ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲉ ϥ ϫⲱ ⲙ̅ⲙⲟ ⲥ · ϫⲉ ⲁ ⲥ ϣⲱⲡⲉ ϭⲉ ⲁ ϯ ϭⲟⲙ ⲉⲛⲧ ⲁ ⲥ ⲉⲓ̅ ⲉⲃⲟⲗ ϩⲙ̅ ⲡ ϫⲓⲥⲉ ⲉⲧⲉ ⲁⲛⲟⲕ ⲡⲉ ⲉ ⲁ ⲡⲁ ⲉⲓⲱ ⲧⲛ̅ⲛⲟⲟⲩ ⲧ ⲉ ⲧⲣ ⲁ ⲛⲟⲩϩⲙ̅ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ϩⲙ̅ ⲡⲉ ⲭⲁⲟⲥ · ⲁⲛⲟⲕ ϭⲉ ⲙⲛ̅ ⲧ ⲕⲉ ϭⲟⲙ ⲉⲛⲧ ⲁ ⲥ ⲉⲓ̅ ⲉⲃⲟⲗ ⲙ̅ⲙⲟ ⲓ̈ ⲁⲩⲱ ⲧⲉ ⲯⲩⲭⲏ ⲛ̅ⲧ ⲁ ⲓ̈ ϫⲓⲧ ⲥ̅ ⲛ̅ⲧⲟⲟⲧ ϥ̅ ⲛ̅ ⲥⲁⲃⲁⲱⲑ ⲡ ⲁⲅⲁⲑⲟⲥ ⲁ ⲩ ⲉⲓ̅ ⲉ ⲧ ⲟⲩⲛ̅ ⲛⲉⲩ ⲉⲣⲏⲩ · ⲁ ⲩ ⲣ̅ ⲟⲩ ⲁⲡⲟⲣⲣⲟⲓⲁ ⲛ̅ ⲟⲩⲱⲧ ⲛ̅ ⲟⲩⲟⲉⲓⲛ · ⲉ ⲥ ⲟ ⲛ̅ ⲟⲩⲟⲓ̈ⲛ ⲉⲙⲁϣⲟ ⲉⲙⲁϣⲟ · ⲁ ⲓ̈ ⲙⲟⲩⲧⲉ ⲉ ⲅⲁⲃⲣⲓⲏⲗ ⲉ ⲡ ⲉⲥⲏⲧ ⲉⲃⲟⲗ ϩⲛ̅ ⲛ ⲁⲓⲱⲛ ⲁⲩⲱ ⲙⲛ̅ ⲙⲓⲭⲁⲏⲗ ⲉⲃⲟⲗ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡⲁ ⲓ̈ⲱⲧ ·

ⲡⲓ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ ⲉⲧ ϭⲱϣⲧ̅ ⲉϩⲟⲩⲛ ⲁ ⲓ̈ ϯ ⲛⲁ ⲩ ⲛ̅ⲧ ⲁ ⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ ⲁ ⲓ̈ ⲧⲣⲉ ⲩ ⲃⲱⲕ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲉ ⲧⲣⲉ ⲩ ⲃⲟⲏⲑⲓ ⲉ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲛ̅ ⲥⲉ ϥⲓ ⲛ̅ ⲛ̅ ϭⲟⲙ ⲛ̅ ⲟⲩⲟⲓ̈ⲛ ⲛⲁ ⲓ̈ ⲛ̅ⲧ ⲁ ⲩ ϥⲓⲧ ⲟⲩ ⲛ̅ⲧⲟⲟⲧ ⲥ̅ ⲛ̅ϭⲓ ⲛⲉ ⲡⲣⲟⲃⲟ ⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ⲛ̅ ⲥⲉ ϥⲓⲧ ⲟⲩ ⲛ̅ⲧⲟⲟⲧ ⲟⲩ · ⲁⲩⲱ ⲛ̅ ⲥⲉ ⲧⲁⲁ ⲩ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲛ̅ ⲧⲉ ⲩⲛⲟⲩ ⲛ̅ⲧ ⲁ ⲩ ϫⲓⲧⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ .

ⲁ ⲥ ⲣ̅ⲟⲩⲟⲓ̈ⲛ ⲉⲙⲁϣⲟ ⲉⲙⲁϣⲟ ϩⲙ̅ ⲡⲉ ⲭⲁⲟⲥ ⲧⲏⲣ ϥ̅ ·

ⲁⲩⲱ ⲁ ⲥ ⲟⲩⲱϣⲥ̅ ⲉⲃⲟⲗ ϩⲛ̅ ⲛⲉⲩ ⲧⲟⲡⲟⲥ ⲧⲏⲣ ⲟⲩ ⲁⲩⲱ ⲛ̅ⲧⲉⲣ ⲟⲩ ⲛⲁⲩ ⲉ ⲡ ⲛⲟϭ ⲛ̅ ⲟⲩⲟⲉⲓⲛ ⲛ̅ⲧ ⲁ ⲡⲟϩⲣⲟⲓⲁ ⲉⲧ ⲙ̅ ⲙⲁⲩ · ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ⲁ ⲩ ⲣ̅ ϩⲟⲧⲉ ⲉϫⲛ̅ ⲛⲉⲩ ⲉⲣⲏⲩ · ⲁⲩⲱ ⲧⲁⲡⲟϩⲣⲟⲓⲁ ⲉⲧ ⲙ̅ⲙⲁⲩ ⲁ ⲥ ⲧⲱⲕⲙ̅ ⲉⲃⲟⲗ ⲛ̅ϩⲏⲧ ⲟⲩ ⲛ̅ ϭⲟⲙ ⲛⲓⲙ ⲛ̅ ⲟⲩⲟⲉⲓⲛ ⲛⲁ ⲓ̈ ⲛ̅ⲧ ⲁ ⲩ ϥⲓⲧ ⲟⲩ ⲛ̅ⲧⲟⲟⲧ ⲥ̅ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁⲩⲱ ⲙ̅ⲡ ⲟⲩ ϣ ⲧⲟⲗⲙⲁ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁ ⲧⲏⲥ ⲉ ⲁⲙⲁϩⲧⲉ ⲛ̅ⲧ ⲁ ⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ⲉⲧ ⲙ̅ⲙⲁⲩ ϩⲙ̅ ⲡⲉ ⲭⲁⲟⲥ ⲛ̅ ⲕⲁⲕⲉ · ⲟⲩⲇⲉ ⲙ̅ⲡ ⲟⲩ ϣ ⲁⲙⲁϩⲧⲉ ⲙ̅ ⲙⲟ ⲥ ϩⲛ̅ ⲧ̅ ⲧⲉⲭⲛⲏ ⲙ̅ ⲡⲁⲩⲑⲁⲧⲏⲥ ⲡⲁⲓ̈ ⲉⲧ ⲁⲙⲁϩⲧⲉ ⲉϫⲛ̅ ⲛⲉ ⲡⲣⲟⲃⲟⲗⲟⲟⲩⲉ · ⲁⲩⲱ ⲅⲁⲃⲣⲓⲏⲗ ⲙⲛ̅ ⲙⲓⲭⲁ ⲏⲗ · ⲁ ⲩ ⲉⲓⲛⲉ ⲛ̅ⲧ ⲁ ⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ⲉϫⲙ̅ ⲡ ⲥⲱⲙⲁ ⲛ̅ ⲑ ⲩⲗⲏ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ⲩ ⲛⲟⲩϫⲉ ⲉϩⲟⲩⲛ ⲉⲣⲟ ⲥ ⲛ̅ ⲛⲉⲥ ⲟⲩⲟⲓ̈ⲛ ⲧⲏⲣ ⲟⲩ ⲉⲛⲧ ⲁ ⲩ ϥⲓⲧ ⲟⲩ ⲛ̅ⲧⲟⲟⲧ ⲥ̅ · ⲁⲩⲱ ⲁ ϥ ϫⲓ ⲟⲩⲟⲓ̈ⲛ ⲧⲏⲣ ϥ̅ ⲛ̅ϭⲓ ⲡ ⲥⲱⲙⲁ ⲛ̅ ⲧⲉⲥ ϩⲩⲗⲏ ·

ⲁⲩⲱ ⲟⲛ ⲁ ⲩ ϫⲓ ⲟⲩⲟⲓ̈ⲛ ⲛ̅ϭⲓ ⲛⲉⲥ ϭⲟⲙ ⲧⲏⲣ ⲟⲩ ⲉⲧ ⲛ̅ ϩⲏⲧ ⲥ̅ ⲛⲁⲓ̈ ⲉⲛⲧ ⲁ ⲩ ϥⲓ ⲡⲉⲩⲟⲩⲟⲓ̈ⲛ ⲁⲩⲱ ⲁ ⲩ ⲗⲟ ⲉ ⲩ ϣⲁⲁⲧ ⲛ̅ ⲟⲩⲟⲓ̈ⲛ ϫⲉ ⲁ ⲩ ϥⲓ ⲡⲉⲩ ⲟⲩⲟⲓ̈ⲛ ⲉⲛⲧ ⲁ ⲩ ϥⲓⲧ ϥ̅ ⲛ̅ⲧⲟⲟⲧ ⲟⲩ ⲉⲃⲟⲗ ϫⲉ ⲛ̅ⲧ ⲁ ⲩ ϯ ⲡ ⲟⲩⲟⲓ̈ⲛ ⲛⲁ ⲩ ⲉⲃⲟⲗ ϩⲓⲧⲟⲟⲧ · ⲁⲩⲱ ⲙⲓⲭⲁⲏⲗ · ⲙⲛ̅ ⲅⲁⲃⲣⲓⲏⲗ · ⲛⲁⲓ̈ ⲉⲛⲧ ⲁ ⲩ ⲇⲓⲁⲕⲟⲛⲓ ⲛⲁ ⲓ̈ ⲉⲛⲧ ⲁ ⲩ ϫⲓⲧⲁⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ ⲉ ⲡⲉ ⲭⲁⲟⲥ .

ⲉ ⲥ ⲛⲁ ϯ ⲛⲁ ⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡ ⲟⲩ ⲟⲓ̈ⲛ ⲛ̅ⲧⲟⲟⲩ ⲛⲉ ⲛ̅ⲧ ⲁ ⲩ ⲧⲁⲛϩⲟⲩⲧ ⲟⲩ ⲉ ⲧⲁⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ · ⲧⲁⲓ̈ ⲉⲛⲧ ⲁ ⲓ̈ ⲧⲁⲁ ⲥ ⲛⲁ ⲩ ⲁ ⲓ̈ ϫⲓⲧ ⲥ̅ ⲉ ⲡⲉ ⲭⲁⲟⲥ · ⲁⲩⲱ ⲙⲓⲭⲁⲏⲗ ⲅⲁⲃⲣⲓⲏⲗ · ⲙ̅ⲡ ⲟⲩ ϥⲓ ⲗⲁⲁⲩ ⲛ̅ ⲟⲩⲟⲓ̈ⲛ ⲛⲁ ⲩ ϩⲛ̅ ⲛ̅ ⲟⲩⲟⲓ̈ⲛ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲛⲁⲓ̈ ⲉⲛⲧ ⲁ ⲩ ϥⲓⲧ ⲟⲩ ⲛ̅ⲧⲟⲟⲧ ⲟⲩ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁ ⲇⲏⲥ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲧⲁⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ ⲛ̅ ⲧⲉⲣⲉ ⲥ ⲛⲟⲩϫⲉ ⲉϩⲟⲩⲛ ⲉ ⲧ ⲡⲓⲥⲧⲓⲥ ⲥⲟⲫⲓⲁ ⲛ̅ ⲛⲉⲥ ϭⲟⲙ ⲧⲏⲣ ⲟⲩ ⲛ̅ ⲟⲩⲟⲓ̈ⲛ . ⲛⲁⲓ̈ ⲛ̅ⲧ ⲁ ⲥ ϥⲓⲧ ⲟⲩ ⲛ̅ⲧⲟⲟⲧ ⲟⲩ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ·

ⲁ ⲥ ⲣ̅ⲟⲩⲟⲓ̈ⲛ ⲧⲏⲣ ⲥ̅ · ⲁⲩⲱ ⲛ̅ ⲕⲉ ϭⲟⲙ ⲛ̅ ⲟⲩⲟⲓ̈ⲛ ⲛⲁⲓ̈ ⲉⲧ ϣⲟⲟⲡ ϩⲛ̅ ⲧ ⲡⲓⲥ ⲧⲓⲥ ⲥⲟⲫⲓⲁ · ⲛⲁⲓ̈ ⲉⲧⲉ ⲙ̅ⲡ ⲟⲩ ϥⲓⲧ ⲟⲩ ⲛ̅ϭⲓ ⲛⲉ ⲡⲣⲟⲃⲟ ⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ⲁ ⲩ ⲟⲩⲣⲟⲧ ⲟⲛ · ⲁⲩⲱ ⲁ ⲩ ⲙⲟⲩϩ ⲛ̅ ⲟⲩⲟⲓ̈ⲛ · ⲁⲩⲱ ⲛ̅ ⲟⲩⲟⲓ̈ⲛ ⲉⲛⲧ ⲁ ⲩ ⲛⲟϫ ⲟⲩ ⲉϩⲟⲩⲛ ⲉ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲩ ⲧⲁⲛϩⲉ ⲡ ⲥⲱⲙⲁ ⲛ̅ ⲧⲉⲥ ϩⲩⲗⲏ · ⲧⲁⲓ̈ ⲉⲧⲉ ⲙⲛ̅ ⲟⲩⲟⲓ̈ⲛ ⲛ̅ϩⲏⲧ ⲥ̅ . ⲧⲁⲓ̈ ⲉ ⲛⲉⲥ ⲛⲁ ⲧⲁⲕⲟ ⲡⲉ · ⲏ̅ ⲧⲁⲓ̈ ⲉ ϣⲁ ⲥ ⲧⲁⲕⲟ · ⲁⲩⲱ ⲁ ⲩ ⲧⲁϩⲉ ⲉⲣⲁⲧ ⲟⲩ ⲛ̅ ⲛⲉⲥ ϭⲟⲙ ⲧⲏⲣ ⲟⲩ ⲛⲁⲓ̈ ⲉ ⲛⲉⲩ ⲛⲁ ⲃⲱⲗ ⲉⲃⲟⲗ · ⲁⲩⲱ ⲁ ⲩ ϫⲓ ⲛⲁ ⲩ ⲛ̅ ⲟⲩ ϭⲟⲙ ⲛ̅ ⲟⲩⲟⲓ̈ⲛ · ⲁ ⲩ ⲣ̅ ⲑ ⲉ ⲟⲛ ⲉ ⲛⲉ ⲩ ⲟ ⲙ̅ⲙⲟ ⲥ ⲛ̅ ϣⲟⲣⲡ̅ · ⲁⲩⲱ ⲟⲛ ⲁ ⲩ ϫⲓⲥⲉ ϩⲛ̅ ⲧ ⲁⲓⲥ ⲑⲏⲥⲓⲥ ⲛ̅ ⲟⲩⲟⲓ̈ⲛ · ⲁⲩⲱ ⲛ̅ ϭⲟⲙ ⲧⲏⲣ ⲟⲩ ⲛ̅ ⲟⲩⲟⲓ̈ⲛ ⲛ̅ⲧⲉ ⲧ ⲥⲟⲫⲓⲁ ·

ⲁ ⲩ ⲥⲟⲩⲛ̅ ⲛⲉⲩ ⲉⲣⲏⲩ ⲉⲃⲟⲗ ϩⲓⲧⲛ̅ ⲧⲁ ⲁ ⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ · ⲁⲩⲱ ⲁ ⲩ ⲛⲟⲩϩⲙ̅ ϩⲓⲧⲙ̅ ⲡ ⲟⲩⲟⲉⲓⲛ ⲛ̅ⲧ ⲁ ⲡⲟϩⲣⲟⲓⲁ ⲉⲧ ⲙ̅ⲙⲁⲩ · ⲁⲩⲱ ⲧⲁⲁⲡⲟϩⲣⲟⲓⲁ ⲛ̅ ⲟⲩ ⲟⲉⲓⲛ ⲛ̅ⲧⲉⲣⲉ ⲥ ϥⲓ ⲛ̅ ⲛ̅ ⲟⲩⲟⲉⲓⲛ ⲛ̅ⲧⲟⲟⲧ ⲟⲩ ⲛ̅ ⲛⲉ ⲡⲣⲟ ⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ⲛⲁⲓ̈ ⲉⲛⲧ ⲁ ⲩ ϥⲓⲧ ⲟⲩ ⲛ̅ⲧⲟ ⲟⲧ ⲥ̅ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲥ ⲛⲟϫ ⲟⲩ ⲉϩⲟⲩⲛ ⲉ ⲧ ⲡⲓⲥ ⲧⲓⲥ ⲥⲟⲫⲓⲁ · ⲁⲩⲱ ⲁ ⲥ ⲕⲟⲧ ⲥ̅ ⲁ ⲥ ⲉⲓ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ :

ⲛⲁⲓ̈ ϭⲉ ⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϫⲱ ⲙ̅ⲙⲟ ⲟⲩ ⲉ ⲙ ⲙⲁⲑⲏⲧⲏⲥ ϫⲉ ⲁ ⲩ ϣⲱⲡⲉ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ϩⲙ̅ ⲡⲉ ⲭⲁⲟⲥ · ⲁ ϥ ⲟⲩⲱϣⲃ̅ ⲡⲉϫⲁ ϥ ⲛⲁ ⲩ ϫⲉ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ .

ⲁ ϥ ⲟⲩⲱϩ ⲇⲉ ⲟⲛ ⲉⲧⲟ ⲟⲧ ϥ̅ ϩⲙ̅ ⲡ ϣⲁϫⲉ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲡⲉ ϫⲁ ϥ ϫⲉ ⲁ ⲥ ϣⲱⲡⲉ ϭⲉ ⲉ ⲙⲡⲁ ϯ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ · ⲉⲃⲟⲗ ϫⲉ ⲙ̅ⲡⲁⲧ ⲟⲩ ⲕⲉⲗⲉⲩⲉ ⲛⲁ ⲓ̈ ϩⲓⲧⲙ̅ ⲡⲁ ⲓ̈ⲱⲧ · ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϭⲱϣⲧ̅ ⲉϩⲟⲩⲛ · ⲧⲟⲧⲉ ϭⲉ ⲙⲛ̅ⲛ̅ⲥⲁ ⲓ̈ ⲛ̅ⲧⲉⲣ ⲟⲩ ⲉⲓⲙⲉ ⲛ̅ ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ϫⲉ ⲁ ⲧⲁⲁⲡⲟϩ ⲣⲟⲓⲁ ⲛ̅ ⲟⲩⲟⲉⲓⲛ ϥⲓ ⲛ̅ ϭⲟⲙ ⲛ̅ ⲟⲩⲟⲉⲓⲛ ⲛ̅ϩⲏⲧ ⲟⲩ ⲛⲁ ⲓ̈ ⲛ̅ⲧ ⲁ ⲩ ϥⲓⲧ ⲟⲩ ϩⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ⲥ ⲛⲟϫ ⲟⲩ ⲉϩⲟⲩⲛ ⲛ̅ϭⲓ ϯⲁⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ · ⲁ ⲥ ⲛⲟϫ ⲟⲩ ⲉ ϩⲟⲩⲛ ⲉ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁⲩⲱ ⲟⲛ ⲁ ⲩ ⲛⲁⲩ ⲉ ⲧ ⲡⲓⲥ ⲧⲓⲥ ⲥⲟⲫⲓⲁ ⲉ ⲥ ⲟ ⲛ̅ ⲟⲩⲟⲓ̈ⲛ ⲛ̅ ⲑ ⲉ ⲉⲛⲉ ⲥⲟ ⲙ̅ⲙⲟ ⲥ ϫⲓⲛ ⲛ̅ ϣⲟⲣⲡ̅ ⲁ ⲩ ϭⲱⲛ̅ⲧ̅ ⲉ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁⲩⲱ ⲟⲛ ⲁ ⲩ ⲱϣ ⲉϩⲣⲁⲓ̈ ⲟⲩⲃⲉ ⲡⲉⲩ ⲁⲩⲑⲁⲧⲏⲥ ⲉ ⲧⲣⲉ ϥ ⲉⲓ̅ ⲛ ϥ̅ⲃⲟ ⲏⲑⲓ ⲉⲣⲟ ⲟⲩ ⲛ̅ ⲥⲉ ϥⲓ ⲛ̅ ⲛ̅ ϭⲟⲙ ⲉⲧ ϩⲛ̅ ⲧ ⲥⲟⲫⲓⲁ ⲛ̅ ⲕⲉ ⲥⲟⲡ ·

ⲁⲩⲱ ⲁ ⲡ ⲁⲩⲑⲁⲇⲏⲥ ⲧⲛ̅ⲛⲟⲟⲩ ⲉⲃⲟⲗ ϩⲙ̅ ⲡ ϫⲓⲥⲉ ϩⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ ⲁ ϥ ⲧⲛ̅ⲛⲟⲟⲩ ⲛ̅ ⲕⲉ ⲛⲟϭ ⲛ̅ ϭⲟⲙ ⲛ̅ ⲟⲩⲟⲉⲓⲛ ⲁ ⲥ ⲉⲓ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲛ̅ ⲑ ⲉ ⲛ̅ ⲟⲩ ⲥⲟⲧⲉ ⲉ ϥ ϩⲏⲗ · ϫⲉ ⲉϥⲉ ⲃⲟⲏⲑⲉⲓ ⲉ ⲛⲉϥ ⲡⲣⲃⲟⲗⲟⲟⲩⲉ ⲛ̅ ⲥⲉ ϥⲓ ⲛ̅ ⲟⲩⲟⲉⲓⲛ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲛ̅ ⲕⲉ ⲥⲟⲡ ·

ⲁⲩⲱ ⲛ̅ⲧⲉⲣⲉ ⲥ ⲉⲓ̅ ⲉ ⲡ ⲉⲥⲏⲧ ⲛ̅ϭⲓ ⲧ ϭⲟⲙ ⲛ̅ ⲟⲩⲟⲉⲓⲛ ⲉⲧ ⲙ̅ⲙⲁⲩ · ⲁ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁ ⲧⲏⲥ ⲛⲁⲓ̈ ⲉⲧ ϣⲟⲟⲡ ϩⲙ̅ ⲡⲉ ⲭⲁⲟⲥ ⲉⲧ ⲑⲗⲓⲃⲉ ⲛ̅ ⲧ ⲡⲓⲥ ⲧⲓⲥ ⲥⲟⲫⲓⲁ ⲁ ⲩ ⲧⲱⲕ ⲛ̅ ϩⲏⲧ ⲉⲙⲁϣⲟ · ⲁⲩⲱ ⲁ ⲩ ⲡⲱⲧ ⲟⲛ ⲛ̅ⲥⲁ ⲧ ⲡⲓⲥⲧⲓⲥ ⲥⲟⲫⲓⲁ ϩⲛ̅ ⲟⲩ ⲛⲟϭ ⲛ̅ ϩⲟⲧⲉ ⲁⲩⲱ ϩⲛ̅ ⲟⲩ ⲛⲟϭ ⲛ̅ ϣⲧⲟⲣⲧⲣ̅ · ⲁⲩⲱ ⲁ ⲩ ⲑⲗⲓⲃⲉ ⲙ̅ⲙⲟ ⲥ ⲛ̅ ϭⲓ ϩⲟⲓ̈ⲛⲉ ϩⲛ̅ ⲡⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ⲟⲩⲁ ⲙⲉⲛ ⲛ̅ϩⲏⲧ ⲟⲩ ⲁ ϥ ϣⲧϥ̅ ⲉ ⲩ ⲙⲟⲣⲫⲏ ⲛ̅ ⲛⲟϭ ⲛ̅ ϩⲟϥ ·

ⲕⲉ ⲩⲁ ⲟⲛ ⲁ ϥ ϣⲃ̅ⲧ ϥ̅ ⲉ ⲩ ⲙⲟⲣⲫⲏ ⲛ̅ ϩⲟϥ ⲛ̅ ⲥⲓⲧⲉⲩ ⲛ̅ ⲥⲁϣϥⲉ ⲛ̅ ⲁⲡⲉ ⲙ̅ⲙⲟ ϥ · ⲕⲉ ⲟⲩⲁ ⲟⲛ ⲁ ϥ ϣⲃ̅ⲧ ϥ̅ ⲉ ⲩ ⲙⲟⲣⲫⲏ ⲛ̅ ⲇⲣⲁⲕⲱⲛ · ⲁⲩⲱ ⲙⲛ̅ ⲧ ⲕⲉ ϣⲟⲣⲡ ⲛ̅ ⲇⲩ ⲛⲁⲙⲓⲥ ⲛ̅ⲧⲉ ⲡ ⲁⲩⲑⲁⲧⲏⲥ ⲉⲧ ⲟ ⲛ̅ ϩⲟ ⲙ̅ ⲙⲟⲩⲓ̈ · ⲁⲩⲱ ⲙⲛ̅ ⲛⲉϥ ⲕⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲉ ⲛⲁϣⲱ ⲟⲩ ⲉⲙⲁ ⲧⲉ · ⲁⲩⲱ ⲁ ⲩ ⲉⲓ̅ ⲉ ϩⲉⲛ ⲛⲉⲩ ⲉⲣⲏⲩ ⲁ ⲩ ϩⲱϫ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲟⲛ ⲁ ⲩ ⲛ̅ⲧ ⲥ̅ ⲉ ⲛ ⲧⲟⲡⲟⲥ ⲉⲧ ⲙ̅ ⲡ ⲉⲥⲏⲧ ⲙ̅ ⲡⲉ ⲭⲁⲟⲥ · ⲁⲩⲱ ⲟⲛ ⲁ ⲩ ϣⲧ̅ⲣⲧⲱⲣ ⲥ̅ ⲉⲙⲁⲧⲉ · ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ϣⲧ̅ⲣⲧⲱⲣ ⲥ̅ · ⲁ ⲥ ⲡⲱⲧ ⲛ̅ⲧⲟⲟⲧ ⲟⲩ ⲁ ⲥ ⲉⲓ̅ ⲉ ⲛ ⲧⲟⲡⲟⲥ ⲉ ⲧⲙ̅ ⲡ ⲥⲁ ⲛ̅ ⲧ ⲡⲉ ⲙ̅ ⲡⲉ ⲭⲁⲟⲥ · ⲁⲩⲱ ⲁ ⲩ ⲡⲱⲧ ⲛ̅ⲥⲱ ⲥ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩ ⲑⲁⲇⲏⲥ · ⲁ ⲩ ϣⲧ̅ⲣⲧⲱⲣ ⲥ̅ ⲉⲙⲁⲧⲉ · ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲁ ϥ ϭⲱϣⲧ̅ ⲉⲃⲟⲗ ϩⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ ⲛ̅ ϭⲓ ⲡ ⲁⲇⲁⲙⲁⲥ ⲡ ⲧⲩⲣⲁⲛⲛⲟⲥ ⲡⲁⲓ̈ ⲟⲛ ⲉ ⲛⲉ ϥ ϭⲟⲛⲧ̅ ⲉ ⲧ ⲡⲓⲥⲧⲓⲥ ⲥⲟⲫⲓⲁ · ⲉⲃⲟⲗ ϫⲉ ⲛⲉ ⲥ ⲟⲩⲉϣ ⲃⲱⲕ ⲉ ⲡ ⲟⲩ ⲟⲉⲓⲛ ⲛ̅ⲧⲉ ⲛⲓ ⲟⲩⲟⲉⲓⲛ · ⲡⲁⲓ̈ ⲉⲛⲉϥ ⲛ̅ ⲧ ⲡⲉ ⲙ̅ⲙⲟ ⲟⲩ ⲧⲏⲣ ⲟⲩ · ⲉⲧⲃⲉ ⲡⲁⲓ̈ ⲛⲉ ϥ ϭⲟⲛⲧ̅ ⲉⲣⲟ ⲥ ⲡⲉ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡⲁⲇⲁⲙⲁⲥ ⲡ ⲧⲩⲣⲁⲛⲛⲟⲥ ⲛ̅ⲧⲉⲣⲉ ϥ ϭⲱϣⲧ̅ ⲉⲃⲟⲗ ϩⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ .

ⲁ ϥ ⲛⲁⲩ ⲉ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ⲉ ⲩ ϩⲱϫ ⲛ̅ ⲧ ⲡⲓⲥⲧⲓⲥ ⲥⲟ ⲫⲓⲁ · ϣⲁⲛⲧ ⲟⲩ ϥⲓ ⲛ̅ ⲟⲩⲟⲉⲓⲛ ⲧⲏⲣ ⲟⲩ ⲛ̅ϩⲏⲧ ⲥ̅ ·

ⲁ ⲥ ϣⲱⲡⲉ ⲇⲉ ⲛ̅ⲧⲉⲣⲉ ⲧ ⲇⲩⲛⲁⲙⲓⲥ ⲙ̅ ⲡ ⲁⲇⲁⲙⲁⲥ ⲉⲓ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲉⲣⲁⲧ ⲟⲩ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩⲑⲁⲇⲏⲥ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡ ⲇⲁⲓⲙⲟⲛⲓⲟⲛ ⲉⲧ ⲙ̅ⲙⲁⲩ ⲉⲓ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲁ ϥ ⲧⲁⲩⲉ ⲧ ⲡⲓⲥ ⲧⲓⲥ ⲥⲟⲫⲓⲁ ⲉ ⲡ ⲉⲥⲏⲧ · ⲁⲩⲱ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ · ⲙⲛ̅ ⲡⲓϩⲁⲛϩⲟϥ · ⲁⲩⲱ ⲙⲛ̅ ⲡⲓϩⲁⲛ̅ⲥⲓⲧ ⲛ̅ ϩⲟϥ · ⲁⲩⲱ ⲙⲛ̅ ⲡⲓ ϩⲁⲛ̅ ⲇⲣⲁⲕⲱⲛ · ⲁⲩⲱ ⲙⲛ̅ ⲛ̅ ⲕⲉ ⲡⲣⲟ ⲃⲟⲗⲟⲟⲩⲉ ⲧⲏⲣ ⲟⲩ ⲛ̅ⲧⲉ ⲡ ⲁⲩⲑⲁⲇⲏⲥ ⲉ ⲛⲁϣⲱ ⲟⲩ ⲉⲙⲁ ⲧⲉ · ⲁ ⲩ ⲕⲱⲧⲉ ⲧⲏⲣ ⲟⲩ ⲉ ⲧ ⲡⲓⲥⲧⲓⲥⲟⲫⲓⲁ ϩⲓ ⲟⲩ ⲥⲟⲡ ·

ⲁ ⲩ ⲟⲩⲉϣ ϥⲓ ⲛⲉ ⲥ ϭⲟⲙ ⲉⲧ ⲛ̅ϩⲏⲧ ⲥ̅ ⲛⲉ ⲕⲉ ⲥⲟⲡ · ⲁⲩⲱ ⲁ ⲩ ϩⲱϫ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲉⲙⲁϣⲟ · ⲁⲩⲱ ⲁ ⲩ ⲁⲡⲓⲗⲉⲓ ⲉⲣⲟ ⲥ ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ϩⲱϫ ⲙ̅ⲙⲟ ⲥ ⲁⲩⲱ ⲛ̅ⲧⲉ ⲣ ⲟⲩ ϣ̅ⲧ̅ⲣ̅ⲧⲱⲣ̅ ⲥ ⲉⲙⲁⲧⲉ ·

ⲁ ⲥ ⲱϣ ⲟⲛ ⲉϩⲣⲁⲓ̈ ⲟⲩⲃⲉ ⲡⲟⲩⲟⲓ̈ⲛ ⲁⲩⲱ ⲁ ⲥ ϩⲩⲙⲛⲉⲩⲉ ⲉ ⲥ ϫⲱ ⲙ̅ⲙⲟ ⲥ ϫⲉ ⲡ ⲟⲩ ⲟⲉⲓⲛ ⲛ̅ⲧⲟⲕ ⲡ ⲉⲛ̅ⲧ ⲁ ⲕ ⲃⲟⲏⲑⲓ ⲉⲣⲟ ⲓ̈ ⲙⲁⲣⲉ ⲡⲉⲕⲟⲩ ⲟⲓ̈ⲛ ⲉⲓ̅ ⲉϩⲣⲁⲓ̈ ⲉϫⲱ ⲓ̈ ϫⲉ ⲛ̅ⲧⲟⲕ ⲡⲉ ⲡⲁⲣⲉϥϣⲟⲡ ⲧ̅ ⲉⲣⲟ ⲕ ⲁⲩⲱ ⲉ ⲓ̈ ⲛⲏⲩ ⲉⲣⲁⲧ ⲕ̅ ⲡ ⲟⲩⲟⲓ̈ⲛ · ⲉ ⲓ̈ ⲡⲓⲥⲧⲉⲩⲉ ⲉⲣⲟ ⲕ ⲡ ⲟⲩⲟⲉⲓⲛ ϫⲉ ⲛ̅ⲧⲟⲕ ⲡⲉ ⲡⲁ ⲣⲉϥ ⲛⲟⲩϩⲙ̅ ⲙ̅ⲙⲟ ⲓ̈ ⲉ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲧⲏⲥ · ⲁⲩⲱ ⲙⲛ̅ ⲡ ⲁ ⲇⲁⲙⲁⲥ ⲡ ⲧⲩⲣⲁⲛⲛⲟⲥ ⲁⲩⲱ ⲛ̅ⲧⲟⲕ ⲡ ⲉⲧ ⲛⲁ ⲛⲁϩⲙⲉ ⲧ ⲉ ⲛⲉϥ ⲁⲡⲓⲗⲏ ⲧⲏⲣ ⲟⲩ ⲉⲧ ⲛⲁϣⲧ̅ .

ⲛⲁⲓ̈ ⲇⲉ ⲛ̅ⲧⲉⲣⲉ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲧⲟⲧⲉ ⲟⲛ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡⲁ ⲓ̈ⲱⲧ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϭⲱϣⲧ̅ ⲉϩⲟⲩⲛ ⲁ ⲓ̈ ϫⲟⲟⲩ ⲟⲛ ⲛ̅ ⲅⲁⲃⲣⲓⲏⲗ · ⲙⲛ̅ ⲙⲓⲭⲁⲏⲗ ⲙⲛ̅ⲧ ⲓ ⲛⲟϭ ⲛ̅ ⲛⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ϫⲉ ⲉⲩⲉ ⲃⲟⲏⲑⲓ ⲉ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ⲓ̈ ϩⲱⲛ ⲉⲧⲟⲟⲧ ϥ̅ ⲛ̅ ⲅⲁⲃⲣⲓⲏⲗ ⲙⲛ̅ ⲙⲓ ⲭⲁⲏⲗ · ϫⲉ ⲉⲩⲉ ϥⲓ ⲧ ⲡⲓⲥⲧⲓⲥ ⲥⲟⲫⲓⲁ ϩⲓϫⲛ̅ ⲛⲉⲩ ϭⲓϫ ϫⲉ ⲛ̅ⲛⲉ ⲛⲉⲥ ⲟⲩⲉⲣⲏⲧⲉ ϫⲓ ⲉ ⲡ ⲕⲁⲕⲉ ⲙ̅ ⲡ ⲉⲥⲏⲧ ·

ⲁⲩⲱ ⲟⲛ ⲁ ⲓ̈ ϩⲱⲛ ⲉⲧⲟⲟⲧ ⲟⲩ ⲉ ⲧⲣⲉ ⲩ ⲣ̅ ϩⲙ̅ⲙⲉ ⲙ̅ⲙⲟ ⲥ ϩⲛ̅ ⲛ̅ ⲧⲟⲡⲟⲥ ⲙ̅ ⲡⲉ ⲭⲁⲟⲥ ⲛⲁⲓ̈ ⲉⲧ ⲟⲩⲛⲁ ⲛ̅ⲧ ⲥ̅ ⲉϩⲣⲁⲓ̈ ⲛ̅ ϩⲏⲧ ⲟⲩ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲛ̅ ⲁⲅⲅⲉⲗⲟⲥ ⲃⲱⲕ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲛ̅ⲧⲟⲟⲩ ⲙⲛ̅ ⲧⲁ ⲡⲟϩⲣⲟⲓⲁ ⲛ̅ ⲟⲩ ⲟⲓ̈ⲛ · ⲁⲩⲱ ⲟⲛ ⲁ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩ ⲑⲁⲇⲏⲥ ⲉ ⲙⲛ̅ⲧⲉ ⲡⲣⲟⲃⲟⲗⲏ ⲙ̅ ⲡ ⲁⲇⲁⲙⲁⲥ · ⲁ ⲩ ⲛⲁⲩ ⲉ ⲧⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ⲉ ⲥ ⲟ̅ ⲛ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ · ⲉ ⲙⲛ̅ ϣⲓ ⲉ ⲡ ⲟⲩⲟⲉⲓⲛ ⲉⲧ ϣⲟⲟⲡ ⲙ̅ⲙⲟ ⲥ ·

ⲁ ⲩ ⲣ̅ ϩⲟⲧⲉ · ⲁⲩⲱ ⲁ ⲩ ⲕⲱ ⲉⲃⲟⲗ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ⲧ ⲛⲟϭ ⲛ̅ⲁⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ ⲁ ⲥ ⲕⲱⲧⲉ ⲉ ⲧ ⲡⲓⲥⲧⲓⲥ ⲥⲟⲫⲓⲁ · ϩⲓ ⲥⲁ ⲛⲓⲙ ⲙ̅ⲙⲟ ⲥ · ϩⲓ ϩⲃⲟⲩⲣ ⲙ̅ ⲙⲟ ⲥ · ⲁⲩⲱ ϩⲓ ⲟⲩⲛⲁⲙ ⲙ̅ⲙⲟ ⲥ · ⲁⲩⲱ ϩⲓ ⲥⲁ ⲛⲓⲙ ⲙ̅ ⲙⲟ ⲥ ⲁⲩⲱ ⲁ ⲥ ⲣ̅ ⲟⲩ ⲕⲗⲟⲙ ⲛ̅ ⲟⲩⲟⲓ̈ⲛ ⲉ ⲧⲉⲥ ⲁⲡⲉ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲧⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ⲕⲱⲧⲉ ⲉ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲥ ⲧⲱⲕ ⲛ̅ ϩⲏⲧ ⲉⲙⲁϣⲟ ⲉⲙⲁϣⲟ · ⲁⲩⲱ ⲙ̅ ⲡ ⲥ̅ⲗⲉⲉⲥ ⲕⲱⲧⲉ ⲉⲣⲟ ⲥ ϩⲓ ⲥⲁ ⲛⲓⲙ ⲙ̅ⲙⲟ ⲥ · ⲁⲩⲱ ⲙ̅ⲡ ⲥ̅ ⲣ̅ ϩⲟⲧⲉ ϩⲏⲧ ⲟⲩ ⲛ̅ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ⲛⲁⲓ̈ ⲉⲧ ϣⲟⲟⲡ ϩⲙ̅ ⲡⲉ ⲭⲁⲟⲥ ·

ⲟⲩⲇⲉ ⲟⲛ ⲙ̅ⲡ ⲥ̅ ⲣ̅ ϩⲟⲧⲉ ϩⲏⲧ ⲥ̅ ⲛ̅ ϯ ⲕⲉ ϭⲟⲙ ⲃ̅ ⲃ̅ⲣ̅ⲣⲉ ⲛ̅ⲧⲉ ⲡ ⲁⲩⲑⲁⲇⲏⲥ ⲧⲁⲓ̈ ⲉⲛⲧ ⲁ ϥ ⲛⲟϫ ⲥ̅ ⲉ ⲡ ⲉⲥⲏⲧ ⲉ ⲡⲉ ⲭⲁ ⲟⲥ · ⲛ̅ ⲑ ⲉ ⲛ̅ ⲟⲩ ⲥⲟⲧⲉ ⲉ ϥ ϩⲏⲗ ·

ⲟⲩⲇⲉ ⲟⲛ ⲙ̅ⲡ ⲥ̅ ⲥⲧⲱⲧ ϩⲏⲧ ⲥ̅ ⲛ̅ ⲧ ϭⲟⲙ ⲛ̅ ⲇⲁⲓⲙⲟⲛⲓⲟⲛ ⲏⲛ̅ⲇⲉ ⲡ ⲁⲇⲁⲙⲁⲥ ⲧⲁⲓ̈ ⲉⲛ̅ⲧ ⲁ ⲥ ⲉⲓ̅ ⲉⲃⲟⲗ ϩⲛ̅ ⲛ ⲁⲓⲱⲛ · ⲁⲩⲱ ⲟⲛ ϩⲓⲧⲛ̅ ⲧⲁ ⲕⲉ ⲗⲉⲩⲥⲓⲥ ⲁⲛⲟⲕ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϭⲱϣⲧ̅ ⲉⲃⲟⲗ · ⲁ ⲥ ⲣ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ ⲛ̅ϭⲓ ⲧⲁⲡⲟϩⲣⲟⲓⲁ ⲛ̅ ⲟⲩⲟⲉⲓⲛ ⲧⲁⲓ̈ ⲉⲛⲧ ⲁ ⲥ ⲕⲱⲧⲉ ⲉ ⲧ ⲡⲓⲥⲧⲓⲥ ⲥⲟⲫⲓⲁ ϩⲓ ⲥⲁ ⲛⲓⲙ ⲙ̅ⲙⲟ ⲥ · ⲁⲩⲱ ⲁ ⲧ ⲡⲓⲥⲧⲓⲥ ⲥⲟⲫⲓⲁ ϭⲱ ⲛ̅ ⲧ ⲙⲏ ⲧⲉ ⲙ̅ ⲡ ⲟⲩⲟⲉⲓⲛ · ⲉⲣⲉ ⲟⲩ ⲛⲟϭ ⲛ̅ ⲟⲩⲟⲉⲓⲛ ϩⲓ ϩⲃⲟⲩⲣ ⲙ̅ⲙⲟ ⲥ ⲁⲩⲱ ϩⲓ ⲟⲩⲛⲁⲙ ⲙ̅ⲙⲟ ⲥ · ⲁⲩⲱ ϩⲓ ⲥⲁ ⲛⲓⲙ ⲙ̅ ⲙⲟ ⲥ · ⲁⲩⲱ ⲉ ϥ ⲟ ⲛ̅ ⲟⲩ ⲕⲗⲟⲙ ⲉ ⲧⲉⲥ ⲁⲡⲉ · ⲁⲩⲱ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩⲑⲁⲇⲏⲥ ⲙ̅ ⲡⲟⲩ ϣⲓⲃⲉ ⲟⲛ ⲙ̅ ⲡⲉⲩ ϩⲟ ⲟⲩⲇⲉ ⲙ̅ⲡ ⲟⲩ ⲉϣ ⲧⲱⲟⲩⲛ ϩⲁ ⲑ ⲟⲣⲙⲏ ⲙ̅ ⲡ ⲛⲟϭ ⲛ̅ ⲟⲩⲟⲉⲓⲛ ⲛ̅ ⲧⲁ ⲡⲟϩⲣⲟⲓⲁ · ⲧⲁⲓ̈ ⲉⲧ ⲟ ⲛ̅ ⲟⲩ ⲕⲗⲟⲙ ⲉ ⲧⲉⲥ ⲁⲡⲉ · ⲁⲩⲱ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩⲑⲁⲇⲏⲥ ⲁ ⲩ ⲙⲏⲏϣⲉ ⲛ̅ϩⲏⲧ ⲟⲩ ϩⲉ ϩⲓ ⲟⲩⲛⲁⲙ ⲙ̅ⲙⲟ ⲥ ⲉⲃⲟⲗ ϫⲉ ⲛⲉ ⲥ ⲟ̅ ⲛ̅ ⲟⲩⲟⲉⲓⲛ ⲡⲉ ⲉⲙⲁϣⲟ ⲉⲙⲁ ϣⲟ · ⲁⲩⲱ ⲁ ϩⲉⲛ ⲕⲉ ⲙⲏⲏϣⲉ ϩⲉ ϩⲓ ϩⲃⲟⲩⲣ ⲙ̅ⲙⲟ ⲥ · ⲁⲩⲱ ⲛⲉ ⲙ̅ⲡ ⲟⲩⲉϣ ϩⲱⲛ ⲉϩⲟⲩⲛ ⲉ ⲧ ⲡⲓⲥⲧⲓⲥ ⲥⲟⲫⲓⲁ · ⲉ ⲡ ⲧⲏⲣ ϥ̅ · ⲉⲃⲟⲗ ⲙ̅ ⲡ ⲛⲟϭ ⲛ̅ ⲟⲩⲟⲓ̈ⲛ · ⲡⲗⲏⲛ ⲁ ⲩ ϩⲉ ⲧⲏⲣ ⲟⲩ ⲉϫⲛ̅ ⲛⲉⲩ ⲉⲣⲏⲩ · ⲏ ⲁ ⲩ ⲉⲓ̅ ⲧⲏⲣ ⲟⲩ ⲉ ⲧ ⲟⲩⲛ̅ ⲛⲉⲩ ⲉⲣⲏⲩ · ⲁⲩⲱ ⲡⲟⲩ ϣⲣ̅ⲗⲁⲁⲩ ⲙ̅ ⲡ ⲉⲑ ⲟⲟⲩ ⲛ̅ ⲧ ⲡⲓⲥ ⲧⲓⲥ ⲥⲟⲫⲓⲁ · ⲉⲃⲟⲗ ϫⲉ ⲛⲉ ⲥ ⲛⲁϩⲧⲉ ⲡⲉ ⲉ ⲡ ⲟⲩⲟⲉⲓⲛ · ⲁⲩⲱ ⲉⲃⲟⲗ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡⲁ ⲓ̈ⲱⲧ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉⲧ ϭⲱϣⲧ̅ ⲉϩⲟⲩⲛ · ⲁⲛⲟⲕ ϩⲱ ⲁ ⲓ̈ ⲉⲓ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ⲉ ⲓ̈ ⲟ ⲛ̅ ⲟⲩⲟⲉⲓⲛ ⲉⲙⲁϣⲟ · ⲉⲙⲁ ϣⲟ · ⲁ ⲓ̈ ϯ ⲡⲁ ⲟⲩⲟⲓ̈ ⲉ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲧⲁⲓ̈ ⲉ ⲥ ⲟ ⲛ̅ ⲟⲩⲟⲉⲓⲛ ⲉⲙⲁϣⲟ ⲁⲩⲱ ⲁ ⲓ̈ϥⲓ ⲡⲉⲥⲟⲩⲟⲩⲟⲓ̈ⲛ ⲧⲏⲣ ϥ̅ ⲉⲧ ⲛ̅ϩⲏⲧ ⲥ̅ ·

ⲁⲩⲱ ⲁ ⲓ̈ ⲕⲁⲧⲉⲭⲉ ⲉ ⲛⲉ ⲡⲣⲟⲃⲟ ⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩⲑⲁⲇⲏⲥ ⲉ ⲧⲙ̅ ⲧⲣⲉ ⲩ ⲃⲱⲕ ⲉ ⲡⲉⲩ ⲧⲟⲡⲟⲥ ϫⲓⲛ ⲙ̅ ⲡⲉⲓ̈ ⲛⲁⲩ · ⲉⲧⲉ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲡⲉ ⲛ̅ ⲁⲓⲱⲛ · ⲁ ⲩ ⲁⲩⲱ ⲁ ⲓ̈ ϥⲓ ⲧ ϭⲟⲙ ϩⲛ̅ ⲛⲉ ⲡⲣⲟⲃⲟ ⲗⲟⲟⲩⲉ ⲧⲏⲣ ⲟⲩ ⲙ̅ ⲡ ⲁⲩⲑⲁⲇⲏⲥ · ⲁⲩⲱ ⲁ ⲩ ϩⲉ ⲧⲏⲣ ⲟⲩ ϩⲙ̅ ⲡⲉ ⲭⲁⲟⲥ ⲉ ⲩ ⲟ ⲛ̅ ⲁⲧ ϭⲟⲙ · ⲁⲩⲱ ⲁ ⲓ̈ⲛ̅ⲧ ⲡⲓⲥⲧⲓⲥ ⲥⲟⲫⲓⲁ ⲉⲃⲟⲗ ⲉ ⲥ ϩⲓ ⲟⲩⲛⲁⲙ ⲛ̅ ⲅⲁⲃⲣⲓⲏⲗ · ⲙⲛ̅ ⲙⲓ ⲭⲁⲏⲗ · ⲁⲩⲱ ϯ ⲛⲟϭ ⲛ̅ⲁⲡⲟϩⲣⲟⲓⲁ ⲛ̅ ⲟⲩⲟⲓ̈ⲛ ⲁ ⲥ ⲃⲱⲕ ⲟⲛ ⲉϩⲟⲩⲛ ⲉⲣⲟ ⲟⲩ · ⲁⲩⲱ ⲁ ⲥ ⲙⲉϩ ⲉⲓⲁⲧ ⲥ̅ ⲛ̅ ⲛⲉⲥ ϫⲁϫⲉ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ϫⲉ ⲁ ⲓ̈ ϥⲓ ⲧⲉⲩ ϭⲟⲙ ⲛ̅ ⲟⲩⲟⲓ̈ⲛ ⲛ̅ϩⲏⲧ ⲟⲩ · ⲁⲩⲱ ⲁ ⲓ̈ⲛ̅ⲧ ⲡⲓⲥⲧⲓⲥ ⲥⲟⲫⲓⲁ ⲉⲃⲟⲗ ϩⲙ̅ ⲡⲉ ⲭⲁⲟⲥ · ⲉ ⲁ ⲥ ϩⲱⲙ ⲉϩⲣⲁⲓ̈ ⲉϫⲛ̅ ⲧⲉ ⲡⲣⲟ ⲃⲟⲗⲏ ⲙ̅ ⲡ ⲁⲩⲑⲁⲇⲏⲥ ϯ ϩⲟ ⲛ̅ ϩⲟϥ ⲁⲩⲱ ⲟⲛ ⲛⲉⲥ ϩⲱⲙⲉ ⲉϫⲛ̅ ⲧⲉ ⲡⲣⲟⲃⲟⲗⲏ ⲛ̅ ⲥⲓⲧ ⲛ̅ ϩⲟϥ ⲉⲣⲉ ⲥⲁϣ ϥⲉ ⲛ̅ ⲁⲡⲉ ⲉⲣⲟ ϥ · ⲁⲩⲱ ⲉ ⲥ ϩⲱⲙⲉ ⲉϫⲛ̅ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ · ⲙⲛ̅ ϯ ϩⲟ ⲛ̅ ⲇⲣⲁⲕⲱⲛ ·

ⲁ ⲓ̈ ⲧⲣⲉ ⲧ ⲡⲓⲥ ⲧⲓⲥ ⲥⲟⲫⲓⲁ ϭⲱ ⲉ ⲥ ⲁϩⲉ ⲣⲁⲧ ⲥ̅ ⲉϫⲛ̅ ⲧⲉ ⲡⲣⲟⲃⲟⲗⲏ ⲙ̅ ⲡ ⲁⲩⲑⲁⲇⲏⲥ ⲧⲁⲓ̈ ⲉⲧ ⲟ ⲛ̅ ϩⲁ ⲛ̅ ⲥⲓⲧ ⲛ̅ ϩⲟϥ ⲉⲣⲉ ⲥⲁϣ ϥⲉ ⲛ̅ ⲁⲡⲉ ⲙ̅ⲙⲟ ϥ ⲛ̅ⲧⲟⲥ ⲇⲉ ⲛⲉ ⲥ ϫⲟⲟⲣ ⲉⲣⲟ ⲟⲩ ⲧⲏ ⲣ ⲟⲩ ϩⲛ̅ ⲛⲉⲥ ⲡ ⲉⲑ ⲟⲟⲩ · ⲁⲩⲱ ⲁⲛⲟⲕ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲁ ⲓ̈ ⲁϩⲉ ⲣⲁⲧ ϩⲓϫⲱ ⲥ · ⲁⲩⲱ ⲁ ⲓ̈ ϥⲓ ⲛ̅ ⲛ̅ ϭⲟⲙ ⲧⲏⲣ ⲟⲩ ⲉⲧ ⲛ̅ϩⲏⲧ ⲥ̅ · ⲁⲩⲱ ⲁ ⲓ̈ ⲧⲁⲕⲉ ⲧⲉⲥ ϩⲩⲗⲏ ⲧⲏⲣ ⲥ̅ ϫⲉ ⲛ̅ ⲛⲉ ⲥⲡⲉⲣⲙⲁ ⲛ̅ϩⲏⲧ ⲥ̅ ⲧⲱⲟⲩⲛ ϫⲓⲛ ⲙ̅ ⲡⲉⲓ̈ ⲛⲁⲩ :

ⲛⲁⲓ̈ ⲇⲉ ⲉⲣⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ϫⲱ ⲙ̅ⲙⲟ ⲟⲩ ⲉ ⲙ̅ ⲙⲁⲑⲏⲧⲏⲥ · ⲁ ϥ ⲟⲩⲱϣⲃ̅ ⲉ ϥ ϫⲱ ⲙ̅ⲙⲟ ⲥ ϫⲉ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ ·

ⲁ ϥ ⲉⲓ̅ ⲉ ⲑ ⲏ ⲛ̅ϭⲓ ⲓ̈ⲁⲕⲕⲱⲃⲟⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ ⲉⲧⲃⲉ ⲡ ⲃⲱⲗ ϭⲉ ⲛ̅ ⲛ̅ ϣⲁϫⲉ ⲉⲛⲧ ⲁ ⲕ ϫⲟⲟⲩ ·

ⲁ ⲥ ⲡⲣⲟⲫⲏⲧⲉⲩⲉ ϩⲁⲣⲟ ⲟⲩ ⲙ̅ ⲡⲓ ⲟⲩⲟⲓ̈ϣ ⲛ̅ϭⲓ ⲧⲉⲕ ϭⲟⲙ ⲛ̅ ⲟⲩⲟⲓ̈ⲛ ϩⲓⲧⲛ ⲇⲁⲩⲉⲓⲇ · ϩⲙ̅ ⲡ ⲙⲉϩ ⲡⲥ̅ ⲧⲁⲓ̈ⲟⲩ ⲙ̅ ⲯⲁⲗⲙⲟⲥ ϫⲉ ⲡ ⲉⲧ ⲟⲩⲏϩ ϩⲁ ⲧ ⲃⲟⲏⲑⲓⲁ ⲙ̅ ⲡ ⲉⲧ ϫⲟⲥⲉ ϥ ⲛⲁ ϣⲱⲡⲉ ϩⲁ ⲑ ⲁⲓ̈ⲃⲉⲥ ⲙ̅ ⲡ ⲛⲟⲩⲧⲉ ⲛ̅ ⲧ ⲡⲉ · ϥ ⲛⲁ ϫⲟⲟ ⲥ ⲙ̅ ⲡ ϫⲟⲉⲓⲥ ϫⲉ ⲛ̅ⲧⲟⲕ ⲡⲉ ⲡⲁⲣⲉϥϣⲟⲡ ⲧ̅ ⲉ ⲣⲟ ⲕ · ⲁⲩⲱ ⲡⲁ ⲙⲁ ⲙ̅ ⲡⲱⲧ ⲡⲁ ⲛⲟⲩⲧⲉ ⲉ ⲓ̈ ⲛⲁϩⲧⲉ ⲉ ⲣⲟ ϥ · ϫⲉ ⲛ̅ⲧⲟϥ ⲡ ⲉⲧ ⲛⲁ ⲧⲟⲩϫⲟ ⲓ̈ ⲉ ⲧ ϭⲟⲣϭⲥ̅ ⲛ̅ ⲛ̅ ϭⲉⲣⲏϭ . ⲁⲩⲱ ⲉ ⲩ ϣⲁϫⲉ ⲉ ϥ ⲛⲁϣⲧ̅ · ϥ ⲛⲁ ⲣ̅ϩⲁⲓ̈ⲃⲉⲥ ⲉⲣⲟ ⲕ ϩⲁ ⲧⲉⲕ ⲙⲉⲥ̅ⲧⲛ̅ϩⲏⲧ ⲁⲩⲱ ⲕ ⲛⲁ ⲛⲁϩⲧⲉ ϩⲁ ⲛⲉϥ ⲧⲛ̅ϩ ·

ⲧⲉϥ ⲙⲉ ⲛⲁ ⲕⲱⲧⲉ ⲉⲣⲟ ⲕ ⲛ̅ ⲑ ⲉ ⲛ̅ ⲟⲩ ϩⲟⲡⲗⲟⲛ ⲛ̅ ⲅ ⲛⲁ ⲣ̅ ϩⲟⲧⲉ ⲁⲛ ϩⲏⲧ ⲥ̅ ⲛ̅ ⲟⲩ ϩⲟⲧⲉ ⲛ̅ ϭⲱⲣϩ̅ · ⲁⲩⲱ ϩⲏⲧ ϥ̅ ⲛ̅ ⲟⲩ ⲥⲟⲧⲉ ⲉ ϥ ϩⲏⲗ ⲙ̅ ⲡⲉ ϩⲟⲟⲩ · ϩⲏⲧ ϥ̅ ⲛ̅ ⲟⲩ ϩⲱⲃ · ⲉ ϥ ⲙⲟⲟϣⲉ ϩⲙ̅ ⲡ ⲕⲁⲕⲉ · ⲉⲃⲟⲗ ϩⲛ̅ ⲟⲩ ϩⲧⲟⲡ ⲛ̅ ⲇⲁⲓⲙⲟⲛⲓⲟⲛ ⲙ̅ ⲡ ⲛⲟⲩ ⲙ̅ ⲙⲉⲉⲣⲉ · ⲟⲩⲛ̅ ϣⲟ ⲛⲁϩⲉ ϩⲓ