ⲛⲁⲓ̈ ϭⲉ ⲛ̅ⲧⲉⲣⲉ ⲥ ϫⲟⲟ ⲩ ⲛ̅ϭⲓ ⲙⲁⲣⲓⲁ ⲁ ϥ ⲙⲁⲕⲁⲣⲓⲍⲉ ⲙ̅ⲙⲟ ⲥ ⲛ̅ϭⲓ ⲡ ⲥⲱⲧⲏⲣ ⲉⲙⲁϣⲟ ⲉⲙⲁϣⲟ · ⲉⲃⲟⲗ ⲛ ⲛ̅ ϣⲁϫⲉ ⲉⲧ ⲥ̅ ϫⲱ ⲙ̅ⲙⲟ ⲟⲩ · ⲁⲩⲱ ⲁ ϥ ϣⲱⲡⲉ ϩⲛ̅ ⲟⲩ ⲛⲟϭ ⲛ̅ ⲛⲁ ⲛ̅ϭⲓ ⲡ ⲥⲱⲧⲏⲣ ·

ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲣⲱⲙⲉ ⲛⲓⲙ' ⲉⲧ ⲛⲁ ϣⲱⲡⲉ ϩⲙ̅ ⲡⲉⲓ̈ ⲧⲩⲡⲟⲥ ⲉⲛⲧ ⲁ ϫⲟⲟ ϥ · ⲁⲓⲧⲓ ⲉ ⲩ ⲟⲛϩ̅ ϯ ⲛⲁⲩ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲟⲩⲁ · ⲙ̅ ⲡ ⲙⲛ̅ⲧ ⲥⲛⲟ ⲟⲩⲥ ⲛ̅ ⲣⲁⲛ · ⲛ̅ⲧⲉ ⲛ̅ ⲧⲁⲙⲓⲟⲛ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓ‐ⲃⲟⲗ' ⲛⲁⲓ̈ ⲉ ϯ ⲛⲁ ⲧⲁⲁ ⲩ ⲛⲏ ⲧⲛ̅ ⲉⲓ̈ϣⲁ ⲛ ⲟⲩⲱ ⲉ ⲓ̈ ⲥⲱⲣ ⲉⲃⲟⲗ ⲛⲏ ⲧⲛ̅ ⲙ̅ ⲡ ⲧⲏⲣ ϥ̅ ϫⲓⲛ ϩⲟⲩⲛ ⲉ ⲃⲟⲗ ⲁⲩⲱ ϫⲓⲛ ⲃⲟⲗ' ⲉϩⲟⲩⲛ ·

ⲁⲩⲱ ⲣⲱⲙⲉ ⲛⲓⲙ ⲉⲧ ⲛⲁ ϩⲉ ⲉ ⲡ ⲙⲩⲥⲧⲏⲣⲓⲟⲛ ⲛ̅ ⲟⲩⲁ ⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲣⲁⲛ ⲛ̅ⲧⲉ ⲡⲉ ⲇⲣⲁⲕⲱⲛ ⲉⲧ ⲙ̅ⲙⲁⲩ ⲙ̅ ⲡ ⲕⲁⲕⲉ ⲉⲧ ϩⲓ ⲃⲟⲗ' ⲁⲩⲱ ⲣⲱⲙⲉ ⲛⲓⲙ ⲕⲁⲛ ⲉ ϩⲉⲛ ⲣⲉϥ ⲣ̅ ⲛⲟⲃⲉ ⲛⲉ ⲉⲙⲁϣⲟ · ⲁⲩⲱ ⲉ ⲁ ⲩ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩ ⲟⲉⲓⲛ ⲛ̅ ϣⲟⲣⲡ̅ ⲙⲛ̅ⲛ̅ⲥⲱ ⲥ ⲁ ⲩ ⲡⲁⲣⲁⲃⲁ · ⲏ̅ ⲙ̅ⲙⲟⲛ ⲛ̅ⲧⲟϥ ⲙ̅ⲡ ⲟⲩ ⲣ̅ ⲗⲁⲁⲩ ⲙ̅ ⲡ ⲙⲩⲥⲧⲏⲣⲓⲟⲛ ⲉ ⲡ ⲧⲏⲣ ϥ̅ ·

ⲛⲁⲓ̈ ⲉⲩ ϣⲁⲛ ϫⲱⲕ ⲉⲃⲟⲗ ⲛ̅ ⲛⲉⲩ ⲕⲩⲕⲗⲟⲥ ϩⲛ̅ ⲙ̅ ⲙⲉⲧⲁⲃⲟⲗⲏ ⲁⲩⲱ ⲛⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉⲩϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲙⲡ ⲟⲩ ⲙⲉⲧⲁⲛⲟⲓ̈ ⲛ̅ ⲟⲩⲱϩⲙ̅ · ⲁⲩⲱ ⲛ̅ ⲥⲉ ϫⲓⲧ ⲟⲩ ⲛ̅ ⲕⲟ ⲗⲁⲥⲓⲥ ⲉⲧ ϩⲛ̅ ⲧ ⲙⲏⲧⲉ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ⲁⲩⲱ ⲛ̅ ⲥⲉ ϣⲱϫⲡ̅ ϩⲛ̅ ⲛ̅ ⲕⲩⲕⲗⲟⲥ ⲛ̅ ⲥⲉ ϣⲱϫⲡ̅ ϩⲛ̅ ⲛ̅ ⲕⲟⲗⲁⲥⲓⲥ ϩⲛ̅ ⲧ ⲙⲏⲧⲉ ⲙ̅ ⲡⲉ ⲇⲣⲁⲕⲱⲛ ⲁⲩⲱ ⲛⲁⲓ̈ ⲉ ⲩ ⲥⲟⲟⲩⲛ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲟⲩⲁ ⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲣⲁⲛ ⲛ̅ ⲧⲉⲛ̅ ⲁⲅⲅⲉⲗⲟⲥ ⲉ ⲩ ⲟⲛϩ̅ ⲉ ⲩ ϣⲟⲟⲡ ϩⲙ̅ ⲡ ⲕⲟⲥⲙⲟⲥ · ⲁⲩⲱ ⲛ̅ ⲥⲉ ϫⲱ ⲛ̅ ⲟⲩⲁ ⲛ̅ ⲛⲉⲩ ⲣⲁⲛ ⲉ ⲩ ⲛ̅ϩⲟⲩⲛ ϩⲛ̅ ⲧ ⲙⲏⲧⲉ ⲛ̅ ⲛ̅ ⲕⲟⲗⲁⲥⲓⲥ ⲙ̅ ⲡⲉ ⲇⲣⲁ ⲕⲱⲛ ÷ ⲧⲏⲣ ϥ̅ ⲁⲩⲱ ϣⲁ ϥ ϣⲧⲟⲣⲧⲣ̅ ⲉⲙⲁϣⲟ ⲉⲙⲁϣⲟ ·

ⲁⲩⲱ ⲡ ⲧⲁⲙⲓⲟⲛ ⲉ ⲧ ⲟⲩⲛ̅ ϩⲏⲧ ϥ̅ ⲛ̅ϭⲓ ⲛⲉ ⲯⲩⲭⲟⲟⲩⲉ ⲛ̅ ⲣ̅ ⲣⲱⲙⲉ ⲉⲧ ⲙ̅ⲙⲁⲩ · ϣⲁⲣⲉ ⲡⲉϥ ⲣⲟ ⲟⲩⲱ ⲛ ⲛ̅ⲥⲁ ⲧ ⲡⲉ · ⲁⲩⲱ ϣⲁⲣⲉ ⲡ ⲁⲣⲭⲱⲛ ⲙ̅ ⲡ ⲧⲁⲙⲓⲟⲛ ⲉⲧ ⲟⲩ ϣⲟⲟⲡ ⲛ̅ϩⲏⲧ ϥ̅ ⲛ̅ϭⲓ ⲛ̅ ⲣⲱⲙⲉ ⲉⲧ ⲙ̅ⲙⲁⲩ · ⲁⲩⲱ ϣⲁ ϥ ⲛⲟⲩϫⲉ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲣ̅ ⲣⲱⲙⲉ ⲉⲧ ⲙ̅ⲙⲁⲩ ⲉⲃⲟⲗ ϩⲛ̅ ⲧ ⲙⲏⲧⲉ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ϫⲉ ⲁ ⲩ ϩⲉ ⲉ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲣⲁⲛ ⲙ̅ ⲡⲉ ⲇⲣⲁⲕⲱⲛ ·

ⲁⲩⲱ ⲉⲣϣⲁⲛ ⲡ ⲁⲣⲭⲱⲛ ⲛⲟⲩϫⲉ ⲉⲃⲟⲗ ⲛ̅ ⲛⲉ ⲯⲩ ⲭⲟⲟⲩⲉ · ϣⲁⲣⲉ ⲛ̅ ⲁⲅⲅⲉⲗⲟⲥ ⲛ̅ ⲓ̅ⲉ̅ⲟ̅ⲩ̅ ⲡ ϣⲟⲣⲡ̅ ⲛ̅ ⲣⲱ ⲙⲉ · ⲛⲁⲓ̈ ⲉ ⲧ ⲣⲟⲉⲓⲥ ⲉ ⲛ ⲧⲁⲙⲓⲟⲛ ⲙ̅ ⲡ ⲙⲁ ⲉⲧ ⲙ̅ⲙⲁⲩ · ϣⲁ ϥ ⲥⲡⲟⲩⲇⲁⲍⲉ ⲛ̅ ⲧⲉ ⲩⲛⲟⲩ ⲛ ϥ̅ ϩⲁⲣⲡⲁⲍⲉ ⲛ̅ ⲧⲉ ⲯⲩ ⲭⲏ ⲉⲧ ⲙ̅ⲙⲁⲩ ϣⲁⲛⲧ ϥ̅ ϫⲓⲧ ⲥ̅ ⲉⲣⲁⲧ ϥ̅ ⲛ̅ ⲓ̅ⲉ̅ⲟ̅ⲩ̅ ⲡ ϣⲟⲣⲡ̅ ⲛ̅ ⲣⲱⲙⲉ ⲡⲉ ⲡⲣⲉⲥⲃⲉⲩⲧⲏⲥ ⲙ̅ ⲡ ϣⲟⲣⲡ̅ ⲛ̅ ⲧⲱϣ · ⲁⲩⲱ ϣⲁⲣⲉ ⲓ̅ⲉ̅ⲟ̅ⲩ̅ ⲡ ϣⲟⲣⲡ̅ ⲛ̅ ⲣⲱⲙⲉ ϣⲁ ϥ ⲛⲁⲩ ⲉ ⲛⲉ ⲯⲩ ⲭⲟⲟⲩⲉ ⲛ ϥ̅ⲇⲟϭⲓⲙⲁⲍⲉ ⲙ̅ⲙⲟ ⲟⲩ · ϣⲁ ϥ ϩⲉ ⲉⲣⲟ ⲟⲩ ⲉ ⲁ ⲩ ϫⲱⲕ' ⲉⲃⲟⲗ ⲛ̅ ⲛⲉⲩ ⲕⲩⲕⲗⲟⲥ · ⲁⲩⲱ ⲟⲩⲕ ⲉⲝⲉⲥⲧⲓ ⲉ ⲧⲣⲉ ⲩ ⲛ̅ⲧ ⲟⲩ ⲉ ⲡ ⲕⲟⲥⲙⲟⲥ ⲛ̅ ⲟⲩⲱϩⲙ̅ · ϫⲉ ⲯⲩⲭⲏ ⲛⲓⲙ ⲉⲧ ⲟⲩ ⲛⲁ ⲛⲟϫ ⲟⲩ ⲉ ⲡ ⲕⲁⲕⲉ ⲉⲧ ϩⲓⲃⲟⲗ · ⲟⲩⲕ ⲉⲝⲉⲥⲧⲓ ⲉ ⲛ̅ⲧ ⲟⲩ ⲉ ⲡ ⲕⲟⲥⲙⲟⲥ ⲛ̅ ⲟⲩⲱϩⲙ̅ ·

ϣⲁ ⲩ ⲕⲁⲁ ⲩ ⲛ̅ⲧⲟⲟⲧ ⲟⲩ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲓ̅ⲉ̅ⲟ̅ⲩ̅ ⲉϣⲱⲡⲉ ⲉ ⲙⲡ ⲟⲩ ϫⲱⲕ ⲉⲃⲟⲗ ⲛ̅ ⲧⲉⲩⲏⲡ ⲥ̅ ⲛ̅ ⲕⲩⲕⲗⲟⲥ ϩⲛ̅ ⲙ̅ ⲙⲉ ⲧⲁⲃⲟⲗⲏ ⲙ̅ ⲡ ⲥⲱⲙⲁ · ⲁⲩⲱ ϣⲁⲛⲧ ⲟⲩ ⲉⲓⲣⲉ ⲙ̅ ⲡ ⲙⲩⲥ ⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ϩⲁⲣⲟ ⲟⲩ · ϣⲁⲛⲧ ⲟⲩ ⲕⲟⲧ ⲟⲩ ⲉ ⲩ ⲥⲱⲙⲁ ⲛ̅ ⲁⲅⲁⲑⲟⲥ · ⲡⲁⲓ̈ ⲉ ϥ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲉϣⲱⲡⲉ ⲇⲉ ⲉϥϣⲁⲛ ⲇⲟϭⲓⲙⲁⲍⲉ ⲙ̅ⲙⲟ ⲟⲩ ⲛ̅ϭⲓ ⲓ̅ⲉ̅ⲟ̅ⲩ̅ ⲛ ϥ̅ ϩⲉ ⲉⲣⲟ ⲟⲩ ⲉ ⲁ ⲩ ϫⲱⲕ ⲉⲃⲟⲗ ⲛ̅ ⲛⲉⲩ ⲕⲩⲕⲗⲟⲥ · ⲁⲩⲱ ⲟⲩⲕ ⲉⲝⲉⲥⲧⲓ ⲛⲁ ⲩ ⲉ ⲕⲟⲧ ⲟⲩ ⲉ ⲡ ⲕⲟⲥ ⲙⲟⲥ ⲛ̅ ⲟⲩⲱϩⲙ̅ · ⲁⲩⲱ ⲡ ⲕⲉ ⲙⲁⲓ̈ⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲛ ϥ̅ ϣⲟⲟⲡ ⲛⲙ̅ⲙⲁ ⲩ ⲁⲛ ·

ⲁⲩⲱ ϣⲁ ϥ ⲛⲁ ⲛⲁ ⲩ ⲛ̅ϭⲓ ⲓ̅ⲉ̅ⲟ̅ⲩ̅ · ϣⲁ ϥ ϫⲓⲧ ⲟⲩ ⲉⲣⲁⲧ ⲟⲩ ⲛ̅ ⲧ ⲥⲁϣϥⲉ ⲙ̅ ⲡⲁⲣ ⲑⲉⲛⲟⲥ ⲙ̅ ⲡ ⲟⲩⲟⲓ̈ⲛ ϣⲁ ⲩ ⲃⲁⲡⲧⲓⲍⲉ ⲙ̅ⲙⲟ ϥ ϩⲣⲁⲓ̈ ϩⲛ̅ ⲛⲉⲩ ⲃⲁⲡⲧⲓⲥⲙⲁ · ⲁⲗⲗⲁ ⲙⲉ ⲩ ϯ ⲛⲁ ⲩ ⲙ̅ ⲡⲉ ⲭⲣⲓⲥⲙⲁ ⲙ̅ ⲡⲛ̅ⲓ̅ⲕ̅ⲟ̅ⲛ̅ · ⲁⲩⲱ ϣⲁ ⲩ ϫⲓⲧ ⲟⲩ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲁⲗⲗⲁ ⲙⲉ ⲩ ⲕⲁⲁ ⲩ ϩⲛ̅ ⲛ̅ ⲧⲁⲝⲓⲥ ⲛ̅ ⲧⲉ ⲕⲗⲏ ⲣⲟⲛⲟⲙⲓⲁ · ⲉⲃⲟⲗ ϫⲉ ⲙⲛ̅ ⲙⲁⲓ̈ⲛ ⲟⲩⲇⲉ ⲙⲛ̅ ⲥⲫⲣⲁⲅⲓⲥ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲛⲙ̅ⲙⲁ ⲩ ·

ⲁⲗⲗⲁ ϣⲁ ⲩ ⲛⲟⲩϩⲙ̅ ⲉ ⲕⲟⲗⲁⲥⲓⲥ ⲛⲓⲙ · ⲁⲗⲗⲁ ϣⲁ ⲩ ⲕⲁⲁ ⲩ ϩⲙ̅ ⲡ ⲟⲩⲟⲉⲓⲛ ⲙ̅ ⲡⲉ ⲑⲏⲥⲁⲩⲣⲟⲥ ⲛ̅ⲥⲁ ⲟⲩ ⲥⲁ ⲟⲩⲁⲁⲧ ⲟⲩ ϩⲉⲱⲥ ϣⲁ ⲡⲱⲗ' ⲉϩⲣⲁⲓ̈ ⲙ̅ ⲡ ⲧⲏⲣ ϥ̅ ⲁⲩⲱ ϩⲙ̅ ⲡⲉ ⲟⲩⲟⲉⲓϣ ⲉⲧ ⲟⲩⲛⲁⲥⲱⲕ' ⲛ̅ ⲛ̅ ⲕⲁⲧⲁⲡⲉⲧⲁⲥⲙⲁ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ϣⲁ ⲩ ⲥⲱⲧϥ̅ ⲛ̅ ⲛⲉ ⲯⲩⲭⲟⲟⲩⲉ ⲉⲧ ⲙ̅ⲙⲁⲩ ⲛ̅ ⲟⲩⲱϩⲙ̅ⲛ̅ⲥⲉ ⲕⲁⲑⲁⲣⲓⲍⲉ ⲙ̅ⲙⲟ ⲟⲩ ⲉⲙⲁϣⲟ ⲉⲙⲁϣⲟ · ⲁⲩⲱ ⲛ̅ ⲥⲉ ϯ * □ⲙⲩⲥⲧⲏⲣⲓⲟⲛ ⲛⲁ ⲩ ⲛ̅ ⲟⲩⲱϩⲙ̅ ⲛ̅ ⲥⲉ ⲕⲁⲁ ⲩ ϩⲛ̅ ⲑ ⲁⲏ ⲛ̅ ⲧⲁⲝⲓⲥ ⲉⲧ ϩⲙ̅ ⲡⲉ ⲑⲏⲥⲁⲩⲣⲟⲥ · ⲁⲩⲱ ⲛ̅ ⲥⲉ ⲛⲟⲩϩⲙ̅ ⲛ̅ϭⲓ ⲛⲉ ⲯⲩⲭⲟⲟⲩⲉ ⲉⲧ ⲙ̅ⲙⲁⲩ ⲉ ⲛ̅ ⲕⲟⲗⲁⲥⲓⲥ ⲧⲏⲣ ⲟⲩ ⲛ̅ⲧⲉ ⲛⲉ ⲕⲣⲓⲥⲓⲥ ·

