ⲛ̅ ⲛⲉ ⲩ ⲛⲁ ⲧⲓⲙⲱⲣⲉⲓ ⲇⲉ ⲙ̅ⲙⲟ ⲥ ⲁⲛ ⲛ̅ϩⲏⲧ ⲟⲩ ⲁⲗⲗⲁ ⲉ ⲩ ⲛⲁ ⲧⲥⲁⲃⲟ ⲥ ⲙ̅ⲙⲁⲧⲉ ⲉⲣⲟ ⲟⲩ · ⲁⲩⲱ ⲡⲉⲗϩⲱⲃ' ⲙ̅ ⲡ ϣⲁϩ ⲛ̅ ⲛ̅ ⲕⲟⲗⲁⲥⲓⲥ ϣⲁ ϥ ϣⲱⲡⲉ ⲉ ϥ ⲧⲁϩⲟ ⲙ̅ⲙⲟ ⲥ ⲙ̅ⲙⲁⲧⲉ ⲛ̅ ⲟⲩ ϣⲏⲙ ⲙⲛ̅ⲛ̅ ⲥⲁ ⲛⲁⲓ̈ ⲛ̅ ⲥⲉ ϥⲓⲧ ⲥ̅ ⲉϩⲣⲁⲓ̈ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ⲛ̅ ⲥⲉ ⲧⲥⲁⲃⲟ ⲥ ⲉ ⲛ ⲕⲟⲗⲁⲥⲓⲥ ⲛ̅ ⲛⲉ ϩⲓⲟⲟⲩⲉ ⲛ̅ ⲧ ⲙⲏⲧⲉ ⲉⲣⲉ ⲡ ⲉⲗϩⲱⲃ ⲙ̅ ⲡ ϣⲁϩ ⲧⲁϩⲟ ⲙ̅ⲙⲟ ⲥ ⲛ̅ ⲟⲩ ϣⲏⲙ · ⲙⲛ̅ⲛ̅ ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲛ ⲥ̅ ⲕⲣⲓⲛⲉ ⲙ̅ⲙⲟ ⲥ ⲛ ⲥ̅ ⲕⲁⲁ ⲥ ϩⲁⲧⲛ̅ ⲡ ⲕⲟⲩⲓ̈ ⲛ̅ ⲥⲁⲃⲁⲱⲑ ⲡ ⲁ ⲅⲁⲑⲟⲥ ⲡⲁ ⲧ ⲙⲉⲥⲟⲥ ϣⲁⲛⲧⲉ ⲧⲉⲥⲫⲁⲓⲣⲁ ⲕⲱⲧⲉ ⲛ̅ⲧⲉ ⲍⲉⲩⲥ ⲙⲛ̅ ⲧ ⲁⲫⲣⲟⲇⲓⲧⲏ ⲛ̅ ⲥⲉ ⲉⲓ̅ ⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲛ̅ⲧⲉ ⲕⲣⲟⲛⲟⲥ ⲙⲛ̅ ⲁⲣⲏⲥ ⲉⲓ̅ ⲛ̅ⲥⲁ ⲡⲁϩⲟⲩ ⲙ̅ⲙⲟ ⲥ · ⲧⲟⲧⲉ ϣⲁ ⲥ ϥⲓ ⲛ̅ ⲧⲉ ⲯⲩⲭⲏ ⲛ̅ ⲇⲓⲕⲁⲓⲟⲥ ⲉⲧ ⲙ̅ⲙⲁⲩ ⲛ̅ ⲥⲉ ⲧⲁⲁ ⲥ ⲉⲧⲟⲟⲧ ⲟⲩ ⲛ̅ ⲛⲉⲥ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲉ ⲛⲟϫ ⲥ̅ ⲉ ⲛ ⲁⲓⲱⲛ ⲛ̅ ⲧⲉ ⲥⲫⲁⲓⲣⲁ ⲁⲩⲱ ⲛ̅ ⲧⲉⲛ̅ ⲗⲓⲧⲟⲩⲣⲅⲟⲥ ⲛ̅ ⲧⲉ ⲥⲫⲁⲓⲣⲁ ⲛ̅ ⲥⲉ ϫⲓⲧ ⲥ̅ ⲉⲃⲟⲗ' ⲉ ⲩ ⲙⲟⲟⲩ ⲉ ϥ ϩⲁⲡⲉⲥⲏⲧ ⲛ̅ ⲧⲉ ⲥⲫⲁⲓⲣⲁ ⲛ ϥ̅ ⲣ̅ ⲟⲩ ⲕⲣⲱⲙ ⲉ ϥ ⲃⲣ̅ⲃⲣ̅ ⲛ ϥ̅ ⲟⲩⲱⲙ ⲉϩⲟⲩⲛ ⲛ̅ⲥⲱ ⲥ ϣⲁⲛ ⲧ ϥ̅ ⲕⲁⲑⲁⲣⲓⲍⲉ ⲙ̅ⲙⲟ ⲥ ⲧⲟⲛⲱ ·

ⲁⲩⲱ ϣⲁ ϥ ⲉⲓ̅ ⲛ̅ϭⲓ ⲓ̈ⲁ ⲗⲟⲩϩⲁⲙ' ⲡ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲁⲃⲁⲱⲑ ⲡ ⲁⲇⲁⲙⲁⲥ · ⲡⲁⲓ̈ ⲉ ϣⲁ ϥ ϯ ⲙ̅ ⲡⲁⲡⲟⲧ' ⲛ̅ ⲧ ⲃ̅ϣⲉ ⲛ̅ ⲛⲉ ⲯⲩⲭⲟⲟⲩⲉ · ⲁⲩⲱ ϣⲁ ϥ ⲉⲓⲛⲉ ⲙ̅ ⲡ ⲙ ⲟⲩ ⲛ ⲃϣⲉ ⲛ ϥ̅ ⲧⲁⲁ ϥ ⲛⲛ̇ⲉ̇ ⲧⲉ ⲯⲩⲭⲏ ⲛ ⲥ̅ⲣ̅ ⲡ ⲱⲃϣ̅ ⲛ̅ ϩⲱⲃ ⲛⲓⲙ' ⲙⲛ̅ ⲧⲟⲡⲟⲥ ⲛⲓⲙ' ⲉⲛⲧ ⲁ ⲥ ⲃⲱⲕ ⲉⲣⲟ ⲟⲩ ·

ⲙⲛ̅ⲛ̅ⲥⲱ ⲥ ϣⲁ ϥ ⲉⲓ̅ ⲛ̅ϭⲓ ⲟⲩ ⲡⲁ ⲣⲁⲗⲏⲙⲡⲧⲏⲥ ⲛ̅ⲧⲉ ⲡ ⲕⲟⲩⲉⲓ ⲛ̅ⲥⲁⲃⲁⲱⲑ' ⲡ ⲁⲅⲁⲑⲟⲥ ⲡⲁ ⲧ ⲙⲉⲥⲟⲥ ϣⲁ ϥ ⲉⲓⲛⲉ ϩⲱⲱ ϥ ⲛ̅ ⲟⲩ ⲁⲡⲟⲧ'ⲉϥ ⲙⲉϩ ⲛ̅ ⲛⲟⲏⲙⲁ ϩⲓ ⲙⲛ̅ⲧ ⲥⲁⲃⲉ ⲁⲩⲱ ⲉⲣⲉ ⲧⲛⲏⲯⲓⲥ ⲛ̅ϩⲏⲧ ϥ̅ · ⲛ ϥ̅ ⲧⲁⲁ ϥ ⲛ̅ ⲧⲉ ⲯⲩⲭⲏ ⲛ̅ ⲥⲉ ⲛⲟϫ ⲥ̅ ⲉ ⲩ ⲥⲱⲙⲁ ⲉⲛ ⲥ̅ⲛⲁ ϣ ⲛ̅ⲕⲟⲧⲕ̅ ⲁⲛ ⲟⲩⲇⲉ ⲉ ⲛ ⲥ̅ⲛⲁ ϣ ⲱⲃϣ̅ ⲁⲛ ⲉⲧⲃⲉ ⲡⲓ ⲁⲡⲟⲧ ⲛ̅ ⲧⲉⲧⲛⲏⲯⲓⲥ ⲉⲛⲧ ⲁ ⲩ ⲧⲁⲁ ϥ ⲛⲁ ⲓ ⲁⲗⲗⲁ ⲉ ϥ ⲛⲁ ϣⲱⲡⲉ ⲉ ϥ ϫⲱⲱⲕⲉⲙⲡⲉⲥ ϩⲏⲧ ⲉ ϥ ⲙⲏⲛ ⲉⲃⲟⲗ' ⲉ ⲥ ϣⲓⲛⲉ ⲛ̅ ⲥⲁ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ϣⲁⲛⲧ ⲥ̅ ϩⲉ ⲉⲣ*ⲟⲩ ϩⲓⲧⲙ̅ ⲡ ⲧⲱϣ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲛ ⲥ̅ⲕⲗⲏⲣⲟⲛⲟⲙⲓ ⲙ̅ ⲡ ⲟⲩⲟⲉⲓⲛ ⲛ̅ ϣⲁ ⲉⲛⲉϩ ·

ⲡⲉϫⲉ ⲙⲁ ⲣⲓϩⲁⲙ' ϫⲉ ⲉⲓ̈ⲉ ⲟⲩ ⲣⲱⲙⲉ ⲉ ⲁ ϥ ⲣ̅ ⲛⲟⲃⲉ ⲛⲓⲙ' ϩⲓ ⲁⲛⲟⲙⲓⲁ ⲛⲓⲙ ⲉ ⲙⲡ ϥ̅ ϩⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲉ ϥ ⲛⲁϫ ⲓ ⲛ̅ ⲧⲉⲩ ⲕⲟⲗⲁⲥⲓⲥ ⲧⲏⲣ ⲟⲩ ⲛ̅ ⲟⲩ ⲥⲟⲡ ⲛ̅ ⲟⲩⲱⲧ · ⲡⲉϫⲉ ⲓ̅ⲥ̅ ϫⲉ ⲥⲉ ϥ ⲛⲁ ϫⲓⲧ ⲟⲩ · ⲉϣⲱⲡⲉ ⲟⲛ ⲉⲛⲧ ⲁ ϥ ⲣ̅ ϣⲟⲙⲛ̅ⲧ ⲛ̅ ⲛⲟⲃⲉ ⲉ ϥ ⲛⲁϫ ⲓ ⲛ̅ ⲧ ⲕⲟⲗⲁⲥⲓⲥ ⲛ̅ ϣⲟⲙⲛ̅ⲧ ·

ⲡⲉϫⲉ ⲓ̈ⲱϩⲁⲛⲛⲏⲥ ϫⲉ ⲉⲓ̈ⲉ ⲟⲩ ⲣⲱⲙⲉ ⲉ ⲁ ϥ ⲣ̅ ⲛⲟⲃⲉ ⲛⲓⲙ ϩⲓ ⲁⲛⲟⲙⲓⲁ ⲛⲓⲙ' ⲉⲫⲁⲉ ⲇⲉ ⲁ ϥ ϩⲉ ⲉ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲟⲩⲛ ϭⲟⲙ ⲙ̅ⲙⲟ ϥ ⲉ ⲧⲣⲉ ϥ ⲟⲩ ϫⲁⲓ̈ ·

ⲡⲉϫⲉ ⲓ̅ⲥ̅ ϫⲉ ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉⲛⲧ ⲁ ϥ ⲣ̅ ⲛⲟⲃⲉ ⲛⲓⲙ ϩⲓ ⲁⲛⲟⲙⲓⲁ ⲛⲓⲙ' ⲛ ϥ̅ ϩⲉ ⲉ ⲙ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ ϥ̅ ⲁⲁ ⲩ ⲛ ϥ̅ ϫⲟⲕ ⲟⲩ ⲉⲃⲟⲗ' ⲛ ϥ̅ ⲧⲙ̅ ⲕⲁ ⲧⲟⲟⲧ ϥ̅ ⲉⲃⲟⲗ' ⲟⲩⲇⲉ ⲛ ϥ̅ ⲧⲙ̅ ⲣ̅ ⲛⲟⲃⲉ ⲉ ϥ ⲛⲁ ⲕⲗⲏⲣⲟⲛⲟⲙⲓ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲡⲉϫⲉ ⲓ̅ⲥ̅ ⲛ̅ ⲛⲉϥ ⲙⲁⲑⲏ ⲧⲏⲥ ϫⲉ ⲉϣⲱⲡⲉ ⲉⲣϣⲁⲛ ⲧⲉⲥ*ⲁⲓⲣⲁ ⲕⲱⲧⲉ ⲛ̅ ⲧⲉ *□ⲟⲛⲟⲥ ⲙⲛ̅ⲁ ⲣⲏⲥ ⲉⲓ̅ ⲛ**ⲡⲁϩⲟⲩ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲁⲩⲱ ⲛ̅ⲧⲉ ⲍⲉⲩⲥ ⲙⲛ̅ ⲧ ⲁⲫⲣⲟⲇⲓⲧⲏ ⲉⲓ̅ ⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲧ ⲡⲁⲣⲑⲉⲛⲟⲥ ⲉ ⲩ ϩⲛ̅ ⲛⲉⲩ ⲁⲓⲱⲛ ⲙ̅ⲙⲓⲛ ⲙ̅ⲙⲟ ⲟⲩ ϣⲁ ⲩ ⲥⲱⲕ' ⲛ̅ ⲛ̅ ⲕⲁⲧⲁⲕ ⲁ ⲉⲧⲁⲡⲉⲧⲁⲥⲙⲁ ⲛ̅ ⲧ ⲡⲁⲣ ⲑⲉⲛⲟⲥ ϣⲁ ⲥ ϣⲱⲡⲉ ⲉ ⲥ ⲣⲟⲟⲩⲧ ⲙ̅ ⲡ ⲛⲁⲩ ⲉⲧ ⲙ̅ⲙⲁⲩ ⲉ ⲥ ⲛⲁⲩ ⲉ ⲡⲉⲓ̈ ⲥⲓⲟⲩ ⲥⲛⲁⲩ ⲛ̅ ⲟⲩⲟⲉⲓⲛ ⲙ̅ ⲡⲉⲥ ⲙ̅ⲧⲟ ⲉⲃⲟⲗ ⲁⲩⲱ ⲯⲩⲭⲏ ⲛⲓⲙ ⲉⲧ ⲥ̅ ⲛⲁ ⲛⲟϫ ⲟⲩ ⲉ ⲡ ⲕⲩⲕⲗⲟⲥ ⲛ̅ ⲛ̅ ⲁⲓⲱⲛ ⲛ ⲧⲉ ⲥⲫⲁⲓⲣⲁ ⲙ̅ ⲡ ⲛⲁⲩ ⲉⲧ ⲙ̅ⲙⲁⲩ ⲉ ⲧⲣⲉ ⲩ ⲉⲓ ⲉⲃⲟⲗ ⲉ ⲡ ⲕⲟⲥⲙⲟⲥ ϣⲁ ⲩ ϣⲱⲡⲉ ⲛ̅ ⲇⲓⲕⲁⲓⲟⲥ ⲛ̅ ⲁⲅⲁ ⲑⲟⲥ ⲁⲩⲱ ϣⲁ ⲩ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲙ̅ ⲡⲉⲓ̈ ⲥⲟⲡ ϣⲁ ⲥ ⲧⲛ̅ⲛⲟⲟⲩⲥⲟⲩ ⲛ̅ ⲕⲉⲥⲟⲡ' ⲛ̅ ⲥⲉ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ·

ⲉϣⲱⲡⲉ ϩⲱⲱ ϥ ⲉⲣϣⲁⲛ ⲁⲣⲏⲥⲙⲛ̅ ⲕⲣⲟⲛⲟⲥ ⲉⲓ̅ ⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲧ ⲡⲁⲣⲑⲉ ⲛⲟⲥ ⲉⲣⲉ ⲍⲉⲩⲥ ⲙⲛ̅ ⲧ ⲁⲫⲣⲟⲇⲓⲧⲏ ϩⲓ ⲡⲁϩⲟ ⲩ ⲙ̅ⲙⲟ ⲥ ⲉ ⲛ ⲥ̅ⲛⲁⲩ ⲉⲣⲟ ⲟⲩ ⲁⲛ ·

ⲯⲩⲭⲏ ⲛⲓⲙ ⲉⲧ ⲥ̅ ⲛⲁ ⲛⲟϫ ⲟⲩ ⲉ ⲛ ⲥⲱⲛⲧ̅ ⲛ̅ ⲧ ⲥⲫⲉⲣⲁ ⲙ̅ ⲡ ⲛⲁⲩ ⲉⲧ ⲙ̅ⲙⲁⲩ ϣⲁ ⲩ ϣⲱⲡⲉ ⲙ̅ ⲡⲟⲛⲏⲣⲟⲥ ⲁⲩⲱ ⲛ̅ ⲣⲉϥ ϭⲱⲛⲧ̅ ⲁⲩⲱ ⲙⲉ ⲩ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ :

ⲛⲁⲓ̈ ϭⲉ ⲉⲣⲉ ⲓ̅ⲥ̅ ϫⲱ ⲙ̅ⲙⲟ ⲟⲩ ⲛ̅ ⲛⲉϥ ⲙⲁⲑⲏⲧⲏⲥ ϩⲛ̅ ⲧ ⲙⲏⲧⲉ ⲛ̅ ⲁⲙⲛ̅ⲧⲉ · ⲁ ⲩ ⲱϣ ⲉⲃⲟⲗ ⲁ ⲩ ⲣⲓⲙⲉ ⲛ̅ϭⲓ ⲙ̅ ⲙⲁⲑⲏⲧⲏⲥ · ϫⲉ ⲟⲩⲟⲓ̈ ⲟⲩⲟⲓ̈ ⲛ̅ ⲣ̅ ⲣⲱⲙⲉ ⲛ̅ ⲣⲉϥ ⲣ̅ ⲛⲟⲃⲉ ⲛⲁⲓ̈ ⲉⲣⲉ ⲧ ⲁⲙⲉⲗⲓⲁ ⲛ̅ⲕⲟⲧⲕ̅ ⲉⲃⲟⲗ ϩⲓϫⲱ ⲟⲩ ⲙⲛ̅ ⲧ ⲃ̅ϣⲉ ⲛ̅ ⲛ̅ ⲁⲣⲭⲱⲛ ϣⲁⲛⲧ ⲟⲩ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ · ⲛ̅ ⲥⲉ ϫⲓⲧ ⲟⲩ ⲉ ⲛⲉⲓ̈ ⲕⲟⲗⲁⲥⲓⲥ · ⲛⲁ ⲛⲁ ⲛ · ⲛⲁ ⲛⲁ ⲛ ·

ⲡ ϣⲏⲣⲉ ⲙ̅ ⲡ ⲉⲧⲟⲩⲁⲁⲃ' ⲛ̅ ⲅ ϣⲛ̅ ϩⲧⲏ ⲕ ϩⲁⲣⲟ ⲛ ϫⲉ ⲉⲛⲉ ⲟⲩϫⲁⲓ̈ ⲉ ⲛⲉⲓ̈ ⲕⲟⲗⲁⲥⲓⲥ ⲙⲛ̅ ⲛⲉⲓ̈ ⲕⲣⲓⲥⲓⲥ ⲉ ⲩ ⲥⲃ̅ⲧⲱⲧ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ·

ⲉⲙⲙⲟⲛ ⲁ ⲛ ⲣ̅ ⲛⲟⲃⲉ ϩⲱⲱ ⲛ ⲡⲉⲛ ϫⲟⲉⲓⲥ ⲁⲩⲱ ⲡⲉⲛ ⲟⲩⲟⲉⲓⲛ :

Ⲍ ◈ ◈ ◈ ◈ ◈ ◈ ◈ ◈