Ⲍ ⲁ ⲥ ϣⲱⲡⲉ ⲇⲉ ⲉⲣⲉ ⲓ̅ⲥ̅ ϫⲱ ⲛ̅ ⲛⲉⲉⲓ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ⲉ ϥ ϫⲱ ⲙ̅ⲙⲟ ⲥ ⲛⲁ ⲩ ϫⲉ ⲧⲁⲓ̈ ⲧⲉ ⲧ ⲙⲉϩ ϥⲧⲟ ⲙ̅ ⲙⲉⲧⲁⲛⲟⲓⲁ · ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲧⲉⲛⲟⲩ ϭⲉ ⲡ ⲉⲧ ⲛⲟⲓ̈ . ⲙⲁⲣⲉ ϥ ⲛⲟⲓ̈ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ϫⲱ ⲛ̅ ⲛⲉⲓ̈ ϣⲁϫⲉ .

ⲁ ϥ ⲉⲓ̅ ⲉ ⲑ ⲏ ⲛ̅ϭⲓ ⲓ̈ⲱ ϩⲁⲛⲛⲏⲥ ⲁ ϥ ⲟⲩⲱϣⲧ̅ ⲉ ⲧ ⲙⲉⲥⲧⲛ̅ϩⲏⲧ ⲛ̅ ⲓ̅ⲥ̅ ⲡⲉϫⲁ ϥ ϫⲉ ⲡⲁ ϫⲟⲉⲓⲥ · ⲕⲉⲗⲉⲩⲉ ⲛⲁ ⲓ̈ ϩⲱ ⲁⲩⲱ ⲥⲩⲅⲭⲱⲣⲉⲓ ⲛⲁ ⲓ̈ ⲉ ⲧⲣ ⲁ ϫⲱ ⲙ̅ ⲡ ⲃⲱⲗ ⲛ̅ ⲧ ⲙⲉϩ ϥⲧⲟ ⲙ̅ ⲙⲉⲧⲁⲛⲟⲓⲁ · ⲧⲁⲓ̈ ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

ⲡⲉϫⲉ ⲓ̅ⲥ̅ ⲛ̅ ⲓ̈ⲱϩⲁⲛⲛⲏⲥ ϫⲉ ϯ ⲕⲉⲗⲉⲩⲉ ⲛⲁ ⲕ · ⲁⲩⲱ ϯ ⲥⲩⲅⲭⲱⲣⲓ ⲛⲁ ⲕ ⲉ ⲧⲣⲉ ⲕ ϫⲱ ⲙ̅ ⲡ ⲃⲱⲗ ⲛ̅ ⲧ ⲙⲉⲧⲁⲛⲟⲓⲁ ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

Ⲍ ⲁ ϥ ⲟⲩⲱϣⲃ̅ ⲛ̅ϭⲓ ⲓ̈ⲱϩⲁⲛⲛⲏⲥ ⲡⲉϫⲁ ϥ ϫⲉ ⲡⲁ ϫⲟⲓ̈ⲥ ⲡ ⲥⲱⲧⲏⲣ ⲉⲧⲃⲉ ⲧⲉⲓ̈ ⲙⲉⲧⲁⲛⲟⲓⲁ ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ .

ⲁ ⲥ ⲡⲣⲟⲫⲏⲧⲉⲩⲉ ⲙ̅ ⲡⲓ ⲟⲩⲟⲉⲓϣ ⲉⲧⲃⲏⲏⲧ ⲥ̅ ⲛ̅ϭⲓ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲉⲧ ϩⲛ̅ ⲇⲁⲩⲉⲓⲇ · ϩⲙ̅ ⲡ ⲙⲉϩ ϣⲉ ⲟⲩⲁ̅ ⲙ̅ ⲯⲁⲗⲙⲟⲥ ϫⲉ ⲡ ϫⲟⲉⲓⲥ ⲥⲱⲧⲙ̅ ⲉ ⲡⲁ ϣⲗⲏⲗ · ⲁⲩⲱ ⲙⲁⲣⲉ ⲡⲁ ϩⲣⲟⲟⲩ ⲉⲓ̅ ϣⲁⲣⲟ ⲕ · ⲙ̅ⲡⲣ̅ ⲕⲧⲉ ⲡⲉⲕ ϩⲟ ⲛ̅ⲥⲁ ‐ⲃⲟⲗ ⲙ̅ⲙⲟ ⲓ̈ ·

ⲣⲉⲕ ⲧ̅ⲡⲉⲕ ⲙⲁⲁ ϫⲉ ⲉⲣⲟ ⲓ̈ ⲙ̅ ⲡⲉ ϩⲟⲟⲩ ⲉ ϯ ⲛⲁ ⲑⲗⲓⲃⲉ · ϭⲉⲡⲏ ⲥⲱⲧⲙ̅ ⲉⲣⲟ ⲓ̈ ϩⲙ̅ ⲡⲉ ϩⲟⲟⲩ ⲉ ϯ ⲛⲁ ⲱϣ ⲉϩⲣⲁⲓ̈ ⲉⲣⲟ ⲕ · ϫⲉ ⲁ ⲛⲁ ϩⲟⲟⲩ ⲱϫⲛ̅ ⲛ̅ ⲑ ⲉ ⲛ̅ ⲟⲩ ⲕⲁⲡⲛⲟⲥ ⲁⲩⲱ ⲁ ⲛⲁ ⲕⲉⲉⲥ ϭⲱϭ ⲛ̅ ⲑ ⲉ ⲛ̅ ⲟⲩ ⲱⲛⲉ · ⲁ ⲉⲓϣⲱⲱϭⲉ ⲛ̅ ⲑ ⲉ ⲛ̅ ⲟⲩ ⲭⲟⲣⲧⲟⲥ · ⲁⲩⲱ ⲁ ⲡⲁ ϩⲏⲧ ϣⲟⲟⲩⲉ . ϫⲉ ⲁ ⲓ̈ ⲣ̅ ⲡ ⲱⲃϣ̅ ⲉ ⲟⲩⲱⲙ ⲙ̅ ⲡⲁ ⲟⲉⲓⲕ · ⲉⲃⲟⲗ ϩⲙ̅ ⲡⲉ ϩⲣⲟⲟⲩ ⲙ̅ ⲡⲁ ⲁϣ ⲁϩⲟⲙ · ⲁ ⲡⲁ ⲕⲁⲥ ⲧⲱϭⲉ ⲉ ⲧⲁ ⲥⲁⲣⲝ̅ · ⲁ ⲓ̈ ⲣ̅ ⲑ ⲉ ⲛ̅ ⲟⲩ ϩ̅ⲣ̅ⲓ̅ⲙ̅ ϩⲓ ⲡ ϫⲁⲓ̈ⲉ · ⲁ ⲓ̈ ϣⲱⲡⲉ ⲛ̅ ⲑ ⲉ ⲛ̅ ⲟⲩ ⲃⲁⲓ̈ ϩⲛ̅ ⲟⲩ ⲏⲓ̈ · ⲁ ⲓ̈ ⲣ̅ ⲟⲩ ϣⲏ ⲛ̅ ⲣⲟⲉⲓⲥ ·

ⲁ ⲓ̈ ⲣ̅ ⲑ ⲉ ⲛ̅ ⲟⲩ ϫⲁϫ · ϩⲓ ⲟⲩ ϫⲉⲛⲉⲡⲱⲣ ⲙⲁⲩⲁⲁ ϥ ·

ⲁ ⲛⲁ ϫⲓϫⲉⲉⲩ ⲛⲉϭⲛⲟⲩϭⲧ̅ · ⲙ̅ ⲡⲉ ϩⲟⲟⲩ ⲧⲏⲣ ϥ̅ · ⲁⲩⲱ ⲛ ⲉⲧ ⲧⲁⲓ̈ⲟ ⲙ̅ⲙⲟ ⲓ̈ ⲛⲉ ⲩ ⲱⲣⲕ̅ ⲙ̅ⲙⲟ ⲓ̈ ⲡⲉ · ϫⲉ ⲁ ⲓ̈ ⲟⲩⲱⲙ ⲛ̅ ⲟⲩ ⲕⲣ̅ ⲙⲉⲥ ⲉ ⲡ ⲙⲁ ⲙ̅ ⲡⲁ ⲟⲉⲓⲕ · ⲁ ⲓ̈ ⲕⲉⲣⲁ ⲙ̅ ⲡⲉ ϯ ⲛⲁ ⲥⲟⲟ ϥ ϩⲓ ⲣⲙ̅ⲉⲓⲏ · ⲙ̅ ⲡⲉ ⲙⲧⲟ ⲉⲃⲟⲗ ⲛ̅ ⲧⲉⲕ ⲟⲣⲅⲏ . ⲙⲛ̅ ⲡⲉⲕ ϭⲱⲛⲧ̅ ϫⲉ ⲁ ⲕ ϥⲓⲧ . ⲁ ⲕ ⲧⲁⲩⲟ ⲓ̈ ⲉϩⲣⲁⲓ̈ · ⲁ ⲛⲁ ϩⲟⲟⲩ ⲣⲓⲕⲉ ⲛ̅ ⲑ ⲉ ⲛ̅ ⲟⲩ ϩⲁⲓ̈ⲃⲉⲥ · ⲁⲩⲱ ⲁ ⲓ̈ ϣⲟⲟⲩⲉ ⲛ̅ ⲑ ⲉ ⲛ̅ ⲟⲩ ⲭⲟⲣⲧⲟⲥ ·

ⲛ̅ⲧⲟⲕ ⲇⲉ ⲡ ϫⲟⲉⲓⲥ ⲕ ϣⲟⲟⲡ ϣⲁ ⲉⲛⲉϩ · ⲁⲩⲱ ⲡⲉⲕ ⲣ̅ ⲡ ⲙⲉⲉⲩⲉ ϣⲁ ⲟⲩ ϫⲱⲙ · ⲛ̅ⲧⲉ ⲟⲩ ϫⲱⲙ ·

ⲧⲱ ⲟⲩⲛ̅ ⲛ̅ⲧⲟⲕ ⲛ̅ ⲅ ϣⲛ̅ ϩⲁ ⲥⲓⲱⲛ · ϫⲉ ⲁⲡⲉ ⲟⲩ ⲟⲓ̈ϣ ϣⲱⲡⲉ ⲛ̅ ϣⲛ̅ ϩⲧⲏ ⲕ ϩⲁⲣⲟ ⲥ ϫⲉ ⲁ ⲡ ⲕⲁⲓⲣⲟⲥ ⲉⲓ̅ · ⲁ ⲛⲉⲕ ϩⲙ̅ϩⲁⲗ · ⲟⲩⲉϣ ⲛⲉⲥ ⲱⲛⲉ · ⲁⲩⲱ ⲥⲉ ⲛⲁ ϣⲛ̅ ϩⲧⲏ ⲩ ϩⲁ ⲡⲉⲥ ⲕⲁϩ · ⲛ̅ ⲧⲉⲛ̅ ϩⲉⲑⲛⲟⲥ ⲣ̅ ϩⲟⲧⲉ ϩⲏⲧ ϥ̅ ⲙ̅ ⲡ ⲣⲁⲛ ⲙ̅ ⲡ ϫⲟⲉⲓⲥ · ⲁⲩⲱ ⲛ̅ ⲣ̅ⲣⲱⲟⲩ ⲙ̅ ⲡ ⲕⲁϩ ⲥⲉ ⲛⲁ ⲣ̅ ϩⲟⲧⲉ ϩⲏⲧ ϥ̅ ⲙ̅ ⲡⲉⲕ ⲉⲟⲟⲩ . ϫⲉ ⲡ ϫⲟⲉⲓⲥ ⲛⲁ ⲕⲉⲧ ⲥⲓⲱⲛ ⲛ̅ ϥ ⲟⲩⲱⲛϩ̅ ⲉⲃⲟⲗ ϩⲙ̅ ⲡⲉϥ ⲉⲟⲟⲩ · ⲁ ϥ ϭⲱϣⲧ̅ ⲉϫⲙ̅ ⲡⲉ ϣⲗⲏⲗ ⲛ̅ ⲛ ⲉⲧ ⲑⲃ̅ⲃⲓⲏⲩ · ⲁⲩⲱ ⲙ̅ⲡ ϥ̅ ⲥⲉϣϥ̅ ⲡⲉⲩ ⲥⲟⲡⲥ̅ ⲙⲁⲣ ⲟⲩ ⲥⲉϩ ⲡⲁⲓ̈ ⲉ ⲕⲉ ϫⲱⲙ · ⲁⲩⲱ ⲡ ⲗⲁⲟⲥ ⲉⲧ ⲟⲩ ⲛⲁ ⲥⲟⲛⲧ ϥ̅ ϥ ⲛⲁ ⲥⲙⲟⲩ ⲉ ⲡ ϫⲟⲉⲓⲥ . ϫⲉ ⲁ ϥ ϭⲱϣⲧ̅ ⲉⲃⲟⲗ ⲉϫⲙ̅ ⲡⲉϥ ϫⲓⲥⲉ ⲉⲧ ⲟⲩⲁⲁⲃ .

