན་མ་ལས། །གང་
[36b.2]ཡང་རེ་ཞིག་སྐྱེ་བ་གཞན་དུ་གོམས་པའི་བག་ཆགས་ཀྱིས་སྐྱེ་བོ་མེད་པའི་ནགས་ཚལ་གྱི་གནས་དང་། ཁྲུས་དང་། དཀྱིལ་འཁོར་བྲི་བ་དང་། མཆོད་པ་དང་། སྦྱིན་སྲེག་དང་། དཀའ་ཐུབ་དང་། བཟླས་བརྗོད་ལ་སོགས་པའི་བྱ་བ་མེད་པར་ཡིད་མཉམ་པར་འཇོག་པ་
[36b.3]མི་འཐོབ་པས། དེའི་ཕྱིར་ནི་བྱ་བའི་རྒྱུད་སྟོན་པར་མཛད་པ་ཡིན་ནོ། །གང་ཡང་དེ་ཁོ་ན་ཉིད་ལ་མངོན་པར་ཞེན་པའི་སེམས་དང་ལྡན་པ་དག་ཀྱང་དད་པའི་སྟོབས་ཀྱིས་བདེ་བར་གཤེགས་པས་གསུངས་པའི་བྱ་བ་རྣམས་ཀྱིས་ཀྱང་ཡེ་ཤེས་འཐོབ་པར་འགྱུར་བས་བྱ་བ་ལ་ལྟོས་པ་
[36b.4]དང་བཅས་པ་ཡིན་ལ། དེ་རྣམས་ལ་ནི་བྱ་བ་ཡན་ལག་ཤིན་ཏུ་མང་པོ་མ་ཡིན་པ་རྩ་བའི་རྒྱུད་གསུངས་པ་ཡིན་ནོ། །གཞན་དག་ནི་གཉིས་སུ་མེད་པའི་དེ་ཁོ་ན་ཉིད་བསྒོམ་པར་གཅིག་ཏུ་མོས་པ། བྱ་བ་མང་པོའི་ཚོགས་རྣམས་ལ་གཡེང་བར་འདུ་ཤེས་པ་མེད་པ་དེའི་
[36b.5]དོན་དུ་ནི་རྣལ་འབྱོར་གཙོ་བོར་མཛད་དེ། བྱ་བའི་ཡན་ལག་ཅུང་ཟད་ཅིག་ཞར་ལ་སྟོན་པར་མཛད་པའི་སྤྱོད་པའི་རྒྱུད་གསུངས་པ་ཡིན་ནོ། །ཡང་གང་ཞིག་དེའི་རིགས་སུ་གཏོགས་པ་དང་། སྐྱེ་བ་གཞན་དུ་གོམས་པའི་སྟོབས་ཀྱིས་བྱ་བ་ཐམས་ཅད་དངོས་པོ་ཐམས་ཅད་
[36b.6]ལ་གཉིས་ཀྱི་འདུ་ཤེས་འཇུག་པར་མི་བྱེད་པའི་བདག་ཉིད་ཆེན་པོ་དེ་རྣམས་ལ་བྱ་བའི་ངེས་པ་མ་གསུངས་ཏེ། ཐམས་ཅད་བྱེད་པ་དང་། ཐམས་ཅད་སྤྱོད་པ་ལའང་དགག་པ་མེད་པའི་རྒྱུད་ཐམས་ཅད་ཀྱི་གོང་མར་གྱུར་པ། རྣལ་འབྱོར་ཆེན་པོའི་རྒྱུད་བཅོམ་ལྡན་འདས་
[36b.7]ཀྱིས་གསུངས་པ་ཡིན་ནོ། །དེ་ལྟར་ན་སེམས་ཅན་ཐམས་ཅད་ཀྱི་དོན་གྱི་བྱ་བའི་ཕྱིར་རྣམ་པ་བཞི་པོས་སྣ་ཚོགས་པའི་ཐབས་དང་ལྡན་པའི་སྔགས་ཀྱི་བསྟན་བཅོས་གསུངས་པ་ཡིན་ནོ། །ཞེས་སོགས་གདུལ་བྱའི་ཁམས་དང་དབང་པོའི་བྱེ་བྲག་གིས་རྒྱུད་སྡེ་བཞིར་གསུངས་
[37a.1]པ་དང་། རབ་ཏུ་སྒྲོན་གསལ་ལས། དེ་ལ་རབ་དང་འབྲིང་གི་གཏི་མུག་གི་རིགས་ཅན་ལ་དགོངས་ཏེ་བྱ་བའི་རྒྱུད་བསྟན་ཏོ། །གཏི་མུག་དམན་པའི་རིགས་ཅན་རྣམས་ལ་སྤྱོད་པའི་རྒྱུད་བསྟན་ཏོ། །དམན་པ་དང་བར་མའི་འདོད་ཆགས་དང་ཞེ་
[37a.2]སྡང་དང་གཏི་མུག་གི་རིགས་ཅན་རྣམས་ལ་རྣལ་འབྱོར་གྱི་རྒྱུད་བསྟན་ཏོ། །འདོད་ཆགས་དང་ཞེ་སྡང་དང་གཏི་མུག་རབ་ཀྱི་རིགས་ཅན་རྣམས་ལ་རྣལ་འབྱོར་གྱི་བླ་མའི་རྒྱུད་བསྟན་ཏོ། །རབ་ཀྱི་རབ་ཀྱི་འདོད་ཆགས་དང་ཞེ་སྡང་དང་གཏི་མུག་གི་རིགས་ཅན་རྣམས་ལ་རྣལ་འབྱོར་
[37a.3]མའི་རྒྱུད་བསྟན་ཏོ། །ཞེས་སྤང་བྱ་ཉོན་མོངས་པའི་སྒོ་ནས་དང་། ནག་པོ་ཞབས་ཀྱིས། དུས་ནི་རྣམ་བཞི་དབྱེ་བ་ལས། །རྒྱུད་ནི་རྣམ་པ་བཞིར་འགྱུར་ཏེ། །ཞེས་དང་། དྲི་མེད་འོད་ལས། འདིར་ཐུན་དང་པོའི་མངོན་མཚམས་ལ་རྒོད་པའི་རྒྱུད་དོ། །ཐུན་
[37a.4]གསུམ་པའི་མངོན་མཚམས་ལ་ལྟ་བའི་རྒྱུད་དོ། །ཐུན་ལྔ་བའི་མངོན་མཚམས་ལ་ནུ་མ་ལ་རེག་པའི་རྒྱུད་དོ། །ཐུན་བདུན་པའི་ཐུན་མཚམས་ལ་ལག་པ་འཛིན་པའི་རྒྱུད་དེ། དེ་ལྟར་རྒྱུད་རྣམ་པ་བཞིའོ། །ཞེས་སོགས་དུས་ལ་སྦྱོར་བའི་སྒོ་ནས་དང་། སློབ་དཔོན་
[37a.5]ཨ་ལངྐ་ཀ་ཝཱ་ཤས་མཛད་པའི་རྡོ་རྗེ་ཕྲེང་བའི་འགྲེལ་པའི་ལུང་འོག་ཏུ་དྲངས་པ་ལྟར་མི་རིགས་བཞི་རྣམས་གཞུག་པའི་ཕྱིར་རྒྱུད་སྡེ་བཞི་གསུངས་པར་བཤད་དོ། །འདི་དག་ལ་རྒྱ་བོད་ཀྱི་འཆད་ཚུལ་ཐ་དད་པ་མང་པོ་དང་། བཤད་པའི་ཚུལ་ཡང་དག་པ་རྣམས་ལ་མི་འགལ་
[37a.6]བར་བསྒྲུབ་པའི་ངག་སོགས་སྤྲོས་མང་པོ་བྱར་ཡོད་མོད་ཀྱི། ཊཱི་ཀ་སོགས་བྱེད་པའི་སྐབས་སུ་མ་གྱུར་པས་རེ་ཞིག་བཞག་གོ། །དེ་ལྟར་རྒྱུད་སྡེ་བཞིར་གྲངས་ངེས་པ་ལས་དེ་དག་སོ་སོའི་ནང་གསེས་སུ་དབྱེ་ན། བྱ་བའི་རྒྱུད་ལ་སྒོ་དྲུག་ཏུ་འགྱུར་ཏེ། དེ་བཞིན་གཤེགས་
[37a.7]པའི་རིགས་དང་། པདྨའི་རིགས། རྡོ་རྗེའི་རིགས། ནོར་བུའི་རིགས། རྒྱས་པའི་རིགས། འཇིག་རྟེན་པའི་རིགས་རྣམས་ཀྱི་རྒྱུད་དྲུག་ཡོད་པའི་ཕྱིར་རོ། །དེ་རེ་རེ་ལ་རིགས་ཀྱི་གཙོ་བོ། རིགས་ཀྱི་བདག་པོ། རིགས་ཀྱི་ཡུམ། རིགས་ཀྱི་གཙུག་
[37b.1]ཏོར། རིགས་ཀྱི་ཁྲོ་བོ། རིགས་ཀྱི་ཁྲོ་མོ། རིགས་ཀྱི་ཕོ་ཉ། རིགས་ཀྱི་ཕོ་ཉ་མོ། རིགས་ཀྱི་བཀའ་ཉན། རིགས་ཀྱི་བཀའ་ཉན་མ་རྣམས་ཅི་རིགས་པར་འདུས་པའམ། རེ་རེ་ནས་བརྗོད་བྱའི་གཙོ་བོར་བྱས་པའི་སྒོ་ནས་དབྱེར་ཡོད་དོ། །དེ་དག་ཉེ་བར་
[37b.2]བསྡུ་ན་དེ་བཞིན་གཤེགས་པའི་རིགས། པདྨའི་རིགས། རྡོ་རྗེའི་རིགས་ཏེ་རིགས་གསུམ་དུའང་འདུས་ཏེ། དཔུང་བཟང་གི་དོན་དགྲོལ་བའི་བརྗེད་བྱང་ལས། ནོར་ཅན་ནི་པདྨའི་རིགས་ཀྱིས་བསྡུས་སོ། །རྒྱས་པ་ནི་རྡོ་རྗེའི་རིགས་ཀྱིས་བསྡུས་སོ། །འཇིག་རྟེན་
[37b.3]པའི་རིགས་ཀྱང་དེ་དག་གི་བགབ་ཏུ་ཕལ་ཆེར་འདུས་པར་རིག་པར་བྱའོ། །དེ་དག་གིས་མ་བསྡུས་པ་རྣམས་ནི་དེ་བཞིན་གཤེགས་པའི་བྱིན་གྱིས་བརླབས་ལས་བྱུང་བའང་མ་ཡིན་ཡང་། བྱང་ཆུབ་སེམས་དཔའི་ས་ལ་གནས་པ་ལྟར་བདེ་བར་གཤེགས་པ་ཉིད་ཀྱི་རིགས་སུ་
[37b.4]སྐྱེས་པའང་མ་ཡིན་པས། དེ་བཞིན་གཤེགས་པའི་རིགས་ལ་བརྟེན་པ་ཞེས་གདགས་ཏེ། དོན་དེ་རྒྱུད་འདི་ཉིད་ལས་ཀྱང་། གཞན་ཡང་འདི་ན་ཁ་ཅིག་གནས་མེད་པར། །བདེ་བར་གཤེགས་ལ་བསྟེན་ཅིང་ཡོངས་འཁྱམ་པ། །ཞེས་གསུངས་སོ། །དེ་ལྟར་
[37b.5]དེ་རྣམས་སངས་རྒྱས་ཀྱིས་བཏུལ་ཏེ་དམ་ཚིག་ལ་གནས་ཤིང་། རིགས་གསུམ་པོའི་ནང་དུ་འདུས་པར་སྣང་གིས་ཀྱང་། ཞེས་འཇིག་རྟེན་པའི་རིགས་ཀྱི་ནང་ཚན་རྣམ་པར་འཁྱམ་པ་ཞེས་གྲགས་པའང་དེ་བཞིན་གཤེགས་རིགས་ལས་བསྟན་པས་དེར་རྟོགས་པར་ཤུགས་
[37b.6]ཀྱིས་བསྟན་པའི་ཕྱིར་རོ། །དེའང་གསང་སྔགས་དང་རིག་སྔགས་གཉིས་སུ་འདུས་ཏེ། བསམ་གཏན་ཕྱི་མའི་འགྲེལ་པ་ལས། དེ་ལ་རིག་སྔགས་ནི་བུད་མེད་ཀྱི་གཟུགས་དང་། དབྱིབས་ཀྱི་ལྷ་དང་། དེ་སྟོན་པའི་སྒྲ་དང་། ཕྱག་རྒྱ་ལ་སོགས་པའོ། །
[37b.7]དེ་ལས་བཟློག་པ་ནི་གསང་སྔགས་ཀྱི་མཚན་ཉིད་དོ། །ཞེས་འབྱུང་ངོ༌། །སྤྱོད་པའི་རྒྱུད་ནི་བྱ་བའི་རྒྱུད་དང་དབྱེ་བ་ཕལ་ཆེར་མཚུངས་པར་བྱས་པས་དོན་གྲུབ་མོད་ཀྱི། རིགས་ལྔར་ཕྱེས་ཀྱང་མི་འགལ་ལོ། །རྣལ་འབྱོར་གྱི་རྒྱུད་ལ། རིགས་ཀྱི་དབང་དུ་བྱས་ན་རྩ་
[38a.1]བའི་རིགས་ལྔའི་དབྱེ་བས་རྒྱུད་ཀྱང་ལྔ་དང་ཞིབ་མོར་ཕྱེ་བས་བརྒྱར་ཡང་འགྱུར་ཏེ། རྡོ་རྗེ་རྩེ་མོར། རིགས་ནི་རྣམ་པ་དུ་ཡིན་བརྗོད། །རིགས་ནི་རྣམ་པ་བརྒྱར་གསུངས་ཏེ། །མདོ་རུ་བསྡུ་ན་རྣམ་པ་ལྔ། །སངས་རྒྱས་རྡོ་རྗེ་རིན་ཆེན་དང་། །ཆོས་དང་
[38a.2]ལས་དང་རྣམ་པ་ལྔ། །ཞེས་གསུངས་པ་དང་། རིགས་ཆེན་རྣམས་ནང་གསེས་སུ་དབྱེ་བའི་ཚུལ་ཡང་རིགས་ཆེན་རེ་ལ་རིགས་ཆུང་ལྔ་ལྔ། དེ་རེ་རེ་ལ་སྙིང་པོ་ཕྱག་རྒྱ་གསང་སྔགས་རིག་སྔགས་བཞི་བཞིས་ཕྱེ་བས་བརྒྱར་འགྱུར་རོ། །དེ་དག་བསྡུ་ན་ཐབས་ཤེས་གཉིས་
[38a.3]སུ་འདུས་ཏེ། བྱང་ཆུབ་ཀྱི་སེམས་གཙོ་བོར་སྟོན་པ་ཐབས་ཀྱི་རྒྱུད་དང་། ཤེས་ཕྱིན་གཙོ་བོར་སྟོན་པ་ཤེས་རབ་ཀྱི་རྒྱུད་གཉིས་སོ། །དེ་དག་ལ་ཡབ་ཡུམ་གྱི་སྒྲས་ཀྱང་སྨོས་ཏེ། ཤེས་ཕྱིན་ཚུལ་བརྒྱ་ལྔ་བཅུ་བའི་འགྲེལ་པར། དེ་བཞིན་གཤེགས་པ་ཐམས་ཅད་
[38a.4]འབྱུང་བའི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་དཔལ་མཆོག་ཕྲེང་བ་ཞེས་བྱ་བ་འདི་ཡིན་ནོ། །ཡུམ་སྨོས་པ་ལས་ནི་དེ་བཞིན་གཤེགས་པའི་ཡབ་ཀྱང་སྨོས་དགོས་ཏེ། གང་ཞེ་ན། ཡབ་ནི་ཏནྡྲ་ཏ་ཏྲ་སཾ་གྲ་ཧ་ཞེས་བྱ་བ་སྔགས་ཀྱི་མདོ་སྡེ་ཟབ་མོ་ཡིན་པར་བསྟན་ཏོ། །ཞེས་
[38a.5]བཤད་དོ། །རྣལ་འབྱོར་བླ་ན་མེད་པའི་རྒྱུད་ལ་གཙོ་བོར་བཅུ་གཉིས་སུ་འགྱུར་ཏེ། ཕ་རྒྱུད་ལ་འདུས་པ་རྒྱུད་ཕྱི་མ་ལས། རིགས་རྒྱལ་རྡོ་རྗེ་ཅན་རྣམས་ཀྱི། །འཁོར་ལོས་སྒྱུར་བ་དྲུག་གི་རྒྱུ། །ཞེས་མི་བསྐྱོད་པ། རྣམ་སྣང་། རིན་འབྱུང་། འོད་དཔག་
[38a.6]མེད། དོན་གྲུབ། དྲུག་པ་རྡོ་རྗེ་འཆང་སྟེ་རིགས་དྲུག་བཤད་པའི་ཕྱིར་དང་། མ་རྒྱུད་ལའང་དེ་དང་མཚུངས་པར། ངེས་བརྗོད་བླ་མ་ལས། ཡང་ན་རྡོ་རྗེ་སེམས་དཔའ་སྟེ། །རྣམ་སྣང་རྡོ་རྗེ་ཉི་མ་དང་། །པདྨ་གར་དབང་རྒྱལ་པོ་དང་། །དབང་ཕྱུག་རྟ་
[38a.7]མཆོག་ཧེ་རུ་ཀ། །ཞེས་མཚན་གྱི་ཁྱད་པར་གྱིས་གསུངས་པ་ལྟར་དྲུག་ཏུ་དབྱེར་ཡོད་པའི་ཕྱིར་བསྡོམས་པས་རྒྱུད་ཀྱི་རབ་དབྱེ་བཅུ་གཉིས་སོ། །དེའང་ཕྱེ་ན་སྟོང་ཕྲག་མང་པོར་འགྱུར་ཏེ། ཡང་དག་པར་སྦྱོར་བ་ལས། རིགས་ནི་ལྔ་པོ་དེ་ཉིད་ལས། །སྟོང་ཕྲག་དུ་
[38b.1]མ་བྱེད་པ་ཉིད། །དེ་ཕྱིར་འདི་དག་རང་བཞིན་གཅིག །བདེ་ཆེན་མཆོག་ཏུ་ཕན་པའོ། །ཞེས་རིགས་དྲུག་པོ་དེ་ཉིད་ལ་རྡོ་རྗེ་འཆང་གི་རིགས་ཁྱབ་བྱེད་དུ་བྱས་པས་ལྔར་འགྱུར་བ་ལས་དུ་མར་དབྱེ་བས་སོ། །ཡང་ཧེ་བཛྲ་ལས། རིགས་གཅིག་ལ་ནི་དེ་བཞིན་གཤེགས་པའི་
[38b.2]ཚོགས། །རིགས་ཀྱི་ཚོགས་ལ་རིགས་ནི་རྣམ་པ་བརྒྱ། །དེ་རྣམས་རིགས་ལ་འབུམ་ཕྲག་རིགས་ཅན་རྣམས། །བྱེ་བའི་རིགས་ལ་གྲངས་ནི་མེད་པར་འགྱུར། །དེ་ལ་གྲངས་མེད་རིགས་ལས་རིགས་ཆེན་རྣམས། །མཆོག་ཏུ་དགའ་བའི་རིགས་ལས་འབྱུང་བའོ། །ཞེས་
[38b.3]རིགས་མཐའ་ཡས་པར་གསུངས་པ་ལྟར་རྒྱུད་ཀྱང་དེ་སྙེད་དུ་འགྱུར་ཏེ། དེའང་རིགས་དྲུག་ལས་སུམ་ཅུ་རྩ་དྲུག་སོགས་སུ་དབྱེ་བའོ། །དེ་རྣམས་ཐབས་ཤེས་སམ། ི ཕ་མའི་རྒྱུད་གཉིས་སུ་འདུས་པའི་ཚུལ་ཡང་། བརྗོད་བྱ་ཟབ་པ་དང་རྒྱ་ཆེ་བ་གཉིས་ཀྱི་ནང་དུ་མ་འདུས་
[38b.4]པ་མེད་པ་ལ་སོགས་པའི་ཚུལ་མང་པོ་དང་། ལམ་བསྐྱེད་རྫོགས་གཉིས་སུ་འདུས་པ་སོགས་ཀྱི་ཕྱིར་ཏེ། ཤདྡྷཱ་ཀ་རས། དེ་ལ་ཐབས་དང་ཤེས་རབ་ཀྱི་རྒྱུད་ཀྱི་དབྱེ་བ་ནི། དེ་ཁོ་ན་ཉིད་སྟོན་པ་དང་། གདུལ་བྱ་དང་། རྣམ་པར་དག་དང་། ཐུན་མོང་དུ་
[38b.5]མངོན་པར་གྲགས་པ་ལ་སོགས་པས་ཐ་དད་པར་གཞག་པར་བྱའོ། །དེའང་རྒྱ་ཆེ་བའི་དེ་ཁོ་ན་ཉིད་གང་དུ་གཙོ་བོར་སྟོན་པའི་རྒྱུད་ནི་ཐབས་ཀྱི་རྒྱུད་དོ། །གང་དུ་ཟབ་པ་ཉིད་གཙོ་བོར་བྱས་ཏེ་སྟོན་པ་ནི་ཤེས་རབ་ཀྱི་རྒྱུད་དོ། །གང་དུ་སྐྱེས་པ་དང་། རང་གི་སྡེ་པ་
[38b.6]འདུལ་བའི་ཕྱིར་ལྷ་ཕོའི་རྣམ་པ་མང་བར་སྟོན་པའི་དཀྱིལ་འཁོར་ནི་ཐབས་ཀྱི་རྒྱུད་དོ། །གང་དུ་བུད་མེད་དང་། ཕྱི་རོལ་མུ་སྟེགས་ཅན་འདུལ་བའི་ཕྱིར་དེ་དག་དང་རྗེས་སུ་མཐུན་པའི་ལྷ་མོའི་རྣམ་པ་མང་བའི་དཀྱིལ་འཁོར་སྟོན་པ་ནི་ཤེས་རབ་ཀྱི་རྒྱུད་དོ། །གང་དུ་ཕྱི་ནང་གི་ཕུང་
[38b.7]པོ་དང་། ཁམས་དང་། སྐྱེ་མཆེད་ཀྱི་རྣམ་པར་དག་པའི་ལྷ་སྟོན་པ་ནི་ཐབས་ཀྱི་རྒྱུད་དོ། །གང་དུ་ཕྱི་ནང་གི་རྩ་དང་། བྱང་ཆུབ་ཀྱི་སེམས་རྣམ་པར་དག་པའི་ལྷ་སྟོན་པ་ནི་ཤེས་རབ་ཀྱི་རྒྱུད་དོ། །གང་དུ་འཇིག་རྟེན་དང་རྗེས་སུ་མཐུན་པའི་ལྷའི་རྣམ་པ་སྟོན་པ་ནི་ཐོབས་ཀྱི་
[39a.1]རྒྱུད་དོ། །གང་དུ་འཇིག་རྟེན་དང་འགལ་བའི་ལྷའི་རྣམ་པ་སྟོན་པ་ནི་ཤེས་རབ་ཀྱི་རྒྱུད་ཅེས་བྱ་བ་ལ་སོགས་པ་བཏགས་པ་ཡིན་ནོ། །དེ་ཡང་ཤེས་རབ་ཀྱི་དབྱེ་བས། རྣལ་འབྱོར་པ་ནི་གཉིས་སུ་འདོད། །ཅེས་གསུངས་པ་ཡིན་ནོ། །ཞེས་དང་།
[39a.2]གསང་བའི་དེ་ཁོ་ན་ཉིད་གསལ་བ་ལས། བསྐྱེད་དང་རྫོགས་བྱུང་རིམ་པ་ཡིས། །རྣལ་འབྱོར་བསྐྱེད་པར་བསྟན་པ་སྟེ། །རྫོགས་པ་རྣལ་འབྱོར་མ་རུ་བརྗོད། །ཅེས་དང་། དྲི་མེད་འོད་ལས། ཀུན་རྫོབ་ཀྱིས་གང་དུ་རྣལ་འབྱོར་མ་རྣམས་ཡང་དག་པ་རྒྱུ་ཞིང་། གཙོ་བོ་
[39a.3]མི་གཡོ་བ་དེ་ནི་རྣལ་འབྱོར་གྱི་རྒྱུད་དོ། །གང་དུ་ཐབས་ཡང་དག་པར་རྒྱུ་ཞིང་ཤེས་རབ་མི་གཡོ་བ་དེ་ནི་ཐབས་ཀྱི་རྒྱུད་དོ། །ཞེས་སོགས་དང་། མཁའ་འགྲོ་མ་དྲ་བ་རྡོ་རྗེ་གུར་གྱི་རྒྱུད་ལས། བཅོམ་ལྡན་འདས་ཇི་ལྟར་ན། རྣལ་འབྱོར་མའི་རྒྱུད་ཀྱི་མཚན་དུ་རབ་ཏུ་འཇུག་པ་
[39a.4]ལགས། རྡོ་རྗེ་འཛིན་གྱིས་གསུངས་པ། ཤེས་རབ་ཕ་རོལ་ཕྱིན་པའི་ཐབས། །འདི་ནི་རྣལ་འབྱོར་མར་བརྗོད་དེ། །ཕྱག་རྒྱ་ཆེན་པོར་རབ་སྦྱོར་བས། །གང་ཕྱིར་དེ་ཉིད་ལ་འཇུག་པ། །རྣལ་འབྱོར་མ་ཡི་རྒྱུད་བཞེད་དེ། །མཁའ་འགྲོ་མ་ནི་རྡོ་རྗེ་གུར། །ཕ་རོལ་
[39a.5]ཕྱིན་པ་ཀུན་གྱི་ཐབས། །བསམ་གཏན་ཙམ་གྱིས་འགྲུབ་པར་འགྱུར། །ཞེས་སོགས་དང་། སྐྱེས་བུ་འདུལ་བར་མཛད་དོན་དུ། །རྣལ་འབྱོར་རྒྱུད་རྣམས་རབ་བཤད་ལ། །བཙུན་མོ་རྣམས་ནི་བསྡུ་བའི་ཕྱིར། །རྣལ་འབྱོར་མ་ཡི་རྒྱུད་རབ་བཤད། །ཞེས་སོགས་
[39a.6]རྒྱུད་དང་རྒྱུད་འགྲེལ་རྣམས་སུ་ཁྱད་པར་མང་པོས་སྟོན་པར་མཛད་དོ། །དེ་དག་ཀྱང་གཉིས་མེད་རྒྱུད་ཉིད་དུ་འདུས་པ་ཡིན་ཏེ། དུས་འཁོར་རྩ་རྒྱུད་ལས། རྣལ་འབྱོར་ཐབས་ཀྱི་ལུས་ཀྱིས་མིན། །ཤེས་རབ་གཅིག་པུས་འགྱུར་མ་ཡིན། །ཐབས་དང་ཤེས་རབ་སྙོམས་
[39a.7]འཇུག་པ། །དེ་བཞིན་གཤེགས་པ་རྣལ་འབྱོར་གསུངས། །ཞེས་དང་། རྡོ་རྗེ་སྙིང་འགྲེལ་ལས། ཤེས་རབ་ཐབས་ཀྱི་བདག་ཉིད་རྒྱུད། །རྣལ་འབྱོར་རྒྱུད་དུ་བརྗོད་པར་བྱ། །རྣལ་འབྱོར་ཐབས་ཀྱི་སྒྲ་ཡིས་མིན། །ཤེས་རབ་སྒྲས་ཀྱང་འགྱུར་བ་མིན། །འདི་
[39b.1]ནི་རྣལ་འབྱོར་རྒྱུད་ཅེས་བྱ། །ཀྱེ་ཡི་རྡོ་རྗེ་གཉིས་རྟོག་མེད། །འདུས་པ་ལ་སོགས་ཐམས་ཅད་རྣམས། །ཤེས་རབ་ཐབས་ཀྱི་བདག་ཉིད་དེས། །ཐམས་ཅད་རྣལ་འབྱོར་རྒྱུད་ཡིན་ཏེ། །ཤེས་རབ་ཐབས་ཀྱི་མིང་རྣམས་ཀྱིས། །ཞེས་དང་། ཧེ་བཛྲ་ལས།
[39b.2]ཐབས་དང་ཤེས་རབ་བདག་ཉིད་རྒྱུད། །དེ་ནི་ང་ཡིས་བཤད་ཀྱིས་ཉོན། །ཞེས་དང་། གསང་བ་འདུས་པ་ལས། ཐབས་དང་ཤེས་རབ་སྙོམས་འཇུག་པ། །རྣལ་འབྱོར་ཞེས་ནི་བཤད་པ་ཡིན། །གང་གི་དངོས་མེད་ཤེས་རབ་སྟེ། །ཐབས་ནི་དངོས་པོའི་
[39b.3]མཚན་ཉིད་དོ། །ཞེས་དང་། བདེ་མཆོག་ཉུང་ངུ་ལས། ཤེས་རབ་ཐབས་ཀྱི་ཀུན་སྦྱོར་བཞིན། །སྔགས་བཟླས་བསམ་གཏན་ལ་སོགས་ལྡན། །སྦྱོར་ཉིད་ཆོ་གའི་ཡེ་ཤེས་ནི། །རྒྱུད་ལས་གསུངས་པ་མཉན་པར་གྱིས། །ཞེས་དང་། དྲི་མེད་འོད་ལས། རང་
[39b.4]གི་ངོ་བོས་ནི་ཐམས་ཅད་ཤེས་རབ་དང་ཐབས་ཀྱི་བདག་ཉིད་ཅན་རྣལ་འབྱོར་གྱི་རྒྱུད་ཉིད་དོ། །ཞེས་སོགས་ལུང་མང་པོ་ནས་གསུངས་པའི་ཕྱིར་རོ། །ཡང་ན་རྒྱུད་སྡེ་བཞི་ག་བརྗོད་བྱ་དང་རྗོད་བྱེད་ཅི་རིགས་པའི་ཆ་ནས་སོ་སོར་སྤྱི་དང་བྱེ་བྲག་རྩ་བཤད་ཕྱི་གསུམ། རྩ་བ་དང་།
[39b.5]འཕྲོས་པ་དང་། ཆ་མཐུན་གྱི་རྒྱུད་སོགས་དབྱེ་བའི་ཚུལ་ཤིན་ཏུ་མང་ངོ་། །དབྱེ་བ་དེ་དག་དང་ལྡན་པའི་རྒྱུད་སྡེ་རྣམས་ཀྱི་གཞུང་གི་ཚད་ཀྱང་། སྤྱིར་བདེ་བར་གཤེགས་པ་ཉིད་ཀྱི་སྤྱོད་ཡུལ་ལས་འདི་ཙམ་ཞིག་ཅེས་ཚད་གཟུང་བྱར་མི་ས་ཡ་རིགས་པའི་ཚུལ་གོང་དུ་བཤད་ཟིན་
[39b.6]པ་ལྟར་ཡིན་ནའང་། རྒྱུད་སྡེ་འགའ་ཞིག་ཏུ་དགོས་པའི་དབང་གིས་ཚད་སོགས་བསྟན་པར་མཛད་པ་ལྟར་ན། བྱ་བའི་རྒྱུད་ལ། དཔུང་བཟང་གི་རྒྱུད་ལས། དེ་བཞིན་གཤེགས་པའི་རིགས་ཀྱི་རྒྱུད་སྡེའི་ཚད། འབུམ་ཕྲག་ལྔ་དང་བྱེ་བ་ཕྲག་གསུམ་དག །རིག་
[39b.7]འཛིན་སྡེ་སྣོད་བཤད་པར་རྒྱལ་བས་གསུངས། །ཞེས་དང་། རྡོ་རྗེའི་རིགས་ཀྱི། དཀྱིལ་འཁོར་བཅས་ཤིང་ཕྱག་རྒྱར་ལྡན་པ་ཡི། །གསང་སྔགས་བྱེ་བ་ཕྲག་བདུན་རབ་ཏུ་བཤད། །ཅེས་དང་། པདྨའི་རིགས་ཀྱི། སྤྱན་རས་གཟིགས་ཀྱིས་གསང་སྔགས་བྱེ་
[40a.1]བ་ཕྲག །གསུམ་དང་དེ་བཞིན་འབུམ་ཕྲག་ལྔ་རྣམས་བཤད། །ཅེས་དང་། རྒྱས་པའི་རིགས་ཀྱི། ལྔས་རྩེན་གྱིས་ནི་སྟོང་ཕྲག་ཉི་ཤུ་སྟེ། །དེ་ཡི་ཆུང་མས་དེ་ཡི་ཕྱེད་བཤད་དོ། །ཞེས་དང་། ནོར་བུའི་རིགས་ཀྱི། ནོར་གྱི་བདག་པོས་
[40a.2]སྟོང་ཕྲག་སུམ་ཅུ་སྟེ། །གང་པོ་ཕ་ཡིས་ཀྱང་ནི་འབུམ་བཤད་དོ། །ཞེས་དང་། འཇིག་རྟེན་པའི་རིགས་ཀྱི། ལྷ་དང་ལྷ་མིན་ལ་སོགས་རྒྱལ་བ་ལ། །དད་པ་རྣམས་ཀྱིས་གསང་སྔགས་མཐའ་ཡས་བཤད། །ཅེས་སོ་སོར་གསུངས་ཤིང་གྲངས་དེ་དག་ཀྱང་བློ་ཀའི་
[40a.3]གྲངས་སུ་འགྲེལ་པར་བཤད་དོ། །སྤྱོད་པའི་རྒྱུད་སོགས་ལྷག་མ་རྣམས་ནི་བྱ་རྒྱུད་ལ་ལྟོས་ནས་ཤིན་ཏུ་རྒྱ་ཆེ་ཞིང་། དེའང་རིམ་བཞིན་སྔ་མ་སྔ་མ་ལས་ཕྱི་མ་ཕྱི་མ་རྒྱ་ཆེ་བས་བློ་ཀའི་གྲངས་ཀྱིས་སྤྱིའི་ཚད་བཞག་པ་མ་མཐོང་ངོ་། །རྒྱུད་སྡེའི་མཚན་གྱི་རྣམ་གྲངས་ཀྱི་སྒོ་ནས་
[40a.4]ཚད་འཇོག་ན། ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས། རྣལ་འབྱོར་ཆེན་པོའི་རྒྱུད་ཀྱི་མིང་སྟོང་ཕྲག་བཅུ་གཉིས་ཞེས་བྱ་སྟེ། རྒྱས་པར་བྱས་ན་གྲངས་མེད་དོ། །གཉི་གའི་རྒྱུད་སྟོང་ཕྲག་དྲུག་གོ། །སྤྱོད་པའི་རྒྱུད་སྟོང་ཕྲག་བརྒྱད་དོ། །བྱ་བའི་རྒྱུད་སྟོང་ཕྲག་
[40a.5]བཞིའོ། །ཞེས་གསུངས་ཤིང་དེའང་རིགས་པ་ཡིན་ལ་ཞིབ་པར་ན་བླ་མེད་ཁོ་ན་ལ། སྡོམ་འབྱུང་ལས། རྣལ་འབྱོར་རྒྱུད་རྣམས་ཀྱི་ནི་ཚད། །བྱེ་བ་ཕྲག་ནི་དྲུག་ཏུ་ངེས། །དེ་བཞིན་རྣལ་འབྱོར་མ་རྒྱུད་གྲངས། །བྱེ་བ་ཕྲག་ནི་བཅུ་དྲུག་གྲགས། །ཞེས་དང་།
[40a.6]མདའ་བསྣུན་ཞབས་ཀྱིས་རྣལ་འབྱོར་གྱི་རྒྱུད་ལ་ནི་བྱེ་བ་ཕྲག་དྲུག་ཉིད་དོ་ཞེས་བྱ་བ་ནི་རྣལ་འབྱོར་གྱི་རྒྱུད་རྣམ་པ་དྲུག་ལའོ། །རྣལ་འབྱོར་མའི་རྒྱུད་ལ་ནི་བྱེ་བ་ཕྲག་བཅུ་དྲུག་ཉིད་དོ། །ཞེས་པ་ནི་རྣལ་འབྱོར་མའི་རྒྱུད་རྣམ་པ་བཅུ་དྲུག་ལའོ། །ཞེས་པ་དང་། རྡོ་རྗེ་སྙིང་རྒྱན་
[40a.7]ལས། གསང་བ་འདུས་པ་སྟོང་ཕྲག་གཅིག །རྡོ་རྗེ་ཕྲེང་བ་འབུམ་ཕྲག་གསུམ། །དགོངས་པ་ལུང་སྟོན་སྟོང་ཕྲག་བཞི། །ལྷ་མོ་བཞིས་ཞུས་བརྒྱ་བདུན་ཅུ། །ཨུཏྟར་ཏནྟཱ་ཉིས་བརྒྱ་བརྒྱད། །དེ་ཡི་ཉེ་བར་བཤད་པའི་རྒྱུད། །དམ་ཚིག་ཆེན་པོ་ལྔ་བཅུ་
[40b.1]ལྔ། །རྡོ་རྗེ་ལྔ་འདུས་སྟོང་ཕྲག་གཅིག །ཀུན་ལས་བཏུས་པ་འབུམ་ཕྲག་གཅིག །མཉམ་ཉིད་རྣམ་རྒྱལ་ཉིས་བརྒྱ་བཅུ། །ཟླ་གསང་ཐིག་ལེ་སྟོང་ཕྲག་བདུན། །རྡོ་རྗེ་ས་འོག་བརྒྱ་ཉི་ཤུ། །ཅོད་པན་རྡོ་རྗེ་བདུན་བརྒྱ་ལྔ། །ཁྲོ་ཟླ་ཐིག་ལེ་འབུམ་ཕྲག་ལྔ། །
[40b.2]རྡོ་རྗེ་རྣམ་རྒྱལ་བརྒྱ་དགུ་བརྒྱ། །མཉམ་ཉིད་གསང་བ་སྟོང་ཕྲག་ལྔ། །རྡོ་རྗེ་གསང་མཛེས་སྟོང་ཕྲག་བདུན། །ནོར་བུ་གསང་ཐིག་འབུམ་ཕྲག་བཅུ། །སྣང་མཛད་རྫུ་འཕྲུལ་སྟོང་དང་བརྒྱ། །རྡོ་རྗེ་གསང་རྒྱན་སྟོང་ཕྲག་གཅིག །རྡོ་རྗེ་ཐོད་པ་ཉིས་བརྒྱ་བརྒྱ། །དེ་ཉིད་
[40b.3]བརྒྱ་སྟོང་བརྒྱ་སྟོང་བདུན། །དམ་ཚིག་མངོན་རྒྱན་སྟོང་ཕྲག་གསུམ། །འཇམ་དཔལ་དཔའ་བོ་འབུམ་ཕྲག་གཅིག །གསང་ཆེན་འདུས་པ་བརྒྱ་ལྔ་བཅུ། །རིན་ཆེན་སྡོང་པོ་ད་གུ་བརྒྱ་བདུན། །དུས་ཀྱི་ཐིག་ལེ་བརྒྱ་བརྒྱད་ཅུ། །ལྷ་མོ་བསྟན་ཆོས་ལྔ་བརྒྱ་བདུན། །
[40b.4]འདི་རྣམས་དགོངས་པའི་བྱེ་བྲག་གིས། །ང་ཡིས་ཡང་དག་བསྟན་པར་བྱ། །འདི་ནི་གཉིས་གཉིས་འཁྱུད་པ་ཡི། །རྒྱུད་ཀྱི་དབྱེ་བ་བསྟན་པའོ། །ཞེས་གསུངས་པ་ལྟར་རོ། །དུས་འཁོར་བསྡུས་རྒྱུད་ལས། །ཀ་སོགས་ཡི་གེ་སུམ་ཅུ་ཧ་ཡ་ར་ཝ་ལར་ལྡན་ཀྵ་དང་
[40b.5]བཅས་པ་སུམ་ཅུ་རྩ་དྲུག་ཉིད། །དབྱངས་ཀྱི་རྣམ་པར་འགྱུར་བས་ཕྱེ་བ་རོ་ཡིས་བསྒྱུར་བའི་རོ་ནི་འཁོར་ལོའི་མགོན་པོ་རྣམས་སུ་འགྱུར། །སྐུ་ནི་གཅིག་པ་ངེས་པར་གཅིག་གིས་འཁོར་དང་བཅས་པ་གཉིས་ནི་ཤེས་རབ་ངག་གིས་འཁྱུད་པར་འགྱུར། །ལྔ་ཡི་བདག་
[40b.6]ཉིད་ལྔ་ཡིས་འགྱུར་ཏེ་འཁོར་དང་བཅས་པ་དགུ་ནི་འཁོར་ལོའི་མགོན་པོ་དགུ་བདག་ཉིད། །དབྱངས་ཀྱི་གྲངས་ཀྱིས་བདག་ཉིད་བཅུ་གསུམ་དགུ་དང་ཕྱོགས་རྣམས་ཀྱིས་ཀྱང་སུམ་ཅུ་རྩ་དྲུག་བདག་ཉིད་དེ། །ཡ་ལ་སོགས་པ་རྣམས་ཀྱིས་སྒོ་སྐྱོང་མཐའ་དག་ཚོགས་ཀྱི་རིགས་
[40b.7]ནི་ལྷག་མའི་དབྱངས་རྣམས་ཉིད་ཀྱིས་སོ། །ཁྲོ་བོ་དྲུག་ཏུ་ཧ་སོགས་ཀྱིས་འགྱུར་རང་རིགས་ཕྱོགས་སུ་གནས་རྣམས་རླུང་གི་དབྱངས་སོགས་དབྱེ་བ་ཡིས། །སོ་སོར་ཡི་གེའི་དབྱེ་བ་རྣམས་ཀྱིས་རོ་ཡིས་བསྒྱུར་བའི་རོ་ནི་རྣལ་འབྱོར་མ་དང་རྣལ་འབྱོར་རྒྱུད། །ཅེས་གསལ་
[41a.1]བྱེད་སོ་དྲུག་དག་པ་ཕ་རྒྱུད་སུམ་ཅུ་རྩ་དྲུག་དང་། དབྱངས་སོ་དྲུག་དག་པས་མ་རྒྱུད་སུམ་ཅུ་རྩ་དྲུག་གི་ཚད་དུ་སྣམ་པར་བཞག་པ་དང་། ཡང་ཕ་རྒྱུད་ལ། སྒྲོན་གསལ་ལས། གསལ་བྱེད་སུམ་ཅུ་རྩ་གསུམ་མིང་གི་མཐའ་ཅན་གྱི་རྒྱུད་སྡེ་ཐམས་ཅད་
[41a.2]ཀྱི་རྩ་བར་གྱུར་པའི་དཔལ་འདུས་པ་ནི་རྩ་བའི་རྒྱུད་ཡིན་ལ། རྒྱུད་གཞན་ཐམས་ཅད་ནི་དེ་ལས་གྱེས་པའི་ཡན་ལག་ལྟ་བུ་ཡིན་ནོ། །ཞེས་དང་། མ་རྒྱུད་གུར་ལས། མཁའ་འགྲོ་བདེ་དང་རྒྱ་མཚོ་བདེ་དང་ནམ་མཁའ་དང་། །གསེར་གྱི་ཆར་པ་དང་ནི་དགའ་ཆེན་ཟ་ནུས་
[41a.3]དང་། །བདེ་ཆེན་སྒེག་པ་དང་ནི་གསང་བ་ཡིད་བདེ་དང་། །རྒྱུད་སྡེ་རྣམས་ལ་ཕན་པའི་རྡོ་རྗེ་མཁའ་འགྲོ་དང་། །སངས་རྒྱས་ཐམས་ཅད་དགྱེས་པའི་རྡོ་རྗེའི་དཀྱིལ་འཁོར་དང་། །གསང་བའི་མཛོད་དང་རྡོ་རྗེ་བདུད་རྩི་ལས་བྱུང་བ། །འཁོར་ལོ་བདེ་མཆོག་གུར་
[41a.4]དང་ཕུན་སུམ་ཚོགས་པ་རྣམས། །རྣལ་འབྱོར་མ་ཡི་རྒྱུད་ནི་དྲུག་པར་གྲགས་པ་ཡིན། །ཞེས་སོགས་གསུངས་སོ། །དེ་ལྟར་གསང་སྔགས་ཀྱི་ཚུལ་ཤིན་ཏུ་རྒྱ་ཆེན་པོར་གྱུར་པའི་ཆོས་ཀྱི་འཁོར་ལོ་འདི་རྣམས་སྟོན་པ་གང་གིས་དུས་གང་གི་ཚེ་གདུལ་བྱ་གང་ལ་ཚུལ་
[41a.5]གང་གིས་གནས་གང་དུ་བསྐོར་ཅེ་ན། །སྟོན་པ་སྤྲུལ་པའི་སྐུ་རྣམ་འདྲེན་བཞི་བ་ཤཱཀྱའི་དབང་པོ་འདི་ཉིད་ལ་ལར་ཁ་སྦྱོར་བདུན་ལྡན་གྱིས་ལོངས་སྤྱོད་རྫོགས་པའི་སྐུའི་ཚུལ་གྱིས། ལ་ལར་མཆོག་གི་སྤྲུལ་པའི་སྐུའི་ཚུལ་གྱིས། ལ་ལར་རྗེས་སུ་གནང་བ་དང་བྱིན་གྱིས་
[41a.6]བརླབས་པའི་ཚུལ་གྱིས་དུས་རྒྱུན་མི་འཆད་པར་གདུལ་བྱ་རིག་པ་འཛིན་པ་དཔའ་བོ་དང་རྣལ་འབྱོར་མའི་ཚོགས་ལ། བརྗོད་བྲལ་རང་བཞིན་སྒྲ་ཐམས་ཅད་པའི་སྒྲ་བརྙན་གྱི་ཚུལ་གྱིས་གནས་ཀྱི་སྣང་བ་ཐ་དད་པ་རྣམས་སུ་བསྐོར་རོ། །བྱེ་བྲག་ཏུ་བྱ་བའི་རྒྱུད་ནི་སྟོན་པ་མཆོག་གི་
[41a.7]སྤྲུལ་པའི་སྐུ་ཉིད་ཀྱིས་འོག་མིན་དུ་འཇམ་དཔལ་ལ་སོགས་པ་ལ་གཙོ་བོར་བསྟན་ཅིང་། སུམ་ཅུ་རྩ་གསུམ་དང་མི་ཡུལ་སོགས་སུ་གསུངས་པའང་ཅི་རིགས་པར་ཡོད་དེ། འཇམ་དཔལ་རྩ་རྒྱུད་ལས། དེ་ཚེ་དེར་ནི་ང་འོངས་ནས། །གནས་གཙང་སྟེང་དུ་
[41b.1]གནས་ནས་ཀྱང་། ཐེག་པ་གསུམ་ལ་རྗེས་འཇུག་པའི། །དམ་ཆོས་སྔགས་ནི་རབ་ཏུ་བསྐོར། །སེམས་ཅན་གདུལ་བྱ་ལ་བརྟེན་ནས། །ང་ཡིས་ཆོ་གའི་གའི་རྒྱལ་པོ་འདི། །འཇིག་རྟེན་མང་ལ་རབ་བསྟན་ནས། །འཇམ་པའི་དབྱངས་ལའང་གཏད་པ་ཡིན།
[41b.2]ཞེས་དང་། དཔུང་བཟང་གི་རྒྱུད་ལྕང་ལོ་ཅན་དུ་གསུངས་པར་བཤད་པ་སོགས་ཀྱང་ཡོད་པའི་ཕྱིར་རོ། །དེའང་སྟོན་པས་ཞལ་ནས་གསུངས་པ་དང་། སྟོན་པའི་མཐུས་འཇམ་དཔལ། སྤྱན་རས་གཟིགས། ཕྱག་རྡོར་སོགས་ཀྱིས་བཤད་པ་དང་། འཇིག་
[41b.3]རྟེན་པའི་ལྷ་ལ་སོགས་པས་སྨྲས་པ། སྟོན་པས་བྱིན་གྱིས་བརླབས་པ་སོགས་ཅི་རིགས་པར་ཡོད་དོ། །སྤྱོད་པའི་རྒྱུད་ཀྱང་གཙོ་བོར་འོག་མིན་ཆེན་པོ་དང་། སུམ་ཅུ་རྩ་གསུམ་སོགས་སུ་བསྟན་པ་སྟེ་ཕལ་ཆེར་བྱ་བའི་རྒྱུད་དང་ཕྱོགས་མཚུངས་སོ། །རྣལ་འབྱོར་རྒྱུད་
[41b.4]ནི་སྟོན་པ་འོག་མིན་དུ་ལོངས་སྤྱོད་རྫོགས་སྐུར་སངས་རྒྱས་ནས། ལོངས་སྐུ་ཆུང་ངུའམ། སྤྲུལ་སྐུའི་རྣམ་སྣང་རི་རབ་ཀྱི་རྩེ་མོར་གཤེགས་ནས། དེ་བཞིན་གཤེགས་པའི་དཀྱིལ་འཁོར་ཆེན་པོར་སྤྲུལ་བཤད་མཛད་པའི་ཚུལ་གྱིས་གཙོ་བོར་གསུངས་ཤིང་། གཞན་
[41b.5]ནི་གཞན་འཕྲུལ་དབང་བྱེད་ཀྱི་གནས་སོགས་སུ་མ་ངེས་པར་བསྟན་པར་མཛད་དོ། །རྣལ་འབྱོར་བླ་ན་མེད་པའི་རྒྱུད་ནི་འོག་མིན་དང་། དགའ་ལྡན་དང་། རི་རབ་ཀྱི་རྩེ་དང་། ཨོ་རྒྱན་དང་། དཔལ་ལྡན་འབྲས་སྤུངས་ཀྱི་མཆོད་རྟེན་ལ་སོགས་པ་གནས་ཀྱི་བྱེ་བྲག་
[41b.6]ཀུན་རྫོབ་པའི་དབྱེ་བ་བསྟན་པ་དང་། རྡོ་རྗེ་བཙུན་མོའི་བྷ་ག་དང་། བདེ་བ་ཆེན་པོའི་གནས་དང་། ཆོས་ཀྱི་འབྱུང་གནས་ཐར་པ་ཆེན་པོའི་ཕོ་བྲང་སོགས་སྤྲོས་མཚན་གྱི་ཡུལ་ཐམས་ཅད་ལས་འདས་པ་ཆོས་ཀྱི་དབྱིངས་འགྱུར་བ་མེད་པ་དོན་དམ་པའི་གནས་རྣམས་སུ་
[41b.7]སྟོན་པ་དཔལ་འཁོར་ལོ་སྡོམ་པ་དང་། དགྱེས་པ་རྡོ་རྗེ་དང་། དུས་ཀྱི་འཁོར་ལོ་ལ་སོགས་པའི་སྐུར་བཞེངས་ནས། ཇི་སྐད་དུ། འཆད་པ་པོ་ང་ཆོས་ཀྱང་ང་། །རང་གི་ཚོགས་ལྡན་ཉན་པ་ང་། །འཇིག་རྟེན་སྟོན་པ་བསྒྲུབ་བྱ་ང་། །འཇིག་རྟེན་འཇིག་
[42a.1]རྟེན་འདས་པ་ང་། །ཞེས་པ་ལྟར་ཉན་ཡུལ་འཁོར་ཐ་མི་དད་པ་བདེ་བ་ཆེན་པོ་གཅིག་གི་རང་བཞིན་ལས། རྡོ་རྗེ་ནཱ་ད་མི་ཤིགས་པའི་སྒྲའི་གསང་བ་ཆེན་པོས་ཆོས་ཀྱི་འཁོར་ལོ་དུས་རྟག་ཏུ་སྐོར་བར་མཛད་དོ། །བཞི་བ་དམ་པའི་ཆོས་དེ་དག་སྡུད་པ་པོ་
[42a.2]རྣམས་ཀྱིས་སོ་སོར་བསྡུས་ཚུལ་ལ། ཐུན་མོང་བའི་བཀའ་བསྡུས་ཚུལ་དང་། ཐུན་མོང་མ་ཡིན་པའི་བཀའ་བསྡུས་ཚུལ་ལོ། །དང་པོ་ནི་སྟོན་པ་རྩྭ་ཅན་དུ་མྱ་ངན་ལས་འདས་པའི་ཚེ་འཁོར་དགྲ་བཅོམ་པ་ཁྲི་བརྒྱད་སྟོང་དང་། དེའི་སྔོན་དུ་ཤཱ་རིའི་བུ་འཁོར་བརྒྱད་
[42a.3]ཁྲི། དེའི་སྔོན་དུ་མཽད་གལ་གྱི་བུ་འཁོར་བདུན་ཁྲི་དང་བཅས་པ་རྣམས་མྱ་ངན་ལས་འདས་པ་ན་ལྷ་དག་གིས། དགེ་སློང་དབང་ཡོད་པ་རྣམས་ཀྱང་འདས་པས། བཅོམ་ལྡན་འདས་ཀྱི་མདོ་སྡེ་དང་འདུལ་བ་དང་། མ་མོ་དག་མི་སྒྲོགས་སོ་ཞེས་འཕྱ་བར་བྱེད་པ་གནས་
[42a.4]བརྟན་འོད་སྲུང་ཆེན་པོས་གཟིགས་ཏེ། རྩྭ་ཅན་ཉིད་དུ་དགྲ་བཅོམ་པ་གང་པོ་ལ་དགེ་འདུན་སྡུས་ཤིག་པར་བསྒོས་ནས། དེས་རབ་མཐའི་བསམ་གཏན་ལ་སྙོམས་པར་ཞུགས་ཤིང་ཡེ་ཤེས་མཐོང་བ་ལ་ཞུགས་པ་དེ་ཙམ་དུ་རྣམ་པར་བལྟས་ནས༑ ཏིང་ངེ་འཛིན་དེ་
[42a.5]ལས་ལངས་ཏེ་གཎྜི་བརྡུངས་པ་དང་། བ་ལང་བདག་མ་གཏོགས་པར་ཡུལ་ཐ་དད་ན་གནས་པའི་དགེ་སློང་ཐམས་ཅད་འདུས་སོ། །དེ་ནས་གང་པོ་བ་ལང་བདག་འབོད་པར་བསྐོས་ཏེ། དེས་རྫུ་འཕྲུལ་གྱིས་བ་ལང་བདག་སུམ་ཅུ་རྩ་གསུམ་དུ་ཤིང་ཤིནྟ་ཀའི་གཞལ་
[42a.6]མེད་ཁང་སྟོང་པ་ན་འགོག་སྙོམས་ལ་གནས་པའི་གན་དུ་སོང་ནས་བསྐུལ་ཀྱང་། འགྲོ་བའི་སྒྲོན་མ་མགོན་པོ་བཞུགས་ན་དེར། །བདག་ནི་འགྲོ་བར་བྱ་བའི་བློ་ཡོད་ཀྱང་། །དེ་ནས་ཕ་རོལ་རབ་ཞི་གཤེགས་གྱུར་ན། །བློ་ལྡན་གང་ཞིག་འཇིག་རྟེན་དེ་དག་འགྲོ། །ལྷུང་
[42a.7]བཟེད་ཆོས་གོས་རྣམ་གསུམ་མཆོག་འདི་དག །ཁྱོད་ཀྱིས་དགེ་འདུན་དག་ལ་དབུལ་བར་གྱིས། །བདག་ནི་ཞི་བ་ཡང་སྲིད་མེད་པར་འགྲོ། །བདག་གིས་བསམས་པ་འཕགས་པ་བཟོད་པར་གསོལ། །ཞེས་སྨྲས་ནས་ཆོ་འཕྲུལ་བསྟན་ཏེ་མྱ་ངན་ལས་འདས་ཤིང་། སྐུ་
[42b.1]གདུང་རང་བྱུང་གི་མེས་ཚིག་སྟེ་ཆུ་རྒྱུན་བཞི་བབས་པ་ལས། ད་ལྟར་དུས་རྣམས་ངན་འགྱུར་ཏེ། །སེམས་ཅན་རང་གི་ལས་ལ་བརྟེན། །འགྲོ་བའི་སྒྲོན་མ་དེ་འདས་པས། །ཐམས་ཅད་འགྲོ་བར་འཇུག་པར་རྟོགས། །འདུས་བྱས་བསགས་པ་སྐད་ཅིག་འཇིག་འགྱུར་ཏེ། །
[42b.2]སྐྱེ་ལ་སོགས་པ་སྡུག་བསྔལ་ཉོན་མོངས་ལྡན། །སོ་སོའི་སྐྱེ་བོ་བདག་ཏུ་ང་རྒྱལ་ཏེ། །དེ་དག་བྱེད་པ་མེད་པར་རིག་པར་བྱེད། །མཁས་པ་རྟག་ཏུ་དགོས་པས་བག་ཡོད་ཅིང་། །བསོད་ནམས་ཡིད་ལ་བྱ་བ་དེ་བརྩོན་བྱ། །འབྱུང་པོའི་ཚོགས་ཀུན་སོང་ཞིང་འཇིག་
[42b.3]འགྱུར་ཏེ། །སྲོག་དང་བཅས་པའི་དཔལ་ནི་གཡོ་བར་འགྱུར། །ཐུབ་པ་དེ་ལ་སློབ་མཆོག་ཡང་དག་བཏུད། །རང་གི་དགོས་པ་མ་ལུས་ཐམས་ཅད་བྱས། །གུས་ཤིང་རབ་ཏུ་དད་པས་བླ་མ་དེའི། །ཕྱི་བཞིན་བ་ལང་བདག་ཀྱང་དེ་ལྟར་སོང་། །ཞེས་ཚིགས་བཅད་
[42b.4]བཞིའི་སྒྲ་བྱུང་ངོ༌། །དེ་ནས་གང་པོས་རུས་པའི་མཆོད་པ་བྱས་ནས་དེའི་ཆོས་གོས་དང་ལྷུང་བཟེད་བླངས་ཏེ་སླར་འོངས་ནས་དགེ་འདུན་ལ་ཕུལ་ཏེ། མགོན་པོའི་སྐུ་ནི་མེད་པར་དེས་ཐོས་ནས། །བསོད་ནམས་ལས་ཀྱིས་རབ་ཏུ་ཞི་བར་སོང་། །དེ་ཡི་ལྷུང་བཟེད་ཆོས་གོས་འདི་
[42b.5]ཡིན་ཏེ། །དེས་བསམས་དགེ་འདུན་དག་ལ་བཟོད་པར་གསོལ། །ཞེས་སྨྲས་སོ། །དེ་ནས་འོད་སྲུང་གིས་དགེ་སློང་རྣམས་ལ་སྨྲས་པ། ཇི་ལྟར་དེ་ནི་འཕགས་པའི་ཚུལ་གྱིས་འདས། །གཞན་གྱིས་དེ་བཞིན་རབ་ཞིར་འགྲོ་མི་བྱ། །དེ་བས་ཇི་སྲིད་དགོས་པའི་
[42b.6]དོན་བྱ་ཞིང་། །དབང་ཆེན་ཚོགས་ནས་དེ་སྲིད་བགྲོ་བར་བྱ། །ཞེས་དང་། ཇི་ལྟར་བསོད་ནམས་ལས་ཀྱིས་ཞི་གྱུར་པ། །ཤི་རི་ཤ་ཀའི་སེམས་མཆོག་བ་ལང་བདག །དེ་ལྟར་ཁྱེད་ཀྱིས་དེ་བཞིན་མི་བསམ་སྟེ། །འགྲོ་དོན་དགོས་ཕྱིར་ཚོགས་ནས་བློ་གྲོས་བྱ། །
[42b.7]ཞེས་ཁྲིམས་སུ་བཅས་ནས་ཀུན་དགའ་བོ་ཆུའི་ཞལ་ཏ་བར་བསྐོས་ཏེ། བཅོམ་ལྡན་འདས་ཀྱིས་ཆོས་ཀྱི་སྐུ་བརྙེས་པའི་གནས་མ་ག་དྷཱའི་ཕྱོགས་དབེན་པ་ཞིག་ཏུ་ཆོས་བགྲོའོ་ཞེས་དགེ་སློང་གཞན་རྣམས་ལྗོངས་རྒྱུ་ཞིང་དེར་སོང་ལ། འོད་སྲུང་ཆེན་པོ་ལམ་དྲང་པོ་ནས་མ་སྐྱེས་དགྲའི་
[43a.1]ཐད་དུ་བྱོན་ཏོ། །མ་སྐྱེས་དགྲ་རྩ་བ་མེད་པའི་དད་པ་ཅན་དེ་སྔོན་བཅོམ་ལྡན་འདས་བཞུགས་པའི་ཚེའང་བཅོམ་ལྡན་འདས་མཐོང་མ་ཐག་གླང་པོ་དང་རྟ་ལ་སོགས་པ་ལས་རང་ལྷུང་བར་བྱེད་ཀྱང་། སྟོན་པའི་རྫུ་འཕྲུལ་གྱིས་ཉེས་པར་མི་འགྱུར་བས། དེར་
[43a.2]ཡང་འོད་སྲུང་ཆེན་པོ་མཐོང་མ་ཐག་སྟོན་པ་དྲན་པས་གླང་པོ་ཆེ་ལས་རང་ལྷུང་བ་དེས་རྫུ་འཕྲུལ་གྱིས་བཟུང་ནས་སྨྲས་པ། བདེ་བར་གཤེགས་པ་ནི་རྟག་ཏུ་མཉམ་པར་བཞག་པ་ལགས་ལ། ཉན་ཐོས་རྣམས་ནི་མཉམ་པར་བཞག་མ་བཞག་གི་སྐབས་གཉིས་ཀ་ཡོད་ཅིང་
[43a.3]མཉམ་པར་མ་བཞག་པར་ཡེ་ཤེས་མཐོང་བའང་མི་འཇུག་པས། ཕྱིན་ཆད་འདི་ལྟར་གླང་པོ་ཆེ་སོགས་ལས་རང་ལྷུང་བ་མ་བྱེད་ཅིག་ཅེས་ཁྲིམས་སུ་བཅས་སོ། །དེ་ནས་རྒྱལ་པོ་མ་སྐྱེས་དགྲས་ཡོ་བྱད་བསྟབས་ཏེ་འོད་སྲུང་ཆེན་པོ་སོགས་དགེ་སློང་ལྔ་བརྒྱར་གཅིག་ལྷག་པ་
[43a.4]མ་ག་དྷཱའི་ནྱ་གྲོ་དྷའི་ཕུག་ཏུ་འདུས་ནས་དབྱར་གནས་པར་ཁས་བླངས་སོ། །དེའི་ཚེ་སྔོན་བཅོམ་ལྡན་འདས་ཀྱིས་འོད་སྲུང་ཆེན་པོ་ལ་བཞུགས་གདན་གྱི་ཕྱེད་བསྟབས་ཏེ། མ་མོའི་སྡེ་སྣོད་གཙོ་བོར་གྱུར་པའི་བསྟན་པ་མཐའ་དག་དང་། སྒྲ་ཅན་ཟིན་དང་ཀུན་དགའ་བོ་
[43a.5]སོགས་འཁོར་བཞི་དང་བཅས་པ་གཏད་ནས་རྒྱལ་ཚབ་ཏུ་དབང་བསྐུར་བ་ཡིན་པ་དང་། བྱེ་བྲག་ཏུ་མདོའི་སྡེ་སྣོད་ཀུན་དགའ་བོ་དང་། འདུལ་བ་ཉེ་བ་འཁོར་ལ་གཏད་པ་ཡིན་ནའང་། དགེ་སློང་ལྔ་བརྒྱ་ལས་གཞན་ཐམས་ཅད་དགྲ་བཅོམ་པ་ཡིན་ལ། ཀུན་
[43a.6]དགའ་བོ་ཁོ་ན་སློབ་པ་རྒྱུན་ཞུགས་ཡིན་པའི་ཕྱིར་ཆགས་བྲལ་དུ་མ་གྱུར་ན་ཆོས་བགྲོ་བའི་འོས་མ་ཡིན་པས། འོད་སྲུང་ཆེན་པོས་དེ་ཚུལ་ཇི་ལྟ་བུས་འདུལ་བ་བརྟགས་ན། སྐྱོ་བས་འདུལ་བར་གཟིགས་ཏེ། བུད་མེད་རབ་ཏུ་འབྱིན་པར་གསོལ་པ་སོགས་
[43a.7]ཉེས་པ་བརྒྱད་གླེངས་ནས་བསྐྲད་པའི་ཚེ་ལྷ་རྣམས་ཀྱིས་ཨ་ལ་ལ་ཞེས་སྨྲས་ནས། ཀྱེ་ད་ལྟར་ལྷ་རྣམས་ཀྱི་ལུས་ནི་རྒྱས་པར་འགྱུར། ལྷ་མ་ཡིན་གྱི་ལུས་རྣམས་ནི་རྨས་པར་འགྱུར། བཅོམ་ལྡན་འདས་ཀྱི་བསྟན་པ་ནི་རྒྱས་པར་འགྱུར་ཏེ། དེ་ལྟར་སྟོན་པ་
[43b.1]དང་འདྲ་བའི་ཉན་ཐོས་ཆེན་པོས་སྟོན་པ་དང་འདྲ་བའི་ཉན་ཐོས་ཆེན་པོ་ལ་ཉེས་པ་རྣམ་པ་བརྒྱད་གླེངས་པས་སོ། །ཞེས་སྨྲས་སོ། །ཀུན་དགའ་བོ་མྱ་ངན་དང་བཅས་ཏེ་མཆོག་གི་འདུས་པ་ལས་ཕྱིར་བྱུང་སྟེ་བྲི་ཛིའི་ལྗོངས་སུ་དབྱར་ཚུལ་ལ་ཞུགས་ནས་བྲྀ་ཛིའི་བུ་
[43b.2]སོགས་འཁོར་བཞི་ལ་ཆོས་སྟོན་པ་ན་བྲྀ་ཛིའི་བུས་དགྲ་བཅོམ་པ་ཐོབ་སྟེ། །མངོན་པར་ཤེས་པས་མཁན་པོའི་སེམས་ལ་བལྟས་པ་དང་དེ་འདོད་ཆགས་དང་མ་བྲལ་བའི་སློབ་པར་མཐོང་སྟེ་སྨྲས་པ། གཽ་ཏ་མ་ཁྱོད་ནི་བག་མེད་མ་མཛད་པར། །ཤིང་དྲུང་
[43b.3]ཐིབས་པོར་བརྟེན་ནས་མྱ་ངན་འདས། །ཐུགས་ལ་བཞག་སྟེ་བསམ་གཏན་མཛོད་ཅིག་དང་། །རིང་པོར་མི་ཐོགས་ཞི་བའི་གནས་ཐོབ་འགྱུར། །ཞེས་པའི་གདམས་ངག་ལ་བརྟེན་ནས་རབ་ཏུ་བསྒྲིམས་པས་ཀུན་དགའ་བོས་དགྲ་བཅོམ་པ་ཉིད་ཐོབ་བོ། །དེ་
[43b.4]ནས་ཀུན་དགའ་བོའང་ནྱ་གྲོ་དྷའི་ཕུག་ཏུ་ཕྱིན་ནས་དགྲ་བཅོམ་པ་ལྔ་བརྒྱ་དང་ལྷན་ཅིག་ཏུ་གནས་པའི་ཚེ། འོད་སྲུང་ཆེན་པོས་དགེ་སློང་རྣམས་ལ། མ་འོངས་པའི་དུས་དགེ་སློང་རྣམས་བརྗེད་ངེས་པ་དང་། ལུས་ཉམས་ཆུང་བས་མདོའི་ཚིགས་བཅད་མེད་པར་
[43b.5]སྡེ་སྣོད་གསུམ་འཛིན་མི་ནུས་པས། སྔ་དྲོ་མདོའི་ཚིགས་བཅད་བརྗོད་ལ། ཕྱི་དྲོ་སྡེ་སྣོད་གསུམ་བགྲོ་བར་བྱའོ་ཞེས་དང་། དེ་ལས་ཀྱང་སྔར་མདོ་སྡེ་བགྲོ་བར་བྱའོ་ཞེས་སྨྲས་སོ། །དགེ་སློང་དག་གིས་ཀྱང་དེ་བཞིན་དུ་བགྱིའོ་ཞེས་འོད་སྲུང་ཆེན་པོ་ཉིད་ལ་ཆོས་
[43b.6]བསྡུ་བར་གསོལ་ཞིང་དེས་པ་ཀྱང་སེང་གེའི་ཁྲི་ལ་འདུག་སྟེ་ཀུན་དགའ་བོ་ལ་སྤྲོ་བར་བྱས་ནས་གསོལ་གཉིས་ཀྱི་ལས་ཀྱིས་མདོ་སྡེ་སྡུད་པར་བསྐོས་ཏེ་ཁྲི་ལས་བབས་སོ། །དེ་ནས་དགྲ་བཅོམ་ལྔ་བརྒྱས་སྣམ་སྦྱར་ལྔ་བརྒྱ་ཁྲིའི་སྟེང་དུ་བཏིང་བ་དང་གནས་བརྟན་ཀུན་དགའ་བོ་
[43b.7]ཕྱོགས་བཞིར་རྣམ་པར་བལྟས་ནས་སེམས་ཅན་རྣམས་ལ་ནི་སྙིང་རྗེའི་སེམས་ཉེ་བར་བཞག །ཆོས་ལ་ནི་གུས་པ་བསྐྱེད། ཚངས་པ་མཚུངས་པར་སྤྱོད་པ་ལ་ནི་ཞེ་སར་དམིགས་ནས་སེང་གེའི་ཁྲི་གཡས་ཕྱོགས་སུ་བསྐོར་ཏེ། མགོ་བོས་གཏུགས་ནས།
[44a.1]རྒན་རིགས་སུ་ཇི་ལྟར་འོས་པར་ཕྱག་བྱས་ནས་མི་རྟག་པ་ཡིད་ལ་བྱས་ཏེ་སེང་གེའི་ཁྲི་ཟིལ་གྱིས་མནན་ནས་འདུག་སྟེ། ཟབ་མོའི་འཁོར་མི་གཡོ་བ་ལ་བལྟས་ནས། བཅོམ་ལྡན་འདས་ཀྱི་མདོ་སྡེ་བདག་གིས་བཟུང་བ་ནི། །ལྷ་
[44a.2]ཀླུའི་གནས་སུ་བཤད་པ་དག་ཀྱང་ཡོད། བདག་ལ་མངོན་སུམ་དུ་བཤད་པ་དང་། གཅིག་ནས་གཅིག་ཏུ་བརྒྱུད་དེ་འོངས་པ་དག་ཀྱང་ཡོད་པས་ཐོས་པ་ཐམས་ཅད་བཤད་པར་བྱའོ་སྙམ་དུ་བསམས་པ་དང་། ལྷ་རྣམས་ཀྱིས་ཤེས་ཏེ་གཅིག་ལ་གཅིག་སྨྲས་
[44a.3]པ། གང་ལ་ཆོས་རྣམས་རབ་གནས་པ། །འཇིག་རྟེན་གསུམ་པོས་རྟག་ཏུ་མཆོད། །འཕགས་པ་འདི་ནི་དོགས་མེད་པས། །སེང་གེ་བཞིན་དུ་ཆོས་རྣམས་སྒྲོགས། །ཀྱེ་མ་ཞི་བ་དེ་བཤད་ལ། །ཁྱེད་རྣམས་བདེ་བར་འདོད་པ་ཡིས། །ངེས་པར་སྙིང་
[44a.4]པོ་སྙིང་པོའི་མཆོག །དེ་དག་པ་ནི་གུས་པས་ཉོན། །ཞེས་སོ། །འོད་སྲུང་གིས་སྨྲས་པ། སྟོན་པ་འཇིག་རྟེན་ཕན་བཞེད་པ། །རྒྱལ་བས་གསུངས་པའི་ཆོས་རྣམས་ཀྱི། །རྣམ་པ་མཆོག་ནི་གང་བཤད་པ། །ཚེ་དང་ལྡན་པས་མདོ་སྡེ་གསུངས། །
[44a.5]དེ་ནས་ཀུན་དགའ་བོས་བྱང་ཆུབ་སྙིང་པོའི་ཕྱོགས་སུ་བལྟས་ནས་སངས་རྒྱས་རྗེས་སུ་དྲན་བཞིན་དུ་ཐལ་མོ་སྦྱར་ཏེ་སྒྲས་ཁྱབ་པར་བྱས་ནས། །འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་ཡུལ་ཝཱ་རཱ་ཎ་སཱི་དྲང་སྲོང་ལྷུང་བ་རི་དྭགས་ཀྱི་ནགས་སུ་བཞུགས་
[44a.6]སོ་ཞེས་བསྡུ་བར་བརྩམས་པ་ན། ལྷ་ལ་སོགས་པ་འདོད་ཆགས་དང་མ་བྲལ་བ་རྣམས་སྡུག་བསྔལ་གྱིས་གཟིར་ཏེ་སྨྲས་པ། ཀྱེ་མ་འཇིག་རྟེན་འདི་དག་ཏུ། །མི་རྟག་པར་ནི་ཁྱད་པར་མེད། །གང་གིས་རིན་ཆེན་གཏེར་དེ་ཡི། །ཡོན་ཏན་རྒྱ་མཚོ་དག་ཀྱང་
[44a.7]བསྐམས། །གང་ལས་བདག་གིས་མངོན་ཐོས་པ། །ཆོས་ནི་ཐར་པའི་བདེ་བ་བྱེད། །འདི་སྐད་ཐོས་ཞེས་རབ་སྦྱར་ཏེ། །དེ་ཡང་དེ་རིང་བསྒྲགས་པ་ཡིན། །ཞེས་སོ། །དེ་ནས་ལྔ་སྡེ་བཟང་པོ་ལ་བདེན་བཞིའི་ཆོས་འཁོར་བསྐོར་ཚུལ་གྱི་མདོ་སྡེ་གསུམ་
[44b.1]བཤད་དོ། །དེའི་ཚེ་གསུམ་ག་ལ་ཀུན་ཤེས་ཀཽཌ་ནྱས་ཆོས་ཀྱི་རྣམ་གྲངས་འདི་དག་བདག་ལ་མངོན་སུམ་མོ་ཞེས་སྔོན་གྱི་ཚུལ་དང་བཅས་ནས་སྨྲས་ཤིང་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་ཐམས་ཅད་སྟན་ལས་བབས་ཏེ་ཀུན་དགའ་བོ་ལ་བལྟ་བའི་ཕྱིར་
[44b.2]འདུག་སྟེ། ཀྱེ་མ་ཇི་ལྟར་བདག་ཅག་གིས་ཆོས་འཆད་པ་མངོན་སུམ་དུ་མཐོང་བ་ལས། །མི་རྟག་པའི་སྟོབས་ཀྱིས་བཅོམ་ལྡན་འདས་དེ་ཡང་ད་ནི་ཐོས་པའི་ལམ་དུ་གཤེགས་པར་གྱུར་ཏོ། །ཞེས་བསམས་ནས། ལྷ་དང་མི་དང་ལྷ་མིན་ཀླུ་རྣམས་ཀྱི་རྒྱལ་
[44b.3]ཞིར་གཤེགས་ན། །ཁྱེད་ཅག་ཅིའི་ཕྱིར་འཚོ་ཞིང་ཞི་བའི་གནས་སུ་འཇུག་མི་བྱེད། །སྐྱེ་བོའི་ནང་ན་ཐམས་ཅད་མཁྱེན་པས་སྟོངས་པར་མངོན་མཐོང་ན། །དགེ་བའི་བློ་གྲོས་གང་དག་སྲོག་ལ་ཆགས་ཤིང་དམ་པོར་བྱེད། །ཅེས་སྨྲས་སོ། །དེ་ནས་དེ་དག་
[44b.4]བསམ་གཏན་བཞི་ལ་སྙོམས་པར་ཞུགས་ནས་སྨོན་ཤེས་ཀྱིས་བལྟས་ཏེ་ཏིང་ངེ་འཛིན་ལས་ལངས་ཏེ། ཚེ་དང་ལྡན་པ་ཀུན་དགའ་བོ་ཁྱོད་ཀྱི་ལུང་དེ་ཡིན་ནམ། ཚེ་དང་ལྡན་པ་དག །བདག་གི་ལུང་དེ་ལགས་སོ། །ཚེ་དང་ལྡན་པ་དག་གི་ལུང་དེ་ལྟ་བུ་
[44b.5]ལགས་སམ། ཚེ་དང་ལྡན་པ་ཀུན་དགའ་བོ་དེ་ཁོ་ནའོ། །ཞེས་ཕན་ཚུན་ངེས་པར་བྱས་པ་དང་། འོད་སྲུང་གིས་བདག་གིས་བཅོམ་ལྡན་འདས་ཀྱི་མདོ་སྡེ་དང་པོ་སོགས་བསྡུས་ན་ཚངས་པར་སྤྱོད་པ་གང་གིས་ཀྱང་མ་བཟློག་པས་འདི་ནི་ཆོས་སོ། །འདི་
[44b.6]ནི་འདུལ་བའོ། །འདི་ནི་སྟོན་པས་བསྟན་པའོ་སྙམ་དུ་ཤེས་སོ། །དེ་བཞིན་དུ་བཅོམ་ལྡན་འདས་ཀྱིས་མདོ་སྡེ་གྲོང་དང་གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་གང་དང་གང་དུ་བཤད་པ་དེ་དང་དེ་ཀུན་དགའ་བོས་བཟླས་ནས། དགྲ་
[44b.7]བཅོམ་པ་གཞན་ལྔ་བརྒྱར་གཅིག་གིས་མ་ཚང་བ་དག་གིས་མདོ་སྡེ་བྱས་ཏེ། ཕུང་པོ་དང་རབ་ཏུ་ལྡན་པ་ཕུང་པོར། སྐྱེ་མཆེད་དུ་ལྡན་པ་སྐྱེ་མཆེད་དུ། རྟེན་ཅིང་འབྲེལ་འབྱུང་འཕགས་པའི་བདེན་པས་རིག་པ་དང་ཡང་དག་པར་ལྡན་པ་ནི། དེ་གླེང་
[45a.1]གཞི་དང་ལྡན་པར། ཉན་ཐོས་ཀྱི་བཤད་པ་མང་བ་ནི་ཉན་ཐོས་ཀྱི་བཤད་པར། སངས་རྒྱས་ཀྱི་བཤད་པ་མང་བ་ནི་སངས་རྒྱས་ཀྱི་བཤད་པར། བྱང་ཕྱོགས་སོ་བདུན་དང་ལྡན་པ་ལམ་གྱི་ཡན་ལག་ཏུ། ཡང་དག་པར་བརྗོད་པ་མང་
[45a.2]བ་ཡང་དག་པར་བརྗོད་པའི་སྡེར། ཚིགས་བཅད་དང་ལྡན་པ་ཡང་དག་པར་ལྡན་པའི་ལུང་རྣམས་སུ་སོ་སོར་བསྡུས་ཤིང་། གང་མདོ་སྡེ་དང་པོ་ནི་ལུང་རིང་པོར། བར་མ་ནི་ལུང་བར་མར། ཚིག་གཅིག་ནས་ཚིག་བཅུའི་བར་ནི་གཅིག་ལས་འཕྲོས་པའི་
[45a.3]ལུང་རྣམས་སུ་བཞག་གོ། །དེ་ནས་འོད་སྲུང་ཆེན་པོས་ཀུན་དགའ་བོ་ལ་སྨྲས་པ། ཁྱོད་ཀྱི་ལུང་དེ་སྙེད་ཅིག་གམ། དེ་སྙེད་ཅིག་ལགས་ཏེ་འདི་ལས་ལྷག་པ་མེད་དོ་ཞེས་སྨྲས་ནས་ཀུན་དགའ་བོ་སེང་གེའི་ཁྲི་ལས་བབས་སོ། །དེ་ནས་སྔ་མ་བཞིན་འོད་སྲུང་ཆེན་
[45a.4]པོས་དགེ་འདུན་རྣམས་ལ་བགྲོས་ནས་ཉེ་བར་འཁོར་འདུལ་བ་བསྡུ་བར་བསྐོས་ཏེ། དེ་སེང་གེའི་ཁྲི་ལ་འཛེགས་ནས་འདུག་གོ། །དེའི་ཚེ་འོད་སྲུང་གིས་སྨྲས་པ། བཅོམ་ལྡན་འདས་ཀྱིས་དང་པོར་བསླབ་པའི་གཞི་གང་དུ་བཅས། དེས་སྨྲས་པ་ཝཱ་རཱ་ཎ་སཱིར་རོ། །
[45a.5]གང་དག་གི་དོན་དུ། དགེ་སློང་ལྔ་སྡེའི་ཆེད་དུ་སྟེ། གང་གི་ཕྱིར་འདི་ལྟ་སྟེ་ཤམ་ཐབས་ཟླུམ་པོར་བགོ་བར་བྱའོ། །ཞེས་བསླབ་པ་བཅའ་བ་མཛད་དོ། །ཞེས་སོགས་དྲི་ལན་གྱི་སྒོ་ནས་འདུལ་བ་ཡོངས་སུ་རྫོགས་པར་བསྙད་པ་དང་། དགེ་སློང་རྣམས་ཀྱིས་
[45a.6]མངོན་པར་ཤེས་པས་བལྟས་ཏེ་ཕན་ཚུན་ངེས་པར་བྱས་པ་སོགས་སྔར་ལྟར་ནས་དགྲ་བཅོམ་པ་རྣམས་ཀྱིས། ཕམ་པ་བཞི། དགེ་འདུན་ལྷག་མའི་ཆོས་བཅུ་གསུམ། མ་ངེས་པའི་ཆོས་གཉིས། སྤང་ལྟུང་སུམ་ཅུ། ལྟུང་བྱེད་འབའ་ཞིག་པ་དགུ་བཅུ།
[45a.7]སོར་བཤགས་བཞི། བསླབ་པའི་གནས་མང་པོ། རྩོད་པ་ཞི་བྱེད་ཀྱི་ཆོས་བདུན། བཅས་པ་དང་རྗེས་བཅས། སོ་སོར་སྤོང་བ་དང་གནང་བ། གསོལ་རྐྱང་། གསོལ་གཉིས། གསོལ་བཞི་རྣམས་ཀྱི་ལས། གཞི་གསུམ་གྱི་ཚུལ་སོགས་སྡེ་
[45b.1]སྡེར་བསྡུ་བ་དང་། སོ་སོར་དབྱེ་བའི་སྒོ་ནས་གཞུང་དུ་བྱས་ཏེ་ཉེ་བ་འཁོར་ཁྲི་ལས་བབས་སོ། །དེ་ནས་འོད་སྲུང་ཆེན་པོས་མ་འོངས་པའི་སྐྱེ་བོའི་དོན་གྱི་ཕྱིར་མདོ་སྡེ་དང་འདུལ་བའི་དོན་མི་ཉམས་པར་སྲུང་བ་མ་མོའི་སྡེ་སྣོད་བདག་ཁོ་ནས་བཤད་པར་བྱའོ་སྙམ་ནས། །རང་ཉིད་
[45b.2]མ་བསྐོས་པར་སེང་གེའི་ཁྲི་ལ་འཁོད་དེ། །ཚེ་དང་ལྡན་པ་དག་མ་མོ་ལྟ་བུ་མ་མོ་ལྟ་བུ་ཞེས་བྱ་བ་དེ་བདག་ཁོ་ནས་སྨྲ་བར་བྱ་སྟེ། མ་མོ་ལྟ་བུ་ནི་ཤེས་བྱའི་མཚན་ཉིད་རབ་ཏུ་གསལ་བར་བྱེད་པ་ཡིན་ཏེ། འདི་ལྟར་དྲན་པ་ཉེ་བར་གཞག་པ་བཞི་དང་། ཡང་དག་པར་
[45b.3]སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་དང་། སོ་སོ་ཡང་དག་པར་རིག་པ་བཞི་དང་། དགེ་སྦྱོང་གི་འབྲས་བུ་བཞི་དང་། ཞེས་
[45b.4]སོགས་བཤད་ནས་དགྲ་བཅོམ་པ་རྣམས་ཀྱིས་མངོན་ཤེས་ཀྱིས་བལྟས་པ་སོགས་སྔ་མ་བཞིན་ནོ། །དེའི་ཚེ་ས་བླའི་གནོད་སྦྱིན་རྣམས་ཀྱིས། ཀྱེ་མ་འཕགས་པ་འོད་སྲུང་ལ་སོགས་པ་དགྲ་བཅོམ་པ་ལྔ་བརྒྱས་བདེ་བར་གཤེགས་པའི་སྡེ་སྣོད་གསུམ་ཡང་དག་པར་
[45b.5]བསྡུས་པས་ལྷ་རྣམས་ཀྱི་ལུས་ནི་མངོན་པར་འཕེལ་བར་གྱུར། ལྷ་མ་ཡིན་གྱི་ལུས་རྣམས་ནི་ཡོངས་སུ་འགྲིབ་པར་གྱུར་ཏོ་ཞེས་བསྒྲགས་པ་འོག་མིན་གྱི་བར་དུ་ཡུད་ཙམ་གྱིས་གྲགས་ཏེ་བཀའ་བསྡུ་བ་དེ་ལ་ལྔ་བརྒྱས་ཡང་དག་པར་བསྡུས་པ་ཞེས་པའི་མིང་དུ་གྱུར་ཏོ། །
[45b.6]དེ་ལྟར་བསྡུས་ཟིན་པ་དང་འོད་སྲུང་ཆེན་པོས། ཀྱེ་མ་སྟོབས་བཅུ་མངའ་བའི་གསུང་ནི་ཚད་མེད་པ། །འགྲོ་ལ་ཕན་ཕྱིར་ཆོས་ཀྱི་བསྟན་བཅོས་འདི་བསྡུས་པས། །གང་ན་འཇིག་རྟེན་བློ་ངན་མུན་བྱེད་ཆུད་ཟོས་པ། །བློ་གྲོས་རབ་རིབ་བསལ་བས་སྒྲོན་མར་
[45b.7]ཡང་དག་ལྡན། །ཞེས་དང་། བདག་གིས་ཐུབ་པའི་མདོ་སྡེ་ནི། །ཡང་དག་བསྡུས་ནས་ཆོས་ལམ་བཞག །གཅིག་ནས་གཅིག་ཏུ་ཡུན་རིང་བར། །སྟོན་པའི་གསུང་རབ་འདི་གནས་འགྱུར། །ངོ་ཚ་མེད་རྣམས་ཆད་པས་གཅད། །ངོ་ཚ་བྱེད་ནི་ཡོངས་
[46a.1]སུ་བཟུང་། །བདག་གིས་ཕན་དང་དགེ་བྱས་པས། །བདག་ནི་མྱ་ངན་འདས་དུས་བབ། །ཞེས་སྨྲས་ཏེ་ཞི་བར་ཡིད་ཕྱོགས་ནས་ཀུན་དགའ་བོ་ལ་བསྟན་པ་གཏད་ཅིང་། ཤ་ནའི་གོས་ཅན་ཡང་ལུང་བསྟན་ནས་མཆོད་
[46a.2]རྟེན་ཆེན་པོ་བཞིའི་དྲུང་དུ་སོང་སྟེ་བདེ་བར་གཤེགས་པའི་མཆོད་རྟེན་བརྒྱད་ལ་མཆོད་པ་དང་། ཀླུའི་གནས་དང་སུམ་ཅུ་རྩ་གསུམ་དུ་ཚེམས་མཆེ་བ་ལ་མཆོད་པ་བྱས་ནས་རྒྱལ་པོའི་ཁབ་ཏུ་མ་སྐྱེས་དགྲ་ལ་སྦྲན་པར་མཛད་ཀྱང་། རྒྱལ་པོ་གཉིད་
[46a.3]དུ་སོང་བར་ཆབ་སྒོ་བས་སྦྲན་པར་མ་ནུས་པ་དང་། གཉིད་སད་པ་དང་སྦྲོན་ཅིག་ཅེས་བསྒོས་ནས་ལྷོ་ཕྱོགས་བྱ་གག་རྐང་གི་རིར་གཤེགས་ཏེ་རི་གསུམ་གྱི་དབུས་སུ་སྐུ་གདུང་སྟོན་པའི་ན་བཟའ་ཕྱག་དར་ཁྲོད་པས་དཀྲིས་པ་བཅོམ་ལྡན་འདས་བྱམས་
[46a.4]པ་མ་བྱོན་གྱི་བར་དུ་མི་འཇིག་པ་སོགས་བྱིན་གྱིས་བརླབས་ནས་ཆོ་འཕྲུལ་བསྟན་ཏེ་མྱ་ངན་ལས་འདས་སོ། །དེར་སྐུ་གདུང་ལྷ་ལ་སོགས་པས་མཆོད་ནས་རི་གསུམ་སྦྱར་ཏེ་གཡོགས་ཤིང་། མྱ་ངན་གྱི་སྨྲེ་སྔགས་འདོན་བཞིན་ཕྱག་བྱས་ཏེ་སོང་ངོ༌། །
[46a.5]མ་སྐྱེས་དགྲས་ཀྱང་གཉིད་སད་པ་དང་གནས་བརྟན་ཆེན་པོ་མྱ་ངན་ལས་འདས་པ་ཐོས་ནས་བརྒྱལ་ཏེ་བརྒྱལ་སངས་པ་དང་ཀུན་དགའ་བོའི་དྲུང་དུ་ཕྱིན་ནས་དེས་ཁྲིད་དེ་བྱ་གག་རྐང་གི་རིར་སོང་ངོ་། །དེར་ཕྱིན་པ་དང་གནོད་སྦྱིན་རྣམས་ཀྱིས་རི་ཕྱེ་ནས་རྒྱལ་
[46a.6]པོས་སྐུ་གདུང་མཆོད་ཅིང་ཕྱག་བྱས་སོ། །ཞུགས་ལ་བཞེན་པར་འདོད་ཀྱང་ཀུན་དགའ་བོས་མ་འོངས་པ་ན་བྱམས་པ་ཉན་ཐོས་བྱེ་བ་དགུ་བཅུ་རྩ་དགུ་དང་ལྷན་ཅིག་འདིར་བྱོན་པའི་ཚེ་སྐུ་གདུང་བཞག་པའི་དགོས་པ་བྱེད་ཚུལ་སོགས་བཤད་པས་བཟློག་
[46a.7]སྟེ། །ཚུར་བྱུང་བ་དང་རི་སླར་འབྱར་ཏེ་དེའི་སྟེང་དུ་མཆོད་རྟེན་བརྩིགས་སོ། །དེ་ལྟར་བཀའ་བསྡུ་དང་པོར་གྲགས་པ་འདི་ནི་ཉན་ཐོས་པ་རྣམས་དང་ཐུན་མོང་གི་སྡེ་སྣོད་རྣམས་བསྡུ་བའི་དངོས་གཞི་ཡིན་ནོ། །གཉིས་པ་ཐུན་མོང་མ་ཡིན་པའི་
[46b.1]བཀའ་བསྡུས་ཚུལ་ལའང་། རྒྱུའི་ཐེག་པ་ཆེན་པོའི་སྡེ་སྣོད་བསྡུས་ཚུལ་དང་། འབྲས་བུའི་ཐེག་པ་ཆེན་པོའི་སྡེ་སྣོད་བསྡུས་ཚུལ་ལོ། །དང་པོ་ནི། འཕགས་ཡུལ་གྱི་མཁས་པ་དག་གིས་ཡུལ་མ་ག་དྷཱ་ན་གྲོང་ཁྱེར་རྒྱལ་པོའི་ཁབ་ཀྱི་ལྷོ་ཕྱོགས། བི་
[46b.2]མ་ལ་སཾ་བྷ་བ་ཞེས་བྱ་བའི་རི་ལ་བྱང་ཆུབ་སེམས་དཔའ་འབུམ་ཕྲག་བཅུ་འདུས་ཏེ། ཕྱག་ན་རྡོ་རྗེ་ནི་མདོ་སྡེ། བྱམས་པས་ནི་འདུལ་བ། འཇམ་དཔལ་གྱིས་མངོན་པ་རྣམས་བསྡུས་པར་བཤད་དོ། །རྟོག་གེ་འབར་བ་ལས་ཀྱང་། ཐེག་པ་ཆེན་
[46b.3]པོ་སངས་རྒྱས་ཀྱིས་གསུངས་པ་ཡིན་ཏེ་རྩ་བའི་སྡུད་པར་བྱེད་པ་པོ་ཀུན་ཏུ་བཟང་པོ་དང་། འཇམ་དཔལ་དང་། གསང་བ་པའི་བདག་པོ་དང་། །བྱམས་པ་ལ་སོགས་པ་རྣམས་ཀྱིས་བསྡུས་པའི་ཕྱིར་རོ། །བདག་ཅག་གིས་རྩ་བའི་སྡུད་པར་བྱེད་པ་ཉན་ཐོས་
[46b.4]ནི་མ་ཡིན་ཏེ། ཐེག་པ་ཆེན་པོའི་གསུང་ནི་དེ་དག་གི་ཡུལ་མ་ཡིན་པའི་ཕྱིར་རོ། །ཞེས་བཤད་ཅིང་། དེ་ལས་ཁྱད་པར་དུ་གསང་བའི་བདག་པོ་ནི་ངེས་དོན་གྱི་མདོ་སྡེ་ལ་སོགས་པ་བསྐལ་བཟང་གི་འདྲེན་པ་སྟོང་གི་གསུང་རབ་ཐམས་ཅད་ཀྱི་སྡུད་པ་པོ་
[46b.5]ཡིན་ཏེ། གསང་བ་བསམ་གྱིས་མི་ཁྱབ་པའི་མདོ་ལས་འབྱུང་བའི་ཚུལ་གོང་དུ་བཤད་པ་ལྟར་གསང་བ་འཛིན་པར་སྨོན་ལམ་བཏབ་པ་དེས་ན་གསང་བ་ནི་ངེས་དོན་གྱི་གསུང་རབ་ཏུ་གྲུབ་པས་དེ་འཛིན་པ་ནི་བཀའ་ཐམས་ཅད་ཀྱི་སྡུད་པ་པོའི་མཆོག་ཏུ་འཐད་
[46b.6]པའི་ཕྱིར་རོ། །གཉིས་པ་ལ། རྒྱུད་སྡེ་བཞི་ལས་བྱ་བའི་རྒྱུད་ནི། གཙོ་བོར་སུམ་ཅུ་རྩ་གསུམ་གྱི་གནས་ཀྱི་མཐའ་རི་རབ་ཀྱི་བྱང་ཕྱོགས་ཀྱི་ལྕོག་ལྕང་ལོ་ཅན་ན་ས་བཅུའི་བྱང་ཆུབ་སེམས་དཔའ་ཀུན་ཏུ་བཟང་པོ་དང་། རྡོ་རྗེ་ཆོས་ལ་སོགས་པས་བླ་
[46b.7]གོས་ལྔ་བརྒྱ་བཏིང་བའི་སྟེང་དུ་ལག་ན་རྡོ་རྗེ་བཞུགས་ཏེ། འདི་སྐད་བདག་གིས་ཐོས་པ་ཞེས་སོགས་བཤད་པའི་ཚུལ་གྱིས་བསྡུས་པ་ཡིན་ཏེ། གཙུག་ཏོར་གདུགས་དཀར་གྱི་འགྲེལ་པ་ཤཱུ་རངྒ་བརྨས་མཛད་པ་ལས། ལྕང་ལོ་ཅན་གྱི་ཕོ་བྲང་ན་
[47a.1]གནས་བསྡུད་པར་བྱེད་པ་ལག་ན་རྡོ་རྗེ་ལ་འཁོར་ས་བཅུའི་བྱང་ཆུབ་སེམས་དཔའི་ཀུན་ཏུ་བཟང་པོ་དང་། རྡོ་རྗེ་ཆོས་ལ་སོགས་པས་བླ་གོས་ལྔ་བརྒྱ་སྟན་དུ་བཏིང་ནས། ཆོས་ཀྱི་འཁོར་ལོ་བསྐོར་བའི་མདོ། །བདེ་
[47a.2]བར་གཤེགས་པས་གང་དུ་གསུངས། །རྡོ་རྗེ་འཆང་བ་ཁྱོད་སྨྲོས་ཤིག །ཤེས་རབ་སྲས་པོ་ཁྱོད་སྨྲོས་ཤིག །ཅེས་གསོལ་པ་བཏབ་པའི་རྗེས་ལ་འདི་སྐད་བདག་གིས་ཐོས་པ་ཞེས་གླེང་བསླང་བ་གསུངས་སོ། །ཞེས་བཤད་པའི་ཕྱིར་རོ། །ཁ་
[47a.3]ཅིག་གིས་འཇམ་དཔལ་རྩ་རྒྱུད་ནས། །དེ་ནས་སློབ་མའི་མཆོག་གྱུར་པ། །པི་ཥྠལ་ཕུག་ན་གནས་པ་དེ། །རྫུ་འཕྲུལ་ཆེན་པོ་འདོད་ཆགས་བྲལ། །ཐུབ་པ་མ་ལུས་འདུས་ནས་ནི། །གསུང་རབ་ཡན་ལག་བཅུ་གཉིས་དང་། །འདུལ་བ་
[47a.4]མ་ལུས་སྡུད་པ་བྱེད། །གང་ཞིག་ཆོས་ནི་ངས་བསྟན་དང་། །དེ་བཞིན་སྔོན་གྱི་རྒྱལ་བ་མཆོག །དེ་ནི་སློབ་མའི་མཆོག་དེས་ཀྱང་། །རྣམ་པ་གསུམ་དུ་ཡང་དག་བསྟན། །འདུལ་བ་དང་ནི་མངོན་པ་དང་། །མདོ་སྡེ་དབྱེ་བས་གཞུང་དུ་
[47a.5]བྱས། །སེམས་ཅན་འཆིང་བ་གསུམ་ལས་བཀྲོལ། །ཉེས་པ་གསུམ་པོ་སྐེམས་པར་བྱེད། །དཔའ་བོ་སྡུག་བསྔལ་གསུམ་ལས་འགྲོལ། །རྟག་ཏུ་ཐེག་པ་གསུམ་ལ་འགོད། །སངས་རྒྱས་རྣམས་ཀྱིས་བསྟན་པའི་དོན། །བློ་ཡི་
[47a.6]མཆོག་ནི་བྱེད་པར་འགྱུར། །ཞེས་གསུངས་པ་དེས་བྱ་རྒྱུད་བསྡུ་བའི་ཚུལ་ཡང་བསྟན་པ་ཡིན་ནོ་ཞེས་ཟེར་བའང་ཡོད་དོ། །སྤྱོད་པའི་རྒྱུད་ཀྱང་ལག་ན་རྡོ་རྗེ་དང་ཀུན་ཏུ་བཟང་པོ་སོགས་ཀྱིས་བསྡུས་པར་གསལ་ཏེ། ཤུ་རངྒ་བརྨའི་རྣམ་སྣང་
[47a.7]མངོན་བྱང་གི་ཚིག་འགྲེལ་ལས། སྡུད་པར་མཛད་པའི་བྱང་ཆུབ་སེམས་དཔའ་ཀུན་ཏུ་བཟང་པོ་དང་། ཕྱག་ན་རྡོ་རྗེ་ལ་སོགས་པ་རྟོགས་པ་གཙོ་བོར་གྱུར་པའི་ཕྱིར། ཞེས་སོགས་འབྱུང་བའི་ཕྱིར་དང་། དེ་ལས་ཀྱང་གཙོ་བོར་ལག་ན་རྡོ་རྗེ་ཉིད། །
[47b.1]ཕྱག་ན་རྡོ་རྗེ་དབང་བསྐུར་བའི་རྒྱུད་ལས་རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱིས་དཀྱིལ་འཁོར་འཁོར་ལོས་སྒྱུར་བ་ཆེན་པོའི་རྡོ་རྗེའི་དཀྱིལ་འཁོར་ཆེན་པོར་ལག་ཏུ་རྡོ་རྗེས་དབང་བསྐུར་བས་ཁྱོད་དབང་བསྐུར་ཏོ། །ཏིང་ངེ་འཛིན་བྱེ་བ་
[47b.2]ཁྲག་ཁྲིག་བརྒྱ་སྟོང་དུ་མ་ལས་བྱས་པའི་རྡོ་རྗེ་ཁྱོད་ལ་བྱིན་ཏོ། །འཁོར་ལོས་སྒྱུར་བའི་རྒྱལ་པོ་ཆེན་པོའི་རྡོ་རྗེས་ཁྱོད་བྱིན་གྱིས་བརླབས་སོ། །རྡོ་རྗེ་སྙིང་པོ་ཐམས་ཅད་ཁྱོད་ལ་བསྟན་ཏོ། །དེ་བཞིན་གཤེགས་པ་ཐམས་ཅད་ཀྱིས་ཁྱོད་ལ་
[47b.3]བསྟན་པ་ཐམས་ཅད་ཀྱི་དོན་བྱ་བ་དང་བསྲུང་བར་གནང་ངོ༌། །ཁྱོད་ཀྱི་སྔོན་གྱི་སྨོན་ལམ་ཆེན་པོ་ཡོངས་སུ་རྫོགས་སོ། །ཞེས་སོགས་སྟོན་པས་གསང་བའི་བདག་པོར་དབང་བསྐུར་ཅིང་བསྟན་པ་གཏད་པའི་ཚུལ་སོགས་འབྱུང་བའི་ཕྱིར་རོ། །
[47b.4]རྣལ་འབྱོར་རྒྱུད་ནི་ལྕང་ལོ་ཅན་དུ་རྡོ་རྗེ་འཆང་ས་བཅུའི་དབང་ཕྱུག་གི་ཚུལ་བསྟན་པ། ལག་ན་རྡོ་རྗེ་ཉིད་ཀྱིས་ཀུན་ཏུ་བཟང་པོ་ལ་སོགས་པ་བྱང་ཆུབ་སེམས་དཔའ་ཆེན་པོ་རྣམས་ཀྱིས་གསོལ་པ་བཏབ་པའི་ངོར་བསྡུས་པ་ཡིན་ཏེ། སློབ་དཔོན་ཀུན་
[47b.5]དགའ་སྙིང་པོའི་ཡོ་གའི་འགྲེལ་པར། སྡུད་པར་བྱེད་པ་ས་བཅུའི་དབང་ཕྱུག་ལྕང་ལོ་ཅན་གྱི་ཕོ་བྲང་ན་བཞུགས་པའི་རྡོ་རྗེ་འཛིན་པས་འདི་སྐད་ཅེས་བྱ་བ་ལ་སོགས་པ་སྨྲས་པ་ཡིན་ཏེ། ཞེས་དང་། ལྕང་ལོ་ཅན་ན་བཞུགས་པའི་ས་བཅུའི་དབང་
[47b.6]ཕྱུག་གི་ཚུལ་འཛིན་པའི་རྡོ་རྗེ་འཆང་བས་ཀུན་ཏུ་བཟང་པོ་ལ་སོགས་པ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཇི་ལྟར་བདག་ནི་རྒྱལ་པོའི་ཕོ་ཡ་བྲང་ལྕང་ལོ་ཅན་ན་ཡང་དག་པར་སྡུད་པའི་དུས་སུ་ཛམྦུའི་གླིང་ཏིལ་གྱི་གོང་བུ་ཏིལ་གྱི་ས་བོན་གྱིས་
[47b.7]ཡོངས་སུ་གང་བ་བཞིན་དུ་ཛམྦུའི་གླིང་ན་དེ་བཞིན་གཤེགས་པ་ཐམས་ཅད་ཀྱིས་ཀུན་དུ་གང་བར་བདག་ཅག་ལ་སྣང་ལ། ཞེས་སོགས་བཤད་པའི་ཕྱིར་རོ། །རྣལ་འབྱོར་བླ་མེད་ཀྱི་རྒྱུད་ནི་སྤྱིར་གསང་བའི་བདག་པོ་ཉིད་ཀྱིས་བསྡུས་པ་ཡིན་ཏེ། ཕ་
[48a.1]རྒྱུད་ལ་མཚོན་ན་གསང་བ་འདུས་པ་ལས་རྡོ་རྗེ་ཆོས་ལ་རྒྱུད་གཏེད་པར་གསུངས་ཤིང་། རྡོ་རྗེ་ཆོས་ནི་ཕྱག་ན་རྡོ་རྗེ་ལ་རྒྱུད་གཏད་ཅིང་དབང་བསྐུར་བའི་མཚན་དུ་ཟླ་བ་གྲགས་པ་སོགས་བཞེད་ཅིང་། སྡུད་པ་པོའང་དེ་ཡིན་པར་བཤད་
[48a.2]པ་དང་། མ་རྒྱུད་ལ་མཚོན་ན། ཨིནྡྲ་བྷུ་ཏིའི་བདེ་མཆོག་འགྲེལ་པ་ལོ་ཆེན་རིན་བཟང་འགྱུར་ལས། ཕྱི་དུས་རིམ་པར་ལུང་བསྟན་སྡུད་པ་པོས། །རི་བོ་མཆོག་རབ་བྱང་ཤར་ལྷ་གནས་མཆོག །ལྕང་ལོ་ཅན་གྱི་ཕོ་བྲང་ཆེན་པོར་ནི། །རྒྱུད་
[48a.3]རྣམས་མ་ལུས་སེམས་དཔའ་ཆེན་པོའི་ཚོགས། །བྱེ་བ་ཕྲག་ནི་དགུ་བཅུ་རྩ་དྲུག་སོགས། །འདུས་ཏེ་རྗེ་བཙུན་གསང་བའི་བདག་པོ་ལ། །གསོལ་པ་བཏབ་ཚེ་འདི་སྐད་བདག་ཐོས་ཞེས། །རབ་ཏུ་གསུངས་པ་གསེར་གྱི་ཤོག་བུ་ལ། །བཻ་ཌཱུརྱ་
[48a.4]ཡི་ཞུན་མིས་ཡི་གེར་བཀོད། །ཞེས་རྣལ་འབྱོར་མ་སྙིང་པོའི་རྒྱུད་ལས་གསུངས་པ་ལུང་དྲངས་པ་དང་། ངེས་བརྗོད་བླ་མའི་འགྲེལ་པར་ཡང་གོང་དུ་གཙུག་ཏོར་འགྲེལ་པ་ལས་དྲངས་པ་དང་མཐུན་པར་འབྱུང་བ་དང་། བདེ་མཆོག་རྩ་རྒྱུད་ཀྱི་
[48a.5]འགྲེལ་པ་ཚིག་དོན་རབ་གསལ་ལས་ཀྱང་། སྡུད་པ་པོའི་འཁོར་ལྕང་ལོ་ཅན་གྱི་བདག་པོའོ། །ཞེས་དང་། རྒྱུད་ཡེ་ཤེས་ཐིག་ལེ་ལས་ཀྱང་། ཀྱེ་བཅོམ་ལྡན་འདས། མ་འོངས་པའི་དུས་སུ་ཡང་དག་པར་གསང་བའི་རྒྱུད་འདི་སྐལ་བ་
[48a.6]དང་ལྡན་པའི་སེམས་ཅན་རྣམས་ལ་སུ་འཆད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། དཔལ་ཕྱག་ན་རྡོ་རྗེ་མགོན་པོས་བཤད་པར་བྱེད་དོ། །ཞེས་སོགས་གསུངས་པ་དང་། དེ་ཁོ་ན་ཉིད་སྒྲོན་མའི་རྒྱུད་ལས། ལྷ་མོས་
[48a.7]གསོལ་བ། གསང་བ་ཆེན་པོའི་རྒྱུད་འདི་ནི། །ཤེས་པ་དང་ནི་བཤད་པ་སུ། །བཅོམ་ལྡན་འདས་ཀྱིས་བཀའ་སྩལ་པ། བྱང་ཕྱོགས་སུ་དཔལ་རྡོ་རྗེའི་གནས་ཨཽཌྱན་དུ་རྒྱལ་པོ་ཨིནྡྲ་བྷཱུ་ཏི་ཞེས་བྱ་བས་ཤེས་པ་དང་།
[48b.1]སེམས་ཅན་ལ་གསལ་བར་བྱེད་དོ། །ལྷ་མོས་གསོལ་པ། ཀྱེ་བཅོམ་ལྡན་འདས་རྒྱལ་པོ་ཆེན་པོ་ཨིནྡྲ་བྷཱུ་ཏི་ཞེས་བྱ་བ་དེ་ས་དུའི་དབང་ཕྱུག་ལགས་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། དཔལ་ཡེ་ཤེས་ཐིག་པོའི་
[48b.2]རྒྱུད་ཀྱི་རྒྱལ་པོ་ལས། གང་ཞིག་ངས་བསྟན་པའི་ཕྱག་ན་རྡོ་རྗེའི་རྒྱལ་པོ་དེ་ཉིད་དེ་ཨིནྡྲ་བྷཱུ་ཏི་སྤྲུལ་པའི་སྐུས་ས་བཅུའི་དབང་ཕྱུག་ཡེ་ཤེས་ཀྱི་སྐུ་ས་བཅུ་བཞིའི་དབང་ཕྱུག་གོ། །ཞེས་གསུངས་པ་དང་། དུས་འཁོར་རྩ་རྒྱུད་ཀྱི་སྡུད་པ་པོའང་
[48b.3]ཕྱག་ན་རྡོ་རྗེའི་སྤྲུལ་པའི་སྐུ་ཟླ་བ་བཟང་པོ་ཡིན་པ་སོགས་ཀྱི་ཕྱིར་རོ། །དེ་ལ་བྱེ་བྲག་ཏུ་སྡུད་པ་པོ་སོ་སོར་ཐ་དད་པར་གསུངས་པའང་ཡོད་དེ། མཁའ་འགྲོ་རྒྱ་མཚོའི་རྒྱུད་ལས། བསྡུ་བ་མཛད་པ་སོགས་རྣམས་ཀྱིས། །བདག་
[48b.4]ལས་བསྒྲོད་པ་དེ་ཐོབ་བོ། །མ་མོ་ཐམས་ཅད་འདུས་རྣམས་ཀྱིས། །རྡོ་རྗེའི་གནས་རྣམས་སུ་བསྡུས་སོ། །གཅིག་གིས་གཅིག་ལ་བཞེད་པ་ནི། །གསོལ་པ་འདེབས་ཤིང་གསོལ་འདེབས་མཛད། །བཅོམ་ལྡན་
[48b.5]འདས་ཀྱིས་གསུངས་པ་ཡི། །ཚིག་འདི་ལ་ནི་མངོན་པར་དགའ། །ཞེས་མ་རྒྱུད་འགའ་ཞིག་རྡོ་རྗེ་ཕག་མོ་སོགས་རྣལ་འབྱོར་མ་རྣམས་ཀྱིས་རྡོ་རྗེའི་གནས་རྣམས་སུ་དྲི་བ་དྲི་ལན་གྱི་ཚུལ་གྱིས་བསྡུས་པར་བཤད་པ་དང་། །
[48b.6]དགྱེས་རྡོར་གྱི་རྩ་རྒྱུད་བརྟག་པ་གཉིས་པ་རྡོ་རྗེ་སྙིང་པོས་བསྡུས་པར་བཤད་པ་སོགས་དང་། སྔར་རྩ་བའི་རྒྱུད་བསྟན་པ་ལག་ན་རྡོ་རྗེས་བསྡུས་པ་ལས། ཕྱིས་སྡུད་པ་པོ་གཞན་དག་གིས་བསྡུས་པའི་རྒྱུད་དུ་ཉེ་བར་བསྡུས་
[48b.7]པའི་ཚུལ་ཡང་འབྱུང་སྟེ། དུས་འཁོར་རྩ་རྒྱུད་འཇམ་དཔལ་གྲགས་པས་ཉེ་བར་བསྡུས་པ་ལྟ་བུ་ཅི་རིགས་པར་ཡོད་པའི་ཕྱིར་རོ། །དེ་ལྟར་ཐེག་ཆེན་མདོ་སྔགས་གཉི་གའི་སྐབས་སུ་སྡུད་པ་པོ་སོ་སོར་གསུངས་པ་ཡོད་
[49a.1]ཀྱང་སྤྱིར་གསང་བའི་བདག་པོས་བསྡུས་པར་མི་འགལ་ཏེ། གསང་བའི་བདག་པོས་བསླབ་པ་གསུམ་ག་སྟོན་པའི་མདོ་སྡེ་བསྡུས་པར་བཤད་པས་བསླབ་པ་ཕྱོགས་རེ་སྟོན་པའི་འདུལ་མངོན་གཉིས་
[49a.2]དེར་འདུས་པའི་ཕྱིར་དང་། ལག་ན་རྡོ་རྗེ་བདེ་བར་གཤེགས་པ་ཐམས་ཅད་ཀྱི་རྡོ་རྗེའི་སྙན་གཅིག་ཏུ་བསྡུས་པ་ཡིན་པར་དུས་ཀྱི་འཁོར་ལོ་ལས་གསུངས་པའི་ཕྱིར་དང་། ཕྱག་རྡོར་དབང་བསྐུར་གྱི་རྒྱུད་ལས། བྱང་ཆུབ་སེམས་
[49a.3]དཔའ་ཀུན་ཏུ་བཟང་པོ་ཞེས་བྱ་བ་འཇིག་རྟེན་གྱི་ཁམས་མེ་ཏོག་སྙིང་པོའི་རྒྱན་བཀོད་པ་ཐམས་ཅད་དུ་བཅོམ་ལྡན་འདས་རྣམ་པར་སྣང་མཛད་ཀྱི་སྔོན་གྱི་སྤྱོད་པ་བསྟན་པར་སྨོན་ལམ་བཏབ་ནས། གནོད་སྦྱིན་འདུལ་བའི་དབང་ཉེ་བར་བཟུང་
[49a.4]ནས་དབུས་ཀྱི་ཛམྦུ་གླིང་མི་མཇེད་འདིར་ལྕང་ལོ་ཅན་དུ་གནོད་སྦྱིན་གྱི་སྡེ་དཔོན་ཆེན་པོ་འབྲོག་གནས་ཀྱི་གནས་ན་གནས་སོ། །ཞེས་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དབང་བསྐུར་ནས་དེ་ཉིད་ལ་བསྟན་པ་གཏད་དོ། །ཞེས་
[49a.5]ཀུན་ཏུ་བཟང་པོ་དང་ཕྱག་ན་རྡོ་རྗེ་ཐ་མི་དད་པར་བསྟན་ཅིང་། དེ་ལ་བསྟན་པ་མཐའ་དག་གཏད་པར་བཤད་པའི་ཕྱིར་དང་། ཡེ་ཤེས་ཐིག་ལེའི་རྒྱུད་དུ། ཕྱག་ན་རྡོ་རྗེ་མགོན་ཆེན་པོ། །རྡོ་རྗེ་འཛིན་པ་ཀུན་གྱི་བདག །
[49a.6]མཐའ་ཡས་པ་ཡི་འཇིག་རྟེན་ཁམས། །སྐྱེ་དང་འཇིག་པའི་རྒྱུ་ཡིན་ནོ། །དེ་ལས་སྐྱེ་བ་གང་ཡང་མེད། །རང་བྱུང་མཆོག་གི་དབང་ཕྱུག་གོ། །ཞེས་དང་། ལྟ་བ་ཀུན་ནི་བསྲུང་དོན་ཕྱིར། །སྣ་ཚོགས་པ་ཡི་
[49a.7]གཟུགས་སུ་སྤྱོད། །ལ་ལར་རྡོ་རྗེ་འཛིན་པ་དང་། །ལ་ལར་སངས་རྒྱས་ཀྱི་ནི་གཟུགས། །ལ་ལར་ཧེ་རུ་ཀ་ཡི་གཟུགས། །ལ་ལར་དེ་བཞིན་གཤེགས་པ་དང་། །ལ་ལར་བྱང་ཆུབ་སེམས་དཔའི་གཟུགས། །ལ་
[49b.1]ལར་ཉན་པ་ལྟ་བུར་བཞུགས། །ལ་ལར་འཆད་དོ་དགྱེས་པདྨ། །ལ་ལར་ཀློག་པའི་ཚུལ་དུ་བཞུགས། །ལ་ལར་རྒྱུད་དང་བསྟན་བཅོས་ནི། །མཛད་པ་དང་ནི་ལ་ལར་འཛིན། །མང་དུ་བརྗོད་ལྟ་ཅི་ཞིག་
[49b.2]དགོས། །དེ་སྟོན་ཕྱག་ན་རྡོ་རྗེ་རྒྱལ། །ཞེས་དོན་གྱིས་བདེ་བར་གཤེགས་པའི་བསྟན་པ་མཐའ་དག་འཛིན་པ་པོར་གསུངས་པའི་ཕྱིར་རོ། །དོན་དམ་པར་ནི་སྡུད་པ་པོ་གསང་བའི་བདག་པོ་ཉིད་སྟོན་པ་ཉིད་ཀྱི་ཐུགས་རྡོ་རྗེ་
[49b.3]ལས་ལོགས་ཤིག་ཏུ་གཞག་པར་བྱར་མེད་དེ། དཔལ་གསང་བ་གྲུབ་པའི་རྒྱུད་ལས། འདི་ཡི་སྡུད་པར་བྱེད་པ་པོ། །གཞན་དག་ཡོད་པ་མ་ཡིན་ཞེས། །བདག་ཉིད་འབའ་ཞིག་སྨྲ་བར་བྱེད། །རྒྱུད་མཛད་པ་ནི་
[49b.4]ཐུགས་རྡོ་རྗེ། །ཞེས་གསུངས་པས་སོ། །དེས་ན་འདི་སྐད་བདག་གིས་ཐོས་པ་ལ་སོགས་པའི་གླེང་གཞི་བཤད་པའི་ཚུལ་འབྱུང་བ་རྣམས་ཀྱང་དབང་རྣོན་གྱི་ངོར་རྒྱུད་དོན་ཡོངས་རྫོགས་རེ་བསྟན་པར་བཤད་པས་སྡུད་པ་པོས་
[49b.5]སྦྱར་བའི་ཚིག་ཁོ་ནའོ་ཞེས་མཐའ་གཅིག་ཏུ་སྨྲ་བ་ནི་མི་ལེགས་སོ། །དེ་ལྟར་སྡུད་པ་པོའི་ཚུལ་དུ་བསྟན་པ་རྣམས་ཀྱིས་ལེགས་པར་བསྡུས་པའི་རྒྱུད་སྡེ་མཐའ་དག་ནི་སོ་སོ་སྐྱེ་བོས་ལྟ་སྨོས་ཀྱང་ཅི་དགོས། འཕགས་ཆེན་རྣམས་
[49b.6]ཀྱིས་ཀྱང་ཚད་གཟུང་དུ་ཡོད་པ་མ་ཡིན་ཞིང་། ཞིང་ཁམས་རྒྱ་མཚོར་གསང་སྔགས་ཀྱི་སྐལ་བ་ཅན་རྒྱ་མཚོ་རྣམས་ལ་དེ་དང་འཚམ་པའི་རྒྱུད་སྡེ་རྒྱ་མཚོ་རྣམས་སྣང་བས་དེའི་དོན་མཛད་པ་ཡིན་པའི་ཕྱིར་རྒྱུད་འདི་དང་འདི་ཕྱོགས་ཆེ་གེ་
[49b.7]མོ་ཞིག་ཏུ་ཡོད་དེ་ཞེས་སྒྲོགས་པའང་ཕྱོགས་རེ་བ་ཙམ་ཡིན་པར་ཤེས་དགོས་སོ།། །།འདིར་སྨྲས་པ། །བདེ་བར་གཤེགས་པའི་བསྟན་པ་རབ་ཡངས་བདུད་རྩི་ལྟ་བུས་ལྷ་ཡི་རྫིང་རིང་ཡོངས་བལྟམས་པ། །
[50a.1]མོས་པ་ཐ་དད་ཡོལ་གོ་དང་འཚམ་མངོན་པར་སྣང་བ་རྡོ་རྗེ་འཛིན་སོགས་སྡུད་པ་པོའི། །བསྐལ་པར་གོམས་པའི་བློ་གྲོས་རྒྱ་ཆེ་གཏིང་མི་དཔོག་པ་རིན་ཆེན་གསེར་སྐྱོགས་ཀྱིས་བཅུས་པས། །མི་མཇེད་
[50a.2]འདི་ན་བཟང་པོའི་རིགས་ཅན་སྐྱེ་བོའི་ཚོགས་ལ་དམན་འབྲིང་མཆོག་གི་ཐར་པའི་བཅུད་ལེན་རབ་ཏུ་སྤེལ། །ཀྱེ་མ་ཐུབ་བསྟན་ལང་ཚོའི་དཔལ། །མངོན་པར་རྒོད་པའི་འཛུམ་རླབས་ཀྱིས། །ཡིད་སྲུབ་སྙེམ་པའི་རྒྱལ་
[50a.3]མཚན་ལའང་། །ངོ་ཚའི་གོ་འཕང་ཅི་ཡང་བྱིན། །བསམ་པའི་བྱེ་བྲག་ཆུ་མཚོ་ལ། །གྲངས་བཞིན་འཆར་བའི་ཟླ་རིས་ལྟར། །ཤཱཀྱའི་སྲས་ཀྱིས་རྗེས་བསྟན་གང་། །མཁས་པ་དག་གིས་རབ་ཏུ་ཕྱེས། །
[50a.4]འོན་ཀྱང་ཚིག་ཆུས་མྱོས་བ་ཡི། །གཉིས་འཐུང་དག་གི་འཇུག་ངོགས་སུ། །ཕྱི་དུས་འདིར་ནི་པད་རྩ་ལྟར། །གྱུར་ལ་སུ་ཞིག་དགའ་བར་འགྱུར། །འདི་ནི་རྒྱལ་བའི་ཐབས་མཁས་ཀྱི། །ཕྲིན་ལས་
[50a.5]བལྟ་བར་འདོད་པ་དག །ཕྱོགས་རེའི་མུན་ཁུང་ལས་ཐོན་ཏེ། །ལེགས་པར་བཤད་པའི་སྣང་བྱེད་བྟེན། །བདེ་བར་གཤེགས་པའི་བཀའ་གངས་ཅན་གྱི་བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་
[50a.6]བསྒྲུབས་པའི་ཚུལ་ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་ཟླ་འོད་གཞོན་ནུའི་འཁྲི་ཤིང་ལས། བྱེ་བྲག་ཏུ་ཆོས་ཀྱི་འཁོར་ལོ་བསྐོར་ཚུལ་བཀའ་བསྡུའི་བྱུང་བ་
[50a.7]དང་བཅས་པ་ལེགས་པར་བཤད་པའི་ཡལ་འདབ་སྟེ་བཞི་བའོ།། །།
[50b.1]༄༅། །བྷུཛཱཤིརསིནཱགཱཾཤེཥམཱདཱིནྲ། །མུཁཱཧྱབྷིགུརུཿཀཱནྱཱངྷརིཏྲཱི། །
[50b.2]༄༅། །ལྷག་མ་ཅན་སོགས་ལག་འགྲོའི་ཕྲག་པ་རུ། །མངོན་པར་ལྕི་བའི་ནོར་འཛིན་བུ་མོའི་བཞིན། །
[51a.1]༄༅། །སུཀཱནྟནབརཀྟཾསནྡྷིརཱདྴུཿ། །ཀཥཱཡདྷརཤྶའསྱསྱབནྡྷཱུཿ། །
[51a.2]༄༅། །མཛེས་བྱེད་ཐུན་མཚམས་གསར་བའི་དམར་འོད་ཅན། །ངུར་སྨིག་འཛིན་རྣམས་བསྟན་པའི་རྩ་ལག་ཡིན། །
[51b.1]སྲིད་པའི་མཚོ་ལས་འགྲོ་བ་འདོན་པའི་ཕྱག །རིང་པོར་སྐྱོང་པའི་སྙིང་སྟོབས་རྨ་མེད་པ། །བྱང་ཆུབ་སེམས་ཀྱིས་ཡང་ཡང་བཀྲུས་པའི་བཞིན། །སྟོན་མཛད་སེམས་དཔའ་ཆེན་རྣམས་རྒྱལ་གྱུར་ཅིག །ཐུབ་པའི་ཆོས་མཛོད་རྒྱ་ཆེན་འདི་འབྱེད་པའི། །ལེགས་
[51b.2]བཤད་སྡེ་མིག་གང་གི་ཚེམས་བར་ནས། །མངོན་པར་བཀྲོལ་ཚེ་དོན་བཟང་དབྱིག་གི་ཕུལ། །འགྲོ་འདིས་འཛད་མེད་ལོངས་སུ་སྤྱོད་པར་བྱས། །དེ་ལྟའི་བཀའ་དྲིན་གཞལ་བར་བྱ་བའི་སླད། །ཞིང་གི་རྡུལ་སྙེད་འགྲོ་བའི་ལེགས་བྱས་ཀྱི། །མཆོད་པས་
[51b.3]བྱང་ཆུབ་བར་དུ་མཆོད་བྱེད་ཀྱང་། །གཞལ་བར་དཀའ་བ་ཉིད་དུ་ད་གཟོད་རིག །དབང་པོ་སྲེད་མེད་བུ་དང་གདོང་བཞི་བ། །དྲག་པོ་སྐེམས་བྱེད་ལ་སོགས་ཆེན་པོ་ཀྱང་། །གང་གི་ཞབས་ཀྱི་རྡུལ་ཕྲན་ལྷུང་བ་ལ། །གཙུག་གི་ནོར་བུས་འདུད་པ་རྙེད་
[51b.4]དཀའ་ཉིད། །གང་གི་རྣམ་ཐར་སྒེག་མོའི་འགྲམ་ཆང་གིས། །བདག་བློ་བ་ཀུ་ལ་ཤིང་ལྟ་བུར་ཡང་། །མཁས་པའི་འབྱུང་གནས་ལེགས་བཤད་སྨྲ་བ་ལ། །མངོན་ཕྱོགས་མེ་ཏོག་ཕང་ཕུང་རྣམ་པར་བཀོད། གཉིས་པ་བསྟན་པ་དེ་ཛམྦུས་མཚན་པའི་
[51b.5]གླིང་འདིར་ཇི་ལྟར་བསྐྱངས་པའི་ཚུལ་ལ། སྤྱིར་འཕགས་ཡུལ་ལ་སོགས་པར་བསྟན་པ་བསྐྱངས་པའི་ཚུལ་དང་། བྱེ་བྲག་བསིལ་ལྡན་གྱི་ལྗོངས་སུ་ཇི་ལྟར་བསྐྱངས་པའི་ཚུལ་ལོ། །དང་པོ་ལ་མདོ་སྔགས་གཉིས་ལས། དང་པོ་ནི། བསྟན་པའི་གཏད་
[51b.6]རབས་སོགས་ལས་བརྩམས་ཏེ་བཤད་པར་བྱ་ཞིང་དེའང་ཉན་ཐོས་ཀྱི་སྡེ་སྣོད་ཕལ་ཆེ་བར་སྤྱོད་པའི་སྐབས་དང་། ཐེག་པ་ཆེན་པོ་ཕལ་ཆེ་བར་སྤྱོད་པའི་སྐབས་གཉིས་ཀྱི་སྔ་མ་ནི། འདུལ་བ་ལུང་ལས་བསྟན་པའི་གཏད་རབས་བདུན་གྱི་བར་དུ་གསལ་བར་
[51b.7]གསུངས་པ་ལྟར་ལས། བཅོམ་ལྡན་འདས་ཀྱིས་འོད་སྲུང་ཆེན་པོ་ལ་བསྟན་པ་གཏད་པ་དང་། དེས་བཀའ་བསྡུ་དང་པོ་མཛད་ནས་ཀུན་དགའ་བོ་ལ་བསྟན་པ་གཏད་པའི་ཚུལ་གོང་དུ་སྨོས་ཟིན་པ་ལྟར་དང་། དེའི་རྗེས་སུ་ཀུན་དགའ་བོས་བསྟན་པ་བསྐྱངས་པའི་ཚུལ་
[52a.1]ནི། ཀུན་དགའ་བོས་མ་སྐྱེས་དགྲ་བྱ་གག་རྐང་གི་རི་བོར་ཁྲིད་ཟིན་པ་དང་། སླར་རང་ཉིད་ཡོངས་སུ་མྱ་ངན་འདའ་བ་རྒྱལ་པོ་ལ་སྦྲན་ཅིང་། དེས་མཐོང་དུ་གཞུག་པར་ཁས་བླངས་ནས་ཇི་ཞིག་ན་མ་སྐྱེས་དགྲའི་བློན་པོ་རབ་གཏུམ་གྱི་སྤྱོད་པ་ངན་
[52a.2]པས་ཀཱ་ཤི་མཛེས་དགའ་མོ་བསད་པའི་གྲགས་པ་གཞོན་ནུ་གསེར་མདོག་ལ་བྱུང་བའི་རྐྱེན་གྱིས་དེ་རྒྱལ་པོའི་ཁབ་ཀྱི་དུར་ཁྲོད་དུ་ཁྲིམས་ཀྱིས་གསད་པར་ཉེ་བ་ན་གནས་བརྟན་གྱིས་རྫུ་འཕྲུལ་བསྟན་ཏེ་འཇིགས་པ་ལས་བསྐྱབས་ཤིང་དེ་ཉིད་དུ་གཞོན་ནུ་གསེར་མདོག་རབ་ཏུ་ཕྱུང་ནས་
[52a.3]ཆོས་བསྟན་པས་དགྲ་བཅོམ་པ་ཐོབ་ཅིང་། ཀཱ་ཤི་མཛེས་དགའ་མོ་བདེན་ཚིག་གིས་སྐྱེས་པར་གྱུར་པ་དང་། བློན་པོ་གསོད་པའི་ཁྲིམས་ལས་བཏོན་པ་གཉི་ག་རབ་ཏུ་བྱུང་ཞིང་དགྲ་བཅོམ་པར་གྱུར་པ་དང་། གཞན་ལྷ་མི་དཔག་ཏུ་མེད་པ་འབྲས་བུ་བཞི་ལ་ཅི་
[52a.4]རིགས་པར་བཀོད་དོ། །དེ་ནས་གཞོན་ནུ་གསེར་མདོག་གི་ཕ་དེད་དཔོན་ཉི་མས་ཛམྦུའི་གླིང་གི་དགེ་སློང་བྱེ་བ་ཕྲག་གསུམ་ལ་གདུགས་ཚོད་དྲུངས་པ་སོགས་རྒྱས་པར་རྟོགས་བརྗོད་ཉིད་དུ་བལྟ་བར་བྱའོ། །དེའི་ཚེ་གསེར་མདོག་ལྟ་བུའི་སྐྱིད་དེ་བའང་ཚེགས་མེད་
[52a.5]དུ་དགྲ་བཅོམ་པར་བཀོད་པས་འཕགས་པ་ཀུན་དགའ་བོ་ནི་སངས་རྒྱས་དང་མཚུངས་སོ་ཞེས་བསམ་སྟེ་མ་སྐྱེས་དགྲས་ཀུན་དགའ་བོ་སོགས་དགྲ་བཅོམ་ལྔ་སྟོང་ལོ་ལྔའི་བར་དུ་མཆོད་པ་དང་། ལྷོ་ཕྱོགས་ཀྱི་བྲམ་ཟེ་བ་ར་དྷྭ་ཛ་གནོད་པ་ཅན་དང་རུས་གཅིག་པ་
[52a.6]ཞེས་བྱ་བ་སྒྱུ་མའི་རིག་སྔགས་ལ་མཁས་པ་ཞིག་མ་ག་དྷཱར་འོངས་ནས་ཆོ་འཕྲུལ་འགྲན་པ་ན། དེས་རིན་པོ་ཆེའི་རི་དང་། སྐྱེད་མོས་ཚལ་དང་། རྫིང་བུ་མང་པོ་སྤྲུལ་པ། འཕགས་པས་གླང་པོ་ཆེ་དང་། རླུང་དང་རྡོ་རྗེའི་ཆར་པ་སོགས་སྤྲུལ་ནས་བཤིག་
[52a.7]པ་དང་། སྐུའི་བཀོད་པ་ལྔ་བརྒྱ་ཙམ་གྱིས་ཡ་མ་ཟུང་གི་ཆོ་འཕྲུལ་བསྟན་པས་བྲམ་ཟེ་དེ་སོགས་བྲམ་ཟེ་ལྔ་བརྒྱ་དང་། གཞན་སྐྱེ་བོ་བརྒྱད་ཁྲི་བདེན་པ་ལ་བཀོད་དོ། །གཞན་ཡང་འདི་སྐབས་སྟོན་པའི་ཞལ་མཐོང་བ་དང་། མ་མཐོང་བ་ཐམས་ཅད་སྟོན་
[52b.1]པ་དང་ཉན་ཐོས་ཆེན་པོ་རྣམས་མྱ་ངན་ལས་འདས་པས་སྐྱོ་ཤས་ཆེན་པོས་གདམས་ངག་ལ་འབད་པར་བྱེད་པས་ཉིན་རེ་བཞིན་ཡང་འབྲས་བུ་ཐོབ་པའི་ཚོགས་མང་དུ་འཕེལ་བར་གྱུར་ཏོ། །ཡང་དུས་གཞན་ཞིག་ན་གནས་བརྟན་ཉིད་འོད་མའི་ཚལ་གྱི་དྲི་གཙང་ཁང་གི་
[52b.2]སྒོར་འཆག་པ་ན། ཤ་ནའི་གོས་ཅན་རྒྱ་མཚོ་ཆེན་པོ་ནས་རྙེད་པ་ལེགས་པར་རྙེད་དེ་འོངས་པས་མཐོང་ནས་ཕྱག་བྱས་ཏེ་སྨྲས་པ། བདག་གིས་སངས་རྒྱས་ལ་སོགས་པའི་དགེ་སློང་གི་དགེ་འདུན་ལ་ལོ་ལྔའི་དུས་སྟོན་བགྱིད་པར་འཚལ་ན་བཅོམ་ལྡན་འདས་ད་ལྟ་གང་
[52b.3]ན་བཞུགས། གནས་བརྟན་གྱིས་སྨྲས་པ་བུ། སྟོན་པ་མཆོག་ཟུང་དང་བཅས་པ་མྱ་ངན་ལས་འདས་སོ། །དེ་ཐོས་ནས་བརྒྱལ་ཏེ་བརྒྱལ་སངས་པ་དང་རིམ་གྱིས་ཀུན་དགའ་བོ་གཙོ་བོར་གྱུར་པའི་དགེ་འདུན་རྣམས་ལ་ལོ་ལྔའི་དུས་སྟོན་བྱས་ཏེ་གནས་བརྟན་གྱི་
[52b.4]བཀའ་ལས་མཐར་རབ་ཏུ་ཕྱུང་སྟེ། དེ་བཅོམ་ལྡན་འདས་ལས་དགེ་སློང་སྡེ་གཉིས་དང་། ཀུན་དགའ་བོ་ཉིད་ཀྱིས་ཐོས་ཤིང་བཟུང་བ་ཐམས་ཅད་ཡོངས་སུ་རྫོགས་པའི་ཐོས་པ་འཛིན་པར་གྱུར་ནས། རིག་པ་གསུམ་དང་སྡེ་སྣོད་གསུམ་རྒྱས་པར་བྱས་སོ། །དེ་ནས་
[52b.5]ཇི་ཙམ་ཞིག་ན་འོད་མའི་ཚལ་དུ་དགེ་སློང་ཞིག་གིས་མདོ་སྡེ་ལོག་པར་འདོན་པ་གསན་ཅིང་དེ་ཟློག་པའི་སྐབས་སུའང་མ་གྱུར་པའི་རྐྱེན་གྱིས། རྙིང་པ་གང་དག་སྔར་འདས་ཏེ། །གསར་བུ་དེ་དང་བདག་མི་མཐུན། །བདག་ནི་གཅིག་པུ་བསམ་གཏན་ལ། །སྒོ་ང་ལས་
[52b.6]སྐྱེ་བཞིན་དུ་གནས། །བདག་གི་གྲོགས་དང་མཛའ་བོ་ཀུན། །སྔོན་དུ་འདས་ཤིང་སོང་བར་གྱུར། །ཇི་ལྟར་བསམ་གཏན་གནས་དྲན་པ། །དེ་འདྲའི་བཤེས་གཉེན་འདི་ན་མེད། །དྲི་མ་བྱང་ནས་ཞིར་སོང་འགྲོ་བའི་སྒྲོན་མ་སྟེ། །བདག་ཉིད་ཆེན་པོས་གཏི་མུག་
[52b.7]མུན་ནག་རབ་རིབ་བསལ། །དེ་དག་གིས་ནི་གདུལ་བ་ཚད་མེད་བཏུལ་གྱུར་ནས། །གཅིག་པུ་དགོན་པ་མཆོད་རྟེན་ཚལ་ཤིང་ལྷག་མ་འདྲ། །ཞེས་སོགས་སྨྲས་ཤིང་ཤ་ནའི་གོས་ཅན་ལ་བསྟན་པ་གཏད་ནས་གྲོང་ཁྱེར་བཅོམ་བརླག་གི་རི་མུ་རུནྟ་ཞེས་བྱ་བར་བཅོམ་
[53a.1]བརླག་གི་ཚོང་དཔོན་གྱི་བུ་ན་ཏ་དང་། ཕ་ཏེས་གཙུག་ལག་ཁང་བརྩིགས་ཤིང་ཡོན་བདག་བགྱིད་པར་བཅོམ་ལྡན་འདས་ཀྱིས་ལུང་བསྟན་པར་འབྱུང་ཞིང་། དེར་སྤོས་འཚང་གི་བུ་ཉེ་སྦས་ཞེས་བྱ་བ་འབྱུང་སྟེ་རབ་ཏུ་ཕྱུང་ཤིག་དང་། སྟོན་པས་ང་
[53a.2]མྱ་ངན་ལས་འདས་ནས་ལོ་བརྒྱ་ན་མཚན་མེད་པའི་སངས་རྒྱས་ཀྱིས་སངས་རྒྱས་ཀྱི་བྱ་བ་བྱེད་དོ་ཞེས་ལུང་བསྟན་ཏོ། །ཞེས་ལེགས་པར་གདམས་ནས་མྱ་ངན་ལས་འདའ་བའི་ཕྱིར་གྲུའི་བཞོན་པས་གངྒཱའི་དབུས་སུ་བྱོན་ཏོ། །ཤ་ནའི་གོས་ཅན་གྱིས་མ་སྐྱེས་དགྲ་ལ་སྦྲན་
[53a.3]ནས་དེ་འོངས་པ་ན། གངྒཱའི་ངོགས་གཉིས་སུ་མ་ག་དྷཱའི་རྒྱལ་པོ་མ་སྐྱེས་དགྲ་འཁོར་བཅས་དང་། ཡངས་པ་ཅན་གྱི་ལི་ཙྪ་བཱི་རྣམས་སྐུ་གདུང་འདོད་དེ་སོ་སོར་འཁོད་དོ། །དེའི་ཚེ་དྲང་སྲོང་ཞིག་འཁོར་ལྔ་བརྒྱ་དང་བཅས་ནས་རྫུ་འཕྲུལ་གྱིས་འོངས་པ་ཆུ་དབུས་
[53a.4]དེ་ཉིད་དུ་གླིང་སྤྲུལ་ཏེ་ཉིན་གུང་བསྙེན་པར་རྫོགས་ནས་ཐམས་ཅད་དགྲ་བཅོམ་པར་གྱུར་ཏེ་ཆུ་དབུས་པའམ་ཉི་མའི་གུང་པར་གྲགས་ཤིང་དེའི་གཙོ་བོ་ཉི་མའི་གུང་པ་ཆེན་པོ་ལ་སྤྱིར་བསྟན་པ་སྐྱོངས་ཤིག་པ་དང་། བྱེ་བྲག་ཏུ་སྟོན་པས་ལུང་བསྟན་པ་ལྟར་ཁ་ཆེའི་ཡུལ་དུ་
[53a.5]བསྟན་པ་སྤེལ་ཅིག་པར་གདམས་སོ། །དེ་ནས་མ་ག་དྷཱ་པ་དང་ཡངས་པ་ཅན་པ་སོ་སོའི་འདོད་པ་བཞིན་དུ་གནས་བརྟན་མཁར་འཕགས་ནས་ཆོ་འཕྲུལ་བསྟན་ཅིང་མྱ་ངན་ལས་འདས་པའི་སྐུ་གདུང་ཤཱ་རི་རམ་ཕྱེད་ཕྱེད་དུ་གྱུར་ནས། སོ་སོར་བབས་ཏེ་སོ་སོའི་ཡུལ་དུ་མཆོད་
[53a.6]རྟེན་བརྩིགས་ནས་མཆོད་དོ། །དེ་ནས་འཕགས་པ་ཤ་ནའི་གོས་ཅན་ལ་མ་ག་དྷ་པ་རྣམས་ཀྱིས་གནོད་སྦྱིན་གདུག་པ་ཞིག་གིས་གཙེས་པས་དེ་འདུལ་བར་གསོལ་པ་བཏབ་པ་དང་། དེ་གནས་པའི་ཕུག་ཏུ་བྱོན་ནས་མེའི་ཆོ་འཕྲུལ་གྱིས་བཏུལ་ནས་དད་པར་མཛད།
[53a.7]དེ་ནས་ཉི་མ་གུང་པས་སྟོན་པའི་དགོངས་པ་བསྒྲུབ་པའི་ཕྱིར་ཁ་ཆེའི་ཡུལ་དུ་བྱོན་ནས་ཏིང་ངེ་འཛིན་གྱིས་ཀླུ་མི་སྲུན་པ་ཨཽ་དུཤྩ་ལ་སོགས་པ་རྣམས་ཟིལ་གྱིས་མནན་པས་དེ་དག་ཁྲོས་ནས་རླུང་དམར་དང་རྫི་ཆར་དྲག་པོ་ཕབས་ཀྱང་ཆོས་གོས་ཀྱི་གྲྭའང་སྐྱོད་པར་མ་ནུས་
[53b.1]ཤིང་། མཚོན་ཆར་ཕབ་ཀྱང་མེ་ཏོག་དང་ཀུ་སུ་མའི་ཆར་དུ་གྱུར་པས་གླགས་མ་རྙེད་ནས་སྨྲས་པ། འཕགས་པ་བཀའ་ཅི་སྩལ། གནས་འདི་བྱིན་ཅིག །འདི་སྟོན་པས་ངའི་གནས་སུ་ལུང་བསྟན་ཏོ། །གནས་ཅི་ཙམ་ཞིག་དབུལ་བར་བགྱི། སྐྱིལ་ཀྲུང་
[53b.2]བཅས་པའི་ཁྱོན་ཙམ་མོ། །དེ་ལྟ་ན་འབུལ་ལོ། །སྐྱིལ་ཀྲུང་གིས་ལུང་པ་དགུའི་མདོ་མནན་པས། དེ་རྣམས་ན་རེ། གནས་བརྟན་གྱི་འཁོར་ཇི་ཙམ་ཞིག །དགྲ་བཅོམ་པ་ལྔ་བརྒྱའོ། །གལ་ཏེ་དགྲ་བཅོམ་པ་གཅིག་མ་ཚང་ཡང་སླར་དབྲོག་གོ། །དེ་
[53b.3]ལྟ་མོད་ཀྱི་གང་ན་སྦྱིན་པོ་ཡོད་པ་དེ་ན་ལེན་པོའང་ཡོད་པས་ངས་ཁྱིམ་བདག་ཀྱང་འཇུག་པར་བྱའོ། །དེ་བཞིན་དུ་གྱུར་ཅིག །དེ་ནས་དེར་གནས་བརྟན་གྱིས་གྲོང་ལ་སོགས་པ་ཉེ་བར་བཀོད་ནས་སྤོས་ངད་ལྡང་ལས་གུར་གུམ་བླངས་ཏེ་སངས་རྒྱས་ཀྱི་བསྟན་པ་ཇི་སྲིད་
[53b.4]གནས་ཀྱི་བར་དུ་སྐྱེ་བར་བྱིན་གྱིས་བརླབས་སོ། །དེའི་ཚེ་གནས་དེར་གྲོང་ཁྱེར་ཆེན་པོ་དགུ། རི་འོར་པ་མང་པོ། རྒྱལ་པོའི་ཕོ་བྲང་གཅིག །གཙུག་ལག་ཁང་བཅུ་གཉིས། གནས་བརྟན་ཉིད་འཁོར་ཆུ་དབུས་པ་ལྔ་བརྒྱ་དང་བཅས་པ་སོགས་དགེ་འདུན་
[53b.5]ཤིན་ཏུ་མང་པོ་རྣམས་ཡོད་ཅིང་། བསྟན་པ་ཤིན་ཏུ་གསལ་བར་མཛད་ནས་དེ་ཉིད་དུ་མྱ་ངན་ལས་འདས་སོ། །དེ་ནས་ཤ་ནའི་གོས་ཅན་གྱིས་རྒྱལ་པོ་གཞུ་བཟང་གི་འཁོར་དང་ཞོ་ཤས་འཚོ་བ་ཉིས་སྟོང་ཞིག་རབ་ཏུ་ཕྱུང་ནས་དགྲ་བཅོམ་པར་གྱུར་པ་དང་།
[53b.6]གཞན་ཡང་ཆོས་བསྟན་པས་སྔ་ཕྱིར་དགྲ་བཅོམ་པ་ཁྲི་དང་བདེན་པ་མཐོང་བ་འབུམ་ཙམ་བྱུང་བར་གྲགས་ཤིང་། སྤོས་འཚོང་སྦས་པའི་བུ་ཉེ་སྦས་རབ་ཏུ་ཕྱུང་ནས་གཉི་གའི་ཆ་ལས་རྣམ་པར་གྲོལ་བའི་དགྲ་བཅོམ་པར་གྱུར་པ་ལ་བསྟན་པ་གཏད་ནས་ཡུལ་ཙམ་
[53b.7]པར་མྱ་ངན་ལས་འདས་སོ། །འཕགས་པ་ཉེ་སྦས་ཀྱིས་གངྒཱའི་བྱང་ཏི་ར་ཧུ་ཏིའི་ནུབ་ལུས་འཕགས་ཞེས་བྱ་བའི་ཡུལ་དུ་གཤེགས་ནས་ཁྱིམ་བདག་བ་སུ་སཱ་རས་བཞེངས་པའི་གཙུག་ལག་ཁང་དུ་དབྱར་གནས་མཛད་དེ། དེའི་ཚེ་ཁོ་ནར་ཆོས་བསྟན་པས་
[54a.1]དགྲ་བཅོམ་སྟོང་ཕྲག་ཚང་བ་བྱུང་། གནྡྷ་ར་ཞེས་བྱ་བའི་རི་ལ་བྱོན་ནས་ཆོས་བསྟན་པས་སྐྱེ་བོ་མང་པོ་བདེན་པ་ལ་བཀོད། མ་ཐུ་རའི་གྱད་ཀྱི་གཙོ་བོ་ན་ཊ་དང་བྷ་ཊ་གཉིས་ཀྱིས་མགོ་བོའི་རི་ལ་གར་མཁན་དཔའ་བོའི་གཙུག་ལག་ཁང་ཡོད་པ་
[54a.2]ཕུལ་ནས་བཞུགས་སུ་གསོལ་ཏེ་ཡོན་སྟོབ་པར་བྱེད་ཅིང་དེར་ཡང་སྐྱེ་བོ་མང་པོ་ཆོས་ལ་བཙུད་དོ། །ཡང་དེར་སྐྱེ་བོ་འབུམ་ཕྲག་མང་པོ་ལ་ཆོས་བསྟན་པས་དེ་དག་ཆོས་ལ་ལྷག་པར་འདུན་ཞིང་མོས་པའི་སྐབས་ཤིག་ན་བདུད་སྡིག་ཅན་གྱིས་གྲོང་ཁྱེར་དུ་ཉིན་དང་པོ་
[54a.3]ལ་འབྲས། གཉིས་པ་ལ་གོས། གསུམ་པ་ལ་དངུལ། བཞི་བ་ལ་གསེར། ལྔ་བ་ལ་རིན་པོ་ཆེ་སྣ་བདུན་རྣམས་ཀྱི་ཆར་ཕབ་ཅིང་། དྲུག་པ་ལ་བདུད་རང་ཉིད་ལྷའི་གར་མཁན་གྱི་ཚོགས་སུ་སྤྲུལ་ནས་གྲོང་ཁྱེར་དུ་རྩེ་བ་ན་ཆོས་ཉན་པ་ཐམས་ཅད་རིམ་
[54a.4]གྱིས་དེར་སོང་ནས་མཐར་ཆོས་ཉན་པ་གཅིག་ཀྱང་མེད་དོ། །དེ་ནས་ཉེ་སྦས་ཀྱང་དེར་བྱོན་ཏེ་གར་མཁན་དུ་བརྫུས་པའི་སྡིག་ཅན་འཁོར་བཅས་ལ་མེ་ཏོག་གི་ཕྲེང་བའི་ཟོལ་གྱིས་མགོ་བོར་སྦྲུལ་གྱི་རོ། མགུལ་དུ་མི་དང་ཁྱིའི་རོ་སྟེ་རོ་གསུམ་བཏགས་ནས་རྫུ་འཕྲུལ་
[54a.5]གྱིས་ཐམས་ཅད་རྒས་འཁོགས་པ། མི་སྡུག་པ༑ དྲི་ང་བ་དེ་ལྟ་བུར་བྱིན་གྱིས་བརླབས་སོ། །དེ་ནས་སྡིག་ཅན་འཁོར་བཅས་འཇིགས་ཤིང་མྱ་ངན་གྱིས་ནོན་ཏེ་ཉེ་དབང་དང་། དབང་པོ་དང་། ཚངས་པ་ལ་སོགས་པ་ལ་སྐྱབས་སུ་གསོལ་ཡང་དེ་དག་གིས་དེ་
