Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲙⲁ ⲑⲁⲓⲟⲥ ⲡⲉϫⲁ ϥ ϫⲉ ⲉⲩⲅⲉ ⲙⲁⲑⲁⲓⲟⲥ · ⲁⲩⲱ ⲕⲁⲗⲱⲥ ⲡ ⲙⲉⲣⲓⲧ ⲡⲁⲓ̈ ⲡⲉ ⲡ ⲃⲱⲗ ⲙ̅ⲫⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉϫⲁ ϥ ϫⲉ ⲁ ⲥ ⲟⲩⲱϩ ⲇⲉ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲧ ⲥⲟⲫⲓⲁ ϩⲙ̅ ⲡⲉⲓ̈ ϩⲩⲙⲛⲟⲥ ·

ⲡⲉϫⲁ ⲥ ϫⲉ ϯ ⲛⲁ ϫⲟⲟ ⲥ ϫⲉ ⲛ̅ⲧⲟⲕ ⲡⲉ ⲡ ⲟⲩⲟⲉⲓⲛ ⲡ ⲉⲧ ϫⲟⲥⲉ ϫⲉ ⲁ ⲕ ⲛⲟⲩϩⲙ̅ ⲙ̅ⲙⲟ ⲓ̈ · ⲁⲩⲱ ⲁ ⲕ ⲛ ⲧ̅ ⲉⲣⲁⲧ ⲕ̅ ⲁⲩⲱ ⲙ̅ⲡ ⲕ̅ ⲧⲣⲉ ⲩ ϥⲓ ⲡⲁ ⲟⲩⲟⲓ̈ⲛ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩ ⲑⲁⲇⲏⲥ ⲛⲁⲓ̈ ⲉⲧ ⲟ ⲛ̅ ϫⲁϫⲉ ⲉⲣⲟ ⲓ̈ ⲡ ⲟⲩⲟⲓ̈ⲛ ⲛ̅ ⲧⲉⲛⲓ ⲟⲩⲟⲓ̈ⲛ · ⲁ ⲓ̈ ϩⲩⲙⲛⲉⲩⲉ ⲉϩⲣⲁⲓ̈ ⲟⲩⲃⲏ ⲕ . ⲁ ⲕ ⲛⲁϩⲙⲉ ⲧ ⲡ ⲟⲩⲟⲉⲓⲛ ⲁ ⲕⲛ̅ⲧⲁ ϭⲟⲙ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ · ⲁ ⲕ ⲛⲁϩⲙⲉ ⲧ ⲉⲃⲟⲗ ϩⲓⲧⲛ̅ ⲛ ⲉⲧ ⲃⲏⲕ ⲉ ⲡ ⲉⲥⲏⲧ ⲉ ⲡ ⲕⲁⲕⲉ ·

ⲛⲉ ⲓ̈ ϣⲁϫⲉ ⲟⲛ ⲁ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲧⲉ ⲛⲟⲩ ϭⲉ ⲡ ⲉⲛⲧ ⲁ ⲡⲉϥ ⲛⲟⲩⲥ ⲣ̅ ⲛⲟⲉⲣⲟⲥ ⲉ ⲁ ϥ ⲛⲟⲓ̈ ⲛ̅ ⲛ̅ ϣⲁϫⲉ ⲉⲛⲧ ⲁ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲙⲁⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ⲧⲁⲩⲉ ⲡⲉⲩ ⲃⲱⲗ :

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲙ ⲙⲁⲑⲏⲧⲏⲥ .

ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲙⲁⲣⲓⲁ · ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ·

ⲡⲁ ⲛⲟⲩⲥ ⲟⲩ ⲛⲟⲉⲣⲟⲥ ⲡⲉ ⲛ̅ ⲟⲩ ⲟⲉⲓϣ ⲛⲓⲙ ⲉ ⲧⲣ ⲁ ⲉⲓ̅ ⲉ ⲑ ⲏ ⲛ̅ ⲥⲟⲡ ⲛⲓⲙ · ⲧⲁⲧⲁⲩⲉ ⲡ ⲃⲱⲗ ⲛ̅ ⲛ̅ ϣⲁϫⲉ ⲉⲛⲧ ⲁ ⲥ ϫⲟⲟⲩ · ⲁⲗⲗⲁ ⲉ ⲓ ⲣ̅ ϩⲟⲧⲉ ϩⲏⲧ ϥ̅ ⲙ̅ ⲡⲉⲧⲣⲟⲥ ϫⲉ ϣⲁ ϥ ⲁⲡⲉⲓⲗⲉⲓ ⲉⲣⲟ ⲓ̈ · ⲁⲩⲱ ϥ ⲙⲟⲥⲧⲉ ⲙ̅ ⲡⲉⲛ ⲅⲉⲛⲟⲥ ·

ⲛⲁⲓ̈ ⲇⲉ ⲛ̅ⲧⲉⲣⲉ ⲥ ϫⲟⲟⲩ ⲡⲉϫⲁ ⲥ ⲛⲁ ⲥ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϫⲉ ⲟⲩⲟⲛ ⲛⲓⲙ ⲉⲧ ⲛⲁ ⲙⲟⲩϩ ⲉⲃⲟⲗ ϩⲙ̅ ⲡⲉ ⲡⲛ̅ⲁ̅ ⲛ̅ ⲟⲩⲟⲉⲓⲛ ⲉ ⲧⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ⲧⲁⲩⲉ ⲡ ⲃⲱⲗ ⲛ̅ ⲛ̅ⲉ□ ϯ ϫⲱ ⲙ̅ⲙⲟ ⲟⲩ . ⲙⲛ̅ ⲗⲁⲁⲩ ⲛⲁ ϣ ⲕⲱ ⲗⲩ ⲙ̅ⲙⲟ ϥ · ⲧⲉⲛⲟⲩ ϭⲉ ⲛ̅ⲧⲟ ⲱ̅ ⲙⲁⲣⲓⲁ · ⲧⲁⲩⲉ ⲡ ⲃⲱⲗ ⲛ̅ ⲛ̅ ϣⲁϫⲉ ⲛⲁⲓ̈ ⲛ̅ⲧ ⲁ ⲥ ϫⲟ ⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ⲥ ⲟⲩⲱϣⲃ̅ ϭⲉ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲏⲧⲉ ⲛ̅ ⲙ̅ ⲙⲁⲑⲏⲧⲏⲥ · ϫⲉ ⲡⲁ ϫⲟ ⲉⲓⲥ . ⲉⲧⲃⲉ ⲡ ⲃⲱⲗ ⲛ̅ ⲛ̅ ϣⲁϫⲉ ⲉⲛⲧ ⲁ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ⲙ̅ⲙⲟ ⲟⲩ ⲙ̅ ⲡⲓ ⲟⲩⲟⲉⲓϣ ϩⲓⲧⲛ̅ ⲇⲁⲩⲉⲓⲇ · ϫⲉ ϯ ⲛⲁ ϫⲁⲥⲧ ⲕ̅ ⲡ ϫⲟⲉⲓⲥ · ϫⲉ ⲁ ⲕ ϣⲟⲡ ⲧ̅ ⲉⲣⲟ ⲕ · ⲁⲩⲱ ⲙ̅ⲡ ⲕ̅ ⲉⲩⲫⲣⲁⲛⲉ ⲛ̅ ⲛⲁ ϫⲁϫⲉ ⲉϩⲣⲁⲓ̈ ⲉϫⲱ ⲓ̈ ⲡ ϫⲟⲉⲓⲥ ⲡⲁ ⲛⲟⲩⲧⲉ ⲁ ⲓ̈ ⲱϣ ⲉϩⲣⲁⲓ̈ ⲉⲣⲟ ⲕ · ⲁⲩⲱ ⲁ ⲕ ⲧⲁⲗϭⲟ ⲓ̈ · ⲡ ϫⲟⲓ̈ⲥ ⲁ ⲕⲛ̅ ⲧⲁ ⲯⲩⲭⲏ ⲉϩⲣⲁⲓ̈ ϩⲛ̅ ⲁⲙⲛ̅ⲧⲉ · ⲁ ⲕ ⲧⲟⲩϫⲟ ⲓ̈ ⲉ ⲛ ⲉⲧ ⲃⲏⲕ ⲉ ⲡ ⲉⲥⲏⲧ ⲉ ⲡ ϣⲏⲓ̈ ·

ⲛⲁⲓ̈ ⲇⲉ ⲛ̅ⲧⲉⲣⲉ ⲥ ϫⲟⲟⲩ ⲛ̅ϭⲓ ⲙⲁ ⲣⲓⲁ ⲡⲉϫⲁ ϥ ⲛⲁ ⲥ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϫⲉ ⲉⲩⲅⲉ ⲕⲁⲗⲱⲥ ⲙⲁⲣⲓⲁ ⲧⲙ ⲁⲕⲁⲣⲓⲟⲥ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲙ̅ ⲙⲁⲑⲏⲧⲏⲥ ϫⲉ ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ϩⲙ̅ ⲡⲉⲓ̈ ϩⲩⲙⲛⲟⲥ · ⲡⲉϫⲁ ⲥ ϫⲉ ⲁ ⲡ ⲟⲩⲟⲉⲓⲛ ϣⲱⲡⲉ ⲛⲁ ⲓ̈ ⲛ̅ ⲣⲉϥ ⲛⲟⲩϩⲙ̅ · ⲁⲩⲱ ⲁ ϥ ⲕⲧⲉ ⲡⲁ ⲕⲁⲕⲉ ⲛⲁ ⲓ̈ ⲉ ⲩ ⲟⲩⲟⲉⲓⲛ · ⲁⲩⲱ ⲁ ϥ ⲡⲉϩ ⲡⲉ ⲭⲁⲟⲥ ⲉⲧ ⲕⲱⲧⲉ ⲉⲣⲟ ⲓ̈ ·