ⲁ ⲡ ϫⲟⲉⲓⲥ ϭⲱϣⲧ̅ ⲉⲃⲟⲗ ϩⲛ̅ ⲧ ⲡⲉ ⲉϫⲙ̅ ⲡ ⲕⲁϩ · ⲉ ⲥⲱⲧⲙ̅ ⲉ ⲡ ⲁϣ ⲁϩⲟⲙ ⲛ̅ ⲛ ⲉⲧ ⲙⲏⲣ · ⲉ ⲃⲱⲗ ⲉⲃⲟⲗ ⲛ̅ ⲛ̅ ϣⲏⲣⲉ ⲛ̅ ⲛ ⲉⲛⲧ ⲁ ⲩ ⲙⲟⲟⲩⲧ ⲟⲩ · ⲉ ϫⲱ ⲙ̅ ⲡ ⲣⲁⲛ ⲙ̅ ⲡ ϫⲟⲉⲓⲥ ϩⲛ̅ ⲥⲓⲱⲛ ⲁⲩⲱ ⲡⲉϥ ⲥⲙⲟⲩ ϩⲛ̅ ⲑ̅ ⲓ̅ⲗ̅ⲏ̅ⲙ̅ .

ⲡⲁⲓ̈ ⲡⲉ ⲡⲁ ϫⲟⲉⲓⲥ ⲡⲉ ⲡ ⲃⲱⲗ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲙⲉⲧⲁⲛⲟⲓⲁ ⲉⲛⲧ ⲁ ⲥ ϫⲟ ⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̈ⲱϩⲁⲛⲛⲏⲥ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁ ϫⲉ ⲉⲓ̅ⲥ̅ . ϩⲛ̅ ⲧ ⲙⲏⲧⲉ ⲛ̅ ⲛⲉϥ ⲙⲁⲑⲏⲧⲏⲥ .

ⲡⲉϫⲁ ϥ ⲛⲁ ϥ ϫⲉ ⲉⲩⲅⲉ ⲓ̈ⲱϩⲁⲛⲛⲏⲥ ⲡ̅ ⲡⲁⲣⲑⲉⲛⲟⲥ ⲡⲁⲓ̈ ⲉⲧ ⲛⲁ ⲁⲣⲭⲉⲓ ϩⲣⲁⲓ̈ ϩⲛ̅ ⲧ ⲙ̅ⲛ̅ⲧ̅ ⲉⲣⲟ ⲙ̅ ⲡ ⲟⲩⲟⲉⲓⲛ ·

Ⲍ ⲁ ϥ ⲟⲩⲱϩ ⲇⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲁ ⲥ ϣⲱⲡⲉ ⲟⲛ ⲛ̅ ⲧⲉⲉⲓ ϩⲉ ⲁ ⲛⲉ ⲡⲣⲟⲃⲟⲗⲟⲟⲩⲉ ⲙ̅ ⲡⲁⲩⲑⲁⲧⲏⲥ ⲁ ⲩ ϩⲱϫ ⲟⲛ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ϩⲛ̅ ⲛⲉ ⲭⲁⲟⲥ ·

ⲁ ⲩ ⲟⲩⲉϣ ϥⲓ ⲡⲉⲥ ⲟⲩⲟⲓ̈ⲛ ⲧⲏⲣ ϥ̅ ⲁⲩⲱ ⲛⲉ ⲙ̅ⲡⲁⲧ ϥ̅ ϫⲱⲕ ⲉⲃⲟⲗ ⲡⲉ ⲛ̅ϭⲓ ⲡⲉⲥ ⲧⲱϣ ⲉ ⲛ̅ⲧ ⲥ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ ·

ⲁⲩⲱ ⲛⲉ ⲙ̅ⲡⲁⲧⲉ ⲧ ⲕⲉⲗⲉⲩ ⲥⲓⲥ ⲉⲓ̅ ⲛⲁ ⲓ̈ ⲡⲉ ϩⲓⲧⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉ ⲧⲣ ⲁ ⲛⲁϩⲙⲉ ⲥ ϩⲙ̅ ⲡⲉ ⲭⲁⲟⲥ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ϩⲱϫ ⲙ̅ⲙⲟ ⲥ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲛ̅ ϩⲩⲗⲓⲕⲟⲛ ⲛ̅ⲧⲉ ⲡ ⲁⲩⲑⲁⲇⲏⲥ .

ⲁ ⲥ ⲱϣ ⲉⲃⲟⲗ ⲉ ⲥ ϫⲱ ⲛ̅ ⲧ ⲙⲉϩ ϯ ⲙ̅ ⲙⲉⲧⲁⲛⲟⲓⲁ ⲉ ⲥ ϫⲱ ⲙ̅ⲙⲟ ⲥ ϫⲉ ⲡ ⲟⲩⲟⲓ̈ⲛ ⲙ̅ ⲡⲁ ⲟⲩ ϫⲁⲓ̈ .

ϯ ϩⲩⲙⲛⲉⲩⲉ ⲉⲣⲟ ⲕ ϩⲣⲁⲓ̈ ϩⲙ̅ ⲡ ⲧⲟⲡⲟⲥ ⲙ̅ ⲡ ϫⲓ ⲥⲉ · ⲁⲩⲱ ⲟ̅ ϩⲙ̅ ⲡⲉ ⲭⲁⲟⲥ . ϯ ⲛⲁ ϩⲩⲙⲛⲉⲩⲉ ⲉⲣⲟ ⲕ ϩⲙ̅ ⲡⲁ ϩⲩⲙⲛⲟⲥ · ⲛ̅ⲧ ⲁ ⲓ̈ ϩⲩⲙⲛⲉⲩⲉ ⲉⲣⲟ ⲕ ϩⲙ̅ ⲡ ϫⲓⲥⲉ · ⲁⲩⲱ ⲡ ⲉⲛⲧ ⲁ ⲓ̈ ϩⲩⲙⲛⲉⲩⲉ ⲙ̅ⲙⲟ ϥ ⲉⲣⲟ ⲕ ⲉⲓ̈ ϩⲙ̅ ⲡⲉ ⲭⲁⲟⲥ . ⲙⲁⲣⲉ ϥ ⲉⲓ̅ ⲛ̅ⲛⲁϩⲣⲁ ⲕ ·

ⲁⲩⲱ ϯ ϩⲧⲏ ⲕ ⲡ ⲟⲩⲟⲉⲓⲛ ⲉ ⲧⲁ ⲙⲉⲧⲁⲛⲟⲓⲁ ϫⲉ ⲁ ⲧⲁ ϭⲟⲙ ⲙⲟⲩϩ ⲛ̅ ⲕⲁⲕⲉ · ⲁⲩⲱ ⲁ ⲡⲁ ⲟⲩⲟⲓ̈ⲛ ⲉⲓ̅ ⲉϩⲣⲁⲓ̈ ϩⲙϩⲙ ⲡⲉ ⲭⲁⲟⲥ ·

ⲁ ⲓ̈ ϣⲱⲡⲉ ϩⲱ ⲛ̅ ⲑ ⲉ ⲛ̅ ⲛ̅ ⲁⲣⲭⲱⲛ ⲙ̅ ⲡⲉ ⲭⲁⲟⲥ ⲛⲁⲓ̈ ⲉⲧ ⲃⲏⲕ ⲉ ⲛ ⲕⲁⲕⲉ ⲙ̅ ⲡ ⲉⲥⲏⲧ ·

ⲁ ⲓ̈ ϣⲱⲡⲉ ⲛ̅ ⲑ ⲉ ⲛ̅ ⲟⲩ ⲥⲱⲙⲁ ⲛ̅ ϩⲩⲗⲓⲕⲟⲛ ⲉ ⲙⲛ̅ ⲧⲁϥ ⲙ̅ⲙⲁⲩ ⲙ̅ ⲡⲉⲧ ⲛⲁⲛⲁϩⲙⲉ ϥ ϩⲙ̅ ⲡ ϫⲓⲥⲉ ·

ⲁ ⲓ̈ ϣⲱⲡⲉ ⲟⲛ ⲛ̅ ⲑ ⲉ ⲛ̅ ϩⲉⲛ ϩⲩⲗⲏ ⲉ ⲁ ⲩ ϥⲓ ⲧⲉⲩ ϭⲟⲙ ⲛ̅ϩⲏⲧ ⲟⲩ ⲉ ⲩ ⲛⲏϫ ϩⲙ̅ ⲡⲉ ⲭⲁⲟⲥ ⲛⲁⲓ̈ ⲉⲧⲉ ⲙ̅ⲡ ⲕ̅ ⲛⲁϩⲙⲟⲩ · ⲁⲩⲱ ⲁ ⲩ ⲧⲁ ⲕⲟ ϩⲙ̅ ⲡⲉⲕ ⲧⲱϣ · ⲧⲉⲛⲟⲩ ϭⲉ ⲁ ⲩ ⲕⲁⲁⲧ ϩⲙ̅ ⲡ ⲕⲁⲕⲉ ⲙ̅ ⲡ ⲉⲥⲏⲧ · ϩⲛ̅ ϩⲉⲛ ⲕⲁⲕⲉ ⲁⲩⲱ ϩⲛ̅ ϩⲉⲛ ϩⲩⲗⲏ ⲉ ⲩ ⲙⲟⲟⲩⲧ · ⲁⲩⲱ ⲉ ⲙⲛ̅ ϭⲟⲙ ⲛ̅ϩⲏⲧ ⲟⲩ ·

ⲁ ⲕ ⲉⲓⲛⲉ ⲙ̅ ⲡⲉⲕ ⲧⲱϣ ⲉϩⲣⲁⲓ̈ ⲉϫⲱ ⲓ̈ · ⲁⲩⲱ ⲙⲛ̅ ϩⲱⲃ ⲛⲓⲙ ⲉⲛⲧ ⲁ ⲕ ⲧⲟϣ ⲟⲩ ⲁⲩⲱ ⲁ ⲡⲉⲕ ⲡⲛ̅ⲁ̅ ⲡⲱⲧⲁϥ ⲕⲁⲁⲧ · ⲁⲩⲱ ⲟⲛ ϩⲓⲧⲙ̅ ⲡⲉⲕ ⲧⲱϣ . ⲙ̅ ⲡⲟⲩ ⲃⲟⲏⲑⲓ ⲉⲣⲟ ⲓ̈ ⲛ̅ϭⲓ ⲛⲉ ⲡⲣⲟ ⲃⲟⲗⲟⲟⲩⲉ ⲙ̅ ⲡⲁ ⲁⲓⲱⲛ · ⲁⲩⲱ ⲁ ⲩ ⲙⲉⲥⲧⲱ ⲓ̈ ⲁⲩⲱ ⲁ ⲩ ⲗⲟ ϩⲁⲣⲟ ⲓ̈ · ⲁⲩⲱ ⲟⲛ ⲙ̅ ⲡⲓ ⲧⲁⲕⲟ ϣⲁⲃⲟⲗ · ⲁⲩⲱ ⲁ ⲡⲁ ⲟⲩⲟⲉⲓⲛ ⲥⲃⲟ ⲕ ϩⲣⲁⲓ̈ ⲛ̅ ϩⲏⲧ . ⲁⲩⲱ ⲁ ⲓ̈ ⲱϣ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ϩ̇ⲙ̇ ⲡ̇ ⲟ̇ⲩ̇ⲟ̇ⲓ̈̇ⲛ̇ ϩⲙ̅ ⲡ ⲟⲩⲟⲓ̈ⲛ ⲧⲏⲣ ϥ̅ ⲉⲧ ⲛ̅ ϩⲏⲧ · ⲁⲩⲱ ⲁ ⲓ̈ ⲡⲱⲣϣ̅ ⲛ̅ ⲛⲁ ϭⲓϫ ⲉϩⲣⲁⲓ̈ ⲉⲣⲟ ⲕ · ⲧⲉⲛⲟⲩ ϭⲉ ⲡ ⲟⲩⲟⲉⲓⲛ ⲙⲏ ⲉ ⲕ ⲛⲁ ϫⲱⲕ ⲉⲃⲟⲗ ⲙ̅ ⲡⲉⲕ ⲧⲱϣ ϩⲙ̅ ⲡⲉ ⲭⲁⲟⲥ · ⲁⲩⲱ ⲛ̅ ⲣⲉϥ ⲛⲟⲩϩⲙ̅ ⲛⲁⲓ̈ ⲉⲧ ⲛⲏⲩ ⲕⲁⲧⲁ ⲡⲉⲕ ⲧⲱϣ · ⲙⲏ ⲉ ⲩ ⲛⲁ ⲧⲱⲟⲩⲛ̅ ϩⲙ̅ ⲡ ⲕⲁⲕⲉ ⲛ̅ ⲥⲉ ⲉⲓ̅ ⲛ̅ ⲥⲉ ⲙⲁⲑⲏⲧⲉⲩⲉ ⲛⲁ ⲕ · ⲙⲏ ⲉ ⲩ ⲛⲁ ϫⲱ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲉⲕ ⲣⲁⲛ ϩⲙ̅ ⲡⲉ ⲭⲁⲟⲥ · ⲏ ⲙ̅ⲙⲟ ⲛ ⲛ̅ⲧⲟϥ ⲉ ⲩ ⲛⲁ ϫⲱ ⲙ̅ ⲡⲉⲕ ⲣⲁⲛ ϩⲛ̅ ⲟⲩ ϩⲩⲗⲏ ⲛ̅ ⲭⲁⲟⲥ · ⲡⲁⲓ̈ ⲉⲧⲉ ⲛ̅ ⲅ̅ ⲛⲁ ⲥⲱⲧ ϥ̅ ⲁⲛ ⲛ̅ϩⲏⲧ ϥ̅ ·

ⲁⲛⲟⲕ ⲇⲉ ⲁ ⲓ̈ ϩⲩⲙⲛⲉⲩⲉ ⲉϩⲣⲁⲓ̈ ⲉⲣⲟ ⲕ ⲡ ⲟⲩⲟⲉⲓⲛ ⲁⲩⲱ ⲧⲁ ⲙⲉⲧⲁⲛⲟⲓⲁ ⲛⲁ ⲧⲁϩⲟ ⲕ ⲉϩⲣⲁⲓ̈ ⲉ ⲡ ϫⲓⲥⲉ · ⲙⲁⲣⲉ ⲡⲉⲕ ⲟⲩⲟⲓ̈ⲛ ⲉⲓ̅ ⲉϩⲣⲁⲓ̈ ⲉϫⲱ ⲓ̈ . ϫⲉ ⲁ ⲩ ϥⲓ ⲡⲁ ⲟⲩⲟⲓ̈ⲛ ϩⲣⲁⲓ̈ ⲛ̅ ϩⲏⲧ · ⲁⲩⲱ ϯ ϣⲟⲟⲡ ϩⲛ̅ ϩⲉⲛ ϩⲓⲥⲉ ⲉⲧⲃⲉ ⲡ ⲟⲩⲟⲓ̈ⲛ · ϫⲓⲛ ⲙ̅ ⲡⲉ ⲟⲩⲟⲉⲓϣ ⲉⲛⲧ ⲁ ⲩ ⲡⲣⲟⲃⲁⲗⲉ ⲙ̅ⲙⲟ ⲓ̈ ⲉⲃⲟⲗ · ⲁⲩⲱ ⲛ̅ⲧⲉⲣ ⲓ ϭⲱϣⲧ̅ ⲉ ⲡ ϫⲓⲥⲉ ⲉ ⲡ ⲟⲩⲟⲓ̈ⲛ ⲁⲩⲱ ⲁ ⲓ̈ ϭⲱϣⲧ̅ ⲉ ⲡ ⲉⲥⲏⲧ ⲉ ϯ ϭⲟⲙ ⲛ̅ ⲟⲩⲟⲓ̈ⲛ ⲉⲧ ϩⲙ̅ ⲡⲉ ⲭⲁⲟⲥ . ⲁ ⲓ̈ ⲧⲱⲟⲩⲛ̅ ⲁ ⲓ̈ ⲉⲓ̅ ⲉ ⲡ ⲉⲥⲏⲧ . ⲁ ⲡⲉⲕ ⲧⲱϣ ⲉⲓ̅ ⲉϩⲣⲁⲓ̈ ⲉϫⲱ ⲓ̈ ⲁⲩⲱ ⲛ̅ ϩⲟⲧⲉ ⲉⲛⲧ ⲁ ⲕ ⲧⲟϣ ⲟⲩ ⲉ ⲉ̇ⲣⲟ ⲓ̈ ⲁ ⲩ ϣⲧⲣ̅ⲧⲱⲣⲧ̅ · ⲁⲩⲱ ⲁ ⲩ ⲕⲱⲧⲉ ⲉ ⲣⲟ ⲓ̈ ⲉ ⲩ ⲟϣ ⲛ̅ ⲑ ⲉ ⲛ̅ ⲟⲩ ⲙⲟ ⲟⲩ ⲁ ⲩ ⲁⲙⲁϩⲧⲉ ⲙ̅ⲙⲟ ⲓ̈ ϩⲓ ⲟⲩ ⲥⲟⲡ ⲙ̅ ⲡⲁ ⲟⲩⲟⲓ̈ϣ ⲧⲏⲣ ϥ̅ · ⲁⲩⲱ ϩⲓⲧⲙ̅ ⲡⲉⲕ ⲧⲱϣ ⲙ̅ⲡ ⲕ̅ ⲕⲁ ⲛⲁ ϣ̅ⲃ̅ⲣ̅ⲡⲣⲟⲃⲟⲗⲏ ⲉ ⲃⲟⲏⲑⲓ ⲉⲣⲟ ⲓ̈ · ⲁⲩⲱ ⲙ̅ⲡ ⲕ̅ ⲕⲁ ⲡⲁ ⲥⲩⲛⲍⲩⲅⲟⲥ ⲉ ⲛⲁϩⲙⲉ ⲧ ⲉⲃⲟⲗ ϩⲛ̅ ⲛⲁ ⲑⲗⲓⲯⲓⲥ ·

ⲧⲁⲓ̈ ϭⲉ ⲧⲉ ⲧ ⲙⲉϩ ϯ ⲙ̅ ⲙⲉⲧⲁⲛⲟⲓⲁ ⲉⲛⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ϩⲣⲁⲓ̈ ϩⲙ̅ ⲡⲉ ⲭⲁⲟⲥ ⲛ̅ⲧⲉⲣ ⲟⲩ ⲟⲩⲱϩ ⲉⲧⲟⲟⲧ ⲟⲩ ⲁ ⲩ ⲑⲗⲓⲃⲉ ⲙ̅ⲙⲟ ⲥ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲛ̅ ϩⲩⲗⲓⲕⲟⲛ ⲛ ⲧⲉ ⲡⲁⲩⲑⲁⲧⲏⲥ :

Ⲍ ⲛⲁⲓ̈ ϭⲉ ⲉⲣⲉ ⲓ̅ⲥ̅ ϫⲱ ⲙ̅ⲙⲟ ⲟⲩ ⲉ ⲛⲉϥ ⲙⲁⲑⲏ ⲧⲏⲥ .

ⲡⲉϫⲁ ϥ ⲛⲁ ⲩ ϫⲉ ⲡ ⲉⲧⲉ ⲟⲩⲛ̅ ⲙⲁⲁϫⲉ ⲙ̅ⲙⲟ ϥ ⲉ ⲥⲱⲧⲙ̅ · ⲙⲁⲣⲉ ϥ ⲥⲱⲧⲙ̅ · ⲁⲩⲱ ⲡ ⲉⲧⲉⲣⲉ ⲡⲉϥ ⲡ̅ ⲛ̅ⲁ̅ ⲃⲣ̅ⲃⲣ̅ ⲛ̅ϩⲏⲧ ϥ̅ . ⲙⲁⲣⲉ ϥ ⲉⲓ̅ ⲉ ⲑ ⲏ ⲛ ϥ̅ ϫⲱ ⲙ̅ ⲡ ⲃⲱⲗ ⲙ̅ ⲡ ⲛⲟⲏⲙⲁ ⲛ̅ ⲧ ⲙⲉϩ ϯ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟ ⲫⲓⲁ :

ⲁⲩⲱ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ . ⲁ ϥ ϥⲟϭ ϥ̅ ⲉϩⲣⲁⲓ̈ ⲛ̅ϭⲓ ⲫⲓⲗⲓⲡⲡⲟⲥ ⲁ ϥ ⲁϩⲉ ⲣⲁⲧ ϥ̅ . ⲁ ϥ ⲕⲁ ⲡ ϫⲱⲱⲙⲉ ⲉⲧⲛ̅ ⲧⲟⲟⲧ ϥ̅ ⲉ ⲡ ⲉⲥⲏⲧ ·

ⲛ̅ⲧⲟϥ ⲅⲁⲣ ⲡⲉ ⲉ ⲧ ⲥϩⲁⲓ̈ ⲛ̅ ϣⲁϫⲉ ⲛⲓⲙ ⲉ ⲛⲉⲣⲉⲓ̅ⲥ̅ ϫⲱ ⲙ̅ⲙⲟ ⲟⲩ · ⲁⲩⲱ ⲙⲛ̅ ⲛ ⲉⲧ ϥ̅ ⲉⲓⲣⲉ ⲙ̅ⲙⲟ ⲟⲩ ⲧⲏⲣ ⲟⲩ · ⲁ ϥ ⲉⲓ̅ ϭⲉ ⲉ ⲑ ⲏ ⲛ̅ϭⲓ ⲫⲓⲗⲓⲡⲡⲟⲥ ⲡⲉϫⲁ ϥ ⲛⲁ ϥ ϫⲉ ⲡⲁ ϫⲟⲉⲓⲥ .

