Pistis Sophia Book 2 Part 7 unknown source <a href='http://marcion.sourceforge.net/'>Marcion project</a>, <a href='https://archive.org/details/pistissophiaopus0000unse/page/n29/mode/2up'>Archive.org</a> annotation Randy Komforty, Lance Martin, Amir Zeldes, Caroline T. Schroeder translation none Coptic SCRIPTORIUM, Marcion CC-BY 4.0 CMCL.AQ codex Egypt none unknown British Library Additional Manuscripts 5114 406-434 Sahidic Coptic Pistis Sophia Book 2 Part 7 J. H. Petermann (1851), Carl Schmidt & Violet MacDermot (1978)

This file encoded to comply with EpiDoc Guidelines and Schema.http://sourceforge.net/p/epidoc/

 Sahidic Coptic

ⲛⲁⲓ̈ ⲉ ϯ ϣⲁϫⲉ ⲛⲙⲙⲏ ⲧⲛ̅ ⲉⲣⲟ ⲟⲩ ϫⲉ ⲡ ⲥⲟⲟⲩⲛ ⲅⲁⲣ ⲧⲏⲣ ϥ ϯ ⲡⲏϩ ⲉ ϫⲟⲟ ϥ ⲉⲣⲱ ⲧⲛ̅ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ . ϫⲉ ⲡ ⲥⲱⲣ ⲅⲁⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ⲡⲉ ⲡⲉϥ ⲥⲟⲟⲩⲛ ·

ⲁⲗⲗⲁ ⲧⲉⲛⲟⲩ ϭⲉ ⲥⲱⲧⲙ̅ ⲧⲁ ϣⲁϫⲉ ⲛⲙ̅ⲙⲏ ⲧⲛ̅ ϩⲛ̅ ⲟⲩ ⲡⲣⲟ ⲕⲟⲡⲏ ⲉⲧⲃⲉ ⲡ ⲥⲟⲟⲩⲛ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ϫⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲉⲓ ⲙ̅ⲙⲟ ϥ ⲛ̅ϭⲓ ⲡ ϯⲟⲩ ⲙ̅ ⲡⲁⲣⲁⲥⲧⲁⲧⲏⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲉⲓ ⲙ̅ⲙⲟ ϥ ⲛ̅ϭⲓ ⲡ ⲛⲟϭ ⲛ̅ ⲟⲩⲟⲉⲓⲛ ⲛ̅ⲧⲉ ⲛⲓ ⲟⲩⲟⲉⲓⲛ · ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲉⲓ ⲙ̅ⲙⲟ ϥ ⲛ̅ϭⲓ ⲡ ϣⲟⲣⲡ̅ ⲛ̅ ⲧⲱϣ ·

ⲁⲩⲱ ⲉⲧⲃⲉ ⲟⲩ ⲁ ϥ ⲡⲱⲣϫ̅ ⲉⲃⲟⲗ ⲉ ⲥⲁϣϥ̅ ⲙ̅ ⲙⲩⲥⲧⲏⲣⲓⲟⲛ ⲁⲩⲱ ⲉⲧⲃⲉ ⲟⲩ ϩⲱⲱ ϥ ⲁ ⲩ ⲙⲟⲩⲧⲉ ⲉ ⲣⲟ ϥ ϫⲉ ⲡ ϣⲟⲣⲡ̅ ⲛ̅ ⲧⲱϣ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲉⲓ ⲙ̅ⲙⲟ ϥ ⲛ̅ϭⲓ ⲡ ⲛⲟϭ ⲛ̅ ⲟⲩⲟⲉⲓⲛ ⲛ̅ ⲭⲁⲣⲁⲅⲙⲏ ⲛ̅ ⲟⲩⲟⲉⲓⲛ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲁϩⲉ ⲣⲁⲧ ⲟⲩ ⲁϫⲛ̅ ⲡⲣⲟⲃⲟⲗⲏ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲉ ⲙ̅ⲙⲟ ϥ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧⲉ ⲛ̅ⲧⲟϥ ⲡⲉ ⲡ ⲙⲉϩ ϫⲟⲩⲧ ⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ⲉⲃⲟⲗ ⲁⲩⲱ ⲉⲧⲃⲉ ⲟⲩ ⲁ ϥ ⲕⲱϩ ϩⲣⲁⲓ̈ ⲛ̅ϩⲏⲧ ϥ̅ ⲙ̅ ⲡ ⲙⲛ̅ⲧ̅ ⲥⲛⲟⲟⲩⲥ ⲙ̅ ⲙⲩⲥⲧⲏⲣⲓⲟⲛ ⲕⲁⲧⲁ ⲧ ⲏⲡⲉ ⲛ̅ ⲧ ⲁⲣⲓⲑⲙⲏⲥⲓⲥ ⲛ̅ ⲛⲓ ⲁⲭⲱ ⲣⲏⲧⲟⲥ ⲛ̅ ⲁⲡⲉⲣⲁⲛⲧⲟⲥ ·

ⲁⲩⲱ ⲉⲧⲃⲉ ⲟⲩ ⲁ ϥ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ ⲙⲟ ⲟⲩ ⲛ̅ϭⲓ ⲡ ⲙⲛ̅ⲧ̅ ⲥⲛⲟⲟⲩⲥ ⲛ̅ⲁ ϭⲓⲛⲏⲧⲟⲥ ⲁⲩⲱ ⲉⲧⲃⲉ ⲟⲩ ⲣⲱ ⲁ ⲩ ⲧⲁϩⲟ ⲟⲩ ⲉⲣⲁⲧ ⲟⲩ ⲙⲛ̅ ⲛⲉⲩ ⲧⲁⲝⲓⲥ ⲧⲏⲣ ⲟⲩ ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ :

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲉⲓ ⲙ̅ⲙⲟ ⲟⲩ ⲛ̅ϭⲓ ⲛⲉ ⲁⲥⲁⲗⲉⲩⲧⲟⲥ ⲁⲩⲱ ⲉⲧⲃⲉ ⲟⲩ ⲁ ⲩ ⲧⲁϩⲟ ⲟⲩ ⲉⲣⲁⲧ ⲟⲩ ⲉ ⲩ ⲡⲟⲣϫ̅ ⲉⲃⲟⲗ ⲉ ⲙⲛ̅ⲧ ⲥⲛⲟⲟⲩⲥ ⲛ̅ ⲧⲁⲝⲓⲥ ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ ⲛⲁ ⲓ̈ ⲉⲧ ⲏⲡ ⲉ ⲛ̅ ⲧⲁⲝⲓⲥ ⲙ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ :

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲉ ⲙ̅ⲙⲟ ⲟⲩ ⲛ̅ϭⲓ ⲛⲓ ⲁⲉⲛⲛⲟⲏⲧⲟⲥ ⲛⲁ ⲓ̈ ⲉⲧ ⲏⲡ ⲉ ⲡⲉ ⲭⲱⲣⲏ ⲙⲁ ⲥⲛⲁⲩ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲁⲩⲱ ⲉ ⲑⲃⲉⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ . ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡⲓ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲁⲥⲏⲙⲁⲛ ⲧⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲧⲁϩⲟ ⲟⲩ ⲉⲣⲁⲧ ⲟⲩ ⲙⲛ̅ⲛ̅ⲥⲁ ⲛ̅ ⲧⲁⲝⲓⲥ ⲧⲏⲣ ⲟⲩ ⲛ̅ⲛⲓⲁⲙⲩⲛⲁⲛⲧⲟⲥ ⲉ ⲛ̅ ⲧⲟⲟⲩ ϩⲱⲱ ⲟⲩ ϩⲉⲛ ⲁⲭⲱⲣⲏⲧⲟⲛ ⲛⲉ ⲛ̅ ⲁⲡⲉⲣⲁⲛⲧⲟⲥ ·

ⲁⲩⲱ ⲉⲧⲃⲉ ⲟⲩ ⲣⲱ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲛⲓ ⲁⲙⲩⲛⲁⲛⲧⲟⲥ ⲛⲁ ⲓ̈ ⲉⲧⲉ ⲙ̅ⲡ ⲟⲩ ⲙⲩⲛⲉⲩⲉ ⲙ̅ⲙⲟ ⲟⲩ ⲟⲩⲇⲉ ⲙ̅ ⲡ ⲟⲩⲛ̅ⲧ ⲟⲩ ⲉ ⲡ ⲉⲧ ⲟⲩⲟⲛϩ̅ ⲉⲃⲟⲗ ⲕⲁⲧⲁ ⲧ ⲟⲓⲕⲟⲛⲟⲙⲓⲁ ⲙ̅ ⲡⲓ ⲟⲩⲁ ⲛ̅ ⲟⲩⲱⲧ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲛⲓϩⲩⲡⲉⲣⲃⲁⲑⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲥⲟⲣ ⲟⲩ ⲉⲃⲟⲗ ⲉ ⲩ ⲟ ⲛ̅ ⲟⲩ ⲧⲁⲝⲓⲥ ⲛ̅ ⲟⲩⲱⲧ ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲧⲁⲝⲓⲥ ⲛ̅ ⲛⲓ ⲁϩⲣⲏⲧⲟⲥ ⲁⲩⲱ ⲉⲧⲃⲉ ⲟⲩ ⲣⲱ ⲁ ⲩ ⲛⲉϩ ⲟⲩ ⲉⲃⲟⲗ ⲉ ⲩ ⲟ ⲛ̅ ϣⲟⲙⲧⲉ ⲙ̅ ⲙⲉⲣⲓⲥ · ⲁⲩⲱ ⲉⲧⲃⲉ ⲟⲩ ⲣⲱ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ :

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛϭⲓ ⲛⲓ ⲁ ⲫⲑⲁⲣⲧⲟⲥ ⲧⲏⲣ ⲟⲩ ⲉ ⲩ ⲟ ⲙ̅ ⲙⲛ̅ⲧ ⲥⲛⲟⲟⲩⲥ ⲛ̅ ⲧⲟⲡⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲕⲁⲁ ⲩ ⲉ ⲩ ⲥⲏⲣ ⲉⲃⲟⲗ ⲛ̅ ⲥⲁ ⲛⲉⲩ ⲉⲣⲏⲩ ϩⲣⲁⲓ̈ ϩⲛ̅ ⲟⲩ ⲧⲁⲝⲓⲥ ⲛ̅ ⲟⲩⲱⲧ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲟⲣϫ ⲟⲩ ⲉⲃⲟⲗ · ⲁ ⲩ ⲁⲁ ⲩ ⲛ̅ ⲧⲁⲝⲓⲥ ⲧⲁⲝⲓⲥ · ⲉ ⲛⲧⲟⲟⲩ ϩⲱ ⲟⲩ ϩⲉⲛ ⲁⲭⲱⲣⲏⲧⲟⲛ ⲛⲉ ⲁⲩⲱ ϩⲉⲛ ⲁⲡⲉⲣⲁⲛⲧⲟⲛ ⲛⲉ · ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁ ⲡⲁⲧⲱⲣ :

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲛⲓ ⲁⲡⲉⲣⲁⲛⲧⲟⲛ ⲁⲩⲱ ⲉⲧⲃⲉ ⲟⲩ ⲁ ⲩ ⲧⲁϩⲟ ⲟⲩ ⲉⲣⲁⲧ ⲟⲩ ⲉ ⲩ ⲟ ⲙ̅ ⲙⲛ̅ⲧ ⲥⲛⲟⲟⲩⲥ ⲛ̅ ⲭⲱⲣⲏⲙⲁ ⲛ̅ ⲁⲡⲉⲣⲁⲛⲧⲟⲥ ⲁⲩⲱ ⲁ ϥ ⲕⲁⲁ ⲩ ⲉ ⲩ ⲟ ⲛ̅ ϣⲟⲙⲧⲉ ⲛ̅ ⲧⲁⲝⲓⲥ ⲛ̅ ⲭⲱⲣⲏⲙⲁ ⲕⲁⲧⲁ ⲧ ⲟⲓⲕⲟⲛⲟⲙⲓⲁ ⲙ̅ ⲡⲓ ⲟⲩⲁ ⲛ̅ ⲟⲩⲱⲧ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ : ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲁⲭⲱⲣⲏⲧⲟⲥ ⲛⲁ ⲓ̈ ⲉⲧ ⲏⲡ ⲉ ⲛ ⲧⲁⲝⲓⲥ ⲙ̅ ⲡⲓ ⲟⲩⲁ ⲛ̅ ⲟⲩⲱⲧ ⲡⲓ ⲁⲧ ϣⲁϫⲉ ⲉⲣⲟ ϥ ⲁⲩⲱ ϫⲉ ⲉⲧⲃⲉ ⲟⲩ ⲣⲱ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ ϣⲁⲛ ⲧ ⲟⲩⲛ̅ⲧ ⲟⲩ ⲣⲱ ⲉ ⲡⲉ ⲭⲱⲣⲏⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧⲉ ⲛ̅ⲧⲟϥ ⲡⲉ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ·

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡⲓ ϫⲟⲩⲧ ⲁϥⲧⲉ ⲛ̅ ⲧⲃⲁ ⲛ̅ ϩⲩⲙⲛⲉⲩⲧⲏⲥ ·

ⲁⲩⲱ ⲉⲧⲃⲉ ⲟⲩ ⲣⲱ ⲁ ⲩ ⲥⲟⲣ ⲟⲩ ⲉⲃⲟⲗ ⲡ ⲃⲟⲗ ⲙ̅ ⲡ ⲕⲁⲧⲁⲡⲉⲧⲁⲥⲙⲁ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ ⲉⲧⲉ ⲛ̅ⲧⲟϥ ⲡⲉ ⲡϩⲁⲧⲣⲉⲉⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲟⲩⲁ ⲛ̅ ⲟⲩⲱⲧ ⲡⲓ ⲁⲧ ϣⲁϫⲉ ⲉⲣⲟ ϥ · ⲡⲏ ⲉⲧ ϭⲱϣⲧ̅ ⲉϩⲟⲩⲛ ⲁⲩⲱ ⲡⲏ ⲉⲧ ϭⲱϣⲧ̅ ⲉⲃⲟⲗ ·

ⲁⲩⲱ ⲉⲧⲃⲉ ⲟⲩ ⲣⲱ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ : ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲁⲭⲱⲣⲏⲧⲟⲥ ⲧⲏⲣ ⲟⲩ ⲛⲁⲓ̈ ⲛ̅ⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲟⲩ ⲛⲁⲓ̈ ⲉⲧ ϩⲛ̅ ⲛ̅ ⲧⲟⲡⲟⲥ ⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱⲣⲏⲙⲁ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲧⲉ ⲛ̅ⲧⲟϥ ⲡⲉ ⲡⲉ ⲭⲱⲣⲏⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ ·

ⲁⲩⲱ ⲉⲧⲃⲉ ⲟⲩ ⲁ ⲛ ⲁⲭⲱⲣⲏⲧⲟⲥ ⲉⲧ ⲙ̅ⲙⲁⲩ ⲙⲛ̅ ⲛ̅ ⲁⲡⲉⲣⲁⲛⲧⲟⲥ ⲉⲧ ⲙ̅ⲙⲁⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡ ϫⲟⲩⲧ ⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ϣⲟⲣⲡ̅ ⲛ̅ ⲧⲣⲓⲡⲛⲉⲩ ⲙⲁⲧⲟⲥ ⲁⲩⲱ ⲉⲧⲃⲉ ⲟⲩ ⲁ ⲩ ⲙⲟⲩⲧⲉ ⲉⲣⲟ ⲟⲩ ϫⲉ ⲡ ϫⲟⲩⲧ ⲁϥⲧⲉ ⲛ̅ ⲭⲱⲣⲏⲙⲁ ⲙ̅ ⲡ ϣⲟⲣⲡ̅ ⲛ̅ ⲧⲣⲓⲡⲛⲉⲩⲙⲁ ⲧⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲙ̅ ⲡ ⲙⲁϩ ⲥⲛⲁⲩ ⲛ̅ ⲧⲣⲓⲡⲛⲉⲩⲙⲁⲧⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡ ϫⲟⲩⲧ ⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲧⲣⲓⲡⲛⲉⲩⲙⲁⲧⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲙ̅ ⲡ ⲙⲁϩ ϣⲟⲙⲧ̅ ⲛ̅ ⲧⲣⲓⲡⲛⲉⲩⲙⲁⲧⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡ ϫⲟⲩⲧ ⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ ⲉⲧⲉ ⲛ̅ ⲧⲟⲟⲩ ⲛⲉ ⲡ ϫⲟⲩⲧ ⲁϥⲧⲉ ⲛ̅ ⲭⲱⲣⲏⲙⲁ ⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲧⲣⲓⲡⲛⲉⲩ ⲙⲁⲧⲟⲥ ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁ ⲧⲱⲣ ·

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡ ϯⲟⲩ ⲛ̅ ϣⲏⲛ ⲙ̅ ⲡ ϣⲟⲣⲡ̅ ⲛ̅ ⲧⲣⲓⲡⲛⲉⲩⲙⲁⲧⲟⲥ ⲁⲩⲱ ⲉⲧⲃⲉ ⲟⲩ ⲁ ⲩ ⲥⲟⲣ ⲟⲩ ⲉⲃⲟⲗ ⲉ ⲩ ⲁϩⲉ ⲣⲁⲧ ⲟⲩ ⲛ̅ ⲥⲁ ⲛⲉⲩ ⲉⲣⲏⲩ ⲁⲩⲱ ⲟⲛ ⲉ ⲩ ⲙⲏⲣ ⲉ ϩⲟⲩⲛ ⲉ ⲛⲉⲩ ⲉⲣⲏⲩ ⲙⲛ̅ ⲛⲉⲩ ⲧⲁⲝⲓⲥ ⲧⲏⲣ ⲟⲩ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ : ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡ ϯⲟⲩ ⲛ̅ ϣⲏⲛ ⲙ̅ ⲡ ⲙⲁϩ ⲥⲛⲁⲩ ⲛ̅ ⲧⲣⲓⲡⲛⲉⲩⲙⲁⲧⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲡ ϯⲟⲩ ⲛ̅ ϣⲏⲛ ⲙ̅ ⲡ ⲙⲁϩϣⲟⲙ̅ⲛⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲛⲉ ⲡⲣⲟⲁⲭⲱⲣⲏⲧⲟⲥ ⲙ̅ ⲡ ϣⲟⲣⲡ̅ ⲛ̅ ⲧⲣⲓⲡⲛⲉⲩⲙⲁⲧⲟⲥ

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲛⲉ ⲡⲣⲟⲁⲭⲱⲣⲏ ⲧⲟⲥ ⲙ̅ ⲡ ⲙⲉϩ ⲥⲛⲁⲩ ⲛ̅ ⲧⲣⲓⲡⲛⲉⲩⲙⲁⲧⲟⲥ .

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲕⲩⲗⲗⲓ ⲙ̅ⲙⲟ ⲟⲩ ⲛ̅ϭⲓ ⲛⲉ ⲡⲣⲟⲁⲭⲱⲣⲏⲧⲟⲥ ⲧⲏⲣ ⲟⲩ ⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲛ̅ ⲛⲓ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲓ ⲙ̅ⲙⲟ ϥ ⲛ̅ϭⲓ ⲡ ϣⲟⲣⲡ̅ ⲛ̅ ⲧⲣⲓⲡⲛⲉⲩ ⲙⲁⲧⲟⲥ ϫⲓⲛ ⲡ ⲉⲥⲏⲧ ⲛⲁⲓ̈ ⲉⲧⲏⲡ' ⲉ ⲛ ⲧⲁⲝⲓⲥ ⲙ̅ ⲡⲓ ⲟⲩⲁ ⲛ̅ ⲟⲩⲱⲧ ⲡⲓ ⲁⲧ ϣⲁϫⲉ ⲉⲣⲟ ϥ .

