Pistis Sophia Book 3 Part 1 unknown source <a href='http://marcion.sourceforge.net/'>Marcion project</a>, <a href='https://archive.org/details/pistissophiaopus0000unse/page/n29/mode/2up'>Archive.org</a> annotation Randy Komforty, Lance Martin, Amir Zeldes, Caroline T. Schroeder translation none Coptic SCRIPTORIUM, Marcion CC-BY 4.0 CMCL.AQ codex Egypt none unknown British Library Additional Manuscripts 5114 469-498 Sahidic Coptic Pistis Sophia Book 3 Part 1 J. H. Petermann (1851), Carl Schmidt & Violet MacDermot (1978)

This file encoded to comply with EpiDoc Guidelines and Schema.http://sourceforge.net/p/epidoc/

 Sahidic Coptic

□ Ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉ ϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲉⲓ̈ϣⲁⲛ ⲃⲱⲕ ⲉ ⲡ ⲟⲩⲟⲉⲓⲛ ⲕⲏⲣⲩⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲁϫⲓ ⲥ ⲉⲣⲟ ⲟⲩ ϫⲉ ⲙ̅ⲡⲣ̅ ⲕⲁ ⲧⲟⲧ ⲧⲏⲩⲧⲛ̅ ⲉⲃⲟⲗ ⲙ̅ ⲡⲉ ϩⲟⲩⲟ ⲙⲛ̅ ⲧⲉ ⲩϣⲏ ⲉ ⲧⲉⲧⲛ̅ ϣⲓⲛⲉ ϩⲉⲱⲥ ϣⲁⲛⲧⲉ ⲧⲛ̅ ϭⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · □□□ ⲛⲁⲓ̈ ⲉⲧ ⲛⲁⲥⲉⲧ ϥ̅ ⲧⲏ ⲛⲟⲩ ⲛ̅ ⲥⲉ ⲣ̅ ⲧⲏⲩⲧⲛ̅ ⲛ̅ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ · ⲛ̅ ⲥⲉ ϫⲓ ⲧⲏⲩⲧⲛ̅ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲓ̈ⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ · ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ · ⲁⲩⲱ ⲙⲛ̅ ⲛⲉϥ ⲣⲟⲟⲩϣ ⲧⲏⲣ ⲟⲩ · ⲁⲩⲱ ⲙⲛ̅ ⲛⲉϥ ⲛⲟⲃⲉ ⲧⲏⲣ ⲟⲩ · ϩⲁⲡⲁⲝ ϩⲁⲡⲗⲱⲥ ⲙⲛ̅ ⲛⲉϥ ϩⲟⲙⲓ ⲗⲓⲁ ⲧⲏⲣ ⲟⲩ ⲉⲧ ⲛ̅ϩⲏⲧ ϥ̅ · ϫⲉ ⲉ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅̇ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲕⲟⲗⲁ ⲥⲓⲥ ⲧⲏⲣ ⲟⲩ ⲉⲧ ϩⲛ̅ ⲛⲉ ⲕⲣⲓⲥⲓⲥ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲙ̅ⲡ ⲉ ⲕⲣⲙ̅ⲣⲙ̅ · ϫⲉ ⲉ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ · ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲡ ⲕⲱϩⲧ̅ ⲙ̅ ⲡⲓ ϩⲟ ⲛ̅ ⲟⲩϩⲟⲣ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲧⲙⲛ̅ⲧⲣⲉϥϫⲓⲥⲙⲏ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲉ ⲕⲣⲓⲥⲓⲥ ⲙ̅ ⲡⲓ ϩⲟ ⲛ̅ ⲟⲩϩⲟⲣ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲧⲙⲛ̅ⲧⲣⲉϥⲧⲁϩⲙⲁ · ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ · ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲕⲟⲗⲁⲥⲓⲥ ⲛ̅ ⲁⲣⲓⲏⲗ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲙ̅ ⲡⲗⲁⲛ̅ⲛⲟⲩϫ ⲧⲁⲣⲉ ⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲉⲓⲉⲣⲟ ⲛ̅ ⲕⲱϩⲧ̅ ⲙ̅ ⲡⲓ ϩⲁ ⲛ̅ ⲟⲩϩⲟⲣ ·

ⲁϫⲓ ⲥ ⲉ ⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧⲣⲉ ⲛ̅ ⲛⲟⲩϫ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲧⲁⲣⲉ ⲧⲛ̅ ⲣ̅ ⲃⲟⲗ · ⲧⲁⲣⲉ ⲧⲛ̅ ⲛⲟⲩϩⲙ̅ ⲉ ⲛ ⲓⲉⲣⲟ ⲛ̅ ⲕⲱϩⲧ̅ ⲙ̅ ⲡⲓ ϩⲁ ⲛ̅ ⲟⲩ ϩⲟⲣ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ϣⲟⲩ ϣⲟ ⲙⲛ̅ ⲛⲓ ⲙⲛ̅ⲧ ϫⲁⲥⲓ ϩⲏⲧ ϫⲉ ⲉ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲓ ϩⲓⲉⲓⲧ ⲛ̅ ⲕⲱϩⲧ̅ ⲛ̅ ⲁⲣⲓⲏⲗ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲙⲁⲓ̈ ϩⲏⲧ ϥ̅ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲉ ⲕⲣⲓⲥⲓⲥ ⲛ̅ ⲁⲙⲛ̅ⲧⲉ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ϩⲁϩ ⲛ̅ ϣⲁϫⲉ ⲧⲁ ⲣⲉ ⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲕⲱϩⲧ̅ ⲛ̅ ⲁⲙⲛ̅ⲧⲉ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ⲛⲓϯϭⲉ ⲉⲧ ϩⲟⲟⲩ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲓ̈ⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲕⲟⲗⲁⲥⲓⲥ ⲉⲧ ϩⲛ̅ ⲁⲙⲛ̅ⲧⲉ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧⲙⲁⲓ̈ⲧⲟⲛ̅ ϩⲟⲩⲟ ϫⲉ ⲉ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲉⲓⲉⲣⲟ ⲛ̅ ⲕⲣⲱⲙ ⲛ︦ⲧⲉ ⲡⲓ ϩⲁ ⲛ̅ ⲟⲩϩⲟⲣ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲙⲁⲓ̈ ⲕⲟⲥⲙⲟⲥ ϫⲉ ⲉ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ̅ ϩⲃ̅ⲥⲱ ⲛ̅ ⲗⲁⲙϫⲁⲧⲡ̅ ϩⲓ ⲕⲱϩⲧ̅ ⲛ̅ⲧⲉ ⲡⲓ ϩⲁ ⲛ̅ ⲟⲩϩⲟⲣ ·

ⲁϫⲓ ⲥ ⲉ ⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲣⲉϥ ⲧⲱⲣⲡ̅ ϫⲉ ⲉ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲉⲓⲉⲣⲟ ⲛ̅ ⲕⲣⲱⲙ ⲛ̅ⲧⲉ ⲁⲣⲓⲏⲗ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ϣⲁϫⲉ ⲉⲑ ⲟⲟⲩ ϫⲉ ⲉ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲓ ⲕⲟ ⲗⲁⲥⲓⲥ ⲛ̅ ⲉⲓⲉⲣⲟ ⲛ̅ ⲕⲣⲱⲙ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟ ⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲡⲟⲛⲏⲣⲟⲥ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲉ□ ⲑⲁⲗⲁⲥⲥⲁ ⲛ̅ ⲕⲱϩⲧ̅ ⲛ̅ ⲁⲣⲓⲏⲗ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲁⲧ ⲛⲁ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲓ̈ⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲉ ⲕⲣⲓⲥⲓⲥ ⲛ̅ ⲛⲓϩⲁⲛⲉ ⲇⲣⲁⲕⲱⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ϭⲱⲛⲧ̅ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅' ⲉ ⲛⲉⲓⲉⲣⲏ ⲛ̅ ⲕⲣⲱⲙ' ⲛ̅ⲛⲓ ϩⲁⲛⲉ ⲇⲣⲁⲕⲱⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲙ̅ ⲡ ⲥⲁϩⲟⲩ ⲛ̅ ⲧⲉⲧⲛ̅ ⲙ̅ ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲡ ⲕⲱϩⲧ̅ ⲛ̅ ⲛ̅ ϩⲁⲗⲁⲥⲥⲁ ⲛ̅ⲛⲓϩⲁⲛⲉ ⲇⲣⲁⲕⲱⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲙ̅ ⲡ ϫⲓ ⲟⲩⲉ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ϩⲁⲗⲁⲥⲥⲁ ⲉⲧ ⲃⲉⲉⲃⲉ ⲛ̅ ⲛⲉϩⲁⲛⲉ ⲇⲣⲁⲕⲱⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ⲛⲓ ϥⲱϭⲉ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉⲓ̈ⲁⲗⲧⲁⲃⲁⲱⲑ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲧ ⲕⲁⲧⲁⲗⲁⲗⲓⲁ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲓⲉⲣⲱⲟⲩ ⲛ̅ ⲕ ⲱϩⲧ ⲙ̅ ⲡⲓ ϩⲟ ⲙ̅ ⲙⲟⲩⲓ̈ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲣⲉϥ ⲙⲓϣⲉ ⲙⲛ̅ ⲛⲓϣⲟⲛⲧ̅ⲛ̅ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲉⲓ ⲉⲣⲱⲟⲩ ⲉⲧ ⲃⲣ̅ⲃⲣ̅ ⲛ̅ ⲓⲁⲗⲧⲁⲃⲁⲱⲑ :

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲁⲧ ⲥⲃⲱ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲗⲓⲧⲟⲩⲣⲅⲟⲥ ⲛ̅ ⲧⲉⲓ̈ⲁⲗ ⲧⲁⲃⲁⲱⲑ : ⲙⲛ̅ ⲛ̅ ⲕⲱϩⲧ̅ ⲛ̅ ⲛⲉ ⲑⲁⲗⲁⲥⲥⲁ ·

ⲁϫⲓ ⲥ ⲉ ⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲕⲁⲕⲟⲩⲣⲅⲟⲥ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲓ̈ⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲇⲁⲓⲙⲟⲛⲓⲟⲛ ⲧⲏⲣ ⲟⲩ ⲛ̅ ⲧⲉⲓ̈ⲁⲗⲧⲁⲃⲁⲱⲑ ⲙⲛ̅ ⲛⲉϥ ⲕⲟⲗⲁⲥⲓⲥ ⲧⲏⲣ ⲟⲩ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ϯ ⲁⲡⲟⲛⲟⲓⲁ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲓ̈ⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲉ ⲑⲁⲗⲁⲥⲥⲁ ⲛ̅ ⲗⲁⲙϫⲁⲧⲡ̅ ⲛ̅ ⲧⲉⲓ̈ⲁⲗⲧⲁⲃⲁⲱⲑ ⲉⲧ ⲃⲣ̅ⲃⲣ̅ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟ ⲧⲁⲥⲥⲉ ⲛ̅ ⲛⲓⲙⲛ̅ⲧⲛⲟⲉⲓⲕ' ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛⲉ ⲑⲁⲗⲁⲥⲥⲁ ⲛ̅ ⲑ ⲏ̅ ϩⲓ ⲗⲁⲙϫⲁⲧⲡ̅ ⲛ̅ⲧⲉ ⲡⲓ ϩⲟ ⲙ̅ ⲙⲟⲩⲓ̈ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ϩⲱⲧⲃ̅ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲡⲓ ⲁⲣⲭⲱⲛ ⲛ̅ ϩⲁⲛⲙ̅ⲥⲁϩ ⲡⲁⲓ̈ ⲉⲧ ϩⲙ̅ ⲡ ϫⲁϥ ⲡⲉ ⲡ ϣⲟⲣⲡ̅ ⲛ̅ ⲧⲁⲙⲓⲟ · ⲉ̇ⲧ̇ ϩⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲁⲧ ⲛⲁ ⲙⲛ̅ ⲛⲓ ⲙⲛ̅ⲧ ⲁⲥⲉⲃⲏⲥ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲁⲣⲭⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ :

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲁⲧ ⲛⲟⲩⲧⲉ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲡ ⲣⲓⲙⲉ ⲙⲛ̅ ⲛ ϭⲁϩϭ̅ϩ ⲛ̅ ⲛ̅ ⲛ ⲟⲃϩⲉ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲉ ⲫⲁⲣⲙⲁⲅⲓⲁ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲡ ⲛⲟϭ ⲛ̅ ϫⲁϥ ⲙⲛ̅ ⲛⲉ ⲭⲁⲗⲁⲍⲁ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲙⲛ̅ⲧ ⲣⲉϥ ϫⲓ ⲟⲩⲁ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩ ⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲡ ⲛⲟϭ ⲛ̅ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲛ̅ ⲛⲓ ⲥⲃⲱ ⲙ̅ ⲡⲗⲁⲛⲏ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩ ⲟⲉⲓⲛ ⲛ̅ ⲧⲉⲧⲛ̅ ⲛⲟⲩϩⲙ̅ ⲉ ⲛ ⲕⲟⲗⲁⲥⲓⲥ ⲧⲏⲣ ⲟⲩ ⲙ̅ ⲡ ⲛⲟϭ ⲛ̅ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ·

ⲁϫⲓ ⲥ ⲉ ⲛ ⲉⲧ ϯ ⲥⲃⲱ ϩⲛ̅ ⲛⲉ ⲥⲃⲱ ⲙ̅ ⲡⲗⲁⲛⲏ ⲙⲛ̅ ⲟⲩⲟⲛ ⲛⲓⲙ ⲉⲧ ϫⲓ ⲥⲃⲱ ⲉⲃⲟⲗ ϩⲓⲧⲟⲟⲧ ⲟⲩ ϫⲉ ⲟⲩⲟⲓ̈ ⲛⲏ ⲧⲛ̅ ⲛ̅ⲧⲱⲧⲛ̅ ⲛ̅ ϫⲉⲉϣⲱⲡⲉ ⲉⲧⲉⲧⲛ̅ ⲧⲙ̅ ⲙⲉⲧⲁⲛⲟⲓ̈ⲛ̅ⲧⲉⲧⲛ̅ ⲕⲱ ⲛ̅ⲥⲱ ⲧⲛ̅ ⲛ̅ ⲧⲉⲧⲛ̅ ⲡⲗⲁⲛⲏⲧⲉⲧⲛⲁⲃⲱⲕ' ⲉ ⲛ ⲕⲟⲗⲁⲥⲓⲥ ⲙ̅ ⲡ ⲛⲟϭ ⲛ̅ ⲇⲣⲁⲕⲱⲛ ⲙⲛ̅ ⲡ ⲕⲁⲕⲉ ⲉⲧ ϩⲓⲃⲟⲗ ⲡⲁⲓ̈ ⲉⲧ ⲛⲁϣⲧ̅ ⲉⲙⲁϣⲟ · ⲁⲩⲱ ⲛ̅ ⲥⲉ ⲛⲁⲥⲉⲧ ⲧⲏⲩⲧⲛ̅ ⲁⲛ ⲉ ⲡ ⲕⲟⲥⲙⲟⲥ ⲛ̅ ϣⲁ ⲉⲛⲉϩ ⲁⲗⲗⲁ ⲉ ⲧⲉⲧⲛⲁⲣ̅ⲁⲧϣⲱⲡⲉ ϣⲁⲃⲟⲗ ·

ⲁϫⲓ ⲥ ⲉ ⲛ ⲉⲧ ⲛⲁ ⲕⲱ ⲛ̅ⲥⲱ ⲟⲩ ⲛ̅ ⲧⲉ ⲥⲃⲱ ⲛ̅ ⲧ ⲁⲗⲏⲑⲓⲁ ⲛ̅ⲧⲉ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϫⲉ ⲟⲩⲟⲓ̈ ⲛⲏ ⲧⲛ̅ ⲡ̇ⲁ̇ⲣ̇ⲁ̇ⲣ̇ ⲛ̅ⲧⲱⲧⲛ̅ ϫⲉ ⲧⲉⲧⲛ̅ ⲕⲟⲗⲁⲥⲓⲥ ϩⲟⲟⲩ ⲡⲁⲣⲁ ⲣⲱⲙⲉ ⲛⲓⲙ · ⲉ ⲧⲉⲧⲛ ⲁ ϭⲱ ⲅⲁⲣ ϩⲙ̅ ⲡ ⲛⲟϭ ⲛ̅ ϫⲁϥ ·

ⲡⲉ ⲕⲣⲩⲥⲧⲁⲗ ⲗⲟⲥ ⲙⲛ̅ ⲧⲉ ⲭⲁⲗⲁⲍⲁ ϩⲣⲁⲓ̈ ϩⲛ̅ ⲧ ⲙⲏⲧⲉ ⲙ̅ ⲡⲉ ⲇⲣⲁ ⲕⲱⲛ ⲙⲛ̅ ⲡ ⲕⲁⲕⲉ ⲉⲧ ϩⲓⲃⲟⲗ ⲁⲩⲱ ⲛ̅ ⲥⲉ ⲛⲁ ⲥⲉ ⲧ ⲧⲏ ⲛⲟⲩ ⲁⲛ ⲉ ⲡ ⲕⲟⲥⲙⲟⲥ ϫⲓⲛ ⲡⲉⲓ̈ ⲛⲁⲩ ϣⲁ ⲉⲛⲉϩ ·

ⲁⲗⲗⲁ ⲧⲉⲧⲛⲁ ⲣ̅ϩⲣⲟⲩⲟⲩϫ ϥ̅ ⲙ̅ ⲡ ⲙⲁ ⲉⲧ ⲙ̅ⲙⲁⲩ ⲁⲩⲱ ϩⲣⲁⲓ̈ ϩⲙ̅ ⲡ ⲃⲱⲗ ⲉⲃⲟⲗ ⲙ̅ ⲡ ⲧⲏⲣ ϥ̅ ⲧ ⲉⲧ ⲛⲁ ⲁⲛ ϩⲁⲗⲓⲥⲕⲉ ⲛ̅ ⲧⲉⲧⲛ̅ ⲣ̅ ⲁⲧϣⲱⲡⲉ ϣⲁ ⲉⲛⲉϩ ·

ⲁϫⲓ ⲥ ϩⲱⲱ ϥ ⲟⲛ ⲉ ⲛ ⲣⲱⲙⲉ ⲛ̅ⲧⲉ ⲡ ⲕⲟⲥⲙⲟⲥ ϫⲉ ϣⲱⲡⲉ ⲛ̅ ϩⲟⲣⲕϥ̅ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓ ⲙⲁⲓ̈ ⲣⲱⲙⲉ ⲛ̅ ⲧⲉⲧⲛ̅ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓⲣⲙ̅ⲣⲁϣ ⲛ̅ⲧⲉⲧⲛ̅ ϣ̇ⲱ̇ⲡ̇ⲉ̇ ϫⲓ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉ ⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓⲉⲓⲣⲏⲛⲓⲕⲟⲥ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓ ⲛⲁⲏⲧⲛ̅ ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓⲙⲛ̅ⲧⲛⲁ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩ ⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲇⲓⲁⲕⲟⲛⲉⲓ ⲉ ⲛ ϩⲏⲕⲉ ⲙⲛ̅ ⲛ ⲉⲧ ϣⲱⲛⲉ ⲙⲛ̅ ⲛ ⲉⲧ ϩⲏϫ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓⲙⲁⲓ̈ⲛⲟⲩⲧⲉ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓⲇⲓⲕⲁⲓⲟⲥ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉⲣⲟ ⲟⲩ ϫⲉ ⲁⲣⲓⲁⲅⲁⲑⲟⲥ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁϫⲓ ⲥ ⲉ ⲣⲟ ⲟⲩ ϫⲉ ⲁⲡⲟⲧⲁⲥⲥⲉ ⲙ̅ ⲡ ⲧⲏⲣ ϥ̅ ⲛ̅ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ ⲉ ⲡ ϫⲓⲥⲉ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲛⲁⲓ̈ ⲛⲉ ⲛ̅ ϩⲟⲣⲟⲥ ⲧⲏⲣ ⲟⲩ ⲛ̅ ⲛⲉ ϩⲓⲟⲟⲩⲉ ⲛ̅ ⲛ ⲉⲧ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ·

ⲛⲁⲓ̈ ⲟⲩⲛ ⲛ̅ ⲧⲉⲓ̈ ⲙⲓⲛⲉ ⲛ̅ⲧ ⲁ ⲩ ⲁⲡⲟⲧⲁⲥⲥⲉ ⲛ̅ ⲧⲉⲓ̈ ⲁⲡⲟⲧⲁⲅⲏ ϯ ⲛⲁⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲁⲩⲱ ⲙ̅ⲡⲣ̅ ϩⲟⲡⲟ ⲩ ⲉⲣⲟ ⲟⲩ ⲉ ⲡ ⲧⲏⲣ ϥ̅ ⲕⲁⲛ ⲉϣⲱⲡⲉ ϩⲉⲛ ⲣⲉϥ ⲣ̅ ⲛⲟⲃⲉ ⲛⲉ ⲁⲩⲱ ⲁ ⲩ ϣⲱⲡⲉ ϩⲛ̅ ⲛⲟⲃⲉ ⲛⲓⲙ ⲙⲛ̅ ⲁⲛⲟⲙⲓⲁ ⲛⲓⲙ ⲛ̅ⲧ ⲁ ⲓ̈ ϫⲟⲟ ⲩ ⲉⲣⲱ ⲧⲛ̅ ⲛ̅ⲧⲉ ⲡ ⲕⲟⲥⲙⲟⲥ ⲧⲏⲣ ⲟⲩ ⲛ̅ ⲥⲉ ⲕⲟⲧ ⲟⲩ ⲛ̅ ⲥⲉ ⲙⲉⲧⲁⲛⲟⲓ̈ ⲁⲩⲱ ⲛ̅ ⲥⲉ ϣⲱⲡⲉ ϩⲛ̅ ⲑ ⲩⲡⲟ ⲧⲁⲅⲏ ⲉ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ⲧⲉⲛⲟⲩ ϫⲉ ϯ ⲛⲁⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ⲙ̅ⲡⲣ̅ ϩⲟ ⲡⲟ ⲩ ⲉⲣⲟ ⲟⲩ ⲉ ⲡ ⲧⲏⲣ ϥ̅ ·

ⲉⲧⲃⲉ ⲧ ⲙⲛ̅ⲧ ⲣⲉϥ ⲣ̅ⲛⲟⲃⲉ ⲅⲁⲣ ⲛ̅ⲧ ⲁ ⲛ ⲉⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉ ⲡ ⲕⲟⲥⲙⲟⲥ · ϫⲉ ⲉⲓ̈ⲉ ⲕⲱ ⲉⲃⲟⲗ ⲛ̅ ⲛⲉⲩ ⲛⲟⲃⲉ ⲧⲏⲣ ⲟⲩ ⲛ̅ⲧ ⲁ ⲩ ⲁⲁ ⲩ ϫⲓⲛ ⲛ̅ ϣⲟⲣⲡ̅' ⲉⲧⲃⲉ ⲡⲁⲓ̈ ϭⲉ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟ ⲉⲓϣ ϫⲉ ⲛ̅ⲧ ⲁ ⲓ̈ ⲉⲓ̅ ⲁⲛ ⲉ ⲧⲁϩⲙ̅ ⲛ̅ ⲇⲓⲕⲁⲓⲟⲥ ⲧⲉⲛⲟⲩ ϭⲉ ⲛ̅ⲧ ⲁ ⲓ̈ ⲉⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ϫⲉ ⲉⲩⲉ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲟⲩⲟⲛ ⲛⲓⲙ ⲁⲩⲱ ⲛ̅ ⲥⲉ ϫⲓⲧ ⲟⲩ ⲉ ⲧ ⲙⲛ̅ⲧ ⲉ ⲣⲟ ⲙ̅ ⲡ ⲟⲩⲟⲉⲓⲛ ⲙ̅ ⲙⲩⲥⲧⲏⲣⲓⲟⲛ ⲅⲁⲣ ⲛ̅ⲧⲟⲟⲩ ⲛ ⲉ ⲧ ⲇⲱⲣⲉⲁ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲉ ⲧⲣⲉ ϥ ⲃⲱⲧⲉ ⲉⲃⲟⲗ ⲛ̅ ⲛ̅ ⲛⲟⲃⲉ ⲙⲛ̅ ⲛ̅ ⲁⲛⲟⲙⲓⲁ ⲛ̅ ⲣ̅ ⲣⲉϥ ⲣ̅ ⲛⲟⲃⲉ ⲧⲏⲣ ⲟⲩ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ·

ⲁ ⲥ ⲉⲓ̈ ⲉ ⲑ ⲏ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡ ⲥⲱ̅ⲣ̅ ϫⲉ ⲡⲁ ϫⲟⲉⲓⲥ ⲉⲓ̈ⲉ ⲟⲩⲛ ⲣⲱⲙⲉ ⲛ̅ ⲇⲓⲕⲁⲓⲟⲥ ⲉ ϥ ϫⲏⲕ ⲉⲃⲟⲗ ϩⲛ̅ ⲧ ⲙⲛ̅ⲧ ⲇⲓⲕⲁⲓⲟⲥ ⲧⲏⲣ ⲥ̅ ⲁⲩⲱ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉ ⲙⲛ̅ⲧ ϥ̅ ⲗⲁⲁⲩ ⲛ̅ ⲛⲟⲃⲉ ⲉ ⲡ ⲧⲏⲣ ϥ̅ ·

ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲥⲉ ⲛⲁ ⲃⲁⲥⲁⲛⲓⲍⲉ ⲙ̅ⲙⲟ ϥ ϩⲛ̅ ⲛ̅ ⲕⲟ ⲗⲁⲥⲓⲥ ⲙⲛ̅ ⲛⲉ ⲕⲣⲓⲥⲓⲥ ϫⲛ̅ ⲙ̅ⲙⲟⲛ · ⲏ̅ ⲙ̅ⲙⲟⲛ ⲛ̅ⲧⲟϥ ⲡ ⲣⲱⲙⲉ ⲉⲧ ⲙ̅ⲙⲁⲩ ⲥⲉ ⲛⲁ ϥⲓⲧ ϥ̅ ⲉϩⲟⲩⲛ ⲉ ⲧ ⲙⲛ̅ⲧ ⲉⲣⲟ ⲛ̅ ⲙ̅ ⲡⲏⲩⲉ ϫⲛ̅ ⲙ̅ⲙⲟⲛ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ⲇⲉ ⲟⲩ ⲣⲱⲙⲉ ⲛ̅ ⲇⲓⲕⲁⲓⲟⲥ ⲡⲁⲓ̈ ⲉ ϥ ϫⲏⲕ ⲉⲃⲟⲗ ϩⲛ̅ ⲧ ⲙⲛ̅ⲧ ⲇⲓⲕⲁⲓⲟⲥ ⲧⲏⲣ ⲥ̅ ·

ⲁⲩⲱ ⲙ̅ⲡ ϥ̅ ⲣ̅ ⲗⲁⲁⲩ ⲛ̅ ⲛⲟⲃⲉ ⲉⲛⲉϩ ·

ⲁⲩⲱ ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲉ ⲙⲡ ϥ̅ ϫⲓ ⲗⲁⲁⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ⲟⲩⲟⲉⲓⲛ ⲉⲛⲉϩ ⲉϥ ϣⲁⲛ ϣⲱⲡⲉ ⲛ̅ϭⲓ ⲡⲉ ⲩⲟⲉⲓϣ ⲉ ϥ ⲛⲏⲩ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲧⲉ ⲩⲛⲟⲩ ϣⲁ ⲩ ⲉⲓ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲙ̅ ⲡ ⲟⲩⲁ ⲙ̅ ⲡ ⲛⲟϭ ⲛ̅ ⲧⲣⲓⲇⲩⲛⲁⲙⲓⲥ · ⲛⲁⲓ̈ ⲉ ⲩ ⲛ̅ ⲟⲩ ⲛⲟϭ ⲛ̅ϩⲏ ⲧ ⲟⲩ ⲛ̅ ⲥⲉ ϩⲁⲣⲡⲁⲍⲉ ⲛ̅ ⲧⲉ ⲯⲩⲭⲏ ⲙ̅ ⲡ ⲣⲱⲙⲉ ⲉⲧ ⲙ̅ⲙⲁⲩ ⲛ̅ⲧⲟⲟⲧ ⲟⲩ ⲛ̅ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ⲉⲣⲓⲛⲁⲓⲟⲥ · ⲛ̅ ⲥⲉ ⲣ̅ ϣⲟⲙⲛ̅ⲧ ⲛ̅ ϩⲟⲟⲩ ⲉ ⲩ ⲕⲱⲧⲉ ⲛⲙ̅ⲙⲁ ⲥ ϩⲣⲁⲓ̈ ϩⲛ̅ ⲛ̅ ⲥⲱⲛⲧ̅ ⲧⲏⲣ ⲟⲩ ⲛ̅ⲧⲉ ⲡ ⲕⲟⲥⲙⲟⲥ ⲙⲛ̅ⲛ̅ⲥⲁ ⲡ ϣⲟⲙⲛ̅ⲧ ⲛ̅ ϩⲟⲟⲩ ·

ϣⲁ ⲩ ϫⲓⲧ ⲥ̅ ⲉⲡⲉⲥⲏⲧ' ⲉ ⲡⲉ ⲭⲁⲟⲥ · ⲛ̅ ⲥⲉ ϫⲓⲧ ⲥ̅ ⲉⲃⲟⲗ ϩⲛ̅ ⲛ̅ ⲕⲟⲗⲁⲥⲓⲥ ⲧⲏⲣ ⲟⲩ ⲛ̅ⲧⲉ ⲛⲉ ⲕⲣⲓⲥⲓⲥ · ⲛ̅ ⲥⲉ ⲧⲁⲩⲟ ⲥ ⲉ ⲛⲉ ⲕⲣⲓⲥⲓⲥ ⲧⲏⲣ ⲟⲩ ⲁⲩⲱ ⲙⲉⲣⲉ ⲛ̅□□ ⲕⲱϩⲧ̅ ⲛ̅ ⲛⲉ ⲭⲁⲟⲥ ⲙⲉ ⲩ ⲉⲛⲱⲭⲗⲉⲓ ⲛⲁ ⲥ ⲉⲙⲁⲧⲉ · ⲁⲗⲗⲁ ⲉⲛ ⲙⲉ ⲣⲟⲩⲥ ϣⲁ ⲩ ⲉⲛⲱⲭⲗⲓ ⲛⲁ ⲥ ⲡⲣⲟⲥ ⲟⲩ ⲕⲟⲩⲓ̈ ⲛ̅ ⲟⲩ ⲟⲉⲓϣ · ⲁⲩⲱ ϩⲛ̅ ⲟⲩ ⲥⲡⲟⲩⲇⲏ ϩⲛ̅ ⲟⲩ ϭⲉⲡⲏ ϣⲁ ⲩ ⲛⲁ ⲛⲁ ⲥ ·

ⲛ̅ ⲥ ⲉⲛ̅ⲧ ⲥ̅ ⲉϩⲣⲁⲓ̈ ϩⲛ̅ ⲛⲉ ⲭⲁⲟⲥ ⲛ̅ ⲥⲉ ϫⲓⲧ ⲥ̅ ⲉⲃⲟⲗ ϩⲓ ⲧⲉ ϩⲓⲏ ⲛ̅ ⲧ ⲙⲏⲧⲉ ⲉⲃⲟⲗ ϩⲓⲧⲟⲟⲧ ⲟⲩ · ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲉⲧ ⲙ̅ⲙⲁⲩ ⲁⲩⲱ ⲙⲉ ⲩ ⲕⲟⲗⲁⲍⲉ ⲙ̅ⲙⲟ ⲥ ϩⲛ̅ ⲛⲉⲩ ⲕⲣⲓⲥⲓⲥ ⲉⲧ ⲛⲁϣⲧ̅ ⲁⲗⲗⲁ ϣⲁⲣⲉ ⲡ ⲕⲱϩⲧ̅ ⲛ̅ ⲛⲉⲩ ⲧⲟⲡⲟⲥ ⲉⲛⲱⲭⲗⲉⲓ ⲛⲁ ⲥ ⲉ ⲕ ⲙⲉⲣⲟⲩⲥ ⲁⲩⲱ ⲉⲩϣⲁⲛ ϫⲓⲧ ⲥ̅ ⲉ ⲡ ⲧⲟⲡⲟⲥ ⲛ̅ ⲛⲓ ⲁⲭⲑⲁⲛⲁⲃⲁⲥ ⲡⲓⲁⲧⲛⲁ ⲡⲓ ⲁⲧⲛⲁ · ⲙⲉ ⲩ ⲉϣ ⲕⲟ ⲗⲁⲍⲉ ⲙ̅ⲙⲟ ⲥ ⲙⲉⲛ ⲧⲟⲓ ⲅⲉ ϩⲛ̅ ⲛⲉϥ ⲕⲣⲓⲥⲓⲥ ⲉⲑ ⲟⲟⲩ ·

ⲁⲗ ⲗⲁ ϣⲁ ϥ ⲕⲁⲧⲉⲭⲉ ⲙ̅ⲙⲟ ⲥ ⲛ̅ ⲟⲩ ⲕⲟⲩⲉⲓ ⲛ̅ ⲟⲩ ⲟⲓ̈ϣ · ⲉⲣⲉ ⲡ ⲕⲱϩⲧ̅ ⲛ̅ ⲛⲉϥ ⲕⲟⲗⲁⲥⲓⲥ ⲉⲛⲱⲭⲗⲓ ⲛⲁ ⲥ ⲉ ⲕ ⲙⲉ ⲣⲟⲩⲥ ⲁⲩⲱ ⲟⲛ ϩⲛ̅ ⲟⲩ ϭⲉⲡⲏ ϣⲁ ⲩ ⲛⲁ ⲛⲁ ⲥ ⲛ̅ ⲥ ⲉⲛ̅ⲧ ⲥ̅ ⲉϩⲣⲁⲓ̈ ϩⲛ̅ ⲛⲉⲩ ⲧⲟⲡⲟⲥ ⲉⲧ ⲙ̅ⲙⲁⲩ ·

ⲁⲩⲱ ⲙⲉ ⲩ ϫⲓⲧ ⲥ̅ ⲉⲃⲟⲗ ϩⲛ̅ ⲛ ⲁⲓⲱⲛ ϫⲉ ⲛ̅ ⲛⲉⲛ ⲁⲣⲭⲱⲛ ⲛ̅ ⲛ ⲁⲓⲱⲛ ⲛ̅ⲛⲉ ⲩ ϥⲓⲧ ⲥ̅ ⲛ̅ ⲥⲧⲉⲣⲉⲥⲓⲙⲟⲛ ⲁⲗⲗⲁ ϣⲁ ⲩ ϫⲓⲧ ⲥ̅ ⲉⲃⲟⲗ ϩⲓ ⲧⲉ ϩⲓⲏ ⲙ̅ ⲡ ⲟⲩⲟⲉⲓⲛ ⲙ̅ ⲡ ⲣⲏ ⲛ̅ ⲥⲉ ϫⲓⲧ ⲥ̅ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ·

ϣⲁ ⲥ ⲇⲟⲕⲓⲙⲁⲍⲉ ⲙ̅ⲙⲟ ⲥ ⲛ ⲥ̅ ϩⲉ ⲉⲣⲟ ⲥ ⲉ ⲥ ⲟⲩⲟϫ ⲉ ⲛⲟⲃⲉ ⲁⲩⲱ ⲙⲉⲥⲧⲣⲉⲩ ϫⲓⲧ ⲥ̅ ⲉ ⲡ ⲟⲩ ⲉⲓⲛ ϫⲉ ⲡ ⲙⲁⲉⲓⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲙⲩⲥⲧⲏⲣⲓⲟⲛ ⲛ ϥ̅ ϣⲟⲟⲡ ⲛⲙ̅ⲙⲁ ⲥ ⲁⲛ ·

ⲁⲗⲗⲁ ϣⲁ ϥ ⲥⲫⲣⲁⲅⲓⲍⲉ ⲙ̅ⲙⲟ ⲥ ϩⲛ̅ ⲟⲩ ⲥⲫⲣⲁⲅⲓⲥ ⲉ ⲥ ⲟⲩⲟⲧⲃ̅ ⲛ ⲥ̅ⲧⲣⲉⲩ ⲛⲟϫ ϥ̅ ⲉ ⲡ ⲥⲱⲙⲁ ϩⲛ̅ ⲛ ⲁⲓⲱⲛ ⲛ̅ ⲧ ⲇⲓⲕⲁⲓⲟⲥⲩⲛⲏ ⲡⲁⲓ̈ ⲉ ϥ ⲛⲁⲣ̅ⲁⲅⲁⲑⲟⲥ ⲛ ϥ̅ ϩⲉ ⲉ ⲙ̅ ⲙⲁⲉⲓⲛ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ϣⲁ ⲉⲛⲉϩ ·

ⲉϣⲱⲡⲉ ⲛ̅ⲧⲟϥ ⲉ ϥ ⲣ̅ ⲛⲟⲃⲉ ⲛ̅ ⲟⲩⲥⲟⲡ' ⲏ̅ ⲥⲛⲁⲩ ⲏ̅ ϣⲟⲙⲛ̅ⲧ ⲡⲁⲓ̈ ⲟⲛ ⲥⲉ ⲛⲁ ⲧⲥ̅ⲧⲟ ϥ ⲉ ⲡ ⲕⲟⲥⲙⲟⲥ ⲕⲁⲧⲁ ⲡ ⲧⲩ ⲡⲟⲥ ⲛ̅ ⲛ̅ ⲛⲟⲃⲉ ⲉⲛⲧ ⲁ ϥ ⲁⲁ ⲩ ⲛⲁ ⲓ̈ ϯ ⲛⲁ ϫⲱ ⲙ̅ ⲡⲉⲩ ⲧⲩⲡⲟⲥ ⲉⲣⲱⲧⲛ̅ⲉⲓ̈ϣⲁⲛ ⲟⲩⲱ ⲉ ⲓ̈ ϫⲱ ⲉⲣⲱ ⲧⲛ̅ ⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ·

ⲁⲗⲗⲁ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ ⲙⲟ ⲥ ⲉⲣⲱ ⲧⲛ̅ · ϫⲉ ⲕⲁⲛ ⲟⲩ ⲣⲱⲙⲉ ⲛ̅ ⲇⲓⲕⲁⲓⲟⲥ ⲙ̅ⲡ ϥ̅ ⲣ̅ ⲗⲁⲁⲩ ⲛ̅ ⲛⲟⲃⲉ ⲉ ⲡ ⲧⲏⲣ ϥ̅ ⲙⲛ̅ ϣ ϭⲟⲙ ⲉ ⲧⲣⲉ ⲩ ϫⲓⲧ ϥ̅ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲉⲃⲟⲗ ϫⲉ ⲙ̅ ⲡ ⲙⲁⲉⲓⲛ ⲛ̅ ⲧ ⲙⲛ̅ⲧ ⲉⲣⲟ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ ϥ̅ ϣⲟⲟⲡ ⲛⲙ̅ⲙⲁ ϥ ⲁⲛ · ϩⲁⲡⲁⲝ ϩⲁⲡⲗⲱⲥ ⲙⲛ̅ ϣ ϭⲟⲙ ⲛ̅ ϫⲓ ⲯⲩⲭⲏ ⲉ ⲡ ⲟⲩ ⲟⲉⲓⲛ ⲁϫⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ⲁ ϥ ⲉⲓ ⲉ ⲑ ⲏ ⲛ̅ϭⲓ ⲓ̈ⲱϩⲁⲛⲛⲏⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲉⲓ̈ⲉ ϣⲱⲡⲉ ⲟⲩ ⲣⲱⲙⲉ ⲛ̅ ⲣⲉϥ ⲣ̅ ⲛⲟⲃⲉ ⲙ̅ ⲡⲁⲣⲁⲛⲟⲙⲟⲥ ⲉ ϥ ϫⲏⲕ ⲉⲃⲟⲗ ⲛ̅ ⲁⲛⲟⲙⲓⲁ ⲛⲓⲙ ·

ⲁⲩⲱ ⲁ ϥ ⲗⲟ ⲛ̅ϩⲏⲧ ⲟⲩ ⲧⲏⲣ ⲟⲩ ⲉⲧⲃⲉ ⲧ ⲙⲛ̅ⲧ ⲉⲣⲟ ⲛ̅ ⲙ̅ ⲡⲏⲩⲉ · ⲁⲩⲱ ⲁ ϥ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅□ ⲑⲩⲗⲏ ⲧⲏⲣ ⲥ̅ ⲉⲧ ⲛ̅□ϩⲏⲧ ϥ̅ ⲁⲩⲱ ⲛ̅ ⲧⲛ̅ ϯ ⲛⲁ ϥ ϫⲓⲛ ⲧ ⲁⲣⲭⲏ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛⲁⲓ̈ ⲉⲧ ϩⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ϫⲓⲛ ⲡ ⲥⲁ ⲛ̅ ⲃⲟⲗ ·

ⲁⲩⲱ ⲉϥϣⲁⲛ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙⲛ̅ⲛ̅ⲥⲁ ⲟⲩ ⲕⲟⲩⲓ̈ ⲟⲛ ⲛ̅ ⲟⲩ ⲟⲉⲓϣ ⲛ ϥ̅ ⲕⲟⲧ ϥ̅ ⲛ ϥ̅ ⲡⲁⲣⲁⲃⲁ ·

ⲁⲩⲱ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲛ ϥ̅ ⲕⲟⲧ ϥ̅ ⲛ ϥ̅ ⲗⲟ ϩⲛ̅ ⲛⲟⲃⲉ ⲛⲓⲙ · ⲁⲩⲱ ⲛ ϥ̅ ⲕⲟⲧ ϥ̅ ⲛ ϥ̅ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ ⲛ ϥ̅ ⲉⲓ ⲟⲛ ⲛ ϥ̅ ϣⲱⲡⲉ ϩⲛ̅ ⲟⲩ ⲛⲟϭ ⲙ̅ ⲙⲉⲧⲁⲛⲟⲓⲁ ·

ⲁⲩⲱ ⲛ̅ ⲧⲛ̅ ⲉⲓⲙⲉ ⲁⲗⲏⲑⲱⲥ ϩⲛ̅ ⲟⲩ ⲙⲉ · ϫⲉ ϥ ⲟⲩⲉϣ ⲡ ⲛⲟⲩⲧⲉ ⲛ̅ ⲧⲛ̅ ϯ ⲛⲁ ϥ ⲙ̅ ⲡ ⲙⲉϩ ⲥⲛⲁⲩ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ · ⲛⲁⲓ̈ ⲉⲧ ϩⲓ ⲡ ⲥⲁ ⲛ̅ ⲃⲟⲗ ·

ϩⲟⲙⲟⲓⲱⲥ ⲟⲛ ⲛ̅ ⲟⲩⲱϩⲙ̅ ⲛ ϥ̅ ⲕⲟⲧ ϥ̅ ⲛ ϥ̅ ⲡⲁⲣⲁⲃⲁ · ⲛ ϥ̅ ϣⲱⲡⲉ ⲟⲛ ϩⲛ̅ ⲛ̅ ⲛⲟⲃⲉ ⲛ̅ⲧⲉ ⲡ ⲕⲟⲥⲙⲟⲥ · ⲁⲩⲱ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲛ ϥ̅ ⲕⲟⲧ ϥ̅ ⲛ ϥ̅ ⲗⲟ ϩⲛ̅ ⲛ̅ ⲛⲟⲃⲉ ⲛ̅ⲧⲉ ⲡ ⲕⲟⲥⲙⲟⲥ ·

ⲁⲩⲱ ⲟⲛ ⲛ ϥ̅ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ ·

ⲁⲩⲱ ⲟⲛ ⲛ ϥ̅ ϣⲱⲡⲉ ϩⲛ̅ ⲟⲩ ⲛⲟϭ ⲙ̅ ⲙⲉ ⲧⲁⲛⲟⲓⲁ · ⲛ̅ ⲧⲛ̅ ⲉⲓⲙⲉ ϩⲛ̅ ⲟⲩ ⲱⲣϫ̅ · ⲁⲩⲱ ⲉ ⲛ ϥ̅ ϩⲩ ⲡⲟⲕⲣⲓⲛⲉ ⲁⲛ · ⲛ̅ ⲧⲛ̅ ⲕⲟⲧⲛ̅ ⲛ̅ ⲧⲛ̅ ϯ ⲛⲁ ϥ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲛ̅ ⲧ ⲁⲣⲭⲏ ⲛⲁ ⲓ̈ ·

ϩⲟⲙⲟⲓⲱⲥ ⲟⲛ ⲛ ϥ̅ ⲕⲟⲧ ϥ̅ ⲛ ϥ̅ ⲣ̅ ⲛⲟⲃⲉ · ⲁⲩⲱ ⲛ ϥ̅ ϣⲱⲡⲉ ϩⲙ̅ ⲡⲓ ⲧⲩⲡⲟⲥ ⲡⲓ ⲧⲩⲡⲟⲥ ⲕⲟⲩ ⲩϣ ⲉ ⲧⲣⲉ ⲛ ⲕⲱ ⲛⲁ ϥ ⲉⲃⲟⲗ ϩⲉⲱⲥ ϣⲁ ⲥⲁϣϥ̅ ⲛ̅ ⲥⲟⲡ ⲁⲩⲱ ⲛ̅ ⲧⲛ̅ ϯ ⲛⲁ ϥ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛⲁⲓ̈ ⲉⲧ ϩⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ϫⲓⲛ ⲡ ⲥⲁ ⲛϩⲟⲩⲛ ϩⲉⲱⲥ ϣⲁ ⲥⲁϣϥ̅ ⲛ̅ ⲥⲟⲡ ϫⲛ̅ ⲙ̅ⲙⲟⲛ ·

ⲁ ϥ ⲟⲩⲱϩⲙ̅ ⲟⲛ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲓ̈ⲱϩⲁⲛⲛⲏⲥ ϫⲉ ⲟⲩ ⲙⲟⲛⲟⲛ ⲕⲱ ⲛⲁ ϥ ⲉⲃⲟⲗ ϣⲁ ⲥⲁϣϥ̅ ⲛ̅ ⲥⲟⲡ ·

ⲁⲗⲗⲁ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲕⲱ ⲛⲁ ϥ ⲉⲃⲟⲗ ϣⲁ ⲥⲁϣϥ̅ ⲛ̅ ⲥⲟⲡ ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ · ⲛ̅ ⲧⲉⲧⲛ̅ ϯ ⲛⲁ ϥ ⲕⲁⲧⲁ ⲥⲟⲡ ⲛ̅ ⲙ̅ ⲙⲩⲥⲧⲏⲣⲓⲟⲛ ϫⲓⲛ ⲧ ⲁⲣⲭⲏ ⲛⲁ ⲓ̈ ⲉⲧ ϩⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ϫⲓⲛ ⲡ ⲥⲁ ⲛ ⲃⲟⲗ ⲁⲣⲏⲩ ⲣⲱ ⲛ̅ ⲧⲉⲧⲛ̅ ϯ ϩⲏ ⲟⲩ ⲛ̅ ⲧⲉ ⲯⲩⲭⲏ ⲙ̅ ⲡ ⲥⲟⲛ ⲉⲧ ⲙ̅ⲙⲁⲩ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲉⲧⲃⲉ ⲡⲁⲓ̈ ⲟⲩⲛ ⲛ̅ⲧⲉⲣⲉ ⲧⲛ̅ ϫⲛⲟⲩⲓ̈ ⲙ̅ ⲡⲓ ⲟⲩ ⲟⲉⲓϣ ⲉ ⲧⲉⲧⲛ̅ ϫⲱ ⲙ̅ⲙⲟ ⲥ ϫⲉ ⲉⲣϣⲁⲛ ⲡⲉⲛ ⲥⲟⲛ ⲣ̅ ⲛⲟⲃⲉ ⲉⲣⲟ ⲛ ⲕ ⲟⲩⲱϣ ⲉ ⲧⲣⲉ ⲛ ⲕⲱ ⲛⲁ ϥ ⲉⲃⲟⲗ ϣⲁ ⲥⲁϣϥ̅ ⲛ̅ ⲥⲟⲡ · ⲁ ⲓ̈ ⲟⲩⲱϣⲃ̅ ⲁ ⲓ̈ ϫⲟⲟ ⲥ ⲛⲏ ⲧⲛ̅ ϩⲛ̅ ⲟⲩ ⲡⲁⲣⲁⲃⲟⲗⲏ ⲉ ⲓ̈ ϫⲱ ⲙ̅ⲙⲟ ⲥ ϫⲉ ⲟⲩ ⲙⲟⲛⲟⲛ ϣⲁ ⲥⲁϣϥ̅ ⲛ̅ⲥⲟⲡ' ⲁⲗⲗⲁ ϣⲁ ⲥⲁϣϥ̅ ⲛ̅ ϣϥⲉ ⲛ̅ ⲥⲟⲡ ·

ⲧⲉⲛⲟⲩ ϭⲉ ⲕⲱ ⲛⲁ ϥ ⲉⲃⲟⲗ ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ ⲛ̅ ⲧⲉⲧⲛ̅ ϯ ⲛⲁ ϥ ⲕⲁⲧⲁ ⲥⲟⲡ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϩⲓ ⲡ ⲥⲁ ⲛ̅ ⲃⲟⲗ · ⲛⲁⲓ̈ ⲉⲧ ϩⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ · ⲁⲣⲏⲩ ⲣⲱ ⲛ̅ ⲧⲉⲧⲛ̅ ϯ ϩⲏⲩ ⲛ̅ ⲧⲉ ⲯⲩⲭⲏ ⲙ̅ ⲡ ⲥⲟⲛ ⲉⲧ ⲙ̅ⲙⲁⲩ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ

· ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲡ ⲉⲧ ⲛⲁ ⲧⲁⲛϩⲟ ⲛ̅ ⲟⲩ ⲯⲩⲭⲏ ⲛ̅ ⲟⲩⲱⲧ · ⲁⲩⲱ ⲛ ϥ̅ ⲛⲟⲩϩⲙ̅ ⲙ̅ⲙⲟ ⲥ ⲭⲱⲣⲓⲥ ⲡ ⲟⲩⲟⲉ̇ⲓ̇ⲛ̇ ⲉⲧ ⲛ̅ ⲧ ⲁϥ ϩⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ϥ ⲛⲁ ϫⲓ ⲛ̅ ⲕⲉ ⲉⲟⲟⲩ ⲉ ⲡ ⲙⲁ ⲛ̅ ⲧⲉ ⲯⲩⲭⲏ ⲛ̅ⲧ ⲁ ϥ ⲛⲟⲩϩⲙ̅ ⲙ̅ⲙⲟ ⲥ · ϩⲱⲥⲧⲉ ⲡ ⲉⲧ ⲛⲁ ⲛⲟⲩϩⲙ̅ ⲛ̅ ⲟⲩ ⲙⲏⲏϣⲉ ⲙ̅ ⲯⲩⲭⲏ ⲭⲱⲣⲓⲥ ⲡ ⲉⲟⲟⲩ ⲉⲧⲛ̅ ⲧ ⲁϥ ϩⲙ̅ ⲡ ⲉⲟⲟⲩ · ϥ ⲛⲁ ϫⲓ ⲛ̅ ⲕⲉ ⲙⲏⲏϣⲉ ⲛ̅ ⲉⲟⲟⲩ ⲉ ⲡ ⲙⲁ ⲛ̅ ⲛⲉ ⲯⲩⲭⲏ ⲛ̅ⲧ ⲁ ϥ ⲛⲟⲩϩⲙ̅ ⲙ̅ⲙⲟ ⲟⲩ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥ̅ⲱ̅ⲣ̅ ⲁ ϥ ϥⲟϭ ϥ̅ ⲉⲃⲟⲗ ⲛ̅ϭⲓ ⲓ̈ⲱϩⲁⲛⲛⲏⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ϥⲓ ϩⲁⲣⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ ϫⲉ ϫⲓⲛ ⲧⲉⲛⲟⲩ ⲅⲁⲣ ⲉ ⲓ̈ ⲛⲁ ⲁⲣⲭⲓ ⲛ̅ ϣⲓⲛⲉ ⲙ̅ⲙⲟ ⲕ · ⲉⲧⲃⲉ ϩⲱⲃ ⲛⲓⲙ · ⲉⲧⲃⲉ ⲑ ⲉ ⲉⲛⲧ̇ ⲁ̇ ⲛ ⲁ ⲕⲏⲣⲩⲥⲥⲉ ⲙ̅ⲙⲟ ⲥ ⲛ̅ ⲧ ⲙⲛ̅ⲧ ⲣⲱⲙⲉ ·

ⲉϣⲱⲡⲉ ⲟⲩⲛ ⲡ ⲥⲟⲛ ⲉⲧ ⲙ̅ⲙⲁⲩ ⲉⲓ̈ϣⲁⲛ ϯ ⲛⲁ ϥ ⲛ̅ ⲟⲩ ⲙⲩⲥⲧⲏⲣⲓⲟⲛ ϩⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲁⲣⲭⲏ ⲛⲁⲓ̈ ⲉⲧ ϣⲟⲟⲡ ϩⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ϫⲓⲛ ⲡ ⲥⲁ ⲛ ⲃⲟⲗ ⲉⲓ̈ϣⲁⲛ ϯ ⲛⲁ ϥ ⲛ̅ ⲟⲩ ⲙⲏⲏϣⲉ ⲙ̅ ⲙⲩⲥⲧⲏⲣⲓⲟⲛ ⲛ ϥ̅ ⲧⲙ̅ ⲉⲓⲣⲉ ⲙ̅ ⲡⲉ ⲙⲡϣⲁ ⲛ̅ ⲧ ⲙⲛ̅ⲧ ⲉⲣⲟ ⲛ̅ ⲙ̅ ⲡⲏⲩⲉ ·

ⲕ ⲟⲩⲱϣ ⲉ ⲧⲣⲉ ⲛⲟⲩⲟⲧⲃⲉϥ ⲉ ϩⲟⲩⲛ ⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲁⲣⲏⲩ ⲣⲱ ⲛ̅ ⲧⲛ̅ ϯ ϩⲏⲩ ⲛ̅ ⲧⲉ ⲯⲩⲭⲏ ⲙ̅ ⲡ ⲥⲟⲛ ⲉⲧ ⲙ̅ⲙⲁⲩ ⲛ ϥ̅ ⲕⲟⲧ ϥ̅ ⲛ ϥ̅ ⲙⲉⲧⲁⲛⲟⲓ̈ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲕ ⲟⲩⲱϣ ⲉ ⲧⲣⲉ ⲛⲟⲩⲟⲧⲃⲉϥ ⲉ ϩⲟⲩⲛ ⲉ ⲙ̅ ⲙⲩⲥⲧⲏⲣⲓⲟⲛ ϫⲛ̅ ⲙ̅ⲙⲟⲛ ⲛⲁⲓ̈ ⲉⲧ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ·

ⲁ ϥ ⲟⲩϩⲙ̅ ⲇⲉ ⲛ̅ϭⲓ ⲡ ⲥ̅ⲱ̅ⲣ̅ ⲡⲉ ϫⲁ ϥ ⲛ̅ ⲓ̈ⲱϩⲁⲛⲛⲏⲥ ϫⲉ ⲉϣⲱⲡⲉ ⲟⲩ ⲥⲟⲛ ⲡⲉ ⲉ ⲛ ϥ̅ ϩⲩⲡⲟⲕⲣⲓⲛⲉ ⲁⲛ · ⲁⲗⲗⲁ ⲉ ϥ ⲟⲩⲉϣ ⲡ ⲛⲟⲩⲧⲉ ϩⲛ̅ ⲟⲩ ⲁⲗⲏⲑⲓⲁ · ⲉ ⲁ ⲧⲉⲧⲛ̅ ϯ ⲛⲁ ϥ ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲁⲣⲭⲏ · ⲁⲩⲱ ⲡⲁⲓ̈ ⲉⲧⲃⲉ ⲧ ⲁⲛⲁⲅⲕⲏ ⲛ̅ ⲛⲉ ⲥⲧⲟⲓⲭⲓⲟⲛ ⲛ̅ ⲑ ⲓⲙⲁⲣⲙⲉⲛⲏ ⲉ ⲙⲡ ϥ̅ ⲉⲓⲣⲉ ⲙ̅ ⲡⲉ ⲙ ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲓ̈ⲛ ·

ⲕⲱ ⲛⲁ ϥ ⲉⲃⲟⲗ ⲟⲩⲟⲧⲃ ⲉϥ ⲉϩⲟⲩⲛ ϯ ⲛⲁ ϥ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲁⲣⲏⲩ ⲣⲱ ⲛ̅ ⲧⲉⲧⲛ̅ ϯ ϩⲏⲩ ⲛ̅ ⲧⲉ ⲯⲩⲭⲏ ⲙ̅ ⲡ ⲥⲟⲛ ⲉⲧ ⲙ̅ⲙⲁⲩ ·

ⲁⲩⲱ ⲉϣⲱⲡⲉ ⲙ̅ⲡ ϥ̅ ⲣ̅ ⲡⲉ ⲙⲡϣⲁ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ · ⲁⲩⲱ □□ ⲛ ϥ̅ ⲉⲓⲣⲉ ⲛ̅ ϯ ⲡⲁⲣⲁ ⲃⲁⲥⲓⲥ ⲙⲛ̅ ⲛⲓ ⲛⲟⲃⲉ ⲛⲓ ⲛⲟⲃⲉ ·

ⲁⲩⲱ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲛ ϥ̅ ⲕⲟⲧ ϥ̅ ⲁ ϥ ϣⲱⲡⲉ ϩⲛ̅ ⲟⲩ ⲛⲟϭ ⲙ̅ ⲙⲉⲧⲁⲛⲟⲓⲁ · ⲁⲩⲱ ⲁ ϥ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲁⲩⲱ ⲁ ϥ ⲗⲟ ϩⲛ̅ ⲛ̅ ⲛⲟⲃⲉ ⲧⲏⲣ ⲟⲩ ⲛ̅ⲧⲉ ⲡ ⲕⲟⲥⲙⲟⲥ ⲛ̅ ⲧⲉⲧⲛ̅ ⲉⲓⲙⲉ ϩⲛ̅ ⲟⲩ ⲱⲣϫ̅ ϫⲉ ⲛ̅ⲛⲉ ϥ ϩⲩⲡⲟⲕⲣⲓⲛⲉ ⲁⲛ · ⲁⲗⲗⲁ ⲉ ϥ ⲟⲩⲉϣ ⲡ ⲛⲟⲩⲧⲉ ϩⲛ̅ ⲟⲩ ⲁⲗⲏⲑⲓⲁ ·

ⲕⲉ ⲧ ⲧⲏⲛⲟⲩ ⲛ̅ ⲟⲩⲱϩⲙ̅ ⲕⲱ ⲛⲁ ϥ ⲉⲃⲟⲗ'ⲟⲩⲟⲧⲃⲉϥ ⲉϩⲟⲩⲛ ϯ ⲛⲁ ϥ ⲙ̅ ⲡ ⲙⲉϩ ⲥⲛⲁⲩ ⲙ̅ ⲙⲩⲥⲧⲏⲣⲓⲟⲛ ϩⲣⲁⲓ̈ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱ ⲣⲏⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲁⲣⲏⲩ ⲣⲱ ⲛ̅ ⲧⲉⲧⲛ̅ ϯ ϩⲏⲩ ⲛ̅ ⲧⲉ ⲯⲩⲭⲏ ⲙ̅ ⲡ ⲥⲟⲛ ⲉⲧ ⲙ̅ⲙⲁⲩ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲟⲛ ⲉ ϣⲱⲡⲉ ⲙ̅ⲡ ϥ̅ ⲉⲓⲣⲉ ⲙ̅ ⲡⲉ ⲙⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ · ⲁⲗ ⲗⲁ ⲁ ϥ ϣⲱⲡⲉ ϩⲛ̅ ϯ ⲡⲁⲣⲁⲃⲁⲥⲓⲥ ⲙⲛ̅ ⲛⲓ ⲛⲟⲃⲉ ⲛⲓ ⲛⲟⲃⲉ ·

ⲁⲩⲱ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲉ ϥ ⲕⲟⲧ ϥ̅ ⲁ ϥ ϣⲱⲡⲉ ϩⲛ̅ ⲟⲩ ⲛⲟϭ ⲙ̅ ⲙⲉⲧⲁⲛⲟⲓⲁ · ⲁ ϥ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ ⲁⲩⲱ ⲁ ϥ ⲗⲟ ϩⲛ̅ ⲛ̅ ⲛⲟⲃⲉ ⲛ̅ⲧⲉ ⲡ ⲕⲟⲥⲙⲟⲥ ·

ⲛ̅ ⲧⲉⲧⲛ̅ ⲉⲓⲙⲉ ⲁⲗⲏⲑⲱⲥ ϫⲉ ⲛ̅ⲛⲉ ϥ ϩⲩⲡⲟⲕⲣⲓⲛⲉ ⲁⲛ ⲁⲗⲗⲁ ⲉ ϥ ⲟⲩⲉϣ ⲡ ⲛⲟⲩⲧⲉ ⲛ̅ ⲧ ⲙⲉ ⲕⲉ ⲧ ⲧⲏⲛⲟⲩ ⲛ̅ ⲟⲩⲱϩⲙ̅ ⲕⲱ ⲛⲁ ϥ ⲉⲃⲟⲗ ϫⲉ ⲟⲩ ϣⲁ ⲛ ϩⲧⲏϥ ⲛ̅ ⲛⲁ ⲏⲧ ⲡⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲟⲩⲱⲧⲃ̅ ⲟⲛ ⲙ̅ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉϩⲟⲩⲛ ϯ ⲛⲁ ϥ ⲙ̅ ⲡⲓ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ϩⲓ ⲛⲉⲩ ⲉⲣⲏⲩ ⲉ ⲧ ϩⲣⲁⲓ̈ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲉϣⲱⲡⲉ ⲉⲣϣⲁⲛ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉϥϣⲁⲛ ⲡⲁⲣⲁⲃⲁ ⲛ ϥ̅ ϣⲱⲡⲉ ϩⲛ̅ ⲛⲓ ⲛⲟⲃⲉ ⲛⲓ ⲛⲟⲃⲉ · ⲛ̅ ⲛⲉⲧⲛ̅ ⲕⲱ ⲛⲁ ϥ ⲉⲃⲟⲗ ϫⲓⲛ ⲡⲉⲓ̈ ⲛⲁⲩ · ⲟⲩⲇⲉ ⲛ̅ ⲛⲉⲧⲛ̅ ϫⲓ ⲛ̅ⲧⲟⲟⲧ ϥ̅ ⲛ̅ ⲛⲉϥ ⲙⲉⲧⲁⲛⲟⲓⲁ · ⲁⲗⲗⲁ ⲙⲁⲣⲉ ϥ ϣⲱ ⲡⲉ ⲛ̅ϩⲏⲧ ⲧⲏⲩⲧⲛ̅ ϩⲱⲥ ⲥⲕⲁⲛⲇⲁⲗⲟⲥ ⲁⲩⲱ ϩⲱⲥ ⲡⲁ ⲣⲁⲃⲁⲧⲏⲥ ·

ϩⲁⲙⲏⲛ ⲅⲁⲣ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ · ϫⲉ ⲡ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲥⲉ ⲛⲁ ϣⲱⲡⲉ ⲛⲁ ϥ ⲙ̅ ⲙⲛ̅ⲧⲣⲉ ⲉ ⲑ ⲁⲏ ⲛ̅ ⲧⲉϥ ⲙⲉⲧⲁⲛⲟⲓⲁ · ⲁⲩⲱ ⲙⲛ̅ ⲧϥ̅ ⲙⲉⲧⲁⲛⲟⲓⲁ ⲙ̅ⲙⲁⲩ ϫⲓⲛ ⲡⲉⲓ̈ ⲛⲁⲩ ·

ϩⲁⲙⲏⲛ ⲅⲁⲣ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲡ ⲣⲱ ⲉⲧ ⲙ̅ⲙⲁⲩ ⲙ̅ⲙⲛ̅ⲧ ⲟⲩ ⲧⲥⲧⲟ ⲛ̅ ⲧⲉϥ ⲯⲩⲭⲏ ⲉ ⲡ ⲕⲟⲥⲙⲟⲥ ⲉⲧ ϩⲓⲡ ϫⲓⲥⲉ ϫⲓⲛ ⲡⲉⲓ̈ ⲛⲁⲩ · ⲁⲗⲗⲁ ⲉ ⲥ ⲛⲁ ϣⲱⲡⲉ ϩⲛ̅ ⲙ̅ ⲙⲁ ⲛ̅ ϣⲱⲡⲉ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ·

ⲉⲧⲃⲉ ⲛⲉ ⲯⲩⲭⲟ ⲟⲩⲉ ⲅⲁⲣ ⲛ̅ ⲛⲉⲓ̈ ⲣⲱⲙⲉ ⲛ̅ ⲧⲉⲓ̈ ⲙⲓⲛⲉ ⲛ̅ⲧ ⲁ ⲓ̈ ϫⲟⲟ ⲥ ⲉ ⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ⲟⲩ ⲡⲁⲣⲁⲃⲟⲗⲏ ⲉ ⲓ̈ ϫⲱ ⲙ̅ⲙⲟ ⲥ · ϫⲉ ⲉⲣϣⲁⲛ ⲡⲉⲕ ⲥⲟⲛ ⲣ̅ ⲛⲟⲃⲉ ⲉⲣⲟⲕ'ⲥⲟⲟϩⲉ ⲙ̅ⲙⲟ ⲕ ⲟⲩⲧⲱ ⲕ ⲛⲙ̅ⲙⲁ ϥ ⲙ̅ⲙⲓⲛⲙ̅ⲙⲟⲕ' ⲉϣⲱⲡⲉ ⲉϥϣⲁⲛ ⲥⲱⲧⲙ̅ ⲛ̅ⲥⲱ ⲕ ⲕ ⲛⲁ ϯ ϩⲏⲩ ⲙ̅ ⲡⲉⲕ ⲥⲟⲛ · ⲉ ϥⲱⲡⲉ ⲉϥϣⲁⲛ ⲧⲙ̅ ⲥⲱⲧⲙ̅ ⲛ̅ⲥⲱ ⲕ ϫⲓⲛ ⲙ̅ ⲙⲁⲕ' ⲛ̅ ⲕⲉ ⲟⲩⲁ ·

ⲉϣⲱⲡⲉ ⲉϥ ϣⲁⲛ ⲧⲙ̅ ⲥⲱⲧⲙ̅ ⲛ̅ⲥⲱ ⲕ ⲙⲛ̅ ⲡ ⲕⲉ ⲟⲩⲁ ·

ⲁⲛⲓ ϥ ⲉ ⲧ ⲉⲕ ⲕⲗⲏⲥⲓⲁ · ⲉϣⲱⲡⲉ ⲉϥϣⲁⲛ ⲧⲙ̅ ⲥⲱⲧⲙ̅ ⲛ̅ⲥⲁ ⲛ̅ ⲕⲟⲟⲩⲉ ·

ⲙⲁⲣⲉ ϥ ϣⲱⲡⲉ ⲛ̅ⲛⲁϩⲣⲏ ⲧⲛ̅ ϩⲱⲥ ⲡⲁⲣⲁⲃⲁⲧⲏⲥ ⲁⲩⲱ ϩⲱⲥ ⲥⲕⲁⲛⲇⲁⲗⲟⲛ · ⲁⲩⲱ ⲉⲧⲉ ⲡⲁⲓ̈ ⲡⲉ ⲉϣⲱⲡⲉ ⲉϥ ϣⲁⲛ ⲧⲙ̅ ⲣ̅ ϣⲁⲩ ϩⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϯ ⲛⲁ ϥ ⲙ̅ ⲡ ⲙⲉϩ ⲥⲛⲁⲩ ·

ⲁⲩⲱ ⲉϣⲱⲡⲉ ⲉ ϥ ⲧⲙ̅ ⲣ̅ϣⲁⲩⲙ̅ ⲡ ⲙⲉϩ ⲥⲛⲁⲩ ϯ ⲛⲁ ϥ ⲙ̅ ⲡ ϣⲟⲙⲛ̅ⲧ ϩⲓ ⲛⲉⲩ ⲉⲣⲏⲩ ⲉ ⲩ ⲥⲟⲟⲩϩ ⲉⲧⲉ ⲛ̅ ⲧⲟⲟⲩ ⲡⲉ ⲛ̇̅ ⲧ ⲉⲕⲕⲗⲏⲥⲓⲁ ·

ⲁⲩⲱ ⲉϣⲱⲡⲉ ⲉϥϣⲁⲛ ⲧⲙ̅ ⲣ̅ ϣⲁⲩ ϩⲙ̅ ⲡ ⲙⲉϩ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲙⲁⲣⲉ ϥ ϣⲱⲡⲉ ⲛ̅ⲛⲁϩⲣⲏ ⲧⲛ̅ ϩⲱⲥ ⲥⲕⲁⲛⲇⲁⲗⲟⲛ ⲁⲩⲱ ϩⲱⲥ ⲡⲁⲣⲁⲃⲁⲧⲏⲥ ·

ⲁⲩⲱ ⲡ ϣⲁϫⲉ ⲛ̅ⲧ ⲁ ⲓ̈ ϫⲟⲟ ϥ ⲉ ⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉⲕⲁⲥ ϩⲓⲧⲛ̅ ⲙⲛ̅ⲧⲣⲉ ⲥⲛⲁⲩ ϣⲁ ϣⲟⲙⲛ̅ⲧ ⲙ̅ ⲙⲛ̅ⲧⲣⲉ ⲉⲣⲉ ϣⲁϫⲉ ⲛⲓⲙ'ϩ̇ⲁϩⲉ ⲣⲁⲧ ϥ̅ · ⲉⲧⲉ ⲡⲁⲓ̈ ⲡⲉ ⲡ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲥⲉ ⲛⲁ ⲣ̅ ⲙⲛ̅ⲧⲣⲉ ⲉ ⲧⲉϥ ϩⲁⲏ ⲙ̅ ⲙⲉⲧⲁⲛⲟⲓⲁ

ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲉⲣϣⲁⲛ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉϥϣⲁⲛ ⲙⲉⲧⲁⲛⲟⲓ̈ · ⲙⲛ̅ ⲧⲉ ⲗⲁⲁⲩ ⲙ̅ ⲙⲩⲥⲧⲏⲣⲓⲟⲛ ⲕⲱ ⲛⲁ ϥ ⲉⲃⲟⲗ' ⲛ̅ ⲛⲉϥ ⲛⲟⲃⲉ ⲟⲩⲇⲉ ⲙⲛ̅ ⲧⲟⲩ ϫⲓ ⲛ̅ ⲧⲉϥ ⲙⲉⲧⲁⲛⲟⲓⲁ ⲛ̅ⲧⲟⲟⲧ ϥ̅ · ⲟⲩⲇⲉ ⲙⲛ̅ ⲧⲟⲩ ⲥⲱⲧⲙ̅ ⲉⲣⲟ ϥ ⲉ ⲡ ⲧⲏⲣ ϥ̅ ϩⲓⲧⲛ̅ ⲗⲁⲁⲩ ⲙ̅ ⲙⲩⲥⲧⲏⲣⲓⲟⲛ ⲉⲓⲙⲏⲧⲓ ϩⲓⲧⲛ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ · ⲙⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓⲁϯϣⲁϫⲉ ⲉⲣⲟ ϥ ·

ⲛⲁⲓ̈ ⲙ̅ⲙⲁⲧⲉ ⲛ ⲉⲧ ⲛⲁ ϫⲓ ⲛ̅ ⲧ ⲙⲉⲧⲁⲛⲟⲓⲁ ⲙ̅ ⲡ ⲣⲱⲙⲉ ⲉⲧ ⲙ̅ⲙⲁⲩ ⲛ̅ⲧⲟⲟⲧ ϥ̅ · ⲁⲩⲱ ⲛ̅ ⲥⲉ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ · ⲉⲃⲟⲗ ⲅⲁⲣ ϫⲉ ϩⲉⲛ ϣⲁⲛ ϩⲧⲏ ⲩ ⲛ̅ ⲛⲁⲏⲧ' ⲛⲉ ⲙ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ ⲣⲉϥ ⲕⲱ ⲉⲃⲟⲗ' ⲛ̅ ⲟⲩ ⲟⲉⲓϣ ⲛⲓⲙ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥ̅ⲱ̅ⲣ̅ ⲁ ϥ ⲟⲩⲱϩ ⲟⲛ ⲉ ⲧⲟⲟⲧ ϥ̅ ⲛ̅ϭⲓ ⲓ̈ⲱϩⲁⲛⲛⲏⲥ ⲡⲉϫⲁ ϥ ⲙ̅ ⲡ ⲥ̅ⲱ̅ⲣ̅ ϫⲉ ⲡⲁ ϫⲟⲉⲓⲥ ⲉⲓ̈ⲉ ϣⲱⲡⲉ ⲟⲩ ⲥⲟⲛ ⲛ̅ ⲣⲉϥ ⲣ̅ ⲛⲟⲃⲉ ⲉⲙⲁϣⲟ ⲉ ⲁ ϥ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ · ⲙⲛ̅ ⲛⲉϥ ⲛⲟⲃⲉ ⲧⲏⲣ ⲟⲩ ⲁⲩⲱ ⲛⲙ̅ ⲛⲉϥ ⲣⲟⲟⲩϣ ⲧⲏⲣ ⲟⲩ · ⲁⲩⲱ ⲛ̅ ⲧⲛ̅ ⲇⲟⲕⲓⲙⲁⲍⲉ ⲙ̅ⲙⲟ ϥ ⲛ̅ ⲧⲛ̅ ⲉⲓⲙⲉ ϫⲉ ⲛ ϥ̅ ϣⲟⲟⲡ' ⲁⲛ ϩⲛ̅ ⲟⲩ ⲕⲣⲟϥ ⲙⲛ̅ ⲟⲩ ϩⲩ ⲡⲟⲕⲣⲓⲥⲓⲥ ⲙ̇ⲛ̇ ⲁⲗⲗⲁ ⲉ ϥ ⲟⲩⲉϣ ϣⲱⲡⲉ ϩⲛ̅ ⲟⲩ ⲙⲉ ⲙⲛ̅ ⲟⲩ ⲁⲗⲏⲑⲓⲁ ·

ⲛ̅ ⲧ̇ⲉ̇ⲧⲛ̅ ⲉⲓⲙⲉ ϫⲉ ⲁ ϥ ⲙ̅ⲡϣⲁ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ · ⲏ̅ ⲡ ⲙⲉϩ ϣⲟⲙⲛ̅ⲧ ·

ⲕ ⲟⲩⲱϣ ϩⲁⲡⲁⲝ ⲉ ⲧⲣⲉ ⲛ ϯ ⲛⲁ ϥ ⲉⲃⲟⲗ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲏ̅ ⲙⲛ̅ ⲡ ⲙⲁϩϣⲟⲙⲛ̅ⲧ ⲉ ⲙⲡⲁⲧ ϥ̅ ϫⲓ ⲙ ⲩⲥⲧⲏⲣⲓⲟⲛ ⲉ ⲡ ⲧⲏⲣ ϥ̅ ⲛ̅ⲧⲉ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ⲕ ⲟⲩⲱϣ ⲉ ⲧⲣⲉ ⲛ ϯ ⲛⲁ ϥ ϫⲛ̅ ⲙ̅ⲙⲟⲛ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲛ̅ ⲓ̈ⲱϩⲁⲛⲛⲏⲥ ϩⲛ̅ ⲧ ⲙⲏⲧⲉ ⲛ̅ ⲙ̅ ⲙⲁⲑⲏⲧⲏⲥ ϫⲉ ⲉⲧⲉⲧⲛ̅ϣⲁⲛ ⲉⲓⲙⲉ ϩⲛ̅ ⲟⲩ ⲱⲣϫ̅ ϫⲉ ⲁ ⲡ ⲣⲱⲙⲉ ⲉⲧ ⲙ̅ ⲙⲁⲩ ⲁ ϥ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲛⲉϥ ⲣⲟ ⲟⲩϣ ⲧⲏⲣ ⲟⲩ ⲙⲛ̅ ⲛⲉϥ ϩⲟⲙⲓⲗⲓⲁ ⲧⲏⲣ ⲟⲩ ⲙⲛ̅ ⲛⲉϥ ⲛⲟⲃⲉ ⲧⲏⲣ ⲟⲩ ⲁⲩⲱ ⲛ̅ ⲧⲉⲧⲛ̅ ⲉⲓⲙⲉ ϩⲛ̅ ⲟⲩ ⲁⲗⲏⲑⲓⲁ ϫⲉ ⲉ ϥ ϣⲟⲟⲡ ⲁⲛ ϩⲛ̅ ⲟⲩ ⲕⲣⲟϥ ⲟⲩⲇⲉ ⲛ̅ ⲛⲉϥ ϣⲟⲟⲡ' ⲁⲛ ϩⲛ̅ ⲟⲩ ϩⲩⲡⲟⲕⲣⲓⲥⲓⲥ · ⲟⲩⲇⲉ ⲛ̅ ⲛⲉ ϥ ⲟ̅ ⲙ̅ ⲡⲉⲣⲓⲉⲣⲅⲟⲥ ⲁⲛ ϫⲉ ⲉϥⲉ ⲉⲓⲙⲉ ⲉ ⲛ ⲉⲧ ⲙ̅ ⲙⲩⲥⲧⲏⲣⲓⲟⲛ ϫⲉ ⲉ ⲩ ⲟ ⲛ̅ ⲁϣ ⲛ̅ ⲥⲙⲟⲧ ⲁⲗⲗⲁ ⲉ ϥ ⲟⲩⲉϣ ⲡ ⲛⲟⲩⲧⲉ ϩⲛ̅ ⲟⲩ ⲁⲗⲏⲑⲓⲁ ·

ⲡⲁⲓ̈ ⲛ̅ ⲧⲉⲓ̈ ⲙⲓⲛⲉ ⲙ̅ⲡⲣ̅ ϩⲟⲡⲟ ⲩ ⲉⲣⲟ ϥ ·

ⲁⲗⲗⲁ ϯ ⲛⲁ ϥ ⲉⲃⲟⲗ ϩⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲙⲛ̅ ⲡⲙⲁϩϣⲟⲙⲛ̅ⲧ · ⲁⲩⲱ ⲛ̅ⲧⲱⲧⲛ̅ ϩⲱⲧ ⲧⲏⲩⲧⲛ̅ ⲛ̅ ⲧⲉⲧⲛ̅ ⲇⲟⲕⲓⲙⲁⲍⲉ ϫⲉ ⲉ ϥ ⲙ̅ⲡϣⲁ ⲛ̅ ⲁϣ ⲙ̅ ⲙⲩⲥⲧⲏⲣⲓⲟⲛ ·

ⲁⲩⲱ ⲡ ⲉⲧ ϥ̅ ⲙ̅ⲡϣⲁ ⲙ̅ⲙⲟ ϥ ⲧⲁⲁ ϥ ⲛⲁ ϥ · ⲁⲩⲱ ⲙ̅ⲡⲣ̅ ϩⲱⲡ' ⲉⲣⲟ ϥ ⲉⲙ̅ⲙⲟⲛ

ⲉⲧⲉⲧⲛ̅ϣⲁⲛ ϩⲱⲡ ⲉ ⲣⲟ ϥ ⲧⲉⲧⲛ̅ ϭⲏⲡ' ⲉϩⲟⲩⲛ ⲉ ⲩ ⲛⲟϭ ⲛ̅ ⲕⲣⲓⲙⲁ ·

ⲉϣⲱⲡⲉ ⲉⲧⲉⲧⲛ̅ϣⲁⲛ ϯ ⲛⲁ ϥ ⲛ̅ ⲟⲩ ⲥⲟⲡ · ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲏ̅ ϩⲙ̅ ⲡ ⲙⲉϩ ϣⲟⲙⲛ̅ⲧ ⲛ ϥ̅ ⲕⲟⲧ ϥ̅ ⲟⲛ ⲛ ϥ̅ ⲣ̅ ⲛⲟⲃⲉ · ⲉⲧⲉⲧⲛⲉ ⲟⲩⲱϩ ⲟⲛ ⲉⲧⲟⲧ ⲧⲏⲩⲧⲛ̅ ⲙ̅ ⲡⲙⲉϩⲥⲟⲡ ⲥⲛⲁⲩ · ϩⲉⲱⲥ ϣⲁ ⲡ ⲙⲉϩ ϣⲟⲙⲛ̅ⲧ ⲛ̅ ⲥⲟⲡ ·

ⲉϣⲱⲡⲉ ⲟⲛ ⲉϥϣⲁⲛ ⲣ̅ ⲛⲟⲃⲉ ⲛ̅ ⲛ ⲉⲧⲛ̅ ⲟⲩⲱϩ ⲉⲧⲉ ⲧⲏⲩⲧⲛ̅ ⲉ ϯ ⲛⲁ ϥ · ϫⲉ ⲡ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲥⲉ ⲛⲁ ϣⲱⲡⲉ ⲛⲁ ϥ ⲙ̅ ⲙⲛ̅ⲧⲣⲉ ϩⲛ̅ ⲧⲉϥ ϩⲁⲏ ⲙ̅ ⲙⲉⲧⲁⲛⲟⲓⲁ ·

ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲡ ⲉⲧ ⲛⲁ ϯ ⲙⲩⲥ ⲧⲏⲣⲓⲟⲛ ⲙ̅ ⲡ ⲣⲱⲙⲉ ⲉⲧ ⲙ̅ⲙⲁⲩ ⲛ̅ ⲟⲩⲱϩⲙ̅ ϩⲙ̅ ⲡ ⲙⲉϩ ⲭⲱⲣⲏⲙⲁ ⲥⲛⲁⲩ ⲏ̅ ϩⲙ̅ ⲡ ⲙⲉϩ ϣⲟⲙⲛ̅ⲧ ϥϭⲏⲡ' ⲉ ϩⲟⲩⲛ ⲉ ⲩ ⲛⲟϭ ⲛ̅ ⲕⲣⲓⲙⲁ ·

ⲁⲗⲗⲁ ⲙⲁⲣⲉ ϥ ϣⲱⲡⲉ ⲛ̅ ⲛⲁϩⲣⲏ ⲧⲛ̅ ϩⲱⲥ ⲡⲁⲣⲁⲃⲁⲧⲏⲥ ⲁⲩⲱ ϩⲱⲥ ⲥⲕⲁⲛⲇⲁ ⲁⲩⲱ ϩⲙ̅ ⲡ ⲃⲱⲗ' ⲉⲃⲟⲗ ⲙ̅ ⲡ ⲕⲟⲥⲙⲟⲥ ⲧⲉϥ ⲯⲩⲭⲏ ⲛⲁ ⲣ̅ ϩⲣⲟⲩⲟⲩϫ ϥ̅ ⲁⲩⲱ ⲛ ⲥ̅ ⲁⲛ̅ ϩⲁⲗⲓⲥⲕⲉ ⲉ ⲡ ϫⲁϥ ⲉⲧ ⲛⲁϣⲧ̅ ⲙⲛ̅ ⲡ ⲕⲱϩⲧ̅ ⲉⲧ ⲛⲁϣⲧ̅ ⲉⲙⲁϣⲟ · ⲁⲩⲱ ⲥ ⲛⲁⲣ̅ⲁⲧϣⲱ ⲡⲉ ϣⲁ ⲉⲛⲉϩ ·

ⲁⲗⲗⲁ ⲉϣⲱⲡⲉ ⲟⲛ ⲉⲧⲓⲉϥϣⲁⲛ ⲕⲟⲧϥ̅ ⲛ ϥ̅ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲛⲉϥ ⲣⲟⲟⲩϣ ⲧⲏⲣ ⲟⲩ ⲙⲛ̅ ⲛⲉϥ ⲛⲟⲃⲉ ⲧⲏⲣ ⲟⲩ ·

ⲁⲩⲱ ⲡ ϥ̅ ϣⲱⲡⲉ ϩⲛ̅ ⲟⲩ ⲛⲟϭ ⲙ̅ ⲡⲟⲗⲓⲧⲓⲁ ⲙⲛ̅ ⲟⲩ ⲛⲟϭ ⲙ̅ ⲙⲉⲧⲁⲛⲟⲓⲁ · ⲙⲛ̅ ⲧⲉ ⲗⲁⲁⲩ ⲙ̅ ⲙⲩⲥⲧⲏⲣⲓⲟⲛ ϫⲓ ⲛ̅ⲧⲟⲟⲧ ϥ̅ ⲛ̅ ⲧⲉϥ ⲙⲉⲧⲁⲛⲟⲓⲁ · ⲟⲩⲧⲉ ⲙⲛ̅ ⲧⲟⲩ ⲥⲱⲧⲙ̅ ⲉⲣⲟ ϥ ⲉ ⲧⲣⲉ ⲩ ⲛⲁ ⲛⲁ ϥ ⲛ̅ ⲥⲉ ϫⲓ ⲛ̅ⲧⲟⲟⲧ ϥ̅ ⲛ̅ ⲧⲉϥ ⲙⲉⲧⲁⲛⲟⲓⲁ ⲛ̅ ⲥⲉ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ ⲉⲓⲙⲏⲧⲓ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲙⲛ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲛⲁⲓ̈ ⲙ̅ⲙⲁⲧⲉ ⲛ ⲉⲧ ⲛⲁ ϫⲓ ⲛ̅ ⲧ ⲙⲉⲧⲁⲛⲟⲓⲁ ⲙ̅ ⲡ ⲣⲱⲙⲉ ⲉⲧ ⲙ̅ⲙⲁⲩ ⲛ̅ⲧⲟⲟⲧ ϥ̅ ⲛ̅ ⲥⲉ ⲕⲱ ⲉⲃⲟⲗ ⲛ̅ ⲛⲉϥ ⲛⲟⲃⲉ ·

ⲉⲃⲟⲗ ⲅⲁⲣ ϫⲉ ϩⲉⲛ ϣⲁⲛ ϩⲧⲏ ⲩ ⲛ̅ ⲛⲁ ⲏⲧ ⲛⲉ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲁⲩⲱ ϩⲉⲛ ⲣⲉϥ ⲕⲁ ⲛⲟⲃⲉ ⲉⲃⲟⲗ ⲛⲉ ⲛ̅ ⲟⲩ ⲟⲓ̈ϣ ⲛⲓⲙ · ⲗⲟⲛ ·

ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲡ ⲣⲱ ⲙⲉ ⲉⲧ ⲙ̅ⲙⲁⲩ ⲙⲛ̅ ⲧⲟⲩ ⲥⲱⲧⲉ ⲛ̅ ⲧⲉϥ ⲯⲩⲭⲏ ⲉ ⲡⲕ ⲟⲥ ⲙⲟ ⲥ ϫⲓⲛ ⲡⲉⲓ̈ ⲛⲁⲩ ·

ⲁⲗⲗⲁ ⲡⲉϥ ⲙⲁ ⲛ̅ ϣⲱⲡⲉ ⲡⲉ ϩⲛ̅ ⲧ ⲙⲏⲧⲉ ⲛ̅ ⲧ̅ ⲧⲁⲡⲣⲟ ⲙ̅ ⲡⲉ ⲇⲣⲁⲕⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ ' ⲡ ⲙⲁ ⲙ̅ ⲡ ⲣⲓⲙⲉ ⲙⲛ̅ ⲡ ϭⲁϩϭϩ̅ ⲛ̅ ⲛ̅ ⲟⲃϩⲉ ·