ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟ ⲩ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ · ϫⲉ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ ·

ⲁ ⲥ ⲟⲩⲱϩⲙ̅ ⲟⲛ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲉⲧⲓ ⲟⲛ ⲉ ⲓ̈ ⲛⲁ ⲟⲩⲱϩ ⲉⲧⲟⲟⲧ' ⲉ ϣⲓⲛⲉ ⲙ̅ⲙⲟ ⲕ · ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲁⲛⲉⲭⲉ ⲙ̅ⲙⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ ·

ⲉⲓⲥ ϩⲏⲏⲧⲉ ⲙⲉⲛ ϩⲛ̅ ⲟⲩ ⲡⲁⲣⲣⲏⲥⲓⲁ ⲁ ⲛ ⲉⲓⲙⲉ ⲉ ⲡ ⲧⲩⲡⲟⲥ ⲉϣⲁⲣⲉ ⲛ̅ ⲃⲁⲡⲧⲓⲥⲙⲁ ⲕⲁ ⲛⲟⲃⲉ ⲉⲃⲟⲗ ·

ⲧⲉⲛⲟⲩ ϩⲱⲱ ϥ ⲡ ⲙⲩⲥ ⲧⲏⲣⲓⲟⲛ ⲙ̅ ⲡⲉⲓ̈ ϣⲟⲙⲛ̅ⲧ ⲛ̅ ⲭⲱⲣⲏⲙⲁ · ⲙⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡⲉⲓ̈ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲙⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲉ ϣⲁ ⲩ ⲕⲁ ⲛⲟⲃⲉ ⲉⲃⲟⲗ ⲛ̅ ⲁϣ ⲛ̅ ⲧⲩⲡⲟⲥ · ⲉ ϣⲁ ⲩ ⲕⲱ ⲉⲃⲟⲗ ⲙ̅ ⲡ ⲧⲩⲡⲟⲥ ⲛ̅ ⲛ̅ ⲃⲁⲡⲧⲓⲥⲙⲁ ϫⲛ̅ ⲙ̅ⲙⲟⲛ · ⲁ ϥ ⲟⲩⲱϣⲃ̅ ⲟ̅ⲛ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ϫⲉ ⲙ̅ⲙⲟⲛ · ⲁⲗⲗⲁ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲙ̅ ⲡ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ⲉ ϣⲁ ⲩ ⲕⲱ ⲉⲃⲟⲗ ϩⲛ̅ ⲧⲉ ⲯⲩⲭⲏ · ⲁⲩⲱ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲧⲉⲛ̅ ⲁⲣ ⲭⲱⲛ ⲛ̅ ⲛ̅ ⲛⲟⲃⲉ ⲧⲏⲣ ⲟⲩ ⲛ̅ⲧ ⲁ ⲥ ⲁⲁ ⲩ ⲛ̅ϭⲓ ⲧⲉ ⲯⲩ ⲭⲏ ϫⲓⲛ ⲛ̅ ϣⲟⲣⲡ̅ ϣⲁ ⲩ ⲕⲁⲁ ⲩ ⲛⲁ ⲥ ⲉⲃⲟⲗ ·

ⲁⲩⲱ ⲟⲛ ϣⲁ ⲩ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲉⲧ ⲥ̅ ⲛⲁ ⲁⲁ ⲩ ⲙⲛ̅ⲛ̅ⲥⲁ ⲛⲁⲓ̈ · ϩⲉⲱⲥ ϣⲁ ⲡⲉ ⲟⲩⲟⲉⲓϣ ⲉⲧⲉⲣⲉ ⲡ ⲟⲩⲁ ⲡ ⲟⲩⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛⲁ ⲁⲙⲁϩⲧⲉ ϣⲁⲣⲟ ϥ ·

ⲛⲁⲓ̈ ϯ ⲛⲁ ϫⲱ ⲉ ⲣⲱ ⲧⲛ̅ ⲙ̅ ⲡⲉ ⲩⲟⲉⲓϣ ⲉⲣⲉ ⲡ ⲟⲩⲁ ⲡ ⲟⲩⲁ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲛⲁ ⲁⲙⲁϩⲧⲉ ϣⲁⲣⲟ ϥ · ϩⲣⲁⲓ̈ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ · ⲁⲩⲱ ⲟⲛ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲙⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉ ⲣⲟ ϥ ⲉ ϣⲁ ⲩ ⲕⲱ ⲉⲃⲟⲗ ⲛ̅ ⲧⲉ ⲯⲩⲭⲏ ϩⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲧⲉⲛ̅ ⲁⲣⲭⲱⲛ · ⲛⲟⲃⲉ ⲛⲓⲙ' ⲙⲛ̅ ⲁⲛⲟⲙⲓⲁ ⲛⲓⲙ' ⲛ̅ⲧ ⲁ ⲥ ⲁⲁ ⲩ ⲛ̅ϭⲓ ⲧⲉ ⲯⲩⲭⲏ · ⲁⲩⲱ ⲟⲛ ϫⲉ ϣⲁ ⲩ ⲕⲁⲁ ⲩ ⲧⲏⲣ ⲟⲩ ⲛⲁ ⲥ ⲉⲃⲟⲗ · ⲁⲗⲗⲁ ⲙⲉⲩⲉ ⲡ ⲛⲟⲃⲉ ⲉⲣⲟ ⲥ ϫⲓⲛ ⲡⲉⲓ̈ ⲛⲁⲩ ϩⲉⲱⲥ ϣⲁ ⲉⲛⲉϩ ⲛ̅ ⲉⲛⲉϩ · ⲉⲧⲃⲉ ⲧ ⲇⲱⲣⲉⲁ ⲙ̅ ⲡ ⲛⲟϭ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲙⲛ̅ ⲡⲉⲩ ⲉⲟⲟⲩ ⲉⲧ ⲛⲁ ϣⲱϥ ⲉⲙⲁϣⲟ ⲉⲙⲁϣⲟ ·

ⲛⲁⲓ̈ ϭⲉ ⲛ̅ⲧⲉ ⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ · ⲁ ⲥ ⲟⲩⲱϣⲃ̅ ⲟⲛ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲥⲉ ⲡⲁ ϫⲟⲉⲓⲥ · ⲁ ⲓ̈ ⲟⲩⲱ ⲉ ⲓ̈ ϩⲁⲣⲡⲁⲍⲉ ⲛ̅ ϣⲁϫⲉ ⲛⲓⲙ' ⲉⲧ ⲕ̅ ϫⲱ ⲙ̅ⲙⲟ ⲟⲩ ·

ⲧⲉⲛⲟⲩ ϭⲉ ⲟⲩⲛ ⲡⲁ ϫⲟⲉⲓⲥ ⲉⲧⲃⲉ ⲡ ϣⲁϫⲉ ⲉⲧ ⲕ̅ ϫⲱ ⲙ̅ⲙⲟ ϥ ϫⲉ ϣⲁⲣⲉ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲙ̅ ⲡ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ϣⲁ ⲩ ⲕⲁ ⲛⲟⲃⲉ ⲉⲃⲟⲗ · ⲁⲩⲱ ⲛ̅ ⲥⲉ ϩⲱⲃⲥ̅ ⲉⲃⲟⲗ' ⲉϫⲛ̅ ⲛⲉⲩ ⲁⲛⲟⲙⲓⲁ ·

ⲛ̅ⲧ ⲁ ϥ ⲡⲣⲟⲫⲏⲧⲉⲩⲉ ⲟⲩⲛ ⲙ̅ ⲡⲓ ⲟⲩⲟⲉⲓϣ ϩⲁ ⲡⲉⲓ̈ ϣⲁϫⲉ ⲛ̅ϭⲓⲇⲁⲩⲉⲓⲇ' ⲡⲉ ⲡⲣⲟ ⲫⲏⲧⲏⲥ · ⲉ ϥ ϫⲱ ⲙ̅ⲙⲟ ⲥ · ϫⲉ ⲛⲁ ⲓ̈ⲁⲧ ⲟⲩ ⲛ̅ ⲛ ⲉⲛⲧ ⲁ ⲩ ⲕⲱ ⲉⲃⲟⲗ ⲛ̅ ⲛⲉⲩ ⲛⲟⲃⲉ · ⲙⲛ̅ ⲛ ⲉⲛⲧ ⲁ ⲩ ϩⲱⲃⲥ̅ ⲉⲃⲟⲗ' ⲉϫⲛ̅ ⲛⲉⲩ ⲁⲛⲟⲙⲓⲁ ·

ⲛ̅ⲧ ⲁ ϥ ⲡⲣⲟⲫⲏⲧⲉⲩⲉ ⲟⲩⲛ ϩⲁ ⲡⲉⲓ̈ ϣⲁ ϫⲉ ⲙ̅ ⲡⲓ ⲟⲩⲟⲉⲓϣ ⲁⲩⲱ ⲡ ϣⲁϫⲉ ⲛ̅ⲧ ⲁ ⲕ ϫⲟⲟ ϥ ϫⲉ ⲡ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲙⲛ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ϫⲉ ⲣⲱⲙⲉ ⲛⲓⲙ' ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲟⲩ ⲙⲟⲛⲟⲛ ϫⲉ ϣⲁ ⲩ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ⲧ ⲁ ⲩ ⲁⲁ ⲩ ϫⲓⲛ ⲛ̅ ϣⲟⲣⲡ̅ · ⲁⲗⲗⲁ ⲙⲉ ⲩⲣ̅ⲡ ⲕⲉⲱⲡ' ⲣⲱ ⲉⲣⲟ ⲟⲩ ϫⲓⲛ ⲙ̅ ⲡⲉⲓ̈ ⲛⲁⲩ ϣⲁ ⲉⲛⲉϩ ·

ⲉⲧⲃⲉ ⲡⲉⲓ̈ ϣⲁϫⲉ ⲟⲛ ⲛ̅ⲧ ⲁ ϥ ⲡⲣⲟⲫⲏⲧⲉⲩⲉ ϩⲁⲣⲟ ϥ ⲙ̅ ⲡⲓ ⲟⲩⲟⲉⲓϣ ⲛ̅ϭⲓ ⲇⲁⲩⲉⲓⲇ' ⲉ ϥ ϫⲱ ⲙ̅ⲙⲟ ⲥ ϫⲉ ⲛⲁ ⲓ̈ⲁⲧ ⲟⲩ ⲛ̅ ⲛ ⲉⲧⲉ ⲙ̅ ⲡ ϫⲟⲉⲓⲥ ⲡ ⲛⲟⲩ ⲧⲉ ⲛⲁ ⲉ ⲡ ⲛⲟⲃⲉ ⲉⲣⲟ ⲟⲩ ⲁⲛ · ⲉⲧⲉ ⲡⲁⲓ̈ ⲡⲉ ⲛ̅ ⲥⲉ ⲛⲁ ⲉⲡ ⲛⲟⲃⲉ ⲉⲣⲟ ϥ ⲁⲛ ϫⲓⲛ ⲡⲉⲓ̈ ⲛⲁⲩ · ⲛⲉⲣ ϫⲓ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲙⲛ̅ ⲛ̅ⲉⲣ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲡⲉϫⲁ ϥ ϫⲉ ⲉⲩⲅⲉ ⲧⲉ ⲡ ⲛ̅ⲓ̅ⲕ̅ⲏ̅ ⲛ̅ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ ⲙⲁⲣⲓⲁ ⲡⲁⲓ̈ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϣⲁϫⲉ · ⲁ ⲥ ⲟⲩⲱϩ ⲟⲛ ⲉ ⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ·

ⲉⲓ̈ⲉ ⲉⲣ ϣⲁⲛ ⲡ ⲣⲱⲙⲉ ϫⲓ ⲙⲩⲥⲧⲏⲣⲓⲟⲛ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲁⲩⲱ ⲟⲛ ⲛ ϥ̅ ⲕⲟⲧ ϥ̅ ⲛ ϥ̅ ⲣ̅ ⲛⲟⲃⲉ ⲛ ϥ̅ ⲡⲁⲣⲁⲃⲁ ·

ⲁⲩⲱ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲛ ϥ̅ ⲕⲟⲧ ϥ̅ ⲛ ϥ̅ ⲙⲉⲧⲁⲛⲟⲓ̈ ⲁⲩⲱ ⲛ ϥ̅ ⲡⲣⲟⲥⲉⲩⲭⲉ ϩⲙ̅ ⲡⲉϥ ⲙⲩⲥⲧⲏⲣⲓⲟⲛ ⲡⲉϥ ⲙⲩⲥⲧⲏⲣⲓⲟⲛ ⲥⲉ ⲛⲁ ⲕⲱ ⲛⲁ ϥ ⲉⲃⲟⲗ ϫⲛ̅ ⲙ̅ⲙⲟⲛ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϩⲁ ⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲟⲩⲟⲛ ⲛⲓⲙ ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲟⲛ ⲛ ϥ̅ ⲕⲟⲧ ϥ̅ ⲛ ϥ̅ ⲡⲁⲣⲁⲃⲁ ⲙ̅ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲟⲡ ÷ ⲉ ϥ ⲡⲣⲟⲥⲉⲩⲭⲉ ϩⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲥⲉ ⲛⲁ ⲕⲱ ⲛⲁ ϥ ⲉⲃⲟⲗ ·

ⲁⲩⲱ ⲟⲛ ⲛ̅ ⲥⲉ ⲡⲁⲣⲁⲃⲁⲙⲛ̅ⲛ̅ⲥⲁ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲟⲡ ⲛ ϥ̅ ⲕⲟⲧ ϥ̅ ⲛ ϥ̅ ⲡⲁⲣⲁⲃⲁ ⲛ̅ ⲥⲉ ⲛⲁ ⲕⲱ ⲛⲁ ϥ ⲉⲃⲟⲗ ⲁⲛ ϣⲁ ⲉⲛⲉϩ · ⲉ ⲧⲣⲉ ϥ ⲕⲟⲧ ϥ̅ ⲉ ⲡⲉϥ ⲙⲩⲥⲧⲏⲣⲓⲟⲛ ⲡⲉϥ ⲙⲩⲥⲧⲏⲣⲓⲟⲛ · ⲁⲩⲱ ⲡⲁⲓ̈ ⲙⲛ̅ ⲧϥ̅ ⲙⲉⲧⲁⲛⲟⲓⲁ ⲙ̅ⲙⲁⲩ · ⲉⲓⲙⲏⲧⲓ ⲛ ϥ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲡⲁⲓ̈ ⲉ ϣⲁ ϥ ⲛⲁ ⲛ̅ ⲟⲩ ⲟⲉⲓϣ ⲛⲓⲙ · ⲁⲩⲱ ⲟⲛ ⲛ ϥ̅ ⲕⲱ ⲉⲃⲟⲗ ⲛ̅ ⲟⲩ ⲟⲉⲓϣ ⲛⲓⲙ ·

ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ · ϫⲉ ⲡⲁ ϫⲟⲉⲓⲥ ⲉϣⲱⲡⲉ ⲇⲉ ⲛ̅ⲧⲟϥ ⲛⲉⲣ ϫⲓ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲛ̅ ⲥⲉ ⲕⲟⲧ ⲟⲩ ⲛ̅ ⲥⲉ ⲡⲁⲣⲁⲃⲁ ⲁⲩⲱ ⲛ̅ ⲥⲉ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲙⲡ ⲟⲩ ⲙⲉⲧⲁⲛⲟⲓ̈̅ · ⲥⲉ ⲛⲁ ⲕⲗⲏⲣⲟⲛⲟⲙⲓ ⲛ̅ ⲧ ⲙ̅ⲛ̅ⲧ̅ ⲣ̅ⲣⲟ ϫⲛ̅ ⲙ̅ⲙⲟⲛ · ϫⲉ ⲁ ⲩ ϫⲓ ⲣⲱ ⲛ̅ ⲧ ⲇⲱⲣⲉⲁ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ · ϫⲉ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲣⲱⲙⲉ ⲛⲓⲙ' ⲉⲣ ϫⲓ ⲙⲩⲥⲧⲏⲣⲓⲟⲛ ϩⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉ ⲁ ϥ ⲡⲁⲣⲁⲃⲁ ⲙ̅ ⲡ ϣⲟⲣⲡ̅ ⲛ̅ ⲥⲟⲡ ⲙⲛ̅ ⲡ ⲙⲉϩ ⲥⲛⲁⲩ ⲙⲛ̅ ⲡ ⲙⲉϩ ϣⲟⲙⲛ̅ⲧ ⲁⲩⲱ ⲡⲁⲓ̈ ⲛ ϥ̅ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲙⲡ ϥ̅ ⲙⲉⲧⲁⲛⲟⲓ̈ · ⲧⲉϥ ⲕⲣⲓⲥⲓⲥ ⲟⲩⲟⲧⲃ̅ ⲛ̅ ϩⲟⲩⲟ ⲡⲁⲣⲁ ⲕⲣⲓⲥⲓⲥ ⲛⲓⲙ ·

ⲡⲉϥ ⲙⲁ ⲛ̅ ϣⲱⲡⲉ ⲅⲁⲣ ⲡⲉ ϩⲛ̅ ⲧ ⲙⲏⲧⲉ ⲛ̅ ⲧ̅ ⲧⲁⲡⲣⲟ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ⲁⲩⲱ ⲛ̅ ϩⲁⲉ ⲛ̅ ⲛⲁⲓ̈ ⲧⲏⲣ ⲟⲩ ϥ ⲛⲁ ⲣ̅ϩⲣⲟⲩⲟⲩϫ ϥ̅ ϩⲛ̅ ⲛ̅ ⲕⲟⲗⲁⲥⲓⲥ · ⲁⲩⲱ ⲛ ϥ̅ ⲁⲛ̅ ϩⲁⲗⲓⲥⲕⲉ ⲛ̅ ϣⲁ ⲉⲛⲉϩ · ϫⲉ ⲁ ϥ ϫⲓ ϩⲛ̅ ⲧ ⲇⲱⲣⲉⲁ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲙ̅ⲡ ϥ̅ ϭⲱ ⲛ̅ϩⲏⲧ ⲥ̅ ·

ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲣⲱⲙⲉ ⲛⲓⲙ' ⲉⲧ ⲛⲁ ϫⲓ ⲙⲩⲥⲧⲏⲣⲓⲟⲛ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲁ ⲩ ⲡⲁ ⲣⲁⲃⲁ ⲁ ⲩ ⲗⲟ ϩⲛ̅ ⲧⲉⲩ ⲡⲓⲥⲧⲓⲥ · ⲁⲩⲱ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲁⲓⲧⲓ ⲉ ⲩ ⲟⲛϩ̅ ⲁ ⲩ ⲕⲟⲧ ⲟⲩ ⲁ ⲩ ⲙⲉⲧⲁⲛⲟⲓ̈ ⲥⲉ ⲛⲁ ⲕⲱ ⲛⲁ ⲩ ⲉⲃⲟⲗ ⲛ̅ⲁ ⲟⲩⲏⲣ ⲛ̅ ⲥⲟⲡ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥ̅ⲱ̅ⲣ̅ ⲡⲉ ϫⲁ ϥ ⲙ̅ ⲙⲁⲣⲓⲁ · ϫⲉ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲣⲱⲙⲉ ⲛⲓⲙ' ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲟⲩ ⲙⲟⲛⲟⲛ ⲉϥϣⲁⲛ ⲡⲁⲣⲁⲃⲁ ⲛ̅ ⲟⲩⲥⲟⲡ' ⲁⲩⲱ ⲟⲛ ⲛ ϥ̅ ⲕⲟⲧ ϥ̅ ⲛ ϥ̅ ⲙⲉⲧⲁⲛⲟⲓ̈ⲥⲉⲛⲁ ⲕⲱ ⲛⲁ ϥ ⲉⲃⲟⲗ · ⲁⲗⲗⲁ ⲉϥϣⲁⲛ ⲡⲁⲣⲁⲃⲁ ⲛ̅ ⲟⲩ ⲟⲓ̈ϣ ⲛⲓⲙ · ⲁⲩⲱ ⲟⲛ ⲉⲧⲓ ⲉ ϥ ⲟⲛϩ̅ ⲛ ϥ̅ ⲕⲟⲧ ϥ̅ ⲛ ϥ̅ ⲙⲉⲧⲁⲛⲟⲓ̈ ⲡⲁⲓ̈ ⲉ ⲛ ϥ̅ ϣⲟⲟⲡ ⲁⲛ ϩⲛ̅ ⲟⲩ ϩⲩⲡⲟⲕⲣⲓⲥⲓⲥ · ⲁⲩⲱ ⲟⲛ ⲛ ϥ̅ ⲕⲟⲧ ϥ̅ ⲛ ϥ̅ ⲙⲉⲧⲁⲛⲟⲓ̈ · ⲁⲩⲱ ⲛ ϥ̅ ⲡⲣⲟⲥⲉⲩⲭⲉ ϩⲛ̅ ⲛⲉϥ ⲙⲩⲥⲧⲏ ⲣⲓⲟⲛ ⲛⲉϥ ⲙⲩⲥⲧⲏⲣⲓⲟⲛ · ⲥⲉ ⲛⲁ ⲕⲱ ⲛⲁ ϥ ⲉⲃⲟⲗ ⲛ̅ ⲟⲩ ⲟ ⲉⲓϣ ⲛⲓⲙ · ⲉⲃⲟⲗ ϫⲉ ⲁ ϥ ϫⲓ ⲉⲃⲟⲗ ϩⲛ̅ ⲧ ⲇⲱⲣⲉⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲁⲩⲱ ⲟⲛ ⲉⲃⲟⲗ ϫⲉ ϩⲉⲛ ⲛⲁ ⲏⲧ ⲛⲉ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲁⲩⲱ ϩⲉⲛ ⲣⲉϥ ⲕⲱ ⲉⲃⲟⲗ ⲛⲉ ⲛ̅ ⲟⲩ ⲟⲉⲓϣ ⲛⲓⲙ ·

ⲁ ⲥ ⲟⲩⲱϩⲙ̅ ⲟⲛ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ · ⲉⲓ̈ⲉ ⲛⲉⲣ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲟⲛ ⲁ ⲩ ⲕⲟⲧ ⲟⲩ ⲁ ⲩ ⲡⲁⲣⲁⲃⲁ ⲁ ⲩ ⲗⲟ ϩⲛ̅ ⲧⲉⲩ ⲡⲓⲥⲧⲓⲥ · ⲁⲩⲱ ⲟⲛ ⲁ ⲩ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲉ ⲙⲡ ⲟⲩ ⲙⲉⲧⲁⲛⲟⲓ̈ · ⲟⲩ ⲟⲛ ⲡ ⲉⲧ ⲛⲁ ϣⲱⲡⲉ ⲛ̅ ⲛⲁⲓ̈ ⲛ̅ ⲧⲉⲓ̈ ⲙⲓⲛⲉ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ · ϫⲉ ϩⲁⲙⲏⲛ ϩⲁ ⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ · ϫⲉ ⲣⲱⲙⲉ ⲛⲓⲙ' ⲉⲧ ⲛⲁ ϫⲓ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ϩⲉⲛ ⲙⲁ ⲕⲁⲣⲓⲟⲥ ⲛⲉ ⲙⲉⲛⲧⲟⲓⲅⲉ ⲛⲉ ⲯⲩⲭⲟⲟⲩⲉ ⲉⲧ ⲛⲁ ϫⲓ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲁⲗⲗⲁ ⲉⲩϣⲁⲛ ⲕⲟⲧ ⲟⲩ ⲛ̅ ⲥⲉ ⲡⲁⲣⲁⲃⲁ ⲁⲩⲱ ⲛ̅ ⲥⲉ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲙⲡ ⲟⲩ ⲙⲉ ⲧⲁⲛⲟⲓ̈ ·

ⲛ̅ ⲣⲱⲙⲉ ⲉⲧ ⲙ̅ⲙⲁⲩ ⲧⲉⲩ ⲕⲣⲓⲥⲓⲥ ϩⲟⲟⲩ ⲉ ϩⲟⲩ ⲉ ⲕⲣⲓⲥⲓⲥ ⲛⲓⲙ · ⲁⲩⲱ ⲟⲩ ⲛⲟϭ ⲧⲉ ⲉⲙⲁϣⲟ ⲉⲙⲁϣⲟ · ⲕⲁⲛ ⲉϣⲱⲡⲉ ⲛⲉ ⲯⲩⲭⲟⲟⲩⲉ ⲉⲧ ⲙ̅ⲙⲁⲩ ⲉ ϩⲉⲛ ⲃⲣ̅ⲣⲉ ⲛⲉ · ⲁⲩⲱ ⲉ ⲡⲉⲩ ϣⲟⲣⲡ̅ ⲛ̅ ⲥⲟⲡ ⲡⲉ ⲛ̅ ⲉⲓ̅ ⲉ ⲡⲉⲕⲟⲛ̇ⲟ̇ⲥ ⲙⲟⲥ ·

ⲛ̅ ⲥⲉ ⲛⲁ ⲕⲟⲧ ⲟⲩ ⲁⲛ ⲉ ⲙ̅ ⲙⲉⲧⲁⲃⲟⲗⲏ ⲙ̅ ⲡ ⲕⲟⲥ ⲙⲟⲥ ⲛ̅ⲧⲉ ⲛ̅ ⲥⲱⲙⲁ ϫⲓⲛ ⲡⲉⲓ̈ ⲛⲁⲩ ⲁⲩⲱ ⲙⲉ ⲩⲉϣⲣ̅ ⲗⲁⲁⲩ ⲛ̅ ϩⲱⲃ · ⲁⲗⲗⲁ ⲉ ϣⲁ ⲩ ⲛⲟϫ ⲟⲩ ⲉ ⲡ ⲥⲁ ⲛ̅ ⲃⲟⲗ · ⲉ ⲡ ⲕⲁⲕⲉ ⲉⲧ ϩⲓⲃⲟⲗ' ⲁⲩⲱ ⲛ̅ ⲥⲉ ⲁⲛ̅ ϩⲁⲗⲓⲥⲕⲉ ⲛ̅ ⲥⲉ ⲣ̅ ⲁⲧϣⲱⲡⲉ ϣⲁ ⲉⲛⲉϩ ·

ⲛⲁⲓ̈ ⲇⲉ ⲛⲧⲉⲣⲉ ϥ* ϫⲟⲟ ⲩ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ · ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁ ⲣⲓⲁ ⲡⲉϫⲁ ⲥ ϫⲉ ⲥⲉ ⲡⲁ ϫⲟⲉⲓⲥ ⲁ ⲓ̈ ϩⲁⲣⲡⲁⲍⲉ ⲛ̅ ⲛ̅ ϣⲁ ϫⲉ ⲛ̅ⲧ ⲁ ⲕ ϫⲟⲟⲩ ·

ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲡⲁⲓ̈ ⲡⲉ ⲡ ϣⲁϫⲉ ⲛ̅ⲧ ⲁ ⲕ ϫⲟⲟ ϥ ϫⲉ ⲛ ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ϩⲉⲛ ⲙⲁⲕⲁⲣⲓⲟⲥ ⲙⲉⲛ ⲧⲟⲓⲅⲉ ⲛⲉ ⲛⲉ ⲯⲩⲭⲟⲟⲩⲉ ⲉⲧ ⲙ̅ⲙⲁⲩ ·

ⲁⲗⲗⲁ ⲉⲩϣⲁⲛ ⲕⲟⲧ ⲟⲩ ⲛ̅ ⲥⲉ ⲡⲁⲣⲁⲃⲁ ⲛ̅ ⲥⲉ ⲗⲟ ⲛ̅ ⲧⲉⲩ ⲡⲓⲥⲧⲓⲥ · ⲁⲩⲱ ⲛ̅ ⲥⲉ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲙⲡ ⲟⲩ ⲙⲉⲧⲁⲛⲟⲓ̈ · ⲙⲉ ⲩ ⲣ̅ ϣⲁⲩ ϭⲉ ϫⲓⲛ ⲡⲉⲓ̈ ⲛⲁⲩ ⲉ ⲕⲟⲧ ⲟⲩ ⲉ ⲙ̅ ⲙⲉⲧⲁⲃⲟⲗⲏ ⲙ̅ ⲡ ⲥⲱⲙⲁ · ⲟⲩⲇⲉ ⲗⲁⲁⲩ ⲛ̅ ϩⲱⲃ · ⲁⲗⲗⲁ ϣⲁ ⲩ ⲛⲟϫ ⲟⲩ ⲉ ⲡ ⲥⲁ ⲃ̅ⲃⲟⲗ' ⲉ ⲡ ⲕⲁⲕⲉ ⲉⲧ ϩⲓⲃⲟⲗ · ⲥⲉ ⲛⲁ ⲁⲛ ϩⲁⲗⲓⲥⲕⲉ ⲙ̅ⲙⲟ ⲟⲩ ϩⲙ̅ ⲡ ⲙⲁ ⲉⲧ ⲙ̅ⲙⲁⲩ · ⲁⲩⲱ ⲥⲉ ⲛⲁ ⲣ̅ⲁⲧϣⲱⲡⲉ ϣⲁ ⲉⲛⲉϩ · ⲉⲧⲃⲉ ⲡ ϣⲁϫⲉ ⲛ̅ⲧ ⲁ ⲕ ϫⲟⲟ ϥ ⲉⲣⲟ ⲛ ⲙ̅ ⲡⲓ ⲟⲩⲟⲉⲓϣ ⲉ ⲕ ϫⲱ ⲙ̅ⲙⲟ ⲥ · ϫⲉ ⲛⲁⲛⲟⲩ ⲡⲉ ϩⲙⲟⲩ ·

ⲉⲣ ϣⲁⲛ ⲡⲉ ϩⲙⲟⲩ ⲃⲁⲁⲃⲉ ⲉ ⲩ ⲛⲁ ⲙⲟⲗϩ ϥ̅ ϩⲛ̅ ⲟⲩ ⲙⲉ ϥ ⲣ̅ ϣⲁⲩ ⲉ ⲧ ⲕⲟⲡⲣⲓⲁ · ⲟⲩⲇⲉ ⲉ ⲡ ⲕⲁϩ · ⲁⲗⲗⲁ ⲉ ϣⲁ ⲩ ⲛⲟϫ ϥ̅ ⲉⲃⲟⲗ · ⲉⲧⲉ ⲡⲁⲓ̈ ⲡⲉ ϫⲉ ⲟⲩ ⲙⲁⲕⲁⲣⲓⲟⲥ ⲡⲉ ⲯⲩⲭⲏ ⲛⲓⲙ' ⲉⲧ ⲛⲁ ϫⲓ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉ ⲣⲟ ϥ · ⲁⲗⲗⲁ ⲉⲩϣⲁⲛ ⲡⲁⲣⲁⲃⲁ ⲛ̅ ⲟⲩ ⲥⲟⲡ'ⲙⲉⲩⲣ̅ϣⲁⲩ ⲛ̅ⲕⲟⲧ ⲟⲩ ⲉ ⲡ ⲥⲱⲙⲁ ϫⲓⲛ ⲡⲉⲓ̈ ⲛⲁⲩ · ⲟⲩⲇⲉ ⲉ ⲗⲁⲁⲩ ⲛ̅ ϩⲱⲃ · ⲁⲗⲗⲁ ⲉ ϣⲁ ⲩ ⲛⲟϫ ⲟⲩ ⲉ ⲡ ⲕⲁⲕⲉ ⲉⲧ ϩⲓⲃⲟⲗ ' ⲛ̅ⲥⲉ ⲁⲛ ϩⲁⲗⲓⲥⲕⲉ ⲙ̅ⲙⲟ ⲟⲩ · ⲙ̅ ⲡ ⲙⲁ ⲉⲧ ⲙ̅ⲙⲁⲩ ·

ⲛⲁⲓ̈ ⲇⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ · ⲡⲉϫⲁ ϥ ϫⲉ ⲉⲩⲅⲉ ⲧⲉ ⲡ ⲛ̅ⲓ̅ⲕ̅ⲏ̅ ⲛ̅ ϩⲓⲗⲓⲕⲣⲓⲛⲉⲥ ⲙⲁⲣⲓⲁ · ⲡⲁⲓ̈ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϣⲁϫⲉ ·

ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉ ϫⲁ ⲥ ϫⲉ ⲡⲁ ϫⲟⲓ̈ⲥ · ⲉⲓ̈ⲉ ⲣⲱⲙⲉ ⲛⲓⲙ' ⲛ̅ⲧ ⲁ ⲩ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲙⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲛⲁⲓ̈ ⲉⲧⲉ ⲙ̅ⲡ ⲟⲩ ⲡⲁⲣⲁⲃⲁ · ⲁⲗⲗⲁ ⲉⲣⲉ ⲧⲉⲩ ⲡⲓⲥⲧⲓⲥ ϩⲛ̅ ⲙ̅ ⲙⲩⲥⲧⲏⲣⲓⲟⲛ ϩⲛ̅ ⲟⲩ ⲥⲟⲟⲩⲧⲛ̅ ⲁϫⲛ̅ ϩⲩⲡⲟⲕⲣⲓⲥⲓⲥ ·

ⲛⲁⲓ̈ ϭⲉ ⲉⲃⲟⲗ ϩⲓⲧⲛ̅ ⲧ ⲁⲛⲁⲅⲕⲏ ⲛ̅ ⲑ ⲓⲙⲁⲣⲙⲉⲛⲏ · ⲁⲩⲱ ⲟⲛ ⲁ ⲩ ⲣ̅ ⲛ̅ⲟ ⲃⲉ · ⲁⲩⲱ ⲟⲛ ⲁ ⲩ ⲕⲟⲧ ⲟⲩ ⲁ ⲩ ⲙⲉⲧⲁⲛⲟⲓ̈ · ⲁⲩⲱ ⲟⲛ ⲁ ⲩ ⲡⲣⲟⲥⲉⲩⲭⲉ ϩⲛ̅ ⲛⲉⲩ ⲙⲩⲥⲧⲏⲣⲓⲟⲛ ⲛⲉⲩ ⲙⲩⲥⲧⲏⲣⲓⲟⲛ · ⲥⲉ ⲛⲁ ⲕⲱ ⲛⲁ ⲩ ⲉⲃⲟⲗ'ⲛ̅ⲁ ⲟⲩⲏⲣ ⲛ̅ ⲥⲟⲡ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϩⲛ̅ ⲧ ⲙⲏⲧⲉ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲣⲱⲙⲉ ⲛⲓⲙ' ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲟⲛ ⲙⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲛⲁⲓ̈ ϩⲓⲧⲛ̅ ⲧ ⲁⲛⲁⲅⲕⲏ ⲛ̅ ⲑ ⲓⲙⲁⲣⲙⲉⲛⲏ ⲥⲉ ⲣ̅ ⲛⲟⲃⲉ ⲛ̅ ⲥⲟⲡ ⲛⲓⲙ · ⲁⲩⲱ ⲉⲧⲓ ⲉ ⲩ ⲟⲛϩ̅ ⲛ̅ ⲥⲉ ⲕⲟⲧ ⲟⲩ ⲛ̅ ⲥⲉ ⲙⲉⲧⲁⲛⲟⲓ̈ ·

ⲁⲩⲱ ⲟⲛ ⲛ̅ ⲥⲉ ϭⲱ ϩⲛ̅ ⲛⲉⲩ ⲙⲩⲥⲧⲏⲣⲓⲟⲛ ⲛⲉⲩ ⲙⲩⲥⲧⲏⲣⲓⲟⲛ · ⲥⲉ ⲛⲁ ⲕⲱ ⲛⲁ ⲩ ⲉⲃⲟⲗ ⲛ̅ ⲟⲩ ⲟⲉⲓϣ ⲛⲓⲙ · ϫⲉ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ϩⲉⲛ ⲛⲁⲏⲧ' ⲛⲉ · ϩⲉⲛ ⲣⲉϥ ⲕⲱ ⲉⲃⲟⲗ' ⲛⲉ ⲛ̅ ⲟⲩ ⲟⲉⲓϣ ⲛⲓⲙ · ⲉⲧⲃⲉ ⲡⲁⲓ̈ ⲟⲩⲛ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ · ϫⲉ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲟⲩ ⲙⲟⲛⲟⲛ ϫⲉ ⲥⲉ ⲛⲁ ⲕⲱ ⲛⲁ ⲩ ⲉⲃⲟⲗ ⲛ̅ ⲛⲉⲩ ⲛⲟⲃⲉ ⲛ̅ⲧ ⲁ ⲩ ⲁⲁ ⲩ ϫⲓⲛ ⲛ̅ ϣⲟⲣⲡ̅ · ⲁⲩⲱ ⲙⲉ ⲩ ⲟⲡ ⲟⲩ ⲉⲣⲟ ϥ ϫⲓⲛ ⲡⲉⲓ̈ ⲛⲁⲩ ·

ⲛ ⲉⲛⲧ ⲁ ⲓ̈ ϫⲟ ⲟⲩ ⲉⲣⲱ ⲧⲛ̅ ϫⲉ ϣⲁ ⲩ ϫⲓ ⲙⲉⲧⲁⲛⲟⲓⲁ ⲛ̅ ⲟⲩ ⲟⲓ̈ϣ ⲛⲓⲙ · ⲁⲩⲱ ⲥⲉ ⲛⲁ ⲕⲱ ⲉⲃⲟⲗ ⲟⲛ ⲛ̅ ⲛ̅ ⲛⲟⲃⲉ ⲉ ϣⲁ ⲩ ⲁⲁ ⲩ ⲛ̅ ⲟⲩⲱϩⲙ̅ · ⲉϣⲱⲡⲉ ⲛ̅ⲧⲟϥ ⲛⲉⲣ ϫⲓ ⲙⲩⲥⲧⲏⲣⲓⲟⲛ ϩⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲙⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡⲓ ϣⲟⲣⲡ ⲙ̅ ⲙⲩⲥⲧⲏⲣⲓⲟⲛ : ⲁⲩⲱ ⲛ̅ ⲥⲉ ⲕⲟ ⲧ ⲟⲩ ⲛ̅ ⲥⲉ ⲣ ⲛⲟⲃⲉ · ⲁⲩⲱ ⲛ̅ ⲥⲉ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲙ ⲡ ⲟⲩ ⲙⲉⲧⲁⲛⲟⲓ̈ · ⲉ ⲩ ⲛⲁ ϣⲱⲡⲉ ϩⲱ ⲟⲩ ⲟⲛ ⲛ̅ ⲑ ⲉ ⲛ̅ ⲛⲏ ⲉⲛⲧ ⲁ ⲩ ⲡⲁⲣⲁⲃⲁ ⲙ̅ⲡ ⲟⲩ ⲙⲉⲧⲁⲛⲟⲓ̈ ·

ⲡⲉⲩ ⲙⲁ ⲛ̅ ϣⲱⲡⲉ ϩⲱ ⲟⲩ ⲟⲛ ⲡⲉ ⲧ ⲙⲏⲧⲉ ⲛ̅ ⲧ̅ ⲧⲁⲡⲣⲟ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ⲁⲩⲱ ⲥⲉ ⲛⲁ ⲁⲛ ϩⲁⲗⲓⲥⲕⲉ ⲙ̅ⲙⲟ ⲟⲩ ⲛ̅ ⲥⲉ ⲣ̅ⲁⲧϣⲱⲡⲉ ϣⲁ ⲉⲛⲉϩ ·

ⲉⲧⲃⲉ ⲡⲁⲓ̈ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲣⲱⲙⲉ ⲛⲓⲙ' ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ · ⲉ ⲛⲉ ⲩ ⲥⲟⲟⲩⲛ ⲙ̅ ⲡⲉ ⲟⲩⲟⲉⲓϣ ⲉⲧ ⲟⲩ ⲛⲏⲩ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ϩⲏⲧ ϥ̅ · ⲛⲉ ⲩ ⲛⲁ ⲣ̅ ϩⲙ̅ ⲙⲉ ⲙ̅ⲙⲟ ⲟⲩ ⲡⲉ ⲛ̅ ⲥⲉ ⲧⲙ̅ ⲣ̅ ⲛⲟⲃⲉ · ϫⲉ ⲉⲩⲉ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩ ⲟⲉⲓⲛ ϣⲁ ⲉⲛⲉϩ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ ⲉ ⲛⲉϥ ⲙⲁⲑⲏⲧⲏⲥ ⲡⲉϫⲁ ϥ ⲛⲁ ⲩ · ϫⲉ ⲧⲉⲧⲛ̅ ⲛⲟⲓ̈ ϭⲉ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ · ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁ ⲣⲓⲁ ⲡⲉϫⲁ ⲥ ϫⲉ ⲥⲉ ⲡⲁ ϫⲟⲉⲓⲥ · ϩⲛ̅ ⲟⲩ ⲁⲕⲣⲓⲃⲓⲁ ⲁ ⲓ̈ ⲁⲕⲣⲓⲃⲁⲥⲉ ⲛ̅ⲥⲁ ϣⲁϫⲉ ⲛⲓⲙ ⲉⲧ ⲕ̅ ϫⲱ ⲙ̅ⲙⲟ ⲟⲩ ·

ⲉⲧⲃⲉ ⲡⲉⲓ̈ ϣⲁϫⲉ ⲟⲩⲛ ⲛ̅ⲧ ⲁ ⲕ ϫⲟⲟ ϥ ⲉⲣⲟ ⲛ ⲙ̅ ⲡⲓ ⲟⲩⲟⲉⲓϣ ϫⲉ ⲉ ⲛⲉϥ ⲥⲟⲟⲩⲛ ⲛ̅ϭⲓ ⲡ ϫⲟⲉⲓⲥ ⲙ̅ ⲡ ⲏⲓ̈ ϫⲉ ⲉⲣⲉ ⲡ ⲣⲉϥ ϫⲓⲟⲩⲉ ⲛⲏⲩ ⲛ̅ ⲁϣ ⲛ̅ ⲛⲁⲩ ϩⲛ̅ ⲧⲉ ⲩϣⲏ ⲉ ϭⲱⲧϩ̅ ⲉ ⲡ ⲏⲓ̈ · ⲛⲉ ϥ ⲛⲁ ⲣⲟⲉⲓⲥ ⲟⲛ ⲡ ⲉⲛ ϥ̅ ⲧⲙ̅ ⲕⲁ ⲣⲱⲙⲉ ⲉϭⲱϩⲧ̅ ⲉ ⲡⲉϥ ⲏⲓ̈ ·

ⲛⲁⲓ̈ ϭⲉ ⲛ̅ⲧⲉⲣⲉ ⲥ ϫⲟⲟⲩ ⲛ̅ϭⲓ ⲙⲁⲣⲓⲁ · ⲡⲉ ϫⲁ ϥ ⲛ̅ϭⲓ ⲡ ⲥⲱⲧⲏⲣ · ϫⲉ ⲉⲩⲅⲉ ⲧⲉ ⲡ ⲛ̅ⲓ̅ⲕ̅ⲏ̅ ⲙⲁⲣⲓⲁ ⲡⲁⲓ̈ ⲡⲉ ⲡ ϣⲁϫⲉ · ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡ ⲥ̅ⲱ̅ⲣ̅ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲧⲉⲛⲟⲩ ϭⲉ ⲕⲏⲣⲩⲥⲥⲉ ⲛ̅ ⲣⲱⲙⲉ ⲛⲓⲙ ⲉⲧ ⲛⲁ ϫⲓ ⲙⲩⲥⲧⲏⲣⲓⲟⲛ ϩⲙ̅ ⲡ ⲟⲩⲟⲓ̈ⲛ ·

ⲁϫⲓ ⲥ ⲛⲁ ⲩ ⲉ ⲧⲉⲧⲛ̅ ϫⲱ ⲙ̅ⲙⲟ ⲥ ϫⲉ ϩⲣ̅ⲧⲏⲛⲟⲩ ⲉⲣⲱ ⲧⲛ̅ ⲙ̅ⲡⲣ̅ ⲣ̅ ⲛⲟⲃⲉ · ⲙⲏⲡⲟⲧⲉ ⲛ̅ ⲧⲉⲧⲛ̅ ⲛⲟⲩϫⲉ ⲛ̅ ⲟⲩ ϩⲟⲟⲩ ⲛ̅ⲥⲁ ⲟⲩ ϩⲟⲟⲩ · ⲁⲩⲱ ⲛ̅ ⲧⲉⲧⲛ̅ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲉ ⲙⲡⲉ ⲧⲛ̅ ⲙⲉⲧⲁⲛⲟⲓ̈ ·

ⲛ̅ⲧⲉⲧⲛ̅ ⲣ̅ⲁⲗⲗⲟⲧⲣⲓⲟⲥ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ϣⲁ ⲉⲛⲉϩ ·

ⲛⲁⲓ̈ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥ̅ⲱ̅ⲣ̅ · ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ·

ⲛⲁϣⲉ ⲧ ⲙⲛ̅ⲧ ⲛⲁ ⲏⲧ ⲛ̅ ⲛⲉⲓ̈ ⲙⲩⲥⲧⲏⲣⲓⲟⲛ ⲉ ⲧ ⲕⲁ ⲛⲟⲃⲉ ⲉⲃⲟⲗ ⲛ̅ ⲟⲩ ⲟⲉⲓϣ ⲛⲓⲙ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥ̅ⲱ̅ⲣ̅ ⲡⲉϫⲁ ϥ ⲙ̅ ⲙⲁⲣⲓⲁ ϩⲛ̅ ⲧ ⲙⲏⲧⲉ ⲛ̅ ⲙ̅ ⲙⲁⲑⲏⲧⲏⲥ · ϫⲉ ⲉϣϫⲉ ⲟⲩ ⲣ̅ⲣⲟ ⲙ̅ ⲡ ⲟⲟⲩ ⲉ ⲩ ⲣⲱⲙⲉ ⲡⲉ ⲛ̅ⲧⲉ ⲡ ⲕⲟⲥⲙⲟⲥ · ϥ ϯ ⲛ̅ ⲟⲩ ⲇⲱⲣⲉⲁ ⲛ̅ ⲣ̅ ⲣⲱⲙⲉ ⲛ̅ ⲧⲉϥ ϩⲉ · ⲁⲩⲱ ⲛ ϥ̅ ⲕⲱ ⲉⲃⲟⲗ' ⲟⲛ ⲛ̅ ⲛ̅ ⲫⲟⲛⲉⲩⲥ ⲙⲛ̅ ⲛ̅ ⲣⲉϥ ⲛ̅ⲕⲟⲧⲕ̅ ⲙⲛ̅ ϩⲟⲟⲩⲧ' ⲙⲛ̅ ⲡ ⲕⲉ ⲥⲉⲉⲡⲉ ⲛ̅ ⲛⲟⲃⲉ ⲉⲧ ϩⲟⲣϣ̅ ⲉⲙⲁϣⲟ ⲛⲁⲓ̈ ⲉ ⲩ ⲙ̅ⲡϣⲁ ⲙ̅ ⲡ ⲙⲟⲩ ·

ⲉ ϣϣⲉ ⲇⲉ ⲉⲣⲟ ϥ ⲉ ⲩ ⲣⲱⲙⲉ ⲡⲉ ⲛ̅ⲧⲉ ⲡ ⲕⲟⲥ ⲙⲟⲥ ⲉ ⲁ ϥ ⲉⲓⲣⲉ ⲙ̅ ⲡⲁⲓ̈ · ⲙⲁⲗⲓⲥⲧⲁ ϭⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲙⲛ̅ ⲡⲓ ϣⲟⲣⲡ ⲙ̅ ⲙⲩⲥⲧⲏⲣⲓⲟⲛ · ⲛⲁⲓ̈ ⲉⲧ ⲟ ⲛ̅ ϫⲟⲓ̈ⲥ ⲉϩⲣⲁⲓ̈ ⲉϫⲙ̅ ⲡ ⲧⲏⲣ ϥ̅ · ⲉ ⲩⲛ̅ⲧⲁ ⲩ ⲙ̅ⲙⲁⲩ ⲛ̅ ⲧ ⲉⲝ ⲟⲩⲥⲓⲁ ϩⲛ̅ ϩⲱⲃ ⲛⲓⲙ' ⲉⲣ̅ ⲡⲉⲧⲉ ϩⲛⲁⲩ · ⲉ ⲧⲣⲉ ⲩ ⲕⲱ ⲉⲃⲟⲗ' ⲛ̅ ⲟⲩⲟⲛ ⲛⲓⲙ ⲉⲣ ϫⲓ ⲙⲩⲥⲧⲏⲣⲓⲟⲛ · ⲏ̅ ⲙ̅ⲙⲟⲛ ⲛ̅ⲧⲟϥ ⲉϣⲱⲡⲉ ⲟⲩ ⲣ̅ⲣⲟ ⲙ̅ ⲡ ⲟⲟⲩ ⲛ ϥ̅ ϯ ⲛ̅ ⲟⲩ ⲉⲛⲇⲩ ⲙⲁ ⲛ̅ ⲣ̅ⲣⲟ ϩⲓ ⲟⲩ ⲙⲁⲧⲟⲓ̈ ⲛ ϥ̅ ϫⲟⲟⲩ ϥ ⲉ ϩⲉⲛ ⲕⲉ ⲧⲟ ⲡⲟⲥ ⲛ ϥ̅ ⲉⲓⲣⲉ ⲛ̅ ϩⲉⲛ ϩⲱⲧⲃ̅ · ⲙⲛ̅ ϩⲉⲛ ⲛⲟⲃⲉ ⲉ ⲩ ϩⲟⲣϣ̅ ⲉ ⲩ ⲙ̅ⲡϣⲁ ⲙ̅ ⲡ ⲙⲟⲩ ⲁⲩⲱ ⲙⲉ ⲩ ⲟⲡ ⲟⲩ ⲉⲣⲟ ϥ ·

ⲁⲩⲱ ⲙⲉ ⲩⲉϣⲣ̅ⲗⲁⲁⲩ ⲙ̅ ⲡ ⲉⲑ ⲟⲟⲩ ⲛⲁ ϥ · ϫⲉ ⲡ ⲉⲛⲇⲩⲙⲁ ⲙ̅ ⲡ ⲣ̅ⲣⲟ ⲧⲟ ϩⲓⲱⲱ ϥ · ⲙⲁⲗⲓⲥⲧⲁ ϭⲉ ⲛ ⲉⲧ ⲫⲟⲣⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲛ ⲉⲛⲇⲩⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲙⲛ̅ ⲛⲁ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲛⲁⲓ̈ ⲉⲧ ⲟ ⲛ̅ ϫⲟⲉⲓⲥ ⲉ ⲛⲁ ⲡ ϫⲓⲥⲉ ⲧⲏⲣ ⲟⲩ · ⲙⲛ̅ ⲛⲁ ⲡ ⲃⲁⲑⲟⲥ ⲧⲏⲣ ⲟⲩ ·

ⲙⲛ̅ⲛ̅ ⲥⲁ ⲛⲁⲓ̈ ⲁ ⲓ̅ ⲥ̅ ⲛⲁ ⲩ ⲉ ⲩ ⲥϩⲓⲙⲉ ⲉ ⲁ ⲥ ⲉⲓ̅ ⲉ ⲙⲉⲧⲁⲛⲟⲓ̈ · ⲁ ϥ ⲃⲁⲡⲧⲓⲍⲉ ⲙ̅ⲙⲟ ⲥ ⲛ̅ ϣⲟⲙⲛ̅ⲧ ⲛ̅ ⲥⲟⲡ ⲁⲩⲱ ⲛⲉ ⲙ̅ⲡ ⲥ̅ ⲉⲓⲣⲉ ⲙ̅ ⲡⲉ ⲙⲡϣⲁ ⲛ̅ ⲛ̅ ⲃⲁⲡⲧⲓⲥⲙⲁ · ⲁⲩⲱ ⲁ ⲡ ⲥⲱⲧⲏⲣ ⲟⲩⲱϣ ⲉ ⲡⲓⲣⲁⲍⲉ ⲙ̅ ⲡⲉⲧⲣⲟⲥ ⲉ ⲛⲁⲩ ϫⲉ ⲉⲛⲉ ⲁ ϥ ϣⲱⲡⲉ ⲛ̅ ⲛⲁ ⲏⲧ · ⲁⲩⲱ ⲛ̅ ⲣⲉϥ ⲕⲱ ⲉⲃⲟⲗ ⲕⲁⲧⲁ ⲑ ⲉ ⲉⲛⲧ ⲁ ϥ ϩⲱⲛ ⲉⲧⲟⲟⲧ ⲟⲩ ⲙ̅ⲙⲟ ⲥ ·

ⲡⲉϫⲁ ϥ ⲉϩⲟⲩⲛ ⲉ ϩⲙ̅ ⲡⲉⲧⲣⲟⲥ ϫⲉ ⲉⲓⲥ ϣⲟⲙⲛ̅ⲧ ⲛ̅ⲥⲟⲡ' ⲁ ⲓ̈ ⲃⲁⲡⲧⲓⲍⲉ ⲛ̅ ⲧⲉⲓ̈ ⲯⲩⲭⲏ · ⲁⲩⲱ ϩⲙ̅ ⲡⲉⲓ̈ ϣⲟⲙⲛ̅ⲧ ⲛ̅ⲥⲟⲡ'

ⲙ̅ⲡ ⲥ̅ ⲉⲓⲣⲉ ⲙ̅ ⲡⲉ ⲙⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ · ⲉⲧⲃⲉ ⲟⲩ ϭⲉ ⲥ ⲟⲩⲱⲥϥ̅ ⲙ̅ ⲡ‐ⲕⲉ‐ⲥⲱⲙⲁ · ⲧⲉⲛⲟⲩ ϭⲉ ⲟⲩⲛ ⲡⲉ ⲧⲣⲟⲥ ⲁⲣⲓⲣⲉ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲡⲁⲓ̈ ⲉ ϣⲁ ϥ ϣⲱⲱⲧ' ⲉⲃⲟⲗ ⲛ̅ ⲛⲉ ⲯⲩⲭⲏ ϩⲛ̅ ⲛⲉ ⲕⲗⲏⲣⲟⲛⲟ ⲙⲓⲁ ⲙ̅ ⲡ ⲟⲩⲟⲉⲓⲛ ·

ⲁⲣⲓⲣⲉ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ ϥ̅ ϣⲱⲱⲧ' ⲉⲃⲟⲗ ⲛ̅ ⲧⲉ ⲯⲩⲭⲏ ⲛ̅ ⲧⲉⲓ̈ ⲥϩⲓⲙⲉ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ ⲁ ϥ ⲡⲓⲣⲁⲍⲉ ⲉ ⲛⲁⲩ ϫⲉ ⲉⲛⲉ ⲁ ϥ ϣⲱⲡⲉ ⲛ̅ ⲛⲁⲏⲧ' ⲛ̅ ⲣⲉϥ ⲕⲱ ⲉⲃⲟⲗ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ϭⲓ ⲡⲉⲧⲣⲟⲥ ϫⲉ ⲡⲁ ϫⲟⲉⲓⲥ ⲕⲁⲁ ⲥ ⲙ̅ ⲡⲉⲓ̈ ⲕⲉ ⲥⲟⲡ · ⲛ̅ ⲧⲛ̅ ϯ ⲛⲁ ⲥ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϫⲟⲥⲉ · ⲁⲩⲱ ⲉⲥϣⲁⲛ ⲣ̅ϣⲁⲩⲁⲕⲕⲁⲁ ⲥ ⲁ ⲥ ⲕⲗⲏⲣⲟ ⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲉϣⲱⲡⲉ ⲇⲉ ⲉⲥϣⲁⲛ ⲧⲙ̅ ⲣ̅ϣⲁⲩⲁⲕϣⲁⲁⲧ ⲥ̅ ⲉⲃⲟⲗ' ϩⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩ ⲟⲉⲓⲛ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡⲉⲧⲣⲟⲥ ⲁ ϥ ⲉⲓⲙⲉ ⲛ̅ϭⲓ ⲡ ⲥⲱⲧⲏⲣ ϫⲉ ⲁ ⲡⲉⲧⲣⲟⲥ ϣⲱⲡⲉ ⲛ̅ ⲛⲁ ⲏⲧ ⲛ̅ ⲧⲉϥ ϩⲉ ⲁⲩⲱ ⲛ̅ ⲣⲉϥ ⲕⲱ ⲉⲃⲟⲗ · ⲛⲁⲓ̈ ϭⲉ ⲧⲏⲣ ⲟⲩ ⲛ̅ⲧⲉ ⲣ ⲟⲩ ϣⲱⲡⲉ ⲡⲉϫⲁ ϥ ⲛ̅ϭⲓ ⲡ ⲥⲱⲧⲏⲣ ⲛ̅ ⲛⲉϥ ⲙⲁⲑⲏⲧⲏⲥ · ϫⲉ ⲁ ⲧⲉⲧⲛ̅ ⲛⲟⲓ̈ ⲛ̅ ⲛⲉⲓ̈ ϣⲁϫⲉ ⲧⲏⲣ ⲟⲩ ⲙⲛ̅ ⲡ ⲧⲩⲡⲟⲥ ⲛ̅ ⲧⲉⲓ̈ ⲥϩⲓⲙⲉ ·

ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲁ ⲓ̈ ⲛⲟⲓ̈ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲛ̅ ϣⲁϫⲉ ⲛ̅ⲧ ⲁ ⲩ ϣⲱⲡⲉ ⲛ̅ ⲧⲉⲓ̈ ⲥϩⲓⲙⲉ · ⲉⲧⲃⲉ ⲛ̅ ϣⲁϫⲉ ⲟⲩⲛ ⲛ̅ⲧ ⲁ ⲩ ϣⲱⲡⲉ ⲙ̅ⲙⲟ ⲥ · ⲛ̅ⲧ ⲁ ⲕ ϫⲟⲟ ⲥ ⲉⲣⲟ ⲛ ⲙ̅ ⲡⲓ ⲟⲩⲟⲉⲓϣ ϩⲛ̅ ⲟⲩ ⲡⲁⲣⲁⲃⲟⲗⲏ ⲉ ⲕ ϫⲱ ⲙ̅ⲙⲟ ⲥ · ϫⲉ ⲛⲉ ⲟⲩⲛⲧⲉ ⲟⲩ ⲣⲱⲙⲉ ⲟⲩ ⲃⲱ ⲛ̅ ⲕⲛ̅ⲧⲉ ϩⲙ̅ ⲡⲉϥ ⲙⲁ ⲛ ⲉⲗⲟⲟⲗⲉ ⲁ ϥ ⲉⲓ̅ ⲇⲉ ⲉ ϥ ϣⲓⲛⲉ ⲛ̅ⲥⲁ ⲡⲉϥ ⲕⲁⲣⲡⲟⲥ ⲁⲩⲱ ⲙ̅ⲡ ϥ̅ ϩⲉ ⲉ ⲟⲩⲟⲛ ϩⲓⲱⲱ ⲥ ·

ⲡⲉϫⲁ ϥ ⲛ̅ⲛⲁϩⲣⲙ̅ ⲡⲉ ϭⲙⲉ ϫⲉ ⲉⲓⲥ ϣⲟⲙⲧⲉ ⲛ̅ ⲣⲟⲙⲡⲉ ϯ ⲛⲏⲩ ϯ ϣⲓⲛⲉ ⲛ̅ⲥⲁ ⲕⲁⲣⲡⲟⲥ ϩⲛ̅ ⲧⲉⲓ̈ ⲃⲱ ⲛ̅ ⲕⲛ̅ⲧⲉ · ⲁⲩⲱ ⲛ̅ ϯ ϩⲏⲩ ⲁⲛ ⲉ ⲟⲩⲟⲛ ⲛ̅ϩⲏⲧ ⲥ̅ · ϣⲁⲁⲧ ⲥ̅ ϭⲉ ⲉⲧⲃⲉ ⲟⲩ ⲥ ⲟⲩⲱⲥϥ̅ ⲙ̅ ⲡ‐ⲕⲉ‐ⲕⲁϩ ·

ⲛ̅ⲧⲟϥ ⲇⲉ ⲁ ϥ ⲟⲩ ⲱϣⲃ̅ ⲡⲉϫⲁ ϥ ⲛⲁ ϥ ϫⲉ ⲡⲁ ϫⲟⲉⲓⲥ ⲁ ⲗⲟ ⲕ ϩⲁⲣⲟ ⲥ ⲛ̅ ⲧⲉⲓ̈ ⲕⲉ ⲣⲟⲙⲡⲉ ϣⲁ ⲛϯϭⲣⲏ ⲙ̅ ⲡⲉⲥ ⲕⲱⲧⲉ ⲧⲁ ϯ ⲙⲉϩⲣⲟ ⲛⲁ ⲥ ·

ⲉϣⲱⲡⲉ ⲇⲉ ⲉⲥϣⲁⲛ ⲧⲁⲩⲟ ⲉⲃⲟⲗ ⲛ̅ ⲕⲉ ⲣⲟⲙⲡⲉ ⲁ ⲕ ⲕⲁⲁ ⲥ · ⲉϣⲱⲡⲉ ⲇⲉ ⲉ ⲕ ⲧⲙ̅ ϩⲉ ⲉ ⲟⲩⲟⲛ ⲁ ⲕ ϣⲁⲁⲧ ⲥ̅ ·

ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡ ⲥⲱⲧⲏⲣ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲟⲩ ⲣⲱⲙⲉ ⲉ ⲁ ϥ ϫⲓ ⲙ ⲩⲥⲧⲏⲣⲓⲟⲛ · ⲁⲩⲱ ⲙ̅ⲡ ϥ̅ ⲉⲓⲣⲉ ⲙ̅ ⲡⲉ ⲙⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ · ⲁⲗⲗⲁ ⲁ ϥ ⲕⲟⲧ ϥ̅ ⲁ ϥ ⲣ̅ ⲛⲟⲃⲉ ·

ⲙⲛ̅ⲛ̅ⲥⲁ ⲛⲁⲓ̈ ⲟⲛ ⲁ ϥ ⲙⲉⲧⲁⲛⲟⲓ̈ ⲁⲩⲱ ⲁ ϥ ϣⲱⲡⲉ ϩⲛ̅ ⲟⲩ ⲛⲟϭ ⲙ̅ ⲙⲉⲧⲁⲛⲟⲓⲁ · ⲉⲝⲉⲥⲧⲓ ⲟⲛ ⲛⲁ ⲥⲛⲏⲩ ⲉ ⲟⲩⲁϩⲙⲉ ϥ ⲉ ⲡ ⲙⲩⲥⲧⲏⲣⲓⲟⲛ ⲛ̅ⲧ ⲁ ϥ ϫⲓⲧ ϥ̅ · ⲏ̅ ⲙ̅ⲙⲟⲛ ⲛ̅ⲧⲟϥ ⲉ ϯ ⲛⲁ ϥ ⲛ̅ ⲟⲩ ⲙⲩⲥⲧⲏⲣⲓⲟⲛ ϩⲛ̅ ⲙ̅ ⲙⲩⲥⲧⲏ ⲣⲓⲟⲛ ⲉⲧ ⲡⲉϥ ⲉⲥⲏⲧ · ⲉⲝⲉⲥⲧⲓ ⲟⲩⲛ ϫⲛ̅ ⲙ̅ⲙⲟⲛ ·

ⲁ ϥ ⲟⲩ ⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲟⲩⲇⲉ ⲡ ⲙⲩⲥⲧⲏⲣⲓⲟⲛ ⲛ̅ⲧ ⲁ ϥ ϫⲓⲧ ϥ̅ · ⲟⲩⲇⲉ ⲡ ⲉⲧ ϩⲁ ⲡⲉϥ ⲉⲥⲏⲧ ⲙⲉ ⲩ ⲥⲱⲧⲙ̅ ⲉ ⲣⲟ ϥ ⲉ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ · ⲁⲗⲗⲁ ⲙ̅ ⲙⲩⲥⲧⲏⲣⲓⲟⲛ ⲉⲧ ϫⲟⲥⲉ ⲉ ⲛ ⲉⲛⲧ ⲁ ϥ ϫⲓⲧ ⲟⲩ ·

ⲛ̅ⲧⲟⲟⲩ ⲡⲉ ⲉ ϣⲁ ⲩ ⲥⲱⲧⲙ̅ ⲉⲣⲟ ϥ ⲁⲩⲱ ⲛ̅ ⲥⲉ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ · ⲧⲉⲛⲟⲩ ϭⲉ ⲟⲩⲛ ⲙⲁⲣⲓⲁ ⲙⲁⲣⲉ ⲛⲟⲩ ⲥⲛⲏⲩ ϯ ⲛⲁ ϥ ⲙ̅ ⲡ ⲙⲩⲥⲧⲏ ⲣⲓⲟⲛ ⲉⲧ ϫⲟⲥⲉ ⲉ ⲡ ⲉⲛⲧ ⲁ ϥ ϫⲓⲧ ϥ̅ · ⲁⲩⲱ ⲥⲉ ⲛⲁ ϫⲓ ⲛ̅ ⲧⲉϥ ⲙⲉⲧⲁⲛⲟⲓⲁ ⲛ̅ⲧⲟⲟⲧ ϥ̅ ⲁⲩⲱ ⲛ̅ ⲥⲉ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ ·

ⲡⲏ ⲙⲉⲛ ϫⲉ ⲁ ϥ ϫⲓⲧ ϥ̅ ⲛ̅ ⲕⲉⲥⲟⲡ' ⲁⲩⲱ ⲛ̅ ⲕⲟⲟⲩⲉ ϫⲉ ⲁ ϥ ⲟⲩⲟⲧⲃ ⲟⲩ ⲉ ⲧ ⲡⲉ ·

ⲡⲁⲓ̈ ⲙⲉⲛ ⲙⲉ ϥ ⲥⲱⲧⲙ̅ ⲉⲣⲟ ϥ ⲉ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ · ⲁⲗⲗⲁ ⲡ ⲙⲩⲥⲧⲏ ⲣⲓⲟⲛ ⲉⲧ ϫⲟⲥⲉ ⲉ ⲡ ⲉⲛⲧ ⲁ ϥ ϫⲓⲧ ϥ̅ ⲛ̅ⲧⲟϥ ⲡⲉ ⲉ ϣⲁ ϥ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ · ⲁⲗⲗⲁ ⲉϣⲱⲡⲉ ⲛ̅ⲧⲟϥ ⲉ ⲁ ϥ ϫⲓ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ϩⲙ̅ ⲡⲉ ⲭⲱⲣⲏⲙⲁ ⲥⲛⲁⲩ · ⲏ̅ ϩⲙ̅ ⲡ ⲙⲉϩ ϣⲟⲙⲛ̅ⲧ ⲉϩⲟⲩⲛ · ⲁⲩⲱ ⲡⲁⲓ̈ ⲁ ϥ ⲕⲟⲧ ϥ̅ ⲁ ϥ ⲡⲁⲣⲁⲃⲁ · ⲙⲉⲣⲉ ⲗⲁⲁⲩ ⲙ̅ ⲙⲩⲥⲧⲏⲣⲓⲟⲛ ⲥⲱⲧⲙ̅ ⲉⲣⲟ ϥ ⲉ ⲧⲣⲉ ⲩ ϯ ⲧⲟⲟⲧ ϥ̅ ϩⲛ̅ ⲧⲉϥ ⲙⲉⲧⲁⲛⲟⲓⲁ · ⲟⲩⲇⲉ ⲛ ⲉⲧ ϫⲟⲥⲉ · ⲟⲩⲇⲉ ⲛ ⲉⲧ ϩⲁⲡⲉⲥⲏⲧ ⲙ̅ⲙⲟ ϥ · ⲉⲓⲙⲏⲧⲓ ⲡ ⲙⲩⲥ ⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲙ̇ⲛ̅̇ ⲙ̇ ⲙ̇ⲩ̇ⲥ̇ ⲧ̇ⲏ̇ⲣ̇ⲓ̇ⲟ̇ⲛ̇ ⲙ̅̇ ⲡ̇ⲓ̇ ϣ̇ⲟ̇ⲣ̇ⲡ̅̇ ⲙ̅̇ ⲙ̇ⲩ̇ⲥ̇ⲧ̇ⲏ̇ⲣ̇ⲓ̇ⲟ̇ⲛ̇ · ⲙⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲛ̅ⲧⲟⲟⲩ ⲡⲉ ⲉ ϣⲁ ⲩ ⲥⲱⲧⲙ̅ ⲉⲣⲟ ϥ ⲛ̅ ⲥⲉ ϫⲓ ⲛ̅ⲧⲟⲟⲧ ϥ̅ ⲛ̅ ⲧⲉϥ ⲙⲉⲧⲁⲛⲟⲓⲁ ·

ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲉⲓ̈ⲉ ⲟⲩ ⲣⲱⲙⲉ ⲉ ⲁ ϥ ϫⲓ ⲙ ⲩⲥⲧⲏⲣⲓⲟⲛ ϣⲁ ⲥⲛⲁⲩ ⲏ̅ ϣⲁ ϣⲟⲙⲛ̅ⲧ ϩⲣⲁⲓ̈ ϩⲙ̅ ⲡ ⲙⲉϩⲭⲱⲣⲏⲙⲁ ⲥⲛⲁⲩ ⲏ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲭⲱⲣⲏⲙⲁ · ⲁⲩⲱ ⲡⲁⲓ̈ ⲛ ϥ̅ ⲡⲁⲣⲁⲃⲁ · ⲁⲗⲗⲁ ⲉⲧⲓⲉϥ ϣⲟⲟⲡ' ϩⲛ̅ ⲧⲉϥ ⲡⲓⲥⲧⲓⲥ ϩⲛ̅ ⲟⲩ ⲥⲟⲟⲩⲧⲛ̅ ⲁⲩⲱ ⲁϫⲛ̅ ϩⲩⲡⲟⲕⲣⲓⲥⲓⲥ ·

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ · ϫⲉ ⲣⲱⲙⲉ ⲛⲓⲙ ⲛ̅ⲧ ⲁ ϥ ϫⲓ ⲙ ⲩⲥⲧⲏⲣⲓⲟⲛ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ · ⲁⲩⲱ ϩⲙ̅ ⲡ ⲙⲉϩ ϣⲟⲙⲛ̅ⲧ · ⲁⲩⲱ ⲟⲛ ⲙ̅ⲡ ϥ̅ ⲡⲁⲣⲁⲃⲁ · ⲁⲗⲗⲁ ⲉⲧⲓⲉϥϣⲟⲟⲡ' ϩⲛ̅ ⲧⲉϥ ⲡⲓⲥⲧⲓⲥ ⲁϫⲛ̅ ϩⲩⲡⲟⲕⲣⲓⲥⲓⲥ · ⲉⲝⲉⲥⲧⲓ ⲛ̅ ⲛⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉ ϫⲓ ⲙⲩⲥⲧⲏⲣⲓⲟⲛ ϩⲙ̅ ⲡⲉ ⲭⲱⲣⲏⲙⲁ ⲉ ⲧⲉ ϩⲛⲁϥ · ϫⲓⲛ ⲛ̅ ϣⲟⲣⲡ̅'ϩⲉⲱⲥ ϣⲁ ϩⲁⲉ ⲉⲃⲟⲗ ϫⲉ ⲙ̅ⲡ ⲟⲩ ⲡⲁⲣⲁⲃⲁ :

ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲉⲓ̈ⲉ ⲟⲩ ⲣⲱⲙⲉ ⲉ ⲁ ϥ ⲥⲟⲩⲛ̅ ⲧ ⲙⲛ̅ⲧ ⲛⲟⲩⲧⲉ ⲁⲩⲱ ⲁ ϥ ϫⲓ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ · ⲁⲩⲱ ⲁ ϥ ⲕⲟⲧ ϥ̅ ⲁ ϥ ⲡⲁⲣⲁⲃⲁ ⲁ ϥ ⲟⲛⲟⲙⲓ ⲙ̅ⲡ ϥ̅ ⲕⲟⲧ ϥ̅ ⲉ ⲙⲉⲧⲁⲛⲟⲓ̈ · ⲁⲩⲱ ⲟⲩ ⲣⲱⲙⲉ ϩⲱⲱ ϥ ⲉ ⲙ̅ⲡ ϥ̅ ϩⲉ ⲉ ⲧ ⲙⲛ̅ⲧ ⲛⲟⲩⲧⲉ ⲟⲩⲇⲉ ⲙ̅ⲡ ϥ̅ ⲥⲟⲩⲱⲛ ⲥ̅ · ⲁⲩⲱ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉ ⲩ ⲣⲉϥ ⲣ̅ ⲛⲟ ⲃⲉ ⲡⲉ · ⲁⲩⲱ ⲟⲛ ⲟⲩ ⲁⲥⲉⲃⲏⲥ ⲡⲉ · ⲁⲩⲱ ⲁ ⲩ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ ⲙ̅ ⲡⲉ ⲥⲛⲁⲩ ·

ⲛⲓⲙ ⲙ̅ⲙⲟ ⲟⲩ ⲡ ⲉⲧ ⲛⲁϫⲓ* ⲛ̅ ϩⲟⲩⲟ ϩⲛ̅ ⲛⲉ ⲕⲣⲓⲥⲓⲥ ·

ⲁ ϥ ⲟⲩⲱϩⲙ̅ ⲟⲛ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲟ ϫⲉ ⲡ ⲣⲱⲙⲉ ⲛ̅ⲧ ⲁ ϥ ⲥⲟⲩⲛ̅ ⲧ ⲙⲛ̅ⲧ ⲛⲟⲩⲧⲉ · ⲡⲁⲓ̈ ⲛ̅ⲧ ⲁ ϥ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲓ̈ⲛ · ⲁⲩⲱ ⲁ ϥ ⲣ̅ ⲛⲟⲃⲉ ⲉ ⲙ̅ⲡ ϥ̅ ⲕⲟⲧ ϥ̅ ⲉ ⲙⲉⲧⲁⲛⲟⲓ̈ · ϥ ⲛⲁ ϫⲓ ϩⲓ ⲥⲉ ϩⲛ̅ ⲛ̅ ⲕⲟⲗⲁ ⲥⲓⲥ ⲛ̅ⲧⲉ ⲛⲉ ⲕⲣⲓⲥⲓⲥ ϩⲛ̅ ϩⲉⲛ ⲛⲟϭ ⲛ̅ ϩⲓⲥⲉ ⲙⲛ̅ ϩⲉⲛ ⲕⲣⲓⲥⲓⲥ ⲛ̅ ⲟⲩ ⲙⲏⲏϣⲉ ⲛ ⲕⲱⲃ ⲛ̅ⲥⲟⲡ' ⲉⲙⲁϣⲟ ⲉⲙⲁ ϣⲟ ⲡⲁⲣⲁ ⲡ ⲣⲱⲙⲉ ⲛ̅ ⲁⲥⲉⲃⲏⲥ ⲁⲩⲱ ⲙ̅ ⲡⲁⲣⲁⲛⲟⲙⲟⲥ ⲡⲁⲓ̈ ⲉⲧⲉ ⲙ̅ⲡ ϥ̅ ⲥⲟⲩⲛ̅ ⲧ ⲙⲛ̅ⲧ ⲛⲟⲩⲧⲉ ·

ⲧⲉⲛⲟⲩ ϭⲉ ⲡ ⲉⲧⲉ ⲟⲩⲛ ⲙⲁⲁϫⲉ ⲙ̅ⲙⲟ ϥ ⲉ ⲥⲱⲧⲙ̅ ⲙⲁⲣⲉ ϥ ⲥⲱⲧⲙ̅ ⲛⲁ ⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ · ⲁ ⲥ ϥⲟϭ ⲥ̅ ⲉⲃⲟⲗ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲟⲩⲛ ⲙⲁⲁϫⲉ ⲙ̅ ⲡⲁ ⲣⲙ̅ ⲛ̅ ⲟⲩⲟⲉⲓⲛ ⲁⲩⲱ ⲁ ⲓ̈ ⲛⲟⲓ̈ ⲙ̅ ⲡ ϣⲁϫⲉ ⲧⲏⲣ ϥ̅ ⲛ̅ⲧ ⲁ ⲕ ϫⲟⲟ ϥ ·

ⲉⲧⲃⲉ ⲡⲉⲓ̈ ϣⲁϫⲉ ⲟⲩⲛ ⲛ̅ⲧ ⲁ ⲕ ϫⲟⲟ ϥ ⲉⲣⲟ ⲛ ⲙ̅ ⲡⲓ ⲟⲩⲟⲉⲓϣ ϩⲛ̅ ⲟⲩ ⲡⲁⲣⲁⲃⲟⲗⲏ ϫⲉ ⲡ ϩⲙ̅ϩⲁⲗ ⲛ̅ⲧ ⲁ ϥ ⲉⲓⲙⲉ ⲉ ⲡ ⲟⲩⲱϣ ⲙ̅ ⲡⲉϥ ϫⲟⲉⲓⲥ ⲁⲩⲱ ⲙ̅ⲡ ϥ̅ ⲥⲟⲃⲧⲉ ⲟⲩⲇⲉ ⲙ̅ⲡ ϥ̅ ⲉⲓⲣⲉ ⲙ̅ ⲡ ⲟⲩⲱϣ ⲙ̅ ⲡⲉϥ ϫⲟⲉⲓⲥ ϥ ⲛⲁ ϫⲓ ⲛ̅ ϩⲉⲛ ⲛⲟϭ ⲛ̅ⲥⲛ ϣⲉ · ⲡ ⲉⲧⲉ ⲙ̅ⲡ ϥ̅ ⲉⲓⲙⲉ ⲇⲉ · ⲁⲩⲱ ⲙ̅ ⲡ ϥ̅ ⲉⲓⲣⲉϥⲛⲁⲣ̅ ⲙ̅ ⲡ ϣⲁ ⲛ̅ ϩⲉⲛ ⲕⲟⲩⲓ̈ · ϫⲉ ⲟⲩⲟⲛ ⲛⲓⲙ' ⲉⲛⲧ ⲁ ⲩ ⲧⲁⲛϩⲟⲩⲧ ϥ̅ ⲉ ϩⲟⲩⲟ ⲥⲉ ⲛⲁ ϣⲓⲛⲉ ⲛ̅ⲥⲁ ϩⲟⲩⲟ ⲉⲃⲟⲗ ϩⲓⲧⲟⲟⲧ ϥ̅ · ⲁⲩⲱ ⲡ ⲉⲛⲧ ⲁ ⲩ ϭⲁⲗⲉ ϩⲁϩ ⲉⲣⲟ ϥ ·

ⲥⲉ ⲛⲁ ϣⲁⲧ ϥ̅ ⲛ̅ ϩⲁϩ · ⲉⲧⲉ ⲡⲁⲓ̈ ⲡⲉ ⲡⲁ ϫⲟⲉⲓⲥ ⲡⲉⲣⲥⲟⲩⲛ̅ ⲧ ⲙⲛ̅ⲧ ⲛⲟⲩⲧⲉ · ⲁⲩⲱ ⲁ ϥ ϭⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲁ ϥ ⲡⲁⲣⲁⲃⲁ ·

ⲥⲉ ⲛⲁ ⲕⲟⲗⲁⲍⲉ ⲙ̅ⲙⲟ ϥ ϩⲛ̅ ⲟⲩ ⲛⲟϭ ⲛ̅ ⲕⲣⲓⲥⲓⲥ ⲛ̅ ϩⲟⲩⲟ ⲉ ⲡ ⲉⲧⲉ ⲙ̅ⲡ ϥ̅ⲥⲟⲩⲛ̅ ⲧ ⲙⲛ̅ⲧ ⲛⲟⲩⲧⲉ · ⲡⲁⲓ̈ ⲡⲁ ϫⲟⲉⲓⲥ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϣⲁϫⲉ ·