ⲟⲓ̈ⲛ ⲥⲉ ⲛⲁ ϣⲱⲡⲉ ⲉ ⲩ ⲟⲧⲃ̅ ⲉ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲉ ⲑⲏⲥⲁⲩⲣⲟⲥ ϩⲣⲁⲓ̈ ϩⲛ̅ ⲧⲉⲕ ⲙⲛ̅ⲧ ⲉⲣⲟ ⲉⲃⲟⲗ ϫⲉ ⲁ ⲓ̈ ⲥⲱⲧⲙ̅ ⲉⲣⲟ ⲕ ⲉ ⲕ ϫⲱ ⲙ̅ⲙⲟ ⲥ ϫⲉ ⲉⲉⲓϣⲁⲛ ϫⲓ ⲧⲏⲩⲧⲛ̅ ⲉ ⲡ ⲧⲟ ⲡⲟⲥ ⲛ̅ⲉⲣ ϫⲓ ⲙ̅ □ⲙⲩⲥⲧⲏⲣⲓⲟⲛ□ ⲡ ⲧⲟⲡⲟⲥ ⲡ ⲕⲁϩ ⲙ̅ ⲡ ⲟⲩⲟⲉⲓⲛ ϥ ⲛⲁ ⲱⲡ ⲛ̅ⲛⲁϩⲣⲏ ⲧⲛ̅ ⲛ̅ ⲑ ⲉ ⲛ̅ ⲟⲩ ⲛⲁⲡⲛⲉ ⲛ̅ ϣⲟⲉⲓϣ ⲉⲃⲟⲗ ⲙ̅ ⲡ ⲛⲟϭ ⲛ̅ ⲟⲩⲉ ⲉⲧ ϥ̅ ⲟⲩⲏⲩ ⲉⲃⲟⲗ ⲛ̅ϩⲏⲧ ϥ̅ · ⲁⲩⲱ ⲙⲛ̅ ⲡ ⲛⲟϭ ⲛ̅ ⲟⲩⲟⲉⲓⲛ ⲉⲧ ϥ̅ ϣⲟⲟⲡ ⲛ̅ ϩⲏⲧ ϥ̅ · ⲉⲧⲉ ⲡ ⲕⲁϩ ⲙ̅ ⲡ ⲟⲩⲟⲉⲓⲛ ⲡⲉ ⲙ̅ ⲡⲉ ⲑⲏⲥⲁⲩⲣⲟⲥ ⲡ ⲧⲟⲡⲟⲥ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ·

ⲉⲉⲓⲉ ⲟⲩ ⲕⲟⲩⲛ ⲡⲁ ϫⲟⲉⲓⲥ ⲉⲓ̈ⲉ ⲛ̅ ⲣⲱⲙⲉ ⲉⲣ ϫⲓ ⲙ̅□ⲙⲩⲥⲧⲏⲣⲓⲟⲛ ⲥⲉ ⲛⲁ ϣⲱⲡⲉ ⲉ ⲩ ⲟⲩⲟⲧⲃ̅ ⲉ ⲡ ⲕⲁϩ ⲙ̅ ⲡ ⲟⲩⲟⲉⲓⲛ · ⲁⲩⲱ ⲛ̅ ⲥⲉ ϣⲱⲡⲉ ⲉ ⲩ ⲟⲩⲟⲧⲃ̅ ⲉⲣⲟ ⲟⲩ ϩⲣⲁⲓ̈ ϩⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲕⲁⲗⲱⲥ ⲙⲉⲛⲧⲟⲓⲅⲉ ⲧⲉ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ ·

ⲁⲗⲗⲁ ⲥⲱⲧⲙ̅ ⲙⲁⲣⲓⲁ · ⲧⲁ ϣⲁϫⲉ ⲛⲙ̅ ⲙ ⲉ ⲉϩⲣⲁⲓ̈ ⲉ ⲧ ⲥⲩⲛⲧⲉⲗⲉⲓⲁ ⲙ̅ ⲡ ⲁⲓⲱⲛ · ⲙⲛ̅ ⲡ ⲱⲗ ⲉ ϩⲣⲁⲓ̈ ⲙ̅ ⲡ ⲧⲏⲣ ϥ̅ ⲛ̅ ⲛⲉ ⲥ ⲛⲁ ϣⲱⲡⲉ ⲁⲛ ϩⲓ ⲛⲁⲓ̈ ·

ⲁⲗⲗⲁ ⲛ̅ⲧ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ϫⲉ ⲉⲓ̈ϣⲁⲛ ϫⲓ ⲧⲏⲩⲧⲛ̅ ⲉ ⲡ ⲧⲟ ⲡⲟⲥ ⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲛ̅ ⲛ ⲉⲧ ⲛⲁ ϫⲓ ⲙ̅ ⲡ̅ ⲙⲩⲥ ⲧⲏⲣⲓⲟⲛ ⲙ̅ ⲡ ⲟⲩⲟⲓ̈ⲛ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ⲡ ⲧⲟⲡⲟⲥ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ϥ ⲛⲁ ⲱⲡ ⲛ̅ⲛⲁϩⲣⲛ̅ ⲧⲏ ⲛⲟⲩ ⲛ̅ ⲑ ⲉ ⲛ̅ ⲟⲩ ⲛⲁⲡⲛⲉ ⲛ̅ ϣⲟⲓ̈ϣ ⲁⲩⲱ ⲛ̅ ⲑ ⲉ ⲙ̅ ⲡ ⲟⲩⲟⲓ̈ⲛ ⲙ̅ ⲡ ⲣⲏ ⲛ̅ⲧⲉ ⲡⲉ ϩⲟⲟⲩ ⲙ̅ⲙⲁⲧⲉ · ⲛ̅ⲧ ⲁ ⲩ ϫⲟⲟ ⲥ ⲟⲩⲛ ϫⲉ ⲉⲣⲉ ⲛⲁⲓ̈ ⲛⲁ ϣⲱⲡⲉ ϩⲙ̅ ⲡⲉⲟⲩⲟⲓ̈ϣ ⲛ̅ ⲧ ⲥⲩⲛ ⲧⲉⲗⲉⲓⲁ ⲙ̅ ⲡ ⲱⲗ ⲉϩⲣⲁⲓ̈ ⲙ̅ ⲡ ⲧⲏⲣ ϥ̅ ·

ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ ⲙ̅ ⲡⲉ ⲑⲏⲥⲁⲩⲣⲟⲥ ⲙⲛ̅ ⲧ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲧⲁⲝⲓⲥ ⲙ̅ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲉⲧⲉ ⲛ̅ ⲧⲟⲟⲩ ⲡⲉ ⲛⲉ ⲡⲣⲟⲃⲟⲗⲟⲟⲩⲉ ⲛ̅ ⲧ ⲥⲁϣϥⲉ ⲙ̅ ⲫⲱⲛⲏ ⲙⲛ̅ ⲡ ϯⲟⲩ ⲛ̅ ϣⲏⲙ ⲥⲉ ⲛⲁ ϣⲱⲡⲉ ⲛⲙ̅ⲙⲁ ⲓ̈ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲕⲗⲏ ⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ · ⲉ ⲩ ⲟ ⲛ̅ ⲣ̅ⲣⲟ ⲛⲙ̅ⲙⲁ ⲓ̈ ϩⲛ̅ ⲧⲁ ⲙⲛ̅ⲧ ⲉⲣⲟ · ⲉⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲉ ϥ ⲟ ⲛ̅ ⲣ̅ⲣⲟ ⲉϩⲣⲁⲓ̈ ⲉϫⲛ̅ ⲛⲉϥ ⲡⲣⲟⲃⲟⲗⲟⲟⲩⲉ ·

ⲁⲩⲱ ⲟⲛ ⲉⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲉ ϥ ⲟ ⲛ̅ ⲣ̅ⲣⲟ ⲕⲁⲧⲁ ⲡⲉϥ ⲉⲟⲟⲩ ·

ⲡ ⲛⲟϭ ⲕⲁⲧⲁ ⲧⲉϥ ⲙⲛ̅ⲧ ⲛⲟϭ ⲡ ⲕⲟⲩⲉⲓ ⲕⲁⲧⲁ ⲧⲉϥ ⲙⲛ̅ⲧ ⲕⲟⲩⲓ̈ · ⲁⲩⲱ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲛ̅ ⲧ ϣⲟⲣⲡ̅ ⲙ̅ ⲫⲱⲛⲏ ⲥⲉ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅□□ ⲉ ⲡⲓ ϣⲟⲣⲡ̅ ⲙ ⲩⲥⲧⲏⲣⲓⲟⲛ ϩⲛ̅ ⲧⲁ ⲙⲛ̅ⲧ ⲉⲣⲟ ·

ⲁⲩⲱ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲛ̅ ⲧ ⲙⲉϩ ⲥⲛ̅ⲧⲉ ⲙ̅ ⲫⲱⲛⲏ · ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛ ⲉⲛ̅ⲧ ⲁ ⲩ ϫⲓ ⲙ̅ ⲡ ⲙⲉϩ ⲥⲛⲁⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ ·

ϩⲟⲙⲟⲓⲱⲥ ⲟⲛ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲛ̅ ⲧ ⲙⲉϩ ϣⲟⲙⲧⲉ ⲙ̅ ⲫⲱⲛⲏ · ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲉϩ ϣⲟⲙⲛ̅ⲧ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲣⲁⲓ̈ ϩⲛ̅ ⲧⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲛ̅ ⲧ ⲙⲉϩ ϥⲧⲟ ⲙ̅ ⲫⲱⲛⲏ ⲙ̅ ⲡⲉ ⲑⲏ ⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲁϩϥⲧⲟⲟⲩ ⲙ̅ ⲙⲩⲥⲧⲏ ⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲛ̅ ⲛⲉ ⲕⲗⲏⲣⲟ ⲛⲟⲙⲓⲁ ⲙ̅ ⲡ ⲟⲩⲟⲓ̈ⲛ ·

ⲁⲩⲱ ⲡⲙⲁϩϯⲟⲩ ⲛ̅ ⲥⲱⲧⲏⲣ ⲛ̅ ⲧⲙⲁϩϯ ⲙ̅ ⲫⲱⲛⲏ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲉϩ ϯⲟⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲓ̈ⲛ ·

ⲁⲩⲱ ⲡ ⲙⲉϩ ⲥⲟⲟⲩ ⲛ̅ ⲥⲱⲧⲏⲣ ⲛ̅ⲧⲉ ⲛⲉ ⲡⲣⲟⲃⲟⲗⲟⲟⲩⲉ ⲛ̅□□□□□ ϩⲥⲟ ⲙ̅ ⲫⲱⲛⲏ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟ ⲉⲓⲛ ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲉϩ ⲥⲟⲟⲩ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲁⲩⲱ ⲡ ⲙⲉϩ ⲥⲁϣϥ ⲛ̅ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲛ̅ ⲧ ⲙⲉϩ ⲥⲁϣϥⲉ ⲙ̅ ⲫⲱⲛⲏ ⲙ̅ ⲡⲉ ⲑⲏ ⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲉϩ ⲥⲁϣϥ ⲙ̅ⲙⲩⲥⲏⲧ ⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲙ̅ ⲡⲉ ⲑⲏⲥⲁⲩ ⲣⲟⲥ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲡ ⲙⲉϩ ϣⲙⲟⲩⲛ ⲛ̅ ⲥⲱⲧⲏⲣ ⲉⲧⲉ ⲛ̅ⲧⲟϥ ⲡⲉ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ϣⲟⲣⲡ̅ ⲛ̅ ϣⲏⲛ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ⲉⲣ ϫⲓ ⲙ̅ ⲡ ⲙⲉϩ ϣⲙⲟⲩⲛ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲡ ⲙⲁϩ ⲯⲓⲥ ⲛ̅ ⲥⲱⲧⲏⲣ ⲉⲧⲉ ⲛ̅ⲧⲟϥ ⲡⲉ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲙⲉϩ ⲥⲛⲁⲩ ⲛ̅ ϣⲏⲛ ⲙ̅ ⲡⲉ ⲑⲏ ⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲉϩ ⲯⲓⲥ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ϩⲣⲁⲓ̈ ϩⲛ̅ ⲛⲉ ⲕⲗⲏ ⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲡⲙⲁϩⲙⲏⲧ ⲛ̅ ⲥⲱⲧⲏⲣ ⲉⲧⲉ ⲛ̅ⲧⲟϥ ⲡⲉ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲙⲉϩ ϣⲟⲙⲧ̅ ⲛ̅ ϣⲏⲛ ⲙ̅ ⲡⲉ ⲑⲏⲥⲁⲩⲣⲟⲥ ⲙ ⲡ ⲟⲩⲟⲉⲓⲛ · ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲉϩ ⲙⲏⲧ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ϩⲟⲙⲟⲓⲱⲥ ⲟⲛ ⲡⲙⲁϩⲙⲛ̅ⲧⲟⲩⲉ ⲛ̅ ⲥⲱⲧⲏⲣ ⲉⲧⲉ ⲛ̅ⲧⲟϥ ⲡⲉ ⲡ ⲥⲱⲧⲏⲣ ⲙ̅ ⲡ ⲙⲁϩϥⲧⲟⲟⲩ ⲛ̅ ϣⲏⲛ ⲛ̅ⲧⲉ ⲡⲉ ⲑⲏ ⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉⲣ ϫⲓ ⲙ̅ ⲡ ⲙⲁϩⲙⲛ̅ⲧⲟⲩⲉ ⲙ̅ ⲙⲩⲥ ⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲉⲓⲛ ⲁⲩⲱ ⲡⲙⲁϩⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ ⲉⲧⲉ ⲛ̅ⲧⲟϥ ⲡⲉ ⲡ ⲥⲱⲧⲏⲣ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲙⲁϩϯⲟⲩ ⲛ̅ ϣⲏⲛ ⲙ̅ ⲡⲉ ⲑⲏⲥⲁⲩ ⲣⲟⲥ ⲙ̅ ⲡ ⲟⲩⲟⲉⲓⲛ ·

ϥ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛ ⲉⲛⲧ ⲁ ⲩ ϫⲓ ⲙ̅ ⲡ ⲙⲁϩⲙⲛ̅ⲧⲥⲛⲟⲟⲩⲥ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲓ̈ⲛ ·

ⲁⲩⲱ ⲡ ⲙⲉϩ ⲥⲁϣϥ̅ ⲛ̅ ϩⲁⲙⲏⲛ ⲙⲛ̅ ⲡ ϯⲟⲩ ⲛ̅ ϣⲏⲛ ⲙⲛ̅ ⲡ ϣⲟⲙⲛ̅ⲧ ⲛ̅ ϩⲁ ⲙⲏⲛ ⲥⲉ ⲛⲁ ϣⲱⲡⲉ ϩⲓ ⲟⲩⲛⲁⲙ ⲙ̅ⲙⲟ ⲓ̈ ⲉ ⲩ ⲟ ⲛ̅ ⲣ̅ⲣⲟ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲡ ⲥⲱ ⲧⲏⲣ ⲛ̅ ϩⲁⲧⲣⲉ ⲉⲩ ⲉⲧⲉ ⲛ̅ ⲧⲟⲟⲩ ⲡⲉ ⲡ ⲁⲗⲟⲩ ⲙ̅ ⲡ ⲁⲗⲟⲩ · ⲁⲩⲱ ⲙⲛ̅ ⲛⲉ ⲯⲓⲥ ⲙ̅ ⲫⲩⲗⲁⲝ ⲥⲉ ⲛⲁ ϭⲱ ϩⲱ ⲟⲩ ⲟⲛ ϩⲓ ϩⲃⲟⲩⲣ ⲙ̅ⲙⲟ ⲓ̈ ⲉ ⲩ ⲟ̅ ⲛ̅ ⲣ̅ⲣⲟ ϩⲣⲁ ϩⲛ̅ ⲛⲉ ⲕⲗⲏⲣⲟ ⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ⲁⲩⲱ ⲡ ⲟⲩⲁ ⲡ ⲟⲩⲁ ⲛ̅ ⲛ̅ ⲥⲱⲧⲏⲣ ϥ ⲛⲁ ⲣ̅ⲣⲟ ⲉϫⲛ̅ ⲛ̅ ⲧⲁⲝⲓⲥ ⲛ̅ ⲛⲉϥ ⲡⲣⲟⲃⲟⲗⲟⲟⲩⲉ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ⲛ̅ ⲑ ⲉ ⲟⲛ ⲉⲧ ⲟⲩ ⲟ ⲙ̅ⲙⲟ ⲥ ϩⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲡⲉ ⲯⲓⲥ ⲙ̅ ⲫⲩⲗⲁⲝ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲥⲉ ⲛⲁ ϣⲱⲡⲉ ⲉ ⲩ ⲟⲩⲟⲧⲃ̅ ⲉ ⲛ ⲥⲱⲧⲏⲣ ϩⲣⲁⲓ̈ ϩⲛ̅ ⲛⲉ ⲕⲗⲏ ⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ · ⲁⲩⲱ ⲛ̅ ϩⲁⲧⲣⲉⲉⲩ ⲛ̅ ⲥⲱⲧⲏⲣ · ⲥⲉ ⲛⲁ ϣⲱⲡⲉ ⲉ ⲩ ⲟⲩⲟⲧⲃ̅ ⲉ ⲡⲉ ⲯⲓⲥ ⲙ̅ ⲫⲩⲗⲁⲝ ϩⲣⲁⲓ̈ ϩⲛ̅ ⲧ ⲙⲛ̅ⲧ ⲉⲣⲟ ·

ⲁⲩⲱ ⲡ ϣⲟⲙⲛ̅ⲧ ⲛ̅ ϩⲁⲙⲏⲛ ⲥⲉ ⲛⲁ ϣⲱⲡⲉ ⲉ ⲩ ⲟⲧⲃ̅ ⲉ ⲛ ϩⲁⲧⲣⲉⲉⲩ ⲛ̅ ⲥⲱⲧⲏⲣ ϩⲣⲁⲓ̈ ϩⲛ̅ ⲧ ⲙⲛ̅ⲧ ⲉⲣⲟ ⲁⲩⲱ ⲡ ϯⲟⲩ ⲛ̅ ϣⲏⲛ ⲥⲉ ⲛⲁ ϣⲱⲡⲉ ⲉ ⲩ ⲟⲩⲟⲧⲃ̅ ⲉ ⲡ ϣⲟⲙⲛ̅ⲧ ⲛ̅ ϩⲁⲙⲏⲛ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲓ̈ⲛ ·

ⲁⲩⲱ ⲓ̅ⲉ̅ⲟ̅ⲩ̅ ⲙⲛ̅ ⲡⲉ ⲫⲩⲗⲁⲝ ⲙ̅ ⲡ ⲕⲁⲧⲁⲡⲉⲧⲁⲥⲙⲁ ⲙ̅ ⲡ ⲛⲟϭ ⲛ̅ ⲟⲩⲟⲉⲓⲛ · ⲙⲛ̅ ⲙ̅ ⲡⲁⲣⲁⲃⲟⲗⲏⲙ̅ⲧⲱⲣ ⲛ̅ ⲟⲩ ⲟⲉⲓⲛ · ⲙⲛ̅ ⲡ ⲛⲟϭ ⲥⲛⲁⲩ ⲙ̅ ⲡⲣⲟϩⲏⲅⲟⲩⲙⲉⲛⲟⲥ · ⲙⲛ̅ ⲡ ⲛⲟϭ ⲛ̅ ⲥⲁⲃⲁⲱⲑ ⲡ ⲁⲅⲁⲑⲟⲥ ⲥⲉ ⲛⲁ ϣⲱⲡⲉ ⲉ ⲩ ⲟ ⲛ̅ ⲣ̅ⲣⲟ ϩⲙ̅ ⲡ ϣⲟⲣⲡ̅ ⲛ̅ ⲥⲱⲧⲏⲣ ⲛ̅ⲧⲉ ϣⲟⲣⲡ̅ ⲙ̅ ⲫⲱⲛⲏ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲓ̈ⲛ ⲡⲁⲓ̈ ⲉⲧ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉⲣ ϫⲓ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ

ⲉⲃⲟⲗ ⲅⲁⲣ ϫⲉ ⲓ̅ⲉ̅ⲟⲩ ⲙⲛ̅ ⲡⲉ ⲫⲩⲗⲁⲝ ⲙ̅ ⲡ ⲧⲟⲡⲟⲥ ⲛ̅ ⲛⲁⲟⲩⲉⲓⲛⲁⲙ ⲙⲛ̅ ⲙⲉⲗⲭⲓ ⲥⲉⲇⲉⲕ ⲡ ⲛⲟϭ ⲙ̅ ⲡⲁⲣⲁⲗⲏⲙⲡⲧⲱⲣ ⲙ̅ ⲡ ⲟⲩⲟⲉⲓⲛ · ⲙⲛ̅ ⲡ ⲛⲟϭ ⲥⲛⲁⲩ ⲙ̅ ⲡⲣⲟϩⲏⲅⲟⲩⲙⲉⲛⲟⲥ ⲛ̅ⲧ ⲁ ⲩ ⲡⲣⲟ□□ⲗⲉ ⲉⲃⲟⲗ ϩⲙ̅ ⲡ ⲟⲩⲟⲉⲓⲛ ⲉⲧ ⲥⲟⲧⲡ̅ ⲉⲧ ⲟ ⲛ̅ ϩⲓⲗⲓⲕⲣⲓⲛⲉⲥ ⲉⲙⲁϣⲟ ⲛ̅ⲧⲉ ⲡ ϣⲟⲣⲡ̅ ⲛ̅ ϣⲏⲛ · ϩⲉⲱⲥ ϣⲁ ⲡⲙⲁϩϯⲟⲩ ·

ⲓ̅ⲉ̅ⲟ̅ⲩ̅ ⲙⲉⲛ̅ ⲛ̅ⲧⲟϥ ⲡⲉ ⲡ ⲉⲡⲓⲥⲕⲟⲡⲟⲥ ⲙ̅ ⲡ ⲟⲩⲟⲉⲓⲛ ⲛ̅ⲧ ⲁ ϥ ⲡⲣⲟ □□ⲗⲉ ⲉⲃⲟⲗ ⲛ̅ ϣⲟⲣⲡ̅ ϩⲣⲁⲓ̈ ϩⲙ̅ ⲡ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ ⲛ̅ⲧⲉ ⲡⲓ ϣⲟⲣⲡ̅ ⲛ̅ ϣⲏⲛ .

ⲡⲉ ⲫⲩⲗⲁⲝ ϩⲱⲱ ϥ ⲙ̅ ⲡ ⲕⲁ ⲧⲁⲡⲉⲧⲁⲥⲙⲁ ⲛ̅ ⲛⲁⲟⲩⲉⲓⲛⲁⲙ ⲛ̅ⲧ ⲁ ϥ ⲡⲣⲟ□□ⲗⲉ ⲉⲃⲟⲗ ϩⲙ̅ ⲡ ⲙⲉϩ ⲥⲛⲁⲩ ⲛ̅ ϣⲏⲛ · ⲁⲩⲱ ⲡⲉ ⲡⲣⲟϩⲏⲅⲟⲩⲙⲉⲛⲟⲥ ⲥⲛⲁⲩ ⲛ̅ⲧ ⲁ ⲩ ⲡⲣⲟⲗⲉ ϩⲱ ⲟⲩ ⲉⲃⲟⲗ ϩⲙ̅ ⲡ ϩⲓⲗⲓⲕⲣⲓⲛⲉⲥ ⲛ̅ ⲟⲩⲟⲉⲓⲛ ⲉ ϥ ⲥⲟⲧϥ̅ ⲉⲙⲁϣⲟ ⲛ̅ⲧⲉ ⲡ ⲙⲉϩ ϣⲟⲙⲛ̅ⲧ̅ ⲛ̅ ϣⲏⲛ ⲙⲛ̅ ⲡ ⲙⲉϩ ϥⲧⲟⲟⲩ ϩⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲙⲉⲗⲭⲓⲥⲉⲇⲉⲕ ϩⲱⲱ ϥ ⲛ̅ⲧ ⲁ ϥ ⲡⲣⲟⲗⲉ ⲉⲃⲟⲗ ϩⲙ̅ ⲡ ⲙⲁϩ ϯⲟⲩ ⲛ̅ ϣⲏⲛ · ⲥⲁⲃⲁⲱⲑ ⲡ ⲛⲟϭ ϩⲱⲱ ϥ ⲛ̅ ⲁⲅⲁⲑⲟⲥ ⲡⲁⲓ̈ ⲉⲛⲧ ⲁ ⲓ̈ ⲙⲟⲩⲧⲉ ⲉⲣⲟ ϥ ϫⲉ ⲡⲁ ⲉⲓⲱⲧ · ⲛ̅ⲧ ⲁ ϥ ⲡⲣⲟ □□ⲗⲉ ⲉⲃⲟⲗ ϩⲛ̅ⲓ̅ⲉ̅ⲟ̅ⲩ̅ ⲡ ⲉⲡⲓⲥⲕⲟⲡⲟⲥ ⲙ̅ ⲡ ⲟⲩⲟⲉⲓⲛ ·

ⲡⲉⲓ̈ ⲥⲟⲟⲩ ϭⲉ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲁⲫⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲁ ϥ ⲧⲣⲉ ⲩ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ⲛⲁ ⲟⲩⲉⲓⲛⲁⲙ ⲡⲣⲟⲥ ⲧ ⲟⲓⲕⲟⲛⲟⲙⲓⲁ ⲙ̅ ⲡ ⲥⲱⲟⲩϩ ⲉϩⲟⲩⲛ ⲙ̅ ⲡ ⲟⲩⲟⲉⲓⲛ ⲉ ⲧⲙ̅ ⲡ ϫⲓⲥⲉ ⲛ̅ ⲛ ⲁⲓⲱⲛ ⲛ̅ ⲧⲉⲛ̅ ⲁⲣⲭⲱⲛ · ⲁⲩⲱ ϩⲛ̅ ⲛ̅ ⲕⲟⲥⲙⲟⲥ ⲙⲛ̅ ⲅⲉⲛⲟⲥ ⲛⲓⲙ ⲉⲧ ⲛ̅ ϩⲏⲧ ⲟⲩ · ⲛⲁⲓ̈ ⲉ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ϩⲱⲃ ⲙ̅ ⲡ ⲟⲩⲁ ⲡ ⲟⲩⲁ ⲛ̅ⲧ ⲁ ⲩ ⲕⲁⲁ ϥ ϩⲓϫⲱ ϥ ϩⲙ̅ ⲡ ⲥⲱⲣ ⲉⲃⲟⲗ ⲙ̅ ⲡ ⲧⲏⲣ ϥ̅ . ⲉⲧⲃⲉ ⲡ ϫⲓⲥⲉ ⲟⲩⲛ ⲙ̅ ⲡ ϩⲱⲃ ⲉⲛⲧ ⲁ ϥ ⲕⲁⲁ ϥ ⲛ̅ϩⲏⲧ ϥ̅ ·

ⲥⲉ ⲛⲁ ϣⲱⲡⲉ ⲛ̅ ϣⲃ̅ⲣ̅ⲣ̅ⲣⲟ ϩⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲛ̅ ⲧ ⲉⲧ ϣⲟⲣⲡ̅ ⲙ̅ ⲫⲱⲛⲏ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ⲡⲁⲓ̈ ⲉⲧ ⲛⲁ ϣⲱⲡⲉ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩ ⲭⲟⲟⲩⲉ ⲛ̅ ⲛⲉⲣϫⲓⲡⲓϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲙⲛ̅ ⲡ ⲛⲟϭ ⲛ̅ ϩⲏⲅⲟⲩⲙⲉⲛⲟⲥ ⲛ̅ⲧⲉ ⲧ ⲙⲉⲥⲟⲥ ⲡⲁⲓ̈ ⲉϣⲁⲣⲉ ⲛ̅ ⲁⲣⲭⲱⲛ ⲛ̅ ⲧⲉⲛ ⲁⲓⲱⲛ ⲉ ϣⲁ ⲩ ⲙⲟⲩⲧⲉ ⲉⲣⲟ ϥ ϫⲉ ⲡ ⲛⲟϭ ⲛ ⲓ̈ⲁⲱ ⲕⲁⲧⲁ ⲡ ⲣⲁⲛ ⲛ̅ ⲟⲩ ⲛⲟϭ ⲛ ⲁⲣⲭⲱⲛ ⲉⲧ ϩⲙ̅ ⲡⲉⲩ ⲧⲟⲡⲟⲥ ⲛ̅ⲧⲟϥ ⲙⲛ̅ ⲧ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟⲉⲓⲛ · ⲙⲛ̅ ⲡⲉϥ ⲙⲛ̅ⲧ ⲥⲛⲟⲟⲩⲥ ⲛ̅ ⲇⲓⲁⲕⲱⲛ ⲛⲁ ⲓ̈ ⲛ̅ⲧ ⲁ ⲧⲉⲧⲛ̅ ϫⲓ ⲙⲟⲣⲫⲏ ⲛ̅ϩⲏⲧ ⲟⲩ ·

ⲁⲩⲱ ⲁ ⲧⲉⲧⲛ̅ ϫⲓ ⲛ̅ ⲧ ϭⲟⲙ ⲉⲃⲟⲗ ⲛ̅ϩⲏⲧ ⲟⲩ · ⲥⲉ ⲛⲁ ϣⲱⲡⲉ ϩⲱ ⲟⲩ ⲧⲏⲣ ⲟⲩ ⲉ ⲩ ⲟ ⲛ̅ ⲣ̅ⲣⲟ · ⲙⲛ̅ ⲡ ϣⲟⲣⲡ̅ ⲛ̅ ⲥⲱⲧⲏⲣ ⲛ̅ ⲧ ⲉⲧ ϣⲟⲣⲡ̅ ⲙ̅ ⲫⲱⲛⲏ ϩⲙ̅ ⲡ ⲧⲟⲡⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛ ⲉⲧ ⲛⲁ ϫⲓ ⲙ̅ ⲡ ϣⲟⲣⲡ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲓ̈ⲛ ⲁⲩⲱ ⲙⲛ̅ ⲡ ⲙ̅ⲛ̅ⲧ ⲏ ⲙ̅ ⲡⲁⲣⲁⲥⲧⲁⲧⲏⲥ ⲛ̅ ⲧ ⲥⲁϣϥⲉ ⲙ̅ ⲡⲁⲣⲑⲉⲛⲟⲥ ⲙ̅ ⲡ ⲟⲩⲟ ⲉⲓⲛ ⲛⲁⲓ̈ ⲉⲧ ϣⲟⲟⲡ ϩⲛ̅ ⲧ ⲙⲉⲥⲟⲥ ⲥⲉ ⲛⲁ ⲥⲱⲣ ⲉⲃⲟⲗ ϩⲣⲁⲓ̈ ϩⲛ̅ ⲛ̅ ⲧⲟⲡⲟⲥ ⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ · ⲙⲛ̅ ⲡ ⲕⲉ ⲥⲉⲉⲡⲉ ⲛ̅ ⲁⲅⲅⲉⲗⲟⲥ ⲛ̅ⲧⲉ ⲧ ⲙⲉⲥⲟⲥ ⲡ ⲟⲩⲁ ⲡ ⲟⲩⲁ ⲕⲁⲧⲁ ⲡⲉϥ ⲉⲟⲟⲩ ⲛ̅ ⲥⲉ ⲣ̅ ⲣ̅ⲣ̅ⲟ ⲛⲙ̅ⲙⲁ ⲓ̈ ϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟ ⲙⲓⲁ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲁⲛⲟⲕ ϯ ⲛⲁ ⲣ̅ ⲣ̅ⲣⲟ ϩⲣⲁⲓ̈ ⲉϫⲱ ⲟⲩ ⲧⲏⲣ ⲟⲩ ⲉϩⲣⲁⲓ̈ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ .

Ⲍ ⲛⲁⲓ̈ ϭⲉ ⲧⲏⲣ ⲟⲩ ⲛ̅ⲧ ⲁ ⲓ̈ ϫⲟⲟ ⲩ ⲛⲏ ⲧⲛ̅ ⲛ̅ ⲥⲉ ⲛⲁ ϣⲱⲡⲉ ⲁⲛ ϩⲙ̅ ⲡⲉⲓ̈ ⲟⲩⲟⲉⲓϣ · ⲁⲗⲗⲁ ⲉ ⲩ ⲛⲁ ϣⲱⲡⲉ ϩⲛ̅ ⲧ ⲥⲩⲛⲧⲉⲗⲉⲓⲁ ⲙ̅ ⲡ ⲁⲓⲱⲛ · ⲉⲧⲉ ⲛ̅ⲧⲟϥ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ⲧⲏⲣ ϥ̅ · ⲁⲩⲱ ⲛ̅ⲧⲟϥ ⲡⲉ ⲡ ⲱⲗ ⲉϩⲣⲁⲓ̈ ⲧⲏⲣ ϥ̅ · ⲛ̅ⲧ ⲁⲣⲓⲑⲙⲏⲥⲓⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲥ ⲛ̅ⲧⲉ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ·

ϩⲁ ⲑ ⲏ ϭⲉ ⲟⲩⲛ ⲛ̅ ⲧ ⲥⲩⲛ ⲧⲉⲗⲉⲓⲁ ⲛⲁ ⲓ̈ ⲛ̅ⲧ ⲁ ⲓ̈ ϫⲟⲟ ⲩ ⲛⲏ ⲧⲛ̅ ⲛ̅ ⲥⲉ ⲛⲁ ϣⲱⲡⲉ ⲁⲛ · ⲁⲗⲗⲁ ⲉⲣⲉ ⲡ ⲟⲩⲁ ⲡ ⲟⲩⲁ ⲛⲁ ϣⲱⲡⲉ ϩⲙ̅ ⲡⲉϥ ⲧⲟⲡⲟⲥ · ⲉⲛⲧ ⲁ ⲩ ⲕⲁⲁ ϥ ⲛ̅ϩⲏⲧ ϥ̅ ϫⲓⲛ ⲛ̅ ϣⲟⲣⲡ̅ · ϣⲁⲛⲧ ⲟⲩ ϫⲱⲕ ⲉⲃⲟⲗ ⲛ̅ ⲧ ⲁⲣⲓⲑⲙⲏⲥⲓⲥ ⲙ̅ ⲡ ⲥⲱⲟⲩϩ ⲉϩⲟⲩⲛ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲥ · ⲧ ⲥⲁϣϥⲉ ⲙ̅ ⲫⲱⲛⲏ ⲙⲛ̅ ⲡ ϯⲟⲩ ⲛ̅ ϣⲏⲛ · ⲁⲩⲱ ⲙⲛ̅ ⲡ ϣⲟⲙⲛ̅ⲧ ⲛ̅ ϩⲁⲙⲏⲛ . ⲁⲩⲱ ⲙⲛ̅ ⲫⲁⲧⲣⲉ ⲉⲩ ⲛ̅ ⲥⲱⲧⲏⲣ ⲙⲛ̅ ⲡⲉ ⲯⲓⲥ ⲙ̅ ⲫⲩⲗⲁⲝ · ⲁⲩⲱ ⲙⲛ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ · ⲁⲩⲱ ⲙⲛ̅ ⲛⲁ ⲡ ⲧⲟⲡⲟⲥ ⲛ̅ ⲛⲁⲟⲩⲉⲓⲛⲁⲙ · ⲁⲩⲱ ⲙⲛ̅ ⲛⲁ ⲡ ⲧⲟⲡⲟⲥ ⲛ̅ ⲧ ⲙⲉⲥⲟⲥ ⲡ ⲟⲩⲁ ⲡ ⲟⲩⲁ ⲛⲁ ϭⲱ ϩⲙ̅ ⲡ ⲧⲟⲡⲟⲥ ⲉⲛⲧ ⲁ ⲩ ⲕⲁⲁ ⲩ ⲛ̅ ϩⲏⲧ ϥ̅ ϣⲁⲛⲧ ⲟⲩ ⲱⲗ ⲉϩⲣⲁⲓ̈ ⲧⲏⲣ ⲟⲩ ⲛ̅ϭⲓ ⲧⲁⲣⲓⲑⲙⲏⲥⲓⲥ ⲛ̅ ⲧⲉⲗⲉⲓⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ · ⲁⲩⲱ ⲛ̅ ⲕⲉ ⲁⲣⲭⲱⲛ ⲧⲏⲣ ⲟⲩ ⲛ̅ⲧ ⲁ ⲩ ⲙⲉⲧⲁⲡⲟⲓ̈ ·

ⲥⲉⲡⲁ ϭⲱ ϩⲱ ⲟⲩ ϩⲙ̅ ⲡ ⲧⲟⲡⲟⲥ ⲛ̅ⲧ ⲁ ⲩ ⲕⲁⲁ ⲩ ⲛ̅ϩⲏⲧ ϥ̅ ϣⲁⲛⲧ ⲟⲩ ⲱⲗ ⲉϩⲣⲁⲓ̈ ⲧⲏⲣ ⲟⲩ ⲛ̅ϭⲓ ⲧⲁⲣⲓⲑⲙⲏ ⲥⲓⲥ ⲛ̅ ⲛⲉ ⲯⲩⲭⲟⲟⲩⲉ ⲙ̅ ⲡ ⲟⲩⲟⲉⲓⲛ ⲥⲉ ⲛⲏⲩ ⲧⲏⲣ ⲟⲩ ⲧ ⲟⲩⲉⲓ ⲧ ⲟⲩⲉⲓ ϩⲙ̅ ⲡⲉ ⲩⲟⲉⲓϣ ⲉⲧ ⲥ̅ ⲛⲁ ϫⲓⲙⲩⲥⲧⲏⲣⲓⲟⲛ ⲛ̅ϩⲏⲧ ϥ̅ ·

ⲁⲩⲱ ⲥⲉ ⲛⲁ ⲟⲩⲱⲧⲃ̅ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ⲧ ⲁ ⲩ ⲙⲉⲧⲁⲛⲟⲓ̈ ·

ⲁⲩⲱ ⲥⲉ ⲛⲏⲩ ⲉ ⲡ ⲧⲟⲡⲟⲥ ⲛ̅ ⲛⲁ ⲧ ⲙⲉⲥⲟⲥ ·

ⲁⲩⲱ ⲛⲁ ⲧ ⲙⲉⲥⲟⲥ ⲛⲁ ⲃⲁⲡⲧⲓⲍⲉ ⲙ̅ⲙⲟ ⲟⲩ · ⲛ̅ ⲥⲉ ϯ ⲛⲁ ⲩ ⲙ̅ ⲡ ⲧⲱϩⲥ̅ ⲙ̅ ⲡⲛⲉⲩⲙⲁⲧⲓⲕⲟⲛ · ⲁⲩⲱ ⲛ̅ ⲥⲉ ⲥⲫⲣⲁⲅⲓⲍⲉ ⲙ̅ⲙⲟ ⲟⲩ ϩⲣⲁⲓ̈ ϩⲛ̅ ⲛⲉ ⲥⲫⲣⲁⲅⲓⲥ ⲛ̅ⲧⲉ ⲛⲉⲩ ⲙⲩⲥⲧⲏⲣⲓⲟⲛ ·

ⲁⲩⲱ ⲥⲉ ⲛⲁ ⲟⲩⲱⲧⲃ̅ ⲉϩⲟⲩⲛ ⲉⲛ ⲁ ⲛ̅ ⲧⲟⲡⲟⲥ ⲧⲏⲣ ⲟⲩ ⲛ̅ ⲧ ⲙⲉⲥⲟⲥ · ⲁⲩⲱ ⲥⲉ ⲛⲁ ⲟⲩⲱⲧⲃ̅ ⲉϩⲟⲩⲛ ⲙ̅ ⲡ ⲧⲟⲡⲟⲥ ⲛ̅ ⲛⲁⲟⲩⲉⲓⲛⲁⲙ · ⲁⲩⲱ ⲡ ϩⲟⲩⲛ ⲙ̅ ⲡ ⲧⲟⲡⲟⲥ ⲙ̅ ⲡⲉ ⲯⲓⲥ ⲙ̅ ⲫⲩⲗⲁⲝ · ⲁⲩⲱ ⲡ ϩⲟⲩⲛ ⲙ̅ ⲡ ⲧⲟⲡⲟⲥ ⲙ̅ ⲡ ϩⲁⲧⲣⲉ ⲉⲩ ⲛ̅ ⲥⲱⲧⲏⲣ · ⲁⲩⲱ ⲡ ϩⲟⲩⲛ ⲙ̅ ⲡ ⲧⲟⲡⲟⲥ ⲙ̅ ⲡ ϣⲟⲙⲛ̅ⲧ ⲛ̅ ϩⲁⲙⲏⲛ · ⲙⲛ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ · ⲁⲩⲱ ⲡ ϩⲟⲩⲛ ⲙ̅ ⲡ ϯⲟⲩ ⲛ̅ ϣⲏⲛ · ⲙⲛ̅ ⲧ ⲥⲁϣϥⲉ ⲙ̅ ⲫⲱⲛⲏ ⲉⲣⲉ ⲡ ⲟⲩⲁ ⲡ ⲟⲩⲁ ϯ ⲛⲁⲩ ⲛ̅ ⲛⲉⲩ ⲥⲫⲣⲁⲅⲓⲥ ⲛ̅ⲧⲉ ⲛⲉⲩ ⲙⲩⲥⲧⲏⲣⲓⲟⲛ ·

ⲁⲩⲱ ⲛ̅ ⲥⲉ ⲣ̅ ⲡⲉⲩ ϩⲟⲩⲛ ⲧⲏⲣ ⲟⲩ · ⲛ̅ ⲥⲉ ⲃⲱⲕ ⲉ ⲡ ⲧⲟⲡⲟⲥ ⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ⲡ ⲟⲩⲁ ⲡ ⲟⲩⲁ ⲛ ϥ̅ ϭⲱ ϩⲙ̅ ⲡ ⲧⲟⲡⲟⲥ ⲉⲛⲧ ⲁ ϥ ϫⲓ ⲙ ⲩⲥⲧⲏⲣⲓⲟⲛ ϣⲁⲣⲟ ϥ ϩⲛ̅ ⲛⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲓ̈ⲛ ϩⲁⲡⲁⲝ ϩⲁⲡⲗⲱⲥ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲛ̅ ⲧ ⲙⲛ̅ⲧ ⲣⲱⲙⲉ ⲛⲁⲓ̈ ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲛ̅ ⲥⲉ ⲛⲁ ⲣ̅ ϣⲟⲣⲡ̅ ⲉ ⲛ ⲁⲣⲭⲱⲛ ⲧⲏⲣ ⲟⲩ ⲉⲛⲧ ⲁ ⲩ ⲙⲉⲧⲁⲛⲟⲓ̈ ·

ⲁⲩⲱ ⲥⲉ ⲛⲁ ⲣ̅ ϣⲟⲣⲡ̅ ⲉ ⲛⲁ ⲡ ⲧⲟⲡⲟⲥ ⲧⲏⲣ ⲟⲩ ⲛ̅ ⲛⲁ ⲧ ⲙⲉⲥⲟⲥ · ⲙⲛ̅ ⲛⲁ ⲡ ⲧⲟⲡⲟⲥ ⲧⲏⲣ ϥ̅ ⲛ̅ ⲛⲁⲟⲩⲉⲓⲛⲁⲙ . ⲁⲩⲱ ⲥⲉ ⲛⲁ ⲣ̅ ϣⲟⲣⲡ̅ ⲉ ⲛⲁ ⲡ ⲧⲟⲡⲟⲥ ⲧⲏⲣ ϥ̅ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ϩⲁⲡⲁⲝ ϩⲁⲡⲗⲱⲥ ⲥⲉ ⲛⲁ ⲣ̅ ϣⲟⲣⲡ̅ ⲉ ⲛⲁ ⲡ ⲧⲟⲡⲟⲥ ⲧⲛ ⲣ ⲟⲩ ·

ⲁⲩⲱ ⲥⲉ ⲛⲁ ⲣ̅ ϣⲟⲣⲡ̅ ⲉ ⲛⲁ ⲡ ⲧⲟⲡⲟⲥ ⲧⲏⲣ ⲟⲩ ⲙ̅ ⲡ ϣⲟⲣⲡ ⲛ̅ ⲧⲱϣ ⲁⲩⲱ ⲛ̅ ⲥⲉ ⲣ̅ ⲡⲉⲩ ϩⲟⲩⲛ ⲧⲏⲣ ⲟⲩ ⲛ̅ ⲥⲉ ⲃⲱⲕ ⲉ ⲧⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ϣⲁ ⲡ ⲧⲟⲡⲟⲥ ⲙ̅ ⲡⲉⲩ ⲙⲩⲥⲏⲧⲣⲓⲟⲛ ⲛ̅ⲧⲉ ⲡ ⲟⲩⲁ ⲡ ⲟⲩⲁ ϭⲱ ϩⲙ̅ ⲡ ⲧⲟⲡⲟⲥ ⲉⲛ̅ⲧ ⲁ ⲩ ϫⲓ ⲙ ⲩⲥⲧⲏⲣⲓⲟⲛ ϣⲁⲣⲟ ϥ · ⲁⲩⲱ ⲛⲁ ⲡ ⲧⲟⲡⲟⲥ ⲛ̅ ⲧ ⲙⲉⲥⲟⲥ · ⲙⲛ̅ ⲛⲁ ⲟⲩⲉⲓⲛⲁⲙ · ⲁⲩⲱ ⲙⲛ̅ ⲛⲁ ⲡ ⲧⲟⲡⲟⲥ ⲧⲏⲣ ϥ̅ ⲙ̅ ⲡⲉ ⲑⲏⲥⲁⲩⲣⲟⲥ ⲡ ⲟⲩⲁ ⲡ ⲟⲩⲁ ϩⲙ̅ ⲡ ⲧⲟⲡⲟⲥ ⲛ̅ ⲧ̅ ⲧⲁⲝⲓⲥ ⲛ̅ⲧ ⲁ ⲩ ⲕⲁⲁ ϥ ⲛ̅ϩⲏⲧ ⲥ̅ ϫⲓⲛ ⲛ̅ ϣⲟⲣⲡ̅ ·

ϩⲉⲱⲥ ϣⲁⲛⲧⲉ ⲡ ⲧⲏⲣ ϥ̅ ⲱⲗ ⲉϩⲣⲁⲓ̈ ⲉⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ϫⲱⲕ ⲉⲃⲟⲗ ⲛ̅ ⲧⲉϥ ⲟⲓⲕⲟⲛⲟⲙⲓⲁ ⲉⲛⲧ ⲁ ⲩ ⲕⲁⲁ ϥ ⲛ̅ϩⲏⲧ ⲥ̅ · ⲉⲧⲃⲉ ⲡ ⲥⲱⲟⲩϩ ⲉϩⲟⲩⲛ ⲛ̅ ⲛⲉ ⲯⲩⲭⲟⲟⲩⲉ ⲉⲛⲧ ⲁ ⲩ ϫⲓ ⲙ ⲩⲥⲧⲏⲣⲓⲟⲛ ⲉⲧⲃⲉ ⲧⲉⲓ̈ ⲟⲓⲕⲟⲛⲟⲙⲓⲁ · ϫⲉ ⲉⲩⲉ ⲥⲫⲣⲁⲅⲓⲍⲉ ⲛ̅ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲉⲧ ⲛⲁ ϫⲓⲙⲩⲥⲧⲏⲣⲓⲟⲛ ⲛⲁ ⲓ̈ ⲉⲧ ⲛⲁ ⲟⲩⲱⲧⲃ̅ ⲉ ⲡⲉⲩ ϩⲟⲩⲛ ⲉ ⲧⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲓ̈ⲛ ·

ⲧⲉⲛⲟⲩ ϭⲉ ⲙⲁⲣⲓⲁ ⲡⲁⲓ̈ ⲡⲉ ⲡ ϣⲁϫⲉ ⲉ ⲧⲉ ϣⲓⲛⲉ ⲙ̅ⲙⲟ ⲓ̈ ⲉⲣⲟ ϥ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲉⲓⲁ ⲗⲟⲓⲡⲟⲛ ϭⲉ ⲧⲉⲛⲟⲩ ⲡ ⲉⲧⲉ ⲟⲩⲛ̅ ⲙⲁⲁϫⲉ ⲙ̅ⲙⲟ ϥ ⲉ ⲥⲱⲧⲙ̅ · ⲙⲁⲣⲉ ϥ ⲥⲱⲧⲙ̅ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ·

ⲁ ⲥ ϥⲟϭ ⲥ ⲉⲃⲟⲗ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲡⲉϫⲁ ⲥ · ϫⲉ ⲡⲁ ϫⲟⲉⲓⲥ · ⲟⲩⲛ̅ ⲙⲁⲁϫⲉ ⲙ̅ⲙⲁⲣⲙ̅ⲛ̅ ⲟⲩⲟⲉⲓⲛ · ⲁⲩⲱ ϯ ⲡⲁⲣⲁⲗⲁⲙⲃⲁⲛⲉ ⲛ̅ ϣⲁϫⲉ ⲛⲓⲙ ⲉⲧ ⲕ̅ ϫⲱ ⲙ̅ⲙⲟ ⲟⲩ ·

ⲧⲉⲛⲟⲩ ϭⲉ ⲡⲁ ϫⲟⲓ̈ⲥ ⲉⲧⲃⲉ ⲡ ϣⲁϫⲉ ⲉⲛⲧ ⲁ ⲕ ϫⲟⲟ ϥ ϫⲉ ⲛⲉ ⲯⲩⲭⲟⲟⲩⲉ ⲧⲏⲣ ⲟⲩ ⲙ̅ ⲡ ⲅⲉⲛⲟⲥ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ⲛⲁⲓ̈ ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲥⲉ ⲛⲁ ⲣ̅ ϣⲟⲣⲡ̅ ⲉϩⲟⲩⲛ ⲉ ⲧⲉⲕ ⲕⲗⲏ ⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ · ϩⲁ ⲑ ⲏ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲉⲧ ⲛⲁ ⲙⲉⲧⲁⲛⲟⲓ̈ · ⲁⲩⲱ ⲉ ⲑ ⲏ ⲛ̅ ⲛⲁ ⲡ ⲧⲟⲡⲟⲥ ⲧⲏⲣ ϥ̅ ⲛ̅ ⲛⲁⲟⲩⲉⲓⲛⲁⲙ · ⲁⲩⲱ ⲉ ⲑ ⲏ ⲙ̅ ⲡ ⲧⲟⲡⲟⲥ ⲧⲏⲣ ϥ̅ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲉⲧⲃⲉ ⲡⲉⲓ̈ ϣⲁϫⲉ ⲟⲩⲛ ⲡⲁ ϫⲟⲉⲓⲥ ⲉⲛⲧ ⲁ ⲕ ϫⲟⲟ ϥ ⲉⲣⲟ ⲛ ⲙ̅ ⲡⲓ ⲟⲩⲟⲉⲓϣ . ϫⲉ ⲛ̅ ϣⲟⲣⲡ̅ ⲛⲁ ⲣ̅ ϩⲁⲉ · ⲁⲩⲱ ⲛ̅ ϩⲁⲉ ⲉ ⲩ ⲛⲁ ⲣ̅ ϣⲟⲣⲡ̅ · ⲉ ⲧⲉ ⲛ̅ ϩⲁⲉⲉⲩ ⲛⲉ ⲡ ⲅⲉⲛⲟⲥ ⲧⲏⲣ ϥ̅ ⲛ̅ⲧⲉ ⲛ̅ ⲣⲱⲙⲉ ⲉⲧ ⲛⲁ ⲣ̅ ϣⲟⲣⲡ̅ ⲉϩⲟⲩⲛ ⲉ ⲧ ⲙ̅ⲛⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲛ̅ ⲑ ⲉ ⲛ̅ ⲛⲁ ⲡ ⲧⲟⲡⲟⲥ ⲧⲏⲣ ⲟⲩ ⲛ̅ⲧⲉ ⲡ ϫⲓⲥⲉ · ⲉⲧⲉ ⲛ̅ ⲧⲟⲟⲩ ⲡⲉ ⲛ̅ ϣⲟⲣⲡ̅ ·

ⲉⲧⲃⲉ ⲡⲁⲓ̈ ⲟⲩⲛ ⲡⲁ ϫⲟⲉⲓⲥ ⲁ ⲕ ϫⲟⲟ ⲥ ⲛⲁ ⲛ ϫⲉ ⲡ ⲉⲧⲉ ⲟⲩⲛ̅ ⲙⲁⲁϫⲉ ⲙ̅ⲙⲟ ϥ ⲉ ⲥⲱⲧⲙ̅ ⲙⲁⲣⲉ ϥ ⲥⲱⲧⲙ̅ ⲉⲧⲉ ⲡⲁⲓ̈ ⲡⲉ ϫⲉ ⲛⲉ ⲕ ⲟⲩⲱϣ ⲉ ⲉⲓⲙⲉ ϫⲉ ⲧⲛ̅ ⲕⲁⲧⲁ ⲗⲁⲙⲃⲁⲛⲉ ⲛ̅ ϣⲁϫⲉ ⲛⲓⲙ ⲉⲧ ⲕ̅ ϫⲱ ⲙ̅ⲙⲟ ⲟⲩ · ϩⲓ ⲡⲁⲓ̈ ⲟⲩⲛ ⲡⲁ ϫⲟⲓ̈ⲥ ⲡⲉ ⲡ ϣⲁϫⲉ . ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲁ ⲡ ⲥⲱⲧⲏⲣ ⲣ̅ ϣⲡⲏⲣⲉ ⲉⲙⲁϣⲟ ⲉ ϩⲣⲁⲓ̈ ⲉϫⲛ̅ ⲛ ⲁⲡⲟⲫⲁⲥⲓⲥ ⲛ̅ ⲛ̅ ϣⲁϫⲉ ⲉ ⲧⲉⲥ ϫⲱ ⲙ̅ⲙⲟ ⲟⲩ ⲉⲃⲟⲗ ϫⲉ ⲛⲉ ⲁⲥ ⲣ̅ⲡ ⲛ̅ⲁ̅ ⲧⲏⲣ ⲥ̅ ⲛ̅ ϩⲓⲗⲓⲕⲣⲓⲛⲉⲥ ·

ⲁ ϥ ⲟⲩⲱϩⲙ̅ ⲟⲛ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛⲁ ⲥ ϫⲉ ⲅⲩⲅⲉ ⲧⲉ ⲡⲛⲉⲩⲙⲁⲧⲓⲕⲏ ⲛ̅ ϩⲓⲗⲓⲕⲣⲓⲛⲉⲥ ⲙⲁⲣⲓⲁ ⲡⲁⲓ̈ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϣⲁϫⲉ ·

Ⲍ ⲁ ⲥ ϣⲱⲡⲉ ϭⲉ ⲟⲛ ⲙⲛ̅ⲛ̅ⲥⲁ ⲛⲉⲓ̈ ϣⲁϫⲉ ⲧⲏⲣ ⲟⲩ ⲁ ϥ ⲟⲩⲱϩ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ · ϫⲉ ⲥⲱⲧⲙ̅ ⲧⲁⲥⲁ ϫⲉⲛⲛ̅ⲙⲏⲧⲛ̅ ⲉⲧⲃⲉ ⲡⲉ ⲟ ⲟⲩ ⲛ̅ ⲛⲁ ⲡ ϫⲓⲥⲉ ⲛ̅ ⲑ ⲉ ⲉⲧ ⲟⲩ ϣⲟⲟⲡ ⲙ̅ⲙⲟ ⲥ ⲕⲁⲧⲁ ⲑ ⲉ ⲉ ⲛⲉⲓ̈ ϣⲁϫⲉ ⲛⲙ̅ⲙⲏ ⲧⲛ̅ ϣⲁ ⲡ ⲟⲟⲩ ·

ⲧⲉ ⲛⲟⲩ ϭⲉ ⲟⲩⲛ ⲉⲓ̈ϣⲁⲛ ϫⲓ ⲧⲏⲩⲧⲛ̅ ⲉ ⲡ ⲧⲟⲡⲟⲥ ⲉ ⲫ ⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲡⲁⲓ̈ ⲉⲧ ⲕⲱⲧⲉ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲉⲓ̈ϣⲁⲛ ϫⲓ ⲧⲏⲩⲧⲛ̅ ⲉ ⲡ ⲧⲟⲡⲟⲥ ⲙ̅ⲫⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲉⲧ̅ ⲙ̅ⲙ̅ⲁⲩ ⲛ̅ ⲧⲉⲧⲛ̅ ⲛⲁⲩ ⲉ ⲡ ⲉⲟⲟⲩ ⲉⲧ ϥ̅ ϣⲟⲟⲡ ⲛ̅ϩⲏⲧ ϥ̅ ·

ⲡ ⲧⲟⲡⲟⲥ ⲛ̅ ⲧⲉ ⲕⲗⲏⲣⲟⲛⲟⲙⲓⲁ ⲙ̅ ⲡ ⲟⲩⲟⲉⲓⲛ ⲛⲁⲱⲡⲛ̅ⲛⲁ ϩⲣⲛ̅ ⲧⲏⲛⲟⲩ ⲛ̅ ⲧ ϭⲟⲧ ⲛ̅ ⲟⲩ ⲡⲟⲗⲓⲥ ⲙ̅ⲙⲁⲧⲉ ⲛ̅ⲧⲉ ⲡⲓ ⲕⲟⲥⲙⲟⲥ ⲉⲃⲟⲗ ⲛ̅ ⲧ ⲙⲛ̅ⲧ̅ ⲛⲟϭ ⲉⲧ ϥ̅ ϣⲟⲟⲡ ⲛ̅ϩⲏⲧ ⲥ̅ ⲛ̅ϭⲓ ⲫ ⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲁⲩⲱ ⲙⲛ̅ ⲡ ⲛⲟϭ ⲛ̅ ⲟⲩⲟⲉⲓⲛ ⲉⲧ ϥ̅ ϣⲟⲟⲡ ⲛ̅ϩⲏⲧ ϥ̅ · ⲁⲩⲱ ⲙⲛ̅ⲛ̅ⲥⲁ ⲡⲁⲓ̈ ϯ ⲛⲁ ϣⲁϫⲉ ⲛⲙ̅ⲙⲏ ⲧⲛ̅ ⲟⲛ ⲙ̅ ⲡ ⲉⲟⲟⲩ ⲙ̅ ⲡ ⲡⲁⲣⲁⲥⲧⲁⲧⲏⲥ · ⲉⲧ ϩⲓⲡⲥⲁ‐ϩⲣⲉ ⲙ̅ ⲡ ⲕⲟⲩⲓ̈ ⲙ̅ ⲡⲁ ⲣⲁⲥⲧⲁⲧⲏⲥ · ⲟⲩⲇⲉ ⲛ̅ ϯ ⲛⲁ ϣ ϣⲁϫⲉ ⲛⲙ̅ⲙⲏ ⲧⲛ̅ ⲁⲛ ⲉ ⲛ ⲧⲟⲡⲟⲥ ⲛ̅ ⲛⲁⲓ̈ ⲉⲧ ϩⲓⲡⲥⲁϩⲣⲉ ⲛ̅ ⲙ̅ ⲡⲁⲣⲁⲥⲧⲁⲧⲏⲥ ⲧⲏⲣ ⲟⲩ ·

ⲙⲛ̅ ⲧⲩⲡⲟⲥ ⲅⲁⲣ ⲛ̅ ϣⲁϫⲉ ⲉⲣⲟ ⲟⲩ ϩⲙ̅ ⲡⲉⲓ̈ ⲕⲟⲥⲙⲟⲥ ⲙⲛ̅ ⲉⲓⲛⲉ ⲅⲁⲣ ϩⲙ̅ ⲡⲉⲓ̈ ⲕⲟⲥⲙⲟⲥ ⲉ ϥ ⲉⲓⲛⲉ ⲙ̅ ⲙⲟ ⲟⲩ · ϫⲉⲕⲁⲥ ⲉ ⲉⲓⲉⲧⲛ̅ⲧⲱⲛ ϥ̅ ⲉⲣⲟ ⲟⲩ · ⲟⲩⲇⲉ ⲙⲛ̅ ϭⲟⲧ · ⲟⲩⲇⲉ ⲙⲛ̅ ⲟⲩⲟⲉⲓⲛ ⲉ ϥ ⲧⲛ̅ⲧⲟⲛ ⲧ̅ ⲉⲣⲟ ⲟⲩ · ϫⲉ ⲉⲓ̈ⲉ ϣⲁϫⲉ ⲉⲣⲟ ⲟⲩ ·

ⲟⲩ ⲙⲟⲛⲟⲛ ϩⲙ̅ ⲡⲉⲓ̈ ⲕⲟⲥⲙⲟⲥ · ⲁⲗⲗⲁ ⲁⲩⲱ ⲙⲛ̅ ⲧⲟⲩ ⲉⲓⲛⲉ ⲟⲛ ϩⲛ̅ ⲛⲁ ⲡ ϫⲓⲥⲉ ⲛ̅ ⲧ ⲇⲓⲕⲁⲓⲟⲥⲩⲛⲏ · ϫⲓⲛ ⲡⲉⲩ ⲧⲟⲡⲟⲥ ⲉ ⲡ ⲉⲥⲏⲧ ·

ⲉⲧⲃⲉ ⲡⲁⲓ̈ ϭⲉ ⲉ ⲉⲓⲉⲙⲛ̅ ⲑⲉ ⲛ̅ ϣⲁϫⲉ ⲉⲣⲟ ⲟⲩ ϩⲙ̅ ⲡⲉⲓ̈ ⲕⲟⲥⲙⲟⲥ · ⲉⲃⲟⲗ ⲙ̅ ⲡ ⲛⲟϭ ⲛ̅ ⲉⲟⲟⲩ ⲛ̅ ⲛⲁ ⲡ ϫⲓⲥⲉ · ⲁⲩⲱ ⲙⲛ̅ⲧ ⲛⲟϭ ⲛ̅ ϭⲟⲧ ⲛ̅ ⲁⲧϯϣⲓ ⲉⲣⲟ ⲥ ·

ⲉⲧⲃⲉ ⲡⲁⲓ̈ ⲟⲩⲛ ⲙⲛ̅ ⲑ ⲉ ⲛ̅ ϣⲁϫⲉ ⲉⲣⲟ ϥ ϩⲙ̅ ⲡⲉⲓ̈ ⲕⲟⲥⲙⲟⲥ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ·

ⲁ ⲥ ⲉⲓ̈ ⲉ ⲑ ⲏ ⲛ̅ϭⲓ ⲙⲁⲣⲓⲁ ⲙⲁⲅⲇⲁⲗⲏⲛⲏ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ ·

ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ ⲉⲃⲟⲗ ϫⲉ ⲁ ⲓ̈ ⲉⲛⲱⲭⲗⲉⲓ ⲛⲁ ⲕ ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ ·

ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ⲉ ⲓ̈ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ ϫⲉ ⲉⲣⲉ ⲛⲁ ⲥⲛⲏⲩ ⲕⲏⲣⲩⲥⲥⲉ ⲙ̅ⲙⲟ ⲟⲩ ϩⲙ̅ ⲡ ⲅⲉⲛⲟⲥ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ⲛ̅ ⲥⲉ ⲥⲱⲧⲙ̅ ⲛ̅ ⲥⲉ ⲙⲉⲧⲁⲛⲟⲓ̈ ⲛ̅ ⲧⲉ ⲛⲟⲩϩⲙ̅ ⲉ ⲛⲉ ⲕⲣⲓⲥⲓⲥ ⲉⲧ ⲛⲁϣⲧ̅ ⲛ̅ ⲧⲉⲛ ⲁⲣⲭⲱⲛ ⲛ̅ ⲙ̅ ⲡⲟⲛⲏⲣⲟⲥ ⲛ̅ ⲥⲉ ⲃⲱⲕ ⲉ ⲡ ϫⲓⲥⲉ ⲛ̅ ⲥⲉ ⲕⲗⲏⲣⲟⲛⲟⲙⲓ ⲛ̅ ⲧ ⲙⲛ̅ⲧ ⲉⲣⲟ ⲙ̅ ⲡ ⲟⲩⲟⲉⲓⲛ · ⲉⲃⲟⲗ ⲡⲁ ϫⲟⲉⲓⲥ ϫⲉ ⲟⲩ ⲙⲟⲛⲟⲛ ⲧⲛ̅ ⲟ ⲛ̅ ϣⲁⲛϩⲧⲏϥ ϩⲁⲣⲟ ⲛ ⲙ̅ⲙⲓⲛⲙ̅ⲙⲟ ⲛ ·

ⲁⲗⲗⲁ ⲉ ⲛ ⲟ ⲛ̅ ϣⲁⲛϩⲧⲏϥ ϩⲁ ⲡ ⲅⲉⲛⲟⲥ ⲧⲏⲣ ϥ̅ ⲛ̅ⲧⲉ ⲧ ⲙ̅ⲛ̅ⲧ ⲣⲱⲙⲉ ϫⲉ ⲉⲩⲉ ⲛⲟⲩϩⲙ̅ ⲉ ⲛⲉ ⲕⲣⲓⲥⲓⲥ ⲧⲏⲣ ⲟⲩ ⲉⲧ ⲛⲁϣⲧ̅ ⲧⲉⲛⲟⲩ ϭⲉ ⲟⲩⲛ ⲡⲁ ϫⲟⲉⲓⲥ ⲉⲧⲃⲉ ⲡⲁⲓ̈ ⲉ ⲛ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ · ϫⲉ ⲉⲣⲉ ⲛⲁ ⲥⲛⲏⲩ ⲕⲏⲣⲩⲥⲥⲉ ⲙ̅ⲙⲟ ⲟⲩ ⲙ̅ ⲡ ⲅⲉⲛⲟⲥ ⲧⲏⲣ ϥ̅ ⲛ̅ⲧⲉ ⲛ̅ ⲣⲱⲙⲉ ϫⲉ ⲛ̅ ⲛⲉⲩ ⲉⲓ ⲉⲧⲟⲟⲧ ⲟⲩ ⲛ̅ ⲛ̅ ⲁⲣⲭⲱⲛ ⲉⲧ ⲛⲁϣⲧ̅ ⲛ̅ⲧⲉ ⲡ ⲕⲁⲕⲉ · ⲁⲩⲱ ⲛ̅ ⲥⲉ ⲛⲟⲩϩⲙ̅ ⲛ̅ⲧⲟⲟⲧ ⲟⲩ ⲛ̅ⲙ̅ ⲡⲁⲣⲁⲗⲏⲙⲧⲏⲥ ⲉⲧ ⲛⲁϣⲧ̅ ⲛ̅ⲧⲉ ⲡ ⲕⲁⲕⲉ ⲉⲧ ϩⲓⲃⲟⲗ : ⲁ ⲥ ϣⲱⲡⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲡⲉⲓ̈ ϣⲁϫⲉ ⲉ ⲥ ϫⲱ ⲙ̅ⲙⲟ ⲟⲩ ⲛ̅ϭⲓ ⲙⲁⲣⲓⲁ . ⲁ ϥ ⲟⲩⲱϩⲙ̅ ⲛ̅ϭⲓ ⲡ ⲥⲱⲧⲏⲣ ⲉ ϥ ϣⲟⲟⲡ ϩⲛ̅ ⲟⲩ ⲛⲟϭ ⲛ̅ ⲛⲁ ⲉϩⲟⲩⲛ ⲉⲣⲟ ⲥ ·

ⲡⲉϫⲁ ϥ ⲛⲁ ⲥ ϫⲉ ϣⲓⲛⲉ ⲛ̅ⲥⲁ ⲡ ⲉⲧⲉ ⲟⲩⲉϣ ϣⲓⲛⲉ ⲛ̅ⲥⲱ ϥ . ⲁⲩⲱ ⲁⲛⲟⲕ ϯ ⲛⲁ ϭⲟⲗⲡ ϥ̅ ⲛ ⲉ ⲉⲃⲟⲗ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ ⲁϫⲛ̅ ⲡⲁⲣⲁⲃⲟⲗⲏ .

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲙⲁⲣⲓⲁ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲡ ⲥⲱⲧⲏⲣ · ⲁ ⲥ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ · ⲁⲩⲱ ⲁ ⲥ ⲧⲉⲗⲏⲗ ⲉⲙⲁϣⲟ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ · ⲉ ⲉⲓⲉ ⲡ ⲙⲉϩ ⲥⲛⲁⲩ ⲙ̅ ⲡⲁⲣⲁⲥⲧⲁⲧⲏⲥ ⲛⲁ ⲁⲁ ϥ ⲉ ⲡ ϣⲟⲣⲡ̅ ⲙ̅ ⲡⲁⲣⲁⲥⲧⲁⲧⲏⲥ ⲛ̅ ⲛⲁ ⲟⲩⲏⲣ ⲛ̅ ϭⲟⲧ · ⲁⲩⲱ ϥ ⲟⲩⲏⲩ ⲙ̅ ⲙⲟ ϥ .

ⲛ̅ ⲛⲁ ⲟⲩⲏⲣ ⲛ̅ ⲟⲩⲉ · ⲏ̅ ⲙ̅ⲙⲟⲛ ⲛ̅ⲧⲟϥ ϥ ⲟ ⲛ̅ ⲟⲩⲟⲓ̈ⲛ ⲛ̅ ϩⲟⲩⲟ ⲉⲣⲟ ϥ · ⲛ̅ ⲛⲁ ⲟⲩⲏⲣ ⲛ̅ ⲕⲱⲃ ⲛ̅ ⲥⲟⲡ ·

ⲁ ϥ ⲟⲩⲱϩⲙ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲙ̅ ⲙⲁⲣⲓⲁ ϩⲛ̅ ⲧ ⲙⲏⲧⲉ ⲛ̅ ⲙ̅ ⲙⲁⲑⲏⲧⲏⲥ ϫⲉ ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ · ϫⲉ ⲡ ⲙⲉϩ ⲥⲛⲁⲩ ⲙ̅ ⲡⲁⲣⲁⲥⲧⲁⲧⲏⲥ ⲟⲩⲏⲩ ⲙ̅ ⲡ ϣⲟⲣⲡ̅ ⲙ̅ ⲡⲁⲣⲁⲥⲧⲁⲧⲏⲥ ϩⲛ̅ ⲟⲩ ⲛⲟϭ ⲛ̅ ⲟⲩⲉ ⲉ ⲙⲛ̅ ϣⲓ ⲉⲣⲟ ϥ · ⲉ ⲡ ϫⲓⲥⲉ ⲉ ⲡⲥⲁϩⲣⲉ · ⲁⲩⲱ ⲉ ⲡ ϩ̅ⲃ̅ⲃⲉ · ⲉ ⲡ ⲃⲁⲑⲟⲥ ⲁⲩⲱ ⲉⲧⲉ ϣⲓⲏ · ⲙⲛ̅ ⲧ ⲟⲩⲁ ϣⲥⲉ · ⲉ ϥ ⲟⲩⲏⲩ ⲅⲁⲣ ⲙ̅ⲙⲟ ϥ ⲉⲙⲁϣⲟ ϩⲛ̅ ⲟⲩ ⲛⲟϭ ⲛ̅ ⲟⲩⲉ ⲉ ⲙⲛ̅ ϣⲓ ⲉⲣⲟ ϥ ϩⲓⲧⲛ̅ ⲛ̅ ⲁⲅⲅⲉⲗⲟⲥ · ⲙⲛ̅ ⲛ̅ ⲁⲣⲭⲁⲅⲅⲉⲗⲟⲥ ⲁⲩⲱ ϩⲓⲧⲛ̅ ⲛ̅ ⲛⲟⲩⲧⲉ ⲙⲛ̅ ⲛ ⲁϩⲟⲣⲁⲧⲟⲥ ⲧⲏⲣ ⲟⲩ · ⲁⲩⲱ ⲛⲁ ⲁ ϥ ⲉⲣⲟ ϥ ⲉⲙⲁϣⲟ ⲉⲙⲁϣⲟ ϩⲛ̅ ⲟⲩ ϣⲓ ⲉ ⲙⲛ̅ ⲏⲡⲉ ⲉⲣⲟ ϥ ϩⲓⲧⲛ̅ ⲛ̅ ⲛ ⲁⲅⲅⲉⲗⲟⲥ · ⲙⲛ̅ ⲛ̅ ⲁⲣⲭⲁⲅⲅⲉⲗⲟⲥ · ⲁⲩⲱ ϩⲓⲧⲛ̅ ⲛ̅ⲟⲩⲧⲉ ⲙⲛ̅ ⲛ̅ ⲁϩⲟⲣⲁⲧⲟⲥ ⲧⲏⲣ ⲟⲩ ·

ⲁⲩⲱ ϥ ⲟ ⲛ̅ ⲟⲩⲟⲉⲓⲛ ⲛ̅ ϩⲟⲩⲟ ⲉⲣⲟ ϥ · ϩⲛ̅ ⲟⲩ ϣⲓ ⲉ ⲙⲛ̅ ϣⲓ ⲉⲣⲟ ϥ .

ⲉⲙⲁϣⲟ ⲉⲙⲁϣⲟ ⲉ ⲙⲛ̅ ϣⲓ ⲉ ⲡ ⲟⲩⲟⲉⲓⲛ ⲉⲧ ϥ̅ ϣⲟⲟⲡ ⲛ̅ϩⲏⲧ ϥ̅ ⲉ ⲙⲛ̅ ϣⲓ ⲉⲣⲟ ϥ ϩⲓⲧⲛ̅ ⲛ̅ ⲁⲅⲅⲉ ⲗⲟⲥ ⲙⲛ̅ ⲛ̅ ⲁⲣⲭⲁⲅⲅⲉⲗⲟⲥ · ⲁⲩⲱ ϩⲓⲧⲛ̅ ⲛ̅ ⲛⲟⲩⲧⲉ · ⲙⲛ̅ ⲛ ⲁϩⲟⲣⲁⲧⲟⲥ ⲧⲏⲣ ⲟⲩ · ⲕⲁⲧⲁ ⲑ ⲉ ⲉⲛⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲥ ⲛⲏ ⲧⲛ̅ ⲛ̅ ⲕⲉ ⲥⲟⲡ · ϩⲟⲙⲟⲓⲱⲥ ⲟⲛ ⲡ ⲙⲉϩ ϣⲟⲙ̅ⲛ̅ⲧ̅ ⲙ̅ ⲡⲁⲣⲁⲥⲧⲁⲧⲏⲥ ⲙⲛ̅ ⲡ ⲙⲉϩ ϥⲧⲟⲟⲩ · ⲙⲛ̅ ⲡ ⲙⲉϩ ϯⲟⲩ · ⲉ ⲩⲛ̅ ⲟⲩⲁ ⲟ ⲛ̅ ⲛⲟϭ ⲉ ⲟⲩⲁ ⲧⲙ̅ ⲡ ⲥⲟⲡ ·

ⲁⲩⲱ ϥ ⲟ ⲛ̅ ⲟⲩⲟⲉⲓⲛ ⲛ̅ ϩⲟⲩⲟ ⲉⲣⲟ ϥ · ⲁⲩⲱ ϥⲏⲩ ⲙ̅ ⲙⲟ ϥ · ϩⲛ̅ ⲟⲩ ⲛⲟϭ ⲛ̅ ⲟⲩⲉ ⲉ ⲙⲛ̅ ϣⲓ ⲉⲣⲟ ϥ ϩⲓⲧⲛ̅ ⲛ̅ ⲁⲅⲅⲉⲗⲟⲥ ⲙⲛ̅ ⲛ̅ ⲁⲣⲭⲁⲅⲅⲉⲗⲟⲥ ⲙⲛ̅ ⲛ̅ ⲛⲟⲩⲧⲉ ⲙⲛ̅ ⲛ ⲁϩⲟⲣⲁⲧⲟⲥ ⲧⲏⲣ ⲟⲩ · ⲕⲁⲧⲁ ⲑ ⲉ ⲉⲛⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲥ ⲛⲏ ⲧⲛ̅ ⲛ̅ ⲕⲉ ⲥⲟⲡ ·

ⲁⲩⲱ ⲟⲛ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲧⲩⲡⲟⲥ ⲙ̅ ⲡ ⲟⲩⲁ ⲡ ⲟⲩⲁ ϩⲙ̅ ⲡⲉⲩ ⲥⲱⲣ ⲉⲃⲟⲗ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ .

ⲁ ⲥ ⲉⲓ ⲟⲛ ⲉ ⲑ ⲏ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁ ⲗⲏⲛⲏ ⲁ ⲥ ⲟⲩⲱϩ ⲉⲧⲟⲟⲧ ⲥ̅ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ · ⲉ ⲉⲓⲉⲛⲉⲣ ϫⲓ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩⲟⲉⲓⲛ ⲉ ⲩ ⲛⲁ ϣⲱⲡⲉ ϩⲛ̅ ⲁϣ ⲛ̅ ⲧⲩⲡⲟⲥ · ϩⲛ̅ ⲧ ⲙⲏⲧⲉ ⲙ̅ ⲫ ⲁⲉ ⲙ̅ ⲡⲁⲣⲁⲥⲧⲁⲧⲏⲥ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲓ̅ⲥ̅ ⲡⲉⲇⲁϥ ⲙ̅ ⲙⲁⲣⲓⲁ ϩⲛ̅ ⲧ ⲙⲏⲧⲉ ⲛ̅ ⲙ̅ ⲙⲁⲑⲏⲧⲏⲥ · ϫⲉ ⲛ ⲉⲛⲧ ⲁ ⲩ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲡ ⲟⲩⲟⲉⲓⲛ ⲉⲩϣⲁⲛ ⲉⲓ ⲉⲃⲟⲗ ϩⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ ⲛ̅ ⲧⲉⲛ ⲁⲣⲭⲱⲛ · ⲡ ⲟⲩⲁ ⲡ ⲟⲩⲁ ⲕⲁⲧⲁ ⲡ ⲙⲩⲥⲧⲏⲣⲓⲟⲛ ⲉⲛⲧ ⲁ ϥ ϫⲓⲧ ϥ̅ . ⲉ ϥ ⲛⲁ ϣⲱⲡⲉ ϩⲛ̅ ⲧⲉϥ ⲧⲁ ⲝⲓⲥ · ⲛⲉⲣ ϫⲓ ⲛ̅ ⲙⲩⲥⲧⲏⲣⲓⲟⲛ ϩⲱⲱ ϥ ⲉⲧ ϫⲟⲥⲉ ⲥⲉ ⲛⲁ ϭⲱ ϩⲛ̅ ⲧ ⲧⲁⲝⲓⲥ ⲉⲧ ϫⲟⲥⲉ · ⲛⲉⲣ ϫⲓϩⲱⲟⲩ ⲛ̅ ⲙ̅ ⲙⲩⲥⲧⲏ ⲣⲓⲟⲛ ⲉⲧ ϭⲟϫⲃ̅ · ⲥⲉ ⲛⲁ ϣⲱⲡⲉ ϩⲛ̅ ⲛ̅ ⲧⲁⲝⲓⲥ ⲉⲧ ϭⲟϫⲃ̅ ·

ⲁ ϥ ⲟⲩⲱϩⲙ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛ̅ ⲓ̈ⲱϩⲁⲛⲛⲏⲥ ϫⲉ ⲕⲁⲗⲱⲥ ⲙⲉⲛⲧⲟⲓⲅⲉ ϫⲉ ⲧⲉⲧⲛ̅ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ ·

ⲁⲗⲗⲁ ⲧⲉⲛⲟⲩ ϭⲉ ⲓ̈ⲱϩⲁⲛⲛⲏⲥ ⲥⲱⲧⲙ̅ ⲧⲁ ϣⲁϫⲉ ⲛⲙ̅ⲙⲁ ⲕ ·

ⲟⲩⲟⲛ ⲛⲓⲙ ⲉⲣ ϫⲓⲙⲩⲥⲧⲏⲣⲓⲟⲛ ⲛ̅ⲧⲉ ⲡ ⲟⲩⲟⲉⲓⲛ ⲡ ⲧⲟⲡⲟⲥ ⲉⲛⲧ ⲁ ⲡ ⲟⲩⲁ ⲡ ⲟⲩⲁ ϫⲓⲙⲩⲥ ⲧⲏⲣⲓⲟⲛ ϣⲁⲣⲟ ϥ ⲉ ϥ ⲛⲁ ϭⲱ ⲛ̅ϩⲏⲧ ϥ̅ ·

ⲁⲩⲱ ⲙⲛ̅ ⲧⲁϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲡ ϫⲓⲥⲉ ⲉ ⲛ ⲧⲁⲝⲓⲥ ⲉⲧ ⲡⲉϥ ⲥⲁϩⲣⲉ · ϩⲱⲥⲧⲉ ⲛⲉⲣ ϫⲓⲙⲩⲥⲧⲏⲣⲓⲟⲛ ϩⲙ̅ ⲡ ϣⲟⲣⲡ̅ ⲛ̅ ⲧⲱϣ ⲟⲩⲛ̅ⲧⲁ ϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲛ ⲧⲁⲝⲓⲥ ⲉ ⲧ ⲡⲉϥ ⲉⲥⲏⲧ · ⲉⲧⲉ ⲛ̅ ⲧⲟⲟⲩ ⲛⲉ ⲛ̅ ⲧⲁⲝⲓⲥ ⲧⲏⲣ ⲟⲩ ⲙ̅ ⲡ ⲙⲉϩ ϣⲟⲙⲛ̅ⲧ ⲛ̅ ⲭⲱⲣⲏⲙⲁ ⲁⲗⲗⲁ ⲙⲛ̅ ⲧⲁϥ ⲙ̅ⲙⲁⲩ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲡ ϫⲓⲥⲉ ⲉ ⲛ ⲧⲁⲝⲓⲥ ⲉⲧ ⲡⲉϥ ⲥⲁϩⲣⲉ ·

ⲁⲩⲱ ⲡ ⲉⲧ ⲛⲁ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧⲉ ⲛ̅ⲧⲟϥ ⲡⲉ ⲡ ⲙⲉϩ ϫⲟⲩⲧ ⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ⲉⲃⲟⲗ ⲁⲩⲱ ⲛ̅ⲧⲟϥ ⲡⲉ ⲧ ⲕⲉ ⲫⲁⲗⲏ ⲙ̅ ⲡ ϣⲟⲣⲡ̅ ⲛ̅ ⲭⲱⲣⲏⲙⲁ ⲉⲧ ϩⲓⲡⲥⲁⲃⲃⲟⲗ ·

ⲁⲩⲱ ⲟⲩⲛ̅ⲧⲁ ϥ ⲛ̅ ⲧ ⲉⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲛ ⲧⲁⲝⲓⲥ ⲧⲏⲣ ⲟⲩ ⲉⲧ ⲡⲉϥ ⲃⲟⲗ ·

ⲁⲗⲗⲁ ⲙⲛ̅ⲧⲁ ϥ ⲙ̅ⲙⲁⲩ ⲛ̅ ⲧ ⲉ ⲝⲟⲩⲥⲓⲁ ⲉ ⲧⲣⲉ ϥ ⲉⲓ ⲉ ⲛ ⲧⲟⲡⲟⲥ ⲉⲧ ⲡⲉϥ ⲥⲁϩⲣⲉ · ⲏ̅ ⲉ ⲧⲣⲉ ϥ ⲙⲟⲩϣⲧ̅ ⲙ̅ⲙⲟ ⲟⲩ · ⲁⲩⲱ ⲛⲉⲣ ϫⲓⲙⲩⲥⲧⲏⲣⲓⲟⲛ ϩⲛ̅ ⲛ̅ ⲧⲁⲝⲓⲥ ⲙ̅ ⲡⲓ ϫⲟⲩⲧⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ⲡ ⲧⲟ