ⲁ ⲥ ϣⲱⲡⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲁ ⲥ ϯ ⲡⲓ ⲉ ⲛ̅ ⲟⲩⲉⲣⲏⲧⲉ ⲛ̅ ⲓ̅ⲥ̅ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ϥⲓ ϩⲁⲣⲟ ⲓ̈ ⲁⲩⲱ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ ·

ⲁⲗⲗⲁ ⲛⲁ ⲛⲁ ⲛ ⲡⲁ ϫⲟⲉⲓⲥ ⲁⲩⲱ ⲛ̅ ⲅ̅ ϭⲱⲗⲡ̅ ⲛⲁ ⲛ ⲉⲃⲟⲗ ⲛ̅ ϩⲱⲃ ⲛⲓⲙ ⲉⲧ ⲛ̅ ⲛⲁ ϣⲓⲛⲉ ⲛ̅ ⲥⲱ ⲟⲩ ·

ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲡⲱⲥ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲟⲩⲛⲧⲁ ϥ ⲙ̅ⲙⲁⲩ ⲙ̅ ⲙⲛ̅ⲧ̅ ⲥⲛⲟⲟⲩⲥ ⲙ̅ ⲙⲩⲥⲧⲏⲣⲓⲟⲡ ·

ⲡⲓ ⲁⲧ ϣⲁϫⲉ ⲉⲣⲟ ϥ ⲟⲩ ⲙⲩⲥⲧⲏⲣⲓⲟⲛ ⲛ̅ ⲟⲩⲱⲧ ⲡ ⲉⲧ ⲛ̅ⲧⲁ ϥ ·

ⲁ ϥ ⲟⲩⲱϣⲃ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛⲁ ⲥ · ϫⲉ ⲟⲩ ⲙⲩⲥ ⲧⲏⲣⲓⲟⲛ ⲛ̅ ⲟⲩⲱⲧ ⲙⲉⲛ ⲧⲟⲓ ⲅⲉ ⲡ ⲉⲧ ⲛ̅ⲧⲁ ϥ · ⲁⲗⲗⲁ ⲛ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ϥ ⲉⲓⲣⲉ ⲛ̅ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲉ ⲡⲓ ⲙⲩⲥⲧⲏⲣⲓⲟⲛ ⲛ̅ ⲟⲩⲱⲧ ⲡⲉ · ⲁⲗⲗⲁ ⲟⲩⲉⲧ ⲡ ⲧⲩⲡⲟⲥ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ·

ⲁⲩⲱ ⲟⲛ ϣⲁ ϥ ⲣ̅ ϯⲟⲩ ⲙ̅ ⲙⲩⲥⲧⲏⲣⲓⲟⲛ ⲉ ⲩⲁ ⲛ ⲟⲩⲱⲧ ⲟⲛ ⲡⲉ · ⲁⲗⲗⲁ ⲟⲩⲉⲧ ⲡ ⲧⲩⲡⲟⲥ ⲙ̅ ⲡ ⲟⲩⲁ ⲡ ⲟⲩⲁ · ϩⲱⲥⲧⲉ ⲡⲉⲓ̈ ϯⲟⲩ ⲙ̅ ⲙⲩⲥ ⲧⲏⲣⲓⲟⲛ ⲉ ⲩ ϣⲏϣ ⲙⲛ̅ ⲛⲉⲩ ⲉⲣⲏⲩ ϩⲣⲁⲓ̈ ϩⲙ̅ ⲡ ⲙⲩⲥⲧⲏ ⲣⲓⲟⲛ ⲛ̅ ⲧ ⲙⲛ̅ⲧ̅ ⲉⲣⲟ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟ ⲉⲓⲛ · ⲁⲗⲗⲁ ⲟⲩⲉⲧ ⲡ ⲧⲩⲡⲟⲥ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ · ⲁⲩⲱ ⲧⲉⲩ ⲙⲛ̅ⲧ̅ ⲉⲣⲟ ⲥ ⲟⲩⲟⲧⲃ̅ ⲁⲩⲱ ⲥ ϫⲟⲥⲉ ⲉ ⲧ ⲙⲛ̅ⲧ̅ ⲉⲣⲟ ⲧⲏⲣ ⲥ̅ ⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲙ̅ ⲙⲩⲥⲧⲏⲣⲓⲟⲛ ϩⲓ ⲛⲉⲩ ⲉⲣⲏⲩ ⲛ̅ⲧⲉ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲁⲗⲗⲁ ⲛ̅ ⲥⲉ ⲥⲏϣ ⲁⲛ ϩⲛ̅ ⲧ ⲙⲛ̅ⲧ̅ ⲉⲣⲟ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ϩⲟⲙⲟⲓⲱⲥ ⲟⲛ ⲡ ϣⲟⲙⲛ̅ⲧ̅ ⲙ̅ ⲙⲩⲥⲧⲏⲣⲓⲟⲛ · ⲛ̅ ⲥⲉ ϣⲏϣ ⲁⲛ ϩⲱ ⲟⲩ ϩⲣⲁⲓ̈ ϩⲛ̅ ⲧ ⲙⲛ̅ⲧ̅ ⲉⲣⲟ ⲉⲧ ϩⲙ̅ ⲡ ⲟⲩⲟⲉⲓⲛ ⲁⲗⲗⲁ ⲟⲩⲉⲧ ⲡ ⲧⲩⲡⲟⲥ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ · ⲁⲩⲱ ⲛ̅ⲧⲟⲟⲩ ϩⲱ ⲟⲩ ⲟⲛ ⲛ̅ ⲥⲉ ϣⲏϣ ⲁⲛ ϩⲛ̅ ⲧ ⲙⲛ̅ⲧ̅ ⲉⲣⲟ ⲙⲛ̅ ⲡⲓ ⲙⲩⲥ ⲧⲏⲣⲓⲟⲛ ⲛ̅ ⲟⲩⲱⲧ · ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲣⲁⲓ̈ ϩⲛ̅ ⲧ ⲙⲛ̅ⲧ̅ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲟⲩⲉⲧ ⲡ ⲧⲩ ⲡⲟⲥ ⲟⲛ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲙ̅ ⲡ ϣⲟⲙ̅ⲛ̅ⲧ ⲁⲩⲱ ⲡ ⲧⲩⲡⲟⲥ ⲙ̅ ⲡⲉ ⲥⲭⲏⲙⲁ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲥⲉ ϣⲃ̅ⲉⲓⲁⲉⲓⲧ ⲉ ⲛⲉⲩ ⲉⲣⲏⲩ ·

ⲡ ϣⲟⲣⲡ̅ ⲙⲉⲛ ⲉⲕϣⲁⲛ ϫⲱⲕ ⲉⲃⲟⲗ ⲙ̅ ⲡⲉϥ ⲙⲩⲥⲧⲏⲣⲓⲟⲛ ϩⲓ ⲛⲉϥ ⲉⲣⲏⲩ ⲁⲩⲱ ⲛ̅ ⲅ̅ ⲁ ϩⲉ ⲣⲁⲧ ⲕ̅ ⲛ̅ ⲅ̅ ϫⲟⲕ ϥ̅ ⲉⲃⲟⲗ ⲕⲁⲗⲱⲥ ϩⲛ̅ ⲛⲉϥ ⲥⲭⲏⲙⲁ ⲧⲏⲣ ⲟⲩ ϣⲁ ⲕ ⲉⲓ ⲉⲃⲟⲗ ϩⲙ̅ ⲡⲉⲕ ⲥⲱⲙⲁ ⲛ̅ ⲧⲉ ⲩⲛⲟⲩ · ⲛ̅ ⲅ̅ ⲣ̅ ⲟⲩ ⲛⲟϭ ⲛ̅ ϣⲗⲓϭ ⲛ̅ ⲟⲩⲟⲉⲓⲛ ⲛ̅ ⲁⲡⲟⲣⲣⲟⲓⲁ · ⲛ ⲅ̅ ϫⲱⲧⲉ ⲛ̅ ⲧⲟⲡⲟⲥ ⲛⲓⲙ ⲛ̅ⲧⲉ ⲛ ⲁⲣⲭⲱⲛ ⲙⲛ̅ ⲛ̅ ⲧⲟ ⲡⲟⲥ ⲧⲏⲣ ⲟⲩ ⲛ̅ⲧⲉ ⲡ ⲟⲩⲟⲉⲓⲛ ⲉ ⲩ ⲟ ⲛ̅ ϩⲟⲧⲉ ⲧⲏⲣ ⲟⲩ ϩⲏⲧ ϥ̅ ⲙ̅ ⲡ ⲟⲩⲟⲉⲓⲛ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ · ϩⲉⲱⲥ ϣⲁⲛⲧ ⲥ̅ ⲃⲱⲕ ⲉ ⲡ ⲧⲟⲡⲟⲥ ⲛ̅ ⲧⲉⲥ ⲙⲛ̅ⲧ̅ ⲉⲣⲟ ·

ⲡ ⲙⲉϩ ⲥⲛⲁⲩ ϩⲱⲱ ϥ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲕ ϣⲁⲛ ϫⲱⲕ ⲉⲃⲟⲗ ⲙ̅ ⲡⲉϥ ⲙⲩⲥⲧⲏⲣⲓⲟⲛ ⲕⲁⲗⲱⲥ ϩⲛ̅ ⲛⲉϥ ⲥⲭⲏⲙⲁ ⲧⲏⲣ ⲟⲩ ⲡ ⲣⲱⲙⲉ ϭⲉ ⲉⲧ ⲛⲁ ϫⲱⲕ ⲉⲃⲟⲗ ⲙ̅ ⲡⲉϥ ⲙⲩⲥⲧⲏⲣⲓⲟⲛ · ⲉϥϣⲁ̅ ϫⲱ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲉ ϩⲣⲁⲓ̈ ⲉϫⲛ̅ ⲧ ⲁⲡⲉ ⲛ̅ ⲣⲱⲙⲉ ⲛⲓⲙ ⲉⲧ ⲛⲏⲩ ⲉⲃⲟⲗ ϩⲙ̅ ⲡ ⲥⲱ ⲙⲁ · ⲁⲩⲱ ⲛ ϥ̅ ϫⲟⲟ ϥ ⲉϩⲣⲁⲓ̈ ⲉ ⲡⲉϥ ⲙⲁⲁϫⲉ ⲥⲛⲁⲩ ⲉ ϣⲱⲡⲉ ⲙⲉⲛ ⲡ ⲣⲱⲙⲉ ⲉⲧ ⲛⲏⲩ ⲉⲃⲟⲗ ϩⲙ̅ ⲡ ⲥⲱⲙⲁ ⲉ ⲁ ϥ ϫⲓ ⲙ ⲩⲥⲧⲏⲣⲓⲟⲛ ⲛ̅ ⲕⲉ ⲥⲟⲡ · ⲁⲩⲱ ϥ ⲟ ⲙ̅ ⲙⲉⲧⲟⲭⲟⲥ ⲉϩⲟⲩⲛ ⲉ ⲡ ϣⲁϫⲉ ⲛ̅ ⲧ ⲁⲗⲏⲑⲓⲁ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉϥϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ · ⲧⲉϥ ⲯⲩⲭⲏ ⲛⲁ ⲣ̅ ⲟⲩ ⲛⲟϭ ⲛ̅ ⲁⲡⲟⲣⲣⲟⲓⲁ ⲛ̅ ⲟⲩⲟⲉⲓⲛ · ⲛ ⲥ̅ ϫⲱⲧⲉ ⲛ̅ ⲧⲟⲡⲟⲥ ⲛⲓⲙ ϩⲉⲱⲥ ϣⲁⲛⲧ ⲥ̅ ⲃⲱⲕ ⲉ ⲧ ⲙⲛ̅ⲧ ⲉⲣⲟ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ·

ⲉϣⲱⲡⲉ ⲇⲉ ⲛ̅ⲧⲟϥ ⲡ ⲣⲱⲙⲉ ⲉⲧ ⲙ̅ⲙⲁⲩ ⲙ̅ⲡ ϥ̅ ϫⲓ ⲙⲩⲥⲧⲏⲣⲓⲟⲛ · ⲁⲩⲱ ⲛ ϥ̅ ⲟ ⲙ̅ ⲙⲉⲧⲟⲭⲟⲥ ⲁⲛ ⲉ ⲛ ϣⲁϫⲉ ⲛ̅ ⲧ ⲁⲗⲏⲑⲓⲁ · ϣⲁⲣⲉ ⲡ ⲉⲧ ϫⲱⲕ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲉϥϣⲁⲛ ϫⲱ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲉϩⲣⲁⲓ̈ ⲉϫⲛ̅ ⲧ ⲁⲡⲉ ⲙ̅ ⲡ ⲣⲱⲙⲉ ⲉⲧ ⲛⲏⲩ ⲉⲃⲟⲗ ϩⲙ̅ ⲡ ⲥⲱⲙⲁ · ⲡⲁⲓ̈ ⲉⲧⲉ ⲙ̅ⲡ ϥ̅ ϫⲓ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ⲟⲩⲟⲉⲓⲛ ⲁⲩⲱ ⲉ ⲛ ϥ̅ ⲕⲟⲓⲛⲱⲛⲓ ⲁⲛ ⲉ ⲛ ϣⲁϫⲉ ⲛ̅ ⲧ ⲁⲗⲏⲑⲓⲁ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲡ ⲣⲱⲙⲉ ⲉⲧ ⲙ̅ⲙⲁⲩ ⲉϥϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ · ⲙⲉ ⲩ ⲕⲣⲓⲛⲉ ⲙ̅ⲙⲟ ϥ ϩⲛ̅ ⲗⲁⲁⲩ ⲛ̅ ⲧⲟⲡⲟⲥ ⲛ̅ⲧⲉ ⲛ ⲁⲣⲭⲱⲛ · ⲟⲩⲇⲉ ⲛ̅ ⲥⲉ ⲛⲁ ϣ ⲕⲟⲗⲁⲍⲉ ⲙ̅ⲙⲟ ϥ ⲁⲛ ϩⲛ̅ ⲗⲁⲁⲩ ⲛ̅ ⲧⲟⲡⲟⲥ · ⲟⲩⲇⲉ ⲙ̅ ⲡ ⲕⲱϩⲧ̅ ⲛⲁ ϫⲱϩ ⲉ ⲣⲟ ϥ ⲁⲛ ⲉⲃⲟⲗ ϩⲙ̅ ⲡ ⲛⲟϭ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲧ ϣⲟⲟⲡ ⲛⲙ̅ⲙⲁ ϥ ·

ⲁⲩⲱ ⲥⲉ ⲛⲁ ⲥⲡⲟⲩⲇⲁⲍⲉ ϩⲛ̅ ⲟⲩ ϭⲉⲡⲏ ⲛ̅ ⲥⲉ ⲧⲁⲁ ϥ ⲉⲧⲟⲟⲧ ⲟⲩ ⲛ̅ ⲛⲉⲩ ⲉⲣⲏⲩ ⲛ̅ ⲥⲉ ⲣ̅ ϩⲙ̅ⲙⲉ ⲙ̅ⲙⲟ ϥ ⲕⲁⲧⲁ ⲧⲟⲡⲟⲥ ⲁⲩⲱ ⲕⲁⲧⲁ ⲧⲁⲝⲓⲥ ϩⲉⲱⲥ ϣⲁⲛⲧ ⲟⲩ ϫⲓⲧ ϥ̅ ⲉⲣⲁⲧ ⲥ̅ ⲛ̅ ⲧ ⲡⲁⲣ ⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲉⲣⲉ ⲛ̅ ⲧⲟⲡⲟⲥ ⲧⲏⲣ ⲟⲩ ⲟ ⲛ̅ ϩⲟⲧⲉ ϩⲏⲧ ϥ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙⲛ̅ ⲡ ⲙⲁⲉⲓⲛ ⲛ̅ ⲧ ⲙⲛ̅ⲧ̅ ⲉⲣⲟ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲡⲁⲓ̈ ⲉⲧ ϣⲟⲟⲡ ⲛⲙ̅ⲙⲁ ϥ · ⲁⲩⲱ ⲉⲩϣⲁⲛ ϫⲓⲧ ⲥ̅ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ·

ⲧ ⲡⲁⲣⲑⲉ ⲛⲟⲥ ⲙ̅ ⲡ ⲟⲩⲟⲉⲓⲛ ⲛⲁ ⲛⲁⲩ ⲉ ⲡ ⲙⲁⲉⲓⲛ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ̅ ⲉⲣⲟ · ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲉ ϥ ϣⲟⲟⲡ ⲛⲙ̅ⲙⲁ ϥ · ϣⲁ ⲥ ⲣ̅ ϣⲡⲏⲣⲉ ⲛ̅ϭⲓ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲁⲩⲱ ϣⲁ ⲥ ⲇⲟⲕⲓⲙⲁⲍⲉ ⲙ̅ⲙⲟ ϥ ·

ⲁⲗⲗⲁ ⲙⲉ ⲥ ⲧⲣⲉ ⲩ ϫⲓⲧ ϥ̅ ⲉ ⲡ ⲟⲩⲟⲉⲓⲛ ϣⲁⲛⲧ ϥ̅ ϫⲱⲕ ⲉⲃⲟⲗ ⲛ̅ ⲧ ⲡⲟⲗⲓⲧⲓⲁ ⲧⲏⲣ ⲥ̅ ⲙ̅ ⲡ ⲟⲩⲟⲉⲓⲛ ⲛ̅ⲧⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲉⲧⲉ ⲛⲁⲓ̈ ⲛⲉ ⲛ̅ ϩⲁⲅⲛⲓⲁ ⲛ̅ ⲧ ⲁⲡⲟⲧⲁⲅⲏ ⲙ̅ ⲡ ⲕⲟⲥⲙⲟⲥ · ⲁⲩⲱ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ ϣⲁⲣⲉ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ϣⲁ ⲥ ⲫⲣⲁⲅⲓⲍⲉ ⲙ̅ⲙⲟ ϥ ϩⲛ̅ ⲟⲩ ⲥⲫⲣⲁⲅⲓⲥ ⲉ ⲥ ⲟⲩⲟⲧⲃ̅ ⲉⲧⲉ ⲧⲁⲓ̈ ⲧⲉ · ⲛ ⲥ̅ ⲧⲣⲉ ⲩ ⲛⲟϫ ϥ̅ ϩⲙ̅ ⲡⲓ ⲉⲃⲟⲧ ⲡⲓ ⲉⲃⲟⲧ ⲉⲛⲧ ⲁ ϥ ⲉⲓ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ ⲛ̅ϩⲏⲧ ϥ̅ ⲉ ⲩ ⲥⲱⲙⲁ ⲉ ϥ ⲛⲁ ⲣ̅ ⲇⲓⲕⲁⲓⲟⲥ ⲡⲁⲓ̈ ⲉ ϥ ⲛⲁ ϭⲓⲛⲉ ⲛ̅ ⲧ ⲙⲛ̅ⲧ̅ ⲛⲟⲩⲧⲉ ⲛ̅ ⲧ ⲁⲗⲏⲑⲓⲁ ⲙⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϫⲟⲥⲉ ⲛ ϥ̅ ⲕⲗⲏⲣⲟⲛⲟⲙⲓ ⲙ̅ⲙⲟ ⲟⲩ ⲁⲩⲱ ⲛ ϥ̅ ⲕⲗⲏⲣⲟⲛⲟⲙⲓ ⲙ̅ ⲡ ⲟⲩⲟ ⲉⲓⲛ ⲛ̅ ϣⲁ ⲉⲛⲉϩ · ⲉⲧⲉ ⲧⲁⲓ̈ ⲧⲉ ⲧ ⲇⲱⲣⲉⲁ ⲙ̅ ⲡ ⲙⲉϩ ⲥⲛⲁⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲡ ⲙⲉϩ ϣⲟⲙⲛ̅ⲧ ϩⲱⲱ ϥ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲧ ⲙ̅ⲙⲁⲩ ·

ⲡ ⲣⲱ ⲙⲉ ⲙⲉⲛ ⲉⲧ ⲛⲁ ϫⲱⲕ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ .

ⲟⲩ ⲙⲟⲛⲟⲛ ϫⲉ ⲉϥϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲉ ϥ ⲛⲁ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲣⲟ ⲙ̅ ⲡ ⲙⲩⲥⲧⲏⲣⲓⲟⲛ · ⲁⲗⲗⲁ ⲉϥϣⲁⲛ ⲧⲁⲙⲓⲟ ⲙ̅ ⲡ ⲙⲩⲥⲧⲏⲣⲓⲟⲛ ⲛ ϥ̅ ϫⲟⲕ ϥ̅ ⲉⲃⲟⲗ ⲙⲛ̅ ⲛⲉϥ ⲥⲭⲏⲙⲁ ⲧⲏⲣ ⲟⲩ ⲉⲧⲉ ⲡⲁⲓ̈ ⲡⲉ ϫⲉ ⲉϥϣⲁⲛ ⲉⲓⲣⲉ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ ϥ̅ ϫⲟⲕ ϥ̅ ⲉⲃⲟⲗ ⲕⲁⲗⲱⲥ · ⲁⲩⲱ ⲛ ϥ̅ ⲟⲛⲟⲙⲁⲍⲉ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲉϫⲛ̅ ⲟⲩ ⲣⲱⲙⲉ ⲉ ϥ ⲛⲏⲩ ⲉⲃⲟⲗ ϩⲙ̅ ⲡ ⲥⲱⲙⲁ ⲉ ⲁ ϥ ⲥⲟⲩⲛ̅ ⲡ ⲙⲩ ⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲡⲁⲓ̈ ⲉ ⲁ ϥ ⲱⲥⲕ̅ ⲏ̇ ⲙ̅ⲙⲟⲛ ⲛ̅ⲧⲟϥ ⲙ̅ ⲡ ϥ̅ ⲱⲥⲕ̅ · ⲡⲁⲓ̈ ⲉⲧ ϣⲟⲟⲡ' ϩⲛ̅ ⲛ̅ ⲕⲟⲗⲁⲥⲓⲥ ⲉⲧ ⲛⲁϣⲧ̅ ⲛ̅ⲧⲉ ⲛ ⲁⲣⲭⲱⲛ · ⲁⲩⲱ ⲙⲛ̅ ⲛⲉⲩ ⲕⲣⲓⲥⲓⲥ ⲉⲧ ⲛⲁϣⲧ̅ ⲙⲛ̅ ⲛⲉⲩ ⲕⲱϩⲧ̅ ⲉ ⲩ ϣⲟⲃⲉ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲡ ⲣⲱⲙⲉ ⲉⲛⲧ ⲁ ϥ ⲉⲓ ⲉⲃⲟⲗ ϩⲙ̅ ⲡ ⲥⲱⲙⲁ ⲉⲩϣⲁⲛ ⲟⲛⲟ ⲙⲁⲍⲉ ⲙ̅ ⲡⲉⲓ̈ ⲙⲩⲥⲧⲏⲣⲓⲟⲛ ⲉⲧⲃⲏⲏⲧ ϥ̅ · ⲥⲉ ⲛⲁ ⲥⲡⲟⲩ ⲇⲁⲍⲉ ⲧⲁⲭⲩ ⲛ̅ ⲥⲉ ⲡⲟⲟⲛⲉ ϥ ⲉⲃⲟⲗ ·

ⲛ̅ ⲥⲉ ⲧⲁⲁ ϥ ⲉⲧⲟⲟⲧ ⲟⲩ ⲛ̅ ⲛⲉⲩ ⲉⲣⲏⲩ ϩⲉⲱⲥ ϣⲁⲛⲧ ⲟⲩ ϫⲓⲧ ϥ̅ ⲉⲣⲁⲧ ⲥ̅ ⲛ̅ ⲧ ⲡⲁⲣⲑⲉ ⲛⲟⲥ ⲙ̅ ⲡ ⲟⲩⲟⲉⲓⲛ ⲁⲩⲱ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ ⲛⲁ ⲥ ⲫⲣⲁⲅⲓⲍⲉ ⲙ̅ⲙⲟ ϥ ϩⲛ̅ ⲟⲩ ⲥⲫⲣⲁⲅⲓⲥ ⲉ ⲥ ⲟⲩⲟⲧⲃ̅ ⲉⲧⲉ ⲧⲁⲓ̈ ⲧⲉ · ⲁⲩⲱ ϩⲙ̅ ⲡⲓ ⲉⲃⲟⲧ ⲡⲓ ⲉⲃⲟⲧ ⲥ ⲛⲁ ⲧⲣⲉ ⲩ ⲛⲟϫ ϥ̅ ⲉ ⲡ ⲥⲱⲙⲁ ⲛ̅ ⲇⲓⲕⲁⲓⲟⲥ ⲡⲁⲓ̈ ⲉⲧ ⲛⲁ ϭⲓⲛⲉ ⲛ̅ ⲧ ⲙⲛ̅ⲧ̅ ⲛⲟⲩⲧⲉ ⲛ̅ ⲧ ⲁⲗⲏ ⲑⲓⲁ ⲙⲛ̅ ⲡ ⲙⲩⲥⲧⲏⲣⲓⲟⲛ ⲉⲧ ⲟⲩⲟⲧⲃ̅ ⲛ ϥ̅ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ̅ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲧⲁⲓ ϭⲉ ⲟⲩⲛ ⲧⲉ ⲧ ⲇⲱⲣⲉⲁ ⲙ̅ ⲡ ⲙⲉϩ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉ ⲣⲟ ϥ ·

ⲧⲉⲛⲟⲩ ϭⲉ ⲟⲩⲟⲛ ⲛⲓⲙ ⲡ ⲉⲧ ⲛⲁ ϫⲓ ⲉⲃⲟⲗ ϩⲙ̅ ⲡ̅ ϯⲟⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲡⲁⲓ̈ ⲉϥϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲛ ϥ̅ ⲕⲗⲏⲣⲟⲛⲟⲙⲓ ϣⲁ ⲡ ⲧⲟ ⲡⲟⲥ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⁛

ⲥ ⲟⲩⲟⲧⲃ̅ ⲉ ⲧ ⲙⲛ̅ⲧ̅ ⲉⲣⲟ ⲙ̅ ⲡⲓ ⲙⲛ̅ⲧ̅ ⲥⲛⲟⲟⲩⲥ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ ⲙ̅ ⲙⲩⲥⲧⲏⲣⲓⲟⲛ ⲁⲩⲱ ϥ ⲟⲩⲟⲧⲃ̅ ⲉ ⲙⲩⲥⲧⲏⲣⲓⲟⲛ ⲛⲓⲙ ⲉⲧ ⲡⲉⲩ ⲉⲥⲏⲧ · ⲁⲗⲗⲁ ⲡ̅ ϯⲟⲩ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲥⲉ ϣⲏϣ ⲙⲛ̅ ⲛⲉⲩ ⲉⲣⲏⲩ ϩⲣⲁⲓ̈ ϩⲛ̅ ⲧⲉⲩ ⲙⲛ̅ⲧ ⲉⲣⲟ ·

ⲁⲗⲗⲁ ⲛ̅ ⲥⲉ ϣⲏϣ ⲁⲛ ⲙⲛ̅ ⲡ ϣⲟⲙ̅ⲛ̅ⲧ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲡ ⲉⲧ ϫⲓ ϩⲱⲱ ϥ ⲉⲃⲟⲗ ϩⲙ̅ ⲡ ϣⲟⲙ̅ⲛ̅ⲧ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲉϥϣⲁⲛ ⲉⲓ ⲟⲛ ⲉⲃⲟⲗ ϩⲛ̅ ⲥⲱⲙⲁ ϥ ⲛⲁ ⲕⲗⲏⲣⲟⲛⲟⲙⲓ ϣⲁ ⲧ ⲙⲛ̅ⲧ ⲉⲣⲟ ⲙ̅ ⲡ ⲙⲩⲥⲧⲏ ⲣⲓⲟⲛ ⲉⲧ ⲙ̅ⲙⲁⲩ · ⲁⲩⲱ ⲡ ϣⲟⲙ̅ⲛ̅ⲧ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲥⲉ ϣⲏϣ ⲙⲛ̅ ⲛⲉⲩ ⲉⲣⲏⲩ ϩⲣⲁⲓ̈ ϩⲛ̅ ⲧ ⲙⲛ̅ⲧ ⲉⲣⲟ · ⲁⲩⲱ ⲥⲉ ⲟⲩⲟⲧⲃ̅ ⲁⲩⲱ ⲥⲉ ϫⲟⲥⲉ ⲉ ⲡ ϯⲟⲩ ⲙ̅ ⲙⲩⲥⲧⲏ ⲣⲓⲟⲛ · ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ϩⲣⲁⲓ̈ ϩⲛ̅ ⲧ ⲙⲛ̅ⲧ ⲉⲣⲟ ·

ⲁⲗⲗⲁ ⲛ̅ ⲥⲉ ϣⲏϣ ⲁⲛ ⲙⲛ̅ ⲡ ⲙⲩⲥⲧⲏⲣⲓⲟⲛ ⲛ̅ ⲟⲩⲱⲧ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲡ ⲉⲧ ϫⲓ ϩⲱⲱ ϥ ⲙ̅ ⲡ ⲙⲩⲥ ⲧⲏⲣⲓⲟⲛ ⲛ̅ ⲟⲩⲱⲧ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ϥ ⲛⲁ ⲕⲗⲏⲣⲟⲛⲟⲙⲓ ⲙ̅ ⲡ ⲧⲟⲡⲟⲥ ⲛ̅ ⲧ ⲙⲛ̅ⲧ ⲉⲣⲟ ⲧⲏⲣ ⲥ̅ ⲕⲁⲧⲁ ⲑ ⲉ ⲛ̅ⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲉⲣⲱ ⲧⲛ̅ ⲙ̅ ⲡⲉϥ ⲉⲟⲟⲩ ⲧⲏⲣ ϥ̅ ⲛ̅ ⲕⲉ ⲥⲟⲡ ·

ⲁⲩⲱ ⲟⲩⲟⲛ ⲛⲓⲙ ⲉⲧ ⲛⲁ ϫⲓ ⲙ̅ ⲡ ⲙⲩⲥⲧⲏ ⲣⲓⲟⲛ ⲉⲧ ϩⲛ̅ ⲡⲉ ⲭⲱⲣⲏⲙⲁ ⲙ̅ ⲡ ⲧⲏⲣ ϥ̅ ⲙ̅ ⲡⲓ ⲁⲧ ϣⲁ ϫⲉ ⲉⲣⲟ ϥ · ⲙⲛ̅ ⲛ̅ ⲕⲉ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲉ ⲧ ϩⲟⲗϭ̅ ϩⲛ̅ ⲙ̅ ⲙⲉⲗⲟⲥ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲛⲁⲓ̈ ⲉⲧⲉ ⲙ̅ ⲡⲁ ϯ ϣⲁϫⲉ ⲛⲙ̅ⲙⲏ ⲧⲛ̅ ⲉⲧⲃⲏⲏⲧ ⲟⲩ ⲙⲛ̅ ⲡⲉⲩ ⲥⲱⲣ ⲉⲃⲟⲗ ⲙⲛ̅ ⲑ ⲉ ⲉⲧ ⲟⲩ ⲁϩⲉ ⲣⲁⲧ ⲟⲩ ⲙ̅ⲙⲟ ⲥ ⲁⲩⲱ ⲙⲛ̅ ⲡ ⲧⲩⲡⲟⲥ ⲙ̅ ⲡ ⲟⲩⲁ ⲡ ⲟⲩⲁ ⲛ̅ ⲑ ⲉ ⲉⲧ ϥ̅ ⲟ ⲙ̅ⲙⲟ ⲥ ⲁⲩⲱ ϫⲉ ⲉⲧⲃⲉ ⲟⲩ ⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲏ̅ ⲉⲧⲃⲉ ⲟⲩ ⲁ ϥ ⲁϩⲉ ⲣⲁⲧ ϥ̅ ⲉ ϥ ⲡⲟⲣϣ̅ ⲉⲃⲟⲗ ⲙⲛ̅ ⲛⲉϥ ⲙⲉ ⲗⲟⲥ ⲧⲏⲣ ⲟⲩ · ⲁⲩⲱ ϫⲉ ⲟⲩⲛ̅ ⲟⲩⲏⲣ ⲙ̅ ⲙⲉⲗⲟⲥ ϣⲟⲟⲡ ϩⲣⲁⲓ̈ ⲛ̅ϩⲏⲧ ϥ̅ ⲙⲛ̅ ⲛⲉϥ ⲟⲓⲕⲟⲛⲟⲙⲓⲁ ⲧⲏⲣ ⲟⲩ ⲛⲁⲓ̈ ⲛ̅ ϯ ⲛⲁ ϫⲟⲟ ⲩ ⲉⲣⲱ ⲧⲛ̅ ⲁⲛ ⲧⲉⲛⲟⲩ ⲁⲗⲗⲁ ⲉⲓ̈ϣⲁⲛ ⲛⲟⲩ ⲉⲣⲱ ⲧⲛ̅ ⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ϯ ⲛⲁ ϫⲟⲟ ⲩ ⲉ ⲣⲱ ⲧⲛ̅ ⲧⲏⲣ ⲟⲩ ⲕⲁⲧⲁ ⲟⲩⲁ ⲟⲩⲁ · ϫⲉ ⲛⲉ ϥ ⲥⲱⲣ ⲅⲁⲣ ⲉⲃⲟⲗ ⲙⲛ̅ ⲧⲉϥ ϭⲓⲛ ϣⲁϫⲉ ⲉⲣⲟ ϥ ⲛ̅ ⲑ ⲉ ⲉⲧ ϥ̅ ⲟ ⲙ̅ⲙⲟ ⲥ ⲙⲛ̅ ⲡ ϩⲱⲣϫ̅ ⲛ̅ ⲛⲉϥ ⲙⲉⲗⲟⲥ ⲧⲏⲣ ⲟⲩ ⲉ ⲩ ⲏⲡ̇ ⲉ ⲧ ⲟⲓⲕⲟ ⲛⲟⲙⲓⲁ ⲙ̅ ⲡⲓ ⲟⲩⲁ ⲛ̅ ⲟⲩⲱⲧ ⲡ ⲛⲟⲩⲧⲉ ⲛ̅ ⲧ ⲁⲗⲏⲑⲓⲁ ⲛ̅ ⲁⲧⲛ̅ ⲣⲁⲧ ϥ̅ ·

ⲡ ⲧⲟⲡⲟⲥ ϭⲉ ⲉⲧⲉⲣⲉ ⲡ ⲟⲩⲁ ⲡ ⲟⲩⲁ ⲛⲁ ϫⲓ ⲙⲩⲥⲧⲏⲣⲓⲟⲛ ϣⲁⲣⲟ ϥ ϩⲣⲁⲓ̈ ϩⲙ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ϥ ⲛⲁ ⲕⲗⲏⲣⲟⲛⲟⲙⲓ ϣⲁ ⲡ ⲧⲟ ⲡⲟⲥ ⲛ̅ⲧ ⲁ ϥ ⲁⲣ ϫⲓ ϣⲁⲣⲟ ϥ · ⲁⲩⲱ ⲛⲁ ⲡ ⲧⲟⲡⲟⲥ ⲧⲏⲣ ϥ̅ ⲙ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲙⲉ ⲩ ϯ ⲁ ⲡⲟⲫⲁⲥⲓⲥ ⲕⲁⲧⲁ ⲧⲟⲡⲟⲥ ⲟⲩⲇⲉ ⲙⲉ ⲩ ϯ ⲁⲡⲟⲗⲟⲅⲓⲁ ⲟⲩ ⲇⲉ ⲙⲉ ⲩ ϯ ⲥⲩⲙⲃⲟⲩⲗⲟⲛ · ϩⲉⲛ ⲁⲧ ⲥⲩⲙⲃⲟⲗⲟⲛ ⲅⲁⲣ ⲛⲉ ⲁⲩⲱ ⲙⲛ̅ⲧ ⲟⲩ ⲡⲁⲣⲁⲗⲏⲙⲡⲧⲱⲣ ⲙ̅ⲙⲁⲩ · ⲁⲗⲗⲁ ϣⲁ ⲩ ϫⲱⲧⲉ ⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ϣⲁⲛⲧ ⲟⲩ ⲃⲱⲕ ⲉ ⲡ ⲧⲟ ⲡⲟⲥ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ⲧ ⲁ ⲩ ϫⲓⲧ ϥ̅ ·

ϩⲟ ⲙⲟⲓⲱⲥ ⲟⲛ ⲛ ⲉⲧ ⲛⲁ ϫⲓ ⲙⲩⲥⲧⲏⲣⲓⲟⲛ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲙⲛ̅ ⲧⲟⲩ ⲁⲡⲟⲫⲁⲥⲓⲥ ⲙ̅ⲙⲁⲩ ⲟⲩⲇⲉ ⲁⲡⲟ ⲗⲟⲅⲓⲁ ϩⲉⲛ ⲁⲧ ⲥⲩⲙⲃⲟⲩⲗⲟⲛ ⲅⲁⲣ ⲛⲉ ϩⲙ̅ ⲡ ⲕⲟⲥⲙⲟⲥ ⲉⲧ ⲙ̅ⲙⲁⲩ ·

ⲛ̅ⲧⲟϥ ⲡⲉ ⲡⲉ ⲭⲱⲣⲏⲙⲁ ⲙ̅ ⲡⲓ ϣϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲛⲁ ⲡ ⲙⲉϩ ϣⲟⲙⲛ̅ⲧ ϩⲱⲱ ϥ ⲛ̅ ⲭⲱⲣⲏⲙⲁ ⲉⲧ ϩⲓ ⲡ ⲥⲁ ⲛ̅ ⲃⲟⲗ' ⲉⲧⲉ ⲛ̅ⲧⲟϥ ⲡⲉ ⲡ ⲙⲉϩ ϣⲟⲙⲛ̅ⲧ ϩⲱⲱ ϥ ⲛ̅ ⲭⲱⲣⲏⲙⲁ ϫⲓⲛ ⲡ ⲥⲁ ⲛ ⲃⲟⲗ' ⲟⲩⲛ ⲛ̅ⲧⲉ ⲡ ⲧⲟⲡⲟⲥ ⲡ ⲧⲟⲡⲟⲥ ϩⲙ̅ ⲡⲉ ⲭⲱⲣⲏⲙⲁ ⲉⲧ ⲙ̅ⲙⲁⲩ ⲛⲉϥ ⲡⲁⲣⲁⲗⲏⲙⲡⲧⲏⲥ ⲙⲛ̅ ⲛⲉϥ ⲁⲡⲟⲫⲁⲥⲓⲥ · ⲙⲛ̅ ⲛⲉϥ ⲁⲡⲟⲗⲟⲅⲓⲁ ⲙⲛ̅ ⲛⲉϥ ⲥ̇ⲩⲙⲃⲟⲗⲟⲛ ⲛⲁⲓ̈ ⲉ ϯ ⲛⲁ ϫⲟⲟ ⲩ ⲉ ⲣⲱ ⲧⲛ̅ ϩⲙ̅ ⲡⲉ ⲟⲩⲟⲉⲓϣ ⲉ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ · ⲉⲧⲉ ⲡⲁⲓ̈ ⲡⲉ ⲉⲓ̈ϣⲁⲛ ⲟⲩⲱ ⲉ ⲓ̈ ϫⲱ ⲉⲣⲱ ⲧⲛ̅ ⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ·

ⲡⲗⲏⲛ ϩⲣⲁⲓ̈ ϩⲙ̅ ⲡ ⲃⲱⲗ ⲉⲃⲟⲗ ⲙ̅ ⲡ ⲧⲏⲣ ϥ̅ ⲉⲧⲉ ⲡⲁⲓ̈ ⲡⲉ ⲉϥϣⲁⲛ ϫⲱⲕ' ⲉⲃⲟⲗ ⲛ̅ϭⲓ ⲡ ⲁⲣⲓⲑⲙⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲥ · ⲁⲩⲱ ⲛ ϥ̅ ϫⲱⲕ ⲉⲃⲟⲗ ⲛ̅ϭⲓ ⲡ ⲙⲩⲥⲧⲏⲣⲓⲟⲛ ⲡⲁⲓ̈ ⲛ̅ⲧ ⲁ ⲡ ⲧⲏⲣ ϥ̅ ϣⲱⲡⲉ ⲉ ⲡ ⲧⲏⲣ ϥ̅ ϯ ⲛⲁ ⲣ̅ ϣⲟ ⲛ̅ ⲣⲟⲙⲡⲉ ⲕⲁⲧⲁ ⲛ̅ ⲣⲟⲙⲡⲉ ⲙ̅ ⲡ ⲟⲩⲟⲉⲓⲛ ⲉ ⲓ̈ ⲟ ⲛ̅ ⲣ̅ⲣⲟ ⲉϩⲣⲁⲓ̈ ⲉϫⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲟⲩⲟⲉⲓⲛ ⲧⲏⲣ ⲟⲩ ⲙⲛ̅ ⲡ ⲁⲣⲓⲑⲙⲟⲥ ⲧⲏⲣ ϥ̅ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲥ ⲛⲁⲓ̈ ⲛ̅ⲧ ⲁ ⲩ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ .

ⲁ ⲥ ϣⲱⲡⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ⲁ ⲥ ⲉⲓ̅ ⲉ ⲑ ⲏ ⲛ̅ ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲟⲩ ⲏⲣ ⲛ̅ ⲣⲟⲙⲡⲉ ϩⲛ̅ ⲣ̅ ⲣⲟⲙⲡⲉ ⲛ̅ⲧⲉ ⲡ ⲕⲟⲥⲙⲟⲥ ⲡⲉ ⲟⲩ ⲣⲟⲙⲡⲉ ⲛ̅ⲧⲉ ⲡ ⲟⲩⲟⲉⲓⲛ ·

ⲁ ϥ ⲟⲩⲱϣⲃ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲟⲩ ϩⲟⲟⲩ ⲛ̅ⲧⲉ ⲡ ⲟⲩⲟⲉⲓⲛ ⲡⲉ ⲙⲏⲧ ⲛ̅ ϣⲉ ⲛ̅ ⲣⲟⲙⲡⲉ ϩⲙ̅ ⲡ ⲕⲟⲥⲙⲟⲥ · ϩⲱⲥⲧⲉ ⲙⲁⲃ ⲧⲁⲥⲉ ⲛ̅ ⲧⲃⲁ ⲛ̅ ⲣⲟⲙⲡⲉ ⲙⲛ̅ ⲕⲉ ϭⲉⲥ ⲧⲃⲁ ⲛ̅ ⲣⲟⲙⲡⲉ ⲛ̅ⲧⲉ ⲡ ⲕⲟⲥ ⲙⲟⲥ ⲡⲉ ⲟⲩ ⲣⲟⲙⲡⲉ ⲛ̅ ⲟⲩⲱⲧ ⲛ̅ⲧⲉ ⲡ ⲟⲩⲟⲉⲓⲛ ·

ϯ ⲛⲁ ⲣ̅ ⲙⲛⲧ' ⲛ̅ ϣⲉ ⲟⲩⲛ ⲛ̅ ⲣⲟⲙⲡⲉ ⲛ̅ⲧⲉ ⲡ ⲟⲩⲟⲉⲓⲛ ⲉ ⲓ̈ ⲟ ⲛ̅ ⲣ̅ ⲣⲟ ϩⲛ̅ ⲧ ⲙⲏⲧⲉ ⲙ̅ ⲡ ϩⲁⲉ ⲡⲁⲣⲁⲥⲧⲁⲧⲏⲥ · ⲉ ⲓ̈ ⲟ ⲛ̅ ⲣ̅ⲣⲟ ϩⲣⲁⲓ̈ ⲉϫⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲟⲩⲟⲉⲓⲛ · ⲁⲩⲱ ⲉϫⲛ̅ ⲡ ⲁⲣⲓⲑⲙⲟⲥ ⲧⲏⲣ ϥ̅ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲥ ⲛⲁⲓ̈ ⲉⲛⲧ ⲁ ⲩ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ⲟⲩ ⲟⲉⲓⲛ ·

ⲁⲩⲱ ⲛ̅ⲧⲱⲧⲛ̅ ⲛⲁ ⲙⲁⲑⲏⲧⲏⲥ ⲙⲛ̅ ⲟⲩⲟⲛ ⲛⲓⲙ ⲉⲧ ⲛⲁ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ϥ ⲛⲁ ϭⲱ ⲛⲙ̅ⲙⲁ ⲓ̈ ⲛ̅ⲥⲁ ⲟⲩⲛⲁⲙ ⲙ̅ⲙⲟ ⲓ̈ ⲁⲩⲱ ⲛ̅ⲥⲁ ϩⲃⲟⲩⲣ ⲙ̅ⲙⲟ ⲓ̈ ⲉ ⲧⲉⲧⲛ̅ ⲟ ⲛ̅ ⲣ̅ⲣⲟ ⲛⲙ̅ⲙⲁ ⲓ̈ ϩⲛ̅ ⲧⲁ ⲙⲛ̅ⲧ ⲉⲣⲟ ·

ⲁⲩⲱ ⲛ ⲉⲧ ϫⲓ ϩⲱ ⲟⲩ ⲙ̅ ⲡ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ̅ ϯⲟⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲧ ⲙ̅ ⲙⲁⲩ · ⲥⲉ ⲛⲁ ⲣ̅ ϣⲃ̅ⲣ̅‐ⲣ̅ⲣⲟ ⲛⲙ̅ⲙⲏ ⲧⲛ̅ ϩⲣⲁⲓ̈ ϩⲛ̅ ⲧ ⲙⲛ̅ⲧ ⲉ ⲣⲟ ⲙ̅ ⲡ ⲟⲩⲟⲉⲓⲛ · ⲁⲩⲱ ⲛ̅ ⲥⲉ ⲛⲁ ϣⲱϣ ⲛⲙ̅ⲙⲏ ⲧⲛ̅ ⲁⲛ · ⲛ̅ⲧⲱⲧⲛ̅ ⲙⲛ̅ ⲛ ⲉⲧ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲉ ⲩ ⲛⲁ ϭⲱ ϩⲱ ⲟⲩ ⲙⲛ̅ⲛ̅ⲥⲱ ⲧⲛ̅ ⲉ ⲩ ⲟ ⲛ̅ ⲣ̅ⲣⲟ ·

ⲁⲩⲱ ⲛ ⲉⲧ ϫⲓ ⲙ̅ ⲡ̅ ϯⲟⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲉ ⲩ ⲛⲁ ϭⲱ ϩⲱ ⲟⲩ ⲙⲛ̅ⲛ̅ⲥⲁ ⲡ ϣⲟⲙⲛ̅ⲧ ⲙ̅ ⲙⲩⲥ ⲧⲏⲣⲓⲟⲛ ⲉ ⲩ ⲟ ϩⲱ ⲟⲩ ⲛ̅ ⲣ̅ⲣⲟ ⲁⲩⲱ ⲟⲛ ⲛ ⲉⲧ ϫⲓ ⲙ̅ ⲡ ⲙⲉϩ ⲙⲛ̅ⲧ ⲥⲛⲟⲟⲩⲥ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉ ⲩ ⲛⲁ ϭⲱ ϩⲱ ⲟⲩ ⲟⲛ ⲙⲛ̅ⲛ̅ⲥⲁ ⲡ̅ ϯⲟⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲉ ⲩ ⲟ ϩⲱ ⲟⲩ ⲛ̅ ⲣ̅ⲣⲟ ⲕⲁⲧⲁ ⲧ̅ ⲧⲁⲝⲓⲥ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲁⲩⲱ ⲛ ⲉⲧ ϫⲓ ⲧⲏⲣ ⲟⲩ ϩⲛ̅ ⲙ̅ ⲙⲩⲥⲧⲏⲣⲓⲟⲛ ϩⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲙ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉ ⲣⲟ ϥ ·

ⲥⲉ ⲛⲁ ⲣ̅ ⲣ̅ⲣⲟ ϩⲱ ⲟⲩ ⲛ̅ ⲥⲉ ϭⲱ ϩⲱ ⲟⲩ ⲙⲛ̅ⲛ̅ⲥⲁ ⲛ ⲉⲧ ϫⲓ ϩⲱ ⲟⲩ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ · ⲉ ⲩ ⲥⲏⲣ ⲉⲃⲟⲗ ⲕⲁⲧⲁ ⲡ ⲉⲟⲟⲩ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ · ϩⲱⲥⲧⲉ ⲛ ⲉⲧ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲟⲩⲟⲧⲃ̅ ⲥⲉ ⲛⲁ ϭⲱ ϩⲛ̅ ⲛ̅ ⲧⲟⲡⲟⲥ ⲉⲧ ⲟⲩⲟⲧⲃ̅ · ⲛ ⲉⲧ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲥⲟⲃⲕ̅ · ⲥⲉ ⲛⲁ ϭⲱ ϩⲛ̅ ⲛ̅ ⲧⲟⲡⲟⲥ ⲉⲧ ⲥⲟⲃⲕ̅ ⲉ ⲩ ⲟ ⲛ̅ ⲣ̅ⲣⲟ ⲉ ⲩ ⲟ̇ ⲛ̅ ⲣ̅ⲣⲟ ϩⲣⲁⲓ̈ ϩⲙ̅ ⲡ ⲟⲩⲟⲉⲓⲛ ⲛ̅ ⲧⲁ ⲙⲛ̅ⲧ ⲉⲣⲟ :

ⲛⲁⲓ̈ ⲙ̅ⲙⲁⲧⲉ ⲛⲉ ⲡⲉ ⲕⲗⲏⲣⲟⲥ ⲛ̅ ⲧ ⲙⲛ̅ⲧ ⲉⲣⲟ ⲛ̅ⲧⲉ ⲡⲓ ϣⲟⲣⲡ̅ ⲛ̅ ⲭⲱⲣⲏⲙⲁ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲛ ⲉⲧ ϫⲓ ϩⲱⲱ ϥ ⲛ̅ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲉⲧⲉ ⲛ̅ⲧⲟϥ ⲡⲉ ⲡⲉ ⲭⲱ ⲣⲏⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲥⲉ ⲛⲁ ϭⲱ ϩⲱ ⲟⲩ ⲟⲛ ϩⲣⲁⲓ̈ ϩⲙ̅ ⲡ ⲟⲩⲟⲉⲓⲛ ⲛ̅ ⲧⲁ ⲙⲛ̅ⲧ ⲉⲣⲟ ⲉ ⲩ ⲥⲏⲣ ⲉⲃⲟⲗ ⲕⲁⲧⲁ ⲡ ⲉⲟⲟⲩ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ · ⲉⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ϣⲟⲟⲡ' ϩⲙ̅ ⲡ ⲙⲩⲥⲧⲏⲣⲓⲟⲛ ⲛ̅ⲧ ⲁ ϥ ϫⲓ ϣⲁⲣⲟ ϥ · ⲁⲩⲱ ⲛ ⲉⲧ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲟⲩ ⲟⲧⲃ̅ ⲥⲉⲛⲁ ϭⲱ ϩⲱ ⲟⲩ ϩⲛ̅ ⲛ̅ ⲧⲟⲡⲟⲥ ⲉⲧ ϫⲟⲥⲉ ⲁⲩⲱ ⲛ ⲉⲧ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲥⲟⲃⲕ̅ · ⲉ ⲩ ⲛⲁ ϭⲱ ϩⲛ̅ ⲛ̅ ⲧⲟⲡⲟⲥ ⲉⲧ ⲥⲟⲃⲕ̅ ϩⲣⲁⲓ̈ ϩⲙ̅ ⲡ ⲟⲩⲟⲉⲓⲛ ⲛ̅ ⲧⲁ ⲙⲛ̅ⲧ ⲉ ⲣⲟ ·

ⲡⲁⲓ̈ ⲡⲉ ⲡⲉ ⲕⲗⲏⲣⲟⲥ ⲙ̅ ⲡ ⲙⲉϩ ⲥⲛⲁⲩ ⲛ̅ ⲣ̅ⲣⲟ ⲛ̅ ⲛ ⲉⲧ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏ ⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ :

ⲛ ⲉⲧ ϫⲓ ϩⲱ ⲟⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲉⲧⲉ ⲛ̅ⲧⲟϥ ⲡⲉ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ϫⲓⲛ ⲡ ⲥⲁ ⲛ ⲃⲟⲗ . ⲛ ⲉⲧ ⲙⲙⲁⲩ ϩⲱ ⲟⲩ ⲟⲛ ⲥⲉ ⲛⲁ ϭⲱ ⲙⲛ̅ⲛ̅ⲥⲁ ⲡ ⲙⲉϩ ⲥⲛⲁⲩ ⲙ̅ ⲣ̅ⲣⲟ ⲉ ⲩ ⲥⲏⲣ ⲉⲃⲟⲗ ϩⲱ ⲟⲩ ϩⲙ̅ ⲡ ⲟⲩⲟⲉⲓⲛ ⲛ̅ ⲧⲁ ⲙⲛ̅ⲧ ⲉⲣⲟ ⲕⲁⲧⲁ ⲡ ⲉⲟⲟⲩ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ · ⲉⲣⲉ ⲡ ⲟⲩⲁ ⲡ ⲟⲩⲁ ⲛⲁ ϭⲱ ϩⲙ̅ ⲡ ⲧⲟⲡⲟⲥ ⲛ̅ⲧ ⲁ ϥ ϫⲓ ⲙⲩⲥⲧⲏ ⲣⲓⲟⲛ ϣⲁⲣⲟ ϥ ϩⲱⲥⲧⲉ ⲛ ⲉⲧ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϫⲟⲥⲉ ⲥⲉ ⲛⲁ ϭⲱ ϩⲱ ⲟⲩ ϩⲛ̅ ⲛ̅ ⲧⲟⲡⲟⲥ ⲉⲧ ϫⲟⲥⲉ · ⲁⲩⲱ ⲛ ⲉⲧ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ⲥⲟⲃⲕ̅' ⲥⲉ ⲛⲁ ϭⲱ ϩⲱ ⲟⲩ ϩⲛ̅ ⲛ̅ ⲧⲟⲡⲟⲥ ⲉⲧ ⲥⲟⲃⲕ̅ ·

ⲛⲁⲓ̈ ⲛⲉ ⲡ ϣⲟⲙⲛ̅ⲧ ⲛ̅ ⲕⲗⲏ ⲣⲟⲥ ⲛ̅ⲧⲉ ⲧ ⲙ̅ⲛ̅ⲧ̅ ⲉⲣⲟ ⲙ̅ ⲡ ⲟⲩⲟⲓ̈ⲛ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲉⲓ̈ ϣⲟⲙⲛ̅ⲧ ⲛ̅ ⲕⲗⲏⲣⲟⲥ ⲛ̅ⲧⲉ ⲡ ⲟⲩⲟⲉⲓⲛ ⲥⲉ ⲟϣ ⲉⲙⲁϣⲟ ⲉⲙⲁϣⲟ ⲧⲉⲧⲛ̅ ⲛⲁ ϩⲉ ⲉⲣⲟ ⲟⲩ ϩⲙ̅ ⲡ ⲛⲟϭ ⲥⲛⲁⲩ ⲛ̅ ϫⲱⲱⲙⲉ ⲛ̅ ⲓ̈ⲉ̅ⲟ̅ⲩ̅ ·

ⲁⲗⲗⲁ ϯ ⲛⲁ ϯ ⲛⲏ ⲧⲛ̅ ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲛ̅ ⲛ̅ ⲛⲟϭ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲉ ⲕⲗⲏ ⲣⲟⲥ ⲡⲉ ⲕⲗⲏⲣⲟⲥ · ⲛⲁⲓ̈ ⲉⲧ ⲟⲩⲟⲧⲃ̅ ⲉ ⲡ ⲧⲟⲡⲟⲥ ⲡ ⲧⲟ ⲡⲟⲥ ⲉⲧⲉ ⲛ̅ⲧⲟⲟⲩ ⲡⲉ ⲛ̅ ⲕⲉⲫⲁⲗⲏ ⲕⲁⲧⲁ ⲧⲟⲡⲟⲥ ⲁⲩⲱ ⲕⲁⲧⲁ ⲧⲁⲝⲓⲥ · ⲛⲁⲓ̈ ⲉⲧ ⲛⲁ ϫⲓ ⲙ̅ ⲡ ⲅⲉⲛⲟⲥ ⲧⲏⲣ ϥ̅ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ⲉϩⲟⲩⲛ ⲉ ⲛ ⲧⲟⲡⲟⲥ ⲉⲧ ϫⲟⲥⲉ ⲕⲁⲧⲁ ⲡⲉ ⲭⲱⲣⲏⲙⲁ ⲛ̅ ⲧⲉ ⲕⲗⲏⲣⲟⲛⲟⲙⲓⲁ ⲛ̅ⲧⲉ ⲡ ⲕⲉ ⲥⲉⲉⲡⲉ ⲟⲩⲛ ⲙ̅ ⲙⲩⲥⲧⲏⲣⲓⲟⲛ ⲉⲧ ⲥⲟⲃⲕ̅ ⲛ̅ ⲧⲉⲧⲛ̅ ⲣ̅ ⲭⲣⲉⲓⲁ ⲙ̅ⲙⲟ ⲟⲩ ⲁⲛ ⲁⲗⲗⲁ ⲧⲉⲧⲛ ⲛⲁ ϩⲉ ⲉⲣⲟ ⲟⲩ ϩⲓ ⲡ ϫⲱⲱⲙⲉ ⲥⲛⲁⲩ ⲛ̅ ⲓ̈ⲉ̅ⲟ̅ⲩ̅ · ⲛⲁⲓ̈ ⲛ̅ⲧ ⲁ ϥ ⲥϩⲁⲓ̈ ⲥⲟⲩ ⲛ̅ϭⲓ ⲉⲛⲱⲭ ⲉ ⲓ̈ ϣⲁϫⲉ ⲛ̅ⲙⲙⲁ ϥ ⲉⲃⲟⲗ ϩⲙ̅ ⲡ ϣⲏⲛ ⲙ̅ ⲡ ⲥⲟⲟⲩⲛ ⲁⲩⲱ ⲉⲃⲟⲗ ϩⲙ̅ ⲡ ϣⲏⲛ ⲙ̅ ⲡ ⲱⲛϩ̅ ϩⲣⲁⲓ̈ ϩⲙ̅ ⲡ̅ ⲡⲁⲣⲁⲇⲓⲥⲟⲥ ⲛ̅ ⲁ ⲇⲁⲙ ·

ⲧⲉⲛⲟⲩ ϭⲉ ⲟⲩⲛ ⲉⲓ̈ ϣⲁⲛ ⲟⲩⲱⲉⲓ̈ ⲥⲱⲣ ⲛⲏ ⲧⲛ̅ ⲉⲃⲟⲗ ⲙ̅ ⲡ ⲥⲱⲣ ⲉⲃⲟⲗ ⲧⲏⲣ ϥ̅ ϯ ⲛⲁ ϯ ⲛⲏ ⲧⲛ̅ ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲛ̅ ⲛ̅ ⲛⲟϭ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ϣⲟⲙⲛ̅ⲧ ⲛ̅ ⲕⲗⲏⲣⲟⲥ ⲛ̅ ⲧⲁ ⲙⲛ̅ⲧ ⲉⲣⲟ · ⲉⲧⲉ ⲛ̅ⲧⲟⲟⲩ ⲛⲉ ⲛ̅ ⲕⲉⲫⲁ ⲗⲏ ⲛ̅ ⲙ̅ ⲙⲩⲥⲧⲏⲣⲓⲟⲛ ⲉ ϯ ⲛⲁ ⲧⲁⲁ ⲩ ⲛⲏ ⲧⲛ̅ · ⲁⲩⲱ ⲉ ϯ ⲛⲁ ϫⲟⲟ ⲩ ⲉⲣⲱ ⲧⲛ̅ ϩⲛ̅ ⲛⲉⲩ ⲥⲭⲏⲙⲁ ⲧⲏⲣ ⲟⲩ ⲙⲛ̅ ⲛⲉⲩ ⲧⲩⲡⲟⲥ ⲧⲏⲣ ⲟⲩ ⲙⲛ̅ ⲛⲉⲩ ⲯⲏⲫⲟⲥ · ⲙⲛ̅ ⲛⲉ ⲥⲫⲣⲁⲅⲓⲥ ⲙ̅ ⲡ ϩⲁⲉ ⲛ̅ ⲭⲱⲣⲏⲙⲁ · ⲉⲧⲉ ⲛ̅ⲧⲟϥ ⲡⲉ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ϫⲓⲛ ⲡ ⲥⲁ ⲛ̅ ⲃⲟⲗ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲛ̅ ⲛ̅ ⲁⲡⲟⲫⲁⲥⲓⲥ ⲙⲛ̅ ⲛ ⲁⲡⲟⲗⲟⲅⲓⲁ ⲙⲛ̅ ⲛ̅ ⲥⲩⲙⲃⲟⲗⲟⲛ ⲙ̅ ⲡⲉ ⲭⲱⲣⲏⲙⲁ ⲉⲧ ⲙ̅ⲙⲁⲩ · ⲡ ⲙⲉϩ ⲥⲛⲁⲩ ⲛ̅ⲧⲟϥ ⲛ̅ ⲭⲱⲣⲏⲙⲁ ⲉ ⲡ ⲥⲁ ⲛϩⲟⲩⲛ · ⲙⲛ̅ ⲧⲟⲩ ⲁⲡⲟⲫⲁⲥⲓⲥ ⲙ̅ ⲙⲁⲩ ⲟⲩⲇⲉ ⲁⲡⲟⲗⲟⲅⲓⲁ ⲟⲩⲇⲉ ⲥⲩⲙⲃⲟⲗⲟⲛ · ⲟⲩⲇⲉ ⲯⲩⲫⲟⲥ ⲟⲩⲇⲉ ⲥⲫⲣⲁⲅⲓⲥ · ⲁⲗⲗⲁ ϩⲉⲛ ⲧⲩⲡⲟⲥ ⲙ̅ⲙⲁⲧⲉ ⲛⲉ ⲙⲛ̅ ϩⲉⲛ ⲥⲭⲏⲙⲁ ⲛ ⲉⲧ ⲛ̅ⲧⲁ ⲩ ·

ⲛⲁⲓ̈ ⲧⲏⲣ ⲟⲩ ⲛ̅ⲧⲉ ⲣⲉ ϥ ⲟⲩⲱ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲡ ⲥⲱⲧⲏⲣ ⲉ ⲛⲉϥ ⲙⲁ ⲑⲏⲧⲏⲥ ⲁ ϥ ⲉⲓ̈ ⲉ ⲑ ⲏ ⲛ̅ϭⲓ ⲁⲛⲇⲣⲉⲁⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲙ̅ⲡⲣ̅ ϭⲱⲛ̅ⲧ ⲉⲣⲟ ⲓ̈ · ⲁⲗⲗⲁ ϣⲛ̅ ϩⲧⲏ ⲕ ϩⲁⲣⲟ ⲓ̈ ⲁⲩⲱ ⲛ̅ ⲅ ϭⲱⲗⲡ̅ ⲛⲁ ⲓ̈ ⲉⲃⲟⲗ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ϣⲁ ϫⲉ ⲉ ϯ ⲛⲁ ϫⲛⲟⲩ ⲕ ⲉ̇ⲣⲟ ϥ ⲉ ⲙⲙⲟⲛ ⲁ ϥ ϣⲱⲡⲉ ⲉ ϥ ⲛⲁϣⲧ̅ ⲛ̅ⲛⲁϩⲣⲁ ⲓ̈ ⲁⲩⲱ ⲙ̅ⲡ ⲓ ⲛⲟⲓ̈ ⲙ̅ⲙⲟ ϥ :

ⲁ ϥ ⲟⲩⲱϩⲙ̅ ⲛ̅ϭⲓ ⲡ̅ ⲥ̅ⲱ̅ⲧⲏⲣ ⲡⲉϫⲁ ϥ ⲛⲁ ϥ ϫⲉ ϣⲓⲛⲉ ⲛ̅ⲥⲁ ⲡ ⲉⲧ ⲕ̅ ⲟⲩⲉϣ ϣⲓⲛⲉ ⲛ̅ⲥⲱ ϥ · ⲁⲩⲱ ϯ ⲛⲁ ϭⲟⲗⲡ ϥ ⲛⲁ ⲕ ⲉⲃⲟⲗ ⲛ̅ ϩⲟ ⲟⲩⲃⲉ ϩⲟ ⲁϫⲛ̅ ⲡⲁⲣⲁⲡⲟⲗⲏ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲁⲛ ⲇⲣⲉⲁⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲉ ⲓ̈ ⲣ̅ ϣⲡⲏⲣⲉ ⲁⲩⲱ ⲉ̇ ⲓ̈ ⲑⲁⲩⲙⲁⲍⲉ ⲉⲙⲁϣⲟ · ϫⲉ ⲛ̅ ⲣⲱⲙⲉ ⲉⲧ ϩⲛ̅ ⲡ ⲕⲟⲥⲙⲟⲥ ⲉⲧ ϩⲛ̅ ⲡ ⲥⲱⲙⲁ ⲛ̅ ⲧⲉⲓ̈ ϩⲩⲗⲏ ⲡⲱⲥ ⲉⲩϣⲁⲛ ⲉⲓ̅ ⲉⲃⲟⲗ ϩⲙ̅ ⲡⲉⲓ̈ ⲕⲟⲥⲙⲟⲥ ⲥⲉ ⲛⲁ ⲟⲩⲱⲧⲃ̅ ⲛ̅ ⲛⲉⲓ̈ ⲥⲧⲉⲣⲉⲱⲙⲁ ⲙⲛ̅ ⲛⲉⲓ̈ ⲁⲣⲭⲱⲛ ⲧⲏⲣ ⲟⲩ . ⲙⲛ̅ ⲛ̅ ϫⲟⲉⲓⲥ ⲧⲏⲣ ⲟⲩ · ⲙⲛ̅ ⲛ̅ ⲛⲟⲩⲧⲉ ⲧⲏⲣ ⲟⲩ · ⲙⲛ̅ ⲛⲉⲓ̈ ⲛⲟϭ ⲧⲏⲣ ⲟⲩ ⲛ̅ ⲁϩⲟⲣⲁⲧⲟⲥ ⲙⲛ̅ ⲛⲁ ⲡ ⲧⲟⲡⲟⲥ ⲧⲏⲣ ⲟⲩ ⲛ̅ ⲛⲁ ⲧ ⲙⲉⲥⲟⲥ · ⲁⲩⲱ ⲙⲛ̅ ⲛⲁ ⲡ ⲧⲟⲡⲟⲥ ⲧⲏⲣ ϥ̅ ⲛ̅ ⲛⲁ ⲟⲩⲛⲁⲙ · ⲙⲛ̅ ⲛ̅ ⲛⲟϭ ⲧⲏ ⲣ ⲟⲩ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲛ̅ⲧⲉ ⲛⲁ ⲟⲩⲛⲁⲙ · ⲛ̅ ⲥⲉ ⲣ̅ ⲡⲉⲩ ϩⲟⲩⲛ ⲧⲏⲣ ⲟⲩ ⲛ̅ ⲥⲉ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲛⲉⲓ̈ ϩⲱⲃ ⲟⲩⲛ ⲡⲁ ϫⲟⲉⲓⲥ ϥ ⲙⲟⲕϩ̅ ⲛⲛⲁ ϩⲣⲁ ⲓ̈ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟ ⲩ ⲛ̅ϭⲓ ⲁⲛⲇⲣⲉⲁⲥ ⲁ ⲡⲉ ⲡⲛ̅ⲁ̅ ⲙ̅ ⲡ ⲥ̅ⲱ̅ⲣ̅ ⲕⲓⲙ ϩⲣⲁⲓ̈ ⲛ̅ϩⲏⲧ ϥ̅ · ⲁ ϥ ⲱϣ ⲉⲃⲟⲗ ⲡⲉϫⲁ ϥ ϫⲉ ϩⲉⲱⲥ ϣⲁ ⲧ ⲛⲁⲩ ⲉ ⲓ̈ ⲛⲁ ϥⲓ ϩⲁⲣⲱ ⲧⲛ̅ · ϩⲉ ⲱⲥ ϣⲁ ⲧ ⲛⲁⲩ ⲉ ⲓ̈ ⲛⲁ ⲁⲛⲉⲭⲉ ⲙ̅ⲙⲱ ⲧⲛ̅ · ⲉⲓⲧⲉ ⲁⲕⲙⲏⲛ ⲟⲛ ⲙ̅ⲡⲉ ⲧⲛ̅ ⲛⲟⲓ̈ ⲁⲩⲱ ⲧⲉⲧⲛ̅ ⲟ ⲛ̅ ⲁⲧ ⲥⲟⲟⲩⲛ ⲉⲓ̈ⲉ ⲛ̅ ⲧⲉⲧⲛ̅ ⲥⲟⲟⲩⲛ ⲁⲛ ⲛ̅ⲧⲱⲧⲛ̅ ⲁⲩⲱ ⲛ̅ ⲧⲉⲧⲛ̅ ⲛⲟⲓ̈ ⲁⲛ ϫⲉ ⲛ̅ⲧⲱⲧⲛ̅ ⲙⲛ̅ ⲛ̅ ⲁⲅⲅⲉⲗⲟⲥ ⲧⲏⲣ ⲟⲩ · ⲙⲛ̅ ⲛ̅ ⲁⲣⲭⲁⲅ ⲅⲉⲗⲟⲥ ⲧⲏⲣ ⲟⲩ · ⲙⲛ̅ ⲛ̅ ⲛⲟⲩⲧⲉ ⲙⲛ̅ ⲛ̅ ϫⲟⲉⲓⲥ · ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ · ⲙⲛ̅ ⲛ̅ ⲛⲟϭ ⲧⲏⲣ ⲟⲩ ⲛ ⲁϩⲟⲣⲁⲧⲟⲥ · ⲙⲛ̅ ⲛⲁ ⲧ ⲙⲉⲥⲟⲥ ⲧⲏⲣ ⲟⲩ · ⲙⲛ̅ ⲛⲁ ⲡ ⲧⲟⲡⲟⲥ ⲧⲏⲣ ϥ̅ ⲛ̅ ⲛⲁ ⲟⲩⲛⲁⲙ · ⲁⲩⲱ ⲙⲛ̅ ⲛ̅ ⲛⲟϭ ⲧⲏⲣ ⲟⲩ ⲛ̅ ⲛⲉ ⲡⲣⲟ ⲃⲟⲗⲟⲟⲩⲉ ⲛ̅ⲧⲉ ⲡ ⲟⲩⲟⲉⲓⲛ · ⲙⲛ̅ ⲡⲉⲩ ⲉⲟⲟⲩ ⲧⲏⲣ ϥ̅ ·

ⲛ̅ⲧⲉⲧⲛ̅ ϩⲉⲛ ⲉⲃⲟⲗ ⲧⲏⲣ ⲧⲛ̅ ϩⲛ̅ ⲛⲉⲧⲛ̅ ⲉⲣⲏⲩ ϩⲙ̅ ⲡⲓ ⲟⲩⲱϣⲙ̅ ⲛ̅ ⲟⲩⲱⲧ ⲙⲛ̅ ϯ ϩⲩⲗⲏ ⲛ̅ ⲟⲩⲱⲧ · ⲙⲛ̅ ϯ ⲟⲩⲥⲓⲁ ⲛ̅ ⲟⲩⲱⲧ : ⲁⲩⲱ ⲛ̅ ⲧⲉⲧⲛ̅ ϩ̅ⲉ̅ ⲉⲃⲟⲗ ϩⲙ̅ ⲡⲓ ⲕⲉⲣⲁⲥⲙⲟⲥ ⲛ̅ ⲟⲩⲱⲧ ⲧⲏⲣ ⲧⲛ̅ · ⲁⲩⲱ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲁ ⲩ ⲁⲛⲁⲅⲕⲁⲍⲉ ⲙ̅ ⲡ ⲕⲉⲣⲁⲥⲙⲟⲥ ϩⲉⲱⲥ ϣⲁⲛⲧ ⲟⲩ ⲥⲱⲧϥ̅ ⲉⲃⲟⲗ ⲛ̅ϭⲓ ⲛ̅ ⲛⲟϭ ⲧⲏⲣ ⲟⲩ ⲛ̅ ⲛⲉ ⲡⲣⲟ ⲃⲟⲗⲟⲟⲩⲉ ⲛ̅ⲧⲉ ⲡ ⲟⲩⲟⲉⲓⲛ ⲙⲛ̅ ⲡⲉⲩ ⲉⲟⲟⲩ ⲧⲏⲣ ϥ̅ · ⲁⲩⲱ ϣⲁⲛⲧ ⲟⲩ ⲥⲱⲧϥ̅ ⲉⲃⲟⲗ ⲙ̅ ⲡ ⲕⲉⲣⲁⲥⲙⲟⲥ ⲁⲩⲱ ⲛ̅ⲧ ⲁ ⲩ ⲥⲱⲧϥ̅ ⲁⲛ ⲉⲃⲟⲗ ϩⲓⲧⲟⲟⲧ ⲟⲩ ⲙ̅ⲙⲓⲛⲙ̅ⲙⲟ ⲟⲩ ·

ⲁⲗⲗⲁ ⲛ̅ⲧ ⲁ ⲩ ⲥⲟⲧϥ ⲟⲩ ϩⲛ̅ ⲟⲩ ⲁⲛⲁⲅⲕⲏ ⲕⲁⲧⲁ ⲧ ⲟⲓⲕⲟⲛⲟⲙⲓⲁ ⲙ̅ ⲡⲓ ⲟⲩⲁ ⲛ̅ ⲟⲩⲱⲧ' ⲡⲓ ⲁⲧ ϣⲁϫⲉ ⲉⲣⲟ ϥ ⲁⲩⲱ ⲛ̅ⲅⲟ ⲟⲩ ⲙ̅ⲡ ⲟⲩ ϣⲡ̅ ϩⲓⲥⲉ ⲉ ⲡ ⲧⲏⲣ ϥ̅ ·

ⲁⲩⲱ ⲙ̅ⲡ ⲟⲩ ⲙⲉⲧⲁⲃⲁⲗⲉ ⲙ̅ⲙⲟ ⲟⲩ ϩⲛ̅ ⲛ̅ ⲧⲟⲡⲟⲥ · ⲟⲩⲇⲉ ⲙ̅ⲡ ⲟⲩ ⲥⲕⲩⲗⲗⲉ ⲙ̅ⲙⲟ ⲟⲩ ⲉ ⲡ ⲧⲏⲣ ϥ̅ · ⲟⲩⲇⲉ ⲙ̅ⲡ ⲟⲩ ⲙⲉⲧⲁⲅⲅⲓⲍⲉ ⲙ̅ⲙⲟ ⲟⲩ ϩⲛ̅ ϩⲉⲛ ⲥⲱⲙⲁ ⲉ ⲩ ϣⲃ̅ⲉⲓⲁⲉⲓⲧ · ⲟⲩⲇⲉ ⲙ̅ⲡ ⲟⲩ ϣⲱⲡⲉ ϩⲛ̅ ⲗⲁⲁⲩ ⲛ̅ ⲑⲗⲓⲯⲓⲥ · ⲙⲁⲗⲓⲥⲧⲁ ϭⲉ ⲛ̅ⲧⲱⲧⲛ̅ ⲉ ⲛⲧⲉⲧⲛ̅ ⲡⲓ ⲥⲟⲣⲙ̅ ⲙ̅ ⲡⲉ ⲑⲏⲥⲁⲩⲣⲟⲥ ·

ⲁⲩⲱ ⲛ̅ⲧⲉⲧⲛ̅ ⲡ ⲥⲟⲣⲙ̅ ⲙ̅ ⲡ ⲧⲟⲡⲟⲥ ⲛ̅ ⲛⲁ ⲟⲩⲛⲁⲙ ⲁⲩⲱ ⲛ̅ⲧⲉⲧⲛ̅ ⲡ ⲥⲟⲣⲙ̅ ⲙ̅ ⲡ ⲧⲟⲡⲟⲥ ⲛ̅ ⲛⲁ ⲧ ⲙⲉⲥⲟⲥ · ⲁⲩⲱ ⲛ̅ ⲧⲉⲧⲛ̅ ⲡ ⲥⲟⲣⲙ̅ ⲛ̅ ⲛ̅ ⲁϩⲟⲣⲁⲧⲟⲥ ⲧⲏⲣ ⲟⲩ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ϩⲁⲡⲁⲝ ϩⲁⲡⲗⲱⲥ ⲛ̅ⲧⲉⲧⲛ̅ ⲡ ⲥⲟⲣⲙ̅ ⲛ̅ ⲛⲁⲓ̈ ⲧⲏⲣ ⲟⲩ ·

ⲁⲩⲱ ⲁ ⲧⲉⲧⲛ̅ ϣⲱⲡⲉ ϩⲛ̅ ϩⲉⲛ ⲛⲟϭ ⲛ̅ ϩⲓⲥⲉ ⲙⲛ̅ ϩⲉⲛ ⲛⲟϭ ⲛ̅ ⲑⲗⲓⲯⲓⲥ ϩⲣⲁⲓ̈ ϩⲛ̅ ⲙ̅ ⲙⲉⲧⲁⲅⲅⲓⲥⲙⲟⲥ ϩⲛ̅ ϩⲉⲛ ⲥⲱⲙⲁ ⲉ ⲩ ϣⲃ̅ⲉⲓⲁⲉⲓⲧ