▢ Ⲉ ⲛ ϩⲟⲥⲟⲛ ⲇⲉ ⲉ ⲓ ⲣ̅ ϣⲡⲏⲣⲉ ⲁ ⲓ ⲛⲁⲩ ⲉ ⲁⲇⲁⲙ ·

ⲉ ⲁ ϥ ⲉⲓ ⲙ̅ ⲡ ⲟⲩⲉ ⲛ̅ ⲑ ⲉ ⲛ̅ ⲟⲩ ⲣⲱⲙⲉ ⲉ ϥ ⲣ̅ ϩⲏⲃⲉ

ⲁ ϥ ⲡⲱⲣϣ̅ ⲉⲃⲟⲗ ⲛ̅ ⲧⲉϥ ⲥⲧⲟⲗⲏ ⲁ ϥ ⲱⲗ ⲉⲃⲟⲗ ϩⲁ ⲡ ϣⲏⲛ ⲁ ϥ ϭⲱⲱϫⲉ ⲉ ⲡ ⲕⲁϩ ⲁ ϥ ⲧⲟⲙⲥ ⲟⲩ ·

ⲡⲉϫⲁ ⲓ ⲙ̅ ⲡⲉ ⲭⲉⲓⲣⲟⲩⲃⲉⲓⲛ ϫⲉ ⲡⲱⲥ ⲁ ⲁⲇⲁⲙ ⲡⲱⲣϣ̅ ⲉⲃⲟⲗ ⲛ̅ ⲧϥ̅ ⲥⲧⲟⲗⲏ ⲁ ϥ ϯ ⲉⲣⲟ ⲥ ⲛ̅ ⲛ̅ ϭⲱⲱⲃⲉ ⲉⲧ ϣⲟⲟⲩⲉ ⲉⲧ ⲛⲏϫ ⲉⲃⲟⲗ ϩⲁ ⲡ ϣⲏⲛ ⲁ ϥ ϣⲓⲕⲉ ⲉ ⲡ ⲕⲁϩ ⲁ ϥ ⲧⲟⲙⲥ ⲟⲩ ·

ⲡⲉϫⲉ ⲭⲉⲓⲣⲟⲩⲃⲉⲓⲛ ⲛⲁ ⲓ ϫⲉ ϫⲓⲛ ⲛ̅ⲧ ⲁ ⲡ ⲇⲓⲁⲃⲟⲗⲟⲥ ⲃⲱⲕ ⲉϩⲟⲩⲛ ⲉ ⲡ ⲡⲁⲣⲁⲇⲓⲥⲟⲥ ⲁ ϥ ⲣ̅ ϩⲁⲗ ⲛ̅ ⲁⲇⲁⲙ ⲙⲛ̅ ⲉⲩϩⲁ ⲧϥ̅ ⲥϩⲓⲙⲉ ⲁ ⲛ ϣⲏⲛ ϣⲱⲗⲙ̅ ⲙ̅ ⲡ ⲉⲩ ⲥⲧⲟⲓ ⲁ ⲛⲉⲩ ϭⲱⲱⲃⲉ ϩⲉ ⲉ ⲡ ⲉⲥⲏⲧ

ⲛⲉⲣⲉ ⲁⲇⲁⲙ ϩⲱⲃⲥ̅ ⲛ̅ ⲛ̅ ϭⲱⲱⲃⲉ ⲉ ⲧⲣⲉ ⲩ ϣⲱⲡⲉ ⲙ̅ ⲙⲛ̅ⲧ̅ⲣⲉ ⲉⲣⲟ ϥ · ϩⲙ̅ ⲡ ϩⲁⲡ ⲉⲧⲃⲉ ⲡ ⲉⲧ ⲁ ϥ ⲁⲁ ϥ ·

ⲁⲛⲟⲕ ⲇⲉ ⲡⲉϫⲁ ⲓ̈ ⲙ̅ ⲡⲉ ⲭⲉⲓⲣⲟⲩⲃⲉⲓⲛ ϫⲉ ⲡⲁ ϫⲥ̅ ⲛ̅ ⲁϣ ⲛ̅ ϩⲉ ⲁ ⲡ ⲇⲓⲁⲃⲟⲗⲟⲥ ⲃⲱⲕ ⲉϩⲟⲩⲛ ⲉ ⲡ ⲡⲁⲣⲁⲇⲓⲥⲟⲥ ⲁ ϥ ⲣ̅ ϩⲁⲗ ⲛ̅ ⲁⲇⲁⲙ

ⲉϣϫⲉ ⲟⲩ ⲉⲃⲟⲗ ⲁⲛ ⲡⲉ ϩⲙ̅ ⲡ ⲛⲟⲩⲧⲉ ⲡⲉ ⲡⲉⲓ ⲧⲱϣ ⲛ ϥ̅ ⲛⲁ ϣ ⲃⲱⲕ ⲉϩⲟⲩⲛ ⲙⲛ̅ ⲗⲁⲁⲩ ⲛⲁ ϣⲱⲡⲉ ⲁϫⲙ̅ ⲡ ⲛⲟⲩⲧⲉ ·

▢ Ⲡⲉϫⲉ ⲡⲉ ⲭⲉⲓⲣⲟⲩⲃⲉⲓⲛ ⲛⲁ ⲓ ϫⲉ ⲟⲩⲛ̅ ϫⲟⲩⲧ ⲁϥⲧⲉ ⲛ̅ ⲁⲅ ⲅⲉⲗⲟⲥ ⲧⲏϣ ⲉ ⲡ ⲡⲁⲣⲁⲇⲓⲥⲟⲥ ⲙ̅ ⲙⲏⲏⲛⲉ ·

ϣⲁⲣⲉ ⲙⲛ̅[ⲧ] ⲥⲛⲟⲟⲩⲥ ⲃⲱⲕ ⲉϩⲟⲩⲛ ⲙ̅ ⲙⲏⲏⲛⲉ ⲛ̅ ⲥⲉ ⲟⲩⲱϣⲧ̅ ⲙ̅ ⲡ ⲛⲟⲩⲧⲉ ·

ⲙ̅ ⲡ ⲛⲁⲩ ⲇⲉ ⲛ̅ⲧ ⲁ ⲡ ⲇⲓⲁⲃⲟⲗⲟⲥ ⲃⲱⲕ ⲉϩⲟⲩⲛ ⲉ ⲡ ⲡⲁⲣⲁⲇⲓⲥⲟⲥ ⲁ ϥ ⲣ̅ ϩⲁⲗ ⲛ̅ ⲁⲇⲁⲙ ⲛⲉ ⲙⲛ̅ ⲗⲁⲁⲩ ⲛ̅ ⲁⲅⲅⲉⲗⲟⲥ ϩⲙ̅ ⲡ ⲡⲁⲣⲁⲇⲓⲥⲟⲥ ⁛—

