Pistis Sophia Book 2 Part 6 unknown source <a href='http://marcion.sourceforge.net/'>Marcion project</a>, <a href='https://archive.org/details/pistissophiaopus0000unse/page/n29/mode/2up'>Archive.org</a> annotation Randy Komforty, Lance Martin, Amir Zeldes, Caroline T. Schroeder translation none Coptic SCRIPTORIUM, Marcion CC-BY 4.0 CMCL.AQ codex Egypt none unknown British Library Additional Manuscripts 5114 379-405 Sahidic Coptic Pistis Sophia Book 2 Part 6 J. H. Petermann (1851), Carl Schmidt & Violet MacDermot (1978)

This file encoded to comply with EpiDoc Guidelines and Schema.http://sourceforge.net/p/epidoc/

 Sahidic Coptic

ⲡ ⲟⲥ ⲛ̅ ⲧⲁ ⲡ ⲟⲩⲁ ⲡ ⲟⲩⲁ ϫⲓ ⲙⲩⲥⲧⲡⲣⲓⲟⲛ ⲛ̅ϩⲏⲧ ϥ̅ · ⲉ ϥ ⲛⲁ ⲃⲱⲕ ϣⲁⲣⲟ ϥ ·

ⲁⲩⲱ ϥ ⲛⲁ ϣⲱⲡⲉ ⲉ ⲩⲛ̅ⲧⲁ ϥ ⲙ̅ ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲙ̇ⲟⲩϣⲧ̅ ⲛ̅ ⲛ̅ ⲧⲁⲝⲓⲥ ⲧⲏⲣ ⲟⲩ ⲙⲛ̅ ⲛⲉ ⲭⲱⲣⲏⲙⲁ ⲉⲧ ⲡⲉϥ ⲃⲟⲗ ·

ⲁⲗⲗⲁ ⲙⲛ̅ ⲧⲁϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲃⲱⲕ ⲉ ⲛ ⲧⲁⲝⲓⲥ ⲉ ⲧ ⲡⲉϥ ⲥⲁϩⲣⲉ ⲏ̅ ⲉ ⲧⲣⲉ ϥ ⲙⲟⲩϣⲧ̅ ⲙ̅ⲙⲟ ⲟⲩ ⲁⲩⲱ ⲡ ⲉⲧⲁ ϥ ϫⲓ ⲙ ⲩⲥⲧⲏ ⲣⲓⲟⲛ ϩⲛ̅ ⲛ̅ ⲧⲁⲝⲓⲥ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϩⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲛ ⲧⲁⲝⲓⲥ ⲧⲏⲣ ⲟⲩ ⲉ ⲧ ⲡⲉϥ ⲉ ⲥⲏⲧ . ⲁⲩⲱ ⲉ ⲧⲣⲉ ϥ ⲙⲟⲩϣⲧ̅ⲙⲟⲟⲩ ⲧⲏⲣ ⲟⲩ ·

ⲁⲗⲗⲁ ⲙⲛ̅ ⲧⲁϥ ⲛ̅ⲧⲟϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲃⲱⲕ ⲉ ⲛ ⲧⲟⲡⲟⲥ ⲉ ⲧ ⲡⲉϥ ⲥⲁϩⲣⲉ ⲏ̅ ⲉ ⲧⲣⲉ ϥ ⲙⲟⲩϣⲧ̅ ⲙ̅ⲙⲟ ⲟⲩ · ⲁⲩⲱ ⲡⲉⲣϫⲓⲙⲩⲥⲧⲏⲣⲓⲟⲛ ϩⲙ̅ ⲡ ϣⲟⲣⲡ̅ ⲛ̅ ⲧⲣⲓⲡⲛⲉⲩ ⲙⲁⲧⲟⲥ ⲡⲁⲓ̈ ⲉ ⲧⲁⲣϫⲓⲉϫⲙ̅ⲡ ϫⲟⲩⲧⲁϥⲧⲉ ⲙ̅ ⲙⲩⲥⲧⲏ ⲣⲓⲟⲛ ϩⲓ ⲛⲉⲩ ⲉⲣⲏⲩ · ⲛⲁⲓ̈ ⲉ ⲧⲁⲣϫⲓⲉⲡⲉ ⲭⲱⲣⲏⲙⲁ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛⲁⲓ̈ ⲉ ϯ ⲛⲁ ϫⲱ ⲙ̅ ⲡⲉⲩ ⲧⲟ ⲡⲟⲥ ⲉⲣⲱ ⲧⲛ̅ ϩⲣⲁⲓ̈ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ · ⲡ ⲉⲧ ⲛⲁ ϫⲓⲟⲩⲛ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲉ ⲧⲣⲓⲡⲛⲉⲩⲙⲁⲧⲟⲥ ⲉⲧ ⲙ̅ⲙⲁⲩ ·

ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲡ ⲉ ⲥⲏⲧ ⲉ ⲛ ⲧⲁⲝⲓⲥ ⲧⲏⲣ ⲟⲩ ⲉⲧ ⲡⲉϥ ⲉⲥⲏⲧ · ⲁⲗⲗⲁ ⲙⲛ̅ ⲧⲁϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲃⲱⲕ ⲉ ⲡ ϫⲓⲥⲉ ⲉ ⲛ ⲧⲁⲝⲓⲥ ⲙ̅ ⲡⲉϥ ⲥⲁϩⲣⲉ · ⲉⲧⲉ ⲛ̅ ⲧⲟⲟⲩ ⲡⲉ ⲛ̅ ⲧⲁⲝⲓⲥ ⲧⲏⲣ ⲟⲩ ⲙ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲁⲩⲱ ⲡ ⲉⲛⲧ ⲁ ϥ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲥⲛⲁⲩ ⲛ̅ ⲧⲣⲓⲡⲛⲉⲩ ⲙⲁⲧⲟⲥ ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲛ ⲧⲁⲝⲓⲥ ⲧⲏⲣ ⲟⲩ ⲙ̅ ⲡⲓ ϣⲟⲣⲡ̅ ⲛ̅ ⲧⲣⲓⲡⲛⲉⲩⲙⲁⲧⲟⲥ ⲁⲩⲱ ⲛ ϥ̅ ⲙⲟⲩϣⲧ̅ ⲙ̅ⲙⲟ ⲟⲩ ⲧⲏⲣ ⲟⲩ ⲙⲛ̅ ⲛⲉⲩ ⲧⲁⲝⲓⲥ ⲧⲏⲣ ⲟⲩ ⲉⲧ ϣⲟⲟⲡ ⲛ̅ϩⲏⲧ ⲟⲩ ·