ⲁ ϥ ⲙⲟⲣⲧ̅ ⲛ̅ ⲟⲩ ⲟⲩⲟⲉⲓⲛ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ·

ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲙⲁⲣⲑⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲛ̅ⲧ ⲁ ⲧⲉⲕ ϭⲟⲙ ⲡⲣⲟⲫⲏⲧⲉⲩⲉ ⲙ̅ ⲡⲓ ⲟⲩⲟⲉⲓϣ ϩⲓⲧⲛ̅ ⲇⲁⲩⲓ̈ⲇ . ⲉⲧⲃⲉ ⲛⲉⲓ̈ ϣⲁϫⲉ ϫⲉ ⲁ ⲡ ϫⲟⲉⲓⲥ ϣⲱⲡⲉ ⲛⲁ ⲓ̈ ⲛ̅ ⲃⲟⲏⲑⲟⲥ · ⲁ ϥ ⲕⲧⲉ ⲡⲁ ⲛⲉϩ ⲡⲉ ⲛⲁ ⲓ̈ ⲉ ⲩ ⲣⲁϣⲉ · ⲁ ϥ ⲡⲉϩ ⲧⲁ ϭⲟⲟⲩⲛⲉ ⲁ ϥ ⲙⲟⲣⲧ̅ ϩⲛ̅ ⲟⲩ ⲟⲩⲛⲟϥ ·

ⲁ ⲥ ϣⲱⲡⲉ ⲇⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲟⲩⲱ ⲉ ϥ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ⲥ ϫⲱ ⲙ̅ⲙⲟ ⲟⲩ ⲛ̅ϭⲓ ⲙⲁⲣⲑⲁ · ⲡⲉϫⲁ ϥ ϫⲉ ⲉⲩⲅⲉ ⲁⲩⲱ ⲕⲁ ⲗⲱⲥ ⲙⲁⲣⲑⲁ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉϫⲁ ϥ ⲛ̅ⲙ̅ ⲙⲁⲑⲏⲑⲏⲥ · ϫⲉ ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ϩⲙ̅ⲫⲩⲙⲛⲟⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲁⲩⲱ ⲡⲉϫⲁ ⲥ ϫⲉ ⲧⲁ ϭⲟⲙ ϩⲩⲙⲛⲉⲩⲉ ⲉ ⲡ ⲟⲩ ⲟⲓ̈ⲛ ⲁⲩⲱ ⲙ̅ⲡⲣ̅ ⲣ̅ ⲡ ⲱⲃϣ̅ ⲛ̅ ⲛ̅ ϭⲟⲙ ⲧⲏⲣ ⲟⲩ ⲙ̅ ⲡ ⲟⲩ ⲟⲉⲓⲛ ⲛⲁⲓ̈ ⲉⲛⲧ ⲁ ϥ ⲧⲁⲁ ⲩ ⲛⲉ · ⲁⲩⲱ ⲛ̅ ϭⲟⲙ ⲧⲏⲣ ⲟⲩ ⲉⲧ ⲛ̅ ϩⲏⲧ · ϩⲩⲙⲛⲉⲩⲉ ⲉ ⲡ ⲣⲁⲛ ⲙ̅ ⲡⲉϥ ⲙⲩⲥⲧⲏⲣⲓⲟⲛ ⲉⲧ ⲟⲩⲁⲁⲃ · ⲡ ⲉⲧ ⲕⲱ ⲉⲃⲟⲗ ⲛ̅ ⲧⲟⲩ ⲡⲁⲣⲁⲃⲁⲥⲓⲥ ⲧⲏⲣ ⲥ̅ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲟⲩⲱ ⲉ ϥ ⲧⲁⲩⲟ ⲛ̅ ⲛⲉⲓ̈ ϣⲁϫⲉ ⲉ ⲙ ⲙⲁⲑⲏⲧⲏⲥ ·

ⲡⲉ ϫⲁ ϥ ⲛⲁ ⲩ ϫⲉ ⲡ ⲉⲛⲧ ⲁ ϥ ⲛⲟⲓ̈ ⲉ ⲡ ⲃⲱⲗ ⲛ̅ ⲛⲉⲓ̈ ϣⲁϫⲉ . ⲙⲁⲣⲉ ϥ ⲉⲓ̅ ⲉ ⲑ ⲏ · ⲛ ϥ̅ ϫⲟⲟⲩ ϩⲛ̅ ⲟⲩ ⲡⲁⲣϩⲏⲥⲓⲁ · ⲁ ⲥ ⲉⲓ̅ ⲟⲛ ⲉ ⲑ ⲏ ⲛ̅ϭⲓ ⲙⲁⲣⲓⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲉⲧⲃⲉ ⲛⲉⲉⲓ ϣⲁϫⲉ ⲉⲛⲧ ⲁ ⲥ ϩⲩⲙⲛⲉⲩⲉ ⲙ̅ⲙⲟ ⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ⲙ̅ⲙⲟ ⲟⲩ ϩⲓⲧⲛ̅ ⲇⲁⲩⲉⲓⲇ . ϫⲉ ⲧⲁ ⲯⲩⲭⲏ ⲥⲙⲟⲩ ⲉ ⲡ ϫⲟⲉⲓⲥ · ⲛ ⲉⲧ ⲛ̅ ⲡⲁ ⲥⲁ ⲛϩⲟⲩⲛ ⲧⲏⲣ ⲟⲩ ⲥⲙⲟⲩ ⲉ ⲡⲉϥ ⲣⲁⲛ ⲉⲧ ⲟⲩ ⲁⲁⲃ · ⲧⲁ ⲯⲩⲭⲏ ⲥⲙⲟⲩ ⲉ ⲡ ϫⲟⲉⲓⲥ · ⲁⲩⲱ ⲙ̅ⲡⲣ̅ ⲣ̅ ⲡ ⲱⲃϣ̅ ⲛ̅ ⲛⲉϥ ⲧⲱⲱⲃⲉ ⲧⲏⲣ ⲟⲩ ·

ⲡ ⲉⲧ ⲕⲱ ⲛⲉ ⲉⲃⲟⲗ ⲛ̅ ⲛⲟⲩ ⲁⲛⲟⲙⲓⲁ ⲧⲏⲣ ⲟⲩ ⲡ ⲉⲧ ⲧⲁⲗϭⲟ ⲛ̅ ⲛⲟⲩ ϣⲱⲛⲉ ⲧⲏⲣ ⲟⲩ ·

ⲡ ⲉⲧ ⲥⲱⲧⲉ ⲙ̅ ⲡ ⲟⲩⲱⲛϩ̅ ⲉⲃⲟⲗ ϩⲙ̅ ⲡ ⲧⲁⲕⲟ ·

ⲡ ⲉⲧ ϯ ⲛ̅ ⲟⲩ ⲕⲗⲟⲙ ⲛ̅ ⲛⲁ ϩⲓϫⲱ ϩⲓ ⲙⲛ̅ⲧ ϣⲁ ⲛ ϩⲧⲏ ϥ · ⲛ ⲉ ⲧⲥⲓⲟ ⲙ̅ ⲡⲟⲩ ⲟⲩⲱϣ ⲛ̅ ⲁⲅⲁⲑⲟⲛ · ⲧⲟⲩ ⲙⲛ̅ⲧ ⲕⲟⲩⲓ̈ ⲛⲁ ⲣ̅ⲃⲣ̅ⲣⲉ ⲛ̅ ⲑ ⲉ ⲛ̅ⲥⲁ ⲟⲩ ⲁⲉⲧⲟⲥ

ⲉⲧⲉ ⲡⲁⲓ̈ ⲡⲉ ϫⲉ ⲧ ⲥⲟⲫⲓⲁ ⲛⲁ ⲣ̅ ⲑ ⲉ ⲛ̅ ⲛ ⲁϩⲟⲣⲁⲧⲟⲥ ⲉ ⲧⲙ̅ ⲡ ϫⲓⲥⲉ ⲛ̅ⲧ ⲁ ϥ ϫⲟⲟ ⲥ ϭⲉ ϫⲉ ⲛ̅ ⲑ ⲉ ⲛ̅ ⲟⲩ ⲁⲉⲧⲟⲥ · ⲉⲃⲟⲗ ϫⲉ ⲉⲣⲉ ⲡ ⲙⲁ ⲛ̅ ϣⲱⲡⲉ ⲛ̅ ⲛ̅ ⲁⲉⲧⲟⲥ ϩⲙ̅ ⲡ ϫⲓⲥⲉ · ⲁⲩⲱ ⲉⲣⲉ ⲛ ⲁϩⲟ ⲣⲁⲧⲟⲥ ϩⲱ ⲟⲩ ϩⲙ̅ ⲡ ϫⲓⲥⲉ ⲉⲧⲉ ⲡⲁⲓ̈ ⲡⲉ ϫⲉ ⲧ ⲥⲟⲫⲓⲁ ⲛⲁ ⲣ̅ ⲟⲩⲟⲉⲓⲛ ⲛ̅ ⲑ ⲉ ⲛ̅ ⲛ ⲁϩⲟⲣⲁⲧⲟⲥ · ⲛ̅ ⲑ ⲉ ⲉⲛⲉ ⲥⲟ̅ ⲙ̅ⲙⲟ ⲥ ϫⲓⲛ ⲧⲉⲥ ⲁⲣⲭⲏ :

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ⲥ ϫⲱ ⲙ̅ⲙⲟ ⲟⲩ ⲛ̅ϭⲓ ⲙⲁⲣⲓⲁ ·

ⲡⲉϫⲁ ϥ ϫⲉ ⲉⲩⲅⲉ ⲱ̅ ⲙⲁⲣⲓⲁ ⲡ ⲙⲁⲕⲁ ⲣⲓⲟⲥ · ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲁ ϥ ⲟⲩⲱϩ ⲟⲛ ⲉⲧⲟ ⲟⲧ ϥ̅ ϩⲙ̅ ⲡ ϣⲁϫⲉ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉ ϫⲁ ϥ ⲛ̅ ⲙ̅ ⲙⲁⲑⲏⲧⲏⲥ ϫⲉ ⲁ ⲓ̈ ϥⲓ ⲧ ⲡⲓⲥⲧⲓⲥ ⲥⲟⲫⲓⲁ ⲁ ⲓ̈ ⲛ̅ⲧ ⲥ̅ ⲉϩⲣⲁⲓ̈ ⲉ ⲩ ⲧⲟⲡⲟⲥ ⲉ ϥ ⲥⲁⲡ ⲉⲥⲏⲧ ⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ · ⲁⲩⲱ ⲁ ⲓ̈ ϯ ⲛⲁ ⲥ ⲛ̅ ⲟⲩ ⲙⲩⲥⲧⲏⲣⲓⲟⲛ ⲛ̅ ⲃⲣ̅ ⲣⲉ ⲛ̅ⲧⲉ ⲡ ⲟⲩⲟⲉⲓⲛ ⲉ ⲙ̅ⲡⲁ ⲡⲉⲥ ⲁⲓⲱⲛ ⲁⲛ ⲡⲉ ⲡ ⲧⲟⲡⲟⲥ ⲛ̅ ⲁϩⲟⲣⲁⲧⲟⲥ ·

ⲁⲩⲱ ⲟⲛ ⲁ ⲓ̈ ϯ ⲛⲁ ⲥ ⲛ̅ ⲟⲩ ϩⲩⲙⲛⲟⲥ ⲛ̅ⲧⲉ ⲡ ⲟⲩⲟⲉⲓⲛ ϫⲉ ⲛ̅ⲛⲉ ⲩ ⲉϣ ϭⲙ̅ϭⲟⲙ ⲉⲣⲟ ⲥ ϫⲓⲛ ⲙ̅ ⲡⲉⲓ̈ ⲛⲁⲩ ⲛ̅ϭⲓ ⲛ̅ ⲁⲣⲭⲱⲛ ⲛ̅ ⲁⲓⲱⲛ · ⲁⲩⲱ ⲁ ⲓ̈ ⲕⲁⲁ ⲥ ϩⲙ̅ ⲡ ⲧⲟⲡⲟⲥ ⲉⲧ ⲙ̅ⲙⲁⲩ · ϣⲁⲛ ϯ ⲉⲓ̈ ⲛ̅ⲥⲱ ⲥ ⲛ̅ ⲧⲁ ϫⲓⲧ ⲥ̅ ⲉ ⲡⲉⲥ ⲧⲟⲡⲟⲥ ⲉ ⲧⲙ̅ ⲡ ϫⲓⲥⲉ · ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲓ ⲕⲁⲁ ⲥ ϩⲙ̅ ⲡ ⲧⲟⲡⲟⲥ ⲉⲧ ⲙ̅ⲙⲁⲩ .

ⲁ ⲥ ϫⲱ ⲟⲛ ⲙ̅ ⲡⲉⲓ̈ ϩⲩⲙⲛⲟⲥ ⲉ ⲥ ϫⲱ ⲙ̅ⲙⲟ ⲥ ⲛ̅ ⲧⲉⲓ̈ ϩⲉ ϫⲉ ϩⲛ̅ ⲟⲩ ⲡⲓⲥⲧⲓⲥ ⲁ ⲓ̈ ⲡⲓⲥ ⲧⲉⲩⲉ ⲉ ⲡ ⲟⲩⲟⲉⲓⲛ . ⲁⲩⲱ ⲁ ϥ ⲣ̅ ⲡⲁ ⲙⲉⲉⲩⲉ ⲁ ϥ ⲥⲱⲧⲙ̅ ⲉ ⲡⲁ ϩⲩⲙⲛⲟⲥ · ⲁ ϥ ⲛ̅ⲧⲁ ϭⲟⲙ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ · ⲙⲛ̅ ⲡ ⲕⲁⲕⲉ ⲙ̅ ⲡ ⲉⲥⲏⲧ · ⲛ̅ⲧⲉ ⲑ ⲩⲗⲏ ⲧⲏⲣ ⲥ̅ ·

ⲁⲩⲱ ⲁ ϥ ⲛ ⲧ̅ ⲉϩⲣⲁⲓ̈ ⲁ ϥ ⲕⲁⲁ ⲧ ϩⲛ̅ ⲟⲩ ⲁⲓⲱⲛ ⲉ ϥ ϫⲟⲥⲉ · ⲁⲩⲱ ⲉ ϥ ⲧⲁϫⲣⲏⲩ · ⲁ ϥ ⲕⲁⲁⲧ ϩⲓ ⲧⲉ ϩⲓⲏ ⲉⲧ ⲃⲏⲕ ⲉ ⲡⲁ ⲧⲟⲡⲟⲥ · ⲁⲩⲱ ⲁ ϥ ϯ ⲛⲁ ⲓ̈ ⲛ̅ ⲟⲩ ⲙⲩⲥⲧⲏⲣⲓⲟⲛ ⲛ̅ ⲃⲣ̅ⲣⲉ · ⲉ ⲙ ⲡⲁ ⲡⲁ ⲁⲓⲱⲛ ⲁ̇ ⲓ̇ ⲱ̇ ⲛ̇ ⲁⲛ ⲡⲉ · ⲁⲩⲱ ⲁ ϥ ϯ ⲛⲁ ⲓ̈ ⲛ̅ ⲟⲩ ϩⲩⲙⲛⲟⲥ ⲛ̅ⲧⲉ ⲡ ⲟⲩⲟⲉⲓⲛ · ⲧⲉⲛⲟⲩ ϭⲉ ⲡ ⲟⲩⲟⲓ̈ⲛ ⲛ ⲁⲣ ⲭⲱⲛ ⲧⲏⲣ ⲟⲩ ⲛⲁ ⲛⲁⲩ ⲉ ⲛ ⲉⲛⲧ ⲁ ⲕ ⲁⲁ ⲩ ⲛⲙ̅ⲙⲁ ⲓ̈ : ⲛ̅ ⲥ ⲉⲣ̅ ϩⲟⲧⲉ · ⲁⲩⲱ ⲛ̅ ⲥⲉ ⲡⲓⲥⲧⲉⲩⲉ ⲉ ⲡ ⲟⲩⲟⲉⲓⲛ ·

ⲡⲉⲓ̈ ϩⲩⲙⲛⲟⲥ ϭⲉ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲥ ⲣⲁϣⲉ ϫⲉ ⲁ ⲩ ⲛ̅ⲧ ⲥ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ · ⲁⲩⲱ ⲁ ⲩ ⲛ̅ⲧ ⲥ̅ ⲉ ⲛ ⲧⲟⲡⲟⲥ ⲉⲧ ⲙ̅ ⲡ ⲉⲥⲏⲧ ⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ · ⲧⲉⲛⲟⲩ ϭⲉ ⲡ ⲉⲧⲉⲣⲉ ⲡⲉϥ ⲛⲟⲩⲥ ⲕⲓⲙ ⲉⲣⲟ ϥ ⲉ ⲉ ϥ ⲛⲟⲓ̈ ⲙ̅ ⲡ ⲃⲱⲗ ⲙ̅ ⲡ ⲛⲟⲏⲙⲁ ⲙ̅ⲫⲩⲙⲛⲟⲥ ⲡ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲙⲁⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ϫⲟⲟ ϥ ⲁ ϥ ⲉⲓ̅ ⲉ ⲑ ⲏ ⲛ̅ ϭⲓ ⲁⲛⲇⲣⲉⲁⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ .

ⲡⲁⲓ̈ ⲡⲉ ⲛ̅ⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲁⲣⲟ ϥ ⲙ̅ ⲡⲓ ⲟⲩ ⲟⲉⲓϣ ϩⲓⲧⲛ̅ ⲇⲁⲩⲉⲓⲇ . ϫⲉ ϩⲛ̅ ⲟⲩ ϩⲩⲡⲟⲙⲟⲛⲏ ⲁ ⲓ̈ ϩⲩ ⲡⲟⲙⲓⲛⲉ ⲉ ⲡ ϫⲟⲓ̈ⲥ ⲁ ϥ ϯ ϩⲧⲏ ϥ ⲉⲣⲟ ⲓ̈ ⲁⲩⲱ ⲁ ϥ ⲥⲱⲧⲙ̅ ⲉ ⲡⲁ ⲥⲟⲡⲥ̅ ⲁ ϥ ⲛ̅ ⲧⲁ ⲯⲩⲭⲏ ⲉϩⲣⲁⲓ̈ ϩⲙ̅ ⲡ ϣⲏⲓ̈ ⲛ̅ ⲧ̅ ⲧⲁⲗⲁⲓⲡⲱⲣⲓⲁ ⲙⲛ̅ ⲡ ⲟⲙⲉ ⲛ̅ ⲧ ⲗⲟⲓ̈ϩⲉ ⲁ ϥ ⲧⲁϩⲉ ⲛⲁ ⲟⲩ ⲉⲣⲏⲧⲉ ⲉⲣⲁⲧ ⲟⲩ ϩⲓϫⲛ̅ ⲟⲩ ⲡⲉⲧⲣⲁ · ⲁⲩⲱ ⲁ ϥ ⲥⲟⲩⲧⲛ̅ ⲛⲁ ⲧⲁϭⲥⲉ · ⲁ ϥ ⲛⲟⲩϫⲉ ⲉⲣⲱ ⲓ̈ ⲛ̅ ⲟⲩ ϫⲱ ⲛ̅ ⲃⲣ̅ⲣⲉ ⲟⲩ ⲥⲙⲟⲩ ⲙ̅ ⲡⲉⲛ ⲛⲟⲩⲧⲉ · ⲟⲩⲛ ϩⲁϩ ⲛⲁ ⲛⲁⲩ ⲛ̅ ⲥ ⲉⲣ̅ ϩⲟⲧⲉ ⲁⲩⲱ ⲛ̅ ⲥⲉ ϩⲉⲗⲡⲓⲍⲉ ⲉ ⲡ ϫⲟⲉⲓⲥ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲁⲛⲇⲣⲉⲁⲥ ⲧⲁⲩⲉ ⲡ ⲛⲟⲏⲙⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲡⲉϫⲁ ϥ ⲛⲁ ϥ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϫⲉ ⲉⲩⲅⲉ ⲁⲛ ⲇⲣⲉⲁⲥ ⲡ ⲙⲁⲕⲁⲣⲓⲟⲥ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲙ̅ ⲙⲁⲑⲏⲧⲏⲥ ϫⲉ ⲛⲁⲓ̈ ⲛⲉ ⲛ̅ ϣⲁ ϫⲉ ⲧⲏⲣ ⲟⲩ ⲉⲛⲧ ⲁ ⲩ ϣⲱⲡⲉ ⲛ̅ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲓ ⲛ̅ⲧ ⲥ̅ ⲉ ⲡ ⲧⲟⲡⲟⲥ ⲉⲧ ⲙ̅ ⲡ ⲉⲥⲏⲧ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲛ ⲁⲓⲱⲛ ·

