ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲉⲓ̈ⲉ ⲣⲱⲙⲉ ⲛⲓⲙ ⲉⲧ ϩⲓϫⲙ̅ ⲡ ⲕⲟⲥⲙⲟⲥ ⲉⲓ̈ⲉ ϩⲱⲃ ⲛⲓⲙ ⲉⲧ ⲏⲡ' ⲉ ⲣⲟ ⲟⲩ ϩⲓⲧⲛ̅ ⲑ ⲓⲙⲁⲣⲙⲉⲛⲏ ⲉⲓⲧⲉ ⲁⲅⲁⲑⲟⲛ ⲉⲓⲧⲉ ⲡ ⲉⲑ ⲟ ⲟⲩ ⲉⲓⲧⲉ ⲛⲟⲃⲉ ⲉⲓⲧⲉ ⲙⲟⲩ ⲉⲓⲧⲉ ⲱⲛϩ̅ ϩⲁⲡⲁⲝ ϩⲁⲡⲗⲱⲥ ϩⲱⲃ ⲛⲓⲙ' ⲉⲧ ⲏⲡ ⲉⲣⲟ ⲟⲩ ϩⲓⲧⲛ̅ ⲛ̅ ⲁⲣⲭⲱⲛ ⲛ̅ ⲑ ⲓ ⲙⲁⲣⲙⲉⲛⲏ ⲥⲉ ⲛⲁ ϫⲡⲓ * ⲃⲱⲕ ⲛ̅ϩⲏⲧ ⲟⲩ ·

ⲁ ϥ ⲟⲩⲱϣⲃ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ⲙⲁⲣⲓϩⲁⲙⲙⲏ ϫⲉ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ϩⲱⲃ ⲛⲓⲙ ⲉⲧ ⲏⲡ' ⲉ ⲡ ⲟⲩⲁ ⲡ ⲟⲩⲁ ϩⲓⲧⲛ̅ ⲑ ⲓⲙⲁⲣⲙⲉⲛⲏ ⲥ̇ⲉ̇ⲛ̇ ⲉⲓⲧⲉ ⲁⲅⲁⲑⲟⲛ ⲛⲓⲙ ⲉⲓⲧⲉ ⲛⲟⲃⲉ ⲛⲓⲙ ϩⲁⲡⲁⲝ ϩⲁⲡⲗⲱⲥ ϩⲱⲃ ⲛⲓⲙ ⲉⲧ ⲏⲡ ⲉⲣⲟ ⲟⲩ ϣⲁ ⲩ ⲃⲱⲕ ⲛ̅ϩⲏⲧ ⲟⲩ ⲉⲧⲃⲉ ⲡⲁⲓ̈ ϭⲉ ⲛ̅ⲧ ⲁ ⲓ̈ ⲉⲓⲛⲉ ⲙ̅ ⲡ ϣⲟⲙ̇ⲛ̅̇ⲧ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲛ̅ ⲙ̅ ⲡⲏⲩⲉ ⲏ̅ ⲙ̅ⲙⲟⲛ ⲛⲉ ⲙⲛ̅ ⲗⲁⲁⲩ ⲛ̅ ⲥⲁⲣⲝ̅ ⲛⲁ ⲟⲩϫⲁⲓ̈ ⲡⲉ ϩⲓϫⲙ̅ ⲡ ⲕⲟⲥⲙⲟⲥ

ϫⲉ ⲁϫⲛ̅ ⲙⲩⲥⲧⲏⲣⲓⲟⲛ ⲅⲁⲣ ⲙⲛ̅ ⲗⲁⲁⲩ ⲛⲁ ⲃⲱⲕ' ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ⲉⲓⲧⲉ ⲇⲓⲕⲁⲓⲟⲥ ⲉⲓⲧⲉ ⲣⲉϥ ⲣ̅ ⲛⲟⲃⲉ ⲉⲧⲃⲉ ⲡⲁⲓ̈ ⲟⲩⲛ ⲛ̅ ⲧⲉⲓ̈ ⲙⲓⲛⲉ ⲛ̅ⲧ ⲁ ⲓ̈ ⲉⲓⲛⲉ ⲛ̅ ⲛ̅ ϣⲟϣⲧ̅ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉ ⲡ ⲕⲟⲥⲙⲟⲥ ϫⲉ ⲉⲓ̈ⲉ ⲃⲱⲗ ⲉⲃⲟⲗ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ⲛⲁⲓ̈ ⲉⲧ ⲛⲁ ⲡⲓⲥⲧⲉⲩⲉ ⲉ ⲣⲟ ⲓ̈ ⲁⲩⲱ ⲉⲧ ⲛⲁ ⲥⲱⲧⲙ̅ ⲛ̅ⲥⲱ ⲓ̈ ϫⲉⲕⲁⲥ ⲉⲓ̈ⲉ ⲃⲟⲗ ⲟⲩ ⲉⲃⲟⲗ ϩⲣⲁⲓ̈ ϩⲛ̅ ⲙ̅ ⲙⲣ̅ⲣⲉ ⲙⲛ̅ ⲛⲉ ⲥⲫⲣⲁⲅⲓⲥ ÷ ⲙⲛ̅ ⲛ̅ ⲉⲛ ⲇⲩⲙⲁ ⲙⲛ̅ ⲛ̅ ⲧⲁⲝⲓⲥ ⲙ̅ ⲡ ⲟⲩⲟⲉⲓⲛ ϫⲉⲕⲁⲥ ⲡⲉ ϯ ⲛⲁ ⲃⲟⲗ ϥ̅ ⲉⲃⲟⲗ ϩⲓϫⲙ̅ ⲡ ⲕⲟⲥⲙⲟⲥ ϩⲛ̅ ⲙ̅ ⲙⲣ̅ⲣⲉ ⲙⲛ̅ ⲛⲉ ⲥⲫⲣⲁⲅⲓⲥ ⲛ̅ ⲛ ⲁⲓⲱⲛ ⲛ̅ ⲧⲉⲛ ⲁⲣⲭⲱⲛ ⲉⲩⲉ ⲃⲟⲗ ϥ̅ ⲉⲃⲟⲗ ϩⲣⲁⲓ̈ ϩⲙ̅ ⲡ ϫⲓⲥⲉ ⲛ̅ ⲙ̅ ⲙ̅ⲣⲣⲉ ⲙⲛ̅ ⲛⲉ ⲥⲫⲣⲁⲅⲓⲥ ⲛ̅ ⲧⲉ ⲛ̅ ⲁⲓⲱⲛ ⲛ̅ ⲛ̅ ⲁⲣⲭⲱⲛ

ⲁⲩⲱ ⲡⲉϯⲛⲁⲙⲟⲣϥ̅ ϩⲓϫⲙ̅ ⲡ ⲕⲟⲥ ⲙⲟⲥ ⲉϩⲟⲩⲛ ⲉ ⲛⲉ ⲥⲫⲣⲁⲅⲓⲥ ⲙⲛ̅ ⲛ̅ ⲉⲛⲇⲩⲙⲁ ⲙⲛ̅ ⲛ̅ ⲧⲁⲝⲓⲥ ⲙ̅ ⲡ ⲟⲩⲟⲉⲓⲛ ⲛ̅ ⲥⲉ ⲙⲟⲣ ϥ̅ ϩⲙ̅ ⲡ ⲕⲁϩ ⲙ̅ ⲡ ⲟⲩ ⲟⲉⲓⲛ ⲉϩⲟⲩⲛ ⲉ ⲛ ⲧⲁⲝⲓⲥ ⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ⲉⲧⲃⲉ ⲛ̅ ⲣⲉϥ ⲣ̅ ⲛⲟⲃⲉ ⲟⲩⲛ ⲛ̅ⲧ ⲁ ⲓ̈ ⲥⲕⲩⲗⲗⲓ ⲙ̅ⲙⲟ ⲓ̈ ⲙ̅ⲡⲉⲓ̈ ⲥⲟⲡ ⲁ ⲓ̈ ⲉⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛⲁ ⲩ ϫⲉ ⲉⲓ̈ⲉ ⲃⲟⲗ ⲟⲩ ⲉⲃⲟⲗ ⲛ̅ⲧⲟⲟⲧ ⲟⲩ ⲛ̅ ⲛ ⲁⲓⲱⲛ ⲛ̅ ⲧⲉⲛ̅ ⲁⲣⲭⲱⲛ ⲛ̅ ⲧⲁ ⲙⲟⲣ ⲟⲩ ⲉϩⲟⲩⲛ ⲉ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ⲟⲩ ⲙⲟⲛⲟⲛ ⲛ̅ ⲣⲉϥ ⲣ̅ ⲛⲟⲃⲉ ⲁⲗⲗⲁ ⲛ̅ ⲕⲁⲓ ⲇⲓⲕⲁⲓⲟⲥ ϫⲉ ⲉⲓ̈ⲉ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲥⲉ ϫⲓⲧ ⲟⲩ ⲉ ⲡ ⲟⲩⲟⲉⲓⲛ

ϫⲉ ⲁϫⲛ̅ ⲙⲩⲥⲧⲏⲣⲓⲟⲛ ⲅⲁⲣ ⲙⲛ̅ ϣ ϭⲟⲙ ⲉ ϫⲓⲧ ⲟⲩ ⲉ ⲡ ⲟⲩⲟⲉⲓⲛ ⲉⲧⲃⲉ ⲡⲁⲓ̈ ⲟⲩⲛ ⲙ̅ ⲡⲓ ϩⲟⲡⲥ̅ ⲁⲗ ⲗⲁ ⲁ ⲓ̈ ⲱϣ ⲉⲃⲟⲗ ⲫⲁⲛⲉⲣⲱⲥ ⲁⲩⲱ ⲛ̅ⲧ ⲁ ⲓ̈ ⲡⲱⲣϫ̅ ⲉⲃⲟⲗ ⲁⲛ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ⲁⲗⲗⲁ ⲛ̅ⲧ ⲁ ⲓ̈ ϣⲱⲟⲩ ⲉⲃⲟⲗ' ⲁⲩⲱ ⲁ ⲓ̈ ϫⲟⲟ ⲥⲉ ⲉ ⲣⲱⲙⲉ ⲛⲓⲙ' ⲛ̅ ⲣⲉϥ ⲣ̅ ⲛⲟⲃⲉ ⲙⲛ̅ ⲛ̅ ⲇⲓ ⲕⲁⲓⲟⲥ ⲉ ⲓ̈ ϫⲱ ⲙ̅ⲙⲟ ⲥ ϫⲉ ϣⲓⲛⲉ ⲧⲁⲣⲉ ⲧⲛ̅ ϭⲓⲛ ⲉⲧⲱϩⲙ̅ ⲧⲁⲣ ⲟⲩ ⲟⲩⲱⲛ ⲛⲏ ⲧⲛ̅ ϫⲉ ⲟⲩⲟⲛ ⲅⲁⲣ ⲛⲓⲙ · ⲉⲧ ϣⲓⲛⲉ ϩⲛ̅ ⲟⲩ ⲁⲗⲏⲑⲓⲁ ϥ ⲛⲁ ϭⲓⲛⲉ ⲁⲩⲱ ⲡ ⲉⲧ ⲧⲱϩⲙ̅ ⲥⲉ ⲛⲁ ⲟⲩⲱⲛ ⲛⲁ ϥ

ⲛ̅ⲧ ⲁ ⲓ̈ ϫⲟⲟ ⲥ ⲅⲁⲣ ⲉ ⲣⲱⲙⲉ ⲛⲓⲙ' ϫⲉ ⲉⲩⲉ ϣⲓⲛⲉ ⲛ̅ ⲥⲁ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩ ⲟⲉⲓⲛ ⲛⲁⲓ̈ ⲉⲧ ⲛⲁ ⲧⲃ̅ⲃⲟ ⲙ̅ⲙⲟ ⲟⲩ ⲛ̅ ⲥⲉ ⲁⲁ ⲩ ⲛ̅ ϩⲓⲗⲓⲕⲣⲓ ⲛⲉⲥ ⲛ̅ ⲥⲉ ϫⲓⲧ ⲟⲩ ⲉ ⲡ ⲟⲩⲟⲉⲓⲛ · ⲉⲧⲃⲉ ⲡⲁⲓ̈ ϭⲉ ⲁ ⲓ̈ⲱ ϩⲁⲛⲛⲏⲥ ⲡ ⲃⲁⲡⲧⲓⲥⲧⲏⲥ ⲁ ϥ ⲡⲣⲟⲫⲏⲧⲉⲩⲉ ϩⲁⲣⲟ ⲓ̈ ⲉ ϥ ϫⲱ ⲙ̅ⲙⲟ ⲥ ·

ϫⲉ ⲁⲛⲟⲕ ⲙⲉⲛ ⲁ ⲓ̈ ⲃⲁⲡⲧⲓⲍⲉ ⲙ̅ⲙⲱ ⲧⲛ̅ ϩⲛ̅ ⲟⲩ ⲙⲟⲟⲩ ⲉ ⲩ ⲙⲉⲧⲁⲛⲟⲓⲁ ⲉ ⲡ ⲕⲱ ⲉⲃⲟⲗ ⲛ̅ ⲛⲉⲧⲛ̅ ⲛⲟⲃⲉ ⲡ ⲉⲧ ⲛⲏⲩ ⲙⲛ̅ⲛ̅ⲥⲱ ⲓ̈ ϥ ⲟⲩⲟⲧⲃ̅ ⲉⲣⲟ ⲓ̈ · ⲡⲁⲓ̈ ⲉⲧⲉⲣⲉ ⲡⲉϥ ϩⲁ ϩⲛ̅ ⲧⲉϥ ϭⲓϫ ⲉ ϥ ⲛⲁ ⲧⲃ̅ⲃⲟ ⲙ̅ ⲡⲉϥ ϫⲛⲟⲟⲩ ·

ⲡ ⲧⲱϩ ⲙⲉⲛ ⲛ ϥ̅ ⲣⲟⲕϩ ϥ̅ ϩⲛ̅ ⲟⲩ ⲕⲱϩⲧ̅ ⲉ ⲙⲉ ϥ ⲱϣⲙ̅ · ϫ̇ⲛ̇ ⲡⲉϥ ⲥⲟⲩⲟ ⲇⲉ ⲛ ϥ̅ ⲥⲩⲛⲁⲅⲉ ⲙ̅ⲙⲟ ϥ ⲉϩⲟⲩⲛ ⲉ ⲧⲉϥ ⲁⲡⲟ ⲑⲏⲕⲏ · ⲛ̅ⲧ ⲁ ⲧ ϭⲟⲙ' ⲉⲧ ϩⲛ̅ ⲓ̈ⲱϩⲁⲛⲛⲏⲥ ⲡⲣⲟⲫⲏⲧⲉⲩⲉ ϩⲁⲣⲟ ⲓ̈ ⲉ ⲥ ⲥⲟⲟⲩⲛ ϫⲉ ϯ ⲛⲁ ⲉⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉ ⲡ ⲕⲟⲥⲙⲟⲥ ⲛ̅ ⲧⲁ ⲕⲁⲑⲁⲣⲓⲍⲉ ⲛ̅ ⲛ̅ ⲛⲟⲃⲉ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ⲛⲁⲓ̈ ⲉⲧ ⲛⲁ ⲡⲓⲥⲧⲉⲩⲉ ⲉⲣⲟ ⲓ̈ ⲛ̅ ⲥⲉ ⲥⲱⲧⲙ̅ * ⲥⲱ ⲓ̈ ⲛ̅ ⲧⲁ ⲁⲁ ⲩ ⲛ̅ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ ⲛ̅ ⲧⲁ ϫⲓⲧ ⲟⲩ ⲉ ⲡ ⲟⲩⲟⲉⲓⲛ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟ ⲩ ⲛ̅ϭⲓ ⲓ̅ⲥ̅ ⲁ ⲥ ⲟⲩⲱϣⲃ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲉⲣϣⲁⲛ ⲛ̅ ⲣⲱⲙⲉ ⲃⲱⲕ ϫⲉ ⲉ ⲩ ϣⲓⲛⲉ ⲛ̅ ⲥⲉ ⲉⲓ̅ ⲉϫⲛ̅ ϩⲉⲛ ⲥⲃⲱ ⲙ̅ ⲡⲗⲁⲛⲏ ⲉ ⲩ ⲛⲁ ⲉⲓⲙⲉ ⲉ ⲧⲱⲛ ϫⲉ ⲉ ⲩ ⲏⲡ 'ⲉⲣⲟ ⲕ ϫⲛ̅ ⲙ̅ⲙⲟⲛ ·

ⲁ ϥ ⲟⲩⲱϣⲃ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉ ϣⲱⲡⲉ ⲛ̅ ⲑ ⲉ ⲛ̅ ⲛⲓ ⲥⲁⲃⲉ ⲛ̅ ⲧⲣⲁⲡⲉⲍⲓⲧⲏⲥ ϫⲉ ⲡ ⲉⲧⲛⲁⲛⲟⲩϥ ϫⲓⲧ ϥ̅ ⲡ ⲉⲑ ⲟⲟⲩ ⲛⲟϫ ϥ̅ ⲉⲃⲟⲗ ·

ⲧⲉⲛⲟⲩ ϭⲉ ⲁϫⲓ ⲥ ⲛ̅ ⲣⲱⲙⲉ ⲛⲓⲙ ⲉⲧ ⲛⲁ ϣⲓⲛⲉ ϩⲛ̅ ⲧ ⲙⲛ̅ⲧ ⲛⲟⲩⲧⲉ ϫⲉ ⲉⲣ ϣⲁⲛ ⲟⲩ ⲧⲏⲩ ⲛ̅ ⲙ̅ϩⲓⲧ' ⲉⲓ̅ ⲉⲃⲟⲗ ϣⲁ ⲧⲉⲧⲛ̅ ⲉⲓⲙⲉ ϫⲉ ⲟⲩ ÷ⲕⲁⲩⲙⲁ ⲙⲛ̅ ⲟⲩ ϩⲙⲟⲙ ⲡ ⲉⲧ ⲛⲁ ϣⲱⲡⲉ ·

ⲧⲉⲛⲟⲩ ϭⲉ ⲁϫⲓ ⲥ ⲉⲣⲟ ⲟⲩ ϫⲉ ⲉϣϫⲉ ⲁ ⲧⲉⲧⲛ̅ ⲥⲟⲩⲛ̅ⲫⲟ ⲛ̅ ⲧ ⲡⲉ ⲙⲛ̅ ⲡ ⲕⲁϩ ⲉⲃⲟⲗ ϩⲛ̅ ⲛ̅ ⲧⲏⲩ ·

ⲉⲣϣⲁⲛ ⲛ̇ ϩⲟⲓ̈ⲛⲉ ϭⲉ ⲧⲉⲛⲟⲩ ⲉⲓ ⲉⲣⲁⲧ ⲧⲏⲩⲧⲛ̅ ⲛ̅ ⲥⲉ ⲕⲏⲣⲩⲥⲥⲉ ⲛⲏ ⲧⲛ̅ ⲛ̅ ⲟⲩ ⲙⲛ̅ⲧ ⲛⲟⲩⲧⲉ ⲛ̅ ⲧⲉⲧⲛ̅ ⲉⲓⲙⲉ ϩⲛ̅ ⲟⲩ ⲱⲣϫ̅ ϫⲉ ⲁ ⲛⲉⲩ ϣⲁϫⲉ ⲥⲩⲙⲫⲱⲛⲉⲓ ⲁⲩⲱ ⲁ ⲩ ϩⲟⲣⲙⲁⲍⲉ ⲉ ϩⲛ̅ ⲛ ⲉⲧⲛ̅ ϣⲁϫⲉ ⲧⲏⲣ ⲟⲩ ⲛⲁⲓ̈ ⲉⲛⲧ ⲁ ⲓ̈ ϫⲟⲟ ⲩ ⲉⲣⲱ ⲧⲛ̅ ϩⲓⲧⲛ̅ ⲙ̇ ⲙⲁⲣⲧⲩⲣⲓⲁ ⲥⲛ̅ⲧⲉ ϣⲁ ϣⲟⲙⲧⲉ · ⲁⲩⲱ ⲉ ⲁ ⲩ ⲥⲩⲙⲫⲱ ⲛⲉⲓ ϩⲙ̅ ⲡ ⲧⲁϩⲟ ⲉⲣⲁⲧ ϥ̅ ⲙ̅ ⲡ ⲁⲏⲣ ⲙⲛ̅ ⲙ̅ ⲡⲏⲩⲉ ⲙⲛ̅ ⲛ̅ ⲕⲩⲕⲗⲟⲥ ⲙⲛ̅ ⲛ̅ ⲁⲥⲧⲏⲣ ⲙⲛ̅ ⲙ̅ ⲫⲱⲥⲧⲏⲣ ⲙⲛ̅ ⲡ ⲕⲁϩ ⲧⲏⲣ ϥ̅ ⲙⲛ̅ ⲛⲉⲧⲛ̅ ϩⲏⲧϥ̅ ⲧⲏⲣ ⲟⲩ ⲙⲛ̅ ⲛ̅ ⲕⲉ ⲙⲟⲩⲉⲓ ⲟⲟⲩⲉ ⲧⲏⲣ ⲟⲩ ⲙⲛ̅ ⲛ ⲉⲧ ⲛ̅ϩⲏⲧ ⲟⲩ ⲧⲏⲣ ⲟⲩ ·

ⲁϫⲓ ⲥ ⲉ ⲣⲟ ⲟⲩ ϫⲉ ⲛ ⲉⲧ ⲛⲏⲩ ϣⲁⲣⲱⲧⲛ̅ⲛ̅ⲧⲉ ⲛⲉⲩ ϣⲁϫⲉ ϩⲟⲣ ⲙⲁⲍⲉ ⲁⲩⲱ ⲛ̅ ⲥⲉ ⲥⲩⲙⲫⲱⲛⲓ ⲉ ϩⲙ̅ ⲡ ⲥⲟⲟⲩⲛ ⲧⲏⲣ ϥ̅ ⲛ ⲉⲛⲧ ⲁ ⲓ̈ ϫⲟⲟ ⲩ ⲉⲣⲱⲧⲛ̅ⲉⲓ̈ⲉ ϫⲓⲧ ⲟⲩ ⲉ ⲩ ⲏⲡ ⲉⲣⲟ ⲛ ·

ⲛⲁⲓ̈ ⲛⲉ ⲉ ⲧ ⲉⲧ ⲛⲁ ϫⲟⲟ ⲩ ⲉ ⲛ ⲣⲱⲙⲉ ⲉ ⲧⲉⲧⲛ̅ ⲕⲏⲣⲩⲥⲥⲉ ⲛⲁ ⲩ ϫⲉⲕⲁⲥ ⲉ ⲩ ⲛⲁ ϩⲟⲣ ⲟⲩ ⲉⲣⲟ ⲟⲩ ⲉ ⲛⲉⲥ ⲥⲃⲱ ⲙ̅ ⲡⲗⲁⲛⲏ · ⲧⲉⲛⲟⲩ ϭⲉ ⲟⲩⲛ ⲉⲧⲃⲉ ⲛ̅ ⲧⲉϥ ⲣ̅ ⲛⲟⲃⲉ ⲛ̅ⲧ ⲁ ⲓ̈ ⲥⲕⲩⲗⲗⲓ ⲙ̅ⲙⲟ ⲓ̈ ⲁ ⲓ̈ ⲉⲓ̅ ⲉ ⲡ ⲕⲟⲥⲙⲟⲥ ϫⲉ ⲉⲓ̈ⲉ ⲛⲟⲩϩⲙ̅ ⲙ̅ⲙⲟ ⲟⲩ ⲉⲃⲟⲗ ϫⲉ ⲛ̅ ⲇⲓⲕⲁⲓⲟⲥ ⲛ̅ⲁ̇ⲓ̈ ⲧⲟⲟⲩ ⲛⲁ ⲓ̈ ⲉ ⲧⲉ ⲙ̅ⲡ ⲟⲩⲣ̅ⲗⲁⲁⲩ ⲙ̅ ⲡ ⲉⲑ ⲟⲟⲩ ⲉⲛⲉϩ ⲁⲩⲱ ⲛⲁⲓ̈ ⲉⲧⲉ ⲙ̅ⲡ ⲟⲩ ⲣ̅ ⲛⲟⲃⲉ ⲉ ⲡ ⲧⲏⲣ ϥ̅ ·

ϩⲁⲡⲥ̅ ⲉⲣⲟ ⲟⲩ ⲡⲉ ⲉ ⲧⲣⲉ ⲩ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲛⲁⲓ̈ ⲉⲧ ϩⲓⲛ̅ ϫⲱⲱⲙⲉ ⲛ̅ ⲓ̈̅ⲉ̅ⲟ̅ⲩ̅ ⲛⲁⲓ̈ ⲛ̅ⲧ ⲁ ⲓ̈ ⲧⲣⲉ ⲉⲛⲱⲭ' ⲥϩⲁⲓ̈ ⲥⲟⲩ ϩⲣⲁⲓ̈ ϩⲙ̅ ⲡ̅ ⲡⲁⲣⲁⲇⲓⲥⲟⲥ ⲉ ⲓ̈ ϣⲁϫⲉ ⲛⲙ̅ⲙⲁ ϥ ⲉⲃⲟⲗ ϩⲙ̅ ⲡ ϣⲏⲛ ⲙ̅ ⲡ ⲥⲟⲟⲩⲛ ⲁⲩⲱ ⲉⲃⲟⲗ ϩⲙ̅ ⲡ ϣⲏⲛ ⲙ̅ ⲡ ⲱⲛϩ̅ · ⲁⲩⲱ ⲁ ⲓ̈ⲧⲣⲉϥ ⲕⲁⲁ ⲩ ϩⲛ̅ ⲧ ⲡⲉⲧⲣⲁ ⲛ̅ ⲁⲣⲁ ⲣⲁⲇ ⲁⲩⲱ ⲁ ⲓ̈ ⲕⲱ ⲛ̅ ⲕ̅ⲁ̅ⲗ̅ⲁ̅ⲡ̅ⲁ̅ⲧ̅ⲁ̅ⲩ̅ⲣ̅ⲱ̅ⲑ̅' ⲡ ⲁⲣⲭⲱⲛ ⲉⲧ ϩⲓϫⲛ̅ ϭⲙ̅ⲙⲟⲩⲧ ⲡⲁⲓ̈ ⲉⲧⲉⲣⲉ ⲧ ⲟⲩⲉⲣⲏⲧⲉ ⲛ̅ ⲓ̈̅ⲉ̅ⲟ̅ⲩ̅ ϩⲓ ϫⲱ ϥ ⲁⲩⲱ ⲛ̅ⲧⲟϥ ⲉⲧ ⲕⲱⲧⲉ ⲉ ⲛ ⲁⲓⲱⲛ ⲧⲏⲣ ⲟⲩ · ⲙⲛ̅ ⲛ̅ ϩⲓⲙⲁⲣⲙⲉⲛⲏ ·

ⲡ ⲁⲣⲭⲱⲛ ⲉⲧ ⲙ̅ⲙⲁⲩ ⲁ ⲓ̈ ⲕⲁⲁ ϥ ⲉ ϥ ⲣⲟ ⲉⲓⲥ ⲉ ⲛ ϫⲱⲱⲙⲉ ⲛ̅ ⲓ̈̅ⲉ̅ⲟ̅ⲩ̅ ⲉⲧⲃⲉ ⲡ ⲕⲁⲧⲁⲕⲗⲩⲥⲙⲟⲥ · ⲁⲩⲱ ϫⲉ ⲛ̅ⲛⲉ ⲗⲁⲁⲩ ⲛ̅ ⲁⲣⲭⲱⲛ ⲫⲑⲟⲛⲓ ⲉⲣⲟ ⲟⲩ ⲛ̅ ⲥⲉ ⲧⲁⲕⲟ ⲟⲩ ⲛⲁⲓ̈ ⲉ ϯ ⲛⲁ ⲧⲁⲁ ⲩ ⲛⲏ ⲧⲛ̅ ⲉⲓ̈ϣⲁⲛ ⲟⲩⲱ ⲉ ⲓ̈ ϫⲱ ⲉⲣⲱ ⲧⲛ̅ ⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ ·

ⲛⲁⲓ̈ ϭⲉ ⲛⲧⲉⲣⲉ ϥ ϫⲟⲟ ⲩ ⲛ̅ϭⲓ ⲡ ⲥⲱⲧⲏⲣ ⲁ ⲥ ⲟⲩⲱϣⲃ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ·

ⲉⲓ̈ⲉ ⲛⲓⲙ ϭⲉ ϩⲱⲱ ϥ ⲡⲉ ⲡ ⲣⲱ ⲙⲉ ⲉⲧ ϩⲓϫⲛ̅ ⲡ ⲕⲟⲥⲙⲟⲥ ⲉⲧⲉ ⲙ̅ⲡ ϥ̅ ⲣ̅ ⲛⲟⲃⲉ ⲉ ⲡ ⲧⲏⲣ ϥ̅ ⲡⲁⲓ̈ ⲉ ϥ ⲟⲩⲟϫ ⲉ ⲁⲛⲟⲙⲓⲁ

ⲉϥϣⲁⲛ ⲟⲩϫⲁⲓ̈ ⲅⲁⲣ ⲉ ⲟⲩⲁ ⲛ ϥ̅ ⲛⲁϣ ⲟⲩϫⲁⲓ̈ ⲁⲛ ⲉ ⲕⲉ ⲟⲩⲁ ϫⲉⲕⲁⲥ ⲉϥⲉ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲉⲧ ϩⲓⲛ̅ ϫⲱⲱⲙⲉ ⲛ̅ ⲓ̈̅ⲉ̅ⲟ̅ⲩ̅ ·

ϯ ϫⲱ ⲙ̅ⲙⲟ ⲥ ⲅⲁⲣ ϫⲉ ⲙⲛ̅ ⲣⲱⲙⲉ ϩⲓϫⲛ̅ ⲡ ⲕⲟⲥⲙⲟⲥ ⲉ ϥ ⲛⲁ ϣ ⲟⲩϫⲁⲓ̈ ⲉ ⲛⲟⲃⲉ

ⲉϥϣⲁⲛ ⲟⲩϫⲁⲓ̈ ⲅⲁⲣ ⲉ ⲟⲩⲁ ⲛ ϥ̅ ⲛⲁϣ ⲟⲩϫⲁⲓ̈ ⲁⲛ ⲉ ⲕⲉ ⲟⲩⲁ · ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ · ϫⲉ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲥⲉ ⲛⲁ ϩⲉ ⲉ ⲟⲩⲁ ϩⲛ̅ ϣⲟ · ⲥⲛⲁⲩ ϩⲛ̅ ⲟⲩ ⲧⲃⲁ · ⲉⲧⲃⲉ ⲡ ϫⲱⲕ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲛⲁⲓ̈ ϯ ⲛⲁ ϫⲱ ⲉⲣⲱ ⲧⲛ̅ⲉⲓ̈ ϣⲁⲛ ⲟⲩⲱⲉⲓ̈ⲥⲱⲣ ⲉⲃⲟⲗ ⲛⲏ ⲧⲛ̅ ⲙ̅ ⲡ ⲧⲏⲣ ϥ̅ ·

ⲉⲧⲃⲉ ⲡⲁⲓ̈ ϭⲉ ⲁ ⲓ̈ ⲥⲕⲩⲗⲗⲉⲓ ⲙ̅ⲙⲟ ⲓ̈ ⲁ ⲓ̈ ⲉⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉ ⲡ ⲕⲟⲥⲙⲟⲥ ϫⲉ ⲥⲉ ϣⲟⲟⲡ ⲧⲏⲣ ⲟⲩ ϩⲁ ⲡ ⲛⲟⲃⲉ · ⲁⲩⲱ ⲥⲉ ϣⲁⲁⲧ ⲧⲏⲣ ⲟⲩ ⲛ̅ ⲧ ⲇⲱⲣⲉⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ·

ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡ ⲥⲱ ⲧⲏⲣ ϫⲉ ⲡⲁ ϫⲟⲓ̈ⲥ ϩⲁ ⲑ ⲏ ⲉ ⲙⲡⲁⲧ ⲕ̅ ⲉⲓ̅ ⲉ ⲡ ⲧⲟⲡⲟⲥ ⲛ̅ ⲛ̅ ⲁⲣⲭⲱⲛ · ⲁⲩⲱ ϩⲁ ⲑ ⲏ ⲉ ⲙⲡⲁⲧ ⲕ̅ ⲉⲓ̅ ⲉϩⲣⲁⲓ̈ ⲉ ⲡ ⲕⲟⲥⲙⲟⲥ ⲙ̅ⲡⲉ ⲗⲁⲁⲩ ⲙ̅ ⲯⲩⲭⲏ ⲃⲱⲕ' ⲉ ⲡ ⲟⲩⲟⲓ̈ⲛ ·

ⲁ ϥ ⲟⲩⲱϣⲃ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϩⲁ ⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ϩⲁ ⲑ ⲏ ⲉ ⲙ ⲡⲁ ϯ ⲉⲓ̅ ⲉ ⲡ ⲕⲟⲥⲙⲟⲥ · ⲙ̅ⲡⲉ ⲗⲁⲁⲩ ⲙ̅ ⲯⲩⲭⲏ ⲃⲱⲕ ⲉ ϩⲟⲩⲛ ⲉ ⲡ ⲟⲩⲟⲉⲓⲛ ·

ⲁⲩⲱ ⲧⲉⲛⲟⲩ ϭⲉ ⲛ̅ⲧⲉⲣ ⲓ ⲉⲓ̅ ⲁ ⲓ̈ ⲟⲩ ⲱⲛ ⲉ ⲙ̅ ⲡⲩⲗⲏ ⲙ̅ ⲡ ⲟⲩⲟⲉⲓⲛ · ⲁⲩⲱ ⲁ ⲓ̈ ⲟⲩⲱⲛ ⲛ̅ ⲛⲉ ϩⲓⲟⲟⲩⲉ ⲉⲧ ϫⲓ ⲉϩⲟⲩⲛ ⲉ ⲡ ⲟⲩⲟⲉⲓⲛ ·

ⲁⲩⲱ ⲧⲉⲛⲟⲩ ϭⲉ ⲡ ⲉⲧ ⲛⲁ ⲉⲓⲣⲉ ⲙ̅ ⲡⲉ ⲙⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙⲁ ⲣⲉ ϥ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ ϥ̅ ⲃⲱⲕ ⲉ ⲡ ⲟⲩⲟⲉⲓⲛ : ⲁ ⲥ ⲟⲩ ⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲁⲗⲗⲁ ⲁ ⲓ̈ ⲥⲱⲧⲙ̅ ϫⲉ ⲁ ⲛⲉ ⲡⲣⲟⲫⲏⲧⲏⲥ ⲃⲱⲕ' ⲉ ⲡ ⲟⲩ ⲟⲉⲓⲛ ·

ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲉ ϫⲉ ⲙ̅ⲡⲉ ⲗⲁⲁⲩ ⲙ̅ ⲡⲣⲟⲫⲏⲧⲏⲥ ⲃⲱⲕ ⲉ ⲡ ⲟⲩⲟⲉⲓⲛ · ⲁⲗⲗⲁ ⲛ̅ ⲧⲁ ⲛ ⲁⲣⲭⲱⲛ ⲛ̅ ⲧⲉⲛ̅ ⲁⲓⲱⲛ ⲛ̅ⲧ ⲁ ⲩ ϣⲁϫⲉ ⲛⲙ̅ ⲙⲁ ⲩ ⲉⲃⲟⲗ ϩⲛ̅ ⲛ ⲁⲓⲱⲛ ⲁ ⲩ ϯ ⲛⲁ ⲩ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧⲉⲛ ⲁⲓⲱⲛ ⲁⲩⲱ ⲛ̅ⲧⲉⲣ ⲓ ⲉⲓ̅ ⲉ ⲡ ⲧⲟⲡⲟⲥ ⲛ̅ ⲛ ⲁⲓⲱⲛ · ϩⲏⲗⲓⲁⲥ ⲁ ⲓ̈ ⲕⲟⲧ ϥ̅ ⲁ ⲓ̈ ⲧⲛ̅ⲛⲟⲟⲩ ϥ ⲉ ⲡ ⲥⲱⲙⲁ ⲛ̅ ⲓ̈ⲱϩⲁⲛ ⲛⲏⲥ ⲡ ⲃⲁⲡⲧⲓⲥⲧⲏⲥ ·

ⲡ ⲕⲉ ⲥⲉⲉⲡⲉ ⲇⲉ ⲁ ⲓ̈ ⲕⲟⲧ ⲟⲩ ⲉ ϩⲉⲛ ⲥⲱⲙⲁ ⲛ̅ ⲇⲓⲕⲁⲓⲟⲥ ⲛⲁⲓ̈ ⲉⲧ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲥⲉ ⲃⲱⲕ' ⲉ ⲡ ϫⲓⲥⲉ ⲛ̅ ⲥⲉ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁⲃⲣⲁϩⲁⲙ ⲛ̅ⲧⲟϥ ⲙⲛ̅ ⲓ̈ⲥⲁⲁⲕ ⲙⲛ̅ ⲓ̈ⲁⲕⲱⲃ ⲁ ⲓ̈ ⲕⲱ ⲛⲁ ⲩ ⲉⲃⲟⲗ ⲛ̅ ⲛⲉⲩ ⲛⲟⲃⲉ ⲧⲏⲣ ⲟⲩ ⲙⲛ̅ ⲛⲉⲩ ⲁⲛⲟⲙⲓⲁ · ⲁⲩⲱ ⲁ ⲓ̈ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ϩⲣⲁⲓ̈ ϩⲛ̅ ⲛ ⲁⲓⲱⲛ ·

ⲁⲩⲱ ⲁ ⲓ̈ ⲕⲁⲁ ⲩ ϩⲙ̅ ⲡ ⲧⲟⲡⲟⲥ ⲛ̅ ⲓⲁⲃⲣⲁⲱⲑ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ⲧ ⲁ ⲩ ⲙⲉⲧⲁⲛⲟⲓ̈ · ⲁⲩⲱ ⲉ ⲓ̈ ⲃⲱⲕ' ⲉ ⲡ ϫⲓⲥⲉ ⲧⲁⲉⲓ̅ ⲉ ⲓ̈ ⲛⲁ ⲃⲱⲕ' ⲉ ⲡ ⲟⲩⲟⲉⲓⲛ ϯ ⲛⲁ ϥⲓ ⲛ̅ ⲛⲉⲩ ⲯⲩⲭⲏ ⲛⲙ̅ⲙⲁ ⲓ̈ ⲉ ⲡ ⲟⲩ ⲟⲉⲓⲛ · ⲁⲗⲗⲁ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲉ ⲙⲁⲣⲓⲁ ϫⲉ ⲛ ϥ̅ ⲛⲁ ⲃⲱⲕ' ⲁⲛ ⲉ ⲡ ⲟⲩⲟⲉⲓⲛ ⲉ ⲙⲡ ⲓ ϥⲓ ⲛ̅ ⲧⲟⲩ ⲯⲩⲭⲏ ⲛ̅ⲧⲟ ⲙⲛ̅ ⲧⲁ ⲛⲟⲩ ⲥⲛⲏⲩ ⲧⲏⲣ ⲟⲩ ⲉ ⲡ ⲟⲩⲟⲉⲓⲛ ·

ⲡ ⲕⲉ ⲥⲉⲉⲡⲉ ⲇⲉ ⲙ̅ ⲡⲁⲧⲣⲓⲁⲣⲭⲏⲥ ⲙⲛ̅ ⲛ̅ ⲇⲓⲕⲁⲓⲟⲥ ϫⲓⲛ ⲡⲉ ⲟⲩ ⲟⲉⲓϣ ⲛ̅ ⲁⲇⲁⲙ ϩⲉⲱⲥ ϣⲁ ⲧⲉⲛⲟⲩ ⲛ ⲉⲧ ϩⲛ̅ ⲛ ⲁⲓⲱⲛ ⲙⲛ̅□ * □ ⲧⲏⲣ ⲟⲩ ⲛ ⲧⲉⲛ ⲁⲣⲭⲱⲛ ·

ⲛ̅ⲧⲉⲣ ⲓ ⲉⲓ̅ ⲉ ⲡ ⲧⲟ ⲡⲟⲥ ⲛ ⲁⲓⲱⲛ ⲛⲁⲓ̈ ⲉ*ⲧⲣⲉ ⲩ ⲕⲟⲧ ⲟⲩ ⲉ ϩⲉⲛ ⲥⲱⲙⲁ ⲧⲏⲣ ⲟⲩ ⲉ ⲩⲛⲁⲣ̅ⲇⲓⲕⲁⲓⲟⲥ ⲧ̇ⲛ̅ϭⲓ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩ ⲟⲉⲓⲛ ⲛⲁⲓ̈ ⲉⲧ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲙ̅ ⲡ ⲟⲩ ⲟⲉⲓⲛ ⲛ̅ ⲥⲉ ⲃⲱⲕ ⲉϩⲟⲩⲛ ⲛ̅ ⲥⲉ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲁⲛ ϩⲉⲛ ⲙⲁⲕⲁⲣⲓⲟⲥ ⲁⲛⲟⲛ ⲡⲁⲣⲁ ⲣⲱⲙⲉ ⲛⲓⲙ ⲛ̅ ⲛⲉⲓ̈ ⲙⲛ̅ⲧ ⲛⲟϭ ⲉⲛⲧ ⲁ ⲕ ϭⲟⲗⲡ ⲟⲩ ⲛⲁ ⲛ ⲉⲃⲟⲗ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ⲙⲛ̅ ⲙ̅ ⲙⲁⲑⲏⲧⲏⲥ ⲧⲏⲣ ⲟⲩ ϫⲉ ⲉⲧⲓ ϯ ⲛⲁ ϭⲟⲗⲡ̅' ⲛⲏ ⲧⲛ̅ ⲉⲃⲟⲗ ⲛ̅ ⲙ̅ ⲙⲛ̅ ⲧ ⲛⲟϭ ⲧⲏⲣ ⲟⲩ ⲛ̅ⲧⲉ ⲡ ϫⲓⲥⲉ ϫⲓⲛ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ ϩⲉⲱⲥ ϣⲁ ⲡ ⲥⲁ ⲛ ⲃⲟⲗ ⲛ̅ⲧⲉ ⲛⲓ ⲥⲁ ⲛ̅ ⲃⲟⲗ ϫⲉ ⲉⲧⲉⲧⲛⲉ ϣⲱⲡⲉ ⲉ ⲧⲉⲧⲛ̅ ϫⲏⲕ ⲉⲃⲟⲗ ϩⲛ̅ ⲥⲟ ⲟⲩⲛ̅ ⲛⲓⲙ' ⲁⲩⲱ ⲙⲛ̅ ⲡⲗⲏⲣⲱⲙⲁ ⲛⲓⲙ' ⲙⲛ̅ ⲡ ϫⲓⲥⲉ ⲛ̅ ⲛ̅ ϫⲓⲥⲉ · ⲙⲛ̅ ⲛ̅ ⲃⲁⲑⲟⲥ ⲛ̅ ⲛ̅ ⲃⲁⲑⲟⲥ ·

ⲁ ⲥ ⲟⲩⲱϩ̅ ⲟⲛ ⲉ ⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡ ⲥⲱⲧⲏⲣ ϫⲉ ⲡⲁ ϫⲟⲉⲓⲥ ⲉⲓⲥ ϩⲏⲏⲧⲉ ⲁ ⲛ ⲉⲓⲙⲉ ϩⲛ̅ ⲟⲩ ⲡⲁⲣⲣⲏⲥⲓⲁ ϩⲛ̅ ⲟⲩ ⲟⲩⲱⲣϫ̅ ⲫⲁⲛⲉⲣⲱⲥ ϫⲉ ⲁ ⲕ ⲉⲓⲛⲉ ⲛ̅ ⲛ̅ ϣⲟϣⲧ̅ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ⲛⲁⲓ̈ ⲉ ϣⲁ ⲩ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲥⲉ ⲕⲁⲑⲁⲣⲓⲍⲉ ⲙ̅ⲙⲟ ⲟⲩ ⲛ̅ ⲥⲉ ⲁⲁ ⲩ ⲛ̅ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ ⲛ̅ ⲥⲉ ϫⲓⲧ ⲟⲩ ⲉ ⲡ ⲟⲩ ⲟⲉⲓⲛ : ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈ ◈

Ⲍ ⲟⲩ ⲙⲉⲣⲟⲥ ⲛ̅ ⲛ̅ ⲧⲉⲩⲭⲟⲥ ⲙ̅ ⲡ ⲥⲱⲧⲏⲣ ◈ ◈ ◈ ◈ ◈ ◈ ◈ ◈ ◈ ◈ ◈