Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ ⲁ ⲥ ⲉ̅ⲓ ⲉ ⲑ ⲏ ⲛ̅ϭⲓ ⲙⲁⲣⲓⲁ ⲧ ⲉⲧ ⲛⲉⲥⲱ ⲥ ϩⲛ̅ ⲧⲉⲥ ϭⲓⲛ ϣⲁϫⲉ . ⲁⲩⲱ ⲧ ⲙⲁⲕⲁⲣⲓⲁ ⲁ ⲥ ⲡⲁϩ̅ⲧ̅ ⲥ̅ ⲉϫⲛ̅ ⲛ̅ ⲟⲩⲉⲣⲏⲧⲉ ⲛ̅ ⲓ̅ⲥ̅ .

ⲡⲉϫⲁ ⲥ ϫⲉ ⲡⲁ ϫⲟⲉⲓⲥ ⲁⲛ ⲉⲭⲉ ⲙ̅ⲙⲟ ⲓ̈ ⲛ̅ ⲧⲁ ϣⲁϫⲉ ⲙ̅ ⲡⲉⲕ ⲙ̅ⲧⲟ ⲉⲃⲟⲗ · ⲁⲩⲱ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ̈ ϫⲉ ϯ ⲟⲩⲉϩ ϩⲓⲥⲉ ⲉⲣⲟ ⲕ ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ ⲉ ⲓ̈ ϣⲓⲛⲉ ⲙ̅ⲙⲟ ⲕ ·

ⲁ ϥ ⲟⲩⲱϣⲃ̅ ⲛ̅ϭⲓ ⲡ ⲥⲱ ⲧⲏⲣ ϩⲛ̅ ⲟⲩ ⲙⲛ̅ⲧ ϣⲁ ⲛ ϩⲧⲏ ϥ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲁϫⲓ ⲡ ϣⲁϫⲉ ⲉ ⲧⲉ ϩⲛⲉ · ⲁⲩⲱ ⲁⲛⲟⲕ ϯ ⲛⲁ ϭⲟⲗⲡ ϥ̅ ⲛ ⲉ ⲉⲃⲟⲗ . ϩⲛ̅ ⲟⲩ ⲡⲁⲣⲣⲏⲥⲓⲁ :

ⲁ ⲥ ⲟⲩⲱϣⲃ̅ ⲇⲉ ⲛ̅ϭⲓ ⲙⲁ ⲣⲓⲁ ⲡⲉϫⲁ ⲥ ⲛ̅ ⲓ̅ⲥ̅ ϫⲉ ⲡⲁ ϫⲟⲉⲓⲥ ·

ⲛ̅ ⲁϣ ⲛ̅ ϩⲉ ⲛⲉⲣⲉ ⲛⲉ ⲯⲩⲭⲟⲟⲩⲉ ⲛⲁ ⲱⲥⲕ̅ ⲃ̅ⲃⲟⲗ ⲧⲁⲓ̈ · ⲏ̅ ⲉ ⲩ ⲛⲁ ⲥⲟⲧϥ ⲟⲩ ⲛ̅ⲧⲟϥ ϩⲛ̅ ⲟⲩ ϭⲉⲡⲏ ⲛ̅ ⲁϣ ⲛ̅ ⲥⲙⲟⲧ ·

ⲁ ϥ ⲟⲩⲱϣⲃ̅ ⲇⲉ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲙ̅ ⲙⲁⲣⲓⲁ ϫⲉ ⲉⲩⲅⲉ ⲙⲁⲣⲓⲁ ·

ⲧⲉ ϣⲓⲛⲉ ⲕⲁⲗⲱⲥ ϩⲛ̅ ⲧ ϭⲓⲛ ϣⲓⲛⲉ ⲉⲧ ⲛⲁⲛⲟⲩ ⲥ · ⲁⲩⲱ ⲧⲉ ϯ ⲟⲩ ⲟⲉⲓⲛ̅ ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ · ⲁⲩⲱ ϩⲛ̅ ⲟⲩ ⲙⲛ̅ⲧ ⲁⲕⲣⲓⲃⲏⲥ ·

ⲧⲉⲛⲟⲩ ϭⲉ ⲛ̅ ϯ ⲛⲁ ϩⲉⲡ ⲗⲁⲁⲩ ⲉⲣⲱ ⲧⲛ̅ ⲁⲛ ϫⲓⲛ ⲙ̅ ⲡⲉⲓ̈ ⲛⲁⲩ · ⲁⲗⲗⲁ ϯ ⲛⲁ ϭⲗ̅ⲡ̅ ϩⲱⲃ ⲛⲓⲙ ⲛⲏ ⲧⲛ̅ ⲉⲃⲟⲗ ϩⲛ̅ ⲟⲩ ⲱⲣϫ̅ · ⲁⲩⲱ ϩⲛ̅ ⲟⲩ ⲡⲁⲣϩⲏⲥⲓⲁ ·

ⲥⲱⲧⲙ̅ ϭⲉ ⲙⲁⲣⲓⲁ · ⲁⲩⲱ ϫⲓ ⲥⲙⲏ ⲛ̅ⲧⲱⲧⲛ̅ ⲙ̅ ⲙⲁ ⲑⲏⲧⲏⲥ ⲧⲏⲣ ⲟⲩ ·

ϫⲉ ϩⲁ ⲑ ⲏ ⲉ ⲙⲡⲁ ϯ ⲧⲁϣⲉ ⲟⲉⲓϣ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲛ ⲁⲓⲱⲛ · ⲁⲩⲱ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲑ ⲓⲙⲁⲣⲙⲉⲛⲏ ⲙⲛ̅ ⲧⲉ ⲥⲫⲁⲓⲣⲁ ·

ⲛⲉ ⲩ ⲙⲏⲣ ⲧⲏⲣ ⲟⲩ ⲡⲉ ϩⲛ̅ ⲛⲉⲩ ⲙⲣ̅ⲣⲉ · ⲁⲩⲱ ϩⲛ̅ ⲛⲉⲩ ⲥⲫⲁⲓⲣⲁ · ⲁⲩⲱ ϩⲛ̅ ⲛⲉⲩ ⲥⲫⲣⲁⲅⲓⲥ · ⲕⲁⲧⲁ ⲑ ⲉ ⲉⲛⲧ ⲁ ϥ ⲙⲟⲣ ⲟⲩ ⲙ̅ⲙⲟ ⲥ ϫⲓⲛ ⲛ̅ ϣⲟⲣⲡ̅ ⲛ̅ϭⲓ ⲓ̅ⲉ̅ⲟ̅ⲩ̅ ⲡ ⲉⲡⲓⲥⲕⲟⲡⲟⲥ ⲙ̅ ⲡ ⲟⲩ ⲟⲉⲓⲛ ·

ⲁⲩⲱ ⲛⲉⲣⲉ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲛⲉ ⲩ ϭⲉⲉⲧ ⲡⲉ ϩⲣⲁⲓ̈ ϩⲛ̅ ⲧⲉⲩ ⲧⲁⲝⲓⲥ ⲁⲩⲱ ⲛⲉⲣⲉ ⲡ ⲟⲩⲁ ⲡ ⲟⲩⲁ ⲙⲟⲟϣⲉ ⲡⲉ ⲕⲁⲧⲁ ⲡⲉϥ ⲇⲣⲟⲙⲟⲥ · ⲕⲁⲧⲁ ⲑ ⲉ ⲛ̅ⲧ ⲁ ϥ ⲕⲁⲁ ⲩ ⲙ̅ⲙⲟ ⲥ ⲛ̅ϭⲓ ⲓ̅ⲉ̅ⲟ̅ⲩ̅ ⲡ ⲉⲡⲓⲥⲕⲟⲡⲟⲥ ⲙ̅ ⲡ ⲟⲩⲟⲉⲓⲛ ·

ⲁⲩⲱ ⲉϥϣⲁⲛ ⲉⲓ̅ ⲛ̅ϭⲓ ⲡⲉ ⲟⲩⲟⲉⲓϣ ⲙ̅ ⲡ ⲁⲣⲓⲑⲙⲟⲥ ⲙ̅ ⲙⲉⲗϫⲓⲥⲉⲇⲉⲕ .

ⲡ ⲛⲟϭ ⲙ̅ ⲡⲁⲣⲁⲗⲏⲙⲡⲧⲱⲣ ⲛ̅ ⲟⲩⲟⲉⲓⲛ ⲛⲉ ϣⲁ ϥ ⲉⲓ̅ ⲡⲉ ⲉ ⲧ ⲙⲏⲧⲉ ⲛ̅ ⲛ ⲁⲓⲱⲛ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲉⲧ ⲙⲏⲣ ϩⲛ̅ ⲧⲉ ⲥⲫⲁⲓⲣⲁ · ⲁⲩⲱ ϩⲛ̅ ⲑ ⲓⲙⲁⲣ ⲙⲉⲛⲏ ·

ⲁⲩⲱ ϣⲁ ϥ ϥⲓ ⲡ ⲥⲱⲧϥ̅ ⲙ̅ ⲡ ⲟⲩⲟⲉⲓⲛ ⲛ̅ⲧⲟⲟⲧ ⲟⲩ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲛ ⲁⲓⲱⲛ · ⲁⲩⲱ ⲛ̅ⲧⲟⲟⲧ ⲟⲩ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲑ ⲓⲙⲁⲣⲙⲉⲛⲏ · ⲙⲛ̅ ⲛⲁ ⲧⲉ ⲥⲫⲁⲓⲣⲁ ·

ⲛⲉ ϣⲁ ϥ ϥⲓ ⲅⲁⲣ ⲙ̅ⲙⲁⲩ ⲡⲉ ⲙ̅ ⲡ ⲉⲧ ϣⲧⲟⲣⲧⲣ̅ ⲙ̅ⲙⲟ ⲟⲩ ·

ⲁⲩⲱ ϣⲁ ϥ ⲕⲓⲙ ⲉ ⲡⲓ ⲥⲡⲟⲩⲇⲁⲥⲧⲏⲥ ⲉⲧ ϩⲓ ϫⲱ ⲟⲩ ⲛ ϥ̅ ⲧⲣⲉ ⲩ ⲕⲱⲧⲉ ⲛ̅ ⲛⲉⲩ ⲕⲩⲕⲗⲟⲥ ϩⲛ̅ ⲟⲩ ϭⲉⲡⲏ

ⲁⲩⲱ ϣⲁ ϥ ϥⲓ ⲧⲉⲩ ϭⲟⲙ ⲉⲧ ⲛ̅ϩⲏⲧ ⲟⲩ · ⲙⲛ̅ ⲡ ⲛⲓϥⲉ ⲛ̅ ⲧⲉⲩ ⲧⲁⲡⲣⲟ · ⲁⲩⲱ ⲙⲛ̅ ⲙ̅ ⲙⲟⲩⲉⲓⲟⲟⲩⲉ ⲛ̅ ⲛⲉⲩ ⲃⲁⲗ · ⲁⲩⲱ ⲙⲛ̅ ⲛ̅ ϥⲱⲧⲉ ⲛ̅ ⲛⲉⲩ ⲥⲱⲙⲁ ·

ⲁⲩⲱ ⲙⲉⲗϫⲓⲥⲉⲇⲉⲕ ⲡ̅ ⲡⲁⲣⲁⲗⲏⲙⲡⲧⲱⲣ ⲙ̅ ⲡ ⲟⲩⲟⲉⲓⲛ . ϣⲁ ϥ ⲥⲱⲧϥ̅ ⲛ̅ ⲛ̅ ϭⲟⲙ ⲉⲧ ⲙ̅ⲙⲁⲩ · ⲛ ϥ̅ ϥⲓ ⲡⲉⲩ ⲟⲩⲟⲉⲓⲛ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ

ⲁⲩⲱ ⲧⲉⲩ ϩⲩⲗⲏ ⲧⲏⲣ ⲟⲩ ϩⲓ ⲛⲉⲩ ⲉⲣⲏⲩ ϣⲁ ⲩ ⲥⲟⲟⲩϩ ⲟⲩ ⲉϩⲟⲩⲛ ⲛ̅ϭⲓ ⲛ̅ ⲗⲉⲓⲧⲟⲩⲣⲅⲟⲥ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ·

