Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲓ̈ⲁⲕⲕⲱⲃⲟⲥ · ⲡⲉϫⲁ ϥ ϫⲉ ⲉⲩⲅⲉⲓ̈ⲁⲕⲕⲱⲃⲟⲥ ⲡ ⲙⲉⲣⲓⲧ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ ⲡⲉϫⲁ ϥ ϫ̇ⲉ̇ ⲛ̅ ⲙ̅ ⲙⲁⲑⲏⲧⲏⲥ · ϫⲉ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲧ ⲡⲓⲥⲧⲓⲥ ⲥⲟⲫⲓⲁ ⲟⲩⲱ ⲉ ⲥ ϫⲱ ⲛ̅ ⲛ̅ ϣⲁϫⲉ ⲙ̅ ⲡⲉⲓ̈ ϩⲩⲙⲛⲟⲥ .

ⲁ ⲥ ⲕⲟⲧ ⲥ̅ ⲉ ⲡⲁϩⲟⲩ ⲉ ⲛⲁⲩ ϫⲉ ⲁ ⲡ ⲁⲇⲁⲙⲁⲥ ⲕⲟⲧ ϥ̅ ⲉ ⲡⲁϩⲟⲩ ⲙⲛ̅ ⲛⲉϥ ⲁⲣⲭⲱⲛ ⲉ ⲧⲣⲉ ⲩ ⲃⲱⲕ ⲉ ⲡⲉⲩ ⲁⲓⲱⲛ · ⲁⲩⲱ ⲁ ⲩ ⲛⲁⲩ ⲉⲣⲟ ⲟⲩ ⲉ ⲩ ⲡⲏⲧ ⲛ̅ ⲥⲱ ⲥ .

ⲁ ⲥ ⲕⲟⲧ ⲥ̅ ⲉⲣⲟ ⲟⲩ ⲡⲉϫⲁ ⲥ ⲛⲁ ⲩ ϫⲉ ⲁϩⲣⲱ ⲧⲛ̅ ⲧⲉⲧⲛ̅ ⲡⲏⲧ ⲛ̅ⲥⲱ ⲓ̈ ⲉ ⲧⲉⲧⲛ̅ ϫⲱ ⲙ̅ⲙⲟ ⲥ ϫⲉ ⲙⲛ̅ ⲧⲁⲓ̈ ⲟⲩ ⲃⲟⲏⲑⲓⲁ ⲙ̅ⲙⲁⲩ · ⲉ ⲧⲣⲉ ϥ ⲛⲁϩⲙⲉ ⲧ ⲛ̅ⲧⲉ ⲧⲏⲩⲧⲛ̅ ·

ⲧⲉ ⲛⲟⲩ ϭⲉ ⲟⲩ ⲣⲉϥ ϯ ϩⲁⲡ ⲡⲉ ⲡ ⲟⲩⲟⲉⲓⲛ . ⲁⲩⲱ ⲟⲩ ϫⲱⲱⲣⲉ ⲡⲉ · ⲁⲗⲗⲁ ϥ ⲟ ⲛ̅ ϩⲁⲣϣ̅ ϩⲏⲧ · ϣⲁ ⲡⲉ ⲟⲩ ⲟⲉⲓϣ ⲉⲛⲧ ⲁ ϥ ϫⲟⲟ ϥ ⲛⲁ ⲓ̈ ϫⲉ ϯ ⲛⲏⲩ ⲧⲁ ⲃⲟⲏⲑⲓ ⲉⲣⲟ .

ⲁⲩⲱ ⲛ ϥ̅ ⲛⲁ ⲉⲓⲛⲉ ⲁⲛ ⲛ̅ ⲧⲉϥ ⲟⲣⲅⲏ ⲉϫⲛ̅ ⲧⲏⲩⲧⲛ̅ ⲛ̅ ⲛⲁⲩ ⲛⲓⲙ · ⲁⲩⲱ ⲡⲁⲓ̈ ⲡⲉ ⲡⲉ ⲟⲩⲟⲉⲓϣ ⲉⲛⲧ ⲁ ϥ ϫⲟⲟ ϥ ⲛⲁ ⲓ̈ ·

ⲧⲉⲛⲟⲩ ϭⲉ ⲉ ⲧⲉⲧⲛ̅ ⲧⲙ̅ ⲕⲉⲧ ⲧⲏⲩⲧⲛ̅ ⲉ ⲡⲁϩⲟⲩ ⲁⲩⲱ ⲛ̅ ⲧⲉⲧⲛ̅ ⲗⲟ ⲉ ⲧⲉⲧⲛ̅ ⲡⲏⲧ ⲛ̅ⲥⲱ ⲓ̈ . ⲡ ⲟⲩⲟⲉⲓⲛ ⲛⲁ ⲥⲃ̅ⲧⲉ ⲧⲉϥ ϭⲟⲙ · ⲁⲩⲱ ϥ ⲛⲁ ⲥⲟⲃⲧⲉ ϩⲛ̅ ⲛⲉϥ ϭⲟⲙ ⲧⲏⲣ ⲟⲩ ·

ⲁⲩⲱ ⲁ ϥ ⲥⲟⲃⲧⲉ ϩⲛ̅ ⲧⲉϥ ϭⲟⲙ ⲉ ⲧⲣⲉ ϥ ϥⲓ ⲛ̅ ⲛⲉⲧⲛ̅ ⲟⲩⲟⲉⲓⲛ ⲉⲧ ⲛ̅ ϩⲏⲧ ⲧⲏⲛⲟⲩ ⲁⲩⲱ ⲛ̅ ⲧⲉⲧⲛ̅ ϣⲱⲡⲉ ⲛ̅ ⲕⲁⲕⲉ . ⲁⲩⲱ ⲛⲉ ϥ ϭⲟⲙ ⲁ ϥ ⲧⲁⲙⲓⲟ ⲟⲩ ⲉ ⲧⲣⲉ ϥ ϥⲓ ⲛ̅ ⲧⲉⲧⲛ̅ ϭⲟⲙ ⲛ̅ ϩⲏⲧ ⲧⲏⲛⲟⲩ ⲛ̅ ⲧⲉⲧⲛ̅ ⲧⲁⲕⲟ .

ⲛⲁⲓ̈ ⲇⲉ ⲛ̅ⲧⲉ ⲣⲉ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ⲥ ϭⲱϣⲧ̅ ⲉ ⲡ ⲧⲟⲡⲟⲥ ⲙ̅ ⲡ ⲁⲇⲁⲙⲁⲥ ⲁ ⲥ ⲛⲁⲩ ⲉ ⲉ ⲡ ⲧⲟⲡⲟⲥ ⲛ̅ ⲕⲁⲕⲉ ⲁⲩⲱ ⲛ̅ ⲭⲁⲟⲥ ⲡⲁⲓ̈ ⲛ̅ⲧ ⲁ ϥ ⲧⲁⲙⲓⲟ ϥ ⲁⲩⲱ ⲟⲛ ⲁ ⲥ ⲛⲁⲩ ⲉ ⲧⲉ ⲡⲣⲟⲃⲟⲗⲏ ⲥⲛ̅ⲧⲉ ⲛ̅ ⲕⲁⲕⲉ . ⲉⲧ ⲛⲁϣⲧ̅ ⲉⲙⲁⲧⲉ ⲛⲁⲓ̈ ⲉⲛⲧ ⲁ ϥ ⲡⲣⲟⲃⲁⲗⲉ ⲙ̅ⲙⲟ ⲟⲩ ⲉⲃⲟⲗ ⲛ̅ϭⲓ ⲡ ⲁⲇⲁⲙⲁⲥ · ϫⲉⲕⲁⲥ ⲉⲩⲉ ⲁⲙⲁϩⲧⲉ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁⲩⲱ ⲛ̅ ⲥⲉ ⲛⲟϫ ⲥ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲉⲛⲧ ⲁ ϥ ⲧⲁⲙⲓⲟ ϥ · ⲛ̅ ⲥⲉ ϩⲱϫ ⲙ̅ⲙⲟ ⲥ ϩⲙ̅ ⲡ ⲙⲁ ⲉⲧ ⲙ̅ⲙⲁⲩ · ⲁⲩⲱ ⲛ̅ ⲥⲉ ϣⲧⲣ̅ⲧⲱⲣ ⲥ̅ ϣⲁⲛⲧ ⲟⲩ ϥⲓ ⲡⲉⲥ ⲟⲩⲟⲉⲓⲛ ⲛ̅ϩⲏⲧ ⲥ̅ ⲁ ⲥ ϣⲱ̇ⲡⲉ ϭⲉ ⲛ̅ⲧⲉⲣⲉ ⲧ ⲡⲓⲥⲧⲓⲥ ⲥⲟⲫⲓⲁ ⲛⲁ ⲩ ⲉ ⲧⲉ ⲡⲣⲟⲃⲟⲗⲏ ⲥⲛ̅ⲧⲉ ⲛ̅ ⲕⲁⲕⲉ ⲉⲧ ⲙ̅ⲙⲁⲩ . ⲁⲩⲱ ⲙ̅ ⲡ ⲧⲟⲡⲟⲥ ⲛ̅ ⲕⲁⲕⲉ · ⲛⲁⲓ̈ ⲉⲛⲧ ⲁ ϥ ⲧⲁⲙⲓⲟ ⲟⲩ ⲛ̅ϭⲓ ⲡ ⲁⲇⲁⲙⲁⲥ .

