Pistis Sophia Book 3 Part 2 unknown source <a href='http://marcion.sourceforge.net/'>Marcion project</a>, <a href='https://archive.org/details/pistissophiaopus0000unse/page/n29/mode/2up'>Archive.org</a> annotation Randy Komforty, Lance Martin, Amir Zeldes, Caroline T. Schroeder translation none Coptic SCRIPTORIUM, Marcion CC-BY 4.0 CMCL.AQ codex Egypt none unknown British Library Additional Manuscripts 5114 498-523 Sahidic Coptic Pistis Sophia Book 3 Part 2 J. H. Petermann (1851), Carl Schmidt & Violet MacDermot (1978)

This file encoded to comply with EpiDoc Guidelines and Schema.http://sourceforge.net/p/epidoc/

 Sahidic Coptic

ⲛⲁⲓ̈ ⲇⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̈ⲱϩⲁⲛⲛⲏⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲁⲛⲉⲭⲉ ⲙ̅ⲙⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ ·

ⲁⲩⲱ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ⲉ ⲓ̈ ϣⲓⲛⲉ ⲅⲁⲣ ⲛ̅ⲥⲁ ϩⲱⲃ ⲛⲓⲙ' ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ ⲉⲧⲃⲉ ⲑ ⲉ ⲉ ⲛ ⲛⲁ ⲕⲏⲣⲩⲥⲥⲉ ⲙ̅ⲙⲟ ⲥ ⲛ̅ ⲣ̅ ⲣⲱⲙⲉ ⲙ̅ ⲡ ⲕⲟⲥⲙⲟⲥ ·

ⲁ ϥ ⲟⲩ ⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲓ̈ⲱϩⲁⲛⲛⲏⲥ ϫⲉ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ⲉⲧ ⲕ̅ ϣⲓⲛⲉ ⲛ̅ⲥⲱ ⲟⲩ ⲁⲩⲱ ⲁⲛⲟⲕ ϯ ⲛⲁ ϭⲟⲗⲡ ⲟⲩ ⲛⲁⲕ' ⲉⲃⲟⲗ ⲛ̅ ϩⲟⲩⲟ ⲛ̅ϩⲟⲩⲟ ϩⲛ̅ ⲟⲩ ⲡⲁⲣⲣⲏⲥⲓⲁ ⲁϫⲛ̅ ⲡⲁⲣⲁⲃⲟⲗⲏ · ⲏ̅ ⲟ̇ϩⲛ̅ ⲟⲩ ⲱⲣϫ̅ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲓ̈ⲱϩⲁⲛⲛⲏⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲉⲛϣⲁⲛ ⲉⲓ ⲉ ⲛ ⲕⲏⲣⲩⲥⲥⲉ ⲛ̅ ⲧⲛ̅ⲃⲱⲕ' ⲉϩⲣⲁⲓ̈ ⲉ ⲩ ⲡⲟⲗⲓⲥ ⲏ̅ ⲉ ⲩ ⲕⲱ ⲙⲉ · ⲁⲩⲱ ⲛ̅ ⲥⲉ ⲉⲓ̅ ⲉⲃⲟⲗ ϩⲁ ⲧⲉⲛ ϩⲏ ⲛ̅ϭⲓ ⲛ̅ ⲣⲱⲙⲉ ⲛ̅ ⲧ ⲡⲟⲗⲓⲥ ⲉⲧ ⲙ̅ⲙⲁⲩ ⲉⲛⲧ ⲛ̅ ⲥⲟⲟⲩⲛ ⲁⲛ ϫⲉ ⲟⲩ ⲛⲉ ·

ⲉ ⲩϣⲟⲟⲡ' ϩⲛ̅ ⲟⲩ ⲛⲟϭ ⲛ̅ ⲕⲣⲟϥ ⲙⲛ̅ ⲟⲩ ⲛⲟϭ ⲛ̅ ϩⲩⲡⲟⲕⲣⲓⲥⲓⲥ ⲛ̅ ⲥⲉ ϣⲟⲡ ⲛ̅ ⲉⲣⲟ ⲟⲩ ⲛ̅ ⲥⲉ ϫⲓⲧ ⲛ̅ ⲉϩⲟⲩⲛ ⲉ ⲡⲉⲩ ⲏⲓ̈ ⲉ ⲩ ⲟⲩⲱϣ ⲉ ⲡⲓⲣⲁⲍⲉ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁⲩⲱ ⲛ̅ ⲥⲉ ϣⲱⲡⲉ ⲉ ⲩ ϩⲩⲡⲟⲕⲣⲓⲛⲉ ⲛⲙ̅ⲙⲁ ⲛ ϩⲛ̅ ⲑ ⲩⲡⲟⲧⲁⲅⲏ · ⲁⲩⲱ ⲛ̅ ⲧⲛ̅ ⲙⲉ ⲉⲩⲉ ϫⲉ ⲉ ⲩ ⲟⲩⲉϣ ⲡ ⲛⲟⲩⲧⲉ ⲛ̅ ⲧⲛ̅ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲙⲛ̅ⲛ̅ⲥⲁ ⲛⲁⲓ̈ ⲛ̅ ⲧⲛ̅ ⲉⲓⲙⲉ ϫⲉ ⲟ̇ⲩ̇ ⲙ̅ ⲡ ⲟⲩⲉⲓⲣⲉ ⲙ̅ ⲡⲉ ⲙⲡϣⲁ ⲙ̅ ⲡ ⲙⲩⲥ ⲧⲏⲣⲓⲟⲛ · ⲁⲩⲱ ⲛ̅ ⲧⲛ̅ ⲉⲓⲙⲉ ϫⲉ ⲛ̅ⲧ ⲁ ⲩ ϩⲩⲡⲟⲕⲣⲓⲛⲉ ⲛⲙ̅ ⲙⲁ ⲛ · ⲁⲩⲱ ⲛ̅ⲧ ⲁ ⲩ ϣⲱⲡⲉ ⲛ̅ ⲕⲣⲟϥ ⲉⲣⲟ ⲛ · ⲁⲩⲱ ⲛ̅ ⲕⲉ ⲙⲩⲥⲧⲏⲣⲓⲟⲛ ⲁ ⲩ ⲁⲁ ⲩ ⲙ̅ ⲡⲁⲣⲁⲇⲓⲅⲙⲁ ⲕⲁ ⲧⲁ ⲧⲟ ⲡⲟⲥ ⲉ ⲩϫⲓⲙⲁⲍⲉ ⲙ̅ⲙⲟ ⲛ ⲙⲛ̅ ⲛⲉⲛ ⲕⲉ ⲙⲩⲥⲧⲏⲣⲓⲟⲛ ⲉⲓ̈ⲉ ⲟⲩ ⲡⲉ ⲡ ϩⲱⲃ ⲉⲧ ⲛⲁ ϣⲱⲡⲉ ⲛ̅ ⲛⲁⲓ̈ ⲛ̅ ⲧⲉⲓ̈ ⲙⲓⲛⲉ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲓ̈ⲱϩⲁⲛⲛⲏⲥ · ϫⲉ ⲉⲧⲉⲧⲛ̅ϣⲁⲛ ⲃⲱⲕ ⲉϩⲣⲁⲓ̈ ⲉ ⲩ ⲡⲟⲗⲓⲥ ⲏ̅ ⲟⲩ ⲕⲱⲙⲏ · ⲡ ⲏⲓ̈ ⲉ ⲧⲉⲧⲛ ⲁ ⲃⲱⲕ ⲉϩⲟⲩⲛ ⲉⲣⲟ ϥ ⲛ̅ ⲥⲉ ϣⲉⲡ ⲧⲏⲩⲧⲛ̅ ⲉ ⲣⲟ ⲟⲩ ϯ ⲛⲁⲩ ⲛ ⲟⲩ ⲙⲩⲥⲧⲏⲣⲓⲟⲛ ·

ⲉϣⲱⲡⲉ ⲉ ⲩ ⲙ̅ⲡϣⲁ ⲉⲓ̈ⲉ ⲧⲉⲧⲛⲁ ϯ ϩⲏⲩ ⲛ̅ ⲛⲉⲩ ⲯⲩⲭⲟⲟⲩⲉ ⲛ̅ ⲥⲉ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲗⲗⲁ ⲉϣⲱⲡⲉ ⲉ ⲛ ⲥ ⲉⲙ̅ ⲡϣⲁ ⲁⲛ ⲁⲗⲗⲁ ⲉ ⲩ ⲟ ⲛ̅ ⲕⲣⲟϥ ⲉⲣⲱ ⲧⲛ̅ · ⲁⲩⲱ ⲛ̅ ⲥⲉ ⲣ̅ ⲛ̅ ⲕⲉ ⲙⲩⲥⲧⲏⲣⲓⲟⲛ ⲙ̅ ⲡⲁⲣⲁⲇⲓⲅⲙⲁ ⲉⲩⲭⲓⲙⲁⲍⲉ ⲙ̅ⲙⲟ̇ⲛ̇ ⲱⲧⲛ̅ ⲙⲛ̅ ⲛ̅ ⲕⲉ ⲙⲩⲥⲧⲏⲣⲓⲟⲛ ⲉⲓ̈ⲉ ⲱϣ ⲉϩⲣⲁⲓ̈ ⲉ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲁⲓ̈ ⲉ ϣⲁ ϥ ⲛⲁ ⲛ̅ ⲟⲩⲟⲛ ⲛⲓⲙ ·

ⲁϫⲓ ⲥ ϫⲉ ⲡ ⲕⲉ ⲙⲩⲥ ⲧⲏⲣⲓⲟⲛ ⲛ̅ⲧ ⲁ ⲛ ⲧⲁⲁ ϥ ⲛ̅ ⲛⲉⲓ̈ ⲯⲩⲭⲟⲟⲩⲉ ⲛ̅ ⲁⲥⲉⲃⲏⲥ ⲁⲩⲱ ⲙ̅ ⲡⲁⲣⲁⲛⲟⲙⲟⲥ ⲉ ⲙⲡ ⲟⲩ ⲉⲓⲣⲉ ⲙ̅ ⲡⲉ ⲙⲡϣⲁ ⲙ̅ ⲡⲉⲕ ⲙⲩⲥⲧⲏⲣⲓⲟⲛ · ⲁⲗⲗⲁ ⲁ ⲩ ⲁⲁ ⲛ ⲙ̅ ⲡⲁⲣⲁⲇⲓⲅⲙⲁ · ⲕⲧⲟ ⲙ̅ ⲡ ⲙⲩⲥⲧⲏⲣⲓⲟⲛ ⲉⲣⲟ ⲛ · ⲁⲩⲱ ⲛ̅ ⲅ ⲁⲁ ⲩ ⲛ̅ ⲁⲗ ⲗⲟⲧⲣⲓⲟⲥ ⲉ ⲡ ⲙⲩⲥⲧⲏⲣⲓⲟⲛ ⲛ̅ ⲧⲉⲕ ⲙⲛ̅ⲧ ⲉⲣⲟ ϣⲁ ⲉⲛⲉϩ ·

ⲁⲩⲱ ⲛⲟⲩϩⲉ ⲉⲃⲟⲗ ⲙ̅ ⲡ ϣⲟⲉⲓϣ ⲛ̅ ⲛⲉⲧⲛ̅ ⲟⲩⲉⲣⲏⲧⲉ ⲉ ⲩ ⲙⲛ̅ⲧ ⲙⲛ̅ⲧⲣⲉ ⲛⲁ ⲩ ⲉ ⲧⲉⲧⲛ̅ ϫⲱ ⲙ̅ⲙⲟ ⲥ ⲛⲁ ⲩ ϫⲉ ⲉⲣⲉ ⲛⲉⲧⲛ̅ ⲯⲩⲭⲟⲟⲩⲉⲣⲟ ⲉ ⲙ̅ ⲡ ϣⲟⲉⲓϣ ⲙ̅ ⲡⲉⲧⲛ̅ ⲏⲓ̈ ·

ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ϩⲛ̅ ⲧ ⲉⲩⲛⲟⲩ ⲉⲧ ⲙ̅ⲙⲁⲩ ⲥⲉ ⲛⲁ ⲕⲟⲧ ⲟⲩ ⲉⲣⲱ ⲧⲛ̅ ⲛ̅ϭⲓ ⲙⲩⲥⲧⲏⲣⲓⲟⲛ ⲛⲓⲙ ⲛ̅ⲧ ⲁ ⲧⲉⲧⲛ̅ ⲧⲁⲁ ⲩ ⲛⲁ ⲩ ⲁⲩⲱ ⲥⲉ ⲛⲁ ϥⲓ ⲛ̅ϩⲏⲧ ⲟⲩ ⲛ̅ ϣⲁϫⲉ ⲛⲓⲙ' ⲙⲛ̅ ⲙⲩⲥⲧⲏⲣⲓⲟⲛ ⲛⲓⲙ ⲡ ⲧⲟⲡⲟⲥ ⲛ̅ⲧ ⲁ ⲩ ϫⲓⲥⲭⲏ ⲙⲁ ϣⲁⲣⲟ ϥ ·

ⲉⲧⲃⲉ ⲛ̅ ⲣⲱⲙⲉ ⲟⲩⲛ ⲛ̅ ⲧⲉⲓ̈ ⲙⲓⲛⲉ ⲛ̅ⲧ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ϩⲛ̅ ⲟⲩ ⲡⲁⲣⲁⲃⲟⲗⲏ ⲙ̅ ⲡⲓ ⲟⲩⲟⲉⲓϣ ⲉ ⲓ̈ ϫⲱ ⲙ̅ⲙⲟ ⲥ ϫⲉ ⲡ ⲏⲓ̈ ⲉ ⲧⲉⲧⲛ ⲁ ⲃⲱⲕ ⲉϩⲟⲩⲛ ⲉⲣⲟ ϥ ⲛ̅ ⲥⲉ ϣⲉⲡ ⲧⲏⲩⲧⲛ̅ ⲉⲣⲟ ϥ ·

ⲁϫⲓ ⲥ ⲛⲁ ⲩ ϫⲉ ϯ ⲣⲏⲛⲏ ⲛⲏ ⲧⲛ̅ ·

ⲁⲩⲱ ⲉϣⲱⲡⲉ ⲉ ⲩ ⲙ̅ⲡϣⲁ ⲙⲁⲣⲉ ⲧⲉⲧⲛ̅ ⲉⲓⲣⲏⲛⲏ ⲉⲓ ⲉϩⲣⲁⲓ̈ ⲉϫⲱ ⲟⲩ ·

ⲁⲩⲱ ⲉϣⲱⲡⲉ ⲉ ⲛ ⲥ ⲉⲙ̅ⲡϣⲁ ⲁⲛ ⲙⲁⲣⲉ ⲥ ⲕⲟⲧ ⲥ̅ ⲉⲣⲱ ⲧⲛ̅ ⲛ̅ϭⲓ ⲧⲉⲧⲛ̅ ⲉⲓⲣⲏⲛⲏ · ⲉⲧⲉ ⲡⲁⲓ̈ ⲡⲉ ⲉϣⲱⲡⲉ ⲛ̅ ⲣⲱⲙⲉ ⲉⲧ ⲙ̅ⲙⲁⲩ ⲥⲉ ⲉⲓⲣⲉ ⲙ̅ ⲡⲉ ⲙ ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲉ ⲩ ⲟⲩⲉϣ ⲡ ⲛⲟⲩⲧⲉ ⲛ̅ ⲧ ⲙⲉ ⲉⲓ̈ⲉ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲗⲗⲁ ⲉϣⲱⲡⲉ ⲛ̅ⲧⲟϥ ⲉ ⲩ ϩⲩⲡⲟⲕⲣⲓⲛⲉ ⲛⲙ̅ ⲙⲏ ⲧⲛ̅ ⲁⲩⲱ ⲉ ⲩ ⲟ ⲛ̅ ⲕⲣⲟϥ ⲉⲣⲱ ⲧⲛ̅ⲉⲙⲡⲉⲧⲛ̅ ⲉⲓⲙⲉ ⲛ̅ ⲧⲉⲧⲛ̅ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲟⲛ ⲙⲛⲛⲥⲁ ⲛⲁⲓ̈ ⲛ̅ ⲥⲉ ⲣ̅ ⲙ̅ ⲙⲩⲥⲧⲏ ⲣⲓⲟⲛ ⲙ̅ ⲡⲁⲣⲁⲇⲓⲅⲙⲁ · ⲁⲩⲱ ⲛ̅ ⲥⲉ ⲣ̅ⲡ ⲕⲉⲭⲓⲙⲁⲍⲉ ⲙ̅ⲙⲱ ⲧⲛ̅ ⲙⲛ̅ ⲛ̅ ⲕⲉ ⲙⲩⲥⲧⲏⲣⲓⲟⲛ ·

ⲁⲣⲓⲣⲉ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ϥ ⲛⲁ ⲕⲧⲟ ⲉⲣⲱ ⲧⲛ̅ ⲙ̅ ⲙⲩⲥⲧⲏⲣⲓⲟⲛ ⲛⲓⲙ ⲛ̅ⲧ ⲁ ⲧⲉⲧⲛ̅ ⲧⲁⲁ ⲩ ⲛⲁ ϥ · ⲁⲩⲱ ϥ ⲛⲁ ⲁ ⲩ ⲛ̅ ⲁⲗⲗⲟⲧⲣⲓⲟⲥ ⲉ ⲙ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ϣⲁ ⲉⲛⲉϩ · ⲁⲩⲱ ⲛⲁⲓ̈ ⲛ̅ ⲧⲉⲓ̈ ⲙⲓⲛⲉ ⲁⲩⲱ ⲛ̅ ⲥⲉ ⲛⲁ ⲧⲥ̅ⲧⲟ ⲟⲩ ⲁⲛ ⲉ ⲡ ⲕⲟⲥⲙⲟⲥ ϫⲓⲛ ⲡⲉⲓ̈ ⲛⲁⲩ ·

ⲁⲗⲗⲁ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲉⲣⲉ ⲡⲉⲩ ⲙⲁ ⲛ̅ ϣⲱⲡⲉ ϩⲛ̅ ⲧ ⲙⲏⲧⲉ ⲛ̅ ⲧ̅ ⲧⲁⲡⲣⲟ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ·

ⲉϣⲱⲡⲉ ⲇⲉ ⲉⲧⲓ ϩⲛ̅ ⲟⲩ ⲟⲩⲟⲉⲓϣ ⲙ̅ ⲙⲉⲧⲁⲛⲟⲓⲁ ⲛ̅ ⲥⲉ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥ ⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ · ⲙⲛ̅ ⲛ̅ ⲛⲟⲃⲉ ⲧⲏⲣ ⲟⲩ ⲛ̅ⲧⲉ ⲡ ⲕⲟⲥⲙⲟⲥ ⲁⲩⲱ ⲛ̅ ⲥⲉ ϣⲱⲡⲉ ϩⲛ̅ ⲑ ⲩⲡⲟⲧⲁⲅⲏ ⲧⲏⲣ ⲥ̅ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲙⲛ̅ ⲧⲉ ⲗⲁⲁⲩ ⲙ̅ ⲙⲩⲥⲧⲏⲣⲓⲟⲛ ⲥⲱⲧⲙ̅ ⲉⲣⲟ ⲟⲩ ⲟⲩⲧⲉ ⲙⲛ̅ ⲧⲟⲩ ⲕⲱ ⲉⲃⲟⲗ ⲛ̅ ⲛⲉⲩ ⲛⲟⲃⲉ · ⲉⲓⲙⲏⲧⲓ ⲙ̅ ⲡⲓ ⲙⲩⲥ ⲧⲏⲣⲓⲟⲛ ⲛ̅ ⲟⲩⲱⲧ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲡⲁⲓ̈ ⲉ ϣⲁ ϥ ⲛⲁ ⲛ̅ ⲟⲩⲟⲛ ⲛⲓⲙ ⲁⲩⲱ ⲛ ϥ̅ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲟⲩⲟⲛ ⲛⲓⲙ :

ⲁ ⲥ ϣⲱⲡⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ · ⲁ ⲥ ⲟⲩⲱϣⲧ ⲛ̅ϭⲓ ⲙⲁ ⲣⲓⲁ ⲉ ⲛ ⲟⲩⲉⲣⲏⲧⲉ ⲛ̅ ⲓ̅ⲥ̅ ⲁ ⲥ ϯ ⲡⲓ ⲉⲣⲟ ⲟⲩ ·

ⲡⲉϫⲁ ⲥ ⲛ̅ϭⲓ ⲙⲁⲣⲓⲁ ϫⲉ ⲡⲁ ϫⲟⲉⲓⲥ ⲁⲛⲉⲭⲉ ⲙ̅ⲙⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ ⲁⲩⲱ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϣⲓⲛⲉ ⲛ̅ⲥⲁ ⲡ ⲉⲧ ⲉⲣⲉ ⲟⲩⲉϣ ϣⲓⲛⲉ ⲛ̅ⲥⲱ ϥ · ⲁⲩⲱ ⲁⲛⲟⲕ ϯ ⲛⲁ ϭⲟⲗⲡ ϥ̅ ⲛ ⲉ ⲉⲃⲟⲗ ϩⲛ̅ ⲟⲩ ⲡⲁⲣⲣⲏⲥⲓⲁ ·

ⲁ ⲥ ⲟⲩⲱϩⲙ̅ ⲇⲉ ⲛ̅ϭⲓ ⲙⲁⲣⲓⲁⲙ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲉⲓ̈ⲉ ϣⲱⲡⲉ ⲟⲩ ⲥⲟⲛ ⲛ̅ ⲁⲅⲁⲑⲟⲥ ⲁⲩⲱ ⲉ ⲁⲛⲟⲩϥ · ⲉ ⲁ ⲛ ⲡⲗⲏⲣⲟⲩ ⲙ̅ⲙⲟ ϥ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲡ ⲥⲟⲛ ⲉⲧ ⲙ̅ⲙⲁⲩ ⲉ ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲟⲩ ⲥⲟⲛ ⲏ̅ ⲟⲩ ⲥⲩⲅ ⲅⲉⲛⲏⲥ · ϩⲁⲡⲁⲝ ϩⲁⲡⲗⲱⲥ ⲉ ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲟⲩ ⲣⲱⲙⲉ ⲉ ⲡ ⲧⲏⲣ ϥ̅ · ⲁⲩⲱ ⲡⲁⲓ̈ ⲉ ⲩ ⲣⲉϥ ⲣ̅ ⲛⲟⲃⲉ ⲡⲉ ⲁⲩⲱ ⲉ ⲩ ⲁⲥⲉⲃⲏⲥ ⲡⲉ · ⲏ̅ ⲙ̅ⲙⲟⲛ ⲛ̅ⲧⲟϥ ⲉ ⲛⲟⲩ ⲣⲉϥ ⲣ̅ ⲛⲟⲃⲉ ⲁⲛ ⲡⲉ ⲁⲩⲱ ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲁ ϥ ⲉⲓ̅ ⲉⲃⲟⲗ ϩⲛ̅ ⲥⲱⲙⲁ · ⲁⲩⲱ ⲉⲣⲉ ⲡ ϩⲏⲧ ⲙ̅ ⲡ ⲥⲟⲛ ⲛ̅ ⲁⲅⲁⲑⲟⲥ ⲉ ϥ ⲙⲟⲕϩ̅ ⲁⲩⲱ ⲉ ϥ ⲗⲩⲡⲓ ⲉ̇ ϩⲁⲣⲟ ϥ ϫⲉ ϥ ϣⲟⲟⲡ ϩⲣⲁⲓ̈ ϩⲛ̅ ϩⲉⲛ ⲕⲣⲓⲥⲓⲥ ⲙⲛ̅ ϩⲉⲛ ⲕⲟⲗⲁⲥⲓⲥ ·

ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲟⲩ ⲡ ⲉⲧ ⲛ̅ ⲛⲁ ⲁⲁ ϥ ϣⲁⲛⲧ ⲟⲩ ⲡⲟⲟⲛⲉ ϥ ⲉⲃⲟⲗ ϩⲛ̅ ⲛ̅ ⲕⲟⲗⲁⲥⲓⲥ ⲙⲛ̅ ⲛⲉ ⲕⲣⲓⲥⲓⲥ ⲉⲧ ⲛⲁϣⲧ̅ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲉⲧⲃⲉ ⲡⲉⲓ̈ ϣⲁϫⲉ ⲟⲩⲛ ⲁ ⲓ̈ ϫⲟⲟ ϥ ⲉⲣⲱ ⲧⲛ̅ ⲛ̅ ⲕⲉⲥⲟⲡ' ⲁⲗⲗⲁ ⲥⲱⲧⲙ̅ ⲟⲩⲛⲧⲁ ϫⲟⲟ ϥ ⲛ̅ ⲟⲩⲱϩⲙ̅ ϫⲉ ⲉⲧⲉⲧⲛ̅ⲉ ϣⲱⲡⲉ ⲉ ⲧⲉⲧⲛⲉ ϫⲏⲕ ⲉⲃⲟⲗ ⲙ̅ ⲙⲩⲥⲧⲏⲣⲓⲟⲛ ⲛⲓⲙ ϫⲉ ⲉⲩⲉ ⲙⲟⲩⲧⲉ ⲟⲩⲃⲉ ⲧⲏⲩⲧⲛ̅ ϫⲉ ⲛ ⲉⲧ ϫⲏⲕ' ⲉⲃⲟⲗ ⲙ̅ ⲡⲗⲏⲣⲱⲙⲁ ⲛⲓⲙ ·

ⲧⲉⲛⲟⲩ ϭⲉ ⲣⲱⲙⲉ ⲛⲓⲙ ⲛ̅ ⲣⲉϥ ⲣ̅ ⲛⲟⲃⲉ ⲏ̅ ⲙ̅ⲙⲟⲛ ⲛ̅ⲧⲟϥ ⲉ ϩⲉⲛ ⲣⲉϥ ⲣ̅ ⲛⲟⲃⲉ ⲁⲛ ⲛⲉ ·

ⲟⲩ ⲙⲟ ⲛⲟⲛ ϫⲉ ⲉⲧⲉⲧⲛ̅ϣⲁⲛ ⲟⲩⲱϣ ⲉ ⲧⲣⲉ ⲩ ϣⲱⲡ ⲉⲣⲟ ⲟⲩ ϩⲛ̅ ⲛⲉ ⲕⲣⲓⲥⲓⲥ ⲙⲛ̅ ⲛ̅ ⲕⲟⲗⲁⲥⲓⲥ ⲉⲧ ⲛⲁϣⲧ̅ ⲁⲗⲗⲁ ⲉ ⲧⲣⲉ ⲩ ⲡⲟⲟⲛ ⲟⲩ ⲉ ⲩ ⲥⲱⲙⲁ ⲛ̅ ⲇⲓⲕⲁⲓⲟⲥ ⲡⲁⲓ̈ ⲉⲧ ϥ̅ ⲛⲁ ϩⲉ ⲉ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲛⲟⲩⲧⲉ ⲛ ϥ̅ ⲃⲱⲕ ⲉ ⲡ ϫⲓⲥⲉ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲣⲓⲣⲉ ⲙ̅ ⲡ ⲙⲉϩ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉ ⲣⲟ ϥ ⲁⲩⲱ ⲛ̅ ⲧⲉⲧⲛ̅ ϫⲟⲟ ⲥ ϫⲉ ϥⲓ ⲛ̅ ⲧⲉ ⲯⲩⲭⲏ ⲛ̅ ⲛⲓⲙ ⲛ̅ ⲧ̇ ⲣⲱⲙⲉ ⲡⲁⲓ̈ ⲉⲧ ⲛ̅ ⲙⲉⲉⲩⲉ ⲉⲣⲟ ϥ ϩⲙ̅ ⲡⲉⲛ ϩⲏⲧ ϥⲓⲧ ϥ̅ ϩⲛ̅ ⲕⲟⲗⲁⲥⲓⲥ ⲛⲓⲙ ⲛ̅ ⲧⲉⲛ ⲁⲣⲭⲱⲛ · ⲁⲩⲱ ⲥⲡⲟⲩⲇⲁⲍⲉ ϩⲛ̅ ⲟⲩ ϭⲉⲡⲏ ⲛ̅ ⲧⲉⲧⲛ̅ ϫⲓⲧ ⲥ̅ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ϩⲣⲁⲓ̈ ϩⲙ̅ ⲡⲉⲓ̈ ⲉⲃⲟⲧ ⲡⲉⲓ̈ ⲉⲃⲟⲧ ⲛ̅ⲧⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲥⲫⲣⲁⲅⲓⲍⲉ ⲙ̅ⲙⲟ ϥ ϩⲛ̅ ⲟⲩ ⲥⲫⲣⲁⲅⲓⲥ ⲉ ⲥ ⲟⲩⲟⲧⲃ̅ · ⲁⲩⲱ ϩⲣⲁⲓ̈ ϩⲙ̅ ⲡⲉⲓ̈ ⲉⲃⲟⲧ ⲡⲉⲓ̈ ⲉⲃⲟⲧ ⲙⲁⲣⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲛⲟϫ ϥ̅ ⲉ ⲩ ⲥⲱ ⲙⲁ ⲉ ϥ ⲛⲁⲣ̅ⲇⲓⲕⲁⲓⲟⲥ ⲛ ϥ̅ ⲣ̅ ⲁⲅⲁⲑⲟⲥ ⲛ ϥ̅ⲃⲱⲕ' ⲉ ⲡ ϫⲓⲥⲉ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲛⲁⲓ̈ ⲇⲉ ⲉ ⲧⲉⲧⲛ̅ϣⲁⲛ ϫⲟⲟⲩ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ · ϫⲉ ϣⲁ ⲩ ⲥⲡⲟⲩⲇⲁⲍⲉ ⲛ̅ϭⲓ ⲛ ⲉⲧ ϩⲩⲡⲟⲩⲣⲅⲓ ⲧⲏⲣ ⲟⲩ ϩⲛ̅ ⲛ̅ ⲧⲁⲝⲓⲥ ⲧⲏⲣ ⲟⲩ ⲛ̅ ⲕⲉ ⲕⲣⲓⲥⲓⲥ ⲛ̅ ⲧⲉⲛ̅ ⲁⲣⲭⲱⲛ ⲛ̅ ⲥⲉ ϯ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲉⲧⲟⲟⲧ ⲟⲩ ⲛ̅ ⲛⲉⲩ ⲉⲣⲏⲩ ϩⲉ ⲱⲥ ϣⲁⲛⲧ ⲟⲩ ϫⲓⲧ ⲥ̅ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩ ⲟⲉⲓⲛ ·

ⲁⲩⲱ ϣⲁⲣⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲥ ⲥⲫⲣⲁⲅⲓⲍⲉ ⲙ̅ⲙⲟ ⲥ ϩⲛ̅ ⲙ̅ ⲙⲁⲓ̈ⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ϣⲁ ⲥ ⲧⲁⲁ ⲥ ⲛ̅ ⲛⲉⲥ ⲡⲁⲣⲁ ⲗⲏⲙⲧⲱⲣ ·

ⲁⲩⲱ ϣⲁⲣⲉ ⲙ̅ ⲡⲁⲣⲁⲗⲏⲙⲡⲧⲏⲥ ⲛⲟϫ ⲥ̅ ⲉ ⲩ ⲥⲱⲙⲁ ⲉ ϥ ⲛⲁⲣ̅ⲇⲓⲕⲁⲓⲟⲥ ⲁⲩⲱ ⲉ ϥ ⲛⲁ ϩⲉ ⲉ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ ϥ̅ ⲣ̅ ⲁⲅⲁⲑⲟⲥ ⲛ ϥ̅ ⲃⲱⲕ ⲉ ⲡ ϫⲓⲥⲉ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲉⲓⲥ ⲡⲁⲓ̈ ⲡⲉ ⲉ ⲧⲉⲧⲛ̅ ϫⲛⲟⲩ ⲙ̅ⲙⲟ ⲓ̈ ⲉⲣⲟ ϥ ·

ⲁ ⲥ ⲟⲩⲱϣⲃ̅ ⲛ̅ϭⲓ ⲙⲁ ⲣⲓⲁ ⲡⲉϫⲁ ⲥ ϫⲉ ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲉⲓ̈ⲉ ⲙ̅ ⲡ ⲕ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲟϥ ⲉ ⲡ ⲕⲟⲥⲙⲟⲥ ϫⲉⲕⲁⲥ ⲉⲛⲛⲉ ⲡ ⲣⲱ ⲙⲉ ⲙⲟⲩ ϩⲓⲧⲙ̅ ⲡ ⲙⲟⲩ ⲉⲧⲏⲡ' ⲉⲣⲟ ϥ ϩⲓⲧⲛ̅ ⲛ̅ ⲁⲣ ⲭⲱⲛ ⲛ̅ ⲑ ⲓⲙⲁⲣⲙⲉⲛⲏ · ϫⲉ ⲉϣⲱⲡⲉ ⲉⲥⲏⲡ' ⲉ ⲩⲁⲉ ⲧⲣⲉϥⲙⲟⲩ ϩⲓⲧⲛ̅ ⲧ ⲥⲏϥⲉ · ⲏ̅ ⲉ ⲧⲣⲉ ϥ ⲙⲟⲩ ϩⲓⲧⲛ̅ ⲙ̅ ⲙⲟⲩⲉⲓⲟⲟⲩⲉ ⲏ̅ ϩⲛ̅ ϩⲉⲛ ⲃⲁⲥⲁⲛⲟⲥ ⲙⲛ̅ ϩⲉⲛ ⲃⲁⲥⲁ ⲛⲓⲥⲙⲟⲥ ⲙⲛ̅ ϩⲉⲛ ϩⲩⲃⲣⲓⲥⲓⲥ ⲉⲧ ϩⲛ̅ ⲛ̅ ⲛⲟⲙⲟⲥ ⲏ̅ ϩⲓⲧⲛ̅ ⲕⲉ ⲙⲟⲩ ⲉ ϥ ϩⲟⲟⲩ ·

ⲉⲓ̈ⲉ ⲙ̅ⲡ ⲕ̅ ⲙ ⲙⲩⲥⲧⲏⲣⲓⲟⲛ ⲉ ⲡ ⲕⲟⲥ ⲙⲟⲥ ϫⲉⲕⲁⲥ ⲉⲛⲛⲉ ⲡ ⲣⲱⲙⲉ ⲙⲟⲩ ⲛ̅ϩⲏⲧ ⲟⲩ ϩⲓⲧⲛ̅ ⲛ̅ ⲁⲣⲭⲱⲛ ⲛ̅ ⲑ ⲓⲙⲁⲣⲙⲉⲛⲏ · ⲁⲗⲗⲁ ϫⲉⲕⲁⲥ ⲉϥⲉ ⲙⲟⲩ ϩⲛ̅ ⲟⲩ ⲙⲟⲩ ⲛ̅ ϣⲡ̅ ⲛ̅ ϣⲱⲡ · ϫⲉⲕⲁⲥ ⲉ ⲛⲛⲉ ϥ ϣⲡ̅ ⲗⲁⲁⲩ ⲛ̅ ϩⲓⲥⲉ ϩⲓⲧⲛ̅ ⲛⲉⲓ̈ ⲙⲟⲩ ⲛ̅ ⲧⲉⲓ̈ ⲙⲓⲛⲉ ·

ⲉⲃⲟⲗ ⲅⲁⲣ ϫⲉ ⲁⲛⲟⲛ ⲛ̅ ϩⲟⲩⲟ ⲛⲁϣⲉ ⲛ ⲉⲧ ⲡⲏⲧ' ⲛ̅ⲥⲱ ⲛ ⲉⲧⲃⲏⲏⲧ ⲕ̅ · ⲁⲩⲱ ⲛⲁϣⲉ ⲛ ⲉⲧ ⲇⲓⲱⲕⲉ ⲛ̅ⲥⲱ ⲛ ⲉⲧⲃⲉ ⲡⲉⲕ ⲣⲁⲛ · ϫⲉⲕⲁⲥ ⲉⲩϣⲁⲛ ⲃⲁⲥⲁⲛⲓⲍⲉ ⲙ̅ⲙⲟ ⲛ ⲉⲛⲉ ϫⲱ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧⲛ̅ ⲉⲓ ⲉⲃⲟⲗ ϩⲛ̅ ⲥⲱⲙⲁ ⲛ̅ ⲧⲉ ⲩⲛⲟⲩ ⲉ ⲙ̅ⲡ ⲛ̅ϣⲡ̅ⲗⲁⲁⲩ ⲛ̅ ϩⲓⲥⲉ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱ̅ⲣ̅ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ⲧⲏⲣ ⲟⲩ ϫⲉ ⲉⲧⲃⲉ ⲡⲉⲓ̈ ϣⲁ ϫⲉ ⲉ ⲧⲉⲧⲛ̅ ϣⲓⲛⲉ ⲙ̅ⲙⲟ ⲓ̈ ⲉⲣⲟ ϥ ⲁ ⲓ̈ ϫⲟⲟ ϥ ⲛⲏ ⲧⲛ̅ ⲛ̅ ⲕⲉ ⲥⲟⲡ · ⲁⲗⲗⲁ ⲥⲱⲧⲙ̅ ⲟⲛ ⲧⲁ ϫⲟⲟ ⲥ ⲉⲣⲱ ⲧⲛ̅ ⲛ̅ ⲕⲉ ⲥⲟⲡ ·

ⲟⲩ ⲙⲟⲛⲟⲛ ⲛ̅ⲧⲱⲧⲛ̅ ⲁⲗⲗⲁ ⲣⲱⲙⲉ ⲛⲓⲙ' ⲉⲧ ⲛⲁ ϫⲱⲕ ⲉⲃⲟⲗ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ·

ⲛ ϥ̅ ϫⲟⲕ ϥ̅ ⲉⲃⲟⲗ ϩⲛ̅ ⲛⲉϥ ⲥⲭⲏⲙⲁ ⲙⲛ̅ ⲛⲉϥ ⲧⲩⲡⲟⲥ ⲧⲏⲣ ⲟⲩ ⲙⲛ̅ ⲛⲉϥ ϭⲓⲛⲁϩⲉ ⲣⲁⲧ ⲟⲩ ⲉ ϥ ⲉⲓⲣⲉ ⲙⲉⲛ ⲙ̅ⲙⲟ ϥ ⲛ ϥ̅ ⲛⲏⲩ ⲁⲛ ⲉⲃⲟⲗ ϩⲛ̅ ⲥⲱⲙⲁ · ⲁⲗⲗⲁ ⲙⲛ̅ⲛ̅ⲥⲁ ⲧⲣⲉ ϥϫⲱⲕ' ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲙⲛ̅ ⲛⲉϥ ⲥⲭⲏⲙⲁ ⲙⲛ̅ ⲛⲉϥ ⲧⲩⲡⲟⲥ ⲧⲏⲣ ⲟⲩ ·

ⲙⲛ̅ⲛ̅ⲥⲱ ⲥ ϭⲉ ⲛⲁ ⲩ ⲛⲓⲙ' ⲉⲧ ϥ̅ ⲛⲁ ⲟⲛⲟⲙⲁⲍⲉ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ϥ ⲛⲁ ⲛⲟⲩϩⲙ̅ ⲉ ⲛⲏ ⲧⲏⲣ ⲟⲩ ⲉⲧⲏⲡ' ⲉⲣⲟ ϥ ϩⲓⲧⲛ̅ ⲛ̅ ⲁⲣⲭⲱⲛ ⲛ̅ ⲑ ⲓⲙⲁⲣⲙⲉⲛⲏ ·

ⲁⲩⲱ ⲛ̅ ⲧⲉ ⲩⲛⲟⲩ ⲉⲧ ⲙ̅ⲙⲁⲩ ϥ ⲛⲏⲩ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ ⲛ̅ ⲛ̅ ⲁⲣⲭⲱⲛ ⲁⲩⲱ ⲧⲉϥ ⲯⲩ ⲭⲏ ⲛⲁ ⲣ̅ ⲟⲩ ⲛⲟϭ ⲛ̅ ⲁⲡⲟⲣⲣⲟⲓⲁ ⲛ̅ ⲟⲩⲟⲉⲓⲛ ⲛ ⲥ̅ ϩⲱⲗ ⲉ ⲡ ϫⲓⲥⲉ ⲁⲩⲱ ⲛ ⲥ̅ ϫⲱⲧⲉ ⲛ̅ ⲧⲟⲡⲟⲥ ⲛⲓⲙ ⲛ̅ ⲧⲉⲛ̅ ⲁⲣ ⲭⲱⲛ ⲙⲛ̅ ⲧⲟⲡⲟⲥ ⲛⲓⲙ' ⲛ̅ⲧⲉ ⲡ ⲟⲩⲟⲉⲓⲛ ϩⲉⲱⲥ ϣⲁⲛⲧ ⲥ̅ ⲃⲱⲕ ⲉ ⲡ ⲧⲟⲡⲟⲥ ⲛ̅ ⲧⲉⲥ ⲙⲛ̅ⲧ ⲉⲣⲟ · ⲟⲩⲧⲉ ⲙⲉ ⲥ ϯ ⲁⲡⲟ ⲫⲁⲥⲓⲥ ⲟⲩⲧⲉ ⲁⲡⲟⲗⲟⲅⲓⲁ ϩⲛ̅ ⲗⲁⲁⲩ ⲛ̅ ⲧⲟⲡⲟⲥ ⲟⲩ ⲁ ⲧ ⲥⲩⲙⲃⲟⲗⲟⲛ ⲅⲁⲣ ⲧⲉ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲓ̅ⲥ̅ ⲁ ⲥ ⲟⲩⲱϩ ⲉⲧⲟⲟⲧ ⲥ̅ ⲛ̅ϭⲓ ⲙⲁⲣⲓⲁ ⲁ ⲥ ⲡⲁϩⲧ ⲥ̅ ⲉϫⲛ̅ ⲛ ⲟⲩⲉⲣⲏⲧⲉ ⲛ̅ ⲓ̅ⲥ̅ ⲁ ⲥ ϯ ⲡⲓ ⲉⲣⲟ ⲟⲩ ⲡⲉϫⲁ ⲥ ϫⲉ ⲡⲁ ϫⲟ ⲉⲓⲥ ⲉⲧⲓ ϯ ⲛⲁ ϣⲓⲛⲉ ⲙ̅ⲙⲟ ⲕ ϭⲱⲗⲡ̅ ⲛⲁ ⲛ ⲉⲃⲟⲗ' ⲁⲩⲱ ⲙ̅ⲡⲣ ϩⲱⲡ' ⲉⲣⲟ ⲛ ⲁ ϥ ⲟⲩⲱϩⲙ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϣⲓⲛⲉ ⲛ̅ⲥⲁ ⲡ ⲉⲧⲉⲧⲛ̅ ϣⲓⲛⲉ ⲛ̅ⲥⲱ ϥ ·

ⲁⲩⲱ ⲁⲛⲟⲕ ϯ ⲛⲁ ϭⲱⲗⲡ̅ ⲛⲏ ⲧⲛ̅ ⲉⲃⲟⲗ ϩⲛ̅ ⲟⲩ ⲡⲁⲣⲣⲏⲥⲓⲁ ⲁϫⲛ̅ ⲡⲁⲣⲁⲃⲟⲗⲏ ·

ⲁ ⲥ ⲟⲩⲱϩⲙ̅ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲙ̅ ⲡ ⲕ̅ ⲙ ⲙⲩⲥⲧⲏⲣⲓⲟⲛ ⲉ ⲡ ⲕⲟⲥⲙⲟⲥ ⲉⲧⲃⲉ ⲧ ⲙ̅ⲛⲧ ϩⲏⲕⲉ ⲙⲛ̅ ⲧ ⲙⲛ̅ⲧ ⲣⲙ̅ ⲙ ⲁⲟ · ⲁⲩⲱ ⲉⲧⲃⲉ ⲧ ⲙⲛ̅ⲧ ϭⲱⲃ ⲙⲛ̅ⲙ̇ⲧ ⲙⲛ̅ⲧ ϫⲱⲱⲣⲉ ⲁⲩⲱ ⲉⲧⲃⲉ ⲛ̅ⲥⲓⲛⲏⲥⲓⲥ ⲙⲛ̅ ⲛ̅ ⲥⲱⲙⲁ ⲉⲧ ⲟⲩⲟϫ ϩⲁⲡⲁⲝ ϩⲁⲡⲗⲱⲥ ⲉⲧⲃⲉ ⲛⲁⲓ̈ ⲛ̅ ⲧⲉⲓ̈ ⲙⲓⲛⲉ ⲧⲏⲣ ⲟⲩ ϫⲉⲕⲁⲥ ⲉⲛϣⲁⲛ ⲃⲱⲕ ⲉϩⲣⲁⲓ̈ ϩⲛ̅ ⲛ̅ ⲧⲟⲡⲟⲥ ⲛ̅ ⲧⲉ ⲭⲱⲣⲁ · ⲁⲩⲱ ⲛ̅ ⲥⲉ ⲧⲙ̅ ⲡⲓⲥⲧⲉⲩⲉ ⲉⲣⲟ ⲛ ⲁⲩⲱ ⲛ̅ ⲥⲉ ⲧⲙ̅ ⲥⲱⲧⲙ̅ ⲛ̅ ⲥⲁ ⲛ ⲉⲛ ϣⲁϫⲉ · ⲛ̅ ⲧⲛ̅ ⲉⲓⲣⲉ ⲛ̅ ⲟⲩ ⲙⲩⲥⲧⲏⲣⲓⲟⲛ ⲛ̅ ⲧⲉⲓ̈ ⲙⲓⲛⲉ ϩⲛ̅ ⲛ̅ ⲧⲟⲡⲟⲥ ⲉⲧ ⲙ̅ⲙⲁⲩ · ϫⲉⲕⲁⲥ ⲉⲩⲉ ⲉⲓ̅ⲙⲉ ⲁⲗⲏⲑⲱⲥ ϩⲛ̅ ⲟⲩ ⲙⲉ ϫⲉ ⲉ ⲛ ⲕⲏ ⲣⲩⲥⲥⲉ ⲛ̅ ⲛ̅ ϣⲁϫⲉ ⲙ̅ ⲡ ⲧⲏⲣ ϥ̅ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥ̅ⲱ̅ⲣ̅ ⲡⲉϫⲁ ϥ ⲙ̅ ⲙⲁⲣⲓⲁ ϩⲛ̅ ⲧ ⲙⲏⲧⲉ ⲛ̅ ⲙ̅ ⲙⲁⲑⲏⲧⲏⲥ ϫⲉ ⲉⲧⲃⲉ ⲡⲉⲓ̈ ⲙⲩⲥⲧⲏⲣⲓⲟⲛ ⲉ ⲧⲉⲧⲛ̅ ϣⲓⲛⲉ ⲙ̅ⲙⲟ ⲓ̈ ⲉⲣⲟ ϥ ⲁ ⲓ̈ ⲧⲁⲁ ϥ ⲛⲏ ⲧⲛ̅ ⲛ̅ ⲕⲉ ⲥⲟⲡ ⲁⲗⲗⲁ ϯ ⲛⲁ ⲟⲩⲱϩⲙ̅ ⲟⲛ ⲛ̅ ⲧⲁ ϫⲱ ⲉⲣⲱ ⲧⲛ̅ ⲙ̅ ⲡ ϣⲁϫⲉ · ⲧⲉⲛⲟⲩ ϭⲉ ⲟⲩⲛ ⲙⲁ ⲣⲓⲁ ⲟⲩ ⲙⲟⲛⲟⲛ ⲛ̅ⲧⲱⲧⲛ̅ ⲁⲗⲗⲁ ⲣⲱⲙⲉ ⲛⲓⲙ' ⲉⲧ ⲛⲁ ϫⲱⲕ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲧⲟⲩⲛⲉⲥ ⲣⲉϥ ⲙⲟⲟⲩⲧ ·

ⲡⲁⲓ̈ ϣⲁ ϥ ⲑⲉⲣⲁⲡⲉⲩⲉ ⲛ̅ ⲛ̅ ⲇⲁⲓⲙⲟⲛⲓⲟⲛ ⲙⲛ̅ ⲙⲟⲕϩⲥ̅ ⲛⲓⲙ · ⲙⲛ̅ ϣⲱⲛⲉ ⲛⲓⲙ · ⲁⲩⲱ ⲙⲛ̅ ⲛ̅ⲃⲗ̅ⲗⲉⲉⲩ · ⲁⲩⲱ ⲙⲛ̅ ⲛ̅ ϭⲁⲗⲉⲉⲩ ⲙⲛ̅ ⲛ̅ ϭⲁⲛⲁϩ · ⲙⲛ̅ ⲛ ⲉⲙⲡⲟ · ⲙⲛ̅ ⲛ̅ ⲕⲱⲫⲟⲥ · ⲡⲁⲓ̈ ⲛ̅ⲧ ⲁ ⲓ̈ ⲧⲁⲁ ϥ ⲛⲏ ⲧⲛ̅ ⲙ̅ ⲡⲓ ⲟⲩⲟⲉⲓϣ · ⲡ ⲉⲧ ⲛⲁ ϥⲓ ⲉ ⲟⲩ ⲙⲩⲥⲧⲏⲣⲓⲟⲛ ⲛ ϥ̅ ϫⲟⲕ ϥ̅ ⲉⲃⲟⲗ ·

ⲙⲛ̅ⲛ̅ ⲥⲱ ⲥ ϭⲉ ⲉϥϣⲁⲛ ⲁⲓⲧⲓ ⲛ̅ ϩⲱⲃ ⲛⲓⲙ · ⲙⲛ̅ ⲧ ϩⲏⲕⲉ ϩⲓ ⲙⲛ̅ⲧ ⲣⲙ̅ ⲙ ⲁⲟ ⲙⲛ̅ ⲧ ϭⲱⲃ ϩⲓ ⲙⲛ̅ⲧ ϫⲱⲱⲣⲉ · ⲥⲓⲛⲱⲥⲓⲥ ϩⲓ ⲥⲱⲙⲁ ⲉ ϥ ⲟⲩⲟϫ · ⲙⲛ̅ ⲑⲉⲣⲁⲡⲓⲁ ⲛⲓⲙ' ⲛ̅ⲧⲉ ⲡ ⲥⲱⲙⲁ · ⲁⲩⲱ ⲙⲛ̅ ⲡⲧⲟⲩⲛⲉⲥ ⲣⲉϥ ⲙⲟⲟⲩⲧ · ⲁⲩⲱ ⲉ ⲑⲉⲣⲁⲡⲉⲩⲉ ⲛ̅ ⲛ̅ ϭⲁⲗⲉ ⲙⲛ̅ ⲛ̅ⲃⲗⲉⲉⲩ ⲙⲛ̅ ⲛ̅ ⲕⲱⲫⲟⲥ ⲙⲛ̅ ⲛ ⲉⲙⲡⲟ · ⲙⲛ̅ ϣⲱⲛⲉ ⲛⲓⲙ ⲙⲛ̅ ⲙⲟⲕϩⲥ̅ ⲛⲓⲙ ·

ϩⲁⲡⲁⲝ ϩⲁⲡⲗⲱⲥ ⲡ ⲉⲧ ⲛⲁ ϫⲱⲕ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ ϥ̅ ⲁⲓⲧⲓ ⲛ̅ ϩⲱⲃ ⲛⲓⲙ'ⲉⲛⲧ ⲁ ⲓ̈ ϫⲟⲟⲩ ⲥⲉ ⲛⲁ ϣⲱ ⲡⲉ ⲛⲁ ϥ ϩⲛ̅ ⲟⲩ ⲥⲡⲟⲩⲇⲏ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ · ⲁ ⲩ ⲉⲓ̅ ⲉ ⲑ ⲏ ⲛ̅ϭⲓ ⲙ̅ ⲙⲁⲑⲏⲧⲏⲥ ⲁ ⲩ ⲱϣ ⲉⲃⲟⲗ ⲧⲏⲣ ⲟⲩ ϩⲓ ⲛⲉⲩ ⲉⲣⲏⲩ ⲉ ⲩ ϫⲱ ⲙ̅ⲙⲟ ⲥ ϫⲉ ⲡ ⲥⲱⲧⲏⲣ ⲁ ⲕⲗⲃ̅ⲧⲛ̅ ⲉⲙⲁϣⲟ ⲉⲙⲁϣⲟ ⲉⲃⲟⲗ ⲛ̅ ⲙ̅ ⲙⲛ̅ⲧ ⲛⲟϭ ⲉⲧ ⲕ̅ ϫⲱ ⲙ̅ⲙⲟ ⲟⲩ ⲛⲁ ⲛ ⲁⲩⲱ ϫⲉ ⲁ ⲕ ϥⲓ ⲛ̅ ⲛⲉⲛ ⲯⲩⲭⲏ ⲁⲩⲱ ⲁ ⲩ ⲣ̅ϩⲟⲓ̈ ⲛ̅ ⲉⲓ̅ ⲉⲃⲟⲗ ⲛ̅ϩⲏⲧ ⲛ̅ ⲉϩⲟⲩⲛ ⲉⲣⲟ ⲕ ·

ⲉⲃⲟⲗ ⲅⲁⲣ ϫⲉ ϩⲉⲛ ⲉⲃⲟⲗ ⲛ̅ϩⲏⲧ ⲕ̅ ⲛⲉ ·

ⲧⲉ ⲛⲟⲩ ϭⲉ ⲉⲧⲃⲉ ⲛⲉⲓ̈ ⲙⲛ̅ⲧ ⲛⲟϭ ⲁ ⲩ ⲗⲓⲃⲉ ⲛ̅ϭⲓ ⲛⲉⲛ ⲯⲩ ⲭⲟⲟⲩⲉ ⲛⲁ ⲓ̈ ⲉⲧ ⲕ̅ ϫⲱ ⲙ̅ⲙⲟ ⲟⲩ ⲉⲣⲟ ⲛ · ⲁⲩⲱ ⲁ ⲩ ⲑⲗⲓⲃⲉ ⲉⲙⲁϣⲟ ⲉⲙⲁϣⲟ ⲉ ⲩ ⲟⲩⲱϣ ⲉ ⲉⲓ̅ ⲉⲃⲟⲗ ⲛ̅ϩⲏⲧ ⲛ̅ ⲉ ⲡ ϫⲓⲥⲉ ⲉ ⲡ ⲧⲟⲡⲟⲥ ⲉ ⲧⲉⲕ ⲙⲛ̅ⲧ ⲉⲣⲟ ·

ⲛⲁⲓ̈ ϭⲉ ⲛ̅ⲧⲉ ⲣ ⲟⲩ ϫⲟⲟⲩ ⲛ̅ϭⲓ ⲙ̅ ⲙⲁⲑⲏⲧⲏⲥ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ · ϫⲉ ⲉⲧⲉⲧⲛ̅ ϣⲁⲛⲃⲱⲕ' ⲉ ϩⲉⲛ ⲡⲟⲗⲓⲥ ⲏ̅ ϩⲉⲛ ⲙⲛ̅ⲧ ⲉⲣⲟ ⲏ̅ ϩⲉⲛ ⲭⲱ ⲣⲁ · ⲕⲏⲣⲩⲥⲥⲉ ⲛⲁ ⲩ ⲛ̅ ϣⲟⲣⲡ̅ ⲉ ⲧⲉⲧⲛ̅ ϫⲱ ⲙ̅ⲙⲟ ⲥ ϫⲉ ϣⲓⲛⲉ ⲛ̅ ⲛⲁⲩ ⲛⲓⲙ ·

ⲁⲩⲱ ⲙ̅ⲡⲣ̅ ⲕⲁ ⲧⲉ ⲧⲏⲩⲧⲛ̅ ⲉⲃⲟⲗ · ϩⲉⲱⲥ ϣⲁⲛⲧⲉ ⲧⲛ̅ ϭⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ · ⲛⲁⲓ̈ ⲉⲧ ⲛⲁ ϫⲓ ⲧⲏⲩⲧⲛ̅ ⲉϩⲟⲩⲛ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩ ⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ϩⲣ̅ⲧⲏⲩⲧⲛ̅ ⲉⲣⲱ ⲧⲛ̅ ⲉ ⲛⲉ ⲥⲃⲱ ⲙ̅ ⲡⲗⲁⲛⲏ ⲉⲙ̅ⲙⲟⲛ ⲟⲩⲛ ⲟⲩ ⲙⲏⲏϣⲉ ⲛⲏⲩ ϩⲙ̅ ⲡⲁ ⲣⲁⲛ ⲉ ⲩ ϫⲱ ⲙ̅ⲙⲟ ⲥ ϫⲉ ⲁⲛⲟⲕ ⲡⲉ ⲉⲛ̅ⲁⲛⲟⲕ' ⲁⲛ ⲡⲉ · ⲁⲩⲱ ⲥⲉ ⲛⲁ ⲡⲗⲁⲛⲁ ⲛ̅ ⲟⲩ ⲙⲏⲏϣⲉ ·

ⲧⲉⲛⲟⲩ ϭⲉ ⲣⲱⲙⲉ ⲛⲓⲙ ⲉⲧ ⲛⲏⲩ ⲉⲣⲁⲧ ⲧⲏⲩⲧⲛ̅ ⲛ̅ ⲥⲉ ⲡⲓⲥⲧⲉⲩⲉ ⲉ ⲣⲱ ⲧⲛ̅ ⲁⲩⲱ ⲛ̅ ⲥⲉ ⲥⲱⲧⲙ̅ ⲛ̅ ⲥⲁ ⲛⲉⲧⲛ̅ ϣⲁϫⲉ · ⲁⲩⲱ ⲛ̅ ⲥⲉ ⲉⲓⲣⲉ ⲙ̅ ⲡⲉ ⲙⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ·

ⲉⲓ̈ⲉ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲁⲩⲱ ⲙ̅ⲡⲣ̅ ϩⲟⲡⲟ ⲩ ⲉⲣⲟ ⲟⲩ · ⲁⲩⲱ ⲡ ⲉⲧ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϫⲟⲥⲉ ⲧⲁⲁ ⲩ ⲛⲁ ϥ · ⲁⲩⲱ ⲡ ⲉⲧ ⲙ̅ⲡϣⲁ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲉⲧ ⲥⲟⲃⲕ̅ ⲧⲁⲁ ⲩ ⲛⲁ ϥ · ⲁⲩⲱ ⲙ̅ⲡⲣ ϩⲉⲡ ⲗⲁ ⲁⲩ ⲉ ⲗⲁⲁⲩ ·

ⲡ ⲙⲩⲥⲧⲏⲣⲓⲟⲛ ⲛ̅ⲧⲟϥ ⲙ̅ ⲡ ⲧⲟⲩⲛⲉⲥⲣⲉϥ ⲙⲟⲟⲩⲧ' ⲁⲩⲱ ⲉ ⲑⲉⲣⲁⲡⲉⲩⲉ ⲛ̅ ϣⲱⲛⲉ ⲙ̅ⲡⲣ̅ ⲧⲁ ⲁϥ ⲛ̅ ⲗⲁⲁⲩ ⲟⲩⲇⲉ ⲙ̅ⲡⲣ̅ ϯ ⲥⲃⲱ ⲛ̅ϩⲏⲧ ϥ̅ ϫⲉ ⲡ ⲙⲩⲥⲧⲏ ⲣⲓⲟⲛ ⲉⲧ ⲙ̅ⲙⲁⲩ ⲡⲁ ⲛ ⲁⲣⲭⲱⲛ ⲡⲉ · ⲛ̅ⲧⲟϥ ⲙⲛ̅ ⲛⲉϥ ⲟⲛⲟⲙⲁⲥⲓⲁ ⲧⲏⲣ ⲟⲩ ·

ⲉⲧⲃⲉ ⲡⲁⲓ̈ ⲟⲩⲛ ⲙ̅ⲡⲣ̅ ⲧⲁ ⲁϥ ⲛ̅ ⲗⲁⲁⲩ ⲟⲩⲇⲉ ⲙ̅ⲡⲣ̅ ϯ ⲥⲃⲱ ⲛ̅ϩⲏⲧ ϥ̅ · ϩⲉⲱⲥ ϣⲁⲛ ⲧⲉ ⲧⲛ̅ ⲧⲁϫⲣⲟ ⲛ̅ ⲧ ⲡⲓⲥⲧⲓⲥ ϩⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ · ϫⲉⲕⲁⲥ ⲉ ⲧⲉⲧⲛ̅ ϣⲁⲛⲃⲱⲕ' ⲉϩⲣⲁⲓ̈ ⲉ ϩⲉⲛ ⲡⲟⲗⲓⲥ · ⲏ̅ ϩⲉⲛ ⲭⲱ ⲣⲁ ⲁⲩⲱ ⲛ̅ ⲥⲉ ⲧⲙ̅ ϣⲉⲡ ⲧⲏⲩⲧⲛ̅ ⲉⲣⲟ ⲟⲩ ⲁⲩⲱ ⲛ̅ ⲥⲉ ⲧⲙ̅ ⲡⲓⲥⲧⲉⲩⲉ ⲉⲣⲱ ⲧⲛ̅ ⲛ̅ ⲥⲉ ⲧⲙ̅ ⲥⲱⲧⲙ̅ ⲛ̅ ⲥⲁ ⲛⲉⲧⲛ̅ ϣⲁϫⲉ · ⲛ̅ ⲧⲉⲧⲛ̅ ⲧⲟⲩⲛⲉⲥ ϩⲉⲛ ⲣⲉϥ ⲙⲟⲟⲩⲧ ϩⲛ̅ ⲛ̅ ⲧⲟⲡⲟⲥ ⲉⲧ ⲙ̅ⲙⲁⲩ · ⲁⲩⲱ ⲛ̅ⲧⲉⲧⲛ̅ ⲑⲉⲣⲁⲡⲉⲩⲉ ⲛ̅ ⲛ̅ ϭⲁⲗⲉⲉⲩ ⲙⲛ̅ ⲛ̅ⲃⲗ̅ ⲗⲉⲉⲩ ⲙⲛ̅ ⲛ̅ ϣⲱⲛⲉ ⲉⲧ ϣⲃ̅ⲉⲓⲁⲉⲓⲧ ϩⲛ̅ ⲛ̅ ⲧⲟⲡⲟⲥ ⲉⲧ ⲙ̅ ⲙⲁⲩ · ⲁⲩⲱ ⲉⲃⲟⲗ ϩⲓⲧⲛ̅ ⲛⲁⲓ̈ ⲧⲏⲣ ⲟⲩ ⲛ̅ ⲧⲉⲓ̈ ⲙⲓⲛⲉ ·

ⲥⲉ ⲛⲁ ⲡⲓⲥⲧⲉⲩⲉ ⲉⲣⲱ ⲧⲛ̅ ϫⲉ ⲉ ⲧⲉⲧⲛ̅ ⲕⲏⲣⲩⲥⲥⲉ ⲙ̅ ⲡ ⲛⲟⲩ ⲧⲉ ⲙ̅ ⲡ ⲧⲏⲣ ϥ̅ · ⲁⲩⲱ ⲛ̅ ⲥⲉ ⲡⲓⲥⲧⲉⲩⲉ ⲉ ϣⲁϫⲉ ⲛⲓⲙ' ⲛ̅ⲧⲉ ⲧⲏⲩⲧⲛ̅ ·

ⲉⲧⲃⲉ ⲡⲁⲓ̈ ϭⲉ ⲟⲩⲛ ⲛ̅ⲧ ⲁ ⲓ̈ ϯ ⲛⲏ ⲧⲛ̅ ⲙ̅ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ · ϩⲉⲱⲥ ϣⲁⲛⲧⲉ ⲧⲛ̅ ⲧⲁϫⲣⲟ ⲛ̅ ⲧ ⲡⲓⲥⲧⲓⲥ ϩⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥ̅ⲱ̅ⲣ̅ ⲁ ϥ ⲟⲩⲱϩⲙ̇ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲧⲉⲛⲟⲩ ϭⲉ ⲟⲩⲛ ⲥⲱⲧⲙ̅ ⲙⲁⲣⲓⲁ · ⲉⲧⲃⲉ ⲡ ϣⲁϫⲉ ⲉⲛⲧ ⲁ ϣⲛ̅ⲧ ⲉⲣⲟ ϥ ϫⲉ ⲛⲓⲙ ⲡ ⲉⲧ ⲁⲛⲁⲅⲕⲁⲍⲉ ⲙ̅ ⲡ ⲣⲱⲙⲉ ϩⲉⲱⲥ ϣⲁⲛⲧ ϥ̅ ⲣ̅ ⲛⲟⲃⲉ ·

ⲧⲉⲛⲟⲩ ϭⲉ ϣⲁ ⲩ ⲙⲓⲥⲉ ⲙ̅ ⲡ ϣⲏⲣⲉ ϣⲏⲙ' ⲉⲣⲉ ⲧ ϭⲟⲙ ⲥⲟⲃⲕ̅ ⲛ̅ϩⲏⲧ ϥ̅ · ⲁⲩⲱ ⲉ ⲥ ⲥⲟⲃⲕ̅ ⲛ̅ϩⲏⲧ ϥ̅ ⲛ̅ϭⲓ ⲧⲉ ⲯⲩⲭⲏ · ⲁⲩⲱ ⲉ ϥ ⲥⲟⲃⲕ̅ ⲛ̅ϩⲏⲧ ϥ̅ ⲛ̅ϭⲓ ⲡ ⲕⲉ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ϩⲁⲡⲁⲝ ϩⲁⲡⲗⲱⲥ ⲉ ⲩ ⲥⲟⲃⲕ̅ ⲙ̅ ⲡ ϣⲟⲙⲛ̅ⲧ ϩⲓ ⲛⲉⲩ ⲉⲣⲏⲩ · ⲉ ⲙⲛ̅ ⲗⲁⲁⲩ ⲙ̅ⲙⲟ ⲟⲩ ⲁⲓⲥⲑⲁⲛⲉ ⲉ ⲗⲁⲁⲩ ⲛ̅ ϩⲱⲃ' ⲉⲓⲧⲉ ⲡ ⲉⲧ ⲛⲁⲛⲟⲩ ϥ ⲉⲓⲧⲉ ⲡ ⲉⲑ ⲟⲟⲩ · ⲉⲃⲟⲗ ⲙ̅ ⲡⲉ ϩⲣⲟϣ ⲛ̅ ⲧ ⲃ̅ϣⲉ ⲉⲧ ϩⲟⲣϣ̅ ⲉⲙⲁϣⲟ ·

ⲁⲩⲱ ⲟⲛ ⲉ ϥ ⲥⲟⲃⲕ̅ ⲛ̅ϭⲓ ⲡ ⲕⲉ ⲥⲱ ⲙⲁ ⲁⲩⲱ ϣⲁⲣⲉ ⲡ ϣⲏⲣⲉ ϣⲏⲙ' ⲟⲩⲱⲙ ⲉⲃⲟⲗ ϩⲛ̅ ⲛ ⲉ ⲧⲣⲩⲫⲟⲟⲩⲉ ⲙ̅ ⲡ ⲕⲟⲥⲙⲟⲥ ⲛ̅ ⲧⲉⲛ̅ ⲁⲣⲭⲱⲛ ·

ⲁⲩⲱ ϣⲁ ⲣⲉ ⲧ ϭⲟⲙ ⲥⲱⲕ' ⲛⲁ ⲥ ⲉⲃⲟⲗ' ⲙ̅ ⲡ ⲙⲉⲣⲟⲥ ⲛ̅ ⲧϭⲟⲙ' ⲉⲧ ϩⲛ̅ ⲛ ⲉⲧⲣⲩⲫⲟⲟⲩⲉ ·

ⲁⲩⲱ ϣⲁⲣⲉ ⲧⲉ ⲯⲩⲭⲏ ⲥⲱⲕ' ⲛⲁ ⲥ ⲉⲃⲟⲗ ⲙ̅ ⲡ ⲙⲉⲣⲟⲥ ⲛ̅ ⲧⲉ ⲯⲩⲭⲏ ⲉⲧ ϩⲛ̅ ⲛ ⲉ ⲧⲣⲩⲫⲟⲟⲩⲉ ·

ⲁⲩⲱ ϣⲁⲣⲉ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ⲥⲱⲕ' ⲛⲁ ϥ ⲉⲃⲟⲗ ⲙ̅ ⲡ ⲙⲉⲣⲟⲥ ⲛ̅ ⲧ ⲕⲁⲕⲓⲁ · ⲉⲧ ϩⲛ̅ ⲛ ⲉⲧⲣⲩ ⲫⲟⲟⲩⲉ ⲙⲛ̅ ⲛⲉϥ ⲉⲡⲓⲑⲩⲙⲓⲁ ·

ⲁⲩⲱ ϣⲁⲣⲉ ⲡ ⲥⲱⲙⲁ ϩⲱⲱ ϥ ⲥⲱⲕ ⲛⲁ ϥ ⲛ̅ ⲑ ⲩⲗⲏ ⲉ ⲛⲥ̅ ⲁⲓⲥⲑⲁⲛⲉ ⲁⲛ ⲉⲧ ϩⲛ̅ ⲛ ⲉⲧⲣⲩⲫⲟⲟⲩⲉ ·

ⲧ ⲙⲟⲓⲣⲁ ⲛ̅ⲧⲟϥ ⲙⲉ ⲥ ϫⲓ ⲉⲃⲟⲗ ϩⲛ̅ ⲛ ⲉⲧⲣⲩⲫⲟⲟⲩⲉ · ⲉⲃⲟⲗ ϫⲉ ⲛ̅ ⲥ ⲧⲏϩ ⲁⲛ ⲉϩⲟⲩⲛ ⲛⲙ̅ⲙⲁ ⲩ · ⲁⲗⲗⲁ ⲧ ϭⲟⲧ ⲉ ϣⲁ ⲥ ⲉⲓ̅ ⲉ ⲡ ⲕⲟⲥⲙⲟⲥ ⲛ̅ϩⲏⲧ ⲥ̅ ϣⲁ ⲥ ⲃⲱⲕ' ⲟⲛ ⲛ̅ϩⲏⲧ ⲥ̅ ⲁⲩⲱ ⲕⲁ ⲧⲁ ⲕⲟⲩⲓ̈ ⲕⲟⲩⲓ̈ ϣⲁⲣⲉ ⲧ ϭⲟⲙ ⲙ ̅ⲛ̅ ⲧⲉ ⲯⲩⲭⲏ ⲙⲛ̅ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ϣⲁ ⲩ ⲣ̅ ⲛⲟϭ · ⲁⲩⲱ ϣⲁⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ϣⲁ ϥ ⲁⲓⲥⲑⲁⲛⲉ ⲕⲁⲧⲁ ⲧⲉϥ ⲫⲩⲥⲓⲥ ·

ⲧ ϭⲟⲙ ⲙⲉⲛ ϣⲁ ⲥ ⲁⲓⲥⲑⲁ ⲛⲉ ⲉ ϣⲓⲛⲉ ⲛ̅ⲥⲁ ⲡ ⲟⲩⲟⲉⲓⲛ ⲙ̅ ⲡ ϫⲓⲥⲉ ·

ⲧⲉ ⲯⲩⲭⲏ ϩⲱⲱ ⲥ ϣⲁ ⲥ ⲁⲓⲥⲑⲁⲛⲉ ⲉ ϣⲓⲛⲉ ⲛ̅ⲥⲁ ⲡ ⲧⲟⲡⲟⲥ ⲛ̅ ⲧ ⲇⲓ ⲕⲁⲓⲟⲥⲩⲛⲏ ⲡⲁⲓ̈ ⲉⲧ ⲧⲏϩ · ⲉⲧⲉ ⲛ̅ⲧⲟϥ ⲡⲉ ⲡ ⲧⲟⲡⲟⲥ ⲛ̅ ⲧⲥⲩⲅⲕⲣⲁⲥⲓⲥ · ⲡ ⲁⲛⲧⲓⲙⲓⲙⲟⲛ ϩⲱⲱ ϥ ⲙ̅ ⲡⲛ̅ⲁ̅ ϣⲁ ϥ ϣⲓ ⲛⲉ ⲛ̅ⲥⲁ ⲕⲁⲕⲓⲁ ⲧⲏⲣ ⲟⲩ ⲙⲛ̅ ⲛ ⲉⲡⲓⲑⲩⲙⲓⲁ ⲙⲛ̅ ⲛⲟⲃⲉ ⲛⲓⲙ ·

ⲡ ⲥⲱⲙⲁ ϩⲱⲱ ϥ ⲙⲉ ϥ ⲁⲓⲥⲑⲁⲛⲉ ⲉ ⲗⲁⲁⲩ ⲉⲓⲙⲏⲧⲓ ⲛ̅ ϥ ⲧⲁⲗⲉ ϭⲟⲙ ⲉⲃⲟⲗ ϩⲛ̅ ⲧ ϩⲩⲗⲏ ·

ⲁⲩⲱ ⲛ̅ ⲧⲉ ⲩⲛⲟⲩ ϣⲁ ⲩ ⲁⲓⲥⲑⲁⲛⲉ ⲙ̅ ⲡ ϣⲟⲙⲛ̅ⲧ ⲡ ⲟⲩⲁ ⲡ ⲟⲩⲁ ⲕⲁⲧⲁ ⲧⲉϥ ⲫⲩⲥⲓⲥ · ⲁⲩⲱ ϣⲁⲣⲉ ⲛ ⲉⲣⲓⲛⲁⲓⲟⲥ ϩⲱ ⲟⲩ ϣⲁ ⲩ ⲧⲁⲩⲟ ⲛ̅ ⲛ̅ ⲗⲓⲧⲟⲩⲣⲅⲟⲥ ⲛ̅ ⲥⲉ ⲁⲕⲟⲗⲟⲩⲧⲓ ⲛⲁ ⲩ · ⲛ̅ⲥⲉ ⲣ̅ ⲙⲛ̅ⲧⲣⲉ ⲛ̅ ⲛⲟⲃⲉ ⲛⲓⲙ ⲉⲧ ⲟⲩ ⲉⲓⲣⲉ ⲙ̅ⲙⲟ ⲟⲩ · ⲉⲧⲃⲉ ⲑ ⲉ ⲉⲧ ⲟⲩ ⲛⲁ ⲕⲟⲗⲁⲍⲉ ⲙ̅ⲙⲟ ⲟⲩ ϩⲛ̅ ⲛⲉ ⲕⲣⲓⲥⲓⲥ ·

ⲁⲩⲱ ⲙⲛ̅ⲛ̅ⲥⲁ ⲛⲁⲓ̈ ⲟⲛ ϣⲁⲣⲉ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ · ϣⲁ ϥ ⲉⲡⲓⲛⲟⲓ̈ ⲁⲩⲱ ⲛ ϥ̅ ⲁⲓⲥⲑⲁⲛⲉ ⲛ̅ ⲛ̅ ⲛⲟⲃⲉ ⲧⲏⲣ ⲟⲩ · ⲙⲛ̅ ⲙ̅ ⲡ ⲉⲑ ⲟ ⲟⲩ ⲉⲛⲧ ⲁ ϥ ϩⲟⲛ ⲟⲩ ⲉⲧⲟⲟⲧ ϥ̅ ⲛ̅ϭⲓ ⲧⲉ ⲯⲩⲭⲏ ⲛ̅ ⲛ̅ ⲁⲣⲭⲱⲛ ⲛ̅ ⲧ ⲛⲟϭ ⲛ̅ ϩⲓⲙⲁⲣⲙⲉⲛⲏ · ⲁⲩⲱ ⲛ ϥ̅ ⲁⲁ ⲩ ⲛ̅ ⲧⲉ ⲯⲩⲭⲏ ·

ⲁⲩⲱ ϣⲁⲣⲉ ⲧ ϭⲟⲙ ⲉⲧ ϩⲓϩⲟⲩⲛ ϣⲁ ⲥ ⲕⲓⲙ' ⲉ ⲧⲉ ⲯⲩⲭⲏ · ⲉ ⲧⲣⲉ ⲥ ϣⲓⲛⲉ ⲛ̅ⲥⲁ ⲡ ⲧⲟⲡⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲙⲛ̅ ⲧ ⲙⲛ̅ⲧ ⲛⲟⲩⲧⲉ ⲧⲏⲣ ⲥ̅ ·

ⲁⲩⲱ ϣⲁⲣⲉ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ϣⲁ ϥ ⲣⲓⲕⲉ ⲛ̅ ⲧⲉ ⲯⲩⲭⲏ ⲁⲩⲱ ϣⲁ ϥ ⲁⲛⲁⲅⲕⲁⲍⲉ ⲙ̅ⲙⲟ ⲥ ⲛ ϥ̅ ⲧⲣⲉⲥ ⲉⲓⲣⲉ ⲛ̅ ⲛⲉϥ ⲁⲛⲟⲙⲓⲁ ⲧⲏⲣ ⲟⲩ · ⲁⲩⲱ ⲙⲛ̅ ⲛⲉϥ ⲡⲁⲑⲟⲥ ⲧⲏⲣ ⲟⲩ · ⲙⲛ̅ ⲛⲉϥ ⲛⲟⲃⲉ ⲧⲏⲣ ⲟⲩ ⲉ ⲥ ⲙⲏⲛ ⲉⲃⲟⲗ' ⲁⲩⲱ ϣⲁ ϥ ϭⲱ ⲉ ϥ ⲧⲟ ⲛ̅ ⲟⲩⲉⲧ ⲉ ⲯⲩⲭⲏ · ⲁⲩⲱ ⲉ ϥ ⲟ ⲛ̅ ϫⲁϫⲉ ⲉⲣⲟ ⲥ · ⲉ ϥ ⲧⲣⲉⲥ ⲉⲓⲣⲉ ⲛ̅ ⲛⲉⲓ̈ ⲡ ⲉⲑ ⲟⲟⲩ ⲧⲏⲣ ⲟⲩ ⲙⲛ̅ ⲛⲉⲓ̈ ⲛⲟⲃⲉ ⲧⲏⲣ ⲟⲩ ·

ⲁⲩⲱ ϣⲁ ϥ ⲧⲱⲃⲥ̅ ⲛ̅ ⲛ̅ ⲗⲉⲓⲧⲟⲩⲣⲅⲟⲥ ⲛ̅ ⲉⲣⲓⲛⲁⲓⲟⲥ ϫⲉ ⲉⲩⲉ ⲣ̅ ⲙⲛ̅ⲧⲣⲉ ⲉⲣⲟ ⲥ ϩⲛ̅ ⲛⲟⲃⲉ ⲛⲓⲙ ⲉ ϥ ⲛⲁ ⲧⲣⲉⲥ ⲉⲓⲣⲉ ⲙ̅ⲙⲟ ⲟⲩ ·

ⲉⲧⲓ ⲟⲛ ⲉ ⲥⲉⲓ̅ⲉⲥ ⲛⲁ ⲙ̅ⲧⲟⲛ ⲙ̅ⲙⲟ ⲥ ϩⲛ̅ ⲧⲉ ⲩϣⲏ ϩⲙ̅ ⲡⲉ ϩⲟⲟⲩ · ϣⲁ ϥ ⲕⲓⲙ' ⲉⲣⲟ ⲥ ϩⲛ̅ ϩⲉⲛ ⲣⲁⲥⲟⲩ · ⲏ̅ ϩⲛ̅ ϩⲉⲛ ⲉⲡⲓⲑⲩⲙⲓⲁ ⲛ̅ⲧⲉ ⲡ ⲕⲟⲥⲙⲟⲥ ·

ⲁⲩⲱ ϣⲁ ϥ ⲧⲣⲉⲥ ⲉⲡⲓ ⲑⲩⲙⲓ ⲉ ϩⲱⲃ ⲛⲓⲙ' ⲛ̅ⲧⲉ ⲡ ⲕⲟⲥⲙⲟⲥ ϩⲁⲡⲁⲝ ϩⲁⲡⲗⲱⲥ ϣⲁ ϥ ϩⲟⲕⲛ̅ⲥ ⲉ ⲛⲉ ϩⲃⲏⲩⲉ ⲧⲏⲣ ⲟⲩ ⲛ̅ⲧ ⲁ ⲩ ϩⲟⲛ ⲟⲩ ⲉ ⲧⲟⲟⲧ ϥ̅ ⲛ̅ϭⲓ ⲛ̅ ⲁⲣⲭⲱⲛ · ⲁⲩⲱ ϣⲁ ϥ ϣⲱⲡⲉ ⲛ̅ ϫⲁϫⲉ ⲙⲛ̅ ⲧⲉ ⲯⲩⲭⲏ ⲉ ϥ ⲧⲣⲉⲥ ⲉⲓⲣⲉ ⲙ̅ⲡⲉ ⲧⲉⲛ̅ ϩⲛⲁⲥ ⲁⲛ · ⲧⲉⲛⲟⲩ ϭⲉ ⲟⲩⲛ ⲙⲁⲣ ⲓⲁ ⲉⲓ̈ⲉ ⲡⲁⲓ̈ ⲡⲉ ⲡ ϫⲁϫⲉ ⲛ̅ ⲧⲉ ⲯⲩⲭⲏ · ⲁⲩⲱ ⲡⲁⲓ̈ ⲡ ⲉⲧ ⲁⲛⲁⲅⲕⲁⲍⲉ ⲙ̅ⲙⲟ ⲥ ϩⲉⲱⲥ ϣⲁⲛⲧ ⲥ̅ ⲣ̅ ⲛⲟⲃⲉ ⲛⲓⲙ · ⲧⲉⲛⲟⲩ ϭⲉ ⲟⲩⲛ ⲉϥϣⲁⲛ ϣⲱⲡⲉ ⲛ ϥ̅ ϫⲱⲕ' ⲉⲃⲟⲗ ⲛ̅ϭⲓ ⲡⲉ ⲟⲩⲟⲉⲓϣ ⲙ̅ ⲡ ⲣⲱⲙⲉ ⲉⲧ ⲙ̅ⲙⲁⲩ ·

ⲛ̅ ϣⲟⲣⲡ̅ ⲙⲉⲛ ϣⲁ ⲥ ⲉⲓ̅ ⲉⲃⲟⲗ ⲛ̅̇ ϣ̇ⲟ̇ⲣ̇ⲡ̅̇ ⲛ̅ϭⲓ ⲧ ⲙⲟⲓⲣⲁ ⲛⲥ̅ⲁ ⲅⲉ ⲙ̅ ⲡ ⲣⲱⲙⲉ ⲉϩⲟⲩⲛ ⲉ ⲡ ⲙⲟⲩ ϩⲓⲧⲛ̅ ⲛ̅ ⲁⲣ ⲭⲱⲛ ⲙⲛ̅ ⲛⲉⲩ ⲙⲣ̅ⲣⲉ · ⲛⲁⲓ̈ ⲛ̅ⲧ ⲁ ⲩ ⲙⲟⲣ ⲟⲩ ⲛ̅ϩⲏⲧ ⲟⲩ ϩⲓⲧⲛ̅ ⲑ ⲓⲙⲁⲣⲙⲉⲛⲏ · ⲁⲩⲱ ⲙⲛ̅ⲛ̅ⲥⲱ ⲥ ϣⲁ ⲩ ⲉⲓ̅ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲱⲣ ⲛ̅ ⲉⲣⲓⲛⲁⲓⲟⲥ · ⲛ̅ ⲥⲉ ⲉⲓ̅ⲛⲉ ⲛ̅ ⲧⲉ ⲯⲩ ⲭⲏ ⲉⲧ ⲙ̅ⲙⲁⲩ ⲉⲃⲟⲗ ϩⲛ̅ ⲥⲱⲙⲁ ·

ⲁⲩⲱ ⲙⲛ̅ⲛ̅ⲥⲱ ⲥ ϣⲁ ⲣⲉ ⲙ̅ ⲡⲁⲗⲁⲗⲏⲙⲡⲧⲱⲣ ⲛ̅ ⲉⲣⲓⲛⲁⲓⲟⲥ ϣⲁ ⲩ ⲣ̅ ϣⲟⲙⲛ̅ⲧ ⲛ̅ ϩⲟⲟⲩ ⲉ ⲩ ⲕⲱⲧⲉ ⲙⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ϩⲣⲁⲓ̈ ϩⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ · ⲉ ⲩ ⲧⲁⲩⲟ ⲙ̅ⲙⲟ ⲥ ⲉ ⲛ ⲁⲓⲱⲛ ⲧⲏⲣ ⲟⲩ ⲛ̅ⲧⲉ ⲛ̅ ⲕⲟⲥⲙⲟⲥ · ⲉ ⲩ ⲟⲩⲏϩ ⲛ̅ⲥⲁ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲛ̅ϭⲓ ⲡ ⲁⲛⲧⲓⲙⲓⲙⲟⲛ ⲙ̅ ⲡⲛ̅ⲁ̅ ⲙⲛ̅ ⲧ ⲙⲟⲓⲣⲁ ⲁⲩⲱ ϣⲁⲣⲉ ⲧ ϭⲟⲙ ⲁⲛⲁⲭⲱⲣⲓ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩ ⲟⲉⲓⲛ ·

ⲁⲩⲱ ⲙⲛ̅ⲛ̅ⲥⲁ ⲡ ϣⲟⲙⲛ̅ⲧ ⲛ̅ ϩⲟⲟⲩ ϣⲁⲣⲉ ⲙ̅ ⲡⲁⲣⲁⲗⲏⲙⲡⲧⲱⲣ ⲛ̅ ⲉⲣⲓⲛⲁⲓⲟⲥ ϣⲁ ⲩ ⲉⲓⲛⲉ ⲛ̅ ⲧⲉ ⲯⲩ ⲭⲏ ⲉⲧ ⲙ̅ⲙⲁⲩ ⲉ ⲡ ⲉⲥⲏⲧ ⲉ ⲡ ⲉⲥⲏⲧ ⲉ ⲁⲙⲛ̅ⲧⲉ ⲛ̅ⲧⲉ ⲡⲉ ⲭⲁⲟⲥ ⲁⲩⲱ ⲉⲩϣⲁⲛ ⲉⲓⲛⲉ ⲙ̅ⲙⲟ ⲥ ⲉ ⲡⲉⲥⲏⲧ' ⲉ ⲡⲉ ⲭⲁ ⲟⲥ · ϣⲁ ⲩ ⲧⲁⲁ ⲥ ⲉⲧⲟⲟⲧ ⲟⲩ ⲛ̅ ⲛ ⲉⲧ ⲕⲟⲗⲁⲍⲉ ·

ⲁⲩⲱ ϣⲁⲣⲉ ⲙ̅ ⲡⲁⲣⲁⲗⲏⲙⲡⲧⲏⲥ ⲁⲛⲁⲭⲱⲣⲓ ⲉ ⲛⲉⲩ ⲧⲟⲡⲟⲥ ⲕⲁⲧⲁ ⲧ ⲟⲓⲕⲟⲛⲟⲙⲓⲁ ⲛ̅ ⲛⲉ ϩⲃⲏⲩⲉ ⲛ̅ ⲛ̅ ⲁⲣⲭⲱⲛ ⲉⲧⲃⲉ ⲧ ϭⲓⲛ ⲉⲓ̅ ⲉⲃⲟⲗ ⲛ̅ ⲛⲉ ⲯⲩⲭⲟⲟⲩⲉ ·

ⲁⲩⲱ ϣⲁⲣⲉ ⲡ ⲁⲛ ⲧⲓⲙⲓⲙⲟⲛ ⲙ̅ ⲡⲛ̅ⲁ̅ ϣⲁ ϥ ϣⲱⲡⲉ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲧⲉ ⲯⲩⲭⲏ ⲉ ϥ ⲧⲟ ⲉⲣⲟ ⲥ ⲉ ϥ ⲥⲟⲟϩⲉ ⲙ̅ⲙⲟ ⲥ ⲕⲁⲧⲁ ⲧ ⲕⲟ ⲗⲁⲥⲓⲥ ⲉⲧⲃⲉ ⲛ̅ ⲛⲟⲃⲉ ⲛ̅ⲧ ⲁ ϥ ⲧⲣⲉⲥ ⲉⲓⲣⲉ ⲙ̅ⲙⲟ ⲟⲩ · ⲁⲩⲱ ϣⲁ ϥ ϣⲱⲡⲉ ϩⲛ̅ ⲟⲩ ⲛⲟϭ ⲙ̅ ⲙⲛ̅ⲧ ϫⲁϫⲉ ⲉϩⲟⲩⲛ ⲉ ⲧⲉ ⲯⲩⲭⲏ ·

ⲁⲩⲱ ⲉⲣϣⲁⲛ ⲧⲉ ⲯⲩⲭⲏ ϫⲱⲕ ⲉⲃⲟⲗ ϩⲛ̅ ⲛ̅ ⲕⲟⲗⲁⲥⲓⲥ ϩⲛ̅ ⲛⲉ ⲭⲁⲟⲥ ⲕⲁⲧⲁ ⲛ̅ ⲛⲟⲃⲉ ⲛ̅ⲧ ⲁ ⲥ ⲉⲓⲣⲉ ⲙ̅ⲙⲟ ⲟⲩ ·

ϣⲁⲣⲉ ⲡ ⲁⲛⲧⲓⲙⲓⲙⲟⲛ ⲛ̅ⲧ ⲥ̅ ⲉϩⲣⲁⲓ̈ ϩⲛ̅ ⲛⲉ ⲭⲁⲟⲥ ⲉ ϥ ⲧⲟ ⲉⲣⲟ ⲥ ⲉ ϥ ⲥⲟⲟϩⲉ ⲙ̅ⲙⲟ ⲥ ⲕⲁ ⲧⲁ ⲧⲟⲡⲟⲥ ⲉⲧⲃⲉ ⲛ̅ ⲛ̅ ⲛⲟⲃⲉ ⲛ̅ⲧ ⲁ ⲥ ⲁⲁ ⲩ · ⲁⲩⲱ ϣⲁ ϥ ⲛ̅ⲧ ⲥ̅ ⲉⲃⲟⲗ ϩⲓ ⲧⲉ ϩⲓⲏ ⲛ̅ ⲛ̅ ⲁⲣⲭⲱⲛ ⲛ̅ ⲧ ⲙⲏⲧⲉ · ⲁⲩⲱ ⲉϥ ϣⲁⲛ ⲡⲱϩ ⲉⲣⲟ ⲟⲩ · ϣⲁ ⲩ ϣⲛ̅ⲧ ⲥ̅ ⲉ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲟⲓⲣⲁ ·

ⲁⲩⲱ ⲉⲥϣⲁⲛ ⲧⲙ̅ ϩⲉ ⲉⲣⲟ ⲟⲩ ϣⲁ ⲩ ϣⲓⲛⲉ ⲛ̅ ⲧⲉⲩ ⲙⲟⲓⲣⲁ · ⲁⲩⲱ ϣⲁⲣⲉ ⲛ̅ ⲁⲣⲭⲱⲛ ⲉⲧ ⲙ̅ⲙⲁⲩ ϣⲁ ⲩ ⲕⲟⲗⲁⲍⲉ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲕⲁⲧⲁ ⲛ̅ ⲛⲟⲃⲉ ⲉⲧ ⲥ̅ ⲙ̅ⲡϣⲁ ⲙ̅ⲙⲟ ⲟⲩ ·

ⲛⲁⲓ̈ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲧⲩⲡⲟⲥ ⲛ̅ ⲛⲉⲩ ⲕⲟⲗⲁⲥⲓⲥ ϩⲣⲁⲓ̈ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ·

ⲉⲥϣⲁⲛ ϣⲱⲡⲉ ϭⲉ ⲟⲩⲛⲉϥ ϣⲁⲛ ϫⲱⲕ' ⲉⲃⲟⲗ ⲛ̅ϭⲓ ⲡⲉ ⲩ ⲟⲉⲓϣ ⲛ̅ ⲛ̅ ⲕⲟⲗⲁⲥⲓⲥ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ϩⲣⲁⲓ̈ ϩⲛ̅ ⲛⲉ ⲕⲣⲓⲥⲓⲥ ⲛ̅ ⲛ̅ ⲁⲣⲭⲱⲛ ⲛ̅ ⲧ ⲙⲏⲧⲉ · ϣⲁⲣⲉ ⲡ ⲁⲛ ⲧⲓⲙⲓⲙⲟⲛ ⲙ̅ ⲡⲛ̅ⲁ̅ ϣⲁ ϥ ⲉⲓⲙⲉ ⲛ̅ ⲧⲉ ⲯⲩⲭⲏ ⲉϩⲣⲁⲓ̈ ϩⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲛ̅ ⲁⲣⲭⲱⲛ ⲛ̅ ⲧ ⲙⲏⲧⲉ · ϣⲁ ϥ ϫⲓⲧ ⲥ̅ ⲉϩⲣⲁⲓ̈ ⲙ̅ ⲡⲉ ⲙⲧⲟ ⲉⲃⲟⲗ ⲙ̅ ⲡ ⲟⲩⲟⲉⲓⲛ ⲙ̅ ⲡ ⲣⲏ · ⲕⲁⲧⲁ ⲧ ⲕⲉⲗⲉⲩⲥⲓⲥ ⲙ̅ ⲡ ϣⲟⲣⲡ̅ ⲛ̅ ⲣⲱⲙⲉ ⲓ̅ⲉ̅ⲟ̅ⲩ̅ ·

ⲁⲩⲱ ϣⲁ ϥ ϫⲓⲧ ⲥ̅ ⲉⲣⲁⲧ ⲥ̅ ⲛ̅ ⲧⲉ ⲕⲣⲓⲧⲏⲥ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ϣⲁ ϥ ⲇⲟⲕⲓⲙⲁⲍⲉ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲛ ϥ̅ ϩⲉ ⲉⲣⲟ ⲥ ⲉ ⲩ ⲯⲩⲭⲏ ⲛ̅ ⲣⲉϥ ⲣ̅ ⲛⲟⲃⲉ ⲧⲉ · ⲁⲩⲱ ϣⲁ ⲥ ⲛⲟⲩϫⲉ ⲛ̅ ⲧⲉⲥ ϭⲟⲙ ⲛ̅ ⲟⲩⲟⲉⲓⲛ ⲉϩⲟⲩⲛ ⲉⲣⲟ ⲥ ⲉⲧⲃⲉ ⲡⲉⲥ ⲧⲁϩⲟ ⲉⲣⲁⲧ ϥ̅ · ⲙⲛ̅ ⲡ ⲥⲱⲙⲁ · ⲙⲛ̅ ⲧ ⲕⲟⲓⲛⲱ ⲛⲓⲁ ⲛ̅ ⲧ ⲁⲓⲥⲑⲏⲥⲓⲥ · ⲛⲁⲓ̈ ⲉ ϯ ⲛⲁ ϫⲱ ⲙ̅ ⲡⲉⲩ ⲧⲩⲡⲟⲥ ⲉ ⲣⲱ ⲧⲛ̅ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ·

ⲁⲩⲱ ϣⲁⲣⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲥ ⲥⲫⲣⲁⲅⲓⲍⲉ ⲛ̅ ⲧⲉ ⲯⲩ ⲭⲏ ⲉⲧ ⲙ̅ⲙⲁⲩ · ⲛ ⲥ̅ⲧⲁⲗⲟⲥ ⲉ ⲩⲁⲛ̅ ⲛⲉⲥ ⲡⲁⲣⲁⲗⲏⲙⲧⲏⲥ · ⲛ ⲥ̅ⲧⲣⲉⲩ ⲛⲟϫ ϥ̅ ⲉ ⲩ ⲥⲱⲙⲁ ⲉ ϥ ⲙ̅ⲡϣⲁ ⲛ̅ ⲛ̅ ⲛⲟⲃⲉ ⲛ̅ⲧ ⲁ ⲥ ⲁⲁ ⲩ ·

ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲛ̅ ⲛⲉⲥ ⲕⲱ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ⲉⲃⲟⲗ ϩⲛ̅ ⲙ̅ ⲙⲉⲧⲁ ⲃⲟⲗⲏ ⲙ̅ ⲡ ⲥⲱⲙⲁ · ⲉ ⲙⲡ ⲥ̅ ϯ ⲙ̅ ⲡⲉⲥ ϩⲁⲉ ⲛ̅ ⲕⲩⲕⲗⲟⲥ ⲕⲁⲧⲁ ⲛ ⲉⲧ ⲥ̅ⲙ̅ⲡϣⲁ ⲙ̅ⲙⲟ ⲟⲩ ·

ⲛⲁⲓ̈ ϭⲉ ⲧⲏⲣ ⲟⲩ ϯ ⲛⲁ ϫⲱ ⲙ̅ ⲡⲉⲩ ⲧⲩⲡⲟⲥ ⲉⲣⲱ ⲧⲛ̅ ⲙⲛ̅ ⲡ ⲧⲩⲡⲟⲥ ⲛ̅ ⲛ̅ ⲥⲱⲙⲁ ⲉ ϣⲁ ⲩ ⲛⲟϫ ⲟⲩ ⲉⲣⲟ ⲟⲩ · ⲕⲁⲧⲁ ⲛ̅ ⲛⲟⲃⲉ ⲛ̅ ⲧⲉ ⲯⲩⲭⲏ ⲧⲉ ⲯⲩⲭⲏ ⲛⲁ ⲓ̈ ϯ ⲛⲁ ϫⲟⲟⲩ ⲉⲣⲱ ⲧⲛ̅ ⲧⲏⲣ ⲟⲩ ⲉⲓ̈ϣⲁⲛ ⲟⲩⲱ ⲉ ⲓ̈ ϫⲱ ⲉⲣⲱ ⲧⲛ̅ ⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ·