Pistis Sophia Book 2 Part 9 unknown source <a href='http://marcion.sourceforge.net/'>Marcion project</a>, <a href='https://archive.org/details/pistissophiaopus0000unse/page/n29/mode/2up'>Archive.org</a> annotation Randy Komforty, Lance Martin, Amir Zeldes, Caroline T. Schroeder translation none Coptic SCRIPTORIUM, Marcion CC-BY 4.0 CMCL.AQ codex Egypt none unknown British Library Additional Manuscripts 5114 459-468 Sahidic Coptic Pistis Sophia Book 2 Part 9 J. H. Petermann (1851), Carl Schmidt & Violet MacDermot (1978)

This file encoded to comply with EpiDoc Guidelines and Schema.http://sourceforge.net/p/epidoc/

 Sahidic Coptic

ⲛ̅ⲧⲉ ⲡ ⲕⲟⲥⲙⲟⲥ · ⲁⲩⲱ ⲙⲛ̅ⲛ̅ⲥⲁ ⲛⲉⲓ̈ ϩⲓⲥⲉ ⲧⲏⲣ ⲟⲩ ⲉⲃⲟⲗ ϩⲓⲧⲉ ⲧⲏⲩⲧⲛ̅ ⲙ̅ⲙⲓⲛⲙ̅ⲙⲱ ⲧⲛ̅ · ⲁ ⲧⲉⲧⲛ̅ ⲁⲅⲱⲛⲓⲍⲉ ⲁⲩⲱ ⲁ ⲧⲉⲧⲛ̅ ⲙⲓϣⲉ · ⲉ ⲁ ⲧⲉⲧⲛ̅ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ ·

ⲁⲩⲱ ⲙ̅ⲡ ⲉⲧⲛ̅ ⲕⲁⲧⲟⲧ ⲧⲏⲩⲧⲛ̅ ⲉⲃⲟⲗ ⲉ ⲧⲉⲧⲛ̅ ϣⲓⲛⲉ ϩⲉⲱⲥ ϣⲁⲛⲧⲉ ⲧⲛ̅ ϭⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ⲛⲁⲓ̈ ⲛ̅ⲧ ⲁ ⲩ ⲥⲱⲧϥ̅ ⲙ̅ⲙⲱ ⲧⲛ̅ ⲁ ⲩ ⲣ̅ ⲧⲏⲩⲧⲛ̅ ⲛ̅ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ ⲉ ϥ ⲥⲟⲧϥ̅ ⲉⲙⲁϣⲟ ⲁⲩⲱ ⲁ ⲧⲉⲧⲛ̅ ϣⲱⲡⲉ ⲛ̅ ⲟⲩ ⲟⲉⲓⲛ ⲉ ϥ ⲥⲟⲧϥ̅ ·

ⲉⲧⲃⲉ ⲡⲁⲓ̈ ϭⲉ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉ ϣⲓⲛⲉ ⲧⲁⲣⲉ ⲧⲛ̅ ϭⲓⲛⲉ ·

ⲛ̅ⲧ ⲁ ⲓ̈ ϫⲱ ⲟⲩⲛ ⲉⲣⲱ ⲧⲛ̅ ϫⲉ ⲉⲧⲉⲧⲛⲉ ϣⲓⲛⲉ ⲛ̅ ⲥⲁ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛⲁⲓ̈ ⲉ ϣⲁ ⲩ ⲥⲱⲧϥ̅ ⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ · ⲁⲩⲱ ⲛ̅ ⲥⲉ ⲁⲁ ϥ ⲛ̅ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲓ̈ⲛ ⲉ ϥ ⲥⲟⲧϥ̅ ⲉⲙⲁ ϣⲟ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲉⲧⲃⲉ ⲡ ⲅⲉⲛⲟⲥ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ϫⲉ ⲥⲉ ⲟ ⲛ̅ ϩⲩⲗⲓⲕⲟⲛ · ⲛ̅ⲧ ⲁ ⲓ̈ ⲥⲕⲩⲗⲗⲓ ⲙ̅ⲙⲟ ⲓ̈ ⲁ ⲓ̈ ⲉⲓⲛⲉ ⲛ̅ ⲙ̅ ⲙⲩⲥⲧⲡⲣⲓⲟⲛ ⲧⲏⲣ ⲟⲩ ⲛⲁ ⲩ ⲛ̅ⲧⲉ ⲡ ⲟⲩⲟⲉⲓⲛ ϫⲉ ⲉⲓ̈ⲉ ⲥⲱⲧϥ̅ ⲙ̅ⲙⲟ ⲟⲩ ϫⲉ ⲛ̅ ⲧⲟⲟⲩ ⲡⲉ ⲡ ⲥⲟⲣⲙ̅ ⲛ̅ ⲑ ⲩⲗⲏ ⲧⲏⲣ ⲥ̅ ⲛ̅ⲧⲉ ⲧⲉⲩ ϩⲩⲗⲏ · ⲉ ⲙⲙⲟ̅ ⲉ ⲛⲉ ⲙⲛ̅ ⲗⲁ ⲁⲩ ⲙ̅ ⲯⲩⲭⲏ ϩⲙ̅ ⲡ ⲅⲉⲛⲟⲥ ⲧⲏⲣ ϥ̅ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ⲛⲁ ⲟⲩϫⲁⲓ̈ ·

ⲁⲩⲱ ⲛ̅ ⲛⲉⲩ ⲛⲁϣ ⲕⲗⲏⲣⲟⲛⲟⲙⲓ ⲁⲛ ⲡⲉ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲓ̈ⲛ · ⲛ̅ⲥⲁⲃⲏⲗ ϫⲉ ⲁ ⲓ̈ ⲉⲓⲛⲉ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲣⲉϥ ⲥⲱⲧϥ̅ ·

ⲛⲉ ⲡⲣⲟⲃⲟⲗⲟⲟⲩⲉ ⲅⲁⲣ ⲙ̅ ⲡ ⲟⲩⲟⲉⲓⲛ ⲛ̅ ⲥⲉ ⲣ̅ ⲭⲣⲓⲁ ⲁⲛ ⲙ̅ ⲙⲩⲥⲧⲏⲣⲓⲟⲛ ⲥⲉ ⲥⲟⲧϥ̅ ⲅⲁⲣ · ⲁⲗⲗⲁ ⲡ ⲅⲉⲛⲟⲥ ⲛ̅ ⲧ ⲙⲛ̅ⲧ ⲣⲱⲙⲉ ⲛ̅ⲧⲟⲟⲩ ⲛ ⲉⲧ ⲣ̅ ⲭⲣⲓⲁ ⲙ̅ⲙⲟ ⲟⲩ ⲉⲃⲟⲗ ϫⲉ ϩⲉⲛ ⲥⲟⲣⲙ̅ ⲛ̅ ϩⲩ ⲗⲓⲕⲟⲛ ⲧⲏⲣ ⲟⲩ ⲛⲉ ·

ⲉⲧⲃⲉ ⲡⲁⲓ̈ ϭⲉ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉ ⲛ ⲉⲧ ⲙⲟⲧⲛ̅ ⲛ̅ ⲥⲉ ⲣ̅ ⲭⲣⲓⲁ ⲁⲛ ⲙ̅ ⲡ ⲥⲁⲉⲓⲛ ⲁⲗⲗⲁ ⲛ ⲉⲧ ϣⲟⲟⲡ ⲕⲁⲕⲱⲥ ⲛⲉ ⲉⲧⲉ ⲡⲁⲓ̈ ⲡⲉ ϫⲉ ⲛⲁⲛⲟⲩ ⲡ ⲟⲩⲟⲉⲓⲛ ⲛ̅ ⲥⲉ ⲣ̅ ⲭⲣⲓⲁ ⲁⲛ ⲙ̅ ⲙⲩⲥⲧⲏ ⲣⲓⲟⲛ ϫⲉ ϩⲉⲛ ⲟⲩⲟⲉⲓⲛ ⲛ̅ⲧⲟⲟⲩ ⲉ ⲩ ⲥⲟⲧϥ̅ ⲛⲉ · ⲁⲗⲗⲁ ⲡ ⲅⲉⲛⲟⲥ ⲛ̅ ⲧ ⲙⲛ̅ⲧ ⲣⲱⲙⲉ ⲛ̅ⲧⲟⲟⲩ ⲛ ⲉⲧ ⲣ̅ ⲭⲣⲓⲁ ⲙ̅ⲙⲟ ⲟⲩ ϫⲉ ϩⲉⲛ ⲥⲟⲣⲙ̅ ⲛ̅ ϩⲩⲗⲓⲕⲟⲛ ⲛⲉ ·

ⲉⲧⲃⲉ ⲡⲁⲓ̈ ϭⲉ ⲕⲏⲣⲩⲥⲥⲉ ⲙ̅ ⲡ ⲅⲉⲛⲟⲥ ⲛ̅ ⲧ ⲙⲛ̅ⲧ ⲣⲱⲙⲉ ⲧⲏⲣ ϥ̅ ϫⲉ ⲙ̅ⲡⲣ̅ ⲕⲁⲧⲉ ⲧⲏⲩⲧⲛ̅ ⲉⲃⲟⲗ ⲉ ⲧⲉⲧⲛ̅ ϣ ϭⲓⲛⲉ ϩⲙ̅ ⲡⲉ ϩⲟⲟⲩ ⲙⲛ̅ ⲧⲉ ⲩϣⲏ · ϩⲉⲱⲥ ϣⲁⲛⲧⲉ ⲧⲛ̅ ϩⲉ ⲉ ⲙ ⲙⲩⲥⲧⲏⲣⲓⲟⲛ ⲛ̅ ⲣⲉϥ ⲥⲱⲧϥ̅ ·

ⲁⲩⲱ ⲁϫⲓ ⲥ ⲙ̅ ⲡ ⲅⲉⲛⲟⲥ ⲛ̅ ⲧ ⲙⲛ̅ⲧ ⲣⲱⲙⲉ ϫⲉ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ · ⲉ ⲙⲙⲟⲛ ⲡ ⲉⲧ ϫⲓ ⲁⲩⲱ ⲉⲧ ϯ ϩⲙ̅ ⲡ ⲕⲟⲥⲙⲟⲥ ⲁⲩⲱ ⲉⲧ ⲟⲩⲱⲙ ⲁⲩⲱ ⲉⲧ ⲥⲱ ϩⲛ̅ ⲧⲉϥ ϩⲩⲗⲏ · ⲁⲩⲱ ⲉⲧ ⲟⲛϩ̅ ϩⲛ̅ ⲛⲉϥ ⲣⲟⲟⲩϣ ⲧⲏⲣ ⲟⲩ ⲙⲛ̅ ⲛⲉϥ ϩⲟⲙⲓⲗⲓⲁ ⲧⲏⲣ ⲟⲩ · ⲉ ϥ ⲥⲱⲟⲩϩ ⲛⲁ ϥ ⲉϩⲟⲩⲛ ⲛ̅ ϩⲉⲛ ⲕⲉ ϩⲩⲗⲏ ⲉ ⲣⲁⲧ ϥ̅ ⲛ̅ ⲧⲉϥ ⲕⲉ ϩⲩⲗⲏ · ⲉⲃⲟⲗ ϫⲉ ⲡⲉⲓ̈ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲛⲉⲧⲛ̅ ϩⲏⲧϥ̅ ⲧⲏⲣ ϥ̅ · ⲙⲛ̅ ⲛⲉϥ ϩⲟⲙⲓⲗⲓⲁ ⲧⲏⲣ ⲟⲩ ϩⲉⲛ ⲥⲟⲣⲙ̅ ⲛ̅ ϩⲩⲗⲓⲕⲟⲛ ⲛⲉ ⲁⲩⲱ ⲥⲉ ⲛⲁ ϫⲛⲉ ⲡ ⲟⲩⲁ ⲡ ⲟⲩⲁ ⲉⲣⲟ ⲟⲩ ⲉⲧⲃⲉ ⲡⲉⲩ ⲧⲃ̅ⲃⲟ ·

ⲉⲧⲃⲉ ⲡⲁⲓ̈ ⲟⲩⲛ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥ ⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ ϫⲉ ⲛ̅ ⲛⲉ ⲧⲛ̅ ⲥⲱⲟⲩϩ ⲛⲏ ⲧⲛ̅ ⲉϩⲟⲩⲛ ⲛ̅ ⲕⲉ ϩⲩⲗⲏ ⲉⲣⲁⲧ ⲥ̅ ⲛ̅ ⲧⲉⲧⲛ̅ ⲕⲉ ϩⲩⲗⲏ ⲉⲧ ⲛ̅ϩⲏⲧ ⲟⲩ ·

ⲉⲧⲃⲉ ⲡⲁⲓ̈ ⲟⲩⲛ ⲕⲏ ⲣⲩⲥⲥⲉ ⲙ̅ ⲡ ⲅⲉⲛⲟⲥ ⲧⲏⲣ ϥ̅ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ϫⲉ ⲁⲡⲟ ⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲛⲉϥ ϩⲟⲙⲓⲗⲓⲁ ⲧⲏⲣ ⲟⲩ ϫⲉ ⲛ̅ⲛⲉ ⲧⲛ̅ ⲥⲱⲟⲩϩ ⲛⲏ ⲧⲛ̅ ⲉϩⲟⲩⲛ ⲛ̅ ⲕⲉ ϩⲩⲗⲏ ⲉ ⲣⲁⲧ ⲥ̅ ⲛ̅ ⲧⲉⲧⲛ̅ ⲕⲉ ϩⲩⲗⲏ ⲉⲧ ϩⲛ̅ ⲧⲏⲛⲟⲩ · ⲁⲩⲱ ⲁϫⲓ ⲥ ⲉⲣⲟ ⲟⲩ ϫⲉ ⲙ̅ⲡⲣ̅ ⲕⲁⲧⲉ ⲧⲏⲩⲧⲛ̅ ⲉⲃⲟⲗ ⲉ ⲧⲉⲧⲛ̅ ϣⲓⲛⲉ ϩⲙ̅ ⲡⲉ ϩⲟⲟⲩ ⲙⲛ̅ ⲧⲉ ⲩϣⲏ · ⲁⲩⲱ ⲙ̅ⲡⲣ̅ ⲁⲛⲁⲕⲧⲉ ⲙ̅ ⲙⲱ ⲧⲛ̅ ϣⲁⲛⲧⲉ ⲧⲛ̅ ϭⲓⲛⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲣⲉϥ ⲥⲱⲧϥ̅ · ⲛⲁⲓ̈ ⲉⲧ ⲛⲁ ⲥⲉⲧϥ̅ ⲧⲏⲛⲟⲩ · ⲛ̅ ⲥⲉ ⲣ̅ ⲧⲏⲩⲧⲛ̅ ⲛ̅ ϩⲓⲗⲓⲕⲣⲓ ⲛⲉⲥ ⲛ̅ ⲟⲩⲟⲉⲓⲛ ⲛ̅ ⲧⲉⲧⲛ̅ ⲃⲱⲕ' ⲉ ⲡ ϫⲓⲥⲉ ⲛ̅ ⲧⲉⲧⲛ̅ ⲕⲗⲏⲣⲟ ⲛⲟⲙⲓ ⲙ̅ ⲡ ⲟⲩⲟⲉⲓⲛ ⲛ̅ ⲧⲁ ⲙⲛ̅ⲧ ⲉⲣⲟ ·

ⲧⲉⲛⲟⲩ ϭⲉ ⲛ̅ⲧⲟⲕ' ⲟⲛ ⲁⲛⲇⲣⲉⲁⲥ ⲙⲛ̅ ⲛⲉⲕ ⲥⲛⲏⲩ ⲧⲏⲣ ⲟⲩ ⲛⲉⲕ ϣⲃ̅ⲣ ⲙⲁ ⲑⲏⲧⲏⲥ · ⲉⲧⲃⲉ ⲛⲉⲧⲛ̅ ⲁⲡⲟⲧⲁⲅⲏ ⲙⲛ̅ ⲛⲉⲧⲛ̅ ϩⲓⲥⲉ ⲧⲏⲣ ⲟⲩ ⲛ̅ⲧ ⲁ ⲧⲉⲧⲛ̅ ϣⲟⲡ ⲟⲩ ⲕⲁⲧⲁ ⲧⲟⲡⲟⲥ ⲙⲛ̅ ⲛⲉⲧⲛ̅ ⲡⲁⲣⲁⲃⲟⲗⲏ ⲙ̇ⲛ̇ⲛ̇ⲥ̇ ⲕⲁⲧⲁ ⲧⲟⲡⲟⲥ · ⲁⲩⲱ ⲙⲛ̅ ⲛⲉⲧⲛ̅ ⲙⲉⲧⲁⲅⲅⲓⲥⲙⲟⲥ ϩⲛ̅ ⲛ̅ ⲥⲱⲙⲁ ⲉ ⲩ ϣⲃ̅ ⲉⲓⲁⲉⲓⲧ' ⲁⲩⲱ ⲙⲛ̅ ⲛⲉⲧⲛ̅ ⲑⲗⲓⲯⲓⲥ ⲧⲏⲣ ⲟⲩ · ⲁⲩⲱ ⲙⲛ̅ⲛ̅ⲥⲁ ⲛⲁⲓ̈ ⲧⲏⲣ ⲟⲩ ⲁ ⲧⲉⲧⲛ̅ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲣⲉϥ ⲥⲱⲧϥ̅ · ⲁ ⲧⲉⲧⲛ̅ ⲣ̅ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ ⲉ ϥ ⲥⲟⲧϥ̅ ⲉⲙⲁϣⲟ · ⲉⲧⲃⲉ ⲡⲁⲓ̈ ϭⲉ ⲧⲉⲧⲛ ⲁ ⲃⲱⲕ' ⲉ ⲡ ϫⲓⲥⲉ · ⲛ̅ ⲧⲉⲧⲛ̅ ⲣ̅ ⲡ ϩⲟⲩⲛ ⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲛⲓ ⲛⲟϭ ⲧⲏⲣ ⲟⲩ ⲙ̅ ⲡⲣⲟⲃⲟⲗⲟⲟⲩⲉ ⲛ̅ⲧⲉ ⲡ ⲟⲩⲟⲉⲓⲛ · ⲛ̅ ⲧⲉⲧⲛ̅ ϣⲱⲡⲉ ⲉ ⲧⲉⲧⲛ̅ ⲟ ⲛ̅ ⲣ̅ⲣⲟ ϩⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ⲛ̅ ϣⲁ ⲉⲛⲉϩ · ⲧⲁⲓ̈ ⲧⲉ ⲧ ⲁⲡⲟⲫⲁⲥⲓⲥ ⲛ̅ ⲛ̅ ϣⲁϫⲉ ⲉ ⲧⲉⲧⲛ̅ ϣⲓⲛⲉ ⲛ̅ⲥⲱ ⲟⲩ :

ⲧⲉⲛⲟⲩ ϭⲉ ⲟ̅ⲛ ⲁⲛⲇⲣⲉⲁⲥ ⲁⲓⲧⲓ ⲉ ⲕ ϣⲟⲟⲡ' ϩⲛ̅ ⲟⲩ ⲙⲛ̅ⲧ ⲁⲡⲓⲥⲧⲟⲥ ⲁⲩⲱ ⲙⲛ̅ ⲟⲩ ⲙⲛ̅ⲧ ⲁⲧ ⲥⲟⲟⲩⲛ̅ ·

ⲁⲗⲗⲁ ⲉⲧⲉⲧⲛ̅ϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ⲧⲉⲧⲛ̅ ⲃⲱⲕ' ⲉ ⲡ ϫⲓⲥⲉ ⲛ̅ ⲧⲉⲧⲛ̅ ⲡⲱϩ ⲉ ⲡ ⲧⲟⲡⲟⲥ ⲛ̅ ⲛ̅ ⲁⲣ ⲭⲱⲛ · ⲛ̅ ⲁⲣⲭⲱⲛ ⲧⲏⲣ ⲟⲩ ⲛⲁ ϫⲓ ϣⲓⲡⲉ ⲛ̅ⲛⲁϩⲣⲏ ⲧⲛ̅ · ϫⲉ ⲛ̅ⲧⲉⲧⲛ̅ ⲡ ⲥⲟⲣⲙ̅ ⲛ̅ ⲧⲉⲩ ϩⲩⲗⲏ · ⲁⲩⲱ ⲁ ⲧⲉⲧⲛ̅ ⲣ̅ ⲟⲩ ⲟⲉⲓⲛ ⲉ ϥ ⲥⲟⲧϥ̅ ⲛ̅ ϩⲟⲩⲟ ⲉⲣⲟ ⲟⲩ ⲧⲏⲣ ⲟⲩ · ⲁⲩⲱ ⲉ ⲧⲉⲧⲛ̅ϣⲁⲛ ⲡⲱϩ ⲉ ⲡ ⲧⲟⲡⲟⲥ ⲛ̅ ⲛ̅ ⲛⲟϭ ⲛ̅ ⲁϩⲟⲣⲁⲧⲟⲥ ⲙⲛ̅ ⲡ ⲧⲟⲡⲟⲥ ⲛ̅ ⲛⲁ ⲧ ⲙⲉⲥⲟⲥ ⲙⲛ̅ ⲛⲁ ⲟⲩⲛⲁⲙ ⲙⲛ̅ ⲛ̅ ⲧⲟⲡⲟⲥ ⲛ̅ ⲛⲓ ⲛⲟϭ ⲧⲏⲣ ⲟⲩ ⲙ̅ ⲡⲣⲟⲃⲟⲗⲏ ⲛ̅ⲧⲉ ⲡ ⲟⲩ ⲟⲉⲓⲛ ·

ⲧ ⲉⲧ ⲛⲁ ϫⲓ ⲉⲟⲟⲩ ⲛ̅ⲛⲁϩⲣⲁ ⲩ ⲧⲏⲣ ⲟⲩ ϫⲉ ⲛ̅ⲧⲱⲧⲛ̅ ⲡⲉ ⲡ ⲥⲟⲣⲙ̅ ⲛ̅ ⲧⲉⲩ ϩⲩⲗⲏ · ⲁⲩⲱ ⲉ ⲧⲉⲧⲛ̅ ⲣ̅ ⲟⲩ ⲟⲩⲟⲉⲓⲛ ⲉ ϥ ⲥⲟⲧϥ̅ ⲛ̅ ϩⲟⲩⲟ ⲉⲣⲟ ⲟⲩ ⲧⲏⲣ ⲟⲩ · ⲁⲩⲱ ⲛ̅ ⲧⲟⲡⲟⲥ ⲧⲏⲣ ⲟⲩ ⲛⲁ ϩⲩⲙⲛⲉⲩⲉ ϩⲁⲧⲉ ⲧⲉⲧⲛ̅ ϩⲏ ϩⲉⲱⲥ ϣⲁⲛ ⲧⲉ ⲧⲛ̅ ⲃⲱⲕ ⲉ ⲡ ⲧⲟⲡⲟⲥ ⲛ̅ ⲧ ⲙⲛ̅ⲧ ⲉⲣⲟ .

ⲛⲁⲓ̈ ϭⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲡ ⲥⲱⲧⲏⲣ ⲁ ϥ ⲉⲓⲙⲉ ⲛ̅ϭⲓ ⲁⲛⲇⲣⲉ ⲁⲥ ⲫⲁⲛⲉⲣⲱⲥ ·

ⲟⲩ ⲙⲟⲛⲟⲛ ⲛ̅ⲧⲟϥ ⲁⲗⲗⲁ ⲁ ⲩ ⲉⲓⲙⲉ ⲧⲏⲣ ⲟⲩ ⲛ̅ϭⲓ ⲙ̅ ⲙⲁⲑⲏⲧⲏⲥ ϩⲛ̅ ⲟⲩ ⲥⲟⲟⲩⲧⲛ̅ ϫⲉ ⲥⲉ ⲛⲁ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁ ⲩ ⲡⲁϩⲧ ⲟⲩ ⲧⲏⲣ ⲟⲩ ϩⲓ ⲛⲉⲩ ⲉⲣⲏⲩ ⲉϫⲛ̅ ⲛ ⲟⲩⲉⲣⲏⲧⲉ ⲛ̅ ⲓ̅ⲥ̅ ·

ⲁ ⲩ ⲱϣ ⲉⲃⲟⲗ ⲁ ⲩ ⲣⲓⲙⲉ ⲁ ⲩ ⲡⲁⲣⲁⲕⲁⲗⲉⲓ ⲙ̅ ⲡ ⲥⲱⲧⲏⲣ ⲉ ⲩ ϫⲱ ⲙ̅ⲙⲟ ⲥ ϫⲉ ⲡ ϫⲟⲉⲓⲥ ⲕⲱ ⲉⲃⲟⲗ ⲙ̅ ⲡ ⲛⲟⲃⲉ ⲛ̅ ⲧ ⲙⲛ̅ⲧ ⲁⲧ ⲥⲟⲟⲩⲛ ⲙ̅ ⲡⲉⲛ ⲥⲟⲛ :

ⲁ ϥ ⲟⲩⲱϣⲃ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ϫⲉ ϯ ⲕⲱ ⲉⲃⲟⲗ ⲁⲩⲱ ϯ ⲛⲁ ⲕⲱ ⲉⲃⲟⲗ ·

ⲉⲧⲃⲉ ⲡⲁⲓ̈ ϭⲉ ⲛ̅ⲧ ⲁ ϥ ⲧⲛ̅ⲛⲟⲟⲩ ⲧ' ⲛ̅ϭⲓ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉ ⲧⲣ ⲁ ⲕⲱ ⲉⲃⲟⲗ ⲛ̅ ⲛ̅ ⲛⲟⲃⲉ ⲛ̅ ⲟⲩⲟⲛ ⲛⲓⲙ ⁛ · ⁛ · ⁛ · ⁛ · ⁛ □□□□

ⲟⲩ ⲙⲉⲣⲟⲥ ⲛ̅ⲧⲉ ⲛ̅ ⲧⲉⲩⲭⲟⲥ ⲙ̅ ⲡ ⲥⲱⲧⲏⲣ

ⲁⲩⲱ ⲛ ⲉⲧ ⲙ̅ⲡϣⲁ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲕⲁⲧⲟⲓⲕⲓ ϩⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲉⲧⲉ ⲛ̅ ⲧⲟⲟⲩ ⲡⲉ ⲉⲧⲉ ⲙ̅ⲡ ⲟⲩ ⲡⲣⲟ ⲉⲗⲑⲉ ⲉⲃⲟⲗ · ⲛⲁⲓ̈ ϣⲟⲟⲡ ϩⲁ ⲑ ⲏ ⲙ̅ ⲡ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ · ⲁⲩⲱ ⲕⲁⲧⲁ ⲟⲩ ⲧⲟⲛⲧⲛ̅ ⲙⲛ̅ ⲟⲩ ϩⲓⲥⲟⲥ ⲛ̅ⲧⲉ ⲡ ϣⲁϫⲉ ϫⲉ ⲉ ⲧⲉⲧⲛ̅ ⲛⲟⲓ̈ ⲙ̅ⲙⲟ ϥ · ϩⲱⲥⲧⲉ ⲛ̅ⲧⲟⲟⲩ ⲛⲉ ⲙ̅ ⲙⲉⲗⲟⲥ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲁⲩⲱ ⲡ ⲟⲩⲁ ⲡ ⲟⲩⲁ ⲉ ϥ ϣⲟⲟⲡ ⲕⲁⲧⲁ ⲧⲉ ⲧⲓⲙⲏ ⲙ̅ ⲡⲉϥ ⲉⲟⲟⲩ · ⲧ ⲁⲡⲉ ⲕⲁⲧⲁ ⲧⲉ ⲧⲓⲙⲏ ⲛ̅ ⲧ ⲁⲡⲉ · ⲁⲩⲱ ⲡ ⲃⲁⲗ' ⲕⲁⲧⲁ ⲧⲉ ⲧⲓⲙⲏ ⲛ̅ ⲃ̅ ⲃⲁⲗ · ⲁⲩⲱ ⲡ ⲙⲁⲁϫⲉ ⲕⲁⲧⲁ ⲧⲉ ⲧⲓⲙⲏ ⲛ̅ ⲙ̅ ⲙⲁⲁ ϫⲉ · ⲁⲩⲱ ⲡ ⲕⲉ ⲥⲉⲉⲡⲉ ⲛ̅ ⲙ̅ ⲙⲉⲗⲟⲥ · ϩⲱⲥⲧⲉ ⲉⲣⲉ ⲡ ϩⲱⲃ ⲟⲩ ⲱⲛϩ̅ ⲉⲃⲟⲗ ϫⲉ ⲟⲩ ⲙⲏⲏϣⲉ ⲙ̅ ⲙⲉⲗⲟⲥ ⲡⲉ ⲁⲗⲗⲁ ⲟⲩ ⲥⲱⲙⲁ ⲛ̅ ⲟⲩⲱⲧ ⲡⲉ ·

ⲡⲁⲓ̈ ⲙⲉⲛ ⲉ ⲓ̈ ϫⲱ ⲙ̅ⲙⲟ ϥ ϩⲛ̅ ⲟⲩ ⲡⲁⲣⲁⲇⲓⲅⲙⲁ ⲙⲛ̅ ⲟⲩ ϩⲓⲥⲟⲥ ⲙⲛ̅ ⲟⲩ ⲧⲟⲛⲧⲛ̅ · ⲁⲗⲗⲁ ϩⲛ̅ ⲟⲩ ⲁⲗⲏⲑⲉⲓⲁ ⲁⲛ ⲙ̅ ⲙⲟⲣⲫⲏ · ⲟⲩⲧⲉ ⲛ̅ⲧⲁ ⲓ̈ ⲟⲩⲉⲛϩ̅ ⲡ ϣⲁϫⲉ ⲉⲃⲟⲗ ⲁⲛ ϩⲛ̅ ⲟⲩ ⲙⲉ ⲁⲗⲗⲁ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲙⲉⲗⲟⲥ ⲛⲓⲙ ⲉⲧ ⲛ̅ϩⲏⲧ ϥ̅ ⲕⲁⲧⲁ ⲡ ϣⲁϫⲉ ⲉⲛⲧ ⲁ ⲓ̈ ⲧⲟⲛⲧⲛ̅ ⲉⲣⲟ ϥ ⲉⲧⲉ ⲛ ⲉⲧ ⲙ̅ⲙⲁⲩ ⲛ ⲉⲧ ⲕⲁⲧⲟⲓⲕⲓ ⲉ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲙⲛ̅ ⲛ ⲉⲧ ⲕⲁⲧⲟⲓⲕⲓ ⲛ̅ϩⲏⲧ ϥ̅ · ⲁⲩⲱ ⲡ ⲕⲉ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ⲉ ⲧ ⲙⲛ̅ⲛ̅ⲥⲱⲟⲩ ⲕⲁ ⲧⲁ ⲙ̅ ⲙⲩⲥⲧⲏⲣⲓⲟⲛ ϩ̇ⲛ̇ ⲟ̇ⲩ̇ⲁ̇ ⲛⲁⲓ̈ ⲧⲏⲣ ⲟⲩ ϩⲛ̅ ⲟⲩ ⲁⲗⲏ ⲑⲉⲓⲁ ⲙⲛ̅ ⲟⲩ ⲙⲉ ·

ⲁⲛⲟⲕ ⲡⲉ ⲡⲉⲩ ⲁϩⲟ ⲧⲏⲣ ⲟⲩ ⲡⲁⲓ̈ ⲉⲧⲉ ⲙⲛ̅ ⲕⲉ ⲁϩⲟ ⲛ̅ⲃⲗ̅ⲗⲁ ϥ · ⲡⲁⲓ̈ ⲉⲧⲉ ⲙⲛ̅ⲧ ϥ̅ ⲡⲉϥ ϩⲓⲇⲓⲟⲛ ϩⲓϫⲙ̅ ⲡ ⲕⲟⲥⲙⲟⲥ · ⲁⲗⲗⲁ ⲉⲧⲓ ⲟⲩⲛ ϣⲁϫⲉ ϣⲟⲟⲡ ⲁⲩⲱ ⲟⲩⲛ ⲙⲩⲥⲧⲏⲣⲓⲟⲛ ⲁⲩⲱ ⲟⲩⲛ ⲧⲟⲡⲟⲥ ·

ⲧⲉ ⲛⲟⲩ ϭⲉ ⲟⲩ ⲙⲁⲕⲁⲣⲓⲟⲥ ⲡⲉ ⲡ ⲉⲛⲧ ⲁ ϥ ⲉⲓⲛⲉ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲉ ⲡ ⲥⲁ ⲛ̅ ⲃⲟⲗ ·

ⲁⲩⲱ ⲟⲩ ⲛⲟⲩⲧⲉ ⲡⲉ ⲡ ⲉⲛⲧ ⲁ ϥ ϭⲛ̅ ⲛⲉⲓ̈ ϣⲁϫⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲉⲧⲛ̅ ⲧ ⲙⲏⲧⲉ ·

ⲁⲩⲱ ⲟⲩ ⲥ̅ⲱ̅ⲣ̅ ⲡⲉ ⲁⲩⲱ ⲟⲩ ⲁⲭⲱⲣⲏⲧⲟⲛ ⲡⲉ ⲡ ⲉⲛⲧ ⲁ ϥ ϭⲓⲛⲉ ⲛ̅ ⲛ̅ ϣⲁϫⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙⲛ̅ ⲛ̅ ϣⲁϫⲉ ⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ⲉⲧ ϩⲓ ⲡ ⲥⲁ ⲛϩⲟⲩⲛ · ⲁⲩⲱ ϥ ⲟⲩⲟⲧⲃ̅ ⲉ ⲡ ⲧⲏⲣ ϥ̅ · ⲁⲩⲱ ϥ ϣⲏⲡ' ⲛ̅ ⲛ ⲉⲧ ϣⲟⲟⲡ' ϩⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ⲉⲧ ⲙ̅ⲙⲁⲩ · ⲉⲃⲟⲗ ϫⲉ ⲡ ⲙⲩⲥ ⲧⲏⲣⲓⲟⲛ ⲉⲧ ⲟⲩ ϣⲟⲟⲡ' ⲛ̅ϩⲏⲧ ϥ̅ ⲙⲛ̅ ⲡ ⲉⲧ ⲟⲩ ⲁϩⲉ ⲣⲁ ⲧ ⲟⲩ ⲛ̅ϩⲏⲧ ϥ̅ ⲁ ϥ ϫⲓⲧ ϥ̅ ⲉⲧⲃⲉ ⲡⲁⲓ̈ ϭⲉ ⲁ ϥ ϣⲱϣ ⲟⲩ ⲃⲏ ⲩ · ⲡ ⲉⲛⲧ ⲁ ϥ ϭⲓⲛⲉ ϩⲱⲱ ϥ ⲛ̅ ⲛ̅ ϣⲁϫⲉ ⲛ̅ ⲙ̅ ⲙⲩⲥ ⲧⲏⲣⲓⲟⲛ ⲛⲁⲓ̈ ⲛ̅ⲧ ⲁ ⲓ̈ ⲥϩⲁⲓ̈ ⲥⲟⲩ ⲛⲏ ⲧⲛ̅ ⲕⲁⲧⲁ ⲟⲩ ⲧⲟⲛⲧⲛ̅ · ϫⲉ ⲛ̅ⲧⲟⲟⲩ ⲛⲉ ⲙ̅ ⲙⲉⲗⲟⲥ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲡ ⲉⲛⲧ ⲁ ϥ ϭⲓⲛⲉ ⲛ̅ ⲛ̅ ϣⲁϫⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ϩⲛ̅ ⲟⲩ ⲙⲉ ⲛ̅ⲧⲉ ⲡ ⲛⲟⲩⲧⲉ ϫⲉ ⲡ ⲣⲱⲙⲉ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲡ ϣⲟⲣⲡ̅ ϩⲛ̅ ⲟⲩ ⲁⲗⲏⲑⲓⲁ · ⲁⲩⲱ ϥ ϣⲏϣ ⲟⲩⲃⲏ ϥ · ϫⲉ ⲉⲧⲃⲉ ⲛ̅ ϣⲁϫⲉ ⲉⲧ ⲙ̅ⲙⲁⲩ ⲙⲛ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲛ̅ⲧ ⲁ ⲡ ⲧⲏⲣ ϥ̅ ϩⲱⲱ ϥ ⲁϩⲉ ⲣⲁⲧ ϥ̅ ⲉⲧⲃⲉ ⲡ ϣⲟⲣⲡ̅ ⲉⲧ ⲙ̅ⲙⲁⲩ ⲉⲧ ⲃⲉ ⲡⲁⲓ̈ ⲡ ⲉⲛⲧ ⲁ ϥ ϭⲓⲛⲉ ⲛ̅ ⲛ̅ ϣⲁϫⲉ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ϥ ϣⲏϣ ⲙⲛ̅ ⲡ ϣⲟⲣⲡ̅ ·

ⲁ̇ⲩ̇ⲱ̇ ⲧⲉ ⲅⲛⲱⲥⲓⲥ ⲅⲁⲣ ⲙ̅ ⲡ ⲥⲟⲟⲩⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ⲥ ⲛ̅ⲧ ⲁ ⲓ̈ ϣⲁϫⲉ ⲛⲙ̅ ⲙⲏ ⲧⲛ̅ ⲛ̅ϩⲏⲧ ⲥ̅ ⲙ̅ ⲡ ⲟⲟⲩ : ⁛ · ⁛ · ⁛ · ⁛ · ⁛