Pistis Sophia Book 4 Part 1 unknown source <a href='http://marcion.sourceforge.net/'>Marcion project</a>, <a href='https://archive.org/details/pistissophiaopus0000unse/page/n29/mode/2up'>Archive.org</a> annotation Randy Komforty, Lance Martin, Amir Zeldes, Caroline T. Schroeder translation none Coptic SCRIPTORIUM, Marcion CC-BY 4.0 CMCL.AQ codex Egypt none unknown British Library Additional Manuscripts 5114 637-661 Sahidic Coptic Pistis Sophia Book 4 Part 1 J. H. Petermann (1851), Carl Schmidt & Violet MacDermot (1978)

This file encoded to comply with EpiDoc Guidelines and Schema.http://sourceforge.net/p/epidoc/

 Sahidic Coptic

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ⲥⲟ ⲩ̅ ⲙ̅ ⲡⲉⲛ ϫⲟⲉⲓⲥ ⲓ̅ⲥ̅ ⲁ ϥ ⲧⲱ ⲟⲩⲛ ⲉⲃⲟⲗ ϩⲛ̅ ⲛ ⲉⲧ ⲙⲟⲟⲧ ⲙ̅ ⲡⲉϥ ⲙⲉϩ ϣⲟⲙⲛ̅ⲧ ⲛ̅ ϩⲟⲟⲩ ·

ⲁ ⲩ ⲥⲱⲟⲩϩ ⲉⲣⲟ ϥ ⲛ̅ϭⲓ ⲛⲉϥ ⲙⲁⲑⲏⲧⲏⲥ ⲁ ⲩ ⲧⲱⲃϩ̅ ⲙ̅ⲙⲟ ϥ ⲉ ⲩ ϫⲱ ⲙ̅ⲙⲟ ⲥ · ϫⲉ ⲡⲉⲛ ϫⲟⲉⲓⲥ ϣⲛ̅ ϩⲧⲏ ⲕ ϩⲁⲣⲟ ⲛ ϫⲉ ⲁ ⲛ ⲕⲁ ⲉⲓⲱⲧ ϩⲓ ⲙⲁⲁⲩ ⲛ̅ⲥⲱ ⲛ ⲙⲛ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲁ ⲛ ⲟⲩⲁϩ ⲛ̅ ⲛ̅ⲥⲱ ⲕ :

ⲧⲟⲧⲉ ⲓ̅ⲥ̅ ⲁ ϥ ⲁ ϩⲉ ⲣⲁⲧ ϥ̅ ⲙⲛ̅ ⲛⲉϥ ⲙⲁⲑⲏⲧⲏⲥ ϩⲓϫⲛ̅ ⲡ ⲙⲟⲟⲩ ⲙ̅ ⲡ ⲱⲕⲉ ⲁⲛⲟⲥ ⲁ ϥ ⲉⲡⲓⲕⲁⲗⲉⲓ ⲛ̅ ⲧⲉⲓ̈ ⲡⲣⲟⲥⲉⲩⲭⲏ ⲉ ϥ ϫⲱ ⲙ̅ⲙⲟ ⲥ ϫⲉ ⲥⲱⲧⲙ̅ ⲉⲣⲟ ⲓ̈ ⲡⲁ ⲉⲓⲱⲧ' ⲡ ⲉⲓⲱⲧ ⲙ̅ ⲙⲛ̅ⲧ ⲉⲓⲱⲧ ⲛⲓⲙ ⲡ ⲁⲡⲉⲣⲁⲛⲧⲟⲛ ⲙ̅ ⲡ ⲟⲩⲟⲉⲓⲛ · ⲁⲉⲏⲓⲟⲩⲱ . ⲓ̈ⲁⲱ · ⲁⲱⲓ̈ · ⲱⲓ̈ⲁⲯⲓⲛⲱⲑⲉⲣ ·

ⲑⲉⲣⲛⲱⲯ · ⲛⲱⲯⲓⲧⲉⲣ · ⲍⲁⲅⲟⲩⲣⲏ · ⲡⲁⲅⲟⲩⲣⲏ · ⲛⲉⲑⲙⲟⲙⲁⲱⲑ · ⲛⲉⲯⲓⲟⲙⲁⲱⲑ · ⲙⲁⲣⲁ ⲭⲁⲭⲑⲁ · ⲑⲱⲃⲁⲣⲣⲁⲃⲁⲩ · ⲑⲁⲣⲛⲁⲭⲁⲭⲁⲛ · ⲍⲟⲣⲟ ⲕⲟⲑⲟⲣⲁ · ⲓ̈ⲉⲟⲩ . ⲥⲁⲃⲁⲱⲑ :

ⲛⲁⲓ̈ ⲇⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲓ̅ⲥ̅ ⲛⲉⲣⲉ ⲑⲱⲙⲁⲥ ⲙⲛ̅ ⲁⲛⲇⲣⲉⲁⲥ ⲙⲛ̅ ⲓ̈ⲁⲕⲱⲃⲟⲥ ⲙⲛ̅ ⲥⲓⲙⲱⲛ ⲡ ⲕⲁⲛⲁⲛⲓⲧⲏⲥ ⲛⲉ ⲩ ϩⲓ ⲡ ⲉⲙ̅ⲛ̅ⲧ̅ ⲡⲉ ⲉⲣⲉ ϩⲣⲁ ⲩ ⲕⲏⲧ' ⲉ ⲡ ⲉⲓ̈ⲃⲧ̅ ⲫⲓⲗⲓⲡⲡⲟⲥ ⲇⲉ ⲙⲛ̅ ⲃⲁⲣⲑⲟⲗⲟ ⲙⲁⲓⲟⲥ ⲛⲉ ⲩ ϩⲓ ⲡ ⲣⲏⲥ ⲡⲉ ⲉ ⲩ ⲕⲏⲧ ⲉ ϩⲏⲧ ·

ⲡⲕⲉ ϣⲱϫⲡ̅ ⲇⲉ ⲙ̅ ⲙⲁⲑⲏⲧⲏⲥ ⲙⲛ̅ ⲙ̅ ⲙⲁⲑⲏⲧⲣⲓⲁ ⲛ ⲥ̅ϩⲓⲙⲉ ⲛⲉ ⲩ ⲁϩⲉ ⲣⲁⲧ ⲟⲩ ⲡⲉ ϩⲓ ⲡⲁϩⲟ ⲩ ⲛ̅ ⲓ̅ⲥ̅ ·

ⲓ̅ⲥ̅ ⲇⲉ ⲛⲉ ϥ ⲁϩⲉ ⲣⲁⲧ ϥ̅ ⲡⲉ ϩⲓϫⲙ̅ ⲡⲉ ⲑⲩⲥⲓⲁⲥⲧⲏⲣⲓⲟⲛ ·

ⲁⲩⲱ ⲁ ϥ ⲱϣ ⲉⲃⲟⲗ ⲛ̅ϭⲓ ⲓ̅ⲥ̅ ⲉ ϥ ⲕⲱⲧⲉ ⲙ̅ⲙⲟ ϥ ⲉ ⲡⲉϥ ⲧⲉⲩ ⲗⲁⲕϩ̅ ⲛ̅ⲧⲉ ⲡ ⲕⲟⲥ ⲙⲟⲥ ⲙⲛ̅ ⲛⲉϥ ⲙⲁⲑⲏⲧⲏⲥ ⲉ ⲩ ϭⲟⲟⲗⲉ ⲧⲏⲣ ⲟⲩ ⲛ̅ ϩⲉⲛ ϩⲃⲟⲥ ⲛ̅ ⲛ̅ ⲉⲓⲁⲁⲩ · ⲉ ϥ ϫⲱ ⲙ̅ⲙⲟ ⲥ ϫⲉ ⲓ̈ⲁⲱ · * ⲓ̈ⲁⲱ · ⲧⲁⲓ̈ ⲧⲉ ⲧⲉϥ ϩⲉⲣⲙⲏⲛⲉⲓⲁ · ⲓ̈ⲱⲧⲁ · ϫⲉ ⲁ ⲡ ⲧⲏⲣ ϥ̅ ⲉⲓ̅ ⲉⲃⲟⲗ · ⲁⲗⲫⲁ ϫⲉ ⲥⲉ ⲛⲁ ⲕⲧⲟ ⲟⲩ ⲉϩⲟⲩⲛ · ⲱ̅ⲱ̅ ϫⲉ ϥ ⲛⲁ ϣⲱⲡⲉ ⲛ̅ϭⲓ ⲡ ϫⲱⲕ ⲛ̅ ⲛ̅ ϫⲱⲕ ⲧⲏⲣ ⲟⲩ ·

ⲛⲁⲓ̈ ⲇⲉ ⲛ̅ⲧⲉⲣⲉ ϥ ϫⲟⲟ ⲩ ⲛ̅ϭⲓ ⲓ̅ⲥ̅ ⲡⲉϫⲁ ϥ · ϫⲉ ⲓ̈ⲁⲫⲑⲁ · ⲓ̈ⲁⲫⲑⲁ · ⲙⲟⲩⲛⲁⲏⲣ · ⲙⲟⲩⲛⲁⲏⲣ · ⲉⲣⲙⲁⲛⲟⲩⲏⲣ · ⲉⲣⲙⲁⲛⲟⲩⲏⲣ · ⲉⲧⲉ ⲡⲁⲓ̈ ⲡⲉ ⲡ ⲉⲓ̈ⲱⲧ' ⲙ̅ ⲙⲛ̅ⲧ ⲉⲓⲱⲧ' ⲛⲓⲙ' ⲛ̅ⲧⲉ ⲛⲓ ⲁⲡⲉ ⲣⲁⲛⲧⲟⲛ ·

ⲉⲕⲉ ⲥⲱⲧⲙ̅ ⲉⲣⲟ ⲓ̈ ⲉⲧⲃⲉ ⲛⲁ ⲙⲁⲑⲏⲧⲏⲥ ⲉⲛⲧ ⲁ ⲓ̈ⲛⲧⲟⲩ ⲙ̅ ⲡⲉⲕ ⲙ̅ⲧⲟ ⲉⲃⲟⲗ ϫⲉ ⲉⲩⲉ ⲡⲓⲥⲧⲉⲩⲉ ⲉ ϣⲁϫⲉ ⲛⲓⲙ ⲛ̅ⲧⲉ ⲧⲉⲕ ⲁⲗⲏⲑⲓⲁ · ⲁⲩⲱ ⲛ̅ ⲅ ⲉⲓⲣⲉ ⲛ̅ ϩⲱⲃ ⲛⲓⲙ ⲉ ϯ ⲛⲁ ⲱϣ ⲉϩⲣⲁⲓ̈ ⲟⲩⲃⲏ ⲕ ⲉⲧⲃⲏⲏⲧ ⲟⲩ · ϫⲉ ϯ ⲥⲟⲟⲩⲛ ⲙ̅ ⲡ ⲣⲁⲛ ⲙ̅ ⲡ ⲉⲓⲱⲧ' ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲡⲁ ⲗⲓⲛ ⲟⲛ ⲁ ϥ ⲱϣ ⲉⲃⲟⲗ ⲛ̅ϭⲓ ⲓ̅ⲥ̅ ⲉⲧⲉ ⲁⲃⲉⲣⲁⲛⲉⲛⲑⲱⲣ ⲡⲉ ⲉ ϥ ϫⲱ ⲙ̅ⲙ̇ⲟ̇ ⲥ̇ ⲡ ⲣⲁⲛ ⲙ̅ ⲡ ⲉⲓⲱⲧ' ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲓ̈ⲛ .

ⲁⲩⲱ ⲡⲉϫⲁ ϥ ϫⲉ ⲙⲁⲣⲉ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲛ̅ ⲛ̅ ⲁⲣⲭⲱⲛ ⲙⲛ̅ ⲛ̅ ⲉⲝⲟⲩⲥⲓⲁ ⲙⲛ̅ ⲛ̅ ⲁⲅⲅⲉ ⲗⲟⲥ ⲙⲛ̅ ⲛ̅ ⲁⲣⲭⲁⲅⲅⲉⲗⲟⲥ ⲙⲛ̅ ϭⲟⲙ ⲛⲓⲙ ⲙⲛ̅ ϩⲱⲃ ⲛⲓⲙ ⲛ̅ⲧⲉ ⲡ ⲁϩⲟⲣⲁⲧⲟⲥ ⲛ̅ ⲛⲟⲩⲧⲉ ⲁⲭ̇ ⲅ ⲣⲁⲙⲙⲁⲭⲁⲙⲁ ⲣⲉⲅ * ⲙⲛ̅ ⲧ ⲃⲁⲣⲃⲏⲗⲱ ⲧⲉ ⲃⲇⲉⲗⲗⲁ · ⲙⲁⲣ ⲟⲩ ϩⲛ̅ⲧ ⲟⲩ ⲛ̅ⲥⲁ ⲟⲩ ⲥⲁ ⲛ̅ ⲥⲉ ⲡⲟⲣϫ ⲟⲩ ⲉⲃⲟⲗ' ⲛ̅ ⲟⲩⲛⲁⲙ'

ⲛ̅ ⲧⲉ ⲩ ⲛⲟⲩ ⲇⲉ ⲉⲧ ⲙ̅ⲙⲁⲩ ⲁ ⲙ̅ ⲡⲏⲩⲉ ⲧⲏⲣ ⲟⲩ ⲉⲓ̅ ⲉ ⲡ ⲉⲙⲛ̅ⲧ ⲙⲛ̅ ⲛ ⲁⲓⲱⲛ ⲧⲏⲣ ⲟⲩ ⲙⲛ̅ ⲧⲉ ⲥⲫⲉⲣⲁ ⲙⲛ̅ ⲛⲉⲩ ⲁⲣ ⲭⲱⲛ ⲙⲛ̅ ⲛⲉⲩ ⲇⲩⲛⲁⲙⲓⲥ ⲧⲏⲣ ⲟⲩ ⲁ ⲩ ⲡⲱⲧ ⲧⲏⲣ ⲟⲩ ⲉ ⲡ ⲉⲙⲛ̅ⲧ ⲉ ϩⲃⲟⲩⲣ ⲙ̅ ⲡⲇⲓⲥⲕⲟⲥ ⲙ̅ ⲡ ⲣⲏ ⲙⲛ̅ ⲡⲇⲓⲥⲕⲟⲥ ⲙ̅ ⲡ ⲟⲟϩ ·

ⲛⲉⲣⲉ ⲡⲇⲓⲥⲕⲟⲥ ⲇⲉ ⲙ̅ ⲡ ⲣⲏ ⲛⲉ ϥ ⲟ ⲛ ⲟⲩ ⲛⲟϭ ⲛ̅ ⲇⲣⲁⲕⲱⲛ ⲉⲣⲉ ⲡⲉϥ ⲥⲁⲧ ⲛ̅ϩⲟⲩⲛ ⲛ̅ ⲣⲱ ϥ ⲉ ϥ ⲁⲗⲉ ⲉ ⲥⲁϣϥⲉ ⲛ̅ ⲇⲩⲛⲁⲙⲓⲥ ⲛ̅ ⲧⲉ ϩⲃⲟⲩⲣ · ⲉ ⲩ ⲥⲱⲕ ϩⲁⲣⲟ ϥ ⲛ̅ϭⲓ ϥⲧⲟ ⲛ̅ ⲇⲩⲛⲁⲙⲓⲥ ⲉ ⲩ ⲟ ⲙ̅ ⲡ ⲉⲓⲛⲉ ⲛ̅ ϩⲉⲛ ϩⲧⲟ ⲛ̅ ⲟⲩⲱⲃϣ̅ ·

ⲛ ⲉⲣⲉ ⲧ ⲃⲁⲥⲓⲥ ⲇⲉ ⲙ̅ ⲡ ⲟⲟϩ ⲛⲉ ⲥ ⲟ ⲙ̅ ⲡ ⲧⲩⲡⲟⲥ ⲛ̅ ⲟⲩ ϫⲟⲓ̈ ⲉⲣⲉ ⲟⲩ ⲇⲣⲁⲕⲱⲛ ⲛ̅ ϩⲟⲟⲩⲧ ⲙⲛ̅ ⲟⲩ ⲇⲣⲁⲕⲱⲛ ⲛ̅ ⲥϩⲓⲙⲉ ⲉ ⲩ ⲟ ⲛ̅ ϩⲓⲉ ⲉⲣⲟ ϥ · ⲉⲣⲉ ⲙⲁ ⲥⲉ ⲥⲛⲁⲩ ⲛ̅ ⲟⲩⲱⲃϣ̅ ⲥⲱⲕ ϩⲁⲣⲟ ϥ · ⲉⲣⲉ ⲡ ⲉⲓⲛⲉ ⲛ̅ ⲟⲩ ϣⲏⲣⲉ ϣⲏⲙ' ϩⲓ ⲡⲁϩⲟ ⲩ ⲙ̅ ⲡ ⲟⲟϩ ⲉ ϥ ⲣ̅ ϩⲙ̅ⲙⲉ ⲛ̅ ⲛⲉ ⲇⲣⲁⲕⲱⲛ ⲉ ⲩ ⲧⲱⲣⲡ̅ ⲙ̅ ⲡ ⲟⲩⲟⲉⲓⲛ ⲛ̅ ⲛ̅ ⲁⲣⲭⲱⲛ ⲛ̅ ⲧⲟⲟⲧ ⲟⲩ ⲉⲣⲉ ⲟⲩ ϩⲟ ⲛ̅ⲁ ⲙⲟⲩ ⲛ̅ ϩⲓⲑⲏ ⲙ̅ⲙⲟ ϥ · ⲁⲩⲱ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲛ̅ ⲧⲟⲩⲉⲓⲏ ⲙⲛ̅ ⲛⲉ ⲑⲁⲗⲁⲥⲥⲁ ⲁ ⲩ ⲡⲱⲧ ⲧⲏⲣ ⲟⲩ ⲉ ⲡ ⲉⲙⲛ̅ⲧ ⲉ ⲧⲉ ϩⲃⲟⲩⲣ ·

ⲁⲩⲱ ⲓ̅ⲥ̅ ⲙⲛ̅ ⲛⲉϥ ⲙⲁⲑⲏⲧⲏⲥ ⲁ ⲩ ϭⲱ ⲛ̅ ⲧ ⲙⲏⲧⲉ ⲛ̅ ⲟⲩ ⲧⲟⲡⲟⲥ ⲛ̅ⲁⲉ ⲣⲓⲛⲟⲛ ϩⲛ̅ ⲛⲉ ϩⲓⲟⲟⲩⲉ ⲛ̅ⲧⲉ ϩⲓⲏ ⲛ̅ ⲧ ⲙⲏⲧⲉ ⲧⲁⲓ̈ ⲉⲧ ϩⲁⲡⲉⲥⲏⲧ ⲛ̅ ⲧⲉ ⲥⲫⲉⲣⲁ · ⲁⲩⲱ ⲁ ⲩ ⲉⲓ̅ ⲉⲧⲉ ϩⲟⲩⲓ̈ⲧⲉ ⲛ̅ ⲧⲁⲝⲓⲥ ÷ ⲉⲧ ϩⲛ̅ ⲧ ⲙⲏⲧⲉ ·

ⲓ̅ⲥ̅ ⲇⲉ ⲁ ϥ ⲁϩⲉ ⲣⲁⲧ ϥ̅ ϩⲛ̅ ⲡ ⲁⲏⲣ ⲙ̅ ⲡⲉⲥ ⲧⲟⲡⲟⲥ ⲙⲛ̅ ⲛⲉϥ ⲙⲁⲑⲏⲧⲏⲥ ·

ⲡⲉϫⲉ ⲙ̅ ⲙⲁ ⲑⲏⲧⲏⲥ ⲛ̅ ⲓ̅ⲥ̅ ⲛⲁ ϥ ϫⲉ ⲟⲩ ⲡⲉ ⲡⲉⲓ̈ ⲧⲟⲡⲟⲥ ⲉⲧⲛ̅ ⲛ̅ ϩⲏⲧ ϥ̅ ·

ⲡⲉϫⲉ ⲓ̅ⲥ̅ ϫⲉ ⲛⲁⲓ̈ ⲛⲉ ⲛ̅ ⲧⲟⲡⲟⲥ ⲛ̅ⲧⲉ ϩⲓⲏ ⲛ̅ ⲧ ⲙⲏⲧⲉ · ⲁ ⲥ ϣⲱⲡⲉ ⲅⲁⲣ ⲛ̅ⲧⲉⲣ ⲟⲩ ⲁⲧⲁⲕⲧⲓ ⲛ̅ϭⲓ ⲛ ⲁⲣ ⲭⲱⲛ ⲙ̅ ⲡ ⲁⲇⲁⲙⲁⲥ ⲁ ⲩ ⲙⲟⲩⲛ ⲉⲃⲟⲗ' ⲉ ⲩ ⲣ' ϩⲱⲃ ⲉ ⲧ ⲥⲩⲛⲟⲩⲥⲓⲁ ⲉ ⲩ ϫⲡⲉ ⲁⲣⲭⲱⲛ ϩⲓ ⲁⲣⲭⲁⲅⲅⲉⲗⲟⲥ ϩⲓ ⲁⲅⲅⲉⲗⲟⲥ ϩⲓ ⲗⲉⲓⲧⲟⲩⲣⲅⲟⲥ ϩⲓ ⲇⲉⲕⲁⲛⲟⲥ . ⲁ ϥ ⲉⲓ̅ ⲉⲃⲟⲗ ϩⲛ̅ ⲟⲩⲛⲁⲙ ⲛ̅ϭⲓ ⲓⲉⲟⲩ ⲡ ⲉⲓⲱⲧ ⲙ̅ ⲡⲁ ⲉⲓⲱⲧ' · ⲁ ϥ ⲙⲟⲩⲣ ⲙ̅ⲙⲟ ⲟⲩ ϩⲛ̅ ⲟⲩ ϩⲓⲙⲁⲣⲙⲉⲛⲏ ⲛ̅ ⲥⲫⲁⲓⲣⲁ ·

ⲟⲩⲛ ⲙⲛ̅ⲧ ⲥⲛⲟⲟⲩⲥ ⲅⲁⲣ ⲛ̅ ⲁⲓⲱⲛ ϣⲟⲟⲡ ⲉⲣⲉ ⲥⲁⲃⲁⲱⲑ ⲡ ⲁⲇⲁ ⲙⲁⲥ ⲁⲣⲭⲓ ⲉϫⲛ̅ ⲥⲟⲟⲩ ⲁⲩⲱ ⲉⲣⲉ ⲓ̈ⲁⲃⲣⲁⲱⲑ' ⲡⲉϥ ⲥⲟⲛ ⲁⲣⲭⲓ ⲉϫⲛ̅ ⲕⲉ ⲥⲟⲟⲩ · ⲧⲟⲧⲉ ϭⲉ ⲓ̈ⲁⲃⲣⲁⲱⲑ ⲁ ϥ ⲡⲓⲥ ⲧⲉⲩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲓ̈ⲛ ⲙⲛ̅ ⲛⲉϥ ⲁⲣⲭⲱⲛ · ⲁⲩⲱ ⲁ ϥ ⲣ̅ ϩⲱⲃ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲁ ϥ ⲕⲱ ⲛ̅ⲥⲱ ϥ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲥⲩⲛⲟⲩⲥⲓⲁ ·

ⲥⲁⲃⲁⲱⲑ ⲇⲉ ⲛ̅ⲧⲟϥ ⲡ ⲁⲇⲁⲙⲁⲥ ⲁ ϥ ϭⲱ ⲉ ϥ ⲣ̅ ϩⲱⲃ ϩⲛ̅ ⲧ ⲥⲩⲛⲟⲩ ⲥⲓⲁ ⲙⲛ̅ ⲛⲉϥ ⲁⲣⲭⲱⲛ ·

ⲁⲩⲱ ⲛ̅ⲧⲉⲣⲉ ϥ ⲛⲁⲩ ⲛ̅ϭⲓ ⲓ̅ⲉ̅ⲟ̅ⲩ̅ ⲡ ⲉⲓⲱⲧ ⲙ̅ ⲡⲁ ⲉⲓⲱⲧ ϫⲉ ⲁ ϥ ⲡⲓⲥⲧⲉⲩⲉ ⲛ̅ϭⲓ ⲓ̈ⲁⲃⲣⲁⲱⲑ' ⲁ ϥ ϥⲓⲧ ϥ̅ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲉⲛⲧ ⲁ ⲩ ⲡⲓⲥⲧⲉⲩⲉ ⲛⲙ̅ⲙⲁ ϥ ·

ⲁ ϥ ϣⲱⲡ ⲉⲣⲟ ϥ ϩⲛ̅ ⲧⲉ ⲥⲫⲁⲓⲣⲁ ⲁ ϥ ϫⲓⲧ ϥ̅ ⲉ ⲩ ⲁⲏⲣ ⲉ ϥ ⲥⲟⲧϥ̅ ⲙ̅ ⲡⲉ ⲙⲧⲟ ⲉⲃⲟⲗ ⲙ̅ ⲡ ⲟⲩⲟⲉⲓⲛ ⲙ̅ ⲡ ⲣⲏ ⲟⲩⲧⲱ ⲟⲩ ⲛ̅ ⲛ̅ ⲧⲟⲡⲟⲥ ⲛ̅ ⲛⲁ ⲧ ⲙⲉⲥⲟⲥ ⲁⲩⲱ ⲟⲩ ⲧⲱ ⲟⲩ ⲛ̅ ⲛ̅ ⲧⲟⲡⲟⲥ ⲛ̅ ⲡ ⲁϩⲟⲣⲁⲧⲟⲥ ⲛ̅ ⲛⲟⲩⲧⲉ · ⲁ ϥ ⲕⲁⲁ ϥ ⲙ̅ⲙⲁⲩ ⲙⲛ̅ ⲛ̅ ⲁⲣⲭⲱⲛ ⲉⲛⲧ ⲁ ⲩ ⲡⲓⲥⲧⲉⲩⲉ ⲉ ⲣⲟ ϥ ·

ⲁⲩⲱ ⲁ ϥ ϥⲓ ⲛ̅ ⲥⲁⲃⲁⲱⲑ ⲡ ⲁⲇⲁⲙⲁⲥ ⲙⲛ̅ ⲛⲉϥ ⲁⲣⲭⲱⲛ ⲛⲁ ⲓ̈ ⲉⲧⲉ ⲙ̅ⲡ ⲟⲩ ⲣ̅ ϩⲱⲃ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲁⲗⲗⲁ ⲉ ⲁ ⲩ ⲙⲟⲩⲛ ⲉⲃⲟⲗ ⲉ ⲩ ⲣ̅ ϩⲱⲃ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲥⲩⲛⲟⲩⲥⲓⲁ ⲁ ϥ ⲙⲟⲣ ⲟⲩ ⲉϩⲟⲩⲛ ⲉ ⲧⲉ ⲥⲫⲁⲓⲣⲁ ·

ⲁ ϥ ⲙⲟⲩⲣ ⲙ̅ ⲙⲛ̅ⲧ ϣⲙⲏⲛ ⲛ̅ ϣⲉ ⲛ̅ ⲁⲣ ⲭⲱⲛ ϩⲙ̅ ⲡ ⲁⲓⲱⲛ ⲡ ⲁⲓⲱⲛ · ⲁ ϥ ⲕⲱ ⲛ̅ ϣⲙ̅ⲧϣⲉⲥⲉⲧ̇ⲏ̇ ϩⲓ ϫⲱ ⲟⲩ · ⲁ ϥ ⲕⲱ ⲛ̅ ⲕⲉ ϯⲟⲩ ⲛ̅ ⲛⲟϭ ⲛ̅ ⲁⲣⲭⲱⲛ ⲉ ⲩ ⲁⲣ ⲭⲓ ⲉϫⲛ̅ ⲡϣⲙ̅ⲧϣⲉ ⲥⲉ · ⲁⲩⲱ ⲉϫⲛ̅ ⲛ̅ ⲁⲣⲭⲱⲛ ⲧⲏ ⲣ ⲟⲩ ⲉⲧ ⲙⲏⲣ · ⲛⲁⲓ̈ ⲛ ⲉⲧⲉ ϣⲁ ⲩ ⲙⲟⲩⲧⲉ ⲉⲣⲟ ⲟⲩ ϩⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲛ̅ ⲧ ⲙⲛ̅ⲧ ⲣⲱⲙⲉ ⲛ̅ ⲛⲉⲓ̈ ⲣⲁⲛ · ⲡⲉ ϩⲟⲩ ⲉⲓⲧ' ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲕⲣⲟⲛⲟⲥ · ⲡ ⲙⲉϩ ⲥⲛⲁⲩ ϫⲉ ⲁⲣⲏⲥ · ⲡ ⲙⲉϩ ϣⲟⲙⲛ̅ⲧ ϫⲉ ϩⲉⲣⲙⲏⲥ · ⲡ ⲙⲉϩ ϥⲧⲟⲟⲩ ϫⲉ ⲧ ⲁⲫⲣⲟⲇⲓⲧⲏ · ⲡ ⲙⲉϩ ϯⲟⲩ ϫⲉ ⲡ ⲍⲉⲩⲥ ·

ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ · ϫⲉ ⲥⲱⲧⲙ̅ ⲟⲛ ⲧⲁ ϫⲱ ⲉⲣⲱ ⲧⲛ̅ ⲙ̅ ⲡⲉⲩ ⲙⲩⲥⲧⲏⲣⲓⲟⲛ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ϥ ⲙⲟⲣ ⲟⲩ ϩⲓ ⲛⲁⲓ̈ ⲛ̅ϭⲓ ⲓ̈̅ⲉ̅ⲟ̅ⲩ̅ ⲁ ϥ ⲥⲱⲕ ⲛ̅ ⲟⲩ ⲇⲩⲛⲁⲙⲓⲥ ⲉⲃⲟⲗ ϩⲙ̅ ⲡ ⲛⲟϭ ⲛ̅ ⲁϩⲟⲣⲁⲧⲟⲥ ⲁ ϥ ⲙⲟⲣⲥ̅ ϩⲙ̅ ⲡⲁⲓ̈ ⲉⲧⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲕⲣⲟⲛⲟⲥ · ⲁⲩⲱ ⲟⲛ ⲁ ϥ ⲥⲱⲕ' ⲛ̅ ⲕⲉ ϭⲟⲙ ⲉⲃⲟⲗ ϩⲛ̅ ⲓ̈̅ⲯ̅ⲁ̅ⲛ̅ⲧ̅ⲁ̅ⲭ̅ⲟ̅ⲩ̅ⲛ̅ⲭ̅ⲁ̅ⲓ̈̅ⲛ̅ⲭ̅*̅ⲟ̅ⲩ̅ⲭ̅ⲉ̅ⲱ̅ⲭ̅ · ̅ ⲉ ⲟⲩⲁ ⲡⲉ ϩⲓ ⲡ ϣⲟⲙⲛ̅ⲧ ⲛ̅ ⲧⲣⲓⲇⲩⲛⲁⲙⲓⲥ ⲛ̅ ⲛⲟⲩⲧⲉ · ⲁ ϥ ⲙⲟⲣⲥ̅ ϩⲛ̅ ⲁⲣⲏⲥ · ⲁⲩⲱ ⲁ ϥ ⲥⲱⲕ ⲛ̅ ⲟⲩ ⲇⲩⲛⲁⲙⲓⲥ ⲉⲃⲟⲗ ϩⲛ̅ ⲭⲁⲓ̈ⲛ̅ⲭⲱⲱⲱⲭ ·

ⲉ ⲩ ⲟⲩⲁ ⲟⲛ ⲡⲉ ϩⲓ ⲡⲓ ϣⲟⲙⲛ̅ⲧ ⲛ̅ ⲧⲣⲓⲇⲩⲛⲁⲙⲓⲥ ⲛ̅ ⲛⲟⲩⲧⲉ ⲁ ϥ ⲙⲟⲣⲥ̅ ϩⲙ̅ ⲫ ⲉⲣ ⲙⲏⲥ ·

ⲡⲁⲗⲓⲛ ⲟⲛ ⲁ ϥ ⲥⲱⲕ' ⲛ̅ ⲟⲩ ⲇⲩⲛⲁⲙⲓⲥ ⲉⲃⲟⲗ ϩⲛ̅ ⲧ ⲡⲓⲥⲧⲓⲥ ⲧ ⲥⲟⲫⲓⲁ ⲧ ϣⲉⲉⲣⲉ ⲛ̅ ⲧⲃⲁⲣⲃⲏⲗⲟⲥ ⲁ ϥ ⲙⲟⲩⲣ ⲙ̅ⲙⲟ ⲥ ϩⲛ̅ ⲁⲫⲣⲟⲇⲓⲧⲏ ·

ⲁⲩⲱ ⲟⲛ ⲁ ϥ ϯ ϩⲧⲏ ϥ ϫⲉ ⲥⲉ ⲣ̅ ⲭⲣⲓⲁ ⲛ̅ ⲟⲩ ϩⲓⲉ ⲉ ⲧⲣⲉ ϥ ⲣ̅ ϩⲙ̅ⲙⲉ ⲙ̅ ⲡ ⲕⲟⲥⲙⲟⲥ ⲙⲛ̅ ⲛ ⲁⲓⲱⲛ ⲛ̅ ⲧⲉ ⲥⲫⲉⲣⲁ ϫⲉ ⲛ̅ⲛⲉ ⲩ ⲧⲁⲕⲟ ϥ ϩⲛ̅ ⲧⲉⲩ ⲡⲟ ⲛⲏⲣⲓⲁ ·

ⲁ ϥ ⲃⲱⲕ' ⲉϩⲣⲁⲓ̈ ⲉ ⲧ ⲙⲉⲥⲟⲥ ⲁ ϥ ⲥⲱⲕ ⲛ̅ ⲟⲩ ⲇⲩⲛⲁⲙⲓⲥ ⲉⲃⲟⲗ ϩⲙ̅ ⲡ ⲕⲟⲩⲓ̈ ⲛ̅ ⲥⲁⲃⲁⲱⲑ ⲡ ⲁⲅⲁⲑⲟⲥ ⲡⲁ ⲧ ⲙⲉⲥⲟⲥ ⲁ ϥ ⲙⲟⲣⲥ̅ ϩⲛ̅ ⲍⲉⲩⲥ ⲉⲃⲟⲗ ϫⲉ ⲟⲩ ⲁⲅⲁ ⲑⲟⲥ ⲡⲉ · ⲉ ⲧⲣⲉ ϥ ⲣ̅ ϩⲙ̅ⲙⲉ ⲙ̅ⲙⲟ ⲟⲩ ϩⲛ̅ ⲧⲉϥ ⲙⲛ̅ⲧ ⲁ ⲅⲁⲑⲟⲥ · ⲁⲩⲱ ⲁ ϥ ⲕⲱ ⲛ̅ ⲧ ϭⲓⲛ ⲕⲱⲧⲉ ⲛ̅ ⲧⲉϥ ⲧⲁⲝⲓⲥ ϩⲓ ⲛⲁⲓ̈ ⲉ ⲧⲣⲉ ϥ ⲣ̅ ⲙⲛ̅ⲧ ϣⲟⲙⲧⲉ ⲛ̅ ⲉⲃⲟⲧ ϩⲙ̅ ⲡ ⲁⲓⲱⲛ ⲡ ⲁⲓⲱⲛ ⲉ ϥ ⲥⲧⲏⲣⲓⲍⲉ ϫⲉⲕⲁⲁⲥ ⲁⲣⲭⲱⲛ ⲛⲓⲙ' ⲉⲧ ϥ̅ ⲛⲏⲩ ⲉϫⲱ ⲟⲩ ⲉϥⲉ ⲃⲱⲗ ⲉⲃⲟⲗ ⲛ̅ ⲧ ⲕⲁⲕⲓⲁ ⲛ̅ ⲧⲉⲩ ⲡⲟⲛⲏⲣⲓⲁ · ⲁⲩⲱ ⲁ ϥ ϯ ⲛⲁ ϥ ⲛ̅ ⲁⲓⲱⲛ ⲥⲛⲁⲩ ⲙ̅ ⲙⲁ ⲛ̅ ϣⲱⲡⲉ ⲉ ⲩ ⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲛⲁⲫⲉⲣⲙⲏⲥ ·

ⲁ ⲓ̈ ϫⲱ ⲉⲣⲱ ⲧⲛ̅ ⲙ̅ ⲡ ϣⲟⲣⲡ̅ ⲛ̅ ⲥⲟⲡ' ⲛ̅ ⲛ̅ ⲣⲁⲛ ⲙ̅ ⲡ ⲉⲓ̈ϯⲟⲩ ⲛ̅ ⲛⲟϭ ⲛ̅ ⲁⲣⲭⲱⲛ ⲛⲁⲓ̈ ⲉⲧⲉ ϣⲁⲣⲉ ⲛ̅ ⲣⲱⲙⲉ ⲙ̅ ⲡ ⲕⲟⲥⲙⲟⲥ ⲙⲟⲩⲧⲉ ⲉⲣⲟ ⲟⲩ ⲛ̅ϩⲏⲧ ⲟⲩ ·

ⲥⲱⲧⲙ̅ ⲟⲛ ⲧⲉⲛⲟⲩ ⲧⲁ ϫⲱ ⲉⲣⲱ ⲧⲛ̅ ⲛ̅ⲛⲉ ⲩ ⲕⲉⲣⲁ ⲛ ⲛ̅ ⲁⲫⲑⲁⲣⲧⲟⲥ ⲉⲧⲉ ⲛⲁⲓ̈ ⲛⲉ ·

ⲱⲣⲓⲙⲟⲩⲑ' ⲉⲣⲛ̅ ⲕⲣⲟⲛⲟⲥ · ⲙⲟⲩⲛⲓⲭⲟⲩⲛⲁⲫⲱⲣ ⲉⲣⲛ̅ ⲁⲣⲏⲥ · ⲧⲁⲣⲡⲉⲧⲁⲛⲟⲩⲫ ⲉⲣⲛ̅ ⲫ ⲉⲣⲙⲏⲥ · ⲭⲱⲥⲓ ⲉⲣⲛ̅ ⲧ ⲁ ⲫⲣⲟⲇⲓⲧⲏ · ⲭⲱⲛⲃⲁⲗ ⲉⲣⲛ̅ ⲍⲉⲩⲥ · ⲉⲧⲉ ⲛⲁⲓ̈ ⲛⲉ ⲛⲉⲩ ⲣⲁⲛ ⲛ̅ ⲁϥⲑⲁⲣⲧⲟⲥ ·

ⲛ̅ⲧⲉⲣ ⲟⲩ ⲥⲱⲧⲙ̅ ⲇⲉ ⲉ ⲛⲁⲓ̈ ⲛ̅ϭⲓ ⲙ̅ ⲙⲁⲑⲏⲧⲏⲥ ⲁ ⲩ ⲡⲁϩⲧ ⲟⲩ ⲁ ⲩ ⲟⲩⲱϣⲧ ⲛ̅ ⲓ̅ⲥ̅ ⲡⲉϫⲁ ⲩ · ϫⲉ ⲛⲁ ⲓ̈ⲁⲧ ⲛ̅ ⲁⲛⲟⲛ ⲡⲁⲣⲁ ⲣⲱⲙⲉ ⲛⲓⲙ ϫⲉ ⲁ ⲕ ϭⲱⲗⲡ̅ ⲛⲁ ⲛ ⲉⲃⲟⲗ ⲛ̅ ⲛⲉⲓ̈ ⲛⲟϭ ⲛ̅ ϣⲡⲏⲣⲉ · ⲁ ⲩ ⲟⲩⲱϩ ⲟⲛ ⲉ ⲧⲟⲟⲧ ⲟⲩ * ⲁ ⲩ ⲧⲱⲃϩ̅ ⲙ̅ⲙⲟ ϥ ⲉ ⲩ ϫⲱ ⲙ̅ⲙⲟ ⲥ · ϫⲉ ⲧⲛ̅ ⲧⲱⲃϩ̅ ⲙ̅ⲙⲟ ⲕ ϭⲱⲗⲡ̅ ⲛⲁ ⲛ ⲉⲃⲟⲗ ϫⲉ ϩⲉⲛ ⲟⲩ ϩⲱⲱ ϥ ⲛⲉ ⲛⲉⲓ̈ ϩⲓⲟⲟⲩⲉ · ⲁⲩⲱ ⲁ ⲥ ϩⲛ̅ⲧ ⲥ̅ ⲉϩⲟⲩⲛ ⲉⲣⲟ ϥ ⲛ̅ϭⲓ ⲙⲁⲣⲓϩⲁⲙ' ⲁ ⲥ ⲡⲁϩⲧ ⲥ̅ ⲁ ⲥ ⲟⲩⲱϣⲧ̅ ⲉ ⲛⲉϥ ⲟⲩⲉⲣⲏⲧⲉ ⲁⲩⲱ ⲁ ⲥ ϯ ⲡⲓ ⲉ ⲛⲉϥ ϭⲓϫ ·

ⲡⲉϫⲁ ⲥ ϫⲉ ϩⲁⲓ̈ⲟ ⲡⲁ ϫⲟⲉⲓⲥ ϭⲱⲗⲡ̅ ⲛⲁ ⲛ ⲉⲃⲟⲗ ϫⲉ ⲟⲩ ⲧⲉ ⲧⲉ ⲭⲣⲓⲁ ⲛ̅ ⲛⲉ ϩⲓⲟⲟⲩⲉ ⲛ̅ ⲧ ⲙⲏⲧⲉ · ⲁ ⲛ ⲥⲱⲧⲙ̅ ⲅⲁⲣ ⲉⲣⲟ ⲕ ϫⲉ ⲉ ⲩ ⲕⲏ ϩⲓϫⲛ̅ ϩⲉⲛ ⲛⲟϭ ⲛ̅ ⲕⲟⲗⲁⲥⲓⲥ ·

