Pistis Sophia Book 4 Part 2 unknown source <a href='http://marcion.sourceforge.net/'>Marcion project</a>, <a href='https://archive.org/details/pistissophiaopus0000unse/page/n29/mode/2up'>Archive.org</a> annotation Randy Komforty, Lance Martin, Amir Zeldes, Caroline T. Schroeder translation none Coptic SCRIPTORIUM, Marcion CC-BY 4.0 CMCL.AQ codex Egypt none unknown British Library Additional Manuscripts 5114 661-687 Sahidic Coptic Pistis Sophia Book 4 Part 2 J. H. Petermann (1851), Carl Schmidt & Violet MacDermot (1978)

This file encoded to comply with EpiDoc Guidelines and Schema.http://sourceforge.net/p/epidoc/

 Sahidic Coptic

ⲛⲁⲓ̈ ϭⲉ ⲛ̅ⲧⲉ ⲣⲉ ϥ ϫⲟⲟ ⲩ ⲛ̅ϭⲓ ⲓ̅ⲥ̅ ⲁ ϥ ϩⲩⲙⲛⲉⲩⲉ ϩⲙ̅ ⲡ ⲛⲟϭ ⲛ̅ ⲣⲁⲛ ⲁ ⲩ ϩⲱⲡ ⲛ̅ϭⲓ ⲛ̅ ⲧⲟⲡⲟⲥ ⲛ̅ⲧⲉ ϩⲓⲏ ⲛ̅ ⲧ ⲙⲏⲧⲉ · ⲁⲩⲱ ⲁ ⲓ̅ⲥ̅ ⲙⲛ̅ ⲛⲉϥ ⲙⲁⲑⲏⲧⲏⲥ ⲁ ⲩ ϭⲱ ϩⲓϫⲛ̅ ⲟⲩ ϩ̇ⲁⲏⲣ ⲛ̅ ⲟⲩ ⲟⲓ̈ⲛ ⲉ ⲛⲁϣⲱ ϥ ⲉⲙⲁⲧⲉ ·

ⲡⲉϫⲉ ⲓ̅ⲥ̅ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ϩⲱⲛ ⲉϩⲟⲩⲛ ⲉⲣⲟ ⲓ̈ ⲁⲩⲱ ⲁ ⲩ ϩⲱⲛ ⲉϩⲟⲩⲛ ⲉⲣⲟ ϥ ·

ⲁ ϥ ⲕⲟⲧ ϥ̅ ⲉ ⲡⲉϥ ⲧⲉⲩ ⲗⲁⲕϩ̅ ⲛ̅ⲧⲉ ⲡ ⲕⲟⲥⲙⲟⲥ ⲁ ϥ ϫⲱ ⲙ̅ ⲡ ⲛⲟϭ ⲛ̅ ⲣⲁⲛ ⲉϩⲣⲁⲓ̈ ⲉϫⲛ̅ ⲧⲉⲩ ⲁⲡⲉ ⲁ ϥ ⲥⲙⲟⲩ ⲉ ⲣⲟ ⲟⲩ ⲁ ϥ ⲛⲓϥⲉ ⲉϩⲟⲩⲛ ⲉ ϩ̇̅ⲣ̇̅ⲁ̇̅ ⲩ̇̅ ⲛ̅ ⲛⲉⲩ ⲃⲁⲗ ·

ⲡⲉϫⲉ ⲓ̅ⲥ̅ ⲛⲁ ⲩ ϫⲉ ϭⲱϣⲧ̅ ⲉϩⲣⲁⲓ̈ ⲁ ⲛⲁⲩ ϫⲉ ⲉ ⲧⲉⲧⲛ̅ ⲛⲁⲩ ⲉ ⲟⲩ · ⲁⲩⲱ ⲁ ⲩ ϥⲓ ⲛ̅ ⲛⲉⲩ ⲃⲁⲗ ⲉϩⲣⲁⲓ̈ ⲁ ⲩ ⲛⲁⲩ ⲉ ⲩ ⲛⲟϭ ⲛ̅ ⲟⲩⲟⲉⲓⲛ ⲉ ⲛⲁϣⲱ ϥ ⲉⲙⲁⲧⲉ ⲉ ⲛⲛⲉ ϣ ⲣ̅ⲙ ⲛ̅ ⲕⲁϩ ϣⲁϫⲉ ⲉⲣⲟ ϥ ·

ⲡⲉϫⲁ ϥ ⲟⲛ ⲛⲁ ⲩ ⲛ̅ ⲟⲩⲱϩⲙ̅ ϫⲉ ϭⲱϣⲧ̅ ⲉⲃⲟⲗ ϩⲙ̅ ⲡ ⲟⲩⲟⲉⲓⲛ ⲁ ⲛⲁⲩ ϫⲉ ⲉ ⲧⲉⲧⲛ̅ ⲛⲁⲩ ⲉ ⲟⲩ ·

ⲡⲉϫⲁ ⲩ ϫⲉ ⲉ ⲛ ⲛⲁⲩ ⲉ ⲟⲩ ⲕⲱϩⲧ̅ ⲙⲛ̅ ⲟⲩ ⲙⲟⲟⲩ ⲙⲛ̅ ⲟⲩ ⲏⲣⲡ̅ ⲙⲛ̅ ⲟⲩ ⲥⲛⲟϥ ·

ⲡⲉϫⲉ ⲓ̅ⲥ̅ ⲉⲧⲉ ⲁⲃⲉⲣⲁ ⲙⲉⲛⲑⲱ ⲡⲉ ⲉϩⲟⲩⲛ ⲉ ϩⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲉ̇ ϩⲁ ⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲙ̅ⲡ ⲓ ⲛ̅ ⲗⲁⲁⲩ ⲉ ⲡ ⲕⲟⲥ ⲙⲟⲥ ⲉ ⲓ̈ ⲛⲏⲩ ⲛ̅ⲥⲁ ⲡⲉⲓ̈ ⲕⲱϩⲧ̅ ⲙⲛ̅ ⲡⲉⲓ̈ ⲙⲟⲟⲩ ⲙⲛ̅ ⲡⲉⲓ̈ ⲏⲣⲡ̅ ⲙⲛ̅ ⲡⲉⲓ̈ ⲥⲛⲟϥ ·

ⲁ ⲓ̈ⲙ ⲡ ⲙⲟⲟⲩ ⲙⲛ̅ ⲡ ⲕⲱϩⲧ̅ ϩⲙ̅ ⲡ ⲧⲟⲡⲟⲥ ⲙ̅ ⲡ ⲟⲩⲟⲓ̈ⲛ ⲛ̅ⲧⲉ ⲛⲓ ⲟⲩⲟⲉⲓⲛ ϩ̇ⲙ̇ ⲡ̇ⲧ̇ⲟ̇ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁ ⲓ̈ⲛ̅ⲡ ⲏⲣⲡ̅ ⲙⲛ̅ ⲡⲉ ⲥⲛⲟϥ ϩⲙ̅ ⲡ ⲧⲟⲡⲟⲥ ⲛ̅ ⲧ ⲃⲁⲣⲃⲏⲗⲟⲥ ·

ⲁⲩⲱ ⲙⲛ̅ ⲛ̅ⲥⲁ ⲟⲩ ϣⲏⲙ ⲛ̅ ⲟⲩ ⲟⲉⲓϣ ⲁ ⲡⲁ ⲉⲓⲱⲧ ⲧⲛ̅ⲛⲟⲟⲩ ⲛⲁ ⲓ̈ ⲙ̅ ⲡⲉ ⲡⲛ̅ⲁ̅ ⲉⲧ ⲟⲩⲁⲁⲃ ⲙ̅ ⲡ ⲧⲩⲡⲟⲥ ⲛ̅ ⲟⲩ ϭⲣⲟⲟⲙⲡⲉ ·

ⲡ ⲕⲱϩⲧ̅ ⲇⲉ ⲙⲛ̅ ⲡ ⲙⲟⲟⲩ ⲙⲛ̅ ⲡ ⲏⲣⲡ̅ ⲁ ⲩ ϣⲱⲡⲉ ⲉ ⲩ ⲕⲁⲑⲁⲣⲓⲍⲉ ⲛ̅ ⲛ̅ ⲛⲟⲃⲉ ⲧⲏⲣ ⲟⲩ ⲙ̅ ⲡ ⲕⲟⲥⲙⲟⲥ ·

ⲡⲉ ⲥⲛⲟϥ ϩⲱⲱ ϥ ⲁ ϥ ϣⲱⲡⲉ ⲛⲁ ⲓ̈ ⲙ̅ ⲙⲁⲉⲓⲛ ⲉⲧⲃⲉ ⲡ ⲥⲱⲙⲁ ⲛ̅ ⲧ ⲙⲛ̅ⲧ ⲣⲱⲙⲉ · ⲡⲁⲓ̈ ⲉⲛⲧ ⲁ ⲓ̈ ϫⲓⲧ ϥ̅ ϩⲙ̅ ⲡ ⲧⲟⲡⲟⲥ ⲛ̅ ⲧ ⲃⲁⲣⲃⲏⲗⲟⲥ ϯ ⲛⲟϭ ⲛ̅ ⲇⲩⲛⲁⲙⲓⲥ ⲛ̅ⲧⲉ ⲡ ⲁϩⲟⲣⲁⲧⲟⲥ ⲛ̅ ⲛⲟⲩⲧⲉ ·

ⲡⲉ ⲡⲛ̅ⲁ̅ ϩⲱ ⲱ ϥ ⲉ ϥ ⲥⲱⲕ ϩⲏⲧ ⲟⲩ ⲙ̅ ⲯⲩⲭⲏ ⲛⲓⲙ ⲉ ϥ ϫⲓ ⲙ̅ⲙⲟ ⲟⲩ ⲉ ⲡ ⲧⲟⲡⲟⲥ ⲙ̅ ⲡ ⲟⲩⲟⲓ̈ⲛ ·

ⲉⲧⲃⲉ ⲡⲁⲓ̈ ⲁ ⲓ̈ ϫⲟⲟ ⲥ ⲛⲏ ⲧⲛ̅ ϫⲉ ⲛ̅ⲧ ⲁ ⲓ̈ ⲉⲓ̅ ⲉ ⲛⲟⲩϫⲉ ⲛ̅ ⲟⲩ ⲕⲱϩⲧ ⲉϫⲙ̅ ⲡ ⲕⲁϩ · ⲉⲧⲉ ⲡⲁⲓ̈ ⲡⲉ ϫⲉ ⲛ̅ⲧ ⲁ ⲓ̈ ⲉⲓ̅ ⲉ ⲕⲁⲑⲁⲣⲓⲍⲉ ⲛ̅ ⲛ̅ ⲛⲟⲃⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ϩⲛ̅ ⲟⲩ ⲕⲱϩⲧ̅ ·

ⲁⲩⲱ ⲉⲧⲃⲉ ⲡⲁⲓ̈ ⲁ ⲓ̈ ϫⲟⲟ ⲥ ⲛ̅ ⲧ ⲥⲁⲙⲁⲣⲓⲧⲏⲥ ϫⲉ ⲉⲛⲉⲣⲉ ⲥⲟⲟⲩⲛ ⲡⲉ ⲛ̅ ⲧ ⲇⲱ ⲣⲉⲁ ⲙ̅ ⲡ ⲛⲟⲩⲧⲉ ⲁⲩⲱ ϫⲉ ⲛⲓⲙ ⲡ ⲉⲧ ϫⲱ ⲙ̅ⲙⲟ ⲥ ⲛⲉ ϫⲉ ⲁⲩⲉⲓ ⲥ ⲛ̅ ⲧⲁ ⲥⲱ · ⲛⲉⲣ ⲁ ⲁⲓⲧⲓ ⲙ̅ⲙⲟ ϥ ⲡⲉ ⲛ ϥ̅ ϯ ⲛⲉ ⲛ̅ ⲟⲩ ⲙⲟⲟⲩ ⲉ ϥ ⲟⲛϩ̅ ⲛ ϥ̅ ϣⲱⲡⲉ ⲛ ⲉ ⲛ̅ ⲟⲩ ⲡⲏⲅⲏ ⲛ̅ϩⲏⲧ ⲉ ⲉ ϥ ϥⲱϭⲉ ⲉϩⲟⲩⲛ ⲉ ⲩ ⲱⲛϩ̅ ⲛ̅ ϣⲁ ⲉⲛⲉϩ ·

ⲁⲩⲱ ⲟⲛ ⲉⲧⲃⲉ ⲡⲁⲓ̈ ⲁ ⲓ̈ ϫⲓ ⲛ̅ ⲟⲩ ⲁⲡⲟⲧ' ⲛ ⲏⲣⲡ ⲁ ⲓ̈ ⲥⲙⲟⲩ ⲉⲣⲟ ϥ ⲁ ⲓ̈ ⲧⲁⲁ ϥ ⲛⲏ ⲧⲛ̅ ϫⲉ ⲡⲁⲓ̈ ⲡⲉ ⲡⲉ ⲥⲛⲟϥ ⲛ̅ ⲧ ⲇⲓⲁⲑⲏⲕⲏ ⲉⲧ ⲟⲩ ⲛⲁ ⲡⲟⲛ ϥ̅ ⲉⲃⲟⲗ ϩⲁⲣⲱ ⲧⲛ̅ ⲉ ⲡ ⲕⲱ ⲉⲃⲟⲗ ⲛ̅ ⲛⲉⲧⲛ̅ ⲛⲟⲃⲉ . ⲁⲩⲱ ⲟⲛ ⲉⲧⲃⲉ ⲡⲁⲓ̈ ⲁ ⲩ ϫⲟ ⲛ̅ ⲧ ⲗⲟⲅⲭⲏ ⲉϩⲟⲩⲛ ⲉ ⲡⲁ ⲥⲡⲓⲣ · ⲁ ϥ ⲉⲓ̅ ⲉⲃⲟⲗ ⲛ̅ϭⲓ ⲟⲩ ⲙⲟⲟⲩ ⲙⲛ̅ ⲟⲩ ⲥⲛⲟϥ ·

ⲛⲁⲓ̈ ⲇⲉ ⲛⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲉ ϣⲁ ⲩ ⲕⲁ ⲛⲟⲃⲉ ⲉⲃⲟⲗ ⲉⲧⲉ ⲛ̅ ⲧⲟⲟⲩ ⲛⲉ ⲛ ⲟⲛⲟⲙⲁⲥⲓⲁ ⲙⲛ̅ ⲛ̅ ⲣⲁⲛ ⲙ̅ ⲡ ⲟⲩⲟⲉⲓⲛ ·

ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲁ ϥ ⲕⲉⲗⲉⲩⲉ ⲛ̅ϭⲓ ⲓ̅ⲥ̅ ϫⲉ ⲙⲁⲣⲉ ⲛ̅ ⲇⲩⲛⲁⲙⲓⲥ ⲧⲏⲣ ⲟⲩ ⲛ̅ ⲧⲉ ϩⲃⲟⲩⲣ ⲉⲓ̅ ⲉ ⲛⲉⲩ ⲧⲟⲡⲟⲥ · ⲁⲩⲱ ⲁ ⲓ̅ ⲥ̅ ⲙⲛ̅ ⲛⲉϥ ⲙⲁⲑⲏⲧⲏⲥ ϭⲱ ϩⲓϫⲙ̅ ⲡ ⲧⲟⲟⲩ ⲛ̅ ⲧ ⲅⲁⲗⲓⲗⲁⲓⲁ · ⲁ ⲩ ⲟⲩ ⲱϩ ⲟⲛ ⲉⲧⲟⲟⲧ ⲟⲩ ⲛ̅ϭⲓ ⲙ̅ ⲙⲁⲑⲏⲧⲏⲥ ⲁ ⲩ ⲧⲱⲃϩ̅ ⲙ̅ⲙⲟ ϥ ϫⲉ ϣⲁ ⲧⲛⲁⲩ ϭⲉ ⲙ̅ⲡ ⲕ̅ⲧⲣⲉⲩ ⲕⲱ ⲉⲃⲟⲗ ⲛ̅ ⲛⲉⲛ ⲛⲟⲃⲉ ⲉⲛⲧ ⲁ ⲛ ⲁⲁ ⲩ ⲙⲛ̅ ⲛⲉⲛ ⲁⲛⲟⲙⲓⲁ · ⲁⲩⲱ ⲛ̅ ⲅ ⲧⲣⲉ ⲛ ⲙ̅ⲡϣⲁ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡⲉⲕ ⲉⲓⲱⲧ'

ⲓ̅ⲥ̅ ⲇⲉ ⲡⲉϫⲁ ϥ ⲛⲁ ⲩ ϫⲉ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲟⲩ ⲙⲟⲛⲟⲛ ϯ ⲛⲁ ⲕⲁ ⲑⲁⲣⲓⲍⲉ ⲛ̅ ⲛⲉⲧⲛ̅ ⲛⲟⲃⲉ ·

ⲁⲗⲗⲁ ϯ ⲛⲁ ⲧⲣⲉⲧⲛ̅ ⲙ̅ ⲡ ϣⲁ ⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡⲁ ⲉⲓⲱⲧ ·

ⲁⲩⲱ ϯ ⲛⲁ ϯ ⲛⲏ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲕⲁ ⲛⲟⲃⲉ ⲉⲃⲟⲗ ϩⲓϫⲙ̅ ⲡ ⲕⲁϩ · ϫⲉ ⲕⲁⲥ ⲡ ⲉⲧⲉⲧⲛⲁ ⲕⲱ ⲛⲁ ϥ ⲉⲃⲟⲗ ϩⲓϫⲙ̅ ⲡ ⲕⲁϩ ⲉⲩⲉ ⲕⲱ ⲛⲁ ϥ ⲉⲃⲟⲗ ϩⲛ̅ ⲙ̅ ⲡⲏⲩⲉ ⲁⲩⲱ ⲡ ⲉⲧ ⲉⲧⲛ ⲁ ⲙⲟⲣ ϥ̅ ϩⲓϫⲙ̅ ⲡ ⲕⲁϩ ϥ ⲛⲁ ϣⲱⲡⲉ ⲉ ϥ ⲙⲏⲣ ϩⲛ̅ ⲙ̅ ⲡⲏⲩⲉ ·

ϯ ⲛⲁ ϯ ⲛⲏ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲛ̅ ⲙ̅ ⲡⲏⲩⲉ ϫⲉⲕⲁⲁⲥ ⲛ̅ⲧⲱⲧⲛ̅ ϩⲱⲧ ⲧⲏⲩⲧⲛ̅ ⲉⲧⲉⲧⲛⲉ ⲁⲁ ⲩ ⲛ̅ ⲣ̅ ⲣⲱⲙⲉ ·

ⲓ̅‾‾ⲥ̅ ⲇⲉ ⲡⲉϫⲁ ϥ ⲛⲁ ⲩ ϫⲉ ⲁⲛⲓⲛⲉ ⲛⲁ ⲓ̈ ⲛ̅ ⲟⲩ ⲕⲱϩⲧ̅ ⲙⲛ̅ ϩⲉⲛ ϣⲉ ⲛ̅ ⲉⲗⲟⲟⲗⲉ · ⲁ ⲩ ⲛ̅ⲧ ⲟⲩ ⲛⲁ ϥ ⲁ ϥ ⲧⲁⲗⲟ ⲉϩⲣⲁⲓ̈ ⲛ̅ ⲧⲉ ⲡⲣⲟⲥⲫⲟⲣⲁ ⲁ ϥ ⲕⲱ ⲛ̅ ⲁⲅⲅⲓⲟⲛ ⲥⲛⲁⲩ ⲛ̅ ⲏⲣⲡ̅ ⲟⲩⲁ ϩⲓ ⲟⲩⲛⲁⲙ' ⲁⲩⲱ ⲡ ⲕⲉ ⲟⲩⲁ ϩⲓ ϩⲃⲟⲩⲣ ⲛ̅ ⲧⲉ ⲡⲣⲟⲥⲫⲟⲣⲁ ·

ⲁ ϥ ⲕⲱ ⲛ̅ ⲧⲉ ⲡⲣⲟⲥⲫⲟⲣⲁ ϩⲓ ⲑ ⲏ ⲙ̅ⲙⲟ ⲟⲩ · ⲁ ϥ ⲕⲱ ⲛ̅ ⲟⲩ ⲁⲡⲟⲧ ⲙ̅ⲙⲟ ⲟⲩ ϩⲁⲧⲙ̅ ⲡⲉ ϩⲛⲁⲁⲩ ⲛ̅ ⲏⲣⲡ̅ ⲉⲧ ϩⲓ ⲟⲩⲛⲁⲙ' ⲁⲩⲱ ⲁ ϥ ⲕⲱ ⲛ̅ ⲟⲩ ⲁⲡⲟⲧ' ⲛ̅ ⲏⲣⲡ̅' ϩⲁⲧⲙ̅ ⲡⲉ ϩⲛⲁⲁⲩ ⲛ̅ ⲏⲣⲡ̅ ⲉⲧ ϩⲓ ϩⲃⲟⲩⲣ ⲁⲩⲱ ⲁ ϥ ⲕⲱ ⲛ̅ ϩⲉⲛ ⲟⲉⲓⲕ ⲕⲁⲧⲁ ⲧ ⲏⲡⲉ ⲛ̅ ⲙ̅ ⲙⲁⲑⲏⲧⲏⲥ ϩⲛ̅ ⲧ ⲙⲏⲧⲉ ⲛ̅ ⲛ̅ ⲁⲡⲟⲧ ·

ⲁ ϥ ⲕⲱ ⲛ̅ ⲟⲩ ⲁⲡⲟⲧ ⲙ̅ⲙⲟ ⲟⲩ ϩⲓ ⲡⲁϩⲟ ⲩ ⲛ̅ ⲛ̅ ⲛ̇ⲟⲉⲓⲕ ·

ⲁ ϥ ⲁϩⲉ ⲣⲁⲧ ϥ̅ ⲛ̅ϭⲓ ⲓ̅ⲥ̅ ϩⲓ ⲑ ⲏ ⲛ̅ ⲧⲉ ⲡⲣⲟⲥⲫⲟⲣⲁ ⲁ ϥ ⲕⲱ ⲛ̅ ⲙ̅ ⲙⲁⲑⲏⲧⲏⲥ ϩⲓ ⲡⲁϩⲟ ⲩ ⲙ̅ⲙⲟ ϥ ⲉ ⲩ ϭⲟⲟⲗⲉ ⲧⲏⲣ ⲟⲩ ⲛ̅ ϩⲉⲛ ϩⲃⲟⲥ ⲛ̅ ⲛ̅ ⲉⲓⲁⲁⲩ · ⲉⲣⲉ ⲧⲉ ⲯⲏⲫⲟⲥ ⲙ̅ ⲡ ⲣⲁⲛ ⲙ̅ ⲡ ⲉⲓⲱⲧ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ϩⲛ̅ ⲛⲉⲩ ϭⲓϫ ·

ⲁ ϥ ⲱϣ ⲉⲃⲟⲗ ⲛ̅ ⲧⲉⲓ̈ ϩⲉ ⲉ ϥ ϫⲱ ⲙ̅ⲙⲟ ⲥ ϫⲉ ⲥⲱⲧⲙ̅ ⲉⲣⲟ ⲓ̈ ⲡⲁ ⲉⲓⲱⲧ · ⲡ ⲉⲓⲱⲧ' ⲙ̅ ⲙⲛ̅ⲧ ⲉⲓⲱⲧ ⲛⲓⲙ' ⲡⲁ ⲡ ⲉⲣⲁⲛⲧⲟⲛ ⲛ̅ ⲟⲩⲟⲉⲓⲛ · ⲓ̈ⲁⲱⲓ̈ⲟⲩⲱ · ⲓ̈ⲁⲱ · ⲁⲱⲓ · ⲱⲓ̈ⲁⲯⲓⲛⲱⲑⲉⲣ · ⲑⲉⲣⲱⲯⲓⲛ · ⲱⲯⲓⲑⲉⲣ ⲛⲉⲫⲑⲟⲙⲁⲱⲑ · ⲛⲉⲫⲓⲟⲙⲁⲱⲑ · ⲙⲁⲣⲁⲭⲁⲭⲑⲁ · ⲙⲁⲣ ⲙⲁⲣⲁⲭⲑⲁ ·

ⲓⲏⲁⲛⲁ ⲙⲉⲛⲁⲙⲁⲛ · ⲁⲙⲁⲛ ⲧⲟⲩⲟⲩ ⲣⲁⲛⲟⲩ · ⲓ̈ⲥⲣⲁⲓ̈ ϩⲁⲙⲏⲛ ϩⲁⲙⲏⲛ · ⲥⲟⲩⲃⲁⲓ̈ⲃⲁⲓ̈ · ⲁⲡⲡⲁ ⲁⲡ · ϩⲁⲙⲏⲛ · ϩⲁⲙⲏⲛ · ⲇⲉⲣⲁⲁⲣⲁⲓ̈ ϩⲁ ϩⲁⲙⲏⲛ ϩⲁⲙⲏⲛ · ⲥⲁⲣⲥⲁⲣⲥⲁⲣⲧⲟⲩ ϩⲁⲙⲏⲛ ϩⲁⲙⲏⲛ · ⲕⲟⲩⲕⲓⲁⲙⲓⲛ ⲙⲓⲁⲓ̈ · ϩⲁⲙⲏⲛ ϩⲁⲙⲏⲛ · ⲓ̈ⲁⲓ̈ · ⲓ̈ⲁⲓ̈ · ⲧⲟⲩⲁⲡ ϩⲁⲙⲏⲛ ϩⲁ ⲙⲏⲛ ϩⲁⲙⲏⲛ · ⲙⲁⲓ̈ⲛⲙⲁⲣⲓ · ⲙⲁⲣⲓⲏ · ⲙⲁⲣⲉ · ϩⲁⲙⲏⲛ ϩⲁⲙⲏⲛ ϩⲁⲙⲏⲛ ·

ⲥⲱⲧⲙ̅ ⲉⲣⲟ ⲓ̈ ⲡⲁ ⲉⲓⲱⲧ ⲡ ⲉⲓⲱⲧ ⲛ̅ ⲙ̅ ⲙⲛ̅ⲧ ⲉⲓⲱⲧ ⲛⲓⲙ · ϯ ⲉⲡⲓⲕⲁⲗⲉⲓ ⲙ̅ⲙⲱ ⲧⲛ̅ ϩⲱⲧ ⲧⲏⲩⲧⲛ̅ ⲛ̅ ⲣⲉϥ ⲕⲁⲛⲟⲃⲉ ⲉⲃⲟⲗ ⲛ̅ ⲣⲉϥ ⲕⲁⲑⲁⲣⲓⲍⲉ ⲛ̅ ⲛ̅ ⲁⲛⲟⲙⲓⲁ ·

ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲛⲉ ⲯⲩⲭⲏ ⲛ̅ ⲛⲉⲓ̈ ⲙⲁⲑⲏ ⲧⲏⲥ ⲉⲛⲧ ⲁ ⲩ ⲟⲩⲁϩ ⲟⲩ ⲛ̅ⲥⲱ ⲓ̈ ⲁⲩⲱ ⲛ̅ ⲧⲉⲧⲛ̅ ⲕⲁⲑⲁⲣⲓⲍⲉ ⲛ̅ ⲛⲉⲩ ⲁⲛⲟⲙⲓⲁ · ⲛ̅ ⲧⲉⲧⲛ̅ ⲧⲣⲉ ⲩ ⲙ̅ⲡϣⲁ ⲛ ⲥⲟⲡ' ⲉϩⲟⲩⲛ ⲉ ⲧ ⲙⲛ̅ⲧ ⲉⲣⲟ ⲙ̅ ⲡⲁ ⲉⲓⲱⲧ ·

ⲡ ⲉⲓⲱⲧ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ϫⲉ ⲁ ⲩ ⲟⲩⲁϩ ⲟⲩ ⲛ̅ⲥⲱ ⲓ̈ ⲁⲩⲱ ⲁ ⲩ ϩⲁⲣⲉϩ ⲉ ⲛⲁ ⲉⲛⲧⲟⲗⲏ ·

ⲧⲉⲛⲟⲩ ϭⲉ ⲡⲁ ⲉⲓⲱⲧ ⲡ ⲉⲓⲱⲧ ⲙ̅ ⲙ̅ⲛ̅ⲧ̅ ⲉⲓⲱⲧ ⲛⲓⲙ' ⲙⲁⲣ ⲉⲩ ⲉⲓ ⲛ̅ϭⲓ ⲛ̅ ⲣⲉϥ ⲕⲁ ⲛⲟⲃⲉ ⲉⲃⲟⲗ · ⲉⲧⲉ ⲛⲉⲩ ⲣⲁⲛ ⲛⲉ ⲛⲁⲓ̈ · ϭⲓⲫⲓⲣⲉⲯⲛⲓⲭⲓⲉⲩ · ⲍⲉⲛⲉⲓ · ⲃⲉ ⲣⲓⲙⲟⲩ · ⲥⲟⲭⲁⲃⲣⲓⲭⲏⲣ · ⲉⲩⲑⲁⲣⲓ · ⲛⲁⲛⲁⲓ̈ ⲇⲓⲉⲓⲥⲃⲁⲗ ⲙⲏⲣⲓⲭ · ⲙⲉⲩⲛⲓⲡⲟⲥ · ⲭⲓⲣⲓⲉ · ⲉⲛⲧⲁⲓ̈ⲣ · ⲙⲟⲩⲑⲓⲟⲩⲣ · ⲥⲙⲟⲩⲣ · ⲡⲉⲩⲭⲏⲣ · ⲟⲟⲩⲥⲭⲟⲩⲥ · ⲙⲓⲛⲓⲟⲛⲟⲣ · ⲓ̈ⲥⲟⲭⲟ ⲃⲟⲣⲑⲁ ·

ⲥⲱⲧⲙ̅ ⲉⲣⲟ ⲓ̈ ⲉ ⲓ̈ ⲉⲡⲓⲕⲁⲗⲉⲓ ⲙ̅ⲙⲱ ⲧⲛ̅ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲛⲉⲓ̈ ⲯⲩⲭⲟⲟⲩⲉ · ⲁⲩⲱ ϥⲱⲧⲉ ⲉⲃⲟⲗ ⲛ̅ ⲛⲉⲩ ⲁⲛⲟⲙⲓⲁ ·

ⲙⲁⲣ ⲟⲩ ⲙ̅ⲡϣⲁ ⲛ̅ ⲥⲟⲡ ⲉϩⲟⲩⲛ ⲉ ⲧ ⲙⲛ̅ ⲧ ⲉⲣⲟ ⲙ̅ ⲡⲁ ⲉⲓⲱⲧ ⲡ ⲉⲓⲱⲧ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩ ⲟⲉⲓⲛ · ϫⲉ ⲁⲛⲟⲕ ϯ ⲥⲟⲟⲩⲛ ⲛ̅ ⲛⲉⲕ ⲛⲟϭ ⲛ̅ ⲇⲩⲛⲁⲙⲓⲥ ⲁⲩⲱ ϯ ⲉⲡⲓⲕⲁⲗⲓ ⲙ̅ⲙⲟ ⲟⲩ · ⲁⲩⲏⲣ · ⲃⲉⲣⲃⲱ · ⲁⲑⲣⲟⲛⲓ · ⲏ̅ⲟⲩⲣⲉⲫ · ⲏ̅ ⲱⲛⲉ · ⲥⲟⲩⲫⲉⲛ · ⲕⲛⲓⲧⲟⲩⲥⲟⲭⲣⲉⲱⲫ · ⲙⲁⲩⲱⲛⲃⲓ · ⲙⲛⲉⲩⲱⲣ · ⲥⲟⲩⲱⲛⲓ ⲭⲱⲭⲉⲧⲉⲱⲫ ·

ⲭⲱ ⲭⲉ · ⲉⲧⲉⲱⲫ · ⲙⲉⲙⲱⲭ ·

ⲁⲛⲏⲙⲫ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲛⲉⲓ̈ ⲯⲩⲭⲟⲟⲩⲉ ϥⲱⲧⲉ ⲉⲃⲟⲗ ⲛ̅ ⲛⲉⲩ ⲁⲛⲟⲙⲓⲁ ⲛ ⲉⲛⲧ ⲁ ⲩ ⲁⲁ ⲩ ⲉ ⲩ ⲥⲟⲟⲩⲛ ⲁⲩⲱ ⲛ ⲉⲛⲧ ⲁ ⲩ ⲁⲁ ⲩ ⲉ ⲛ ⲥⲉ ⲥⲟⲟⲩⲛ ⲁⲛ · ⲛ ⲉⲛⲧ ⲁ ⲩ ⲁⲁ ⲩ ϩⲛ̅ ⲟⲩ ⲡⲟⲣⲛⲉⲓⲁ ⲙⲛ̅ ⲟⲩ ⲙⲛ̅ⲧ ⲛⲟⲉⲓⲕ' ϩⲉⲱⲥ ϣⲁϩⲟⲩⲛ ⲉ ⲡ ⲟⲟⲩ ⲛ̅ ϩⲟⲟⲩ ⲕⲁⲁ ⲩ ⲛⲁ ⲩ ⲉⲃⲟⲗ · ⲁⲩⲱ ⲛ̅ ⲅ ⲧⲣⲉ ⲩ ⲙ̅ⲡϣⲁ ⲛ̅ ⲥⲟⲡ' ⲉϩⲟⲩⲛ ⲉ ⲧ ⲙⲛ̅ⲧ ⲉⲣⲟ ⲙ̅ ⲡⲁ ⲉⲓⲱⲧ ⲛ̅ ⲥ ⲉⲙ̅ⲡϣⲁ ⲛ̅ ϫⲓ ⲉⲃⲟⲗ ϩⲛ̅ ⲧⲉⲓ̈ ⲡⲣⲟⲥⲫⲟⲣⲁ ⲡⲁ ⲉⲓⲱⲧ' ⲉⲧ ⲟⲩⲁⲁⲃ ·

ⲡ̇ⲁ̇ⲓ̇ ⲉϣⲱⲡⲉ ϭⲉ ⲡⲁ ⲉⲓⲱⲧ ⲁ ⲕ ⲥⲱⲧⲙ̅ ⲉⲣⲟ ⲓ̈ ⲁⲩⲱ ⲁ ⲕ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲛⲉⲓ̈ ⲯⲩⲭⲏ ⲁⲩⲱ ⲁ ⲕ ϥⲱⲧⲉ ⲉⲃⲟⲗ ⲛ̅ ⲛⲉⲩ ⲁⲛⲟⲙⲓⲁ · ⲁⲩⲱ ⲁ ⲕ ⲧⲣⲉ ⲩ ⲙ̅ⲡϣⲁ ⲛ̅ ⲱⲡ' ⲉϩⲟⲩⲛ ⲉ ⲧⲉⲕ ⲙⲛ̅ⲧ ⲉⲣⲟ · ⲉⲕⲉ ϯ ⲛⲁ ⲓ̈ ⲛ̅ ⲟⲩ ⲙⲁⲓ̈ⲛ ϩⲛ̅ ⲧⲉⲓ̈ ⲡⲣⲟⲥ ⲫⲟⲣⲁ ·

ⲁⲩⲱ ⲁ ϥ ϣⲱⲡⲉ ⲛ̅ϭⲓ ⲡ ⲙⲁⲓ̈ⲛ ⲛ̅ ⲧⲁ ⲓ̅ⲥ̅ ϫⲟⲟ ϥ ·

ⲡⲉϫⲉ ⲓ̅ⲥ̅ ⲉϩⲟⲩⲛ ⲉ ϩⲉⲛ ⲛⲉϥ ⲙⲁⲑⲏⲧⲏⲥ · ϫⲉ ⲣⲁϣⲉ ⲛ̅ ⲧⲉⲧⲛ̅ ⲧⲉⲗⲏⲗ ϫⲉ ⲁ ⲩ ⲕⲱ ⲉⲃⲟⲗ ⲛ̅ ⲛⲉⲧⲛ̅ ⲛⲟⲃⲉ ⲁⲩⲱ ⲁ ⲩ ϥⲱⲧⲉ ⲉⲃⲟⲗ ⲛ̅ ⲛⲉⲧⲛ̅ ⲁⲛⲟⲙⲓⲁ · ⲁⲩⲱ ⲁ ⲧⲉⲧⲛ̅ ⲱⲡ' ⲉ ϩⲟⲩⲛ ⲉ ⲧ ⲙⲛ̅ⲧ ⲉⲣⲟ ⲙ̅ ⲡⲁ ⲓ̈ⲱⲧ ·

ⲛⲁⲓ̈ ⲇⲉ ⲛ̅ⲧⲉⲣⲉ ϥ ϫⲟⲟ ⲩ ⲁ ⲙ̅ ⲙⲁⲑⲏⲧⲏⲥ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ ·

ⲡⲉϫⲉ ⲓ̅ⲥ̅ ⲛⲁ ⲩ ϫⲉ ⲧⲁⲓ̈ ⲧⲉ ⲑ ⲉ ⲁⲩⲱ ⲡⲁⲓ̈ ⲡⲉ ⲡ ⲙⲩⲥⲧⲏⲣⲓⲟⲛ ⲉⲧⲉⲧⲛⲁ ⲁⲁ ϥ ⲛ̅ ⲣ̅ ⲣⲱⲙⲉ ⲉⲧ ⲛⲁ ⲡⲓⲥⲧⲉⲩⲉ ⲉⲣⲱ ⲧⲛ̅ ⲉ ⲙⲛ̅ ⲕⲣⲟϥ ⲛ̅ϩⲏⲧ ⲟⲩ ⲁⲩⲱ ⲉ ⲩ ⲥⲱⲧⲙ̅ ⲛ̅ⲥⲁ ⲧⲏⲩⲧⲛ̅ ϩⲛ̅ ϣⲁϫⲉ ⲛⲓⲙ' ⲉⲧ ⲛⲁⲛⲟⲩ ϥ ·

ⲁⲩⲱ ⲛⲉⲩ ⲛⲟⲃⲉ ⲙⲛ̅ ⲛⲉⲩ ⲁⲛⲟⲙⲓⲁ ⲥⲉ ⲛⲁ ϥⲟⲧ ⲟⲩ ⲉⲃⲟⲗ ϣⲁ ⲡⲉ ϩⲟⲟⲩ ⲉⲛⲧ ⲁ ⲧⲉⲧⲛ̅ ⲉⲓⲣⲉ ⲛⲁ ⲩ ⲙ̅ ⲡⲉⲓ̈ ⲙⲩⲥⲧⲏⲣⲓⲟⲛ · ⲁⲗⲗⲁ ϩⲱⲡ' ⲙ̅ ⲡⲉⲓ̈ ⲙⲩⲥⲧⲏⲣⲓⲟⲛ ⲙ̅ⲡⲣ̅ ⲧⲁ ⲁϥ ⲛ̅ ⲣⲱⲙⲉ ⲛⲓⲙ · ⲉⲓⲙⲏⲧⲓ ⲡ ⲉⲧ ⲛⲁ ⲉⲓⲣⲉ ⲛ̅ ϩⲱⲃ ⲛⲓⲙ' ⲉⲛⲧ ⲁ ⲓ̈ ϫⲟⲟ ⲩ ⲛⲏ ⲧⲛ̅ ϩⲛ̅ ⲛⲁ ⲉⲛⲧⲟⲗⲏ ·

ⲡⲁⲓ̈ ⲟⲩⲛ ⲡⲉ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲁ ⲗⲏⲑⲉⲓⲁ ⲙ̅ ⲡ ⲃⲁⲡⲧⲓⲥⲙⲁ ⲛ̅ ⲛ ⲉⲧ ⲟⲩ ⲛⲁ ⲕⲱ ⲉⲃⲟⲗ ⲛ̅ ⲛⲉⲩ ⲛⲟⲃⲉ ⲁⲩⲱ ⲛ ⲉⲧ ⲟⲩⲛⲁ ϩⲱⲃⲥ̅ ⲉⲃⲟⲗ ⲉϫⲛ̅ ⲛⲉⲩ ⲁ ⲛⲟⲙⲓⲁ ·

ⲡⲁⲓ̈ ⲡⲉ ⲡ ⲃⲁⲡⲧⲓⲥⲙⲁ ⲛ̅ ⲧ ϣⲟⲣⲡ̅ ⲙ̅ ⲡⲣⲟⲥ ⲫⲟⲣⲁ ⲉⲧ ϫⲓ ⲙⲟⲉⲓⲧ ⲉϩⲟⲩⲛ ⲉ ⲡ ⲧⲟⲡⲟⲥ ⲛ̅ ⲧ ⲁⲗⲏⲑⲓⲁ · ⲁⲩⲱ ⲉϩⲟⲩⲛ ⲉ ⲡ ⲧⲟⲡⲟⲥ ⲙ̅ ⲡ ⲟⲩⲟⲉⲓⲛ ·

ⲙⲛ̅ⲛ̅ⲥⲁ ⲛⲁⲓ̈ ⲟⲛ ⲡⲉϫⲁ ⲩ ⲛⲁ ϥ ⲛ̅ϭⲓ ⲛⲉϥ ⲙⲁⲑⲏⲧⲏⲥ ϫⲉ ϩⲣⲁⲃⲃⲉⲓ ϭⲱⲗⲡ̅ ⲛⲁ ⲛ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ⲧⲉ ⲡⲉⲕ ⲉⲓⲱⲧ ⲉⲡⲉⲓⲇⲏ ⲁ ⲛ ⲥⲱⲧⲙ̅ ⲉⲣⲟ ⲕ ⲉ ⲕ ϫⲱ ⲙ̅ⲙⲟ ⲥ ϫⲉ ⲟⲩⲛ ⲕⲉ ⲃⲁⲡⲧⲓⲥⲙⲁ ⲛ̅ ⲕⲣⲱⲙ · ⲁⲩⲱ ⲟⲩⲛ ⲕⲉ ⲃⲁⲡ ⲧⲓⲥⲙⲁ ⲙ̅ ⲡⲛ̅ⲁ̅ ⲉ ϥ ⲟⲩⲁⲃ ⲛ̅ⲧⲉ ⲡ ⲟⲩⲟⲉⲓⲛ ·

ⲁⲩⲱ ⲟⲩⲛ̅ ⲟⲩ ⲧⲱϩ ⲥ̅ ⲙ̅ ⲡⲛ̅ⲁ̅ⲧ̅ⲓ̅ⲕ̅ⲟ̅ⲛ ⲛⲁⲓ̈ ⲉ ϣⲁ ⲩ ϫⲓ ⲛ̅ ⲛⲉ ⲯⲩ ⲭⲟⲟⲩⲉ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ϫⲱ ϭⲉ ⲉ ⲣⲟ ⲛ ⲙ̅ ⲡⲉⲩ ⲙⲩⲥⲧⲏⲣⲓⲟⲛ ⲧⲁⲣ ⲛ̅ ⲕⲗⲏⲣⲟⲛⲟⲙⲓ ϩⲱⲱ ⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡⲉⲕ ⲉⲓⲱⲧ ·

ⲡⲉϫⲉ ⲓ̅ⲥ̅ ⲛⲁ ⲩ ϫⲉ ⲛⲉⲓ̈ ⲙⲩⲥ ⲧⲏⲣⲓⲟⲛ ⲉ ⲧⲉⲧⲛ̅ ϣⲓⲛⲉ ⲛ̅ⲥⲱ ⲟⲩ · ⲙⲛ̅ ⲙⲩⲥⲧⲏⲣⲓⲟⲛ ⲉ ϥ ⲟⲩⲟⲧⲃ̅ ⲉⲣⲟ ⲟⲩ · ⲉ ϥ ⲛⲁϫ ⲓ ⲛ̅ ⲧⲉⲧⲛ̅ ⲯⲩⲭⲏ ⲉ ⲡ ⲟⲩ ⲟⲉⲓⲛ ⲛ̅ⲧⲉ ⲛⲓ ⲟⲩⲟⲉⲓⲛ ⲉ ⲛ ⲧⲟⲡⲟⲥ ⲛ̅ ⲧ ⲁⲗⲏⲑⲉⲓⲁ ⲙⲛ̅ ⲧ ⲙⲛ̅ⲧ ⲁⲅⲁⲑⲟⲥ ⲙ̅ ⲡ ⲧⲟⲡⲟⲥ ⲛ̅ ⲡ ⲉⲧ ⲟⲩⲁⲁⲃ ⲛ̅ⲧⲉ ⲛ ⲉⲧ ⲟⲩⲁⲁⲃ ⲧⲏⲣ ⲟⲩ · ⲉ ⲡ ⲧⲟⲡⲟⲥ ⲉⲧⲉ ⲙⲛ̅ ⲥϩⲓⲙⲉ ⲛ̅ϩⲏⲧ ϥ̅ · ⲟⲩⲇⲉ ⲙⲛ̅ ϩⲟⲟⲩⲧ · ⲟⲩⲇⲉ ⲙⲛ̅ ⲙⲟⲣⲫⲏ ϩⲙ̅ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ⲁⲗⲗⲁ ⲟⲩ ⲟⲩⲟⲉⲓⲛ ⲡⲉ ⲉ ϥ ⲙⲏⲛ ⲉⲃⲟⲗ' ⲛ̅ ⲁⲧ ϣⲁϫⲉ ⲉⲣⲟ ϥ ·

ⲙⲛ̅ ⲡ ⲉⲧ ⲟⲩⲟⲧⲃ̅ ϭⲉ ⲉ ⲛⲉⲓ̈ ⲙⲩⲥ ⲧⲏⲣⲓⲟⲛ ⲉ ⲧⲉⲧⲛ̅ ϣⲓⲛⲉ ⲛ̅ⲥⲱ ⲟⲩ ⲉⲓⲙⲏⲧⲓ ⲉ ⲡ ⲙⲩⲥⲧⲏ ⲣⲓⲟⲛ ⲛ̅ ⲧ ⲥⲁϣϥⲉ ⲙ̅ ⲫⲱⲛⲏ ⲙⲛ̅ ⲧⲉⲩ ϩⲙⲉⲯⲓⲧⲉ ⲛ̅ ⲇⲩⲛⲁⲙⲓⲥ ⲁⲩⲱ ⲛⲉⲩ ⲯⲏⲫⲟⲥ ⲁⲩⲱ ⲙⲛ̅ ⲡ ⲣⲁⲛ ⲉⲧ ⲟⲩⲟⲧⲃ̅ ⲉⲣⲟ ⲟⲩ ⲧⲏⲣ ⲟⲩ · ⲡ ⲣⲁⲛ ⲉⲧⲉⲣⲉ ⲣⲁⲛ ⲛⲓⲙ ϣⲟⲟⲡ ϩⲣⲁⲓ̈ ⲛ̅ϩⲏⲧ ϥ̅ · ϩⲓ ⲟⲩⲟⲉⲓⲛ ⲛⲓⲙ' ϩⲓ ⲇⲩⲛⲁⲙⲓⲥ ⲛⲓⲙ ·

ⲡ ⲉⲧ ⲥⲟⲟⲩⲛ ϭⲉ ⲙ̅ ⲡ ⲣⲁⲛ ⲉⲧ ⲙ̅ⲙⲁⲩ ⲉϥϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ ⲛ̅ ⲛⲉϣ ⲗⲁⲁⲩ ⲛ̅ ⲕⲣⲱⲙ ⲟⲩⲇⲉ ⲗⲁⲁⲩ ⲛ̅ ⲕⲁⲕⲉ ⲟⲩⲇⲉ ⲉⲝⲟⲩⲥⲓⲁ ⲟⲩⲇⲉ ⲁⲣ ⲭⲱⲛ ⲛ̅ ⲧⲉ ⲧⲉⲥⲫⲁⲓⲣⲁ ⲛ̅ ϩⲓⲙⲁⲣⲙⲉⲛⲏ ⲟⲩⲇⲉ ⲁⲅⲅⲉ ⲗⲟⲥ ⲟⲩⲇⲉ ⲁⲣⲭⲁⲅⲅⲉⲗⲟⲥ ⲟⲩⲇⲉ ⲇⲩⲛⲁⲙⲓⲥ ⲛ̅ⲛⲉ ⲩ ⲉϣ ⲕⲁⲧⲉⲭⲉ ⲛ̅ ⲧⲉ ⲯⲩⲭⲏ ⲉ ⲧ ⲥⲟⲟⲩⲛ ⲙ̅ ⲡ ⲣⲁⲛ ⲉⲧ ⲙ̅ⲙⲁⲩ ·

ⲁⲗⲗⲁ ⲉϥϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲕⲟⲥⲙⲟⲥ ⲛ ϥ̅ ϫⲱ ⲙ̅ ⲡ ⲣⲁⲛ ⲉⲧ ⲙ̅ⲙⲁⲩ ⲉ ⲡ ⲕⲱϩⲧ̅ ϣⲁ ϥ ⲱϣⲙ̅ · ⲁⲩⲱ ϣⲁⲣⲉ ⲡ ⲕⲁⲕⲉ ⲁⲛⲁⲭⲱⲣⲉⲓ ·

ⲁⲩⲱ ⲉϥϣⲁⲛ ϫⲟⲟ ϥ ⲉ ⲛ ⲇⲁⲓⲙⲟⲛⲓⲟⲛ ⲙⲛ̅ ⲙ̅ ⲡⲁⲣⲁⲗⲏⲙⲡⲧⲏⲥ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ⲙⲛ̅ ⲛⲉⲩ ⲁⲣⲭⲱⲛ ⲙⲛ̅ ⲛⲉⲩ ⲉⲝⲟⲩⲥⲓⲁ ⲙⲛ̅ ⲛⲉⲩ ⲇⲩⲛⲁⲙⲓⲥ ⲥⲉ ⲛⲁ ⲧⲁⲕⲟ ⲧⲏⲣ ⲟⲩ ⲛ̅ⲧⲉ ⲡⲉⲩ ϣⲁϩ ⲙⲟⲩϩ · ⲛ̅ ⲥⲉ ⲱϣ ⲉⲃⲟⲗ ϫⲉ ⲕ ⲟⲩⲁⲁⲃ · ⲕ ⲟⲩⲁⲁⲃ ⲡ ⲉⲧ ⲟⲩⲁⲁⲃ ⲛ̅ⲧⲉ ⲛ ⲉⲧ ⲟⲩⲁⲁⲃ ⲧⲏⲣ ⲟⲩ ·

ⲁⲩⲱ ⲉⲩϣⲁⲛ ϫⲱ ⲙ̅ ⲡ ⲣⲁⲛ ⲉⲧ ⲙ̅ⲙⲁⲩ ⲉ ⲙ ⲡⲁⲣⲁⲗⲏⲙⲡⲧⲏⲥ ⲛ̅ⲧⲉ ⲛⲉ ⲕⲣⲓⲥⲓⲥ ⲉⲑ ⲟⲟⲩ ⲙⲛ̅ ⲛⲉⲩ ⲉ ⲝⲟⲩⲥⲓⲁ ⲙⲛ̅ ⲛⲉⲩ ϭⲟⲙ ⲧⲏⲣ ⲟⲩ ⲁⲩⲱ ⲧ ⲕⲉ ⲃⲁⲣⲃⲏⲗⲱ ⲙⲛ̅ ⲡ ⲁϩⲟⲣⲁⲧⲟⲥ ⲛ̅ ⲛⲟⲩⲧⲉ ⲙⲛ̅ ⲡ ϣⲟⲙⲛ̅ⲧ ⲛ̅ ⲛⲟⲩⲧⲉ ⲛ̅ ⲧⲣⲓⲇⲩⲛⲁⲙⲓⲥ ·

ⲛ̅ ⲧⲉ ⲩⲛⲟⲩ ⲉⲧ ⲟⲩ ⲛⲁ ϫⲱ ⲙ̅ ⲡⲉⲓ̈ ⲣⲁⲛ ϩⲛ̅ ⲛ̅ ⲧⲟⲡⲟⲥ ⲉⲧ ⲙ̅ⲙⲁⲩ ⲥⲉ ⲛⲁ ϩⲉ ⲧⲏⲣ ⲟⲩ ⲉϫⲛ̅ ⲛⲉⲩ ⲉⲣⲏⲩ ⲛ̅ ⲥⲉ ⲃ ⲱϣ̇ ⲗ ⲉⲃⲟⲗ ⲛ̅ ⲥⲉ ⲧⲁⲕⲟ ⲛ̅ ⲥⲉ ⲱϣ ⲉⲃⲟⲗ ϫⲉ ⲡ ⲟⲩⲟⲉⲓⲛ ⲛ̅ⲧⲉ ⲟⲩⲟⲉⲓⲛ ⲛⲓⲙ ⲉⲧ ϣⲟⲟⲡ' ϩⲛ̅ ⲛⲓ ⲁⲡⲉ ⲣⲁⲛⲧⲟⲛ ⲛ̅ ⲟⲩⲟⲉⲓⲛ ⲁⲣⲓ ⲡⲉⲛ ⲙⲉⲉⲩⲉ ϩⲱⲱ ⲛ ⲛ̅ ⲅ ⲥⲱⲧϥ̅ ⲙ̅ⲙⲟ ⲛ ·

ⲛ̅ⲧⲉⲣⲉ ϥ ⲟⲩⲱ ⲇⲉ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲛ̅ϭⲓ ⲓ̅ⲥ̅ ⲁ ⲩ ⲱϣ ⲉⲃⲟⲗ ⲧⲏⲣ ⲟⲩ ⲛ̅ϭⲓ ⲛⲉϥ ⲙⲁⲑⲏⲧⲏⲥ ⲁ ⲩ ⲣⲓⲙⲉ ϩⲛ̅ ⲟⲩ ⲛⲟϭ ⲛ̅ ϩⲣⲟⲟⲩ ⲉ ⲩ ϫⲱ ⲙ̅ⲙⲟ ⲥ ϫⲉ □□□

ϩⲧ̅ⲛ̅ ⲥⲉ ⲧⲓⲙⲱⲣⲉⲓ ⲙ̅ⲙⲟ ⲥ ⲛ̅ϩⲏⲧ ⲟⲩ ⲛ̅ ⲕⲉ ⲥⲟⲟⲩ ⲛ̅ ⲉⲃⲟⲧ ⲙⲛ̅ ϣⲙⲟⲩⲛ ⲛ̅ ϩⲟⲟⲩ ·

ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲉϩⲣⲁⲓ̈ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲁⲣ ⲭⲱⲛ ⲛ̅ⲧⲉ ϩⲓⲏ ⲛ̅ ⲧ ⲙⲏⲧⲉ ⲕⲟⲗⲁⲍⲉ ⲙ̅ⲙⲟ ⲥ ϩⲛ̅ ⲛⲉϥ ⲕⲟ ⲗⲁⲥⲓⲥ ⲛ̅ ⲕⲉ ⲥⲟⲟⲩ ⲛ̅ ⲉⲃⲟⲧ ⲙⲛ̅ ϣⲙⲟⲩⲛ ⲛ̅ ϩⲟⲟⲩ ·

ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲧⲁⲓ̈ ⲉ ϣⲁ ⲥ ⲕⲣⲓⲛⲉ ⲛ̅ ⲛⲓ ⲁⲅⲁⲑⲟⲥ ⲙⲛ̅ ⲛⲓ ⲡⲟⲛⲏⲣⲟⲥ ⲛ ⲥ̅ ⲕⲣⲓⲛⲉ ⲙ̅ⲙⲟ ⲥ ·

ⲁⲩⲱ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ϣⲁ ⲥ ⲧⲁⲁ ⲩ ⲉⲧⲟⲟⲧ ⲟⲩ ⲛ̅ ⲛⲉⲥ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲉ ⲛⲟϫ ⲥ̅ ⲉ ⲛ ⲁⲓⲱⲛ ⲛ̅ ⲧⲉ ⲥⲫⲁⲓ ⲣⲁ ·

ⲁⲩⲱ ϣⲁⲣⲉ ⲛ̅ ⲗⲓⲧⲟⲩⲣⲅⲟⲥ ⲛ̅ ⲧⲉ ⲥⲫⲁⲓⲣⲁ ϫⲓⲧ ⲥ̅ ⲉⲃⲟⲗ' ⲉ ⲩ ⲙⲟⲟⲩ ⲉ ϥ ϩⲁⲡⲉⲥⲏⲧ ⲛ̅ ⲧⲉ ⲥⲫⲁⲓⲣⲁ ⲛ ϥ̅ ⲣ̅ ⲟⲩ ⲕⲱϩⲧ̅ ⲉ ϥ ⲃⲣ̅ⲃⲣ̅ ⲛ ϥ̅ ⲟⲩⲱⲙ' ⲉϩⲟⲩⲛ ⲛ̅ⲥⲱ ⲥ ϣⲁⲛ ⲧ ϥ̅ ⲕⲁⲑⲁⲣⲓⲍⲉ ⲙ̅ⲙⲟ ⲥ ⲧⲟⲛⲱ ·

ⲁⲩⲱ ϣⲁ ϥ ⲉⲓ̅ ⲛ̅ϭⲓ ⲓ̈ⲁ ⲗⲟⲩϩⲁ ⲙ ⲡ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲁⲃⲁⲱⲑ' ⲡ ⲁⲇⲁ ⲙⲁⲥ ⲡⲁⲓ̈ ⲉ ϣⲁ ϥ ϯ ⲙ̅ ⲡ ⲁⲡⲟⲧ' ⲛ̅ ⲧ ⲃ̅ϣⲉ ⲛ̅ ⲛⲉ ⲯⲩ ⲭⲟⲟⲩⲉ ⲛ ϥ̅ ⲉⲓⲛⲉ ⲛ̅ ⲟⲩ ⲁⲡⲟⲧ' ⲉ ϥ ⲙⲉϩ ⲉⲃⲟⲗ ϩⲙ̅ ⲡ ⲙⲟⲟⲩ ⲛ̅ ⲧ ⲃ̅ϣⲉ ⲛ ϥ̅ ⲧⲁⲁ ϥ ⲛ̅ ⲧⲉ ⲯⲩⲭⲏ ⲛ ⲥ̅ ⲥⲟⲟ ϥ ⲛ ⲥ̅ⲣ̅ ⲡ ⲱⲃϣ̅ ⲙ̅ ⲙⲁ ⲛⲓⲙ' ⲙⲛ̅ ⲧⲟⲡⲟⲥ ⲛⲓⲙ' ⲉⲛⲧ ⲁ ⲥ ⲃⲱⲕ ⲉⲣⲟ ⲟⲩ · ⲛ̅ ⲥⲉ ⲛⲟϫ ⲥ̅ ⲉϩⲣⲁⲓ̈ ⲉ ⲩ ⲥⲱⲙⲁ ⲉ ϥ ⲛⲁ ⲣ̅ ⲡⲉϥ ⲟⲩⲟⲉⲓϣ ⲉ ϥ̇ ⲛ̇ⲁ̇ ϣⲁ ϥ ⲙ̅ⲕⲁϩ ⲉ ⲡⲉϥ ϩⲏⲧ' ⲉ ϥ ⲙⲏⲛ ⲉⲃⲟⲗ ·

ⲧⲁⲓ̈ ⲧⲉ ⲧ ⲕⲟⲗⲁⲥⲓⲥ ⲙ̅ ⲡ ⲣⲱⲙⲉ ⲛ̅ ⲣⲉϥ ⲥⲁϩⲟⲩ ·

ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓϩⲁⲙ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲡ ⲣⲱⲙⲉ ⲛ̅ ⲣⲉϥ ⲕⲁⲧⲁⲗⲁⲗⲓ ⲉ ϥ ⲙⲏⲛ ⲉⲃⲟⲗ ⲉϥϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ϥ ⲛⲁ ⲃⲱⲕ ⲉ ⲧⲱⲛ ⲏ̅ ⲟⲩ ⲧⲉ ⲧⲉϥ ⲕⲟⲗⲁⲥⲓⲥ ·

ⲡⲉϫⲉ ⲓ̅ⲥ̅ ϫⲉ ⲟⲩ ⲣⲱⲙⲉ ⲛ̅ ⲣⲉϥ ⲕⲁ ⲧⲁⲗⲁⲗⲓ ⲉ ϥ ⲙⲏⲛ ⲉⲃⲟⲗ' ⲉϥϣⲁⲛ ϫⲱⲕ' ⲉⲃⲟⲗ ⲛ̅ϭⲓ ⲡⲉϥ ⲟⲩⲟⲉⲓϣ ϩⲓⲧⲛ̅ ⲧⲉⲥⲫⲁⲓⲣⲁ ⲉ ⲧⲣⲉ ϥ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ϣⲁ ⲩ ⲉⲓ̅ ⲛ̅ⲥⲱ ϥ ⲛ̅ϭⲓ ⲁⲃⲓⲟⲩⲧ · ⲙⲛ̅ ⲭⲁⲣⲙⲱⲛ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲁⲣⲓⲏⲗ ⲛ̅ ⲥⲉ ⲉⲓⲛⲉ ⲛ̅ ⲧⲉϥ ⲯⲩⲭⲏ ⲉⲃⲟⲗ ϩⲛ̅ ⲥⲱⲙⲁ ⲛ̅ ⲥⲉ ⲣ̅ ϣⲟⲙⲛ̅ⲧ ⲛ̅ ϩⲟⲟⲩ ⲉ ⲩ ϯ ⲟⲩⲟⲓ̈ ⲛⲙ̅ⲙⲁ ⲥ ⲉ ⲩ ⲧⲥⲁⲃⲟ ⲙ̅ⲙⲟ ⲥ ⲉ ⲛ ⲥⲱⲛⲧ̅ ⲙ̅ ⲡ ⲕⲟⲥⲙⲟⲥ ·

ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲉ ⲡ ⲉⲥⲏⲧ ⲉ ⲁⲙⲛ̅ⲧⲉ ⲉⲣⲁⲧ ϥ̅ ⲛ̅ ⲁⲣⲓⲏⲗ · ⲛ ϥ̅ ⲕⲟⲗⲁⲍⲉ ⲙ̅ⲙⲟ ⲥ ϩⲛ̅ ⲛⲉϥ ⲕⲟⲗⲁⲥⲓⲥ ⲙ̅ ⲙⲛ̅ⲧ ⲟⲩⲉ ⲛ̅ ⲉⲃⲟⲧ' ⲙⲛ̅ ϫⲟⲩⲧⲟⲩⲉ ⲛ̅ ϩⲟⲟⲩ ⲙⲛ̅ⲛ̅ⲥⲱ ⲥ ⲛ̅ ⲥⲉ ϫⲓⲧ ⲥ̅ ⲉ ⲡⲉ ⲭⲁⲟⲥ ⲉⲣⲁⲧ ϥ̅ ⲛ̅ ⲓ̈ⲁⲗⲧⲁⲃⲁⲱⲑ ⲙⲛ̅ ⲡⲉϥ ϩⲙⲉ ⲯⲓⲧ' ⲛ̅ ⲇⲁⲓⲙⲟⲛⲓⲟⲛ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛⲉϥ ⲇⲁⲓⲙⲟⲛⲓⲟⲛ ⲃⲱⲕ ⲉⲃⲟⲗ ϩⲓϫⲱ ⲥ ⲛ̅ ⲕⲉ ⲙⲛ̅ⲧ ⲟⲩⲉ ⲛ̅ ⲉⲃⲟⲧ' ⲙⲛ̅ ⲕⲉ ϫⲟⲩⲧⲟⲩⲉ ⲛ̅ ϩⲟⲟⲩ ⲉ ⲩ ⲫⲣⲁⲅⲉⲗⲗⲟⲩ ⲙ̅ⲙⲟ ⲥ ϩⲓⲧⲛ̅ ϩⲉⲛ ⲙⲁⲥⲧⲓⲅⲝ̅ ⲛ̅ ⲕⲣⲱⲙ ·

ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲉⲃⲟⲗ ϩⲛ̅ ⲛ̅ⲉⲓ ⲣⲱⲟⲩ ⲛ̅ ⲕⲣⲱⲙ' ⲙⲛ̅ ϩⲉⲛ ⲑⲁⲗⲁⲥⲥⲁ ⲛ̅ ⲕ ⲱϩⲧ̅ ⲉ ⲩ ⲃⲣ̅ⲃⲣ̅ ⲛ̅ ⲥⲉ ⲧⲓⲙⲱⲣⲉⲓ ⲙ̅ⲙⲟ ⲥ ⲛ̅ ϩⲏⲧ ⲟⲩ ⲛ̅ ⲕⲉ ⲙⲛ̅ⲧ ⲟⲩⲉ ⲛ̅ ⲉⲃⲟⲧ ⲙⲛ̅ ϫⲟⲩⲧⲟⲩⲉ ⲛ̅ ϩⲟⲟⲩ ·

ⲁⲩⲱ ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϥⲓⲧ ⲥ̅ ⲉϩⲣⲁⲓ̈ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲁⲣⲭⲱⲛ ϩⲛ̅ ⲧⲉ ϩⲓⲏ ⲛ̅ ⲧ ⲙⲏⲧⲉ ⲕⲟⲗⲁⲍⲉ ⲙ̅ⲙⲟ ⲥ ϩⲛ̅ ⲛⲉϥ ⲕⲟⲗⲁⲥⲓⲥ ⲛ̅ ⲕⲉ ⲙⲛ̅ⲧ ⲟⲩⲉ ⲛ̅ ⲉⲃⲟⲧ' ⲙⲛ̅ ϫⲟⲩⲧⲟⲩⲉ ⲛ̅ ϩⲟⲟⲩ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϥⲓⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲧⲁⲓ̈ ⲉ ϣⲁ ⲥ ⲕⲣⲓⲛⲉ ⲛ̅ ⲛ̅ ⲇⲓⲕⲁⲓⲟⲥ ⲙⲛ̅ ⲛ̅ ⲣⲉϥ ⲣ̅ ⲛⲟⲃⲉ ⲛ ⲥ̅ ⲕⲣⲓⲛⲉ ⲙ̅ⲙⲟ ⲥ ·

ⲁⲩⲱ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ⲙ̅ⲙⲟ ⲥ ϣⲁ ⲥ ⲧⲁⲁ ⲥ ⲉⲧⲟⲟⲧ ⲟⲩ ⲛ̅ ⲛⲉⲥ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲉ ⲛⲟϫ ⲥ̅ ⲉⲃⲟⲗ ⲉ ⲛ ⲁⲓⲱⲛ ⲛ̅ ⲧⲉ ⲥⲫⲁⲓⲣⲁ · ⲁⲩⲱ ⲛ̅ⲧⲉ ⲗⲓⲧⲟⲩⲣⲅⲟⲥ ⲛ̅ ⲧⲉ ⲥⲫⲁⲓⲣⲁ ϫⲓⲧ ⲥ̅ ⲉⲃⲟⲗ' ⲉ ⲩ ⲙⲟⲟⲩ ⲉ ϥ ϩⲁⲡⲉⲥⲏⲧ ⲛ̅ ⲧⲉ ⲥⲫⲁⲓⲣⲁ ⲛ ϥ̅ ⲣ̅ ⲟⲩ ⲕⲣⲱⲙ' ⲉ ϥ ⲃⲣ̅ⲃⲣ̅ ⲛ ϥ̅ ⲟⲩⲱⲙ ⲉϩⲟⲩⲛ ⲛ̅ⲥⲱ ⲥ ϣⲁⲛⲧ ϥ̅ ⲕⲁⲑⲁⲣⲓⲍⲉ ⲙ̅ⲙⲟ ⲥ ⲧⲟⲛⲱ ·

ⲁⲩⲱ ϣⲁ ϥ ⲉⲓⲛⲉ ⲙ̅ ⲡ ⲁⲡⲟⲧ' ⲛ̅ ⲧ ⲃ̅ϣⲉ ⲛ̅ϭⲓⲓ̈ⲁ ⲗⲟⲩ ϩⲁⲙ̅ ⲡ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲁⲃⲁⲱⲑ' ⲡ ⲁⲇⲁⲙⲁⲥ ⲛ ϥ̅ ⲧⲁⲁ ϥ ⲛ̅ ⲧⲉ ⲯⲩⲭⲏ ⲛ ⲥ̅ ⲥⲟⲟ ϥ ⲛ ⲥ̅ⲣ̅ ⲡ ⲱⲃϣ̅ ⲙ̅ ⲙⲁ ⲛⲓⲙ' ⲙⲛ̅ ϩⲱⲃ ⲛⲓⲙ' ⲙⲛ̅ ⲧⲟⲡⲟⲥ ⲛⲓⲙ' ⲉⲛⲧ ⲁ ⲥ ⲃⲱⲕ ⲉ ⲣⲟ ⲟⲩ · ⲛ̅ ⲥⲉ ⲧⲁⲁ ⲥ ⲉϩⲣⲁⲓ̈ ⲉ ⲩ ⲥⲱⲙⲁ ⲉ ϥ ⲛⲁ ⲣ̅ ⲡⲉϥ ⲟⲩ ⲟⲉⲓϣ ⲉ ϥ ϩⲉϫϩⲱϫ ·

ⲧⲁⲓ̈ ⲧⲉ ⲉ ⲙ̅ ⲡⲣⲱ ⲙⲉ ⲛ̅ ⲣⲉϥ ⲕⲁⲧⲁⲗⲁⲗⲓ ·

ⲡⲉϫⲁ ⲥ ⲛ̅ϭⲓ ⲙⲁⲣⲓϩⲁⲙ' ϫⲉ ⲟⲩⲟⲓ̈ ⲟⲩⲟⲓ̈ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ·

ⲁ ⲥ ⲟⲩⲱϣⲃ̅ ϩⲱⲱ ⲥ ⲛ̅ϭⲓ ⲥⲁ ⲗⲱⲙⲏ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲓ ̅ ⲥ ̅ ⲟⲩ ⲣⲱⲙⲉ ⲛ̅ ⲣⲉϥ ϩⲱⲧⲃ̅ ⲉ ⲙⲡ ϥ̅ ⲣ̅ ⲛⲟⲃⲉ ⲉⲛⲉϩ ⲛ̅ⲥⲁ ϩⲱⲧⲃ̅ ⲉϥϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲟⲩ ⲧⲉ ⲧⲉϥ ⲕⲟⲗⲁⲥⲓⲥ ·

ⲁ ϥ ⲟⲩⲱϣⲃ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ϫⲉ ⲟⲩ ⲣⲱⲙⲉ ⲛ̅ ⲣⲉϥ ϩⲱⲧⲃ̅ ⲉ ⲙⲡ ϥ̅ ⲣ̅ ⲛⲟⲃⲉ ⲉⲛⲉϩ ⲛ̅ⲥⲁ ϩⲱⲧⲃ̅ ⲉⲣϣⲁⲛ ⲡⲉϥ ⲟⲩⲟⲉⲓϣ ϫⲱⲕ ⲉⲃⲟⲗ' ϩⲓⲧⲛ̅ ⲧⲉ ⲥⲫⲁⲓⲣⲁ ⲉ ⲧⲣⲉ ϥ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ϣⲁ ⲩ ⲉⲓ̅ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲓⲁⲗⲇⲁⲃⲁⲱⲑ ⲛ̅ ⲥⲉ ⲉⲓⲛⲉ ⲛ̅ ⲧⲉϥ ⲯⲩⲭⲏ ⲉⲃⲟⲗ ϩⲛ̅ ⲥⲱⲙⲁ ⲛ̅ ⲥⲉ ⲙⲟⲣⲥ̅ ϩⲛ̅ ⲛⲉⲥ ⲟⲩⲉⲣⲏⲧⲉ ⲛ̅ⲥⲁ ⲟⲩ ⲛⲟϭ ⲛ̅ ⲇⲁⲓⲙⲱⲛ ⲛ̅ ϩⲁⲛ ⲛ̅ ϩⲧⲟ ⲛ ϥ̅ ⲣ̅ ϣⲟⲙⲛ̅ⲧ ⲛ̅ ϩⲟⲟⲩ ⲉ ϥ ⲕⲱⲧⲉ ⲛⲙ̅ⲙⲁ ⲥ ϩⲙ̅ ⲡ ⲕⲟⲥⲙⲟⲥ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲉⲃⲟⲗ ⲉ ⲙ̅ ⲙⲁ ⲙ̅ ⲡ ϫⲁϥ ⲙⲛ̅ ⲡⲉ ⲭⲓⲱⲛ ⲛ̅ ⲥⲉ ⲧⲓⲙⲱⲣⲉⲓ ⲙ̅ⲙⲟ ⲥ ⲙ̅ⲙⲁⲩ ⲛ̅ ϣⲟⲙⲧⲉ ⲛ̅ ⲣⲟⲙⲡⲉ ⲙⲛ̅ ⲥⲟⲟⲩ ⲛ̅ ⲉⲃⲟⲧ ·

ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲉϩⲣⲁⲓ̈ ⲉ ⲡⲉ ⲭⲁⲟⲥ ⲉⲣⲁⲧ ϥ̅ ⲛ̅ ⲓ̈ⲁⲗⲇⲁⲃⲁⲱⲑ' ⲙⲛ̅ ⲡⲉϥ ϩⲙⲉⲯⲓⲧ ⲛ̅ ⲇⲁⲓⲙⲟⲛⲓⲟⲛ ⲛ̅ ⲥⲉ ⲙⲁⲥⲧⲓⲅⲟⲩ ⲙ̅ⲙⲟ ⲥ ⲛ̅ϭⲓ ⲛⲉϥ ⲇⲁⲓⲙⲟⲛⲓⲟⲛ ⲛ̅ ⲕⲉ ϣⲟⲙⲧⲉ ⲛ̅ ⲣⲟⲙⲡⲉ ⲉ ⲡ ⲟⲩⲁ ⲙⲛ̅ ⲥⲟⲟⲩ ⲛ̅ ⲉⲃⲟⲧ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲉ ⲡⲉ ⲭⲁⲟⲥ ⲉⲣⲁⲧ ⲥ̅ ⲛ̅ ⲧ ⲡⲉⲣⲥⲉⲫⲟⲛⲏ ⲛ̅ ⲥⲉ ⲧⲓⲙⲱⲣⲉⲓ ⲙ̅ⲙⲟ ⲥ ϩⲛ̅ ⲛⲉⲥ ⲕⲟⲗⲁⲥⲓⲥ ⲛ̅ ⲕⲉ ϣⲟⲙⲧⲉ ⲛ̅ ⲣⲟⲙⲡⲉ ⲙⲛ̅ ⲥⲟⲟⲩ ⲛ̅ ⲉⲃⲟⲧ' ⲙⲛⲛⲥⲁ ⲛⲁⲓ̈ ϣⲁ ⲩ ϥⲓⲧ ⲥ̅ ⲉϩⲣⲁⲓ̈ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲁⲣⲭⲱⲛ ⲛ̅ⲧⲉ ϩⲓⲏ ⲛ̅ ⲧ ⲙⲏⲧⲉ ⲧⲓ ⲙⲱⲣⲉⲓ ⲙ̅ⲙⲟ ⲥ ϩⲛ̅ ⲛ̅ ⲕⲟⲗⲁⲥⲓⲥ ⲛ̅ ⲛⲉϥ ⲧⲟⲡⲟⲥ ⲛ̅ ⲕⲉ ϣⲟⲙⲧⲉ ⲛ̅ ⲣⲟⲙⲡⲉ ⲙⲛ̅ ⲥⲟⲟⲩ ⲛ̅ ⲉⲃⲟⲧ ·

ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲧⲁⲓ̈ ⲉ ϣⲁ ⲥ ⲕⲣⲓⲛⲉ ⲛ̅ ⲛ̅ ⲇⲓⲕⲁⲓⲟⲥ ⲙⲛ̅ ⲛ̅ ⲣⲉϥ ⲣ̅ ⲛⲟⲃⲉ ⲛ ⲥ̅ ⲕⲣⲓⲛⲉ ⲙ̅ⲙⲟ ⲥ ·

ⲁⲩⲱ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ϣⲁ ⲥ ⲕⲉ ⲗⲉⲩⲉ ⲛ̅ ⲥⲉ ⲛⲟϫ ⲥ̅ ⲉ ⲡ ⲕⲁⲕⲉ ⲉⲧ ϩⲓⲃⲟⲗ · ϣⲁ ⲡⲉ ⲩⲟⲓ̈ϣ ⲉⲧ ⲟⲩ ⲛⲁ ϥⲓ ⲙ̅ ⲡ ⲕⲁⲕⲉ ⲛ̅ ⲧ ⲙⲏⲧⲉ ϣⲁ ⲥ ⲱϫⲛ̅ ⲛ̅ ⲥ ⲃⲱⲗ ⲉⲃⲟⲗ ⲧⲁⲓ̈ ⲧⲉ ⲧ ⲕⲟⲗⲁⲥⲓⲥ ⲙ̅ ⲡ ⲣⲱⲙⲉ ⲛ̅ ⲣⲉϥ ϩⲱⲧⲃ̅ ·

ⲡⲉϫⲁ ϥ ⲛ̅ϭⲓ ⲡⲉⲧⲣⲟⲥ ϫⲉ ⲡⲁ ϫⲟⲓ̈ⲥ ⲙⲁⲣⲉ ⲛⲉ ϩⲓⲟⲙⲉ ϩⲱ ⲉⲣⲟ ⲟⲩ ⲉ ⲩ ϣⲓⲛⲉ ⲧⲁⲣ ⲛ̅ ϣⲓⲛⲉ ϩⲱⲱ ⲛ ·

ⲡⲉϫⲉ ⲓ̅ⲥ̅ ⲙ̅ ⲙⲁⲣⲓϩⲁⲙ' ⲙⲛ̅ ⲛⲉ ϩⲓⲟⲙⲉ ϫⲉ ⲕⲁ ⲡ ⲙⲁ ⲛ̅ ⲛⲉⲧⲛ̅ ⲥⲛⲏⲩ ⲛ̅ ϩⲟⲟⲩⲧ ⲛ̅ ⲥⲉ ϣⲓⲛⲉ ϩⲱ ⲟⲩ ·

ⲁ ϥ ⲟⲩⲱϣⲃ̅ ⲛ̅ϭⲓ ⲡⲉⲧⲣⲟⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲟⲩ ⲣⲱⲙⲉ ⲛ̅ ⲥⲟ ⲟⲛⲉ ⲛ̅ ⲣⲉϥ ϫⲓⲟⲩⲉ ⲉ ⲡⲉϥ ⲛⲟⲃⲉ ⲡⲉ ⲡⲁⲓ̈ ⲉ ϥ ⲙⲏⲛ ⲉⲃⲟⲗ' ⲉϥϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲟⲩ ⲧⲉ ⲧⲉϥ ⲕⲟⲗⲁⲥⲓⲥ ·

ⲡⲉϫⲉ ⲓ̅ⲥ̅ ϫⲉ ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉⲣϣⲁⲛ ⲡⲉϥ ⲟⲩⲟⲉⲓϣ ϫⲱⲕ' ⲉⲃⲟⲗ ϩⲓⲧⲛ̅ ⲧⲉ ⲥⲫⲁⲓⲣⲁ ϣⲁ ⲩ ⲉⲓ̅ ⲛ̅ⲥⲱ ϥ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲁⲇⲱⲛⲓⲥ · ⲛ̅ ⲥⲉ ⲛ̅ ⲧⲉϥ ⲯⲩⲭⲏ ⲉⲃⲟⲗ ϩⲛ̅ ⲥⲱⲙⲁ ⲛ̅ ⲥⲉ ⲣ̅ ϣⲟⲙ̅ⲧ ⲛ̅ ϩⲟⲟⲩ ⲉ ⲩ ⲕⲱⲧⲉ ⲛⲙ̅ ⲙⲁ ⲥ ⲉ ⲩ ⲧⲥⲁⲃⲟ ⲙ̅ⲙⲟ ⲥ ⲉ ⲛ ⲥⲱⲛⲧ̅ ⲙ̅ ⲡ ⲕⲟⲥⲙⲟⲥ ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲉ ⲡ ⲉⲥⲏⲧ ⲉ ⲁⲙⲛ̅ⲧⲉ ⲉⲣⲁⲧ ϥ̅ ⲛ̅ ⲁⲣⲓⲏⲗ' ⲛ̅ ϥ ⲧⲓⲙⲱⲣⲉⲓ ⲙ̅ⲙⲟ ⲥ ϩⲛ̅ ⲛⲉϥ ⲕⲟⲗⲁⲥⲓⲥ ⲛ̅ ϣⲟⲙⲛ̅ⲧ ⲛ̅ ⲉⲃⲟⲧ' ⲙⲛ̅ ϣⲙⲟⲩⲛ ⲛ̅ ϩⲟⲟⲩ ⲙⲛ̅ ⲟⲩⲛⲟⲩ ⲥⲛ̅ⲧⲉ ·

ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲥⲉ ϫⲓⲧ ⲥ̅ ⲉ ⲡⲉ ⲭⲁⲟⲥ ⲉⲣⲁⲧ ϥ̅ ⲛ̅ ⲓ̈ⲁⲗⲇⲁⲃⲁⲱⲑ' ⲙⲛ̅ ⲡⲉϥ ϩⲙⲉ ⲯⲓⲧ' ⲛ̅ ⲇⲁⲓⲙⲟⲛⲓⲟⲛ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛⲉϥ ⲇⲁⲓⲙⲟⲛⲓⲟⲛ ⲧⲓⲙⲱⲣⲉⲓ ⲙ̅ⲙⲟ ⲥ ⲛ̅ ⲕⲉ ϣⲟⲙⲛ̅ⲧ ⲛ̅ ⲉⲃⲟⲧ' ⲙⲛ̅ ϣⲙⲟⲩⲛ ⲛ̅ ϩⲟⲟⲩ ⲙⲛ̅ ⲟⲩⲛⲟⲩ ⲥⲛ̅ⲧⲉ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲉϩⲣⲁⲓ̈ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲁⲣⲭⲱⲛ ⲛ̅ⲧⲉ ϩⲓⲏ ⲛ̅ ⲧ ⲙⲏⲧⲉ ⲧⲓ ⲙⲱⲣⲉⲓ ⲙ̅ⲙⲟ ⲥ ϩⲓⲧⲙ̅ ⲡⲉϥ ⲕⲣⲱⲙ' ⲛ̅ ⲕⲁⲕⲉ ⲙⲛ̅ ⲡⲉϥ ⲕⲱϩⲧ̅ ⲙ̅ ⲡⲟⲛⲏⲣⲟⲛ ⲛ̅ ⲕⲉ ϣⲟⲙⲛ̅ⲧ ⲛ̅ ⲉⲃⲟⲧ ⲙⲛ̅ ϣⲙⲟⲩⲛ ⲛ̅ ϩⲟⲟⲩ ⲙⲛ̅ ⲟⲩⲛⲟⲩ ⲥⲛ̅ⲧⲉ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲉϩⲣⲁⲓ̈ ⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲧⲁⲓ̈ ⲉ ϣⲁ ⲥ ⲕⲣⲓⲛⲉ ⲛ̅ ⲛ̅ ⲇⲓⲕⲁⲓⲟⲥ ⲙⲛ̅ ⲛ̅ ⲣⲉϥ ⲣ̅ ⲛⲟⲃⲉ ⲛ ⲥ̅ ⲕⲣⲓⲛⲉ ⲙ̅ⲙⲟ ⲥ ⲁⲩⲱ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ϣⲁ ⲥ ⲧⲁⲁ ⲥ ⲛ̅ ⲛⲉⲥ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲉ ⲛⲟϫ ⲥ̅ ⲉ ⲛ ⲁⲓⲱⲛ ⲛ̅ ⲧⲉ ⲥⲫⲁⲓⲣⲁ ⲛ̅ ⲥⲉ ϫⲓⲧ ⲥ̅ ⲉⲃⲟⲗ ⲉ ⲩ ⲙⲟⲟⲩ ⲉ ϥ ϩⲁⲡⲉⲥⲏⲧ ⲛ̅ ⲧⲉ ⲥⲫⲁⲓⲣⲁ ⲛ ϥ̅ ⲣ̅ ⲟⲩ ⲕⲣⲱⲙ ⲉ ϥ ⲃⲣ̅ⲃⲣ̅ ⲛ ϥ̅ ⲟⲩⲱⲙ ⲉϩⲟⲩⲛ ⲛ̅ⲥⲱ ⲥ ϣⲁⲛⲧ ⲥ̅ ⲕⲁⲑⲁⲣⲓⲍⲉ ⲙ̅ⲙⲟ ⲥ ⲧⲟⲛⲱ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ϥ ⲉⲓ ⲛ̅ϭⲓ ⲓ̈ⲁⲗⲟⲩϩⲁⲙ'

ⲡ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲁⲃⲁⲱⲑ' ⲡ ⲁ ⲇⲁⲙⲁⲥ ⲛ ϥ̅ ⲣ ⲉⲓⲛⲉ ⲙ̅ ⲡ ⲁⲡⲟⲧ ⲛ̅ ⲧ ⲃ̅ϣⲉ ⲛ ϥ̅ ⲧⲁⲁ ϥ ⲛ̅ ⲧⲉ ⲯⲩⲭⲏ ⲛ ⲥ̅ ⲥⲟⲟ ϥ ⲛ ⲥ̅ⲣ̅ ⲡ ⲱⲃϣ̅ ⲛ̅ ϩⲱⲃ ⲛⲓⲙ ⲙⲛ̅ ⲧⲟ ⲡⲟⲥ ⲛⲓⲙ' ⲉⲛⲧ ⲁ ⲥ ⲃⲱⲕ ⲉⲣⲟ ⲟⲩ ⲛ̅ ⲥⲉ ⲛⲟϫ ⲥ̅ ⲉ ⲩ ⲥⲱⲙⲁ ⲛ̅ ϭⲁⲗⲉ ⲁⲩⲱ ⲛ̅ ϭⲁⲛⲁϩ ⲁⲩⲱ ⲛ̅ ⲃⲗ̅ⲗⲉ · ⲧⲁⲓ̈ ⲧⲉ ⲧ ⲕⲟⲗⲁⲥⲓⲥ ⲙ̅ ⲡ ⲣⲱⲙⲉ ⲛ̅ ⲣⲉϥ ϫⲓⲟⲩⲉ :

ⲁ ϥ ⲟⲩⲱϣⲃ̅ ⲛ̅ϭⲓ ⲁⲛⲇⲣⲉⲁⲥ ⲡⲉϫⲁ ϥ · ϫⲉ ⲟⲩ ⲣⲱⲙⲉ ⲛ̅ ϫⲁⲥⲓ ϩⲏⲧ ⲛ̅ ⲣⲉϥ ⲥⲱϣ ⲉϥϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲩ ⲛⲁ ⲣ̅ ⲟⲩ ⲛⲁ ϥ ·

ⲡⲉϫⲉ ⲓ̅ⲥ̅ ϫⲉ ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉⲣϣⲁⲛ ⲡⲉϥ ⲟⲩⲟⲉⲓϣ ϫⲱⲕ ⲉⲃⲟⲗ ϩⲓⲧⲛ̅ ⲧⲉ ⲥⲫⲁⲓⲣⲁ ϣⲁ ⲩ ⲉⲓ̅ ⲛ̅ ⲥⲱ ϥ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲁⲣⲓⲏⲗ ⲛ̅ ⲥⲉ ϫⲓ ⲛ̅ ⲧⲉϥ ⲯⲩⲭⲏ ⲛ̅ ⲥⲉ ⲣ̅ ϣⲟⲙⲛ̅ⲧ ⲛ̅ ϩⲟⲟⲩ ⲉ ⲩ ϯ ⲟⲩⲟⲓ̈ ϩⲙ̅ ⲡ ⲕⲟⲥⲙⲟⲥ ⲉ ⲩ ⲧⲥⲁⲃⲟ ⲙ̅ⲙⲟ ⲥ ⲉ ⲛ ⲥⲱⲛⲧ̅ ⲙ̅ ⲡ ⲕⲟⲥⲙⲟⲥ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲉ ⲡ ⲉⲥⲏⲧ ⲉ ⲁⲙⲛ̅ⲧⲉ ⲉⲣⲁⲧ ϥ̅ ⲛ̅ ⲁⲣⲓⲏⲗ' ⲛ ϥ̅ ⲧⲓⲙⲱⲣⲓ ⲙ̅ⲙⲟ ⲥ ϩⲛ̅ ⲛⲉϥ ⲕⲟⲗⲁⲥⲓⲥ ⲛ̅ ϫⲟⲩ ⲱⲧ' ⲛ̅ ⲉⲃⲟⲧ ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲉ ⲡⲉ ⲭⲁⲟⲥ ⲉ ⲣⲁⲧ ϥ̅ ⲛ̅ ⲓⲁⲗⲇⲁⲃⲁⲱⲑ' ⲙⲛ̅ ⲡⲉϥ ϩⲙⲉ ⲯⲓⲧ ⲛ̅ ⲇⲁⲓⲙⲟ ⲛⲓⲟⲛ ⲁⲩⲱ ⲛ ϥ̅ ⲧⲓⲙⲱⲣⲓ ⲙ̅ⲙⲟ ⲥ ⲙⲛ̅ ⲛⲉϥ ⲇⲁⲓⲙⲟⲛⲓⲟⲛ ⲕⲁⲧⲁ ⲟⲩⲁ ⲟⲩⲁ ⲛ̅ ⲕⲉ ϫⲟⲩⲱⲧ' ⲛ̅ ⲉⲃⲟⲧ ·

ⲙⲛ̅ⲛ̅ⲥⲁ ⲡⲁⲓ̈ ϣⲁ ⲩ ϥⲓⲧ ⲥ̅ ⲉϩⲣⲁⲓ̈ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲁⲣⲭⲱⲛ ⲛ̅ⲧⲉ ϩⲓⲏ ⲛ̅ ⲧ ⲙⲏⲧⲉ ⲛ ϥ̅ ⲕⲟⲗⲁⲍⲉ ⲙ̅ⲙⲟ ⲥ ⲛ̅ ⲕⲉ ϫⲟⲩⲱⲧ ⲛ̅ ⲉⲃⲟⲧ ·

ⲁⲩⲱ ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲛ ⲥ̅ ⲕⲣⲓⲛⲉ ⲙ̅ⲙⲟ ⲥ ⲁⲩⲱ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ϣⲁ ⲥ ⲧⲁⲁ ⲥ ⲛ̅ ⲛⲉⲥ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲉ ⲛⲟϫ ⲥ̅ ⲉ ⲛ ⲁⲓⲱⲛ ⲛ̅ ⲧⲉ ⲥⲫⲁⲓⲣⲁ ·

ⲁⲩⲱ ϣⲁⲣⲉ ⲛ̅ ⲗⲓⲧⲟⲩⲣⲅⲟⲥ ⲛ̅ ⲧⲉ ⲥⲫⲁⲓⲣⲁ ϫⲓⲧ ⲥ̅ ⲉⲃⲟⲗ ⲉ ⲩ ⲙⲟⲟⲩ ⲉ ϥ ϩⲁ ⲡ ⲉⲥⲏⲧ ⲛ̅ ⲧⲉ ⲥⲫⲁⲓⲣⲁ ⲛ ϥ̅ ⲣ̅ ⲟⲩ ⲕⲣⲱⲙ ⲉ ϥ ⲃⲣ̅ⲃⲣ̅ ⲛ ϥ̅ ⲟⲩⲱⲙ' ⲉⲏⲟⲩⲛ ⲛ̅ⲥⲱ ⲥ ϣⲁⲛⲧ ϥ̅ ⲕⲁⲑⲁⲣⲓⲍⲉ ⲙ̅ⲙⲟ ⲥ ·

ⲁⲩⲱ ϣⲁ ϥ ⲉⲓ̅ ⲛ̅ϭⲓ ⲡⲁⲗⲟⲩ ϩⲁⲙ ⲡ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲁⲃⲁⲱⲑ' ⲡ ⲁⲇⲁⲙⲁⲥ ⲛ ϥ̅ ⲉⲓⲛⲉ ⲙ̅ ⲡ ⲁⲡⲟⲧ ⲙ̅ⲙⲟ ⲩ ⲛ ⲃ̅ϣⲉ ⲛ ϥ̅ ⲧⲁⲁ ϥ ⲛ̅ ⲧⲉ ⲯⲩ ⲭⲏ ⲛ ⲥ̅ ⲥⲟⲟ ϥ ⲛ ⲥⲣ̅ ⲡ ⲱⲃϣ̅ ⲛ ϩⲱⲃ ⲛⲓⲙ ⲙⲛ̅ ⲧⲟⲡⲟⲥ ⲛⲓⲙ' ⲉⲛⲧ ⲁ ⲥ ⲃⲱⲕ ⲉⲣⲟ ⲟⲩ ⲁⲩⲱ ⲛ̅ ⲥⲉ ⲛⲟϫ ⲥ ⲉϩⲣⲁⲓ̈ ⲉ ⲩ ⲥⲱⲙⲁ ⲛ̅ ⲕⲱ □*□ⲥⲉⲛⲉ ϭⲱ ϥ · ⲛ̅ⲧⲉ□** □

ⲛ ⲛⲓⲙ ϭⲱ ⲉ ⲩ ⲥⲱϣ ⲙ̅ⲙⲟ ϥ ⲧⲁⲓ̈ ⲧⲉ ⲧ ⲕⲟⲗⲁⲥⲓⲥ ⲙ̅ ⲡ ⲣⲱⲙⲉ ⲛ̅ ϫⲁⲥⲓ ϩⲏⲧ ⲛ̅ ⲣⲉϥ ⲥⲱϣ :

ⲡⲉϫⲁ ϥ ⲛ̅ϭⲓ ⲑⲱⲙⲁⲥ ϫⲉ ⲟⲩ ⲣⲱⲙⲉ ⲛ̅ ⲣⲉϥ ϫⲉ‐ ⲟⲩⲁ ⲉ ϥ ⲙⲏⲛ ⲉⲃⲟⲗ' ⲟⲩ ⲧⲉ ⲧⲉϥ ⲕⲟⲗⲁⲥⲓⲥ ·

ⲡⲉϫⲉ ⲓ̅ⲥ̅ ϫⲉ ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉⲣϣⲁⲛ ⲡⲉϥ ⲟⲩⲟⲉⲓϣ ϫⲱⲕ ⲉⲃⲟⲗ ϩⲓⲧⲛ̅ ⲧⲉ ⲥⲫⲁⲓⲣⲁ ϣⲁ ⲩ ⲉⲓ ⲛ̅ ⲥⲱ ϥ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲓ̈ⲁⲗⲇⲁⲃⲁⲱⲑ' ⲛ ⲥⲉ ⲙⲟⲣ ϥ̅ ⲛ̅ⲥⲁ ⲡⲉϥ ⲗⲁⲥ ⲛ̅ⲥⲁ ⲟⲩ ⲛⲟϭ ⲛ̅ ⲇⲁⲓⲙⲱⲛ ⲛ ϩⲁⲛ̅ ϩⲧⲟ ⲛ ⲥⲉ ⲣ̅ ϣⲟⲙⲛ̅ⲧ ⲛ ϩⲟⲟⲩ ⲉ ⲩ ϯ ⲟⲩⲟⲓ̈ ⲛⲙ ⲙⲁ ϥ ϩⲙ̅ ⲡ ⲕⲟⲥⲙⲟⲥ ⲛ̅ ⲥⲉ ⲧⲓⲙⲱⲣⲉⲓ ⲙ̅ⲙⲟ ϥ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ϥ̅ ⲉⲃⲟⲗ ⲉ ⲡ ⲙⲁ ⲙ̅ ⲡ ϫⲁϥ ⲙⲛ̅ ⲡⲉ ⲭⲓⲱⲛ ⲛ̅ ⲥⲉ ⲧⲓⲙⲱⲣⲉⲓ ⲙ̅ⲙⲟ ϥ ⲙ̅ⲙⲁⲩ ⲙ̅ ⲙⲛ̅ⲧ ⲟⲩⲉ ⲛ̅ ⲣⲟⲙⲡⲉ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ϥ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲉ ⲣⲁⲧ ϥ̅ ⲛ ⲓⲁⲗⲇⲁⲃⲁⲱⲑ ⲙⲛ̅ ⲡⲉϥ ϩⲙⲉ ⲯⲓⲧ ⲛ̅ ⲇⲁⲓⲙⲟ ⲛⲓⲟⲛ ⲛ̅ⲧⲉ ⲡ ⲟⲩⲁ ⲡ ⲟⲩⲁ ⲛ̅ ⲛⲉϥ ⲇⲁⲓⲙⲟⲛⲓⲟⲛ ⲧⲓⲙⲱⲣⲉⲓ ⲙ̅ⲙⲟ ϥ ⲛ̅ ⲕⲉ ⲙⲛⲧ ⲟⲩⲉ ⲛ̅ ⲣⲟⲙⲡⲉ ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ϥ̅ ⲉⲃⲟⲗ ⲉ ⲡ ⲕⲁⲕⲉ ⲉⲧ ϩⲓⲃⲟⲗ' ϣⲁ ⲡⲉ ϩⲟⲟⲩ ⲉⲧ ⲟⲩ ⲛⲁ ⲕⲣⲓⲛⲉ ⲙ̅ ⲡ ⲛⲟϭ ⲛ̅ ⲁⲣⲭⲱⲛ ⲛ̅ ϩⲁ ⲛ̅ ⲇⲣⲁⲕⲱⲛ ⲉⲧ ⲕⲱⲧⲉ ⲉ ⲡ ⲕⲁⲕⲉ ⲁⲩⲱ ϣⲁⲣⲉ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ϣⲁ ⲥⲣ̅ϩⲣⲟⲩⲟⲩϫⲉϥ ⲛ ⲥ̅ ⲁⲛϩⲁⲗⲓⲥⲕⲉ ⲛ ⲥ ⲃⲱⲗ ⲉⲃⲟⲗ ·

ⲧⲁⲓ̈ ⲧⲉ ⲧⲉ ⲕⲣⲓⲥⲓⲥ ⲙ ⲡ ⲣⲱⲙⲉ ⲛ ⲣⲉϥ ϫⲉⲟⲩⲁ ·

ⲡⲉϫⲁ ϥ ⲛϭⲓ ⲃⲁⲣⲑⲟⲗⲟⲙⲁⲓⲟⲥ ϫⲉ ⲟⲩ ⲣⲱⲙⲉ ⲛ̅ ⲣⲉϥ ⲛⲕⲟⲧⲕ ⲙⲛ̅ ϩⲟⲟⲩⲧ ⲟⲩⲧⲉ ⲧⲉϥ ⲧⲓⲙⲱⲣⲓⲁ ·

ⲡⲉϫⲁ ϥ ⲛ̅ϭⲓ ⲓ̅ⲥ̅ ϫⲉ ⲡ ⲣⲱⲙⲉ ⲉ ϥ ⲛⲕⲟⲧⲕ ⲙⲛ̅ ϩⲟⲟⲩⲧ ⲙⲛ̅ ⲡ ⲣⲱⲙⲉ ⲉⲧ ⲟⲩ ⲛⲁ ⲕⲟⲧ ⲕ̅ ⲛⲙⲙⲁ ϥ * ⲡ ⲣⲱⲙⲉ ⲛ ⲣⲉϥ ϫⲉ ⲟⲩⲁ

ⲉⲣϣⲁⲛ ⲡⲉ ⲟⲩⲟⲉⲓϣ ϭⲉ ϫⲱⲕ ⲉⲃⲟⲗ ϩⲓⲧⲛ̅ ⲧⲉ ⲥⲫⲁⲓⲣⲁ ϣⲁ ⲩ ⲉⲓ ⲛ̅ⲥⲁ ⲧⲉⲩ ⲯⲩⲭⲏ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲓ̈ⲁⲗⲇⲁⲃⲁⲱⲑ' ⲛ ϥ̅ ⲧⲓⲙⲱⲣⲉⲓ ⲙ̅ⲙⲟ ⲟⲩ ⲙⲛ̅ ⲡⲉϥ ϩⲙⲉⲯⲓⲧ ⲛ̅ ⲇⲁⲓⲙⲟ ⲛⲓⲟⲛ ⲛ̅ ϩ̇ⲙ̇ⲉ̇ ⲛ̅* ⲣⲟⲙⲡⲉ ·

ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲟⲩ ⲉⲃⲟⲗ ⲉ ϩⲉⲛ ⲉⲓⲉⲣⲱⲟⲩ ⲛ̅ ⲕⲣⲱⲙ' ⲙⲛ̅ ϩⲉⲛ ⲑⲁⲗⲁⲥⲥⲁ ⲛ̅ ⲁⲙⲣⲏϩⲉ ⲉ ⲩ ⲃⲣ̅ⲃⲣ̅ ⲉ ⲩ ⲙⲉϩ ⲛ̅ ⲇⲁⲓⲙⲱⲛ ⲛ̅ ϩⲁⲛ̅ ⲣⲓⲣ ⲛ̅ⲧⲟⲟⲩ ϣⲁ ⲩ ⲟⲩⲱⲙ ⲉϩⲟⲩⲛ ⲛ̅ⲥⲱ ⲟⲩ ⲛ̅ ⲥⲉ ϫⲓⲙⲥⲉ ⲙ̅ⲙⲟ ⲟⲩ ϩⲛ̅ ⲛ̅ⲉⲓ ⲉⲣⲱⲟⲩ ⲛ̅ ⲕⲣⲱⲙ ⲛ̅ ⲕⲉ ⲙⲛ̅ⲧ ⲟⲩⲉ ⲛ̅ ⲣⲟⲙⲡⲉ ⲙⲛ̅ⲛ̅ⲥⲁ ⲛⲁⲓ̈ ϣⲁ ⲩ ϫⲓⲧ ⲟⲩ ⲉⲃⲟⲗ ⲉ ⲡ ⲕⲁⲕⲉ ⲉⲧ ϩⲓⲃⲟⲗ' ϣⲁ ⲡⲉ ϩⲟⲟⲩ ⲙ̅ⲫⲁⲡ ⲉⲧ ⲟⲩ ⲛⲁ ⲕⲣⲓⲛⲉ ⲙ̅ ⲡ ⲛⲟϭ ⲛ̅ ⲕⲁⲕⲉ ⲉ ϣⲁ ⲩ ⲃⲱⲗ' ⲉⲃⲟⲗ ⲛ̅ ⲥⲉ ⲧⲁⲕⲟ ·

ⲡⲉϫⲁ ϥ ⲛ̅ϭⲓ ⲑⲱⲙⲁⲥ ϫⲉ ⲁ ⲛ ⲥⲱⲧⲙ̅ ϫⲉ ⲟⲩⲛ ϩⲟⲓ̈ⲛⲉ ϩⲓϫⲙ̅ ⲡ ⲕⲁϩ ⲉ ϣⲁ ⲩ ϥⲓ ⲙ̅ ⲡⲉ ⲥⲡⲉⲣⲙⲁ ⲛ̅ ⲛ̅ ϩⲟⲟⲩⲧ ⲙⲛ̅ ⲧⲉ ϣⲣⲱ ⲛ̅ ⲧⲉ ⲥϩⲓⲙⲉ ⲛ̅ ⲥⲉ ⲧⲁⲁ ⲩ ⲉ ⲩ ⲁⲣϣⲓⲛ ⲛ̅ ⲥⲉ ⲟⲩⲟⲙ ϥ ⲉ ⲩ ϫⲱ ⲙ̅ⲙⲟ ⲥ ϫⲉ ⲉ ⲛ ⲡⲓⲥⲧⲉⲩⲉ ⲉ ⲏⲥⲁⲩ ⲙⲛ̅ ⲓ̈ⲁⲕⲱⲃ · ⲁⲣⲁ ϩⲏ ⲟⲩ ϩⲱⲃ' ⲉ ϣϣⲉ ⲡⲉ ⲙ̅ⲙⲟⲛ · ⲁ ⲓ̅ⲥ̅ ⲇⲉ ϭⲱⲛⲧ̅ ⲉ ⲡ ⲕⲟⲥⲙⲟⲥ ⲙ̅ ⲡ ⲛⲁⲩ ⲉⲧ ⲙ̅ⲙⲁⲩ ·

ⲁⲩⲱ ⲡⲉϫⲁ ϥ ⲛ̅ ⲑⲱⲙⲁⲥ ϫⲉ ϩⲁⲙⲏⲛ ϯ ϫⲱ ⲙ̅ⲙⲟ ⲥ ϫⲉ ⲛⲟⲃⲉ ⲛⲓⲙ' ϩⲓ ⲁⲛⲟⲙⲓⲁ ⲛⲓⲙ ⲡⲉⲓ̈ ⲛⲟⲃⲉ ⲟⲩⲟⲧⲃ̅ ⲉⲣⲟ ⲟⲩ ·

ⲛⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉ ⲩ ⲛⲁ ϫⲓⲧ ⲟⲩ ⲛ̅ⲥⲁ ⲧⲟⲟⲧ ⲟⲩ ⲉ ⲡ ⲕⲁⲕⲉ ⲉⲧ ϩⲓ‐ⲃⲟⲗ' ⲟⲩⲇⲉ ⲛ̅ⲛⲉ ⲩ ⲧⲥ̅ⲧⲟ ⲟⲩ ⲉ ⲧⲉ ⲥⲫⲁⲓⲣⲁ ⲛ̅ ⲟⲩ ⲱϩⲙ̅ · ⲁⲗⲗⲁ ⲉ ⲩ ⲛⲁ ⲁⲛ ϩⲁⲗⲓⲥⲕⲉ ⲙⲙⲟ ⲛ̅ ⲥⲉ ⲧⲁⲕⲟ ⲟⲩ ϩⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ' ⲡ ⲙⲁ ⲉⲧⲉ ⲙⲛ̅ ⲛⲁ ⲛ̅ϩⲏⲧ ϥ̅ ⲟⲩⲇⲉ ⲙⲛ̅ ⲟⲩⲟⲉⲓⲛ ·

ⲁⲗⲗⲁ ⲡ ⲣⲓⲙⲉ ⲡⲉ ⲙⲛ̅ ⲡ ϭⲁϩϭϩ̅ ⲛ̅ ⲛ̅ ⲟⲃϩⲉ ⲡⲉ ·

ⲁⲩⲱ ⲯⲩⲭⲏ ⲛⲓⲙ' ⲉⲧ ⲟⲩ ⲛⲁ ϫⲓⲧ ⲟⲩ ⲉ ⲡ ⲕⲁⲕⲉ ⲉⲧ ϩⲓⲃⲟⲗ · ⲙⲉ ⲩ ⲧⲥ̅ⲧⲟ ⲟⲩ ⲛ̅ ⲟⲩⲱϩⲙ̅ ⲁⲗⲗⲁ ϣⲁ ⲩ ⲧⲁⲕⲟ ⲛ̅ ⲥⲉ ⲃⲱⲗ ⲉⲃⲟⲗ :

ⲁ ϥ ⲟⲩⲱϣⲃ̅ ⲛ̅ϭⲓ ⲓ̈ⲱϩⲁⲛ ⲛⲏⲥ ϫⲉ ⲉⲓ̈ⲉ ⲟⲩ ⲣⲱⲙⲉ ⲉ ⲙ̅ⲡ ϥ̅ ⲣ̅ ⲛⲟⲃⲉ ⲁⲗⲗⲁ ⲉ ϥ ⲣ̅ ⲁⲅⲁⲑⲟⲛ ⲉ ϥ ⲙⲏⲛ ⲉⲃⲟⲗ' ⲉ ⲙⲡ ϥ̅ ϩⲉ ⲇⲉ ⲉ ⲛⲉⲕ ⲙⲩⲥⲧⲏ ⲣⲓⲟⲛ ⲉ ⲧⲣⲉ ϥ ⲟⲩⲱⲧⲃ̅ ⲛ̅ ⲛ̅ ⲁⲣⲭⲱⲛ ⲉϥϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲩ ⲛⲁ ⲣ̅ ⲟⲩ ⲛⲁ ϥ :

ⲡⲉϫⲉ ⲓ̅ⲥ̅ ϫⲉ ⲡ ⲣⲱⲙⲉ ⲛ̅ ⲧⲉⲓ̈ ⲙⲓⲛⲉ ⲉⲣϣⲁⲛ ⲡⲉϥ ⲟⲩⲟⲉⲓϣ ϫⲱⲕ ⲉⲃⲟⲗ ϩⲓⲧⲛ̅ ⲧⲉ ⲥⲫⲁⲓⲣⲁ ϣⲁ ⲩ ⲉⲓ̅ ⲛ̅ⲥⲁ ⲧⲉϥ ⲯⲩⲭⲏ ⲛ̅ϭⲓ ⲙ̅ ⲡⲁ ⲣⲁⲗⲏⲙⲡⲧⲏⲥ ⲛ̅ ⲃⲁⲓ̈ⲛ̅ⲭⲱⲱⲱⲭ' ⲉ ⲟⲩⲁ ⲡⲉ ϩⲓ ⲡⲓ ϣⲟⲙⲛ̅ⲧ ⲛ̅ ⲛⲟⲩⲧⲉ ⲛ̅ ⲧⲣⲓⲇⲩⲛⲁⲙⲓⲥ ⲛ̅ ⲥⲉ ϫⲓ ⲛ̅ ⲧⲉϥ ⲯⲩⲭⲏ ϩⲛ̅ ⲟⲩ ⲣⲁϣⲉ ⲙⲛ̅ ⲟⲩ ⲧⲉⲗⲏⲗ ⲛ̅ ⲥⲉ ⲣ̅ ϣⲟⲙⲛ̅ⲧ ⲛ̅ ϩⲟⲟⲩ ⲉ ⲩ ⲕⲱⲧⲉ ⲛⲙ̅ⲙⲁ ⲥ ⲉ ⲩ ⲧⲥⲁⲃⲟ ⲙ̅ⲙⲟ ⲥ ⲉ ⲛ̅ ⲥⲱⲛⲧ̅ ⲙ̅ ⲡ ⲕⲟⲥⲙⲟⲥ ϩⲛ̅ ⲟⲩ ⲣⲁϣⲉ ⲙⲛ̅ ⲟⲩⲧⲉⲗⲏⲗ' ⲙⲛ̅ⲛ̅ⲥⲁ ⲟⲩ ⲧⲉⲗⲏⲗ' ϣⲁ ⲩ ϫⲓⲧ ⲥ̅ ⲉ ⲡ ⲉⲥⲏⲧ ⲉ ⲁⲙⲛ̅ⲧⲉ ⲛ̅ ⲥⲉ ⲧⲥⲁⲃⲟ ⲥ ⲉ ⲛ ⲕⲟⲗⲁⲥⲧⲏⲣⲓⲟⲛ ⲉⲧ ϩⲛ̅ ⲁⲙⲛ̅ⲧⲉ ·