[54a.6]མེད་པར་བྱེད་མ་ནུས་ནས་སླར་ཉེ་སྦས་ཉིད་ལ་སྐྱབས་སུ་སོང་ངོ༌། །དེ་ནས་འཕགས་པས་སྡིག་ཅན་འཁོར་བཞི་ལ་སླན་ཆད་མི་འཚེ་བར་ཁས་ལེན་དུ་བཅུག་ནས་དེའི་ལུས་རྣལ་དུ་གནས་པར་མཛད་དོ། །དེའི་ཚེ་ཉེ་སྦས་ཀྱིས་ཆོས་ཀྱི་གཏམ་ཡང་དག་པར་བསྟན་པས་
[54a.7]བདག་གིས་སངས་རྒྱས་ཀྱི་ཆོས་ཀྱི་སྐུ་ནི་མཐོང་ན་གཟུགས་ཀྱི་སྐུ་མ་མཐོང་བས་སྟོན་ཅིག་ཅེས་སྡིག་ཅན་ལ་སངས་རྒྱས་ཀྱི་སྐུ་ཇི་ལྟ་བར་སྤྲུལ་དུ་བཅུག་པ་ན། དགྲ་བཅོམ་པས་བདེ་བར་གཤེགས་པའི་སྐུ་ལ་མི་བཟོད་པའི་དད་པའི་ཤུགས་ཀྱིས་ཕྱག་བྱེད་པར་བརྩམས་
[54b.1]པ་དང་། དེས་མ་བཟོད་དེ་བརྒྱལ་ནས་མི་སྣང་བར་གྱུར་ཏོ། །དེ་ནས་སླར་སྔར་གྱི་ཆོས་ཉན་པ་རྣམས་དང་གསར་དུ་དགེ་བའི་རྩ་བས་བསྐུལ་ཏེ་འོངས་པ་རྣམས་ལ་ཉི་མ་དྲུག་པ་དེ་ཉིད་ཀྱི་མཚན་མོ་ཐོག་ཐག་ཏུ་ཆོས་བསྟན་པས། ཉི་མ་བདུན་པ་ལ་སྐྱེ་བོ་འབུམ་ཕྲག་བཅོ་
[54b.2]བརྒྱད་ཀྱིས་བདེན་པ་མཐོང་ནས་རིམ་གྱིས་ཐམས་ཅད་རབ་ཏུ་བྱུང་སྡེ་དགྲ་བཅོམ་པ་འགྱུར་ཏེ། །དེ་ལ་སོགས་པ་མཚན་མེད་པའི་སངས་རྒྱས་སུ་བསྟན་པ་ཉེ་སྦས་ཀྱིས་གར་མཁན་དཔའ་བོའི་གཙུག་ལག་ཁང་གི་ཕྱོགས་ཞིག་ན་ཕུག་སྲིད་དུ་ཁྲུ་བཅོ་བརྒྱད་པ། རྒྱར་ཁྲུ་
[54b.3]བཅུ་གཉིས་པ། དཔངས་སུ་ཁྲུ་དྲུག་པ་ཞིག་ཡོད་པ་དེར་ཉིད་ཀྱིས་གདམས་ངག་བསྟན་ནས་དགྲ་བཅོམ་ཐོབ་པ་རེ་རེས་ཤིང་བུ་སོར་བཞི་བ་རེ་རེ་འཕངས་པས་ཕུག་དེ་ཁེངས་པའི་ཚེ། གྲོང་ཁྱེར་འཕགས་རྒྱལ་གྱི་བྲམ་ཟེ་ཆེན་པོ་ཞིག་གི་བུ་དྷཱི་ཏི་ཀ་ཞེས་བྱ་བ། རིག་བྱེད་
[54b.4]ཀྱི་མཐར་སོན་པ་སློབ་མ་བྲམ་ཟེ་ལྔ་བརྒྱ་ཡོད་པ་ཞིག་གིས་ཕྱོགས་ཀུན་ཏུ་མུ་སྟེགས་བྱེད་དང་བྲམ་ཟེ་གྲགས་པ་ཅན་རྣམས་ལ་ཚངས་སྤྱོད་ཀྱི་ལམ་དྲིས་ཀྱང་མ་མགུ་ནས། མ་ཐུ་རར་ཉིད་ཀྱི་དྲུང་དུ་འོངས་ཏེ་སྔར་བཞིན་དྲིས་པས་ཡིད་ཆེས་ཏེ། དེར་རབ་ཏུ་བྱུང་ཞིང་བསྙེན་
[54b.5]པར་རྫོགས་ནས་ཞག་བདུན་གྱིས་དགྲ་བཅོམ་པ་རྣམ་ཐར་བརྒྱད་ལྡན་དུ་གྱུར་པ་ལ་བསྟན་པ་གཏད་ནས་མྱ་ངན་ལས་འདས་དེ་སྐུ་གདུང་ཡང་ཤིང་བུ་དེ་རྣམས་ཀྱིས་བཞུས་པས་རིང་བསྲེལ་གཅིག་ཏུ་གྱུར་པ་ལྷ་རྣམས་ཀྱིས་མཆོད་པའི་ཕྱིར་ཁྱེར་ཏོ། །དེས་ན་བཅོམ་ལྡན་འདས་
[54b.6]མྱ་ངན་ལས་འདས་པའི་འོག་ཏུ་འདི་ལས་འགྲོ་དོན་ཆེ་བ་མ་བྱུང་བར་གྲགས་སོ། །འཕགས་པ་འདིའི་ཚེ་རྒྱ་གར་ཤར་ཕྱོགས་ཀྱི་དགྲ་བཅོམ་པ་བླ་མ་ལ་རྒྱལ་པོ་དབང་ཆེན་ལྷས་བྱ་གག་གི་ཀུན་དགའ་ར་བ་བཞེངས་ནས་ཕུལ་ཏེ་དེར་བཞུགས་ཤིང་བསྟན་པ་གསལ་བར་
[54b.7]མཛད་པ་དང་། ཇི་ཙམ་ན་མ་ག་དྷཱའི་བྲམ་ཟེ་མོ་ཛཿཔའི་བུ་རྒྱལ་བ། ལེགས་རྒྱལ། དགེ་བ་ཞེས་པ་གསུམ་གྱི་དང་པོ་ཁྱབ་འཇུག །གཉིས་པ་སེར་སྐྱ། གསུམ་པ་སངས་རྒྱས་ལ་མོས་ནས་ཉིན་རེ་བཞིན་བཟང་ངན་རྩོད་པ་ལ། མས་བསྟན་ནས་
[55a.1]དགྲ་བཅོམ་པ་བླ་མའི་དྲུང་དུ་གསུམ་གས་འདྲིར་སོང་བ་ལ། དེས་མུ་སྟེགས་བྱེད་དང་ལྷ་ཆེན་པོ་སོགས་ཀྱི་ཚུལ་ལ་སྨད་ཅིང་བདེ་བར་གཤེགས་པའི་ཡོན་ཏན་བརྗོད་པ། ཇི་སྐད་དུ། གང་ཞིག་ཞེ་སྡང་གིས་ཁོང་འཁྲུགས་ཏེ་དམོད་པ་བྱེད་
[55a.2]པ་ལ་ནི་དཀའ་ཐུབ་ཅི་ཞིག་ཡོད་དེ། ཇི་ལྟར་འདི་ན་མཁའ་འགྲོ་མ་དང་སྲིན་པོ་གདུག་པ་གཏུམ་པ་འཆོལ་བར་སྤྱོད་པ། ཚུལ་ལས་ཉམས་པ་དེ་དག་ཀྱང་དམོད་པ་བྱེད་དོ། །གང་ཞིག་འདི་ན་གསོད་པ་དང་། འཆིང་བ་དང་། རྡེག་པ་ལ་སོགས་པའི་རྩོམ་
[55a.3]པ་མེད་པར་ཡང་འགྲོ་བ་འདི་དག་ནི་གདོན་མི་ཟ་བར་འཆི་བར་འགྱུར་བ་ཡིན་ན། དེ་དག་གསོད་པའི་སྦྱོར་བ་ཀུན་ཏུ་རྩོམ་པ་ནི་ཤིན་ཏུ་བླུན་པ་སྟེ། མི་མཁས་པ་འགའ་ཞིག་ཉི་མ་ནུབ་པར་གྱུར་པ་ལ་དབྱུག་པས་བརྡ་བྱས་ནས་བདག་ཉིད་ང་རྒྱལ་བས་བསྙེམས་
[55a.4]པ་བཞིན་ནོ། །གཞན་ཡང་བྲམ་ཟེ་དག་ཉོན་ཅིག །སངས་རྒྱས་འཇིག་རྟེན་ཕན་བརྩོན་པའི། །ཆོས་ནི་འཚེ་བ་མེད་པ་ཡིན། །དེ་ལ་ཡིད་བརྟན་དེའི་རྗེས་ཞུགས། །དེ་ཡང་འཚེ་བ་མེད་པར་བརྗོད། །ཡུན་རིང་ཕན་པའི་བྱ་བ་མཛད། །དེ་ལས་བྱང་ཆུབ་ཐོབ་
[55a.5]གྱུར་ནས། །རྟག་ཏུ་འཚེ་མེད་ཕན་པར་སྤྱོད། །འཁོར་ལའང་ཕན་པ་བརྩོན་པར་འདོམས། །བྲམ་ཟེའམ་ཡང་ན་དགེ་སྦྱོང་ནི། །གཞན་གྱིས་ཐོས་པའི་ཚིག་ལ་ཡང་། །འདིས་གནོད་བྱས་པའི་གཏམ་ཡོད་མིན། །ཀུན་ཏུ་དགེ་བའི་ངང་ཚུལ་འདིའོ། །དྲག་པོ་
[55a.6]དུར་ཁྲོད་གནས་ལ་དགའ། །མི་ཤ་ཚིལ་བུ་རྐང་དག་ཟ། །གཏུམ་ཞིང་སྲོག་ཆགས་གསོད་དགའ་བར། །ལྷ་ཆེན་ཉིད་ཀྱི་ཆོས་ལས་བཤད། །གཞུང་ཡང་འཚེ་བས་དྲི་མར་བྱས། །དེ་ལ་རབ་ཡིད་རྟོན་པ་ཡང་། །རྟག་ཏུ་འཚེ་བ་ཡོངས་སྤྱོད་པ། །འདི་ལ་
[55a.7]མཁས་པ་སུ་ཞིག་མགུ། །ཞེས་སོགས་རྒྱུན་ཆགས་བརྒྱའི་བར་དུ་བསྟན་པས་དད་དེ། བྲམ་ཟེ་དང་པོ་རྒྱལ་བས་ཝཱ་རཱ་ཎ་སཱི་ཆོས་འཁོར་གྱི་གནས་སུ་སྐུ་གཟུགས་ཀྱི་ལྷ་ཁང་བཞེངས། དེ་བཞིན་དུ་གཉིས་པས་འོད་མའི་ཚལ་དུ། གསུམ་པས་རྡོ་རྗེ་གདན་དུ་གནྡྷོ་
[55b.1]ལ་བྱང་ཆུབ་ཆེན་པོ་དང་བཅས་པ་བཞེངས་ཏེ་དེའང་ལྷས་གྲོགས་བྱས་པར་གྲགས་ཤིང་། ལྷག་པར་ཕྱི་མ་ནི་ཞག་བདུན་དུ་སྒོ་བཅད་ནས་བཟོ་བའི་རྩིས་ལ་ཞག་དྲུག་ཐེམ་ནས་མས་འོངས་ཏེ་སྒོ་བརྡུངས་ནས་ང་དོ་ནུབ་འཆི་བས། སངས་རྒྱས་ཀྱི་ཞལ་མཐོང་བ་ཁོ་མོ་ཁོ་ནར་
[55b.2]ཟད་པས་ཕྱིས་གཞན་གྱིས་སྐུ་གཟུགས་འདི་སྟོན་པ་འདྲའམ་མི་འདྲ་མི་ཤེས་པས་སྒོ་ཕྱེ་ཞིག་ཅེས་ཟེར་བས་སྒོ་ཕྱེས་པ་དང་ལྷ་བཟོ་བའང་མི་སྣང་ངོ་། །དེ་ནས་རྒན་མོས་ལེགས་པར་བལྟས་ཏེ་ཁྱད་པར་གསུམ་མ་གཏོགས་པ་སངས་རྒྱས་དང་འདྲའོ་ཞེས་སྨྲས་སོ། །ཞག་
[55b.3]བདུན་མ་ཚང་བའི་རྒྱུས་བ་སྤུ་དང་ན་བཟའ་སྐུ་ལ་མ་རེག་པ་གཉིས་མ་གྲུབ་པར་བཤད་དོ། །ཕྱིས་མི་རིང་བར་བྲམ་ཟེ་དགེ་བ་ཉིད་ཀྱིས་ཨསྨ་གནྡྷ་རྙེད་པས་སྤྱན་འབྲས་བྱས་ཤིང་ཨིནྡྲ་ནཱི་ལ་རྙེད་པ་མཛོད་སྤུར་བཅུག་པས་རྒྱལ་པོ་ཤིང་རྟ་ཅན་ཡན་ཆོད་དུ་མར་མེ་སོགས་ལ་མ་
[55b.4]ལྟོས་པར་དེས་གསལ་བར་བཤད་དོ། །བྲམ་ཟེ་སྤུན་གསུམ་པོ་དེས་སོ་སོའི་གཙུག་ལག་ཁང་དུ་དགེ་སློང་ལྔ་བརྒྱ་ལྔ་བརྒྱ་ལ་འཚོ་བ་རྟག་ཏུ་སྦྱོར་ཞིང་ཕྱོགས་བཞིའི་དགེ་འདུན་ཐམས་ཅད་ལའང་མཆོད་དོ། །དེའི་རྗེས་སུ་འཕགས་པ་དྷཱི་ཏི་ཀས་ཐོ་གར་གྱི་ཡུལ་མི་རྒྱལ་པོ་
[55b.5]དང་བཅས་པ་ནམ་མཁའ་ལ་མཆོད་པ་ཙམ་མ་གཏོགས་ཆོས་ལུགས་ཀྱི་རྣམ་གཞག་ཅིའང་མི་ཤེས་པ་དག་ཅིག་ཡོད་པ་དེས་སྐབས་ཤིག་འབྲུ་དང་གོས་སོགས་ཀྱི་ནོར་མང་པོ་མེ་ལ་བསྲེགས་ནས་ནམ་མཁའ་ལ་མཆོད་པའི་ཚེ་དགྲ་བཅོམ་ལྔ་བརྒྱ་དང་ལྷན་དུ་དེའི་ཐད་ཀྱི་ནམ་
[55b.6]མཁའ་ལས་བྱོན་ཏེ་བཀད་སར་བཞུགས་སོ། །དེ་ནས་དེ་དག་གིས་གནམ་གྱི་ལྷ་ཡིན་པར་སེམས་ནས་མཆོད་པ་ལ་ཆོས་བསྟན་པས་དགྲ་བཅོམ་པ་སྟོང་དང་བདེན་པ་མཐོང་བ་མང་པོ་སོགས་བྱུང་སྟེ། ཡུལ་དེར་རྒྱལ་པོ་མི་ན་ར་དང་དེའི་བུ་ཨི་མ་ཤྩ་གཉིས་ཁོ་ནའི་ཚེ་
[55b.7]གཙུག་ལག་ཁང་ལྔ་བཅུ་དང་དགེ་འདུན་གྲངས་མེད་པ་འཕེལ་ལོ། །ཡང་ཤར་ཕྱོགས་ཀཱ་མ་རཱུ་པའི་བྲམ་ཟེ་སིདྷ་ཞེས་བྱ་བའི་ལོངས་སྤྱོད་ཆེན་པོ་ཞིག་འཁོར་སྟོང་ཕྲག་མང་པོ་དང་བཅས་པས་ཉི་མ་ལ་མཆོད་པའི་ཚེ་ཉི་མའི་དཀྱིལ་འཁོར་གྱི་དབུས་ནས་བྱོན་ཏེ་དེ་དག་གི་མདུན་
[56a.1]དུ་བཞུགས་པས་ཉི་མར་ཤེས་ཏེ་མཆོད་ཅིང་བཏུད་དོ། །དེ་ནས་དེ་དག་ལ་ཆོས་བསྟན་པས་དད་པར་གྱུར་ཏེ་སླར་འཕགས་པ་ཉིད་དུ་སྣང་བར་མཛད་ནས་ཆོས་བསྟན་པས་བདེན་པ་མཐོང་ངོ༌། །བྲམ་ཟེ་དེས་མཆོད་རྟེན་ཆེན་པོའི་གཙུག་ལག་ཁང་
[56a.2]བཞེངས་ནས་དགེ་འདུན་གྱི་དུས་སྟོན་བཙུགས་པ་སོགས་ཡུལ་དེར་བསྟན་པ་ཤིན་ཏུ་རྒྱས་སོ། །ཡང་མལླ་བར་བྲམ་ཟེ་དྲེགས་མེད་ཅེས་བྱ་བས་ཅོད་པན་མ་བཅིངས་པར་རྒྱལ་སྲིད་བྱེད་པའི་ཚེ། དེས་ཉིན་རེ་བཞིན་ར་སྐྱེས་སྟོང་སྟོང་བསད་ནས། ཨ་ཛ་མེ་
[56a.3]དྷའི་མཆོད་སྦྱིན་བྱེད་པ་ལས་སྐབས་ཤིག་ན་གོ་མེ་དྷའི་མཆོད་སྦྱིན་བྱེད་པར་འདོད་ནས་དེ་ལྟར་རྩོམ་པ་ན། དེར་འཕགས་པ་བྱོན་ཏེ་རྫུ་འཕྲུལ་གྱིས་ཧོམ་གྱི་ཐབ་ཏུ་མེ་སྦར་བ་དང་བ་ལང་གསོད་པ་སོགས་མི་ནུས་པར་བྱིན་གྱིས་བརླབས་སོ། །དེར་མཆོད་སྦྱིན་
[56a.4]བྱེད་པའི་སློབ་དཔོན་བྷྲྀ་གུ་རཀྵ་པ་སོགས་ཀྱིས་དགེ་སྦྱོང་དེའི་མཐུར་ཤེས་ཏེ་རྡོ་དབྱུག་དང་ཐལ་བ་སོགས་ཀྱིས་བསྣུན་ཀྱང་མེ་ཏོག་གི་ཆར་སོགས་སུ་གྱུར་ཏོ། །དེ་ནས་བྲམ་ཟེ་དྲེགས་མེད་ལ་སོགས་པ་དེ་དག་དད་དེ་ཞབས་ལ་བཏུད་པ་དང་། ཆོས་བསྟན་པས་སྐྱབས་སུ་
[56a.5]འགྲོ་བ་དང་བསླབ་པའི་གནས་ཁས་བླངས་ཏེ་གདངས་ཅན་གྱི་ཀུན་དགའ་ར་བའི་ཤུལ་དུ་གཙུག་ལག་ཁང་བརྩིགས་པ་དེར་འཕགས་པ་བཞུགས་ནས་ཡུན་རིང་པོར་སྟོན་པའི་བསྟན་པ་གསལ་བར་མཛད་དོ། །ཁྱད་པར་ཤར་ཕྱོགས་ཨངྒའི་ཡུལ་གྱི་ཁྱིམ་བདག་རང་གི་ཁྱིམ་
[56a.6]དུ་ལྗོན་ཤིང་ཡོད་པ་ལས་འབྲས་བུ་རིན་པོ་ཆེར་ལྷུང་བ་དེ་ལྟ་བུའི་བསོད་ནམས་ཀྱི་མཐུ་ཅན་ཞིག་བྱུང་བའི་བུ་ལྷ་ཀྲྀཥྞ་བྱིན་པས་མིང་ཡང་ཀྲྀཥཱ་སྟེ་ནག་པོར་གྲགས་པ་ཞིག་ཡོད་པ་རྒྱ་མཚོ་ཆེན་པོར་ལན་བདུན་ཞུགས་པའི་རྗེས་མའི་རེས་ལ་སྲིན་མོའི་རིགས་ཁྲུང་ཁྲུང་གཞོན་ནུ་ཞེས་
[56a.7]བྱ་བས་ཟིན་ཏེ་འཇིགས་པ་དེ་ལས་དྷཱི་ཏི་ཀའི་ཆོ་འཕྲུལ་གྱིས་བསྐྱབས་པས་ཚོང་པ་རྣམས་ཛམྦུའི་གླིང་དུ་ཕྱིན་པའི་ཚེ་ཚོང་དཔོན་ནག་པོས་ཕྱོགས་བཞིའི་དགེ་འདུན་ལ་ལོ་གསུམ་དུ་དུས་སྟོན་ཆེན་པོ་བྱས་ནས་མཐར་རབ་ཏུ་བྱུང་ཞིང་དྷཱི་ཏི་ཀ་ལས་བསྙེན་པར་རྫོགས་ཏེ་དགྲ་བཅོམ་
[56b.1]པ་ཐོབ་བོ། །དེ་ནས་འཕགས་པ་དྷཱི་ཏི་ཀ་ལོ་མང་ཙམ་ཞིག་ཏུ་བསྐྲུན་གྱིས་ཐེབས་ཏེ་མལླ་བའི་ཡུལ་གྱི་བྱེ་བྲག་ཀཽ་ཤཱམཱི་ཁོ་ནར་བཞུགས་ནས་སློབ་མ་རྣམས་ལ་གདམས་ངག་འབོག་པ་ན། ཡངས་པ་ཅན་པའི་དགེ་སློང་རྣམས་གནས་བརྟན་ནད་ཀྱིས་ཐེབས་པ་ལས་
[56b.2]ཡང་དག་པའི་གདམས་ངག་ཇི་ཞིག་འཐོབ་ཅེས་དེའི་དྲུང་དུ་མི་འགྲོ་བའི་རྒྱུས་མདོ་སྡེ་ལ་མི་འཇུག །འདུལ་བ་ལ་མི་སྣང་། ཆོས་ཉིད་དང་འགལ་བའི་མི་རུང་བའི་གཞི་བཅུ་སྤྱོད་པར་གྱུར་ཏེ། དེའང་ཨ་ལ་ལའི་རུང་བ། རྗེས་སུ་ཡི་རང་བའི་རུང་བ། རང་གི་ལག་གིས་
[56b.3]ས་རྐོ་བ་དང་རྐོར་འཇུག་པ་ཀུན་ཏུ་སྤྱོད་པས་རུང་བར་བྱེད་པ། འཚོ་བའི་བར་དུ་བཅང་བའི་ཚྭ་དུས་རུང་དང་བསྲེས་ནས་སྤྱོད་པས་རུང་བ། འདུས་ཤིང་ཟ་བ་ལམ་གྱིས་རུང་བར་བྱེད་པ། ལྷག་པོར་མ་བྱས་པའི་བཟའ་བཅའ་སོར་མོ་གཉིས་ཀྱིས་རུང་བར་བྱེད་པ་སྲིན་བུ་པདྨ་
[56b.4]བཞིན་ཆང་གཞིབས་ཏེ་བཏུང་བ་ནད་པས་རུང་བར་བྱེད་པ། ཞོ་བྲེ་གང་ལ་འོ་མ་བྲེ་གང་བསྲེས་པས་དུས་མིན་དུ་རུང་བར་བྱེད་པ། གདིང་བ་གསར་པ་ལ་རྙིང་པས་མ་གླན་པར་ལོངས་སྤྱོད་པའི་རུང་བ། དྲི་དང་ཕྲེང་བས་བརྒྱན་པའི་ལྷུང་བཟེད་དུ་གསེར་དངུལ་སོགས་
[56b.5]རིན་པོ་ཆེ་བླངས་ནས་རུང་བར་སྤྱོད་པ་རྣམས་སོ། །དེའི་ཚེ་གྲོང་ཁྱེར་ནོར་ཅན་ན་དགྲ་བཅོམ་པ་གྲགས་པ་ཞེས་བྱ་བ་རྣམ་ཐར་བརྒྱད་ལྡན་ཞིག་ཡོད་པ་འཁོར་ལྔ་བརྒྱ་དང་བཅས་ནས་ཡངས་པ་ཅན་དུ་འོངས་པ་དང་། ཡངས་པ་ཅན་པའི་དགེ་འདུན་རྣམས་ཀྱིས་རྙེད་པ་འགོད་
[56b.6]པར་བྱེད་པ་ལ་བརྟགས་པ་ན་མི་རུང་བའི་གཞི་བཅུ་སྤྱོད་པར་མཐོང་ནས། སྟོན་པའི་བསྟན་པ་གནས་པར་བྱ་བའི་ཕྱིར། དེ་ཉིད་དུ་འཕགས་པ་ཀུན་དགའ་བོ་དང་ལྷན་ཅིག་གནས་པའི་དགྲ་བཅོམ་པ་རྣམ་ཐར་བརྒྱད་ལྡན་གནས་བརྟན་ཐམས་ཅད་འདོད་ཅེས་བྱ་བའི་
[56b.7]དྲུང་དུ་སོང་ནས་རྒྱུ་མཚན་བསྙད་པས། དེས་ཀྱང་གནས་འདི་ལྟ་བུ་ཁྱོད་ཀྱིས་བཏང་སྙོམས་སུ་བོར་དུ་མི་རུང་གིས་ཕྱོགས་ཚོལ་ཅིག་དང་ངས་ཀྱང་གྲོགས་བྱའོ་ཞེས་སྨྲས་སོ། །གྲགས་པས་ཀྱང་ཡུལ་ནོར་ཅན་དུ་གནས་བརྟན་གཡོ་ལྡན། གྲོང་ཁྱེར་སཾ་ཀཱ་ཤ་ན་
[57a.1]གནས་བརྟན་ནོར་ཅན། དམར་བུ་ཅན་ན་ཡིད་དགའ། སྲུག་ན་ན་མང་པོ་པ། མ་ཧེ་གདན་ན་ཡང་དག་སྐྱེས། ལྷན་ཅིག་སྐྱེས་ན་ནམ་གྲུ་རྣམས་ལ་གཞི་བཅུ་བརྗོད་ཅིང་དེ་དག་གིས་ཀྱང་ཕྱོགས་བྱ་བར་ཁས་བླངས་སོ། །ནམ་གྲུས་གྲགས་པ་
[57a.2]ལམ་གྱིས་དུབ་པར་ཤེས་ཏེ་ཕྱོགས་ལྷག་མ་རྣམས་བཙལ་ཏོ། །དེའི་ཚེ་ཡངས་པ་ཅན་པའི་དགེ་སློང་རྣམས་གྲགས་པའི་འཁོར་རྣམས་ཀྱི་ཐད་དུ་ཕྱིན་ཏེ། ཁྱེད་དག་གི་མཁན་པོ་གར་སོང་། ཕྱོགས་ཚོལ་དུ་སོང་ངོ༌། །ཅིའི་ཕྱིར། ཁྱེད་རྣམས་གནས་ནས་
[57a.3]དབྱུང་བའི་ཕྱིར་རོ། །ངེད་ཀྱིས་ཅི་ཞིག་བྱས། མི་རུང་པའི་གཞི་བཅུ་སྤྱད་དོ། །དེ་མི་ལེགས་ཞིག་བྱེད་དེ་སྟོན་པའི་བསྟན་པ་ལ་དེ་དག་གིས་འཚོ་བར་རུང་ན་ངེད་རྣམས་ཅིའི་ཕྱིར་ཐོབ་ཙམ། བཅོམ་ལྡན་འདས་ཀྱི་བསྟན་པ་ལོ་སྟོང་དུ་གནས་པར་འགྱུར་རོ་
[57a.4]ཞེས་ཐོས་ན། ཁྱེད་དག་གིས་ནི་མ་འོངས་པའི་བསྟན་པ་ཉིད་ཀྱང་མི་སྣང་བར་བྱེད་པ་ལ་ཞུགས་ཀྱིས། བསྟན་པ་གནས་པར་བྱ་བའི་ཕྱིར་ཁྱེད་རྣམས་ངེས་པར་གནས་ནས་དབྱུང་ངོ་། །དེ་ཐོས་ནས་སྐྲག་སྟེ་གཅིག་གིས་གཅིག་ལ་བགྲོ་ཞིང་། ལ་ལས་
[57a.5]ཕྱོགས་གཞན་དུ་བྲོས་སོ། །ཞེས་དང་། །ལ་ལས་བཟོད་པར་གསོལ་ལོ་ཞེས་སོགས་སྣ་ཚོགས་སྨྲ་ཞིང་། གཅིག་གིས་གྲགས་པའི་འཁོར་རྣམས་ཟང་ཟིང་གིས་བསླུའོ་ཞེས་སྨྲས་པ་ཐམས་ཅད་ལ་འཐད་ནས་དེ་བཞིན་དུ་བགྱིའོ་ཞེས་གྲགས་པའི་འཁོར་རྣམས་
[57a.6]ལ་སྣམ་སྦྱར། བླ་གོས། མཐང་གོས་སོགས་ཅི་མཁོ་བ་རྣམས་བྱིན་ནས་འདྲིས་པར་བྱས་སོ། །རྒྱུ་དེས་གྲགས་པས་ཕྱོགས་བཙལ་ཟིན་ནས་ཡངས་པ་ཅན་དུ་འོངས་པ་ལ་སློབ་མ་རྣམས་ཀྱིས་ཟློག་པར་བྱེད་དོ། །གྲགས་པས་ཀྱང་དེ་ཅི་ལས་གྱུར་པ་ཤེས་ཏེ་
[57a.7]སྨྲས་པ། གང་གིས་བཤོལ་བར་བྱ་བ་རེངས་བྱེད་རིགས་པ་ཤོལ་བྱེད་པ། །ཚུལ་བཞིན་བྱ་བ་རབ་སྤངས་བྱིས་པ་དེ་ནི་སྡུག་བསྔལ་འགྲོ། །དེ་ནི་གྲགས་པ་མེད་པའི་སྐལ་ལྡན་གྲོགས་ཀྱིས་རྣམ་པར་སྤངས། །དེ་ཡི་དོན་ནི་མི་འཕེལ་མར་གྱི་ངོ་ཡི་ཟླ་བ་བཞིན། །གང་
[57b.1]གིས་དགོངས་པ་དེ་བཞིན་རིགས་བྱེད་བློ་ལྡན་མི་ཤོལ་བ། །ཚུལ་བཞིན་མ་ཡིན་པ་སྤངས་མཁས་པ་དེ་ནི་བདེ་བ་འཐོབ། །དེ་ནི་གྲགས་པ་སྐལ་ལྡན་གྲོགས་པོ་རྣམས་ཀྱིས་སྤངས་མི་འགྱུར། །དེ་ཡི་དོན་ནི་འཕེལ་བ་ཡར་གྱི་ངོ་ཡི་ཟླ་བ་བཞིན། །དེ་ནས་གྲགས་པས་རབ་མཐའི་
[57b.2]བསམ་གཏན་ལ་སྙོམས་པར་ཞུགས་ནས་སྨོན་ཤེས་ཀྱིས་བརྟགས་ཏེ་གཎྜི་བརྡུངས་པས་ཡངས་པ་ཅན་གྱི་གཙུག་ལག་ཁང་གི་ཁྱམས་སུ་དགྲ་བཅོམ་པ་བདུན་བརྒྱར་གཅིག་གིས་མ་ཚང་བ་འདུས་ཤིང་། དམར་བུ་ཅན་ན་ཟླ་སྒུར་འགོག་སྙོམས་ལ་ཞུགས་པས་མ་ཐོས་
[57b.3]ཀྱང་ལྷས་སྦྲན་ཏེ་འོངས་པའང་འདུས་པས་བདུན་བརྒྱར་ལོངས་པ་ཐམས་ཅད་ཀྱང་ཀུན་དགའ་བོ་དང་ལྷན་ཅིག་པར་གནས་པའི་དགྲ་བཅོམ་པ་རྣམ་ཐར་བརྒྱད་ལྡན་ཁོ་ནའོ། །དེ་ནས་གྲགས་པས་དེ་དག་རྒན་རིམ་བཞིན་དུ་གནས་པ་ལ་དངོས་པོ་བཅུ་བཟླས་པར་ཞུགས་
[57b.4]ཏེ། ཚེ་དང་ལྡན་པ་དག། ཨ་ལ་ལའི་རུང་བ་རུང་ངམ། ཨ་ལ་ལའི་རུང་བ་ཞེས་བྱ་བ་ཅི་ཡིན། ཚེ་དང་ལྡན་པ་དག་འདི་ལྟར་དགེ་སློང་ཁ་ཅིག་མི་མཐུན་པས་ཆོས་མ་ཡིན་པ་དང་། མཐུན་པས་ཆོས་མ་ཡིན་པ་དང་། མི་མཐུན་པས་ཆོས་ཀྱི་ལས་བྱས་ཏེ་
[57b.5]ཨ་ལ་ལ་ཞེས་རུང་བར་བགྱིད་དོ། །ཚེ་དང་ལྡན་པ་རུང་བ་མ་ཡིན་ནོ། །གང་དུ་བཅས། ཙམ་པར་རོ། །གང་ལས་བརྟེན། དགེ་སློང་དྲུག་སྡེ་དག་ལས་སོ། །ལྟུང་བ་ཅིར་འགྱུར། ཉེས་བྱས་སོ། །ཚེ་དང་ལྡན་པ་དག་འདི་ནི་གཞི་དང་པོ་མདོ་སྡེ་
[57b.6]ལས་འདས། འདུལ་བ་ལས་འདས། སྟོན་པའི་བསྟན་པ་དང་བྲལ་ཏེ། མདོ་སྡེ་ལ་མི་འཇུག །འདུལ་བ་ལ་མི་སྣང་། ཆོས་ཉིད་དང་འགལ་ཏེ། དེ་དག་ལ་ཡངས་པ་ཅན་གྱི་དགེ་སློང་འདི་རྣམས་ཀྱིས་རུང་བ་མ་ཡིན་པ་རུང་ངོ༌། །ཞེས་ཡོངས་སུ་བསྒྲགས་
[57b.7]ནས་ཀུན་ཏུ་སྤྱོད་རབ་ཏུ་སྤྱོད་དེ། དེ་དག་བདག་ཅག་གིས་དོར་བར་བགྱིའོ། །ཞེས་སོགས་རྒྱས་པར་བརྗོད་ཅིང་གཏན་ལ་ཕབ་ནས་སླར་ཡང་གཎྜི་བརྡུངས་ཏེ་ཡངས་པ་ཅན་པའི་དགེ་སློང་རྣམས་དྲིས་པའི་ཚིག་གིས་བསྡུས་ནས་སྔར་བཞིན་དགྲ་བཅོམ་པ་རྣམས་ལ་
[58a.1]གཞི་བཅུ་པོ་བཟླས་ཏེ། ཡངས་པ་ཅན་གྱི་དགེ་སློང་དག་རུང་བ་མ་ཡིན་པ་རུང་ངོ་ཞེས་ཡོངས་སུ་སྤྱོད་པས་དེ་དག་བདག་ཅག་གིས་དོར་བར་བགྱིའོ། །ཞེས་མི་རུང་བར་སྤྱོད་པ་རྣམས་བསྙིལ་བར་བྱས་སོ། །དེས་ན་འདི་ལ་བདུན་བརྒྱས་ཡང་
[58a.2]དག་པར་བརྗོད་པ་ཞེས་གྲགས་ཏེ། ཕྱི་ནས་འདི་ལ་བཀའ་བསྡུ་བར་པར་བཏགས་སོ། །དེ་ཙམ་ཞིག་ན་འཕགས་པ་དྷཱི་ཏི་ཀས་ཀྱང་ནག་པོ་ལ་བསྟན་པ་གཏད་ནས་མལླ་ཝའི་ཡུལ་གྱི་བྱེ་བྲག་འཕགས་རྒྱལ་དུ་མྱ་ངན་ལས་འདས་སོ། །དེ་ནས་འཕགས་པ་ནག་
[58a.3]པོས་བསྟན་པ་སྐྱོང་བའི་ཚེ་ཁ་ཆེའི་ཡུལ་དུ་བྲམ་ཟེའི་རིགས་ཀྱི་དགེ་སློང་གནས་པ་ཞེས་བྱ་བས་སོ་སོ་སྐྱེ་བོ་མང་པོ་བདག་ལྟ་ལ་བཀོད་པའི་རྐྱེན་གྱིས་དགེ་འདུན་ཅུང་ཟད་འཁྲུགས་པ། མ་རུའི་ཡུལ་པུཀྵ་ར་ཎིའི་གཙུག་ལག་ཁང་དུ་གནོད་སྦྱིན་སེར་སྐྱས་སྦྱིན་བདག་བྱས་
[58a.4]ཏེ་དགེ་འདུན་རྣམས་བསྡུས་ནས་རྩོད་པ་ཕྱིར་བཅོས་ཤིང་། ནག་པོས་བདག་མེད་པའི་ཆོས་བསྟན་པས་གནས་པ་ལ་སོགས་པ་ཐམས་ཅད་ཀྱི་ལྟ་བ་དྲང་པོར་གྱུར་ཏེ་བདེན་པ་མཐོང་ངོ༌། །སིངྒྷ་ལའི་གླིང་གི་རྒྱལ་པོ་སིདྷ་ཀོ་ཥ་ཞེས་པའང་ཛམྦུའི་གླིང་གི་ཚོང་པས་
[58a.5]སྟོན་པའི་སྐུ་གཟུགས་ཕུལ་ཏེ། སྟོན་པ་ནས་ནག་པོའི་བར་གྱི་ཆེ་བའི་ཡོན་ཏན་བརྗོད་པས་དད་དེ་འཕགས་པ་ནག་པོ་སྤྱན་འདྲེན་པའི་ཕོ་ཉ་བརྫངས་པས། འཕགས་པ་འཁོར་ལྔ་བརྒྱ་དང་བཅས་པ་རྫུ་འཕྲུལ་གྱིས་གླིང་དེར་གཤེགས་སོ། །དེར་འཕགས་པས་
[58a.6]འབར་བ་ལ་སོགས་པའི་ཆོ་འཕྲུལ་བསྟན་ནས་རྒྱལ་པོ་ལ་སོགས་པར་ཟླ་བ་གསུམ་དུ་ཆོས་བསྟན་པས་གདུལ་བྱ་རྣམས་འབྲས་བུ་བཞི་ལ་ཅི་རིགས་པར་བཀོད་པ་དང་། ཕྱོགས་དེ་གཙུག་ལག་ཁང་དང་དགེ་འདུན་གྱིས་ཁྱབ་པར་མཛད་དོ། །དེས་ན་སྔོན་བཅོམ་ལྡན་
[58a.7]འདས་གླིང་དེར་གཤེགས་པ་ཡིན་མོད་ཀྱི་འདི་སྐབས་ནས་བསྟན་པ་མ་གནས་པ། སླར་འཕགས་པ་འདིས་གསལ་བར་མཛད་དོ། །ཁྱད་པར་ནུབ་ཕྱོགས་བྷ་རུ་ཀཙྪར་སྐྱ་བསེང་གི་རིགས་མཐོང་བ་ཞེས་བྱ་བ་ཞིག་གི་བུ་ལེགས་མཐོང་ཞེས་བྱ་བ། ཉིན་རེར་
[58b.1]མེ་ཏོག་ཁོ་ན་གསེར་པ། ལྔ་སྟོང་གི་རིན་ལ་ལོངས་སྤྱོད་ན་གཞན་གྱི་ལོངས་སྤྱོད་ལྟ་ཅི་སྨོས་པའི་ལྷའི་འབྱོར་པ་ལ་འགྲན་པ་ཞིག་ཡོད་པ་ལ། དགྲ་བཅོམ་པ་སུ་ཀཱ་ཡ་ནས་ཆོས་བསྟན་པས་དེ་ཉིད་དུ་དགྲ་བཅོམ་པ་ཐོབ་བོ། །རབ་ཏུ་བྱུང་བར་ཞུས་ཀྱང་ཕ་ལ་སོམས་
[58b.2]ཤིག་ཅེས་གསུངས་པས། དེས་ཕའི་ཐད་དུ་ཕྱིན་ནས་གནང་བ་ཞུས་པ་དང་ཕ་ཁྲོས་ཏེ་ལྕགས་སྒྲོག་གིས་འཆིང་བར་བརྩམས་པ་ན། ནམ་མཁའ་ལ་འཕགས་ཏེ་ཆོ་འཕྲུལ་བསྟན་པས་དད་དེ། ཁྱོད་ཀྱིས་ཡོན་ཏན་འདི་ལྟ་བུ་ཐོབ་པས་རབ་ཏུ་བྱུང་ལ་བདག་ལའང་
[58b.3]བརྩེ་བར་གྱིས་ཤིག་ཅེས་སྨྲས་སོ། །དེ་ནས་འཕགས་པ་ལེགས་མཐོང་རབ་ཏུ་བྱུང་ནས་ཕ་ལ་ཆོས་བསྟན་པས། དེས་ཀྱང་བདེན་པ་མཐོང་ཞིང་འཕགས་པ་ནག་པོ་སློབ་དཔོན་དུ་བརྟེན་ནས་གནས་པའི་སྐབས་ཤིག་ན། ནག་པོས་བསྟན་པ་གཏད་དེ་དེ་ཉིད་བྱང་ཕྱོགས་
[58b.4]ཀུ་ཤའི་ཚལ་དུ་མྱ་ངན་ལས་འདས་སོ། དེ་ནས་ལེགས་མཐོང་ཆེན་པོས་བསྟན་པ་སྐྱོང་བའི་ཚེ་ནུབ་ཕྱོགས་སིནྡྷའི་ཡུལ་ན་སྐྱེ་བོ་རྣམས་གནོད་སྦྱིན་མོ་སིདྡྷལཱི་ཙི་ཞེས་བྱ་བ་ཞིག་གིས་གཙེས་པས། དེ་ལ་ཉིན་རེ་བཞིན་བ་ལང་དྲུག་གི་ཤིང་རྟ་བཟའ་བཅས་གང་བ་དང་།
[58b.5]རྟ་རེ། སྐྱེས་པ་རེ། བུད་མེད་རེ་རྣམས་གཏོར་མར་འབུལ་དགོས་པ་དེ་གདུལ་བྱར་མཁྱེན་ནས་འཕགས་པས་ལྷུང་བཟེད་བཀྲུས་པའི་ཆུ་དེའི་གནས་སུ་ཕོ་བ་དང་། དེ་ཁྲོས་ཏེ་མཚོན་ཆར་སོགས་ཕབས་ཀྱང་མེ་ཏོག་གི་ཆར་དུ་གྱུར།འཕགས་པས་ཕྱོགས་ཐམས་
[58b.6]ཅད་མེར་བྱིན་གྱིས་བརླབས་པས་ཉིད་ལ་སྐྱབས་སུ་སོང་ནས་ཆོས་བསྟན་ཅིང་བསླབ་པའི་གནས་ལ་བཀོད་དེ་ཡུལ་དེར་ད་ལྟའི་བར་དུ་ཤ་ཁྲག་གི་མཆོད་པ་མེད་ཅེས་གྲག་གོ། །གཞན་ཡང་ཡུལ་རྣམས་སུ་བྱོན་ཏེ་བསྟན་པ་ལ་མི་དད་པའི་ཀླུ་དང་གནོད་སྦྱིན་ལྔ་བརྒྱ་བཏུལ་བ་
[58b.7]དང་། ལྷོ་ཕྱོགས་ཀྱི་རྒྱུད་ཀུན་ཏུ་གཙུག་ལག་ཁང་དང་དགེ་འདུན་གྱིས་ཁྱབ་པར་མཛད། གླིང་ཕྲན་མང་པོར་ཡང་བསྟན་པ་བཙུགས། རྒྱ་ཡུལ་དུའང་ཆོས་ཅུང་ཟད་དར་བར་མཛད་ནས་མྱ་ངན་ལས་འདས་སོ། །དེ་ལྟར་འདུལ་བ་ཕྲན་ཚེགས་ལས་འབྱུང་བའི་
[59a.1]བསྟན་པའི་གཏད་རབས་བདུན་ནི་དེས་རྫོགས་ལ། འདི་ཕྱིན་ཆད་ཉན་ཐོས་རྣམས་ལ་གྲགས་པའི་གཏད་རབས་མི་གསལ་ཡང་། ཐེག་ཆེན་པར་གྲགས་པ་ལངྐར་གཤེགས་པའི་འགྲེལ་པ་ལས་འབྱུང་བ་ལྟར་ན། སྟོན་པ་ནས་དྷཱི་ཏི་ཀའི་
[59a.2]བར་གོང་དང་མཚུངས་པ་ལས། དེས་བི་བྷ་ག། དེས་བཙུན་པ་བུདྡྷཱ་ནནྡི། དེས་བུདྡྷ་མི་ཏྲ། དེས་དགེ་སློང་རྩིབས། དེས་པུ་ཤ་ན་ཏ། དེས་རྟ་སྐད། དེས་མ་ཤི་བ། དེས་ཀླུ་སྒྲུབ། དེས་ཨཱརྱ་དེ་བ། དེས་རཱ་ཧུ་ལ། དེས་སངྒཱ་ནནྡྲི། དེས་དགེ་སློང་
[59a.3]དགྲ་བཅོམ་པ། དེས་ཀ་ལཱ་ཤ། དེས་ཀཱ་མཱ་ར་ཏ། དེས་ཤ་ཡ་ར། དེས་བ་སུ་བནྡྷ། དེས་མ་ནོ་ཏ། དེས་ཧ་ག་ལི་ཀ་ན་ཡ་ན་ཤ། དེས་དགེ་སློང་སེང་གེ་ལ་བསྟན་པ་གཏད་པར་བཤད་དོ། །དེ་ལྟར་གཏད་རབས་ལྔ་བ་དྷཱི་ཏི་ཀའི་ཚེ་བྱང་ཕྱོགས་ཀྱི་རྒྱལ་པོ་
[59a.4]ནེ་མི་ཏའི་བུ་བདུན་གྱི་ས་ཐ་ཆུང་བདེ་བར་གཤེགས་པའི་བསྟན་པ་ལ་མཆོད་པའི་མིའི་རྒྱལ་པོ་རྣམས་ཀྱི་མཆོག །མྱ་ངན་མེད་སྐྱེས་ཏེ་དཀའ་ཟློག་མ་ལྷར་བཟུང་སྟེ་འདོད་ཡོན་ལ་ལྷག་པར་རྩེ་བས་ཀཱ་མ་ཨ་ཤོ་ཀར་གྲགས་སོ། །གཏད་རབས་དྲུག་པ་ནག་པོའི་
[59a.5]སྐབས་རང་གི་ཕུ་བོ་དྲུག་བློན་པོ་ལྔ་བརྒྱ་དང་བཅས་པ་བསད་ནས་རྒྱལ་སྲིད་བཟུང་སྟེ། ཁ་བ་ཅན་དང་འབིགས་བྱེད་ཀྱི་བར་ཐམས་ཅད་ལ་དབང་སྒྱུར་ཞིང་འཁྲུགས་རྩོད་ཀྱིས་དུས་འདའ་བ་ན། སྐབས་ཤིག་ན་ལོག་པའི་བཤེས་ཀྱིས་ཟིན་པས་མི་ཁྲི་ཕྲག་གཅིག་གསོད་
[59a.6]པའི་མཆོད་སྦྱིན་ལ་བརྩོན་པར་བྱེད་པས་ཙཎྜ་ལཱ་ཤོ་ཀར་གྲགས་སོ། །བདུན་པ་ལེགས་མཐོང་ཆེན་པོའི་སྐབས་དགྲ་བཅོམ་གྲགས་པའི་སློབ་མ་དགེ་ཚུལ་ཞིག་གིས་དད་པར་བྱས་པ་ནས་བཟུང་སྟེ་དགྲ་བཅོམ་གྲགས་པས་བསྟན་པ་བཞིན་དུ་དགྲ་བཅོམ་པ་སྟོང་ཕྲག་དྲུག་ཅུ་ལ་
[59a.7]ཟླ་བ་གསུམ་དུ་ཡོ་བྱད་ཐམས་ཅད་ཀྱིས་མཆོད་པ་སོགས་བསོད་ནམས་རྒྱ་ཆེན་པོ་བསགས་པས་ཀླུའི་དབང་པོས་བཀའ་བསྒོ་བ་ཉན་པ་བྱུང་ཞིང་། མ་སྐྱེས་དགྲའི་གདུང་སྐལ་གྱི་རིང་བསྲེལ་སྦས་པ་བླངས་ནས་ལི་ཡུལ་ཚུན་ཆད་ཀྱི་ཛམྦུའི་གླིང་ཐམས་ཅད་དུ་དེ་བཞིན་
[59b.1]གཤེགས་པའི་རིང་བསྲེལ་གྱི་སྙིང་པོ་ཅན་གྱི་མཆོད་རྟེན་གྱིས་བཀང་སྟེ། གནོད་སྦྱིན་གྱིས་གྲོགས་བྱས་པས་ཉིན་ཞག་ཕྲུགས་རེ་ལའང་མཆོད་རྟེན་བརྒྱད་ཁྲི་བཞི་སྟོང་གྲུབ་སྟེ། དེ་དག་ལ་ཉིན་རེ་བཞིན་མར་མེ། བདུག་སྤོས། མེ་ཏོག་གི་ཕྲེང་བ་རྣམས་སྟོང་སྟོང་གིས་
[59b.2]མཆོད་དོ། །དེ་བཞིན་དུ་བྱང་ཆུབ་ཀྱི་ཤིང་ལ་བེ་ཌཱུརྱ་སོགས་རིན་པོ་ཆེའི་བུམ་པ་སྟོང་ཕྲག་བཅུ་དྲི་བཟང་གི་ཆུས་བཀང་སྟེ་མཆོད་ཅིང་། མཆོད་པ་གཞན་དག་ཀྱང་སྟོང་ཕྲག་བཅུ་བཅུས་མཆོད་དོ། །དེར་ཡང་ཟླ་བ་གསུམ་དུ་དགྲ་བཅོམ་པ་སྟོང་ཕྲག་དྲུག་ཅུ་ནམ་མཁའ་ལ་
[59b.3]བཞུགས་སུ་གསོལ་ནས་མཆོད་ཅིང་། སློབ་པ་རྣམས་ས་སྟེང་དུ་མཆོད་དེ་མཐར་འབུམ་རི་བའི་གོས་རེ་ཕུལ་བ་སོགས་དང་། ཡང་མཆོད་རྟེན་ཐམས་ཅད་གསེར་གྱིས་བརྒྱན་ཅིང་མཆོད་པ་རྣམས་སྔར་ལས་བཅུ་འགྱུར་དུ་ལྷག་པར་ཕུལ་ནས་བྱང་ཆུབ་ཏུ་སྨོན་ལམ་
[59b.4]བཏབ་པ་སོགས་དང་། ཡང་དགེ་སློང་འབུམ་ཕྲག་གསུམ་ལ་ལོ་ལྔའི་དུས་སྟོན་བྱས་པ་སོགས་དང་། ཛམྦུའི་གླིང་གི་དགེ་འདུན་རྣམས་ལ་གསེར་སྲང་བྱེ་བ་ཕྲག་བརྒྱ་རེ་འབུལ་བར་དམ་བཅས་པ་སོགས་དམ་པའི་ཆོས་ལ་ལྷག་པར་གུས་པས་དྷརྨ་ཤོ་ཀ་ཞེས་གྲགས་སོ། །
[59b.5]དེ་ལྟར་མྱ་ངན་མེད་བྱུང་བ་དང་བཀའ་བསྡུ་བར་པ་སོགས་ཀྱི་དུས་འདི་འདྲ་མིན་མང་དུ་འཕགས་ཡུལ་དུའང་གྲགས་ཤིང་། བོད་དུ་ནི་འཕགས་ཡུལ་བའི་ལོ་རྒྱུས་ཕལ་ཆེར་ཞིག་ལ་མཁས་པ་རྣམས་ཀྱིས་ཀྱང་འོལ་ཚོད་དང་ངག་སྒྲོས་འཁྱལ་པ་ཙམ་ལ་བརྟེན་པ་མང་བ་དང་།
[59b.6]ལྷག་ཏུ་འདི་སྐབས་ལུང་ལས་གཏད་རབས་ཕྱི་མ་རྣམས་མིང་ཙམ་ལས་ལོ་རྒྱུས་ཞིབ་པ་མི་གསལ་བ་དང་། དཔག་བསམ་འཁྲི་ཤིང་དུ་འགའ་ཞིག་གསལ་ཡང་དུས་ཀྱི་ངེས་པ་སོགས་མེད་པས། ངག་སྒྲོས་རིམ་བརྒྱུད་ཙམ་ལ་བརྟེན་ནས་མི་འདྲ་བ་མང་དུ་སྨྲས་པ་ཡོད་
[59b.7]ཀྱང་དེ་དག་ལ་ཡིད་བརྟན་མ་བྱས་པར་མ་ག་དྷཱའི་པཎྜི་ཏ་ས་དབང་བཟང་པོས་བྱས་པའི་གཏམ་གྱི་སྦྱོར་བ་ཉིད་ཁུངས་ཆེ་བར་མཐོང་ནས་དེ་ལྟར་བྲིས་པ་ཡིན་ཞིང་། འདི་ལྟར་འཐད་པའི་རྒྱུ་མཚན་དུ་མ་སྨྲ་བར་བྱར་ཡོད་ཀྱང་སྤྲོས་པས་ཆོག་གོ། །དེ་ལྟར་མྱ་ངན་མེད་ཀྱི་བུ་ཀུན་ལའི་
[60a.1]མིག། དེའི་བུ་མྱ་ངན་བྲལ་ཏེ་དེས་དགྲ་བཅོམ་པ་གསོས་བྱིན་ལ་སོགས་པ་འཕགས་པ་བརྒྱད་ཁྲི་ལོ་གསུམ་དུ་མཆོད་དོ། །དེ་ནས་བྱང་ཕྱོགས་གནྡྷཱ་རར་འཁྲུངས་པའི་དགྲ་བཅོམ་པ་འོད་སྲུང་གིས་བསྟན་པ་གསལ་བར་མཛད་ཅིང་ཕྱོགས་བཞིའི་དགེ་
[60a.2]འདུན་དང་མཆོད་རྟེན་ཐམས་ཅད་མྱ་ངན་བྲལ་གྱི་བུ་ལྷ་མོ་དཔལ་གྱི་རིག་སྔགས་གྲུབ་པ་རྒྱལ་པོ་དཔའ་བོའི་སྡེས་མཆོད་དོ། །དེའི་ཚེ་མ་ཐུ་རར་བྲམ་ཟེ་གྲགས་ལྡན་གྱིས་བི་ཧ་ར་འདམ་བུ་ཅན་བཞེངས་ཏེ། དེར་དགྲ་བཅོམ་པ་ཡུལ་བསླན་པ་ཞེས་བྱ་བས་ཆོས་རྒྱ་ཆེར་
[60a.3]བསྟན་པས་དགེ་སློང་འབུམ་དུ་ལོངས་པ་འདུས་པ་ལ་དུས་སྟོན་ཆེན་པོ་བཙུགས་སོ། །དེའི་ཚེ་ཡུལ་མ་རུ་ཌའི་ཚོང་དཔོན་གྱི་བུ་ལྷ་ཆེན་པོ་ཞེས་པ་མཚམས་མེད་གསུམ་བྱས་པ་ཞིག་རང་གི་སྡིག་པ་གསང་སྟེ་ཁ་ཆེར་ཕྱིན་ནས་རབ་ཏུ་བྱུང་སྡེ་སྡེ་སྣོད་གསུམ་ག་བྱང་བར་ཤེས་ནས་དབེན་
[60a.4]པར་ཏིང་ངེ་འཛིན་ལ་བརྩོན་པ་ན་བདུད་ཀྱིས་བྱིན་གྱིས་བརླབས་ཏེ་དགྲ་བཅོམ་པར་གྲགས་ཤིང་རྙེད་བཀུར་དང་གྲགས་པ་འཕེལ་ནས། འཁོར་མང་པོ་དང་བཅས་ནས་གཙུག་ལག་ཁང་འདམ་བུ་ཅན་དུ་འོངས་པ་ན་དགེ་སློང་རྣམས་ཀྱིས་སོ་ཐར་གྱི་མདོ་རེས་མོས་སུ་འདོན་
[60a.5]པའི་ཚེ། ལྷ་ཆེན་པོས་མདོ་བཏོན་པའི་མཇུག་ཏུ། ལྷ་རྣམས་མ་རིག་པ་ཡིས་བླུས། །ལམ་ནི་སྒྲ་ཡི་རྒྱུན་ལས་བྱུང་། །ཐེ་ཚོམ་ཅན་རྣམས་གཞན་གྱིས་འཇུག །འདི་ནི་སངས་རྒྱས་བསྟན་པ་ཡིན། །ཞེས་སྟོན་པས་འཕགས་པ་དང་དགེ་སློང་
[60a.6]རྒན་པོ་མང་དུ་ཐོས་པ་དག་གིས་མདོའི་ཚིག་མ་ཡིན་ནོ་ཞེས་བརྗོད་པས། གཞོན་པ་ཕལ་ཆེར་ལྷ་ཆེན་པོའི་གྲོགས་བྱས་ཏེ་རྩོད་པར་གྱུར་ཅིང་། གཞན་ཡང་དེས་བཀའི་དོན་ལ་ལོག་པར་བརྟགས་པ་མང་དུ་བྱས་སོ། །དེ་ཤི་ནས་དགེ་སློང་བཟང་པོ་ཞེས་པས་ཀྱང་
[60a.7]བཀའི་དོན་ལ་བརྒལ་བརྟག་དང་ཐེ་ཚོམ་གྱི་གནས་མང་པོ་བསྐྱེད་ནས་གཞན་ལ་ལན་གདབ་པ་དང་། མི་ཤེས་པ་དང་། ཡིད་གཉིས་དང་། ཡོངས་སུ་བརྟག་པ་དང་། བདག་ཉིད་གསོ་བ་སྟེ་གཞི་ལྔ་ཡོངས་སུ་བསྒྲགས་པས་དགེ་འདུན་སོ་སོ་སྐྱེ་བོ་རྣམས་ཐེ་
[60b.1]ཚོམ་དང་ཡིད་གཉིས་ཀྱིས་བསྟན་པ་ལ་མི་མཐུན་པར་ཟིང་ཟིང་པོར་གྱུར་ཏེ། མདོ་འདོན་པའང་སྣ་ཚོགས་སུ་གྱུར་ཅིང་དགྲ་བཅོམ་པ་རྣམས་ཀྱིས་ཀྱང་རྩོད་པ་ཞིར་མ་བཏུབ་བོ། །དེ་ནས་ལྷ་ཆེན་པོ་དང་བཟང་པོ་དག་ཤི་བའི་ཚེ། དེ་དག་གི་རང་བཞིན་དགེ་སློང་རྣམས་
[60b.2]ཀྱིས་ཤེས་སོ། །མ་ཐུ་རར་འོད་སྲུང་འདས་ནས་འཕགས་པ་སྦུ་ཆེན་པོ་དང་དགའ་བ་ཅན་གཉིས་ཀྱིས་བསྟན་པ་བསྐྱངས་སོ། །དེ་ནས་རྒྱལ་པོ་དཔའ་བོའི་སྡེའི་བུ་དགའ་བོ་དང་། བྲམ་ཟེ་མཁས་པ་གཉིས་ཀྱིས་བསྟན་པ་མཆོད་པའི་ཚེ་དགེ་སློང་ཀླུ་ཞེས་བྱ་བས་གཞི་
[60b.3]ལྔ་བསྔགས་པས་སླར་ཡང་དགེ་འདུན་གྱི་རྩོད་པ་ཆེར་བསྐྱེད་ནས་ཕལ་ཆེན་པ། ཐམས་ཅད་ཡོད་སྨྲ་བ། གནས་བརྟན་པ། མང་བཀུར་བ་སྟེ་རྩ་བའི་སྡེ་པ་བཞིར་གྱེས། དེར་འཕགས་པ་ཆོས་ཀྱི་ཚོང་དཔོན་གྱིས་དགྲ་བཅོམ་ཐོབ་ནས་རྩོད་པ་ཅན་གྱི་དགེ་
[60b.4]སློང་གི་ཚོགས་བོར་ནས་འཁོར་ཞི་བ་དང་ལྷན་ཅིག་བྱང་ཕྱོགས་སུ་སོང་ངོ༌། །དེར་བྱང་ཕྱོགས་མཐའ་འཁོབ་ཀྱི་རྒྱལ་ཕྲན་མེས་བྱིན་ཞེས་བྱ་བས་ཆོས་ཀྱི་ཚོང་དཔོན་སོགས་འཕགས་པ་སུམ་སྟོང་ལོ་སུམ་ཅུ་ལྷག་ཅིག་ཏུ་མཆོད་ཅིང་། ཡུལ་དབུས་སུ་དགྲ་བཅོམ་
[60b.5]པ་གཏོང་བ་ཆེན་པོ་ཞེས་པས་བསྟན་པ་འཛིན་པར་མཛད་དོ། །དེའི་ཚེ་གནས་བརྟན་ཀླུའི་སློབ་མ་ཡིད་བརྟན་ཞེས་བྱ་བས་གཞི་ལྔ་ཡོངས་སུ་བསྒྲགས་ཏེ་རྩོད་པ་རྒྱ་ཆེར་བསྐྱེད་ནས་སྔར་རྩ་བའི་སྡེ་པ་བཞི་པོ་དེ་ཉིད་བཅོ་བརྒྱད་དུ་གྱེས་པར་བརྩམས་སོ། །འདི་སྐབས་
[60b.6]རྒྱལ་པོ་པདྨ་ཆེན་པོས་བྲམ་ཟེ་མཆོག་སྲེད་ཅེས་བྱ་བ་བསད་པའི་སྡིག་སྦྱོང་དུ་གཙུག་ལག་ཁང་ཉི་ཤུ་རྩ་བཞི་བཞེངས་ཤིང་ཆོས་སྨྲ་བ་རྣམས་ལ་སྔོན་འཕགས་པ་ཉེ་སྦས་སོགས་ཀྱི་དུས་དགྲ་བཅོམ་པ་རྣམས་ཀྱིས་སྤྱི་མཐུན་དུ་བརྩམས་པའི་བྱེ་བྲག་ཏུ་བཤད་པའི་བསྟན་བཅོས་
[60b.7]གླེགས་བམ་དུ་བྲིས་ནས་ཕུལ། ཡུལ་ཨོ་ཌི་བི་ཤར་རྒྱལ་པོ་ཟླ་སྲུང་གི་ཁྱིམ་དུ་འཇམ་དཔལ་དགེ་སློང་གི་ཚུལ་གྱིས་བྱོན་ནས་ཐེག་ཆེན་གྱི་ཆོས་པ་བསྟན་ཅིང་གླེགས་བམ་ཞིག་བཞག་པ་ཤེས་ཕྱིན་བརྒྱད་སྟོང་པ་ཡིན་པར་གྲགས་ཏེ་སྟོན་པ་མྱ་ངན་ལས་འདས་
[61a.1]ནས་གདུལ་བྱ་ཕྱི་མ་རྣམས་ལ་ཐེག་ཆེན་བསྟན་པ་དངོས་སུ་སྣང་བའི་མགོ་ས་མ་ནི་འདི་ཡིན་ནོ། །དེ་ནས་ཁ་ཆེའི་རྒྱལ་པོ་སེང་གེ་རབ་ཏུ་བྱུང་ནས་མིང་ལེགས་མཐོང་དུ་གྲགས་པ་དགྲ་བཅོམ་ཐོབ་སྟེ་ཡུལ་དེར་ཆོས་བསྟན་ཅིང་ཛ་ལནྡྷ་རའི་རྒྱལ་པོ་ཀ་ནི་ཥྐས་ཀྱང་བྱང་
[61a.2]ཕྱོགས་ཀྱི་བསྟན་པ་རྒྱ་ཆེར་མཆོད་དོ། །དགེ་སློང་ཡང་དག་རྒྱལ་བ་ཅན་ཞེས་བྱ་བས་ཆོས་བསྟན་ནས་དགེ་སློང་འབུམ་དུ་ལོངས་པས་ཆོས་བགྲོ་བའང་བྱས། ཁ་ཆེའི་ཡུལ་དུ་བྲམ་ཟེ་པུ་ཏྲས་བྱེ་སྨྲའི་བཙུན་པ་ཆོས་སྐྱོབས་དང་། མདོ་སྡེ་པའི་བཙུན་པ་གནས་བསྟན་སོགས་
[61a.3]དགེ་སློང་མང་པོ་མཆོད་ཅིང་སྡེ་སྣོད་གསུམ་རྒྱས་པར་བྱས། དེའི་ཚེ་དགྲ་བཅོམ་པ་རྩིབས་ལོགས་ཞེས་བྱ་བ་མང་དུ་ཐོས་པ་མཐར་ཕྱིན་པ་ཞིག་བྱུང་བ་དེ་རྒྱལ་པོ་ཀ་ནིཥྐས་ཐོས་ཏེ་ཁ་ཆེའི་ཡུལ་དུ་རྣ་རྒྱན་གྱི་གཙུག་ལག་ཁང་བཞེངས་ཏེ། དེར་རྩིབས་ལོགས་ལ་སོགས་པའི་དགྲ་བཅོམ་
[61a.4]པ་ལྔ་བརྒྱ་དང་། བ་སུ་མི་ཏྲ་ལ་སོགས་པའི་བཙུན་པ་བཞི་བརྒྱ་རྣམས་དང་། བྱང་ཆུབ་སེམས་དཔའ་ལྔ་བརྒྱ་རྣམས་ཀྱང་སྤྱན་དྲངས་ནས་འདུས་ཏེ་གྱེས་པ་བཅོ་བརྒྱད་པོ་ཐམས་ཅད་ཀྲྀ་ཀཱྀའི་རྨི་ལམ་ལུང་བསྟན་གྱི་མོད་ལས། རྒྱལ་བའི་བསྟན་རྒྱལ་པོ་ཆེན་པོ་ཁྱོད་ཀྱིས་རས་གཅིག་མི་
[61a.5]བཅོ་བརྒྱད་ཀྱིས་དྲིས་ཀྱང་མ་རལ་བར་རྨི་ལམ་དུ་མཐོང་བ་གང་ཡིན་པ་དེ་ནི་དེ་ཉིད་ཀྱི་བསྟན་པ་སྡེ་བཅོ་བརྒྱད་དུ་གྱེས་པར་གྱུར་ཀྱང་རྣམ་པར་གྲོལ་བའི་རས་ནི་རལ་བར་བྱ་བར་མི་ནུས་ཏེ་དེའི་སྔ་ལྟས་ཡིན་ནོ། །ཞེས་པའི་ལུང་གིས་བཀར་བསྒྲུབས་ཤིང་ཆོས་མངོན་པ་
[61a.6]རྣམ་པར་བཤད་དེ་འདི་ལ་བཀའ་བསྡུ་གསུམ་པར་གྲགས་སོ། །འདི་སྐབས་ཁ་ཆེ་བ་རྣམས་ཀྱིས་འདི་ལྟར་འདོད་པ་ལས་ཡུལ་དབུས་ཀྱི་མཁས་པ་དག་གིས་ནི་ཛ་ལནྡྷ་རའི་དགོན་པར་ཀུ་ས་ན་ཞེས་བྱ་བའི་གཙུག་ལག་ཁང་དུ་དེ་ལྟར་བཀའ་བསྡུ་གསུམ་པ་བྱས་པར་
[61a.7]བཞེད་ཅིང་། དེའི་ཚེ་འདུལ་བ་ཐམས་ཅད་ཡི་གེར་བཀོད། །མདོ་སྡེ་དང་མངོན་པ་སྔར་ཡི་གེར་མ་འཁོད་པ་རྣམས་ཡི་གེར་བཀོད། བཀོད་པ་རྣམས་ལ་དག་ཐེར་བྱས་སོ། །གྱེས་པ་བཅོ་བརྒྱད་པོའང་སྡེ་པ་ཐ་དད་བཀླག་པའི་འཁོར་ལོ་ལས། ཤར་དང་ནུབ་
[61b.1]དང་གངས་རིར་གནས། །འཇིག་རྟེན་འདས་པར་སྨྲ་བའི་སྡེ། །བཏགས་པར་སྨྲ་བའི་སྡེ་པ་དང་། །ལྔ་ཚན་དགེ་འདུན་ཕལ་ཆེན་པ། །གཞི་ཀུན་པ་དང་འོད་སྲུང་སྡེ། །ས་སྟོན་སྡེ་དང་ཆོས་སྲུང་སྡེ། །མང་ཐོས་གོས་དམར་སློབ་མ་དང་། །རྣམ་པར་ཕྱེ་སྟེ་
[61b.2]སྨ་བའི་སྡེ། །ཐམས་ཅད་ཡོད་པར་སྨྲ་བ་ཡིན། །རྒྱལ་བྱེད་ཚལ་གནས་འཇིགས་མེད་གནས། །གཙུག་ལག་ཁང་ཆེན་གནས་བརྟན་པ། །ས་སྒྲོགས་རི་དང་སྲུང་བ་པ། །གནས་མ་བུ་ཡི་སྡེ་རྣམས་ནི། །ཀུན་གྱིས་བཀུར་བ་རྣམ་པ་གསུམ། །ཡུལ་དོན་
[61b.3]སློབ་དཔོན་བྱེ་བྲག་གིས། །ཐ་དད་རྣམ་པ་བཅོ་བརྒྱད་གསུངས། །ཞེས་པ་ལྟར་ཡིན་ཞིང་། འདི་སྐབས་རྩ་བའི་སྡེ་པའི་གྲངས་དང་། དེ་ལས་གྱེས་ཚུལ་སོགས་སྡེ་པ་རྣམས་ཀྱི་འདོད་ཚུལ་མི་འདྲ་བ་ཡོད་མོད་ཀྱི་འདིར་བཀོད་པ་ནི་ཐམས་ཅད་ཡོད་སྨྲ་ཉིད་ཀྱིས་
[61b.4]ལུགས་ལྟར་རོ། །དེས་ན་ལྷ་ཆེན་པོས་བསྟན་པ་ལ་ཆུ་བུར་ཕྱུང་ནས་བསྡུ་བ་ཕྱི་མའི་དའི་བར་གོང་དུ་སྨོས་པའི་དཔའ་བོའི་སྡེ་སོགས་རྒྱལ་པོ་བཞིའི་ངོ་མཐོང་བས་ལོ་བརྒྱར་ཉེ་བ་ཙམ་ད་བསྟན་པའི་ཆོས་ལ་རྩོད་པ་དང་བཅས་པར་གྱུར་ཅིང་། ལྷག་ཏུ་རྩོད་པ་དྲག་པོ་ལོ་དྲུག་ཅུ་རྩ་
[61b.5]གསུམ་བྱུང་ཞེས་བཤད་དོ། །དེའི་དེའི་འོག་ཏུ་རྒྱལ་པོ་ཀ་ནཻ་ཥྐ་འདས་ནས་བྱང་ཕྱོགས་ཨསྨ་པ་རནྟའི་ཡུལ་དུ་ཁྱིམ་བདག་ཛཱ་ཊི་ཞེས་བྱ་བས་ཕྱོགས་དེའི་མཆོད་རྟེན་ཐམས་ཅད་མཆོད་པ་དང་། བཙུན་པ་དབྱིག་བཤེས་དང་དབྱངས་སྒྲོགས་གཉིས་གཙོ་བོར་གྱུར་པའི་དགེ་སློང་
[61b.6]འབུམ་ཕྲག་གསུམ་ལོ་བཅུ་གཉིས་སུ་མཆོད་ནས་མཐར་བྱང་ཆུབ་ཏུ་སྨོན་ལམ་བཏབ་པས་འགྲུབ་པའི་ལྟས་སུ་མཆོད་པའི་མེ་ཏོག་དང་མར་མེ་རྣམས་ལོའི་བར་དུ་སྔ་མཁོ་ལྟར་གནས་པ་དང་། ཙནྡན་གྱི་ཕྱེ་མ་དང་མེ་ཏོག་གཏོར་བ་རྣམས་ནམ་མཁར་ཆགས་པ་དང་།
[61b.7]ས་གཡོ་བ་དང་། རོལ་མོའི་སྒྲ་སོགས་བྱུང་ངོ༌། །དེ་བཞིན་དུ་ཕོ་བྲང་རྒྱས་ལྡན་དུ་ཀ་ནི་ཥྐའི་བུས་དགྲ་བཅོམ་པ་བརྒྱ་སོགས་དགེ་སློང་ཁྲི་ཕྲག་ལ་ལོ་ལྔར་མཆོད་ཅིང་། ཤར་ཕྱོགས་ན་བྲམ་ཟེ་བི་དུས་སྡེ་སྣོད་གསུམ་སོ་སོར་ཤློ་ཀ་འབུམ་འབུམ་ཡོད་པ་དེ་ལྟ་བུ་ཚར་སྟོང་
[62a.1]སོགས་སྡེ་སྣོད་གསུམ་གྱི་གླེགས་བམ་དཔག་ཏུ་མེད་པ་བཞེངས་ནས་དགེ་སློང་རྣམས་ལ་འབུལ་བ་དང་རང་ཉིད་ཀྱིས་མཆོད་དང་སོགས་བྱས་སོ། །གྲོང་ཁྱེར་སྐྱ་སྣར་གྱི་བུའི་དགྲ་བཅོམ་པ་རྟ་སྦས་ཞེས་བྱ་བས་ཆོས་བསྟན་པས་འཕགས་པ་དགའ་བའི་
[62a.2]བཤེས་གཉེན་ལ་སོགས་པའི་དགྲ་བཅོམ་ཡང་མང་དུ་བྱུང་ངོ༌། །གཉིས་པ་ཐེག་པ་ཆེན་པོ་ཕལ་ཆེ་བར་སྤྱོད་པའི་སྐབས་ནི། བཤད་མ་ཐག་པ་དེའི་འོག་ཏུ་ཡུལ་ཨངྒར་འཁྲུངས་པའི་གནས་བརྟན་ཆེན་པོ་ནནྟ་ཞེས་བྱ་བ་ཐེག་པ་ཆེན་པོ་འཛིན་པ་ཞིག་བྱུང་
[62a.3]བ། སཽ་རཥྚའི་བྲམ་ཟེ་རིགས་ལྡན་གྱིས་ཆོས་ཉན་པའི་ཕྱིར་སྤྱན་དྲངས། དེ་ཙམ་ན། བཙུན་པ་ཆེན་པོ་ཨ་བི་ཏརྐ་དང་། བི་ག་ཏ་རཱ་ག་ངྷ་ཛ་དང་། དི་བྱ་ཀ་ར་གུ་པྟ་དང་། རཱ་ཧུ་ལ་མི་ཏྲ་དང་ཛྷཱ་ན་ཏཱ་ལ་ལ་སོགས་པ། བྱམས་པ་དང་། འཇམ་དཔལ་དང་།
[62a.4]སྤྱན་རས་གཟིགས་དང་། གསང་བའི་བདག་པོ་སོགས་ལས་དངོས་སུ་ཆོས་གསན་པ། ཆོས་ཀྱི་རྒྱུན་གྱི་ཏིང་ངེ་འཛིན་ཐོབ་པ་ཤ་སྟག་ལྔ་བརྒྱ་ཙམ་བྱོན་ཅིང་། ཕལ་ཆེ་བ་བྲམ་ཟེ་དེས་ཀྱང་སྤྱན་དྲངས། དེ་དག་དང་དུས་མཚུངས་སུ་འཕགས་པ་དཀོན་མཆོག་བརྩེགས་
[62a.5]པ་འབུམ་པ། འཕགས་པ་ཕལ་པོ་ཆེ་འབུམ་པ། ལངྐར་གཤེགས་པ་ཉི་ཁྲི་ལྔ་སྟོང་པ། རྒྱན་སྟུག་པོ་བཀོད་པ་སྟོང་ཕྲག་བཅུ་གཉིས་པ། ཆོས་ཡང་དག་པར་སྡུད་པ་སྟོང་ཕྲག་བཅུ་གཉིས་པ་སོགས་ཐེག་ཆེན་གྱི་མདོ་སྡེ་མང་དག་ཅིག་ཀྱང་ལྷ་དང་། ཀླུ་དང་། དྲི་ཟ་
[62a.6]དང་། སྲིན་པོ་ལ་སོགས་པའི་ཡུལ་ཐ་དད་པ་རྣམས་ནས་བྱུང་ཞིང་། ཁྱད་པར་ཀླུའི་ཡུལ་ནས་བྱུང་བ་མང་ངོ་། །དེའི་ཚེ་རྒྱལ་པོ་ལ་གླ་ཨ་ཤོས་ཆོས་སྨྲ་བ་ལྔ་བརྒྱ་པོའི་གཏམ་ཐོས་ནས་ཤིན་ཏུ་དད་དེ་ཨ་ཧྥུ་ཞེས་པའི་རི་ལ་གཙུག་ལག་ཁང་ལྔ་བརྒྱ་བྱེད་དུ་བཅུག་
[62a.7]ནས་ཆོས་སྨྲ་བ་རྣམས་སྤྱན་དྲངས་ནས་སོ་སོར་བཞུགས་སུ་བཅུག། རྒྱལ་པོ་ཉིད་ཀྱི་འཁོར་བློ་རྣོ་བ་ལྔ་བརྒྱ་རབ་ཏུ་བྱུང་སྟེ་ཐེག་པ་ཆེན་པོ་ཉན་དུ་བཅུག་གོ། །དེ་ནས་རྒྱལ་པོས་གླེགས་བམ་བྲི་བར་འདོད་དེ། སློབདཔོནདེ་རྣམས་ལ་ཐེག་པ་ཆེན་པོའི་སྡེ་སྣོད་ཇི་
[62b.1]ཙམ་ཞེས་དྲིས་པས། དེ་དག་གིས་སྨྲས་པ། སྤྱིར་ཚད་གཟུང་མི་བཏུབ་ཀྱང་། ད་ལྟ་འདིར་ཡོད་པ་ནི་འབུམ་ཕྲག་བརྒྱའོ། །མང་མོད་ཀྱི་འོན་ཀྱང་བྲི་བར་བྱའོ་ཞེས་ཐམས་ཅད་བྲིས་ནས་ཆོས་སྨྲ་བ་རྣམས་ཉིད་ལ་ཕུལ་ལོ། །དེའི་ཚེ་ཐེག་པ་ཆེན་པོའི་སྟན་པས་
[62b.2]ཕྱོགས་ཐམས་ཅད་དུ་ཁྱབ་པས་ཉན་ཐོས་པ་དག་གི་བློར་མ་ཤོང་ནས་ཐེག་པ་ཆེན་པོ་སངས་རྒྱས་ཀྱི་བཀའ་མ་ཡིན་ནོ་ཞེས་སྐུར་པ་བཏབ་བོ། །འདི་སྐབས་མ་ག་དྷཱར་བྲམ་ཟེ་མཐོ་བཙུན་གྲུབ་རྗེ་དང་བདེ་བྱེད་བདག་པོ་སྤུན་གཉིས་ཀྱང་བྱུང་ཞིང་། འདི་དག་གི་ལོ་རྒྱུས་ཁྱད་
[62b.3]པར་འཕགས་བསྟོད་ཀྱི་འགྲེལ་པར་བྱུང་བ་ལྟར་ལས་ཀི་ལཱ་ཤར་དབང་ཕྱུག་ཆེན་པོའི་ཐད་དུ་སོང་ནས་སངས་རྒྱས་ཀྱི་བསྟན་པ་ལ་ངེས་པ་རྙེད་པར་བྱས། ཁྱད་པར་འཕགས་བསྟོད་དང་ལྷ་ལས་ཕུལ་བྱུང་གཉིས་སོ་སོས་བརྩམས་ནས་གྲོང་ཁྱེར་དང་སྲང་མདོ་སོགས་སུ་བསྒྲགས་
[62b.4]པས་ཡུལ་མི་ཕལ་ཆེར་གྱིས་ཀྱང་བསྟོད་པ་དེ་གཉིས་གླུར་ལེན་པ་བྱུང་། རྡོ་རྗེ་གདན་དུ་ཉན་ཐོས་ཀྱི་དགེ་སློང་ལྔ་བརྒྱ་དང་། ན་ལནྡྲར་ཐེག་ཆེན་པ་ལྔ་བརྒྱ་རྣམས་ལ་འཚོ་བ་སྦྱར་རོ། །དེ་ནས་ཐེག་ཆེན་གྱི་སློབ་དཔོན་ལྔ་བརྒྱ་པོ་བཀའ་གྲོས་ནས་མོད་གལ་གྱི་བུ་འཁྲུངས་
[62b.5]པའི་གནས་སུ་ཆོས་བསྟན་ན་ནི་དབང་ཆེ་བ་ཙམ་དུ་འགྱུར་ལ། ཤཱ་རིའི་བུ་འཁྲུངས་པའི་གནས་སུ་ཆོས་བསྟན་ན་ནི་བསྟན་པ་ཆེར་རྒྱལ་པའི་རྟེན་འབྲེལ་གཟིགས་ནས་སྔོན་འཕགས་པ་ཤཱ་རིའི་བུ་གང་དུ་འཁྲུངས་གྲོང་ཁྱེར་ན་ལ་དའམ། ན་ལེནྡྲ་སྟེ་བོད་
[62b.6]སྐད་དུ་རྒྱུན་སྟེར་རམ་འདམ་བུས་བྱིན་དུ་གྲགས་པ། ཕྱིས་གྲོང་ཁྱེར་སྟོངས་པའི་ཤུལ་རྒྱལ་པོ་མྱ་ངན་མེད་ཀྱིས་ཤཱ་རིའི་བུའི་མཆོད་རྟེན་གསོས་ཤིང་ས་མཆོད་ནས་ལྷ་ཁང་ཞིག་ཀྱང་བཞེངས་ནས་ཡོད་པ་དེར་བཞུགས་ནས་ཆོས་བསྟན་པར་མཛད། དེ་སྐབས་མཐོ་བཙུན་སྐུ་མཆེད་
[62b.7]ཀྱིས་ཀྱང་དེར་གཙུག་ལག་ཁང་བརྒྱད་བཞེངས་ནས་ཐེག་ཆེན་གྱི་གླེགས་བམ་ཐམས་ཅད་ཀྱང་དེར་བཞུགས་སུ་གསོལ་པ་ཡིན་ནོ། །འདི་ཡན་གྱི་ཐེག་ཆེན་པ་ཕལ་ཆེར་རྣམ་རིག་སྨྲ་བ་ཉིད་ཡིན་པར་གྲགས་སོ། དེའི་འོག་ཏུ་ཉི་འོག་གི་རྒྱལ་ཁམས་སྐྱོང་བའི་རྒྱལ་པོ་ཙནྡན་སྐྱོང་
[63a.1]ཞེས་པ་ལོ་ཕྱེད་དང་ཉིས་བརྒྱར་འཚོ་བ་ཞིག་བྱུང་བ་དེ་ཐོག་མར་རྒྱལ་སྲིད་ལ་འཁོད་ཙམ་གྱི་དུས་སུ་སློབ་དཔོན་བྲམ་ཟེ་སྒྲ་གཅན་འཛིན་བཟང་པོས་བཙུན་པ་ནག་པོ་ཞེས་བྱ་བ་ཞིག་ལས་བསྙེན་པར་རྫོགས།། རྣམ་པར་མི་རྟོག་པ་སོགས་སློབ་དཔོན་མང་པོ་
[63a.2]དང་། གསང་བའི་བདག་པོ་སོགས་ལྷག་པའི་ལྷ་མང་པོ་ལས་ཐེག་པ་ཆེན་པོའི་མདོ་རྒྱུད་རྒྱ་མཚོ་ལྟ་བུ་གསན་ནས་ན་ལནྡྲར་ཆོས་བསྟན་པ་པས་ཐེག་པ་ཆེན་པོ་དབུ་མའི་ཚུལ་ལུགས་ཐོག་མར་ཡོངས་སུ་གསལ་བར་མཛད། འདི་སྐབས་བཙུན་པ་ཀ་མ་ལགགྷ་སོགས་དབུ་
[63a.3]མའི་སྲོལ་འཛིན་པའི་སློབ་དཔོན་བརྒྱད་ཙམ་བྱུང་བ་ལས། བཙུན་པ་ཆེན་པོ་པྲ་ཀཱ་ཤ་དྷརྨ་མ་ཎི་ཞེས་བྱ་བ། འཕགས་པ་སྒྲིབ་སེལ་ལས་དངོས་སུ་ཆོས་ནོས་པས་མི་སྐྱེ་བའི་ཆོས་ལ་བཟོད་པ་ཐོབ་པ་དེས་ས་འོག་གི་འཇིག་རྟེན་ནས་འདུས་པ་ཆེན་པོ་སྟོང་ཕྲག་བརྒྱ་བ་ལེའུ་
[63a.4]སྟོང་ཡོད་པ་སྤྱན་དྲངས། དེ་དང་དུས་མཚུངས་སུ་ཉན་ཐོས་ཀྱི་བསྟན་པ་གསལ་བར་བྱེད་པའང་། གནས་བཅས་སུ་དགེ་སློང་བརྩོན་འགྲུས་ཆེན་པོ་དང་། ཝཱ་རཱ་ཎ་སཱིར་བྱེ་སྨྲའི་བཙུན་པ་སངས་རྒྱས་ལྷ། ཀསྨིརར་མདོ་སྡེ་པའི་བཙུན་པ་དཔལ་ལེན་སོགས་བྱུང་ངོ༌། །
[63a.5]དེ་ལྟར་ཆོས་སྐྱོབས། དབྱངས་སྒྲོགས། དབྱིག་བཤེས། སངས་རྒྱས་ལྷ་སྟེ་བཞི་པོ་སོ་སོར་སློབ་མ་འབུམ་ཕྲག་བགྲངས་པ་ཡོད་པས་ཆེན་པོ་བཞི་ཞེས་བྱའོ། །དེ་ནས་ལྷོ་ཕྱོགས་བེ་དནྟའི་ཡུལ་དུ་སངས་རྒྱས་གཉིས་པའི་ཕྲིན་ལས་ཅན་སློབ་དཔོན་ཆེན་པོ་ཀླུ་སྒྲུབ་བྱུང་སྟེ་ལོ་
[63a.6]བདུན་པ་ལ་ན་ལེནྡྲར་མཁན་པོ་སྒྲ་གཅན་འཛིན་བཟང་པོ་ལས་རབ་ཏུ་བྱུང་། མཁན་པོ་དེ་ཉིད་ལས་ཐེག་པ་ཆེན་པོ་མདོ་སྔགས་མཐའ་དག་ཉན་པས་མཁས་པ་ཆེན་པོར་གྱུར། ཕྱིས་བསྙེན་པར་རྫོགས་ནས་དགེ་སློང་དཔལ་ལྡན་དུ་གྲགས། དགེ་འདུན་གྱི་ཞལ་ཏོ་བ་མཛད་ནས་
[63a.7]ཐེག་པ་ཆེ་ཆུང་གི་བསྟན་པ་གཉི་ག་བསྐྱངས་ཏེ་དགེ་སློང་ཚུལ་འཆལ་དབང་ཆེ་བར་ཡོད་པ། སྔ་ཕྱིར་སྟོང་ཕྲག་བརྒྱད་ཙམ་གནས་ནས་ཕྱུང་བར་གྲགས། མུ་གེ་ཉམ་ང་བ་བྱུང་བའི་ཚེ་ན་ལནྡྲའི་དགེ་སློང་ཐེག་ཆེན་འཆད་པ་ལྔ་བརྒྱ་ལ་གསེར་འགྱུར་གྱི་རྩིའི་སྦྱོར་བ་ལ་བརྟེན་
[63b.1]ནས་འཚོ་བ་སྦྱར། སྐབས་འདི་ཤེད་དུ་སྒྲ་གཅན་འཛིན་བཟང་པོའང་སྤྱོད་པ་ལ་གཤེགས་ཤིང་། མདའ་མཁན་གྱི་བུ་མོ་ཕྱག་རྒྱར་རོལ་བས་མཚན་མདའ་བསྣུན་ཞབས་སུ་གྲགས་ཏེ། ཐེག་པ་ཆེན་པོ་པའི་རྩ་ལག་གཅིག་པུ་པར་གྱུར་པ་འདིའི་ཐུན་མོང་གི་གདུལ་བྱ་དག་
[63b.2]གིས་མཇལ་དུ་ཡོད་པའི་སྐུ་ཚེའི་རིང་ལ་ཤེས་ཕྱིན་སྟོང་ཕྲག་བརྒྱ་པ་མ་གཏོགས་པ་འཕགས་ཡུལ་དུ་སྣང་བའི་ཐེག་ཆེན་གྱི་ཆོས་མཐའ་དག་བྱུང་བ་ཡིན་ནོ །དེ་ནས་སློབ་དཔོན་ཀླུ་སྒྲུབ་ཀྱིས་ལྷ་མོ་ཙཱཎྜི་ཀཱབསྒྲུབས་ཏེ་གྲུབ་པས་བསྟན་པ་ཇི་སྲིད་གནས་ཀྱི་བར་དུ་ཐེག་ཆེན་གྱི་དགེ་
[63b.3]འདུན་ལ་འཚོ་བ་སྦྱོར་བར་བསྒོས་ཀྱང་རྟེན་འབྲེལ་འགའ་ཞིག་གིས་དེ་བཞིན་དུ་མ་གྱུར་ནས་ལོ་བཅུ་གཉིས་སུ་དེས་འཚོ་བ་སྦྱར། དེའི་རྗེས་སུ་སློབ་དཔོན་གྱིས་ལྷ་ཁང་བརྒྱ་རྩ་བརྒྱད་དུ་ཐེག་ཆེན་གྱི་ཆོས་གཞི་བརྒྱ་རྩ་བརྒྱད་བཙུགས། དེ་དག་ཏུ་ནག་པོ་ཆེན་པོའི་སྐུ་རེ་རེ་
[63b.4]བཞེངས་ནས་བསྟན་པའི་གཉེར་གཏད་དོ། །རྡོ་རྗེ་གདན་གྱི་བྱང་ཆུབ་ཤིང་ལ་གླང་པོའི་གནོད་པ་བྱུང་བ་བཟློག་པའི་ཕྱིར་རྡོ་རིང་དང་། རྡོ་རིང་གི་སྟེང་དུ་ནག་པོ་ཆེན་པོའི་སྐུ་དང་། རྡོའི་དྲ་མིག་གིས་བསྐོར་ཅིང་ཕྱི་རོལ་དུ་མཆོད་རྟེན་བརྒྱ་རྩ་བརྒྱད་བཞེངས། དཔལ་ལྡན་
[63b.5]འབྲས་སྤུངས་ཀྱི་མཆོད་རྟེན་ལ་ལྕགས་རི་བཏབ། ལྕགས་རིའི་ནང་དུ་ལྷ་ཁང་བརྒྱ་རྩ་བརྒྱད་བཞེངས། ཀླུའི་རྒྱལ་པོས་སྤྱན་དྲངས་ཏེ་བཞུགས་པར་ཞུས་ཀྱང་ཛམྦུའི་གླིང་ན་མཆོད་རྟེན་བྱེ་བ་བཞེངས་གྲུབ་ནས་འབྱོན་པར་ཞལ་གྱིས་བཞེས་ཏེ། དེ་ནས་ཀླུ་འདམ་
[63b.6]དང་ཤེས་ཕྱིན་འབུམ་པ་གདན་དྲངས་ནས་བྱོན་པ་ལ་དེའི་གཤམ་ཅུང་ཟད་ཀླུས་མ་བཀུར་བར་གཏའ་མར་བཟུང་ངོ་ཞེས་གྲགས་སོ། །འདི་སྐབས་རྣམ་རིག་སྨྲ་བའི་བཙུན་པ་དགའ་བོ། དམ་པའི་སྡེ། ཡང་དག་བདེན་གསུམ་གྱིས་རྣལ་འབྱོར་སྤྱོད་པའི་ལུགས་ཀྱི་
[63b.7]བསྟན་བཅོས་ཀྱང་མང་དུ་བརྩམས་སོ། །རིགས་ཚོགས་ལྔ་ལ་སོགས་པའི་བསྟན་བཅོས་དང་། གཞན་ཡང་རིག་གནས་ལྔའི་བསྟན་བཅོས་བསམ་གྱིས་མི་ཁྱབ་པ་ཞིག་མཛད་ཅིང་། ཛམྦུའི་
[64a.1]གླིང་དུ་མཆོད་རྟེན་བྱེ་བ་བཞེངས་པ་དང་། པུཀྐཾ་ཨོ་ཌི་བི་ཤ། བྷངྒ་ལ་སོགས་ཡུལ་ཐ་དད་པ་རྣམས་སུ་གཙུག་ལག་ཁང་བཞེངས་ཤིང་བསྟན་པ་སྤེལ་བ་དང་། སྐུ་ཚེའི་སྨད་ལ་ལྷོ་ཕྱོགས་སུ་བྱོན་ནས་རྒྱལ་པོ་བདེ་བྱེད་བཏུལ། བྲམ་ཟེ་མཁས་པ་མ་རུ་
[64a.2]དང་། སུ་པྲ་མ་རུ་གཉིས་དང་རིག་པ་འགྲན་པས་སློབ་དཔོན་གྱི་བརྒྱའི་ཆར་ཡང་བྲམ་ཟེས་མ་སླེབས་ནས་བྲམ་ཟེའི་བུ་རིག་བྱེད་དང་བསྟན་བཅོས་ཀུན་གྱི་ཕ་རོལ་དུ་སོན་ནས་ཤཱཀྱའི་རྗེས་སུ་འཇུག་པ་ཅི་ཡིན་ཞེས་དྲིས་པ་ན་རིག་བྱེད་དང་ཆོས་ཀྱི་ཁྱད་པར་སོགས་རྒྱ་ཆེར་
[64a.3]བསྟན་པས་དད་དེ་ཐེག་ཆེན་མཆོད་པར་བྱེད་ཅིང་ཆོས་སྨྲ་བ་རྣམས་ལ་ཤེས་ཕྱིན་གྱི་གླེགས་བམ་མང་དུ་ཕུལ་བ་དང་དབྱངས་ཅན་མའི་སྔགས་ཀྱང་གྲུབ་པ་སོགས་ཚུར་མཐོང་གི་ངོར་བསྟན་པ་གསལ་བར་མཛད་པའི་ཕྲིན་ལས་ཀྱང་གཞལ་བར་མི་ནུས་སོ། །དེ་ལྟར་སློབ་དཔོན་
[64a.4]འདིས་ལོ་དྲུག་བརྒྱར་བདུན་ཅུ་རྩ་གཅིག་དམན་པར་སྐུ་དངོས་ཀྱིས་འགྲོ་དོན་མཛད་ཅིང་དཔལ་གྱི་རིར་བསྒོམས་པས་ས་དང་པོའི་རྟོགས་པ་བརྙེས་ཏེ་སྐུ་ལ་མཚན་སོ་གཉིས་དང་ལྡན་པར་གྱུར། དེའང་ཉིས་བརྒྱ་ཡུལ་དབུས། ཉིས་བརྒྱ་ལྷོ་ཕྱོགས། བརྒྱ་ཉི་ཤུ་རྩ་དགུ་དཔལ་
[64a.5]གྱི་རི་ལ་བཞུགས་པར་འདོད་དོ། །དེ་སྐབས་སློབ་དཔོན་འདིའི་གྲོགས་པོ་བྲམ་ཟེ་མཆོག་སྲེད་ཀྱིས་ཀྱང་བསྟན་པ་ལ་བྱ་བ་བྱས་སོ། །དེ་ཙམ་ན་ལི་ཡུལ་དུ་དགྲ་བཅོམ་པ་དགེ་བདུན་འཕེལ་དང་། ཐོ་གར་དུ་བྱེ་སྨྲའི་སློབ་དཔོན་མིའུ་ཐུང་དང་། ཁ་ཆེར་ཀུ་ན་ལ། ཉི་
[64a.6]འོག་དབུས་སུ་དགེ་བྱེད། ཤར་ཕྱོགས་སུ་སློབ་དཔོན་དགེ་འདུན་འཕེལ། ནུབ་ཕྱོགས་སུ་མདོ་སྡེ་པའི་སློབ་དཔོན་གཞོན་ནུ་ལེན་རྣམས་སོ་སོར་སློབ་མ་ཤིན་ཏུ་མང་པོ་དང་བཅས་པའང་བྱུང་ངོ༌། །འདི་སྐབས་བཙུན་པ་ཀུ་ན་ལའི་སློབ་མ་མང་དུ་ཐོས་པ་མདོ་སྡེ་འཛིན་པ་
[64a.7]གཞོན་ནུའི་སྡེ་ཞེས་བྱ་བ་ཞིག་དད་པ་མེད་པའི་ངང་ཚུལ་ཅན་ཡིན་པས་མཐར་བསླབ་པ་འཆལ་བས་དགེ་འདུན་གྱིས་གནས་དབྱུང་བྱས་པ་དང་། དེ་ཤིན་ཏུ་འཁྲུགས་ནས་སངས་རྒྱས་ཀྱི་བསྟན་པ་ཉམས་པར་བྱ་བའི་ཕྱིར་མི་མཐུན་པའི་ཆོས་བརྩམས་པར་བསམས་ནས་ཐོ་
[64b.1]གར་གྱི་རྒྱབ་ཤུ་ལིག་ཅེས་བྱ་བའི་ཡུལ་དུ་སོང་ནས་རང་ཉིད་ཀྱི་མིང་མཱ་ཐ་ར་ཞེས་པར་བསྒྱུར། འཚེ་བ་ཆོས་སུ་སྨྲ་བའི་གཞུང་བརྩམས་ནས་ལྷ་མ་ཡིན་གྱི་གདོན་ཆེན་པོ་བི་ཥ་མིལླའི་གནས་སུ་སྦས་སོ། །དེར་བདུད་ཀྱིས་བྱིན་གྱིས་བརླབས་པས་གཡུལ་ལས་རྒྱལ་
[64b.2]བ་སོགས་རིག་སྔགས་མང་པོའང་གྲུབ་བོ། །དེའི་ཚེ་ཁོ་རཱ་ས་ནའི་ཡུལ་གྱི་བྲམ་ཟེའི་བུ་མོ་ཞིག་ཉིན་རེ་བཞིན་མེ་ཏོག་འཐུ་ཞིང་ལྷ་ལ་མཆོད་པ་སོགས་བྱེད་པས། །ཉིན་གཅིག་མེ་ཏོག་སྤུངས་པའི་གསེབ་ནས་བྱི་བ་ཞིག་འོངས་པ་ལུས་ལ་ཐིམ་པ་དང་སྦྲུམ་སྟེ། ལོ་དུས་
[64b.3]ན་ཁྱེའུ་ཞིག་བཙས་པ་ཆེར་སྐྱེས་ནས། ན་ཟླའི་བྱིས་པ་རྣམས་ལ་རྡེག་ཅིང་སྲོག་ཆགས་གསོད་པ་ཞིག་བྱུང་བ་ཡུལ་དཔོན་གྱིས་ནགས་ཚལ་དུ་བསྐྲད་ཀྱང་དེར་ཡང་སྐྱེ་བོ་འོངས་ཚད་ཁ་བཏགས་ཤིང་སྲོག་ཆགས་སྣ་ཚོགས་གསོད་པ་རྒྱལ་པོས་ཐོས་ཏེ་རྒྱུ་མཚན་དྲིས་
[64b.4]པ་དང་། དེ་ན་རེ། བདག་རིགས་བཞི་གང་ཡང་མིན་པས་རིགས་ཆོས་སྦྱིན་པ་པོ་མ་བྱུང་བའི་ཕྱིར་ཁྲོའོ། །རིགས་ཆོས་སྦྱིན་པ་ཞིག་ཡོད་ན་དེའི་བྱ་བ་སྤྱད་དོ། །ཞེས་ཟེར་ནས་ཁོ་རང་གི་རིགས་ཆོས་བཙལ་བར་རྩོམ་པ་ན་བདུད་ཀྱི་མཐུས་སྔར་གླེགས་བམ་སྦས་པ་དེ་སྙེད་ནས་
[64b.5]བཀླགས་པས་མོས་ཏེ། མཱ་ཐ་ར་ཉིད་དང་ཡང་འཕྲད་ཅིང་རིག་སྔགས་རྣམས་ཀྱང་གྲུབ་ནས། བཻ་ཁམ་པ་ཞེས་བྱ་བ་ཀླ་ཀློའི་དྲང་སྲོང་དུ་གྱུར་ཏོ། །དེ་འཁོར་སྟོང་དང་བཅས་པས་མ་ཁའི་ཡུལ་དུ་ཀླ་ཀློའི་ཆོས་བསྟན་པས་སྟོན་པ་ཨངྷོ་ཞེས་པར་གྲགས་ཤིང་། དེར་
[64b.6]ཏུ་རུ་ཥའི་རྒྱལ་རིགས་རྣམས་ཀྱང་བྱུང་ངོ༌། །དེས་ན་ཀླ་ཀློའི་ལུགས་དང་པོར་དར་བའི་ཚུལ་ནི་དེ་ལྟར་ཤེས་པར་བྱའོ། དེ་འོག་ཉི་འོག་གི་རྒྱལ་པོ་ཨཀ་ཙནྡྲ་དང་། ཛ་ཡ་ཙནྡྲ་གཉིས་ལས་ཕྱི་མའི་བུ་ནེ་མ་ཙནྡྲའི་ཚེ་མདུན་ན་འདོན་བྲམ་ཟེ་པུཥྱ་མི་ཏྲ་ཞེས་པས་རྒྱལ་
[64b.7]སྲིད་ཕྲོགས་ནས་དབང་བསྒྱུར་ཏེ་ཡུལ་དབུས་ནས་ཛ་ལནྡྷ་རའི་བར་གྱི་གཙུག་ལག་ཁང་མང་པོ་མེར་བསྲེགས། མང་དུ་ཐོས་པའི་དགེ་སློང་འགའ་ཞིག་ཀྱང་བསད་པ་སོགས་ཕྱོགས་དེའི་བསྟན་པ་ཅུང་ཟད་ཉམས་པར་གྱུར་ཏོ། །དེ་ནས་ཤར་ཕྱོགས་གོ་ཌའི་ཡུལ་
[65a.1]དུ་རྒྱལ་པོ་གོ་ཌ་འཕེལ་བྱེད་ཅེས་བྱ་བ་བྱུང་སྟེ། གཙུག་ལག་ཁང་ཉམས་པ་དེ་དག་གསོས་ནས་ཆོས་གཞི་རྒྱས་པར་བྱས། གནས་བརྟན་བསམ་རྫོགས་ཞེས་བྱ་བས་ཀྱང་ཉན་ཐོས་ཀྱི་སྡེ་སྣོད་གསལ་བར་མཛད་ཅིང་མ་ག་དྷཱར་ཆོས་གཞི་དྲུག་ཅུ་
[65a.2]ཙམ་བཙུགས་ཏེ་འདི་སྐབས་ཤེད་དུ་སློབ་དཔོན་ཀླུ་སྒྲུབ་ཀྱང་འདས་པར་སྣང་ངོ༌། །དེ་ནས་གྲོང་ཁྱེར་བཱ་ག་དར་ཏ་ཟིག་གི་རྒྱལ་པོ་ཧ་ལ་མུ་ཞེས་པ་འཕགས་ཡུལ་དུ་ཀླ་ཀློའི་ཐོག་མ་ཡིན་པ་དེ་བྱུང་ངོ༌། །ཤར་ཕྱོགས་ཀྱི་བྲམ་ཟེ་ཀཱ་ཤི་ཛཱ་ཏས་ཆོས་སྨྲ་བ་རྣམས་ལྷག་པར་
[65a.3]མཆོད་ནས་བསྟན་པ་ཉམས་པ་རྣམས་སྔར་བཞིན་གསོས་པའང་འདིའི་དུས་སོ། །སློབ་དཔོན་ཀླུ་སྒྲུབ་ཀྱི་རྗེས་ནས་བསྟན་པ་སྐྱོང་བའི་མཆོག་ནི་སློབ་དཔོན་ཨཱརྱ་དེ་བ་ཡིན་ཏེ། དེ་ནི་སིངྒྷ་ལའི་གླིང་གི་རྒྱལ་པོ་པཉྩ་ཤྲི་གའི་སྲས། མཁན་པོ་ཧེ་མ་དེ་ཝ་ལས་
[65a.4]རབ་ཏུ་བྱུང་ཞིང་བསྙེན་པར་རྫོགས་པ། སྡེ་སྣོད་གསུམ་ལ་མཁས་པ་ཞིག་ཕྱིས་དཔལ་གྱི་རིར་སློབ་དཔོན་ཀླུ་སྒྲུབ་བརྟེན་ནས་དངོས་གྲུབ་མང་པོ་ཐོབ་པར་མཛད་ཅིང་སྙིང་པོ་དོན་གྱི་བསྟན་པའང་གཏད་དོ། །སློབ་དཔོན་འདས་ནས་ལྷོ་ཕྱོགས་ཀྱི་རྒྱུད་རྣམས་སུ་
[65a.5]བསྒོམས་པ་དང་བཤད་ཉན་གྱིས་ཀྱང་སེམས་ཅན་གྱི་དོན་རྒྱ་ཆེན་པོ་མཛད། ཤིང་གི་ལྷ་ལ་སོགས་པ་ལས་ཡོ་བྱད་བཞེས་ནས་གཙུག་ལག་ཁང་ཉི་ཤུ་རྩ་བཞི་བཞེངས། དེ་སོ་སོར་ཐེག་ཆེན་གྱི་ཆོས་བཞི་རེའང་བཙུགས་སོ། །ཤར་ཕྱོགས་ན་ལི་ནཱིའི་ཡུལ་
[65a.6]གྱི་བྲམ་ཟེ་མ་ཁོལ་པས་ཕྱོགས་ཕྱོགས་ཀྱི་སངས་རྒྱས་པ་མང་པོ་རྩོད་པས་ཕམ་པར་བྱས་ཏེ་ན་ལནྡར་རྩོད་པའི་ཕྱིར་འོངས་པ་དང་།་ཆོས་སྐྱོང་གིས་བསྐུལ་ཏེ་དཔལ་གྱི་རི་ནས་ན་ལནྡར་ཐུན་ཚོད་གཅིག་གི་ཡུན་ཙམ་གྱིས་གཤེགས་ནས་རྩོད་པས། མུ་སྟེགས་ཅན་
[65a.7]ལན་གསུམ་དུ་ཚར་གཅད་ཅིང་ཕམ་པར་བྱས། སྔགས་ཀྱི་མཐུས་ནམ་མཁའ་ལ་འགྲོ་བར་བརྩམས་ཀྱང་སླར་རིག་སྔགས་ཀྱིས་བཅིངས་ཏེ་བཞག །ཕྱིས་རང་ཉིད་ལུང་བསྟན་པའི་མདོ་སྡེ་མཐོང་བས་དད་ཅིང་ནོངས་པ་བཤགས་ནས་བསྟན་པ་ལ་ཞུགས་ཏེ་སྡེ་སྣོད་
[65b.1]གསུམ་འཛིན་པར་གྱུར་ཏོ། །དེ་ལ་སོགས་པ་ཕྲིན་ལས་རྒྱ་ཆེན་པོ་མཛད་ནས། དམངས་རིགས་ལས་རབ་ཏུ་བྱུང་ཞིང་དངོས་གྲུབ་ཆེན་པོ་བརྙེས་པ་སྒྲ་གཅན་འཛིན་བཟང་པོ་ལ་སྙིང་པོའི་བསྟན་པ་གཏད་ནས་གཤེགས་སོ། །བོད་སློབ་དཔོན་དེ་དང་དུས་མཚུངས་སུ་ཀླུ་སྒྲུབ་
[65b.2]ཀྱི་སློབ་མ་ནཱ་གཱ་ཧཱ་སྟེ་ཀླུས་བོས་ཞེས་པ་ཀླུའི་འཇིག་རྟེན་དུ་ལན་བདུན་བྱོན་པར་གྲགས་པ་དེས་ཐེག་པ་ཆེན་པོའི་མདོ་སྡེ་དུ་མ་རྣམ་པར་འགྲེལ་བར་མཛད་ཅིང་། ཁྱད་པར་དེ་བཞིན་གཤེགས་པའི་སྙིང་པོ་སྟོན་པའི་མདོ་སྡེ་རྣམས་ཡོངས་སུ་རྒྱས་པར་མཛད་པས་ཕྱི་ནས་
[65b.3]མདོའི་ཚིགས་བཅད་རྣམས། གྲོང་ཁྱེར་པའི་ཁྱེའུ་བུ་མོ་ཚུན་གྱིས་གླུར་ལེན་པ་བྱུང་། ན་ལནྡའི་མཁན་པོའང་ཡུན་རིང་དུ་མཛད་དོ། །གཞན་ཡང་ཀླུ་སྒྲུབ་ཀྱི་སློབ་མ་ཕྱག་རྒྱ་ཆེན་པོའི་དངོས་གྲུབ་བརྙེས་པ་ཀླུའི་བྱང་ཆུབ་དང་། ཤྲྀངྒ་པ་སོགས་ཤིན་ཏུ་མང་པོས་
[65b.4]བསྟན་པ་ལ་བྱ་བ་ལྷག་པར་བྱས་སོ། །དེ་ནས་ཡུལ་མ་གོ་རར་རྒྱལ་པོ་ཟླ་སྦས་ཀྱི་བུ་སྙིང་པོ་ཐིག་ལེ་ཞེས་པ་རྒྱལ་སྲིད་བྱེད་པའི་ཚེ་སློབ་དཔོན་མ་ཁོལ་བ་བསྟན་པའི་རྩ་ལག་ཆེན་པོར་གྱུར་ཏེ་གྲོང་ཁྱེར་མེ་ཏོག་ཅན་དུ། མེ་ཏོག་གིས་བརྒྱན་པའི་གཙུག་ལག་ཁང་དུ་
[65b.5]བཞུགས་ནས་ཐེག་པ་ཆེ་ཆུང་གཉི་གའི་བསྟན་པ་ཡ་ཆེས་དར་བར་མཛད་དོ། །སློབ་དཔོན་འདི་ནི་རྒྱལ་བས་བསྟོད་པ་བྱེད་པར་ལུང་བསྟན་ཅིང་། དང་པོར་ནང་པའི་བསྟན་པ་ལ་ཞུགས་ཙམ་གྱི་ཚེའང་བྲམ་ཟེ་རྣམས་ཀྱི་ཕུལ་དུ་གྱུར་པ་འདི་ལྟ་བུའང་རང་གི་ལུགས་བོར་
[65b.6]ནས་ནང་པ་ལ་ཞུགས་ན། བདག་ཅག་རྣམས་ལྟ་ཅི་སྨོས་ཞེས་བྲམ་ཟེ་མཁས་པ་སྟོང་ཕྲག་མང་པོའང་བསྟན་པ་ལ་ཞུགས་པ་དང་། ཕྱིས་ནས་ཤེས་ཕྱིན་བསྡུས་པ་སོགས་བསྟན་བཅོས་མང་པོ་མཛད་ཅིང་། ཆོས་དང་ཟང་ཟིང་གཉི་གས་གདུལ་བྱ་རྣམས་ལ་ཕན་
[65b.7]བཏགས་པས་རྒྱལ་བའི་བསྟན་པ་ཉིན་མོ་ལྟར་གསལ་བར་མཛད་དེ། མདོར་ན་འདིས་མཛད་པའི་བསྟོད་པ་རྣམས་གླུ་གར་མཁན་རྣམས་ཀྱིས་ཀྱང་འདོན་པ་དེ་ཙམ་དུ་དར་བར་གྱུར་ནས། དེ་དག་ཐོས་པ་ཁོ་ནས་སངས་རྒྱས་ཀྱི་བསྟན་པ་ལ་ཞུགས་པའང་བགྲང་
[66a.1]དུ་མི་སྤྱོད་པར་ཡོད་དོ། །བོད་འདིར་ཁ་ཅིག་གིས། སློབ་དཔོན་འདིས་སྟག་མོ་ལ་ལུས་བྱིན་ཅིང་སྐྱེས་རབས་བརྒྱ་རྩ་རྩོམ་འཕྲོར་ལུས་པ་སོགས་བཤད་མོད་ཀྱི། དེ་ནི་སློབ་དཔོན་འདིའི་མཚན་གྱི་རྣམ་གྲངས་སུ་ཆོས་
[66a.2]ལྡན་རབ་འབྱོར་དབྱངས་ཞེས་གྲགས་པས། དེ་དང་གཞན་ལ་ཕན་པའི་དབྱངས་དགོན་པ་བ་ཞེས་པ་སྨོན་ལམ་བདུན་ཅུ་པ་རང་གི་ཁྲག་གིས་བྲིས་ཏེ་སྟག་མོ་ལ་ལུས་སྦྱིན་པ་པོ་དེ་གཉིས་འཁྲུལ་པ་ཡིན་ནམ་སེམས་སོ། །གཞན་ལ་ཕན་པའི་དབྱངས་
[66a.3]ཉིད་སློབ་དཔོན་དཔའ་བོའོ་ཟེར་ན་ཅུང་མི་འཐད་དེ། འཕགས་ཡུལ་གྱི་གཏམ་ཁུངས་མ་རྣམས་སུ་དེ་དཔའ་བོ་ལས་ཕྱིས་བྱོན་པར་བཤད་པའི་ཕྱིར་རོ། །རྒྱལ་པོ་སྙིང་པོ་ཐིག་ལེའི་བུ་ཤྲཱི་ཙནྡྲིས་རྒྱལ་སྲིད་བྱེད་པའི་ཚེ་སྤྱན་རས་གཟིགས་ཀྱི་ལྷ་
[66a.4]ཁང་ཞིག་བཞེངས་ནས་དེར་ཐེག་པ་ཆེན་པོའི་ཆོས་སྨྲ་བ་ཉིས་སྟོང་ལ་འཚོ་བ་སྦྱར། འདི་སྐབས་ན་ལནྡའི་མཁན་པོ་འཕགས་པ་ལྷའི་སློབ་མ་སྒྲ་གཅན་འཛིན་བཟང་པོས་མཛད་དེ་དེར་དྲི་གཙང་ཁང་བཅུ་བཞི་བཞེངས། ཆོས་གཞི་མི་འདྲ་བ་བཅུ་
[66a.5]བཞི་བཙུགས། ནུབ་ཕྱོགས་ཊི་ལི་དང་མལླ་བ་ཡི་ཡུལ་དུ་རྒྱལ་པོ་ཀ་ནིཥྐ་ཞེས་པ་རིན་པོ་ཆེའི་འབྱུང་ཁུངས་ཉི་ཤུ་རྩ་བརྒྱད་རྡོལ་བ་སོགས་ཀྱི་འབྱོར་པ་ཆེན་པོས་རྒྱལ་སྲིད་བྱེད་པའི་ཚེ་སློབ་དཔོན་དཔའ་བོ་སྤྱན་དྲངས་ཀྱང་བགྲེས་པས་འབྱོན་མ་ཐུབ་
[66a.6]སྟེ་སྤྲིན་ཡིག་མཛད་ནས་ཆོས་ལ་བཀོད་པས། གཙུག་ལག་ཁང་མང་པོ་བཞེངས་པ་དང་། ཐེག་པ་ཆེ་ཆུང་གི་དགེ་སློང་སུམ་ཁྲི་རེ་རྟག་ཏུ་མཆོད་པ་སོགས་བསྟན་པ་ལ་བྱ་བ་བྱས་སོ། དེ་ནས་རྒྱལ་པོ་ཤྲཱི་ཙནྡྲའི་བུ་དྷརྨ་ཙནྡྲའི་རིང་ལ་ཏུ་
[66a.7]རུཥྐའི་དམག་བྱུང་ནས་མ་ག་དྷཱ་བཅོམ། གཙུག་ལག་ཁང་མང་པོ་བཤིག །ན་ལནྡར་ཡང་གནོད་པ་ཆེར་བྱུང་། རབ་ཏུ་བྱུང་བ་རྣམས་རིང་དུ་བྲོས་སོ། །རྒྱལ་པོ་དྷརྨ་ཙནྡྲ་ཤི་ནས་ཚ་བོ་ཞིག་ཡོད་ཀྱང་གར་ལོག་གི་འོག་ཏུ་སོང་བས་དབང་
[66b.1]མེད་ཅིང་། དེའི་ཚེ་ཝཱ་རཱ་ཎ་སཱི་ན་དྷརྨ་ཙནྡྲའི་ཞང་པོའི་བུ་རྒྱལ་པོ་སངས་རྒྱས་ཕྱོགས་ཞེས་བྱ་བས་རྒྱ་ཡུལ་དུ་མདོ་སྡེ་སྨྲ་བའི་སློབ་དཔོན་འགའ་ཞིག་བརྫངས་པའི་དྲིན་ལན་དུ་གསེར་མི་ཁུར་བརྒྱ་ལ་སོགས་པ་མི་སྟོང་ཕྲག་བཅུས་ཁུར་བའི་ཡོ་བྱད་
[66b.2]བསྐུར་བ་དེས། དབུས་དང་ནུབ་ཕྱོགས་ཀྱི་རྒྱལ་ཕྲན་གཙོ་བོ་གཙོ་བོ་དག་མགུ་བར་བྱས་པ་དང་དེ་དག་གིས་གྲོགས་བྱས་ནས། ཏ་ཟིག་གི་རྒྱལ་པོ་ཁུ་ནི་མ་སྟ་དང་གཡུལ་བཀྱེ་བས། རྒྱལ་པོ་དེ་ལ་སོགས་པ་ཏུ་རུཥའི་དཔའ་བོ་རྣམས་
[66b.3]བསད་ནས་ནུབ་ཕྱོགས་ཀྱི་རྒྱལ་ཁམས་ཐམས་ཅད་ལ་དབང་བསྒྱུར་ཏེ་ལྷ་ཁང་དང་ཆོས་གཞི་ཉམས་པ་ཐམས་ཅད་གསོས། དགེ་འདུན་རྣམས་སྤྱན་དྲངས་ནས་ན་ལེནྡར་ཆོས་གཞི་བརྒྱད་ཅུ་རྩ་བཞི་བཙུགས། སློབ་དཔོན་དཔའ་བོ་ལའང་མཚན་
[66b.4]དེ་ལྟ་བུ་ཡོད་ཀྱང་དེ་མ་ཡིན་པའི་མ་ཏི་ཙ་ཏྲ་ཕྱི་མ་ཞིག་བྱུང་བ་བླ་མར་བཀུར་ནས་བསྟན་པ་ཤིན་ཏུ་དར་བར་བྱས་སོ། །དེ་ནས་ལྷོ་ཕྱོགས་ཀྱི་རྒྱུད་ཀྲྀཥཱ་རཱ་ཛའི་ཡུལ་དུ་སློབ་དཔོན་མཱ་ལི་ཀ་བུདྡྷ་ཞེས་བྱ་བས་ཤེས་རབ་ཀྱི་ཕ་རོལ་ཏུ་ཕྱིན་པ་ལྷག་པར་རྒྱས་པར་བྱས་
[66b.5]ཤིང་མཆོད་རྟེན་དང་ལྷ་ཁང་སྟོང་ཕྲག་ཙམ་བཞེངས་པ་དང་། ཆོས་གཞི་ཉི་ཤུ་རྩ་གཅིག་ཀྱང་བཙུགས། མཐར་ཏུ་རུཥའི་ཆོམ་པོས་བཀྲོངས་པའི་ཚེ་ཁྲག་འོ་མར་ཟག་པ་དང་། ཁོག་པ་ནས་མེ་ཏོག་དམར་པོ་དཔག་ཏུ་མེད་པ་ཐོན་ཏེ་བར་སྣང་
[66b.6]ཁེངས་པ་སོགས་བྱུང་ངོ༌། །ཡང་ཡུལ་དེ་ཉིད་དུ་སློབ་དཔོན་མུ་དི་ཏཱ་བ་བྷ་དྲ་ཞེས་པ་མང་དུ་ཐོས་ཤིང་སྦྱངས་ཡོན་ལ་གནས་པ། མི་སྐྱེ་བའི་ཆོས་ལ་བཟོད་པ་ཐོབ་པ་ཞིག་བྱུང་སྟེ། དེས་སྔར་གྱི་མཆོད་རྟེན་ཞིག་པ་ཐམས་ཅད་གསོས་ནས་སླར་
[66b.7]ཡང་མཆོད་རྟེན་རེ་རེ་ལ་བཅུ་བཅུས་བསྐོར། ཡུལ་དེ་དང་ཡུལ་དབུས་སུའང་བསྟན་པ་ཆེས་གསལ་བར་མཛད། ཆད་པ་ཁས་མི་ལེན་པའི་བསླབ་པ་འཆལ་བ་མང་པོ་གནས་ནས་ཕྱུངས་པའི་རྐྱེན་གྱིས་དེ་དག་སློབ་དཔོན་དེ་ལ་ཤིན་ཏུ་སྡང་བས་ཐུགས་
[67a.1]སྐྱོ་སྟེ་འཕགས་པ་ཀུན་ཏུ་བཟང་པོ་ལ་བདག་སེམས་ཅན་གྱི་དོན་གང་དུ་འབྱུང་བ་དེར་འཁྲིད་པར་ཞུ་ཞེས་ཞུས་པས་ནམ་མཁའ་ལ་བྱོན་ནས་ན་བཟའ་ལ་འཇུས་ཤིག་གསུངས། འཇུས་མ་ཐག་ལི་ཡུལ་དུ་སླེབས་ཏེ་དེར་བསྟན་པ་ལ་བྱ་བ་
[67a.2]ལྷག་པར་མཛད་དོ། །དེ་ལྟར་ཡུལ་དབུས་སོགས་སུ་ཆོས་ཤིན་ཏུ་དར་བའི་སྐབས་ཤིག་ན། ན་ལེནྡར་བློན་པོ་ཀ་ཀུ་ཏ་སིདྷའི་ལྷ་ཁང་ཞལ་བསྲོའི་ཚེ་མུ་སྟེགས་ཀྱི་སྤྲང་པོ་གཉིས་ཤིག་སློང་བ། དགེ་ཚུལ་གཏུམ་པོ་དག་གིས་གཙེས་པས་འཁྲུགས་པར་གྱུར་ནས་གཅིག་གིས་
[67a.3]འཚོ་བ་སྦྱངས་ཤིང་། ཅིག་ཤོས་ཀྱིས་སའི་དོང་གཏིང་རིང་བར་ལོ་བཅུ་གཉིས་སུ་ཉི་མ་བསྒྲུབས་པས་གྲུབ་སྟེ་ཐལ་བ་ལ་སྔགས་བཟླས་ནས་གཏོར་བས་མེ་འབར་བར་གྱུར་ཏེ་ན་ལེནྡྲའི་ལྷ་ཁང་བརྒྱད་ཅུ་རྩ་བཞི་པོ་པ་ཐམས་ཅད་བསྲེགས་སོ། ཁྱད་པར་དུ་གཙུག་ལག་ཁང་དེ་དག་གི་གཙོ་བོ་
[67a.4]རཏྣ་སཱ་ག་ར། རཏྟཱོ་ད་དྷི། རཏྣ་རཎྜ་ཀ་སྟེ་གསུམ་དུ་ཐེག་པ་ཆེན་པོའི་མདོ་རྒྱུད་ཀྱི་གླེགས་བམ་ཐམས་ཅད་བཞུགས་པས་དྷརྨ་གཉྫར་གྲགས་པ་དེ་དག་བསྲེགས་པས། རཏྟཱ་ད་དྷིའི་གཙུག་ལག་ཁང་དགུ་ཐོག་ཡོད་པའི་སྟེང་མ་ན་གླེགས་བམ་འགའ་ཞིག་ལས་ཆུའི་
[67a.5]རྒྱུན་ཆེན་པོ་བབས་པས་ཆུ་རྒྱུན་དེས་ཁྱབ་ཚད་ཀྱི་པུསྟ་ཀ་རྣམས་མ་ཚིག་པར་ལུས་སོ། །མུ་ཏོ་བ་དེ་གཉིས་ཀྱང་རྒྱལ་པོའི་ཆད་པར་སྐྲག་ནས་བྱང་ཕྱོགས་ཧ་སཱ་མའི་ཡུལ་དུ་བྲོས་པས། དེར་སྡིག་པའི་ལས་ཀྱིས་ལུས་ལ་མེ་རང་འབར་བས་ཚིག་སྟེ་ཤིའོ། །དེ་ནས་ཕྱོགས་
[67a.6]ཕྱོགས་ཀྱི་མང་དུ་ཐོས་པ་དང་ཐོས་པ་འཛིན་པ་རྣམས་འདུས་ནས། རང་རང་གིས་བཟུང་བ་རྣམས་དང་ཕྱོགས་གཞན་དུ་གླེགས་བམ་ན་ཡོད་པ་རྣམས་ཡི་གེར་སྤེལ་ཞིང་ཉམས་པ་གསོས་ཀྱང་སྔར་དགྲ་ལན་གཉིས་བྱུང་བའི་རྐྱེན་གྱིས་ཀྱང་འགའ་ཞིག་ནུབ་ལ། འགའ་ཞིག་
[67a.7]རང་བཞིན་གྱིས་ནུབ་པ་དང་། མེ་ཡི་དགྲ་འདིས་འདུས་པ་ཆེན་པོ་ལེའུ་སྟོང་ལས་ལེའུ་དགུ་ལུས་པ་ལྟ་བུ་ཐེག་ཆེན་གྱི་སྡེ་སྣོད་ཆ་བཅོ་ལྔར་བཏང་བའི་ཆ་གཅིག་ཙམ་ལས་མ་ལུས་པར་གྲགས་སོ། །ལྷ་ཁང་དང་ཆོས་གཞི་རྣམས་ཀྱང་རྒྱལ་པོ་སངས་རྒྱས་ཕྱོགས་དང་། བྲམ་
[67b.1]ཟེ་ཤངྐུ་རྒྱུ་སོགས་འབྱོར་ལྡན་དད་པ་ཅན་མང་པོས་གསོས་ཏེ་སྔ་མ་བཞིན་དུ་གྱུར་ཏོ། དེ་ནས་སངས་རྒྱས་ཕྱོགས་ཀྱིས་ཉིད་ཀྱི་སྐུ་ཚེའི་སྨད་ལ་ཤར་ཕྱོགས་ཨོ་ཌི་བི་ཤིའི་ཡུལ་དུ་རིན་ཆེན་རི་བོའི་གཙུག་ལག་ཁང་བཞེངས་པར་བཀའ་དང་བསྟན་བཅོས་མཐའ་དག་ཚར་གསུམ་
[67b.2]བཞེངས་ནས་བཞུགས་སུ་གསོལ། དེར་ཆོས་གཞི་ཆེན་པོ་བརྒྱ་དང་དགེ་སློང་ལྔ་བརྒྱ་ཚོགས་པར་བྱས། དེ་བཞིན་དུ་བྷངྒ་ལ་དང་ཉེ་བའི་རྒྱ་མཚོའི་འགྲམ་ཞིག་ཏུ་ལྷའི་རི་བོ་ཞེས་བྱ་བའི་གཙུག་ལག་ཁང་བཞེངས་ནས། བཙུན་མོ་དང་བྲམ་ཟེ་ཤངྐུ་གཉིས་སོགས་ཀྱིས་ཀྱང་
[67b.3]ཆོས་གཞི་དང་དགེ་འདུན་སོགས་སྔ་མ་དང་མཚུངས་པར་བསྒྲུབས་སོ། །བྲམ་ཟེ་ཤངྐུ་གཅིག་ནི་ཀླུ་འདུལ་བའི་རིག་སྔགས་གྲུབ་པས་ལྷོ་ཕྱོགས་ཁ་གེནྡྲའི་ཡུལ་དུ་ནམ་མཁའ་ལྡིང་གི་མཆོད་སྡོང་འཛུགས་པ་པོ་དེའོ། །ཅིག་ཤོས་ནི་ཀུ་རུ་ཀུལླའི་རིག་སྔགས་གྲུབ་སྟེ་རྒྱལ་པོ་
[67b.4]སངས་རྒྱས་ཕྱོགས་ལ་ཀླུའི་རྒྱལ་པོ་རཀྵ་ཀ་སྟོན་པར་རྩོམ་པ་པོ་དེའོ། །རྒྱལ་པོ་སངས་རྒྱས་ཕྱོགས་ཀྱི་རྗེས་ནས་རྒྱལ་པོ་ཀརྨ་ཙནྡྲ་ཞེས་བྱ་བའི་ཚེ་སློབ་དཔོན་དགའ་བྱེད་སྙན་པ་དང་། །སྒྲ་གཅན་འཛིན་བཤེས་གཉེན་དང་། དེའི་སློབ་མ་ཀླུའི་བཤེས་གཉེན་སོགས་ཀྱིས་བསྟན་
[67b.5]པ་བསྐྱངས་ཤིང་ཐེག་པ་ཆེན་པོ་རྒྱས་པར་མཛད། དེ་ཙམ་ན་སྔོན་ཆོས་ཀྱི་རྒྱལ་པོ་ཏུ་རུཥ་ཞེས་པ་ལོ་མང་དུ་འཚོ་བ་ཞིག་བྱུང་བ། དེའི་བུ་ཏུ་རུཥྐ་མང་པོས་བཀུར་བ་ཞེས་པ་ཁ་ཆེར་རྒྱལ་སྲིད་བྱེད་དེ། དེས་ཡུལ་ཕྱོགས་དེ་དང་། ག་ཛ་ནི། ཐོ་གར་རྣམས་སུའང་དབང་བསྒྱུར་
[67b.6]ནས་ག་ཛ་ནིར་སྟོན་པའི་ཚེམས་བཞུགས་པའི་མཆོད་རྟེན་བཞེངས་ནས་དེ་མཆོད་པའི་སླད་དུ་དགེ་སློང་ཕ་མ་སྟོང་ཕྲག་རེ་དང་དགེ་བསྙེན་ཕ་མ་སྟོང་ཕྲག་རེ་རྣམས་ཀྱང་བསྐོས། སྐུ་གཟུགས་ཀྱི་ཁྱད་པར་ཡང་དཔག་ཏུ་མེད་པ་བཞེངས། ཁྱད་པར་ཡུལ་དེར་དགེ་སློང་འཚོ་བྱེད་
[67b.7]དང་། དགེ་བསྙེན་ཆོས་འཕེལ་ཞེས་བྱ་བ་སོ་སོར་འཁོར་ལྔ་སྟོང་ལྔ་སྟོང་དང་བཅས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་སྒོམ་པ་གཙོ་བོར་བྱེད་པས་རྒྱལ་བ་མཉེས་པར་བྱེད་པ་བྱུང་ཞིང་དེས་ཆོས་བསྟན་པས་ཀྱང་དགེ་སློང་དང་དགེ་བསྙེན་པ་སོགས་རྫུ་འཕྲུལ་ཅན་མང་དུ་བྱུང་ངོ༌། །
[68a.1]དེ་ནས་སློབ་དཔོན་ཨདྷ་ཏ་ཞེས་པས་གཏེར་གྱི་བུམ་པ་བསྒྲུབས་ནས་དགེ་འདུན་ཁྲི་ཕྲག་མང་པོའི་འཚོ་བ་སྦྱོར་བ་བྱུང་ཞིང་སློབ་དཔོན་ཆེན་པོ་ཐོགས་མེད་ཡབ་སྲས་ཀྱང་འདི་སྐབས་བྱུང་སྟེ། དེ་ལ་ཐོགས་མེད་ནི་བྲམ་ཟེ་མོ་པྲ་ཀཱ་ས་ཤཱི་ལཱ་ཞེས་པའི་སྲས་ཏེ་
[68a.2]ཆུང་ངུ་ནས་རིག་པའི་གནས་ལྔ་ལ་མཁས་པར་གྱུར་ཅིང་། རབ་ཏུ་བྱུང་ནས་ཀྱང་ཐེག་པ་ཆེ་ཆུང་གི་སྡེ་སྣོད་ཐམས་ཅད་ལ་ཤིན་ཏུ་མཁས་ཀྱང་ཤེས་ཕྱིན་ཅུང་ཟད་རྟོགས་དཀའ་བར་བྱུང་ནས་ལོ་བཅུ་གཉིས་སུ་རི་བོ་བྱ་རྐང་ཅན་དུ་བྱམས་པ་བསྒྲུབས་ནས་ཕྱིས་དངོས་སུ་ཞལ་མཐོང་
[68a.3]བ་ཙམ་ཡ་གྱིས་ཆོས་རྒྱུན་གྱི་ཏིང་ངེ་འཛིན་ཐོབ། ན་བཟའ་ལ་འཇུས་ནས་དགའ་ལྡན་དུ་བྱོན་མི་ལོ་ཉེར་ལྔར་ཆོས་གསན་ནས་སླར་མི་ཡུལ་དུ་འགྲོ་དོན་མཛད། མངོན་པར་ཤེས་པ་སོགས་ཡོན་ཏན་བསམ་གྱིས་མི་ཁྱབ་པའི་བདག་ཉིད་ཆེན་པོར་གྱུར་ཏེ་ས་གསུམ་པའི་རྟོགས་
[68a.4]པ་བརྙེས་པར་གྲགས། སློབ་དཔོན་འདིས་དང་པོར་མ་ག་དྷ་བཏང་བྲང་གི་ཚལ་དུ་གཙུག་ལག་ཁང་མཛད་དེ། དེར་མང་དུ་ཐོས་པ་བརྒྱད་ལ་ཟབ་མོའི་དོན་བཀྲོལ་ཞིང་བསྟན་པས་ཐམས་ཅད་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར། བྱམས་པའི་ཆོས་ལྔའང་ཡི་
[68a.5]གེར་བཀོད། སྡོམ་རྣམ་གཉིས་དང་ས་སྡེ་ལྔ་སོགས་བསྟན་བཅོས་དུ་མ་མཛད། ཁྱད་པར་ནུབ་ཕྱོགས་གྲོང་ཁྱེར་སཱ་ག་རི་ཞེས་བྱ་བར་ཨུ་པུ་རིའི་གཙུག་ལག་ཁང་དུ་རྒྱལ་པོ་ཟབ་མོའི་ཕྱོགས་ཀྱིས་སྦྱིན་བདག་བྱས་ཏེ་ཕྱོགས་བཞིའི་དགེ་སློང་ཐམས་ཅད་འདུས་པ་
[68a.6]ལ་ཉན་ཐོས་ཀྱི་སྡེ་སྣོད་ཐམས་ཅད་དང་། ཐེག་པ་ཆེན་པོའི་མདོ་སྡེ་ལྔ་བརྒྱ་ཙམ་བཤད་པས་ཐམས་ཅད་ཐེག་པ་ཆེན་པོར་རིགས་སད་ཅིང་ཡང་དག་པའི་དོན་ལ་བཀོད། ཐེག་ཆེན་གྱི་མདོ་སྡེ་ལ་མི་འཇིགས་པར་སྨྲ་བའང་སྟོང་ལྷག་པ་བྱུང་ངོ༌། ཁྱད་པར་ཐེག་པ་
[68a.7]ཆེན་པོའི་མངོན་པའི་སྡེ་སྣོད་ཤེས་པ་སུའང་མེད་པ་ལ་འདིས་ཤིན་ཏུ་གསལ་བར་མཛད། རྒྱལ་པོ་ཟབ་མོའི་ཕྱོགས་ཀྱང་ལྷག་པར་དད་པར་མཛད་ནས་ཐེག་ཆེན་གྱི་ཆོས་གཞི་ཉི་ཤུ་རྩ་ལྔ་བྱེད་དུ་བཅུག །ཡུལ་ཀྲྀཥྛ་རཱ་ཛ་དང་ཨོ་ཌྱན་གཉི་གར་ཐེག་ཆེན་ཆེས་དར་བར་
[68b.1]མཛད་ཅིང་མཆོད་རྟེན་དང་ལྷ་ཁང་མང་པོ་བཞེངས། ཉིད་ཀྱིས་ཐེག་ཆེན་གྱི་ཆོས་གཞི་བརྒྱར་ལོངས་པ་བཙུགས། སྤྱིར་སློབ་མའི་ཚོགས་བགྲང་བར་མི་སྤྱོད་ཅིང་། ཁྱད་པར་ཐེག་ཆེན་གྱི་དགེ་སློང་ཁྲི་ཕྲག་གཉིས་གསུམ་ཙམ་བྱུང་བར་གྲགས་པས་ཐེག་པ་ཆེན་པོའི་
[68b.2]བསྟན་པའི་བདག་པོ་ཟླ་མེད་པར་གྱུར་ཏེ། སྔོན་ཀླུ་སྒྲུབ་སོགས་ཀྱི་དུས་ཀྱང་ཐེག་ཆེན་ཤིན་ཏུ་དར་བ་ཡིན་མོད་ཀྱི། ཐེག་ཆེན་པའི་དགེ་སློང་ཁྲིར་ལོངས་པ་མ་བྱུང་བར་བཤད་པའི་ཕྱིར་རོ། །སྐུ་ཚེའི་མཐར་ཉེ་བ་ན་ན་ལེནྡྲར་བསྟན་པ་ལོ་བཅུ་གཉིས་སུ་བསྐྱངས་ཤིང་། མུ་
[68b.3]སྟེགས་པ་རྩོད་པའི་ཕྱིར་འོངས་པ་ཁོ་ནའང་སྟོང་ཙམ་ཞིག་བསྟན་པ་ལ་བཅུག་ནས། གྲོང་ཁྱེར་རྒྱལ་པོའི་ཁབ་ཏུ་སྐུ་ཐིམ་མོ། །དེའི་སློབ་མའི་མཆོག་ནི་ཉིད་ཀྱི་གཅུང་དབྱིག་གཉེན་ཡིན་ཞིང་། འདིའང་ན་ལེནྡྲར་རབ་ཏུ་བྱུང་ཞིང་། རྟོག་གེ་དང་མུ་སྟེགས་
[68b.4]ཀྱི་གཞུང་ལུགས་མཐའ་དག་དང་། ཉན་ཐོས་ཀྱི་སྡེ་སྣོད་གསུམ་ལ་ཤིན་ཏུ་བྱང་བ་ཞིག་ཡིན་པ་གཅེན་གྱིས་བཏུལ་ནས་ཐེག་པ་ཆེན་པོའི་མདོ་སྡེ་མཐའ་དག་བསྟན་པས་གསན་པ་ཙམ་གྱིས་ཐུགས་སུ་ཆུད། གསང་བའི་བདག་པོའི་རིག་སྔགས་གྲུབ། ཏིང་ངེ་འཛིན་ཁྱད་
[68b.5]པར་ཅན་མང་པོ་མངའ་བས་སྟོན་པའི་བཀའ་མི་ཡུལ་དུ་སྣང་བ་ཐམས་ཅད་ཐུགས་སུ་བལྟམས་པར་གྱུར་ཏེ། སྟོན་པ་མྱ་ངན་ལས་འདས་པའི་འོག་ཏུ་སློབ་དཔོན་འདི་ལྟ་བུའི་མང་དུ་ཐོས་པ་མ་བྱུང་བར་གྲགས། གཅེན་སྐུ་འདས་ནས་ན་ལེནྡའི་མཁན་པོ་མཛད་དེ་བཀའི་དགོངས་
[68b.6]འགྲེལ་སོགས་གཞན་འགྲེལ་གྱི་བསྟན་བཅོས་ལྔ་བཅུ་ཙམ་དང་། རང་རྐང་དུ་པྲ་ཀ་ར་ན་སྡེ་བརྒྱད་ཀྱི་བསྟན་བཅོས་བརྩམས། མུ་སྟེགས་ཀྱི་རྒོལ་བ་ལྔ་བརྒྱ་སུན་ཕྱུང་། ན་ལནྡ་སོགས་མ་ག་དྷཱའི་ཕྱོགས་ཐམས་ཅད་དུ་ཆོས་གཞིས་ཁྱབ་པར་མཛད། །ཨོ་ཌི་ཤ་
[68b.7]དང་གོ་ཌའི་ཡུལ་དུའང་ཆོས་གཞི་བརྒྱ་རྩ་བརྒྱད་རེ་བཙུགས། སྤྱིར་ཆོས་གཞི་དྲུག་བརྒྱ་ལྔ་བཅུ་རྩ་བཞི་བཙུགས་ཤིང་། འདི་སྐབས་ཡུལ་ཐ་དད་ཀྱི་ཐེག་ཆེན་གྱི་དགེ་སློང་ཡང་གཅེན་པོའི་དུས་ལས་མང་སྟེ་དྲུག་ཁྲིར་ལོངས་པར་གྲགས་ཤིང་། ཕྱིས་བལ་ཡུལ་དུ་
[69a.1]ཕེབས་ནས་སྐུ་འདས་པའི་ཚེ་རེ་ཞིག་ཆོས་ཀྱི་ཉི་མ་ནུབ་པ་ལྟར་གྱུར་ཏོ། སློབ་དཔོན་དབྱིག་གཉེན་གྱི་སྐུ་ཚེའི་སྨད་ལ་མ་རུའི་ཡུལ་དུ་སྟོབས་དང་ལྡན་པའི་རྒྱལ་པ་པོའི་ཤཱི་ཧཪྵ་ཞེས་བྱ་བ་ཞིག་གིས་བསྟན་པ་ལ་མཆོད་ཅིང་སློབ་དཔོན་ཡོན་ཏན་འོད་བླ་མར་བཀུར་རོ། །
[69a.2]དེའི་ཚེ་ཤར་ཕྱོགས་ན་སློབ་དཔོན་བློ་གྲོས་བརྟན་པ་དང་ཕྱོགས་ཀྱི་གླང་པོས་འགྲོ་དོན་མཛད། ནུབ་ཕྱོགས་སུ་ཐོགས་མེད་ཀྱི་སློབ་མ་སངས་རྒྱས་འབངས་དང་ཡོན་ཏན་འོད་ཀྱིས་འགྲོ་དོན་མཛད། སློབ་དཔོན་ཆོས་འབངས་ནི་ཡུལ་ཐམས་ཅད་དུ་གཤེགས་ནས་ཆོས་སྟོན། ལྷོ་
[69a.3]ཕྱོགས་ཀྱི་རྒྱུད་དུ་སངས་རྒྱས་བསྐྱངས་བྱོན་ཞིང་། ལེགས་ལྡན་དང་རྣམ་གྲོལ་སྡེ་གཉིས་ཀྱི་སྐུ་ཚེའི་སྟོད་ཙམ་ཡིན་ནོ། །འདི་སྐབས་ཤྲཱི་ཧཪྵས་གཡོ་ཐབས་ཀྱིས་ཀླ་ཀློ་སྟོང་ཕྲག་བཅུ་གཉིས་བསྲེགས་པས། ལོ་བརྒྱ་ཙམ་དུ་དེའི་ཆོས་ལུགས་ཤིན་ཏུ་ཉུང་བར་གྱུར། འོན་
[69a.4]ཀྱང་ཡུལ་ཁོ་ར་ས་ཎར་ཀླ་ཀློ་ཐ་ག་པ་གཅིག་ལུས་པ་ལས་ལུགས་དེ་ཕྱིས་མཆེད་པར་གྲགས། རྒྱལ་པོས་དེའི་སྡིག་སྦྱོང་དུ་གཙུག་ལག་ཁང་ཆེན་པོ་ལྔ་བཞེངས་ནས་དགེ་སློང་ཁྲི་ཕྲག་རེའི་འཚོ་བ་སྦྱར་ནས་ཆེས་དར་བར་བྱས་སོ། །སློབ་དཔོན་ཡོན་ཏན་འོད་ནི་དབྱིག་གཉེན་
[69a.5]གྱི་སློབ་མར་གྱུར་ཅིང་སྡེ་སྣོད་གསུམ་ལ་མཁས་པར་སྦྱངས་ནས། བསྟན་པ་ཐམས་ཅད་གསལ་བར་མཛད། ཁྱད་པར་འདུལ་བའི་བསྟན་པ་དར་བར་མཛད་དེ་འདུལ་བ་འབུམ་སྡེ་ཐོན་པའི་སློབ་མ་ཁོ་ན་ལྔ་བརྒྱ་ཙམ་བྱུང་ངོ་། །སློབ་དཔོན་དབྱིག་གཉེན་གྱི་སློབ་མ་བློ་
[69a.6]བརྟན་གྱིས། དཀོན་བརྩེགས་འདུས་པ་ཞེ་དགུ་བ་དང་དབུ་མ་རྩ་བའི་འགྲེལ་པ་སོགས་བསྟན་བཅོས་མང་པོ་མཛད། སློབ་དཔོན་གཤེགས་ནས་མུ་སྟེགས་བིཊྚི་པཱ་ལ་སོགས་ཀྱི་རྒོལ་བ་མང་པོ་བཟློག །འདི་སྐབས་སྔར་གྱི་ཆོས་གཞི་རྣམས་ཆེར་མེད་པས་ཆོས་གཞི་
[69a.7]བརྒྱ་རྩའང་བཙུགས་སོ། ཕྱོགས་ཀྱི་གླང་པོའང་སིངྒ་པཀྟྲའི་བྲམ་ཟེ་མུ་སྟེགས་ཀྱི་གྲུབ་མཐར་ཤིན་ཏུ་མཁས་པ་ཞིག་གནས་མ་བུའི་སྡེ་པའི་མཁན་པོ་ནཱ་ག་དཏྟ་ལས་རབ་ཏུ་བྱུང་བ་ཡིན་ཞིང་། ཕྱིས་དབྱིག་གཉེན་ལ་བརྟེན་ནས་ཐེག་པ་ཆེ་ཆུང་གི་སྡེ་སྣོད་ཐམས་ཅད་ལ་
[69b.1]མཁས་པར་གྱུར། རིག་སྔགས་གྲུབ་པས་འཇམ་དཔལ་ལ་དངོས་སུ་ཆོས་གསན། ན་ལནྡར་མུ་སྟེགས་ཀྱི་རྒོལ་བ་མང་པོ་སུན་ཕྱུངས་ནས་བསྟན་པ་ལ་བཀོད། དེར་མདོ་སྡེ་དུ་མ་རྣམ་པར་བཤད་ཅིང་ཆོས་མངོན་པའང་རྒྱས་པར་མཛད། ཐུན་མོང་མིན་པའི་རང་
[69b.2]སྟོབས་ཁོ་ནས་རྟོག་གེའི་བསྟན་བཅོས་ཐོར་བུ་མང་དུ་བརྩམས་པ་ཕྱིས་ཕྱོགས་གཅིག་ཏུ་བསྡུ་བར་བཞེངས་ནས་མཆོད་བརྗོད་བྲིས་པའི་ལྟས་ཀྱིས་བྲམ་ཟེ་ནག་པོ་ཞེས་བྱ་བ་བསྐུལ་བ་དང་རྩོད་པས་ཕམ་པར་བྱས་ཏེ་སླར་ཚང་བར་བརྩམས་པ་ཚད་མ་མདོ་སོགས་སྔ་ཕྱིར་བསྟན་
[69b.3]བཅོས་ཀྱང་བརྒྱུར་ལོངས་པ་མཛད། ལྷོ་ཕྱོགས་ཀྱི་རྒྱུད་ཐམས་ཅད་དུ་མུ་སྟེགས་ཀྱི་རྒོལ་བ་རྣམས་ཚར་བཅད། ཆོས་གཞི་ཉམས་པ་རྣམས་གསོས། །ཨོ་ཌི་བི་ཤའི་རྒྱལ་པོའི་བློན་པོ་བྷ་དྲ་པཱ་ལི་ཏ་བསྟན་པ་ལ་བཅུག་ནས་དེས་གཙུག་ལག་ཁང་བཅུ་དྲུག །དེ་རེ་རེ་དགེ་
[69b.4]འདུན་གྱི་སྡེ་ཆེན་པོ་རེ་རེ། དེ་རེ་རེ་ལ་ཆོས་གཞི་མང་པོ་བཅས་བསྒྲུབས། མདོར་ན་རྩོད་པའི་ཁྱུ་མཆོག་ཆེན་པོར་གྲགས་ཤིང་ལོག་སྨྲ་ཕལ་ཆེར་ཚར་བཅད། སློབ་མའི་ཚོགས་ཀྱིས་ཕྱོགས་བཀང་སྟེ་བསྟན་པ་གསལ་བར་མཛད་ནས་ཨོ་ཌི་བི་ཤའི་ཡུལ་གྱི་ཚལ་
[69b.5]དབེན་པ་ཞིག་ཏུ་སྐུ་འདས། ཡང་དབྱིག་གཉེན་གྱི་སློབ་མ་དགེ་འདུན་འབངས་ཀྱིས་ཀྱང་རྡོ་རྗེ་གདན་དུ་འདུལ་མངོན་གྱི་ཆོས་གཞི་ཉི་ཤུ་རྩ་བཞི་བཙུགས། ཁ་ཆེར་ཏུ་རུཥྐ་མང་པོ་བཀུར་བས་སྦྱིན་བདག་བྱས་ཏེ་རིན་ཆེན་སྦས་པའི་གཙུག་ལག་ཁང་དང་ཀུལླ་ཀུཎྜ་ལིའི་གཙུག་ལག་ཁང་གཉིས་བཞེངས་
[69b.6]ནས་ཐེག་ཆེན་གྱི་བསྟན་པ་ཤིན་ཏུ་དར་བར་མཛད་ཐོགས་མེད་སྐུ་མཆེད་གཉི་གའི་སློབ་མ་ཆོས་འབངས་ཀྱིས་ཕྱོགས་ཕྱོགས་སུ་འཇམ་དཔལ་གྱི་ལྷ་ཁང་མང་པོ་བཞེངས་ཤིང་ས་འགྲེལ་སོགས་བསྟན་བཅོས་ཀྱང་མང་པོ་མཛད། སློབ་དཔོན་སངས་རྒྱས་བསྐྱངས་ཀྱིས་སློབ་དཔོན་
[69b.7]ཀླུའི་བཤེས་གཉེན་གྱི་སློབ་མ་དགེ་འདུན་སྲུང་ལས་ཀླུ་སྒྲུབ་ཀྱི་གཞུང་ལུགས་ཐམས་ཅད་གསན་ནས་མཁས་པར་གྱུར། ཡེ་ཤེས་ཀྱི་མཆོག་བརྙེས་ལྷོ་ཕྱོགས་དཎྜ་པུ་རིའི་གཙུག་ལག་ཁང་དུ་བཞུགས་ནས་འཕགས་པ་ཡབ་སྲས་ཀྱིས་མཛད་པ་སོགས་བསྟན་བཅོས་མང་
[70a.1]པོ་ལ་རྣམ་བཤད་མཛད། །སློབ་དཔོན་ལེགས་ལྡན་བྱེད་ཀྱང་དགེ་འདུན་སྲུང་ལས་ཀླུ་སྒྲུབ་ཀྱི་ལུགས་ནོས་ཤིང་དགེ་སློང་སྟོང་ཕྲག་མང་པོ་སྐྱོང་བར་མཛད། མདོ་འགྲེལ་གྱི་བསྟན་བཅོས་འགའ་ཞིག་མཛད། སློབ་དཔོན་འདི་གཉི་ག་མཐར་རིལ་བུའི་དངོས་
[70a.2]གྲུབ་གྲུབ་ནས་རིག་འཛིན་གྱི་གནས་སུ་གཤེགས་སོ། འདི་སྐབས་ཙམ་ནས་ཐེག་ཆེན་དབུ་མ་པ་རྣམས་ཀྱང་ཚན་གཉིས་སུ་གྱེས་པ་ཡིན་ཏེ། སློབ་དཔོན་འདི་གཉིས་ཀྱི་དགོངས་གཞི་ཞིག་གིས་ཐོགས་མེད་སེམས་ཙམ་པ་ཁོ་ན་ཡིན་ཞིང་དབུ་མ་པ་གཏན་མ་ཡིན་
[70a.3]པར་བསྒྲུབས་པའི་ཕྱིར་རོ། །འོན་ཀྱང་ཐོགས་མེད་ཞབས་ཀྱི་རྗེས་འབྲངས་ཕྱོགས་གླང་སོགས་ཀྱིས་རྣམ་རིག་སྨྲ་བའི་གྲུབ་མཐའ་ཇི་བཞིན་དུ་བཀྲལ་བ་ཡིན་ཞིང་། འཕགས་པ་ཉིད་ཀྱིས་རྣམ་རིག་སྨྲ་བ་རྣམས་དྲང་བའི་ཕྱིར་དེ་དང་ཕྱོགས་མཐུན་ཙམ་ཞིག་བསྟན་པ་ལས།
[70a.4]དོན་དུ་དབུ་མ་ཉིད་ཞལ་གྱིས་བཞེས་པར་དེས་མཛད་པའི་བསྟན་བཅོས་རྣམས་སུ་གསལ་ལོ། །དེ་ལྟ་མ་ཡིན་ན་ཀླུ་སྒྲུབ་དང་ཐོགས་མེད་གཉི་ག་འཕགས་པའི་ས་ལ་གནས་པར་ནི་རྩོད་པ་མེད་ལ། འཕགས་པ་ནང་འགལ་ཅན་ཡང་སྲིད་པར་ཐལ་པའི་ཕྱིར་རོ། །ཀླུ་སྒྲུབ་
[70a.5]ཀྱི་གཞུང་ལུགས་ལའང་སངས་རྒྱས་བསྐྱངས་འདས་ནས་དེའི་བསྟན་བཅོས་ལ་ལེགས་ལྡན་གྱིས་དགག་པ་བརྗོད་ན་སྔ་མའི་རྗེས་འབྲངས་ལ་ཐལ་འགྱུར་བ་དང་། ཕྱི་མའི་རྗེས་འབྲངས་ལ་རང་རྒྱུད་པ་ཞེས་ཚན་གཉིས་སུ་གྱེས་སོ། །སློབ་དཔོན་དབྱིག་གཉེན་གྱིས་ཤིས་
[70a.6]ཕྱིན་གྱི་གཞུང་བཤད་ཅིང་། དགེ་འདུན་སྲུང་གིས་མན་ངག་ཕོག་པའི་སློབ་མ་རྣམ་གྲོལ་སྡེས་ཀྱང་བྱམས་པས་ལུང་བསྟན་པ་ལྟར། དགེ་བསྙེན་ཞི་བའི་གོ་ཆས་ཉི་ཁྲི་ལེ་བརྒྱད་མའི་དཔེ་པོ་ཊ་ལ་ནས་སྤྱན་དྲངས་པ་དང་། ཝཱ་རཱ་ཎ་སཱིར་འཛོམ་པས་དེར་ཐེ་ཚོམ་ཐམས་
[70a.7]ཅད་ཆོད་ནས་ཉི་ཁྲི་རྒྱན་དང་སྦྱར་བའི་འགྲེལ་པ་བརྩམས་སོ། །དབྱིག་གཉེན་དང་ཕྱོགས་གླིང་སོགས་མཁས་པ་མང་པོའི་སློབ་མ་སྨྲ་བའི་དབང་ཕྱུག་ཆེན་པོ་དཀོན་མཆོག་གསུམ་གྱི་འབངས་ཀྱིས་བརྒྱད་སྟོང་དོན་བསྡུས་སོགས་བསྟན་བཅོས་མང་པོ་མཛད། དྲ་བ་ལིའི་ཡུལ་
