Ⲍ ⲁ ⲥ ϣⲱⲡⲉ ϭⲉ ⲉⲣⲉ ⲙ̅ ⲙⲁⲑⲏⲧⲏⲥ ϩⲙⲟⲟⲥ ⲙⲛ̅ ⲛⲉⲩ ⲉⲣⲏⲩ ϩⲓϫⲙ̅ ⲡ ⲧⲟⲟⲩ ⲛ̅ ⲛ̅ ϫⲟⲉⲓⲧ ⲉ ⲩ ϫⲱ ⲛ̅ ⲛⲉⲓ̈ ϣⲁϫⲉ ⲁⲩⲱ ⲉ ⲩ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ ⲁⲩⲱ ⲉ ⲩ ⲧⲉⲗⲏⲗ ⲉⲙⲁϣⲟ .

ⲁⲩⲱ ⲉ ⲩ ϫⲱ ⲙ̅ⲙⲟ ⲥ ⲛ̅ ⲛⲉⲩ ⲉⲣⲏⲩ ϫⲉ ⲁⲛⲟⲛ ϩⲉⲛ ⲙⲁⲕⲁⲣⲓⲟⲥ ⲁⲛⲟⲛ ⲡⲁⲣⲁ ⲛ̅ ⲣⲱⲙⲉ ⲧⲏⲣ ⲟⲩ ⲉⲧ ϩⲓϫⲙ̅ ⲡ ⲕⲁϩ

ϫⲉ ⲁ ⲡ ⲥⲱⲧⲏⲣ ϭⲗ̅ⲡ̅ ⲛⲁⲓ̈ ⲛⲁ ⲛ ⲉⲃⲟⲗ

ⲁⲩⲱ ⲁ ⲛ ϫⲓ ⲙ̅ ⲡⲉ ⲡⲗⲏⲣⲱⲙⲁ ⲙⲛ̅ ⲡ ϫⲱⲕ ⲧⲏⲣ ϥ̅ ·

ⲛⲁⲓ̈ ⲉ ⲩ ϫⲱ ⲙ̅ⲙⲟ ⲟⲩ ⲉ ⲛⲉⲩ ⲉⲣⲏⲩ ⲡⲉ ⲉⲣⲉ ⲓ̅ⲥ̅ ϩⲙⲟⲟⲥ ⲉ ϥ ⲟⲩⲏⲩ ⲉⲃⲟⲗ ⲙ̅ⲙⲟ ⲟⲩ ⲛ̅ ⲟⲩ ϣⲏⲙ ·

ⲁ ⲥ ϣⲱⲡⲉ ⲇⲉ ϩⲙ̅ ⲡ ⲙⲛ̅ⲧⲏ ⲙ̅ ⲡ ⲟⲟϩ ⲙ̅ ⲡ ⲉⲃⲟⲧ ⲛ̅ ⲧⲱⲃⲉ

ⲉⲧⲉ ⲛ̅ⲧⲟϥ ⲡⲉ ⲡⲉ ϩⲟⲟⲩ ⲉ ϣⲁⲣⲉ ⲡ ⲟⲟϩ ϫⲱⲕ ⲛ̅ϩⲏⲧ ϥ̅

ⲙ̅ ⲡⲉ ϩⲟⲟⲩ ϭⲉ ⲉⲧ ⲙ̅ⲙⲁⲩ ⲛ̅ⲧⲉⲣⲉ ⲡ ⲣⲏ ⲉⲓ̅ ⲉⲃⲟⲗ ϩⲛ̅ ⲧⲉϥ ⲃⲁⲥⲓⲥ

ⲁ ⲥ ⲉⲓ̅ ⲉⲃⲟⲗ ⲙⲛ̅ⲛ̅ⲥⲱ ϥ ⲛ̅ϭⲓ ⲟⲩ ⲛⲟϭ ⲛ̅ ⲇⲩ ⲛⲁⲙⲓⲥ ⲛ̅ ⲟⲩⲟⲉⲓⲛ ⲉ ⲥ ⲣ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ

ⲉ ⲙⲛ̅ ϣⲓ ⲉ ⲡ ⲟⲩⲟⲉⲓⲛ ⲉⲧ ⲥ̅ⲟ ⲙ̅ⲙⲟ ϥ

ⲛ̅ⲧ ⲁ ⲥ ⲉⲓ ⲅⲁⲣ ⲉⲃⲟⲗ ϩⲙ̅ ⲡ ⲟⲩⲟⲉⲓⲛ ⲛ̅ⲧⲉ ⲛ̅ ⲟⲩⲟⲉⲓⲛ

ⲁⲩⲱ ⲛ̅ⲧ ⲁ ⲥ ⲉⲓ ⲉⲃⲟⲗ ϩⲙ̅ ⲫ ⲁⲉ ⲙ̅ ⲙⲩⲥⲧⲏⲣⲓⲟⲛ

ⲉⲧⲉ ⲛ̅ⲧⲟϥ ⲡⲉ ⲡ ⲙⲉϩ ϫⲟⲩ ⲧⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ϫⲓⲛ ⲛ̅ ϩⲟⲩⲛ ϣⲁ ⲉⲃⲟⲗ

ⲛⲁⲓ̈ ⲉⲧ ϣⲟⲟⲡ ϩⲛ̅ ⲛ̅ ⲧⲁⲝⲓⲥ ⲛ̅ⲧⲉ ⲡ ⲙⲉϩ ⲥⲛⲁⲩ ⲛ̅ ⲭⲱ ⲣⲏⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ

· ⲛ̅ⲧⲟⲥ ⲇⲉ ⲧ ϭⲟⲙ ⲉⲧ ⲙ̅ⲙⲁⲩ ⲛ̅ ⲟⲩⲟⲉⲓⲛ ⲁ ⲥ ⲉⲓ̅ ⲉϩⲣⲁⲓ̈ ⲉϫⲛ̅ ⲓ̅ⲥ̅ ⲁⲩⲱ ⲁ ⲥ ⲕⲱⲧⲉ ⲉⲣⲟ ϥ ⲧⲏⲣ ϥ̅ ·

ⲉ ϥ ϩⲙⲟⲟⲥ ⲉ ϥ ⲟⲩⲏⲩ ⲉⲃⲟⲗ ⲛ̅ ⲛⲉϥ ⲙⲁⲑⲏⲧⲏⲥ

ⲁⲩⲱ ⲛⲉ ⲁ ϥ ⲣ̅ ⲟⲩⲟⲉⲓⲛ ⲡⲉ ⲉⲙⲁϣⲟ ⲉⲙⲁϣⲟ ·

ⲉ ⲙⲛ̅ ϣⲓ ⲉ ⲡ ⲟⲩⲟⲉⲓⲛ ⲉ ⲛ ⲉϥ ϣⲟⲟⲡ ⲙ̅ⲙⲟ ϥ ·

ⲁⲩⲱ ⲉ ⲛⲉ ⲙ̅ⲡⲉ ⲙ̅ ⲙⲁⲑⲏⲧⲏⲥ ⲛⲁ ⲩ ⲉ ⲓ̅ⲥ̅ ⲉⲃⲟⲗ ⲙ̅ ⲡ ⲛⲟϭ ⲛ̅ ⲟⲩⲟⲉⲓⲛ ⲉ ⲛ ⲉϥ ϣⲟⲟⲡ ⲛ̅ϩⲏⲧ ϥ̅ ⲏ̅ ⲉ ⲛ ⲉϥ ϣⲟⲟⲡ ⲙ̅ⲙⲟ ϥ ·

ⲛⲉ ⲁ ⲛⲉⲩ ⲃⲁⲗ ⲅⲁⲣ ϩⲧⲟⲙⲧⲙ̅ ⲡⲉ ⲉⲃⲟⲗ ⲙ̅ ⲡ ⲛⲟϭ ⲛ̅ ⲟⲩⲟⲉⲓⲛ ⲉ ⲛ ⲉϥ ϣⲟⲟⲡ ⲛ̅ϩⲏⲧ ϥ̅ ·

ⲁⲗⲗⲁ ⲛⲉ ⲩ ⲛⲁⲩ ⲙ̅ⲙⲁⲧⲉ ⲡⲉ ⲉ ⲡ ⲟⲩⲟⲉⲓⲛ · ⲉ ϥ ⲛⲟⲩϫⲉ ⲉⲃⲟⲗ ⲛ̅ ϩⲉⲛ ⲁⲕⲧⲓⲛ ⲛ̅ ⲟⲩⲟⲉⲓⲛ ⲉ ⲛⲁϣⲱ ⲟⲩ ·

ⲁⲩⲱ ⲛⲉ ⲩ ϣⲏϣ ⲁⲛ ⲡⲉ ⲙⲛ̅ ⲛⲉⲩ ⲉⲣⲏⲩ ⲛ̅ϭⲓ ⲛ̅ ⲁⲕⲧⲓⲛ ⲛ̅ ⲟⲩⲟⲉⲓⲛ ·

ⲁⲩⲱ ⲛⲉⲣⲉ ⲡ ⲟⲩⲟⲉⲓⲛ ⲛⲉ ϥ ⲟ ⲙ̅ ⲙⲓⲛⲉ ⲙⲓⲛⲉ ⲡⲉ ·

ⲁⲩⲱ ⲛⲉ ϥ ⲟ̅ ⲛ̅ ⲧⲩⲡⲟⲥ ⲧⲩⲡⲟⲥ ⲡⲉ ϫⲓⲛ ⲙ̅ ⲡ ⲉⲥⲏⲧ ⲉ ⲧ ⲡⲉ ·

ⲉⲣⲉ ⲟⲩⲁ ⲥⲟⲧⲡ̅ ϥ̇̅ ⲉ ⲟⲩⲁ ⲧⲙ̅ ⲡ ⲥⲟⲡ ϩⲛ̅ ⲟⲩ ⲛⲟϭ ⲛ̅ ⲉ ⲟⲟⲩ ⲛ ⲟⲩⲉⲓⲛ ⲛ̅ ⲁⲧ ϯ ϣⲓ ⲉⲣⲟ ϥ ·

ⲛⲉ ϥ ϫⲓ ϫⲓⲛ ⲡ ⲉⲥⲏⲧ ⲙ̅ ⲡ ⲕⲁϩ ϣⲁϩⲣⲁⲓ̈ ⲉ ⲙ ⲡⲏⲩⲉ ·

Ⲍ ⲁⲩⲱ ⲛ̅ⲧⲉⲣⲉ ⲙ̅ ⲙⲁⲑⲏⲧⲏⲥ ⲛⲁⲩ ⲉ ⲡ ⲟⲩⲟⲉⲓⲛ ⲉⲧ ⲙ̅ⲙⲁⲩ ⲁ ⲩ ϣⲱⲡⲉ ϩⲛ̅ ⲟⲩ ⲛⲟϭ ⲛ̅ ϩⲟⲧⲉ ⲁⲩⲱ ϩ̅ⲛ̅ ⲟⲩ ⲛⲟϭ ⲛ̅ ϣⲧⲟⲣⲧⲣ̅

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲧ ϭⲟⲙ ⲛ̅ ⲟⲩⲟⲉⲓⲛ ⲉⲧ ⲙ̅ ⲙⲁⲩ ⲉⲓ̅ ⲉϩⲣⲁⲓ̈ ⲉϫⲛ̅ ⲓ̅ⲥ̅ ⲁ ⲥ ⲕⲱⲧⲉ ⲉⲣⲟ ϥ ⲧⲏⲣ ϥ̅ ϣⲏⲙ ϣⲏⲙ ·

ⲧⲟⲧⲉ ⲁ ⲓ̅ⲥ̅ ⲧⲟⲓⲗⲉ ⲏ̅ ⲁ ϥ ϩⲱⲗ ⲉ ⲡ ϫⲓⲥⲉ ⲉ ⲁ ϥ ⲣ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ ϩⲛ̅ ⲟⲩⲟⲉⲓⲛ ⲉ ⲙⲛ̅ ϣⲓ ⲉⲣⲟ ϥ ·

ⲁⲩⲱ ⲛⲉⲣⲉ ⲙ̅ ⲙⲁⲑⲏⲧⲏⲥ ϭⲱϣⲧ̅ ⲛ̅ⲥⲱ ϥ ⲡⲉ ⲉ ⲙⲛ̅ ⲟⲩⲟⲛ ⲙ̅ⲙⲟ ⲟⲩ ϣⲁϫⲉ ·

ϣⲁⲛⲧ ϥ̅ ⲃⲱⲕ ⲉϩⲣⲁⲓ̈ ⲉ ⲧ ⲡⲉ ·

ⲁⲗⲗⲁ ⲛⲉ ⲩ ϣⲟⲟⲡ ⲧⲏⲣ ⲟⲩ ϩⲛ̅ ⲟⲩ ⲛⲟϭ ⲛ̅ ⲥⲓⲅⲏ ·

ⲛⲁⲓ̈ ϭⲉ ⲛ̅ⲧ ⲁ ⲩ ϣⲱⲡⲉ ⲙ̅ ⲡ ⲙⲛ̅ⲧ ⲏ ⲙ̅ ⲡ ⲟⲟϩ ·

ⲡⲉ ϩⲟⲟⲩ ⲉ ϣⲁ ϥ ϫⲱⲕ ⲛ̅ϩⲏⲧ ϥ̅ ⲙ̅ ⲡ ⲉⲃⲟⲧ ⲛ̅ ⲧⲱⲃⲉ :

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲃⲱⲕ ⲉϩⲣⲁⲓ̈ ⲉ ⲧ ⲡⲉ ⲙⲛ̅ⲛ̅ⲥⲁ ϣⲟⲙⲧⲉ ⲛ̅ ⲟⲩⲛⲟⲩ · ⲁ ⲩ ϣⲧⲟⲣⲧⲣ̅ ⲛ̅ϭⲓ ⲛ̅ ϭⲟⲙ ⲧⲏⲣ ⲟⲩ ⲛ̅ ⲙ̅ ⲡⲏⲩⲉ ⲁⲩⲱ ⲁ ⲩ ⲛⲟⲉⲓⲛ ⲧⲏⲣ ⲟⲩ ϩⲓ ⲛⲉⲩ ⲉⲣⲏⲩ ·

ⲛ̅ⲧⲟⲟⲩ ⲙⲛ̅ ⲛⲉⲩ ⲁⲓⲱⲛ ⲧⲏⲣ ⲟⲩ ⲙⲛ̅ ⲛⲉⲩ ⲧⲟⲡⲟⲥ ⲧⲏⲣ ⲟⲩ ⲁⲩⲱ ⲙⲛ̅ ⲛⲉⲩ ⲧⲁϫⲓⲥ ⲧⲏⲣ ⲟⲩ ⲁⲩⲱ ⲁ ⲡ ⲕⲁϩ ⲧⲏⲣ ϥ̅ ⲕⲓⲙ ⲙⲛ̅ ⲛ ⲉⲧ ⲟⲩⲏϩ ϩⲓϫⲱ ϥ ⲧⲏⲣ ⲟⲩ .

ⲁⲩⲱ ⲁ ⲩ ϣⲧⲟⲣⲧⲣ̅ ⲛ̅ϭⲓ ⲛ̅ ⲣⲱⲙⲉ ⲧⲏⲣ ⲟⲩ ⲉⲧ ϩⲙ̅ ⲡ ⲕⲟⲥⲙⲟⲥ ⲙⲛ̅ ⲛ̅ ⲕⲉ ⲙⲁⲑⲏⲧⲏⲥ ⲁⲩⲱ ⲛⲉ ⲩ ⲙⲉⲉⲩⲉ ⲧⲏⲣ ⲟⲩ ⲡⲉ ϫⲉ ⲙⲉ ϣⲁⲕ ⲉ ⲩ ⲛⲁ ϭⲗ̅ⲡ ⲕⲟⲥⲙⲟⲥ ·

ⲁⲩⲱ ⲛⲉ ⲙ̅ⲡ ⲟⲩ ⲕⲁ ⲧⲟ ⲟⲧ ⲟⲩ ⲉⲃⲟⲗ ⲡⲉ ⲛ̅ϭⲓ ⲛ̅ ϭⲟⲙ ⲧⲏⲣ ⲟⲩ ⲉⲧ ϩⲛ̅ ⲙ̅ ⲡ ⲏⲩⲉ ⲉ ⲩ ϣⲧⲣ̅ⲧⲱⲣ ⲛ̅ⲧⲟⲟⲩ ⲙⲛ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲁⲩⲱ ⲛⲉ ⲩ ⲕⲓⲙ ⲧⲏⲣ ⲟⲩ ⲡⲉ ⲉϫⲛ̅ ⲛⲉⲩ ⲉⲣⲏⲩ ϫⲓⲛ ϫⲡ̅ ϣⲟⲙⲧⲉ ⲙ̅ ⲡ ⲙⲛ̅ⲧ ⲏ ⲙ̅ ⲡ ⲟⲟϩ ⲛ̅ ⲧⲱⲃⲉ ϣⲁϩⲣⲁⲓ̈ ⲉ ϫⲡ̅ ⲯⲓⲧⲉ ⲙ̅ ⲡⲉϥ ⲣⲁⲥⲧⲉ ·

ⲁⲩⲱ ⲛⲉⲣⲉ ⲛ̅ ⲁⲅⲅⲉⲗⲟⲥ ⲧⲏⲣ ⲟⲩ ⲙⲛ̅ ⲛⲉⲩ ⲁⲣⲭⲁⲅⲅⲉⲗⲟⲥ ⲁⲩⲱ ⲙⲛ̅ ⲛ̅ ϭⲟⲙ ⲧⲏⲣ ⲟⲩ ⲙ̅ ⲡ ϫⲓⲥⲉ ⲛⲉ ⲩ ϩⲩⲙⲛⲉⲩⲉ ⲧⲏⲣ ⲟⲩ ⲡⲉ ⲉ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ ·

ϩⲱⲥⲧⲉ ⲛⲉⲣⲉ ⲡ ⲕⲟⲥⲙⲟⲥ ⲧⲏⲣ ϥ̅ ⲥⲱⲧⲙ̅ ⲉ ⲡⲉⲩ ϩⲣⲟⲟⲩ ⲉ ⲙⲡ ⲟⲩ ⲕⲁ ⲧⲟⲟⲧ ⲟⲩ ⲉⲃⲟⲗ ϣⲁ ϫⲡ̅ ⲯⲓⲧⲉ ⲙ̅ ⲡⲉϥ ⲣⲁⲥⲧⲉ ·

ⲙ̅ ⲙⲁⲑⲏⲧⲏⲥ ⲇⲉ ⲛⲉ ⲩ ϩⲙⲟⲟⲥ ⲡⲉ ϩⲓ ⲛⲉⲩ ⲉⲣⲏⲩ ⲉ ⲩ ⲟ̅ ⲛ̅ ϩⲟⲧⲉ ·

ⲁⲩⲱ ⲛⲉ ⲁ ⲩ ϣⲧⲟⲣⲧⲣ̅ ⲛⲉ ⲉⲙⲁϣⲟ ⲉⲙⲁϣⲟ ·

ⲛⲉ ⲩ ⲣ̅ ϩⲟⲧⲉ ⲇⲉ ⲡⲉ ⲉⲧⲃⲉ ⲡ ⲛⲟϭ ⲛ̅ ⲕⲙ̅ⲧⲟ ⲉⲧ ϣⲟⲟⲡ ⲁⲩⲱ ⲛⲉ ⲩ ⲣⲓⲙⲉ ⲡⲉ ⲙⲛ̅ ⲛⲉⲩ ⲉⲣⲏⲩ ⲉ ⲩ ϫⲱ ⲙ̅ⲙⲟ ⲥ ϫⲉ ⲟⲩ ⲁⲣⲁ ⲡ ⲉⲧ ⲛⲁ ϣⲱⲡⲉ ·

