ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲉⲣⲉ ⲡ ⲕⲁⲕⲉ ⲉⲧ ϩⲓⲃⲟⲗ'ⲟ ⲛ̅ ⲁϣ ⲛ̅ ⲧⲩⲡⲟⲥ · ⲏ̅ ⲙ̅ⲙⲟⲛ ⲛ̅ⲧⲟϥ ⲟⲩⲛ ⲟⲩⲏⲣ ⲙ̅ ⲙⲁ ⲛ̅ ⲕⲟⲗⲁⲥⲓⲥ ⲛ̅ϩⲏⲧ ϥ̅ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲙ̅ ⲙⲁⲣⲓⲁ · ϫⲉ ⲡ ⲕⲁⲕⲉ ⲉⲧ ϩⲓⲃⲟⲗ ⲟⲩ ⲛⲟϭ ⲛ̅ ⲇⲣⲁⲕⲱⲛ ⲡⲉ ⲉⲣⲉ ⲡⲉϥ ⲥⲁⲧ' ⲛ̅ϩⲟⲩⲛ ⲛ̅ ⲣⲱ ϥ ⲉ ϥ ⲙ̅ ⲡ ⲃⲟⲗ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲁⲩⲱ ⲉ ϥ ⲕⲱⲧⲉ ⲉ ⲡ ⲕⲟⲥⲙⲟⲥ ⲧⲏⲣ ϥ ⲉⲣⲉ ⲟⲩ ⲙⲏⲏϣⲉ ⲛ̅ ⲧⲟⲡⲟⲥ ⲛ̅ ⲕⲣⲓ ⲥⲓⲥ ⲛ̅ ϩⲟⲩⲛ ⲛ̅ϩⲏⲧ ϥ̅ ⲉ ϥ ⲟ ⲙ̅ ⲙⲛ̅ⲧ ⲥⲛⲟⲟⲩⲥ ⲛ̅ ⲧⲁⲙⲓⲟⲛ ⲛ̅ ⲕⲟⲗⲁⲥⲓⲥ ⲉ ⲩ ⲛⲁϣⲧ̅ · ⲉⲣⲉ ⲟⲩ ⲁⲣⲭⲱⲛ ϩⲙ̅ ⲡ ⲧⲁ ⲙⲓⲟⲛ ⲡ ⲧⲁⲙⲓⲟⲛ ⲉⲣⲉ ⲡ ϩⲟ ⲛ̅ ⲛ̅ ⲁⲣⲭⲱⲛ ϣⲟⲃⲉ ⲉ ⲛⲉⲩ ⲉⲣⲏⲩ ·

ⲡ ϣⲟⲣⲡ̅ ⲇⲉ ⲛ̅ ⲁⲣⲭⲱⲛ ⲉⲧ ϣⲟⲟⲡ' ϩⲙ̅ ⲡ ϣⲟⲣⲡ̅ ⲛ̅ ⲧⲁⲙⲓⲟⲛ ⲟⲩ ϩⲟ ⲛ̅ ⲙ̅ⲥⲁϩ ⲡⲉ ⲉⲣⲉ ⲡⲉϥ ⲥⲁⲧ' ⲛ̅ϩⲟⲩⲛ ⲛ̅ ⲣⲱ ϥ ⲉⲣⲉ ϫⲁϥ ⲛⲓⲙ ⲛⲏⲩ ⲉⲃⲟⲗ ϩⲛ̅ ⲧ̅ ⲧⲁ ⲡⲣⲟ ⲙ̅ ⲡⲉ ⲇⲣⲁⲕⲱⲛ ⲙⲛ̅ ⲛ̇ⲟ̇ϣⲟⲉⲓϣ ⲛⲓⲙ · ⲙⲛ̅ ⲁⲣⲟϣ ⲛⲓⲙ · ⲙⲛ̅ ϣⲱⲡⲉ ⲛⲓⲙ · ⲉⲧ ϣⲃ̅ⲃⲓⲁⲉⲓⲧ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉ ⲡⲉϥ ⲁⲩⲑⲉⲛⲧⲓⲕⲟⲛ ⲛ̅ ⲣⲁⲛ ϩⲙ̅ ⲡⲉϥ ⲧⲟⲡⲟⲥ ϫⲉ ⲉⲛ̅ⲭ̅ⲑ̅ⲟ̅ⲛ̅ⲓⲛ ·

ⲁⲩⲱ ⲡ ⲁⲣⲭⲱⲛ ⲉⲧ ϣⲟⲟⲡ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲧⲁⲙⲓⲟⲛ ⲟⲩ ϩⲟ ⲛ̅ ⲉⲙⲟⲩ ⲡⲉ ⲡⲉϥ ⲁⲩⲑⲉⲛ ⲧⲓⲕⲟⲛ ⲛ̅ ϩⲟ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉⲩ ⲧⲟⲡⲟⲥ ϫⲉ ⲭⲁ̅ⲣ̅ⲁ̅ⲭ̅ⲁⲣ ·

ⲁⲩⲱ ⲡ ⲁⲣⲭⲱⲛ ⲉⲧ ϣⲟⲟⲡ ϩⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲧⲁⲙⲓⲟⲛ ⲟⲩ ϩⲟ ⲛ̅ ⲟⲩ ϩⲟⲣ ⲡⲉ ⲡⲉϥ ⲁⲩⲑⲉⲛⲧⲏⲥ ⲛ̅ ϩⲟ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉⲩ ⲧⲟⲡⲟⲥ ϫⲉ ⲁⲣ̅ⲭ̅ⲁ̅ⲣ̅ⲱ̅ⲭ ⲁⲩⲱ ⲡ ⲁⲣⲭⲱⲛ ⲉⲧ ϣⲟⲟⲡ ϩⲙ̅ ⲡ ⲙⲉϩ ϥⲧⲟⲟⲩ ⲛ̅ ⲧⲁⲙⲓⲟⲛ ⲟⲩ ϩⲟ ⲛ̅ ϩⲟϥ ⲡⲉ ⲡⲉϥ ⲁⲩⲑⲉⲛⲧⲏⲥ ⲛ̅ ϩⲟ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉⲩ ⲧⲟⲡⲟⲥ ϫⲉ ⲁⲭⲣⲱⲭⲁⲣ ·

ⲁⲩⲱ ⲡ ⲁⲣⲭⲱⲛ ⲉⲧ ϣⲟⲟⲡ ϩⲙ̅ ⲡ ⲙⲉϩ ϯⲟⲩ ⲛ̅ ⲧⲁⲙⲓⲟⲛ ⲟⲩ ϩⲟ ⲙ̅ ⲙⲁⲥⲉ ⲛ̅ ⲕⲁⲙⲉ ⲡⲉ ⲡⲉϥ ⲁⲩⲑⲉⲛⲧⲓⲕⲟⲛ ⲛ̅ ϩⲟ ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉⲩ ⲧⲟⲡⲟⲥ ϫⲉ ⲙⲁ̅ⲣ̅ⲭⲟⲩⲣ · ⲁⲩⲱ ⲡ ⲁⲣⲭⲱⲛ ⲉⲧ ϣⲟⲟⲡ ϩⲙ̅ ⲡ ⲙⲉϩⲥⲟⲟⲩ ⲛ̅ ⲧⲁⲙⲓⲟⲛ · ⲟⲩ ϩⲟ ⲛ̅ ⲣⲓⲣ ⲛ̅ⲧⲟⲟⲩ ⲡⲉ ⲡⲉϥ ϩⲟ ⲛ̅ ⲁⲩⲑⲉⲛⲧⲏⲥ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉⲩ ⲧⲟⲡⲟⲥ ϫⲉ ⲗⲁⲙ ⲭ̅ⲁ̅ⲙ̅ⲱⲣ ·

ⲁⲩⲱ ⲡ ⲁⲣⲭⲱⲛ ⲙ̅ ⲡ ⲙⲉϩ ⲥⲁϣϥ̅ ⲛ̅ ⲧⲁⲙⲓⲟⲛ · ⲟⲩ ϩⲟ ⲛ̅ ⲁⲣⲝ̅ ⲡⲉ ⲡⲉϥ ⲁⲩⲑⲉⲛⲧⲏⲥ ⲛ̅ ϩⲟ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉϥ ⲁⲩⲑⲉⲛⲧⲓⲕⲟⲛ ⲛ̅ ⲣⲁⲛ ϩⲙ̅ ⲡⲉⲩ ⲧⲟⲡⲟⲥ ϫⲉ ⲗ̅ⲟ̅ⲩ̅ⲭ̅ⲁ̅ⲣ̅ ·