[70b.1]དུ་ཆོས་གཞི་ཆེན་པོ་ལྔ་བཅུ་བཙུགས་ནས་བསྟན་པ་ཡུན་རིང་དུ་གསལ་བར་མཛད་དོ། །ཡོན་ཏན་འོད་ཀྱི་སྐུ་ཚེའི་མཇུག་ཙམ་དུ། རྒྱལ་པོ་ཤྲི་ཧཪྵའི་བུ་ངང་ཚུལ་ཞེས་བྱ་བ་གྲོང་ཁྱེར་ལཱ་ཏིར་ལོ་བརྒྱར་རྒྱལ་སྲིད་བྱེད་ཅིང་ཕྱོགས་བཞིའི་དགེ་འདུན་ཞལ་ཟས་བཟང་པོས་མཆོད་
[70b.2]པ་ཞིག་བྱུང་སྟེ། འདི་དུས་སྒྲོལ་མ་གྲུབ་པའི་སློབ་དཔོན་ཉི་མ་སྦས་པ་བྱུང་། དེས་སློབ་དཔོན་ཀླུ་སྒྲུབ་དང་ཐོགས་མེད་གཉིས་ཀྱི་བཞེད་པ་གཅིག་ཏུ་བསྒྲུབས། མ་ག་དྷཱར་ཆོས་གཞི་བཅུ་གཉིས་བཙུགས་པ་སོགས་བསྟན་པ་ལ་ཕན་པར་མཛད། དགེ་འདུན་འབངས་
[70b.3]ཀྱི་སློབ་མ། གསང་བས་བྱིན་དང་། ཆོས་འབངས་ཀྱི་སློབ་མ་རཏྣ་མ་ཏི་གཉིས་ཀྱིས་སྟོན་པའི་ཚེམས་མཆེ་བ་ལ་མཆོད་པ་བྱེད་ཅིང་འཁོར་མང་པོ་ལ་ཆོས་བསྟན། ཁྱད་པར་ལྷོ་ཕྱོགས་ས་མནྟར་འཇམ་དཔལ་དབྱངས་ཀྱིས་བྱིན་གྱིས་བརླབས་པ་སློབ་དཔོན་ཆེན་པོ་ཟླ་
[70b.4]བ་གྲགས་པ་བྱོན་ཏེ། སངས་རྒྱས་བསྐྱངས་ཀྱི་སློབ་མ་ཀ་མ་ལ་བུདྷི་ལ་ཀླུ་སྒྲུབ་ཀྱི་གཞུང་ལུགས་མན་ངག་མཐའ་དག་གསན། སྔ་ཕྱིར་སྡེ་སྣོད་ཐམས་ཅད་ལ་སྦྱངས་པས་མཁས་པ་ཆེན་པོར་གྱུར་ཏེ་ན་ལནྡའི་མཁན་པོ་མཛད་དེ་རྩ་འཇུག་བཞི་གསུམ་དང་། རིགས་པ་
[70b.5]དྲུག་ཅུ་པའི་འགྲེལ་པ་སོགས་བསྟན་བཅོས་མང་པོ་བརྩམས། མུ་སྟེགས་ཀྱི་རྒོལ་བ་མང་པོ་ཚར་གཅད། ལྷོ་ཕྱོགས་ཀོདྐུ་ནའི་ཡུལ་གྱི་བྲམ་ཟེ་དང་། ཁྱིམ་བདག་ཕལ་ཆེར་བསྟན་པ་ལ་བཀོད་ནས་ཆོས་གཞི་མང་ཏུ་བཏབ་པ་སོགས་ངོ་མཚར་གྱི་མཛད་པ་མང་
[70b.6]པོས་བསྟན་པ་ཆེས་གསལ་བར་མཛད་ནས་སྔགས་ལམ་ལ་བརྟེན་ནས་སྒྱུ་མའི་སྐུ་བསྒྲུབས་ཏེ་གཤེགས་པར་གྲགས་སོ། སློབ་དཔོན་ཙནྡྲ་གོ་མིའང་ཚེ་རབས་སུ་སྤྱན་རས་གཟིགས་ཀྱིས་བྱིན་གྱིས་བརླབས་ཤིང་ཆུང་ངུ་ནས་སྒྲ་དང་རྟོག་གེ་སོགས་ཐུན་མོང་གི་རིག་གནས་རྣམས་
[70b.7]མ་བསླབས་པར་ཤེས་པ་ཞིག་སློབ་དཔོན་བློ་གྲོས་བརྟན་པ་ལས་མདོ་སྡེ་དང་མངོན་པའི་སྡེ་སྣོད་ཕལ་ཆེར་ལན་ཅིག་ཉན་པ་ཙམ་གྱིས་ཤེས། སྔགས་ཀྱང་གྲུབ་ནས་ས་སྟེང་གི་མཁས་པ་ཟླ་མེད་པར་གྱུར་ཏེ་རྟེན་གོ་མིའི་དགེ་བསྙེན་དུ་བཞུགས། གླིང་ཕྲན་རྣམས་སུ་བྱོན་
[71a.1]ནས་བཟོ་དང་སྨན་དཔྱད་སོགས་རིག་གནས་དཔག་ཏུ་མེད་པ་སྤེལ་བས་ལྷག་པར་ཕན་བཏགས། དེ་དག་ཏུ་ཐེག་པ་ཆེན་པོའང་ཅི་རིགས་པར་དར་བར་མཛད། ན་ལནྡར་བྱོན་ཏེ་ཟླ་གྲགས་དང་ཆོས་ཀྱི་བགྲོ་གླེང་གི་བརྒལ་བརྟག་ལོ་བདུན་དུ་མཛད་པས།
[71a.2]དེ་བལྟ་བའི་ཕྱིར་སྐྱེ་བོ་མང་པོ་རྟག་ཏུ་འདུས་ཏེ། གྲོང་པའི་ཁྱེའུ་དང་བུ་མོ་ཚུན་ཆད་ཀྱིས་ཀྱང་ཕྱོགས་ཙམ་རིག་ནས། ཀྱེ་མ་འཕགས་པ་ཀླུ་སྒྲུབ་གཞུང་། །ལ་ལའི་སྨན་ལ་ལ་ལའི་དུག །མི་ཕམ་འཕགས་པ་ཐོགས་མེད་གཞུང་། །སྐྱེ་བོ་ཀུན་ལ་བདུད་རྩི་ཉིད། །ཞེས་
[71a.3]གླུར་ལེན་པ་བྱུང་ངོ༌། །སློབ་དཔོན་འདིས་བསྟོད་པ་བརྒྱ་དང་བརྒྱད། ནང་རིག་པའི་བསྟན་བཅོས་བརྒྱ་དང་བརྒྱད། ཕྱི་རོལ་ཐུན་མོང་གི་རིག་གནས་ཀྱི་བསྟན་བཅོས་བརྒྱ་དང་བརྒྱད། བཟོ་གནས་བརྒྱ་དང་བརྒྱད། ཕྲ་མོ་ཐོར་བུ་བ་བཞི་བརྒྱ་དང་སུམ་ཅུ་རྩ་གཉིས་
[71a.4]བརྩམས་པ་སོགས་རྒྱལ་བའི་བསྟན་པ་མཆོག་ཏུ་གསལ་བར་མཛད་ནས་པོ་ཊ་ལར་གཤེགས་ཏེ་ད་ལྟའང་བཞུགས་སོ། །གཞན་ཡང་འདི་སྐབས་སྔ་ཕྱི་ཅི་རིགས་པར་རྣམ་གྲོལ་སྡེའི་སློབ་མ་མཆོག་སྡེ་དང་། ཡོན་ཏན་འོད་ཀྱི་སློབ་མ་འཕགས་པ་ཟླ་བའི་ནོར་བུ་དང་། དགེ་འདུན་
[71a.5]འབངས་ཀྱི་སློབ་མ་འཕགས་པ་ས་ག་ལྷ་སོགས་མང་པོས་བསྟན་པ་རྒྱས་པར་མཛད་ཅིང་། ནུབ་ཕྱོགས་མ་ལ་བའི་རྒྱལ་པོ་གཡོ་བས་ཀྱང་བསྟན་པ་ལ་ལྷག་པར་མཆོད་དོ། །དེ་དང་དུས་མཉམ་ལས་ཅུང་ཟད་འཕྱི་བ་ཙམ་ན། ཤར་ཕྱོགས་སུ་རྒྱལ་པོ་སེང་གེ་ལྔ་བ་དང་།
[71a.6]ལྷོ་ཕྱོགས་ཀྱི་རྒྱལ་པོ་མེ་ཏོག་དང་། མ་ག་དྷཱའི་རྒྱལ་པོ་གསལ་བ་སོགས་ཀྱིས་བསྟན་པ་ལ་གུས་པས་མཆོད་པའི་ཚེ་མཆོག་སྡེའི་སློབ་མ་འདུལ་བའི་ལྷ་དང་མ་ག་དྷཱར་བཙུན་པ་གྲོལ་སྡེ་དང་། ཡོན་ཏན་འོད་ཀྱི་སློབ་མ་མངོན་པ་བ་ཡོན་ཏན་བློ་གྲོས་དང་། སློབ་དཔོན་
[71a.7]ཆོས་སྐྱོང་དང་། དབང་ཕྱུག་སྡེ་སོགས་ཀྱིས་འགྲོ་དོན་མཛད་པ་ཡིན་ཞིང་། དེ་ལས་ཁྱད་པར་ཡོན་ཏན་བློ་གྲོས་ཀྱིས་དབུ་མ་རྩ་བའི་འགྲེལ་པ་སོགས་བརྩམས། ལེགས་ལྡན་གྱི་སློབ་མ་སཾ་པྲ་དྷུ་ཏི་དང་བརྩད་པས་རྒྱལ་བར་གྲགས། སློབ་དཔོན་ཆོས་སྐྱོང་
[71b.1]ནི་ལྷོ་ཕྱོགས་ཀྱི་སྙན་ངག་མཁན་ཆེན་པོ་ཞིག་སྟེ། ཆོས་འབངས་ལས་རབ་ཏུ་བྱུང་ཞིང་འདུལ་བ་ཉན། ཕྱོགས་གླང་ལས་སྡེ་སྣོད་གསུམ་ག་མཉན་ཏེ་ཟླ་མེད་པའི་མཁས་པ་ཆེན་པོར་གྱུར། རྡོ་རྗེ་གདན་དུ་ལོ་སུམ་ཅུ་ལྷག་ཅིག་ཏུ་ཆོས་བསྟན། ཟླ་གྲགས་ཀྱི་
[71b.2]རྗེས་སུ་ན་ལེནྡྲའི་མཁན་པོ་མཛད། དབུ་མ་བཞི་བརྒྱ་བ་རྣམ་རིག་ཏུ་བཀྲལ་བའི་འགྲེལ་པ་སོགས་བསྟན་བཅོས་མང་པོ་མཛད་ཅིང་མཐར་ལྷ་གནས་སུ་གཤེགས། འདིའི་རྗེས་སུ་རྒྱལ་བའི་ལྷས་ན་ལེནྡྲའི་མཁན་པོ་མཛད་དེ། དེའི་སློབ་མ་ཞི་བ་ལྷ་དང་དཔལ་ལྡན་
[71b.3]ཆོས་སྐྱོང་རྣམས་ཡིན་ནོ། །དེ་ལ་ཞི་བ་ལྷ་ནི་སོ་རཥྚའི་རྒྱལ་པོའི་སྲས། ཚེ་རབས་སུ་འཇམ་དཔལ་གྱིས་རྗེས་སུ་བཟུང་བ་ཞིག་སྟེ། ན་ལནྡར་རྒྱལ་བའི་ལྷ་ལས་རབ་ཏུ་བྱུང་ཞིང་མཁན་པོ་དང་། གཙོ་བོར་འཇམ་དཔལ་ཉིད་ལས་ཆོས་གསན་པས་མཁས་
[71b.4]པ་ཆེན་པོར་གྱུར་ཀྱང་གཞན་སྣང་དུ་བྷུ་སུ་ཀུའི་སྤྱོད་པས་གནས། བསླབ་བཏུས། མདོ་བཏུས། སྤྱོད་འཇུག་སོགས་བརྩམས། ཨུཙྪསྨའི་སྤྱོད་པས་ཡུལ་ཐ་དད་དུ་གཤེགས་ནས། ངོ་མཚར་གྱི་མཛད་པ་མང་པོ་བསྟན་པ་སོགས་ཀྱིས་
[71b.5]སྟོན་པའི་བསྟན་པ་གསལ་བར་མཛད་དོ། །དཔལ་ལྡན་ཆོས་སྐྱོང་གིས་ཀྱང་ན་ལནྡར་བསྟན་པའི་བྱ་བ་མཛད་ཅིང་སྔགས་གྲུབ་ནས་སྤྱོད་པ་ལ་གཤེགས་སོ། །འདི་སྐབས་ཉི་མ་སྦས་པའི་སློབ་མ་ཐམས་ཅད་མཁྱེན་པའི་བཤེས་གཉེན་གྱིས་ཀྱང་
[71b.6]བསྟན་པ་ལ་སྨན་པར་མཛད་དོ། །དེའི་ཕྱི་ནས་སློབ་དཔོན་ཆོས་ཀྱི་གྲགས་པ་སོགས་ཀྱིས་བསྟན་པ་བསྐྱངས་ཏེ། དེའང་རྒྱལ་པོ་གསལ་བའི་བུ་རབ་གསལ་སོགས་རྒྱལ་སྲིད་བྱེད་པའི་ཚེ། མུ་སྟེགས་བྱེད་ཆེན་པོ་སངྒ་བྷ་ཊྚ་
[71b.7]ཨཱ་ཙརྱ་དང་། ཀུ་མཱ་ལ་ལི་ལ་སོགས་ཀྱིས་ནང་པའི་བསྟན་པ་མང་པོ་ཉམས་པར་བྱས་པའི་སྐབས་ཤིག་ན། ཏྲི་མ་ལ་ཡའི་ཡུལ་དུ་དཔལ་ལྡན་ཆོས་ཀྱི་གྲགས་པ་བྱུང་སྟེ། ཆུང་ངུ་ནས་ཐུན་མོང་གི་རིག་གནས་རྣམས་དང་། རིག་བྱེད་ཡན་
[72a.1]ལག་དང་བཅས་པ་དང་། མུ་སྟེགས་པའི་གྲུབ་མཐའ་ལ་ཤིན་ཏུ་མཁས་པ་ཞིག་སློབ་དཔོན་ཆོས་སྐྱོང་ལས་རབ་ཏུ་བྱུང་། སྡེ་སྣོད་གསུམ་ལ་མཁས་པར་སྦྱངས། ཕྱོགས་གླང་གི་སློབ་བུ་དབང་ཕྱུག་སྡེ་ལས་ཚད་མ་ཉན་
[72a.2]པས་ཕྱོགས་གླང་དང་མཉམ་པར་གྱུར། དཔལ་ཧེ་རུ་ཀས་ཕྱོགས་ལས་རྣམ་རྒྱལ་གྱི་དངོས་གྲུབ་སྩལ། སྔར་བཤད་པའི་མུ་སྟེགས་བྱེད་རྩོད་པའི་ཁྱུ་མཆོག་ཏུ་གྲགས་པ་དེ་དག་དང་། གཞན་ཡང་མུ་སྟེགས་བྱེད་དང་། བྲམ་ཟེ་བསམ་གྱིས་
[72a.3]མི་ཁྱབ་པ་རྣམས་རྩོད་པས་ཕམ་པར་བྱས་ཏེ་ཐམས་ཅད་བསྟན་པ་འདི་ལ་བཅུག །ཡུལ་ཐམས་ཅད་དུ་ཆོས་གཞི་དང་། དགེ་འདུན་གྱི་སྡེས་ཁྱབ་པར་མཛད། །ཚད་མ་སྡེ་བདུན་སོགས་ཀྱི་བསྟན་བཅོས་ཀྱང་མང་དུ་བརྩམས་ཏེ། མདོར་ན་
[72a.4]ཆོས་ཀྱི་གྲགས་པ་ཉིད་ཀྱིས། གལ་ཏེ་ཆོས་ཀྱི་གྲགས་པ་ཡི། །སྨྲ་བའི་ཉི་མ་ནུབ་པ་ན། །ཆོས་རྣམས་གཉིད་ལོག་ཡང་ན་ཤི། །ཆོས་མ་ཡིན་རྣམས་ད་གདོད་ལང་། །ཞེས་གསུངས་པ་ལྟར། དུས་དེ་ཙམ་ན་བསྟན་པའི་རྩ་ལག་གཅིག་པུ་
[72a.5]པ་ཡིན་ནོ། །དེ་ལྟར་སློབ་དཔོན་ཀླུ་སྒྲུབ། ཐོགས་མེད། ཕྱོགས་གླང་གསུམ་ནི་གཞུང་བྱེད་པ་པོ་དང་། ཨཱརྱ་དེ་ཝ། དབྱིག་གཉེན། ཆོས་ཀྱི་གྲགས་པ་གསུམ་ནི་འགྲེལ་པ་བྱེད་པ་པོ་སྟེ། འཛམ་གླིང་མཛེས་པར་བྱེད་པའི་རྒྱན་དྲུག་ཏུ་གྲགས་
[72a.6]པའོ། གཞན་ཡང་འདི་སྐབས་སཾ་པྲ་རཱུ་ཏའི་སློབ་མ་དབུ་མ་པ་དཔལ་སྦས་དང་། སྤྱན་རས་གཟིགས་ཀྱིས་རྗེས་སུ་བཟུང་བ་ཀ་མ་ལ་གོ་མི་དང་། མངོན་པ་བ་དབྱིག་བཤེས་དང་། པཎྜི་ཏ་ཨ་མཱ་ར་སིདྷ་སོགས་ཀྱིས་ཀྱང་བསྟན་པ་གསལ་བར་མཛད་དོ། །
[72a.7]དེ་འོག་ཙནྡྲའི་རིགས་ཀྱི་རྒྱལ་པོ་རྫོགས་མཚམས་ཤིག་ཏུ་ན་ལེནྡྲར་སློབ་དཔོན་དུལ་བའི་ལྷ་བྱུང་སྟེ། དེས་སྡེ་བདུན་ལ་འགྲེལ་པ་བྱས། སློབ་དཔོན་ཤུ་བྷ་མི་ཏྲ་དང་། ཚུལ་ཁྲིམས་བསྐྱངས་དང་། ཤཱནྟི་སཽ་མ་སོགས་ཀྱིས་རྣམ་རིག་གི་གྲུབ་མཐའ་བཟུང་
[72b.1]ནས། མདོ་སྡེ་དང་། འདུལ་བ་དར་བར་བྱས། དཔལ་སྦས་ཀྱི་སློབ་མ་སློབ་དཔོན་ཡེ་ཤེས་སྙིང་པོ་དང་། སློབ་དཔོན་ཙམ་ལ་པ་སོགས་ཀྱིས་ཀླུ་སྒྲུབ་ཀྱི་ལུགས་བསྐྱངས། བྷངྒ་ལའི་བྱེ་བྲག་ཧ་ཙི་པུ་ར་ཞེས་པར་བཙུན་པ་ངོ་བོ་ཉིད་མེད་པ་བྱོན་ཏེ། ཐོགས་མེད་
[72b.2]ལུགས་ཀྱི་དབུ་མ་རྒྱ་ཆེར་བཤད། ཐོ་གར་གྱི་ཡུལ་དུ་བྱེ་སྨྲའི་སློབ་དཔོན་འདུལ་བ་འཛིན་པ་ཆོས་ཀྱི་བཤེས་གཉེན་བྱོན། མ་རུའི་ཡུལ་དུ་འདུལ་འཛིན་བསོད་ནམས་གྲགས་དང་། ཙི་ཏ་བ་རའི་ཡུལ་དུ་འདུལ་འཛིན་ཞི་བ་འོད་དང་། ཁ་ཆེར་འདུལ་
[72b.3]འཛིན་མ་ཁོལ་བ་རྣམས་ཀྱིས་བསྟན་པ་སྤེལ་ལོ། །འདི་ཕྱིན་ཅད་དུ་རྒྱན་དྲུག་ལྟ་བུའི་བསྟན་པའི་གསལ་བྱེད་ཆེན་པོ་མང་དུ་མ་བྱོན་ཅིང་། འགའ་ཞིག་བྱོན་དུ་ཟིན་ཀྱང་དུས་དབང་གིས་བསྟན་པ་སྔ་མ་རྣམས་ཀྱིས་ལྟར་གསལ་བར་མ་ནུས་ཤིང་།
[72b.4]སྔར་ཐེག་ཆེན་གྱི་དགེ་སློང་ལས་ཉན་ཐོས་ཀྱི་དགེ་སློང་ལྷག་པར་མང་བ་འདི་ཙམ་ནས་རྒྱལ་པོ་སོགས་དབང་ཆེ་བ་རྣམས་ཀྱིས་ཐེག་ཆེན་ཁོ་ན་མཆོད་པ་ཤས་ཆེ་བས། ཉན་ཐོས་པ་རྣམས་ཇེ་ཉུང་དུ་སོང་བའི་རྒྱུས་ཐེག་ཆེན་པ་མང་བར་བྱུང་ངོ༌། །དེ་ནས་པཱ་
[72b.5]ལའི་མིང་ཅན་གྱི་རྒྱལ་པོ་རྣམས་ཀྱི་ཐོག་མ་བྷངྒ་ལའི་ཡུལ་དུ་ཙུནྡའི་རིག་སྔགས་གྲུབ་ཅིང་ཀླུ་མོ་གདུག་པ་ཅན་བཏུལ་ནས། རྒྱལ་པོར་གྱུར་པ་གོ་པཱ་ལ་ཞེས་བྱ་བས། ཨོ་ཏནྟ་པུ་རི་དང་ཉེ་བར་ནཱ་ལེནྡྲ་ཞེས་བྱ་བའི་གཙུག་ལག་ཁང་བཞེངས། བྷངྒ་
[72b.6]ལ་དང་མ་གདྷཱ་གཉིས་སུ་དབང་བསྒྱུར་ནས་དེ་དག་ཏུ་དགེ་འདུན་གྱི་སྡེ་མང་དུ་བཙུགས། བསྟན་པ་ལ་མཆོད་པ་རྒྱ་ཆེན་པོ་བྱས་སོ། །འདི་སྐབས་ཞི་བ་འོད་དང་། བསོད་ནམས་གྲགས་ཀྱི་སློབ་མ་ཤཱཀྱ་འོད་དང་། དཱ་ན་ཤཱི་ལ་དང་། བཤེས་
[72b.7]གཉེན་དང་། ཤེས་རབ་གོ་ཆ་དང་། འདུལ་འཛིན་དཔའ་བོ་རྣམས་ཀྱིས་འགྲོ་དོན་མཛད། །ཤར་ཕྱོགས་སུ་སློབ་དཔོན་ཡེ་ཤེས་སྙིང་པོའང་བཞུགས། ཤཱཀྱ་བློ་གྲོས་དང་། ངང་ཚུལ་བཟང་པོ་དང་། རྒྱལ་པོའི་སྲས་གྲགས་པའི་
[73a.1]བཤེས་གཉེན་དང་། པཎྜི་ཏ་སའི་རྩ་ལག་རྣམས་ཀྱང་འདི་དུས་བྱུང་ངོ༌། །རྒྱལ་པོ་འདི་དང་། དེ་ཝ་པཱ་ལའི་མཚམས་སུ་མུ་སྟེགས་ཀྱི་སྔགས་པ་ནཱ་ར་ད་ཞེས་བྱ་བས་རོ་ལངས་ཀྱི་དངོས་གྲུབ་བསྒྲུབས་པའི་ཚེ་ནང་པའི་དགེ་བསྙེན་
[73a.2]ཨུ་རྒྱ་ཨུ་པཱ་སི་ཀ་ཞེས་པ་ཞིག་གིས་དེའི་སྒྲུབ་གཡོག་བྱས་པས། རོའི་ལུས་གསེར་དུ་གྱུར་པ་ཐོབ་པའི་གསེར་ལ་བརྟེན་ཏེ། མ་ག་དྷཱའི་ཕྱོགས་གཅིག་ཏུ་ཨོ་ཏནྟ་པུ་རིའི་གཙུག་ལག་ཁང་རི་རབ་གླིང་བཞིའི་ཚུལ་དུ་བཞེངས། དགེ་སློང་ལྔ་བརྒྱ་དང་དགེ་
[73a.3]བསྙེན་ལྔ་བརྒྱའི་འཚོ་བ་སྦྱར། རྒྱལ་པོ་དེ་ཝ་པཱ་ལ་རྒྱལ་པོ་སྔ་མ་ལས་དབང་ཆེ་བར་གྱུར་ཏེ། ཤར་ཕྱོགས་ཝ་རེནྡྲའི་ཡུལ་དུ་སོ་མ་པུ་རིའི་གཙུག་ལག་ཁང་བཞེངས། རྣལ་འབྱོར་པ་ཤི་རོ་མ་ཎིས་བསྐུལ་ཅིང་ནག་པོ་ཆེན་པོས་ལུང་བསྟན་ནས།
[73a.4]མཐའ་སྐོར་ནས་རོལ་མོ་བྱས་པ་ཙམ་གྱིས་མུ་སྟེགས་ཀྱི་གནས་གཞི་ཆེན་པོ་བཞི་བཅུ་ཙམ་བཤིག ཨོ་ཊི་བི་ཤར་བྱེ་མའི་ཕུང་པོ་བསལ་བའི་འོག་ནས་རྡོའི་ལྷ་ཁང་ངོ་མཚར་ཅན་ཞིག་ཀྱང་བྱུང་བ་ཚ་བ་གསུམ་གྱི་ལྷ་ཁང་དུ་གྲགས། འདི་སྐབས་སློབ་དཔོན་
[73a.5]ཤཱཀྱ་འོད་ཀྱི་སློབ་མ་ཤཱཀྱ་བཤེས་གཉེན་བྱུང་། གཞན་ཡང་འདུལ་འཛིན་དགེ་ལེགས་བཤེས་གཉེན། བློ་བཟང་ངང་ཚུལ། དཾཥྚྲསེ་ན། ཡེ་ཤེས་ཟླ་བ་སོགས་ཀྱིས་བསྟན་པ་གསལ་བར་མཛད། ལྷོ་ཕྱོགས་ཀྱི་རྒྱུད་དུ་བཙུན་པ་སྤྱན་རས་
[73a.6]གཟིགས་བརྟུལ་ཞུགས་དང་། ཁ་ཆེའི་ཡུལ་དུ་དྷ་ན་མི་ཏྲའང་བྱུང་། ཁྱད་པར་དུ་བོད་ཡུལ་འདིར་བཀའ་དྲིན་ཆེ་བའི་ཨཱ་ཙརྱ་བོ་དྷི་ས་ཏུས་འགྲོ་དོན་བསྐྱངས་པའི་དུས་སོ། །དེ་ནས་རྒྱལ་པོ་དྷརྨ་པཱ་ལ་ཞེས་པ་སྔ་མ་རྣམས་ལས་ཀྱང་ཤིན་ཏུ་མངའ་ཐང་ཆེ་བ་དེ་
[73a.7]བྱུང་སྟེ། དེས་སློབ་དཔོན་སེང་གེ་བཟང་པོ་དང་། སངས་རྒྱས་ཡེ་ཤེས་ཞབས་གཉིས་བླ་མར་བརྟེན་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བསྟན་པས་ཕྱོགས་ཐམས་ཅད་ཁྱབ་པར་བྱས། ཤེས་ཕྱིན་འཆད་པའི་ཆོས་གཞི་སུམ་ཅུ་རྩ་ལྔས་
[73b.1]གཙོས་པའི་སྤྱིར་ཆོས་གཞི་ལྔ་བཅུ་ཙམ་བཙུགས། ཁྱད་པར་དུ་མ་ག་དྷཱའི་བྱང་ངོས་གདྷཱའི་འགྲམ་དུ་རི་དེའུ་ཞིག་གི་རྩེ་ལ་དབུས་སུ་བྱང་ཆུབ་ཆེན་པོ་དང་མཉམ་པའི་སྟོན་པའི་སྐུ་བརྙན་བཞུགས་པའི་ལྷ་ཁང་། མཐའ་སྐོར་དུ་གསང་སྔགས་ནང་གི་ལྷ་
[73b.2]ཁང་ཆུང་ངུ་ལྔ་བཅུ་ང་གསུམ། ལྷ་ཁང་གཞན་ལྔ་བཅུ་ང་བཞི། ཐམས་ཅད་ཀྱི་ཕྱི་ནས་ལྕགས་རིས་བསྐོར་བ་བཞེངས་ཏེ་བི་ཀྲ་མ་ལ་ཤཱི་ལའི་གཙུག་ལག་ཁང་དུ་གྲགས། དེར་གཉུག་མར་གནས་པའི་པཎྜི་ཏ་བརྒྱ་དང་བརྒྱད། གཏོར་མ། སྦྱིན་
[73b.3]སྲེག་རབ་གནས་ཏེ་སྔགས་ཀྱི་སློབ་དཔོན་གསུམ། བྱི་བ་དང་། ཕུག་རོན་སྲུང་བ་གཉིས། ལྷ་འབངས་ཀྱི་གཉེར་བྱེད་པ་གཅིག་སྟེ། དེ་རྣམས་ལ་ཡོ་བྱད་ཟླ་མེད་པས་མཆོད་ཅིང་། ཆོས་ཉན་པ་རྣམས་ལའང་དུས་སྟོན་དང་། རྟག་རེས་
[73b.4]འཁོར་གྱི་སྟོན་མོ་དང་། ཡོན་སོགས་ཀྱིས་མཉེས་པར་བྱེད། པཎྜི་ཏ་རེ་རེས་ཆོས་སྣ་རེ་རེ་རྒྱུན་ཏུ་གསུངས་པས། ཆོས་གཞི་བརྒྱ་རྩ་བརྒྱད་དང་མཉམ་པར་གྱུར། འདིའི་མཁན་པོས་ན་ལེནྡྲའང་མཉམ་དུ་བསྐྱངས་པར་གྲགས། འདི་
[73b.5]སྐབས་རྣམ་སྣང་མཛད་བཟང་པོ་ལ་ཤེས་ཕྱིན་གསན་ཅིང་། འཕགས་པ་བྱམས་པས་བྱིན་གྱིས་བརླབས་པའི་སློབ་དཔོན་སེང་གེ་བཟང་པོས་ཏྲི་ཀ་ཊུ་ཀའི་ལྷ་ཁང་དུ་སྐྱེ་བོ་སྟོང་ཕྲག་མང་པོ་ལ་ཤེས་ཕྱིན་གྱི་ཆོས་བསྟན། བརྒྱད་སྟོང་འགྲེལ་ཆེན་
[73b.6]སོགས་བསྟན་བཅོས་མང་པོ་མཛད་དེ། ཐེག་ཆེན་གྱི་བསྟན་པ་ལྷག་པར་བསྐྱངས་ཤིང་ཉིད་ཀྱི་སློབ་མའི་མཆོག་སངས་རྒྱས་ཡེ་ཤེས་ཞབས་ཀྱིས་ཀྱང་བསྟན་པའི་བྱ་བ་རྒྱ་ཆེན་པོ་མཛད་དོ། །གཞན་ཡང་འདི་དུས་རྟོག་གེ་བ་ཆེན་པོ་དགེ་སྲུང་དང་།
[73b.7]མཛེས་བཀོད་དང་། རྒྱ་མཚོའི་སྤྲིན་དང་། འོད་ཟེར་འབྱུང་གནས་དང་། གང་བ་སྤེལ་དང་། ཀ་མ་ལ་ཤཱི་ལ་དང་། ཁ་ཆེ་བ་པདྨ་འབྱུང་གནས་དབྱངས་སོགས་ཀྱིས་ཀྱང་བསྟན་བཅོས་རྩོམ་པ་དང་འཆད་ཉན་སོགས་ཀྱི་སྒོ་ནས་བསྟན་པ་སྤེལ་བར་མཛད་དོ། །སངས་
[74a.1]རྒྱས་ཡེ་ཤེས་ཀྱི་སློབ་མ་རབ་ཞི་བཤེས་གཉེན་གྱིས་ན་ལནྡའི་ལྷོ་ཕྱོགས་སུ་བདུད་རྩི་འབྱུང་གནས་ཞེས་བྱ་བའི་གཙུག་ལག་ཁང་བཞེངས་སོ། །དེ་ནས་རྒྱལ་པོ་མ་སུ་རཀྵི་ཏ་སོགས་ཀྱི་རིང་ལ་སློབ་དཔོན་རྟོག་གེ་བ་ཆོས་མཆོག་དང་། དྷརྨ་མི་ཏྲ་དང་། བི་མ་ལ་མི་
[74a.2]ཏྲ། དྷརྨ་ཀ་ར་རྣམས་བྱུང་། དེ་ནས་རྒྱལ་པོ་མ་ཧི་པཱ་ལའི་ཚེ་རྟ་དབྱངས་ཕྱི་མ་ཞིག་དང་། སློབ་དཔོན་གཞན་ལ་ཕན་པ་དང་། ཟླ་བ་པདྨ་དང་། ཡེ་ཤེས་བྱིན་དང་། ཡེ་ཤེས་གྲགས་པ་དང་། ཁ་ཆེར་འདུལ་བ་འཛིན་པ་ཛི་ན་མི་ཏྲ་དང་། སརྦ་ཛྙ་དེ་ཝ་
[74a.3]དང་། དཱ་ན་ཤི་ལ་སོགས་ཀྱིས་མདོའི་བསྟན་པའི་སྲོག་འཛིན་པར་མཛད་དོ། །དེའི་འོག་ཏུ་རྒྱལ་པོ་མ་ཧཱ་པཱ་ལས་ཨོ་ཏནྟ་པུ་རིར་ཉན་ཐོས་ཀྱི་དགེ་འདུན་གཙོ་བོར་མཆོད་ཅིང་། དགེ་སློང་ལྔ་བརྒྱ་དང་ཆོས་སྟོན་པ་ལྔ་བཅུ་ལ་འཚོ་བ་སྦྱོར། ཨུ་རུ་བཱ་སའི་གཙུག་ལག་ཁང་
[74a.4]བཞེངས་ཏེ། དེར་ཡང་ཉན་ཐོས་སེནྡྷ་པ་ལྔ་བརྒྱ་ལ་འཚོ་བ་སྦྱར། བི་ཀྲ་མ་ལར་ཡང་སྔར་བཞིན་མཆོད། ན་ལནྡར་ཡང་ཆོས་གཞི་འགའ་རེ་བཙུགས། ན་ལནྡ་དང་། ཁྲི་ཀ་ཊུ་ཀ་དང་། སཽ་མ་པུ་རི་སོགས་སུའང་ཆོས་གཞི་མང་པོ་བཙུགས། འདི་སྐབས་རྟོག་གེ་པ་ཤེས་
[74a.5]འབྱུང་སྦས་པ་དང་། ཛེ་ཏཱ་རི་ཆེན་པོ་སོགས་ཀྱིས་བསྟན་བཅོས་རྩོམ་པ་སོགས་བསྟན་པ་ལ་བྱ་བ་ལྷག་པར་མཛད། ཁྱད་པར་ཕྱི་མ་ནི་འཇམ་དཔལ་དབྱངས་ཀྱིས་རྗེས་སུ་བཟུང་བས་སྨྲ་བའི་དབང་ཕྱུག་ཆེན་པོར་གྱུར་ཏེ། མདོ་སྔགས་ཀྱི་བསྟན་བཅོས་བརྒྱ་རྩ་བརྒྱད་མཛད་
[74a.6]པར་གྲགས་སོ། དེའི་འོག་ཏུ་རྒྱལ་པོ་དྷེ་ཡ་པཱ་ལ་ལོ་ཆུང་བས་དེའི་ཞང་པོ་ཙ་ན་ཀ་རྒྱལ་སྲིད་བྱེད་པའི་ཚེ་བསྟན་པའི་གསལ་བྱེད་ཆེས་མང་པོ་དང་ཁྱད་པར་བི་ཀྲ་མ་ལ་ཤཱི་ལའི་མཁས་པ་སྒོ་དྲུག་ཏུ་གྲགས་པའང་བྱུང་སྟེ། ཤར་སྒོ་སྲུང་བ་རྩོད་དུས་ཀྱི་ཐམས་ཅད་མཁྱེན་པར་རནྟཱ་ཀ་ར་ཤཱནྟི་
[74a.7]པ་ལྷོ་སྒོ་སྲུང་བ་ཤེས་རབ་འབྱུང་གནས། ནུབ་སྒོ་སྲུང་བ་ངག་གི་དབང་ཕྱུག་གྲགས་པ། བྱང་སྒོ་སྲུང་བ་ནཱ་རོ་པ། དབུས་ཀྱི་ཀ་ཆེན་དང་པོ་བྲམ་ཟེ་རིན་ཆེན་རྡོ་རྗེ་དང་། གཉིས་པ་ཛྙཱ་ན་ཤྲཱི་མི་ཏྲ་རྣམས་སོ། །དེ་དྲུག་པོ་སོ་སོར་ཟླ་མེད་པའི་མཁས་པ་ཆེན་པོར་གྱུར་ཏེ། མུ་
[74b.1]སྟེགས་ཀྱི་རྒོལ་བ་མཐའ་དག་བཟློག་པ་དང་། མདོ་སྔགས་ཀྱི་བསྟན་བཅོས་མང་པོ་བརྩམས་པ་དང་། ཆེས་ངོ་མཚར་བའི་མཛད་པ་མང་པོས་དེ་སྐབས་ཀྱི་སྐྱེ་བོ་དག་ཆོས་ལ་བཙུན་དེ་བདེ་བར་གཤེགས་པའི་བསྟན་པ་སྤྱི་དང་ཁྱད་པར་ཐེག་པ་ཆེན་པོའི་བསྟན་པ་ཉི་
[74b.2]མ་ལྟར་གསལ་བར་མཛད་པ་ཡིན་ནོ། །འདི་སྐབས་རྡོ་རྗེ་གདན་གྱི་གནྡྷོ་ལ་ལ་མེའི་གནོད་པའང་བྱུང་མོད་ཀྱི་ལྷ་ཁང་དང་སྐུ་གཟུགས་མ་ཞིག་ཅིང་ཤིང་ཚིག་པ་དང་རི་མོ་ཟུབ་པ་སོགས་སྐྱོན་ཕྲན་བུ་རྣམས་སླར་གསོས་ཏེ། མ་ག་དྷཱ་ལ་སོགས་པའི་ཡུལ་མང་པོར་གཙུག་ལག་
[74b.3]ཁང་དང་ཆོས་གཞི་རྙིང་གསོ་གསར་བཞེངས་དུ་མའང་བྱུང་ངོ༌། །དེ་འོག་རྒྱལ་པོ་བྷེ་ཡ་བཱ་ལའི་ཚེ་ཇོ་བོ་རྗེ་དཱི་པཾ་ཀ་ར་ཤྲཱི་ཛྙཱ་ནས་བི་ཀྲ་མ་ལ་དང་། ཨོ་ཏནྟ་པུ་རིར་གཙོ་བོར་བསྟན་པ་བསྐྱངས་ཏེ་འདི་ནི་གཙོ་བོར་གསེར་གླིང་པ་བརྟེན་ནས་བྱང་ཆུབ་ཀྱི་སེམས་ལྷག་པར་བསྒོམས་པ་
[74b.4]ཞིག་ཡིན་ལ་མཁས་གྲུབ་ཀྱི་ཡོན་ཏན་དང་བསྟན་པ་སྤེལ་བའི་མཛད་པ་ནི་སློབ་དཔོན་སྔ་མ་རྣམས་ལས་མི་དམན་པར་གྲགས་སོ། དེ་དག་གི་ཕྱི་ཞིག་ན་ཨ་གྲ་པཱ་ལས་རྒྱལ་སྲིད་བྱེད་པའི་ཚེ་རཏྟཱ་ཀ་ར་གུ་པས་རྡོ་རྗེ་གདན་དུ་བསྟན་པ་སྐྱོང་བར་མཛད་དོ། །གཞན་ཡང་འདི་སྐབས་
[74b.5]རྒྱལ་རབས་འགའ་ཞིག་གི་ཚེ་དཱི་པཾ་ཀ་རའི་སློབ་མ་པི་ཊོ་བ་ཆེན་པོ་སོགས་ཐུགས་སྲས་ལྔ་དང་། ཛྙཱ་ན་ཤྲཱི་མི་ཏྲ་སོགས་པཎྜི་ཏ་སུམ་ཅུ་རྩ་བདུན་གྱིས་འགྲོ་དོན་མཛད་དོ། །ཁྱད་པར་པཎྜི་ཏ་ར་སྠཱི་ར་བཱ་ལ་མཚན་གཞན་འབུམ་ཕྲག་གསུམ་པར་གྲགས་པ་དེས། བི་ཀྲ་མ་ལར་ཤེས་
[74b.6]ཕྱིན་བཤད་པས་བསྟན་པ་ལ་མཆོག་ཏུ་ཕན་པར་མཛད། དེའི་འོག་ཏུ་རཱ་མ་པཱ་ལ་སྟེ་དགའ་བ་སྐྱོང་རྒྱལ་པོར་གྱུར་བའི་ཚེ་ཨོ་ཌི་བི་ཤར་སྐུ་འཁྲུངས་པའི་སློབ་དཔོན་ཆེན་པོ་ཨ་བྷ་ཡ་ཀ་ར་གུཔ་སྤྱན་དྲངས་ཏེ་རྡོ་རྗེ་གདན་གྱི་མཁན་པོ་མཛད། ཕྱི་ནས་བི་ཀྲ་མ་ལ་ཤཱི་ལ་དང་། ན་
[74b.7]ལནྡར་ཡང་མཁན་པོ་མཛད་དེ། དུས་དེ་ཙམ་ན་འགྲན་དུ་མེད་པའི་བསྟན་པའི་བདག་པོ་ཆེན་པོར་གྱུར། དི་སྐབས་སྔོན་དང་མི་འདྲ་བར་བི་ཀྲ་མ་ལ་ཤཱི་ལར་ཡང་ཆོས་སྨྲ་བའི་པཎྜི་ཏ་ཁོ་ན་བརྒྱ་དྲུག་ཅུ་ཙམ་དང་། གཉུག་མར་གནས་པའི་དགེ་སློང་སྟོང་རེ་ཡོད་པ་བྱུང་། རྡོ་
[75a.1]རྗེ་གདན་དུ་ཐེག་ཆེན་པ་བཞི་བཅུ་རེ་དང་། ཉན་ཐོས་ཀྱི་དགེ་སློང་ཉིས་བརྒྱ་རེ་རྟག་ཏུ་བཞུགས། དུས་དུས་སུ་ཉན་ཐོས་པའི་དགེ་སློང་ཁྲི་ཕྲག་རེ་འདུ་བ་བྱུང་། ཨོ་ཏནྟ་པུ་རིར་ཡང་དགེ་སློང་སྟོང་ཕྲག་རེ་གཉུག་མར་གནས། དུས་དུས་སུ་ཐེག་པ་ཆེ་ཆུང་གི་དགེ་
[75a.2]སློང་སྟོང་ཕྲག་བཅུ་གཉིས་རེ་འདུས་པའང་བྱུང་། མདོར་ན་ཐེག་པ་ཆེ་ཆུང་གི་བསྟན་པ་ཐམས་ཅད་དང་། ཁྱད་པར་ཤེས་ཕྱིན་གྱི་ཆོས་ཚུལ་ཤིན་ཏུ་རྒྱས་པར་མཛད་དེ་རྒྱན་དྲུག་གི་དུས་ཡོལ་ནས་མཁས་པ་སྒོ་དྲུག་གི་ཡ་གྱལ་རིན་འབྱུང་ཞི་བ་དང་། སློབ་དཔོན་འདི་གཉིས་
[75a.3]ལས་བསྟན་འགྲོའི་དོན་རྒྱ་ཆེ་བ་མ་བྱུང་བར་གྲགས་སོ། །འདིས་མཛད་པའི་བསྟན་བཅོས་རྣམས་ནི་ཕྱི་རབས་པ་དག་ལ་སྲོག་ཆད་ཀ་མའི་བདུད་རྩི་ལྟ་བུར་གྱུར་པ་ཡིན་ཏེ་འདི་ལས་ཕྱིས་འདི་དང་མཉམ་པའི་བསྟན་པའི་གསལ་བྱེད་མཁས་པ་ཆེན་པོའང་མ་བྱུང་བར་གྲགས་པ་དང་།
[75a.4]དེ་ལྟར་མི་འབྱུང་བར་ཡང་མཁྱེན་ནས་མི་གསལ་བ་རྣམས་གསལ་བར་འགྲེལ་ཞིང་། འཐོར་བ་རྣམས་བསྡུ་བ་དང་། འཁྲུགས་པ་{གོ་རིམས་སུ་,གོ་རིམ་དུ་}བསྡེབས་པ་སོགས་ཀྱིས་ལེགས་པར་བཤད་པའི་བསྟན་བཅོས་རྣམས་ཕྱི་རབས་པ་དག་ལ་དག་ལོན་ལྟ་བུར་བཞག་པ་ཡིན་པའི་
[75a.5]ཕྱིར་རོ། །གཞན་ཡང་རྒྱལ་པོ་རཱ་མ་པཱ་ལ་དེ་ཉིད་དང་། ཡཀྵ་པཱ་ལ། ལ་ཝ་སེ་ན་སོགས་ཀྱི་སྐབས་ཨ་བྷ་ཡའི་སློབ་མ་ཙཱ་མི་སངས་རྒྱས་གྲགས་དང་། ཤུ་བྷཱ་ཀ་ར་གུཔྟ། ཝཱ་གཱི་ཤྭ་ར་གུ་པ། ར་བི་ཤྲཱི་ཛྙཱ་ན། བི་ཁྱཱ་ཏ་དེ་བ། བྷསྐ་ར་གུཔྟ། ནི་ཀྵ་ལངྐ།
[75a.6]ནཱ་ཡ་ཀ་པཱ་ད། དྷརྨ་ཀ་ར་གུཔྟ་སོགས་ཀྱིས་བསྟན་པ་གསལ་བར་མཛད་དོ། །དེ་འོག་རྒྱལ་པོ་རཱ་ཐི་ཀ་སེ་ནའི་དུས་སུ་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲ་བསྟན་པའི་བདག་པོ་ཆེན་པོར་གྱུར། གཞན་ཡང་བལ་པོ་བུདྡྷ་ཤྲཱི་དང་། སློབ་དཔོན་ཆེན་པོ་རཏྣ་རཀྵི་ཏ། མཁས་
[75a.7]པ་ཆེན་པོ་ཛྷཱ་ནཱ་ཀ་ར་གུསྟེ། མཁས་པ་ཆེན་པོ་བུདྡྷ་ཤྲཱི་མི་ཏྲ། མཁས་པ་ཆེན་པོ་སཾ་ག་མ་ཛྷཱ། ར་བི་ཤྲཱི་བྷ་དྲ། ཙནྡྲ་ཀ་ར་གུསྟ་སོགས་སྡོམ་བརྩོན་གསུང་རབ་རྒྱ་མཚོའི་ཕ་རོལ་དུ་སོན་པ་མང་པོ་བསྟན་འགྲོའི་དཔལ་དུ་བྱོན་ཏོ། །དེ་ལས་ཤཱཀྱ་ཤྲཱི་བྷ་དྲ་ནི། བི་ཀྲ་མ་ལ་ཤཱི་ལ་
[75b.1]དང་། ན་ལནྡྲའི་མཁན་པོ་མཛད་ནས་ཕྱོགས་བཞིའི་མུ་སྟེགས་ཀྱི་རྒོལ་བ་མང་པོ་རྩོད་པས་ཕམ་པར་མཛད་ནས་བསྟན་ལ་བཅུག དགེ་འདུན་སྟོང་ཕྲག་མང་པོ་ལ་ཆོས་གསུངས། ཨོ་ཏནྟ་པུ་རིའི་དགེ་འདུན་ཁྲི་ཉིས་སྟོང་གིས་ཀྱང་བླ་མར་བཀུར། བསྟན་
[75b.2]བཅོས་མང་དུ་བརྩམས་པ་སོགས་བསྟན་པ་ལ་ཕྱག་རྗེས་ཤིན་ཏུ་ཆེ། བལ་པོ་བུདྡྷ་ཤྲཱིས་ཀྱང་བལ་ཡུལ་དུ་ཕར་ཕྱིན་སོགས་རྒྱས་པར་བྱས། རཏྣ་རཀྵི་ཏས་བི་ཀྲ་མ་ལ་ཤཱི་ལར་སྔགས་ཀྱི་སློབ་དཔོན་མཛད་པ་སོགས་ཐམས་ཅད་ཀྱིས་བསྟན་པ་ལ་མཆོག་ཏུ་ཕན་པར་
[75b.3]མཛད་ཅིང་མ་ཧཱནྟ་ཉི་ཤུ་རྩ་བཞིར་གྲགས་པའང་འདི་སྐབས་སོ། །དུས་འདི་ཙམ་ན་མ་ག་དྷཱར་ཡང་རྡོ་རྗེ་གདན་དུ་ཐེག་ཆེན་གྱི་ཆོས་གཞི་ནི་མེད་ཅིང་། དབྱར་གནས་ལ་ཉན་ཐོས་སེནྡྷ་པ་ཁྲི་ཙམ་འདུ། ཆོས་གཞི་གཞན་རྣམས་ཀྱང་མེད་པ་ལྟར་སོང་། ན་ལནྡྲ་
[75b.4]དང་བི་ཀྲ་མ་ལ་ཤཱི་ལར་ཨ་བྷ་ཡའི་དུས་དང་མཚུངས་ཀྱང་། སྤྱིར་མུ་སྟེགས་ཇེ་འཕེལ་ལ་སོང་ཞིང་། མུ་སུརྨ་སྟེ་ཀླ་ཀློའི་གྲུབ་མཐའ་འཛིན་པའང་མང་དུ་བྱུང་། བི་ཀྲ་མ་ལ་ཤཱི་ལ་དང་ཨོ་ཏནྟ་པུ་རིར་ཡང་རྒྱལ་པོས་རྫོང་བརྩིགས་ཏེ་དམག་མི་འགའ་ཞིག་བཞག་ནས་
[75b.5]བསྲུང་དགོས་པ་ཡོད་དོ། །དེ་ལས་དེ་འོག་རྒྱལ་པོ་ལ་ཝངྒ་སེ་ནའི་དུས་ཨནྟཪྵི་དིའི་ཡུལ་དུ་ཏུ་རུ་ཥྐའི་རྒྱལ་པོ་ཟླ་བ་ཞེས་པ་བྱུང་སྟེ། །དགེ་སློང་གི་ཕོ་ཉའི་འགྲུལ་གྱིས་རྐྱེན་བྱས་ནས་རྒྱལ་པོ་དེ་དང་གར་ལོག་གི་རྒྱལ་ཕྲན་གཞན་མང་པོ་འགྲིལ་ནས་མ་ག་དྷའི་ཡུལ་ཐམས་ཅད་བཅོམ།
[75b.6]ཨོ་ཏནྟ་པུ་རི་དང་བི་ཀྲ་མ་ལ་གཉིས་ཅར་བཤིག །ཁྱད་པར་ཨོ་ཏནྟ་པུ་རིའི་རབ་བྱུང་མང་པོ་བསད་ཅིང་བི་ཧ་རིའི་ཤུལ་ཏ་ཟིག་གི་རྫོང་བཅས། པཎྜི་ཏ་ཤཱཀྱ་ཤྲཱི་ཤར་ཕྱོགས་ཨོ་ཌི་བི་ཤའི་ཡུལ་ཛ་གདྡ་ལར་བྱོན། དེར་ལོ་གསུམ་བཞུགས་ནས་བོད་དུ་བྱོན། རཏྣ་རཀྵི་ཏས་
[75b.7]བལ་ཡུལ་དུ་བྱོན། ཛྙཱ་ནཱ་ཀ་ར་གུཔྟ་སོགས་པཎ་ཆེན་འགའ་ཞིག་དང་། པཎ་ཆུང་བརྒྱ་ཙམ་ལྷོ་ནུབ་ཕྱོགས་སུ་བྱོན། བུདྡྷ་ཤྲཱི་མི་ཏྲ་དང་། བཛྲ་ཤྲཱི་སོགས་ལྷོ་ཕྱོགས་ཐག་རིང་པོར་བྱོན། སངྒ་མ་ཤྲཱི་ཛྙཱ་ན་དང་། ར་བི་ཤྲཱི་བྷ་དྲ་དང་། ཙནྡྲ་ཀ་ར་གུཔ་སོགས་མ་ཧཱནྟ་
[76a.1]བཅུ་དྲུག་ཙམ་དང་། པཎ་ཆུང་གཉིས་བརྒྱ་ཙམ་ར་ཤང་དང་། མུ་ཉང་། ཀཾ་བོ་ཛ་སོགས་ཤར་ཕྱོགས་ཐག་རིང་པོ་རྣམས་སུ་བྲོས་ནས་དབུས་འགྱུར་འཆང་དུ་བསྟན་པའི་དངོས་གཞི་ནུབ་བོ། །འོན་ཀྱང་གོ་རཀའི་རྗེས་འབྲང་ན་ཌེ་ཤཱ་རའི་སྡེ་ཉུང་ངུ་ཞིག་ནང་པ་
[76a.2]ཉིད་དུ་ལུས་པ་དང་། ནང་པའི་ལྷ་རྟེན་སོགས་ལུས་པ་རྣམས་ལ་ལ་ཝཾ་ག་སེ་ནའི་རྒྱུད་དུ་ཏུ་རུཥ་ལ་ལུང་ལེན་དགོས་པའི་རྒྱལ་ཕྲན་འགའ་ཞིག་བྱུང་བས་ཀྱང་རང་སྟོབས་ལ་དཔག་པས་མཆོད་ཅིང་ཁྱད་པར་རྒྱལ་པོ་བུདྡྷ་སེ་ནའི་དུས། མ་ཧཱ་པཎྜི་ཏ་རཱ་ཧུ་ལ་ཤྲཱི་བྷ་དྲ་ན་ལནྡྲར་བཞུགས་
[76a.3]ཤིང་ཆོས་ཉན་པའང་བདུན་ཅུ་ཙམ་ཡོད་པར་གྲགས། གཞན་ཡང་དེའི་རྗེས་སུ་ཅི་རིགས་པར་བྷཱུ་མི་ཤྲཱི་བྷ་དྲ་དང་། ཀ་རུ་ཎཱ་ཤྲཱི་བྷ་དྲ་སོགས་ཀྱིས་ཀྱང་བརྩོན་པ་ཆེན་པོས་བསྟན་པ་བསྐྱངས་པར་གྲགས་སོ། །དེའི་རྗེས་ཕྱི་མོ་ཞིག་ཏུ་གྷཾ་ག་ལའི་རྒྱལ་པོ་ཙ་ག་ལ་རཱ་ཛ་ཞེས་པ་
[76a.4]སྟོབས་ཆེན་པོས་ཏུ་རུཥ་རྣམས་ལ་དབང་བསྒྱུར་བ་དེས་རྡོ་རྗེ་གདན་དུ་ཆོས་གཞི་བཙུགས་ནས་དེར་པཎྜི་ཏ་ཤཱ་རི་པུ་ཏྲས་ཆོས་བཤད་དོ། །ཡང་དེ་རྗེས་ཕྱི་མོ་ཞིག་ན་རྒྱལ་པོ་མུ་ཀུནྡ་དེ་བ་ཞེས་པས་མ་ག་དྷཱར་ཆོས་གཞི་བཙུགས། ཨི་ཌི་བི་ཤར་ཡང་ལྷ་ཁང་དང་ཆོས་གཞི་འགའ་
[76a.5]རེ་བྱས་པའི་གཏམ་སྣང་ཞིང་། འདི་སྐབས་རྡོ་རྗེ་གདན་གྱི་མཁན་པོ་སྒྲ་གཅན་འཛིན་དཔལ་བཟང་པོ་དང་། པཎྜི་ཏ་དཔལ་ལྡན་ཡིད་ཀྱི་ཤིང་རྟ་གཉིས་ཀྱང་བྱུང་བར་སྣང་ངོ༌། །དེང་སང་ནི་རྡོ་རྗེ་གདན་དུ་སནྡྲ་ཤཱི་ཞེས་པ་དཏྟ་ཏྲིའི་སློབ་མ་དག་གིས་བཟུང་ནས་ཡུལ་དབུས་སུ་ནང་
[76a.6]པ་ནི་འགའ་ཡང་མེད་དོ། །རྒྱ་གར་གྱི་ཤར་དང་། བྱང་ཤར་ར་ཁཾ་དང་། མུ་ཏཾ། ཙགླ་དང་། ཀཾ་བོ་ཛ་སོགས་ཀོ་ཀིའི་ཡུལ་དུ་གྲགས་པའི་མཐའ་འདི་དག་ཏུ་སྔོན་རྒྱལ་པོ་མྱ་ངན་མེད་ཀྱི་དུས་ཙམ་ནས་བཟུང་སྟེ་བསྟན་པ་དར་བ་དབྱིག་གཉེན་མ་བྱོན་ཕན་ཆད་ཉན་
[76a.7]ཐོས་པ་ཁོ་ན་ཡིན་ལ། དེ་ནས་དབྱིག་གཉེན་གྱི་སློབ་མ་འགའ་ཞིག་གིས་ཐེག་ཆེན་དར་བར་བྱས་ཏེ། སེན་བཞིའི་དུས་སུ་ལྷག་པར་དར་ཞིང་ཡུལ་དེའི་རྒྱལ་པོ་ཤོ་བྷ་ཛ་ཏ་དང་། །སིདྷ་ཛ་ཊི་སོགས་ཀྱིས་ལྷ་ཁང་དང་ཆོས་གཞི་མང་པོ་བཏབ་ནས་བསྟན་པ་ཤིན་ཏུ་དར་བ་དེང་སང་
[76b.1]དུའང་མ་ནུབ་པར་ཡོད་པ་ཐོས་སོ། རྒྱ་གར་ལྷོ་ཕྱོགས་ཀྱི་རྒྱུད་ཐག་རིང་པོར་མ་ག་དྷཱ་ཏུ་རོཥས་བཅོམ་ཕྱིན་ཆད་ནས། བིཅུ་ནཱ་ག་ར། ཀརྐུ་ན། མ་ལུ་ར། ཀ་ལིངྒ་རྣམས་སུ་ཆོས་གཞི་ཆུང་ངུ་མང་པོ་རྒྱས། ལྷོ་ནུབ་ཕྱོགས་སུ། མ་རུ། མེ་ཝ་ར། ཙི་ཏ་
[76b.2]ཝ་ར། པི་ཧུ་བ། ཨ་བྷུ། སཽརཥྚ། གུ་ཛི་ར་ཐ་སོགས་སུ་ཆོས་གཞི་མང་པོ་དར། །ཁྱད་པར་ཁ་གེནྡྲ་ལ་སོགས་པའི་ཡུལ་དུ་གྲུབ་ཆེན་ཞི་བ་སྦས་པ་སོགས་ཀྱིས་བསྟན་པ་བསྐྱངས་ནས། དེང་སང་དུའང་ནང་པའི་སྡེ་འགའ་ཞིག་དར་བར་ཡོད་པར་ཐོས་སོ། །
[76b.3]གཞན་ཡང་སིངྒྷ་ལའི་གླིང་དང་། ནས་གླིང་དང་། ཟངས་གླིང་དང་། དྷ་ན་ཤྲཱིའི་གླིང་དང་། པ་ཡི་གུ་ཞེས་པའི་གླིང་སྟེ། གླིང་ཕྲན་དེ་དག་ཏུ་སྔོན་ནས་བསྟན་པ་ཆེར་དར་བ་ད་ལྟའང་མ་ནུབ་པར་ཡོད་པ་ཡུལ་དེ་དག་ཏུ་ཕྱིན་པའི་མིའི་གཏམ་ལས་མངོན་སུམ་དུ་ཐོས་སོ། །
[76b.4]ཁྱད་པར་སིངྒྷ་ལའི་གླིང་དུ་ནི་ཐེག་ཆེན་པ་ཉུང་ཤས་ཙམ་དང་། ཉན་ཐོས་པ་ཤིན་ཏུ་མང་ཞིང་དྷ་ན་ཤྲཱི་དང་། པ་ཡི་གུ་གཉིས་ནའང་ཐེག་ཆེན་པ་ཅུང་ཟད་དང་གཞན་རྣམས་ཉན་ཐོས་པ་ཁོ་ནའོ། ལི་ཡུལ་ནི་དཔལ་དུས་ཀྱི་འཁོར་ལོ་ནས་གསུངས་པའི་ཡུལ་དྲུག་གི་ནང་ཚན་
[76b.5]བོད་རྒྱའི་མཚམས་སུ་ཡོད་པ་སྟེ། དེར་ཆོས་རྒྱལ་མྱ་ངན་མེད་ཀྱི་བཙུན་མོ་ལ་སྲས་བྱུང་བ་ས་ནུར་གྲགས། དེས་ཡུལ་དེ་བཟུང་ནས་ཡུན་རིང་ལོན་པ་རྒྱལ་པོ་བི་ཛ་ཡ་སམྦྷ་ཝའི་རིང་ལ། དགེ་སློང་བཻ་རོ་ཙ་ན་སོགས་ཀྱིས་བསྟན་པ་སྤེལ་ཏེ། གཙུག་ལག་ཁང་དང་། མཆོད་
[76b.6]རྟེན་བཞེངས་པའང་མང་དུ་བྱུང་། དེའི་རྗེས་སུ་རྒྱལ་པོ་པི་ཛ་ཡ་བི་གླུའི་ཚེ་འཕགས་ཡུལ་ནས་དགྲ་བཅོམ་པ་བཞི་ཕེབས། སངས་རྒྱས་འོད་སྲུང་གི་མཆོད་རྟེན་ལ་དགྲ་བཅོམ་རྣམས་ཀྱིས་ངོ་སྤྲད། སྒེའུ་དོ་ཤན་གྱི་གཙུག་ལག་ཁང་བརྩིགས། དེ་བཞིན་དུ་ཉན་ཐོས་དགྲ་བཅོམ་པ་
[76b.7]དང་། བྱང་ཆུབ་སེམས་དཔའ་མང་པོ་གཤེགས་ཏེ་ཐེག་པ་ཆེ་ཆུང་གཉི་གའི་བསྟན་པ་སྤེལ་བར་མཛད་དེ། གཙུག་ལག་ཁང་དང་དགེ་འདུན་གྱི་སྡེས་ཁྱབ་པར་གྱུར་མོད། ད་ལྟ་ནི་གཟུགས་བརྙན་ཙམ་ལས་བསྟན་པ་རྣལ་མ་ཡོད་པར་མི་གཤའོ། །རྒྱ་ཡུལ་དུ་ནི་སྟོན་
[77a.1]པ་མྱ་ངན་ལས་འདས་ནས་ལོ་བརྒྱ་དང་བཅུ་ལོན་པ་ན། ཧན་གྱི་རྒྱུད་ལས། ཧན་མིན་ཏི་ཞེས་བྱ་བའི་རྒྱལ་པོའི་ཚེ་སྔོན་ཅིའུའི་རྒྱུད་ལས། ཅིའུ་ཇིའུ་ཝང་ཞེས་པའི་རྒྱལ་པོའི་རྨི་ལམ་གྱི་ལྟས་རྡོ་{རིངས་,རིང་}ལ་བྲིས་པ་དང་མཐུན་པར། །འཕགས་ཡུལ་ནས་
[77a.2]པཎྜི་ཏ་གྲོལ་བ་དང་འབར་བ་ཟེར་བ་བདེན་པ་མཐོང་བ་གཉིས་ཤིག་གིས་ཐེག་པ་ཆུང་ངུའི་སྡེ་སྣོད་ཆོས་ཀྱི་རྣམ་གྲངས་ལྔ་བཅུ་རྩ་གཉིས་དང་། ཨུ་ད་ཡ་ནས་བཞེངས་པའི་ཐུབ་པའི་བྲིས་སྐུ་རྟ་དཀར་པོ་ཞིག་ལ་བཀལ་ནས་འོངས་པས་བསྟན་པའི་གཞི་བཏིང་། སའི་བའི་ག་སི་
[77a.3]ཞེས་པའི་གཙུག་ལག་ཁང་ཐོག་མར་བཞེངས། པཎྜི་ཏ་གཉིས་ཀྱིས་ཀྱང་དགྲ་བཅོམ་ཐོབ། ཟིན་ཤིང་རྣམས་བཏུལ། དད་པས་རབ་ཏུ་བྱུང་བ་མང་པོ་བྱུང་སྟེ། དགེ་འདུན་གྱི་སྡེ་ཤིན་ཏུ་འཕེལ་བར་གྱུར། ཡོང་ཕྱི་ཞིག་ན་པཎྜི་ཏ་ཀུ་མཱ་ར་སྤྱན་དྲངས་ནས་དེས་ཀྱང་བསྟན་
[77a.4]པ་སྤེལ། །ཐང་གི་རྒྱུད་པའི་རིང་ལ་ཐང་ཛང་ཛང་ཞེས་པ་སློབ་དཔོན་དབྱིག་གཉེན་གྱི་སློབ་མར་གྱུར་ནས་ཐེག་པ་ཆེ་ཆུང་གི་ཆོས་དཔག་ཏུ་མེད་པ་བསྒྱུར། འདིའི་གོང་དུ་ཆོས་བསྒྱུར་ནུས་པའི་རྒྱའི་ལོ་ཙཱ་བ་ཉིས་བརྒྱ་ཙམ་བྱུང་ཞེས་གྲགས་ཤིང་། དེ་དག་གིས་ཀྱང་ཆོས་མང་དུ་བསྒྱུར་
[77a.5]བ་ཡོད་པས་བསྟན་པ་ཤིན་ཏུ་དར་ཞིང་དགྲ་བཅོམ་པའང་མང་དུ་བྱོན། དེ་ནས་མི་ཉག་དང་ཧོར་གྱི་རྒྱལ་པོ་བྱུང་གི་བར་དུ་རྒྱ་ནག་གི་རྒྱལ་པོ་རབས་མང་པོའི་ཚེ་དང་། དེ་ནས་ཀྱང་ད་ལྟའི་བར་བསྟན་པ་གནས་བཞིན་ལ། མི་ཉག་གི་རྒྱལ་པོ་ཐའི་ཧུས་ཆོས་རྗེ་དུས་གསུམ་མཁྱེན་
[77a.6]པ་སྤྱན་དྲངས་ཀྱང་མ་བྱོན་པར་གཙང་པོ་བ་བཏང་བ་ལ་ཆོས་ཉན་པ་དང་། ཧོར་ཡུལ་དུ་ཧོར་གྱི་རྒྱལ་པོ་ཇིང་གི་སྨན་གྱི་ཚེ་ཞང་ཚལ་པའི་སློབ་མ་གཙང་པ་དུང་ཁུར་བས་ཧོར་ཡུལ་དུ་བྱོན་པས་གནམ་མཆོད་ལ་དད་པ་བསྐྱེད་པ་ཙམ་མཛད། །རྗེས་ནས་མི་ཉག་ཀྱང་ཧོར་གྱིས་
[77a.7]དབང་དུ་བསྡུས། ཕྱི་ཞིག་ན་རྒྱལ་པོ་གོ་དན་གྱིས་ས་སྐྱ་པཎྜི་ཏ་སྤྱན་དྲངས། དེའི་རྗེས་སུ་ཆོས་རྗེ་རིན་པོ་ཆེ་འཕགས་པའང་སྤྱན་དྲངས་ནས། གོ་བེ་ལ་ལ་དབང་བསྐུར་བ་སོགས་ཀྱིས་བསྟན་པ་གསལ་བར་མཛད། མོ་གོར་གན་གྱིས་ཀརྨ་པ་ཤཱི་སྤྱན་དྲངས་པ་སོགས་བོད་
[77b.1]ཡུལ་གྱི་བསྟན་པ་འང་ཅི་རིགས་པར་མཆོད་པ་བྱུང་། རྒྱ་ནག་ཕྱི་མ་ལ་མིན་གྱི་རྒྱུད་ཐའི་ཛུ་རྒྱལ་པོས་བིརཱུ་བ་དང་། གནས་བརྟན་བཅུ་དྲུག་སྤྱན་དྲངས་པ་དང་། ཏཱ་མིན་གཡུང་ལོས་ཆོས་རྗེ་དེ་བཞིན་གཤེགས་པ་སྤྱན་དྲངས་པ་སོགས་བསྟན་པ་ལ་གུས་པས་མཆོད་པའི་རྒྱལ་
[77b.2]པོ་ཁོ་ན་བྱུང་ཞིང་། ད་ལྟ་ཚིན་གྱི་བརྒྱུད་པ་འདིར་ཡང་ཤུན་ཅི་རྒྱལ་པོས་ངག་དབང་བློ་བཟང་རྒྱ་མཚོ་སྤྱན་དྲངས་པ་སོགས་ནས་ད་ལྟའི་བར་བསྟན་པ་ལ་གུས་པས་མཆོད་བཞིན་པའོ། །འོན་ཀྱང་རྒྱ་ཡུལ་དུ་ཆོས་རྒྱལ་འཕགས་པས་སེ་ཆེན་རྒྱལ་པོར་དགྱེས་པ་རྡོ་རྗེའི་དཀྱིལ་
[77b.3]འཁོར་དུ་དབང་བསྐུར་བ་དང་། དེ་བཞིན་གཤེགས་པས་ཏཱ་མིན་རྒྱལ་པོར་ཐུགས་རྗེ་ཆེན་པོ་རྒྱལ་བ་རྒྱ་མཚོའི་དབང་བསྐུར་ཞིང་ཁྲིད་བཏབ་པ་སོགས་སྐལ་ལྡན་རེ་གཉིས་ཀྱིས་གསང་སྔགས་སྤྱོད་པ་སྲིད་མོད། བོད་ལྟ་བུར་ཐུན་མོང་དུ་གསང་སྔགས་ཀྱི་བསྟན་པ་དར་བ་ནི་མ་བྱུང་
[77b.4]བར་སྣང་ཞིང་། དེ་མཐུན་རྒྱ་ཡུལ་གྱི་གསུང་རབ་རྣམས་སུའང་བྱ་རྒྱུད་ཀྱི་གཟུངས་ཕྲན་འགའ་ཞིག་ལས་སྔགས་རྒྱུད་དངོས་གཞི་མི་བཞུགས་སོ། །མདོ་ཕྱོགས་ལས་ཀྱང་དེང་སང་ནི་ཐེག་ཆེན་ཁོ་ན་སྤྱོད་ཆེ་བར་སྣང་ཞིང་། དེ་ལས་ཀྱང་འཁོར་ལོ་ཐ་མའི་མདོ་རྣམས་གཙོ་བོར་
[77b.5]དར་བ་ཞིག་སྣང་ངོ༌། །གཉིས་པ་དེ་དག་ཏུ་གསང་སྔགས་རྡོ་རྗེ་ཐེག་པའི་བསྟན་པ་ཇི་ལྟར་བསྐྱངས་པའི་ཚུལ་ནི། རྒྱུད་སྡེ་ཆེན་པོ་བཞི་ལས་བྱ་བ་དང་། སྤྱོད་པའི་རྒྱུད་ནི། བཅོམ་ལྡན་འདས་ཀྱིས་ཛམྦུའི་གླིང་འདི་ཉིད་དུ་མི་རྣམས་ལ་བསྟན་པ་དང་།
[77b.6]གཞན་དུ་ལྷ་དང་གནོད་སྦྱིན་སོགས་ལ་བསྟན་པ་དག་ལས་ཅི་རིགས་པར་དུས་དེ་ཉིད་ནས་བཟུང་སྟེ་འཕགས་པའི་ཡུལ་ལ་སོགས་པར་སྐལ་བ་ཅན་རྣམས་ཀྱིས་གསང་ཞིང་སྤྱད་པས་སྔགས་ཀྱི་དངོས་གྲུབ་ཆེན་པོ་འགྲུབ་པར་གྱུར་པ་ཡ་མང་དུ་བྱུང་ཞིང་ལྷག་པར་ཐེག་ཆེན་དར་བ་ནས་བརྩམས་
[77b.7]ཏེ་རྒྱས་པར་གྱུར་ཏོ། །དེ་ཙམ་ན་རྣལ་འབྱོར་དང་། རྣལ་འབྱོར་བླ་མེད་གཉིས་ནི་གདུལ་བྱ་མཆོག་གི་སྐལ་བ་ཅན་དག་ལ་ཐོད་རྒལ་དུ་སྣང་བ་ཙམ་ལས་རྒྱུན་ཆགས་པར་གནས་པ་ཞིག་ནི་མེད་པར་མངོན་པས། ཕྱིས་སློབ་དཔོན་ཆེན་པོ་བྲམ་ཟེ་མདའ་བསྣུན་ཞབས་སོགས་ཀྱི་
[78a.1]དུས་ནས་རྒྱས་ཤིང་རྒྱུན་ཆགས་སུ་གནས་པ་ཡིན་ནོ། །དེའང་བཅོམ་ལྡན་འདས་ཉིད་བཞུགས་པའི་དུས་མཉན་ཡོད་ནས་ནུབ་ཏུ་དཔག་ཚད་ལྔ་བརྒྱ་རྒལ་བ་ནི། ནུབ་ཕྱོགས་ཨོ་རྒྱན་གྱི་ཡུལ་དུ་རྒྱལ་པོ་ཨིནྡྲ་བྷཱུ་ཏི་ཞེས་བྱ་བ་ཡོད་པ་དེས་བཅོམ་ལྡན་
[78a.2]འདས་ཀྱི་མཚན་ཐོས་པས་དད་དེ་ཕྱག་འཚལ་ཞིང་ཡིད་ཀྱིས་གསོལ་བ་བཏབ་པས་བཅོམ་ལྡན་འདས་བྱོན་ཏེ། གསང་བ་འདུས་པ་མི་བསྐྱོད་པའི་དཀྱིལ་འཁོར་དུ་སྤྲུལ་ཏེ། རྒྱལ་པོ་འཁོར་བཅས་ལ་དབང་བསྐུར་ཞིང་། འདོད་ཡོན་མི་སྤོང་བར་ལམ་དུ་བྱེད་པའི་ཐབས་
[78a.3]ཁྱད་པར་ཅན་སྟོན་པའི་རྒྱུད་བསྟན་ནས་རྗེས་སུ་གདམས་པར་མཛད་དོ། །རྒྱལ་པོས་ཀྱང་དོན་དེ་ཐམས་ཅད་ཁོང་དུ་ཆུད་ནས་སྤྲོས་བཅས་ཀྱི་སྤྱོད་པ་རྒྱ་ཆེན་པོ་བརྩམས་པས་འཁོར་བཅས་ཀྱིས་རིག་པ་འཛིན་པའི་གནས་བརྙེས་ཏེ་ཡུལ་དེ་ལན་ཅིག་སྟོངས་སོ་ཞེས་གྲགས་ཤིང་།
[78a.4]དེ་མ་ཐག་ལྷོ་ཕྱོགས་ཀྱི་མཚོ་ཞིག་ཡོད་པ་འཕེལ་ཏེ་ཀླུ་མང་པོ་དང་བཅས་པས་ཡུལ་དེ་གང་བར་གྱུར་ཏོ། །ཀླུ་དེ་རྣམས་ལ་ལག་ན་རྡོ་རྗེས་རྒྱུད་ཀྱི་གླེགས་བམ་གཏད་ཅིང་ཀླུ་རྣམས་ཀྱིས་ཀྱང་མིར་བསྒྱུར་ནས་མཚོ་དེའི་འགྲམ་དུ་གྲོང་ཁྱེར་བྱས་ཏེ་ཁོད་ཅིང་། ལམ་ཉམས་
[78a.5]སུ་བླངས་པས་ཕལ་ཆེར་གྱིས་གྲུབ་པར་གྱུར་ཏོ། །གྲུབ་པ་མ་ཐོབ་པ་རྣམས་ཀྱང་མིར་གྱུར་ནས་དེ་སྐྱོང་བའི་རྒྱལ་པོ་རྣམས་ཀྱང་ཆོས་དང་ལྡན་པ་ཤ་སྟག་ཏུ་གྱུར་པ་དང་། སྤྱི་ཡུལ་དེ་ལ་ཨོ་རྒྱུན་མཁའ་འགྲོའི་གླེང་ཞེས་གསང་སྔགས་རྡོ་རྗེ་ཐེག་པའི་འབྱུང་ཁུངས་ཆེན་
[78a.6]པོར་འགྱུར་བའི་རྟེན་འབྲེལ་གྱི་སྒོ་མཆོག་ཏུ་འགྲིགས་པར་གྱུར་ཏོ། །ཡང་ཤམྦྷ་ལ་ན་གསང་བའི་བདག་པོ་ཟླ་བ་བཟང་པོས་སྤྱིར་རྒྱུད་ཐམས་ཅད་ཉེ་བར་བསྡུས་ཤིང་། ཁྱད་པར་དུས་ཀྱི་འཁོར་ལོའི་རྩ་རྒྱུད་ཀྱི་འགྲེལ་ཆེན་སྟོང་ཕྲག་དྲུག་ཅུ་པ་མཛད། གྲོང་བྱེ་
[78a.7]བ་ཕྲག་དགུ་བཅུ་རྩ་དྲུག་གི་སྐྱེ་བོ་སྐལ་ལྡན་རྣམས་ལ་དབང་བསྐུར་ཞིང་རྒྱུད་བཤད། ཀ་ལཱ་པའི་གྲོང་གི་ལྷོ་ཕྱོགས་མ་ལ་ཡའི་སྐྱེད་མོས་ཚལ་དུ་དུས་ཀྱི་འཁོར་ལོའི་སྐུ་གསུང་ཐུགས་ཡོངས་སུ་རྫོགས་པའི་དཀྱིལ་འཁོར་ཆེན་པོ་བཞེངས། སྲས་ལྷ་དབང་སེང་གེའི་ཁྲི་ལ་ཆོས་སྟོན་
[78b.1]པར་དབང་བསྐུར། བྱང་ཆུབ་སེམས་དཔའ་རྡོ་རྗེ་སྙིང་པོས་དགྱེས་པ་རྡོ་རྗེའི་འགྲེལ་པ་མཛད་དེ་རྒྱལ་བའི་སྲས་པོ་རྣམས་ལ་བསྟན། ལྷ་དབང་གིས་ལོ་བརྒྱར་རྩ་རྒྱུད་བསྟན་ནས་གཟི་བརྗིད་ཅན་དབང་བསྐུར་བ་སོགས་རིམ་བཞིན་ཆོས་རྒྱལ་བདུན་དང་། དེ་ནས་འཇམ་དཔལ་
[78b.2]གྱི་སྤྲུལ་པའི་སྐུ་གྲགས་པས་རིགས་བཞི་རྡོ་རྗེའི་རིགས་གཅིག་ཏུ་བྱས་ཏེ་དྲང་སྲོང་ཉི་མའི་ཤིང་རྟ་ལ་སོགས་པ་ཚངས་པའི་དྲང་སྲོང་བྱེ་བ་ཕྲག་ཕྱེད་དང་བཞི་སོགས་ཤམྦྷ་ལའི་སྐྱེ་བོ་ཐམས་ཅད་ལ་དཀྱིལ་འཁོར་གཅིག་ཏུ་དབང་བསྐུར་ཞིང་རྒྱུད་བསྟན་པས་འདི་ཕྱིན་རིགས་ལྡན་དུ་གྲགས།
[78b.3]ཉི་མའི་ཤིང་རྟས་ཞུས་པའི་ངོར་རྩ་རྒྱུད་ལས་བསྡུས་རྒྱུད་བཏུས། དེ་རྗེས་རིགས་ལྡན་པདྨ་དཀར་པོས་བསྡུས་རྒྱུད་ཀྱི་རྒྱས་འགྲེལ་དྲི་མེད་འོད་དང་། །དོན་དམ་བསྙེན་པ་སོགས་མཛད་དེ་རིམ་བཞིན་རིགས་ལྡན་རྣམས་བྱོན་ཟིན་པ་དང་འབྱོན་པར་འགྱུར་བ་སྟེ། མ་འོངས་
[78b.4]པ་ནི་ཀླ་ཀློས་འཛམ་གླིང་ཆུང་ངུ་འདི་ཕལ་ཆེར་དབང་སྒྱུར་བའི་ཚེ་རིགས་ལྡན་དྲགས་པོ་འཁོར་ལོས་སྤྲུལ་པའི་དམག་གིས་བཏུལ་ཏེ་ལས་ས་དུམ་བུ་བཅུ་གཉིས་སུ་གསང་ཆེན་རྡོ་རྗེ་ཐེག་པའི་བསྟན་པ་འཇོག་པར་འགྱུར་བའང་ལུང་ལས་ངེས་པ་ཡིན་ནོ། །སྟོན་པ་མྱ་ངན་ལས་
[78b.5]འདས་ནས་ལོ་སུམ་བརྒྱ་ཙམ་འདས་པ་ཤམྦྷ་ལར་ཆོས་རྒྱལ་ཟླ་བས་བྱིན་ལོངས་སྐུར་གཤེགས་ཀ་ཙམ་གྱི་དུས་སུ་ལཱ་ཌའི་ཡུལ་དུ་བྲམ་ཟེ་ཆེན་པོ་སྒྲ་གཅན་འཛིན་བྱུང་། སློབ་དཔོན་རྣམ་པར་མི་རྟོག་པ་དང་། ཨོ་ཌི་བི་ཤའི་རྒྱལ་པོ་བི་སུ་ཀལྤ་ཞེས་བྱ་བ་ཨོ་རྐྱེན་དུ་བྱོན་ནས་ཀླུ་
[78b.6]ལས་གྱུར་བའི་རྣལ་འབྱོར་མས་གསང་བ་འདུས་པའི་དབང་བསྐུར་ཏེ་གྲུབ་པ་ཐོབ་པ་དེ་སོགས་བླ་མ་མང་པོ་དང་། ཁྱད་པར་གསང་བའི་བདག་པོ་སོགས་ལྷག་པའི་ལྷ་རྣམས་ལས་དངོས་སུ་རྒྱུད་མང་པོ་གསན་ནས་མཆོག་གི་དངོས་གྲུབ་བརྙེས་ཏེ་སྤྱོད་པ་སྐྱོང་བའི་ཚེ་ས་ར་ཧིར་གྲགས། །
[78b.7]ཨོ་རྒྱུན་ནས་སངས་རྒྱས་ཐོད་པ་སོགས་རྒྱུད་སྡེ་རྒྱ་མཚོའི་གླེགས་བམ་མང་པོའང་སྤྱན་འདྲེན་པར་མཛད་དོ། །དེའི་ཚེ་ཤར་ཕྱོགས་བྷངྒ་ལར་རྒྱལ་པོ་ཧ་རི་ཙནྡྲ་ཞེས་པ་ཙནྡྲའི་རིགས་ཀྱི་ཐོག་མ་དེ་བྱུང་ནས། སྔགས་ཀྱི་ལམ་ལ་བརྟེན་ཏེ་སྔགས་ཀྱི་མཐུས་མངོན་པར་བསྒྲུབས་པའི་
[79a.1]ལོངས་སྤྱོད་ཆེན་པོ་ལ་རོལ་བཞིན་འཁོར་སྟོང་དང་བཅས་ཏེ་རིག་པ་འཛིན་པའི་གནས་ཐོབ་བོ། །བྲམ་ཟེ་ཆེན་པོས་ཀྱང་ཀླུ་སྒྲུབ་ལ་དབང་བསྐུར་བ་དང་། རྒྱུད་བཤད་པ་དང་། མན་ངག་སྦྱིན་པ་ལ་སོགས་པ་གསང་སྔགས་ཀྱི་བསྟན་པ་གཏད་པ་དང་།
[79a.2]ཀླུ་སྒྲུབ་ཉིད་ཀྱིས་ལྷག་པའི་ལྷ་སོགས་ལས་གསན་ཏེ་གསང་སྔགས་ཀྱི་བསྟན་པ་ཡོངས་སུ་གསལ་བར་མཛད་དོ། །སློབ་དཔོན་འདི་གཉིས་ཀྱིས་སྔ་མོས་སངས་རྒྱས་ཐོད་པའི་དཀའ་འགྲེལ་སོགས་དང་། ཕྱི་མས་གསང་འདུས་ཀྱི་སྒྲུབ་ཐབས་གཉིས་སོགས་སྔགས་ཀྱི་བསྟན་
[79a.3]བཅོས་ཀྱང་མང་དུ་མཛད་པར་སྣང་ངོ་། །དང་པོ་ཐེག་ཆེན་དང་ཙམ་ནས་འདིའི་བར་དུ་བྱ་སྤྱོད་ཀྱི་སྔགས་གྲུབ་པ་ཤས་ཆེ་བའི་སྔགས་ཀྱི་རིག་པ་འཛིན་པ་སྟོང་ཕྲག་བརྒྱ་བྱུང་བར་གྲགས་ཏེ། གཤིན་རྗེ་གཤེད་ཀྱི་སྔགས་སོགས་བླ་མེད་ལ་བརྟེན་པའང་མང་དུ་ཡོད་དོ། །ཀླུ་སྒྲུབ་ཀྱི་
[79a.4]གྲོགས་པོ་བྲམ་ཟེ་མཆོག་སྲེད་ཀྱིས་སྔགས་གྲུབ་སྟེ། ནག་པོ་ཆེན་པོ་མངག་གཞུག་པར་གྱུར་ནས་གྲུབ་ཆེན་བརྒྱད་པོ་རེ་རེས་ཀྱང་སྐྱེ་བོ་སྟོང་ཕྲག་རེ་རེའི་དོན་མཛད་ཅིང་། གྲུབ་པ་ཐོབ་པ་སྟོང་ཕྲག་བརྒྱད་བྱུང་ངོ༌། །དེ་ནས་སློབ་དཔོན་འཕགས་པ་ལྷས་ཀྱང་། སྤྱོད་
[79a.5]བསྡུས་སྒྲོན་མ་སོགས་སྔགས་ཀྱི་བསྟན་བཅོས་མང་དུ་མཛད་ཅིང་རྒྱུད་བཤད་པས་སྐལ་ལྡན་མང་པོ་སྨིན་པར་མཛད་དོ། །སློབ་དཔོན་ཀླུའི་བྱང་ཆུབ་ཀྱིས་དཔལ་གྱི་རིར་ཕུག་ཟབ་མོ་ཞིག་ཏུ་ལོ་བཅུ་གཉིས་བསྒོམས་པས་ཕྱག་རྒྱ་ཆེན་པོ་མཆོག་གྲུབ་ཅིང་ཚེའང་ཉི་ཟླ་དང་
[79a.6]མཉམ་པར་གྱུར་པ་ལ་ཀླུ་སྒྲུབ་ཀྱིས་སྔགས་ཀྱི་བསྟན་པ་ཐམས་ཅད་གཏད་པ་ལྟར་མཛད་ནས་འགྲོ་དོན་བསྐྱངས་པ་དང་། །གྲུབ་ཐོབ་ཤྲིངྒ་བ་དང་། ཤ་བ་རི་པ་སོགས་ཀྱང་བྱུང་ཞིང་འགྲོ་དོན་མཛད་དོ། །དེས་ན་མདའ་བསྣུན་ཞབས་ནས་བཟུང་འདི་དག་གི་བར་དུ་ཉེ་
[79a.7]བར་གདམས་པའི་གསང་སྔགས་ནི། གཙོ་བོར་གསང་འདུས་པ། འཁོར་ལོ་སྡོམ་པ། །གདན་བཞི། སངས་རྒྱས་ཐོད་པ་སོགས་ཡིན་པར་མངོན་ནོ། །སྐབས་འདིར། རྒྱ་ནག་ཏུ་འཁྲུངས་པའི་གཤིན་རྗེ་གཤེད་དང་། རྟ་མགྲིན་གྱི་གྲུབ་ཐོབ་
[79b.1]སློབ་དཔོན་རྟ་མཆོག་ཏུ་གྲགས་པའང་བྱོན་ཏེ། དེས་ཨཽ་རྒྱན་ནས་འཇམ་དཔལ་རྩ་བའི་རྒྱུད་སྒྱུ་འཕྲུལ་དྲ་བ་ཁྲི་དྲུག་སྟོང་པ་སོགས་སྤྱན་དྲངས། གྲུབ་པའི་དབང་ཕྱུག་ལུ་ཡི་པའང་འདི་སྐབས་བྱུང་སྟེ། དེ་ནི་བྲམ་ཟེ་ཆེན་པོས་འཁོར་ལོ་སྡོམ་པའི་དཀྱིལ་འཁོར་དུ་དབང་
[79b.2]བསྐུར་རྒྱུད་གཏད་པས་འཁོར་ལོ་སྡོམ་པ་གཙོ་བོར་གྱུར་པའི་མ་རྒྱུད་ཀྱི་བསྟན་པའི་བདག་པོ་ལྟ་བུར་གྱུར། ཨོ་ཌི་བི་ཤའི་ཡུལ་དུ་རྒྱལ་པོ་བི་མ་ལ་ཙནྡྲ་འཁོར་བཅས་བཏུལ་ནས་བདེ་མཆོག་གི་དབང་བསྐུར་གདམས་ངག་ཕོག་པ་ས་ལོ་བཅུ་གཉིས་སུ་རྟོགས་པ་བསྐྱངས་ཏེ།
[79b.3]གྲུབ་པ་ཐོབ་པ་རྒྱལ་པོ་དཱ་རི་ཀ་པ། བློན་པོ་ཌཾ་གི་པ། སྨད་འཚོང་མ་སུ་ཁ་དྷ་རི་སོགས་ཡིན་ཞིང་། གཞན་ཡང་ཡུལ་དེར་བུད་མེད་སྟོང་ཕྲག་བཅུ་བཞི་ལ་སོགས་པ་སྐྱེ་བོའི་ཚོགས་ཐམས་ཅད་གྲོལ་ལོ་ཞེས་གྲགས་སོ། སློབ་དཔོན་འདི་དག་གིས་མཛད་པའི་སྔགས་
[79b.4]ཀྱི་བསྟན་བཅོས་དང་རྡོ་རྗེའི་གླུ་ལ་སོགས་པའང་ཡོང་དེ། །སློབ་དཔོན་ཐོགས་མེད་སོགས་རྒྱན་དྲུག་གཞན་དག་ཀྱང་སྔགས་ཀྱི་དངོས་གྲུབ་ཆེན་པོ་ས་བརྙེས་པ་ཤ་སྟག་ཡིན་མོད་ཀྱི་ཡོངས་གྲགས་སུ་རྐང་ཚུགས་པའི་སྔགས་ཀྱི་བསྟན་པ་འདི་ལྟ་བུ་ཞིག་གསལ་བར་བྱས་སོ་ཞེས་པའི་
[79b.5]གཏམ་དེང་སང་ནི་མི་སྣང་ངོ༌། །སློབ་དཔོན་ཟླ་བ་གྲགས་པས་མ་ནུ་གྷོ་གའི་རིར་སྔགས་ཀྱི་དངོས་གྲུབ་བརྙེས་པས་ཟག་མེད་ཀྱི་སྐུར་གྱུར། འདུས་པའི་རྒྱན་གྱི་འགྲེལ་པ་སོགས་བརྩམས་ཏེ་ཕ་རྒྱུད་ཀྱི་བསྟན་པ་སྤེལ་བར་མཛད། དེ་འོག་ན་ལེནྡྲའི་མཁན་པོ་རྒྱལ་བའི་ལྷའི་
[79b.6]སློབ་མ་བི་རཱུ་པ་བྱུང་སྟེ་སློབ་དཔོན་ཀླུའི་བྱང་ཆུབ་ལ་གཤིན་རྗེ་གཤེད་ཀྱི་དབང་དང་གདམས་ངག་ཞུས་ཏེ་བསྒོམས་པས་གྲུབ། བདག་མེད་ལྷ་མོ་བཅོ་ལྔའི་དཀྱིལ་འཁོར་དངོས་སུ་བྱོན་ནས་དབང་བསྐུར་བས་རིམ་གྱིས་ས་དྲུག་པ་བརྙེས། ཝཱ་རཱ་ཎ་སཱིའི་མུ་སྟེགས་ཀྱི་རྒྱལ་པོ་
[79b.7]སོགས་མུ་སྟེགས་བྱེད་མང་པོ་རྫུ་འཕྲུལ་གྱིས་བཏུལ། ཨཽཌྱན་ནས་གཤིན་རྗེ་གཤེད་དམར་པོའི་རྒྱུད་སྤྱན་དྲངས། དེའི་སྒྲུབ་ཐབས་སོགས་བརྩམས་ཏེ་འགྲོ་དོན་དང་བསྟན་པ་ལ་བྱ་བ་བླ་ལྷག་ཏུ་མཛད་ནས་སྤྱོད་པ་ལ་གཤེགས། ཁྱད་པར་དུས་འདི་ཙམ་གྱི་སྔ་ཕྱི་ཅི་རིགས་པར་གྲུབ་པའི་
[80a.1]སློབ་དཔོན་ཆེན་པོ་མང་དུ་བྱོན་པ་ལས། །སློབ་དཔོན་ས་རོ་རུ་ཧ་སྟེ་མཚོ་སྐྱེས་ནི་ཀུ་ཀུ་ར་ཛ་ར་ཡང་གྲགས་ཤིང་ཁྱིའི་རྣམ་པ་ཅན་ཀྱི་དཔའ་བོ་དང་རྣལ་འབྱོར་མ་མང་པོ་དང་ལྷན་ཅིག་ཚོགས་ཀྱི་འཁོར་ལོ་སོགས་དམ་ཚིག་གི་སྤྱོད་པ་མཛད་པ་ཟླ་གསང་ཐིག་ལེའི་རྒྱུད་
[80a.2]ལ་བརྟེན་ནས་གྲུབ་པ་ཐོབ་པ་དེས་ཨོ་རྒྱུན་ནས་དགྱེས་པ་རྡོ་རྗེའི་རྒྱུད་སྤྱན་དྲངས། སྒྲུབ་ཐབས་སོགས་བསྟན་བཅོས་ཀྱང་མཛད། ནང་རྒྱུད་སྡེ་ལྔ་དང་། རྣལ་འབྱོར་རྒྱུད་རྒྱ་ཆེར་བཤད་ཅིང་སྔགས་ཀྱི་བསྟན་པ་རྒྱས་པར་མཛད། །སློབ་དཔོན་ལ་ལི་ཏ་བཛྲ་ནི་རྡོ་རྗེ་རོ་
[80a.3]ལངས་མས་ཞལ་མངོན་སུམ་དུ་བསྟན་ནས་གཤིན་རྗེ་གཤེད་ཀྱི་དཀྱིལ་འཁོར་དུ་དབང་བསྐུར། མན་ངག་བསྒོམས་པས་དྲོད་ཐོབ། རིག་པ་བརྟུལ་ཞུགས་ཀྱི་སྤྱོད་པ་མཛད། ཨོ་ཌྱན་གྱི་ཡུལ་དུ་སྔར་མཚོ་ཡོད་པ་དེ་བསྐམས་ནས་དེའི་ཤུལ་དུ་དྷརྨ་གཉྫ་སྟེ་སྔགས་ཀྱི་རྒྱུད་
[80a.4]ཐམས་ཅད་བཞུགས་པའི་ཕོ་བྲང་ལ་རིག་པ་འཛིན་པའི་དཔའ་བོ་དང་རྣལ་འབྱོར་མ་དུ་མ་གནས་པའི་གྲོང་ཁྱེར་གྱིས་བསྐོར་བ་ཡོད་པ་དེར་བྱོན་ཏེ། སྐུ་གསུང་ཐུགས་ཀྱི་གཤིན་རྗེ་གཤེད་ནག་པོའི་རྒྱུད། སྡོམ་པ་གསུམ་པ། རྟོག་བདུན་སོགས་མང་པོ་ཐུགས་ལ་
[80a.5]བཟུང་ནས་བྱོན། འཕགས་པའི་ཡུལ་སོགས་སུ་དེ་དག་གསལ་བར་མཛད། མངོན་སྤྱོད་ཀྱི་ཕྲིན་ལས་ཀྱིས་བསྟན་ལ་སྡང་བའི་མུ་སྟེགས་དང་ཏ་ཟིག་སོགས་མང་པོ་ཚར་བཅད་ནས་བསྟན་པ་བསྐྱུངས་སོ། དེའི་སློབ་མ་ལཱི་ལ་བཛྲ་གྱིས་ཀྱང་བསྟན་པ་དེའི་རྒྱུན་
[80a.6]བསྐྱངས་ཤིང་། བི་རཱུ་པའི་སློབ་མ་ཀོ་མཁན་ལས་གྲུབ་པ་བརྙེས་པ་ཌ་བྷི་པས་ཀྱང་ཤར་ཕྱོགས་རྒྱལ་པོ་སེ་ན་ར་བཏུལ། ཡུལ་ཁམས་དེའི་མི་ཕྱུགས་ཐམས་ཅད་གྲོལ་ནས་མཁའ་སྤྱོད་གྲུབ། ཨོ་ཌུན་ནས་ཀུ་རུ་ཀུ་ལླེའི་རྟོག་པ་དང་། ཨཱ་ར་ལླིའི་རྒྱུད་གཉིས་
[80a.7]སྤྱན་དྲངས། མངོན་ཤེས་ཀྱིས་རྒྱུད་དོན་གཟིགས་པའི་ཕྱིར་ཡེ་ཤེས་མཁའ་འགྲོ་མ་རྣམས་དང་བཀའ་བགྲོས་ནས། དགྱེས་པ་རྡོ་རྗེའི་རྒྱུད་ཀྱི་སྙིང་པོ་བླངས་ཏེ་བདག་མེད་མའི་སྒྲུབ་ཐབས་དང་། ལྷན་ཅིག་སྐྱེས་སྒྲུབ་སོགས་བསྟན་བཅོས་ཀྱང་མང་དུ་མཛད། ཌོ་བྷི་
[80b.1]ཧེ་རུ་ཀས་ཨོ་རྱན་གྱི་ཡུལ་དུ་ཆང་འཚོང་མ་བི་ནས་བཏུལ་ནས། དེས་ལ་བ་པ་ལ་དབང་བསྐུར་ཅིང་རྒྱུད་མཐའ་དག་གཏད། ལོ་བཅུ་གཉིས་མན་ལ་འོད་གསལ་དུ་ལོག་པས་མཆོག་གྲུབ། ཨོ་ཌྱན་ནས་དགྱེས་པ་རྡོ་རྗེའི་རྒྱུད་སྤྱན་དྲངས། སཱ་སཾ་བེ་ད་པྲ་ཀྲྀ་ཏ་
[80b.2]ཞེས་བྱ་བ་རྫོགས་རིམ་གཙོ་བོར་སྟོན་པ་སོགས་བསྟན་བཅོས་མང་དུ་བརྩམས། ཨཽ་ཌྱན་གྱི་རྒྱལ་པོ་ཨིནྡྲ་བུ་དྷི་བར་པ་དད་པར་བྱས་ཏེ་མཆོག་གི་གྲུབ་པ་ལ་བཀོད་དོ། །སློབ་དཔོན་ལ་བ་པ་དང་། ལ་ལི་ཏ་བཛྲ་གཉིས་ཀྱིས་ཨིནྡྲ་བུ་དྷི་བར་པ་དེ་ཐུན་མོང་གི་གྲུབ་
[80b.3]པ་ཙམ་ཞིག་ཐོབ་པའི་སྐབས་སུ་དེར་བྱོན་ནས་རྫུ་འཕྲུལ་བསྟན་པས་རྒྱལ་པོའི་ང་རྒྱལ་བཅག །སློབ་དཔོན་གཉིས་རང་ལམ་གར་རྫུ་འཕྲུལ་འགྲན་པས་ལ་ལི་ཏས་ལ་བ་པ་ལ་ཕྱག་བྱས་པའི་གཏམ་རྒྱུད་ཀྱང་ཡོད་དོ། །ཤེས་ཕྱིན་ཚུལ་བརྒྱ་ལྔ་བཅུ་བའི་འགྲེལ་པ་
[80b.4]ལས་འབྱུང་བའི་ཟ་ཧོར་གྱི་ཡུལ་དུ་སངས་རྒྱས་མཉམ་སྦྱོར་ལ་སོགས་པའི་རྒྱུད་སྡེ་{བཅྭོ་,བཅོ་}བརྒྱད་བྱོན་པ་ཡུལ་དེའི་རྒྱལ་པོ་ཨིནྡྲ་བུ་དྷི་ལ་སློབ་དཔོན་ཀུ་ཀུ་རཱ་ཛས་བཀྲོལ་ཏེ་བཤད་ཅིང་རྒྱལ་པོ་འཁོར་བཅས་ཀྱིས་རྡོ་རྗེ་དབྱིངས་ཀྱི་ས་དཀྱིལ་འཁོར་ལྟར་བྱས་ནས་བསྒོམས་པས་ཐམས་
[80b.5]ཅད་ཀྱིས་མཆོག་གྲུབ་པ་དང་། དེའི་སྲས་ཤཱཀྱ་པྲ་བུ་དྷི་འཁོར་བཅས་ཀྱིས་ཀྱང་དེ་བཞིན་དུ་བསྒོམས་པས་གྲུབ་པ་དང་། དེའི་སྲས་མོ་གོ་མ་དེ་བཱི་འཁོར་བཅས་ཀྱང་གྲུབ་པ་ཐོབ་པ་སོགས་ཀྱི་ཡོ་གའི་ལོ་རྒྱུས་འདི་ནི། བོད་འགའ་ཞིག་གིས་བཅོམ་ལྡན་འདས་
[80b.6]བཞུགས་དུས་ཀྱི་ཨིནྡྲ་བྷཱུ་ཏི་དེའི་དུས་སུ་འཆད་པ་དང་། འགའ་ཞིག་གིས་རབ་གསལ་ཟླ་བ་དང་སྦྱར་བ་དང་། འགའ་ཞིག་གིས་ཨིནྡ་བུ་དྷི་བར་པ་འདི་དང་སྦྱར་བ་སོགས་སྣང་ཡང་། །སྤྱིར་ཨཽ་ཌྱན་གྱི་ཡུལ་དུ་རྒྱལ་པོ་ཨིནྡྲ་བུ་དྷིའི་མཚན་ཅན་མང་པོ་
[80b.7]ཞིག་བྱོན་པར་བཤད་པ་མཐོང་ཡང་གོང་གི་ཀུ་ཀུ་རཱ་ཛ་དེ་ཨོ་རྒྱུན་དུ་བྱོན་པ་དེའི་དུས་ཀྱི་གཏམ་ཡིན་པར་སྣང་ངོ༌། །ལྷན་ཅིག་སྐྱེས་གྲུབ་ཅིག་ཤོས་ཀྱི་གཞུང་རྩོམ་མཁན་གྱི་ཨིནྡྲ་བུ་དྷི་དེ་ནི་ཨིནྡྲ་བུདྷི་བར་པའི་རྗེས་སུ་བྱུང་བས་དབང་པོའི་བློ་ཆུང་བར་གྲགས་པ་སྟེ་ཕྱིས་
[81a.1]རབ་ཏུ་བྱུང་ནས་གྲུབ་པ་བརྙེས་པའི་ཚེ་ལ་བ་པར་ཡང་གྲགས་སོ། །དེའང་ལྷན་ཅིག་སྐྱེས་གྲུབ་ཀྱི་འགྲེལ་པ་ལས། སྔོན་ཚེ་ཨཽ་ཌྱན་དུ་ལག་ན་རྡོ་རྗེའི་སྤྲུལ་པ་དྲང་སྲོང་འགྲོ་བ་དབུགས་འབྱིན་གྱིས་རྒྱལ་པོའི་བུ་མོ་རོལ་པ་མོ་འཁོར་བུ་མོ་ལྔ་བརྒྱ་དང་བཅས་
[81a.2]པ་རྗེས་སུ་བཟུང་། རོལ་མོས་ཨཽ་ཌྱན་གྱི་རྒྱལ་པོ་དཔའ་བོ་རྡོ་རྗེ་རྗེས་སུ་བཟུང་། དེས་མདུན་ན་འདོན་དམ་ཚིག་རྡོ་རྗེ། །དེས་ཞིང་པ་པདྨའི་རྡོ་རྗེ། དེས་ཆང་འཚོང་མ་ལྷན་ཅིག་སྐྱེས་པའི་རྡོ་རྗེ། དེས་ཐ་ག་པ་དགའ་བའི་རྡོ་རྗེ། དེས་བྲམ་ཟེ་མོ་རྡོ་རྗེ། དེས་
[81a.3]འབྲེག་མཁན་གྲུབ་པའི་རྡོ་རྗེ། དེས་དཔལ་ཀུན་འགྲོའི་མགོན་པོ། དེས་ཐུགས་ཀྱི་རྡོ་རྗེ། དེས་ལྕམ་ལཀྵྒི། དེས་རྒྱལ་པོ་ཨིནྡྲ་བུ་རྙི་གྲོལ་བར་མཛད་དེ། དེས་དུར་ཁྲོད་དུ་བསྒོམས་པའི་ཚེ། བཙུན་མོ་སྔགས་འཆང་མ་རྣམས་ཀྱིས་བགམ་པའི་ཚེ་ལ་བར་སྣང་
[81a.4]བས་མཚན་དེ་ལྟར་གྲགས་སོ་ཞེས་བྱུང་ངོ༌། གྲུབ་ཆེན་དཱ་རི་ཀ་པས་འཁོར་ལོ་སྡོམ་པའི་དཀྱིལ་འཁོར་དུ་དབང་བསྐུར་ཅིང་རྒྱུད་བསྟན་པའི་གྲུབ་པའི་དབང་ཕྱུག་ཆེན་པོ་རྡོ་རྗེ་དྲིལ་བུ་པས་ཨོ་ཌི་བི་ཤའི་རྒྱལ་པོ་རྫུ་འཕྲུལ་སྤྱི་གྱིས་བཏུལ། འཁོར་ལོ་སྡོམ་པའི་ཕྱི་དཀྱིལ་དང་།
[81a.5]ལུས་དཀྱིལ་རིམ་པ་ལྔ་བ་སོགས་མཛད། དེས་རུས་སྦལ་ཞབས། དེས་ཛ་ལནྡྷ་རི་པ། དེས་ནག་པོ་པ་སོགས་རིམ་བཞིན་གྲུབ་པའི་གནས་སུ་བཀོད་ཅིང་ཐམས་ཅད་ཀྱིས་རྡོ་རྗེ་ཐེག་པའི་བསྟན་པ་སྤྱི་དང་བྱེ་བྲག་ཏུ་བདེ་མཆོག་སྐོར་གྱི་སྒྲུབ་པའི་རྒྱུན་མཆོག་ཏུ་གསལ་བར་མཛད་
[81a.6]དོ། །ཁྱད་པར་ནག་པོ་ཞབས་ཀྱིས་ཡི་དམ་གྱིས་ལུང་བསྟན་པ་ལྟར་ནག་པོ་གཞུང་དྲུག་ཏུ་གྲགས་པ་འདི་བརྩམས་ཏེ་སྐུ་དྲིན་མཆོག་ཏུ་ཆེའོ། །དེའི་འོག་ཏུ་རྒྱ་གར་ཤར་ཕྱོགས་ཀྱི་ཡུལ་བྷཾ་ག་ལར་ཙནྡྲའི་རིགས་ཀྱི་རྒྱལ་ཕྲན་པྲ་ཀཱ་ཤ་ཙནྡྲར་གྲགས་པ་དེ་ལག་ན་རྡོ་རྗེས་དངོས་སུ་
[81a.7]བྱིན་གྱིས་བརླབས་པས་གྲུབ་པ་ཐོབ་པར་གྱུར་ཏེ་རྣལ་འབྱོར་རྒྱུད་རྒྱ་ཆེར་བཤད་དོ། །འདི་ནི་ཡོ་ག་པ་རྣམས་ཀྱིས་སྡོམ་པའི་རྒྱུད་ཕྱི་མ་ཞེས་བྱ་བ་ལས་རྒྱལ་པོ་ཙ་ཞེས་བྱ་བ་ཞིག་འབྱུང་བར་ལུང་བསྟན་ཏོ་ཞེས་ཟེར་བ་དེ་ཡིན་པ་སྙམ་ཡང་ལུང་འདྲེན་གྱི་ཚིགས་བཅད་དེ་ལས་འབྱུང་བའི་
[81b.1]དུས་དང་ནི་མི་འབྱོར་པར་སྣང་ངོ༌། །དེའི་འོག་ཏུ་བི་རཱུ་པ་ཆུང་བ་བྱོན་ཏེ། ནུབ་ཕྱོགས་ཀཙྪའི་ཡུལ་གྱི་རྒྱལ་པོ་བི་དྷ་རཊྚ་ཞེས་པའི་ལྷ་ཁང་རབ་གནས་ལ་སྤྱན་དྲངས་པའི་ཚེ་སྔགས་སྤྱོད་ངོ་མཚར་བས་ཕྱི་རོལ་པར་མོས་པ་པའི་བློན་པོ་སོགས་དད་པར་བྱས། བསམ་མི་ཁྱབ་
[81b.2]མཛད་མཁན་གྱི་ཏོག་ཙེ་བ་ཆེ་བའང་འདི་དུས་བྱུང་བར་སྣང་ངོ༌། །གཞན་ཡང་འདི་སྐབས་སུ་གྲུབ་པ་ཐོབ་པའི་རྣལ་འབྱོར་པ་བསམ་གྱིས་མི་ཁྱབ་པ་བྱོན་ཞིང་། རེ་རེས་འགྲོ་བ་སྨིན་གྲོལ་དུ་བཀོད་པའི་གྲངས་ཀྱང་གཞལ་བར་མི་ནུས་པ་ཡིན་ན། ཐམས་ཅད་ཀྱི་ཕྲིན་
[81b.3]ལས་ལ་ནི་སུ་ཞིག་གིས་གཞལ་བར་ནུས། དེ་ནས་རྒྱལ་པོ་དེ་ཝ་པཱ་ལའི་རིང་ལ་ནག་པོ་སྤྱོད་པ་ཆུང་བ་བྱོན་ཏེ། དེ་ནི་ནག་པོ་པས་བྱིན་གྱིས་བརླབས་པ་བདེ་མཆོག་ལ་བརྟེན་ནས་དངོས་གྲུབ་བརྙེས་ཤིང་སྡོམ་པ་བཤད་པ་ལ་སོགས་པའི་བསྟན་བཅོས་མཛད། གཞན་
[81b.4]ཡང་ཤཱཀྱ་བཤེས་གཉེན་དང་། རྡོ་རྗེ་མཚོན་ཆ་དང་། འཇམ་དཔལ་གྲགས་པ་དང་། བཛྲ་དེ་ཝ་སོགས་བྱོན་ཏེ། སྔགས་ལམ་གསལ་བར་མཛད་ཅིང་། ཁྱད་པར་ཤཱཀྱ་བཤེས་གཉེན་གྱིས་ཡོ་ག་དེ་ཉིད་བསྡུས་པའི་འགྲེལ་པ་ཀོ་ས་ལའི་རྒྱན་སོགས་
[81b.5]མཛད་པས་རྣལ་འབྱོར་རྒྱུད་ལ་ཕྱག་རྗེས་ཆེ། འཇམ་དཔལ་གྲགས་པའང་མཚན་བརྗོད་རྣལ་འབྱོར་རྒྱུད་དུ་བཀྲལ་བའི་འགྲེལ་ཆེན་མཛད་པ་པོ་སྟེ། ཆོས་དབྱིངས་གསུང་དབང་གི་དཀྱིལ་འཁོར་མངོན་སུམ་དུ་གཟིགས་ནས་དངོས་གྲུབ་བརྙེས་པ་ཞིག་གོ། །དེ་ནས་
[81b.6]ཨོ་ཌི་ཡ་ནའི་སློབ་དཔོན་སྒེག་པའི་རྡོ་རྗེ་བྱོན་ཏེ། ན་ལེནྡྲར་གསང་སྔགས་ཀྱི་བསྟན་པ་རྒྱ་ཆེར་སྤེལ། མཚན་བརྗོད་འགྲེལ་པ་སོགས་བསྟན་བཅོས་མང་པོ་བརྩམས། ཨོ་རྔུན་དུའང་འགྲོ་དོན་དཔག་མེད་མཛད་ནས་མཐར་འཇའ་ལུས་སུ་གཤེགས་སོ། །འདི་
[81b.7]སྐབས་གདོལ་པའི་བུ་ཞིག་གིས་དག་སྣང་དུ་ཨཱརྱ་དེ་ཝ་མཇལ་ཏེ་བྱིན་གྱིས་བརླབས་པས་ཆོས་གཏོལ་ཤེས་སུ་བྱུང་། བསྒོམས་པས་གྲུབ་པ་ཐོབ། ཀླུ་སྒྲུབ་ཡབ་སྲས་ཀྱི་སྔགས་གཞུང་མཐའ་དག་སྐལ་བ་ལྟ་བུར་རྙེད་ནས་ཅི་རིགས་པར་བཤད་པས་བསྟན་པ་སྤེལ་ལོ། །
[82a.1]ཡང་ཀོངྐ་ནའི་སློབ་དཔོན་སྲུང་བའི་ཞབས་ཀྱིས་ཟླ་གྲོགས་དང་མཇལ་ནས་སྒྲོན་གསལ་གྱི་གླེགས་བམ་ཡང་རྙེད་དོ། །ཡང་པཎྜི་ཏ་སྒྲ་ཅན་འཛིན་གྱིས་ཀླུའི་བྱང་ཆུབ་དང་མཇལ་ཏེ་ཀླུ་སྒྲུབ་ཡབ་སྲས་ཀྱི་སྔགས་ཀྱི་མན་ངག་ཐམས་ཅད་ནོས་པར་ཡང་གྲགས་
[82a.2]ཏེ། མདོར་ན་འདི་དུས་ཙམ་ནས་འདུས་པ་འཕགས་སྐོར་ཐོག་མར་དར་བ་ཡིན་ནོ། །དེ་འོག་རྒྱལ་པོ་དྷརྨ་པཱ་ལའི་ཚེ་ཤར་ཕྱོགས་བྷངྒ་ལའི་ཡུལ་དུ་གྲུབ་ཆེན་ཀུ་ཀུ་རཱི་པ་བྱུང་སྟེ། འདིས་ཨོ་སྐྲུན་ནས་མ་ཧཱ་མཱ་ཡཱའི་རྒྱུད་སྤྱན་དྲངས་ནས་ཀུ་ཀུ་རི་པའི་ཆོས་བདུན་དུ་གྲགས་པ་
[82a.3]ལས་དྲུག་མཛད། །སེང་གེ་བཟང་པོའི་སློབ་མ་སངས་རྒྱས་ཡེ་ཤེས་ཞབས་ཀྱིས་ཨཽ་ཌྱན་དུ་བྱོན་ནས། ལ་ཀྵྨཱི་ཆེན་མོ་མཉེས་པར་བྱས། གཞན་ཡང་སྲུང་བའི་ཞབས་དང་འཇམ་དཔལ་བཤེས་གཉེན་སོགས་ལས་གསང་བ་འདུས་པའི་དབང་རྒྱུད་མན་ངག་དང་བཅས་པ་
[82a.4]ནོས་ནས་བསྒོམས་པས་ཀྱང་གྲུབ་སྟེ། བི་ཀྲ་མ་ལ་ཤི་ལར་སྔགས་ཀྱི་རྡོ་རྗེ་སློབ་དཔོན་ཆེན་པོ་མཛད་དེ་ཀྲི་ཡོ་ག་སྡེ་གསུམ་དང་། ནང་རྒྱུད་སྡེ་ལྔ་སྟེ། འདུས་པ། སྒྱུ་འཕྲུལ་དྲ་བ། སངས་རྒྱས་མཉམ་སྦྱོར། ཟླ་གསང་ཐིག་ལེ། འཇམ་དཔལ་ཁྲོས་པ་
[82a.5]རྣམས་དང་། ཁྱད་པར་གསང་བ་འདུས་པའི་རྒྱུད་གཙོ་བོར་བཤད་པས་རྡོ་རྗེ་ཐེག་པའི་བསྟན་པ་རྒྱ་ཆེར་རྒྱས་པར་མཛད། སྒྲུབ་ཐབས་ཀུན་བཟང་ལ་སོགས་པའི་གཞུང་བཅུ་བཞི་དང་། གཞན་ཡང་གཞུང་མང་པོ་བརྩམས་སོ། །སློབ་མ་ཤིན་ཏུ་མང་ཡང་
[82a.6]གཙོ་བོ་མཆོག་བཅོ་བརྒྱད་བྱུང་ཞིང་དེ་ལས་ཀྱང་མར་མེ་མཛད་བཟང་པོ། རབ་ཞི་བཤེས་གཉེན། སྒྲ་གཅན་འཛིན་བཟང་པོ། རྡོ་རྗེ་བདེ་བ་ཆེན་པོ་སྟེ་བཞིས་རིག་པ་འཛིན་པའི་གནས་གྲུབ་པར་གྲགས་སོ། །དེ་ལས་རབ་ཞི་བཤེས་གཉེན་གྱིས་གནོད་སྦྱིན་བཀོལ་ནས་
[82a.7]ན་ལནྡའི་ལྷོ་ཕྱོགས་སུ་བདུད་རྩི་འབྱུང་བའི་གཙུག་ལག་ཁང་བཞེངས། རྒྱལ་རིགས་སྒྲ་གཅན་འཛིན་བཟང་པོས་འགྲོ་ལྡིང་གི་ཡུལ་དུ་གསང་སྔགས་ཀྱི་རྒྱུད་སྡེ་མང་པོ་དར་བར་མཛད། དེར་ཀླུ་ལས་ནོར་བླངས་ཏེ་གསང་བ་འདུས་པའི་ལྷ་ཁང་ཆེན་པོ་བཞེངས། ཀླུ་རྣམས་
[82b.1]འདུལ་བའི་ཕྱིར་ཀླུའི་གནས་སུ་གཤེགས་ཏེ་ད་ལྟའང་བཞུགས་པར་གྲགས། ཡང་ཡེ་ཤེས་ཞབས་ཀྱི་སློབ་མ་སངས་རྒྱས་གསང་བ་དང་། སངས་རྒྱས་ཞི་བ་གཉིས་ནི་རྡོ་རྗེ་འཛིན་པ་གཞན་དག་ལས་ཀྱང་གསང་སྔགས་མང་དུ་གསན་པས། །སྔགས་སྤྱི་དང་། ཁྱད་
[82b.2]པར་བྱ་སྤྱོད་རྣལ་འབྱོར་གསུམ་ལ་མཁས་ཤིང་། གྲུབ་པ་ཐོབ་པ་ཡིན། ཁྱད་པར་སངས་རྒྱས་གསང་བས། ཀྲི་ཡོ་ག་སྡེ་གསུམ་གྱི་བསྟན་པ་རྒྱས་པར་མཛད་ཅིང་། རྣམ་སྣང་མངོན་བྱང་གི་བསྡུས་འགྲེལ། བསམ་གཏན་ཕྱི་མའི་རྒྱས་འགྲེལ། །
[82b.3]རྡོ་རྗེ་དབྱིངས་ཀྱི་སྒྲུབ་ཐབས་སོགས་བརྩམས། དེའི་འོག་ཏུ་མ་ག་དྷཱའི་སློབ་དཔོན་ཀུན་དགའ་སྙིང་པོ་བྱུང་སྟེ། གྷཾ་ག་ལ་ན་རབ་གསལ་ཟླ་བའི་སློབ་མ་རབ་འབྱོར་བསྐྱངས་སོགས་མང་པོ་ལ་གཏུགས་ནས། རྣལ་འབྱོར་རྒྱུད་མཐའ་དག་ལ་མཁས་པར་མཛད། །
[82b.4]བསྒོམས་པས་རྡོ་རྗེ་དབྱིངས་ཀྱི་དཀྱིལ་འཁོར་གཟིགས་ཤིང་བསྟན་བཅོས་རྩོམ་པར་ལུང་བསྟན་ཐོབ། དཔལ་མཆོག་དང་པོ་དང་། དེ་ཉིད་བསྡུས་པ་སོགས་ཡོ་གའི་རྒྱུད་མང་པོ་ལ་འགྲེལ་པ་བརྩམས་ཤིང་བཤད། གཞན་ཡང་གསང་བ་འདུས་པ་སོགས་རྒྱུད་
[82b.5]མང་པོའི་འགྲེལ་པ་མཛད་དེ་སྔགས་སྤྱི་དང་ཁྱད་པར་ཡོ་གའི་སྲོལ་ཤིན་ཏུ་རྒྱ་ཆེན་པོར་ཕྱེས་སོ། སློབ་དཔོན་ཡེ་ཤེས་བྱིན་དང་ཡེ་ཤེས་གྲགས་པ་སོགས་ཀྱིས་ཀྱང་བསྟན་པ་ལ་བྱ་བ་མཛད་དོ། །འདི་ཙམ་ན་སིངྷ་ལར་ལངྐ་རྒྱལ་བ་བཟང་པོའང་བྱོན་ཏེ། འདིས་ལྷོ་
[82b.6]ཕྱོགས་ཀོངྐ་ནར་དཔལ་རེག་པ་མེད་པའི་མཆོད་རྟེན་ཡོད་པའི་སར། སྔགས་ཀྱི་ཐེག་པ་མང་དུ་བཤད། འཁོར་ལོ་སྡོམ་པའི་རྒྱུད་འགྲེལ་སོགས་བསྟན་བཅོས་མང་པོ་བརྩམས། བི་ཀྲ་མ་ལར་སྔགས་ཀྱི་སློབ་དཔོན་ཆེན་པོ་མཛད་དོ། །ཁྱད་པར་འདི་སྐབས་ཤར་
[82b.7]ཕྱོགས་ཛ་གོའི་ཡུལ་དུ་རྣལ་འབྱོར་གྱི་དབང་ཕྱུག་ཆེན་པོ་ཏི་ལླི་པ་བྱོན་ཏེ། དེས་ཙནྡྲ་པ་སོགས་བཀའ་བབས་བཞིའི་བླ་མ་བསྟེན། སྔགས་རྒྱུད་སྤྱི་དང་ཁྱད་པར་བླ་མེད་ཀྱི་སྐོར་ཡོད་དོ་ཅོག་གི་དབང་རྒྱུད་མན་ངག་ཐམས་ཅད་ཡོངས་སུ་རྫོགས་ནས་བྷངྒ་ལར་ལོ་བཅུ་གཉིས་སུ་ཏིལ་
[83a.1]བརྡུང་བའི་སྤྱོད་པ་སྤྱད་པས་མཆོག་གི་དངོས་གྲུབ་མངོན་དུ་མཛད། གཙོ་བོར་ལྷག་པའི་ལྷ་ཤྲཱི་ཧེ་རུ་ཀ་ཉིད་ལས་དངོས་སུ་རྡོ་རྗེ་ཐེག་པ་མཐའ་དག་གསན་ཅིང་གཞན་ལ་བསྟན་པས་བྷ་ག་ལའི་རྒྱལ་ཁམས་ཁོ་ན་ལན་གསུམ་དུ་སྟོངས་པར་གྲགས། མདོར་ན་
[83a.2]སྙིང་པོའི་ངེས་གསང་གི་བསྟན་པ་ཉིན་མོ་ལྟར་གསལ་བར་མཛད་དོ། །གཞན་ཡང་སྔོན་ཚེ་ཁ་ཆེའི་པཎྜི་ཏ་ཟབ་པའི་རྡོ་རྗེ་ཞེས་བྱ་བས་དུར་ཁྲོད་བསིལ་ཚལ་དུ་སངས་རྒྱས་མཉམ་སྦྱོར་གྱི་རྒྱུད་ལ་བརྟེན་ནས་རྡོ་རྗེ་ཉི་མ་སྒྲུབ་པའི་ཚེ་རྡོ་རྗེ་བདུད་རྩིའི་དཀྱིལ་འཁོར་གཟིགས་ནས་
[83a.3]ལུང་བསྟན་པ་བཞིན་ཨོ་རྒྱན་རྒྱུ་མ་རར་བྱོན་ཏེ། །དེར་མཁའ་འགྲོ་མ་ཞིག་གིས་བདུད་རྩི་བཞིའི་དཀྱིལ་འཁོར་དུ་དབང་བསྐུར། རྒྱུད་བཤད། གླེགས་བམ་གཏོད། ཧེ་རུ་ཀ་བསྒོམས་པས་མཆོག་གི་དངོས་གྲུབ་ཐོབ། ཕྱིས་མ་ལ་བར་སྐལ་ལྡན་གྱི་སྤྲང་པོ་
[83a.4]བརྒྱད་ལ་དབང་བསྐུར་བས་གྲུབ་པ་ཆེན་པོ་རེ་རེ་ཐོབ་པ་བྱུང་། ཁོ་ཡང་ཕྱི་ཞིག་ན་སློབ་དཔོན་བདུད་རྩི་གསང་བ་རྗེས་སུ་བཟུང་ནས་དབང་བསྐུར། རྒྱུད་བཤད། མན་ངག་བྱིན་ནས་ལྷ་ཡུལ་དུ་འགྲོ་དོན་ལ་གཤེགས། བདུད་རྩི་གསང་བས་ཀྱང་མཆོག་གྲུབ་སྟེ།
[83a.5]སློབ་དཔོན་ཀུན་སྙིང་སོགས་བྱོན་པའི་དུས་ཙམ་ལ་སློབ་དཔོན་བྷ་གོ་རྗེས་སུ་བཟུང་། དེས་རོ་ལངས་དང་གཏེར་གྱི་བུམ་པ་བསྒྲུབས་ཏེ་འགྲོ་དོན་མཛད། ཁྱད་པར་པྲ་ཀ་དང་ཉེ་བར་རིགས་ལྔའི་ལྷ་ཁང་ཆེན་པོ་དང་། ལྷོ་ཕྱོགས་ཀརྨ་ཊར་རྡོ་རྗེ་བདུད་རྩིའི་ལྷ་ཁང་ཆེན་པོ་
[83a.6]བཞེངས་ནས་པཎྜི་ཏ་དྲི་མེད་བཟང་པོ་སོགས་ལ་རྒྱུད་བཤད་པས་འཕགས་ཡུལ་སོགས་སུ་ལེགས་པར་དར་བ་ཡིན་ནོ། །རྒྱལ་པོ་དྷརྨ་པཱ་ལའི་རིང་ལ་བྲམ་ཟེའི་སློབ་དཔོན་དཔལ་འཛིན་བྱུང་ཞིང་། དེས་ཡེ་ཤེས་ཞབས་ཀྱི་སློབ་རྒྱུད་འགའ་རེ་བསྟེན་ནས་གསང་འདུས་
[83a.7]དང་། གཤིན་རྗེ་གཤེད་ཀྱི་སྐོར་ཐམས་ཅད་ཐུགས་སུ་ཆུད། བསྒོམས་པས་གྲུབ་པ་བརྙེས། ལྷོ་ཕྱོགས་ཀྱི་རྒྱུད་བེདརྦྤ་སོགས་སུ་ནུས་པ་བསྟན་པས་སངས་རྒྱས་པ་དར་བར་མཛད། །རྒྱལ་པོ་མ་ཧཱི་པཱ་ལའི་ཚེ་བི་ཀྲ་མའི་སྔགས་ཀྱི་སློབ་དཔོན་ཡང་མཛད་དོ། །
[83b.1]དེ་ནས་བྷ་ཝ་བྷ་ཊ་བྱོན་ཏེ་དེའང་རྒྱུད་སྡེ་ལྔ་བཅུ་ཙམ་མཁྱེན་པའི་མཁས་པ་ཆེན་པོར་གྲགས། དེ་ནས་སྐལ་ལྡན་གྲགས་པ་བྱོན་ཏེ་རྒྱུད་སྡེ་རྒྱ་མཚོའི་ཕ་རོལ་དུ་སོན། གཞན་ཡང་རིམ་པས་ལཱི་ལ་བཛྲ་དང་། མི་ཐུབ་ཟླ་བ་དང་། ཏ་ཐཱ་ག་ཏ་རཀྱི་ཏ་རྣམས་ཀྱང་བདེ་
[83b.2]མཆོག་དང་། གཤིན་རྗེ་གཤེད་སོགས་ཀྱི་སྒོ་ནས་གྲུབ་པ་བརྙེས་པའི་སྔགས་ཀྱི་སློབ་དཔོན་ཆེན་པོ་ཡིན་ཏེ་ཐམས་ཅད་ཀྱིས་བི་ཀྲ་མ་ལར་ཡང་བསྟན་པ་བསྐྱངས་སོ། །རྒྱལ་པོ་མ་ཧཱི་པཱ་ལའི་སྐུ་ཚེའི་སྨད་ཙམ་ལ་ཤར་ཕྱོགས་ཨོ་ཟི་སར་ཙི་ལུ་པའམ་པི་ཊོ་ཨཱ་ཙཱརྨ་ཆེ་བ་
[83b.3]བྱོན་ཏེ། མཁས་པ་ཆེན་པོར་གྱུར་པ་དེས་ན་ལནྡ་དང་བི་ཀྲ་མ་ལ་ཤཱི་ལ་དང་། རིན་ཆེན་རི་བོའི་གཙུག་ལག་ཁང་དུ་སྡེ་སྣོད་དང་རྒྱུད་ཀྱི་གླེགས་བམ་མཐའ་དག་གཟིགས་པའི་ཚེ། སྔགས་ཀྱི་སྦས་དོན་མཐར་ཐུག་འབྱེད་པ་ལ་བྱང་ཆུབ་སེམས་འགྲེལ་དགོས་པས། དེ་
[83b.4]ཤམྦྷ་ལ་ན་སྤྲུལ་པའི་རྒྱལ་པོས་སྟོན་པ་ཡོད་ཅེས་འདུག་པ་གཟིགས་པ་དང་། ལྷག་ལྷས་ཀྱང་བསྐུལ་ནས་ཤམྦྷ་ལར་བྱོན་པར་དགོངས་ཏེ་བྱོན་པའི་ལམ་ཁར་རིགས་ལྡན་གྱིས་སྤྲུལ་པའི་དགེ་སློང་གི་ཚུལ་དུ་བྱོན་ནས་བྱིན་གྱིས་བརླབས་ཤིང་། །དུས་ཀྱི་འཁོར་
[83b.5]ལོའི་དབང་རྒྱུད་འགྲེལ་མན་ངག་དང་བཅས་གནང་བ་མཐའ་དག་ཐུགས་ལའང་ཟིན་ནས་ཐུགས་ཚིམ་སྟེ་སླར་ལོག ཝརེནྡྲར་པི་ཌོ་བ་ཆུང་བ་རྗེས་སུ་བཟུང་ནས་དབང་རྒྱུད་སོགས་མཐའ་དག་གནང་། འདིས་དམག་གི་གནོད་པ་བྱུང་བའི་ཚེ་རྒྱུད་འགྲེལ་རྣམས་
[83b.6]སྦས་པ་ལས་ཕྱིས་རྩ་རྒྱུད་རྩ་འགྲེལ་མ་ཚང་བ་ཡིན་ནོ། །ཁྱད་པར་ཝ་རེནྡྲར་དུས་ཞབས་པ་ཆེན་པོར་གྲགས་པ་བྱོན་ཏེ། དེས་ཙི་ལུ་པ་ཆུང་བ་ལ་ཐུག །དེས་ཀྱང་ཐུགས་མ་ཚིམ་པར་ཤ་བྷ་ལར་བྱོན་པའི་ལམ་ཁར་རིགས་ལྡན་རྣམ་འཕྲུལ་ཞིག་དང་མཇལ་ཏེ།
[83b.7]དེས་དབང་བསྐུར། མན་ངག་བསྟན། བསྒོམས་པས་གྲུབ་སྟེ་ཤཾ་བྷ་ལ་ཉིད་དུ་བརྟོལ། རིགས་ལྡན་ཉིད་ལས་དབང་རྒྱུད་འགྲེལ་མན་ངག་དང་བཅས་པ་དངོས་སུ་ཐོབ། ཚུར་བྱོན་ནས་འཕགས་ཡུལ་དུ་སེམས་འགྲེལ་སྐོར་ཆེས་དར་བར་མཛད་དོ། །འདི་སྐབས་
[84a.1]སློབ་དཔོན་ཀ་མ་ལ་རཀྵི་ཏས་བི་ཀྲ་མ་ལའི་སྔགས་ཀྱི་སློབ་དཔོན་མཛད་དེ། གསང་བ་འདུས་པ་དང་གཤིན་རྗེ་གཤེད་ལ་མཁས། མངོན་སྤྱོད་ཀྱི་ལས་ཤིན་ཏུ་མང་བ་ཞིག་མཛད་པས་མཁའ་སྤྱོད་དུ་འབྱོན་རྒྱུ་ལ་ཅུང་ཟད་བསྒྲིབས་པར་གྲགས་
[84a.2]སོ། གཞན་ཡང་སློབ་དཔོན་པདྨ་ལྕགས་ཀྱུས་ཀྱང་ཡོ་གའི་བསྟན་པ་གསལ་བར་མཛད། རང་ཉིད་ཀྱི་ཡབ་བྲམ་ཟེ་སྙིང་པོའི་ཞབས་ལས་བདེ་དགྱེས་གསང་གསུམ་སོགས་གསན། འཇམ་དཔལ་དབྱངས་གྲུབ་
[84a.3]པས་རིག་པའི་གནས་ཐམས་ཅད་ལ་ཟླ་མེད་པའི་མཁས་པ་ཆེན་པོར་གྱུར། །བི་ཀྲ་མར་ཆོས་བཤད་ཅིང་མདོ་སྔགས་ཀྱི་བསྟན་བཅོས་བརྒྱ་རྩ་བརྒྱད་མཛད་པར་གྲགས། །སངས་རྒྱས་ཡེ་ཤེས་ཀྱི་བརྒྱུད་འཛིན་ནག་པོ་དམ་ཚིག་རྡོ་རྗེས་ཀྱང་སྔགས་གྲུབ་ནས་བསྟན་པའི་
[84a.4]བྱ་བ་མཛད། འདི་སྐབས་ཀྱི་སྔ་ཕྱི་ཅི་རིགས་པར་གྲུབ་ཆེན་ཐ་ག་ན་དང་བྲམ་ཟེ་ཡེ་ཤེས་ཞབས་ཀྱང་བྱུང་། རྒྱལ་པོ་ཙ་ན་ཀའི་རིང་ལ་བི་ཀྲ་མ་ལ་ཤཱི་ལའི་བྱང་སྒོ་སྲུང་བའི་པཎྜི་ཏ་ནཱ་རོ་པ་ནི་ཕྱི་ནང་གི་མཁས་པ་སུས་ཀྱང་རྩོད་པར་མི་ནུས་པས་རྩོད་མེད་དེ། དེས་
[84a.5]དཀའ་ཐུབ་ཆེན་པོས་གྲུབ་ཆེན་ཏི་ལླི་པ་མཉེས་པར་བགྱིས། གཞན་ཡང་དུས་འཁོར་ཞབས་སོགས་བླ་མ་མང་པོ་བསྟེན་ནས་རྒྱུད་སྡེ་རྒྱ་མཚོའི་དབང་ཕྱུག་ཏུ་གྱུར་ཏེ་གྲུབ་པ་བརྙེས། དབང་མདོར་བསྟན་དང་དགྱེས་རྡོར་གྱི་འགྲེལ་པ་སོགས་སྔགས་ཀྱི་
[84a.6]བསྟན་བཅོས་མང་པོ་བརྩམས། རྡོ་རྗེ་ཐེག་པ་ཉིན་མོ་ལྟར་གསལ་བར་མཛད་ནས་སྤྱོད་པ་ལ་གཤེགས་སོ། །ཤར་སྒོ་སྲུང་བ་རནྣ་ཀ་ར་ཤཱནྟི་ཡང་ནཱ་རོ་པ་ལས་དབང་རྒྱུད་མན་ངག་ཤིན་ཏུ་མང་པོས་ཡང་ཡང་དུ་ནོས། བསྒོམས་པས་གྲུབ་པ་བརྙེས། སྔགས་
[84a.7]གཞུང་མང་པོའང་མཛད་དེ་བསྟན་པའི་སྒྲོན་མེར་གྱུར་ཏོ། ནུབ་སྒོ་སྲུང་བ་ངག་དབང་གྲགས་པས་ཀྱང་འཁོར་ལོ་སྡོམ་པའི་རྒྱུད་ལ་བསྟེན་ནས་དངོས་གྲུབ་བརྙེས། བི་ཀྲ་མ་ལ་ཤཱི་ལར་ཚོགས་བདག་ལས་ནོར་བླངས་ཏེ། གསང་འདུས། བདེ་མཆོག །
[84b.1]དགྱེས་རྡོར། གདན་བཞི་རྣམས་ལ་མཆོད་པའི་ཆོས་གཞི་རེ་རེ་བཙུགས། ཕྱིས་བལ་པོར་ཕེབས་ཏེ་ཤཱནྟ་པུ་རིར་བདེ་མཆོག་གི་ལྷ་ཁང་བཞེངས། དེར་རབ་གནས་ཀྱི་མཇུག་ཏུ་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་དཀྱིལ་འཁོར་དུ་སྤྲུལ་པ་དེ་མ་བསྡུས་
[84b.2]པར་ད་ལྟ་འང་བཞུགས་པར་གྲགས་སོ། དབུས་ཀྱི་བྲམ་ཟེ་རིན་ཆེན་རྡོ་རྗེའང་འཁོར་ལོ་སྡོམ་པའི་སྒོ་ནས་གྲུབ་པ་བརྙེས་ཏེ་བི་ཀྲ་མ་ལར་གསང་སྔགས་ཀྱང་བཤད། ཁྱད་པར་ཁ་ཆེར་བྱོན་ཏེ་གསང་བ་འདུས་པ་འཆད་པའི་གྲྭ་བཙུགས་སོ། །ཕྱིས་ཨཽ་རྒྱན་
[84b.3]དུ་བྱོན་པའི་ཚེ། ཁ་ཆེའི་ཡུལ་གྱི་མུ་སྟེགས་བྱེད་མཁས་པ་ཞིག་ཁོང་རང་གི་ལྷས་བསྐུལ་ནས་ཨཽ་ཌྱན་དུ་ཕྱིན། དེ་དང་རྩོད་པས་སློབ་དཔོན་རྒྱལ་ནས་མུ་སྟེགས་དེ་ནང་པའི་ཆོས་སྒོར་ཞུགས། །སྔགས་ནོས་པས་གྲུབ་པ་ཐོབ། །མཚན་གུ་ཧྱ་པྲཛྙཱར་
[84b.4]གྲགས་ཏེ་བོད་དུ་བྱོན་པའི་ཨཱ་ཙཱརྱ་དམར་པོ་ཞེས་པ་དེའོ། །རིན་ཆེན་རྡོ་རྗེའི་སྲས་མ་ཧཱ་ཛ་ན། དེའི་སྲས་སཛྫྜནའོ། །དབུས་ཀྱི་ཀ་ཆེན་ཅིག་ཤོས་ཛྙཱ་ན་ཤྲཱི་མི་ཏྲའང་སྔགས་ཀྱི་རྣལ་འབྱོར་པ་ཆེན་པོ་སྟེ། མཐའ་གཉིས་སེལ་བ་སོགས་སྔགས་ཀྱི་
[84b.5]བསྟན་བཅོས་མང་པོ་མཛད་དོ། །དེ་ཙམ་ན་བྷཾ་ག་ལར་ཇོ་བོ་རྗེ་ཨ་ཏི་ཤའང་བྱོན་ཏེ། དེས་ནི་ནཱ་རོ་པ། ཌོཾ་བྷི་པ། ཤཱནྟི་པ། བ་ལིང་ཨཱ་ཙཱརྱ་སོགས་བླ་མ་མང་པོ་བསྟེན། གསང་སྔགས་ཀྱི་རྒྱུད་སྡེ་མཐའ་དག་ལ་མཁས་པར་གྱུར། མཐོང་
[84b.6]ལམ་གྱི་རྟོགས་པ་བརྙེས། སློབ་མ་རྡོ་རྗེ་འཛིན་པའང་མང་དུ་བྱུང་། མཻ་ཏྲཱི་པ་ནི་ནཱ་རོ་པའི་སློབ་མ་ཡིན་ལ་ཕྱིས་དཔལ་གྱི་རིར་གཤེགས་ཏེ་ཤ་བ་རི་པ་དང་མཇལ། དབང་བསྐུར། བྱིན་གྱིས་བརླབས། བདེ་དགྱེས་གསང་གསུམ། མཚན་བརྗོད།
[84b.7]རྙོག་མེད་སོགས་གསན། ཁྱད་པར་གྲུབ་སྙིང་ཨ་མ་ན་སིའི་སྐོར་ཡོངས་སུ་རྫོགས་པར་གསན་ནས་བསྒོམས་པས་གྲུབ་པ་བརྙེས། བི་ཀྲ་མ་ལ་སོགས་སུ་གསང་སྔགས་ཀྱི་བསྟན་པའང་སྐྱོང་བར་མཛད་དོ། །གཞན་ཡང་དེའི་འོག་ཏུ་ནཱ་རོ་པ་ལ་སོགས་
[85a.1]པའི་བླ་མ་བསྟེན་ནས་སྔགས་ཀྱི་དངོས་གྲུབ་བརྙེས་པར་གྱུར་པ་རྡོ་རྗེ་གདན་པ་ཆེན་པོ། ཨ་མོ་གྷ་བཛྲ། དེ་བ་ཨཱ་ཀ་ར་ཙནྡྲ། པྲཛྙཱ་ར་ཏ་སོགས་ཀྱིས་ཕྲིན་ལས་བསྐྱངས་ཤིང་། ཁྱད་པར་པྲཛྙཱ་རཀྵི་ཏས་ནི་ལོ་བཅུ་གཉིས་སུ་ནཱ་རོ་པ་བསྟེན།
[85a.2]བླ་མེད་ཀྱི་རྒྱུད་མང་དུ་གསན། ཁྱད་པར་མ་རྒྱུད་དང་ཡང་སྒོས་འཁོར་ལོ་བདེ་མཆོག་ལ་མཁས་པར་གྱུར། འགྲེལ་པ་ལུགས་བཞི་དང་། མན་ངག་མཐའ་ཡས་པ་ཐུགས་སུ་ཆུད། བདེ་མཆོག་རིགས་ཀྱི་དབང་བསྐུར་རང་ཡང་བདུན་ཅུ་ཙམ་མངའ་བར་
[85a.3]གྲགས། ལོ་ལྔར་བསྒྲུབས་པས་དངོས་གྲུབ་ཆེན་པོ་བརྙེས་ཏེ་སྡོམ་པའི་ཆོས་གཙོ་བོར་བཤད་པས་འགྲོ་དོན་དཔག་མེད་མཛད་དོ། །དཔལ་མཆོག་ཌོཾ་བྷི་པ་ནི་བ་ལང་རྫིའུ་ཞིག་ནཱ་རོ་པས་སྐལ་ལྡན་དུ་མཁྱེན་ནས། ཆང་ཐོད་ཕོར་གང་གནང་བ་ཙམ་
[85a.4]གྱིས་བྱིན་རླབས་ཞུགས་ཏེ་ཅིག་ཅར་དུ་ཆོས་ཐམས་ཅད་ཁོང་དུ་ཆུད་ནས་དངོས་གྲུབ་ཐོབ་སྟེ་འདིས་ཇོ་བོ་ཨ་ཏི་ཤའང་བྱིན་གྱིས་བརླབས་སོ། །ཀ་སོ་རི་པ་དང་། རི་རི་པ་དང་། ནི་རི་པ་རྣམས་ཀྱང་ནཱ་རོ་པས་རྗེས་སུ་བཟུང་ཞིང་སྡོམ་པ་ཡབ་ཡུམ་ལ་བརྟེན་ནས་
[85a.5]གྲུབ་པ་ཐོབ་པ་སྟེ། །ཚེ་འདི་དག་གིས་ཀྱང་སྙིང་པོའི་བསྟན་པ་ལ་བྱ་བ་ཆེར་མཛད་དོ། །སློབ་དཔོན་དཔེ་མེད་འཚོ་ཞེས་སྦྱོར་དྲུག་ལུགས་གཅིག་གི་ཁུངས་འདེད་ས་དེའང་འདི་སྐབས་བྱོན། ཁྱད་པར་ནཱ་རོ་པའི་ལྕམ་ནི་གུ་མ་ནི་སྔར་མིང་པོས་སྔགས་ལམ་དུ་སྨིན་
[85a.6]པར་བྱས་ཟིན་པ་ཞིག། ཕྱིས་བཛྲ་དྷ་རས་དངོས་སུ་རྗེས་བཟུང་ནས་མཆོག་གི་གྲུབ་པ་བརྙེས་པའོ། དེ་ནས་སློབ་དཔོན་ཆེན་པོ་བི་རཱུ་པ་དང་། ནཱ་རོ་པ་དང་། ལྕམ་ནི་གུ་མ་སྟེ། འདི་དག་ལས་བྱུང་བའི་ཆོས་དྲུག་ལུགས་གཉིས་པོ་
[85a.7]ལ་སོགས་པ་རྣམས་ནི། བླ་མེད་ཀྱི་རྒྱུད་སྡེ་ཐམས་ཅད་ཀྱི་ཟབ་མོའི་ཉམས་ལེན་གཙོ་ཆེ་བ་རྣམས་མདོར་བསྡུས་པ་ཡིན་གྱི་ཕྱོགས་གཅིག་ཏུ་ཆད་པའི་རྒྱུད་སྡེ་རེ་རེའི་ཉམས་ལེན་གྱི་སྲོལ་རྐང་ཚུགས་པ་ཞིག་ནི་མ་ཡིན་ནོ། །འདི་སྐབས་རྟོག་གེ་པ་ཡ་མཱ་
[85b.1]རིའང་བྱུང་སྟེ་ནོར་རྒྱུན་མའི་སྔགས་གྲུབ་པོ། །གཞན་ཡང་མི་ན་ཀ་ཤཱི། ཁ་ཆེ་བ་བྱང་ཆུབ་བཟང་པོ། སྒྲ་གཅན་འཛིན་བཤེས་གཉེན། རྒྱ་གར་དཱ་རེ་ཀ་བ། བལ་པོ་ཕང་སྟེང་པ་སྐུ་མཆེད། རྒྱ་གར་ཕྱག་ན་སོགས་ཀྱིས་ཀྱང་སྔགས་ཀྱི་བསྟན་པ་གསལ་
[85b.2]བར་མཛད་དོ། །དེ་འོག་ཨ་བྷ་ཨཱ་ཀ་ར་གུསྟེ་རྒྱུད་སྡེ་རྒྱ་མཚོའི་དབང་ཕྱུག་ཏུ་གྱུར་ཏེ། རྡོ་རྗེ་རྣལ་འབྱོར་མས་བྱིན་གྱིས་བརླབས། སཾ་པུ་ཊའི་འགྲེལ་པ་མན་སྙེ་དང་། དཀྱིལ་ཆོག་རྡོ་རྗེ་ཕྲེང་བ་སོགས་གསང་སྔགས་ཀྱི་བསྟན་བཅོས་ཀྱང་ཟབ་ཅིང་རྒྱ་ཆེ་
[85b.3]བ་དུ་མ་མཛད། དགུང་ལོ་བརྒྱ་ཉི་ཤུ་རྩ་གཅིག་གི་བར་དུ་བསྟན་པ་བསྐྱངས་ཏེ་བར་དོར་མཆོག་གི་དངོས་གྲུབ་བརྙེས་སོ། འདི་སྐབས་ན་ལནྡ་པའམ། དུས་འཁོར་ཞབས་ཆུང་བ་བྱུང་སྟེ། དེས་དུས་ཞབས་པ་ཆེ་བ་ལ་བརྟེན་ནས་དབང་རྒྱུད་འགྲེལ་ཡོངས་སུ་
[85b.4]རྫོགས་པར་གསན། ན་ལནྡའི་གཙུག་ལག་ཁང་གི་སྒོ་ཁང་དུ་རྣམ་བཅུ་དབང་ལྡན་གྱི་ཡི་གེ་དང་། དེའི་གཤམ་དུ་དུས་འཁོར་མ་ཤེས་ན་གསང་སྔགས་ཐམས་ཅད་ཤེས་པར་མི་འགྱུར་བའི་སྒྲུབ་བྱེད་བཀོད་པས་ཨ་བྷ་ཡ། ཙཱ་མི། ཨ་བྷི་ཡུཀྟ། ཁ་
[85b.5]ཆེ་ཟླ་མགོན། དཱ་ན་ཤྲི་སོགས་པཎྜི་ཏ་ལྔ་བརྒྱ་ཙམ་གྱིས་གཟིགས་པས་ཐུགས་མ་རངས་ཏེ་རྩོད་པ་ན་དུས་འཁོར་ཞབས་རྒྱལ། པཎྜི་ཏ་ཐམས་ཅད་ཀྱིས་གུས་པས་བཏུད་དེ་ཆོས་ཉན་པའི་སློབ་མར་གྱུར་ཏོ། །ཨ་བྷ་ཡའི་སློབ་མ་ཤུ་བྷཱ་ཀ་ར་གུ་སྟ་དང་། ནིཥྐ་
[85b.6]ལངྐ་དེ་བ་སོགས་རྡོ་རྗེ་འཛིན་པ་མང་དུ་བྱོན་ཏེ། སློབ་དཔོན་དེའི་མན་ངག་དང་བཤད་སྲོལ་ཤིན་ཏུ་རྒྱས་པར་གྱུར་ཏོ། དེ་ལས་ཁྱད་པར་དུ་གྲུབ་པ་བརྙེས་པ་རཏྣ་རཀྵི་ཏས་བི་ཀྲ་མ་ལ་ཤཱི་ལར་སྔགས་ཀྱི་དཔོན་ཆེན་པོ་མཛད། སྡོམ་འབྱུང་གི་འགྲེལ་པ་སོགས་
[85b.7]བརྩམས་ནས་སྙིང་པོའི་བསྟན་པའི་བདག་པོར་གྱུར་ཏོ། །བི་ཁྱཱ་ཏ་དེ་ཝ་ཆོས་འབྱུང་ཞི་བས་ཀྱང་ཨ་བྷ་ཡ་བརྟེན་ནས་གྲུབ་པ་བརྙེས། རྡོ་རྗེ་གདན་གྱི་མཁན་པོ་མཛད། དེ་རྗེས་མ་ཧཱནྟ་ཉི་ཤུ་རྩ་བཞིར་གྲགས་པ་སོགས་བྱིན་རླབས་དང་ནུས་པ་ཕུལ་བྱུང་མངའ་བས་
[86a.1]བསྟན་པ་སྐྱོང་བར་མཛད་པ་མང་དག་ཅིག་བྱུང་བ་ཐམས་ཅད་སྔགས་ཀྱི་རྡོ་རྗེ་འཛིན་པ་ཆེན་པོ་ཤ་དག་ཡིན་ནོ། །ཕྱི་མོ་ཞིག་ན་པཎ་ཆེན་པ་ན་རཏྣའང་རྒྱ་གར་ཤར་ཕྱོགས་སུ་བྱོན་ཏེ་གྲུབ་ཐོབ་ཆེན་པོ་ཤ་བ་རི་དབང་ཕྱུག་གིས་རྗེས་སུ་བཟུང་བས་
[86a.2]གསང་སྔགས་ཀྱི་གྲུབ་པའི་དབང་ཕྱུག་རྡོ་རྗེའི་སློབ་དཔོན་ཆེན་པོར་གྱུར་པ་ཞིག་སྟེ། བོད་ཡུལ་འདིར་ཡང་གསང་སྔགས་ཀྱི་ཚུལ་ལ་ཤིན་ཏུ་བཀའ་དྲིན་ཆེའོ། །དེ་འོག་འཕགས་ཡུལ་ལྷོ་ཕྱོགས་སུ། ཁ་གེནྡྲར་རྡོ་རྗེ་སློབ་དཔོན་ཞི་བ་སྦས་པའང་བྱོན་ཏེ། དེས་
[86a.3]ཡུལ་ཕྱོགས་ཀྱི་རྒྱུད་དེ་དག་དང་ཀོ་ཀིའི་ཡུལ་སོགས་སུ་གསང་སྔགས་ཀྱི་བསྟན་པ་ཤིན་ཏུ་གསལ་བར་མཛད་དོ། །དེ་བཞིན་དུ་ཕྱིས་རྒྱ་གར་ལྷོ་ཕྱོགས་དང་། ཤར་ཕྱོགས་ཀོ་ཀིའི་ཡུལ་སོགས་སུ་གསང་ཆེན་རྡོ་རྗེ་ཐེག་པའི་བསྟན་པ་ཤིན་ཏུ་དར་བར་ཡོད་པ་ལས།
[86a.4]དེང་སང་གི་གནས་སྐབས་སུ་ཇི་ལྟར་གྱུར་པའི་ཁུངས་གསལ་ཀ་ནི་མ་ཐོས་སོ། །ཁྱད་པར་འགྲོ་ལྡིང་གི་ཡུལ་དུ་ཐོག་མར་སློབ་དཔོན་པདྨ་འབྱུང་གནས་ཀྱིས་སྔགས་ཀྱི་བསྟན་པ་ཆེས་དར་བར་མཛད་དེ། མར་མེ་མཛད་བཟང་པོས་ཀྱང་བྱོན་པས་འཕགས་ཡུལ་དུ་ཕྱིས་
[86a.5]མི་བཞུགས་པའི་རྒྱུད་མང་པོའང་དེར་ས་བཞུགས་པར་གྲགས་ཤིང་ད་ལྟའང་སྔགས་ཀྱི་བསྟན་པ་དར་བཞིན་པ་ཡིན་ནོ།། །།གཉིས་པ་བོད་ཡུལ་དུ་བདེ་བར་གཤེགས་པའི་བསྟན་པ་ཇི་ལྟར་བྱོན་པའི་ཚུལ་ལ་མདོ་སྔགས་གཉིས་ལས། །དང་པོ་ལའང་
[86a.6]འདུལ་བ། མངོན་པ། མདོ་སྡེའི་བསྟན་པ་ཇི་ལྟར་ཕེབས་ཤིང་བསྐྱངས་པའི་ཚུལ་གསུམ་མོ། །དེ་ལ་དང་པོ་བསྟན་པའི་གཞི་མ་འདུལ་བ་ཇི་ལྟར་དར་བའི་ཚུལ་ནི། སྔོན་བོད་ཀྱི་ཡུལ་འདིར་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས་ཟ་ཧོར་ཀྱི་མཁན་པོ་བོ་
[86a.7]དྷི་ས་ཏུའམ་ཤཱནྟ་རཀྵི་ཏ་བལ་ཡུལ་དུ་བཞུགས་པ་གསན་ནས་རྦ་གསལ་སྣང་ཕོ་ཉར་བཏིང་སྟེ་སྤྱན་དྲངས། གུས་པ་ཆེན་པོས་ཉེ་བར་བསྙེན། འཕགས་ཡུལ་ནས་ཡོད་སྨྲའི་དགེ་སློང་བཅུ་གཉིས་ཀྱང་སྤྱན་དྲངས། སྐབས་ཤིག་བོད་ཀྱི་མི་ལ་རབ་བྱུང་བཏུབ་བམ་
[86b.1]མི་བཏུབ་སད་པའི་ཕྱིར། ཞང་བློན་དད་པ་ཅན་རྦ་ཁྲི་གཟིགས་རབ་ཏུ་བྱུང་བར་རྒྱལ་པོས་གསོལ་པས། བོ་དྷི་ས་ཏཱས་མཁན་པོ་མཛད་དེ། རབ་ཏུ་བྱུང་ཞིང་བསྙེན་པར་རྫོགས། མཚན་དཔལ་དབྱངས། བཙན་པོས་བསྔགས་པས་རྦ་རཏྟར་ཡང་གྲགས།
[86b.2]བསྒོམས་པས་མངོན་ཤེས་ལྔའང་གྲུབ་པར་གྱུར་ཏོ། །དེ་ནས་རིམ་བཞིན་རྦ་གསལ་སྣང་དང་། པ་གོར་བི་རོ་ཙ་ན། ངན་ལམ་རྒྱལ་བ་མཆོག་དབྱངས། །རྨ་རིན་ཆེན་མཆོག །འཁོན་ཀླུའི་དབང་པོ་སྲུང་བ། ལག་སུམ་རྒྱལ་བ་བྱང་ཆུབ་རྣམས་རབ་ཏུ་
[86b.3]བྱུང་ཞིང་། མིང་ཡེ་ཤེས་དབང་པོ་སོགས་སུ་སྤོས། བསྙེན་པར་རྫོགས། དེ་བདུན་ལ་སད་མི་བདུན་དུ་གྲགས། དེ་ནས་རྒྱལ་པོས་ཀྱང་བོད་ལ་རབ་བྱུང་བཏུབ་པར་དགོངས་ནས། ཞང་བློན་དྲ་མ་དང་། འབངས་བློ་གསལ་བ་སུམ་བརྒྱ་ཙམ་རབ་ཏུ་བྱུང་།
[86b.4]སྐྱེ་བོ་ཐམས་ཅད་ཀྱིས་རྗེའི་བཀའ་ཉན་ཅིང་། རྗེ་འབངས་ཐམས་ཅད་ཀྱིས་རབ་ཏུ་བྱུང་བ་དབུའི་མཆོད་གནས་སུ་ཕྱུང་ནས།ཕྱག་མཆོད་བཀུར་སྟི་བྱ་བའི་ཆོས་ཀྱི་བཀའ་ཁྲིམས་ཆེན་པོ་བཅས། བཀའ་གཙིགས་ཀྱི་རྡོ་{རིངས་,རིང་}བཙུགས། སྐ་ཅོག་སོགས་ཀྱིས་འདུལ་
[86b.5]བ་ལུང་སྡེ་བཞི་བསྒྱུར་ཏེ། མདོར་ན་མཁན་སློབ་དེ་དག་གིས། གཞི་ཐམས་ཅད་ཡོད་པར་སྨྲ་བའི་འདུལ་བའི་བཤད་པ་དང་། ལག་ལེན་མཐའ་དག་ཐོག་མར་གསལ་བར་མཛད་དེ། བསྟན་པའི་གཞི་བཏིང་བར་གྲགས་སོ། །ཤཱནྟ་རཀྵི་ཏ་ནས་རིམ་བཞིན་
[86b.6]རྦ་རཏཱ། །སངས་རྒྱས་ཡེ་ཤེས། སྐབ་འོད་མཆོག་གྲགས། དེའི་མཁན་བུ་སྨར་གཡོ་གཙང་གསུམ་སྟེ། འདི་གསུམ་གྱིས་གླང་དར་མས་བསྟན་པ་བསྣུབས་པའི་ཚེ། འདུལ་བ་དྲེལ་ཁལ་གཅིག་བཀལ་ནས། གར་ལོག་དང་ཧོར་ཡུལ་དུ་ཕྱིན་ཀྱང་
[86b.7]བསྟན་པ་སྤེལ་མ་བཏུབ་སྟེ་ཁམས་སུ་བྱོན། རྨ་ལུང་རྡོ་རྗེའི་བྲག་ར་ཨན་ཆུང་གནམ་རྫོང་དང་། དན་ཏིག་ཤེལ་གྱི་ཡང་དགོན་དུ་བསྒོམ་ཞིང་བཞུགས་པའི་ཚེ། དམུ་གཟུགས་ལ་འབར་གྱིས་བལྟར་ཕྱིན་པས་དད་དེ། རབ་ཏུ་དབྱུང་བར་ཞུས་པ་ལ། སྨར་གྱིས་
[87a.1]མཁན་པོ་དང་གཡོས་སློབ་དཔོན་བྱས་ཏེ་རབ་ཏུ་བྱུང་། མིང་ཤཱཀྱ་དགེ་བ་རབ་གསལ་དུ་བཏགས། བསྙེན་རྫོགས་ཞུས་པས་དགེ་སློང་ལྔ་མ་ཚང་བ་དང་། འདན་དུ་ལྷ་ལུང་དཔལ་རྡོར་བཞུགས་པ་བཙལ་ཀྱང་ཁོ་བོས་རྒྱལ་པོ་སྡིག་ཅན་བསད་པས་ཁ་སྐོང་མི་འོང་གི་འོན་ཀྱང་གཞན་
[87a.2]བཙལ་ནས་བཏང་ངོ་ཞེས་རྒྱའི་ཧྭ་ཤང་ཀེ་ཝང་དང་། གྱི་ཕན་གཉིས་མངག་སྟེ་ལྔའི་ཚོགས་ཀྱིས་བསྙེན་པར་རྫོགས། མཁན་སློབ་རྣམས་ལས་འདུལ་བ་ལོ་བཅོ་ལྔར་ཉན། བླ་ཆེན་ཤཱཀྱ་དགེ་བ་རབ་གསལ་གྱིས་བསྙེན་པར་རྫོགས་ནས་ལོ་ལྔ་ལོན་པ་དང་། དབུས་གཙང་མི་བཅུས་ཁམས་སུ་
[87a.3]འོངས་པ་ལ་སྟན་ཐོག་གཅིག་ཏུ་ཚིགས་གསུམ་རིམ་ནོད་ཀྱིས་ཆིག་རྫོགས་སུ་བསྙེན་པར་རྫོགས་ཏེ། འདི་ལྟ་བུའི་ཆིག་རྫོགས་མཛད་པ་དང་། བསྟན་པའི་ཡན་ལག་ལོ་བཅུ་མ་ཚང་བ་སོགས་ནི་བླ་ཆེན་འདི་བྱང་སེམས་མོས་སྤྱོད་པར་གྲགས་ཤིང་། །དེ་སྐབས་སྨར་གཡོ་གཙང་གསུམ་གྱིས་གང་ཟག་
[87a.4]ཁྱད་པར་ཅན་ཡིན་པ་དང་། །བསྟན་པའི་འཕེལ་འགྲིབ་མཚམས་སུ་ཐུག་པའི་དགོས་གལ་ཆེ་བ་ལ་ནི་དེ་ལྟར་རུང་ངོ་ཞེས་གནང་བ་བྱིན་པས་སྐྱོན་མེད་དོ་ཞེས་བླ་མ་ཁ་ལ་ཅིག་གསུངས་ལ། འགའ་ཞིག་ནི་འདུལ་བའི་ལག་ལེན་རྩིང་གེར་སྤྱད་པས་ནོངས་སོ་ཞེས་ཟེར་རོ། །དབུས་གཙང་མི་བཅུས་ཡར་བྱོན་
[87a.5]ཏེ་བསྟན་པའི་མེ་རོ་བསླང་བར་མཛད་པ་ཡིན་ནོ། །སྨད་འདུལ་འདིའི་བཤད་རྒྱུན་ནི། འཕགས་ཡུལ་གྱི་སློབ་དཔོན་དཱ་ན་ཤཱི་ལ་དང་། ཛི་ན་མི་ཏྲ་གཉིས་ལ་ཅོག་རོ་ཀླུའི་རྒྱལ་མཚན་གྱིས་གསན། དེ་ནས་རིམ་བཞིན་སྨར་གཡོ་གཙང་གསུམ། བླ་ཆེན། གྲུམ་ཡེ་ཤེས་རྒྱལ་མཚན། ཀླུ་མེས་ཚུལ་
[87a.6]ཁྲིམས་དབང་ཕྱུག །གཟུས་རྡོ་རྗེ་རྒྱལ་མཚན་ཏེ། འདི་ནས་སྟོད་འདུལ་གྱི་བཤད་རྒྱུན་དང་གཅིག་ཏུ་འདྲེས་སོ། །སྟོད་འདུལ་དུ་གྲགས་པ་ནི་གླང་དར་མས་བསྟན་པ་བསྣུབས་པའི་རྗེས་བོད་སིལ་བུར་འཐོར་ཡང་། སྟོད་མངའ་རིས་སུ་ཆོས་རྒྱལ་གྱི་གདུང་ལས་ཆབ་སྲིད་ཞྭ་ཙམ་ཞིག་ཆགས་པའི་
[87a.7]སྐབས་བསྟན་པ་ཕྱི་དར་གྱི་འགོ་རྩོམ་པའི་དུས་སུ། ལྷ་བླ་མ་ཡེ་ཤེས་འོད་ཀྱིས་འཕགས་ཡུལ་ནས་པཎྜི་ཏ་དྷརྨ་པཱ་ལ་སྤྱན་དྲངས་ནས་པཱ་ལ་གསུམ་སོགས་མང་པོ་རབ་ཏུ་བྱུང་ཞིང་བསྙེན་པར་རྫོགས་སུ་བཅུག །དེ་ལས་པྲཛྙཱ་པཱ་ལའི་མཁན་བུ་ཞང་ཞུང་རྒྱལ་བའི་ཤེས་རབ། དེས་པཎྜི་ཏ་མང་པོ་ལ་
[87b.1]གཏུགས་ཤིང་། ཁྱད་པར་བལ་པོའི་འདུལ་འཛིན་སྦེ་ཏ་ཀ་ལས་འདུལ་བའི་ལག་ལེན་ཐམས་ཅད་ལ་མཁས་པར་སྦྱངས། ཁ་ཆེ་ཛྷཱ་ན་ཤི་ལས་སོ་ཐར་མདོའི་འགྲེལ་པ་འདུལ་བ་བསྡུས་པ་དང་། ཁ་ཆེ་ཐི་སུ་བྷཱུ་ཏི་ཤཱནྟ་ལས་སུམ་བརྒྱ་བ་རྩ་འགྲེལ། ས་མནྟ་ཤྲཱི་ཛྙཱ་ན་ལས་ཀཱ་རི་ཀ་ལྔ་བཅུ་བ་དང་ལོ་
[87b.2]དྲི་བ་གཉིས་སོགས་ལེགས་པར་མཉན་ནས་འགྱུར་བཅོས་དང་བསྒྱུར་ཅིང་བཤད་པ་སོགས་ཀྱིས་ལེགས་པར་གཏན་ལ་ཕབ། ཞང་ཞུང་པའི་སློབ་མ་ལོ་ཙཱ་བ་དཔལ་འབྱོར་གྱིས་བལ་པོ་ཛ་ཡ་ཀ་ར་ལས་དགེ་སློང་གི་ཀཱ་རི་ཀཱ་དང་། ཁ་ཆེ་པར་ཧི་ཏ་དང་མཧཱཛ་ན་ལས་དགེ་ཚུལ་གྱི་བསླབ་པའི་གཞི་མདོ་
[87b.3]རྣམས་གསན་ཅིང་དེ་དག་ལས་རིམ་པར་བརྒྱུད་དེ་དར་བ་ཡིན་ནོ། །འདིའི་བཤད་རྒྱུན་ནི། ཛི་ན་དཱ་ན་གཉིས་ལས་ཤཱཀྱ་སེ་ན། དྷརྨ་པཱ་ལ། ཀླུབས་ལོ་ཙཱ་དང་། སྐྱོགས་འདུལ་འཛིན་གཉིས། དེ་གཉིས་ལ་གཟུས་ཀྱིས་ཐུག་སྟེ། དེ་ནས་སྟོད་སྨད་ཀྱི་བཤད་རྒྱུན་གཅིག་འདྲེས་དེ་ཉིད་གཟུས་ཀྱི་བུ་བཞིར་
[87b.4]གྲགས་པ། འཛིམ་པ་ཤེས་རབ་འོད་དང་སྣེ་སོ་གྲངས་པ་རྒྱལ་མཚན་ཏེ་གཙང་གི་བུ་གཉིས། སྦོ་ཆུང་ཚུལ་ཁྲིམས་བླ་མ་དང་གླན་ཚུལ་བྱང་སྟེ་དབུས་ཀྱི་བུ་གཉིས་རྣམས་ལས་རྒྱ་ཆེར་འཕེལ་བ་ཡིན་ནོ། །བཤད་རྒྱུན་འདི་ལས་ཕྱིས་མཚོ་སྣ་པ་ཆེན་པོ་བྱོན་ཏེ་མནལ་ལམ་དུ་ཡོན་ཏན་འོད་ལས་མདོ་རྩ་
[87b.5]གསན། མགོན་པོ་ཏྲ་ཀྵད་ཀྱིས་བསྐུལ་ནས་འདུལ་པའི་རྣམ་བཤད་ཉི་མའི་འོད་ཟེར་སོགས་བརྩམས་ཏེ་འདུལ་བའི་བསྟན་པ་གཞི་བཞེངས་སུ་བཏིང་བ་ཡིན་ནོ། །དེ་བཞིན་དུ་གཞན་ཡང་བྱ་འདུལ་བ་འཛིན་པ་སོགས་འདུལ་བའི་བསྟན་འཛིན་མང་དུ་བྱུང་ངོ་། །ཁྱད་པར་ཁ་ཆེ་པཎ་ཆེན་ཤཱཀྱ་ཤྲཱི་ཁྲོ་ཕུ་
[87b.6]ལོ་ཙཱ་བས་བོད་དུ་སྤྱན་དྲངས། དབུས་སུ་ཕེབས་པའི་ཚེ་ཆུ་ཤུལ་སྲོག་མ་དགོན་དུ་མི་བཅུ་གཅིག་གིས་བསྙེན་རྫོགས་ཉིན་གཅིག་ལ་བསྒྲུབས་པའི་ནང་ནས་ཁེར་གདེ་བྱང་ཆུབ་དཔལ་དང་གཙང་པ་རྡོ་རྗེ་དཔལ་གཉིས་ཀྱི་རྒྱུན་ལས་དེང་སང་གི་བར་དུ་ས་དགེ་དཀར་གསུམ་སོགས་ཐམས་ཅད་
[87b.7]ལ་སྡོམ་རྒྱུན་འདིས་ཁྱབ་པ་ཡིན་ནོ། །པཎ་ཆེན་འདིས་སྣར་ཀླས་མོ་ཆེར་དབྱར་གནས་མཛད་སྐབས། ས་གའི་ལྷས་མཛད་པའི་འདུལ་བ་མེ་ཏོག་ཕྲེང་རྒྱུད་གསུངས་པ། སེང་གེ་ཟིལ་གནོན་དང་ཤང་པ་ཇོ་སྟན་གཉིས་ཀྱིས་གསན་ནས་སོ་སོས་ཊཱིཀ་བྱས། སྔ་མ་ལ་ཚད་མའི་སྐྱེས་བུས་གསན།
[88a.1]དེ་ལ་བུ་སྟོན་གྱིས་གསན་ཏེ་ཊཱིཀ་ཆེན་ཡང་བརྩམས་མོད་ཀྱི་ཅང་དར་ཆེ་བ་མ་བྱུང་ཞིང་། འདུལ་བའི་བསྟན་བཅོས་ཀྱི་ནང་ནས་གཙོ་བོར་མདོ་རྩ་འགྲེལ་བཅས་ཉིད་བསྟན་པ་སྔ་དར་ནས་བརྩམས་ཏེ་ད་ལྟའི་བར་ཤིན་ཏུ་དར་རོ། །འདི་དག་ཏུ་སྤྲུལ་པའི་ལོ་ཙཱ་བ་མང་པོས་འདུལ་བའི་
[88a.2]བསྟན་བཅོས་མང་དུ་བསྒྱུར་བ་དེང་སང་བསྟན་འགྱུར་གྱི་ཁྲོད་དུ་པུ་སྟི་ཀ་བཅོ་བརྒྱད་ཙམ་བཞུགས་པ་འདི་དག་གོ། །གཉིས་པ་ཐེག་པ་ཆེ་ཆུང་གི་མངོན་པའི་སྡེ་སྣོད་ཇི་ལྟར་དར་བའི་ཚུལ་ནི། སྔོན་བསྟན་པ་སྔ་དར་གྱི་ཚེ་པཎྜི་ཏ་ཛི་ན་མི་ཏྲ་དང་། ལོ་ཙཱ་བ་སྐ་བ་དཔལ་བརྩེགས་སོགས་ཀྱིས་གདགས་
[88a.3]པའི་བསྟན་བཅོས་ལས། འཇིག་རྟེན་གདགས་པ། རྒྱུ་གདགས་པ། ལས་གདགས་པ་གསུམ་དང་། ཐོགས་མེད་ཀྱིས་མཛད་པའི་ཐེག་ཆེན་གྱི་མངོན་པ་ཀུན་ལས་བཏུས་པ་དང་། དབྱིག་གཉེན་གྱིས་མཛད་པའི་ཉན་ཐོས་པར་གྲགས་པའི་མངོན་པ་མཛོད་ཀྱི་གཞུང་། དེའི་རང་འགྲེལ་དང་འགྲེལ་
[88a.4]པ་རྒྱལ་སྲས་མ་སོགས་བསྒྱུར་ནས་བཤད། དེ་དག་གི་སློབ་མ་སྣ་ནམ་ཟླ་བའི་རྡོ་རྗེ་དང་། ལྷ་ལུང་དཔལ་གྱི་རྡོ་རྗེ། དབས་ཡེ་ཤེས་རྒྱལ་བ་གསུམ་ལས། ཕྱི་མས་ཁམས་སུ་བྱོན་ནས་གྲུམ་རྒྱལ་བའི་ཡེ་ཤེས་ལ་བཤད་པ་སོགས་ནས་མངོན་པའི་འཆད་ཉན་གངས་རིའི་རྒྱུན་འདིར་ད་ལྟའི་བར་
[88a.5]ཤིན་ཏུ་དར་བར་བྱུང་ངོ༌། །འགོས་ལོ་སོགས་ཀྱིས་བརྒྱུད་པ་འདི་ནས་དར་བ་ནི་མངོན་པ་གོང་མ་ཁོ་ན་ཡིན་ལ། མཛོད་ཀྱི་བཤད་སྲོལ་ལ་བརྒྱུད་པ་བསྟར་ཆགས་འདེད་རྒྱུ་མེད་པར་སྨྲས་ཀྱང་། བཤད་སྲོལ་འདི་ལས་ཀུན་བཏུས་གཙོ་ཆེར་དར་བ་ནི་བྱུང་སྲིད་མོད་ཀྱི། མཛོད་འགྲེལ་པ་དང་
[88a.6]བཅས་པའང་འདི་ལས་ངེས་པར་བྱུང་དགོས་ཏེ། ཀུན་མཁྱེན་བུ་སོགས་མཁས་པ་ཐམས་ཅད་ཀྱིས་བརྒྱུད་ཁུངས་འདི་ཉིད་གཙོ་བོར་སྨོས་པའི་ཕྱིར་རོ། །ཡང་ནཱ་རོ་པའི་སློབ་མ་པཎྜི་ཏ་སྨྲི་ཏི་ཛྙཱ་ན་བོད་དུ་བྱོན་ནས་ཁམས་ཀྱི་འདན་ཀློང་ཐང་དུ་མངོན་པ་མཛོད་ཀྱི་བཤད་པ་མཛད་པའི་ཚེ་མཁས་བཙུན་
[88a.7]མང་དུ་འདུས་པས་མངོན་པ་འོག་མའི་བསྟན་པ་གཞི་བཞེངས་སུ་བཏང་སྟེ། དེའི་སློབ་མ་གཡས་ཆེན་པོ་ཤེས་རབ་གྲགས་སོགས་གྱིས་དབུས་གཙང་ཁམས་གསུམ་དུ་སྤེལ་བས་མཛོད་ཀྱི་བཤད་པ་གཙོ་བོར་དར་བ་འདི་ལས་བྱུང་བ་ཡིན་ནོ། །ཡང་པཎ་ཆེན་ཤཱཀྱ་ཤྲཱིས་ས་སྐྱ་པཎ་ཆེན་ལ་མཛོད་
[88b.1]ཀྱི་བཤད་པ་གནང་ཞིང་། ས་པཎ་གྱིས་མནལ་ལམ་དུ་དབྱིག་གཉེན་ལས་ཟླ་གཅིག་བར་དུ་གསན་པའི་ཐུགས་ཉམས་བྱུང་བས་བརྒྱུད་པ་འདི་ལས་བྱུང་བའི་བཤད་སྲོལ་ཡང་ཁྱད་པར་དུ་འཕགས་པ་ཞིག་གོ །བོད་ཡུལ་འདིར་མཁས་པ་དང་མི་མཁས་པ་སྣ་ཚོགས་ཞིག་གིས་མངོན་པ་
[88b.2]གོང་འོག་གི་ས་འགྲེལ་པ་བརྩམས་པ་ཤིན་ཏུ་མང་ཞིང་། སྔ་ཕྱིར་ལོ་ཙཱ་བ་རྣམས་ཀྱིས་བསྒྱུར་བའི་བསྟན་བཅོས་མངོན་པ་གོང་མ་ལ་པུསྟི་གཉིས་ཙམ་ཞིག་དང་འོག་མ་ལ་པུསྟི་དགུ་ཡོད་དོ།། །།གསུམ་པ་མདོ་སྡེའི་བསྟན་པ་ཇི་ལྟར་ཕེབས་པའི་ཚུལ་ལ་གསུམ་ལས། འཁོར་ལོ་དང་པོར་གཏོགས་པ་
[88b.3]འདུལ་བ་དང་མངོན་པ་འོག་མའི་ཕྱོགས་ནི་བཤད་ཟིན་ལ། །མདོ་སྡེའི་ཕྱོགས་ལས་སྔོན་འཕགས་ཡུལ་དུ་བཀའ་བསྡུ་དང་པོའི་ཚེ་བསྡུས་པ་རྣམས་རིམ་གྱིས་ཉམས་པས། སློབ་དཔོན་དབྱིག་གཉེན་གྱི་སྐབས་ན་ཉན་ཐོས་པ་རྣམས་ལ་གྲགས་པའང་ཕལ་ཆེ་བ་ཞིག་ནུབ་ཟིན་པར་གསལ་ཏེ་རྣམ་བཤད་
[88b.4]རིགས་པ་ལས། བླ་མ་ཀུན་དགའ་འོད་སེལ་དང་། །སྡུག་བསྔལ་ཕུང་སྟོན་ས་སྟོན་དང་། །འཆར་ཀ་སྟོང་ཉིད་ཆུ་ལས་སྐྱེས། །གང་པོ་ས་འཚོ་ཆུ་ཤིང་དང་། །མྱ་ངན་འདས་དང་ཡུལ་འཁོར་སྐྱོང་། །འགྲོ་བའི་མདོ་དང་དེ་བཞིན་གཞན། །ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པར་རྟོགས་
[88b.5]པ་ཡིན། །ཞེས་བཤད་པའི་ཕྱིར་དང་། དེ་སྐབས་ཡོད་པ་རྣམས་ལས་ཀྱང་ཕྱིས་ཇེ་ཉུང་དུ་སོང་ཞིང་། དེ་ལས་ལྷག་པར་བོད་དུ་སྔ་ཕྱི་ཅི་རིགས་པར་འགྱུར་བ་ནི་ཉུང་ཤས་ཙམ་དུ་མངོན་ཏེ་མདོ་སྡེ་ལས་བརྒྱ་བ་སོགས་སོ། །འོན་ཀྱང་འདི་དག་ལ་བཀླག་ལུང་གི་རྒྱུན་ཙམ་མ་གཏོགས་བཤད་སྲོལ་བྱུང་བ་འདི་
[88b.6]ལོ་རྒྱུས་ནི་མ་མཐོང་ངོ་། འཁོར་ལོ་བར་བ་ཤེས་ཕྱིན་སྐོར་ནི་འཕགས་ཡུལ་ན་བཞུགས་པའི་མདོ་ཐམས་ཅད་བོད་དུ་བྱོན་པ་ཡིན་ཏེ། །བསྟན་པ་སྔ་དར་གྱི་དུས་སུ་རླངས་ཁམས་པ་གོ་ཆས་འཕགས་ཡུལ་དུ་བྱོན་ཏེ་ཤེས་ཕྱིན་འབུམ་པ་ཐུགས་ལ་བཟུང་ནས་བོད་དུ་ལེགས་པར་བསྒྱུར། རྒྱལ་པོ་ཁྲི་སྲོང་
[88b.7]ལྡེའུ་བཙན་གྱིས་ཐེག་ཆེན་གྱི་ཆོས་ལ་གུས་པ་ཆེན་པོས་ཉིད་ཀྱི་མཚལ་ཁྲག་དང་ར་དཀར་མོའི་འོ་མ་སྦྱར་ནས་བྲིས་པས་དུམ་པ་བཞི་བྱུང་བ་རེག་ཟིག་དམར་པོར་གྲགས་ཏེ། ལྷ་ས་གོང་གི་སོ་ཕག་མཆོད་རྟེན་གྱི་ནང་དུ་བཞུགས་ཡོད་པར་བཤད་དོ། །ཡང་དབས་མཉྩ་ཤྲཱི། ཉང་ཨིནྡྲ་ཝ་རོ་གཉིས་
[89a.1]ཀྱིས་རྒྱ་གར་ནས་དཔེ་བླངས་ཏེ་བསྒྱུར་བ། བཙན་པོའི་དབུ་སྐྲའི་གཞོབ་རམས་དང་ར་དཀར་མོའི་འོ་མ་ལ་སྦྱར་ནས་བྲིས་པ་རེག་ཟིག་སྔོན་པོར་གྲགས་པ་པོད་བཞི་མ་ཞིག་ཀྱང་བྱུང་བར་གྲགས། དེ་ལྟར་རེག་ཟིག་སྔོ་དམར་གཉིས་པོ་ནི་འགྲེས་རྐང་ཐམས་ཅད་མི་རྒྱས་པས། པ་གོར་བཻ་
[89a.2]རོ་ཙ་ནས་སླར་ཡང་ཞུ་ཆེན་མཛད་དེ་འགྲེས་རྐང་ཆད་པ་སོགས་བསབས། ཚིག་སྣ་བསྲིངས་ཏེ་བརྗོད་བདེ་བར་བསྒྱུར། འདི་དུས་ལོ་ཙཱ་ཆེན་པོ་ཉིད་ཀྱིས་ཕྱག་བྲིས་མཛད་དེ་བཞུགས་སྣོད་ལས་འབུམ་ཤ་སྒྲོ་ཅན་དུ་གྲགས་པ་ད་ལྟའང་འཆིམས་ཕུ་ན་བཞུགས། གཞན་ཡང་འགྱུར་མི་འདྲ་བ་འགའ་
[89a.3]ཞིག་བྱུང་བར་གྲགས་ཤིང་ཉི་ཁྲི་དང་བརྒྱད་སྟོང་པ་སོགས་ཀྱང་བསྒྱུར། འགྲེལ་པའི་སྐོར་ཡང་དཾ་ཥྚྲ་སེ་ནའི་འབུམ་ཊིཀ་དང་། ཡུམ་རྒྱས་འབྲིང་བསྡུས་གསུམ་གྱི་གཞུང་འགྲེལ་ཡུམ་གསུམ་གནོད་འཇོམས་སུ་གྲགས་པ་དབྱིག་གཉེན་གྱིས་མཛད་པ་སོགས་བསྒྱུར། བཤད་པ་དང་ཉམས་ལེན་
[89a.4]གཉི་གའི་རྒྱུན་ཡང་རྒྱ་ཆེར་བྱུང་མོད་ཀྱི་བར་སྐབས་སུ་དབུས་གཙང་དུ་ཉམས་པར་གྱུར། བསྟན་པ་ཕྱི་དར་ལ་ལོ་ཆེན་རིན་ཆེན་བཟང་པོས་འཕགས་ཡུལ་དུ་བྱོན་ཏེ་པཎྜི་ཏ་གུ་ཎ་མི་ཏྲ་ལས་མངོན་རྟོགས་རྒྱན་འགྲེལ་པ་དང་བཅས་པ་གསན། དེས་ཤར་ཕྱོགས་པ་ཟླ་བ་བཟང་པོ། དེས་སློབ་དཔོན་
[89a.5]བརྟེན་སྐྱོང་། དེས་རྔོག་ལོ་ཙཱ་བ་བློ་ལྡན་ཤེས་རབ་ལ་བརྒྱུད་དེ། ཤེས་ཕྱིན་གྱི་མདོའི་སྦས་དོན་མངོན་རྟོགས་ཀྱི་རིམ་པ་གསལ་བར་བྱེད་པའི་གཞུང་འགྲེལ་རྣམས་ཀྱི་འཆད་ཉན་ཆེས་དར་བར་གྱུར་ཏོ། །ཡང་ཇོ་བོ་རྗེ་དཔལ་ལྡན་ཨ་ཏི་ཤས་འབྲོམ་སྟོན་རྒྱལ་བའི་འབྱུང་གནས་ལ་ཕར་ཕྱིན་གྱི་བཤད་པ་
[89a.6]ལེགས་པར་སྩལ། ཨ་ཏི་ཤ་དང་ལོ་ཆེན་རིན་བཟང་གཉིས་ཀྱིས་འགྲེལ་བཤད་རྟོགས་དཀའི་སྣང་བ་བསྒྱུར། བརྒྱད་སྟོང་པ་དང་། ཉི་སྣང་དང་། བརྒྱད་སྟོང་འགྲེལ་ཆེན་སོགས་སྔར་བསྒྱུར་བ་མང་པོ་ལ་ཞུ་དག་མཛད། འབྲོམ་སྟོན་གྱིས་འབྲོམ་སྟོང་བཙན་ནམ་མགོ་བླ་མ་ལ་བཤད་པ་སོགས་ཀྱིས་
[89a.7]བཤད་སྲོལ་ཆེ་བ་ཞིག་བྱུང་བ་ཡིན་ནོ། །ཡང་ཇོ་བོ་རྗེ་ནས་ཁུ་ཆེན་པོ་ལྷ་སྡིངས་པ་སོགས་བརྒྱུད་པའི་བཤད་སྲོལ་ཅིག་ཀྱང་བྱུང་ངོ༌། །ཡང་ཇོ་བོས་ཕྱྭ་དར་སྟོན་ལ་བཤད་པས་ཕར་ཕྱིན་ཁམས་ལུགས་སུ་གྲགས་པའང་དར། དེ་དག་ལས་བློ་ལྡན་ཤེས་རབ་ཀྱིས་བལ་ཡུལ་ཕམ་ཐིང་གི་གཙུག་ལག་
[89b.1]ཁང་ན་བཞུགས་པའི་འབུམ་ལས་ཏིང་ངེ་འཛིན་གྱི་མིང་ཆད་པ་བསབས་པ་སོགས་འགྱུར་བཅོས་ཀྱང་མཛད། མངོན་རྟོགས་རྒྱན་རྩ་འགྲེལ་འགའ་ཞིག་ཀྱང་འགྱུར་བཅོས་དང་གསར་འགྱུར་ཅི་རིགས་པར་མཛད་དེ་དེ་དག་གི་བཤད་པའང་དཔྱིས་ཕྱིན་པར་གཏན་ལ་ཕབ། དེ་ནས་དགེ་བཤེས་འབྲོ་ཤེས་
[89b.2]རབ་འབར་གྱིས་བསྟན་པ་སྔ་དར་གྱི་བཤད་རྒྱུན་ཁམས་སུ་འཕོས་པ་ལས་བྱུང་བའི་རྒྱུན་དང་། །ཇོ་བོ་དང་རིན་བཟང་གི་བཤད་རྒྱུན་རྣམས་གཅིག་དྲིལ་གྱི་བཤད་སྲོལ་ཆེན་པོ་བཏོད་པ་ཨར་བྱང་ཆུབ་ཡེ་ཤེས་ཀྱིས་བཟུང་སྟེ་བསྟན་པ་འདི་ལ་བྱ་བ་ཆེ་ཐང་དུ་མཛད། དེ་ནས་བཟུང་སྟེ་ད་ལྟའི་བར་
[89b.3]འཆད་ཉན་མ་ནུབ་པར་ཡོད་པ་འདི་ལགས་ཤིང་། བོད་ཡུལ་དུ་ཤེར་ཕྱོགས་ཀྱི་བསྟན་བཅོས་རྩོམ་མཁན་ཡང་ཤིན་ཏུ་མང་བར་བྱུང་ངོ་། །ཡང་རྔོག་ལོའི་སློབ་མ་གྲོ་ལུང་པ་བློ་གྲོས་འབྱུང་གནས་ཀྱི་བཤད་སྲོལ་ལ་བརྟེན་ནས་ཕྱིས་དགེ་བཤེས་ཕྱྭ་པས་ཀྱང་སྤེལ་ལོ། །ཕར་ཕྱིན་གྱི་དངོས་བསྟན་
[89b.4]སྟོང་ཉིད་ཀྱི་རིམ་པ་བཤད་པ་དང་། ཉམས་སུ་ལེན་པ་དག་ལ་དབུ་མ་པར་གྲགས་པས་དེ་ནི་དང་པོར་པཎྜི་ཏ་ཛྙཱ་ན་གརྦྷ་དང་། ཅོག་རོ་ཀླུའི་རྒྱལ་མཚན་གྱིས་དབུ་མ་རྩ་བའི་ཤེས་རབ་དང་། དེའི་འགྲེལ་པ་ཤེས་རབ་སྒྲོན་མ་སོགས་ཀྱི་གཞུང་བསྒྱུར་བཤད་མཛད་པ་སོགས་ནས་དེར་ཡང་། ཕྱི་
[89b.5]དར་ལ་ལོ་ཙཱ་བ་བློ་ལྡན་ཤེས་རབ་ཀྱིས་ཤེས་རབ་སྒྲོན་མ་གཙོ་བོར་གྱུར་པའི་གཞུང་ལ་འཆད་ཉན་མཛད་ནས་ཆེས་དར་བ་ཡིན་ཞིང་། །ཁྱད་པར་པ་ཚབ་ལོ་ཙཱས་ཁ་ཆེར་བྱོན་ནས། སཛྫ་ནའི་སྲས་གཉིས་སོགས་ལ་བསྟེན་ཏེ་ལོ་ཉི་ཤུ་རྩ་གསུམ་དུ་སྦྱངས་པ་མཛད་ནས། བོད་དུ་རྩ་འཇུག་
[89b.6]བཞི་གསུམ་སོགས་ཀྱི་འགྲེལ་པ་ཟླ་བས་མཛད་པའི་རིགས་རྣམས་བསྒྱུར། འཆད་ཉན་གྱི་སྒོ་ནས་ལེགས་པར་གཏན་ལ་ཕབ། དེའི་སློབ་མ་གཙང་པ་སར་སྦོས་དང་། རྨ་བྱ་བྱང་བརྩོན་སོགས་མང་པོས་དབུས་གཙང་དུ་སྤེལ་བས་དབུ་མའི་བཤད་རྒྱུན་རྒྱ་ཆེར་དར་བ་དེང་སང་ཡང་ཡོད་དོ། །
[89b.7]དེའི་ཉམས་ལེན་གྱི་རྒྱུན་ཡང་ཇོ་བོ་རྗེ་ནས་འབྲོམ་རྒྱུད་གཙོ་བོར་བཀའ་གདམས་རིན་པོ་ཆེ་ལ་དར་ཞིང་། དེ་ལྟའི་བཤད་སྒྲུབ་ཀྱི་རྒྱུན་གཉི་གའང་རང་སྟོང་སྨྲ་བའི་ལུགས་དང་། དེ་ལས་ཀྱང་ཐལ་འགྱུར་བའི་ཕྱོགས་ཏེ་འདི་ལ་བོད་ཀྱི་སློབ་དཔོན་ཊཱིཀ་བྱེད་པའང་མང་ཞིག་བྱུང་ངོ༌། །དེའི་གསེབ་ཏུ་རང་
[90a.1]རྒྱུད་ཀྱི་གྲུབ་མཐའ་སྨྲ་བ་འང་ཐར་ཐོར་བྱུང་མོད་ཀྱི་དེ་དག་གི་བཤད་སྲོལ་གྱི་རྒྱུན་ཆེན་པོ་ཚུགས་པ་ཞིག་ནི་མ་བྱུང་བར་མངོན་ནོ། །འཁོར་ལོ་ཐ་མའི་མདོ་སྡེ་རྣམས་ནི་ཤིན་ཏུ་རྒྱ་ཆེ་ནའང་། ཕྱི་ནས་འཕགས་ཡུལ་དུའང་ཆེར་མི་བཞུགས་པ་གོང་དུ་སྨོས་ཟིན་པ་ལྟར་ལ། དེ་ལས་བོད་དུ་
[90a.2]བྱོན་པ་ནི། ཕལ་པོ་ཆེ་དང་། དཀོན་བརྩེགས་དང་། ལང་གཤེགས་སོགས་ཕྱིས་རྒྱ་གར་དུ་གང་བཞུགས་ལས་ཀྱང་ཕལ་ཆེ་བ་ཞིག་ཡིན་གྱི་ཡོངས་སུ་རྫོགས་པར་བསྒྱུར་བ་ནི་མ་ཡིན་ཏེ། རྒྱ་གཞུང་རྣམས་སུ་ལུང་ཁུངས་སྨོས་པ་རྣམས་ལས་མང་པོ་འདིར་མི་བཞུགས་པའི་ཕྱིར་རོ། །དེའང་བདེ་
[90a.3]བར་གཤེགས་པའི་སྙིང་པོ་སྟོན་པའི་མདོ་ཕལ་ཆེ་བ་ཞིག་བསྟན་པ་སྔ་དར་གྱི་སྐབས་སུ་བསྒྱུར་བ་ཡིན་ཞིང་། ཕྱི་འགྱུར་ཡང་ཅི་རིགས་པར་ཡོད་ལ། དེ་དག་གི་དགོངས་འགྲེལ་གྱི་བསྟན་བཅོས་ཀྱང་སྔ་དར་ཕྱི་དར་གཉི་ག་ལ་ཅི་རིགས་པར་བསྒྱུར་བ་ཡིན་ཞིང་། དེ་དག་གི་བཤད་སྲོལ་ཡང་
[90a.4]མང་དུ་ཡོད་པ་ལས། གཙོ་བོར་ནི་ཕྱིས་ལོ་ཙཱ་བ་བློ་ལྡན་ཤེས་རབ་ཀྱིས་སློབ་དཔོན་སཛྫ་ན་ལས་མདོ་སྡེ་རྒྱན་དང་རྒྱུད་བླ་མ། ཆོས་ཉིད་རྣམ་འབྱེད། དབུས་མཐའ་རྣམ་འབྱེད་རྣམས་ཀྱི་གཞུང་འགྲེལ་བཤད་པ་དང་བཅས་པ་གསན་ནས་སློབ་མ་རྣམས་ལ་བསྟན་པས་རྒྱ་ཆེར་འཕེལ་ཏེ། ཕྱིས་
[90a.5]གཙང་ནག་པ་དང་། ཀུན་མཁྱེན་རང་བྱུང་ཞབས་དང་། ཇོ་མོ་ནང་པ་སོགས་ཀྱིས་རྩལ་དུ་བཏོན་ནས་བཤད་པས་འཁོར་ལོ་མཐའ་མའི་སྙིང་པོའི་དོན་ཆེས་ཆེར་གསལ་བར་གྱུར་པ་ཡིན་ནོ། །དེས་ན་འདི་དག་ནི་དབུ་མ་གཞན་སྟོང་གི་སྲོལ་ལེགས་པར་འཛིན་པ་པོ་ཡིན་ཞིང་། སྲོལ་འདི་ལས་
[90a.6]ཊིཀ་ཆེན་མཛད་པོའང་མང་དུ་བྱོན་ཏེ། ཁ་ཅིག་ལུགས་འདི་ལ་སེམས་ཙམ་པར་འཆད་པ་ནི་ཤིན་ཏུ་ནོར་རོ། །ཡང་གྲྭ་པ་མངོན་ཤེས་ཀྱི་མཁན་བུ་བཙན་ཁ་བོ་ཆེས་སཛྫ་ན་ལས་རྒྱུད་བླ་སོགས་ཞུས། ལྕང་ར་བ་སོགས་སློབ་མ་རྣམས་ལ་བཤད་ནས། ཕྱི་མོ་བར་དུ་བཤད་སྲོལ་བྱུང་བ་ནི་
[90a.7]སེམས་ཙམ་གྱི་གྲུབ་མཐའ་སྨྲ་བའི་ལུགས་སུ་ངེས་ཏེ། ལུགས་དེའི་ཡིག་ཆ་རྣམས་སུ་གཉིས་སྟོང་གི་ཤེས་པ་རང་རིག་རང་གསལ་བདེན་གྲུབ་པ་དེ་སངས་རྒྱས་ཀྱི་རྒྱུ་གྲུངས་པོར་ཁས་བླངས་པའི་ཕྱིར་རོ། །གཉིས་པ་གསང་སྔགས་རྡོ་རྗེ་ཐེག་པ་ཇི་ལྟར་བྱོན་པའི་ཚུལ་ནི། །བསྟན་པ་སྔ་
[90b.1]དར་གྱི་དུས་སུ་ཆོས་རྒྱལ་ཐོ་ཐོ་རི་སྙན་ཤལ་གྱི་དུས་སུ་དཔང་སྐོང་ཕྱག་བརྒྱ་པ། མདོ་ཟ་མ་ཏོག །ཙིནྡྷ་མཎིའི་གཟུགས་ཀྱི་བཀོལ་ཕོར་སོགས་ཡུམ་བུ་བླ་མཁར་གྱི་རྩེར་བབས་པ་དེར་གཉེན་པོ་གསང་བ་ཞེས་པའི་མཚན་གསོལ་ནས་མཆོད་པ་བྱེད་པ་ཙམ་བྱུང་བས་དམ་བ་ཆོས་ཀྱི་དབུ་
[90b.2]བརྙེས། དེ་ནས་སྲོང་བཙན་སྒམ་པོའི་དུས་རྒྱ་གར་གྱི་སློབ་དཔོན་ཀུ་ས་ར་དང་། བྲམ་ཟེ་ཤངྐ་ར། བལ་པོ་ཤི་ལ་མཉྫ་སོགས་བྱོན་ཏེ་ལོ་ཙཱ་བ་ཐོན་མི་སཾ་བྷོ་ཊ་སོགས་ཀྱིས་བྱས་ནས་སྤྱན་རས་གཟིགས་ཀྱི་མདོ་རྒྱུད་ཉི་ཤུ་རྩ་གཅིག་སོགས་བསྒྱུར། སློབ་མ་སྐལ་ལྡན་རྣམས་ལ་རྒྱལ་པོ་ཉིད་ཀྱིས་དེ་
[90b.3]དང་འཚམ་པའི་ཡི་དམ་ལྷའི་དཀྱིལ་འཁོར་སྤྲུལ་ནས་དབང་བསྐུར་མན་ངག་ཕོག་པས་གྲུབ་པ་ཐོབ་པའང་མང་དུ་བྱུང་བར་གྲགས། དེ་ནས་བཙན་པོ་ཁྲི་སྲོང་ལྡེའུ་བཙན་གྱིས་སློབ་དཔོན་སངས་རྒྱས་གསང་བ་སྤྱན་འདྲེན་དུ་དབས་མཉྫ་ཤྲཱི་སོགས་བཏང་ཡང་མ་བྱོན་པར་ཀྲི་ཡོག་སྡེ་གསུམ་
[90b.4]བཤད་པ་ཉན། ཉིད་ཀྱི་འགྲེལ་པ་རྣམས་གནང་བ་ཁྱེར་ཏེ་སླར་འོངས་ནས་བཙན་པོ་ལའང་ཕུལ། སློབ་མ་རྣམས་ལའང་བཤད་པས་དར་བར་གྱུར། ཁྱད་པར་སློབ་དཔོན་ཆེན་པོ་པད་མ་འབྱུང་གནས་སྤྱན་དྲངས་ཏེ། དེས་བོད་ཀྱི་ལྷ་སྲིན་གདུག་པ་ཅན་རྣམས་བཏུལ། ཟན་ཡང་ལྷུན་གྱིས་གྲུབ་པའི་
[90b.5]གཙུག་ལག་ཁང་བཞེངས་པ་ལ་རབ་ཏུ་གནས་པ་མཛད། ཆོས་གཏེར་དང་ནོར་གཏེར་དཔག་ཏུ་མེད་པ་སྦས། སྔགས་ཀྱི་རྒྱུད་སྡེ་བཞི་དང་ཁྱད་པར་བླ་མེད་ཀྱི་རྒྱུད་རྣམས་བཤད་པ་དང་། དབང་བསྐུར་མན་ངག་སྦྱིན་པ་སོགས་གསང་སྔགས་ཀྱི་བསྟན་པ་ཉིན་མོ་ལྟ་བུར་མཛད། གཞན་ཡང་སློབ་དཔོན་
[90b.6]ཤཱནྟི་གགྷ་དང་སྔགས་འཆང་དྷརྨ་ཀཱིརྟི་སོགས་ཀྱིས་ཀྱང་སྔགས་རྒྱུད་བསྒྱུར་ཞིང་བདུད་འདུལ་སྔགས་པ་གླིང་དུ་དབང་བསྐུར་བ་དང་རྒྱུད་བཤད་པ་སོགས་མཛད། བཙན་པོས་ཡེར་པ་དང་། ཆུ་བོ་རི་སོགས་ལ་བསྒོམ་གྲྭ་ཆེན་པོ་བཙུགས། དབྱིག་རྡོ་རྗེ་རྒྱལ་མཚན། གནུབས་ནམ་མཁའི་སྙིང་པོ། བཙུན་
[90b.7]པ་དཔལ་དབྱངས། ངན་ལམ་རྒྱལ་བ་མཆོག་དབྱངས། མྱང་ཏིང་འཛིན་བཟང་པོ་སོགས་སྐྱེས་བུ་དམ་པ་བརྒྱ་རྩ་བརྒྱད་ཀྱིས་གྲུབ་པ་ཐོབ་པར་གྲགས། རྗེ་འབངས་ཉེར་ལྔའང་དེ་དག་གི་གཙོ་བོར་གྱུར་པ་རྣམས་སོ། །བོན་པོ་དང་བརྩད་པས་བོན་པོ་ཕམ་སྟེ་དྲན་པ་ནམ་མཁའ་སོགས་ཆོས་ལ་བཅུག ཕྱིས་
[91a.1]བསྒོམས་པས་གྲུབ་པ་ཐོབ་པའང་མང་ཞིག་བྱུང་། དེ་དག་གི་དུས་སུ་གཙོ་བོར་དར་བའི་རྒྱུད་སྡེ་རྣམས་ནི་གསང་བ་འདུས་པ་ལ་སོགས་པ་ཏ་ནྟ་ཆེན་པོ་སྡེ་བཅོ་བརྒྱད་དུ་གྲགས་པ་དག་གོ། །དེ་ལས་སྒྲུབ་པ་བཀའ་བརྒྱད་དུ་གྲགས་པ་རྣམས་ནི་རྟ་མགྲིན་དང་ཕུར་པའི་སྐོར་པདྨ་སཾ་བྷ་བས་དར་
[91a.2]བར་མཛད། དེ་བཞིན་དུ་ཤཱནྟི་གརྦྷས་འཇམ་དཔལ་སྐུ་དང་། ཧཱུྃ་ཀཱ་རས་ཡང་དག་ཐུགས། དྲི་མེད་བཤེས་གཉེན་གྱིས་བདུད་རྩི་ཡོན་ཏན་གྱི་དབང་། རྒྱུད་ཉམས་ལེན་དང་བཅས་པ་དར་བར་མཛད། མ་མོ་སོགས་འཇིག་རྟེན་པའི་སྡེ་གསུམ་ཡང་། སློབ་དཔོན་པདྨས་བོད་ཡུལ་སོགས་
[91a.3]ཀྱི་ལྷ་འདྲེ་གདུག་པ་ཅན་རྣམས་དམ་ལ་བཏགས། སྲོག་སྙིང་ཕུལ། དཀྱིལ་འཁོར་དུ་བཅུག་ནས་དབང་བསྐུར་ཏེ། སོ་སོའི་སྡེ་ཚན་དུ་བསྡུས་ནས་རིག་སྔགས་བསྒྲུབ་པའི་ཆོ་ག་མཛད་པ་ཡིན་ནོ། །ཁྱད་པར་རྫོགས་ཆེན་ལ་སེམས་ཀློང་མན་ངག་སྡེ་གསུམ་ལས། དང་པོ་བེ་རོ་ཙ་ན་རཀྵི་ཏས།
[91a.4]གཉིས་པའང་དེ་ཉིད་ཀྱིས། གསུམ་པ་བི་མ་ལ་མི་ཏྲེས་སྤེལ་བར་བྱས་པ་ཡིན། དེར་མ་གཏོགས་པའི་འདུས་པ་མདོ་ནི་མདོ་དགོངས་འདུས་སུ་གྲགས་པ་སྟེ། བྲུ་ཤའི་སློབ་དཔོན་ཆེ་བཙན་སྐྱེས་དང་། གནུབས་སངས་རྒྱས་ཡེ་ཤེས་གཉིས་ཀྱིས་བསྒྱུར་བཤད་མཛད་དེ་དར། སྒྱུ་འཕྲུལ་
[91a.5]རྒྱུད་ཀྱི་སྐོར་ནི། གསང་བ་སྙིང་པོ་སོགས་རྩ་འགྲེལ་དང་བཅས་རྣམས་ཏེ། ཐོག་མར་བི་མ་ལ་དང་རྨ་རིན་ཆེན་མཆོག་གིས་བསྒྱུར་ཅིང་བཤད་དེ། དེ་ནས་རིམ་བཞིན་བཤད་ཉན་བསྒོམ་བསྒྲུབ་ཀྱི་རྒྱུན་དར་བ་ཡིན་ནོ། །དེ་དག་གི་སྐབས་སུ་སློབ་དཔོན་གྱིས་གཏེར་དུ་སྦས་པ་རྣམས་ཕྱི་
[91a.6]ནས་ཆོས་དེ་དང་དེའི་གདུལ་བྱར་གྱུར་པ་དག་བྱུང་བའི་ཚེ་སྤྲུལ་པའི་གཏེར་སྟོན་རྣམས་ཀྱིས་ཕྱུང་སྟེ་འགྲོ་དོན་མཛད་པ་ཡིན་ནོ། །དེ་ལྟར་བསྟན་པ་སྔ་དར་གྱི་ཚེ་བྱུང་བའི་གསང་སྔགས་རྣམས་ལ་ནི་གསང་སྔགས་སྔ་འགྱུར་དུ་གྲགས་ཏེ་ད་ལྟའི་བར་དུ་སྲོལ་དེའི་བཀའ་གཏེར་གཉི་གའི་དབང་རྒྱུད་
[91a.7]མན་ངག་སོགས་ཅི་རིགས་པར་སྣང་ངོ༌། །བསྟན་པ་ཕྱི་དར་གྱི་ཚེ་བྱ་བའི་རྒྱུད་དང་སྤྱོད་པའི་རྒྱུད་གཉིས་ལ་བརྟེན་པའི་དབང་བཀའ་དང་། རྗེས་གནང་དང་། རིག་གཏད་ཙམ་དང་ལུང་སྦྱིན་པ་སོགས་ལས་འཆད་ཉན་གྱི་སྲོལ་ནི་མ་བྱུང་བར་མངོན་ལ། བླ་མ་ཁ་ཅིག་གིས་དཔུང་བཟང་
[91b.1]སོགས་ལ་བཤད་པ་བྱས་པར་གྲགས་པའང་རྩལ་བཤད་བྱས་པ་ཉིད་དུ་ཟད་ཀྱི་བཤད་རྒྱུན་འདེད་རྒྱུ་ཡོད་པ་མ་མཐོང་ངོ་། །རྣལ་འབྱོར་རྒྱུད་ནི་ལོ་ཆེན་རིན་ཆེན་བཟང་པོ་ཁ་ཆེར་བྱོན་ཏེ་བླ་མ་མང་པོ་བསྟེན། རྒྱུད་དང་གདམས་ངག་མང་པོ་ཉན་ནས། གསང་སྔགས་སྤྱི་དང་ཁྱད་
[91b.2]པར་ཡོ་ག་ལ་ཤིན་ཏུ་མཁས། བོད་དུ་རྣལ་འབྱོར་གྱི་རྒྱུད་རྣམས་ཕལ་ཆེར་སྔར་ནས་ཡོད་མོད་ཀྱི་འགྲེལ་པ་དང་བསྟུན་ནས་གསར་དུ་བསྒྱུར། འགྲེལ་པའང་དེ་ཉིད་བསྡུས་པའི་འགྲེལ་པ་དེ་ཉིད་སྣང་བ་སོགས་བསྒྱུར་ནས་འཆད་ཉན་གྱིས་ལེགས་པར་གཏན་ལ་ཕབ། ཕྱག་
[91b.3]ལེན་ངེས་ཏིག་མཛད་དེ། རྔོག་ལེགས་ཤེ་སོགས་ཐུགས་སྲས་བཞི་གཙོ་བོར་གྱུར་པའི་སློབ་མ་མང་པོ་ལ་གནང་སྟེ། འཆད་ཉན་གྱིས་བརྒྱུད་པ་ཟིན་པ་ཤིན་ཏུ་མང་བར་བྱུང་། དེ་ལས་ཕོ་བྲང་ཞི་བ་འོད་ཀྱིས་པཎྜི་ཏ་མནྟཱ་ཀ་ལཱ་ཤ་སོགས་སྤྱན་དྲངས་ཏེ། འགྱུར་མང་དུ་
[91b.4]མཛད་ཅིང་ཁྱད་པར་དཔལ་མཆོག་གི་ཧོར་ཀོང་བསབས། བཤད་རྒྱུད་རྡོ་རྗེ་རྩེ་མོ་སོགས་སློབ་མ་མང་པོ་ལ་བཤད། ཟངས་དཀར་ལོ་ཙཱས་ཀྱང་ཡོ་གའི་སྐོར་ལ་གསན་པ་རྒྱ་ཆེན་པོ་མཛད་ནས། སྨད་འགྲེལ་དུམ་བུ་གསུམ་ཡང་རྫོགས་པར་བསྒྱུར། ཟངས་དཀར་
[91b.5]གྱི་བུ་བཞིར་གྲགས་པ་སོགས་ལ་བཤད་པས་ཆེས་དར་བར་གྱུར་པ་ཡིན་ནོ། །དེ་དག་ལས་བརྒྱུད་དེ་ཕྱིས་བུ་སྟོན་རིན་པོ་ཆེ་ལ་དབང་དང་རྒྱུད་འགྲེལ་གྱི་བཤད་པ་ཐམས་ཅད་ཡོངས་སུ་རྫོགས་པར་བྱུང་བ་དེས་རྣལ་འབྱོར་རྒྱུད་ཀྱི་བསྟན་པ་རྨང་ནས་གསོ་བ་ལྟ་བུར་མཛད་པ་ཡིན་ཞིང་།
[91b.6]དེང་སང་ནི་རྒྱུད་རྣམས་ཀྱི་བཀླག་ལུང་ཙམ་དང་། དབང་བཀའ་འགའ་ཞིག་ལས་རྒྱུད་འགྲེལ་གྱི་བཤད་པ་སོགས་ཕལ་ཆེར་མི་བཞུགས་སོ། །རྣལ་འབྱོར་བླ་མེད་རྒྱུད་ལས་ཕ་རྒྱུད་ཀྱི་གཙོ་བོ་གསང་བ་འདུས་པ་ནི། འཕགས་ལུགས་དང་ཡེ་ཤེས་ཞབས་ལུགས་གཉིས་
[91b.7]ལས་སྔ་མ་ནི་དང་པོར་ལོ་ཆེན་རིན་ཆེན་བཟང་པོས་འདུས་པའི་རྒྱུད་ཉིད་དང་། དེའི་འགྲེལ་པ་སྒྲོན་གསལ་སོགས་གཞུང་ཆེ་ཕྲ་མང་པོ་བསྒྱུར། དེ་དག་གི་དབང་དང་བཤད་པ་སོགས་ཀྱང་དཔྱིས་ཕྱིན་པར་གསན། །གཞན་ཡང་ཕྱི་ནས་ལོ་ཙཱ་བ་མང་པོས་འཕགས་ཡུལ་ནས་མཉན་
[92a.1]ཏེ་བསྒྱུར་བཤད་ཅི་རིགས་པར་མཛད་མོད་ཀྱི་གཙོ་བོར་མར་འགོས་ཀྱི་ལུགས་གཉིས་སུ་གྲགས་ཆེ། དེའང་འགོས་ལུགས་ནི་ལོ་ཙཱ་བ་ཆེན་པོ་འགོས་ཞུག་པ་ལྷ་བཙས་ཀྱིས་སློབ་དཔོན་ཆེན་པོ་དཱི་པཾ་ཀ་ར་དང་། དེ་ཝཱ་ཀ་ར་ཙནྡཱ་དང་། བིརྱ་བྷ་དྲ་སོགས་པཎྜི་ཏ་བདུན་ཅུ། མཁའ་འགྲོ་མ་
[92a.2]གཉིས་རྣམས་ལས་གསང་བ་འདུས་པའི་དབང་རྒྱུད་འགྲེལ་མན་ངག་དང་བཅས་པ་གསན། བོད་དུ་སྔར་བསྒྱུར་བའི་རྒྱུད་འགྲེལ་ཕྲན་དང་བཅས་པ་རྣམས་ལ་འགྱུར་བཅོས་དང་ཞུས་དག་སོགས་ཤིན་ཏུ་ལེགས་པར་མཛད། སློབ་མ་རྣམས་ལ་རྒྱ་ཆེར་བསྟན་པ་ལས་མངར་བ་སེང་གེ་རྒྱལ་མཚན་སོགས་
[92a.3]སློབ་མའི་མཆོག་དྲུག་བྱུང་། དེ་དག་ལས་ཉེ་བར་བརྒྱུད་དེ་འདུས་པའི་སྐོར་ཤིན་ཏུ་དར་བར་བྱུང་བ་ཡིན་ཏེ་འགོས་ལུགས་སུ་གྲགས་སོ། །མར་པ་ལོ་ཙཱ་ཆོས་ཀྱི་བློ་གྲོས་ཀྱིས་སློབ་དཔོན་ནཱ་རོ་པ་དང་ཡེ་ཤེས་སྙིང་པོ་ལ་སོགས་པ་བསྟེན་ནས་གསང་བ་འདུས་པའི་སྐོར་རྣམས་ཞུས། བོད་དུ་སློབ་མ་
[92a.4]རྣམས་ལ་བསྟན་པ་ལས་སློབ་མའི་མཆོག་ཏུ་གྱུར་པ་ཀ་ཆེན་བཞི་ལས་ཁྱད་པར་དུ་མཚུར་སྟོན་དབང་ངེ་ལ་འདུས་པའི་སྐོར་ཡོངས་སུ་རྫོགས་པར་གནང་། དེས་ཁམས་པ་རོ་མཉམ་རྡོ་རྗེ་ལ་གནང་སྟེ། རོ་མཉམ་རྡོ་རྗེས་རྒྱ་གར་དུ་འདུས་པ་ཉན་པ་ལ་བྱོན་པའི་ཚེ་ལམ་དུ་རྒྱ་གར་བ་གཉིས་
[92a.5]མར་པ་ལ་འདུས་པ་ཉན་དུ་འོངས་པ་དང་འཕྲད་ནས་ཚུལ་བྱོན། མར་པ་གཤེགས་ཟིན་པས་མཚུར་སྟོན་ལ་འདུས་པ་གསན་པ་སོགས་ནས་ཉེ་བར་བརྒྱུད་དེ་མར་ལུགས་སུ་གྲགས་སོ། །འོན་ཀྱང་ཇོ་བོ་རྗེ་ཨ་ཏི་ཤས་ནག་ཚོ་ལ་གསུངས། དེས་རོང་པ་ཕྱག་སོར་བ་ལ་བཤད་པ་སོགས་
[92a.6]ནས་ཇོ་བོ་ལུགས་སུ་གྲགས་པ་བྱུང་ངོ་། །ཡང་ཆག་ཆོས་རྗེ་དཔལ་གྱིས་པཎྜི་ཏ་ར་ཝེནྡྲ་པ་སོགས་བསྟེན་ནས་འདུས་པ་གསན་པ། འུ་ཡུག་ཀུང་ར་བ་བླ་མ་དཔལ་སོགས་ལ་བཤད་པ་ནས་ཉེ་བར་བརྒྱུད་དེ་ཆག་ལུགས་སུ་གྲགས་པ་བྱུང་ངོ༌། །ཡང་ཁ་ཆེ་པཎ་ཆེན་གྱིས་ས་སྐྱ་པཎྜི་ཏ་
[92a.7]དང་། དཔྱལ་ཆོས་ཀྱི་བཟང་པོ་སོགས་ལ་གནང་བ་ནས་པཎ་ཆེན་ལུགས་སུ་གྲགས་པའང་བྱུང་ངོ༌། །གཞན་ཡང་བཤད་སྲོལ་ཅུང་ཟད་འདྲ་མིན་ཡོད་པའི་རྒྱུན་སྣ་ཚོགས་ཞིག་བྱུང་འདུག་ཀྱང་བྲིས་པས་མི་ལང་ངོ༌། །ཕྱི་མ་ཡེ་ཤེས་ཞབས་ལུགས་ནི་དང་པོར་ལོ་ཆེན་རིན་བཟང་ལས་རྐྱང་
[92b.1]པོ་ཆོས་བློ་སོགས་ལ་དར་ཞིང་སྨྲ་ཏི་ཛྙཱ་ནས་ཀྱང་ཁམས་སུ་བཤད་པ་ཁམས་ལུགས་སུ་གྲགས་པ་བྱུང་། པཎྜི་ཏ་སུ་ན་ཡ་ཤྲཱི་དང་གཉན་ལོ་ནས་བརྒྱུད་པ་ས་སྐྱ་པ་རྣམས་ལ་གྲགས་ཆེ་བས་ས་ལུགས་སུ་གྲགས་པ་དང་། པཎྜི་ཏ་པུཎྱ་ཤྲཱི་སོགས་ལས་རྭ་ལོ་
[92b.2]ཙཱ་བས་གསན་ནས་དར་བ་རྭ་ལུགས་དང་། ཡང་གཉོས་འབྱུང་པོས་བ་ལིང་ཨཱ་ཙཱརྱ་བསྟེན་ཏེ་འདུས་པ་ཉན་པ་ནས་གཉོས་ལུགས་སུ་གྲགས་པ་སོགས་བྱུང་ངོ༌། །དེ་ལྟར་ལུགས་སྔ་ཕྱི་གཉི་གའི་ཕྱོགས་ལ་བོད་ཡུལ་འདིར་ཊཱིཀ་དང་། སྒྲུབ་ཐབས་
[92b.3]དཀྱིལ་ཆོག་དང་མན་ངག་གི་ཡི་གེ་སོགས་རྩོམ་མཁན་ནི་ཤིན་ཏུ་མང་བ་ཞིག་བྱུང་སྣང་ངོ༌། །ཡང་ཕ་རྒྱུད་ལས་གཤེད་སྐོར་ནི། ཕྱི་དར་ལ་དང་པོར་ཅོག་གྲུ་ལོ་ཙཱ་བ་ཤེས་རབ་བླ་མས། གཤིན་རྗེ་གཤེད་ནག་གི་རྒྱུད་དང་། འཇིགས་བྱེད་རྟོག་
[92b.4]བདུན་གཉིས་དང་། འཇིགས་བྱེད་ཞེ་དགུ་མའི་སྒྲུབ་ཐབས་སོགས་བསྒྱུར། དགྲ་གདོང་འཇིགས་གསུམ་གྱི་དབང་དང་བཤད་པའང་དར་བར་མཛད། ནག་ཚོ་ལོ་ཙཱས་ཀྱང་ཇོ་བོ་དང་དམ་ཚིག་རྡོ་རྗེ་སོགས་ལས་གསན་ཏེ་རྒྱུད་འགྲེལ་བསྒྱུར། དབང་
[92b.5]བསྐུར་བ་དང་རྒྱུད་བཤད་པ་སོགས་ལས་ཀྱང་མང་དུ་མཆེད། །རོང་ཟོམ་ཆོས་བཟང་གིས་ཨུ་པཱ་ཡ་ཤྲཱི་མི་ཏྲ་ལ་བསྟེན་ཏེ་ནག་འཇིགས་ཀྱི་རྒྱུད་སོགས་བསྒྱུར་ཏེ་བཤད་པའང་མཛད་དོ། །གཞན་ཡང་གཉོས་དང་རྭ་ལོ་དང་ཤུད་ཀེ་ལོ་ཙཱ་སོགས་མང་པོས་དམར་
[92b.6]ནག་འཇིགས་གསུམ་སོགས་ཀྱི་རྒྱུད་གཞུང་མན་ངག་མང་དུ་གསར་དུ་བསྒྱུར་བ་དང་། འགྱུར་བཅོས་མཛད་པ་སོགས་ཤིན་ཏུ་མང་ཞིང་ཁྱད་པར་སྲོལ་ཆེར་བཏོད་པ་པོ་ནི་དཔྱལ་ལོ་སོགས་བཞི་དང་། རྭ་སྐྱོ་ཞང་གསུམ་དང་། གཉོས་ཏེ་བརྒྱད་ཡིན་པ་
[92b.7]ལས། སྔ་མ་ནི་གཤེད་དམར་གྱི་སྐོར་ཏེ་དཔྱལ་ལོ་ཆོས་དཔལ་བཟང་པོས་ནིཥྐ་ལངྐ་ལ་ཞུས་ནས་བོད་དུ་དར་བ་དང་། དཱ་ན་ཤཱི་ལས་ས་སྐྱ་པཎ་ཆེན་ལ་གནང་བ་དང་། ཆག་ལོས་ཀྱང་བིརཱུ་པའི་གཞུང་སོགས་བསྒྱུར་ཅིང་བསྟན་པ་དང་། གློ་བོ་ལོ་ཙཱས་
[93a.1]དརྦ་ན་ཨཱ་ཙཱརྱ་སོགས་ལས་གསན་ཅིང་སྤེལ་བ་རྣམས་ཏེ། དེ་དག་གི་རྒྱུན་ལས། གཤེད་དམར་གྱི་སྐོར་རྣམས་ཀྱི་དབང་ཁྲིད་མན་ངག་དང་བཅས་པ་བྱུང་བ་ཡིན་ནོ། །རྭ་ལུགས་ནི། རྭ་ལོ་རྡོ་རྗེ་གྲགས་ཀྱི་བལ་པོ་འབའ་རོ་ཕྱག་
[93a.2]རྡུམ་དང་། མེ་ཙ་ལིང་པ་གཉིས་བསྟེན་ནས། རྡོ་རྗེ་འཇིགས་བྱེད་ཀྱི་དབང་རྒྱུད་མན་ངག་དང་བཅས་པ་གསན། ཁྱད་པར་བལ་པོ་ཐུགས་རྗེ་ཆེན་པོ་ལ་དགྲ་གདོང་འཇིགས་གསུམ་སོགས་ཀྱི་སྐོར་རྫོགས་པར་ས་ལ་གསན། བོད་དུ་ཆོས་འཁོར་ཆེན་པོ་
[93a.3]མཛད་ཅིང་། གཤེད་སྐོར་གནང་བའི་སློབ་མ་ཁོ་ནའང་ཉིས་སྟོང་ལྷག་བྱུང་བར་གྲགས། གཙོ་བོར་རྭ་ཆོས་རབ་སོགས་ཏེ། དེ་དག་ལས་མཆེད་པའི་ཚུལ་ནི་སྨོས་ཀྱིས་མི་ལང་ངོ༌། །སྐྱོ་ལུགས་སུ་གྲགས་པ་ནི། བླ་མ་སྐྱེས་ཨ་མོ་གྷ་བཛྲ་སོགས་
[93a.4]ལས། རྡོ་རྗེ་འཇིགས་བྱེད་ཀྱི་སྐོར་རྣམས་གསན་ནས་དར་བར་མཛད་པ་ཡིན་ཞིང་། ཞང་ལུགས་ནི། གོང་གི་ཅོག་གྲུ་ལོ་ཙཱ་བ་དེས་དེ་ཝཱ་ཀ་ར་ཙནྡྲ་ལ་ནག་འཇིགས་གཉིས་གསན་པ་ནས་ཉེ་བར་བརྒྱུད་པ་རྣམས་ཀྱི་སྲོལ་ཡིན་ནོ། །གཉོས་ལུགས་ནི། གཉོས་
[93a.5]ལོ་ཙཱས་བ་ལིང་ཨཱ་ཙཱརྱ་སོགས་ལས། ནག་པོ་སྐོར་གསུམ་གསན་པ་ནས་མཆེད་པ་དག་གོ། །མ་རྒྱུད་ཀྱི་ཕྱོགས་ལས། །རྡོ་རྗེ་གདན་བཞི་བའི་དབང་ཁྲིད་བཤད་པ་མན་ངག་དང་བཅས་པ་རྣམས། །ལོ་ཆེན་རིན་བཟང་དུས་སུའང་ཅུང་ཟད་བྱུང་ཞིང་། ག་ཡ་དྷ་
[93a.6]ར་དང་། འབྲོག་མི་དཔོན་སློབ་སོགས་ཀྱིས་བསྒྱུར་བཤད་མཛད་པ་དང་། མར་འགོས་གཉིས་ཀྱིས་བཤད་སྒྲུབ་ཀྱི་སྲོལ་ཆེར་བཏོད་པ་ཡིན་ནོ། །སྒྱུ་འཕྲུལ་ཆེན་མོའང་དེ་དང་མཚུངས་ཤིང་། སངས་རྒྱས་ཐོད་པ་ལ་གྱི་ཇོ་ཟླ་བའི་འོད་ཟེར་སོགས་ཀྱིས་རྒྱུད་
[93a.7]འགྲེལ་བསྒྱུར་བཤད་མཛད་པ་དང་། མར་འགོས་སོགས་ལས་ཀྱང་དར་རོ། །བདེ་མཆོག་གི་སྐོར་ནི། ཕྱི་དར་གྱི་ཐོག་མར་ཇོ་བོ་རྗེས་ལོ་ཆེན་རིན་བཟང་དང་། རོང་པ་མགར་དགེ་སོགས་ལ་གནང་ཞིང་། པཎྜི་ཏ་མང་པོ་ལ་བསྟེན་ནས་ལོ་ཆེན་དང་། འགོས་
[93b.1]སོགས་ཀྱིས་རྒྱུད་དང་། སྒྲུབ་ཐབས། འགྲེལ་པ་སོགས་བདེ་མཆོག་སྐོར་གྱི་གཞུང་མང་དུ་བསྒྱུར། ཕྱིས་ཇོ་བོས་ནག་ཚོ་ལོ་ཙཱ་སོགས་ལའང་གནང་བ་ནས་དར་བ་དང་། གློག་སྐྱ་ཤེས་རབ་བརྩེགས་ཀྱིས། །བལ་པོར་ཕམ་ཐིང་པ་སྐུ་མཆེད་ལ་བདེ་མཆོག་
[93b.2]གི་སྐོར་རྣམས་གསན་ནས། མལ་ལོ་སོགས་ལ་གནང་བ་དང་། མལ་ལོ་ཉིད་ཀྱིས་ཕམ་ཐིང་པ་སྐུ་མཆེད་སོགས་མང་པོ་བསྟེན་ནས་ཞུས་པས། བདེ་མཆོག་སྐོར་ལ་མཁས་པར་གྱུར་པ་དེ་ལ་ས་ཆེན་གྱིས་གསན་པ་སོགས་ནས། ས་སྐྱ་པ་ཡབ་
[93b.3]སྲས་བརྒྱུད་པ་དང་བཅས་པ་རྣམས་ལ་ཆེས་དར་བ་ཡིན་ནོ། །མར་པ་ལོ་ཙཱས་ནཱ་རོ་པ་ལ་བདེ་མཆོག་གི་སྐོར་རྣམས་ཀྱི་ངེས་གསང་བླ་ན་མེད་པ་གསན་ནས། ཕྱིས་བོད་དུ་སློབ་མ་རྣམས་ལ་གདམས་པ་ལས། དབང་དང་ཁྲིད་ཀྱི་སྲོལ་ཁྱད་པར་བ་མང་པོ་མར་མིའི་
[93b.4]བཀའ་རྒྱུད་རྣམས་ལ་དར་བར་སྣང་ཞིང་། ཁྱད་པར་མར་པ་དོ་པས། ནཱ་རོ་པའི་སློབ་མ་མ་ན་ཀ་ཤཱི་སོགས་བླ་མ་མང་པོ་བསྟེན་ནས། ན་རོའི་ལུགས་ཀྱི་བདེ་མཆོག་གི་དབང་། རྒྱུད་བཤད་པ་མན་ངག་དང་བཅས་པ་གསན་ཏེ། བདེ་མཆོག་གི་ཆོས་
[93b.5]སྐོར་ལས་འགྱུར་ཡང་མང་པོ་མཛད། བོད་དུ་སློབ་མའང་མང་དུ་ཚང་ཞིང་། ཁྱད་པར་གཙང་གི་མཁས་པ་རྒྱ་ནམ་དོའི་གཟེ་བ་བློ་ལྡན་སོགས་ཀྱིས་ཆོས་རྒྱུད་ལེགས་པར་གཟུང་སྟེ། འདི་ལས་གྱེས་པའི་བཤད་སྲོལ་དང་། སྒྲུབ་རྒྱུན་ཤིན་ཏུ་འཕེལ་བ་
[93b.6]ཡིན་ནོ། །ཡང་ཕམ་ཐིང་པ་སྐུ་མཆེད་གསུམ་སོགས་ལས་པུ་རོང་ལོ་ཆུང་དང་གཉོས་ལོ་སོགས་ཀྱིས་གསན་ནས། རྒྱུན་བྱུང་བའང་ཅི་རིགས་པར་ཡོད་ཅིང་། དེ་ལས་ཁྱད་པར་པུ་རོང་ལོ་ཆུང་ནས་བརྒྱུད་པ་རྣམས་ཀྱི་བཤད་སྲོལ་བཟང་ལ་ཡུན་རིང་བར་བྱུང་བ་
[93b.7]ཡིན་ནོ། །དེར་མ་ཟད་སུམྦྷ་ལོ་ཙཱ་དྷརྨ་ཡོན་ཏན་གྱིས་པཎྜི་ཏ་ཛ་ཡ་སེ་ན་བསྟེན་ཏེ། བདེ་མཆོག་མཁའ་འགྲོ་རྒྱ་མཚོའི་རྒྱུད་འགྲེལ་ཡན་ལག་དང་བཅས་པ་གསན་ནས་འགྱུར་ཡང་མཛད་དེ། བོད་ཡུལ་དུ་དེ་དག་གི་དབང་བཀའ་དང་།བཤད་དཀའ་
[94a.1]སོགས་ཆེས་དར་བར་གྱུར་པ་ཡིན་ནོ། །དེའི་ཡུམ་བཀའ་རྡོ་རྗེ་ཕག་མོའི་སྐོར་ཡང་། ལྷ་སོ་བདུན་མར་གྲགས་པའི་དབང་བསྐུར་དང་། བསྙེན་བསྒྲུབ་ཀྱི་རྒྱུན་ཙམ་ཞིག་དར་བར་སྣང་ཞིང་། ཁྱད་པར་ཕག་མོ་གཞུང་དྲུག་ཏུ་གྲགས་པ་ནི་བལ་པོ་
[94a.2]བ་རེནྡྲ་རུ་ཙི་ལ་གཞུང་དྲུག་བྱིན་བརླབས་དང་བཅས་པ་ཞུས། དེ་བཞིན་དུ་རྔོག་ལོ་ཆེན་པོ་དང་། སྣུབས་སྟོན་དང་། ཁུ་ནེ་ཙོ་སོགས་ཀྱིས་ཀྱང་གསན་ནས། དེ་དག་སོ་སོ་ལས་བརྒྱུད་དེ་ཆེས་དར་ཞིང་། རྭ་ལོས་པཎྜི་ཏ་ཨ་བྷི་ཡུལྟ་ལ་གསན་ནས་
[94a.3]ཀྱང་མཆེད་པ་ཡིན་ནོ། །ཡང་མར་ལོས་ནཱ་རོ་པ་སོགས་ལས་གསན་ཏེ་མཆེད་པའི་ལུགས་ཀྱང་ཡོད་དོ། །དཔལ་དགྱེས་པ་རྡོ་རྗེ་ཡབ་ཡུམ་གྱི་སྐོར་ལ། འབྲོག་མི་ལོ་ཙཱ་སོགས་ཀྱིས་རྒྱུད་འགྲེལ་ཕྲན་དང་བཅས་པ་རྣམས་བསྒྱུར་བཤད་མཛད་དེ་དར་བ་
[94a.4]ཡིན་ཞིང་། །དེ་ལས་ཁྱད་པར་འབྲོག་མིས་པཎྜི་ཏ་ག་ཡ་དྷ་ར་ལ་སོགས་བསྟེན་ནས། དབང་རྒྱུད་བཤད་པ་མན་ངག་དང་བཅས་པ་གསན་ནས་ཉེ་བར་བརྒྱུད་དེ། རྗེ་བཙུན་ས་སྐྱ་པ་ཡབ་སྲས་སོགས་ལ་རྒྱ་ཆེར་མཆེད་པ་དང་། འགོས་ལོས་བྲམ་ཟེ་
[94a.5]ནག་པོའི་ཞབས་སོགས་ལས་གསན་ནས་དར་བ་དང་། ཁྱད་པར་མེར་པ་ལོ་ཙཱས་ནཱ་རོ་པ་བསྟེན་ནས་གསན་པ། མེས་རྫོག་གཉིས་ལས་བཤད་སྒྲུབ་ཀྱི་རྒྱུན་ཆེས་ཆེར་དར་བ་དང་། སེ་ཙ་བསོད་ནམས་རྒྱལ་མཚན་གྱིས། ཕམ་ཐིང་པ་ལས་ན་རོའི་
[94a.6]ལུགས་གསན་ནས་དར་བ་སོགས་སོ། །ཁྱད་པར་རྒྱུད་སྡེ་ཐམས་ཅད་ཀྱི་ཡང་རྩེ་དཔལ་དུས་ཀྱི་འཁོར་ལོ་ནི། ཐོག་མར་པཎྜི་ཏ་ཤྲཱི་བྷ་དྲ་བོ་དྷི་དང་། གྱི་ཇོ་ལོ་ཙཱས་རྒྱུད་འགྲེལ་བསྒྱུར་ནས། དབང་བཤད་མན་ངག་གི་སྲོལ་བཏོད་པ་པོམ་ལོ་ཙཱ་སོགས་ལས་
[94a.7]བརྒྱུད་པ་གྱི་ཇོ་ལུགས་དང་། འབྲོ་ལོ་ཙཱས་ཁ་ཆེ་ཟླ་བ་མགོན་པོ་བསྟེན་ནས། མཆོག་མི་འགྱུར་གྱི་ལེའུ་མ་གཏོགས་རྒྱུད་འགྲེལ་རྫོགས་པར་བསྒྱུར། དབང་བཤད་མན་ངག་དང་བཅས་པ་མནོས། ཕྱིས་པཎྜི་ཏས་མཆོག་མི་འགྱུར་ལ་རང་འགྱུར་མཛད།
[94b.1]པཎ་ཆེན་ལ་འཕན་ཡུལ་གྲབ་སྒོམ་གྱིས་ཐུག་སྟེ། དུས་འཁོར་ལ་མཁས་གྲུབ་གཉིས་ལྡན་དུ་གྱུར། དེས་སྒྲོ་སྟོན་ལ་བཤད་པ་སོགས་ནས་དར་བ་འབྲོ་འགྱུར་གྱི་སྟེང་ནས་བཤད་པ་བྱེད་པའི་སྲོལ་ཡོད་པས། འབྲོ་ལུགས་དང་། ཙཱ་མི་སངས་རྒྱས་
[94b.2]གྲགས་ཀྱིས་དུས་ཞབས་པ་ལས་གསན་ཏེ་འགྲེལ་ཆེན་བསྒྱུར་ནས། རྒ་ལོ་སོགས་སློབ་མ་རྣམས་ལ་བཤད་པ་ཙཱ་མིའི་ལུགས་དང་། རྭ་ཆོས་རབ་ཀྱིས་བལ་པོའི་པཎྜི་ཏ་ས་མནྟ་ཤཱི་ལས་རྒྱུད་འགྲེལ་གསན་ནས་བསྒྱུར་བ་ལས། རྭ་ཡེ་ཤེས་སེང་གེ་
[94b.3]སོགས་ལ་མཆེད་པར་ལུགས་དང་། གཞན་ཡང་པཎ་ཆེན་ལུགས་དང་། ཆག་ལུགས་དང་། ཤ་བ་རི་པའི་མན་ངག་ལུགས་སོགས་མང་དུ་བྱུང་སྟེ། དེ་དག་གི་གདམས་ངག་གཙོ་བོར་གྱུར་པ་ནི། སྦྱོར་བ་ཡན་ལག་དྲུག་པ་ཡིན་ཞིང་། ཀྱེ་
[94b.4]རྡོར་ལ་སོགས་པ་མ་རྒྱུད་གཞན་ལའང་སྦྱོར་བ་དྲུག་གི་སྒོ་ནས། ཁྲིད་ཚུལ་ཡོད་པ་འགའ་ཞིག་བྱུང་མོད་ཀྱི་འདི་དངོས་མ་ཡིན་ནོ། །དེ་ལྟར་དཔལ་དུས་ཀྱི་འཁོར་ལོའི་སྐོར་རྣམས་གངས་རིའི་ཁྲོད་དུ་ཆེས་ཆེར་གསལ་བར་གྱུར་པ་ལ། ཕྱིས་བུ་སྟོན་ཐམས་ཅད་
[94b.5]མཁྱེན་པ་དང་། རང་བྱུང་ཞབས་དང་། ཇོ་མོ་ནང་པ་སོགས་མཁས་ཤིང་གྲུབ་པ་བརྙེས་པ་མང་པོས་ཀྱང་ལྷག་པར་གསལ་བར་མཛད་པ་ཡིན་ནོ། །དེ་ལྟར་བཤད་པ་ནི་རྒྱུད་གཙོ་ཆེ་བའི་བྱུང་ཚུལ་མགོ་སྨོས་རིགས་པ་ཙམ་ཡིན་ཞིང་། དེས་མཚོན་
[94b.6]ནས་ཤེས་པར་བྱ་བ་ལས། ཞིབ་པར་ན་བོད་དུ་འགྱུར་རོ་ཅོག་གི་རྒྱུད་རྣམས་ཕལ་ཆེར་ལ། སྔོན་དུས་དབང་རྗེས་གནང་བཤད་པ་མན་ངག་སོགས་མ་བྱུང་བ་མེད་པས་སྨོས་ཀྱིས་མི་ལང་ངོ༌། །མཐའ་གཅིག་ཏུ་མ་ངེས་པའི་བླ་མེད་ཀྱི་རྒྱུད་སྡེ་སྤྱིའི་མན་
[94b.7]ངག་གི་གནད་གསང་ཐམས་ཅད། གང་ཟག་སྐལ་བ་ཅན་གཅིག་གྲོལ་བའི་ཆ་རྐྱེན་དུ་ཚང་ལ། མ་ནོར་བར་བསྡུས་པའི་ཁྲིད་ཀྱི་སྲོལ་ནི་བོད་ཡུལ་འདིར་མང་དུ་བྱུང་སྣང་བ་ལས། ཇོ་བོ་བཀའ་གདམས་པ་རྣམས་ལ་སྤྱིར་གྲགས་པའི་ལམ་རིམ་ནི།
[95a.1]སྔགས་ཀྱི་ཐུན་མོང་མ་ཡིན་པར་མི་འགྱུར་བས་དེར་མི་གཏོགས་ལ། གཞན་ནི་འབྲོག་མི་ལོ་ཙཱས་ག་ཡ་དྷ་ར་ལས་གསན་ཏེ། དེས་རྒྱུད་ཀྱི་བཤད་པ་གཙོ་ཆེ་བ་འཁོན་དཀོན་མཆོག་རྒྱལ་པོ་ལ་གནང་། གདམས་ངག་ལམ་འབྲས་
[95a.2]བུ་དང་བཅས་པའི་སྐོར་རྣམས་སེ་སྟོན་ཀུན་རིག་ལ་གནང་། སེ་སྟོན་གྱིས་དཀོན་མཆོག་རྒྱལ་པོ་ལ་བཤད་སྐོར་རྣམས་ཀྱང་གསན། དེས་གདམས་ངག་རྣམས་རྫོགས་པར་ཞིང་སྟོན་ཆོས་འབར་དང་། ཕལ་ཆེར་ཞ་མ་ལྕམ་སྲིང་སོགས་ལ་གནང་།
[95a.3]ས་ཆེན་གྱིས་གསེ་སྟོན་མཇལ་ཏེ། གཞུང་བཤད་གསན་ཡང་གདམས་ངག་མ་གསན་པས། ཕྱིས་ཞིང་དགོན་པ་བ་ལས་གསན་ཏེ། ཐུགས་ཉམས་སུ་བཞེས་པས་གྲུབ་པའི་དབང་ཕྱུག་ཆེན་པོར་གྱུར། དེས་རྗེ་བཙུན་བསོད་ནམས་རྩེ་མོ་ལ་གནང་
[95a.4]སྟེ། ཟག་མེད་བདེ་བ་ཆེན་པོའི་སྐུ་བརྙེས་ནས་མཁའ་སྤྱོད་ཆེན་པོར་བྱོན། དེས་གྲགས་པ་རྒྱལ་མཚན་ལ་གནང་བས། གྲུབ་པ་ཆེན་པོའི་ངང་ཚུལ་འཛིན་པར་མཛད། དེས་ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོ་ལ་གནང་སྟེ།
[95a.5]འདི་ནི་རིག་པའི་གནས་ལྔ་ལ་ཐོགས་པ་མེད་པའི་མཁྱེན་རབ་ཀྱི་པདྨོ་བྱེ་བར་གྱུར་པས། རྗེ་བཙུན་འཇམ་པའི་དབྱངས་དང་མི་གཉིས་པར་ཁུམས་ཤིང་། བདེ་བར་གཤེགས་པའི་བསྟན་པ་སྣང་བར་བྱེད་པའི་ཉི་མ་གཅིག་པུ་པར་གྱུར། དེ་ནས་ཐུགས་
[95a.6]རྗེའི་བདག་ཉིད་བླ་མ་འཕགས་པ་སོགས་ལས་ཉེ་བར་བརྒྱུད་དེ། གངས་ཅན་གྱི་ལྗོངས་འདིར་དཔལ་ལྡན་ས་སྐྱ་པ་ཞེས། བསྟན་པའི་རྩ་ལག་མཆོག་ཏུ་གྱུར་པ་འདི་བྱུང་བ་ཡིན་ཞིང་། དེ་ལས་ཀྱང་ཚོགས་བཤད་ཀྱི་སྲོལ་འཛིན་ངོར་རྫོང་གོང་དཀར་བ་
[95a.7]རྣམས་དང་། སློབ་བཤད་ཐུན་མོང་མིན་པའི་སྲོལ་འཛིན་ཁའུ་བྲག་རྫོང་པ་སོགས་རྒྱ་ཆེར་རྒྱས་པར་གྱུར་པ་ཡིན་ནོ། །ཡང་མར་པ་ལོ་ཙཱས་ནཱ་རོ་པ་སོགས་བསྟེན་ཏེ། རྒྱུད་ཀྱི་དབང་བཤད་མན་ངག་སྣ་ཚོགས་དང་། ཁྱད་པར་ཟབ་ལམ་ནཱ་རོའི་ཆོས་
[95b.1]དྲུག་ཏུ་གྲགས་པ་གསན། སློབ་མ་ཀ་ཆེན་བཞི་གཙོ་བོར་གྱུར་པ་ལ་གནང་ཞིང་། གཞན་རྣམས་ལས་བཤད་བརྒྱུད་དང་། ཁྱད་པར་གྲུབ་པའི་དབང་ཕྱུག་ཆེན་པོ་མི་ལ་རས་པ་ལས་སྒྲུབ་བརྒྱུད་ཀྱི་བསྟན་པ་རྒྱ་ཆེར་རྒྱས་པ་བྱུང་། དེའང་མི་ལའི་སློབ་མ་
[95b.2]དྭགས་པོ་ལྷ་རྗེ། དེའི་སློབ་མ་ཁམས་པ་མི་གསུམ་ལས། གྲུབ་ཐོབ་དབུ་སེ་ནས་ཀརྨ་ཀཾ་ཚང་གི་ལུགས་དང་། ཕག་མོ་གྲུ་པ་ལས་འབྲི་འབྲུག་སྟག་ལུང་འབའ་རོམ་བཀའ་རྒྱུད་ཁྲོ་ཕུ་བཀའ་བརྒྱུད་སོགས་བྱུང་བ་ཡིན་ནོ། །གཞན་ཡང་མི་ལའི་
[95b.3]སློབ་མ་རས་ཆུང་པ་ནས་རས་ཆུང་སྙན་རྒྱུད་དུ་གྲགས་པ་དང་། ངན་རྫོང་རས་པ་ནས་ངན་རྫོང་སྙན་བརྒྱུད་དུ་གྲགས་པ་སོགས་མང་དུ་མཆེད་པ་རྣམས་ནི་སྨོས་ཀྱིས་མི་ལང་ངོ་། །ཡང་ནཱ་རོ་པའི་ལྕམ་ནི་གུ་མས་ཁྱུང་པོ་རྣལ་འབྱོར་རྗེས་སུ་བཟུང་སྟེ། དེ་ལས་
[95b.4]གདམས་ངག་ནི་གུ་ཆོས་དྲུག་སོགས། ཤང་པའི་ཆོས་སྐོར་དུ་གྲགས་པ་རྣམས་བྱུང་ཞིང་། སྲོལ་དེ་འཛིན་པ་ལ་ཤང་པ་བཀའ་རྒྱུད་དུ་གྲགས་སོ། ཡང་གྲུབ་ཆེན་དམ་པ་སངས་རྒྱས་སུ་གྲགས་པ་དེས། བོད་ཡུལ་དུ་ལན་མང་པོར་བྱོན་ནས།
[95b.5]ཆོས་བསྟན་པའི་གཙོ་བོ་ནི། དམ་ཆོས་སྡུག་བསྔལ་ཞི་བྱེད་ཀྱི་སྐོར་རྣམས་ཏེ། དེ་ལའང་བརྒྱུད་པ་སྔ་ཕྱི་བར་གསུམ་སོགས་ཀྱིས་རྒྱ་ཆེར་འཕེལ་བ་དང་། གཅོད་ཡུལ་དུ་གྲགས་པ་མ་གཅིག་ལབ་སྒྲོན་ནས་བརྒྱུད་པ་འདི་དག་ནི་མདོ་སྔགས་ཀྱི་ཕྱོགས་
[95b.6]གཉིས་ཀར་གཏོགས་པ་ལས་མཐའ་གཅིག་ཏུ་ཆད་པར་གཟུང་མི་ནུས་སོ། །དེ་ལྟ་བུའི་བདེ་བར་གཤེགས་པའི་བཀའ་སྲོལ་ཆེན་པོ་བོད་ཀྱི་ཡུལ་དུ་འདྲེན་ཞིང་སྐྱོང་བར་མཛད་པའི་ལོ་པཎ་གྱི་ཚོགས་ཅི་ཙམ་ཞིག་བྱོན་པ་ཡིན་ཅེ་ན། བསྟན་པ་སྔ་དར་གྱི་དུས་སུ་རྒྱ་
[95b.7]གར་གྱི་སློབ་དཔོན་ཀུ་ས་ར། བྲམ་ཟེ་ཤངྐ་ར། ཁ་ཆེ་ཏ་ནུ། བྲམ་ཟེ་ཨཱ་ནནྡ། བལ་པོ་ཤྲཱི་ལ་མཉྫ། བུདྡྷ་གུ་ཧུ། བུདྡྷ་ཤཱནྟ། ཤཱནྟ་རཀྵིཏ། པདྨ་སཾ་བྷ་ཝ། ཡོ་གའི་སློབ་དཔོན་དྷརྨ་ཀཱིརྟི། བི་མ་ལ་མི་ཏྲ། ཤཱནྟཾ་གནྡྷ། བི་ཤུདྡྷཱ་སིདྷ། ཀ་མ་ལ་ཤཱི་
[96a.1]ལ། ཀཝ་མི་ཏྲ། ཛི་ན་མི་ཏྲ། སུ་རེནྡྲ་བོདྷི། ཤྲཱི་ལེནྡྲ་བོདྷི། དཱ་ན་ཤཱི་ལ། བོདྷི་མི་ཏྲ། མུ་ནི་ཝརྨ། སརྦ་ཛྙ་དེ་ཝ། དི་ནྱ་པྲ་བྷ་སོགས་དང་། རྒྱའི་སློབ་དཔོན་ཧྭ་ཤང་མ་ཧཱ་དེ་བ་ཚེ། ཧཱ་ཤང་མ་ཀོ་སེ། ཧཱ་ཤང་མ་ཧཱ་ཡ་ན་སོགས་
[96a.2]སོ།། །།བསྟན་པ་ཕྱི་དར་གྱི་དུས་སུ་རྒྱ་གར་གྱི་པཎྜི་ཏ་ཤྲཱི་ཀ་ར་ཝརྨ། དྷརྨ་པཱ་ལ། །པྲཛྙཱ་པཱ་ལ། བུདྡྷ་པཱ་ལ། ཁ་ཆེ་ཤཱནྟ་བྷ་དྲ། ཐཱནྡྷ་ཀ་ར་ཝརྨ། པདྨ་གུཔྟ། མུ་ཁཱི་མི་ཏྲ། བུདྡྷ་ཤཱནྟ་ཤྲཱི། སུ་བྷཱ་ཥི་ཏི། པྲཛྙཱ་ཝརྨ། དཱི་པཾ་ཀཱ་ར་ཤྲཱི་ཛྙཱ་ན།
[96a.3]དེའི་དབོན་པོ་དཱ་ན་ཤྲཱི། སྨྲ་ཏི་ཛྙཱ་ན་ཀཱིརྟི། པཎྜི་ཏ་ཕྲ་ལ་རིང་བ། སུ་ན་ཡ་ཤྲཱི། ཁ་ཆེ་ཛྙཱ་ན་ཤྲཱི། ཙནྡ་རཱ་ཧུ་ལ། དྷཱི་ར་པཱ་ལ། ཨ་ཏུ་ལུ་ད་ཤ། སུ་མ་ཏི་ཀཱིརྟི། ཨ་མ་ར་ཙནྡྲ། ཐིག་ལེ་བུམ་པ། གཞོན་ནུ་བུམ་པ། ཀ་ན་ཀ་ཝརྨ། དམ་པ་རྒྱ་གར། ཛ་
[96a.4]ཡ་ཨཱ་ནནྡ། ག་ཡ་དྷ་ར། ཁ་ཆེ་ཟླ་བ་མགོན་པོ། སྟོང་ཉིད་ཏིང་འཛིན་རྡོ་རྗེ། ཡེ་ཤེས་རྡོ་རྗེ། ཤེས་རབ་གསང་བ། མ་ཧཱ་ཛ་ན། མནྡཱ་ཀ་ལཀྵ། ཀརྨ་བཛྲ། ཡ་མཱ་རི། དཔའ་བོ་རྡོ་རྗེ། རཱ་ཧུ་ལ་གུལྟ་བཛྲ། བི་རོ་ཙ་ན་བཛྲ། བལ་པོ་ཨ་སུ། རནྡྷ་ཀཱ་ར་ཤཱནྟི།
[96a.5]མཥྞ་གྷོཥ། སཱུརྱ་ཀཱིརྟི། ག་གན་དྷ་ར། ནོར་སྦས། ས་མནྟ་ཤྲཱི། ནིཀྐཱ་ལངྐ་དེ་པ། ཛ་གད་མི་ཏྲ་ཨཱ་ནནྡ། བུདྡྷ་ཤྲཱི་ཛྙཱ་ན། ཤཱཀྱ་ཤྲཱི་བྷ་དྲ། བི་བྷུ་ཏི་ཙནྡྲ། སུ་ག་ཏ་ཤྲཱི། ཛ་ཡ་དཏྟ། དཱ་ན་ཤཱི་ལ། སངྒྷ་ཤྲཱི། སུ་མ་ཏི་སཱ་ག་ར། ཀཱ་ལ་ཙནྡྲ། ཛི་ན་གུཔྟ།
[96a.6]མ་ཧཱ་བོ་དྷི། པཎྜི་ཏ་ཛ་བྷ་མ་ཤྲཱི། ཏྲི་ལོ་ཀྱ་ཨཱ་ནནྡ། ལོངས་སྤྱོད་རྡོ་རྗེ། རནྣ་ཤྲཱི། བལ་པོ་མ་ཧཱ་པ་ན། བལ་པོ་བཛྲ་ཀཱིརྟི། བལ་བོ་ཀཱ་ཡ་ཤྲཱི། བལ་པོ་གྲགས་པ་དཔལ། ཀུ་མཱ་ར་ཐམས་ཅད་མཁྱེན་པའི་དཔལ། སཱ་དྷ་ཀཱིརྟི། མངྒ་ལ་ཤཱི། དཱརྦན་
[96a.7]ཨཱ་ཙརྱ། ཛ་ཡ་དེ་ཝ། ལཀྵ་ཀ་ར། རཏྣ་ཤྲཱི། ཨཱ་ནནྡ་ཤིྲཱི ཟངས་གླིང་པ། ཀཱིརྟི་པཎྜི་ཏ། ཤཱ་རི་པུ་ཏྲ། པཎྜི་ཏ་ཤྲཱི་བ་ན་རན། བུདྡྷ་གུལྟ་སོགས་སོ། །དེ་བཞིན་དུ་ལོ་ཙཱ་བ་ཡང་བསྟན་པ་སྔ་དར་གྱི་དུས་སུ་ཐོན་མི་སཾབྷོ་ཊ། དྷརྨ་ཀོཥྛ།
[96b.1]ལྷ་ལུང་རྡོ་རྗེ་དཔལ། བྲན་ཀ་མཱུ་ལ་ཀོ་ཥ། ཁ་ཆེ་ཨཱ་ནནྡ། ཁྲི་བཞེར་སཾ་ཤི་ཏ། སྦྲང་རྒྱ་ར་ལེགས་གཟིགས། སེང་མ་གོང་ལྷ་ལུང་གཟིགས། རྦ་ཡེ་ཤེས་དབང་པོ། ངན་ལམ་རྒྱལ་བ་མཆོག་དབྱངས། དབས་མཉྩཱ་ཤྲཱི། པ་གོར་བཻ་
[96b.2]རོ་ཙ་ན། རྦ་མང་རྗེ་གསལ་སྣང་། སྣ་ནམ་རྡོ་རྗེ་བདུད་འཇོམས། གཉགས་ཛྙཱ་ན་ཀུ་མཱ་ར། ཅེ་ཛྙ་ན་སིདྡྷི། མཆིམས་ཤཱཀྱ་པྲ་བྷ། བྲང་ཏི་ཛ་ཡ་རཀྵི་ཏ། ཤུད་པུ་དཔལ་ཀྱི་སེང་གེ། རྩངས་དེ་བེནྡྲ་རཀྴི་ཏ། བྲན་ཀ་མུཀྟི་ཀ། ཁོན་ནཱ་གེནྡྲ་
[96b.3]རཀྵི་ཏ། རྨ་རིན་ཆེན་མཆོག །རྩངས་ས་པའི་བུ་རིན་ཆེན་ལེགས་གྲུབ། དྷརྨ་ཨཱ་ལོ་ཀ །དྲན་པ་ནམ་མཁའ། སྒྲོ་རིན་ཆེན་སྡེ། རྨ་རྣམ་པར་མི་རྟོག་པ། རྨ་ཤཱཀྱ་འོད། ཅེ་ཁྱི་འབྲུག །རླངས་ཁམས་པ་གོ་ཆ། གཉགས་དེ་ཝ་ཀོ་
[96b.4]ཥ། ཞང་རྒྱལ་ཉེན་ཉ་བཟང་། འགོས་ཆོས་འགྲུབ། སྟོང་ཨཱ་ཙརྱ། དྷརྨ་ཏཱ་ཤཱི་ལ། ཅོག་རོ་ཀླུའི་རྒྱལ་མཚན། སྐ་བ་དཔལ་བརྩེགས་སྲུང་བ། ཞང་ཡེ་ཤེས་སྡེ། རཏྣ་རཀྵི་ཏ། ཛ་ཡ་རཀྵི་ཏ། མཉྫ་ཤཱི་བརྨ། རཏྣནྡྲ་ཤཱི་ལ།
[96b.5]བཟང་སྐྱོང་། ལྷའི་ཟླ་བ། དཔལ་གྱི་ལྷུན་པོ། དཔལ་འབྱོར། ཡེ་ཤེས་སྙིང་པོ། རྒྱལ་བ་ཤེས་རབ། ཤཱཀྱ་བཤེས་གཉེན། དགེ་བ་དཔལ། ལེགས་པའི་སྡེ། གནུབས་ནམ་མཁའི་སྙིང་པོ། ཡི་གེ་པ་དགོན་གླིང་རྨ། གཞོན་ནུ་སྲུང་བ།
[96b.6]ནམ་མཁའ་སྐྱོང་རྣམས་སོ།། །།ཕྱི་དར་ལ་ལྷ་བླ་མ་ཡེ་ཤེས་འོད། ལོ་ཆེན་རིན་ཆེན་བཟང་པོ། གྲགས་འབྱོར་ཤེས་རབ། མགར་ཆོས་བཟང་། དགེ་ཚུལ་ཁྱུང་གྲགས། བལ་པོ་པདྨ་རུ་ཙེ། པ་ཚབ་ཚུལ་ཁྲིམས་རྒྱལ་མཚན། སེ་ཙ་བསོད་ནམས་
[96b.7]རྒྱལ་མཚན། རོང་པ་ཆོས་བཟང་། འབྲོ་སེང་དཀར་ཤཱཀྱ་འོད། ཁྱུང་པོ་ཆོས་བརྩོན། རྒྱ་བརྩོན་འགྲུས་སེང་གེ ནག་ཚོ་ཚུལ་ཁྲིམས་རྒྱལ་བ། རྔོག་ལེགས་པའི་ཤེས་རབ། འབྲོམ་སྟོན་རྒྱལ་བའི་འབྱུང་གནས། ཁྱུང་པོ་རྣལ་འབྱོར།
[97a.1]ཡོལ་ལྕགས་རྡོ་རྗེ་དབང་ཕྱུག །རྨ་དགེ་བའི་བློ་གྲོས། གྱི་ཇོ་ཟླ་བའི་འོད་ཟེར། ལྷ་ཞི་བ་འོད། ཁུ་དངོས་གྲུབ། ཆོས་ཀྱི་ཤེས་རབ། མར་ཐུང་ངད་པ་ཤེས་རབ། ག་རོད་ཚུལ་ཁྲིམས་འབྱུང་གནས། འབྲོག་མི་ཤཱཀྱ་བློ་གྲོས། འབྲོག་མི་ཤཱཀྱ་ཡེ་
[97a.2]ཤེས། སྟག་ལོ་གཞོན་བརྩོན། མར་པ་ཆོས་ཀྱི་བློ་གྲོས། འགོས་ཁུག་པ་ལྷས་བཙས། ཟངས་དཀར་འཕགས་པ་ཤེས་རབ། གཉན་དར་མ་གྲགས། རྭ་རྡོ་རྗེ་གྲགས། ཁེར་གད་འཁོར་ལོ་གྲགས། ལ་ཆིངས་ཡོན་ཏན་འབར། སྦོང་ཞོ་གསལ་བ་གྲགས། ཤེའུ་
[97a.3]བཛྲ་དེ་ཝ། རབ་ཞི་བཤེས་གཉེན། མར་པ་དོ་པ་ཆོས་ཀྱི་དབང་ཕྱུག །པུ་ཧྲང་ལོ་ཆུང་ལེགས་པའི་ཤེས་རབ། གཟུ་དགའ་བ་རྡོ་རྗེ། ཆོས་ཀྱི་ཡོན་ཏན། ཆོས་ཀྱི་རིན་ཆེན། གློག་སྐྱ་ཤེས་རབ་བརྩེགས། བ་རི་རིན་ཆེན་གྲགས། པ་ཚབ་ཉི་མ་གྲགས། ལྷ་བཙན་པོ་མུ་ནི་རཱ་ཛ།
[97a.4]{དིང་,དེང་}རི་ཆོས་གྲགས། རྒྱུས་སྨོན་ལམ་གྲགས། མང་འོར་བྱང་ཆུབ་ཤེས་རབ། མལ་གྱོ་བློ་གྲོས་གྲགས། གྱི་ལྗང་དབུ་དཀར། འབྲོ་ཤེས་རབ་གྲགས། བ་རེག་ཐོས་པ་དགའ། རྨ་ཆོས་འབར། མཚུར་དབྱིག་གི་རྒྱལ་མཚན། རྩ་མི་སངས་རྒྱས་གྲགས། སྒ་ལོ་གཞོན་ནུ་
[97a.5]དཔལ། ཀྲེ་བོ་ཤེས་རབ་དཔལ། མཚུར་སྟོན་དབང་གི་རྡོ་རྗེ། རྭ་ཆོས་རབ། དཔྱལ་ཀུན་དགའ་རྡོ་རྗེ། དཔྱལ་ཀུན་དགའ་གྲགས། ཞང་ཤེས་རབ་བླ་མ། བཀྲ་ཤིས་རྒྱལ་མཚན། ཆོས་ཀྱི་སྙིང་པོ། ཀམ་ཆོས་ཀྱི་ཡེ་ཤེས། ཕྱུག་མཚམས་དབང་ཕྱུག་རྒྱ་མཚོ། ཚུལ་ཁྲིམས་ཡོན་
[97a.6]ཏན། ཁེར་གད་ཡོན་ཏན་དཔལ། བསོད་ནམས་བཟང་པོ། སུམ་བྷ་དཔལ་མཆོག་དང་པོའི་རྡོ་རྗེ། ཉི་མ་རྡོ་རྗེ། ཁུ་དགེ་བསྙེན་ནེ་ཙོ། གློག་སྐྱ་གཞོན་ནུ་འབར། ལྷ་ཡེ་ཤེས་རྒྱལ་མཚན། བྱང་ཆུབ་འབྱུང་གནས། གླན་ཆོས་ཀྱི་བློ་གྲོས། ཅོག་གྲུ་ཏིང་འཛིན་བཟང་པོ། ཤེས་རབ་ཡེ་ཤེས།
[97a.7]རིག་པ་གཞོན་ནུ། གཞོན་ཚུལ། ཁུ་མདོ་སྡེ་འབར། སྟེང་ལོ་ཚུལ་ཁྲིམས་འབྱུང་གནས། ཤེས་རབ་བརྩོན་འགྲུས། གཡུང་དྲུང་འོད། བསོད་ནམས་རྒྱལ་བ། ཅོག་གྲུ་ཤེས་རབ་བླ་མ། ཅོག་གྲུ་མྱ་ངན་མེད། བསོད་ནམས་མོས་པ། ཚུལ་ཁྲིམས་བརྩེགས། རྔོག་བུདྡྷ་པཱ་ལི་ཏ། རྒྱལ་ལོ་ཙཱ་བ།
[97b.1]སྦལ་རྡོ་རྗེ་རྒྱལ་པོ། ལྷ་རིན་པོ་ཆེ། ལྷ་ཆོས་ཀྱི་རིན་ཆེན། ཀྱུ་ར་ཚུལ་ཁྲིམས་འོད་ཟེར། དགེ་སློང་བྱའི་གདོང་ཅན། ར་བྱིད་ལོ་ཙཱ། ཕུར་བུ་འོད། ཤེས་རབ་ལེགས། ནག་ཚོ་དྷརྨ་གྲགས། མར་པ་བློ་གྲོས་བཟང་པོ། སེ་ལོ་ཙཱ། རོང་གླིང་ལོ་ཙཱ། ཤོ་རིམ་ལོ་ཙཱ། ཟླ་བ་གྲགས་པ། གཉལ་
[97b.2]མི་ཡེ་ཤེས་ཆོས། ཆོས་ཀྱི་ཟླ་བ། ཤེས་རབ་སྐྱབས། ནག་ཚོ་ཤེས་རབ་རྒྱལ་མཚན། འ་ཞ་རྒྱ་གར་བརྩེགས། གཉན་བསོད་ནམས། བ་རི་ཆོས་གྲགས། ཨོང་པོ་ལོ་ཙཱ། གཞོན་ནུ་ཤེས་རབ། མགར་ཤེས་འབྱུང་། འཇམ་དཔལ་གཞོན་ནུ། ཤེས་རབ་འོད་ཟེར། ཅེ་དགའ་
[97b.3]བ་དཔལ། ཡེ་ཤེས་འབྱུང་གནས། ཤཱཀྱ་བརྩོན་འགྲུས། ལོ་རྡོ་རྗེ་རྒྱལ་མཚན། ཞ་མ་དགེ་བསྙེན་སེང་རྒྱལ། ཅེ་བཀྲ་ཤིས། ཆག་དགྲ་བཅོམ། དཔྱལ་ཆོས་བཟང་། དཀར་ལོ་ཙཱ་བ། ཞང་དགེ་བ། གནུབས་བྱམས་པའི་དཔལ། ཆག་ཆོས་རྗེ་དཔལ། དཔྱལ་ཤེས་རབ་
[97b.4]འོད། ཞང་གྲུབ་པ་དཔལ། ས་སྐྱ་པཎྜི་ཏ་ཀུན་དགའ་རྒྱལ་མཚན། གློ་བོ་ཤེས་རབ་རིན་ཆེན། ལྷོ་བྲག་པ་འུ་རུ་དར་མ་སེང་གེ། མི་མཉམ་བཟང་པོ། ཨཽ་རྒྱུན་པ་རིན་ཆེན་དཔལ། ཤོང་རྡོ་རྗེ་རྒྱལ་མཚན། ཤོང་བློ་གྲོས་བརྟན་པ། ཁམས་པ་བློ་གྲོས་རྒྱལ་པོ། འདན་མ་
[97b.5]ཚུལ་སེང་། ར་པ་གཞོན་བརྩོན། ཤུད་ཀེ་གྲགས་པ་རྒྱལ་མཚན། ཐར་ལོ་ཉི་མ་རྒྱལ་མཚན། དཔང་བློ་གྲོས་བརྟན་པ། སྒྲ་ཚད་པ་རིན་རྒྱལ། དབུས་པ་བློ་གསལ། སྟག་ལུང་པ་ཤཱཀྱ་བཟང་པོ། ལེགས་པའི་བློ་གྲོས། བུ་སྟོན་ཐམས་ཅད་མཁྱེན་པ། ཐུགས་སྲས་ལོ་ཙཱ་བ་རིན་
[97b.6]ཆེན་རྣམ་རྒྱལ། ཇོ་ནང་ལོ་ཙཱ་བ་བློ་གྲོས་དཔལ། ས་བཟང་པ་བློ་གྲོས་རྒྱལ་མཚན། འབྲི་ཁུང་ལོ་ཙཱ་བ། ཀུན་སྤངས་གྲགས་པ་རྒྱལ་མཚན། ཡར་ལོ་གྲགས་པ་རྒྱལ་མཚན། ལོ་ཆེན་བྱང་ཆུབ་རྩེ་མོ། བོ་དོང་གྲགས་པ་རྒྱལ་མཚན། སྣར་ཐང་པ་སངྒྷ་ཤྲཱི། ལོ་ཆེན་སྐྱབས་
[97b.7]མཆོག་དཔལ་བཟང་། ཆོས་འཁོར་སྒང་པ་ཤེས་རབ་རིན་ཆེན། འགོས་ལོ་ཙཱ་བ་གཞོན་ནུ་དཔལ། ཁྲིམས་ཁང་པ་བསོད་ནམས་རྒྱ་མཚོ། ཆག་ལོ་རིན་ཆེན་ཆོས་རྒྱལ། ཞ་ལུ་ལོ་ཆེན་ཆོས་སྐྱོང་བཟང་པོ། ཇོ་ནང་ལོ་ཙཱ་བ་ཏཱ་ར་ནཱ་ཐ་སོགས་སོ།། །།འདིར་སྨྲས་པ། །གཏམ་
[98a.1]རིགས་ལས་འཁྲུངས་པའི་ཉིན་བྱེད་ཆེ། །ཐུབ་མཆོག་ཐུབ་པའི་ཚོགས་ཀྱིས་ཕྱག་བྱས་གང་། །ལེགས་གསུངས་འོད་ཟེར་བྱེ་བས་ཞིང་ཀུན་ཏུ། །རྒྱས་པར་འགེགས་པའི་ཕྲིན་ལས་འདི་རྨད་བྱུང་། །འོན་ཀྱང་སྐལ་ཆུང་རྣམས་ཀྱི་
[98a.2]བློ་གྲོས་ཀྱི། །བུ་ག་ཕྲ་མོའི་སྣོད་དང་མ་འཚམ་པས། །མ་རྟོགས་ལོག་པར་རྟོག་པའི་མུན་པ་དེས། །ཕྱོགས་རེ་ཙམ་ལ་བསླད་པར་བྱས་པ་ཡོད། །དེས་ན་འཕགས་ཡུལ་མཁས་པའི་རྣ་བ་ལ། །ཉེ་བར་བབས་ཤིང་མགྲིན་པའི་རྒྱན་གྱུར་པ། །
[98a.3]ལུང་བསྟན་བརྙེས་པའི་སྨྲ་མཁས་མཆོག་རྣམས་ཀྱིས། །ཡང་ཡང་བྱི་དོར་བྱས་འདི་འཁྲུལ་མེད་ཡིན། །གང་ལ་བདེར་གཤེགས་རྣམས་ཀྱིས་གཤེགས་གྱུར་ཅིང་། །གྲུབ་པ་རྣམས་ཀྱིས་སྙིང་པོར་བཅང་བའི་ལམ། །དེ་ལ་སེམས་ཡོད་སྐྱེ་བོས་སྨོས་
[98a.4]ཅི་དགོས། །བེམས་དངོས་རྣམས་ཀྱང་འདུད་པ་ལྷུར་ལེན་སྙམ། །ཚད་མེད་ཡོན་ཏན་གཏེར་གྱུར་བསྟན་པ་འདི། །གངས་ཅན་སྐྱེ་དགུའི་བསོད་ནམས་དོ་ར་རུ། །མངོན་པར་དྲངས་པའི་ཤིང་རྟ་ཆེར་གྱུར་པ། །ལོ་པཎ་ནོར་བུའི་ཕྲེང་བ་དངར་རྣམས་ཀྱི། །
[98a.5]བཀའ་དྲིན་ཚད་མེད་ཡིད་ལ་རྣམ་བཀོད་ན། །དད་པའི་སྤུ་ལོང་ཆེས་ཆེར་གཡོ་བཞིན་དུ། །ཞིང་གི་རྡུལ་སྙེད་ལུས་ཀྱིས་བྱང་ཆུབ་བར། །དེ་དག་སྤྱི་བོར་མཆོད་ལ་སུ་མི་སྤྲོ། །སྙིགས་མའི་གཟེབ་ནང་ལས་ཀྱི་ཞགས་པ་ཡིས། །དམ་པོར་བཅིངས་པའི་
[98a.6]དམན་པ་བདག་འདྲ་རྣམས། །དམ་པའི་མཛད་བཟང་འདི་ལྟའི་རྗེས་ཞུགས་ཏེ། །རྒྱལ་བསྟན་མ་ལུས་འཛིན་པའི་མཐུ་ཐོབ་ཤོག །བདེ་བར་གཤེགས་པའི་བཀའ་གངས་ཅན་གྱི་བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་
[98a.7]ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་ཟླ་འོད་གཞོན་ནུའི་འཁྲི་ཤིང་ལས་བསྟན་པ་དེ་ཛམྦུའི་གླིང་དུ་ཇི་ལྟར་བསྐྱངས་པའི་ཚུལ་རགས་པ་ཙམ་ཞིག་བཤད་པའི་ཡལ་འདབ་སྟེ་གཉིས་པའོ།། །།
[98b.1]༄༅། །ཛཱཛྫཱཏེཥུསཪྻྻཾརཏྣཱརཛཱཿསུཡནཱཏྲ། །སུབྷྲདྷརྨྨསམཱཁཱཏམབྷཡནྣརེནྡྲམེརུཏཱ། །
[98b.2]སྐྱེས་ནས་སྐྱེ་བར་ལེགས་བྱས་ཀྱི། །རིན་ཆེན་རྡུལ་མང་བསགས་པ་ལས། །རབ་དཀར་ཆོས་ཀྱི་རྫིང་བཞིན་དུ། །གྱུར་པ་མི་དབང་ལྷུན་པོ་བྱུང་། །
[99a.1]མི་བདག་ཕལ་ཆེར་འདོད་པ་ཡིས། །ཆང་གིས་རབ་དྲེགས་གླང་པོ་བཞིན། །རང་ཉིད་བཟའ་བའི་འདམ་བུ་ཡང་། །ཉེས་པ་མེད་པར་འཇོམས་པ་ཡོད། །འདི་ནི་བསྐལ་པར་བསོད་ནམས་ལ། །གོམས་པས་ཐོག་མར་གཞན་བསྲུངས་ཤིང་། །དེ་
[99a.2]ཡིས་རང་ཉིད་བདེ་བའི་རྒྱུ། །འབད་པ་མེད་པར་གྲུབ་པ་མཐོང་། །འགྲོ་བའི་བདེ་བ་ལེགས་སྤྱད་ལས། །དེ་ཡང་ཐུབ་མཆོག་གསུང་ལས་སྐྱེས། །དེ་ཡང་ཡི་གེ་ལ་བརྟེན་ཕྱིར། །མི་བདག་བློ་གྲོས་དེ་རྗེས་སོང་། །སྙིང་སྟོབས་དྲི་མེད་སྟོན་ཟླ་བཞིན། །གསལ་བས་བརྩོན་
[99a.3]འགྲུས་ཚེ་རྩོམ་པ། །ཆུ་གཏེར་ལྟ་བུར་འཕེལ་གྱུར་པས། །དཔག་བསམ་སར་པ་འདི་བྱུང་ངོ༌། །དེ་ལྟར་བསིལ་ལྡན་གྱི་ལྗོངས་འདིར་དམ་པའི་ཆོས་ཀྱི་དབུ་བརྙེས་པ་ནས་བཟུང་སྟེ་ད་ལྟའི་བར་དུ་བདག་ཅག་གི་སྟོན་པ་མཉམ་མེད་ཡང་དག་པར་རྫོགས་པའི་སངས་རྒྱས་ཤཱཀྱའི་དབང་
[99a.4]པོའི་གསུང་རབ་འཁྲུལ་པ་མེད་པ་ཅི་ཙམ་ཞིག་སྣང་བར་གྱུར་པ་དེ་དག་ལས་དེང་སང་ཕྱི་མོ་ཇི་ཙམ་སྙེད་པ་དག་མིའི་དབང་པོ་བསྟན་པ་ཚེ་རིང་ཡབ་སྲས་ཀྱི་བདག་རྐྱེན་ལས་པར་དུ་བསྒྲུབས་པའི་ཚུལ་གླེང་བ་ལ་གཉིས་ཏེ་བདག་རྐྱེན་བྱེད་པ་པོའི་ལོ་རྒྱུས་འཆད་པ་དང་། རྣམ་དཀར་གྱི་བྱ་བ་དངོས་
[99a.5]སྨོས་པའོ། །དང་པོ་ལ་ཡུལ་རིགས་ཡོན་ཏན་གསུམ་གྱི་སྒོ་ནས་འཆད་པ་ལ། དང་པོ་ནི་སྤྱིར་ཀི་ལཱ་ཤའི་ར་བས་ཡོངས་སུ་བསྐོར་བའི་ལྗོངས་བྱང་ཕྱོགས་བོད་ཀྱི་ཡུལ་འདི་ཉིད། འཇམ་དཔལ་རྩ་རྒྱུད་ལས། ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་
[99a.6]ལུང་བསྟན་པ་ལྟར་དང་པོར་མཚོ་ཡོད་པར་རིམ་གྱིས་བྲི་ནས་ནགས་ཚལ་སྟུག་པོ་རྒྱས་པར་གྱུར་པའི་སྐབས་ཤིག་ན། ཡུལ་གྲུ་འཛིན་ནས་ཐུགས་རྗེ་ཆེན་པོས་བྱིན་གྱིས་བརླབས་པའི་སྤྲེའུ་ཞིག་འོངས་པ་དེ་དང་བྲག་སྲིན་མོ་འདུས་པ་ལས། བོད་རྣམས་ཉེ་བར་མཆེད་པ་ཡིན་ཞེས་ཀྱང་ཟེར།
[99a.7]ལྷ་ལས་ཕུལ་བྱུང་གི་བསྟོད་འགྲེལ་ལས། ཁྱབ་འཇུག་གིས་ནི་འཐབ་དཀའ་ཞེས་བྱ་བ་ལ་སོགས་པའི་རིགས་བརྒྱུད་བརླག་པར་གྱུར་པ་ཡིན་ཏེ། འདི་ལྟར་ཁྱབ་འཇུག་གིས་འཐབ་དཀའ་ལ་དྲིས་པ། དཔུང་ཚོགས་བཅོ་བརྒྱད་ཁྱེར་རམ། འོན་ཏེ་ནོར་ལྷ་གཅིག་པུ་ཁྱེར་ཞེས་དྲིས་
[99b.1]པ་དང་། དེས་དཔུང་གི་ཚོགས་རྣམས་ཁྱེར་རོ་ཞེས་སྨྲས་པ་དང་། དེས་ཞེ་འགྲས་པར་གྱུར་ནས། ཁྱབ་འཇུག་གིས་སྐྱ་བསེང་གི་ཕྱོགས་བྱས་ཏེ་གཡུལ་ངོར་ཆས་པ་ན། སྲིད་སྒྲུབ་ཀྱིས་ཀུན་དུ་བལྟས་ཏེ་སྨྲས་པ། ཁོ་བོས་ནི་ཉེ་དུའི་ཚོགས་གསོད་པར་མི་ནུས་ཏེ། གང་
[99b.2]གི་དོན་དུ་རྒྱལ་སྲིད་ཐོབ་པར་འདོད་པའི་ཉེ་དུའི་ཚོགས་དེ་ཇི་ལྟར་གསད་པར་བྱ་ཞེས་སྨྲས་ཏེ་སྲིད་སྒྲུབ་འཐབ་པ་ལས་ལྡོག་པར་གྱུར་པ་དང་། ཁྱབ་འཇུག་གིས་སྨྲས་པ། ཁྱེད་ནི་བླུན་པ་ཡིན་ཏེ། གང་གིས་མི་ནི་གསད་པ་དང་། །གང་ཞིག་གསོད་པར་བྱེད་པ་དག །དེ་
[99b.3]དག་གཉི་ག་མི་དམིགས་ཏེ། །གསད་དང་གསོད་པ་པོ་ཡོད་མིན། །རིགས་དང་འདུལ་བ་ཕུན་སུམ་ཚོགས། །བྲམ་ཟེ་བ་ལང་གླང་པོ་དང་། །ཁྱི་དང་སྨེ་ཤ་ཅན་དག་དང་། །མཁས་པ་རྣམས་ནི་མཉམ་པར་ལྟ། །ཞེས་བྱ་བ་ལ་སོགས་པ་མེད་པར་ལྟ་བའི་ཚིགས་སུ་བཅད་པ་མང་
[99b.4]པོ་བསྟན་ཅིང་། སྣ་ཚོགས་པའི་གཟུགས་བསྟན་པས་བསླུས་ནས། སྲིད་སྒྲུབ་ཀྱི་ཁ་ལོ་བ་རང་ཉིད་ཀྱིས་བྱས་ཏེ། གཡུལ་བཀྱེ་བས་འཐབ་དཀའི་རིགས་དཔུང་གི་ཚོགས་བཅོ་བརྒྱད་དང་བཅས་པ་བརླག་པར་གྱུར་ཏོ། །རཱུ་པ་ཏི་ཞེས་བྱ་བའི་རྒྱལ་པོ་དཔུང་གི་ཚོགས་གཅིག་དང་བཅས་
[99b.5]པ་གཡུལ་འགྱེད་པའི་ཚེ་བུད་མེད་ཀྱི་ཆ་ལུགས་སུ་བྱས་ཏེ་བྲོས་ནས་རི་ཁ་བ་ཅན་གྱི་རི་ཁྲོད་དུ་ཞུགས་ཏེ་གནས་པའི་རིགས་ལས་དེང་སང་ནའང་བོད་ཅེས་བྱ་བར་གྲགས་པ་ཡིན་ནོ། །ཞེས་འབྱུང་བ་སོགས་འཆད་ཚུལ་སྣ་ཚོགས་ཞིག་སྣང་བ། གང་ལྟར་ཡང་ཡུལ་འདིའི་སྐྱེ་བོ་དག་ལ་འཕགས་
[99b.6]པ་ཐུགས་རྗེ་ཆེན་པོས་བྱིན་གྱིས་བརླབས་ཀྱིས་སྐྱོང་བར་མཛད་པ་ཞིག་ནི་གོར་མ་ཆག་ལ། དེ་ལྟ་བུའི་མི་ཡི་སྐྱེ་བོ་རྣམས་ཀྱིས་ཡུལ་ལྗོངས་རིམ་པས་ལོངས་སྤྱོད་དུ་གྱུར་པ་ནས་བཟུང་། ཡུལ་དབུས་དག་ཏུ་ནགས་ཚལ་ཡང་རིམ་གྱིས་མེད་པར་གྱུར་ཏེ། གྲོང་དང་གྲོང་ཚོམ་དང་གྲོང་རྡལ་
[99b.7]དང་རྒྱལ་པོའི་ཕོ་བྲང་དང་གཙུག་ལག་ཁང་ལ་སོགས་པས་ཀུན་ནས་བརྒྱན་པ་འདི་ལྟ་བུ་བྱུང་ངོ་། །དེའང་ཡུལ་སྤྱིའི་དགེ་མཚན་གྱི་དབང་དུ་བྱས་ན་ཆོས་རྒྱལ་སྲོང་བཙན་སྒམ་པོས། དེ་ལྟར་འཕགས་པའི་གང་ཟག་རྣམས་འབྱུང་ཞིང་། །འཁོར་ནི་ལེགས་གནས་སྟོན་པའི་གསུང་རབ་དང་། །
[100a.1]སྟོན་པའི་སྐུ་གཟུགས་དངོས་སུ་བཞུགས་པ་དང་། །རི་བོ་ཡོན་ཏན་ཅན་ཡང་དེ་ན་ཡོད། །ཙཱ་རི་ཙ་གོང་བདེ་མཆོག་རང་བྱུང་དང་། །རྡོ་ཆུ་རིན་པོ་ཆེ་ཡང་དེ་ན་ཡོད། །ཏི་སེའི་གངས་ལ་དགྲ་བཅོམ་ལྔ་བརྒྱ་བཞུགས། །བདུད་རྩིའི་ཆུ་ཡང་རི་བོ་དེ་ན་ཡོད། །
[100a.2]གྱེ་རེའི་བྲག་ལ་ཡིག་དྲུག་རང་བྱུང་དང་། །མཁའ་འགྲོའི་ཕྱག་རྒྱ་རི་བོ་དེ་ན་ཡོད། །མ་པང་མཚོ་ལ་ཀླུ་རྒྱལ་བྱང་སེམས་གནས། །ཆུ་བོ་ཡོན་ཏན་ཅན་ཡང་དེ་ན་ཡོད། །ཁྲི་བཤོས་རྒྱ་མཚོའི་ཀླུ་བློན་བྱང་ཆུབ་སེམས། །ཆུ་བོ་ཆེན་པོ་ཀུན་ལ་ཕན་པར་མཛད། །གནམ་མཚོ་
[100a.3]ཕྱུག་མོའི་ནང་ན་བྱང་ཆུབ་སེམས། །ཐང་ལྷའི་བྲག་ལ་དགྲ་བཅོམ་ལྔ་བརྒྱ་ཡོད། །སྦུབས་མཚོའི་གླིང་ན་ཀླུ་རྒྱལ་བྱང་ཆུབ་སེམས། །ཁའུའི་གངས་ལ་དགྲ་བཅོམ་མང་པོ་ཡོད། །རི་མཐོ་ས་གཙང་གངས་རི་གཉན་གྱིས་བསྐོར། །སྒྲ་དག་སྐད་སྙན་སཾ་སྐྲྀ་ཏ་དང་མཚུངས། །མི་
[100a.4]སྐད་ཆོས་ལ་བསྒྱུར་དུ་བཏུབ་པའི་སྒྲ། །ཡངས་ཤིང་མཐའ་ལེགས་ཡོན་ཏན་ཀུན་ལྡན་པ། །དེ་ལྟར་ཁ་བ་ཅན་གྱི་ཡུལ་དབུས་སུ། །ཞེས་སོགས་ཀྱིས་བསྔགས་པ་མཛད་པ་ལྟར་དང་། གམ་འབྲོག་རྒྱང་འབྲོག་རྩྭ་ཡི་དགེ། །ཁང་ས་ཞིང་ས་ས་ཡི་དགེ། །འཐུང་ཆུ་ཡུར་ཆུ་ཆུ་
[100a.5]ཡི་དགེ། །ཁང་རྡོ་འཐག་རྡོ་རྡོ་ཡི་དགེ། ཁང་ཤིང་བུད་ཤིང་ཤིང་གི་དགེ། །ཞེས་སོགས་བཤད་པ་ལྟར་དགེ་བཅུ་ཚང་ཞིང་ཁྱད་པར་དུ་མཁས་ཤིང་གྲུབ་པ་བརྙེས་པའི་སློབ་དཔོན་ཆེན་པོ་དང་། སྤྲུལ་པའི་ཆོས་ཀྱི་རྒྱལ་པོ་ལ་སོགས་པ་བྱང་ཆུབ་སེམས་དཔའ་ས་ཆེན་པོ་ལ་
[100a.6]གནས་པ་རྣམས་དང་། བདེ་བར་གཤེགས་པའི་སྤྲུལ་པའི་སྐུ་དུ་མ་བགྲང་བར་མི་སྤྱོད་པ་དག་གིས་བྱིན་གྱིས་བརླབས་ཤིང་ཡོངས་སུ་སྐྱོང་བར་མཛད་ཅིང་སྙིགས་མའི་དུས་སུ་སྟོན་པ་ཉིད་ཀྱིས་ལུང་དུ་བསྟན་པ་ལྟར་རྒྱལ་བའི་བསྟན་པ་ཆེས་ཆེར་གསལ་བར་གྱུར་པའི་གནས་ཕུན་སུམ་
[100a.7]ཚོགས་པ་སྟེ། གསང་སྔགས་རྡོ་རྗེ་ཐེག་པ་ལྟར་ན། རྡོ་རྗེ་མཁའ་འགྲོའི་རྒྱུད་ལས། བོད་ཡུལ་དུ་ནི་ལྷན་སྐྱེས་ཏེ། །ཞི་ཞིང་གསལ་བའི་གཟུགས་ཅན་མ། །ཆུ་སྲིན་རྒྱལ་མཚན་ལག་ན་ཐོགས། །བྲག་གི་ཁྱིམ་ལ་བརྟེན་ཏེ་གནས། །རང་བྱུང་གི་ནི་སྐྱེ་གནས་ཅན། །ཞེས་ཡུལ་
[100b.1]ཉི་ཤུ་རྩ་བཞིའི་ཡ་གྱལ་དུ་གསུངས་ཤིང་། བོད་ཉིད་ཀྱི་ནང་གསེས་སུའང་རྡོ་རྗེའི་གནས་ཆེན་པོ་རྣམས་ཅི་རིགས་པར་ཚང་བ་ཡིན་ཏེ་གྲུབ་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱིས་ནང་གི་རྟེན་འབྲེལ་ཁྱད་པར་བ་རྣམས་བསྒྲིགས་པའི་ཡུལ་གྱི་གནད་གསང་ཐམས་
[100b.2]ཅད་མ་ཚང་བ་མེད་པར་ཡོད་པའི་ཕྱིར་རོ། །དེ་ལྟ་བུའི་ཡོན་ཏན་དང་ལྡན་པའི་བསིལ་ལྡན་གྱི་ལྗོངས་སམ། ལྷ་མོ་དྲི་མ་མེད་པའི་འོད་ལུང་བསྟན་པའི་མདོ་ལས་གདོང་དམར་ཅན་གྱི་ཡུལ་དུ་གསུངས་པ་འདི་ཉིད་ལ་བོད་དང་བོད་ཆེན་པོ་ཞེས་གཉིས་སུ་གྲགས་པ་ལས། བོད་ཆེན་
[100b.3]པོའི་ལྗོངས་འདི་ནི་བོད་སྤྱིའི་འདྲ་དཔེ་སྟོད་དུ་མངའ་རིས་སྐོར་གསུམ་རྫིང་ལྟ་བུ་དང་། །བར་དུ་དབུས་གཙང་རུ་བཞི་ཡུར་བ་ལྟ་བུ་དང་། སྨད་དུ་མདོ་ཁམས་སྒང་དྲུག་ཞིང་ལྟ་བུའི་ཚུལ་དུ་བཤད་པའི་ཕྱི་མ་ཡིན་ཞིང་། དེ་ལས་མདོ་ཁམས་སྨད་དུ་གཏོགས་པའི་སའི་ཆ་གླིང་གི་ཡུལ་ཞེས་བྱ་བ་
[100b.4]འདི་ནི་སྒང་དྲུག་ལས་ཟལ་མོ་སྒང་དུ་གྲགས་པ་སྟེ། ཆུ་བོ་ཆེན་པོ་བཞི་ལས་འབྲི་དང་ཤར་ཟླའི་ཆུ་ཀླུང་ཆེན་པོ་གཉིས་ཀྱི་བར་དུ་ཆུད་པ། བདེ་གཤེགས་ཕག་མོ་གྲུ་པ་དང་། ཀཐོག་པ་དམ་པའི་མཚན་ཅན་དང་། གྲུབ་ཆེན་གསལ་སྟོང་ཤོ་སྒོམ་དང་། གྲུབ་པའི་དབང་ཕྱུག་ཀརྨ་
[100b.5]པཀྵི་དང་། རྒྱལ་བའི་སྲས་པོ་སྤོམ་བྲག་པ་ལ་སོགས་པ་གྲུབ་པ་བརྙེས་པའི་རྡོ་རྗེ་སློབ་དཔོན་མང་པོ་བསམ་བཞིན་དུ་སྲིད་པ་ཉེ་བར་བཟུང་ཞིང་། དེ་དག་ལ་སོགས་པ་མཁས་ཤིང་གྲུབ་པའི་རྒྱལ་བའི་སྲས་པོ་མང་པོས་ཞབས་ཀྱིས་བཅགས་ཤིང་བྱིན་གྱིས་བརླབས་པས་སྐྱེ་དགུ་རྣམས་རང་
[100b.6]བཞིན་གྱིས་དགེ་བ་ཅན་དུ་གནས་པའི་ཡུལ། སློབ་དཔོན་པདྨ་སཾ་བྷ་ཝ་ལ་སོགས་པའི་སྤྱན་སྔར་དམ་མནོས་པའི་འབྱུང་པོ་ཆེན་པོ་དཀར་ཕྱོགས་ལ་དགའ་བ་རྣམས་ཀྱིས་ཡོངས་སུ་སྲུང་ཞིང་བདེ་བར་གཤེགས་པའི་བསྟན་པ་གཙོ་བོར་སྒྲུབ་པ་ཉམས་ལེན་གྱི་སྒོ་ནས་ཆེས་ཤིན་ཏུ་གསལ་བའི་
[100b.7]ཕྱོགས། བསྔགས་པ་དུ་མས་བསྔགས་པར་འོས་པ་འདི་ཉིད་དོ། །དེ་ལས་ཀྱང་ལེགས་བྱས་རྒྱ་ཆེན་པོ་འདི་མངོན་པར་འདུ་བྱེད་པའི་ཡུལ་དངོས་ནི་གཡས་རི་གཡུ་འབྲུག་འགྱིང་བ་ལྟ་བུ། གཡོན་རི་སེང་གེ་གནམ་དུ་འཕྱོ་བ་ལྟ་བུ། རྒྱབ་རི་ཤེལ་གྱི་མཆོད་རྟེན་ལྟ་བུ། མདུན་རི་གླང་པོ་ཆེ་འདུད་
[101a.1]པ་ལྟ་བུ། གསེར་ལྡན་གྱི་རྒྱུན་དབང་གི་ཕྱོགས་ནས་དལ་བུའི་འབབ་པ་སོགས་སའི་དཔྱད་ལེགས་རྒུ་མ་ཚང་བ་མེད་པའི་དབུས་སུ་དཔལ་ས་ལྡན་ལྷུན་གྲུབ་སྟེང་གི་ཆོས་གྲྭ་ཆེན་པོ། དགེ་འདུན་གྱི་སྡེ་རྣམས་ཀྱང་། རྗེ་བཙུན་ས་སྐྱ་པ་ཆེན་པོ་ཡབ་སྲས་ནས་ཉེ་བར་
[101a.2]བརྒྱུད་དེ། རྗེ་བཙུན་ཐམས་ཅད་མཁྱེན་པ་རྡོ་རྗེ་འཆང་ཀུན་དགའ་བཟང་པོས་ངེས་གསང་གི་གནད་ཐམས་ཅད་ལེགས་པར་ཕྱེ་བའི་རྒྱུན་དྲི་མ་མེད་པ་འཛིན་པར་མཛད་ཅིང་། ཀློག་པ་ཐོས་བསམ་གྱི་འཁོར་ལོ་དང་། བྱ་བ་ནན་ཏན་གྱི་འཁོར་ལོ་རྣམ་པ་གཉིས་ཀྱིས་དུས་འདའ་བ་
[101a.3]རྒྱུད་སྡེ་མང་པོའི་བསྐྱེད་རྫོགས་ཀྱི་རྣལ་འབྱོར་ཟབ་མོ་དང་། དཀྱིལ་འཁོར་གྱི་ལས་རབ་འབྱམས་དང་། སྨིན་གྲོལ་གྱི་བཀའ་ཟབ་མོ་སོགས་མ་ནུབ་ཅིང་ཆེས་གསལ་བ་སོགས་རྣམ་གྲངས་དུ་མས་བསྔགས་པར་འོས་པ་འདི་ཉིད་དུ། རྒྱལ་ཁབ་ཀྱི་ཕོ་བྲང་ཆེན་པོ། བདེ་བར་གཤེགས་
[101a.4]པའི་སྐུ་གཟུགས་ལུགས་མ་དང་། རི་མོར་བྲིས་པ་སོགས་དང་། སྡེ་སྣོད་གསུམ་གྱི་པུསྟ་ཀ་དུ་མ་སོགས་རིན་ཐང་དང་བྲལ་བའི་རིན་པོ་ཆེའི་ཚོགས་དུ་མས་བྱུར་བུར་བཀང་བས་གཙུག་ལག་ཁང་ཆེན་པོར་གྱུར་པ། འཕགས་ཡུལ་གྱི་རནྡྷ་ཀུ་ཊ་བི་ཧ་ར་ཇི་ལྟ་བ་བཞིན་དུ་གྲགས་པ་
[101a.5]མངོན་པར་གསལ་བ་འདིའོ། །གཉིས་པ་དེ་ལྟ་བུའི་ཡུལ་དུ་བྱུང་བའི་མིའི་དབང་པོ་འདིའི་རིགས་རྒྱུད་ཀྱི་ཁྱད་པར་ནི། མི་དབང་འདི་ཉིད་ཀྱི་དྲུང་ཡིག་པ་འཇམ་དབྱངས་དགའ་བའི་བློ་གྲོས་ཀྱིས་ཡིག་ཚང་ཁུངས་མ་ལས་བཏུས་པའི་གཏམ་གྱི་སྦྱོར་བ་བྱས་པ་ལྟར་འགོད་ན། །དེའང་
[101a.6]བོད་ཆེན་པོའི་ལྗོངས་འདིར་སྤྱིར་སྒྲ་འབྲུ་སྟོང་སྒ་སྟེ་རུས་ཆེན་བཞི་དང་། སྒོ་ལྷ་སྡེ་དཀར་པོའི་རིགས་ཏེ་མི་རིགས་ལྔ་བྱུང་བར་གྲགས་པ་ལས་ཕྱི་མ། དེ་ལས་ཀྱང་བྱེ་བྲག་ཏུ་རྔུ་ཆེན་རྒྱལ་མོ་ཚོ་བཅོ་བརྒྱད་དུ་གྲགས་པ་འགར་ཀེ་འགོལ་གསུམ། གསུང་གསེར་འབྲོམ་གསུམ། ཅི་འབུ་
[101a.7]གཞག་གསུམ། ཤོལ་སྟག་ཕྱིང་གསུམ། གཅེ་སིང་རམ་གསུམ། ཕྱུག་པོ་བུ་གསུམ་རྣམས་ལས་འགར་གྱི་རིགས་འགར་ཆེན་ཡེ་ཤེས་བཟང་པོ་དང་། འགར་དམ་པར་གྲགས་པ་སྐུ་མཆེད་གཉིས་བྱུང་སྟེ། དེ་ལས་ཕྱི་མ་ནི། དྲུང་ཡིག་པས་བཀོད་པའི་ཡི་གེ་དེ་ཉིད་དང་བསྟུན་ན་སྤོ་བོ་ཕུ་ལུང་
[101b.1]དགོན་པ་སོགས་དང་སྦྱར་བས་ལོ་རྒྱུས་མ་དག་པ་མ་གཏོགས་འགར་དམ་པ་ཆོས་སྡིངས་པ་ཡིན་པར་མངོན་ཏེ། དེ་ནི་སིངྷ་ལའི་སློབ་དཔོན་ཨཱརྱ་དེ་ཝའི་རྣམ་འཕྲུལ་དུ་གྲགས། ཡབ་མེས་རྣམས་རྡོ་རྗེ་འཇིགས་བྱེད་ཀྱི་རྣལ་འབྱོར་པ་ཡིན་པས་སྐུ་ཆུང་ངུའི་དུས་ནས་འཇིགས་བྱེད་
[101b.2]ལ་ཐུགས་དམ་མཛད། འབྲི་ཁུང་དུ་བྱོན་ནས་འཇིག་རྟེན་གསུམ་གྱི་མགོན་པོ་བརྟེན་ཏེ་གྲུབ་པའི་དབང་ཕྱུག་ཆེན་པོར་གྱུར། ཙ་རིར་བྱོན་ཏེ་གསང་སྔགས་ཀྱི་སྤྱོད་པ་བསྐྱངས། དྭགས་པོ་འགར་ཕུག་ཏུ་བཞུགས་པའི་ཚེ་བོད་ཀྱི་ལྷ་འདྲེ་ཐམས་ཅད་འདུས་ནས་སྐུ་ལུས་ཟངས་ཐལ་
[101b.3]དུ་འགྲོ་བའི་མཚོན་ཆ་མང་པོ་བརྒྱབ་ཀྱང་ཉམ་ང་མེད་པས་ཐམས་ཅད་ཀྱིས་སྐྱབས་སུ་སོང་སྟེ་སྲོག་སྙིང་ཕུལ། ཕྲིན་ལས་མང་པོ་མཛད་ནས་ཕྱིས་སྤོ་བོར་ཕེབས། དེར་ཆོས་ཡེ་མི་དར་བ་ལ་རྫུ་འཕྲུལ་དང་ཐབས་མཁས་ཀྱིས་སྐྱེ་བོ་དད་པར་བྱས་ནས་ཕུ་ལུང་དགོན་པ་རིན་ཆེན་གླིང་གི་གཞི་
[101b.4]བཏིང་ནས་ཞི་བར་གཤེགས། དེ་ནས་ཉིད་ཀྱི་དབོན་པོ་ཨུ་རྒྱན་ལ་སོགས་པ་ཁམས་ནས་འོངས་ཏེ་དེའི་འཕྲོ་བསྐྱངས། དེ་ལས་དབོན་རྒྱུད་རིམ་བྱུང་བ་ཕུ་ལུང་སྡེ་པ་ཐོག་ཀ་བར་གྲགས་ཏེ་དུས་ཕྱིས་ཀྱི་བར་དུ་ཡོད་དོ། །འགར་ཆེན་ཡེ་ཤེས་བཟང་པོས་སླང་མདོ་དྲུག་གིས་འཆི་བདག་
[101b.5]གིར་མཛད་དེ། དེའི་སྲས་གཉིས་ཀྱི་བསོད་ནམས་རིན་ཆེན་གྱིས་འགྲོ་མགོན་ཆོས་རྒྱལ་འཕགས་པའི་ཞབས་པད་ས་བརྟེན་ནས་གསོལ་དཔོན་གྱི་ལས་ཀ་བཟུང་། གོང་མ་སེ་ཆེན་གན་གྱིས་དམག་དང་འཇའ་ས་སོགས་བྱིན་ཏེ་ཆེན་པོའི་གོ་སར་དབང་བསྐུར། དེ་ནས་སྐུ་ཚེའི་སྨད་ལ་ས་དམར་
[101b.6]ཡང་དགོན་དུ་ཚོགས་པ་སྟོང་ཕྲག་ཙམ་བསྐྱངས། དེའི་དབོན་པོ་རྔུ་རྒུ་རུ་ལ་སྲས་དགུ་བྱུང་བའི་ནང་ནས་སྟོང་དཔོན་ཟླ་བ་བཟང་པོ་ཞེས་པ་ལ་གོང་མ་མཆོད་ཡོན་གྱིས་ས་དམར་སྟོང་དཔོན་གྱི་ལས་ཀ་གནང་བས་མངོན་པར་མཐོ་བ་བྱུང་། དེའི་སྲས་གཉིས་ལས་རྡུ་རྒྱལ་བ་བཟང་པོའི་སྲས་པདྨ་
[101b.7]བསྟན་སྲུང་། དེའི་སྲས་དཀར་ཆེན་བྱང་ཆུབ་འབུམ། དེའི་སྲས་རྡུ་ཆོས་རྡོར་བ་ནི་གསང་ཆེན་རྙིང་མའི་གྲུབ་ཐོབ་ཆེན་པོར་གྱུར། དེའི་མཆེད་ཡོ་དགེ་འདུན་རྒྱལ་མཚན་གྱི་སྲས་མགོན་པོ་གཟུངས་སོགས་ལས་བརྒྱུད་དེ་དེང་སང་གི་བར་དུ་ས་དམར་ཕྱོགས་འདིར་རྒྱུན་མ་ཆད་པར་ཡོད་དོ། །
[102a.1]དཀར་ཆེན་བྱང་ཆུབ་འབུམ་གྱི་སྲས། བདེ་ཆེན་བསོད་ནམས་བཟང་པོ་ཞེས་པ་ཡུམ་འདས་པའི་དགོངས་རྫོགས་བསྒྲུབ་པར། ཀཐོག་རྡོ་རྗེ་གདན་དུ་བྱོན་ནས་ཕྱིར་མ་ལོག་པས། མཆེད་གཞན་གྱིས་སླར་འགུགས་པར་བཏང་རྩིས་
[102a.2]ལ། ཀརྨ་པ་ཆོས་གྲགས་རྒྱ་མཚོའི་ཞལ་སྔ་ནས་དང་། རྔུ་ཆོས་རྡོར་བ་དཔོན་སློབ་ཟུང་གིས་ཁོ་བོས་ཀྱང་འོང་བ་མི་ཡོང་མོད། འོན་ཀྱང་གྲུབ་ཐོབ་ཆེན་པོ་ཞིག་གིས་བྱིན་གྱིས་བརླབས་པའི་གནས་ས་བཀྲ་ཤིས་རྟགས་བརྒྱད་ཀྱི་དབྱིབས་སུ་བྱས་པ་
[102a.3]ཞིག་ཏུ་རིམ་གྱིས་དབང་བསྒྱུར་ནས། བརྒྱུད་པ་ཇེ་བཟང་དུ་འགྲོའོ་ཞེས་ལུང་བསྟན་མཛད། ཕྱིས་དེ་ཇི་ལྟ་བ་བཞིན་ཐོག་ཏུ་ཁེལ་བ་བྱུང་སྟེ། བསོད་ནམས་བཟང་པོ་དེ་ཉིད་རིམ་གྱིས་ལྕགས་ར་ན་གླིང་ཆེན་པོ་བདག་དྲུག་གི་སྤྱན་སྔར་འབྱོར། སྡེ་དགེ་
[102a.4]ཞེས་པའི་མཚན་ཡང་འདི་སྐབས་ཙམ་ནས་བྱུང་བར་གྲགས། དེ་ལ་སྲས་བཞི་བྱུང་བའི་གཉིས་པ་བོ་ཐར་དུ་གྲགས་པ་དེས་གྲུབ་པའི་དབང་ཕྱུག་ཐང་སྟོང་རྒྱལ་པོ་སྤྱན་དྲངས་ཏེ་གུས་པས་མཆོད། གྲུབ་ཆེན་གྱིས་དངུལ་མདའི་སྲིབ་རིའི་གཤམ་དུ་ཀླུ་གནས་
[102a.5]པའི་མཚོ་ཆུང་ངུ་ཞིག་ཡོད་པ་རྫུ་འཕྲུལ་གྱིས་བསུབས་ནས། དེར་གཙུག་ལག་ཁང་རྟེན་དང་བརྟེན་པར་བཅས་པ་བཞེངས་ཏེ། ཆོས་སྡེ་ཆེན་པོ་དཔལ་ལྷུན་གྲུབ་སྟེང་དུ་གྲགས་པ་འདིའི་བསྟན་པའི་རྨང་ཐོག་མར་ཚུགས། གཙུག་ལག་གཉི་གའི་རྟེན་འབྲེལ་གྱི་
[102a.6]སྒོ་ལྷུན་གྲུབ་ཏུ་འགྲིག་པར་གྱུར། དེའི་སྲས་གཉིས་ལས་བླ་མ་དཔལ་ལྡན་སེང་གེས་སྔར་གྱི་གཙུག་ལག་ཁང་ཡོད་པའི་ཉིན་རིའི་ཕྱོགས་སུ་འདུས་སྡེ་བཙུགས་པ་ལ་དེང་སང་ཉིན་དགོན་དུ་གྲགས། །ཅིག་ཤོས་རྒྱལ་མཚན་འབུམ་ལ་སྲས་བཞི་བྱུང་བའི་ཨ་སྔ་ཟེར་བ་
[102a.7]ལ་སྲས་བདུན་ཙམ་བྱུང་བའི་ཇོ་གདན་ནམ་མཁའ་ལྷུན་བཟང་གིས། རྡོ་རྗེ་འཇིགས་བྱེད་ལ་ཐུགས་དམ་ནན་ཏན་དུ་མཛད་པས། ཉེ་འཁོར་བ་རྣམས་ཀྱིས་རྡོ་རྗེ་འཇིགས་བྱེད་དུ་མཐོང་བ་དང་། བཟླས་པ་དུང་ཕྱུར་གྲུབ་པའི་ཚེ་ལྔགས་ཐོག་ཏུ་ལྕགས་ཀྱི་རིལ་བུ་རང་
[102b.1]རྡོལ་དུ་བྱུང་བ་སོགས་གྲུབ་པའི་མཚན་མ་བརྙེས། དེའི་མཆེད་ཡ་རྒྱལ་འཕེལ་ལ་སྲས་གསུམ་བྱུང་བའི་སྡེ་དགེ་ཀུན་དགའ་རིན་ཆེན་ནི་ལྷུན་གྲུབ་སྟེང་གི་བླ་བྲང་གི་ལྷ་ཁང་བཞེངས་པ་སོགས་སྐུ་བསོད་རྒྱས་པའི་འགོ་ཚུགས། བསྙེན་བསྒྲུབ་གནང་བའི་ཚེ་གཟིམས་
[102b.2]ཁང་ཐམས་ཅད་མེའི་ཕུང་པོར་གྱུར་པ་ཐམས་ཅད་ཀྱིས་མངོན་སུམ་དུ་མཐོང་བ་བྱུང་། དེའི་གཅུང་དབོན་ནམ་མཁའ་དང་རྡོ་རྗེ་ལྷུན་གྲུབ་གཉིས་བྱུང་བའི་ཕྱི་མ་ལས་ཉེ་བར་བརྒྱུད་དེ་ད་ལྟ་བླ་མ་བཀྲ་ཤིས་རྒྱ་མཚོ་སོགས་བཞུགས་པ་འདིའི་བར་རོ། །སྔ་མའི་སྲས་ལྷུན་
[102b.3]ཐུབ། དེ་ལ་སྲས་དྲུག་བྱུང་བའི་དང་པོ་ནི་རིག་འཛིན་རྒོད་ལྡེམ་ཅན་གྱི་སྤྲུལ་པའི་ཟློས་གར་དུ་གྲགས་པ་གྲུབ་ཐོབ་ཀུན་དགའ་རྒྱ་མཚོ་སྟེ། འདིས་གསང་སྔགས་གསར་རྙིང་སྤྱི་དང་། ཁྱད་པར་དུ་སྔགས་རྙིང་མའི་ཆོས་ཀྱིས་གྲུབ་པའི་མཚན་མ་བརྙེས། ལྐོག་
[102b.4]གྱུར་གྱི་གནས་ལུགས་སྟོན་པ་དང་། སྣང་བ་བདེན་མེད་དུ་གཟིགས་པས་སྲ་མཁྲེགས་ཀྱི་རྡོ་བ་འདམ་ལྟར་རྫི་བ་དང་། འབྱུང་པོ་གདུག་པ་ཅན་མང་པོ་འདུལ་བ་སོགས་ངོ་མཚར་གྱི་མཛད་པ་སྣ་ཚོགས་ཞིག་བསྟན་པར་གྲགས། གསུམ་པ་བླ་མ་དམ་ཆོས་ལྷུན་