ⲁ ⲓ̈ ⲉⲓ̅ ⲉ ⲓ̈ ⲛⲁ ⲃⲱⲕ ⲉ ⲡ ⲟⲩⲟⲉⲓⲛ ⲛ̅ ⲧⲁ ⲗⲟ ϩⲁⲣⲟ ⲥ ⲡⲉϫⲁ ⲥ ⲛⲁ ⲓ̈ ϫⲉ ⲡ ⲟⲩⲟⲉⲓⲛ ⲛ̅ ⲛ̅ ⲟⲩⲟⲉⲓⲛ ⲉ ⲕ ⲛⲁ ⲃⲱⲕ ⲉ ⲡ ⲟⲩⲟⲓ̈ⲛ ⲛ̅ ⲅ ⲗⲟ ϩⲁⲣⲟ ⲓ̈ . ⲁ ϥ ⲱ ⲛ ϥ̅ ⲉⲓⲙⲉ ⲛ̅ϭⲓ ⲡ ⲁⲇⲁⲙⲁⲥ ⲡ ⲧⲩⲣⲁⲛⲛⲟⲥ ϫⲉ ⲁ ⲕ ⲗⲟ ϩⲁⲣⲟ ⲓ̈ . ⲁⲩⲱ ⲛ ϥ̅ ⲉⲓⲙⲉ ϫⲉ ⲛ ϥ̅ ϣⲟⲟⲡ ⲁⲛ ⲛ̅ϭⲓ ⲡ ⲉⲧ ⲛⲁ ⲛⲁϩⲙⲉ ⲧ ·

ϥ ⲛⲏⲩ ⲟⲛ ⲉⲣⲟ ⲓ̈ ⲉ ⲡⲉⲓ̈ ⲧⲟⲡⲟⲥ ⲛ̅ ⲧⲟϥ ⲙⲛ̅ ⲛⲉϥ ⲁⲣⲭⲱⲛ ⲧⲏⲣ ⲟⲩ ⲉⲧ ⲙⲟⲥⲧⲉ ⲙ̅ⲙⲟ ⲓ̈ ⲁⲩⲱ ⲟⲛ ⲡ ⲁⲩⲑⲁⲇⲏⲥ ⲛⲁ ϯ ϭⲟⲙ ⲛ̅ ⲧⲉϥ ⲡⲣⲟⲃⲟⲗⲏ ⲛ̅ ϩⲟ ⲙ̅ ⲙⲟⲩⲓ̈ ⲛ̅ ⲥⲉ ⲉⲓ̅ ⲧⲏⲣ ⲟⲩ ⲛ̅ ⲥⲉϩⲱϫ ⲙ̅ⲙⲟ ⲓ̈ ϩⲓ ⲟⲩ ⲥⲟⲡ · ⲁⲩⲱ ⲛ̅ ⲥⲉ ϥⲓ ⲡⲁ ⲟⲩⲟⲉⲓⲛ ⲧⲏⲣ ϥ̅ ϩⲣⲁⲓ̈ ⲛ̅ ϩⲏⲧ · ⲁⲩⲱ ⲛ̅ ⲧⲁ ϣⲱⲡⲉ ⲛ̅ ⲁⲧ ϭⲟⲙ · ⲁⲩⲱ ⲟⲛ ⲧⲁ ϣⲱⲡⲉ ⲛ̅ ⲁⲧⲟⲩ ⲟⲉⲓⲛ · ⲧⲉⲛⲟⲩ ϭⲉ ⲡ ⲟⲩⲟⲉⲓⲛ ⲁⲩⲱ ⲡⲁ ⲟⲩⲟⲉⲓⲛ ϥⲓ ⲧ ϭⲟⲙ ⲙ̅ ⲡⲉⲩ ⲟⲩⲓ̈ⲛ ⲛ̅ϩⲏⲧ ⲟⲩ · ϫⲉⲕⲁⲁⲥ ⲛ̅ⲛⲉ ⲩ ⲉϣ ϭⲙ̅ϭⲟⲙ ⲛ̅ ϩⲱϫ ⲙ̅ⲙⲟ ⲓ̈ ϫⲓⲛ ⲙ̅ ⲡⲉⲓ̈ ⲛⲁⲩ . ⲁ ⲥ ϣⲱⲡⲉ ϭⲉ ⲛ̅ ⲧⲉⲣ ⲓ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ⲥ ϫⲱ ⲙ̅ⲙⲟ ⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ⲓ̈ ⲟⲩⲱϣⲃ̅ ⲛⲁ ⲥ ⲉ ⲓ̈ ϫⲱ ⲙ̅ⲙⲟ ⲥ ϫⲉ ⲙ̅ⲡⲁⲧⲉ ⲡⲁ ⲓ̈ⲱⲧ ⲕⲉⲗⲉⲩⲉ ⲛⲁ ⲓ̈ ⲡ ⲉⲛⲧ ⲁ ϥ ⲡⲣⲟⲃⲁⲗⲉ ⲙ̅ⲙⲟ ⲓ̈ ⲉⲃⲟⲗ . ⲉⲧⲣ ⲁ ϥⲓⲡⲉⲩ ⲟⲩⲟⲓ̈ⲛ ⲛ̅ϩⲏⲧ ⲟⲩ . ⲁⲗⲗⲁ ϯ ⲛⲁ ⲥⲫⲣⲁ ⲅⲓⲍⲉ ⲛ̅ ⲛ̅ ⲧⲟⲡⲟⲥ ⲙ̅ ⲡ ⲁⲩⲑⲁⲇⲏⲥ ⲙⲛ̅ ⲛⲉϥ ⲁⲣⲭⲱⲛ ⲧⲏⲣ ⲟⲩ ⲛⲁⲓ̈ ⲉⲧ ⲙⲟⲥⲧⲉ ⲙ̅ⲙⲟ · ϫⲉ ⲁⲣⲉ ⲡⲓⲥⲧⲉⲩⲉ ⲉ ⲡ ⲟⲩⲟⲉⲓⲛ ·

ⲁⲩⲱ ⲟⲛ ϯ ⲛⲁ ⲥⲫⲣⲁⲍⲓⲍⲉ ⲛ̅ ⲛ̅ ⲧⲟⲡⲟⲥ ⲙ̅ ⲡ ⲁⲇⲁⲙⲁⲥ ⲙⲛ̅ ⲛⲉϥ ⲁⲣⲭⲱⲛ ϫⲉ ⲛ̅ⲛⲉ ϣⲟⲩⲟⲛ ⲙ̅ ⲙⲟ ⲟⲩ ϭⲙ̅ϭⲟⲙ ⲉ ⲡⲟⲗⲉⲙⲉⲓ ⲛⲙ̅ⲙ ⲉ · ϣⲁⲛⲧⲉ ⲡⲉ ⲩⲟⲉⲓϣ ϫⲱⲕ ⲉⲃⲟⲗ .

ⲁⲩⲱ ϣⲁⲛⲧ ϥ̅ ⲉⲓ̅ ⲛ̅ϭⲓ ⲡ ⲕⲁⲓⲣⲟⲥ ⲛ ϥ̅ ⲕⲉ ⲗⲉⲩⲉ ⲛⲁ ⲓ̈ ⲛ̅ϭⲓ ⲡⲁ ⲉⲓⲱⲧ · ⲛ̅ ⲧⲁ ϥⲓ ⲡⲉⲩ ⲟⲩⲟⲉⲓⲛ ⲛ̅ϩⲏ ⲧ ⲟⲩ ·

ⲙⲛ̅ⲛ̅ⲥⲱ ⲥ ⲇⲉ ⲟⲛ ⲡⲉϫⲁ ⲓ̈ ⲛⲁ ⲥ · ϫⲉ ⲥⲱⲧⲙ̅ ⲧⲁ ϣⲁϫⲉ ⲛⲙ̅ⲙ ⲉ ⲉ ⲡⲉⲩ ⲟⲩⲟⲉⲓϣ ⲉⲧⲉⲣⲉ ⲛⲁⲓ̈ ⲛⲁ ϣⲱⲡⲉ ⲛ̅ϩⲏⲧ ϥ̅ ⲉⲧⲉ ⲛ ⲉⲛ̅ⲧ ⲁ ⲓ̈ ϫⲟⲟⲩ ⲛⲉ ⲛⲉ · ⲉ ⲩ ⲛⲁ ϣⲱⲡⲉ ⲉⲣⲉ ϣⲁⲛ ϣⲟⲙⲛ̅ⲧ ⲛ̅ ⲟⲩ ⲟⲉⲓϣ ϫⲱⲕ ⲉⲃⲟⲗ · ⲁ ⲥ ⲟⲩ ⲱϣⲃ̅ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲡⲉϫⲁ ⲥ ⲛⲁ ⲓ̈ · ϫⲉ ⲡ ⲟⲩ ⲟⲉⲓⲛ · ⲉ ⲓ̈ ⲛⲁ ⲉⲓⲙⲉ ⲧⲱⲛ ⲉⲩϣⲁⲛ ϣⲱⲡⲉ ⲛ̅ϭⲓ ⲡ ϣⲟⲙⲛ̅ⲧ ⲛ̅ ⲟⲩ ⲟⲉⲓϣ · ϫⲉⲕⲁⲥ ⲉⲓ̈ⲉ ⲟⲩⲛⲟϥ ⲙ̅ⲙⲟ ⲓ̈ · ⲁⲩⲱ ⲛ̅ ⲧⲁ ⲣⲁ ϣⲉ ϫⲉ ⲁ ϥ ϩⲱⲛ ⲉϩⲟⲩⲛ ⲛ̅ϭⲓ ⲡⲉ ⲟⲩⲟⲉⲓϣ ⲉ ⲧⲣⲉ ⲕ ϫⲓⲧ ⲉ ⲡⲁ ⲧⲟⲡⲟⲥ ·

ⲁⲩⲱ ⲟⲛ ϯ ⲛⲁ ⲣⲁϣⲉ ϫⲉ ⲁ ϥ ⲉⲓ̅ ⲛ̅ ϭⲓ ⲡⲉ ⲟⲩⲟⲉⲓϣ ⲉ ⲕ ⲛⲁ ϥⲓ ⲛ̅ ⲧ ϭⲟⲙ ⲛ̅ ⲟⲩⲟⲉⲓⲛ ϩⲛ̅ ⲛⲏ ⲧⲏⲣ ⲟⲩ ⲉⲧ ⲙⲟⲥⲧⲉ ⲙ̅ⲙⲟ ⲓ̈ · ϫⲉ ⲁ ⲓ̈ ⲡⲓⲥⲧⲉⲩⲉ ⲉ ⲡⲉⲕ ⲟⲩ ⲟⲉⲓⲛ ·

ⲁⲛⲟⲕ ⲇⲉ ⲁ ⲓ̈ ⲟⲩⲱϣⲃ̅ ⲡⲉϫⲁ ⲓ̈ ⲛⲁ ⲥ ϫⲉ ⲉⲣⲉ ϣⲁⲛ ⲛⲁⲩ ⲉ ⲧ ⲡⲩⲗⲏ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲛⲟϭ ⲛ̅ ⲟⲩⲟⲓ̈ⲛ ⲧⲁⲓ̈ ⲉⲧ ⲟⲩⲏⲛ ⲉ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ ⲉⲧⲉ ⲧⲉ ϩⲃⲟⲩⲣ ⲧⲉ ⲉⲩϣⲁⲛ ⲟⲩⲱⲛ ⲛ̅ ⲧ ⲡⲩⲗⲏ ⲉⲧ ⲙ̅ ⲙⲁⲩ ·

ⲉⲓ̈ⲉ ⲁ ⲩ ϫⲱⲕ ⲉⲃⲟⲗ ⲛ̅ϭⲓ ⲡ ϣⲟⲙⲛ̅ⲧ ⲛ̅ ⲟⲩ ⲟⲉⲓϣ · ⲁ ⲥ ⲟⲩⲱϣⲃ̅ ⲟⲛ ⲛ̅ϭⲓ ⲧ ⲥⲟⲫⲓⲁ ⲡⲉϫⲁ ⲥ ϫⲉ ⲡ ⲟⲩⲟⲉⲓⲛ · ⲉ ⲓ̈ ⲛⲁ ⲉⲓⲙⲉ ⲧⲱⲛ ⲉⲓ̈ ϩⲙ̅ ⲡⲉⲓ̈ ⲧⲟⲡⲟⲥ · ϫⲉ ⲁ ⲩ ⲟⲩⲱⲛ ⲛ̅ ⲧ ⲡⲩⲗⲏ ⲉⲧ ⲙ̅ⲙⲁⲩ ·

ⲁⲛⲟⲕ ⲇⲉ ⲁ ⲓ̈ ⲟⲩⲱϣⲃ̅ ⲡⲉϫⲁ ⲓ̈ ⲛⲁ ⲥ ϫⲉ ⲉⲩϣⲁⲛ ⲟⲩⲱⲛ ⲛ̅ ⲧ ⲡⲩⲗⲏ ⲉⲧ ⲙ̅ⲙⲁⲩ ·

ⲥⲉ ⲛⲁ ⲉⲓⲙⲉ ⲛ̅ϭⲓ ⲛ ⲉⲧ ϣⲟⲟⲡ ϩⲛ̅ ⲛ ⲁⲓⲱⲛ ⲧⲏⲣ ⲟⲩ ⲉⲧⲃⲉ ⲡ ⲛⲟϭ ⲛ̅ ⲟⲩⲟⲓ̈ⲛ ⲉⲧ ⲛⲁ ϣⲱⲡⲉ ϩⲛ̅ ⲛⲉⲩ ⲧⲟⲡⲟⲥ ⲧⲏⲣ ⲟⲩ ·

ⲡⲗⲏⲛ ϭⲉ ⲉⲓⲥ ϩⲏⲏⲧⲉ ⲁ ⲓ̈ ⲕⲁⲁ ⲥ ϫⲉ ⲛ̅ⲛⲉ ⲩ ⲧⲟⲗⲙⲁ ⲉⲣⲟ ϩⲛ̅ ⲗⲁⲁⲩ ⲙ̅ ⲡ ⲉⲑ ⲟⲟⲩ · ϣⲁⲛⲧ ⲟⲩ ϫⲱⲕ ⲉⲃⲟⲗ ⲛ̅ϭⲓ ⲡ ϣⲟⲙⲛ̅ⲧ ⲛ̅ ⲟⲩ ⲟⲉⲓϣ ·

ⲛ̅ⲧⲟ ⲇⲉ ⲧⲉⲣⲁ ϣⲱⲡⲉ ⲉ ⲩ ⲛ̅ⲧⲉ ⲧ ⲉⲝⲟⲩⲥⲓⲁ ⲙ̅ⲙⲁⲩ ⲉ ⲃⲱⲕ ⲉϩⲣⲁⲓ̈ ⲉ ⲡⲉⲩ ⲙⲛ̅ⲧ ⲥⲛⲟⲟⲩⲥ ⲛ̅ ⲁⲓⲱⲛ ⲙ̅ ⲡⲉ ⲟⲩⲟⲉⲓϣ ⲉ ⲧⲉϩⲛⲉ · ⲁⲩⲱ ⲟⲛ ⲛ̅ ⲧⲉ ⲕⲟⲧⲉ ⲛ̅ ⲧⲉ ⲉⲓ̅ ⲉ ⲡⲟⲩ ⲧⲟⲡⲟⲥ · ⲡⲁⲓ̈ ⲉⲧ ⲙ̅ ⲡ ⲉⲥⲏⲧ ⲙ̅ ⲡ ⲙⲉϩ ⲙⲛ̅ⲧ ϣⲟⲙ ⲧⲉ ⲛ̅ ⲁⲓⲱⲛ · ⲡⲁⲓ̈ ⲉⲣⲉ ϣⲟⲟⲡ ⲛ̅ϩⲏⲧ ϥ ⲧⲉⲛⲟⲩ · ⲁⲗⲗⲁ ⲛ̅ⲧⲉⲣⲁ ϣⲱⲡⲉ ⲁⲛ ⲉ ⲩ ⲛ̅ ⲧ ⲉⲝⲟⲩⲥⲓⲁ ⲙ̅ⲙⲁⲩ · ⲉ ⲃⲱⲕ ⲉϩⲟⲩⲛ ⲉ ⲧ ⲡⲩⲗⲏ ⲙ̅ ⲡ ϫⲓⲥⲉ · ⲧⲁⲓ̈ ⲉⲧ ϣⲟⲟⲡ ϩⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ · ⲉ ⲧⲣ ⲉ ⲃⲱⲕ ⲉϩⲟⲩⲛ ⲉ ⲡⲟⲩ ⲧⲟⲡⲟⲥ ⲡⲁⲓ̈ ⲛ̅ⲧⲁⲣⲉ ⲉⲓ̅ ⲉⲃⲟⲗ ⲛ̅ϩⲏⲧ ϥ̅ ·

ⲡⲗⲏⲛ ϭⲉ ⲉⲩϣⲁⲛ ϫⲱⲕ ⲉⲃⲟⲗ ⲛ̅ϭⲓ ⲡ ϣⲟⲙⲛ̅ⲧ ⲛ̅ ⲟⲩ ⲟⲉⲓϣ · ϥ ⲛⲁ ϩⲱϫ ⲙ̅ⲙⲟ ⲟⲛ ⲛ̅ϭⲓ ⲡ ⲁⲩⲑⲁⲇⲏⲥ ⲙⲛ̅ ⲛⲉϥ ⲁⲣⲭⲱⲛ ⲧⲏⲣ ⲟⲩ ⲉ ⲧⲣⲉ ⲩ ϥⲓ ⲡ ⲟⲩⲟⲓ̈ⲛ ⲛ̅ϩⲏⲧ ⲉ · ⲉ ϥ ϭⲟⲛⲧ̅ ⲉⲣⲟ · ⲉ ϥ ⲙⲉⲉⲩⲉ ϫⲉ ⲛ̅ⲧⲟ ⲁⲣⲉ ⲕⲁⲧⲉⲭⲉ ⲛ̅ ⲧⲉϥ ϭⲟⲙ ϩⲙ̅ ⲡⲉ ⲭⲁⲟⲥ · ⲁⲩⲱ ⲉ ϥ ⲙⲉⲉⲩⲉ ϫⲉ ⲛ̅ⲧⲟ ⲁⲣⲉϥⲓ ⲡⲉⲥ ⲟⲩⲟⲉⲓⲛ ⲛ̅ϩⲏⲧ ⲥ ·

ϥ ⲛⲁ ⲛⲟⲩϭⲥ̅ ϭⲉ ⲉⲣⲟ ⲉ ⲧⲣⲉ ϥ ϥⲓ ⲡ ⲟⲩⲟⲉⲓⲛ ⲛ̅ϩⲏⲧ ⲉ ϫⲉ ⲉϥⲉ ϫⲟⲟⲩ ϥ ⲉ ⲡⲉ ⲭⲁⲟⲥ ·

ⲛ̅ ⲥⲉ ⲧⲁⲁ ϥ ⲉ ϩⲟⲩⲛ ⲉ ⲧⲉϥ ⲡⲣⲟⲃⲟⲗⲏ ⲉⲧ ⲙ̅ⲙⲁⲩ ϫⲉⲕⲁⲥ ⲉⲥⲉ ϣϭⲙ̅ ϭⲟⲙ ⲛ̅ ⲉⲓ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ · ⲁⲩⲱ ⲛ̅ ⲥ ⲉⲓ̅ ⲉ ⲡⲉϥ ⲧⲟⲡⲟⲥ ·

ⲛⲁⲓ̈ ⲇⲉ ϥ ⲛⲁ ϩⲓ ⲧⲟⲟⲧ ϥ̅ ⲉⲣⲟ ⲟⲩ ⲛ̅ϭⲓ ⲡ ⲁ ⲇⲁⲙⲁⲥ · ⲁⲛⲟⲕ ⲇⲉ ϯ ⲛⲁ ϥⲓ ⲛ ⲟⲩ ϭⲟⲙ ⲧⲏⲣ ⲟⲩ ⲛ̅ϩⲏⲧ ϥ̅ · ⲧⲁ ⲧⲁⲁ ⲩ ⲛⲉ · ⲁⲩⲱ ϯ ⲛⲁ ⲉⲓ̅ ⲛ̅ ⲧⲁ ϥⲓⲧ ⲟⲩ ·

ⲧⲉⲛⲟⲩ ϭⲉ ⲉⲩϣⲁⲛ ϩⲱϫ ⲙ̅ⲙⲟ ⲙ̅ ⲡⲉ ⲟⲩⲟⲉⲓϣ ⲉⲧ ⲙ̅ⲙⲁⲩ · ϩⲩⲙ ⲛⲉⲩⲉ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ · ⲁⲩⲱ ⲁⲛⲟⲕ ⲛ̅ ϯ ⲛⲁ ⲱⲥⲕ̅ ⲁⲛ ⲉ ⲧⲣ ⲁ ⲃⲟⲏⲑⲉⲓ ⲉⲣⲟ · ⲁⲩⲱ ϯ ⲛⲏⲩ ⲉ ⲣⲁⲧⲉ ϩⲛ̅ ⲟⲩ ϭⲉⲡⲏ · ⲉⲃⲟⲗ ϩⲛ̅ ⲛ̅ ⲧⲟⲡⲟⲥ ⲉ ⲧⲙ̅ ⲡⲟⲩ ⲉⲥⲏⲧ ·

ⲁⲩⲱ ϯ ⲛⲏⲩ ⲉϩⲣⲁⲓ̈ ⲉ ⲛⲉⲩ ⲧⲟⲡⲟⲥ · ⲧⲁ ϥⲓ ⲡⲉⲩ ⲟⲩⲟⲉⲓⲛ ⲛ̅ϩⲏ ⲧ ⲟⲩ · ⲁⲩⲱ ϯ ⲛⲏⲩ ⲉ ⲡⲉⲓ̈ ⲧⲟⲡⲟⲥ ⲉⲛⲧ ⲁ ⲓ̈ ⲕⲁⲁⲧ ⲉ ⲛ̅ ϩⲏⲧϥ̅ ⲡⲁⲓ̈ ⲉⲧⲛ̅ ⲡ ⲉⲥⲏⲧ ⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ · ϣⲁⲛϯϫⲡⲉ ⲉ ⲡⲟⲩ ⲧⲟⲡⲟⲥ ⲡⲁⲓ̈ ⲛ̅ⲧⲁⲣⲉ ⲉⲓ̅ ⲉⲃⲟⲗ ⲛ̅ϩⲏⲧ ϥ̅ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲧ ⲡⲓⲥⲧⲓⲥ ⲥⲟⲫⲓⲁ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ⲓ̈ ϫⲱ ⲙ̅ⲙⲟ ⲟⲩ ⲛⲁ ⲥ · ⲁ ⲥ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ · ⲁⲛⲟⲕ ⲇⲉ ⲁ ⲓ̈ ⲕⲁⲁ ⲥ ϩⲙ̅ ⲡ ⲧⲟⲡⲟⲥ ⲉⲧ ⲙ̅ ⲡ ⲉⲥⲏⲧ ⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ ·

ⲁ ⲓ̈ ⲃⲱⲕ ⲉ ⲡ ⲟⲩⲟⲉⲓⲛ . ⲁ ⲓ̈ ⲗⲟ ϩⲁⲣⲟ ⲥ · ⲛⲉ ⲓ̈ ϣⲁϫⲉ ⲇⲉ ⲧⲏⲣ ⲟⲩ ⲛⲉⲣⲉ ⲡⲓ ϣⲟⲣⲡ ⲙ̅ ⲙⲩⲥⲧⲏⲣⲓⲟⲛ ϫⲱ ⲙ̅ⲙⲟ ⲟⲩ ⲛ̅ ⲙ̅ ⲙⲁⲑⲏⲧⲏⲥ ϫⲉ ⲁ ⲩ ϣⲱⲡⲉ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲛⲉ ϥ ϩⲙⲟⲟⲥ ⲡⲉ ϩⲓϫⲙ̅ ⲡ ⲧⲟⲟⲩ ⲛ̅ ⲛ̅ ϫⲟⲉⲓⲧ · ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲧⲏⲣ ⲟⲩ ⲛ̅ ⲧ ⲙⲏⲧⲉ ⲛ̅ ⲙ̅ ⲙⲁⲑⲏⲧⲏⲥ ·

ⲁ ϥ ⲟⲩ ⲱϩ ⲇⲉ ⲟⲛ ⲉⲧⲟⲟⲧ ϥ̅ ⲡⲉϫⲁ ϥ ⲛⲁ ⲩ ϫⲉ ⲁ ⲥ ϣⲱⲡⲉ ⲇⲉ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲧⲏⲣ ⲟⲩ ⲉ ⲓ̈ ϣⲟⲟⲡ ϩⲙ̅ ⲡ ⲕⲟⲥⲙⲟⲥ ⲛ̅ ⲧ ⲙⲛ̅ⲧ ⲣⲱⲙⲉ ·

ⲉ ⲓ̈ ϩⲙⲟⲟⲥ ϩⲁⲧⲛ̅ ⲧⲉ ϩⲓⲏ ⲉⲧⲉ ⲡⲉⲓ̈ ⲧⲟⲡⲟⲥ ⲡⲉ ⲉⲧⲉ ⲡ ⲧⲟⲟⲩ ⲛ̅ ⲛ̅ ϫⲟⲓ̈ⲧ ⲡⲉ · ϩⲁ ⲑ ⲏ ⲉ ⲙⲡⲁⲧ ⲟⲩ ⲧⲛ̅ⲛⲉⲩ ⲡⲁ ⲉⲛⲇⲩⲙⲁ ⲛⲁ ⲓ̈ · ⲡⲁⲓ̈ ⲉⲛⲧ ⲁ ⲓ̈ ⲕⲁⲁ ϥ ϩⲙ̅ ⲡ ⲙⲉϩ ϫⲟⲩⲧ ⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ϫⲛ̅ ϩⲟⲩⲛ · ⲡ ϣⲟⲣⲡ̅ ⲇⲉ ϩⲱⲱ ϥ ⲡⲉ ϫⲓⲛ ⲃⲟⲗ · ⲡⲁⲓ̈ ⲉⲧⲉ ⲛ̅ⲧⲟϥ ⲡⲉ ⲡ ⲛⲟϭ ⲛ̅ ⲁⲭⲱⲣⲏⲧⲟⲥ · ⲡⲁⲓ̈ ⲉⲛⲧ ⲁ ⲓ̈ ⲃⲟⲩⲃⲟⲩ ⲛ̅ϩⲏⲧ ϥ̅ · ⲁⲩⲱ ϩⲁ ⲑ ⲏ ⲉ ⲙⲡⲁϯⲃⲱⲕ ⲉ ⲡ ϫⲓⲥⲉ ⲉϫⲓ ⲡⲁⲕⲉ ⲉⲛⲇⲩⲙⲁ ⲥⲛⲁⲩ ⲉ ⲓ̈ ϩⲙⲟⲟⲥ ϩⲁⲧⲛ̅ ⲧⲏⲩⲧⲛ̅ ϩⲙ̅ ⲡⲉⲓ̈ ⲧⲟⲡⲟⲥ ⲉⲧⲉ ⲛ̅ⲧⲟϥ ⲡⲉ ⲡ ⲧⲟⲟⲩ ⲛ̅ ⲛ̅ ϫⲟⲉⲓⲧ ·

ⲁ ϥ ϫⲱⲕ ⲛ̅ϭⲓ ⲡⲉ ⲟⲩ ⲟⲉⲓϣ ⲛ̅ⲧ ⲁ ⲓ̈ ϫⲟⲟ ϥ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ϫⲉ ϥ ⲛⲁ ϩⲱϫ ⲙ̅ⲙⲟ ⲛ̅ϭⲓ ⲡ ⲁⲇⲁⲙⲁⲥ ⲙⲛ̅ ⲛⲉϥ ⲁⲣⲭⲱⲛ ⲧⲏⲣ ⲟⲩ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ϥ ϣⲱⲡⲉ ⲛ̅ϭⲓ ⲡⲉ ⲟⲩⲟⲉⲓϣ ⲉⲧ ⲙ̅ ⲙⲁⲩ ·

ⲁⲛⲟⲕ ⲇⲉ ⲛⲉ ⲓ̈ ϣⲟⲟⲡ ⲡⲉ ϩⲙ̅ ⲡ ⲕⲟⲥⲙⲟⲥ ⲛ̅ ⲧ ⲙⲛ̅ⲧ ⲣⲱⲙⲉ · ⲉ ⲓ̈ ϩⲙⲟⲟⲥ ϩⲁⲧⲛ̅ ⲧⲏⲩⲧⲛ̅ ϩⲙ̅ ⲡⲉⲓ̈ ⲧⲟⲡⲟⲥ ⲉⲧⲉ ⲡ ⲧⲟⲟⲩ ⲛ̅ ⲛ̅ ϫⲟⲉⲓⲧ ⲡⲉ .

ⲁ ϥ ϭⲱϣⲧ̅ ⲛ̅ϭⲓ ⲡ ⲁⲇⲁ ⲙⲁⲥ ⲉⲃⲟⲗ ϩⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲁⲓⲱⲛ .

ⲁ ϥ ϭⲱϣⲧ̅ ⲉ ⲡ ⲉⲥⲏⲧ ⲉ ⲛ ⲧⲟⲡⲟⲥ ⲙ̅ ⲡⲉ ⲭⲁⲟⲥ ⲁ ϥ ⲛⲁⲩ ⲉ ⲧⲉϥ ϭⲟⲙ ⲛ̅ ⲇⲁⲓⲙⲟⲛⲓⲟⲛ ⲉⲧ ϩⲙ̅ ⲡⲉ ⲭⲁⲟⲥ ⲉ ⲙⲛ̅ ⲟⲩⲟⲓ̈ⲛ ⲛ̅ ϩⲏⲧ ⲥ̅ ⲉ ⲡ ⲧⲏⲣ ϥ̅ ϫⲉ ⲛⲉ ⲁ ⲓ̈ϥⲓ ⲡⲉⲥⲟⲩⲟⲓ̈ⲛ ϩⲣⲁⲓ̈ ⲛ̅ ϩⲏⲧ ⲥ̅ ⲁⲩⲱ ⲁ ϥ ⲛⲁⲩ ⲉⲣⲟ ⲥ ⲉ ⲥ ⲟ ⲛ̅ ⲕⲁⲕⲉ · ⲁⲩⲱ ⲉ ⲙ ⲡ ⲥ̅ⲉ ϣ ϭⲙ̅ϭⲟⲙ ⲉ ⲉⲓ̅ ⲉ ⲡⲉϥ ⲧⲟⲡⲟⲥ · ⲉⲧⲉ ⲡ ⲙⲛ̅ⲧ ⲥⲛⲟⲟⲩⲥ ⲡⲉ ⲛ̅ ⲁⲓⲱⲛ · ⲁ ϥ ⲣ̅ ⲡ ⲙⲉⲉⲩⲉ ⲟⲛ ⲛ̅ϭⲓ ⲡ ⲁⲇⲁⲙⲁⲥ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲁⲩⲱ ⲁ ϥ ϭⲱⲛⲧ̅ ⲉⲣⲟ ⲥ ⲉⲙⲁϣⲟ ⲉⲙⲁ ϣⲟ · ⲉ ϥ ⲙⲉⲉⲩⲉ ϫⲉ ⲛ̅ⲧⲟⲥ ⲧ ⲉⲛ̅ⲧ ⲁ ⲥ ⲕⲁⲧⲉⲭⲉ ⲛ̅ ⲧⲉϥ ϭⲟⲙ ϩⲣⲁⲓ̈ ϩⲙ̅ ⲡⲉ ⲭⲁⲟⲥ ⲁⲩⲱ ⲉ ϥ ⲙⲉⲉⲩⲉ ϫⲉ ⲛ̅ⲧⲟⲥ ⲧⲉ ⲛ̅ⲧ ⲁ ⲥ ϥⲓ ⲡⲉⲥ ⲟⲩⲟⲉⲓⲛ ⲛ̅ϩⲏⲧ ⲥ̅ ⲁⲩⲱ ⲁ ϥ ⲛⲟⲩϭⲥ̅ ⲉⲙⲁⲧⲉ ⲁⲩⲱ ⲁ ϥ ⲟⲩⲉϩ ϭⲱⲛⲧ̅ ⲉϫⲛ̅ ϭⲱⲛⲧ̅ ⲁ ϥ ⲡⲣⲟ ⲃⲁⲗⲉ ⲉⲃⲟⲗ ⲛ̅ϩⲏⲧ ϥ̅ ⲛ̅ ⲟⲩ ⲡⲣⲟⲃⲟⲗⲏ ⲛ̅ ⲕⲁⲕⲉ ·

ⲁⲩⲱ ⲙⲛ̅ ⲕⲉ ⲟⲩⲓ̈ ⲛ̅ ⲭⲁⲟⲥ ⲙ̅ ⲡⲟⲛⲏⲣⲟⲛ ⲉ ⲥ ⲛⲁϣⲧ̅ · ϫⲉ ⲉϥⲉ ϣⲧⲣ̅ⲧⲣ̅ ⲧ ⲡⲓⲥⲧⲓⲥ ⲥⲟⲫⲓⲁ ϩⲣⲁⲓ̈ ⲛ̅ϩⲏⲧ ⲟⲩ ⲁⲩⲱ ⲁ ϥ ⲧⲁⲙⲓⲟ ⲛ̅ ⲟⲩ ⲧⲟⲡⲟⲥ ⲛ̅ ⲕⲁⲕⲉ ϩⲣⲁⲓ̈ ϩⲙ̅ ⲡⲉϥ ⲧⲟ ⲡⲟⲥ · ϫⲉ ⲉϥⲉϩⲱϫ ⲛ̅ ⲧ ⲥⲟⲫⲓⲁ ϩⲣⲁⲓ̈ ⲛ̅ϩⲏⲧ ϥ̅ ·

ⲁⲩⲱ ⲁ ϥ ϫⲓ ⲛ̅ ϩⲉⲛ ⲙⲏⲏϣⲉ ⲛ̅ ⲁⲣⲭⲱⲛ ⲛ̅ⲧⲁ ϥ ⲁ ⲩ ⲡⲱⲧ ⲛ̅ ⲥⲁ ⲧ ⲥⲟⲫⲓⲁ · ⲉ ⲧⲣⲉ ⲩ ⲛ̅ⲧ ⲥ̅ ⲉ ⲡⲓ ⲭⲁⲟⲥ ⲛ̅ ⲕⲁⲕⲉ ⲉⲛⲧ ⲁ ϥ ⲧⲁⲙⲓⲟ ϥ · ⲁⲩⲱ ⲛ̅ ⲥⲉϩⲱϫ ⲙ̅ⲙⲟ ⲥ ϩⲙ̅ ⲡ ⲧⲟⲡⲟⲥ ⲉⲧ ⲙ̅ ⲙⲁⲩ · ⲁⲩⲱ ⲛ̅ ⲥⲉ ϣⲧⲣ̅ⲧⲱⲣ ⲥ̅ ⲛ̅ϭⲓ ϯ ⲡⲣⲟⲃⲟⲗⲏ ⲥⲛ̅ⲧⲉ ⲛ̅ ⲕⲁⲕⲉ · ⲛⲁⲓ̈ ⲉⲛⲧ ⲁ ϥ ⲡⲣⲟⲃⲁⲗⲉ ⲙ̅ⲙⲟ ⲟⲩ ⲉⲃⲟⲗ ⲛ̅ϭⲓ ⲡ ⲁⲇⲁⲙⲁⲥ ϣⲁⲛⲧ ⲟⲩ ϥⲓ ⲡⲉⲥ ⲟⲩⲟⲉⲓⲛ ⲧⲏⲣ ϥ̅ ⲛ̅ϩⲏⲧ ⲥ̅ ⲁⲩⲱ ⲛ̅ⲧⲉ ⲡ ⲁⲇⲁⲙⲁⲥ ϥⲓ ⲡ ⲟⲩⲟⲉⲓⲛ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲛ ϥ̅ ⲧⲁⲁ ϥ ⲛ̅ ϯ ⲡⲣⲟⲃⲟⲗⲏ ⲥⲛ̅ⲧⲉ ⲛ̅ ⲕⲁⲕⲉ ⲉⲧ ⲛⲁϣⲧ̅ · ⲛ̅ ⲥⲉ ϫⲓⲧ ϥ̅ ⲉ ⲡ ⲛⲟϭ ⲛ̅ ⲭⲁⲟⲥ ⲉⲧ ⲙ̅ ⲡ ⲉⲥⲏⲧ ⲡⲁⲓ̈ ⲉⲧ ⲟ ⲛ̅ ⲕⲁⲕⲉ · ⲁⲩⲱ ⲛ̅ ⲥⲉ ⲛⲟϫ ϥ̅ ⲉϩⲟⲩⲛ ⲉ ⲧⲉϥ ϭⲟⲙ ⲛ̅ ⲕⲁ ⲕⲉ ⲉⲧ ⲟ ⲛ̅ ⲭⲁⲟⲥ · ϫⲉ ⲙⲉϣⲁⲕ ⲉⲥⲉ ϣϭⲙ̅ϭⲟⲙ ⲉ ⲉⲓ̅ ⲉ ⲡⲉϥ ⲧⲟⲡⲟⲥ · ⲉⲃⲟⲗ ϫⲉ ⲛⲉ ⲁⲥ ⲣ̅ ⲕⲁⲕⲉ ⲡⲉ ⲉⲙⲁ ⲧⲉ · ϫⲉ ⲁ ⲓ̈ ϥⲓ ⲧⲉⲥ ϭⲟⲙ ⲛ̅ ⲟⲩⲟⲉⲓⲛ ⲛ̅ϩⲏⲧ ⲥ̅ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ⲡⲱⲧ ⲛ̅ⲥⲁ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ⲥ ⲱϣ ⲟⲛ ⲉⲃⲟⲗ ⲁ ⲥ ϩⲩⲙⲛⲉⲩⲉ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ⲉⲡⲉⲓⲇⲏ ⲁ ⲓ̈ ϫⲟⲟ ⲥ ⲛⲁ ⲥ ϫⲉ ⲉⲩϣⲁⲛ ϩⲱϫ ⲙ̅ⲙⲟ ⲛ̅ ⲧⲉ ϩⲩⲙⲛⲉⲩⲉ ⲉ ϩⲣⲁⲓ̈ ⲉⲣⲟ ⲓ̈ ϯ ⲛⲏⲩ ϩⲛ̅ ⲟⲩ ϭⲉⲡⲏ · ⲛ̅ ⲧⲁ ⲃⲟⲏⲑⲓ ⲉⲣⲟ · ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ϩⲱϫ ⲙ̅ⲙⲟ ⲥ ·

ⲁⲛⲟⲕ ⲇⲉ ⲛⲉ ⲓ̈ ϩⲙⲟⲟⲥ ⲡⲉ ϩⲁⲧⲛ̅ ⲧⲏⲛⲟⲩ ϩⲙ̅ ⲡⲉⲓ̈ ⲧⲟⲡⲟⲥ · ⲉⲧⲉ ⲡ ⲧⲟ ⲟⲩ ⲛ̅ ⲛ̅ ϫⲟⲓ̈ⲧ ⲡⲉ ⲁ ⲥ ϩⲩⲙⲛⲉⲩⲉ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ⲉ ⲥ ϫⲱ ⲙ̅ⲙⲟ ⲥ ϫⲉ ⲡ ⲟⲩⲟⲉⲓⲛ ⲛ̅ ⲛ̅ ⲟⲩⲟⲉⲓⲛ ⲁ ⲓ̈ ⲡⲓⲥⲧⲉⲩⲉ ⲉⲣⲟ ⲕ · ⲛⲁϩⲙⲉ ⲧ ⲉ ⲛⲉⲓ̈ ⲁⲣⲭⲱⲛ ⲧⲏⲣ ⲟⲩ ⲉⲧ ⲡⲏⲧ ⲛ̅ ⲥⲱ ⲓ̈ . ⲁⲩⲱ ⲛ ⲅ̅ ⲃⲟⲏⲑⲓ ⲉⲣⲟ ⲓ̈ · ⲙⲏⲡⲟⲧⲉ ⲛ̅ ⲥⲉ ϥⲓ ⲡⲁ ⲟⲩ ⲟⲉⲓⲛ ⲛ̅ ϩⲏⲧ .

ⲛ̅ ⲑ ⲉ ⲛ̅ ϯ ϭⲟⲙ ⲛ̅ ϩⲁⲙ̅ ⲙⲟⲩⲓ̈ ϫⲉ ⲡⲉⲕ ⲟⲩⲟⲓ̈ⲛ ϣⲟⲟⲡ ⲁⲛ ⲛⲙ̅ⲙⲁ ⲓ̈ ⲙⲛ̅ ⲧⲉⲕ ⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ⲉ ⲧⲣⲉ ⲩ ⲛⲁϩⲙⲉ ⲧ ·

ⲉⲙⲙⲟⲛ ·

ⲁ ϥ ϭⲱⲛⲧ̅ ⲉⲣⲟ ⲓ̈ ⲛ̅ϭⲓ ⲡ ⲁⲇⲁⲙⲁⲥ ⲉ ϥ ϫⲱ ⲙ̅ⲙⲟ ⲥ ⲛⲁ ⲓ̈ ϫⲉ ⲛ̅ⲧⲟ ⲁⲣⲉ ⲕⲁ ⲧⲉⲭⲉ ⲛ̅ ⲧⲁ ϭⲟⲙ ϩⲙ̅ ⲡⲉ ⲭⲁⲟⲥ · ⲧⲉⲛⲟⲩ ϭⲉ ⲡ ⲟⲩ ⲟⲉⲓⲛ ⲛ̅ ⲛ̅ ⲟⲩⲟⲉⲓⲛ ⲉϣϫⲉ ⲁⲛⲟⲕ ⲁ ⲓ̈ ⲣ̅ ⲡⲁⲓ̈ . ⲁ ⲓ̈ ⲕⲁ ⲧⲉⲭⲉ ⲙ̅ⲙⲟ ⲥ . ⲉϣϫⲉ ⲁ ⲓ̈ ⲣ̅ ⲗⲁⲁⲩ ⲛ̅ ϫⲓ ⲛ ϭⲟⲛⲥ̅ ⲛ̅ ⲧ ϭⲟⲙ ⲉⲧ ⲙ̅ⲙⲁⲩ · ⲏ̅ ⲉϣϫⲉ ⲁ ⲓ̈ϩⲱϫ ⲙ̅ⲙⲟ ⲥ ⲛ̅ ⲑ ⲉ ⲛ̅ⲧ ⲁ ⲥϩⲱϫ ⲙ̅ⲙⲟ ⲓ̈ ·

ⲉⲩⲉ ϥⲓ ⲡⲁ ⲟⲩⲟⲉⲓⲛ ⲛ̅ ϩⲏⲧ . ⲛ̅ϭⲓ ⲛⲉⲓ̈ ⲁⲣⲭⲱⲛ ⲧⲏⲣ ⲟⲩ ⲉⲧ ⲡⲏⲧ ⲛ̅ⲥⲱ ⲓ̈ · ⲁⲩⲱ ⲉ ⲩⲉ ⲕⲁⲁ ⲧ ⲉⲃⲟⲗ ⲉ ⲓ̈ ϣⲟⲩⲉⲓⲧ · ⲁⲩⲱ ⲉⲣⲉ ⲡ ϫⲁϫⲉ ⲡ ⲁⲇⲁⲙⲁⲥ . ⲉϥⲉ ⲡⲱⲧ ⲛ̅ⲥⲁ ⲧⲁ ϭⲟⲙ ⲛ ϥ̅ ⲧⲁϩⲟ ⲥ . ⲁⲩⲱ ⲉϥⲉ ϥⲓ ⲡⲁ ⲟⲩ ⲟⲉⲓⲛ ⲛ̅ⲧⲟⲟⲧ · ⲛ ϥ̅ ⲛⲟϫ ϥ̅ ⲉϩⲟⲩⲛ ⲉ ⲧⲉϥ ϭⲟⲙ ⲛ̅ ⲕⲁ ⲕⲉ · ⲧⲁⲓ̈ ⲉⲧ ϩⲙ̅ ⲡⲉ ⲭⲁⲟⲥ · ⲁⲩⲱ ⲉϥⲉ ⲕⲁ ⲧⲁ ϭⲟⲙ ϩⲙ̅ ⲡⲉ ⲭⲁⲟⲥ · ⲧⲉⲛⲟⲩ ϭⲉ ⲡ ⲟⲩⲟⲉⲓⲛ ⲧⲁϩⲟ ⲓ̈ ϩⲙ̅ ⲡⲉⲕ ϭⲱⲛⲧ̅ . ⲁⲩⲱ ϫⲓⲥⲉ ⲛ̅ ⲧⲉⲕ ϭⲟⲙ ⲉϫⲛ̅ ⲛⲁ ϫⲁϫⲉ · ⲛⲁⲓ̈ ⲉⲛⲧ ⲁ ⲩ ⲧⲱⲟⲩⲛ̅ ⲉϫⲱ ⲓ̈ ⲛ̅ ϩⲁⲉ . ϭⲉⲡⲏ ⲙⲁ ⲧⲁⲛ ϩⲟ ⲓ̈ · ⲕⲁⲧⲁ ⲑ ⲉ ⲉⲛⲧ ⲁ ⲕ ϫⲟⲟ ⲥ ϫⲉ ϯ ⲛⲁ ⲃⲟⲏⲑⲓ ⲉⲣⲟ ⲓ̈ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲙ̅ ⲙⲁⲑⲏⲧⲏⲥ ·

ⲡⲉϫⲁ ϥ ϫⲉ ⲡ ⲉⲛⲧ ⲁ ϥ ⲛⲟⲓ̈ ⲛ̅ ⲛⲉⲓ̈ ϣⲁϫⲉ ⲉⲛⲧ ⲁ ⲓ̈ ϫⲟⲟⲩ · ⲙⲁ ⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ⲧⲁⲩⲉ ⲡⲉⲩ ⲃⲱⲗ . ⲁ ϥ ⲉⲓ̈ ⲑ ⲏ ⲛ̅ϭⲓ ⲓ̈ⲁⲕⲕⲱⲃⲟⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ : ⲉⲧⲃⲉ ⲡⲉⲓ̈ ϩⲩⲙ ⲛⲟⲥ ⲉⲛⲧ ⲁ ⲥϩⲩⲡⲛⲉⲩⲉ ⲛ̅ϩⲏⲧ ϥ̅ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ⲙ̅ⲙⲟ ⲟⲩ ⲙ̅ ⲡⲓ ⲟⲩⲟⲓ̈ϣ ϩⲓⲧⲛ̅ ⲇⲁⲩⲉⲓⲇ · ϩⲙ̅ ⲡ ⲙⲉϩ ⲥⲁϣϥ̅ ⲙ̅ ⲯⲁⲗⲙⲟⲥ ϫⲉ ⲡ ϫⲟⲉⲓⲥ ⲡⲁ ⲛⲟⲩⲧⲉ ⲁ ⲓ̈ ⲛⲁϩⲧⲉ ⲉⲣⲟ ⲕ ·

ⲙⲁ ⲧⲟⲩ ϫⲟ ⲓ̈ ⲉ ⲛ ⲉⲧ ⲡⲏⲧ ⲛ̅ⲥⲱ ⲓ̈ ⲁⲩⲱ ⲛ ⲅ̅ ⲛⲁϩⲙⲉ ⲧ · ⲙⲏⲡⲟⲧⲉ ⲛ ϥ̅ ⲧⲱⲣⲡ̅ ⲛ̅ ⲧⲁ ⲯⲩⲭⲏ ⲛ̅ ⲑ ⲉ ⲛ̅ ⲟⲩ ⲙⲟⲩⲓ̈ · ⲉⲙⲛ̅ ⲡ ⲉⲧ ⲥⲱⲧⲉ · ⲁⲩⲱ ⲡ ⲉⲧ ⲛⲟⲩϩⲙ̅ · ⲡ ϫⲟⲉⲓⲥ ⲡⲁ ⲛⲟⲩⲧⲉ ⲉϣϫⲉ ⲁ ⲓ̈ ⲣ̅ ⲡⲁⲓ̈ · ⲉϣϫⲉ ⲟⲩⲛ̅ ϫⲓ ⲛ ϭⲟⲛⲥ̅ ϩⲛ̅ ⲛⲁ ϭⲓϫ · ⲉϣϫⲉ ⲁ ⲓ̈ ⲧⲱⲱⲃⲉ ⲛ̅ ⲛ ⲉⲧ ⲧⲱⲱⲃⲉ ⲛⲁ ⲓ̈ ⲛ̅ ϩⲉⲛ ⲡ ⲉⲑ ⲟⲟⲩ · ⲉⲓ̈ⲉ ϩⲉ ⲉⲃⲟⲗ ϩⲓⲧⲛ̅ ⲛⲁ ϫⲁϫⲉ ⲉ ⲓ̈ϣⲟⲩⲓ̈ⲧ · ⲛ̅ⲧⲉ ⲡ ϣⲁϫⲉ ⲡⲱⲧ ⲛ̅ⲥⲁ ⲧⲁ ⲯⲩⲭⲏ · ⲁⲩⲱ ⲛ ϥ̅ ⲧⲁϩⲟ ⲥ ⲛ ϥ̅ ϩⲱⲙ ⲙ̅ ⲡⲁ ⲱⲛϩ̅ ⲉϩⲣⲁⲓ̈ ⲉ ⲡ ⲕⲁϩ · ⲁⲩⲱ ⲛ ϥ̅ ⲧⲣⲉ ⲡⲁ ⲉⲟⲟⲩ ϣⲱⲡⲉ ϩⲙ̅ ⲡⲉ ⲭⲟⲩⲥ ⲛ̅ ⲇⲓⲁⲯⲁⲗⲙⲁ · ⲧⲱⲟⲩⲛ ⲡ ϫⲟⲉⲥ ϩⲛ̅ ⲧⲉⲕ ⲟⲣⲅⲏ ϫⲓⲥⲉ ⲛ̅ ⲑ ⲁⲏ ⲛ̅ ⲛⲁ ϫⲁϫⲉ ·

ⲧⲱ ⲟⲩⲛ ϩⲙ̅ ⲡ ⲟⲩⲉ ⲥⲁϩⲛⲉ ⲛ̅ⲧ ⲁ ⲕ ϩⲱⲛ ⲙ̅ⲙⲟ ϥ ·