ⲙⲉϣⲁⲕ ⲉⲣⲉ ⲡ ⲥⲱⲧⲏⲣ ⲛⲁ ⲃⲱⲗ ⲉⲃⲟⲗ ⲛ̅ ⲛ̅ ⲧⲟⲡⲟⲥ ⲧⲏⲣ ⲟⲩ :

Ⲍ ⲛⲁⲓ̈ ϭⲉ ⲉ ⲩ ϫⲱ ⲙ̅ⲙⲟ ⲟⲩ ⲉ ⲩ ⲣⲓⲙⲉ ⲉϩⲟⲩⲛ ⲉ ⲛⲉⲩ ⲉⲣⲏⲩ ·

ⲙ̅ ⲡ ⲛⲁⲩ ⲛ̅ ϫⲡ̅ ⲯⲓⲧⲉ ⲙ̅ ⲡⲉϥ ⲣⲁⲥⲧⲉ ⲁ ⲙ̅ ⲡⲏⲩⲉ ⲟⲩⲱⲛ ⲁⲩⲱ ⲁ ⲩ ⲛⲁⲩ ⲉ ⲓ̅ⲥ̅ ⲉ ϥ ⲛⲏⲩ ⲉ ⲡ ⲉⲥⲏⲧ · ⲉ ϥ ⲣ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ ·

ⲉ ⲙⲛ̅ ϣⲓ ⲉ ⲡⲉϥ ⲟⲩⲟⲓ̈ⲛ ⲉⲧ ϥ̅ ϣⲟⲟⲡ ⲛ̅ϩⲏⲧ ϥ̅ ·

ⲛⲉ ϥ ⲣ̅ ⲟⲩⲟⲉⲓⲛ ⲅⲁⲣ ⲛ̅ ϩⲟⲩⲟ ⲉ ⲡ ⲛⲁ ⲩ ⲉⲛⲧ ⲁ ϥ ⲃⲱⲕ ⲉϩⲣⲁⲓ̈ ⲉ ⲙ ⲡⲏⲩⲉ ·

ϩⲱⲥⲧⲉ ⲛⲉ ⲙⲛ̅ ϣ ϭⲟⲙ ⲛ̅ ⲣⲙ̅ ⲛ̅ ⲕⲟⲥⲙⲟⲥ ⲉ ϣⲁϫⲉ ⲉ ⲡ ⲟⲩⲟⲉⲓⲛ ⲉ ⲛ ⲉϥ ϣⲟⲟⲡ ⲙ̅ⲙⲟ ϥ ·

ⲁⲩⲱ ⲛⲉ ϥ ⲛⲉϫ ⲁⲕⲧⲓⲛ ⲛ̅ ⲟⲩⲟ ⲉⲓⲛ ⲉⲃⲟⲗ ⲡⲉ ⲉⲙⲁⲧⲉ ⲉⲙⲁⲧⲉ ⲉ ⲙⲛ̅ ϣⲓ ⲉ ⲛⲉϥ ⲁⲕⲧⲓⲛ ·

ⲁⲩⲱ ⲛⲉⲣⲉ ⲡⲉϥ ⲟⲩⲟⲉⲓⲛ ⲛⲉ ϥ ϣⲏϣ ⲁⲛ ⲡⲉ ⲙⲛ̅ ⲛⲉϥ ⲉ ⲣⲏⲩ ·

ⲁⲗⲗⲁ ⲛⲉ ϥ ⲟ ⲙ̅ ⲙⲓⲛⲉ ⲙⲓⲛⲉ ⲡⲉ ⲁⲩⲱ ⲛⲉ ϥ ⲟ̅ ⲛ̅ ⲧⲩⲡⲟⲥ ⲧⲩⲡⲟⲥ ⲡⲉ ⲉⲣⲉ ϩⲟⲓ̈ⲛⲉ ⲟⲩⲟⲧⲃ̅ ⲉ ⲛⲉⲩ ⲉⲣⲏⲩ ⲧⲙ̅ ⲡ ⲥⲟⲡ ·

ⲁⲩⲱ ⲛⲉⲣⲉ ⲡ ⲟⲩⲟⲉⲓⲛ ⲧⲏⲣ ϥ̅ ϩⲓ ⲛⲉϥ ⲉⲣⲏⲩ ⲡⲉ ·

ⲛⲉ ϥ ⲟ̅ ⲛ̅ ϣⲟⲙⲧⲉ ⲛ̅ ϩⲉ ⲡⲉ ⲁⲩⲱ ⲛⲉⲣⲉ ⲟⲩⲉⲓ ⲟⲩ ⲟⲧⲃ̅ ⲉ ⲟⲩⲉⲓ ⲡⲉ ⲧⲙ̅ ⲡ ⲥⲟⲡ ·

ⲧ ⲙⲉϩ ⲥⲛ̅ⲧⲉ ⲉⲧ ϩⲛ̅ ⲧ ⲙⲏ ⲧⲉ ⲛⲉ ⲥ ⲟⲩⲟⲧⲃ̅ ⲡⲉ ⲉ ⲧⲉ ϩⲟⲩⲉⲓⲧⲉ . ⲉⲧ ⲙ̅ ⲡ ⲉⲥⲏⲧ ⲁⲩⲱ ⲧ ⲙⲉϩ ϣⲟⲙⲧⲉ ⲉⲧ ϩⲓ ⲧ ⲡⲉ ⲙ̅ⲙⲟ ⲟⲩ ⲧⲏⲣ ⲟⲩ ⲛⲉ ⲥ ⲟⲩⲟⲧⲃ̅ ⲡⲉ ⲉ ⲧ ⲥ̅ⲛ̅ⲧⲉ ⲉⲧ ϩⲙ̅ ⲡ ⲉⲥⲏⲧ ·

ⲁⲩⲱ ⲧ ϣⲟⲣⲡ̅ ⲛ̅ ⲥⲓⲧⲉ ⲕⲏ ⲉⲧ ⲙ̅ ⲡ ⲉⲥⲏⲧ ⲙ̅ⲙⲟ ⲟⲩ ⲧⲏⲣ ⲟⲩ .

ⲉ ⲥ ⲟ ⲙ̅ ⲡ ⲓⲛⲉ ⲙ̅ ⲡ ⲟⲩⲟⲉⲓⲛ ⲡ ⲉⲛⲧ ⲁ ϥ ⲉⲓ̈ ⲉϫⲛ̅ ⲓ̅ⲥ̅ ⲉ ⲙⲡⲁⲧ ϥ̅ ⲃⲱⲕ ⲉϩⲣⲁⲓ̈ ⲉ ⲙ ⲡⲏⲩⲉ ⲁⲩⲱ ⲉ ϥ ϣⲏϣ ⲟⲩⲃⲏ ϥ ⲙ̅ⲙⲁⲧⲉ ϩⲙ̅ ⲡⲉϥ ⲟⲩⲟⲉⲓⲛ ·

ⲁⲩⲱ ⲧ ϣⲟⲙⲧⲉ ⲛ̅ ϩⲉ ⲛ ⲟⲩⲟⲉⲓⲛ ⲛⲉ ⲩ ⲟ ⲙ̅ ⲙⲓⲛⲉ ⲙⲓⲛⲉ ⲛ̅ ⲟⲩⲟⲉⲓⲛ ⲡⲉ ⲁⲩⲱ ⲛⲉ ⲩ ⲟ̅ ⲛ̅ ⲧⲩⲡⲟⲥ ⲧⲩ ⲡⲟⲥ ⲡⲉ ⲉⲣⲉ ϩⲟⲓ̈ⲛⲉ ⲟⲩⲟⲧⲃ̅ ⲉ ϩⲟⲓ̈ⲛⲉ ⲧⲙ̅ ⲡ ⲥⲟⲡ ·

Ⲍ ⲁ ⲥ ϣⲱⲡⲉ ⲇⲉ ⲛ̅ⲧⲉⲣⲉ ⲙ̅ ⲙⲁⲑⲏⲧⲏⲥ ⲛⲁⲩ ⲉ ⲛⲁⲓ̈ ⲁ ⲩ ⲣ̅ ϩⲟⲧⲉ ⲉⲙⲁⲧⲉ ⲁⲩⲱ ⲁ ⲩ ϣⲧⲟⲣⲧⲣ̅ ·

ⲓ̅ⲥ̅ ϭⲉ ⲡ ⲛⲁⲏⲧ ⲁⲩⲱ ⲡ ϩⲁⲗϭ̅‐ϩⲏⲧ ⲛ̅ⲧⲉⲣⲉ ϥ ⲛⲁⲩ ⲉ ⲛⲉϥ ⲙⲁ ⲑⲏⲧⲏⲥ ϫⲉ ⲁ ⲩ ϣⲧⲟⲣⲧⲣ̅ ϩⲛ̅ ⲟⲩ ⲛⲟϭ ⲛ̅ ϣⲧⲟⲣⲧⲣ̅ · ⲁ ϥ ϣⲁϫⲉ ⲛⲙ̅ⲙⲁ ⲩ ⲉ ϥ ϫⲱ ⲙ̅ⲙⲟ ⲥ ϫⲉ ⲧⲱⲕ ⲛ̅ ϩⲏⲧ ⲁⲛⲟⲕ ⲡⲉ ⲙ̅ⲡⲣ̅ ⲣ̅ ϩⲟⲧⲉ ·

Ⲍ ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲙ̅ ⲙⲁⲑⲏⲧⲏⲥ ⲥⲱⲧⲙ̅ ⲉ ⲡⲉⲓ̈ ϣⲁϫⲉ ⲡⲉϫⲁ ⲩ ϫⲉ ⲡ ϫⲟⲉⲓⲥ ⲉϣϫⲉ ⲛ̅ⲧⲟⲕ ⲡⲉ ⲥⲱⲕ ⲉⲣⲟ ⲕ ⲙ̅ ⲡⲉⲕ ⲟⲩⲟⲉⲓⲛ ⲛ̅ ⲉⲟⲟⲩ ⲧⲁⲣ ⲛ̅ ⲉϣ ⲁϩⲉ ⲣⲁⲧ ⲛ̅ ·

ⲉⲙⲙⲟ ⲛ ⲁ ⲛⲉⲛ ⲃⲁⲗ ϩⲧⲟⲙⲧⲙ̅ ⲁⲩⲱ ⲁ ⲛ ϣⲧⲟⲣⲧⲣ̅ ⲁⲩⲱ ⲟⲛ ⲁ ϥ ϣⲧⲟⲣⲧⲣ̅ ⲛ̅ϭⲓ ⲡ ⲕⲟⲥⲙⲟⲥ ⲧⲏⲣ ϥ̅ ⲉⲃⲟⲗ ⲙ̅ ⲡ ⲛⲟϭ ⲛ̅ ⲟⲩⲟⲉⲓⲛ ⲉⲧ ϣⲟⲟⲡ ⲙ̅ⲙⲟ ⲕ :

Ⲍ ⲧⲟⲧⲉ ⲓ̅ⲥ̅ ⲁ ϥ ⲥⲱⲕ ⲉⲣⲟ ϥ ⲙ̅ ⲡ ⲉⲟⲟⲩ ⲙ̅ ⲡⲉϥ ⲟⲩⲟⲉⲓⲛ ·

ⲁⲩⲱ ⲛ̅ⲧⲉⲣⲉ ⲡⲁⲓ̈ ϣⲱⲡⲉ ⲁ ⲩ ⲧⲱⲕ ⲛ̅ ϩⲏⲧ ⲛ̅ϭⲓ ⲙ̅ ⲙⲁⲑⲏⲧⲏⲥ ⲧⲏⲣ ⲟⲩ ⲁ ⲩ ⲉⲓ̅ ⲉⲣⲁⲧ ϥ̅ ⲛ̅ ⲓ̅ⲥ̅ ⲁ ⲩ ⲡⲁϩⲧ ⲟⲩ ⲧⲏⲣ ⲟⲩ ϩⲓ ⲟⲩ ⲥⲟⲡ ⲁ ⲩ ⲟⲩⲱϣⲧ̅ ⲛⲁ ϥ ⲉ ⲩ ⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ ·

ⲡⲉϫⲁ ⲩ ⲛⲁ ϥ ϫⲉ ϩⲣⲁⲃⲃⲉⲓ ⲛ̅ⲧ ⲁ ⲕ ⲃⲱⲕ ⲉ ⲧⲱⲛ · ⲏ̅ ⲟⲩ ⲧⲉ ⲧⲉⲕ ⲇⲓⲁⲕⲟⲛⲓⲁ ⲛ̅ⲧ ⲁ ⲕ ⲃⲱⲕ ⲙ̅ⲙⲟ ⲥ ⲏ̅ ϩⲛ̅ ⲟⲩ ⲛ̅ⲧⲟϥ ⲛⲉ ⲛⲉ ⲓ̈ ϣⲧⲟⲣⲧⲣ̅ ⲧⲏⲣ ⲟⲩ ⲙⲛ̅ ⲛⲉⲓ̈ ⲕⲙ̅ⲧⲟ ⲧⲏ ⲣ ⲟⲩ ⲛ̅ⲧ ⲁ ⲩ ϣⲱⲡⲉ ·

ⲧⲟⲧⲉ ⲡⲉϫⲁ ϥ ⲛⲁ ⲩ ⲛ̅ϭⲓ ⲓ̅ⲥ̅ ⲡ ⲛⲁ ⲏⲧ ϫⲉ ⲣⲁϣⲉ ⲛ̅ ⲧⲉⲧⲛ̅ ⲧⲉⲗⲏⲗ ϫⲓⲛ ⲙ̅ ⲡⲉⲓ̈ ⲛⲁⲩ ϫⲉ ⲁ ⲓ̈ ⲃⲱⲕ ϣⲁ ⲛ̅ ⲧⲟⲡⲟⲥ ⲉⲛⲧ ⲁ ⲓ̈ ⲉⲓ̅ ⲉⲃⲟⲗ ⲛ̅ϩⲏⲧ ⲟⲩ ·

ϫⲓⲛ ⲡ ⲟⲟⲩ ϭⲉ ⲉⲃⲟⲗ ϯ ⲛⲁ ϣⲁϫⲉ ⲛⲙ̅ⲙⲏ ⲧⲛ̅ ϩⲛ̅ ⲟⲩ ⲡⲁⲣ ⲣⲏⲥⲓⲁ ϫⲓⲛ ⲧ ⲁⲣⲭⲏ ⲛ̅ ⲧ ⲁⲗⲏⲑⲉⲓⲁ ϣⲁ ⲡⲉⲥ ϫⲱⲕ ·

ⲁⲩⲱ ϯ ⲛⲁ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ϩⲟ ϩⲓ ϩⲟ ⲁϫⲛ̅ ⲡⲁ ⲣⲁⲃⲟⲗⲏ ·

ⲛ̅ ϯ ⲛⲁ ϩⲉⲡ ⲗⲁⲁⲩ ⲉⲣⲱ ⲧⲛ̅ ⲁⲛ ϫⲓⲛ ⲡⲉⲓ̈ ⲛⲁⲩ ⲛ̅ⲧⲉ ⲛⲁ ⲡ ϫⲓⲥⲉ ⲁⲩⲱ ⲛⲁ ⲡ ⲧⲟⲡⲟⲥ ⲛ̅ ⲧ ⲁⲗⲏ ⲑⲉⲓⲁ ·

ⲁ ⲩ ϯ ⲉⲝⲟⲩⲥⲓⲁ ⲅⲁⲣ ⲛⲁ ⲓ̈ ϩⲓⲧⲙ̅ ⲡⲓ ⲁⲧ ϣⲁϫⲉ ⲉⲣⲟ ϥ ⲁⲩⲱ ϩⲓⲧⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲛ̅ⲧⲉ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ · ⲉ ⲧⲣ ⲁ ϣⲁϫⲉ ⲛⲙ̅ⲙⲏ ⲧⲛ̅ ϫⲓⲛ ⲧ ⲁⲣⲭⲏ ϣⲁ ⲡⲉ ⲡⲗⲏⲣⲱⲙⲁ ⲁⲩⲱ ϫⲓⲛ ϩⲟⲩⲛ ϣⲁ ⲃⲟⲗ ⲁⲩⲱ ϫⲓⲛ ⲃⲟⲗ ϣⲁ ϩⲟⲩⲛ · ⲥⲱⲧⲙ̅ ϭⲉ ⲧⲁ ϫⲱ ⲉ ⲣⲱ ⲧⲛ̅ ⲛ̅ ϩⲱⲃ ⲛⲓⲙ ·

ⲁ ⲥ ϣⲱⲡⲉ ⲉ ⲓ̈ ϩⲙⲟⲟⲥ ⲉ ⲓ̈ ⲟⲩⲏⲩ ⲉⲃⲟⲗ ⲙ̅ⲙⲱ ⲧⲛ̅ ⲛ̅ ⲟⲩ ⲕⲟⲩⲓ̈ ϩⲓϫⲙ̅ ⲡ ⲧⲟⲟⲩ ⲛ̅ ⲛ̅ ϫⲟⲉⲓⲧ ⲉ ⲓ̈ ⲙⲉⲉⲩⲉ ⲉ ⲛ ⲧⲁⲝⲓⲥ ⲛ̅ ⲧ ⲇⲓⲁⲕⲟⲛⲓⲁ ⲉⲛⲧ ⲁ ⲩ ⲧⲁⲩⲟⲉⲓ ⲉⲧ ⲃⲏⲏⲧ ⲥ̅ ϫⲉ ⲁ ⲥ ϫⲱⲕ ⲉⲃⲟⲗ · ⲁⲩⲱ ⲙⲡ̅ⲁⲧ ϥ̅ ⲧⲛ̅ⲛⲟⲟⲩ ⲛⲁ ⲓ̈ ⲙ̅ ⲡⲁ ⲉⲉⲛⲇⲩⲙⲁ ⲛ̅ϭⲓ ⲫ ⲁⲉ ⲙ̅ ⲙⲩⲥⲧⲏⲣⲓⲟⲛ · ⲉⲧⲉ ⲛ̅ⲧⲟϥ ⲡⲉ ⲡ ⲙⲉϩ ϫⲟⲩⲧⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ϫⲓⲛ ⲛ̅ ϩⲟⲩⲛ ϣⲁ ⲃⲟⲗ ·

ⲛⲁⲓ̈ ⲉⲧ ϣⲟⲟⲡ ϩⲙ̅ ⲡ ⲙⲉϩ ⲥⲛⲁⲩ ⲛ̅ ⲭⲱ ⲣⲏⲙⲁ ⲛ̅ⲧⲉ ⲡⲓ ϣⲟⲣⲡ ⲙ̅ ⲙⲩⲥⲧⲏⲣⲓⲟⲛ ϩⲛ̅ ⲧ ⲧⲁⲝⲓⲥ ⲛ̅ⲧⲉ ⲡⲉ ⲭⲱⲣⲏⲙⲁ ⲉⲧ ⲙ̅ⲙⲁⲩ · ⲁ ⲥ ϣⲱⲡⲉ ϭⲉ ⲛ̅ⲧⲉⲣ ⲉⲓ ⲉⲓⲙⲉ ϫⲉ ⲁ ⲥ ϫⲱⲕ ⲉⲃⲟⲗ ⲛ̅ϭⲓ ⲧ ⲧⲁⲝⲓⲥ ⲛ̅ ⲧ ⲇⲓⲁⲕⲟⲛⲓⲁ ⲉⲛⲧ ⲁ ⲓ̈ ⲉⲓ̅ ⲉⲧⲃⲏⲏⲧ ⲥ̅ · ⲁⲩⲱ ⲉⲙⲡⲁⲧⲉ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲧⲛⲟ ⲟⲩ ⲛⲁ ⲓ̈ ⲙ̅ ⲡⲁ ⲉⲛⲇⲩⲙⲁ ⲡⲁⲓ̈ ⲉⲛⲧ ⲁ ⲓ̈ ⲕⲁⲁ ϥ ⲛ̅ϩⲏⲧ ϥ̅ · ϣⲁⲛⲧ ϥ̅ ϫⲱⲕ ⲉⲃⲟⲗ ⲛ̅ϭⲓ ⲡⲉϥ ⲟⲩⲟⲉⲓϣ ·

ⲛⲁⲓ̈ ϭⲉ ⲉ ⲓ̈ ⲙⲉ ⲉⲩⲉ ⲉⲣⲟ ⲟⲩ ⲉ ⲓ̈ ϩⲙⲟⲟⲥ ϩⲓϫⲙ̅ ⲡ ⲧⲟⲟⲩ ⲛ̅ ⲛ̅ ϫⲟⲉⲓⲧ ⲉ ⲓ̈ ⲟⲩⲏⲩ ⲙ̅ⲙⲱ ⲧⲛ̅ ⲛ̅ ⲟⲩ ϣⲏⲙ ·

ⲁ ⲥ ϣⲱⲡⲉ ⲉⲣⲉ ⲡ ⲣⲏ ⲛⲏⲩ ⲉϩⲣⲁⲓ̈ ϩⲛ̅ ⲙ̅ ⲙⲁ ⲛ̅ ϣⲁ · ⲙⲛ̅ⲛ̅ⲥⲱ ⲥ ϭⲉ ⲉⲃⲟⲗ ϩⲓ ⲧⲟⲟⲧ ϥ̅ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲡⲁⲓ̈ ⲉ ⲛ ⲉϥ ϣⲟⲟⲡ ϫⲓⲛ ⲛ̅ ϣⲟⲣⲡ̅ ⲡⲁⲓ̈ ⲉⲛⲧ ⲁ ⲡ ⲧⲏⲣ ϥ̅ ϣⲱⲡⲉ ⲉⲧ ⲃⲏⲏⲧ ϥ̅ · ⲡⲁⲓ̈ ⲉⲛⲧ ⲁ ⲓ̈ ⲉⲓ̅ ϩⲱ ⲉⲃⲟⲗ ⲛ̅ϩⲏⲧ ϥ̅ ⲧⲉⲛⲟⲩ · ⲙ̅ ⲡⲓ ⲟⲩⲟⲉⲓϣ ⲁⲛ ⲉⲙⲡⲁⲧ ⲟⲩ ⲥⲧⲁⲩⲣⲟⲩ̅ ⲙ̅ⲙⲟ ⲓ̈ ⲁⲗⲗⲁ ⲧⲉⲛⲟⲩ ·

ⲁ ⲥ ϣⲱⲡⲉ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡ ⲙⲩⲥⲧⲏⲣⲓⲟⲛ ⲉⲧ ⲙ̅ⲙⲁⲩ ⲁ ϥ ⲧⲛ̅ⲛⲟⲟⲩ ⲛⲁ ⲓ̈ ⲛ̅ϭ̇ⲓ̇ ⲡⲁ ⲉⲛⲇⲩⲙⲁ ⲛ̅ ⲟⲩ ⲟⲉⲓⲛ ⲡⲁⲓ̈ ⲉⲛⲧ ⲁ ϥ ⲧⲁⲁ ϥ ⲛⲁ ⲓ̈ ϫⲓⲛ ϣⲟⲣⲡ̅ ⲡⲁⲓ̈ ⲉⲛⲧ ⲁ ⲓ̈ ⲕⲁⲁ ϥ ϩⲙ̅ ⲫ ⲁⲉ ⲙ̅ ⲙⲩⲥⲧⲏⲣⲓⲟⲛ ⲉⲧⲉ ⲛ̅ⲧⲟϥ ⲡⲉ ⲡ ⲙⲉϩ ϫⲟⲩⲧⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ϫⲓⲛ ⲛ̅ ϩⲟⲩⲛ ⲉⲃⲟⲗ ⲛⲁⲓ̈ ⲉⲧ ϣⲟⲟⲡ ϩⲛ̅ ⲛ̅ ⲧⲁⲝⲓⲥ ⲛ̅ⲧⲉ ⲡ ⲙⲉϩ ⲥⲛⲁⲩ ⲛ̅ ⲭⲱ ⲣⲏⲙⲁ ⲛ̅ⲧⲉ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲡ ⲉⲛⲇⲩⲙⲁ ϭⲉ ⲉⲧ ⲙ̅ⲙⲁⲩ ⲁⲛⲟⲕ ⲡ ⲉⲛⲧ ⲁ ⲓ̈ ⲕⲁⲁ ϥ ϩⲙ̅ ⲫ ⲁⲉ ⲙ̅ ⲙⲩⲥⲧⲏ ⲣⲓⲟⲛ ϣⲁⲛⲧ ϥ̅ ϫⲱⲕ ⲉⲃⲟⲗ ⲛ̅ϭⲓ ⲡⲉ ⲟⲩⲟⲉⲓϣ ⲉ ⲧⲣ ⲁ ⲧⲁⲁ ϥ ϩⲓⲱⲱ ⲧ . ⲁⲩⲱ ⲛ̅ ⲧⲁ ⲁⲣⲭⲉⲥⲑⲁⲓ ⲉ ⲧⲣ ⲁ ϣⲁϫⲉ ⲙⲛ̅ ⲡ ⲅⲉⲛⲟⲥ ⲛ̅ ⲧ ⲙⲛ̅ⲧ ⲣⲱⲙⲉ ⲁⲩⲱ ⲛ̅ ⲧⲁ ϭⲟⲗⲡ ⲟⲩ ⲛⲁ ⲩ ⲉⲃⲟⲗ ⲧⲏⲣ ⲟⲩ ϫⲓⲛ ⲧ ⲁⲣⲭⲏ ⲛ̅ ⲧ ⲁⲗⲏⲑⲓⲁ ϩⲉⲱⲥ ϣⲁ ⲡⲉⲥ ϫⲱⲕ ⲁⲩⲱ ⲛ̅ ⲧⲁ ϣⲁϫⲉ ⲛⲙ̅ⲙⲁ ⲩ ϫⲓⲛ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ ϩⲉⲱⲥ ϣⲁ ⲡ ⲥⲁ ⲛ ⲃⲟⲗ ⲛ̅ⲧⲉ ⲛⲓ ⲥⲁ ⲛ ⲃⲟⲗ ⲁⲩⲱ ϫⲓⲛ ⲡ ⲥⲁ ⲛ ⲃⲟⲗ ⲛ̅ⲧⲉ ⲛⲓ ⲥⲁ ⲛ ⲃⲟⲗ ϩⲉⲱⲥ ϣⲁ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ ·

ⲣⲁϣⲉ ϭⲉ ⲛ̅ ⲧⲉⲗⲏⲗ · ⲁⲩⲱ ⲛ̅ ⲧⲉⲧⲛ̅ ⲣ̅ ϩⲟⲩⲉ ⲣⲁϣⲉ · ϫⲉ ⲛ̅ⲧⲱⲧⲛ̅ ⲛ ⲉⲛⲧ ⲁ ⲩ ⲧⲁⲁ ⲥ ⲛⲏ ⲧⲛ̅ ⲉ ⲧⲣ ⲁ ϣⲁϫⲉ ⲛⲙ̅ⲙⲏ ⲧⲛ̅ ⲛ̅ ϣⲟⲣⲡ̅ ϫⲓⲛ ⲧ ⲁⲣⲭⲏ ⲛ̅ ⲧ ⲁⲗⲏ ⲑⲓⲁ · ϩⲉⲱⲥ ϣⲁ ⲡⲉⲥ ϫⲱⲕ ·

ⲉⲧⲃⲉ ⲡⲁⲓ̈ ⲣⲱ ⲁ ⲓ̈ ⲥⲉⲧⲡ̅ ⲧⲏⲩⲧⲛ̅ ϫⲓⲛ ⲛ̅ ϣⲟⲣⲡ̅ ⲉⲃⲟⲗ ϩⲓⲧⲟⲟⲧ ϥ̅ ⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲣⲁϣⲉ ϭⲉ ⲛ̅ ⲧⲉⲧⲛ̅ ⲧⲉⲗⲏⲗ ϫⲉ ⲛ̅ⲧⲉ ⲣ ⲓ ⲉⲓ̈ ⲉ ⲓ̈ ⲛⲏⲩ ⲉⲃⲟⲗ ⲉ ⲡ ⲕⲟⲥⲙⲟⲥ ϫⲓⲛ ⲛ̅ ϣⲟⲣⲡ̅ ⲁ ⲓ̈ ⲉⲓⲛⲉ ⲙ̅ ⲙⲛ̅ⲧ ⲥⲛⲟⲟⲩⲥ ⲛ̅ ϭⲟⲙ ⲛⲙ̅ⲙⲁ ⲓ̈ ⲕⲁⲧⲁ ⲑ ⲉ ⲉⲛⲧ ⲁ ⲓ̈ ϫⲟⲟ ⲥ ⲉⲣⲱ ⲧⲛ̅ ϫⲓⲛ ⲛ̅ ϣⲟⲣⲡ̅ ·

ⲉⲛⲧ ⲁ ⲓ̈ ϫⲓⲧ ⲟⲩ ⲛ̅ⲧⲟⲟⲧ ⲟⲩ ⲙ̅ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ ⲛ̅ⲧⲉ ⲡⲉ ⲑⲏ ⲥⲁⲩⲣⲟⲥ ⲛ̅ ⲟⲩⲟⲉⲓⲛ ⲕⲁⲧⲁ ⲧ ⲕⲉⲗⲉⲩⲥⲓⲥ ⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ·

ⲛⲁⲓ̈ ϭⲉ ⲁ ⲓ̈ ⲛⲟϫ ⲟⲩ ⲉ ⲧ ⲕⲁⲗⲁϩⲏ ⲛ̅ ⲧⲉⲧⲛ̅ ⲙⲁⲁⲩ ϫⲓⲛ ⲉ ⲓ̈ ⲛⲏⲩ ⲉ ⲡ ⲕⲟⲥⲙⲟⲥ ⲉⲧⲉ ⲛⲁⲓ̈ ⲛ ⲉⲧ ϩⲛ̅ ⲡⲉⲧⲛ̅ ⲥⲱⲙⲁ ⲙ̅ ⲡ ⲟⲟⲩ ·

ⲛ̅ⲧ ⲁ ⲩ ϯ ⲅⲁⲣ ⲛ̅ ⲛⲉⲓ̈ ϭⲟⲙ ⲉⲣⲱ ⲧⲛ̅ ⲡⲁⲣⲁ ⲡ ⲕⲟⲥⲙⲟⲥ ⲧⲏⲣ ϥ̅ · ϫⲉ ⲛ̅ⲧⲱⲧⲛ̅ ⲛ ⲉⲧ ⲛⲁ ⲛⲟⲩϩⲙ̅ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ ⲁⲩⲱ ϫⲉⲕⲁⲥ ⲉⲧⲉⲧⲛⲉ ϣ ϭⲙ̅ϭⲟⲙ ⲛ̅ ⲧⲱⲟⲩⲛ ϩⲁ ⲧ ⲁⲡⲓⲗⲏ ⲛ̅ ⲛ̅ ⲁⲣⲭⲱⲛ ⲙ̅ ⲡ ⲕⲟⲥⲙⲟⲥ ⲁⲩⲱ ⲙⲛ̅ ⲛ̅ ϩⲓⲥⲉ ⲙ̅ ⲡ ⲕⲟⲥⲙⲟⲥ ⲁⲩⲱ ⲙⲛ̅ ⲛⲉⲩ ⲕⲓⲛⲇⲩⲛⲟⲥ ⲁⲩⲱ ⲙⲛ̅ ⲛⲉⲩ ⲇⲓⲱⲅⲙⲟⲥ ⲧⲏⲣ ⲟⲩ ⲉⲧ ⲟⲩ ⲛⲁ ⲛ̅ⲧ ⲟⲩ ⲉϫⲱ ⲧⲛ̅ ⲛ̅ϭⲓ ⲛ̅ ⲁⲣⲭⲱⲛ ⲙ̅ ⲡ ϫⲓⲥⲉ ·

ⲁ ⲓ̈ ϫⲟⲟ ⲥ ⲅⲁⲣ ⲛⲏ ⲧⲛ̅ ⲛ̅ ⲟⲩ ⲙⲏⲏϣⲉ ⲛ̅ ⲥⲟⲡ ϫⲉ ⲧ ϭⲟⲙ ⲉⲧ ϣⲟⲟⲡ ⲛ̅ϩⲏⲧ ⲧⲏⲩⲧⲛ̅ · ⲛ̅ⲧ ⲁ ⲓ̈ ⲛ̅ⲧ ⲥ̅ ⲉⲃⲟⲗ ϩⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ · ⲛⲁⲓ̈ ⲉⲧ ϣⲟⲟⲡ ϩⲙ̅ ⲡⲉ ⲑⲏⲥⲁⲩ ⲣⲟⲥ ⲙ̅ ⲡ ⲟⲩⲟⲉⲓⲛ ·

ⲉⲧⲃⲉ ⲡⲁⲓ̈ ⲣⲱ ⲁ ⲓ̈ ϫⲟⲟ ⲥ ⲛⲏ ⲧⲛ̅ ϫⲓⲛ ⲛ̅ ϣⲟⲣⲡ̅ ϫⲉ ⲛ̅ⲧⲱⲧⲛ̅ ⲛ̅ⲧⲉⲧⲛ̅ ϩⲉⲛ ⲉⲃⲟⲗ ⲁⲛ ϩⲙ̅ ⲡ ⲕⲟⲥⲙⲟⲥ · ⲡⲁⲓ̈ ϩⲱ ⲁⲛⲟⲕ ⲁⲛⲅ ⲟⲩ ⲉⲃⲟⲗ ⲁⲛ ⲛ̅ ϩⲏⲧ ϥ̅ ·

ⲣⲱⲙⲉ ⲅⲁⲣ ⲛⲓⲙ ⲉⲧ ϩⲙ̅ ⲡ ⲕⲟⲥⲙⲟⲥ · ⲛ̅ⲧ ⲁ ⲩ ϫⲓ ⲯⲩⲭⲏ ⲉⲃⲟⲗ ϩⲛ̅ⲛ̅ ⲛ̅ ⲁⲣⲭⲱⲛ ⲛ̅ ⲛ̅ ⲁⲓⲱⲛ ·

Ⲍ ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ⲛ̅ ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ϫⲉ ⲁ ⲥ ϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ϩⲓⲧⲛ̅ ⲧ ⲕⲉⲗⲉⲩⲥⲓⲥ ⲙ̅ ⲡ ϣⲟⲣⲡ̅ ⲙ̅ ⲙⲩⲥ ⲧⲏⲣⲓⲟⲛ .

ⲁ ⲓ̈ ϭⲱϣⲧ̅ ⲟⲛ ⲉ ⲡ ⲉⲥⲏⲧ ⲉϫⲙ̅ ⲡ ⲕⲟⲥⲙⲟⲥ ⲛ̅ ⲧ ⲙⲛ̅ⲧ ⲣⲱⲙⲉ ⲁ ⲓ̈ ϭⲓⲛⲉ ⲙ̅ ⲙⲁⲣⲓⲁ ⲧⲁⲓ̈ ⲉ ϣⲁ ⲩ ⲙⲟⲩⲧⲉ ⲉⲣⲟ ⲥ ϫⲉ ⲧⲁ ⲙⲁⲁⲩ ⲕⲁⲧⲁ ⲡ ⲥⲱⲙⲁ ⲛ̅ ⲑ ⲩⲗⲏ · ⲁ ⲓ̈ ϣⲁϫⲉ ⲟⲛ ⲛⲙ̅ⲙⲁ ⲥ ⲕⲁⲧⲁ ⲡ ⲧⲩⲡⲟⲥ ⲛ̅ ⲅⲁⲃⲣⲓⲏⲗ · ⲁⲩⲱ ⲛ̅ⲧⲉⲣⲉ ⲥ ⲕⲟⲧ ⲥ̅ ⲉ ⲡ ϫⲓⲥⲉ ⲉⲣⲟ ⲓ̈ ⲁ ⲓ̈ ⲛⲟⲩϫⲉ ⲉϩⲟⲩⲛ ⲉⲣⲟ ⲥ ⲛ̅ ⲧ ϣⲟⲣⲡ̅ ⲛ̅ ϭⲟⲙ ⲧ ⲉⲛⲧ ⲁ ⲓ̈ ϫⲓⲧ ⲥ̅ ⲛ̅ⲧⲟⲟⲧ ⲥ̅ ⲛ̅ ⲧ ⲃⲁⲣⲃⲏⲗⲱ ⲉⲧⲉ ⲛ̅ⲧⲟϥ ⲡⲉ ⲡ ⲥⲱⲙⲁ ⲉⲛⲧ ⲁ ⲓ̈ ⲫⲟⲣⲓ ⲙ̅ ⲙⲟ ϥ ϩⲙ̅ ⲡ ϫⲓⲥⲉ · ⲁⲩⲱ ⲉ ⲡ ⲙⲁ ⲛ̅ ⲧⲉ ⲯⲩⲭⲏ .

ⲁ ⲓ̈ ⲛⲟⲩϫⲉ ⲉϩⲟⲩⲛ ⲉⲣⲟ ⲥ ⲛ̅ ⲧ ϭⲟⲙ ⲧ ⲉⲛⲧ ⲁ ⲓ̈ ϫⲓⲧ ⲥ̅ ⲛ̅ ⲧⲟⲟⲧ ϥ̅ ⲙ̅ ⲡ ⲛⲟϭ ⲛ̅ ⲥⲁⲃⲁⲱⲑ ⲡ ⲁⲅⲁⲑⲟⲥ · ⲡⲁⲓ̈ ⲉⲧ ϣⲟⲟⲡ ϩⲙ̅ ⲡ ⲧⲟⲡⲟⲥ ⲛ̅ ⲧ ⲟⲩⲛⲁⲙ · ⲁⲩⲱ ⲧ ⲙⲛ̅ⲧ ⲥⲛⲟⲟⲩⲥ ⲛ̅ ϭⲟⲙ ⲛ̅ⲧⲉ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲥⲱⲧⲏⲣ ⲙ̅ ⲡⲉ ⲑⲏⲥⲁⲩ ⲣⲟⲥ ⲙ̅ ⲡ ⲟⲩⲟⲉⲓⲛ · ⲛ ⲉⲛⲧ ⲁ ⲓ̈ ϫⲓⲧ ⲟⲩ ⲛ̅ⲧⲟⲟⲧ ⲟⲩ ⲙ̅ ⲡ ⲙⲛ̅ⲧ ⲥⲛⲟⲟⲩⲥ ⲛ̅ ⲇⲓⲁⲕⲟⲛⲟⲥ ⲉⲧ ϩⲛ̅ ⲧ ⲙⲉⲥⲟⲥ . ⲁ ⲓ̈ ⲛⲟⲩ̇ϫ ⲟⲩ ⲉ ⲧⲉ ⲥⲫⲉⲣⲁ ⲛ̅ ⲛ̅ ⲁⲣⲭⲱⲛ · ⲁⲩⲱ ⲛ̅ ⲇⲉⲕⲁⲛⲟⲥ ⲛ̅ ⲛ̅ ⲁⲣⲭⲱⲛ ⲙⲛ̅ ⲛⲉⲩ ⲗⲓⲧⲟⲩⲣⲅⲟⲥ ·

ⲛⲉ ⲩ ⲙⲉⲉⲩⲉ ⲡⲉ ϫⲉ ϩⲉⲛ ⲯⲩⲭⲟⲟⲩ ⲛⲉ ⲛ̅ⲧⲉ ⲛ ⲁⲣⲭⲱⲛ ⲁⲩⲱ ⲁ ⲩ ⲛ̅ⲧ ⲟⲩ ⲛ̅ϭⲓ ⲛ̅ ⲗⲓⲧⲟⲩⲣⲅⲟⲥ . ⲁ ⲓ̈ ⲙⲟⲣ ⲟⲩ ϩⲙ̅ ⲡ ⲥⲱⲙⲁ ⲛ̅ ⲧⲉⲧⲛ̅ ⲙⲁⲁⲩ · ⲁⲩⲱ ⲛ̅ⲧⲉⲣⲉ ⲡⲉⲧⲛ̅ ⲟⲩⲟⲉⲓϣ ϫⲱⲕ ⲉⲃⲟⲗ ⲁ ⲩ ϫⲡⲉ ⲧⲏⲩⲧⲛ̅ ϩⲙ̅ ⲡ ⲕⲟⲥⲙⲟⲥ ⲉ ⲙⲛ̅ ⲯⲩⲭⲏ ⲛ̅ⲧⲉ ⲛ ⲁⲣ ⲭⲱⲛ ϩⲛ̅ ⲧⲏⲩⲧⲛ̅ · ⲁⲩⲱ ⲁ ⲧⲉⲧⲛ̅ ϫⲓ ⲙ̅ ⲡⲉⲧⲛ̅ ⲙⲉⲣⲟⲥ ⲉⲃⲟⲗ ϩⲛ̅ ⲧ ϭⲟⲙ ⲧⲁⲓ̈ ⲉⲛⲧ ⲁ ϥ ⲛⲓϥⲉ ⲙ̅ⲙⲟ ⲥ ⲉϩⲟⲩⲛ ⲉ ⲡⲕ ⲉⲣⲁⲥⲙⲟⲥ ⲛ̅ϭⲓ ⲫ ⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲧⲁⲓ̈ ⲉⲧ ⲙⲟϫϭ̅ ⲙⲛ̅ ⲛ ⲁϩⲟⲣⲁⲧⲟⲥ ⲧⲏⲣ ⲟⲩ ⲙⲛ̅ ⲛ̅ ⲁⲣⲭⲱⲛ ⲧⲏⲣ ⲟⲩ .

ϩⲁⲡⲁⲝ ϩⲁⲡⲗⲱⲥ ⲉ ⲥ ⲙⲟϫϭ̅ ϩⲙ̅ ⲡ ⲕⲟⲥⲙⲟⲥ ⲛ̅ⲧⲉ ⲡ ⲧⲁⲕⲟ ⲉⲧⲉ ⲡ ⲕⲉⲣⲁⲥⲙⲟⲥ ⲡⲉ ⲧⲁⲓ̈ ⲉⲛⲧ ⲁ ⲓ̈ ⲛ̅ⲧ ⲥ̅ ⲉⲃⲟⲗ ⲙ̅ⲙⲟ ⲓ̈ ϫⲓⲛ ⲛ̅ ϣⲟⲣⲡ̅ ⲁ ⲓ̈ ⲛⲟϫ ⲥ̅ ⲉϩⲟⲩⲛ ⲉ ⲡ ϣⲟⲣⲡ̅ ⲛ̅ ⲧⲱϣ ⲁⲩⲱ ⲁ ⲡ ϣⲟⲣⲡ̅ ⲛ̅ ⲧⲱϣ ⲁ ϥ ⲛⲟⲩϫⲉ ⲛ̅ ⲟⲩ ⲙⲉⲣⲟⲥ ⲛ̅ϩⲏⲧ ⲥ̅ ⲉϩⲟⲩⲛ ⲉ ⲡ ⲛⲟϭ ⲛ̅ ⲟⲩⲟⲉⲓⲛ . ⲁⲩⲱ ⲡ ⲛⲟϭ ⲛ̅ ⲟⲩⲟⲉⲓⲛ ⲁ ϥ ⲛⲟⲩϫⲉ ⲛ̅ ⲟⲩ ⲙⲉⲣⲟⲥ ϩⲙ̅ ⲡ ⲉⲛⲧ ⲁ ϥ ϫⲓⲧ ϥ̅ ⲉϩⲟⲩⲛ ⲉ ⲡ ϯⲟⲩ ⲙ̅ ⲡⲁⲣⲁⲥⲧⲁⲧⲏⲥ · ⲁⲩⲱ ⲫ ⲁⲉ ⲙ̅ ⲡⲁⲣⲁⲥⲧⲁⲧⲏⲥ ⲁ ϥ ϫⲓ ⲛ̅ ⲟⲩ ⲙⲉⲣⲟⲥ ϩⲙ̅ ⲡ ⲉⲛⲧ ⲁ ϥ ϫⲓⲧ ϥ̅ . ⲁ ϥ ⲛⲟϫ ϥ̅ ⲉϩⲟⲩⲛ ⲉ ⲡ ⲕⲉⲣⲁⲥⲙⲟⲥ · ⲁⲩⲱ ⲁ ϥ ϣⲱⲡⲉ ϩⲛ̅ ⲛ ⲉⲧ ϣⲟⲟⲡ ⲧⲏⲣ ⲟⲩ ϩⲙ̅ ⲡ ⲕⲉⲣⲁⲥⲙⲟⲥ ⲕⲁⲧⲁ ⲑ ⲉ ⲉⲛⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲥ ⲛⲏ ⲧⲛ̅ :

Ⲍ ⲛⲁⲓ̈ ϭⲉ ⲉⲣⲉ ⲓ̅ⲥ̅ ϫⲱ ⲙ̅ⲙⲟ ⲟⲩ ⲡⲉ ⲛ̅ ⲛⲉϥ ⲙⲁⲑⲏⲧⲏⲥ ϩⲓϫⲙ̅ ⲡ ⲧⲟⲟⲩ ⲛ̅ ⲛ̅ ϫⲟⲉⲓⲧ · ⲁ ϥ ⲟⲩⲱϩ ϭⲉ ⲟⲛ ⲉⲧⲟⲟⲧ ϥ̅ ⲛ̅ϭⲓ ⲓ̅ⲥ̅ ϩⲙ̅ ⲡ ϣⲁϫⲉ ⲙⲛ̅ ⲛⲉϥ ⲙⲁⲑⲏⲧⲏⲥ ϫⲉ ⲣⲁϣⲉ ⲁⲩⲱ ⲛ̅ ⲧⲉⲧⲛ̅ ⲧⲉⲗⲏⲗ ⲁⲩⲱ ⲛ̅ ⲧⲉⲧⲛ̅ ⲟⲩⲉϩ ⲣⲁϣⲉ ⲉϫⲙ̅ ⲡⲉⲧⲛ̅ ⲣⲁϣⲉ ϫⲉ ⲁ ⲩ ϫⲱⲕ ⲉⲃⲟⲗ ⲛ̅ϭⲓ ⲛⲉ ⲩⲟⲉⲓϣ ⲉ ⲧⲣ ⲁ ϯ ϩⲓⲱⲱ ⲧ ⲙ̅ ⲡⲁ ⲉⲛⲇⲩⲙⲁ ⲡⲁⲓ̈ ⲉ ⲛⲉ ϥ ⲥⲃ̅ⲧⲱⲧ ⲛⲁ ⲓ̈ ϫⲓⲛ ⲛ̅ ϣⲟⲣⲡ̅ .

ⲡⲁⲓ̈ ⲉⲛⲧ ⲁ ⲓ̈ ⲕⲁⲁ ϥ ϩⲙ̅ ⲫ ⲁⲉ ⲙ̅ ⲙⲩⲥⲧⲏ ⲣⲓⲟⲛ ϣⲁ ⲡⲉ ⲟⲩⲟⲉⲓϣ ⲙ̅ ⲡⲉϥ ϫⲱⲕ ⲉⲃⲟⲗ ·

ⲡⲉ ⲩⲟⲉⲓϣ ⲇⲉ ⲙ̅ ⲡⲉϥ ϫⲱⲕ ⲉⲃⲟⲗ ⲡⲉ ⲡⲉ ⲟⲩⲟⲉⲓϣ ⲉⲧ ⲟⲩ ⲛⲁ ⲕⲉⲩ̇ ⲗⲉⲩⲉ ϩⲓⲧⲙ̅ ⲡⲓ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ ⲉ ⲧⲣ ⲁ ϣⲁϫⲉ ⲛⲙ̅ⲙⲏ ⲧⲛ̅ ϫⲓⲛ ⲧ ⲁⲣⲭⲏ ⲛ̅ ⲧ ⲁⲗⲏⲑⲓⲁ ϣⲁ ⲡⲉⲥ ϫⲱⲕ · ⲁⲩⲱ ϫⲓⲛ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ · ⲉⲃⲟⲗ ϫⲉ ⲉⲣⲉ ⲡ ⲕⲟⲥⲙⲟⲥ ⲛⲁ ⲛⲟⲩϩⲙ̅ ϩⲓⲧⲛ̅ ⲧⲏⲩⲧⲛ̅ · ⲣⲁϣⲉ ϭⲉ ⲛ̅ ⲧⲉⲧⲛ̅ ⲧⲉⲗⲏⲗ ϫⲉ ⲛ̅ⲧⲉⲧⲛ̅ ϩⲉⲛ ⲙⲁⲕⲁⲣⲓⲟⲥ ⲡⲁⲣⲁ ⲛ̅ ⲣⲱⲙⲉ ⲧⲏⲣ ⲟⲩ ⲉⲧ ϩⲓϫⲙ̅ ⲡ ⲕⲁϩ · ϫⲉ ⲛ̅ⲧⲱⲧⲛ̅ ⲛ ⲉⲧ ⲛⲁ ⲛⲟⲩϩⲙ̅ ⲙ̅ ⲡ ⲕⲟⲥⲙⲟⲥ ⲧⲏⲣ ϥ̅ :