ⲛⲁⲓ̈ ⲇⲉ ⲛ̅ⲧⲉⲣⲉ ϥ ϫⲟⲟ ⲩ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲁ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ :

ⲁ ⲥ ⲟⲩⲱϩⲙ̅ ⲟⲩⲛ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲡⲁⲓ̈ ⲡⲉ ⲡ ϣⲁϫⲉ ⲛ̅ⲧ ⲁ ⲕ ϫⲟⲟ ϥ ⲉⲣⲟ ⲛ ⲙ̅ ⲡⲓ ⲟⲩⲟⲉⲓϣ ϩⲛ̅ ⲟⲩ ⲡⲁⲣⲁⲃⲟⲗⲏ ⲉ ⲕ ϫⲱ ⲙ̅ⲙⲟ ⲥ ϫⲉ ⲕⲱ ⲛⲏ ⲧⲛ̅ ⲛ̅ ⲟⲩ ϣⲃⲏⲣ ⲉⲃⲟⲗ ϩⲙ̅ ⲡⲁⲙⲱⲛⲁⲥ ⲛ̅ⲧⲉ ⲧ ⲁⲇⲓⲕⲓⲁ ϫⲉ ⲕⲁⲥ ⲉⲧⲉⲧⲛ̅ϣⲁⲛ ϣⲱϫⲡ̅ ⲉϥⲉ ϫⲓ ⲧⲏⲩⲧⲛ̅ ⲉϩⲟⲩⲛ ⲉ ⲛⲉ ⲥⲕⲏⲛⲏ ϣⲁ ⲉⲛⲉϩ ·

ⲛⲓⲙ ⲟⲩⲛ ϭⲉ ⲡⲉ ⲡⲁⲙⲱⲛⲁⲥ ⲛ̅ⲧⲉ ⲧ ⲁⲇⲓⲕⲓⲁ · ⲉⲓⲙⲏⲧⲓ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ⲉⲧⲉ ⲡⲁⲓ̈ ⲡⲉ ⲡ ϣⲁϫⲉ ϫⲉ ⲡ ⲉⲧ ⲛⲁ ⲛⲟⲓ̈ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲁ ⲛ̅ ⲛ̅ ⲣⲁⲛ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ⲁ ϥ ϣⲁⲛ ϣⲱϫⲡ̅ ϩⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ·

ⲏ̅ ⲉϥϣⲁⲛ ϫⲱⲕ ⲉⲃⲟⲗ ϩⲛ̅ ⲛ̅ ⲕⲩⲕⲗⲟⲥ ⲛ̅ ⲙ̅ ⲙⲉⲧⲁⲃⲟⲗⲏ ⲁⲩⲱ ⲛ ϥ̅ ϫⲱ ⲙ̅ ⲡ ⲣⲁⲛ ⲙ̅ ⲡⲉ ⲇⲣⲁⲕⲱⲛ · ϥ ⲛⲁ ⲛⲟⲩϩⲙ̅ ⲛ ϥ̅ ⲉⲓ̅ ⲉϩⲣⲁⲓ̈ ϩⲙ̅ ⲡ ⲕⲁⲕⲉ · ⲁⲩⲱ ⲛ̅ ⲥⲉ ϫⲓⲧ ϥ̅ ⲉ ⲡ ⲟⲩⲟⲉⲓⲛ ⲙ̅ ⲡⲉ ⲑⲏⲥⲁⲩⲣⲟⲥ · ⲡⲁⲓ̈ ⲡⲉ ⲡ ϣⲁ ϫⲉ ⲡⲁ ϫⲟⲉⲓⲥ ·

ⲁ ϥ ⲟⲩⲱϩⲙ̅ ⲟⲛ ⲛ̅ϭⲓ ⲡ ⲥ̅ⲱ̅ⲣ̅ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲉⲩⲅⲉ ⲧⲉ ⲡ ⲛ̅ⲓ̅ⲕ̅ⲏ̅ ⲛ̅ ϩⲓⲗⲓⲕⲣⲓⲛⲉⲥ · ⲡⲁⲓ̈ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϣⲁϫⲉ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲛ̅ ⲁⲣⲭⲱⲛ ⲛ̅ ⲑ ⲓⲙⲁⲣⲙⲉⲛ̅ⲏ ⲛ̅ⲧⲟⲟⲩ ⲛ ⲉⲧ ⲁⲛⲁⲅⲕⲁⲍⲉ ⲙ̅ ⲡ ⲣⲱⲙⲉ ϩⲉⲱⲥ ϣⲁⲛⲧ ϥ̅ ⲣ̅ ⲛⲟⲃⲉ · ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁ ⲣⲓⲁ ⲡⲉϫⲁ ⲥ ⲙ̅ ⲡ ⲥⲱⲧⲏⲣ ϫⲉ ⲡⲁ ϫⲟⲉⲓⲥ ·

ⲙⲏⲧⲓ ⲣⲱ ϣⲁⲣⲉ ⲛ̅ ⲁⲣⲭⲱⲛ ϣⲁ ⲩ ⲉⲓ̅ ⲉ ⲡⲉⲥⲏⲧ' ⲉ ⲡ ⲕⲟⲥⲙⲟⲥ ⲛ̅ ⲥⲉ ⲁⲛⲁⲅⲕⲁⲍⲉ ⲙ̅ ⲡ ⲣⲱⲙⲉ ϩⲉⲱⲥ ϣⲁⲛⲧ ϥ̅ ⲣ̅ ⲛⲟⲃⲉ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙⲁⲣⲓⲁ ϫⲉ ⲉ ϣⲁ ⲩ ⲉⲓ̅ ⲁⲛ ⲛ̅ ⲧⲉⲓ̈ ϩⲉ ⲉ ⲡⲉⲥⲏⲧ' ⲉ ⲡ ⲕⲟⲥⲙⲟⲥ · ⲁⲗⲗⲁ ⲉϣⲁⲣⲉ ⲛ̅ ⲁⲣⲭⲱⲛ ⲛ̅ ⲑ ⲓⲙⲁⲣⲙⲉⲛⲏ ·

ⲉⲣϣⲁⲛ ⲟⲩ ⲯⲩⲭⲏ ⲛ̅ ⲁⲣⲭⲁⲓⲟⲛ ⲉⲓ̅ ⲉ ⲥ ⲛⲏⲩ ⲉ ⲡ ⲉⲥⲏⲧ ⲉⲃⲟⲗ ϩⲓ ⲧⲟⲟⲧ ⲟⲩ ϣⲁⲣⲉ ⲛ̅ ⲁⲣⲭⲱⲛ ⲛ̅ ⲧ ⲛⲟϭ ⲛ̅ ϩⲓⲙⲁⲣⲙⲉⲛⲏ ⲉⲧ ⲙ̅ⲙⲁⲩ ⲡⲁⲓ̈ ⲉⲧ ϩⲛ̅ ⲛ̅ ⲧⲟⲡⲟⲥ ⲛ̅ ⲧ ⲕⲉⲫⲁⲗⲏ ⲛ̅ ⲧⲉ ⲛ ⲁⲓⲱⲛ ⲉⲧⲉ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲧⲟⲡⲟⲥ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲁⲇⲁ ⲙⲁⲥ ·

ⲁⲩⲱ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲓ̈ⲛ ·

ϣⲁⲣⲉ ⲛ̅ ⲁⲣⲭⲱⲛ ⲙ̅ ⲡ ⲧⲟⲡⲟⲥ ⲛ̅ ⲧ ⲕⲉⲫⲁⲗⲏ ⲉⲧ ⲙ̅ⲙⲁⲩ ϣⲁ ϥ ϯ ⲛ̅ ⲧⲉ ⲯⲩ ⲭⲏ ⲛ̅ ⲁⲣⲭⲁⲓⲟⲛ ⲛ̅ ⲟⲩ ⲁⲡⲟⲧ ⲛ̅ ⲃ̅ϣⲉ ⲉⲃⲟⲗ ϩⲙ̅ ⲡⲉ ⲥⲡⲉⲣⲙⲁ ⲛ̅ ⲧ ⲕⲁⲕⲓⲁ ⲉ ϥ ⲙⲉϩ ⲉⲃⲟⲗ ϩⲛ̅ⲉ ⲡⲓⲑⲩⲙⲓⲁ ⲛⲓⲙ' ⲉⲧ ϣⲟⲃⲉ · ⲁⲩⲱ ⲙⲛ̅ ⲃ̅ϣⲉ ⲛⲓⲙ ·

ⲁⲩⲱ ϩⲛ̅ ⲧⲉ ⲩ ⲛⲟⲩ ⲉⲧⲉⲣⲉ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲛⲁ ⲥⲱϩⲙ̅ ⲡ ⲁⲡⲟⲧ · ϣⲁ ⲥ ⲣ̅ ⲡ ⲱⲃϣ̅ ⲛ̅ ⲧⲟⲡⲟⲥ ⲛⲓⲙ' ⲛ̅ⲧ ⲁ ⲥ ⲃⲱⲕ ⲉⲣⲟ ⲟⲩ · ⲙⲛ̅ ⲛ̅ ⲕⲟⲗⲁⲥⲓⲥ ⲧⲏⲣ ⲟⲩ ⲛ̅ ⲧⲁ ⲥϣⲉ ⲛ̅ϩⲏⲧ ⲟⲩ ·

ⲁⲩⲱ ϣⲁⲣⲉ ⲡ ⲁⲡⲟⲧ ⲙ̅ⲙⲟ ⲩ ⲛ ⲃ̅ϣⲉ ⲉⲧ ⲙ̅ⲙⲁⲩ ϣⲁ ϥ ϣⲱⲡⲉ ⲛ̅ ⲥⲱⲙⲁ ⲡ ⲃⲟⲗ ⲛ̅ ⲧⲉ ⲯⲩⲭⲏ · ⲁⲩⲱ ϣⲁ ϥ ϣⲱⲡⲉ ⲉ ϥ ⲉⲓⲛⲉ ⲛ̅ ⲧⲉ ⲯⲩⲭⲏ ϩⲛ̅ ⲥⲙⲟⲧ ⲛⲓⲙ' ⲁⲩⲱ ⲉ ϥ ϩⲟ ⲙⲟⲓⲱⲥⲉ ⲉⲣⲟ ⲥ ⲉⲧⲉ ⲡⲁⲓ̈ ⲡⲉ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ·

ⲉϣⲱⲡⲉ ϩⲱⲱ ϥ ⲟⲩ ⲯⲩ ⲭⲏ ⲛ̅ ⲃⲣ̅ⲣⲉ ⲧⲉ ϣⲁ ⲩ ϥⲓ ⲉⲃⲟⲗ ϩⲛ̅ ⲧ ϥⲱⲧⲉ ⲛ̅ ⲧⲉⲛ̅ ⲁⲣⲭⲱⲛ · ⲁⲩⲱ ⲉⲃⲟⲗ ϩⲛ̅ ⲛ̅ ⲙⲟⲩⲉⲓⲟⲟⲩⲉ ⲛ̅ⲧⲉ ⲛⲉⲩ ⲃⲁⲗ · ⲏ̅ ⲙ̅ⲙⲟⲛ ⲛ̅ⲧⲟϥ ⲉⲃⲟⲗ ϩⲙ̅ ⲡ ⲛⲓϥⲉ ⲛ̅ⲧⲉ ⲧⲉⲩ ⲧⲁⲡⲣⲟ ϩⲁⲡⲁⲝ

ϩⲁⲡⲗⲱⲥ ⲉϣⲱⲡⲉ ⲟⲩ ⲉⲃⲟⲗ ϩⲛ̅ ⲃ̅ ⲃ̅ⲣⲣⲉ ⲙ̅ ⲯⲩⲭⲏ · ⲏ̅ ⲟⲩ ⲉⲃⲟⲗ ϩⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲓ̈ ⲙⲓⲛⲉ ⲧⲉ ⲉϣⲱⲡⲉ ⲟⲩ ⲉⲃⲟⲗ ϩⲛ̅ ⲧ ϥⲱⲧⲉ ⲧⲉ ·

ϣⲁⲣⲉ ⲡ̅ ϯⲟⲩ ⲛ̅ ⲛⲟϭ ⲛ̅ ⲁⲣⲭⲱⲛ ⲛ̅ ⲧ ⲛⲟϭ ⲛ̅ ϩⲓⲙⲁⲣ ⲙⲉⲛⲏ · ϣⲁ ⲩ ϥⲓ ⲛ̅ⲧ ϥⲱⲧⲉ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ⲧⲉ ⲛⲉⲩ ⲁⲓⲱⲛ ⲛ̅ ⲥⲉ ⲟⲩⲟϣⲙ ⲟⲩ ⲙⲛ̅ ⲛⲉⲩ ⲉⲣⲏⲩ ϩⲓ ⲟⲩ ⲥⲟⲡ ⲛ̅ ⲥⲉ ⲡⲱϣ ⲙ̅ⲙⲟ ϥ ⲛ̅ ⲥⲉ ⲁⲁ ϥ ⲙ̅ ⲯⲩⲭⲏ · ⲏ̅ ⲙ̅ⲙⲟⲛ ⲛ̅ⲧⲟϥ ⲉϣⲱⲡⲉ ⲟⲩ ⲥⲟⲣⲙ̅ ⲧⲉ ⲛ̅ⲧⲉ ⲡ ⲥⲱⲧϥ̅ ⲙ̅ ⲡ ⲟⲩⲟⲉⲓⲛ ϣⲁⲣⲉ ⲙⲉⲗϫⲓⲥⲉⲇⲉⲕ' ϥⲓⲧ ϥ̅ ⲛ̅ ⲧⲉⲛ̅ ⲁⲣⲭⲱⲛ ϣⲁⲣⲉ ⲡ̅ ϯⲟⲩ ⲛ̅ ⲛⲟϭ ⲛ̅ ⲁⲣⲭⲱⲛ ⲛ̅ⲧⲉ ⲡ ⲛⲟϭ ⲛ̅ ϩⲓⲙⲁⲣⲙⲉⲛⲏ ϣⲁ ⲩ ⲟⲩⲱϣⲙ̅ ⲙ̅ ⲡ ⲥⲟⲣⲙ̅ ϩⲓ ⲛⲉⲩ ⲉⲣⲏⲩ ⲛ̅ ⲥⲉ ⲙⲉⲣⲓⲍⲉ ⲙ̅ⲙⲟ ϥ ⲛ̅ ⲥⲉ ⲁⲁ ϥ ⲙ̅ ⲯⲩⲭⲏ ⲯⲩⲭⲏ · ϫⲉⲕⲁⲥ ⲉⲣⲉ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲁⲣⲭⲱⲛ ⲛ̅ ⲧⲉⲛ ⲁⲓⲱⲛ ⲉⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲕⲱ ⲙ̅ ⲡⲉϥ ⲙⲉⲣⲟⲥ ϩⲛ̅ ⲧⲉ ⲯⲩⲭⲏ ·

ⲉⲧⲃⲉ ⲡⲁⲓ̈ ⲟⲩⲛ ⲉ ⲩ ⲟⲩⲱϣⲙ̅ ⲙ̅ⲙⲟ ⲟⲩ ϩⲓ ⲛⲉⲩ ⲉⲣⲏⲩ · ϫⲉ ⲉⲩⲉ ϫⲓ ⲧⲏⲣ ⲟⲩ ⲉⲃⲟⲗ ϩⲛ̅ ⲧⲉ ⲯⲩⲭⲏ · ⲁⲩⲱ ϣⲁⲣⲉ ⲡ ϯⲟⲩ ⲛ̅ ⲛⲟϭ ⲛ̅ ⲁⲣⲭⲱⲛ ⲉⲩϣⲁⲛ ⲙⲉⲣⲓⲍⲉ ⲙ̅ⲙⲟ ⲟⲩ ⲛ̅ ⲥⲉ ⲁⲁ ⲩ ⲙ̅ ⲯⲩⲭⲏ ⲉ ⲩ ⲉⲓⲛⲉ ⲙ̅ⲙⲟ ⲟⲩ ⲉⲃⲟⲗ ϩⲛ̅ ⲧ ϥⲱⲧⲉ ⲛ̅ ⲛ̅ ⲁⲣ ⲭⲱⲛ ·

ⲉϣⲱⲡⲉ ⲇⲉ ⲟⲩ ⲉⲃⲟⲗ ϩⲙ̅ ⲡ ⲥⲱⲣⲙ̅ ⲡⲉ ⲙ̅ ⲡ ⲥⲱⲧϥ̅ ⲙ̅ ⲡ ⲟⲩⲟⲉⲓⲛ · ϣⲁⲣⲉ ⲙⲉⲗϫⲓⲥⲉⲇⲉⲕ' ⲡ ⲛⲟϭ ⲙ̅ ⲡⲁⲣⲁⲗⲏⲙⲡⲧⲏⲥ ⲙ̅ ⲡ ⲟⲩⲟⲉⲓⲛ ϥⲓⲧ ⲥ̅ ⲛ̅ ⲧⲉⲛ̅ ⲁⲣⲭⲱⲛ ⲏ̅ ⲙ̅ⲙⲟⲛ ⲛ̅ⲧⲟϥ ⲉϣⲱⲡⲉ ϩⲉⲛ ⲉⲃⲟⲗ ⲛⲉ ϩⲛ̅ ⲙ̅ ⲙⲟⲩ ⲉⲓⲟⲟⲩⲉ ⲛ̅ⲧⲉ ⲛⲉⲩ ⲃⲁⲗ · ⲏ̅ ⲉⲃⲟⲗ ϩⲙ̅ ⲡ ⲛⲓϥⲉ ⲛ̅ ⲧⲉⲩ ⲧⲁⲡⲣⲟ ϩⲁⲡⲁⲝ ϩⲁⲡⲗⲱⲥ ⲉⲃⲟⲗ ϩⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲓ̈ ⲙⲓⲛⲉ ·

ⲉⲣϣⲁⲛ ⲡ̅ ϯⲟⲩ ⲛ̅ ⲁⲣⲭⲱⲛ ⲉⲩϣⲁⲛ ⲙⲉⲣⲓⲍⲉ ⲙ̅ⲙⲟ ⲟⲩ ⲛ̅ ⲥⲉ ⲁⲁ ⲩ ⲙ̅ ⲯⲩⲭⲏ ⲯⲩⲭⲏ · ⲏ̅ ⲙ̅ⲙⲟⲛ ⲛ̅ⲧⲟϥ ⲟⲩ ⲯⲩⲭⲏ ⲛ̅ ⲁⲣⲭⲁⲓⲟⲛ ⲧⲉ ϣⲁⲣⲉ ⲡ ⲁⲣⲭⲱⲛ ϩⲱⲱ ϥ ⲡⲁⲓ̈ ⲉⲧ ϣⲟⲟⲡ ϩⲛ̅ ⲛ̅ ⲕⲉⲫⲁⲗⲏ ⲛ̅ ⲧⲉⲛ ⲁⲓⲱⲛ · ϣⲁ ϥ ⲟⲩⲱϣⲙ̅ ⲙ̅ ⲡⲁ ⲃⲟⲧ ⲛ̅ ⲧ ⲃ̅ϣⲉ ⲛ̅ⲧⲉ ⲡⲉ ⲥⲡⲉⲣⲙⲁ ⲛ̅ ⲧ ⲕⲁⲕⲓⲁ · ϣⲁ ϥ ⲟⲩⲟϣⲙⲉϥ ⲙⲛ̅ ⲧ ⲟⲩⲉⲓ̅ ⲧ ⲟⲩⲉⲓ̅ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲃⲣ̅ⲣⲉ ϩⲙ̅ ⲡⲉ ⲩⲟⲉⲓϣ ⲉⲧ ϥ̅ ϣⲟⲟⲡ' ϩⲙ̅ ⲡ ⲧⲟⲡⲟⲥ ⲛ̅ ⲧ ⲕⲉⲫⲁⲗⲏ ·

ⲁⲩⲱ ϣⲁⲣⲉ ⲡⲁ ⲡⲟⲧ' ⲛ̅ ⲧ ⲃ̅ϣⲉ ⲉⲧ ⲙ̅ⲙⲁⲩ · ϣⲁ ϥ ϣⲱⲡⲉ ⲛ̅ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ · ⲁⲩⲱ ϣⲁ ϥ ϭⲱ ⲡ ⲃⲟⲗ ⲛ̅ ⲧⲉ ⲯⲩⲭⲏ ⲉ ϥ ⲟ ⲛ̅ ⲉⲛⲇⲩⲙⲁ ⲉⲣⲟ ⲥ · ⲉ ϥ ⲉⲓⲛⲉ ⲙ̅ⲙⲟ ⲥ ⲙ̅ ⲙⲓⲛⲉ ⲛⲓⲙ ⲉ ϥ ⲟ ⲛ̅ ⲕⲟⲉⲓϩ ⲛ̅ⲉⲛⲇⲩ ⲙⲁ ⲡⲉⲥ ⲃⲟⲗ · ⲁⲩⲱ ϣⲁⲣⲉ ⲡ̅ ϯⲟⲩ ⲛ̅ ⲛⲟϭ ⲛ̅ ⲁⲣⲭⲱⲛ ⲛ̅ ⲧ ⲛⲟϭ ⲛ̅ ϩⲓⲙⲁⲣⲙⲉⲛⲏ ⲛ̅ ⲧⲉⲛ ⲁⲓⲱⲛ · ⲁⲩⲱ ⲙⲛ̅ ⲡ ⲁⲣⲭⲱⲛ ⲙ̅ ⲡⲇⲓⲥⲕⲟⲥ ⲙ̅ ⲡ ⲣⲏ · ⲙⲛ̅ ⲡ ⲁⲣⲭⲱⲛ ⲙ̅ ⲡⲇⲓⲥⲕⲟⲥ ⲙ̅ ⲡ ⲟⲟϩ ·

ϣⲁ ⲩ ⲛⲓϥⲉ ⲉϩⲟⲩⲛ ⲉ ⲧ ⲙⲏⲧⲉ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ · ⲁⲩⲱ ⲛ ϥ̅ ⲉⲓ̅ ⲉⲃⲟⲗ ⲛ̅ϩⲏⲧ ⲥ̅ ⲛ̅ϭⲓ ⲟⲩ ⲙⲉⲣⲟⲥ ⲉⲃⲟⲗ ϩⲛ̅ ⲧⲁ ϭⲟⲙ ⲡⲁⲓ̈ ⲛ̅ⲧ ⲁ ⲡ ϩⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲛⲟϫ ⲥ̅ ⲉϩⲟⲩⲛ ⲉ ⲡⲕ ⲉⲣⲁⲥⲙⲟⲥ ·

ⲁⲩⲱ ϣⲁⲣⲉ ⲡ ⲙⲉⲣⲟⲥ ⲛ̅ ⲧ ϭⲟⲙ ⲉⲧ ⲙ̅ⲙⲁⲩ ϣⲁ ϥ ϭⲱ ϩⲓϩⲟⲩⲛ ⲛ̅ ⲧⲉ ⲯⲩⲭⲏ ⲉ ϥⲃⲏⲗ' ⲉⲃⲟⲗ' ⲉ ϥ ϣⲟⲟⲡ' ϩⲓϫⲛ̅ ⲧⲉϥ ⲉⲝⲟⲩⲥⲓⲁ ⲙ̅ⲙⲓⲛ ⲙ̅ⲙⲟ ϥ · ⲡⲣⲟⲥ ⲧ ⲟⲓⲕⲟⲛⲟⲙⲓⲁ ⲉⲛⲧ ⲁ ⲩ ⲕⲁⲁ ϥ ⲛ̅ϩⲏⲧ ⲥ̅ ⲉ ⲧⲣⲉ ϥ ϯ ⲁⲓⲥⲑⲏⲥⲓⲥ ⲛ̅ ⲧⲉ ⲯⲩⲭⲏ · ϫⲉⲕⲁⲥ ⲉⲥⲉ ϣⲓⲛⲉ ⲛ̅ⲥⲁ ⲛⲉ ϩⲃⲏⲩⲉ ⲙ̅ ⲡ ⲟⲩⲟⲉⲓⲛ ⲙ̅ ⲡ ϫⲓⲥⲉ ⲛ̅ ⲟⲩ ⲟⲉⲓϣ ⲛⲓⲙ · ⲁⲩⲱ ϣⲁⲣⲉ ⲧ ϭⲟⲙ ⲉⲧ ⲙ̅ⲙⲁⲩ ϣⲁ ⲥϩⲟⲙⲟⲓ ⲱⲥⲉ ⲉ ⲧ ⲙⲓⲛⲉ ⲛ̅ ⲧⲉ ⲯⲩⲭⲏ ϩⲛ̅ ⲥⲙⲟⲧ ⲛⲓⲙ' ⲁⲩⲱ ⲉ ⲥ ⲉⲓⲛⲉ ⲙ̅ⲙⲟ ⲥ ·

ⲙⲉ ⲥⲉ ϣⲣ̅ ⲡ ⲃⲟⲗ ⲛ̅ ⲧⲉ ⲯⲩⲭⲏ · ⲁⲗⲗⲁ ϣⲁ ⲥ ϭⲱ ⲡⲉⲥ ϩⲟⲩⲛ · ⲕⲁⲧⲁ ⲑ ⲉ ⲉⲛⲧ ⲁ ⲓ̈ ϩⲱⲛ ⲛⲁ ⲥ ϫⲓⲛ ⲛ̅ ϣⲟⲣⲡ̅ ⲉ ⲓ̈ ⲛⲁ ⲛⲟϫ ⲥ̅ ⲉϩⲟⲩⲛ ⲉ ⲡ ϣⲟⲣⲡ̅ ⲛ̅ ⲧⲱϣ ⲛ̅ⲧ ⲁ ⲓ̈ ϩⲱⲛ ⲛⲁ ⲥ ⲉ ⲧⲣⲉ ⲥ ϭⲱ ⲡ ⲃⲟⲗ ⲛ̅ ⲛⲉ ⲯⲩⲭⲟⲟⲩⲉ · ⲡⲣⲟⲥ ⲧ ⲟⲓⲕⲟⲛⲟⲙⲓⲁ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ϩⲱⲥⲧⲉ ⲛⲉ ⲓ̈ ϣⲁϫⲉ ⲧⲏⲣ ⲟⲩ ϯ ⲛⲁ ϫⲟⲟ ⲩ ⲉⲣⲱ ⲧⲛ̅ ϩⲙ̅ ⲡ ⲥⲱⲣ ⲉⲃⲟⲗ' ⲉⲧⲃⲉ ⲧ ϭⲟⲙ' ⲁⲩⲱ ⲉⲧⲃⲉ ⲧ ⲕⲉ ⲯⲩⲭⲏ ϫⲉ ⲉ ⲩ ⲣ̅ ϩⲱⲃ ⲉⲣⲟ ⲟⲩ ⲛ̅ ⲁϣ ⲛ̅ ⲧⲩⲡⲟⲥ · ⲏ̅ ⲛⲓⲙ ⲛ̅ⲧⲟϥ ⲛ̅ ⲁⲣ ⲭⲱⲛ ⲡ ⲉⲧ ⲣ̅ ϩⲱⲃ ⲉⲣⲟ ⲥ · ⲏ̅ ⲟⲩ ⲧⲉ ⲧ ⲙⲓⲛⲉ ⲧ ⲙⲓⲛⲉ ⲛ̅ ⲧⲉ ⲯⲩⲭⲏ · ϩⲱⲥⲧⲉ ϯ ⲛⲁ ϫⲟⲟ ⲩ ⲉⲣⲱ ⲧⲛ̅ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ · ϫⲉ ⲟⲩⲛ ⲟⲩⲏⲣ ⲣ ϩⲱⲃ · ⲉ ⲧⲉ ⲯⲩ ⲭⲏ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲣⲁⲛ ⲛ̅ ⲛ ⲉⲧ ⲣ̅ ϩⲱⲃ ⲧⲏⲣ ⲟⲩ ⲉ ⲧⲉ ⲯⲩⲭⲏ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲧⲩⲡⲟⲥ ⲛ̅ⲧ ⲁ ⲩ ⲧⲁⲙⲓⲟ ⲙ̅ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ⲙⲛ̅ ⲧ ⲕⲉ ⲙⲟⲓⲣⲁ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲣⲁⲛ ⲛ̅ ⲧⲉ ⲯⲩⲭⲏ ⲉ ⲙⲡⲁⲧ ⲥ̅ ⲥⲱⲧϥ̅ ⲉⲃⲟⲗ · ⲁⲩⲱ ⲡⲉⲥ ⲣⲁⲛ ⲟⲛ ⲉⲩϣⲁⲛ ⲥⲟⲧϥ̅ ⲥ̅ ⲛ̅ ⲥ ⲣ̅ ϩⲓⲗⲓⲕⲣⲓⲛⲉⲥ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲣⲁⲛ ⲙ̅ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲣⲁⲛ ⲛ̅ ⲧ ⲙⲟⲓⲣⲁ · ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲣⲁⲛ ⲛ̅ ⲙ̅ ⲙ̅ⲣⲣⲉ ⲧⲏⲣ ⲟⲩ · ⲛⲁⲓ̈ ⲉ ϣⲁⲣⲉ ⲛ̅ ⲁⲣⲭⲱⲛ ⲙⲟⲩⲣ ⲙ̅ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ⲛ̅ϩⲏⲧ ⲟⲩ ⲉϩⲟⲩⲛ ⲉ ⲧⲉ ⲯⲩⲭⲏ ·

ⲁⲩⲱ ϯ ⲛⲁ ϫⲱ ⲉ ⲣⲱ ⲧⲛ̅ ⲙ̅ ⲡ ⲣⲁⲛ ⲛ̅ ⲛ̅ ⲇⲉⲕⲁⲛⲟⲥ ⲧⲏⲣ ⲟⲩ ⲛⲁⲓ̈ ⲉ ϣⲁ ⲩ ⲣ̅ ϩⲱⲃ ⲉ ⲧⲉ ⲯⲩⲭⲏ ϩⲣⲁⲓ̈ ϩⲛ̅ ⲛ̅ ⲥⲱⲙⲁ ⲛ̅ ⲧⲉ ⲯⲩⲭⲏ ⲉ̇ⲧ̇ ϩⲛ̅ ⲧ ⲕⲟⲥⲙⲟⲥ ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ϫⲉ ⲉ ⲩ ⲣ̅ ϩⲱⲃ ⲉ ⲛⲉ ⲯⲩⲭⲟⲟⲩⲉ ⲛ̅ ⲁϣ ⲛ̅ ϩⲉ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲧⲩⲡⲟⲥ ⲛ̅ ⲧ ⲟⲩⲉⲓ̅ ⲧ ⲟⲩⲉⲓ̅ ⲛ̅ ⲛⲉ ⲯⲩⲭⲏ ·