ⲟⲩ ϭⲉ ⲧⲉ ⲑ ⲉ ⲡⲉⲛ ϫⲟⲉⲓⲥ ⲉⲧⲛ̅ ⲛⲁ ⲉⲝⲓⲗⲓ ⲏ̅ ⲉⲧ ⲛ̅ ⲛⲁ ⲣ̅ ⲃⲟⲗ ⲉⲣⲟ ⲟⲩ ⲏ̅ ⲉ ϣⲁ ⲩ ⲁ ⲙⲁϩⲧⲉ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲁϣ ⲛ̅ ϩⲉ · ⲏ̅ ϣⲁ ⲩ ⲣ̅ ⲟⲩⲏⲣ̅ ⲛ̅ ⲟⲩ ⲟⲉⲓϣ ϩⲛ̅ ⲛⲉⲩ ⲕⲟⲗⲁⲥⲓⲥ · ϣⲛ̅ ϩⲧⲏ ⲕ ϩⲁⲣⲟ ⲛ ⲡⲉⲛ ϫⲟⲉⲓⲥ ⲡⲉⲛ ⲥⲱⲧⲏⲣ ϫⲉ ⲛ̅ⲛⲉ ⲩ ϥⲓ ⲛ̅ ⲛⲉⲛ ⲯⲩⲭⲟ ⲟⲩⲉ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲛⲉ ⲕⲣⲓⲥⲓⲥ ⲛ̅ ⲛⲉ ϩⲓⲟⲟⲩⲉ ⲛ̅ ⲧ ⲙⲏⲧⲉ · ⲁⲩⲱ ϫⲉ ⲛ̅ⲛⲉ ⲩ ⲕⲣⲓⲛⲉ ⲙ̅ⲙⲟ ⲛ ϩⲛ̅ ⲛⲉⲩ ⲕⲟⲗⲁⲥⲓⲥ ⲉⲑ ⲟⲟⲩ ·

ⲧⲁⲣ ⲛ̅ ⲕⲗⲏⲣⲟⲛⲟⲙⲓ ϩⲱⲱ ⲛ ⲙ̅ ⲡ ⲟⲩⲟⲉⲓⲛ ⲙ̅ ⲡⲉⲕ ⲉⲓⲱⲧ' ϫⲉ ⲛ̅ⲛⲉ ⲛ ϣⲱⲡⲉ ⲉ ⲛ ⲟ ⲉ ⲛ̅ ⲉⲃⲓⲏⲛ ⲉ ⲛ ϣⲁⲁⲧ ⲥⲁⲃⲟⲗ ⲙ̅ⲙⲟ ⲕ ·

ⲛⲁⲓ̈ ϭⲉ ⲉ ⲥ ϫⲱ ⲙ̅ⲙⲟ ⲟⲩ ⲛ̅ϭⲓ ⲙⲁⲣⲓϩⲁⲙ ⲉ ⲥ ⲣⲓⲙⲉ · ⲁ ϥ ⲟⲩⲱϣⲃ̅ ⲛ̅ϭⲓ ⲓ̅ⲥ̅ ϩⲛ̅ ⲟⲩ ⲛⲟϭ ⲙ̅ ⲙⲛ̅ⲧ ϣⲁ ⲛ ϩⲧⲏ ϥ ⲡⲉϫⲁ ϥ ⲛⲁ ⲩ · ϫⲉ ⲁⲗⲏⲑⲱⲥ ⲛⲁ ⲥⲛⲏⲩ ⲁⲩⲱ ⲛⲁ ⲙⲉⲣⲁⲧⲉ ⲛⲁⲓ̈ ⲉⲛⲧ ⲁ ⲩ ⲕⲁ ⲉⲓⲱⲧ' ϩⲓ ⲙⲁⲁⲩ ⲛ̅ⲥⲱ ⲟⲩ ⲉⲧⲃⲉ ⲡⲁ ⲣⲁⲛ · ϫⲉ ϯ ⲛⲁ ϯ ⲛⲏ ⲧⲛ̅ ⲙ̅ ⲙⲩⲥⲧⲏⲣⲓⲟⲛ ⲛⲓⲙ' ⲙⲛ̅ ⲥⲟⲟⲩⲛ ⲛⲓⲙ ·

ϯ ⲛⲁ ϯ ⲛⲏ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲁⲓⲱⲛ ⲛ̅ ⲛ̅ ⲁⲣⲭⲱⲛ ⲙⲛ̅ ⲛⲉⲩ ⲥⲫⲣⲁⲅⲓⲥ ⲙⲛ̅ ⲛⲉⲩ ⲯⲏⲫⲟⲥ ⲙⲛ̅ ⲑ ⲉ ⲛ̅ ⲉⲡⲓⲕⲁⲗⲉⲓ ⲙ̅ⲙⲟ ⲟⲩ ⲉ ⲃⲱⲕ ⲉ ⲛⲉⲩ ⲧⲟⲡⲟⲥ ·

ⲁⲩⲱ ⲟⲛ ϯ ⲛⲁ ϯ ⲛⲏ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ ⲙⲛ̅ ⲑ ⲉ ⲛ̅ ⲉⲡⲓⲕⲁⲗⲉⲓ ⲉ ⲃⲱⲕ' ⲉ ⲛⲉⲩ ⲧⲟⲡⲟⲥ ·

ⲁⲩⲱ ϯ ⲛⲁ ϯ ⲛⲏ ⲧⲛ̅ ⲛ̅ ⲛⲉⲩ ⲯⲏⲫⲟⲥ ⲙⲛ̅ ⲛⲉⲩ ⲥⲫⲣⲁⲅⲓⲥ ·

ⲁⲩⲱ ϯ ⲛⲁ ϯ ⲛⲏ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲃⲁⲡⲧⲓⲥⲙⲁ ⲛ̅ ⲛⲁ ⲧ ⲙⲉⲥⲟⲥ ⲙⲛ̅ ⲑ ⲉ ⲛ̅ ⲉⲡⲓⲕⲁⲗⲉⲓ ⲉ ⲃⲱⲕ ⲉ ⲛⲉⲩ ⲧⲟⲡⲟⲥ ⲁⲩⲱ ⲛⲉⲩ ⲯⲏⲫⲟⲥ ⲙⲛ̅ ⲛⲉⲩ ⲥⲫⲣⲁ ⲅⲓⲥ ϯ ⲛⲁ ⲧⲁⲙⲱ ⲧⲛ̅ ⲉⲣⲟ ⲟⲩ ·

ⲁⲩⲱ ϯ ⲛⲁ ϯ ⲛⲏ ⲧⲛ̅ ⲙ̅ ⲃⲁⲡⲧⲓⲥⲙⲁ ⲛ̅ ⲛⲁ ⲧ ⲟⲩⲛⲁⲙ' ⲡⲉⲛ ⲧⲟⲡⲟⲥ · ⲙⲛ̅ ⲛⲉϥ ⲯⲏ ⲫⲟⲥ ⲙⲛ̅ ⲛⲉϥ ⲥⲫⲣⲁⲅⲓⲥ ⲁⲩⲱ ⲙⲛ̅ ⲑ ⲉ ⲛ̅ ⲉⲡⲓⲕⲁⲗⲉⲓ ⲉ ⲃⲱⲕ ⲉⲙⲁⲩ ·

ⲁⲩⲱ ϯ ⲛⲁ ϯ ⲛⲏ ⲧⲛ̅ ⲙ̅ ⲡ ⲛⲟϭ ⲙ̅ ⲙⲩⲥ ⲧⲏⲣⲓⲟⲛ ⲛ̅ⲧⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲙⲛ̅ ⲑ ⲉ ⲛ̅ ⲉⲡⲓⲕⲁⲗⲉⲓ ⲉ ⲃⲱⲕ' ⲉⲙⲁⲩ ·

ϯ ⲛⲁ ϯ ⲛⲏ ⲧⲛ̅ ⲙ̅ ⲙⲩⲥⲧⲏⲣⲓⲟⲛ ⲛⲓⲙ ⲙⲛ̅ ⲥⲟⲟⲩⲛ ⲛⲓⲙ ϫⲉ ⲉⲩⲉ ⲙⲟⲩⲧⲉ ⲉ ⲣⲱ ⲧⲛ̅ ϫⲉ ⲛ̅ ϣⲏⲣⲉ ⲙ̅ ⲡⲉ ⲡⲗⲏⲣⲱⲙⲁ ⲉⲧ ϫⲏⲕ' ⲉⲃⲟⲗ ⲛ̅ ⲥⲟⲟⲩⲛ ⲛⲓⲙ ϩⲓ ⲙⲩⲥⲧⲏⲣⲓⲟⲛ ⲛⲓⲙ · ⲛ̅ⲧⲉⲧⲛ̅ ϩⲉⲛ ⲙⲁ ⲕⲁⲣⲓⲟⲥ ⲛ̅ⲧⲱⲧⲛ̅ ⲡⲁⲣⲁ ⲣⲱⲙⲉ ⲛⲓⲙ ⲉⲧ ϩⲓϫⲙ̅ ⲡ ⲕⲁϩ ϫⲉ ⲁ ⲛ ϣⲏⲣⲉ ⲙ̅ ⲡ ⲟⲩⲟⲉⲓⲛ ⲉⲓ̅ ϩⲙ̅ ⲡⲉⲧⲛ̅ ⲟⲩⲟⲉⲓϣ ·

ⲁ ϥ ⲟ̅ⲩ̅ⲱ̅ϩ̅ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲛ̅ϭⲓ ⲓ̅ⲥ̅ ⲡⲉϫⲁ ϥ · ϫⲉ ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲁ ϥ ⲉⲓ ⲛ̅ϭⲓ ⲡ ⲉⲓⲱⲧ ⲙ̅ ⲡⲁ ⲉⲓⲱⲧ ⲉⲧⲉ ⲡⲁⲓ̈ ⲡⲉ ⲓ̈̅ⲉ̅ⲟ̅ⲩ̅ · ⲁ ϥ ϥⲓ ⲛ̅ ⲕⲉ ϣⲟⲙⲛ̅ⲧ ⲛ̅ ϣⲉ ⲙⲛ̅ ⲥⲉ ⲛ̅ ⲁⲣⲭⲱⲛ ϩⲛ̅ ⲛ̅ ⲁⲣⲭⲱⲛ ⲟⲛ ⲙ̅ ⲡ ⲁ ⲇⲁⲙⲁⲥ · ⲛⲁⲓ̈ ⲉⲧⲉ ⲙ̅ⲡ ⲟⲩ ⲡⲓⲥⲧⲉⲩⲉ ⲉ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲁ ϥ ⲙⲟⲣ ⲟⲩ ϩⲛ̅ ⲛⲉⲓ̈ ⲧⲟⲡⲟⲥ ⲛ̅ ⲁⲉⲣⲓ̈ⲟⲛ ⲉ ⲧ ⲛ̅ϩⲏⲧ ⲟⲩ ⲧⲉⲛⲟⲩ ϩⲁⲣⲟ ⲥ ⲛ̅ ⲧⲉ ⲥⲫⲁⲓⲣⲁ ·

ⲁ ϥ ⲕⲁ ⲑⲓⲥⲧⲁ ⲛ̅ ⲕⲉ ϯⲟⲩ ⲛ̅ ⲛⲟϭ ⲛ̅ ⲁⲣⲭⲱⲛ ⲉϫⲱ ⲟⲩ ⲉⲧⲉ ⲛⲁⲓ̈ ⲛⲉ ⲛ ⲉⲧ ϣⲟⲟⲡ' ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ÷ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲧ ⲡⲁⲣⲁⲡⲗⲏⲝ · ⲟⲩ ⲁⲣⲭⲱⲛ ⲉ ϥ ⲟ ⲙ̅ ⲙⲟⲣⲫⲏ ⲛ̅ ⲥϩⲓⲙⲉ ⲡⲉ · ⲉⲣⲉ ⲡⲉϥ ϥⲱ ⲥⲱϣⲉ ⲉ ⲡ ⲉ ⲥⲏⲧ' ⲉϫⲛ̅ ⲛⲉϥ ⲟⲩⲉⲣⲏⲧⲉ · ⲉⲣⲉ ϫⲟⲩⲧⲏ ⲛ̅ ⲁⲣϫⲓⲇⲁⲓ ⲙⲟⲛⲓⲟⲛ ϩⲁⲣⲁⲧ ⲥ̅ ⲛ̅ ⲧⲉⲥ ⲉⲝⲟⲩⲥⲓⲁ ⲉⲩⲁⲣ ϫⲓ ⲉϫⲛ̅ ⲕⲉ ⲙⲏⲏϣⲉ ⲛ̅ ⲇⲁⲓⲙⲟⲛⲓⲟⲛ · ⲁⲩⲱ ⲛⲉⲓ̈ ⲇⲁⲓⲙⲟⲛⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟⲟⲩ ⲛⲉ ⲉ ϣⲁ ⲩ ⲃⲱⲕ' ⲉϩⲟⲩⲛ ⲉ ⲛ ⲣⲱⲙⲉ ⲛ̅ ⲥⲉ ⲧⲣⲉⲩ ϭⲱⲛⲧ̅ ⲛ̅ ⲥⲉ ⲥⲁϩⲟⲩ ⲁⲩⲱ ⲛ̅ ⲥⲉ ⲕⲁⲧⲁⲗⲁⲗⲓ ·

ⲁⲩⲱ ⲛ̅ⲧⲟⲟⲩ ⲛⲉ ⲉ ϣⲁ ⲩ ϥⲓ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲥⲧⲉ ⲣⲉⲥⲓⲙⲟⲛ ⲛ̅ ⲥⲉ ϫⲟⲟ ⲩ ⲉⲃⲟⲗ ϩⲓⲧⲙ̅ ⲡⲉⲩ ⲕⲣⲱⲙ' ⲛ̅ ⲕⲁⲕⲉ ⲙⲛ̅ ⲛⲉⲩ ⲕⲟⲗⲁⲥⲓⲥ ⲙ̅ ⲡⲟⲛⲏⲣⲟⲛ ·

