Ⲍ ⲛⲁ ⲓ̈ ϭⲉ ⲛ̅ⲧⲉⲣⲉ ϥ ϫⲟⲟ ⲩ ⲛ̅ϭⲓ ⲓ̈ⲁⲕⲕⲱⲃⲟⲥ ⲡⲉ ϫⲁ ϥ ⲛ̅ϭⲓ ⲓ̅ⲥ̅ ϫⲉ ⲉⲩⲅⲉ ⲕⲁⲗⲱⲥ ⲓ̈ⲁⲕⲕⲱⲃⲟⲥ ⲡⲁⲓ̈ ⲡⲉ ⲡ ⲃⲱⲗ ⲛ̅ ⲧ ⲙⲉϩ ⲯⲓⲧⲉ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟ ⲫⲓⲁ ·

ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲧ ⲉ ⲧ ⲛⲁ ⲣ̅ ϣⲟⲣⲡ̅ ⲉϩⲟⲩⲛ ⲉ ⲧ ⲙ̅ⲛⲧ ⲉⲣⲟ ⲛ̅ ⲙ̅ ⲡⲏⲩⲉ ϩⲁ ⲑ ⲏ ⲛ̅ ⲛ ⲁϩⲟⲣⲁⲧⲟⲥ ⲧⲏⲣ ⲟⲩ ⲙⲛ̅ ⲛ̅ ⲛⲟⲩⲧⲉ ⲧⲏⲣ ⲟⲩ · ⲙ̇ⲛ̅̇ ⲛ̅̇ ⲛ̇ⲟ̇ⲩ̇ⲧ̇ⲉ̇ ⲧ̇ⲏ̇ⲣ̇ ⲟ̇ⲩ̇ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ · ⲛⲁⲓ̈ ⲉⲧ ϣⲟⲟⲡ ϩⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ ⲁⲓⲱⲛ · ⲁⲩⲱ ϩⲙ̅ ⲡ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ ·

ⲛ̅ⲧⲱⲧⲛ̅ ⲇⲉ ⲁⲛ ⲙⲁⲩ ⲁⲧ ⲧⲏⲩⲧⲛ̅ ⲁⲗⲗⲁ ⲟⲩⲟⲛ ⲛⲓⲙ ⲟⲛ ⲉⲧ ⲛⲁ ⲣ̅ ⲛⲁ ⲙⲩⲥ ⲧⲏⲣⲓⲟⲛ :

ⲛⲁⲓ̈ ⲇⲉ ⲛ̅ⲧⲉⲣⲉ ϥ ϫⲟⲟ ⲩ ⲡⲉϫⲁ ϥ ⲛⲁ ⲩ ϫⲉ ⲧⲉⲧⲛ̅ ⲛⲟⲉⲓ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ : ⲁ ⲥ ϥⲟϭ ⲥ̅ ⲟⲛ ⲉⲃⲟⲗ ⲛ̅ϭⲓ ⲙⲁⲣⲓϩⲁⲙ ·

ⲡⲉϫⲁ ⲥ ϫⲉ ⲥⲉ ⲡ ϫⲟ ⲉⲓⲥ · ⲡⲁⲓ̈ ⲡⲉ ⲉⲛⲧ ⲁ ⲕ ϫⲟⲟ ϥ ⲛⲁ ⲛ ⲙ̅ ⲡⲓ ⲟⲩⲟⲓ̈ϣ ϫⲉ ⲛ̅ ϩⲁⲉⲉⲩ ⲛⲁ ⲣ̅ ϣⲟⲣⲡ̅ · ⲁⲩⲱ ⲛ̅ⲧⲉ ⲛ̅ ϣⲟⲣⲡ̅ ⲣ̅ ϩⲁⲉ · ⲛ̅ ϣⲟⲣⲡ̅ ϭⲉ ⲉⲛⲧ ⲁ ⲩ ⲧⲁⲙⲓⲟ ⲟⲩ ϩⲁⲧⲛ̅ⲉ ϩⲏ : ⲛⲉⲛ ⲁϩⲟⲣⲁⲧⲟⲥ ·

ⲉⲡⲉⲓⲇⲏ ⲛ̅ⲧⲟⲟⲩ ⲡⲉ ⲉⲛⲧ ⲁ ⲩ ϣⲱⲡⲉ ϩⲁ ⲑ ⲏ ⲛ̅ ⲧ ⲙ̅ⲛ̅ⲧ̅ ⲣⲱⲙⲉ ⲛ̅ⲧⲟⲟⲩ ⲙⲛ̅ ⲛ̅ ⲛⲟⲩⲧⲉ ⲙⲛ̅ ⲛ̅ ⲁⲣ ⲭⲱⲛ ⲁⲩⲱ ⲛ̅ ⲣⲱⲙⲉ ⲉⲧ ⲛⲁ ϫⲓ ⲙⲩⲥⲧⲏⲣⲓⲟⲛ ⲥⲉ ⲛⲁ ⲣ̅ ϣⲟⲣⲡ̅ ⲉⲣⲟ ⲟⲩ ⲉϩⲟⲩⲛ ⲉ ⲧ ⲙ̅ⲛ̅ⲧ̅ ⲉⲣⲟ ⲛ̅ ⲙ̅ ⲡⲏⲩⲉ .

ⲡⲉϫⲁ ϥ ⲛⲁ ⲥ ⲛ̅ϭⲓ ⲓ̅ⲥ̅ ϫⲉ ⲉⲩⲅⲉ ⲙⲁⲣⲓϩⲁⲙ · ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ · ϫⲉ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲥ ⲧⲁⲩⲉ ⲧ ⲙⲉϩ ⲯⲓⲧⲉ ⲙ̅ ⲙⲉⲧⲁⲛⲟⲓⲁ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲥ ϩⲱϫ ⲟⲛ ⲙ̅ⲙⲟ ⲥ ⲛ̅ϭⲓ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ · ⲉ ⲥ ⲟⲩⲉϣ ϥⲓ ϭⲟⲙ ⲛⲓⲙ ⲛ̅ϩⲏⲧ ⲥ̅ ·

ⲁ ⲥ ⲱϣ ⲟⲛ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ⲉ ⲥ ϫⲱ ⲙ̅ⲙⲟ ⲥ ϫⲉ ⲡ ⲟⲩⲟⲓ̈ⲛ ⲉⲛⲧ ⲁ ⲓ̈ ⲡⲓⲥⲧⲉⲩⲉ ⲉⲣⲟ ϥ ϫⲓⲛ ⲛ̅ ϣⲟⲣⲡ̅ ⲉⲛⲧ ⲁ ⲓ̈ ϣⲉⲡ ⲛⲉⲓ̈ ⲛⲟϭ ⲛ̅ ϩⲓⲥⲉ ⲉⲧⲃⲏⲏⲧ ⲕ̅ ⲃⲟⲏⲑⲓ ⲉⲣⲟ ⲓ̈ · ⲁⲩⲱ ⲁ ⲩ ϫⲓ ⲛ̅ⲧⲟⲟⲧ ⲥ̅ ⲛ̅ ⲧⲉⲥ ⲙⲉⲧⲁⲛⲟⲓⲁ ⲛ̅ ⲧⲉ ⲩⲛⲟⲩ ⲉⲧ ⲙ̅ⲙⲁⲩ ·

ⲁ ϥ ⲥⲱⲧⲙ̅ ⲉⲣⲟ ⲥ ⲛ̅ϭⲓ ⲡⲓ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ · ⲁⲩⲱ ⲁ ⲩ ⲧⲛ̅ⲛⲟⲟⲩ ⲧ ϩⲓⲧⲛ̅ ⲧⲉϥ ⲕⲉⲗⲉⲩⲥⲓⲥ ⲁ ⲓ̈ ⲉⲓ̅ ⲉ ⲃⲟⲏⲑⲓ ⲉⲣⲟ ⲥ · ⲁ ⲓ̈ ⲛ̅ⲧ ⲥ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ . ϫⲉ ⲁ ⲥ ⲙⲉⲧⲁⲛⲟⲓ̈ · ⲁⲩⲱ ⲟⲛ ⲉⲃⲟⲗ ϫⲉ ⲁ ⲥ ⲡⲓⲥⲧⲉⲩⲉ ⲉ ⲡ ⲟⲩ ⲟⲉⲓⲛ . ⲁ ⲥ ϣⲉⲡ ⲛⲉⲓ̈ ⲛⲟϭ ⲛ̅ ϩⲓⲥⲉ · ⲙⲛ̅ ⲛⲉⲓ̈ ⲛⲟϭ ⲛ̅ ϭⲓ ⲛ ⲇⲩⲛⲟⲥ · ⲁ ⲩ ⲣ̅ ϩⲁⲗ ⲙ̅ⲙⲟ ⲥ ϩⲓⲧⲙ̅ ⲡⲓ ⲁⲩⲑⲁⲇⲏⲥ ⲛ̅ ⲛⲟⲩⲧⲉ · ⲁⲩⲱ ⲙ̅ⲡ ⲟⲩ ⲣ̅ ϩⲁⲗ ⲙ̅ⲙⲟ ⲥ ϩⲓⲧⲛ̅ ⲗⲁⲁⲩ ⲛ̅ ϩⲱⲃ ⲉⲓⲙⲏⲧⲓ ϩⲓⲧⲛ̅ ⲟⲩ ⲇⲩⲛⲁⲙⲓⲥ ⲛ̅ ⲟⲩⲟⲓ̈ⲛ ⲉⲧⲃⲉ ⲡ ⲉⲓⲛⲉ ⲙ̅ ⲡ ⲟⲩⲟⲉⲓⲛ ⲛ̅ⲧ ⲁ ⲥ ⲡⲓⲥⲧⲉⲩⲉ ⲉⲣⲟ ϥ · ⲉⲧⲃⲉ ⲡⲁⲓ̈ ϭⲉ ⲁ ⲩ ⲧⲛ̅ⲛⲟⲟⲩ ⲧ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲉ ⲧⲣ ⲁ ⲃⲟⲏⲑⲓ ⲉⲣⲟ ⲥ ϩⲛ̅ ⲟⲩ ⲡ ⲉⲑ ⲏⲡ ·

ⲛ̅ ⲛⲉ ⲙ̅ⲡⲁϯⲉⲓ̅ ⲇⲉ ⲡⲉ ⲉ ⲡ ⲧⲟⲡⲟⲥ ⲛ̅ ⲛ ⲁⲓⲱⲛ ⲉ ⲡ ⲧⲏⲣ ϥ̅ · ⲁⲗⲗⲁ ⲁ ⲓ̈ ⲉⲓ̅ ⲉⲃⲟⲗ ϩⲛ̅ ⲧⲉⲩ ⲙⲏⲧⲉ ⲧⲏⲣ ⲟⲩ ⲉ ⲙⲡⲉ ⲗⲁⲁⲩ ⲛ̅ ϭⲟⲙ ⲉⲓⲙⲉ · ⲟⲩⲧⲉ ⲛⲁ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲡ ⲥⲁ ⲛ ϩⲟⲩⲛ · ⲟⲩⲧⲉ ⲛⲁ ⲡ ⲥⲁ ⲃ̅ ⲃⲟⲗ ⲛ̅ⲧⲉ ⲡ ⲥⲁ ⲛ̅ ⲃⲟⲗ · ⲉⲓⲙⲏⲧⲓ ⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲙ̅ⲙⲁⲧⲉ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲓ ⲉⲓ̅ ⲉ ⲡⲉ ⲭⲁⲟⲥ ⲉ ⲃⲟⲏⲑⲓ ⲉⲣⲟ ⲥ . ⲁ ⲥ ⲛⲁⲩ ⲉⲣⲟ ⲓ̈ ⲉ ⲓ̈ ⲟ ⲛ̅ ⲛⲟⲉⲣⲟⲥ · ⲁⲩⲱ ⲉ ⲓ̈ ⲟ ⲛ̅ ⲟⲩⲟⲉⲓⲛ ⲉⲙⲁϣⲟ . ⲉ ⲓ̈ ϣⲟⲟⲡ ϩⲛ̅ ⲟⲩ ⲙ̅ⲛ̅ⲧ̅ ⲛⲁⲏⲧ ⲉϩⲟⲩⲛ ⲉⲣⲟ ⲥ ·

ⲛⲉ ⲓ̈ ⲟ ⲅⲁⲣ ⲁⲛ ⲡⲉ ⲛ̅ ⲁⲩⲑⲁⲇⲏⲥ ⲛ̅ ⲑ ⲉ ⲛ̅ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲧⲁⲓ̈ ⲉⲛⲧ ⲁ ⲥ ϥⲓⲧ ϭⲟⲙ ⲛ̅ ⲟⲩⲟⲓ̈ⲛ ϩⲛ̅ ⲧ ⲥⲟⲫⲓⲁ · ⲁⲩⲱ ⲟⲛ ⲧⲁⲓ̈ ⲉⲧ ϩⲱϫ ⲙ̅ⲙⲟ ⲥ ⲉ ϥ ⲓ ⲡ ⲟⲩⲟⲉⲓⲛ ⲧⲏⲣ ϥ̅ ⲉⲧ ⲛ̅ϩⲏⲧ ⲥ̅ · ⲁ ⲥ ⲛⲁⲩ ϭⲉ ⲉⲣⲟ ⲓ̈ ⲉ ⲓ̈ ⲟ ⲛ̅ ⲟⲩⲟⲓ̈ⲛ ⲛ̅ϭⲓ ⲧ ⲥⲟⲫⲓⲁ ⲛ̅ ϩⲟⲩⲟ ⲉ ϯ ⲇⲩⲛⲁⲙⲓⲥ ⲛ̅ ϩⲟ ⲙ̅ ⲙⲟⲩⲓ̈ ⲛ̅ ⲟⲩ ⲏⲡⲉ ⲛ̅ ⲧⲃⲁ ⲛ̅ ⲕⲱⲃ ⲛ̅ ⲥⲟⲡ · ⲁⲩⲱ ⲉ ⲓ̈ ϣⲟⲟⲡ ϩⲛ̅ ⲟⲩ ⲙ̅ⲛ̅ⲧ̅ ⲛⲁⲏⲧ ⲉϩⲟⲩⲛ ⲉⲣⲟ ⲥ · ⲁⲩⲱ ⲁ ⲥ ⲉⲓⲙⲉ ϫⲉ ⲁⲛⲅ̅ ⲟⲩ ⲉⲃⲟⲗ ϩⲙ̅ ⲡ ϫⲓⲥⲉ ⲛ̅ ⲛ̅ ϫⲓⲥⲉ · ⲡⲁⲓ ⲉⲛⲧ ⲁ ⲥ ⲡⲓⲥⲧⲉⲩⲉ ⲉ ⲡⲉϥ ⲟⲩⲟⲓ̈ⲛ ϫⲓⲛ ⲛ̅ ϣⲟⲣⲡ̅ · ⲁ ⲥ ⲧⲱⲕ ϭⲉ ⲛ̅ ϩⲏⲧ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ⲥ ϫⲱ ⲛ̅ ⲧ ⲙⲉϩ ⲙⲏⲧⲉ ⲙ̅ ⲙⲉⲧⲁⲛⲟⲓⲁ ⲉ ⲥ ϫⲱ ⲙ̅ⲙⲟ ⲥ ϫⲉ ⲁ ⲓ̈ ⲱϣ ⲉϩⲣⲁⲓ̈ ⲉⲣⲟ ⲕ ⲡ ⲟⲩⲟⲉⲓⲛ ⲛ̅ⲧⲉ ⲛⲓ ⲟⲩⲟⲉⲓⲛ ϩⲙ̅ ⲡ ⲧⲣⲉⲓ̈ ϩⲱϣ ⲁ ⲕ ⲥⲱⲧⲙ̅ ⲉⲣⲟ ⲓ̈ ⲡ ⲟⲩⲟⲉⲓⲛ ⲛⲟⲩϩⲙ̅ ⲛ̅ ⲧⲁ ϭⲟⲙ ⲉⲃⲟⲗ ϩⲛ̅ ϩⲉⲛ ⲥⲡⲟⲧⲟⲩ ⲛ̅ ϫⲓ ⲛ ϭⲟⲛⲥ̅ · ⲁⲩⲱ ⲛ̅ⲁⲛⲁⲙⲟⲥ · ⲁⲩⲱ ⲉⲃⲟⲗ ϩⲛ̅ ϩⲉⲛ ϭⲟⲣϭⲥ̅ ⲛ̅ ⲕⲣⲟϥ · ⲡ ⲟⲩⲟⲉⲓⲛ ⲉⲧ ⲟⲩ ⲛⲁ ϥⲓⲧ ϥ̅ ⲛ̅ ϩⲏⲧ . ϩⲛ̅ ⲟⲩ ϭⲟⲣϭⲥ̅ ⲛ̅ ⲕⲣⲟϥ ·

ⲛⲉ ⲩ ⲛⲁ ⲛ̅ⲧϥ̅ ⲛⲁ ⲕ ⲁⲛ . ⲛ̅ ϭⲟⲣϭⲥ̅ ϭⲁⲣ ⲙ̅ ⲡ ⲁⲩⲑⲁⲇⲏⲥ ⲥⲏⲣ ⲉⲃⲟⲗ · ⲁⲩⲱ ⲙⲛ̅ ⲛ̅ ϩⲁϭⲉ ⲛ̅ⲧⲉ ⲡⲓ ⲁⲧ ⲛⲁ̅ .

ⲟⲩⲟⲓ̈ ⲛⲁ ⲓ̈ ⲁⲛⲟⲕ ϫⲉ ⲁ ⲡⲁ ⲙⲁ ⲛ̅ ϣⲱⲡⲉ ⲟⲩⲉ · ⲁⲩⲱ ⲁ ⲓ̈ ϣⲱⲡⲉ ϩⲛ̅ ⲙ̅ ⲙⲁ ⲛ̅ ϣⲱⲡⲉ ⲛ̅ⲧⲉ ⲡⲉ ⲭⲁⲟⲥ · ⲁ ⲧⲁ ϭⲟⲙ ϣⲱⲡⲉ ϩⲛ̅ ϩⲉⲛ ⲧⲟⲡⲟⲥ ⲉⲛ ⲛ ⲟⲩⲓ̈ ⲁⲛ ⲛⲉ · ⲁⲩⲱ ⲁ ⲓ̈ ⲕⲱⲣϣ̅ ⲉ ⲛⲓ ⲁⲧ ⲛⲁ̅ ⲉⲧ ⲙ̅ⲙⲁⲩ · ⲁⲩⲱ ⲉⲓ̈ϣⲁⲛ ⲕⲱⲣϣ̅ ⲉⲣⲟ ⲟⲩ ϣⲁ ⲩ ϯ ⲟⲩⲃⲏⲓ̈ ⲉ ⲡ ϫⲓⲛ ϫⲏ ·

ⲛⲁⲓ̈ ϭⲉ ⲛ̅ⲧⲉⲣⲉ ⲓ̅ⲥ̅ ϫⲟⲟ ⲩ ⲉ ⲛⲉϥ ⲙⲁⲑⲏⲧⲏⲥ ⲡⲉ ϫⲁ ϥ ⲛⲁ ⲩ ϭⲉ ⲧⲉ ⲛ ⲟⲩ ϭⲉ ⲡ ⲉⲧⲉⲣⲉ ⲡⲉϥ ⲡ ⲛ̅ⲁ̅ ⲕⲓⲙ ⲉⲣⲟ ϥ ⲙⲁⲣⲉ ϥ ⲉⲓ̅ ⲉ ⲑ ⲏ · ⲛ ϥ̅ ϫⲱ ⲙ̅ ⲡ ⲃⲱⲗ ⲛ̅ ⲧ ⲙⲉϩ ⲙⲏⲧⲉ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ϥ ⲟⲩⲱϣⲃ̅ ⲛ̅ϭⲓ ⲡⲉⲧⲣⲟⲥ ⲡⲉϫⲁ ϥ ϫⲉ ⲡ ϫⲟⲉⲓⲥ · ⲉⲧⲃⲉ ⲡⲁⲓ̈ ⲟⲛ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ϩⲓⲧⲛ̅ ⲇⲁⲩⲉⲓⲇ · ⲙ̅ ⲡⲓ ⲟⲩⲟⲓ̈ϣ ⲉ ⲥ ϫⲱ ⲙ̅ⲙⲟ ⲥ ϩⲙ̅ ⲡ ⲙⲉϩ ϣⲉ ⲙⲛ̅ ⲙ̅ⲛ̅ⲧ ⲯⲓⲥ ⲙ̅ ⲯⲁⲗⲙⲟⲥ · ϫⲉ ⲁ ⲓ̈ ⲱϣ ⲉϩⲣⲁⲓ̈ ⲉⲣⲟ ⲕ ⲡ ϫⲟⲉⲓⲥ ϩⲙ̅ ⲡ ⲧⲣⲁ ϩⲱϣ .

ⲁ ⲕ ⲥⲱⲧⲙ̅ ⲉⲣⲟ ⲓ̈ · ⲡ ϫⲟⲓ̈ⲥ ⲛⲟⲩϩⲙ̅ ⲛ̅ ⲧⲁ ⲯⲩⲭⲏ ⲉⲃⲟⲗ ϩⲛ̅ ϩⲉⲛ ⲥⲡⲟⲧⲟⲩ ⲛ̅ ϫⲓ ⲛ ϭⲟⲛ̅ⲥ̅ . ⲁⲩⲱ ⲉⲃⲟⲗ ϩⲓⲧⲛ̅ ⲟⲩ ⲗⲁⲥ ⲛ̅ ⲕⲣⲟϥ · ⲉ ⲩ ⲛⲁ ϯ ⲟⲩ ⲛⲁ ⲕ ⲁⲩⲱ ⲉ ⲩ ⲛⲁ ⲟⲩⲉϩ ⲟⲩ ⲉⲣⲟ ⲕ . ⲛ̅ⲛⲁϩⲣⲛ̅ ⲟⲩ ⲗⲁⲥ ⲛ̅ ⲕⲣⲟϥ · ⲛ̅ ⲥⲟⲧⲉ ⲙ̅ ⲡ ϫⲱⲱⲣ ϣⲟⲗϭ̅ ⲙⲛ̅ ⲛ̅ ⲁⲛⲑⲣⲁⲝ ⲛ̅ⲧⲉ ⲡ ϫⲁⲓ̈ⲉ ·

ⲟⲩⲟⲓ̈ ⲛⲁ ⲓ̈ ϫⲉ ⲁ ⲡⲁ ⲙⲁ ⲛ̅ ϣⲱⲡⲉ ⲟⲩⲉ ⲉⲃⲟⲗ · ⲁ ⲓ̈ ⲟⲩⲱϩ ϩⲛ̅ ⲙ̅ ⲙⲁ ⲛ̅ ϣⲱⲡⲉ ⲛ̅ ⲕⲏⲇⲁⲣ · ⲁ ⲧⲁ ⲯⲩⲭⲏ ⲣ̅ ⲣⲙ̅ ⲛ̅ ϭⲟⲉⲓⲗⲉ ϩⲛ̅ ⲟⲩ ⲙⲏ ⲏϣⲉ ⲙ̅ ⲙⲁ · ⲛⲉ ⲓ̈ ⲟ ⲛ̅ ⲉⲓⲣⲏⲛⲓⲕⲟⲥ ⲡⲉ ⲙⲛ̅ ⲛ ⲉⲧ ⲙⲟⲥⲧⲉ ⲛ̅ ϯ ⲣⲏⲛⲏ · ⲉⲓ̈ϣⲁⲛ ϣⲁϫⲉ ⲛⲙ̅ⲙⲁ ⲩ . ϣⲁ ⲩ ⲙⲓϣⲉ ⲛⲙ̅ ⲙⲁ ⲓ̈ ⲛ̅ ϫⲓⲛϫⲏ ·

ⲡⲁⲓ̈ ϭⲉ ⲧⲉ ⲛ ⲟⲩ ⲡ ϫⲟⲉⲓⲥ ⲡⲉ ⲡ ⲃⲱⲗ ⲛ̅ ⲧ ⲙⲉϩ ⲙⲏⲧⲉ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲧⲉ ⲛⲧ ⲁ ⲥ ϫⲟⲟ ⲥ ⲉ ⲩ ϩⲱϫ ⲙ̅ⲙⲟ ⲥ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲛ̅ ϩⲩⲗⲓⲕⲟⲛ · ⲛ̅ⲧⲉ ⲡ ⲁⲩⲑⲁⲇⲏⲥ ·

ⲛ̅ⲧⲟⲟⲩ ⲙⲛ̅ ⲧⲉϥ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ : ⲁⲩⲱ ⲛ̅ⲧⲉⲣ ⲟⲩ ⲑⲗⲓⲃⲉ ⲙ̅ⲙⲟ ⲥ ⲉⲙⲁϣⲟ ·

Ⲍ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲥ ⲛⲁⲩ ⲉⲣⲟ ⲓ̈ ⲛ̅ϭⲓ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲉ ⲁ ⲓ̈ ϩⲱⲛ ⲉϩⲟⲩⲛ ⲉ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲓ̈ ⲟ ⲛ̅ ⲟⲩⲟⲓ̈ⲛ ⲉⲙⲁϣⲟ ⲉⲙⲁϣⲟ .

ⲁ ⲥ ϭⲱⲛⲧ̅ ⲉ ⲡⲉ ϩⲟⲩⲟ . ⲁⲩⲱ ⲁ ⲥ ⲡⲣⲟⲃⲁⲗⲉ ⲉⲃⲟⲗ ⲛ̅ϩⲏⲧ ⲥ̅ ⲛ̅ ⲕⲉ ⲙⲏⲏϣⲉ ⲙ̅ ⲡⲣⲟⲃⲟ ⲗⲏ ⲉ ⲩ ⲛⲁϣⲧ̅ ⲉⲙⲁϣⲟ ·

ⲛⲁⲓ̈ ϭⲉ ⲛ̅ⲧⲉⲣ ⲟⲩ ϣⲱⲡⲉ · ⲁ ⲥ ϫⲱ ⲛ̅ ⲧ ⲙⲉϩ ⲙ̅ⲛ̅ⲧ̅ ⲟⲩⲉ ⲙ̅ ⲙⲉⲧⲁⲛⲟⲓⲁ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲥ ϫⲱ ⲙ̅ⲙⲟ ⲥ · ϫⲉ ⲁϩⲣⲟ ⲥ ⲁ ⲥ ϫⲓⲥⲉ ⲙ̅ⲙⲟ ⲥ ⲛ̅ϭⲓ ϯ ϭⲟⲙ ⲛ̅ ϫⲱⲱⲣ ϩⲣⲁⲓ̈ ϩⲛ̅ ϩⲉⲛ ⲡ ⲉⲑ ⲟⲟⲩ ·

ⲉⲣⲉ ⲡⲉⲥ ⲙⲉⲉⲩⲉ ϥⲓ ⲙ̅ ⲡⲟⲩⲟⲓ̈ⲛ ⲛ̅ ϩⲏⲧ · ⲛ̅ ⲟⲩⲟⲓ̈ϣ ⲛⲓⲙ · ⲁⲩⲱ ⲛ̅ ⲑ ⲉ ⲛ̅ ⲟⲩ ⲡⲉⲛⲓⲡⲉ ⲉ ⲩ ϣⲱⲱⲧ ⲁ ⲩ ϥⲓ ⲛ̅ ⲟⲩ ϭⲟⲙ ⲛ̅ ϩⲏⲧ ⲁ ⲓ̈ ⲙⲉⲣⲉ ⲉⲓ̈ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ·

ⲛ̅ ϩⲟⲩⲟ ⲉ ϭⲱ ϩⲙ̅ ⲡ ⲙⲟⲩ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ . ⲡ ⲧⲟ ⲡⲟⲥ ⲛ̅ ⲧ ⲇⲓⲕⲁⲓⲟⲥⲩⲛⲏ · ⲁⲩⲱ ⲁ ⲩ ⲟⲩⲱϣ ⲉ ϫⲓⲧ ⲛ̅ ⲕⲣⲟϥ ⲉ ⲧⲣⲉ ⲩ ⲱⲙ̅ ⲕ ⲙ̅ ⲡⲁ ⲟⲩⲟⲉⲓⲛ ⲧⲏⲣ ϥ̅ ·

ⲉⲧⲃⲉ ⲡⲁⲓ̈ ϭⲉ ⲡ ⲟⲩⲟⲉⲓⲛ ⲛⲁ ϥⲓ ⲡⲉⲩ ⲟⲩⲟⲉⲓⲛ ⲧⲏⲣ ϥ̅ · ⲁⲩⲱ ⲛ ⲥ̅ ϣⲟⲣϣⲣ̅ ⲛ̅ϭⲓ ⲧⲉⲩ ⲕⲉ ϩⲩⲗⲏ ⲧⲏⲣ ⲥ̅ · ⲁⲩⲱ ϥ ⲛⲁ ϥⲓ ⲙ̅ ⲡⲉⲩ ⲟⲉⲓⲛ ⲁⲩⲱ ⲛ ϥ̅ ⲧⲙ̅ ⲕⲁⲁ ⲩ ⲉϣⲱⲡⲉ ϩⲙ̅ ⲡ ⲙⲉϩ ⲙ̅ ⲧ̅ ϣⲟⲙⲧⲉ ⲛ̅ ⲁⲓⲱⲛ ⲡⲉⲩ ⲙⲁ ⲛ̅ ϣⲱⲡⲉ · ⲁⲩⲱ ⲛ ϥ̅ ⲧⲙ̅ ⲕⲁ ⲡⲉⲩ ⲣⲁⲛ ϩⲙ̅ ⲡ ⲧⲟⲡⲟⲥ ⲛ̅ ⲛ ⲉⲧ ⲛⲁ ⲱⲛϩ̅ · ⲁⲩⲱ ⲥⲉ ⲛⲁ ⲛⲁⲩ ⲉ ⲛ ⲉⲛⲧ ⲁ ⲩ ϣⲱⲡⲉ ⲙ̅ⲙⲟ ⲱ ⲧ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲛ̅ϭⲓ ϯ ϫⲟⲩⲧⲁϥⲧⲉ ⲙ̅ ⲡⲣⲟⲃⲟⲗⲏ · ⲛ̅ ⲥ ⲉⲣ̅ϩⲟⲧⲉ · ⲁⲩⲱ ⲛ̅ ⲥⲉ ⲧⲙ̅ ⲣ̅ⲁⲧⲥⲱⲧⲙ̅ · ⲁⲗⲗⲁ ⲛ̅ ⲥⲉ ϯ ⲙ̅ ⲡ ⲥⲱⲧϥ̅ ⲙ̅ ⲡⲉⲩ ⲟⲩⲟⲓ̈ⲛ · ⲁⲩⲱ ⲥⲉ ⲛⲁ ⲛⲁⲩ ⲉⲣⲟ · ⲛ̅ ⲥⲉ ⲣⲁϣⲉ ⲉ ϩⲣⲁⲓ̈ ⲉϫⲱ . ⲛ̅ ⲥⲉ ϫⲟⲟ ⲥ ϫⲉ ⲉⲓⲥ ⲟⲩ ⲡⲣⲟⲃⲟⲗⲏ ⲉ ⲙ̅ ⲡ ⲥ̅ϯⲡ ⲥⲱⲧ ϥ̅ ⲙ̅ ⲡⲉⲥ ⲟⲩⲟⲓ̈ⲛ ϫⲉ ⲉⲥⲉ ⲛⲟⲩϩⲙ̅ · ⲁⲗⲗⲁ ⲥ ϣⲟⲩϣⲟⲩ ⲙ̅ⲙⲟ ⲥ ϩⲙ̅ ⲡ ⲁϣⲁⲓ̈ ⲙ̅ ⲡ ⲟⲩⲟⲉⲓⲛ ⲛ̅ ⲧⲉⲥ ϭⲟⲙ · ⲉⲃⲟⲗ ϫⲉ ⲙ̅ⲡ ⲥ̅ ⲡⲣⲟⲃⲁⲗⲉ ⲉⲃⲟⲗ ϩⲛ̅ ⲧ ϭⲟⲙ ⲉⲧ ⲛ̅ϩⲏⲧ ⲥ̅ · ⲁⲩⲱ ⲁ ⲥ ϫⲟⲟ ⲥ ϫⲉ ϯ ⲛⲁ ϥⲓ ⲡ ⲟⲩⲟⲓ̈ⲛ ⲛ̅ ⲧ ⲡⲓⲥ ⲧⲓⲥ ⲥⲟⲫⲓⲁ · ⲡⲁⲓ̈ ⲉⲧ ⲟⲩ ⲛⲁ ϥⲓⲧ ϥ̅ ⲛ̅ⲧⲟⲟⲧ ⲥ̅ ⲧⲉⲛⲟⲩ ϭⲉ ⲡ ⲉⲛ̅ⲧ ⲁ ⲧⲉϥ ϭⲟⲙ ϫⲓⲥⲉ ⲛ̅ϩⲏⲧ ϥ̅ · ⲙⲁⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ⲧⲁⲩⲉ ⲡ ⲃⲱⲗ ⲛ̅ ⲧ ⲙⲉϩ ⲙⲛ̅ⲧ ⲟⲩⲉ ⲙ̅ ⲙⲉⲧⲁ ⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ .

ⲧⲟⲧⲉ ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲥⲁ ⲗⲱⲙⲏ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ·

ⲉⲧⲃⲉ ⲡⲁⲓ̈ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ⲙ̅ ⲡⲓ ⲟⲩⲟⲉⲓϣ ϩⲓⲧⲛ̅ ⲇⲁⲩⲉⲓⲇ ⲉ ⲥ ϫⲱ ⲙ̅ⲙⲟ ⲥ ϩⲙ̅ ⲡ ⲙⲉϩ ⲧⲁⲓ̈ⲟⲩ ⲙⲛ̅ ⲟⲩⲁ ⲙ̅ ⲯⲁⲗ ⲙⲟⲥ · ϫⲉ ⲁϩⲣⲟ ϥ ⲡ ⲇⲩⲛⲁⲧⲟⲥ ϣⲟⲩϣⲟⲩ ⲙ̅ⲙⲟ ϥ ϩⲛ̅ ⲧⲉϥ ⲕⲁⲕⲓⲁ · ⲁ ⲡⲉⲕ ⲗⲁⲥ ⲙⲉⲗⲉⲧⲁ ⲙ̅ ⲡ ϫⲓ ⲛ ϭⲟⲛⲥ̅ ⲙ̅ ⲡⲉ ϩⲟⲟⲩ ⲧⲏⲣ ϥ̅ ⲛ̅ ⲑ ⲉ ⲛ̅ ⲟⲩ ⲧⲟⲕ ⲛ̅ ϩⲱⲱⲕ ⲉ ϥ ⲧⲏⲙ · ⲁ ⲕ ⲉⲓⲣⲉ ⲛ̅ ⲟⲩ ⲕⲣⲟϥ · ⲁ ⲕ ⲙⲉⲣⲉ ⲧ ⲕⲁⲣⲓⲁ ⲛ̅ ϩⲟⲩⲟ ⲉ ⲡ ⲁⲅⲁⲑⲟⲛ · ⲁ ⲕ ⲙⲉⲣⲉ ⲡ ϫⲓ ⲛ̅ ϭⲟⲛⲥ̅ ⲉ ϩⲟⲩⲟ ⲉ ϣⲁϫⲉ ⲉ ⲧ ⲇⲓⲕⲁⲓⲟⲥⲩⲛⲏ ⲁ ⲕ ⲙⲉⲣⲉ ⲛ̅ ϣⲁϫⲉ ⲧⲏⲣ ⲟⲩ ⲙ̅ ⲡⲱⲙⲥ̅ · ⲙⲛ̅ ⲟⲩ ⲗⲁⲥ ⲛ̅ ⲕⲣⲟϥ · ⲉⲧⲃⲉ ⲡⲁⲓ̈ ⲡ ⲛⲟⲩⲧⲉ ⲛⲁ ϣⲣ̅ ϣⲱⲣ ⲕ̅ ϣⲁⲃⲟⲗ ϥ ⲛⲁ ⲡⲟⲣ̅ⲕ̅ ⲕ̅ ·

ⲁⲩⲱ ⲛ ϥ̅ ⲧⲟⲕⲙⲉⲕ ⲉⲃⲟⲗ ϩⲙ̅ ⲡⲉⲕ ⲙⲁ ⲛ̅ ϣⲱⲡⲉ ⲁⲩⲱ ϥ ⲛⲁ ⲧⲱⲗⲕ̅ ⲛ̅ ⲧⲉⲕ ⲛⲟⲩⲛⲉ ⲛ ϥ̅ ⲛⲟϫ ⲥ̅ ⲥⲁⲃⲟⲗ ⲛ̅ ⲛ ⲉⲧ ⲟⲛϩ̅ .

ⲇⲓⲁⲯⲁⲗⲙⲁ .

ⲛ̅ ⲇⲓⲕⲁⲓⲟⲥ ⲛⲁ ⲛⲁⲩ ⲛ̅ ⲥ ⲉⲣ̅ϩⲟⲧⲉ ⲁⲩⲱ ⲥⲉ ⲛⲁ ⲥⲱⲃⲉ ⲉϩⲣⲁⲓ̈ ⲉϫⲱ ϥ ⲛ̅ ⲥⲉ ϫⲟⲟ ⲥ · ϫⲉ ⲉⲓⲥ ⲟⲩ ⲣⲱⲙⲉ ⲉ ⲙⲡ ϥ̅ ⲕⲁ ⲡ ⲛⲟⲩⲧⲉ ⲛⲁ ϥ ⲛ̅ ⲃⲟⲏⲑⲟⲥ · ⲁⲗⲗⲁ ⲁ ϥ ⲛⲁϩⲧⲉ ⲉϫⲛ̅ ⲧⲉϥ ⲙ̅ⲛ̅ⲧ̅ ⲣⲙ̅ⲙⲁⲟ ⲉ ⲛⲁ ϣⲱⲥ · ⲁⲩⲱ ⲁ ϥ ϭⲙ̅ϭⲟⲙ ⲉϫⲙ̅ ⲡⲉϥ ⲡⲉⲧϣⲟⲩⲉⲓⲧ ·

ⲁⲛⲟⲕ ⲇⲉ ⲉ ⲓ̈ ⲟ ⲛ̅ ⲑ ⲉ ⲛ̅ ⲟⲩ ⲃⲱ ⲛ̅ ϫⲟⲉⲓⲧ ⲛ̅ ⲣⲉϥ ϯ ⲕⲁⲣⲡⲟⲥ ϩⲙ̅ ⲡ ⲏⲓ ⲙ̅ ⲡ ⲛⲟⲩⲧⲉ · ⲁ ⲓ̈ ⲛⲁϩⲧⲉ ⲉ ⲡ ⲛⲁ̅ ⲙ̅ ⲡ ⲛⲟⲩⲧⲉ ϣⲁ ⲉⲛⲉϩ ·

ⲛ̇ ⲧⲉ ⲡⲓ ⲉⲛⲉϩ ⲁⲩⲱ ϯ ⲛⲁ ⲟⲩⲱⲛϩ̅ ⲛⲁ ⲕ ⲉⲃⲟⲗ ϫⲉ ⲁ ⲕ ⲉⲓⲣⲉ ⲛⲙ̅ⲙⲁ ⲓ̈ · ⲁⲩⲱ ϯ ϩⲩⲡⲟⲙⲓⲛⲉ ⲉ ⲡⲉⲕ ⲣⲁⲛ ϫⲉ ⲟⲩ ⲭⲣⲏⲥⲧⲟⲛ ⲡⲉ ⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲛⲉⲕ ⲡ ⲉⲧ ⲟⲩⲁⲁⲃ ·

ⲡⲁⲓ̈ ϭⲉ ⲧⲉ ⲛ ⲟⲩ ⲡⲁ ϫⲟⲉⲓⲥ ⲡⲉ ⲡ ⲃⲱⲗ ⲛ̅ ⲧ ⲙⲉϩ ⲙⲛ̅ⲧ ⲟⲩⲉ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲉ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲕⲓⲙ ⲉ ⲣⲟ ⲓ̈ ⲁ ⲓ̈ ϫⲟⲟ ϥ ⲕⲁⲧⲁ ⲡⲉⲕ ⲟⲩⲱϣ .