ⲁ ⲥ ⲣ̅ ϩⲟⲧⲉ ⲁⲩⲱ ⲁ ⲥ ⲱϣ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ⲉ ⲥ ϫⲱ ⲙ̅ⲙⲟ ⲥ · ϫⲉ ⲡ ⲟⲩⲟⲉⲓⲛ ⲉⲓⲥ ϩⲏⲏⲧⲉ ⲁ ϥ ϭⲱⲛⲧ̅ ⲛ̅ϭⲓ ⲡ ⲁⲇⲁⲙⲁⲥ ⲡ ⲣⲉϥ ϫⲓ ⲛ ϭⲟⲛⲥ̅ ⲁ ϥ ⲧⲁⲙⲓⲟ ⲛ̅ ⲟⲩ ⲡⲣⲟⲃⲟⲗⲏ ⲛ̅ ⲕⲁⲕⲉ ·

ⲁⲩⲱ ⲟⲛ ⲁ ϥ ⲡⲣⲟⲃⲁⲗⲉ ⲉⲃⲟⲗ ⲛ̅ ⲕⲉ ⲟⲩⲉⲓ ⲛ̅ ⲭⲁⲟⲥ ⲁⲩⲱ ⲁ ϥ ⲧⲁ ⲙⲓⲉ ⲕⲉ ⲟⲩⲉⲓ ⲛ̅ ⲕⲁⲕⲉ ⲁⲩⲱ ⲛ̅ ⲭⲁⲟⲥ · ⲁⲩⲱ ⲁ ϥ ⲥⲃ̅ ⲧⲱⲧ ϥ̅ ·

ⲧⲉⲛⲟⲩ ϭⲉ ⲱ̅ ⲡ ⲟⲩⲟⲉⲓⲛ ⲡⲉ ⲭⲁⲟⲥ ⲛ̅ⲧ ⲁ ϥ ⲧⲁⲙⲓⲟ ϥ ⲉ ⲧⲣⲉ ϥ ⲛⲟϫ ⲧ̅ ⲉⲣⲟ ϥ ⲛ ϥ̅ ϥⲓ ⲧⲁ ϭⲟⲙ ⲛ̅ ⲟⲩⲟⲉⲓⲛ ⲛ̅ ϩⲏⲧ . ϥⲓ ⲧⲱ ϥ ⲛ̅ϩⲏⲧ ϥ̅ · ⲁⲩⲱ ⲡ ⲙⲉⲉⲩⲉ ⲉⲛⲧ ⲁ ϥ ⲙⲉⲉⲩⲉ ⲉⲣⲟ ϥ ⲉ ⲧⲣⲉ ϥ ϥⲓ̈ ⲡⲁ ⲟⲩⲟⲉⲓⲛ .

ⲥⲉ ⲛⲁ ⲡⲱϥ ⲛ̅ϩⲏⲧ ϥ · ⲁⲩⲱ ⲡ ϫⲓ ⲛ ϭⲟⲛⲥ̅ ⲉⲛⲧ ⲁ ϥ ϫⲟⲟ ϥ ⲉ ⲧⲣⲉ ϥ ϥⲓ ⲛⲁ ⲟⲩⲟⲉⲓⲛ ⲛ̅ ϩⲏⲧ : ϥⲓ ⲛⲟⲩϥ ⲧⲏⲣ ⲟⲩ ·

ⲛⲁⲓ̈ ⲛⲉ ⲛ̅ ϣⲁϫⲉ ⲉⲛⲧ ⲁ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ϩⲣⲁⲓ̈ ϩⲙ̅ ⲡⲉⲥ ϩⲩⲙⲛⲟⲥ · ⲧⲉⲛⲟⲩ ϭⲉ ⲡ ⲉⲧ ⲛⲏⲫⲉ ϩⲙ̅ ⲡⲉϥ ⲡⲛ̅ⲁ̅ ·

ⲙⲁⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ⲧⲁⲩⲉ ⲡ ⲃⲱⲗ ⲛ̅ ⲛ̅ ϣⲁϫⲉ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ϩⲣⲁⲓ̈ ϩⲙ̅ ⲡⲉⲥ ϩⲩⲙⲛⲟⲥ

ⲁ ⲥ ⲉⲓ̅ ⲟⲛ ⲉ ⲑ ⲏ ⲛ̅ϭⲓ ⲙⲁⲣⲑⲁ ⲡⲉϫⲁ ⲥ . ϫⲉ ⲡⲁ ϫⲟⲉⲓⲥ . ⲧ ⲛⲏⲫⲉ ϩⲙ̅ ⲡⲁ ⲡⲛ̅ⲁ̅ · ⲁⲩⲱ ϯ ⲛⲟⲉⲓ ⲛ̅ ⲛ̅ ϣⲁϫⲉ ⲉⲧ ⲕ̅ ϫⲱ ⲙ̅ⲙⲟ ⲟⲩ · ⲧⲉⲛⲟⲩ ϭⲉ ⲕⲉⲗⲉⲩⲉ ⲛⲁ ⲓ̈ ⲧⲁⲧⲁⲩⲉ ⲡⲉⲩ ⲃⲱⲗ ϩⲛ̅ ⲟⲩ ⲡⲁⲣⲣⲏⲥⲓⲁ ·

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉϫⲁ ϥ ⲙ̅ ⲙⲁⲣⲑⲁ ϫⲉ ϯ ⲕⲉ ⲗⲉⲩⲉ ⲛ ⲉ ⲙⲁⲣⲑⲁ ⲉ ⲧⲣⲉ ⲧⲁⲩⲉ ⲡ ⲃⲱⲗ ⲛ̅ ⲛ̅ ϣⲁϫⲉ ⲛⲁⲓ̈ ⲉⲛⲧ ⲁ ⲥ ϫⲟⲟⲩ ⲛ̅ϭⲓ ⲧ ⲥⲟⲫⲓⲁ ϩⲙ̅ ⲡⲉⲥ ϩⲩⲙⲛⲟⲥ ·

ⲁ ⲥ ⲟⲩⲱϣⲃ̅ ⲇⲉ ⲛ̅ϭⲓ ⲙⲁⲣⲑⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ .

ⲛⲁⲓ̈ ⲛⲉ ⲛ̅ ϣⲁϫⲉ ⲛ̅ⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟ ⲫⲏⲧⲉⲩⲉ ⲙ̅ⲙⲟ ⲟⲩ ⲙ̅ ⲡⲓ ⲟⲩⲟⲉⲓϣ ϩⲓⲧⲛ̅ ⲇⲁⲩⲉⲓⲇ · ϩⲙ̅ ⲡ ⲙⲉϩ ⲥⲁϣϥ̅ ⲙ̅ ⲯⲁⲗⲙⲟⲥ ϫⲉ ⲡ ⲛⲟⲩⲧⲉ ⲟⲩ ⲕⲣⲓⲧⲏⲥ ⲙ̅ ⲙⲉ ⲉ ⲡⲉ ⲛ̅ ϫⲱⲱⲣⲉ ⲛ̅ ϩⲁⲣϣ̅ ϩⲏⲧ · ⲉ ⲙⲉ ϥ ⲉⲓⲛⲉ ⲛ̅ ⲧⲉϥ ⲟⲣⲅⲏ ⲙ̅ ⲙⲏⲛⲉ · ⲉⲧⲉⲧⲛ̅ ⲧⲙ̅ ⲕⲉⲧⲧⲏⲩ ϥ ⲛⲁ ϫⲱⲣ ⲛ̅ ⲧⲉϥ ⲥⲏϥⲉ ·

ⲁ ϥ ⲥⲱⲙⲧ̅ ⲛ̅ ⲧⲉϥ ⲡⲓⲧⲉ ⲁ ϥ ⲥⲃ̅ⲧⲱⲧ ⲥ̅ ⲁ ϥ ⲥⲟⲃⲧⲉ ⲛ̅ϩⲏⲧ ⲥ̅ ⲛ̅ ϩⲉⲛ ⲥⲕⲉⲩⲟⲥ ⲙ̅ⲙⲟ ⲩ ⲛⲉϥ ⲥⲟⲧⲉ ⲁ ϥ ⲧⲁⲙⲓⲟ ⲟⲩ ⲛ̅ ⲛ ⲉⲧ ⲟⲩⲛⲁⲣⲟⲕϩ ⲟⲩ ·

ⲉⲓⲥ ϩⲏⲏⲧⲉ ⲁ ⲡ ϫⲓ ⲛ ϭⲟⲛⲥ̅ ϯ ⲛⲁⲁⲕⲉ ⲁ ϥ ⲱ̅ⲱ̅ ⲙ̅ ⲡ ϩⲓⲥⲉ ⲁ ϥ ϫⲡⲉ ⲧ ⲁⲛⲟⲙⲓⲁ · ⲁ ϥ ϣⲉⲕⲧ̅ⲟⲩ ϣⲏⲓ̈ ⲁ ϥ ϭⲣⲏ ⲙ̅ⲙⲟ ϥ ϥ ⲛⲁ ϩⲉ ⲉϩⲣⲁⲓ̈ ⲉ ⲡⲉ ϩⲓⲉⲓⲧ ⲉⲛⲧ ⲁ ϥ ⲧⲁⲙⲓⲟ ϥ ⲡⲉϥ ϩⲓⲥⲉ ⲛⲁ ⲕⲟⲧ ϥ̅ ⲉϫⲛ̅ ⲧⲉϥ ⲁⲡⲉ ⲁⲩⲱ ⲡⲉϥ ϫⲓ ⲛ ϭⲟⲛⲥ̅ ⲛⲏⲩ ⲉϫⲛ̅ ⲧ ⲙⲏⲧⲉ ⲛ̅ ϫⲱϥ ·