ⲡⲉϫⲁ ⲥ ⲛ̅ϭⲓ ⲙⲁⲣⲓ ϩⲁⲙ' ϫⲉ ⲛ̅ ϯ ⲛⲁ ⲉⲅⲕⲁϭⲉⲓ ⲁⲛ ⲉ ⲓ̈ ϣⲓⲛⲉ ⲙ̅ⲙⲟ ⲕ ⲙ̅ⲡⲣ̅ ⲛ ⲟⲩϭⲥ̅ ⲉⲣⲟ ⲓ̈ ⲉ ⲓ̈ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ' ⲡⲉϫⲉ ⲓ̅ⲥ̅ ϫⲉ ϣⲓⲛⲉ ⲛ̅ⲥⲁ ⲡ ⲉ ⲧⲉϩⲛⲉ ·

ⲡⲉϫⲁ ⲥ ⲛ̅ϭⲓ ⲙ̇ ⲙⲁⲣⲓϩⲁⲙ ϫⲉ ⲡⲁ ϫⲟⲉⲓⲥ ⲧⲟⲩⲛ ⲟⲩⲉⲓⲁⲧⲛ̅ ⲉⲃⲟⲗ' ϫⲉ ⲉ ϣⲁ ⲩ ϥⲓ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲥⲧⲉⲣⲉⲥⲓⲙⲟⲛ ⲛ̅ ⲁϣ ⲛ̅ ϩⲉ ϫⲉ ⲉⲣⲉ ⲛⲁ ⲥⲛⲏⲩ ϩⲱ ⲟⲩ ⲛⲟⲓ̈ ⲙ̅ⲙⲟ ⲓ̈ ·

ⲡⲉϫⲉ ⲓ̅ⲥ̅ ⲉⲧⲉ ⲁⲃⲉⲣⲁ ⲛⲉ ⲛⲑⲱ ⲡⲉ · ϫⲉ ⲉⲡⲉⲓⲇⲏ ⲡ ⲉⲓⲱⲧ ⲙ̅ ⲡⲁ ⲉⲓⲱⲧ · ⲉⲧⲉ ⲡⲁⲓ̈ ⲡⲉ ⲓ̈̅ⲉ̅ⲟ̅ⲩ̅ ⲛ̅ⲧⲟϥ ⲡⲉ ⲡⲉ ⲡⲣⲟⲛⲟⲏⲧⲟⲥ ⲛ̅ ⲛ̅ ⲁⲣⲭⲱⲛ ⲧⲏ ⲣ ⲟⲩ ⲙⲛ̅ ⲛ̅ ⲛⲟⲩⲧⲉ ⲙⲛ̅ ⲛ̅ ⲇⲩⲛⲁⲙⲓⲥ ⲛⲁⲓ̈ ⲉⲛⲧ ⲁ ⲩ ϣⲱⲡⲉ ϩⲛ̅ ⲑ ⲩⲗⲏ ⲙ̅ ⲡ ⲟⲩⲟⲉⲓⲛ ⲙ̅ ⲡⲉ ⲑⲏⲥⲁⲩⲣⲟⲥ · ⲁⲩⲱ ⲍⲟⲣⲟⲕⲟⲑⲟⲣⲁ ⲙⲉⲗϫⲓⲥⲉⲇⲉⲕ ·

ⲛ̅ⲧⲟϥ ϩⲱⲱ ϥ ⲡⲉ ⲡⲉ ⲡⲣⲉⲥⲃⲉⲩⲧⲏⲥ ⲛ̅ ⲛ̅ ⲟⲩⲟⲉⲓⲛ ⲧⲏⲣ ⲟⲩ ⲉ ⲧⲟⲩ ⲥⲱⲧϥ̅ ⲙ̅ⲙⲟ ⲟⲩ ϩⲛ̅ ⲛ̅ ⲁⲣⲭⲱⲛ · ⲉ ϥ ϫⲓ ⲙ̅ⲙⲟ ⲟⲩ ⲉϩⲟⲩⲛ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲡⲉⲓ̈ ⲥⲛⲁⲩ ⲙ̅ⲙⲁⲧⲉ ⲛⲉ ⲛ̅ ⲛⲟϭ ⲛ̅ ⲟⲩⲟⲉⲓⲛ · ⲉ ⲧⲉⲩ ⲧⲁⲝⲓⲥ ⲧⲉ ⲧⲁⲓ̈ ⲉ ⲧⲣⲉ ⲩ ⲉⲓ̅ ⲉ ⲡ ⲉⲥⲏⲧ ⲉ ⲛ ⲁⲣⲭⲱⲛ ⲛ̅ ⲥⲉ ⲥⲱⲧϥ̅ ⲛ̅ϩⲏⲧ ⲟⲩ · ⲁⲩⲱ ⲛ̅ⲧⲉ ⲍⲟⲣⲟⲕⲟⲑⲟⲣⲁ ⲙⲉⲗϫⲓⲥⲉⲇⲉⲕ ⲛ ϥ̅ ϥⲓ ⲙ̅ ⲡ ⲥⲱⲧϥ̅ ⲛ̅ ⲛ̅ ⲟⲩⲟⲉⲓⲛ ⲉⲛⲧ ⲁ ⲩ ⲥⲟⲧϥ ⲟⲩ ϩⲛ̅ ⲛ̅ ⲁⲣⲭⲱⲛ ⲛ ϥ̅ ϫⲓⲧ ⲟⲩ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ⲉⲥϣⲁⲛ ϣⲱⲡⲉ ⲛ̅ϭⲓ ⲧⲉ ⲯⲏⲫⲟⲥ ⲁⲩⲱ ⲙⲛ̅ ⲡⲉ ⲟⲩⲟⲉⲓϣ ⲛ̅ ⲧⲉⲩ ⲧⲁⲝⲓⲥ ⲉ ⲧⲣⲉ ⲩ ⲉⲓ̅ ⲉϩⲣⲁⲓ̈ ⲉ ⲛ ⲁⲣⲭⲱⲛ ⲛ̅ ⲥⲉ ϩⲉϫϩⲱϫ ⲟⲩ ⲛ̅ ⲥⲉ ⲑⲗⲓⲃⲉ ⲙ̅ⲙⲟ ⲟⲩ ⲉ ⲩ ϥⲓ ⲥⲱⲧϥ̅ ϩⲛ̅ ⲛ ⲁⲣⲭⲱⲛ ·

ϩⲛ̅ ⲧⲉ ⲩⲛⲟⲩ ⲇⲉ ⲉⲧ ⲟⲩ ⲛⲁ ⲕⲁⲁ ⲩ ⲉⲃⲟⲗ ϩⲙ̅ ⲡ ϩⲟϫϩϫ̅ ⲙ̅ⲡ ⲉ ⲑⲗⲓⲃⲉ ⲛ̅ ⲥⲉ ⲁⲛⲁⲭⲱⲣⲓ ⲉϩⲣⲁⲓ̈ ⲉ ⲛ ⲧⲟⲡⲟⲥ ⲙ̅ ⲡⲉ ⲑⲏⲥⲁⲩ ⲣⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲥ ϣⲱⲡⲉ ⲉⲩϣⲁⲛ ⲡⲱϩ ⲉⲛ ⲡ ⲧⲟ ⲡⲟⲥ ⲛ̅ ⲧ ⲙⲉⲥⲟⲥ ⲍⲟⲣⲟⲕⲟⲑⲟⲣⲁ □

ⲙⲉⲗϫⲓⲥⲉ ⲇⲉⲕ ⲛ̅ ⲛ̅ ⲟⲩⲟⲉⲓⲛ ⲛ ϥ̅ ϫⲓⲧ ⲟⲩ ⲉϩⲣⲁⲓ̈ ϩⲛ̅ ⲧ ⲡⲩⲗⲏ ⲛ̅ ⲛⲁ ⲧ ⲙⲉⲥⲟⲥ ⲛ ϥ̅ ϫⲓⲧ ⲟⲩ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲁⲩⲱ ϣⲁⲣⲉ ⲓ̅ⲉ̅ⲟ̅ⲩ̅ ϩⲱⲱ ϥ ⲁⲛⲁⲭⲱⲣⲓ ⲙ̅ⲙⲟ ϥ ⲉ ⲛ ⲧⲟⲡⲟⲥ ⲛ̅ ⲛⲁ ⲧ ⲟⲩⲛⲁⲙ · ϣⲁ ⲡⲉⲟⲩⲟⲓ̈ϣ ⲟⲛ ⲛ̅ ⲧⲉ ⲯⲏⲫⲟⲥ ⲉ ⲧⲣⲉ ⲩ ⲉⲓ̅ ⲉⲃⲟⲗ ·

ϣⲁⲣⲉ ⲛ̅ ⲁⲣ ⲭⲱⲛ ϭⲉ ⲁ ⲧⲁⲕⲧⲓ ϩⲓⲧⲛ̅ ⲡ ϭⲱⲛⲧ̅ ⲛ̅ ⲧⲉⲩ ⲡⲟⲛⲏⲣⲓⲁ ϩⲛ̅ ⲧⲉ ⲩⲛⲟⲩ ⲉ ⲩ ⲙⲟⲟϣⲉ ⲉϩⲣⲁⲓ̈ ⲙⲛ̅ ⲛ̅ ⲟⲩⲟⲉⲓⲛ ⲉⲃⲟⲗ ϫⲉ ⲛ̅ ⲥⲉ ϩⲁϩⲧⲏ ⲩ ⲁⲛ ⲙ̅ ⲡ ⲛⲁⲩ ⲉⲧ ⲙ̅ⲙⲁⲩ · ⲁⲩⲱ ϣⲁ ⲩ ϥⲓ ⲛ̅ ⲛⲉ ⲯⲩⲭⲟⲟⲩⲉ ⲉⲧ ⲟⲩ ⲛⲁ ⲉϣ ⲧⲟⲣⲡ ⲟⲩ ⲛ̅ ⲥⲧⲉ ⲣⲉⲥⲓⲙⲟⲛ ⲛ̅ ⲥⲉ ⲁⲛ ϩⲁⲗⲓⲥⲕⲉ ⲙ̅ⲙⲟ ⲟⲩ ϩⲓⲧⲛ̅ ⲛⲉⲩ ⲕⲣⲱⲙ ⲛ̅ ⲕⲁⲕⲉ ⲙⲛ̅ ⲡⲉⲩ ⲕⲱϩⲧ̅ ⲙ̅ ⲡⲟⲛⲏⲣⲟⲛ ·

ⲧⲟⲧⲉ ϭⲉ ⲛⲉ ⲯⲩ ⲭⲟⲟⲩⲉ ⲛ̅ ⲣ̅ ⲣⲉϥ ϭⲱⲛⲧ̅ ⲙⲛ̅ ⲛ̅ ⲣⲉϥ ⲥⲁϩⲟⲩ ⲙⲛ̅ⲛ̅ ⲣⲉϥⲕⲁⲧⲁⲗⲁⲗⲓ ϣⲁ ⲥ ϥⲓⲧ ⲟⲩ ⲛ̅ϭⲓ ⲧⲉⲓ̈ ⲉⲝⲟⲩⲥⲓⲁ ϫⲉ ⲧ ⲡⲁⲣⲁⲡⲗⲏⲝ ⲙⲛ̅ ⲛ̅ ⲇⲁⲓⲙⲟⲛⲓⲟⲛ ⲉⲧ ϩⲁⲣⲁⲧ ⲥ̅ ⲛ ⲥ̅ ϫⲟⲟ ⲩ ⲉⲃⲟⲗ ϩⲓⲧⲙ̅ ⲡⲉ ⲕⲣⲱⲙ ⲛ̅ ⲕⲁⲕⲉ ⲁⲩⲱ ⲛ ⲥ̅ ⲧⲁ ⲕⲟ ⲟⲩ ϩⲓⲧⲙ̅ ⲡⲉⲥ ⲕⲱϩⲧ̅ ⲙ̅ ⲡⲟⲛⲏⲣⲟⲛ · ⲛ̅ ⲥⲉ ⲁⲣ ϫⲓ ⲛ̅ ⲱϫⲛ̅ ⲁⲩⲱ ⲉ ⲃⲱⲗ ⲉⲃⲟⲗ ·

ϣⲁ ⲩ ⲣ̅ ϣⲉ ⲙⲁⲃ ϣⲟⲙⲧⲉ ⲛ̅ ⲣⲟⲙⲡⲉ ⲙⲛ̅ ⲯⲓⲥ ⲛ̅ ⲉⲃⲟⲧ' ϩⲛ̅ ⲛ̅ ⲕⲟⲗⲁⲥⲓⲥ ⲛ̅ ⲛⲉⲥ ⲧⲟⲡⲟⲥ ⲉ ⲥ ⲃⲁⲥⲁⲛⲓⲍⲉ ⲙ̅ⲙⲟ ⲟⲩ ϩⲙ̅ ⲡ ⲕⲱϩⲧ̅ ⲛ̅ ⲧⲉⲥ ⲡⲟ ⲛⲏⲣⲓⲁ ·

ϣⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲉⲓ̈ ⲟⲩⲟⲉⲓϣ ⲧⲏⲣ ⲟⲩ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ⲛ̅ⲧⲉ ⲡ ⲕⲟⲩⲓ̈ ⲛ̅ ⲥⲁⲃⲁⲱⲑ' ⲡ ⲍⲉⲩⲥ · ⲛ ϥ̅ ⲉⲓ̅ ⲉ ⲡⲉ ϩⲟⲩⲉⲓⲧ' ⲛ̅ ⲛ ⲁⲓⲱⲛ ⲛ̅ ⲧⲉ ⲥⲫⲁⲓⲣⲁ ⲡⲁⲓ̈ ⲉⲧⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡ ⲕⲟⲥⲙⲟⲥ ϫⲉ ⲡⲉ ⲕⲣⲓⲟⲥ ⲛ̅ⲧⲉ ⲧ ⲃⲟⲩⲃⲁⲥⲧⲓ ⲉⲧⲉ ⲧ ⲁⲫⲣⲟⲇⲓⲧⲏ ⲧⲉ ⲉⲥϣⲁⲛ ⲉⲓ̅ ⲉ ⲡ ⲙⲉϩ ⲥⲁϣϥ̅ ⲛ̅ ⲟⲓⲕⲟⲥ ⲛ̅ ⲧⲉ ⲥⲫⲉⲣⲁ ⲉⲧⲉ ⲡⲍⲩ ⲅⲟⲥ ⲡⲉ ϣⲁ ⲩ ⲥⲱⲕ ⲛ̅ ⲛ̅ ⲕⲁⲧⲁⲡⲉⲧⲁⲥⲙⲁ ⲉⲧ ⲟⲩ ⲧⲱ ⲟⲩ ⲛ̅ ⲛⲁ ϩⲃⲟⲩⲣ ⲙⲛ̅ ⲛⲁ ⲟⲩⲛⲁⲙ ·