ⲁⲗⲗⲁ ⲙⲛ̅ ⲧⲁϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲃⲱⲕ ⲉ ⲛ ⲧⲁⲝⲓⲥ ⲙ̅ ⲡ ϫⲓⲥⲉ ⲙ̅ ⲡⲓ ⲙⲉϩ ϣⲟⲙⲛ̅ⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ · ⲁⲩⲱ ⲡ ⲉⲛⲧ ⲁ ϥ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ . ⲓ ⲡⲁⲓ̈ ⲉ ⲧⲁⲣϫⲓⲉ ⲡϣⲟⲙⲛ̅ⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ · ⲙⲛ̅ ⲡ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ϩⲓ ⲛⲉⲩ ⲉⲣⲏⲩ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲁⲗⲗⲁ ⲙⲛ̅ ⲧⲁϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲃⲱⲕ ⲉ ⲡ ϫⲓⲥⲉ ⲉ ⲛ ⲧⲁⲝⲓⲥ ⲉ ⲧ ⲡⲉϥ ⲥⲁϩⲣⲉ ⲉⲧⲉ ⲛ̅ ⲧⲟⲟⲩ ⲛⲉ ⲛ̅ ⲧⲁⲝⲓⲥ ⲙ̅ ⲡⲉ ⲭⲱⲣⲏⲙⲁ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ . ⲁⲩⲱ ⲡ ⲉⲛⲧ ⲁ ϥ ϫⲓ ⲙ̅ ⲡ ⲁⲩⲑⲉⲛⲧⲏⲥ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ⲉⲧⲉ ⲛ̅ⲧⲟϥ ⲡⲉ ⲡ ⲙⲛ̅ⲧ ⲥⲛⲟⲟⲩⲥ ⲙ̅ ⲙⲩⲥⲧⲏⲣⲓⲟⲛ ϩⲓ ⲛⲉⲩ ⲉⲣⲏⲩ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ ⲛⲁ ⲓ̈ ⲉⲧⲁⲣϫⲓⲉϫⲛ̅ ⲛⲉ ⲭⲱⲣⲏⲙⲁ ⲧⲏⲣ ⲟⲩ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡ ⲉⲧ ⲛⲁ ϫⲓⲟⲩⲛ ⲙ̅ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ·

ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲙⲟⲩϣⲧ̅ ⲛ̅ ⲛ̅ ⲧⲁⲝⲓⲥ ⲧⲏⲣ ⲟⲩ ⲛ̅ ⲛ ⲉⲭⲱⲣⲏⲙⲁ ⲙ̅ ⲡⲓ ϣⲟⲙ̅ⲧ ⲛ̅ ⲧⲣⲓⲡⲛⲉⲩⲙⲁⲧⲟⲥ ⲁⲩⲱ ⲙⲛ̅ ⲡ ϣⲟⲙⲛ̅ⲧ̅ ⲛ̅ ⲭⲱⲣⲏⲙⲁ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲙⲛ̅ ⲛⲉⲩ ⲧⲁⲝⲓⲥ ⲧⲏⲣ ⲟⲩ ·

ⲁⲩⲱ ⲟⲩⲛⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩ ⲥⲓⲁ ⲉ ⲧⲣⲉ ϥ ⲙⲟⲩϣⲧ̅ ⲛ̅ ⲛ̅ ⲧⲁⲝⲓⲥ ⲧⲏⲣ ⲟⲩ ⲛ̅ ⲛⲉ ⲕⲗⲏ ⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ⲉ ⲧⲣⲉ ϥ ⲙⲟⲩϣⲧ̅ ⲙ̅ⲙⲟ ⲟⲩ ϫⲓ̅ ⲃⲟⲗ ⲉϩⲟⲩⲛ · ⲁⲩⲱ ϫⲓⲛ (ϩⲟⲩⲛ ⲉ) ⲃⲟⲗ ⲉ̇ϩ̇ⲟ̇ⲩ̇ⲛ̇ · ⲁⲩⲱ ϫⲓⲛ ⲧ ⲡⲉ ⲉ ⲡ ⲉⲥⲏⲧ · ⲁⲩⲱ ϫⲓⲛ ⲡ ⲉⲥⲏⲧ . ⲉ ⲧ ⲡⲉ · ⲁⲩⲱ ϫⲓⲛ ⲡ ϫⲓⲥⲉ ⲉ ⲡ ⲃⲁⲑⲟⲥ · ⲁⲩⲱ ϫⲓⲛ ⲡ ⲃⲁⲑⲟⲥ ⲉ ⲡ ϫⲓⲥⲉ · ⲁⲩⲱ ϫⲓⲛ ⲧⲉ ϣⲓⲏ ⲉⲧⲟⲩⲧⲁϣⲥⲉ · ⲁⲩⲱ ϫⲓⲛ ⲧ ⲟⲩⲁϣⲥⲉ ⲉⲧⲉ ϣⲓⲏ · ϩⲁⲡⲁⲝ

ϩⲁⲡⲗⲱⲥ ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲙⲟⲩϣⲧ̅ ⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲛ̅ⲧⲉ ⲡ ⲟⲩⲟⲉⲓⲛ · ⲁⲩⲱ ⲟⲩⲛⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ϭⲱ ϩⲙ̅ ⲡ ⲧⲟⲡⲟⲥ ⲉ ⲧⲉ ϩⲛⲁϥ ϩⲣⲁⲓ̈ ϩⲛ̅ ⲧⲉ ⲕⲗⲏⲣⲟⲛⲟⲙⲓⲁ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲉⲣⲱ ⲧⲛ̅ ϫⲉ ⲡ ⲣⲱⲙⲉ ⲉⲧ ⲙ̅ⲙⲁⲩ ϩⲙ̅ ⲡ ⲃⲟⲗ ⲉⲃⲟⲗ ⲙ̅ ⲡ ⲕⲟⲥⲙⲟⲥ · ϥ ⲛⲁ ϣⲱⲡⲉ ⲉ ϥ ⲟ ⲛ̅ ⲣ̅ⲣⲟ ⲉϩⲣⲁⲓ̈ ⲉϫⲛ̅ ⲛ̅ ⲧⲁⲝⲓⲥ ⲧⲏⲣ ⲟⲩ ⲛ̅ ⲧⲉ ⲕⲗⲏⲣⲟⲛⲟⲙⲓⲁ · ⲁⲩⲱ ⲡ ⲉⲧ ⲛⲁ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲡ ⲉⲧ ⲙ̅ⲙⲁⲩ ⲡⲉ ⲉⲧⲉ ⲁⲛⲟⲕ ⲡⲉ · ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲡ ⲕⲁⲕⲉ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ·

ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲡ ⲕⲁⲕⲉ ⲛ̅ ⲛ̅ ⲕⲁⲕⲉ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ⲡ ⲟⲩⲟⲉⲓⲛ ⲛ̅ ⲛ̅ ⲟⲩⲟⲉⲓⲛ ϣⲱⲡⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲛⲉ ⲭⲁⲟⲥ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟ ⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲛⲉ ⲕⲣⲓⲥⲓⲥ ϣⲱⲡⲉ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲕⲁϩ ⲙ̅ ⲡ ⲟⲩⲟⲉⲓⲛ ⲙⲛ̅ ⲡ ⲧⲟⲡⲟⲥ ⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲛ ⲕⲟ ⲗⲁⲥⲓⲥ ⲛ̅ ⲛ̅ ⲣⲉϥ ⲣ̅ ⲛⲟⲃⲉ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲁⲛⲁⲡⲁⲩⲥⲓⲥ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲛ̅ ⲣⲉϥ ⲣ̅ ⲛⲟⲃⲉ ϣⲱⲡⲉ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲁⲥⲉⲃⲏⲥ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲁⲅⲁⲑⲟⲥ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲛⲉ ⲕⲣⲓⲥⲓⲥ ⲛ̅ ⲕⲟⲗⲁⲥⲓⲥ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲟⲩⲟⲓ̈ⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲡ ⲛⲟⲃⲉ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲃⲁⲡⲧⲓⲥⲙⲁ ⲙⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲕⲱϩⲧ̅ ⲛ̅ⲧⲉ ⲧ̇ ⲕⲟⲗⲁⲥⲓⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲡⲉ ⲥⲫⲣⲁⲅⲓⲥ ⲙ̅ ⲡ ⲟⲩⲟⲉⲓⲛ ϫⲉ ⲛ̅ⲛⲉ ⲡ ⲕⲱϩⲧ̅ ⲃⲗⲁⲡⲧⲓ ⲙ̅ⲙⲟ ⲟⲩ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ϭⲱⲛⲧ̅ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ϯ ⲣⲏⲛⲏ · ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲡ ϫⲓ ⲟⲩⲁ ϣⲱⲡⲉ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ϩⲩⲙⲛⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁⲛⲉ ⲡⲣⲟⲥⲉⲩⲭⲟⲟⲩⲉ ⲙ̅ ⲡ ⲟⲩⲟⲉⲓⲛ ϣⲱⲡⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲡ ⲥⲁϩⲟⲩ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲉ ⲥⲙⲟⲩ · ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲧⲙⲛ̅ⲧⲡⲟⲛⲟⲣⲟⲥ ϣⲱⲡⲉ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ⲣⲉϥ ⲕⲱⲣ̅ϣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲧⲙ̅ⲛ̅ⲧⲣⲉϥϩⲱⲧ ϥ̅ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲁⲛϩⲟ ⲛ̅ ⲛⲉ ⲯⲩⲭⲟⲟⲩⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙ̅ⲛⲧ ⲛⲟⲉⲓⲕ · ⲙⲛ̅ ⲧ ⲡⲟⲣⲛⲓⲁ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧ̅ⲃⲃⲟ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲧ ⲥⲩⲛⲟⲩⲥⲓⲁ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲉⲅⲕⲣⲁⲧⲉⲓⲁ · ⲁⲩⲱ ⲡⲙⲩⲥⲧⲣⲏⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ϫⲁⲥⲓ ϩⲏⲧ · ⲙⲛ̅ ⲧ ⲙ̅ⲛⲧ ϣⲟⲩϣⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲉ ⲑⲃ̅ⲃⲓⲟ ⲙⲛ̅ ⲧ ⲙⲛ̅ⲧ ⲣⲙ̅ ⲣⲁϣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲡ ⲣⲓⲙⲉ ϣⲱⲡⲉ .

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲥⲱⲃⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲧ ⲕⲁⲧⲁⲗⲁⲗⲓⲁ ϣⲱⲡⲉ · ⲁⲩⲱ ⲉⲧⲃⲉ ⲟⲩ ⲁ ⲡ ϣⲁϫⲉ ⲉⲧ ⲛⲁⲛⲟⲩ ϥ ϣⲱⲡⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲧⲙⲛ̅ⲧⲣⲉϥϫⲓⲥⲙⲏ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ⲡⲧⲙ̅ ⲱⲡ ⲙⲛ̅ ⲡ ⲣⲱⲙⲉ ϣⲱⲡⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁⲡⲕⲣ̅ⲙⲣⲙ̅ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ⲃⲁⲗϩⲏⲧ ⲙⲛ̅ ⲡ ⲑⲃ̅ⲃⲓⲟ . ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ⲣⲉϥ ⲣ̅ ⲛⲟⲃⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲃ̅ⲃⲟ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙ̅ⲛⲧ ϫⲱⲱⲣⲉ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ϭⲱⲃ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛϭⲓ ⲧ ⲕⲓⲛⲏⲥⲓⲥ ⲙ̅ ⲡ ⲥⲱⲙⲁ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲡⲉⲩ ⲣ̅ ϣⲁⲩ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ϩⲏⲕⲉ · ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ⲣⲙ̅ⲙⲁⲟ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧⲙⲛ̅ⲧⲣⲙ̅ⲙⲁ ⲙ̅ ⲡ ⲕⲟⲥⲙⲟⲥ ·

ⲁⲩⲱ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ϭⲁⲩⲟⲛ · ⲁⲩⲱ ⲡ ⲙⲩⲥⲧⲏ ⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲙⲟⲩ . ⲁⲩⲱ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲱⲛϩ ·

Ⲍ ⲁ ⲥ ϣⲱⲡⲉ ϭⲉ ⲛⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ⲁ ⲩ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ · ⲁⲩⲱ ⲁ ⲩ ⲧⲉⲗⲏ ⲉ ⲩ ⲥⲱⲧⲙ̅ ⲉⲓ̅ⲥ̅ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ·

ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉ ϫⲁ ϥ ϫⲉ ⲉⲧⲓ ϭⲉ ⲙⲁ ⲙⲁⲑⲏⲧⲏⲥ ⲥⲱⲧⲙ̅ ⲧⲉⲛⲟⲩ ⲧⲁ ϣⲁϫⲉ ⲛⲙ̅ⲙⲏ ⲧⲛ̅ ⲉⲧⲃⲉ ⲡ ⲥⲟⲟⲩⲛ̅ ⲧⲏⲣ ϥ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ϫⲉ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ⲁⲧ ⲛⲁ̅ · ⲁⲩⲱ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲛⲁ̅ ·

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲁⲕⲟ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲓⲁⲉⲓ ϣⲁ ⲉⲛⲉϩ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ϫⲁⲧϥⲉ ⲁⲩⲱ ⲉⲧⲃⲉ ⲟⲩ ⲥⲉ ⲛⲁ ⲃⲱⲗ ⲉⲃⲟⲗ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲥⲉ ⲛⲁ ϣⲱⲡⲉ ⲛ̅ϭⲓ ⲛⲉ ⲑⲏⲣⲓⲟⲛ ·

ⲁⲩⲱ ⲉⲧⲃⲉ ⲟⲩ ⲥⲉ ⲛⲁ ⲃⲱⲗ ⲉⲃⲟⲗ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲥ̇ⲉ̇ ⲁ ⲩ ϣⲱⲡⲉ ⲛ̅ϭⲓ ⲛ̅ ⲧⲃ̅ⲛⲟⲟⲩⲉ ⲁⲩⲱ ⲉⲧⲃⲉ ⲟⲩ ⲥ̇ⲉ̇ ⲁ ⲩ ϣⲱⲡⲉ ⲛ̅ϭⲓ ⲛ̅ ϩⲁⲗⲁⲧⲉ ·

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲧⲟⲩⲓ̈ⲏ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲱⲛⲉ ⲉⲧ ⲧⲁⲉⲓⲏⲩ ⲉⲧ ⲛ̅ϩⲏⲧ ⲟⲩ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲑ ⲩⲗⲏ ⲙ̅ ⲡ ⲛⲟⲩⲃ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲑ ⲩⲗⲏ ⲙ̅ ⲡ ϩⲁⲧ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲑ ⲩⲗⲏ ⲙ̅ ⲡ ϩⲟⲙⲛⲧ ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲙ̅ⲛ̅ ⲑ ⲩⲗⲏ ⲙ̅ ⲡ ⲃⲉⲛⲓⲡⲉ · ⲙⲛ̅ ⲡⲗⲁⲓ̈ⲛⲟⲛ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲑ ⲩⲗⲏ ⲙ̅ ⲡ ⲧⲁϩⲧ̅ . ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛϭⲓ ⲑ ⲩⲗⲏ ⲙ̅ ⲡ ⲁⲃⲁϭⲏⲉⲓⲛ .

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ ⲧ ϩⲏⲗⲏ ⲙ̅ ⲡⲕⲏⲣⲓⲛⲟⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲃⲟⲧⲁⲛⲏ ⲉⲧ ⲉ ⲛⲉ ⲛ̅ ⲧⲏϭ ⲛⲉ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ϩⲩⲗⲏ ⲧⲏⲣ ⲟⲩ · ⲁⲩⲱ ⲛ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲙ̅ ⲙⲟⲩⲉⲓⲟⲟⲩⲉ ⲙ̅ ⲡ ⲕⲁϩ · ⲙⲛ̅ ⲛ̅ⲕⲁ ⲛⲓⲙ ⲉⲧ ⲛ̅ϩⲏⲧ ⲟⲩ ·

ⲁⲩⲱ ⲉⲧⲃⲉ ⲟⲩ ⲁ ⲡ ⲕⲉ ⲕⲁϩ ϣⲱⲡⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲛⲧ ⲁ ⲛⲉ ⲑⲁⲗⲁⲥⲥⲁ ϣⲱⲡⲉ ⲉⲧⲃⲉ ⲟⲩ ⲙⲛ̅ ⲙ̅ ⲙⲟⲩⲉⲓⲟⲟⲩⲉ

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲑⲏⲣⲓⲟⲛ ϩⲛ̅ ⲛⲉ ⲑⲁⲗⲁⲥⲥⲁ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲑ ⲩⲗⲏ ⲙ̅ ⲡ ⲕⲟⲥⲙⲟⲥ ⲁⲩⲱ ⲉⲧⲃⲉ ⲟⲩ ϥ ⲛⲁ ⲃⲱⲗ ⲉⲃⲟⲗ ⲉ ⲡ ⲧⲏⲣ ϥ̅ ·

ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲉⲧⲓ ϭⲉ ⲛⲁ ⲙⲁⲑⲏⲧⲏⲥ ⲁⲩⲱ ⲛⲁ ϣⲃⲉⲉⲣ ⲁⲩⲱ ⲛⲁ ⲥⲛⲏⲩ ·

ⲙⲁⲣⲉ ⲡ ⲟⲩⲁ ⲡ ⲟⲩⲁ ⲛⲏⲫⲉ ⲙ ⲡⲉ ⲡⲛ̅ⲁ̅ ⲉⲧ ⲛϩⲏⲧ ϥ̅ ⲛ ⲧⲉⲧⲛ̅ ϫⲓⲥⲙⲏ ⲁⲩⲱ ⲛ ⲧⲉⲧⲛ ⲕⲁⲧⲁⲗⲁⲙ ⲃⲁⲛⲉ ⲛ ϣⲁϫⲉ ⲛⲓⲙ ⲉ ϯ ⲛⲁ ϫⲟⲟⲩ ⲛⲏ ⲧⲛ · ϫⲉ ϫⲓⲛ ⲧⲉⲛⲟⲩ ⲉ ⲓ̈ ⲛⲁ ϩⲓⲧⲟⲟⲧ ⲉ ϣⲁϫⲉ ⲛⲙⲙⲏ ⲧⲛ ⲉⲧⲃⲉ ⲛ ⲥⲟⲟⲩⲛ ⲧⲏⲣ ⲟⲩ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ ϫⲉ ⲡ ⲙⲩⲥ ⲧⲏⲣⲓⲟⲛ ⲉⲧ ⲙⲙⲁⲩ ⲛⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛϭⲓ ⲡ ⲉⲙⲛ̅ⲧ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛϭⲓ ⲡⲉⲓ̈ⲃⲧ̅ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡ ⲓ ⲛϭⲓ ⲡ ⲣⲏⲥ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛϭⲓ ⲡ ⲉⲙϩⲓⲧ ⲉⲧⲓ ϭⲉ ⲟⲛ ⲛⲁ ⲙⲁⲑⲏⲧⲏⲥ ⲥⲱⲧⲙ̅ ⲁⲩⲱ ⲛ ⲧⲉⲧⲛ ⲟⲩⲱϩ ⲉⲧⲉ ⲧⲏⲩⲧⲛ̅ ⲛ ⲧⲉⲧⲛ ⲛⲏⲫⲉ ⲛ ⲧⲉⲧⲛ ⲥⲱⲧⲙ̅ ⲉ ⲡ ⲥⲟⲟⲩⲛ ⲧⲏⲣ ϥ̅ ⲛⲧⲉ ⲡ ⲙⲩⲥⲧⲏⲣⲓⲟⲛ ⲛⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ · ϫⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙⲙⲁⲩ ⲛⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛϭⲓ ⲛ ⲇⲁⲓⲙⲟⲛⲓⲟⲛ ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ̅ ⲣⲱⲙⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙⲙⲁⲩ ⲛⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛϭⲓ ⲡ ⲕⲁⲩⲙⲁ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲁⲏⲣ ⲉⲧ ⲛⲟⲧⲙ̅ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙⲙⲁⲩ ⲛⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛϭⲓ ⲛ ⲥⲓⲟⲩ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ϭⲏⲡⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲡ ⲕⲁϩ ⲣ̅ϣⲁⲕⲉ ⲁⲩⲱ ⲉⲧⲃⲉ ⲟⲩ ⲁ ⲡ ⲙⲟⲟⲩ ⲉⲓ̅ ⲉϫⲱ ϥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲡ ⲕⲁϩ ϣⲟⲟⲩⲉ ⲁⲩⲱ ⲁ ⲡ ⲙⲟⲩ ⲛ̅ ϩⲱⲟⲩ ⲉⲓ̅ ϫⲱ ϥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ϩⲉ‐ⲃⲱⲱⲛ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ϩⲉ ⲛⲟⲩϥⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ϫⲁϥ ·

ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ϯⲱⲧⲉ ⲉⲧ ⲛⲁⲛⲟⲩ ⲥ : ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ϣⲟⲩⲉⲓϣ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲉ ⲕⲃⲟ ⲉ ⲧ ϩⲟⲗϭ̅ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧⲉ ⲭⲁⲗⲁⲍⲁ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲉ ⲭⲓⲱⲛ ⲉⲧ ⲛⲟⲧⲙ̅ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲏⲩ ⲛ̅ ⲉⲙⲛ̅ⲧ̅ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲏⲩ ⲛ̅ ⲉⲉⲓⲃⲧ̅ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲕⲱϩⲧ̅ ⲙ̅ ⲡ ϫⲓⲥⲉ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲕⲉ ⲙⲟⲩⲉⲓⲟⲟⲩⲉ ·

ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲏⲩ ⲛ̅ⲉⲉⲓⲃⲧ̅ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲟⲩ ⲣⲏⲥ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲧⲟⲩ ⲙ̅ϩⲓⲧ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲥⲓⲟⲩ ⲛ̅ ⲧ ⲡⲉ · ⲁⲩⲱ ⲙⲛ̅ ⲛ̅ⲇⲓⲥ ⲕⲟⲥ ⲛ̅ⲧⲉ ⲛⲉ ⲫⲱⲥⲧⲏⲣ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲉ ⲥⲧⲉⲣⲉⲱⲙⲁ ⲙⲛ̅ ⲛⲉϥ ⲕⲁⲧⲁⲡⲉⲧⲁⲥⲙⲁ ⲧⲏⲣ ⲟⲩ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲁⲣⲭⲱⲛ ⲛ̅ ⲛⲉ ⲥⲫⲉⲣⲁ ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧⲉ ⲥⲫⲉⲣⲁ ⲙⲛ̅ ⲛⲉⲥ ⲧⲩⲡⲟⲥ ⲧⲏⲣ ⲟⲩ · ⲁⲩⲱ ⲛ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧ ⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲁⲣⲭⲱⲛ ⲛ̅ ⲧⲉⲛ ⲁⲓⲱⲛ ·

ⲁⲩⲱ ⲉⲧ ⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲁⲓⲱⲛ ⲙⲛ̅ ⲛⲉⲩ ⲕⲁⲧⲁⲡⲉⲧⲁⲥⲙⲁ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧ ⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲁⲣⲭⲱⲛ ⲛ̅ ⲧⲉⲛ ⲁⲓⲱⲛ ⲛ̅ ⲧⲩⲣⲁⲛ ⲛⲟⲥ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛϭⲓ ⲛ ⲁⲣⲭⲱⲛ ⲛ̅ⲧ ⲁ ⲩ ⲙⲉⲧⲁⲛⲟⲓ̈ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲗⲉⲓⲧⲟⲩⲣⲅⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲇⲉⲕⲁⲛⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲁⲅⲅⲉⲗⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲁⲣⲭⲁⲅⲅⲉⲗⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ϫⲟⲉⲓⲥ · ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲛⲟⲩⲧⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ϩⲱⲱ ϥ ⲁ ⲡ ⲕⲱϩ ϣⲱⲡⲉ ϩⲙ̅ ⲡ ϫⲓⲥⲉ ·

ⲁⲩⲱ ⲉⲧⲃⲉ ⲟⲩ ϩⲱⲱ ⲥ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ⲁⲧ ⲕⲱϩ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲙⲟⲥⲧⲉ ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲙⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲡ ⲱⲣϫ̅ ϣⲱⲡⲉ · ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ϩⲱⲧⲡ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲧⲙⲛ̅ⲧⲙⲁⲓ̈ ϩⲟⲩⲟ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ⲧ ⲁⲡⲟⲧⲁⲅⲏ ⲙ̅ ⲡ ⲧⲏⲣ ϥ̅ ϣⲱⲡⲉ · ⲁⲩⲱ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙⲛ̅ⲧ ⲙⲁⲓ̈ ⲭⲣⲏⲙⲁ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲡ ϫⲉ ⲉⲧⲃⲉ ⲟⲩ ⲁ ⲧⲙ̅ⲛ̅ⲧ̅ⲙⲁⲓ̈ϩⲏⲧ ⲥ̅ ϣⲱⲡⲉ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲥⲉ̅ⲓ̅ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲥⲩⲛⲍⲩⲅⲟⲥ · ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲭⲱⲣⲓⲥ ⲥⲩⲛⲍⲩⲅⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲙ̅ⲛⲧ ⲁⲧ ⲛⲟⲩⲧⲉ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲫⲱⲥⲧⲏⲣ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲥⲡⲓⲛⲑⲏⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲧⲣⲓⲇⲩⲛⲁⲙⲓⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲁϩⲟⲣⲁⲧⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ̅ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲡⲣⲟⲡⲁⲧⲱⲣ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ϩⲓⲗⲓⲕⲣⲓⲛⲉⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲓ ⲛⲟϭ ⲛ̅ ⲁⲩⲑⲁⲇⲏⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉϥ ⲡⲓⲥⲧⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲛⲟϭ ⲛ̅ ⲧⲣⲓⲇⲩⲛⲁⲙⲓⲥ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲛⲟϭ ⲙ̅ ⲡⲣⲟⲛⲁⲧⲱⲣ ⲛ̅ ⲁ ϩⲟⲣⲁⲧⲟⲥ ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲙⲁϩⲙⲛ̅ⲧϣⲟⲙⲧⲉ ⲛ̅ ⲁⲓⲱⲛ · ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲟⲡⲟⲥ ⲛ̅ ⲛⲁ ⲧ ⲙⲉⲥⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲙ̅ⲡⲁⲣⲁ ⲗⲏⲙⲧⲏⲥ ⲛ̅ ⲧ ⲙⲉⲥⲟⲥ · ⲁⲩⲱ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ ⲇⲓⲁⲕⲟⲛⲟⲥ ⲛ̅ ⲧ ⲙⲉⲥⲟⲥ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ⲁⲅⲅⲉⲗⲟⲥ ⲛ̅ ⲧ ⲙⲉⲥⲟⲥ · ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲕⲁϩ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲓ ⲛⲟϭ ⲙ̅ ⲡⲁⲣⲁⲗⲏⲙⲡⲧⲏⲥ ⲙ̅ ⲡ ⲟⲩⲟ ⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲛⲉ ⲫⲩⲗⲁⲝ ⲙ̅ ⲡ ⲧⲟⲡⲟⲥ ⲛ̅ ⲛⲁ ⲟⲩⲛⲁⲙ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲡⲣⲟϩⲏⲅⲟⲩⲙⲉⲛⲟⲥ ⲛ̅ ⲛⲁⲓ̈ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲥ ϣⲱⲡⲉ ⲛ̅ϭⲓ ⲧ ⲡⲩⲗⲏ ⲙ̅ ⲡ ⲱⲛϩ̅ · ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲥⲁⲃⲁⲱⲑ ⲡ ⲁⲅⲁⲑⲟⲥ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲧⲟⲡⲟⲥ ⲛ̅ ⲛⲁ ⲟⲩⲛⲁⲙ ·

ⲁⲩⲱ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡ ⲕⲁϩ ⲙ̅ ⲡ ⲟⲩⲟⲉⲓⲛ ⲉⲧⲉ ⲛ̅ⲧⲟϥ ⲡⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲟⲩⲟⲉⲓⲛ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲡ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲥⲱⲧⲏⲣ · ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲧ ϣⲟⲙⲧⲉ ⲙ̅ ⲡⲩⲗⲏ ⲛ̅ⲧⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ .

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲡⲉ ⲯⲓⲥ ⲙ̅ ⲫⲩⲗⲁⲝ · ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲡ ⲉⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲛ̅ ϩⲁⲧⲣⲉⲉⲩ ⲛ̅ ⲥⲱⲧⲏⲣ ·

ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲡ ϣⲟⲙⲛ̅ⲧ̅ ⲛ̅ ϩⲁⲙⲏⲛ · ⲁⲩⲱ ⲡ ⲙⲩⲥ ⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲡ ϯⲟⲩ ⲛ̅ ϣⲏⲛ ⲁⲩⲱ ⲉⲧⲃⲉ ⲟⲩ ⲁ ⲩ ϣⲱⲡⲉ ⲛ̅ϭⲓ ⲡ ⲥⲁϣϥ̅ ⲛ̅ ϩⲁⲙⲏⲛ : ⲁⲩⲱ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ⲧⲟϥ ⲉ ⲧ ⲥⲟⲟⲩⲛ ϫⲉ ⲉⲧⲃⲉ ⲟⲩ ⲁ ϥ ϣⲱⲡⲉ ⲛ̅ϭⲓ ⲡⲕ ⲉⲣⲁⲥⲙⲟⲥ ⲉ ⲛ ϥ̅ ϣⲟⲟⲡ ⲁⲛ ·

ⲁⲩⲱ ⲉⲧⲃⲉ ⲟⲩ ⲁ ϥ ⲥⲱⲧϥ̅ ⲉⲃⲟⲗ :

Ⲍ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲉⲧⲓ ⲛⲁⲙⲁⲑⲛⲧⲏⲥ ⲛⲏⲫⲉ ⲙ̅ⲙⲱ ⲧⲛ ⲉⲓⲛⲉ ⲛ̅ ⲧ ϭⲟⲙ ⲛ̅ ⲧ ⲁⲓⲥⲑⲏⲥⲓⲥ ⲛ̅ⲧⲉ ⲡ ⲟⲩⲟⲉⲓⲛ ⲉ ⲑ ⲏ ⲙ̅ⲙⲟ ϥ . ⲛ̅ ⲧⲉⲧⲛ̅ ϫⲓⲥⲙⲏ ⲉⲃⲟⲗ ϩⲛ̅ ⲟⲩ ⲱⲣϫ̅ · ϫⲓⲛ ⲧⲉⲛⲟⲩ ⲅⲁⲣ ⲉ ⲓ̈ ⲛⲁ ϣⲁϫⲉ ⲛⲙ̅ⲙⲏ ⲧⲛ̅ ⲉ ⲡ ⲧⲟⲡⲟⲥ ⲡ ⲧⲏⲣ ϥ̅ ⲛ̅ ⲧ ⲁⲗⲏⲑⲓⲁ ⲛ̅ⲧⲉ ⲡⲓ ⲁⲧ ϣⲁϫⲉ ⲉⲣⲟ ϥ : ⲁⲩⲱ ⲙⲛ̅ ⲑ ⲉ ⲉⲧ ϥ̅ ⲟ ⲙ̅ⲙⲟ ⲥ :

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲙ̅ ⲙⲁⲑⲏⲧⲏⲥ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉⲧ ϥ̅ ϫⲱ ⲙ̅ⲙⲟ ⲟⲩ ⲛ̅ϭⲓ ⲓ̅ⲥ̅ · ⲁ ⲩⲉⲕⲗⲓⲛⲉ ⲁⲩⲱ ⲁ ⲩ ⲕⲁ ⲧⲟⲟⲧ ⲟⲩ ⲉⲃⲟⲗ ⲉ ⲡ ⲧⲏⲣ ϥ̅ ·

ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲁ ⲥ ⲡⲁϩⲧ̅ ⲥ̅ ⲉϫⲛ̅ ⲛ̅ ⲟⲩⲉⲣⲏⲧⲉ ⲛ̅ ⲓ̅ⲥ̅ ⲁ ⲥ ⲟⲩⲱϣⲧ̅ ⲉⲣⲟ ⲟⲩ · ⲁ ⲥ ⲱϣ ⲉⲃⲟⲗ ⲁ ⲥ ⲣⲓⲙⲉ ⲡⲉϫⲁ ⲥ ϫⲉ ⲛ ⲁ̅ ϩⲁⲣⲟ ⲓ̈ ⲡⲁ ϫⲟⲉⲓⲥ · ⲉⲙ̅ⲙⲟⲛ ⲁ ⲛⲁ ⲥⲛⲏⲩ ⲥⲱⲧⲙ̅ ⲁⲩⲱ ⲁ ⲩ ⲕⲁ ⲧⲟⲟⲧ ⲟⲩ ⲉⲃⲟⲗ ϩⲛ̅ ⲛ̅ ϣⲁϫⲉ ⲉⲧ ⲕ̅ ϫⲱ ⲙ̅ⲙⲟ ⲟⲩ : ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲉⲧⲃⲉ ⲡ ⲥⲟⲟⲩⲛ ⲛ̅ ⲛⲉⲓ̈ ϣⲁϫⲉ ⲧⲏⲣ ⲟⲩ ⲛ̅ⲧ ⲁ ⲕ ϫⲟⲟⲩ ⲉ ⲩ ϣⲟⲟⲡ ϩⲣⲁⲓ̈ ϩⲙ̅ ⲡ ⲙⲩⲥ ⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ · ⲁⲗⲗⲁ ⲁ ⲓ̈ ⲥⲱⲧⲙ̅ ⲉ ⲣⲟ ⲕ ⲉ ⲕ ϫⲱ ⲙ̅ⲙⲟ ⲓ̈ ϫⲉ ϫⲓⲛ ⲧⲉⲛⲟⲩ ⲉ ⲓ̈ ⲛⲁ ⲁⲣⲭⲓ ⲛ̅ ϣⲁϫⲉ ⲛⲙ̅ⲙⲏ ⲧⲛ̅ ⲉ ⲡ ⲥⲟⲟⲩⲛ ⲧⲏⲣ ϥ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·

ⲡⲉⲓ̈ ϣⲁϫⲉ ⲟⲩⲛ ⲉⲧ ⲕ̅ ϫⲱ ⲙ̅ⲙⲟ ϥ ⲉⲓ̈ⲉ ⲙ̅ⲡⲁⲧ ⲕ̅ ϩⲱⲛ ⲉϩⲟⲩⲛ ⲉϫⲱ ⲕ ⲉⲃⲟⲗ ⲙ̅ ⲡ ϣⲁϫⲉ ·

ⲉⲧⲃⲉ ⲡⲁⲓ̈ ⲟⲩ ⲛⲁ ⲥⲛⲏⲩ ⲁ ⲩ ⲥⲱⲧⲙ̅ ⲁ ⲩ ⲕⲁ ⲧⲟⲟⲧ ⲟⲩ ⲉⲃⲟⲗ ⲁ ⲩ ⲗⲟ ⲉ ⲩ ⲁⲓⲥⲑⲁⲛⲉ ϫⲉ ⲉ ⲕ ϣⲁϫⲉ ⲛⲙ̅ ⲙⲁ ⲩ ⲛ̅ ⲁϣ ⲛ̅ ϩⲉ · ⲉⲧⲃⲉ ⲛ̅ ϣⲁϫⲉ ⲉⲧ ⲕ̅ ϫⲱ ⲙ̅ⲙⲟ ⲟⲩ ⲛⲁ ⲩ · ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲉϣϫⲉ ⲉⲣⲉ ⲡ ⲥⲟⲟⲩⲛ ⲛ̅ ⲛⲁⲓ̈ ⲧⲏⲣ ⲟⲩ ⲉ ϥ ϣⲟⲟⲡ ϩⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ⲉⲓ̈ⲉ ⲛⲓⲙ ⲡⲉ ⲡ ⲣⲱⲙⲉ ⲉⲧ ϩⲙ̅ ⲡ ⲕⲟⲥⲙⲟⲥ ⲉⲧⲉ ⲟⲩⲛ ϭⲟⲙ ⲙ̅ⲙⲟ ϥ ⲉ ⲛⲟⲓ̈ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲙⲛ̅ ⲛⲉϥ ⲥⲟⲟⲩⲛ ⲧⲏⲣ ⲟⲩ . ⲁⲩⲱ ⲡ ⲧⲩⲡⲟⲥ ⲛ̅ ⲛⲉⲓ̈ ϣⲁϫⲉ ⲧⲏⲣ ⲟⲩ ⲉⲛⲧ ⲁ ⲕ ϫⲟⲟⲩ ⲉⲧⲃⲏⲏⲧ ϥ̅ :

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉⲧ ⲥ̅ ϫⲱ ⲙ̅ⲙⲟ ⲟⲩ ⲛ̅ϭⲓ ⲙⲁⲣⲓⲁ ⲁ ϥ ⲉⲓⲙⲉ ϫⲉ ⲁ ⲩ ⲥⲱⲧⲙ̅ ⲛ̅ϭⲓ ⲙ̅ ⲙⲁⲑⲏⲧⲏⲥ ⲁ ⲩ ⲁⲣϫⲓ ⲛ̅ ⲕⲁ ⲧⲟⲟⲧ ⲟⲩ ⲉⲃⲟⲗ ⲁ ϥ ϯ ⲧⲱⲕ ⲛ̅ ϩⲏⲧ ⲛⲁ ⲩ ⲡⲉϫⲁ ϥ ⲛⲁ ⲩ ϫⲉ ⲙ̅ⲡⲣ̅ⲗⲩⲡⲓ ϭⲉ ⲛⲁ ⲙⲁⲑⲏⲧⲏⲥ ⲉⲧⲃⲉ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉ ⲣⲟ ϥ · ⲉ ⲧⲉⲧⲛ̅ ⲙⲉⲉⲩⲉ ϫⲉ ⲛ̅ ⲧⲉⲧⲛ̅ ⲛⲁ ⲛⲟⲓ̈ ⲙ̅ⲙⲟ ϥ ⲁⲛ · ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲡⲱⲧ ⲛ̅ ⲡⲉ ⲡ ⲙⲩⲥⲧⲏ ⲣⲓⲟⲛ ⲉⲧ ⲙ̅ⲙⲁⲩ ·

ⲁⲩⲱ ⲡⲁ ⲟⲩⲟⲛ ⲛⲓⲙ ⲡⲉ ⲉⲧ ⲛⲁ ⲥⲱⲧⲙ̅ ⲛ̅ⲥⲱ ⲧⲛ̅ ⲛ̅ ⲥⲉ ⲁⲡⲟⲧⲁⲥⲥⲉ ⲙ̅ ⲡⲉⲓ̈ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ̅ · ⲁⲩⲱ ⲛ̅ ⲥⲉ ⲁⲡⲟⲧⲁⲥⲥⲉ ⲙ̅ ⲙⲉⲉⲩⲉ ⲛⲓⲙ ⲙ̅ ⲡⲟⲛⲏⲣⲟⲛ ⲉⲧ ϣⲟⲟⲡ ⲛ̅ϩⲏⲧ ⲟⲩ · ⲁⲩⲱ ⲛ̅ ⲥⲉ ⲁⲡⲟⲧⲁⲥⲥⲉ ⲛ̅ ⲣ̅ ⲣⲟⲟⲩϣ ⲧⲏⲣ ⲟⲩ ⲙ̅ ⲡⲉⲓ̈ ⲁⲓⲱⲛ ·

Ⲍ ⲧⲉⲛⲟⲩ ϭⲉ ⲟⲩⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲟⲩⲟⲛ ⲛⲓⲙ ⲉⲧ ⲛⲁ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲛⲉⲧⲛ̅ ϩⲏⲧϥ̅ ⲧⲏⲣ ⲟⲩ . ⲁⲩⲱ ⲛ ϥ̅ ϩⲩⲡⲟⲧⲁⲥⲥⲉ ⲛ̅ ⲧ ⲙⲛ̅ⲧ ⲛⲟⲩⲧⲉ ·

ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ϥ ⲙⲟⲧⲛ̅ ⲛⲁ ⲩ ⲛ̅ ϩⲟⲩⲟ ⲉ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲁⲩⲱ ϥ ⲙⲁⲧⲱⲟⲩ ⲉ ⲛⲟⲓ̈ ⲙ̅ⲙⲟ ϥ ⲛ̅ ϩⲟⲩⲟ ⲉⲣⲟ ⲟⲩ ⲧⲏⲣ ⲟⲩ · ⲁⲩⲱ ϥⲁⲥⲟⲟⲩⲧⲛ̅ ⲛ̅ ϩⲟⲩⲟ ⲉⲣⲟ ⲟⲩ ⲧⲏⲣ ⲟⲩ ·

ⲡ ⲉⲧ ⲛⲏⲩ ⲉϩⲟⲩⲛ ⲉ ⲡ ⲥⲟⲟⲩⲛ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ · ϣⲁ ϥ ⲁⲡⲟⲧⲁⲥⲥⲉ ⲙ̅ ⲡⲉⲓ̈ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲛ̅ ⲣⲟⲟⲩϣ ⲧⲏⲣ ⲟⲩ ⲉⲧ ⲛ̅ϩⲏⲧ ϥ̅ .

ⲉⲧⲃⲉ ⲡⲁⲓ̈ ϭⲉ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ⲙ̅ ⲡⲉ ⲟⲩⲟⲉⲓϣ ϫⲉ ⲟⲩⲟⲛ ⲛⲓⲙ ⲉⲧ ϩⲁⲣⲟⲟⲩϣ ⲁⲩⲱ ⲉⲧ ϩⲟⲥⲉ ϩⲁ ⲧⲉⲩ ⲉⲧⲡⲱ ·

ⲁⲙⲏⲓ̈ ⲧⲛ̅ ⲉ ⲣⲁⲧ ⲧⲁ ϯ ⲙ̅ⲧⲟⲛ ⲛⲏ ⲧⲛ̅ ϫⲉ ⲥ ⲁⲥⲱⲟⲩ ⲅⲁⲣ ⲛ̅ϭⲓ ⲧⲁ ⲉⲧⲡⲱ ⲁⲩⲱ ⲟⲩ ⲣⲙ̅ ⲣⲁϣ ⲡⲉ ⲛⲁ ⲛⲁ ϩⲃⲉϥ ·

ⲧⲉⲛⲟⲩ ϭⲉ ⲡ ⲉⲧ ⲛⲁ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ϣⲁ ϥ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ · ⲁⲩⲱ ⲙⲛ̅ ⲡ ⲣⲟⲟⲩϣ ⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ ·

ⲉⲧⲃⲉ ⲡⲁⲓ̈ ϭⲉ ⲟⲩⲛ ⲛⲁ ⲙⲁⲑⲏⲧⲏⲥ ⲙ̅ⲡⲣ̅ ⲗⲩⲡⲉⲓ ⲉ ⲧⲉⲧⲛ̅ ⲙⲉⲉⲩⲉ ϫⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲛ̅ ⲧⲉⲧⲛ̅ ⲛⲁ ⲛⲟⲓ̈ ⲙ̅ⲙⲟ ϥ ⲁⲛ ·

ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ ⲙⲁⲩ ϥ ⲙⲁⲧⲱⲟⲩ ⲉ ⲛⲟⲓ̈ ⲙ̅ⲙⲟ ϥ ⲛ̅ ϩⲟⲩⲟ ⲉ ⲙ̅ ⲙⲩⲥⲧⲏ ⲣⲓⲟⲛ ⲧⲏⲣ ⲟⲩ ·

ⲁⲩⲱ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲡⲱⲧⲛ̅ ⲡⲉ ⲙⲛ̅ ⲟⲩⲟⲛ ⲛⲓⲙ ⲉⲧ ⲛⲁ ⲁⲡⲟⲧⲁⲥⲥⲉ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲙⲛ̅ ⲑ ⲩⲗⲏ ⲧⲏⲣ ⲥ̅ ⲉⲧ ⲛ̅ϩⲏⲧ ϥ ·

ⲧⲉⲛⲟⲩ ϭⲉ ⲥⲱⲧⲙ̅ ⲛⲁ ⲙⲁⲑⲏⲧⲏⲥ ⲁⲩⲱ ⲛⲁ ϣⲃⲉⲉⲣ ⲁⲩⲱ ⲛⲁ ⲥⲛⲏⲩ · ⲧⲁ ⲡⲣⲟⲧⲣⲉⲡⲉ ⲙ̅ⲙⲱ ⲧⲛ̅ ⲉ ⲡ ⲥⲟⲟⲩⲛ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ·