Thomas 1	ⲛⲁⲉⲓ ⲛⲉ ⲛ̄ ϣⲁϫⲉ ⲉⲑ ⲏⲡ⳿ ⲉⲛⲧ ⲁ ⲓ︤ⲥ︥ ⲉⲧ ⲟⲛϩ ϫⲟⲟ ⲩ ⲁⲩⲱ ⲁ ϥ ⲥϩⲁⲓ̈ ⲥⲟⲩ ⲛ̄ϭⲓ ⲇⲓⲇⲩⲙⲟⲥ ⲓ̈ⲟⲩⲇⲁⲥ ⲑⲱⲙⲁⲥ ⲁⲩⲱ ⲡⲉϫⲁ ϥ ϫⲉ ⲡ ⲉ ⲧ ⲁ ϩⲉ ⲉ ⲑ ⲉⲣⲙⲏⲛⲉⲓⲁ ⲛ̄ ⲛⲉⲉⲓ ϣⲁϫⲉ ϥ ⲛⲁ ϫⲓ ϯⲡⲉ ⲁⲛ ⲙ̄ ⲡ ⲙⲟⲩ · ⲡⲉϫⲉ ⲓ︤ⲥ︥ ⲙⲛ̄ⲧⲣⲉ ϥ⳿ ⲗⲟ ⲛ̄ϭⲓ ⲡ ⲉⲧ⳿ ϣⲓⲛⲉ ⲉ ϥ⳿ ϣⲓⲛⲉ ϣⲁⲛⲧⲉ ϥ⳿ ϭⲓⲛⲉ
Thomas 2	ⲁⲩⲱ ϩⲟⲧⲁⲛ⳿ ⲉϥϣⲁⲛ ϭⲓⲛⲉ ϥ ⲛⲁ ϣⲧⲣ̄ⲧⲣ̄
Thomas 3	ⲁⲩⲱ ⲉϥϣⲁⲛ ϣⲧⲟⲣⲧⲣ̄ ϥ ⲛⲁ ⲣ̄ ϣⲡⲏⲣⲉ ⲁⲩⲱ ϥ ⲛⲁ ⲣ̄ ⲣ̄ⲣ̄ⲟ ⲉϫⲙ̄ ⲡ ⲧⲏⲣ ϥ
Thomas 1	ⲡⲉϫⲉ ⲓ︤ⲥ︥ ϫⲉ ⲉⲩϣⲁ ϫⲟⲟ ⲥ ⲛⲏ ⲧⲛ̄ ⲛ̄ϭⲓ ⲛ ⲉⲧ⳿ ⲥⲱⲕ ϩⲏⲧ⳿ ⲧⲏⲩⲧⲛ̄ ϫⲉ ⲉⲓⲥ ϩⲏⲏⲧⲉ ⲉ ⲧ⳿ ⲙⲛⲧ ⲉⲣⲟ ϩⲛ̄ ⲧ ⲡⲉ ⲉⲉⲓⲉ ⲛ̄ ϩⲁⲗⲏⲧ⳿ ⲛⲁ ⲣ ϣⲟⲣⲡ⳿ ⲉⲣⲱ ⲧⲛ̄ ⲛ̄ⲧⲉ ⲧ ⲡⲉ
Thomas 2	ⲉⲩϣⲁⲛ ϫⲟⲟ ⲥ ⲛⲏ ⲧⲛ ϫⲉ ⲥ ϩⲛ̄ ⲑ ⲁⲗⲁⲥⲥⲁ ⲉⲉⲓⲉ ⲛ̄ ⲧⲃⲧ⳿ ⲛⲁ ⲣ̄ ϣⲟⲣⲡ⳿ ⲉⲣⲱ ⲧⲛ̄
Thomas 3	ⲁⲗⲗⲁ ⲧ ⲙⲛ̄ⲧ ⲉⲣⲟ ⲥ ⲙ̄ ⲡⲉⲧⲛ̄ ϩⲟⲩⲛ⳿ ⲁⲩⲱ ⲥ ⲙ̄ ⲡⲉⲧⲛ̄ ⲃⲁⲗ
Thomas 4	ϩⲟⲧⲁⲛ ⲉⲧⲉⲧⲛ̄ϣⲁⲛ ⲥⲟⲩⲱⲛ ⲧⲏⲩⲧⲛ̄ ⲧⲟⲧⲉ ⲥⲉ ⲛⲁ ⲥⲟⲩⲱ⳯ ⲧⲏⲛⲉ ⲁⲩⲱ ⲧⲉⲧⲛ ⲁ ⲉⲓⲙⲉ ϫⲉ ⲛ̄ⲧⲱⲧⲛ̄ ⲡⲉ ⲛ̄ ϣⲏⲣⲉ ⲙ̄ ⲡ ⲉⲓⲱⲧ ⲉⲧ ⲟⲛϩ
Thomas 5	ⲉϣⲱⲡⲉ ⲇⲉ ⲧⲉⲧ ⲛⲁ ⲥⲟⲩⲱⲛ ⲧⲏⲩⲧⲛ̄ ⲁⲛ ⲉⲉⲓⲉ ⲧⲉⲧⲛ̄ ϣⲟⲟⲡ⳿ ϩⲛ̄ ⲟⲩ ⲙⲛ̄ⲧ ϩⲏⲕⲉ ⲁⲩⲱ ⲛ̄ⲧⲱⲧⲛ̄ ⲡⲉ ⲧ ⲙⲛ̄ⲧ ϩⲏⲕⲉ
Thomas 1	ⲡⲉϫⲉ ⲓ︤ⲥ︥ ϥ ⲛⲁ ϫⲛⲁⲩ ⲁⲛ ⲛ̄ϭⲓ ⲡ ⲣⲱⲙⲉ ⲛ̄ ϩⲗⲗⲟ ϩⲛ̄ ⲛⲉϥ ϩⲟⲟⲩ ⲉ ϫⲛⲉ ⲟⲩ ⲕⲟⲩⲉⲓ ⲛ̄ ϣⲏⲣⲉ ϣⲏⲙ ⲉ ϥ ϩⲛ̄ ⲥⲁϣϥ̅ ⲛ̄ ϩⲟⲟⲩ ⲉⲧⲃⲉ ⲡ ⲧⲟⲡⲟⲥ ⲙ̄ ⲡ ⲱⲛϩ
Thomas 2	ⲁⲩⲱ ϥ ⲛⲁ ⲱⲛϩ ϫⲉ ⲟⲩⲛ ϩⲁϩ ⲛ ϣⲟⲣⲡ ⲛⲁ ⲣ̄ ϩⲁⲉ ⲁⲩⲱ ⲛ̄ ⲥⲉ ϣⲱⲡⲉ ⲟⲩⲁ ⲟⲩⲱⲧ
Thomas 1	ⲡⲉϫⲉ ⲓ︤ⲥ︥ ⲥⲟⲩⲱⲛ ⲡ ⲉⲧ ⲙ̄ ⲡ ⲙ̄ⲧⲟ ⲙ̄ ⲡⲉⲕ ϩⲟ ⲉⲃⲟⲗ⳿
Thomas 2	ⲁⲩⲱ ⲡ ⲉⲑ ⲏⲡ⳿ ⲉⲣⲟ ⲕ⳿ ϥ ⲛⲁ ϭⲱⲗⲡ⳿ ⲉⲃⲟⲗ ⲛⲁ ⲕ⳿
Thomas 3	ⲙⲛ̄ ⲗⲁⲁⲩ ⲅⲁⲣ ⲉ ϥ ϩⲏⲡ⳿ ⲉ ϥ ⲛⲁ ⲟⲩⲱⲛϩ ⲉⲃⲟⲗ ⲁⲛ
Thomas 1	ⲁ ⲩ ϫⲛⲟⲩ ϥ ⲛ̄ϭⲓ ⲛⲉϥ⳿ ⲙⲁⲑⲏⲧⲏⲥ ⲡⲉϫⲁ ⲩ ⲛⲁ ϥ⳿ ϫⲉ ⲕ̂ ⲟⲩⲱϣ ⲉ ⲧⲣ ⲛ̄︤ ⲣ︥ ⲛⲏⲥⲧⲉⲩⲉ
Thomas 2	ⲁⲩⲱ ⲉϣ ⲧⲉ ⲑ ⲉ ⲉ ⲛ ⲁ ϣⲗⲏⲗ ⲉ ⲛ ⲁ ϯ ⲉⲗⲉⲏⲙⲟⲥⲩⲛⲏ
Thomas 3	ⲁⲩⲱ ⲉ ⲛ ⲁ ⲣ̄ ⲡⲁⲣⲁⲧⲏⲣⲉⲓ ⲉ ⲟⲩ ⲛ̄ ϭⲓ ⲟⲩⲱⲙ⳿
Thomas 4	ⲡⲉϫⲉ ⲓ︤ⲥ︥ ϫⲉ ⲙ̄ⲡⲣ̄ ϫⲉ ϭⲟⲗ
Thomas 5	ⲁⲩⲱ ⲡ ⲉⲧ ⲉⲧⲙ̄ ⲙⲟⲥⲧⲉ ⲙ̄ⲙⲟ ϥ⳿ ⲙ̄ⲡⲣ̄ ⲁⲁ ϥ ϫⲉ ⲥⲉ ϭⲟⲗⲡ⳿ ⲧⲏⲣ ⲟⲩ ⲉⲃⲟⲗ ⲙ̄ ⲡⲉ ⲙⲧⲟ ⲉⲃⲟⲗ ⲛ̄ ⲧ ⲡⲉ
Thomas 6	ⲙⲛ̄ ⲗⲁⲁⲩ ⲅⲁⲣ ⲉ ϥ ϩⲏⲡ · ⲉ ϥ ⲛⲁ ⲟⲩⲱⲛϩ ⲉⲃⲟⲗ ⲁⲛ
Thomas 7	ⲁⲩⲱ ⲙⲛ ⲗⲁⲁⲩ ⲉ ϥ ϩⲟⲃ︤ⲥ︥ ⲉ ⲩ ⲛⲁ ϭⲱ ⲟⲩⲉϣⲛ̄ ϭⲟⲗⲡ ϥ⳿
Thomas 1	ⲡⲉϫⲉ ⲓ︤ⲥ︥ ⲟⲩ ⲙⲁⲕⲁⲣⲓⲟⲥ ⲡⲉ ⲡ ⲙⲟⲩⲉⲓ ⲡⲁⲉⲓ ⲉⲧⲉ ⲡ ⲣⲱⲙⲉ ⲛⲁ ⲟⲩⲟⲙ ϥ
Thomas 2	ⲁⲩⲱ ⲛ̄ⲧⲉ ⲡ ⲙⲟⲩⲉⲓ ϣⲱⲡⲉ ⲣ̄ ⲣⲱⲙⲉ ⲁⲩⲱ ϥ ⲃⲏⲧ · ⲛ̄ϭⲓ ⲡ ⲣⲱ ⲙⲉ ⲡⲁⲉⲓ ⲉⲧⲉ ⲡ ⲙⲟⲩⲉⲓ ⲛⲁ ⲟⲩⲟⲙ ϥ
Thomas 3	ⲁⲩ ⲱ ⲡ ⲙⲟⲩⲉⲓ ⲛⲁ ϣⲱⲡⲉ ⲣ̄ ⲣⲱⲙⲉ
Thomas 1	ⲁⲩⲱ ⲡⲉ ϫⲁ ϥ ϫⲉ ⲉ ⲡ ⲣⲱⲙⲉ ⲧⲛ̄ⲧⲱⲛ ⲁ ⲩ ⲟⲩⲱϩⲉ ⲣ̄ ⲣⲙ ⲛ̄ ϩⲏⲧ⳿ ⲡⲁⲉⲓ ⲛ̄ⲧ ⲁ ϩ ⲛⲟⲩϫⲉ ⲛ̄ ⲧⲉϥ ⲁ ⲃⲱ ⲉ ⲑ ⲁⲗⲁⲥⲥⲁ ⲁ ϥ ⲥⲱⲕ ⲙ̄ⲙⲟ ⲥ ⲉϩⲣⲁⲓ̈ ϩⲛ̄ ⲑ ⲁⲗⲁⲥⲥⲁ ⲉ ⲥ ⲙⲉϩ ⲛ ⲧⲃⲧ ⲛ̄ ⲕⲟⲩⲉⲓ ⲛ̄ ϩⲣⲁⲓ̈ ⲛ̄ϩⲏⲧ ⲟⲩ
Thomas 2	ⲁ ϥ ϩⲉ ⲁ ⲩ ⲛⲟϭ ⲛ̄ ⲧⲃ︤ⲧ︥ ⲉ ⲛⲁ ⲛⲟⲩ ϥ⳿ ⲛ̄ϭⲓ ⲡ ⲟⲩⲱϩⲉ ⲣ̄ ⲣⲙ ⲛ ϩⲏⲧ̂
Thomas 3	ⲁ ϥ ⲛⲟⲩ ϫⲉ ⲛ̄ ⲛ̄ ⲕⲟⲩⲉⲓ ⲧⲏⲣ ⲟⲩ ⲛ ⲧⲃⲧ⳿ ⲉⲃⲟⲗ ⲉ [ⲡ ⲉ] ⲥⲏⲧ̂ ⲉ ⲑ ⲁⲗⲁⲥⲥⲁ ⲁ ϥ ⲥⲱⲧⲡ · ⲙ̄ ⲡ ⲛⲟϭ ⲛ̄ ⲧⲃ︤ⲧ︥ ⲭⲱⲣⲓⲥ ϩⲓⲥⲉ
Thomas 4	ⲡ ⲉⲧⲉ ⲟⲩⲛ ⲙⲁⲁϫⲉ ⲙ̄ⲙⲟ ϥ ⲉ ⲥⲱⲧⲙ̄ ⲙⲁⲣⲉ ϥ̂ ⲥⲱⲧⲙ
Thomas 1	ⲡⲉϫⲉ ⲓ︤ⲥ︥ ϫⲉ ⲉⲓⲥ ϩⲏ ⲏⲧⲉ · ⲁ ϥ ⲉⲓ ⲉⲃⲟⲗ ⲛ̄ϭⲓ ⲡ ⲉⲧ⳿ ⲥⲓⲧⲉ ⲁ ϥ ⲙⲉϩ ⲧⲟⲟⲧ ϥ︦ ⲁ ϥ ⲛⲟⲩϫⲉ
Thomas 2	ⲁ ϩⲟⲉⲓⲛⲉ ⲙⲉⲛ ϩⲉ ⲉϫⲛ ⲧⲉ ϩⲓⲏ⳿ ⲁ ⲩ ⲉⲓ ⲛ̄ϭⲓ ⲛ̄ ϩⲁⲗⲁⲧⲉ ⲁ ⲩ ⲕⲁⲧϥ ⲟⲩ
Thomas 3	ϩⲛ̄ ⲕⲟⲟⲩⲉ ⲁ ⲩ ϩⲉ ⲉϫⲛ̄ ⲧ ⲡⲉⲧⲣⲁ ⲁⲩⲱ ⲙ̄ⲡ ⲟⲩ ϫⲉ ⲛⲟⲩⲛⲉ ⲉ ⲡ ⲉⲥⲏⲧ̂ ⲉ ⲡ ⲕⲁϩ ⲁⲩⲱ ⲙ̄ⲡ ⲟⲩ ⲧⲉⲩⲉ ϩⲙ︤ⲥ︥ ⲉϩ ⲣⲁⲓ̈ ⲉ ⲧ ⲡⲉ
Thomas 4	ⲁⲩⲱ ϩⲛ̄ ⲕⲟⲟⲩⲉ ⲁ ⲩ ϩⲉ ⲉϫⲛ̄ ⲛ̄ ϣⲟ (ⲛ) ⲧⲉ ⲁ ⲩ ⲱϭⲧ⳿ ⲙ̄ ⲡⲉ ϭⲣⲟϭ ⲁⲩⲱ ⲁ ⲡ ϥⲛ︤ⲧ︥ ⲟⲩⲟⲙ ⲟⲩ
Thomas 5	ⲁⲩⲱ ⲁ ϩⲛ̄ ⲕⲟⲟⲩⲉ ϩⲉ ⲉϫⲛ̄ ⲡ ⲕⲁϩ ⲉⲧ ⲛⲁⲛⲟⲩ ϥ⳿ ⲁⲩⲱ ⲁ ϥ ϯ ⲕⲁⲣⲡⲟⲥ ⲉϩⲣⲁⲓ̈ ⲉ ⲧ ⲡⲉ ⲉ ⲛⲁⲛⲟⲩ ϥ⳿ ⲁ ϥ ⲉⲓ ⲛ̄ ⲥⲉ ⲉ ⲥⲟⲧⲉ ⲁⲩⲱ ϣⲉ ϫⲟⲩⲱⲧ⳿ ⲉ ⲥⲟⲧⲉ
Thomas 1	ⲡⲉϫⲉ ⲓ︤ⲥ︥ ϫⲉ ⲁ ⲉⲓ ⲛⲟⲩϫⲉ ⲛ̄ ⲟⲩ ⲕⲱϩⲧ⳿ ⲉϫⲛ̄ ⲡ ⲕⲟⲥⲙⲟⲥ
Thomas 2	ⲁⲩⲱ ⲉⲓⲥ ϩⲏⲏⲧⲉ ϯ ϩⲁⲣⲉϩ ⲉⲣⲟ ϥ⳿ ϣⲁⲛⲧⲉ ϥ ϫⲉⲣⲟ
Thomas 1	ⲡⲉϫⲉ ⲓ︤ⲥ︥ ϫⲉ ⲧⲉⲉⲓ ⲡⲉ ⲛⲁ ⲣ̄ ⲡⲁⲣⲁⲅⲉ ⲁⲩⲱ ⲧ ⲉⲧ ⲛ̄ ⲧ ⲡⲉ ⲙ̄ⲙⲟ ⲥ ⲛⲁ ⲣ̄ ⲡⲁⲣⲁⲅⲉ
Thomas 2	ⲁⲩⲱ ⲛ ⲉⲧ ⲙⲟⲟⲩⲧ ⲥⲉ ⲟⲛϩ ⲁⲛ
Thomas 3	ⲁⲩⲱ ⲛ ⲉⲧ ⲟⲛϩ ⲥⲉ ⲛⲁ ⲙⲟⲩ ⲁⲛ ⲛ̄ ϩⲟⲟⲩ
Thomas 4	ⲛⲉ ⲧⲉⲧⲛ̄ ⲟⲩⲱⲙ⳿ ⲙ̄ ⲡ ⲉⲧ ⲙⲟⲟⲩⲧ⳿ ⲛⲉ ⲧⲉⲧⲛ̄ ⲉⲓⲣⲉ ⲙ̄ⲙⲟ ϥ ⲙ̄ ⲡ ⲉ ⲧ ⲟⲛϩ
Thomas 5	ϩⲟⲧⲁⲛ ⲉⲧⲉⲧⲛ̄ϣⲁⲛ ϣⲱⲡⲉ ϩⲙ̄ ⲡ ⲟⲩ ⲟⲉⲓⲛ ⲟⲩ ⲡ ⲉⲧ ⲉⲧⲛ ⲁ ⲁ ϥ
Thomas 6	ϩⲙ̄ ⲫ ⲟⲟⲩ ⲉⲧ ⲉⲧⲛ̄ ⲟ ⲛ̄ ⲟⲩⲁ ⲁ ⲧⲉⲧⲛ̄ ⲉⲓⲣⲉ ⲙ̄ ⲡ ⲥⲛⲁⲩ
Thomas 7	ϩⲟⲧⲁⲛ ⲇⲉ ⲉⲧⲉⲧⲛ̄ϣⲁ ϣⲱⲡⲉ ⲛ̄ ⲥⲛⲁⲩ · ⲟⲩ ⲡ ⲉⲧ ⲉⲧⲛ̄ ⲛⲁ ⲁ ϥ ·
Thomas 1	ⲡⲉϫⲉ ⲙ̄ ⲙⲁⲑⲏⲧⲏⲥ ⲛ̄ ⲓ︤ⲥ︥ ϫⲉ ⲧⲛ̄ ⲥⲟⲟⲩⲛ ϫⲉ ⲕ ⲛⲁ ⲃⲱⲕ ⲛ̄ⲧⲟⲟⲧ︤ ⲛ︥
Thomas 2	ⲛⲓⲙ⳿ ⲡⲉ ⲉⲧ ⲛⲁ ⲣ̄ ⲛⲟϭ ⲉϩⲣⲁⲓ̈ ⲉϫⲱ ⲛ
Thomas 3	ⲡⲉϫⲉ ⲓ︤ⲥ︥ ⲛⲁ ⲩ ϫⲉ ⲡ ⲙⲁ ⲛ̄ⲧ ⲁ ⲧⲉⲧⲛ̄ ⲉⲓ ⲙ̄ⲙⲁⲩ ⲉ ⲧⲉⲧⲛ ⲁ ⲃⲱⲕ̂ ϣⲁ ⲓ̈ⲁⲕⲱⲃⲟⲥ ⲡ ⲇⲓⲕⲁⲓⲟⲥ ⲡⲁⲉⲓ ⲛ̄ⲧ ⲁ ⲧ ⲡⲉ ⲙⲛ̄ ⲡ ⲕⲁϩ ϣⲱⲡⲉ ⲉⲧⲃⲏⲧ ϥ̅
Thomas 1	ⲡⲉϫⲉ ⲓ︤ⲥ︥ ⲛ̄ ⲛⲉϥ ⲙⲁⲑⲏⲧⲏⲥ ϫⲉ ⲧⲛ̄ⲧⲱⲛ ⲧ⳿ ⲛ̄ⲧⲉ ⲧⲛ̄ ϫⲟⲟ ⲥ ⲛⲁ ⲉⲓ ϫⲉ ⲉ ⟨ⲓ⟩ ⲉⲓⲛⲉ ⲛ̄ ⲛⲓⲙ
Thomas 2	ⲡⲉϫⲁ ϥ ⲛⲁ ϥ⳿ ⲛ̄ϭⲓ ⲥⲓⲙⲱⲛ ⲡⲉⲧⲣⲟⲥ ϫⲉ ⲉ ⲕ ⲉⲓⲛⲉ ⲛ̄ ⲟⲩ ⲁⲅ⳿ ⲅⲉⲗⲟⲥ ⲛ̄ ⲇⲓⲕⲁⲓⲟⲥ
Thomas 3	ⲡⲉϫⲁ ϥ ⲛⲁ ϥ ⲛ̄ϭⲓ ⲙⲁⲑ⳿ⲑⲁⲓⲟⲥ ϫⲉ ⲉ ⲕ ⲉⲓⲛⲉ ⲛ̄ ⲟⲩ ⲣⲱⲙⲉ ⲙ̄ ⲫⲓⲗⲟⲥⲟ ⲫⲟⲥ ⲛ̄ ⲣⲛ̄ ⲛ̄ ϩⲏⲧ⳿
Thomas 4	ⲡⲉϫⲁ ϥ ⲛⲁ ϥ ⲛ̄ϭⲓ ⲑⲱⲙⲁⲥ ϫⲉ ⲡ ⲥⲁϩ ϩⲟⲗⲱⲥ ⲧⲁ ⲧⲁⲡⲣⲟ ⲛⲁ ϣ ⟨ϣ⟩ ⲁⲡ ϥ⳿ ⲁⲛ ⲉ ⲧⲣ ⲁ ϫⲟⲟ ⲥ ϫⲉ ⲉ ⲕ ⲉⲓⲛⲉ ⲛ̄ ⲛⲓⲙ⳿
Thomas 5	ⲡⲉϫⲉ ⲓⲏ︤ⲥ︥ ϫⲉ ⲁⲛⲟⲕ⳿ ⲡⲉⲕ⳿ ⲥⲁϩ ⲁⲛ ⲉⲡⲉⲓ ⲁ ⲕ ⲥⲱ ⲁ ⲕ ϯ ϩⲉ ⲉⲃⲟⲗ ϩⲛ̄ ⲧ ⲡⲏⲅⲏ ⲉⲧ ⲃⲣ̄ⲃⲣⲉ ⲧⲁⲉⲓ ⲁⲛⲟⲕ⳿ ⲛ̄ⲧ ⲁ ⲉⲓ ϣⲓⲧ ⲥ︥
Thomas 6	ⲁⲩⲱ ⲁ ϥ ϫⲓⲧ ϥ̅ ⲁ ϥ ⲁⲛⲁⲭⲱⲣⲉⲓ ⲁ ϥ ϫⲱ ⲛⲁ ϥ ⲛ̄ ϣⲟⲙⲧ̂ ⲛ̄ ϣⲁϫⲉ
Thomas 7	ⲛ̄ⲧⲁⲣⲉ ⲑⲱ ⲙⲁⲥ ⲇⲉ ⲉⲓ ϣⲁ ⲛⲉϥ⳿ ϣⲃⲉⲉⲣ⳿ ⲁ ⲩ ϫⲛⲟⲩ ϥ⳿ ϫⲉ ⲛ̄ⲧ ⲁ ⲓ︤ⲥ︥ ϫⲟⲟ ⲥ ϫⲉ ⲟⲩ ⲛⲁ ⲕ⳿
Thomas 8	ⲡⲉϫⲁ ϥ̂ ⲛⲁ ⲩ ⲛ̄ϭⲓ ⲑⲱⲙⲁⲥ ϫⲉ ⲉⲓϣⲁⲛ̂ ϫⲱ ⲛⲏ ⲧⲛ̄ ⲟⲩⲁ ϩⲛ̄ ⲛ̄ ϣⲁ ϫⲉ ⲛ̄ⲧ ⲁ ϥ ϫⲟⲟ ⲩ ⲛⲁ ⲉⲓ ⲧⲉⲧⲛ ⲁ ϥⲓ ⲱⲛⲉ ⲛ̄ⲧⲉ ⲧⲛ̄ ⲛⲟⲩϫⲉ ⲉⲣⲟ ⲉⲓ ⲁⲩⲱ ⲛ̄ⲧⲉ ⲟⲩ ⲕⲱϩⲧ⳿ ⲉⲓ ⲉ ⲃⲟⲗ ϩⲛ̄ ⲛ̄ ⲱⲛⲉ ⲛ̄ ⲥ ⲣⲱϩⲕ⳿ ⲙ̄ⲙⲱ ⲧⲛ̄
Thomas 1	ⲡⲉϫⲉ ⲓ︤ⲥ︥ ⲛⲁ ⲩ ϫⲉ ⲉⲧⲉⲧⲛ̄ϣⲁⲛ ⲣ̄ ⲛⲏⲥⲧⲉⲩⲉ ⲧⲉⲧ ⲛⲁ ϫⲡⲟ ⲛⲏ ⲧⲛ̄ ⲛ̄ⲛ ⲟⲩ ⲛⲟⲃⲉ
Thomas 2	ⲁⲩⲱ ⲉⲧⲉⲧⲛ̄ϣⲁ (ⲛ) ϣⲗⲏⲗ⳿ ⲥⲉ ⲛⲁ ⲣ̄ ⲕⲁⲧⲁⲕⲣⲓⲛⲉ ⲙ̄ⲙⲱ ⲧⲛ̄
Thomas 3	ⲁⲩⲱ ⲉⲧⲉⲧⲛ̄ϣⲁⲛ ϯ ⲉⲗⲉⲏⲙⲟⲥⲩⲛⲏ ⲉ ⲧⲉⲧⲛ ⲁ ⲉⲓ ⲣⲉ ⲛ̄ ⲟⲩ ⲕⲁⲕⲟⲛ ⲛ̄ ⲛⲉⲧⲙ ⲡ︤ⲛ︥︤ⲁ︥
Thomas 4	ⲁⲩⲱ ⲉⲧⲉⲧⲛ̄ ϣⲁⲛ ⲃⲱⲕ⳿ ⲉϩⲟⲩⲛ ⲉ ⲕⲁϩ ⲛⲓⲙ ⲁⲩⲱ ⲛ̄ⲧⲉ ⲧⲙ̄ ⲙⲟⲟϣⲉ ϩⲛ̄ ⲛ̄ ⲭⲱⲣⲁ ⲉⲩϣⲁ ⲣ̄ ⲡⲁⲣⲁⲇⲉⲭⲉ ⲙ̄ⲙⲱ ⲧⲛ̄ ⲡ ⲉⲧ ⲟⲩ ⲛⲁ ⲕⲁⲁ ϥ ϩⲁⲣⲱ ⲧⲛ̄ ⲟⲩⲟⲙ ϥ̅
Thomas 5	ⲛ ⲉⲧ ϣⲱⲛⲉ ⲛ̄ϩⲏⲧ ⲟⲩ ⲉⲣⲓ ⲑⲉⲣⲁⲡⲉⲩⲉ ⲙ̄ⲙⲟ ⲟⲩ
Thomas 6	ⲡ ⲉⲧ ⲛⲁ ⲃⲱⲕ ⲅⲁⲣ⳿ ⲉϩⲟⲩⲛ ϩⲛ̄ ⲧⲉⲧⲛ̄ ⲧⲁⲡⲣⲟ ϥ ⲛⲁ ϫⲱϩⲙ̄ ⲧⲏⲩⲧⲛ̄ ⲁⲛ⳿
Thomas 7	ⲁⲗⲗⲁ ⲡ ⲉⲧ ⲛ̄ⲛⲏⲩ ⲉⲃⲟⲗ⳿ ϩⲛ̄ ⲧⲉⲧⲛ̄ ⲧⲁⲡⲣⲟ ⲛ̄ⲧⲟϥ ⲡ ⲉ ⲧ ⲛⲁ ϫⲁϩⲙ̄ ⲧⲏⲩⲧⲛ
Thomas 1	ⲡⲉϫⲉ ⲓ︤ⲥ︥ ϫⲉ ϩⲟⲧⲁⲛ ⲉⲧⲉⲧⲛ̄ϣⲁⲛ ⲛⲁⲩ ⲉ ⲡ ⲉⲧⲉ ⲙ̄ⲡ ⲟⲩ ϫⲡⲟ ϥ⳿ ⲉⲃⲟⲗ ϩⲛ̄ ⲧ ⲥϩⲓⲙⲉ ⲡⲉϩⲧ⳿ ⲧⲏⲩⲧⲛ̄ ⲉϫⲙ̄ ⲡⲉⲧⲛ̄ ϩⲟ ⲛ̄ⲧⲉ ⲧⲛ̄ ⲟⲩⲱϣⲧ ⲛⲁ ϥ̂
Thomas 2	ⲡ ⲉⲧ ⲙ̄ⲙⲁⲩ ⲡⲉ ⲡⲉⲧⲛ̄ ⲉⲓⲱⲧ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲧⲁⲭⲁ ⲉ ⲩ ⲙⲉⲉⲩⲉ ⲛ̄ϭⲓ ⲣ̄ ⲣⲱⲙⲉ ϫⲉ ⲛ̄ⲧⲁ ⲉⲓ ⲉⲓ ⲉ ⲛⲟⲩϫⲉ ⲛ̄ ⲟⲩ ⲉⲓⲣⲏⲛⲏ ⲉϫⲙ̄ ⲡ ⲕⲟⲥⲙⲟⲥ
Thomas 2	ⲁⲩⲱ ⲥⲉ ⲥⲟⲟⲩⲛ ⲁⲛ ϫⲉ ⲛ̄ⲧⲁ ⲉⲓ ⲉⲓ ⲁ ⲛⲟⲩϫⲉ ⲛ̄ ϩⲛ̄ ⲡⲱⲣϫ⳿ ⲉϫⲛ̄ ⲡ ⲕⲁϩ ⲟⲩ ⲕⲱϩⲧ ⲟⲩ ⲥⲏϥⲉ⳿ ⲟⲩ ⲡⲟⲗⲉⲙⲟⲥ
Thomas 3	ⲟⲩⲛ̄ ϯⲟⲩ ⲅⲁⲣ ⲛⲁ ϣⲱ [ⲡⲉ] ϩⲛ̄ ⲟⲩ ⲏⲉⲓ
Thomas 4	ⲟⲩⲛ̄ ϣⲟⲙⲧ ⲛⲁ ϣⲱⲡⲉ ⲉϫⲛ̄ ⲥⲛⲁⲩ ⲁⲩⲱ ⲥⲛⲁⲩ ⲉϫⲛ̄ ϣⲟⲙⲧ⳿ ⲡ ⲉⲓⲱⲧ⳿ ⲉϫⲙ̄ ⲡ ϣⲏⲣⲉ ⲁⲩⲱ ⲡ ϣⲏⲣⲉ ⲉϫⲙ̄ ⲡ ⲉⲓⲱⲧ⳿
Thomas 5	ⲁⲩⲱ · ⲥⲉ ⲛⲁ ⲱϩⲉ ⲉⲣⲁⲧ ⲟⲩ ⲉ ⲩ ⲟ ⲙ̄ ⲙⲟⲛⲁ ⲭⲟⲥ
Thomas 1	ⲡⲉϫⲉ ⲓ︤ⲥ︥ ϫⲉ ϯ ⲛⲁ ϯ ⲛⲏ ⲧⲛ̄ ⲙ̄ ⲡ ⲉⲧⲉ ⲙ̄ⲡⲉ ⲃⲁⲗ ⲛⲁⲩ ⲉⲣⲟ ϥ⳿ ⲁⲩⲱ ⲡ ⲉⲧⲉ ⲙ̄ⲡⲉ ⲙⲁ ⲁϫⲉ ⲥⲟⲧⲙ ⲉϥ⳿ ⲁⲩⲱ ⲡ ⲉⲧⲉ ⲙⲡⲉ ϭⲓϫ⳿ ϭⲙ̄ϭⲱⲙ ϥ̅ ⲁⲩⲱ ⲙ̄ⲡⲉ ϥ ⲉⲓ ⲉϩⲣⲁⲓ̈ ϩⲓ ⲫ ⲏⲧ⳿ ⲣ̄ ⲣⲱⲙⲉ ⲡⲉϫⲉ ⲙ̄ ⲙⲁⲑⲏⲧⲏⲥ ⲛ̄ ⲓ︤ⲥ︥ ϫⲉ ϫⲟⲟ ⲥ ⲉⲣⲟ ⲛ ϫⲉ ⲧⲛ̄ ϩⲁⲏ ⲉ ⲥ ⲛⲁ ϣⲱⲡⲉ ⲛ̄ ⲁϣ ⲛ̄ ϩⲉ
Thomas 2	ⲡⲉϫⲉ ⲓ︤ⲥ︥ ⲁ ⲧⲉⲧⲛ̄ ϭⲱⲗⲡ⳿ ⲅⲁⲣ ⲉⲃⲟⲗ ⲛ̄ ⲧ ⲁⲣⲭⲏ ϫⲉⲕⲁⲁⲥ ⲉ ⲧⲉⲧ ⲛⲁ ϣⲓⲛⲉ ⲛ̄ⲥⲁ ⲑ ⲁϩⲏ ϫⲉ ϩⲙ̄ ⲡ ⲙⲁ ⲉⲧⲉ ⲧ ⲁⲣⲭⲏ ⲙ̄ⲙⲁⲩ ⲉ ⲑ ⲁϩⲏ ⲛⲁ ϣⲱⲡⲉ ⲙ̄ⲙⲁⲩ
Thomas 3	ⲟⲩ ⲙⲁⲕⲁⲣⲓⲟⲥ ⲡ ⲉⲧ ⲛⲁ ϩⲱϩⲉ ⲉ ⲣⲁⲧ ϥ̅ ϩⲛ̄ ⲧ ⲁⲣⲭⲏ
Thomas 4	ⲁⲩⲱ ϥ ⲛⲁ ⲥⲟⲩⲱⲛ ⲑ ϩⲁⲏ
Thomas 5	ⲁⲩⲱ ϥ ⲛⲁ ϫⲓ ϯⲡⲉ ⲁⲛ ⲙ̄ ⲙⲟⲩ
Thomas 1	ⲡⲉϫⲉ ⲓ︤ⲥ︥ ϫⲉ ⲟⲩ ⲙⲁⲕⲁⲣⲓⲟⲥ ⲡ ⲉⲛⲧ ⲁ ϩ ϣⲱⲡⲉ ϩⲁ ⲧⲉ ϩⲏ ⲉ ⲙⲡⲁⲧⲉ ϥ ϣⲱ ⲡⲉ
Thomas 2	ⲉⲧⲉⲧⲛ̄ϣⲁⲛ ϣⲱⲡⲉ ⲛⲁ ⲉⲓ ⲙ̄ ⲙⲁⲑⲏ ⲧⲏⲥ ⲛ̄ⲧⲉ ⲧⲛ̄ ⲥⲱⲧⲙ̄ ⲁ ⲛⲁ ϣⲁϫⲉ ⲛⲉⲉⲓ ⲱⲛⲉ ⲛⲁ ⲣ̄ ⲇⲓⲁⲕⲟⲛⲉⲓ ⲛⲏ ⲧⲛ̄
Thomas 3	ⲟⲩⲛ̄ⲧⲏ ⲧⲛ̄ ⲅⲁⲣ̂ ⲙ̄ⲙⲁⲩ ⲛ̄ ϯⲟⲩ ⲛ̄ ϣⲏⲛ ϩⲙ̄ ⲡⲁⲣⲁⲇⲓⲥⲟⲥ ⲉ ⲥⲉ ⲕⲓⲙ ⲁⲛ ⲛ̄ ϣⲱⲙ⳿ ⲙ̄ ⲡⲣⲱ
Thomas 4	ⲁⲩⲱ ⲙⲁⲣⲉ ⲛⲟⲩ ϭⲱⲃⲉ ϩⲉ ⲉⲃⲟⲗ
Thomas 5	ⲡ ⲉⲧ⳿ ⲛⲁ ⲥⲟⲩⲱⲛ ⲟⲩ ϥ ⲛⲁ ϫⲓ ϯⲡⲉ ⲁⲛ⳿ ⲙ̄ ⲙⲟⲩ
Thomas 1	ⲡⲉϫⲉ ⲙ̄ ⲙⲁⲑⲏⲧⲏⲥ ⲛ̄ ⲓ︤ⲥ︥ ϫⲉ ϫⲟⲟ ⲥ ⲉⲣⲟ ⲛ ϫⲉ ⲧ ⲙⲛ̄ⲧ ⲉⲣⲟ ⲛ ⲙ̄ ⲡⲏⲩⲉ ⲉ ⲥ ⲧⲛ̄ⲧⲱⲛ ⲉ ⲛⲓⲙ
Thomas 2	ⲡⲉϫⲁ ϥ ⲛⲁ ⲩ ϫⲉ ⲉ ⲥ ⲧⲛ̄ ⲧⲱⲛ ⲁ ⲩ ⲃⲗ︦ⲃⲓⲗⲉ ⲛ̄ ϣⲗ︦ⲧⲁⲙ
Thomas 3	⟨ⲥ⟩ ⲥⲟⲃ︤ⲕ︥ ⲡⲁⲣⲁ ⲛ̄ ϭⲣⲟϭ ⲧⲏⲣ ⲟⲩ
Thomas 4	ϩⲟⲧⲁⲛ ⲇⲉ ⲉⲥϣⲁ (ⲛ) ϩⲉ ⲉϫⲙ̄ ⲡ ⲕⲁϩ ⲉⲧ ⲟⲩ ⲣ̄ ϩⲱⲃ ⲉⲣⲟ ϥ ϣⲁ ϥ ⲧⲉⲩⲟ ⲉⲃⲟⲗ ⲛ̄ⲛ ⲟⲩ ⲛⲟϭ ⲛ̄ ⲧⲁⲣ ⲛ̄ ϥ ϣⲱ ⲡⲉ ⲛ̄ ⲥⲕⲉⲡⲏ ⲛ̄ ϩⲁⲗⲁⲧⲉ ⲛ̄ ⲧ ⲡⲉ
Thomas 1	ⲡⲉ ϫⲉ ⲙⲁⲣⲓϩⲁⲙ ⲛ̄ ⲓ︤ⲥ︥ ϫⲉ ⲉ ⲛⲉⲕ ⲙⲁⲑⲏ ⲧⲏⲥ ⲉⲓⲛⲉ ⲛ̄ ⲛⲓⲙ⳿
Thomas 2	ⲡⲉϫⲁ ϥ⳿ ϫⲉ ⲉ ⲩ ⲉⲓⲛⲉ ⲛ̄ ϩⲛ̄ ϣⲏⲣⲉ ϣⲏⲙ⳿ ⲉ ⲩ ϭⲉⲗⲓⲧ⳿ ⲁ ⲩ ⲥⲱϣⲉ ⲉ ⲧ ⲱ ⲟⲩ ⲁⲛ ⲧⲉ
Thomas 3	ϩⲟⲧⲁⲛ ⲉⲩϣⲁ ⲉⲓ ⲛ̄ϭⲓ ⲛ̄ ϫⲟⲉⲓⲥ ⲛ̄ ⲧ ⲥⲱϣⲉ ⲥⲉ ⲛⲁ ϫⲟⲟ ⲥ ϫⲉ ⲕⲉ ⲧⲛ̄ ⲥⲱϣⲉ ⲉⲃⲟⲗ ⲛⲁ ⲛ
Thomas 4	ⲛ̄ⲧⲟⲟⲩ ⲥⲉ ⲕⲁ ⲕⲁϩⲏⲩ ⲙ̄ ⲡⲟⲩ ⲙ̄ⲧⲟ ⲉⲃⲟⲗ ⲉ ⲧⲣ ⲟⲩ ⲕⲁⲁ ⲥ ⲉⲃⲟⲗ ⲛⲁ ⲩ ⲛ̄ ⲥⲉ ϯ ⲧⲟⲩ ⲥⲱϣⲉ ⲛⲁ ⲩ
Thomas 5	ⲇⲓⲁ ⲧⲟⲩⲧⲟ ϯ ϫⲱ ⲙⲙⲟ ⲥ ϫⲉ ⲉϥ⳿ϣⲁ ⲉⲓⲙⲉ ⲛ̄ϭⲓ ⲡ ϫⲉⲥ ϩⲛ̄ ⲏⲉⲓ ϫⲉ ϥ ⲛⲏⲩ ⲛ̄ϭⲓ ⲡ ⲣⲉϥ ϫⲓⲟⲩⲉ ϥ ⲛⲁ ⲣⲟⲉⲓⲥ ⲉ ⲙⲡⲁⲧⲉ ϥ⳿ ⲉⲓ ⲛ̄ ϥ ⲧⲙ ⲕⲁⲁ ϥ̂ ⲉ ϣⲟϫⲧ⳿ ⲉϩⲟⲩⲛ ⲉ ⲡⲉϥ ⲏⲉⲓ ⲛ̄ⲧⲉ ⲧⲉϥ⳿ ⲙⲛ̄ⲧ ⲉⲣⲟ ⲉ ⲧⲣⲉ ϥ ϥⲓ ⲛ̄ ⲛⲉϥ̂ ⲥⲕⲉⲩⲟⲥ
Thomas 6	ⲛ̄ⲧⲱⲧⲛ̄ ⲇⲉ ⲣⲟⲉⲓⲥ ϩⲁ ⲧⲉ ϩⲏ ⲙ̄ ⲡ ⲕⲟⲥⲙⲟⲥ
Thomas 7	ⲙⲟⲩⲣ⳿ ⲙ̄ ⲙⲱ ⲧⲛ̄ ⲉϫⲛ̄ ⲛⲉⲧⲛ̄ ϯ ⲡⲉ ϩⲛ̄ⲛ ⲟⲩ ⲛⲟϭ ⲛ̄ ⲇⲩ ⲛⲁⲙⲓⲥ ϣⲓⲛⲁ ϫⲉ ⲛⲉ ⲛ̄ ⲗⲏⲥⲧⲏⲥ ϩⲉ ⲉ ϩⲓⲏ ⲉ ⲉⲓ ϣⲁⲣⲱ ⲧⲛ̄ ⲉⲡⲉⲓ ⲧⲉ ⲭⲣⲉⲓⲁ ⲉ ⲧⲉⲧⲛ̄ ϭⲱϣⲧ⳿ ⲉⲃⲟⲗ ϩⲏⲧ ⲥ︦ ⲥⲉ ⲛⲁ ϩⲉ · ⲉⲣⲟ ⲥ ·
Thomas 8	ⲙⲁⲣⲉ ϥ ϣⲱⲡⲉ ϩⲛ̄ ⲧⲉⲧⲛ̄ ⲙⲏⲧⲉ ⲛ̄ϭⲓ ⲟⲩ ⲣⲱⲙⲉ ⲛ ⲉⲡⲓⲥⲧⲏ ⲙⲱⲛ
Thomas 9	ⲛ̄ⲧⲁⲣⲉ ⲡ ⲕⲁⲣⲡⲟⲥ ⲡⲱϩ ⲁ ϥ ⲉⲓ ϩⲛ̄ⲛ ⲟⲩ ϭⲉⲡⲏ ⲉ ⲡⲉϥ ⲁⲥϩ ϩⲛ̄ ⲧⲉϥ ϭⲓϫ ⲁ ϥ ϩⲁⲥ ϥ
Thomas 10	ⲡ ⲉ ⲧⲉ ⲟⲩⲛ̄ ⲙⲁⲁϫⲉ ⲙ̄ⲙⲟ ϥ ⲉ ⲥⲱⲧⲙ̄ ⲙⲁⲣⲉ ϥ ⲥⲱⲧⲙ̄
Thomas 1	ⲁ ⲓ︤ⲥ︥ ⲛⲁⲩ ⲁ ϩⲛ̄ ⲕⲟⲩⲉⲓ ⲉ ⲩ ϫⲓ ⲉⲣⲱⲧⲉ
Thomas 2	ⲡⲉϫⲁ ϥ ⲛ̄ ⲛⲉϥ ⲙⲁⲑⲏⲧⲏⲥ ϫⲉ ⲛⲉⲉⲓ ⲕⲟⲩⲉⲓ ⲉⲧ ϫⲓ ⲉⲣⲱ ⲧⲉ ⲉ ⲩ ⲧⲛ̄ⲧⲱⲛ ⲁ ⲛ ⲉⲧ ⲃⲏⲕ ⲉϩⲟⲩⲛ ⲁ ⲧ ⲙⲛ̄ ⲧ ⲉⲣⲟ
Thomas 3	ⲡⲉϫⲁ ⲩ ⲛⲁ ϥ⳿ ϫⲉ ⲉⲉⲓ ⲉ ⲛ ⲟ ⲛ̄ ⲕⲟⲩⲉⲓ ⲧⲛ̄ ⲛⲁ ⲃⲱⲕ⳿ ⲉϩⲟⲩⲛ ⲉ ⲧ ⲙⲛ̄ⲧ ⲉⲣⲟ
Thomas 4	ⲡⲉϫⲉ ⲓⲏ︤ⲥ︥ ⲛⲁ ⲩ ϫⲉ ϩⲟⲧⲁⲛ ⲉⲧⲉⲧⲛ̄ϣⲁ ⲣ̄ ⲡ ⲥⲛⲁⲩ ⲟⲩⲁ ⲁⲩⲱ ⲉ ⲧⲉⲧⲛ̄ϣⲁ ⲣ̄ ⲡ ⲥⲁ ⲛϩⲟⲩⲛ ⲛ̄ ⲑ ⲉ ⲙ̄ ⲡ ⲥⲁ ⲛ ⲃⲟⲗ ⲁⲩⲱ ⲡ ⲥⲁ ⲛ ⲃⲟⲗ ⲛ̄ ⲑ ⲉ ⲙ̄ ⲡ ⲥⲁ ⲛ ϩⲟⲩⲛ ⲁⲩⲱ ⲡ ⲥⲁ ⲛ ⲧ ⲡⲉ ⲛ̄ ⲑ ⲉ ⲙ̄ ⲡ ⲥⲁ ⲙ ⲡ ⲓⲧⲛ̄ ⲁⲩⲱ ϣⲓⲛⲁ ⲉ ⲧⲉ ⲧⲛ ⲁ ⲉⲓⲣⲉ ⲙ̄ ⲫ ⲟ·ⲟⲩⲧ ⲙⲛ̄ ⲧ ⲥϩⲓⲙⲉ ⲙ̄ ⲡⲓ ⲟⲩⲁ ⲟⲩⲱⲧ · ϫⲉⲕⲁⲁⲥ ⲛⲉ ⲫ ⲟⲟⲩⲧ · ⲣ̄ ϩⲟⲟⲩⲧ · ⲛ̄ⲧⲉ ⲧ ⲥϩⲓⲙⲉ ⲣ̄ ⲥϩⲓⲙⲉ ϩⲟⲧⲁⲛ ⲉⲧⲉⲧⲛ̄ϣⲁ ⲉⲓⲣⲉ ⲛ̄ ϩⲛ̄ ⲃⲁⲗ ⲉ ⲡ ⲙⲁ ⲛ̄ ⲟⲩ ⲃⲁⲗ · ⲁⲩⲱ ⲟⲩ ϭⲓϫ⳿ ⲉ ⲡ ⲙⲁ ⲛ̄ⲛ ⲟⲩ ϭⲓϫ · ⲁⲩⲱ ⲟⲩ ⲉⲣⲏⲧⲉ ⲉ ⲡ ⲙⲁ ⲛ̄ ⲟⲩ ⲉⲣⲏⲧⲉ ⲟⲩ ϩⲓⲕⲱⲛ · ⲉ ⲡ ⲙⲁ ⲛ̄ ⲟⲩ ϩⲓⲕⲱ ⲛ ⲧⲟⲧⲉ ⲧⲉⲧ ⲛⲁ ⲃⲱⲕ̂ ⲉϩⲟⲩⲛ [ⲉ ⲧ] ⲙⲛ̄ [ⲧ ⲉⲣ] ⲟ⳿
Thomas 1	ⲡⲉϫⲉ ⲓ︤ⲥ︥ ϫⲉ ϯ ⲛⲁ ⲥⲉⲧⲡ ⲧⲏⲛⲉ ⲟⲩⲁ ⲉⲃⲟⲗ ϩⲛ̄ ϣⲟ ⲁⲩⲱ ⲥⲛⲁⲩ ⲉⲃⲟⲗ ϩⲛ̄ ⲧⲃⲁ
Thomas 2	ⲁⲩⲱ ⲥⲉ ⲛⲁ ⲱϩⲉ ⲉⲣⲁⲧ ⲟⲩ ⲉ ⲩ ⲟ ⲟⲩⲁ ⲟⲩⲱⲧ ·
Thomas 1	ⲡⲉ ϫⲉ ⲛⲉϥ ⲙⲁⲑⲏⲧⲏⲥ ϫⲉ ⲙⲁ ⲧⲥⲉⲃⲟ ⲛ⳿ ⲉ ⲡ ⲧⲟ ⲡⲟⲥ ⲉⲧ ⲕ ⲙ̄ⲙⲁⲩ ⲉⲡⲉⲓ ⲧ ⲁⲛⲁⲅⲕⲏ ⲉⲣⲟ ⲛ ⲧⲉ ⲉ ⲧⲣ ⲛ̄ ϣⲓⲛⲉ ⲛⲥⲱ ϥ⳿
Thomas 2	ⲡⲉϫⲁ ϥ̂ ⲛⲁ ⲩ ϫⲉ ⲡ ⲉⲧⲉ ⲩ ⲛ̄ ⲙⲁⲁϫⲉ ⲙ̄ⲙⲟ ϥ ⲙⲁⲣⲉ ϥ · ⲥⲱⲧⲙ̄
Thomas 3	ⲟⲩⲛ̄ ⲟⲩ ⲟⲉⲓⲛ⳿ ϣⲟⲟⲡ · ⲙ̄ ⲫ ⲟⲩⲛ ⲛ̄ⲛ ⲟⲩ ⲣ̄ⲙ̄ ⲟⲩⲟⲉⲓⲛ
Thomas 4	ⲁⲩⲱ ϥ ⲣ̄ ⲟⲩⲟⲉⲓⲛ ⲉ ⲡ ⲕⲟⲥⲙⲟⲥ ⲧⲏⲣ ϥ⳿ ⲉ ϥ ⲧⲙ̄ ⲣ̄ ⲟⲩⲟⲉⲓⲛ⳿ ⲟⲩ ⲕⲁⲕⲉ ⲡⲉ
Thomas 1	ⲡⲉϫⲉ ⲓ︤ⲥ︥ ϫⲉ ⲙⲉⲣⲉ ⲡⲉⲕ ⲥⲟⲛ ⲛ̄ ⲑ ⲉ ⲛ̄ ⲧⲉⲕ⳿ ⲯⲩⲭⲏ
Thomas 2	ⲉⲣⲓ ⲧⲏⲣⲉⲓ ⲙ̄ⲙⲟ ϥ ⲛ̄ ⲑ ⲉ ⲛ̄ ⲧ ⲉⲗⲟⲩ ⲙ̄ ⲡⲉⲕ⳿ ⲃⲁⲗ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲡ ϫⲏ ⲉⲧ ϩⲙ̄ ⲡ ⲃⲁⲗ ⲙ̄ ⲡⲉⲕ⳿ ⲥⲟⲛ ⲕ ⲛⲁⲩ ⲉⲣⲟ ϥ̂
Thomas 2	ⲡ ⲥⲟⲓ ⲇⲉ ⲉⲧ ϩⲙ̄ ⲡⲉⲕ ⲃⲁⲗ⳿ ⲕ ⲛⲁⲩ ⲁⲛ ⲉⲣⲟ ϥ⳿
Thomas 3	ϩⲟⲧⲁⲛ ⲉⲕϣⲁⲛ ⲛⲟⲩϫⲉ ⲙ̄ ⲡ ⲥⲟⲉⲓ ⲉⲃⲟⲗ ϩⲙ̄ ⲡⲉⲕ⳿ ⲃⲁⲗ⳿ · ⲧⲟⲧⲉ ⲕ ⲛⲁ ⲛⲁⲩ ⲉⲃⲟⲗ ⲉ ⲛⲟⲩϫⲉ ⲙ̄ ⲡ ϫⲏ ⲉⲃⲟⲗ ϩⲙ̄ ⲡ ⲃⲁⲗ ⲙ̄ ⲡⲉⲕ ⲥⲟⲛ
Thomas 1	ⲉⲧⲉ⟨ⲧⲛ̄⟩ ⲧⲙ̄ ⲣ̄ ⲛⲏ ⲥⲧⲉⲩⲉ ⲉ ⲡ ⲕⲟⲥⲙⲟⲥ ⲧⲉⲧⲛ ⲁ ϩⲉ ⲁⲛ⳿ ⲉ ⲧ ⲙⲛⲧ ⲉ ⲣⲟ
Thomas 2	ⲉ ⲧⲉⲧⲛ̄ ⲧⲙ̄ ⲉⲓⲣⲉ ⲙ̄ ⲡ ⲥⲁⲙⲃⲁⲧⲟⲛ ⲛ̄ ⲥⲁⲃ⳿ ⲃⲁⲧⲟⲛ ⲛ̄ⲧⲉⲧⲛ ⲁ ⲛⲁⲩ ⲁⲛ ⲉ ⲡ ⲉⲓⲱⲧ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲁ ⲉⲓ ⲱϩⲉ ⲉ ⲣⲁⲧ⳿ ϩⲛ̄ ⲧ ⲙⲏⲧⲉ ⲙ̄ ⲡ ⲕⲟⲥ ⲙⲟⲥ
Thomas 2	ⲁⲩⲱ ⲁ ⲉⲓ ⲟⲩⲱⲛϩ ⲉⲃⲟⲗ ⲛⲁ ⲩ ϩⲛ̄ ⲥⲁⲣⲝ ⲁ ⲉⲓ ϩⲉ ⲉⲣⲟ ⲟⲩ ⲧⲏⲣ ⲟⲩ ⲉ ⲩ ⲧⲁϩⲉ
Thomas 3	ⲙ̄ ⲡⲓ ϩⲉ ⲉ ⲗⲁ ⲁⲩ ⲛ̄ϩⲏⲧ ⲟⲩ ⲉ ϥ ⲟⲃⲉ
Thomas 4	ⲁⲩⲱ ⲁ ⲧⲁ ⲯⲩⲭⲏ ϯ ⲧⲕⲁⲥ ⲉϫⲛ̄ ⲛ̄ ϣⲏⲣⲉ ⲛ̄ ⲣ̄ ⲣⲱⲙⲉ ϫⲉ ϩⲛ̄ ⲃⲗ︦ⲗⲉⲉⲩ ⲉ ⲛⲉ ϩⲙ̄ ⲡⲟⲩ ϩⲏⲧ⳿ ⲁⲩⲱ ⲥⲉ ⲛⲁⲩ ⲉⲃⲟⲗ ⲁⲛ ϫⲉ ⲛ̄ⲧ ⲁ ⲩ ⲉⲓ ⲉ ⲡ ⲕⲟⲥⲙⲟⲥ ⲉ ⲩ ϣⲟⲩⲉⲓⲧ⳿ · ⲉ ⲩ ϣⲓⲛⲉ ⲟⲛ ⲉ ⲧⲣ ⲟⲩ ⲉⲓ ⲉⲃⲟⲗ ϩⲙ̄ ⲡ ⲕⲟⲥⲙⲟⲥ ⲉ ⲩ ϣⲟⲩⲉⲓⲧ⳿
Thomas 5	ⲡⲗⲏⲛ ⲧⲉⲛⲟⲩ ⲥⲉ ⲧⲟϩⲉ
Thomas 6	ϩⲟ ⲧⲁⲛ ⲉⲩϣⲁⲛ ⲛⲉϩ ⲡⲟⲩ ⲏⲣⲡ⳿ ⲧⲟⲧⲉ ⲥⲉ ⲛⲁ ⲣ̄ ⲙⲉⲧⲁⲛⲟⲉⲓ
Thomas 1	ⲡⲉϫⲉ ⲓ︤ⲥ︥ ⲉϣϫⲉ ⲛ̄ⲧ ⲁ ⲧ ⲥⲁⲣⲝ⳿ ϣⲱⲡⲉ ⲉⲧⲃⲉ ⲡⲛ︤ⲁ︥
Thomas 2	ⲟⲩ ϣⲡⲏⲣⲉ ⲧⲉ ⲉϣ ϫⲉ ⲡⲛ︤ⲁ︥ ⲇⲉ ⲉⲧⲃⲉ ⲡ ⲥⲱⲙⲁ ⲟⲩ ϣⲡⲏⲣⲉ ⲛ̄ ϣⲡⲏⲣⲉ ⲡⲉ
Thomas 3	ⲁⲗⲗⲁ ⲁⲛⲟⲕ⳿ ϯ ⲣ̄ ϣⲡⲏⲣⲉ ⲙ̄ ⲡⲁⲉⲓ ϫⲉ ⲡⲱ [ⲥ] ⲁ ⲧⲉⲉⲓ ⲛⲟϭ ⲙ̄ ⲙ︤ⲛ︥︤ⲧ︥ ⲣⲙ̄ⲙⲁ ⲟ ⲁ ⲥ ⲟⲩⲱϩ ϩⲛ̄ ⲧⲉⲉⲓ ⲙ︤ⲛ︥︤ⲧ︥ ϩⲏⲕⲉ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲙⲁ ⲉ ⲩⲛ̄ ϣⲟⲙⲧ ⲛ ⲛⲟⲩⲧⲉ ⲙ̄ⲙⲁⲩ ϩⲛ̄ ⲛⲟⲩⲧⲉ ⲛⲉ
Thomas 2	ⲡ ⲙⲁ ⲉ ⲩⲛ̄ ⲥⲛⲁⲩ ⲏ ⲟⲩⲁ ⲁⲛⲟⲕ⳿ ϯ ϣⲟⲟⲡ⳿ ⲛⲙⲙⲁ ϥ ·
Thomas 1	ⲡⲉϫⲉ ⲓ︤ⲥ︥ ⲙⲛ̄ ⲡⲣⲟⲫⲏ ⲧⲏⲥ ϣⲏⲡ · ϩⲙ̄ ⲡⲉϥ ϯⲙⲉ
Thomas 2	ⲙⲁⲣⲉ ⲥⲟⲉⲓⲛ ⲣ̄ ⲑⲉ ⲣⲁⲡⲉⲩⲉ ⲛ̄ ⲛ ⲉⲧ⳿ ⲥⲟⲟⲩⲛ ⲙ̄ⲙⲟ ϥ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲟⲩ ⲡⲟⲗⲓⲥ ⲉ ⲩ ⲕⲱⲧ ⲙ̄ⲙⲟ ⲥ ϩⲓϫⲛ̄ ⲟⲩ ⲧⲟ ⲟⲩ ⲉ ϥ ϫⲟⲥⲉ ⲉ ⲥ ⲧⲁϫⲣⲏⲩ ⲙⲛ̄ ϭⲟⲙ ⲛ̄ ⲥ ϩⲉ
Thomas 2	ⲟⲩⲇⲉ ⲥ ⲛⲁ ϣ ϩⲱⲡ⳿ ⲁⲛ
Thomas 1	ⲡⲉϫⲉ ⲓ︤ⲥ︥ ⲡ ⲉⲧ⳿ ⲕ ⲛⲁ ⲥⲱⲧⲙ̄ ⲉⲣⲟ ϥ ϩⲙ̄ ⲡⲉⲕ⳿ ⲙⲁⲁϫⲉ ϩⲙ̄ ⲡ ⲕⲉ ⲙⲁ ⲁϫⲉ ⲧⲁϣⲉ ⲟⲉⲓϣ⳿ ⲙ̄ⲙⲟ ϥ · ϩⲓϫⲛ̄ ⲛⲉⲧⲛ ϫⲉ ⲛⲉⲡⲱⲣ⳿
Thomas 2	ⲙⲁⲣⲉ ⲗⲁⲁⲩ⳿ · ⲅⲁⲣ ϫⲉⲣⲉ ϩⲏⲃ︤ⲥ︥ ⲛ̄ ϥ⳿ ⲕⲁⲁ ϥ · ϩⲁ ⲙⲁⲁϫⲉ
Thomas 3	ⲟⲩⲇⲉ ⲙⲁ ϥ ⲕⲁⲁ ϥ · ϩⲙ̄ ⲙⲁ ⲉ ϥ ϩⲏⲡ⳿ ·
Thomas 4	ⲁⲗⲗⲁ ⲉ ϣⲁⲣⲉ ϥ ⲕⲁⲁ ϥ⳿ ϩⲓϫⲛ̄ ⲧ ⲗⲩ ⲭⲛⲓⲁ ϫⲉⲕⲁⲁⲥ ⲟⲩⲟⲛ ⲛⲓⲙ⳿ ⲉⲧ ⲃⲏⲕ⳿ ⲉϩⲟⲩⲛ ⲁⲩⲱ ⲉⲧ ⲛ̄ⲛⲏⲩ ⲉⲃⲟⲗ ⲉ ⲩ ⲛⲁ ⲛⲁⲩ ⲁ ⲡⲉϥ ⲟⲩ ⲟⲉⲓⲛ
Thomas 1	ⲡⲉϫⲉ ⲓ︤ⲥ︥ ϫⲉ ⲟⲩ ⲃⲗ︦ⲗⲉ ⲉϥϣⲁⲛ⳿ ⲥⲱⲕ⳿ ϩⲏⲧ ϥ⳿ ⲛ̄ⲛ ⲟⲩ ⲃⲗ︦ⲗⲉ ϣⲁ ⲩ ϩⲉ ⲙ̄ ⲡⲉ ⲥⲛⲁⲩ⳿ · ⲉ ⲡ ⲉⲥⲏⲧ · ⲉ ⲩ ϩⲓⲉⲓⲧ⳿ · ⲡⲉϫⲉ ⲓ︤ⲥ︥ ⲙⲛ̄ ϭⲟⲙ⳿ ⲛ̄ⲧⲉ ⲟⲩⲁ ⲃⲱⲕ⳿ ⲉϩⲟⲩⲛ ⲉ ⲡ ⲏⲉⲓ ⲙ̄ ⲡ ϫⲱ ⲱⲣⲉ ⲛ̄ ϥ ϫⲓⲧ ϥ⳿ ⲛ̄ ϫⲛⲁϩ ⲉⲓⲙⲏⲧⲓ ⲛ̄ ϥ ⲙⲟⲩⲣ ⲛ̄ ⲛⲉϥ ϭⲓϫ⳿
Thomas 2	ⲧⲟⲧⲉ ϥ ⲛⲁ ⲡⲱⲱⲛⲉ ⲉⲃⲟⲗ ⲙ̄ ⲡⲉϥ ⲏⲉⲓ
Thomas 1	ⲡⲉϫⲉ ⲓ︤ⲥ︥ ⲙⲛ̄ ϥⲓ ⲣⲟⲟⲩϣ ϫⲓ (ⲛ) ϩⲧⲟⲟⲩⲉ ϣⲁ ⲣⲟⲩϩⲉ ⲁⲩⲱ ϫⲓⲛ ϩⲓⲣⲟⲩϩⲉ ϣⲁ ϩⲧⲟⲟⲩⲉ ϫⲉ ⲟⲩ ⲡ ⲉ⟨ⲧ⟩ ⲉⲧⲛ ⲁ ⲧⲁⲁ ϥ ϩⲓⲱⲧ⳿ ⲧⲏⲩⲧⲛ̄ ⲡⲉϫⲉ ⲛⲉϥ ⲙⲁⲑⲏⲧⲏⲥ ϫⲉ ⲁϣ ⲛ̄ ϩⲟⲟⲩ ⲉ ⲕ ⲛⲁ ⲟⲩⲱⲛϩ ⲉⲃⲟⲗ ⲛⲁ ⲛ
Thomas 2	ⲁⲩⲱ ⲁϣ ⲛ̄ ϩⲟⲟⲩ ⲉ ⲛ ⲁ ⲛⲁⲩ ⲉⲣⲟ ⲕ⳿
Thomas 3	ⲡⲉϫⲉ ⲓ︤ⲥ︥ ϫⲉ ϩⲟ ⲧⲁⲛ ⲉⲧⲉⲧⲛ̄ϣⲁ ⲕⲉⲕ ⲧⲏⲩⲧⲛ̄ ⲉϩⲏⲩ ⲙ̄ⲡⲉ ⲧⲛ̄ ϣⲓⲡⲉ ⲁⲩⲱ ⲛ̄ⲧⲉ ⲧⲛ̄ ϥⲓ ⲛ̄ ⲛⲉⲧⲛ̄ ϣⲧⲏⲛ ⲛ̄ⲧⲉ ⲧⲛ̄ ⲕⲁⲁ ⲩ ϩⲁ ⲡ ⲉⲥⲏⲧ⳿ · ⲛ̄ ⲛⲉⲧⲛ̄ ⲟⲩⲉⲣⲏ ⲧⲉ ⲛ̄ ⲑ ⲉ ⲛ̄ ⲛⲓ ⲕⲟⲩⲉⲓ ⲛ̄ ϣⲏⲣⲉ ϣⲏⲙ⳿ ⲛ̄ⲧⲉ ⲧ ⲛ̄ ϫⲟⲡϫ︦ⲡ︦ · ⲙ̄ⲙⲟ ⲟⲩ ⲧⲟⲧ[ⲉ] [ⲧⲉⲧⲛ̄] ⲁ ⲛⲁⲩ ⲉ ⲡ ϣⲏⲣⲉ ⲙ̄ ⲡ ⲉⲧ ⲟⲛϩ
Thomas 4	ⲁⲩⲱ ⲧⲉⲧⲛ ⲁ ⲣ̄ ϩⲟⲧⲉ ⲁⲛ
Thomas 1	ⲡⲉϫⲉ ⲓ︤ⲥ︥ ϫⲉ ϩⲁϩ ⲛ̄ ⲥⲟⲡ · ⲁ ⲧⲉⲧⲛ̄ ⲣ̄ ⲉⲡⲓⲑⲩⲙⲉⲓ ⲉ ⲥⲱⲧⲙ̄ ⲁ ⲛⲉⲉⲓ ϣⲁϫⲉ ⲛⲁⲉⲓ · ⲉ ϯ ϫⲱ ⲙ̄ⲙⲟ ⲟⲩ ⲛⲏ ⲧⲛ̄
Thomas 2	ⲁⲩⲱ ⲙⲛ̄ⲧⲏ ⲧⲛ̄ ⲕⲉ ⲟⲩⲁ ⲉ ⲥⲟⲧⲙ ⲟⲩ ⲛ̄ⲧⲟⲟⲧ ϥ︦
Thomas 3	ⲟⲩⲛ̄ ϩⲛ̄ ϩⲟ ⲟⲩ ⲛⲁ ϣⲱⲡⲉ ⲛ̄ⲧⲉ ⲧⲛ̄ ϣⲓⲛⲉ ⲛ̄ⲥⲱ ⲉⲓ
Thomas 4	ⲧⲉ ⲧⲛ ⲁ ϩⲉ ⲁⲛ⳿ ⲉⲣⲟ ⲉⲓ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲙ̄ ⲫⲁⲣⲓⲥⲁⲓ ⲟⲥ ⲙⲛ̄ ⲛ ⲅⲣⲁⲙⲙⲁⲧⲉⲩⲥ ⲁ ⲩ ϫⲓ ⲛ̄ ϣⲁϣⲧ⳿ · ⲛ̄ ⲧ ⲅⲛⲱⲥⲓⲥ
Thomas 2	ⲁ ⲩ ϩⲟⲡ ⲟⲩ
Thomas 3	ⲟⲩⲧⲉ ⲙ̄ⲡ ⲟⲩ ⲃⲱⲕ⳿ ⲉϩⲟⲩⲛ
Thomas 4	ⲁⲩⲱ ⲛ ⲉⲧ ⲟⲩⲱϣ ⲉ ⲃⲱⲕ⳿ ⲉϩⲟⲩⲛ ⲙ̄ ⲡ ⲟⲩ ⲕⲁⲁ ⲩ
Thomas 5	ⲛ̄ⲧⲱⲧⲛ̄ ⲇⲉ ϣⲱⲡⲉ ⲙ̄ ⲫⲣⲟⲛⲓⲙⲟⲥ ⲛ̄ ⲑ ⲉ ⲛ̄ ⲛ ϩⲟϥ⳿ ⲁⲩⲱ ⲛ̄ ⲁⲕⲉⲣⲁⲓⲟⲥ ⲛ̄ ⲑ ⲉ ⲛ̄ ⲛ̄ ϭⲣⲟⲙ⳿ⲡⲉ
Thomas 1	ⲡⲉϫⲉ ⲓ︤ⲥ︥ ⲟⲩ ⲃⲉ ⲛ ⲉⲗⲟⲟⲗⲉ ⲁ ⲩ ⲧⲟϭ ⲥ ⲙ̄ ⲡ ⲥⲁ ⲛ ⲃⲟⲗ ⲙ̄ ⲡ ⲉⲓⲱⲧ⳿
Thomas 2	ⲁⲩⲱ ⲉ ⲥ ⲧⲁ⳿ ϫⲣⲏⲩ ⲁⲛ ⲥⲉ ⲛⲁ ⲡⲟⲣⲕ ⲥ︦ ϩⲁ ⲧⲉⲥ ⲛⲟⲩⲛⲉ ⲛ̄ ⲥ ⲧⲁⲕⲟ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲧⲉ ⲩⲛⲧⲁ ϥ · ϩⲛ̄ ⲧⲉϥ⳿ ϭⲓϫ ⲥⲉ ⲛⲁ ϯ ⲛⲁ ϥ⳿
Thomas 2	ⲁⲩⲱ ⲡ ⲉⲧⲉ ⲙⲛ̄ⲧⲁ ϥ ⲡ ⲕⲉ ϣⲏⲙ ⲉⲧ ⲟⲩⲛ̄ⲧⲁ ϥ⳿ ⲥⲉ ⲛⲁ ϥⲓⲧ ϥ̄ ⲛ̄ⲧⲟⲟⲧ ϥ̄
Thomas 1	ⲡⲉϫⲉ ⲓ︤ⲥ︥ ϫⲉ ϣⲱⲡⲉ ⲉ ⲧⲉⲧⲛ ⲣ̄ ⲡⲁⲣⲁⲅⲉ ⲡⲉϫⲁ ⲩ ⲛⲁ ϥ⳿ ⲛ̄ϭⲓ ⲛⲉϥ⳿ ⲙⲁⲑⲏⲧⲏⲥ ϫⲉ ⲛ̄ⲧⲁⲕ ⲛⲓⲙ⳿ ⲉ ⲕ ϫⲱ ⲛ̄ ⲛⲁⲓ̈ ⲛⲁ ⲛ⳿
Thomas 2	ϩⲛ̄ ⲛ ⲉ ϯ ϫⲱ ⲙ̄ ⲙⲟ ⲟⲩ ⲛⲏ ⲧⲛ̄ ⲛ̄ⲧⲉⲧⲛ̄ ⲉⲓⲙⲉ ⲁⲛ ϫⲉ ⲁⲛⲟⲕ⳿ ⲛⲓⲙ
Thomas 3	ⲁⲗⲗⲁ ⲛ̄ⲧⲱⲧⲛ̄ ⲁ ⲧⲉⲧⲛ̄ ϣⲱⲡⲉ ⲛ̄ ⲑ ⲉ ⲛ̄ ⲛⲓ ⲓ̈ⲟⲩⲇⲁⲓⲟⲥ ϫⲉ ⲥⲉ ⲙⲉ ⲙ̄ ⲡ ϣⲏⲛ ⲥⲉ ⲙⲟⲥ ⲧⲉ ⲙ̄ ⲡⲉϥ ⲕⲁⲣⲡⲟⲥ ⲁⲩⲱ ⲥⲉ ⲙⲉ ⲙ̄ ⲡ ⲕⲁⲣⲡⲟⲥ ⲥⲉ ⲙⲟⲥⲧⲉ ⲙ̄ ⲡ ϣⲏⲛ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲧ ⲁ ϫⲉ ⲟⲩⲁ ⲁ ⲡ ⲉⲓⲱⲧ⳿ ⲥⲉ ⲛⲁ ⲕⲱ ⲉⲃⲟⲗ ⲛⲁ ϥ⳿
Thomas 2	ⲁⲩⲱ ⲡ ⲉⲧ ⲁ ϫⲉ ⲟⲩⲁ ⲉ ⲡ ϣⲏⲣⲉ ⲥⲉ ⲛⲁ ⲕⲱ ⲉⲃⲟⲗ ⲛⲁ ϥ⳿
Thomas 3	ⲡ ⲉⲧ ⲁ ϫⲉ ⲟⲩⲁ ⲇⲉ ⲁ ⲡ ⲡⲛ︤ⲁ︥ ⲉⲧ ⲟⲩⲁⲁⲃ ⲥⲉ ⲛⲁ ⲕⲱ ⲁⲛ ⲉⲃⲟⲗ ⲛⲁ ϥ⳿ ⲟⲩⲧⲉ ϩⲙ̄ ⲡ ⲕⲁϩ ⲟⲩⲧⲉ ϩⲛ̄ ⲧ ⲡⲉ
Thomas 1	ⲡⲉϫⲉ ⲓ︤ⲥ︥ ⲙⲁ ⲩ ϫⲉⲗⲉ ⲉⲗⲟⲟⲗⲉ ⲉⲃⲟⲗ ϩⲛ̄ ϣⲟⲛⲧⲉ
Thomas 2	ⲟⲩⲧⲉ ⲙⲁ ⲩ ⲕⲱⲧϥ⳿ ⲕⲛ̄ⲧⲉ ⲉⲃⲟⲗ ϩⲛ̄ ⲥⲣ̄ ϭⲁⲙⲟⲩⲗ⳿
Thomas 3	ⲙⲁ ⲩ ϯ ⲕⲁⲣⲡⲟⲥ ⲅⲁⲣ
Thomas 4	[ⲟⲩ ⲁ]ⲅⲁⲑⲟⲥ ⲣ̄ ⲣⲱⲙⲉ ϣⲁ ϥ ⲉⲓⲛⲉ ⲛ̄ ⲟⲩ ⲁⲅⲁⲑⲟⲛ ⲉⲃⲟⲗ ϩⲙ ⲡⲉϥ ⲉϩⲟ
Thomas 5	ⲟⲩ ⲕⲁ[ⲕⲟ]ⲥ ⲣ̄ ⲣⲱⲙⲉ ϣⲁ ϥ ⲉⲓⲛⲉ ⲛ̄ ϩⲛ̄ ⲡⲟⲛⲏⲣⲟⲛ ⲉⲃⲟⲗ ϩⲙ̄ ⲡⲉϥ ⲉϩⲟ ⲉⲑ ⲟⲟⲩ ⲉⲧ ϩⲛ̄ ⲡⲉϥ ϩⲏⲧ⳿ ⲁⲩ ⲱ ⲛ̄ ϥ ϫⲱ ⲛ̄ ϩⲛ̄ ⲡⲟⲛⲏⲣⲟⲛ
Thomas 6	ⲉⲃⲟⲗ ⲅⲁⲣ ϩⲙ̄ ⲫ ⲟⲩⲟ ⲙ ⲫ ⲏⲧ⳿ ϣⲁ ϥ · ⲉⲓⲛⲉ ⲉⲃⲟⲗ ⲛ̄ ϩⲛ̄ ⲡⲟ ⲛⲏⲣⲟⲛ
Thomas 1	ⲡⲉϫⲉ ⲓ︤ⲥ︥ ϫⲉ ϫⲓⲛ ⲁⲇⲁⲙ ϣⲁ ⲓ̈ⲱϩⲁ ⲛ ⲛⲏⲥ ⲡ ⲃⲁⲡⲧⲓⲥⲧⲏⲥ ϩⲛ̄ ⲛ̄ ϫⲡⲟ ⲛ̄ ⲛ̄ ϩⲓⲟⲙⲉ ⲙⲛ̄ ⲡ ⲉⲧ ϫⲟⲥⲉ ⲁ ⲓ̈ⲱϩⲁⲛⲛⲏⲥ ⲡ ⲃⲁⲡⲧⲓ ⲥⲧⲏⲥ ϣⲓⲛⲁ ϫⲉ ⲛ ⲟⲩ ⲱϭⲡ · ⲛ̄ϭⲓ ⲛⲉϥ ⲃⲁⲗ
Thomas 2	ⲁ ⲉⲓ ϫⲟⲟ ⲥ ⲇⲉ ϫⲉ ⲡ ⲉⲧ ⲛⲁ ϣⲱⲡⲉ ϩⲛ̄ ⲧⲏⲩ ⲧⲛ̄ ⲉ ϥ ⲟ ⲛ̄ ⲕⲟⲩⲉⲓ ϥ ⲛⲁ ⲥⲟⲩⲱⲛ ⲧ ⲙⲛ̄ⲧ ⲉ ⲣⲟ
Thomas 3	ⲁⲩⲱ ϥ ⲛⲁ ϫⲓⲥⲉ ⲁ ⲓ̈ⲱϩⲁⲛⲛⲏⲥ
Thomas 1	ⲡⲉϫⲉ ⲓ︤ⲥ︥ ϫⲉ ⲙⲛ̄ ϭⲟⲙ ⲛ̄ⲧⲉ ⲟⲩ ⲣⲱⲙⲉ ⲧⲉⲗⲟ ⲁ ϩⲧo ⲥⲛⲁⲩ ⲛ̄ ϥ ϫⲱⲗⲕ⳿ ⲙ̄ ⲡⲓⲧⲉ ⲥⲛ̄ⲧⲉ
Thomas 2	ⲁⲩⲱ ⲙⲛ̄ ϭⲟⲙ⳿ ⲛ̄ⲧⲉ ⲟⲩ ϩⲙϩ︤ⲁ︥︤ⲗ︥ ϣⲙ̄ϣⲉ ϫⲟⲉⲓⲥ ⲥⲛⲁⲩ
Thomas 3	ⲏ ϥ ⲛⲁ ⲣ̄ ⲧⲓⲙⲁ ⲙ̄ ⲡ ⲟⲩⲁ · ⲁⲩⲱ ⲡ ⲕⲉ ⲟⲩⲁ ϥ ⲛⲁ ⲣ̄ ϩⲩⲃⲣⲓⲍⲉ ⲙ̄ⲙⲟ ϥ⳿ ⲙⲁⲣⲉ ⲣⲱⲙⲉ ⲥⲉ ⲣ̄ⲡ ⲁⲥ ⲁⲩⲱ ⲛ̄ ⲧⲉ ⲩⲛⲟⲩ ⲛ̄ ϥ⳿ ⲉⲡⲓⲑⲩⲙⲉⲓ ⲁ ⲥⲱ ⲏⲣⲡ⳿ ⲃ︦ ⲃⲣⲣⲉ ⲁⲩⲱ
Thomas 4	ⲙⲁ ⲩ ⲛⲟⲩϫ⳿ ⲏⲣⲡ⳿ ⲛ̄ ⲃⲣ̄ⲣⲉ ⲉ ⲁⲥ ⲕⲟⲥ ⲛ̄ ⲁⲥ ϫⲉⲕⲁⲁⲥ ⲛ̄ⲛ ⲟⲩ ⲡⲱϩ
Thomas 5	ⲁⲩⲱ ⲙⲁ ⲩ ⲛⲉϫ⳿ ⲏⲣⲡ⳿ ⲛ̄ ⲁⲥ ⲉ ⲁⲥⲕⲟⲥ ⲛ̄ ⲃⲣ̄ⲣⲉ ϣⲓⲛⲁ ϫⲉ ⲛⲉ ϥ ⲧⲉⲕⲁ ϥ⳿
Thomas 6	ⲙⲁ ⲩ ϫ︤ⲗ︥ϭ ⲧⲟⲉⲓⲥ ⲛ̄ ⲁⲥ ⲁ ϣⲧⲏ (ⲛ) ⲛ̄ ϣⲁⲓ ⲉⲡⲉⲓ ⲟⲩⲛ ⲟⲩ ⲡⲱϩ ⲛⲁ ϣⲱⲡⲉ
Thomas 1	ⲡⲉϫⲉ ⲓ︤ⲥ︥ ϫⲉ ⲉⲣϣⲁ ⲥⲛⲁⲩ ⲣ̄ ⲉⲓⲣⲏⲛⲏ ⲙⲛ̄ ⲛⲟⲩ ⲉⲣⲏⲩ ϩⲙ̄ ⲡⲉⲓ ⲏⲉⲓ ⲟⲩⲱⲧ⳿ ⲥⲉ ⲛⲁ ϫⲟⲟ ⲥ ⲙ̄ ⲡ ⲧⲁⲩ ϫⲉ ⲡⲱⲱⲛⲉ ⲉⲃⲟⲗ
Thomas 2	ⲁⲩⲱ ϥ ⲛⲁ ⲡⲱ ⲱⲛⲉ
Thomas 1	ⲡⲉϫⲉ ⲓ︤ⲥ︥ ϫⲉ ϩⲉⲛ ⲙⲁⲕⲁⲣⲓⲟⲥ ⲛⲉ ⲛ ⲙⲟⲛⲁⲭⲟⲥ ⲁⲩⲱ ⲉⲧ ⲥⲟⲧⲡ⳿ ϫⲉ ⲧⲉⲧⲛ ⲁ ϩⲉ ⲁ ⲧ ⲙⲛ̄ⲧ ⲉⲣⲟ ϫⲉ ⲛ̄ⲧⲱⲧⲛ̄ ϩⲛ̄ ⲉⲃⲟⲗ ⲛ̄ ϩⲏⲧ ⲥ︦ ⲡⲁⲗⲓⲛ ⲉ ⲧⲉⲧⲛ ⲁ ⲃⲱⲕ⳿ ⲉⲙⲁⲩ ⲡⲉ ϫⲉ ⲓ︤ⲥ︥ ϫⲉ ⲉⲩϣⲁⲛ ϫⲟⲟ ⲥ ⲛⲏ ⲧⲛ̄ ϫⲉ ⲛ̄ⲧ ⲁ ⲧⲉⲧⲛ̄ ϣⲱⲡⲉ ⲉⲃⲟⲗ ⲧⲱⲛ ϫⲟⲟ ⲥ ⲛⲁ ⲩ ϫⲉ ⲛ̄ⲧ ⲁ ⲛ ⲉⲓ ⲉⲃⲟⲗ ϩⲙ̄ ⲡ ⲟⲩⲟⲉⲓⲛ ⲡ ⲙⲁ ⲉⲛⲧ ⲁ ⲡ ⲟⲩⲟⲉⲓⲛ ϣⲱⲡⲉ ⲙ̄ⲙⲁⲩ ⲉⲃⲟⲗ ϩⲓⲧⲟⲟⲧ ϥ⳿ ⲟⲩⲁⲁⲧ ϥ⳿ ⲁ ϥ ⲱϩ [ⲉ ⲉⲣⲁⲧ ϥ]
Thomas 2	ⲁⲩⲱ ⲁ ϥ ⲟⲩⲱⲛϩ ⲉ [ⲃ] ⲟⲗ ϩⲛ̄ ⲧⲟⲩ ϩⲓⲕⲱⲛ
Thomas 3	ⲉ ⲩ ϣⲁ ϫⲟⲟ ⲥ ⲛⲏ ⲧⲛ̄ ϫⲉ ⲛ̄ⲧⲱⲧⲛ̄ ⲡⲉ ϫⲟⲟ ⲥ ϫⲉ ⲁⲛⲟⲛ ⲛⲉϥ ϣⲏⲣⲉ ⲁⲩⲱ ⲁⲛⲟⲛ ⲛ̄ ⲥⲱⲧⲡ⳿ ⲙ̄ ⲡ ⲉⲓⲱⲧ ⲉⲧ ⲟⲛϩ
Thomas 4	ⲉⲩϣⲁⲛ ϫⲛⲉ ⲧⲏⲩⲧⲛ̄ ϫⲉ ⲟⲩ ⲡⲉ ⲡ ⲙⲁⲉⲓⲛ ⲙ̄ ⲡⲉⲧⲛ̄ ⲉⲓⲱⲧ ⲉⲧ ϩⲛ̄ ⲧⲏⲩⲧⲛ̄ ϫⲟⲟ ⲥ ⲉⲣⲟ ⲟⲩ ϫⲉ ⲟⲩ ⲕⲓⲙ ⲡⲉ ⲙⲛ̄ ⲟⲩ ⲁⲛⲁⲡⲁⲩⲥⲓⲥ
Thomas 1	ⲡⲉϫⲁ ⲩ ⲛⲁ · ϥ ⲛ̄ϭⲓ ⲛⲉϥ ⲙⲁ ⲑⲏⲧⲏⲥ ϫⲉ ⲁϣ ⲛ̄ ϩⲟⲟⲩ ⲉ ⲧ ⲁⲛⲁⲡⲁⲩⲥⲓⲥ ⲛ̄ ⲛ ⲉⲧ ⲙⲟⲟⲩⲧ⳿ ⲛⲁ ϣⲱⲡⲉ
Thomas 2	ⲁⲩⲱ ⲁϣ ⲛ̄ ϩⲟⲟⲩ ⲉ ⲡ ⲕⲟⲥⲙⲟⲥ ⲃ︦ ⲃⲣ̄ⲣⲉ ⲛⲏⲩ
Thomas 3	ⲡⲉϫⲁ ϥ ⲛⲁ ⲩ ϫⲉ ⲧⲏ ⲉⲧ ⲉⲧⲛ̄ ϭⲱϣⲧ⳿ ⲉⲃⲟⲗ ϩⲏⲧ ⲥ︦ ⲁ ⲥ ⲉⲓ
Thomas 4	ⲁⲗⲗⲁ ⲛ̄ⲧⲱⲧⲛ̄ ⲧⲉⲧⲛ̄ ⲥⲟⲟⲩⲛ ⲁⲛ ⲙ̄ⲙⲟ ⲥ
Thomas 1	ⲡⲉϫⲁ ⲩ ⲛⲁ ϥ ⲛ̄ϭⲓ ⲛⲉϥ ⲙⲁⲑⲏⲧⲏⲥ ϫⲉ ϫⲟⲩⲧⲁϥⲧⲉ ⲙ̄ ⲡⲣⲟⲫⲏⲧⲏⲥ ⲁ ⲩ ϣⲁϫⲉ ϩⲙ̄ ⲡ ⲓⲥⲣⲁⲏⲗ⳿ ⲁⲩⲱ
Thomas 2	ⲁ ⲩ ϣⲁϫⲉ ⲧⲏⲣ ⲟⲩ ϩⲣⲁⲓ̈ ⲛ̄ϩⲏⲧ ⲕ⳿
Thomas 3	ⲡⲉ ϫⲁ ϥ ⲛⲁ ⲩ ϫⲉ ⲁ ⲧⲉⲧⲛ̄ ⲕⲱ ⲙ̄ ⲡ ⲉⲧ ⲟⲛϩ ⲙ̄ ⲡⲉ ⲧⲛ̄ ⲙ̄ⲧⲟ ⲉⲃⲟⲗ
Thomas 4	ⲁⲩⲱ ⲁ ⲧⲉⲧⲛ̄ ϣⲁϫⲉ ϩⲁ ⲛ ⲉⲧ ⲙⲟⲟⲩⲧ⳿
Thomas 1	ⲡⲉϫⲁ ⲩ ⲛⲁ ϥ ⲛ̄ϭⲓ ⲛⲉϥ ⲙⲁⲑⲏⲧⲏⲥ ϫⲉ ⲡ ⲥⲃ︦ⲃⲉ ⲣ̄ ⲱⲫⲉⲗⲉⲓ ⲏ ⟨ⲙ̄⟩ ⲙⲟⲛ
Thomas 2	ⲡⲉϫⲁ ϥ⳿ ⲛⲁ ⲩ ϫⲉ ⲛⲉ ϥ ⲣ̄ ⲱⲫⲉⲗⲉⲓ ⲛⲉ ⲡⲟⲩ ⲉⲓⲱⲧ⳿ ⲛⲁ ϫⲡⲟ ⲟⲩ ⲉⲃⲟⲗ ϩⲛ̄ ⲧⲟⲩ ⲙⲁⲁⲩ ⲉ ⲩ ⲥⲃ︦ⲃⲏⲩ
Thomas 3	ⲁⲗⲗⲁ ⲡ ⲥⲃ︦ⲃⲉ ⲙ̄ ⲙⲉ ϩⲙ̄ ⲡⲛ︤ⲁ︥ ⲁ ϥ ϭⲛ̄ ϩⲏⲩ ⲧⲏⲣ ϥ
Thomas 1	ⲡⲉϫⲉ ⲓ︤ⲥ︥ ϫⲉ ϩⲛ̄ ⲙⲁⲕⲁⲣⲓⲟⲥ ⲛⲉ ⲛ ϩⲏ ⲕⲉ ϫⲉ ⲧⲱⲧⲛ̄ ⲧⲉ ⲧ ⲙⲛ̄ⲧ ⲉⲣⲟ ⲛ ⲙ̄ ⲡⲏⲩⲉ ⲡⲉϫⲉ ⲓ︤ⲥ︥ ϫⲉ ⲡ ⲉⲧ ⲁ ⲙⲉⲥⲧⲉ ⲡⲉϥ⳿ ⲉⲓⲱⲧ⳿ ⲁⲛ⳿ ⲙⲛ̄ ⲧⲉϥ ⲙⲁⲁⲩ ϥ ⲛⲁ ϣ ⲣ̄ ⲙⲁⲑⲏⲧⲏⲥ ⲁⲛ ⲛⲁ ⲉⲓ
Thomas 2	ⲁⲩⲱ ⲛ̄ ϥ ⲙⲉⲥⲧⲉ ⲛⲉϥ̂ ⲥⲛⲏⲩ · ⲙⲛ̄ ⲛⲉϥ ⲥⲱⲛⲉ ⲛ̄ ϥ ϥⲉⲓ ⲙ ⲡⲉϥ ⲥⳁⲟⲥ ⲛ̄ ⲧⲁ ϩⲉ ϥ ⲛⲁ ϣⲱⲡⲉ ⲁⲛ ⲉ ϥ ⲟ ⲛ̄ ⲁⲝⲓⲟⲥ ⲛⲁ ⲉⲓ
Thomas 1	ⲡⲉ ϫⲉ ⲓ︤ⲥ︥ ϫⲉ ⲡ ⲉⲧ ⲁ ϩ ⲥⲟⲩⲱⲛ ⲡ ⲕⲟⲥⲙⲟⲥ ⲁ ϥ⳿ ϩⲉ ⲉ ⲩ ⲡⲧⲱⲙⲁ
Thomas 2	ⲁⲩⲱ ⲡ ⲉⲛⲧ ⲁ ϩ ϩⲉⲉ ⲁ ⲡⲧⲱ ⲙⲁ ⲡ ⲕⲟⲥⲙⲟⲥ ⲙ̄ⲡϣⲁ ⲙ̄ⲙⲟ ϥ ⲁⲛ
Thomas 1	ⲡⲉ ϫⲉ ⲓ︤ⲥ︥ ϫⲉ ⲧ ⲙⲛ̄ⲧ ⲉⲣⲟ ⲙ̄ ⲡ ⲉⲓⲱⲧ ⲉ ⲥ ⲧ ⟨ⲛ̄⟩ ⲧⲱ (ⲛ) ⲁ ⲩ ⲣⲱⲙⲉ ⲉ ⲩⲛ̄ⲧⲁ ϥ ⲙ̄ⲙⲁⲩ ⲛ̄ⲛ ⲟⲩ ϭⲣⲟϭ ⲉ̣ ⲛ̣ [ⲁⲛⲟ] ⲩ ϥ⳿
Thomas 2	ⲁ ⲡⲉϥ ϫⲁϫⲉ ⲉⲓ ⲛ̄ ⲧ ⲟⲩϣⲏ⳿ ⲁ ϥ ⲥⲓⲧⲉ ⲛ̄ ⲟⲩ ⲍⲓⲍ̣ⲁ̣ⲛ̣ⲓ̣[ⲟ]ⲛ̣ ̣ⲉ̣ϫ̣ⲛ ⲡⲉ ϭⲣ̣ⲟ̣[ϭ ⲉ] ⲧ ⲛⲁⲛⲟⲩ ϥ⳿
Thomas 3	ⲙ̄ⲡⲉ ⲡ ⲣⲱⲙⲉ ⲕⲟⲟ ⲩ ⲉ ϩⲱⲗⲉ ⲙ̄ ⲡ ⲍⲓⲍⲁⲛⲓⲟⲛ
Thomas 4	ⲡⲉϫⲁ ϥ ⲛⲁ ⲩ ϫⲉ ⲙⲏⲡⲱⲥ ⲛ̄ⲧⲉ ⲧⲛ̄ ⲃⲱⲕ ϫⲉ ⲉ ⲛ ⲁ ϩⲱⲗⲉ ⲙ̄ ⲡ ⲍⲓⲍⲁⲛⲓⲟⲛ ⲛ̄ⲧⲉ ⲧⲛ̄ ϩⲱⲗⲉ ⲙ̄ ⲡ ⲥⲟⲩⲟ ⲛⲙ̄ⲙⲁ ϥ̂
Thomas 5	ϩⲙ̄ ⲫ ⲟ ⲟⲩ ⲅⲁⲣ ⲙ̄ ⲡ ⲱϩ︤ⲥ︥ ⲛ̄ ⲍⲓⲍⲁⲛⲓⲟⲛ ⲛⲁ ⲟⲩⲱⲛϩ ⲉⲃⲟⲗ⳿ ⲥⲉ ϩⲟⲗ ⲟⲩ ⲛ̄ ⲥⲉ ⲣ ⲟⲕϩ ⲟⲩ
Thomas 1	ⲡⲉϫⲉ ⲓ︤ⲥ︥ ϫⲉ ⲟⲩ ⲙⲁⲕⲁⲣⲓⲟⲥ ⲡⲉ ⲡ ⲣⲱⲙⲉ ⲛ̄ⲧ ⲁ ϩ ϩⲓⲥⲉ ⲁ ϥ ϩⲉ ⲁ ⲡ ⲱⲛϩ ⲡⲉϫⲉ ⲓ︤ⲥ︥ ϫⲉ ϭⲱϣⲧ ⲛ̄ⲥⲁ ⲡ ⲉ ⲧ ⲟⲛϩ ϩⲱⲥ ⲉ ⲧⲉⲧⲛ̄ ⲟⲛϩ ϩⲓⲛⲁ ϫⲉ ⲛⲉ ⲧⲙ̄ ⲙⲟⲩ ⲁⲩⲱ ⲛ̄ⲧⲉ ⲧⲛ̄ ϣⲓⲛⲉ ⲉ ⲛⲁⲩ ⲉⲣⲟ ϥ
Thomas 2	ⲁⲩⲱ ⲧⲉⲧⲛ ⲛⲁ ϣ ϭⲙ̄ϭⲟⲙ ⲁⲛ ⲉ ⲛⲁⲩ
Thomas 1	⟨ⲁ ⲩ ⲛⲁⲩ⟩ ⲁ ⲩ ⲥⲁⲙⲁⲣⲉⲓⲧⲏⲥ ⲉ ϥ ϥⲓ ⲛ̄ⲛ ⲟⲩ ϩⲓⲉⲓⲃ · ⲉ ϥ ⲃⲏⲕ̂ ⲉϩⲟⲩⲛ ⲉ ϯ ⲟⲩⲇⲁⲓⲁ
Thomas 2	ⲡⲉ ϫⲁ ϥ̂ ⲛ̄ ⲛⲉϥ̂ ⲙⲁⲑⲏⲧⲏⲥ ϫⲉ ⲡⲏ̣ ⲙ̄ ⲡ ⲕⲱⲧⲉ ⲙ̄ ⲡⲉ ϩⲓⲉⲓⲃ̂
Thomas 3	ⲡⲉϫⲁ ⲩ ⲛⲁ ϥ ϫⲉ̣ⲕⲁⲁⲥ ⲉ ϥ ⲛⲁ ⲙⲟⲟⲩⲧ ϥ · ⲛ̄ ϥ ⲟⲩⲟⲙ ϥ⳿
Thomas 4	ⲡⲉϫⲁ ϥ ⲛⲁ ⲩ ϩⲱⲥ ⲉ ϥ ⲟⲛϩ ϥ ⲛⲁ ⲟⲩⲟⲙ ϥ̂ ⲁⲛ ⲁⲗⲗⲁ ⲉϥϣⲁ ⲙⲟ ⲟⲩⲧ ϥ⳿ ⲛ̄ ϥ ϣⲱⲡⲉ ⲛ̄ ⲟⲩ ⲡⲧⲱⲙⲁ
Thomas 5	ⲡⲉϫⲁ ⲩ ϫⲉ ⲛ̄ ⲕⲉ ⲥⲙⲟⲧ⳿ ϥ ⲛⲁ ϣ ⲁ ⲥ ⲁⲛ
Thomas 6	ⲡⲉϫⲁ ϥ ⲛⲁ ⲩ ϫⲉ ⲛ̄ⲧⲱⲧⲛ̄ ϩⲱⲧ̂ ⲧⲏⲩⲧⲛ̄ ϣⲓⲛⲉ ⲛ̄ⲥⲁ ⲟⲩ ⲧⲟⲡⲟⲥ ⲛⲏ ⲧⲛ̄ ⲉϩⲟⲩⲛ ⲉ ⲩ ⲁⲛⲁⲡⲁⲩⲥⲓⲥ ϫⲉⲕⲁⲁⲥ ⲛ̄ ⲛⲉⲧⲛ̄ ϣⲱⲡⲉ ⲙ̄ ⲡⲧⲱⲙⲁ ⲛ̄ ⲥⲉ ⲟⲩⲱⲙ⳿ ⲧⲏⲩⲧⲛ̄
Thomas 1	ⲡⲉϫⲉ ⲓ︤ⲥ︥ ⲟⲩⲛ̄ ⲥⲛⲁⲩ ⲛⲁ ⲙ̄ ⲧⲟⲛ⳿ ⲙ̄ⲙⲁ ⲩ ϩⲓ ⲟⲩ ϭⲗⲟϭ ⲡ ⲟⲩⲁ ⲛⲁ ⲙⲟⲩ ⲡ ⲟⲩ ⲁ ⲛⲁ ⲱⲛϩ
Thomas 2	ⲡⲉϫⲉ ⲥⲁⲗⲱⲙⲏ ⲛ̄ⲧⲁⲕ⳿ ⲛⲓⲙ⳿ ⲡ ⲣⲱⲙⲉ
Thomas 3	ϩⲱⲥ ⲉⲃⲟⲗ ϩⲛ̄ ⲟⲩⲁ ⲁ ⲕ ⲧⲉⲗⲟ ⲉϫⲙ̄ ⲡⲁ ϭⲗⲟϭ ⲁⲩⲱ ⲁ ⲕ⳿ ⲟⲩⲱⲙ ⲉⲃⲟⲗ ϩⲛ̄ ⲧⲁ ⲧⲣⲁⲡⲉⲍⲁ
Thomas 4	ⲡⲉϫⲉ ⲓ︤ⲥ︥ ⲛⲁ ⲥ ϫⲉ ⲁⲛⲟⲕ⳿ ⲡⲉ ⲡ ⲉⲧ ϣⲟⲟⲡ⳿ ⲉⲃⲟⲗ ϩⲙ̄ ⲡ ⲉⲧ⳿ ϣⲏϣ
Thomas 5	ⲁ ⲩ ϯ ⲛⲁ ⲉⲓ ⲉⲃⲟⲗ ϩⲛ̄ ⲛⲁ ⲡⲁ ⲉⲓⲱⲧ⳿
Thomas 6	ⲁⲛⲟⲕ⳿ ⲧⲉⲕ⳿ ⲙⲁⲑⲏⲧⲏⲥ
Thomas 7	ⲉⲧⲃⲉ ⲡⲁⲉⲓ ϯ ϫⲱ ⲙ̄ⲙⲟ ⲥ ϫⲉ ϩⲟⲧⲁⲛ ⲉϥϣⲁ ϣⲱⲡⲉ ⲉ ϥ ϣⲏϥ⳿ ϥ ⲛⲁ ⲙⲟⲩϩ̣ ⲟⲩⲟⲉⲓⲛ
Thomas 8	ϩⲟⲧⲁⲛ ⲇⲉ ⲉϥϣⲁⲛ ϣⲱⲡⲉ ⲉ ϥ ⲡⲏϣ ϥ ⲛⲁ ⲙⲟⲩϩ ⲛ̄ ⲕⲁⲕⲉ
Thomas 1	ⲡⲉϫ̣ⲉ̣ ⲓ̣︤ⲥ︥ ϫⲉ ⲉ ⲓ̈ ϫⲱ ⲛ̄ ⲛⲁ ⲙⲩⲥⲧⲏⲣⲓⲟⲛ ⲛ̄ ⲛ ⲉ̣[ⲧ ⲙⲡϣⲁ] ⲛ̣ [ⲛⲁ] ⲙ̣ⲩⲥⲧⲏⲣⲓⲟⲛ̣
Thomas 2	ⲡ̣ ⲉ̣[ⲧ]ⲉ̣̣ ⲧ̣ⲉ̣ⲕ̣⳿ ⲟⲩⲛⲁⲙ ⲛⲁ ⲁ ϥ ⲙⲛ̄ ⲧⲣⲉ ⲧⲉⲕ ϩⲃⲟⲩⲣ̂ ⲉⲓⲙⲉ ϫⲉ ⲉ ⲥ ⲣ ⲟⲩ
Thomas 1	ⲡⲉϫⲉ ⲓ︤ⲥ︥ ϫⲉ ⲛⲉ ⲩⲛ̄ ⲟⲩ ⲣⲱⲙⲉ ⲙ̄ ⲡⲗⲟⲩⲥⲓⲟⲥ ⲉ ⲩⲛ̄ⲧⲁ ϥ ⲙ̄ ⲙⲁⲩ ⲛ̄ ϩⲁϩ ⲛ̄ ⲭⲣⲏⲙⲁ
Thomas 2	ⲡⲉϫⲁ ϥ ϫⲉ ϯ ⲛⲁ ⲣ̄ ⲭⲣⲱ ⲛ̄ ⲛⲁ ⲭⲣⲏⲙⲁ ϫⲉⲕⲁⲁⲥ ⲉ ⲉⲓ ⲛⲁ ϫⲟ ⲛ̄ ⲧⲁ ⲱ [[ϩ]] ⲥ ϩ ⲛ̄ⲧ ⲁ ⲧⲱϭⲉ ⲛ̄ⲧ ⲁ ⲙⲟⲩϩ ⲛ̄ ⲛⲁ ⲉϩⲱⲣ ⲛ̄ ⲕⲁⲣ ⲡⲟⲥ ϣⲓⲛⲁ ϫⲉ ⲛ ⲓ ⲣ̄ ϭⲣⲱϩ ⲗ̄ ⲗⲁⲁⲩ
Thomas 3	ⲛⲁⲉⲓ ⲛⲉ ⲛⲉ ϥ ⲙⲉⲉⲩⲉ ⲉⲣⲟ ⲟⲩ ϩⲙ̄ ⲡⲉϥ ϩⲏⲧ⳿
Thomas 4	ⲁⲩⲱ ϩⲛ̄ ⲧ ⲟⲩϣⲏ ⲉⲧ ⲙ̄ⲙⲁⲩ ⲁ ϥ ⲙⲟⲩ
Thomas 5	ⲡ ⲉⲧⲉ ⲩⲙ̄ ⲙⲁϫⲉ ⲙ̄ⲙⲟ ϥ⳿ ⲙⲁⲣⲉ ϥ⳿ ⲥⲱⲧⲙ
Thomas 1	ⲡⲉϫⲉ ⲓ︤ⲥ︥ ϫⲉ ⲟⲩ ⲣⲱ ⲙⲉ ⲛⲉ ⲩⲛ̄ⲧⲁ ϥ̣ ϩⲛ̄ ϣⲙ̄ⲙⲟ
Thomas 2	ⲁⲩⲱ ⲛ̄ⲧⲁⲣⲉ ϥ ⲥⲟⲃ ⲧⲉ ⲙ̄ ⲡ ⲇⲓⲡⲛⲟⲛ ⲁ ϥ ϫⲟⲟⲩ ⲙ̄ ⲡⲉϥ ϩⲙϩ︤ⲁ︥︤ⲗ︥ ϣⲓ ⲛⲁ ⲉ ϥ ⲛⲁ ⲧⲱϩⲙ ⲛ̄ ⲛ̄ ϣⲙ̄ⲙⲟⲉⲓ
Thomas 3	ⲁ ϥ ⲃⲱⲕ⳿ ⲙ̄ ⲡ ϣⲟⲣⲡ⳿ ·
Thomas 4	ⲡⲉϫⲁ ϥ ⲛⲁ ϥ⳿ ϫⲉ ⲡⲁ ϫⲟⲉⲓⲥ ⲧⲱϩⲙ̄ ⲙ̄ⲙⲟ ⲕ⳿
Thomas 5	ⲡⲉϫⲁ ϥ ϫⲉ ⲟⲩⲛ̄ⲧⲁ ⲉⲓ ϩⲛ̄ ϩⲟⲙⲧ⳿ ⲁ ϩⲉⲛ ⲉⲙⲡⲟⲣⲟⲥ
Thomas 6	ⲥⲉ ⲛ̄ⲛⲏⲩ ϣⲁⲣⲟ ⲉⲓ ⲉ ⲣⲟⲩϩⲉ
Thomas 7	ϯ ⲛⲁ ⲃⲱⲕ⳿ ⲛ̄ ⲧⲁ ⲟⲩⲉϩ ⲥⲁϩⲛⲉ ⲛⲁ ⲩ
Thomas 8	ϯ ⲣ̄ ⲡⲁⲣⲁⲓ ⲧⲉⲓ ⲙ̄ ⲡ ⲇⲓⲡⲛⲟⲛ
Thomas 9	ⲁ ϥ ⲃⲱⲕ⳿ ϣⲁ ⲕⲉ ⲟⲩⲁ
Thomas 10	ⲡⲉ ϫⲁ ϥ ⲛⲁ ϥ⳿ ϫⲉ ⲁ ⲡⲁ ϫⲟⲉⲓⲥ ⲧⲱϩⲙ̄ ⲙ̄ⲙⲟ ⲕ⳿
Thomas 11	ⲡⲉϫⲁ ϥ ⲛⲁ ϥ ϫⲉ ⲁ ⲉⲓ ⲧⲟⲟⲩ ⲟⲩ ⲏⲉⲓ
Thomas 12	ⲁⲩⲱ ⲥⲉ ⲣ̄ ⲁⲓⲧⲉⲓ ⲙ̄ⲙⲟ ⲉⲓ ⲛ̄ ⲟⲩ ϩⲏⲙⲉⲣⲁ
Thomas 13	ϯ ⲛⲁ ⲥⲣ̄ϥⲉ ⲁ (ⲛ)
Thomas 14	ⲁ ϥ ⲉⲓ ϣⲁ ⲕⲉ ⲟⲩⲁ
Thomas 15	ⲡⲉϫⲁ ϥ ⲛⲁ ϥ⳿ ϫⲉ ⲡⲁ ϫⲟ ⲉⲓⲥ ⲧⲱϩⲙ̄ ⲙ̄ⲙⲟ ⲕ⳿
Thomas 16	ⲡⲉϫⲁ ϥ ⲛⲁ ϥ ϫⲉ ⲡⲁ ϣⲃⲏⲣ⳿ ⲛⲁ ⲣ̄ ϣⲉⲗⲉⲉⲧ
Thomas 17	ⲁⲩⲱ ⲁⲛⲟⲕ⳿ ⲉⲧ ⲛⲁ ⲣ̄ ⲇⲓⲡⲛⲟⲛ
Thomas 18	ϯ ⲛⲁ ϣ ⲓ ⲁⲛ
Thomas 19	ϯ ⲣ̄ ⲡⲁⲣⲁⲓⲧⲉⲓ ⲙ̄ ⲡ ⲇⲓⲡⲛⲟⲛ⳿
Thomas 20	ⲁ ϥ⳿ ⲃⲱⲕ⳿ ϣⲁ ⲕⲉ ⲟⲩⲁ
Thomas 21	ⲡⲉϫⲁ ϥ ⲛⲁ ϥ ϫⲉ ⲡⲁ ϫⲟⲉⲓⲥ ⲧⲱϩⲙ ⲙ̄ⲙⲟ ⲕ⳿
Thomas 22	ⲡⲉϫⲁ ϥ ⲛⲁ ϥ⳿ ϫⲉ ⲁ ⲉⲓ ⲧⲟⲟⲩ ⲛ̄ ⲟⲩ ⲕⲱⲙⲏ ⲉ ⲉⲓ ⲃⲏⲕ⳿ ⲁ ϫⲓ ⲛ̄ ϣⲱⲙ
Thomas 23	ϯ ⲛⲁ ϣⲓ ⲓ ⲁⲛ ϯ ⲣ̄ ⲡⲁⲣⲁⲓⲧⲉⲓ
Thomas 24	ⲁ ϥ ⲉⲓ ⲛ̄ϭⲓ ⲡ ϩⲙϩ︤ⲁ︥︤ⲗ︥
Thomas 25	ⲁ ϥ ϫⲟ ⲟ ⲥ ⲁ ⲡⲉϥ ϫⲟⲉⲓⲥ ϫⲉ ⲛ ⲉⲛⲧ ⲁ ⲕ⳿ ⲧⲁϩⲙ ⲟⲩ ⲁ ⲡ ⲇⲓⲡⲛⲟⲛ ⲁ ⲩ ⲡⲁⲣⲁⲓⲧⲉⲓ
Thomas 26	ⲡⲉϫⲉ ⲡ ϫⲟⲉⲓⲥ ⲙ̄ ⲡⲉϥ ϩⲙϩⲁ︤ⲗ︥ ϫⲉ ⲃⲱⲕ⳿ ⲉ ⲡ ⲥⲁ ⲛ ⲃⲟⲗ ⲁ ⲛ ϩⲓⲟ ⲟⲩⲉ
Thomas 27	ⲛ ⲉⲧ ⲕ ⲛⲁ ϩⲉ ⲉⲣⲟ ⲟⲩ ⲉⲛⲓ ⲟⲩ ϫⲉⲕⲁⲁⲥ ⲉ ⲩ ⲛⲁ̣ ⲣ̣̄ ⲇ̣ⲓ̣ⲡ̣ⲛⲉⲓ ⲛ̄ ⲣⲉϥ ⲧⲟⲟⲩ
Thomas 28	ⲙⲛ̄ ⲛⲉ ϣⲟ ⲧ̣[ⲉ ⲥⲉ ⲛⲁ ⲃ]ⲱ̣ⲕ̣ ⲁⲛ⳿ ⲉϩⲟⲩⲛ⳿ ⲉ ⲛ ⲧⲟⲡⲟⲥ ⲙ ⲡⲁ ⲓ̈ⲱⲧ⳿
Thomas 1	ⲡⲉϫⲁ ϥ ϫⲉ ⲟⲩ ⲣⲱⲙⲉ ⲛ ⲭⲣ̣ⲏ̣[ⲥⲧⲟ]ⲥ̣ ⲛⲉ ⲩⲛ[ⲧⲁ ϥ] ⲛ̄ ⲟⲩ ⲙⲁ ⲛ̄ ⲉⲗⲟⲟⲗⲉ ⲁ ϥ ⲧⲁ⳿ⲁ ϥ ⲛ̄ ϩ̣ⲛ ⲟⲩⲟⲉⲓⲉ ϣⲓⲛⲁ ⲉ ⲩ ⲛⲁ ⲣ̄ ϩⲱⲃ⳿ ⲉⲣⲟ ϥ⳿ ⲛ̄ ϥ ϫⲓ ⲙ̣̄ ⲡⲉϥ ⲕⲁⲣ⳿ ⲡⲟⲥ ⲛ̄ⲧⲟⲟⲧ ⲟⲩ
Thomas 2	ⲁ ϥ ϫⲟⲟⲩ ⲙ̄ ⲡⲉϥ ϩⲙϩ︤ⲁ︥︤ⲗ︥ ϫⲉ ⲕⲁⲁⲥ ⲉ ⲛ ⲟⲩⲟⲉⲓⲉ ⲛⲁ ϯ ⲛⲁ ϥ⳿ ⲙ̄ ⲡ ⲕⲁⲣⲡⲟⲥ ⲙ̄ ⲡ ⲙⲁ ⲛ̄ ⲉⲗⲟⲟⲗⲉ
Thomas 3	ⲁ ⲩ ⲉⲙⲁϩⲧⲉ ⲙ̄ ⲡⲉϥ ϩⲙ̄ϩ︤ⲁ︥︤ⲗ︥ ⲁ ⲩ ϩⲓⲟⲩⲉ ⲉⲣⲟ ϥ⳿
Thomas 4	ⲛⲉ ⲕⲉ ⲕⲟⲩⲉⲓ ⲡⲉ ⲛ̄ ⲥⲉ⳿ ⲙⲟⲟⲩⲧ ϥ⳿
Thomas 5	ⲁ ⲡ ϩⲙϩ︤ⲁ︥︤ⲗ︥ ⲃⲱⲕ⳿ ⲁ ϥ ϫⲟⲟ ⲥ ⲉ ⲡⲉϥ ϫⲟⲉⲓⲥ
Thomas 6	ⲡⲉ ϫⲉ ⲡⲉϥ ϫⲟⲉⲓⲥ ϫⲉ ⲙⲉϣⲁⲕ⳿ ⲙ̣̄ⲡⲉ ϥ ⳿ ⲥⲟⲩⲱ ⲛ ⲟⲩ
Thomas 7	ⲁ ϥ ϫⲟⲟⲩ ⲛ̄ ⲕⲉ ϩⲙϩ︤ⲁ︥︤ⲗ︥
Thomas 8	ⲁ ⲛ ⲟⲩⲟⲉⲓⲉ ϩⲓ ⲟⲩⲉ ⲉ ⲡ ⲕⲉ ⲟⲩⲁ
Thomas 9	ⲧⲟⲧⲉ ⲁ ⲡ ϫⲟⲉⲓⲥ ϫⲟⲟⲩ ⲙ̄ ⲡⲉϥ ϣⲏⲣⲉ
Thomas 10	ⲡⲉϫⲁ ϥ⳿ ϫⲉ ⲙⲉϣⲁⲕ⳿ ⲥⲉ ⲛⲁ ϣⲓⲡⲉ ϩⲏⲧ ϥ⳿ ⲙ̄ ⲡⲁ ϣⲏⲣⲉ
Thomas 11	ⲁ ⲛ⳿ ⲟⲩⲟⲉⲓⲉ ⲉⲧ ⲙ̄ⲙⲁⲩ ⲉⲡⲉⲓ ⲥⲉ ⲥⲟⲟⲩⲛ ϫⲉ ⲛ̄ⲧⲟϥ ⲡⲉ ⲡⲉ ⲕⲗⲏⲣⲟⲛⲟⲙⲟⲥ ⲙ̄ ⲡ ⲙⲁ ⲛ̄ ⲉⲗⲟⲟⲗⲉ ⲁ ⲩ ϭⲟⲡ ϥ⳿ ⲁ ⲩ ⲙⲟⲟⲩⲧ ϥ⳿
Thomas 12	ⲡ ⲉⲧⲉ ⲩⲙ̄ ⲙⲁⲁϫⲉ ⲙ̄ⲙⲟ ϥ̂ ⲙⲁⲣⲉ ϥ ⲥⲱⲧⲙ̄
Thomas 1	ⲡⲉ ϫⲉ ⲓ︤ⲥ︥ ϫⲉ ⲙⲁ ⲧⲥⲉⲃⲟ ⲉⲓ ⲉ ⲡ ⲱⲛⲉ ⲡⲁⲉⲓ ⲛ̄ⲧ ⲁ ⲩ ⲥⲧⲟ ϥ̂ ⲉⲃⲟⲗ⳿ ⲛ̄ϭⲓ ⲛ ⲉⲧ⳿ ⲕⲱⲧ⳿
Thomas 2	ⲛ̄ⲧⲟϥ ⲡⲉ ⲡ ⲱⲱⲛⲉ ⲛ̄ ⲕⲱϩ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲧ ⲥⲟⲟⲩⲛ ⲙ̄ ⲡ ⲧⲏⲣ ϥ⳿ ⲉ ϥ ⲣ̄ ϭⲣⲱϩ ⲟⲩⲁⲁ ϥ ⟨ϥ⟩ ⲣ̄ ϭⲣⲱϩ ⲙ̄ ⲡ ⲙⲁ ⲧⲏⲣ ϥ⳿ ⲡⲉϫⲉ ⲓ︤ⲥ︥ ϫⲉ ⲛⲧⲱⲧⲛ ϩⲙ ⲙⲁⲕⲁⲣⲓⲟⲥ ϩⲟⲧⲁ (ⲛ) ⲉⲩϣⲁⲛ ⲙⲉⲥⲧⲉ ⲧⲏⲩⲧⲛ̄ ⲛ̄ ⲥⲉ ⲣ̄ ⲇⲓⲱⲕⲉ ⲙ̄ ⲙⲱ ⲧⲛ̄
Thomas 2	ⲁⲩⲱ ⲥⲉ ⲛⲁ ϩⲉ ⲁⲛ ⲉ ⲧⲟⲡⲟⲥ ϩⲙ̄ ⲡ ⲙⲁ ⲉⲛⲧ ⲁ ⲩ ⲇⲓⲱⲕⲉ ⲙ̄ⲙⲱ ⲧⲛ̄ ϩⲣⲁⲓ̈ ⲛ̄ϩⲏⲧ ϥ̅
Thomas 1	ⲡⲉϫⲉ ⲓ︤ⲥ︥ ϩⲙ̄ ⲙⲁⲕⲁⲣⲓⲟⲥ ⲛⲉ ⲛⲁⲉⲓ ⲛ̄ⲧ ⲁ ⲩ ⲇⲓⲱⲕⲉ ⲙ̄ⲙⲟ ⲟⲩ ϩⲣⲁⲓ̈ ϩⲙ̄ ⲡⲟⲩ ϩⲏⲧ
Thomas 2	ⲛ ⲉⲧ ⲙ̄ⲙⲁⲩ⳿ ⲛ ⲉⲛⲧ ⲁ ϩ ⲥⲟⲩⲱⲛ ⲡ ⲉⲓⲱⲧ⳿ ϩⲛ̄ ⲟⲩ ⲙⲉ
Thomas 3	ϩⲙ̄ ⲙⲁⲕⲁⲣⲓⲟⲥ ⲛ ⲉⲧ ϩⲕⲁⲉⲓⲧ⳿ ϣⲓⲛⲁ ⲉ ⲩ ⲛⲁ ⲧⲥⲓⲟ ⲛ̄ ⲑ ϩⲏ ⲙ̄ ⲡ ⲉⲧ ⲟⲩⲱϣ
Thomas 1	ⲡⲉϫⲉ ⲓ︤ⲥ︥ ϩⲟ ⲧⲁⲛ ⲉⲧⲉⲧⲛ̄ϣⲁ ϫⲡⲉ ⲡⲏ ϩⲛ̄ ⲧⲏⲩⲧⲛ̄ ⲡⲁⲓ̈ ⲉⲧⲉ ⲩⲛ̄ⲧⲏ ⲧⲛ︤ ϥ̅ ϥ ⲛⲁ ⲧⲟⲩϫⲉ ⲧⲏⲩⲧⲛ̄
Thomas 2	ⲉϣⲱ ⲡⲉ ⲙⲛ̄ ⲧⲛ̄ ⲡⲏ ϩⲛ̄ ⲧ[ⲏ]ⲩⲧⲛ ⲡⲁⲉⲓ ⲉⲧⲉ ⲙⲛ̄ ⲧⲛ︤ ϥ̅ ϩⲛ̄ ⲧⲏⲛⲉ ϥ̣ [ⲛⲁ ⲙ]ⲟ̣ⲩ̣ⲧ̣⳿ ⲧⲏⲛⲉ
Thomas 1	ⲡⲉϫⲉ ⲓ︤ⲥ︥ ϫⲉ ϯ ⲛⲁ ϣⲟⲣ[ϣⲣ ⲙ ⲡⲉⲉ]ⲓ̣ ⲏ̣ⲉⲓ
Thomas 2	ⲁⲩⲱ ⲙⲛ̄ ⲗⲁⲁⲩ ⲛⲁ ϣ ⲕⲟⲧ ϥ . [........]
Thomas 1	[ⲡⲉ]ϫ̣ⲉ̣ ⲟ̣ⲩ̣ ⲣ̣[ⲱⲙ]ⲉ̣ ⲛ̣ⲁ̣ ϥ̣ ̣ϫ̣ⲉ ϫⲟⲟ ⲥ ⲛ̄ ⲛⲁ ⲥⲛⲏⲩ ϣⲓⲛⲁ ⲉ ⲩ ⲛⲁ̣ ⲡ̣ⲱϣⲉ ⲛ̄ ⲛ̄ ϩⲛⲁⲁⲩ ⲙ̄ ⲡⲁ ⲉⲓⲱⲧ⳿ ⲛⲙ̄ⲙⲁ ⲉⲓ
Thomas 2	ⲡⲉϫⲁ ϥ ⲛⲁ ϥ̂ ϫⲉ ⲱ ⲡ ⲣⲱⲙⲉ ⲛⲓⲙ ⲡⲉ ⲛ̄ⲧ ⲁ ϩ̣ ⲁⲁ ⲧ⳿ ⲛ̄ ⲣⲉϥ ⲡⲱϣⲉ
Thomas 3	ⲁ ϥ ⲕⲟⲧ ϥ̅ ⲁ⳿ ⲛⲉϥ ⲙⲁⲑⲏⲧⲏⲥ ⲡⲉϫⲁ ϥ ⲛⲁ ⲩ ϫⲉ ⲙⲏ ⲉ ⲉⲓ ϣⲟⲟⲡ̂ ⲛ̄ ⲣⲉϥ⳿ ⲡⲱϣⲉ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲱϩⲥ ⲙⲉⲛ ⲛⲁϣⲱ ϥ⳿
Thomas 2	ⲛ̄ ⲉⲣⲅⲁⲧⲏⲥ ⲇⲉ ⲥⲟⲃⲕ⳿
Thomas 3	ⲥⲟⲡⲥ︥ ⲇⲉ ⲙ̄ ⲡ ϫⲟⲉⲓⲥ ϣⲓⲛⲁ ⲉ ϥ ⲛⲁ ⲛⲉϫ⳿ ⲉⲣⲅⲁⲧⲏⲥ ⲉⲃⲟⲗ ⲉ ⲡ ⲱϩ︤ⲥ︥
Thomas 1	ⲡⲉϫⲁ ϥ ϫⲉ ⲡ ϫⲟⲉⲓⲥ ⲟⲩⲛ̄ ϩⲁϩ ⲙ̄ ⲡ ⲕⲱⲧⲉ ⲛ̄ ⲧ ϫⲱⲧⲉ
Thomas 2	ⲙⲛ̄ ⲗⲁⲁⲩ ⲇⲉ ϩⲛ̄ ⲧ ϣⲱⲛⲉ ·
Thomas 1	ⲡⲉϫⲉ ⲓ︤ⲥ︥ ⲟⲩⲛ ϩⲁϩ ⲁϩⲉ ⲣⲁⲧ ⲟⲩ ϩⲓⲣⲙ̄ ⲡ ⲣⲟ
Thomas 2	ⲁⲗⲗⲁ ⲙ̄ ⲙⲟⲛⲁⲭⲟⲥ ⲛ ⲉⲧ ⲛⲁ ⲃⲱⲕ⳿ ⲉϩⲟⲩⲛ ⲉ ⲡ ⲙⲁ ⲛ̄ ϣⲉⲗⲉⲉⲧ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲧ ⲙⲛ̄ⲧ ⲉⲣⲟ ⲙ̄ ⲡ ⲉⲓⲱⲧ⳿ ⲉ ⲥ ⲧⲛ̄ⲧⲱⲛ ⲁ ⲩ ⲣⲱⲙⲉ ⲛ̄ ⲉϣⲱⲱⲧ⳿ ⲉ ⲩⲛⲧⲁ ϥ⳿ ⲙ̄ⲙⲁⲩ ⲛ̄ ⲟⲩ ⲫⲟⲣⲧⲓ ⲟⲛ ⲉ ⲁ ϥ ϩⲉ ⲁ ⲩ ⲙⲁⲣⲅⲁⲣⲓⲧⲏⲥ
Thomas 2	ⲡ ⲉϣⲱⲧ⳿ ⲉⲧ ⲙ̄ⲙⲁⲩ ⲟⲩ ⲥⲁⲃⲉ ⲡⲉ
Thomas 3	ⲁ ϥ ϯ ⲡⲉ ⲫⲟⲣⲧⲓⲟⲛ ⲉⲃⲟⲗ ⲁ ϥ ⲧⲟⲟⲩ ⲛⲁ ϥ ⲙ̄ ⲡⲓ ⲙⲁⲣⲅⲁⲣⲓⲧⲏⲥ ⲟⲩⲱⲧ⳿
Thomas 4	ⲛ̄ⲧⲱⲧⲛ̄ ϩⲱⲧ⳿ ⲧⲏⲩⲧⲛ̄ ϣⲓⲛⲉ ⲛ̄ ⲥⲁ ⲡⲉ {ϥ} \bⲉ/ ϩⲟ ⲉ ⲙⲁ ϥ ⲱϫⲛ̄ ⲉ ϥ ⲙⲏⲛ⳿ ⲉⲃⲟⲗ ⲡ ⲙⲁ ⲉ ⲙⲁⲣⲉ ϫⲟⲟⲗⲉⲥ ⲧϩⲛⲟ ⲉϩⲟⲩⲛ⳿ ⲉⲙⲁⲩ ⲉ ⲟⲩⲱⲙ⳿ ⲟⲩⲇⲉ ⲙⲁⲣⲉ ϥ ϥⲛ︤ⲧ︥ ⲧⲁⲕⲟ
Thomas 1	ⲡⲉϫⲉ ⲓ︤ⲥ︥ ϫⲉ ⲁⲛⲟⲕ ⲡⲉ ⲡ ⲟⲩⲟⲉⲓⲛ ⲡⲁⲉⲓ ⲉⲧ ϩⲓ ϫⲱ ⲟⲩ ⲧⲏⲣ ⲟⲩ
Thomas 2	ⲁⲛⲟⲕ⳿ ⲡⲉ ⲡ ⲧⲏⲣ ϥ⳿ ⲛ̄ⲧ ⲁ ⲡ ⲧⲏⲣ ϥ ⲉⲓ ⲉⲃⲟⲗ ⲛ̄ ϩⲏⲧ⳿ ⲁⲩⲱ ⲛ̄ⲧ ⲁ ⲡ ⲧⲏⲣ ϥ⳿ ⲡⲱϩ ϣⲁⲣⲟ ⲉⲓ
Thomas 3	ⲡⲱϩ ⲛ̄ⲛ ⲟⲩ ϣⲉ ⲁⲛⲟⲕ⳿ ϯ ⲙ̄ⲙⲁⲩ
Thomas 4	ϥⲓ ⲙ̄ ⲡ ⲱⲛⲉ ⲉϩⲣⲁⲓ̈ ⲁⲩⲱ ⲧⲉⲧⲛ ⲁ ϩⲉ ⲉⲣⲟ ⲉⲓ ⲙ̄ⲙⲁⲩ
Thomas 1	ⲡⲉϫⲉ ⲓ︤ⲥ︥ ϫⲉ ⲉⲧⲃⲉ ⲟⲩ ⲁ ⲧⲉⲧⲛ ⲉⲓ ⲉⲃⲟⲗ ⲉ ⲧ ⲥⲱϣⲉ ⲉ ⲛⲁⲩ ⲉ ⲩ ⲕⲁϣ ⲉ ϥ ⲕⲓⲙ ⲉ̣[ⲃⲟⲗ] ϩⲓⲧⲙ̄ ⲡ ⲧⲏⲩ ⲁⲩⲱ ⲉ ⲛⲁⲩ ⲉ ⲩ ⲣ[ⲱ]ⲙ̣[ⲉ ⲉ] ⲩ̣ⲛ̄ ϣⲧⲏⲛ ⲉ ⲩ ϭⲏⲛ ϩⲓⲱⲱ ⲃ ⲛ̄ [ⲑ ⲉ ⲛ̄ ⲛⲉⲧ]ⲛ̣ ⲣ̄ⲣⲱⲟⲩ ⲙⲛ̄ ⲛⲉⲧⲙ̄ ⲙⲉⲅⲓ ⲥⲧⲁⲛⲟⲥ ⲛⲁⲉⲓ ⲉ ⲛ[ⲉ] ϣ̣ⲧ̣ⲏ̣ⲛ̣ ⲉ̣[ⲧ] ϭⲏⲛ ϩⲓⲱ ⲟⲩ ⲁⲩⲱ ⲥⲉ ⲛ̣[ⲁ] ϣ̣ ⲥⲟⲩⲛ ⲧ ⲙⲉ ⲁⲛ ⲡⲉϫⲉ ⲟⲩ ⲥϩⲓⲙ̣[ⲉ] ⲛⲁ ϥ ϩⲙ̄ ⲡ ⲙⲏϣⲉ ϫⲉ ⲛⲉⲉⲓⲁⲧ ⲥ̣ [ⲛ̄] ⲑ ϩⲏ ⲛ̄ ⲧ ⲁ ϩ ϥⲓ ϩⲁⲣⲟ ⲕ ⲁⲩⲱ ⲛ̄ ⲕⲓ[ⲃ]ⲉ ⲉⲛⲧ ⲁ ϩ ⲥⲁ [[ϩ]] ⲛⲟⲩϣ ⲕ
Thomas 2	ⲡⲉϫⲁ ϥ ⲛⲁ [ⲥ] ϫⲉ ⲛⲉ ⲉⲓⲁⲧ ⲟⲩ ⲛ̄ ⲛ ⲉⲛⲧ ⲁ ϩ ⲥⲱ̣ⲧⲙ̄ ⲁ: ⲡ ⲗⲟⲅⲟⲥ ⲙ̄ ⲡ ⲉⲓⲱⲧ ⲁ ⲩ̣ ⲁⲣⲉϩ ⲉⲣⲟ ϥ ϩⲛ̄ ⲟⲩ ⲙⲉ
Thomas 3	ⲟⲩⲛ̄ ϩⲛ̄ ϩⲟⲟⲩ ⲅⲁⲣ ⲛⲁ ϣⲱⲡⲉ ⲛ̄ ⲧⲉⲧⲛ̄ ϫⲟⲟ ⲥ ϫⲉ ⲛⲉ ⲉⲓⲁⲧ ϥ︦ ⲛ̄ ⲑ ϩⲏ ⲧⲁⲉⲓ ⲉⲧⲉ ⲙ̄ⲡ ⲥ ⲱ ⲁⲩⲱ ⲛ̄ ⲕⲓⲃⲉ ⲛⲁⲉⲓ ⲉ ⲙⲡ ⲟⲩ ϯ ⲉⲣⲱⲧⲉ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲛⲧ ⲁ ϩ ⲥⲟⲩⲱⲛ ⲡ ⲕⲟⲥⲙⲟⲥ ⲁ ϥ ϩⲉ ⲉ ⲡ ⲥⲱⲙⲁ
Thomas 2	ⲡ ⲉⲛⲧ ⲁ ϩ ϩⲉ ⲇⲉ ⲉ ⲡ ⲥⲱⲙⲁ ⲡ ⲕⲟⲥⲙⲟⲥ ⲙ̄ⲡϣⲁ ⲙ̄ⲙⲟ ϥ⳿ ⲁⲛ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲛⲧ ⲁ ϩ ⲣ̄ ⲣⲙ̄ⲙⲁⲟ ⲙⲁ ⲣⲉ ϥ ⲣ̄ ⲣⲣⲟ
Thomas 2	ⲁⲩⲱ ⲡ ⲉⲧⲉ ⲩⲛ̄ⲧⲁ ϥ⳿ ⲛ̄ ⲟⲩ ⲇⲩⲛⲁ ⲙⲓⲥ ⲙⲁⲣⲉ ϥ ⲁⲣⲛⲁ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲧ ϩⲏⲛ ⲉⲣⲟ ⲉⲓ ⲉ ϥ ϩⲏⲛ ⲉ ⲧ ⲥⲁⲧⲉ
Thomas 2	ⲁⲩⲱ ⲡ ⲉⲧ ⲟⲩⲏⲩ⳿ ⲙ̄ⲙⲟ ⲉⲓ ϥ ⲟⲩⲏⲩ ⲛ̄ ⲧ ⲙⲛ̄ⲧ ⲉⲣⲟ
Thomas 1	ⲡⲉϫⲉ ⲓ︤ⲥ︥ ϫⲉ ⲛ ϩⲓⲕⲱⲛ ⲥⲉ ⲟⲩⲟⲛϩ ⲉⲃⲟⲗ ⲙ̄ ⲡ ⲣⲱ ⲙⲉ
Thomas 2	ⲁⲩⲱ ⲡ ⲟⲩⲟⲉⲓⲛ ⲉⲧ ⲛ̄ϩⲏⲧ ⲟⲩ ϥ ϩⲏⲡ⳿ ϩⲛ̄ ⲑ ⲓⲕⲱⲛ ⲙ̄ ⲡ ⲟⲩⲟⲉⲓⲛ ⲙ̄ ⲡ ⲉⲓⲱⲧ
Thomas 3	ϥ ⲛⲁ ϭⲱⲗⲡ⳿ ⲉⲃⲟⲗ
Thomas 4	ⲁⲩⲱ ⲧⲉϥ ϩⲓⲕⲱⲛ ϩⲏⲡ⳿ ⲉⲃⲟⲗ ϩⲓⲧⲛ̄ ⲡⲉϥ̂ ⲟⲩⲟⲉⲓⲛ
Thomas 1	ⲡⲉϫⲉ ⲓ︤ⲥ︥ ⲛ̄ ϩⲟ ⲟⲩ ⲉ ⲧⲉⲧⲛ̄ ⲛⲁⲩ ⲉ ⲡⲉⲧⲛ̄ ⲉⲓⲛⲉ ϣⲁⲣⲉ ⲧⲛ̄ ⲣⲁϣⲉ
Thomas 2	ϩⲟⲧⲁⲛ ⲇⲉ ⲉⲧⲉⲧⲛ̄ϣⲁⲛ ⲛⲁⲩ · ⲁ ⲛⲉⲧⲛ̄ ϩⲓⲕⲱⲛ⳿ ⲛ̄ⲧ ⲁ ϩ ϣⲱⲡⲉ ϩⲓ ⲧⲉⲧⲛ ⲉ ϩⲏ ⲟⲩⲧⲉ ⲙⲁ ⲩ ⲙⲟⲩ ⲟⲩⲧⲉ ⲙⲁ ⲩ ⲟⲩⲱⲛϩ ⲉⲃⲟⲗ ⲧⲉⲧ ⲛⲁ ϥⲓ ϩⲁ ⲟⲩⲏⲣ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲛ̄ⲧ ⲁ ⲁⲇⲁⲙ ϣⲱⲡⲉ ⲉⲃⲟⲗ ϩⲛ̄ⲛ ⲟⲩ ⲛⲟϭ ⲛ̄ ⲇⲩⲛⲁⲙⲓⲥ ⲙⲛ̄ ⲟⲩ ⲛⲟϭ̣ ⲙ̣̄ ⲙⲛ̄ⲧ ⲣⲙ̄ⲙⲁ ⲟ ⲁⲩⲱ ⲙ̄ⲡⲉ ϥ ϣⲱⲡⲉ
Thomas 2	ⲉ̣ [ϥ ⲙ]ⲡ̣ϣⲁ ⲙ̄ⲙⲱ ⲧⲛ̄ ⲛⲉ ⲩ ⲁⲝⲓⲟⲥ ⲅⲁⲣ ⲡⲉ [ⲛⲉ ϥ ⲛⲁ ϫⲓ] ϯ̣ ⲡ̣[ⲉ ⲁⲛ ⲙ̄ ⲡ ⲙⲟⲩ
Thomas 1	ⲡⲉϫⲉ ⲓ︤ⲥ︥ ϫⲉ̣ [ⲛ̄ ⲃⲁϣⲟⲣ ⲟⲩ ⲛ̄ⲧ]ⲁ̣ ⲩ̣ ̣ⲛ̣ ⲟ̣ⲩ̣ [ⲃⲏ]ⲃ̣ ̣ⲁ̣ⲩ̣ⲱ̣ ⲛ ϩⲁⲗⲁⲧⲉ ⲟⲩⲛ̄ⲧⲁ ⲩ ⲙⲙⲁⲩ ⲙ̄ ⲡ̣[̣ⲉ]ⲩ ⲙⲁϩ
Thomas 2	ⲡ ϣⲏⲣⲉ ⲇⲉ ⲙ̄ ⲡ ⲣⲱⲙⲉ ⲙⲛ̄ⲧⲁ ϥ⳿ ⲛⲛ̣ [ⲟ]ⲩ ⲙⲁ ⲉ ⲣⲓⲕⲉ ⲛ̄ ⲧⲉϥ⳿ ⲁⲡⲉ ⲛ̄ ϥ⳿ ⲙ̄ⲧⲟⲛ · ⲙ̄[ⲙⲟ] ϥ̣
Thomas 1	ⲡⲉϫⲁ ϥ ⲛ̄ϭⲓ ⲓ︤ⲥ︥ ϫⲉ ⲟⲩ ⲧⲁⲗⲁⲓ ⲡⲱⲣⲟⲛ⳿ ⲡⲉ̣ ⲡ ⲥⲱⲙⲁ ⲉⲧ ⲁϣⲉ ⲛ̄ ⲟⲩ ⲥⲱⲙⲁ⳿
Thomas 2	ⲁⲩⲱ ⲟⲩ ⲧ̣ⲁ̣ⲗ̣ⲁⲓⲡⲱⲣⲟⲥ ⲧⲉ ⲧ̂ ⲯⲩⲭⲏ ⲉⲧ ⲁϣⲉ ⲛ̄ ⲛⲁⲉⲓ ⲙ̣ ⲡ̣ ⲥⲛⲁⲩ
Thomas 1	ⲡⲉϫⲉ ⲓ︤ⲥ︥ ϫⲉ ⲛ̄ ⲁⲅⲅⲉⲗⲟⲥ ⲛⲏⲩ ϣⲁⲣⲱ ⲧⲛ̄ ⲙⲛ̄ ⲛ̄ ⲡⲣⲟⲫⲏⲧⲏⲥ
Thomas 2	ⲁⲩⲱ ⲥⲉ ⲛⲁ ϯ ⲛⲏ ⲧⲛ̄ ⲛ̄ ⲛ ⲉⲧⲉ ⲩⲛ̄ⲧ ⲏⲧⲛ̄ ⲥⲉ
Thomas 3	ⲁⲩⲱ ⲛ̄ⲧⲱⲧⲛ̄ ϩⲱⲧ̂ ⲧⲏⲩⲧⲛ̄ ⲛ ⲉⲧ ⲛ̄ⲧⲟⲧ⳿ ⲧⲏⲛⲉ ⲧⲁⲁ ⲩ ⲛⲁ ⲩ ⲛ̄ⲧⲉⲧⲛ̄ ϫⲟⲟ ⲥ ⲛⲏ ⲧⲛ̄ ϫⲉ ⲁϣ ⲛ̄ ϩⲟⲟⲩ ⲡ ⲉⲧ ⲟⲩ ⲛ̄ⲛⲏⲩ ⲛ̄ ⲥⲉ ϫⲓ ⲡ ⲉⲧⲉ ⲡⲱⲟⲩ
Thomas 1	ⲡⲉϫⲉ ⲓ︤ⲥ︥ ϫⲉ ⲉⲧⲃⲉ ⲟⲩ ⲧⲉⲧⲛ̄ ⲉⲓⲱⲉ ⲙ̄ ⲡ ⲥⲁ ⲛ ⲃⲟⲗ ⲙ̄ ⲡ ⲡⲟⲧⲏⲣⲓⲟⲛ
Thomas 2	ⲧⲉⲧⲛ̄ ⲣ̄ ⲛⲟⲉⲓ ⲁⲛ ϫⲉ ⲡ ⲉⲛⲧ ⲁ ϩ ⲧⲁⲙⲓⲟ ⲙ̄ ⲡ ⲥⲁ ⲛϩⲟⲩⲛ ⲛ̄ⲧⲟϥ ⲟⲛ ⲡ ⲉⲛⲧ ⲁ ϥ ⲧⲁⲙⲓⲟ ⲙ̄ ⲡ ⲥⲁ ⲛ ⲃⲟⲗ ·
Thomas 1	ⲡⲉϫⲉ ⲓⲏ︤ⲥ︥ ϫⲉ ⲁⲙⲏⲉⲓ ⲧⲛ̄ ϣⲁⲣⲟ ⲉⲓ̂ ϫⲉ ⲟⲩ ⲭⲣⲏⲥⲧⲟⲥ ⲡⲉ ⲡⲁ ⲛⲁϩⲃ ⲁⲩⲱ ⲧⲁ ⲙⲛ︤ⲧ︥ ϫⲟⲉⲓⲥ ⲟⲩ ⲣⲙ̄ ⲣⲁϣ
Thomas 2	ⲧⲉ ⲁⲩⲱ ⲧⲉⲧⲛ ⲁ ϩⲉ ⲁ ⲩ ⲁⲛⲁ{ⲩ}ⲡⲁ⟨ⲩ⟩ⲥⲓⲥ ⲛⲏ ⲧⲛ̄
Thomas 1	ⲡⲉϫⲁ ⲩ ⲛⲁ ϥ⳿ ϫⲉ ϫⲟⲟ ⲥ ⲉⲣⲟ ⲛ ϫⲉ ⲛ̄ⲧⲕ ⲛⲓⲙ ϣⲓⲛⲁ ⲉ ⲛ ⲁ ⲣ̄ ⲡⲓⲥⲧⲉⲩⲉ ⲉⲣⲟ ⲕ⳿
Thomas 2	ⲡⲉ ϫⲁ ϥ ⲛⲁ ⲩ ϫⲉ ⲧⲉⲧⲛ̄ ⲣ̄ ⲡⲓⲣⲁⲍⲉ ⲙ̄ ⲡ ϩⲟ ⲛ̄ ⲧ ⲡⲉ ⲙⲛ̄ ⲡ ⲕⲁϩ
Thomas 3	ⲁⲩⲱ ⲡ ⲉⲧ ⲛ̄ ⲡⲉⲧⲛ̄ ⲙⲧⲟ ⲉⲃⲟⲗ⳿ ⲙ̄ⲡⲉ ⲧⲛ̄ ⲥⲟⲩⲱⲛ ϥ⳿
Thomas 4	ⲁⲩⲱ ⲡⲉⲉⲓ ⲕⲁⲓⲣⲟⲥ ⲧⲉⲧⲛ̄ ⲥⲟⲟⲩⲛ ⲁⲛ ⲛ̄ ⲣ̄ ⲡⲓⲣⲁⲍⲉ ⲙ̄ⲙⲟ ϥ⳿
Thomas 1	ⲡⲉϫⲉ ⲓ︤ⲥ︥ ϫⲉ ϣⲓⲛⲉ ⲁⲩⲱ ⲧⲉⲧⲛ ⲁ ϭⲓⲛⲉ
Thomas 2	ⲁⲗⲗⲁ ⲛ ⲉ ⲧ ⲁ ⲧⲉⲧⲛ̄ ϫⲛⲟⲩ ⲉⲓ ⲉⲣⲟ ⲟⲩ ⲛ̄ ⲛⲓ ϩⲟⲟⲩ ⲉ ⲙ̄ⲡ ⲓ ϫⲟⲟ ⲩ ⲛⲏ ⲧⲛ̄ ⲙ̄ ⲫ ⲟⲟⲩ ⲉⲧ ⲙ̄ⲙⲁⲩ ⲧⲉⲛⲟⲩ ⲉ ϩⲛⲁ ⲓ̈ ⲉ ϫⲟ ⲟⲩ ⲁⲩⲱ ⲧⲉⲧⲛ̄ ϣⲓⲛⲉ ⲁⲛ⳿ ⲛ̄ⲥⲱ ⲟⲩ
Thomas 1	ϫⲉ ⲙ̄ⲡⲣ̄ ϯ ⲡ ⲉⲧ ⲟⲩⲁⲁⲃ ⲛ̄ ⲛ ⲟⲩϩⲟⲟⲣ⳿ ϫⲉⲕⲁⲥ ⲛ ⲟⲩ ⲛⲟϫ ⲟⲩ ⲉ ⲧ ⲕⲟⲡⲣⲓⲁ
Thomas 2	ⲙ̄ⲡⲣ̄ ⲛⲟⲩϫⲉ ⲛ ⲙ̄ ⲙⲁⲣⲅⲁⲣⲓⲧⲏ̣[ⲥ ⲛ̄] ⲛ̣ ⲉϣⲁⲩ ϣⲓⲛⲁ ϫⲉ ⲛ ⲟⲩ ⲁⲁ ϥ · ⲛ̣ ⲗ̣ⲁ̣[...]
Thomas 1	[ⲡⲉϫ]ⲉ̣ ⲓⲥ ⲡ ⲉⲧ ϣⲓⲛⲉ ϥ ⲛⲁ ϭⲓⲛⲉ
Thomas 2	[ⲡ ⲉⲧ ⲧⲱϩⲙ ⲉ]ϩ̣ⲟⲩⲛ ⲥⲉ ⲛⲁ ⲟⲩⲱⲛ ⲛⲁ ϥ⳿
Thomas 1	[ⲡⲉϫⲉ ⲓ︤ⲥ︥ ϫⲉ] ⲉ̣ϣⲱⲡⲉ ⲟⲩⲛ̄ⲧⲏ ⲧⲛ̄ ϩⲟⲙⲧ⳿ ⲙ̄ⲡⲣ̄ ϯ ⲉ ⲧ ⲙⲏⲥⲉ
Thomas 2	ⲁⲗⲗⲁ ϯ̣ ⲙ̣[ⲙⲟ ϥ] ⲙ̣ ⲡ̣ ⲉ̣ⲧ̣ [ⲉ]ⲧⲛ ⲁ ϫⲓⲧ ⲟⲩ ⲁⲛ ⲛ̄ⲧⲟⲟⲧ ϥ⳿
Thomas 1	ⲡ̣[ⲉϫ]ⲉ̣ ⲓ︤ⲥ︥ ϫⲉ ⲧ ⲙ︤ⲛ︥ ⲧ ⲉⲣⲟ ⲙ̄ ⲡⲉⲓⲱⲧ̂ ⲉ ⲥ ⲧⲛ̄ⲧⲱ[ⲛ ⲉ ⲩ] ⲥϩⲓⲙⲉ ⲁ ⲥ ϫⲓ ⲛ̄ ⲟⲩ ⲕⲟⲩⲉⲓ ⲛ̄ ⲥⲁⲉⲓⲣ ⲁ [ⲥ ϩ]ⲟ̣ⲡ ϥ⳿ ϩⲛ̄ ⲟⲩ ϣⲱⲧⲉ ⲁ ⲥ ⲁⲁ ϥ ⲛ̄ ϩⲛ̄ ⲛⲟ[ϭ ⲛ] ⲛⲟⲉⲓⲕ⳿
Thomas 2	ⲡ ⲉⲧⲉ ⲩⲙ̄ ⲙⲁⲁϫⲉ ⲙ̄ⲙⲟ ϥ ⲙⲁ[ⲣⲉ] ϥ̣ ⲥⲱⲧⲙ̄
Thomas 1	ⲡⲉϫⲉ ⲓ︤ⲥ︥ ϫⲉ ⲧ ⲙⲛ̄ⲧ ⲉⲣⲟ ⲙ̄ ⲡ ⲉ̣[ⲓⲱⲧ ⲉ ⲥ] ⲧⲛ̄ ⲧⲱⲛ ⲁ ⲩ ⲥϩⲓⲙⲉ ⲉ ⲥ ϥⲓ ϩⲁ ⲟⲩ ϭⲗ̣[ⲙⲉⲉⲓ] ⲉ ϥ⳿ ⲙⲉϩ ⲛ̄ ⲛⲟⲉⲓⲧ⳿
Thomas 2	ⲉ ⲥ ⲙⲟⲟϣⲉ ϩ̣[ⲓ ⲧⲉ] ϩⲓⲏ · ⲉ ⲥ ⲟⲩⲏⲟⲩ ⲁ ⲡ ⲙⲁⲁϫⲉ ⲙ̄ ⲡ ϭⲗ︦ⲙⲉⲉⲓ ⲟⲩⲱϭⲡ · ⲁ ⲡ ⲛⲟⲉⲓⲧ ϣⲟⲩⲟ ⲛ̄ⲥⲱ ⲥ̣ [ϩ]ⲓ̣ ⲧⲉ ϩⲓ ⲏ
Thomas 3	ⲛⲉ ⲥ ⲥⲟⲟⲩⲛ ⲁⲛ ⲡⲉ ⲛⲉ ⲙ̄ⲡⲉ ⲥ ⲉⲓⲙⲉ ⲉ ϩⲓⲥⲉ
Thomas 4	ⲛ̄ⲧⲁⲣⲉ ⲥ ⲡⲱϩ ⲉϩⲟⲩⲛ ⲉ ⲡⲉⲥ ⲏⲉⲓ ⲁ ⲥ ⲕⲁ ⲡ ϭⲗ︦ⲙⲉⲉⲓ ⲁ ⲡ ⲉⲥⲏⲧ · ⲁ ⲥ ϩⲉ ⲉⲣⲟ ϥ ⲉ ϥ⳿ ϣⲟⲩⲉⲓⲧ ·
Thomas 1	ⲡⲉϫⲉ ⲓ︤ⲥ︥ ⲧ ⲙⲛ̄ⲧ ⲉⲣⲟ ⲙ̄ ⲡ ⲉⲓⲱⲧ⳿ ⲉ ⲥ ⲧⲛ̄ⲧⲱⲛ ⲉ ⲩ ⲣⲱⲙⲉ ⲉ ϥ ⲟⲩⲱϣ ⲉ ⲙⲟⲩⲧ ⲟⲩ ⲣⲱⲙⲉ ⲙ̄ ⲙⲉⲅⲓⲥⲧⲁⲛⲟⲥ
Thomas 2	ⲁ ϥ ϣⲱⲗⲙ⳿ ⲛ̄ ⲧ ⲥⲏϥⲉ ϩⲙ̄ ⲡⲉϥ ⲏⲉⲓ ⲁ ϥ ϫⲟⲧⲥ︦ ⲛ̄ ⲧ ϫⲟ ϫⲉⲕⲁⲁⲥ ⲉ ϥ ⲛⲁ ⲉⲓⲙⲉ ϫⲉ ⲧⲉϥ ϭⲓϫ⳿ ⲛⲁ ⲧⲱⲕ⳿ ⲉϩⲟⲩⲛ
Thomas 3	ⲧⲟⲧⲉ ⲁ ϥ ϩⲱⲧⲙ̄ ⲙ̄ ⲡ ⲙⲉⲅⲓⲥⲧⲁⲛⲟⲥ
Thomas 1	ⲡⲉϫⲉ ⲙ̄ ⲙⲁⲑⲏⲧⲏⲥ ⲛⲁ ϥ ϫⲉ ⲛⲉⲕ · ⲥⲛⲏⲩ ⲙⲛ̄ ⲧⲉⲕ ⲙⲁⲁⲩ ⲥⲉ ⲁϩⲉ ⲣⲁⲧ ⲟⲩ ϩⲓ ⲡ ⲥⲁ ⲛ ⲃⲟⲗ
Thomas 2	ⲡⲉϫⲁ ϥ ⲛⲁ ⲩ ϫⲉ ⲛ ⲉⲧ ⲛ̄ ⲛⲉⲉⲓ ⲙⲁ ⲉϯ ⲣⲉ ⲙ̄ ⲡ ⲟⲩⲱϣ ⲙ̄ ⲡⲁ ⲉⲓⲱⲧ⳿ ⲛⲁⲉⲓ ⲛⲉ ⲛⲁ ⲥⲛⲏⲩ ⲙⲛ̄ ⲧⲁ ⲙⲁⲁⲩ
Thomas 3	ⲛ̄ⲧⲟⲟⲩ ⲡⲉ ⲉⲧ ⲛⲁ ⲃⲱⲕ⳿ ⲉϩⲟⲩⲛ ⲉ ⲧ ⲙⲛ̄ⲧ ⲉⲣⲟ ⲙ̄ ⲡⲁ ⲉⲓⲱⲧ⳿
Thomas 1	ⲁ ⲩ ⲧⲥⲉⲃⲉ ⲓ︤ⲥ︥ ⲁ ⲩ ⲛⲟⲩⲃ ⲁⲩⲱ ⲡⲉϫⲁ ⲩ ⲛⲁ ϥ⳿ ϫⲉ ⲛ ⲉⲧ ⲏⲡ · ⲁ ⲕⲁⲓⲥⲁⲣ⳿ ⲥⲉ ϣⲓⲧⲉ ⲙ̄ⲙⲟ ⲛ ⲛ̄ ⲛ̄ ϣⲱⲙ⳿
Thomas 2	ⲡⲉϫⲁ ϥ ⲛⲁ ⲩ ϫⲉ ϯ ⲛⲁ ⲕⲁⲓⲥⲁⲣ⳿ ⲛ̄ ⲕⲁⲓⲥⲁⲣ ϯ ⲛⲁ ⲡ ⲛⲟⲩⲧⲉ ⲙ̄ ⲡ ⲛⲟⲩⲧⲉ ⲁⲩⲱ ⲡ ⲉⲧⲉ ⲡⲱ ⲉⲓ ⲡⲉ ⲙⲁ ⲧⲛ̄ ⲛⲁ ⲉⲓ ϥ
Thomas 1	ⲡ ⲉⲧ ⲁ ⲙⲉⲥⲧⲉ ⲡⲉϥ ⲉⲓ̣[ⲱ]ⲧ⳿ ⲁ̣ⲛ ⲙⲛ̄ ⲧⲉϥ⳿ ⲙⲁⲁⲩ ⲛ̄ ⲧⲁ ϩ ⲉ ϥ ⲛⲁ ϣ ⲣ̄ ⲙ̣[ⲁⲑⲏⲧ]ⲏ̣ⲥ̣ ̣ⲛ̣ⲁ̣ ⲉⲓ ⲁ (ⲛ)
Thomas 2	ⲁⲩⲱ ⲡ ⲉⲧ ⲁ ⲙⲣ̄ⲣⲉ ⲡⲉ[ϥ ⲉⲓⲱⲧ ⲁⲛ ⲙ]ⲛ̣̄ ⲧ̣ⲉϥ ⲙⲁⲁⲩ ⲛ̄ ⲧⲁ ϩⲉ ϥ ⲛⲁ ϣ ⲣ̄ ⲙ[ⲁⲑⲏⲧⲏⲥ ⲛⲁ] ⲉⲓ ⲁⲛ
Thomas 3	ⲧⲁ ⲙⲁⲁⲩ ⲅⲁⲣ ⲛ̄ⲧⲁ ⲥ̣[.........] [..]ⲟ̣ⲗ̣
Thomas 4	[ⲧⲁ ⲙⲁⲁ]ⲩ ⲇⲉ ⲙ̄ ⲙⲉ ⲁ ⲥ ϯ ⲛⲁ ⲉⲓ ⲙ ⲡ ⲱⲛϩ̣
Thomas 1	ⲡⲉϫⲉ ⲓ︤ⲥ︥ [ϫⲉ ⲟ]ⲩⲟⲉⲓ ⲛⲁ ⲩ ⲙ̄ ⲫⲁⲣⲓⲥⲁⲓⲟⲥ ϫⲉ ⲉ ⲩ ⲉⲓⲛⲉ̣ [ⲛⲛ̄] ⲟ̣ⲩ ⲟⲩϩⲟⲣ ⲉ ϥ ⲛ̄ⲛⲕⲟⲧⲕ⳿ ϩⲓϫⲛ ⲡ ⲟⲩⲟⲛⲉϥ ⲛ̄ ϩ̣[ⲛ̄]ⲛ̣ ⲉϩⲟⲟⲩ ϫⲉ ⲟⲩⲧⲉ ϥ ⲟⲩⲱⲙ ⲁⲛ ⲟⲩⲧⲉ ϥ ⲕ̣[ⲱ] ⲁ̣ⲛ ⲛ̄ ⲛ ⲉϩⲟⲟⲩ ⲉ ⲟⲩⲱⲙ ⲡⲉϫⲉ ⲓ︤ⲥ︥ ϫⲉ ⲟⲩ ⲙⲁ̣[ⲕⲁ]ⲣⲓⲟⲥ ⲡⲉ ⲡ ⲣⲱⲙⲉ ⲡⲁⲉⲓ ⲉⲧ ⲥⲟⲟⲩ (ⲛ) ϫⲉ ϩ[ⲛ̄ ⲁϣ] ⲙ̣̄ ⲙⲉⲣⲟⲥ ⲉ ⲛ ⲗⲏⲥⲧⲏⲥ ⲛⲏⲩ ⲉϩⲟⲩ ⲛ ϣⲓⲛⲁ̣ [ⲉ ϥ] ⲛ̣ⲁ ⲧⲱⲟⲩⲛ/ ⲛ ϥ ⲥⲱ ϩ ⲟⲩϩ ⲛ̄ ⲧⲉϥ⳿ ⲙⲛ︤ⲧ︥ ⲉ̣[ⲣⲟ] ⲁⲩⲱ ⲛ̄ ϥ ⲙⲟⲩⲣ ⲙ̄ⲙⲟ ϥ ⲉϫⲛ̄ ⲧⲉϥ⳿ ϯⲡⲉ ϩ̣[ⲁ] ⲧ̣ ⲉϩⲏ ⲉ ⲙ⳿ⲡⲁⲧ ⲟⲩ ⲉⲓ ⲉϩⲟⲩⲛ ⲡⲉ ϫⲁ ⲩ ⲛ̣ [ⲓ︤]ⲥ︥ ϫⲉ ⲁⲙⲟⲩ ⲛ̄ ⲧⲛ̄ ϣⲗⲏⲗ⳿ ⲙ ⲡ ⲟⲟⲩ ⲁⲩⲱ ⲛ ⲧⲛ̄ ⲣ̄ ⲛⲏⲥⲧⲉⲩⲉ
Thomas 2	ⲡⲉϫⲉ ⲓ︤ⲥ︥ ϫⲉ ⲟⲩ ⲅⲁⲣ⳿ ⲡⲉ ⲡ ⲛⲟⲃⲉ ⲛ̄ⲧ ⲁ ⲉⲓ ⲁⲁ ϥ⳿
Thomas 3	ⲏ ⲛ̄ⲧ ⲁ ⲩ ϫⲣⲟ ⲉⲣⲟ ⲉⲓ ϩⲛ̄ ⲟⲩ
Thomas 4	ⲁⲗⲗⲁ ϩⲟⲧⲁⲛ ⲉⲣϣⲁⲛ ⲡ ⲛⲩⲙⲫⲓⲟⲥ ⲉⲓ ⲉⲃⲟⲗ ϩⲙ̄ ⲡ ⲛⲩⲙⲫⲱⲛ ⲧⲟⲧⲉ ⲙⲁⲣ ⲟⲩ ⲛⲏ⳿ ⲥⲧⲉⲩⲉ ⲁⲩⲱ ⲙⲁⲣ ⲟⲩ ϣⲗⲏⲗ ·
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉ ⲧ ⲛⲁ ⲥⲟⲩⲱⲛ ⲡ ⲉⲓⲱⲧ⳿ ⲙⲛ̄ ⲧ ⲙⲁⲁⲩ ⲥⲉ ⲛⲁ ⲙⲟⲩ ⲧⲉ ⲉⲣⲟ ϥ⳿ ϫⲉ ⲡ ϣⲏⲣⲉ ⲙ̄ ⲡⲟⲣⲛⲏ ⲡⲉϫⲉ ⲓ︤ⲥ︥ ϫⲉ ϩⲟⲧⲁⲛ ⲉⲧⲉⲧⲛ̄ϣⲁ ⲣ̄ ⲡ ⲥⲛⲁⲩ ⲟⲩⲁ ⲧⲉⲧⲛ ⲁ ϣⲱ ⲡⲉ ⲛ̄ ϣⲏⲣⲉ ⲙ̄ ⲡ ⲣⲱⲙⲉ
Thomas 2	ⲁⲩⲱ ⲉⲧⲉⲧⲛ̄ϣⲁⲛ⳿ ϫⲟⲟ ⲥ ϫⲉ ⲡ ⲧⲟⲟⲩ ⲡⲱⲱⲛⲉ ⲉⲃⲟⲗ · ϥ ⲛⲁ ⲡⲱⲱⲛⲉ
Thomas 1	ⲡⲉϫⲉ ⲓ︤ⲥ︥ ϫⲉ ⲧ ⲙⲛ̄ⲧ ⲉⲣⲟ ⲉ ⲥ ⲧⲛ̄ⲧⲱ (ⲛ) ⲉ ⲩ ⲣⲱⲙⲉ ⲛ̄ ϣⲱⲥ ⲉ ⲩⲛ̄ⲧⲁ ϥ⳿ ⲙ̄ⲙⲁⲩ ⲛ̄ ϣⲉ ⲛ̄ ⲉⲥⲟⲟⲩ
Thomas 2	ⲁ ⲟⲩⲁ ⲛ̄ϩⲏⲧ ⲟⲩ ⲥⲱⲣⲙ⳿ ⲉ ⲡ ⲛⲟϭ ⲡⲉ
Thomas 3	ⲁ ϥ ⲕⲱ ⲙ̄ ⲡⲥⲧⲉⲯⲓⲧ ⲁ ϥ ϣⲓⲛⲉ ⲛ̄ⲥⲁ ⲡⲓ ⲟⲩⲁ · ϣⲁⲛⲧⲉ ϥ ϩⲉ ⲉⲣⲟ ϥ
Thomas 4	ⲛ̄ⲧⲁⲣⲉ ϥ ϩⲓⲥⲉ ⲡⲉϫⲁ ϥ⳿ ⲙ̄ ⲡ ⲉⲥⲟ[[ⲩ]]ⲟⲩ ϫⲉ ϯ ⲟⲩⲟϣⲕ⳿ ⲡⲁⲣⲁ ⲡⲥⲧⲉⲯⲓⲧ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲧ ⲁ ⲥⲱ ⲉⲃⲟⲗ ϩⲛ̄ ⲧⲁ ⲧⲁⲡⲣⲟ ϥ ⲛⲁ ϣⲱⲡⲉ ⲛ̄ ⲧⲁ ϩⲉ
Thomas 2	ⲁⲛⲟⲕ ϩⲱ ϯ ⲛⲁ ϣⲱⲡⲉ ⲉ ⲛⲧⲟϥ ⲡⲉ ⲁⲩⲱ ⲛ ⲉⲑ ⲏⲡ · ⲛⲁ ⲟⲩⲱⲛϩ ⲉⲣⲟ ϥ⳿
Thomas 1	ⲡⲉϫⲉ ⲓ︤ⲥ︥ ϫⲉ ⲧ ⲙⲛ̄ⲧ ⲉⲣⲟ ⲉ ⲥ ⲧⲛ̄ⲧⲱⲛ ⲉ ⲩ ⲣⲱ ⲙⲉ ⲉ ⲩⲛ̄ⲧⲁ ϥ̣ [ⲙ]ⲙ̣ⲁⲩ ϩ ⲛ̄ ⲧⲉϥ⳿ ⲥⲱϣⲉ ⲛ̄ⲛ ⲟⲩ ⲉϩⲟ ⲉ ϥ ϩ̣ⲏ̣[ⲡ ⲉ] ϥ̣ ⲟ ⲛ̄ ⲁⲧ ⲥⲟⲟⲩⲛ⳿ ⲉⲣⲟ ϥ ⲁⲩ ⲱ
Thomas 2	ⲙ̄[ⲙⲛ̄ⲛⲥⲁ ⲧ]ⲣⲉ ϥ ⲙⲟⲩ ⲁ ϥ ⲕⲁⲁ ϥ ⲙ︤ ⲡ︥ⲉϥ⳿ [ϣⲏⲣⲉ
Thomas 3	ⲛⲉ] ⲡ̣ ϣⲏⲣⲉ ⲥⲟⲟⲩⲛ
Thomas 4	ⲁⲛ⳿ ⲁ ϥ ϥⲓ⳿ ⲧ ⲥⲱϣⲉ ⲉⲧ ⲙⲙⲁⲩ ⲁ ϥ ⲧⲁ̣ⲁ̣ [ⲥ ⲉⲃⲟ]ⲗ̣
Thomas 5	̣ⲁ̣ⲩ̣ⲱ̣ ̣ⲡ̣ [ⲉⲛ]ⲧ ⲁ ϩ ⲧⲟⲟⲩ ⲥ ⲁ ϥ ⲉⲓ ⲉ ϥ ⲥⲕⲁⲉⲓ ⲁ̣ [ϥ ϩ]ⲉ ⲁ ⲡ ⲉϩⲟ ⲁ ϥ̣ ⲁⲣⲭⲉⲓ ⲛ̄ ϯ ϩⲟⲙⲧ⳿ ⲉ ⲧ ⲙⲏⲥⲉ ⲛ̣ [ⲛ ⲉⲧ] ⲟⲩⲟϣ ⲟⲩ
Thomas 1	ⲡⲉϫⲉ ⲓ︤ⲥ︥ ϫⲉ ⲡ ⲉⲛⲧ ⲁ ϩ ϭⲓⲛⲉ̣ [ⲙ̄] ⲡ ⲕⲟⲥⲙⲟⲥ ⲛ̄ ϥ ⲣ̄ ⲣⲙ̄ⲙⲁⲟ ⲙⲁⲣⲉ ϥ ⲁⲣⲛⲁ ⲙ ⲡ̣ ⲕⲟⲥⲙⲟⲥ ⲡⲉϫⲉ ⲓ︤ⲥ︥ ϫⲉ ⲙ̄ ⲡⲏⲩⲉ ⲛⲁ ϭⲱⲗ · ⲁ̣ⲩ̣ⲱ ⲡ ⲕⲁϩ ⲙ̄ ⲡⲉⲧⲛ ⲙ̄ⲧⲟ ⲉⲃⲟⲗ⳿
Thomas 2	ⲁⲩⲱ ⲡ ⲉⲧ ⲟⲛϩ ⲉⲃⲟⲗ ϩⲛ̄ ⲡ ⲉⲧ ⲟⲛϩ ϥ ⲛⲁ ⲛⲁⲩ ⲁⲛ ⲉ ⲙⲟⲩ
Thomas 3	ⲟⲩⲭ ϩⲟⲧⲓ ⲉ ⲓ︤ⲥ︥ ϫⲱ ⲙ̄ⲙⲟ ⲥ ϫⲉ ⲡ ⲉⲧ ⲁ ϩⲉ ⲉⲣⲟ ϥ⳿ ⲟⲩⲁⲁ ϥ ⲡ ⲕⲟⲥ ⲙⲟⲥ ⲙ̄ⲡϣⲁ ⲙ̄ⲙⲟ ϥ⳿ ⲁⲛ
Thomas 1	ⲡⲉϫⲉ ⲓ︤ⲥ︥ ϫⲉ ⲟⲩⲟⲉⲓ ⲛ̄ ⲧ ⲥⲁⲣⲝ⳿ ⲧⲁⲉⲓ ⲉⲧ ⲟϣⲉ ⲛ̄ ⲧ ⲯⲩⲭⲏ
Thomas 2	ⲟⲩⲟⲉⲓ ⲛ̄ ⲧ ⲯⲩⲭⲏ ⲧⲁⲉⲓ ⲉⲧ ⲟϣⲉ ⲛ̄ ⲧ ⲥⲁⲣⲝ
Thomas 1	ⲡⲉϫⲁ ⲩ ⲛⲁ ϥ ⲛ̄ϭⲓ ⲛⲉϥ ⲙⲁⲑⲏⲧⲏⲥ ϫⲉ ⲧ ⲙⲛ̄ⲧ ⲉⲣⲟ ⲉ ⲥ ⲛ̄ⲛⲏⲩ ⲛ̄ ⲁϣ ⲛ̄ ϩⲟⲟⲩ
Thomas 2	ⲉ ⲥ ⲛ̄ⲛⲏⲩ ⲁⲛ ϩⲛ̄ ⲟⲩ ϭⲱϣⲧ ⲉⲃⲟⲗ⳿
Thomas 3	ⲉ ⲩ ⲛⲁ ϫⲟⲟ ⲥ ⲁⲛ ϫⲉ ⲉⲓⲥ ϩⲏⲏ ⲧⲉ ⲙ̄ ⲡⲓ ⲥⲁ ⲏ ⲉⲓⲥ ϩⲏⲏⲧⲉ ⲧⲏ
Thomas 4	ⲁⲗⲗⲁ ⲧ ⲙⲛ̄ⲧ ⲉⲣⲟ ⲙ̄ ⲡ ⲉⲓⲱⲧ̂ ⲉ ⲥ ⲡⲟⲣϣ⳿ ⲉⲃⲟⲗ ϩⲓϫⲙ̄ ⲡ ⲕⲁϩ
Thomas 5	ⲁⲩⲱ ⲣ̄ ⲣⲱⲙⲉ ⲛⲁⲩ ⲁⲛ ⲉⲣⲟ ⲥ
Thomas 1	ⲡⲉϫⲉ ⲥⲓ̈ⲙⲱⲛ ⲡⲉⲧⲣⲟⲥ ⲛⲁ ⲩ ϫⲉ ⲙⲁⲣⲉ ⲙⲁⲣⲓϩⲁⲙ ⲉⲓ ⲉⲃⲟⲗ ⲛϩⲏⲧ ⲛ ϫⲉ ⲛ̄ ⲥϩⲓⲟⲙⲉ ⲙ̄ⲡϣⲁ ⲁⲛ⳿ ⲙ̄ ⲡ ⲱⲛϩ
Thomas 2	ⲡⲉϫⲉ ⲓ︤ⲥ︥ ϫⲉ ⲉⲓⲥ ϩⲏⲏⲧⲉ ⲁⲛⲟⲕ⳿ ϯ ⲛⲁ ⲥⲱⲕ⳿ ⲙ̄ⲙⲟ ⲥ ϫⲉ ⲕⲁⲁⲥ ⲉ ⲉⲓ ⲛⲁ ⲁ ⲥ ⲛ̄ ϩⲟⲟⲩⲧ ϣⲓⲛⲁ ⲉ ⲥ ⲛⲁ ϣⲱ ⲡⲉ ϩⲱⲱ ⲥ ⲛ̄ ⲟⲩ ⲡⲛ︤ⲁ︥ ⲉ ϥ ⲟⲛϩ ⲉ ϥ ⲉⲓⲛⲉ ⲙ̄ ⲙⲱ ⲧⲛ ⲛ̄ ϩⲟⲟⲩⲧ
Thomas 3	ϫⲉ ⲥϩⲓⲙⲉ ⲛⲓⲙ⳿ ⲉ ⲥ ⲛⲁ ⲁ ⲥ ⲛ̄ ϩⲟⲟⲩⲧ̂ ⲥ ⲛⲁ ⲃⲱⲕ⳿ ⲉϩⲟⲩⲛ ⲉ ⲧ ⲙⲛ̄ⲧ ⲉⲣⲟ ⲛ ⲙ̄ ⲡⲏⲩⲉ
Thomas 1	ⲡ ⲉⲩⲁⲅⲅⲉⲗⲓⲟⲛ ⲡ ⲕⲁⲧⲁ ⲑⲱⲙⲁⲥ