ϩⲃⲟⲩⲣ ⲙ̅ⲙⲟ ⲕ · ⲁⲩⲱ ⲟⲩ ⲧⲃⲁ ϩⲓ ⲟⲩⲛⲁⲙ ⲙ̅ⲙⲟ ⲕ · ⲛ̅ ⲥⲉ ⲛⲁ ϩⲱⲛ ⲇⲉ ⲉⲣⲟ ⲕ ⲁⲛ · ⲡⲗⲏⲛ ⲕ ⲛⲁ ⲙⲉϩ ⲉⲓⲁⲧ ⲕ̅ ⲙ̅ⲙⲟ ⲟⲩ · ⲕ ⲛⲁ ⲛⲁⲩ ⲉ ⲡ ⲧⲱⲱⲃⲉ ⲛ̅ ⲣ̅ ⲣⲉϥ ⲣ̅ ⲛⲟⲃⲉ · ϫⲉ ⲛ̅ ⲧⲟⲕ ⲡ ϫⲟⲉⲓⲥ ⲡⲉ ⲧⲁ ϩⲉⲗⲡⲓⲥ · ⲁ ⲕ ⲕⲱ ⲛⲁ ⲕ ⲙ̅ⲛ ⲉⲧ ϫⲟⲥⲉ ⲙ̅ ⲙⲁ ⲙ̅ ⲡⲱⲧ ⲙⲛ̅ ⲡ ⲉⲑ ⲟⲟⲩ ⲛⲁ ϩⲱⲛ ⲉⲣⲟ ⲕ · ⲙⲛ̅ ⲙⲁⲥⲧⲓⲅϫ̅ⲛⲁ ϩⲱⲛ ⲉϩⲟⲩⲛ ⲉ ⲡⲉⲕ ⲙⲁ ⲛ̅ ϣⲱⲡⲉ · ϫⲉ ϥ ⲛⲁ ϩⲱⲛ ⲉⲧⲟⲟⲧ ⲟⲩ ⲛ̅ ⲛⲉϥ ⲁⲅⲅⲉⲗⲟⲥ ⲉⲧⲃⲏⲏⲧ ⲕ̅ ⲉ ⲧⲣⲉ ⲩ ϩⲁⲣⲉϩ ⲉⲣⲟ ⲕ ϩⲛ̅ ⲛⲉⲕ ϩⲓⲟⲟⲩⲉ ⲧⲏⲣ ⲟⲩ · ⲛ̅ ⲥⲉ ϥⲓⲧ ⲕ̅ ⲉϫⲛ̅ ⲛⲉⲩ ϭⲓϫ · ⲙⲏⲡⲟⲧⲉ ⲛ̅ ⲅ ϫⲱⲣⲡ̅ ⲉ ⲩ ⲱⲛⲉ ϩⲛ̅ ⲧⲉⲕ ⲟⲩⲉⲣⲏⲧⲉ · ⲕ ⲛⲁ ⲧⲁⲗⲉ ⲉϩⲣⲁⲓ̈ ⲉϫⲛ̅ ⲟⲩ ϩⲟϥ · ⲙⲛ̅ ⲟⲩ ⲥⲓⲧ · ⲛ̅ ⲅ ϩⲱⲙ ⲉϫⲛ̅ ⲟⲩ ⲙⲟⲩⲓ̈ ⲙⲛ̅ ⲟⲩ ⲇⲣⲁ ⲕⲱⲛ · ϫⲉ ⲁ ϥ ⲛⲁϩⲧⲉ ⲉⲣⲟ ⲓ̈ ·

ϯ ⲛⲁ ⲧⲟⲩϫⲟ ϥ ϯ ⲛⲁ ⲣ̅ ϩⲁⲓ̈ⲃⲉⲥ ⲉⲣⲟ ϥ ϫⲉ ⲁ ϥ ⲥⲟⲩⲛ̅ ⲡⲁ ⲣⲁⲛ ·

ϥ ⲛⲁ ⲱϣ ⲉ ϩⲣⲁⲓ ⲉⲣⲟ ⲓ̈ ⲁⲩⲱ ⲁⲛⲟⲕ ϯ ⲛⲁ ⲥⲱⲧⲙ̅ ⲉⲣⲟ ϥ ·

ϯ ϣⲟⲟⲡ ⲛⲙ̅ⲙⲁ ϥ ϩⲛ̅ ⲧⲉϥ ⲑⲗⲓⲯⲓⲥ · ⲁⲩⲱ ϯ ⲛⲁ ⲧⲟⲩϫⲟ ϥ · ⲧⲁ ϯ ⲉⲟⲟⲩ ⲛⲁ ϥ ·

ⲧⲁⲧⲁϣⲟ ϥ ϩⲛ̅ ⲟⲩ ⲙⲏⲏϣⲉ ⲛ̅ ϩⲟⲟⲩ · ⲧⲁ ⲧⲥⲁⲃⲟ ϥ ⲉ ⲡⲁ ⲟⲩϫⲁⲓ̈ ·

ⲡⲁⲓ̈ ⲡⲉ ⲡⲁ ϫⲟⲓ̈ⲥ ⲡ ⲃⲱⲗ ⲛ̅ ⲛ̅ ϣⲁϫⲉ ⲉⲛⲧ ⲁ ⲕ ϫⲟⲟⲩ ·

ⲥⲱⲧⲙ̅ ϭⲉ ⲧⲁϫⲟ ⲟⲩ ϩⲛ̅ ⲟⲩ ⲡⲁⲣϩⲏⲥⲓⲁ ·

ⲡ ϣⲁϫⲉ ϭⲉ ⲉⲛⲧ ⲁ ⲧⲉⲕ ϭⲟⲙ ϫⲟⲟ ϥ ϩⲓⲧⲛ̅ ⲇⲁⲩⲉⲓⲇ . ϫⲉ ⲡ ⲉⲧ ⲟⲩⲏϩ ϩⲁ ⲧ ⲃⲟⲏⲑⲓⲁ ⲙ̅ ⲡ ⲉⲧ ϫⲟ ⲥⲉ . ϥ ⲛⲁ ϣⲱⲡⲉ ϩⲁ ⲑ ⲁⲓ̈ⲃⲉⲥ ⲙ̅ ⲡ ⲛⲟⲩⲧⲉ ⲛ̅ ⲧ ⲡⲉ · ⲉⲧⲉ ⲡⲁⲓ̈ ⲡⲉ ϫⲉ ⲛ̅ⲧⲉⲣⲉ ⲧ ⲥⲟⲫⲓⲁ ⲛⲁϩⲧⲉ ⲉ ⲡ ⲟⲩⲟⲉⲓⲛ · ⲁ ⲥ ϣⲱⲡⲉ ϩⲁ ⲡ ⲟⲩⲟⲉⲓⲛ ⲛ̅ ϯ ⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ · ⲧⲁⲓ̈ ⲉⲛⲧ ⲁ ⲥ ⲉⲓ̅ ϩⲙ̅ ⲡ ϫⲓⲥⲉ ⲉⲃⲟⲗ ϩⲓⲧⲟⲟⲧ ⲕ̅ ⲁⲩⲱ ⲡ ϣⲁϫⲉ ⲉⲛⲧ ⲁ ⲧⲉⲕ ϭⲟⲙ ϫⲟⲟ ϥ ϩⲓⲧⲛ̅ ⲇⲁⲩⲉⲓⲇ . ϫⲉ ϯ ⲛⲁ ϫⲟⲟ ⲥ ⲙ̅ ⲡ ϫⲟⲉⲓⲥ ϫⲉ ⲛ̅ⲧⲟⲕ ⲡⲉ ⲡⲁⲣⲉϥϣⲟⲡ ⲧ̅ ⲉ ⲣⲟ ⲕ · ⲁⲩⲱ ⲡⲁ ⲙⲁ ⲙ̅ ⲡⲱⲧ ⲡⲁ ⲛⲟⲩⲧⲉ ·

ⲁ ⲓ̈ ⲛⲁϩⲧⲉ ⲉ ⲣⲟ ϥ ·

ⲛ̅ⲧⲟϥ ⲡⲉ ϣⲁϫⲉ ⲉⲛⲧ ⲁ ⲥ ϩⲩⲙⲛⲉⲩⲉ ⲙ̅ⲙⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ϫⲉ ⲛ̅ⲧⲟⲕ ⲡⲉ ⲡⲁⲣⲉϥϣⲟⲡ ⲧ̅ ⲉⲣⲟ ϥ · ⲁⲩⲱ ⲉ ⲓ̈ ⲛⲏⲩ ⲉⲣⲁⲧ ⲕ̅ ·

ⲁⲩⲱ ⲟⲛ ⲡ ϣⲁϫⲉ ⲛ̅ⲧ ⲁ ⲧⲉⲕ ϭⲟⲙ ϫⲟⲟ ϥ ϫⲉ ⲡⲁ ⲛⲟⲩⲧⲉ ⲉⲉⲓ ⲛⲁϩⲧⲉ ⲉⲣⲟ ⲕ . ⲛ̅ⲧⲟⲕ ⲡ ⲉⲧ ⲛⲁ ⲧⲟⲩϫⲟ ⲓ̈ ⲉ ⲧ ϭⲟⲣϭⲥ̅ ⲛ̅ ⲛ̅ ϭⲉⲣⲏϭ ⲁⲩⲱ ⲉ ⲩ ϣⲁϫⲉ ⲉ ϥ ⲛⲁϣⲧ̅ ·

ⲛ̅ⲧⲟϥ ⲡ ⲉⲛ̅ⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥ ⲧⲓⲥ ⲥⲟⲫⲓⲁ ϫⲉ ⲡ ⲟⲩⲟⲓ̈ⲛ ⲉ ⲓ̈ ⲡⲓⲥⲧⲉⲩⲉ ⲉⲣⲟ ⲕ ϫⲉ ⲛ̅ⲧⲟⲕ ⲡ ⲉⲧ ⲛⲁ ⲛⲁϩⲙⲉ ⲧ ⲉ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ · ⲁⲩⲱ ⲙⲛ̅ ⲛⲁ ⲡ ⲁⲇⲁⲙⲁⲥ ⲡ ⲧⲩⲣⲁⲛⲛⲟⲥ · ⲁⲩⲱ ⲛ̅ⲧⲟⲕ ⲟⲛ ⲡⲉ ⲉⲧ ⲛⲁ ⲛⲁϩⲙⲉ ⲧ ⲉ ⲛⲉⲩ ⲁⲡⲓⲗⲏ ⲧⲏⲣ ⲟⲩ ⲉⲧ ⲛⲁϣⲧ̅ · ⲁⲩⲱ ⲟⲛ ⲡ ϣⲁϫⲉ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧⲉⲕ ϭⲟⲙ ϩⲓⲧⲛ̅ ⲇⲁⲩⲉⲓⲇ . ϫⲉ ϥ ⲛⲁ ⲣ̅ϩⲁⲉⲓⲃⲉⲥ ⲉⲣⲟ ⲕ ϩⲁ ⲧⲉⲕ ⲙⲉⲥⲧ̅ⲛ̅ ϩⲏⲧ · ⲁⲩⲱ ⲕ ⲛⲁ ⲛⲁϩⲧⲉ ϩⲁ ⲛⲉϥ ⲧ̅ⲛ̅ϩ̅ · ⲉⲧⲉ ⲡⲁⲓ̈ ⲡⲉ ϫⲉ ⲁ ⲧ ⲡⲓⲥⲧⲓⲥ ⲥⲟⲫⲓⲁ ⲁ ⲥ ϣⲱⲡⲉ ϩⲙ̅ ⲡ ⲟⲩⲟⲉⲓⲛ ⲛ̅ ϯ ⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ · ⲧⲁⲓ̈ ⲉⲛⲧ ⲁ ⲥ ⲉⲓ̅ ⲉⲃⲟⲗ ⲙ̅ⲙⲟ ⲕ ⲁⲩⲱ ⲁ ⲥ ϭⲱ ⲉ ⲥ ⲧⲏⲕ ⲛ̅ ϩⲏⲧ ⲙ̅ ⲡ ⲟⲩⲟⲓ̈ⲛ ⲉⲧ ϩⲓ ϩⲃⲟⲩⲣ ⲙ̅ⲙⲟ ⲥ · ⲙⲛ̅ ⲡ ⲉⲧ ϩⲓ ⲟⲩⲛⲁⲙ ⲙ̅ⲙⲟ ⲥ · ⲉⲧⲉ ⲛ̅ ⲧⲟⲟⲩ ⲛⲉ ⲛ̅ ⲧⲛ̅ϩ ⲛ̅ⲧ ⲁ ⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ · ⲁⲩⲱ ⲡ ϣⲁϫⲉ ⲉⲛⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲓ̈ⲛ ⲡⲣⲟⲫⲏⲧⲉⲩⲉ ⲙ̅ⲙⲟ ϥ ϩⲓⲧⲛ̅ ⲇⲁⲩ ⲉⲓⲇ · ϫⲉ ⲧ ⲙⲉ ⲛⲁ ⲕⲱⲧⲉ ⲉⲣⲟ ⲕ ⲛ̅ ⲑ ⲉ ⲛ̅ ⲟⲩ ϩⲟⲡ ⲗⲟⲛ ·

ⲛ̅ⲧⲟϥ ⲡⲉ ⲡ ⲟⲩⲟⲉⲓⲛ ⲛ̅ⲧ ⲁ ⲡⲟϩⲣⲟⲓⲁ ⲛ̅ ⲟⲩⲟ ⲉⲓⲛ ·

ⲡ ⲉⲛⲧ ⲁ ϥ ⲕⲱⲧⲉ ⲉ ⲧ ⲡⲓⲥⲧⲓⲥ ⲥⲟⲫⲓⲁ ϩⲓ ⲥⲁ ⲛⲓⲙ ⲙ̅ⲙⲟ ⲥ ⲛ̅ ⲑ ⲉ ⲛ̅ ⲟⲩ ϩⲟⲡⲗⲟⲛ · ⲁⲩⲱ ⲡ ϣⲁϫⲉ ⲉⲛⲧ ⲁ ⲧⲉⲕ ϭⲟⲙ ϫⲟⲟ ϥ ϫⲉ ⲛ ϥ̅ ⲛⲁ ⲣ̅ ϩⲟⲧⲉ ⲁⲛ ϩⲏⲧ ⲥ̅ ⲛ̅ ⲟⲩ ϩⲟⲧⲉ ⲛ̅ ϭⲱⲣϩ̅ ⲉⲧⲉ ⲡⲁⲓ̈ ⲡⲉ ϫⲉ ⲙ̅ⲡⲉ ⲧ ⲡⲓⲥⲧⲓⲥ ⲥⲟ ⲫⲓⲁ ⲣ̅ ϩⲟⲧⲉ ϩⲏⲧ ⲟⲩ ⲛ̅ ⲛ̅ ϩⲟⲧⲉ ⲙⲛ̅ ⲛ̅ ϣⲧⲟⲣⲧⲣ̅ ⲛⲁ ⲓ̈ ⲉⲛⲧ ⲁ ⲩ ϫⲟ ⲥ ⲛ̅ϩⲏⲧ ⲟⲩ ϩⲙ̅ ⲡⲉ ⲭⲁⲟⲥ ⲉⲧⲉ ⲛ̅ⲧⲟϥ ⲡⲉ ϭⲱⲣϩ̅ · ⲁⲩⲱ ⲡ ϣϫⲉ ⲉⲛⲧ ⲁ ⲧⲉⲕ ϭⲟⲙ ϫⲟⲟ ϥ ϫⲉ ⲛ ϥ̅ ⲛⲁ ⲣ̅ ϩⲟⲧⲉ ⲁⲛ ϩⲏⲧ ϥ̅ ⲛ̅ ⲟⲩ ⲥⲟⲧⲉ ⲉ ϥ ϩⲏⲗ ϩⲙ̅ ⲡⲉ ϩⲟⲟⲩ · ⲉⲧⲉ ⲡⲁⲓ̈ ⲡⲉ ϫⲉ ⲙ̅ⲡⲉ ⲧ ⲡⲓⲥⲧⲓⲥ ⲥⲟⲫⲓⲁ ·

ⲙ̅ⲡ ⲥ̅ ⲣ̅ ϩⲟⲧⲉ ϩⲏⲧ ⲥ̅ ⲛ̅ ϯ ϭⲟⲙ ⲧⲁⲓ̈ ⲉⲛⲧ ⲁ ⲡ ⲁⲩⲑⲁⲇⲏⲥ ⲧⲛ̅ ⲛⲟⲟⲩ ⲥ ⲉⲃⲟⲗ ϩⲙ̅ ⲡ ϫⲓⲥⲉ ⲙ̅ⲫⲁⲉ · ⲧⲁⲓ̈ ⲉⲛⲧ ⲁ ⲥ ⲉⲓ̅ ⲉ ⲡⲉ ⲭⲁⲟⲥ ⲉ ⲥ ⲟ ⲛ̅ ⲑ ⲉ ⲛ̅ ⲟⲩ ⲥⲟⲧⲉ ⲉ ϥ ϩⲏⲗ · ⲛ̅ⲧ ⲁ ⲧⲉⲕ ϭⲟⲙ ϭⲉ ⲛ̅ ⲟⲩⲟⲉⲓⲛ ϫⲟⲟ ⲥ ϫⲉ ⲛ̅ ⲅ ⲛⲁ ⲣ̅ ϩⲟⲧⲉ ⲁⲛ ϩⲏⲧ ϥ̅ ⲛ̅ ⲟⲩ ⲥⲟⲧⲉ ⲉ ϥ ϩⲏⲗ ϩⲙ̅ ⲡⲉ ϩⲟⲟⲩ · ⲉⲃⲟⲗ ϫⲉ ⲛ̅ ⲧ ⲁⲧ ϭⲟⲙ ⲉⲧ ⲙ̅ⲙⲁⲩ ⲉⲓ̅ ⲉⲃⲟⲗ ϩⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ ⲁⲓⲱⲛ · ⲉ ⲛⲧⲟϥ ⲡⲉ ⲉⲧ ⲟ ⲛ̅ ϫⲟⲉⲓⲥ ⲉϫⲛ̅ ⲡ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲛ ⲁⲓⲱⲛ ⲁⲩⲱ ⲛ̅ⲧⲟϥ ⲡⲉ ⲉⲧ ⲟ ⲛ̅ ⲟⲩⲟⲉⲓⲛ ⲉ ⲛ ⲁⲓⲱⲛ ⲧⲏⲣ ⲟⲩ ·

ⲉⲧⲃⲉ ⲡⲁⲓ̈ ϭⲉ ⲁ ϥ ϫⲟⲟ ⲥ ϫⲉ ⲡⲉ ϩⲟⲟⲩ · ⲁⲩⲱ ⲡ ϣⲁϫⲉ ⲟⲛ ⲉⲛⲧ ⲁ ⲧⲉⲕ ϭⲟⲙ ϫⲟⲟ ϥ ϫⲉ ⲛ ϥ̅ ⲛⲁ ⲣ̅ ϩⲟⲧⲉ ⲁⲛ ϩⲏⲧ ϥ̅ ⲛ̅ ⲟⲩ ϩⲱⲃ ⲉ ϥ ⲙⲟⲟϣⲉ ϩⲙ̅ ⲡ ⲕⲁⲕⲉ · ⲉⲧⲉ ⲡⲁⲓ̈ ⲡⲉ ϫⲉ ⲛ̅ ⲡⲉⲧ ⲥⲟⲫⲓⲁ ⲣ̅ ϩⲟⲧⲉ ϩⲏⲧ ⲥ̅ ⲛ̅ ϯ ⲡⲣⲟⲃⲟⲗⲏ ⲛ̅ ϩⲁⲛ̅ ϩⲟϥ . ⲧⲁⲓ̈ ⲉ ⲛⲉⲥ ϯϩⲟⲧⲉ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ϩⲙ̅ ⲡⲉ ⲭⲁⲟⲥ ⲉⲧⲉ ⲛ̅ⲧⲟϥ ⲡⲉ ⲡ ⲕⲁⲕⲉ · ⲁⲩⲱ ⲡ ϣⲁϫⲉ ⲉⲛⲧ ⲁ ⲧⲉⲕ ϭⲟⲙ ϫⲟⲟ ϥ ϫⲉ ⲛ ϥ̅ ⲛⲁ ⲣ̅ ϩⲟⲧⲉ ⲁⲛ ϩⲏⲧ ϥ̅ ⲛ̅ ⲟⲩ ϩⲧⲟⲡ ⲙ̅ⲛ ⲟⲩ ⲇⲁⲓⲙⲟⲛⲓⲟⲛ ⲙ̅ ⲡ ⲛⲁⲩ ⲙ̅ ⲙⲉⲉⲣⲉ ⲉⲧⲉ ⲡⲁⲓ̈ ⲡⲉ ϫⲉ ⲙ̅ⲡⲉ ⲧ ⲡⲓⲥⲧⲓⲥ ⲥⲟⲫⲓⲁ ⲣ̅ ϩⲟⲧⲉ ϩⲏⲧ ⲥ̅ ⲛ̅ ϯ ⲡⲣⲟⲃⲟⲗⲏ ⲛ̅ ⲇⲁⲓⲙⲟⲛⲓⲟⲛ ⲛ̅ⲧⲉ ⲡ ⲁⲇⲁⲙⲁⲥ ⲡ ⲡ ⲧⲩⲣⲁⲛⲛⲟⲥ · ⲧⲁⲓ̈ ⲉⲛⲧ ⲁ ⲥⲧⲁⲩⲉ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲡ ⲉⲥⲏⲧ · ϩⲛ̅ ⲟⲩ ⲛⲟϭ ⲛ̅ ϩⲧⲟⲡ · ⲧⲁⲓ̈ ⲉⲛⲧ ⲁ ⲥ ⲉⲓ̅ ⲉⲃⲟⲗ ϩⲙ̅ ⲡ ⲁⲇⲁⲙⲁⲥ ⲉⲃⲟⲗ ϩⲙ̅ ⲡ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲛ ⲁⲓⲱⲛ · ⲉⲧⲃⲉ ⲡⲁⲓ̈ ϭⲉ ⲁ ⲥ ϫⲟⲟ ϥ ⲛ̅ϭⲓ ⲧⲉⲕ ϭⲟⲙ · ϫⲉ ϥ̅ ⲛⲁ ⲣ̅ ϩⲟⲧⲉ ⲁⲛ ϩⲏⲧ ϥ̅ ⲛ̅ ⲟⲩ ϩⲧⲟⲡ ⲛ̅ ⲇⲁⲓⲙⲟⲛⲓⲟⲛ ⲙ̅ ⲡ ⲛⲁⲩ ⲙ̅ ⲙⲉⲉⲣⲉ ·

ⲡ ⲛⲁⲩ ⲙ̅ ⲙⲉⲉⲣⲉ ⲡⲉ ϫⲉ ⲛ̅ⲧ ⲁ ⲥ ⲉⲓ̅ ⲉⲃⲟⲗ ϩⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ · ⲉⲧⲉ ⲛ̅ⲧⲟϥ ⲡⲉ ⲡ ⲛⲁⲩ ⲙ̅ ⲙⲉⲉⲣⲉ · ⲁⲩⲱ ⲟⲛ ⲛ̅ⲧ ⲁ ⲥ ⲉⲓ̅ ⲉⲃⲟⲗ ϩⲙ̅ ⲡⲉ ⲭⲁⲟⲥ · ⲉⲧⲉ ⲛ̅ⲧⲟϥ ⲡⲉ ⲧⲉ ⲩϣⲏ · ⲁⲩⲱ ϭⲱⲣϩ̅ ⲛ̅ⲧ ⲁ ⲥ ⲉⲓ̅ ⲉⲃⲟⲗ ϩⲙ̅ ⲡ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ · ⲡⲁⲓ̈ ⲉⲧ ϩⲛ̅ ⲧⲉⲩ ⲙⲏⲧⲉ ⲙ̅ ⲡⲉ ⲥⲛⲁⲩ ·

ⲉⲧⲃⲉ ⲡⲁⲓ̈ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ϫⲟⲟ ⲥ ϫⲉ ⲡ ⲛⲁⲩ ⲙ̅ ⲙⲉⲉⲣⲉ · ϫⲉ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ . ⲥⲉ ⲛ̅ ⲧ ⲙⲏⲧⲉ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ · ⲁⲩⲱ ⲛ̅ ⲧ ⲙⲏⲧⲉ ⲙ̅ ⲡⲉ ⲭⲁⲟⲥ : ⲁⲩⲱ ⲡ ϣⲁϫⲉ ⲟⲛ ⲉⲛⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲓ̈ⲛ ϫⲟⲟ ϥ ϩⲓⲧⲛ̅ ⲇⲁⲩⲓ̈ⲇ · ϫⲉ ⲟⲩ ⲛ̅ ϣⲟ ⲛ ⲁϩⲉ ϩⲓ ϩⲃⲟⲩⲣ ⲙ̅ⲙⲟ ϥ · ⲁⲩⲱ ⲟⲩ ⲧⲃⲁ ϩⲓ ⲟⲩⲛⲁⲙ ⲙ̅ⲙⲟ ϥ · ⲁⲩⲱ ⲛ̅ ⲥⲉ ⲛⲁ ϩⲱⲛ ⲉⲣⲟ ϥ ⲁⲛ · ⲉⲧⲉ ⲡⲁⲓ̈ ⲡⲉ ϫⲉ ⲛ̅ⲧⲉⲣⲉ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ⲛⲁⲓ̈ ⲉⲧ ⲟϣ ⲉⲙⲁⲧⲉ . ⲛ̅ⲧⲉⲣ ⲟⲩ ⲧⲙ̅ ⲉϣ ϭⲙ̅ϭⲟⲙ ⲉ ⲧⲱⲟⲩⲛ̅ ϩⲁ ⲡ ⲛⲟϭ ⲛ̅ ⲟⲩⲟⲉⲓⲛ ⲛ̅ ϯ ⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ · ⲁ ⲩ ⲙⲏⲏϣⲉ ⲛ̅ϩⲏⲧ ⲟⲩ ϩⲉ ϩⲓ ϩⲃⲟⲩⲣ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ⲩ ⲙⲏⲏϣⲉ ϩⲉ ϩⲓ ⲟⲩⲛⲁⲙ ⲙ̅ⲙⲟ ⲥ ·

ⲁⲩⲱ ⲉ ⲛⲉ ⲙ̅ⲡ ⲟⲩⲉϣ ϩⲱⲛ ⲉⲣⲟ ⲥ ⲉⲡⲗⲁⲧⲉ ⲙ̅ⲙⲟ ⲥ · ⲁⲩⲱ ⲡ ϣⲁ ϫⲉ ⲉⲛⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ϫⲟⲟ ϥ ϩⲓⲧⲛ̅ ⲇⲁⲩⲓ̈ⲇ · ϫⲉ ⲡⲗⲏⲛ ⲕ ⲛⲁ ⲙⲉϩ ⲉⲓⲁⲧ ⲕ̅ ⲙ̅ⲙⲟ ⲟⲩ · ⲁⲩⲱ ⲕ ⲛⲁ ⲛⲁⲩ ⲉ ⲡ ⲧⲟⲩⲓ̈ⲟ ⲛ̅ ⲛ̅ ⲣⲉϥ ⲣ̅ ⲛⲟⲃⲉ · ϫⲉ ⲛ̅ⲧⲟⲕ ⲡ ϫⲟⲉⲓⲥ ⲡⲉ ⲧⲁ ϩⲉⲗⲡⲓⲥ · ⲉⲧⲉ ⲡⲁⲓ̈ ⲡⲉ ⲡ ϣⲁϫⲉ · ϫⲉ ⲛ̅ⲧ ⲁ ⲧ ⲡⲓⲥⲧⲓⲥ ⲥⲟⲫⲓⲁ ⲙⲉϩ ⲉⲓⲁⲧ ⲥ̅ ⲛ̅ ⲛⲉⲥ ϫⲁϫⲉ · ⲉⲧⲉ ⲛⲉ ⲡⲣⲟⲃⲟⲗⲟ ⲟⲩⲉ ⲙ̅ ⲡ ⲁⲩⲑⲁⲧⲏⲥ ⲛⲉ ⲛⲁⲓ̈ ⲉⲛⲧ ⲁ ⲩ ϩⲉ ⲧⲏⲣ ⲟⲩ ⲉϫⲛ̅ ⲛⲉⲩ ⲉⲣⲏⲩ ⲟⲩ ⲙⲟⲛⲟⲛ ⲁ ⲥ ⲙⲉϩ ⲉⲓⲁⲧ ⲥ̅ ⲙ̅ⲙⲟ ⲟⲩ ϩⲙ̅ ⲡⲁⲓ̈ . ⲁⲗⲗⲁ ⲛ̅ⲧⲟⲕ ϩⲱⲱ ⲕ ⲟⲛ ⲡⲁ ϫⲟⲉⲓⲥ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲁ ⲕ ϥⲓ ⲧ ϭⲟⲙ ⲛ̅ ⲟⲩⲟⲉⲓⲛ ⲉⲧ ϣⲟⲟⲡ ϩⲛ̅ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲁⲩⲱ ⲟⲛ ⲁ ⲕ ϥⲓ ⲧ ϭⲟⲙ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩⲑⲁⲧⲏⲥ ⲁⲩⲱ ⲟⲛ ⲁ ⲕ ⲕⲁⲧⲉⲭⲉ ⲙ̅ⲙⲟ ⲟⲩ ϩⲙ̅ ⲡⲉ ⲭⲁⲟⲥ ⲉⲧ ⲙ̅ⲙⲁⲩ ⲃⲱⲕ ⲉ ⲡⲉⲩ ⲧⲟⲡⲟⲥ ϫⲓⲛ ⲙ̅ ⲡⲉⲓ̈ ⲛⲁⲩ ⲉⲧⲃⲉ ⲡⲁⲓ̈ ϭⲉ ⲁ ⲧ ⲡⲓⲥ ⲧⲓⲥ ⲥⲟⲫⲓⲁ ⲙⲉϩ ⲉⲓⲁⲧ ⲥ̅ ⲛ̅ ⲛⲉⲥ ϫⲁϫⲉ . ⲉⲧⲉ ⲛⲉ ⲡⲣⲟⲃⲟ ⲗⲟⲟⲩⲉ ⲛⲉ ⲙ̅ ⲡⲁⲩⲑⲁⲧⲏⲥ ϩⲛ̅ ϩⲱⲃ ⲛⲓⲙ ⲉⲛⲧ ⲁ ϥ ⲡⲣⲟⲫⲏⲧⲉⲩⲉ ⲙ̅ⲙⲟ ⲟⲩ ⲛ̅ϭⲓ ⲇⲁⲩⲉⲓⲇ . ϩⲁ ⲧ ⲡⲓⲥⲧⲓⲥ ⲥⲟ ⲫⲓⲁ · ⲉ ϥ ϫⲱ ⲙ̅ⲙⲟ ⲥ ϫⲉ ⲡⲗⲏⲛ ⲕ ⲛⲁ ⲙⲉϩ ⲉⲓⲁⲧ ⲕ̅ ⲙ̅ⲙⲟ ⲟⲩ ·

ⲁⲩⲱ ⲕ ⲛⲁ ⲛⲁⲩ ⲉ ⲡ ⲧⲱⲱⲃⲉ ⲛ̅ ⲛ̅ ⲣⲉϥ ⲣ̅ ⲛⲟⲃⲉ · ⲟⲩ ⲙⲟⲛⲟⲛ ϫⲉ ⲁ ⲥ ⲙⲉϩ ⲉⲓⲁⲧ ⲥ̅ ⲙ̅ⲙⲟ ⲟⲩ · ⲁ ⲩ ϩⲉ ⲉϫⲛ̅ ⲛⲉⲩ ⲉⲣⲏⲩ ϩⲙ̅ ⲡⲉ ⲭⲁⲟⲥ . ⲁⲗⲗⲁ ⲁ ⲥ ⲛⲁⲩ ⲟⲛ ⲉ ⲡⲉⲩ ‐ⲕⲉ ⲧⲟⲩⲓ̈ⲟ ⲡⲁⲓ̈ ⲉⲛⲧ ⲁ ⲩ ⲧⲟⲟⲃⲉϥ ⲛⲁ ⲩ · ⲕⲁⲧⲁ ⲑ ⲉ ⲉⲛⲧ ⲁ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ⲙⲉⲉⲩⲉ ⲉ ϥⲓ ⲡ ⲟⲩ ⲟⲓ̈ⲛ ⲛ̅ ⲧ ⲥⲟⲫⲓⲁ ⲛ̅ϩⲏⲧ ⲥ̅ .

ⲁ ⲕ ⲧⲱⲱⲃⲉ ⲛⲁ ⲩ · ⲁⲩⲱ ⲁ ⲕ ⲧⲟⲩⲓ̈ⲟ ⲛⲁ ⲩ · ⲁⲩⲱ ⲁ ⲕ ϥⲓ ⲧ ϭⲟⲙ ⲛ̅ ⲟⲩⲟⲉⲓⲛ ⲉⲧ ⲛ̅ ϩⲏⲧ ⲟⲩ · ⲉ ⲡ ⲙⲁ ⲛ̅ ⲛ̅ ⲟⲩⲟⲉⲓⲛ ⲛ̅ ⲧ ⲥⲟⲫⲓⲁ ⲧⲁⲓ̈ ⲉⲛⲧ ⲁ ⲥ ⲡⲓⲥⲧⲉⲩⲉ ⲉ ⲡ ⲟⲩⲟⲓ̈ⲛ ⲙ̅ ⲡ ϫⲓⲥⲉ : ⲁⲩⲱ ⲕⲁⲧⲁ ⲑ ⲉ ⲉⲛⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ϫⲟⲟ ⲥ ϩⲓⲧⲛ̅ ⲇⲁⲩⲓ̈ⲇ . ϫⲉ ⲁ ⲕ ⲕⲁ ⲡ ⲉⲧ ϫⲟⲥⲉ ⲛⲁ ⲕ ⲙ̅ ⲙⲁ ⲙ̅ ⲡⲱⲧ · ⲙⲛ̅ ⲡ ⲉⲑ ⲟⲟⲩ ⲛⲁ ϣ ϩⲱⲛ ⲉⲣⲟ ⲕ · ⲁⲩⲱ ⲙⲛ̅ ⲙⲁⲥⲧⲓⲅϫ̅ⲛⲁ ϩⲱⲛ ⲉ ϩⲟⲩⲛ ⲉ ⲡⲉⲕ ⲙⲁ ⲛ̅ ϣⲱⲡⲉ · ⲉⲧⲉ ⲡⲁⲓ̈ ⲡⲉ ϫⲉ ⲛ̅ⲧⲉⲣⲉ ⲧ ⲡⲓⲥⲧⲓⲥ ⲥⲟⲫⲓⲁ ⲡⲓⲥⲧⲉⲩⲉ ⲉⲣⲁⲧ ϥ̅ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲛ̅ⲧⲉⲣⲉ ⲥϩⲱϣⲁⲥ ϩⲩⲙⲛⲉⲩⲉ ⲉϩⲣⲁⲓ̈ ⲉⲣⲟ ϥ · ⲙ̅ⲡ ⲟⲩ ϣⲣ̅ ⲗⲁⲁⲩ ⲙ̅ ⲡ ⲉⲑ ⲟⲟⲩ ⲛⲁ ⲥ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ⲟⲩⲇⲉ ⲙ̅ ⲡ ⲟⲩⲉϣ ⲡⲗⲁⲧⲉ ⲙ̅ⲙⲟ ⲥ · ⲁⲩⲱ ⲙ̅ ⲡ ⲟⲩⲉϣ ϩⲱⲛ ⲉⲣⲟ ⲥ ⲉ ⲡ ⲧⲏⲣ ϥ̅ · ⲁⲩⲱ ⲡ ϣⲁϫⲉ ⲛ̅ⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲓ̈ⲛ ϫⲟⲟ ϥ ϩⲓⲧⲛ̅ ⲇⲁⲩⲉⲓⲇ . ϫⲉ ϥ ⲛⲁ ϩⲱⲛ ⲉⲧⲟⲟⲧ ⲟⲩ ⲛ̅ ⲛⲉϥ ⲁⲅⲅⲉⲗⲟⲥ ⲉⲧⲃⲏⲏⲧ ⲕ̅ . ϫⲉ ⲉⲩ ⲉ ϩⲁⲣⲉϩ ⲉⲣⲟ ⲕ ϩⲛ̅ ⲛⲉⲕ ϩⲓⲟⲟⲩⲉ ⲧⲏⲣ ⲟⲩ · ⲁⲩⲱ ⲛ̅ ⲥⲉ ϥⲓⲧ ⲕ̅ ϩⲓϫⲛ̅ ⲛⲉⲩ ϭⲓϫ · ⲙⲏⲡⲟⲧⲉ ⲛ̅ ⲅ ϫⲱⲣⲡ̅ ⲉ ⲩ ⲱⲛⲉ ϩⲛ̅ ⲧⲉⲕ ⲟⲩⲉⲣⲏⲧⲉ ·

ⲛ̅ⲧⲟϥ ⲟⲛ ⲡⲉ ⲡ ϣⲁϫⲉ ϫⲉ ⲁ ⲕ ϩⲱⲛ ⲉⲧⲟⲟⲧ ϥ̅ ⲛ̅ ⲅⲁⲃⲣⲓⲏⲗ · ⲙⲛ̅ ⲙⲓⲭⲁⲏⲗ · ⲉ ⲧⲣⲉ ⲩ ⲣ̅ ϩⲙ̅ⲙⲉ ⲛ̅ ⲧ ⲥⲟⲫⲓⲁ ϩⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ ⲙ̅ ⲡⲉ ⲭⲁⲟⲥ · ϣⲁⲛⲧ ⲟⲩⲛ̅ⲧ ⲥ̅ ⲉϩⲣⲁⲓ̈ ⲛ̅ ⲥⲉ ⲧⲱⲟⲩⲛ̅ ⲙ̅ⲙⲟ ⲥ ϩⲛ̅ ⲛⲉⲩ ϭⲓϫ . ϫⲉ ⲛ̅ⲛⲉ ⲛⲉⲥ ⲟⲩⲉⲣⲏⲧⲉ ϫⲓ ⲉ ⲡ ⲕⲁⲕⲉ ⲙ̅ ⲡ ⲉⲥⲏⲧ . ⲛ̅ ⲥⲉ ⲁⲙⲁϩⲧⲉ ϩⲱ ⲟⲩ ⲙ̅ⲙⲟ ⲥ ⲛ̅ϭⲓ ⲛⲁ ⲡ ⲕⲁⲕⲉ ⲙ̅ ⲡ ⲉⲥⲏⲧ : ⲁⲩⲱ ⲡ ϣⲁϫⲉ ⲉⲛⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ϫⲟⲟ ϥ ϩⲓⲧⲛ̅ ⲇⲁⲩⲉⲓⲇ · ϫⲉ ⲕ ⲛⲁ ϩⲱⲙ ⲉϫⲛ̅ ⲟⲩ ϩⲟϥ ⲙⲛ̅ ⲟⲩ ⲥⲓⲧ · ⲁⲩⲱ ⲕ ⲛⲁ ϩⲱⲙ ⲉϫⲛ̅ ⲟⲩ ⲙⲟⲩⲓ̈ ⲙⲛ̅ ⲟⲩ ⲇⲣⲁⲕⲱⲛ . ϫⲉ ⲁ ϥ ⲛⲁϩⲧⲉ ⲉⲣⲟ ⲓ̈ ϯ ⲛⲁ ⲧⲟⲩϫⲟ ϥ ·

ⲁⲩⲱ ϯ ⲛⲁ ⲣ̅ ϩⲁⲓ̈ⲃⲉⲥ ⲉⲣⲟ ϥ ϫⲉ ⲁ ϥ ⲥⲟⲩⲛ̅ ⲡⲁ ⲣⲁⲛ · ⲉⲧⲉ ⲡⲁⲓ̈ ⲡⲉ ⲡ ϣⲁϫⲉ ϫⲉ ⲛ̅ⲧⲉⲣⲉ ⲧ ⲡⲓⲥⲧⲓⲥ ⲥⲟⲫⲓⲁ ⲉⲓ̅ ⲉ ⲥ ⲛⲏⲩ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ . ⲁ ⲥ ϩⲱⲙ ⲉϫⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ · ⲁ ⲥ ϩⲱⲙ ⲉϫⲛ̅ ⲛ ⲉⲧ ⲟ ⲛ̅ ϩⲟ ⲛ̅ ϩⲟϥ · ⲁⲩⲱ ⲉϫⲛ̅ ⲛ ⲉⲧ ⲟ ⲛ̅ ϩⲟ ⲛ̅ ⲥⲓⲧ ⲛ̅ ϩⲟϥ · ⲉⲣⲉ ⲥⲁϣϥⲉ ⲛ̅ ⲁⲡⲉ ⲙ̅ⲙⲟ ⲟⲩ · ⲁⲩⲱ ⲁ ⲥ ϩⲱⲙ ⲉϫⲛ̅ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲙⲛ̅ⲧ ⲏ ⲉⲧ ⲟ ⲛ̅ ϩⲟ ⲛ̅ ⲇⲣⲁⲕⲱⲛ ⲉⲃⲟⲗ ϫⲉ ⲁ ⲥ ⲡⲓⲥⲧⲉⲩⲉ ⲉ ⲡ ⲟⲩⲟⲓ̈ⲛ ⲁ ⲥ ⲛⲟⲩϩⲙ̅ ⲉⲃⲟⲗ ϩⲓⲧⲟⲟⲧ ⲟⲩ ⲧⲏⲣ ⲟⲩ ·

ⲡⲁⲓ̈ ⲡⲉ ⲡⲁ ϫⲟⲉⲓⲥ ⲡ ⲃⲱⲗ ⲛ̅ ⲛ̅ ϣⲁϫⲉ ⲛ̅ⲧ ⲁ ⲕ ϫⲟⲟⲩ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲙ̅ ⲙⲁⲑⲏⲧⲏⲥ ·

ⲁ ϥ ⲉⲓ̅ ⲉ ⲑ ⲏ ⲛ̅ϭⲓ ⲑⲱⲙⲁⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ · ⲟⲩⲛ̅ ⲙⲁⲁϫⲉ ⲙ̅ ⲡⲁ ⲣⲙ̅ ⲛ̅ ⲟⲩⲟⲉⲓⲛ · ⲁⲩⲱ ⲁ ⲡⲁ ⲛⲟⲩⲥ ⲛ̅ⲟⲉⲓ ⲛ̅ ⲛ̅ ϣⲁϫⲉ ⲉⲛⲧ ⲁ ⲕ ϫⲟⲟⲩ · ⲧⲉⲛⲟⲩ ϭⲉ ⲕⲉ ⲗⲉⲩⲉ ⲛⲁ ⲓ̈ ⲧⲁⲧⲁⲁⲩ ⲉ ⲡ ⲃⲱⲗ ⲛ̅ ⲛ̅ ϣⲁϫⲉ ⲫⲁⲛⲉⲣⲱⲥ ·

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉ ϫⲁ ϥ ⲛ̅ ⲑⲱⲙⲁⲥ ϫⲉ ϯ ⲕⲉⲗⲉⲩⲉ ⲛⲁ ⲕ ⲉ ⲧⲣⲉ ⲕ ⲧⲁⲩⲉ ⲡ ⲃⲱⲗ ⲙ̅ ⲡ ϩⲩⲙⲛⲟⲥ ·

ⲡ ⲉⲛⲧ ⲁ ⲥϩⲩⲡⲟⲙⲛⲉⲩⲉ ⲙ̅ⲙⲟ ϥ ϩⲣⲁⲓ̈ ⲛ̅ ⲟⲩ ⲏⲓ̈ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲑⲱⲙⲁⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲉⲧⲃⲉ ⲫ ⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ϫⲉ ⲁ ⲥ ⲛⲟⲩϩⲙ̅ ⲉⲃⲟⲗ ϩⲙ̅ ⲡⲉ ⲭⲁⲟⲥ · ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟ ⲫⲏⲧⲉⲩⲉ ϩⲁⲣⲟ ϥ ⲙ̅ ⲡⲓ ⲟⲩⲟⲉⲓϣ · ϩⲓⲧⲛ̅ ⲥⲟⲗⲟⲙⲱⲛ ⲡ ϣⲏⲣⲉ ⲛ̅ ⲇⲁⲩⲉⲓⲇ · ϩⲛ̅ ⲛⲉϥ ⲱⲇⲏ ϫⲉ ⲁ ⲓ̈ ⲛⲟⲩϩⲙ̅ ⲉⲃⲟⲗ ϩⲛ̅ ⲙ̅ ⲙⲣ̅ⲣⲉ ⲁ ⲓ̈ ⲡⲱⲧ ⲉⲣⲁⲧ ⲕ̅ ⲡ ϫⲟⲉⲓⲥ ϫⲉ ⲁ ⲕ ϣⲱⲡⲉ ⲛⲁ ⲓ̈ ⲛ̅ ⲟⲩⲛⲁⲙ · ⲉ ⲕ ⲛⲟⲩϩⲙ̅ ⲙ̅ⲙⲟ ⲓ̈ · ⲁⲩⲱ ⲉ ⲕ ⲛⲟⲩϩⲙ̅ ⲙ̅ⲙⲟ ⲓ̈ ⲁⲩⲱ ⲉ ⲕ ϯ ⲛ̅ⲧⲟⲟⲧ ·

ⲁ ⲕ ⲕⲱⲗⲩ ⲛ̅ ⲛ ⲉⲧ ϯ ⲟⲩⲃⲏ ⲓ · ⲁⲩⲱ ⲙ̅ ⲡⲟⲩ ⲟⲩⲱⲛϩ̅ ⲉⲃⲟⲗ · ϫⲉ ⲛⲉⲣⲉ ⲡⲉⲕ ϩⲟ ϣⲟⲟⲡ ⲛⲙ̅ⲙⲁ ⲓ̈ ⲡⲉ ⲉ ϥ ⲛⲟⲩϩⲙ̅ ⲙ̅ⲙⲟ ⲓ̈ ϩⲛ̅ ⲧⲉⲕ ⲭⲁ ⲣⲓⲥ · ⲁ ⲓ̈ ϫⲓ ⲥ ⲱϣ ⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲟⲩ ⲙⲏⲏϣⲉ · ⲁⲩⲱ ⲁ ⲩ ⲛⲟϫⲧ̅ ⲉⲃⲟⲗ · ⲁ ⲓ̈ ⲣ̅ ⲑ ⲉ ⲛ̅ ⲟⲩ ⲧⲁϩⲧ̅ ⲙ̅ ⲡⲉⲩ ⲙ̅ⲧⲟ ⲉⲃⲟⲗ ·

ⲁ ⲥ ϣⲱⲡⲉ ⲛⲁ ⲓ̈ ⲛ̅ϭⲓ ⲟⲩ ϭⲟⲙ ⲉⲃⲟⲗ ϩⲓ ⲧⲟⲟⲧ ⲕ̅ · ⲉ ⲥ ϯ ⲛ̅ ⲧⲟⲟⲧ · ϫⲉ ⲁ ⲕ ⲕⲱ ⲛ̅ ϩⲉⲛ ϩⲏⲃⲥ̅ ⲛ̅ ⲥⲁ ⲟⲩⲛⲁⲙ ⲙ̅ⲙⲟ ⲓ̈ · ⲁⲩⲱ ⲛ̅ⲥⲁ ϩⲃⲟⲩⲣ ⲙ̅ⲙⲟ ⲓ̈ ϫⲉⲕⲁⲥ ⲛ̅ⲛⲉ ⲗⲁⲁⲩ ⲛ̅ ⲥⲁ ⲙ̅ⲙⲟ ⲓ̈ · ϣⲱⲡⲉ ⲉ ϥ ⲟ ⲛ̅ ⲁⲧ ⲟⲩⲟⲉⲓⲛ ·

ⲁ ⲕ ⲥⲕⲉⲡⲁⲍⲉ ⲙ̅ⲙⲟ ⲓ̈ ϩⲁ ⲑ ⲁⲓ̈ⲃⲉⲥ ⲙ̅ ⲡⲉⲕ ⲛⲁ̅ ⲁⲩⲱ ⲁ ⲓ̈ ⲣ̅ ⲡⲉ ⲧⲡⲉ ⲛ̅ ⲛⲉ ϣⲧⲏⲛ ⲛ̅ ϣⲁⲁⲣ · ⲧⲉⲕ ⲟⲩⲛⲁⲙ ⲧⲉ ⲛ̅ⲧ ⲁ ⲥ ϫⲓⲥⲉ ⲙ̅ⲙⲟ ⲓ̈ ⲁⲩⲱ ⲁ ⲕϥⲓ ⲡ ϣⲱⲡⲉ ⲛ̅ⲥⲁ‐ⲃⲟⲗ ⲙ̅ ⲙⲟ ⲓ̈ · ⲁ ⲓ̈ ϣⲱⲡⲉ ⲉ ⲓ̈ ϭⲙ̅ϭⲟⲙ ϩⲛ̅ ⲧⲉⲕ ⲙ̅ⲛ̅ⲧ̅ ⲙⲉⲉⲓ̈ⲧⲃ̅ⲃⲏⲩ ϩⲛ̅ ⲧⲉⲕ ⲇⲓⲕⲁⲓⲟⲥⲩⲛⲏ ·

ⲁ ⲩ ⲟⲩⲉ ⲉⲃⲟⲗ ⲙ̅ⲙⲟ ⲓ̈ ⲛ̅ϭⲓ ⲛ ⲉⲧ ϯ ⲟⲩⲃⲏⲓ̈ ⲁⲩⲱ ⲁ ⲓ̈ ⲧⲙⲁⲓ̈ⲟ ϩⲛ̅ ⲧⲉⲕ ⲙ̅ⲛ̅ⲧ̅ ⲭⲣⲏⲥⲧⲟⲥ · ϫⲉ ⲡⲉⲕ ⲙ̅ⲧⲟⲛ ϣⲟⲟⲡ ϣⲁ ⲉⲛⲉϩ ⲛ̅ⲧⲉ ⲡⲓ ⲉⲛⲉϩ ·

ⲡⲁⲓ̈ ϭⲉ ⲱ̅ ⲡⲁ ϫⲟⲉⲓⲥ ⲡⲉ ⲡ ⲃⲱⲗ ⲛ̅ ⲧ ⲙⲉⲧⲁⲛⲟⲓⲁ ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲛ̅ⲧⲉⲣⲉ ⲥ ⲛⲟⲩϩⲙ̅ ϩⲙ̅ ⲡⲉ ⲭⲁⲟⲥ · ⲥⲱⲧⲙ̅ ϭⲉ ⲧⲁϫⲟⲟ ϥ ϩⲛ̅ ⲟⲩ ⲡⲁⲣϩⲏⲥⲓⲁ ·

ⲡ ϣⲁϫⲉ ϭⲉ ⲉⲛⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ϫⲟⲟ ϥ ϩⲓⲧⲛ̅ ⲥⲟⲗⲟⲙⲱⲛ · ϫⲉ ⲁ ⲓ̈ ⲛⲟⲩϩⲙ̅ ⲉⲃⲟⲗ ϩⲛ̅ ⲙ̅ ⲙ̅ⲣⲣⲉ ⲁ ⲓ̈ ⲡⲱⲧ ⲉⲣⲁⲧ ⲕ̅ ⲡ ϫⲟⲓ̈ⲥ ⲛ̅ⲧⲟϥ ⲡⲉ ⲡ ϣⲁϫⲉ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧⲡⲥⲧⲓⲥ ⲥⲟⲫⲓⲁ · ϫⲉ ⲁ ⲓ̈ ⲃⲱⲗ ⲉⲃⲟⲗ ϩⲛ̅ ⲙ̅ ⲙⲣ̅ⲣⲉ ⲙ̅ ⲡ ⲕⲁⲕⲉ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲥⲱⲧⲙ̅ ⲉ ⲑⲱⲙⲁⲥ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ .

ⲡⲉϫⲁ ϥ ⲛⲁ ϥ ϫⲉ ⲉⲩⲅⲉ ⲕⲁⲗⲱⲥ ⲑⲱⲙⲁⲥ ⲡ ⲙⲁⲕⲁⲣⲓⲟⲥ · ⲡⲁⲓ̈ ⲡ ⲃⲱⲗ ⲙ̅ ⲫⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ϥ ⲟⲩ ⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉϫⲁ ϥ ⲛ̅ ⲙ̅ ⲙⲁⲑⲏⲧⲏⲥ · ϫⲉ ⲁ ⲥ ⲟⲩⲱϩ ⲇⲉ ⲟⲛ ⲉⲧⲟⲟⲧ ⲥ̅ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲥ ϩⲩⲙⲛⲉⲩⲉ ⲉϩⲣⲁⲓ̈ ⲉⲣⲟ ⲓ̈ ⲉ ⲥ ϫⲱ ⲙ̅ⲙⲟ ⲥ · ϫⲉ ϯ ϩⲩⲙⲛⲉⲩⲉ ⲉϩⲣⲁⲓ̈ ⲉⲣⲟ ⲕ ⲡⲁⲓ̈ ⲉⲃⲟⲗ ϩⲓⲧⲙ̅ ⲡⲉⲕ ⲧⲱϣ ⲁ ⲕ ⲛ̅ ⲧ ⲉⲃⲟⲗ ϩⲓⲧⲙ̅ ⲡ ⲁⲓⲱⲛ ⲉⲧ ϫⲟⲥⲉ ⲉ ⲧⲙ̅ ⲡ ⲥⲁ ⲛ̅ ⲧ ⲡⲉ · ⲁⲩⲱ ⲁ ⲕ ⲛ̅ ⲧ ⲉϩⲣⲁⲓ̈ ⲉ ⲛ ⲧⲟⲡⲟⲥ ⲉⲧ ⲙ̅ ⲡ ⲉⲥⲏⲧ · ⲁⲩⲱ ⲟⲛ ϩⲓⲧⲙ̅ ⲡⲉⲕ ⲧⲱϣ ⲁ ⲕ ⲛⲁϩⲙⲉ ⲧ ⲉⲃⲟⲗ ϩⲉⲛ ⲛ̅ ⲧⲟⲡⲟⲥ ⲉⲧ ⲙ̅ ⲡ ⲉⲥⲏⲧ · ⲁⲩⲱ ⲉⲃⲟⲗ ϩⲓⲧⲟⲟⲧ ⲕ̅ ⲁ ⲕ ϥⲓ ⲑ ⲩⲗⲏ ⲙ̅ⲙⲁⲩ ⲉⲧ ϣⲟⲟⲡ ϩⲛ̅ ⲛⲁ ϭⲟⲙ ⲛ̅ ⲟⲩⲟⲓ̈ⲛ ⲁⲩⲱ ⲁ ⲓ̈ ⲛⲁⲩ ⲉⲣⲟ ⲥ · ⲁⲩⲱ ⲛ̅ⲧⲟⲕ ⲡ ⲉⲧ ϫⲱⲱⲣⲉ ⲥⲁⲃⲟⲗ ⲙ̅ⲙⲟ ⲓ̈ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ⲛⲁ ⲓ̈ ⲉ ⲛⲉⲩ ϩⲱϫ ⲙ̅ⲙⲟ ⲓ̈ · ⲁⲩⲱ ⲉ ⲩ ⲟ ⲛ̅ ϫⲁϫⲉ ⲉⲣⲟ ⲓ̈ · ⲁⲩⲱ ⲁ ⲕ ϯ ⲛⲁ ⲓ̈ ⲛ̅ ⲧ ⲉⲝⲟⲩⲥⲓⲁ ⲉ ⲧⲣ ⲁ ⲃⲱⲗ ⲉⲃⲟⲗ ⲛ̅ ⲙ̅ ⲙ̅ⲣⲣⲉ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁ ⲇⲁⲙⲁⲥ ⲁⲩⲱ ⲁ ⲕ ⲡⲁⲧⲁⲥⲥⲉ ⲙ̅ ⲫ ⲟϥ ⲛ̅ ⲥⲓⲧ ·

ⲡⲁ ϯ ⲥⲁϣϥⲉ ⲛ̅ ⲁⲡⲉ · ⲁ ⲕ ⲛⲟⲩϫ ϥ̅ ⲉⲃⲟⲗ ϩⲛ̅ ⲛⲁ ϭⲓϫ · ⲁⲩⲱ ⲁ ⲕ ⲧⲁϩⲟ ⲓ̈ ⲉ ⲣⲁⲧ ⲉϫⲛ̅ ⲧⲉϥ ϩⲩⲗⲏ ⲁ ⲕ ⲧⲁⲕⲟ ⲥ ϫⲉⲕⲁⲥ ⲉⲛⲛⲉ ⲡⲉϥ ⲥⲡⲉⲣⲙⲁ ⲧⲱⲟⲩⲛ̅ ϫⲓⲛ ⲙ̅ ⲡⲉⲓ̈ ⲛⲁⲩ ·

ⲁⲩⲱ ⲛ̅ⲧⲟⲕ ⲡ ⲉⲧⲉ ⲛⲉⲕ ϣⲟⲟⲡ ⲛⲙ̅ⲙⲁ ⲓ̈ ⲉ ⲕ ϯ ϭⲟⲙ ⲛⲁ ⲓ̈ ϩⲛ̅ ⲛⲁⲓ̈ ⲧⲏⲣ ⲟⲩ ·

ⲁⲩⲱ ⲁ ⲡⲉⲕ ⲟⲩⲟⲉⲓⲛ ⲕⲱⲧⲉ ⲉⲣⲟ ⲓ̈ ϩⲛ̅ ⲧⲟⲡⲟⲥ ⲛⲓⲙ ⲧⲏⲣ ⲟⲩ ⲁⲩⲱ ⲉⲃⲟⲗ ϩⲓⲧⲟⲟⲧ ⲕ̅ ⲁ ⲕ ⲣ̅ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩⲑⲁⲇⲏⲥ ⲛ̅ ⲁⲧ ϭⲟⲙ · ϫⲉ ⲁ ⲕ ϥⲓ ⲧ ϭⲟⲙ ⲙ̅ ⲡⲉⲩ ⲟⲩⲟⲓ̈ⲛ ϩⲣⲁⲓ̈ ⲛ̅ϩⲏⲧ ⲟⲩ · ⲁⲩⲱ ⲁ ⲕ ⲥⲟⲟⲩⲧⲛ̅ ⲧⲁ ϩⲓⲏ ⲉⲛ̅ⲧ ⲉⲃⲟⲗ ϩⲙ̅ ⲡⲉ ⲭⲁⲟⲥ · ⲁⲩⲱ ⲁ ⲕ ⲡⲟⲟⲛⲉ ⲧ ⲉⲃⲟⲗ ϩⲛ̅ ⲛⲓ ⲕⲁⲕⲉ ⲛ̅ ϩⲩⲗⲓⲕⲟⲛ . ⲁⲩⲱ ⲁ ⲕ ϥⲓ ⲛⲁ ϭⲟⲙ ⲧⲏⲣ ⲟⲩ ⲛ̅ⲧⲟⲟⲧ ⲟⲩ · ⲛⲁⲓ̈ ⲉⲛⲧ ⲁ ⲩ ϥⲓ ⲡⲉⲩ ⲟⲩⲟⲉⲓⲛ ·

ⲁ ⲕ ⲛⲟⲩϫⲉ ⲉϩⲟⲩⲛ ⲉⲣⲟ ⲟⲩ ⲛ̅ ⲟⲩ ⲟⲩⲟⲉⲓⲛ ⲉ ϥ ⲥⲟⲧϥ̅ · ⲁⲩⲱ ⲛⲁ ⲙⲉⲗⲟⲥ ⲧⲏⲣ ⲟⲩ ⲛⲁⲓ̈ ⲉⲧⲉ ⲙⲛ̅ ⲟⲩⲟⲉⲓⲛ ⲛ̅ϩⲏⲧ ⲟⲩ · ⲁ ⲕ ϯ ⲛⲁ ⲩ ⲛ̅ ⲟⲩ ⲟⲩⲟ ⲉⲓⲛ ⲉ ϥ ⲥⲟⲧϥ̅ · ⲉⲃⲟⲗ ϩⲙ̅ ⲡ ⲟⲩⲟⲉⲓⲛ ⲙ̅ ⲡ ϫⲓⲥⲉ · ⲁⲩⲱ ⲁ ⲕ ⲥⲟⲩⲧⲛ̅ ⲧⲉ ϩⲓⲏ ⲛⲁ ⲩ · ⲁⲩⲱ ⲡ ⲟⲩⲟⲉⲓⲛ ⲙ̅ ⲡⲉⲕ ϩⲟ · ⲁ ϥ ϣⲱⲡⲉ ⲛⲁ ⲓ̈ ⲛ̅ ⲟⲩ ⲱⲛϩ̅ ⲛ̅ ⲁⲧ ⲧⲁⲕⲟ · ⲁ ⲕ ⲛ̅ ⲧ ⲉϩⲣⲁⲓ̈ ⲙ̅ ⲡⲉ ⲧⲡⲉ ⲙ̅ ⲡⲉ ⲭⲁⲟⲥ ·

ⲡ ⲧⲟⲡⲟⲥ ⲙ̅ ⲡⲉ ⲭⲁⲟⲥ ⲙⲛ̅ ⲡ ⲧⲁⲕⲟ ϫⲉⲕⲁⲥ ⲉⲩⲉ ⲃⲱⲗ ⲉⲃⲟⲗ ⲛ̅ϭⲓ ⲛ̅ ϩⲩⲗⲏ ⲧⲏⲣ ⲟⲩ ⲉⲧ ⲛ̅ϩⲏⲧ ϥ̅ ⲛⲁⲓ̈ ⲉⲧ ϣⲟⲟⲡ ϩⲙ̅ ⲡ ⲧⲟⲡⲟⲥ ⲉⲧ ⲙ̅ⲙⲁⲩ · ⲁⲩⲱ ⲛ̅ ⲥⲉ ⲣ̅ⲃⲣ̅ⲣⲉ ⲛ̅ϭⲓ ⲛⲁ ϭⲟⲙ ⲧⲏⲣ ⲟⲩ ϩⲙ̅ ⲡⲉⲕ ⲟⲩ ⲟⲉⲓⲛ · ⲁⲩⲱ ⲛ̅ⲧⲉ ⲡⲉⲕ ⲟⲩⲟⲉⲓⲛ ϣⲱⲡⲉ ⲛ̅ϩⲏⲧ ⲟⲩ ⲧⲏ ⲣ ⲟⲩ · ⲁ ⲕ ⲕⲁ ⲡ ⲟⲩⲟⲉⲓⲛ ⲛ̅ ⲧⲉⲕ ⲁⲡⲟϩⲣⲟⲓⲁ ⲛ̅ ϩⲏⲧ · ⲁ ⲓ̈ ϣⲱⲡⲉ ⲛ̅ ⲟⲩⲟⲉⲓⲛ ⲉ ϥ ⲥⲟⲧϥ̅ ·

ⲡⲁⲓ̈ ⲟⲛ ⲡⲉ ⲡ ⲙⲉϩ ⲥⲛⲁⲩ ⲛ̅ ϩⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲡ ⲉⲧ ⲛⲟⲉⲓ ϭⲉ ⲛ̅ ⲧⲉⲓ̈ ⲙⲉⲧⲁⲛⲟⲓⲁ ⲙⲁⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ϫⲟⲟ ϥ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲁ ϥ ⲉⲓ̅ ⲉ ⲑ ⲏ ⲛ̅ϭⲓ ⲙⲁ ⲑⲁⲓⲟⲥ ⲡⲉϫⲁ ϥ ϫⲉ ⲁ ⲓ̈ ⲛⲟⲓ̈ ⲙ̅ ⲡ ⲃⲱⲗ ⲙ̅ ⲡ ϩⲩⲙⲛⲟⲥ ⲡⲁⲓ̈ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲧⲉⲛⲟⲩ ϭⲉ ⲕⲉⲗⲉⲩⲉ ⲛⲁ ⲓ̈ ⲧⲁϫⲟⲟ ϥ ϩⲛ̅ ⲟⲩ ⲡⲁⲣⲣⲏⲥⲓⲁ

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉϫⲁ ϥ ϫⲉ ϯ ⲕⲉ ⲗⲉⲩⲉ ⲛⲁ ⲕ ⲙⲁⲑⲁⲓⲟⲥ ⲉ ⲧⲣⲉ ⲕ ⲧⲁⲩⲉ ⲡ ⲃⲱⲗ ⲙ̅ ⲡ ϩⲩⲙ ⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲙⲁⲑⲁⲓⲟⲥ ⲡⲉϫⲁ ϥ ϫⲉ ⲉⲧⲃⲉ ⲡ ⲃⲱⲗ ⲙ̅ ⲫ ⲩⲙ ⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲁⲣⲟ ϥ ⲙ̅ ⲡⲓ ⲟⲩⲟⲉⲓϣ ϩⲓⲧⲛ̅ ⲧ ⲱⲇⲏ ⲛ̅ ⲥⲟⲗⲟⲙⲱⲛ ϫⲉ ⲡ ⲉⲛⲧ ⲁ ϥ ⲛ̅ ⲧ ⲉ ⲡ ⲉⲥⲏⲧ ϩⲛ̅ ⲙ̅ ⲙⲁ ⲉⲧ ϫⲟⲥⲉ ⲧⲥⲁ ⲧ ⲡⲉ · ⲁⲩⲱ ⲁ ϥ ⲛ̅ ⲧ ⲉϩⲣⲁⲓ̈ ϩⲛ̅ ⲙ̅ ⲙⲁ ⲉⲧ ⲙ̅ ⲡ ϭⲟⲛ ⲙ̅ ⲡ ⲉⲥⲏⲧ · ⲡ ⲉⲛⲧ ⲁ ϥ ϥⲓ ⲙ̅ⲙⲁⲩ ⲛ̅ ⲛ ⲉⲧ ϩⲛ̅ ⲧ ⲙⲏⲧⲉ · ⲁⲩⲱ ⲁ ϥ ⲧⲥⲁⲃⲟ ⲟⲩ ⲉⲣⲟ ⲟⲩ · ⲡ ⲉⲛⲧ ⲁ ϥ ϫⲱⲱⲣⲉ ⲉⲃⲟⲗ ⲛ̅ ⲛⲁ ϫⲁϫⲉ · ⲙⲛ̅ ⲛⲁ ⲁⲛⲧⲓ ⲇⲓⲕⲟⲥ ·

ⲡ ⲉⲛⲧ ⲁ ϥ ϯ ⲛⲁ ⲓ̈ ⲛ̅ ⲟⲩ ⲉϫⲟⲩⲥⲓⲁ ⲉϩⲣⲁⲓ̈ ⲉϫⲛ̅ ϩⲉⲛ ⲙⲣ̅ⲣⲉ ⲉ ⲃⲟⲗ ⲟⲩ ⲉⲃⲟⲗ ·

ⲡ ⲉⲛⲧ ⲁ ϥ ⲡⲁⲧⲁⲥⲥⲉ ⲙ̅ ⲫ ⲟϥ ⲉⲧ ⲟ ⲛ̅ ⲥⲁϣϥⲉ ⲛ̅ ⲁⲡⲉ ϩⲛ̅ ⲛⲁ ϭⲓϫ ·

ⲁ ϥ ⲧⲁ ϩⲟ ⲓ̈ ⲉ ⲣⲁⲧ ϩⲓϫⲛ̅ ⲧⲉϥ ⲛⲟⲩⲛⲉ ϫⲉⲕⲁⲥ ⲉⲓ̈ⲉ ϥⲱⲧⲉ ⲉⲃⲟⲗ ⲙ̅ ⲡⲉϥ ⲥⲡⲉⲣⲙⲁ · ⲁⲩⲱ ⲛ̅ⲧⲟⲕ ⲛⲉ ⲕ ⲙ̅ⲙⲁⲓ̈ ⲡⲉ ⲉ ⲕ ϯ ⲛ̅ ⲧⲟⲟⲧ : ϩⲣⲁⲓ̈ ϩⲙ̅ ⲙⲁ ⲛⲓⲙ · ⲁ ϥ ⲕⲱⲧⲉ ⲉⲣⲟ ⲓ̈ ⲛ̅ϭⲓ ⲡⲉⲕ ⲣⲁⲛ · ⲁ ⲧⲉⲕ ⲟⲩⲛⲁⲙ ⲧⲁⲕⲉ ⲧ ⲙⲁⲧⲟⲩ ⲙ̅ ⲡ ⲣⲉϥ ϫⲉ ⲡ ⲉⲑ ⲟⲟⲩ · ⲁ ⲧⲉⲕ ϭⲓϫ ⲕⲉϩ ⲧⲉ ϩⲓⲏ ⲛ̅ ⲛⲉⲕ ⲡⲓⲥⲧⲟⲥ ·

ⲁ ⲕ ⲥⲟⲧ ⲟⲩ ⲉⲃⲟⲗ ϩⲛ̅ ⲛ̅ ⲧⲁⲫⲟⲥ ⲁⲩⲱ ⲁ ⲕ ⲡⲟⲟⲛ ⲟⲩ ⲉⲃⲟⲗ ϩⲛ̅ ⲧ ⲙⲏⲧⲉ ⲛ̅ ⲛ̅ ⲕⲱⲱⲥ ⲁ ⲕ ϫⲓ ⲛ̅ ϩⲉⲛ ⲕⲁⲥ ⲉ ⲩ ⲙⲟⲟⲩⲧ . ⲁ ⲕ ϯ ϩⲓⲱ ⲟⲩ ⲛ̅ ⲟⲩ ⲥⲱⲙⲁ · ⲁⲩⲱ ⲛ ⲉⲧⲉ ⲛ̅ ⲥⲉ ⲕⲓⲙ ⲁⲛ · ⲁ ⲕ ϯ ⲛⲁ ⲩ ⲛ̅ ⲟⲩ ⲉⲛⲉⲣⲅⲓⲁ ⲛ̅ ⲱⲛϩ̅ · ⲁ ⲧⲉⲕ ϩⲓⲏ ϣⲱ ⲡⲉ ⲛ̅ ⲟⲩ ⲙ̅ⲛ̅ⲧ̅ ⲁⲧ ⲧⲁⲕⲟ · ⲁⲩⲱ ⲙⲛ̅ ⲡⲉⲕ ϩⲟ · ⲁ ⲕⲛ̅ ⲡⲉⲕ ⲁⲓⲱⲛ ⲉϫⲙ̅ ⲡ ⲧⲁⲕⲟ · ϫⲉⲕⲁⲥ ⲉⲩⲉ ⲃⲱⲗ ⲉⲃⲟⲗ ⲧⲏⲣ ⲟⲩ · ⲁⲩⲱ ⲛ̅ ⲥⲉ ⲣ̅ⲃⲣ̅ⲣⲉ · ⲁⲩⲱ ⲛ̅ⲧⲉ ⲡⲉⲕ ⲟⲩⲟⲓ̈ⲛ ⲣ̅ ⲥⲛ̅ⲧⲉ ⲛⲁ ⲩ ⲧⲏⲣ ⲟⲩ ·

ⲁ ⲕ ⲕⲉⲧ ⲧⲉⲕ ⲙ̅ⲛ̅ⲧ̅ ⲣⲙ̅ⲙⲁⲟ ϩⲓⲱ ⲟⲩ · ⲁⲩⲱ ⲁ ⲩ ⲣ̅ ⲟⲩ ⲙⲁ ⲛ̅ ϣⲱⲡⲉ ⲉ ϥ ⲟⲩⲁⲁⲃ ·

ⲡⲁⲓ̈ ϭⲉ ⲡⲁ ϫⲟⲉⲓⲥ ⲡⲉ ⲡ ⲃⲱⲗ ⲙ̅ ⲫ ⲩⲙⲛⲟⲥ ⲉⲛⲧ ⲁ ⲥ ϫⲟⲟ ϥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲥⲱⲧⲙ̅ ϭⲉ ⲧⲁϫⲟⲟ ϥ ϩⲛ̅ ⲟⲩ ⲟⲩⲱⲛϩ̅ ⲉⲃⲟⲗ · ⲡ ϣⲁϫⲉ ⲉⲛⲧ ⲁ ⲧⲉⲕ ϭⲟⲙ ϫⲟⲟ ϥ ϩⲓⲧⲛ̅ ⲥⲟⲗⲟⲙⲱⲛ · ϫⲉ ⲡ ⲉⲛⲧ ⲁ ϥ ⲛ̅ ⲧ ⲉ ⲡ ⲉⲥⲏⲧ ⲉⲃⲟⲗ ϩⲛ̅ ⲙ̅ ⲙⲁ ⲉⲧ ϫⲟⲥⲉ ⲉⲧ ϩⲓ ⲡ ⲥⲁ ⲛ̅ ⲧ ⲡⲉ · ⲁⲩⲱ ⲟⲛ ⲁ ⲕ ⲛ̅ ⲧ ⲉϩⲣⲁⲓ̈ ϩⲛ̅ ⲙ̅ ⲙⲁ ⲉⲧ ϩⲛ̅ ⲡ ϭⲟⲛ ⲙ̅ ⲡ ⲉⲥⲏⲧ · ⲛ̅ⲧⲟϥ ⲡⲉ ⲡ ϣⲁϫⲉ ⲉⲛⲧ ⲁ ⲥ