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲙ̅ ⲡ ⲙⲙ̇ⲁϩⲥⲛⲁⲩ ⲛ̅ ⲧⲣⲓⲡⲛⲉⲩⲙⲁ ⲧⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲓ ⲙ̅ⲙⲟ ϥ ⲛ̅ϭⲓ ⲡ ⲙⲉϩ ϣⲟⲙⲛ̅ⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ ⲉⲧⲉ ⲛ̅ⲧⲟϥ ⲡⲉ ⲡ ϣⲟⲣⲡ̅ ⲛ̅ ⲧⲣⲓ ⲡⲛⲉⲩⲙⲁⲧⲟⲥ ϫⲓⲛ ⲡ ϫⲓⲥⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ⲡⲣⲟⲉⲗⲑⲉ ⲉⲃⲟⲗ ϩⲙ̅ ⲡ ⲙⲉϩ ⲥ̇ⲛ̇ⲁ̇ⲩ̇ ⲙⲛ̅ⲧ ⲥⲛⲟⲟⲩⲥ ⲙ̅ⲡⲣⲟⲧⲣⲓⲡⲛⲉⲩ ⲙⲁⲧⲟⲥ ⲡⲁⲓ̈ ⲉⲧ ϩⲙ̅ ⲡ ϩⲁⲉ ⲛ̅ ⲧⲟⲡⲟⲥ ⲛ̅ ⲧⲉⲛ ⲁⲡⲁⲧⲱⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ⲥⲱⲣ ⲉⲃⲟⲗ ⲛ̅ϭⲓ ⲛ̅ ⲧⲟⲡⲟⲥ ⲧⲏⲣ ⲟⲩ ⲉⲧ ϩⲙ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲙⲛ̅ ⲛ ⲉⲧ ⲛ̅ϩⲏⲧ ⲟⲩ ⲧⲏⲣ ⲟⲩ ·

ⲁⲩⲱ ⲉⲧⲃⲉ ⲟⲩ ⲁ ⲩ ⲡⲣⲟⲉⲗⲑⲉ ⲉⲃⲟⲗ ϩⲙ̅ ⲡ ϩⲁⲉ ⲙ̅ ⲙⲉⲗⲟⲥ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ : ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ⲙ̅ⲙⲟ ϥ ⲙ̅ⲙⲓⲛⲙ̅ⲙⲟ ϥ ϫⲉ ⲉⲧⲃⲉ ⲟⲩ ⲁ ϥ ⲥⲕⲩⲗⲗⲓ ⲙ̅ⲙⲟ ϥ ⲙ̇ⲙ̇ⲓ̇ⲛ̇ⲙ̇ⲙ̇ⲟ̇ ϥ̇ ⲉ ⲧⲣⲉ ϥ ⲡⲣⲟⲉⲗⲑⲉ ⲉⲃⲟⲗ ϩⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲧⲉ ⲛ̅ⲧⲟϥ ⲡ ⲉⲧ ⲁⲣⲭⲓ ⲉϩⲣⲁⲓ̈ ⲉϫⲱ ⲟⲩ ⲧⲏⲣ ⲟⲩ ⲁⲩⲱ ⲛ̅ⲧⲟϥ ⲡ ⲉⲛ̅ⲧ ⲁ ϥ ⲥⲟⲣ ⲟⲩ ⲉⲃⲟⲗ ⲧⲏⲣ ⲟⲩ ⲕⲁⲧⲁ ⲛⲉⲩ ⲧⲁⲝⲓⲥ ·

ⲛⲁⲓ̈ ϭⲉ ⲧⲏⲣ ⲟⲩ ϯ ⲛⲁ ϫⲟⲟⲩ ⲉⲣⲱ ⲧⲛ̅ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ · ϩⲁⲡⲁⲝ ϩⲁⲡⲗⲱⲥ ⲛ ⲉⲛⲧ ⲁ ⲓ̈ ϫⲟⲟⲩ ⲉⲣⲱ ⲧⲛ̅ ⲧⲏⲣ ⲟⲩ ⲛ ⲉⲧ ⲛⲁ ϣⲱⲡⲉ ⲙⲛ̅ ⲛ ⲉⲧ ⲛⲁ ⲉⲓ̅ .

ⲛⲁⲓ̈ ⲉⲧ ⲡⲣⲟⲃⲁⲗⲉ ⲁⲩⲱ ⲉⲧ ⲡⲣⲟⲉⲗⲑⲉ · ⲁⲩⲱ ⲙⲛ̅ ⲛⲉⲧⲛ̅ ⲃⲟⲗ ϩⲓϫⲱ ⲟⲩ ⲁⲩⲱ ⲙⲛ̅ ⲛ ⲉⲧ ⲣⲏⲧ ϩⲣⲁⲓ̈ ⲛ̅ ϩⲏⲧ ⲟⲩ ⲛⲁⲓ̈ ⲉⲧ ⲛⲁⲭⲱⲣⲉⲓ ⲉ ⲡ ⲙⲁ ⲙ̅ ⲡ ϣⲱⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲙⲛ̅ ⲛ ⲉⲧ ϩⲛ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲛⲁⲓ̈ ⲉ ϯ ⲛⲁ ϫⲟⲟⲩ ⲉⲣⲱ ⲧⲛ̅ ⲉⲃⲟⲗ ϫⲉ ϯ ⲛⲁ ϭⲟⲗⲡ ⲟⲩ ⲛⲏ ⲧⲛ̅ ⲉⲃⲟⲗ · ⲁⲩⲱ ϯ ⲛⲁ ϫⲟⲟⲩ ⲉ ⲣⲱ ⲧⲛ̅ ⲕⲁ ⲧⲁ ⲧⲟⲡⲟⲥ · ⲁⲩⲱ ⲕⲁⲧⲁ ⲧⲁⲝⲓⲥ ⲉϩⲣⲁⲓ̈ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ·

ⲁⲩⲱ ϯ ⲛⲁ ϭⲱⲗⲡ̅ ⲛⲏ ⲧⲛ̅ ⲉⲃⲟⲗ ⲛ̅ ⲛⲉⲩ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲉ ⲧⲁ ⲣ ϫⲓ ⲉϩⲣⲁⲓ̈ ϫⲱ ⲟⲩ ⲧⲏⲣ ⲟⲩ ⲙⲛ̅ ⲛⲉⲩ ⲡⲣⲟⲧⲣⲓⲡⲛⲉⲩⲙⲁⲧⲟⲥ ⲙⲛ̅ ⲛⲉⲩ ϩⲩⲡⲉⲣ ⲧⲣⲓⲡⲛⲉⲩⲙⲁⲧⲟⲥ · ⲡⲁⲓ̈ ⲉ ⲧⲁⲣϫⲓⲉϫⲛ̅ⲛⲉⲩ ⲙⲩⲥⲧⲏⲣⲓⲟⲛ ⲙⲛ̅ ⲛⲉⲩ ⲧⲁⲝⲓⲥ · ⲧⲉⲛⲟⲩ ϭⲉ ⲟⲩⲛ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲛⲁⲓ̈ ⲧⲏⲣ ⲟⲩ ϣⲱⲡⲉ ⲛ̅ ⲛ ⲉⲛⲧ ⲁ ⲓ̈ ϫⲟⲟⲩ ⲁⲩⲱ ϩⲛ̅ ⲟⲩ ⲡⲁⲣϩⲏⲥⲓⲁ ⲛ̅ ⲧ ⲁⲛⲁⲓ̈ ⲧⲏⲣ ⲟⲩ ϣⲱⲡⲉ ⲉⲧⲃⲏⲏⲧ ϥ̅ ·

ⲁⲩⲱ ⲛ̅ⲧⲟϥ ⲡⲉ ⲡ ⲙⲩⲥⲧⲏⲣⲓⲟⲛ ⲉ ⲧ ϩⲛ̅ⲛⲁ ⲓ̈ ⲧⲏⲣ ⲟⲩ ⲁⲩⲱ ⲛ̅ⲧⲟϥ ⲡⲉ ⲡⲉⲩⲉⲓ̅ⲃⲟⲗ ⲧⲏⲣ ⲟⲩ ·

ⲁⲩⲱ ⲛⲧⲟϥ ⲡⲉ ⲡⲉⲩⲱⲗ' ⲉϩⲣⲁⲓ̈ ⲧⲏⲣ ⲟⲩ · ⲁⲩⲱ ⲛ̅ⲧⲟϥ ⲡⲉ ⲡⲉⲩ ⲧⲁϩⲟ ⲉⲣⲁⲧ ϥ ⲧⲏⲣ ⲟⲩ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲛ̅ⲧⲟϥ ⲡⲉ ⲡ ⲙⲩⲥⲧⲏⲣⲓⲟⲛ ⲉ ⲧ ϩⲛ̅ⲛⲁ ⲓ̈ ⲧⲏⲣ ⲟⲩ ⲛ̅ⲧ ⲁ ⲓ̈ ϫⲟⲟ ⲩ ⲉⲣⲱ ⲧⲛ̅ · ⲁⲩⲱ ⲙⲛ̅ ⲛ ⲉ ϯ ⲛⲁ ϫⲟⲟ ⲩ ⲉⲣⲱ ⲧⲛ̅ ϩⲣⲁⲓ̈ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ·

ⲁⲩⲱ ⲛ̅ⲧⲟϥ ⲡⲉ ⲡ ⲙⲩⲥⲧⲏⲣⲓⲟⲛ ⲉ ⲧ ϩⲛ̅ⲛⲁ ⲓ̈ ⲧⲏⲣ ⲟⲩ ·

ⲁⲩⲱ ⲛ̅ⲧⲟϥ ⲡⲉ ⲡ ⲙⲩⲥⲧⲏⲣⲓⲟⲛ ⲛ̅ ⲟⲩⲱⲧ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ : ⲁⲩⲱ ⲡ ⲥⲟⲟⲩⲛ ⲛ̅ ⲛⲁⲓ̈ ⲧⲏⲣ ⲟⲩ ⲛ̅ⲧ ⲁ ⲓ̈ ϫⲟⲟ ⲩ ⲉⲣⲱ ⲧⲛ̅ ⲁⲩⲱ ⲙⲛ̅ ⲛ ⲉ ϯ ⲛⲁ ϫⲟⲟ ⲩ ⲉⲣⲱ ⲧⲛ̅ · ⲙⲛ̅ ⲛ ⲉⲧⲉ ⲙ̅ⲡⲓ ϫⲟⲟⲩ ⲉⲣⲱ ⲧⲛ̅ ⲛⲁ ⲓ̈ ϯ ⲛⲁ ϫⲟⲟⲩ ⲉⲣⲱ ⲧⲛ̅ ⲧⲏⲣ ⲟⲩ ϩⲣⲁⲓ̈ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ ⲙⲛ̅ ⲡⲉⲩ ⲥⲟⲟⲩⲛ ⲧⲏⲣ ϥ̅ ϩⲓ ⲛⲉⲩ ⲉⲣⲏⲩ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ·

ⲛ̅ⲧⲟϥ ⲡⲉ ⲡⲓ ϣⲁϫⲉ ⲛ̅ ⲟⲩⲱⲧ ⲛ̅ⲧⲉ ⲡⲓ ⲁⲧ ϣⲁϫⲉ ⲉ ⲣⲟ ϥ ·

ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲥⲱⲣ ⲉⲃⲟⲗ ⲛ̅ ⲛⲉⲩ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲙⲛ̅ ⲛ̅ ⲧⲩⲡⲟⲥ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲙⲛ̅ ⲑ ⲉ ⲛ̅ ϫⲟⲕ ⲟⲩ ⲉⲃⲟⲗ ϩⲛ̅ ⲛⲉⲩ ⲥⲭⲏⲙⲁ ⲧⲏⲣ ⲟⲩ ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲟⲩⲁ ⲛ̅ ⲟⲩⲱⲧ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲙⲛ̅ ⲛⲉϥ ⲧⲩⲡⲟⲥ ⲧⲏⲣ ⲟⲩ ⲙⲛ̅ ⲛⲉϥ ⲥⲭⲏⲙⲁ ⲧⲏⲣ ⲟⲩ ⲁⲩⲱ ⲙⲛ̅ ⲧⲉϥ ⲟⲓⲕⲟⲛⲟⲙⲓⲁ ⲧⲏⲣ ⲥ̅ ϫⲉ ⲉⲧⲃⲉ ⲟⲩ ⲣⲱ ⲁ ϥ ⲡⲣⲟⲉⲗⲑⲉ ⲉⲃⲟⲗ ϩⲙ̅ ⲡ ϩⲁⲉ ⲙ̅ ⲙⲉⲗⲟⲥ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲃⲟⲗ ϫⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲡⲉ ⲡⲉⲩ ⲧⲁϩⲟ ⲉⲣⲁⲧ ϥ̅ ⲧⲏ ⲣ ⲟⲩ ·

ⲁⲩⲱ ⲡ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲧ ⲙ̅ⲙⲁⲩ ⲟⲩ ϣⲁϫⲉ ⲟⲛ ⲛ̅ ⲟⲩⲱⲧ ⲡⲉ ⲡ ⲕⲉⲧ ⲉ ϥ ϣⲟⲟⲡ ϩⲛ̅ ⲧ ⲁⲥⲡⲉ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲁⲩⲱ ⲛ̅ⲧⲟϥ ⲡⲉ ⲧ ⲟⲓⲕⲟⲛⲟ ⲙⲓⲁ ⲙ̅ ⲡ ⲃⲱⲗ ⲛ̅ ϣⲁϫⲉ ⲛⲓⲙ ⲛ̅ⲧ ⲁ ⲓ̈ ϫⲟⲟ ⲩ ⲉⲣⲱ ⲧⲛ̅ ·

ⲁⲩⲱ ⲡ ⲉⲧ ⲛⲁ ϫⲓ ⲙ̅ ⲡ ϣⲁϫⲉ ⲛ̅ ⲟⲩⲱⲧ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲡⲁⲓ̈ ⲉ ϯ ⲛⲁ ϫⲟⲟ ϥ ⲉⲣⲱ ⲧⲛ̅ ⲧⲉⲛⲟⲩ ⲙⲛ̅ ⲛⲉϥ ⲧⲩⲡⲟⲥ ⲧⲏⲣ ⲟⲩ ⲙⲛ̅ ⲛⲉϥ ⲥⲭⲏⲙⲁ ⲧⲏⲣ ⲟⲩ ⲙⲛ̅ ⲑ ⲉ ⲛ̅ ϫⲱⲕ' ⲉⲃⲟⲗ ⲙ̅ ⲡⲉϥ ⲙⲩⲥⲧⲏⲣⲓⲟⲛ ⲉⲃⲟⲗ ϫⲉ ⲛ̅ⲧⲱⲧⲛ̅ ⲛⲉ ⲛ̅ ⲧⲉⲗⲓⲟⲥ ⲙ̅ ⲡⲁⲛ̅ⲧⲉⲗⲓⲟⲥ ⲁⲩⲱ ⲛ̅ⲧⲱⲧⲛ̅ ⲡ ⲉⲧ ⲛⲁ ϫⲱⲕ ⲉⲃⲟⲗ ⲙ̅ ⲡ ⲥⲟ ⲟⲩⲛ ⲧⲏⲣ ϥ̅ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲙⲛ̅ ⲧⲉϥ ⲟⲓⲕⲟⲛⲟ ⲙⲓⲁ ⲧⲏⲣ ⲥ̅ ⲙⲛ̅ ⲡ̇ⲉ̇ϥ̇ ϫⲉ ⲛ̅ⲧⲱⲧⲛ̅ ⲡ ⲉⲛⲧ ⲁ ⲩ ⲧⲁⲛϩⲉⲧ ⲧⲏⲩⲧⲛ̅ ⲉ ⲙⲩⲥⲧⲏⲣⲓⲟⲛ ⲛⲓⲙ :

ⲥⲱⲧⲙ̅ ϭⲉ ⲧⲉⲛⲟⲩ ⲧⲁ ϫⲱ ⲉ ⲣⲱ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲉⲧⲉ ⲡⲁⲓ̈ ⲡⲉ : ⲡ ⲉⲧ ⲛⲁ ϫⲓ ϭⲉ ⲙ̅ ⲡ ϣⲁϫⲉ ⲛ̅ ⲟⲩⲱⲧ ⲙ̅ ⲡ ⲙⲩⲥⲧⲏⲣⲓⲟⲛ ⲡⲁⲓ̈ ⲛ̅ⲧ ⲁ ⲓ̈ ϫⲟⲟ ϥ ⲉⲣⲱ ⲧⲛ̅ ⲉϥϣⲁⲛ ⲉⲓ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ ⲛ̅ ⲛ̅ ⲁⲣⲭⲱⲛ ·

ⲛ̅ ⲥⲉ ⲉⲓ ⲛ̅ϭⲓ ⲙ̅ⲡⲁⲣⲁⲗⲏⲙ ⲧⲏⲥ ⲛⲉⲣⲓⲛⲁⲓⲟⲥ ⲛ̅ ⲥⲉ ⲃⲟⲗ ϥ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ ⲛ̅ ⲛ̅ ⲁⲣⲭⲱⲛ ⲛ̅ⲧⲉ ⲙ̅ ⲡⲁⲣⲁⲗⲏⲙⲧⲏⲥ ⲛ̅ ⲉⲣⲓ ⲛⲁⲓⲟⲥ ⲉⲧⲉ ⲛ̅ ⲧⲟⲟⲩ ⲡⲉ ⲉ ϣⲁ ⲩ ⲃⲱⲗ ⲉⲃⲟⲗ ⲙ̅ ⲡ ⲯⲩⲭⲏ ⲛⲓⲙ ⲉⲧ ⲛⲏⲩ ⲉⲃⲟⲗ ϩⲙ̅ ⲡ ⲥⲱⲙⲁ ·

ⲉϣⲱⲡⲉ ϭⲉ ⲉⲣϣⲁⲛ ⲛ̅ ⲡⲁⲣⲁⲗⲏⲙⲧⲏⲥ ⲛ̅ⲉⲣⲓⲛⲁⲓⲟⲥ ⲉⲩϣⲁⲛ ⲃⲱⲗ ⲉⲃⲟⲗ ⲛ̅ ⲧⲉ ⲯⲩⲭⲏ ⲉⲛⲧ ⲁ ⲥ ϫⲓ ⲙ̅ ⲡⲉⲓ̈ ⲙⲩⲥⲧⲏⲣⲓⲟⲛ ⲛ̅ ⲟⲩⲱⲧ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ⲡⲁⲓ̈ ⲛ̅ⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ϥ ⲉⲣⲱ ⲧⲛ̅ ⲧⲉⲛⲟⲩ ⲁⲩⲱ ϩⲛ̅ ⲧⲉ ⲩⲛⲟⲩ ⲉⲧ ⲟⲩ ⲛⲁ ⲃⲟⲗ ⲥ̅ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑⲩⲗⲏⲥ ⲛⲁ ⲣ̅ ⲟⲩ ⲛⲟϭ ⲛ̅ ⲁⲡⲟⲣ ⲣⲟⲓⲁ ⲛ̅ ⲟⲩⲟⲉⲓⲛ ϩⲣⲁⲓ̈ ϩⲛ̅ ⲧ ⲙⲏⲧⲉ ⲛ̅ⲙ̅ ⲡⲁⲣⲁⲗⲏⲙⲧⲏⲥ ⲉⲧ ⲙ̅ⲙⲁⲩ ·

ⲁⲩⲱ ⲥⲉ ⲛⲁ ⲣ̅ ϩⲟⲧⲉ ⲉⲙⲁϣⲟ ⲛ̅ϭⲓ ⲡⲁⲣⲁ ⲗⲏⲙⲡⲧⲏⲥ ϩⲏⲧ ϥ̅ ⲙ̅ ⲡ ⲟⲩⲟⲉⲓⲛ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ·

ⲁⲩⲱ ⲥⲉ ⲛⲁ ⲥⲱϣⲙ̅ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲛ̅ ⲥⲉ ϩⲉ ⲛ̅ ⲥⲉ ⲕⲁ ⲧⲟⲟⲧ ⲟⲩ ⲉⲃⲟⲗ ⲉ ⲡ ⲧⲏⲣ ϥ̅ · ⲉⲃⲟⲗ ϩⲛ̅ ϩⲟⲧⲉ ⲙ̅ ⲡ ⲛⲟϭ ⲛ̅ ⲟⲩⲟⲉⲓⲛ ⲉⲛⲧ ⲁ ⲩ ⲛⲁⲩ ⲉⲣⲟ ϥ ·

ⲁⲩⲱ ⲧⲉ ⲯⲩⲭⲏ ⲉⲧ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲥ ⲛⲁ ϩⲱⲗ ⲉ ⲡ ϫⲓⲥⲉ ⲉ ⲥ ⲟ ⲛ̅ ⲟⲩ ⲛⲟϭ ⲛ̅ ⲁⲡⲟⲣⲣⲟⲓⲁ ⲛ̅ ⲟⲩⲟ ⲉⲓⲛ .

ⲁⲩⲱ ⲛ̅ ⲥⲉ ⲛⲁ ϣ ⲧⲁϩⲟ ⲥ ⲁⲛ ⲛ̅ϭⲓ ⲙ̅ ⲡⲁⲣⲁⲗⲏⲙⲡⲧⲏⲥ ⲁⲩⲱ ⲛ̅ ⲥⲉ ⲛⲁ ⲉⲓⲙⲉ ⲁⲛ ϫⲉ ⲁϣ ⲧⲉ ⲧⲉ ϩⲓⲏ ⲉⲧ ⲥ̅ ⲛⲁ ⲃⲱⲕ ⲛ̅ϩⲏⲧ ⲥ̅ ⲉⲃⲟⲗ ϫⲉ ϣⲁ ⲥ ⲣ̅ ⲟⲩ ⲛⲟϭ ϣⲗⲓϭ ⲛ̅ ⲟⲩⲟⲉⲓⲛ ⲛ̅ ⲥ̅ ϩⲱⲗ ⲉ ⲡ ϫⲓⲥⲉ ⲁⲩⲱ ⲙⲉⲣⲉ ⲗⲁⲁⲩ ⲛ̅ ⲇⲩⲛⲁⲙⲓⲥ ⲉϣ ϭⲙ̅ϭⲟⲙ ⲉ ⲕⲁⲧⲉⲭⲉ ⲙ̅ⲙⲟ ⲥ ⲉ ⲡ ⲧⲏⲣ ϥ̅ · ⲟⲩⲇⲉ ⲣⲱ ⲛ̅ⲛⲉ ⲩ ⲉϣ ϩⲱⲛ ⲉⲣⲟ ϥ ⲉ ⲡ ⲧⲏⲣ ϥ̅ ·

ⲁⲗⲗⲁ ϣⲁ ⲥ ϫⲱⲧⲉ ⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲧⲉⲛ̅ ⲁⲣⲭⲱⲛ ⲙⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲟⲩⲟⲉⲓⲛ ⲁⲩⲱ ⲙⲉ ⲥ ϯ ⲁⲡⲟⲫⲁⲥⲓⲥ ϩⲛ̅ ⲗⲁⲁⲩ ⲛ̅ ⲧⲟⲡⲟⲥ · ⲟⲩⲇⲉ ⲙⲉ ⲥϯⲁⲡⲟ ⲗⲟⲅⲓⲁ · ⲟⲩⲇⲉ ⲙⲉⲥϯⲥⲩⲙⲃⲟⲩⲗⲟⲛ ·

ⲟⲩⲇⲉ ⲅⲁⲣ ⲛ̅ ⲛⲉ ϣ ⲗⲁⲁⲩ ⲛ̅ ϭⲟⲙ ⲛ̅ ⲧⲉⲛ̅ ⲁⲣⲭⲱⲛ ⲟⲩⲇⲉ ⲛ̅ ⲛⲉ ϣ ⲗⲁⲁⲩ ⲛ̅ ϭⲟⲙ ⲛⲧⲉ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲟⲩⲟⲉⲓⲛ ⲛ̅ ⲛⲉ ⲩ ⲉϣ ϩⲱⲛ ⲉϩⲟⲩⲛ ⲉ ⲧⲉ ⲯⲩⲭⲏ ⲉⲧ ⲙ̅ⲙⲁⲩ ·

ⲁⲗⲗⲁ ϣⲁⲣⲉ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲧⲉⲛ ⲁⲣⲭⲱⲛ ⲙⲛ̅ ⲛ ⲧⲟ ⲡⲟⲥ ⲧⲏⲣ ⲟⲩ ⲛ̅ⲧⲉ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲟⲩⲟⲉⲓⲛ ϣⲁⲣⲉ ⲡ ⲟⲩⲁ ⲡ ⲟⲩⲁ ϩⲩⲙⲛⲉⲩⲉ ⲉⲣⲟ ⲥ ϩⲛ̅ ⲛⲉⲩ ⲧⲟⲡⲟⲥ ⲉ ⲩ ⲟ ⲛ̅ ϩⲟⲧⲉ ϩⲏⲧ ϥ̅ ⲙ̅ ⲡ ⲟⲩⲟⲉⲓⲛ ⲛ̅ ⲧ ⲁⲡⲟⲣⲣⲟⲓⲁ ⲉⲧ ϭⲟⲟⲗⲉ ⲛ̅ ⲧⲉ ⲯⲩⲭⲏ ⲉⲧ ⲙ̅ⲙⲁⲩ · ϩⲉⲱⲥ ϣⲁⲛⲧ ⲥ̅ ϫⲱⲧⲉ ⲙ̅ⲙⲟ ⲟⲩ ⲧⲏⲣ ⲟⲩ ⲛ ⲥ̅ ⲃⲱⲕ ⲉ ⲡ ⲧⲟⲡⲟⲥ ⲛ̅ ⲧⲉ ⲕⲗⲏⲣⲟⲛⲟⲙⲓⲁ ⲛ̅ⲧⲉ ⲡ ⲙⲩⲥⲧⲏⲣⲓⲟⲛ ⲛ̅ⲧ ⲁ ⲥ ϫⲓⲧ ϥ̅ ⲉⲧⲉ ⲛ̅ⲧⲟϥ ⲡⲉ ⲡ ⲙⲩⲥ ⲧⲏⲣⲓⲟⲛ ⲙ̅ ⲡⲓ ⲟⲩⲁ ⲛ̅ ⲟⲩⲱⲧ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲛ ⲥ̅ ϣⲱⲡⲉ ⲉ ⲥ ϩⲟⲧⲣ̅ ⲉϩⲟⲩⲛ ⲉ ⲛⲉϥ ⲙⲉⲗⲟⲥ ·

ϩⲁ ⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲉ ⲥ ⲛⲁ ϣⲱⲡⲉ ϩⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲙ̅ ⲡ ⲕⲟⲟⲩ ⲛ̅ⲧⲉ ⲟⲩ ⲣⲱⲙⲉ ⲛⲟⲩϫⲉ ⲛ̅ ⲟⲩ ⲥⲟⲧⲉ ·

ⲧⲉⲛⲟⲩ ϭⲉ ⲟⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲣⲱⲙⲉ ⲛⲓⲙ ⲉⲧ ⲛⲁ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲛ ϥ̅ ϫⲟⲕ ϥ̅ ⲉⲃⲟⲗ ϩⲛ̅ ⲛⲉϥ ⲧⲩⲡⲟⲥ ⲧⲏⲣ ⲟⲩ ⲙⲛ̅ ⲛⲉϥ ⲥⲭⲏⲙⲁ ⲧⲏⲣ ⲟⲩ · ⲟⲩ ⲣⲱⲙⲉ ⲡⲉ ⲉ ϥ ϩⲙ̅ ⲡ ⲕⲟⲥⲙⲟⲥ · ⲁⲗⲗⲁ ϥ ⲟⲩⲟⲧⲃ̅ ⲉ ⲛ ⲁⲅⲅⲉⲗⲟⲥ ⲧⲏⲣ ⲟⲩ · ⲁⲩⲱ ϥ ⲛⲁ ⲟⲩⲱⲧⲃ̅ ⲛ̅ ϩⲟⲩⲟ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛ ⲁⲣ ⲭⲁⲅⲅⲉⲗⲟⲥ ⲧⲏⲣ ⲟⲩ · ⲁⲩⲱ ϥ ⲡⲁ ⲟⲩⲱⲧⲃ̅ ⲟⲛ ⲛ̅ ϩⲟⲩⲟ ⲉ ⲣⲟ ⲟⲩ ⲧⲏⲣ ⲟⲩ :

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛ ⲧⲩⲣⲁⲛⲛⲟⲥ ⲧⲏⲣ ⲟⲩ · ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥ ⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛ̅ ϫⲟⲉⲓⲥ ⲧⲏⲣ ⲟⲩ ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ :

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥ ⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛ̅ ⲛⲟⲩⲧⲉ ⲧⲏⲣ ⲟⲩ · ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥ ⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛⲉ ⲫⲱⲥⲧⲏⲣ ⲧⲏⲣ ⲟⲩ ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲛ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛ ϩⲓⲗⲓⲕⲣⲓⲛⲉⲥ ⲧⲏⲣ ⲟⲩ ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛⲉ ⲧⲣⲓⲇⲩⲛⲁⲙⲓⲥ ⲧⲏⲣ ⲟⲩ · ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛⲉ ⲡⲣⲟⲡⲁ ⲧⲱⲣ ⲧⲏⲣ ⲟⲩ ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛ ⲁϩⲟⲣⲁⲧⲟⲥ ⲧⲏⲣ ⲟⲩ ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲡ ⲛⲟϭ ⲛ̅ ⲁϩⲟⲣⲁⲧⲟⲥ ⲁⲩⲱ ϥ ⲛⲁ ϫⲓⲥⲉ ⲟⲛ ⲉⲣⲟ ϥ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛⲁ ⲧ ⲙⲉⲥⲟⲥ ⲧⲏⲣ ⲟⲩ ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲛⲉ ⲡⲣⲟⲃⲟⲗⲟⲟⲩⲉ ⲛ̅ⲧⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ⲁⲩⲱ ϥ ⲛⲁ ϫⲓⲥⲉ ⲉⲣⲟ ⲟⲩ ⲧⲏⲣ ⲟⲩ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲡⲕ ⲉⲣⲁⲥⲙⲟⲥ ⲁⲩⲱ ϥ ⲛⲁ ϫⲓⲥⲉ ⲉⲣⲟ ϥ ⲧⲏⲣ ϥ̅ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲛ̅ ⲡ ⲕⲟⲥ ⲙⲟⲥ ⲁⲗⲗⲁ ϥ ⲟⲩⲟⲧⲃ̅ ⲉ ⲡ ⲧⲟⲡⲟⲥ ⲧⲏⲣ ϥ̅ ⲙ̅ ⲡⲉ ⲑⲏⲥⲁⲩⲣⲟⲥ ⲁⲩⲱ ϥ ⲛⲁ ϫⲓⲥⲉ ⲉⲣⲟ ϥ ⲧⲏⲣ ϥ̅ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲛ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲛⲁ ⲣ̅ ⲣ̅ⲣⲟ ⲛⲙ̅ⲙⲁ ⲓ̈ ϩⲛ̅ ⲧⲁ ⲙⲛ̅ⲧ̅ ⲉⲣⲟ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ϥ ⲟ ⲛ̅ ⲣ̅ⲣⲟ ϩⲙ̅ ⲡ ⲟⲩⲟⲉⲓⲛ ·

ⲟⲩ ⲣⲱⲙⲉ ⲡⲉ ⲉ ϥ ϩⲓϫⲙ̅ ⲡ ⲕⲟⲥⲙⲟⲥ ⲁⲗⲗⲁ ⲛ̅ ⲟⲩ ⲉⲃⲟⲗ ϩⲙ̅ ⲡ ⲕⲟⲥⲙⲟⲥ ⲁⲛ ⲡⲉ : ⲁⲩⲱ ϩⲁⲙⲏⲛ ϯ ϫⲱ ⲙ̅ ⲙⲟ ⲥ ⲛⲏ ⲧⲛ̅ ϫⲉ ⲡ ⲣⲱⲙⲉ ⲉⲧ ⲙ̅ⲙⲁⲩ ⲡⲉ ⲁⲛⲟⲕ ⲁⲩⲱ ⲁⲛⲟⲕ ⲡⲉ ⲡ ⲣⲱⲙⲉ ⲉⲧ ⲙ̅ⲙⲁⲩ · ⲁⲩⲱ ϩⲣⲁⲓ̈ ϩⲛ̅ ⲡ ⲃⲱⲗ ⲉⲃⲟⲗ ⲙ̅ ⲡ ⲕⲟⲥⲙⲟⲥ ⲉⲧⲉ ⲡⲁⲓ̈ ⲡⲉ ⲉⲣϣⲁⲛ ⲡ ⲧⲏⲣ ϥ̅ ⲱⲗ' ⲉϩⲣⲁⲓ̈ ·

ⲁⲩⲱ ⲉⲩϣⲁⲛ ⲱⲗ ⲉϩⲣⲁⲓ̈ ⲧⲏⲣ ⲟⲩ ⲛ̅ϭⲓ ⲡ ⲁⲣⲓⲑⲙⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲥ · ⲁⲩⲱ ⲛ̅ ⲧⲁ ϣⲱⲡⲉ ⲉ ⲓ̈ ⲟ ⲛ̅ ⲣ̅ⲣⲟ ϩⲛ̅ ⲧ ⲙⲏⲧⲉ ⲙ̅ ⲡ ϩⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲉ ⲓ̈ ⲟ ⲛ̅ ⲣ̅ⲣⲟ ⲉϩⲣⲁⲓ̈ ⲉϫⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲟⲩⲟⲉⲓⲛ · ⲁⲩⲱ ⲉ ⲓ̈ ⲟ ⲛ̅ ⲣ̅ⲣⲟ ⲉϩⲣⲁⲓ̈ ⲉϫⲙ̅ ⲡ ⲥⲁϣϥ̅ ⲛ̅ ϩⲁⲙⲏⲛ · ⲙⲛ̅ ⲡ ϯⲟⲩ ⲛ̅ ϣⲏⲛ · ⲙⲛ̅ ⲡ ϣⲟⲙⲛ̅ⲧ ⲛ̅ ϩⲁⲙⲏⲛ̅ · ⲙⲛ̅ ⲡⲉ ⲯⲓⲥ ⲙ̅ ⲫⲩⲗⲁⲝ ·

ⲁⲩⲱ ⲉ ⲓ̈ ⲟ ⲛ̅ ⲣ̅ⲣⲟ ⲉϫⲙ̅ ⲡ ⲁⲗⲟⲩ ⲙ̅ ⲡ ⲁⲗⲟⲩ · ⲉⲧ ⲟ ⲛ̅ⲧⲟⲟⲩ ⲛⲉ ⲛ̅ ϩⲁⲧⲣⲉ ⲉⲩ ⲛ̅ ⲥⲱⲧⲏⲣ ·

ⲁⲩⲱ ⲉ ⲓ̈ ⲟ ⲛ̅ ⲣ̅ⲣⲟ ⲉϫⲙ̅ ⲡ ⲙ̅ⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ · ⲙⲛ̅ ⲡ ⲁⲣⲓⲑⲙⲟⲥ ⲧⲏⲣ ϥ̅ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲥ ⲛⲁⲓ̈ ⲉⲧ ⲛⲁ ϫⲓⲙⲩⲥⲧⲏ ⲣⲓⲟⲛ ϩⲙ̅ ⲡ ⲟⲩⲟⲉⲓⲛ ·

ⲁⲩⲱ ⲣⲱⲙⲉ ⲛⲓⲙ ⲉⲧ ⲛⲁ ϫⲓⲙⲩⲥⲧⲏ ⲣⲓⲟⲛ ϩⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲥⲉ ⲛⲁ ϣⲱⲡⲉ ⲛ̅ ϣⲃ̅ⲣⲣ̅ⲣⲟ ⲛ̅ⲙ̅ⲙⲁ ⲓ̈ ⲥⲉ ⲛⲁ ϩⲙⲟⲟⲥ ϩⲓ ⲟⲩⲛⲁⲙ ⲙ̅ⲙⲟ ⲓ̈ ⲁⲩⲱ ϩⲓ ϩⲃⲟⲩⲣ ⲙ̅ⲙⲟ ⲓ̈ ϩⲣⲁⲓ̈ ϩⲛ̅ ⲧⲁ ⲙⲛ̅ⲧ ⲉⲣⲟ ·

ⲁⲩⲱ ϩⲁⲙⲏⲛ ϯ ϫⲱ ⲙ̅ ⲙⲟ ⲥ ⲛⲏ ⲧⲛ̅ ϫⲉ ⲛ̅ ⲣⲱⲙⲉ ⲉⲧ ⲙ̅ⲙⲁⲩ ⲛ̅ⲧⲟⲟⲩ ⲡⲉ ⲁⲛⲟⲕ' ⲁⲩⲱ ⲁⲛⲟⲕ ⲡⲉ ⲛ̅ⲧⲟⲟⲩ ⲉⲧⲃⲉ ⲡⲁⲓ̈ ϭⲉ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉ ⲧ ⲉⲧ ⲛⲁ ϩⲙⲟⲟⲥ ⲉϩⲣⲁⲓ̈ ⲉϫⲛ̅ ⲛⲉⲧⲛ̅ ⲑⲣⲟⲛⲟⲥ ϩⲓ ⲟⲩⲛⲁⲙ ⲙ̅ⲙⲟ ⲓ̈ ⲁⲩⲱ ϩⲓ ϩⲃⲟⲩⲣ ⲙ̅ⲙⲟ ⲓ̈ ϩⲣⲁⲓ̈ ϩⲛ̅ ⲧⲁ ⲙⲛ̅ⲧ ⲉⲣⲟ ·

ⲁⲩⲱ ⲧ ⲉⲧ ⲛⲁ ⲣ̅ ⲣ̅ⲣⲟ ⲛⲙ̅ⲙⲁ ⲓ̈ ⲉⲧⲃⲉ ⲡⲁⲓ̈ ϭⲉ ⲙ̅ ⲡⲓ ϯ ⲥⲟ · ⲟⲩⲇⲉ ⲙ̅ ⲡⲓ ϣⲓⲡⲉ ⲉ ⲓ̈ ⲙⲟⲩⲧⲉ ⲟⲩⲃⲉ ⲧⲏⲩⲧⲛ ϫⲉ ⲛⲁ ⲥⲛⲏⲩ ⲁⲩⲱ ⲛⲁ ϣⲃⲉⲉⲣ : ⲉⲃⲟⲗ ϫⲉ ⲧ ⲉⲧ ⲛⲁ ϣⲱⲡⲉ ⲛ̅ ϣⲃ̅ⲣ̅ⲣ̅ⲣⲟ ⲛⲙ̅ⲙⲁ ⲓ̈ ϩⲣⲁⲓ̈ ϩⲛ̅ ⲧⲁ ⲙ̅ⲛ̅ⲧ ⲉⲣⲟ ·

ⲛⲁⲓ̈ ϭⲉ ⲉ ⲓ̈ ϫⲱ ⲙ̅ⲙⲟ ⲟⲩ ⲉⲣⲱ ⲧⲛ̅ ⲉ ⲓ̈ ⲥⲟⲟⲩⲛ ϫⲉ ϯ ⲛⲁ ϯ ⲛⲏ ⲧⲛ̅ ⲙ̅ ⲡ ⲙⲩⲥⲧⲏ ⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲉⲧⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲡⲉ ⲁⲛⲟⲕ ⲁⲩⲱ ⲁⲛⲟⲕ ⲡⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ·

ⲧⲉ ⲛⲟⲩ ϭⲉ ⲟⲩ ⲙⲟⲛⲟⲛ ⲛ̅ⲧⲱⲧⲛ̅ ⲧ ⲉⲧ ⲛⲁ ⲣ̅ ⲣ̅ⲣⲟ ⲛⲙ̅ⲙⲁ ⲓ̈ ·

ⲁⲗ ⲗⲁ ⲣⲱⲙⲉ ⲛⲓⲙ ⲉⲧ ⲛⲁ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲥⲉ ⲛⲁ ϣⲱⲡⲉ ⲛ̅ ϣⲃ̅ⲣ̅ⲣ̅ⲣⲟ ⲛⲙ̅ⲙⲁ ⲓ̈ ϩⲣⲁⲓ̈ ϩⲛ̅ ⲧⲁ ⲙⲛ̅ⲧ̅ ⲉⲣⲟ ·

ⲁⲩⲱ ⲁⲛⲟⲕ ⲡⲉ ⲛ̅ⲧⲟⲟⲩ · ⲁⲩⲱ ⲛ̅ⲧⲟⲟⲩ ⲡⲉ ⲁⲛⲟⲕ ·

ⲁⲗⲗⲁ ⲡⲁ ⲑⲣⲟⲛⲟⲥ ⲛⲁ ϣⲱⲡⲉ ⲉ ϥ ⲟⲩⲟⲧⲃ̅ ⲉⲣⲟ ⲟⲩ · ⲉⲃⲟⲗ ϫⲉ ⲛ̅ⲧⲱⲧⲛ̅ ⲡ ⲉⲧ ⲛⲁ ϣⲡ̅ ϩⲓⲥⲉ ϩⲙ̅ ⲡ ⲕⲟⲥⲙⲟⲥ ⲡⲁⲣⲁ ⲣⲱⲙⲉ ⲛⲓⲙ ϩⲉⲱⲥ ϣⲁⲛⲧⲉ ⲧⲛ̅ ⲕⲏ ⲣⲩⲥⲥⲉ ⲛ̅ ϣⲁϫⲉ ⲛⲓⲙ ⲉ ϯ ⲛⲁ ϫⲟⲟⲩ ⲉⲣⲱ ⲧⲛ̅ ·

ⲁⲗⲗⲁ ⲛⲉⲧⲛ̅ ⲑⲣⲟⲛⲟⲥ ⲛⲁ ϣⲱⲡⲉ ⲉ ⲩ ⲗⲟϫⲧ̅ ⲉ ⲡⲱⲓ̈ ϩⲣⲁⲓ̈ ϩⲛ̅ ⲧⲁ ⲙ̅ⲛ̅ⲧ ⲉⲣⲟ ·

ⲉⲧⲃⲉ ⲡⲁⲓ̈ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲓ̈ϣ ϫⲉ ⲡ ⲙⲁ ⲉ ϯ ⲛⲁ ϣⲱⲡⲉ ⲙ̅ⲙⲟ ϥ · ⲥⲉ ⲛⲁ ϣⲱⲡⲉ ⲛⲙ̅ⲙⲁ ⲓ̈ ⲛ̅ϭⲓ ⲡⲁⲕⲉ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲇⲓⲁⲕⲱⲛ ·

ⲁⲗⲗⲁ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲙⲛ̅ ⲓ̈ⲱϩⲁⲛⲛⲏⲥ ⲡ̅ ⲡⲁⲣⲑⲉⲛⲟⲥ ⲥⲉ ⲛⲁ ϣⲱⲡⲉ ⲉ ⲩⲟⲩⲧⲃ̅ ⲉ ⲛⲁ ⲙⲁⲑⲏⲧⲏⲥ ⲧⲏⲣ ⲟⲩ ·

ⲁⲩⲱ ⲣⲱⲙⲉ ⲛⲓⲙ ⲉⲧ ⲛⲁ ϫⲓⲙⲩⲥⲧⲏⲣⲓⲟⲛ ϩⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲥⲉ ⲛⲁ ϣⲱⲡⲉ ϩⲓ ϩⲃⲟⲩⲣ ⲙ̅ⲙⲟ ⲓ̈ ⲁⲩⲱ ϩⲓ ⲟⲩⲛⲁⲙ ⲙ̅ⲙⲟ ⲓ̈ . ⲁⲩⲱ ⲁⲛⲟⲕ ⲡⲉ ⲛ̅ⲧⲟⲟⲩ ⲁⲩⲱ ⲛ̅ⲧⲟⲟⲩ ⲡⲉ ⲁⲛⲟⲕ · ⲁⲩⲱ ⲥⲉ ⲛⲁ ϣⲱϣ ⲛⲙ̅ⲙⲏ ⲧⲛ̅ ϩⲛ̅ ϩⲱⲃ ⲛⲓⲙ ·

ⲁⲗⲗⲁ ⲡⲗⲏⲛ ⲛⲉⲧⲛ̅ ⲑⲣⲟ ⲛⲟⲥ ⲛⲁ ϣⲱⲡⲉ ⲉ ⲩ ⲟⲩⲟⲧⲃ̅ ⲉ ⲡⲱⲟⲩ · ⲁⲩⲱ ⲡⲁ ⲑⲣⲟⲛⲟⲥ ϩⲱ ⲁⲛⲟⲕ' ⲛⲁ ϣⲱⲡⲉ ⲉ ϥ ⲟⲩⲟⲧⲃ̅ ⲉ ⲡⲱⲧⲛ̅ ·

ⲁⲩⲱ ⲣⲱⲙⲉ ⲛⲓⲙ ⲉⲧ ⲛⲁ ϩⲉ ⲉ ⲡⲓ ⲁⲧ ϣⲁϫⲉ ⲉⲣⲟ ϥ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲛ̅ ⲣⲱⲙⲉ ⲉⲧ ⲛⲁ ⲥⲟⲟⲩⲛ ⲡ ϣⲁϫⲉ ⲉⲧ ⲙ̅ⲙⲁⲩ · ⲥⲉ ⲛⲁ ⲥⲟⲟⲩⲛ̅ ⲡ ⲥⲟⲟⲩⲛ ⲛ̅ ⲛⲉⲓ̈ ϣⲁϫⲉ ⲧⲏⲣ ⲟⲩ · ⲛ̅ⲧ ⲁ ⲓ̈ ϫⲟⲟ ⲩ ⲉ ⲣⲱ ⲧⲛ̅ · ⲛⲁ ⲡ ⲃⲁⲑⲟⲥ ⲁⲩⲱ ⲙⲛ̅ ⲛⲁ ⲡ ϫⲓⲥⲉ · ⲛⲁⲧⲉ ϣⲓⲏ ⲙⲛ̅ ⲛⲁ ⲡ̇ⲃ̇ⲁ̇ⲑ̇ⲟ̇ⲥ̇ⲧⲟⲩⲁϣ ⲥⲉ · ϩⲁⲡⲁⲝ ϩⲁⲡⲗⲱⲥ ⲥⲉ ⲛⲁ ⲥⲟⲩⲛ̅ ⲡ ⲥⲟⲟⲩⲛ ⲛ̅ ⲛⲉⲓ̈ ϣⲁϫⲉ ⲧⲏⲣ ⲟⲩ ⲛ̅ⲧ ⲁ ⲓ̈ ϫⲟⲟ ⲩ ⲉⲣⲱ ⲧⲛ̅ · ⲁⲩⲱ ⲙⲛ̅ ⲛ ⲉⲧⲉ ⲙ̅ⲡⲁ ϯϫⲟⲟⲩ ⲉⲣⲱ ⲧⲛ̅ · ⲛⲁⲓ̈ ϯ ⲛⲁ ϫⲟⲟⲩ ⲉⲣⲱ ⲧⲛ̅ ⲕⲁ ⲧⲁ ⲧⲟⲡⲟⲥ ⲁⲩⲱ ⲕⲁⲧⲁ ⲧⲁⲝⲓⲥ ⲉϩⲣⲁⲓ̈ ϩⲙ̅ ⲡ ⲥⲱⲣ ⲉ ⲃⲟⲗ ⲙ̅ ⲡ ⲧⲏⲣ ϥ̅ ·

ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲥⲉ ⲛⲁ ⲉⲓⲙⲉ ϫⲉ ⲉⲣⲉ ⲡ ⲕⲟⲥⲙⲟⲥ ⲕⲏ ⲉϩⲣⲁⲓ̈ ⲛ̅ ⲁϣ ⲙ̅ ⲙⲓⲛⲉ ·

ⲁⲩⲱ ⲥⲉ ⲛⲁ ⲉⲓⲙⲉ ϫⲉ ⲉⲣⲉ ⲛⲁ ⲡ ϫⲓⲥⲉ ⲧⲏⲣ ⲟⲩ ⲕⲏ ⲉϩⲣⲁⲓ̈ ⲛ̅ ⲁϣ ⲛ̅ ⲧⲩⲡⲟⲥ ·

ⲁⲩⲱ ⲥⲥ ⲛⲁ ⲉⲓⲙⲉ ϫⲉ ⲉⲧⲃⲉ ⲟⲩ ⲛ̅ ϩⲱⲃ ⲁ ⲡ ⲧⲏⲣ ϥ̅ ϣⲱⲡⲉ ·

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟⲩ ⲛ̅ϭⲓ ⲡ ⲥⲱⲧⲏⲣ ⲁ ⲥ ϥⲟϭ ⲥ̅ ⲉⲃⲟⲗ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲡⲉϫⲁ ⲥ · ϫⲉ ⲡⲁ ϫⲟⲉⲓⲥ ϥⲓ ϩⲁⲣⲟ ⲓ̈ ⲁⲩⲱ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ⲉ ⲓ̈ ϣⲓⲛⲉ ⲛ̅ ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ · ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲉⲓ̈ⲉ ⲟⲩⲉⲧ ⲡ ϣⲁϫⲉ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲁⲩⲱ ⲟⲩⲉⲧ ⲡ ϣⲁϫⲉ ⲙ̅ ⲡ ⲥⲟⲟⲩⲛ ⲧⲏⲣ ϥ̅ ·

ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ϫⲉ ⲉϩⲉ ⲟⲩⲉⲧ ⲡ ⲙⲩⲥ ⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲩⲱ ⲟⲩⲉⲧ ⲡ ϣⲁϫⲉ ⲙ̅ ⲡ ⲥⲟⲟⲩⲛ ⲧⲏⲣ ϥ̅ ·

ⲁ ⲥ ⲟⲩⲱϩⲙ̅ ⲇⲉ ⲟⲛ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡ ⲥⲱⲧⲏⲣ ϫⲉ ⲡⲁ ϫⲟⲉⲓⲥ ϥⲓ ϩⲁⲣⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ ⲁⲩⲱ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ · ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲉⲓⲙⲏⲧⲓ ⲛ̅ ⲧⲛ̅ ⲱⲛϩ̅ ⲛ̅ ⲧⲛ̅ ⲥⲟⲩⲛ̅ ⲡ ⲥⲟⲟⲩⲛ ⲙ̅ ⲡ ϣⲁϫⲉ ⲧⲏⲣ ϥ̅ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲛ̅ ⲧⲛ̅ ⲛⲁ ⲉϣ ϭⲙ̅ϭⲟⲙ ⲁⲛ ⲉ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲓ̈ⲛ ·

ⲁ ϥ ⲟⲩ ⲱϩⲙ̅ ⲇⲉ ⲛ̅ϭⲓ ⲡ ⲥⲱⲧⲏⲣ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲥⲉ ·

ⲟⲩⲟⲛ ⲅⲁⲣ ⲛⲓⲙ ⲉⲧ ⲛⲁ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲙⲛ̅ⲧ̅ ⲉⲣⲟ ⲙ̅ ⲡ ⲟⲩⲟⲉⲓⲛ ⲡ ⲟⲩⲁ ⲡ ⲟⲩⲁ ⲛⲁ ⲃⲱⲕ ⲛ ϥ̅ ⲕⲗⲏⲣⲟⲛⲟⲙⲓ ϣⲁ ⲡ ⲧⲟⲡⲟⲥ ⲛ̅ⲧ ⲁ ϥ ϫⲓ ⲙ ⲩⲥⲧⲏⲣⲓⲟⲛ ϣⲁⲣⲟ ϥ · ⲁⲗⲗⲁ ⲛ̅ ϥ̅ ⲛⲁ ⲥⲟⲟⲩⲛ̅ ⲡ ⲥⲟⲟⲩⲛ̅ ⲁⲛ ⲙ̅ ⲡ ⲧⲏⲣ ϥ̅ · ϫⲉ ⲉⲧⲃⲉ ⲟⲩ ⲁ ⲛⲁⲓ̈ ⲧⲏⲣ ⲟⲩ ϣⲱⲡⲉ ⲉⲓⲙⲏⲧⲓ ⲛ ϥ̅ ⲥⲟⲟⲩⲛ̅ ⲡ ϣⲁϫⲉ ⲛ̅ ⲟⲩⲱⲧ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲉⲧⲉ ⲛ̅ⲧⲟϥ ⲡⲉ ⲡ ⲥⲟⲟⲩⲛ ⲙ̅ ⲡ ⲧⲏⲣ ϥ̅ ·

ⲁⲩⲱ ⲟⲛ ⲫⲁⲛⲉⲣⲱⲥ ⲁⲛⲟⲕ ⲡⲉ ⲡ ⲥⲟⲟⲩⲛ ⲙ̅ ⲡ ⲧⲏⲣ ϥ̅ ·

ⲁⲩⲱ ⲟⲛ ⲙⲛ̅ ϭⲟⲙ ⲛ̅ ⲥⲟⲩⲛ̅ ⲡ ϣⲁϫⲉ ⲛ̅ ⲟⲩⲱⲧ ⲛ̅ⲧⲉ ⲡ ⲥⲟⲟⲩⲛ · ⲉⲓⲙⲏⲧⲓ ϭⲉ ⲛ ϥ̅ ϫⲓ ⲛ̅ ϣⲟⲣⲡ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲗⲗⲁ ⲣⲱⲙⲉ ⲛⲓⲙ ⲉⲧ ⲛⲁ ϫⲓⲙⲩⲥⲧⲏⲣⲓⲟⲛ ϩⲙ̅ ⲡ ⲟⲩⲟ ⲉⲓⲛ ϥ ⲛⲁ ⲃⲱⲕ ⲛ̅ϭⲓ ⲡ ⲟⲩⲁ ⲡ ⲟⲩⲁ ⲛ ϥ̅ ⲕⲗⲏⲣⲟⲛⲟⲙⲓ ϣⲁ ⲡ ⲧⲟⲡⲟⲥ ⲛ̅ⲧ ⲁ ϥ ϫⲓ ⲙ ⲩⲥⲧⲏⲣⲓⲟⲛ ϣⲁⲣⲟ ϥ ·

ⲉⲧⲃⲉ ⲡⲁⲓ̈ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉ ⲡ ⲉⲧ ⲡⲓⲥⲧⲉⲩⲉ ⲉ ⲩ ⲡⲣⲟⲫⲏⲧⲏⲥ ϥ ⲛⲁ ϫⲓ ⲙ̅ ⲡ ⲃⲉⲕⲉ ⲛ̅ ⲟⲩ ⲡⲣⲟⲫⲏⲧⲏⲥ · ⲁⲩⲱ ⲡ ⲉⲧ ⲡⲓⲥⲧⲉⲩⲉ ⲉ ⲩ ⲇⲓⲕⲁⲓⲟⲥ ϥ ⲛⲁ ϫⲓ ⲙ̅ ⲡ ⲃⲉⲕⲉ ⲛ̅ ⲟⲩ ⲇⲓⲕⲁⲓⲟⲥ · ⲉⲧⲉ ⲡⲁⲓ̈ ⲡⲉ ϫⲉ ⲡ ⲙⲁ ⲛ̅ ⲧⲁ ⲡ ⲟⲩⲁ ⲡ ⲟⲩⲁ ϫⲓⲙⲩⲥⲧⲏⲣⲓⲟⲛ ϣⲁⲣⲟ ϥ ⲉ ϥ ⲛⲁ ⲃⲱⲕ ⲉⲣⲟ ϥ · ⲡ ⲉⲧ ϫⲓⲉϥ ⲥⲟⲃⲕ̅ ⲉ ϥ ⲛⲁ ⲕⲗⲏⲣⲟⲛⲟⲙⲓ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲥⲟⲃⲕ̅ · ⲁⲩⲱ ⲡ ⲉⲧ ⲛⲁ ϫⲓⲙⲩⲥⲧⲏⲣⲓⲟⲛ ⲉ ϥ ⲟⲩⲟⲧⲃ̅ ⲉ ϥ ⲛⲁ ⲕⲗⲏⲣⲟⲛⲟⲙⲓ ⲛ̅ ⲛ̅ ⲧⲟⲡⲟⲥ ⲉⲧ ϫⲟⲥⲉ ·

ⲁⲩⲱ ⲡ ⲟⲩⲁ ⲡ ⲟⲩⲁ ⲛⲁ ϭⲱ ϩⲙ̅ ⲡⲉϥ ⲧⲟⲡⲟⲥ ⲉϩⲣⲁⲓ̈ ϩⲙ̅ ⲡ ⲟⲩⲟⲉⲓⲛ ⲛ̅ ⲧⲁ ⲙ̅ⲛ̅ⲧ ⲉⲣⲟ ·

ⲁⲩⲱ ⲡ ⲟⲩⲁ ⲡ ⲟⲩⲁ ⲛⲁ ⲣ̅ ⲧ ⲉⲝⲟⲩⲥⲓⲁ ⲉ ⲛ ⲧⲁⲝⲓⲥ ⲉ ⲧ ⲡⲉϥ ⲉⲥⲏⲧ · ⲁⲗⲗⲁ ⲛ ϥ̅ ⲛⲁ ⲣ̅ ⲧ ⲉⲝⲟⲩⲥⲓⲁ ⲁⲛ ⲉ ⲃⲱⲕ ⲉ ⲛ ⲧⲁⲝⲓⲥ ⲉⲧ ⲡⲉϥ ⲥⲁϩⲣⲉ ·

ⲁⲗⲗⲁ ⲉ ϥ ⲛⲁ ϭⲱ ϩⲙ̅ ⲡ ⲧⲟⲡⲟⲥ ⲛ̅ ⲧⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