ⲛⲁⲓ̈ ⲇⲉ ⲛ̅ⲧⲉⲣⲉ ⲥ ϫⲟⲟⲩ ⲛ̅ϭⲓ ⲙⲁⲣⲑⲁ ⲡⲉϫⲁ ϥ ⲛⲁ ⲥ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϭⲱϣⲧ̅ ⲉⲃⲟⲗ ϫⲉ ⲉⲩⲅⲉ ⲕⲁⲗⲱⲥ ⲙⲁⲣⲑⲁ ⲧ ⲙⲁⲕⲁⲣⲓⲁ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲉ ⲛⲉϥ ⲙⲁⲑⲏⲧⲏⲥ ⲛ̅ ⲛⲉ ϩⲃⲏⲩⲉ ⲧⲏⲣ ⲟⲩ ⲉⲛⲧ ⲁ ⲩ ϣⲱⲡⲉ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲥ ϩⲙ̅ ⲡⲉ ⲭⲁⲟⲥ ·

ⲁⲩⲱ ⲙⲛ̅ ⲑ ⲉ ⲉⲛⲧ ⲁ ⲥ ϩⲩⲙⲛⲉⲩⲉ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ϣⲁⲛⲧⲉ ϥ ⲛⲟⲩϩⲙ̅ ⲙ̅ ⲙⲟ ⲥ ⲛ ϥ̅ ⲉⲓⲛⲉ ⲙ̅ⲙⲟ ⲥ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ · ⲛ ϥ̅ ⲉⲓⲛⲉ ⲙ̅ⲙⲟ ⲥ ⲉϩⲟⲩⲛ ⲉ ⲡ ⲙⲉϩ ⲙⲛ̅ⲧ ⲥⲛⲟⲟⲩⲥ ⲛ̅ ⲁⲓⲱⲛ .

ⲁⲩⲱ ⲙⲛ̅ ⲑ ⲉ ⲉⲛⲧ ⲁ ϥ ⲛⲁϩⲙⲉ ⲥ ⲉⲃⲟⲗ ϩⲛ̅ ⲛⲉⲥϩⲱϫ ⲧⲏⲣ ⲟⲩ ⲛⲁ ⲓ̈ ⲛ̅ⲧ ⲁ ⲩ ϩⲉϫϩⲱϫⲧ ⲛ̅ϩⲏⲧ ⲟⲩ ⲛ̅ϭⲓ ⲛ̅ ⲁⲣⲭⲱⲛ ⲛ̅ⲧⲉ ⲛⲉ ⲭⲁⲟⲥ ⲉⲃⲟⲗ ϫⲉ ⲁ ⲥ ⲉⲡⲓⲑⲩⲙⲉⲓ ⲉ ⲃⲱⲕ ⲉ ⲣⲁⲧ ϥ̅ ⲙ̅ ⲡ ⲟⲩⲟⲓ̈ⲛ ·

Ⲍ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲧⲏⲣ ⲟⲩ ⲁ ⲓ̈ ϥⲓ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲁ ⲓ̈ ⲛ̅ⲧ ⲥ̅ ⲉϩⲟⲩⲛ ⲉ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ ⲉ ⲓ̈ ⲟ ⲛ̅ ⲟⲩⲟⲓ̈ⲛ ⲉⲙⲁϣⲟ ⲉⲙⲁϣⲟ · ⲉ ⲙⲛ̅ ϣⲓ ⲉ ⲡ ⲟⲩⲟⲉⲓⲛ ⲉ ⲛ ⲉϥ ϣⲟⲟⲡ ⲙ̅ⲙⲟ ⲓ̈ ⲁ ⲓ̈ ⲉⲓ̅ ⲉϩⲟⲩⲛ ⲉ ⲡ ⲧⲟⲡⲟⲥ ⲙ̅ ⲡ ⲙⲉϩ ϫⲟⲩⲧ ⲁϥⲧⲉ ⲛ̅ ⲁϩⲟⲣⲁⲧⲟⲥ ⲉ ⲓ̈ ⲟ ⲛ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ ·

ⲁⲩⲱ ⲁ ⲩ ϣⲧⲟⲣⲧⲣ̅ ϩⲛ̅ ⲟⲩ ⲛⲟϭ ⲛ̅ ϣⲧⲟⲣⲧⲣ̅ ⲁ ⲩ ϭⲱϣⲧ̅ ⲁ ⲩ ⲛⲁⲩ ⲉ ⲧ ⲥⲟⲫⲓⲁ ⲁⲛⲉⲥ ⲛⲙ̅ⲙⲁ ⲓ̈ ⲁ ⲩ ⲥⲟⲩⲱⲛ ⲥ̅ ⲁⲛⲟⲕ ⲇⲉ ⲙ̅ⲡ ⲟⲩ ⲥⲟⲩⲱⲛ ⲧ̅ ϫⲉ ⲁⲛⲟⲕ ⲛⲓⲙ · ⲁⲗⲗⲁ ⲛⲉ ⲩ ⲙⲉ ⲉⲩⲉ ⲉⲣⲟ ⲓ̈ ⲡⲉ ⲛ̅ ⲑ ⲉ ⲛ̅ ⲟⲩ ⲡⲣⲟⲃⲟⲗⲏ ⲛ̅ⲧⲉ ⲡ ⲕⲁϩ ⲏ̇ ⲡ ⲟⲩⲟⲉⲓⲛ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲧ ⲥⲟⲫⲓⲁ ⲛⲁ ⲩ ⲉ ⲛⲉⲥ ϣⲃⲉⲉⲣ ⲛ̅ ⲁϩⲟⲣⲁⲧⲟⲥ . ⲁ ⲥ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ · ⲁⲩⲱ ⲁ ⲥⲣⲉⲗⲏⲗ ⲉⲙⲁϣⲟ · ⲁ ⲥ ⲟⲩⲱϣ ⲉ ⲧⲁ ⲙⲟ ⲟⲩ □□□□ ⲉ ⲛⲉ ϣⲡⲏⲣⲉ ⲉⲛⲧ ⲁ ⲓ̈ ⲁⲁ ⲩ ⲛⲙ̅ⲙⲁ ⲥ ⲙ̅ ⲡ ⲉⲥⲏⲧ ϩⲙ̅ ⲡ ⲕⲁϩ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ϩⲉⲱⲥ ϣⲁⲛϯ ⲛⲟⲩϩⲙ̅ ⲙ̅ⲙⲟ ⲥ .

ⲁ ⲥ ⲉⲓ̅ ⲉϩⲣⲁⲓ̈ ⲉ ⲧ ⲙⲏⲧⲉ ⲛ̅ ⲛ ⲁϩⲟⲣⲁⲧⲟⲥ ⲁ ⲥ ϩⲩⲙⲛⲉⲩⲉ ⲉⲣⲟ ⲓ̈ ϩⲛ̅ ⲧⲉⲩ ⲙⲏⲧⲉ ⲉ ⲥ ϫⲱ ⲙ̅ⲙⲟ ⲥ ϫⲉ ϯ ⲛⲁ ⲟⲩⲱⲛϩ̅ ⲛⲁ ⲕ ⲉⲃⲟⲗ ⲡ ⲟⲩⲟⲉⲓⲛ ϫⲉ ⲛ̅ⲧⲕ̅ ⲟⲩ ⲥⲱⲧⲏⲣ · ⲁⲩⲱ ⲛ̅ⲧⲕ̅ ⲟⲩ ⲣⲉϥ ⲥⲱⲧⲉ ⲛ̅ ⲟⲩ ⲟⲉⲓϣ ⲛⲓⲙ · ϯ ⲛⲁ ϫⲱ ⲙ̅ ⲡⲉⲓ̈ ϩⲩⲙⲛⲟⲥ ⲉ ⲡ ⲟⲩⲟⲉⲓⲛ ϫⲉ ⲁ ϥ ⲛⲟⲩϩⲙ̅ ⲙ̅ⲙⲟ ⲓ̈ · ⲁⲩⲱ ⲁ ϥ ⲛⲁϩⲙⲉ ⲧ ⲉⲃⲟⲗ ϩⲛ̅ ⲧ ϭⲓϫ ⲛ̅ ⲛ̅ ⲁⲣⲭⲱⲛ ⲛ̅ ⲛⲁ ϫⲓϫⲉⲉⲩ . ⲁⲩⲱ ⲁ ⲕ ⲛⲁϩⲙⲉ ⲧ ϩⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ · ⲁⲩⲱ ⲁ ⲕ ⲛⲁϩⲙⲉ ⲧ ϩⲙ̅ ⲡ ϫⲓⲥⲉ ⲙⲛ̅ ⲡ ϩ̅ⲃ̅ⲃⲉ ⲛ̅ⲧⲉ ⲛⲉ ⲭⲁⲟⲥ · ⲁⲩⲱ ϩⲛ̅ ⲁⲓⲱⲛ ⲛ̅ ⲛ ⲁⲣⲭⲱⲛ ⲛ̅ⲧⲉ ⲧⲉ ⲥⲫⲉⲣⲁ ·

ⲁⲩⲱ ⲛ̅ⲧⲉⲣ ⲓ ⲉⲓ̅ ⲉⲃⲟⲗ ϩⲙ̅ ⲡ ϫⲓⲥⲉ · ⲁ ⲓ̈ ⲥⲱⲣⲙ̅ ϩⲛ̅ ϩⲉⲛ ⲧⲟⲡⲟⲥ ⲉ ⲙ̅ⲛ ⲟⲩⲟⲉⲓⲛ ⲛ̅ϩⲏⲧ ⲟⲩ · ⲙ̅ ⲡⲓⲉϣⲕⲟⲧ̅ⲧ ⲉ ⲡ ⲙⲁϩⲙⲛ̅ⲧϣⲟⲙⲧⲉ ⲛ̅ ⲁⲓⲱⲛ ⲡⲁ ⲙⲁ ⲛ ϣⲱⲡⲉ ϫⲉ ⲙⲛ̅ ⲟⲩⲟⲉⲓⲛ ⲛ̅ ϩⲏⲧ · ⲟⲩⲧⲉ ϭⲟⲙ · ⲁ ⲧⲁ ϭⲟⲙ ⲙ ⲟⲩ ⲕ ⲉ ⲡ ⲧⲏⲣ ϥ̅ · ⲁⲩⲱ ⲁ ⲡ ⲟⲩⲟⲉⲓⲛ ⲛⲁϩⲙⲉ ⲧ ϩⲛ̅ ⲛⲁ ⲑⲗⲓⲯⲓⲥ ⲧⲏⲣ ⲟⲩ ⲁ ⲓ̈ ϩⲩⲙⲛⲉⲩⲉ ⲉϩⲣⲁⲓ̈ ⲉ ⲡ ⲟⲩ ⲟⲓ̈ⲛ ·

ⲁ ϥ ⲥⲱⲧⲙ̅ ⲉⲣⲟ ⲓ̈ ⲛ̅ⲧⲉⲣ ⲟⲩ ⲑⲗⲓⲃⲉ ⲙ̅ⲙⲟ ⲓ̈ ⲁ ϥ ϫⲓ ⲙⲟⲉⲓⲧ ϩⲏⲧ ϩⲙ̅ ⲡ ⲥⲱⲛⲧ̅ ⲛ̅ ⲧⲉⲛ ⲁⲓⲱⲛ ⲉ ⲧⲣⲉ ϥ ⲛ̅ ⲧ ⲉ ϩⲣⲁⲓ̈ ⲉ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ ⲁⲓⲱⲛ ⲡⲁ ⲙⲁ ⲛ̅ ϣⲱⲡⲉ · ϯ ⲛⲁ ⲟⲩⲱⲛϩ̅ ⲛⲁ ⲕ ⲉⲃⲟⲗ ⲡ ⲟⲩⲟⲉⲓⲛ ϫⲉ ⲁ ⲕ ⲛⲁϩⲙⲉ ⲧ · ⲁⲩⲱ ⲛⲉⲕ ϣⲡⲏⲣⲉ ϩⲙ̅ ⲡ ⲅⲉⲛⲟⲥ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ ·

ⲛ̅ ⲧⲉⲣ ⲓ ϣⲱⲱⲧ ⲛ̅ ⲧⲁ ϭⲟⲙ ⲁ ⲕ ϯ ϭⲟⲙ ⲛⲁ ⲓ̈ · ⲁⲩⲱ ⲛ̅ⲧⲉ ⲣ ⲓ ϣⲱⲱⲧ ⲙ̅ ⲡⲁ ⲟⲩⲟⲉⲓⲛ ⲁ ⲕⲙⲁϩⲧ̅ ⲛ̅ ⲟⲩⲟⲉⲓⲛ ⲉ ϥ ⲥⲟⲧϥ̅ · ⲁ ⲓ̈ ϣⲱⲡⲉ ϩⲙ̅ ⲡ ⲕⲁⲕⲉ ⲙⲛ̅ ⲑ ⲁⲓ̈ⲃⲉⲥ ⲛ̅ⲧⲉ ⲡⲉ ⲭⲁⲟⲥ · ⲉ ⲓ̈ ⲙⲏⲣ ϩⲛ̅ ⲙ̅ ⲙⲣ̅ⲣⲉ ⲉ ⲩ ⲛⲁϣⲧ̅ ⲛ̅ⲧⲉ ⲡⲉ ⲭⲁⲟⲥ ⲉ ⲙⲛ̅ ⲟⲩⲟⲓ̈ⲛ ⲛ̅ ϩⲏⲧ · ϫⲉ ⲁ ⲓ̈ ϯ ⲛⲟⲩϭⲥ̅ ⲙ̅ ⲡ ⲧⲱϣ ⲙ̅ ⲡ ⲟⲩ ⲟⲉⲓⲛ ⲁ ⲓ̈ ⲡⲁⲣⲁⲃⲁ ·

ⲁⲩⲱ ⲁ ⲓ̈ ϯ ϭⲱⲛⲧ̅ ⲙ̅ ⲡ ⲧⲱϣ ⲙ̅ ⲡ ⲟⲩⲟⲉⲓⲛ ϫⲉ ⲁ ⲓ̈ ⲉⲓ̅ ⲉⲃⲟⲗ ϩⲙ̅ ⲡⲁ ⲧⲟⲡⲟⲥ · ⲁⲩⲱ ⲛ̅ⲧⲉ ⲣ ⲓ ⲉⲓ̅ ⲉ ⲡ ⲉⲥⲏⲧ . ⲁ ⲓ̈ ϣⲱⲱⲧ ⲛ̅ ⲧⲁ ϭⲟⲙ · ⲁⲩⲱ ⲁ ⲓ̈ ⲣ̅ ⲁⲧ ⲟⲩⲟⲉⲓⲛ ·

ⲁⲩⲱ ⲛⲉ ⲙ̅ⲡⲉ ⲗⲁⲁⲩ ⲃⲟⲏⲑⲓ ⲉⲣⲟ ⲓ̈ ⲡⲉ · ⲁⲩⲱ ϩⲙ̅ ⲡ ⲧⲣⲉ ⲩ ⲑⲗⲓⲃⲉ ⲙ̅ⲙⲟ ⲓ̈ · ⲁ ⲓ̈ ϩⲩⲙⲛⲉⲩⲉ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ⲁⲩⲱ ⲁ ϥ ⲛⲁϩⲙⲉ ⲧ ⲉⲃⲟⲗ ϩⲛ̅ ⲛⲁ ⲑⲗⲓⲯⲓⲥ ⲧⲏⲣ ⲟⲩ · ⲁⲩⲱ ⲟⲛ ⲁ ϥ ⲥⲱⲗⲡ̅ ⲛ̅ ⲛⲁ ⲙⲣ̅ⲣⲉ ⲧⲏⲣ ⲟⲩ ·

ⲁ ϥ ⲛ ⲧ̅ ⲉϩⲣⲁⲓ̈ ϩⲙ̅ ⲡ ⲕⲁⲕⲉ ⲙⲛ̅ ⲡ ϩⲟϫϩ̅ϫ ⲛ̅ⲧⲉ ⲡⲉ ⲭⲁⲟⲥ ·

ϯ ⲛⲁ ⲟⲩⲱⲛϩ̅ ⲛⲁ ⲕ ⲉⲃⲟⲗ ⲡ ⲟⲩⲟⲉⲓⲛ ϫⲉ ⲁ ⲕ ⲛⲁϩⲙⲉ ⲧ ⲁⲩⲱ ⲁ ⲛⲉⲕ ϣⲡⲏⲣⲉ ϣⲱⲡⲉ ϩⲙ̅ ⲡ ⲅⲉⲛⲟⲥ ⲛ̅ⲧⲉ ⲧ ⲙ̅ⲛ̅ⲧ̅ ⲣⲱⲙⲉ ⲁⲩⲱ ⲁ ⲕ ⲟⲩⲱϭⲡ̅ ⲛ̅ ⲙ̅ ⲡⲩⲗⲏ ⲉⲧ ϫⲟⲥⲉ ⲛ̅ⲧⲉ ⲡ ⲕⲁⲕⲉ . ⲁⲩⲱ ⲙⲛ̅ ⲙ̅ ⲙⲟⲭⲗⲟⲥ ⲉⲧ ⲛⲁϣⲧ̅ ⲛ̅ⲧⲉ ⲡⲉ ⲭⲁⲟⲥ · ⲁⲩⲱ ⲁ ⲕⲧⲣⲁⲣⲁⲕⲧ̅ ⲉⲃⲟⲗ ⲙ̅ ⲡ ⲧⲟⲡⲟⲥ ⲉⲛⲧ ⲁ ⲓ̈ ⲡⲁⲣⲁ□□ⲃⲁ ⲛ̅ϩⲏⲧ ϥ̅ ⲁⲩⲱ ⲟⲛ ⲛ̅ⲧ ⲁ ⲩ ϥⲓ ⲛ̅ ⲧⲁ ϭⲟⲙ ϫⲉ ⲁ ⲓ̈ ⲡⲁⲣⲁⲃⲁ · ⲁⲩⲱ ⲁ ⲓ̈ ⲗⲟ ϩⲛ̅ ⲙ̅ ⲙⲩⲥⲧⲏ ⲣⲓⲟⲛ · ⲁ ⲓ̈ ⲉⲓ̅ ⲉϩⲣⲁⲓ̈ ϩⲛ̅ ⲙ̅ ⲡⲩⲗⲏ ⲙ̅ ⲡⲉ ⲭⲁⲟⲥ · ⲁⲩⲱ ⲛ̅ⲧⲉⲣ ⲟⲩ ⲑⲗⲓⲃⲉ ⲙ̅ⲙⲟ ⲓ̈ ·

ⲁ ⲓ̈ ϩⲩⲙⲛⲉⲩⲉ ⲉϩⲣⲁⲓ̈ ⲉ ⲡ ⲟⲩ ⲟⲉⲓⲛ ⲁ ϥ ⲛⲁϩⲙⲉ ⲧ ⲉⲃⲟⲗ ϩⲛ̅ ⲛⲁ ⲑⲗⲓⲯⲓⲥ ⲧⲏⲣ ⲟⲩ ·

ⲁ ⲕ ⲧⲛ̅ ⲛⲟⲟⲩ ⲛ̅ ⲧⲉⲕ ⲁⲡⲟϩⲣⲟⲓⲁ ⲁ ⲥ ϯ ϭⲟⲙ ⲛⲁ ⲓ̈ ⲁⲩⲱ ⲁ ⲥ ⲛⲁϩ ⲙⲉ ⲧ ⲉⲃⲟⲗ ϩⲛ̅ ⲛⲁ ϩⲟϫϩϫ̅ ⲧⲏⲣ ⲟⲩ · ϯ ⲛⲁ ⲟⲩⲱⲛϩ̅ ⲛⲁ ⲕ ⲉⲃⲟⲗ ⲡ ⲟⲩⲟⲉⲓⲛ ϫⲉ ⲁ ⲕ ⲛⲁϩⲙⲉ ⲧ · ⲁⲩⲱ ⲛⲉⲕ ϣⲡⲏⲣⲉ ϩⲙ̅ ⲡ ⲅⲉⲛⲟⲥ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ :

ⲡⲁⲓ̈ ϭⲉ ⲡⲉ ⲡ ϩⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲥ ϩⲛ̅ ⲧ ⲙⲏⲧⲉ ⲙ̅ ⲡ ϫⲟⲩⲧⲁϥⲧⲉ ⲛ̅ ⲁϩⲟⲣⲁⲧⲟⲥ ⲉ ⲥ ⲟⲩⲱϣ ⲉ ⲧⲣⲉ ⲩ ⲉⲓⲙⲉ ⲧ̇ⲏ̇ⲣ̇ ⲟ̇ⲩ̇ ⲉ ⲛⲉ ϣⲡⲏⲣⲉ ⲧⲏⲣ ⲟⲩ ⲉⲛⲧ ⲁ ⲓ̈ ⲁⲁ ⲩ ⲛⲙ̅ⲙⲁ ⲥ · ⲁⲩⲱ ⲉ ⲥ ⲟⲩⲱϣ ⲉ ⲧⲣⲉ ⲩ ⲉⲓⲙⲉ ϫⲉ ⲁ ⲓ̈ ⲃⲱⲕ ⲉ ⲡ ⲕⲟⲥⲙⲟⲥ ⲛ̅ⲧⲉ ⲧ ⲙ̅ⲛⲧ ⲣⲱⲙⲉ ⲁ ⲓ̈ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ϫⲓⲥⲉ · ⲧⲉⲛⲟⲩ ϭⲉ ⲡ ⲉⲧ ϫⲟⲥⲉ ϩⲙ̅ ⲡⲉϥ ⲛⲟⲏⲙⲁ ⲙⲁ ⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ϫⲱ ⲙ̅ ⲃⲱⲗ ⲉⲃⲟⲗ ⲙ̅ ⲡ ϩⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲥⲟⲫⲓⲁ

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ . ⲁ ϥ ⲉⲓ̅ ⲉ ⲑ ⲏ ⲛ̅ϭⲓ ⲫⲓⲗⲓⲡ ⲡⲟⲥ ⲡⲉϫⲁ ϥ ϫⲉ ⲓ̅ⲥ̅ ⲡⲁ ϫⲟⲉⲓⲥ · ϥ ϫⲟⲥⲉ ⲛ̅ϭⲓ ⲡⲁ ⲛⲟⲏⲙⲁ · ⲁⲩⲱ ⲁ ⲓ̈ ⲛⲟⲓ̅ ⲙ̅ ⲡ ⲃⲱⲗ ⲉⲃⲟⲗ ⲙ̅ ⲡ ϩⲩⲙⲛⲟⲥ ⲛ̅ⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲥⲟⲫⲓⲁ ⲛ̅ⲧ ⲁ ϥ ⲡⲣⲟⲫⲏⲧⲉⲩⲉ ⲟⲛ ϩⲁⲣⲟ ⲥ ⲙ̅ ⲡⲓ ⲟⲩⲟⲓ̈ϣ ⲛ̅ϭⲓⲇⲩⲉⲓⲇ ⲡⲉ ⲡⲣⲟⲫⲏⲧⲏⲥ ⲉ ϥ ϫⲱ ⲙ̅ⲙⲟ ⲥ ϩⲙ̅ ⲡ ⲙⲉϩ ϣⲉ ⲥⲟⲟⲩ ⲙ̅ ⲯⲁⲗⲙⲟⲥ · ϫⲉ ⲟⲩ ⲱⲛϩ̅ ⲉⲃⲟⲗ ⲙ̅ ⲡ ϫⲟⲉⲓⲥ ϫⲉ ⲟⲩ ⲭⲣⲏⲥⲧⲟⲥ ⲡⲉ ϫⲉ ⲟⲩ ϣⲁ ⲉⲛⲉϩ ⲡⲉ ⲡⲉϥ ⲛⲁ̅ · ⲙⲁⲣⲉ ⲛ ⲉⲛⲧ ⲁ ⲡ ϫⲟⲉⲓⲥ ⲥⲟⲧ ⲟⲩ ϫⲉ ⲡⲁⲓ̈ ⲡⲉ ⲁ ϥ ⲥⲟⲧ ⲟⲩ ⲉⲃⲟⲗ ϩⲛ̅ ⲧ ϭⲓϫ ⲛ̅ ⲛⲉⲩ ϫⲁϫⲉ ·

ⲁ ϥ ⲥⲟⲟⲩϩ ⲟⲩ ⲉϩⲟⲩⲛ ϩⲛ̅ ⲛⲉⲩ ⲭⲱⲣⲁ ⲉⲃⲟⲗ ϩⲙ̅ ⲡⲉⲓ̈ ⲃⲧ̅ ⲙⲛ̅ ⲡ ⲉⲙⲛ̅ⲧ ⲙⲛ̅ ⲡ ⲉⲙϩⲓⲧ · ⲙⲛ̅ ⲑ ⲁⲗⲁⲥⲥⲁ ⲁ ⲩ ⲡⲗⲁⲛⲁ ϩⲓ ⲡ ϫⲁⲓ̈ⲉ ϩⲛ̅ ⲟⲩ ⲙⲁ ⲉ ⲙⲛ̅ ⲙⲟⲟⲩ ⲛ̅ϩⲏⲧ ϥ̅ · ⲙ̅ ⲡ ⲟⲩ ϭⲛ̅ ⲧⲉ ϩⲓⲏ ⲛ̅ ⲧ ⲡⲟⲗⲓⲥ ⲙ̅ ⲡⲉⲩ ⲙⲁ ⲛ̅ ϣⲱⲡⲉ · ⲉ ⲩ ϩⲕⲁⲉⲓⲧ · ⲉ ⲩ ⲟⲃⲉ ⲁ ⲧⲉⲩ ⲯⲩⲭⲏ ⲱϫⲛ̅ ⲛ̅ϩⲏⲧ ⲟⲩ · ⲁ ϥ ⲛⲁϩⲙ ⲟⲩ ⲉⲃⲟⲗ ϩⲛ̅ ⲛⲉⲩ ⲁⲛⲁⲅⲕⲏ ·

ⲁ ⲩ ϫⲓ ϣⲕⲁⲕ ⲉ ϩⲣⲁⲓ̈ ⲉ ⲡ ϫⲟⲉⲓⲥ ⲁ ϥ ⲥⲱⲧⲙ̅ ⲉⲣⲟ ⲟⲩ ϩⲙ̅ ⲡ ⲧⲣⲉ ⲩ ϩⲱϣ · ⲁ ϥ ⲁ ϥ ϫⲓⲙⲟⲉⲓⲧ ϩⲏⲧ ⲟⲩ . ⲉ ⲩ ϩⲓⲏ ⲉ ⲥ ⲥⲟⲩⲧⲱⲛ ⲉ ⲧⲣⲉ ⲩ ⲃⲱⲕ ⲉϩⲣⲁⲓ̈ ⲉ ⲡ ⲧⲟⲡⲟⲥ ⲙ̅ ⲡⲉⲩ ⲙⲁ ⲛ̅ ϣⲱⲡⲉ · ⲙⲁ ⲣ ⲟⲩ ⲟⲩ ⲱⲛϩ̅ ⲉⲃⲟⲗ ⲙ̅ ⲡ ϫⲟⲉⲓⲥ ϩⲛ̅ ⲛⲉϥ ⲛⲁ̅ · ⲁⲩⲱ ⲛⲉϥ ϣⲡⲏⲣⲉ ϩⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ ϫⲉ ⲁ ϥ ⲧⲥⲓⲟ ⲛ̅ ⲟⲩ ⲯⲩⲭⲏ ⲉ ⲥϩⲕⲁⲓ̈ⲧ ⲟⲩ ⲯⲩⲭⲏ ⲉ ⲥϩⲕⲁⲓ̈ⲧ ⲁ ϥ ⲙⲁϩ ⲥ̅ ⲛ̅ ⲁⲅⲁⲑⲟⲛ ⲛ ⲉⲧ ϩⲙⲟⲟⲥ ϩⲙ̅ ⲡ ⲕⲁⲕⲉ ⲙⲛ̅ ⲑ ⲁⲓ̈ⲃⲉⲥ ⲙ̅ ⲡ ⲙⲟⲩ ⲛ ⲉⲧ ⲙⲏⲣ ϩⲛ̅ ⲟⲩ ⲙⲛ̅ⲧ ϩⲏⲕⲉ ⲙⲛ̅ ⲡ̅ ⲡⲉⲛⲓⲡⲉ ϫⲉ ⲁ ϥ ϯ ⲛ ⲟⲩϭⲥ̅ ⲙ̅ ⲡ ϣⲁϫⲉ ⲙ̅ ⲡ ⲛⲟⲩⲧⲉ ⲁ ⲩ ϯ ϭⲱⲛⲧ̅ ⲙ̅ ⲡ ϣⲟϫⲛⲉ ⲙ̅ ⲡ ⲉⲧ ϫⲟⲥⲉ · ⲁ ⲡⲉⲩ ϩⲏⲧ ⲑⲃ̅ⲃⲓⲟ ϩⲛ̅ ⲛⲉⲩ ϩⲓⲥⲉ ·

ⲁ ⲩ ⲣ̅ ϭⲱⲃ̅ · ⲁⲩⲱ ⲙⲛ̅ ⲡ ⲉⲧ ⲃⲟⲏⲑⲓ ⲉⲣⲟ ⲟⲩ ·

ⲁ ⲩ ϫⲓ ϣⲕⲁⲕ ⲉϩⲣⲁⲓ̈ ⲉ ⲡ ϫⲟⲉⲓⲥ ϩⲙ̅ ⲡ ⲧⲣⲉ ⲩ ϩⲱϣ ⲁ ϥ ⲛⲁϩⲙ ⲟⲩ ⲉⲃⲟⲗ ϩⲛ̅ ⲛⲉⲩ ⲁⲛⲁⲅⲕⲏ ⲁ ϥ ⲛ̅ⲧ ⲟⲩ ⲉⲃⲟⲗ ϩⲙ̅ ⲡ ⲕⲁⲕⲉ ⲙⲛ̅ ⲑ ⲁⲓ̈ⲃⲉⲥ ⲙ̅ ⲡ ⲙⲟⲩ ⲁⲩⲱ ⲁ ϥ ⲥⲱⲗⲡ̅ ⲛ̅ ⲛⲉⲩ ⲙⲣ̅ⲣⲉ ·

ⲙⲁⲣ ⲟⲩ ⲟⲩ ⲱⲛϩ̅ ⲉⲃⲟⲗ ⲙ̅ ⲡ ϫⲟⲉⲓⲥ ϩⲛ̅ ⲛⲉϥ ⲛⲁ̅ · ⲁⲩⲱ ⲛⲉϥ ϣⲡⲏⲣⲉ ⲛ̅ ⲛ̅ ⲛ̅ϣⲏⲣⲉ ⲛ̅ ⲣ̅ ⲣⲱⲙⲉ ϫⲉ ⲁ ϥ ⲟⲩⲱϣϥ̅ ⲛ̅ ϩⲉⲛ ⲡⲩⲗⲏ ⲛ̅ ϩⲟⲙ̅ⲛ̅ⲧ̅ · ⲁ ϥ ϩⲱⲣⲃ̅ ⲛ̅ ϩⲉⲛ ⲙⲟⲭⲗⲟⲥ ⲙ̅ ⲡⲉⲛⲓⲡⲉ · ⲁ ϥ ϣⲟⲡ ⲟⲩ ⲉⲣⲟ ϥ ϩⲛ̅ ⲧⲉ ϩⲓⲏ ⲛ̅ ⲧⲉⲩ ⲁⲛⲟⲙⲓⲁ · ⲛ̅ⲧ ⲁ ⲩ ⲑⲃ̅ⲃⲓⲟ ⲅⲁⲣ ⲉⲧⲃⲉ ⲛⲉⲩ ⲁ ⲛⲟⲙⲓⲁ · ⲁ ⲡⲉⲩ ϩⲏⲧ ⲃⲉⲧϭⲓ ⲛ ⲟⲩⲱⲙ ⲛⲓⲙ · ⲁ ⲩ ϩⲱⲛ ⲉϩⲟⲩⲛ ⲉ ⲙ ⲡⲩⲗⲏ ⲙ̅ ⲡ ⲙⲟⲩ ·

ⲁ ⲩ ϫⲓ ϣⲕⲁⲕ ⲉϩⲣⲁⲓ̈ ⲉ ⲡ ϫⲟⲉⲓⲥ ϩⲙ̅ ⲡ ⲧⲣⲉ ⲩ ϩⲱϣ ⲁ ϥ ⲛⲁϩⲙ ⲟⲩ ⲉⲃⲟⲗ ϩⲛ̅ ⲛⲉⲩ ⲁⲛⲁⲅⲕⲏ · ⲁ ϥ ϫⲟⲟⲩ ⲙ̅ ⲡⲉϥ ϣⲁϫⲉ ⲁ ϥ ⲧⲁⲗϭⲟ ⲟⲩ · ⲁ ϥ ⲧⲟⲩϫⲟ ⲟⲩ ⲉⲃⲟⲗ ϩⲛ̅ ⲛⲉⲩ ϩⲓⲥⲉ ·

ⲙⲁⲣ ⲟⲩ ⲟⲩ ⲱⲛϩ̅ ⲉⲃⲟⲗ ⲙ̅ ⲡ ϫⲟⲉⲓⲥ ϩⲛ̅ ⲛⲉϥ ⲛⲁ̅ · ⲁⲩⲱ ⲛⲉϥ ϣⲡⲏⲣⲉ ϩⲛ̅ ⲛ̅ ϣⲏⲣⲉ ⲛ̅ ⲣ̅ ⲣⲱⲙⲉ ·

ⲡⲁⲓ̈ ⲟⲩⲛ ϭⲉ ⲡⲁ ϫⲟⲉⲓⲥ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϩⲩⲙⲛⲟⲥ ⲛ̅ⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲥⲟⲫⲓⲁ ·

ⲥⲱⲧⲙ̅ ⲟⲩⲛ ⲡⲁ ϫⲟⲉⲓⲥ · ⲧⲁϫⲟⲟ ϥ ⲫⲁⲛⲉⲣⲱⲥ · ⲡ ϣⲁϫⲉ ⲙⲉ̅ ⲛ̅ⲧ ⲁ ϥ ϫⲟⲟ ϥ ⲛ̅ϭⲓ ⲇⲁⲩⲉⲓⲇ · ϫⲉ ⲟⲩ ⲱⲛϩ̅ ⲉⲃⲟⲗ ⲙ̅ ⲡ ϫⲟⲉⲓⲥ ϫⲉ ⲟⲩ ⲭⲣⲏⲥⲧⲟⲥ ⲡⲉ ϫⲉ ⲟⲩ ϣⲁ ⲉⲛⲉϩ ⲡⲉ ⲡⲉϥ ⲛⲁ̅ · ⲛ̅ⲧⲟϥ ⲡⲉ ⲡ ϣⲁϫⲉ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲥⲟ ⲫⲓⲁ · ϫⲉ ϯ ⲛⲁ ⲟⲩⲱⲛϩ̅ ⲛⲁ ⲕ ⲉⲃⲟⲗ ⲡ ⲟⲩⲟⲉⲓⲛ ϫⲉ ⲛ̅ⲧⲕ̅ ⲟⲩ ⲥⲱⲧⲏⲣ ⲁⲩⲱ ⲛ̅ⲧⲕ̅ ⲟⲩ ⲣⲉϥ ⲥⲱⲧⲉ ⲛ̅ ⲟⲩ ⲟⲉⲓϣ ⲛⲓⲙ · ⲁⲩⲱ ⲡ ϣⲁϫⲉ ⲛ̅ⲧ ⲁ ϥ ϫⲟⲟ ϥ ⲛ̅ϭⲓ ⲇⲁⲩⲉⲓⲇ · ϫⲉ ⲙⲁⲣⲉ ⲛ ⲉⲛⲧ ⲁ ⲡ ϫⲟⲉⲓⲥ ⲥⲟⲧ ⲟⲩ ϫⲉ ⲡⲁⲓ̈ · ⲁ ϥ ⲥⲟⲧ ⲟⲩ ⲉⲃⲟⲗ ϩⲛ̅ ⲧ ϭⲓϫ ⲛ̅ ⲛⲉⲩ ϫⲁϫⲉ ·

ⲛ̅ⲧⲟϥ ⲡⲉ ⲡ ϣⲁϫⲉ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲥⲟⲫⲓⲁ ϫⲉ ϯ ⲛⲁ ϫⲱ ⲙ̅ ⲡⲉⲉⲓ ϩⲩⲙⲛⲟⲥ ⲉ ⲡ ⲟⲩⲟⲉⲓⲛ ϫⲉ ⲁ ϥ ⲛⲟⲩϩⲙ̅ ⲙ̅ⲙⲟ ⲓ̈ ⲁⲩⲱ ⲁ ϥ ⲛⲁϩⲙⲉ ⲧ ⲉⲃⲟⲗ ϩⲛ̅ ⲧ ϭⲓϫ ⲛ̅ ⲛ̅ ⲁⲣⲭⲱⲛ ⲛⲁ ϫⲓϫⲉⲉⲩ · ⲙⲛ̅ ⲡ‐ⲕⲉ ⲥⲉⲉⲡⲉ ⲙ̅ ⲯⲁⲗⲙⲟⲥ ·

ⲡⲁⲓ̈ ⲟⲩⲛ ⲡⲁ ϫⲟⲉⲓⲥ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϩⲩⲙⲛⲟⲥ ⲛ̅ⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲥⲟⲫⲓⲁ ϩⲛ̅ ⲧ ⲙⲏⲧⲉ ⲙ̅ ⲡ ϫⲟⲩⲧⲁϥⲧⲉ ⲛ̅ ⲁϩⲟⲣⲁⲧⲟⲥ ⲉ ⲥ ⲟⲩⲱϣ ⲉ ⲧⲣⲉ ⲩ ⲉⲓⲙⲉ ⲉ ⲛⲉ ϣⲡⲏⲣⲉ ⲧⲏⲣ ⲟⲩ ⲉⲛⲧ ⲁ ⲓ̈ ⲁⲁ ⲩ ⲛ̅ⲙ ⲙⲁ ⲥ · ⲁⲩⲱ ⲁ ⲥ ⲟⲩⲱϣ ⲉ ⲧⲣⲉ ⲩ ⲉⲓⲙⲉ ϫⲉ ⲁ ⲕ ϯ ⲛ̅ ⲛⲉⲕ ⲙⲩⲥⲧⲏⲣⲓⲟⲛ ⲙ̅ ⲡ ⲅⲉⲛⲟⲥ ⲛ̅ ⲧ ⲙⲛ̅ⲧ ⲣⲱⲙⲉ : ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲛⲉⲓ̈ ϣⲁϫⲉ .

ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲫⲓⲗⲓⲡⲡⲟⲥ ⲡⲉϫⲁ ϥ ϫⲉ ⲉⲩⲅⲉ ⲡ ⲙⲁⲕⲁⲣⲓⲟⲥ ⲫⲓⲗⲓⲡⲡⲟⲥ ⲡⲁⲓ̈ ⲡⲉ ⲡ ⲃⲱⲗ ⲉⲃⲟⲗ ⲙ̅ ⲡ ϩⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲥⲟⲫⲓⲁ ·

ⲁ ⲥ ϣⲱⲡⲉ ϭⲉ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲧⲏⲣ ⲟⲩ ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲙⲁⲣⲓϩⲁⲙ ⲁ ⲥ ϯ ⲟⲩⲱϣⲧ̅ ⲉ ⲛ ⲟⲩⲉⲣⲏⲧⲉ ⲛ̅ ⲓ̅ⲥ̅ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ · ϫⲉ ⲉ ⲛ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ ·

ⲁ ⲕ ϫⲟⲟ ⲥ ⲅⲁⲣ ⲉⲣⲟ ⲛ ⲙ̅ ⲡⲓ ⲟⲩⲟⲉⲓϣ · ϫⲉ ϣⲓⲛⲉ ⲧⲁⲣⲉ ⲧⲛ̅ ϭⲓⲛⲉ ⲁⲩⲱ ⲧⲱϩⲙ̅ ⲧⲁ ⲣⲟⲩ ⲟⲩⲱⲛ ⲛⲏ ⲧⲛ̅ ϫⲉ ⲟⲩⲟⲛ ⲅⲁⲣ ⲛⲓⲙ ⲉⲧ ϣⲓⲛⲉ ϥ ⲛⲁ ϭⲓⲛⲉ · ⲁⲩⲱ ⲟⲩⲟⲛ ⲛⲓⲙ ⲉⲧ ⲧⲱϩⲙ ⲉϩⲟⲩⲛ · ⲥⲉ ⲛⲁ ⲟⲩⲱⲛ ⲛⲁ ϥ ·

ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲛⲓⲙ ⲡⲉ ϯ ⲛⲁ ϭⲛ̅ⲧ ϥ̅ ⲏ̅ ⲛⲓⲙ ⲡ ⲉⲧⲛ̅ ⲛⲁ ⲧⲱϩⲙ̅ ⲉⲣⲟ ϥ · ⲏ̅ ⲛⲓⲙ ⲛ̅ⲧⲟϥ ⲡ ⲉⲧⲉ ⲟⲩⲛ̅ ϣ ϭⲟⲙ ⲙ̅ⲙⲟ ϥ ⲉ ϫⲱ ⲉⲣⲟ ⲛ ⲛ̅ ⲧ ⲁⲡⲟⲫⲁⲥⲓⲥ ⲛ̅ ⲛ̅ ϣⲁϫⲉ ⲉⲧ ⲛ̅ ⲛⲁ ϣⲛ̅ⲧ ⲕ̅ ⲉⲣⲟ ⲟⲩ · ⲏ̅ ⲛⲓⲙ ⲛ̅ⲧⲟϥ ⲡⲉ ⲉ ⲧ ⲥⲟⲟⲩⲛ ⲛ̅ ⲧ ϭⲟⲙ ⲛ̅ ⲛ̅ ϣⲁϫⲉ ⲧⲛ̅ ⲛⲁ ϣⲓⲛⲉ ⲛ̅ⲥⲱ ⲟⲩ · ⲉⲃⲟⲗ ϫⲉ ϩⲛ̅ ⲟⲩ ⲛⲟⲩⲥ ⲁ ⲕϯ ⲛⲟⲩⲥ ⲛⲁ ⲛ ⲛ̅ⲧⲉ ⲡ ⲟⲩⲟⲉⲓⲛ · ⲁⲩⲱ ⲁ ⲕ ϯ ⲛⲁ ⲛ ⲛ̅ ⲟⲩ ⲁⲓⲥⲑⲏⲥⲓⲥ ⲙⲛ̅ ⲟⲩ ⲙⲉⲉⲩⲉ ⲉ ϥ ϫⲟⲥⲉ ⲉⲙⲁⲧⲉ ·

ⲉⲧⲃⲉ ⲡⲁⲓ̈ ⲟⲩⲛ ⲙⲛ̅ ⲗⲁⲁⲩ ⲉ ϥ ϣⲟⲟⲡ ϩⲙ̅ ⲡ ⲕⲟⲥⲙⲟⲥ ⲛ̅ⲧⲉ ⲧ ⲙⲛ̅ⲧ ⲣⲱⲙⲉ · ⲟⲩⲇⲉ ⲉ ϥ ϣⲟⲟⲡ ϩⲙ̅ ⲡ ϫⲓⲥⲉ ⲛ̅ ⲧⲉⲛ ⲁⲓⲱⲛ ⲉ ⲩⲛ̅ ϣ ϭⲟⲙ ⲙ̅ⲙⲟ ϥ ⲉ ϫⲱ ⲉⲣⲟ ⲛ ⲛ̅ ⲧ ⲁⲡⲟⲫⲁⲥⲓⲥ ⲛ̅ ⲛ̅ ϣⲁϫⲉ ⲉⲧ ⲛ̅ ϣⲓⲛⲉ ⲛ̅ⲥⲱ ⲟⲩ · ⲉⲓⲙⲏⲧⲓ ⲛ̅ⲧⲟⲕ ⲟⲩⲁⲁ ⲕ ⲡⲁⲓ̈ ⲉ ⲧ ⲥⲟⲟⲩⲛ̅ ⲙ̅ ⲡ ⲧⲏⲣ ϥ̅ · ⲁⲩⲱ ⲉⲧ ϫⲏⲕ ⲉⲃⲟⲗ ϩⲙ̅ ⲡ ⲧⲏⲣ ϥ̅ · ⲉⲃⲟⲗ ϫⲉ ⲛⲉ ⲓ̈ ϣⲓⲛⲉ ⲁⲛ ⲛ̅ⲥⲁ ⲑ ⲉ ⲉⲧ ⲟⲩ ϣⲓⲛⲉ ⲙ̅ⲙⲟ ⲥ ⲛ̅ϭⲓ ⲛ̅ ⲣⲱⲙⲉ ⲛ̅ⲧⲉ ⲡ ⲕⲟⲥⲙⲟⲥ .

ⲁⲗⲗⲁ ⲉ ⲛ ϣⲓⲛⲉ ⲁⲛⲟⲛ ϩⲙ̅ ⲡ ⲥⲟⲟⲩⲛ̅ ⲛ̅ⲧⲉ ⲡ ϫⲓⲥⲉ ⲡⲁⲓ̈ ⲉⲛⲧ ⲁ ⲕ ⲧⲁⲁ ϥ ⲛⲁ ⲛ ⲁⲩⲱ ⲉ ⲛ ϣⲓⲛⲉ ⲟⲛ ϩⲙ̅ ⲡ ⲧⲩⲡⲟⲥ ⲛ̅ ⲧ ϭⲓⲛ ϣⲓⲛⲉ ⲉⲧ ⲟⲩⲟⲧⲃ̅ · ⲧⲁⲓ̈ ⲛ̅ⲧ ⲁ ⲕ ⲧⲁⲥⲃⲟⲛ ⲉⲣⲟ ⲥ ⲉ ⲧⲣⲉ ⲛ ϣⲓⲛⲉ ⲛ̅ ϩⲏⲧ ⲥ̅ ·

Ⲍ ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ · ⲁⲗⲗⲁ ϭⲱⲗⲡ̅ ⲛⲁ ⲓ̈ ⲉⲃⲟⲗ ⲙ̅ ⲡ ϣⲁϫⲉ ⲉ ϯ ⲛⲁ ϣ ⲛ̅ⲧ ⲕ̅ ⲉⲣⲟ ϥ ·

ⲁ ⲥ ϣⲱⲡⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ⲥ ϫⲱ ⲙ̅ⲙⲟ ⲟⲩ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ·

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛⲁ ⲥ ϫⲉ ϣⲓⲛⲉ ⲛ̅ⲥⲁ ⲡ ⲉⲧⲉⲣⲉ ⲟⲩⲉϣ ϣⲓⲛⲉ ⲛ̅ⲥⲱ ϥ · ⲁⲩⲱ ⲁⲛⲟⲕ ϯ ⲛⲁ ϭⲟⲗⲡ ϥ̅ ⲛ ⲉ ⲉⲃⲟⲗ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲉⲓⲁ ·

ϩⲁⲙⲏⲛ ϩⲁ ⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ · ⲁⲩⲱ ⲛ̅ ⲧⲉⲧⲛ̅ ⲧⲉⲗⲏⲗ ⲉⲙⲁϣⲟ ⲉⲙⲁϣⲟ · ⲉ ⲧⲉⲧⲛ̅ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ · ⲁⲩⲱ ϯ ⲛⲁ ⲧⲉ ⲗⲏⲗ ⲉⲙⲁϣⲟ ⲉⲙⲁϣⲟ ϫⲉ ⲧⲉⲧⲛ̅ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ · ⲁⲩⲱ ⲧⲉⲧⲛ̅ ϣⲓⲛⲉ ⲛ̅ⲥⲁ ⲑ ⲉ ⲉ ⲧ ϣⲟⲩ ϣⲓⲛⲉ ⲙ̅ⲙⲟ ⲥ ·

ⲧⲉⲛⲟⲩ ϭⲉ ϣⲓⲛⲉ ⲛ̅ⲥⲁ ⲡ ⲉ ⲧⲉ ϣⲓⲛⲉ ⲛ̅ⲥⲱ ϥ · ⲁⲩⲱ ϯ ⲛⲁ ϭⲟⲗⲡ ϥ̅ ⲛ ⲉ ⲉⲃⲟⲗ ϩⲛ̅ ⲟⲩ ⲣⲁϣⲉ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲙⲁⲣⲓⲁ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲡ ⲥⲱⲧⲏⲣ · ⲁ ⲥ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ · ⲁⲩⲱ ⲁ ⲥ ⲧⲉⲗⲏⲗ ⲙ̅ⲙⲟ ⲥ ⲉⲙⲁϣⲟ ⲉⲙⲁϣⲟ · ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ · ⲁⲩⲱ ⲡⲁ ⲥⲱⲧⲏⲣ ·

ⲉⲓ̈ⲉ ⲉⲣⲉ ⲡ ϫⲟⲩⲧⲁϥⲧⲉ ⲛ̅ ⲁϩⲟⲣⲁⲧⲟⲥ ⲟ̅ ⲛ̅ ⲁϣ ⲙ̅ ⲙⲓⲛⲉ ⲁⲩⲱ ⲉ ⲩ ⲟ ⲛ̅ ⲁϣ ⲛ̅ ⲧⲩⲡⲟⲥ ⲏ̅ ⲙ̅ⲙⲟⲛ ⲛ̅ⲧⲟϥ ⲉ ⲩ ⲟ̅ ⲛ̅ ⲁϣ ⲛ̅ ϭⲟⲧ · ⲏ̅ ⲉⲓ̈ⲉ ⲉ ϥ ⲟ ⲛ̅ ⲁϣ ⲛ̅ ϭⲟⲧ ⲛ̅ϭⲓ ⲡⲉⲩ ⲟⲩⲟⲉⲓⲛ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ

· ⲁ ⲥ ϥⲟϭ ⲥ̅ ⲉⲃⲟⲗ ⲛ̅ϭⲓ ⲙⲁⲣⲓⲁ ⲧ ⲙⲁⲅⲇⲁⲗⲏⲛⲏ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲙ̅ⲡⲣ̅ ϭⲱⲛⲧ̅ ⲉ ⲣⲟ ⲓ̈ ⲉ ⲓ̈ ϣⲓⲛⲉ ⲙ̅ⲙⲟ ⲕ · ⲉⲃⲟⲗ ϫⲉ ⲉ ⲛ ϣⲓⲛⲉ ⲛ̅ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ·

ⲁ ϥ ⲟⲩⲱϩⲙ̅ ⲇⲉ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ϣⲓⲛⲉ ⲛ̅ⲥⲁ ⲡ ⲉⲧⲉ ⲟⲩⲉϣ ϣⲓⲛⲉ ⲛ̅ⲥⲱ ϥ ⲁⲩⲱ ⲁⲛⲟⲕ ϯ ⲛⲁ ϭⲟⲗⲡ ϥ̅ ⲛ ⲉ ⲉⲃⲟⲗ ϩⲛ̅ ⲟⲩ ⲡⲁⲣϩⲏ ⲥⲓⲁ · ⲁϫⲛ̅ ⲡⲁⲣⲁⲃⲟⲗⲏ · ⲁⲩⲱ ϩⲱⲃ ⲛⲓⲙ ⲉ ⲧⲉ ϣⲓⲛⲉ ⲛ̅ⲥⲱ ⲟⲩ · ϯ ⲛⲁ ϫⲟⲟⲩ ⲛ ⲉ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥ ⲫⲁⲗⲓⲁ · ⲁⲩⲱ ϯ ⲛⲁ ϫⲉⲕ ⲧⲏⲛⲟⲩ ⲉⲃⲟⲗ ϩⲛ̅ ϭⲟⲙ ⲛⲓⲙ · ⲙⲛ̅ ⲡⲗⲏⲣⲱⲙⲁ ⲛⲓⲙ · ϫⲓⲛ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ · ϩⲉⲱⲥ ϣⲁ ⲡ ⲥⲁ ⲛ̅ ⲃⲟⲗ ⲛ̅ⲧⲉ ⲛⲓ ⲥⲁ ⲛ̅ ⲃⲟⲗ · ϫⲓⲛ ⲡⲓ ⲁⲧ ϣⲁϫⲉ ⲉⲣⲟ ϥ · ϩⲉⲱⲥ ϣⲁ ⲡ ⲕⲁⲕⲉ ⲛ̅ ⲛ̅ ⲕⲁⲕⲉ · ϫⲉ ⲉⲩⲉ ⲙⲟⲩⲧⲉ ⲟⲩⲃⲉ ⲧⲏⲛⲟⲩ ϫⲉ ⲛⲉ ⲡⲗⲏ ⲣⲱⲙⲁ ⲉⲧ ϫⲏⲕ ⲉⲃⲟⲗ ⲛ̅ ⲥⲟⲟⲩⲛ̅ ⲛⲓⲙ ·

ⲧⲉⲛⲟⲩ ϭⲉ ⲙⲁⲣⲓⲁ ϣⲓⲛⲉ ⲛ̅ⲥⲁ ⲡ ⲉⲧⲉⲣⲉ ϣⲓⲛⲉ ⲛ̅ⲥⲱ ϥ · ⲁⲩⲱ ϯ ⲛⲁ ϭⲟⲗⲡ ϥ̅ ⲛ ⲉ ⲉⲃⲟⲗ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ ⲙⲛ̅ ⲟⲩ ⲛⲟϭ ⲛ̅ ⲧⲉⲗⲏⲗ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲙⲁⲣⲓⲁ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲡ ⲥⲱⲧⲏⲣ ⲁ ⲥ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ ⲉⲙⲁϣⲟ · ⲁⲩⲱ ⲁ ⲥ ⲧⲉⲗⲏⲗ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲉ ⲉⲓⲉⲛ̅ ⲣⲱⲙⲉ ⲛ̅ⲧⲉ ⲡ ⲕⲟⲥⲙⲟⲥ ⲛⲁ ⲓ̈ ⲛ̅ⲧ ⲁ ⲩ ϫⲓ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧⲉ ⲡⲟⲩ