ⲁⲗⲗⲁ ⲁ ⲩ ⲥⲩⲛⲭⲱⲣⲏⲥⲓⲥ ϣⲱⲡⲉ ϣⲁⲛⲧⲉ ⲁⲇⲁⲙ ⲟⲩⲱⲙ ⲉⲃⲟⲗ ϩⲙ̅ ⲡ ϣⲏⲛ ·

Ⲡⲉϫⲁ ⲓ ⲛⲁ ϥ ϫⲉ ⲉϣϫⲉ ⲡⲉⲓ ⲧⲱϣ ⲟⲩ ⲉⲃⲟⲗ ϩⲓⲧⲙ̅ ⲡ ⲛⲟⲩⲧⲉ ⲉⲓⲉ ⲙⲛ̅ ⲛⲟⲃⲉ ⲉ ⲁⲇⲁⲙ Ⲡⲉϫⲁ ϥ ϫⲉ ⲙ̅ⲙⲟⲛ ⲉ ⲛ ⲉⲛⲧ ⲁ ⲁⲇⲁⲙ ϩⲣⲟϣ ⲛ̅ ϩⲏⲧ ⲛ̅ ⲟⲩ ⲕⲟⲩⲓ ⲛⲉⲣⲉ ⲡ ⲛⲟⲩⲧⲉ ⲛⲁ ϫⲟⲟ ⲥ ⲛⲁ ϥ ⲡⲉ ϫⲉ ⲟⲩⲱⲙ ⲛⲁ ⲕ ⲉⲃⲟⲗ ϩⲙ̅ ⲡ ϣⲏⲛ ·

Ⲁ ⲡ ⲛⲟⲩⲧⲉ ϥⲓ ⲙ̅ⲙⲁⲩ ⲛ̅ ⲧ ⲇⲓⲕⲁⲓⲟⲥⲩⲛⲏ ⲉⲧ ⲧⲟ ϩⲓⲱⲱ ⲕ ⲁ ϥ ⲛⲟϫ ϥ̅ ⲉⲃⲟⲗ ϩⲙ̅ ⲡ ⲡⲁⲣⲁⲇⲓⲥⲟⲥ ϫⲉⲕⲁⲥ ⲉⲣⲉ ⲛ ⲉ ⲛⲧ ⲁ ϥ ϫⲟⲟ ⲩ ϫⲱⲕ ⲉⲃⲟⲗ ⲛ ϥ̅ ϫⲟⲟ ⲩ ⲙ̅ ⲡⲉϥ ϣⲏⲣⲉ ⲉ ⲡ ⲕⲟⲥⲙⲟⲥ ·

▢ Ⲡⲉϫⲁ ⲓ ⲛⲁ ϥ ϫⲉ ⲡⲁ ϫⲥ̅ ⲁϣ ⲧⲉ ⲧ ⲇⲓⲕⲁⲓⲟⲥⲩⲛⲏ ⲉⲧ ϭⲟⲟⲗⲉ ⲙ̅ⲙⲟ ϥ ⲛ̅ⲧ ⲁ ⲩ ϥⲓⲧ ⲥ̅ ⲛ̅ⲧⲟⲟⲧ ϥ̅ ·

ⲡⲉϫⲁ ϥ ⲛⲁ ⲓ ϫⲉ ϩⲙ̅ ⲡⲉ ϩⲟⲟⲩ ⲛ̅ⲧ ⲁ ⲡ ⲛⲟⲩⲧⲉ ⲧⲁⲙⲓⲟ ⲛ̅ ⲁⲇⲁⲙ ⲉ ϥ ⲟ ⲙ ⲙⲛ̅ⲧ̅ ⲥⲛⲟⲟⲩⲥ ⲙ̅ ⲙⲁϩⲉ ⲛ̅ ϣⲓⲏ ·

ⲁⲩⲱ ⲥⲟⲟⲩ ⲙ̅ ⲙⲁϩⲉ ⲛ̅ ⲟⲩⲱⲥϣ̅ ·

ⲁⲩⲱ ϣⲟⲙⲛ̅ⲧ̅ ⲙ̅ ⲙⲁϩⲉ ⲛ̅ ⲟⲩⲙⲟⲧ ⲉ ϥ ⲟ ⲛ̅ ⲑ ⲉ ⲛ̅ ⲟⲩ ⲱⲛⲉ ⲛ ⲁⲗⲁⲃⲁⲥⲧⲣⲟⲛ ⲉ ⲙⲛ̅ ⲗⲁⲁⲩ ⲛ̅ ϫⲃⲓⲛ ⲡ̅ ϩⲏⲧ ϥ̅ ·

ⲛ̅ⲧⲉⲣⲉ ϥ ⲟⲩⲱⲙ ⲇⲉ ⲉⲃⲟⲗ ϩⲙ̅ ⲡ ϣⲏⲛ ⲁ ⲡⲉϥ ⲥⲱⲙⲁ ⲥⲃⲟ ⲕ ⲁ ϥ ⲣ̅ ⲕⲟⲩⲓ ⲁ ⲧ ⲇⲓⲕⲁⲓⲟⲥⲩⲛⲏ ⲉⲧ ⲧⲟ ϩⲓⲱⲱ ϥ ⲃⲱⲕ ⲁ ⲥ ⲕⲁⲁ ϥ ·

ϣⲁⲧ ⲛ̅ ϩⲧⲏϥ ⲛ̅ ⲛϥ̅ ⲧⲏⲏⲃⲉ ⲉⲧⲉ ⲛϥ̅ ⲉⲓⲉⲓⲃ ⲛⲉ ⁛—

Ⲉⲛⲉ ⲙⲉ ϥ ⲱϭⲃ̅ ϩⲛ̅ ⲧⲉ ⲡⲣⲱ ⲁⲩⲱ ⲙⲉ ϥ ⲥⲱϣⲙ̅ · ϩⲙ̅ ⲡ ϣⲱⲙ ·

ⲁ ⲓ ⲟⲩⲱϣⲃ̅ ⲇⲉ ⲡⲉϫⲁ ⲓ ⲙ̅ ⲡⲉ ⲭⲉⲓ ⲣⲟⲩⲃⲉⲓⲛ ϫⲉ ⲡⲁ ϫⲥ̅ ⲙ̅ ⲡ ⲛⲁⲩ ⲛ̅ⲧ ⲁ ⲡ ⲛⲟⲩⲧⲉ ⲧⲁⲙⲓⲟ ⲛ̅ ⲁⲇⲁⲙ ⲁ ϥ ⲧⲁⲙⲓⲉ ⲧ ⲕⲉ ⲉⲩϩⲁ ⲛⲙ̅ⲙⲁ ϥ ϫⲓⲛ ⲙ̅ ⲡⲉ ·

ⲉⲡⲉⲓⲇⲏ ⲁ ⲓ ⲥⲱⲧⲙ̅ ϫⲉ ⲁ ⲡ ⲛⲟⲩⲧⲉ ⲧⲁⲙⲓⲟ ⲛ̅ ⲁⲇⲁⲙ ⲙⲛ̅ ⲉⲩϩⲁ ϫⲓⲛ ⲧ ⲁⲣⲭⲏ ·

▢ Ⲡⲁⲗⲓⲛ ⲟⲛ ϯ ⲥⲱⲧⲙ̅ ϫⲉ ⲁ ⲡ ⲛⲟⲩⲧⲉ ⲉⲓⲛⲉ ⲛ̅ ⲟⲩ ϩⲓⲛⲏⲃ ⲉϫⲛ̅ ⲁⲇⲁⲙ ⲁ ϥ ⲱⲃϣ̅ ⲁ ϥ ϫⲓ ⲛ̅ ⲟⲩ ⲉⲓⲛⲉ ⲛ̅ ⲛϥ̅ ⲃⲉⲧⲥⲡⲓⲣ ·

ⲁ ϥ ⲧⲁⲙⲓⲟ ⲥ ⲉ ⲩ ?ⲥϩⲓⲙⲉ ⲁ ϥ ⲙⲉϩ ⲧ ⲃⲉⲧⲥⲡⲓⲣ ⲛ̅ ⲥⲁⲣⲝ̅ ⲉ ⲡⲉⲥ ⲙⲁ ·

ⲟⲩⲕ ⲟⲩⲛ ⲡ ⲇⲓⲙⲓⲟⲩⲣⲅⲟⲥ ⲁ ϥ ⲧⲁⲙⲓ̈ⲉ ⲥⲛⲁⲩ ⲛ̅ ⲥⲱⲙⲁ ·

ⲉ ⲩ ⲟ ⲛ̅ ⲟⲩ ⲥⲱⲙⲁ ⲛ̅ ⲟⲩⲱⲧ ·

ⲁ ϥ ⲟⲩⲱϣⲃ̅ ⲡⲉϫⲁ ϥ ⲛⲁ ⲓ ⲛ̅ϭⲓ ⲡⲉ ⲭⲉⲓ[ⲣⲟⲩ]ⲃⲉⲓⲛ ϫⲉ ⲥⲱⲧⲙ̅ ⲛ̅ ⲧⲁ ⲧⲁⲙⲟ ⲕ ⲉ ϩⲱⲃ ⲛⲓⲙ ·

ⲙ̅ ⲡ ⲛⲁⲩ ⲛ̅ⲧ ⲁ ⲡ ⲛⲟⲩⲧⲉ ⲧⲁⲙⲓⲟ ⲛ̅ ⲁⲇⲁⲙ ⲁ ϥ ⲧⲁⲙⲓⲟ ⲛ̅ ⲧ ⲕⲉ ⲉⲩϩⲁ ⲛⲙ̅ⲙⲁ ϥ ⲛ̅ ⲟⲩ ⲥⲱⲙⲁ ⲛ̅ ⲟⲩⲱⲧ ·

ⲙ̅ ⲡ ⲛⲁⲩ ⲅⲁⲣ ⲉⲧⲉⲣⲉ ⲡ ⲇⲉⲥⲡⲟⲇⲏⲥ ⲣ̅ ϩⲱⲃ ⲉ ⲁⲇⲁⲙ ⲛⲉⲣⲉ ⲡ ⲕⲉ ⲙⲉⲉⲩⲉ ⲛ̅ ⲉⲩϩⲁ ⲛⲙ̅ⲙⲁ ϥ ·

Ⲉⲧⲃⲉ ⲡⲁⲓ ⲁ ⲡ ⲥⲱⲙⲁ ⲥⲛⲁⲩ ϣⲱⲡⲉ ⲉⲃⲟⲗ ϩⲛ̅ ⲟⲩ ⲥⲱⲙⲁ ⲛ̅ ⲟⲩⲱⲧ ·

ⲁⲗⲗⲁ ⲙ̅ⲡⲉ ϥ ⲡⲟⲣϫ ⲟⲩ ⲉⲃⲟⲗ ⲛ̅ ⲛⲉⲩ ⲉⲣⲏⲩ ⲛ̅ ⲧⲉ ⲩⲛⲟⲩ ·

ⲙ̅ ⲡ ⲛⲁⲩ ⲛ̅ⲧ ⲁ ϥ ⲉⲓⲛⲉ ⲙ̅ ⲡ ϩⲓⲛⲏⲃ ⲉϫⲱ ϥ ⲁ ϥ ⲛ̅ⲕⲟⲧⲕ̅ ·

ⲁ ϥ ⲱⲃϣ̅ ⲁ ϥ ⲉⲓⲛⲉ ⲛ̅ ⲉⲩϩⲁ ⲉⲃⲟⲗ ⲛ̅ϩⲏⲧ ϥ̅ ⲁ ⲥ ϣⲱⲡⲉ ⲛⲁ ϥ ⲛ̅ ⲥϩⲓⲙⲉ ⲙ̅ⲙⲟⲛ ⲛⲉ ⲥ ϩⲏⲡ ⲡⲉ ϩⲙ̅ ⲡⲉϥ ⲥⲡⲓⲣ ⲛ̅ ϩⲃⲟⲩⲣ ϫⲓⲛ ⲡⲉ ϩⲟⲟⲩ ⲛ̅ⲧ ⲁ ⲡ ⲛⲟⲩⲧⲉ ⲧⲁⲙⲓⲟ ϥ ·

ϯ ϩⲧⲏ ⲕ ⲉ ⲡ ⲙⲁⲉⲓⲛ ⲉ ϥ ϩⲛ̅ ⲛ̅ ϣⲏⲣⲉ ⲛ̅ ⲁⲇⲁⲙ ·

ⲡⲉϫⲁ ⲓ ⲛⲁ ϥ ϫⲉ ⲱ ⲡⲁ ϫⲥ̅ ·

ⲟⲩ ⲡⲉ ⲡ ⲙⲁⲉⲓⲛ ⲉⲧ ϩⲛ̅ ⲛ̅ ϣⲏⲣⲉ ⲛ̅ ⲁⲇⲁⲙ ·

▢ Ⲡⲉϫⲉ ⲡⲉ ⲭⲉⲓⲣⲟⲩⲃⲉⲓⲛ ⲛⲁ ⲓ ϫⲉ ⲙ̅ ⲡ ⲛⲁⲩ ⲉⲧⲉⲣⲉ ⲡ ϫⲁϥ ⲛⲁ ⲉⲓ ⲉϫⲙ̅ ⲡ ⲕⲁϩ ⲛ̅ ϣⲟⲣⲡ̅ ⲛⲉ ⲛ̅ ⲉⲓⲉⲓⲃ ⲙ̅ ⲡ ⲣⲱⲙⲉ ⲉⲧ ⲛⲁ ⲱ̅ϭⲃ̅ ϩⲙ̅ ⲡⲉϥ ⲥⲱⲙⲁ ·

Ⲉⲃⲟⲗ ϫⲉ ⲙ̅ ⲡ ⲛⲁⲩ ⲛ̅ⲧ ⲁ ⲡ ⲛⲟⲩⲧⲉ ⲃⲉϣ ⲁⲇⲁⲙ ⲛ̅ ⲧ ⲇⲓⲕⲁⲓⲟⲥⲩⲛⲏ ⲉⲧ ϭⲟⲟⲗⲉ ⲙ̅ⲙⲟ ϥ ·

ⲛ̅ ϣⲟⲣⲡ̅ ⲛⲉ ⲛϥ̅ ⲉⲓⲉⲓⲃ ⲛ̅ⲧ ⲁ ⲩ ⲱϭⲃ̅ ⲁ ϥ ⲣⲓⲙⲉ ⲉϩⲣⲁⲓ ⲉ ⲡ ϫⲥ̅ ⁛—

ϫⲉ ⲟⲩⲟⲓ ⲛⲁ ⲓ ⲡⲁ ϫⲥ̅ ⲙ̅ ⲡ ⲛⲁⲩ ⲉ ϯ ϩⲁⲣⲉϩ ⲉ ⲛ ⲉⲛⲧⲟⲗⲏ ⲙ̅ ⲡ ⲛⲟⲩⲧⲉ ·

ⲙ̅ⲡⲁ ϯ ⲟⲩⲱⲙ ⲉ ⲃⲟⲗ ϩⲙ̅ ⲡ ϣⲏⲛ ·

ⲛⲉⲣⲉ ⲡⲁ ⲥⲱⲙⲁ ⲧⲏⲣ ϥ̅ ⲟⲩⲟⲃϣ̅ ⲛ̅ ⲑ ⲉ ⲙ̅ ⲡⲁ [ⲉⲓ]ⲉⲓⲃ ⁛—

ⲉⲧⲃⲉ ⲡⲁⲓ ⲥⲟⲡ ⲛⲓⲙ ⲉ ϣⲁⲣⲉ ⲁⲇⲁⲙ ϭⲱϣⲧ̅ ⲉϫⲛ̅ ⲛϥ̅ ⲉⲓⲉⲓⲃ ϣⲁ ϥ ⲣⲓⲙⲉ ⲛ ϥ̅ ⲣ̅ ϩⲏⲃⲉ ⲛ̅ ⲑ ⲉ ⲛ̅ ⲓⲉⲍⲉⲕⲓⲁⲥ ⲛ̅ⲧ ⲁ ϥ ϣⲱⲛⲉ ⲁ ϥ ϭⲱϣⲧ̅ ⲉϩⲟⲩⲛ ⲉⲧ ϫⲟⲉ ·

ⲁ ϥ ⲣⲓⲙⲉ ⲏ̅ ⲛ̅ⲧⲟϥ ⲉⲧⲃⲉ ⲟⲩ ⲙ̅ⲡ ϥ̅ ϭⲱϣⲧ̅ ⲛ̅ ⲣⲱⲙⲉ ⲛ ϥ̅ ⲣⲓⲙⲉ ·

ⲡⲉϫⲉ ⲡⲉ ⲭⲉⲓⲣⲟⲩⲃⲉⲓⲛ ⲛⲁ ⲓ ϫⲉ ϯ ⲛⲁ ⲟⲩⲱⲛϩ̅ ⲛⲁ ⲕ ⲉⲃⲟⲗ ⲛ̅ ϩⲱⲃ ⲛⲓⲙ ·

ⲱ̅ ⲡ ⲡⲁⲣⲑⲉⲛⲟⲥ ⲉⲧ ⲛ̅ϩⲟⲧ ⲁ ⲥ ϣⲱⲡⲉ ⲇⲉ ϩⲙ̅ ⲡⲉ ⲟⲩⲟⲉⲓϣ ⲛ̅ ⲥⲟⲗⲟⲙⲱⲛ ·

ⲡ ⲣ̅ⲣⲟ ⲁ ϥ ⲁⲛⲁⲅⲕⲁⲍⲉ ⲛ̅ ⲛ̅ ⲇⲁⲓⲙⲱⲛ ·

ⲧⲏⲣ ⲟⲩ ⲉ ⲧⲣⲉ ⲩ ⲧⲁⲩⲟ ⲉⲣⲟ ϥ ⲛ̅ ⲧ ⲙⲓⲛⲉ ⲛ̅ ⲙ̅ ⲡⲁϩⲣⲉ ⲧⲏⲣ ⲟⲩ ·

ⲙⲛ̅ ⲧ ⲙⲓⲛⲉ ⲛ̅ ⲛ̅ ⲃⲟⲧⲁⲛⲏ ⲉ ϣⲁ ⲩ ⲧⲁⲁ ⲩ ⲉ ⲛ̅ ϣⲱⲛⲉ ⲛ̅ ⲥⲉ ⲗⲟ ·

ⲁ ⲥⲟ̅ⲗⲟⲙⲱⲛ ⲥϩⲁⲓⲥ ⲟⲩ ⲧⲏⲣ ⲟⲩ ⲉ ⲧ ϫⲟ ⲙ̅ ⲡ ⲏⲓ ⲙ̅ ⲡ ⲛⲟⲩⲧⲉ ·

▢ Ⲣⲱⲙⲉ ⲛⲓⲙ ⲉ ϣⲁ ϥ ϣⲱⲛⲉ ϩⲛ̅ ϣⲱⲛⲉ ⲛⲓⲙ ϣⲁ ϥ ⲃⲱⲕ ⲉϩⲟⲩⲛ ⲉ ⲡ ⲣ̅ⲡⲉ ⲛ ϥ̅ ϭⲱϣⲧ̅ ⲧ ϫⲟ ϣⲁ ϥ ϩⲉ ⲉ ⲡ ⲡⲁϩⲣⲉ ⲉ ϥ ⲥⲏϩ ⲉ ⲧ ϫⲟ̅ ⲉ ⲕⲁⲧⲁ ⲡⲉϥ ϣⲱⲛⲉ ·

ⲛ ϥ̅ ϥⲓⲧ ϥ̅ ⲛ ϥ̅ ⲃⲱⲕ ⲉ ⲡⲉϥ ⲏⲓ ⲉ ϥ ϯ ⲉⲟⲟⲩ ⲙ̅ ⲡ ⲛⲟⲩⲧⲉ ·

ⲁ ⲥ ϣⲱⲡⲉ ⲇⲉ ⲛ̅ⲧⲉⲣ ⲉ ⲥⲱⲗⲟⲙⲱⲛ ⲡ ⲣ̅ⲣⲟ ⲙⲟⲩ ⲁ ⲓ̈ⲉⲍⲉⲕⲓⲁⲥ ϫⲉϩ ⲛ̅ ϫⲟ ⲙ̅ ⲡ ⲣ̅ⲡⲉ ⲛ ⲕⲟⲛⲓⲁ ⲙ̅ⲡ ⲟⲩ ϩⲉ ⲉⲣⲟ ⲟⲩ ⲛ̅ ⲕⲉ ⲥⲟⲡ ·

ⲓ̈ⲉⲍⲉⲕⲓⲁⲥ ⲇⲉ ⲡ ⲣ̅ⲣⲟ ⲛⲧⲉⲣ ϥ̅ ϣⲱⲛⲉ ⲁ ϥ ⲗⲟϫⲗϫ̅ ⲙ̅ⲡ ϥ̅ ϩⲉ ⲉ ⲙ̅ ⲡⲁϩⲣⲉ ⲉ ⲧⲁⲗϭⲉ ⲡⲉϥ ϣⲱⲛⲉ ·

ⲉⲡⲉⲓⲇⲏ ⲛ̅ⲧⲟϥ ⲡ ⲉⲛⲧ ⲁ ϥ ϫⲉϩ ⲛ̅ ϫⲟⲉ ⲙ̅ ⲡ ⲣ̅ⲡⲉ ϩⲙ̅ ⲡ ⲕⲱ ⲛⲓⲁ ·

ⲉⲧⲉⲣⲉ ⲙ̅ ⲡⲁϩⲣⲉ ⲥⲏϩ ⲉⲣⲟ ⲟⲩ ⲙ̅ⲡⲉ ϥ ϩⲉ ⲉⲣⲟ ⲟⲩ ⲛ̅ ⲕⲉ ⲥⲟⲡ ⲁ ϥ ⲃⲱⲕ ⲉ ϩⲟⲩⲛ ⲉ ⲡ ⲏⲓ ⲙ̅ ⲡ ϫⲥ̅ ·

ⲁ ϥ ⲛ̅ⲕⲟⲧⲕ̅ ⲁ ϥ ϭⲱϣⲧ̅ ⲉ ϫⲟ ⲁ ϥ ⲣⲓⲙⲉ ⲉ ϥ ϫⲱ ⲙ̅ⲙⲟ ⲥ ·

ϫⲉ ⲡ ϫⲥ̅ ⲙⲏ ⲟⲩ ⲛⲟⲃⲉ ⲡⲉ ⲛⲧ ⲁ ϥ ⲁⲓⲁⲁ ϥ ⲁ ⲓ ⲕⲱⲛⲓⲁⲍⲉ ⲛ̅ ⲛ̅ ϫⲟⲉ ⲉⲧⲉⲣⲉ ⲙ̅ ⲡⲁϩⲣⲉ ⲥⲏϩ ⲉⲣⲟ ⲥ ϩⲙ̅ ⲡ ⲕⲱⲛⲓⲁ ⲉ ⲓ ϫⲱ ⲙ̅ⲙⲟ ⲥ ϫⲉ ⲉⲩϣⲁⲛ ⲥⲡ̅ⲥⲡ̅ ⲡ ⲛⲟⲩⲧⲉ ϩⲛ̅ ⲟⲩ ϩⲗ̅ⲡⲓⲥ ⲥⲉ ⲛⲁ ⲗⲟ ·

ⲙ̅ⲙⲟⲛ ⲛⲉ ⲓ ⲛⲁ ϩⲉ ⲡⲉ ⲙ̅ ⲡⲁϩⲣⲉ ⲛ̅ ⲧⲁ ⲧⲁⲗϭⲟ ·

ⲁ ⲡ ϫⲥ̅ ⲥⲱⲧⲙ̅ ⲁ ϥ ϣⲛ̅ ϩⲧⲏ ϥ ϩⲁ ⲣⲟ ϥ ⲁ ϥ ϫⲟⲟⲩ ϣⲁⲣⲟ ϥ ⲛ̅ ⲏⲥⲁⲓⲁⲥ ⲡⲉ ⲡⲣⲟⲫⲏⲧⲏⲥ ⲁ ϥ ϣⲁϫⲉ ⲛⲙ̅ⲙⲁ ϥ ⲉ ϥ ϫⲱ ⲙ̅ⲙⲟ ⲥ ϫⲉ ϫⲓ ⲛ̅ ⲟⲩ ⲧⲁⲕ ⲛ̅ ⲕⲛ̅ⲧⲉ ⲛ ⲅ̅ ⲗⲁⲗⲱⲱ ⲕ ⲙ̅ⲙⲟ ϥ ⲁⲩⲱ ⲕ ⲛⲁ ⲙ̅ⲧⲟⲛ ·

ⲧⲉⲛⲟⲩ ϭⲉ ⲱ̅ ⲓ̅ⲱ̅ⲥ̅ ⲡ ⲉⲧ ⲛⲁ ⲉⲓⲣⲉ ⲙ̅ ⲡ ⲛⲟⲩⲧⲉ ⲙⲉ ϥ ⲕⲁⲁ ϥ ⲛ̅ⲥⲱ ϥ ·

▢ Ⲉⲡⲉⲓⲇⲏ ⲙ̅ⲡⲉ ⲛ̅ ⲥⲉⲣⲁⲫⲉⲓⲛ ⲉⲓ ⲉ ⲡ ⲉⲥⲏⲧ ⲛ̅ ⲥⲉ ⲣ̅ ϩⲙ̅ⲙⲉ ⲙ̅ ⲡ ⲙⲟⲩ ⲛ ϩⲱⲟⲩ · ⲉⲃⲟⲗ ϫⲉ ⲛⲉⲣⲉ ⲙ̅ ⲙⲟⲟⲩ ⲧⲏⲣ ⲟⲩ ϩⲛ̅ ⲧ ⲡⲉ ⲛ ⲙ̅ ⲡⲏⲩⲉ ·

ⲉⲓⲥ ϩⲏⲏⲧⲉ ⲁ ⲓ ⲟⲩⲱⲛ̅ϩ̅ ⲉⲣⲟ ⲕ ⲁ ⲓ ⲟⲩⲱⲛϩ̅ ⲉⲣⲟ ⲕ ⲛ̅ ⲙ̅ ⲙⲩⲥⲧⲏⲣⲓⲟⲛ ⲧⲏⲣ ⲟⲩ ·

ⲁ ⲓ ⲟⲩⲱϣⲃ̅ ⲡⲉϫⲁ ⲓ ⲙ̅ ⲡⲉ ⲭⲉⲓⲣⲟⲩⲃⲉⲓⲛ ϫⲉ ⲡⲁ ϫⲥ̅ ⲉ ⲓ ⲟⲩⲱϣ ⲉ ⲧⲣⲉ ⲕ ⲧⲁⲙⲟ ⲓ ϫⲉ ⲟⲩ ⲡ ⲉⲧ ⲧⲱⲟⲩⲛ ⲉϩⲣⲁⲓ ϩⲁ ⲧ ⲡⲉ ·

ⲉ ⲥ ⲁϣⲉ ⲛ̅ ϯ ϩⲉ ⁛—

Ⲡⲉϫⲁ ϥ ⲛⲁ ⲓ ϫⲉ ⲉ ⲥ ⲁϣⲉ ϩⲛ̅ ⲟⲩ ⲡⲓⲥϯⲥ ⲙⲛ̅ ⲟⲩ ⲧⲱϣ ⲛ̅ⲧⲉ ⲡ ⲛⲟⲩⲧⲉ ·

ⲡⲉϫⲁ ⲓ ⲛⲁ ϥ ⲟⲛ ϫⲉ ⲟⲩ ⲡ ⲉⲧ ⲧⲱⲟⲩⲛ ϩⲁ ⲡ ⲕⲁϩ ·

ⲡⲉϫⲁ ϥ ⲛⲁ ⲓ ϫⲉ ϥⲧⲟⲟⲩ ⲛ̅ ⲥⲧⲩⲗⲗⲟⲥ ⲛ ⲉⲧ ⲧⲱⲟⲩⲛ ϩⲁ ⲡ ⲕⲁϩ ⲉ ⲩ ⲧⲟⲟⲃⲉ ⲛ̅ ⲥⲁϣϥⲉ ⲛ̅ ⲥⲫⲣⲁⲅⲓⲥ ·

Ⲡⲉϫⲁ ⲓ ⲛⲁ ϥ ϫⲉ ⲡⲁ ϫⲥ̅ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ ·

ϣⲁⲛ ϯ ϫ ⲛⲟⲩ ⲕ ⲉ ⲡⲉⲓ ⲕⲉ ϩⲱⲃ ·

ⲙⲁ ⲧⲁⲙⲟ ⲓ ϫⲉ ⲟⲩ ⲡ ⲉⲧ ⲧⲱⲟⲩⲛ ϩⲁ ⲡ ϥ̅ⲧⲟⲟⲩ ⲛ̅ ⲥⲧⲩⲗⲗⲟⲥ ·

ⲡⲉϫⲁ ϥ ⲛⲁ ⲓ ϫⲉ ⲡ ⲉⲛⲧ ⲁ ϥ ⲧⲁⲙⲓⲟ ⲟⲩ ⲡ ⲉⲧ ⲥⲟⲟⲩⲛ ⲙ̅ ⲡⲉⲩ ϩⲱⲃ ·

Ⲡⲉϫⲁ ⲓ ⲛⲁ ϥ ϫⲉ ⲡⲁ ϫ̅ⲥ̅ ⲟⲩ ⲡⲉⲡ ⲧⲱϣ ⲛ̅ ⲛⲉⲓ ⲟⲩⲛⲟⲟⲩⲉ ⲛ̅ ⲧⲉ ⲩϣⲏ ⲙⲛ̅ ⲡⲉ ϩⲟⲟⲩ ·

▢ Ⲡⲉϫⲁ ϥ ⲛⲁ ⲓ ϫⲉ ⲥⲱⲧⲙ̅ ⲛ̅ ⲧⲁ ⲧⲁⲙⲟ ⲕ ·

ⲁ ⲡ ⲛⲟⲩⲧⲉ ⲕⲱ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲭⲉⲓⲣⲟⲩⲃⲉⲓⲛ ⲉ ⲩ ⲁϩⲉ ⲣⲁⲧ ⲟⲩ ⲙ̅ ⲡ ⲃⲟⲗ ⲙ̅ ⲡ ⲕⲁⲧⲁⲡⲉⲧⲁⲥⲙⲁ ⲉ ⲙⲉ ⲩ ϩⲓⲥⲉ ⲉ ⲡ ⲧⲏⲣ̅ ϥ̅ ϣⲁ ⲩ ϫⲱ ⲙ̅ ⲙⲛ̅ⲧ̅ ⲥⲛⲟⲟⲩⲥ ⲛ̅ ϩⲩⲙⲛⲟⲥ ⲙ̅ ⲙⲏⲏⲛⲉ ⁛—

Ⲣϣⲁⲛ ⲡ ϣⲟⲣ̅ⲡ̅ ϫⲱⲕ ⲉⲃⲟⲗ ⲙ̅ ⲡⲉϥ ϩⲩⲙⲛⲟⲥ ⲉⲓⲉ ⲁ ⲧ ϣⲟⲣⲡ̅ ⲛ̅ ⲟⲩⲛⲟⲩ ϫⲱⲕ ⲉⲃⲟⲗ ·

ⲣ̅ϣⲁⲛ ⲡ ⲙⲉϩ ⲥⲛⲁⲩ ϫⲱⲕ ⲉⲃⲟⲗ ⲙ̅ ⲡϥ̅ ϩⲩⲙⲛⲟⲥ ϣⲁⲣⲉ ⲧ ⲙⲉϩ ⲥ̅ⲛ̅ⲧ̅ⲉ ⲛ̅ ⲟⲩⲛⲟⲩ ϫⲱⲕ ⲉⲃⲟⲗ ϣⲁϩⲣⲁⲓ ⲉⲧ ⲙⲉϩ ⲙⲛ̅ⲧ̅ ⲥⲛⲟⲟⲩⲥ ⁛—

Ⲣϣⲁⲛ ⲡ ⲙⲉϩ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲟⲩⲛⲟⲩ ϫⲱⲕ ⲉⲃⲟⲗ ⲉⲓⲉ ⲁ ⲧ ⲙⲉϩ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲟⲩⲛⲟⲩ ϫⲱⲕ ⲉⲃⲟⲗ ⁛—

▢ Ⲡⲉϫⲁ ⲓ ⲛⲁ ϥ ϫⲉ ⲉⲓⲉ ⲧ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲟⲩⲛⲟⲩ ⲛ̅ ⲧⲉ ⲩϣⲏ ⲛ̅ ⲥⲉⲣⲁⲫⲉⲓⲛ ⲧⲏϣ ⲉⲣⲟ ⲟⲩ ⲟⲛ ϫⲓⲛ ⲙ̅ⲙⲟⲛ ⁛—

Ⲡⲉϫⲁ ϥ ⲛⲁ ⲓ ϫⲉ ⲙ̅ⲙⲟⲛ ⲁⲗⲗⲁ ⲛ̅ ⲧⲃ̅ⲛⲟⲟⲩⲉ ⲛⲉ ⲙⲛ̅ ⲛ̅ ϩⲁⲗⲁⲁⲧⲉ ⲙⲛ̅ ⲛ̅ ϫⲁⲧⲃⲉ ·

ⲉⲩϣⲁⲛ ϯ ⲛ̅ ⲧⲉⲩ ⲡⲣⲟⲥ ⲉⲩⲭⲏ ϣⲁⲣⲉ ⲧ ϣⲟⲣⲡ̅ ⲛ̅ ⲟⲩⲛⲟⲩ ϫⲱⲕ ⲉⲃⲟⲗ ·

ⲣ̅ϣⲁⲛ ⲧ ⲙⲉϩ ⲥⲛ̅ⲧⲉ ⲛ̅ ⲟⲩⲛⲟⲩ ϫⲱⲕ ⲉⲃⲟⲗ ϣⲁⲣⲉ ⲛⲉ ⲑⲏⲣⲓⲟⲛ ϯ ⲛ̅ ⲛⲉⲩ ⲥⲙⲏ ϣⲁϩⲣⲁⲓ ⲉ ⲧ ⲙⲉϩ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲟⲩⲛⲟⲩ ⲛ̅ ⲧⲉ ⲩϣⲏ ·

ⲛ̅ ⲍⲱⲟⲛ ⲙ̅ ⲡ ⲛⲟⲩⲧⲉ ⲛ ⲉⲧ ϯ ⲧⲱϣ ⲉⲣⲟ ⲟⲩ ·

ⲡⲉϫⲁ ⲓ ⲙ̅ ⲡⲉ ⲭⲉⲓⲣⲟⲩⲃⲉⲓⲛ ϫⲉ ϣⲁⲣⲉ ⲡ ⲣⲏ ⲉⲓⲙⲉ ⲧⲱⲛ ϫⲉ ⲁ ⲧ ⲙⲛ̅ⲧ̅ ⲥⲛⲟⲟⲩⲥ ⲛ̅ ⲟⲩⲛⲟⲩ ϫⲱⲕ ⲉⲃⲟⲗ ·

ⲛ ϥ̅ ⲃⲱⲕ ⲉ ⲡⲉϥ ⲙⲁ ⲛ̅ ϩⲱⲧⲡ̅ ⲏ̅ ⲛ ϥ̅ ⲉⲓ ⲉϩⲣⲁⲓ ·

ⲡⲉϫⲁ ϥ ⲛⲁ ⲓ ϫⲉ ⲛ̅ ⲁⲅⲅⲉⲗⲟⲥ ⲛ ⲉⲧⲉ ϣⲁ ⲩ ⲥⲁⲗⲡⲓⲍⲉ ⲉⲩϣⲁⲛ ϫⲱⲕ ⲉⲃⲟⲗ ϣⲁⲣⲉ ⲙⲓⲭⲁⲏⲗ ⲉⲓⲙⲉ ϫⲉ ⲁ ⲡ ⲙⲉϩ ⲙⲛ̅ⲧ̅ ⲥⲛⲟⲟⲩⲥ ⲛ̅ ϩⲩⲙⲛⲟⲥ ϫⲱⲕ ⲉⲃⲟⲗ ϣⲁ ϥ ϣⲁϫⲉ ⲙⲛ̅ ⲡ ⲁⲅⲅⲉⲗⲟⲥ ⲙ̅ ⲡ ⲣⲏ ⲛ ϥ̅ ⲙⲟⲟϣⲉ ⲛ ϥ̅ ϫⲱⲕ ⲉⲃⲟⲗ ⲛ̅ⲧ ϥ̅ ⲧⲁⲝⲓⲥ ·

ⲁ ⲓ ⲟⲩⲱϣⲃ̅ ⲡⲉϫⲁ ⲓ ⲙ̅ ⲡⲉ ⲭⲉⲓⲣⲟⲩⲃⲉⲓⲛ ϫⲉ ⲡⲁ ϫⲥ̅ ⲁⲣⲁ ⲡ ⲛⲟⲩ ⲧⲉ ⲡ ⲉⲧ ϯ ⲧⲱϣ ⲉ ⲡ ⲣⲱⲙⲉ ϫⲓⲛ ⲉ ϥ ϩⲛ̅ ϩⲏⲧ ⲥ̅ ⲛ̅ ⲧⲉϥ ⲙⲁⲁⲩ ϫⲓⲛ ⲙ̅ⲙⲟⲛ ·

▢ Ⲡⲉϫⲁ ϥ ⲛⲁ ⲓ ϫⲉ ⲡ ⲛⲟⲩⲧⲉ ⲥⲟⲟⲩⲛ ϫⲉ ϣⲁⲣⲉ ⲡ ⲣⲱⲙⲉ ⲣ̅ ⲟⲩⲏⲏⲣ ⲙ̅ ⲙⲛ̅ⲧ̅ ⲡⲉⲣⲓⲟⲩⲣⲅⲟⲥ ⲏ ⲟⲩⲏⲏⲣ ⲙ̅ ⲙⲛ̅ⲧ̅ ⲁⲅⲁⲑⲱⲥ ϫⲓⲛ ⲡⲉϥ ϫⲡⲟ ϣⲁ ⲡⲉϥ ϫⲱⲕ ⲉⲃⲟⲗ ·

ⲉⲡⲉⲓⲇⲏ ⲡ ⲛⲟⲩⲧⲉ ϯ ⲙⲁⲉⲓⲛ ⲉ ⲡ ⲇⲓⲕⲁⲓⲟⲥ ⲙ̅ⲡⲁⲧ ⲟⲩ ⲡⲗⲁⲥⲥⲉ ⲙ̅ ⲙⲟ ϥ ·

ⲙⲛ̅ ϭⲟⲙ ⲅⲁⲣ ⲉ ⲧⲣⲉ ⲗⲁⲁⲩ ϣⲱⲡⲉ ⲁϫⲙ̅ ⲡ ⲛⲟⲩⲧⲉ ·

ⲁⲗⲗⲁ ⲡ ⲛⲟⲃⲉ ⲟⲩ ϣⲙ̅ⲙⲟ ⲡⲉ ⲉ ⲡ ⲛⲟⲩⲧⲉ ·

ⲕⲁⲓ ⲅⲁⲣ ⲛ̅ⲧ ⲁ ϥ ⲧⲁⲙⲓⲉ ⲡ ⲣⲱⲙⲉ ⲉ ϥ ⲟ ⲛ̅ ⲁⲧ ⲛⲟⲃⲉ ·

ⲡ ⲣⲱⲙⲉ ϩⲱⲱ ϥ ⲉⲧ ⲣ̅ ⲛⲟⲃⲉ ⲕⲁⲧⲁ ⲡⲉϥ ⲟⲩⲱϣ ·

ⲁⲩⲱ ⲕⲁⲧⲁ ⲧ ⲉⲡⲉⲓⲑⲩⲙⲓⲁ ⲙ̅ ⲡ ⲇⲓⲁⲃⲟⲗⲟⲥ ·

▢ Ⲡⲉϫⲁ ⲓ ⲙ̅ ⲡⲉ ⲭⲉⲓⲣⲟⲩⲃⲉⲓⲛ ϫⲉ ⲉ ⲩ ϫⲡⲟ ⲙ̅ ⲡ ⲣⲱⲙⲉ ⲉ ⲡ ϩⲓⲥⲉ ·

ⲕⲁⲧⲁ ⲑ ⲉ ⲛ̅ⲧ ⲁ ⲓⲱⲃ ϫⲟⲟ ⲥ ϫⲉ ⲛ̅ⲧ ⲁ ⲧⲁ ⲙⲁⲁⲩ ϫⲡⲟ ⲓ ⲉ ⲡ ϩⲓⲥⲉ ·

Ⲡⲉϫⲁ ϥ ⲛⲁ ⲓ ϫⲉ ⲟⲩ ϣⲁⲛ ϩⲧⲏ ϥ ⲡⲉ ⲡ ⲛⲟⲩⲧⲉ ·

ⲙⲉ ϥ ⲕⲱ ⲡ ⲣⲱⲙⲉ ⲛ̅ⲥⲱ ϥ ϣⲁⲃⲟⲗ ·

Ⲁⲗⲗⲁ ϣⲁ ϥ ϣⲛ̅ ϩⲧⲏ ϥ ϩⲁⲣⲟ ϥ ϫⲉ ⲡⲉϥ ⲉⲓⲛⲉ ⲡⲉ ⲙⲛ̅ ⲧϥ̅ ϩⲓⲕⲱⲛ ·

ⲁⲩⲱ ⲡ ϩⲱⲃ ⲛ̅ ⲛⲉϥ ϭⲓϫ ⲡⲉ ·

ⲧⲉⲛⲟⲩ ϭⲉ ⲱ̅ ⲓⲱϩⲁⲛⲛⲏⲥ ⲡ ⲉⲧ ⲛⲁ ⲣ ⲡ ⲟⲩⲱϣ ⲙ̅ ⲡ ⲛⲟⲩⲧⲉ ⲙⲉ ϥ ⲕⲁⲁ ϥ ⲛ̅ⲥⲱ ϥ ⲡ ⲉⲧ ⲛⲁ ⲉⲓⲣⲉ ⲛ̅ ϩⲉⲛ ⲁⲅⲁⲑⲟⲛ ϥ ⲛⲁ ϫⲓⲧ ⲟⲩ ⲛ̅ ϩⲁϩ ⲛ̅ ϭⲱⲃ ϩⲙ̅ ⲡ ⲏⲓ ⲙ̅ ⲡ ⲛⲟⲩⲧⲉ ·

Ⲡⲉϫⲁ ⲓ ⲛⲁ ϥ ϫⲉ ⲡⲁ ϫⲟ̅ⲉⲓⲥ ⲙ̅ ⲡ ⲛⲁⲩ ⲉ ϣⲁⲣⲉ ⲡ ⲛⲟⲩⲧⲉ ⲧⲁⲙⲓⲉ ⲡ ⲣⲱⲙⲉ ϣⲁ ϥ ϯ ⲣⲁⲛ ⲉⲣⲟ ϥ ϫⲉ ⲟⲩ ⲇⲓⲕⲁⲓⲟⲥ ⲡⲉ ⲏ̅ ⲟⲩ ⲣⲉϥ ⲣ̅ ⲛⲟⲃⲉ ⲡⲉ ϫⲓⲛ ⲙ̅ⲙⲟⲛ ·

▢ Ⲡⲉϫⲁ ϥ ⲛⲁ ⲓ ϫⲉ ⲥⲱⲧⲙ̅ ⲛ̅ ⲧⲁ ⲧⲁⲙⲟ ⲕ ·

ⲙ̅ ⲡ ⲛⲁⲩ ⲉⲧ ⲉⲣⲉ ⲡ ⲛⲟⲩⲧⲉ ⲛⲁ ⲧⲁⲙⲓⲟ ⲙ̅ ⲡ ⲣⲱⲙⲉ ⲙ̅ⲡⲁⲧ ϥ̅ ⲧⲁⲁ ϥ ·

ⲉ ⲧ ⲕⲁⲗⲁϩⲏ ⲛ̅ ⲧϥ̅ ⲙⲁⲁⲩ ϣⲁ ϥ ⲙⲟⲩⲧⲉ ⲉ ⲛ ⲁⲅⲅⲉⲗⲟⲥ ⲧⲏ̅ ⲣ ⲟⲩ ⲛ̅ ⲥⲉ ⲉⲓ ⲛ̅ ⲥⲉ ⲁϩⲉ ⲣⲁⲧ ⲟⲩ ·

ϣⲁⲣⲉ ⲡ ⲉⲓⲱⲧ ⲥⲙⲟⲩ ⲉ ⲧⲉ ⲯⲩⲭⲏ ⲛ ⲧⲉⲛ̅ ⲁⲅⲅⲉⲗⲟⲥ ⲟⲩⲱϣⲃ̅ ϫⲉ ϩⲁⲙⲏⲛ ·

▢ Ⲡⲉϫⲁ ⲓ ⲛⲁ ϥ ϫⲉ ⲟⲩⲛ̅ ⲯⲩⲭⲏ ⲙ̅ⲙⲟ ⲟⲩ ·

ⲡⲉϫⲁ ϥ ⲛⲁ ⲓ ϫⲉ ⲥⲱⲛ̅ⲧ̅ ⲛⲓⲙ ⲟⲩⲛ̅ ⲯⲩⲭⲏ ⲙ̅ⲙⲟ ⲟⲩ ·

ⲧⲉⲛⲟⲩ ϭⲉ ⲧⲉ ⲯⲩⲭⲏ ⲛ̅ ⲥⲱⲛ̅ⲧ̅ ⲛⲓⲙ ⲡⲉ ⲡϥ̅ ⲥⲛⲟϥ ·

ⲡⲉϫⲁ ⲓ̈ ⲛⲁ ϥ ϫⲉ ⲁⲣⲁ ⲥⲉ ⲛⲁ ⲕⲟⲗⲁⲍⲉ ⲙ̅ⲙⲟ ⲟⲩ ·

ⲏ ⲥⲉ ⲛⲁ ϯ ⲙ̅ⲧⲟⲛ ⲛⲁ ⲩ ·

ⲡⲉϫⲁ ϥ ⲛⲁ ⲓ ϫⲉ ⲙⲏ ⲅⲉⲛⲟⲓⲧⲟ ⲛ̅ⲛⲉ ⲥ ϣⲱⲡⲉ ⲛ̅ ⲥⲉ ⲛⲁ ϯ ⲙ̅ⲧⲟⲛ ⲛⲁ ⲩ ⲁⲛ ·

ⲟⲩⲇⲉ ϩⲓ̈ⲥⲉ⁛— ⲁⲗⲗⲁ ⲡ ⲣⲱⲙⲉ ⲛ̅ⲧⲟϥ ⲡ ⲉⲧⲉ ϣⲁ ϥ ϩⲓⲥⲉ ⲁⲩⲱ ⲛ ϥ̅ ⲙ̅ⲧⲟⲛ Ⲁ ⲥ ϣⲱⲡⲉ ⲇⲉ ⲛ̅ⲧⲉⲣ ⲉ ⲓ ⲥⲱⲧⲙ̅ ⲉ ⲛⲁⲓ ⲧⲏⲣ ⲟⲩ ⲁ ⲓ ⲣ̅ ϣⲡⲏⲣⲉ ⲛ̅ ⲛⲉ ϩⲃⲏⲩⲉ ⲙ̅ ⲡ ⲛⲟⲩⲧⲉ ⲉⲧ ϥ̅ ⲉⲓⲣⲉ ⲙ̅ⲙⲟ ⲟⲩ ⲙⲛ̅ ⲛ̅ ⲣⲱⲙⲉ ·

ⲡⲉϫⲁ ⲓ ⲛⲁ ϥ ϫⲉ ⲙ̅ⲡⲣ̅ ϭⲱⲛⲧ̅ ⲉⲣⲟ ⲓ ⲛ̅ ⲧⲁ ϫⲛⲟⲩ ⲕ ⲉ ⲡⲉⲓ ⲕⲉ ϩⲱⲃ ·

ⲉ ⲓ ⲟⲩⲱϣ ⲉ ⲧⲣⲉ ⲕ ⲧⲁⲙⲟ ⲓ ⲉⲧⲃⲉ ⲛ̅ ⲥⲓⲟⲩ ⲉⲧ ⲛ̅ ⲛⲁⲩ ⲉⲣⲟ ⲟⲩ ϩⲙ̅ ⲡⲉ ⲥⲧⲉⲣⲉⲱⲙⲁ ϫⲉ ⲣ̅ϣⲁⲛ ⲡ ⲣⲏ ϣⲁ ϣⲁ ⲛ ⲗⲟ ⲉ ⲛ ⲛⲁⲩ ⲉⲣⲟ ⲟⲩ ·

Ⲉ ⲓ ⲟⲩⲱϣ ⲉ ⲧⲣⲉ ⲕ ⲧⲁⲙⲟ ⲓ ϫⲉ ⲉ ⲩ ⲃⲏⲕ ⲉ ⲧⲱⲛ ϣⲁ ⲡ ⲛⲁⲩ ⲛ̅ⲧⲉⲩ ⲗⲩⲧⲟⲣⲅⲓⲁ ⲡⲉϫⲁ ϥ ⲛⲁ ⲓ ϫⲉ ⲉⲣⲉ ⲛ̅ ⲥⲓⲟⲩ ⲟ ⲛ̅ ⲧⲁⲝⲓⲥ ⲧⲁⲝⲓⲥ ·

ⲟⲩⲛ̅ ⲥⲓⲟⲩ ⲉ ϣⲁ ϥ ϭⲱ ϩⲛ̅ ⲧ ⲡⲉ ϣⲁ ⲡ ⲛⲁⲩ ⲙ̅ ⲙⲉⲉⲣⲉ ·

ⲁⲗⲗⲁ ⲛ̅ ⲥⲉ ⲛⲁⲩ ⲉⲣⲟ ⲟⲩ ⲁⲛ ⲉⲧⲃⲉ ⲡ ⲟⲩⲟⲉⲓⲛ ⲙ̅ ⲡ ⲣⲏ ·

▢ Ⲡⲉϫⲁ ⲓ ⲛⲁ ϥ ϫⲉ ⲡⲁ ϫⲥ̅ ⲉⲧⲃⲉ ⲟⲩ ⲟⲩⲛ̅ ⲥⲓⲟⲩ ϣⲟⲃⲉ ⲉ ⲥⲓⲟⲩ ·

ⲟⲩⲛ̅ ⲥⲓⲟⲩ ⲉ ϣⲁ ϥ ⲡⲱⲱⲛⲉ ⲉⲃⲟⲗ ϩⲙ̅ ⲡⲉϥ ⲙⲁ ⲛ̅ ϣⲟⲣⲡ̅ ·

ⲡⲉϫⲉ ⲡⲉ ⲭⲉⲓⲣⲟⲩⲃⲉⲓⲛ ⲛⲁ ⲓ ϫⲉ ⲥⲱⲧⲙ̅ ⲛ̅ ⲧⲁ ⲧⲁ ⲙⲟ ⲕ ⲉ ϩⲱⲃ ⲛⲓⲙ ·

Ⲟⲩⲛ̅ ϩⲁϩ ⲛ̅ ⲧⲁⲝⲓⲥ ϩⲛ̅ ⲛ̅ ⲥⲓ̅ⲟⲩ ⲉ ⲩ ⲡⲱⲱⲛⲉ ⲉⲃⲟⲗ ϩⲙ̅ ⲡⲉⲩ ⲙⲁ ⲛ̅ ϣⲟⲣⲡ̅ ·

ⲡⲗⲏⲛ ⲡ ⲧⲱϣ ⲙ̅ ⲡ ⲛⲟⲩⲧⲉ ⲙⲏⲛ ⲉⲃⲟⲗ ϣⲁ ⲉⲛⲉϩ ·

ⲉⲓⲥ ϩⲏⲏⲧⲉ ⲁ ⲓ ⲟⲩⲱⲛϩ̅ ⲕⲁⲕ ⲉⲃⲟⲗ ⲛ̅ ϩⲱⲃ ⲛⲓⲙ ⲱ ⲡ ⲙⲉⲣⲓⲧ ⲙ̅ ⲡ ⲛⲟⲩⲧⲉ ⲧⲱⲟⲩⲛ ⲛ ⲅ̅ ⲃⲱⲕ ⲉ ⲡ ⲕⲟⲥⲙⲟⲥ ⲛ ⲅ̅ ϫⲱ ⲛ̅ ⲛ ⲉⲛⲧ ⲁ ⲕ ⲛⲁⲩ ⲉⲣⲟ ⲟⲩ ⲧⲏⲣ ⲟⲩ ·