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ⲧ ⲁⲥ ϫⲟⲟⲩ ⲛ̅ϭⲓ ⲥⲁⲗⲱⲙⲏ ⲡⲉϫⲁ ϥ ϫⲉ ⲉⲩⲅⲉ ⲥⲁ ⲗⲱⲙⲏ · ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ · ϫⲉ ϯ ⲛⲁ ϫⲉⲕ ⲧⲏⲩⲧⲛ̅ ⲉⲃⲟⲗ ϩⲙ̅ ⲙⲩⲥⲧⲏⲣⲓⲟⲛ ⲛⲓⲙ ⲛ̅ⲧⲉ ⲡ ⲙ̅ⲛⲧ ⲉⲣⲟ ⲙ̅ ⲡ ⲟⲩⲟⲉⲓⲛ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ · ⲁ ⲓ̈ ϩⲱⲛ ⲉϩⲟⲩⲉ ⲡⲉ ⲭⲁ ⲟⲥ · ⲉ ⲓ̈ ⲟ ⲛ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ ϫⲉ ⲉⲓ̈ⲉ ϥⲓ ⲙ̅ ⲡ ⲟⲩⲟⲓ̈ⲛ ⲛ̅ ⲧⲉ ϯϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲉⲧ ⲙ̅ⲙⲁⲩ · ⲉ ⲓ̈ ⲟ ⲛ̅ ⲟⲩⲟⲓ̈ⲛ ⲉⲙⲁϣⲟ ⲁ ⲥ ⲣ̅ ϩⲟⲧⲉ ⲁⲩⲱ ⲁ ⲥ ⲱϣ ⲉϩⲣⲁⲓ̈ ⲉ ⲡⲉⲥ ⲛⲟⲩⲧⲉ ⲛ̅ⲁ ⲩⲁⲑⲁⲇⲏⲥ ⲉ ⲧⲣⲉ ϥ ⲃⲟⲏⲑⲓ ⲉⲣⲟ ⲥ ⲁⲩⲱ ⲛ̅ ⲧⲉ ⲩⲛⲟⲩ ⲉⲧ ⲙ̅ⲙⲁⲩ ⲁ ϥ ϭⲱϣⲧ̅ ⲉⲃⲟⲗ ϩⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ ⲁⲓⲱⲛ ⲛ̅ϭⲓ ⲡ ⲛⲟⲩⲧⲉ ⲛ̅ ⲁⲩⲑⲁ ⲇⲏⲥ · ⲁ ϥ ϭⲱϣⲧ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ · ⲉ ϥ ϭⲟⲛⲧ̅ ⲉⲙⲁϣⲟ ⲉ ϥ ⲟⲩⲉϣ ⲃⲟⲏⲑⲓ ⲉ ⲧⲉϥ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲁⲩⲱ ⲛ̅ ⲧⲉ ⲩⲛⲟⲩ ⲉⲧ ⲙ̅ⲙⲁⲩ ⲁ ⲥ ⲕⲱⲧⲉ ⲉ ⲧ ⲡⲓⲥⲧⲓⲥ ⲥⲟ ⲫⲓⲁ ⲛ̅ϭⲓ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲛ̅ⲧⲟⲥ ⲙⲛ̅ ⲛⲉⲥ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲉ ⲩ ⲟⲩⲉϣ ϥⲓ ⲡ ⲟⲩⲟⲓ̈ⲛ ⲧⲏⲣ ϥ̅ ⲉⲧ ϩⲛ̅ ⲧ ⲥⲟⲫⲓⲁ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ϩⲱϫ ⲛ̅ ⲧ ⲥⲟⲫⲓⲁ ·

ⲁ ⲥ ⲱϣ ⲉϩⲣⲁⲓ̈ ⲉ ⲡ ϫⲓⲥⲉ ⲉ ⲥ ⲱϣ ⲉϩⲣⲁⲓ̈ ⲉⲣⲟ ⲓ̈ ⲉ ⲧⲣ ⲁ ⲃⲟⲏⲑⲓ ⲉⲣⲟ ⲥ

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲥ ϭⲱϣⲧ̅ ⲉ ⲡ ϫⲓⲥⲉ ⲁ ⲥ ⲛⲁⲩ ⲉ ⲡ ⲁⲩⲑⲁⲇⲏⲥ ⲉ ϥ ϭⲟⲛⲧ̅ ⲉⲙⲁϣⲟ · ⲁⲩⲱ ⲁ ⲥ ⲣ̅ ϩⲟⲧⲉ ·

ⲁ ⲥ ϫⲱ ⲛ̅ ⲧ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲙ̅ ⲙⲉⲧⲁ ⲛⲟⲓⲁ ⲉⲧⲃⲉ ⲡ ⲁⲩⲑⲁⲇⲏⲥ ⲙⲛ̅ ⲛⲉϥ ⲡⲣⲟⲃⲟⲗⲟⲟⲩⲉ ⲁ ⲥ ⲱϣ ⲇⲉ ⲉϩⲣⲁⲓ̈ ⲟⲩⲃⲏ ⲓ̈ ⲉ ⲥ ϫⲱ ⲙ̅ⲙⲟ ⲥ ⲛ̅ ⲧⲉⲓ̈ ϩⲉ ϫⲉ ⲙ̅ⲡⲣ̅ ⲟⲃϣ̅ ⲕ̅ ⲡ ⲟⲩⲟⲉⲓⲛ ⲉ ⲡⲁ ϩⲩⲙⲛⲟⲥ ϫⲉ ⲁ ⲩ ⲟⲩⲱⲛ ⲛ̅ ⲣⲱⲟⲩ ⲉϩⲣⲁⲓ̈ ⲉϫⲱ ⲓ̈ ⲛ̅ϭⲓ ⲡ ⲁⲩⲑⲁⲧⲏⲥ ⲙⲛ̅ ⲧⲉϥ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲁ ⲩ ⲣ̅ ⲕⲣⲟϥ ⲉⲣⲟ ⲓ̈ ⲁⲩⲱ ⲁ ⲩ ⲕⲱⲧⲉ ⲉⲣⲟ ⲓ̈ ⲉ ⲩ ⲟⲩⲉϣ ϥⲓ ⲛ̅ ⲧⲁ ϭⲟⲙ ⲁⲩⲱ ⲁ ⲩ ⲙⲉⲥⲧⲱ ⲓ̈ ϫⲉ ⲁ ⲓ̈ ϩⲩⲙ ⲛⲉⲩⲉ ⲉⲣⲟ ⲕ · ⲉ ⲡ ⲙⲁ ⲛ̅ ⲥⲉ ⲙⲉⲣⲓⲧ . ⲁ ⲩ ⲇⲓⲁⲃⲁⲗⲉ ⲙ̅ ⲙⲟ ⲓ̈ ·

ⲁⲛⲟⲕ ⲇⲉ ⲛⲉ ⲓ̈ ϩⲩⲙⲛⲉⲩⲉ ⲡⲉ ⲁ ⲩ ϣⲟϫⲛⲉ ⲉ ⲧⲣⲉ ⲩ ϥⲓ ⲛ̅ ⲧⲁ ϭⲟⲙ ϫⲉ ⲁ ⲓ̈ ϩⲩⲙⲛⲉⲩⲉ ⲉⲣⲟ ⲕ ⲡ ⲟⲩⲟⲓ̈ⲛ · ⲁⲩⲱ ⲁ ⲩ ⲙⲉⲥⲧⲱ ⲓ̈ ϫⲉ ⲁ ⲓ̈ ⲙⲉⲣⲓⲧ ⲕ̅ · ⲙⲁⲣⲉ ⲡ ⲕⲁⲕⲉ ⲉⲓ̅ ⲉϩⲣⲁⲓ̈ ⲉϫⲙ̅ ⲡ ⲁⲩⲑⲁⲇⲏⲥ · ⲁⲩⲱ ⲙⲁⲣⲉ ϥ ϭⲱ ϩⲓ ⲟⲩⲛⲁⲙ ⲙ̅ ⲙⲟ ϥ ⲛ̅ϭⲓ ⲡ ⲁⲣⲭⲱⲛ ⲙ̅ ⲡ ⲕⲁⲕⲉ ⲉⲧ ϩⲓⲃⲟⲗ · ⲁⲩⲱ ϩⲙ̅ ⲡ ⲧⲣⲉ ⲕ ϯ ϩⲁⲡ ⲉⲣⲟ ϥ ϥⲓ ⲛ̅ ⲧⲉϥ ϭⲟⲙ ⲛ̅ϩⲏⲧ ϥ̅ · ⲁⲩⲱ ⲫ ⲱⲃ ⲉⲛⲧ ⲁ ϥ ⲙⲉⲉⲩⲉ ⲉⲣⲟ ϥ ⲉ ϥ ⲓ ⲡⲁ ⲟⲩⲟⲓ̈ⲛ ⲛ̅ ϩⲏⲧ .

ⲉⲕⲉ ϥⲓⲡⲱϥ ⲛ̅ϩⲏⲧ ϥ̅ · ⲁⲩⲱ ⲙⲁⲣ ⲟⲩ ⲱϫⲛ̅ ⲛ̅ϭⲓ ⲛⲉϥ ϭⲟⲙ ⲧⲏⲣ ⲟⲩ ⲛ̅ⲧⲉ ⲛⲉϥ ⲟⲩⲟⲓ̈ⲛ ⲉⲧ ⲛ̅ϩⲏⲧ ϥ̅ · ⲁⲩⲱ ⲙⲁⲣⲉ ⲕⲉ ⲟⲩⲁ ϫⲓ ⲛ ⲧⲉϥ ⲙ̅ⲛ̅ⲧ̅ ⲛⲟϭ ϩⲙ̅ ⲡ ϣⲟⲙⲧ̅ ⲛ̅ ⲧⲣⲓⲇⲩ ⲛⲁⲙⲟⲥ ⲙⲁⲣ ⲟⲩ ⲣ̅ ⲁⲧ ⲟⲩⲟⲓ̈ⲛ ⲛ̅ϭⲓ ⲛ̅ ϭⲟⲙ ⲧⲏⲣ ⲟⲩ ⲛ̅ ⲧⲉ ⲛⲉϥ ⲡⲣⲟⲃⲟⲗⲟⲟⲩⲉ · ⲁⲩⲱ ⲛ̅ⲧⲉ ⲧⲉϥ ϩⲩⲗⲏ ϣⲱⲡⲉ ⲉ ⲙⲛ̅ ⲟⲩⲟⲓ̈ⲛ ⲛ̅ϩⲏⲧ ⲥ̅ · ⲙⲁⲣⲉ ⲛⲉϥ ⲡⲣⲟⲃⲟⲗⲟⲟⲩⲉ ϭⲱ ϩⲙ̅ ⲡⲉ ⲭⲁⲟⲥ · ⲛ̅ ⲥⲉ ⲧⲙ̅ ⲕⲁⲁ ⲩ ⲉ ⲃⲱⲕ ⲉ ⲡⲉⲩ ⲧⲟⲡⲟⲥ ⲙⲁⲣⲉ ⲡⲉⲩ ⲟⲩⲟⲉⲓⲛ ⲱϫⲛ̅ ⲉⲧ ⲛ̅ϩⲏⲧ ⲟⲩ ⲁⲩⲱ ⲙ̅ⲡⲣ̅ ⲧⲣⲉ ⲩ ⲕⲁⲁ ⲩ ⲉ ⲃⲱⲕ ⲉϩⲣⲁⲓ̈ ⲉ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ ⲡⲉⲩ ⲧⲟⲡⲟⲥ · ⲙⲁⲣⲉ ϥ ⲥⲱⲧϥ̅ ⲛ̅ ⲛ̅ ⲟⲩⲟⲓ̈ⲛ ⲧⲏⲣ ⲟⲩ ⲉⲧ ϣⲟⲟⲡ ϩⲙ̅ ⲡⲁⲩⲑⲁⲧⲏⲥ ⲛ̅ϭⲓ ⲡ̅ ⲡⲁⲣⲁⲗⲏⲙⲧⲥ ⲡ ⲣⲉϥ ⲥⲱⲧϥ̅ ⲛ̅ ⲛ̅ ⲟⲩⲟⲓ̈ⲛ · ⲁⲩⲱ ⲙⲁⲣⲉ ϥ ϥⲓⲧ ⲟⲩ ⲛ̅ ⲧⲟⲟⲧ ⲟⲩ · ⲙⲁⲣ ⲟⲩ ⲁⲙⲁϩⲧⲉ ⲉϫⲛ̅ ⲛⲉϥ ⲡⲣⲟⲃⲟⲗⲟⲟⲩⲉ · ⲛ̅ϭⲓ ⲛ ⲁⲣⲭⲱⲛ ⲙ̅ ⲡ ⲕⲁⲕⲉ ⲙ̅ ⲡ ⲉⲥⲏⲧ · ⲁⲩⲱ ⲙ̅ⲡⲣ̅ ⲧⲣⲉ ⲗⲁⲁⲩ ϣⲟⲡ ϥ̅ ⲉⲣⲟ ϥ ϩⲙ̅ ⲡⲉϥ ⲧⲟⲡⲟⲥ · ⲁⲩⲱ ⲙ̅ⲡⲣ̅ ⲧⲣⲉ ⲗⲁⲁⲩ ⲥⲱⲧⲙ̅ ⲉ ⲧ ϭⲟⲙ ⲛ̅ ⲛⲉϥ ⲡⲣⲟⲃⲟⲗⲟⲟⲩⲉ ϩⲙ̅ ⲡⲉ ⲭⲁⲟⲥ · ⲙⲁⲣ ⲟⲩ ϥⲓ ⲡ ⲟⲩⲟⲓ̈ⲛ ⲉⲧ ϩⲛ̅ ⲛⲉϥ ⲡⲣⲟⲃⲟ ⲗⲟⲟⲩⲉ ⲁⲩⲱ ⲛ̅ ⲥⲉ ⲗⲁϭⲉ ⲉ ⲡⲉⲩ ⲣⲁⲛ ϩⲣⲁⲓ̈ ϩⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ ·

ⲛ̅ⲧⲟϥ ϩⲱⲱ ϥ ⲛ̅ ⲥⲉ ϥⲓ ⲡⲉϥ ⲣⲁⲛ ⲉⲃⲟⲗ ϩⲙ̅ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ϣⲁ ⲉⲛⲉϩ · ⲁⲩⲱ ⲧ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲙⲁⲣ ⲟⲩ ⲉⲓⲛⲉ ⲉϩⲣⲁⲓ̈ ⲉϫⲱ ⲥ ⲙ̅ ⲡ ⲛⲟⲃⲉ ⲙ̅ ⲡ ⲉⲛⲧ ⲁ ϥ ⲡⲣⲟⲃⲁⲗⲉ ⲙ̅ⲙⲟ ⲥ ⲉⲃⲟⲗ · ⲙ̅ ⲡⲉ ⲙⲧⲟ ⲉⲃⲟⲗ ⲙ̅ ⲡ ⲟⲩⲟⲉⲓⲛ · ⲛ̅ ⲥⲉ ⲧⲙ̅ ϥⲱⲧⲉ ⲉⲃⲟⲗ ⲛ̅ ⲧ ⲁⲛⲟⲙⲓⲁ ⲛ̅ ⲑ ⲩⲗⲏ ⲉⲛⲧ ⲁ ⲥ ⲧⲁⲩⲟ ϥ ⲉⲃⲟⲗ . ⲁⲩⲱ ⲡⲉⲩ ⲛⲟⲃⲉ ϩⲓ ⲟⲩ ⲥⲟⲡ ⲉϥⲉ ϣⲱⲡⲉ ⲙ̅ ⲡⲉ ⲙⲧⲟ ⲉⲃⲟⲗ ⲙ̅ ⲡ ⲟⲩⲟⲓ̈ⲛ ⲛ̅ ϣⲁ ⲉⲛⲉϩ · ⲁⲩⲱ ⲛ̅ ⲥⲉ ⲧⲙ̅ ⲕⲁⲁ ⲩ ⲉ ⲛⲁⲩ ⲉⲃⲟⲗ . ⲛ̅ ⲥⲉ ϥⲓ ⲡⲉⲩ ⲣⲁⲛ ϩⲛ̅ ⲧⲟⲡⲟⲥ ⲛⲓⲙ · ⲉⲃⲟⲗ ϫⲉ ⲙ̅ ⲡⲟⲩ ϯ ⲥⲟ ⲉ ⲣⲟ ⲓ̈ · ⲁⲩⲱ ⲁ ⲩ ϩⲱϫ ⲙ̅ ⲡⲉ ⲛⲧ ⲁ ⲩ ϥⲓ ⲡⲉϥ ⲟⲩⲟⲓ̈ⲛ · ⲙⲛ̅ ⲧⲉϥ ϭⲟⲙ · ⲁⲩⲱ ⲟⲛ ⲙⲛ̅ⲛ̅ⲥⲁ ⲛⲉ̅ⲧ ⲁ ⲩ ϫⲟ ⲓ̈ ⲛ̅ϩⲏⲧ ⲟⲩ · ⲁ ⲩ ⲟⲩⲉϣ ϥⲓ ⲡⲁ ⲟⲩⲟⲓ̈ⲛ ⲧⲏⲣ ϥ̅ ⲛ̅ϩⲏⲧ ⲁ ⲩ ⲙⲉⲣⲉ ⲉⲓ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ · ⲉⲩⲉ ϣⲱⲡⲉ ⲛ̅ϩⲏⲧ ϥ̅ · ⲁⲩⲱ ⲛ̅ ⲛⲉϥ ⲛ̅ⲧ ⲟⲩ ⲉϩⲣⲁⲓ̈ ϫⲓⲛ ⲙ̅ ⲡⲉⲓ̈ ⲛⲁ ⲩ ⲙ̅ ⲡ ⲟⲩⲉϣ ⲡ ⲙⲁ ⲛ̅ ϣⲱⲡⲉ ⲙ̅ ⲡ ⲧⲟⲡⲟⲥ ⲛ̅ ⲧ ⲇⲓⲕⲁⲓⲟⲥⲩⲛⲏ ⲁⲩⲱ ⲛ̅ⲛⲉ ⲩ ϫⲓⲧ ⲟⲩ ⲉⲣⲟ ϥ ϫⲓⲛ ⲙ̅ ⲡⲉⲓ̈ ⲛⲁ ⲩ ⲁ ϥ ϯ ⲡ ⲕⲁⲕⲉ ϩⲓⲱⲱ ϥ ⲛ̅ ⲑ ⲉ ⲛ̅ ⲟⲩ ⲉⲛⲇⲩⲙⲁ ⲁⲩⲱ ⲁ ϥ ⲃⲱⲕ ⲉϩⲟⲩⲛ ⲉ ϩⲏⲧϥ̅ ⲛ̅ ⲑ ⲉ ⲛ̅ ⲟⲩ ⲙⲟ ⲟⲩ · ⲁⲩⲱ ⲁ ϥ ⲃⲱⲕ ⲉϩⲟⲩⲛ ⲉ ⲛⲉϥ ϭⲟⲙ ⲧⲏⲣ ⲟⲩ ⲛ̅ ⲑ ⲉ ⲛ̅ ⲟⲩ ⲛⲉϩ · ⲙⲁⲣⲉ ϥ ϭⲟⲟⲗⲉ ϥ ⲙ̅ ⲡⲉ ⲭⲁⲟⲥ ⲛ̅ ⲑ ⲉ ⲛ̅ ⲟⲩ ϩⲟⲓ̈ⲧⲉ · ⲁⲩⲱ ⲛ ϥ̅ ⲙⲟⲣⲉϥ ⲙ̅ ⲡ ⲕⲁⲕⲉ ⲛ̅ ⲑ ⲉ ⲛ̅ ⲟⲩ ⲛ̅ ⲍⲱⲛⲏ ⲛ̅ ϣⲁⲁⲣ ⲛ̅ ⲟⲩⲟⲉⲓϣ ⲛⲓⲙ · ⲉⲣⲉ ⲛⲁⲓ̈ ϣⲱⲡⲉ ⲛ̅ ⲛⲉⲛⲧ ⲁ ⲩⲛ̅ ⲛⲁ ⲓ̈ ⲉϫⲱ ⲓ̈ ⲉⲧⲃⲉ ⲡ ⲟⲩⲟⲓ̈ⲛ · ⲁⲩⲱ ⲛⲉ ⲛⲧ ⲁ ⲩ ϫⲟⲟ ⲥ ϫⲉ ⲙⲁⲣ ⲛ̅ ϥⲓ ⲧⲉⲥ ϭⲟⲙ ⲧⲏⲣ ⲥ̅ ·

ⲛ̅ⲧⲟⲕ ⲇⲉ ⲡ ⲟⲩⲟⲓ̈ⲛ ϣⲛ̅ ϩⲧⲏ ⲕ ϩⲁ ⲣⲟ ⲓ̈ ⲉⲧⲃⲉ ⲡ ⲙⲩⲥⲧⲏⲣⲓⲟⲛ ⲙ̅ ⲡⲉⲕ ⲣⲁⲛ · ⲁⲩⲱ ⲛⲁϩⲙⲉ ⲧ ϩⲛ̅ ⲧ ⲙ̅ⲛ̅ⲧ̅ ⲭ̅ⲣ̅ⲥ̅ ⲛ̅ⲧⲉ ⲡⲉⲕ ⲛ̅ⲁ̅ · ⲉⲃⲟⲗ ϫⲉ ⲁ ⲩ ϥⲓ ⲡⲁ ⲟⲩ ⲟⲓ̈ⲛ ⲙⲛ̅ ⲧⲁ ϭⲟⲙ · ⲁⲩⲱ ⲁ ⲧⲁ ϭⲟⲙ ⲥⲁⲗⲉⲩⲉ ϩⲓϩⲟⲩⲛ ⲙ̅ⲙⲟ ⲓ̈ · ⲁⲩⲱ ⲙ̅ⲡ ⲓ ϣⲁϩⲉ ⲣⲁⲧ ϩⲛ̅ ⲧⲉⲩ ⲙⲏⲧⲉ · ⲁ ⲓ̈ ⲣ̅ ⲑ ⲉ ⲛ̅ ⲟⲩ ϩⲩⲗⲏ ⲉ ⲁ ⲥ ϩⲉ · ⲁ ⲩ ⲛⲟⲩϫⲉ ⲙ̅ⲙⲟ ⲓ̈ ⲉ ⲡⲓ ⲥⲁ ⲙⲛ̅ ⲡⲁⲓ̈ ⲛ̅ ⲑ ⲉ ⲛ̅ ⲟⲩ ⲣⲉϥ ϣⲟⲟⲣ ⲉ ϥ ϩⲛ̅ ⲡ ⲁⲏⲣ · ⲁ ⲧⲁ ϭⲟⲙ ⲧⲁⲕⲟ ϫⲉ ⲙⲛ̅ ⲧⲁⲓ̈ ⲙⲩⲥⲧⲏⲣⲓⲟⲛ ⲙ̅ⲙⲁⲩ · ⲁⲩⲱ ⲁ ⲧⲁ ϩⲩⲗⲏ ϩⲱⲕⲙ̅ ⲉⲧⲃⲉ ⲡⲁ ⲟⲩⲟⲓ̈ⲛ ϫⲉ ⲁ ⲩ ϥⲓⲧ ϥ̅ · ⲁⲩⲱ ⲁⲛⲟⲕ ⲛⲉ ⲩ ⲥⲕⲱⲡⲧⲉ ⲙ̅ⲙⲟ ⲓ̈ ⲡⲉ · ϣⲁ ⲩ ϭⲱϣⲧ̅ ⲉⲣⲟ ⲓ̈ ⲉ ⲩ ϫⲱⲣⲙ̅ ⲉⲣⲟ ⲓ̈ · ⲃⲟⲏⲑⲓ ⲉⲣⲟ ⲓ̈ ⲕⲁⲧⲁ ⲧⲉⲕ ⲙ̅ⲛ̅ⲧ̅ ϣⲁ ⲛ ϩⲧⲏ ϥ ·

ⲧⲉⲛⲟⲩ ϭⲉ ⲡ ⲉⲧⲉⲣⲉ ⲡⲉϥ ⲡ ⲛ̅ⲁ̅ ⲣⲟⲟⲩⲧ . ⲙⲁ ⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ϫⲉ ⲡ ⲃⲱⲗ ⲛ̅ ⲧ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ϥ ⲉⲓ̅ ⲇⲉ ⲉ ⲑ ⲏ ⲛ̅ϭⲓ ⲁⲛⲇⲣⲉⲁⲥ ⲡⲉϫⲁ ϥ ϫⲉ ⲡⲁ ϫⲟⲓ̈ⲥ ⲡ ⲥⲱⲧⲏⲣ ⲁ ⲧⲉⲕ ϭⲟⲙ ⲛ̅ ⲟⲩⲟⲓ̈ⲛ ⲡⲣⲟⲫⲏⲧⲉⲩⲉ ⲙ̅ ⲡⲓ ⲟⲩⲟⲓ̈ϣ ϩⲓⲧⲛ̅ ⲇⲁⲩⲉⲓⲇ · ⲉⲧⲃⲉ ⲧⲉⲓ̈ ⲙⲉⲧⲁⲛⲟⲓⲁ ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ⲥ ϫⲟⲟ ⲥ ϩⲙ̅ ⲡ ⲙⲉϩ ϣⲉ · ⲙⲛ̅ ϣⲙⲟⲩⲛ ⲙ̅ ⲯⲁⲗⲙⲟⲥ ϫⲉ ⲡ ⲛⲟⲩⲧⲉ ⲙ̅ⲡⲣ̅ ⲕⲁ ⲣⲱ ⲕ ⲉ ⲡⲁ ⲥⲙⲟⲩ · ϫⲉ ⲧ̅ ⲧⲁⲡⲣⲟ ⲙ̅ ⲡ ⲣⲉϥⲣ̅ ⲛⲟⲃⲉ ⲙⲛ̅ ⲡⲉ ⲕⲣⲟϥ ·

ⲁ ⲩ ⲟⲩⲱⲛ ⲛ̅ ⲣⲱⲟⲩ ⲉϩⲣⲁⲓ̈ ⲉϫⲱ ⲓ̈ · ⲁ ⲩ ϣⲁ ϫⲉ ⲛ̅ⲥⲱ ⲓ̈ ϩⲛ̅ ⲟⲩ ⲗⲁⲥ ⲛ̅ ⲕⲣⲟϥ · ⲁⲩⲱ ϣⲁ ⲩ ⲕⲱⲧⲉ ⲉⲣⲟ ⲓ̈ ϩⲛ̅ ϩⲉⲛ ϣⲁϫⲉ ⲙ̅ ⲙⲟⲥⲧⲉ · ⲁⲩⲱ ⲁ ⲩ ⲙⲓϣⲉ ⲛⲙ̅ⲙⲁ ⲓ̈ ⲉ ⲡ ϫⲓⲛϫⲏ ⲉ ⲡ ⲙⲁ ⲛ̅ ⲥⲉ ⲙⲉⲣⲓⲧ . ⲁ ⲩ ⲇⲓⲁⲃⲁⲗⲉ ⲙ̅ⲙⲟ ⲓ̈ ·

ⲁⲛⲟⲕ ⲇⲉ ⲛⲉ ⲓ̈ ϣⲗⲏⲗ ⲡⲉ ·

ⲁ ⲩ ⲥⲙⲓⲛⲉ ⲛ̅ ⲟⲩ ⲏⲓ̈ ⲛ̅ ϩⲉⲛ ⲡ ⲉⲑ ⲟⲟⲩ ⲉ ⲡ ⲙⲁ ⲛ̅ ϩⲉⲛ ⲡ ⲉⲧ ⲛⲁⲛⲟⲩ ⲟⲩ · ⲁⲩⲱ ⲟⲩ ⲙⲟⲥⲧⲉ ⲉ ⲡ ⲙⲁ ⲛ̅ ⲧⲁ ⲁⲅⲁⲡⲏ · ⲕⲁⲑⲓⲥⲧⲁ ⲛ̅ ⲟⲩ ⲣⲉϥⲣ̅ ⲛⲟⲃⲉ ⲉϩⲣⲁⲓ̈ ⲉϫⲱ ϥ · ⲁⲩⲱ ⲙⲁⲣⲉ ⲡ ⲇⲓⲁⲃⲟ ⲗⲟⲥ ⲁϩⲉ ⲣⲁⲧ ϥ̅ ϩⲓ ⲟⲩⲛⲁⲙ ⲙ̅ⲙⲟ ϥ ·

ⲉⲩϣⲁⲛ ϯ ϩⲁⲡ ⲉ ⲣⲟ ϥ · ⲙⲁⲣⲉ ϥ ⲉⲃⲟⲗ ⲉ ϥ ⲧϭⲁⲓ̈ⲏⲩ · ⲁⲩⲱ ⲙⲁⲣⲉ ⲡⲉϥ ϣⲗⲏⲗ ϣⲱⲡⲉ ⲉ ⲩ ⲛⲟⲃⲉ · ⲙⲁⲣⲉ ⲛⲉϥ ϩⲟⲟⲩ ⲥⲃⲟⲕ ⲁⲩⲱ ⲙⲁⲣⲉ ⲕⲉ ⲟⲩⲁ ϫⲓ ⲛ̅ ⲧⲉϥ ⲙ̅ⲛ̅ⲧ̅ ⲉⲡⲓⲥⲕⲟⲡⲟⲥ · ⲙⲁⲣⲉ ⲛⲉϥ ϣⲏⲣⲉ ⲣ̅ ⲟⲣⲫⲁⲛⲟⲥ · ⲁⲩⲱ ⲙⲁⲣⲉ ⲧⲉϥ ⲥϩⲓⲙⲉ ⲣ̅ ⲭⲏⲣⲁ · ⲙⲁⲣ ⲟⲩ ⲕⲓⲙ ⲉ ⲛⲉϥ ϣⲏⲣⲉ · ⲁⲩⲱ ⲙⲁⲣ ⲟⲩ ⲡⲟⲟⲛ ⲟⲩ ⲉⲃⲟⲗ ⲛ̅ ⲥⲉ ⲧⲱⲃϩ̅ ·

ⲙⲁⲣ ⲟⲩ ⲛⲟϫ ⲟⲩ ⲉⲃⲟⲗ ϩⲛ̅ ⲛⲉⲩ ⲏⲓ̈ · ⲙⲁⲣⲉ ⲡ ⲇⲁⲛⲓⲥⲧⲏⲥ ⲙⲉϣⲧ̅ ⲛ ⲉⲧ ϣⲟⲟⲡ ⲛⲁ ϥ ⲧⲏⲣ ⲟⲩ · ⲁⲩⲱ ⲙⲁⲣⲉ ϩⲉⲛ ϣⲙ̅ⲙⲟ ⲧⲱⲣⲡ̅ ⲛ̅ ⲛⲉϥ ϩⲓⲥⲉ ⲧⲏⲣ ⲟⲩ · ⲙ̅ⲡⲣ̅ⲧⲣⲉ ϥ ϣⲱⲡⲉ ⲛ̅ϭⲓ ⲡ ⲉⲧ ⲛⲁ ϯ ⲧⲟⲟⲧ ϥ̅ · ⲟⲩⲇⲉ ⲙ̅ⲡⲣ̅ⲧⲣⲉ ϣⲁⲛ ϩⲧⲏ ϥ ϣⲱⲡⲉ ⲛ̅ ⲛⲉϥ ⲟⲣⲫⲁ ⲛⲟⲥ ·

ⲙⲁⲣ ⲟⲩ ϥⲉⲧ ⲛⲉϥ ϣⲏⲣⲉ ⲉⲃⲟⲗ ⲁⲩⲱ ⲙⲁⲣ ⲟⲩ ϥⲉⲧ ⲡⲉϥ ⲣⲁⲛ ⲉⲃⲟⲗ ϩⲛ̅ ⲟⲩ ⲅⲉⲛⲉⲁ ⲛ̅ ⲟⲩⲱⲧ · ⲙⲁⲣ ⲟⲩ ⲣ̅ ⲡ ⲙⲉⲉⲩⲉ ⲙ̅ ⲡ ⲛⲟⲃⲉ ⲛ̅ ⲛⲉϥ ⲉⲓⲟⲧⲉ ⲙ̅ ⲡⲉ ⲙ̅ⲧⲟ ⲉⲃⲟⲗ ⲙ̅ ⲡ ϫⲟⲉⲓⲥ ·

ⲁⲩⲱ ⲙ̅ⲡⲣ̅ⲧⲣⲉ ⲩ ϥⲱⲧⲉ ⲉⲃⲟⲗ ⲛ̅ ⲧ ⲁⲛⲟⲙⲓⲁ ⲛ̅ ⲧⲉϥ ⲙⲁⲁⲩ ·

ⲙⲁⲣ ⲟⲩ ϣⲱⲡⲉ ⲙ̅ ⲡⲉ ⲙ̅ⲧⲟ ⲉⲃⲟⲗ ⲙ̅ ⲡ ϫⲟⲉⲓⲥ ⲙ̅ ⲟⲩⲟⲓ̈ϣ ⲛⲓⲙ ·

ⲙⲁⲣ ⲟⲩ ϫⲉⲣⲉ ⲡⲉϥ ⲣ̅ ⲡ ⲙⲉⲉⲩⲉ ⲉⲃⲟⲗ ϩⲙ̅ ⲡ ⲕⲁϩ · ⲉ ⲡ ⲙⲁ ϫⲉ ⲙ̅ⲡ ϥ̅ ⲣ̅ ⲡ ⲙⲉⲉⲩⲉ ⲉ ⲉⲓⲣⲉ ⲛ̅ ⲟⲩ ⲛⲁ̅ · ⲁⲩⲱ ⲁ ϥ ⲡⲱⲧ ⲛ̅ⲥⲁ ⲟⲩ ⲣⲱⲙⲉ ⲛ̅ ϩⲏⲕⲉ · ⲁⲩⲱ ⲛ̅ ⲉⲃⲓⲏⲛ · ⲁⲩⲱ ⲁ ϥ ⲇⲓⲱⲕⲉ ⲛ̅ⲥⲁ ⲟⲩⲁ ⲉ ϥ ⲙⲟⲕϩ ⲛ̅ ϩⲏⲧ · ⲉ ⲙⲟⲟⲩⲧ ϥ̅ ·

ⲁ ϥ ⲙⲉⲣⲉ ⲡ ⲥⲁϩⲟⲩ ⲁⲩⲱ ⲉϥⲉ ⲉⲓ̅ ⲛⲁ ϥ · ⲙ̅ⲡ ϥ̅ ⲟⲩⲉϣ ⲡⲉ ⲥⲙⲟⲩ ⲉϥⲉ ⲟⲩⲉ ⲉⲃⲟⲗ ⲙ̅ⲙⲟ ϥ · ⲁ ϥ ϯ ⲡ ⲥⲁϩⲟⲩ ϩⲓⲱⲱ ϥ ⲛ̅ ⲑ ⲉ ⲛ̅ ⲟⲩ ϣⲧⲏⲛ · ⲁⲩⲱ ⲁ ϥ ⲃⲱⲕ ⲉ ⲛⲉϥ ⲥⲁ ⲛ ϩⲟⲩⲛ ⲛ̅ ⲑ ⲉ ⲛ̅ ⲟⲩ ⲙⲟⲟⲩ · ⲁ ϥ ⲣ̅ ⲑ ⲉ ⲛ̅ ⲟⲩ ⲙⲉϩ ϩⲛ̅ ⲛⲉϥ ⲕⲉⲉⲥ · ⲙⲁⲣⲉ ϥ ϣⲱⲡⲉ ⲛⲁ ϥ ⲛ̅ ⲑ ⲉ ⲛ̅ ⲑ ⲃ̅ⲥⲱ ⲉⲧ ϥ̅ ⲛⲁ ϭⲟⲟⲗⲉ ϥ ⲙ̅ⲙⲟ ϥ · ⲁⲩⲱ ⲛ̅ ⲑ ⲉ ⲛ̅ ⲟⲩ ⲛ̅ ⲍⲱⲛⲏ ⲉ ϥ ⲛⲁ ⲙⲟⲣ ϥ̅ ⲙ̅ⲙⲟ ⲥ ⲛ̅ ⲟⲩⲟⲓ̈ϣ ⲛⲓⲙ ·

ⲡⲁⲓ̈ ⲡⲉ ⲫ ⲱⲃ ⲛ̅ ⲛ ⲉⲧ ⲇⲓⲁⲃⲁⲗⲉ ϩⲁⲧⲙ̅ ⲡ ϫⲟⲓ̈ⲥ ⲁⲩⲱ ⲛ ⲉⲧ ϫⲱ ⲛ̅ ϩⲉⲛ ⲡⲁⲣⲁⲛⲟⲙⲟⲛ ⲉϩⲟⲩⲛ ⲉ ⲧⲁ ⲯⲩⲭⲏ .

ⲛ̅ⲧⲟⲕ ⲇⲉ ⲡ ϫⲟⲉⲓⲥ ⲡ ϫⲟⲉⲓⲥ ⲁⲣ ⲓ ⲟⲩ ⲛⲁ̅ ⲛⲙ̅ⲙⲁ ⲓ̈ ⲉⲧⲃⲉ ⲡⲉⲕ ⲣⲁⲛ ·

ⲙⲁⲧⲟⲩϫⲟ ⲓ̈ ϫⲉ ⲁⲛⲅ̅ ⲟⲩ ϩⲏⲕⲉ ⲁⲩⲱ ⲁⲛⲅ̅ ⲟⲩ ⲉⲃⲓⲏⲛ · ⲁ ⲡⲁ ϩⲏⲧ ϣⲧⲟⲣⲧⲣ̅ ⲙ̅ ⲡⲁ ⲥⲁ ⲛ ϩⲟⲩⲛ · ⲁ ⲩ ϥⲓⲧ ⲛ̅ ⲧ ⲙⲏⲧⲉ ⲛ̅ ⲑ ⲉ ⲛ̅ ⲛⲟⲩ ϩⲁⲓ̈ⲃⲉⲥ ⲉ ⲁ ⲥ ⲣⲓⲕⲉ . ⲁ ⲩ ⲛⲟϣⲡ̅ⲧ̅ ⲉⲃⲟⲗ ⲛ̅ ⲑ ⲉ ⲛ̅ ϩⲉⲛ ϣϫⲉ · ⲁ ⲛ ⲁⲡⲁⲧ ϭⲃ̅ⲃⲉ ϩⲛ̅ ⲧ ⲛⲏⲥⲧⲓⲁ · ⲁⲩⲱ ⲁ ⲧⲁ ⲥⲁⲣⲝ̅ ϣⲓⲃⲉ ⲉⲧⲃⲉ ⲡ ⲛⲉϩ · ⲁⲛⲟⲕ ⲇⲉ ⲁ ⲓ̈ ϣⲱⲡⲉ ⲛⲁ ⲩ ⲛ̅ ⲛⲟϭⲛⲉϭ ·

ⲁ ⲩ ⲛⲁⲩ ⲉⲣⲟ ⲓ̈ ⲁⲩⲱ ⲁ ⲩ ⲕⲓⲙ ⲛ̅ ⲛⲉⲩ ⲁⲡⲏⲩⲉ · ⲃⲟⲏⲑⲓ ⲉ ⲣⲟ ⲓ̈ ⲡ ϫⲟⲉⲓⲥ ⲡ ⲛⲟⲩⲧⲉ ⲁⲩⲱ ⲧⲟⲩϫⲟ ⲓ̈ ⲕⲁⲧⲁ ⲡⲉⲕ ⲛⲁ̅ ·

ⲙⲁⲣ ⲟⲩ ⲉⲓⲙⲉ ϫⲉ ⲧⲁⲓ̈ ⲧⲉ ⲧⲉⲕ ϭⲓϫ · ⲁⲩⲱ ⲛ̅ⲧⲟⲕ ⲁ ⲕ ⲧⲁⲙⲓⲟ ⲥ ⲡ ϫⲟⲉⲓⲥ ·

ⲡⲁⲓ̈ ϭⲉ ⲡⲉ ⲡ ⲃⲱⲗ ⲛ̅ ⲧ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲙ̅ ⲙⲉⲧⲁⲛⲟⲓⲁ · ⲧⲁⲓ̈ ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲥ ϩⲙ̅ ⲡⲉ ⲭⲁⲟⲥ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ · ϫⲉ ⲁ ⲥ ϣⲱⲡⲉ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲁ ⲥ ⲱϣ ⲉϩⲣⲁⲓ̈ ⲟⲩ ⲏⲓ̈ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲉ ⲥ ϫⲱ ⲙ̅ⲙⲟ ⲥ ϫⲉ ⲡ ⲟⲩⲟⲓ̈ⲛ ⲛ̅ ⲛ̅ⲟⲩ ⲟⲓ̈ⲛ ⲛ̅ⲧ ⲁ ⲓ̈ ⲡⲁⲣⲁⲃⲁ ϩⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ · ⲁ ⲓ̈ ⲉⲓ̅ ⲉ ⲡ ⲉⲥⲏⲧ ⲛ̅ϩⲏⲧ ⲟⲩ ·

ⲉⲧⲃⲉ ⲡⲁⲓ̈ ⲁ ⲓ̈ ϫⲱ ⲛ̅ ϯ ⲙ̅ⲛ̅ⲧ̅ ⲥⲛⲟⲟⲩⲥ ⲙ̅ ⲙⲉⲧⲁⲛⲟⲓⲁ ⲕⲁⲧⲁ ⲡ ⲟⲩⲁ ⲡ ⲟⲩⲁ ⲛ̅ ⲁⲓⲱⲛ · ⲧⲉⲛⲟⲩ ϭⲉ ⲡ ⲟⲩⲟⲓ̈ⲛ ⲛ̅ ⲛ̅ ⲟⲩⲟⲓ̈ⲛ ⲕⲱ ⲛⲁ ⲓ̈ ⲉⲃⲟⲗ ⲛ̅ ⲧⲁ ⲡⲁⲣⲁⲃⲁⲥⲓⲥ ϫⲉ ⲟⲩ ⲛⲟϭ ⲉⲙⲁⲧⲉ ⲧⲉ ϫⲉ ⲁ ⲓ̈ ⲕⲱ ⲛ̅ ⲥⲱ ⲓ̈ ⲛ̅ ⲛ̅ ⲧⲟⲡⲟⲥ ⲙ̅ ⲡ ϫⲓⲥⲉ ⲁ ⲓ̈ ⲉⲓ̅ ⲁ ⲓ̈ ⲟⲩⲱϩ ϩⲛ̅ ⲛ̅ ⲧⲟ ⲡⲟⲥ ⲙ̅ ⲡⲉ ⲭⲁⲟⲥ ⲛⲁ ⲓ̈ ϭⲉ ⲛ̅ⲧⲉⲣⲉ ⲥ ϫⲟⲟⲩ ⲛ̅ϭⲓ ⲧ ⲡⲓⲥ ⲧⲓⲥ ⲥⲟⲫⲓⲁ · ⲁ ⲥ ⲟⲩⲱϩ ⲟⲛ ⲉⲧⲟⲟⲧ ⲥ̅ ϩⲛ̅ ⲧ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲙ̅ ⲙⲉⲧⲁⲛⲟⲓⲁ ⲉ ⲥ ϫⲱ ⲙ̅ⲙⲟ ⲥ · ϫⲉ ⲥⲱⲧⲙ̅ ⲉ ⲣⲟ ⲓ̈ ⲉ ⲓ̈ ϩⲩⲙⲛⲉⲩⲉ ⲉⲣⲟ ⲕ ⲡ ⲟⲩⲟⲓ̈ⲛ ⲛ̅ ⲛ̅ ⲟⲩⲟⲓ̈ⲛ ·

ⲥⲱⲧⲙ̅ ⲉⲣⲟ ⲓ̈ ⲉ ⲓ̈ ϫⲱ ⲛ̅ ⲧ ⲙⲉⲧⲁⲛⲟⲓⲁ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ · ⲡ ⲧⲟⲡⲟⲥ ⲉ ⲛ ⲧⲁⲓ̈ⲉ ⲓ̅ ⲉ ⲡ ⲉⲥⲏⲧ ⲉⲃⲟⲗ ⲛ̅ϩⲏⲧ ϥ̅ · ϫⲉⲕⲁⲥ ⲉⲥⲉ ϫⲱⲕ ⲉⲃⲟⲗ ⲛ̅ϭⲓ ⲧ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲙ̅ ⲙⲉⲧⲁⲛⲟⲓⲁ ⲛ̅ⲧⲉ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ · ⲛⲁⲓ̈ ⲛ̅ⲧ ⲁ ⲓ̈ ⲡⲁⲣⲁⲃⲁ ⲁ ⲓ̈ ⲉⲓ̅ ⲉ ⲡ ⲉⲥⲏⲧ ⲉⲃⲟⲗ ⲛ̅ϩⲏⲧ ⲟⲩ ⲧⲉ ⲛ ⲟⲩ ϭⲉ ⲡ ⲟⲩⲟⲉⲓⲛ ⲛ̅ ⲛ̅ ⲟⲩⲟⲓ̈ⲛ ⲥⲱⲧⲙ̅ ⲉⲣⲟ ⲓ̈ ⲉ ⲓ̈ ϩⲩⲙ ⲛⲉⲩⲉ ⲉⲣⲟ ⲕ ϩⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ ⲡⲁ ⲧⲟⲡⲟⲥ ⲉ ⲛ ⲧⲁⲓ̈ⲉ ⲓ̅ ⲉⲃⲟⲗ ⲛ̅ϩⲏⲧ ϥ̅ ⲛⲁϩⲙⲉ ⲧ ⲡ ⲟⲩⲟⲓ̈ⲛ ϩⲙ̅ ⲡⲉⲕ ⲛⲟϭ ⲙ̅ ⲙⲩⲥⲧⲏⲣⲓⲟⲛ · ⲁⲩⲱ ⲕⲱ ⲉⲃⲟⲗ ⲛ̅ ⲧⲁ ⲡⲁⲣⲁⲃⲁⲥⲓⲥ ⲉϩⲣⲁⲓ̈ ϩⲛ̅ ⲧⲉⲕ ⲙ̅ⲛ̅ⲧ̅ ⲣⲉϥ ⲕⲱ ⲉⲃⲟⲗ · ⲁⲩⲱ ⲙⲁ ⲛⲁⲓ̈ ⲙ̅ ⲃⲁⲡⲧⲓⲥⲙⲁ ⲛ̅ ⲅ ⲕⲱ ⲉⲃⲟⲗ ⲛ̅ ⲛⲁ ⲛⲟⲃⲉ ·

ⲁⲩⲱ ⲛ̅ ⲅ ⲧⲃ̅ⲃⲟ ⲓ̈ ⲉⲃⲟⲗ ϩⲛ̅ ⲧⲁ ⲡⲁⲣⲁⲃⲁⲥⲓⲥ ⲁⲩⲱ ⲧⲁ ⲡⲁⲣⲁⲃⲁⲥⲓⲥ ⲁⲛⲟⲕ ⲧⲉ ϯ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ ⲧⲁⲓ̈ ⲉⲧⲉ ⲛ̅ⲛⲉ ⲥ ϩⲱⲡ ⲉⲣⲟ ⲕ ⲛ̅ ⲟⲩⲟⲓ̈ϣ ⲛⲓⲙ · ϫⲉ ⲛ̅ⲧ ⲁ ⲓ̈ ⲉⲓ̅ ⲉ ⲡ ⲉⲥⲏⲧ ⲉⲧⲃⲏⲏⲧ ⲥ̅ · ⲁⲩⲱ ⲁⲛⲟⲕ ⲁ ⲓ̈ ⲡⲁⲣⲁⲃⲁ ⲙⲁⲩ ⲁⲁ ⲧ . ϩⲛ̅ ⲛ ⲁϩⲟⲣⲁⲧⲟⲥ ⲉ ϯ ϣⲟ ⲟⲡ ϩⲙ̅ ⲡⲉⲩ ⲧⲟⲡⲟⲥ · ⲁ ⲓ̈ ⲉⲓ̅ ⲉ ⲡ ⲉⲥⲏⲧ ⲉ ⲡⲉ ⲭⲁⲟⲥ ·

ⲁ ⲓ̈ ⲡⲁⲣⲁⲃⲁ ⲛ̅ⲛⲁϩⲣⲁ ⲕ · ϫⲉⲕⲁⲥ ⲉⲣⲉ ⲡⲉⲕ ⲧⲱϣ ϫⲱⲕ ⲉⲃⲟⲗ · ⲛⲁⲓ̈ ϭⲉ ⲁ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲧⲉⲛⲟⲩ ϭⲉ ⲡ ⲉⲧⲉⲣⲉ ⲡⲉϥ ⲡ ⲛ̅ⲁ̅ ⲕⲓⲙ ⲉⲣⲟ ϥ ⲉ ⲧⲣⲉ ϥ ⲛⲟⲉⲓ ⲛ̅ ⲛⲉⲥ ϣⲁϫⲉ · ⲙⲁⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ⲧⲁⲩⲉ ⲡⲉⲩ ⲛⲟⲏⲙⲁ ·

ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲙⲁⲣ ⲑⲁ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲡⲁ ⲡⲛ̅ⲁ̅ ⲕⲓⲙ ⲉⲣⲟ ⲓ̈ ⲉ ⲧⲣⲁ ⲧⲁⲩⲉⲡ ⲃⲱⲗ ⲛ̅ ⲛ ⲉⲛⲧ ⲁ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲧⲉⲕ ϭⲟⲙ ⲡⲣⲟⲫⲏⲧⲉⲩⲉ ⲙ̅ ⲡⲓ ⲟⲩⲟⲓ̈ϣ ⲉⲧⲃⲏⲏⲧ ⲟⲩ ϩⲓⲧⲛ̅ ⲇⲁⲩⲉⲓⲇ · ϩⲙ̅ ⲡ ⲙⲉϩ ⲧⲁⲓ̈ⲟⲩ ⲙ ⲯⲁⲗⲙⲟⲥ ⲉ ⲥ ϫⲱ ⲙ̅ⲙⲟ ⲥ ⲛ̅ ⲧⲉⲓ̅ ϩⲉ · ϫⲉ ⲛ ⲁ̅ ⲛⲁ ⲓ̈ ⲡ ⲛⲟⲩⲧⲉ ⲕⲁⲧⲁ ⲡⲉⲕ ⲛⲟϭ ⲛ̅ ⲛⲁ̅ ⲕⲁⲧⲁⲡⲁϣⲁⲓ̈ ⲛ̅ ⲛⲉⲕ ⲙ̅ⲛ̅ⲧ̅ ϣⲁⲛ ϩⲧⲏ ϥ ϥⲱ ⲧⲉ ⲉⲃⲟⲗ ⲙ̅ ⲡⲁ ⲛⲟⲃⲉ ⲉⲓⲁⲁ ⲧ ⲉⲙⲁⲧⲉ ⲉⲃⲟⲗ ϩⲛ̅ ⲧⲁ ⲁⲛⲟⲙⲓⲁ · ⲁⲩⲱ ⲡⲁ ⲛⲟⲃⲉ ⲙ̅ ⲡⲁ ⲙ̅ⲧⲟ ⲉⲃⲟⲗ ⲛ̅ ⲟⲩⲟⲉⲓϣ ⲛⲓⲙ ϫⲉⲕⲁⲥ ⲉⲕⲉ ⲧⲙⲁⲓ̈ⲟ ϩⲛ̅ ⲛⲉⲕ ϣⲁϫⲉ · ⲁⲩⲱ ⲛ̅ ⲅ ϫⲣⲟ ϩⲙ̅ ⲡ ⲧⲣⲉⲕ ϯ ϩⲁⲡ ⲉⲣⲟ ⲓ̈ ·

ⲡⲁⲓ̈ ⲡⲉ ⲡ ⲃⲱⲗ ⲛ̅ ⲛ̅ ϣⲁϫⲉ ⲛ̅ⲧ ⲁ ⲥ ϫⲟⲟⲩ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲡⲉϫⲁ ϥ ⲛⲁ ⲥ ⲛ̅ϭⲓ ⲓ̅ⲥ̅ · ϫⲉ ⲉⲩⲅⲉ ⲕⲁⲗⲱⲥ ⲙⲁⲣⲑⲁ ⲧ ⲙⲁⲕⲁⲣⲓⲁ ·

ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉ ϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲧ ⲡⲓⲥ ⲧⲓⲥ ⲥⲟⲫⲓⲁ ϫⲱ ⲛ̅ ⲛⲉⲓ̈ ϣⲁϫⲉ ⲁ ϥ ϫⲱⲕ ⲉⲃⲟⲗ ⲛ̅ϭⲓ ⲡⲉ ⲟⲩⲟⲓ̈ϣ ⲉ ⲧⲣⲉ ⲩ ⲛ̅ⲧ ⲥ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ ⲁⲩⲱ ⲉⲃⲟⲗ ϩⲓⲧⲟⲟⲧ ⲙ̅ⲙⲓⲛⲙ̅ⲙⲟ ⲓ̈ ⲭⲱⲣⲓⲥ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁ ⲓ̈ ⲉⲓⲛⲉ ⲛ̅ ⲟⲩ ϭⲟⲙ ⲛ̅ ⲟⲩⲟⲓ̈ⲛ ⲉⲃⲟⲗ ⲛ̅ ϩⲏⲧ · ⲁ ⲓ̈ ϫⲛⲁⲥ ⲉϩⲣⲁⲓ̈ ⲉ ⲡⲉ ⲭⲁⲟⲥ · ⲉ ⲧⲣⲉ ⲥ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲉϩⲣⲁⲓ̈ ϩⲛ̅ ⲛ̅ ⲧⲟⲡⲟⲥ ⲉⲧ ϣⲏⲕ ⲛ̅ⲧⲉ ⲡⲉ ⲭⲁⲟⲥ · ⲛ̅ ⲥ ⲉⲛ̅ⲧ ⲥ̅ ⲉ ⲡⲓ ⲧⲟⲡⲟⲥ ⲉ ⲧⲙ̅ ⲡⲉ ⲧⲡⲉ ⲙ̅ ⲡⲉ ⲭⲁⲟⲥ · ϣⲁⲛⲧⲉ ⲧ ⲕⲉⲗⲉⲩⲥⲓⲥ ⲉⲓ̅ ⲉⲃⲟⲗ ϩⲓⲧⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲉ ⲧⲣⲉ ⲩ ⲛ̅ⲧ ⲥ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ ⲉ ⲡ ⲧⲏⲣ ϥ̅ · ⲁⲩⲱ ⲁ ⲧⲁ ϭⲟⲙ ⲛ̅ ⲟⲩⲟⲓ̈ⲛ ⲁ ⲥ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ⲉϩⲣⲁⲓ̈ ⲉ ⲛ̅ ⲧⲟⲡⲟⲥ ⲉ ⲧⲙ̅ ⲡ ⲥⲁ ⲛ̅ ⲧ ⲡⲉ ⲙ̅ ⲡⲉ ⲭⲁⲟⲥ · ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ⲉⲓⲙⲉ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ϫⲉ ⲁ ⲩ ⲛ̅ⲧ ⲡⲓⲥⲧⲓⲥ ⲥⲟⲫⲓⲁ ⲉϩⲣⲁⲓ̈ ⲉ ⲛ ⲧⲟⲡⲟⲥ ⲉ ⲧⲙ̅ ⲡ ⲥⲁ ⲛ̅ ⲧ ⲡⲉ ⲙ̅ ⲡⲉ ⲭⲁⲟⲥ . ⲁ ⲩ ⲡⲱⲧ ⲟⲛ ⲛ̅ⲥⲱ ⲥ ⲉ ⲡ ϫⲓⲥⲉ ⲉ ⲩ ⲟⲩⲉϣ ϫⲓⲧ ⲥ̅ ⲟⲛ ⲉ ⲛ ⲧⲟⲡⲟⲥ ⲉ ⲧⲙ̅ ⲡⲉ ⲭⲁⲟⲥ ⲙ̅ ⲡ ⲉⲥⲏⲧ · ⲁⲩⲱ ⲛⲉ ⲥ ⲣ̅ ⲟⲩⲟⲓ̈ⲛ ⲡⲉ ⲉⲙⲁⲧⲉ ⲛ̅ϭⲓ ⲧⲁ ϭⲟⲙ ⲛ̅ ⲟⲩⲟⲓ̈ⲛ ⲧⲁⲓ̈ ⲉⲛⲧ ⲁ ⲓ̈ ϫⲟⲟⲩ ⲥⲉ ⲛ̅ ⲧ ⲥⲟⲫⲓⲁ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ⲡⲱⲧ ⲛ̅ⲥⲁ ⲧ ⲥⲟⲫⲓⲁ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡ ⲁⲩⲑⲁⲇⲏⲥ ⲛ̅ⲧⲉⲣ ⲟⲩⲛ̅ⲧ ⲥ̅ ⲉ ⲛ̅ ⲧⲟ ⲡⲟⲥ ⲉ ⲧⲙ̅ ⲡ ⲥⲁ ⲛ̅ ⲧ ⲡⲉ ⲙ̅ ⲡⲉ ⲭⲁⲟⲥ .

ⲁ ⲥ ϩⲩⲙⲛⲉⲩⲉ ⲟⲛ ⲁⲩⲱ ⲁ ⲥ ⲱϣ ⲉϩⲣⲁⲓ̈ ⲟⲩ ⲏⲓ̈ ⲉ ⲥ ϫⲱ ⲙ̅ⲙⲟ ⲥ ϫⲉ ϯ ⲛⲁ ϩⲩⲙⲛⲉⲩⲉ ⲉϩⲣⲁⲓ̈ ⲉⲣⲟ ⲕ ⲡ ⲟⲩⲟⲓ̈ⲛ ϫⲉ ⲁ ⲓ̈ ⲟⲩⲉϣ ⲉⲓ̅ ⲉⲣⲁⲧ ⲕ̅ ϯ ⲛⲁ ϩⲩⲡⲛⲉⲩⲉ ⲉϩⲣⲁⲓ̈ ⲉⲣⲟ ⲕ ⲡ ⲟⲩⲟⲓ̈ⲛ ϫⲉ ⲛ̅ⲧⲟⲕ ⲡⲉ ⲡⲁ ⲣⲉϥ ⲛⲟⲩϩⲙ̅ ⲙ̅ⲡⲣ̅ ⲕⲁⲁ ⲧ ϩⲙ̅ ⲡⲉ ⲭⲁⲟⲥ · ⲛⲁϩⲙⲉ ⲧ ⲡ ⲟⲩⲟⲓ̈ⲛ ⲛ̅ⲧⲉ ⲡ ϫⲓⲥⲉ ϫⲉ ⲛ̅ⲧⲟⲕ ⲡⲉ ⲛ̅ⲧ ⲁ ⲓ̈ ϩⲩⲙⲛⲉⲩⲉ ⲉⲣⲟ ⲕ ·

ⲁ ⲕ ⲧⲛ̅ⲛⲟⲟⲩ ⲛⲁ ⲓ̈ ⲙ̅ ⲡⲉⲕ ⲟⲩ ⲟⲉⲓⲛ ⲉⲃⲟⲗ ϩⲓ ⲧⲟⲟⲧ ⲕ̅ ⲁⲩⲱ ⲁ ⲕ ⲛⲁϩⲙⲉ ⲧ · ⲁ ⲕⲛ̅ⲧ ⲉ ⲛ̅ ⲧⲟⲡⲟⲥ ⲉ ⲧⲙ̅ ⲡ ⲥⲁ ⲛ̅ ⲧ ⲡⲉ ⲙ̅ ⲡⲉ ⲭⲁⲟⲥ ·

ⲙⲁⲣ ⲟⲩ ϩⲉ ϭⲉ ⲉ ⲡ ⲉⲥⲏⲧ ⲉ ⲛ ⲧⲟⲡⲟⲥ ⲉⲧ ϩⲓ ⲡ ⲉⲥⲏⲧ ⲙ̅ ⲡⲉ ⲭⲁⲟⲥ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ⲛⲁⲓ̈ ⲉⲧ ⲡⲏⲧ ⲛ̅ⲥⲱ ⲓ̈ · ⲁⲩⲱ ⲙ̅ⲡⲣ̅ⲧⲣⲉ ⲩ ⲉⲓ̅ ⲉ ⲛ ⲧⲟⲡⲟⲥ ⲉ ⲧⲙ̅ ⲡ ⲥⲁ ⲛ̅ ⲧ ⲡⲉ ⲉ ⲧⲣⲉ ⲩ ⲛⲁⲩ ⲉⲣⲟ ⲓ̈ · ⲁⲩⲱ ⲙⲁⲣⲉ ⲟⲩ ⲛⲟϭ ⲛ̅ ⲕⲁⲕⲉ ϩⲱⲃⲥ̅ ⲉⲃⲟⲗ ⲉϫⲱ ⲟⲩ · ⲁⲩⲱ ⲙⲁⲣⲉ ϥ ⲉⲓ ⲛⲁ ⲩ ⲛ̅ϭⲓ ⲟⲩ ϩⲗⲟⲥⲧⲛ̅ ⲛ ⲕⲁⲕⲉ · ⲁⲩⲱ ⲙ̅ⲡⲣ̅ ⲧⲣⲉ ⲩ ⲛⲁ ⲩ ⲉⲣⲟ ⲓ̈ ϩⲙ̅ ⲡ ⲟⲩⲟⲓ̈ⲛ ⲛ̅ ⲧⲉⲕ ϭⲟⲙ ⲧⲁⲓ̈ ⲉⲛⲧ ⲁ ⲕ ⲧⲛ̅ⲛⲟⲟⲩ ⲥ ⲛⲁ ⲓ̈ ⲉ ⲛⲁϩⲙⲉ ⲧ · ϫⲉ ⲛ̅ⲛⲉ ⲩ ⲁⲙⲁϩⲧⲉ ⲟⲛ ⲉ ϩⲣⲁⲓ̈ ⲉϫⲱ ⲓ̈ · ⲁⲩⲱ ⲡⲉⲩ ϣⲟϫⲛⲉ ⲉⲛⲧ ⲁ ⲩ ⲙⲉⲉⲩⲉ ⲉ ⲣⲟ ϥ ⲉ ⲧⲣⲉ ⲩ ϥⲓⲧⲁϭⲟⲙ · ⲙ̅ⲡⲣ̅ⲧⲣⲉ ϥ ϣⲱⲡⲉ ⲛⲁ ⲩ · ⲁⲩⲱ ⲕⲁⲧⲁ ⲑ ⲉ ⲉⲛⲧ ⲁ ⲩ ϣⲁϫⲉ ⲉⲣⲟ ⲓ̈ ⲉ ϥ ⲓ ⲡⲁ ⲟⲩⲟⲓ̈ⲛ ⲛ̅ ϩⲏⲧ . ϥⲓ ⲡⲱⲟⲩ ϩⲱ ⲟⲩ ⲉ ⲡ ⲙⲁ ⲙ̅ ⲡⲱⲓ̈ · ⲁⲩⲱ ⲁ ⲩ ϫⲟⲟ ⲥ ⲉ ϥ ⲓ ⲡⲁ ⲟⲩⲟⲉⲓⲛ ⲧⲏⲣ ϥ̅ · ⲁⲩⲱ ⲛⲉ ⲙ̅ⲡ ⲟⲩⲉϣ ϥⲓⲧ ϥ̅ . ϫⲉ ⲧⲉⲕ ϭⲟⲙ ⲛ̅ ⲟⲩⲟⲓ̈ⲛ ϣⲟⲟⲡ ⲛ̅ⲧⲟⲕ ⲛⲙ̅ⲙⲁ ⲓ̈ · ⲉⲃⲟⲗ ϫⲉ ⲁ ⲩ ϣⲟϫⲛⲉ ⲁϫⲙ̅ ⲡⲉⲕ ⲧⲱϣ ⲡ ⲟⲩⲟⲓ̈ⲛ ·

ⲉⲧⲃⲉ ⲡⲁⲓ̈ ⲙ̅ ⲡ ⲟⲩⲉϣ ϥⲓ ⲡⲁ ⲟⲩⲟⲉⲓⲛ ⲉⲃⲟⲗ ϫⲉ ⲛ̅ⲧ ⲁ ⲓ̈ ⲡⲓⲥⲧⲉⲩⲉ