ⲁⲩⲱ ϣⲁ ϥ ϭⲱϣⲧ̅ ⲉⲃⲟⲗ ϩⲙ̅ ⲡ ϫⲓⲥⲉ ϩⲛ̅ ⲛⲁ ⲟⲩⲛⲁⲙ ⲛ̅ϭⲓ ⲡ ⲛⲟϭ ⲛ̅ ⲥⲁⲃⲁⲱⲑ' ⲡ ⲁⲅⲁⲑⲟⲥ ⲛ̅ⲧⲉ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲧⲉ ⲥⲫⲁⲓⲣⲁ ⲧⲏⲣ ⲥ̅ ϩⲁ ⲑ ⲏ ⲉ ⲙⲡⲁⲧ ϥ̅ ϭⲱϣⲧ̅ · ⲛ ϥ̅ ϭⲱϣⲧ̅ ⲉ ⲡ ⲉⲥⲏⲧ ⲉϫⲛ̅ ⲛ̅ ⲧⲟⲡⲟⲥ ⲛ̅ ⲧ ⲡⲁⲣⲁⲡⲗⲏⲝ' ⲛ̅ⲧⲉ ⲛⲉⲥ ⲧⲟ ⲡⲟⲥ ⲃⲱⲗ ⲉⲃⲟⲗ · ⲛ̅ ⲥⲉ ⲧⲁⲕⲟ · ⲁⲩⲱ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲉⲧ ϩⲛ̅ ⲛⲉⲥ ⲕⲟⲗⲁⲥⲓⲥ ϣⲁ ⲩ ϥⲓⲧ ⲟⲩ ⲛ̅ ⲥⲉ ⲧⲥ̅ⲧⲟ ⲟⲩ ⲉ ⲧⲉ ⲥⲫⲁⲓⲣⲁ ⲛ̅ ⲕⲉ ⲥⲟⲡ' ⲉⲃⲟⲗ ϫⲉ ⲁ ⲩ ⲧⲁⲕⲟ ϩⲛ̅ ⲛ̅ ⲕⲟⲗⲁⲥⲓⲥ ⲛ̅ ⲧ ⲡⲁⲣⲁⲡⲗⲏⲝ ·

ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲡⲉϫⲁ ϥ · ϫⲉ ⲧ ⲙⲉϩ ⲥⲛ̅ⲧⲉ ⲛ̅ ⲧⲁⲝⲓⲥ ⲉ ϣⲁ ⲩ ⲙⲟⲩⲧⲉ ⲉⲣⲟ ⲥ ϫⲉ ⲁⲣⲓⲟⲩⲑ' ⲧ ⲉϭⲟⲟϣⲉ · ⲉ ⲩ ⲁⲣ ⲭⲱⲛ ⲛ̅ ⲥϩⲓⲙⲉ ⲧⲉ ⲉ ⲥ ⲕⲏⲙ' ⲧⲏⲣ ⲥ̅ ⲉⲣⲉ ⲕⲉ ⲙⲛ̅ⲧ ⲁϥⲧⲉ ⲛ̅ ⲇⲁⲓⲙⲟⲛⲓⲟⲛ ϩⲁⲣⲁⲧ ⲥ̅ ⲉ ⲩ ⲁⲣⲭⲓ ⲉϫⲛ̅ ⲕⲉ ⲙⲏⲏϣⲉ ⲛ̅ ⲇⲁⲓⲙⲱⲛ ·

ⲁⲩⲱ ⲛⲉⲓ̈ ⲇⲁⲓⲙⲟⲛⲓⲟⲛ ⲉⲧ ⲙ̅ⲙⲁⲩ ⲉ ⲧ ϩⲁ ⲣⲁⲧ ⲥ̅ ⲛ̅ ⲁⲣⲓⲟⲩⲑ' ⲧ ⲉϭⲟⲟϣⲉ ⲛ̅ⲧⲟⲟⲩ ⲛⲉ ⲉ ϣⲁ ⲩ ⲃⲱⲕ' ⲉϩⲟⲩⲛ ⲉ ⲛ ⲣⲱⲙⲉ ⲛ̅ ⲣⲉϥ ⲧⲁϩⲙⲁ ϣⲁⲛⲧ ⲟⲩ ⲛⲉϩⲥⲉ ⲛ̅ ⲛⲓ ⲡⲟⲗⲉⲙⲟⲥ ⲛ̅ⲧⲉ ϩⲉⲛ ϩⲱⲧⲃ̅ ϣⲱⲡⲉ ⲛ̅ ⲥⲉ ϯ ⲛ̅ ϣⲟⲧ' ⲙ̅ ⲡⲉⲩ ϩⲏⲧ' ϩⲓ ϭⲱⲛⲧ̅ ⲉ ⲧⲣⲉ ϩⲉⲛ ϩⲱⲧⲃ̅ ϣⲱⲡⲉ ·

ⲁⲩⲱ ⲛⲉ ⲯⲩⲭⲟⲟⲩⲉ ⲉⲧ ⲥ̅ ⲛⲁ ϥⲓⲧ ⲟⲩ ⲛ̅ ⲥⲧⲉⲣⲉⲥⲓⲙⲟⲛ ⲛ̅ϭⲓ ⲧⲉⲓ̈ ⲉⲝⲟⲩⲥⲓⲁ ϣⲁ ⲩ ⲣ̅ ϣⲉ ⲙⲛ̅ ⲙⲛ̅ⲧ ϣⲟⲙⲧⲉ ⲛ̅ ⲣⲟⲙⲡⲉ ϩⲛ̅ ⲙ̅ⲙⲟⲟⲩ ϩⲓⲧⲙ̅ ⲡⲉⲥ ⲕⲣⲱⲙ ⲛ̅ ⲕⲁⲕⲉ · ⲙⲛ̅ ⲡⲉⲥ ⲕⲱϩⲧ̅ ⲙ̅ ⲡⲟⲛⲏⲣⲟⲛ ⲛ̅ ⲥⲉ ϩⲱⲛ ⲉϩⲟⲩⲛ ⲉ ⲡ ⲧⲁⲕⲟ ·

ⲁⲩⲱ ⲙⲛ̅ⲛ̅ⲥⲁ ⲛⲁⲓ̈ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ⲛ ϥ̅ ⲉⲓ̅ ⲛ̅ϭⲓ ⲡ ⲕⲟⲩⲓ̈ ⲛ̅ ⲥⲁⲃⲁⲱⲑ' ⲡ ⲁⲅⲁⲑⲟⲥ ⲡⲁⲓ̈ ⲉⲧⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡ ⲕⲟⲥ ⲙⲟⲥ ϫⲉ ⲍⲉⲩⲥ · ⲉϥϣⲁⲛ ⲉⲓ̅ ⲉ ⲡ ⲙⲉϩ ϥⲧⲟⲟⲩ ⲛ̅ ⲁⲓⲱⲛ ⲛ̅ ⲧⲉ ⲧⲉⲥⲫⲁⲓⲣⲁ ⲉⲧⲉ ⲡ ⲕⲁⲣⲕⲓⲛⲟⲥ ⲡⲉ ⲁⲩⲱ ⲛ ⲥ ϥ̇ⲉⲓ ⲛ̅ϭⲓ ⲧ ⲃⲟⲩⲃⲁⲥⲧⲓ ⲧⲁⲓ̈ ⲉⲧⲉ ϣⲁ ⲩ ⲙⲟⲩⲧⲉ ⲉⲣⲟ ⲥ ϩⲙ̅ ⲡ ⲕⲟⲥⲙⲟⲥ ϫⲉ ⲧ ⲁⲫⲣⲟⲇⲓⲧⲏ ⲛ ⲥ̅ ⲉⲓ ⲉ ⲡⲙⲉϩⲙⲏⲧ ⲛ̅ ⲁⲓⲱⲛ ⲛ̅ⲧⲉ ⲧⲉⲥⲫⲁⲓⲣⲁ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲁⲓⲅⲟⲕⲉⲣⲟⲥ · ⲧⲟⲧⲉ ϣⲁ ⲩ ⲥⲱⲕ' ⲛ̅ ⲛ̅ ⲕⲁⲧⲁⲡⲉⲧⲁⲥⲙⲁ ⲉⲧ ⲟⲩ ⲧⲱ ⲟⲩ ⲛ̅ ⲛⲉ ϩⲃⲟⲩⲣ ⲙⲛ̅ ⲛⲁ ⲟⲩⲛⲁⲙ' ·

ⲛ ϥ̅ ϭⲱϣⲧ̅ ⲉⲃⲟⲗ ϩⲓ ⲟⲩⲛⲁⲙ' ⲛ̅ϭⲓ ⲓⲉⲟⲩ ⲛ̅ⲧⲉ ⲡ ⲕⲟⲥⲙⲟⲥ ⲧⲏⲣ ϥ̅ ϣⲧⲟⲣⲧⲣ̅ ⲁⲩⲱ ⲛ ϥ̅ ⲕⲓⲙ' ⲙⲛ̅ ⲛ ⲁⲓⲱⲛ ⲧⲏⲣ ⲟⲩ ⲛ̅ ⲧⲉ ⲥⲫⲉⲣⲁ ⲛ ϥ̅ ϭⲱϣⲧ̅ ⲉϫⲛ̅ ⲙ̅ ⲙⲁ ⲛ̅ ϣⲱⲡⲉ ⲛ̅ ⲁⲣⲓ ⲟⲩⲑⲧⲉϭⲟⲟϣⲉ ⲁⲩⲱ ⲛ̅ⲧⲉ ⲛⲉⲥ ⲧⲟⲡⲟⲥ ⲃⲱⲗ ⲉⲃⲟⲗ' ⲛ̅ ⲥⲉ ⲧⲁⲕⲟ ⲛ̅ ⲥⲉ ϥⲓ ⲛ̅ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲉⲧ ϩⲛ̅ ⲛⲉⲥ ⲕⲟⲗⲁⲥⲓⲥ ⲛ̅ ⲥⲉ ⲧⲥ̅ⲧⲟ ⲟⲩ ⲉ ⲧⲉ ⲥⲫⲁⲓⲣⲁ ⲛ̅ ⲕⲉ ⲥⲟⲡ' ⲉⲃⲟⲗ ϫⲉ ⲁ ⲩ ⲧⲁⲕⲟ ϩⲓⲧⲙ̅ ⲡⲉⲥ ⲕⲣⲱⲙ ⲛ̅ ⲕⲁⲕⲉ ⲙⲛ̅ ⲡⲉⲥ ⲕⲱϩⲧ̅ ⲙ̅ ⲡⲟⲛⲏⲣⲟⲛ ·

ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲡⲉ ϫⲁ ϥ · ϫⲉ ⲧ ⲙⲉϩ ϣⲟⲙⲧⲉ ⲛ̅ ⲧⲁⲝⲓⲥ ⲉ ϣⲁ ⲩ ⲙⲟⲩⲧⲉ ⲉ ⲣⲟ ⲥ ϫⲉ ⲑ ⲉⲕⲁⲧⲏ ⲡⲓ ϣⲟⲙⲛ̅ⲧ ⲛ̅ ϩⲟ · ⲟⲩⲛ ⲕⲉ ϫⲟⲩⲧ ⲥⲁϣϥⲉ ⲇⲉ ⲛ̅ ⲇⲁⲓⲙⲟⲛⲓⲟⲛ ϩⲁ ⲧⲉⲥ ⲉⲝⲟⲩⲥⲓⲁ ⲉ ⲛ ⲧⲟⲟⲩ ⲛⲉ ⲉ ϣⲁ ⲩ ⲃⲱⲕ' ⲉϩⲟⲩⲛ ⲉ ⲛ ⲣⲱⲙⲉ ⲛ̅ ⲥⲉ ⲧⲣⲉ ⲩ ⲱⲣⲕ̅ ⲛ̅ ⲛⲟⲩϫ ⲁⲩⲱ ⲛ ⲥⲉ ϫⲓ ϭⲟⲗ · ⲁⲩⲱ ⲛ̅ ⲥⲉ ⲙⲉⲣⲉ ⲡ ⲉⲧⲉ ⲙ̅ ⲡⲱⲟⲩ ⲁⲛ ⲡⲉ · ⲛⲉ ⲯⲩⲭⲟⲟⲩⲉ ϭⲉ ⲉⲧ ⲥ̅ ⲛⲁ ϥⲓⲧ ⲟⲩ ⲛ̅ ⲥⲧⲉⲣⲉⲥⲓⲙⲟⲛ ⲛ̅ϭⲓ ⲑ ⲉⲕⲁⲧⲏ ϣⲁ ⲥ ⲧⲁⲁ ⲩ ⲉⲧⲟⲟⲧ ⲟⲩ ⲛ̅ ⲛⲉⲥ ⲇⲁⲓⲙⲟⲛⲓⲟⲛ ⲉⲧ ϩⲁⲣⲁⲧ ⲥ̅ ⲛ̅ ⲥⲉ ⲃⲁⲥⲁⲛⲓⲍⲉ ⲙ̅ⲙⲟ ⲟⲩ ϩⲓⲧⲛ̅ ⲡⲉⲥ ⲕⲣⲱⲙ ⲛ̅ ⲕⲁⲕⲉ ⲙⲛ̅ ⲡⲉⲥ ⲕⲱϩⲧ ⲙ̅ ⲡⲟⲛⲏⲣⲟⲛ ⲉ ⲩ ⲑⲗⲓⲃⲉ ⲙ̅ⲙⲟ ⲟⲩ ⲉⲙⲁⲧⲉ ϩⲓⲧⲛ̅ ⲛ̅ ⲇⲁⲓⲙⲟⲛⲓⲟⲛ ·

ⲁⲩⲱ ϣⲁ ⲩ ⲣ̅ ϣⲉ ⲙⲛ̅ ϯ ⲛ̅ ⲣⲟⲙⲡⲉ ⲙⲛ̅ ⲥⲟⲟⲩ ⲛ̅ ⲉⲃⲟⲧ ⲉ ⲩ ⲕⲟⲗⲁⲍⲉ ⲙ̅ⲙⲟ ⲟⲩ ϩⲛ̅ ⲛⲉⲥ ⲕⲟⲗⲁⲥⲓⲥ ⲉⲑ ⲟⲟⲩ · ϣⲁ ⲩ ⲁⲣ ⲭⲓ ⲇⲉ ⲛ̅ ⲱϫⲛ̅ ⲁⲩⲱ ⲉ ⲧⲁⲕⲟ ·

ⲁⲩⲱ ⲙⲛ̅ⲛ̅ⲥⲁ ⲛⲁⲓ̈ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ⲛ ϥ̅ ⲉⲓ̅ ⲛ̅ϭⲓ ⲡ ⲕⲟⲩⲉⲓ ⲛ̅ ⲥⲁⲃⲁⲱⲑ' ⲡ ⲁⲅⲁⲑⲟⲥ ⲡⲁ ⲧ ⲙⲉⲥⲟⲥ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡ ⲕⲟⲥⲙⲟⲥ ϫⲉ ⲍⲉⲩⲥ · ⲛ ϥ̅ ⲉⲓ ⲉ ⲡ ⲙⲉϩϣⲙⲟⲩⲛ ⲛ ⲁⲓⲱⲛ ⲛ̅ⲧⲉ ⲧⲉⲥⲫⲁⲓⲣⲁ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡⲉ ⲥⲕⲟⲣⲡⲓⲟⲥ ⲁⲩⲱ ⲛ ⲥ̅ ⲉⲓ̅ ⲛ̅ϭⲓ ⲧ ⲃⲟⲩⲃⲁⲥⲧⲓ ⲧⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ⲥ ϫⲉ ⲧ ⲁⲫⲣⲟⲇⲓⲧⲏ ⲛ ⲥ̅ ⲉⲓ̅ ⲉ ⲡ ⲙⲉϩ ⲥⲛⲁⲩ ⲛ̅ ⲁⲓⲱⲛ ⲛ̅ⲧⲉ ⲧⲉ ⲥⲫⲉⲣⲁ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲧⲁⲩⲣⲟⲥ ·

ϣⲁ ⲩ ⲥⲱⲕ ⲛ̅ ⲛ̅ ⲕⲁⲧⲁⲡⲉⲧⲁⲥⲙⲁ ⲉⲧ ⲟⲩ ⲧⲱ ⲟⲩ ⲛ̅ ⲛⲁ ϩⲃⲟⲩⲣ ⲙⲛ̅ ⲛⲁ ⲟⲩⲛⲁⲙ ⲛ ϥ̅ ϭⲱϣⲧ̅ ⲉⲃⲟⲗ ϩⲙ̅ ⲡ ϫⲓⲥⲉ ⲛ̅ϭⲓ ⲡⲍⲟⲣⲟⲕⲟⲑⲟⲣⲁ ⲙⲉⲗϫⲓⲥⲉⲇⲉⲕ' ⲛ̅ⲧⲉ ⲡ ⲕⲟⲥⲙⲟⲥ ⲕⲓⲙ ⲙⲛ̅ ⲛ̅ ⲧⲟⲩⲉⲓⲏ ⲁⲩⲱ ⲛ̅ⲧⲉ ⲛ ⲁⲣⲱⲛ ϣⲧⲟⲣⲧⲣ̅ ⲛ ϥ̅ ϭⲱϣⲧ̅ ⲉϫⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲑ ⲉⲕⲁ ⲧⲏ ⲛ̅ⲧⲉ ⲛⲉⲥ ⲧⲟⲡⲟⲥ ⲃⲱⲗ ⲉⲃⲟⲗ ⲛ̅ ⲥⲉ ⲧⲁⲕⲟ · ⲁⲩⲱ ⲛ̅ ⲥⲉ ϥⲓ ⲛ̅ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲉⲧ ϩⲛ̅ ⲛ̅ⲉⲥ ⲕⲟⲗⲁⲥⲓⲥ ⲛ̅ ⲥⲉ ⲧⲥ̅ⲧⲟ ⲟⲩ ⲉ ⲧⲉ ⲥⲫⲁⲓⲣⲁ ⲛ̅ ⲕⲉ ⲥⲟⲡ' ⲉⲃⲟⲗ ϫⲉ ⲁ ⲩ ⲱϫⲛ̅ ϩⲙ̅ ⲡ ⲕⲱϩⲧ̅ ⲛ̅ ⲛⲉⲥ ⲕⲟⲗⲁⲥⲓⲥ ·

ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲡⲉϫⲁ ϥ ϫⲉ ⲧ ⲙⲉϩ * ϣ̇ⲟ̇ⲙⲧⲉϥⲧⲟ ⲛ̅ ⲧⲁⲝⲓⲥ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲙⲡⲁⲣϩⲉⲇⲣⲱⲛⲡⲧⲩⲫⲱⲛ ⲉ ⲩ ⲁⲣⲭⲱⲛ ⲛ̅ ϫⲱⲱⲣⲉ ⲡⲉ ⲉ ⲩ ϣⲟⲟⲡ ϩⲁ ⲧⲉϥ ⲉⲝⲟⲩ ⲥⲓⲁ ⲛ̅ϭⲓ ⲙⲁⲃⲥⲛⲟⲟⲩⲥ ⲛ̅ ⲇⲁⲓⲙⲟⲛⲓⲟⲛ ⲉ ⲛ ⲧⲟⲟⲩ ⲛⲉ ⲉ ϣⲁ ⲩ ⲃⲱⲕ ⲉϩⲟⲩⲛ ⲉ ⲛ ⲣⲱⲙⲉ ⲛ̅ ⲥⲉ ⲧⲣⲉⲩ ⲉⲡⲓⲑⲩⲙⲓ ⲁⲩⲱ ⲛ̅ ⲥⲉ ⲡⲟⲣⲛⲉⲩⲉ ⲛ̅ ⲥⲉ ⲣ̅ ⲛⲟⲉⲓⲕ ⲛ̅ ⲥⲉ ϣⲱⲡⲉ ⲉ ⲩ ⲉⲓⲣⲉ ⲛ̅ ⲧ ⲥⲩⲛⲟⲩⲥⲓⲁ ⲉ ⲩ ⲙⲏⲛ ⲉⲃⲟⲗ ·

ⲛⲉ ⲯⲩⲭⲟⲟⲩⲉ ϭⲉ ⲉⲧ ϥ̅ ⲛⲁ ϥⲓⲧ ⲟⲩ ⲛ̅ ⲥⲧⲉⲣⲉⲥⲓⲙⲟⲛ ⲛ̅ϭⲓ ⲡⲉⲓ̈ ⲁⲣⲭⲱⲛ ϣⲁ ⲩ ⲣ̅ ϣⲉⲙⲁⲃϣⲙⲏⲛⲉ ⲛ̅ ⲣⲟⲙⲡⲉ ϩⲛ̅ ⲛⲉϥ ⲧⲟⲡⲟⲥ ⲉ ⲩ ⲃⲁⲥⲁ ⲛⲓⲍⲉ ⲙ̅ⲙⲟ ⲟⲩ ⲛ̅ϭⲓ ⲛⲉϥ ⲇⲁⲓⲙⲟⲛⲓⲟⲛ ϩⲓⲧⲙ̅ ⲡⲉϥ ⲕⲣⲱⲙ' ⲛ̅ ⲕⲁⲕⲉ ⲙⲛ̅ ⲡⲉϥ ⲕⲱϩⲧ̅ ⲙ̅ ⲡⲟⲛⲏⲣⲟⲛ ⲛ̅ ⲥⲉ ⲁⲣⲭⲓ ⲉ ⲁⲛ ϩⲁⲗⲓⲥⲕⲉ ⲁⲩⲱ ⲉ ⲧⲁⲕⲟ ·

ϣⲁ ⲥ ϣⲱⲡⲉ ϭⲉ ⲉⲣϣⲁⲛ ⲧⲉ ⲥⲫⲁⲓⲣⲁ ⲕⲱⲧⲉ ⲛ ϥ̅ ⲉⲓ̅ ⲛ̅ϭⲓ ⲡ ⲕⲟⲩⲉⲓ ⲡ ⲥⲁⲃⲁⲱⲑ ⲡ ⲁⲅⲁⲑⲟⲥ ⲡⲁ ⲧ ⲙⲉⲥⲟⲥ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲍⲉⲩⲥ ·

ⲉϥϣⲁⲛ ⲉⲓ̅ ⲉ ⲡ ⲙⲉϩ ⲯⲓⲥ □* ⲛ̅ ⲁⲓⲱⲛ ⲛ̅ ⲧⲉ ⲥⲫⲁⲓⲣⲁ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲇⲟⲝⲟⲧⲏⲥ · ⲁⲩⲱ ⲛ̅ⲧⲉ ⲧ ⲃⲟⲩⲃⲁⲥⲧⲓ ⲧⲉⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ⲥ ϩⲙ̅ ⲡ ⲕⲟⲥⲙⲟⲥ ϫⲉ ⲧ ⲁⲫⲣⲟⲇⲓⲧⲏ ⲛ̅ ⲥ ⲉⲓ ⲉ ⲡ ⲙⲉϩ ϣⲟⲙⲛ̅ⲧ ⲛ̅ ⲁⲓⲱⲛ ⲛ̅ ⲧⲉ ⲥⲫⲉⲣⲁ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲇⲓⲇⲩⲙⲟⲥ ·

ϣⲁ ⲩ ⲃⲱⲕ' ⲛ̅ ⲛ̅ ⲕⲁⲧⲁⲡⲉⲧⲁⲥⲙⲁ ⲉⲧ ⲟⲩ ⲧⲱ ⲟⲩ ⲛ ⲛⲁ ϩⲃⲟⲩⲣ ⲙⲛ̅ ⲛⲁ ⲟⲩⲛⲁⲙ' ⲛ ϥ̅ ϭⲱϣⲧ̅ ⲉⲃⲟⲗ ⲛ̅ϭⲓ ⲍⲁⲣⲁⲍⲁⲍ · ⲡⲁⲓ̈ ⲉⲧⲉ ϣⲁⲣⲉ ⲛ̅ ⲁⲣⲭⲱⲛ ⲙⲟⲩⲧⲉ ⲉⲣⲟ ϥ ϩⲙ̅ ⲡ ⲣⲁⲛ ⲛ̅ ⲟⲩ ⲁⲣⲭⲱⲛ ⲛ̅ ϫⲱⲱⲣⲉ ⲛ̅ⲧⲉ ⲛⲉⲩ ⲧⲟⲡⲟⲥ ϫⲉ ⲙⲁⲥⲕⲉⲗⲗⲓ · ⲁⲩⲱ ⲛ ϥ̅ ϭⲱϣⲧ̅ ⲉϫⲛ̅ ⲙ̅ ⲙⲁ ⲛ̅ ϣⲱⲡⲉ ⲙ̅ ⲡ̅ ⲡⲁⲣϩⲉⲇⲣⲱⲛⲡⲧⲩⲫⲱⲛ ⲛ̅ⲧⲉ ⲛⲉϥ ⲧⲟⲡⲟⲥ ⲃⲱⲗ ⲉⲃⲟⲗ ⲛ̅ ⲥⲉ ⲧⲁⲕⲟ · ⲛ̅ ⲥⲉ ϥⲓ ⲛ̅ ⲛⲉ ⲯⲩ ⲭⲟⲟⲩⲉ ⲧⲏⲣ ⲟⲩ ⲉⲧ ϩⲛ̅ ⲛⲉϥ ⲕⲟⲗⲁⲥⲓⲥ ⲛ̅ ⲥⲉ ⲧⲥ̅ⲧⲟ ⲟⲩ ⲉ ⲧⲉ ⲥⲫⲁⲓⲣⲁ ⲛ̅ ⲕⲉ ⲥⲟⲡ · ⲉⲃⲟⲗ ϫⲉ ⲁ ⲩ ⲥⲃⲟⲕ' ϩⲓⲧⲙ̅ ⲡⲉⲥ ⲕⲣⲱⲙ' ⲛ̅ ⲕⲁⲕⲉ ⲁⲩⲱ ϩⲓⲧⲙ̅ ⲡⲉϥ ⲕⲱϩⲧ̅ ⲙ̅ ⲡⲟⲛⲏ ⲣⲟⲛ ·

ⲡⲁⲗⲓⲛ ⲟⲛ ⲁ ϥ ⲟⲩⲱϩ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲧⲙⲉϩϯ ⲛ̅ ⲧⲁⲝⲓⲥ ⲉ ϣⲁ ⲩ ⲙⲟⲩⲧⲉ ⲉⲣ̇ⲟ̇ ⲥ̇ ⲡⲉⲩ ⲁⲣⲭⲱⲛ ϫⲉ ⲓ̈ⲁⲭⲑⲁⲛⲁⲃⲁⲥ . ⲉ ⲩ ⲁⲣⲭⲱⲛ ⲛ̅ ϫⲱⲱⲣⲉ ⲡⲉ · ⲉ ⲩ ϩⲁⲣⲁⲧ ϥ̅ ⲛ̅ϭⲓ ϩⲉⲛ ⲕⲉ ⲙⲏⲏϣⲉ ⲛ̅ ⲇⲁⲓⲙⲟⲛⲓⲟⲛ ·

ⲛ̅ⲧⲟⲟⲩ ⲛⲉ ⲉ ϣⲁ ⲩ ⲃⲱⲕ' ⲉϩⲟⲩⲛ ⲉ ⲛ ⲣⲱⲙⲉ ⲛ̅ ⲥⲉ ⲧⲣⲉⲩ ϣⲱⲡⲉ ⲛ̅ ⲣⲉϥ ϫⲓ ϩⲟ ⲉ ⲩ ⲁⲇⲓⲕⲉⲓ ⲛ̅ ⲛ̅ ⲇⲓⲕⲁⲓⲟⲥ ⲁⲩⲱ ⲉ ⲩ ϫⲓ ⲙ̅ ⲡ ϩⲟ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ⲉ ⲩ ϫⲓ ⲇⲱⲣⲟⲛ ⲉϫⲙ̅ⲫⲁⲡ ⲙ̅ ⲙⲉ ⲉ ⲩ ⲧⲁ ⲕⲟ ⲙ̅ⲙⲟ ϥ ⲉ ⲩ ⲱⲃϣ ⲙ̅ⲙⲟ ⲟⲩ ⲉ ⲛ ϩⲏⲕⲉ ⲙⲛ̅ ⲛ ⲉⲧ ϣⲁⲁⲧ' ⲉ ⲩ ⲧⲁϣⲟ ⲛ̅ ⲧ ⲃ̅ϣⲉ ϩⲛ̅ ⲧⲉⲩ ⲯⲩⲭⲏ ⲙⲛ̅ ⲡ ⲣⲟⲟⲩϣ ⲉⲧⲉ ⲙⲛ̅ ϩⲏⲩ ⲛ̅ϩⲏⲧ ϥ̅ ϫⲉ ⲛ̅ⲛⲉ ⲩ ⲣ̅ ⲡ ⲙⲉⲉⲩⲉ ⲙ̅ ⲡⲉⲩ ⲱⲛϩ̅ ϫⲉⲕⲁⲥ ⲉⲩϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉⲩⲉ ϥⲓⲧ ⲟⲩ ⲛ̅ ⲥⲧⲉ ⲣⲉⲥⲓⲙⲟⲛ ·

ⲛⲉ ⲯⲩⲭⲟⲟⲩⲉ ϭⲉ ⲉⲧ ϥ̅ ⲛⲁ ϥⲓⲧ ⲟⲩ ⲛ̅ ⲥⲧⲉ ⲣⲉⲥⲓⲙⲟⲛ ⲛ̅ϭⲓ ⲡⲉⲓ̈ ⲁⲣⲭⲱⲛ ϣⲁ ⲩ ϣⲱⲡⲉ ϩⲛ̅ ⲛⲉϥ ⲕⲟ ⲗⲁⲥⲓⲥ ⲛ̅ ϣⲉ ⲧⲁⲓ̈ⲟⲩ ⲛ̅ ⲣⲟⲙⲡⲉ ⲙⲛ̅ ϣⲙⲟⲩⲛ ⲛ̅ ⲉⲃⲟⲧ' ⲛ ϥ̅ ⲁⲛ ϩⲁⲗⲓⲥⲕⲉ ⲙ̅ⲙⲟ ⲟⲩ ϩⲓⲧⲙ̅ ⲡⲉϥ ⲕⲣⲱⲙ ⲛ̅ ⲕⲁⲕⲉ ⲙⲛ̅ ⲡⲉϥ ⲕⲱϩⲧ̅ ⲙ̅ ⲡⲟⲛⲏⲣⲟⲛ ⲉ ⲩ ⲑⲗⲓⲃⲉ ⲙ̅ⲙⲟ ⲟⲩ ⲉⲙⲁⲧⲉ ϩⲓⲧⲙ̅ ⲡ ϣⲁϩ ⲙ̅ ⲡⲉϥ ⲕⲱϩⲧ̅ ·

ⲁⲩⲱ ⲉⲣϣⲁⲛ ⲧⲉ ⲥⲫⲁⲓ ⲣⲁ ⲕⲱⲧⲉ ⲛ ϥ̅ ⲉⲓ̅ ⲛ̅ϭⲓ ⲡ ⲕⲟⲩⲓ̈ ⲛ̅ ⲥⲁⲃⲁⲱⲑ ⲡ ⲁⲅⲁⲑⲟⲥ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡ ⲕⲟⲥⲙⲟⲥ ϫⲉ ⲍⲉⲩⲥ ⲛ ϥ̅ ⲉⲓ̅ ⲉ ⲡ ⲙⲉϩ ⲙⲛⲧ ⲟⲩⲉ ⲛ̅ ⲁⲓⲱⲛ ⲛ̅ⲧⲉ ⲧⲉ ⲥⲫⲉⲣⲁ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ϩⲩⲇⲣⲏⲭⲟⲟⲥ · ⲁⲩⲱ ⲛ ⲥ̅ ⲉⲓ̅ ⲛ̅ϭⲓ ⲧⲃⲟⲩⲃⲁⲥⲧⲓ ⲉ ⲡ ⲙⲉϩ ϯⲟⲩ ⲛ̅ ⲁⲓⲱⲛ ⲛ̅ ⲧⲉ ⲥⲫⲉⲣⲁ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲗⲉⲱⲛ ⲡ̇ⲁ̇ⲓ̇ ⲉ ϣⲁ ⲩ ⲥⲱⲕ ⲛ̅ ⲛ̅ ⲕⲁⲧⲁⲡⲉⲧⲁⲥⲙⲁ ⲉⲧ ⲟⲩ ⲧⲱ ⲟⲩ ⲛ̅ ⲛⲁ ϩⲃⲟⲩⲣ ⲙⲛ̅ ⲛⲁ ⲟⲩⲛⲁⲙ' ⲛ ϥ̅ ϭⲱϣⲧ̅ ⲉⲃⲟⲗ ϩⲙ̅ ⲡ ϫⲓⲥⲉ ⲛ̅ϭⲓ ⲡ ⲛⲟϭ ⲛ̅ ⲓ̈ⲁⲱ ⲡ ⲁⲅⲁⲑⲟⲥ ⲡⲁ ⲧ ⲙⲉⲥⲟⲥ ⲡ̇ⲁ̇ⲓ̈̇ ⲉ ϩⲣⲁⲓ̈ ⲉϫⲛ̅ ⲛ̅ ⲧⲟⲡⲟⲥ ⲛ̅ ⲓ̈ⲁⲭⲑⲁⲛⲁⲃⲁⲥ ⲉⲧⲉ ⲛⲉϥ ⲧⲟ ⲡⲟⲥ ⲃⲱⲗ ⲉⲃⲟⲗ ⲛ̅ ⲥⲉ ⲧⲁⲕⲟ ⲁⲩⲱ ⲛ̅ ⲥⲉ ϥⲓ ⲛ̅ ⲛⲉ ⲯⲩ ⲭⲟⲟⲩⲉ ⲧⲏⲣ ⲟⲩ ⲉⲧ ϩⲛ̅ ⲛⲉϥ ⲕⲟⲗⲁⲥⲓⲥ ⲛ̅ ⲥⲉ ⲧⲥ̅ⲧⲟ ⲟⲩ ⲉ ⲧⲉ ⲥⲫⲁⲓⲣⲁ ⲛ̅ ⲟⲩⲱϩⲙ̅ · ⲉⲃⲟⲗ ϫⲉ ⲁ ⲩ ⲧⲁⲕⲟ ϩⲓⲧⲛ̅ ⲛⲉϥ ⲕⲟⲗⲁⲥⲓⲥ ·

ⲛⲁⲓ̈ ϭⲉ ⲛⲉ ⲛⲉ ϩ̇ⲓ̇ⲟ̇ⲟ̇ⲩ̇ⲉ̇ ⲡⲣⲁⲝⲓⲥ ⲛ̅ ⲛⲉ ϩⲓⲟⲟⲩⲉ ⲛ̅ ⲧ ⲙⲏⲧⲉ ⲉⲛⲧ ⲁ ⲧⲉⲧⲛ̅ ϣⲛ̅ⲧ ⲉⲣⲟ ⲟⲩ :

ⲛ̅ⲧⲉ ⲣ ⲟⲩ ⲥⲱⲧⲙ̅ ⲇⲉ ⲉ ⲛⲁⲓ̈ ⲛ̅ϭⲓ ⲙ̅ ⲙⲁⲑⲏⲧⲏⲥ ⲁ ⲩ ⲡⲁϩⲧ ⲟⲩ ⲁ ⲩ ⲟⲩⲱϣⲧ̅ ⲛⲁ ϥ ⲉ ⲩ ϫⲱ ⲙ̅ⲙⲟ ⲥ ϫⲉ ⲃⲟⲏⲑⲓ ⲉⲣⲟ ⲛ ⲡⲉⲛ ϫⲟⲉⲓⲥ ⲛ̅ ⲅ ϣⲛ̅ ϩⲧⲏ ⲕ ϩⲁⲣⲟ ⲛ ϫⲉ ⲉⲛⲉ ⲟⲩϫⲁⲓ̈ ⲉ ⲛⲉⲓ̈ ⲕⲟⲗⲁⲥⲓⲥ ⲉⲑ ⲟⲟⲩ ⲉⲧ ⲥⲃ̅ⲧⲱⲧ ⲛ̅ ⲛ̅ ⲣⲉϥ ⲣ̅ ⲛⲟⲃⲉ ·

ⲟⲩⲟⲓ̈ ⲛⲁ ⲩ ⲟⲩⲟⲓ̈ ⲛⲁ ⲩ ⲛ̅ ϣⲏⲣⲉ ⲛ̅ ⲣ̅ ⲣⲱⲙⲉ ϫⲉ ⲉ ⲩ ⲟ ⲛ̅ ⲑ ⲉ ⲛ̅ ϩⲉⲛ ⲃⲗ̅ⲗⲉⲉⲩ ϭⲟⲙϭⲙ̅ ϩⲙ̅ ⲡ ⲕⲁⲕⲉ ⲉ ⲛ ⲥⲉ ⲛⲁⲩ ⲉⲃⲟⲗ ⲁⲛ · ϣⲛ̅ ϩⲧⲏ ⲕ ϩⲁⲣⲟ ⲛ ⲡ ϫⲟⲉⲓⲥ ϩⲛ̅ ⲧⲉⲓ̈ ⲛⲟϭ ⲙ̅ ⲙⲛ̅ⲧ ⲃⲗ̅ⲗⲉ ⲉⲧ ⲛ ̅ ϣⲟⲟⲡ ϩⲣⲁⲓ̈ ⲛ̅ϩⲏⲧ ⲥ̅ · ⲁⲩⲱ ⲛ ⲅ̅ ϣⲛ̅ ϩⲧⲏ ⲕ ϩⲁ ⲡ ⲅⲉⲛⲟⲥ ⲧⲏⲣ ϥ̅ ⲛ̅ ⲧ ⲙⲛ̅ⲧ ⲣⲱⲙⲉ ϫⲉ ⲁ ⲩ ϭⲱⲣϭ̅ ⲉ ⲛⲉⲩ ⲯⲩⲭⲟⲟⲩⲉ ⲛ̅ ⲑ ⲉ ⲛ̅ ⲛⲓ ⲙⲟⲩⲓ̈ ⲉ ⲩ ⲡⲁϩⲥ̅ ⲉ ⲩ ⲥⲟⲃⲧⲉ ⲙ̅ⲙⲟ ⲥ ⲛ̅ ⲧⲣⲟⲫⲏ ⲛ̅ ⲛⲉⲩ ⲕⲟⲗⲁⲥⲓⲥ ϩⲓⲧⲛ̅ ⲧ ⲃ̅ ϣⲉ ⲙⲛ̅ ⲧ ⲙⲛ̅ⲧ ⲁⲧ ⲥⲟⲟⲩⲛ ⲉⲧ ⲛ̅ϩⲏⲧ ⲟⲩ · ϣⲛ̅ ϩⲧⲏ ⲕ ϭⲉ ϩⲁⲣⲟ ⲛ · ⲡⲉⲛ ϫⲟⲉⲓⲥ ⲡⲉⲛ ⲥ̅ⲱ̅ⲣ ⲛ̅ ⲅ ⲛⲁ ϩⲁⲣⲟ ⲛ ⲛ̅ ⲅ ⲛⲁϩⲙ̅ ⲛ̅ ϩⲙ̅ ⲡⲉⲓ̈ ⲛⲟϭ ⲛ̅ ϩⲃⲁ ·

ⲡⲉϫⲉ ⲓ̅ⲥ̅ ⲛ̅ ⲛⲉϥ ⲙⲁ ⲑⲏⲧⲏⲥ ϫⲉ ⲧⲱⲕ' ⲛ̅ ϩⲏⲧ ⲙ̅ⲡⲣ̅ ⲣ̅ ϩⲟⲧⲉ ϫⲉ ⲛ̅ⲧⲉⲧⲛ̅ ϩⲉⲛ ⲙⲁⲕⲁⲣⲓⲟⲥ · ϫⲉ ϯ ⲛⲁ ⲣ ⲧⲏⲩⲧⲛ̅ ⲛ̅ ϫⲟⲉⲓⲥ ⲉϫⲛ̅ ⲛⲁⲓ̈ ⲧⲏⲣ ⲟⲩ ⲁⲩⲱ ϯ ⲛⲁ ⲧⲣⲉⲩ ϩⲩⲡⲟⲧⲁⲥⲥⲉ ⲛⲏ ⲧⲛ̅ ⲧⲏ ⲣ ⲟⲩ ·

ⲁⲣ ⲓ ⲡ ⲙⲉⲉⲩⲉ ϫⲉ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲥ ⲛⲏ ⲧⲛ̅ ϩⲁ ⲑ ⲏ ⲉ ⲙⲡⲁⲧ ⲟⲩ ⲥⲟ ⲩ̅ ⲙ̅ⲙⲟ ⲓ̈ ϫⲉ ϯ ⲛⲁ ϯ ⲛⲏ ⲧⲛ̅ ⲛ̅ ⲛ̅ ϣⲟϣⲧ̅ ⲛ̅ ⲧ ⲙⲛ̅ⲧ ⲉⲣⲟ ⲛ̅ ⲙ̅ ⲡⲏⲩⲉ ·

ⲧⲉⲛⲟⲩ ⲟⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ϯ ⲛⲁ ⲧⲁⲁ ⲩ ⲛⲏ ⲧⲛ̅ :