Ⲍ ⲁ ⲥ ϣⲱ ⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉ ϥ ϫⲱ ⲛ̅ ⲛⲉⲓ̈ ϣⲁϫⲉ ⲉ ⲛⲉϥ ⲙⲁⲑⲏⲧⲏⲥ · ⲁ ϥ ⲟⲩⲱϩ ⲟⲛ ⲉⲧⲟⲟⲧ ϥ̅ ϩⲙ̅ ⲡ ϣⲁϫⲉ ⲡⲉϫⲁ ϥ ⲛⲁ ⲩ · ϫⲉ ⲉⲓⲥ ϩⲏⲏⲧⲉ ϭⲉ ⲁ ⲓ̈ ⲫⲟⲣⲓ ⲙ̅ ⲡⲁ ⲉⲛ ⲇⲩⲙⲁ · ⲁⲩⲱ ⲁ ⲩ ϯ ⲛⲁ ⲓ̈ ⲛ̅ ⲉⲝⲟⲩⲥⲓⲁ ⲛⲓⲙ ϩⲓⲧⲙ̅ ⲡ ϣⲟⲣⲡ̅ ⲙ̅ ⲙⲩⲥⲧⲏⲣⲓⲟⲛ · ⲉⲧⲓ ⲕⲉ ⲕⲟⲩⲓ̈ ⲛ̅ ⲟⲩⲟⲉⲓϣ ⲡⲉ ⲁⲩⲱ ϯ ⲛⲁ ϫⲱ ⲉⲣⲱ ⲧⲛ̅ ⲙ̅ ⲡ ⲙⲩⲥⲧⲏⲣⲓⲟⲛ ⲙ̅ ⲡ ⲧⲏⲣ ϥ̅ · ⲙⲛ̅ ⲡⲉ ⲡⲗⲏⲣⲱⲙⲁ ⲙ̅ ⲡ ⲧⲏⲣ ϥ̅ · ⲁⲩⲱ ϯ ⲛⲁ ϩⲉⲡ ⲗⲁⲁⲩ ⲉⲣⲱ ⲧⲛ̅ ⲁⲛ ϫⲓⲛ ⲙ̅ ⲡⲉⲓ̈ ⲛⲁⲩ · ⲁⲗⲗⲁ ϩⲛ̅ ⲟⲩ ϫⲱ ⲕ ⲙ ϯ ⲛⲁ ϫⲉⲕ ⲧⲏⲩⲧⲛ̅ ⲉⲃⲟⲗ ϩⲙ̅ ⲡⲗⲏⲣⲱⲙⲁ ⲛⲓⲙ · ⲁⲩⲱ ϩⲛ̅ ϫⲱⲕ ⲛⲓⲙ ⲁⲩⲱ ϩⲙ̅ ⲙⲩⲥⲧⲏⲣⲓⲟⲛ ⲛⲓⲙ ⲉⲧⲉ ⲛ̅ⲧⲟⲟⲩ ⲛⲉ ⲡ ϫⲱⲕ ⲛ̅ ⲛ̅ ϫⲱⲕ ⲧⲏⲣ ⲟⲩ . ⲁⲩⲱ ⲡⲉ ⲡⲗⲏⲣⲱⲙⲁ ⲛ̅ ⲛⲉ ⲡⲗⲏⲣⲱⲙⲁ ⲧⲏⲣ ⲟⲩ · ⲁⲩⲱ ⲧⲉ ⲅⲛⲱⲥⲓⲥ ⲛ̅ ⲛⲉ ⲅⲛⲱⲥⲓⲥ ⲧⲏⲣ ⲟⲩ . ⲛⲁⲓ̈ ⲉⲧ ϣⲟⲟⲡ ϩⲙ̅ ⲡⲁ ⲉⲛⲇⲩⲙⲁ · ϯ ⲛⲁ ϫⲱ ⲉⲣ̅ⲱ ⲧⲛ̅ ⲛ̅ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ϫⲓⲛ ⲡ ⲥⲁ ⲛ ⲃⲟⲗ ⲛ̅ⲧⲉ ⲛⲓ ⲥⲁ ⲛ ⲃⲟⲗ ϣⲁ ⲡ ⲥⲁ ⲛ ϩⲟⲩⲛ ⲛ̅ⲧⲉ ⲛⲓ ⲥⲁ ⲛ ϩⲟⲩⲛ :

Ⲍ ⲡⲗⲏⲛ ⲥⲱⲧⲙ̅ ⲧⲁ ϫⲱ ⲉⲣⲱ ⲧⲛ̅ ⲛ̅ ϩⲱⲃ ⲛⲓⲙ ⲉⲛⲧ ⲁ ⲩ ϣⲱⲡⲉ ⲙ̅ⲙⲟ ⲓ̈ :

ⲁ ⲥ ϣⲱⲡⲉ ϭⲉ ⲛ̅ⲧⲉⲣⲉ ⲡ ⲣⲏ ⲉⲓ̅ ⲉϩⲣⲁⲓ̈ ϩⲛ̅ ⲙ̅ ⲙⲁ ⲛ̅ ϣⲁ ⲁ ⲥ ⲉⲓ̅ ⲉ ⲡ ⲉⲥⲏⲧ ⲛ̅ϭⲓ ⲟⲩ ⲛⲟϭ ⲛ̅ ⲇⲩⲛⲁⲙⲓⲥ ⲛ̅ ⲟⲩⲟⲉⲓⲛ ⲉⲣⲉ ⲡⲁ ⲉⲛⲇⲩⲙⲁ ϩⲣⲁⲓ̈ ⲛ̅ϩⲏⲧ ⲥ̅ ⲡⲁⲓ̈ ⲉⲛⲧ ⲁ ⲓ̈ ⲕⲁⲁ ϥ ϩⲙ̅ ⲡ ⲙⲉϩ ϫⲟⲩⲧⲁϥⲧⲉ ⲙ̅ ⲙⲩⲥⲧⲏⲣⲓⲟⲛ ⲕⲁⲧⲁ ⲑ ⲉ ⲉⲛⲧ ⲁ ⲓ̈ ⲟⲩⲱ ⲉ ⲓ̈ ϫⲱ ⲙ̅ⲙⲟ ⲥ ⲛⲏ ⲧⲛ̅ ⲧⲉⲛⲟⲩ .

ⲁⲩⲱ ⲁ ⲓ̈ ϭⲓⲛⲉ ⲛ̅ ⲟⲩ ⲙⲩⲥⲧⲏⲣⲓⲟⲛ ϩⲙ̅ ⲡⲁ ⲉⲛⲇⲩⲙⲁ · ⲉ ϥ ⲥⲏϩ ϩⲛ̅ ϯⲏ ⲡ ⲥϩⲁⲓ̈ ⲛ̅ⲧⲉ ⲛⲁ ⲡ ϫⲓⲥⲉ · ⲍ̅ⲁ̅ⲙ̅ⲁ̅ ⲍ̅ⲁ̅ⲙ̅ⲁ̅ ⲱ̅ⲍ̅ⲍ̅ⲁ̅ⲣ̅ⲁ̅ⲭ̅ⲁ̅ⲙ̅ⲁ̅ⲱ̅ ⲍ̅ⲁ̅ⲓ̈̅ · ⲉⲧⲉ ⲡⲁⲓ̈ ⲡⲉ ⲡⲉϥ ⲃⲱⲗ · ϫⲉ ⲡ ⲙⲩⲥⲧⲏⲣⲓⲟⲛ ⲉⲧ ⲛ̅ ⲃⲟⲗ ϩⲙ̅ ⲡ ⲕⲟⲥⲙⲟⲥ · ⲡⲁⲓ̈ ⲉⲛⲧ ⲁ ⲡ ⲧⲏⲣ ϥ̅ ϣⲱⲡⲉ ⲉⲧⲃⲏⲏⲧ ϥ̅ ·

ⲡⲁⲓ̈ ⲡⲉ ⲡⲉⲓ ⲉⲃⲟⲗ ⲧⲏⲣ ϥ̅ ⲙⲛ̅ ⲡ ⲱⲗ ⲉϩⲣⲁⲓ̈ ⲧⲏⲣ ϥ̅ ⲡⲁⲓ̈ ⲉⲛⲧ ⲁ ϥ ⲥⲱⲣ ⲉⲃⲟⲗ ⲛ̅ ⲛ̅ ⲥⲱⲣ ⲉⲃⲟⲗ ⲧⲏⲣ ⲟⲩ ⲙⲛ̅ ⲛ ⲉⲧ ⲛ̅ϩⲏ ⲧ ⲟⲩ ⲧⲏⲣ ⲟⲩ . ⲁⲩⲱ ⲡⲁⲓ̈ ⲉⲛⲧ ⲁ ⲙⲩⲥⲧⲏⲣⲓⲟⲛ ⲛⲓⲙ ϣⲱⲡⲉ ⲉⲧⲃⲏⲏⲧ ϥ̅ ⲁⲩⲱ ⲙⲛ̅ ⲛⲉⲩ ⲧⲟⲡⲟⲥ ⲧⲏⲣ ⲟⲩ . ⲁⲙⲟⲩ ⲉϩⲣⲁⲓ̈ ϣⲁⲣⲟ ⲛ ϫⲉ ⲁⲛⲟⲛ ⲛⲉⲕ ϣⲃⲏⲣ ⲙⲉⲗⲟⲥ . ⲁⲛⲟⲛ ⲇⲉ ⲧⲏⲣ ⲛ̅ ⲛⲙ̅ⲙⲁ ⲕ ϩⲱⲱ ⲕ ⲟⲛ · ⲁⲛⲟⲛ ⲟⲩⲁ ⲛ̅ ⲟⲩⲱⲧ ⲁⲩⲱ ||| ⲟⲩⲁ ⲛ̅ ⲟⲩⲱⲧ ·