ⲁⲩⲱ ⲡ ⲁⲣⲭⲱⲛ ⲙ̅ ⲡ ⲙⲉϩϣⲙⲟⲩⲛ ⲛ̅ ⲧⲁⲙⲓⲟⲛ · ⲟⲩ ϩⲟ ⲛ̅ ⲛⲟⲩⲣⲉ ⲡⲉ ⲡⲉϥ ⲁⲩⲑⲉⲛⲧⲏⲥ ⲛ̅ ϩⲟ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉ ⲡⲉϥ ⲣⲁⲛ ϩⲙ̅ ⲡⲉⲩ ⲧⲟⲡⲟⲥ ϫⲉ ⲗⲁⲣⲁⲱⲭ · ⲁⲩⲱ ⲡ ⲁⲣⲭⲱⲛ ⲙ̅ ⲡ ⲙⲉϩⲯⲓⲧ ⲛ̅ ⲧⲁⲙⲓⲟⲛ ⲟⲩ ϩⲟ ⲛ̅ ⲥⲟⲧ ⲡⲉ ⲡⲉϥ ϩⲟ ⲛ̅ ⲁⲩⲑⲉⲛⲧⲏⲥ · ⲡⲁⲓ̈ ⲉ ϣⲁ ⲩ ⲙⲟⲩⲧⲉ ⲉ ⲡⲉϥ ⲣⲁⲛ ϩⲙ̅ ⲡⲉⲩ ⲧⲟⲡⲟⲥ ϫⲉ ⲁⲣ̅ⲭ̅ⲉ̅ⲱ̅ⲭ̅ ·

ⲁⲩⲱ ⲡⲙⲉϩⲙⲏⲧ' ⲛ̅ ⲧⲁⲙⲓⲟⲛ ⲟⲩⲛ̅ ⲟⲩ ⲙⲏⲏϣⲉ ⲛ̅ ⲁⲣⲭⲱⲛ ⲛ̅ϩⲏⲧ ϥ̅ ⲉⲣⲉ ⲥⲁϣϥⲉ ⲛ̅ ⲁⲡⲉ ⲛ̅ ⲇⲣⲁⲕⲱⲛ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ϩⲣⲁⲓ̈ ϩⲙ̅ ⲡⲉⲩ ϩⲟ ⲛ̅ ⲁⲩⲑⲉⲛⲧⲏⲥ · ⲁⲩⲱ ⲡ ⲉⲧ ϩⲓϫⲱ ⲟⲩ ⲧⲏ ⲣ ⲟⲩ ϣⲁ ⲩ ⲙⲟⲩⲧⲉ ⲉ ⲡⲉϥ ⲣⲁⲛ ϩⲙ̅ ⲡⲉⲩ ⲧⲟⲡⲟⲥ ϫⲉ ⲝⲁ̅ⲣ̅ⲙ̅ⲁ̅ⲣ̅ⲱ̅ⲭ ·

ⲁⲩⲱ ⲡⲙⲉϩⲙⲛ̅ⲧⲟⲩⲉ ⲛ̅ ⲧⲁⲙⲓⲟⲛ ⲟⲩⲛ ⲟⲩ ⲙⲏⲏϣⲉ ⲛ̅ ⲁⲣⲭⲱⲛ ⲙ̅ ⲡ ⲙⲁ ⲉⲧ ⲙ̅ⲙⲁⲩ ⲉⲣⲉ ⲥⲁϣ ϥⲉ ⲛ̅ ⲁⲡⲉ ⲛ̅ ϩⲁⲛ̅ⲉ ⲙⲟⲩ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ϩⲙ̅ ⲡⲉⲩ ϩⲟ ⲛ̅ ⲁⲩⲑⲉⲛⲧⲏⲥ · ⲁⲩⲱ ⲡ ⲛⲟϭ ⲉⲧ ϩⲓϫⲱ ⲟⲩ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉⲩ ⲧⲟⲡⲟⲥ ϫⲉ ⲣ̅ⲱ̅ⲭ̅ⲁ̅ⲣ̅ ·

ⲁⲩⲱ ⲡ ⲙⲉϩ ⲙⲛ̅ⲧ ⲥⲛⲟⲟⲩⲥ ⲛ̅ ⲧⲁⲙⲓⲟⲛ ⲟⲩⲛ̅ ⲟⲩ ⲙⲏⲏ ϣⲉ ⲛ̅ ⲁⲣⲭⲱⲛ ⲛ̅ϩⲏⲧ ϥ̅ ⲉ ⲛⲁϣⲱ ⲟⲩ ⲉⲙⲁⲧⲉ · ⲉⲣⲉ ⲥⲁϣϥⲉ ⲛ̅ ⲁⲡⲉ ⲛ̅ ϩⲁⲛ̅ ⲟⲩϩⲟⲣ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ϩⲣⲁⲓ̈ ϩⲙ̅ ⲡⲉⲩ ϩⲟ ⲛ̅ ⲁⲩⲑⲉⲛⲧⲏⲥ · ⲁⲩⲱ ⲡ ⲛⲟϭ ⲉⲧ ϩⲓϫⲱ ⲟⲩ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϩⲙ̅ ⲡⲉⲩ ⲧⲟⲡⲟⲥ ϫⲉ ⲭⲣ̅ⲏ̅ⲙ̅ⲁ̅ⲱ̅ⲣ ·

ⲛⲉⲓ̈ ⲁⲣⲭⲱⲛ ϭⲉ ⲙ̅ ⲡⲉⲓ̈ ⲙⲛ̅ⲧ ⲥⲛⲟ ⲟⲩⲥ ⲛ̅ ⲧⲁⲙⲓⲟⲛ ⲉ ⲩ ⲛ̅ϩⲟⲩⲛ ⲛ̅ϩⲏⲧ ϥ̅ ⲙ̅ ⲡⲉ ⲇⲣⲁ ⲕⲱⲛ ⲙ̅ ⲡⲉ ⲕⲁⲕⲉ ⲉⲧ ϩⲓⲃⲟⲗ · ⲁⲩⲱ ⲟⲩⲛⲧⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲟⲩ ⲣⲁⲛ ⲕⲁⲧⲁ ⲟⲩⲛⲟⲩ · ⲁⲩⲱ ϣⲁⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ϣⲓⲃⲉ ⲙ̅ ⲡⲉϥ ϩⲟ ⲕⲁⲧⲁ ⲟⲩⲛⲟⲩ ·

ⲁⲩⲱ ⲟⲛ ⲡⲉⲓ̈ ⲙⲛ̅ⲧ ⲥⲛⲟⲟⲩⲥ ⲛ̅ ⲧⲁⲙⲓⲟⲛ ⲟⲩⲛⲧⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲟⲩ ⲣⲟ ⲉ ϥ ⲟⲩⲏⲛ ⲉ ⲡ ϫⲓⲥⲉ · ϩⲱⲥⲧⲉ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓ‐ⲃⲟⲗ' ϥ ⲟ ⲙ̅ ⲙⲛ̅ⲧ ⲥⲛⲟ ⲟⲩⲥ ⲛ̅ ⲧⲁⲙⲓⲟⲛ ⲛ̅ ⲕⲁⲕⲉ · ⲉ ⲩ ⲛ̅ ⲟⲩ ⲣⲟ ⲙ̅ ⲡ ⲧⲁⲙⲓⲟⲛ ⲡ ⲧⲁⲙⲓⲟⲛ ⲉ ϥ ⲟⲩⲏⲛ ⲉ ⲡ ϫⲓⲥⲉ ·

ⲁⲩⲱ ⲟⲩⲛ̅ ⲟⲩ ⲁⲅⲅⲉ ⲗⲟⲥ ⲛ̅ⲧⲉ ⲡ ϫⲓⲥⲉ ⲉ ϥ ⲣⲟⲉⲓⲥ ⲉ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲣⲟ ⲛ̅ ⲛ̅ ⲧⲁⲙⲓⲟⲛ ·

ⲛⲁⲓ̈ ⲛ̅ⲧ ⲁ ⲓ̈ⲉ̅ⲟ̅ⲩ̅ ⲡ ϣⲟⲣⲡ̅ ⲛ̅ ⲣⲱⲙⲉ ⲡ ⲉⲡⲓⲥⲕⲟⲡⲟⲥ ⲛ̅ⲧⲉ ⲡ ⲟⲩⲟⲉⲓⲛ ⲡⲉ ⲡⲣⲉⲥⲃⲩⲧⲏⲥ ⲙ̅ ⲡ ϣⲟⲣⲡ̅ ⲛ̅ ⲧⲱϣ ⲛ̅ⲧⲟϥ ⲡⲉ ⲛ̅ⲧ ⲁ ϥ ⲕⲁⲁ ⲩ ⲉ ⲩ ⲣⲟⲉⲓⲥ ⲉ ⲡⲉ ⲇⲣⲁ ⲕⲱⲛ ϫⲉ ⲛ̅ⲛⲉ ϥ ⲁⲧⲁⲕⲧⲓ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲛⲉϥ ⲧⲁⲙⲓⲟⲛ ⲉⲧ ⲛ̅ϩⲏⲧ ϥ̅ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ · ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲡⲉϫⲁ ⲥ · ϫⲉ ⲡⲁ ϫⲟⲉⲓⲥ ⲉⲓ̈ⲉ ⲟⲩⲕ ⲟⲩⲛ ⲛⲉ ⲯⲩⲭⲟⲟⲩⲉ ⲉ ϣⲁ ⲩ ϫⲓⲧ ⲟⲩ ⲉ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ϣⲁ ⲩ ϫⲓⲧ ⲟⲩ ⲉⲃⲟⲗ ϩⲓⲧⲛ̅ ⲡⲉⲓ̈ ⲙⲛ̅ⲧ ⲥⲛⲟⲟⲩⲥ ⲛ̅ ⲣⲟ ⲛ̅ ⲛ̅ ⲧⲁⲙⲓⲟⲛ ⲡ ⲟⲩⲁ ⲡ ⲟⲩⲁ ⲕⲁⲧⲁ ⲧⲉ ⲕⲣⲓⲥⲓⲥ ⲉⲧ ϥ̅ ⲙ̅ⲡϣⲁ ⲙ̅ⲙⲟ ⲥ :

ⲁ ϥ ⲟⲩ ⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲙⲉ ⲩϫⲓ ⲗⲁⲁⲩ ⲙ̅ ⲯⲩⲭⲏ ⲉϩⲟⲩⲛ ⲉ ⲡⲉ ⲇⲣⲁⲕⲱⲛ ⲉⲃⲟⲗ ϩⲛ̅ ⲛⲉⲓ̈ ⲣⲟ ·

ⲁⲗⲗⲁ ⲧⲉ ⲯⲩⲭⲏ ⲛ̅ ⲛ̅ ⲣⲉϥ ϫⲓⲟⲩⲁ ⲁⲩⲱ ⲛ ⲉⲧ ϣⲟⲟⲡ ϩⲛ̅ ⲟⲩ ⲥⲃⲱ ⲙ̅ ⲡⲗⲁⲛⲏ · ⲙⲛ̅ ⲟⲩⲟⲛ ⲛⲓⲙ ⲉⲧ ϯ ⲥⲃⲱ ϩⲛ̅ ⲛⲉ ⲡⲗⲁⲛⲏ · ⲁⲩⲱ ⲙⲛ̅ ⲛ̅ ⲣⲉϥ ⲛ̅ⲕⲟⲧⲕ̅ ⲙⲛ̅ ϩⲟⲟⲩⲧ · ⲁⲩⲱ ⲙⲛ̅ ⲧⲁ ⲛⲓ ⲣⲱⲙⲉ ⲉⲧ ⲥⲟⲟϥ · ⲁⲩⲱ ⲙⲛ̅ ⲛ̅ ⲁⲥⲉⲃⲏⲥ · ⲙⲛ̅ ⲣⲱⲙⲉ ⲛⲓⲙ' ⲛ̅ ⲁⲧ ⲛⲟⲩⲧⲉ · ⲁⲩⲱ ⲛⲉ ⲫⲟⲛⲉⲩⲥ · ⲙⲛ̅ ⲛ̅ ⲛⲟⲉⲓⲕ · ⲁⲩⲱ ⲙⲛ̅ ⲛⲉ ⲫⲁⲣⲙⲁ ⲕⲟⲥ ·

ⲛⲉ ⲯⲩⲭⲟⲟⲩⲉ ⲟⲩⲛ ⲧⲏⲣ ⲟⲩ ⲛ̅ ⲧⲉⲓ̈ ⲙⲓⲛⲉ ⲉⲩ ϣⲁⲛ ⲧⲙ̅ ⲙⲉⲧⲁⲛⲟⲓ̈ ⲉⲧⲓ ⲉ ⲩ ⲟⲛϩ̅ · ⲁⲗⲗⲁ ⲛ̅ ⲥⲉ ϭⲱ ϩⲙ̅ ⲡⲉⲩ ⲛⲟⲃⲉ ⲉ ϥ ⲙⲏⲛ · ⲙⲛ̅ ⲛ̅ ⲕⲉ ⲯⲩⲭⲟⲟⲩⲉ ⲧⲏⲣ ⲟⲩ · ⲛⲁⲓ̈ ⲉⲛⲧ ⲁ ⲩ ϣⲱϫⲡ̅ ⲛ̅ ⲃⲟⲗ ⲧⲁⲓ̈ · ⲉⲧⲉ ⲛ̅ⲧⲟⲟⲩ ⲡ ⲉⲛ̅ⲧ ⲁ ⲩ ϫⲓ ⲛ̅ ⲧⲉⲩ ⲏⲡⲥ̅ ⲛ̅ ⲕⲩⲕⲗⲟⲥ ⲉⲧ ⲏⲡ' ⲉⲣⲟ ⲟⲩ ϩⲛ̅ ⲧⲉ ⲥⲫⲉⲣⲁ ⲉ ⲙⲡ ⲟⲩ ⲙⲉⲧⲁⲛⲟⲓ̈ · ⲁⲗⲗⲁ ϩⲣⲁⲓ̈ ϩⲙ̅ ⲡⲉⲩ ϩⲁⲉ ⲛ̅ ⲕⲩⲕⲗⲟⲥ ⲥⲉ ⲛⲁ ϫⲓ ⲛ̅ ⲛⲉ ⲯⲩⲭⲟⲟⲩⲉ ⲉⲧ ⲙ̅ⲙⲁⲩ · ⲛ̅ⲧⲟⲟⲩ ⲙⲛ̅ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲛ̅ⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲟⲩ ·

ⲥⲉ ⲛⲁ ϫⲓⲧ ⲟⲩ ⲉⲃⲟⲗ ϩⲛ̅ ⲧ̅ ⲧⲁⲡⲣⲟ ⲙ̅ ⲡ ⲥⲁⲧ ⲙ̅ ⲡⲉ ⲇⲣⲁⲕⲱⲛ ⲉϩⲟⲩⲛ ⲉ ⲛ ⲧⲁⲙⲓⲟⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ⲁⲩⲱ ⲉⲩϣⲁⲛ ⲟⲩⲱ ⲉ ⲩ ϫⲓ ⲛ̅ ⲛⲉ ⲯⲩⲭⲟⲟⲩⲉ ⲉϩⲟⲩⲛ ⲉ ⲡ ⲕⲁⲕⲉ ⲉⲧ ϩⲓ‐ⲃⲟⲗ ϩⲛ̅ ⲧ̅ ⲧⲁⲡⲣⲟ ⲙ̅ ⲡⲉϥ ⲥⲁⲧ · ϣⲁ ϥ ⲕⲱⲧⲉ ⲟⲛ ⲙ̅ⲡⲉ ϥ ⲥⲁⲧ' ⲉϩⲟⲩⲛ ⲉⲣⲱ ϥ ⲙ̅ⲙⲓⲛ ⲙ̅ⲙⲟ ϥ ⲛ ϥ̅ ϣⲧⲁⲙ' ⲉⲣⲱ ⲟⲩ ·

ⲧⲁⲓ̈ ⲧⲉ ⲑ ⲉ ⲉⲧ ⲟⲩ ⲛⲁϫ ⲓ ⲛ̅ ⲛⲉ ⲯⲩⲭⲟⲟⲩⲉ ⲉϩⲟⲩⲛ ⲉ ⲡ ⲕⲁⲕⲉ ⲉⲧ ϩⲓ ⲃⲟⲗ · ⲁⲩⲱ ⲟⲩⲛⲧⲉ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓ ⲃⲟⲗ ⲟⲩⲛ̅ⲧⲁ ϥ ⲙ̅ⲙⲁⲩ ⲙ̅ ⲙⲛ̅ⲧ ⲥⲛⲟⲟⲩⲥ ⲛ̅ ⲣⲁⲛ ⲛ̅ ⲁⲩ ⲑⲉⲛⲧⲏⲥ ⲛⲁ ⲓ̈ ⲉ ⲧ ϩⲣⲁⲓ̈ ϩⲛ̅ ⲛⲉϥ ⲣⲱⲟⲩ · ⲟⲩ ⲣⲁⲛ ⲕⲁⲧⲁ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲣⲱⲟⲩ ⲛ̅ ⲛ̅ ⲧⲁⲙⲓⲟⲛ · ⲁⲩⲱ ⲡⲉⲓ̈ ⲙⲛ̅ⲧ ⲥⲛⲟⲟⲩⲥ ⲛ̅ ⲣⲁⲛ ⲥⲉϣⲃ̅ⲃⲓⲁⲉⲓⲧ' ⲉ ⲛⲉⲩ ⲉⲣⲏⲩ · ⲁⲗⲗⲁ ⲉ ⲩ ϩⲣⲁⲓ̈ ϩⲛ̅ ⲛⲉⲩ ⲉⲣⲏⲩ ⲙ̅ ⲡ ⲙⲛ̅ⲧ ⲥⲛⲟⲟⲩⲥ · ϩⲱⲥⲧⲉ ⲡ ⲉⲧ ⲛⲁ ϫⲱ ⲛ̅ ⲟⲩⲁ ⲛ̅ ⲛ̅ ⲣⲁⲛ ⲉ ϥ ϫⲱ ⲛ̅ ⲛ̅ ⲣⲁⲛ ⲧⲏⲣ ⲟⲩ ·

ⲛⲁⲓ̈ ϭⲉ ϯ ⲛⲁ ϫⲟⲟⲩ ⲉⲣⲱ ⲧⲛ̅ ϩⲙ̅ ⲡ ⲥⲱⲣ ⲉⲃⲟⲗ ⲧⲏⲣ ϥ̅ ·

ⲧⲁⲓ̈ ϭⲉ ⲧⲉ ⲑ ⲉ ⲉⲧ ϥ̅ ϣⲟⲟⲡ ⲙ̅ⲙⲟ ⲥ ⲛ̅ϭⲓ ⲡ ⲕⲁⲕⲉ ⲉⲧ ϩⲓ‐ⲃⲟⲗ · ⲉⲧⲉ ⲛ̅ⲧⲟϥ ⲡⲉ ⲡⲉ ⲇⲣⲁⲕⲱⲛ ·

ⲛⲁⲓ̈ ϭⲉ ⲛ̅ⲧⲉ ⲣⲉ ϥ ϫⲟⲟⲩ ⲛ̅ϭⲓ ⲡ ⲥ̅ⲱ̅ⲣ̅ ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡ ⲥⲱⲧⲏⲣ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲛ̅ ⲕⲟⲗⲁⲥⲓⲥ ⲙ̅ ⲡⲉ ⲇⲣⲁ ⲕⲱⲛ ⲉⲧ ⲙ̅ⲙⲁⲩ ⲛⲁϣⲧ̅ · ⲉⲙⲁⲧⲉ ⲡⲁⲣⲁ ⲛ̅ ⲕⲟⲗⲁⲥⲓⲥ ⲛ̅ ⲛⲉ ⲕⲣⲓⲥⲓⲥ ⲧⲏⲣ ⲟⲩ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥ̅ⲱ̅ⲣ̅ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲟⲩ ⲙⲟⲛⲟⲛ ϫⲉ ⲥⲉ ⲙⲟⲕϩ̅ⲡⲁⲣⲁ ⲛ̅ ⲕⲟⲗⲁⲥⲓⲥ ⲧⲏⲣ ⲟⲩ ⲛ̅ ⲛⲉ ⲕⲣⲓⲥⲓⲥ ·

ⲁⲗⲗⲁ ⲯⲩⲭⲏ ⲛⲓⲙ' ⲉⲧ ⲟⲩ ⲛⲁ ϫⲓⲧ ⲟⲩ ⲉ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ⲥⲉ ⲛⲁ ⲣ̅ϩⲣⲟⲩ ⲟⲩϫ ϥ̅ ϩⲙ̅ ⲡ ϫⲁϥ ⲉⲧ ⲛⲁϣⲧ̅ · ⲁⲩⲱ ⲙⲛ̅ ⲛⲉ ⲭⲁⲗⲁ ⲍⲁ · ⲁⲩⲱ ⲙⲛ̅ ⲡ ⲕⲱϩⲧ̅ ⲉⲧ ⲛⲁϣⲧ̅ ⲉⲙⲁϣⲟ · ⲛⲁⲓ̈ ⲉⲧ ϣⲟⲟⲡ ϩⲙ̅ ⲡ ⲧⲟⲡⲟⲥ ⲉⲧ ⲙ̅ⲙⲁⲩ · ⲁⲗⲗⲁ ϩⲙ̅ ⲡ ⲕⲉ ⲃⲱⲗ ⲉⲃⲟⲗ' ⲙ̅ ⲡ ⲕⲟⲥⲙⲟⲥ · ⲉⲧⲉ ⲡⲁⲓ̈ ⲡⲉ ϩⲙ̅ ⲡⲱⲗ' ⲉϩⲣⲁⲓ̈ ⲙ̅ ⲡ ⲧⲏⲣ ϥ̅ ⲛⲉ ⲯⲩⲭⲟⲟⲩⲉ ⲉⲧ ⲙ̅ⲙⲁⲩ · ⲥⲉⲁⲁ ⲁⲛ ϩⲁⲗⲓⲥ ⲕⲉ ϩⲓⲧⲙ̅ ⲡ ϫⲁϥ ⲉⲧ ⲛⲁϣⲧ̅ · ⲁⲩⲱ ⲙⲛ̅ ⲡ ⲕⲱϩⲧ̅ ⲉⲧ ⲛⲁϣⲧ̅ ⲉⲙⲁϣⲟ · ⲁⲩⲱ ⲥⲉ ⲛⲁ ⲣ̅ⲁⲧϣⲱⲡⲉ ϣⲁ ⲉⲛⲉϩ ·

ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ · ϫⲉ ⲉⲓ̈ⲉ ⲟⲩⲟⲓ̈ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ·

ⲧⲉⲛⲟⲩ ϭⲉ ⲟⲩⲛ ⲡⲁ ϫⲟⲉⲓⲥ ⲡ ⲕⲱϩⲧ̅ ⲉⲧ ϩⲙ̅ ⲡ ⲧⲟⲡⲟⲥ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ϥϫⲏϥ · ϫⲉ ⲡ ⲕⲱϩⲧ̅ ⲉⲧ ϩⲛ̅ ⲁⲙⲛ̅ⲧⲉ ϫⲏ ϥ · ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ · ϫⲉ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲟ ϫⲉ ϥ ϫⲏϥ ⲛ̅ϭⲓ ⲡ ⲕⲱϩⲧ̅ ⲉⲧ ϩⲛ̅ ⲁⲙⲛ̅ⲧⲉ ⲛ̅ ϩⲟⲩⲟ ⲉ ⲡ ⲕⲱϩⲧ̅ ⲉⲧ ϩⲛ̅ ⲧ ⲙⲛ̅ⲧ ⲣⲱⲙⲉ ⲙ̅ ⲯⲓⲥ ⲛ̅ ⲕⲱⲃ ⲛ̅ ⲥⲟⲡ · ⲁⲩⲱ ⲡ ⲕⲱϩⲧ̅ ⲉⲧ ϩⲛ̅ ⲛ̅ ⲕⲟⲗⲁⲥⲓⲥ ⲙ̅ ⲡ ⲛⲟϭ ⲛ̅ ⲭⲁⲟⲥ · ϥ ⲛⲁϣⲧ̅ ⲛ̅ ϩⲟⲩⲟ ⲉ ⲡ ⲉⲧ ϩⲛ̅ ⲁⲙⲛ̅ⲧⲉ ⲛ̅ ⲯⲓⲥ ⲛ̅ ⲕⲱⲃ ⲛ̅ ⲥⲟⲡ ·

ⲁⲩⲱ ⲡ ⲕⲱϩⲧ̅ ⲉⲧ ϩⲛ̅ ⲛⲉ ⲕⲣⲓⲥⲓⲥ ⲛ̅ ⲛ̅ ⲁⲣⲭⲱⲛ ⲉⲧ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ · ϥ ⲛⲁϣⲧ̅ ⲛ̅ ϩⲟⲩⲟ ⲉ ⲡ ⲕⲱϩⲧ̅ ⲛ̅ ⲛ̅ ⲕⲟⲗⲁⲥⲓⲥ ⲉⲧ ϩⲙ̅ ⲡ ⲛⲟϭ ⲛ̅ ⲭⲁⲟⲥ ⲙ̅ ⲯⲓⲥ ⲛ̅ ⲕⲱⲃ ⲛ̅ ⲥⲟⲡ · ⲁⲩⲱ ⲡ ⲕⲱϩⲧ̅ ⲉⲧ ϩⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ⲙⲛ̅ ⲛⲉ ⲕⲣⲓⲥⲓⲥ ⲧⲏⲣ ⲟⲩ ⲉⲧ ⲛ̅ϩⲏⲧ ϥ̅ ·

ⲥⲉ ⲛⲁϣⲧ̅ ⲛ̅ ϩⲟⲩⲟ ⲉ ⲡ ⲕⲱϩⲧ̅ ⲉⲧ ϩⲛ̅ ⲛ̅ ⲕⲟⲗⲁⲥⲓⲥ ⲧⲏⲣ ⲟⲩ ⲉⲧ ϩⲛ̅ ⲛⲉ ⲕⲣⲓⲥⲓⲥ ⲛ̅ ⲛ̅ ⲁⲣⲭⲱⲛ · ⲛⲁⲓ̈ ⲉⲧ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ϥ ⲛⲁϣⲧ̅ ⲛ̅ ϩⲟⲩⲟ ⲉⲣⲟ ⲟⲩ ⲛ̅ ϣϥⲉ ⲛ̅ ⲕⲱⲃ ⲛ̅ ⲥⲟⲡ ·

ⲛⲁⲓ̈ ⲇⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ ⲉ ⲙⲁⲣⲓⲁ ⲁ ⲥ ϩⲓⲟⲩⲉ ⲉ ϩⲟⲩⲛ ϩⲛ̅ ⲧⲉⲥ ⲙⲉⲥⲧⲛ̅ϩⲏⲧ ·

ⲁ ⲥ ⲱϣ ⲉⲃⲟⲗ ⲁ ⲥ ⲣⲓⲙⲉ ⲛ̅ⲧⲟⲥ ⲙⲛ̅ ⲙ̅ ⲙⲁⲑⲏⲧⲏⲥ ⲧⲏⲣ ⲟⲩ ϩⲓ ⲟⲩ ⲥⲟⲡ' ⲡⲉϫⲁ ⲥ ϫⲉ ⲟⲩⲟⲓ̈ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ϫⲉ ⲛⲁϣⲉ ⲛⲉⲩ ⲕⲣⲓⲥⲓⲥ ⲉⲙⲁ ϣⲟ · ⲉ ⲥⲉⲓ̅ ⲉ ⲑ ⲏ ⲛ̅ϭⲓ ⲙⲁⲣⲓϩⲁⲙ ⲁ ⲥ ⲡⲁϩⲧ ⲥ̅ ⲉϫⲛ̅ ⲛ̅ ⲟⲩⲉⲣⲏⲧⲉ ⲛ̅ ⲓ̅ⲥ̅ ⲁ ⲥ ⲟⲩⲱϣⲧ̅ ⲉⲣⲟ ⲟⲩ · ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲁⲛⲉⲭⲉ ⲙ̅ⲙⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ · ⲁⲩⲱ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ϫⲉ ϯ ⲉⲛⲱⲭⲗⲉⲓ ⲛⲁ ⲕ ⲛ̅ ϩⲁϩ ⲛ̅ ⲥⲟⲡ · ϫⲉ ϫⲓⲛ ⲧⲉⲛⲟⲩ ⲅⲁⲣ ⲉ ⲓ̈ ⲛⲁ ⲁⲣⲭⲓ ⲛ̅ ϣⲓⲛⲉ ⲙ̅ⲙⲟ ⲕ · ⲉⲧⲃⲉ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱ ⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ' ⲉⲧⲉⲣⲉ ⲟⲩⲉϣ ϣⲓⲛⲉ ⲛ̅ⲥⲱ ⲟⲩ · ⲁⲩⲱ ⲁⲛⲟⲕ ϯ ⲛⲁ ϭⲟⲗ ⲡ ⲟⲩ ⲛⲉ ⲉⲃⲟⲗ ϩⲛ̅ ⲟⲩ ⲡⲁⲣⲣⲏⲥⲓⲁ ⲁϫⲛ̅ ⲡⲁⲣⲁⲃⲟⲗⲏ · ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲟⲩ ⲣⲱⲙⲉ ⲛ̅ ⲁⲅⲁⲑⲟⲥ ⲉ ⲁ ϥ ϫⲱⲕ ⲉⲃⲟⲗ ⲙ̅ ⲙⲩⲥⲧⲏⲣⲓⲟⲛ ⲛⲓⲙ · ⲉ ⲟⲩⲛⲧⲁ ϥ ⲙ̅ⲙⲁⲩ ⲛ̅ ⲟⲩ ⲥⲩⲅⲅⲉⲛⲏⲥ ϩⲁⲡⲁⲝ ϩⲁⲡⲗⲱⲥ ⲉ ⲟⲩⲛⲧⲁ ϥ ⲙ̅ⲙⲁⲩ ⲛ̅ ⲟⲩ ⲣⲱⲙⲉ ·

ⲁⲩⲱ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉ ⲩ ⲁⲥⲉⲃⲏⲥ ⲡⲉ ⲉ ⲁ ϥ ⲉⲓⲣⲉ ⲛ̅ ⲛⲟⲃⲉ ⲛⲓⲙ ⲉ ⲩ ⲙ̅ⲡϣⲁ ⲙ̅ ⲡ ⲕⲁⲕⲉ ⲉⲧ ϩⲓ‐ⲃⲟⲗ · ⲁⲩⲱ ⲙ̅ⲡ ϥ̅ ⲙⲉ ⲧⲁⲛⲟⲓ̈ · ⲏ̅ ⲙ̅ⲙⲟⲛ ⲉ ⲁ ϥ ϫⲱⲕ ⲉⲃⲟⲗ ⲛ̅ ⲧⲉϥ ⲏⲡⲥ̅ ⲛ̅ ⲕⲩⲕⲗⲟⲥ ϩⲛ̅ ⲙ̅ ⲙⲉⲧⲁⲃⲟⲗⲏ ⲙ̅ ⲡ ⲥⲱⲙⲁ · ⲁⲩⲱ ⲉ ⲙⲡ ϥ̅ ⲣ̅ ϣⲁⲩ ⲗⲁⲁⲩ ⲛ̅ϭⲓ ⲡ ⲣⲱⲙⲉ ⲉⲧ ⲙ̅ⲙⲁⲩ · ⲉ ⲁ ϥ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ·

ⲁⲩⲱ ⲁ ⲛ ⲉⲓⲙⲉ ⲉⲣⲟ ϥ ⲁⲥⲫⲁⲗⲱⲥ ϫⲉ ⲁ ϥ ⲣ̅ ⲛⲟⲃⲉ ⲉ ϥ ⲙ̅ⲡϣⲁ ⲙ̅ ⲡ ⲕⲁⲕⲉ ⲉⲧ ϩⲓ‐ⲃⲟⲗ' ⲉⲓ̈ⲉ ⲟⲩ ⲡ ⲉⲧ ⲛ̅ ⲛⲁ ⲁⲁ ϥ ϣⲁⲛⲧ ⲛ̅ ⲛⲟⲩϩⲙ̅ ⲙ̅ⲙⲟ ϥ ⲉ ⲛ ⲕⲟⲗⲁⲥⲓⲥ · ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ⲁⲩⲱ ⲛ̅ ⲥⲉ ⲡⲟⲟⲛⲉ ϥ ⲉ ⲩ ⲥⲱⲙⲁ ⲛ̅ ⲇⲓⲕⲁⲓⲟⲥ ⲉ ϥ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁⲩⲱ ⲛ ϥ̅ ⲣ̅ ⲁⲅⲁⲑⲟⲥ ⲛ ϥ̅ⲃⲱⲕ' ⲉ ⲡ ϫⲓⲥⲉ · ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲉϣⲱ ⲡⲉ ⲟⲩ ⲣⲉϥ ⲣ̅ ⲛⲟⲃⲉ ⲡⲉ ⲉ ϥ ⲙ̅ⲡϣⲁ ⲙ̅ ⲡ ⲕⲁⲕⲉ ⲉⲧ ϩⲓ ⲃⲟⲗ · ⲏ̅ ⲙ̅ⲙⲟⲛ ⲛ̅ⲧⲟϥ ⲁ ϥ ⲣ̅ ⲛⲟⲃⲉ ⲕⲁⲧⲁ ⲛ̅ ⲕⲟⲗⲁⲥⲓⲥ ⲙ̅ ⲡ ⲕⲉ ⲥⲉⲉⲡⲉ ⲛ̅ ⲕⲟⲗⲁⲥⲓⲥ · ⲁⲩⲱ ⲡⲁⲓ̈ ⲙ̅ⲡ ϥ̅ ⲙⲉⲧⲁⲛⲟⲓ̈ · ⲏ̅ ⲙ̅ⲙⲟⲛ ⲛ̅ⲧⲟϥ ⲟⲩ ⲣⲱⲙⲉ ⲛ̅ ⲣⲉϥ ⲣ̅ ⲛⲟⲃⲉ ⲉ ⲁ ϥ ϫⲱⲕ ⲉⲃⲟⲗ' ϩⲛ̅ ⲧⲉϥ ⲏⲡⲥ̅ ⲛ̅ ⲕⲩⲕⲗⲟⲥ ϩⲛ̅ ⲙ̅ ⲙⲉⲧⲁⲃⲟⲗⲏ ⲙ̅ ⲡ ⲥⲱⲙⲁ · ⲁⲩⲱ ⲡⲁⲓ̈ ⲙ̅ⲡ ϥ̅ ⲙⲉⲧⲁⲛⲟⲓ̈ ·

ⲉⲣϣⲁⲛ ⲛ̅ ⲣⲱ ⲙⲉ ⲟⲩⲛ ⲉⲧ ⲙ̅ⲙⲁⲩ ⲛⲁⲓ̈ ⲉⲛⲧ ⲁ ⲓ̈ ϫⲟⲟⲩ ⲉⲩϣⲁⲛ ⲉⲓ̈ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲥⲉ ϫⲓⲧ ⲟⲩ ⲉ ⲡ ⲕⲁⲕⲉ ⲉⲧ ϩⲓⲃⲟⲗ · ⲧⲉ ⲛⲟⲩ ϭⲉ ⲉϣⲱⲡⲉ ⲧⲉⲧⲛ̅ ⲟⲩⲱϣ ⲉ ⲡⲟⲟⲛ ⲟⲩ ⲉⲃⲟⲗ · ϩⲛ̅ ⲛ̅ ⲕⲟⲗⲁⲥⲓⲥ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ' ⲙⲛ̅ ⲕⲣⲓⲥⲓⲥ ⲛⲓⲙ · ⲁⲩⲱ ⲛ̅ ⲥⲉ ⲡⲟⲟⲛ ⲟⲩ ⲉ ⲩ ⲥⲱⲙⲁ ⲛ̅ ⲇⲓⲕⲁⲓⲟⲥ ⲡⲁⲓ̈ ⲉ ϥ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ ϥ̅ ⲃⲱⲕ ⲉ ⲡ ϫⲓⲥⲉ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲣⲓⲣⲉ ⲙ̅ ⲡⲓ ⲙⲩⲥⲧⲏⲣⲓⲟⲛ ⲛ̅ ⲟⲩⲱⲧ' ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲛⲁⲓ̈ ⲉ ϣⲁ ϥ ⲕⲁ ⲛⲟⲃⲉ ⲉⲃⲟⲗ ⲛ̅ ⲟⲩ ⲟⲉⲓϣ ⲛⲓⲙ' ⲁⲩⲱ ⲉ ⲧⲉⲧⲛ̅ϣⲁⲛ ⲟⲩⲱ ⲉ ⲧⲉⲧⲛ̅ ⲉⲓⲣⲉ ⲙ̅ ⲡ ⲙⲩⲥⲧⲏⲣⲓⲟⲛ ·

ⲁϫⲓ ⲥ ϫⲉ ⲧⲉ ⲯⲩⲭⲏ ⲛ̅ ⲛⲓⲙ ⲛ̅ ⲣⲱⲙⲉ ⲧⲁⲓ̈ ⲉ ϯ ⲙⲉⲉⲩⲉ ⲉ ⲣⲟ ⲥ ϩⲙ̅ ⲡⲁ ϩⲏⲧ · ⲉϣⲱⲡⲉ ⲉ ⲥ ϩⲛ̅ ⲡ ⲧⲟⲡⲟⲥ ⲛ̅ ⲛ̅ ⲕⲟ ⲗⲁⲥⲓⲥ ⲛ̅ ⲛ̅ ⲧⲁⲙⲓⲟⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ' ⲏ̅ ⲙ̅ⲙⲟⲛ ⲛ̅ⲧⲟϥ ⲉϣⲱⲡⲉ ⲉ ⲥ ϩⲛ̅ ⲡ ⲕⲉ ⲥⲉⲉⲡⲉ ⲛ̅ ⲛ̅ ⲕⲟⲗⲁⲥⲓⲥ ⲛ̅ ⲧⲉ ⲛ̅ ⲧⲁⲙⲓⲟⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ' ⲙⲛ̅ ⲡ ⲕⲉ ⲥⲉⲉⲡⲉ ⲛ̅ ⲛ̅ ⲕⲟⲗⲁⲥⲓⲥ ⲛ̅ ⲛⲉ ⲇⲣⲁⲕⲱⲛ ⲉⲩⲉ ⲡⲟⲟⲛ ⲟⲩ ⲉⲃⲟⲗ' ⲛ̅ ϩⲏⲧ ⲟⲩ ⲧⲏⲣ ⲟⲩ ·

ⲁⲩⲱ ⲉϣⲱⲡⲉ ⲉⲥϣⲁⲛ ϫⲱⲕ' ⲉⲃⲟⲗ ⲛ̅ ⲧⲉⲥ ⲏⲡ ⲛ̅ ⲕⲩⲕⲗⲟⲥ ϩⲛ̅ ⲙ̅ ⲙⲉⲧⲁⲃⲟⲗⲏ · ⲉⲩⲉ ϫⲓⲧ ⲥ̅ ⲉ ⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲛ̅ⲧⲉ ⲧ ⲡⲁⲣ ⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲥⲫⲣⲁⲅⲓⲍⲉ ⲙ̅ⲙⲟ ϥ ϩⲛ̅ ⲧⲉ ⲥⲫⲣⲁ ⲅⲓⲥ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲛ ⲥ̅ ⲛⲟϫ ⲥ̅ ϩⲙ̅ ⲡⲉⲓ̈ ⲉⲃⲟⲧ'ⲡⲉⲓ̈ ⲉⲃⲟⲧ ⲉ ⲩ ⲥⲱⲙⲁ ⲛ̅ ⲇⲓⲕⲁⲓⲟⲥ ⲡⲁⲓ̈ ⲉⲧ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ϩⲏⲧ ϥ̅ ⲁⲩⲱ ⲛ ⲥ̅ⲣ̅ ⲁⲅⲁⲑⲟⲥ ⲛ ⲥ̅ⲃⲱⲕ' ⲉ ⲡ ϫⲓⲥⲉ ⲛ ⲥ̅ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲟⲛ ⲉϣⲱⲡⲉ ⲁ ⲥ ϫⲱⲕ ⲉⲃⲟⲗ ⲛ̅ ⲛ̅ ⲕⲩⲕⲗⲟⲥ ⲛ̅ ⲙ̅ ⲙⲉⲧⲁⲃⲟⲗⲏ ⲉⲩⲉ ϫⲓ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲉⲣⲁⲧ ⲥ̅ ⲛ̅ ⲧ ⲥⲁϣϥⲉ ⲙ̅ ⲡⲁⲣⲑⲉⲛⲟⲥ ⲙ̅ ⲡ ⲟⲩ ⲟⲉⲓⲛ ⲛⲁⲓ̈ ⲉⲧ ϩⲓϫⲙ̅ ⲡ ⲃⲁⲡⲧⲓⲥⲙⲁ · ⲛ̅ ⲥⲉ ⲕⲁⲁ ϥ ϩⲓϫⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ · ⲛ̅ ⲥⲉ ⲥⲫⲣⲁⲅⲓⲍⲉ ⲙ̅ⲙⲟ ⲥ ϩⲙ̅ ⲡ ⲙⲁⲓ̈ⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲛ̅ ⲥⲉ ϫⲓⲧ ϥ̅ ϩⲁϩⲧⲛ̅ ⲛ̅ ⲧⲁⲝⲓⲥ ⲙ̅ ⲡ ⲟⲩⲟⲉⲓⲛ · ⲛⲁⲓ̈ ⲉ ⲧⲉⲧⲛ̅ ⲛⲁ ϫⲟⲟⲩ ⲉⲧⲉⲧⲛ̅ϣⲁⲛ ϫⲱⲕ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲧⲉ ⲯⲩⲭⲏ ⲉⲧⲉⲧⲛ̅ ⲛⲁ ⲉⲩⲭⲉ ⲉϫⲱ ⲥ · ⲉϣⲱⲡⲉ ⲙⲉⲛ ⲉ ⲥ ϩⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ϥ ⲛⲁ ⲛⲟⲩϩⲙ̅ ⲡⲉϥ ⲥⲁⲧ' ⲉⲃⲟⲗ ϩⲛ̅ ⲣⲱ ϥ · ⲁⲩⲱ ⲛ ϥ̅ ⲕⲁ ⲉⲃⲟⲗ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ·

ⲁⲩⲱ ⲟⲛ ⲉϣⲱⲡⲉ ⲉ ⲥ ϩⲛ̅ ⲧⲟⲡⲟⲥ ⲛⲓⲙ' ⲛ̅ⲧⲉ ⲛⲉ ⲕⲣⲓⲥⲓⲥ ⲛ̅ ⲧⲉⲛ̅ ⲁⲣⲭⲱⲛ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲥⲉ ⲛⲁ ϩⲁⲣⲡⲁⲍⲉ ⲙ̅ⲙⲟ ⲥ ϩⲛ̅ ⲟⲩ ⲥⲡⲟⲩⲇⲏ ⲛ̅ϭⲓ ⲙ̅ ⲡⲁⲣⲁ ⲗⲏⲙⲡⲧⲏⲥ ⲙ̅ ⲙⲉⲗϫⲓⲥⲉϫⲉⲕ ⲉⲓⲧⲉ ⲉϥϣⲁⲛ ⲕⲁ ⲃⲟⲗ ⲙ̅ⲙⲟ ⲥ ⲛ̅ϭⲓ ⲡⲉ ⲇⲣⲁⲕⲱⲛ · ⲏ̅ ⲙ̅ⲙⲟⲛ ⲛ̅ⲧⲟϥ ⲉ ⲥ ϩⲛ̅ ⲛⲉ ⲕⲣⲓⲥⲓⲥ ⲛ̅ ⲧⲉⲛ̅ ⲁⲣⲭⲱⲛ ·

ϩⲁⲡⲁⲝ ϩⲁⲡⲗⲱⲥ ⲥⲉ ⲛⲁ ϩⲁⲣ ⲡⲁⲍⲉ ⲙ̅ⲙⲟ ⲥ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲱⲣ ⲙ̅ ⲙⲉⲗϫⲓⲥⲉⲇⲉⲕ' ϩⲛ̅ ⲧⲟⲡⲟⲥ ⲛⲓⲙ ⲉⲧ ⲥ̅ ⲛ̅ϩⲏⲧ ⲟⲩ · ⲁⲩⲱ ⲥⲉ ⲛⲁ ϫⲓⲧ ⲥ̅ ⲉ ⲡ ⲧⲟⲡⲟⲥ ⲛ̅ ⲧ ⲙⲉⲥⲟⲥ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩ ⲟⲉⲓⲛ ⲁⲩⲱ ϣⲁⲣⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲥⲇⲟ ϭⲓⲙⲁⲍⲉ ⲙ̅ⲙⲟ ⲥ ⲛ ⲥ̅ⲛⲁⲩ ⲉ ⲡ ⲙⲁⲓ̈ⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲉ ϥ ϣⲟⲟⲡ ϩⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ·

ⲁⲩⲱ ⲉϣⲱⲡⲉ ⲙ̅ⲡⲁⲧ ⲥ̅ ϫⲱⲕ ⲉⲃⲟⲗ ⲛ̅ ⲧⲉⲥⲏⲡⲥ̅ ⲛ̅ ⲕⲩ ⲕⲗⲟⲥ ϩⲛ̅ ⲧ ϭⲓⲛϣⲓⲃⲉ ⲛ̅ ⲧⲉ ⲯⲩⲭⲏ ⲏ̅ ϩⲛ̅ ⲡ ⲥⲱⲙⲁ ·

ϣⲁⲣⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲥ ⲥⲫⲣⲁⲅⲓⲍⲉ ⲙ̅ⲙⲟ ⲥ ϩⲛ̅ ⲟⲩ ⲥⲫⲣⲁⲅⲓⲥ ⲉ ⲥ ⲟⲩⲟⲧⲃ̅ · ⲁⲩⲱ ⲛ ⲥ̅ ⲥⲡⲟⲩⲇⲁⲍⲉ ⲛ ⲥ̅ ⲧⲣⲉⲩ ⲛⲟϫ ⲥ̅ ϩⲙ̅ ⲡⲉⲓ̈ ⲉⲃⲟⲧ'ⲡⲉⲓ̈ ⲉⲃⲟⲧ ⲉ ⲩ ⲥⲱⲙⲁ ⲛ̅ ⲇⲓⲕⲁⲓⲟⲥ ⲡⲁⲓ̈ ⲉ ϥ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ · ⲁⲩⲱ ⲉ ϥ ⲛⲁⲣ̅ⲁⲅⲁⲑⲟⲥ ⲛ ϥ̅ⲃⲱⲕ' ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁⲩⲱ ⲉϣⲱⲡⲉ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲁ ⲥ ϫⲓ ⲛ̅ ⲧⲉⲥⲏⲡⲥ̅ ⲛ̅ ⲕⲩⲕⲗⲟⲥ ·

ϣⲁⲣⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲥⲇⲟϭⲓⲙⲁⲍⲉ ⲙ̅ⲙⲟ ⲥ ⲙⲉ ⲥ ⲕⲁⲁ ⲩ ⲉ ⲕⲟⲗⲁⲍⲉ ⲙ̅ⲙⲟ ⲥ ⲉⲃⲟⲗ ϫⲉ ⲁ ⲥ ϫⲓ ⲛ̅ ⲧⲉⲥⲏⲡⲥ̅ ⲛ̅ ⲕⲩⲕⲗⲟⲥ · ⲁⲗⲗⲁ ϣⲁ ⲥ ⲧⲁⲁ ⲥ ⲉⲧⲟⲟⲧ ⲟⲩ ⲛ̅ ⲧ ⲥⲁϣϥⲉ ⲙ̅ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ·

ⲁⲩⲱ ϣⲁⲣⲉ ⲧ ⲥⲁϣϥⲉ ⲙ̅ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲩⲇⲟϭⲓⲙⲁⲍⲉ ⲙ̅̇ⲙ̇ⲟ̇ ⲥ̇ ⲛ̅ ⲧⲉ ⲯⲩⲭⲏ ⲉⲧ ⲙ̅ ⲙⲁⲩ ⲁⲩⲱ ϣⲁ ⲩ ⲃⲁⲡⲧⲓⲍⲉ ⲙ̅ⲙⲟ ⲥ ϩⲛ̅ ⲛⲉⲩ ⲃⲁⲡⲧⲓⲥⲙⲁ · ⲁⲩⲱ ⲛ̅ ⲥⲉ ϯ ⲛⲁ ⲥ̅ ⲙ̅ ⲡⲉ ⲭⲣⲓⲥⲙⲁ ⲙ̅ ⲡⲛ̅ⲓ̅ⲕ̅ⲟ̅ⲛ̅ ⲛ̅ ⲥⲉ ϫⲓⲧ ⲥ̅ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ⲛ̅ ⲥⲉ ⲕⲁⲁ ⲥ ϩⲛ̅ ⲑ ⲁⲏ ⲛ̅ ⲧⲁⲝⲓⲥ ⲙ̅ ⲡ ⲟⲩⲟⲉⲓⲛ ϩⲉⲱⲥ ϣⲁ ⲡ ⲱⲗ ⲉϩⲣⲁⲓ̈ ⲛ̅ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲛ̅ ⲧⲉⲗⲓⲟⲥ ·

ⲁⲩⲱ ⲉⲩϣⲁⲛ ⲥⲟⲃⲧⲉ ⲉ ⲥ ⲱⲕ ⲛ̅ ⲛ̅ ⲕⲁⲧⲁⲡⲉⲧⲁⲥⲙⲁ ⲙ̅ ⲡ ⲧⲟⲡⲟⲥ ⲛ̅ ⲛⲁ ⲟⲩⲛⲁⲙ'ϣⲁⲩ ⲥⲱⲧϥ̅ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲛ̅ ⲟⲩⲱϩⲙ̅ · ⲁⲩⲱ ⲛ̅ ⲥⲉ ⲕⲁⲑⲁⲣⲓⲍⲉ ⲙ̅ⲙⲟ ⲥ ⲛ̅ ⲥⲉ ⲕⲁⲁ ⲥ ϩⲛ̅ ⲛ̅ ⲧⲁⲝⲓⲥ ⲙ̅ ⲡ ϣⲟⲣⲡ̅ ⲛ̅ ⲥⲱⲧⲏⲣ ⲡⲁⲓ̈ ⲉⲧ ϩⲛ̅ ⲡⲉ ⲑⲏ ⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡ ⲥⲱⲧⲏⲣ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ · ⲁ ⲥ ⲟⲩ ⲱϩⲙ̅ ⲛ̅ϭⲓ ⲙⲁⲣⲓϩⲁⲙ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ ⲁ ⲓ̈ ⲥⲱⲧⲙ̅ ⲉⲣⲟ ⲕ ⲉ ⲕ ϫⲱ ⲙ̅ⲙⲟ ⲥ ϫⲉ ⲡ ⲉⲧ ⲛⲁ ϫⲓ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲏ̅ ⲡ ⲉⲧ ⲛⲁ ϫⲓ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ϣⲁ ⲩ ⲣ̅ ϩⲉ ⲛ ϣⲗⲓϭ ⲛ̅ ⲟⲩⲟⲉⲓⲛ ⲙⲛ̅ ϩⲉⲛ ⲁⲡⲟⲣⲣⲟⲓⲁ ⲛ̅ ⲟⲩⲟⲉⲓⲛ ⲛ̅ ⲥⲉ ϫⲱⲧⲉ ⲛ̅ ⲧⲟⲡⲟⲥ ⲛⲓⲙ' ϩⲉⲱⲥ ϣⲁⲛⲧ ⲟⲩ ⲃⲱⲕ ⲉ ⲡ ⲧⲟⲡⲟⲥ ⲛ̅ ⲧⲉⲩ ⲕⲗⲏⲣⲟⲛⲟⲙⲓⲁ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱ ⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲉⲩϣⲁⲛ ϫⲓ ⲙ̅ ⲡ ⲙⲩⲥⲧⲏ ⲣⲓⲟⲛ ⲉⲧⲓ ⲉ ⲩ ⲟⲛϩ̅ · ⲁⲩⲱ ⲉⲩϣⲁⲛ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ϣⲁ ⲩ ⲣ̅ ϩⲉ ⲛ ϣⲗⲓϭ ⲛ̅ ⲟⲩⲟⲉⲓⲛ ⲙⲛ̅ ϩⲉⲛ ⲁⲡⲟⲣⲣⲟⲓⲁ ⲛ̅ ⲟⲩⲟⲉⲓⲛ ⲛ̅ ⲥⲉ ϫⲱⲧⲉ ⲛ̅ ⲧⲟⲡⲟⲥ ⲛⲓⲙ' ϩⲉⲱⲥ ϣⲁⲛⲧ ⲟⲩ ⲃⲱⲕ ⲉ ⲡ ⲧⲟⲡⲟⲥ ⲛ̅ ⲧⲉⲩ ⲕⲗⲏⲣⲟⲛⲟⲙⲓⲁ ·

ⲁⲗⲗⲁ ⲉϣⲱⲡⲉ ⲉ ϩⲉⲛ ⲣⲉϥ ⲣ̅ ⲛⲟⲃⲉ ⲛ̅ⲧⲟϥ ⲛⲉ ⲉ ⲁ ⲩ ⲉⲓ̅ ⲉⲃⲟⲗ ϩⲙ̅ ⲡ ⲥⲱ ⲙⲁ ⲉ ⲙⲡ ⲟⲩ ⲙⲉⲧⲁⲛⲟⲓ̈ · ⲁⲩⲱ ⲛ̅ ⲧⲉⲧⲛ̅ ⲉⲓⲣⲉ ϩⲁⲣⲟ ⲟⲩ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ϫⲉ ⲉⲩⲉ ⲡⲟⲟⲛ ⲟⲩ ⲉⲃⲟⲗ ϩⲛ̅ ⲛ̅ ⲕⲟⲗⲁⲥⲓⲥ ⲛⲓⲙ ⲛ̅ ⲥⲉ ⲛⲟϫ ⲟⲩ ⲉ ⲩ ⲥⲱⲙⲁ ⲛ̅ ⲇⲓⲕⲁⲓⲟⲥ ⲡⲁⲓ̈ ⲉ ϥ ⲛⲁⲣ̅ⲁⲅⲁⲑⲟⲥ ⲛ ϥ̅ ⲕⲗⲏⲣⲟⲛⲟⲙⲉⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲏ̅ ⲙ̅ⲙⲟⲛ ⲛ̅ⲧⲟϥ ⲛ̅ ⲥⲉ ϫⲓⲧ ϥ̅ ⲉ ⲑ ⲁⲏ ⲛ̅ ⲧⲁⲝⲓⲥ ⲙ̅ ⲡ ⲟⲩⲟⲉⲓⲛ ·

ⲙⲉ ⲩ ⲉ ϣ ϭⲙ̅ϭⲟⲙ ⲉ ϫⲱ ⲧⲉ ⲛ̅ ⲛ̅ ⲧⲟⲡⲟⲥ ϫⲉ ⲛ̅ ⲧⲟⲟⲩ ⲁⲛ ⲉ ⲓ ⲉⲓⲣⲉ ⲙ̅ ⲡ ⲙⲩⲥⲧⲏ ⲣⲓⲟⲛ · ⲁⲗⲗⲁ ϣⲁⲣⲉ ⲙ̅ ⲡⲁⲣⲁⲗⲏⲙⲡⲧⲏⲥ ⲙ̅ ⲙⲉⲗϫⲓ ⲥⲉⲇⲉⲕ' ϣⲁ ⲩ ⲉⲓ̅ ⲛ̅ⲥⲱ ⲟⲩ ⲛ̅ ⲥⲉ ϫⲓⲧ ⲟⲩ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲟⲩ ⲙⲏⲏϣⲉ ⲛ̅ ⲥⲟⲡ ' ϣⲁⲣⲉ ⲛ̅ ⲗⲓⲧⲟⲩⲣⲅⲟⲥ ⲛ̅ ⲛⲉ ⲕⲣⲓⲧⲏⲥ ⲛ ⲛ̅ ⲁⲣⲭⲱⲛ ϣⲁ ⲩ ⲥⲡⲟⲩⲇⲁⲍⲉ ⲛ̅ ⲥⲉ ϫⲓ ⲛ ⲛⲉ ⲯⲩⲭⲟⲟⲩⲉ ⲉⲧ ⲙ̅ⲙⲁⲩ ⲛ ⲥⲉ ⲧⲁⲁ ⲩ ⲉⲧⲟⲟⲧ ⲟⲩ ⲛ ⲛⲉⲩ ⲉⲣⲏⲩ ϩⲉⲱⲥ ϣⲁⲛⲧ ⲟⲩ ϫⲓⲧ ⲥ̅ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ·

ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡ ⲥⲱⲧⲏⲣ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲟⲩ ⲣⲱⲙⲉ ⲉ ⲁ ϥ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛⲁⲓ̈ ⲉⲧ ϩⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ⲉ ⲧⲙ̅ ⲡ ⲥⲁ ⲛ̅ ⲃⲟⲗ ·

ⲁⲩⲱ ⲛ̅ⲧⲉⲣⲉ ϥ ϫⲱⲕ ⲉⲃⲟⲗ ⲛ̅ϭⲓ ⲡⲉ ⲟⲩ ⲟⲉⲓϣ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲟⲩ ⲁⲙⲁϩⲧⲉ ϣⲁⲣⲟ ⲟⲩ ·

ⲁⲩⲱ ⲡ ⲣⲱⲙⲉ ⲉⲧ ⲙ̅ⲙⲁⲩ ⲛϥ̅□□ ⲟⲩⲱϩ ⲉⲧⲟⲟⲧ ϥ̅ ⲛ̅ ⲟⲩ ⲱϩⲙ̅ ⲉ ϫⲓ ⲙⲩⲥⲧⲏⲣⲓⲟⲛ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϩⲓ ⲡ ⲥⲁ ⲛϩⲟⲩⲛ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲛⲧ ⲁ ϥ ⲟⲩⲱ ⲉ ϥ ϫⲓ ⲙ̅ⲙⲟ ⲟⲩ ⲁⲩⲱ ⲟⲛ ⲁ ϥ ⲣ̅ ⲡ ⲕⲉ ⲁⲙⲉⲗⲓ ⲛ̅ϭⲓ ⲡ ⲣⲱⲙⲉ ⲉⲧ ⲙ̅ⲙⲁⲩ · ⲉ ⲙⲡ ϥ̅ ⲡⲣⲟⲥⲉⲩⲭⲉ ϩⲛ̅ ⲧⲉ ⲡⲣⲟⲥⲉⲩⲭⲏ ⲉ ϣⲁ ⲥ ϥⲓ ⲛ̅ ⲧ ⲕⲁⲕⲓⲁ ⲛ̅ ⲛ ⲉⲧⲣⲩⲫⲟⲟⲩⲉ ⲉⲧ ϥ̅ ⲟⲩⲱⲙ ⲙ̅ⲙⲟ ⲟⲩ ⲙⲛ̅ ⲛ ⲉⲧ ϥ̅ ⲥⲱ ⲙ̅ⲙⲟ ⲟⲩ · ⲁⲩⲱ ⲉⲃⲟⲗ ϩⲓⲧⲛ̅ ⲧ ⲕⲁⲕⲓⲁ ⲛ̅ ⲛ ⲉⲧⲣⲩⲫⲟⲟⲩⲉ ⲁ ⲩ ⲙⲟⲣ ϥ̅ ⲉϩⲟⲩⲛ ⲉ ⲡⲁ ⲝⲱⲛ ⲛ̅ ⲑ ⲓⲙⲁⲣⲙⲉⲛⲏ ⲛ̅ ⲛ̅ ⲁⲣⲭⲱⲛ · ⲁⲩⲱ ϩⲓⲧⲛ̅ ⲧ ⲁ ⲛⲁⲅⲕⲏ ⲛ̅ ⲛⲉ ⲥⲧⲟⲓⲭⲓⲟⲛ ⲁ ϥ ⲣ̅ ⲛⲟⲃⲉ ⲛ̅ ⲟⲩⲱϩⲙ̅ ·