ⲙⲏⲧⲓ ⲁⲛⲟⲕ ⲙⲁⲩⲁⲁ ⲧ ⲡⲉ ⲉⲛⲧ ⲁ ⲕ ⲧⲁⲁ ⲥ ⲛⲁ ⲓ̈ ⲉ ⲧⲣ ⲁ ϥⲓ ⲡ ⲣⲟⲟⲩϣ ⲙ̅ ⲡⲓ ⲕⲟⲥⲙⲟⲥ ⲛ̅ ⲧⲁ ⲥϩⲁⲓ̈ ⲛ̅ ϣⲁϫⲉ ⲛⲓⲙ ⲉ ⲧ ⲛⲁ ϫⲟⲟⲩ · ⲁⲩⲱ ⲙⲛ̅ ⲛ ⲉⲧⲛ̅ ⲛⲁ ⲁⲁ ⲩ · ⲁⲩⲱ ⲙ̅ⲡ ⲕ̅ ⲕⲁⲁ ⲧ ⲉ ⲉⲓ̅ ⲉ ⲑ ⲏ ⲛ̅ ⲧⲁ ϫⲓ ⲡ ⲃⲱⲗ ⲛ̅ ⲙ̅ ⲙⲩⲥⲧⲏⲣⲓⲟⲛ ⲛ̅ ⲧ ⲙⲉ ⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲡⲁ ⲡⲛ̅ⲁ̅ ⲅⲁⲣ ⲃⲣ̅ⲃⲣ̅ ⲛ̅ ϩⲏⲧ . ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ . ⲁⲩⲱ ⲁ ϥ ⲃⲱⲗ ⲉⲃⲟⲗ · ⲁⲩⲱ ⲁ ϥ ⲁⲛⲁⲅⲕⲁⲍⲉ ⲙ̅ⲙⲟ ⲓ̈ ⲉⲙⲁⲧⲉ ⲉ ⲧⲣ ⲁ ⲉⲓ̅ ⲉ ⲑ ⲏ · ⲛ̅ ⲧⲁ ϫⲉ ⲡ ⲃⲱⲗ ⲛ̅ ⲧ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲙ̅ⲡ ⲓ ϣ ⲉⲓ̅ ⲉ ⲑ ⲏ · ⲉⲃⲟⲗ ϫⲉ ⲁⲛⲟⲕ ⲡⲉ ⲉ ⲧ ⲥϩⲁⲓ̈ ⲛ̅ ϣⲁϫⲉ ⲛⲓⲙ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲫⲓ ⲗⲓⲡⲡⲟⲥ ⲡⲉϫⲁ ϥ ⲛⲁ ϥ ϫⲉ ⲥⲱⲧⲙ̅ ⲫⲓⲗⲓⲡⲡⲉ ⲡ ⲙⲁⲕⲁ ⲣⲓⲟⲥ ⲛ̅ ⲧⲁ ϣⲁϫⲉ ⲛⲙ̅ⲙⲁ ⲕ ϫⲉ ⲛ̅ⲧⲟⲕ ⲙⲛ̅ ⲑⲱⲙⲁⲥ ⲙⲛ̅ ⲙⲁⲑⲑⲁⲓⲟⲥ ⲛ ⲉⲛⲧ ⲁ ⲩ ⲧⲁⲁ ⲥ ⲛⲏ ⲧⲛ̅ ϩⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉ ⲥⲉϩ ϣⲁϫⲉ ⲛⲓⲙ ⲉ ϯ ⲛⲁ ϫⲟⲟⲩ . ⲙⲛ̅ ⲛ ⲉ ϯ ⲛⲁ ⲁⲁ ⲩ · ⲁⲩⲱ ⲙⲛ̅ ϩⲱⲃ ⲛⲓⲙ ⲉ ⲧ ⲉⲧ ⲛⲁ ⲛⲁⲩ ⲉ ⲣⲟ ⲟⲩ ·

ⲛ̅ⲧⲟⲕ ⲇⲉ ⲙ̅ⲡⲁⲧ ϥ̅ ϫⲱⲕ ⲉⲃⲟⲗ ϣⲁ ⲧⲉⲛⲟⲩ ⲛ̅ϭⲓ ⲡ ⲁⲣⲓⲑⲙⲟⲥ ⲛ̅ ⲛ̅ ϣⲁϫⲉ ⲉⲧ ⲕ̅ ⲛⲁ ⲥϩⲁⲓ̈ⲥⲟⲩ ·

ⲉϥ ϣⲁⲛ ϫⲱⲕ ϭⲉ ⲉⲃⲟⲗ · ⲕ ⲛⲁ ⲉⲓ̅ ⲉ ⲑ ⲏ ⲛ̅ ⲅ ⲧⲁⲩⲉ ⲡ ⲉⲧⲉ ϩ ⲛⲁ ⲕ ·

ⲧⲉⲛⲟⲩ ϭⲉ ⲛ̅ⲧⲱⲧⲛ̅ ⲙ̅ ⲡ ϣⲟⲙⲧ̅ ⲛ ⲉⲧ ⲛⲁ ⲥϩⲁⲓ̈ ⲛ̅ ϣⲁϫⲉ ⲛⲓⲙ ⲉ ϯ ⲛⲁ ϫⲟⲟⲩ · ⲙⲛ̅ ⲛ ⲉ ϯ ⲛⲁ ⲁⲁ ⲩ . ⲙⲛ̅ ⲛ ⲉ ϯ ⲛⲁ ⲛⲁⲩ ⲉⲣⲟ ⲟⲩ · ⲁⲩⲱ ⲛ̅ ⲧⲁ ⲣ̅ ⲙⲛ̅ⲧⲣⲉ ⲛ̅ ϩⲱⲃ ⲛⲓⲙ ⲛ̅ⲧⲉ ⲧ ⲙ̅ⲛ̅ⲧ̅ ⲉⲣⲟ ⲛ̅ ⲙ̅ ⲡⲏⲩⲉ .

ⲛⲁⲓ̈ ϭⲉ ⲛ̅ⲧⲉⲣⲉ ϥ ϫⲟⲟ ⲩ ⲛ̅ϭⲓ ⲓ̅ⲥ̅ . ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲡ ⲉⲧⲉ ⲟⲩⲛ̅ ⲙⲁⲁϫⲉ ⲙ̅ⲙⲟ ϥ ⲉ ⲥⲱⲧⲙ̅ · ⲙⲁⲣⲉ ϥ ⲥⲱⲧⲙ̅ · ⲁ ⲥ ϥⲟϭ ⲥ̅ ⲟⲛ ⲉ ⲑ ⲏ ⲛ̅ϭⲓ ⲙⲁⲣⲓϩⲁⲙ · ⲁ ⲥ ⲉⲓ̅ ⲉ ⲧ ⲙⲏⲧⲉ ⲁ ⲥⲁϩⲉ ⲣⲁⲧ ⲥ̅ ϩⲁ ⲧⲙ̅ ⲫⲓⲗⲓⲡⲡⲟⲥ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ .

ⲟⲩⲛ ⲙⲁⲁϫⲉ ⲙ̅ ⲡⲁ ⲣⲙ̅ ⲛ̅ ⲟⲩⲟⲓ̈ⲛ ⲁⲩⲱ ϯ ⲥⲃ̅ ⲧⲱⲧ ⲉ ⲥⲱⲧⲙ̅ ⲉⲃⲟⲗ ϩⲛ̅ ⲧⲁ ϭⲟⲙ · ⲁⲩⲱ ⲁ ⲓ̈ ⲛⲟⲓ̈ ⲙ̅ ⲡ ϣⲁϫⲉ ⲉⲛⲧ ⲁ ⲕ ϫⲟⲟ ϥ ·

ⲧⲉⲛⲟⲩ ϭⲉ ⲡⲁ ϫⲟⲉⲓⲥ ⲥⲱⲧⲙ̅ ⲧⲁ ϫⲟⲟ ⲥ ϩⲛ̅ ⲟⲩ ⲡⲁⲣϩⲏⲥⲓⲁ ·

ⲛ̅ⲧ ⲁ ⲕ ϫⲟⲟ ⲥ ⲉⲣⲟ ⲛ ϫⲉ ⲡ ⲉⲧⲉ ⲟⲩⲛ̅ ⲙⲁⲁϫⲉ ⲙ̅ⲙⲟ ϥ ⲉ ⲥⲱⲧⲙ̅ ⲙⲁⲣⲉ ϥ ⲥⲱⲧⲙ̅ · ⲉⲧⲃⲉ ⲡ ϣⲁϫⲉ ⲛ̅ⲧ ⲁ ⲕ ϫⲟⲟ ϥ ⲉ ⲫⲓⲗⲓⲡⲡⲟⲥ ϫⲉ ⲛ̅ⲧⲟⲕ ⲙⲛ̅ ⲑⲱⲙⲁⲥ ⲙⲛ̅ ⲙⲁⲑⲑⲁⲓⲟⲥ ⲛ ⲉⲛ̅ⲧ ⲁ ⲩ ⲧⲁⲁ ⲥ ⲛⲏ ⲧⲛ̅ ⲙ̅ ⲡ ϣⲟⲙⲧ̅ ϩⲓⲧⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉ ⲥϩⲁⲓ̈ ⲛ̅ ϣⲁϫⲉ ⲛⲓⲙ ⲛ̅ⲧⲉ ⲧ ⲙ̅ⲛ̅ⲧ̅ ⲉⲣⲟ ⲙ̅ ⲡⲟⲩⲟⲓ̈ⲛ · ⲁⲩⲱ ⲛ̅ ⲧⲉⲧⲛ̅ ⲣ̅ ⲙⲛ̅ⲧⲣⲉ ϩⲁⲣⲟ ⲟⲩ · ⲥⲱⲧⲙ̅ ϭⲉ ⲧⲁ ⲧⲁⲩⲉ ⲡ ⲃⲱⲗ ⲙ̅ ⲡⲉⲓ̈ ϣⲁϫⲉ ⲡⲁⲓ̈ ⲡⲉ ⲛ̅ⲧ ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟ ⲫⲏⲧⲉⲩⲉ ⲙ̅ⲙⲟ ϥ ⲙ̅ ⲡⲓ ⲟⲩⲟⲉⲓϣ ϩⲓⲧⲙ̅ ⲙⲱⲩ̇ⲥ̇ⲏⲥ · ϫⲉ ϩⲓⲧⲛ̅ ⲙⲛ̅ⲧⲣⲉ ⲥⲛⲁⲩ ⲁⲩⲱ ϣⲟⲙⲧ̅ . ⲉⲣⲉ ϩⲱⲃ ⲛⲓⲙ ⲛⲁ ⲁϩⲉ ⲣⲁⲧ ϥ̅ ·

ⲡ ϣⲟⲙⲧ̅ ⲙ̅ ⲙⲛ̅ⲧⲣⲉ ⲡⲉ ⲫⲓⲗⲓⲡⲡⲟⲥ ⲙⲛ̅ ⲑⲱⲙⲁⲥ ⲙⲛ̅ ⲙⲁⲑⲑⲁⲓⲟⲥ :

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲡⲉⲓ̈ ϣⲁϫⲉ . ⲡⲉϫⲁ ϥ ϫⲉ ⲉⲩⲅⲉ ⲙⲁⲣⲓⲁ .

ⲡⲁⲓ̈ ⲡⲉ ⲡ ⲃⲱⲗ ⲙ̅ ⲡ ϣⲁϫⲉ · ⲧⲉⲛⲟⲩ ϭⲉ ⲛ̅ⲧⲟⲕ ⲫⲓⲗⲓⲡⲡⲟⲥ ⲁⲙⲟⲩ ⲉ ⲑ ⲏ ⲛ̅ ⲅ̅ ⲧⲁⲩⲉ ⲡ ⲃⲱⲗ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲙⲉϩ ϯ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲙⲛ̅ⲛ̅ⲥⲱ ⲥ ϩⲙⲟⲟⲥ ⲉϩⲣⲁⲓ̈ ⲛ̅ ⲅ̅ ⲥϩⲁⲓ̈ ⲛ̅ ϣⲁϫⲉ ⲛⲓⲙ ⲉ ϯ ⲛⲁ ϫⲟⲟⲩ ϣⲁⲛⲧ ϥ̅ ϫⲱⲕ ⲉⲃⲟⲗ ⲛ̅ϭⲓ ⲡ ⲁⲣⲓⲑⲙⲟⲥ ⲙ̅ ⲡⲉⲕ ⲙⲉⲣⲟⲥ ⲉⲧ ⲕ̅ ⲛⲁ ⲥϩⲁⲓ̈ ϥ ϩⲛ̅ ⲛ̅ ϣⲁϫⲉ ⲛ̅ ⲧ ⲙ̅ⲛ̅ⲧ̅ ⲉⲣⲟ ⲙ̅ ⲡ ⲟⲩⲟⲉⲓⲛ ⲙⲛ̅ⲛ̅ⲥⲁ ⲛⲁⲓ̈ ⲉⲕⲉ ⲉⲓ̅ ⲉ ⲑ ⲏ ⲛ̅ ⲅ̅ ϫⲱ ⲙ̅ ⲡ ⲉⲧ ⲉⲣⲉ ⲡⲉⲕ ⲡ ⲛ̅ⲁ̅ ⲛⲁ ⲛⲟⲓ̈ ⲙ̅ⲙⲟ ϥ · ⲡⲗⲏⲛ ϭⲉ ⲧⲉⲛⲟⲩ ⲧⲁⲩⲉ ⲡ ⲃⲱⲗ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲙⲉϩ ϯ ⲙ̅ ⲙⲉⲧⲁ ⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ ·

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲫⲓ ⲗⲓⲡⲡⲟⲥ ⲡⲉϫⲁ ϥ ⲛ̅ ⲓ̅ⲥ̅ · ϫⲉ ⲡⲁ ϫⲟⲉⲓⲥ . ⲥⲱⲧⲙ̅ ⲧⲁ ϫⲱ ⲙ̅ ⲡ ⲃⲱⲗ ⲛ̅ ⲧⲉⲥ ⲙⲉⲧⲁⲛⲟⲓⲁ · ⲁ ⲧⲉⲕ ϭⲟⲙ ⲅⲁⲣ ⲡⲣⲟ ⲫⲏⲧⲉⲩⲉ ⲉⲧⲃⲏⲏⲧ ⲥ̅ ϩⲓⲧⲛ̅ ⲇⲁⲩⲉⲓⲇ ⲙ̅ ⲡⲓ ⲟⲩⲟⲉⲓϣ ⲉ ⲥ ϫⲱ ⲙ̅ⲙⲟ ⲥ ϩⲙ̅ ⲡ ⲙⲉϩ ϩⲙⲉⲛⲉ ⲥⲁϣϥⲉ ⲙ̅ ⲯⲁⲗⲙⲟⲥ · ϫⲉ ⲡ ϫⲟⲓ̈ⲥ ⲡ ⲛⲟⲩⲧⲉ ⲙ̅ ⲡⲁ ⲟⲩϫⲁⲓ̈ ⲁ ⲓ̈ ⲱϣ ⲉϩⲣⲁⲓ̈ ⲉ ⲣⲟ ⲕ ⲙ̅ ⲡⲉ ϩⲟⲟⲩ ⲙⲛ̅ ⲧⲉ ⲩϣⲏ ⲙⲁⲣⲉ ⲡⲁ ϣⲗⲏⲗ ⲉⲓ̅ ⲉϩⲟⲩⲛ ⲙ̅ ⲡⲉ ⲕⲙ̅ⲧⲟ ⲉⲃⲟⲗ · ⲣⲓⲕⲉ ⲙ̅ ⲡⲉⲕ ⲙⲁⲁϫⲉ ⲡ ϫⲟⲉⲓⲥ ⲉ ⲡⲁ ⲥⲟⲡⲥ̅ · ϫⲉ ⲁ ⲧⲁ ⲯⲩⲭⲏ ⲙⲟⲩϩ ⲙ̅ ⲡ ⲉ ⲑ ⲟⲟⲩ ·

ⲁ ⲡⲁ ⲱⲛϩ̅ ϩⲱⲛ ⲉϩⲟⲩⲛ ⲉ ⲁⲙⲛ̅ⲧⲉ · ⲁ ⲩ ⲟⲡ̅ⲧ ⲙⲛ̅ ⲛ ⲉⲧ ⲃⲏⲕ ⲉ ⲡ ⲉⲥⲏⲧ ⲉ ⲡ ϣⲏⲓ̈ · ⲁ ⲓ̈ ⲣ̅ ⲑ ⲉ ⲛ̅ ⲟⲩ ⲣⲱⲙⲉ ⲉ ⲙⲛ̅ⲧ ϥ̅ ⲃⲟⲏⲑⲟⲥ · ⲛ̅ ⲉⲗⲉⲩⲑⲉⲣⲟⲥ ϩⲛ̅ ⲛ ⲉⲧ ⲙⲟⲟⲩⲧ · ⲛ̅ ⲑ ⲉ ⲛ̅ ϩⲉⲛ ϩⲁⲧⲃⲉⲥ ⲉ ⲩ ⲛⲏϫ . ⲉ ⲩ ⲛ̅ⲕⲟⲧⲕ̅ ϩⲛ̅ ϩⲉ ⲛ̅ ⲧⲁⲫⲟⲥ · ⲛⲁⲓ̈ ⲉⲧⲉ ⲙ̅ⲡ ⲕ̅ⲣ̅ ⲡⲉⲩ ⲙⲉⲉⲩⲉ ϭⲉ · ⲁⲩⲱ ⲛ̅ⲧⲟⲟⲩ ⲁ ⲩ ⲧⲁⲕⲟ ⲉⲃⲟⲗ ϩⲛ̅ ⲛⲉⲕ ϭⲓϫ · ⲁ ⲩ ⲕⲁⲁ ⲧ ϩⲛ̅ ⲟⲩ ϣⲏⲓ̈ ⲙ̅ ⲡ ⲉⲥⲏⲧ . ϩⲛ̅ ϩⲉⲛ ⲕⲁⲕⲉ . ⲙⲛ̅ ⲑ ⲁⲓ̈ⲃⲉⲥ ⲙ̅ ⲡ ⲙⲟⲩ ⲁ ⲡⲉⲕ ϭⲱⲛⲧ̅ ⲧⲁϫⲣⲟ ⲉϩⲣⲁⲓ̈ ⲉϫⲱ ⲓ̈ · ⲁⲩⲱ ⲁ ⲛⲉⲕ ⲣⲟⲟⲩϣ ⲧⲏⲣ ⲟⲩ ⲁ ⲩ ⲉⲓ̅ ⲉϩⲣⲁⲓ̈ ⲉϫⲱ ⲓ̈ · ⲇⲓⲁ ⲯⲁⲗⲙⲁ · ⲁ ⲕ ⲧⲣⲉ ⲛ ⲉⲧ ⲥⲟⲟⲩⲛ ⲙ̅ⲙⲟ ⲓ̈ . ⲟⲩⲉ ⲙⲙⲟ ⲓ̈ · ⲁ ⲩ ⲕⲁⲁ ⲧ ⲛⲁ ⲩ ⲛ̅ ⲃⲟⲧⲉ ·

ⲁ ⲩ ⲕⲁⲁⲧ · ⲁⲩⲱ ⲙ̅ⲡ ⲓ ⲃⲱⲕ ·

ⲁ ⲡⲁ ⲃⲁⲗ ϭⲃ̅ⲃⲉ ⲉⲃⲟⲗ ϩⲛ̅ ⲧⲁ ⲙ̅ⲛ̅ⲧ̅ ϩⲏⲕⲉ ·

ⲁ ⲓ̈ ϫⲓ ϣⲕⲁⲕ ⲉϩⲣⲁⲉⲓ ⲉⲣⲟ ⲕ ⲡ ϫⲟⲉⲓⲥ ⲙ̅ ⲡⲉ ϩⲟⲟⲩ ⲧⲏⲣ ϥ̅ ⲁ ⲓ̈ ⲡⲱⲣϣ̅ ⲛ̅ ⲛⲁ ϭⲓϫ ⲉϩⲣⲁⲓ̈ ⲉⲣⲟ ⲕ · ⲙⲏ ⲉ ⲕ ⲛⲁ ⲣ̅ ⲛⲉⲕ ϣⲡⲏⲣⲉ ϩⲛ̅ ⲛ ⲉⲧ ⲙⲟⲟⲩⲧ .

ⲙⲏ ⲛ ⲥⲁⲓ̈ⲛ ⲛ ⲉⲧ ⲛⲁ ⲧⲱⲟⲩⲛ̅ ⲛ ⲥⲉ ϩⲟⲙⲟⲗⲟⲅⲓ ⲛⲁ ⲕ . ⲙⲏ ⲉ ⲩ ⲛⲁ ϫⲱ ⲙ̅ ⲡⲉⲕ ⲣⲁⲛ ϩⲛ̅ ⲛ̅ ⲧⲁⲫⲟⲥ . ⲁⲩⲱ ⲧⲉⲕ ⲇⲓⲕⲁⲓⲟⲥⲩⲛⲏ ϩⲛ̅ ⲟⲩ ⲕⲁϩ ⲉ ⲁ ⲕ ⲣ̅ ⲡⲉϥ ⲱⲃϣ̅ .

ⲁⲛⲟⲕ ⲇⲉ ⲁ ⲓ̈ ϫⲓ ϣⲕⲁⲕ ⲉϩⲣⲁⲓ̈ ⲉⲣⲟ ⲕ ⲡ ϫⲟⲉⲓⲥ ⲁⲩⲱ ⲡⲁ ϣⲗⲏⲗ ⲛⲁ ⲧⲁϩⲟ ⲕ ⲙ̅ ⲡ ⲛⲟⲩ ⲛ̅ ϣⲱⲣⲡ̅ ⲙ̅ⲡⲣ̅ ⲕⲱⲧⲉ ⲙ̅ ⲡⲉⲕ ϩⲟ ⲛ̅ⲥⲁ ⲃⲟⲗ ⲙ̅ⲙⲟ ⲓ̈ ϫⲉ ⲁⲛⲅ̅ ⲟⲩ ϩⲏⲕⲉ ⲁⲛⲟⲕ · ⲉⲓ̈ ϩⲛ̅ ϩⲉⲛ ϩⲓⲥⲉ ϫⲓⲛ ⲧⲁ ⲙ̅ⲛ̅ⲧ̅ ⲕⲟⲩⲓ̈ · ⲛ̅ⲧⲉⲣ ⲓ ϫⲓⲥⲉ ⲇⲉ ⲁ ⲓ̈ ⲑⲃ̅ⲃⲓⲟ ⲓ̈ . ⲁⲩⲱ ⲁ ⲓ̈ ⲧⲱⲟⲩⲛ̅ ·

ⲁ ⲛⲉⲕ ⲟⲣⲅⲏ ⲉⲓ̅ ⲉϩⲣⲁⲓ̈ ⲉϫⲱ ⲓ̈ · ⲁⲩⲱ ⲁ ⲛⲉⲕ ϩⲟⲧⲉ ϣⲧⲣ̅ ⲧⲱⲣⲧ̅ ·

ⲁ ⲩ ⲕⲱⲧⲉ ⲉⲣⲟ ⲓ̈ ⲛ̅ ⲑ ⲉ ⲛ̅ ⲟⲩ ⲙⲟ ⲟⲩ ⲁ ⲩ ⲁ ⲙⲁϩⲧⲉ ⲙ̅ⲙⲟ ⲓ̈ ⲙ̅ ⲡⲉ ϩⲟⲟⲩ ⲧⲏⲣ ϥ̅ ⲁ ⲕⲧⲣⲉ ⲛⲁ ϣⲃⲉⲉⲣ ⲟⲩⲉ ⲙⲙⲟ ⲓ̈ · ⲁⲩⲱ ⲛ ⲉⲧ ⲥⲟⲟⲩⲛ̅ ⲙ̅ⲙⲟ ⲓ̈ ⲉⲃⲟⲗ ϩⲛ̅ ⲧⲁ ⲧⲁⲗⲁⲓⲡⲱⲣⲓⲁ ·

ⲡⲁⲓ̈ ϭⲉ ⲡⲉ ⲡ ⲃⲱⲗ ⲙ̅ ⲡ ⲙⲩⲥⲧⲏⲣⲓⲟⲛ ⲛ̅ ⲧ ⲙⲉϩ ϯ ⲙ̅ ⲙⲉⲧⲁⲛⲟⲓⲁ ⲛ̅ⲧ ⲁ ⲥ ϫⲟⲟ ⲥ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲛ̅ⲧⲉⲣ ⲟⲩ ⲑⲗⲓⲃⲉ ⲙ̅ⲙⲟ ⲥ ϩⲙ̅ ⲡⲉ ⲭⲁⲟⲥ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲛⲉⲓ̈ ϣⲁϫⲉ ⲉ ϥ ϫⲱ ⲙ̅ⲙⲟ ⲟⲩ ⲛ̅ϭⲓ ⲫⲓⲗⲓⲡⲡⲟⲥ . ⲡⲉϫⲁ ϥ ϫⲉ ⲉ ⲩⲅⲉ ⲫⲓⲗⲓⲡⲡⲟⲥ ⲡ ⲙⲉⲣⲓⲧ . ⲧⲉⲛⲟⲩ ϭⲉ ⲁⲙⲟⲩ ϩⲙⲟⲟⲥ ⲛ̅ ⲅ̅ ⲥϩⲁⲓ̈ ⲙ̅ ⲡⲉⲕ ⲙⲉⲣⲟⲥ ⲛ̅ ϣⲁϫⲉ ⲛⲓⲙ ⲉ ϯ ⲛⲁ ϫⲟⲟⲩ · ⲁⲩⲱ ⲙⲛ̅ ⲛ ⲉ ϯ ⲛⲁ ⲁⲁ ⲩ · ⲙⲛ̅ ϩⲱⲃ ⲛⲓⲙ ⲉⲧ ⲕ̅ ⲛⲁ ⲛⲁⲩ ⲉⲣⲟ ⲟⲩ · ⲁⲩⲱ ⲛ̅ ⲧⲉ ⲩⲛⲟⲩ ⲉⲧ ⲙ̅ⲙⲁⲩ ⲁ ϥ ϩⲙⲟⲟⲥ ⲉ ϩⲣⲁⲓ̈ ⲛ̅ϭⲓ ⲫⲓⲗⲓⲡⲡⲟⲥ ⲁ ϥ ⲥϩⲁⲓ̈ ·

Ⲍ ⲁ ⲥ ϣⲱⲡⲉ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲁ ⲓ̅ ⲥ̅ ⲟⲩⲱϩ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ . ϫⲉ ⲧⲟⲧⲉ ⲁ ⲥ ⲱϣ ⲉϩⲣⲁⲓ̈ ⲉ ⲡ ⲟⲩⲟⲉⲓⲛ ⲛ̅ϭⲓ ⲧ ⲡⲓⲥⲧⲓⲥ ⲥⲟ ⲫⲓⲁ ·

ⲁ ϥ ⲕⲱ ⲉⲃⲟⲗ ⲙ̅ ⲡⲉⲥ ⲛⲟⲃⲉ ϫⲉ ⲁ ⲥ ⲕⲁ ⲡⲉⲥ ⲧⲟⲡⲟⲥ ⲛ̅ⲥⲱ ⲥ ⲁ ⲥ ⲉⲓ̅ ⲉϩⲣⲁⲓ̈ ⲉ ⲡ ⲕⲁⲕⲉ ⲁ ⲥ ϫⲱ ⲛ̅ ⲧ ⲙⲉϩ ⲥⲟ ⲙ̅ ⲙⲉⲧⲁⲛⲟⲓⲁ ⲉ ⲥ ϫⲱ ⲙ̅ⲙⲟ ⲥ ⲛ̅ ⲧⲉⲓ̈ ϩⲉ ϫⲉ ⲁ ⲓ̈ ϩⲩⲙ ⲛⲉⲩⲉ ⲉϩⲣⲁⲓ̈ ⲉⲣⲟ ⲕ ⲡ ⲟⲩⲟⲓ̈ⲛ ϩⲙ̅ ⲡ ⲕⲁⲕⲉ ⲙ̅ ⲡ ⲉⲥⲏⲧ ⲥⲱⲧⲙ̅ ⲉ ⲧⲁ ⲙⲉⲧⲁⲛⲟⲓⲁ ⲁⲩⲱ ⲙⲁⲣⲉ ⲡⲉⲕ ⲟⲩⲟⲉⲓⲛ ϯ ϩⲧⲏ ϥ ⲉ ⲡⲉ ϩⲣⲟⲟⲩ ⲙ̅ⲡⲁ ⲧⲱⲃⲁϩ · ⲡ ⲟⲩⲟⲉⲓⲛ ⲉⲕϣⲁⲛ ⲣ̅ ⲡⲙⲉⲉⲩⲉ ⲙ̅ ⲡⲁ ⲛⲟⲃⲉ .

ⲛ̅ ϯ ⲛⲁ ϣ ⲉⲓ̅ ⲁⲛ ⲛ̅ⲛⲁϩⲣⲁ ⲕ ⲁⲩⲱ ⲕ ⲛⲁ ⲕⲁⲁⲧ ⲛ̅ⲥⲱ ⲕ ϫⲉ ⲛ̅ⲧⲟⲕ ⲡ ⲟⲩⲟⲉⲓⲛ ⲡⲉ ⲡⲁ ⲛⲟⲩϩⲙ̅ ⲉⲧⲃⲉ ⲡ ⲟⲩⲟⲉⲓⲛ ⲙ̅ ⲡⲉⲕ ⲣⲁⲛ ·

ⲛ̅ⲧ ⲁ ⲓ̈ ⲡⲓⲥⲧⲉⲩⲉ ⲉⲣⲟ ⲕ ⲡ ⲟⲩⲟⲉⲓⲛ . ⲁⲩⲱ ⲁ ⲧⲁ ϭⲟⲙ ⲡⲓⲥⲧⲉⲩⲉ ⲉ ⲡⲉⲕ ⲙⲩⲥⲧⲏⲣⲓⲟⲛ ⲁⲩⲱ ⲟⲛ ⲁ ⲧⲁ ϭⲟⲙ ⲛⲁϩⲧⲉ ⲉ ⲡ ⲟⲩⲟⲉⲓⲛ ⲉ ϥ ϣⲟⲟⲡ ϩⲛ̅ ⲛⲁ ⲡ ϫⲓⲥⲉ ⲁⲩⲱ ⲁ ⲥ ⲛⲁϩⲧⲉ ⲉⲣⲟ ϥ ⲉ ⲥ ϩⲙ̅ ⲡⲉ ⲭⲁⲟⲥ ⲙ̅ ⲡ ⲉⲥⲏⲧ · ⲙⲁⲣⲉ ϭⲟⲙ ⲛⲓⲙ ⲉⲧ ⲛ̅ ϩⲏⲧ ⲛⲁϩⲧⲉ ⲉ ⲡ ⲟⲩⲟⲉⲓⲛ ⲉⲓ̈ ϩⲙ̅ ⲡ ⲕⲁⲕⲉ ⲙ̅ ⲡ ⲉⲥⲏⲧ .

ⲁⲩⲱ ⲟⲛ ⲙⲁⲣ ⲟⲩ ⲛⲁϩⲧⲉ ⲉⲣⲟ ϥ ⲉⲩϣⲁⲛ ⲉⲓ̅ ⲉ ⲡ ⲧⲟ ⲡⲟⲥ ⲙ̅ ⲡ ϫⲓⲥⲉ · ϫⲉ ⲛ̅ⲧⲟϥ ⲡ ⲉⲧ ⲛⲁ ⲛⲁⲩ ⲁⲩⲱ ⲛ ϥ̅ ⲥⲟⲧ ⲛ̅ · ⲁⲩⲱ ⲟⲩⲛ ⲟⲩ ⲛⲟϭ ⲙ̅ ⲙⲩⲥⲧⲏⲣⲓⲟⲛ ⲛ̅ ⲛⲟⲩϩⲙ̅ ⲛ̅ ϩⲏⲧ ϥ̅ ⲁⲩⲱ ⲛ̅ⲧⲟϥ ⲡⲉ ⲉⲧ ⲛⲁ ⲛⲟⲩϩⲙ̅ ⲛ̅ ⲛ̅ ϭⲟⲙ ⲧⲏ ⲣ ⲟⲩ ⲉⲃⲟⲗ ϩⲙ̅ ⲡⲉ ⲭⲁⲟⲥ ⲉⲧⲃⲉ ⲧⲁ ⲡⲁⲣⲁⲃⲁⲥⲓⲥ ϫⲉ ⲁ ⲓ̈ ⲕⲱ ⲛ̅ⲥⲱ ⲓ̈ ⲙ̅ ⲡⲁ ⲧⲟⲡⲟⲥ ⲁ ⲓ̈ ⲉⲓ̅ ⲉϩⲣⲁⲓ̈ ⲉ ⲡⲉ ⲭⲁ ⲟⲥ · ⲧⲉⲛⲟⲩ ϭⲉ ⲡ ⲉⲧⲉⲣⲉ ⲡⲉϥ ⲛⲟⲩⲥ ϫⲟ ⲥⲉ ⲙⲁⲣⲉ ϥ ⲛⲟⲓ̈ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ .

ⲡⲉϫⲁ ϥ ⲛⲁ ⲩ ϫⲉ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ

· ⲁ ϥ ⲉⲓ̅ ⲉ ⲑ ⲏ ⲛ̅ϭⲓ ⲁⲛ ⲇⲣⲉⲁⲥ ⲡⲉϫⲁ ϥ ϫⲉ ⲡⲁ ϫⲟⲉⲓⲥ · ⲉⲧⲃⲉ ⲡ ⲃⲱⲗ ⲛ̅ ⲧ ⲙⲉϩ ⲥⲟ ⲙ̅ ⲙⲉⲧⲁⲛⲟⲓⲁ ⲛ̅ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲧⲉⲕ ϭⲟⲙ ⲛ̅ ⲟⲩⲟⲉⲓⲛ ⲡⲣⲟⲫⲏⲧⲉⲩⲉ ⲙ̅ ⲡⲓ ⲟⲩⲟⲓ̈ϣ ϩⲓⲧⲛ̅ ⲇⲁⲩⲉⲓⲇ · ϩⲙ̅ ⲡ ⲙⲉϩ ϣⲉ ϫⲟⲩⲧ ⲯⲓⲥ ⲛ̅ ⲯⲁⲗⲙⲟⲥ ⲉ ⲥ ϫⲱ ⲙ̅ⲙⲟ ⲥ · ϫⲉ ⲁ ⲓ̈ ⲱϣ ⲉϩⲣⲁⲓ̈ ⲉⲣⲟ ⲕ ⲡ ϫⲟⲉⲓⲥ ϩⲛ̅ ⲛ ⲉⲧ ϣⲏⲕ · ⲥⲱⲧⲙ̅ ⲉ ⲡⲁ ϩⲣⲟⲟⲩ · ⲙⲁⲣⲉ ⲡⲉⲕ ⲙⲁⲁϫⲉ ϯ ϩⲧⲏ ⲩ ⲉ ⲡⲉ ϩⲣⲟⲟⲩ ⲙ̅ ⲡⲁ ⲥⲟⲡⲥ̅ ·

ⲡ ϫⲟⲉⲓⲥ ⲉⲕϣⲁⲛ ϯ ϩⲧⲏ ⲕ ⲉ ⲛⲁ ⲁⲛⲟⲙⲓⲁ ⲛⲓⲙ ⲡ ⲉⲧ ⲛⲁ ϣⲁϩⲉ ⲣⲁⲧ ϥ̅ ϫⲉ ⲉⲣⲉ ⲡ ⲕⲱ ⲉⲃⲟⲗ ⲛ̅ⲧⲟⲟⲧ ⲕ̅ · ⲉⲧⲃⲉ ⲡⲉⲕ ⲣⲁⲛ ⲁ ⲓ̈ ϩⲩⲡⲟⲙⲓⲛⲉ ⲉⲣⲟ ⲕ ⲡ ϫⲟⲉⲓⲥ · ⲁ ⲧⲁ ⲯⲩⲭⲏ ϩⲩⲡⲟⲙⲓⲛⲉ ⲉ ⲡⲉⲕ ϣⲁϫⲉ · ⲁ ⲧⲁ ⲯⲩⲭⲏ ϩⲉⲗⲡⲓⲍⲉ ⲉ ⲡ ϫⲟⲉⲓⲥ . ϫⲓⲛ ϩⲧⲟⲟⲩⲉ ϣⲁ ⲣⲟⲩϩⲉ · ⲙⲁⲣⲉ ⲡⲓⲏ̅ⲗ̅ ϩⲉⲗⲡⲓⲍⲉ ⲉ ⲡ ϫⲟⲉⲓⲥ ϫⲓ ⲛ ϩⲧⲟⲟⲩ ϣⲁ ⲣⲟⲩϩⲉ ϫⲉ ⲉⲣⲉ ⲡ ⲛⲁ̅ ⲛ̅ⲧⲟⲟⲧ ϥ̅ ⲙ̅ ⲡ ϫⲟⲉⲓⲥ .

ⲁⲩⲱ ⲟⲩⲛ̅ ⲟⲩ ⲛⲟϭ ⲛ̅ ⲥⲱⲧⲉ ϩⲁϩⲧⲏ ϥ ⲁⲩⲱ ⲛ̅ⲧⲟϥ ⲡ ⲉⲧ ⲛⲁ ⲥⲱⲧⲉ ⲙ̅ⲡ̅ⲓ̅ⲥ̅ⲗ̅ ⲉⲃⲟⲗ ϩⲛ̅ ⲛⲉϥ ⲁⲛⲟⲙⲓⲁ ⲧⲏⲣ ⲟⲩ ·

ⲡⲉϫⲁ ϥ ⲛⲁ ϥ ⲛ̅ϭⲓ ⲓ̅ⲥ̅ ϫⲉ ⲉⲩⲅⲉ ⲁⲛⲇⲣⲉⲁⲥ ⲡ ⲙⲁⲕⲁ ⲣⲓⲟⲥ ⲡⲁⲓ̈ ⲡⲉ ⲡ ⲃⲱⲗ ⲛ̅ ⲧⲉⲥ ⲙⲉⲧⲁⲛⲟⲓⲁ ·

ϩⲁⲙⲏⲛ ϩⲁ ⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ϯ ⲛⲁ ϫⲉⲕ ⲧⲏⲩⲧⲛ̅ ⲉⲃⲟⲗ ⲙ̅ ⲙⲩⲥⲧⲏⲣⲓⲟⲛ ⲛⲓⲙ ⲛ̅ⲧⲉ ⲡ ⲟⲩⲟⲉⲓⲛ · ⲁⲩⲱ ⲙⲛ̅ ⲅⲛⲱ ⲥⲓⲥ ⲛⲓⲙ ϫⲓⲛ ⲙ̅ ⲡ ⲥⲁ ⲛ ϩⲟⲩⲛ ⲛ̅ ⲛ̅ⲥⲁ ⲛ ϩⲟⲩⲛ . ϣⲁ ⲡ ⲥⲁ ⲛ̅ ⲃⲟⲗ ⲛ̅ ⲛ̅ ⲥⲁ ⲛ̅ ⲃⲟⲗ · ϫⲓⲛ ⲡⲓ ⲁⲧϣⲁϫⲉ ⲉ ⲣⲟ ϥ ϣⲁ ⲡ ⲕⲁⲕⲉ ⲛ̅ ⲛ̅ ⲕⲁⲕⲉ · ⲁⲩⲱ ϫⲓⲛ ⲡⲟⲩⲟⲓ̈ⲛ ⲛ̅ ⲛ̅ ⲟⲩⲟⲓ̈ⲛ . ϣⲁ ⲫ ⲁⲁⲃ ⲛ̅ ⲑ ⲩⲗⲏ · ϫⲓⲛ ⲛ̅ ⲛⲟⲩⲧⲉ ⲧⲏ ⲣ ⲟⲩ . ϣⲁ ⲛ̅ ⲇⲁⲓⲙⲟⲛⲓⲟⲛ · ϫⲓⲛ ⲛ̅ ϫⲟⲉⲓⲥ ⲧⲏⲣ ⲟⲩ . ϣⲁ ⲛ̅ ⲇⲉⲕⲁⲛⲟⲥ · ϫⲓⲛ ⲛ ⲉⲝⲟⲩⲥⲓⲁ ⲧⲏⲣ ⲟⲩ . ϣⲁ ⲛ̅ ⲗⲓⲧⲟⲩⲣⲅⲟⲥ · ϫⲓⲛ ⲡ ⲧⲁⲙⲓⲟ ⲛ̅ ⲣ̅ ⲣⲱⲙⲉ . ϣⲁ ⲛⲉ ⲑⲏ ⲣⲓⲟⲛ · ⲙⲛ̅ ⲛ̅ ⲧⲃ̅ⲛⲟⲟⲩⲉ . ⲙⲛ̅ ⲛ̅ ϫⲁⲧϥⲉ · ϫⲉ ⲉⲩⲉ ⲙⲟⲩⲧⲉ ⲉⲣⲱ ⲧⲛ̅ ϫⲉⲛ̅ ⲧⲉⲗⲉⲓⲟⲥ · ⲉⲧ ϫⲏⲕ ⲉⲃⲟⲗ ϩⲙ̅ ⲡⲗⲏⲣⲱⲙⲁ ⲛⲓⲙ ·

ϩⲁⲙⲏⲛ ϩⲁⲙⲏⲛ ϯ ϫⲱ ⲙ̅ⲙⲟ ⲥ ⲛⲏ ⲧⲛ̅ ϫⲉ ⲡ ⲧⲟⲡⲟⲥ ⲉ ϯ ⲛⲁ ϣⲱⲡⲉ ⲛ̅ϩⲏⲧ ϥ̅ ϩⲛ̅ ⲧ ⲙ̅ⲛ̅ⲧ̅ ⲉⲣⲟ ⲙ̅ ⲡⲁ ⲉⲓⲱⲧ .

ⲧ ⲉⲧ ⲛⲁ ϣⲱⲡⲉ ϩⲱⲧ ⲧⲏⲩⲧⲛ̅ ⲙ̅ⲙⲁⲩ ⲛⲙ̅ⲙⲁ ⲓ̈ ·

ⲁⲩⲱ ⲉϥϣⲁⲛ ϫⲱⲕ ⲛ̅ϭⲓ ⲡ ⲁⲣⲓⲑⲙⲟⲥ ⲛ̅ ⲧⲉⲗⲉⲓⲟⲥ ⲉ ⲧⲣⲉ ϥ ⲃⲱⲗ ⲉⲃⲟⲗ ⲛ̅ϭⲓ ⲡⲕ ⲉⲣⲁⲥⲙⲟⲥ . ϯ ⲛⲁ ⲕⲉⲗⲉⲩⲉ ⲛ̅ ⲥⲉ ⲉⲓⲛⲉ ⲛ̅ ⲛ̅ ⲛⲟⲩⲧⲉ ⲧⲏⲣ ⲟⲩ ⲛ̅ ⲧⲩⲣⲁⲛⲛⲟⲥ ⲛⲁ ⲓ̈ ⲉⲧⲉ ⲙ̅ⲡ ⲟⲩ ϯ ⲡ ⲥⲱⲧϥ̅ ⲙ̅ ⲡⲉⲩ ⲟⲩⲟⲓ̈ⲛ · ⲁⲩⲱ ϯ ⲓⲛⲁ ⲕⲉⲗⲉⲩⲉ ⲙ̅ ⲡⲓ ⲕⲱϩⲧ̅ ⲛ̅ ⲥⲁⲃⲉ · ⲡⲁⲓ̈ ⲉϣⲁⲣⲉ ⲛ̅ ⲧⲉⲗⲓⲟⲥ ϫⲓ ⲟⲟⲣ ⲙ̅ⲙⲟ ϥ . ⲉ ⲧⲣⲉ ϥ ⲟⲩⲱⲙ ⲉϩⲟⲩⲛ ⲛ̅ⲥⲁ ⲛ̅ ⲧⲩ ⲣⲁⲛⲛⲟⲥ ⲉⲧ ⲙ̅ⲙⲁⲩ ϣⲁⲛⲧ ⲟⲩ ϯ ⲡ ϩⲁⲉ ⲛ̅ ⲥⲱⲧϥ̅ ⲛ̅ⲧⲉ ⲡⲉⲩ ⲟⲩⲟⲉⲓⲛ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ .

ⲡⲉϫⲁ ϥ ⲛⲁ ⲩ ϫⲉ ⲧⲉⲧⲛ̅ ⲛⲟⲓ̈ ϫⲉ ⲉ ⲓ̈ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ⲁϣ ⲛ̅ ϩⲉ

. ⲡⲉϫⲉ ⲙⲁ ⲣⲓⲁ ϫⲉ ⲥⲉ ⲡ ϫⲟⲉⲓⲥ ⲁ ⲓ̈ ⲛⲟⲓ̈ ⲙ̅ ⲡ ϣⲁϫⲉ ⲉⲧ ⲕ̅ ϫⲱ ⲙ̅ ⲙⲟ ϥ · ⲉⲧⲃⲉ ⲡ ϣⲁϫⲉ ϭⲉ ⲉⲛⲧ ⲁ ⲕ ϫⲟⲟ ϥ ϫⲉ ϩⲣⲁ ⲓ̈ ϩⲙ̅ ⲡ ⲃⲱⲗ ⲉⲃⲟⲗ ⲙ̅ ⲡⲕ ⲉⲣⲁⲥⲙⲟⲥ ⲧⲏⲣ ϥ̅ . ⲕ ⲛⲁ ϩⲙⲟⲟⲥ ϩⲓϫⲛ̅ ⲟⲩ ϭⲟⲙ ⲛ̅ ⲟⲩⲟⲉⲓⲛ · ⲁⲩⲱ ⲛ̅ⲧⲉ ⲛⲉⲕ ⲙⲁⲑⲏⲧⲏⲥ ⲉⲧⲉ ⲁⲛⲟⲛ ⲡⲉ ⲛ̅ ⲧⲛ̅ ϩⲙⲟⲟⲥ ϩⲓ ⲟⲩⲛⲁⲙ ⲙ̅ⲙⲟ ⲕ . ⲛ̅ ⲅ̅ ϯ ϩⲁⲡ ⲉ ⲛ ⲛⲟⲩⲧⲉ ⲛ̅ ⲧⲩⲣⲁⲛⲛⲟⲥ · ⲛⲁⲓ̈ ⲉⲧⲉ ⲙ̅ⲡ ⲟⲩ ϯ ⲡ ⲥⲱⲧϥ̅ ⲙ̅ ⲡⲉⲩ ⲟⲩⲟⲉⲓⲛ · ⲁⲩⲱ ⲡ ⲕⲱϩⲧ̅ ⲛ̅ ⲥⲁⲃⲉ ⲛⲁ ⲟⲩⲱⲙ ⲛ̅ⲥⲱ ⲟⲩ ϣⲁⲛⲧ ⲟⲩ ϯ ⲡ ϩⲁⲉ ⲛ̅ ⲟⲩⲟⲉⲓⲛ ⲉⲧ ⲛ̅ ϩⲏⲧ ⲟⲩ ·

ⲉⲧⲃⲉ ⲡⲉⲓ̈ ϣⲁϫⲉ ϭⲉ ⲁ ⲧⲉⲕ ϭⲟⲙ ⲛ̅ ⲟⲩⲟⲓ̈ⲛ ⲡⲣⲟⲫⲏⲧⲉⲩⲉ ⲙ̅ ⲡⲓ ⲟⲩⲟⲉⲓϣ ϩⲓⲧⲛ̅ ⲇⲁⲩⲓ̈ⲇ ⲉ ⲥ ϫⲱ ⲙ̅ ⲙⲟ ⲥ ϩⲙ̅ ⲡ ⲙⲉϩ ϥⲧⲟⲩ ϫⲟⲩⲟⲩⲱⲧ ⲙⲛ̅ ⲟⲩⲁ ⲙ̅ ⲯⲁⲗ ⲙⲟⲥ · ϫⲉ ⲡ ⲛⲟⲩⲧⲉ ⲛⲁ ϩⲙⲟⲟ ⲥ ϩⲛ̅ ⲧ ⲥⲩⲛⲁⲅⲱⲅⲏ ⲛ̅ ⲛ̅ ⲛⲟⲩⲧⲉ ⲛ ϥ̅ ϯ ϩⲁⲡ ⲉ ⲛ ⲛⲟⲩⲧⲉ ·

ⲡⲉϫⲁ ϥ ⲛⲁ ⲥ ⲛ̅ϭⲓ ⲓ̅ⲥ̅ ϫⲉ ⲉⲩⲅⲉ ⲙⲁⲣⲓⲁ ·

Ⲍ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲁ ⲥ ϣⲱⲡⲉ ⲛ̅ⲧⲉⲣⲉ ⲧ ⲡⲓⲥ ⲧⲓⲥ ⲥⲟⲫⲓⲁ ⲟⲩⲱ ⲉ ⲥ ϫⲱ ⲛ̅ ⲧ ⲙⲉϩ ⲥⲟ ⲙ̅ ⲙⲉⲧⲁⲛⲟⲓⲁ · ⲉⲧⲃⲉ ⲡ ⲕⲱ ⲉⲃⲟⲗ ⲛ̅ ⲧⲉⲥ ⲡⲁⲣⲁⲃⲁⲥⲓⲥ ·

ⲁ ⲥ ⲕⲟⲧ ⲥ̅ ⲟⲛ ⲉ ⲡ ϫⲓⲥⲉ ⲉ ⲛⲁⲩ ϫⲉ ⲁ ⲩ ⲕⲱ ⲛⲁ ⲥ ⲉⲃⲟⲗ ⲛ̅ ⲛⲉⲥ ⲛⲟⲃⲉ ⲁⲩⲱ ⲉ ⲛⲁⲩ ϫⲉ ⲉⲛⲉ ⲥⲉ ⲛⲁⲛ̅ⲧ ⲥ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ · ⲁⲩⲱ ⲛⲉ ⲙ̅ⲡⲁⲧ ⲟⲩ ⲥⲱⲧⲙ̅ ⲉⲣⲟ ⲥ ⲡⲉ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡ ϣⲟⲣⲡ̅ ⲙ̅ ⲡ ⲙⲩⲥⲧⲏⲣⲓⲟⲛ ⲉ ⲧⲣⲉ ⲩ ⲕⲱ ⲉⲃⲟⲗ ⲙ̅ ⲡⲉⲥ ⲛⲟⲃⲉ · ⲁⲩⲱ ⲛ̅ ⲥ ⲉⲛ̅ⲧ ⲥ̅ ⲉϩⲣⲁⲓ̈ ϩⲙ̅ ⲡⲉ ⲭⲁⲟⲥ ·

ⲛ̅ⲧⲉⲣⲉ ⲥ ⲕⲟⲧ ⲥ̅ ϭⲉ ⲉ ⲡ ϫⲓⲥⲉ ⲉ ⲛⲁⲩ ϫⲉ ⲁ ⲩ ϫⲓ ⲧⲉⲥ ⲙⲉⲧⲁⲛⲟⲓⲁ ⲛ̅ⲧⲟⲟⲧ ⲥ̅ ⲁ ⲥ ⲛⲁⲩ ⲉ ⲛ̅ ⲁⲣⲭⲱⲛ ⲧⲏ ⲣ ⲟⲩ ⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ ⲉ ⲩ ⲥⲱⲃⲉ ⲛ̅ⲥⲱ ⲥ · ⲁⲩⲱ ⲉ ⲩ ⲣⲁϣⲉ ⲙ̅ⲙⲟ ⲥ ⲉⲃⲟⲗ ϫⲉ ⲙ̅ ⲡⲟⲩ ϫⲓ ⲧⲉⲥ ⲙⲉⲧⲁ ⲛⲟⲓⲁ ⲛ̅ⲧⲟⲟⲧ ⲥ̅ · ⲛ̅ⲧⲉⲣⲉ ⲥ ⲛⲁⲩ ϭⲉ ⲉⲣⲟ ⲟⲩ ⲉ ⲩ ϭⲱⲃⲉ ⲛ̅ⲥⲱ ⲥ .

ⲁ ⲥ ⲗⲩⲡⲓ ⲉⲙⲁⲧⲉ ⲁ ⲥ ϥⲓ ϩⲣⲁ ⲥ ⲉϩⲣⲁⲓ̈ ⲉ ⲡ ϫⲓⲥⲉ ⲉ ⲥ ϫⲱ ⲙ̅ⲙⲟ ⲥ ϩⲛ̅ ⲧ ⲙⲉϩ ⲥⲁϣϥⲉ ⲙ̅ ⲙⲉⲧⲁⲛⲟⲓⲁ ϫⲉ ⲡ ⲟⲩⲟⲉⲓⲛ ⲁ ⲓ̈ ϥⲓ ⲛ̅ ⲧⲁ ϭⲟⲙ ⲉϩⲣⲁⲓ̈ ⲉⲣⲟ ⲕ ⲡⲁ ⲟⲩ ⲟⲉⲓⲛ ⲁ ⲓ̈ ⲡⲓⲥⲧⲉⲩⲉ ⲉⲣⲟ ⲕ ⲙ̅ⲡⲣⲧⲣⲁ ϫⲓⲥⲱϣ . ⲁⲩⲱ ⲙ̅ⲡⲣ̅ⲧⲣⲉ ⲩ ⲣⲁϣⲉ ⲙ̅ⲙⲟ ⲓ̈ ⲛ̅ϭⲓ ⲛ̅ ⲁⲣⲭⲱⲛ ⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ ⲛⲁⲓ̈ ⲉⲧ ⲙⲟⲥⲧⲉ ⲙ̅ⲙⲟ ⲓ̈ ·

ⲟⲩⲟⲛ ⲅⲁⲣ ⲛⲓⲙ ⲉⲧ ⲡⲓⲥⲧⲉⲩⲉ ⲉⲣⲟ ⲕ ⲛ̅ ⲥⲉ ⲛⲁ ϫⲓ ϣⲓⲡⲉ ⲁⲛ · ⲉⲩⲉ ϭⲱ ϩⲛ̅ ⲟⲩ ⲕⲁⲕⲉ ⲛ̅ϭⲓ ⲛ ⲉⲛⲧ ⲁ ⲩ ϥⲓ ⲛ̅ ⲧⲁ ϭⲟⲙ ⲛ̅ ⲥⲉ ⲛⲁ ϯ ϩⲏⲩ ⲙ̅ⲙⲟ ⲥ ⲁⲛ ⲁⲗⲗⲁ ⲥⲉ ⲛⲁ ϥⲓⲧ ⲥ̅ ⲛ̅ⲧⲟⲟⲧ ⲟⲩ ·

ⲡ ⲟⲩⲟⲉⲓⲛ ⲙⲁ ⲧⲁⲙⲟ ⲓ̈ ⲉ ⲛⲉⲕ ϩⲓⲟⲟⲩⲉ ⲁⲩⲱ ϯ ⲛⲁ ⲛⲟⲩϩⲙ̅ ⲛ̅ϩⲏⲧ ⲟⲩ ⲁⲩⲱ ⲙⲁ ⲧⲁⲙⲟ ⲓ̈ ⲉ ⲛⲉⲕ ⲙⲁ ⲙ̅ ⲙⲟⲟϣⲉ ϫⲉ ⲉⲓ̈ⲉ ⲛⲟⲩϩⲙ̅ ϩⲙ̅ ⲡⲉ ⲭⲁⲟⲥ ⲁⲩⲱ ϫⲓⲙⲟⲉⲓⲧ ϩⲏⲧ ϩⲙ̅ ⲡⲉⲕ ⲟⲩⲟⲓ̈ⲛ ·

ⲁⲩⲱ ⲙⲁⲣ ⲓ ⲉⲓⲙⲉ ⲱ̅ ⲡ ⲟⲩⲟⲉⲓⲛ ϫⲉ ⲛ̅ⲧⲟⲕ ⲡⲉ ⲡⲁ ⲣⲉϥ ⲛⲟⲩϩⲙ̅ . ϯ ⲛⲁ ⲛⲁϩⲧ ⲉⲣⲟ ⲕ ⲙ̅ ⲡⲁ ⲟⲩⲟⲉⲓϣ ⲧⲏⲣ ϥ̅ ·

ϯ ϩⲧⲏ ⲕ ⲉ ⲧⲣⲉ ⲕ ⲛⲟⲩϩⲙ̅ ⲙ̅ⲙⲟ ⲓ̈ ⲡ ⲟⲩⲟⲓ̈ⲛ ϫⲉ ⲧⲉⲕ ⲙ̅ⲛ̅ⲧ̅ ⲛⲁⲏⲧ ϣⲟⲟⲡ ⲛ̅ ϣⲁ ⲉⲛⲉϩ ⲉⲧⲃⲉ ⲧⲁ ⲡⲁⲣⲁⲃⲁ ⲥⲓⲥ ⲉⲛⲧ ⲁ ⲓ̈ ⲁⲁ ⲥ ϫⲓⲛ ⲛ̅ ϣⲟⲣⲡ̅ ϩⲛ̅ ⲧⲁ ⲙ̅ⲛ̅ⲧ̅ ⲁⲧ ⲥⲟⲟⲩⲛ̅ · ⲙ̅ⲡⲣ̅ ⲟⲡ ⲥ̅ ⲉⲣⲟ ⲓ̈ ⲡ ⲟⲩⲟⲓ̈ⲛ · ⲁⲗⲗⲁ ⲛⲁϩⲙⲉ ⲧ ⲛ̅ⲧⲟϥ ϩⲙ̅ ⲡⲉⲕ ⲛⲟϭ ⲙ̅ ⲙⲩⲥⲧⲏⲣⲓⲟⲛ ⲛ̅ ⲣⲉϥ ⲕⲁ ⲛⲟⲃⲉ ⲉⲃⲟⲗ · ⲉⲧⲃⲉ ⲧⲉⲕ ⲙ̅ⲛ̅ⲧ̅ ⲁⲅⲁⲑⲟⲥ ⲡ ⲟⲩⲟⲓ̈ⲛ ϫⲉ ⲟⲩ ⲁⲅⲁⲑⲟⲥ ⲁⲩⲱ ⲉ ϥ ⲥⲟⲩⲧⲱⲛ ⲡⲉ ⲡ ⲟⲩⲟⲉⲓⲛ · ⲉⲧⲃⲉ ⲡⲁⲓ̈ ϥ ⲛⲁ ϯ ⲧⲁ ϩⲓⲏ ⲛⲁ ⲓ̈ ⲉ ⲧⲣ ⲁ ⲛⲟⲩϩⲙ̅ ϩⲛ̅ ⲧⲁ ⲡⲁⲣⲁⲃⲁⲥⲓⲥ · ⲁⲩⲱ ⲛⲁ ϭⲟⲙ ⲉⲛⲧ ⲁ ⲩ ⲥⲃⲟⲕ ϩⲓⲧⲛ̅ ⲑ ⲟⲧⲉ ⲛ̅ ⲛⲉ ⲡⲣⲟⲃⲟⲗⲟⲩⲉ ⲛ̅ ϩⲩⲗⲓⲕⲟⲛ ⲙ̅ ⲡ ⲁⲩⲑⲁⲇⲏⲥ ϥ ⲛⲁ ⲥⲱⲕ ϩⲏⲧ ⲟⲩ ϩⲙ̅ ⲡⲉϥ ⲧⲱϣ · ⲁⲩⲱ ⲛⲁ ϭⲟⲙ ⲉⲛⲧ ⲁ ⲩ ⲥⲃⲟⲕ ϩⲓⲧⲛ̅ ⲛⲓ ⲁⲧ ⲛⲁ̅ ϥ ⲛⲁ ⲧⲥⲁⲃⲟ ⲟⲩ ⲉ ⲡⲉϥ ⲥⲟⲟⲩⲛ · ϫⲉ ⲛ̅ ⲥⲟⲟⲩⲛ̅ ⲧⲏ ⲣ ⲟⲩ ⲙ̅ ⲡⲟⲩⲟⲓ̈ⲛ ϩⲉⲛ ⲛⲟⲩϩⲙ̅ ⲛⲉ · ⲁⲩⲱ ϩⲉⲛ ⲙⲩⲥ ⲧⲏⲣⲓⲟⲛ ⲛⲉ ⲛ̅ ⲟⲩⲟⲛ ⲛⲓⲙ ⲉⲧ ϣⲓⲛⲉ ⲛ̅ⲥⲁ ⲛ̅ ⲧⲟⲡⲟⲥ ⲛ̅ ⲧⲉϥ ⲕⲗⲏⲣⲟⲛⲟⲙⲓⲁ ⲙⲛ̅ ⲛⲉϥ ⲙⲩⲥⲧⲏⲣⲓⲟⲛ ⲉⲧⲃⲉ ⲡ ⲙⲩⲥ ⲧⲏⲣⲓⲟⲛ ⲙ̅ ⲡⲉⲕ ⲣⲁⲛ ⲡ ⲟⲩⲟⲉⲓⲛ ⲕⲱ ⲉⲃⲟⲗ ⲛ̅ ⲧⲁ ⲡⲁⲣⲁⲃⲁⲥⲓⲥ ϫⲉ ⲟⲩ ⲛⲟϭ ⲧⲉ · ⲟⲩⲟⲛ ⲛⲓⲙ ⲉⲧ ⲛⲁϩⲧⲉ ⲉ ⲡ ⲟⲩⲟⲉⲓⲛ . ϥ ⲛⲁ ϯ ⲛⲁ ϥ ⲙ̅ ⲡ ⲙⲩⲥⲧⲏⲣⲓⲟⲛ ⲉ ⲧⲉ ϩ ⲛⲁϥ · ⲁⲩⲱ ⲧⲉϥ ⲯⲩⲭⲏ ⲛⲁ ϣⲱⲡⲉ ϩⲛ̅ ⲛ̅ ⲧⲟⲡⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲧⲉϥ ϭⲟⲙ ⲛⲁ ⲕⲗⲏⲣⲟⲛⲟⲙⲓ ⲙ̅ ⲡⲉ ⲑⲏ ⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·