[102b.5]གྲུབ་བམ། བྱམས་པ་ཕུན་ཚོགས་ཅེས་པ་དེས་སྔོན་གྱི་བསོད་ནམས་ཀྱི་ལས་ཤུགས་ཆེས་ཆེར་བདོ་བས་ཆབ་སྲིད་སྐྱོང་བའི་བྱ་བ་གཙོ་བོར་མཛད་ཅིང་། རིས་མེད་ཀྱི་ཆོས་སྡེ་མང་པོའི་བདག་པོར་གྱུར། ལྔ་བ་བླ་མ་ལྷ་སྲུང་ཐུགས་དམ་འབའ་ཞིག་ལ་བརྩོན་པར་
[102b.6]མཛད། དྲུག་པ་བླ་མ་ཀརྨ་བསམ་འགྲུབ་ཀརྨ་ཀཾ་ཚང་གི་གྲུབ་མཐའ་འཛིན་པ་ཞིག་སྟེ་དབོན་པོ་སྟོད་དུ་བཞུགས། སྲས་གཉིས་པ་དང་བཞི་བ་གཞིས་ཀར་བཞུགས་པའི་སྔ་མ་དབོན་ཀླུ་འཕེལ་གྱི་སྲས་རྣམས་ལས། དཔོན་ཆེན་ཀུན་དགའ་ཕུན་ཚོགས་ཀྱིས་ས་
[102b.7]སྐྱོང་དམ་པ་བྱམས་པ་ཕུན་ཚོགས་སྐུ་གཤེགས་ནས་གདན་སའི་ཁྲིར་ཕེབས་ཏེ། ལུགས་གཉིས་ཀྱི་སྲོལ་བཟང་པོ་བསྐྱངས་བར་མཛད་དོ། །ཁྱད་པར་གཏེར་གཞུང་འགའ་ཞིག་ལས་ཅོག་རོ་ཀླུའི་རྒྱལ་མཚན་གྱི་སྤྲུལ་པའི་ཟློས་གར་དུ་བཤད་པ་ཁྲི་ཆེན་སངས་རྒྱས་
[103a.1]བསྟན་པ་ནི། ལེགས་བྱས་ཀྱི་མཐུ་རྒྱ་ཆེན་པོས་འགྲན་དུ་མེད་པའི་དབང་བརྙེས་པར་གྱུར་ཏེ་གདན་སར་བཞུགས་ཁྲིར་ཕེབས་ནས་བདེ་བར་གཤེགས་པའི་བསྟན་པ་རིས་སུ་མ་ཆད་པ་ལ་མཆོད་པ་དང་བསྙེན་བཀུར་བ་དང་། གཙུག་ལག་ཁང་དང་འདུས་
[103a.2]པའི་སྡེ་མང་པོའི་ཉམས་གསོ་གསར་སྤེལ་སོགས་དང་། རྒྱལ་ཁམས་ལ་བྱམས་པས་གཟིགས་པའི་བཀའ་ཁྲིམས་དྲང་པོས་ཕན་བདེར་མཛད་པ་སོགས་ལུགས་གཉིས་ཀྱི་སྲོལ་བཟང་པོས་མངའ་རིས་ཐམས་ཅད་དཀར་པོར་བསྒྱུར་བར་མཛད། འདིའི་ཡུམ་མི་གཅིག་
[103a.3]པའི་གཅེན་པོ་དཔོན་ཨུ་རྒྱན་བཀྲ་ཤིས་སྲས་ས་སྐྱོང་བླ་མ་བསོད་ནམས་ཕུན་ཚོགས་ཀྱིས་དེའི་རྗེས་སུ་ཁྲི་བསྐྱངས་ཏེ། དེ་ནི་ཐུགས་སྒམ་ཞིང་ངང་རིང་བ། དཀྱེལ་ཆེ་བ་སོགས་ཡ་རབས་ཀྱི་སྐྱེས་བུའི་ཡོན་ཏན་དང་ལྡན་པ་ཞིག་གོ། །དེའི་མཆེད་ཡར་གྱུར་པ་དཔོན་དབང་
[103a.4]ཆེན་མགོན་པོའི་སྲས་མིའི་དབང་པོ་བསྟན་པ་ཚེ་རིང་ནི་ད་ལྟ་བཞུགས་ཁྲིར་ཕེབས་ནས་སྲིད་སྐྱོང་བཞིན་པ་ཡིན་ཏེ། འདི་ནི་རྣམ་དཀར་གྱི་བྱ་བ་རྒྱ་ཆེན་པོ་འདི་འགྲུབ་པའི་བདག་རྐྱེན་དངོས་སོ། །གསུམ་པ་བདག་རྐྱེན་བྱེད་པ་པོ་དེའི་ཡོན་ཏན་རང་ཉིད་ཀྱིས་ཇི་ལྟར་མཐོང་བ་
[103a.5]བཞིན་ངོ་བསྟོད་མེད་པར་བརྗོད་ན། ཚེ་རབས་མང་པོར་ལེགས་བྱས་རྒྱ་མཚོ་མངོན་པར་འདུ་བྱས་པའི་མཐུས་ཆུང་ངུ་ནས་དགེ་བའི་ངང་ཚུལ་ཅན། བླ་མ་དང་རྒན་རབས་སོགས་ཞེ་སར་འོས་པ་རྣམས་ལ་སྲི་ཞུ་ཆེ་བ། གསང་སྔགས་གསར་རྙིང་གི་ཡི་དམ་མང་པོའི་བསྐྱེད་
[103a.6]རྫོགས་ཀྱི་ཉམས་ལེན་ཐུན་གྲངས་སུ་བཅད་པའི་བཟླས་བརྗོད་དང་ཞལ་འདོན་སོགས་ཀྱི་བརྩོན་པ་མི་བཤོལ་བ།
[103a.7]སྟོབས་ཆེན་པོས་ངང་གིས་འཇུག་པ་ཞིག་སྟེ་བསྐལ་བཟང་སངས་རྒྱས་སྟོང་གི་སྐུ་བརྙན་སོ་སོའི་ཡབ་ཡུམ་སྲས་རིམ་གྲོ་པ་སོགས་འཁོར་དང་བཅས་པ་རི་མོར་བྲིས་པའི་ཞལ་ཐང་གྲངས་མང་ཞིང་སྤུས་ལེགས་པ་དང་། །རྒྱལ་བའི་བཀའ་འགྱུར་རོ་ཅོག་རིན་པོ་ཆེ་ལས་བཞེངས་པ་སོགས་
[103b.1]མཐའ་ཡས་ཤིང་སྲིད་སྐྱོང་གི་གོས་ཆེན་པོར་བཞུགས་པ་ནའང་། ཇི་སྐད་དུ། ལུགས་ཀྱི་བསྟན་བཅོས་ཤེས་རབ་སྡོང་བུ་ལས། །དམ་པ་མང་པོ་ཁས་འཆེ་མི་བྱེད་ལ། །གལ་ཏེ་དཀའ་བས་ཁས་ནི་བླངས་གྱུར་ན། །རྡོ་ལ་རི་མོ་བྲིས་པ་ལྟ་བུར་ནི། །ཤི་ཡང་གཞན་
[103b.2]དུ་བྱེད་པར་མི་འགྱུར་རོ། །ཞེས་གསུངས་པ་ལྟར་དམ་བཅས་པ་བརྟན་ཅིང་མི་འགྱུར་བ། ཤིན་ཏུ་ཐུགས་སྒམ་པས་སྒྲིན་པོ་རྣམས་ཀྱིས་ཀྱང་ཐུགས་བསམས་ཀྱི་གཏིང་མི་སླེབ་པ། སློབ་དཔོན་ཀླུས། དམན་པས་གང་ཚེ་ནོར་ནི་ཅུང་ཟད་རྙེད། །
[103b.3]འགྲོ་བ་ཐམས་ཅད་བརྙས་པའི་ང་རྒྱལ་ལྡན། །དམ་པ་ནོར་གྱི་འབྱོར་པ་ཐོབ་གྱུར་ཀྱང་། །སཱ་ལུ་སྨིན་པ་ལྟ་བུར་ཤིན་ཏུ་འདུད། །རིགས་དམའ་བ་ཡི་སེམས་ཅན་དག །ནོར་རམ་རིག་པ་རྙེད་གྱུར་ན། །འགྲོ་བ་ཀུན་ལ་རྩྭ་སྙམ་སེམས། །པགས་པ་
[103b.4]སྔོན་པོའི་ཝ་བཞིན་ནོ། །ནོར་རམ་རིག་པར་ལྡན་གྱུར་ན། །དམན་པ་རྣམས་ནི་དྲེགས་པར་འགྱུར། །གོ་འཕང་གཉིས་པོ་དེ་དག་གིས། །མཁས་པ་ཤིན་ཏུ་དུལ་བར་འགྱུར། །ཞེས་གསུངས་པ་ལྟར་འབྱོར་པའི་ཚོགས་ཤས་ཆེར་བདོ་བར་གྱུར་ཀྱང་ཐུགས་ཀུན་
[103b.5]ནས་དུལ་བས་ནམ་ཡང་དྲེགས་པ་མི་མངའ་བ། འབྱོར་པ་རྣམས་ཀྱང་འཕྲལ་འཕྲལ་དུ་དགེ་འདུན་གྱི་འདུ་སྒོ་དང་། དཀོན་མཆོག་གི་མཆོད་པ་དང་། སྐུ་གསུང་ཐུགས་ཀྱི་རྟེན་བཞེངས་པ་སོགས་ཆོས་ཀྱི་ཕྱོགས་སུ་ཟད་དུ་འཇུག་པ་ལས། དགྲ་འདུལ་
[103b.6]གཉེན་སྐྱོང་ལ་སོགས་པ་རྣམ་སྨིན་ཡིད་དུ་མི་འོང་བ་སྐྱེད་པའི་ཕྱོགས་ལ་ཟད་དུ་མི་འཇུག་པ་དང་། ཧ་ཅང་སོགས་འཇོག་ལ་སྲེད་པར་མི་མཛད་པ་སོགས་དམ་པའི་ཡོན་ཏན་ཐམས་ཅད་ཀྱིས་ཕྱུག་པ་སྟེ་དེའང་། གཙང་དུ་གདན་ས་ཆེན་པོ་ཨེ་ཝཾ་ཆོས་ལྡན་གྱི་གླིང་པ་སྤྱི་
[103b.7]ཁང་དང་འདི་གར་ཞབས་དྲུང་དཔལ་མཆོག་པས་བཞེངས་པའི་མཆོད་རྟེན་ཆེན་མོ་སོགས་གསར་བཞེངས་ལྟ་བུའི་རྟེན་དང་བརྟེན་པའི་ཉམས་པ་གསོ་བ་བགྲང་གིས་མི་ལང་བ་མཛད་པ་དང་། འགྲོ་བའི་མགོན་པོ་ས་སྐྱ་པ་གོང་མ་རྣམ་ལྔའི་བཀའ་འབུམ་སྐུ་པོད་དངོས་གཙང་བཅུ་
[104a.1]དྲུག །རིན་ཆེན་གཉིས་པ་ལས་གྲུབ་པའི་བསྟན་བཅོས་འགྱུར་རོ་འཚལ་གླེགས་བམ་ཉིས་བརྒྱ་དང་བདུན་ཡོད་པ་ཤིན་ཏུ་དངོས་གཙང་། རྒྱལ་བའི་བཀའ་འགྱུར་རོ་ཅོག་མཚལ་པར་མ་དང་། ཡང་རིན་ཆེན་དང་པོ་ཁོ་ན་ལས་བཞེངས་པའི་
[104a.2]བཀའ་འགྱུར་གླེགས་ཤིང་གླེགས་ཐག་ན་བཟའ་ཚུན་ཆོད་ཤིན་ཏུ་སྤུས་ལེགས་ལ་དངོས་གཙང་བ། ཙནྡན་དམར་པོ་ལས་གྲུབ་པའི་སངས་རྒྱས་སྟོང་སྐུ་ཐམས་ཅད་མཁྱིད་གང་ཙམ་པ། ཡང་ཙནྡན་དམར་པོའི་ཕྱེ་མའི་ལྡེ་གུ་ལས་གྲུབ་པའི་སངས་རྒྱས་སྟོང་སྐུ་ཐམས་ཅད་མཐོ་ཚད་
[104a.3]མ། ཙནྡན་དཀར་དམར་ལས་གྲུབ་པའི་སྐུ་གདུང་ཆ་བརྒྱད་བཟོ་བཀོད་ཕུན་སུམ་ཚོགས་པ། ཙན་འདམ་ལས་གྲུབ་པའི་ཆོས་རྒྱལ་ལོ་པཎ་བཞི་བཅུ་རྩ་ལྔའི་སྐུ་ཐམས་ཅད་བརྐྱང་ཁྲུ་གང་ལྷག་ཡོད་པ། ཙནྡན་དཀར་པོའི་ལྡེ་གུ་ཁོ་ན་ལས་གྲུབ་པའི་ལམ་འབྲས་ཀྱི་བླ་
[104a.4]རྒྱུད་ཐམས་ཅད་མཁྱིད་ཚད་མ། ཡང་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་བླ་མ་བརྒྱུད་པ་རྣམས་ཀྱི་སྐུ་བརྙན་གསེར་ཟངས་ལས་གྲུབ་པ་ཐམས་ཅད་བརྐྱང་ཁྲུ་གང་དང་སོར་ལྔ་ལྷག་ཙམ་ཡོད་པ་ལྔ་བཅུ། ཁྱད་པར་གསེར་ཟངས་ལས་གྲུབ་པའི་བླ་མ་ཡི་དམ་སངས་
[104a.5]རྒྱས་བྱང་སེམས་ཆོས་སྲུང་ནོར་ལྷ་སོགས་ཀྱི་སྐུ་ལུགས་མ་ཤིན་ཏུ་དངོས་གཙང་བ་སུམ་བརྒྱ་ལྷག་ཙམ། ལྷུན་གྲུབ་སྟེང་གི་འདུ་ཁང་ཆུང་བ་གཉྫིར་བཅས། ལྕགས་རའི་འདུ་ཁང་རྒྱལ་མཚན་བཅས། སྤོམ་མཛངས་ཆོས་སྡེའི་འདུ་ཁང་། དཔལ་སྤུངས་སུ་ཁོ་བོ་ཅག་
[104a.6]གི་ལྷ་ཁང་འདུས་སྡེ་དང་བཅས་པ། །བླ་མ་ཀུན་ཆོས་པའི་སྐུ་གདུང་གཉྫིར་བཅས་སོགས་གསར་བཞེངས་ཁོ་ནའང་བགྲང་གིས་མི་ལང་ཞིང་ད་དུང་ཡང་སྒྲུབ་བཞིན་པ་དང་། ལོ་བསྟར་དུ་ཟབ་མོའི་རྣལ་འབྱོར་དང་ལྡན་པའི་དགེ་སྦྱོང་རྣམས་ལ་ཆོས་དང་མཐུན་པའི་ཡོན་ཕུན་
[104a.7]སུམ་ཚོགས་པ་སྩལ་ཏེ། ཡི་དམ་གྱི་ལྷ་རྣམས་ཀྱི་རྩ་སྔགས་དང་སྙིང་པོ་སོགས་དུང་ཕྱུར་ཕྲག་མང་པོར་ལང་བ་བཅད་རྒྱ་ཁོ་ནས་སོག་ཏུ་འཇུག་པ་སོགས་མཆོད་སྦྱིན་གྱི་ཁྱད་པར་རྒྱ་ཆེན་པོ་བསྒྲུབས་པ་རྣམས་ཀྱང་དེ་དང་མཚུངས་པ་སྟེ། སྐྱེས་རབས་དཔག་བསམ་འཁྲི་
[104b.1]ཤིང་ལས། མི་རྣམས་ནོར་ནི་དངུལ་ཆུའི་ཐིག་པ་ཁུ་ཚུར་དག་གིས་བསྡོམས་པའི་རྣམ་པར་མཐོང་། །དབུལ་དང་མགོན་མེད་རྣམས་ལ་སྟེར་ཞིང་ཉེ་བར་མཁོ་བར་གྱུར་པ་རབ་ཏུ་རྒྱས་པའི་དཔལ། །བསོད་ནམས་དགའ་ཚལ་གཙུག་ལག་ཁང་དང་མཆོད་རྟེན་
[104b.2]བཅོམ་ལྡན་སྐུ་གཟུགས་རབ་གནས་ལ་སོགས་ཀྱིས། །ནོར་ལྡན་འདི་ནི་གྲགས་པས་ལྷན་ཅིག་མི་བཟད་གནས་སུ་གང་ཞིག་གང་གིས་རྣམ་པར་མཛེས། །ཞེས་གསུངས་པ་ལྟ་བུ་དང་། སློབ་དཔོན་ཀླུས། ཕན་སེམས་ཆེ་བ་སྒྲིན་པའི་ཚུལ། །དྲང་པོའི་ཚུལ་
[104b.3]ནི་མི་སླུ་བ། །བག་ཡོད་ཉམ་ང་མེད་པ་ནི། །དེ་ནི་རྒྱལ་པོའི་ཚུལ་དུ་བཤད། །ཞེས་གསུངས་པ་ལྟར་ཐུགས་ཤིན་ཏུ་སྒྲིན་པས་ཕན་པའི་སེམས་ཀྱིས་མངའ་འབངས་ལ་སོགས་པ་བདེ་བར་སྐྱོང་བ། དྲང་པོའི་ཐུགས་དང་ལྡན་པས་གཡོ་སྒྱུས་སྐྱེ་བོ་སླུ་བར་མི་མཛད་པ།
[104b.4]བྱ་བ་ཐམས་ཅད་ལ་བག་ཡོད་ཅིང་ཉམ་ང་མེད་པའི་ཚུལ་གྱིས་སྤྱོད་པ་སྟེ། ཙ་ན་ཀའི་རྒྱལ་པོའི་ལུགས་ཀྱི་བསྟན་བཅོས་ལས། ཀུན་དགའ་ར་བའི་ཕྲེང་བརྒྱུད་ལྟར། །མེ་ཏོག་མེ་ཏོག་ཙམ་བཏུ་ཡི། །སོལ་བ་མཁན་ནི་ཇི་བཞིན་དུ། །རྩ་ནས་གཅད་པར་མི་བྱའོ། །འོ་
[104b.5]མ་བཞོས་ནས་འཐུང་བཞིན་དུ། །བ་ནི་གསད་པར་མི་བྱའོ། །དེ་བཞིན་རྒྱལ་པོས་ཡུལ་འཁོར་ནི། །དུས་ཤེས་ནས་ནི་ལོངས་སྤྱོད་བྱ། །བ་ཡི་བརླ་ནི་བཅག་གྱུར་ན། །བཞོ་བས་འོ་མ་ཐོབ་མི་འགྱུར། །དེ་བཞིན་ཡུལ་འཁོར་ཚུལ་མིན་པས། །གནོད་པ་བྱས་
[104b.6]ན་འཕེལ་མི་འགྱུར། །ཡུལ་འཁོར་སྦྲང་རྩི་ལྟར་སྤྱད་ཀྱི། སྦྲང་བུ་གསད་པར་མི་བྱའོ། །བ་ལས་བདག་པོས་བཞོ་བ་ལྟར། །རྒྱལ་པོས་ས་ནི་དེ་ལྟར་བསྐྱང་། །ཞེས་བཤད་པ་ལྟ་བུའི་ས་ལེགས་པར་སྐྱོང་བའི་ཚུལ་ཐམས་ཅད་ཕུན་སུམ་ཚོགས་པ། གཞན་
[104b.7]ཡང་། ས་བདག་རྟག་ཏུ་རྒྱུ་མེད་པར། ཁྲོ་གཉེར་དག་ནི་མི་བྱ་ཞིང་། །བྲན་གཡོག་ནོར་མེད་པར་མ་ཡིན། །རྒྱལ་པོས་ཆོས་ནི་བསྲུང་བར་བྱ། །ཞེས་སོགས་བཤད་པ་ལྟར་ཆོས་ཁོ་ནའི་རྗེས་སུ་སོང་བས་མཉེན་གཤིན་དེས་པའི་ངང་ཚུལ་ཅན། མ་བཏུལ་
[105a.1]བར་ཡང་ཕས་ཀྱི་རྒོལ་བ་རྣམས་རང་གི་ངང་གིས་འདུད་པ་ལྷུར་ལེན་པ་དང་། མངའ་ཞབས་ཀྱི་འབངས་རྣམས་ཀྱང་རྨ་མེད་པར་སྐྱོང་བཞིན་པ་ནས། དུས་ཕྱིས་གནམ་བསྐོས་འཇམ་དབྱངས་གོང་མ་ཆེན་པོས་བོད་ཡུལ་གྱི་ལྗོངས་འདི་ཉིད་བདག་
[105a.2]གིར་མངའ་བསྒྱུར་བ་ནའང་། མིའི་དབང་པོ་འདི་ཉིད་ཀྱི་ཡོན་ཏན་གྱི་ཁྱད་པར་རྣམས་སྙན་ལ་དེངས་པས་བསྔགས་བརྗོད་དང་བཅས་ཏེ་འབངས་ཀྱི་སྐྱེ་བོ་མི་ཁྱིམ་མང་པོ་ས་རིས་དང་བཅས་པ་གསར་དུ་སྦྱོར་འཇག་གི་བཀའ་དྲིན་མཛད་པ་སོགས་མཆོག་དམན་ཐམས་ཅད་ཀྱི་ཡིད་དམ་
[105a.3]པའི་ངང་ཚུལ་གྱིས་ཕྲོགས་པར་མཛད་པ་སྟེ་མདོར་ན་སྙིགས་མའི་མུན་ཀློང་སྟུག་པོར་གཡོ་བའི་དུས་འདི་ལྟ་བུར་ཆོས་ཀྱི་རྒྱལ་པོ་མྱ་ངན་མེད་སླར་ཡང་འོངས་པ་ལྟ་བུའི་ཕྲིན་ལས་ཅན་ཞིག་གོ། །མིའི་དབང་ཕྱུག་འདིའི་སྲས་གཉིས་པ་དང་གསུམ་པ་རབ་ཏུ་བྱུང་བའི་བརྟུལ་ཞུགས་
[105a.4]ཡང་དག་པར་ལེན་པར་མཛད་ལ། དང་པོས་སྲིད་འཛིན་པར་མཛད་པ་སྟེ་གསུམ་གའང་རང་བཞིན་གྱིས་དགེ་བ་ལ་འདུན་ཞིང་མི་འཕྲོག་བའི་བརྟན་པ་ཅན། །དཀྱེལ་ཆེ་ཞིང་གཟུ་བོར་གནས་པ། གཙུག་ལག་ལུགས་གཉིས་ཀྱི་མཁྱེན་པ་རྣམ་པར་རྒྱས་པ་སོགས། མ་སུ་
[105a.5]རཀྵས་བྱས་པའི་ལུགས་ཀྱི་བསྟན་བཅོས་ལས། བརྟན་ཞིང་ཟབ་མོའི་བློ་དང་ལྡན། །མདངས་ལྡན་ཆོས་དང་བསྟན་བཅོས་རིག །དུལ་ཞིང་བདེན་པར་སྨྲ་བ་དང་། །རྒྱལ་པོའི་འཁོར་ལ་ཕན་པར་སེམས། །རིགས་བཙུན་རྒྱུད་ནི་མཉེན་པ་དང་། །བླ་མ་ལ་ནི་གུས་ཉན་
[105a.6]དང་། །སྐྱེ་དགུ་རྗེས་བརྩེར་ལྡན་པ་ཡི། །རྒྱུད་བྱུང་དེ་ནི་རྒྱལ་སྲས་ཡིན། །ཞེས་བཤད་པ་ལྟ་བུའི་ཡོན་ཏན་དང་ལྡན་ཞིང་། བཙུན་མོ་དམ་པ་དག་ཀྱང་། རྒྱ་ཆེ་རོལ་པ་ལས། རྒྱགས་པ་མ་མཆིས་མི་གཡེང་ཟུངས་ཐུབ་ཚུལ་འཆང་ཞིང་། །ང་རྒྱལ་མ་མཆིས་འགྱིང་
[105a.7]དང་བྲལ་བས་བྲན་མོ་བཞིན། །སྒྲ་དྲི་རོ་ལ་མ་ཆགས་ཆང་ལ་མ་ཆགས་ཏེ། །འདོད་བྲལ་བརྣབ་སེམས་མ་མཆིས་རང་གི་ནོར་གྱིས་འཚལ། །བདེན་ལ་གནས་ཤིང་མི་འཕྱར་གཡེང་བ་མ་ལགས་པ། །ངོ་ཚའི་གོས་འཚལ་རྒོད་དང་ཁེངས་པ་མ་མཆིས་གནས། །
[105b.1]ལྟ་དང་བཀྲ་ཤིས་མ་ཆགས་རྟག་ཏུ་ཆོས་ལ་བརྩོན། །ཞེས་གསུངས་པའི་ཚུལ་དང་མཐུན་པ། དེ་བཞིན་དུ་མ་སུ་རཀྵས། ཚིག་གསལ་བློ་ནི་ཕུན་སུམ་ཚོགས། །ལུགས་ཀྱི་བསྟན་བཅོས་དག་ལ་མཁས། །ངང་འཇམ་དཔྱོད་པར་བྱེད་པ་སྟེ། །རྒྱལ་པོའི་
[105b.2]བློན་པོ་དེ་འདྲས་བྱ། །ཞེས་བཤད་པ་ལྟ་བུའི་བློན་པོ་དང་། ཚེ་ཡི་རིག་བྱེད་གོམས་པ་དང་། །ཆོས་རིག་ཡིད་འོང་སྙན་སྨྲ་ཞིང་། །ཆོ་ག་ངང་ཚུལ་ཕུན་སུམ་ཚོགས། །ཐང་ལ་འབར་བཞིན་གསོ་མཁས་ཤིང་། ནད་ཀྱི་མཚན་ཉིད་ཀུན་ལ་མཁས། །རྒྱལ་
[105b.3]པོ་དེ་འདྲའི་སྨན་པ་བསྟེན། །ཞེས་པ་ལྟ་བུའི་སྨན་པ་དང་། སྒྲ་རིག་རྩིས་ཀྱང་ཤེས་པ་སྟེ། །ཡི་གེ་བྱང་ཞིང་ལག་པ་མྱུར། །ཡིད་གཞུང་ཚིག་ནི་གསལ་བ་དང་། །གྲགས་དང་སྦྱིན་ལྡན་ཡི་གེ་པ། །ཞེས་པ་ལྟ་བུའི་དྲུང་ཡིག་པ་དང་། རིགས་དང་ངང་
[105b.4]ཚུལ་ཡོན་ཏན་ལྡན། །བདེན་དང་ཆོས་ལ་མཆོག་ཏུ་གཞོལ། །གཟུགས་བྱད་ཤིན་ཏུ་བཟང་བ་ནི། །རྒྱལ་པོའི་སྤྱན་མི་ཡིན་པར་བཤད། །ཅེས་པ་ལྟ་བུའི་ནང་བློན་རྣམས་དང་། མཚོན་ལ་གོམས་ཤིང་ནུས་དང་ལྡན། །བཞོན་པ་དག་ལ་བྱ་བཞིན་
[105b.5]གོམས། །དཔའ་ཞིང་བརྟན་པ་ཕུན་སུམ་ཚོགས། །དེ་འདྲ་དམག་དཔོན་ཡིན་པར་ཤེས། །ཞེས་པ་ལྟ་བུའི་དམག་དཔོན་དང་། ཕ་མེས་རྒྱུད་བྱུང་གྲིམས་པར་ཤེས། །བསྟན་བཅོས་རིག་ཅིང་ཞིམ་པར་འཚེད། །གཙང་སྦྲ་ཆེ་ཞིང་སྙིང་ཉེ་བ། །དེ་ལྟ་བུ་
[105b.6]ཡིས་ཕྱག་ཚང་བྱ། །ཞེས་པ་ལྟ་བུའི་ཕྱག་ཚང་པ་དང་། ཡིད་གཞུངས་ཚིག་གསལ་ཤེས་རབ་ལྡན། །གཞན་སེམས་ཉེ་བར་མཚོན་ནུས་དང་། །བརྟན་ཞིང་ཇི་སྐད་བསྒོ་བཞིན་སྨྲ། །རྒྱལ་པོའི་ཕོ་ཉ་དེ་འདྲས་བྱ། །ཞེས་པ་ལྟ་བུའི་མངག་གཞུག་པ་སོགས་མདོར་
[105b.7]ན་བསྟན་བཅོས་དང་མཐུན་པའི་རྒྱལ་པོའི་ཡན་ལག་རྣམས་ཀྱང་ལེགས་པར་ཚང་བ་ཡིན་ནོ། །རྩ་བའི་ས་བཅང་གཉིས་པ་རྒྱལ་བའི་གསུང་རབ་པར་དུ་འཁོད་པའི་རྣམ་དཀར་གྱི་བྱ་བ་དངོས་སྨོས་པ་ལ། བཞེངས་པའི་དུས་དང་། ཕྱི་མོ་ཇི་ལྟར་བསགས་ཤིང་དག་
[106a.1]པར་བགྱིས་པའི་ཚུལ་དང་། བཞེངས་ཚུལ་དངོས་སོ། །དང་པོ་ནི། སྤྱིར་བསྐལ་པ་ཆེན་པོ་བཟང་པོ་འདི་ལ་ཆགས་པའི་དུས་དང་། གནས་པའི་དུས་དང་། འཇིག་པའི་དུས་དང་གསུམ་གནས་པའི་བསྐལ་པ་དེ་ལའང་ཡ་ཐོག་རིང་མོ་དང་།
[106a.2]མ་ཐོག་རིང་མོ་དང་། བར་གྱི་ཁུག་པ་བཅོ་བརྒྱད་དུ་གྲགས་པ་སྟེ་བར་བསྐལ་ཉི་ཤུ་ཡོད་པ་ལས། ཡ་ཐོག་རིང་མོའི་གཤམ་གྱི་དུས་ཏེ། དེའང་ཐུབ་པའི་བསྟན་པ་ལུང་གི་དུས་ཀྱི་ལྔ་བརྒྱ་བ་ཕྲག་གསུམ་ལས་དཀྱིལ་སྨད་ཙམ་དུ་ཕྱིན་པ་བདག་ཅག་གི་སྟོན་པ་རྣམ་འདྲེན་
[106a.3]བཞི་བ་ཤཱཀྱའི་དབང་པོ་ས་དེ་ཉིད་ཞིང་འདིའི་ངོ་སྐལ་གྱི་སྤྲུལ་པའི་སྣང་བརྙན་ཉེ་བར་བསྟན་ནས་ད་ལྟའི་བར་གྱི་འདས་ལོའི་ཚུལ་ལ་མཁས་པ་དག་གིས་དཔྱད་པས་བཞེད་པ་མི་མཐུན་པ་མང་དུ་བྱུང་བ་ལས། དེང་སང་ཡོངས་སུ་གྲགས་པ་པད་དཀར་ཞལ་ལུང་པའི་ལུགས་ཀྱིས་སྟོན་
[106a.4]པ་དྲག་པོ་ལྕགས་སྤྲེལ་ས་ག་ཟླ་བའི་ཚེས་བདུན་ཟླ་སྐར་རྒྱལ་གྱི་དུས་སུ་སྐུ་བལྟམ་པ་ནས། བགྲང་བྱ་ཉིས་སྟོང་དང་དྲུག་བརྒྱ་བརྒྱད་ཅུ་རྩ་དགུ་འདས་ཤིང་། རྒྱལ་བ་ཤིང་རྟ་ས་ག་ཟླ་བའི་བཅོ་ལྔ་ལ་མངོན་པར་རྫོགས་པར་སངས་རྒྱས་ནས། ལོ་དེའི་ཆུ་སྟོད་ཅན་གྱི་
[106a.5]ཚེས་བཞིར་ལྔ་སྡེ་ལ་ཆོས་ཀྱི་འཁོར་ལོ་བསྐོར་ནས་ཉིས་སྟོང་དྲུག་བརྒྱ་ལྔ་བཅུ་རྩ་ལྔ་འདས་པ། དེ་བཞིན་དུ་ལྕགས་འབྲུག་ནག་ཉ་ས་ག་ཟླ་བའི་ཚེས་བཅོ་ལྔའི་གུང་ཐུན་ལ་དགོངས་པ་ཞི་དབྱིངས་སུ་མནལ་བའི་ཚུལ་བསྟན་ནས་ཉིས་སྟོང་དྲུག་བརྒྱ་དགུ་འདས་ཤིང་། ཆོས་རྗེ་
[106a.6]ས་སྐྱ་པའི་ལུགས་ཀྱིས་སྟོན་པ་རྣམ་འབྱུང་ས་འབྲུག་ལ་སྐུ་བལྟམ་ཞིང་། ཐམས་ཅད་འདུལ་ས་ཕག་ལོར་གཤེགས་ནས་སུམ་སྟོང་བརྒྱད་བརྒྱ་དྲུག་ཅུ་རྩ་གཅིག་འདས་པ། ཁ་ཆེ་པཎ་ཆེན་ཤཱཀྱ་ཤྲཱིའི་ལུགས་ཀྱིས་མེ་མོ་སྦྲུལ་ལ་སྐུ་བལྟམ་ཞིང་མེ་བྱི་ལོར་གཤེགས་ནས་
[106a.7]ཉིས་སྟོང་ཉིས་བརྒྱ་བདུན་ཅུ་དོན་གཅིག་འདས་པ། ཇོ་བོ་རྗེ་དཔལ་ལྡན་ཨ་ཏི་ཤའི་བཞེད་པས་ཤིང་མོ་གླང་ལ་སྐུ་བལྟམ་ཞིང་ཤིང་སྤྲེལ་ལ་གཤེགས་པའི་ཚུལ་བསྟན་ནས་སུམ་སྟོང་བརྒྱད་བརྒྱ་དྲུག་ཅུ་རྩ་བཞི་འདས་པ། སྟོབས་ཀྱི་འཁོར་ལོས་སྒྱུར་བ་གནམ་
[106b.1]སྐོས་གོང་མ་ཆེན་པོ་གཡུང་ཅིན་གསེར་ཁྲིར་ཕེབས་ནས་ཉག་མ་བདུན་ཐལ་བ། མིའི་དབང་པོ་འདི་ཉིད་དགུང་ལོ་ལྔ་བཅུ་རྩ་གཉིས་སུ་ཕེབས་པ། བདེ་མཆོག་སྟོད་འགྲེལ་ལྟར་ན་སཽ་མྱ་ཞེས་པ་ཞི་བར་གྲགས་ཤིང་། ཤར་ཕྱོགས་ཏོང་ཀུའི་རྒྱལ་ཁམས་སུ་གྱི་
[106b.2]ཡེའུར་བོད་པ་ས་མོ་བྱའི་ལོ་སྨེ་ཕྲེང་དང་པོ་འབྱུང་བ་སུམ་ལྡན་ཕུར་བུ་ཀླུང་དུ་ཞུགས་པའི་དུས། དེ་ལའང་ཉི་མ་ལྷོར་བསྒྲོད་པ་དང་བྱང་དུ་བསྒྲོད་པའི་དུས་གཉིས་ཡོད་པ་ལས་སྔ་མ།
[106b.3]པའི་ཡོན་ཏན་དང་ལྡན་པ་སྟོན་ཀའི་དུས། དགུན་དང་དཔྱིད་དང་དབྱར་དང་དབྱར་ཐུང་དང་དབྱར་རིང་པོ་སྟེ་དུས་ལྔ་ལས་ཕྱི་མ། ཟླ་བ་བཅུ་གཉིས་ལས་ཧོར་ལུགས་ཀྱི་ཟླ་བ་བདུན་པར་གྲགས་པ། ཏོང་ཀུའི་རྒྱལ་ཁམས་པའི་ལུགས་ཀྱིས་སྟོན་ར་བ་སྤྲེའུའི་
[106b.4]ཟླ་བ། འཕགས་པའི་ཡུལ་དུ་ཤྲབཎར་གྲགས་པ་རྒྱུ་སྐར་གྲོ་བཞིན་གྱིས་ཉ་བའི་དཀར་ཕྱོགས། གང་བ་གཉིས་པའི་ཚེས། རེས་གཟའ་མཛའ་ལྷའི་གྲོགས་པོའི་འཛུམ་མདངས་རྒྱུ་སྐར་གྱི་ལྷ་མོ་ཨ་ནུ་རཱ་དྷཱའི་བཞིན་གྱི་པདྨོར་འཕོས་པ། འཆི་མེད་གྲུབ་པའི་སྦྱོར་བ།
[106b.5]དུས་འཁོར་བའི་ལུགས་ཀྱི་དབྱངས་ཨོ། གསལ་བྱེད་ཕོ། འབྱུང་བ་ཆུ། འདོད་ཡོན་གཟུགས། དབྱངས་འཆར་བའི་ལུགས་ཀྱི་དབྱངས་ཨེ། གསལ་བྱེད་ར། འབྱུང་བ་རླུང་། འདོད་ཡོན་རེག་བྱ་སོགས་འཆར་བའི་དུས་ཕུན་སུམ་ཚོགས་པ་ལ། ས་སྐྱོང་
[106b.6]ཆེན་པོས་ཐོག་མ་མེད་པའི་དུས་ནས་བསགས་པའི་ལེགས་བྱས་ཀྱི་མཐུ་རྒྱ་ཆེན་པོ་བརྟས་པ་ལས་སླར་ཡང་ལེགས་བྱས་ཀྱི་ལམ་རྒྱ་ཆེན་པོ་འདི་ལྟ་བུ་བསྒྲུབ་པ་ལ་སྤྲོ་བ་ཆེན་པོ་ཟླ་བ་མཐོང་བའི་རྒྱ་མཚོ་བཞིན་དུ་འཕེལ་བར་གྱུར་ཏེ། རྒྱ་ཆེན་པོའི་གནས་འདི་ལྟ་བུ་ལ་སྤྱོད་མི་
[106b.7]ནུས་སོ་སྙམ་པའི་ཞུམ་པ་དང་། གནས་འདི་ཚེགས་ཀྱིས་སྤྱད་པ་གཞན་གྱིས་བསྒྲུབ་མི་ནུས་པས་བདག་ཉིད་ཁོ་ན་མཆོག་ཡིན་གྱི་གཞན་དག་ནི་སྦྲང་བུ་ལྟ་བུའོ་སྙམ་པའི་ཁེངས་པ་དང་། འདི་ལྟ་བུ་སྤྱད་པར་འོས་པ་ཡིན་མོད་ཀྱི་འོན་ཀྱང་རྒྱུ་འདི་ལས་མཛོད་དང་བང་བ་
[107a.1]རྣམས་ཧ་ཅང་འབྲི་བར་འགྱུར་རོ་སྙམ་པའི་སེར་སྣ་ལ་སོགས་པ་རིང་དུ་སྤངས་ནས། བདུད་དང་བདུད་ཀྱི་རིས་དག་གིས་དངོས་དང་བརྒྱུད་ནས་བར་ཆད་རྩོམ་ཞིང་ཐབས་དུ་མས་བཤོལ་བར་བྱེད་ཀྱང་སྙིང་སྟོབས་ཀྱི་གོ་ཆ་ལྷོད་པར་མི་འགྱུར་བའི་བརྟན་པའི་བློ་གྲོས་
[107a.2]ཆེན་པོས་ཐོག་མར་མགོ་རྩོམ་པའི་ལས་ཀྱི་གྲྭ་འཛུགས་པར་མཛད་ཡིན་ནོ། །གཉིས་པ་ནི་བྱ་བ་ལས་ཀྱི་འཁོར་ལོ་ཆེན་པོ་དེའི་ཐོག་མར་ཡི་གེའི་ཕྱི་མོ་རྣམ་པར་དག་པ་བསགས་ནས་ཞུས་དག་མཛད་པ་ཡིན་ཏེ། དེའང་གཙོ་བོར་དེང་སང་གངས་རིའི་ཁྲོད་འདིར་གྲགས་ཆེ་བ་ཚལ་
[107a.3]པ་བཀའ་འགྱུར་དང་། རྒྱལ་རྩེ་ཐེམ་སྤང་མར་གྲགས་པ་གཉིས་ཀྱི་རྒྱུན་ཡིན་པས་དེའི་ཁུངས་བཙལ་ཞིང་ཞུས་དག་གིས་གཏན་ལ་ཕབ་པའི་ཚུལ་ནི། བསྟན་པ་སྔ་དར་གྱི་དུས་སུ་ཆོས་ཀྱི་རྒྱལ་པོ་སད་ན་ལེགས་མཇིང་ཡོན་གྱི་སྐུ་རིང་ལ། ལོ་ཙཱ་བ་བནྡེ་དཔལ་བརྩེགས་
[107a.4]རཀྴི་ཏ། ཆོས་ཀྱི་སྙིང་པོ། དེ་ཝེནྡ། དཔལ་གྱི་ལྷུན་པོ་སོགས་ཀྱིས་འཕང་ཐང་ཀ་མེད་ཀྱི་གཙུག་ལག་ཁང་དུ་བཞུགས་པའི་གསུང་རབ་རྣམས་ལ། ཚེག་བར་བརྒྱད་བརྒྱད་ལ་ཚིག་རྐང་རེ་རེ། དེ་བཞི་ལ་ཤློ་ཀ །དེ་སུམ་བརྒྱ་ལ་སོགས་པ་ལ་བམ་པོའི་ཚད་དུ་
[107a.5]བྱས་ཏེ་གྲངས་དེས་གཞལ་བའི་ཐེམ་བྱང་མ་འཁྲུལ་བར་ཆོས་ཚན་འདི་དང་འདི་ལ་གྲངས་འདི་དང་འདིའོ་ཞེས་བཀོད་པ་དཀར་ཆག་འཕང་ཐང་མར་གྲགས་པ་སྟེ། གངས་ཅན་འདིར་རྒྱལ་བའི་བཀའ་འགྱུར་རོ་ཅོག་ཕྱོགས་གཅིག་ཏུ་བསྒྲིགས་པའི་ཐོག་མ་ནི་འདི་ཡིན་ནོ་ཞེས་
[107a.6]ཡོངས་སུ་གྲགས་ལ། དེའི་རྗེས་སུ་ལོ་ཙཱ་བ་དཔལ་བརྩེགས་དང་། འཁོན་ནཱ་གེནྡྲ་རཀྵི་ཏ་སོགས་ཀྱིས་སྟོང་ཐང་ལྡན་དཀར་གྱི་ཕོ་བྲང་ཆེན་པོ་ན་བཞུགས་པའི་གསུང་རབ་ཞུས་ཆེན་མཛད་ཟིན་པ་རྣམས་ཕྱོགས་གཅིག་ཏུ་བསྒྲིགས་ནས་དཀར་ཆག་མཛད་པ་ལ་ལྡན་དཀར་
[107a.7]མར་གྲགས་པ་བྱུང་། དེའི་རྗེས་སུ་བཙན་པོ་ཁྲི་ལྡེ་སྲོང་བཙན་རལ་པ་ཅན་གྱི་སྐུ་རིང་ལ་ཕོ་བྲང་འོན་ལྗང་རྡོ་རྒྱ་ཕུབས་དགུ་ཐོག་མར་སྔོན་རྒྱལ་བའི་གསུང་རབ་བསྒྱུར་བ་རྣམས་སྐད་གསར་བཅད་ཀྱིས་གཏན་ལ་ཕབ་པ་དང་གསར་དུའང་མང་པོ་བསྒྱུར་ཏེ་སྒྲ་སྦྱོར་བམ་གཉིས་སུ།
[107b.1]ཉི་འོག་གི་མཁན་པོ་ཨཱ་ཙཱརྱ་ཛི་ན་མི་ཏྲ་དང་། སུ་རེནྡྲ་བྷོ་དྷི་དང་། ཤཱི་ལེནྡྲ་བྷོ་དྷི་དང་། དཱ་ན་ཤཱི་ལ་དང་། བོ་དྷི་མི་ཏྲ་དང་། བོད་ཀྱི་མཁན་པོ་རཏྣ་རཀྵི་ཏ་དང་། དྷརྨ་ཏཱ་ཤཱི་ལ་དང་། ལོ་ཙཱ་བ་མཁས་པར་ཆུད་པ་ཛྙཱ་ན་སེ་ན་དང་། ཛ་ཡ་རཀྵི་ཏ་དང་། མཉྩ་ཤྲཱི་ཝརྨ་དང་།
[107b.2]རཏྣནྡྲ་ཤཱི་ལ་ལ་སོགས་པས་ཐེག་པ་ཆེ་ཆུང་ལས་བྱུང་བའི་རྒྱ་གར་གྱི་སྐད་ལས་བོད་ཀྱི་སྐད་དུ་བསྒྱུར་ཅིང་མིང་དུ་བཏགས་པ་རྣམས་དཀར་ཆག་ཏུ་བྲིས་ཏེ། ནམ་དུ་ཡང་གཞུང་ལུགས་དེ་ལས་མི་བསྒྱུར་ཞིང་ཀུན་གྱིས་བསླབ་ཏུ་རུང་བར་གྱིས་ཤིག་ཅེས་བཀའ་སྩལ་ནས། སྔོན་ལྷ་
[107b.3]སྲས་ཡབ་ཀྱི་རིང་ལ། ཨཱ་ཙཱརྱ་བོ་དྷི་ས་ཏྭ་དང་། ཡེ་ཤེས་དབང་པོ་དང་། ཞང་རྒྱལ་ཉེན་ཉ་བཟང་དང་། བློན་ཁྲི་བཞེར་སང་ཤི་དང་། ལོ་ཙཱ་བ་ཛྙཱ་དེ་ཝ་ཀོ་ཥ་དང་། ཅེ་ཁྱི་འབྲུག་དང་། བྲམ་ཟེ་ཨཱ་ནནྡ་ལ་སོགས་པས་ཆོས་ཀྱི་སྐད་བོད་ལ་མ་གྲགས་པ་ལས་མིང་དུ་བཏགས་
[107b.4]པའི་དག་ཅིག་མཆིས་པའི་ནང་ནས། ཁ་ཅིག་ཆོས་ཀྱི་གཞུང་དང་། བྱཱ་ཀ་ར་ཎའི་ལུགས་དང་མི་མཐུན་ཏེ། མི་བཅོས་སུ་མི་རུང་བ་རྣམས་ཀྱང་བཅོས། སྐད་ཀྱི་མིང་གཅེས་སོ་འཚལ་གྱིས་ཀྱང་བསྣན་ནས། ཐེག་པ་ཆེ་ཆུང་གི་གཞུང་ལས་ཇི་ལྟར་འབྱུང་བ་དང་།
[107b.5]གནའི་མཁན་པོ་ཆེན་པོ་ནཱ་ག་རྫུ་ན་དང་། བ་སུ་བནྡྷུ་ལ་སོགས་པས་ཇི་ལྟར་བཤད་པ་དང་། བྱཱ་ཀ་ར་ཎའི་སྒྲའི་ལུགས་ལས་ཇི་སྐད་དུ་འདྲེན་པ་དང་ཡང་བསྟུན་ཏེ། མཇལ་དཀའ་བ་རྣམས་ཀྱང་ཚིག་སོ་སོར་ཕྲལ་ནས་གཏན་ཚིགས་ཀྱིས་བཤད་དེ་གཞུང་དུ་བྲིས། སྐད་
[107b.6]རྐྱང་པ་བཤད་མི་འཚལ་བ་སྒྲ་བཞིན་དུ་བསྒྱུར་བར་རིགས་པ་རྣམས་ཀྱང་སྒྲ་བཙན་པར་བགྱིས་ཏེ་མིང་དུ་བཏགས། སྐད་ཁ་ཅིག་དོན་བཞིན་དུ་གདགས་པར་རིགས་པ་རྣམས་ཀྱང་དོན་བཙན་པར་བགྱིས་ཏེ་མིང་དུ་བཏགས་ནས་བཙན་པོའི་སྤྱན་སྔར་བནྡེ་ཆེན་པོ་ཡོན་ཏན་འོད་དང་།
[107b.7]བནྡེ་ཆེན་པོ་ཏིང་ངེ་འཛིན་ལ་སོགས་པ་ཡང་འཚོགས་ཏེ་རྗེ་བློན་གདན་འཛོམ་པ་ལ་ཞུས་ནས་དྷརྨ་བསྒྱུར་བའི་ཐབས་དང་། རྒྱ་གར་གྱི་སྐད་ལ་བོད་ཀྱི་སྐད་དུ་མིང་གདགས་པ་རྣམས་གཏན་ལ་ཕབ་སྟེ་བཀས་བཅད་པ། ཞེས་འབྱུང་ཞིང་། དཀར་ཆག་ཆེན་མོ་དེ་དག་མཛད་
[108a.1]པའི་སྐབས་སུ་གསང་སྔགས་ནང་གི་རྒྱུད་སྡེ་ཟབ་མོ་རྣམས་གསང་ནས་སྤྱོད་པ་ཉིད་ཡིན་པའི་ཕྱིར་ཡོངས་གྲགས་སུ་ཐེམ་བྱང་དུ་མ་བཏབ་བོ། །བསྟན་པ་ཕྱི་དར་གྱི་ཚེ་སྔར་གྱི་རྣམས་ཕལ་ཆེར་ཡོད་པའི་སྟེང་དུ་སྤྲུལ་པའི་ལོ་ཙཱ་བ་ཆེན་པོ་རྣམས་ཀྱིས་མདོ་
[108a.2]རྒྱུད་མང་དུ་བསྒྱུར་ཅིང་བསྣན་པར་མཛད་པ་ཡིན་མོད་ཀྱི་རེ་ཞིག་ཕྱོགས་གཅིག་ཏུ་བསྡུས་ནས་དཀར་ཆག་འདེབས་པ་པོ་མ་བྱུང་ལ། །ཕྱིས་མཁས་པ་བཅོམ་རལ་པའི་སློབ་མ་འཇམ་དགག་པཀྵིས་ཧོར་ཡུལ་ནས་བཀའ་འགྱུར་བཞེངས་པའི་མཐུན་རྐྱེན་གྱི་ཡོ་བྱད་མང་པོ་
[108a.3]བསྐུར་བ་ལ་བརྟེན་ནས་འདུལ་བ་ལུང་གི་མ་ཕྱི་མཆིམས་ཆེན་པོ་ནམ་མཁའ་གྲགས་ཀྱིས་དགེ་བའི་བཤེས་གཉེན་རྒྱ་འདུལ་བ་འཛིན་པ་ཞལ་བཞུགས་པའི་དུས་ན། དགེ་བའི་བཤེས་གཉེན་ཆེན་པོ་འདུལ་བ་འཛིན་པ་ཞིང་མོ་ཆེ་པ་བྱང་ཆུབ་སེང་གེས་གཉེར་མཛད་ནས། ལུང་
[108a.4]ཕྲན་ཚེགས་ཀྱི་བམ་པོ་བཅུ་གཉིས་མ་ཚང་བ་དང་། གཞུང་བླ་མའི་ཞུ་བ་མ་རྫོགས་པ་བམ་པོ་བཅུ་གཉིས་དང་། སྡོམ་ཚིག་ཡིག་ཚར་གཉིས་མ་ཚང་བ་རྣམས་བསམ་ཡས་མཆིམས་ཕུ་ལ་སོགས་པ་དབུས་གཙང་གི་གཙུག་ལག་ཁང་རྣམས་ནས་བཙལ་ཏེ། ལ་སྟོད་
[108a.5]འོལ་རྒོད་ཀྱི་གཙུག་ལག་ཁང་དུ་གནས་བརྟན་དྷརྨ་སེང་གེས་ལུང་སྡེ་བཞི་ཚང་བར་བཞེངས་པ་སྣར་ཐང་གི་གཙུག་ལག་ཁང་དུ་གདན་དྲངས་ཏེ་དེ་ལ་དཔེ་ཕྱི་མཛད་ནས་བཞེངས་པ་དང་། གཞན་ཡང་ཆུ་མིག་རིང་མོའི་གཙུག་ལག་ཁང་དང་། རུང་ཀླུང་ཤོད་གྲོག་གི་གཙུག་
[108a.6]ལག་ཁང་གི་འདུལ་བ་ལུང་ལ་སོགས་པ་རྣམས་ལ་གཏུགས་པ་ཡིན་ཞིང་། མདོ་མང་གི་སྐོར་རྣམས་ཀྱི་མ་ཕྱི་འགྲོ་མགོན་ཆོས་རྒྱལ་འཕགས་པའི་ཐུགས་དམ་རྟེན་ལྷ་མིའི་རྒྱན་མཆོག་ཏུ་གྲགས་པ་དང་། གཙང་ཆུ་མིག་རིང་མོའི་གཙུག་ལག་ཁང་གི་མདོ་མང་རྣམས་ཀྱི་
[108a.7]ནང་ནས་མཆོག་ཏུ་གྱུར་པ་དགེ་བའི་བཤེས་གཉེན་འདར་ཕྱར་གྱིས་བཞེངས་པའི་མདོ་མང་འདར་ཕྱིར་མ་ཞེས་གྲགས་པ་དང་། འབྲང་མཚམས་ཕུག་ཆུང་མ་ཞེས་གྲགས་པ་དང་། དགའ་འབར་མ་ཞེས་གྲགས་པ་དང་། དཔལ་སྣར་ཐང་གི་གཙུག་ལག་ཁང་གི་མདོ་
[108b.1]མང་རྣམས་ཀྱི་མཆོག་ཏུ་གྱུར་པ་མཁན་པོ་ཆེན་པོ་མཆིམས་ཀྱི་ཐུགས་དམ་མདོ་མང་གསེར་གཞུང་མ་དང་། ཕྱུག་རྒྱལ་མ་དང་། དགོན་གསར་མ་ལ་སོགས་པ་རྣམས་དང་། གཞན་ཡང་བླ་མ་གྲུ་སྤང་རྩ་བའི་ཐུགས་དམ་མདོ་མང་འཛམ་གླིང་རྒྱན་དང་། ཤོག་
[108b.2]ཆུང་གི་གཙུག་ལག་ཁང་གི་མདོ་མང་དྲུག་ཅུ་རྩ་གཉིས་དུ་མ་དང་། སྤུན་གསུམ་གྱི་གཙུག་ལག་ཁང་གི་མདོ་མང་དང་། ཞ་ལུ་གསེར་ཁང་གི་གཙུག་ལག་ཁང་གི་མདོ་མང་གཞི་མ་དང་། སྨོན་ད་རྡོ་ཞེས་གྲགས་པ་ལ་སོགས་པ་མདོ་སྣ་མང་ཞིང་གོ་རིམ་ལེགས་པ་རྣམས་དང་
[108b.3]བསྟུན་པ་དང་། ཤེར་ཕྱོགས་འབུམ་ལ། བཙན་པོ་ཁྲི་སྲོང་ལྡེའུ་བཙན་གྱི་སྐུ་རིང་ལ་རེག་ཟིག་སྔོ་དམར་སོགས་འབུམ་ཚར་དྲུག་ཙམ་ཡོད་པར་གྲགས་ཤིང་། དེ་ལས་མཆེད་པའི་ཁྲི་ལྡེ་སྲོང་བཙན་གྱི་དུས་སུ་བཞེངས་པའི་བླ་འབུམ་ཆེན་མོ་ཁྲི་གཙུག་གི་བླ་འབུམ་སྐྱ་
[108b.4]བོ། མཇིང་ཡོན་གྱི་སྡུག་འབུམ། གཙང་མིའི་བྱེ་འབུམ། རལ་པ་ཅན་གྱི་དྲུག་འབུམ། གནམ་སྡེ་ལྷའི་ཞལ་དམར་ཅན། དར་མའི་ཤོག་སེར་ཅན་སོགས་དང་། འབངས་ཀྱིས་བཞེངས་པའི་འབུམ་ཚར་བཅུ་དགུ་སོགས་དང་། དེ་དག་རྣམས་ལས་མཆེད་
[108b.5]པ་ཤིན་ཏུ་མང་བར་བཞུགས་པའི་རྒྱུན་ལས་བར་སྐབས་སུ་མ་ཉམས་མ་བསླད་པའི་ཕྱི་མོ་རྣམས་ལ་དབུས་པ་བློ་གསལ་དང་། ལོ་ཙཱ་བ་བསོད་ནམས་འོད་ཟེར་དང་། རྒྱང་རོ་བྱང་ཆུབ་འབུམ་སོགས་མཁས་པ་མང་པོས་སྒོ་བསྟུན་ཏེ་དག་པར་གཏན་ལ་ཕབ་པ་དང་།
[108b.6]གསང་སྔགས་རྒྱུད་འབུམ་གྱི་མ་ཕྱིའང་བླ་མ་རྗེ་བཙུན་ཆེན་པོ་གྲགས་པ་རྒྱལ་མཚན་གྱི་ཞལ་སྔ་ནས་དང་། བླ་མ་ཆེན་པོ་ཆོས་ཀྱི་རྒྱལ་པོས་མཛད་པའི་རྒྱུད་ཀྱི་དཀར་ཆག་དང་། སློབ་དཔོན་ཆེན་པོ་རིག་པའི་རལ་གྲིས་མཛད་པའི་རྒྱུད་ཀྱི་དཀར་ཆག་རྒྱུད་འབུམ་རྒྱན་
[108b.7]གྱི་མེ་ཏོག་སོགས་ལ་བརྟེན་ནས་གདན་ས་ཆེན་པོ་དཔལ་ས་སྐྱའི་རྒྱུད་འབུམ་དང་། ཤཱཀྱའི་དགེ་སློང་རྡོ་རྗེ་འཛིན་པ་ཆེན་པོ་གསེར་སྡིངས་པས་ཞུས་དག་གོ་རིམ་མཛད་ནས། དགེ་བའི་བཤེས་གཉེན་སྐྱེ་མེད་སྟོན་ཤེས་བཞེངས་པའི་རྒྱུད་འབུམ་དང་། དཔལ་
[109a.1]ཐར་པ་གླིང་གི་གཙུག་ལག་ཁང་གི་དགེ་བཤེས་འདར་ཕྱར་གྱིས་བཞེངས་པའི་རྒྱུད་འབུམ་དང་། བླ་མ་གྲུ་སྤང་རྩ་བའི་ཕྱག་དཔེ་དང་། འོད་དགའ་སྤུན་གསུམ་གྱི་གཙུག་ལག་ཁང་གི་རྒྱུད་འབུམ་ལ་སོགས་པ། རྒྱུད་ཡང་དག་པ་
[109a.2]གྲངས་མང་ཞིང་། གོ་རིམ་ལེགས་ལ་དག་པ་རྣམས་ཡིན་ཞིང་། གཞན་ཡང་དེར་མ་འདུས་པའི་ཕྱི་མོ་རྣམས་ཀྱང་ཁུངས་བཟང་ཞིང་། དཔྱད་པ་གསུམ་གྱིས་གཏན་ལ་ཕབ་པ་ཁོ་ན་ལ་དཔེར་མཛད་དེ། དཔལ་སྣར་ཐང་གི་གཙུག་ལག་ཁང་
[109a.3]ཆེན་པོར། ཤཱཀྱའི་དགེ་སློང་འཇམ་པའི་དབྱངས་ཀྱིས་བཞེངས་ནས་དཀར་ཆག་ཏུ་བཏབ་པ་སྣར་ཐང་བཀའ་འགྱུར་དུ་གྲགས། གཙོ་བོར་དེ་ཉིད་ལ་མ་ཕྱི་བྱས་ཏེ། ཚལ་པ་སི་ཏུ་དགེ་བའི་བློ་གྲོས་ཀྱིས་ཚལ་གུང་ཐང་གི་གཙུག་ལག་ཁང་དུ་བཞེངས་པ་
[109a.4]ཚལ་པ་བཀའ་འགྱུར་དུ་གྲགས་ཤིང་། །དེ་ཉིད་ལ་གཞོན་ཚུལ་ཤཱཀྱ་རྒྱལ་མཚན་དང་། ཀརྨ་པ་ཆོས་གྲགས་རྒྱ་མཚོ་དང་། ཀུན་མཁྱེན་མི་བསྐྱོད་རྡོ་རྗེ་དང་། ཞྭ་དམར་སྤྱན་སྔ་ཆོས་ཀྱི་གྲགས་པ་དང་། འགོས་ལོ་གཞོན་ནུ་དཔལ་སོགས་
[109a.5]མཁས་པ་མང་པོས་ལེགས་པར་བརྟགས་ཤིང་དཔྱད་ནས། ཞུས་དག་མཛད་ཅིང་མཚན་བུ་བཏབ་པ་སོགས་བོད་ཡུལ་དུ་འགྲན་ཟླ་ཐམས་ཅད་དང་བྲལ་བའི་ཁུངས་ཐུབ་ཀྱི་ཕྱི་མོ་དམ་པར་གྱུར་ཏེ་འཕྱིང་པ་སྟག་རྩེའི་ཕོ་བྲང་དུ་བཞུགས་པ། ཕྱིས་འཇང་
[109a.6]ཡུལ་གྱི་རྒྱལ་པོ་ཀརྨ་མི་ཕམ་བསོད་ནམས་རབ་བརྟན་གྱིས་བསོད་ནམས་ཀྱི་ལས་ཤུགས་ཆེན་པོས་སྤྱན་དྲངས་ཏེ། །གཙོ་བོར་མ་ཕྱི་དེ་ཉིད་དང་། རྒྱུད་ཀྱི་སྐོར་སྟག་ལུང་རྒྱུད་འབུམ་དང་ཡང་སྒོ་བསྟུན་ནས། ཐམས་ཅད་མཁྱེན་པ་ཞྭ་དམར་དྲུག་པས་ཀྱང་
[109a.7]ལྗགས་ཞུས་མཛད་དེ་པར་དུ་བསྒྲུབས་པ། དུས་དབང་གིས་ད་ལྟ་ལི་ཐང་བྱམས་ཆེན་རྣམ་པར་རྒྱལ་བའི་ཆོས་སྡེར་བཞུགས་པ་འདིའི་པར་མ་གཞིར་བཞག་ཅིང་། དེའི་སྟེང་དུ་ཨ་གཉེན་པཀྵིའི་ཐུགས་དམ་རྟེན་གྱི་བཀའ་འགྱུར་ཤིན་ཏུ་དག་པ་དང་། གཞན་
[109b.1]ཡང་དཔེ་རྒྱུན་རྙིང་མ་ཁུངས་བཙུན་འགའ་ཞིག་གོ་བསྡུར་ནས། མཁས་བཙུན་དམ་པ་བཀྲ་ཤིས་དབང་ཕྱུག་གིས་ཚིག་ཟུར་ཕྲ་མོའི་སྣོན་འབྲིད་ཁ་ཤས་མཛད་པ་དང་། ཡང་རྒྱལ་རྩེ་ཆོས་རྒྱལ་གྱིས་སྣར་ཐང་བཀའ་འགྱུར་ལ་མ་ཕྱི་བྱས་ཏེ་བཞེངས་པའི་ཚེ། སྙིགས་དུས་
[109b.2]ཀྱི་ཐམས་ཅད་མཁྱེན་པ་བུ་སྟོན་རིན་པོ་ཆེས། །དཔྱད་པ་གསུམ་གྱིས་གཏན་ལ་ཕབ་ཅིང་ཞུས་དག་མཛད་ནས་དཀར་ཆག་ཀྱང་བསྒྲིགས། དེ་ལ་མ་ཕྱི་བྱས་པའི་རྒྱུན་ལས། འཕགས་མཆོག་འཇིག་རྟེན་དབང་ཕྱུག་མིའི་ཟོལ་འཛིན་ངག་དབང་བློ་བཟང་རྒྱ་མཚོའི་ཞལ་སྔ་ནས་
[109b.3]དཀའ་སྩལ་པ་བཞིན། སའི་ཚངས་པ་བསོད་ནམས་རབ་བརྟན་གྱིས། དཔལ་ཐང་པོ་ཆེའི་གཙུག་ལག་ཁང་དུ་བཞེངས་པའི་བཀའ་འགྱུར་སྐྱ་པོད་ཤིན་ཏུ་དངོས་གཙང་བ། བོད་ཆེན་ལྗོངས་ཀྱི་སྐྱེ་དགུ་རྣམས་བསོད་ནམས་མངོན་པར་འཕེལ་བའི་སླད་
[109b.4]དང་། ཕྱི་མོ་ཕུན་སུམ་ཚོགས་པས་གསུང་རབ་རྣམས་ལ་ལོག་པར་བརྟགས་པའི་རྙོག་མ་བགྲུང་བར་བགྱིད་པའི་སླད་དུ་མདོ་སྟོད་ལྷོ་རྫོང་གི་ཕོ་བྲང་དུ་བཞུགས་སུ་བཅུག་པ་སྤྱན་དྲངས་ཏེ། དེ་དང་ཡང་སྒོ་བསྟུན་ནས་རིག་པར་སྨྲ་བའི་བློ་གསལ་དུ་མས་འབད་པ་ཆེན་པོས་
[109b.5]མི་བཅོས་སུ་མི་རུང་བ་འགའ་ཞིག་བཅོས་ཏེ་དག་པར་བགྱིས་པའི་ཐོག །ཁོ་བོ་ལའང་མིའི་དབང་པོའི་བཀའ་ནན་གསེར་སྦྲམ་ལྟར་ལྕི་བ་སྩལ་བས། ཐུན་མོང་ལྕགས་ཁྱི་ལོ། དབོ་ཟླ་བའི་དཀར་ཕྱོགས་ཀྱི་རྒྱལ་བ་དང་པོའི་ཚེས་ནས་བརྩམས་ཏེ།
[109b.6]སླར་ཡང་ཞུས་དག་གི་ཁུར་བླངས་པ་ཡིན་ནོ། །དེའང་སྤྱིར་འཇིང་པར་གྱི་བཀའ་འགྱུར་འདི་ཉིད། དམ་པ་མང་པོའི་དཔྱད་པ་ཐེམས་པ་གོང་སྨོས་ལྟར་གྱིས་གཞི་ཤིན་ཏུ་དག་པར་འདུག་ནའང་། པར་དུ་འཁོད་སྐབས་ཐམས་ཅད་མཁྱེན་པ་ཆོས་ཀྱི་དབང་
[109b.7]ཕྱུག་གིས་ཐར་ཆགས་སུ་ལྗགས་ཞུས་མ་གྲུབ་པ་དང་། །ཆོས་གཟབས་ཆེས་པས། དོ་དམ་པ་རྣམས་ཀྱི་དཔྱོད་པས་མ་ཁྱབ་པའི་ཤོག་བུ་གོང་འོག་འཁྲུགས་པ་དང་། ཆད་ལྷག་ཕྲན་བུ་སོགས་ཀྱི་སྐྱོན་ཅུང་ཟད་སྣང་བ། ལྷོ་རྫོང་
[110a.1]བཀའ་འགྱུར་ལ་བརྟེན་ནས་དག་པར་བཅོས། དེར་མི་བཞུགས་པའི་མདོ་རྒྱུད་ཚད་ལྡན་འགའ་ཞིག་ལྷོ་རྫོང་བཀའ་འགྱུར་དང་གཞན་ལས་རྙེད་པའང་བསབས། འདུལ་བ་ཕྲན་ཚེགས་སོགས་ལ་ཆད་ངེས་
[110a.2]པ་འགའ་ཞིག་འགྲེལ་པ་དང་བསྟུན་ནས་ཐེམ་སྤང་མ་བཞིན་བཅུག །ཁྱད་པར་སྔགས་ཀྱི་སྐོར་ལ། ངན་སོང་སྦྱོང་རྒྱུད་བརྟག་པ་ཕྱོགས་གཅིག་པ་དང་། གསང་བ་འདུས་པ་དང་། དཔལ་གཏུམ་པོ་ཁྲོ་བོའི་རྒྱུད་དང་། ཀྱེ་
[110a.3]རྡོར་བརྟག་གཉིས་དང་། བདེ་མཆོག་ཉུང་ངུ་དང་། བདེ་མཆོག་སྡོམ་འབྱུང་རྣམས་རྒྱ་དཔེའི་སྟེང་ནས་ཞུས་དག་བྱས་ཤིང་། རྒྱ་དཔེའི་ཁུངས་མི་གཅིག་པའི་ཚིག་ཁྱད་བྱུང་བ་རྣམས་སོ་སོའི་རྒྱ་འགྲེལ་ལ་ལེགས་པར་བརྟགས་
[110a.4]ནས་གཏན་ལ་ཕབ། གཞན་རྒྱ་འགྲེལ་ཡོད་རིགས་ཕལ་ཆེར་ལ་ཐེ་ཚོམ་གང་བྱུང་དུ་འགྲེལ་པ་ཉིད་ཀྱིས་བཅོས། གསང་སྔགས་རྣམས་ཀྱང་སྔགས་བཏུ་ཡོད་པའི་རིགས་ལ་དེ་ཉིད་དང་བསྟུན། མེད་པ་རྣམས་ལའང་མཐའ་
[110a.5]གཅིག་ཏུ་སཾ་སྐྲྀ་ཏའི་སྐད་དུ་ངོས་བཟུང་བྱར་མི་བཏུབ་པ་འགྲོ་ལྡིང་བའི་སྐད་དང་། པི་ཤཱ་ཙིའི་སྐད་དང་། ཟུར་ཆག་དང་། གསང་བའི་བརྡའི་སྐད་ལ་སོགས་པ་ཅན་རྣམས་ནི་དཔེ་མཐུན་ཤས་ཆེ་བ་གཙོ་བོར་བཟུང་། ལེགས་སྦྱར་དངོས་
[110a.6]ཡིན་པ་རྣམས་ལའང་སྒྲའི་གཞུང་རྣམས་དང་བསྟུན་པར་རང་ཉིད་ཀྱི་བློས་དཔོག་པ་རྣམས་དེ་བཞིན་དུ་བགྱིས། བློས་མི་དཔོག་པ་རྣམས་རང་སོར་བཞག །ཡིག་སྡེབ་ཀྱི་སྦྱོར་བའང་སྔོན་གྱི་དཔེ་རྒྱུན་རྣམས་སུ་འདྲ་མིན་མང་དུ་བྱུང་བ།
[110a.7]དེའང་དང་པོ་ཐུ་མི་སཾ་བྷོ་ཊས་བོད་ཀྱི་སྐད་ལ་ཉེ་བར་མཁོ་བའི་སྒྲའི་བསྟན་བཅོས་བརྒྱད་མཛད་པར་གྲགས་པ། ཕྱི་དར་གྱི་དུས་སུ་སུམ་རྟགས་གཉིས་ལས་གཞན་མི་བཞུགས་ཤིང་། ཕྱིས་ཀྱི་མཁས་པ་དག་གིས་གཞུང་དེ་
[110b.1]གཉིས་རང་ལ་བརྟེན་པ་དང་། ཡིག་རྙིང་རྣམས་དང་ཡང་སྒོ་བསྟུན་ནས་བརྡ་དག་གི་བསྟན་བཅོས་རྣམས་བརྩམས་པ་ཡིན་མོད། འོན་ཀྱང་རྩ་བར་ཡན་ལག་མ་ཚང་བའི་རྒྱུས་དོན་འགའ་ཞིག་མི་གསལ་བ་དང་། མ་རྫོགས་པ་
[110b.2]རྣམས་ལ་རང་སྟོབས་ཀྱིས་དཔྱད་པའི་ཚུལ་མི་མཚུངས་པ་སྣ་ཚོགས་བྱུང་བའི་རྒྱུ་མཚན་གྱིས་ཡིན་པས། འདིར་ཡང་མཐའ་གཅིག་ཏུ་ངེས་པ་མ་བྱས་པར། འདུལ་མདོ་རྒྱུད་གསུམ་སོ་སོར་སྡེབ་སྦྱོར་གྱི་སྲོལ་མཚུངས་པར་བྱས།
[110b.3]ནང་གསེས་སུ་སྡེབ་སྦྱོར་ཅུང་མི་འདྲ་བ་ཕྱོགས་གང་བྱས་ཀྱང་སྐྱོན་དུ་མི་འགྱུར་སྙམ་པ་རྣམས་འདྲ་མིན་དེ་ཀ་སོར་བཞག་ལས། གཅིག་འགྲོས་ཁོ་ན་མ་བྱས་ཤིང་། མ་མྱ་དང་ས་{སྩོགས་,སོགས་}དང་རལ་གྲི་ལ་རལ་གྱི་སོགས། ཡུལ་སྐད་
[110b.4]ལ་ཤོར་བར་གྲགས་པ་རྣམས་མཁས་པ་དག་གིས་ཀྱང་མི་བཞེད་པས་དོར། ད་དྲག་ནི་སུམ་རྟགས་ཀྱི་དགོངས་པར་འབྱོར་མོད་ཀྱི་ཕྱིས་བློ་ལྡན་ཤེས་རབ་སོགས་ཀྱིས་ཡི་གེ་ཟོར་ཡང་བའི་ཆེད་དུ་བསྡུས་པ་བཞིན་དུ་བྱས་ཏེ།
[110b.5]དབུའི་རྒྱ་སྐད་རྣམས་ལེགས་སྦྱར་ཁོ་ན་ལྟར་བཅོས་པ་དང་། གཞི་ཟུར་ཆག་ཅན་འགའ་ཞིག་རང་མལ་དུ་བཞག །ཡུལ་དང་མེ་ཏོག་དང་སྲོག་ཆགས་ལ་སོགས་པའི་མིང་ལེགས་སྦྱར་དུ་ཡོད་པ་རྣམས་དང་། མདོ་
[110b.6]ཕྱོགས་ལ་སྔོན་གྱི་ལོ་ཙཱ་བ་དག་གིས་བོད་ཀྱིས་ཇི་བཞིན་ཀློག་བདེ་བའི་ཁྱད་ཀྱིས། གོ་ཏ་མ་ལ་འགོའུ་ཏ་མ་སོགས་བྲིས་པ་ལྟ་བུ་དང་། ལེགས་སྦྱར་ཉིད་དང་མཐུན་པ་སོགས་ཅི་རིགས་པར་སྣང་བས་དེ་ག་ལྟར་སོར་བཞག་
[110b.7]ལ། མི་བཅོས་སུ་མི་རུང་བ་འགའ་ཞིག་བཅོས། སྔགས་སྐོར་རྣམས་ལ་དཔྱད་བཟོད་པ་དག་ལེགས་སྦྱར་ཉིད་དང་སྒོ་བསྟུན་ནས་བཅོས་པ་སོགས་མདོར་ན། བཀས་བཅད་བྱེ་བྲག་ཏུ་རྟོགས་བྱེད་ཆེན་མོ་དང་། སྒྲ་སྦྱོར་
[111a.1]བམ་པོ་གཉིས་པ་དང་། ཐོན་མིའི་སུམ་རྟགས་དང་། སྨྲ་སྒོ་རྩ་འགྲེལ་དང་། གཞན་ཡང་མཁས་པ་དག་གིས་བརྩམས་པའི་བརྡ་ལེགས་པར་སྦྱོར་བའི་བསྟན་བཅོས་རྣམས་དང་བསྟུན་ཏེ།
[111a.2]སྔོན་རྗེས་ཀྱི་འཇུག་པ་གཉིས། དེ་དགོས་པ་ཅིའི་ཕྱིར་ཚུལ་ཇི་ལྟར་འཇུག་པ། དེ་སོ་སོའི་རྟགས་ཀྱི་དབྱེ་བ་དང་དུས་གསུམ་གྱི་སྒྲུབ་པ་ཐ་དད་པ། དེ་ལའང་སྤྱིར་བཏང་དམིགས་བསལ། ཚིག་ཕྱི་མ་དང་སྦྲེལ་བའི་མཚམས་
[111a.3]སྦྱོར། རྣམ་དབྱེ་དང་ཚིག་ཕྲད་ལ་སོགས་པ་ཚུལ་ཇི་ལྟ་བ་བཞིན་དུ་བགྱིས་ཏེ། ཁོ་བོས་ངག་བཀོད་བྱས་པ་བཞིན་དུ་བློ་གསལ་གཞན་དག་གིས་ལན་མང་དུ་བསྒྲགས་ནས་ཞུས་དག་ལེགས་པར་བགྱིས་ཤིང་། དོགས་
[111a.4]གནས་ཆེ་བ་རྣམས་དཔྱིས་ཕྱིན་པར་རང་ཉིད་ཀྱིས་གཏན་ལ་ཕབ་སྟེ། གསུང་རབ་བཞུགས་ཚོགས་ཆེས་པ་དང་། ཞུས་དག་མཁན་པོ་བློ་གྲོས་དམན་པས་ཕྱེ་མ་ལེབ་ཀྱིས་ནམ་མཁའི་མཐའ་ཉུལ་བ་ལྟ་བུར་གྱུར་པའི་ཕྱིར་
[111a.5]མ་རྟོགས་པ་དང་། ལོག་པར་རྟོག་པ་གཏན་མེད་དོ་ཞེས་སྨྲ་བར་མི་ནུས་ཀྱང་། སྔོན་ཙཱི་ནའི་ཡུལ་དུ་གོང་མ་ཏཱ་མིན་གཡུང་ལོ་ཆེན་པོས་བཀའ་འགྱུར་རོ་ཅོག་གི་པར་བཞེངས་པ་དང་། འདི་ཉིད་ཀྱི་མ་ཕྱི་ས་ཐམ་རྒྱལ་པོས་བཞེངས་
[111a.6]པ་འདི་སོགས་ལས་ཁྱད་པར་དུ་འཕགས་ཤིང་དཔྱོད་ལྡན་གྱིས་ཡིད་རྟོན་པའི་གནས་སུ་འོས་པར་སེམས་སོ། །གསུམ་པ་བཞེངས་ཚུལ་དངོས་ནི་པར་ཡིག་འབྲི་བའི་ཡོ་བྱད་ཀྱི་ཤོག་བུ་དང་སྣག་ཚ་ལ་སོགས་པ་དང་། པར་གཞིའི་ཤིང་རྣམས་
[111a.7]དང་བཅས་པ་ཐམས་ཅད་ལ་དབང་ཡོད་ཀྱིས་མི་སེར་བསྐུལ་ཅིང་ཁྲལ་ལེན་པ་སོགས་མི་མཛད་པ་སྨོས་ཅི་དགོས། ཀོ་རིན་ཐང་ཡུལ་དུས་ལ་དཔག་པ་ལས་ལྷག་པར་སྩལ་ཏེ། ཐམས་ཅད་རྒྱུ་དག་ཅིང་ཕུན་སུམ་ཚོགས་པར་མཛད་ནས། གཟབས་མ་འདྲི་བའི་
[111b.1]ཡི་གེ་པ་སྔ་སོར་བོད་ཆེན་གྱི་ལྗོངས་འདིར་ཧ་ཅང་མཁས་པ་མེད་མོད་ཀྱི། ལེགས་བྱས་རྒྱ་ཆེན་པོ་འདིའི་དབུ་བཙུགས་པ་ཙམ་ནས་མ་བོས་པར་ཡང་བསོད་ནམས་ཆེན་པོའི་མགྲོན་དུ་འོངས་པའི་ཡི་གེ་པ་མང་པོ་འདུས་པ་ལ་སོ་སོའི་ཡོ་བྱད་ཐམས་ཅད་
[111b.2]བླ་ནས་སྦྱར་ཏེ། འཇམ་དབྱངས་སྤྲུལ་པ་ཐོན་མི་སཾ་བྷོ་ཊའི་རྣམ་དཔྱོད་ཀྱི་ཟློས་གར་ལས། བོད་ཡུལ་གྱི་ཡི་གེ་གསར་དུ་བྱོན་པ་ནས་བརྩམས་ཏེ། ཕྱིས་ཁྱུང་པོ་གཡུ་ཁྲིས་ཐིག་ཁོངས་ནས་དྲངས་ཤིང་རོང་པོས་ལྷན་ཐབས་མཛད་པའི་རྒྱུན་
[111b.3]ཇི་ལྟ་བ་བཞིན་དུ་མ་ཆོས་ཉི་ཤུ་རྩ་གཅིག །བུ་ཆོས་བཅུ་དྲུག །སྤྱི་ཆོས་གསུམ་བཅས་ཆོས་བཞི་བཅུའི་མཚན་ཉིད་ཚང་བར་འབད་པ་ཆེན་པོས་སྦྱོང་བརྡར་བྱེད་དུ་འཇུག་པ་གནང་ནས། དེ་དག་དུས་ཐུང་དུར་བྱངས་ཤིང་མཁས་པར་གྱུར་པ།
[111b.4]དཔོན་ཡིག་པ་དྲུག་ཅུ་ལྷག་ཙམ་གྱིས་ལྷུན་གྲུབ་སྟེང་གི་བླ་བྲང་ཆེན་པོའི་ནང་དུ་པར་ཡིག་འབྲི་བའི་གྲྭ་བཙུགས་པ་དང་། དེ་བཞིན་དུ་པར་བརྐོས་པ་བཞི་བརྒྱ་ལྷག་དང་། ཞུས་དག་པ་བཅུ་སྐོར། ཤིང་བཟོ་བ། ཤོག་བུ་མཁན་པོ།
[111b.5]སྣག་ལས་པ། ཤོག་ལས་པ་སོགས་ལས་ཚན་ཤིན་ཏུ་མང་བ་བར་མ་ཆད་དུ་བསྟེན་པའི་རིམ་པས་ཞུས་དག་ཟིན་པ་དང་པར་ཡིག་འདྲི། དེ་ཟིན་ནས་པར་ཡིག་ལ་ཡིག་མཁན་སོ་སོས་བར་ཞུས་ལན་གཉིས་དང་། ཞུས་དག་མཁན་པོ་རྣམས་ཀྱིས་
[111b.6]ལན་གཉིས་ཏེ་བཞི་བཞིར་ཞུས་དག་བྱེད། དེ་ཟིན་ནས་པར་བརྐོས་པ་རྣམས་ལ་སོ་སོར་སྤྲོད་པ་སོགས་ལས་སྤྱིའི་དོ་དམ་པ་གྲུབ་དབང་བྱང་ཆུབ་གླིང་པའི་དབོན་རྒྱུད་དུ་སྐྱེས་ཤིང་བརྡ་དག་པར་བྱེད་པའི་སྦྱོར་བ་སོགས་ལ་མཁས་པས་གསུང་རབ་ལ་ལྟ་བའི་མིག་གྲུངས་པོར་གྱུར་པ་དགེ་སློང་ཀརྨ་
[111b.7]དཔལ་གྲུབ་དང་། མི་དབང་ཉིད་ཀྱི་ཞབས་ཕྱི་ནང་འཁོར་བ་ཡིག་རྩིས་དང་སྒྱུ་རྩལ་སོགས་ལ་བྱང་ཞིང་གཞུང་དྲང་ལ་ཚུགས་ཐུབ་པ། ཁོག་ཡངས་ལ་དཀྱེལ་ཆེ་བ། ཕྱི་རྒྱ་བསྲུངས་ནས་ཞིབ་ཏིག་མི་འཆོར་བ་སོགས་ཡ་རབས་ཀྱི་ཡོན་ཏན་དང་ལྡན་པ་དྲུང་ཡིག་ཚེ་རིང་འཕེལ་གྱིས་བྱས་
[112a.1]ཏེ་ས་བྱ་ནས་ཆུ་གླང་བར་བགྲང་བྱ་ལྔའི་ངོ་མཐོང་བར་བརྩོན་པ་ཆེན་པོས་བསྒྲུབས་པ་ཡིན་ནོ། །དེ་ལ་དེ་དེ་དག་གི་ཚེ་ན་དུས་ནར་མར་སྦྱར་དགོས་པའི་བཟའ་བཏུང་དང་། བར་བར་དུ་སྟོན་མོ་དང་། དགའ་སྤྲོའི་གསོལ་རས་སོགས་བཟང་ཞིང་རྒྱ་ཆེ་བ་མི་བགྲང་བར་ལས་ཚན་སོ་སོའི་ཡོན་དང་
[112a.2]པར་ཤིང་སོགས་ཀྱི་རིན་ཐང་རགས་པ་ཞིག་བསྡོམས་པར་གླེགས་བམ་བརྒྱ་ཕྲག་གཅིག་དང་རྙིང་རྒྱུད་དུམ་གསུམ་བཅས་ལ་བཟང་ཇ་སྤོབ་རྩེ་སྟོང་ཕྲག་བདུན་དང་དྲུག་བརྒྱ་ཉེར་གཉིས་སོང་བས་མཚོན། །ནམ་ཡང་ཞུམ་པ་མེད་པའི་གཏོང་བ་ཆེན་པོའི་ཕྱག་ལེགས་པར་བརྐྱངས་པས་
[112a.3]ཐམས་ཅད་དགའ་བ་དང་མགུ་བ་དང་རངས་པའི་མཆོག་ཏུ་གྱུར་ཏོ། །དེ་ལྟར་པར་དུ་བསྒྲུབས་ཟིན་ནས་ཀྱང་ཞུས་དག་ལན་མང་དུ་བགྱིས་ཏེ་ཡིད་རྟོན་རུང་བར་གྱུར་པ་དེ་མ་ཐག་ཐམས་ཅད་མཁྱེན་པ་རྡོ་རྗེ་འཆང་ཀུན་དགའ་བཟང་པོའི་རྒྱལ་ཚབ་ཏུ་སེང་གེའི་ཁྲི་ཆེན་པོར་མངའ་
[112a.4]གསོལ་བ་མཁན་ཆེན་མངྒ་ལའི་མཚན་ཅན་གྱིས་རྡོ་རྗེའི་སློབ་དཔོན་གྱི་བྱ་བ་མཛད་དེ་ལྷ་སྔགས་ཏིང་ངེ་འཛིན་གྱི་རྣལ་འབྱོར་ལ་གོམས་པ་བརྟས་པའི་རིག་པ་འཛིན་པ་མང་པོ་དང་ཐབས་ཅིག་ཏུ་དཔལ་དགྱེས་པ་རྡོ་རྗེའི་དཀྱིལ་འཁོར་ལ་བརྟེན་ནས་ཡེ་ཤེས་པ་མངོན་སུམ་དུ་གཞུག་
[112a.5]པར་མཛད་པ་སོགས་རབ་ཏུ་གནས་པའི་ཆོ་ག་སྦྱོར་དངོས་མཇུག་གི་རིམ་པ་ཚང་ཞིང་མ་འཁྲུགས་པ་ལན་དུ་མར་བསྐྱར་ནས་འགྲོ་བ་ལྷ་དང་བཅས་པ་ཐམས་ཅད་ཀྱིས་མཆོད་པའི་གནས་ཟླ་མེད་པ། འདོད་པ་ལེགས་དགུ་ཅོག་ཐམས་ཅད་འབྱོར་པར་བྱེད་པའི་རིན་པོ་ཆེ་ཆེན་པོ་སྐྱེ་
[112a.6]འགྲོའི་བདེ་སྐྱིད་དང་། སངས་རྒྱས་ཀྱི་བསྟན་པའི་རྩ་ལག་ཆེན་པོར་གྱུར་པ་འདི་གྲུབ་པ་ཡིན་ནོ། །འདིར་སྨྲས་པ། མི་བདག་ས་ཡི་ཚངས་པ་ཆེས། །ཆོས་དོན་འདོད་ཐར་གདོང་བཞི་ལས། །ལེགས་སྤྱད་རིག་བྱེད་འདི་ཕྱུང་བས། །ནོར་འཛིན་དཔལ་མོ་ཀུན་དགར་གྱུར། །གང་གི་གྲགས་
[112a.7]པ་གངྒཱའི་རྒྱུན། །ལམ་གསུམ་ཉིད་དུ་འོངས་པ་ན། །སྲིད་པ་དགུ་ཅན་ལས་སྐྱེས་པའི། །ཉེས་པ་དེ་དག་རིང་དུ་སོང་། །ལེགས་བྱས་རྒྱ་ཆེན་འདི་བསྟེན་པའི། །ཀུན་བཟོད་དཀྱིལ་འཁོར་ཕྲག་པ་ལ། །མངོན་པར་བཀོད་པའི་ལྷག་མ་ཅན། །ལྟོས་འགྲོའི་སྙེམས་པ་འདིར་ལྟོས་ཤིག །
[112b.1]དབྲོག་པར་བྱས་སོ་སྙིགས་མའི་དུས། །མཚན་མོར་གྱུར་ལ་མི་སྦྱིན་སྐྱེས། །རྩོད་པའི་ཐ་མར་མཆོད་སྡོང་ཆེ། །སྔ་ན་མེད་པར་འཁྲུངས་འདིས་སོ། །ཨེ་མ་སྐྱེ་འགྲོར་ཕན་བདེ་ཡི། །གཏོང་བ་ཆེན་པོ་སྒྲུབ་པའི་ཕྱག །སྙིང་སྟོབས་འོ་མཚོ་ལས་བྱུང་
[112b.2]བས། །འདོད་འབྱུང་ས་བརྟོལ་དབང་པོ་བཞིན། །གང་གི་རང་བཞིན་སྙིང་སྟོབས་རྨ་མེད་གཞིག་པར་མི་ནུས་རྡོ་རྗེ་ཉིད་ཡིན་ཞོ་འཐུང་རུས་པ་དེ་མ་ཡིན། །གང་གི་ལེགས་བྱས་ཤིན་ཏུ་དཀར་བ་བཞེད་དགུའི་འདོད་འཇོ་དཔག་བསམ་དངོས་ཡིན་ཀོ་བི་ད་ར་དེ་མ་ཡིན། །གང་
[112b.3]གི་གྲགས་པ་སྐྱེ་དགུའི་སྙིང་ལ་སིམ་པ་སྟེར་བྱེད་ཟླ་བ་ཉིད་ཡིན་རི་བོང་འཛིན་པ་དེ་མ་ཡིན། །གང་དག་ཡོན་ཏན་བྱེ་བའི་རང་བཞིན་ནོར་བུའི་དོ་ཤལ་སྤེལ་ལེགས་འདི་ཡིན་མུཀྟི་ཀ་ཕྲེང་དེ་མ་ཡིན། །བྱ་དཀའི་རྒྱ་མཚོ་རླབས་ཆེན་རྒལ་དཀའ་གེགས་བྱེད་འཇིགས་རུང་འཛིན་
[112b.4]ཁྲིའི་གནས། །དུས་ཀྱི་རྦ་རླབས་གནམ་དུ་སྐྱོང་ཚེ་བྱིས་པ་རྣམས་ནི་དོགས་པ་སྐྱེ། །དཔལ་རྣམས་བློ་གྲོས་ནམ་ཡང་མི་ཉམས་ཐབས་ཤེས་གདོས་པ་འཛིན་པ་ཅན། །འབད་པ་ཆེན་པོའི་གྲུ་ཆེན་ཚགས་བཅུག་བདེ་བར་ཕ་རོལ་ཕྱིན་པར་འགྱུར། །དྲག་པོས་བསྲེགས་པའི་
[112b.5]ལུས་ཀྱི་ལྷག་མས་བྱེ་བ་ཁྲག་ཁྲིག་དཔུང་བཤམས་ཏེ། །མི་བཟད་ཆེ་ཆར་དྲུག་པོ་ཕབ་ཀྱང་དམ་པ་རྣམས་ཀྱི་སྙིང་སྟོབས་ནི། །ཟླ་བ་མཐོང་བའི་ཀུནྡ་བཞིན་དུ་ཕྱིར་ཞིང་རྒྱས་པ་ཁོ་ན་ལས། །བྲི་བར་འགྱུར་མིན་དེས་ན་དེ་རིང་བདུད་ལས་རྣམ་པར་རྒྱལ་
[112b.6]འདི་ལྟོས། །བདེ་བར་གཤེགས་པའི་བཀའ་གངས་ཅན་བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་ཟླ་འོད་གཞོན་ནུའི་འཁྲི་ཤིང་
[112b.7]ལས་རྒྱལ་བའི་གསུང་རབ་གངས་རིའི་ཁྲོད་དུ་དེང་སང་ཇི་ཙམ་སྣང་བ་པར་དུ་བསྒྲུབས་པའི་བྱུང་བ་དངོས་ལེགས་པར་བཤད་པའི་ཡལ་འདབ་སྟེ་གསུམ་པའོ།།
[113a.1]༄༅། །ཨབྷྱུཏྦཱདིཏྭཱཛིནམབྷིནབཾདྷརྨྨསཽཔྲྀཥྚམཽནེཿ། །ཀཱརུཎྱསྠཱུལཾཀྵུཔཔྲྀཐུདྲྀཊྟཾབོངྷིཙིཏྟསྱམཱུལཾ།།
[113a.2]༄༅། །ཐུབ་པའི་ཆོས་ཀྱི་གྲུ་ཆར་འདི་ཡིས་རྒྱལ་བའི་མྱུ་གུ་བསྐྱེད་པ་སྲིངས་ནས། །བྱང་ཆུབ་སེམས་ཀྱི་རྩ་བ་རབ་བརྟན་སྙིང་རྗེ་ཆེན་པོའི་ཡལ་རྻས།།
[113b.1]སརྦྦཛྟཽཔཱཡཾོཊུདལགྷནཱནྱཱསྟིསརྦྦཱཀརཱབྷུཏྲ། །སཾཔཱུརྞྞཱཏྤཱུརྦྦཔྲྀ་ཐུལཙཕལཾསྟོཏྲསངྔྷརྨྨཏཱརྷ།།
[113b.2]ཐབས་ལ་མཁས་པའི་ལོ་མ་སྟུག་ལྡན་རྣམ་ཀུན་ཐམས་ཅད་མཁྱེན་གྱུར་པའི། །འབྲས་བུ་ཆེན་པོ་ཡོངས་སུ་རྫོགས་ཕྱིར་ཐོག་མར་དམ་ཆོས་བསྔགས་པའི་འོས།།
[114a.1]གང་ཞིག་མཚན་མོའི་སྨག་རུམ་སྟུག་པོས་སྨན་གྱི་ནགས་ཚལ་མཛེས་བྱེད་ཅིང་། །གཟི་བྱིན་མཚུངས་མེད་ཉིན་མོའི་དཔལ་ཡང་འབྱུང་པོའི་བྱ་རྣམས་མུན་པར་བྱེད། །ལུགས་རྣམས་སྣ་ཚོགས་བློ་ལྡན་དག་ལ་ཕན་པའི་མཛའ་བཞིན་ཉེར་གནས་ཀྱང་། །
[114a.2]ཕྱི་མའི་དུས་འདིར་ཐུབ་པའི་བསྟན་ཡང་ཕྱོགས་རེའི་མིག་ཅན་འཁྲུལ་པའི་རྒྱུ། །ཁོ་བོའི་ལྷག་བསམ་པད་རྩ་ལྟ་བུས་དྲང་པོའི་གནས་སུ་རྐང་བཀོད་ཀྱང་། །གྱ་གྱུར་རྒྱུ་བའི་ལམ་སྲོལ་ལ་བརྟེན་གཞན་གྱི་འདོད་པ་དང་དུ་བླངས། །དེ་ཕྱིར་འདི་ན་འཚམས་པར་བསྡུས་
[114a.3]པའི་རྒྱལ་གསུང་མཱ་ལི་ཀ་ཡི་ཕྲེང་། །དྲི་མེད་སྤེལ་འདི་སྨྲ་མཁས་རྣམས་ཀྱིས་མགྲིན་པའི་རྒྱན་དུ་ད་ལོངས་ཤིག །དེ་ལྟར་པར་དུ་བསྒྲུབ་པར་བྱ་བའི་ཆོས་ཀྱི་རྣམ་གྲངས་དེ་དག་གི་བཞུགས་བྱང་དཀར་ཆག་ཏུ་བཀོད་པ་དངོས་ལ་མདོ་སྔགས་ཀྱི་ཚན་གཉིས་ལས། དང་པོ་
[114a.4]ལའང་འཁོར་ལོ་དང་པོར་གཏོགས་པ་འདུལ་བ་ལུང་གི་སྐོར་དང་། འཁོར་ལོ་བར་བ་ཤེས་ཕྱིན་ཀྱི་སྐོར་དང་། འཁོར་ལོ་ཐ་མའི་མདོ་གཞུང་བཞུགས་ཚོགས་ཆེ་བའི་སྐོར་དང་། མདོ་མང་དུ་གྲགས་པ་ཐེག་པ་ཆེ་ཆུང་གི་མདོ་ཅི་རིགས་པ་ཕྱོགས་གཅིག་ཏུ་བསྒྲིགས་པའི་
[114a.5]སྐོར་དང་བཞིའོ། །དང་པོ་ནི། ཐམས་ཅད་མཁྱེན་པ་བུ་སྟོན་གྱིས་དང་པོར་ཕའི་སོ་ཐར་དང་རྣམ་འབྱེད། དེ་ནས་མའི་སོ་ཐར་དང་རྣམ་འབྱེད། ལུང་གཞི། ཕྲན་ཚེགས། ལུང་ཞུ་བ་རྣམས་ཀྱི་འགྲིག་རིམ་མཛད་ཅིང་། གོང་དཀར་བས། ཐོག་མར་སོ་ཐར་
[114a.6]གཉིས། དེ་ནས་ལུང་གཞི། རྣམ་འབྱེད། ཞུ་བ། ཕྲ་ཚེགས་རྣམས་ཀྱི་གོ་རིམ་མཛད་མོད་ཀྱི། འདིར་སྔོན་གྱི་དཀར་ཆག་འཕང་ཐང་མ་སོགས་དང་མཐུན་པར་བྱུང་བའི་ཚལ་པ་བཀའ་འགྱུར་སོར་བཞག་ལྟར་གྱི་སྒྲིག་རིམ་བྱས་པར། འདུལ་བ་གཞི།
[114a.7]ཕའི་སོ་ཐར་དང་རྣམ་འབྱེད། མའི་སོ་ཐར་དང་རྣམ་འབྱེད། ཕྲན་ཚེགས། གཞུང་བླ་མ་རྣམས་རིམ་པར་བཞག་པའི་དང་པོ་གཞི་བཅུ་བདུན་རྒྱས་པར་སྟོན་པ་ལུང་གཞིར་གྲགས་པ་ལ་ཤློཀ་སུམ་ཁྲི་ཉིས་སྟོང་བདུན་བརྒྱ་བམ་པོ་བརྒྱ་དང་དགུ་བཞུགས་པའི་གླེགས་
[114b.1]བམ་ཀ་པ་ལ། རབ་བྱུང་གི་གཞི། གསོ་སྦྱོང་གི་གཞི། དགག་དབྱེའི་གཞི། དབྱར་གནས་ཀྱི་གཞི། ཀོ་ལྤགས་ཀྱི་གཞིའི་སྟོད་ཡན་བམ་པོ་ཉི་ཤུ་བཞི་བའི་བར་བཞུགས་སོ། །ཁ་པ་ལ། ཀོ་ལྤགས་ཀྱི་གཞིའི་སྨད། སྨན་གྱི་གཞིའི་སྟོད་
[114b.2]ཡན་བམ་པོ་ཉི་ཤུ་རྩ་ལྔ་བ་ནས་ལྔ་བཅུ་རྩ་བཞི་བའི་བར་བཞུགས་སོ། །ག་པ་ལ། སྨན་གྱི་གཞིའི་སྨད། གོས་ཀྱི་གཞི། སྲ་བརྐྱང་གི་གཞི། ཀཽ་ཤཱམྦྷིའི་གཞི། ལས་ཀྱི་གཞི། དམར་སེར་ཅན་གྱི་གཞི། གང་ཟག་གི་གཞི། སྤོ་བའི་གཞི།
[114b.3]གསོ་སྦྱོང་གཞག་པའི་གཞི། གནས་མལ་གྱི་གཞི། རྩོད་པའི་གཞི། དབྱེན་གྱི་གཞིའི་སྟོད་ཆ་ཡན་བམ་པོ་ལྔ་བཅུ་རྩ་ལྔ་བ་ནས་བརྒྱད་ཅུ་རྩ་གཉིས་པའི་བར་བཞུགས་སོ། །ང་པ་ལ། དབྱེན་གྱི་གཞིའི་མཇུག་བམ་པོ་གྱ་གསུམ་པ་ནས་བམ་པོ་བརྒྱ་དང་།
[114b.4]དགུའི་བར་གྱིས་ཡོངས་སུ་རྫོགས་པ་བཞུགས་ཏེ་ཁ་ཆེའི་པཎྜི་ཏ་སརྦ་ཛྙཱ་དེ་ཝ་དང་། །རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ཁ་ཆེའི་མཁན་པོ་དྷརྨ་ཀ་ར་དང་། བོད་ཀྱི་ལོ་ཙཱ་བ་བནྡེ་དབལ་གྱི་ལྟུག་པོའི་འགྱུར་ལ། སླར་ཡང་རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་།
[114b.5]ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་པའོ། །ཅ་པ་ལ། །དགེ་སློང་ཕའི་ཁྲིམས་ཉིས་བརྒྱ་ལྔ་བཅུ་རྩ་གསུམ་མདོར་བསྡུས་ནས་སྟོན་པ་ཕའི་སོ་ཐར་གྱི་མདོ་བློ་ཀ་བདུན་བརྒྱ། བམ་པོ་གཉིས་པ། ཁ་ཆེའི་བྱེ་བྲག་ཏུ་སྨྲ་བའི་སློབ་དཔོན་ཛི་ན་མི་ཏྲ་
[114b.6]དང་། ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་བསྒྱུར་ཅིང་ཞུས་པ། དེའི་དོན་རྒྱ་ཆེར་བཤད་པ་ཕའི་རྣམ་འབྱེད་བློ་ཀ་ཉི་ཁྲི་བཞི་སྟོང་དགུ་བརྒྱ་བམ་པོ་བརྒྱད་ཅུ་རྩ་གསུམ་པ་ལས་ཕམ་པ་བཞི་དང་ལྷག་མ་བཅུ་གསུམ་ལས་དབྱེན་བྱེད་པའི་ལྷག་མ་ཡན་ཆད་བམ་པོ་
[114b.7]ཉེར་གཅིག་པའི་བར་བཞུགས་སོ། །ཆ་པ་ལ། ལྷག་མའི་འཕྲོ་གསུམ་དང་། མ་ངེས་པའི་ཆོས་གཉིས། སྤང་ལྟུང་སུམ་ཅུ། ལྟུང་བྱེད་འབའ་ཞིག་པ་དགུ་བཅུ་ལས་བཅུ་གཅིག་པ་ཡན་བམ་པོ་ཉེར་གཉིས་པ་ནས་བམ་པོ་བཞི་བཅུ་རྩ་གཉིས་པའི་
[115a.1]བར་བཞུགས་སོ། །ཇ་པ་ལ། ལྟུང་བྱེད་བཅུ་གཉིས་པ་ནས་བདུན་ཅུ་རྩ་གཉིས་པ་ཡན་བམ་པོ་ཞེ་གསུམ་པ་ནས་བམ་པོ་རེ་གཉིས་པའི་བར་བཞུགས་སོ། །ཉ་པ་ལ། ལྟུང་བྱེད་བདུན་ཅུ་རྩ་གསུམ་པ་མན་ཚང་བ། སོར་བཤགས་
[115a.2]བཞི། བསླབ་པའི་ཆོས་མང་པོ། རྩོད་པ་ཞི་བྱེད་ཀྱི་ཆོས་མང་པོ་སྟེ་ཕའི་རྣམ་འབྱེད་ཡོངས་སུ་རྫོགས་པ་བམ་པོ་རེ་གསུམ་པ་ནས་བམ་པོ་གྱ་གསུམ་པ་རྫོགས་པའི་བར་སློབ་དཔོན་ཛི་ན་མི་ཏྲ་དང་། ལོ་ཙཱ་བ་བནྡེ་ཀླུའི་རྒྱལ་མཚན་གྱིས་བསྒྱུར་བ་བཞུགས་སོ། །
[115a.3]ཏ་པ་ལ། དགེ་སློང་མའི་ཁྲིམས་སུམ་བརྒྱད་དྲུག་ཅུ་རྩ་བཞི་བསྡུས་ནས་སྟོན་པ་མའི་སོ་ཐར་གྱི་མདོ་ཤློ་ཀ་བརྒྱད་བརྒྱ་བམ་པོ་གཉིས་པ་འགྱུར་བྱང་སྔ་མ་དང་འདྲ་བ། །དེའི་དོན་རྒྱས་པར་སྟོན་པ་དགེ་སློང་མའི་འདུལ་བ་རྣམ་འབྱེད་ཤློ་ཀ་བརྒྱད་སྟོང་བཞི་བརྒྱ་དང་བམ་པོ་ཉི་ཤུ་
[115a.4]རྩ་བརྒྱད་པ་འགྱུར་བྱང་ལུང་གཞི་དང་མཚུངས་པ་དག་བཞུགས་སོ། །ཐ་པ་ལ། མ་ཚང་བ་ཁ་བསྐང་བ་འདུལ་བ་ལུང་ཕྲན་ཚེགས་སྒོ་བརྒྱད་ཀར་རྫོགས་པ་ཤློ་ཀ་ཆིག་ཁྲི་བདུན་སྟོང་བདུན་བརྒྱ་དང་བམ་པོ་ལྔ་བཅུ་རྩ་དགུ་པ་ལས་བམ་པོ་ཉི་ཤུ་རྩ་བདུན་པ་ཡན་
[115a.5]བཞུགས་སོ། །ད་པ་ལ། དེའི་འཕྲོས་བམ་པོ་ཉི་ཤུ་རྩ་བརྒྱད་པ་ནས་བམ་པོ་ལྔ་བཅུ་རྩ་དགུ་བའི་བར་རྫོགས་པ་རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། དྷརྨ་ཤྲཱི་བྷ་དྲ་དང་། ལོ་ཙཱ་བ་བནྡེ་དཔལ་འབྱོར་གྱིས་བསྒྱུར་བ་བཞུགས་སོ། །ཕྲན་ཚེགས་འདི་
[115a.6]སྐབས་སྔོན་གྱི་དཀར་ཆག་རྣམས་སུ་བམ་ཚད་སོགས་སྣ་ཚོགས་བྱུང་བ་ནི་ལོ་ཙཱ་བ་མང་པོས་དུམ་བུར་བསྒྱུར་བས་ཕྱོགས་གཅིག་ཏུ་བསྡོམས་པའི་ཚེ་ཚང་མ་ཚང་ཅི་རིགས་བྱུང་བའི་རྐྱེན་གྱིས་ཡིན་ལ་སྒོ་བརྒྱད་ཀ་ཡོངས་སུ་རྫོགས་པ་འདི་ནི་ལ་སྟོད་འོལ་རྒོད་ཀྱི་གཙུག་
[115a.7]ལག་ཁང་དུ་གནས་བརྟན་དར་མ་སེང་གེས་ལུང་སྡེ་བཞི་བཞེངས་པའི་ཚེ་དགེ་བའི་བཤེས་གཉེན་འདུལ་བ་འཛིན་པ་ཞིང་མོ་ཆེ་བ་བྱང་ཆུབ་སེང་གེས་ཕྱག་ལེན་མཛད་ནས་སྤྱིར་དབུས་གཙང་གི་གཙུག་ལག་ཁང་རྣམས་ན་བཞུགས་པ་དང་། ཁྱད་པར་དུ་བསམ་
[115b.1]ཡས་མཆིམས་ཕུ་ནས་དག་ཆུང་པ་དང་། དགེ་སློང་ཚུལ་ཁྲིམས་ཡོན་ཏན་གྱིས་རྙེད་པའི་ལུང་རྣམས་དཔེ་ཡོན་དང་འབད་རྩོལ་ཆེན་པོས་བཙལ་ཏེ། དེ་དག་ལ་གཏུགས་པས་ལུང་ཕྲན་ཚེགས་ཁ་ཅིག་ལ་མི་བཞུགས་པ། ཁ་ཅིག་ལ་བཞུགས་པ་རྣམས་ཀྱིས་
[115b.2]བསྐངས་ནས་བསབས་པ་ནི་བམ་པོ་སུམ་ཅུ་རྩ་གསུམ་སྨན་ཆེན་པོའི་གཏམ་རྒྱུད་ཀྱི་སྐབས་ནས། སྨན་ཆེན་པོས་སྨྲས་པ། གལ་ཏེ་དེ་ལྟ་ན་སྐྱུགས་ཤིག་དང་བདེན་ནམ་རྫུན་བལྟའོ་ཞེས་སྨྲས་པ་དང་ཞེས་བྱ་བ་ནས་བམ་པོ་སུམ་ཅུ་རྩ་བཞི་བའི་དབུ། ཇི་ཙམ་ན་དེ་གྲོང་
[115b.3]ཁྱེར་ནས་བྱུང་བ་དང་། བྲམ་ཟེ་མོང་བརྟུལ་ཞེས་བྱ་བས་གོས་ཀྱི་མཐའ་མ་ནས་འཇུས་ནས་ཞེས་བྱ་བའི་བར་དུ་བམ་པོ་གཅིག་ཆད་པ་བསྐངས། སྡོམ་ནི་ང་ཡང་སྨན་གྱིས་དེ་བཞིན་ནོ་ཞེས་བྱ་བའི་འོག་ཏུ་ཡིག་ཚར་གཅིག་ཆད་པ་བསྐངས། དེ་ནས་བམ་པོ་སུམ་
[115b.4]ཅུ་རྩ་བཞི་པའི་སྨད་ནེ་ཙོ་སྤྱོད་གསལ་གྱི་སྐབས་རྫོགས་པའི། །ཨེ་མའོ་འདི་ལྟར་ཁྱོད་མཁས་པ་ཤ་སྟག་དང་ཕྲད་པ་ནི་བསོད་ནམས་དང་ལྡན་ནོ་ཞེས་སྨྲས་སོ། །ཞེས་བྱ་བ་ནས་བམ་པོ་བཞི་བཅུ་རྩ་གསུམ་པའི་སྟོད། སྤྱིའི་སྡོམ་ནི། དགེ་སློང་མའི་བཀུར་སྟི་
[115b.5]བྲི་ཞེས་བྱ་བའི་བར་དུ་བམ་པོ་སུམ་ཅུ་རྩ་བཞི་བའི་སྨད་ནས་བཞི་བཅུ་རྩ་གསུམ་པའི་སྟོད་ཀྱི་བར་བམ་པོ་དགུ་ཆད་པ་བསྐངས། སྡོམ་ཚིག་དེའི་འོག་ཏུ་སྡོམ་ཚིག་ཡིག་ཚར་གཅིག་ཆད་པ་བསྐངས། དེ་ནས་བམ་པོ་བཞི་བཅུ་རྩ་དྲུག་པའི་མཇུག་བྲམ་ཟེའི་ཁྱེའུ་མ་
[115b.6]སྡུག་གི་གླེང་གཞིའི་སྐབས་ཀྱི། དགེ་སྦྱོང་རྣམས་ཀྱི་ཡོན་པོའི་སྤྱད་ཀྱིས་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ་ཞེས་བྱ་བ་ནས། བམ་པོ་བཞི་བཅུ་རྩ་བརྒྱད་པའི་དབུ།དེ་ནས་དེའི་ཚེ་བྲམ་ཟེ་པདྨའི་སྙིང་པོ་ཁྱིམ་མཆོག་གི་ས་མཐོན་པོ་
[115b.7]ཞིག་ན་ཤས་ཆེ་བའི་བྲམ་ཟེ་རྒན་རབས་རྣམས་དང་ལྷན་ཅིག་ཏུ་འདུས་ཤིང་འཁོད་པར་གྱུར་ཏོ། །ཞེས་བྱ་བའི་བར་དུ་བམ་པོ་བཞི་བཅུ་རྩ་བདུན་པ་ཆད་པ་བསྐངས་སོ། །བདེ་ནས་བམ་པོ་ལྔ་བཅུ་བའི་མཇུག་ཀུན་དགའ་བོ་ལ་གདམས་པའི་སྐབས་ཀྱི།
[116a.1]ཀུན་དགའ་བོ་དགེ་སློང་འདི་ལྟ་བུ་ནི་བདག་ཉིད་གླིང་དང་བདག་ཉིད་སྐྱབས་དང་། ཆོས་ཀྱི་གླིང་དང་། ཆོས་ཀྱི་སྐྱབས་གནས་པར་བྱའི། གླིང་གཞན་དང་སྐྱབས་གཞན་གྱིས་མ་ཡིན་ནོ་ཞེས་བྱ་བ་ནས་བམ་པོ་ལྔ་བཅུ་གཉིས་པའི་སྟོད།
[116a.2]བར་སྡོམ་ནི། ཙ་པ་ལ་དང་ཚེའི་འདུ་བྱེད་མཛད།ཅེས་བྱ་བའི་བར་དུ་བམ་པོ་གཅིག་ཆད་པ་བསྐངས་ཏེ། སྤྱིར་བསྡོམས་ན་བམ་པོ་བཅུ་གཉིས་དང་། སྡོམ་ཚིག་ཡིག་ཚར་གཉིས་ཆད་པ་བསྐངས་པར་བཤད་ཅིང་། ཕྱིས་བུ་སྟོན་ཐམས་ཅད་
[116a.3]མཁྱེན་པས་ཀྱང་སློབ་དཔོན་ཚུལ་ཁྲིམས་བསྐྱངས་ཀྱི་འགྲེལ་པ་ལ་གཏུགས་ཏེ་ཞུས་དག་མཛད་པར་གྲགས་པ་ལྟར་ཁོ་བོས་ཐེམ་སྤངས་མའི་དཔེ་རྒྱུན་དང་འགྲེལ་པ་གཉི་ག་སྒོ་བསྟུན་ནས་ཆད་པ་རྣམས་བསབས་པ་ཡིན་ནོ། །ན་པ་ལ། དེ་དག་གི་དཀའ་བའི་
[116a.4]གནས་རྣམས་ཞུ་ལེན་གྱི་སྒོ་ནས་གཏན་ལ་ཕབ་པ་འདུལ་བ་གཞུང་ཕྱི་མའམ། གཞུང་བླ་མའམ་གཞུང་དམ་པར་གྲགས་པ་ཞུ་བ་མ་རྫོགས་པ་ཤློ་ཀ་སུམ་སྟོང་དྲུག་བརྒྱ་དང་བམ་པོ་བཅུ་གཉིས་པ། ལོ་ཙཱ་བ་བནྡེ་ཀླུའི་རྒྱལ་མཚན་ལ་སོགས་པའི་དུས་སུ་
[116a.5]བསྒྱུར་བ། ཞུ་བ་རྫོགས་པ་ཤློ་ཀ་ཆིག་ཁྲི་ལྔ་སྟོང་དགུ་བརྒྱ་དང་བམ་པོ་ལྔ་བཅུ་རྩ་གསུམ་ཡོད་པ་ལས། བམ་པོ་ཉེར་གཉིས་པ་ཡན་བཞུགས་སོ། །པ་པ་ལ། སྔ་མའི་འཕྲོས་བམ་པོ་ཉེར་གསུམ་པ་ནས་བམ་པོ་ལྔ་བཅུ་རྩ་གསུམ་པ་རྫོགས་པ།
[116a.6]ལོ་ཙཱ་བ་བནྡེ་ཀླུའི་རྒྱལ་མཚན་ལ་སོགས་པའི་དུས་སུ་བསྒྱུར་བ་རྣམས་བཞུགས་སོ། །དེ་ལྟར་ལུང་ཞུ་བ་མ་རྫོགས་པ་དང་རྫོགས་པའི་ཁྱད་པར་ནི། །ལུང་ཞུ་བའི་འགྲེལ་པ་ལས། སྟོན་པ་འདས་པའི་གསུང་རབ་ལ་བྲམ་ཟེ་རྒྱལ་པོ་རྒྱལ་བཤེས་ཞེས་
[116a.7]བྱ་བ་བསྟན་པ་ལ་སྡང་བ་ཞིག་བྱུང་བར་གྱུར་ནས། དེས་བསྟན་པ་ལ་གནོད་པ་མང་པོ་བྱས་པར་གྱུར་ཏེ། མཆོད་རྟེན་དག་ཀྱང་བཤིག །དགེ་འདུན་གྱི་ཀུན་དགའ་ར་བ་དག་ཀྱང་བསྲེགས། དགེ་སློང་རྣམས་ཀྱང་བསད། སངས་རྒྱས་ཀྱི་བཀའི་
[116b.1]གླེགས་བམ་རྣམས་ཀྱང་ཕུང་པོར་བཅེར་ནས་བསྲེགས་སོ། །དེ་ནས་རིམ་གྱིས་དགེ་སློང་རྣམས་ཀྱིས་ཡུལ་དང་གནས་སྣ་ཚོགས་དག་ནས་སྡེ་སྣོད་གསུམ་གྱི་གླེགས་བམ་ཐམས་ཅད་བསྡུས་ནས་བཅོམ་བརླག་ཏུ་ཡང་དག་པར་བསྡུ་བ་བྱས་ཏེ། གཞུང་བླ་མའི་
[116b.2]གླེགས་བམ་ནི་མ་རྙེད་དོ། །དེ་དག་གིས་འདི་ལྟར་ཁ་ཆེའི་ཡུལ་ན་དགེ་སློང་ཞིག་གཞུང་བླ་མ་འདོན་ཏོ་ཞེས་ཐོས་ནས་དེ་དག་དེའི་ཕྱིར་ཁ་ཆེའི་ཡུལ་དུ་དོང་སྟེ། དེའི་དྲུང་དུ་ཕྱིན་ནས་སྨྲས་པ། ཁོ་བོ་ཅག་གིས་ཁྱོད་གཞུང་བླ་མ་འདོན་ཏོ་ཞེས་ཐོས་པ་གང་ཡིན་པ།
[116b.3]དེ་ཇི་ཁ་ཏོན་གྱིས་ཤིག །དེས་སྨྲས་པ། ཅུང་ཟད་ཅིག་ནི་དྲན། ཅུང་ཟད་ཅིག་ནི་མི་དྲན་ནོ། །དེ་ནས་དེ་དག་གིས་ཇི་ལྟ་བུ་ཞིག་དྲན་པ་དེ་ཁོ་ན་བཞིན་དུ་སྨྲོས་ཤིག་ཅེས་སྨྲས་པ་དང་། དེས་དེ་ཁོ་ན་བཞིན་དུ་ཁ་ཏོན་བྱས་སོ། །དགེ་སློང་རྣམས་
[116b.4]ཀྱིས་ཀྱང་རེ་ཞིག་གཞུང་བསྡུ་བར་བྱ་སྟེ། ཕྱིས་ཚིག་དང་ཚིག་གི་དོན་རྣམ་པར་དཔྱད་པའི་སྒོ་ནས་སྦྱར་བར་བྱའོ་སྙམ་དུ་བསམས་ནས་བྲིས་པ་ལས། ཕྱིས་འཕྲལ་གྱི་བྱ་བས་རྣམ་པར་གཡེངས་ནས་དུས་རིང་མོ་ཞིག་གི་བར་དུ་ཇི་ལྟ་བ་བཞིན་དུ་
[116b.5]མ་སྦྱར་ཏོ། །དགེ་སློང་གཞན་དག་ཀྱང་ཡུལ་གཞན་དག་ན་གཞན་དུ་འདོན་པར་གྱུར་ཏོ། །དེ་ཉིད་ཀྱི་ཕྱིར་ཡང་དག་པར་བསྡུས་པའི་གཞི་བོ་ཉམས་པས་གཞུང་བླ་མ་འདི་ལ་འདོན་པའང་རྣམ་པ་དུ་མ་ལ་དོན་ཀྱང་རྣམ་པ་དུ་མ་སྟེ། དེའི་ཕྱིར་བཙུན་པ་ཡོན་
[116b.6]ཏན་འོད་ཀྱིས་འདུལ་བའི་བཤད་པ་ལས་ཡང་དང་ཡང་དུ་ཞུས་པ་ལ་ལ་ལས་འདི་སྐད་དུ་འབྱུང་ངོ་ཞེས་བཤད་དོ། །དེ་བས་ན་འཕགས་པ་ཉེ་བར་འཁོར་གྱིས་ཞུས་པ་ཁ་ཆེ་བ་ཞེས་བྱ་སྟེ་ཞེས་འབྱུང་བས་ཞུ་བ་རྫོགས་པ་དང་བཅས་པའི་གཞུང་བླ་མ་ནི་ཡང་དག་པར་
[116b.7]བསྡུས་པའི་གཞི་བོ་ཉམས་པས་མ་དག་ཅིང་། ཞུ་བ་མ་རྫོགས་པ་ནི་ཡུལ་དབུས་ཀྱི་དགེ་སློང་འགའ་ཞིག་གི་བློ་ལ་སྣང་བའམ། མེས་མ་ཚིག་པར་ཕྱིས་ཐལ་བའི་གསེབ་ནས་རྙེད་པར་གྲགས་པས་དང་པོའི་གཞུང་མ་ཉམས་པ་ཉིད་ཡིན་པས་ཤིན་ཏུ་དག་གོ། །
[117a.1]འདི་སྐབས་འདུལ་ལུང་སྡེ་བཞི་སོ་ཐར་གྱི་མདོ་གཉིས་དང་བཅས་པ་ཁྱོན་བསྡོམས་ཤློ་ཀ་ཆིག་འབུམ་བཞི་སྟོང་བརྒྱད་བརྒྱ། རྣམ་འབྱེད་ཡན་ཆད་ལ་ཤློ་ཀ་ཕྱེད་དང་བཞི་བརྒྱ་ལ་བམ་པོ་དང་། དེ་ཕྱིན་བཞི་བརྒྱ་ལ་བམ་པོར་བྱས་པའི་བམ་
[117a.2]པོ་སུམ་བརྒྱ་དང་བཞི་བཅུ་རྩ་བཞི་དང་བམ་པོའི་སུམ་ཆ་གཅིག་བཅས་བཞུགས་པ་ཡིན་ནོ། །གཉིས་པ་བཀའ་བར་པ་ཤེས་ཕྱིན་གྱི་སྐོར་ལ། དང་པོ་ཡུམ་རྒྱས་པ་འབུམ་ནི་སྔོན་གྱི་གོང་དུ་སྨོས་ཟིན་པ་ལྟར་འགྱུར་རྙིང་གཞིར་བཞག་ནས་ཕྱིས་རྔོག་ཡོ་
[117a.3]ཆེན་པོས་བལ་པོ་ཕམ་ཐིང་གི་གཙུག་ལག་ཁང་གི་འབུམ་ལ་གཏུགས་ནས། ཤེས་རབ་སྒྲོན་མ། སྣང་བ་གསལ་བ། ཟླ་བའི་སྒྲོན་མེ་སྟེ་ཏིང་ངེ་འཛིན་གསུམ་གྱི་མིང་གསར་དུ་བཅུག་པ་སོགས་དག་པར་མཛད་པ་ནས།ཏིང་ངེ་འཛིན་བརྒྱ་ཉེར་
[117a.4]གཅིག །སྒོ་གསུམ་རྣམ་གྲངས་བཅུ་གཅིག །ཞུས་ལན་བརྒྱ་དང་ཉི་ཤུ་འགྲེས་རིང་བརྒྱ་ལྔ་བཅུ། ཕྱོགས་སྐོར་བདུན་ཅུ་རྩ་བཞི། མཚོན་བྱེད་ཀྱི་ཆོས་བདུན་ཅུ། འགྲེས་རྩ་བདུན་བརྒྱ་དང་བཅུ་གཅིག །འགྲེས་ཐུང་བསྣན་པའི་འགྲེས་རྩ་
[117a.5]ཁྲི་དང་བཞི་བརྒྱ་ཉེར་དགུ་ཞེས་དཔྱོད་ལྡན་རྣམས་ལ་ཡོངས་སུ་གྲགས་པ།ཤློ་ཀ་སྟོང་ཕྲག་བརྒྱ་སྟེ་འབུམ་ཕྲག་གཅིག་ཡོད་པས་མཚན་ཡང་དེ་ལྟར་སྨོས་པ་སྟེ། ཀླུ་སྒྲུབ་ཀྱིས་ཀླུའི་གནས་ནས་སྤྱན་དྲངས་པའི་ཚེ་བྱམས་ཞུས། ཆོས་འཕགས།
[117a.6]རྟག་ངུ་། ཡོངས་གཏད་དེ་ལེའུ་བཞི་ཀླུས་མ་བསྐུར་བས་མ་ཚང་བ། ཕྱིས་ཉི་ཁྲི་དང་བརྒྱད་སྟོང་ནས་ཁ་བསྐང་བའི་ལུགས་ཀྱང་ཡོད་དེ། །འདིར་ཁ་མ་བསྐངས་པའི་ལུགས་ཀྱིས་བམ་པོ་སུམ་བརྒྱ་དང་གཅིག་ལེའུ་དོན་གཉིས་སུ་ཡོད་པ་ལས།
[117a.7]ཀ་པ་ལ། དབུ་ནས་བམ་པོ་ཉི་ཤུ་རྩ་བཞི། ལེའུ་ལྔ་བའི་སྟོད་ཡན་བཞུགས། ཁ་པ་ལ། བམ་པོ་ཉི་ཤུ་རྩ་བདུན། ལེའུ་ལྔ་བའི་སྨད་ནས་བདུན་པའི་སྟོད་ཡན་བཞུགས། ག་པ་ལ། བམ་པོ་ཉི་ཤུ་རྩ་དྲུག །ལེའུ་བདུན་པའི་
[117b.1]སྨད་ནས་བཅུ་གཉིས་པའི་སྟོད་ཡན་བཞུགས། ད་པ་ལ། བམ་པོ་ཉེར་ལྔ། ལེའུ་བཅུ་གཉིས་པའི་སྨད་ནས་བཅོ་ལྔ་བའི་སྟོད་ཡན་བཞུགས།ཅ་པ་ལ། བམ་པོ་ཉི་ཤུ་རྩ་བདུན། ལེའུ་བཅོ་ལྔ་བའི་སྨད་ནས་ཉེར་གསུམ་པའི་སྟོད་
[117b.2]ཡན་བཞུགས། ཆ་པ་ལ། བམ་པོ་ཉི་ཤུ་རྩ་ལྔ། ལེའུ་ཉེར་གསུམ་པའི་སྨད་ནས་ཉེར་དྲུག་པའི་སྟོད་ཡན་བཞུགས། ཇ་པ་ལ། བམ་པོ་ཉི་ཤུ་རྩ་གཉིས་ཐམས་ཅད་ལེའུ་ཉེར་དྲུག་པར་གཏོགས་པ་བཞུགས། ཉ་པ་ལ། བམ་པོ་
[117b.3]ཉེར་དྲུག་ལེའུ་ཉེར་དྲུག་པའི་སྨད་ནས་སུམ་ཅུ་པའི་སྟོད་ཡིན་བཞུགས། ཏ་པ་ལ། བམ་པོ་ཉེར་ལྔ་ལེའུ་སུམ་ཅུ་པའི་སྨད་ནས་སོ་བརྒྱད་པའི་སྟོད་ཡན་བཞུགས། ཐ་པ་ལ། བམ་པོ་ཉེར་དྲུག །ལེའུ་སོ་བརྒྱད་པའི་སྨད་ནས་ལྔ་བཅུ་རྩ་གཉིས་པའི་
[117b.4]སྟོད་ཡན་བཞུགས། ད་པ་ལ། བམ་པོ་ཉི་ཤུ་རྩ་གསུམ། ལེའུ་ལྔ་བཅུ་རྩ་གཉིས་པའི་སྨད་ནས་དྲུག་ཅུ་རྩ་གཉིས་པའི་སྟོད་ཡིན་བཞུགས། ཨ་པ་ལ། བམ་པོ་ཉེར་ལྔ། ལེའུ་དྲུག་ཅུ་རྩ་གཉིས་པའི་སྨད་ནས་བདུན་ཅུ་རྩ་གཉིས་ཡོངས་སུ་
[117b.5]རྫོགས་པ་བཞུགས་སོ།། །།ཡུམ་འབྲིང་པོ་སྟོང་ཕྲག་ཉི་ཤུ་ལྔ་པ། ལེའུ་བདུན་ཅུ་རྩ་དྲུག །བམ་པོ་བདུན་ཅུ་རྩ་བརྒྱད་ཡོད་པ་ལས་ཀ་པ་ལ། བམ་པོ་ཉེར་དྲུག་དང་ལེའུ་སུམ་ཅུ་པ་ཡན་བཞུགས། ཁ་པ་ལ། བམ་པོ་ཉེར་བདུན་པ་
[117b.6]ནས་ལྔ་བཅུ་ང་གཉིས་ཡན་ལེའུ་བཞི་བཅུ་རྩ་གཅིག་པའི་བར་བཞུགས། ཨ་པ་ལ། བམ་པོ་ལྔ་བཅུ་རྩ་གསུམ་པ་ནས་བདུན་ཅུ་རྩ་བརྒྱད་པའི་བར་དང་། ལེའུ་བདུན་ཅུ་རྩ་དྲུག་པ་ཡན་རྫོགས་པ་སྟེ་འགྱུར་བྱང་དངོས་སུ་མ་འཁོད་ཀྱང་ལོ་ཙཱ་བ་
[117b.7]ཡེ་ཤེས་སྡེ་ལ་སོགས་པའི་དུས་སུ་བསྒྱུར་བ་བཞུགས་སོ།། །།ཁྲི་བརྒྱད་སྟོང་པ་བམ་པོ་དྲུག་ཅུ། ལེའུ་བརྒྱད་ཅུ་རྩ་གཉིས་ཡོད་པ་ལས། ཀ་པ་ལ་བམ་པོ་ཉེར་གཉིས་པ་ཡན་བཞུགས། ཁ་པ་ལ། བམ་པོ་ཉེར་གསུམ་པ་ནས་བམ་པོ་
[118a.1]བཞི་བཅུ་རྩ་བཞི་ཡན་བཞུགས། ག་པ་ལ། བམ་པོ་བཞི་བཅུ་རྩ་ལྔ་པ་ནས་བམ་པོ་དྲུག་ཅུ་པའི་བར་ཡོངས་སུ་རྫོགས་པ་འགྱུར་བྱང་མ་འཁོར་ཀྱང་ཡེ་ཤེས་སྡེ་ལ་སོགས་ཀྱིས་བསྒྱུར་བ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་སུམ་
[118a.2]ཅུ་རྩ་བཞི་བ། ལེའུ་སུམ་ཅུ་རྩ་གསུམ་ཡོད་པ་ལས་བམ་པོ་བརྒྱད་པ་ཡན་བཞུགས། ང་པ་ལ། དེ་འཕྲོས་བམ་པོ་དགུ་བ་ནས་བམ་པོ་སུམ་ཅུ་རྩ་བཞི་བའི་བར་རྫོགས་པ། རྒྱ་གར་མཁན་པོ་ཛི་ན་མི་ཏྲ་དང་། པྲ་ཛྙཱ་ཝ་རྨ་དང་། ལོ་ཙཱ་བ་པནྡེ་ཡེ་ཤེས་སྡེ་
[118a.3]སོགས་ཀྱིས་བསྒྱུར་བ་བཞུགས་སོ།། །།ཡུམ་བསྡུས་པ་བརྒྱད་སྟོང་པ་རྒྱ་དཔེ་ཐ་དད་པའི་དབང་གིས་འཕྲེང་བ་ཅན། གཟོ་སྦྱངས། སྡེ་ཅན་ཏེ་ཚིག་སྣ་རིང་ཐུང་དང་འགྱུར་ཁྱད་མི་འདྲ་བ་གསུམ་ཡོད་པ་ལས། རྒྱུས་པ་ཕྲེང་བ་ཅན་གྱི་ལུགས་པུསྟ་ཀ་གཅིག་
[118a.4]ལ་བམ་པོ་ཉི་ཤུ་རྩ་བཞི་དང་། ལེའུ་སུམ་ཅུ་རྩ་གཉིས་པ། རྒྱ་གར་གྱི་མཁན་པོ་ཤཱཀྱ་སེ་ན་དང་། ཛྙཱ་ན་སིདྷི་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལ་ལ་སོགས་པས་བསྒྱུར་ཅིང་། སླད་ཀྱིས་དབང་ཕྱུག་དམ་པའི་མངའ་བདག་བོད་ཀྱི་དཔལ་ལྷ་བཙན་པོ་བཀྲ་ཤིས་སྡེ་
[118a.5]བཙན་གྱི་བཀས། རྒྱ་གར་གྱི་མཁན་པོ་སུ་བྷཱ་ཥི་ཏ་དང་། ལོ་ཙཱ་བ་རིན་ཆེན་བཟང་པོས་འགྲེལ་པ་དང་མཐུན་པར་བསྒྱུར། སླར་ཡང་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་རིན་ཆེན་བཟང་པོས་ཡུལ་དབུས་ཀྱི་འགྲེལ་བ་དང་བསྟུན་ནས་
[118a.6]བཅོས་ཤིང་ཞུས་ཏེ། ཕྱི་ནས་སྐྱི་སྨད་སྙེ་ཐང་ན་མོ་ཆེར་པཎྜི་ཏ་ཆེན་པོ་དེ་ཉིད་དང་། ལོ་ཙཱ་བ་འབྲོམ་རྒྱལ་བའི་འབྱུང་གནས་གཉིས་ཀྱིས་བརྒྱད་སྟོང་པ་བཤད་པའི་དུས་སུ་ཆེ་ལོང་ཞིག་གཏན་ལ་ཕབ། ཡང་ཕྱིས་རྭ་སྒྲེང་གི་གཙུག་ལག་ཁང་དུ་ལོ་ཙཱ་བ་འབྲོམ་རྒྱལ་བའི་འབྱུང་
[118a.7]གནས་ཉིད་ཀྱིས་རྒྱ་དཔེ་གསུམ་ལ་གཏུགས་ནས་ལན་གཉིས་སུ་གཏན་ལ་ཕབ། སླད་ཀྱིས་ཡང་ལོ་ཙཱ་བ་དེ་ཉིད་ཀྱིས་བཤད་པ་མཛད་ཅིང་ཕྲན་ཚེགས་གཏན་ལ་ཕབ། དུས་ཕྱིས་ལོ་ཙཱ་བ་ཆེན་པོ་ཤཱཀྱའི་དགེ་སློང་བློ་ལྡན་ཤེས་རབ་ཀྱིས་ཁ་ཆེའི་དཔེ་དང་ཡུལ་དབུས་
[118b.1]ཀྱི་དཔེ་དུ་མ་བསགས་ནས་གཏན་ལ་ཕབ་པ་བཞུགས་སོ།། །།ཤེས་རབ་སྣ་ཚོགས་དང་མདོ་གསར་འགྱུར་གྱི་སྐོར་པུསྟ་ཀ་གཅིག་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་བསྡུས་དོན་གྱི་ཚིགས་སུ་བཅད་པ་སྡུད་པ་བམ་པོ་ཕྱེད་དང་གཉིས་པ། པཎྜི་ཏ་བིདྱཱ་ཀ་ར་སིང་ཧ་དང་།
[118b.2]ལོ་ཙ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་པ། ཤེས་རབ་ཀྱི་ཕ་རོལ་ཏུ་ཕྱིན་པ་རབ་ཀྱི་རྩལ་གྱིས་རྣམ་པར་གནོན་པས་ཞུས་པ་བམ་པོ་བདུན་དང་ཤློ་ཀ་དྲུག་ཅུ་ལེའུ་བདུན་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་
[118b.3]བསྒྱུར་ཅིང་སྐད་གསར་བཅད་ཀྱིས་བཅོས་པ། ཤེས་ཕྱིན་ལྔ་བརྒྱ་པ་འགྱུར་སྔ་མ་དང་མཚུངས་ཤིང་སྐད་གསར་བཅད་ཀྱིས་བཅོས་པ། ཤེས་རབ་ཀྱི་ཕ་རོལ་ཏུ་ཕྱིན་པ་སུམ་བརྒྱ་བར་གྲགས་པ་རྡོ་རྗེ་གཅོད་པ་བམ་པོ་གཅིག་པ་ཤཱི་ལེནྡྲ་བོ་དྷི་དང་ཡེ་ཤེས་སྡེའི་འགྱུར་ལ་
[118b.4]སྐད་གསར་བཅད་ཀྱིས་བཅོས་པ། ཤེས་ཕྱིན་ཚུལ་བརྒྱ་ལྔ་བཅུ་པ། ཤེས་ཕྱིན་ལྔ་བཅུ་པ། ཤེས་ཕྱིན་ཀཽ་ཤི་ཀ་རྣམས་འགྱུར་བྱང་མེད་པ། ཤེས་ཕྱིན་སྒོ་ཉི་ཤུ་རྩ་ལྔ་པ་སྐད་གསར་བཅད་ཀྱིས་བཅོས་པ། ཤེས་རབ་སྙིང་པོ་ཤློ་ཀ་ཉེར་ལྔ་པ་པཎྜིཏ་བི་
[118b.5]མ་ལ་མི་ཏྲ་དང་ལོ་ཙཱ་བ་དགེ་སློང་རིན་ཆེན་སྡེས་བསྒྱུར་ཅིང་། ལོ་ཙཱ་བ་དགེ་བློ་དང་ནམ་མཁའ་ལ་སོགས་པས་ཞུས་ཏེ་གཏན་ལ་ཕབ་པ། སླར་ཡང་དུས་ཕྱིས་དཔལ་བསམ་ཡས་ལྷུན་གྱིས་གྲུབ་པའི་གཙུག་ལག་གི་རྒྱ་དཔེ་དགེ་རྒྱས་བྱེ་མ་གླིང་གི་རྩིག་ངོས་ལ་བྲིས་པ་
[118b.6]དང་ཞུས་དག་བགྱིས་པ། ཤེས་ཕྱིན་ཡི་གེ་ཉུང་ངུ་། ཤེས་ཕྱིན་ཡི་གེ་གཅིག་མ་རྣམས་འགྱུར་བྱང་མེད་པ། དཀོན་མཆོག་བརྩེགས་པའི་འདུས་པ་ཞེ་དྲུག་པ་ལས་བྱུང་བ་ཤེས་ཕྱིན་བདུན་བརྒྱ་བ་འགྱུར་རྙིང་ལ་སྐད་གསར་བཅད་ཀྱིས་བཅོས་པ། ཤེས་ཕྱིན་མཚན་
[118b.7]བརྒྱ་རྩ་བརྒྱད་པ། ཤེས་ཕྱིན་ཉི་མའི་སྙིང་པོ། ཤེས་ཕྱིན་ཟླ་བའི་སྙིང་པོ། ཤེས་ཕྱིན་ཀུན་ཏུ་བཟང་པོ། ཤེས་ཕྱིན་ལག་ན་རྡོ་རྗེ། ཤེས་ཕྱིན་རྡོ་རྗེ་རྒྱལ་མཚན་རྣམས་ལ་འགྱུར་བྱང་མེད་པ་སྟེ་དེ་དག་ཤེས་ཕྱིན་གྱི་སྐོར་དེང་སང་ཇི་ཙམ་བཞུགས་པ་ཡོངས་སུ་
[119a.1]རྫོགས་པའོ།། །།དེ་ནས་གསར་འགྱུར་གྱི་མདོ་རྣམས་ནི་ཤེས་ཕྱིན་དུ་གཏོགས་པ་མ་ཡིན་མོད་ཀྱི། དུས་ཕྱིས་འགྱུར་བ་རྣམས་ཕྱོགས་གཅིག་ཏུ་སྔར་ནས་གླེགས་བམ་འདིའི་གཤམ་དུ་བཀོད་འདུག་ཅིང་། ཐེག་པ་
[119a.2]ཆེ་ཆུང་གང་ཡིན་དང་། སྔ་འགྱུར་དང་ཟློས་པ་ཡོད་མེད་སོགས་ཀྱང་མ་བརྟགས་པར་བཞག་སྣང་བ་བཞིན། འདིར་ཡང་དེ་ལྟར་བྱས་པ་ལ། ཆོས་ཀྱི་འཁོར་ལོ་བསྐོར་བའི་མདོ། སྐྱེས་པ་རབ་ཀྱི་གླེང་གཞིའི་མདོ། ལྕང་ལོ་ཅན་གྱི་ཕོ་བྲང་
[119a.3]གི་མདོ། འདུས་པ་ཆེན་པོའི་མདོ། བྱམས་པའི་མདོ། བྱམས་པ་བསྒོམ་པའི་མདོ། བསླབ་པ་ལྔའི་ཕན་ཡོན་གྱི་མདོ། རིའི་ཀུན་དགའ་བོའི་མདོ། ཀླུའི་རྒྱལ་པོ་དགའ་བོ་དང་ཉེ་དགའ་བོ་བཏུལ་བའི་མདོ། འོད་སྲུང་ཆེན་པོའི་
[119a.4]མདོ། ཉི་མའི་མདོ། ཟླ་བའི་མདོ། བཀྲ་ཤིས་ཆེན་པོའི་མདོ་རྣམས་པཎྜི་ཏ་ཆེན་པོ་ཨཱ་ནནྡ་ཤྲཱིའི་ཞལ་སྔ་ནས། མང་དུ་ཐོས་པའི་ལོ་ཙཱ་བ་ཤཱཀྱའི་དགེ་སློང་ཉི་མ་རྒྱལ་མཚན་དཔལ་བཟང་པོས། སྐད་གཉིས་སྨྲ་བ་རྣམས་ཀྱི་གདན་ས། གཙུག་
[119a.5]ལག་ཁང་ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་པ་རྣམས་བཞུགས་སོ།། །།གསུམ་པ་འཁོར་ལོ་ཐ་མའི་མདོ་བཞུགས་ཚོགས་ཆེ་བའི་སྐོར་ལ། ཕལ་ཆེན་དང་དཀོན་བརྩེགས་གཉིས་ལས། དང་པོ་ཤིན་ཏུ་རྒྱས་པ་ཆེན་པོའི་མདོ་སྡེ་
[119a.6]སངས་རྒྱས་ཕལ་པོ་ཆེ་ནི། བརྡ་རྙིང་དུ་སངས་རྒྱས་རྨ་ག་ཆད་དུ་གྲགས་ཤིང་། ཡང་སྙན་གྱི་གོང་རྒྱན་དུའང་བསྒྱུར་བ་ཡོད་དེ། དེ་ལྟ་བུའི་མཚན་དེའུང་བྱེ་བྲག་གི་མིང་སྤྱི་ལ་བཏགས་པར་གསལ་ཏེ། མདོ་འདིའི་ལེའུ་ཉི་ཤུ་རྩ་དགུའི་བར་དུ་ཕལ་
[119a.7]པོ་ཆེ་ཞེས་དཀར་ཆག་ལྡན་དཀར་མ་སོགས་སུ་བཤད་པ་གང་ཞིག །དེས་ལྷག་མ་རྣམས་ལའང་མཚན་དེ་ལྟར་གྲགས་པའི་ཕྱིར་རོ། །དེས་ན་མཚན་དེ་ལྟ་བུ་དང་ལྡན་པའི་མདོ་སྡེ་འདི་ལ། སྤྱིར་ཤློ་ཀ་འབུམ་དང་། ལེའུ་བརྒྱ་ཡོད་པ་ལས། སྔོན་
[119b.1]ན་ལནྡ་བི་ཧ་ར་ལ་མེའི་དགྲ་བྱུང་བའི་རྐྱེན་གྱིས། མ་ཚང་བའི་འཕྲོ་ཇི་ཙམ་བཞུགས་པ་བསྒྱུར་བ་ལ། གླེགས་བམ་ཀ་པ་ལ། ཕལ་པོ་ཆེ་ལེའུ་ཉེར་དགུ། ཤློ་ཀ་བཞི་སྟོང་ཉིས་བརྒྱ། བམ་པོ་ཉི་ཤུ་རྩ་དགུ་རྣམས་སུ་ཡོད་པ་ཡོངས་སུ་རྫོགས་པ་
[119b.2]དང་། ལེའུ་སུམ་ཅུ་པ་རྡོ་རྗེ་རྒྱལ་མཚན་གྱི་ལེའུ་ལ། ཤློ་ཀ་སུམ་སྟོང་དགུ་བརྒྱ། བམ་པོ་བཅུ་གསུམ་ཡོད་པའི་སྟོད་ནས་བམ་པོ་གཅིག་སྟེ། ཡོངས་བསྡོམས་བམ་པོ་སུམ་ཅུ་བཞུགས་སོ། ཁ་པ་ལ། རྡོ་རྗེ་རྒྱལ་མཚན་གྱི་ལེའུའི་
[119b.3]གཤམ། བམ་པོ་བཅུ་གཉིས་རྫོགས་པ་དང་། སོ་གཅིག་པས་བཅུ་པའི་ལེའུ། ཤློ་ཀ་ཉིས་སྟོང་བཞི་བརྒྱ། བམ་པོ་དགུ། སོ་གཉིས་པ་ཀུན་བཟང་གིས་བསྟན་པའི་ལེའུ། སོ་གསུམ་པ་ཏིང་ངེ་འཛིན་བཅུ་བའི་ལེའུ། སོ་བཞི་པ་
[119b.4]མངོན་ཤེས་བསྟན་པའི་ལེའུ། སོ་ལྔ་པ་བཟང་པོའི་ལེའུ། སོ་དྲུག་པ་གྲངས་ལ་འཇུག་པའི་ལེའུ། སོ་བདུན་པ་ཚེའི་ཚད་ཀྱི་ལེའུ། སོ་བརྒྱད་པ་བྱང་ཆུབ་སེམས་དཔའི་གནས་བསྟན་པའི་ལེའུ་ཡན་བམ་པོ་བརྒྱད་དེ། ཡོངས་བསྡོམས་བམ་
[119b.5]པོ་ཉི་ཤུ་རྩ་དགུ་བཞུགས་སོ། །ག་པ་ལ། ལེའུ་སོ་དགུ་བ་སངས་རྒྱས་ཀྱི་ཆོས་བསམ་གྱིས་མི་ཁྱབ་པར་བསྟན་པའི་ལེའུ། བཞི་བཅུ་བ་དེ་བཞིན་གཤེགས་པའི་མཚན་རྒྱ་མཚོ་བསྟན་པའི་ལེའུ། ཞེ་གཅིག་པ་དཔེ་བྱད་བཟང་པོ་བསྟན་པའི་
[119b.6]ལེའུ། ཞེས་གཉིས་པ་ཀུན་བཟང་གི་སྤྱོད་པ་བསྟན་པའི་ལེའུ་རྣམས་ལ་བམ་པོ་བརྒྱད་དེ། གླེགས་བམ་སྔ་མའི་ཀུན་ཏུ་བཟང་པོས་བསྟན་པའི་ལེའུ་ནས། འདིའི་བར་ཁྱོན་བསྡོམས་ཤློ་ཀ་སྟོང་བརྒྱད་བརྒྱ། བམ་པོ་བཅུ་དྲུག་ཡོད་དེ་ཀུན་ཏུ་བཟང་
[119b.7]པོའི་སྤྱོད་པ་བསྟན་པའི་ལེའུར་གྲགས་སོ། །ཞེ་གསུམ་པ་དེ་བཞིན་གཤེགས་པའི་སྐྱེ་བ་དང་བྱུང་བ་བསྟན་པའི་ལེའུ། ཤློ་ཀ་སྟོང་ལྔ་བརྒྱ། བམ་པོ་ལྔ། ཞེ་བཞི་པ་འཇིག་རྟེན་ལས་འདས་པའི་ལེའུ་ཤློ་ཀ་སུམ་སྟོང་སུམ་བརྒྱ། བམ་པོ་བཅུ་གཅིག
[120a.1]ཞེ་ལྔ་པ་སྡོང་པོ་བཀོད་པ་འཕྲོས་དོན་དང་བཅས་པ་ལས་སྡོང་པོས་བརྒྱན་པའི་ལེའུ། ཤློ་ཀ་བརྒྱད་སྟོང་བདུན་བརྒྱ་བམ་པོ་ཉི་ཤུ་རྩ་དགུ་བའི་སྟོད་ནས་བམ་པོ་བརྒྱད་དེ་ཁྱོན་བམ་པོ་ཉེར་བདུན་རྣམས་བཞུགས་སོ། །ཨ་པ་ལ། སྡོང་པོས་
[120a.2]བརྒྱན་པའི་ལེའུའི་འཕྲོ་བམ་པོ་ཉི་ཤུ་རྩ་གཅིག་དང་། དེའི་གཤམ་དུ་ནོར་བཟང་གིས་ཀུན་ཏུ་བཟང་པོ་བསྟེན་ནས་བཟང་སྤྱོད་སྨོན་ལམ་གསུངས་པའི་མཐར་སྡོང་པོས་བརྒྱན་པའི་ཆོས་ཀྱི་རྣམ་གྲངས་ཆེན་པོ་ལས་ནོར་བཟང་གིས་དགེ་བའི་བཤེས་གཉེན་བསྟེན་
[120a.3]པའི་སྤྱོད་པ་ཕྱོགས་གཅིག་པ་གསུངས་པ་ལ་བམ་པོ་གཅིག་སྟེ་ཁྱོན་བམ་པོ་སུམ་ཅུ་རྣམས་བཞུགས་སོ། །དེ་ལྟར་ཕལ་པོ་ཆེའི་ལེའུ་ཇི་སྙེད་པ་འདི་ལ་ཀུན་མཁྱེན་བུས་ལེའུ་བཞི་བཅུ་རྩ་ལྔ་པ་ཡན་ཆད་དུ་ཤློ་ཀ་སུམ་ཁྲི་དགུ་སྟོང་སུམ་ཅུ། བམ་པོ་བརྒྱ་དང་སུམ་
[120a.4]ཅུ་དང་ཤློ་ཀ་སུམ་ཅུ་ཡོད་པར་གསུངས་སྣང་བ་ཤློ་ཀ་སུམ་བརྒྱ་ལ་བམ་པོར་བཅད་པའི་དབང་གིས་ཡིན་ལ། དཀར་ཆག་ལྡན་དཀར་མར་བམ་པོ་བརྒྱ་དང་ཉི་ཤུ་རྩ་བདུན་དུ་མཛད་སྣང་། འདིར་ནི་ཚལ་པ་བཀའ་འགྱུར་གྱི་དཀར་ཆག་དང་མཐུན་པར་ལེའུ་ཞེ་ལྔ་བ་ཡན་
[120a.5]བམ་པོ་བརྒྱ་དང་བཅོ་ལྔ། དེ་ཕྱིན་བམ་པོ་གཅིག་བཅས་བརྒྱ་དང་བཅུ་དྲུག་ཡོད་ཅིང་། བམ་ཚད་ནི་ཕར་ཆེར་ཤློ་ཀ་སུམ་བརྒྱ་ཙམ་དང་། འགའ་ཞིག་བཞི་བརྒྱ་དང་བྱེད་བཞི་བརྒྱ་པའང་ཡོད་པར་འདུག་གོ། །སྒྱུར་བྱེད་ནི་རྒྱ་གར་གི་མཁན་པོ་ཛི་ན་མི་ཏྲ་དང་།
[120a.6]སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ལོ་ཆེན་བཻ་རོ་ཙ་ནས་ཞུས་ཆེན་མཛད་པར་བཤད་དོ།། །།གཉིས་པ་འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ནི། སྔོན་ལེའུ་སྟོང་ཕྲག་བརྒྱ་ཡོད་
[120a.7]པར་གྲགས་པ་གོང་དུ་ཕལ་ཆེན་གྱི་སྐབས་སུ་བཤད་པ་ལྟར་འཕགས་ཡུལ་དུ་མ་ཚང་བར་གྱུར་པ་ལས་ཕྱིས་ཇི་ཙམ་རྙེད་པ་བསྡུས་ནས་ལེའུ་བཞི་བཅུ་རྩ་དགུའི་བདག་ཉིད་ཅན་འདི་ལ། ཐོག་མར་ཀ་པ་ལ། སྡོམ་པ་གསུམ་བསྟན་པའི་ལེའུ་བམ་པོ་གསུམ་པ་
[120b.1]རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། སྒོ་མཐའ་ཡས་པ་རྣམ་པར་སྦྱང་བའི་ལེའུ་བམ་པོ་བཞི་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་
[120b.2]དཔལ་བརྩེགས་རཀྵི་ཏས་བསྒྱུར་ཅིང་ཞུས་པ། གསང་བ་བསམ་གྱིས་མི་ཁྱབ་པ་བསྟན་པའི་ལེའུ། བམ་པོ་བཅུ་དང་ལེའུ་ཉེར་ལྔ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་
[120b.3]ཅིང་སྐད་གསར་བཅད་ཀྱིས་བཅོས་པ། རྨི་ལམ་བསྟན་པའི་ལེའུ་ཤློ་ཀ་དགུ་བརྒྱ་དང་བམ་པོ་གསུམ་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ།
[120b.4]འོད་དཔག་མེད་ཀྱི་ཞིང་བཀོད་པའི་ལེའུ་བམ་པོ་གསུམ་པ་རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །ཁ་པ་ལ། དེ་བཞིན་གཤེགས་པ་
[120b.5]མི་འཁྲུགས་པའི་བཀོད་པའི་ལེའུ་བམ་པོ་ལྔ་དང་ལེའུ་ལྔ་རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། གོ་ཆའི་བཀོད་པ་བསྟན་པའི་ལེའུ་བམ་པོ་དྲུག་པ། ལོ་ཙཱ་བ་འགོས་ཆོས་གྲུབ་ཀྱིས་རྒྱ་དཔེ་ལས་
[120b.6]བསྒྱུར་བ། ཆོས་ཀྱི་དབྱིངས་ཀྱི་རང་བཞིན་དབྱེར་མེད་པར་བསྟན་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་ཆོས་བཅུ་པའི་ལེའུ་བམ་པོ་གཉིས་པ།
[120b.7]ཤློ་ཀ་ལྔ་བཅུ་རྩ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་ལ་སོགས་པས་བསྒྱུར་ཅིང་ཞུས་པ། འཕགས་པ་ཀུན་ནས་སྒོའི་ལེའུ་བམ་པོ་གཅིག་པ། ཤློ་ཀ་ཉིས་བརྒྱ་དྲུག་ཅུ་པ། རྒྱ་གར་གྱི་མཁན་པོ་
[121a.1]ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་འོད་ཟེར་ཀུན་ནས་བཀྱེ་བའི་ལེའུ་བམ་པོ་ལྔ་དང་། ཤློ་ཀ་སྟོང་ལྔ་བརྒྱ་བ་འགྱུར་བྱང་མ་འཁོད་པ། བྱང་ཆུབ་སེམས་དཔའི་སྡེ་
[121a.2]སྣོད་བསྟན་པའི་ལེའུ་བམ་པོ་གསུམ་པ་ཡན་དང་། ལེའུ་བཞི་བའི་སྟོད་ཡན་བཞུགས་སོ། །ག་པ་ལ། བྱང་ཆུབ་སེམས་དཔའི་སྡེ་སྣོད་བསྟན་པའི་ལེའུའི་བམ་པོ་བཞི་བ་ནས་ཉི་ཤུ་པ་ཡན་དང་། ལེའུ་བཞི་པའི་སྨད་ནས་བཅུ་གཉིས་པ་ཡན་ཁྱོན་བསྡོམས་
[121a.3]ཤློ་ཀ་སྟོང་ཕྲག་དྲུག་པ། རྒྱ་གར་གྱི་མཁན་པོ་ཨཱ་ཙརྱ་སུ་རེནྡྲ་བོ་དྷི་དང་། ཨཱ་ཙཱརྱ་དྷརྨ་ཏཱ་ཤཱི་ལས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། འཕགས་པ་དགའ་བོ་མངལ་ན་གནས་པ་བསྟན་པའི་ལེའུ་བམ་པོ་གསུམ་པ་འགྱུར་བྱང་མ་འཁོད་པ།
[121a.4]འཕགས་པ་དགའ་བོ་མངལ་དུ་འཇུག་པ་བསྟན་པའི་ལེའུ་བམ་པོ་གཅིག་པ་འགྱུར་བྱང་མེད་པ། འཇམ་དཔལ་གྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་བསྟན་པའི་ལེའུ་བམ་པོ་བཞི་བ། རྒྱ་གར་གྱི་མཁན་པོ་ཤཱི་ལེནྡྲབོ་དྷི་དང་། ཛི་ན་མི་ཏྲ་དང་། ལོ་ཙཱ་
[121a.5]བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །ང་པ་ལ། ཡབ་སྲས་མཇལ་བ་དེ་ཁོ་ན་ངེས་པར་བསྟན་པའི་ལེའུ་བམ་པོ་བཅོ་ལྔ་བ། ལེའུ་ཉེར་དྲུག །ཤློོ་ཀ་བཞི་སྟོང་ལྔ་བརྒྱ་སྟེ། རྒྱ་གར་གྱི་མཁན་པོ་ཤཱི་
[121a.6]ལེནྡྲ་བོ་དྷི་དང་། ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། འཕགས་པ་གང་པོས་ཞུས་པའི་ལེའུ་བམ་པོ་དྲུག་དང་ལེའུ་བརྒྱད་པ་འགྱུར་བྱང་མ་འཁོད་པ། ཡུལ་འཁོར་སྐྱོང་
[121a.7]གིས་ཞུས་པའི་ལེའུ་བམ་པོ་གསུམ་དང་ལེའུ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། ཁྱིམ་བདག་དྲག་ཤུལ་ཅན་གྱིས་ཞུས་
[121b.1]པའི་ལེའུ་བམ་པོ་གསུམ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། ཤློ་ཀ་དགུ་བརྒྱ་བ་རྣམས་བཞུགས་སོ། །ཅ་པ་ལ། གློག་ཐོབ་ཀྱིས་ཞུས་པའི་ལེའུ་བམ་པོ་གཉིས་པ་འགྱུར་བྱང་མ་འཁོད་པ། སྒྱུ་མ་མཁན་
[121b.2]བཟང་པོ་ལུང་བསྟན་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། ཤློ་ཀ་བཞི་བརྒྱ་སུམ་ཅུ་པ། འཕགས་པ་ཆོ་འཕྲུལ་ཆེན་པོ་བསྟན་པའི་ལེའུ་བམ་པོ་
[121b.3]གསུམ་པ། ཤློ་ཀ་དགུ་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་བྱམས་པའི་སེང་གེའི་སྒྲ་ཆེན་པོ་བསྟན་པའི་ལེའུ་བམ་པོ་བཞི་བ། ཤློ་ཀ་སྟོང་
[121b.4]ཉིས་བརྒྱ་བ་རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། འདུལ་བ་རྣམ་པར་གཏན་ལ་དབབ་པ་ཉེ་བར་འཁོར་གྱིས་ཞུས་པའི་ལེའུ་བམ་པོ་གཉིས་པ། ཤློ་
[121b.5]ཀ་དྲུག་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། ལྷག་པའི་བསམ་པ་བསྐུལ་བའི་ལེའུ་བམ་པོ་གཉིས་པ། ཤློ་ཀ་དྲུག་བརྒྱ་བ། རྒྱ་གར་གྱི་མཁན་པོ་ཛི་ན་མི་
[121b.6]ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། འཕགས་པ་ལག་བཟང་གིས་ཞུས་པའི་ལེའུ་བམ་པོ་གཉིས་དང་ཤློ་ཀ་བརྒྱ་རྩ་བརྒྱད་པ། རྒྱ་གར་གྱི་མཁན་པོ་དཱ་ན་ཤཱི་ལ་དང་། ཛི་ན་མི་ཏྲ་དང་། ལོ་ཙཱ་བ་
[121b.7]བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་སྐད་གསར་བཅད་ཀྱིས་བཅོས་པ། དེས་པས་ཞུས་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། ཁྱིམ་
[122a.1]བདག་དཔལ་བྱིན་གྱིས་ཞུས་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། བཏུའི་རྒྱལ་པོ་འཆར་བྱེད་ཀྱིས་ཞུས་པའི་ལེའུ་
[122a.2]བམ་པོ་གཅིག་པ། ཤློ་ཀ་ཉིས་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། བུ་མོ་བློ་གྲོས་བཟང་མོས་ཞུས་པའི་ལེའུ་བམ་པོ་ཕྱེད་པ། །འགྱུར་གོང་དང་འདྲ་བ།
[122a.3]གངྒཱའི་མཆོག་གིས་ཞུས་པའི་ལེའུ། ཤློ་ཀ་བརྒྱ་དང་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་སྐད་གསར་བཅད་ཀྱིས་བཅོས་པ། མྱ་ངན་མེད་ཀྱིས་བྱིན་པས་ཞུས་པ་ལུང་
[122a.4]བསྟན་པའི་ལེའུ་བམ་པོ་གཅིག་པ། ཤློ་ཀ་སུམ་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། དྲི་མ་མེད་ཀྱིས་བྱིན་པས་ཞུས་པའི་ལེའུ་བམ་པོ་གཉིས་པ། འགྱུར་
[122a.5]སྔ་མ་དང་འདྲ་བ།
[122a.6]མི་ཁྱབ་པ་བསྟན་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ། བློ་གྲོས་རབ་གནས་ཀྱིས་ཞུས་པའི་ལེའུ་
[122a.7]ལས་བམ་པོ་གཉིས་པ་ཡན་རྣམས་བཞུགས་སོ། །ཆ་པ་ལ། ལྷའི་བུ་བློ་གྲོས་རབ་གནས་ཀྱིས་ཞུས་པའི་ལེའུ་བམ་པོ་གསུམ་པ་ནས་བཞི་བའི་བར་རྫོགས་པ་སྟེ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲ་ཛྷཱ་ཝརྨ་དང་། ལོ་ཙཱ་བཞང་ཡེ་ཤེས་
[122b.1]སྡེ་ལ་སོགས་པས་བསྒྱུར་ཅིང་ཞུས་པ་ཡོངས་བསྡོམས་ཤློ་ཀ་སྟོང་ཉིས་བརྒྱ་བ། སེང་གེས་ཞུས་པའི་ལེའུ། ཤློ་ཀ་དྲུག་ཅུ་པ། རྒྱ་གར་གྱི་མཁན་པོ་དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་
[122b.2]ཀྱིས་བཅོས་པ། སངས་རྒྱས་ཐམས་ཅད་ཀྱི་གསང་ཆེན་ཐབས་ལ་མཁས་པ་བྱང་ཆུབ་སེམས་དཔའ་ཡེ་ཤེས་དམ་པས་ཞུས་པའི་ལེའུ་བམ་པོ་བཞི་བ། རྒྱ་གར་གྱི་མཁན་པོ་དཱ་ན་ཤཱི་ལ་དང་། ཀརྨ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་
[122b.3]སྐད་གསར་བཅད་ཀྱིས་བཅོས་པ། ཤློ་ཀ་སྟོང་ཉིས་བརྒྱ་སུམ་ཅུ་པ། ཚོང་དཔོན་བཟང་སྐྱོང་གིས་ཞུས་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ།
[122b.4]བུ་མོ་རྣམ་དག་དད་པས་ཞུས་པའི་ལེའུ་བམ་པོ་གཅིག་པ། འགྱུར་བྱུང་མ་འཁོད་པ། བྱམས་པས་ཞུས་པའི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ།
[122b.5]བྱམས་པས་ཆོས་བརྒྱད་ཞུས་པའི་ལེའུ་བམ་པོ་ཕྱེད་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འོད་སྲུང་གིས་ཞུས་པའི་ལེའུ་བམ་པོ་གསུམ་པ། ཤློ་ཀ་
[122b.6]དྲུག་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། ‘’རིན་པོ་ཆེའི་ཕུང་པོ་ལུང་བསྟན་པའི་ལེའུ་བམ་པོ་གཉིས་པ། ལེའུ་བདུན་དང་། ཤློ་ཀ་དྲུག་
[122b.7]བརྒྱ་བདུན་ཅུ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་བློ་གྲོས་མི་ཟད་པས་ཞུས་པའི་ལེའུ་བམ་པོ་གཅིག་དང་། ཤློ་ཀ་ཉིས་བརྒྱ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་།
[123a.1]ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། ལོ་ཙཱ་བ་དྷརྨ་ཏཱ་ཤཱི་ལས་སྐད་གསར་བཅད་ཀྱིས་བཅོས་པས། འཕགས་པ་ཤེས་ཕྱིན་བདུན་བརྒྱ་བ་ལུང་བསྟན་པའི་ལེའུ་བམ་པོ་གཉིས་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་
[123a.2]བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་གཙུག་ན་རིན་པོ་ཆེས་ཞུས་པའི་ལེའུ་བམ་པོ་གསུམ་པ། རྒྱ་གར་གྱི་མཁན་པོ་ཀ་མ་ལ་ཤཱི་ལ་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ལྷ་མོ་
[123a.3]དཔལ་འཕྲེང་གིས་སེང་གེའི་སྒྲ་བསྟན་པའི་ལེའུ་བམ་པོ་གཉིས་པ། ཤློ་ཀ་དྲུག་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། དྲང་སྲོང་རྒྱས་པས་ཞུས་པའི་ལེའུ་བམ་པོ་གཉིས་པ།
[123a.4]རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །དེ་ལྟར་འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལས་
[123a.5]འདུས་པ་ཞེ་དགུ་པོ་ཡོངས་སུ་རྫོགས་པའི་སྤྱིའི་འགྱུར་བྱང་དུ་རྒྱ་གར་ཡུལ་དང་། ལི་ཡུལ་དང་། རྒྱ་ལས་དཔེ་རྙེད་པ་ལས་ལེའུ་ཚང་ཞིང་བསྒྱུར་དུ་རུང་བ་རྣམས་བསྒྱུར་བ། ཞེས་འབྱུང་ངོ༌།། །།བཞི་པ་མདོ་མང་དུ་གྲགས་པ་ཐེག་པ་
[123a.6]ཆེ་ཆུང་གི་མདོ་ཅི་རིགས་པ་ཕྱོགས་གཅིག་ཏུ་བསྒྲིགས་པའི་སྐོར་ནི། ཚལ་པ་བཀའ་འགྱུར་གྱི་སྒྲིག་རིམ་དངོས་ལྟར་དགོད་པ་ལ་ཐེག་ཆེན་དང་ཐེག་དམན་གཉིས་ལས་སྔ་མ་ལ་འཁོར་ལོ་ཐ་མ་ཤས་ཆེ་ཞིང་བར་པར་ཡང་གཏོགས་པ་ཅི་རིགས་པ་ཡོད་མོད་ཀྱི་
[123a.7]སྔོན་གྱི་མཁས་པ་རྣམས་ཀྱིས་ཀྱང་མ་ཕྱེ་བར་བཞག་པ་ལྟར་ལ། ཐོག་མའི་གླེགས་བམ་ཀ་པ་ལ་འཕགས་པ་བསྐལ་པ་བཟང་པོའི་མདོ་བམ་པོ་ཉེར་དྲུག་པ། རྒྱ་གར་གྱི་མཁན་པོ་བིདྱ་ཀ་ར་སིདྷ་དང་། ལོ་ཙཱ་བ་བནྡེ་དཔལ་དབྱངས་ཀྱིས་བསྒྱུར་བ་ལ་སླར་
[123b.1]ཡང་སྐ་བ་དཔལ་བརྩེགས་ཀྱིས་ཞུས་པ་བཞུགས་སོ། །ཁ་པ་ལ། འཕགས་པ་རྒྱ་ཆེ་རོལ་པ་བམ་པོ་བཅོ་བརྒྱད་དང་ལེའུ་ཉེར་བདུན་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་རྣམས་དང་། ལོ་ཙཱ་བ་བནྡེ་ཡེ་ཤེས་
[123b.2]སྡེས་བསྒྱུར་ཅིང་སྐད་གསར་བཅད་ཀྱིས་ཀྱང་བཅོས་པ། འཕགས་པ་འཇམ་དཔལ་རྣམ་པར་རོལ་པ་བམ་པོ་གཉིས་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་འཇམ་དཔལ་རྣམ་པར་
[123b.3]འཕྲུལ་པའི་ལེའུ། བམ་པོ་གཅིག་དང་ཤློ་ཀ་གོ་བཞི་པ་རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་དེ་བཞིན་གཤེགས་པ་ཐམས་ཅད་ཀྱི་
[123b.4]བྱིན་གྱིས་བརླབས་སེམས་ཅན་ཐམས་ཅད་ལ་གཟིགས་ཤིང་སངས་རྒྱས་ཀྱི་ཞིང་གི་བཀོད་པ་བསྟན་པའི་མདོ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་དང་ཅོག་རོ་ཀླུའི་རྒྱལ་མཚན་གྱིས་བསྒྱུར་བ་རྣམས་
[123b.5]བཞུགས་སོ། །ག་པ་ལ། འཕགས་པ་བཅོམ་ལྡན་འདས་ཀྱི་ཡེ་ཤེས་རྒྱས་པའི་མདོ་རིན་པོ་ཆེ་མཐའ་ཡས་པ་མཐར་ཕྱིན་པ་ཞེས་བྱ་བ་བམ་པོ་ཉི་ཤུ་རྩ་ལྔ་བ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྙིང་པོས་བསྒྱུར་བ་ལ་
[123b.6]སླད་ཀྱིས་བཎྜི་ཏ་བི ཤུདྡྷ་སིདྷ་དང་། སརྦ་ཛྙཱ་དེ་བ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་རྣམས་ཀྱིས་ཞུས་པ། འཕགས་པ་སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བའི་རྒྱན་ཞེས་བྱ་བའི་མདོ་བམ་པོ་གསུམ་དང་ཤློ་ཀ་
[123b.7]ལྔ་བཅུ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་ལ་སོགས་པས་བསྒྱུར་བ་རྣམས་བཞུགས་སོ། །པ་ལ། འཕགས་པ་དགེ་བའི་རྩ་བ་ཡོངས་སུ་འཛིན་པའི་མདོ་བམ་པོ་བཅོ་བརྒྱད་དང་ལེའུ་བཅོ་ལྔ་བ། རྒྱ་གར་གྱི་
[124a.1]མཁན་པོ་པྲ་ཙཱ་ཝརྨ་དང་། ལོ་ཙཱ་བ་བནྡེ་ལེགས་ཀྱི་སྡེས་བསྒྱུར་བ་ལ། སླད་ཀྱིས་པཎྜི་ཏ་པྲ་ཛྙཱ་ཝརྨ་དང་། ཛྙཱ་ན་གབྷ་དང་ལོ་ཙཱ་བ་བནྡེ་ཡེ་ཤེས་སྡེ་རྣམས་ཀྱིས་ཞུས་པ། འཕགས་པ་ཟུང་གི་མདོའི་ཆོས་ཀྱི་རྣམ་གྲངས་བམ་
[124a.2]པོ་བཞི་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ཁྱེའུ་སྣང་བ་བསམ་གྱིས་མི་ཁྱབ་པས་བསྟན་པའི་ཆོས་ཀྱི་རྣམ་གྲངས་ཤློ་ཀ་ཉིས་བརྒྱ་
[124a.3]བདུན་ཅུ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། འཕགས་པ་དེ་བཞིན་གཤེགས་པ་རྣམས་ཀྱི་སངས་རྒྱས་ཀྱི་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་
[124a.4]ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་དཀྱིལ་འཁོར་བརྒྱད་པའི་ཆོས་ཀྱི་རྣམ་གྲངས་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ་རྣམས་བཞུགས་སོ། །ཅ་པ་ལ། འཕགས་པ་དགོངས་པ་ངེས་
[124a.5]པར་འགྲེལ་པ་ཞེས་བྱ་བའི་མདོ་ལེའུ་བཅུ་བ་སྐད་གསར་བཅད་ཀྱིས་བཅོས་ནས་གཏན་ལ་ཕབ་པ། འཕགས་པ་ལང་ཀར་གཤེགས་པ་བམ་པོ་དགུ་དང་ལེའུ་ཉེར་བརྒྱད་པ་རྒྱ་གར་ནས་འགྱུར་བར་གྲགས་ཀྱང་སྒྱུར་མཁན་གྱི་གསལ་ཀ་མ་བྱུང་། འཕགས་
[124a.6]པ་ལང་ཀར་གཤེགས་པ་རིན་པོ་ཆེའི་མདོ་སངས་རྒྱས་ཐམས་ཅད་ཀྱི་གསུང་གི་སྙིང་པོའི་ལེའུ་བམ་པོ་བརྒྱད་པ། རྒྱའི་སློབ་དཔོན་ཝེན་ཧཱི་ཡིས་མཛད་པའི་འགྲེལ་པ་དང་སྦྱར་ནས་ལོ་ཙཱ་བ་འགོས་ཆོས་འགྲུབ་ཀྱིས་རྒྱའི་དཔེ་ལས་བསྒྱུར་བ། འཕགས་པ་ག་
[124a.7]ཡ་མགོ་རིའི་ཤློ་ཀ་བརྒྱ་བརྒྱད་ཅུ་རྩ་བརྒྱད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ་རྣམས་བཞུགས་སོ། །ཆ་པ་ལ། འཕགས་པ་རྒྱན་སྟུག་པོ་བཀོད་པ་ཇི་སྙེད་པ་བམ་པོ་བཞི་དང་ལེའུ་དགུ་གཤམ་མ་
[124b.1]ཚང་བར་བཞེད་པ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། བནྡེ་ཡེ་ཤེས་སྡེས་བསྒྱུར་བ། འཕགས་པ་སྙིང་རྗེ་ཆེན་པོ་པདྨ་དཀར་པོ་བམ་པོ་དྲུག་དང་ལེའུ་བཅུ་གསུམ་པ་ཛི་ན་མི་ཏྲ་ལ་སོགས་ཀྱིས་བསྒྱུར་བ། འཕགས་པ་སྙིང་རྗེ་པད་དཀར་ཞེས་བྱ་བ་བམ་པོ་
[124b.2]བཅོ་ལྔ་དང་ལེའུ་དྲུག་པ། པཎྜི་ཏ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། པྲ་ཙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ་རྣམས་བཞུགས་སོ། །ཇ་པ་ལ། དམ་པའི་ཆོས་པདྨ་དཀར་པོ་བམ་པོ་བཅུ་གསུམ་དང་ལེའུ་ཉེར་བདུན་
[124b.3]པ་པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་སྣ་ནམ་ཡེ་ཤེས་སྡེས་བསྒྱུར་ཅིང་ཞུས་པ། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོའི་མདོ་པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། བདེ་བ་ཅན་གྱི་
[124b.4]བཀོད་པ་ཤློ་ཀ་སུམ་ཅུ་པ་པཎྜི་ཏ་དཱ་ན་ཤི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། ཟ་མ་ཏོག་བཀོད་པ་བམ་པོ་ཕྱེད་དང་ལྔ་ལེའུ་གཉིས་པ། པཎྜི་ཏ་ཛི་ན་མི་ཏྲ་སོགས་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། དཀོན་
[124b.5]མཆོག་གི་ཟ་མ་ཏོག་བམ་པོ་བཞི་པ། ལོ་ཙཱ་བ་བནྡེ་རཏྣ་རཀྵི་ཏས་བསྒྱུར་ཅིང་སྐད་གསར་བཅད་ཀྱིས་བཅོས་པ། རིན་པོ་ཆེའི་མཐའི་མདོ། ཤློ་ཀ་ཉིས་བརྒྱ་བཅུ་བ། པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ་
[124b.6]རྣམས་བཞུགས་སོ། །ཉ་པ་པ་ལ། མྱ་ངན་ལས་འདས་པ་ཆེན་པོའི་མདོ། བམ་པོ་ལྔ་བཅུ་རྩ་དྲུག་དང་ལེའུ་བཅོ་ལྔ་བ་རྒྱ་ནག་གི་མཁན་པོ་ཝང་ཕན་ཞུན་དང་དྷརྨའི་གཞི་འཛིན་དགེ་བའི་བློ་གྲོས། ལོ་ཙཱ་བ་རྒྱ་མཚོའི་སྡེས་བསྒྱུར་བ་ལས་བམ་པོ་ཉེར་
[124b.7]བརྒྱད་དང་ལེའུ་དགུ་བ་ཡན་བཞུགས། ཏ་པ་ལ། དེའི་འཕྲོས་ཡོངས་སུ་རྫོགས་པ་བཞུགས་སོ། །ཐ་པ་ལ། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། ལེའུ་ཉི་ཁྲི་ལྔ་སྟོང་པ་ལས། ལྷ་དང་མི་ལ་སོགས་པས་
[125a.1]ཞུས་པའི་ལེའུ་ཉི་ཚེ་བམ་པོ་བཅུ་གསུམ་དང་། ལེའུ་ལྔ་པ་རྒྱ་གར་གྱི་མཁན་པོ་ཛི་ན་མི་ཏྲ་དང་། ཛྷ་ན་གརྦྷ་དང་། ལོ་ཙཱ་བ་བནྡེ་དེ་བ་ཙནྡས་བསྒྱུར་ཏེ་གཏན་ལ་ཕབ་པ། འཕགས་པ་མྱ་ངན་ལས་འདས་པའི་མདོ་ཆུང་བ་ཤློ་ཀ་
[125a.2]དྲུག་ཅུའི་ཚད་ཙམ་པ། པཎྜི་ཏ་ཀ་མ་ལ་གུབྷ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འཕགས་པ་འདའ་ཀ་ཡེ་ཤེས་ཤློ་ཀ་བཅུ་བ། དཀར་ཆག་ལྡན་དཀར་མར་རྒྱ་ལས་འགྱུར་བར་བཤད་པ། སངས་རྒྱས་ཀྱི་མཛོད་ཀྱི་ཆོས་
[125a.3]ཀྱི་ཡི་གེ་བམ་པོ་བཞི། ལེའུ་བཅུ་གཅིག་པ། ཤློ་ཀ་སྟོང་ཉིས་བརྒྱ་སྟེ། ཐེམ་སྤངས་མ་ལ་རྒྱ་ལས་འགྱུར་བའི་བརྡ་རྙིང་པར་སྣང་ཟེར་བ་ལས་འགྱུར་བྱང་གསལ་ཁ་མེད་པ། འདི་ལ་སྔོན་གྱི་མཁས་པ་དག་གིས་ཚད་མར་མཛད་མོད་ཀྱི། ཕྱི་ནས་
[125a.4]འགའ་ཞིག་གིས་དཔྱད་གཞིར་བྱས་སྣང་ངོ༌། །འཕགས་པ་དཀོན་མཆོག་འབྱུང་གནས་བམ་པོ་བདུན་པ། པཎྜི་ཏ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་གསེར་གྱི་
[125a.5]མདོ་འགྱུར་བྱང་མེད་པ། འཕགས་པ་གསེར་གྱི་བྱེ་བ་ལྟ་བུའི་མདོ་ཤློ་ཀ་བརྒྱད་ཅུ་པ་པཎྜི་ཏ་སུ་རེནྡྲ་བོ་དྷི་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ་རྣམས་བཞུགས་སོ། །ད་པ་ལ། འཕགས་པ་ཆོས་ཐམས་ཅད་ཀྱི་རང་བཞིན་
[125a.6]མཉམ་པ་ཉིད་རྣམ་པར་སྤྲོས་པའི་ཏིང་ངེ་འཛིན་གྱི་རྒྱལ་པོའི་མདོ་བམ་པོ་བཅོ་ལྔ་དང་ལེའུ་སོ་དགུ་བ། པཎྜི་ཏ་ཤཱི་ལེནྡྲ་པོ་དྷི་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལས་བསྒྱུར་ཅིང་། སྐད་གསར་བཅད་ཀྱིས་བཅོས་པ། འཕགས་པ་ཆོས་ཉིད་རང་གི་ངོ་བོ་ཉིད་
[125a.7]ལས་མི་གཡོ་བར་ཐ་དད་པར་ཐམས་ཅད་ལ་སྣང་བའི་མདོ། པཎྜི་ཏ་དཱ་ན་ཤཱི་ལ་དང་། བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་གྱི་མདོ། བམ་པོ་གསུམ་དང་། ལེའུ་སོ་
[125b.1]བརྒྱད་པ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་སྒྱུ་མ་ལྟ་བུའི་ཏིང་ངེ་འཛིན་གྱི་མདོ་བམ་པོ་ཕྱེད་དང་གཉིས་དང་ལེའུ་དགུ་བ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་
[125b.2]སྡེའི་འགྱུར་དང་། འཕགས་པ་དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་གྱི་མདོ་བམ་པོ་གཉིས་དང་ཤློ་ཀ་དྲུག་ཅུ་པ། པཎྜི་ཏ་ཛི་ན་མི་ཏྲ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ།
[125b.3]འཕགས་པ་དཔའ་བར་འགྲོ་བའི་ཏིང་ངེ་འཛིན་གྱི་མདོ་བམ་པོ་ལྔ་དང་ལེའུ་དགུ་བ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ལོ་ཙཱ་བ་བནྡེ་རཏྣ་རཀྵི་ཏས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །ན་པ་ལ། འཕགས་པ་ད་ལྟར་གྱི་སངས་
[125b.4]རྒྱས་མངོན་སུམ་དུ་བཞུགས་པའི་ཏིང་ངེ་འཛིན་གྱི་མདོ་བམ་པོ་བདུན་དང་ལེའུ་ཉེར་ལྔ་པ། འགྱུར་བྱང་སྔ་མ་དང་མཚུངས་པ། འཕགས་པ་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་གྱི་མདོ་བམ་པོ་བཞི་དང་ལེའུ་ལྔ་བཅུ་པ། པཎྜི་ཏ་པྲ་ཛྙཱ་ཝརྨ་དང་། ཤཱི་
[125b.5]ལེནྡབོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་བམ་པོ་གཉིས་དང་ལེའུ་དགུ་པ་འགྱུར་བྱང་མེད་པ། འཕགས་པ་ཁྱེའུ་བཞིའི་ཏིང་ངེ་འཛིན་གྱི་མདོ་བམ་པོ་གསུམ་པ། པཎྜི་ཏ་ཛི་ན་མི་ཏྲ་
[125b.6]དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ཏིང་ངེ་འཛིན་མཆོག་དམ་པའི་མདོ་བམ་པོ་གཅིག་པ། འགྱུར་བྱང་མེད་པ། འཕགས་པ་འདུས་པ་ཆེན་པོ་རིན་པོ་ཆེ་ཏོག་གི་གཟུངས་བམ་པོ་བརྒྱད་དང་ལེའུ་བཅུ་གསུམ་
[125b.7]པ། པཎྜི་ཏ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་ཞུས་ཏེ་སྐད་གསར་བཅད་ཀྱིས་བཅོས་པ། འཕགས་པ་རྡོ་རྗེ་སྙིང་པོའི་མདོ་གཟུངས་བམ་པོ་གཅིག་པ། འགྱུར་སྔ་མ་དང་འདྲ་བ། འཕགས་པ་སྒོ་མཐའ་ཡས་པ་བསྒྲུབ་པའི་མདོ་གཟུངས་ཤློ་ཀ་ཉིས་
[126a.1]བརྒྱ་དང་བཅུ་བ་འགྱུར་བྱང་མེད་པ། འཕགས་པ་སྒོ་དྲུག་པའི་མདོ་གཟུངས་འགྱུར་བྱང་མེད་པ་རྣམས་བཞུགས་སོ། །པ་པ་ལ། འཕགས་པ་རྣམ་པར་མི་རྟོག་པར་འཇུག་པའི་གཟུངས་ཤློ་ཀ་བརྒྱ་ཉི་ཤུ་པ། པཎྜི་ཏ་ཛི་ན་མི་ཏྲ་དང་། དཱ་
[126a.2]ན་ཤཱི་ལ་དང་། ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་བ། ཚིགས་སུ་བཅད་པ་གཉིས་པའི་གཟུངས་འགྱུར་བྱང་མེད་པ། འཕགས་པ་ཐེག་པ་ཆེན་པོ་ལ་དད་པ་རབ་ཏུ་སྒོམ་པའི་མདོ། བམ་པོ་གཉིས་དང་ལེའུ་བཞི་བ། རྒྱ་གར་གྱི་མཁན་པོ་ཛི་ན་མི་
[126a.3]ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། འཕགས་པ་དཀོན་མཆོག་ཏ་ལ་ལའི་གཟུངས། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བྱང་ཆུབ་སེམས་དཔའི་སྤྱོད་
[126a.4]ཡུལ་ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པ་ཞེས་བྱ་བའི་མདོ་བམ་པོ་ལྔ་དང་ལེའུ་བཅུ་བ། པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པ་ཞེས་
[126a.5]བྱ་བ་གཟུངས་ཀྱི་དབང་ཕྱུག་རྒྱལ་པོས་ཞུས་པའི་མདོ་བམས་པོ་བདུན་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ནམ་མཁའི་མཛོད་ཀྱིས་ཞུས་པའི་མདོ་བམ་
[126a.6]པོ་བརྒྱད་པ། རྒྱ་གར་གྱི་མཁན་པོ་བི་ཛ་ཡ་ཤཱི་ལ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཏེ་སྐད་གསར་བཅད་ཀྱིས་བཅོས་པ། འཕགས་པ་བྱམས་པས་ཞུས་པའི་མདོ། ཤློ་ཀ་བདུན་ཅུ་པ་འགྱུར་བྱང་མེད་པ། འཕགས་པ་
[126a.7]སྤྱན་རས་གཟིགས་ཀྱིས་ཞུས་པའི་ཆོས་བདུན་པའི་མདོ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་བའི་བློ་གྲོས་ཀྱི་འགྱུར། འཕགས་པ་སྤོབས་པའི་བློ་གྲོས་ཀྱིས་ཞུས་པའི་མདོ་བམ་པོ་གཅིག་པ། པཎྜི་ཏ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་
[126b.1]ཤེས་སྡེ་ལ་སོགས་པས་བསྒྱུར་བ་རྣམས་བཞུགས་སོ། །ཕ་པ་ལ། འཕགས་པ་བློ་གྲོས་རྒྱ་མཚོས་ཞུས་པའི་མདོ་བམ་པོ་བཅུ་དང་ལེའུ་བཅུ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། བུདྡྷ་པྲ་བྷ་དང་། ལོ་ཙཱ་བ་བནྡེ་ཡེ་ཤེས་
[126b.2]སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ཀླུའི་རྒྱལ་པོ་རྒྱ་མཚོས་ཞུས་པའི་མདོ་རྒྱས་པ་བམ་པོ་བདུན་དང་ལེའུ་བཅུ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། ཀླུའི་
[126b.3]རྒྱལ་པོ་རྒྱ་མཚོས་ཞུས་པའི་མདོ་འབྲིང་པོ་དགེ་བ་བཅུ་བསྟན་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཏེ་སྐད་གསར་བཅད་ཀྱིས་བཅོས་པ། འཕགས་པ་ཀླུའི་རྒྱལ་པོ་
[126b.4]རྒྱ་མཚོས་ཞུས་པའི་མདོ་བསྡུས་པ་ཤློ་ཀ་བཅུ་གཉིས་པ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། འཕགས་པ་ཀླུའི་རྒྱལ་པོ་མ་དྲོས་པས་ཞུས་པའི་མདོ་བམ་པོ་བཞི་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་།
[126b.5]ལོ་ཙཱ་བ་བནྡེ་ཡེ་ཤེས་སྡེ་དང་། ཡི་གེ་པ་དགོན་གླི་པརྨ་ལ་སོགས་པས་བསྒྱུར་ཅིང་ཞུས་ཆེན་བགྱིས་པ། འཕགས་པ་མིའམ་ཅིའི་རྒྱལ་པོ་སྡོང་པོས་ཞུས་པ་བམ་པོ་ལྔ་བ། བྱང་ཆུབ་སེམས་དཔའ་ལྷའི་ཅོད་པན་དང་། ལོ་ཙཱ་བ་བནྡེ་དཔལ་གྱི་ལྷུན་པོ་
[126b.6]དང་། དཔལ་བརྩེགས་ཀྱི་འགྱུར་རྣམས་བཞུགས་སོ། །བ་པ་ལ། འཕགས་པ་ཚངས་པས་ཞུས་པའི་མདོ་ཤློ་ཀ་ཉིས་བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་ཚངས་པས་བྱིན་གྱིས་
[126b.7]ཞུས་པའི་མདོ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ཚངས་པ་ཁྱད་པར་སེམས་ཀྱིས་ཞུས་པའི་མདོ་བམ་པོ་དྲུག་པ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། དྷརྨ་པཱ་ལ་
[127a.1]དང་། ཛི་ན་མི་ཏྲ་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལ་སོགས་ཀྱིས་བསྒྱུར་ཅིང་། བར་ཞུས་ཀྱི་ལོ་ཙཱ་བ་བནྡེ་དེ་ཝེནྡྲ་རཀྵི་ཏ་དང་། ཀུ་མཱ་ར་རཀྵི་ཏ་ལ་སོགས་པས་ཞུས་པ། འཕགས་པ་ལྷའི་བུ་རབ་རྩལ་སེམས་ཀྱིས་ཞུས་པའི་མདོ་བམ་
[127a.2]པོ་གསུམ་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་དཔལ་དབྱིག་གིས་ཞུས་པའི་མདོ། ཤློ་ཀ་བརྒྱ་དང་བཅོ་ལྔ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲ་ཛྷཱ་ཝརྨ་དང་།
[127a.3]ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་རིན་ཆེན་དྲ་བ་ཅན་གྱིས་ཞུས་པའི་མདོ་བམ་པོ་གཅིག་དང་ཤློ་ཀ་དྲུག་ཅུ་པ། རྒྱ་གར་གྱི་མཁན་པོ་ཛྙཱ་ན་གཌྷ་དང་། ལོ་ཙཱ་བ་བནྡེ་ཡེ་ཤེས་སྙིང་པོས་བསྒྱུར་ཅིང་། ལོ་ཙཱ་བ་བནྡེ་དཔལ་
[127a.4]བརྩེགས་ཀྱིས་ཞུས་པ། འཕགས་པ་རིན་ཆེན་ཟླ་བས་ཞུས་པའི་མདོ་ཤློ་ཀ་ཉིས་བརྒྱ་ཉེར་བདུན་པ། རྒྱ་གར་གྱི་མཁན་པོ་བི་ཤུདྡྷཱ་སིདྷ་དང་། ལོ་ཙཱ་བ་དགེ་སློང་དགེ་བ་དཔལ་གྱིས་བསྒྱུར་ཏེ། སླད་ཀྱི་པཎྜི་ཏ་བིང་ཀ་ར་སིདྷ་དང་། ལོ་ཙཱ་བ་བནྡེ་དེ་བ་ཙནྡྲས་
[127a.5]ཞུས་པ། འཕགས་པ་བདེ་བྱེད་ཀྱིས་ཞུས་པའི་མདོ། ཤློ་ཀ་བརྒྱད་ཅུ་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ཡུལ་འཁོར་སྐྱོང་གིས་ཞུས་པའི་མདོ་ཤློ་ཀ་བདུན་ཅུ་རྩ་གསུམ་པ།
[127a.6]རྒྱ་གར་གྱི་མཁན་པོ་ཛི་ན་མི་ཏྲ་ལ་སོགས་པ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་རྣམ་པར་འཕྲུལ་པའི་རྒྱལ་པོས་ཞུས་པའི་མདོ་བམ་པོ་གསུམ་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་
[127a.7]པ་ལྷ་མོ་དྲི་མ་མེད་པའི་འོད་ཀྱིས་ཞུས་པའི་མདོ་ལི་ཡུལ་ལུང་བསྟན་དུའང་གྲགས་པ་བམ་པོ་བཞི་བ་འགྱུར་བྱང་མེད་པ། འཕགས་པ་ཐེག་པ་ཆེན་པོའི་མན་ངག་ཅེས་བྱ་བའི་མདོ་བུ་མོ་རིན་ཆེན་གྱིས་ཞུས་པ་བམ་པོ་བཞི་བ་རྒྱ་གར་གྱི་མཁན་པོ་ཇི་ན་མི་ཏྲ་དང་། དཱ་
[127b.1]ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་བྲམ་ཟེ་མོ་དཔལ་ལྡན་མས་ཞུས་པའི་མདོ་ཤློ་ཀ་དགུ་བཅུ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་
[127b.2]བསྒྱུར་བ། འཕགས་པ་བགྲེས་མོས་ཞུས་པའི་མདོ། ཤློ་ཀ་བརྒྱ་དང་བཅུ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར་རྣམས་བཞུགས་སོ། །མ་པ་ལ། འཕགས་པ་འཇམ་དཔལ་གྱིས་
[127b.3]དྲིས་པའི་མདོ་བློ་ཀ་དགུ་བཅུ་ལ་བམ་པོ་གཅིག་ཏུ་བྱས་པ་འགྱུར་བྱང་མེད་པ། འཕགས་པ་བདག་མེད་པ་དྲིས་པ་ཞེས་བྱ་བའི་མདོ། རྒྱ་གར་གྱི་མཁན་པོ་ཀ་མ་ལ་གུ་བྟ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར་ཏེ་འདི་ལ་ཀླུ་མེས་ཀྱིས་
[127b.4]བཀའ་མ་ཡིན་པར་བསྒྲགས་ཀྱང་། ལོ་ཆེན་གྱིས་བསྒྱུར་བ་འདིས་ཐེ་ཚོམ་མེད། འཕགས་པ་འཇིག་རྟེན་འཛིན་གྱིས་ཡོངས་སུ་དྲིས་པ་ཞེས་བྱ་བའི་མདོ་བམ་པོ་བཞི་དང་ལེའུ་བཅུ་གཉིས་པ་འགྱུར་བྱང་མེད་པ། །འཕགས་པ་བློ་གྲོས་མི་ཟད་པས་བསྟན་པ་ཞེས་བྱ་བའི་མདོ་
[127b.5]བམ་པོ་བདུན་པ། ལོ་ཙཱ་བ་བནྡེ་དྷརྨ་ཏཱ་ཤཱི་ལས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་དྲི་མ་མེད་པར་གྲགས་པས་བསྟན་པ་ཞེས་བྱ་བའི་མདོ་བམ་པོ་དྲུག་དང་ལེའུ་བཅུ་གཉིས་པ། ལོ་ཙཱ་བ་བནྡེ་ཆོས་ཉིད་
[127b.6]ཚུལ་ཁྲིམས་ཀྱི་འགྱུར། །འཕགས་པ་འཇམ་དཔལ་གྱིས་བསྟན་པ་ཞེས་བྱ་བའི་མདོ་བློ་ཀ་ཕྱེད་དང་བཅོ་ལྔ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བྱང་ཆུབ་ཀྱི་ཕྱོགས་བསྟན་པ་ཞེས་བྱ་བའི་མདོ།
[127b.7]ཤློ་ཀ་དགུ་བཅུ་རྩ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཛྙཱ་ན་སིདྡྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཏེ་སྐད་གསར་བཅད་ཀྱིས་བཅོས་པ། འཕགས་པ་ཀུན་རྫོབ་དང་དོན་དམ་པའི་བདེན་པ་བསྟན་པ་ཞེས་བྱ་བའི་མདོ་བམ་པོ་
[128a.1]གཉིས་པ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ཛི་ན་མི་ཏྲ་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལ་ལ་སོགས་པས་བསྒྱུར་ཅིང་ཞུས་པ། འཕགས་པ་ཆོས་ཐམས་ཅད་འབྱུང་བ་མེད་པར་བསྟན་པ་ཞེས་བྱ་བའི་མདོ་བམ་པོ་གསུམ་པ།
[128a.2]ལོ་ཙཱ་བ་བནྡེ་རིན་ཆེན་འཚོའི་འགྱུར་རྣམས་བཞུགས་སོ། །ཙ་པ་ལ། འཕགས་པ་ཕ་རོལ་ཏུ་ཕྱིན་པ་ལྔ་བསྟན་པའི་མདོ་བམ་པོ་དྲུག་དང་ལེའུ་ཉེར་བཞི་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ།
[128a.3]འཕགས་པ་སྦྱིན་པའི་ཕར་ཕྱིན་བསྟན་པ་ཞེས་བྱ་བའི་མདོ་བམ་པོ་གཉིས་དང་ལེའུ་བཞི་བ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། ཆོས་རྣམས་ཀྱི་རྒྱན་བཀོད་སྤུངས་པ་ལྷབ་ལྷུབ་བཀོད་པའི་མདོའི་ལེའུ་
[128a.4]བཅུ་བ་དང་བཅུ་གཅིག་པ་གཉིས་ཁོལ་དུ་ཕྱུང་བར་གྲགས་པ། འཕགས་པ་སྦྱིན་པའི་ཕན་ཡོན་བསྟན་པ་ཞེས་བྱ་བའི་མདོ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བྱང་ཆུབ་སེམས་དཔའི་སྤྱོད་པ་
[128a.5]བསྟན་པ་ཞེས་བྱ་བའི་མདོ་ཤློ་ཀ་བརྒྱ་ཉི་ཤུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་དེ་བཞིན་གཤེགས་པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་
[128a.6]ཡུལ་ལ་འཇུག་པ་བསྟན་པའི་མདོ། བམ་པོ་གསུམ་པ། རྒྱ་གར་གྱི་མཁན་པོ་ཛྷཱ་ན་གརྦྷ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་བམ་པོ་གཅིག་དང་
[128a.7]ཤློ་ཀ་བཅུ་བ། འགྱུར་བྱང་མི་གསལ་བ། ཕལ་པོ་ཆེ་འབུམ་པ་ལས་ལེའུ་ཉེར་དགུ་བ་ཁོལ་དུ་ཕྱུང་བར་གྲགས་པའི་འཕགས་པ་སངས་རྒྱས་ཀྱི་ཆོས་བསམ་གྱིས་མི་ཁྱབ་པར་བསྟན་པའི་མདོ་བམ་པོ་གསུམ་པ་འགྱུར་བྱང་མེད་པ། འཕགས་པ་མར་
[128b.1]མེ་མཛད་ཀྱིས་ལུང་བསྟན་པ་ཞེས་བྱ་བའི་མདོ་ཤློ་ཀ་ཉིས་བརྒྱ་དང་བཅུ་པ། རྒྱ་གར་གྱི་མཁན་པོ་བི་ཤུདྡྷཱ་སིདྷ་དང་། ལོ་ཙཱ་བ་བནྡེ་དགེ་དཔལ་གྱིས་བསྒྱུར་ཅིང་སླད་ནས་པཎྜི་ཏ་ཛྙཱ་ན་གརྦྷ་དང་། ལོ་ཙཱ་བ་བནྡེ་ཀླུའི་རྒྱལ་མཚན་གྱིས་ཞུས་ཆེན་བགྱིས་པ། འཕགས་
[128b.2]པ་ཚངས་པའི་དཔལ་ལུང་བསྟན་པའི་མདོ་ཤློ་ཀ་བཞི་བཅུ་པ། རྒྱ་གར་གྱི་མཁན་པོ་བི་ཤུདྡྷཱ་སིདྷ་དང་། ལོ་ཙཱ་བ་དགེ་བ་དཔལ་གྱིས་བསྒྱུར་ཅིང་། སླད་ཀྱིས་པཎྜི་ཏ་བིཅུ་ཀ་ར་སིདྷ་དང་། ལོ་ཙཱ་བ་བནྡེ་དེ་ཝ་ཙནྡྲས་ཞུས་པ། འཕགས་པ་བུད་མེད་འགྱུར་
[128b.3]བ་ལུང་བསྟན་པའི་མདོ་བམ་པོ་གཉིས་པ། རྒྱ་གར་གྱི་མཁན་པོ་པྲ་ཛྙཱ་ཝརྨ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་བུ་མོ་ཟླ་མཆོག་ལུང་བསྟན་པའི་མདོ་བམ་པོ་གཉིས་པ། རྒྱ་གར་གྱི་མཁན་པོ་ཛི་
[128b.4]ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བདེ་ལྡན་མ་ལུང་བསྟན་པའི་མདོ་ཤློ་ཀ་བདུན་ཅུ་པ་འགྱུར་བྱང་མེད་པ། འཕགས་པ་ལྷ་མོ་ཆེན་མོ་དཔལ་ལུང་བསྟན་པའི་མདོ་ཤློ་ཀ་བརྒྱ་པ་འགྱུར་བྱང་མེད་པ། འཕགས་པ་རྒྱལ་བའི་
[128b.5]བློ་གྲོས་ཞེས་བྱ་བའི་མདོ་ཤློ་ཀ་བཅུ་གཅིག་པ་འགྱུར་བྱང་མེད་པ། འཕགས་པ་སྤྱན་རས་གཟིགས་ཀྱི་མདོ་བམ་པོ་གཅིག་དང་ཤློ་ཀ་དྲུག་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་
[128b.6]གསར་བཅད་ཀྱིས་ཀྱང་བཅོས་པ། འཕགས་པ་འཇམ་དཔལ་གནས་པ་ཞེས་བྱ་བའི་མདོ་ཤློ་ཀ་བརྒྱ་བཞི་བཅུ་པ། རྒྱ་གར་གྱི་མཁན་པོ་སུ་རེཊ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བྱམས་པ་བདུད་རྩི་བརྗོད་པ་ཞེས་བྱ་བའི་མདོ་ཤློ་
[128b.7]ཀ་བརྒྱད་ཅུ་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བྱམས་པ་ལ་འཇུག་པ་ཞེས་བྱ་བའི་མདོ་བམ་པོ་གཉིས་པ། པཎྜི་ཏ་པྲཛྙཱ་ཝརྨ་དང་། ཛི་ན་མི་ཏྲ་དང་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་
[129a.1]སྡེ་ལ་སོགས་པས་བསྒྱུར་བ། འཕགས་པ་བྱམས་པ་དགའ་ལྡན་གནམ་དུ་སྐྱེ་བ་བླངས་པའི་མདོ། ལོ་ཙཱ་བ་བནྡེ་པ་བ་སྟོང་དང་། བནྡེ་ཤེས་རབ་སེང་གེས་རྒྱུའི་དཔེ་ལས་བསྒྱུར་བ། འཕགས་པ་ཆོས་ཀྱི་རྗེས་སུ་མཐུན་པར་འཇུག་པའི་
[129a.2]འཇིག་རྟེན་གྱི་རྗེས་སུ་མཐུན་པར་འཇུག་པའི་མདོ། ཤློ་ཀ་བརྒྱ་བཅུ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱིལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །ཚ་པ་ལ། འཕགས་
[129a.3]པ་དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱ་ཞེས་བྱ་བའི་མདོ་བམ་པོ་ལྔ་དང་ཤློ་ཀ་བདུན་ཅུ་པ། རྒྱ་གར་གྱི་མཁན་པོ་སུ་རེནྡྲ་བི་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། འཕགས་པ་ངེས་པ་དང་མ་ངེས་པར་འགྲོ་བའི་ཕྱག་རྒྱ་ལ་འཇུག་པ་ཞེས་
[129a.4]བྱ་བའི་མདོ་བམ་པོ་གཅིག་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ཆོས་ཀྱི་ཕྱག་རྒྱ་ཞེས་བྱ་བའི་མདོ་ཤློ་ཀ་བརྒྱད་ཅུ་པ། ལོ་ཙཱ་བ་བནྡེ་ཀླུའི་དབང་པོ་དང་། ལྷའི་
[129a.5]ཟླ་བས་བསྒྱུར་བ། འཕགས་པ་མར་མེ་འབུལ་བ་ཞེས་བྱ་བའི་མདོ་བམ་པོ་གཅིག་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་གྲོང་ཁྱེར་གྱིས་འཚོ་བ་ཞེས་བྱ་བའི་མདོ་ཤློ་ཀ་བརྒྱ་བ། རྒྱ་
[129a.6]གར་གྱི་མཁན་པོ་ཛྙཱ་ན་གབྷ་དང་། ལོ་ཙཱ་བ་བནྡེ་ཀླུའི་དབང་པོས་བསྒྱུར་བ། སླད་ཀྱི་པཎྜི་ཏ་བིདྱཱ་ཀ་ར་སིདྷ་དང་། ཞུ་ཆེན་གྱི་ལོ་ཙཱ་བ་བནྡེ་དེ་ཝ་ཙནྡྲས་ཞུས་པ། འཕགས་པ་ཟས་ཀྱིས་འཚོ་བ་རྣམ་པར་དག་པ་ཞེས་བྱ་བའི་མདོ་ཤློ་ཀ་སུམ་ཅུ་རྩ་བརྒྱད་པ་འགྱུར་
[129a.7]བྱང་མེད་པ། འཕགས་པ་གླང་པོའི་རྩལ་ཞེས་བྱ་བའི་མདོ་བམ་པོ་གཅིག་དང་ཤློ་ཀ་དྲུག་ཅུ་པ་འགྱུར་བྱང་མེད་པ། འཕགས་པ་སྒྲ་ཆེན་པོ་ཞེས་བྱ་བའི་མདོ་ཤློ་ཀ་རེ་བཞི་བ། པཎྜི་ཏ་བི་ཤུདྡྷ་སིདྷ་དང་། ལོ་ཙཱ་བ་བནྡེ་དགེ་བ་དཔལ་གྱིས་བསྒྱུར་ཅིང་།
[129b.1]སླར་ཡང་པཎྜི་ཏ་བིདྱཱ་ཀ་ར་སིདྷ་དང་། ལོ་ཙཱ་བ་བནྡེ་དེ་ཝ་ཙནྡྲས་ཞུས་པ། འཕགས་པ་སེང་གེའི་སྒྲ་བསྒྲགས་པ་ཞེས་བྱ་བའི་མདོ་དཀར་ཆག་ཆེན་མོ་རྣམས་སུ་བམ་པོ་གཅིག་ཏུ་བྱས་ཀྱང་བམ་པོའི་སུམ་ཆ་ཙམ་ལས་མེད་པ། པཎྜི་ཏ་བིདྱཱ་ཀ་ར་སིདྷ་དང་། ལོ་ཙཱ་
[129b.2]བ་བནྡེ་རྦ་རྗེ་ཡེ་ཤེས་སྙིང་པོའི་འགྱུར། འཕགས་པ་ས་ལུ་ལྗང་བའི་མདོ་ཤློ་ཀ་ཉིས་བརྒྱ་ཉེར་དྲུག་པ་འགྱུར་བྱང་མེད་པ། འཕགས་རྟེན་ཅིང་འབྲེལ་བར་འབྱུང་བ་དང་པོ་དང་རྣམ་པར་དབྱེ་བ་བསྟན་པའི་མདོ་ཤློ་ཀ་སུམ་ཅུ་པ་བནྡེ་ནམ་མཁའི་འགྱུར། འདི་ཐེག་
[129b.3]དམན་དུ་གྲགས་ཀྱང་དབྱིག་གཉེན་གྱིས་མཛད་པའི་འགྲེལ་པར་རྣམ་ཤེས་ཚོགས་བརྒྱད་སོགས་བསྟན་པས་ཐེག་པ་ཐུན་མོང་བ་ཡིན་ནོ། །འཕགས་པ་རྟེན་ཅིང་འབྲེལ་བར་འབྱུང་བའི་མདོ་ཤློ་ཀ་བཅུ་གསུམ་པ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་
[129b.4]ཤེས་སྡེའི་འགྱུར། འཕགས་པ་སོར་མོའི་འཕྲེང་བ་ཅན་ལ་ཕན་པའི་མདོ་བམ་པོ་བདུན་པ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལ་དང་། རྒྱའི་བནྡེ་ཏོང་ཨཱ་ཙཱརྱ་ལ་སོགས་པས་བསྒྱུར་བ། འཕགས་པ་རྒྱལ་པོ་གཟུགས་ཅན་
[129b.5]སྙིང་པོ་ལ་གདམས་པའི་མདོ། པཎྜི་ཏ་དཱ་ན་ཤཱི་ལ་དང་། བནྡེ་ཡེ་ཤེས་སྡེའི་འགྱུར་དང་། འཕགས་པ་བད་ས་ལའི་རྒྱལ་པོ་འཆར་བྱེད་ལ་གདམས་པའི་མདོ་སྔ་མ་དང་འགྱུར་བྱང་གཅིག་པ་སྟེ་འདི་གཉིས་ལ་དཔྱད་གཞི་མཛད་མཁན་མང་དུ་བྱུང་ཡང་། ཚལ་
[129b.6]པ་སི་ཏུ་ཐམས་ཅད་མཁྱེན་པས་ཚད་མར་མཛད་པའི་ཕྱིར་བཞག །འཕགས་པ་མ་སྐྱེས་དགྲའི་འགྱོད་པ་བསལ་བའི་མདོ་བམ་པོ་ལྔ་བ། པཎྜི་ཏ་མཉྫ་ཤྲཱི་གརྦྷ་དང་། ཨཱ་ཙཱརུ་རཏྣ་རཀྵི་ཏས་བསྒྱུར་ཅིང་ཞུས་ཆེན་བགྱིས་པ། འཕགས་པ་དཔལ་སྦས་ཀྱི་
[129b.7]མདོ་བམ་པོ་གཅིག་དང་ཤློ་ཀ་དྲུག་ཅུ་པ། རྒྱ་གར་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ལས་ཀྱི་སྒྲིབ་པ་རྣམ་པར་དག་པ་ཞེས་བྱ་བའི་མདོ་བམ་པོ་གཅིག་
[130a.1]དང་ཤློ་ཀ་བཞི་བཅུ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ལས་སྒྲིབ་རྒྱུན་གཅོད་པ་ཞེས་བྱ་བའི་མདོ་ཤློ་ཀ་ཉིས་བརྒྱ་སུམ་ཅུ་པ། རྒྱ་གར་གྱི་
[130a.2]མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །པ་ལ། སངས་རྒྱས་ཀྱི་སྡེ་སྣོད་ཚུལ་ཁྲིམས་འཆལ་པ་ཚར་གཅོད་པ་ཞེས་བྱ་བའི་མདོ་བམ་པོ་བདུན་དང་ལེའུ་
[130a.3]དགུ་བ། རྒྱ་གར་གྱི་མཁན་པོ་དྷརྨ་ཤྲཱི་པྲ་བྷ་དང་། ལོ་ཙཱ་བ་དགེ་སློང་དཔལ་གྱི་ལྷུན་པོའི་འགྱུར། འཕགས་པ་རྒྱལ་པོ་ལ་གདམས་པ་ཞེས་བྱ་བ་རྒྱལ་པོ་གསལ་རྒྱལ་ལ་གདམས་པའི་མདོ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་།
[130a.4]ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་རྔ་བོ་ཆེ་ཆེན་པོའི་མདོ་བམ་པོ་ལྔ་བ། རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་ལོ་ཙཱ་བ་བནྡེ་དཔལ་གྱི་ལྷུན་པོས་བསྒྱུར་ཅིང་། ལོ་ཙཱ་བ་བནྡེ་དཔལ་བརྩེགས་ཀྱིས་ཞུས་
[130a.5]པ། འཕགས་པ་སུམ་ཅུ་རྩ་གསུམ་པའི་ལེའུ་ཞེས་བྱ་བའི་མདོ་བམ་པོ་གསུམ་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པའི་འགྱུར། འཕགས་པ་ལྷག་པའི་བསམ་པ་བསྟན་པ་ཞེས་བྱ་བའི་མདོ་ལེའུ་གཉིས་དང་
[130a.6]བམ་པོ་བཞིར་དཀར་ཆག་སྔོན་མ་ཚོར་བཤད་ཀྱང་བམ་པོ་གཅིག་ཙམ་ལས་མེད་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་གསུམ་ལ་སྐྱབས་སུ་འགྲོ་བ་ཞེས་བྱ་
[130a.7]བའི་མདོ་ཤློ་ཀ་སུམ་ཅུ་པ། པཎྜི་ཏ་སརྦ་ཛྙཱ་དེ་བ་དང་། ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། འཕགས་པ་སྲིད་པ་འཕོ་བ་ཞེས་བྱ་བའི་མདོ་ཤློ་ཀ་བདུན་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་
[130b.1]སྐད་གསར་བཅད་ཀྱིས་བཅོས་པ། འཕགས་པ་རྣམ་པར་འཐག་པ་ཐམས་ཅད་བསྡུས་པ་ཞེས་བྱ་བའི་མདོ་བམ་པོ་གཅིག་དང་ཤློ་ཀ་དྲུག་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་
[130b.2]པ་སངས་རྒྱས་བགྲོ་བ་ཞེས་བྱ་བའི་མདོ་བམ་པོ་གསུམ་པ། ལོ་ཙཱ་བ་བནྡེ་དཔལ་དབྱངས་དང་། དཔལ་བརྩེགས་ཀྱི་འགྱུར། དེ་བཞིན་གཤེགས་པ་བགྲོ་བ་ཞེས་བྱ་བའི་མདོ་བམ་པོ་གསུམ་དང་ཤློ་ཀ་དོན་ལྔ་པ། རྒྱ་གར་གྱི་མཁན་པོ་ཛྙཱ་ན་གརྦྷ་
[130b.3]དང་། ལོ་ཙཱ་བ་བནྡེ་དཔལ་དབྱངས་ཀྱིས་བསྒྱུར་ཅིང་། ལོ་ཙཱ་བ་བནྡེ་དཔལ་བརྩེགས་ཀྱིས་ཞུས་པ། འདུས་པ་ཆེན་པོ་ཞེས་བྱ་བ་ཐེག་པ་ཆེན་པོའི་མདོ་ལས་དེ་བཞིན་གཤེགས་པའི་དཔལ་གྱི་དམ་ཚིག་ཅེས་བྱ་བའི་མདོ་བམ་པོ་གསུམ་དང་ལེའུ་བཞི་
[130b.4]པ། རྒྱ་གར་གྱི་མཁན་པོ་སརྦ་ཛྙཱ་དེ་ཝ་དང་། ལོ་ཙཱ་བ་བནྡེ་དཔལ་བརྩེགས་ཀྱི་འགྱུར་རྣམས་བཞུགས་སོ། །ལྦ་པ་ལ། འཕགས་པ་དཀོན་མཆོག་སྤྲིན་གྱི་མདོ་བམ་པོ་བདུན་པ་ལོ་ཙཱ་བ་རིན་ཆེན་འཚོ་དང་ཆོས་ཉིད་ཚུལ་ཁྲིམས་ཀྱི་འགྱུར། འཕགས་
[130b.5]པ་སྤྲིན་ཆེན་པོའི་མདོ་བམ་པོ་བཅུ་དང་ལེའུ་སོ་བདུན་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་སྤྲིན་ཆེན་པོའི་མདོ་ལས་ཕྱོགས་བཅུའི་བྱང་ཆུབ་སེམས་དཔའ་རྒྱ་མཚོ་འདུས་པའི་དགའ་སྟོན་ལ་རྩེ་བའི་
[130b.6]ལེའུ་ཁོལ་དུ་ཕྱུང་བ་ལེའུ་སོ་བདུན་དང་བམ་པོ་གསུམ་པ་འགྱུར་བྱང་སྔ་མ་དང་འདྲ་བ། འཕགས་པ་སྤྲིན་ཆེན་པོ་འབུམ་པ་ལས་ཁོལ་དུ་ཕྱུང་བ་རླུང་གི་དཀྱིལ་འཁོར་གྱི་ལེའུ་བམ་པོ་གཅིག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་།
[130b.7]ལོ་ཙཱ་བ་བནྡེ་ཡེ་ཤེས་སྡེའི་འགྱུར། ཡང་འཕགས་པ་སྤྲིན་ཆེན་པོ་ལས་ཆར་བབས་པའི་རླུང་གི་དཀྱིལ་འཁོར་གྱི་ལེའུ་དྲུག་ཅུ་རྩ་བཞི་བ་ཆོ་ག་དང་བཅས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་
[131a.1]གསར་བཅད། འཕགས་པ་བཅོམ་ལྡན་འདས་ཀྱི་གཙུག་ཏོར་ཆེན་པོ་དེ་བཞིན་གཤེགས་པའི་གསང་བ་གྲུབ་པའི་དོན་མངོན་པར་ཐོབ་པའི་རྒྱུ་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་བསྡུས་པ་དཔའ་བར་འགྲོ་བའི་མདོ་ཆེན་
[131a.2]པོ་ལེའུ་སྟོང་ཕྲག་བཅུ་བ་ལས་ལེའུ་བཅུ་བ་ཁོལ་དུ་ཕྱུང་བར་གྲགས་པ། བམ་པོ་གཉིས་པ་འགྱུར་བྱང་མེད་པ། འདི་ལ་ཀླུ་མེས་ཀྱིས་བཀའ་ཡིན་མིན་ཐེ་ཚོམ་དུ་མཛད་ཀྱང་བུ་སྟོན་གྱིས་བཀའ་ལས་ལོགས་སུ་མ་ཕྱེས་པས་བཞག་པ་ཡ་ཡིན་ནོ། །གཙུག་ཏོར་ཆེན་པོ་
[131a.3]བམ་པོ་དགུ་བ་ལས་བདུད་ཀྱི་ལེའུ་ཉི་ཚེ་ཕྱུང་བ་ཤློ་ཀ་དོན་ལྔ་པོ། བམ་པོ་གཉིས་པ་འདི་ལ་གོང་དཀར་བ་སོགས་ཀྱིས་ཐེ་ཚོམ་གྱི་གཞིར་བྱས་ཀྱང་སྔོན་གྱི་དཀར་ཆག་གསུམ་དུ་རྒྱ་ནག་ལས་འགྱུར་བའི་ཁུངས་མར་བཤད་པས་བཞག་པ་རྣམས་བཞུགས་སོ། །ཞ་པ་ལ།
[131a.4]འཕགས་པ་ཆོས་ཐམས་ཅད་ཡང་དག་པར་སྡུད་པ་ཞེས་བྱ་བའི་མདོ་བམ་པོ་བདུན་དང་ལེའུ་བཅུ་གཉིས་པ། རྒྱ་གར་གྱི་མཁན་པོ་མཉྫ་ཤྲཱི་གབྷ་དང་། བི་ཛ་ཡ་ཤཱི་ལ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་
[131a.5]བཅོས་པ། འདི་ལ་ཁ་ཅིག་གིས་དཀར་ཆག་ཆེན་མོའི་ཆོས་ཀུན་བགྲོ་བ་དང་གཅིག་མི་གཅིག་དཔྱད་གཞིར་མཛད་པའང་འདུག་གོ། །འདུས་པ་ཆེན་པོ་ལས། སའི་སྙིང་པོ་འཁོར་ལོ་བཅུ་བ་ཞེས་བྱ་བའི་མདོ་བམ་པོ་བཅུ་དང་ལེའུ་བརྒྱད་པ། རྒྱའི་
[131a.6]མཁན་པོ་ཧྭ་ཤང་ཟབ་མོ་ལ་སོགས་པ་དང་། ལོ་ཙཱ་བ་བནྡེ་རྣམ་པར་མི་རྟོག་པའི་འགྱུར། འཕགས་པ་ཕྱིར་མི་ལྡོག་པའི་འཁོར་ལོ་ཞེས་བྱ་བའི་མདོ་བམ་པོ་དྲུག་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་
[131a.7]སོགས་པས་བསྒྱུར་བ། འཕགས་པ་ཏིང་ངེ་འཛིན་གྱི་འཁོར་ལོ་ཞེས་བྱ་བའི་མདོ་ཤཱི་ལ་དྷརྨ་དང་རྣམ་པར་མི་རྟོག་པས་རྒྱ་ལས་བསྒྱུར་བ། འཕགས་པ་ཡོངས་སུ་བསྔོ་བའི་འཁོར་ལོ་ཞེས་བྱ་བའི་མདོ། ལིའི་དགེ་སློང་སྡེ་སྣོད་གསུམ་དང་ལྡན་པ་ཤི་ལ་དྷརྨས།
[131b.1]རྒྱ་གར་གྱི་དྷརྨའི་ཡི་གེ་ལས་བནྡེ་རྣམ་པར་མི་རྟོག་པའི་འགྱུར་རྣམས་བཞུགས་སོ། །ཟ་པ་ལ། དམ་པའི་ཆོས་ཀྱི་རྒྱལ་པོའི་ཡི་གེ་བམ་པོ་གཅིག་པ། སྔོན་རྒྱ་ལས་འགྱུར་བའི་བརྡ་རྙིང་པ་སྐད་གསར་བཅད་ཀྱིས་མ་བཅོས་པར་སྣང་། འདི་ལའང་
[131b.2]འགའ་ཞིག་གིས་ཐེ་ཚོམ་བྱས་སྣང་ངོ་། འཕགས་པ་ཆོས་ཀྱི་ཚུལ་ཞེས་བྱ་བའི་མདོ་བམ་པོ་གཅིག་པ། རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་ཆོས་ཀྱི་ཕུང་པོ་ཞེས་བྱ་བའི་
[131b.3]མདོ། ཤློ་ཀ་བརྒྱ་ལྔ་བཅུ་བ་འགྱུར་སྔ་མ་དང་འདྲ་བ། འཕགས་པ་དོན་དམ་པའི་ཆོས་ཀྱི་རྣམ་པར་རྒྱལ་བ་ཞེས་བྱ་བའི་མདོ། ཤློ་ཀ་ཉིས་བརྒྱ་དང་བརྒྱད་ཅུ་པ། པཎྜི་ཏ་ཛི་ན་མི་ཏྲ། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་
[131b.4]འགྱུར། འཕགས་པ་ཆོས་དང་དོན་རྣམ་པར་འབྱེད་པ་ཞེས་བྱ་བའི་མདོ། ཤློ་ཀ་དགུ་བཅུ་པ་འགྱུར་སྔ་མ་དང་འདྲ་བ། བྱང་ཆུབ་སེམས་དཔའི་སོ་སོར་ཐར་པའི་ཆོས་བཞི་བསྒྲུབ་པ་ཞེས་བྱ་བའི་མདོ། བམ་པོ་གཅིག་དང་ཤློ་ཀ་བརྒྱ་ཡོད་པ། རྒྱ་
[131b.5]གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་ཤཱཀྱ་བློ་གྲོས་དང་། དགེ་སློང་དགེ་བའི་བློ་གྲོས་ཀྱི་འགྱུར། འཕགས་པ་ཆོས་བཞི་བསྟན་པ་ཞེས་བྱ་བའི་མདོ། ཤློ་ཀ་བཅུ་གསུམ་པ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་
[131b.6]ཤེས་སྡེའི་འགྱུར། ཆོས་བཞི་བ་ཤློ་ཀ་བཅུ་བའི་མདོ་འགྱུར་བྱང་མེད་པ། ཆོས་བཞི་མི་གཏོང་བ་ཞེས་བྱ་བའི་མདོ་འགྱུར་བྱང་མེད་པ། འཕགས་པ་བཞི་བསྒྲུབ་པ་ཞེས་བྱ་བའི་མདོ་ཤློ་ཀ་ཉིས་བརྒྱ་དྲུག་ཅུ་པ་འགྱུར་བྱང་མེད་པ། ཆོས་གསུམ་པ་ཞེས་བྱ་
[131b.7]བའི་མདོ། པཎྜི་ཏ་ཛི་ན་མི་ཏྲ་དང་། ལོ་ཙཱ་བ་བནྡེ་དེ་ཝ་ཙནྡས་བསྒྱུར་ཅིང་ལོ་ཙཱ་བ་དཔལ་བརྩེགས་ཀྱིས་ཞུས་པ། འཕགས་པ་ཆོས་ཀྱི་རྒྱལ་མཚན་གྱི་མདོ་འགྱུར་བྱང་མེད་པ། འཕགས་པ་ཆོས་རྒྱ་མཚོའི་མདོ་ཤློ་ཀ་བརྒྱད་ཅུ་པ་རྒྱ་ལས་འགྱུར་བ་སྐད་
[132a.1]གསར་བཅད་ཀྱིས་བཅོས་པ། འཕགས་པ་ཆོས་ཀྱི་རྒྱ་མོ་བམ་པོ་གཉིས་པ་རྒྱ་ལས་བསྒྱུར་བ། འདི་ལའང་འགའ་ཞིག་གིས་ཐེ་ཚོམ་བྱས་ཀྱང་། སྔོན་གྱི་མཁན་པོ་རྣམས་ཀྱིས་ཚད་མར་བྱས་སོ། །འཕགས་པ་ཉི་མའི་སྙིང་པོ་
[132a.2]བམ་པོ་བཅུ་གསུམ་དང་ལེའུ་བཅུ་གཉིས་པ། རྒྱ་གར་གྱི་མཁན་པོ་སརྦ་ཛྙ་དེ་ཝ་དང་། བིདྱཱ་ཀ་ར་པྲ་བྷ་དང་། དྷ་རྨ་ཀར་དང་། ལོ་ཙཱ་བ་བནྡེ་བཟང་སྐྱོང་གིས་བསྒྱུར་ཅིང་། ལོ་ཙཱ་བ་བནྡེ་དཔལ་བརྩེགས་ཀྱིས་ཞུས་པ། འཕགས་པ་དེ་བཞིན་གཤེགས་
[132a.3]པའི་སྙིང་པོ་ཞེས་བྱ་བའི་མདོ་བམ་པོ་གཅིག་པ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོ་ཞེས་བྱ་བའི་མདོ་ཤློ་ཀ་
[132a.4]བརྒྱ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་ཞུས་པ། འཕགས་པ་ནམ་མཁའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ་བམ་པོ་གཅིག་པ། རྒྱ་གར་གྱི་མཁན་པོ་ཤཱཀྱ་པྲ་བྷ་
[132a.5]དང་། བནྡེ་རཏྣ་རཀྵི་ཏས་བསྒྱུར་ཅིང་ཞུས་པ། འཕགས་པ་ཐབས་མཁས་པ་ཞེས་བྱ་བའི་མདོ་བམ་པོ་གཉིས་པ་འགྱུར་བྱང་མེད་པ་རྣམས་བཞུགས་སོ། །འ་པ་ལ། སངས་རྒྱས་ཀྱི་མཚན་ལྔ་སྟོང་བཞི་བརྒྱ་དང་ལྔ་བཅུ་རྩ་གསུམ་པ་བམ་པོ་
[132a.6]བརྒྱད་པ་འགྱུར་བྱང་མེད་པ། འདི་མཚན་མང་པོ་བསབས་པའི་རྒྱུན་ཡིན་ཀྱང་ད་དུང་ཅུང་ཟད་མ་ཚང་བར་འདུག་གོ། །འཕགས་པ་ནམ་མཁའི་མདོག་གིས་འདུལ་བའི་བཟོད་པ་བསྟན་པ་བམ་པོ་བཅུ་གཅིག་དང་ལེའུ་བཅུ་གཉིས་པ་རྒྱ་ནག་འགྱུར། འཕགས་
[132a.7]པ་ཐར་པ་ཆེན་པོ་ཕྱོགས་སུ་རྒྱས་པ་འགྱོད་ཚངས་ཀྱིས་སྡིག་སྦྱངས་ཏེ་སངས་རྒྱས་སུ་སྒྲུབ་པ་རྣམ་པར་བཀོད་པ་ཞེས་བྱ་བའི་མདོ་བམ་པོ་གཉིས་དང་ཤློ་ཀ་བརྒྱ་བཅུ་གཉིས་པ་རྒྱ་ནག་གི་འགྱུར། འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ་འགྱུར་བྱང་
[132b.1]མེད་པ། འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ་ལས་ཕྱག་འཚལ་བའི་ཆོ་ག་དང་མཚན་ནས་བརྗོད་པའི་གླེང་གཞི་མེ་ཏོག་གི་ཚོགས་ཞེས་བྱ་བའི་མདོ་བམ་པོ་གསུམ་པ། རྒྱ་གར་གྱི་མཁན་པོ་ཛྙ་ན་སིདྡྷི་དང་། ལོ་ཙཱ་བ་བནྡེ་དྷརྨ་ཏཱ་ཤཱི་ལ་
[132b.2]ལ་སོགས་པས་བསྒྱུར་ཅིང་ཞུས་ཆེན་བགྱིས་པ་རྣམས་བཞུགས་སོ། །ཡ་པ་ལ། དཔང་སྐོང་ཕྱག་བརྒྱ་པ་ཐུ་མི་སཾ་བྷོ་ཊའི་འགྱུར། །འཕགས་པ་བསམ་གྱིས་མི་ཁྱབ་པ་ཞེས་བྱ་བའི་མདོ་ཤློ་ཀ་བདུན་ཅུ་དོན་ལྔ་བ་འགྱུར་བྱང་མེད་པ། ཕྱོགས་
[132b.3]བཅུའི་མུན་པ་རྣམ་པར་སེལ་བ་ཞེས་བྱ་བའི་མདོ་ཤློ་ཀ་བརྒྱ་ལྔ་བཅུ་བ་རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ལོ་ཙཱ་བ་རྩངས་དེ་ཝེནྡྲ་རཀྵི་ཏས་བསྒྱུར་ཅིང་། ལོ་ཙཱ་བ་བནྡེ་ཀླུའི་རྒྱལ་མཚན་གྱིས་ཞུ་ཆེན་བགྱིས་པ། འཕགས་པ་སངས་རྒྱས་བདུན་པ་
[132b.4]ཞེས་བྱ་བའི་མདོ། ཤློ་ཀ་བརྒྱ་རྩ་ལྔ་པ། པཎྜི་ཏ་ཤཱཀྱ་སིདྷ་དང་། ལོ་ཙཱ་བ་དེ་ཝེནྡྲ་རཀྵི་ཏའི་འགྱུར། འཕགས་པ་སངས་རྒྱས་བརྒྱད་པ་ཞེས་བྱ་བའི་མདོ་ཤློ་ཀ་དགུ་བཅུ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་
[132b.5]བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་སངས་རྒྱས་བཅུ་བ་ཞེས་བྱ་བའི་མདོ་ཡོན་ཏན་རིན་ཆེན་མེ་ཏོག་ཀུན་ཏུ་རྒྱས་པས་ཞུས་པ་ཤློ་ཀ་བརྒྱ་བཞི་བཅུ་པ། །རྒྱ་གར་གྱི་མཁན་པོ་པྲ་ཛྷཱ་ཝརྨ་ལ་སོགས་པ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་
[132b.6]སོགས་པས་བསྒྱུར་ཅིང་ཞུས་པ། འཕགས་པ་སངས་རྒྱས་བཅུ་གཉིས་པ་ཞེས་བྱ་བའི་མདོ་ཤློ་ཀ་བདུན་ཅུ་རྩ་བདུན་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་སངས་
[132b.7]རྒྱས་ཀྱི་དབུ་རྒྱན་ཞེས་བྱ་བའི་མདོ། ཤློ་ཀ་ཉིས་བརྒྱ་བ། རྒྱ་གར་གྱི་མཁན་པོ་ཤཱཀྱ་སིདྷ་དང་། ལོ་ཙཱ་བ་བནྡེ་དེ་ཝེནྡྲ་རཀྵི་ཏས་བསྒྱུར་ཅིང་ཞུས་པ། སངས་རྒྱས་ཀྱི་ས་ཞེས་བྱ་བའི་མདོ་ཤློ་ཀ་ཉིས་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་།
[133a.1]པྲ་ཙཱ་ཝ་རྨ་དང་། ལོ་ཙཱ་བ་བནྡེ་ཡེ་ཤེས་སྡེས་ཊཱི་ཀ་དང་སྦྱར་ཏེ་གསར་དུ་བསྒྱུར་ཅིང་ཞུས་པ། འཕགས་པ་སངས་རྒྱས་མི་སྤོང་བ་ཞེས་བྱ་བའི་མདོ་ཤློ་ཀ་བརྒྱ་ཉི་ཤུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ལོ་ཙཱ་བ་
[133a.2]བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་པ། འཕགས་པ་དཀྱིལ་འཁོར་བརྒྱད་པ་ཞེས་བྱ་བའི་མདོ་ཤློ་ཀ་བདུན་ཅུ་པ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་བཀྲ་ཤིས་
[133a.3]བརྒྱད་པ་ཞེས་བྱ་བའི་མདོ། ཤློ་ཀ་ལྔ་བཅུ་རྩ་གཅིག་པ་འགྱུར་བྱང་སྔ་མ་དང་འདྲ་བ། འཕགས་པ་དཀོན་མཆོག་གསུམ་རྗེས་སུ་དྲན་པའི་མདོ་འགྱུར་བྱང་མེད་པ། བསླབ་པ་གསུམ་གྱི་མདོ་དང་། སྐུ་གསུམ་པ་ཞེས་བྱ་བའི་མདོ་གཉིས་འགྱུར་བྱང་མེད་པ།
[133a.4]དཀོན་བརྩེགས་ཀྱི་ཉེ་བ་འཁོར་གྱིས་ཞུས་པའི་ལེའུ་ལས་ཕྱུང་བ་འཕགས་པ་ཕུང་པོ་གསུམ་པ་ཞེས་བྱ་བའི་མདོ་ཤློ་ཀ་ལྔ་བརྒྱ་སུམ་ཅུ་པ། ལོ་ཙཱ་བ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཕགས་པ་བསམ་པ་ཐམས་ཅད་ཡོངས་
[133a.5]སུ་རྫོགས་པར་བྱེད་པའི་བསྔོ་བ་ཤློ་ཀ་ལྔ་བཅུ་བ་འགྱུར་བྱང་མེད་པ། འཕགས་པ་འགྲོ་བ་ཐམས་ཅད་ཡོངས་སུ་སྐྱོབ་པར་བྱེད་པའི་བསྔོ་བ་ཤློ་ཀ་བཞི་བཅུ་པ། རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ལོ་ཙཱ་བ་བནྡེ་ཡེ་ཤེས་སྙིང་པོས་བསྒྱུར་ཅིང་། ལོ་ཙཱ་
[133a.6]བ་བནྡེ་དཔལ་བརྩེགས་ཀྱིས་ཞུས་པ་རྣམས་སོ།། །།གཉིས་པ་ཐེག་དམན་གྱི་མདོ་མང་ལ། མདོ་སྡེ་དྲན་པ་ཉེ་བར་གཞག་པ་བམ་པོ་ཉི་ཤུ་པ་ཡན་བཞུགས། །ར་པ་ལ། གོང་གི་འཕྲོས་ལས་བམ་པོ་ཉེར་གཅིག་པ་ནས་བམ་པོ་བཞི་བཅུ་རྩ་ལྔ་བ་
[133a.7]ཡན་བཞུགས། །ལ་པ་ལ། བམ་པོ་ཞེ་དྲུག་པ་ནས་ཞེ་དགུ་བའི་བར་དང་། འཐབ་བྲལ་གྱི་ལྷ་རྣམས་ཀྱིས་ལས་རྟག་ཏུ་བདེ་བའི་ས་སྟེ་བརྒྱད་པའི་སྐབས་ཡན་དང་འཐབ་བྲལ་གྱི་བདག་པོ་མུ་སུ་ལུནྟའི་རྫུ་འཕྲུལ་ཆེན་པོ་རྫོགས་པའི་བར་བཞུགས། ཤ་པ་ལ།
[133b.1]དེ་འཕྲོས་ཡོངས་སུ་རྫོགས་པ་བཞུགས་ཏེ་གཞུང་ཚད་ཤློ་ཀ་སྟོང་ཕྲག་སུམ་ཅུ་རྩ་དྲུག །བམ་པོར་བཅད་ན་བརྒྱ་ཉི་ཤུར་བཤད་ཀྱང་བམ་པོ་བཞི་བཅུ་རྩ་དགུ་མན་བམ་མཚམས་མ་བཅད་པར་སྣང་ངོ༌། །འདི་ནི་བསྟན་པ་སྔ་དར་ལ་ཤློ་ཀ་ཁྲི་ཉིས་སྟོང་དགུ་བརྒྱ་སྟེ་བམ་པོ་
[133b.2]ཞེ་གསུམ་ལས་མ་འགྱུར་ལ་ཕྱིས་པ་ཚབ་ལོ་ཙཱས་བསྒྱུར་བ་ཡིན་ཏེ་དེའི་འགྱུར་བྱང་དུ། རིག་པའི་གནས་ལྔ་ལ་ཐོགས་པ་མེད་པའི་མཁྱེན་པ་དང་ལྡན་པའི་དཔལ་གྱིས་མཛེས་པའི་པཎྜི་ཏ་ཆེན་པོ་ཤཱནྟ་ཨ་ཀ་ར་གུཔྟའི་ཞལ་སྔ་ནས་དང་། མཁས་པ་ཆེན་པོ་སྐྱེས་བུ་
[133b.3]དམ་པ་འདུལ་བ་འཛིན་པའི་ཡང་མཆོག་ཏུ་གྱུར་པ་པཎྜི་ཏ་ཆེན་པོ་ཨ་བྷ་ཡཱ་ཀ་ར་གུཔྟ་དང་། ཐོས་པ་འཛིན་པས་འཇམ་དཔལ་དང་འདྲ་བར་གྲགས་པ་སྤོབས་པའི་ཤེས་རབ་ཅན་རྣམས་ཀྱི་མཆོག་པཎྜི་ཏ་ཆེན་པོ་ཤཱཀྱ་རཀྱི་ཏ་དང་། པཎྜི་ཏ་ཆེན་པོ་བིདྱ་ཨཱ་ཀ་ར་ཤཱནྟི་
[133b.4]ལ་སོགས་པ་རྣམས་ལ་རྒྱ་དཔེ་ལྔ་དང་། གཞན་ཡང་དབུས་མ་ག་དྷ་ཞེས་བྱ་བ་དེ་བཞིན་གཤེགས་པའི་རྟེན་མང་དུ་བཞུགས་ཤིང་སངས་རྒྱས་པའི་སྐྱེ་བོ་དཀོན་མཆོག་གསུམ་ལ་དད་པས་ཡུལ་གང་བའི་མ་ག་དྷཱའི་ཡུལ་སྨད་ན། རྒྱལ་པོ་བྱང་ཆུབ་སེམས་
[133b.5]དཔའ་དེ་བ་པཱ་ལས་མཛད་པའི་གཙུག་ལག་ཁང་ཆེན་པོ་བསྟན་པའི་མིག་ཏུ་གྱུར་པ་བི་ཀྲ་མ་ལ་ཤི་ལ་ནའང་མཁས་པའི་སྐྱེ་བོ་མང་དུ་ཟིན་ཀྱང་ཤཱཀྱ་རཀྵི་ཏ་དེ་ཉིད་དང་། སྒྲ་དང་སྙན་དངགས་དང་། ལེགས་པར་སྦྱར་བའི་སྐད་ཀྱི་ལུགས་ལ་མཁས་པའི་པཎྜི་ཏ་ཆེན་
[133b.6]པོ་སུ་བྷཱུ་ཏི་ཙནྡྲ་དང་། མངོན་པ་ལ་མཁས་པ་ཨ་ཌིར་ཙནྡྲ་ལ་སོགས་པ་རྣམས་ལ་རྒྱ་དཔེ་གཉིས་ལ་ལེགས་པར་མཉན་ཅིང་གུས་པས་ཐད་དུ་བསྟེན་ནས། དོན་དང་ཚིག་མ་ལུས་པར་རྟོགས་པའི་བཤད་པ་ཞུས་ནས་ཤིན་ཏུ་དཀའ་བའི་གནས་རྣམས་ལ་ནི་
[133b.7]ཕྱིར་ཞིང་ལེགས་པར་དཔྱད་པས་དོན་དགྲོལ་བའི་ཐབས་ཞུས་ཏེ་ཞེས་དང་། མདོར་ན་རྒྱ་བོད་ཀྱི་དོན་ཐུན་མོང་བ་བརྡ་ཐ་དད་པའི་བྱེད་པ་མ་ཉམས་པར་བྱས་ནས་སྔོན་གྱི་བསྒྱུར་བ་ལ་མཁས་པ་རྣམས་ཀྱིས་བཀས་བཅད་ལ་སོགས་པའི་ལུགས་དང་ཡང་མི་འགལ་བར་
[134a.1]བྱང་ཕྱོགས་པ་ཚབ་ཀྱི་ཡུལ་དུ་སྐྱེས་པའི་དགེ་སློང་ཚུལ་ཁྲིམས་རྒྱལ་མཚན་གྱིས་དམ་པའི་ཆོས་ལ་གུས་པས་རྒྱ་གར་གྱི་རྒྱལ་པོ་ཕུན་སུམ་ཚོགས་པའི་དཔལ་གྱི་རྒྱལ་མཚན་གྱི་དབང་ཕྱུག་གཞན་པས་ཆེས་མཐོ་བ་དང་ལྡན་པ་རཱ་མ་པཱ་ལའི་རིང་ལ་ཐེག་པ་ཆེན་
[134a.2]པོའི་མདོ་སྡེ་དམ་པའི་ཆོས་དྲན་པ་ཉེ་བར་གཞག་པ་ཞེས་བྱ་བའི་ཤས་ཞིག་འགྱུར་བའི་འཕྲོ་ཡོངས་སུ་རྫོགས་པར་བྱས་ནས་བསྒྱུར་བའོ། །ཞེས་སྨོས་ཤིང་། པ་ཚབ་དང་རྔོག་ལོའང་ཐེག་ཆེན་དུ་བཞེད་ཀྱང་། སྔོན་གྱི་དཀར་ཆག་ཆེན་མོ་རྣམས་སུ་ཐེག་དམན་དུ་
[134a.3]བཤད་པ་ལྟར་འདིར་བཀོད་པ་ཡིན་ནོ། །མདོ་ཆེན་པོ་སྒྱུ་མའི་དྲ་བ་བམ་པོ་སོ་གཅིག་དང་ཤློ་ཀ་བཞི་བཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། མདོ་ཆེན་པོ་གཟུགས་ཅན་སྙིང་པོས་བསུ་བ་བམ་པོ་ཕྱེད་
[134a.4]པ། མདོ་ཆེན་པོ་སྟོང་པ་ཉིད་ཤློ་ཀ་དགུ་བཅུ་བ། མདོ་ཆེན་པོ་སྟོང་པ་ཉིད་ཆེན་པོ་བམ་པོ་ཕྱེད་པ། མདོ་ཆེན་པོ་རྒྱལ་མཚན་མཆོག་ཤློ་ཀ་བཞི་བཅུ་པ། མདོ་ཆེན་པོ་རྒྱལ་མཚན་དམ་པ་ཤློ་ཀ་བཞི་བཅུ་པ། མདོ་ཆེན་པོ་ལྔ་གསུམ་པ་ཤློ་ཀ་ཉིས་བརྒྱ་ཉི་ཤུ་
[134a.5]པ་རྣམས་ཀྱང་། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། འཕགས་པ་རྡོ་འཕངས་པའི་མདོ་བམ་པོ་གཉིས་པ། ལོ་ཙཱ་བ་བཟང་སྐྱོང་གི་འགྱུར་ལ་དཔལ་བརྩེགས་ཀྱིས་བཅོས་པ། གཞོན་ནུ་དཔེའི་
[134a.6]མདོ་ཤློ་ཀ་ཉི་ཤུ་པ་འགྱུར་བྱང་མེད་པ། ཁམས་མང་པོའི་མདོ་འགྱུར་བྱང་མེད་པ། གཎྜིའི་མདོ་རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་ཚུལ་ཁྲིམས་ཡོན་ཏན་གྱིས་བསྒྱུར་ཅིང་ལོ་ཙཱ་བ་རིན་ཆེན་བཟང་པོས་བཅོས་པ། གཎྜིའི་དུས་ཀྱི་མདོ་རྒྱ་གར་གྱི་མཁན་
[134a.7]པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱི་འགྱུར། འཕགས་པ་དགེ་བའི་བཤེས་གཉེན་བསྟེན་པའི་མདོ་པཎྜི་ཏ་དྷརྨ་ཀ་ར་དང་ལོ་ཙཱ་བ་བཟང་སྐྱོང་གི་འགྱུར་རྣམས་བཞུགས་སོ། །ས་པ་ལ། མདོ་སྡེ་མངོན་པར་འབྱུང་བ་རྒྱ་གར་གྱི་མཁན་
[134b.1]པོ་ཨཱ་ཙཱརྱ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འདི་ལ་ཁ་ཅིག་བསྟན་བཅོས་སུ་འདོད་པའང་ཡོད་དོ། །དགེ་སློང་ལ་རབ་ཏུ་གཅེས་པའི་མདོ་འགྱུར་བྱང་མེད་པ། ཚུལ་ཁྲིམས་ཡང་དག་པར་ལྡན་པའི་མདོ་འགྱུར་བྱང་མེད་
[134b.2]པ། ལྟུང་བ་སྡེ་ལྔའི་དགེ་མི་དགེའི་འབྲས་བུ་བརྟགས་པའི་མདོ། རྒྱ་གར་གྱི་མཁན་པོ་ཨཱ་ཙཱརྱ་ཛྙཱ་ན་ཤཱི་གུཔྟ་དང་། ལོ་ཙཱ་བ་ཤཱཀྱ་བློ་གྲོས་ཀྱི་འགྱུར། མཆོག་ཏུ་གདགས་པའི་མདོ་འགྱུར་བྱང་མེད་པ། འདི་ལ་འགའ་ཞིག་གིས་ལས་གདགས་
[134b.3]པར་ངོས་འཛིན་པའང་བྱུང་ངོ༌། །དགེ་སློང་ལ་རབ་ཏུ་གཅེས་པའི་མདོ་འགྱུར་བྱང་མེད་པ། རྣམ་པར་གྲོལ་བའི་ལམ་ལ་སྦྱངས་པའི་ཡོན་ཏན་བསྟན་པའི་མདོ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་
[134b.4]ཅིང་ཞུས་པ། འདི་ལའང་ཁ་ཅིག་བསྟན་བཅོས་སུ་དོགས་པ་སྐྱེས་ཀྱང་། སྔོན་གྱི་དཀར་ཆག་ཆེན་མོ་རྣམས་ལས་མདོར་བཤད་པ་ཉིད་ཁུངས་སུ་ཆེའོ། །ཚེའི་མཐའི་མདོ་ཤློ་ཀ་ཉིས་བརྒྱ་དང་ལྔ་པ། རྒྱ་གར་གྱི་མཁན་པོ་བི་ཤུདྡྷཱ་སིང་ཧ་དང་། ལོ་
[134b.5]ཙཱ་བ་བནྡེ་དགེ་བའི་དཔལ་གྱིས་བསྒྱུར་ཅིང་། སླར་ཡང་བིདྱཱ་ཀ་ར་སིང་ཧ་དང་ལོ་ཙཱ་བ་བནྡེ་དཔལ་བརྩེགས་ཀྱིས་ཞུས་པ། འཆི་འཕོ་བ་ཇི་ལྟར་བསྟན་པའི་མདོ་འགྱུར་བྱང་གསལ་བ་མ་རྙེད་ཀྱང་། སྔ་འགྱུར་ཞིག་ལ་སྐད་གསར་བཅད་ཀྱིས་མ་བཅོས་པ། མི་
[134b.6]རྟག་པ་ཉིད་ཀྱི་མདོ་ཤློ་ཀ་བཅོ་ལྔ་བ། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་ཞང་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། ཡང་མི་རྟག་པ་ཉིད་ཀྱི་མདོ། འདུ་ཤེས་བཅུ་བསྟན་པ་ཤློ་ཀ་བརྒྱད་པ། བཅོམ་ལྡན་འདས་
[134b.7]ཀྱི་ཞལ་ཆེམས་འདུ་ཤེས་བཅུ་གཅིག་བསྟན་པའི་མདོ་ཤློ་ཀ་བཅུ་གཅིག་པ། འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ་ཤློ་ཀ་བརྒྱ་བ་རྣམས་འགྱུར་བྱང་མེད་པ། འཕགས་པ་མཚན་མོ་བཟང་པོ་ཞེས་བྱ་བའི་མདོ། ཤློ་ཀ་ལྔ་བཅུ་རྩ་གཉིས་པ།
[135a.1]རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། མུན་གྱི་ནགས་ཚལ་གྱི་སྒོ་ཞེས་བྱ་བའི་མདོ། ཕ་མའི་མདོ། འཕགས་པ་བདེན་པ་བཞིའི་མདོ་རྣམས་
[135a.2]འགྱུར་བྱང་མེད་པ། དོན་རྣམ་པར་ངེས་པའི་ཆོས་ཀྱི་རྣམ་གྲངས་བམ་པོ་གཅིག་དང་ཤློ་ཀ་བདུན་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། འཕགས་པ་དོན་རྒྱས་པ་ཞེས་བྱ་བའི་ཆོས་
[135a.3]ཀྱི་རྣམ་གྲངས་ཤློ་ཀ་བརྒྱ་བ་འགྱུར་བྱང་མེད་པ་འདིའི་མཇུག་ཅུང་ཟད་མ་ཚང་བར་བཤད། འཕགས་པ་རྨད་དུ་བྱུང་བའི་ཆོས་ཀྱི་རྣམ་གྲངས་ཤློ་ཀ་བདུན་ཅུ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བི་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར།
[135a.4]འཕགས་པ་དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་ཡང་དག་པར་བསྟན་པ་ཞེས་བྱ་བའི་ཆོས་ཀྱི་རྣམ་གྲངས་ཤློ་ཀ་དྲུག་ཅུ་པ། རྒྱ་གར་གྱི་མཁན་པོ་དྷརྨ་ཀ་ར་དང་། ལོ་ཙཱ་བ་བནྡེ་ཡེ་ཤེས་སྙིང་པོས་བསྒྱུར་ཅིང་དཔལ་བརྩེགས་ཀྱིས་ཞུས་ཆེན་
[135a.5]བགྱིས་པ། མཆོད་རྟེན་བསྐོར་བའི་ཚིགས་སུ་བཅད་པ་ཤློ་ཀ་བདུན་ཅུ་པ། གསལ་རྒྱལ་གྱི་ཚིགས་སུ་བཅད་པ་ཤློ་ཀ་བརྒྱ་པ། ཚིགས་སུ་བཅད་པ་གཅིག་པ། ཚིགས་སུ་བཅད་པ་བཞི་པ། ཀླུའི་རྒྱལ་པོ་རྔ་སྒྲའི་ཚིགས་སུ་བཅད་པ་ཤློ་ཀ་བརྒྱ་བ་རྣམས་ལ་
[135a.6]འགྱུར་བྱང་མེད་པ། ཆེད་དུ་བརྗོད་པའི་ཚོམས་བམ་པོ་བཞི་དང་ཚོམས་སུམ་ཅུ་རྩ་གསུམ་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ལོ་ཙཱ་བ་བནྡེ་རིན་ཆེན་མཆོག་གིས་བསྒྱུར་ཅིང་། ལོ་ཙཱ་བ་བནྡེ་དཔལ་བརྩེགས་ཀྱིས་ཞུས་པ། འདི་མདོ་སྡེ་པ་རྣམས་ཀྱིས་
[135a.7]བསྟན་བཅོས་སུ་འདོད་ཀྱང་། བྱེ་སྨྲས་བཀའ་ཡིན་པར་འདོད། འཕགས་པ་སྐྱེས་བུ་དམ་པའི་མདོ་ཤློ་ཀ་ཉིས་བརྒྱ་བ་རྒྱ་གར་གྱི་མཁན་པོ་དྷརྨ་ཀ་ར་དང་། ལོ་ཙཱ་བ་བཟང་སྐྱོང་གིས་བསྒྱུར་ཅིང་། བནྡེ་དཔལ་བརྩེགས་ཀྱིས་ཞུས་པ། དགའ་བོ་རབ་ཏུ་
[135b.1]བྱུང་བའི་མདོ་ཤློ་ཀ་ལྔ་བཅུ་བ། རྩངས་དེ་ཝེནྡྲ་རཀྱི་ཏས་བསྒྱུར་ཅིང་ཞུས་ཆེན་བགྱིས་པ། ལྷའི་མདོ་ཤློ་ཀ་སུམ་ཅུ་རྩ་བདུན་པ་འགྱུར་བྱང་མེད་པ། ལྷའི་མདོ་ཉུང་དུ་ཤློ་ཀ་བཅུ་བདུན་པ། ལོ་ཙཱ་བ་བནྡེ་ཡེ་ཤེས་སྡེའི་འགྱུར། ཟླ་བའི་མདོ་ཤློ་ཀ་བཅུ་གསུམ་པ་
[135b.2]འགྱུར་བྱང་མེད་པ། ཁང་བུ་བརྩེགས་པའི་མདོ་ཤློ་ཀ་དྲུག་ཅུ་པ་ལོ་ཙཱ་བ་རཏྣ་རཀྵི་ཏས་བསྒྱུར་ཅིང་ཞུས་པ། གནས་འཇོག་གི་མདོ་ཤློ་ཀ་ཉི་ཤུ་པ། རྒྱ་གར་གྱི་མཁན་པོ་སརྦ་ཛྙཱ་དེ་ཝ་དང་། ལོ་ཙཱ་བ་བནྡེ་དཔལ་བརྩེགས་ལ་སོགས་པས་བསྒྱུར་ཅིང་ཞུས་པ། འཕགས་
[135b.3]པ་དགའ་བ་ཅན་གྱི་མདོ་ཤློ་ཀ་ཉིས་བརྒྱ་པ། རྒྱ་གར་གྱི་མཁན་པོ་ཤཱཀྱ་སིང་ཧ་དང་། ལོ་ཙཱ་བ་བནྡེ་བྱིན་གྱི་སྙིང་པོས་བསྒྱུར་ཏེ། བནྡེ་དེ་ཝ་ཙནྡྲས་ཞུས་པ། འཁར་སིལ་གྱི་མདོ་དང་། འཁར་སིལ་འཆང་བའི་ཀུན་དུ་སྤྱོད་པ་སྟོན་པའི་ཆོ་ག་གཉིས་བསྡོམས་
[135b.4]པར་བམ་པོ་གཅིག་སྟེ་འགྱུར་བྱང་མེད་པ། ཆོས་ཀྱི་འཁོར་ལོའི་མདོའང་འགྱུར་བྱང་མེད་པ། ལས་ཀྱི་རྣམ་པར་སྨིན་པའི་འབྲས་བུ་བསྟན་པའི་མདོ་ལོ་ཙཱ་བ་རྒྱ་ནག་ལྷ་བཙུན་ཆོས་ཀྱི་རིན་ཆེན་གྱི་འགྱུར། ལས་རྣམ་འབྱེད་བམ་པོ་གཉིས་པ། པཎྜི་ཏ་ཛི་ན་མི་
[135b.5]ཏྲ་དང་། དཱ་ན་ཤཱི་ལ་དང་། མུ་ནི་ཝརྨ་དང་། ལོ་ཙཱ་བ་ཡེ་ཤེས་སྡེའི་འགྱུར། ལས་ཀྱི་རྣམ་པར་འགྱུར་བ་ཞེས་པའི་མདོ་ཤློ་ཀ་ཉིས་བརྒྱ་བདུན་ཅུ་པ་འགྱུར་བྱང་མེད་པ་རྣམས་བཞུགས་སོ། །ཧ་པ་ལ། ལས་བརྒྱ་ཐམ་པ་བམ་པོ་སོ་བདུན་ཡོད་པ་ལས།
[135b.6]ཉེར་དྲུག་པ་ཡན་དང་སྡོམ་གྱི་ཚིགས་སུ་བཅད་པ་བཅུ་ཡོད་པ་ལས་ཚིགས་སུ་བཅད་པ་བདུན་པའི་གཏམ་རྒྱུད་དང་པོ་ཡན་རྣམས་བཞུགས་སོ། །ཨ་པ་ལ། ལས་བརྒྱ་ཐམ་པའི་བམ་པོ་ཉེར་བདུན་པ་ནས་སོ་བདུན་པའི་བར་དང་། སྡོམ་གྱི་ཚིགས་སུ་བཅད་པ་
[135b.7]བདུན་པའི་གཏམ་རྒྱུད་གཉིས་པ་ནས་བཅུ་བའི་བར་ཡོངས་སུ་རྫོགས་པ་འགྱུར་བྱང་མེད་པ། མཛངས་བླུན་ཞེས་བྱ་བའི་མདོ་བམ་པོ་བཅུ་གཉིས་དང་ལེའུ་ལྔ་བཅུ་རྩ་གཅིག་པ་ལོ་ཙཱ་བ་འགོས་ཆོས་འགྲུབ་ཀྱིས་རྒྱ་གར་དང་རྒྱ་ནག་གི་དཔེ་ལས་བསྒྱུར་བ། ཀུན་དུ་རྒྱུ་
[136a.1]སེན་རིང་གིས་ཞུས་པ་ཤློ་ཀ་སོ་བདུན་པ་འགྱུར་བྱང་མེད་པ། ཨཾ་པ་ལ། གང་པོ་ལ་སོགས་པའི་རྟོགས་པ་བརྗོད་པ་བརྒྱ་བ་བམ་པོ་ཉི་ཤུ་རྩ་གཉིས་པ་དང་སྡོམ་གྱི་ཚིགས་སུ་བཅད་པ་བཅུ་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་
[136a.2]དེ་ཝ་ཙནྡྲའི་འགྱུར། སངས་རྒྱས་ཀྱི་རྟོགས་པ་བརྗོད་པ་ཤེས་ལྡན་གྱི་མདོ་ཤློ་ཀ་བཅོ་ལྔ་བ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། སརྦ་ཛྙ་དེ་ཝ་དང་། ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་པ། ཕག་མོའི་རྟོགས་པ་བརྗོད་པ་ཤློ་ཀ་བརྒྱ་བ།
[136a.3]རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་པ། མ་ག་ངྷ་བཟང་མོའི་རྟོགས་བརྗོད༑ རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང་། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་། ལོ་ཙཱ་བ་རིན་ཆེན་
[136a.4]བཟང་པོས་བཅོས་པ་རྣམས་བཞུགས་སོ། །ཨ་པ་ལ། བསོད་ནམས་ཀྱི་སྟོབས་ཀྱི་རྟོགས་བརྗོད་བམ་པོ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་དེ་ཝ་ཙནྡྲའི་འགྱུར། ཟླ་འོད་ཀྱི་རྟོགས་བརྗོད། རྒྱ་གར་གྱི་མཁན་པོ་དྷརྨ་ཤྲཱི་བྷ་
[136a.5]དྲ་དང་། ལོ་ཙཱ་བ་དགེ་སློང་ཤེས་རབ་ལེགས་པས་བསྒྱུར་ཅིང་། རིན་ཆེན་བཟང་པོས་བཅོས་པ། དཔལ་གྱི་སྡེའི་རྟོགས་བརྗོད་འགྱུར་སྔ་མ་དང་འདྲ་བ། གསེར་མདོག་གི་སྔོན་གྱི་སྦྱོར་བ་བསྟན་པ་བློ་ཀ་བཅུ་བདུན་པ་འགྱུར་བྱང་མེད་པ། འཕགས་པ་རྒྱལ་
[136a.6]བུ་དོན་གྲུབ་ཀྱི་མདོ་བམ་པོ་གཅིག་པ་སྔོན་རྒྱ་ལས་འགྱུར་བའི་བརྡ་རྙིང་པ་ཅན། ཚངས་པའི་འདྲ་བའི་མདོ་བམ་པོ་གཉིས་པ་ལོ་ཙཱ་བ་ཡེ་ཤེས་སྡེའི་འགྱུར། ཐབས་ལ་མཁས་པ་ཆེན་པོ་སངས་རྒྱས་ཀྱི་དྲིན་ལན་བསབ་པའི་མདོ་བམ་པོ་ཕྱེད་བརྒྱད་དང་ལེའུ་དགུ་བ་
[136a.7]རྒྱ་ནག་འགྱུར། འཕགས་པ་ལེགས་ཉེས་ཀྱི་རྒྱུ་འབྲས་བསྟན་པ་ཞེས་བྱ་བའི་མདོ། ལོ་ཙཱ་བ་བནྡེ་ཆོས་གྲུབ་ཀྱིས་རྒྱའི་དཔེ་ལས་བསྒྱུར་བ། དགེ་དང་མི་དགེའི་ལས་ཀྱི་རྣམ་སྨིན་བསྟན་པའི་མདོ་བམ་པོ་གཅིག་པ་འགྱུར་བྱང་མེད་པ། འཕགས་པ་ཟླ་
[136b.1]བའི་སྙིང་པོས་ཞུས་པའི་མདོ་ལས་བསྟན་པ་གནས་པ་དང་འཇིག་པའི་ཚུལ་ལུང་བསྟན་པ་བམ་པོ་གཅིག་པ་འགྱུར་བྱང་མེད་པ། འཕགས་པ་གླང་རུ་ལུང་བསྟན་པའི་མདོ་བམ་པོ་གཅིག་པ་འགྱུར་བྱང་མེད་པ། སྟག་རྣའི་མདོ་བམ་པོ་གཉིས་པ། རྒྱ་གར་གྱི་
[136b.2]མཁན་པོ་ཨ་ཛི་ཏ་ཤྲཱི་བྷ་དྲ་དང་། ལོ་ཙཱ་བ་སེང་དཀར་དགེ་སློང་ཤཱཀྱ་འོད་ཀྱི་འགྱུར། མིག་བཅུ་གཉིས་པ་ཞེས་བྱ་བའི་མདོ་འགྱུར་བྱང་མེད་པ་རྣམས་བཞུགས་སོ།། །།གསང་སྔགས་རྒྱུད་འབུམ་དུ་གྲགས་པའི་
[136b.3]སྐོར་ནི། སྤྱིའི་གོ་རིམ་ཚལ་པ་བཀའ་འགྱུར་ལྟར་གཙོ་ཕལ་གྱི་རིམ་པས་བཀོད་ཅིང་། བྱེ་བྲག་ཏུ་རྒྱུད་སྡེ་སོ་སོའི་སྒྲིག་ཚུལ་ཀུན་མཁྱེན་བུ་སྟོན་སོགས་ཀྱིས་མཛད་པ་ལྟར་ལེགས་པར་མངོན་པས་དེ་བཞིན་དུ་དགོད་པ་ལ། རྣལ་འབྱོར་བླ་ན་མེད་པའི་
[136b.4]རྒྱུད། རྣལ་འབྱོར་གྱི་རྒྱུད། སྤྱོད་པའི་རྒྱུད་བྱ་བའི་རྒྱུད་དེ་རྩ་བའི་ས་བཅད་བཞི་དང་། མཐར་ཕུན་སུམ་ཚོགས་པའི་ཡན་ལག་ཏུ་བསྔོ་སྨོན་ཤིས་བརྗོད་ཀྱི་སྐོར་རོ། །དང་པོ་བླ་མེད་རྒྱུད་ལ། གོང་སྨོས་ལྟར་ཕ་མའི་རྒྱུད་གཉིས་ལས་གཉིས་མེད་
[136b.5]ཟུར་དུ་བཀོལ་མི་དགོས་ནའང་འདི་སྐབས་བུ་སྟོན་བཞེད་པ་ལྟར། ཟུང་འཇུག་གཙོ་བོར་སྟོན་པ། གཉིས་མེད་ཀྱི་རྒྱུད་དང་། ཤེས་རབ་གཙོ་བོར་སྟོན་པ་མའི་རྒྱུད་དང་། ཐབས་གཙོ་བོར་སྟོན་པ་ཕའི་རྒྱུད་དེ་གསུམ་དུ་དབྱེ་བ་ལས། དང་པོ་ནི།
[136b.6]གློགས་བམ་ཀ་པལ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ། ལེའུ་བཅུ་བཞི་བ་པཎྜི་ཏ་ཀ་མ་ལ་གུཔྟ་དང་ལོ་ཆེན་རིན་ཆེན་བཟང་པོས་བསྒྱུར་བ་ལ། ཤོང་བློ་གྲོས་བརྟན་པས་བཅོས་པ་འདི་ནི་མཁས་པ་འགའ་ཞིག་གིས་སྒྱུ་
[136b.7]འཕྲུལ་དྲ་བ་སྟོང་ཕྲག་དྲུག་ཅུ་པའི་ཏིང་ངེ་འཛིན་དྲ་བའི་ལེའུ་ལོགས་སུ་ཕྱུང་བ་ཡིན་པས་ཕ་རྒྱུད་ཀྱི་གྲས་སུ་བཞག་ཀྱང་། དྲི་མེད་འོད་ལས། མཚན་ཡང་དག་པར་ཚད་མར་བྱས་ནས་སེམས་ཅན་རྣམས་ཐེ་ཚོམ་མེད་པར་འགྱུར་བ་གང་ཡིན་པ་དེས་ན་སྔགས་
[137a.1]ཀྱི་ཐེག་པའི་སྔགས་ཀྱི་ཚུལ་ཐམས་ཅད་ཀྱི་ངེས་པའི་དོན་མཚན་ཡང་དག་པར་བརྗོད་པ་ལས། བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་ཡང་དག་པར་བསྟན་ཏོ། །དེའི་ཕྱིར་གང་གིས་མཆོག་གི་དང་པོའི་སངས་རྒྱས་མི་ཤེས་པ་དེ་ཡིས་
[137a.2]མཚན་ཡང་དག་པར་བརྗོད་པ་མི་ཤེས་སོ། །གང་གིས་མཚན་ཡང་དག་པར་བརྗོད་པ་མི་ཤེས་པ་དེས་རྡོ་རྗེ་འཛིན་པའི་ཡེ་ཤེས་ཀྱི་སྐུ་མི་ཤེས་སོ། །གང་གིས་རྡོ་རྗེ་འཛིན་པའི་ཡེ་ཤེས་ཀྱི་སྐུ་མི་ཤེས་པ་དེས་སྔགས་ཀྱི་ཐེག་པ་མི་ཤེས་སོ། །གང་
[137a.3]སྔགས་ཀྱི་ཐེག་པ་མི་ཤེས་པ་དེ་དག་ཐམས་ཅད་ནི་འཁོར་བ་པ་སྟེ་བཅོམ་ལྡན་འདས་རྡོ་རྗེ་འཛིན་པའི་ལམ་དང་བྲལ་བའོ། །ཞེས་རྒྱུད་ཐམས་ཅད་ཀྱི་དངོས་དོན་མཐར་ཐུག་ཡིན་པ་དང་། ཁྱད་པར་དུས་ཀྱི་འཁོར་ལོའི་རྒྱུད་རྣམས་ཀྱི་སྙིང་པོར་གྱུར་པ་གསལ་
[137a.4]བར་བསྟན་པའི་ཕྱིར་གཉིས་མེད་ཀྱི་རྒྱུད་དང་ཕྱོགས་མཚུངས་སུ་རྒྱུད་ཐམས་ཅད་ཀྱི་དབུར་བཀོད་པ་ནི་ཆེས་འབྲེལ་ཆགས་པ་ཡིན་ནོ། །དུས་ཀྱི་འཁོར་ལོའི་རྩ་བའི་རྒྱུད་སྟོང་ཕྲག་བཅུ་གཉིས་པ་ལས་ཕྱུང་བའི་དུམ་བུ་དབང་མདོར་བསྟན་པ་ཞེས་བྱ་བ། ཁ་
[137a.5]ཆེའི་པཎྜི་ཏ་སོ་མ་ནཱ་ཐ་དང་། ལོ་ཙཱ་བ་འབྲོ་དགེ་སློང་ཤེས་རབ་གྲགས་ཀྱིས་བསྒྱུར་ཅིང་། སླར་ཡང་སྒྲ་ཚད་པ་རིན་ཆེན་རྒྱལ་མཚན་གྱིས་དཔལ་ནཱ་རོ་པའི་འགྲེལ་བཤད་དང་མཐུན་པར་བསྒྱུར་ཅིང་ཞུས་པ། མཆོག་གི་དང་པོའི་སངས་རྒྱས་ལས་ཕྱུང་
[137a.6]བའི་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོའི་བསྡུས་པའི་རྒྱུད་ལེའུ་ལྔ་བ་ཁ་ཆེའི་པཎྜི་ཏ་སོ་མ་ནཱ་ཐ་དང་། ལོ་ཙཱ་བ་འབྲོ་དགེ་སློང་ཤེས་རབ་གྲགས་ཀྱིས་བསྒྱུར་ཅིང་། སླད་ཀྱི་ལོ་ཙཱ་བ་ཤོང་སྟོན་རྡོ་རྗེ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་ཆེན་པོར་རྒྱ་དཔེ་
[137a.7]གཉིས་ལ་གཏུགས་ཤིང་ཞུས་པ། འདི་ལ་ཕྱིས་འགྱུར་བཅོས་མཛད་པ་པོའང་མང་ཞིག་བྱུང་མོད་ཀྱི་ཤོང་འགྱུར་ཉིད་དོན་བཟང་བར་མཁས་པ་རྣམས་ལ་གྲགས་པ་ཡིན་ནོ། །དཔལ་དུས་ཀྱི་འཁོར་ལོའི་རྒྱུད་ཕྱི་མ་རྒྱུད་ཀྱི་སྙིང་པོ་ཞེས་བྱ་བ། ཤཱཀྱའི་དགེ་
[137b.1]སློང་གཉན་ལོ་ཙཱ་བ་དྷརྨ་གྲགས་ཀྱི་འགྱུར། དུས་ཀྱི་འཁོར་ལོའི་རྒྱུད་ཀྱི་སྙིང་པོ་རྒྱ་གར་གྱི་མཁན་པོ་ཤྲཱི་བྷ་དྲ་བོ་དྷི་དང་། ལོ་ཙཱ་བ་གྱི་ཇོ་བརྗེ་ཟླ་བའི་འོད་ཟེར་གྱི་འགྱུར། བསྡུས་པའི་རྒྱུད་ལས་དཱ་རི་ཀ་པས་ཕྱུང་བར་གྲགས་པའི་དབང་གི་རབ་ཏུ་བྱེད་པ་རྒྱ་གར་གྱི་
[137b.2]པཎྜི་ཏ་ས་མནྟ་བྷཱི་དང་། རྭ་ལོ་ཙཱ་བ་དགེ་སློང་ཆོས་རབ་ཀྱི་འགྱུར། གཉིས་པ་རྣལ་འབྱོར་མའི་རྒྱུད་ལ་རིགས་དྲུག་ཀ་མཉམ་པར་སྟོན་པའི་རྒྱུད། ཧེ་རུ་ཀའི་རིགས་ཀྱི་རྒྱུད། རྣམ་སྣང་གི་རིགས་ཀྱི་རྒྱུད། རྡོ་རྗེ་ཉི་མའི་རིགས་ཀྱི་རྒྱུད། པདྨ་གར་
[137b.3]དབང་གི་རིགས་ཀྱི་རྒྱུད། རྟ་མཆོག་གི་རིགས་ཀྱི་རྒྱུད། རིགས་དྲུག་པ་རྡོ་རྗེ་འཆང་གི་རིགས་ཀྱི་རྒྱུད་དང་བདུན་ལས། དང་པོ་ལ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ཅེས་བྱ་བའི་རྒྱུད་བཞི་རྫོགས་པ་ལ་
[137b.4]རྟོག་པ་བཞི་བཅུ་རྩ་གཉིས་དང་། ཤློ་ཀ་ཁྲི་ཉིས་སྟོང་ཡོད་པའི་རྩ་རྒྱུད་མ་འགྱུར་ལ་བསྡུས་པའི་རྒྱུད་བརྟག་པ་བཅུ་བ་དང་། རྒྱུད་ཕྱི་མ་བརྟག་པ་བདུན་པ་གཉིས་ལྷ་རིན་པོ་ཆེའི་འགྱུར། འདི་ལ་སྨྲ་ཏིའི་རང་འགྱུར་ཞིག་ཀྱང་ཡོད་པར་གྲགས་
[137b.5]པའི་རྒྱུད་ཕྱི་མ་ནི་བུ་སྟོན་གྱི་དུས་ནས་མ་རྙེད་པར་འདུག །དེའི་རྒྱུད་ཕྱི་མའི་ཕྱི་མ་བརྟག་པ་ལྔ་བ་སྤྱི་ཏིའི་རང་འགྱུར་རྣམས་སོ། །གཉིས་པ་ཧེ་རུ་ཀའི་རིགས་ཀྱི་རྒྱུད་ལ། བདེ་མཆོག །དགྱེས་རྡོར། སངས་རྒྱས་ཐོད་པ། མ་ཧཱ་མཱ་ཡཱ། ཨཱ་ར་ལི་
[137b.6]དང་ལྔ་ལས་དང་པོ་ལ་རྩ་བཤད་གཉིས་ལས། དང་པོ་ནི་མཁའ་འགྲོ་རྒྱ་མཚོ་ལས། དེ་ལྟར་ངེས་བརྗོད་འབུམ་གསུམ་ལས། །ཕྱུང་བ་བདེ་མཆོག་ཉུང་ངུའི་སྟེ། །ཨ་ཡིག་ལ་སོགས་ཀ་ཡིག་མཐར། །ལེའུ་རྣམས་ཇི་ལྟའི་རིམ་པ་ཡིས། །དེ་
[137b.7]ཁོ་ན་ཉིད་ལྡན་པར་བྱས། །ཞེས་དང་། ཧེ་རུ་ཀ་མངོན་འབྱུང་ལས། འབུམ་ཕྲག་འབུམ་ཕྲག་གསུམ་ལས་བཤད། །རྒྱུད་ཀྱི་སྙིང་པོ་བསྡུས་པ་ཡིན། །ཞེས་རྩ་རྒྱུད་མངོན་བརྗོད་ལེའུ་འབུམ་ཕྲག་གསུམ་པ་ལས་བསྡུས་པའི་ལེའུ་འབུམ་པ། དེ་ལས་
[138a.1]བསྡུས་པ་བདེ་མཆོག་ཉུང་ངུའི་རྒྱུད་ཡིན་ཏེ། འདི་ལ་ལེའུ་ལྔ་བཅུ་རྩ་གཅིག །ཤློ་ཀ་སྟོང་བདུན་བརྒྱ་བ་པཎྜི་ཏ་པདྨ་ཀ་ར་དང་། ལོ་ཙཱ་བ་རིན་ཆེན་བཟང་པོའི་འགྱུར་ལ། སྒྲ་བསྒྱུར་དགེ་སློང་པྲ་ཛྷཱ་ཀཱིརྟི་དང་མར་པ་ཆོས་ཀྱི་དབང་ཕྱུག་
[138a.2]གིས་ཡུལ་དབུས་ཀྱི་བླ་མ་ནཱ་རོ་པའི་ཕྱག་དཔེ་དང་གཏུགས་ནས་དག་པར་བཅོས་པ། གཉིས་པ་བཤད་པའི་རྒྱུད་ལ་ཐུན་མོང་མ་ཡིན་པ་དང་ཐུན་མོང་བ་གཉིས། དང་པོ་ལ། ངེས་པར་བརྗོད་པའི་རྒྱུད་བླ་མའི་བླ་མ་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་དྲུག་
[138a.3]ཅུ་རྩ་དགུ་བ། རྒྱ་གར་གྱི་པཎྜི་ཏ་དཱི་པཾ་ཀ་ར་ཤྲཱི་ཛྙཱ་ན་དང་ལོ་ཙཱ་བ་རིན་ཆེན་བཟང་པོས་བསྒྱུར་ཅིང་། ཕྱིས་པཎྜི་ཏ་ཛྙཱ་ན་ཤྲཱི་དང་། ལོ་ཙཱ་བ་ཁྱུང་པོ་ཆོས་ཀྱི་བརྩོན་འགྲུས་ཀྱིས་ཞུས་པ་ལ། པཎྜི་ཏ་ཨཱ་ནནྡ་དང་། ལོ་ཆུང་གིས་ཆད་ལྷག་རྣམས་བསབས་ནས་
[138a.4]ཞུས་པ་རྣམས་བཞུགས་སོ། །ཁ་པ་ལ། རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ཞེས་བྱ་བ་རྣམ་པར་ཕྱེ་བའི་ལེའུ་ལྔ་བཅུ་བ། རྒྱ་གར་གྱི་པཎྜི་ཏ་ག་ཡ་དྷཱ་ར་དང་། ལོ་ཙཱ་བ་འགོས་ལྷས་བཙས་ཀྱིས་བསྒྱུར་ཅིང་ཞུས་པ། རྡོ་རྗེ་མཁའ་འགྲོའི་རྒྱུད་ཕྱི་མ་
[138a.5]ལེའུ་བཞི་པ། རྒྱ་གར་གྱི་མཁས་པ་མཆོག་གི་དབང་ཕྱུག་དང་། ལོ་ཙཱ་བ་ཤཱཀྱ་བརྩོན་འགྲུས་ཀྱི་འགྱུར། དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལེའུ་ལྔ་བཅུ་རྩ་གཅིག་པ། བལ་ཡུལ་ཡུ་རུང་ལྷུན་གྱིས་གྲུབ་པའི་གཙུག་
[138a.6]ལག་ཁང་དུ་པཎྜི་ཏ་ཆེན་པོ་རྟོག་གེ་པ་རྣམས་ཀྱི་གཙུག་རྒྱན་འགྲན་ཟླ་མེད་པ། དཔལ་རྡོ་རྗེ་ཕག་མོའི་ཞབས་ཀྱི་ཆུ་སྐྱེས་ཀྱི་རྡུལ་ལ་རེག་པ་ཤཱཀྱའི་སྲས་པོ་རྒྱལ་བའི་སྡེའི་ཞལ་སྔ་ནས་དང་། ལོ་ཙཱ་བ་དྷརྨ་ཡོན་ཏན་གྱི་འགྱུར། དཔལ་བདེ་མཆོག་
[138a.7]སྡོམ་པ་འབྱུང་བ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལེའུ་སོ་གསུམ་པ། རྒྱ་གར་གྱི་མཁན་པོ་གཞན་ཕན་མཐའ་ཡས་དང་། ལོ་ཙཱ་བ་རྒྱུས་བརྗེ་སྨོན་ལམ་གྲགས་ཀྱིས་བསྒྱུར་ཅིང་། སླར་ཡང་པཎྜི་ཏ་ཆེན་པོ་ཤྲཱི་བ་ན་རིཏྟའི་རྒྱ་དཔེ་ལ་གཏུགས་ནས་ལོ་ཙཱ་
[138b.1]བ་གཞོན་ནུ་དཔལ་གྱིས་བཅོས་པ་རྣམས་བཞུགས་སོ། །ག་པ་ལ། དཔལ་ཁྲག་འཐུང་མངོན་པར་འབྱུང་བ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ་ལེའུ་བཞི་བཅུ་རྩ་ལྔ་བ། རྒྱ་གར་གྱི་པཎྜི་ཏ་ཆེན་པོ་ཨ་དྭ་ཡ་བཛྲ་དང་། ལོ་ཙཱ་བ་ཆིངས་ཡོན་ཏན་
[138b.2]འབར་གྱིས་བསྒྱུར་ཅིང་ཞུས་པ། རྣལ་འབྱོར་མ་ཀུན་ཏུ་སྤྱོད་པའི་རྒྱུད་ལེའུ་བཅུ་བདུན་པ། ལོ་ཙཱ་བ་འགོས་ལྷས་བཙས་ཀྱིས་བསྒྱུར་ཅིང་ཞུས་པ། རྣལ་འབྱོར་མ་བཞིའི་ཁ་སྦྱོར་བའི་རྒྱུད་བརྟག་པ་བདུན་པ། ལོ་ཙཱ་བ་ཆིངས་ཡོན་ཏན་འབར་གྱི་འགྱུར།
[138b.3]ཕག་མོ་མངོན་པར་བརྗོད་པ་བཤད་པའི་རྒྱུད་ཕྱི་མ་ལས་ཕག་མོ་མངོན་པར་བྱང་ཆུབ་པ། རྒྱ་གར་གྱི་མཁན་པོ་ཙཱ་ནཱ་ཀ་རའི་ཞལ་སྔ་ནས་ལོ་ཙཱ་བ་ཁུ་དངོས་གྲུབ་ཀྱིས་བསྒྱུར་བ། མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་
[138b.4]གྱིས་མི་ཁྱབ་པ་ཕག་མོ་མངོན་པར་འབྱུང་བ་རྩ་བའི་རྒྱུད་བཅོམ་ལྡན་འདས་འཇིགས་བྱེད་ཧེ་རུ་ཀས་གསུངས་པ་ལེའུ་བཅུ་བ་དང་། དེའི་རྒྱུད་ཕྱི་མ་རྫོགས་རིམ་བསྟན་པའི་ལེའུ་གཉིས་བཅས་པཎྜི་ཏ་ག་ཡ་དྷ་རའི་ཞལ་སྔ་ནས་དང་། ལོ་ཙཱ་བ་གྱི་ཇོ་ཟླ་བའི་འོད་
[138b.5]ཟེར་གྱི་འགྱུར། འབུམ་ཕྲག་གསུམ་པ་ལས་ཕྱུང་བའི་སྒྱུ་འཕྲུལ་ཆེན་མོ་རལ་པ་གྱེན་བརྫེས་ཀྱི་རྒྱུད་སྒྱུ་མ་ཆེན་མོར་གྲགས་པའི་རིག་པ་འཛིན་པ་རྡོ་རྗེ་རྣལ་འབྱོར་མའི་སྒྲུབ་ཐབས་ནི་མི་ཏྲི་མཁའ་སྤྱོད་ཀྱི་རྒྱུད་ཡིན་ཏེ། རྒྱ་གར་གྱི་མཁན་པོ་ཛ་ཡ་སེ་ནའི་ཞབས་དང་།
[138b.6]ལོ་ཙཱ་བ་དྷརྨ་ཡོན་ཏན་གྱི་འགྱུར་རྣམས་སོ། །གཉིས་པ་བཤད་རྒྱུད་ཐུན་མོང་བ་དཔལ་ཡང་དག་པར་སྦྱོར་བའི་རྒྱུད་ཆེན་པོ་བརྟག་པ་བཅུ་བ། བརྟག་པ་རེ་རེ་ལ་རབ་བྱེད་བཞི་བཞི་ཡོད་པ། དེའི་རྒྱུད་ཕྱི་མ་དང་བཅས་པ། རྒྱ་གར་གྱི་མཁན་པོ་ཀ་ཡསྨཱ་
[138b.7]པ་ག་ཡ་དྷ་རའི་ཞལ་སྔ་ནས་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར་ཏེ་འདིའི་རྩ་རྒྱུད་རྒྱས་པ་སུམ་ཅུ་རྩ་དྲུག་ཡོད་པར་ཨིནྡྲ་བྷཱུ་ཏིའི་འགྲེལ་པ་ལས་འབྱུང་ཞིང་། རྩ་རྒྱུད་བསྡུས་པ་འདི་ལ་ཤློ་ཀ་ཉིས་སྟོང་བརྒྱ་བདུན་ཅུ་དོན་ལྔ། རྒྱུད་ཕྱི་མ་ལ་དྲུག་བརྒྱ་ཉི་ཤུ་རྩ་བརྒྱད་དང་
[139a.1]རྐང་པ་གཉིས་ཡོད་པར་བཤད་དོ། །འདི་ལ་བླ་མ་ཁ་ཅིག་ཀྱེ་རྡོར་གྱི་བཤད་རྒྱུད་དུ་བཞེད་ཀྱང་། བུ་སྟོན་གྱིས་རྒྱུད་དུ་མའི་བཤད་རྒྱུད་ཡིན་པ་དང་། ཁྱད་པར་བདེ་མཆོག་གི་བཤད་རྒྱུད་ཡིན་པར་སྒྲུབ་བྱེད་དང་བཅས་ནས་གསུངས་པ་
[139a.2]ཉིད་དོན་ལ་གནས་ཤིང་ལེགས་པར་སེམས་སོ། །འཁོར་ལོ་བདེ་མཆོག་གི་བཤད་རྒྱུད་ར་ལི་སོ་གཉིས་སུ་གྲགས་པ་ལ་ཐུགས་ཀྱི་རྒྱུད་བརྒྱད། གསུང་གི་རྒྱུད་བརྒྱད། སྐུའི་རྒྱུད་བརྒྱད། ཁ་འཐོར་གྱི་རྒྱུད་བརྒྱད་ལས་དང་པོ་ནི། དཔལ་གསང་བ་
[139a.3]རྡོ་རྗེའི་རྒྱུད་ལེའུ་བཞི་བ། པཎྜི་ཏ་རཏྣ་བཛྲ་དང་། ཤཱཀྱ་ཡེ་ཤེས་ཀྱི་འགྱུར། དཔལ་གསང་བ་ཐམས་ཅད་གཅོད་པའི་རྒྱུད་ཀྱི་རྒྱལ་པོ། དཔལ་འཁོར་ལོ་སྡོམ་པ་གསང་བ་བསམ་གྱིས་མི་ཁྱབ་པའི་རྒྱུད་ཀྱི་རྒྱལ་པོ། དཔལ་ནམ་མཁའ་དང་མཉམ་
[139a.4]པའི་རྒྱུད་ཀྱི་རྒྱལ་པོ། དཔལ་ནམ་མཁའ་དང་མཉམ་པ་ཆེན་པོའི་རྒྱུད་ཀྱི་རྒྱལ་པོ། དཔལ་སྐུ་གསུང་ཐུགས་ཀྱི་རྒྱུད་མཁའ་འགྲོ་མ་དྲ་བའི་སྡོམ་པ་རྣམས་པཎྜི་ཏ་ག་ཡ་དྷ་ར་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་རིན་ཆེན་ཕྲེང་བའི་
[139a.5]རྒྱུད་ཀྱི་རྒྱལ་པོ་པཎྜི་ཏ་རིན་ཆེན་རྡོ་རྗེ་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་དམ་ཚིག་ཆེན་པོའི་རྒྱུད་ཀྱི་རྒྱལ་པོ་ག་ཡ་དྷ་ར་དང་འབྲོག་མིའི་འགྱུར་རྣམས་སོ། །གཉིས་པ་ནི་དཔལ་སྟོབས་པོ་ཆེའི་རྒྱུད་ཀྱི་རྒྱལ་པོ་ལེའུ་བཞི་པ་པཎྜི་ཏ་ག་ཡ་དྷ་ར་དང་ལོ་ཙཱ་བ་
[139a.6]ཤཱཀྱ་ཡེ་ཤེས་ཀྱི་འགྱུར། དཔལ་ཡེ་ཤེས་གསང་བའི་རྒྱུད་ཀྱི་རྒྱལ་པོ། དཔལ་ཡེ་ཤེས་ཕྲེང་བའི་རྒྱུད་ཀྱི་རྒྱལ་པོ། དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་རྣམས་སིངྒྷ་ལའི་གླིང་གི་རྣལ་འབྱོར་མ་ཙནྡྲ་མཱ་ལ་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་
[139a.7]འགྱུར། དཔལ་ཟླ་བའི་ཕྲེང་བའི་རྒྱུད་ཀྱི་རྒྱལ་པོ་པཎྜི་ཏ་ག་ཡ་དྷ་ར་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་རྣལ་འབྱོར་མ་ཟླ་བའི་ཕྲེང་བ་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་ཉི་མའི་འཁོར་ལོའི་
[139b.1]རྒྱུད་ཀྱི་རྒྱལ་པོ་དང་དཔལ་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ་གཉིས་ག་ཡ་དྷ་ར་དང་། འབྲོག་མིའི་འགྱུར་རྣམས་སོ། །གསུམ་པ་ནི། དཔལ་རྡོ་རྗེ་མཁའ་འགྲོ་གསང་བའི་རྒྱུད་ཀྱི་རྒྱལ་པོ། དཔལ་གསང་བ་མེ་འབར་བའི་རྒྱུད་ཀྱི་རྒྱལ་པོ།
[139b.2]དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ། དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ་རྣམས་པཎྜི་ཏ་ག་ཡ་དྷ་ར་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་རྡོ་རྗེ་རྒྱལ་པོ་ཆེན་པོའི་རྒྱུད་ཀྱི་རྒྱལ་པོ་རྣལ་འབྱོར་མ་ཙནྡྲ་མཱ་ལ་དང་ཤཱཀྱ་ཡེ་ཤེས་ཀྱི་འགྱུར།
[139b.3]དཔལ་ཡེ་ཤེས་བསམ་པའི་རྒྱུད་ཀྱི་རྒྱལ་པོ་པཎྜི་ཏ་ག་ཡ་དྷ་ར་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་ཆགས་པའི་རྒྱུད་ཀྱི་རྒྱལ་པོ་རྣལ་འབྱོར་མ་ཙནྡྲ་མཱ་ལ་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་མཁའ་འགྲོ་མའི་སྡོམ་པའི་རྒྱུད་ཀྱི་
[139b.4]རྒྱལ་པོ་ག་ཡ་དྷ་ར་དང་འབྲོག་མིའི་འགྱུར་རྣམས་སོ། །བཞི་བ་ནི། དཔལ་མེའི་ཕྲེང་བའི་རྒྱུད་ཀྱི་རྒྱལ་པོ། དཔལ་མཁའ་འགྲོ་མ་གསང་བ་འབར་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ཀྱི་རྒྱལ་པོ། དཔལ་
[139b.5]སྟོབས་ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ། དཔལ་རྡོ་རྗེ་གྲུབ་པ་དྲ་བ་སྡོམ་པའི་རྒྱུད་ཀྱི་རྒྱལ་པོ་ལེའུ་གསུམ་པ་རྣམས་པཎྜི་ཏེ་ག་ཡ་དྷ་ར་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དེ་བཞིན་གཤེགས་པ་ཐམས་ཅད་ཀྱི་སྙིང་པོའི་དོན་གྱི་རྒྱུད་ལེའུ་
[139b.6]ལྔ་བ་རྗེ་བཙུན་གུ་རུའི་ཞལ་སྔ་ནས་དང་ཤཱཀྱ་འོད་ཀྱི་འགྱུར། དཔལ་འཁོར་ལོ་སྡོམ་པའི་རྒྱུད་ཀྱི་རྒྱལ་པོ་དུར་ཁྲོད་ཀྱི་རྒྱན་རྨད་དུ་བྱུང་བ་དང་། རྒྱུད་ཀྱི་རྒྱལ་པོ་རྙོག་པ་མེད་པ་གཉིས་པཎྜི་ཏ་ག་ཡ་དྷ་ར་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར་རྣམས་སོ། །
[139b.7]དེ་ལྟར་ར་ལི་སོ་གཉིས་ལ་བུ་སྟོན་ཞབས་ཀྱིས་རྒྱུད་སྡེ་སྤྱི་རྣམ་དུ། འདི་རྣམས་སྔར་རྩོད་པ་ཅན་དུ་གྲགས་ཤིང་། རྒྱུད་ཡང་དག་ཡིན་པར་ངེས་པའང་འགའ་ཞིག་སྣང་ལ། གཞན་རྣམས་ལའང་ཐེ་ཚོམ་གྱི་གཞི་ཤིན་ཏུ་ཆེ་བར་སྣང་བས་དཔྱད་པར་བྱའོ། །
[140a.1]ཞེས་བཀོད་ཀྱང་། ཆོས་འབྱུང་དུ། འདི་དག་ག་ཡ་དྷ་རས་འབྲོག་མི་དང་གཉོས་ལོ་ཙཱ་གཉི་ག་ལ་བཤད་པའི་རྒྱུ་དཔེ་ཅན་ཡིན་པས་བོད་ཀྱིས་བྱས་ཟེར་བ་མི་བདེན་ནོ། །ཞེས་ཐུགས་ཐག་བཅད་སྣང་ངོ༌། །འདི་དག་གི་གཞུང་ཚད་ཀྱང་ཟླ་བའི་ཕྲེང་བའི་རྒྱུད་ལས།
[140a.2]བརྒྱ་ཕྲག་གཉིས་དང་བཅུ་གཉིས་དང་། །ཡི་གེ་གསུམ་ལས་ངེས་འབྱུང་བ། །གསང་བ་གཅོད་པའི་རྒྱུད་ཀྱི་ཚད། །བརྒྱ་ཕྲག་གཅིག་དང་སུམ་ཅུ་ལྔ། །ཡི་གེ་བཅུ་དགུ་ལས་བྱུང་བ། །རིན་ཆེན་ཕྲེང་བའི་ངེས་པའི་ཚད། །བརྒྱ་ཕྲག་གཅིག་དང་སུམ་ཅུ་བཞི། །མི་
[140a.3]འགྱུར་བཅུ་གསུམ་ལས་བྱུང་བ། །སྐུ་གསུང་ཐུགས་ཀྱི་སྒྲོན་མའོ། །བརྒྱད་ཅུ་རྩ་ལྔར་ཡི་གེ་བཞིས། །མ་ཚང་བ་ལས་གང་འགྱུར་བ། །གསང་བ་བསམ་གྱིས་མི་ཁྱབ་པའོ། །བརྒྱད་ཅུ་རྩ་གཉིས་ཡི་གེ་གཅིག །རིན་ཆེན་འབར་བའི་ལྡང་ཚད་དོ། །སུམ་
[140a.4]ཅུ་རྩ་གཅིག་ཡི་གེ་ནི། །ཉི་ཤུ་རྩ་གཉིས་ལས་བྱུང་བ། །ནམ་མཁའ་མཉམ་པའི་ཚད་ཡིན་ནོ། །དྲུག་ཅུ་རྩ་དྲུག་ཡི་གེ་དྲུག །དམ་ཚིག་ཆེན་པོའི་རྒྱུད་ཀྱི་ཚད། །དྲུག་ཅུ་ཡི་གེ་ཉི་ཤུ་གཅིག །གསང་བ་རྡོ་རྗེར་རབ་ཏུ་གྲགས། །དྲུག་ཅུ་རྩ་གཉིས་མི་
[140a.5]འགྱུར་བ། །བཅུ་དྲུག་སྟོབས་པོ་ཆེ་ཡི་ཚད། །བཞི་བཅུ་རྩ་གཅིག་ཡི་གེ་ལྔ། །ནམ་མཁའ་ཆེན་པོའི་ཚད་ཡིན་ནོ། །དྲུག་ཅུ་རྩ་དྲུག་ཡི་གེ་དྲུག །ཡེ་ཤེས་འབར་བའི་ལྡང་ཚད་དོ། །སུམ་ཅུ་རྩ་དྲུག་ཡི་གེ་དགུ། །ཡེ་ཤེས་ཕྲེང་བའི་ཚད་ཡིན་ནོ། །
[140a.6]སུམ་ཅུ་རྩ་བཞི་ཉི་ཤུ་བཞི། །མཁའ་འགྲོ་གསང་བའི་ཚད་ཡིན་ནོ། །སུམ་ཅུ་རྩ་བཞི་བཞི་བཅུ་དག །མེ་ཡི་ཕྲེང་བའི་ཚད་ཡིན་ནོ། །ཉི་ཤུ་རྩ་གཉིས་བཅོ་བརྒྱད་དག །ཡེ་ཤེས་རྒྱལ་པོས་ལྡང་ཚད་དོ། །བདུན་ཅུ་རྩ་བརྒྱད་རྐང་པ་ཕྱེད། །ཆགས་པའི་རྒྱལ་
[140a.7]པོའི་ཚད་ཡིན་ནོ། །ཚིགས་སུ་བཅད་པ་ཉི་ཤུ་ལྔ། །ཡེ་ཤེས་བསམ་པའི་ལྡང་ཚད་དོ། །དགུ་ཅུ་གོ་བརྒྱད་ལས་བྱུང་བ། །ཡེ་ཤེས་གསང་བའི་ཚད་ཡིན་ནོ། །ཉི་ཤུ་ཐམ་པ་གང་ཡིན་པ། །གསང་བ་རྡོ་རྗེ་རྒྱལ་པོའི་ཚད། །བརྒྱ་དང་ཉི་ཤུ་རྩ་གཉིས་
[140b.1]ནི། །རྡོ་རྗེ་རྒྱལ་པོ་ར་ལིའི་ཚད། །ལྔ་བཅུ་རྩ་གསུམ་ཡི་གེ་བཅུ། །དུར་ཁྲོད་རྒྱན་གྱི་ལྡང་ཚད་དོ། །སུམ་ཅུ་རྩ་གསུམ་ཡི་གེ་ནི། །བཅུ་དྲུག་མཁའ་འགྲོ་མ་སྡོམ་ཚད། །ལྔ་བཅུ་ཡི་གེ་བཅོ་ལྔ་ལས། །བྱུང་བ་གསང་བ་བདུད་རྩིའི་རྒྱལ། །བཞི་བཅུ་ཡི་གེ་ཉི་ཤུ་
[140b.2]བཞི། །ཉི་མའི་འཁོར་ལོའི་གཞུང་ཚད་དོ། །སུམ་ཅུ་ཡི་གེ་བཅུ་དྲུག་ལས། །བྱུང་བ་ཟླ་བའི་ཕྲེང་ཚད་དོ། །ཞེས་པ་ལྟར་ཤེས་པར་བྱའོ། །དཔལ་བདེ་མཆོག་ནམ་མཁའ་དང་མཉམ་པའི་རྒྱུད་ཀྱི་རྒྱལ་པོ་ལེའུ་གསུམ་པ་ཁ་ཆེའི་མཁན་པོ་ཛྙཱ་ན་བཛྲས་རང་འགྱུར་དུ་
[140b.3]མཛད་པ་སྟེ་འདི་ལའང་མཁས་པ་འགའ་ཞིག་གིས་ཐེ་ཚོམ་མཛད་མོད་ཀྱི་མཁས་ཤིང་གྲུབ་པའི་དབང་ཕྱུག་ཆེན་པོ་རྣམས་ཀྱིས་ཚད་མར་མཛད་པ་བཞིན་བཞག་པ་ཡིན་ནོ། །དཔལ་རྡོ་རྗེ་ནག་པོ་ཁྲོས་པའི་མགོན་པོ་གསང་བ་དངོས་གྲུབ་འབྱུང་བ་ཞེས་བྱ་བའི་རྒྱུད་ལེའུ་
[140b.4]ཉི་ཤུ་རྩ་ལྔ་བ། །མ་ཧཱ་པཎྜི་ཏ་ཨ་བྷ་ཡཱ་ཀ་ར་གུཔའི་ཞལ་སྔ་ནས་དང་། ལོ་ཙཱ་བ་ཁེའུ་གད་འཁོར་ལོ་གྲགས་ཀྱི་འགྱུར་ལ་མཁས་པ་ཆེན་པོ་སངས་རྒྱས་གྲགས་པའི་སྤྱན་སྔར་ཀྲེ་བོ་ཤེས་རབ་དཔལ་གྱིས་ཞུ་ཏིག་བགྱིས་པ་རྣམས་བཞུགས་པ་སྟེ། འདི་ལའང་སྔགས་
[140b.5]བཏུ་འགའ་ཞིག་ལེགས་སྦྱར་གྱི་ཚུལ་དང་མ་མཐུན་པས་མཁས་པ་འགའ་ཞིག་གིས་དཔྱད་གཞིར་མཛད་པའང་འདུག་གོ། །གཉིས་པ་ཀྱེ་རྡོར་གྱི་སྐོར་ལ་རྩ་རྒྱུད་སོགས་བདུན་ལས་གླེགས་བམ་ང་པ་ལ། དགྱེས་པ་རྡོ་རྗེའི་རྩ་བའི་རྒྱུད་རྒྱས་པ་འབུམ་ཕྲག་བདུན་ཡོད་པ་ལས་ཅུང་
[140b.6]ཟད་བསྡུས་པ་འབུམ་ཕྲག་ལྔ་བ་དང་། དེ་ལས་ཀྱང་བཏུས་པའི་དགྱེས་པ་རྡོ་རྗེ་ཞེས་བྱ་བའི་རྒྱུད་ཀྱི་རྒྱལ་པོ་བརྟག་པ་དང་པོ་ལ་ལེའུ་བཅུ་གཅིག་དང་། གཉིས་པ་ལ་ལེའུ་བཅུ་གཉིས་ཡོད་པ། རྒྱ་གར་གྱི་མཁན་པོ་ག་ཡ་དྷ་ར་དང་། འབྲོག་མིའི་འགྱུར་ལ་སླར་ཡང་ལོ་ཙཱ་
[140b.7]བ་གཞོན་ནུ་དཔལ་གྱིས་འགྱུར་ཆད་བསབས་པ་སྟེ་གཞུང་གི་ཚད་ཀྱང་རྡོ་རྗེ་སྙིང་འགྲེལ་ལས། དཔལ་ལྡན་རྡོ་རྗེ་སྙིང་པོ་ཡིས། །རྣལ་འབྱོར་པ་ཡིས་ལམ་ཐོབ་ཆེད། །འབུམ་ཕྲག་ལྔ་ཡི་རྒྱུད་ཆེན་ལས། །ཉུང་ངུའི་རྒྱུད་འདི་ལེགས་ཕྱུང་བ། །བརྒྱ་ཕྲག་བདུན་ནི་ཕྱེད་
[141a.1]བཅས་པ། །རྡོ་རྗེའི་ཚིག་མང་ལྡན་པ་འདིར། །ཞེས་པ་ལྟར་རོ། །བརྟག་གཉིས་ལ་ལྟོས་ནས་བཤད་རྒྱུད་དང་། འབུམ་ལྔར་ལྟོས་ནས་བསྡུས་རྒྱུད་དུ་བཞེད་པ། མཁའ་འགྲོ་མ་དྲ་བ་རྡོ་རྗེ་གུར་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་བཅོ་ལྔ་བ། རྒྱ་གར་གྱི་
[141a.2]མཁན་པོ་ག་ཡ་དྷ་ར་དང་འབྲོག་མིའི་འགྱུར། རྒྱུད་ཕྱི་མ་ཕྱག་རྒྱ་ཆེན་པོ་ཐིག་ལེ་ཞེས་བྱ་བའི་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོའི་མངའ་བདག་ལེའུ་ཉི་ཤུ་རྩ་བརྒྱད་པ། སློབ་དཔོན་ཆེན་པོ་དཔལ་ཤེས་རབ་གསང་བའི་ཞལ་སྔ་ནས། ཀམ་ཆོས་ཀྱི་ཡེ་ཤེས་དང་།
[141a.3]ཕྱུག་མཚམས་དགྲ་བཅོམ་གྱིས་བསྒྱུར་བ། རྒྱུད་ཕྱི་མའི་ཡང་ཕྱི་མ་དཔལ་ཡེ་ཤེས་སྙིང་པོ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ་ལེའུ་བཞི་བ། པཎྜི་ཏ་ཤེས་རབ་གསང་བའི་རང་འགྱུར། བཤད་པའི་རྒྱུད་དཔལ་ཡེ་ཤེས་ཐིག་ལེ་རྣལ་འབྱོར་མའི་རྒྱུད་ཀྱི་རྒྱལ་
[141a.4]པོ་མཆོག་ཏུ་རྨད་དུ་བྱུང་བ་ལེའུ་སུམ་ཅུ་པ། རྒྱ་གར་གྱི་མཁན་པོ་ཤྲཱི་པྲ་ཛྙཱ་གུ་པས་བསྒྱུར་ཅིང་། སླད་ཀྱིས་དཔལ་ས་སྐྱར་ཞུ་ཏིག་བགྱིས་པ། འབྲས་བུའི་རྒྱུད་དཔལ་དེ་ཁོ་ན་ཉིད་ཀྱི་སྒྲོན་མ་རྣལ་འབྱོར་ཆེན་མོའི་རྒྱུད་ཀྱི་རྒྱལ་པོ་ཞེས་བྱ་བ་འགྱུར་སྔ་མ་དང་འདྲ་བ་རྣམས་སོ། །
[141a.5]གསུམ་པ་སངས་རྒྱས་ཐོད་པའི་སྐོར་ལ་རྩ་བའི་རྒྱུད་སྟོང་ཕྲག་བཅུ་གཉིས་པ་ལས་ཕྱུང་བའི་དཔལ་སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ་ལེའུ་བཅུ་བཞི་བ། རྒྱ་གར་གྱི་མཁན་པོ་ཤྲཱི་ག་ཡ་དྷ་ར་དང་། ལོ་ཙཱ་བ་གྱི་ཇོ་ཟླ་བའི་འོད་ཟེར་གྱིས་བསྒྱུར་བ་འདི་ཁོ་ནའོ། །
[141a.6]བཞི་བ་མ་ཧཱ་མཱ་ཡཱའི་སྐོར་ལ། སྒྱུ་འཕྲུལ་ཆེན་མོ་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་གསུམ་པ། རྒྱ་གར་གྱི་མཁན་པོ་ཛི་ན་པ་ར་དང་། ལོ་ཙཱ་བ་འགོས་ལྷས་བཙས་ཀྱིས་བསྒྱུར་ཅིང་སླར་ཡང་གློག་སྐྱ་ཤེས་རབ་བརྩེགས་ཀྱིས་བསྒྱུར་བ་ཉིད་དོ། །ལྔ་བ་ཨཱ་ར་ལིའི་སྐོར་ལ། རྡོ་རྗེ་ཨཱ་ར་
[141a.7]ལིའི་རྒྱུད་ཀྱི་རྒྱལ་པོ་ལེའུ་དགུ་བ། རྒྱ་གར་གྱི་མཁན་པོ་ཀཱ་ཡསྠཱ་པ་ག་ཡ་དྷ་རའི་ཞལ་སྔ་ནས་དང་། ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། རི་གི་ཨཱ་ར་ལིའི་རྒྱུད་ཀྱི་རྒྱལ་པོ་ལེའུ་ལྔ་པ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙཱ་བ་ཤཱཀྱ་ཡེ་ཤེས་ཀྱིས་བསྒྱུར་བ་དག་
[141b.1]གོ། །གསུམ་པ་རྣམ་སྣང་གི་རིགས་ཀྱི་རྒྱུད་ལ་གདན་བཞི་རྩ་བའི་རྒྱུད་རྒྱས་པ་སྟོང་ཕྲག་སུམ་ཅུ་རྩ་གཉིས་པ་ལས་བསྡུས་པའི་དཔལ་གདན་བཞི་བ་ཞེས་བྱ་བའི་རྣལ་འབྱོར་མའི་རྒྱུད་ཀྱི་རྒྱལ་པོ་གསེར་གྱི་ཆར་པར་གྲགས་པ་གདན་བཞི་པོ་རེ་རེར་རབ་བྱེད་བཞི་བཞི་ཡོད་པས་
[141b.2]རབ་བྱེད་བཅུ་དྲུག་པ་དང་། དེའི་བཤད་པའི་རྒྱུད་སྔགས་ཀྱི་ཆ་ཞེས་བྱ་བ་ལེའུ་བརྒྱད་པ་གཉིས་རྒྱ་གར་གྱི་མཁན་པོ་ག་ཡ་དྷ་ར་དང་ལོ་ཙཱ་བ་ཤཱཀྱ་ཡེ་ཤེས་ཀྱི་འགྱུར། དཔལ་གདན་བཞི་བའི་རྣམ་པར་བཤད་པའི་རྒྱུད་ཀྱི་རྒྱལ་པོ་རྣལ་འབྱོར་མ་ཐམས་ཅད་གསང་བ་ཞེས་
[141b.3]བྱ་བ་ལེའུ་བརྒྱ་ལྷག་པ། པཎྜི་ཏ་སྤྱི་ཏི་ཛྙཱ་ན་ཀཱིརྟིས་གསར་དུ་བསྒྱུར་བ། མི་གཡོ་བའི་རྒྱུད་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ཀྱི་རྒྱལ་པོ་དཔའ་བོ་གཅིག་པ་ཞེས་བྱ་བ་ལུས་ཀྱི་རིམ་པར་ཕྱེ་ལ་སོགས་པས་རབ་ཏུ་ཕྱེ་བའི་ལེའུ་ཉི་ཤུ་རྩ་ལྔ་བ། པཎྜི་ཏ་རཏྣ་ཤྲཱིའི་ཞལ་སྔ་
[141b.4]ནས། ལོ་ཙཱ་བ་གྲགས་པ་རྒྱལ་མཚན་གྱིས་དཔལ་ས་སྐྱར་བསྒྱུར་བ་བཞུགས་སོ། །ཅ་པ་ལ།འཕགས་པ་མི་གཡོ་བའི་རྒྱུད་ཀྱི་རྒྱལ་པོ་འབུམ་པ་ལས་བྱུང་བ་དངོས་གྲུབ་ཐམས་ཅད་ཡོངས་སུ་འབྱུང་བའི་རྟོག་པ་ལེའུ་བདུན། པཎྜི་ཏ་ཨ་ཏུ་ལ་དཱ་ས་བཛྲ་དང་།
[141b.5]ལོ་ཙཱ་བ་མར་པ་ཆོས་ཀྱི་དབང་ཕྱུག་གྲགས་པའི་འགྱུར། ཁྲོ་བོའི་རྒྱལ་པོ་ཐམས་ཅད་གསང་སྔགས་གསང་བའི་རྒྱུད་ལེའུ་ལྔ་བ་དང་། མི་གཡོ་བ་གསང་བའི་རྒྱུད་ཆེན་པོ་ལེའུ་བཞི་བ་གཉིས་ལ་འགྱུར་བྱང་མ་འཁོད་པ་རྣམས་སོ། །བཞི་པ་རྡོ་རྗེ་ཉི་མའི་རིགས་ཀྱི་རྒྱུད་
[141b.6]ནི། རྡོ་རྗེ་བདུད་རྩིའི་རྒྱུད་ཀྱི་རྒྱལ་པོ་སྟོང་ཕྲག་བཅུ་གཉིས་པ་ལས་བསྡུས་པ་རྡོ་རྗེ་བདུད་རྩི་ཉུང་ངུའི་རྒྱུད་ལེའུ་བཅུ་གཅིག་པ། ལོ་ཙཱ་བ་གྱི་ཇོ་ཟླ་བའི་འོད་ཟེར་གྱིས་བསྒྱུར་བ་ཉིད་དོ། །ལྔ་བ་པདྨ་གར་དབང་གི་རིགས་ཀྱི་རྒྱུད་ལ། དཔལ་པདྨ་འབར་བའི་རྒྱུད་
[141b.7]ཆེན་པོ་ལས་ཕྱུང་བ། རིགས་ཀྱི་འཇིག་རྟེན་མགོན་པོ་ལྔ་བཅུ་བ་ལེའུ་གསུམ། པཎྜི་ཏ་བི་མ་ལ་ཤྲཱི་བྷ་དྲའི་ཞལ་སྔ་ནས། ལོ་ཙཱ་བ་ཤུད་ཀེ་གྲགས་པ་རྒྱལ་མཚན་གྱིས་བསྒྱུར་བ། འཕགས་མ་སྒྲོལ་མ་ཀུ་རུ་ཀུལླེའི་རྟོག་པ་ལེའུ་ལྔ། རྒྱ་གར་གྱི་མཁན་པོ་
[142a.1]ཀྲྀཥཱ་པཎྜི་ཏ་དང༌ལོ་ཙཱ་བ་ཚུལ་ཁྲིམས་རྒྱལ་བའི་འགྱུར་རོ། དྲུག་པ་རྟ་མཆོག་གི་རིགས་ཀྱི་རྒྱུད་ལ། །སྒྲོལ་མ་ཕྱག་འཚལ་ཉི་ཤུ་རྩ་གཅིག་གི་བསྟོད་པ་ཕན་ཡོན་དང་བཅས་པ་འགྱུར་བྱང་མ་འཁོད་པ་སྟེ། །འདི་སློབ་དཔོན་ཉི་མ་སྦས་པས་བླ་མེད་
[142a.2]དུ་བཀྲལ་བ་ལྟར་འདིར་བཀོད། རྡོ་རྗེ་ཕུར་པ་རྩ་བའི་རྒྱུད་བིཊོཏྟ་མ་འབུམ་སྡེའི་དུམ་བུ་སློབ་དཔོན་པདྨ་འབྱུང་གནས་ཀྱི་རྒྱ་དཔེ་དང་མཐུན་པར་དཔལ་ས་སྐྱ་པཎྜི་ཏས་བསྒྱུར་བ། ནག་པོ་ཆེན་པོ་མགོན་པོ་མངོན་པ་འབྱུང་བ་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་ལྔ་བཅུ་
[142a.3]བ། པཎྜི་ཏ་ཆེན་པོ་ས་མནྟ་བྷི་དང་། ལོ་ཙཱ་བ་རྭ་ཆོས་རབ་ཀྱི་འགྱུར་རྣམས་སོ། །བདུན་པ་རིགས་དྲུག་པ་ཁྱབ་བདག་རྡོ་རྗེ་འཆང་གི་རྒྱུད་ནི། ཇི་བཞིན་བརྙེས་པ་ནམ་མཁའ་དང་མཉམ་པའི་རྒྱུད་ལེའུ་ལྔ་པ། རྒྱ་གར་གྱི་མཁན་པོ་ཏཱ་ཀྵ་ཀ་ག་ཎ་དང་།
[142a.4]ལོ་ཙཱ་བ་མང་འོར་བྱང་ཆུབ་ཤེས་རབ་ཀྱི་འགྱུར་ཉིད་དོ། །གསུམ་པ་ཐབས་གཙོ་བོར་སྟོན་པ་ཕའི་རྒྱུད་ལ། མི་བསྐྱོད་པ། རྣམ་སྣང་། རིན་འབྱུང་། འོད་དཔག་མེད། དོན་ཡོད་གྲུབ་པ། དྲུག་པ་རྡོ་རྗེ་འཆང་གི་རིགས་གཙོ་བོར་སྟོན་པའི་རྒྱུད་དེ་
[142a.5]དྲུག་ཡོད་དོ། །དང་པོ་ལ། གསང་འདུས་ཀྱི་རྩ་རྒྱུད་ཆེན་མོ་ལ་ལྟོས་ནས་ཉུང་ངུའི་རྩ་བའི་རྒྱུད་དུ་གྲགས་པ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་ཆེན་གསང་བ་འདུས་པ་ཞེས་བྱ་བའི་བརྟག་པའི་རྒྱལ་པོ་ལ་ལེའུ་བཅུ་
[142a.6]བདུན་དང་། དེའི་རྒྱུད་ཕྱི་མ་ལེའུ་གཅིག་པ། རྒྱ་གར་གྱི་མཁན་པོ་ཨཱ་ཙཱརྱ་ཤཱངྡྷཱ་ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་པོའི་འགྱུར། གསང་འདུས་བཤད་རྒྱུད་དགོངས་པ་ལུང་བསྟན་པ་ཞེས་བྱ་བའི་རྒྱུད་ལེའུ་བཅུ་གཉིས་པ། རྒྱ་གར་གྱི་མཁན་པོ་དྷརྨ་ཤྲཱི་
[142a.7]བྷ་དྲ་དང་། ལོ་ཙཱ་བ་རིན་ཆེན་བཟང་པོའི་འགྱུར། རྣལ་འབྱོར་ཆེན་པོའི་རྒྱུད་ཐམས་ཅད་ཀྱི་སྙིང་པོ་གསང་བ་འདུས་པའི་བཤད་རྒྱུད་རྡོ་རྗེ་ཕྲེང་བ་ལེའུ་དྲུག་ཅུ་རྩ་བརྒྱད། རྒྱ་གར་གྱི་མཁན་པོ་སུ་ཛ་ན་ཤྲཱི་དང་། ལོ་ཙཱ་བ་བོད་ཀྱི་ལྷ་བཙན་པོ་བླ་མ་དགེ་སློང་ཞི་བའི་
[142b.1]འོད་ཀྱི་ཞལ་སྔ་ནས་བསྒྱུར་ཅིང་ཞུས་པ། ལྷ་མོ་བཞིས་ཡོངས་སུ་ཞུས་པ་ལེའུ་བཞི། རྒྱ་གར་གྱི་མཁན་པོ་སྤྲོ་ཏི་ཛྙཱ་ན་ཀཱིརྟིའི་རང་འགྱུར། ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས་ལེའུ་གཉིས་ལོགས་སུ་བཀོལ་བ། རྒྱ་གར་གྱི་མཁན་པོ་ཙཱ་ནཱ་ཀ་རའི་ཞལ་སྔ་
[142b.2]ནས་དང་། ལོ་ཙཱ་བ་ཁུ་དངོས་གྲུབ་ཀྱི་འགྱུར་ལ། སླད་ནས་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་ཞུས་ཤིང་གཏན་ལ་ཕབ་པ་རྣམས་བཞུགས་སོ། །དཔལ་ཡེ་ཤེས་རྡོ་རྗེ་ཀུན་ལས་བཏུས་པ་རབ་བྱེད་བཞི་བཅུ་རྩ་གཅིག་པ། ཁ་ཆེའི་པཎྜི་ཏ་ཨཱ་ཀ་ར་
[142b.3]སིདྡྷི་དང་། ལོ་ཙཱ་བ་ནག་ཚོ་ཚུལ་ཁྲིམས་རྒྱལ་བའི་འགྱུར། རྡོ་རྗེ་སྙིང་པོ་རྒྱན་གྱི་རྒྱུད་ལེའུ་བཅུ་བདུན་པ། རྒྱ་གར་གྱི་མཁན་པོ་ཀ་མ་ལ་གུཔྟ་དང་། ལོ་ཙཱ་བ་ལྷ་ཡེ་ཤེས་རྒྱལ་མཚན་གྱི་འགྱུར། དཔལ་གཉིས་སུ་མེད་པ་རྣམ་པར་རྒྱལ་བའི་ངོ་བོ་ཉིད་ཀྱི་རྡོ་རྗེ་
[142b.4]ཞེས་བྱ་བ་ལེའུ་ཉི་ཤུ་རྩ་གཉིས་པ། མཁན་ཆེན་ཐར་པ་ལོ་ཙཱ་བའི་ཕྱག་དཔའི་ཁྲོད་ནས་ཤོག་ཡར་ལྔ་བྱུང་བ་སྔར་བསྒྱུར་བ་ལས། ཕྱིས་ཉང་སྟོད་སྨོན་འགྲོའི་གཙུག་ལག་ཁང་ནས་རྒྱ་དཔེ་ལྷག་མ་རྣམས་རྙེད་པ་ལས། བུ་སྟོན་གྱིས་རྫོགས་པར་བསྒྱུར་བ། དཔལ་
[142b.5]དེ་བཞིན་གཤེགས་པ་ཐམས་ཅད་ཀྱི་གསང་བ་རྣལ་འབྱོར་ཆེན་པོ་རྣམས་པར་རྒྱལ་བ་ཞེས་བྱ་བ་ཉམ་པ་ཉིད་གཉིས་སུ་མེད་པའི་རྒྱུད་ཀྱི་རྒྱལ་པོ་རྡོ་རྗེ་དཔལ་མཆོག་ཆེན་པོ་བརྟག་པ་དང་པོ་ལ་ལེའུ་བདུན་ཅུ་རྩ་བདུན། རྒྱ་གར་གྱི་མཁན་པོ་དཔལ་ཡེ་ཤེས་སྙིང་པོ་དང་།
[142b.6]ལོ་ཙཱ་བ་ལྷོ་བྲག་མར་པ་ཆོས་ཀྱི་བློ་གྲོས་ཀྱིས་བསྒྱུར་ཅིང་ཞུས་པ་རྣམས་བཞུགས་སོ། །གཉིས་མེད་རྣམ་རྒྱལ་ཆེན་མོ་འདི་ལ་ཆག་ལོ་བ་སོགས་ཀྱིས་རྒྱུད་ཡང་དག་པ་མ་ཡིན་པར་མཛད་མོད་ཀྱི། ནཱ་རོ་འགྲེལ་ཆེན་དུ་གཉིས་མེད་རྣམ་རྒྱལ་གྱི་ལུང་དྲངས་རྣམས་ཀྱང་
[142b.7]འདི་དང་འགྱུར་ཁྱད་ཙམ་མ་གཏོགས་དོན་ལ་ཁྱད་མ་ཞུགས་པ་དང་། འདིའི་བསྐྱེད་རྫོགས་ཀྱི་རྣམ་གཞག་རྣམས་ཀྱང་རྩ་རྒྱུད་ཀྱི་རྣམ་གཞག་དང་མཐུན་པ་དང་། པཎྜི་ཏ་ཆེན་པོ་སྨྲ་ྀཏི་ཛྙཱ་ན་ཀཱིརྟིའི་རང་འགྱུར་ཞིག་ཀྱང་ཡོད་པར་བཤད་པ་དང་། གསང་བ་འདུས་པ་ལ་
[143a.1]མཁས་པ་ཁམས་པ་རོ་མཉམ་རྡོ་རྗེའི་ཊཱི་ཀ་སོགས་ལའང་འདི་ཚད་མར་བྱས་སོ། ཇ་བ་ལ། འཕགས་པ་ལག་ན་རྡོ་རྗེ་གོས་སྔོན་པོ་ཅན་དྲག་པོ་གསུམ་འདུལ་ཞེས་བྱ་བའི་རྩ་རྒྱུད། པཎྜི་ཏ་དེ་ཝ་པཱུརྞ་མ་ཏི་དང་ལོ་ཙཱ་བ་འགར་ཆོས་ཀྱི་བཟང་
[143a.2]པོའི་འགྱུར། གོས་སྔོན་པོ་ཅན་གྱི་བཤད་རྒྱུད་དྲག་པོ་གསུམ་འདུལ་ཞེས་བྱ་བ་ལེའུ་གསུམ་པ་འགྱུར་བྱང་སྔ་མ་དང་འདྲ་བ། ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བེ་ཅོན་གྱི་རྒྱུད་ལེའུ་བཅོ་ལྔ་བ་འགྱུར་བྱང་མ་འཁོད་པ། ལག་ན་རྡོ་རྗེ་གོས་སྔོན་པོ་ཅན་
[143a.3]རྡོ་རྗེ་གདེངས་པའི་རྒྱུད་ཁམས་གསུམ་ལས་རྣམ་པར་རྒྱལ་བ་ཞེས་བྱ་བ་ལེའུ་གཅིག་པ་པཎྜི་ཏ་ཨ་ཌ་ཡ་ཤྲཱི་མ་ཏི་དང་། ལོ་ཙཱ་བ་བནྡེ་ཆོས་ཀྱི་དབང་ཕྱུག་གྲགས་ཀྱི་འགྱུར། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་དཔལ་གཏུམ་པོ་ཞེས་བྱ་བ་
[143a.4]ལེའུ་ཉི་ཤུ་རྩ་བཞི་པ་དང་། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལེའུ་བཅུ་བཞི་བ་དང་། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལེའུ་བརྒྱད་པ་རྣམས་རྒྱ་གར་གྱི་མཁན་པོ་ཨ་བ་ཡུཀྟི་དང་། ལོ་ཙཱ་བ་བླ་བན་ཆོས་
[143a.5]ཀྱི་བརྩོན་འགྲུས་ཀྱི་འགྱུར། ལག་ན་རྡོ་རྗེའི་རྨི་ལམ་མཐོང་བ་འགྱུར་བྱང་མེད་པ། ཕྱག་ན་རྡོ་རྗེ་གོས་སྔོན་པོ་ཅན་གནོད་སྦྱིན་དྲག་པོ་རྡོ་རྗེ་མེ་ལྕེའི་རྒྱུད་ལེའུ་བཅོ་ལྔ་པ། པཎྜི་ཏ་རཏྣ་ཀཱིརྟི་དང་ལོ་ཙཱ་བ་དགེ་ཚུལ་ཁྱུང་དྲགས་ཀྱི་འགྱུར། རྡོ་རྗེ་སྙིང་པོ་ལྕེ་དབབ་
[143a.6]པ་ཞེས་བྱ་བའི་གཟུངས་དང་པོ་སྐ་ཅོག་གི་འགྱུར་ལ། ཕྱིས་གཉན་ལོ་དར་མ་གྲགས་ཀྱི་འགྱུར། །དཔལ་ཕྱག་ན་རྡོ་རྗེ་གསང་བ་བསྟན་པའི་རྒྱུད་ལེའུ་བདུན་པ། པཎྜི་ཏ་བ་ལ་ཙནྡྲ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར། བཅོམ་ལྡན་
[143a.7]འདས་ཕྱག་ན་རྡོ་རྗེ་གསང་བ་མངོན་པར་བསྟན་པའི་རྒྱུད་ཀྱི་རྒྱལ་པོ་ལེའུ་ཉི་ཤུ་རྩ་གཅིག་པ། པཎྜི་ཏ་ཝ་ལ་ཙནྡྲ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར། རྡོ་རྗེ་བདེ་ཁྲོས་ཀྱི་རྒྱུད་ཀྱི་རྒྱལ་པོ་ལེའུ་བཅུ་བདུན་པ་ཛྷཱ་ནཱ་ཀ་རའི་འགྱུར་རྣམས་སོ། །
[143b.1]གཉིས་པ་རྣམ་སྣང་གི་རིགས་སུ་གཏོགས་པའི་རྒྱུད་ལ། རྒྱུད་ཀྱི་རྒྱལ་པོ་རྣམ་པར་སྣང་མཛད་སྒྱུ་འཕྲུལ་དྲ་བ་ཞེས་བྱ་བ་ལེའུ་བཅུ་བ་ལོ་ཙཱ་བ་རིན་ཆེན་བཟང་པོའི་འགྱུར། རྣམ་སྣང་གི་རིགས་ཀྱི་ཁྲོ་བོའི་སྐོར་ལ། དེ་བཞིན་གཤེགས་པ་ཐམས་ཅད་ཀྱི་སྐུ་
[143b.2]གསུང་ཐུགས་གཤིན་རྗེ་གཤེད་ནག་པོ་ཞེས་བྱ་བའི་རྒྱུད་ལེའུ་བཅོ་བརྒྱད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར་ལ། སླད་ཀྱི་ལོ་ཙཱ་བ་དར་མ་གྲགས་ཀྱིས་བཅོས་པ། སླར་ཡང་རྒྱ་གར་གྱི་པཎྜི་ཏ་བཱ་རོ་ཕྱག་
[143b.3]རྡུམ་གྱི་ཞལ་སྔ་ནས་དང་། ལོ་ཙཱ་བ་རྡོ་རྗེ་གྲགས་ཀྱིས་གཏན་ལ་ཕབ་པ། དཔལ་རྡོ་རྗེ་འཇིགས་བྱེད་དངོས་གྲུབ་གྲུབ་པའི་རྒྱུད་རྟོག་པ་བདུན་པ། དཔལ་ཨོ་རྒྱུན་གྱི་གནས་ནས་འཇམ་དཔལ་གྱི་རྒྱུད་ལས་དཔལ་ལ་ལི་ཏ་བཛྲས་ཕྱུང་སྟེ་སྤྱན་དྲངས་པ།
[143b.4]པཎྜི་ཏ་བཱ་རོ་ཕྱག་རྡུམ་དང་། ལོ་ཙཱ་བ་རྡོ་རྗེ་གྲགས་ཀྱི་འགྱུར། གཤིན་རྗེ་གཤེད་ནག་པོའི་རྒྱུད་ཀྱི་རྒྱལ་པོ་རྟོག་པ་གསུམ་པ་འགྱུར་བྱང་མ་འཁོད་ཀྱང་པཎྜི་ཏ་ཨ་ཌ་ཡ་ཤྲཱི་དང་རོང་ཟོམ་གྱིས་བསྒྱུར་བར་གྲགས་པ། དཔལ་རྡོ་རྗེ་འཇིགས་བྱེད་ཀྱི་དངོས་
[143b.5]གྲུབ་ཀྱི་རྟོག་པ་ཞེས་བྱ་བ་ལེའུ་བཞི་སྟེ་རྟོག་པ་བཞི་བར་གྲགས་པ། པཎྜི་ཏ་ཨ་མོ་གྷའི་ཞབས་དང་། ལོ་ཙཱ་བ་མར་པ་ཆོས་ཀྱི་དབང་ཕྱུག་གྲགས་པའི་འགྱུར་ལ། སླད་ཀྱིས་གྲུབ་ཐོབ་ཀཎ་ཤྲཱིའི་ཞལ་སྔ་ནས་ཐར་པ་ལོ་ཙཱ་བ་ཉི་མ་རྒྱལ་མཚན་གྱིས་བསྒྱུར་ཅིང་
[143b.6]བཅོས་པ། གཏམ་རྒྱུད་ཀྱི་རྟོག་པ་འགྱུར་བྱང་མ་འཁོད་ཀྱང་དཱི་པཾ་ཀ་ར་དང་རྭ་ལོའི་འགྱུར། ལས་མཁན་ཏེའུ་ལོ་པ་ཆུ་བྱའི་རྟོག་པ་འགྱུར་བྱང་སྔ་མ་དང་འདྲ་བ། གཤིན་རྗེ་གཤེད་ནག་པོའི་ལས་ཐམས་ཅད་གྲུབ་པར་བྱེད་པའི་འཁོར་ལོའི་རྒྱུད་ཀྱི་རྒྱལ་
[143b.7]པོ་པཎྜི་ཏ་བཱ་རོ་ཕྱག་རྡུམ་གྱི་ཞལ་སྔ་ནས་རྭ་རྡོ་རྗེ་གྲགས་ཀྱིས་བསྒྱུར་བ། དཔལ་གཤིན་རྗེའི་གཤེད་དམར་པོ་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་བཅུ་དགུ་བ་ཤཱཀྱའི་དགེ་སློང་ཙནྡྲ་ཤྲིའི་ཞལ་སྔ་ནས་ཞུས་ཤིང་། །པཎྜི་ཏ་ཆེན་པོ་ཙནྡྲ་ཀཱིརྟི་དང་། ཡར་
[144a.1]ལུངས་པ་གྲགས་པ་རྒྱལ་མཚན་གྱིས་བལ་པོ་ཡམ་བུའི་གྲོང་ཁྱེར་དུ་བསྒྱུར་བ། དཔལ་གཤིན་རྗེའི་གཤེད་དམར་པོའི་རྒྱུད་ལེའུ་ཉེར་གཉིས་པ་སྐད་གཉིས་སྨྲ་བ་ཆེན་པོ་ཐར་པ་ལོ་ཙཱས་བསྐྱངས་པ། ལོ་ཙཱ་བ་དགེ་སློང་རིན་ཆེན་གྲུབ་ཀྱི་འགྱུར་
[144a.2]རྣམས་སོ། །གསུམ་པ་རིན་པོ་ཆེའི་རིགས་ཀྱི་རྒྱུད་བོད་དུ་འགྱུར་བ་མ་རྙེད་ཅེས་བུ་སྟོན་གསུང་ངོ་། བཞི་བ་པདྨའི་རིགས་ཀྱི་རྒྱུད་ལ། དཔལ་བཅོམ་ལྡན་འདས་རལ་པ་གཅིག་པའི་བརྟག་པའི་རྒྱུད་ཀྱི་རྒྱལ་པོ་པཎྜི་ཏ་ཛ་ག་ཏྲ་མི་ཏྲ་ཨཱ་ནནྡའི་བཀའ་
[144a.3]དྲིན་ལས། རྒྱ་གར་ནུབ་ཕྱོགས་ཀྱི་པཎྜི་ཏ་བཛྲ་ཤྲཱི་ཁ་ལ་རུ་དྲ་དང་། ལོ་ཙཱ་བ་བྱམས་པའི་དཔལ་གྱི་འགྱུར་རོ། །ལྔ་བ་ལས་ཀྱི་རིགས་ཀྱི་རྒྱུད་ཀྱང་མི་བཞུགས་སོ། དྲུག་པ་རྡོ་རྗེ་འཆང་གི་རིགས་ཀྱི་རྒྱུད་ལ། དཔལ་ཟླ་གསང་ཐིག་ལེ་ཞེས་བྱ་བའི་
[144a.4]རྒྱུད་ཀྱི་རྒྱལ་པོ་ཤིན་ཏུ་དགྱེས་པ་རྡོ་རྗེ་གདོན་མི་ཟ་བའི་དམ་ཚིག་གི་དཀྱིལ་འཁོར་ཆེན་པོ་རྒྱས་པ་མཆོག་ཏུ་གསང་བའི་རྒྱུད་དགེ་སློང་རིན་ཆེན་བཟང་པོའི་འགྱུར་རྣམས་བཞུགས་སོ། རྩ་བའི་ས་བཅད་གཉིས་པ་རྣལ་འབྱོར་ཀྱི་རྒྱུད་ལ་ཐབས་གཙོ་བོར་སྟོན་
[144a.5]པའི་རྒྱུད་དང་། ཤེས་རབ་གཙོ་བོར་སྟན་པའི་རྒྱུད་གཉིས། དང་པོ་ལ་རྩ་བཤད་ཆ་མཐུན་གྱི་རྒྱུད་གསུམ་ལས་དང་པོ་ནི་གླེགས་བམ་ཉ་པ་ལ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་རྩ་བའི་རྒྱུད་དུམ་བུ་བཞི་རྒྱུད་ཕྱི་མ། ཕྱི་
[144a.6]མའི་ཕྱི་མ་རྒྱུད་ཉེ་བར་བསྡུ་བ་དང་བཅས་པ་བམ་པོ་དགུ་ལྷག་པ་པཎྜི་ཏི་ཤདྷཱ་ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་པོས་བསྒྱུར་བར་གྲགས་པའོ། །གཉིས་པ་ནི་ཡོ་ག་བཤད་པའི་རྒྱུད་རྡོ་རྗེ་རྩེ་མོ་རྟོག་པ་བཅུ་བ་ལས་རྡོ་རྗེ་མཚན་བརྒྱས་གསོལ་བ་བཏབ་
[144a.7]པ་ཡན་ཆད་རྟོག་པ་ཕྱེད་དང་དྲུག་ཡོད་པ་བམ་པོ་བཅུ་གཉིས་པ། རྒྱ་གར་གྱི་མཁན་པོ་ཀརྨ་བཛྲ་དང་ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར་རྣམས་བཞུགས་སོ། ཏ་པ་ལ་ཐམས་ཅད་གསང་བ་ཞེས་བྱ་བའི་རྒྱུད་ཀྱི་རྒྱལ་པོ་རྒྱ་གར་གྱི་མཁན་པོ་པདྨ་
[144b.1]ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་པོའི་འགྱུར། འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པའི་རྒྱལ་པོ་རྩ་བའི་རྒྱུད་ཕྱི་མ་དང་བཅས་པ་ཁ་ཅིག་གིས་རིན་ཆེན་བཟང་པོས་སྒྱུར་བར་བཞེད་ཅིང་། ཁ་ཅིག་གིས་རྨ་དགེ་བློས་བསྒྱུར་བར་བཞེད་
[144b.2]པ་ལ། མཁས་པ་ཞ་ལུ་པ་ཡེ་ཤེས་རྒྱ་མཚོས་ཚིག་དོན་ལ་ལེགས་པར་དཔྱད་ནས་ཞུས་པ་རྣམས་སོ། གསུམ་པ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བ་གཟི་
[144b.3]བརྗིད་ཀྱི་རྒྱལ་པོའི་རྟོག་པ་ཞེས་བྱ་བ་བམ་པོ་གསུམ་པ། རྒྱ་གར་གྱི་མཁན་པོ་ཤཱནྟི་གབྷ་དང་། ལོ་ཙཱ་བ་བནྡེ་ཛ་ཡ་རཀྵི་ཏས་བསྒྱུར་བ། དེའི་གཤམ་དུ་མངོན་སྤྱོད་ཀྱི་ལས་འགྱུར་བྱང་སྔ་མ་དང་འདྲ་བ། ངན་སོང་ཐམས་ཅད་ཡོངས་སུ་སྦྱོང་བའི་
[144b.4]སྙིང་པོའི་གཟུངས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་རྟག་པ་ཕྱོགས་གཅིག་པ། རྒྱ་གར་གྱི་མཁན་པོ་བླ་མ་རྗེ་བཙུན་ཆེན་པོ་རེ་བནྡེ་དེ་
[144b.5]བའི་ཞབས་དང་། པཎ་ཆེན་མཱ་ཎི་ཀ་ཤྲཱི་ཛྙཱ་ནའི་ཞལ་སྔ་ནས་ཆག་ལོ་ཙཱ་བ་ཆོས་རྗེ་དཔལ་གྱིས་བསྒྱུར་བ། རབ་ཏུ་གནས་པ་མདོར་བསྡུས་པའི་རྒྱུད། ཁ་ཆེའི་པཎྜི་ཏི་ཛྙཱ་ན་བཛྲ་དང་། ལོ་ཙཱ་བ་འབྲོ་ཤེས་རབ་གྲགས་ཀྱི་འགྱུར་རྣམས་སོ། །
[144b.6]གཉིས་པ་ཤེས་རབ་གཙོ་བོར་སྟོན་པའི་རྒྱུད་ལ། དེ་ཉིད་བསྡུས་པའི་ཆ་མཐུན་གྱི་རྒྱུད་དཔལ་མཆོག་དང་པོ་ཞེས་བྱ་བ་ཐེག་པ་ཆེན་པོའི་རྟོག་པའི་རྒྱལ་པོ་ལས་དུམ་བུ་དང་པོ་ཤེས་ཕྱིན་གྱི་དུམ་བུ། རྒྱ་གར་གྱི་མཁན་པོ་ཨཱ་ཙཱརྱ་ཐུདྡྷཱ་ཀ་ར་ཝརྨ་དང་ལོ་ཙཱ་བ་
[144b.7]རིན་ཆེན་བཟང་པོའི་འགྱུར། དཔལ་མཆོག་དང་པོའི་དུམ་བུ་གཉིས་པ་རྩ་བའི་རྒྱུད། རྒྱུད་ཕྱི་མ་དུམ་བུ་དང་པོ་དང་གཉིས་པའི་རྟོག་པ་ཐམས་ཅད་བསྡུས་པའི་རྒྱུད་དུམ་བུ་གཉིས་པ་ཉིད་ཀྱི་རྟོག་པ་ཐམས་ཅད་ཀྱི་རྒྱུད་ཕྱི་མའི་རྩ་བའི་རྒྱུད་དང་།
[145a.1]གསང་བ་རས་བྲིས་ཀྱི་ཆོ་ག་དང་། །ཕྱག་རྒྱའི་རྒྱུད། རྟོག་པ་ཐམས་ཅད་ཀྱི་རྒྱུད། ཕྱི་མའི་རྩ་བའི་རྟོག་པ་དང་། རྟོག་པ་ཐམས་ཅད་སྒྲུབ་པའི་ཆོ་ག་དང་། ཕྱག་རྒྱའི་རྒྱུད་ཐམས་ཅད་ཀྱི་དོན་གཏན་ལ་འབེབས་པ་རྟོག་པ་ཐམས་ཅད་
[145a.2]བསྡུས་པའི་མཆོག་ཏུ་གསང་བའི་ཆོ་ག་དང་རྒྱུད་ཉེ་བར་སྡུད་པ་དང་བཅས་པ་རྣམས་པཎྜི་ཏ་མཎྜ་ཀ་ལཱ་ཤ་དང་ལོ་ཙཱ་བ་ལྷ་བཙད་པོ་ཞི་བ་འོད་ཀྱིས་བསྒྱུར་བ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་བརྒྱ་ལྔ་བཅུ་བ་འགྱུར་བྱང་མ་འཁོད་པ་རྣམས་
[145a.3]བཞུགས་ཏེ་འདི་ནི་མདོ་ཕྱོགས་ཤེས་ཕྱིན་སྐོར་དུ་བཀོད་ཟིན་ནའང་། དཔལ་མཆོག་ཤེར་དུམ་དང་མཚུངས་ཤིང་སྔགས་སུ་བཀྲལ་བའང་ཡོད་པའི་ཕྱིར་འདིར་ཡང་བཞག་གོ། །ཐ་པ་ལ། དཔལ་རྡོ་རྗེ་སྙིང་པོ་རྒྱན་ཅེས་བྱ་བའི་རྒྱུད་ཀྱི་རྒྱལ་པོ་
[145a.4]པཎྜི་ཏ་སུ་ག་ཏ་ཤྲཱི་དང་། ཆོས་ཀྱི་རྗེ་ས་སྐྱ་པཎྜི་ཏས་མ་འདྲེས་པའི་ཆོས་བཅོ་བརྒྱད་ཀྱི་སྐབས་ཐུགས་ཀྱི་ཕྲིན་ལས་ཡ་ཐམས་ཅད་ཡེ་ཤེས་སྔོན་དུ་འགྲོ་སྟེ་ཡེ་ཤེས་ཀྱི་རྗེས་སུ་འབྲང་ངོ་ཞེས་པའི་བར་བསྒྱུར་བའི་འཕྲོ་དཔང་ལོ་ཙཱ་བ་དཔལ་ལྡན་བློ་གྲོས་བརྟན་
[145a.5]པས་རྫོགས་པར་བསྒྱུར་བ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་ཉི་ཤུ་རྩ་ལྔ་བ་ཞེས་བྱ་བའི་མདོ་འགྱུར་བྱང་མ་འཁོད་པ། འདིའང་ཤེར་ཕྱོགས་སྐོར་ཕྱོགས་གཅིག་ཏུ་བྱ་བའི་ཕྱིར་ཤེས་ཕྱིན་གྲས་སུའང་བཞག་མོད་ཀྱི། རྡོ་རྗེ་སྙིང་པོ་རྒྱན་གྱི་
[145a.6]རྒྱུད་ལས་བྱུང་བའི་སྒོ་ཉེར་ལྔ་བ་དང་མཚུངས་པས་འདིར་ཡང་བཅུག་གོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གསང་བ་རྒྱན་གྱི་བཀོད་པ་ཞེས་བྱ་བའི་རྒྱུད། རྒྱ་གར་གྱི་མཁན་པོ་བདེ་བར་གཤེགས་པའི་དཔལ་དང་། སྒྲ་བསྒྱུར་བ་
[145a.7]ཀུན་དགའ་རྒྱལ་མཚན་གྱིས་དཔལ་ས་སྐྱར་བསྒྱུར་བ། འཕགས་པ་གསང་བ་ནོར་བུའི་ཐིག་ལེ་ཞེས་བྱ་བའི་རྒྱུད་འགྱུར་བྱང་སྔ་མ་དང་འདྲ་བ་རྣམས་སོ། རྩ་བའི་ས་བཅད་གསུམ་པ་སྤྱོད་པའི་རྒྱུད་ལ་རིགས་གསུམ་ལས། དང་པོ་དེ་བཞིན་གཤེགས་
[145b.1]པའི་རིགས་ནི། རྣམ་པར་སྣང་མཛད་ཆེན་པོ་མངོན་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབས་པ་ཤིན་ཏུ་རྒྱས་པ་མདོ་སྡེའི་རྒྱལ་པོ་རིམ་པར་ཕྱེ་བ་ཉི་ཤུ་རྩ་དྲུག་པ། དེའི་རྒྱུད་ཕྱི་མ་རིམ་པར་ཕྱེ་བ་བདུན་པ་དང་བཅས་པ། རྒྱ་གར་གྱི་མཁན་པོ་ཤཱི་
[145b.2]ལེནྡྲ་བོ་དྷི་དང་། ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། དེ་བཞིན་གཤེགས་རིགས་སུ་གཏོགས་པའི་བཀའ་ཉན། ཁྲོ་བོའི་རྒྱལ་པོ་མི་གཡོ་བའི་རྟོག་པ་སྟོབས་དཔག་ཏུ་མེད་པ་རྟུལ་ཕོད་པ་འདུལ་བར་གསུངས་པ་ཞེས་བྱ་བའི་རྒྱུད་ཀྱི་རྒྱལ་པོ། རྒྱ་
[145b.3]གར་གྱི་མཁན་པོ་ཨུ་པ་ཤ་མ་རཀྵི་ཏའི་ཞལ་སྔ་ནས་ལོ་བ་གླན་དར་མ་བློ་གྲོས་ཀྱི་འགྱུར་ལ། ཕྱིས་སུའང་ཆོས་རྒྱལ་བཀྲ་ཤིས་རབ་བརྟན་གྱིས་བསྐུལ་བ་བཞིན། ལོ་ཙཱ་བ་ཆོས་སྐྱོང་བཟང་པོས་རྒྱ་དཔེ་ལ་གཏུགས་ཤིང་དག་པར་བྱས་པ་ལ། སླར་
[145b.4]ཡང་མི་དབང་བཀྲ་ཤིས་རབ་བརྟན་སོག་པོ་འཕགས་ཀྱི་སྐུ་རིང་ལ། དགེ་སློང་ཨཱ་ནནྡ་མངྒ་ལས་དཔལ་འཁོར་བདེ་ཆེན་གྱི་གཙུག་ལག་ཁང་དུ་བི་ཀྲ་མ་ལ་ཤི་ལའི་གཙུག་ལག་ཁང་གི་རྒྱ་དཔེ་ལ་གཏུགས་ནས། མི་འཆོས་སུ་མི་རུང་བ་རྣམས་ལེགས་
[145b.5]པར་བཅོས་ཏེ་དག་པར་བགྱིས་པ་རྣམས་བཞུགས་སོ། གཉིས་པ་པདྨའི་རིགས་ཀྱི་རྒྱུད་ནི་མི་བཞུགས་སོ། གསུམ་པ་རྡོ་རྗེའི་རིགས་ཀྱི་རྒྱུད་ནི། གླེགས་བམ་སྟེ། འཕགས་པ་ཕྱག་ན་རྡོ་རྗེ་དབང་བསྐུར་བའི་རྒྱུད་འོག་མིན་དུ་
[145b.6]གསུངས་པ་དང་། གྲོང་ཁྱེར་དཔལ་ཡོན་ཅན་དུ་གསུངས་པ་གཉིས་ལ་བམ་པོ་བཅུ་གཉིས་ཡོད་པ་ད་དུང་མཇུག་ཅུང་ཟད་མ་རྫོགས་པར་གྲགས་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། ལྷ་མོ་བརྒྱད་
[145b.7]ཀྱི་གཟུངས་རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་རྡོ་རྗེ་ས་འོག་གི་རྒྱུད་ཅེས་བྱ་བ་ལེའུ་བཅུ་གསུམ། ཁ་ཆེའི་པཎྜི་ཏ་ཙེ་ལུ་དང་། ལོ་ཙཱ་བ་འཕགས་པ་
[146a.1]ཤེས་རབ་ཀྱི་འགྱུར། འདིའི་སྔགས་བཏུའི་སྐབས་སུ་འགའ་ཞིག་གིས་ཐེ་ཚོམ་མཛད་པའང་ཡོད་དོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་ས་འོག་ཅེས་བྱ་བའི་རྒྱུད་ལེའུ་བདུན་པ། རྒྱ་གར་གྱི་མཁན་པོ་དཱི་པཾ་ཀ་ར་
[146a.2]དང་། ལོ་ཙཱ་བ་བྱའི་གདོང་པ་ཅན་གྱི་འགྱུར། རྡོ་རྗེ་ས་གསུམ་དུ་རྒྱུ་བ་ཞེས་བྱ་བའི་རྟོག་པ་ལྔ་པ། རྒྱ་གར་གྱི་མཁན་པོ་ཀུ་མཱ་ར་བཛྲ་དང་། ར་བྱིད་ལོ་ཙཱའི་འགྱུར། ལག་ན་རྡོ་རྗེ་གོས་སྔོན་པོ་ཅན་འཇིག་རྟེན་གསུམ་འདུལ་གྱི་རྒྱུད་ལེའུ་
[146a.3]ལྔ་པ། རྒྱ་གར་གྱི་མཁན་པོ་དཱི་པཾ་ཀ་ར་དང་། ལོ་ཙཱ་བ་རིན་ཆེན་བཟང་པོའི་འགྱུར་རྣམས་སོ། །རྩ་བའི་ས་བཅད་བཞི་བ་བྱ་བའི་རྒྱུད་ལ། བྱ་བ་སོ་སོའི་རྒྱུད་དང་། སྤྱིའི་རྒྱུད་གཉིས་བཞུགས་སོ། དང་པོ་ལ་དེ་བཞིན་གཤེགས་པའི་རིགས། པདྨའི་
[146a.4]རིགས། རྡོ་རྗེའི་རིགས། ནོར་ཅན་གྱི་རིགས། རྒྱས་པའི་རིགས། འཇིག་རྟེན་པའི་རིགས་ཏེ་དྲུག་དང་། ཕྱོགས་མ་བརྟགས་པའི་གཟུངས་ཕྲན་འགའ་ཞིག་ཕྱོགས་གཅིག་ཏུ་བཀོད་པ་སྟེ་བདུན། དང་པོ་ལའང་རིགས་ཀྱི་གཙོ་བོ་སོགས་
[146a.5]བརྒྱད་དུ་དབྱེ་བ་ལས། དང་པོ་རིགས་ཀྱི་གཙོ་བོའི་རྒྱུད་ནི། དམ་ཚིག་གསུམ་བཀོད་པའི་རྒྱལ་པོའི་རྒྱུད་ལེའུ་བཅུ་དགུ་པ། ཀྲྀཥྞ་པཎྜི་ཏ་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་
[146a.6]གྱི་ཁྱད་པར་རྒྱལ་པ་ཞེས་བྱ་བ་ཐེག་པ་ཆེན་པོའི་མདོ་ཤློ་ཀ་བརྒྱད་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ།
[146a.7]འཕགས་པ་བཅོམ་ལྡན་འདས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོའི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཞེས་བྱ་བའི་མདོ་འགྱུར་བྱང་སྔ་མ་དང་འདྲ་བ། འཕགས་པ་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པ་བཻ་ཌཱུརྱའི་འོད་ཅེས་བྱ་བའི་
[146b.1]གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར་ལ། དགེ་སློང་ཚུལ་ཁྲིམས་རྒྱལ་བས་སྐད་གསར་བཅས་ཀྱིས་བཅོས་པ། འཕགས་པ་སྨན་ལ་སྔགས་
[146b.2]ཀྱིས་གདབ་པ། འཕགས་པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པ། གསང་བའི་ཆོ་ག་ཞིབ་མོའི་རྒྱལ་པོ་ཞེས་བྱ་བའི་གཟུངས་ལེའུ་བདུན་པ། རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ལོ་ཙཱ་
[146b.3]བ་བནྡེ་དཔལ་གྱི་ལྷུན་པོའི་འགྱུར་ལ། སླད་ནས་རྒྱ་གར་གྱི་མཁན་པོ་བིདྡྷཱ་ཀ་ར་པྲ་བྷ་དང་། ལོ་ཙཱ་བ་དཔལ་བརྩེགས་ཀྱིས་ཞུས་པ་རྣམས་བཞུགས་སོ། །ན་པ་ལ། དེ་བཞིན་གཤེགས་པ་ཐམས་ཅད་ཀྱི་གསང་བ་རིང་བསྲེལ་གྱི་ཟ་མ་ཏོག་གི་
[146b.4]གཟུངས། པཎྜི་ཏ་བིདྱ་ཀ་ར་པྲ་བྷ་དང་། ལོ་ཙཱ་བ་རྩངས་དེ་ཝེནྡྲ་རཀྵི་ཏའི་འགྱུར། བྱང་ཆུབ་སྙིང་པོའི་རྒྱན་འབུམ་ཞེས་བྱ་བའི་གཟུངས་འགྱུར་བྱང་མེད་པ། འདི་ལ་དཔུང་བཟང་གི་ཚིག་དོན་འགྲེལ་པའི་བརྗེད་བྱང་དུ་ལུང་དྲངས་དེ་མེད་པས་
[146b.5]སྔར་བོད་དུ་ཡོངས་སུ་རྫོགས་པར་འགྱུར་བ་ཞིག་ཡོད་འདྲ་ཞེས་བླ་མ་རྣམས་གསུངས་པ། འཕགས་པ་འོད་ཟེར་དྲི་མ་མེད་པ་རྣམས་དག་པའི་འོད་ཅེས་བྱ་བའི་གཟུངས། རྒྱ་གར་གྱི་མཁན་པོའི་བྱ་ཀ་ར་སི་ངྷི་དང་། ལོ་ཙཱ་བ་ཎྡེ་དཔལ་གྱི་ལྷུན་པོའི་
[146b.6]སྡེའི་འགྱུར་ལ། སླར་ཡང་ཇོ་བོ་ཨ་ཏི་ཤ་དང་། འབྲོམ་སྟོན་པས་དག་པར་བགྱིས་པ། འཕགས་པ་སངས་རྒྱས་བཅུ་གཉིས་པ་ཞེས་བྱ་བ་ཐེག་པ་ཆེན་པོའི་མདོ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་
[146b.7]ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ་དང་། འཕགས་པ་སངས་རྒྱས་བདུན་པ་ཞེས་བྱ་བ་ཐེག་པ་ཆེན་པོའི་མདོ་འགྱུར་བྱང་མེད་པ་སྟེ། འདི་གཉིས་མདོ་ཕྱོགས་སྐབས་སུའང་སྔར་ནས་སྣང་མོད་ཀྱི། བྱ་བའི་རྒྱུད་ཀྱི་གཟུངས་གྲས་སུའང་
[147a.1]མི་འགལ་བར་བཤད་པས་བྲིས་སོ། །འཕགས་པ་སངས་རྒྱས་ཐམས་ཅད་ཀྱི་ཡན་ལག་དང་ལྡན་པ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། སངས་
[147a.2]རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་འགྱུར་བྱང་སྔ་མ་དང་འདྲ་བ། འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་འགྱུར་གོང་དང་འདྲ་བ་ལ། །སྐད་གསར་བཅད་ཀྱིས་བཅོས་པ། འཕགས་པ་མེ་ཏོག་བརྩེགས་པའི་
[147a.3]གཟུངས་འགྱུར་བྱང་མེད་པ། འཕགས་པ་དྲི་མ་མེད་པ་ཞེས་བྱ་བའི་གཟུངས་དང་། འཕགས་པ་ཙནྡན་གྱི་ཡན་ལག་ཅེས་བྱ་བའི་གཟུགས་གཉིས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་
[147a.4]བསྒྱུར་ཅིང་། སྐད་གསར་བཅད་ཀྱིས་བཅོས་པ། འཕགས་པ་རྟེན་ཅིང་འབྲེལ་བར་འབྱུང་བའི་སྙིང་པོའི་ཆོ་གའི་གཟུངས། དགེ་སློང་ནེར་བན་རཀྱི་ཏས་ཐོ་གར་གྱི་ཡུལ་ནས་རྙེད་པ། རྟེན་ཅིང་འབྲེལ་བར་འབྱུང་བ་ཞེས་བྱ་བ་ཐེག་པ་ཆེན་པོའི་མདོ་དང་།
[147a.5]རྟེན་ཅིང་འབྲེལ་བར་འབྱུང་བའི་སྙིང་པོ་གཉིས་འགྱུར་བྱང་མེད་པ། ཡེ་ཤེས་ཏ་ལ་ལའི་གཟུངས་འགྱུར་བྱང་མེད་པ། སའི་དབང་པོ་ཆེན་པོའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་
[147a.6]འགྱུར། གདོན་མི་ཟ་བའི་གཟུངས་འགྱུར་བྱང་མེད་པ། སྒོ་མཐའ་ཡས་པ་སྒྲུབ་པའི་གཟུངས་དང་། འཕགས་པ་སྒོ་དྲུག་པའི་གཟུངས་གཉིས་འགྱུར་བྱང་མེད་པ། འདི་གཉིས་མདོ་མང་དུ་སྣང་ནའང་། སྔགས་སུ་བཀྲལ་བ་ཡོད་པས་
[147a.7]འདིར་ཡང་བྲིས། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོའི་གཟུངས། རྒྱ་གར་གྱི་མཁན་པོ་པྲ་ཛྙཱཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པའི་འགྱུར། འདིའང་མདོར་བཞུགས་པ་ཡིན་ཀྱང་། དཀྱིལ་འཁོར་གྱི་ཆོ་ག་སོགས་
[147b.1]བསྟན་པས། སྔགས་སུ་མི་འགལ་བའི་ཕྱིར་འདིར་བྲིས། །འཕགས་པ་རིགས་སྔགས་ཀྱི་རྒྱལ་མོ་སྒྲོན་མ་མཆོག་གི་གཟུངས་འགྱུར་བྱང་མེད་པ། འཕགས་པ་གཟུངས་ཆེན་མོ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་
[147b.2]ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཡི་གེ་ཉུང་ངུ་ཞེས་བྱ་བའི་མདོ་འགྱུར་བྱང་མེད་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ།
[147b.3]རྒྱ་གར་གྱི་མཁན་པོ་བི་མ་ལ་མི་ཏྲ་དང་། ལོ་ཙཱ་བ་རིན་ཆེན་སྡེའི་འགྱུར་ལ་ལོ་ཙཱ་བ་དགེ་བློ་དང་། ནམ་མཁའ་ལ་སོགས་པས་ཞུས་པ། འདིའང་མདོ་ཕྱོགས་སུ་བཞུགས་མོད་ཀྱི། ཀླུ་སྒྲུབ་ཀྱིས་སྒྲུབ་ཐབས་མཛད་པས་སྔགས་སུ་བགྲང་བ་ཡིན་ནོ། །
[147b.4]སངས་རྒྱས་བཅོམ་ལྡན་འདས་ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་ཤཱཀྱ་ཐུབ་པའི་སྙིང་པོའི་གཟུངས། འཕགས་པ་རྣམ་པར་སྣང་མཛད་ཀྱི་སྙིང་པོའི་གཟུངས། ཟླ་འོད་ཀྱི་མཚན་རྗེས་སུ་དྲན་པའི་གཟུངས། དེ་
[147b.5]བཞིན་གཤེགས་པ་སྤྱིའི་སྙིང་པོ་རྗེས་སུ་དྲན་པའི་གཟུངས། སངས་རྒྱས་རིན་ཆེན་གཙུག་ཏོར་ཅན་གྱི་མཚན་རྗེས་སུ་དྲན་པའི་གཟུངས། {D538}མཆོད་པའི་སྤྲིན་གྱི་གཟུངས། {D539}ཕྱག་དང་། {D539a}བསྟོད་པ་དང་། {D539b}བྱིན་རླབས་དང་། {D539c}མཆོད་པའི་སྤྲིན་འབྱུང་བ་
[147b.6]དང་། {D539d}མཆོད་པ་དང་། {D539e}བསྙེན་གནས་དང་། {D539f}ཕྱག་བྱས་པར་འགྱུར་བ་དང་། {D539g}རིན་པོ་ཆེ་བརྡར་བའི་གཟུངས། {D539h}པདྨའི་སྤྱན་གྱི་གཟུངས། སུ་རཱུ་པའི་གཟུངས། འཇིགས་པ་ཆེན་པོ་བརྒྱད་ལས་སྒྲོལ་བའི་གཟུངས་རྣམས་ལ་འགྱུར་བྱང་
[147b.7]མེད་པ། འཕགས་པ་ཁྱད་པར་ཅན་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འདི་ལ་ཁ་ཅིག་གིས་སྦྲུལ་ལོ་དགུན་ཟླ་ར་བའི་ཚེས་ཉི་ཤུ་ལ་ཞེས་ཡོད་པས། རྒྱ་གར་
[148a.1]ན་སྦྲུལ་ལོ་སོགས་ཀྱི་ཐ་སྙད་མེད་པས། །ཐེ་ཚོམ་ཟ་ཞེས་ཟེར་ཀྱང་། སྟག་ལུང་དུ་བི་ཀྲ་མ་ལ་ཤཱི་ལའི་པཎྜི་ཏ་མངྒ་ལ་ཤྲཱི་ཛྙཱ་ནའི་ཕྱག་བྲིས་ཀྱི་འདིའི་རྒྱ་དཔེ་ཡོད་འི་ཕྱིར་དང་། ནཱ་ག་བརྟ་ཞེས་བྱུང་བ་ཀླུའི་ལོའམ། སྦྲུལ་གྱི་ལོ་གང་
[148a.2]རིགས་སུ་བསྒྱུར་ཆོག་ལ། དེ་ནི་ཀླུ་དང་སྦྲུལ་ཞེས་པ་གྲངས་བརྒྱད་ལ་འཇུག་པས། ཐུབ་པ་སངས་རྒྱས་ནས་ལོ་བརྒྱད་པ་ན། ཞེས་བྱ་བའི་དོན་ཡིན་ནོ་ཞེས་ཆག་ལོ་གསུམ་པ་བཞེད་དོ། །ལོ་གཉིས་པ་དེ་བཞིན་གཤེགས་པའི་རིགས་ཀྱི་འཁོར་ལོས་
[148a.3]སྒྱུར་བའི་རྒྱུད་ལ། འཕགས་པ་འཇམ་དཔལ་གྱི་རྩ་བའི་རྟོག་པ་སུམ་ཅུ་རྩ་དྲུག་པ། རྒྱ་གར་གྱི་མཁན་པོ་ཀུ་མཱ་ར་ཀ་ལཱ་ཤ་དང་། ལོ་ཙཱ་བ་ཤཱཀྱ་བློ་གྲོས་ཀྱིས་བསྒྱུར་བ་རྣམས་བཞུགས་སོ། །པ་པ་ལ། འཇམ་དཔལ་དཔའ་བོ་གཅིག་པུ་སྒྲུབ་པ་ཞེས་བྱ་བའི་
[148a.4]རྒྱུད་ཀྱི་རྒྱལ་པོ་ལེའུ་བཞི་བ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་བའི་བློ་གྲོས་ཀྱི་འགྱུར་ལ། ཚུལ་ཁྲིམས་རྒྱལ་བས་གཏན་ལ་ཕབ་པ། །འཇམ་དཔལ་གྱི་ཞལ་ནས་གསུངས་པའི་གཟུངས། རྒྱ་གར་གྱི་མཁན་པོ་ཛྙཱ་ན་
[148a.5]གབྷ་དང་། ལོ་ཙཱ་བ་བནྡེ་ཀླུའི་དབང་པོས་བསྒྱུར་ཅིང་། རྒྱ་གར་གྱི་མཁན་པོ་བི་ཤུདྡྷཱ་སིདྷ་དང་། །ལོ་ཙཱ་བ་དེ་བ་ཙནྡྲས་གཏན་ལ་ཕབ་པ། འཇམ་དཔལ་གྱིས་དམོད་བཙུགས་པའི་གཟུངས། འཇམ་དཔལ་གྱིས་དམ་བཅས་པའི་གཟུངས།
[148a.6]འཇམ་དཔལ་གྱི་མཚན་གཟུངས། འཇམ་དཔལ་ཤེས་རབ་བློ་འཕེལ་གྱི་གཟུངས། འཇམ་དཔལ་ཡིག་འབྲུ་གཅིག་པ། བཅོམ་ལྡན་འདས་ཀྱིས་འཇམ་དཔལ་རྣོན་པོ་ལ་བསྟོད་པ། འཇམ་དཔལ་ལ་བུ་མོ་བརྒྱད་ཀྱིས་བསྟོད་པ་རྣམས་སོ། །
[148a.7]གསུམ་པ་གཤེགས་རིགས་ཀྱི་ཡུམ་ལ། ཤེས་ཕྱིན་མཚན་བརྒྱ་རྩ་བརྒྱད་པ། ཤེས་ཕྱིན་ཀོ་ཤི་ཀ་རྣམས་ལ་འགྱུར་བྱང་མ་འཁོད་པ། འཕགས་པ་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ། བམ་པོ་བཅུ་དང་ལེའུ་སོ་གཅིག་པ། ཞུ་
[148b.1]ཆེན་གྱི་ལོ་ཙཱ་བ་འགོས་ཆོས་འགྲུབ་ཀྱིས་རྒྱའི་དཔེ་ལས་བསྒྱུར་བ། འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བའི་མདོ། བམ་པོ་བཅུ་དང་ལེའུ་ཉེར་དགུ་བ། པཎྜི་ཏ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་
[148b.2]ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་གཏན་ལ་ཕབ་པ་རྣམས་བཞུགས་སོ། །ཕ་པ་ལ། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བའི་མདོ། བམ་པོ་ལྔ་དང་ལེའུ་ཉི་ཤུ་རྩ་གཅིག་འགྱུར་བྱང་མ་འཁོད་པ། དེ་ལྟར་
[148b.3]ཤེས་ཕྱིན་གྱི་མདོ་ཕྲན་འདི་དག་ནི། མདོ་ཕྱོགས་སུ་སྔོན་གྱི་དཀར་ཆག་ཆེན་མོ་རྣམས་ལྟར་ཤེས་ཕྱིན་ཕྱོགས་གཅིག་ཏུ་བྱ་བའི་ཕྱིར་བཞུགས་པ་ཡིན་ཀྱང་། གཟུངས་སྔགས་ཡོད་པ་ཕལ་ཆེར་གྱི་གཟུངས་སྔགས་རྣམས་བྱ་བའི་རྒྱུད་དུ་བསྡུས་ཆོག་པར་ལུང་རིགས་མང་
[148b.4]པོ་ལ་བརྟེན་ནས་བླ་མ་རྣམས་བཞེད་པ་དང་། གཤེགས་རིགས་ཀྱི་ཡུམ་ཡིན་པའི་ཕྱིར་འདིར་ཡང་བཀོད་པ་ཡིན་ལ། ཁྱད་པར་གསེར་འོད་དམ་པའི་མདོ་སྡེ་ནི། གཟུངས་སྔགས་བསྒྲུབ་པའི་ཆོ་ག །བྲིས་སྐུའི་སྒྲུབ་ཐབས། སྦྱིན་སྲེག་གི་ཆོ་ག་
[148b.5]སོགས་བསྟན་པས། ངེས་པར་སྔགས་སུ་འཐད་པའི་ཕྱིར། མདོ་གྲས་སུ་མ་བཀོད་པར་འདིར་བཞུགས་སུ་བཅུག་པ་ཡིན་ཞིང་། བུ་སྟོན་གྱིས་ཀྱང་རྒྱུད་སྡེ་སྤྱི་རྣམ་དུ་ངེས་པར་རྒྱུད་འཐད་པའི་ལུང་རིགས་གཉི་ག་བཀོད་སྣང་ངོ༌། སྟོང་ཆེན་མོ་རབ་ཏུ་
[148b.6]འཇོམས་པ་ཞེས་བྱ་བའི་མདོ་བམ་པོ་གཉིས་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙཱ་ན་སིདྡྷི་དང་། ཤཱཀྱ་པྲ་བྷ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ་ལ། སླད་ནས་ལོ་ཙཱ་བ་གཞོན་ནུ་དཔལ་
[148b.7]གྱིས་ཆག་ལོའི་རྒྱ་དཔེ་དང་བསྟུན་ནས་ཞུས་པ། རིག་སྔགས་ཀྱི་རྒྱལ་པོ་རྨ་བྱ་ཆེན་མོ་བློ་ཀ་བདུན་བརྒྱ་བ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙ་ན་སིདྡྷི་དང་། ཤཱཀྱ་པྲ་བྷ་དང་། ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་རིག་སྔགས་
[149a.1]ཀྱི་རྒྱལ་མོ་རྨ་བྱའི་ཡང་སྙིང་འགྱུར་བྱང་མ་འཁོད་པ། འཕགས་པ་རིག་པའི་རྒྱལ་མོ་སོ་སོར་འབྲང་བ་ཆེན་མོ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་
[149a.2]ཀྱིས་བཅོས་པ་ལ། སླར་ཡང་ལོ་ཙཱ་བ་གཞོན་ནུ་དཔལ་གྱིས་ཆག་ལོའི་རྒྱ་དཔེ་དང་བསྟུན་ནས་ཞུས་པ། རིག་སྔགས་ཀྱི་རྒྱལ་མོ་བསིལ་བའི་ཚལ་གྱི་མདོ་ཆེན་པོ་དང་། གསང་སྔགས་ཆེན་མོ་རྗེས་སུ་འཛིན་པའི་མདོ། པཎྜི་ཏ་ཤྲཱི་ལེནྡྲ་བོ་དྷི་དང་།
[149a.3]ཛྙ་ན་སིདྡྷི་དང་། ཤཱཀྱ་པྲ་བྷ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། །འཕགས་མ་འོད་ཟེར་ཅན་ཞེས་བྱ་བའི་གཟུངས། པཎྜི་ཏ་ཨ་མོ་གྷ་བཛྲ་དང་། ལོ་ཙཱ་བ་རིན་ཆེན་གྲགས་ཀྱི་འགྱུར། འཕགས་
[149a.4]མ་འོད་ཟེར་ཅན་འབྱུང་བའི་རྒྱུད་ལས་ཕྱུང་བའི་རྟོག་པ་ཇི་སྙེད་པ་འགྱུར་བྱང་མེད་པ། སྒྱུ་མ་འོད་ཟེར་ཅན་གྱི་དཀྱིལ་ཆོག་འགྱུར་བྱང་མེད་པ། འཕགས་པ་རིག་སྔགས་ཀྱི་རྒྱལ་མོ་རྒྱལ་བ་ཅན། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་
[149a.5]ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་རྒྱལ་བ་ཅན་ཞེས་བྱ་བའི་གཟུངས་འགྱུར་བྱང་མེད་པ། འཕགས་པ་དབང་བསྐུར་བའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། །འཕགས་པ་དབྱིག་དང་
[149a.6]ལྡན་པ་ཞེས་བྱ་བའི་གཟུངས། འཕགས་པ་དུག་སེལ་ཞེས་བྱ་བའི་རིག་སྔགས། བཀླགས་པས་གྲུབ་པ་བཅོམ་ལྡན་འདས་མ་འཕགས་མ་སོར་མོ་ཞེས་བྱ་བ། ཆོས་ཐམས་ཅད་ཀྱི་ཡུམ་ཞེས་བྱ་བའི་གཟུངས་རྣམས་འགྱུར་བྱང་མ་འཁོད་པ།
[149a.7]འཕགས་པ་གཙུག་གི་ནོར་བུའི་གཟུངས། རྒྱ་གར་གྱི་མཁན་པོ་ཤྲཱི་ལེནྡྲ་བོ་དྷི་དང་། ལོ་ཙཱ་བ་ཡེ་ཤེས་སྡེའི་འགྱུར། ཡི་གེ་དྲུག་པའི་རིག་སྔགས། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་བའི་གཟུངས། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་
[149b.1]ཉི་ཤུ་ལྔ་བའི་གཟུངས། ཤེས་ཕྱིན་བརྒྱད་སྟོང་པའི་གཟུངས། ཕར་ཕྱིན་དྲུག་གི་སྙིང་པོའི་གཟུངས། ཕར་ཕྱིན་དྲུག་གཟུང་བར་འགྱུར་བའི་གཟུངས། ཕར་ཕྱིན་བཅུ་ཐོབ་པར་འགྱུར་བའི་གཟུངས། ཚད་མེད་པ་བཞི་ཐོབ་པའི་གཟུངས། ཤེས་ཕྱིན་
[149b.2]སྟོང་ཕྲག་བརྒྱ་བ་གཟུང་བར་འགྱུར་བའི་གཟུངས། འཕགས་པ་ཕལ་པོ་ཆེ་གཟུང་བར་འགྱུར་བའི་གཟུངས། འཕགས་པ་སྡོང་པོ་བཀོད་པ་གཟུང་བར་འགྱུར་བའི་གཟུངས། འཕགས་པ་ཏིང་ངེ་འཛིན་རྒྱལ་པོ་གཟུང་བར་འགྱུར་བའི་གཟུངས། རྨ་བྱ་ཆེན་
[149b.3]མོ་གཟུང་བར་འགྱུར་བའི་གཟུངས། སོ་སོར་འབྲང་མ་གཟུང་བར་འགྱུར་བའི་གཟུངས། ལང་ཀར་གཤེགས་པའི་མདོ་ཐམས་ཅད་བཀླགས་པར་འགྱུར་བའི་གཟུངས་ཏེ། འདི་རྣམས་ཀྱང་གཞན་ནས་བཀོལ་བ་མདོ་ཕྱོགས་སུ་གཏོགས་པ་ཡིན་ཀྱང་གོང་དུ་
[149b.4]བཤད་པ་ལྟར་རྒྱུད་དུའང་མི་འགལ་བའི་ཕྱིར་དང་། གཟུངས་རྣམས་ཕྱོགས་གཅིག་ཏུ་བྱ་བའི་ཕྱིར་འདིར་བྲིས་སོ། །བཞི་བ་གཤེགས་རིགས་ཀྱི་གཙུག་ཏོར་ལ། འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུགས་དཀར་པོ་
[149b.5]ཅན་གཞན་གྱིས་མི་ཐུབ་པ་ཕྱིར་བཟློག་པའི་རིག་སྔགས་ཀྱི་རྒྱལ་མོ་ཞེས་བྱ་བ་འགྱུར་བྱང་མ་འཁོད་པ། འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པ་ཕྱིར་བཟློག་པ་ཆེན་མོ་མཆོག་ཏུ་གྲུབ་པ་
[149b.6]ཞེས་བྱ་བའི་གཟུངས། པཎྜི་ཏ་པ་ར་ཧི་ཏ་པྲ་བྷ་དང་། ལོ་ཙཱ་བ་གཟུ་དགའ་རྡོར་གྱིས་བསྒྱུར་ཅིང་ཁ་ཆེའི་ཡུལ་བདུད་རྩི་འབྱུང་གནས་ཀྱི་གཙུག་ལག་ཁང་གི་དཔེ་རྙིང་ལ་གཏུགས་ནས་གཏན་ལ་ཕབ་པ། འཕགས་པ་དེ་བཞིན་གཤེགས་པའི་གཙུག་ཏོར་
[149b.7]ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པའི་གཟུངས། མི་ཡུལ་མའམ་ལྷ་ཡུལ་མ་ཆེ་བར་གྲགས་པ་འགྱུར་བྱང་མ་འཁོད་པ། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་
[150a.1]བ་ལྷ་ཡུལ་མ་ཆུང་བར་གྲགས་པ། ཁ་ཆེའི་པཎྜི་ཏ་མ་ཧཱ་ཛྙཱ་ནའི་རང་འགྱུར། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་ཞེས་བྱ་བའི་གཟུངས་རྟོག་པ་དང་བཅས་པ། པཎྜི་ཏ་ཆོས་ཀྱི་སྡེ་དང་། ལོ་ཙཱ་བ་བ་རའི་འགྱུར། ཡང་དེ་
[150a.2]བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་རྟོག་པ་དང་བཅས་པ་འཆི་བདག་གི་དབྱུག་པ་འཛིན་པར་གྲགས་པ་འགྱུར་བྱུང་མ་འཁོད་པ། འཕགས་པ་གཙུག་གཏོར་རྣམ་པར་རྒྱལ་བའི་གཟུངས་རྟོག་པ་དང་བཅས་པ་ཆུང་འགྱུར་བྱང་མེད་
[150a.3]པ། འཕགས་ངན་འགྲོ་ཐམས་ཅད་ཡོངས་སུ་སྦྱོང་བ་གཙུག་གཏོར་རྣམ་པར་རྒྱལ་བ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་
[150a.4]ཏོར་རྣམ་པར་རྒྱལ་བའི་གཟུངས་རྟོག་པའི་རབ་བྱེད་དང་པོ། ནེའུ་མཁན་པོའི་གསུང་བཞིན། ཐར་པ་ལོ་ཙཱ་བ་ཉི་མ་རྒྱལ་མཚན་དཔལ་བཟང་པོའི་འགྱུར། ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་ཞེས་བྱ་པའི་གཟུངས། རྒྱ་གར་གྱི་མཁན་
[150a.5]པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། གཙུག་ཏོར་འབར་བ་ཞེས་བྱ་བའི་གཟུངས། ཤེས་པ་ཐམས་ཅད་མཐར་ཕྱིན་པར་སྒྲུབ་པའི་མཆོད་རྟེན་ཞེས་བྱ་བའི་གཟུངས། མཆོད་རྟེན་གཅིག་བཏབ་ན་བྱེ་བ་བཏབ་པར་འགྱུར་བའི་
[150a.6]གཟུངས། སྙིང་རྗེ་མཆོག་ཅེས་བྱ་བའི་གཟུངས་རྣམས་ལ་འགྱུར་བྱང་མ་འཁོད་པ་རྣམས་སོ། །ལྔ་བ་གཤེགས་རིགས་ཀྱི་ཁྲོ་བོ་ཁྲོ་མོའི་རྒྱུད་ལ། ཁྲོ་བོ་ཁམས་གསུམ་རྣམ་པར་རྒྱལ་བ་ཤིན་ཏུ་གསང་བའི་རྩ་བའི་རྒྱུད་རིམ་པར་ཕྱེ་བ་བཅུས་པ་ལས་རིམ་པར་ཕྱེ་བ་བདུན་
[150a.7]པ་ཡན་རྣམས་བཞུགས་སོ། །བ་པ་ལ། ཁྲོ་བོ་ཁམས་གསུམ་རྣམ་པར་རྒྱལ་བ་ཤིན་ཏུ་གསང་བ་རྩ་བའི་རྒྱུད་ལས་སྡ་མའི་འཕྲོས་རིམ་པར་ཕྱེ་བ་བརྒྱད་པ་དང་། དེའི་རྒྱུད་ཕྱི་མ་རྟོག་པ་བཅུ་པ། ཕྱི་མའི་ཡང་ཕྱི་མའི་ཡང་ཕྱི་མེ་དང་བཅས་པ་ཐབས་ད་བསྡོམས་པས་ལེའུ་ཉེར་
[150b.1]གཉིས་པ་སྟེ། །འདི་ལ་སྔ་རབས་པ་རྣམས་ལ་གཤིན་རྗེ་སྤྲ་ཁོག་སྣང་དུའང་གྲགས་ཤིང་། སློབ་དཔོན་པདྨའི་སློབ་མ་བིདྱ་ཀ་ར་པྲ་བྷ་དང་གནུབས་ནམ་མཁའི་སྙིང་པོའི་འགྱུར་སོགས་འགྱུར་རྙིང་གསུམ་ཙམ་བྱུང་བ། ཕྱིས་རོང་ཟོམ་ཆོས་བཟང་གིས་རྒྱ་དཔེ་གཉིས་
[150b.2]ལ་གཏུགས་ནས་འགྱུར་བཅོས་མཛད་པར་བཤད་ཀྱང་ཚལ་པ་བཀའ་འགྱུར་དང་རྒྱལ་རྩེ་ཐེམ་སྤངས་མ་གཉི་གར་འགྱུར་བྱང་མ་བཀོད་པར་སྣང་ངོ༌། །དེས་ན་འདིའི་ཚིག་རིས་རྣམས་གསང་སྔགས་སྔ་འགྱུར་དང་མཐུན་པས་འགོས་ཁུག་པ་ལྷས་བཙས་ཀྱིས་ཀྱང་
[150b.3]གནུབས་སངས་རྒྱས་ཡེ་ཤེས་ཀྱིས་བརྩམས་སོ་ཞེས་བསྒྲགས་མོད་ཀྱི། བཤད་མ་ཐག་པ་ལྟར་ཚད་ལྡན་གྱི་རྒྱ་དཔེ་ཅན་ཡིན་པ་དང་། འདིའི་ལུང་ཨ་བྷ་ཡཱ་ཀ་རས་དཀྱིལ་ཆོག་རྡོར་ཕྲེང་དུ་དྲངས་པ་དང་། ཚད་ལྡན་གྱི་མཁས་པ་མང་པོས་རྩོད་མེད་དུ་བཀུར་
[150b.4]བའི་ཕྱིར། གསུང་དེ་ནི་སྔགས་ལོག་སུན་འབྱིན་ཟོང་མར་གཏོང་བའི་གསུང་དུ་ངེས་ཏེ་ཞིབ་པར་ངོར་ཆེན་གྱི་སྤྱོད་རྒྱུད་རྣམ་བཤད་དུ་ལྟོས་ཤིག །འཕགས་པ་རྡོ་རྗེ་འཇིགས་བྱེད་ཀྱི་གཟུངས་པཎྜི་ཏ་དོན་ཡོད་རྡོ་རྗེས་བསྒྱུར་ཅིང་སྐྱོ་འོད་འབྱུང་ལ་གནང་བ། འཕགས་
[150b.5]པ་བེ་ཅོན་ཆེན་པོ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། གཞན་གྱིས་མི་ཐུབ་པ་རིན་པོ་ཆེའི་ཕྲེང་བ་ཞེས་བྱ་བའི་གཟུངས། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་ཡེ་
[150b.6]ཤེས་སྡེའི་འགྱུར། བར་དུ་གཅོད་པ་ཐམས་ཅད་རྣམ་པར་སྦྱོང་བའི་གཟུངས། འཕགས་པ་ཐམས་ཅད་ལ་མི་འཇིགས་པ་སྦྱིན་པ་ཞེས་བྱ་བའི་གཟུགས། འཕགས་པ་འགྲོ་ལྡིང་བའི་རིག་སྔགས་ཀྱི་རྒྱལ་པོ་རྣམས་རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་
[150b.7]ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། ཚིགས་སུ་བཅད་པ་གཉིས་པའི་གཟུངས་འགྱུར་བྱང་མེད་པ། རྒྱལ་མཚན་རྩེ་མོའི་དཔུང་རྒྱན་ཞེས་བྱ་བའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་
[151a.1]ལྷ་མོ་སྐུལ་བྱེད་མའི་གཟུངས་འགྱུར་བྱང་མེད་པ་རྣམས་སོ། །དྲུག་པ་གཤེགས་རིགས་ཀྱི་ཕོ་ཉ་མོའི་རྒྱུད་ལ། འཕགས་པ་སྒོ་བཟང་པོ་ཞེས་བྱ་བའི་གཟུངས་དང་། འཕགས་པ་བུ་མང་པོ་རྟོན་པ་ཞེས་བྱ་བའི་གཟུངས། རྒྱ་གར་གྱི་མཁན་པོ་
[151a.2]ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་རོ་ལངས་བདུན་པ་ཞེས་བྱ་བའི་གཟུངས་ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་མཚན་མོ་བཟང་པོའི་མདོ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་
[151a.3]ཡེ་ཤེས་སྡེའི་འགྱུར་ཏེ་འདིའང་མདོ་ཕྱོགས་སུ་ཡོད་མོད་རྒྱུ་མཚན་གོང་སོང་ལྟར་འདིར་ཡང་བཅུག་ཅིང་བུ་སྟོན་སོགས་ཀྱིས་ཀྱང་གཟུངས་ཀྱི་གྲྭར་བཞག་སྣང་ངོ༌། །འཕགས་པ་མདངས་ཕྱིར་འཕྲོག་པའི་རིག་སྔགས། འཕགས་པ་མིག་རྣམ་པར་སྦྱོང་བའི་རིག་སྔགས། །
[151a.4]འཕགས་པ་མིག་ནད་རབ་ཏུ་ཞི་བར་བྱེད་པའི་མདོ་རྣམས་ལ་འགྱུར་བྱང་མ་འཁོད་པ། འཕགས་པ་གཞང་འབྲུམ་རབ་ཏུ་ཞི་བར་བྱེད་པའི་མདོ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་ནད་ཐམས་ཅད་རབ་ཏུ་ཞི་བར་
[151a.5]བྱེད་པ་ཞེས་བྱ་བའི་གཟུངས་གཉིས། རིམས་ནད་ཞི་བའི་གཟུངས་རྣམས་ལ་འགྱུར་བྱང་མ་འཁོད་པ། འཕགས་པ་རིམས་ནད་རབ་ཏུ་ཞི་བར་བྱེད་པའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འབྲུམ་བུའི་ནད་
[151a.6]ཞི་བར་བྱེད་པའི་གཟུངས། མདངས་ཕྱིར་མི་འཕྲོག་པའི་གཟུངས་གཉིས་འགྱུར་བྱང་མ་འཁོད་པ། འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་མི་རྒོད་རྣམ་པར་འཇོམས་པ་ཞེས་
[151a.7]བྱ་བའི་གཟུངས་དང་། འཕགས་པ་བར་དུ་གཅོད་པ་ཐམས་ཅད་རྣམ་པར་སེལ་བའི་གཟུངས་གཉིས་འགྱུར་བྱང་མེད་པ་རྣམས་སོ། །ཕོ་ཉའི་འཁོར་དུ་གཏོགས་པ་བཀའ་ཉན་ཕོ་མོ་ལ་འཕགས་པ་མི་གཡོ་བའི་གཟུངས་ལེའུ་དགུ་བ་པཎྜི་ཏ་དྷ་རྨ་ཤྲཱི་མི་ཏྲ་དང་ལོ་ཙཱ་བ་ཆོས་ཀྱི་
[151b.1]བཟང་པོའི་འགྱུར། ཁྲོ་བོའི་རྒྱལ་པོ་རྟོག་པ་བསྡུས་པའི་རྒྱུད་ལེའུ་བཅུ་བ་འགྱུར་བྱང་མེད་པ། འཕགས་པ་གསེར་ཅན་ཞེས་བྱ་བའི་གཟུངས་པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་སོ། །
[151b.2]བདུན་པ་དེ་བཞིན་གཤེགས་པའི་རིགས་སུ་བསྡུ་བའི་བྱང་སེམས་ལ། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་བྱམས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་
[151b.3]པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་ཀུན་ཏུ་བཟང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་ལག་ན་རྡོ་རྗེའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་
[151b.4]འཇམ་དཔལ་གྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། །འཕགས་པ་སྒྲིབ་པ་ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། སའི་སྙིང་པོའི་མཚན་བརྒྱ་རྩ་བརྒྱད་པ་གཟུགས་སྔགས་དང་བཅས་པ་རྣམས་དང་།
[151b.5]འཕགས་པ་འཇམ་དཔལ་གྱི་མཚན་བརྒྱ་རྩ་བརྒྱད་པ་སྙིང་པོ་དང་བཅས་པ་རྣམས་ལ་འགྱུར་བྱང་མ་འཁོད་པ། འཕགས་པ་བྱམས་པས་དམ་བཅས་པའི་གཟུངས་རྒྱ་གར་གྱི་མཁན་པོ་བཛྲ་པཱ་ཎི་དང་། ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། འཕགས་པ་དཀྱིལ་འཁོར་
[151b.6]བརྒྱད་པ་ཞེས་བྱ་བའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། བདུད་རྩི་འབྱུང་བ་ཞེས་བྱ་བའི་གཟུངས། ཡི་དྭགས་ཁ་ལ་མེ་འབར་མ་ལ་སྐྱབས་མཛད་པའི་གཟུངས། ཡི་དྭགས་ཁ་ལ་མེ་འབར་མ་དབུགས་དབྱུང་
[151b.7]བའི་གཏོར་མའི་ཆོ་ག་རྣམས་ལ་འགྱུར་བྱང་མེད་པ། འཇུར་འགེགས་སེལ་བའི་གཟུངས་ལོ་ཙཱ་བ་བནྡེ་ཡེ་ཤེས་སྡེའི་འགྱུར། འདི་ལ་ཐེ་ཚོམ་གྱི་གཞི་ཅུང་ཟད་སྣང་ཡང་སྔོན་གྱི་སློབ་དཔོན་རྣམས་ཀྱིས་བཀོད་པ་བཞིན་བཞག ཡེ་ཤེས་སྐར་མདའི་སྙིང་པོ་འགྱུར་བྱང་
[152a.1]མེད་པ། ཤེས་རབ་བསྐྱེད་པའི་གཟུངས། རྒྱ་གར་གྱི་མཁན་པོ་ཛྷཱ་ན་གརྦྷ་དང་། ལོ་ཙཱ་བ་ཀླུའི་དབང་པོའི་འགྱུར་ལ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ལོ་ཙཱ་བ་བནྡེ་དེ་ཝ་ཙནྡྲས་བཅོས་པ། ཐོས་པ་འཛིན་པའི་གཟུངས། འཕགས་པ་
[152a.2]རྒྱལ་བའི་བླ་མའི་གཟུངས་རྣམས་སོ། །བརྒྱད་པ་གནས་གཙང་མའི་ལྷ་ལ་སོགས་པའི་རྒྱུད་ལ། མདོ་ཆེན་པོ་འདུས་པ་ཆེན་པོ་ཞེས་བྱ་བ་འགྱུར་བྱང་མ་འཁོད་པ། འཕགས་པ་ཆོས་ཀྱི་རྒྱ་མཚོ་ཞེས་བྱ་བའི་གཟུངས། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་པྲཛྙཱ་ཝརྨ་
[152a.3]དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། བགེགས་སེལ་བ་ཞེས་བྱ་བའི་གཟུངས། མདོ་ཆེན་པོ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ཡིན་པ་དང་མཐུན་པའི་མདོ། པཎྜི་ཏ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ཡེ་ཤེས་སྡེ་ལ་སོགས་པའི་འགྱུར།
[152a.4]འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་ལེའུ་སྟོང་ཕྲག་བརྒྱད་པ་ལས་ཆར་དབབ་པའི་ལེའུ་དྲུག་ཅུ་རྩ་བཞི་བ་ཆོ་ག་དང་བཅས་པ་ཁོལ་དུ་ཕྱུང་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་
[152a.5]བཅོས་པ། འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་ཀླུ་ཐམས་ཅད་ཀྱི་སྙིང་པོ་ཞེས་བྱ་བའི་མདོ། པཎྜི་ཏ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། །སྤྲིན་ཆེན་སྔ་ཕྱི་གཉི་ཀ་མདོའི་ཁྲོད་དུའང་ཡོད་ཀྱང་རྒྱུད་དང་མི་འགལ་བས་བུ་སྟོན་
[152a.6]གྱིས་སྔགས་སུ་བཀོད་པ་བཞིན་འདིར་ཡང་བཅུག་པའོ། །འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པའི་གཟུངས་འགྱུར་བྱང་མེད། འཕགས་པ་གཟའ་རྣམས་ཀྱི་ཡུམ་ཞེས་བྱ་བའི་གཟུངས། རྒྱལ་བློན་བྱང་ཆུབ་སེམས་དཔའ་རྣམས་ཀྱི་སྐུ་རིང་ལ་བསྒྱུར་བ་ལ། ཕྱིས་
[152a.7]དགེ་བསྙེན་གྲགས་པ་རྒྱལ་མཚན་གྱིས་རྒྱ་དཔེ་ལ་གཏུགས་ནས་དག་པར་བགྱིས་པ། ཡང་གཟའ་རྣམས་ཀྱི་ཡུམ་ཞེས་བྱ་བའི་གཟུངས། གཟའ་ཡུམ་སྔ་ཕྱི་འདི་གཉིས་ཚིག་ཁྱད་ཙམ་ལས་དོན་གཅིག་པར་མངོན་ཡང་སྔར་གྱི་རྣམས་ཀྱིས་སོ་སོར་བྲིས་པ་བཞིན་དུ་བྱས་པའོ། །
[152b.1]ནོར་གྱི་རྒྱུན་ཞེས་བྱ་བའི་གཟུངས། ནོར་རྒྱུན་མའི་གཟུངས་ཀྱི་རྟོག་པ། ནོར་རྒྱུན་མའི་རྟོག་པ་ཆུང་བ་ཇི་སྙེད་པ། འཕགས་པ་ཚོགས་ཀྱི་བདག་པོའི་སྙིང་པོ་རྣམས་ལ་འགྱུར་བྱང་མེད་པ། ཚོགས་ཀྱི་བདག་པོའི་རྒྱུད་ལེའུ་བཅོ་ལྔ་བ། རྒྱ་གར་གྱི་མཁན་པོ་དཱི་པཾ་ཀ་རཾ་
[152b.2]ཤྲཱི་ཛྙཱ་ནས་རྒྱལ་བའི་འབྱུང་གནས་ལ་གཏད་པ། དཔལ་ནག་པོ་ཆེན་པོའི་རྒྱུད་ལེའུ་བརྒྱད་པ། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། ལོ་ཙཱ་བ་ཕུར་བུ་འོད་ཀྱི་འགྱུར། འདི་ལ་འགའ་ཞིག་ཐེ་ཚོམ་བྱེད་ཀྱང་། གྲུབ་ཆེན་ཁྱུང་པོ་རྣལ་འབྱོར་སོགས་ནས་ཤང་པ་བཀའ་
[152b.3]རྒྱུད་པ་རྣམས། ཕྱག་དྲུག་མགོན་པོའི་ཁུངས་ཀྱི་རྒྱུད་ཚད་མར་མཛད་པ་ཡིན་ནོ། །དཔལ་མགོན་པོ་ནག་པོ་ཞེས་བྱ་བའི་གཟུངས་འགྱུར་བྱང་མེད་པ། ནག་པོ་ཆེན་པོའི་གཟུངས་རིམས་ནད་ཐམས་ཅད་ལས་ཐར་བར་བྱེད་པ་རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་
[152b.4]བནྡེ་ཡེ་ཤེས་སྡེའི་འགྱུར། ལྷ་མོ་ནག་མོའི་གཟུངས། ལྷ་མོ་ནག་མོའི་བསྟོད་པའི་རྒྱལ་པོའི་རྒྱུད། ལྷ་མོ་ནག་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ། ལྷའི་དབང་པོ་བརྒྱ་བྱིན་གྱིས་བསྟོད་པ་ཤློ་ཀ་གཉིས་རྣམས་ལ་འགྱུར་བྱང་མེད་དོ། །གཉིས་
[152b.5]པ་པདྨའི་རིགས་ཀྱི་རྒྱུད་ལ། རིགས་ཀྱི་གཙོ་བོ་སོགས་ལྔ་ལས། དང་པོ་རིགས་ཀྱི་གཙོ་བོ་ནི། ཚེ་དང་ཡེ་ཤེས་དཔག་ཏུ་མེད་པའི་གཟུངས་ཐུང་ངུ་གཉིས། ཚེ་དང་ཡེ་ཤེས་དཔག་ཏུ་མེད་པའི་མདོ་ཨོ་གསུམ་མ། ཡང་ཚེ་དང་ཡེ་ཤེས་དཔག་ཏུ་མེད་པའི་
[152b.6]གཟུགས་ཨོ་གཉིས་པུཎྫྱེ་མེད་པ་རྣམས་ལ་འགྱུར་བྱང་མ་འཁོད་པ། འཕགས་པ་ཚེ་དང་ཡེ་ཤེས་དཔག་ཏུ་མེད་པའི་སྙིང་པོ་འཆི་མེད་རྔ་སྒྲའི་གཟུངས། རྒྱ་གར་གྱི་མཁན་པོ་པུཎྱ་སཾ་བྷ་ཝ་དང་། ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར། བཅོམ་ལྡན་འདས་སྣང་བ་
[152b.7]མཐའ་ཡས་ཀྱི་གཟུངས། སྣང་བ་མཐའ་ཡས་རྗེས་སུ་དྲན་པའི་གཟུངས། ཡོན་ཏན་བསྔགས་པ་དཔག་ཏུ་མེད་པའི་གཟུངས། བདེ་ལྡན་གྱི་སྙིང་པོའི་གཟུངས་རྣམས་ལ་འགྱུར་བྱང་མ་འཁོད་པ་རྣམས་སོ། ། རིགས་ཀྱི་འཁོར་ལོས་སྒྱུར་བ།གཉིས་པ་རིགས་ཀྱི་འཁོར་ལོས་སྒྱུར་བ་ལ། འཕགས་
[153a.1]པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་པདྨ་དྲ་བ་ཅན་ཞེས་བྱ་བ་ལེའུ་བཅུ་གཉིས་པ། པཎྜི་ཏ་ཆེན་པོ་སོ་མ་ཤྲཱི་བྷ་བྱ་དང་། ལོ་ཙཱ་བ་སྐྱུ་ར་ཚུལ་ཁྲིམས་འོད་ཟེར་གྱིས་བསྒྱུར་བ། འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་
[153a.2]པོའི་མདོ། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། ལོ་ཙཱ་བ་དགེ་སློང་རིན་ཆེན་གྲགས་ཀྱི་འགྱུར། དེ་ཉིད་ལས་བྱུང་བ་དོན་ཡོད་ཞགས་པའི་སྙིང་པོ་ཞེས་བྱ་བའི་གཟུངས་འགྱུར་བྱང་མ་འཁོད་པ་རྣམས་བཞུགས་སོ། །མ་པ་ལ། འཕགས་པ་དོན་ཡོད་ཞགས་
[153a.3]པའི་ཆོ་ག་ཞིབ་མོ་འགྱུར་འཕྲོས་བམ་པོ་ཉེར་ལྔ་བ་ནས་ཧོར་ཁོང་ཆད་པ་རྣམས་ཤཱཀྱའི་དགེ་སློང་རིན་ཆེན་གྲུབ་ཀྱིས་བསབས་ཤིང་། དེའི་མཇུག་ཡོངས་སུ་རྫོགས་པར་བསྒྱུར་བ་ལས། བམ་པོ་ཉེར་ལྔ་བ་ཡན་བཞུགས་སོ། །ཙ་པ་ལ། འཕགས་པ་དོན་ཡོད་
[153a.4]ཞགས་པའི་ཆོ་ག་ཞིབ་མོ་བམ་པོ་ཉེར་ལྔ་བ་རྫོགས་འཕྲོ་ནས་བམ་མཚམས་མ་བགྲང་བ་ཡོངས་སུ་རྫོགས་པ། འཕགས་པ་དོན་ཡོད་ཞགས་པའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའི་གཟུངས། པཎྜི་ཏ་མཉྫུ་ཤྲཱི་ཝརྨ་དང་། ལོ་ཙཱ་བ་དགེ་སློང་བློ་ལྡན་
[153a.5]ཤེས་རབ་ཀྱི་འགྱུར་ལ་སླད་ནས་ལོ་ཙཱ་བ་ཆོས་ཀྱི་ཤེས་རབ་ཀྱིས་བསྒྱུར་བ། ས་བཅུའི་གཟུངས་ཕན་ཡོན་དང་བཅས་པ་འགྱུར་བྱང་མ་འཁོད་པ། དོན་ཡོད་ཞིགས་པའི་རྟོག་པའི་རྒྱལ་པོའི་ཆོ་ག་པཎྜི་ཏ་མཉྫུ་ཤྲཱི་ཝརྨ་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། འཕགས་
[153a.6]པ་སྤྱན་རས་གཟིགས་དབང་ཕྱུག་ལག་པ་སྟོང་དང་མིག་སྟོང་དང་ལྡན་པའི་ཆོ་ག་ཞིབ་མོ་འགྱུར་བྱང་མ་འཁོད་པ། །འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན་པ་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་
[153a.7]སུ་རྫོགས་པ་ཞེས་བྱ་བའི་གཟུངས་ཆོ་ག་དང་བཅས་པ་བམ་པོ་གསུམ་པ། ལོ་ཙཱ་བ་ཆོས་འགྲུབ་ཀྱིས་རྒྱའི་དཔེ་ལས་བསྒྱུར་བ། འཕགས་པ་སྤྱན་རས་གཟིགས་དབང་ཕྱུག་གི་གསང་བའི་མཛོད་ཐོགས་པ་མེད་པའི་ཡིད་བཞིན་གྱི་འཁོར་ལོའི་སྙིང་པོའི་གཟུངས་ལེའུ་དྲུག་པ་
[153b.1]འགྱུར་སྔ་མ་དང་འདྲ་བ། །འཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པའི་གཟུངས། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར།། འཕགས་པ་ཞལ་བཅུ་གཅིག་པའི་རིག་སྔགས་ཀྱི་སྙིང་པོ། ལོ་ཙཱ་བ་བནྡེ་ཆོས་འགྲུབ་
[153b.2]ཀྱིས་རྒྱའི་དཔེ་ལས་བསྒྱུར་བ། འཕགས་པ་སྤྱན་རས་གཟིགས་དབང་ཕྱུག་གི་གཟུངས་དང་སྙིང་པོ། འཕགས་པ་ནཱི་ལ་ཀཎྛའི་གཟུངས། སྙིང་རྗེ་མི་བཤོལ་བའི་གཟུངས་རྣམས་ལ་འགྱུར་བྱང་མ་འཁོད་པ། ཀུན་ཏུ་བཟང་པོ་ཞེས་བྱ་བའི་གཟུངས། རྒྱ་གར་གྱི་
[153b.3]མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཇིག་རྟེན་དབང་ཕྱུག་གི་རྟོག་པ་རྒྱ་གར་གྱི་མཁན་པོ་ཛམྦྷ་ལ་དང་། ལོ་ཙཱ་བ་བ་རིའི་འགྱུར། པདྨ་ཅོད་པན་གྱི་རྒྱུད་ལེའུ་བཅུ་གཅིག་པ། པཎྜི་ཏ་
[153b.4]དྷརྨ་ཤྲཱི་མི་ཏྲ་དང་། ལོ་ཙཱ་བ་དགེ་སློང་ཆོས་ཀྱི་བཟང་པོའི་འགྱུར། འཕགས་པ་སྤྱན་རས་གཟིགས་དབང་ཕྱུག་སེང་གེ་སྒྲའི་རྒྱུད། པཎྜི་ཏ་པྲ་ཛྙཱ་ཀ་ར་དང་། ལོ་ཙཱ་བ་འགོས་ཁུག་པ་ལྷས་བཙས་ཀྱི་འགྱུར། སྤྱན་རས་གཟིགས་དབང་ཕྱུག་སེང་གེ་སྒྲའི་གཟུངས།
[153b.5]རྗེ་བཙུན་མ་རྡོ་རྗེ་སེམས་མ་དང་། ལོ་ཙཱ་བ་འགར་ཤེས་རབ་འབྱུང་གནས་ཀྱི་འགྱུར། སེང་གེ་སྒྲའི་དམ་བཅས་པའི་གཟུངས། རྒྱ་གར་གྱི་མཁན་པོ་ངག་གི་དབང་ཕྱུག་དང་། གློག་སྐྱ་ཤེས་རབ་བརྩེགས་ཀྱི་འགྱུར། སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་
[153b.6]བརྒྱད་པ་རྒྱལ་བ་ཐམས་ཅད་ཀྱི་རིང་བསྲེལ་རིན་པོ་ཆེའི་ཟ་མ་ཏོག་འགྱུར་བྱང་མ་འཁོད་པ། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་གསང་བ་རིང་བསྲེལ་གྱི་ཟ་མ་ཏོག་ཚིག་ལྷུག་པ་ཅན་འགྱུར་བྱང་མེད་པ་འདི་སྔ་མ་དང་ཚིགས་བཅད་ལྷུག་གི་ཁྱད་ཙམ་
[153b.7]ལས་དོན་མཚུངས་པར་སྣང་ངོ་། །འཕགས་པ་ལུས་ཀྱི་དབྱིབས་མཛེས་པ་ཞེས་བྱ་བའི་གཟུངས་དང་། འཕགས་པ་གཞན་གྱིས་མི་ཐུབ་པ་མི་འཇིགས་པ་སྦྱིན་པ་ཞེས་བྱ་བ་གཉིས་རྒྱ་གར་གྱི་མཁན་པོ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། གཞན་
[154a.1]གྱིས་མི་ཐུབ་པ་རིག་པ་ཆེན་མོ། སྟོད་འགྱུར་གྱི་གཟུངས། ཤློ་ཀ་བརྒྱ་ལོངས་པའི་གཟུངས་གཉིས། ཤློ་ཀ་སྟོང་ལོངས་པའི་གཟུངས་གཉིས། བློ་ཀ་སུམ་སྟོང་ལོངས་པའི་གཟུངས། མི་བརྗེད་པའི་གཟུངས་རྣམས་ལ་འགྱུར་བྱང་མ་འཁོད་
[154a.2]པ། ཤེས་རབ་བསྐྱེད་པའི་གཟུངས་གཉིས། པཎྜི་ཏ་བིདྱ་ཀ་ར་སིདྷ་དང་། ལོ་ཙཱ་བ་བནྡེ་དེ་ཝ་ཙནྡྲས་ཞུས་པ། ཐོས་པ་འཛིན་པའི་གཟུངས་འགྱུར་བྱང་མེད་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རླབས་སེམས་ཅན་ལ་གཟིགས་ཤིང་སངས་
[154a.3]རྒྱས་ཀྱི་ཞིང་བཀོད་པ་༌་ཀུན་སྟོན་པ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འདི་མདོ་ཁྲོད་དུ་ཡོད་ཀྱང་རྒྱུད་དང་མི་འགལ་བས་འདིར་ཡང་བཞག །འཕགས་པ་སྤྱན་རས་གཟིགས་
[154a.4]ཡིད་བཞིན་ནོར་བུའི་རྟོག་པ་ལས་བྱུང་བའི་སྨོན་ལམ་འགྱུར་བྱང་མ་འཁོད་པ། འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོའི་གཟུངས་ཕན་ཡོན་དང་བཅས་པ་འབྲོག་མི་ཤཱཀྱ་ཡེ་ཤེས་ཀྱི་འགྱུར་རྣམས་སོ། །གསུམ་པ་རིགས་ཀྱི་ཡུམ་ལ། སྒྲོལ་
[154a.5]མ་རལ་པ་གྱེན་བརྫེས་རྩ་བའི་རྟོག་པ་ལས་ལྷག་པར་མོས་པའི་ཕྲེང་བ་ཞེས་བྱ་བའི་རིག་པའི་རྒྱལ་པོ་རྫོགས་སོ་ཡན་ཆད་བཞུགས་སོ། །ཚ་པ་ལ། སྒྲོལ་མ་རལ་པ་གྱེན་བརྫེས་ཀྱི་རྟོག་པའི་འཕྲོ་ཡོངས་སུ་རྫོགས་པ་ཤཱཀྱའི་དགེ་སློང་རིན་ཆེན་གྲུབ་ཀྱི་འགྱུར། །འཕགས་
[154a.6]པ་སྤྱན་རས་གཟིགས་དབང་ཕྱུག་གི་ཡུམ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། དེ་བཞིན་གཤེགས་པ་ཐམས་ཅད་ཀྱི་ཡུམ་སྒྲོལ་མ་ལས་སྣ་ཚོགས་
[154a.7]འབྱུང་བའི་རྒྱུད་ལེའུ་སོ་ལྔ་བ། རྒྱ་གར་གྱི་མཁན་པོ་དྷ་རྨ་ཤྲཱི་མི་ཏྲ་དང་། ལོ་ཙཱ་བ་ཆོས་ཀྱི་བཟང་པོའི་འགྱུར། རྗེ་བཙུན་མ་འཕགས་མ་སྒྲོལ་མའི་མཚན་བརྒྱ་རྩ་བརྒྱད་པ་འགྱུར་བྱང་མ་འཁོད་ཀྱང་ཐར་ལོའི་འགྱུར། རྗེ་བཙུན་མ་སྒྲོལ་མའི་མཚན་བརྒྱ་རྩ་བརྒྱད་པ་སྒྲོལ་མ་
[154b.1]མཆོག་ཅེས་བྱ་བའི་གཟུངས་ཆོ་ག་དང་བཅས་པ། འཕགས་མ་སྒྲོལ་མའི་གཟུངས། འཕགས་མ་སྒྲོལ་མ་རང་གིས་དམ་བཅས་པའི་གཟུངས། རྗེ་བཙུན་མ་སྒྲོལ་མ་འཇིགས་པ་བརྒྱད་ལས་སྐྱོབ་པའི་མདོ། འཕགས་པ་གྲགས་ལྡན་མའི་གཟུངས་རྣམས་སོ། །
[154b.2]བཞི་བ་རིགས་ཀྱི་ཁྲོ་བོ་ཁྲོ་མོ་ལ། སྤྱན་རས་གཟིགས་དབང་ཕྱུག་ཧ་ཡ་གི་བའི་གཟུངས། ཕྱིར་བཟློག་པ་འཕགས་པ་རྣམ་པར་རྒྱལ་བ། འཕགས་པ་པཎ་ཤ་བ་རིའི་མདོ་རྣམས་ལ་འགྱུར་བྱང་མ་འཁོད་པ། འཕགས་པ་རི་ཁྲོད་ལོ་མ་གྱོན་མ་ཞེས་བྱ་བའི་གཟུངས་
[154b.3]ལ་འགྱུར་བྱང་མ་བཀོད་པར་འདུག་ཀྱང་སྠ་བི་ར་དང་བ་རིའི་འགྱུར་རྣམས་སོ། །ལྔ་བ་རིགས་ཀྱི་བཀའ་ཉན་ཕོ་མོ་ལ། འཕགས་པ་ཕྱིར་བཟློག་པ་སྟོབས་ཅན་ཞེས་བྱ་བའི་གཟུངས། ལྷ་མོ་སྒྲ་དབྱངས་ལ་བསྟོད་པ་སྔགས་དང་བཅས་པ། ལྷ་མོ་ཆེན་མོ་དཔལ་ལུང་བསྟན་
[154b.4]པ་རྣམས་ལ་འགྱུར་བྱང་མ་འཁོད་པ། འཕགས་པ་དཔལ་ཆེན་མོའི་མདོ་དང་། དཔལ་གྱི་ལྷ་མོའི་མཚན་བཅུ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། མཆོག་ཐོབ་པའི་རིག་སྔགས་ཞེས་བྱ་བ་ལྷ་མོ་དུང་ཅན་མའི་སྙིང་པོ་
[154b.5]འགྱུར་བྱང་མེད་པ་རྣམས་སོ། ། གསུམ་པ་རྡོ་རྗེའི་རིགས་ཀྱི་རྒྱུད་ལ། རིགས་ཀྱི་གཙོ་བོ་སོགས་ལྔ་ལས་དང་པོ་རིགས་ཀྱི་གཙོ་བོ་ནི། འཕགས་པ་ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བ་མི་འཁྲུགས་པའི་གཟུངས་འགྱུར་བྱུང་མ་འཁོད་པ་འདི་ཁོ་ནའོ། །གཉིས་
[154b.6]པ་རིགས་ཀྱི་བདག་པོའི་རྒྱུད་ལ། འཕགས་པ་རྡོ་རྗེ་ས་འོག་གི་རྒྱུད་ཀྱི་རྒྱལ་པོ་ཞེས་བྱ་བ་ལེའུ་ཉི་ཤུ་རྩ་ལྔ་བ། རྒྱ་གར་གྱི་པཎྜི་ཏ་བདེ་བར་གཤེགས་པའི་དཔལ་དང་། སྒྲ་སྒྱུར་ཀུན་དགའ་རྒྱལ་མཚན་དཔལ་བཟང་པོས་བསྒྱུར་བ་རྣམས་བཞུགས་སོ། །ཛ་པ་
[154b.7]ལ། ཕྱག་ན་རྡོ་རྗེ་རིག་པ་མཆོག་གི་རྒྱུད་ཆེན་པོ་ལེའུ་མེད་པ། རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། འབྱུང་པོ་འདུལ་བྱེད་ཀྱི་རྒྱུད་སྟོང་ཕྲག་བཅུ་དྲུག་པ་ལས་ཇི་སྙེད་པ་རིམ་པར་ཕྱེ་བ་གཉིས་པ། རྒྱ་གར་གྱི་མཁན་པོ་བུདྡྷཱ་ཀ་ར་
[155a.1]ཝརྨ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་དང་བཅས་པའི་གཟུངས། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་ལོ་ཙཱ་བ་རྒྱ་བརྩོན་འགྲུས་སེངྒེའི་འགྱུར། ལག་ན་རྡོ་རྗེ་གོས་སྔོན་པོ་ཅན་གྱི་
[155a.2]མཚན་བརྒྱ་རྩ་བརྒྱད་པ་གསང་སྔགས་དང་བཅས་པ་འགྱུར་བྱང་མ་འཁོད་པ། འདི་ལ་བླ་མ་དག་རྒྱུད་གཞན་ཞིག་ནས་ཕྱུང་བ་ཡིན་པ་འདྲའོ་ཞེས་གསུངས། ལག་ན་རྡོ་རྗེའི་སྙིང་པོ་བརྒྱད་ཀྱི་ཡ་གྱལ་རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས། རྒྱ་གར་
[155a.3]གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། དེའི་བཤད་རྒྱུད་རྡོ་རྗེ་རི་རབ་ཆེན་པོའི་རྩེ་མོའི་ཁང་པ་བརྩེགས་པའི་གཟུངས། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙ་ན་སིདྡྷི་དང་། ལོ་ཙཱ་བ་བནྡེ་ཡེ་ཤེས་
[155a.4]སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །གསུམ་པ་རིགས་ཀྱི་ཡུམ་ལ། གླེགས་བམ་ཝ་པ་ལ། འཕགས་པ་རྡོ་རྗེ་མི་ཕམ་པ་མེ་ལྟར་འབར་བ་རབ་ཏུ་རྨོངས་བྱེད་ཅེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་།
[155a.5]དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་སོ། །བཞི་བ་རིགས་ཀྱི་ཁྲོ་བོ་ཁྲོ་མོ་ལ། རྡོ་རྗེ་ཕྲ་མོ་ཐོགས་པ་མེད་པ་ཞེས་བྱ་བའི་གཟུངས་འགྱུར་བྱང་མ་འཁོད་པ། འཕགས་པ་ལག་ན་རྡོ་རྗེ་བཅུའི་སྙིང་
[155a.6]པོ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བདུད་རྩི་ཐབ་སྦྱོར་གྱི་སྙིང་པོ་བཞི་བ་ཞེས་བྱ་བའི་གཟུངས་འགྱུར་བྱང་མེད་པ་རྣམས་སོ། །ལྔ་པ་རིགས་ཀྱི་ཕོ་ཉ་དང་བཀའ་ཉན་ཕོ་མོ་ལ། ཁྲོ་
[155a.7]བོའི་རྒྱལ་པོ་སྨེ་བརྩེགས་ལ་བསྟོད་པ་སྔགས་དང་བཅས་པ་འགྱུར་བྱང་མ་འཁོད་པ། འཕགས་པ་སྟོབས་པོ་ཆེ་ཞེས་བྱ་བའི་མདོ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པའི་འགྱུར། འཕགས་
[155b.1]མ་རྡོ་རྗེ་ལུ་གུ་རྒྱུད་ཀྱི་རྟོག་པ་ལེའུ་བཞི་བ་པཎྜི་ཏ་ཨ་ཏུ་ལ་དཱ་ས་བཛྲ་ལ་ཞུས་ནས། ལོ་ཙཱ་བ་མར་པ་ཆོས་ཀྱི་དབང་ཕྱུག་གྲགས་པས་བསྒྱུར་བ། རྡོ་རྗེ་མཆུ་ཞེས་ཀླུའི་དམ་ཚིག་གི་ཆོ་ག །རྡོ་རྗེ་གནམ་ལྕགས་མཆུ་ཞེས་བྱ་བའི་གཟུངས། འཕགས་
[155b.2]པ་ལྕགས་ཀྱི་མཆུ་ཞེས་བྱ་བའི་གཟུངས། འཕགས་པ་ལྕགས་མཆུ་ནག་པོ་ཞེས་བྱ་བའི་གཟུངས་ཏེ། མཆུ་སྡེ་ལྔར་གྲགས་པ་རྣམས་ལ་འགྱུར་བྱང་མ་འཁོད་པ་དག་གོ། །བཞི་བ་ནོར་ཅན་གྱི་རིགས་ལ། འཕགས་མ་ནོར་བུ་བཟང་པོའི་གཟུངས་བློ་ཀ་བཅོ་
[155b.3]ལྔ་བ། རྒྱ་གར་གྱི་མཁན་པོ་བིདྱ་ཀ་ར་སིདྷ་དང་། ལོ་ཙཱ་བ་བནྡེ་ཀླུའི་དབང་པོའི་འགྱུར། གནོད་སྦྱིན་ནོར་བུ་བཟང་པོའི་རྟོག་པ་པཎྜི་ཏ་མཉྩ་ཤྲཱི་དང་། ལོ་ཙཱ་བ་དགེ་སློང་བ་རིའི་འགྱུར། གནོད་སྦྱིན་སྡེ་དཔོན་གར་མཁན་མཆོག་གི་བརྟག་པ་སྔ་ཕྱི་གཉིས་
[155b.4]ལ་ལེའུ་བཅུ་དྲུག་པ། རྒྱ་གར་གྱི་མཁན་པོ་དྷན་གུཔྟ་དང་། རབ་ཞི་ལོ་ཙཱའི་འགྱུར། གནོད་འཛིན་དཔལ་ཞེས་བྱ་བའི་གཟུངས་དང་། འཕགས་པ་གནོད་འཛིན་ཆུ་དབང་སྙིང་རྗེ་ཅན་གྱི་གཟུངས་ལ་འགྱུར་བྱང་མ་འཁོད་པ། འཕགས་པ་གནོད་
[155b.5]གནས་དབང་པོ་ཇི་ལྟར་འབྱུང་བའི་རྟོག་པ། པཎྜི་ཏ་སྒེག་པའི་རྡོ་རྗེ་དང་། ལོ་ཙཱ་བ་རྡོ་རྗེ་གྲགས་ཀྱི་འགྱུར། འཕགས་པ་གནོད་འཛིན་གྱི་མཚན་བརྒྱ་རྩ་བརྒྱད་པ་འགྱུར་བྱང་མ་འཁོད་པ་རྣམས་སོ། །ལྔ་བ་རྒྱས་པའི་རིགས་ལ། འཕགས་
[155b.6]པ་མི་ཁ་ལའི་གཟུངས། རྒྱ་གར་གྱི་མཁན་པོ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པའི་འགྱུར་ཉིད་དོ། །དྲུག་པ་འཇིག་རྟེན་པའི་རིགས་ལ། རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ་འགྱུར་སྔ་མ་དང་འདྲ་བ་ཉིད་དོ། །
[155b.7]བདུན་པ་ཕྱོགས་གང་དུའང་ངོས་གཟུང་དཀའ་བའི་གཟུངས་ཕྲན་སྣ་ཚོགས་ཕྱོགས་གཅིག་ཏུ་བྱས་པའི་སྐོར་ལ། རིན་པོ་ཆེ་བརྡར་བའི་གཟུངས། བསྐོར་བ་བྱ་བའི་གཟུངས། མཆོད་རྟེན་བསྐོར་བའི་གཟུངས། ཡོན་ཡོངས་སུ་སྦྱོང་བའི་གཟུངས་
[156a.1]གཉིས། ཕྱག་བྱ་བའི་གཟུངས༑ གོས་བརྒྱ་ཐོབ་པའི་གཟུངས། མི་དགའ་བར་བྱེད་པའི་གཟུངས། འཕགས་པ་སྤྱན་རྣམ་པར་དག་པའི་གཟུངས། ངན་སོང་ཐམས་ཅད་ཡོངས་སུ་སྦྱོང་བའི་གཟུངས། སྐྲན་
[156a.2]ཞི་བའི་གཟུངས། མ་ཞུ་བའི་ནད་འབྱུང་བའི་གཟུངས། སྡང་བ་ཐམས་ཅད་ཞི་བར་བྱེད་པའི་གཟུངས། སྡིག་པ་ཐམས་ཅད་ཞི་བར་བྱེད་པའི་གཟུངས། ཁྲོ་བ་ཞི་བར་བྱེད་པའི་གཟུངས། ཁྲོས་པ་ཞི་བར་བྱེད་པའི་གཟུངས། ཚིག་བཙན་པའི་
[156a.3]གཟུངས། བདག་སྲུང་བའི་གཟུངས། ཡིད་དུ་འོང་བའི་གཟུངས། །མགྲིན་པ་སྙན་པའི་གཟུངས། དོན་ཐམས་ཅད་འགྲུབ་པའི་གཟུངས། ལས་གྲུབ་པའི་གཟུངས། དུག་ཐམས་ཅད་ཞི་བར་བྱེད་པའི་གཟུངས། བཅིངས་པ་ལས་
[156a.4]གྲོལ་བའི་གཟུངས། བདུད་སྐྲག་པར་བྱེད་པའི་གཟུངས། རྨ་འབྱོར་བར་བྱེད་པའི་གཟུངས། མེའི་ཟུག་རྔུ་རབ་ཏུ་ཞི་བར་བྱེད་པའི་གཟུངས། མཁྲིས་པའི་ནད་སེལ་བར་བྱེད་པའི་གཟུངས། བད་ཀན་གྱི་ནད་སེལ་བར་བྱེད་པའི་གཟུངས། ག་
[156a.5]ཡའི་ནད་སེལ་བར་བྱེད་པའི་གཟུངས། རིམས་དང་སྲོག་ཆགས་ཀྱིས་མི་ཚུགས་པའི་གཟུངས་རྣམས་ལ་འགྱུར་བྱང་མ་འཁོད་པ། མཆིལ་མ། སྣབས། དྲི་ཆེན། དྲི་ཆུ་རྣམས་སྦྱིན་པར་བཏང་བའི་གཟུངས། བླ་མ་རྡོ་རྗེ་གདན་པས་མདོ་
[156a.6]རྒྱུད་ནས་ཕྱུངས་ཏེ་ལོ་ཙཱ་བ་བ་རིས་བསྒྱུར་བ་རྣམས་སོ། །འདི་རྣམས་སྔོན་གྱི་རྒྱུད་འབུམ་ཚོར་བྱུང་བ་བཞིན་གང་དུ་གཏོགས་མ་ཕྱེ་བར་ཕྱོགས་མཚུངས་སུ་བཞག་པ་སྟེ། སོ་སོའི་རྣམ་དབྱེ་ཞིབ་པར་ཤེས་པ་ཞིག་འདོད་ན་སོ་སོའི་ཁུངས་ཀྱི་མདོ་རྒྱུད་གང་ཡིན་བཙལ་
[156a.7]དགོས་སོ། གཉིས་པ་བྱ་བ་སྤྱིའི་རྒྱུད་ལ། རིགས་དྲུག་གི་ཚུལ་དང་དེ་དག་སོ་སོའི་སྔགས་སྒྲུབ་པའི་བྱ་བ་སོགས་གདམས་ངག་གི་ཚུལ་དུ་བསྟན་པ་དཔུང་{བཟངས་ཀྱིས་,བཟང་གིས་}ཞུས་པའི་རྒྱུད་ལ་ལེའུ་བཅུ་གཅིག་པ། བྱ་བའི་རྒྱུད་ཀྱི་དཀྱིལ་འཁོར་སུམ་སྟོང་ལྔ་
[156b.1]བརྒྱ་པོ་ཐམས་ཅད་ཀྱི་སྤྱིའི་ཆོ་ག་སྟོན་པ་གསང་བ་སྤྱིའི་རྒྱུད། སྒྲུབ་པའི་སྤྱོད་པ་ལེགས་པར་སྟོན་པ་ལེགས་པར་གྲུབ་པར་བྱེད་པའི་རྒྱུད་ཆེན་པོ་ལས་སྒྲུབ་པའི་ཐབས་རིམ་པར་ཕྱེ་བ། ཏེང་ངེ་འཛིན་གྱི་སྤྱོད་པ་ཁྱད་པར་ཅན་སྟོན་པ་བསམ་གཏན་གྱི་རིམ་
[156b.2]པར་ཕྱེ་བའི་རྒྱུད་བསམ་གཏན་ཕྱི་མར་གྲགས་པ་རྣམས་ཏེ་དེ་དག་ལ་འགྱུར་བྱང་མ་འཁོད་ཀྱང་། སྔོན་བསྟན་པ་སྔ་དར་གྱི་དུས་སུ་བསྒྱུར་བ་ཡིན་ནོ། །ལྔ་པ་ཕུན་སུམ་ཚོགས་པའི་ཡན་ལག་ཏུ་བསྔོ་སྨོན་ཤིས་བརྗོད་ཀྱི་སྐོར་ལ། འཕགས་པ་དགོངས་
[156b.3]པའི་རྒྱུད་ཀྱི་ཕྲེང་བ་ཆེན་པོ་བྱང་ཆུབ་སེམས་དཔའི་རྣམ་པར་ངེས་པ་ཆེན་པོ་བསྟན་པ་ལས། ནོར་བུ་ཆེན་པོ་རིན་པོ་ཆེ་ལ་མཁས་པ་བསྟན་པ་ཡོངས་སུ་བསྔོ་བ་ཆེན་པོའི་རྒྱལ་པོ་ཞེས་བྱ་བ། ཁ་ཆེའི་མཁན་པོ་དྷརྨ་ཀ་ར་དང་། ལོ་ཙཱ་བ་བནྡེ་དཔལ་འབྱོར་གྱིས་
[156b.4]བསྒྱུར་བ་ལས། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་པ། འཕགས་པ་ཡོངས་སུ་བསྔོ་བའི་རྒྱལ་པོ་སྔགས་དང་བཅས་པ་བམ་པོ་གཉིས་པ། པཎྜི་ཏ་བིཅུ་ཀ་ར་པྲ་བྷ་དང་། ལོ་ཙཱ་བ་
[156b.5]ཡེ་ཤེས་སྙིང་པོ་དང་དཔལ་བརྩེགས་རཀྵི་ཏ་སོགས་ཀྱིས་བསྒྱུར་ཅིང་ཞུས་པ། གཞན་ཡང་མདོ་སྔགས་ཀྱི་བསྔོ་སྨོན་ཤིས་བརྗོད་ཀྱི་ཚིགས་བཅད་ཅི་རིགས་པས་མཐའ་བརྒྱན་པ་བཅས་བཞུགས་པ་ཡིན་ནོ། །དེ་ལྟར་གསང་སྔགས་རྒྱུད་འབུམ་གྱི་སྐོར་རྣམས་
[156b.6]རྫོགས་ནས། དེ་དག་ལས་གཟུངས་ཕྲན་རྣམས་འགྲོ་ཕན་གྱི་ཆེད་ཕྱོགས་གཅིག་ཏུ་བཀོལ་བ། དེང་སང་གཟུངས་འདུས་སུ་གྲགས་པ་ཚལ་པ་བཀའ་འགྱུར་གྱི་དཔེ་རྒྱུན་ལ་བྱུང་བ་བཞིན་རྒྱུད་ཀྱི་གཤམ་ཉིད་དུ་བཀོད་པ་ལ། གླེགས་བམ་ཨེ་ཝཾ་གྱི་རྟགས་
[156b.7]ཅན་གཉིས་བཞུགས་ཤིང་། གླེགས་བམ་ཤྲཱི་གྱི་རྟགས་ཅན་ལ་དུས་ཀྱི་འཁོར་ལོའི་རྒྱས་འགྲེལ་དྲི་མེད་འོད་ཅེས་བྱ་བ་ཤློ་ཀ་སྟོང་ཕྲག་བཅུ་གཉིས་པ་ལས་དབང་གི་ལེའུའི་རྒྱུས་འགྲེལ་རྫོགས་སོ་ཡན་བཞུགས་སོ། །གླེགས་བམ་ལ་ཎྨཱིའི་གས་ཅན་ལ་དེ་འཕྲོས་ཡེ་ཤེས་ལེའུའི་
[157a.1]རྒྱས་འགྲེལ་རྫོགས་སོ་ཡན་ཚང་བ་དང་། བཞུགས་བྱང་དཀར་ཆག་དང་བཅས་པ་བཞུགས་ཤིང་། རྒྱས་འགྲེལ་འདི་ཉིད་བསྟན་བཅོས་སུ་གཏོགས་ཀྱང་སྔགས་ཀྱི་ཚུལ་ཐམས་ཅད་ཀྱི་ངེས་གསང་བླ་ན་མེད་པ་དགྲོལ་བར་བྱེད་པའི་རྒྱུད་འགྲེལ་མ་ལུས་པའི་རྒྱལ་པོ་ལྟ་བུ་ཡིན་
[157a.2]ཞིང་། སྟོན་པ་འདི་ཉིད་ཀྱི་བཀའ་དང་མཚུངས་པར་བཀུར་སྟི་བྱ་བའི་ཕྱིར་སྔོན་གྱི་མཁས་པ་དག་གིས་བཀོད་པ་ལྟར་འདིར་ཡང་པར་དུ་ས་བསྒྲུབས་པ་ཡིན་ནོ། །དེ་ལྟར་པུསྟ་ཀ་བརྒྱ་ཕྲག་གི་ཕྲེང་བ་མངོན་པར་གསལ་བ་བསྟན་འགྲོའི་ཕན་བདེའི་རྩ་ལག་མཆོག་ཏུ་སྡེ་དགེ་ལྷུན་གྲུབ་སྟེང་གི་
[157a.3]ཆོས་གྲྭ་ཆེན་པོར་བཞུགས་པ་འདི་ལགས་སོ། །འདིར་སྨྲས་པ། ཉེས་བརྒྱ་བདོ་བའི་མི་བཟད་ཞུགས་ཀྱིས་གང་། །བསྟན་མཆོག་བླ་མེད་མཐོ་རིས་གནས་ཟོས་ཚེ། །རྣམ་དཔྱོད་རལ་པ་བརྐྱངས་པས་ལེགས་ལྡན་ཆོས། །གངྒའི་ལྷ་མོ་འཛིན་པའི་དབང་ཕྱུག་འདིས། །སྐྱེ་
[157a.4]དགུའི་ལེགས་བྱས་རྒྱ་མཚོར་འཁྱིལ་པའི་དཔུང་། །རབ་དཀར་སྙིང་སྟོབས་ས་འཛིན་མནྡ་རས། །བསྲུབས་པའི་ངོ་མཚར་ལས་སྐྱེས་ཡོངས་འདུའི་ཕྲེང་། །མངོན་པར་རྒོད་པའི་མཆོད་སྡོང་རབ་ཏུ་འབར། །ཐུབ་མཆོག་ཞལ་གྱི་ཆུ་སྐྱེས་ལས་ལྷུང་བའི། །བདུད་རྩིའི་ཟིལ་
[157a.5]དངར་སྲིད་ན་བར་མེད་དུ། །སྤྲོ་བ་གཏན་པ་མེད་པའི་མཆོད་སྦྱིན་མཁན། །པར་ཞེས་ཡི་གེའི་གྲགས་པ་རབ་གསལ་བྱུང་། །ཆོས་ཀྱི་གྲུ་ཆར་ཆེན་པོ་འདི་ཁུགས་པས། །ཆོས་ཀྱིས་ཕོངས་པའི་དགོན་དུང་ཉམ་ངར་ཡང་། །ཆོས་ཀྱི་མྱུ་གུ་ཅི་ཡང་འཕེལ་འགྱུར་བ། །ཆོས་ལས་
[157a.6]བྱུང་བའི་རིགས་པས་ངེས་པ་ཡིན། །སྔོན་མེད་སྣང་བ་རྒྱ་ཆེན་འཛུམ་པ་འདིས། །ཕྱོགས་ཀྱི་བུ་མོའི་བཞིན་རས་རབ་མཛེས་ཀྱང་། །ལུས་མེད་སྡེར་བཅས་མགོ་བོ་དུད་པ་ལ། །ངོ་ཚའི་གནས་སྐབས་ཅི་ཡང་བྱིན་པར་གྱུར། །བདེ་བར་གཤེགས་པའི་བཀའ་གངས་ཅན་གྱི་
[157a.7]བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་ཟླ་འོད་གཞོན་ནུའི་འཁྲི་ཤིང་ལས། བཞུགས་བྱང་དཀར་ཆག་དངོས་ལེགས་པར་བཤད་པའི་ཡལ་འདབ་སྟེ་བཞི་པའོ།། །།
[157b.1]༄༅། །པྲཱཀཱརཔུཎྱཾནབྷབདྣིཔཱུལཾསཽཀཱཪྻྻཀོཥཱམབྷིཔཱུརིཏཱཡཾ། །བྷཱབྱསྱཙ་སྱཱདྱདིརཱུཔཀཏྭཾཔུནརྡྭིཏཱིཡཱསནནོ྅ པིཙེཏཾ། །
[157b.2]བསོད་ནམས་ར་བ་མཁའ་ལྟར་རྒྱ་ཆེ་བ། །མངོན་པར་གཏམས་པའི་ལེགས་བྱས་བང་མཛོད་འདི། །གལ་ཏེ་གཟུགས་ཅན་ཉིད་ན་སྲིད་པ་ཡི། །གོ་ས་གཉིས་པ་གཞར་ཡང་མེད་པ་སྙམ། །
[158a.1]མ་ལ་ཡར་སྐྱེས་དྲི་བཞོན་གྱིས་དྲངས་པའི། །ག་བུར་རྡུལ་ཚོགས་སྟུག་པོ་གཡོ་བ་བཞིན། །འཁོར་བའི་གདུང་བ་འཇོམས་ལ་ཆས་གྱུར་པའི། །རབ་བསིལ་ཆོས་ཀྱི་ཡོན་ཏན་ཟད་པ་མེད། །ཕྱོགས་རེ་ཙམ་ཞིག་གསལ་བར་བསྟན་བྱས་ཀྱང་། །
[158a.2]ནང་གི་མུན་པ་ངེས་པར་མི་གནས་པས། །ཐར་པའི་ཕྱོགས་སུ་འཛེགས་པའི་ལམ་སྟེགས་ཙམ། །འགྲོ་བ་འདི་ལ་མངོན་པར་གསལ་བར་བྱེད། །ལྔ་པ་དེ་ལྟར་བཞེངས་པའི་དགོས་ཆེད་ཕན་ཡོན་བསྔོ་སྨོན་དང་བཅས་པའི་སྐོར་ལ། དང་པོ་དགོས་ཆེད་ནི།
[158a.3]མིའི་དབང་པོ་ཉིད་ཀྱིས་ཐུགས་ལ་བརྣགས་པའི་དགོས་པའི་གཙོ་བོ། མཐར་ཐུག་བྱང་ཆུབ་ཀྱི་ལམ་ཐམས་ཅད་ཡོངས་སུ་རྫོགས་ཏེ་རྣམ་པ་ཐམས་ཅད་མཁྱེན་པའི་གོ་འཕང་མྱུར་དུ་ཐོབ་པར་བྱ་བའི་ཕྱིར་དང་། དེ་མ་ཐོབ་ཀྱི་ཚེ་རབས་ཐམས་ཅད་དུའང་བདེ་བར་གཤེགས་
[158a.4]པའི་བསྟན་པ་རིན་པོ་ཆེའི་སྣོད་དུ་གྱུར་ཏེ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། ཐབས་དང་། སྟོབས་དང་། སྨོན་ལམ་དང་། ཡེ་ཤེས་ལ་སོགས་པ་བྱང་ཆུབ་ཀྱི་སྤྱོད་པ་རླབས་པོ་ཆེ་ལ་ཞུགས་ཏེ་
[158a.5]འགྲོ་བ་མཐའ་དག་སྒྲོལ་བར་བྱ་བའི་ཕྱིར་བྱང་ཆུབ་སེམས་དཔའི་རྣམ་པར་འཕྲུལ་པ་རྒྱ་མཚོས་ཞིང་སྦྱོང་བ་དང་། སེམས་ཅན་སྨིན་པ་དང་། སྨོན་ལམ་རྫོགས་པར་མཛད་པ་སོགས་སྤྱོད་པ་ཁྱད་པར་ཅན་བསྒྲུབ་པའི་ཕྱིར་ཡིན་ལ། གནས་སྐབས་ཀྱི་དགོས་པའང་། གཙོ་
[158a.6]བོར་བདེ་བར་གཤེགས་པའི་བསྟན་པ་འཇིག་རྟེན་གྱི་ཁམས་སྤྱི་དང་བྱེ་བྲག་ཁ་བ་ཅན་གྱི་ལྗོངས་འདིར་ཡུན་རིང་དུ་གནས་པར་བྱ་བའི་ཕྱིར་དང་། བསྟན་པའི་རྩ་ལག་བསྟན་འཛིན་གྱི་སྐྱེས་བུ་དམ་པ་རྣམས་ཞབས་པད་བསྐལ་བརྒྱར་བརྟན་པའི་སླད་དང་། ཡུལ་ཕྱོགས་ཐམས་
[158a.7]ཅད་དང་། ཁྱད་པར་མངའ་འོག་ཏུ་གཏོགས་པ་རྣམས་སུ་ལེགས་བྱས་ཀྱི་མཐུ་རྒྱ་ཆེན་པོ་འདིས་དཀར་ཕྱོགས་སྐྱོང་བ་རྣམས་ཀྱི་སྟོབས་ལྷག་པར་བདོ་བས་སའི་བཅུད་ཕུན་སུམ་ཚོགས་ཤིང་། དུས་དང་མཐུན་པའི་ཆར་གྱི་རྒྱུན་གེགས་མེད་དུ་བབས་པས་ལོ་ཏོག་ཕུན་སུམ་
[158b.1]ཚོགས་པར་སྨིན་ཞིང་། སྐྱེ་དགུ་རྣམས་ཆོས་དང་འབྱོར་པ་ཚེ་དང་དབང་ཕྱུག་དཔལ་དང་གྲགས་པ་ཐམས་ཅད་ལེགས་པར་འཕེལ་བའི་ཕྱིར་དང་། རྫོགས་ལྡན་གྱི་དུས་ལྟ་བུར་ནད་ཡམས་དང་མུ་གེ་དང་དམག་འཁྲུག་དང་། གཅིག་གིས་གཅིག་འཇོམས་ཤིང་རྐུ་བ་དང་།
[158b.2]སྐལ་བ་ངན་པ་དང་། བཀྲ་མི་ཤིས་པ་ལ་སོགས་པ་མིང་ཙམ་ཡང་མི་གྲགས་པའི་ཕྱིར་དང་། ཁྱད་པར་མིའི་དབང་པོ་ཉིད་ཀྱི་སྐུ་གཉེན་དུ་འབྲེལ་བ་གོང་མ་གཤེགས་པ་རྣམས་ཀྱི་དགོངས་རྫོགས་དང་། ད་ལྟ་ཞལ་བཞུགས་པ་རྣམས་ཀྱི་བར་ཆད་སེལ་ཞིང་མཐུན་པའི་རྐྱེན་
[158b.3]ཆོས་བཞིན་དུ་ཡོངས་སུ་རྫོགས་པའི་ཕྱིར་དང་། ཡང་སྒོས་སའི་བདག་པོ་ཉིད་ཀྱིས་ཚེ་རབས་མང་པོར་འཁོར་བའི་གནས་རྣམས་སུ་བསགས་བསགས་པའི་སྡིག་པ་དང་སྒྲིབ་པའི་ཕུང་པོ་ཐམས་ཅད་རྨང་ནས་འཇིག་པའི་ཕྱིར་དང་། ཐུགས་ལ་ཇི་ལྟར་བཞེད་པའི་དོན་ཐམས་
[158b.4]ཅད་ཆོས་དང་མཐུན་པར་ཡོངས་སུ་འགྲུབ་ཅིང་ཚེ་དང་བསོད་ནམས་དཔལ་འབྱོར་ཐམས་ཅད་ཡར་ཟླ་བཞིན་དུ་འཕེལ་བའི་ཕྱིར་དང་། ཆབ་སྲིད་མངའ་ཐང་གང་ལ་མཆོད་པའི་དགེ་འདུན་གྱི་སྡེ་དང་བཅས་པ་མི་ནུབ་སྲིད་མཐའི་བར་དུ་བརྟན་པའི་ཕྱིར་དང་། ཚེ་འདི་ཉིད་ལ་དམ་
[158b.5]པའི་ཆོས་ཀྱི་དཔལ་ཆེན་པོ་ལ་རང་དབང་དུ་ལོངས་སྤྱོད་པའི་མཐུ་ཐོབ་ནས་རྒྱལ་བ་སྲས་དང་བཅས་པས་དགོངས་ཤིང་བྱིན་གྱིས་རློབ་པ་དང་། ལུས་བོར་མ་ཐག་ཏུ་བདེ་བ་ཅན་གྱི་ཞིང་ཁམས་སུ་རྫུས་ཏེ་སྐྱེས་ནས་བྱང་ཆུབ་ཀྱི་སྤྱོད་པ་རྫོགས་པར་བྱ་བ་རྣམས་ཀྱི་སླད་དུའོ། །གཉིས་
[158b.6]པ་ཕན་ཡོན་ནི། སྤྱིར་མདོ་རྒྱུད་བསྟན་བཅོས་རྣམས་སུ་བཟུང་བ་དང་བཅང་བ་དང་བཀླག་པ་དང་ཡི་གེར་བྲིས་པ་སོགས་ཀྱི་སྨན་ཡོན་བསམ་གྱིས་མི་ཁྱབ་པ་ཞིག་གསུངས་པ་ནའང་། འདིར་ཉེ་བར་མཚོན་པ་ཙམ་ཞིག་དགོད་ན་གཙོ་བོར་རྒྱལ་བའི་ཡུམ་ལས་རིགས་ཀྱི་བུའམ་རིགས་
[158b.7]ཀྱི་བུ་མོ་གང་ཤེས་རབ་ཀྱི་ཕ་རོལ་དུ་ཕྱིན་པ་འདི་ལ་མངོན་པར་དད་དེ་རྟོག་ཅིང་མོས་ལ་སེམས་དང་བས་བྱང་ཆུབ་ཏུ་སེམས་བསྐྱེད་ནས་ལྷག་པའི་བསམ་པས་ཉན་པ་དང་འཛིན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་རབ་ཏུ་འདོན་པ་དང་སྟོན་པ་དང་ཉེ་བར་སྟོན་པ་དང་ལུང་
[159a.1]འབོགས་པ་དང་ཁ་ཏོན་བྱེད་པ་དང་གཞན་དག་ལའང་རྒྱ་ཆེར་ཡང་དག་པར་སྟོན་པ་དང་འདིའི་དོན་རྣམ་པར་འགྲེལ་པ་དང་། ཡིད་ཀྱི་རྗེས་སུ་རྟོག་པ་དང་། ཇི་ལྟ་བུར་གྲུབ་པའི་ཤེས་རབ་ཀྱིས་འདིར་ཡོངས་སུ་དཔྱོད་པར་བྱེད་པ་དང་། སངས་རྒྱས་ཀྱི་ཚུལ་རྒྱུན་
[159a.2]ཆད་པར་མ་གྱུར་ཅིག །དམ་པའི་ཆོས་ནུབ་པར་མ་གྱུར་ཅིག་ཅེས་དམ་པའི་ཆོས་ཡུན་རིང་དུ་གནས་པར་བྱ་བ་དང་། ཚུལ་དང་མ་བྲལ་བས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕན་གདགས་པ་བསྒྲུབ་པ་བྱས་པར་འགྱུར་བར་ཆུང་ངུ་ན་གླེགས་བམ་དུ་ཆུད་པར་བྱས་
[159a.3]ཏེ་འཆང་ངམ་བཞག་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལ་མེ་ཏོག་དང་བདུག་པ་དང་དྲི་དང་ཕྲེང་བ་དང་བྱུག་པ་དང་ཕྱེ་མ་དང་ན་བཟའ་དང་གདུགས་དང་རྒྱལ་མཚན་དང་དྲིལ་བུ་དང་བ་དན་དག་དང་ཁོར་ཡུག་ཏུ་མར་མེའི་ཕྲེང་བ་དག་དང་མཆོད་པ་རྣམ་པ་མང་པོ་དག་གིས་མཆོད་པར་བྱེད་དེ།
[159a.4]བཀུར་སྟིར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད། རི་མོར་བྱེད། བསྙེན་བཀུར་བྱེད་ན། ཀཽ་ཤི་ཀ་བསོད་ནམས་མངོན་པར་འདུ་བྱེད་པ་དེ་ལ་རིན་པོ་ཆེ་སྣ་བདུན་གྱི་མཆོད་རྟེན་དེ་བཞིན་གཤེགས་པའི་རིང་བསྲེལ་གྱི་སྙིང་པོ་ཅན་ལ་བཀུར་སྟིར་བྱས་
[159a.5]པའི་བསོད་རྣམས་མངོན་པར་འདུ་བྱས་པ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ་སྟོང་གི་ཆར་ཡང་བརྒྱ་སྟོང་གི་ཆར་ཡང་བྱེ་བའི་ཆར་ཡང་བྱེ་བ་བརྒྱའི་ཆར་ཡང་བྱེ་བ་སྟོང་གི་ཆར་ཡང་བྱེ་བ་བརྒྱ་སྟོང་གི་ཆར་ཡང་བྱེ་བ་ཁྲག་ཁྲིག་བརྒྱ་སྟོང་གི་ཆར་ཡང་ཉེ་བར་མི་འགྲོའོ། །གྲངས་སུ་
[159a.6]ཡང་ཉེ་བར་མི་འགྲོའོ། །ཆར་ཡང་བགྲང་བར་ཡང་དཔེར་ཡང་དཔེས་བསྟན་པར་བྱ་བར་ཡང་རྟེན་དུ་ཡང་རྒྱུར་ཡང་མི་བཟོད་དོ། །ཞེས་སོགས་རྒྱ་ཆེར་བསྟན་ཅིང་། དེའི་འགྲེལ་པར་སློབ་དཔོན་སེང་གེ་བཟང་པོས། གཙོ་བོར་ཆོས་ཀྱི་སྐུའི་དེ་བཞིན་གཤེགས་པ་ཉིད་ཤེས་
[159a.7]རབ་ཀྱི་ཕ་རོལ་དུ་ཕྱིན་པ་ཡིན་ནོ། །དེ་བས་ན་དེ་སྟོན་པར་བྱེད་པའི་རྒྱལ་བའི་ཡུམ་ལ་མཆོད་ན་ཐམས་ཅད་མཁྱེན་པའི་ཡེ་ཤེས་ཀྱི་ཆོས་ཀྱི་སྐུ་ལ་མཆོད་པའི་ཕྱིར་བསོད་ནམས་མང་དུ་སྐྱེ་བ་ཡིན་ནོ། །གཟུགས་བརྙན་གྱི་དེ་བཞིན་གཤེགས་པ་ལ་མཆོད་ན་ནི་ཁྱད་པར་དུ་འཕགས་
[159b.1]པའི་ཆོས་ཀྱི་སྡུས་མ་བསྡུས་པ་ཡིན་པའི་ཕྱིར་བསོད་ནམས་ཆེས་མང་དུ་མི་སྐྱེད་པ་ཡིན་ནོ། །བྲིས་ནས་མཆོད་ན་བསོད་ནམས་མང་དུ་བསྐྱེད་པར་བསྟན་ནས། འབྲི་བཞིན་པ་ནའང་དེ་དང་འདྲའོ་ཞེས་བསྟན་པར་བྱ་བའི་ཕྱིར། ཡང་རིགས་ཀྱི་བུའམ་ཞེས་བྱ་བ་ལ་
[159b.2]སོགས་པ་གསུངས་སོ། །ཞེས་དང་། དམ་པའི་ཆོས་ཡུན་རིང་དུ་གནས་པར་བྱ་བ་ནི་དེའི་རྒྱུ་མཚན་ནོ། །དེ་ཉིད་ནི་སངས་རྒྱས་ཀྱི་ཚུལ་ཞེས་བྱ་བ་ལ་སོགས་པ་གསུངས་པ་ཡིན་ཏེ། སངས་རྒྱས་རྣམས་ཀྱི་ཚུལ་ནི་གཙོ་མོ་སྟེ་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་
[159b.3]ཉིད་ཡིན་ལ། འདི་ནི་གླེགས་བམ་དུ་བྲིས་པ་མེད་ན་བཀླག་པ་དང་ཁ་ཏོན་ལ་སོགས་པ་མེད་པར་འགྱུར་བས། དེ་རྒྱུན་ཆད་པར་མ་གྱུར་ །དེ་བཞིན་དུ་ཡུམ་མི་བཞུགས་ཏེ་རྟོགས་པ་དང་ལུང་གིས་དམ་པའི་ཆོས་ནུབ་པར་མ་གྱུར་ཅིག་ཅེས་པའོ། །བྱང་ཆུབ་སེམས་
[159b.4]དཔའ་རྣམས་ཀྱིའང་ཡུམ་ཡིན་པས་གླེགས་བམ་དུ་བཞུགས་པས་ཉན་པ་ལ་སོགས་པའི་མཚན་གྱི་ཕན་གདགས་པ་བསྒྲུབ་པ་བྱས་པར་འགྱུར་ཡིན་ནོ། །ཞེས་བཤད་ཅིང་། སྡུད་པ་ཚིགས་སུ་བཅད་པ་ལས་ཀྱང་། ལ་ལས་བདེ་གཤེགས་ཡོངས་སུ་མྱ་ངན་འདས་
[159b.5]པ་ཡི། །མཆོད་རྟེན་རིན་ཆེན་བདུན་ལས་བྱས་ཤིང་མཆོད་བྱེད་ལ། །བདེ་བར་གཤེགས་པའི་མཆོད་རྟེན་དེ་དག་གངྒཱ་ཡི། །བྱེ་མ་སྙེད་ཀྱིས་བྱེ་བ་ཕྲག་སྟོང་ཞིང་བཀང་སྟེ། །ཡོངས་སུ་བརྟག་བཟུང་ཞིང་རྣམས་བྱེ་བ་མཐའ་ཡས་ན། །སེམས་ཅན་ཇི་སྙེད་འཁོད་
[159b.6]པ་དེ་དག་ཐམས་ཅད་ཀྱིས། །ལས་གཞན་མི་བྱེད་ལྷ་ཡི་མེ་ཏོག་སྤོས་རབ་དང་། །བྱུག་པས་དུས་གསུམ་བསྐལ་པའམ་དེ་བས་ལྷག་མཆོད་ལ། །གང་ཞིག་གང་ལས་རྣམ་འདྲེན་སྟོབས་བཅུ་འབྱུང་འགྱུར་བ། །བདེ་བར་གཤེགས་ཀྱི་ཡུམ་འདི་གླེགས་བམ་
[159b.7]ལ་བྲིས་ཏེ། །འཆང་ཞིང་མེ་ཏོག་བྱུག་པས་བསྟི་སྟང་བྱེད་གྱུར་ན། །མཆོད་རྟེན་བྱས་མཆོད་བསོད་ནམས་དེས་ནི་ཆར་མི་ཕོད། །ཅེས་དང་། ལ་ལས་གངྒཱའི་ཀླུང་གི་བྱེ་སྙེད་ཞིང་རྣམས་ན། །སེམས་ཅན་ཇི་སྙེད་འཁོད་ཀུན་དགྲ་བཅོམ་ཉིད་བཏུལ་བས། །
[160a.1]གང་གིས་ཤེས་རབ་ཕ་རོལ་ཕྱིན་འདི་ཡིག་བྲིས་ཏེ། །སེམས་ཅན་མཆོག་ལ་གླེགས་བྱིན་བསོད་ནམས་ཁྱད་པར་འཕགས། །ཅི་ཕྱིར་ཞེ་ན་སྨྲ་མཆོག་དེ་དག་འདིར་བསླབས་ནས། །ཆོས་རྣམས་མཐའ་དག་སྟོང་པ་ཉིད་དུ་འདིར་སྟོན་བྱེད། །དེ་ཐོས་ཉན་ཐོས་
[160a.2]མྱུར་དུ་རྣམ་པར་གྲོལ་ལ་རེག །རང་རྒྱལ་བྱང་ཆུབ་དང་ནི་སངས་རྒྱས་བྱང་ཆུབ་རེག །ཞེས་གསུངས་པ་དང་། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས། གང་ཡང་འཛམ་བུའི་གླིང་འདི་དེ་བཞིན་གཤེགས་པའི་རིང་
[160a.3]བསྲེལ་གྱི་མཆོད་རྟེན་རིན་པོ་ཆེ་སྣ་བདུན་ལས་བྱས་པས་གང་བར་བྱས་ཏེ། ལྷའི་ཕྲེང་བ་དང་། བྱུག་པ་དང་། མེ་ཏོག་དང་། མར་མེ་དང་། རིན་པོ་ཆེའི་གདུགས་དང་། སིལ་སྙན་དང་། རྒྱལ་མཚན་དང་། བ་དན་རྣམས་ཀྱིས་ལོ་འབུམ་དུ་བཀུར་སྟི་བྱས་ཏེ་རྗེད་ཅིང་མཆོད་
[160a.4]པ་བས། གང་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་། མཆོད་པ་དང་། འདྲི་བ་དང་། འདྲིར་འཇུག་པ་དང་། གཞན་དག་ལ་ཡང་དག་པར་རབ་ཏུ་བསྟན་ན་དེ་བས་འདི་ཆེས་བསོད་ནམས་མང་དུ་འཕེལ་ལོ། །རིགས་ཀྱི་བུ་གང་ལ་ལ་ཞིག་གིས་འཛམ་
[160a.5]བུའི་གླིང་གི་སེམས་ཅན་དེ་དག་འཕགས་པའི་ལམ་ཡན་ལག་བརྒྱད་པ་ལ་འཇོག་ཅིང་། བཞག་ནས་ཀྱང་ལྷའི་ལོ་སྟོང་དུ་ཡོ་བྱད་ཐམས་ཅད་ཀྱིས་མི་བྲེལ་བར་རྗེད་ཅིང་མཆོད་པ་བས། གང་གིས་ཆོས་ཀྱི་རྣམ་གྲངས་འདི་ལས་ཚིག་བཞི་བའི་ཚིགས་སུ་བཅད་པ་ཙམ་ཡང་ཉན་
[160a.6]པ་དང་། འཆང་བ་དང་། འདྲི་བ་དང་། འདྲིར་བཅུག་པ་དང་། གཞན་ལ་རྒྱས་པར་བྱེད་ན་དེ་བས་འདི་ཆེས་བསོད་ནམས་མང་དུ་འཕེལ་ལོ། །ཞེས་གསུངས་པ་དང་། བྱང་ཆུབ་སེམས་དཔའི་སྤྱོད་པ་བསྟན་པའི་མདོ་ལས། འཇམ་དཔལ་བྱང་ཆུབ་སེམས་
[160a.7]དཔའ་གང་གིས་བསྐལ་པ་འབུམ་གྱི་བར་དུ་ཐབས་ལ་མཁས་པ་མེད་པར་ཕ་རོལ་དུ་ཕྱིན་པ་དྲུག་ལ་སྤྱད་པ་བས། གང་གིས་ཆོས་ཀྱི་རྣམ་གྲངས་འདི་སོམ་ཉི་དང་བཅས་པས་ཐོས་ན་འདི་ནི་དེ་བས་ཆེས་བསོད་ནམས་མང་དུ་སྐྱེད་ན་གང་གིས་སོམ་ཉི་མེད་པར་ཐོས་པ་ལྟ་ཅི་སྨོས། གང་
[160b.1]གིས་ཡི་གེར་འདྲི་བ་དང་། ལུང་ནོད་པ་དང་། འཆང་བ་དང་། གཞན་དག་ལའང་རྒྱ་ཆེར་ཡང་དག་པར་སྟོན་པ་ལྟ་ཅི་སྨོས། ཞེས་དང་། དེ་བཞིན་གཤེགས་པའི་སྙིང་པོ་ཞེས་བྱ་བའི་མདོ་ལས་ཀྱང་ཀུན་དགའ་བོ་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་འཆང་
[160b.2]བ་དང་། ཀློག་པ་དང་། གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་པ་དང་། གླེགས་བམ་དུ་བྱས་ཏེ་འཆང་བ་དེས་འདི་སྙམ་དུ་བདག་གིས་དེང་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་དུ་སེམས་བསྐྱེད་པར་བྱ་སྟེ། དེ་ནི་ཇི་ལྟར་ད་ལྟར་ང་བཞིན་དུ་
[160b.3]ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་ཕྱག་བྱ་བའི་འོས་དང་། མཆོད་པའི་འོས་ཡིན་ནོ། །ཞེས་འབྱུང་བ་སོགས་མདོར་ན་མདོ་སྡེ་རེ་རེ་འབྲི་བ་ལའང་དེ་ལྟ་བུའི་ཕན་ཡོན་ཡོད་ན། མདོ་རྒྱུད་ཀྱི་གླེགས་བམ་མང་པོའི་ཕྱི་མོ་མི་ཟད་པའི་ཆོས་སྦྱིན་སྤེལ་བའི་ཕྱིར་པར་དུ་
[160b.4]བསྒྲུབས་པའི་བསོད་ནམས་ཀྱི་ཕུང་པོ་ལ་ནི་ཕྱོགས་ཙམ་ཞིག་ཀྱང་བསྐལ་པ་བྱེ་བ་ཕྲག་མང་པོར་བརྗོད་པས་མཐའ་གཏུགས་པར་ནུས་པ་མ་ཡིན་ནོ། །དེའི་རྒྱུ་མཚན་ཡང་གོང་དུ་ལུང་དྲངས་པ་རྣམས་ཀྱི་དགོངས་པས་སྐྱེ་འགྲོའི་བདེ་སྐྱིད་མཐའ་དག་སངས་རྒྱས་ཀྱི་བསྟན་པ་ལ་རག་
[160b.5]ལས་ཤིང་། སངས་རྒྱས་ཀྱི་བསྟན་པའང་བསྟན་པ་དེ་འཛིན་པར་བྱེད་པའི་སྐྱེས་བུ་དམ་པ་རྣམས་ལ་རག་ལས། བསྟན་འཛིན་གྱི་སྐྱེས་བུ་རྣམས་ཀྱང་བདེ་བར་གཤེགས་པའི་གསུང་རབ་ལ་ཐོས་བསམ་བསྒོམ་གསུམ་བྱས་པ་ལས་ཡིན་ཞིང་། དེའང་ཡི་གེའི་ཕྱི་མོ་
[160b.6]འཁྲུལ་བ་མེད་པ་དཔྱད་པ་གསུམ་གྱིས་རྣམ་པར་དག་པ་ལས་བྱུང་བ་ཡིན་པའི་ཕྱིར་སེམས་ཅན་གྱི་བདེ་སྐྱིད་དང་སངས་རྒྱས་ཀྱི་བསྟན་པ་གཉི་གའི་རྩ་ལག་ཏུ་གྱུར་པ་འདི་ལྟ་བུ་ལ་ནི་བསོད་ནམས་བྱ་བའི་དངོས་པོ་གང་གིས་ཀྱང་བསྐྲུན་པར་མི་ནུས་པའི་ཕྱིར་རོ། །ཁྱད་པར་དུ་དེང་སང་
[160b.7]སྙིགས་མ་ལྔ་བདོ་བའི་མུན་ཀློང་སྟུག་པོར་གཡོ་བས་མཉམ་མེད་ཤཱཀྱའི་དབང་པོའི་བསྟན་པ་རིན་པོ་ཆེའང་ནུབ་པ་ལ་ཐག་མི་རིང་བའི་སྐབས་འདི་ལྟ་བུར་དམ་པའི་ཆོས་ཡུན་རིང་དུ་གནས་པའི་ཕྱིར་འབད་པ་ཆེན་པོས་བཟུང་བ་ནི་གཞར་ཡང་སྨན་ཡོན་གྱི་ཚོགས་བསམ་གྱིས་མི་ཁྱབ་
[161a.1]པ་སྟེ། འཕགས་པ་སྤྱན་རས་གཟིགས་ཞེས་བྱ་བ་ཐེག་པ་ཆེན་པོའི་མདོ་ལས། གང་གིས་སངས་རྒྱས་སྟོང་རྣམས་དང་། །བརྒྱ་དང་བྱེ་བ་བགྲང་དག་ལ། །བསྐལ་པ་གངྒའི་བྱེ་མ་སྙེད། །དེ་སྙེད་བསྐལ་པར་བཀུར་བ་བས། །འཇིག་
[161a.2]རྟེན་མགོན་གྱིས་གསུངས་པ་ཡི། །དམ་ཆོས་འཇིག་ཚེ་གང་ཞིག་གིས། །ཉིན་དང་མཚན་དུ་འཛིན་བྱེད་པ། །དེ་ནི་བསོད་ནམས་ཁྱད་པར་འཕགས། ཆོས་འཇིག་དུས་ན་ཆོས་འཛིན་པ། །སྔོན་གྱི་སངས་རྒྱས་ཐམས་ཅད་དང་། །སངས་རྒྱས་ཡེ་ཤེས་
[161a.3]རབ་གནས་པ། །ང་ལ་དེས་ནི་མཆོད་པ་བྱེད། །དམ་པའི་ཆོས་ནི་འཇིག་པའི་ཚེ། །སྟོན་པའི་བསྟན་པ་སྲུང་བྱེད་པ། །བསྐལ་པ་བྱེ་བ་སྟོང་རྣམས་སུ། །དེ་ནི་ནམས་ཀྱང་རྒུད་མི་འགྱུར། །ལུས་ཀྱིས་བདེ་བ་མྱོང་འགྱུར་ཞིང་། །དེ་ནི་ནད་ཀྱིས་བཏབ་མི་
[161a.4]འགྱུར། །དེ་ནི་ཡིད་དུ་མི་འོང་བས། །ནམས་ཀྱང་འཕྲོག་པར་མི་འགྱུར་རོ། །སྟོན་པའི་བསྟན་པ་བསྲུང་བྱས་ན། །བཟོད་པ་ཕུན་སུམ་ཚོགས་པ་དང་། །དེས་དང་གསལ་དང་གཉེན་པ་དང་། །སེམས་ཅན་རྣམས་ལ་བྱམས་སེམས་འགྱུར། །འཇིག་ཚེ་
[161a.5]རྒྱལ་བ་མཆོག་གི་ཆོས་བཟུང་བས། །བདེ་དང་དགའ་འཐོབ་མཛོད་ནི་མང་པོར་འགྱུར། །སྔོན་གྱི་རིམ་གྲོ་བྱ་བ་འཐོབ་འགྱུར་ཞིང་། །མི་ཁོམ་བརྒྱད་པོ་མ་ལུས་ཟད་པར་སྤོང་། །འཇིག་ཚེ་རྒྱལ་བ་མཆོག་གི་ཆོས་བཟུང་བས། །དཔེར་ན་ནམ་མཁའི་སྐར་མས་ཡོངས་
[161a.6]གང་ལྟར། །རྟག་ཏུ་མཚན་གྱིས་གོ་ཆར་བྱས་པ་དང་། །རབ་ཏུ་ཚིག་སྙན་ཡིད་འོང་དབྱངས་ལྡན་འགྱུར། །འཇིག་ཚེ་རྒྱལ་བ་མཆོག་གི་ཆོས་བཟུང་བས། །གང་ན་ཡིད་བདེ་མེད་ཅིང་རབ་སྡུག་པ། །རིགས་དམན་དེ་ནི་དེ་ཡིས་སྤངས་པར་འགྱུར། །ཕྱུག་ཅིང་ཤིན་
[161a.7]ཏུ་བདེ་ལ་ལོངས་སྤྱོད་ལྡན། །འཇིག་ཚེ་རྒྱལ་བ་མཆོག་གི་ཆོས་བཟུང་བས། །མཐུ་དང་སྟོབས་དང་ལྡན་ཞིང་བརྩོན་འགྲུས་ལྡན། །མི་དམན་ས་རྣམས་ཀུན་ཏུ་རྣམ་པར་རྒྱུ། །སངས་རྒྱས་བརྒྱ་སྟོང་དག་ལ་བསྙེན་བཀུར་བྱེད། །འཇིག་ཚེ་རྒྱལ་བ་མཆོག་གི་ཆོས་བཟུང་བས། །
[161b.1]མཆོག་ཏུ་རབ་མཛེས་གཟུགས་ལྡན་ཤེས་རབ་ལྡན། །མི་ཡི་འཇིག་རྟེན་མཆོག་ཏུ་བསྙེན་བཀུར་འགྱུར། །རྒྱལ་པོ་མཁས་པ་མཛངས་པ་རྣམས་ཀྱིས་བསྔགས། །འཇིག་ཚེ་རྒྱལ་བ་མཆོག་གི་ཆོས་བཟུང་བས། །མཆོག་ཏུ་གཟུགས་མཛེས་བལྟ་ན་སྡུག་པ་དང་། །སྐྱེས་
[161b.2]པ་བུད་མེད་ལྷ་རྣམས་དགའ་བ་དང་། །བདེ་ཞིང་མཁས་ལ་བསྔགས་ཤིང་ཤེས་རབ་ལྡན། །སྟོན་པ་སྟོབས་བཅུ་མངའ་བ་ལྷ་ཡི་ལྷས། །གང་གི་མདུན་དུ་མདོ་འདི་རབ་བཤད་པ། །མི་དེའི་ལག་ཏུ་མདོ་སྡེ་འདི་འདྲ་འདི། །ཕྱི་མའི་དུས་ཀྱི་ཚེ་ན་ཐོབ་པར་འགྱུར། །ཞེས་
[161b.3]དང་། གསེར་འོད་དམ་པ་ལས། ང་ཡོངས་སུ་མྱ་ངན་ལས་འདས་པའི་འོག་ཏུ་ཡང་འཐོར་ཞིང་ནུབ་པར་མི་འགྱུར་བར་བྱེད་པ་དེ་ནི་བླ་ན་མེད་པའི་བྱང་ཆུབ་ཀྱི་རྒྱུ་ཡང་དག་པ་ཡིན་པས་བསོད་ནམས་ཇི་སྙེད་ཅིག་འཐོབ་པར་འགྱུར་བ་ནི་བསྐལ་པ་གངྒཱའི་ཀླུང་གི་བྱེ་མ་སྙེད་དུ་བརྗོད་ཀྱང་
[161b.4]མཐར་ཐུག་པར་མི་འགྱུར་རོ། །དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་ཡང་རིགས་ཀྱི་བུའམ་རིགས་ཀྱི་བུ་མོ་ལ་སོགས་པ་གང་ལ་ལ་ཞིག །མཆོད་པ་དང་བཀུར་སྟི་བྱས་ནས་ཡི་གེར་བྲིས་ཏེ་རྒྱ་ཆེར་སྤེལ་བ་དང་།
[161b.5]གཞན་དག་ལ་ཡང་དག་པར་སྟོན་པར་བྱེད་པས་ཐོབ་པའི་བསོད་ནམས་གང་ཡིན་པ་དེའང་དེ་བཞིན་ནོ། །ཞེས་གསུངས་པ་སོགས་མདོ་རྒྱུད་རྣམས་ནས་རྒྱ་ཆེར་འབྱུང་བ་ལྟར་རོ། །དེའང་དམ་པའི་ཆོས་འཛིན་པ་དངོས་ནི་མཛོད་ལས་སྟོན་པའི་དམ་ཆོས་རྣམ་གཉིས་ཏེ། །
[161b.6]ལུང་དང་རྟོགས་པའི་བདག་ཉིད་དོ། །དེ་འཛིན་བྱེད་པ་སྨྲ་བྱེད་དང་། །སྒྲུབ་པར་བྱེད་པ་ཁོ་ན་ཡིན། །ཞེས་ལུང་གི་དམ་ཆོས་ཐོས་བསམ་གྱི་སྒོ་ནས་འཛིན་པ་དང་། རྟོགས་པའི་དམ་ཆོས་ཉམས་ལེན་གྱི་སྒོ་ནས་འཛིན་པ་གཉིས་གསུངས་པ་ཡིན་ཞིང་། དེ་ལ་གསུང་
[161b.7]རབ་ཀྱི་ཕྱི་མོ་གླེགས་བམ་གྱི་ཕྲེང་བར་འཁོད་པ་མེད་ན་ཐོས་བསམ་བྱེད་པ་མི་འབྱུང་ལ། དེ་མེད་པར་ཡང་སྒྲུབ་པ་ཉམས་ལེན་མི་འབྱུང་བས་ཆོས་ཡོངས་སུ་འཛིན་པའི་རྩ་བའང་འདི་ཉིད་ཁོ་ནར་ཤེས་པར་བྱའོ། །དེ་ལྟ་བུའི་ཕན་ཡོན་ཆེན་པོ་དང་ལྡན་པའི་གླེགས་བམ་གྱི་
[162a.1]ཕྱི་མོ་རྣམས་གང་དུ་བཞུགས་པའི་ས་ཕྱོགས་དེ་ཉིད་དུའང་དགེ་ལེགས་ཀྱི་མཚན་མ་མང་པོ་ཕུན་སུམ་ཚོགས་པར་འབྱུང་བ་ཡིན་ཏེ། བདུད་རྩི་བརྗོད་པ་ཞེས་བྱ་བ་ཐེག་པ་ཆེན་པོའི་མདོ་ལས། ཡུལ་གང་ན་མདོ་སྡེ་འདི་ལྟ་བུ་འདི་འཛིན་པ་དང་། ཆོས་
[162a.2]སྨྲ་བ་གནས་པའམ། ཆོས་ཀྱི་རྣམ་གྲངས་འདི་གླེགས་བམ་དུ་བྲིས་ཏེ་ཡོད་པའི་ཡུལ་དེར་ནད་དང་། ཡམས་ཀྱི་ནད་དང་། གནོད་པ་དང་། འགོ་བའི་ནད་དང་། འཁྲུག་པ་ཐམས་ཅད་རབ་ཏུ་ཞི་བར་འགྱུར་རོ། །ཞེས་དང་། དེ་ཉིད་ལས་རྒྱལ་བའི་སྲས་པོ་
[162a.3]བྱམས་པས་ཞལ་གྱིས་བཞེས་པའི་ཚུལ་ཡང་། ཡུལ་གང་ན་མདོ་སྡེ་འདི་འཛིན་པ་དེ་ལྟ་བུ་དག་གནས་པའི་ཡུལ་དེར་བདག་གིས་དུས་མ་ལགས་པའི་བསེར་མ་དང་། དགུང་ཆར་དང་། མུ་གེ་དང་། བྲོ་ནད་ཡ་ང་བ་དང་། མི་ངས་དང་། ཡམས་ཀྱི་ནད་དང་།
[162a.4]འགོ་བའི་ནད་དང་། གནོད་པ་དང་འཁྲུགས་པ་ཐམས་ཅད་རབ་ཏུ་ཞི་བར་བགྱིའོ། །ཡུལ་གང་ན་ཆོས་ཀྱི་རྣམ་གྲངས་འདི་འཆང་བ་དང་། གླེགས་བམ་དུ་བགྱིས་པའམ། རྒྱལ་མཚན་གྱི་རྩེ་མོར་བཏགས་པ་ལ་མཆོད་པ་བགྱིད་པའི་ཡུལ་དེར་བདག་གི་བྱིན་གྱིས་བརླབས་
[162a.5]ཀྱིས་ཕ་རོལ་གྱི་ས་དམག་ཚོགས་ཐམས་ཅད་དང་། ཆོམ་རྐུན་དང་། སྲིན་པོ་དང་། མཁའ་འགྲོ་མའི་ཡ་ང་བ་ཐམས་ཅད་རབ་ཏུ་ཞི་བར་འགྱུར་རོ། །གང་དག་ན་ཆོས་སྨྲ་བ་འདི་ལྟ་བུ་དག་དང་། མདོ་སྡེ་འདི་འཆང་བའི་ཡུལ་དེར། བདག་གིས་ལོ་ཏོག་དང་ནོར་དང་འབྲུ་དང་
[162a.6]མེ་ཏོག་དང་ལོ་མ་དང་འབྲས་བུ་ཐམས་ཅད་ཕུན་སུམ་ཚོགས་པ་དང་། བདེ་བ་ཐམས་ཅད་འབྱུང་བར་བྱིན་གྱིས་བརླབ་པར་བགྱིའོ། །ཞེས་འབྱུང་བ་དང་། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས་ཀྱང་མདོ་དེ་ཉིད་ཀྱིས་མཚོན་ནས་ཐེག་ཆེན་གྱི་མདོ་རྣམས་གང་དུ་
[162a.7]བཞུགས་ཤིང་སྤེལ་བ་དང་མཆོད་པའི་རྒྱལ་པོ་སོགས་ཡོད་པ་དེར་རྒྱལ་པོ་ཆེན་པོ་བཞི་སོགས་ཀྱིས་སྐྱོང་བར་བྱེད་པའི་ཚུལ་རྒྱ་ཆེར་འབྱུང་ཞིང་ཁྱད་པར་དུ། བཅོམ་ལྡན་འདས་མིའི་རྒྱལ་པོ་གང་གི་ཡུལ་དུ་མདོ་སྡེའི་དབང་པོ་འཛིན་པའི་དགེ་སློང་ཆོས་སྨྲ་བ་དེ་དག་འཆི་བར་འགྱུར་བའི་
[162b.1]ཡུལ་དེ་དག་ཏུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཡང་བསྙེན་པར་འགྱུར་རོ། །བཙུན་པ་བཅོམ་ལྡན་འདས་ནམ་མིའི་རྒྱལ་པོས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་ཏེ་ཐོས་ནས་མདོ་སྡེའི་དབང་པོ་འདི་འཛིན་པའི་དགེ་སློང་དེ་དག་ཕྱིར་རྒོལ་བ་དེ་དག་
[162b.2]ལས་ཀུན་ཏུ་སྲུང་བར་བགྱིད། ཡོངས་སུ་སྐྱོབ་པ་དང་། ཡོངས་སུ་འཛིན་པ་དང་། ཡོངས་སུ་སྐྱོང་བར་བགྱིད་ནི། བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་མིའི་རྒྱལ་པོ་དེའི་ཡུལ་ཐམས་ཅད་ན་གནས་པའི་སེམས་ཅན་རྣམས་ཀུན་ཏུ་བསྲུང་བར་
[162b.3]བགྱི། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང༌་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིའོ། །བཙུན་པ་བཅོམ་ལྡན་འདས་མིའི་རྒྱལ་པོས་ནམ་དགེ་སློང་ངམ་དགེ་སློང་མའམ་དགེ་བསྙེན་ནམ་དགེ་བསྙེན་མ་མདོ་སྡེའི་དབང་པོ་འཛིན་པ་
[162b.4]ལ་བདེ་བར་སྦྱར་བ་ཐམས་ཅད་ཀྱིས་བདེ་བར་བགྱིད་ན་བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་མིའི་རྒྱལ་པོ་དེའི་ཡུལ་ཐམས་ཅད་ན་གནས་པའི་སེམས་ཅན་རྣམས་ལ་བདེ་བའི་ཡོ་བྱད་ཐམས་ཅད་ཀྱིས་བདེ་བ་དང་ཡོ་བྱད་ཐམས་ཅད་ཕུན་སུམ་ཚོགས་པར་བགྱིའོ། །
[162b.5]བཙུན་པ་བཅོམ་ལྡན་འདས་ནཱམ་མིའི་རྒྱལ་པོས་དགེ་སློང་ངམ་དགེ་སློང་མའམ། དགེ་བསྙེན་ནམ་དགེ་བསྙེན་མ་མདོ་སྡེའི་དབང་པོ་འདི་འཛིན་པ་ལ་བསྟི་སྟང་བགྱིད། བླ་མར་བགྱིད། རིམ་གྲོར་བགྱིད་ཅིང་མཆོད་ན་བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་མིའི་
[162b.6]རྒྱལ་པོ་ཆེན་པོ་དེ་ལ་རྒྱལ་པོ་ཐམས་ཅད་པས་ཆེས་བསྟི་སྟང་དུ་བགྱི། ཆེས་བླ་མར་བགྱི། ཆེས་རིམ་གྲོར་བགྱི། ཆེས་མཆོད་པར་བགྱི་སྟེ་ཡུལ་ཐམས་ཅད་དུ་ཡང་རབ་ཏུ་བསྔགས་པར་བགྱིའོ། །ཞེས་སོགས་མདོ་རྣམས་ལས་རྒྱ་ཆེར་གསུངས་པ་སྨོས་ཀྱིས་མི་ལང་
[162b.7]ཞིང་། འདི་ལྟ་བུའི་བདེ་བར་གཤེགས་པས་གསུང་རབ་ཀྱི་གླེགས་བམ་རྒྱས་པའི་ཕྱི་མོའི་ཚུལ་གྱིས་སྙིགས་མའི་དུས་སུ་འགྲོ་བའི་དོན་མཛད་པར་སྣང་བའི་བདག་རྐྱེན་བསམ་པ་སྦྱོར་རྨ་མེད་པའང་རྒྱལ་བ་ཉིད་ཀྱི་རྣམ་པར་འཕྲུལ་པར་ཤེས་དགོས་ཏེ། འཕགས་པ་སངས་
[163a.1]རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས། ཀྱེ་རྒྱལ་བའི་བུ་དག་དེ་བཞིན་ཏེ་དེ་བཞིན་གཤེགས་པའི་ཐབས་མཁས་པ་དང་སེམས་ཅན་ཡོངས་སུ་སྨིན་པར་བྱ་བ་ནི་མང་ངོ༌། །སེམས་ཅན་རྣམས་ཀྱི་བསམ་པ་ཇི་ལྟ་བུ་དང་།
[163a.2]ཇི་ལྟར་འདུལ་བ་དང་། དགེ་བའི་རྩ་བ་ཇི་ལྟ་བུ་དང་། སེམས་ཅན་རྣམས་ཀྱི་མོས་པ་སྣ་ཚོགས་ཀྱི་སྤྱོད་པ་མཁྱེན་ནས་ཆོས་སྟོན་ཏེ། སེམས་ཅན་ཁ་ཅིག་ནི་བྱང་ཆུབ་སེམས་དཔས་འདུལ། ཞེས་སོགས་ནས། ཁ་ཅིག་ནི་སྐུ་གཟུགས་བྱེད་དུ་གཞུག་པ་དང་། རི་
[163a.3]མོ་དང་། གསེར་དང་། དངུལ་དང་ར་གན་གྱི་སྐུ་གཟུགས་བྱེད་དུ་གཞུག་པའི་དགེ་བའི་རྩ་བ་ལ་སྤྲོ་བ་བསྐྱེད་པས་འདུལ། ཁ་ཅིག་ནི་དགེ་སློང་གི་དགེ་འདུན་ལ་མཆོད་པ་དང་བཀུར་སྟི་བྱ་བའི་དགེ་བའི་རྩ་བ་ལ་སྤྲོ་བ་བསྐྱེད་པས་འདུལ། ཁ་ཅིག་ནི་མདོ་སྡེ་འདྲི་བ་དང་། འདྲིར་
[163a.4]གཞུག་པ་དང་། བཀླག་པ་ལ་སྤྲོ་བ་བསྐྱེད་པས་འདུལ། ཁ་ཅིག་ནི་མར་མེ་དང་། སྤོས་དང་། མེ་ཏོག་དང་། དྲི་དང་། ཕྲེང་བ་དང་། བྱུག་པ་དང་། །དོ་ཤལ་ལ་སོགས་པས་བརྒྱན་པ་ལ་སྤྲོ་བ་བསྐྱེད་པས་འདུལ་བ་ཡིན་ཏེ་ཞེས་པའི་བར་དང་། དེ་བཞིན་
[163a.5]གཤེགས་པ་རྣམས་ཡོངས་སུ་མྱ་ངན་ལས་འདས་ཀྱང་སྦྱོར་བ་སྣ་ཚོགས་ཀྱིས་རིང་བསྲེལ་མཆོད་པ་དང་། མཆོད་རྟེན་དང་། གཙུག་ལག་ཁང་དང་། སྐུ་གཟུགས་བྱེད་དུ་གཞུག་པ་དང་། རབ་ཏུ་འབྱུང་བའི་ཕྱིར་ཁྱིམ་ནས་འབྱུང་བ་དང་། དགེ་སློང་གི་དགེ་འདུན་ལ་
[163a.6]མཆོད་པ་དང་། དམ་པའི་ཆོས་འདྲི་བ་དང་། བཀླག་པ་དང་། ཁ་ཏོན་དུ་བྱ་བ་ལ་སྤྲོ་བ་བསྐྱེད་པ་དག་གིས་ཀྱང་སེམས་ཅན་ཐམས་ཅད་ཐར་པར་མཛད་ཅེས་སོགས་གསུངས་པ་ལྟར་ངེས་པའི་ཕྱིར་རོ། །དག་པར། །གསུམ་པ་བསྔོ་སྨོན་གྱི་སྐོར། །སྤྱིར་ཐེག་པ་ཆེན་པོའི་བསྔོ་
[163a.7]བའི་རྣམ་གཞག །བསྔོ་བ་བགྱིད་དགོས་པའི་རྒྱུ་མཚན། ཇི་ལྟར་བསྔོ་བའི་ཚུལ། བསྔོ་སྨོན་གྱི་ཚིགས་སུ་བཅད་པ་དངོས་སོ། །དང་པོ་ལ་བསྔོ་བའི་ངོ་བོ་ངེས་ཚིག་དབྱེ་བ་སྟེ་གསུམ་མོ། །དང་པོ་ནི། རྣམ་དཀར་གྱི་ཡོན་ཏན་ཟག་བཅས་དང་ཟག་མེད་མཐའ་དག་མི་གནས་
[163b.1]པའི་མྱ་ངན་ལས་འདས་པའི་གོ་འཕང་གི་ཕྱིར་བློའི་སྟོབས་ཀྱིས་ཡོངས་སུ་བསྒྱུར་བ་སྟེ། དེའང་རྒྱན་ལས། བརྟན་པ་རྣམས་ཀྱི་སྨོན་ལམ་ནི། །སེམས་དཔའ་འདུན་དང་བཅས་པ་སྟེ། །ཞེས་དགེ་རྩ་བྱང་ཆུབ་ཏུ་སྟོབ་པར་བྱེད་པའི་འདུན་སེམས་ས་བོན་དང་བཅས་པར་
[163b.2]བཤད་ཅིང་། མངོན་རྟོགས་རྒྱན་ལས། ཡོངས་སུ་བསྔོ་བ་ཁྱད་པར་ཅན། །དེ་ཡི་བྱེད་པ་མཆོག་ཡིན་ནོ། །ཞེས་གསུངས་སོ། །གཉིས་པ་ངེས་ཚིག་ནི་ལེགས་སྦྱར་གྱི་སྐད་དུ་པ་རི་ཎ་ཏ་སྟེ་ཡོངས་སུ་སྤེལ་བའམ་ཡོངས་སུ་བསྒྱུར་བ་ལ་བྱ་བས། དགེ་རྩ་ཟག་བཅས་
[163b.3]རྣམས་ཟག་མེད་དུ་བསྒྱུར་བའམ། འཛད་པར་འགྱུར་བའི་དགེ་རྩ་རྣམས་མི་ཟད་པར་སྤེལ་བའི་ཕྱིར་དེ་སྐད་དུ་གྲགས་སོ། །གསུམ་པ་དབྱེ་བ་ནི། སྤྱིར་སྐྱེས་བུ་གསུམ་གྱི་རིམ་པས་གསུམ་པ་དང་། དེ་རེ་རེ་ལའང་གཉིས་གཉིས་ཏེ་དྲུག་ཏུ་འགྱུར་ཡང་། འདིར་སྐྱེས་བུ་
[163b.4]ཆེན་པོ་སོར་བཞག་གི་དབང་དུ་བཏང་བར་བསྔོ་བ་མ་དག་པ་དང་། དག་པ་རྣམ་པ་གཉིས་སུ་འབྱེད་དོ། །དང་པོ་ནི། ཤེས་ཕྱིན་སྡུད་པ་ལས། ཡོངས་བསྔོ་གལ་ཏེ་སེམས་སུ་འདུ་ཤེས་འབྱུང་འགྱུར་ཞིང་། །བྱང་ཆུབ་འདུ་ཤེས་ཡོངས་བསྔོ་སེམས་ཅན་འདུ་ཤེས་ན། །
[163b.5]འདུ་ཤེས་ཕྱིར་ན་ལྟ་གནས་སེམས་ནི་གསུམ་ལ་ཆགས། །དམིགས་པ་ཡོད་པས་ཡོངས་སུ་བསྔོས་པར་ཆུད་མ་ཡིན། །ཞེས་དང་། གལ་ཏེ་མཚན་མར་བྱེད་ན་དེ་ནི་བསྔོ་མ་ཡིན། །ཅི་སྟེ་མཚན་མ་མེད་ན་བྱང་ཆུབ་བསྔོ་བ་ཡིན། །ཇི་ལྟར་དུག་དང་འདྲེས་པའི་ཁ་ཟས་བཟང་ཟ་
[163b.6]བ། །དཀར་པོའི་ཆོས་ལ་དམིགས་པའང་དེ་འདྲར་རྒྱལ་བས་གསུངས། །ཞེས་གསུངས་པ་ལྟར་གང་དུ་བསྔོ་བའི་ཡུལ་དང་། གང་བསྔོ་བའི་དངོས་པོ་དང་། གང་གིས་བསྔོ་བའི་བྱེད་པ་པོ་སྟེ་འཁོར་གསུམ་ལ་མཚན་མར་བཟུང་ནས་བསྔོ་བ་བྱེད་པའོ། །གཉིས་པ་ནི། མདོ་
[163b.7]དེ་ཉིད་ལས། གལ་ཏེ་འདི་ལྟར་ཆོས་འདི་འགགས་ཤིང་ཟད་པ་དང་། །གང་དུ་ཡོངས་སུ་བསྔོ་བ་དེ་ཡང་ཟད་པ་དང་། །ཆོས་ཀྱིས་ཆོས་ལ་ནམ་ཡང་མི་བསྔོ་ཤེས་གྱུར་ན། །དེ་ལྟར་རབ་ཏུ་ཤེས་པས་ཡོངས་སུ་བསྔོས་པ་ཡིན། །ཞེས་གསུངས་པ་ལྟར་འཁོར་གསུམ་
[164a.1]དམིགས་བྲལ་གྱི་བསྔོ་བ་ཉིད་དོ། །ཕྱི་མ་བསྔོ་བ་རྣམ་པར་དག་པ་འདི་ཉིད་ལ་ནང་གསེས་སུ་དབྱེ་ན་མངོན་པར་རྟོགས་པའི་རྒྱན་ལས། དེ་ནི་དམིགས་མེད་རྣམ་པ་ཅན། །ཕྱིན་ཅི་མ་ལོག་མཚན་ཉིད་དོ། །དབེན་དང་སངས་རྒྱས་བསོད་ནམས་ཚོགས། །རང་
[164a.2]བཞིན་དྲན་པའི་སྤྱོད་ཡུལ་ཅན། །ཐབས་མཁས་མཚན་མ་མེད་པ་དང་། །སངས་རྒྱས་རྗེས་སུ་ཡི་རང་དང་། །ཁམས་གསུམ་གཏོགས་པ་མ་ཡིན་དང་། །ཆུང་དང་འབྲིང་དང་ཆེན་པོ་ཡི། །བསྔོ་བ་གཞན་ནི་རྣམ་གསུམ་པོ། །བསོད་ནམས་ཆེ་འབྱུང་བདག་ཉིད་དོ། །
[164a.3]ཞེས་བཤད་པ་ལྟར་རྣམ་པ་བཅུ་གཅིག་ཏུ་འགྱུར་ཏེ། འཕགས་པ་གྲོལ་སྡེས་ཉི་ཁྲི་སྣང་བར། མི་དམིགས་པའི་རྣམ་པ་ཅན་གྱི་ཡོངས་སུ་བསྔོ་བ་ནི། ཕྱོགས་བཅུའི་སངས་རྒྱས་ཐམས་ཅད་ཀྱི་ཐུགས་དང་པོ་བསྐྱེད་པ་ནས་བརྩམས་ཏེ་དམ་པའི་ཆོས་གནས་པའི་བར་གྱི་ཚུལ་ཁྲིམས་
[164a.4]ལ་སོགས་པའི་ཕུང་པོ་རྣམས་དང་། དེ་ཡོངས་སུ་བསྡུས་པ་དང་། ཐེག་པ་གསུམ་གྱིས་ཡོངས་སུ་སྨིན་པར་བྱས་པ་དང་། རྣམ་པར་གྲོལ་བར་བྱས་པའི་སེམས་ཅན་རྣམས་ཀྱི་དགེ་བའི་རྩ་བ་ཐམས་ཅད་གཅིག་ཏུ་བསྡུས་ཏེ་རྗེས་སུ་ཡི་རངས་ཤིང་ཡོངས་སུ་བསྔོས་ནས་དངོས་
[164a.5]པོ་གང་ཞིག་ཡིན་ཞེས་བྱ་བ་ནས་བརྩམས་ཏེ། དངོས་པོ་དང་། དམིགས་པ་དང་། བྱང་ཆུབ་ཀྱི་སེམས་དང་དགེ་བའི་རྩ་བ་དང་། རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་ནི་གང་ཡིན་ཞེས་བྱ་བ་དང་། སེམས་ནི་ཟད་ཅིང་འགགས་ལ་བྲལ་ཞིང་
[164a.6]རྣམ་པར་གྱུར་པ་ཉིད་ཅེས་བྱ་བ་ནས། ཆོས་ཐམས་ཅད་དངོས་པོ་མེད་པའི་རྗེས་སུ་འགྲོ་བ་མི་དམིགས་པའི་རྣམ་པར་ཡོངས་སུ་བསྔོས་པ་ལེགས་པ་ཉིད་ཀྱིས་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ལ་དངོས་པོ་ནི་རིགས་སོ། །དམིགས་པ་ནི་ཆོས་ཐམས་ཅད་
[164a.7]དོ། །བྱང་ཆུབ་ཀྱི་ཆེད་དུ་བྱ་བའི་སེམས་ནི་འཛིན་པར་བྱེད་པའི་རྣམ་པར་རྟོག་པའོ། །དགེ་བའི་རྩ་བ་ནི་མ་ཆགས་པ་ལ་སོགས་པའོ། །བསོད་ནམས་བྱ་བའི་དངོས་པོ་ནི་སེམས་པའོ། །ཟད་པ་ནི་བསགས་པ་རྣམ་པར་འཇིག་པས་སོ། །འགག་པ་ནི་རྒྱུན་གྱིས་འཇིག་པས་
[164b.1]སོ། །བྲལ་བ་ནི་རང་བཞིན་གྱིས་འཇིག་པས་སོ། །རྣམ་པར་གྱུར་པ་ནི་རྣམ་པར་འགྱུར་བའི་རྣམ་པར་འཇིག་པས་སོ། །ཕྱིན་ཅི་མ་ལོག་པའི་མཚན་ཉིད་ཀྱི་ཡོངས་སུ་བསྔོ་བ་ནི། སེམས་གང་གིས་ཡོངས་སུ་བསྔོ་བའི་སེམས། དེ་ཉིད་ཀྱི་ཆོས་ཉིད་ཀྱང་དེ་ཡིན་ནོ། །དེའི་ཅིའི་
[164b.2]ཕྱིར་ཞེ་ན། དེ་ནི་འདི་ལྟར་ཆོས་ཐམས་ཅད་རང་བཞིན་གྱིས་སྟོང་ངོ་ཞེས་གང་གསུངས་པ་ཡིན་ནོ། །དབེན་པའི་གནས་སུ་བསྔོ་བ་ནི། གལ་ཏེ་བྱང་ཆུབ་སེམས་དཔའ་ཆེན་པོས་བསོད་ནམས་བྱ་བའི་དངོས་པོ་མངོན་པར་འདུ་བྱ་བ་དེ་ཕུང་པོ་ལ་སོགས་པས་དབེན་པར་ཤེས་ཏེ།
[164b.3]ཞེས་བྱ་བ་ནས་བརྩམས་ཏེ། སངས་རྒྱས་ཀྱི་ཆོས་ཐམས་ཅད་དེ་ཉིད་ཀྱི་ངོ་བོས་དབེན་པར་ཤེས་ཏེ་ཞེས་བྱ་བའི་བར་དུ་གང་གསུངས་པ་ཡིན་ནོ། །སངས་རྒྱས་ཀྱི་ཆོས་དགེ་བའི་རྩ་བའི་རིགས་སུ་གཏོགས་པའི་རང་བཞིན་དྲན་པའི་ཡོངས་སུ་བསྔོ་བ་ནི། སངས་རྒྱས་ཀྱི་དགེ་བའི་
[164b.4]རྩ་བ་རྣམས་རིགས་གང་དག་ཡིན་པ་དང་། རང་བཞིན་གང་ཡིན་པ་དེ་བཞིན་དུ་བསོད་ནམས་བྱ་བའི་དངོས་པོ་དེ་ཡོངས་སུ་བསྔོ་བར་ས་བྱེད་པ་ཞེས་གང་གསུངས་པ་ཡིན་ནོ། །ཐབས་མཁས་པའི་ཡོངས་སུ་བསྔོ་བ་ནི་འདིར་བྱང་ཆུབ་སེམས་དཔའ་ཆེན་པོས་ཐབས་ལ་མཁས་པ་དེ་
[164b.5]དག་ལ་བསླབ་པར་བྱ་བ་ལ་སོགས་པ་གང་གསུངས་པ་ཡིན་ནོ། །མཚན་མ་མེད་པའི་ཡོངས་སུ་བསྔོ་བ་ནི། ཁ་ཟས་དུག་དང་བཅས་པའི་དཔེས་མཚན་མའི་འདུ་ཤེས་ཅན་གྱི་ཡོངས་སུ་བསྔོ་བ་ནི་དུག་ཅན་ཟུག་རྔུ་ཅན་ཏེ་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །སངས་
[164b.6]རྒྱས་ཀྱི་རྗེས་སུ་གནང་བའི་བསྔོ་བ་ནི། ཇི་ལྟར་སངས་རྒྱས་བཅོམ་ལྡན་འདས་དེ་དག་གིས་སངས་རྒྱས་ཀྱི་ཡེ་ཤེས་བླ་ན་མེད་པས་མཁྱེན་པ་དེ་བཞིན་དུ་ཡོངས་སུ་བསྔོའོ་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །ཁམས་གསུམ་དུ་གཏོགས་པ་མ་ཡིན་པའི་ཡོངས་སུ་
[164b.7]བསྔོ་བ་ནི། གཞན་ཡང་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་བར་བྱ་སྟེ། ཇི་ལྟར་གཟུགས་ཁམས་གསུམ་གྱི་ཁོངས་སུ་ཆད་པ་མ་ཡིན་ཏེ་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །བསོད་ནམས་ཆེན་པོ་འབྱུང་བའི་བསྔོ་བའང་ཆུང་ངུ་དང་། འབྲིང་དང་།
[165a.1]ཆེན་པོའི་དབྱེ་བས་རྣམ་པ་གསུམ་ཡིན་ནོ། །དེ་ལ་ཆུང་ངུ་ནི་དགེ་བ་བཅུའི་ལས་ཀྱི་ལམ་ནས་བརྩམས་ཏེ་མངོན་པར་ཤེས་པ་ལྔ་ཞེས་བྱ་བའི་བར་དང་། འཇིག་རྟེན་པའི་རྟོག་པ་ལ་གནས་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་
[165a.2]ཅན་གྱི་དཔེས་ཡོངས་སུ་བསྔོ་བ་འདི་བསོད་ནམས་ཆེས་མང་དུ་འཕེལ་ལོ་ཞེས་བྱ་བའི་བར་དུ་གང་གསུངས་པའོ། །འབྲིང་ནི། ཡང་དེ་སྙེད་ཅིག་ཁོ་ན་རྒྱུན་དུ་ཞུགས་པ་ནས་དགྲ་བཅོམ་པར་གྱུར་པ་ལ་བཀུར་སྟི་དང་། མཆོད་པ་ལ་སོགས་པ་བྱས་པའི་བསོད་ནམས་ཀྱི་
[165a.3]དཔེས། བསོད་ནམས་འདི་སྔ་མ་བཞིན་དུ་གང་གསུངས་པ་ཡིན་ནོ། །ཆེན་པོ་ནི་སེམས་ཅན་དེ་སྙེད་ཁོ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པ་ལ་ཕྱོགས་བཅུའི་འཇིག་རྟེན་གྱི་ཁམས་ཀྱི་སེམས་ཅན་རྣམས་རེ་རེས་མཆོད་པའི་བསོད་ནམས་ཀྱི་དཔེས་མི་
[165a.4]དམིགས་པར་ཡོངས་སུ་བསྔོ་བའི་བསོད་ནམས་སྔ་མ་བཞིན་ཏེ། དེ་ཅིའི་ཕྱིར་ཞེ་ན། དེ་དག་ཐམས་ཅད་ནི་མི་དམིགས་པ་ཉིད་ཀྱིས་སོ་ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །ཞེས་མདོ་དང་སྦྱར་ནས་རྒྱས་པར་བཀྲལ་ལོ། །གཉིས་པ་བསྔོ་བ་བགྱིད་དགོས་
[165a.5]པའི་རྒྱུ་མཚན་ནི། འདུས་བྱས་ཀྱི་དགེ་བའི་རྩ་བ་ཤིན་ཏུ་སྟོབས་ཆེ་བ་དག་ཀྱང་བྱང་ཆུབ་ཏུ་ཡོངས་སུ་བསྔོ་བར་མ་བྱས་ན་ཕལ་ཆེར་ལྷ་མི་ལ་སོགས་པའི་བདེ་འབྱོར་གྱི་འབྲས་བུ་བྱུང་ནས་ཟད་པར་འགྱུར་ཞིང་། འགའ་ཞིག་ནི་ཀུན་དཀྲིས་དྲག་པོ་ལ་སོགས་པའི་རྐྱེན་གྱིས་བར་མདོར་
[165a.6]ཆུད་ཟ་བའང་ཡོད་པས་སོ། །བྱང་ཆུབ་ཏུ་ཡང་དག་པར་བསྔོས་ཟིན་ནས་ནམ་ཡང་ཉམས་པར་མི་འགྱུར་ཏེ། བློ་གྲོས་རྒྱ་མཚོས་ཞུས་པའི་མདོ་ལས་ཚིག་ལྷུག་པར་གསུངས་པའི་དོན། ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུང་། །རྒྱ་མཚོ་མ་སྐེམས་བར་དུ་དེ་མི་སྐེམ། །དེ་
[165a.7]བཞིན་བྱང་ཆུབ་ཡོངས་བསྔོས་དགེ་བ་ཡང་། །བྱང་ཆུབ་མ་ཐོབ་བར་དུ་དེ་མི་ཟད། །ཞེས་དང་། ཕ་རོལ་ཏུ་ཕྱིན་པ་ལྔ་བསྟན་པའི་མདོ་ལས། ཇི་ལྟ་ཇི་ལྟར་བྱང་ཆུབ་སེམས་དཔའ་དགེ་བའི་རྩ་བ་ཡོངས་སུ་བསྔོ་བར་བྱེད་པ་དེ་ལྟ་དེ་ལྟར་ཕ་རོལ་ཏུ་ཕྱིན་པ་རྣམས་ཡོངས་སུ་
[165b.1]འཛིན་ཅིང་རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་འགྱུར་ཏེ། གང་གི་ཚེ་སྦྱིན་པ་ཆུང་ངུའང་དཔག་ཏུ་མེད་པར་བྱེད་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐབས་ལ་མཁས་པ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། རྣམ་པ་ཐམས་ཅད་མཁྱེན་པ་
[165b.2]ཉིད་དཔག་ཏུ་མེད་པའི་ཕྱིར་རོ། །ཞེས་སོགས་རྒྱ་ཆེར་འབྱུང་ངོ་། །གསུམ་པ་ཇི་ལྟར་བསྔོ་བའི་ཚུལ་ལ། བསྔོ་རྒྱུའི་དགེ་རྩ་ངོས་བཟུང་། དེ་བསྔོ་ཚུལ་དངོས་བཤད་པའོ། །དང་པོ་ནི་རྒྱལ་བའི་ཡུམ་ལས། ཕྱོགས་བཅུའི་འཇིག་རྟེན་ན་སྟོང་གསུམ་གྱི་སྟོང་ཆེན་པོའི་
[165b.3]འཇིག་རྟེན་གྱི་ཁམས་གཞལ་དུ་མེད་ཅིང་གྲངས་མེད་པ་ཡོད་པའི་ཕྱོགས་རེ་རེའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རེ་རེར་ཡང་འདས་པའི་སངས་རྒྱས་བཅོམ་ལྡན་འདས་ལམ་ཆད་པ་འཇུག་པ་ཆད་པ་སྤྲོས་པ་དང་སྲིད་པར་འདྲེན་པ་ཆད་པ་མཆི་མ་ཟད་པ་ཚེར་མ་བཅོམ་
[165b.4]པ་ཁུར་ཤིན་ཏུ་བོར་བ་བདག་གི་དོན་རྗེས་སུ་ཐོབ་པ་སྲིད་པར་སྦྱོར་བ་ཡོངས་སུ་ཟད་པ་ཡང་དག་པར་ཀུན་ཤེས་པས་སེམས་ཤིན་ཏུ་རྣམ་པར་གྲོལ་བ་སེམས་པ་ཐམས་ཅད་ཀྱི་དབང་དམ་པའི་ཕ་རོལ་ཏུ་སོན་པ་གཞལ་དུ་མེད་ཅིང་གྲངས་མེད་པ་ཡོངས་སུ་མྱ་ངན་ལས་འདས་པར་
[165b.5]གྱུར་པའི་སངས་རྒྱས་བཅོམ་ལྡན་འདས་དེ་དག་གི་སེམས་དང་པོ་བསྐྱེད་པ་ནས་བཟུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པའི་བར་དང་། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་
[165b.6]ངན་ལས་འདས་པའི་བར་དང་། དམ་པའི་ཆོས་ནུབ་པར་མ་གྱུར་པའི་བར་ཏེ། དེ་དག་གི་བར་གྱི་སངས་རྒྱས་བཅོམ་ལྡན་འདས་དེ་དག་གི་དགེ་བའི་རྩ་བ་ཕ་རོལ་ཏུ་ཕྱིན་པ་དང་ལྡན་པ་གང་ཡིན་པ་རྣམས་དང་། སངས་རྒྱས་བཅོམ་ལྡན་འདས་དེ་དག་གི་བསོད་
[165b.7]ནམས་མངོན་པར་འདུ་བྱེད་པ་དང་། དགེ་བའི་རྩ་བ་མངོན་པར་འདུ་བྱེད་པ་གང་ཡིན་པ་རྣམས་དང་སངས་རྒྱས་བཅོམ་ལྡན་འདས་དེ་དག་གི་ཚུལ་ཁྲིམས་ཀྱི་ཕུང་པོ་དང་། ཏིང་ངེ་འཛིན་གྱི་ཕུང་པོ་དང་། ཤེས་རབ་ཀྱི་ཕུང་པོ་དང་། རྣམ་པར་གྲོལ་བའི་ཕུང་པོ་དང་། རྣམ་པར་
[166a.1]གྲོལ་བའི་ཡེ་ཤེས་གཟིགས་པའི་ཕུང་པོ་གང་ཡིན་པ་རྣམས་དང་། ཕན་པར་བཞེད་པ་གང་ཡིན་པ་དང་བྱམས་པ་ཆེན་པོ་གང་ཡིན་པ་དང་སྙིང་རྗེ་ཆེན་པོ་གང་ཡིན་པ་དང་སངས་རྒྱས་ཀྱི་ཡོན་ཏན་གཞལ་དུ་མེད་ཅིང་གྲངས་མེད་པ་གང་ཡིན་པ་རྣམས་དང་།
[166a.2]སངས་རྒྱས་བཅོམ་ལྡན་འདས་དེ་དག་གིས་ཆོས་གང་བཤད་པ་དང་། ཆོས་དེ་ལ་གང་གིས་བསླབས་པ་དང་ལྷག་པར་མོས་པ་དང་གནས་པ་དེ་དག་གི་དགེ་བའི་རྩ་བ་གང་ཡིན་པ་རྣམས་དང་། སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་
[166a.3]སེམས་དཔའ་ཆེན་པོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་དེ་དག་གི་དགེ་བའི་རྩ་བ་ཕ་རོལ་ཏུ་ཕྱིན་པ་དྲུག་དང་ལྡན་པ་གང་ཡིན་པ་རྣམས་དང་། སངས་རྒྱས་བཅོམ་ལྡན་འདས་དེ་དག་གིས་གང་ཟག་རང་སངས་རྒྱས་ཀྱི་ཐེག་པ་ཅན་གང་
[166a.4]དག་རང་བྱང་ཆུབ་ཏུ་ལུང་བསྟན་པ་དེ་དག་གི་དགེ་བའི་རྩ་བ་གང་ཡིན་པ་རྣམས་དང་། གང་ཟག་ཉན་ཐོས་ཀྱི་ཐེག་པ་ཅན་དག་གི་སྦྱིན་པ་ལས་བྱུང་བའི་དགེ་བའི་རྩ་བ་དང་ཚུལ་ཁྲིམས་ལས་བྱུང་བའི་དགེ་བའི་རྩ་བ་དང་བསྒོམས་པ་ལས་བྱུང་བའི་དགེ་བའི་རྩ་བ་དང་སློབ་པའི་
[166a.5]ཟག་པ་མེད་པའི་དགེ་བའི་རྩ་བ་གང་ཡིན་པ་རྣམས་དང་། མི་སློབ་པའི་ཟག་པ་མེད་པའི་དགེ་བའི་རྩ་བ་གང་ཡིན་པ་རྣམས་དང་། ཆོས་དེ་ལ་སོ་སོའི་སྐྱེ་བོ་གང་དག་གིས་དགེ་བའི་རྩ་བ་བསྐྲུན་པ་དང་། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་
[166a.6]དང་མིའམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་གང་དག་གིས་ཆོས་དེ་ཐོས་ཏེ་ཐོས་ནས་ཀྱང་དགེ་བའི་རྩ་བ་བསྐྲུན་པ་དང་། བྱོལ་སོང་གི་སྐྱེ་གནས་སུ་སོང་བའི་སེམས་ཅན་གང་དག་གིས་ཆོས་དེ་ཐོས་ཏེ་ཐོས་ནས་ཀྱང་དགེ་བའི་རྩ་བ་བསྐྲུན་པ་དང་། སེམས་ཅན་གང་
[166a.7]དག་གིས་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདའ་བ་དང་། ཡོངས་སུ་མྱ་ངན་ལས་འདས་པ་དེ་དག་ལ་དགེ་བའི་རྩ་བ་བསྐྲུན་པ་སྟེ། ཞེས་དུས་གསུམ་ལ་སྦྱར་ཏེ་གསུངས་པ་དང་། ཕལ་པོ་ཆེའི་རྡོ་རྗེ་རྒྱལ་མཚན་གྱི་བསྔོ་བའི་ལེའུ་ལས། འགྲོ་
[166b.1]ཀུན་དགེ་བ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་རྣམས། །ཞེས་གསུངས་པ་ལྟར། བདག་གཞན་འཁོར་འདས་དུས་གསུམ་བསགས་ཡོད་ཀྱི་དགེ་བ་མ་ལུས་པ་རྣམས་བསྔོ་བར་བྱ་བ་ཡིན་ནོ། །བསྔོ་བ་བྱེད་པ་པོ་རང་ཉིད་
[166b.2]ཀྱིས་དུས་གསུམ་གྱི་བདེ་བར་གཤེགས་པ་སྲས་དང་སློབ་མར་བཅས་པ་ཐམས་ཅད་དཔང་པོར་གསོལ་ཏེ་ལྷག་པའི་བསམ་པ་རྩེ་གཅིག་པས་སེམས་ཅན་ཐམས་ཅད་ལ་སྙིང་རྗེ་ཆེན་པོས་ཁྱབ་པར་བལྟས་ཏེ། དེ་དག་གི་དོན་བླ་ན་མེད་པ་བསྒྲུབ་པར་བྱ་བའི་ཆེད་དུ་རང་ཉིད་
[166b.3]ཀྱིས་དགེ་བའི་རྩ་བ་བྱས་པ་དང་། བྱ་བར་འགྱུར་བ་དང་། བྱེད་བཞིན་པའི་དགེ་བའི་རྩ་བ་དེས་མཚོན་ནས་བཤད་མ་ཐག་པའི་བསྔོ་རྒྱུའི་དགེ་བ་སྲིད་དོ་འཚལ་དེ་ཐམས་ཅད་གཅིག་ཏུ་བསྡོམས་ཤིང་བསྡུས་ཏེ་དེ་དག་ལ་རྗེས་སུ་ཡི་རང་བ་དང་བཅས་པས་བླ་ན་མེད་པའི་བྱང་
[166b.4]ཆུབ་ཀྱི་སྙིང་པོ་ཆོས་ཀྱི་དབྱིངས་ཤིན་ཏུ་རྣམ་པར་དག་པ་མྱ་ངན་ལས་འདས་པ་ཆེན་པོར་དམིགས་པ་མེད་པའི་ཚུལ་གྱིས་སྒྱུ་མ་ལྟ་བུར་ཡོངས་སུ་བསྔོ་བ་སྟེ། མདོ་སྡུད་པ་ལས། འདས་དུས་སྔོན་གྱི་སངས་རྒྱས་བྱེ་བ་ཁྲག་ཁྲིག་གང་། །ཞིང་མང་མཐའ་ཡས་བྱེ་སྟོང་
[166b.5]དག་ན་གང་བཞུགས་དང་། །གང་ཡང་མྱ་ངན་འདས་པའི་འཇིག་རྟེན་མགོན་པོ་རྣམས། །སྡུག་བསྔལ་ཟད་པར་བྱ་ཕྱིར་རིན་ཆེན་ཆོས་སྟོན་པ། །དང་པོར་བྱང་ཆུབ་མཆོག་ཏུ་སེམས་བསྐྱེད་བསྐྱེད་པ་ནས། །རྣམ་པར་འདྲེན་པ་རྣམས་ཀྱི་དམ་ཆོས་ཟད་ཀྱི་དུས། །དེ་
[166b.6]བར་རྒྱལ་བ་དེ་དག་བསོད་ནམས་གང་ཡིན་པ། །ཕ་རོལ་ཕྱིན་དང་ལྡན་དང་སངས་རྒྱས་ཆོས་གང་དང་། །གང་ཡང་སངས་རྒྱས་སྲས་རྣམས་དང་ནི་ཉན་ཐོས་དང་། །སློབ་དང་མི་སློབ་དགེ་བ་ཟག་བཅས་ཟག་མེད་པ། །བསྡུས་ནས་བྱང་ཆུབ་སེམས་དཔའ་རྗེས་སུ་ཡི་རང་
[166b.7]ཞིང་། །འགྲོ་བའི་དོན་རྒྱུ་བྱང་ཆུབ་ཕྱིར་ནི་ཐམས་ཅད་བསྔོ། །ཞེས་སོགས་གསུངས་པ་ལྟར་རོ། །དེའང་འཁོར་གསུམ་ཡོངས་དག་གི་བསྔོ་བ་མཚན་ཉིད་པ་ནི་འཕགས་པ་རྣམས་ཀྱི་ཡིན་པས་ལས་དང་པོ་པ་དག་གིས་ནི་དང་པོར་ཀུན་རྫོབ་པའི་བསྔོ་བ་འདུན་པ་དྲག་པོ་
[167a.1]ཅན་གྱིས་འཕགས་པ་རྣམས་ཀྱི་རྗེས་སུ་སློབ་པར་མོས་པས། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་མཆོག་གི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་བསྔོ། །
[167a.2]ཞེས་པ་ལྟར་བསྔོ་བ་དང་། རྗེས་སུ་དོན་དམ་པའི་དེ་ཁོ་ན་ཉིད་དྲན་པ་བློས་རེས་འཇོག་ཏུ་བྱ་བ་ཡིན་ནོ། །དེ་ལྟར་བསྔོ་བའི་ཚུལ་ལས་བརྩམས་པའི་འཕྲོས་དོན་སྨོས་ནས། གསུམ་བ་ལེགས་བྱས་རྒྱུ་ཆེན་པོ་འདི་ཉིད་ལས་བརྩམས་པའི་བསྔོ་སྨོན་གྱི་ཚིགས་སུ་
[167a.3]བཅད་པ་དངོས་ནི། དཎྜིའི་གཞུང་ལུགས་ལས་འབྱུང་བའི་ཚིག་གི་རྒྱན་ཕུན་སུམ་ཚོགས་པས་མཛེས་པར་བྱས་ཏེ་ཅུང་ཟད་ཅིག་སྨྲ་བ་ནི་འདི་ལྟའོ། །མངྒ་ལ་ཤེ་ཡསིདྡྷིབྷ་བ་ཏུ། གང་ཞིག་དང་པོར་རིག་བྱེད་རྣམ་འབྱིན་གདོང་བཞི་བ་དང་ཤིས་བརྗོད་
[167a.4]ཉན། །སྲེད་མེད་བུ་དང་དྲག་པོ་སྐེམ་བྱེད་ལོག་འདྲེན་ལ་སོགས་ཆེར་སྙེམས་དག །མངོན་པར་འདར་ལྡན་གཙུག་གི་ནོར་བུས་གང་གི་ཞབས་པད་རབ་བརྟེན་པ། །ཉི་མའི་རིགས་འཁྲུངས་ཀུན་ཏུ་བཟང་པོ་ཐུབ་པ་རྣམས་ཀྱི་ཐུབ་མཆོག་དང་། ༡ །ལྷ་ཡི་རྫིང་རིང་
[167a.5]ཡོངས་སུ་བལྟམས་པའི་ཞིང་མང་དག་ན་མཛེས་གྱུར་པ། །ཉི་མ་ལྟ་བུའི་རྣམ་འདྲེན་ཇི་སྙེད་དེ་སྙེད་རྒྱལ་བའི་མྱུ་གུ་ཡང་། །བསམ་མི་ཁྱབ་བཅས་མོས་པའི་ཁང་བཟང་རབ་ཏུ་ཉམས་དགའ་འདིར་གཤེགས་ལ། །ལེགས་བྱས་ཕྲེང་བ་དོན་ལྡན་ཉིད་དུ་བརྣགས་པའི་
[167a.6]རེ་བ་ཡོངས་རྫོགས་མཛོད། ༢ །ཕྱོགས་བཅུའི་འཇིག་རྟེན་རྒྱ་མཚོ་རྣམས་སུ་རྒྱལ་བ་སྲས་དང་སློབ་མར་བཅས། །གང་དག་འདས་དང་མ་བྱོན་པ་དང་ད་ལྟར་འཚོ་ཞིང་གཞེས་རྣམས་ཀྱི། །དཔག་ཡས་ཡོན་ཏན་རིན་ཆེན་འབྱུང་གནས་འཛད་པ་མེད་པའི་ཚུལ་ཉིད་
[167a.7]དང་། །རྒ་ན་འཆི་སོགས་འདམ་དུ་བྱིང་བའི་འགྲོ་བ་རབ་སྒྲོལ་ཕྲིན་ལས་ཆེ། ༣ །དེ་བཞིན་འཇིག་རྟེན་སོ་སྐྱེས་རྣམས་ཀྱིས་ངང་ཚུལ་དགེ་བས་ཉེར་བསྐྲུན་པའི། །སྦྱིན་ལ་སོགས་པ་ཟླ་འོད་དུང་དང་ཀུནྡ་ལྟ་བུའི་ལེགས་བྱས་ཀྱི། །ཕྲེང་བ་རྒྱ་ཆེན་ཚད་མེད་ནམ་མཁའི་ཁོར་
[167b.1]ཡུག་ཁོངས་སུ་རབ་འབར་བ། །དེ་དག་རྗེས་སུ་ཡིད་རབ་དང་བའི་མཆོད་ཡོན་ཅི་ཡང་སྤྲོ་བར་བྱ། ༤ །ཁྱད་པར་འདི་ན་ས་ཡི་དབང་ཕྱུག་ཡིད་རབ་སྤྲོ་བའི་ཆུ་མཚོ་ལས། །སྔོན་བསགས་ལེགས་བྱས་གསེར་གྱི་སྒོ་ང་སྙིང་སྟོབས་དྲོད་ཀྱིས་བགོས་པ་ན། །རྣམ་དཀར་
[167b.2]ཡོན་ཏན་སྲིད་པ་རྣམ་བཀོད་གསུང་རབ་ཕྱི་མོ་ཚངས་པའི་སྤུན། །གསར་དུ་འཁྲུངས་པའི་བསོད་ནམས་དཔག་ཡས་ཕ་མཐའ་མེད་འདི་ངོ་མཚར་ཕུལ། ༥ །དགེ་བའི་རྦ་རླབས་མངོན་པར་བརྩེགས་པ་གྲགས་པའི་སྤྲིང་ཡིག་ཕྱོགས་ཀུན་ཏུ། །འདྲི་བའི་ཕྱག་རྒྱ་རབ་ཏུ་གཡོ་
[167b.3]ལྡན་བསོད་ནམས་ཀླུང་ཆེན་འདིས་མཚོན་ཏེ། །སྲིད་དང་ཞི་བ་ཟག་བཅས་ཟག་མེད་ལེགས་བྱས་ཆུ་རྒྱུན་ཇི་སྙེད་པ། །རབ་ཞིའི་བདེ་དབྱིངས་ཆུ་གཏེར་ཆེན་པོར་ངལ་འཚོའི་སླད་དུ་འཇུག་གྱུར་ཅིག ༦ །དེ་ཡི་མཐུ་ལས་བྱེ་བ་ཕྲག་བརྒྱའི་འཇིག་རྟེན་འདི་དང་གཞན་ཡང་རུང་།
[167b.4]ཆོས་ཀྱི་དབྱིངས་ཀྱི་མཐས་གཏུགས་གྱུར་པའི་རྒྱུ་དང་མི་རྒྱུའི་འཇིག་རྟེན་དུ། །ཤིས་པའི་མཚན་མ་འབྱམས་སུ་ཀླས་པས་ཐར་མཆོག་འདོད་དགུར་འཇོ་བའི་འཛུམ། །ཉིན་མོར་བྱེད་པའི་སྣང་བ་ཁྲག་ཁྲིག་ཟིལ་གྱིས་གནོན་བཞིན་གསལ་གྱུར་ཅིག ༧ །དེ་དག་རྣམས་
[167b.5]སུ་སྡང་དང་སེར་སྣ་རྨོངས་པའི་ཚོགས་ཀྱིས་བྱིན་པ་ཡི། །མི་བཟད་དམྱལ་དང་གཤིན་རྗེའི་རིས་དག་དེ་བཞིན་དུད་འགྲོ་བླུན་པ་རྣམས། །རང་གི་ཚུལ་ལ་ངོ་ཚ་བཞིན་དུ་མི་བཟད་རང་གི་གནས་བཏང་ནས། །སྣང་བའི་གནས་སྐབས་ནམ་ཡང་མི་རྙེད་མིང་གི་ལྷག་མ་
[167b.6]ཉིད་གྱུར་ཅིག ༨ །མི་ཡི་འཇིག་རྟེན་ཐུབ་མཆོག་ཆོས་ཀྱི་ཟླ་རིས་མཛེས་པ་སྣང་གྱུར་པའི། །བསོད་ནམས་མེ་ལོང་དང་བའི་མགྲོན་གྱིས་ཡང་ཡང་གཉེར་བྱས་མཛའ་ན་མོ། །རྫོགས་ལྡན་ན་ཕྲའི་ཕང་པར་འཛེགས་པའི་སྐལ་བ་མཆོག་གི་དུས་སྐབས་ཅན། །
[167b.7]ནུབ་པ་མེད་པའི་གོ་འཕང་མཆོག་ལས་རྟག་ཏུ་གཡོ་བར་མ་གྱུར་ཅིག ༩ །ལྗོངས་འདིས་ཉེར་མཚོན་འཛིན་མའི་གཞི་ལ་ལེགས་བྲིས་པ་རྣམས་དགའ་སེམས་ཀྱིས། །ལག་འགྲོའི་དབང་པོ་གྲོགས་སུ་སྤྲན་ནས་གླང་པོ་བསྒྱིངས་ལྟའི་ཆུ་འཛིན་ཕྲེང་། །དུས་དང་དུས་སུ་
[168a.1]སྟག་པོར་བྲེས་ལས་བདུད་རྩིའི་ཟེག་ཆར་འབྱེད་པ་ཡིས། །ལོངས་སྤྱོད་དུ་འོས་རྩ་བ་སྡོང་བུ་ལོ་མ་འབྲས་བཅས་བདོ་གྱུར་ཅིག ༡༠ །སྐྱེ་བོ་མི་བསུན་དྲེགས་པས་རབ་མྱོས་མིག་དམར་སྨིན་མ་བསྒྱུར་བཞིན་དུ། །མཚོན་རྣོན་ལྷན་
[168a.2]ཅིག་རྡུལ་བཅས་བ་སྤུ་རྣམ་པར་གཟེངས་པས་གཡུལ་འགྱེད་དང་། །རྡེག་དང་གཞུ་དང་གཤེགས་དང་འཆིང་བྱེད་མི་བཟད་དམོད་པ་སྤྲོ་བ་སོགས། །སྡང་བའི་རྣམ་འགྱུར་རིང་དུ་སྤངས་ནས་སྐྱེ་དགུ་བྱམས་པས་འཚོ་གྱུར་ཅིག ༡༡ །བརྗེད་བྱེད་ལ་སོགས་
[168a.3]བགེགས་ཀྱི་ཚོགས་དང་ཤ་ཟ་གཏུམ་པོ་བརྩེ་མེད་པ། །ཁྲག་དྲོན་འཐུང་ལ་ཧ་ཧ་ཞེས་སྒྲོགས་དགའ་བཞིན་རྒྱུག་པར་བྱེད་རྣམས་ཀྱང་། །བྱམས་པའི་ཆབ་ཀྱིས་ཡང་ཡང་བཀྲུས་པས་དགའ་བའི་འཛུམ་འོད་འབྱིན་པའི་གདོང་། །སྐྱེ་དགུ་རྣམས་
[168a.4]ལ་གཉེན་བཞིན་གནས་པས་ཕན་པ་ཉིད་དུ་སྤྱོད་གྱུར་ཅིག ༡༢ །ཉོན་མོངས་རྒྱས་པའི་དམོད་པ་ལས་སྐྱེས་འཕེལ་ཟད་འཁྲུགས་པ་འདམ་བུའི་ཚལ། །སྐྱེ་འགྲོའི་འཚོ་བ་བིཉྩའི་རིགས་རྣམས་ངེས་པར་འཇོམས་པའི་གཤེད་མ་རུ། །རླུང་མཁྲིས་བད་
[168a.5]ཀན་ལྕགས་ཀྱི་འཁྲུལ་འཁོར་མངོན་སུམ་ཉིད་དུ་སྣང་བ་དག །དྲང་སྲོང་མཆོག་གི་དམོད་པ་འདི་ཡིས་སླར་ཡང་ཞི་བ་ཉིད་གྱུར་ཅིག ༡༣ །མ་མ་སྡུ་གུར་ཡང་ཡང་བྱས་པའི་སེམས་ཅན་འདི་དག་དུས་མཐའ་ཡི། །སྙིགས་མའི་ཚོགས་ཀྱིས་བློང་པོར་གྱུར་
[168a.6]པ་གཡུལ་གྱི་ས་ཡི་རྡུལ་བཞིན་དུ། །བར་མཚམས་མེད་པར་སྡིག་པའི་ཁྲོད་དུ་རྣམ་པར་འཕྱན་པས་ཉམ་ཉེས་པ། །ལེགས་བྱས་མཚུངས་མེད་སྤྲིན་གྱི་མྱུ་གུས་རྣལ་མ་ཉིད་དུ་འཚོ་གྱུར་ཅིག ༡༤ །དཔུང་སྐྱེས་རྣམས་ཀྱང་རྒྱ་མཚོའི་གོས་ཅན་དགེ་བའི་ཚུལ་
[168a.7]གྱིས་ལེགས་སྐྱོང་ཞིང་། །གཙུག་ལག་གཉིས་ཀྱི་གདུགས་དཀར་རབ་བཟུང་ཕན་བདེའི་གྲིབ་བསིལ་ཕྱོགས་རྫོགས་པས། །འབངས་རྣམས་ཉེར་འཚོའི་དཔལ་གྱི་སླད་དུ་ངལ་བ་མཐའ་དག་དེར་སངས་ཏེ། །ལྷ་རྣམས་ཀྱིས་ཀྱང་མགྲིན་པ་བསྟོད་ནས་བསྔགས་
[168b.1]པའི་མེ་ཏོག་འཐོར་གྱུར་ཅིག ༡༥ །འཇིག་རྟེན་ཀུན་ཏུ་ཕན་བདེའི་རྩ་ལག་ཐུབ་མཆོག་རྣམས་ཀྱི་བསྟན་པ་གང་། །ཐོས་པས་བདུད་རྩི་རབ་ཏུ་བཞིབས་ནས་དཔྱོད་པས་རོ་ཡང་ཤེས་བྱེད་ཅིང་། །བསྒོམས་པས་ལང་ཚོ་ཡོངས་སུ་བརྟས་བྱེད་ཐར་པའི་བཅུད་ཀྱིས་ལེན་
[168b.2]པ་དང་། །ལྟ་ནུབ་པ་མེད་པའི་སྣང་བྱེད་མཆོག་ཏུ་ཀུན་ནས་ཀུན་ཏུ་གསལ་གྱུར་ཅིག ༡༦ །བླ་གོས་ཚོགས་ཀྱིས་ཐུན་མཚམས་སྤྲིན་གྱི་ཁེངས་པ་འཕྲོག་བྱེད་དེས་འཁྱུད་པའི། །འདུས་པ་ཆེན་པོ་སྤོང་དང་ཀློག་པའི་འཁོར་ལོ་གཉིས་ཀྱིས་དུས་འདའ་བ། །རིག་
[168b.3]དང་གྲོལ་ལྡན་སྐྱེས་བུའི་ཚོགས་ཀྱིས་ཁྱབ་འཇུག་རྐང་པ་བཀོད་པའི་གནས། །དོག་པོར་བྱས་ཏེ་ཆོས་ཀྱི་སྒྲོན་མས་ལམ་གསུམ་ཡོངས་སུ་སྣང་གྱུར་ཅིག ༡༧ །ཐུབ་བསྟན་ཀུནྡ་རྣམ་པར་དགོད་པའི་དཔུང་གཉེན་རྩ་ལག་མཆོག་གྱུར་པ། །དགེ་བའི་བཤེས་གཉེན་
[168b.4]རིགས་པར་སྨྲ་བའི་སྟོན་ཀའི་ཟླ་བ་དྲི་མེད་རྣམས། །ལྟ་ངན་ར་རི་ནམ་ཡང་མི་འཛིན་གཟུ་བོའི་མཁའ་ལ་རྟག་ཤར་བས། །སྲིད་པའི་དགོན་པར་དུབ་པ་རྣམས་ལ་བསིལ་ཟེར་ཅི་ཡང་སྦྱིན་གྱུར་ཅིག ༡༨ །ཉེས་བརྒྱ་བདོ་བ་མཱ་ཀ་ར་ཡི་མཆེ་བའི་ཕྲག་ལ་གནས་
[168b.5]བཅས་པའི། །དུས་མཐའི་ཆབ་ཀྱིས་མྱུར་བར་བདའ་བྱེད་ཉམ་ཐག་སྲོག་ཆགས་འདི་ཀུན་ཀྱང་། །ཟབ་དོན་མཆོག་གི་བདུད་རྩི་ལྡུག་པའི་ཡོལ་གོ་ལྟ་བུར་གྱུར་པ་ནས། །ཆོས་ཀྱི་འཚོ་བ་ཡི་དྭགས་ཚོགས་ཀྱིས་དབྲོག་ནུས་མིན་པ་ཉིད་གྱུར་ཅིག ༡༩ །ཁྱད་
[168b.6]པར་དུ་ཡང་ལེགས་བྱས་མཆོག་འདི་གང་གིས་རྩོམ་བྱེད་མི་ཡི་བདག །སྲས་དང་བཙུན་མོ་བློན་འབངས་བཅས་པ་མེ་ཏོག་ཕྲེང་ལྟར་དངར་བ་འདིའི། །དགེ་ནས་དགེ་བའི་གོ་སར་བགྲོད་འདོད་རེ་བའི་མྱུ་གུ་མ་རྨས་པར། །དོན་གྱི་དངོས་པོ་ཕུན་སུམ་
[168b.7]ཚོགས་འབྱོར་འབྲས་བུ་གཡུར་དུ་ཟ་གྱུར་ཅིག ༣༠ །བགྲང་ཡས་བསྐལ་པར་འཁོར་བའི་མུན་རུམ་ཟབ་མོ་ཉིད་ཀྱི་ཕུག་ནང་དུ། །མི་བཟད་སྡུག་བསྔལ་བྱེ་བ་བརྒྱ་ཡི་རི་མོ་རྣམ་བཀོད་སྡིག་པའི་ཚོན། །ཅི་ཡང་འདུས་བྱས་ཕུང་པོར་སྤུངས་ན་ལྷུན་པོའི་
[169a.1]གཏོས་དང་མཉམ་པ་གང་། །རྩ་བ་རུལ་པའི་ལྗོན་ཤིང་བཞིན་དུ་འབྲས་འབྱིན་ནུས་པ་མེད་གྱུར་ཅིག ༢༡ །ཚེ་རབས་འདིར་ཡང་གྲགས་པའི་སྤྲིང་ཡིག་ཕྱོག་ས་ཀྱི་རྒྱལ་ཕྲན་མགོ་བོ་ལ། །རྣམ་པར་འགོད་པའི་བསོད་ནམས་ཕུངས་
[169a.2]པོ་ཆོས་ཀྱི་བཞིན་རས་བརྒྱ་འཆར་བའི། །ནོར་བུའི་རྩིག་པ་ཡིད་འོང་མཛེས་ལྡན་དམ་པའི་ཚུལ་ལུགས་བ་གམ་ཅན། །ཉེས་པའི་ར་རིས་ཤིན་ཏུ་དབེན་པ་ཡོན་ཏན་ཀུན་གྱི་མཛོད་གྱུར་ཅིག ༢༢ །ཆོས་ལས་བྱུང་བའི་འཚོ་བ་ཕུན་ཚོགས་རྣམ་སད་དབང་
[169a.3]པོའི་བཏུང་བ་ཡིས། །ཡང་ཡང་གསོས་པ་འཆི་མེད་དཔལ་སྟེར་མགོན་པོ་ཡིས་ཀྱང་བྱིན་རླབས་ནས། །བགྲང་བྱ་མང་པོར་ལེགས་བྱས་རྒྱ་ཆེན་ཛམྦུའི་བུ་མོའི་ཡབ་གཅིག་ཏུ། །གངས་ཅན་རི་ཡི་བརྟན་པ་ཆེན་པོའི་དཔལ་ནི་ཉེ་བར་གནས་གྱུར་
[169a.4]ཅིག ༢༣ །གང་གི་བཀའ་ཁྲིམས་གསེར་གྱི་འཁོར་ལོས་ཕྱོགས་ཕྱོགས་དག་ཏུ་མངའ་བསྒྱུར་ནས། །དགེ་བཅུའི་ར་བར་འདའ་བ་མེད་པའི་བཀའ་རྟགས་ཕྱག་རྒྱ་བྱིན་པ་ཡིས། །ཆབ་འབངས་མཐའ་དག་རྫོགས་ལྡན་དང་པོར་འཛེག་པ་མེད་པར་བརྟོལ་ནས་
[169a.5]སུ། །སྡེ་བཞི་རྒྱས་པའི་ཏམྦུ་ར་ལས་ཀུན་དགའི་གླུ་དབྱངས་ལེན་གྱུར་ཅིག ༢༤ །ངོ་མཚར་གཏམ་གྱི་འཇུག་ངོགས་གཅིག་པུ་ཕན་བདེའི་དཀྱིལ་འཁོར་རྒྱས་པ་ཅན། །དམ་པ་རྣམས་ཀྱི་ཐུགས་ཀྱི་དཔལ་བེའུ་མཛེས་པར་བྱེད་པའི་འོད་འཕྲོ་བ། །
[169a.6]ཕྱི་དུས་འདི་ན་དྲེགས་ལྡན་དག་གི་རལ་པའི་ཐོར་ཏོས་ཡོངས་བཏུད་པའི། །ས་བདག་མཆོག་གི་ཆབ་སྲིད་ཟླ་བ་ནུབ་མེད་མངོན་པར་མཐོ་གྱུར་ཅིག ༢༥ །འགྲོ་མང་སེམས་ཀྱི་རྗེས་སུ་འཇུག་པ་ཐབས་མཁས་ཟེའུ་ཁ་བརྒྱ་ལྡན་པའི། །བདེ་བར་གཤེགས་
[169a.7]པའི་བསྟན་པ་དྲི་མེད་ཕྱོགས་ལས་རྣམ་རྒྱལ་རྒྱལ་མཚན་ཆེ། །གང་གི་སྙིང་སྟོབས་རྡོ་རྗེས་གཏམས་པའི་ཕྲག་པར་ངལ་འཚོ་རྟེན་བྱེད་པ། །རྟག་ཏུ་མི་ཉམས་རྣམ་ཐོས་བུ་ཡི་བརྟན་པའི་འགྲན་ཟླར་འོངས་གྱུར་ཅིག ༢༦ །གཏོང་བའི་ཕྱག་ནི་རིང་པོར་
[169b.1]བརྐྱངས་པས་ཕོངས་པ་རྣམས་ཀྱི་འཇིགས་སེལ་ཞིང་། །གཙང་ཞིང་དག་པའི་ཚུལ་ཁྲིམས་ཆུ་ཡིས་སྡིག་པ་རྣམ་སྦྱངས་ཡོན་ཏན་གསལ། །བཟོད་དང་དེས་པའི་རྒྱ་མཚོ་མི་འཁྲུགས་བརྟུལ་བའི་གོ་ཆ་ཆེར་བགོས་པས། །མཚན་མའི་རྡུལ་གྱིས་རྣམ་
[169b.2]པར་དབེན་པ་མཁའ་ཁྱབ་ཏིང་འཛིན་ཐོབ་གྱུར་ཅིག ༢༧ །དངོས་པོར་འཛིན་པའི་ཚང་ཚིང་དྲལ་བྱེད་བདག་མེད་རྟོགས་པའི་ཤེས་རབ་ཀྱི། །རལ་གྲི་འབར་ཐོགས་ཐབས་ལ་མཁས་པའི་འཁྲུལ་འཁོར་མང་པོའི་སྦྱོར་ཐབས་མཁན། །སྟོབས་ཀྱི་ཁོ་ལག་
[169b.3]ཡོངས་སུ་རྫོགས་ཤིང་སྨོན་ལམ་རྒྱ་ཆེའི་འཕང་རྩལ་བྱང་། །ཡེ་ཤེས་མཆོག་གིས་ངེས་པར་དཔའ་བས་སྲིད་པའི་དགྲ་སྡེ་ཕམ་བྱེད་ཤོག ༢༨ །རུས་པའི་གཟེབ་འདི་མངོན་པར་སྤོངས་ནས་བྱང་ཆུབ་བར་གྱི་ཚེ་རབས་སུ། །མངོན་པར་དགའ་དང་
[169b.4]བདེ་ལྡན་ཞིང་སོགས་ཞིང་མང་བྱེ་བ་མཐའ་ཡས་པར། །འདྲེན་པ་རྣམས་དྲུང་བྱང་ཆུབ་སྤྱོད་པའི་རོལ་རྩེད་ཉིད་ཀྱིས་གུས་བསྙེན་ཞིང་། །ཉེ་བར་གདམས་པ་ཡོངས་སུ་ནོད་ནས་འགྲོ་བར་རབ་ཏུ་སྒྲོལ་གྱུར་ཅིག ༢༩ །མཐོ་རིས་མཛེས་མའི་ལག་
[169b.5]པད་རབ་བསྐོར་གདུབ་སིལ་སྒྲ་དང་བཅས་པ་ཡིས། །སྤྲིན་དཀར་དུམ་བུ་ལྷུང་བ་ལྟ་བུའི་རྔ་ཡབ་གཡོབ་ཅིང་ལྟ་བྱེད་པ། །གསེར་གྱི་འཁོར་ལོས་མདུན་ནས་རབ་མཛེས་ནོར་འཛིན་སྲུང་བའི་དབང་ཕྱུག་སོགས། །འགྲོ་འདིའི་བསམ་ཀུན་ཡོངས་སུ་
[169b.6]རྫོགས་བྱེད་སྣང་བརྙན་བྱེ་བ་སྤྲོ་གྱུར་ཅིག ༣༠ །ལ་ལར་གཅིག་པུ་ནགས་ཚལ་དག་ན་རྩ་བ་འབྲས་བུ་སྤྱོད་བྱེད་ཅིང་། །མང་དུ་མི་སྨྲ་ཞི་བའི་ལུས་ཀྱིས་མཐོང་ན་དགའ་བའི་ཚུལ་ཅན་དང་། །ལ་ལར་དགེ་ཞིང་སྤྱོད་ལམ་དུལ་བ་ངུར་སྨྲིག་གོས་དང་ལྷུང་
[169b.7]བཟེད་ཐོགས། །ཞི་ནས་ཞིར་གཤེགས་དེ་འདྲའི་གཟུགས་ཀྱིས་སྐྱེ་དགུའི་འདོད་པ་འཇོ་གྱུར་ཅིག ༣༡ །མདོར་ན་བདེར་གཤེགས་རིགས་ཁམས་དག་པ་བིཌཱུརྱ་འདྲ་བློ་བུར་གྱི། །དྲི་མ་རབ་བསགས་སྐྲུན་པ་ལྟ་བུ་ལམ་མཆོག་ཐབས་ཀྱིས་མྱུར་
[170a.1]སྦྱངས་ནས། །བྲལ་སྨིན་ཡོན་ཏན་བྱེ་བའི་རང་བཞིན་སྐུ་གསུམ་བདག་ཉིད་རྒྱལ་བ་ཡི། །གོ་འཕང་དམ་པ་བདེ་བླག་བསྒྲུབས་ནས་འཕྲིན་ལས་ཟེར་བརྒྱ་འཕྲོ་གྱུར་ཅིག ༣༢ །གླང་པོའི་ཕྲུ་གུ་ཐལ་དཀར་རྣམ་པས་དགའ་
[170a.2]ལྡན་གནས་ནས་འཕོ་བ་དང་། །ལྷུམས་སུ་འཇུག་དང་མངོན་པར་བལྟམ་དང་གཞོན་ནུ་སྤྲུལ་པའི་རོལ་རྩེད་དང་། །བྱང་ཆུབ་སྙིང་པོར་བདུད་རྩི་བརྙེས་དང་ཆོས་ཀྱི་འཁོར་ལོ་བསྐོར་བ་སོགས། །ངོ་མཚར་མཛད་པས་འཁོར་བར་བྱིང་བའི་
[170a.3]ཡིད་ཅན་འདི་དག་སྒྲོལ་གྱུར་ཅིག ༣༣ །ལེགས་བྱས་མཐའ་ཡས་མངོན་པར་སྤེལ་བའི་གླེགས་བམ་ཕྱི་མོ་རྨད་བྱུང་བ། །ཡིད་བཞིན་ནོར་བུས་ཕྱུང་བུར་གཏམས་པའི་སྒྲོམ་མང་ཡོངས་སུ་བྱེ་འདྲ་འདི། །ལྷ་ཡི་རྫིང་རིང་གཟུགས་སུ་མ་གྱུར་དེ་སྲིད་རྒྱ་
[170a.4]མཚོའི་གོས་ཅན་གཞིར། །སྐལ་བ་ཅན་རྣམས་ཆོས་ཀྱི་འདོད་འཇོ་མི་ཟད་སླད་དུ་རྟག་གྱུར་ཅིག ༣༤ །གང་གི་དྲིན་གྱིས་ས་གསུམ་དག་ན་དགེ་མཚན་བྱ་མ་རྟས་བཀོད་པའི། །བསོད་ནམས་ཕུང་པོ་གསེར་གྱི་མཆོད་སྡོང་ཉིན་བྱེད་བྱེ་བའི་སྣང་བ་
[170a.5]ཅན། །མི་དགེའི་མུན་པ་རྣམ་པར་སྙིལ་བྱེད་ཕ་མཐའ་མེད་པར་བདལ་བ་ཡང་། །ཟད་པ་མེད་པར་ཕན་བདེ་སྤྲོ་བྱེད་བུམ་པ་བཟང་པོ་ལྟར་གྱུར་ཅིག ༣༥ །ལེགས་བྱས་རིན་ཆེན་རྩོལ་བས་བསྒྲུབས་ལ་དངོས་དང་བརྒྱུད་པས་འབྲེལ་བ་ཡི། །སྐྱེ་
[170a.6]དགུ་རྣམས་ཀྱང་ཀུན་འབྱུང་བུད་ཤིང་བསམ་ཡས་ཉིད་ལས་སྐྱེས་པའི་མེ། །སྡུག་བསྔལ་རྒྱུད་དུ་ཀུན་ནས་འབར་བ་སྲེད་ལེན་དྲི་ཡི་བཞོན་པ་ཅན། །རྨེག་མེད་བཅོམ་ནས་ཆོས་ཀྱི་རྒྱལ་སར་དབུགས་དབྱུང་ཆེན་པོ་ཐོབ་གྱུར་ཅིག ༣༦ །བདག་ཀྱང་རྒྱལ་བས་
[170a.7]ལེགས་པར་གསུངས་པའི་བདུད་རྩིས་ཉམས་སྟོབས་རྫོགས་གྱུར་ཏེ། །འགྲོ་བ་རྣམས་ལ་རྩི་སྨན་མཆོག་དང་གཏེར་བུམ་དཔག་བསམ་རིན་ཆེན་ལྟར། །ཉེར་འཚོའི་གཞི་དང་གཙུག་ལག་འབུམ་གྱི་ཤིང་རྟ་ཆེན་པོར་གྱུར་ནས་ཀྱང་། །ཐར་མཆོག་
[170b.1]གནས་སུ་རྒྱལ་སྲས་རྣམས་དང་ལྷན་ཅིག་རབ་ཏུ་རོལ་གྱུར་ཅིག ༣༧ །དེ་ལྟར་ལྷག་བསམ་ཆུ་མཚོ་ལས་འཁྲུངས་སྨོན་ལམ་པུཎྜ་རཱི་ཀའི་ཚལ། །རྟག་ཏུ་མི་རྙིང་མངོན་རློམ་ར་རིས་གོས་པ་མེད་པར་གསལ་བ་འདི། །དུས་གསུམ་གཤེགས་པའི་
[170b.2]འཕགས་ཆེན་རྣམས་ཀྱི་བཞེད་པའི་རྗེས་སུ་རབ་སོན་ཏེ། །ཐུབ་པ་མཆོག་རྣམས་དགྱེས་པའི་ཞལ་གྱིས་ཆུད་མི་ཟ་བར་སྐྱོང་གྱུར་ཅིག ༣༨ །སྐྱོན་རྣམས་གཏན་བཅོམ་ཡེ་ཤེས་སྤྱན་མངའ་དྲང་སྲོང་ཆེ་རྣམས་བདེན་པར་གསུང་བའི་བདེན་པ་དང་། །གང་
[170b.3]དུ་ཞི་དང་གང་གིས་ཞི་བ་འགོག་ལམ་རང་བཞིན་འདོད་ཆགས་བྲལ་བའི་བདེན་པ་དང་། །རིག་དང་གྲོལ་བའི་ཡོན་ཏན་བརྒྱད་ལྡན་འཕགས་པའི་ཚོགས་རྣམས་མི་ཕྱེད་འདུས་པའི་བདེན་པ་ཡིས། །འདི་ན་དེ་རིང་སྨོན་ལམ་བགྱིས་པ་མྱུར་དུ་འགྲུབ་
[170b.4]པའི་བདེ་ལེགས་ཆེན་པོ་འབྱུང་གྱུར་ཅིག ༣༩ །བདེ་བར་གཤེགས་པའི་བཀའ་གངས་ཅན་གྱི་བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་
[170b.5]ཟླ་འོད་གཞོན་ནུའི་འཁྲི་ཤིང་ལས་དེ་ལྟར་བཞེངས་པའི་དགོས་ཆེད་ཕན་ཡོན་བསྔོ་སྨོན་དང་བཅས་པ་ལེགས་པར་བཤད་པའི་ཡལ་འདབ་སྟེ་བརྒྱད་པའོ། །དེ་ལྟར་བདེ་བར་གཤེགས་པའི་གསུང་རབ་རིན་པོ་ཆེ་
[170b.6]གངས་ཅན་གྱི་ལྗོངས་འདིར་འགྱུར་རོ་ཅོག་ལས་དེང་སང་ཇི་ཙམ་བཞུགས་པ་པར་དུ་བསྒྲུབས་པའི་ཚུལ་ལས་ཉེ་བར་བརྩམས་ཏེ་ལེགས་པར་བཤད་པ་སྐབས་བརྒྱད་ཀྱི་བདག་ཉིད་ཅན་འདི་ནི། བསོད་ནམས་མངོན་པར་འདུ་བྱེད་པའི་ཕྲིན་ལས་རྒྱ་ཆེན་པོ་འདི་
[170b.7]གང་གིས་བསྐྲུན་པར་མཛད་པ། མིའི་དབང་པོ་ཆོས་བཞིན་དུ་ས་སྐྱོང་བ་ཉིད་ཀྱི་བཀའ་སྩལ་བ་ལྷུར་བླངས་ཏེ། འཇིག་རྟེན་དབང་ཕྱུག་ཀརྨ་པའི་གསུང་ལས་སྐྱེས་པའི་སློབ་འབངས་ཀྱི་ཐ་ཤལ། གནམ་བསྐོས་འཇམ་དབྱངས་གོང་མ་ཆེན་པོའི་
[171a.1]ལུང་གི་ཀྭན་ཏིང་ཡཱན་ཐོང་མྱའུ་ཚི་གེ་ཤིར་འབོད་པ། མིང་དངོས་ཀརྨ་བསྟན་པའི་ཉིན་བྱེད་གཙུག་ལག་ཆོས་ཀྱི་སྣང་བ་ཞེས་བགྱི་བས། བདག་
[171a.2]ཅག་གི་སྟོན་པ་རྣམ་འདྲེན་ཤཱཀྱའི་དབང་པོ་དགོངས་པ་ཞི་བའི་དབྱིངས་སུ་མནལ་བའི་ཚུལ་བསྟན་ནས་བགྲང་བྱ་ཉིས་སྟོང་དྲུག་བརྒྱ་བཅུ་གསུམ་འདས་པ། ཆུ་མོ་གླང་གི་ལོ་གྲོ་བཞིན་
[171a.3]ཟླ་བའི་དཀར་ཕྱོགས་ཀྱི་དུས་ཚེས་བཟང་པོར། སྡེ་བཞི་དགེ་བཅུའི་དཔལ་འབྱོར་མངོན་པར་མཐོ་བའི་རྒྱལ་ཁབ་ཆེན་པོ་ཉིད་དུ་བྲིས་པ་དགེ་ལེགས་སུ་གྱུར་ཅིག། །ཤུ་བྷ་མསྐུ་སརྦ་ཛ་ག་ཏྭཾ། །