ⲁⲩⲱ ϣⲁ ⲩ ϫⲓⲧ ⲟⲩ ⲛ̅ϭⲓ ⲛ̅ ⲗⲉⲓⲧⲟⲩⲣⲅⲟⲥ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲑ ⲓⲙⲁⲣⲙⲉⲛⲏ · ⲙⲛ̅ ⲛ̅ ⲗⲉⲓⲧⲟⲩⲣ ⲅⲟⲥ ⲛ̅ ⲧⲉ ⲥⲫⲁⲓⲣⲁ · ⲛⲁⲓ̈ ⲉⲧ ⲙ̅ ⲡ ⲉⲥⲏⲧ ⲛ̅ ⲁⲓⲱⲛ · ⲛ̅ ⲥⲉ ⲁⲁ ⲩ ⲙ̅ ⲯⲩⲭⲏ ⲛ̅ ⲣⲱⲙⲉ ⲁⲩⲱ ⲛ̅ ⲧⲃ̅ⲛⲏ ⲁⲩⲱ ⲛ̅ ϫⲁⲧⲃⲉ · ϩⲓ ⲑⲏⲣⲓⲟⲛ · ϩⲓ ϩⲁⲗⲏⲧ · ⲁⲩⲱ ⲛ̅ ⲥⲉ ϫⲟⲟⲩ ⲥⲟⲩ ⲉ ⲡⲉⲉⲓ ⲕⲟⲥⲙⲟⲥ ⲛ̅ⲧⲉ ⲧ ⲙ̅ⲛ̅ⲧ̅ ⲣⲱⲙⲉ ·

ⲁⲩⲱ ⲟⲛ ⲙ̅ ⲡⲁⲣⲁⲗⲏⲙⲡⲧⲱⲣ ⲙ̅ ⲡ ⲣⲏ ⲙⲛ̅ ⲙ̅ ⲡⲁⲣⲁⲗⲏⲙⲡⲧⲱⲣ ⲙ̅ ⲡ ⲟⲟϩ ⲉⲩϣⲁⲛ ϭⲱϣⲧ̅ ⲉ ⲧ ⲡⲉ ⲛ̅ ⲥⲉ ⲛⲁⲩ ⲉ ⲛⲉ ⲥⲭⲏⲙⲁ ⲛ̅ ⲛ̅ ϭⲓⲛ ⲙⲟⲟϣⲉ ⲛ̅ ⲛ ⲁⲓⲱⲛ · ⲙⲛ̅ ⲛⲉ ⲥⲭⲏⲙⲁ ⲛ̅ ⲑ ⲓ ⲙⲁⲣⲙⲉⲛⲏ · ⲙⲛ̅ ⲛⲁ ⲧⲉ ⲥⲫⲁⲓⲣⲁ

ⲁⲩⲱ ϣⲁ ϥ ϥⲓ ⲧ ϭⲟⲙ · ⲙ̅ ⲡ ⲟⲩⲟⲉⲓⲛ ⲛ̅ⲧⲟⲟⲧ ⲟⲩ ⲁⲩⲱ ϣⲁ ⲩ ⲥⲟⲃⲧⲉ ⲛ̅ϭⲓ ⲙ̅ ⲡⲁ ⲣⲁⲗⲏⲙⲡⲧⲱⲣ ⲙ̅ ⲡ ⲣⲏ ⲛ̅ ⲥⲉ ⲕⲁⲁ ϥ ϣⲁⲛⲧ ⲟⲩ ⲧⲁⲁ ϥ ⲛ̅ ⲙ̅ ⲡⲁⲣⲁⲗⲏⲙⲡⲧⲱⲣ ⲙ̅ ⲙⲉⲗϫⲓⲥⲉⲇⲉⲕ · ⲡ ⲣⲉϥ ⲥⲱⲧⲃ̅ ⲛ̅ ⲟⲩⲟⲉⲓⲛ

ⲁⲩⲱ ⲡⲉⲩ ϩⲩⲗⲓⲕⲟⲛ ⲛ̅ ⲥⲟⲣⲙ̅ . ϣⲁ ⲩ ϫⲓⲧ ϥ̅ ⲉ ⲧⲉ ⲥⲫⲁⲓⲣⲁ · ⲉⲧ ⲙ̅ ⲡ ⲉⲥⲏⲧ ⲛ̅ ⲛ ⲁⲓⲱⲛ ⲛ̅ ⲥⲉ ⲁⲁ ϥ ⲙ̅ ⲯⲩⲭⲏ ⲛ̅ ⲣⲱⲙⲉ ·

ⲁⲩⲱ ⲟⲛ ϣⲁ ⲩ ⲁⲁ ϥ ⲛ̅ ϫⲁⲧϥⲉ · ϩⲓ ⲧⲃ̅ⲛⲏ · ϩⲓ ⲑⲏⲣⲓⲟⲛ · ϩⲓ ϩⲁⲗⲏⲧ · ⲕⲁⲧⲁ ⲡ ⲕⲩⲕⲗⲟⲥ ⲛ̅ ⲛ̅ ⲁⲣⲭⲱⲛ ⲛ̅ ⲧⲉ ⲥⲫⲁⲓⲣⲁ ⲉⲧ ⲙ̅ⲙⲁⲩ · ⲁⲩⲱ ⲕⲁⲧⲁ ⲛⲉ ⲥⲭⲏⲙⲁ ⲧⲏⲣ ⲟⲩ ⲛ̅ ⲧⲉⲥ ϭⲓⲛⲕⲱⲧⲉ ·

ⲁⲩⲱ ⲛ̅ ⲥⲉ ⲛⲟ ϫ ⲟⲩ ⲉ ⲡⲉⲓ̈ ⲕⲟⲥⲙⲟⲥ ⲛ̅ⲧⲉ ⲧ ⲙ̅ⲛ̅ⲧ̅ ⲣⲱⲙⲉ · ⲁⲩⲱ ⲛ̅ ⲥⲉ ϣⲱⲡⲉ ⲙ̅ ⲯⲩⲭⲏ ϩⲙ̅ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ⲕⲁⲧⲁ ⲑ ⲉ ⲉⲛⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲥ ⲛⲏ ⲧⲛ̅ ·

ⲛⲁⲓ̈ ϭⲉ ⲛⲉ ⲩ ϫⲱⲕ ⲉⲃⲟⲗ ⲙ̅ⲙⲟ ⲟⲩ ⲡⲉ ⲉ ⲩ ⲙⲏⲛ : ϩⲁ ⲑ ⲏ ⲉ ⲙⲡⲁⲧⲉ ⲧⲉⲩ ϭⲟⲙ ⲥⲃⲟⲕ ϩⲣⲁⲓ̈ ⲛ̅ϩⲏⲧ ⲟⲩ · ⲁⲩⲱ ⲛ̅ ⲥⲉ ϭⲱϫⲃ̅ · ⲁⲩⲱ ⲛ̅ ⲥⲉ ⲁⲧⲟⲛⲓ · ⲏ̅ ⲛ̅ ⲥⲉ ⲣ̅ ⲁⲧ ϭⲟⲙ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ⲣ̅ ⲁⲧ ϭⲟⲙ ⲁⲩⲱ ⲁ ⲧⲉⲩ ϭⲟⲙ ⲁⲣⲭⲓ ⲛ̅ ⲱϫⲛ̅ ϩⲣⲁⲓ̈ ⲛ̅ ϩⲏⲧ ⲟⲩ ⲁⲩⲱ ⲛ̅ ⲥⲉ ⲣ̅ ϭⲱⲃ ϩⲛ̅ ⲧⲉⲩ ϭⲟⲙ · ⲁⲩⲱ ⲛ ϥ̅ ⲱϫⲛ̅ ⲛ̅ϭⲓ ⲡⲉⲩ ⲟⲩⲟⲉⲓⲛ ⲉⲧ ϣⲟⲟⲡ ϩⲙ̅ ⲡⲉⲩ ⲧⲟⲡⲟⲥ ·

ⲁⲩⲱ ⲛ̅ⲧⲉ ⲧⲉⲩ ⲙ̅ⲛ̅ⲧ̅ ⲉⲣⲟ ⲃⲱⲗ ⲉⲃⲟⲗ · ⲁⲩⲱ ⲛ̅ⲧⲉ ⲡ ⲧⲏⲣ ϥ̅ ⲱⲗ ⲉϩⲣⲁⲓ̈ ϩⲛ̅ ⲟⲩ ϭⲉⲡⲏ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲟⲩ ⲉⲓⲙⲉ ⲉ ⲛⲁⲓ̈ ϩⲣⲁⲓ̈ ϩⲙ̅ ⲡⲉ ⲟⲩⲟⲉⲓϣ .

ⲁⲩⲱ ⲉϥϣⲁⲛ ϣⲱⲡⲉ ⲛ̅ϭⲓ ⲡ ⲁⲣⲓⲑⲙⲟⲥ ⲛ̅ ⲧⲉ ⲯⲏⲫⲟⲥ ⲙ̅ ⲙⲉⲗⲭⲓⲥⲉⲇⲉⲕ · ⲡ̅ ⲡⲁⲣⲁ ⲗⲏⲙⲡⲧⲱⲣ · ⲛⲉ ϣⲁ ϥ ⲉⲓ̅ ⲟⲛ ⲉⲃⲟⲗ ⲡⲉ . ⲛ ϥ̅ ⲃⲱⲕ ⲉϩⲟⲩⲛ ⲉ ⲧ ⲙⲏⲧⲉ ⲛ̅ ⲛ̅ ⲁⲣⲭⲱⲛ ⲛ̅ ⲛ ⲁⲓⲱⲛ ⲧⲏⲣ ⲟⲩ · ⲁⲩⲱ ⲉ ⲧ ⲙⲏⲧⲉ ⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲑ ⲓⲙⲁⲣⲙⲉⲛⲏ . ⲙⲛ̅ ⲛⲁ ⲧⲉ ⲥⲫⲁⲓⲣⲁ · ⲁⲩⲱ ϣⲁ ϥ ϣⲧ̅ⲣⲧⲱⲣ ⲟⲩ · ⲛ ϥ̅ ⲧⲣⲉⲩ ⲕⲱ ⲉⲃⲟⲗ ⲛ̅ϭⲓ ⲛⲉⲩ ⲕⲩⲕⲗⲟⲥ ϩⲛ̅ ⲟⲩ ϭⲉⲡⲏ · ⲁⲩⲱ ⲛ̅ ⲧⲉ ⲩⲛⲟⲩ ϣⲁ ⲩ ⲑⲗⲓⲃⲉ ⲛ̅ ⲥⲉ ⲥⲓⲧⲉ ⲛ̅ ⲧ ϭⲟⲙ ⲛ̅ⲥⲁ ⲃⲟⲗ ⲙ̅ ⲙⲟ ⲟⲩ · ⲉⲃⲟⲗ ϩⲙ̅ ⲡ ⲛⲓϥⲉ ⲛ̅ ⲧⲉⲩ ⲧⲁⲡⲣⲟ · ⲁⲩⲱ ⲉⲃⲟⲗ ϩⲛ̅ ⲙ̅ ⲙⲟⲩⲉⲓⲟⲟⲩⲉ ⲛ̅ ⲛⲉⲩ ⲃⲁⲗ · ⲁⲩⲱ ⲉⲃⲟⲗ ϩⲛ̅ ⲛ̅ ϥⲱⲧⲉ ⲛ̅ ⲛⲉⲩ ⲥⲱⲙⲁ ·

ⲁⲩⲱ ϣⲁ ϥ ⲥⲟⲧϥ ⲟⲩ ⲛ̅ϭⲓ ⲙⲉⲗ ϫⲓⲥⲉⲇⲉⲕ ⲡ̅ ⲡⲁⲣⲁⲗⲏⲙⲡⲧⲱⲣ ⲙ̅ ⲡ ⲟⲩⲟⲉⲓⲛ ⲕⲁⲧⲁ ⲑ ⲉ ⲉ ϣⲁ ϥ ⲁⲁ ⲥ ⲉ ϥ ⲙⲏⲛ ⲉⲃⲟⲗ · ⲁⲩⲱ ⲛ ϥ̅ ϫⲓ ⲡⲉⲩ ⲟⲩⲟⲉⲓⲛ ⲉ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲑ ⲩⲗⲏ ⲙ̅ ⲡⲉⲩ ⲥⲟⲣⲙ̅ . ϣⲁⲣⲉ ⲛ̅ ⲁⲣⲭⲱⲛ ⲧⲏⲣ ⲟⲩ ⲛ̅ ⲁⲓⲱⲛ · ⲁⲩⲱ ⲛ ⲁⲣⲭⲱⲛ ⲛ̅ ⲑ ⲓⲙⲁⲣⲙⲉⲛⲏ ⲙⲛ̅ ⲛⲁ ⲧⲉ ⲥⲫⲁⲓⲣⲁ ϣⲁ ⲩ ⲕⲱⲧⲉ ⲉⲣⲟ ⲥ ⲛ̅ ⲥⲉ ⲱⲙ̅ⲕ ⲙ̅ⲙⲟ ⲥ · ⲁⲩⲱ ⲙⲉ ⲩ ⲕⲁⲁ ⲩ ⲉ ⲉⲓ̅ ⲉ ⲣ̅ ⲯⲩⲭⲏ ϩⲙ̅ ⲡ ⲕⲟⲥⲙⲟⲥ · ϣⲁ ⲩ ⲱⲙⲕ̅ ϭⲉ ⲛ̅ ⲧⲉⲩ ϩⲩⲗⲏ · ϫⲉ ⲛ̅ⲛⲉ ⲩ ⲣ̅ ⲁⲧ ϭⲟⲙ · ⲛ̅ ⲥⲉ ⲁⲧⲟⲛⲓ · ⲁⲩⲱ ⲛ̅ⲧⲉ ⲧⲉⲩ ϭⲟⲙ ⲱϫⲛ̅ ϩⲣⲁⲓ̈ ⲛ̅ϩⲏⲧ ⲟⲩ · ⲁⲩⲱ ⲛ̅ⲧⲉ ⲧⲉⲩ ⲙⲛ̅ⲧ ⲉⲣⲟ ⲃⲱⲗ ⲉⲃⲟⲗ · ⲁⲗⲗⲁ ϣⲁ ⲩ ⲟⲙⲕ̅ ⲥ̅ ϫⲉ ⲛ̅ ⲛⲉⲩ ⲃⲱⲗ ⲉⲃⲟⲗ ⲁⲗⲗⲁ ϫⲉ ⲉⲩⲉ ⲱⲥⲕ̅ ⲛ̅ ⲥⲉ ⲣ̅ ⲟⲩ ⲛⲟϭ ⲛ̅ ⲟⲩⲟ ⲉⲓϣ ⲉ ⲙⲡ ⲉⲓ ϫⲱⲕ ⲙ̅ ⲡ ⲁⲣⲓⲑⲙⲟⲥ ⲛ̅ ⲛⲉ ⲯⲩⲭⲟⲟⲩⲉ ⲛ̅ ⲧⲉⲗⲓⲟⲛ · ⲛⲁⲓ̈ ⲉⲧ ⲛⲁ ϣⲱⲡⲉ ϩⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲁ ⲥ ϣⲱⲡⲉ ϭⲉ ⲉⲣⲉ ⲛ ⲁⲣⲭⲱⲛ ⲛ̅ ⲛ ⲁⲓⲱⲛ ⲙⲛ̅ ⲛⲁ ⲑ ⲓⲙⲁⲣⲙⲉ ⲛⲏ ⲙⲛ̅ ⲛⲁ ⲧⲉ ⲥⲫⲁⲓⲣⲁ . ⲉ ⲩ ⲙⲏⲛ ⲉⲃⲟⲗ · ⲉ ⲩ ⲉⲓⲣⲉ ⲙ̅ ⲡⲉⲓ̈ ⲧⲩⲡⲟⲥ ⲉ ⲩ ⲕⲧⲟ ⲙ̅ⲙⲟ ⲟⲩ ⲉ ⲩ ⲟⲩⲱⲙ ⲙ̅ ⲡ ⲥⲟⲣⲙ̅ ⲛ̅ ⲧⲉⲩ ϩⲩⲗⲏ ⲉ ⲙⲡ ⲟⲩ ⲕⲁⲁ ⲩ ⲉ ⲣ̅ ⲯⲩⲭⲏ ϩⲙ̅ ⲡ ⲕⲟⲥⲙⲟⲥ ⲛ̅ ⲧ ⲙ̅ⲛ̅ⲧ̅ ⲣⲱⲙⲉ ϫⲉ ⲉⲩⲉ ⲱⲥⲕ̅ ⲉ ⲩ ⲟ ⲛ̅ ⲣ̅ⲣⲟ · ⲁⲩⲱ ⲛ̅ ⲥⲉ ⲣ̅ ⲟⲩ ⲛⲟϭ ⲛ̅ ⲟⲩⲟⲉⲓϣ ⲛ̅ ⲃⲟⲗ ⲧⲁⲓ̈ ⲛ̅ϭⲓ ⲛ̅ ⲧ̇ ϭⲟⲙ · ⲛⲁⲓ̈ ⲉⲧ ⲟ ⲛ̅ ϭⲟⲙ ⲛ̅ϩⲏⲧ ⲟⲩ ⲉⲧⲉ ⲛ̅ⲧⲟⲟⲩ ⲛⲉ ⲛⲉ ⲯⲩ ⲭⲟⲟⲩⲉ ·

ⲛⲁⲓ̈ ϭⲉ ⲁ ⲩ ϭⲱ ⲉ ⲩ ⲉⲓⲣⲉ ⲙ̅ⲙⲟ ⲟⲩ ⲛ̅ ⲕⲩⲕⲗⲟⲥ ⲥⲛⲁⲩ ⲉ ⲩ ⲙⲏⲛ ⲉⲃⲟⲗ :

ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲓ ⲉⲓ̅ ⲉ ⲓ̈ ⲛⲁ ⲃⲱⲕ ⲉϩⲣⲁⲓ̈ ⲉ ⲧ ⲇⲓⲁⲕⲟⲛⲓⲁ ⲉⲛⲧ ⲁ ⲩ ⲧⲁϩⲙⲉ ⲧ ⲉⲧ ⲃⲏⲏⲧ ⲥ̅ . ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲁ ⲓ̈ ⲉⲓ̅ ⲉϩⲣⲁⲓ̈ ⲉ ⲧ ⲙⲏⲧⲉ ⲛ̅ ⲛ̅ ⲧⲩⲣⲁⲛⲛⲟⲥ ⲛ̅ ⲛ̅ ⲁⲣⲭⲱⲛ ⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ · ⲉⲣⲉ ⲡⲁ ⲉⲛⲇⲩⲙⲁ ⲛ̅ ⲟⲩ ⲟⲉⲓⲛ ϩⲓⲱⲱ ⲧ . ⲉ ⲓ̈ ⲟ̅ ⲛ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ · ⲉ ⲙⲛ̅ ϣⲓ ⲉ ⲡ ⲟⲩⲟⲉⲓⲛ ⲉ ⲛ ⲉϥ ϣⲟⲟⲡ ⲙ̅ⲙⲟ ⲓ̈ · ⲁ ⲥ ϣⲱⲡⲉ ϭⲉ ⲛ̅ ⲧⲉⲣ ⲟⲩ ⲛⲁⲩ ⲉ ⲡ ⲛⲟϭ ⲛ̅ ⲟⲩⲟⲉⲓⲛ ⲉⲧ ϣⲟⲟⲡ ⲙ̅ⲙⲟ ⲓ̈ ⲛ̅ϭⲓ ⲛⲓ ⲧⲩⲣⲁⲛⲛⲟⲥ ⲉⲧ ⲙ̅ⲙⲁⲩ .

ⲁ ⲡ ⲛⲟϭ ⲛ̅ ⲁⲇⲁⲙⲁⲥ ⲡ ⲧⲩ ⲣⲁⲛⲛⲟⲥ ⲙⲛ̅ ⲛ̅ ⲧⲩⲣⲁⲛⲛⲟⲥ ⲧⲏⲣ ⲟⲩ ⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ ⲁ ⲩ ⲁⲣⲭⲉⲥⲑⲁⲓ ⲧⲏⲣ ⲟⲩ ⲙ̅ ⲡⲟⲗⲉⲙⲉⲓ ⲙⲛ̅ ⲡ ⲟⲩⲟⲉⲓⲛ ⲙ̅ ⲡⲁ ⲉⲛⲇⲩⲙⲁ ⲉ ⲩ ⲟⲩⲉϣ ⲕⲁⲧⲉⲭⲉ ⲙ̅ⲙⲟ ϥ ϩⲁⲧⲏ ⲩ · ϫⲉ ⲉⲩⲉ ⲱⲥⲕ̅ ⲟⲛ̅ ϩⲛ̅ ⲧⲉⲩ ⲙ̅ⲛ̅ⲧ̅ ⲉⲣⲟ ·

ⲛⲁⲓ̈ ϭⲉ ⲛⲉ ⲩ ⲉⲓⲣⲉ ⲙ̅ⲙⲟ ⲟⲩ ⲡⲉ ⲉ ⲛ ⲥⲉ ⲥⲟⲟⲩⲛ̅ ⲁⲛ ϫⲉ ⲉ ⲩ ⲡⲟⲗⲉ ⲙⲓ ⲙⲛ̅ ⲛⲓⲙ · ⲛ̅ⲧⲉⲣ ⲟⲩ ⲁⲧⲁⲕⲧⲓ ϭⲉ ⲉ ⲁ ⲩ ⲡⲟⲗⲉⲙⲓ ⲙⲛ̅ ⲡ ⲟⲩⲟⲉⲓⲛ . ⲧⲟⲧⲉ ⲁⲛⲟⲕ ⲕⲁⲧⲁ ⲧ ⲕⲉⲗⲉⲩⲥⲓⲥ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲁ ⲓ̈ ⲡⲱⲱⲛⲉ ⲛ̅ ⲛ̅ ϭⲓⲛ ⲙⲟⲟϣⲉ ⲙⲛ̅ ⲛ̅ ⲇⲣⲟⲙⲟⲥ ⲛ̅ ⲛⲉⲩ ⲁⲓⲱⲛ · ⲙⲛ̅ ⲛ̅ ϭⲓⲛ ⲙⲟⲟϣⲉ ⲛ̅ ⲧⲉⲩ ϩⲓ ⲙⲁⲣⲙⲉⲛⲏ · ⲙⲛ̅ ⲧⲉⲩ ⲥⲫⲁⲓⲣⲁ · ⲁⲩⲱ ⲁ ⲓ̈ ⲧⲣⲉ ⲩ ⲣ̅ ⲥⲟⲟⲩ ⲛ̅ ⲉⲃⲟⲧ ⲉ ⲩ ϭⲱϣⲧ̅ ⲉ ϣⲟⲙ̅ⲧ ⲛ̅ ⲕⲟⲟϩ ⲛ̅ ϩⲃⲟⲩⲣ · ⲁⲩⲱ ⲉ ⲛⲉ ϥⲧⲟⲟⲩ ⲛ̅ ⲕⲟⲟϩ · ⲁⲩⲱ ⲉ ⲛⲉ ⲧⲙ̅ ⲡⲉⲩ ϩⲟⲧ ⲉⲃⲟⲗ · ⲁⲩⲱ ⲉ ⲡⲉⲩ ϣⲙⲟⲩⲛ ⲛ̅ ⲥⲭⲏⲙⲁ ⲕⲁⲧⲁ ⲑ ⲉ ⲣⲱ ⲉ ⲛⲉ ⲩ ⲟ ⲙ̅ⲙⲟ ⲥ ⲛ̅ ϣⲟⲣⲡ̅ ·

ⲧⲉⲩ ϭⲓⲛ ⲕⲱⲧⲉ ⲇⲉ ⲏ̅ ⲧⲉⲩ ϭⲓⲛ ϭⲱϣⲧ̅ ⲁ ⲓ̈ ⲡⲟⲟⲛⲉ ⲥ ⲉ ⲕⲉ ⲧⲁⲝⲓⲥ · ⲁⲩⲱ ⲁ ⲓ̈ ⲧⲣⲉ ⲩ ⲣ̅ ⲕⲉ ⲥⲟⲟⲩ ⲛ̅ ⲉⲃⲟⲧ ⲉ ⲩ ϭⲱϣⲧ̅ ⲉ ⲛⲉ ϩⲃⲏⲩⲉ ⲛ̅ ⲛⲉⲩ ⲁⲡⲟⲧⲉⲗⲉⲥⲙⲁ ϩⲛ̅ ⲛⲉ ϥⲧⲟⲟⲩ ⲛ̅ ⲕⲟⲟϩ ⲛ̅ ⲟⲩⲛⲁⲙ · ⲁⲩⲱ ϩⲛ̅ ⲛⲉⲩ ϣⲟⲙⲧ̅ ⲛ̅ ⲕⲟⲟϩ · ⲁⲩⲱ ϩⲛ̅ ⲛ ⲉⲧ ⲙ̅ ⲡⲉⲩ ϩⲟⲧ ⲉⲃⲟⲗ · ⲁⲩⲱ ϩⲙ̅ ⲡⲉⲩ ϣⲙⲟⲩⲛ ⲛ̅ ⲥⲭⲏⲙⲁ · ⲁⲩⲱ ⲁ ⲓ̈ ⲧⲣⲉ ⲩ ⲣ̅ ϩⲃⲁ ϩⲛ̅ ⲟⲩ ⲛⲟϭ ⲛ̅ ϩⲃⲁ · ⲁⲩⲱ ⲁ ⲓ̈ ⲧⲣⲉⲩ ⲡⲗⲁⲛⲁ ϩⲛ̅ ⲟⲩ ⲡⲗⲁⲛⲏ ⲛ̅ϭⲓ ⲛ̅ ⲁⲣⲭⲱⲛ ⲛ̅ ⲁⲓⲱⲛ . ⲁⲩⲱ ⲛ̅ ⲁⲣ ⲭⲱⲛ ⲧⲏⲣ ⲟⲩ ⲛ̅ ⲑ ⲓⲙⲁⲣⲙⲉⲛⲏ ⲙⲛ̅ ⲛⲁ ⲧⲉ ⲥⲫⲁⲓⲣⲁ · ⲁⲩⲱ ⲁ ⲓ̈ ϣⲧⲣ̅ⲧⲱⲣ ⲟⲩ ⲉⲙⲁⲧⲉ . ⲁⲩⲱ ⲙ̅ⲡ ⲟⲩ ⲉϣ ϭⲙ̅ ϭⲟⲙ · ϭⲉ ϫⲓⲛ ⲙ̅ ⲡⲉⲓ̈ ⲛⲁⲩ ⲉ ⲕⲟⲧ ⲟⲩ ⲉ ⲡ ⲥⲟⲣⲙ̅ ⲛ̅ ⲧⲉⲩ ϩⲩⲗⲏ · ⲉ ⲧⲣⲉ ⲩ ⲟⲙⲉⲕ ϥ̅ · ϫⲉ ⲉⲣⲉ ⲛⲉⲩ ⲧⲟⲡⲟⲥ ⲱⲥⲕ̅ ⲉ ⲩ ⲙⲏⲛ ⲉⲃⲟⲗ . ⲁⲩⲱ ϫⲉ ⲉⲩⲉ ⲣ̅ ⲟⲩ ⲛⲟϭ ⲛ̅ ⲟⲩⲟⲉⲓϣ ⲉ ⲩ ⲟ ⲛ̅ ⲣ̅ⲣⲟ · ⲁⲗⲗⲁ ⲛ̅ⲧⲉⲣ ⲓ ϥⲓ ⲛ̅ ⲟⲩ ⲟⲩⲱⲛ ⲛ̅ ϣⲟⲙⲧ̅ ⲛ̅ⲧⲉ ⲛⲉⲩ ϭⲟⲙ ⲁ ⲓ̈ ⲡⲱⲱⲛⲉ ⲛ̅ ⲛⲉⲩ ⲥⲫⲁⲓⲣⲁ ⲉ ⲧⲣⲉ ⲩ ⲣ̅ ⲟⲩ ⲟⲩⲟⲓ̈ϣ ⲉ ⲩ ϭⲱϣⲧ̅ ⲉ ϩⲃⲟⲩⲣ · ⲁⲩⲱ ⲛ̅ ⲥⲉ ⲣ̅ ⲕⲉ ⲟⲩ ⲟⲓ̈ϣ ⲉ ⲩ ϭⲱϣⲧ̅ ⲉ ⲟⲩⲛⲁⲙ · ⲁ ⲓ̈ ⲡⲱⲱⲛⲉ ⲛ̅ ⲧⲉⲩ ϭⲓⲛ ⲙⲟ ⲟϣⲉ ⲧⲏⲣ ⲥ̅ ⲙⲛ̅ ⲡⲉⲩ ⲇⲣⲟⲙⲟⲥ ⲧⲏⲣ ϥ̅ ·

ⲁⲩⲱ ⲁ ⲓ̈ ⲧⲣⲉ ⲥ ϭⲉⲡⲏ ⲛ̅ϭⲓ ⲧ ϭⲓⲛ ⲙⲟⲟϣⲉ ⲙ̅ ⲡⲉⲩ ⲇⲣⲟⲙⲟⲥ ϫⲉ ⲉⲩⲉ ⲥⲱⲧϥ̅ ϩⲛ̅ ⲟⲩ ϭⲉⲡⲏ . ⲁⲩⲱ ⲛ̅ ⲥⲉ ⲱⲗ ⲉϩⲣⲁⲓ̈ ϩⲛ̅ ⲟⲩ ϭⲉⲡⲏ · ⲁⲩⲱ ⲁ ⲓ̈ ⲧⲥ̅ⲃ̅ⲕⲟ ⲛ̅ ⲛⲉⲩ ⲕⲩⲕⲗⲟⲥ . ⲁⲩⲱ ⲁ ⲓ̈ ⲧⲣⲉ ⲥ ⲁⲥⲁⲓ̈ ⲛ̅ϭⲓ ⲧⲉⲩ ϭⲓⲛ ⲙⲟⲟϣⲉ · ⲁⲩⲱ ⲁ ⲩ ϭⲉⲡⲏ ⲉⲙⲁϣⲟ . ⲁⲩⲱ ⲁ ⲩ ⲣ̅ ϩⲃⲁ ϩⲛ̅ ⲧⲉⲩ ϭⲓⲛ ⲙⲟⲟϣⲉ ⲁⲩⲱ ⲙ̅ ⲡⲟⲩ ϣ ϭⲙ̅ϭⲟⲙ ϫⲓⲛ ⲙ̅ ⲡⲉⲓ̈ ⲛⲁⲩ ⲉ ⲱⲙⲕ̅ ⲛ̅ ⲑ ⲩⲗⲏ ⲙ̅ ⲡ ⲥⲟⲣⲙ̅ ⲙ̅ ⲡ ⲥⲱⲧϥ̅ ⲙ̅ ⲡⲉⲩ ⲟⲩⲟⲓ̈ⲛ ⲁⲩⲱ ⲟⲛ ⲁ ⲩ ⲧⲥ̅ⲃ̅ⲕ̅ⲟ ⲛ̅ ⲛⲉⲩ ⲟⲩⲟⲉⲓϣ ⲙⲛ̅ ⲛⲉⲩ ⲭⲣⲟⲛⲟⲥ · ϫⲉ ⲉϥⲉ ϫⲱⲕ ⲉⲃⲟⲗ ϩⲛ̅ ⲟⲩ ϭⲉⲡⲏ ⲛ̅ϭⲓ ⲡ ⲁⲣⲓⲑⲙⲟⲥ ⲛ̅ ⲧⲉⲗⲓⲟⲛ ⲛ̅ⲧⲉ ⲛⲉ ⲯⲩⲭⲟⲟⲩⲉ ⲉⲧ ⲛⲁ ϫⲓ ⲙⲩⲥⲧⲏⲣⲓⲟⲛ · ⲛⲁⲓ̈ ⲉⲧ ⲛⲁ ϣⲱⲡⲉ ϩⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ ·

ⲛ̅ⲥⲁⲃⲏⲗ ϭⲉ ϫⲉ ⲁ ⲓ̈ ⲡⲱⲱⲛⲉ ⲛ̅ ⲛⲉⲩ ⲇⲣⲟⲙⲟⲥ ·

ⲁⲩⲱ ⲛ̅ⲥⲁⲃⲏⲗ ϫⲉ ⲁ ⲓ̈ ⲧⲥ̅ⲃ̅ⲕⲟ ⲛ̅ ⲛⲉⲩ ⲭⲣⲟⲛⲟⲥ ⲛⲉ ⲩ ⲛⲁ ⲕⲁ ⲗⲁⲁⲩ ⲁⲛ ⲡⲉ ⲙ̅ ⲯⲩⲭⲏ ⲉ ⲉⲓ̅ ⲉ ⲡ ⲕⲟⲥⲙⲟⲥ ⲉⲧⲃⲉ ⲑ ⲩⲗⲏ ⲙ̅ ⲡⲉⲩ ⲥⲟⲣⲙ̅ ⲉⲧ ⲟⲩ ⲱⲙⲕ̅ ⲙ̅ⲙⲟ ϥ ⲁⲩⲱ ⲛⲉ ⲩ ⲛⲁ ⲧⲁⲕⲉ ⲟⲩ ⲙⲏⲏϣⲉ ⲙ̅ ⲯⲩⲭⲏ ⲡⲉ · ⲉⲧⲃⲉ ⲡⲁⲓ̈ ϭⲉ ⲁ ⲓ̈ ϫⲟⲟ ⲥ ⲛⲏ ⲧⲛ̅ ⲙ̅ ⲡⲓ ⲟⲩⲟⲉⲓϣ ϫⲉ ⲁ ⲓ̈ ⲧ̅ⲥ̅ⲃ̅ⲕⲉ ⲛⲉ ⲟⲩⲟⲉⲓϣ ⲉⲧⲃⲉ ⲛⲁ ⲥⲱⲧⲡ̅ ⲉ ⲙ̅ⲙⲟⲛ ⲛⲉ ⲙⲛ̅ ⲗⲁⲁⲩ ⲙ̅ ⲯⲩⲭⲏ ⲉϣ ⲟⲩϫⲁⲓ̈ ⲡⲉ ⲛ̅ⲧ ⲁ ⲓ̈ ⲧ̅ⲥ̅ⲃ̅ⲕⲉ ⲛⲉ ⲟⲩⲟⲉⲓϣ ⲇⲉ ⲙⲛ̅ ⲛⲉ ⲭⲣⲟⲛⲟⲥ ⲉⲧⲃⲉ ⲡ ⲁⲣⲓⲑⲙⲟⲥ ⲛ̅ ⲧⲉⲗⲉⲓⲟⲛ ⲛ̅ ⲛⲉ ⲯⲩⲭⲟⲟⲩⲉ ⲉⲧ ⲛⲁ ϫⲓ ⲙⲩⲥⲧⲏⲣⲓⲟⲛ ⲉⲧⲉ ⲛ̅ⲧⲟⲟⲩ ⲛⲉ ⲛ̅ ⲥⲱⲧⲡ̅ ⲁⲩⲱ ⲉ ⲛⲉ ⲙ̅ ⲡ ⲓ ⲧ̅ⲥ̅ⲃ̅ⲕⲉ ⲛⲉⲩ ⲭⲣⲟⲛⲟⲥ . ⲛⲉ ⲙⲛ̅ ⲗⲁⲁⲩ ⲙ̅ ⲯⲩⲭⲏ ⲛ̅ ϩⲩⲗⲓⲕⲏ ⲛⲁ ⲟⲩϫⲁⲓ̈ · ⲁⲗⲗⲁ ⲛⲉ ⲩ ⲛⲁ ⲁⲛϩⲁⲗⲓⲥⲕⲉ ⲡⲉ ϩⲙ̅ ⲡ ⲕⲱϩⲧ̅ · ⲡⲁⲓ̈ ⲉⲧ ϣⲟⲟⲡ ϩⲛ̅ ⲧ ⲥⲁⲣ̅ⲝ ⲛ̅ ⲛ̅ ⲁⲣ ⲭⲱⲛ ·

ⲡⲁⲓ̈ ϭⲉ ⲡⲉ ⲡ ϣⲁϫⲉ ⲉⲧⲉⲣⲉ ϣⲓⲛⲉ ⲙ̅ⲙⲟ ⲓ̈ ⲉ ⲣⲟ ϥ ϩⲛ̅ ⲟⲩ ⲙⲛ̅ⲧ ⲁⲕⲣⲓⲃⲏⲥ .

Ⲍ ⲁ ⲥ ϣⲱⲡⲉ ⲇⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ . ⲁ ⲩ ⲡⲁϩⲧ ⲟⲩ ⲧⲏⲣ ⲟⲩ ϩⲓ ⲟⲩ ⲥⲟⲡ .

ⲁ ⲩ ⲟⲩⲱϣⲧ̅ ⲛⲁ ϥ · ⲁⲩⲱ ⲡⲉϫⲁ ⲩ ⲛⲁ ϥ ϫⲉ ⲁⲛⲟⲛ ϩⲉⲛ ⲙⲁⲕⲁⲣⲓⲟⲥ ⲡⲁⲣⲁ ⲣⲱⲙⲉ ⲛⲓⲙ · ⲉ ⲁ ⲕ ϭⲱⲗⲡ̅ ⲛⲁ ⲛ ⲉⲃⲟⲗ ⲛ̅ ⲛⲉⲓ̈ ⲛⲟϭ ⲙ̅ ⲙ̅ⲛ̅ⲧ̅ ⲛⲟϭ .

Ⲍ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ . ϫⲉ ⲥⲱⲧⲙ̅ ⲥⲱⲧⲙ̅ ⲉⲧⲃⲉ ⲛ̅ ϣⲁϫⲉ ⲉⲛⲧ ⲁ ⲩ ϣⲱⲡⲉ ⲙ̅ⲙⲟ ⲓ̈ ϩⲛ̅ ⲛ̅ ⲁⲣⲭⲱⲛ ⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ · ⲙⲛ̅ ⲛⲉⲩ ⲁⲣⲭⲱⲛ ⲧⲏⲣ ⲟⲩ ⲙⲛ̅ ⲛⲉⲩ ϫⲟⲓ̈ⲥ ⲙⲛ̅ ⲛⲉⲩ ⲉⲝⲟⲩⲥⲓⲁ · ⲙⲛ̅ ⲛⲉⲩ ⲁⲅⲅⲉⲗⲟⲥ . ⲙⲛ̅ ⲛⲉⲩ ⲁⲣⲭⲁⲅⲅⲉⲗⲟⲥ ·

ⲛ̅ⲧⲉⲣ ⲟⲩ ⲛⲁⲩ ϭⲉ ⲉ ⲡ ⲉⲛⲇⲩⲙⲁ ⲛ̅ ⲟⲩⲟⲉⲓⲛ ⲉⲧ ϩⲓⲱⲱ ⲧ .

ⲛ̅ⲧⲟⲟⲩ ⲙⲛ̅ ⲛⲉⲩ ⲭⲱⲣⲓⲥ ⲥⲩⲛⲍⲩⲅⲟⲥ ⲁ ⲡ ⲟⲩⲁ ⲡ ⲟⲩⲁ ⲙ̅ⲙⲟ ⲟⲩ ⲁ ⲩ ⲛⲁⲩ ⲉ ⲡ ⲙⲩⲥⲧⲏⲣⲓⲟⲛ ⲙ̅ ⲡⲉⲩ ⲣⲁⲛ · ⲉ ϥ ϣⲟⲟⲡ ϩⲙ̅ ⲡⲁ ⲉⲛⲇⲩⲙⲁ ⲛ̅ ⲟⲩⲟⲉⲓⲛ ⲡⲁⲓ̈ ⲉⲧ ϩⲓⲱⲱ ⲧ . ⲁ ⲩ ⲡⲁϩⲧ ⲟⲩ ⲧⲏ ⲣ ⲟⲩ ϩⲓ ⲛⲉⲩ ⲉⲣⲏⲩ . ⲁ ⲩ ⲟⲩⲱϣⲧ̅ ⲙ̅ ⲡ ⲉⲛⲇⲩⲙⲁ ⲛ̅ ⲟⲩ ⲟⲉⲓⲛ ⲉⲧ ϩⲓⲱⲱ ⲧ ·

ⲁⲩⲱ ⲁ ⲩ ⲱϣ ⲉⲃⲟⲗ ⲧⲏⲣ ⲟⲩ ϩⲓ ⲟⲩ ⲥⲟⲡ . ⲉ ⲩ ϫⲱ ⲙ̅ⲙⲟ ⲥ · ϫⲉ ⲡⲱⲥ ⲁ ⲡ ϫⲟⲉⲓⲥ ⲙ̅ ⲧⲏⲣ ϥ̅ ⲟⲩⲟⲧⲃ ⲛ̅ ⲉⲃⲟⲗ ⲉ ⲙⲡ ⲛ̅ ⲉⲓⲙⲉ · ⲁⲩⲱ ⲁ ⲩ ϩⲩⲙⲛⲉⲩⲉ ⲧⲏⲣ ⲟⲩ ϩⲓ ⲟⲩ ⲥⲟⲡ ⲉ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ · ⲁⲩⲱ ⲛⲉⲩ ⲧⲣⲓⲇⲩⲛⲁⲙⲟⲥ ⲧⲏⲣ ⲟⲩ ⲙⲛ̅ ⲛⲉⲩ ⲛⲟϭ ⲙ̅ ⲡⲣⲟ ⲡⲁⲧⲱⲣ · ⲁⲩⲱ ⲛⲉⲩ ⲁⲅⲉⲛⲏⲧⲟⲥ ⲙⲛ̅ ⲛⲉⲩ ⲁⲩⲧⲟⲅⲉⲛⲏⲥ · ⲙⲛ̅ ⲛⲉⲩ ⲅⲉⲛⲛⲏⲧⲟⲥ ⲙⲛ̅ ⲛⲉⲩ ⲛⲟⲩⲧⲉ . ⲙⲛ̅ ⲛⲉⲩ ⲥⲡⲓⲛ ⲑⲏⲣ · ⲙⲛ̅ ⲛⲉⲩ ⲥⲫⲱⲥⲧⲏⲣ · ϩⲁⲡⲁⲝ ϩⲁⲡⲗⲱⲥ ⲙⲛ̅ ⲛⲉⲩ ⲛⲟϭ ⲧⲏⲣ ⲟⲩ ·

ⲁ ⲩ ⲛⲁⲩ ⲉ ⲛ ⲧⲩⲣⲁⲛⲛⲟⲥ ⲙ̅ ⲡⲉⲩ ⲧⲟⲡⲟⲥ ⲉ ⲁ ⲩⲧⲉⲩ ϭⲟⲙ ⲥⲃⲟⲕ ϩⲣⲁⲓ̈ ⲛ̅ϩⲏⲧ ⲟⲩ · ⲁⲩⲱ ⲁ ⲩ ϣⲱⲡⲉ ϩⲛ̅ ⲟⲩ ⲙⲛ̅ⲧ ϭⲱⲃ · ⲁⲩⲱ ⲁ ⲩ ϣⲱⲡⲉ ϩⲱ ⲟⲩ ϩⲛ̅ ⲟⲩ ⲛⲟϭ ⲛ̅ ϩⲟⲧⲉ ⲉ ⲙⲛ̅ ϣⲓ ⲉⲣⲟ ⲥ · ⲁⲩⲱ ⲛⲉ ⲩ ⲑⲉⲱⲣⲓ ⲡⲉ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲉⲩ ⲣⲁⲛ ϩⲙ̅ ⲡⲁ ⲉⲛ ⲇⲩⲙⲁ ⲁⲩⲱ ⲛⲉ ⲁ ⲩ ϩⲓ ⲧⲟⲟⲧ ⲟⲩ ⲡⲉ ⲉ ⲉⲓ̅ ⲛ̅ ⲥⲉ ⲟⲩⲱϣⲧ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡⲉⲩ ⲣⲁⲛ ⲉⲧ ϩⲙ̅ ⲡⲁ ⲉⲛⲇⲩⲙⲁ . ⲁⲩⲱ ⲙ̅ⲡ ⲟⲩ ⲉϣ ϭⲙ̅ϭⲟⲙ · ⲉⲧⲃⲉ ⲡ ⲛⲟϭ ⲛ̅ ⲟⲩⲟⲓ̈ⲛ ⲉⲧ ϣⲟⲟⲡ ⲛⲙ̅ⲙⲁ ⲓ̈ · ⲁⲗⲗⲁ ⲛ̅ⲧ ⲁ ⲩ ⲟⲩⲱϣⲧ̅ ⲉ ⲩ ⲟⲩⲏⲩ ⲙ̅ ⲙⲟ ⲓ̈ ⲛ̅ ⲟⲩ ϣⲏⲙ . ⲛ̅ⲧ ⲁ ⲩ ⲟⲩⲱϣⲧ̅ ⲇⲉ ⲙ̅ ⲡ ⲟⲩⲟⲉⲓⲛ ⲙ̅ ⲡⲁ ⲉⲛⲇⲩⲙⲁ · ⲁⲩⲱ ⲁ ⲩ ⲱϣ ⲉⲃⲟⲗ ⲧⲏⲣ ⲟⲩ ϩⲓ ⲟⲩ ⲥⲟⲡ ⲉ ⲩ ϩⲩⲙⲛⲉⲩⲉ ⲉ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ ·

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲛⲁⲓ̈ ϣⲱⲡⲉ ⲛ̅ ⲛ̅ ⲧⲩⲣⲁⲛⲛⲟⲥ ⲉⲧ ϣⲟⲟⲡ ϩⲛ̅ ⲛ̅ ⲁⲣⲭⲱⲛ ⲁ ⲩ ⲥⲱϣⲙ̅ ⲧⲏⲣ ⲟⲩ ⲁ ⲩ ϩⲉ ⲉ ⲡ ⲉⲥⲏⲧ . ϩⲛ̅ ⲛⲉⲩ ⲁⲓⲱⲛ ⲁⲩⲱ ⲁ ⲩ ϣⲱⲡⲉ ⲛ̅ ⲑ ⲉ ⲛ̅ ⲛⲓ ⲣⲙ̅ ⲛ̅ ⲕⲟⲥⲙⲟⲥ ⲉⲧ ⲙⲟⲟⲩⲧ . ⲉ ⲙⲛ̅ ⲛⲓϥⲉ ⲛ̅ϩⲏⲧ ⲟⲩ ·

ⲛ̅ ⲑ ⲉ ⲟⲛ ⲉⲛⲧ ⲁ ⲩ ⲁⲁ ⲥ ⲙ̅ ⲡ ⲛⲁⲩ ⲛ̅ⲧ ⲁ ⲓ̈ ϥⲓ ⲛ̅ ⲧⲉⲩ ϭⲟⲙ ⲛ̅ ϩⲏⲧ ⲟⲩ · ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ . ⲛ̅ⲧⲉⲣ ⲓ ⲉⲓ̅ ⲉⲃⲟⲗ ⲛ̅ ⲛ ⲁⲓⲱⲛ ⲉⲧ ⲙ̅ⲙⲁⲩ · ⲁ ⲡ ⲟⲩⲁ ⲡ ⲟⲩⲁ ⲛ̅ ⲛ ⲉⲧ ϣⲟⲟⲡ ⲧⲏⲣ ⲟⲩ ϩⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ . ⲁ ⲩ ⲙⲟⲩⲣ ⲧⲏⲣ ⲟⲩ ⲉϩⲟⲩⲛ ⲉ ⲛⲉⲩ ⲧⲁⲝⲓⲥ . ⲁⲩⲱ ⲁ ⲩ ϫⲱⲕ ⲉⲃⲟⲗ ⲛ̅ ⲛⲉⲩ ϩⲃⲏⲩⲉ ⲕⲁⲧⲁ ⲑ ⲉ ⲉⲛⲧ ⲁ ⲓ̈ ⲕⲁⲁ ⲩ ⲙ̅ⲙⲟ ⲥ . ⲉ ⲧⲣⲉ ⲩ ⲣ̅ ⲥⲟⲟⲩ ⲛ̅ ⲉⲃⲟⲧ ⲉ ⲩ ⲕⲏⲧ ⲉ ϩⲃⲟⲩⲣ ⲉ ⲩ ⲉⲓⲣⲉ ⲛ̅ ⲛⲉⲩ ϩⲃⲏⲩⲉ ϩⲛ̅ ⲛⲉⲩ ϥⲧⲟⲟⲩ ⲛ̅ ⲕⲟⲟϩ . ⲙⲛ̅ ⲛⲉⲩ ϣⲟⲙ̅ⲛ̅ⲧ̅ ⲛ̅ ⲕⲟⲟϩ . ⲙⲛ̅ ⲛ ⲉⲧ ⲙ̅ ⲡⲉⲩ ϩⲟⲧ ⲉⲃⲟⲗ · ⲁⲩⲱ ⲟⲛ ⲛ̅ ⲥⲉ ⲣ̅ ⲕⲉ ⲥⲟⲟⲩ ⲛ̅ ⲉⲃⲟⲧ ⲉ ⲩ ϭⲱϣⲧ̅ ⲉ ⲟⲩⲛⲁⲙ · ⲁⲩⲱ ⲉ ⲛⲉⲩ ϣⲟⲙ̅ⲛ̅ⲧ̅ ⲛ̅ ⲕⲟⲟϩ . ⲙⲛ̅ ⲛⲉⲩ ϥⲧⲟⲟⲩ ⲛ̅ ⲕⲟⲟϩ . ⲙⲛ̅ ⲛ ⲉⲧ ⲙ̅ⲡⲉ ⲩ ϩⲟⲧ ⲉⲃⲟⲗ .

ⲧⲁⲓ̈ ⲟⲛ ⲧⲉ ⲑ ⲉ ⲉⲧ ⲟⲩ ⲛⲁ ⲙⲟⲟϣⲉ ⲙ̅ⲙⲟ ⲥ ⲛ̅ϭⲓ ⲛ ⲉⲧ ϣⲟⲟⲡ ϩⲛ̅ ⲑ ⲓⲙⲁⲣⲙⲉⲛⲏ ⲙⲛ̅ ⲧⲉ ⲥⲫⲁⲓⲣⲁ .

Ⲍ ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲁ ⲓ̈ ⲉⲓ̅ ⲉ ⲡ ϫⲓⲥⲉ ϣⲁ ⲛ̅ ⲕⲁⲧⲁⲡⲉⲧⲁⲥⲙⲁ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲛ ⲁⲓⲱⲛ . ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲓ ⲉⲓ̅ ⲉϫⲛ̅ ⲛⲉⲩ ⲕⲁⲧⲁⲡⲉⲧⲁⲥ ⲙⲁ . ⲁ ⲩ ⲥⲱⲕ ⲙⲁⲩⲁⲁ ⲩ ⲁ ⲩ ⲟⲩⲱⲛ ⲛⲁ ⲓ̈ . ⲁ ⲓ̈ ⲉⲓ̅ ⲉϩⲟⲩⲛ ⲉ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲛ ⲁⲓⲱⲛ · ⲁ ⲓ̈ ϩⲉ ⲉ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲥ ϩⲙ̇̅ ⲡ ⲉⲥⲏⲧ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ ⲛ̅ⲧⲟⲥ ⲙⲁⲩⲁⲁ ⲥ ⲉ ⲙⲛ̅ ⲟⲩⲟⲛ ⲙ̅ⲙⲟ ⲟⲩ ϩⲁⲧⲏ ⲥ ·

ⲛⲉ ⲥ ϩⲙⲟⲟⲥ ⲇⲉ ⲡⲉ ⲙ̅ ⲡ ⲙⲁ ⲉⲧ ⲙ̅ⲙⲁⲩ ⲉ ⲥ ⲗⲩⲡⲉⲓ ⲁⲩⲱ ⲉ ⲥ ⲣ̅ ϩⲏⲃⲉ · ϫⲉ ⲙ̅ⲡ ⲟⲩ ϫⲓⲧ ⲥ̅ ⲉ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ . ⲡⲉⲥ ⲧⲟⲡⲟⲥ ⲉ ⲧⲙ̅ ⲡ ϫⲓⲥⲉ ·

ⲁⲩⲱ ⲟⲛ ⲛⲉ ⲥ ⲗⲩⲡⲓ ⲡⲉ ⲉⲧⲃⲉ ⲛ̅ ϩⲓⲥⲉ ⲉⲛⲧ ⲁ ϥ ⲁⲁ ⲩ ⲛⲁ ⲥ ⲛ̅ϭⲓ ⲡ ⲁⲩⲑⲁⲇⲏⲥ · ⲡⲁⲓ̈ ⲉⲧⲉ ⲟⲩⲁ ⲡⲉ ϩⲙ̅ ⲡ ϣⲟⲙ̅ⲛ̅ⲧ̅ ⲛ̅ ⲧⲣⲓⲇⲩⲛⲁⲙⲟⲥ .

ⲛⲁⲓ̈ ⲇⲉ ⲉⲓ̈ϣⲁⲛ ϣⲁϫⲉ ⲛⲙ̅ⲙⲏ ⲧⲛ̅ ⲉⲧⲃⲉ ⲡⲉⲩ ⲥⲱⲣ ⲉⲃⲟⲗ · ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ϫⲉ ⲡⲱⲥ ⲁ ⲛⲁⲓ̈ ϣⲱⲡⲉ ⲙ̅ⲙⲟ ⲥ . ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲥ ⲛⲁⲩ ⲉⲣⲟ ⲓ̈ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲉ ⲓ̈ ⲟ ⲛ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ . ⲉ ⲙⲛ̅ ϣⲓ ⲉ ⲡ ⲟⲩⲟⲉⲓⲛ ⲉ ⲛ ⲉϥ ϣⲟⲟⲡ ⲙ̅ⲙⲟ ⲓ̈ .

ⲁ ⲥ ϣⲱⲡⲉ ϩⲛ̅ ⲟⲩ ⲛⲟϭ ⲛ̅ ϣⲧⲟⲣⲧⲣ̅ ⲁⲩⲱ ⲁ ⲥ ϭⲱϣⲧ̅ ⲉⲃⲟⲗ ϩⲙ̅ ⲡ ⲟⲩⲟⲉⲓⲛ̅ ⲙ̅ ⲡⲁ ⲉⲛⲇⲩⲙⲁ · ⲁ ⲥ ⲛⲁⲩ ⲉ ⲡ ⲙⲩⲥⲧⲏⲣⲓⲟⲛ ⲙ̅ ⲙ̅ ⲡⲉⲥ ⲣⲁⲛ ϩⲙ̅ ⲡⲁ ⲉⲛⲇⲩⲙⲁ · ⲁⲩⲱ ⲙⲛ̅ ⲡ ⲉⲟⲟⲩ ⲧⲏⲣ ϥ̅ ⲙ̅ ⲡⲉϥ ⲙⲩⲥⲧⲏⲣⲓⲟⲛ ϫⲉ ⲛⲉ ⲥ ϣⲟⲟⲡ ⲛ̅ ϣⲟⲣⲡ̅ ⲡⲉ ϩⲙ̅ ⲡ ⲧⲟⲡⲟⲥ ⲙ̅ ⲡ ϫⲓⲥⲉ · ϩⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ . ⲁⲗⲗⲁ ⲛⲉ ϣⲁ ⲥ ϩⲩⲙⲛⲉⲩⲉ ⲡⲉ ⲉ ⲡ ⲟⲩⲟⲉⲓⲛ ⲉ ⲧⲙ̅ ⲡ ϫⲓⲥⲉ . ⲡⲁⲓ̈ ⲉⲛⲧ ⲁ ⲥ ⲛⲁⲩ ⲉⲣⲟ ϥ ϩⲙ̅ ⲡ ⲕⲁⲧⲁⲡⲉⲧⲁⲥⲙⲁ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲥ ϭⲱ ⲉ ⲥ ϩⲩⲙⲛⲉⲩⲉ ⲉ ⲡ ⲟⲩⲟⲓ̈ⲛ ⲉ ⲧⲙ̅ ⲡ ϫⲓⲥⲉ .

ⲁ ⲛ ⲁⲣⲭⲱⲛ ⲧⲏⲣ ⲟⲩ ϭⲱϣⲧ̅ ⲉⲧ ϩⲁⲧⲙ̅ ⲡ ⲛⲟϭ ⲥⲛⲁⲩ ⲛ̅ ⲧⲣⲓⲇⲩⲛⲁ ⲙⲟⲥ ⲁⲩⲱ ⲙⲛ̅ ⲡⲉⲥ ⲁϩⲟⲣⲁⲧⲟⲥ ⲉ ⲧ ϩⲟⲧ̅ⲣ̅ ⲉⲣⲟ ⲥ · ⲁⲩⲱ ⲡ ⲕⲉ ϫⲟⲩⲧ ⲥⲛⲟⲟⲩⲥ ⲙ̅ ⲡⲣⲟⲃⲟⲗⲏ ⲛ̅ ⲁϩⲟⲣⲁⲧⲟⲥ ⲉⲡⲉⲓ ⲇⲏ ⲧ ⲡⲓⲥⲧⲓⲥ ⲥⲟⲫⲓⲁ ⲙⲛ̅ ⲡⲉⲥ ⲥⲩⲛⲍⲩⲅⲟⲥ ·

ⲛ̅ⲧⲟⲟⲩ ⲙⲛ̅ ⲡ ⲕⲉ ϫⲟⲩⲧ ⲥⲛⲟⲟⲩⲥ ⲙ̅ ⲡⲣⲟⲃⲟⲗⲏ ϣⲁ ⲩ ⲣ̅ ϫⲟⲩⲧⲁϥⲧⲉ ⲙ̅ ⲡⲣⲟⲃⲟⲗⲏ ⲛⲁⲓ̈ ⲉⲛⲧ ⲁ ϥ ⲡⲣⲟⲃⲁⲗⲉ ⲙ̅ⲙⲟ ⲟⲩ ⲉⲃⲟⲗ ⲛ̅ϭⲓ ⲡ ⲛⲟϭ ⲙ̅ ⲡⲣⲟⲡⲁⲧⲱⲣ ⲛ̅ ⲁϩⲟⲣⲁⲧⲟⲥ ·

ⲛ̅ⲧⲟϥ ⲙⲛ̅ ⲡ ⲛⲟϭ ⲥⲛⲁⲩ ⲛ̅ ⲧⲣⲓⲇⲩⲛⲁⲙⲟⲥ ·

Ⲍ ⲁ ⲥ ϣⲱ ⲡⲉ ϭⲉ ⲉⲣⲉ ⲓ̅ⲥ̅ ϫⲱ ⲛ̅ ⲛⲁⲓ̈ ⲉ ⲛⲉϥ ⲙⲁⲑⲏⲧⲏⲥ .

ⲁ ⲥ ⲉⲓ̅ ⲉ ⲑ ⲏ ⲛ̅ϭⲓ ⲙⲁⲣⲓϩⲁⲙ ⲡⲉϫⲁ ⲥ ϫⲉ ⲡⲁ ϫⲟⲉⲓⲥ · ⲁ ⲓ̈ ⲥⲱⲧⲙ̅ ⲉⲣⲟ ⲕ ⲙ̅ ⲡⲓ ⲟⲩⲟⲉⲓϣ ⲉ ⲕ ϫⲱ ⲙ̅ⲙⲟ ⲥ . ϫⲉ ⲧ ⲡⲓⲥⲧⲓⲥ ⲥⲟⲫⲓⲁ ⲟⲩ ⲉⲃⲟⲗ ϩⲱⲱ ⲥ ⲧⲉ ϩⲙ̅ ⲡ ϫⲟⲩⲧⲁϥⲧⲉ ⲙ̅ ⲡⲣⲟⲃⲟⲗⲏ · ⲁⲩⲱ ⲡⲱⲥ ⲛ ⲥ̅ ϣⲟⲟⲡ ⲁⲛ ϩⲙ̅ ⲡⲉⲩ ⲧⲟ ⲡⲟⲥ · ⲁⲗⲗⲁ ⲁ ⲕ ϫⲟⲟ ⲥ ϫⲉ ⲁ ⲓ̈ ϭⲛ̅ⲧ ⲥ̅ ⲉ ⲥ ⲙ̅ ⲡ ⲉⲥⲏⲧ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ ·

Ⲍ ⲁ ϥ ⲟⲩⲱϣⲃ̅ ⲛ̅ϭⲓ ⲓ̅ⲥ̅ ⲡⲉϫⲁ ϥ ⲛ̅ ⲛⲉϥ ⲙⲁⲑⲏⲧⲏⲥ · ϫⲉ ⲁ ⲥ ϣⲱⲡⲉ ⲉⲣⲉ ⲧ ⲡⲓⲥⲧⲓⲥ ⲥⲟⲫⲓⲁ ϩⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲛ ⲁⲓⲱⲛ ϩⲙ̅ ⲡ ⲧⲟⲡⲟⲥ ⲛ̅ ⲛⲉⲥ ⲥⲛⲏⲩ ⲧⲏⲣ ⲟⲩ ⲛⲓ ⲁϩⲟⲣⲁⲧⲟⲥ ⲉⲧⲉ ⲛ̅ⲧⲟⲟⲩ ⲛⲉ ϫⲟⲩⲧⲁϥⲧⲉ ⲙ̅ ⲡⲣⲟⲃⲟⲗⲏ ⲛ̅ⲧⲉ ⲡ ⲛⲟϭ ⲛ̅ ⲁϩⲟⲣⲁⲧⲟⲥ · ⲁ ⲥ ϣⲱⲡⲉ ϭⲉ ϩⲓⲧⲙ̅ ⲡ ⲧⲱϣ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏ ⲣⲓⲟⲛ .

ⲁ ⲥ ϭⲱϣⲧ̅ ⲉ ⲡ ϫⲓⲥⲉ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ ⲁ ⲥ ⲛⲁⲩ ⲉ ⲡ ⲟⲩⲟⲉⲓⲛ ⲙ̅ ⲡ ⲕⲁⲧⲁⲡⲉⲧⲁⲥⲙⲁ ⲙ̅ ⲡⲉ ⲑⲏⲥⲁⲩ ⲣⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲁ ⲥ ⲉⲡⲓⲑⲩⲙⲓ ⲉ ⲃⲱⲕ ⲉ ⲡ ⲧⲟ ⲡⲟⲥ ⲉⲧ ⲙ̅ⲙⲁⲩ . ⲁⲩⲱ ⲙ̅ⲡ ⲥ̅ ϭⲙ̅ϭⲟⲙ ⲉ ⲃⲱⲕ ⲉ ⲡ ⲧⲟⲡⲟⲥ ⲉⲧ ⲙ̅ⲙⲁⲩ . ⲁ ⲥ ⲗⲟ ⲇⲉ ⲉⲥⲉ ⲓⲣⲉ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ · ⲁⲗⲗⲁ ⲛⲉ ⲥ ϩⲩⲙⲛⲉⲩⲉ ⲡⲉ ⲉ ⲡ ⲟⲩⲟⲉⲓⲛ ⲙ̅ ⲡ ϫⲓⲥⲉ ⲡ ⲉⲛⲧ ⲁ ⲥ ⲛⲁⲩ ⲉⲣⲟ ϥ ϩⲙ̅ ⲡ ⲟⲩ ⲟⲉⲓⲛ ⲙ̅ ⲡ ⲕⲁⲧⲁⲡⲉⲧⲁⲥⲙⲁ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩ ⲟⲉⲓⲛ . ⲁ ⲥ ϣⲱⲡⲉ ϭⲉ ⲉ ⲥ ϩⲩⲙⲛⲉⲩⲉ ⲉ ⲡ ⲧⲟⲡⲟⲥ ⲙ̅ ⲡ ϫⲓⲥⲉ . ⲁ ⲛ ⲁⲣⲭⲱⲛ ⲧⲏⲣ ⲟⲩ ⲉⲧ ϣⲟⲟⲡ ϩⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ ⲁ ⲩ ⲙⲉⲥⲧⲱ ⲥ ⲛⲁⲓ̈ ⲉⲧ ⲙ̅ ⲡ ⲉⲥⲏⲧ . ⲉⲃⲟⲗ ϫⲉ ⲁ ⲥ ⲗⲟ ϩⲛ̅ ⲛⲉⲩ ⲙⲩⲥⲧⲏⲣⲓⲟⲛ . ⲁⲩⲱ ⲉⲃⲟⲗ ϫⲉ ⲁ ⲥ ⲟⲩⲉϣ ⲃⲱⲕ ⲉ ⲡ ϫⲓⲥⲉ ⲛ̅ ⲥ ⲣ̅ ϩⲓϫⲱ ⲟⲩ ⲧⲏⲣ ⲟⲩ ·

ⲉⲧⲃⲉ ⲡⲁⲓ̈ ϭⲉ ⲁ ⲩ ϭⲱⲛⲧ̅ ⲉⲣⲟ ⲥ ⲁⲩⲱ ⲁ ⲩ ⲙⲉⲥⲧⲱ ⲥ · ⲁⲩⲱ ⲡ ⲛⲟϭ ⲛ̅ ⲧⲣⲓⲇⲩⲛⲁⲙⲟⲥ ⲛ̅ ⲁⲩⲑⲁⲇⲏⲥ ⲉⲧⲉ ⲡ ⲙⲉϩ ϣⲟⲙ̅ⲛ̅ⲧ̅ ⲡⲉ ⲛ̅ ⲧⲣⲓⲇⲩⲛⲁⲙⲟⲥ ⲡⲁⲓ̈ ⲉⲧ ϣⲟⲟⲡ ϩⲙ̅ ⲡ ⲙⲉϩ ⲙⲛ̅ⲧ ϣⲟⲙ ⲧⲉ ⲛ̅ ⲁⲓⲱⲛ ⲡⲁⲓ̈ ⲉⲛⲧ ⲁ ϥ ⲣ̅ ⲁⲧ ⲥⲱⲧⲙ̅ ⲉ ⲙ̅ⲡ ϥ̅ ⲡⲣⲟ ⲃⲁⲗⲗⲉ ⲉⲃⲟⲗ ⲙ̅ ⲡ ⲥⲱⲧϥ̅ ⲧⲏⲣ ϥ̅ ⲛ̅ ⲧⲉϥ ϭⲟⲙ ⲉⲧ ⲛ̅ ϩⲏⲧ ϥ̅ .

ⲟⲩⲇⲉ ⲙ̅ⲡ ϥ̅ ϯ ⲡ ⲥⲱⲧϥ̅ ⲙ̅ ⲡⲉϥ ⲟⲩⲟⲉⲓⲛ ⲙ̅ ⲡⲉ ⲟⲩⲟⲉⲓϣ ⲉⲛⲧ ⲁ ⲛ ⲁⲣⲭⲱⲛ ϯ ⲡⲉⲩ ⲥⲱⲧϥ̅ ⲛ̅ϩⲏⲧ ϥ̅ ⲁ ϥ ⲟⲩⲉϣ ⲣ̅ ϫⲟⲉⲓⲥ ⲉϩⲣⲁⲓ̈ ⲉϫⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ ⲧⲏⲣ ϥ̅ ⲙⲛ̅ ⲛ ⲉⲧ ϣⲟⲟⲡ ⲉ ⲡⲉϥ ⲉⲥⲏⲧ · ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲛ̅ ⲁⲣⲭⲱⲛ ⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ ⲛ̅ⲧⲉⲣ ⲟⲩ ϭⲱⲛⲧ̅ ⲉ ⲧ ⲡⲓⲥⲧⲓⲥ ⲥⲟⲫⲓⲁ . ⲧⲁⲓ̈ ⲉⲧ ⲙ̅ ⲡⲉⲩ ⲉ ⲧⲡⲉ .

ⲁ ⲩ ⲙⲉⲥⲧⲱ ⲥ ⲉⲙⲁⲧⲉ · ⲁⲩⲱ ⲡ ⲛⲟϭ ⲛ̅ ⲧⲣⲓⲇⲩⲛⲁ ⲙⲟⲥ ⲛ̅ ⲁⲩⲑⲁⲇⲏⲥ ⲡⲁⲓ̈ ⲉⲛⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲥ ⲛⲏ ⲧⲛ̅ ⲧⲉⲛⲟⲩ ⲉⲧⲃⲏⲏⲧ ϥ̅ ·

ⲁ ϥ ⲟⲩⲱϩ ϩⲱⲱ ϥ ⲛ̅ⲥⲁ ⲛ̅ ⲁⲣⲭⲱⲛ ⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ · ⲁⲩⲱ ⲁ ϥ ϭⲱⲛⲧ̅ ϩⲱⲱ ϥ ⲧ ⲡⲓⲥⲧⲓⲥ ⲥⲟⲫⲓⲁ · ⲁⲩⲱ ⲁ ϥ ⲙⲉⲥⲧⲱ ⲥ ⲉⲙⲁⲧⲉ · ϫⲉ ⲁ ⲥ ⲙⲉⲉⲩⲉ ⲉ ⲃⲱⲕ ⲉ ⲡ ⲟⲩⲟⲉⲓⲛ ⲡⲁⲓ̈ ⲉⲧ ϫⲟⲥⲉ ⲉ ⲣⲟ ϥ · ⲁⲩⲱ ⲁ ϥ ⲡⲣⲟⲃⲁⲗⲉ ⲉⲃⲟⲗ ⲛ̅ϩⲏⲧ ϥ̅ . ⲛ̅ ⲟⲩ ⲛⲟϭ ⲛ̅ ϭⲟⲙ ⲛ̅ ϩⲟ ⲙ̅ ⲙⲟⲩⲓ̈ . ⲁⲩⲱ ⲉⲃⲟⲗ ϩⲛ̅ ⲧⲉϥ ϩⲩⲗⲏ ⲉⲧ ⲛ̅ϩⲏⲧ ϥ̅ .

ⲁ ϥ ⲡⲣⲟⲃⲁⲗⲉ ⲉⲃⲟⲗ ⲛ̅ ⲕⲉ ⲙⲏⲏϣⲉ ⲙ̅ ⲡⲣⲟⲃⲟⲗⲏ ⲛ̅ ϩⲩⲗⲓⲕⲏ ⲉ ⲩ ⲛⲁϣⲧ̅ ⲉⲙⲁⲧⲉ . ⲁⲩⲱ ⲁ ϥ ϫⲟⲟⲩ ⲥⲟⲩ ⲉ ⲛ ⲧⲟⲡⲟⲥ ⲙ̅ ⲡ ⲉⲥⲏⲧ . ⲉ ⲙ̅ ⲙⲉⲣⲟⲥ ⲙ̅ ⲡⲉ ⲭⲁⲟⲥ · ϫⲉ ⲉⲩⲉ ϭⲱⲣϭ̅ ⲉ ⲧ ⲡⲓⲥⲧⲓⲥ ⲥⲟⲫⲓⲁ ⲙ̅ⲙⲁⲩ · ⲁⲩⲱ ⲛ̅ ⲥⲉ ϥⲓ ⲧⲉⲥ ϭⲟⲙ ⲛ̅ϩⲏⲧ ⲥ̅ · ⲉⲃⲟⲗ ϫⲉ ⲁ ⲥ ⲙⲉⲉⲩⲉ ⲉ ⲃⲱⲕ ⲉ ⲡ ϫⲓⲥⲉ · ⲡⲁⲓ̈ ⲉⲧ ϩⲓϫⲱ ⲟⲩ ⲧⲏⲣ ⲟⲩ · ⲁⲩⲱ ϫⲉ ⲁ ⲥ ⲗⲟ ⲟⲛ ⲉⲥⲉ ⲓⲣⲉ ⲙ̅ ⲡⲉⲩ ⲙⲩⲥⲧⲏⲣⲓⲟⲛ · ⲁⲗⲗⲁ ⲁ ⲥ ϭⲱ ⲉ ⲥ ⲣ̅ ϩⲏⲃⲉ ⲉ ⲥ ϣⲓⲛⲉ ⲛ̅ⲥⲁ ⲡ ⲟⲩⲟⲉⲓⲛ ⲉⲛⲧ ⲁ ⲥ ⲛⲁⲩ ⲉⲣⲟ ϥ · ⲁⲩⲱ ⲁ ⲩ ⲙⲉⲥⲧⲱ ⲥ ⲛ̅ϭⲓ ⲛ̅ ⲁⲣⲭⲱⲛ ⲉⲧ ⲁϩⲉ ⲏ̅ ⲉⲧ ϭⲉⲉⲧ ⲉ ⲉⲡⲓⲣⲓ ⲉ ⲩ ⲉⲓⲣⲉ ⲙ̅ⲙⲟ ϥ · ⲁⲩⲱ ⲟⲛ ⲁ ⲙⲉⲥⲧⲱ ⲥ ⲛ̅ϭⲓ ⲛⲉ ⲫⲩⲗⲁⲝ ⲧⲏⲣ ⲟⲩ · ⲉ ⲧ ϩⲓⲣⲛ̅ ⲙ̅ ⲡⲩⲗⲏ ⲛ̅ ⲛ ⲁⲓⲱⲛ · ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲉⲃⲟⲗ ϩⲓⲧⲙ̅ ⲡ ⲧⲱϣ ⲙ̅ ⲡ ϣⲟⲣⲡ̅ ⲛ̅ ⲧⲱϣ . ⲁ ⲡⲓ ⲛⲟϭ ⲛ̅ ⲁⲩ ⲑⲁⲧⲏⲥ ⲛ̅ ⲧⲣⲓⲇⲩⲛⲁⲙⲟⲥ ⲉ ⲟⲩⲁ ⲡⲉ ϩⲙ̅ ϣⲟⲙⲛ̅ⲧ ⲛ̅ ⲧⲣⲓⲇⲩⲛⲁⲙⲟⲥ .

ⲁ ϥ ⲇⲓⲱⲕⲉ ⲛ̅ ⲧ ⲥⲟⲫⲓⲁ ϩⲣⲁⲓ̈ ϩⲙ̅ ⲡ ⲙⲉϩ ⲙⲛ̅ⲧ ϣⲟⲙⲧⲉ ⲛ̅ ⲁⲓⲱⲛ ⲉ ⲧⲣⲉ ⲥ ϭⲱϣⲧ̅ ⲉ ⲙ ⲙⲉⲣⲟⲥ ⲙ̅ ⲡ ⲉⲥⲏⲧ . ϫⲉ ⲉⲥⲉ ⲛⲁⲩ ⲉ ⲧⲉϥ ⲇⲩⲛⲁⲙⲓⲥ ⲛ̅ ⲟⲩⲟⲉⲓⲛ ⲙ̅ ⲡ ⲙⲁ ⲉⲧ ⲙ̅ⲙⲁⲩ . ⲧⲁⲓ̈ ⲉⲧ ⲟ ⲛ̅ ϩⲟ ⲙ̅ ⲙⲟⲩⲓ̈ . ⲁⲩⲱ ⲛ̅ ⲥⲉ ⲡⲓⲑⲩⲙⲓ ⲉⲣⲟ ⲥ . ⲛ ⲥ̅ ⲉⲓ̅ ⲉ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ⲛ̅ ⲥⲉ ϥⲓ ⲙ̅ ⲡⲉⲥ ⲟⲩⲟⲉⲓⲛ ⲛ̅ϩⲏⲧ ⲥ̅ .

ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ .

ⲁ ⲥ ϭⲱϣⲧ̅ ⲉ ⲡ ⲉⲥⲏⲧ ⲁ ⲥ ⲛⲁⲩ ⲉ ⲧⲉϥ ϭⲟⲙ ⲛ̅ ⲟⲩⲟⲉⲓⲛ ϩⲛ̅ ⲙ̅ ⲙⲉⲣⲟⲥ ⲙ̅ ⲡ ⲉⲥⲏⲧ . ⲁⲩⲱ ⲛⲉ ⲡⲥ̅ ⲉⲓⲙⲉ ⲡⲉ ϫⲉ ⲧⲁ ⲡⲓ ⲧⲣⲓⲇⲩⲛⲁⲙⲟⲥ ⲛ̅ ⲁⲩⲑⲁⲧⲏⲥ ⲧⲉ . ⲁⲗⲗⲁ ⲛⲉ ⲥ ⲙⲉⲉⲩⲉ ⲉⲣⲟ ⲥ ϫⲉ ⲟⲩ ⲉⲃⲟⲗ ϩⲙ̅ ⲡ ⲟⲩⲟⲉⲓⲛ ⲧⲉ · ⲡ ⲉⲛⲧ ⲁ ⲥ ⲛⲁⲩ ⲉⲣⲟ ϥ ϫⲓⲛ ⲛ̅ ϣⲟⲣⲡ̅ ϩⲙ̅ ⲡ ϫⲓⲥⲉ .

ⲡⲁⲓ̈ ⲉ ⲩ ⲉⲃⲟⲗ ⲡⲉ ϩⲙ̅ ⲡ ⲕⲁⲧⲁⲡⲉⲧⲁⲥⲙⲁ ⲙ̅ ⲡⲉ ⲑⲏⲥⲁⲩⲣⲟⲥ ⲙ̅ ⲡ ⲟⲩⲟⲉⲓⲛ · ⲁⲩⲱ ⲁ ⲥ ⲙⲉⲉⲩⲉ ⲛ̅ϩⲏⲧ ⲥ̅ ϫⲉ ⲉ ⲓ ⲛⲁ ⲃⲱⲕ ⲉ ⲡ ⲧⲟⲡⲟⲥ ⲉⲧ ⲙ̅ⲙⲁⲩ ⲭⲱⲣⲓⲥ ⲡⲁ ⲥⲩⲛⲍⲩⲅⲟⲥ ⲛ̅ⲧ ⲁ ϥ ⲓ ⲙ̅ ⲡ ⲟⲩⲟⲉⲓⲛ ⲛ̅ ⲧⲁ ⲧⲁⲙⲓⲟ ϥ ⲛⲁ ⲓ̈ ⲛ̅ ϩⲉⲛ ⲁⲓⲱⲛ ⲛ̅ ⲟⲩⲟⲉⲓⲛ ϫⲉ ⲉⲓ̈ⲉ ϣ ϭⲙ̅ϭⲟⲙ ⲛ̅ ⲃⲱⲕ ⲉ ⲡ ⲟⲩⲟⲉⲓⲛ ⲛ̅ⲧⲉ ⲛⲓ ⲟⲩ ⲟⲉⲓⲛ ⲡⲁⲓ̈ ⲉⲧ ϩⲙ̅ ⲡ ϫⲓⲥⲉ ⲛ̅ ⲛ̅ ϫⲓⲥⲉ ⲛⲁⲓ̈ ϭⲉ ⲉ ⲥ ⲙⲉⲉⲩⲉ ⲉⲣⲟ ⲟⲩ ⲁ ⲥ ⲉⲓ̅ ⲉⲃⲟⲗ ϩⲙ̅ ⲡⲉⲥ ⲧⲟⲡⲟⲥ ⲙ̅ ⲙⲉϩ ⲙ̅ⲛ̅ⲧ̅ ϣⲟⲙⲧⲉ ⲛ̅ ⲁⲓⲱⲛ · ⲁⲩⲱ ⲁ ⲥ ⲉⲓ̅ ⲉϩⲣⲁⲓ̈ ⲉ ⲡ ⲙⲉϩ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ · ⲁ ⲩ ⲇⲓⲱⲕⲉ ⲙ̅ⲙⲟ ⲥ ⲛ̅ϭⲓ ⲛ̅ ⲁⲣ ⲭⲱⲛ ⲛ̅ ⲛ ⲁⲓⲱⲛ . ⲁⲩⲱ ⲁ ⲩ ϭⲱⲛⲧ̅ ⲉⲣⲟ ⲥ ϫⲉ ⲁ ⲥ ⲙⲉⲉⲩⲉ ⲉ ϩⲉ ⲩ ⲙⲛ̅ⲧ ⲛⲟϭ ·

ⲁ ⲥ ⲉⲓ̅ ⲇⲉ ⲟⲛ ⲉⲃⲟⲗ ϩⲙ̅ ⲡ ⲙ̅ⲛ̅ⲧ̅ ⲥⲛⲟⲟⲩⲥ ⲛ̅ ⲁⲓⲱⲛ . ⲁ ⲥ ⲉⲓ̅ ⲉ ⲛ ⲧⲟⲡⲟⲥ ⲙ̅ ⲡⲉ ⲭⲁⲟⲥ . ⲁⲩⲱ ⲁ ⲥ ϯ ⲡⲉⲥ ⲟⲩⲟⲉⲓ ⲉ ϯ ϭⲟⲙ ⲛ̅ ⲟⲩⲟⲉⲓⲛ ⲛ̅ ϩⲟ ⲙ̅ ⲙⲟⲩⲓ̈ . ϫⲉ ⲉⲥⲉ ⲟⲙⲉⲕ ⲥ̅ · ⲁ ⲩ ⲕⲱⲧⲉ ⲇⲉ ⲉⲣⲟ ⲥ ⲛ̅ϭⲓ ⲛⲉ ⲡⲣⲟⲃⲟⲗⲟⲟⲩⲉ ⲧⲏⲣ ⲟⲩ ⲛ̅ ϩⲩⲗⲓⲕⲟⲛ ⲙ̅ ⲡⲁⲩ ⲑⲁⲧⲏⲥ · ⲁⲩⲱ ϯ ⲛⲟϭ ⲛ̅ ϭⲟⲙ ⲛ̅ ⲟⲩⲟⲉⲓⲛ ⲛ̅ ϩⲟ ⲙ̅ ⲙⲟⲩⲓ̈ · ⲁ ⲥ ⲱⲙ ⲕ̅ ⲛ̅ ⲛ ⲇⲩⲛⲁⲙⲓⲥ ⲛ̅ ⲟⲩⲟⲉⲓⲛ ϩⲛ̅ ⲧ ⲥⲟ ⲫⲓⲁ · ⲁⲩⲱ ⲁ ⲥ ⲥⲱⲧϥ̅ ⲙ̅ ⲡⲉⲥ ⲟⲩⲟⲉⲓⲛ ⲁ ⲥ ⲟⲙⲉⲕ ϥ̅ . ⲁⲩⲱ ⲧⲉⲥ ϩⲩⲗⲏ . ⲁ ⲩ ⲛⲟϫ ⲥ̅ ⲉⲃⲟⲗ ⲉ ⲡⲉ ⲭⲁⲟⲥ · ⲁ ⲥ ϣⲱⲡⲉ ⲛ̅ ⲟⲩ ⲁⲣⲭⲱⲛ ⲛ̅ ϩⲟ ⲙ̅ ⲙⲟⲩⲓ̈ ϩⲙ̅ ⲡⲉ ⲭⲁⲟⲥ · ⲉⲣⲉ ⲧⲉϥ ⲡⲁϣⲉ ⲟ ⲛ̅ ⲕⲱϩⲧ̅ . ⲁⲩⲱ ⲉⲣⲉ ⲧⲉϥ ⲕⲉ ⲡⲁϣⲉ ⲟ̅ ⲛ̅ ⲕⲁⲕⲉ · ⲉⲧⲉ ⲛ̅ⲧⲟϥ ⲡⲉ ⲓ̈ⲁⲗⲇⲁⲃⲁⲱⲑ · ⲡⲁⲓ̈ ⲉⲛⲧ ⲁ ⲓ̈ ϫⲟⲟ ϥ ⲉⲣⲱ ⲧⲛ̅ ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ ·

ⲛⲁⲓ̈ ϭⲉ ⲛ̅ⲧⲉⲣ ⲟⲩ ϣⲱⲡⲉ ⲁ ⲥ ⲣ̅ ϭⲱⲃ ⲛ̅ϭⲓ ⲧ ⲥⲟⲫⲓⲁ ⲉⲙⲁϣⲟ ⲉⲙⲁ ϣⲟ ·

ⲁⲩⲱ ⲟⲛ ⲁ ⲥ ϩⲓⲧⲟⲟⲧ ⲥ̅ ⲛ̅ϭⲓ ϯ ϭⲟⲙ ⲛ̅ ⲟⲩⲟⲉⲓⲛ ⲛ̅ ϩⲟ ⲙ̅ ⲙⲟⲩⲓ̈ ⲉⲧ ⲙ̅ⲙⲁⲩ ⲉ ⲧⲣⲉ ⲥ ϥⲓ ⲛ̅ ⲛ̅ ϭⲟⲙ ⲧⲏ ⲣ ⲟⲩ ⲛ̅ ⲟⲩⲟⲉⲓⲛ ϩⲛ̅ ⲧ ⲥⲟⲫⲓⲁ · ⲁⲩⲱ ⲛ̅ ϭⲟⲙ ⲧⲏⲣ ⲟⲩ ⲛ̅ ϩⲩⲗⲓⲕⲟⲛ ⲛ̅ⲧⲉ ⲡ ⲁⲩⲑⲁⲇⲏⲥ ⲁ ⲩ ⲕⲱⲧⲉ ⲉ ⲧ ⲥⲟⲫⲓⲁ ϩⲓ ⲟⲩ ⲥⲟⲡ ⲁ ⲩ ϩⲱϫ ⲙ̅ⲙⲟ ⲥ ·

ⲁ ⲥ ⲱϣ ⲉⲃⲟⲗ ⲉⲙⲁϣⲟ ⲉⲙⲁϣⲟ ⲛ̅ϭⲓ ⲧ ⲡⲓⲥⲧⲓⲥ ⲥⲟⲫⲓⲁ · ⲁ ⲥ ⲱϣ ⲉϩⲣⲁⲓ̈ ⲉ ⲡ ⲟⲩ ⲟⲓ̈ⲛ ⲛ̅ⲧⲉ ⲛⲓ ⲟⲩⲟⲉⲓⲛ · ⲡⲁⲓ̈ ⲉⲛⲧ ⲁ ⲥ ⲛⲁⲩ ⲉⲣⲟ ϥ ϫⲓⲛ ⲛ̅ ϣⲟⲣⲡ̅ ⲉ ⲁ ⲥ ⲡⲓⲥⲧⲉⲩⲉ ⲉⲣⲟ ϥ . ⲁⲩⲱ ⲁ ⲥ ϫⲱ ⲛ̅ ⲧⲉⲓ̈ ⲙⲉⲧⲁⲛⲟⲓⲁ ⲉ ⲥ ϫⲱ ⲙ̅ⲙⲟ ⲥ ⲛ̅ ⲧⲉⲓ̈ ϩⲉ . ϫⲉ ⲡ ⲟⲩⲟⲉⲓⲛ ⲛ̅ⲧⲉ ⲛⲓ ⲟⲩⲟⲉⲓⲛ̅ ⲡⲁⲓ̈ ⲉⲛⲧ ⲁ ⲓ̈ ⲡⲓⲥⲧⲉⲩⲉ ⲉⲣⲟ ϥ ϫⲓⲛ ⲛ̅ ϣⲟⲣⲡ̅ ·

ⲥⲱⲧⲙ̅ ϭⲉ ⲧⲉⲛⲟⲩ ⲡ ⲟⲩⲟⲉⲓⲛ ⲉ ⲧⲁ ⲙⲉⲧⲁ ⲛⲟⲓⲁ · ⲛⲁϩⲙⲉ ⲧ ⲡ ⲟⲩⲟⲉⲓⲛ ϫⲉ ⲁ ϩⲉⲛ ⲙⲉⲉⲩⲉ ⲉ ⲩ ϩⲟⲟⲩ ⲉⲓ̅ ⲉϩⲟⲩⲛ ⲉⲣⲟ ⲓ̈ . ⲁ ⲓ̈ ϭⲱϣⲧ̅ ⲱ̅ ⲡ ⲟⲩⲟⲉⲓⲛ ⲉ ⲛ ⲙⲉ ⲣⲟⲥ ⲉⲧ ⲙ̅ ⲡ ⲉⲥⲏⲧ .

ⲁ ⲓ̈ ⲛⲁⲩ ⲉ ⲩ ⲟⲩⲟⲉⲓⲛ ⲙ̅ ⲡ ⲙⲁ ⲉⲧ ⲙ̅ ⲙⲁⲩ ⲉ ⲓ̈ ⲙⲉⲉⲩⲉ ϫⲉ ⲉ ⲓ̈ ⲛⲁ ⲃⲱⲕ ⲉ ⲡ ⲧⲟⲡⲟⲥ ⲉⲧ ⲙ̅ⲙⲁⲩ